Free Online FOOD for MIND & HUNGER - DO GOOD 😊 PURIFY MIND.To live like free birds 🐦 🦢 🦅 grow fruits 🍍 🍊 🥑 🥭 🍇 🍌 🍎 🍉 🍒 🍑 🥝 vegetables 🥦 🥕 🥗 🥬 🥔 🍆 🥜 🎃 🫑 🍅🍜 🧅 🍄 🍝 🥗 🥒 🌽 🍏 🫑 🌳 🍓 🍊 🥥 🌵 🍈 🌰 🇧🇧 🫐 🍅 🍐 🫒Plants 🌱in pots 🪴 along with Meditative Mindful Swimming 🏊‍♂️ to Attain NIBBĀNA the Eternal Bliss.

Kushinara NIBBĀNA Bhumi Pagoda White Home, Puniya Bhumi Bengaluru, Prabuddha Bharat International.

Categories:

Search:

Archives:

Meta:

April 2024

M	T	W	T	F	S	S
« Jan
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

08/09/07

ஸுத்தபிடக-Part-34-தமிழில் திரபிடக மூன்று தொகுப்புகள்TIPITAKA–34.11. தஸுத்தரஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 7:37 am

ஸுத்தபிடக-Part-34-தமிழில் திரபிடக மூன்று தொகுப்புகள்TIPITAKA--34.11. தஸுத்தரஸுத்தங்-from FREE ONLINE eNālāndā Research and
Practice UNIVERSITY through http://sarvajan.ambedkar.org

11. தஸுத்தரஸுத்தங்

350. ஏவங்
மே ஸுதங் – ஏகங் ஸமயங் ப⁴க³வா சம்பாயங் விஹரதி க³க்³க³ராய பொக்க²ரணியா
தீரே மஹதா பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி பி⁴க்கு²ஸதேஹி. தத்ர கோ²
ஆயஸ்மா ஸாரிபுத்தோ பி⁴க்கூ² ஆமந்தேஸி – ‘‘ஆவுஸோ பி⁴க்க²வே’’தி! ‘‘ஆவுஸோ’’தி
கோ² தே பி⁴க்கூ² ஆயஸ்மதோ ஸாரிபுத்தஸ்ஸ பச்சஸ்ஸோஸுங். ஆயஸ்மா ஸாரிபுத்தோ
ஏதத³வோச –

‘‘த³ஸுத்தரங் பவக்கா²மி, த⁴ம்மங் நிப்³பா³னபத்தியா;

து³க்க²ஸ்ஸந்தகிரியாய, ஸப்³ப³க³ந்த²ப்பமோசனங்’’.

ஏகோ த⁴ம்மோ

351.
‘‘ஏகோ, ஆவுஸோ, த⁴ம்மோ ப³ஹுகாரோ, ஏகோ த⁴ம்மோ பா⁴வேதப்³போ³, ஏகோ த⁴ம்மோ
பரிஞ்ஞெய்யோ, ஏகோ த⁴ம்மோ பஹாதப்³போ³, ஏகோ த⁴ம்மோ ஹானபா⁴கி³யோ, ஏகோ த⁴ம்மோ
விஸேஸபா⁴கி³யோ, ஏகோ த⁴ம்மோ து³ப்படிவிஜ்ஜோ², ஏகோ த⁴ம்மோ உப்பாதே³தப்³போ³,
ஏகோ த⁴ம்மோ அபி⁴ஞ்ஞெய்யோ, ஏகோ த⁴ம்மோ ஸச்சி²காதப்³போ³.

(க) ‘‘கதமோ ஏகோ த⁴ம்மோ ப³ஹுகாரோ? அப்பமாதோ³ குஸலேஸு த⁴ம்மேஸு. அயங் ஏகோ த⁴ம்மோ ப³ஹுகாரோ.

(க²) ‘‘கதமோ ஏகோ த⁴ம்மோ பா⁴வேதப்³போ³? காயக³தாஸதி ஸாதஸஹக³தா. அயங் ஏகோ த⁴ம்மோ பா⁴வேதப்³போ³.

(க³) ‘‘கதமோ ஏகோ த⁴ம்மோ பரிஞ்ஞெய்யோ? ப²ஸ்ஸோ ஸாஸவோ உபாதா³னியோ. அயங் ஏகோ த⁴ம்மோ பரிஞ்ஞெய்யோ.

(க⁴) ‘‘கதமோ ஏகோ த⁴ம்மோ பஹாதப்³போ³? அஸ்மிமானோ. அயங் ஏகோ த⁴ம்மோ பஹாதப்³போ³.

(ங) ‘‘கதமோ ஏகோ த⁴ம்மோ ஹானபா⁴கி³யோ? அயோனிஸோ மனஸிகாரோ. அயங் ஏகோ த⁴ம்மோ ஹானபா⁴கி³யோ.

(ச) ‘‘கதமோ ஏகோ த⁴ம்மோ விஸேஸபா⁴கி³யோ? யோனிஸோ மனஸிகாரோ. அயங் ஏகோ த⁴ம்மோ விஸேஸபா⁴கி³யோ.

(ச²) ‘‘கதமோ ஏகோ த⁴ம்மோ து³ப்படிவிஜ்ஜோ²? ஆனந்தரிகோ சேதோஸமாதி⁴. அயங் ஏகோ த⁴ம்மோ து³ப்படிவிஜ்ஜோ².

(ஜ) ‘‘கதமோ ஏகோ த⁴ம்மோ உப்பாதே³தப்³போ³? அகுப்பங் ஞாணங். அயங் ஏகோ த⁴ம்மோ உப்பாதே³தப்³போ³.

(ஜ²) ‘‘கதமோ ஏகோ த⁴ம்மோ அபி⁴ஞ்ஞெய்யோ? ஸப்³பே³ ஸத்தா ஆஹாரட்டி²திகா. அயங் ஏகோ த⁴ம்மோ அபி⁴ஞ்ஞெய்யோ.

(ஞ) ‘‘கதமோ ஏகோ த⁴ம்மோ ஸச்சி²காதப்³போ³? அகுப்பா சேதோவிமுத்தி. அயங் ஏகோ த⁴ம்மோ ஸச்சி²காதப்³போ³.

‘‘இதி இமே த³ஸ த⁴ம்மா பூ⁴தா தச்சா² ததா² அவிததா² அனஞ்ஞதா² ஸம்மா ததா²க³தேன அபி⁴ஸம்பு³த்³தா⁴.

த்³வே த⁴ம்மா

352. ‘‘த்³வே த⁴ம்மா ப³ஹுகாரா, த்³வே த⁴ம்மா பா⁴வேதப்³பா³, த்³வே த⁴ம்மா பரிஞ்ஞெய்யா, த்³வே த⁴ம்மா பஹாதப்³பா³ ,
த்³வே த⁴ம்மா ஹானபா⁴கி³யா, த்³வே த⁴ம்மா விஸேஸபா⁴கி³யா, த்³வே த⁴ம்மா
து³ப்படிவிஜ்ஜா², த்³வே த⁴ம்மா உப்பாதே³தப்³பா³, த்³வே த⁴ம்மா
அபி⁴ஞ்ஞெய்யா, த்³வே த⁴ம்மா ஸச்சி²காதப்³பா³.

(க) ‘‘கதமே த்³வே த⁴ம்மா ப³ஹுகாரா? ஸதி ச ஸம்பஜஞ்ஞஞ்ச. இமே த்³வே த⁴ம்மா ப³ஹுகாரா.

(க²) ‘‘கதமே த்³வே த⁴ம்மா பா⁴வேதப்³பா³? ஸமதோ² ச விபஸ்ஸனா ச. இமே த்³வே த⁴ம்மா பா⁴வேதப்³பா³.

(க³) ‘‘கதமே த்³வே த⁴ம்மா பரிஞ்ஞெய்யா? நாமஞ்ச ரூபஞ்ச. இமே த்³வே த⁴ம்மா பரிஞ்ஞெய்யா.

(க⁴) ‘‘கதமே த்³வே த⁴ம்மா பஹாதப்³பா³? அவிஜ்ஜா ச ப⁴வதண்ஹா ச. இமே த்³வே த⁴ம்மா பஹாதப்³பா³.

(ங) ‘‘கதமே த்³வே த⁴ம்மா ஹானபா⁴கி³யா? தோ³வசஸ்ஸதா ச பாபமித்ததா ச. இமே த்³வே த⁴ம்மா ஹானபா⁴கி³யா.

(ச) ‘‘கதமே த்³வே த⁴ம்மா விஸேஸபா⁴கி³யா? ஸோவசஸ்ஸதா ச கல்யாணமித்ததா ச. இமே த்³வே த⁴ம்மா விஸேஸபா⁴கி³யா.

(ச²) ‘‘கதமே த்³வே த⁴ம்மா து³ப்படிவிஜ்ஜா²? யோ ச ஹேது யோ ச பச்சயோ ஸத்தானங் ஸங்கிலேஸாய, யோ ச ஹேது யோ ச பச்சயோ ஸத்தானங் விஸுத்³தி⁴யா. இமே த்³வே த⁴ம்மா து³ப்படிவிஜ்ஜா².

(ஜ) ‘‘கதமே த்³வே த⁴ம்மா உப்பாதே³தப்³பா³? த்³வே ஞாணானி – க²யே ஞாணங், அனுப்பாதே³ ஞாணங். இமே த்³வே த⁴ம்மா உப்பாதே³தப்³பா³.

(ஜ²) ‘‘கதமே த்³வே த⁴ம்மா அபி⁴ஞ்ஞெய்யா? த்³வே தா⁴துயோ – ஸங்க²தா ச தா⁴து அஸங்க²தா ச தா⁴து. இமே த்³வே த⁴ம்மா அபி⁴ஞ்ஞெய்யா.

(ஞ) ‘‘கதமே த்³வே த⁴ம்மா ஸச்சி²காதப்³பா³? விஜ்ஜா ச விமுத்தி ச. இமே த்³வே த⁴ம்மா ஸச்சி²காதப்³பா³.

‘‘இதி இமே வீஸதி த⁴ம்மா பூ⁴தா தச்சா² ததா² அவிததா² அனஞ்ஞதா² ஸம்மா ததா²க³தேன அபி⁴ஸம்பு³த்³தா⁴.

தயோ த⁴ம்மா

353. ‘‘தயோ த⁴ம்மா ப³ஹுகாரா, தயோ த⁴ம்மா பா⁴வேதப்³பா³…பே॰… தயோ த⁴ம்மா ஸச்சி²காதப்³பா³.

(க) ‘‘கதமே தயோ த⁴ம்மா ப³ஹுகாரா? ஸப்புரிஸஸங்ஸேவோ, ஸத்³த⁴ம்மஸ்ஸவனங், த⁴ம்மானுத⁴ம்மப்படிபத்தி. இமே தயோ த⁴ம்மா ப³ஹுகாரா.

(க²) ‘‘கதமே தயோ த⁴ம்மா பா⁴வேதப்³பா³? தயோ ஸமாதீ⁴ – ஸவிதக்கோ ஸவிசாரோ ஸமாதி⁴, அவிதக்கோ விசாரமத்தோ ஸமாதி⁴, அவிதக்கோ அவிசாரோ ஸமாதி⁴. இமே தயோ த⁴ம்மா பா⁴வேதப்³பா³.

(க³) ‘‘கதமே தயோ த⁴ம்மா பரிஞ்ஞெய்யா? திஸ்ஸோ வேத³னா – ஸுகா² வேத³னா, து³க்கா² வேத³னா, அது³க்க²மஸுகா² வேத³னா. இமே தயோ த⁴ம்மா பரிஞ்ஞெய்யா.

(க⁴) ‘‘கதமே தயோ த⁴ம்மா பஹாதப்³பா³? திஸ்ஸோ தண்ஹா – காமதண்ஹா, ப⁴வதண்ஹா, விப⁴வதண்ஹா. இமே தயோ த⁴ம்மா பஹாதப்³பா³.

(ங) ‘‘கதமே தயோ த⁴ம்மா ஹானபா⁴கி³யா? தீணி அகுஸலமூலானி – லோபோ⁴ அகுஸலமூலங், தோ³ஸோ அகுஸலமூலங், மோஹோ அகுஸலமூலங். இமே தயோ த⁴ம்மா ஹானபா⁴கி³யா.

(ச) ‘‘கதமே தயோ த⁴ம்மா விஸேஸபா⁴கி³யா? தீணி குஸலமூலானி – அலோபோ⁴ குஸலமூலங், அதோ³ஸோ குஸலமூலங், அமோஹோ குஸலமூலங். இமே தயோ த⁴ம்மா விஸேஸபா⁴கி³யா.

(ச²) ‘‘கதமே தயோ த⁴ம்மா து³ப்படிவிஜ்ஜா²?
திஸ்ஸோ நிஸ்ஸரணியா தா⁴துயோ – காமானமேதங் நிஸ்ஸரணங் யதி³த³ங் நெக்க²ம்மங்,
ரூபானமேதங் நிஸ்ஸரணங் யதி³த³ங் அரூபங், யங் கோ² பன கிஞ்சி பூ⁴தங் ஸங்க²தங்
படிச்சஸமுப்பன்னங், நிரோதோ⁴ தஸ்ஸ நிஸ்ஸரணங். இமே தயோ த⁴ம்மா
து³ப்படிவிஜ்ஜா².

(ஜ) ‘‘கதமே தயோ த⁴ம்மா உப்பாதே³தப்³பா³? தீணி ஞாணானி – அதீதங்ஸே ஞாணங், அனாக³தங்ஸே ஞாணங், பச்சுப்பன்னங்ஸே ஞாணங். இமே தயோ த⁴ம்மா உப்பாதே³தப்³பா³.

(ஜ²) ‘‘கதமே தயோ த⁴ம்மா அபி⁴ஞ்ஞெய்யா? திஸ்ஸோ தா⁴துயோ – காமதா⁴து, ரூபதா⁴து, அரூபதா⁴து. இமே தயோ த⁴ம்மா அபி⁴ஞ்ஞெய்யா.

(ஞ) ‘‘கதமே தயோ த⁴ம்மா ஸச்சி²காதப்³பா³?
திஸ்ஸோ விஜ்ஜா – புப்³பே³னிவாஸானுஸ்ஸதிஞாணங் விஜ்ஜா, ஸத்தானங் சுதூபபாதே
ஞாணங் விஜ்ஜா, ஆஸவானங் க²யே ஞாணங் விஜ்ஜா. இமே தயோ த⁴ம்மா ஸச்சி²காதப்³பா³.

‘‘இதி இமே திங்ஸ த⁴ம்மா பூ⁴தா தச்சா² ததா² அவிததா² அனஞ்ஞதா² ஸம்மா ததா²க³தேன அபி⁴ஸம்பு³த்³தா⁴.

சத்தாரோ த⁴ம்மா

354. ‘‘சத்தாரோ த⁴ம்மா ப³ஹுகாரா, சத்தாரோ த⁴ம்மா பா⁴வேதப்³பா³…பே॰… சத்தாரோ த⁴ம்மா ஸச்சி²காதப்³பா³.

(க) ‘‘கதமே சத்தாரோ த⁴ம்மா ப³ஹுகாரா? சத்தாரி சக்கானி – பதிரூபதே³ஸவாஸோ, ஸப்புரிஸூபனிஸ்ஸயோ [ஸப்புரிஸுபஸ்ஸயோ (ஸ்யா॰ கங்॰)], அத்தஸம்மாபணிதி⁴, புப்³பே³ ச கதபுஞ்ஞதா. இமே சத்தாரோ த⁴ம்மா ப³ஹுகாரா.

(க²) ‘‘கதமே சத்தாரோ த⁴ம்மா பா⁴வேதப்³பா³?
சத்தாரோ ஸதிபட்டா²னா – இதா⁴வுஸோ, பி⁴க்கு² காயே காயானுபஸ்ஸீ விஹரதி ஆதாபீ
ஸம்பஜானோ ஸதிமா வினெய்ய லோகே அபி⁴ஜ்ஜா²தோ³மனஸ்ஸங். வேத³னாஸு…பே॰… சித்தே…
த⁴ம்மேஸு த⁴ம்மானுபஸ்ஸீ விஹரதி ஆதாபீ ஸம்பஜானோ ஸதிமா வினெய்ய லோகே அபி⁴ஜ்ஜா²தோ³மனஸ்ஸங். இமே சத்தாரோ த⁴ம்மா பா⁴வேதப்³பா³.

(க³) ‘‘கதமே சத்தாரோ த⁴ம்மா பரிஞ்ஞெய்யா? சத்தாரோ ஆஹாரா – கப³ளீகாரோ [கவளீகாரோ (ஸ்யா॰ கங்॰)] ஆஹாரோ ஓளாரிகோ வா ஸுகு²மோ வா, ப²ஸ்ஸோ து³தியோ, மனோஸஞ்சேதனா ததியா, விஞ்ஞாணங் சதுத்த²ங். இமே சத்தாரோ த⁴ம்மா பரிஞ்ஞெய்யா.

(க⁴) ‘‘கதமே சத்தாரோ த⁴ம்மா பஹாதப்³பா³? சத்தாரோ ஓகா⁴ – காமோகோ⁴, ப⁴வோகோ⁴, தி³ட்டோ²கோ⁴, அவிஜ்ஜோகோ⁴. இமே சத்தாரோ த⁴ம்மா பஹாதப்³பா³.

(ங) ‘‘கதமே சத்தாரோ த⁴ம்மா ஹானபா⁴கி³யா? சத்தாரோ யோகா³ – காமயோகோ³, ப⁴வயோகோ³, தி³ட்டி²யோகோ³, அவிஜ்ஜாயோகோ³. இமே சத்தாரோ த⁴ம்மா ஹானபா⁴கி³யா.

(ச) ‘‘கதமே சத்தாரோ த⁴ம்மா விஸேஸபா⁴கி³யா?
சத்தாரோ விஸஞ்ஞோகா³ – காமயோக³விஸங்யோகோ³, ப⁴வயோக³விஸங்யோகோ³,
தி³ட்டி²யோக³விஸங்யோகோ³, அவிஜ்ஜாயோக³விஸங்யோகோ³. இமே சத்தாரோ த⁴ம்மா
விஸேஸபா⁴கி³யா.

(ச²) ‘‘கதமே சத்தாரோ த⁴ம்மா து³ப்படிவிஜ்ஜா²?
சத்தாரோ ஸமாதீ⁴ – ஹானபா⁴கி³யோ ஸமாதி⁴, டி²திபா⁴கி³யோ ஸமாதி⁴,
விஸேஸபா⁴கி³யோ ஸமாதி⁴, நிப்³பே³த⁴பா⁴கி³யோ ஸமாதி⁴. இமே சத்தாரோ த⁴ம்மா
து³ப்படிவிஜ்ஜா².

(ஜ) ‘‘கதமே சத்தாரோ த⁴ம்மா உப்பாதே³தப்³பா³? சத்தாரி ஞாணானி – த⁴ம்மே ஞாணங், அன்வயே ஞாணங், பரியே ஞாணங், ஸம்முதியா ஞாணங். இமே சத்தாரோ த⁴ம்மா உப்பாதே³தப்³பா³.

(ஜ²) ‘‘கதமே சத்தாரோ த⁴ம்மா அபி⁴ஞ்ஞெய்யா? சத்தாரி அரியஸச்சானி – து³க்க²ங் அரியஸச்சங், து³க்க²ஸமுத³யங் [து³க்க²ஸமுத³யோ (ஸ்யா॰ கங்॰)] அரியஸச்சங், து³க்க²னிரோத⁴ங் [து³க்க²னிரோதோ⁴ (ஸ்யா॰ கங்॰)] அரியஸச்சங், து³க்க²னிரோத⁴கா³மினீ படிபதா³ அரியஸச்சங். இமே சத்தாரோ த⁴ம்மா அபி⁴ஞ்ஞெய்யா.

(ஞ) ‘‘கதமே சத்தாரோ த⁴ம்மா ஸச்சி²காதப்³பா³? சத்தாரி ஸாமஞ்ஞப²லானி – ஸோதாபத்திப²லங், ஸகதா³கா³மிப²லங், அனாகா³மிப²லங், அரஹத்தப²லங் . இமே சத்தாரோ த⁴ம்மா ஸச்சி²காதப்³பா³.

‘‘இதி இமே சத்தாரீஸத⁴ம்மா பூ⁴தா தச்சா² ததா² அவிததா² அனஞ்ஞதா² ஸம்மா ததா²க³தேன அபி⁴ஸம்பு³த்³தா⁴.

பஞ்ச த⁴ம்மா

355. ‘‘பஞ்ச த⁴ம்மா ப³ஹுகாரா…பே॰… பஞ்ச த⁴ம்மா ஸச்சி²காதப்³பா³.

(க) ‘‘கதமே பஞ்ச த⁴ம்மா ப³ஹுகாரா?
பஞ்ச பதா⁴னியங்கா³னி – இதா⁴வுஸோ, பி⁴க்கு² ஸத்³தோ⁴ ஹோதி, ஸத்³த³ஹதி
ததா²க³தஸ்ஸ போ³தி⁴ங் – ‘இதிபி ஸோ ப⁴க³வா அரஹங் ஸம்மாஸம்பு³த்³தோ⁴
விஜ்ஜாசரணஸம்பன்னோ ஸுக³தோ லோகவிதூ³ அனுத்தரோ புரிஸத³ம்மஸாரதி² ஸத்தா²
தே³வமனுஸ்ஸானங் பு³த்³தோ⁴ ப⁴க³வா’தி. அப்பாபா³தோ⁴ ஹோதி அப்பாதங்கோ
ஸமவேபாகினியா க³ஹணியா ஸமன்னாக³தோ நாதிஸீதாய நாச்சுண்ஹாய மஜ்ஜி²மாய
பதா⁴னக்க²மாய. அஸடோ² ஹோதி அமாயாவீ யதா²பூ⁴தமத்தானங் ஆவீகத்தா ஸத்த²ரி வா
விஞ்ஞூஸு வா ஸப்³ரஹ்மசாரீஸு. ஆரத்³த⁴வீரியோ விஹரதி அகுஸலானங் த⁴ம்மானங்
பஹானாய, குஸலானங் த⁴ம்மானங் உபஸம்பதா³ய, தா²மவா த³ள்ஹபரக்கமோ
அனிக்கி²த்தது⁴ரோ குஸலேஸு த⁴ம்மேஸு. பஞ்ஞவா ஹோதி உத³யத்த²கா³மினியா பஞ்ஞாய
ஸமன்னாக³தோ அரியாய நிப்³பே³தி⁴காய ஸம்மா து³க்க²க்க²யகா³மினியா. இமே பஞ்ச
த⁴ம்மா ப³ஹுகாரா.

(க²) ‘‘கதமே பஞ்ச த⁴ம்மா பா⁴வேதப்³பா³? பஞ்சங்கி³கோ ஸம்மாஸமாதி⁴ – பீதிப²ரணதா, ஸுக²ப²ரணதா, சேதோப²ரணதா , ஆலோகப²ரணதா, பச்சவெக்க²ணனிமித்தங் [பச்சவெக்க²ணானிமித்தங் (ஸ்யா॰ கங்॰)]. இமே பஞ்ச த⁴ம்மா பா⁴வேதப்³பா³.

(க³) ‘‘கதமே பஞ்ச த⁴ம்மா பரிஞ்ஞெய்யா? பஞ்சுபாதா³னக்க²ந்தா⁴ [ஸெய்யதீ²த³ங் (ஸீ॰ ஸ்யா॰ கங்॰ பீ॰)]
– ரூபுபாதா³னக்க²ந்தோ⁴, வேத³னுபாதா³னக்க²ந்தோ⁴, ஸஞ்ஞுபாதா³னக்க²ந்தோ⁴,
ஸங்கா²ருபாதா³னக்க²ந்தோ⁴ விஞ்ஞாணுபாதா³னக்க²ந்தோ⁴. இமே பஞ்ச த⁴ம்மா
பரிஞ்ஞெய்யா.

(க⁴) ‘‘கதமே பஞ்ச த⁴ம்மா பஹாதப்³பா³?
பஞ்ச நீவரணானி – காமச்ச²ந்த³னீவரணங், ப்³யாபாத³னீவரணங்,
தி²னமித்³த⁴னீவரணங், உத்³த⁴ச்சகுகுச்சனீவரணங், விசிகிச்சா²னீவரணங். இமே
பஞ்ச த⁴ம்மா பஹாதப்³பா³.

(ங) ‘‘கதமே பஞ்ச த⁴ம்மா ஹானபா⁴கி³யா?
பஞ்ச சேதோகி²லா – இதா⁴வுஸோ, பி⁴க்கு² ஸத்த²ரி கங்க²தி விசிகிச்ச²தி
நாதி⁴முச்சதி ந ஸம்பஸீத³தி. யோ ஸோ, ஆவுஸோ, பி⁴க்கு² ஸத்த²ரி கங்க²தி
விசிகிச்ச²தி நாதி⁴முச்சதி ந ஸம்பஸீத³தி, தஸ்ஸ சித்தங் ந நமதி ஆதப்பாய அனுயோகா³ய ஸாதச்சாய பதா⁴னாய. யஸ்ஸ சித்தங் ந நமதி ஆதப்பாய அனுயோகா³ய ஸாதச்சாய பதா⁴னாய .
அயங் பட²மோ சேதோகி²லோ. புன சபரங், ஆவுஸோ, பி⁴க்கு² த⁴ம்மே கங்க²தி
விசிகிச்ச²தி…பே॰… ஸங்கே⁴ கங்க²தி விசிகிச்ச²தி…பே॰… ஸிக்கா²ய கங்க²தி
விசிகிச்ச²தி…பே॰… ஸப்³ரஹ்மசாரீஸு குபிதோ ஹோதி அனத்தமனோ ஆஹதசித்தோ
கி²லஜாதோ, யோ ஸோ, ஆவுஸோ, பி⁴க்கு² ஸப்³ரஹ்மசாரீஸு
குபிதோ ஹோதி அனத்தமனோ ஆஹதசித்தோ கி²லஜாதோ, தஸ்ஸ சித்தங் ந நமதி ஆதப்பாய
அனுயோகா³ய ஸாதச்சாய பதா⁴னாய. யஸ்ஸ சித்தங் ந நமதி ஆதப்பாய அனுயோகா³ய
ஸாதச்சாய பதா⁴னாய. அயங் பஞ்சமோ சேதோகி²லோ. இமே பஞ்ச த⁴ம்மா ஹானபா⁴கி³யா.

(ச) ‘‘கதமே பஞ்ச த⁴ம்மா விஸேஸபா⁴கி³யா?
பஞ்சிந்த்³ரியானி – ஸத்³தி⁴ந்த்³ரியங், வீரியிந்த்³ரியங், ஸதிந்த்³ரியங்,
ஸமாதி⁴ந்த்³ரியங், பஞ்ஞிந்த்³ரியங். இமே பஞ்ச த⁴ம்மா விஸேஸபா⁴கி³யா.

(ச²) ‘‘கதமே பஞ்ச த⁴ம்மா து³ப்படிவிஜ்ஜா²?
பஞ்ச நிஸ்ஸரணியா தா⁴துயோ – இதா⁴வுஸோ, பி⁴க்கு²னோ காமே மனஸிகரோதோ காமேஸு
சித்தங் ந பக்க²ந்த³தி ந பஸீத³தி ந ஸந்திட்ட²தி ந விமுச்சதி. நெக்க²ம்மங்
கோ² பனஸ்ஸ மனஸிகரோதோ நெக்க²ம்மே சித்தங் பக்க²ந்த³தி பஸீத³தி ஸந்திட்ட²தி
விமுச்சதி. தஸ்ஸ தங் சித்தங் ஸுக³தங் ஸுபா⁴விதங் ஸுவுட்டி²தங் ஸுவிமுத்தங்
விஸங்யுத்தங் காமேஹி. யே ச காமபச்சயா உப்பஜ்ஜந்தி ஆஸவா விகா⁴தா பரிளாஹா,
முத்தோ ஸோ தேஹி. ந ஸோ தங் வேத³னங் வேதே³தி. இத³மக்கா²தங் காமானங்
நிஸ்ஸரணங்.

‘‘புன சபரங், ஆவுஸோ, பி⁴க்கு²னோ ப்³யாபாத³ங் மனஸிகரோதோ
ப்³யாபாதே³ சித்தங் ந பக்க²ந்த³தி ந பஸீத³தி ந ஸந்திட்ட²தி ந விமுச்சதி.
அப்³யாபாத³ங் கோ² பனஸ்ஸ மனஸிகரோதோ அப்³யாபாதே³ சித்தங் பக்க²ந்த³தி பஸீத³தி
ஸந்திட்ட²தி விமுச்சதி. தஸ்ஸ தங் சித்தங் ஸுக³தங் ஸுபா⁴விதங் ஸுவுட்டி²தங்
ஸுவிமுத்தங் விஸங்யுத்தங் ப்³யாபாதே³ன. யே ச ப்³யாபாத³பச்சயா உப்பஜ்ஜந்தி
ஆஸவா விகா⁴தா பரிளாஹா, முத்தோ ஸோ தேஹி. ந ஸோ தங் வேத³னங் வேதே³தி. இத³மக்கா²தங் ப்³யாபாத³ஸ்ஸ நிஸ்ஸரணங்.

‘‘புன சபரங், ஆவுஸோ, பி⁴க்கு²னோ விஹேஸங் மனஸிகரோதோ
விஹேஸாய சித்தங் ந பக்க²ந்த³தி ந பஸீத³தி ந ஸந்திட்ட²தி ந விமுச்சதி.
அவிஹேஸங் கோ² பனஸ்ஸ மனஸிகரோதோ அவிஹேஸாய சித்தங் பக்க²ந்த³தி பஸீத³தி
ஸந்திட்ட²தி விமுச்சதி . தஸ்ஸ தங் சித்தங் ஸுக³தங்
ஸுபா⁴விதங் ஸுவுட்டி²தங் ஸுவிமுத்தங் விஸங்யுத்தங் விஹேஸாய. யே ச
விஹேஸாபச்சயா உப்பஜ்ஜந்தி ஆஸவா விகா⁴தா பரிளாஹா, முத்தோ ஸோ தேஹி. ந ஸோ தங்
வேத³னங் வேதே³தி. இத³மக்கா²தங் விஹேஸாய நிஸ்ஸரணங்.

‘‘புன சபரங், ஆவுஸோ,
பி⁴க்கு²னோ ரூபே மனஸிகரோதோ ரூபேஸு சித்தங் ந பக்க²ந்த³தி ந பஸீத³தி ந
ஸந்திட்ட²தி ந விமுச்சதி. அரூபங் கோ² பனஸ்ஸ மனஸிகரோதோ அரூபே சித்தங்
பக்க²ந்த³தி பஸீத³தி ஸந்திட்ட²தி விமுச்சதி. தஸ்ஸ தங் சித்தங் ஸுக³தங்
ஸுபா⁴விதங் ஸுவுட்டி²தங் ஸுவிமுத்தங் விஸங்யுத்தங் ரூபேஹி. யே ச ரூபபச்சயா
உப்பஜ்ஜந்தி ஆஸவா விகா⁴தா பரிளாஹா, முத்தோ ஸோ தேஹி. ந ஸோ தங் வேத³னங்
வேதே³தி. இத³மக்கா²தங் ரூபானங் நிஸ்ஸரணங்.

‘‘புன சபரங், ஆவுஸோ, பி⁴க்கு²னோ ஸக்காயங் மனஸிகரோதோ
ஸக்காயே சித்தங் ந பக்க²ந்த³தி ந பஸீத³தி ந ஸந்திட்ட²தி ந விமுச்சதி.
ஸக்காயனிரோத⁴ங் கோ² பனஸ்ஸ மனஸிகரோதோ ஸக்காயனிரோதே⁴ சித்தங் பக்க²ந்த³தி
பஸீத³தி ஸந்திட்ட²தி விமுச்சதி. தஸ்ஸ தங் சித்தங் ஸுக³தங் ஸுபா⁴விதங்
ஸுவுட்டி²தங் ஸுவிமுத்தங் விஸங்யுத்தங் ஸக்காயேன. யே ச ஸக்காயபச்சயா
உப்பஜ்ஜந்தி ஆஸவா விகா⁴தா பரிளாஹா, முத்தோ ஸோ தேஹி. ந ஸோ தங் வேத³னங்
வேதே³தி. இத³மக்கா²தங் ஸக்காயஸ்ஸ நிஸ்ஸரணங். இமே பஞ்ச த⁴ம்மா து³ப்படிவிஜ்ஜா².

(ஜ) ‘‘கதமே பஞ்ச த⁴ம்மா உப்பாதே³தப்³பா³?
பஞ்ச ஞாணிகோ ஸம்மாஸமாதி⁴ – ‘அயங் ஸமாதி⁴ பச்சுப்பன்னஸுகோ² சேவ ஆயதிஞ்ச
ஸுக²விபாகோ’தி பச்சத்தங்யேவ ஞாணங் உப்பஜ்ஜதி. ‘அயங் ஸமாதி⁴ அரியோ
நிராமிஸோ’தி பச்சத்தஞ்ஞேவ ஞாணங் உப்பஜ்ஜதி. ‘அயங்
ஸமாதி⁴ அகாபுரிஸஸேவிதோ’தி பச்சத்தங்யேவ ஞாணங் உப்பஜ்ஜதி. ‘அயங் ஸமாதி⁴
ஸந்தோ பணீதோ படிப்பஸ்ஸத்³த⁴லத்³தோ⁴ ஏகோதி³பா⁴வாதி⁴க³தோ, ந
ஸஸங்கா²ரனிக்³க³ய்ஹவாரிதக³தோ’தி [ந ச
ஸஸங்கா²ரனிக்³க³ய்ஹ வாரிதவதோதி (ஸீ॰ ஸ்யா॰ கங்॰ பீ॰), ந
ஸஸங்கா²ரனிக்³க³ய்ஹவாரிவாவதோ (க॰), ந ஸஸங்கா²ரனிக்³க³ய்ஹவாரியாதி⁴க³தோ (?)]
பச்சத்தங்யேவ ஞாணங் உப்பஜ்ஜதி. ‘ஸோ கோ² பனாஹங் இமங் ஸமாதி⁴ங் ஸதோவ
ஸமாபஜ்ஜாமி ஸதோ வுட்ட²ஹாமீ’தி பச்சத்தங்யேவ ஞாணங் உப்பஜ்ஜதி. இமே பஞ்ச
த⁴ம்மா உப்பாதே³தப்³பா³.

(ஜ²) ‘‘கதமே பஞ்ச த⁴ம்மா அபி⁴ஞ்ஞெய்யா? பஞ்ச விமுத்தாயதனானி – இதா⁴வுஸோ, பி⁴க்கு²னோ ஸத்தா² த⁴ம்மங் தே³ஸேதி அஞ்ஞதரோ வா க³ருட்டா²னியோ ஸப்³ரஹ்மசாரீ. யதா² யதா², ஆவுஸோ, பி⁴க்கு²னோ ஸத்தா² த⁴ம்மங் தே³ஸேதி, அஞ்ஞதரோ வா க³ருட்டா²னியோ ஸப்³ரஹ்மசாரீ, ததா² ததா² ஸோ [பி⁴க்கு² (ஸ்யா॰ கங்॰)]
தஸ்மிங் த⁴ம்மே அத்த²ப்படிஸங்வேதீ³ ச ஹோதி த⁴ம்மபடிஸங்வேதீ³ ச. தஸ்ஸ
அத்த²ப்படிஸங்வேதி³னோ த⁴ம்மபடிஸங்வேதி³னோ பாமோஜ்ஜங் ஜாயதி, பமுதி³தஸ்ஸ பீதி
ஜாயதி, பீதிமனஸ்ஸ காயோ பஸ்ஸம்ப⁴தி, பஸ்ஸத்³த⁴காயோ ஸுக²ங் வேதே³தி, ஸுகி²னோ
சித்தங் ஸமாதி⁴யதி. இத³ங் பட²மங் விமுத்தாயதனங்.

‘‘புன சபரங், ஆவுஸோ, பி⁴க்கு²னோ ந ஹேவ கோ² ஸத்தா²
த⁴ம்மங் தே³ஸேதி, அஞ்ஞதரோ வா க³ருட்டா²னியோ ஸப்³ரஹ்மசாரீ, அபி ச கோ²
யதா²ஸுதங் யதா²பரியத்தங் த⁴ம்மங் வித்தா²ரேன பரேஸங் தே³ஸேதி யதா²
யதா², ஆவுஸோ, பி⁴க்கு² யதா²ஸுதங் யதா²பரியத்தங் த⁴ம்மங் வித்தா²ரேன பரேஸங்
தே³ஸேதி. ததா² ததா² ஸோ தஸ்மிங் த⁴ம்மே அத்த²ப்படிஸங்வேதீ³ ச ஹோதி
த⁴ம்மபடிஸங்வேதீ³ ச. தஸ்ஸ அத்த²ப்படிஸங்வேதி³னோ த⁴ம்மபடிஸங்வேதி³னோ
பாமோஜ்ஜங் ஜாயதி, பமுதி³தஸ்ஸ பீதி ஜாயதி, பீதிமனஸ்ஸ காயோ பஸ்ஸம்ப⁴தி,
பஸ்ஸத்³த⁴காயோ ஸுக²ங் வேதே³தி, ஸுகி²னோ சித்தங் ஸமாதி⁴யதி. இத³ங் து³தியங்
விமுத்தாயதனங்.

‘‘புன சபரங், ஆவுஸோ, பி⁴க்கு²னோ ந ஹேவ கோ² ஸத்தா²
த⁴ம்மங் தே³ஸேதி, அஞ்ஞதரோ வா க³ருட்டா²னியோ ஸப்³ரஹ்மசாரீ, நாபி யதா²ஸுதங்
யதா²பரியத்தங் த⁴ம்மங் வித்தா²ரேன பரேஸங் தே³ஸேதி. அபி ச கோ², யதா²ஸுதங்
யதா²பரியத்தங் த⁴ம்மங் வித்தா²ரேன ஸஜ்ஜா²யங் கரோதி. யதா² யதா², ஆவுஸோ,
பி⁴க்கு² யதா²ஸுதங் யதா²பரியத்தங் த⁴ம்மங் வித்தா²ரேன ஸஜ்ஜா²யங் கரோதி ததா²
ததா² ஸோ தஸ்மிங் த⁴ம்மே அத்த²ப்படிஸங்வேதீ³ ச ஹோதி த⁴ம்மபடிஸங்வேதீ³ ச.
தஸ்ஸ அத்த²ப்படிஸங்வேதி³னோ த⁴ம்மபடிஸங்வேதி³னோ பாமோஜ்ஜங் ஜாயதி, பமுதி³தஸ்ஸ
பீதி ஜாயதி, பீதிமனஸ்ஸ காயோ பஸ்ஸம்ப⁴தி, பஸ்ஸத்³த⁴காயோ ஸுக²ங் வேதே³தி,
ஸுகி²னோ சித்தங் ஸமாதி⁴யதி. இத³ங் ததியங் விமுத்தாயதனங்.

‘‘புன சபரங், ஆவுஸோ, பி⁴க்கு²னோ ந ஹேவ கோ² ஸத்தா²
த⁴ம்மங் தே³ஸேதி, அஞ்ஞதரோ வா க³ருட்டா²னியோ ஸப்³ரஹ்மசாரீ, நாபி யதா²ஸுதங்
யதா²பரியத்தங் த⁴ம்மங் வித்தா²ரேன பரேஸங் தே³ஸேதி, நாபி யதா²ஸுதங்
யதா²பரியத்தங் த⁴ம்மங் வித்தா²ரேன ஸஜ்ஜா²யங் கரோதி. அபி ச கோ², யதா²ஸுதங்
யதா²பரியத்தங் த⁴ம்மங் சேதஸா அனுவிதக்கேதி அனுவிசாரேதி மனஸானுபெக்க²தி.
யதா² யதா² , ஆவுஸோ , பி⁴க்கு²
யதா²ஸுதங் யதா²பரியத்தங் த⁴ம்மங் சேதஸா அனுவிதக்கேதி அனுவிசாரேதி
மனஸானுபெக்க²தி ததா² ததா² ஸோ தஸ்மிங் த⁴ம்மே அத்த²ப்படிஸங்வேதீ³ ச ஹோதி
த⁴ம்மபடிஸங்வேதீ³ ச. தஸ்ஸ அத்த²ப்படிஸங்வேதி³னோ த⁴ம்மபடிஸங்வேதி³னோ
பாமோஜ்ஜங் ஜாயதி, பமுதி³தஸ்ஸ பீதி ஜாயதி, பீதிமனஸ்ஸ காயோ பஸ்ஸம்ப⁴தி,
பஸ்ஸத்³த⁴காயோ ஸுக²ங் வேதே³தி, ஸுகி²னோ சித்தங் ஸமாதி⁴யதி. இத³ங் சதுத்த²ங்
விமுத்தாயதனங்.

‘‘புன சபரங், ஆவுஸோ, பி⁴க்கு²னோ ந ஹேவ கோ² ஸத்தா²
த⁴ம்மங் தே³ஸேதி, அஞ்ஞதரோ வா க³ருட்டா²னியோ ஸப்³ரஹ்மசாரீ, நாபி யதா²ஸுதங்
யதா²பரியத்தங் த⁴ம்மங் வித்தா²ரேன பரேஸங் தே³ஸேதி, நாபி யதா²ஸுதங்
யதா²பரியத்தங் த⁴ம்மங் வித்தா²ரேன ஸஜ்ஜா²யங் கரோதி, நாபி யதா²ஸுதங்
யதா²பரியத்தங் த⁴ம்மங் சேதஸா அனுவிதக்கேதி அனுவிசாரேதி மனஸானுபெக்க²தி; அபி
ச க்²வஸ்ஸ அஞ்ஞதரங் ஸமாதி⁴னிமித்தங் ஸுக்³க³ஹிதங் ஹோதி ஸுமனஸிகதங்
ஸூபதா⁴ரிதங் ஸுப்படிவித்³த⁴ங் பஞ்ஞாய. யதா² யதா², ஆவுஸோ, பி⁴க்கு²னோ
அஞ்ஞதரங் ஸமாதி⁴னிமித்தங் ஸுக்³க³ஹிதங் ஹோதி ஸுமனஸிகதங் ஸூபதா⁴ரிதங்
ஸுப்படிவித்³த⁴ங் பஞ்ஞாய ததா² ததா² ஸோ தஸ்மிங்
த⁴ம்மே அத்த²ப்படிஸங்வேதீ³ ச ஹோதி த⁴ம்மப்படிஸங்வேதீ³ ச. தஸ்ஸ
அத்த²ப்படிஸங்வேதி³னோ த⁴ம்மப்படிஸங்வேதி³னோ பாமோஜ்ஜங் ஜாயதி, பமுதி³தஸ்ஸ
பீதி ஜாயதி, பீதிமனஸ்ஸ காயோ பஸ்ஸம்ப⁴தி, பஸ்ஸத்³த⁴காயோ ஸுக²ங் வேதே³தி,
ஸுகி²னோ சித்தங் ஸமாதி⁴யதி. இத³ங் பஞ்சமங் விமுத்தாயதனங். இமே பஞ்ச த⁴ம்மா
அபி⁴ஞ்ஞெய்யா.

(ஞ) ‘‘கதமே பஞ்ச த⁴ம்மா ஸச்சி²காதப்³பா³? பஞ்ச த⁴ம்மக்க²ந்தா⁴ – ஸீலக்க²ந்தோ⁴ , ஸமாதி⁴க்க²ந்தோ⁴, பஞ்ஞாக்க²ந்தோ⁴, விமுத்திக்க²ந்தோ⁴, விமுத்திஞாணத³ஸ்ஸனக்க²ந்தோ⁴. இமே பஞ்ச த⁴ம்மா ஸச்சி²காதப்³பா³.

‘‘இதி இமே பஞ்ஞாஸ த⁴ம்மா பூ⁴தா தச்சா² ததா² அவிததா² அனஞ்ஞதா² ஸம்மா ததா²க³தேன அபி⁴ஸம்பு³த்³தா⁴.

ச² த⁴ம்மா

356. ‘‘ச² த⁴ம்மா ப³ஹுகாரா…பே॰… ச² த⁴ம்மா ஸச்சி²காதப்³பா³.

(க) ‘‘கதமே ச² த⁴ம்மா ப³ஹுகாரா? ச² ஸாரணீயா த⁴ம்மா. இதா⁴வுஸோ, பி⁴க்கு²னோ மெத்தங் காயகம்மங் பச்சுபட்டி²தங் ஹோதி ஸப்³ரஹ்மசாரீஸு ஆவி சேவ ரஹோ ச, அயம்பி த⁴ம்மோ ஸாரணீயோ பியகரணோ க³ருகரணோ ஸங்க³ஹாய அவிவாதா³ய ஸாமக்³கி³யா ஏகீபா⁴வாய ஸங்வத்ததி.

‘‘புன சபரங், ஆவுஸோ, பி⁴க்கு²னோ மெத்தங் வசீகம்மங்…பே॰… ஏகீபா⁴வாய ஸங்வத்ததி.

‘‘புன சபரங், ஆவுஸோ, பி⁴க்கு²னோ மெத்தங் மனோகம்மங்…பே॰… ஏகீபா⁴வாய ஸங்வத்ததி.

‘‘புன சபரங், ஆவுஸோ, பி⁴க்கு² யே தே லாபா⁴ த⁴ம்மிகா
த⁴ம்மலத்³தா⁴ அந்தமஸோ பத்தபரியாபன்னமத்தம்பி, ததா²ரூபேஹி லாபே⁴ஹி
அப்படிவிப⁴த்தபோ⁴கீ³ ஹோதி ஸீலவந்தேஹி ஸப்³ரஹ்மசாரீஹி ஸாதா⁴ரணபோ⁴கீ³, அயம்பி
த⁴ம்மோ ஸாரணீயோ…பே॰… ஏகீபா⁴வாய ஸங்வத்ததி.

‘‘புன சபரங், ஆவுஸோ, பி⁴க்கு², யானி தானி ஸீலானி
அக²ண்டா³னி அச்சி²த்³தா³னி அஸப³லானி அகம்மாஸானி பு⁴ஜிஸ்ஸானி
விஞ்ஞுப்பஸத்தா²னி அபராமட்டா²னி ஸமாதி⁴ஸங்வத்தனிகானி, ததா²ரூபேஸு ஸீலேஸு ஸீலஸாமஞ்ஞக³தோ விஹரதி ஸப்³ரஹ்மசாரீஹி ஆவி சேவ ரஹோ ச, அயம்பி த⁴ம்மோ ஸாரணீயோ…பே॰… ஏகீபா⁴வாய ஸங்வத்ததி.

‘‘புன சபரங், ஆவுஸோ, பி⁴க்கு² யாயங் தி³ட்டி² அரியா
நிய்யானிகா நிய்யாதி தக்கரஸ்ஸ ஸம்மா து³க்க²க்க²யாய, ததா²ரூபாய தி³ட்டி²யா
தி³ட்டி² ஸாமஞ்ஞக³தோ விஹரதி ஸப்³ரஹ்மசாரீஹி ஆவி சேவ ரஹோ ச, அயம்பி த⁴ம்மோ
ஸாரணீயோ பியகரணோ க³ருகரணோ, ஸங்க³ஹாய அவிவாதா³ய ஸாமக்³கி³யா ஏகீபா⁴வாய
ஸங்வத்ததி. இமே ச² த⁴ம்மா ப³ஹுகாரா.

(க²) ‘‘கதமே ச² த⁴ம்மா பா⁴வேதப்³பா³?
ச² அனுஸ்ஸதிட்டா²னானி – பு³த்³தா⁴னுஸ்ஸதி, த⁴ம்மானுஸ்ஸதி, ஸங்கா⁴னுஸ்ஸதி,
ஸீலானுஸ்ஸதி, சாகா³னுஸ்ஸதி, தே³வதானுஸ்ஸதி. இமே ச² த⁴ம்மா பா⁴வேதப்³பா³.

(க³) ‘‘கதமே ச² த⁴ம்மா பரிஞ்ஞெய்யா? ச² அஜ்ஜ²த்திகானி ஆயதனானி – சக்கா²யதனங், ஸோதாயதனங், கா⁴னாயதனங், ஜிவ்ஹாயதனங், காயாயதனங், மனாயதனங். இமே ச² த⁴ம்மா பரிஞ்ஞெய்யா.

(க⁴) ‘‘கதமே ச² த⁴ம்மா பஹாதப்³பா³? ச² தண்ஹாகாயா – ரூபதண்ஹா, ஸத்³த³தண்ஹா, க³ந்த⁴தண்ஹா, ரஸதண்ஹா, பொ²ட்ட²ப்³ப³தண்ஹா, த⁴ம்மதண்ஹா. இமே ச² த⁴ம்மா பஹாதப்³பா³.

(ங) ‘‘கதமே ச² த⁴ம்மா ஹானபா⁴கி³யா?
ச² அகா³ரவா – இதா⁴வுஸோ, பி⁴க்கு² ஸத்த²ரி அகா³ரவோ விஹரதி அப்பதிஸ்ஸோ.
த⁴ம்மே…பே॰… ஸங்கே⁴… ஸிக்கா²ய… அப்பமாதே³… படிஸந்தா²ரே அகா³ரவோ விஹரதி
அப்பதிஸ்ஸோ. இமே ச² த⁴ம்மா ஹானபா⁴கி³யா.

(ச) ‘‘கதமே ச² த⁴ம்மா விஸேஸபா⁴கி³யா?
ச² கா³ரவா – இதா⁴வுஸோ, பி⁴க்கு² ஸத்த²ரி ஸகா³ரவோ விஹரதி ஸப்பதிஸ்ஸோ
த⁴ம்மே…பே॰… ஸங்கே⁴… ஸிக்கா²ய… அப்பமாதே³… படிஸந்தா²ரே ஸகா³ரவோ விஹரதி
ஸப்பதிஸ்ஸோ. இமே ச² த⁴ம்மா விஸேஸபா⁴கி³யா.

(ச²) ‘‘கதமே ச² த⁴ம்மா து³ப்படிவிஜ்ஜா²?
ச² நிஸ்ஸரணியா தா⁴துயோ – இதா⁴வுஸோ, பி⁴க்கு² ஏவங் வதெ³ய்ய – ‘மெத்தா ஹி
கோ² மே, சேதோவிமுத்தி பா⁴விதா ப³ஹுலீகதா யானீகதா வத்து²கதா அனுட்டி²தா
பரிசிதா ஸுஸமாரத்³தா⁴, அத² ச பன மே ப்³யாபாதோ³ சித்தங் பரியாதா³ய
திட்ட²தீ’தி. ஸோ ‘மா ஹேவங்’ திஸ்ஸ வசனீயோ ‘மாயஸ்மா ஏவங் அவச, மா ப⁴க³வந்தங்
அப்³பா⁴சிக்கி². ந ஹி ஸாது⁴ ப⁴க³வதோ
அப்³ப⁴க்கா²னங், ந ஹி ப⁴க³வா ஏவங் வதெ³ய்ய. அட்டா²னமேதங் ஆவுஸோ அனவகாஸோ யங்
மெத்தாய சேதோவிமுத்தியா பா⁴விதாய ப³ஹுலீகதாய யானீகதாய வத்து²கதாய
அனுட்டி²தாய பரிசிதாய ஸுஸமாரத்³தா⁴ய. அத² ச பனஸ்ஸ ப்³யாபாதோ³ சித்தங்
பரியாதா³ய ட²ஸ்ஸதீதி, நேதங் டா²னங் விஜ்ஜதி. நிஸ்ஸரணங் ஹேதங், ஆவுஸோ,
ப்³யாபாத³ஸ்ஸ, யதி³த³ங் மெத்தாசேதோவிமுத்தீ’தி.

‘‘இத⁴ பனாவுஸோ, பி⁴க்கு² ஏவங் வதெ³ய்ய – ‘கருணா
ஹி கோ² மே சேதோவிமுத்தி பா⁴விதா ப³ஹுலீகதா யானீகதா வத்து²கதா அனுட்டி²தா
பரிசிதா ஸுஸமாரத்³தா⁴. அத² ச பன மே விஹேஸா சித்தங் பரியாதா³ய திட்ட²தீ’தி.
ஸோ – ‘மா ஹேவங்’ திஸ்ஸ வசனீயோ, ‘மாயஸ்மா ஏவங் அவச, மா ப⁴க³வந்தங்
அப்³பா⁴சிக்கி²…பே॰… நிஸ்ஸரணங் ஹேதங், ஆவுஸோ, விஹேஸாய, யதி³த³ங்
கருணாசேதோவிமுத்தீ’தி.

‘‘இத⁴ பனாவுஸோ, பி⁴க்கு² ஏவங் வதெ³ய்ய – ‘முதி³தா ஹி
கோ² மே சேதோவிமுத்தி பா⁴விதா…பே॰… அத² ச பன மே அரதி சித்தங் பரியாதா³ய
திட்ட²தீ’தி. ஸோ – ‘மா ஹேவங்’ திஸ்ஸ வசனீயோ ‘மாயஸ்மா ஏவங் அவச…பே॰…
நிஸ்ஸரணங் ஹேதங், ஆவுஸோ அரதியா, யதி³த³ங் முதி³தாசேதோவிமுத்தீ’தி.

‘‘இத⁴ பனாவுஸோ, பி⁴க்கு² ஏவங் வதெ³ய்ய – ‘உபெக்கா² ஹி கோ² மே சேதோவிமுத்தி
பா⁴விதா…பே॰… அத² ச பன மே ராகோ³ சித்தங் பரியாதா³ய திட்ட²தீ’தி. ஸோ – ‘மா
ஹேவங்’ திஸ்ஸ வசனீயோ ‘மாயஸ்மா ஏவங் அவச…பே॰… நிஸ்ஸரணங் ஹேதங், ஆவுஸோ,
ராக³ஸ்ஸ யதி³த³ங் உபெக்கா²சேதோவிமுத்தீ’தி.

‘‘இத⁴ பனாவுஸோ, பி⁴க்கு² ஏவங் வதெ³ய்ய – ‘அனிமித்தா ஹி
கோ² மே சேதோவிமுத்தி பா⁴விதா…பே॰… அத² ச பன மே நிமித்தானுஸாரி விஞ்ஞாணங்
ஹோதீ’தி. ஸோ – ‘மா ஹேவங்’ திஸ்ஸ வசனீயோ ‘மாயஸ்மா ஏவங் அவச…பே॰… நிஸ்ஸரணங்
ஹேதங், ஆவுஸோ, ஸப்³ப³னிமித்தானங் யதி³த³ங் அனிமித்தா சேதோவிமுத்தீ’தி.

‘‘இத⁴ பனாவுஸோ, பி⁴க்கு² ஏவங் வதெ³ய்ய – ‘அஸ்மீதி கோ² மே விக³தங், அயமஹமஸ்மீதி ந
ஸமனுபஸ்ஸாமி, அத² ச பன மே விசிகிச்சா²கத²ங்கதா²ஸல்லங் சித்தங் பரியாதா³ய
திட்ட²தீ’தி. ஸோ – ‘மா ஹேவங்’ திஸ்ஸ வசனீயோ ‘மாயஸ்மா ஏவங் அவச, மா
ப⁴க³வந்தங் அப்³பா⁴சிக்கி², ந ஹி ஸாது⁴ ப⁴க³வதோ
அப்³ப⁴க்கா²னங், ந ஹி ப⁴க³வா ஏவங் வதெ³ய்ய. அட்டா²னமேதங், ஆவுஸோ, அனவகாஸோ
யங் அஸ்மீதி விக³தே அயமஹமஸ்மீதி அஸமனுபஸ்ஸதோ. அத² ச பனஸ்ஸ
விசிகிச்சா²கத²ங்கதா²ஸல்லங் சித்தங் பரியாதா³ய ட²ஸ்ஸதி, நேதங் டா²னங்
விஜ்ஜதி. நிஸ்ஸரணங் ஹேதங், ஆவுஸோ, விசிகிச்சா²கத²ங்கதா²ஸல்லஸ்ஸ, யதி³த³ங்
அஸ்மிமானஸமுக்³கா⁴டோ’தி. இமே ச² த⁴ம்மா து³ப்படிவிஜ்ஜா².

(ஜ) ‘‘கதமே ச² த⁴ம்மா உப்பாதே³தப்³பா³?
ச² ஸததவிஹாரா. இதா⁴வுஸோ, பி⁴க்கு² சக்கு²னா ரூபங் தி³ஸ்வா நேவ ஸுமனோ ஹோதி ந
து³ம்மனோ, உபெக்க²கோ விஹரதி ஸதோ ஸம்பஜானோ. ஸோதேன ஸத்³த³ங் ஸுத்வா…பே॰…
கா⁴னேன க³ந்த⁴ங் கா⁴யித்வா… ஜிவ்ஹாய ரஸங் ஸாயித்வா… காயேன பொ²ட்ட²ப்³ப³ங்
பு²ஸித்வா… மனஸா த⁴ம்மங் விஞ்ஞாய நேவ ஸுமனோ ஹோதி ந து³ம்மனோ, உபெக்க²கோ
விஹரதி ஸதோ ஸம்பஜானோ. இமே ச² த⁴ம்மா உப்பாதே³தப்³பா³.

(ஜ²) ‘‘கதமே ச² த⁴ம்மா அபி⁴ஞ்ஞெய்யா?
ச² அனுத்தரியானி – த³ஸ்ஸனானுத்தரியங், ஸவனானுத்தரியங், லாபா⁴னுத்தரியங்,
ஸிக்கா²னுத்தரியங், பாரிசரியானுத்தரியங், அனுஸ்ஸதானுத்தரியங். இமே ச²
த⁴ம்மா அபி⁴ஞ்ஞெய்யா.

(ஞ) ‘‘கதமே ச² த⁴ம்மா ஸச்சி²காதப்³பா³? ச² அபி⁴ஞ்ஞா – இதா⁴வுஸோ, பி⁴க்கு² அனேகவிஹிதங் இத்³தி⁴வித⁴ங் பச்சனுபோ⁴தி – ஏகோபி ஹுத்வா ப³ஹுதா⁴ ஹோதி , ப³ஹுதா⁴பி ஹுத்வா ஏகோ ஹோதி. ஆவிபா⁴வங் திரோபா⁴வங். திரோகுட்டங் திரோபாகாரங் திரோபப்³ப³தங் அஸஜ்ஜமானோ க³ச்ச²தி ஸெய்யதா²பி ஆகாஸே .
பத²வியாபி உம்முஜ்ஜனிமுஜ்ஜங் கரோதி ஸெய்யதா²பி உத³கே. உத³கேபி அபி⁴ஜ்ஜமானே
க³ச்ச²தி ஸெய்யதா²பி பத²வியங். ஆகாஸேபி பல்லங்கேன கமதி ஸெய்யதா²பி பக்கீ²
ஸகுணோ. இமேபி சந்தி³மஸூரியே ஏவங்மஹித்³தி⁴கே ஏவங்மஹானுபா⁴வே பாணினா பராமஸதி
பரிமஜ்ஜதி. யாவ ப்³ரஹ்மலோகாபி காயேன வஸங் வத்தேதி.

‘‘தி³ப்³பா³ய ஸோததா⁴துயா விஸுத்³தா⁴ய அதிக்கந்தமானுஸிகாய உபோ⁴ ஸத்³தே³ ஸுணாதி தி³ப்³பே³ ச மானுஸே ச, யே தூ³ரே ஸந்திகே ச.

‘‘பரஸத்தானங் பரபுக்³க³லானங் சேதஸா சேதோ பரிச்ச பஜானாதி [ஜானாதி (ஸ்யா॰ கங்॰)], ஸராக³ங் வா சித்தங் ஸராக³ங் சித்தந்தி பஜானாதி …பே॰… அவிமுத்தங் வா சித்தங் அவிமுத்தங் சித்தந்தி பஜானாதி.

‘‘ஸோ அனேகவிஹிதங் புப்³பே³னிவாஸங் அனுஸ்ஸரதி,
ஸெய்யதி²த³ங் ஏகம்பி ஜாதிங்…பே॰… இதி ஸாகாரங் ஸஉத்³தே³ஸங் அனேகவிஹிதங்
புப்³பே³னிவாஸங் அனுஸ்ஸரதி.

‘‘தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன
ஸத்தே பஸ்ஸதி சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே ஸுக³தே
து³க்³க³தே யதா²கம்மூபகே³ ஸத்தே பஜானாதி …பே॰…

‘‘ஆஸவானங் க²யா அனாஸவங் சேதோவிமுத்திங்
பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ
விஹரதி. இமே ச² த⁴ம்மா ஸச்சி²காதப்³பா³.

‘‘இதி இமே ஸட்டி² த⁴ம்மா பூ⁴தா தச்சா² ததா² அவிததா² அனஞ்ஞதா² ஸம்மா ததா²க³தேன அபி⁴ஸம்பு³த்³தா⁴.

ஸத்த த⁴ம்மா

357. ‘‘ஸத்த த⁴ம்மா ப³ஹுகாரா…பே॰… ஸத்த த⁴ம்மா ஸச்சி²காதப்³பா³.

(க) ‘‘கதமே ஸத்த த⁴ம்மா ப³ஹுகாரா? ஸத்த அரியத⁴னானி – ஸத்³தா⁴த⁴னங், ஸீலத⁴னங், ஹிரித⁴னங், ஒத்தப்பத⁴னங், ஸுதத⁴னங், சாக³த⁴னங், பஞ்ஞாத⁴னங். இமே ஸத்த த⁴ம்மா ப³ஹுகாரா.

(க²) ‘‘கதமே ஸத்த த⁴ம்மா பா⁴வேதப்³பா³?
ஸத்த ஸம்பொ³ஜ்ஜ²ங்கா³ – ஸதிஸம்பொ³ஜ்ஜ²ங்கோ³, த⁴ம்மவிசயஸம்பொ³ஜ்ஜ²ங்கோ³,
வீரியஸம்பொ³ஜ்ஜ²ங்கோ³, பீதிஸம்பொ³ஜ்ஜ²ங்கோ³, பஸ்ஸத்³தி⁴ஸம்பொ³ஜ்ஜ²ங்கோ³,
ஸமாதி⁴ஸம்பொ³ஜ்ஜ²ங்கோ³, உபெக்கா²ஸம்பொ³ஜ்ஜ²ங்கோ³ . இமே ஸத்த த⁴ம்மா பா⁴வேதப்³பா³.

(க³) ‘‘கதமே ஸத்த த⁴ம்மா பரிஞ்ஞெய்யா?
ஸத்த விஞ்ஞாணட்டி²தியோ – ஸந்தாவுஸோ, ஸத்தா நானத்தகாயா நானத்தஸஞ்ஞினோ,
ஸெய்யதா²பி மனுஸ்ஸா ஏகச்சே ச தே³வா ஏகச்சே ச வினிபாதிகா. அயங் பட²மா
விஞ்ஞாணட்டி²தி.

‘‘ஸந்தாவுஸோ , ஸத்தா நானத்தகாயா ஏகத்தஸஞ்ஞினோ, ஸெய்யதா²பி தே³வா ப்³ரஹ்மகாயிகா பட²மாபி⁴னிப்³ப³த்தா. அயங் து³தியா விஞ்ஞாணட்டி²தி.

‘‘ஸந்தாவுஸோ, ஸத்தா ஏகத்தகாயா நானத்தஸஞ்ஞினோ, ஸெய்யதா²பி தே³வா ஆப⁴ஸ்ஸரா. அயங் ததியா விஞ்ஞாணட்டி²தி.

‘‘ஸந்தாவுஸோ, ஸத்தா ஏகத்தகாயா ஏகத்தஸஞ்ஞினோ, ஸெய்யதா²பி தே³வா ஸுப⁴கிண்ஹா. அயங் சதுத்தீ² விஞ்ஞாணட்டி²தி.

‘‘ஸந்தாவுஸோ, ஸத்தா ஸப்³ப³ஸோ ரூபஸஞ்ஞானங் ஸமதிக்கமா…பே॰… ‘அனந்தோ ஆகாஸோ’தி ஆகாஸானஞ்சாயதனூபகா³. அயங் பஞ்சமீ விஞ்ஞாணட்டி²தி.

‘‘ஸந்தாவுஸோ, ஸத்தா ஸப்³ப³ஸோ ஆகாஸானஞ்சாயதனங் ஸமதிக்கம்ம ‘அனந்தங் விஞ்ஞாண’ந்தி விஞ்ஞாணஞ்சாயதனூபகா³. அயங் ச²ட்டீ² விஞ்ஞாணட்டி²தி.

‘‘ஸந்தாவுஸோ, ஸத்தா ஸப்³ப³ஸோ விஞ்ஞாணஞ்சாயதனங்
ஸமதிக்கம்ம ‘நத்தி² கிஞ்சீ’தி ஆகிஞ்சஞ்ஞாயதனூபகா³. அயங் ஸத்தமீ
விஞ்ஞாணட்டி²தி. இமே ஸத்த த⁴ம்மா பரிஞ்ஞெய்யா.

(க⁴) ‘‘கதமே ஸத்த த⁴ம்மா பஹாதப்³பா³? ஸத்தானுஸயா – காமராகா³னுஸயோ, படிகா⁴னுஸயோ, தி³ட்டா²னுஸயோ, விசிகிச்சா²னுஸயோ, மானானுஸயோ, ப⁴வராகா³னுஸயோ , அவிஜ்ஜானுஸயோ. இமே ஸத்த த⁴ம்மா பஹாதப்³பா³.

(ங) ‘‘கதமே ஸத்த த⁴ம்மா ஹானபா⁴கி³யா? ஸத்த அஸத்³த⁴ம்மா – இதா⁴வுஸோ, பி⁴க்கு² அஸ்ஸத்³தோ⁴ ஹோதி, அஹிரிகோ ஹோதி, அனொத்தப்பீ ஹோதி, அப்பஸ்ஸுதோ ஹோதி, குஸீதோ ஹோதி, முட்ட²ஸ்ஸதி ஹோதி, து³ப்பஞ்ஞோ ஹோதி. இமே ஸத்த த⁴ம்மா ஹானபா⁴கி³யா.

(ச) ‘‘கதமே ஸத்த த⁴ம்மா விஸேஸபா⁴கி³யா? ஸத்த ஸத்³த⁴ம்மா – இதா⁴வுஸோ, பி⁴க்கு² ஸத்³தோ⁴ ஹோதி, ஹிரிமா [ஹிரிகோ (ஸ்யா॰ கங்॰)] ஹோதி, ஒத்தப்பீ ஹோதி, ப³ஹுஸ்ஸுதோ ஹோதி, ஆரத்³த⁴வீரியோ ஹோதி, உபட்டி²தஸ்ஸதி ஹோதி, பஞ்ஞவா ஹோதி. இமே ஸத்த த⁴ம்மா விஸேஸபா⁴கி³யா.

(ச²) ‘‘கதமே ஸத்த த⁴ம்மா து³ப்படிவிஜ்ஜா²?
ஸத்த ஸப்புரிஸத⁴ம்மா – இதா⁴வுஸோ, பி⁴க்கு² த⁴ம்மஞ்ஞூ ச ஹோதி அத்த²ஞ்ஞூ ச
அத்தஞ்ஞூ ச மத்தஞ்ஞூ ச காலஞ்ஞூ ச பரிஸஞ்ஞூ ச புக்³க³லஞ்ஞூ ச. இமே ஸத்த
த⁴ம்மா து³ப்படிவிஜ்ஜா².

(ஜ) ‘‘கதமே ஸத்த த⁴ம்மா உப்பாதே³தப்³பா³?
ஸத்த ஸஞ்ஞா – அனிச்சஸஞ்ஞா, அனத்தஸஞ்ஞா, அஸுப⁴ஸஞ்ஞா, ஆதீ³னவஸஞ்ஞா,
பஹானஸஞ்ஞா, விராக³ஸஞ்ஞா, நிரோத⁴ஸஞ்ஞா. இமே ஸத்த த⁴ம்மா உப்பாதே³தப்³பா³.

(ஜ²) ‘‘கதமே ஸத்த த⁴ம்மா அபி⁴ஞ்ஞெய்யா?
ஸத்த நித்³த³ஸவத்தூ²னி – இதா⁴வுஸோ, பி⁴க்கு² ஸிக்கா²ஸமாதா³னே
திப்³ப³ச்ச²ந்தோ³ ஹோதி, ஆயதிஞ்ச ஸிக்கா²ஸமாதா³னே அவிக³தபேமோ.
த⁴ம்மனிஸந்தியா திப்³ப³ச்ச²ந்தோ³ ஹோதி, ஆயதிஞ்ச
த⁴ம்மனிஸந்தியா அவிக³தபேமோ. இச்சா²வினயே திப்³ப³ச்ச²ந்தோ³ ஹோதி, ஆயதிஞ்ச
இச்சா²வினயே அவிக³தபேமோ. படிஸல்லானே திப்³ப³ச்ச²ந்தோ³ ஹோதி, ஆயதிஞ்ச
படிஸல்லானே அவிக³தபேமோ. வீரியாரம்மே திப்³ப³ச்ச²ந்தோ³ ஹோதி, ஆயதிஞ்ச
வீரியாரம்மே அவிக³தபேமோ. ஸதினேபக்கே திப்³ப³ச்ச²ந்தோ³ ஹோதி, ஆயதிஞ்ச
ஸதினேபக்கே அவிக³தபேமோ. தி³ட்டி²படிவேதே⁴ திப்³ப³ச்ச²ந்தோ³ ஹோதி, ஆயதிஞ்ச
தி³ட்டி²படிவேதே⁴ அவிக³தபேமோ. இமே ஸத்த த⁴ம்மா அபி⁴ஞ்ஞெய்யா.

(ஞ) ‘‘கதமே ஸத்த த⁴ம்மா ஸச்சி²காதப்³பா³?
ஸத்த கீ²ணாஸவப³லானி – இதா⁴வுஸோ, கீ²ணாஸவஸ்ஸ பி⁴க்கு²னோ அனிச்சதோ ஸப்³பே³
ஸங்கா²ரா யதா²பூ⁴தங் ஸம்மப்பஞ்ஞாய ஸுதி³ட்டா² ஹொந்தி. யங்பாவுஸோ,
கீ²ணாஸவஸ்ஸ பி⁴க்கு²னோ அனிச்சதோ ஸப்³பே³ ஸங்கா²ரா யதா²பூ⁴தங் ஸம்மப்பஞ்ஞாய
ஸுதி³ட்டா² ஹொந்தி, இத³ம்பி கீ²ணாஸவஸ்ஸ பி⁴க்கு²னோ ப³லங் ஹோதி, யங் ப³லங்
ஆக³ம்ம கீ²ணாஸவோ பி⁴க்கு² ஆஸவானங் க²யங் படிஜானாதி – ‘கீ²ணா மே ஆஸவா’தி.

‘‘புன சபரங், ஆவுஸோ,
கீ²ணாஸவஸ்ஸ பி⁴க்கு²னோ அங்கா³ரகாஸூபமா காமா யதா²பூ⁴தங் ஸம்மப்பஞ்ஞாய
ஸுதி³ட்டா² ஹொந்தி. யங்பாவுஸோ…பே॰… ‘கீ²ணா மே ஆஸவா’தி.

‘‘புன சபரங், ஆவுஸோ, கீ²ணாஸவஸ்ஸ பி⁴க்கு²னோ
விவேகனின்னங் சித்தங் ஹோதி விவேகபோணங் விவேகபப்³பா⁴ரங் விவேகட்ட²ங்
நெக்க²ம்மாபி⁴ரதங் ப்³யந்தீபூ⁴தங் ஸப்³ப³ஸோ ஆஸவட்டா²னியேஹி த⁴ம்மேஹி. யங்பாவுஸோ…பே॰… ‘கீ²ணா மே ஆஸவா’தி.

‘‘புன சபரங், ஆவுஸோ, கீ²ணாஸவஸ்ஸ பி⁴க்கு²னோ சத்தாரோ ஸதிபட்டா²னா பா⁴விதா ஹொந்தி ஸுபா⁴விதா . யங்பாவுஸோ…பே॰… ‘கீ²ணா மே ஆஸவா’தி.

‘‘புன சபரங், ஆவுஸோ, கீ²ணாஸவஸ்ஸ பி⁴க்கு²னோ பஞ்சிந்த்³ரியானி பா⁴விதானி ஹொந்தி ஸுபா⁴விதானி. யங்பாவுஸோ…பே॰… ‘கீ²ணா மே ஆஸவா’தி.

‘‘புன சபரங், ஆவுஸோ, கீ²ணாஸவஸ்ஸ பி⁴க்கு²னோ ஸத்த பொ³ஜ்ஜ²ங்கா³ பா⁴விதா ஹொந்தி ஸுபா⁴விதா. யங்பாவுஸோ…பே॰… ‘கீ²ணா மே ஆஸவா’தி.

‘‘புன சபரங், ஆவுஸோ, கீ²ணாஸவஸ்ஸ பி⁴க்கு²னோ அரியோ
அட்ட²ங்கி³கோ மக்³கோ³ பா⁴விதோ ஹோதி ஸுபா⁴விதோ. யங்பாவுஸோ, கீ²ணாஸவஸ்ஸ
பி⁴க்கு²னோ அரியோ அட்ட²ங்கி³கோ மக்³கோ³ பா⁴விதோ
ஹோதி ஸுபா⁴விதோ, இத³ம்பி கீ²ணாஸவஸ்ஸ பி⁴க்கு²னோ ப³லங் ஹோதி, யங் ப³லங்
ஆக³ம்ம கீ²ணாஸவோ பி⁴க்கு² ஆஸவானங் க²யங் படிஜானாதி – ‘கீ²ணா மே ஆஸவா’தி.
இமே ஸத்த த⁴ம்மா ஸச்சி²காதப்³பா³.

‘‘இதிமே ஸத்ததி த⁴ம்மா பூ⁴தா தச்சா² ததா² அவிததா² அனஞ்ஞதா² ஸம்மா ததா²க³தேன அபி⁴ஸம்பு³த்³தா⁴.

பட²மபா⁴ணவாரோ நிட்டி²தோ.

அட்ட² த⁴ம்மா

358. ‘‘அட்ட² த⁴ம்மா ப³ஹுகாரா…பே॰… அட்ட² த⁴ம்மா ஸச்சி²காதப்³பா³.

(க) ‘‘கதமே அட்ட² த⁴ம்மா ப³ஹுகாரா? அட்ட² ஹேதூ அட்ட² பச்சயா ஆதி³ப்³ரஹ்மசரியிகாய பஞ்ஞாய அப்படிலத்³தா⁴ய படிலாபா⁴ய படிலத்³தா⁴ய பி⁴ய்யோபா⁴வாய வேபுல்லாய பா⁴வனாய பாரிபூரியா ஸங்வத்தந்தி. கதமே அட்ட²? இதா⁴வுஸோ, பி⁴க்கு² ஸத்தா²ரங் [ஸத்தா²ரங் வா (ஸ்யா॰ க॰)] உபனிஸ்ஸாய விஹரதி அஞ்ஞதரங் வா க³ருட்டா²னியங் ஸப்³ரஹ்மசாரிங், யத்த²ஸ்ஸ திப்³ப³ங் ஹிரொத்தப்பங் பச்சுபட்டி²தங் ஹோதி பேமஞ்ச கா³ரவோ ச. அயங் பட²மோ ஹேது பட²மோ பச்சயோ ஆதி³ப்³ரஹ்மசரியிகாய பஞ்ஞாய அப்படிலத்³தா⁴ய படிலாபா⁴ய . படிலத்³தா⁴ய பி⁴ய்யோபா⁴வாய வேபுல்லாய பா⁴வனாய பாரிபூரியா ஸங்வத்ததி.

‘‘தங் கோ² பன ஸத்தா²ரங் உபனிஸ்ஸாய விஹரதி அஞ்ஞதரங் வா க³ருட்டா²னியங் ஸப்³ரஹ்மசாரிங் ,
யத்த²ஸ்ஸ திப்³ப³ங் ஹிரொத்தப்பங் பச்சுபட்டி²தங் ஹோதி பேமஞ்ச கா³ரவோ ச. தே
காலேன காலங் உபஸங்கமித்வா பரிபுச்ச²தி பரிபஞ்ஹதி – ‘இத³ங், ப⁴ந்தே, கத²ங்?
இமஸ்ஸ கோ அத்தோ²’தி? தஸ்ஸ தே ஆயஸ்மந்தோ அவிவடஞ்சேவ விவரந்தி,
அனுத்தானீகதஞ்ச உத்தானீ [அனுத்தானிகதஞ்ச உத்தானிங் (க॰)]
கரொந்தி, அனேகவிஹிதேஸு ச கங்கா²ட்டா²னியேஸு த⁴ம்மேஸு கங்க²ங்
படிவினோதெ³ந்தி. அயங் து³தியோ ஹேது து³தியோ பச்சயோ ஆதி³ப்³ரஹ்மசரியிகாய
பஞ்ஞாய அப்படிலத்³தா⁴ய படிலாபா⁴ய, படிலத்³தா⁴ய பி⁴ய்யோபா⁴வாய, வேபுல்லாய
பா⁴வனாய பாரிபூரியா ஸங்வத்ததி.

‘‘தங் கோ² பன த⁴ம்மங் ஸுத்வா த்³வயேன வூபகாஸேன
ஸம்பாதே³தி – காயவூபகாஸேன ச சித்தவூபகாஸேன ச. அயங் ததியோ ஹேது ததியோ பச்சயோ
ஆதி³ப்³ரஹ்மசரியிகாய பஞ்ஞாய அப்படிலத்³தா⁴ய படிலாபா⁴ய, படிலத்³தா⁴ய
பி⁴ய்யோபா⁴வாய வேபுல்லாய பா⁴வனாய பாரிபூரியா ஸங்வத்ததி.

‘‘புன சபரங், ஆவுஸோ, பி⁴க்கு² ஸீலவா ஹோதி,
பாதிமொக்க²ஸங்வரஸங்வுதோ விஹரதி ஆசாரகோ³சரஸம்பன்னோ, அணுமத்தேஸு வஜ்ஜேஸு
ப⁴யத³ஸ்ஸாவீ ஸமாதா³ய ஸிக்க²தி ஸிக்கா²பதே³ஸு. அயங் சதுத்தோ² ஹேது சதுத்தோ²
பச்சயோ ஆதி³ப்³ரஹ்மசரியிகாய பஞ்ஞாய அப்படிலத்³தா⁴ய படிலாபா⁴ய, படிலத்³தா⁴ய
பி⁴ய்யோபா⁴வாய வேபுல்லாய பா⁴வனாய பாரிபூரியா ஸங்வத்ததி.

‘‘புன சபரங், ஆவுஸோ, பி⁴க்கு² ப³ஹுஸ்ஸுதோ ஹோதி ஸுதத⁴ரோ
ஸுதஸன்னிசயோ. யே தே த⁴ம்மா ஆதி³கல்யாணா மஜ்ஜே²கல்யாணா பரியோஸானகல்யாணா
ஸாத்தா² ஸப்³யஞ்ஜனா கேவலபரிபுண்ணங் பரிஸுத்³த⁴ங் ப்³ரஹ்மசரியங்
அபி⁴வத³ந்தி, ததா²ரூபாஸ்ஸ த⁴ம்மா ப³ஹுஸ்ஸுதா ஹொந்தி தா⁴தா வசஸா
பரிசிதா மனஸானுபெக்கி²தா தி³ட்டி²யா ஸுப்படிவித்³தா⁴. அயங் பஞ்சமோ ஹேது
பஞ்சமோ பச்சயோ ஆதி³ப்³ரஹ்மசரியிகாய பஞ்ஞாய அப்படிலத்³தா⁴ய படிலாபா⁴ய,
படிலத்³தா⁴ய பி⁴ய்யோபா⁴வாய வேபுல்லாய பா⁴வனாய பாரிபூரியா ஸங்வத்ததி.

‘‘புன சபரங், ஆவுஸோ, பி⁴க்கு² ஆரத்³த⁴வீரியோ விஹரதி
அகுஸலானங் த⁴ம்மானங் பஹானாய, குஸலானங் த⁴ம்மானங் உபஸம்பதா³ய, தா²மவா
த³ள்ஹபரக்கமோ அனிக்கி²த்தது⁴ரோ குஸலேஸு த⁴ம்மேஸு. அயங் ச²ட்டோ²
ஹேது ச²ட்டோ² பச்சயோ ஆதி³ப்³ரஹ்மசரியிகாய பஞ்ஞாய அப்படிலத்³தா⁴ய
படிலாபா⁴ய, படிலத்³தா⁴ய பி⁴ய்யோபா⁴வாய வேபுல்லாய பா⁴வனாய பாரிபூரியா
ஸங்வத்ததி.

‘‘புன சபரங், ஆவுஸோ, பி⁴க்கு² ஸதிமா ஹோதி பரமேன
ஸதினேபக்கேன ஸமன்னாக³தோ. சிரகதம்பி சிரபா⁴ஸிதம்பி ஸரிதா அனுஸ்ஸரிதா. அயங்
ஸத்தமோ ஹேது ஸத்தமோ பச்சயோ ஆதி³ப்³ரஹ்மசரியிகாய பஞ்ஞாய அப்படிலத்³தா⁴ய
படிலாபா⁴ய, படிலத்³தா⁴ய பி⁴ய்யோபா⁴வாய வேபுல்லாய பா⁴வனாய பாரிபூரியா
ஸங்வத்ததி.

‘‘புன சபரங், ஆவுஸோ, பி⁴க்கு² பஞ்சஸு
உபாதா³னக்க²ந்தே⁴ஸு, உத³யப்³ப³யானுபஸ்ஸீ விஹரதி – ‘இதி ரூபங் இதி ரூபஸ்ஸ
ஸமுத³யோ இதி ரூபஸ்ஸ அத்த²ங்க³மோ; இதி வேத³னா இதி வேத³னாய ஸமுத³யோ இதி
வேத³னாய அத்த²ங்க³மோ; இதி ஸஞ்ஞா இதி ஸஞ்ஞாய ஸமுத³யோ இதி ஸஞ்ஞாய
அத்த²ங்க³மோ; இதி ஸங்கா²ரா இதி ஸங்கா²ரானங் ஸமுத³யோ இதி ஸங்கா²ரானங்
அத்த²ங்க³மோ; இதி விஞ்ஞாணங் இதி விஞ்ஞாணஸ்ஸ ஸமுத³யோ இதி விஞ்ஞாணஸ்ஸ
அத்த²ங்க³மோ’தி. அயங் அட்ட²மோ ஹேது அட்ட²மோ பச்சயோ ஆதி³ப்³ரஹ்மசரியிகாய பஞ்ஞாய அப்படிலத்³தா⁴ய படிலாபா⁴ய, படிலத்³தா⁴ய பி⁴ய்யோபா⁴வாய வேபுல்லாய பா⁴வனாய பாரிபூரியா ஸங்வத்ததி. இமே அட்ட² த⁴ம்மா ப³ஹுகாரா.

(க²) ‘‘கதமே அட்ட² த⁴ம்மா பா⁴வேதப்³பா³?
அரியோ அட்ட²ங்கி³கோ மக்³கோ³ ஸெய்யதி²த³ங் – ஸம்மாதி³ட்டி², ஸம்மாஸங்கப்போ,
ஸம்மாவாசா, ஸம்மாகம்மந்தோ, ஸம்மாஆஜீவோ, ஸம்மாவாயாமோ, ஸம்மாஸதி,
ஸம்மாஸமாதி⁴. இமே அட்ட² த⁴ம்மா பா⁴வேதப்³பா³.

(க³) ‘‘கதமே அட்ட² த⁴ம்மா பரிஞ்ஞெய்யா? அட்ட² லோகத⁴ம்மா – லாபோ⁴ ச, அலாபோ⁴ ச, யஸோ ச, அயஸோ ச, நிந்தா³ ச, பஸங்ஸா ச, ஸுக²ஞ்ச, து³க்க²ஞ்ச. இமே அட்ட² த⁴ம்மா பரிஞ்ஞெய்யா.

(க⁴) ‘‘கதமே அட்ட² த⁴ம்மா பஹாதப்³பா³? அட்ட² மிச்ச²த்தா
– மிச்சா²தி³ட்டி², மிச்சா²ஸங்கப்போ, மிச்சா²வாசா, மிச்சா²கம்மந்தோ,
மிச்சா²ஆஜீவோ, மிச்சா²வாயாமோ, மிச்சா²ஸதி, மிச்சா²ஸமாதி⁴. இமே அட்ட² த⁴ம்மா
பஹாதப்³பா³.

(ங) ‘‘கதமே அட்ட² த⁴ம்மா ஹானபா⁴கி³யா?
அட்ட² குஸீதவத்தூ²னி. இதா⁴வுஸோ, பி⁴க்கு²னா கம்மங் காதப்³ப³ங் ஹோதி, தஸ்ஸ
ஏவங் ஹோதி – ‘கம்மங் கோ² மே காதப்³ப³ங் ப⁴விஸ்ஸதி, கம்மங் கோ² பன
மே கரொந்தஸ்ஸ காயோ கிலமிஸ்ஸதி, ஹந்தா³ஹங் நிபஜ்ஜாமீ’தி. ஸோ நிபஜ்ஜதி, ந
வீரியங் ஆரப⁴தி அப்பத்தஸ்ஸ பத்தியா அனதி⁴க³தஸ்ஸ அதி⁴க³மாய அஸச்சி²கதஸ்ஸ
ஸச்சி²கிரியாய. இத³ங் பட²மங் குஸீதவத்து².

‘‘புன சபரங், ஆவுஸோ, பி⁴க்கு²னா கம்மங் கதங் ஹோதி .
தஸ்ஸ ஏவங் ஹோதி – ‘அஹங் கோ² கம்மங் அகாஸிங், கம்மங் கோ² பன மே கரொந்தஸ்ஸ
காயோ கிலந்தோ, ஹந்தா³ஹங் நிபஜ்ஜாமீ’தி. ஸோ நிபஜ்ஜதி, ந வீரியங் ஆரப⁴தி…பே॰…
இத³ங் து³தியங் குஸீதவத்து².

‘‘புன சபரங், ஆவுஸோ, பி⁴க்கு²னா மக்³கோ³ க³ந்தப்³போ³
ஹோதி. தஸ்ஸ ஏவங் ஹோதி – ‘மக்³கோ³ கோ² மே க³ந்தப்³போ³ ப⁴விஸ்ஸதி, மக்³க³ங்
கோ² பன மே க³ச்ச²ந்தஸ்ஸ காயோ கிலமிஸ்ஸதி, ஹந்தா³ஹங் நிபஜ்ஜாமீ’தி. ஸோ
நிபஜ்ஜதி, ந வீரியங் ஆரப⁴தி…பே॰… இத³ங் ததியங் குஸீதவத்து².

‘‘புன சபரங், ஆவுஸோ, பி⁴க்கு²னா மக்³கோ³ க³தோ ஹோதி.
தஸ்ஸ ஏவங் ஹோதி – ‘அஹங் கோ² மக்³க³ங் அக³மாஸிங், மக்³க³ங் கோ² பன மே
க³ச்ச²ந்தஸ்ஸ காயோ கிலந்தோ, ஹந்தா³ஹங் நிபஜ்ஜாமீ’தி. ஸோ நிபஜ்ஜதி, ந
வீரியங் ஆரப⁴தி…பே॰… இத³ங் சதுத்த²ங் குஸீதவத்து².

‘‘புன சபரங், ஆவுஸோ, பி⁴க்கு² கா³மங் வா நிக³மங் வா
பிண்டா³ய சரந்தோ ந லப⁴தி லூக²ஸ்ஸ வா பணீதஸ்ஸ வா போ⁴ஜனஸ்ஸ யாவத³த்த²ங்
பாரிபூரிங். தஸ்ஸ ஏவங் ஹோதி – ‘அஹங் கோ² கா³மங் வா நிக³மங் வா பிண்டா³ய
சரந்தோ நாலத்த²ங் லூக²ஸ்ஸ வா பணீதஸ்ஸ வா போ⁴ஜனஸ்ஸ யாவத³த்த²ங் பாரிபூரிங்,
தஸ்ஸ மே காயோ கிலந்தோ அகம்மஞ்ஞோ, ஹந்தா³ஹங் நிபஜ்ஜாமீ’தி…பே॰… இத³ங்
பஞ்சமங் குஸீதவத்து².

‘‘புன சபரங், ஆவுஸோ, பி⁴க்கு² கா³மங் வா நிக³மங் வா
பிண்டா³ய சரந்தோ லப⁴தி லூக²ஸ்ஸ வா பணீதஸ்ஸ வா போ⁴ஜனஸ்ஸ யாவத³த்த²ங்
பாரிபூரிங். தஸ்ஸ ஏவங் ஹோதி – ‘அஹங் கோ² கா³மங் வா நிக³மங் வா பிண்டா³ய
சரந்தோ அலத்த²ங் லூக²ஸ்ஸ வா பணீதஸ்ஸ வா போ⁴ஜனஸ்ஸ யாவத³த்த²ங் பாரிபூரிங் , தஸ்ஸ மே காயோ க³ருகோ அகம்மஞ்ஞோ, மாஸாசிதங் மஞ்ஞே, ஹந்தா³ஹங் நிபஜ்ஜாமீ’தி. ஸோ நிபஜ்ஜதி…பே॰… இத³ங் ச²ட்ட²ங் குஸீதவத்து².

‘‘புன சபரங், ஆவுஸோ, பி⁴க்கு²னோ உப்பன்னோ ஹோதி அப்பமத்தகோ ஆபா³தோ⁴, தஸ்ஸ ஏவங் ஹோதி
– ‘உப்பன்னோ கோ² மே அயங் அப்பமத்தகோ ஆபா³தோ⁴ அத்தி² கப்போ நிபஜ்ஜிதுங்,
ஹந்தா³ஹங் நிபஜ்ஜாமீ’தி. ஸோ நிபஜ்ஜதி…பே॰… இத³ங் ஸத்தமங் குஸீதவத்து².

‘‘புன சபரங், ஆவுஸோ, பி⁴க்கு² கி³லானாவுட்டி²தோ ஹோதி
அசிரவுட்டி²தோ கே³லஞ்ஞா. தஸ்ஸ ஏவங் ஹோதி – ‘அஹங் கோ² கி³லானாவுட்டி²தோ
அசிரவுட்டி²தோ கே³லஞ்ஞா. தஸ்ஸ மே காயோ து³ப்³ப³லோ அகம்மஞ்ஞோ, ஹந்தா³ஹங்
நிபஜ்ஜாமீ’தி. ஸோ நிபஜ்ஜதி…பே॰… இத³ங் அட்ட²மங் குஸீதவத்து². இமே அட்ட²
த⁴ம்மா ஹானபா⁴கி³யா.

(ச) ‘‘கதமே அட்ட² த⁴ம்மா விஸேஸபா⁴கி³யா?
அட்ட² ஆரம்ப⁴வத்தூ²னி. இதா⁴வுஸோ, பி⁴க்கு²னா கம்மங் காதப்³ப³ங் ஹோதி, தஸ்ஸ
ஏவங் ஹோதி – ‘கம்மங் கோ² மே காதப்³ப³ங் ப⁴விஸ்ஸதி, கம்மங் கோ² பன மே
கரொந்தேன ந ஸுகரங் பு³த்³தா⁴னங் ஸாஸனங் மனஸிகாதுங், ஹந்தா³ஹங் வீரியங்
ஆரபா⁴மி அப்பத்தஸ்ஸ பத்தியா அனதி⁴க³தஸ்ஸ அதி⁴க³மாய அஸச்சி²கதஸ்ஸ
ஸச்சி²கிரியாயா’தி. ஸோ வீரியங் ஆரப⁴தி அப்பத்தஸ்ஸ பத்தியா அனதி⁴க³தஸ்ஸ
அதி⁴க³மாய அஸச்சி²கதஸ்ஸ ஸச்சி²கிரியாய. இத³ங் பட²மங் ஆரம்ப⁴வத்து².

‘‘புன சபரங், ஆவுஸோ, பி⁴க்கு²னா கம்மங் கதங் ஹோதி.
தஸ்ஸ ஏவங் ஹோதி – ‘அஹங் கோ² கம்மங் அகாஸிங், கம்மங் கோ² பனாஹங் கரொந்தோ
நாஸக்கி²ங் பு³த்³தா⁴னங் ஸாஸனங் மனஸிகாதுங், ஹந்தா³ஹங் வீரியங்
ஆரபா⁴மி…பே॰… இத³ங் து³தியங் ஆரம்ப⁴வத்து².

‘‘புன சபரங், ஆவுஸோ, பி⁴க்கு²னா மக்³கோ³ க³ந்தப்³போ³
ஹோதி. தஸ்ஸ ஏவங் ஹோதி – ‘மக்³கோ³ கோ² மே க³ந்தப்³போ³ ப⁴விஸ்ஸதி, மக்³க³ங்
கோ² பன மே க³ச்ச²ந்தேன ந ஸுகரங் பு³த்³தா⁴னங் ஸாஸனங் மனஸிகாதுங், ஹந்தா³ஹங்
வீரியங் ஆரபா⁴மி…பே॰… இத³ங் ததியங் ஆரம்ப⁴வத்து².

‘‘புன சபரங், ஆவுஸோ, பி⁴க்கு²னா மக்³கோ³ க³தோ ஹோதி.
தஸ்ஸ ஏவங் ஹோதி – ‘அஹங் கோ² மக்³க³ங் அக³மாஸிங், மக்³க³ங் கோ² பனாஹங்
க³ச்ச²ந்தோ நாஸக்கி²ங் பு³த்³தா⁴னங் ஸாஸனங் மனஸிகாதுங், ஹந்தா³ஹங் வீரியங்
ஆரபா⁴மி…பே॰… இத³ங் சதுத்த²ங் ஆரம்ப⁴வத்து².

‘‘புன சபரங், ஆவுஸோ, பி⁴க்கு² கா³மங் வா நிக³மங் வா பிண்டா³ய சரந்தோ ந
லப⁴தி லூக²ஸ்ஸ வா பணீதஸ்ஸ வா போ⁴ஜனஸ்ஸ யாவத³த்த²ங் பாரிபூரிங். தஸ்ஸ ஏவங்
ஹோதி – ‘அஹங் கோ² கா³மங் வா நிக³மங் வா பிண்டா³ய சரந்தோ நாலத்த²ங் லூக²ஸ்ஸ
வா பணீதஸ்ஸ வா போ⁴ஜனஸ்ஸ யாவத³த்த²ங் பாரிபூரிங் , தஸ்ஸ மே காயோ லஹுகோ கம்மஞ்ஞோ, ஹந்தா³ஹங் வீரியங் ஆரபா⁴மி…பே॰… இத³ங் பஞ்சமங் ஆரம்ப⁴வத்து².

‘‘புன சபரங், ஆவுஸோ, பி⁴க்கு² கா³மங் வா நிக³மங் வா
பிண்டா³ய சரந்தோ லப⁴தி லூக²ஸ்ஸ வா பணீதஸ்ஸ வா போ⁴ஜனஸ்ஸ யாவத³த்த²ங்
பாரிபூரிங். தஸ்ஸ ஏவங் ஹோதி – ‘அஹங் கோ² கா³மங் வா நிக³மங் வா பிண்டா³ய
சரந்தோ அலத்த²ங் லூக²ஸ்ஸ வா பணீதஸ்ஸ வா போ⁴ஜனஸ்ஸ யாவத³த்த²ங் பாரிபூரிங்.
தஸ்ஸ மே காயோ ப³லவா கம்மஞ்ஞோ, ஹந்தா³ஹங் வீரியங் ஆரபா⁴மி…பே॰… இத³ங்
ச²ட்ட²ங் ஆரம்ப⁴வத்து².

‘‘புன சபரங், ஆவுஸோ, பி⁴க்கு²னோ உப்பன்னோ ஹோதி
அப்பமத்தகோ ஆபா³தோ⁴. தஸ்ஸ ஏவங் ஹோதி – ‘உப்பன்னோ கோ² மே அயங் அப்பமத்தகோ
ஆபா³தோ⁴ டா²னங் கோ² பனேதங் விஜ்ஜதி, யங் மே ஆபா³தோ⁴ பவட்³டெ⁴ய்ய, ஹந்தா³ஹங்
வீரியங் ஆரபா⁴மி…பே॰… இத³ங் ஸத்தமங் ஆரம்ப⁴வத்து².

‘‘புன சபரங், ஆவுஸோ, பி⁴க்கு² கி³லானா வுட்டி²தோ ஹோதி
அசிரவுட்டி²தோ கே³லஞ்ஞா. தஸ்ஸ ஏவங் ஹோதி – ‘அஹங் கோ² கி³லானா வுட்டி²தோ
அசிரவுட்டி²தோ கே³லஞ்ஞா, டா²னங் கோ² பனேதங் விஜ்ஜதி, யங் மே ஆபா³தோ⁴
பச்சுதா³வத்தெய்ய, ஹந்தா³ஹங் வீரியங் ஆரபா⁴மி அப்பத்தஸ்ஸ பத்தியா
அனதி⁴க³தஸ்ஸ அதி⁴க³மாய அஸச்சி²கதஸ்ஸ ஸச்சி²கிரியாயா’தி. ஸோ வீரியங் ஆரப⁴தி
அப்பத்தஸ்ஸ பத்தியா அனதி⁴க³தஸ்ஸ அதி⁴க³மாய அஸச்சி²கதஸ்ஸ ஸச்சி²கிரியாய.
இத³ங் அட்ட²மங் ஆரம்ப⁴வத்து². இமே அட்ட² த⁴ம்மா விஸேஸபா⁴கி³யா.

(ச²) ‘‘கதமே அட்ட² த⁴ம்மா து³ப்படிவிஜ்ஜா²?
அட்ட² அக்க²ணா அஸமயா ப்³ரஹ்மசரியவாஸாய. இதா⁴வுஸோ, ததா²க³தோ ச லோகே
உப்பன்னோ ஹோதி அரஹங் ஸம்மாஸம்பு³த்³தோ⁴, த⁴ம்மோ ச தே³ஸியதி ஓபஸமிகோ
பரினிப்³பா³னிகோ ஸம்போ³த⁴கா³மீ ஸுக³தப்பவேதி³தோ. அயஞ்ச புக்³க³லோ நிரயங்
உபபன்னோ ஹோதி. அயங் பட²மோ அக்க²ணோ அஸமயோ ப்³ரஹ்மசரியவாஸாய.

‘‘புன சபரங், ஆவுஸோ, ததா²க³தோ ச லோகே உப்பன்னோ ஹோதி
அரஹங் ஸம்மாஸம்பு³த்³தோ⁴, த⁴ம்மோ ச தே³ஸியதி ஓபஸமிகோ பரினிப்³பா³னிகோ
ஸம்போ³த⁴கா³மீ ஸுக³தப்பவேதி³தோ, அயஞ்ச புக்³க³லோ திரச்சா²னயோனிங் உபபன்னோ ஹோதி. அயங் து³தியோ அக்க²ணோ அஸமயோ ப்³ரஹ்மசரியவாஸாய.

‘‘புன சபரங்…பே॰… பெத்திவிஸயங் உபபன்னோ ஹோதி. அயங் ததியோ அக்க²ணோ அஸமயோ ப்³ரஹ்மசரியவாஸாய.

‘‘புன சபரங்…பே॰… அஞ்ஞதரங் தீ³கா⁴யுகங் தே³வனிகாயங் உபபன்னோ ஹோதி. அயங் சதுத்தோ² அக்க²ணோ அஸமயோ ப்³ரஹ்மசரியவாஸாய.

‘‘புன சபரங்…பே॰… பச்சந்திமேஸு ஜனபதே³ஸு பச்சாஜாதோ
ஹோதி மிலக்கே²ஸு அவிஞ்ஞாதாரேஸு, யத்த² நத்தி² க³தி பி⁴க்கூ²னங்
பி⁴க்கு²னீனங் உபாஸகானங் உபாஸிகானங். அயங் பஞ்சமோ அக்க²ணோ அஸமயோ
ப்³ரஹ்மசரியவாஸாய.

‘‘புன சபரங்…பே॰… அயஞ்ச புக்³க³லோ மஜ்ஜி²மேஸு ஜனபதே³ஸு
பச்சாஜாதோ ஹோதி, ஸோ ச ஹோதி மிச்சா²தி³ட்டி²கோ விபரீதத³ஸ்ஸனோ – ‘நத்தி²
தி³ன்னங், நத்தி² யிட்ட²ங், நத்தி² ஹுதங், நத்தி² ஸுகதது³க்கடானங் கம்மானங்
ப²லங் விபாகோ, நத்தி² அயங் லோகோ, நத்தி² பரோ லோகோ, நத்தி² மாதா, நத்தி²
பிதா, நத்தி² ஸத்தா ஓபபாதிகா, நத்தி² லோகே ஸமணப்³ராஹ்மணா ஸம்மக்³க³தா
ஸம்மாபடிபன்னா யே இமஞ்ச லோகங் பரஞ்ச லோகங் ஸயங் அபி⁴ஞ்ஞா ஸச்சி²கத்வா
பவேதெ³ந்தீ’தி. அயங் ச²ட்டோ² அக்க²ணோ அஸமயோ ப்³ரஹ்மசரியவாஸாய.

‘‘புன சபரங்…பே॰… அயஞ்ச புக்³க³லோ மஜ்ஜி²மேஸு ஜனபதே³ஸு பச்சாஜாதோ ஹோதி , ஸோ ச ஹோதி து³ப்பஞ்ஞோ ஜளோ ஏளமூகோ³, நப்படிப³லோ ஸுபா⁴ஸிதது³ப்³பா⁴ஸிதானமத்த²மஞ்ஞாதுங். அயங் ஸத்தமோ அக்க²ணோ அஸமயோ ப்³ரஹ்மசரியவாஸாய.

‘‘புன சபரங்…பே॰… அயஞ்ச புக்³க³லோ மஜ்ஜி²மேஸு ஜனபதே³ஸு
பச்சாஜாதோ ஹோதி, ஸோ ச ஹோதி பஞ்ஞவா அஜளோ அனேளமூகோ³, படிப³லோ
ஸுபா⁴ஸிதது³ப்³பா⁴ஸிதானமத்த²மஞ்ஞாதுங். அயங் அட்ட²மோ அக்க²ணோ அஸமயோ
ப்³ரஹ்மசரியவாஸாய. இமே அட்ட² த⁴ம்மா து³ப்படிவிஜ்ஜா².

(ஜ) ‘‘கதமே அட்ட² த⁴ம்மா உப்பாதே³தப்³பா³?
அட்ட² மஹாபுரிஸவிதக்கா – அப்பிச்ச²ஸ்ஸாயங் த⁴ம்மோ, நாயங் த⁴ம்மோ
மஹிச்ச²ஸ்ஸ. ஸந்துட்ட²ஸ்ஸாயங் த⁴ம்மோ, நாயங் த⁴ம்மோ அஸந்துட்ட²ஸ்ஸ.
பவிவித்தஸ்ஸாயங் த⁴ம்மோ, நாயங் த⁴ம்மோ ஸங்க³ணிகாராமஸ்ஸ.
ஆரத்³த⁴வீரியஸ்ஸாயங் த⁴ம்மோ, நாயங் த⁴ம்மோ குஸீதஸ்ஸ. உபட்டி²தஸதிஸ்ஸாயங்
த⁴ம்மோ, நாயங் த⁴ம்மோ முட்ட²ஸ்ஸதிஸ்ஸ. ஸமாஹிதஸ்ஸாயங் த⁴ம்மோ, நாயங் த⁴ம்மோ
அஸமாஹிதஸ்ஸ . பஞ்ஞவதோ [பஞ்ஞாவதோ (ஸீ॰ பீ॰)] அயங் த⁴ம்மோ, நாயங் த⁴ம்மோ து³ப்பஞ்ஞஸ்ஸ. நிப்பபஞ்சஸ்ஸாயங் த⁴ம்மோ, நாயங் த⁴ம்மோ பபஞ்சாராமஸ்ஸாதி [நிப்பபஞ்சாராமஸ்ஸ
அயங் த⁴ம்மோ நிப்பபஞ்சரதினோ, நாயங் த⁴ம்மோ பபஞ்சாராமஸ்ஸ பபஞ்சரதினோதி (ஸீ॰
ஸ்யா॰ பீ॰) அங்கு³த்தரேபி ததே²வ தி³ஸ்ஸதி. அட்ட²கதா²டீகா பன ஓலோகேதப்³பா³] இமே அட்ட² த⁴ம்மா உப்பாதே³தப்³பா³.

(ஜ²) ‘‘கதமே அட்ட² த⁴ம்மா அபி⁴ஞ்ஞெய்யா? அட்ட² அபி⁴பா⁴யதனானி – அஜ்ஜ²த்தங் ரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி பரித்தானி ஸுவண்ணது³ப்³ப³ண்ணானி , ‘தானி அபி⁴பு⁴ய்ய ஜானாமி பஸ்ஸாமீ’தி – ஏவங்ஸஞ்ஞீ ஹோதி. இத³ங் பட²மங் அபி⁴பா⁴யதனங்.

‘‘அஜ்ஜ²த்தங் ரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி
அப்பமாணானி ஸுவண்ணது³ப்³ப³ண்ணானி, ‘தானி அபி⁴பு⁴ய்ய ஜானாமி பஸ்ஸாமீ’தி –
ஏவங்ஸஞ்ஞீ ஹோதி. இத³ங் து³தியங் அபி⁴பா⁴யதனங்.

‘‘அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி
பரித்தானி ஸுவண்ணது³ப்³ப³ண்ணானி, ‘தானி அபி⁴பு⁴ய்ய ஜானாமி பஸ்ஸாமீ’தி
ஏவங்ஸஞ்ஞீ ஹோதி. இத³ங் ததியங் அபி⁴பா⁴யதனங்.

‘‘அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி
அப்பமாணானி ஸுவண்ணது³ப்³ப³ண்ணானி, ‘தானி அபி⁴பு⁴ய்ய ஜானாமி பஸ்ஸாமீ’தி
ஏவங்ஸஞ்ஞீ ஹோதி. இத³ங் சதுத்த²ங் அபி⁴பா⁴யதனங்.

‘‘அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி
நீலானி நீலவண்ணானி நீலனித³ஸ்ஸனானி நீலனிபா⁴ஸானி. ஸெய்யதா²பி நாம
உமாபுப்ப²ங் நீலங் நீலவண்ணங் நீலனித³ஸ்ஸனங் நீலனிபா⁴ஸங். ஸெய்யதா² வா பன
தங் வத்த²ங் பா³ராணஸெய்யகங் உப⁴தோபா⁴க³விமட்ட²ங் நீலங் நீலவண்ணங்
நீலனித³ஸ்ஸனங் நீலனிபா⁴ஸங், ஏவமேவ அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴
ரூபானி பஸ்ஸதி நீலானி நீலவண்ணானி நீலனித³ஸ்ஸனானி நீலனிபா⁴ஸானி, ‘தானி
அபி⁴பு⁴ய்ய ஜானாமி பஸ்ஸாமீ’தி ஏவங்ஸஞ்ஞீ ஹோதி. இத³ங் பஞ்சமங் அபி⁴பா⁴யதனங்.

‘‘அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி
பீதானி பீதவண்ணானி பீதனித³ஸ்ஸனானி பீதனிபா⁴ஸானி. ஸெய்யதா²பி நாம
கணிகாரபுப்ப²ங் பீதங் பீதவண்ணங் பீதனித³ஸ்ஸனங் பீதனிபா⁴ஸங். ஸெய்யதா² வா பன
தங் வத்த²ங் பா³ராணஸெய்யகங் உப⁴தோபா⁴க³விமட்ட²ங் பீதங் பீதவண்ணங் பீதனித³ஸ்ஸனங் பீதனிபா⁴ஸங் ,
ஏவமேவ அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி பீதானி
பீதவண்ணானி பீதனித³ஸ்ஸனானி பீதனிபா⁴ஸானி, ‘தானி அபி⁴பு⁴ய்ய ஜானாமி
பஸ்ஸாமீ’தி ஏவங்ஸஞ்ஞீ ஹோதி. இத³ங் ச²ட்ட²ங் அபி⁴பா⁴யதனங்.

‘‘அஜ்ஜ²த்தங் அரூபஸஞ்ஞீ ஏகோ
ப³ஹித்³தா⁴ ரூபானி பஸ்ஸதி லோஹிதகானி லோஹிதகவண்ணானி லோஹிதகனித³ஸ்ஸனானி
லோஹிதகனிபா⁴ஸானி. ஸெய்யதா²பி நாம ப³ந்து⁴ஜீவகபுப்ப²ங் லோஹிதகங்
லோஹிதகவண்ணங் லோஹிதகனித³ஸ்ஸனங் லோஹிதகனிபா⁴ஸங், ஸெய்யதா² வா பன தங் வத்த²ங்
பா³ராணஸெய்யகங் உப⁴தோபா⁴க³விமட்ட²ங் லோஹிதகங் லோஹிதகவண்ணங்
லோஹிதகனித³ஸ்ஸனங் லோஹிதகனிபா⁴ஸங், ஏவமேவ அஜ்ஜ²த்தங் அரூபஸஞ்ஞீ ஏகோ
ப³ஹித்³தா⁴ ரூபானி பஸ்ஸதி லோஹிதகானி லோஹிதகவண்ணானி லோஹிதகனித³ஸ்ஸனானி
லோஹிதகனிபா⁴ஸானி, ‘தானி அபி⁴பு⁴ய்ய ஜானாமி பஸ்ஸாமீ’தி ஏவங்ஸஞ்ஞீ ஹோதி.
இத³ங் ஸத்தமங் அபி⁴பா⁴யதனங்.

‘‘அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி
ஓதா³தானி ஓதா³தவண்ணானி ஓதா³தனித³ஸ்ஸனானி ஓதா³தனிபா⁴ஸானி. ஸெய்யதா²பி நாம
ஓஸதி⁴தாரகா ஓதா³தா ஓதா³தவண்ணா ஓதா³தனித³ஸ்ஸனா ஓதா³தனிபா⁴ஸா, ஸெய்யதா² வா பன
தங் வத்த²ங் பா³ராணஸெய்யகங் உப⁴தோபா⁴க³விமட்ட²ங் ஓதா³தங் ஓதா³தவண்ணங்
ஓதா³தனித³ஸ்ஸனங் ஓதா³தனிபா⁴ஸங், ஏவமேவ அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴
ரூபானி பஸ்ஸதி ஓதா³தானி ஓதா³தவண்ணானி ஓதா³தனித³ஸ்ஸனானி ஓதா³தனிபா⁴ஸானி,
‘தானி அபி⁴பு⁴ய்ய ஜானாமி பஸ்ஸாமீ’தி ஏவங்ஸஞ்ஞீ ஹோதி. இத³ங் அட்ட²மங்
அபி⁴பா⁴யதனங். இமே அட்ட² த⁴ம்மா அபி⁴ஞ்ஞெய்யா.

(ஞ) ‘‘கதமே அட்ட² த⁴ம்மா ஸச்சி²காதப்³பா³? அட்ட² விமொக்கா² – ரூபீ ரூபானி பஸ்ஸதி. அயங் பட²மோ விமொக்கோ².

‘‘அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி. அயங் து³தியோ விமொக்கோ².

‘‘ஸுப⁴ந்தேவ அதி⁴முத்தோ ஹோதி. அயங் ததியோ விமொக்கோ².

‘‘ஸப்³ப³ஸோ ரூபஸஞ்ஞானங் ஸமதிக்கமா படிக⁴ஸஞ்ஞானங்
அத்த²ங்க³மா நானத்தஸஞ்ஞானங் அமனஸிகாரா ‘அனந்தோ ஆகாஸோ’தி ஆகாஸானஞ்சாயதனங்
உபஸம்பஜ்ஜ விஹரதி. அயங் சதுத்தோ² விமொக்கோ².

‘‘ஸப்³ப³ஸோ ஆகாஸானஞ்சாயதனங் ஸமதிக்கம்ம ‘அனந்தங் விஞ்ஞாண’ந்தி விஞ்ஞாணஞ்சாயதனங் உபஸம்பஜ்ஜ விஹரதி. அயங் பஞ்சமோ விமொக்கோ².

‘‘ஸப்³ப³ஸோ விஞ்ஞாணஞ்சாயதனங் ஸமதிக்கம்ம ‘நத்தி² கிஞ்சீ’தி ஆகிஞ்சஞ்ஞாயதனங் உபஸம்பஜ்ஜ விஹரதி. அயங் ச²ட்டோ² விமொக்கோ².

‘‘ஸப்³ப³ஸோ ஆகிஞ்சஞ்ஞாயதனங் ஸமதிக்கம்ம நேவஸஞ்ஞானாஸஞ்ஞாயதனங் உபஸம்பஜ்ஜ விஹரதி. அயங் ஸத்தமோ விமொக்கோ².

‘‘ஸப்³ப³ஸோ நேவஸஞ்ஞானாஸஞ்ஞாயதனங் ஸமதிக்கம்ம
ஸஞ்ஞாவேத³யிதனிரோத⁴ங் உபஸம்பஜ்ஜ விஹரதி. அயங் அட்ட²மோ விமொக்கோ². இமே அட்ட²
த⁴ம்மா ஸச்சி²காதப்³பா³.

‘‘இதி இமே அஸீதி த⁴ம்மா பூ⁴தா தச்சா² ததா² அவிததா² அனஞ்ஞதா² ஸம்மா ததா²க³தேன அபி⁴ஸம்பு³த்³தா⁴.

நவ த⁴ம்மா

359. ‘‘நவ த⁴ம்மா ப³ஹுகாரா…பே॰… நவ த⁴ம்மா ஸச்சி²காதப்³பா³.

(க) ‘‘கதமே நவ த⁴ம்மா ப³ஹுகாரா?
நவ யோனிஸோமனஸிகாரமூலகா த⁴ம்மா, யோனிஸோமனஸிகரோதோ பாமோஜ்ஜங் ஜாயதி,
பமுதி³தஸ்ஸ பீதி ஜாயதி, பீதிமனஸ்ஸ காயோ பஸ்ஸம்ப⁴தி, பஸ்ஸத்³த⁴காயோ ஸுக²ங்
வேதே³தி, ஸுகி²னோ சித்தங் ஸமாதி⁴யதி, ஸமாஹிதே சித்தே யதா²பூ⁴தங் ஜானாதி
பஸ்ஸதி, யதா²பூ⁴தங் ஜானங் பஸ்ஸங் நிப்³பி³ந்த³தி, நிப்³பி³ந்த³ங் விரஜ்ஜதி,
விராகா³ விமுச்சதி. இமே நவ த⁴ம்மா ப³ஹுகாரா.

(க²) ‘‘கதமே நவ த⁴ம்மா பா⁴வேதப்³பா³?
நவ பாரிஸுத்³தி⁴பதா⁴னியங்கா³னி – ஸீலவிஸுத்³தி⁴
பாரிஸுத்³தி⁴பதா⁴னியங்க³ங், சித்தவிஸுத்³தி⁴ பாரிஸுத்³தி⁴பதா⁴னியங்க³ங்,
தி³ட்டி²விஸுத்³தி⁴ பாரிஸுத்³தி⁴பதா⁴னியங்க³ங், கங்கா²விதரணவிஸுத்³தி⁴
பாரிஸுத்³தி⁴பதா⁴னியங்க³ங், மக்³கா³மக்³க³ஞாணத³ஸ்ஸன – விஸுத்³தி⁴
பாரிஸுத்³தி⁴பதா⁴னியங்க³ங், படிபதா³ஞாணத³ஸ்ஸனவிஸுத்³தி⁴
பாரிஸுத்³தி⁴பதா⁴னியங்க³ங், ஞாணத³ஸ்ஸனவிஸுத்³தி⁴
பாரிஸுத்³தி⁴பதா⁴னியங்க³ங், பஞ்ஞாவிஸுத்³தி⁴ பாரிஸுத்³தி⁴பதா⁴னியங்க³ங்,
விமுத்திவிஸுத்³தி⁴ பாரிஸுத்³தி⁴பதா⁴னியங்க³ங். இமே நவ த⁴ம்மா
பா⁴வேதப்³பா³.

(க³) ‘‘கதமே நவ த⁴ம்மா பரிஞ்ஞெய்யா? நவ ஸத்தாவாஸா – ஸந்தாவுஸோ, ஸத்தா நானத்தகாயா நானத்தஸஞ்ஞினோ, ஸெய்யதா²பி மனுஸ்ஸா ஏகச்சே ச தே³வா ஏகச்சே ச வினிபாதிகா. அயங் பட²மோ ஸத்தாவாஸோ.

‘‘ஸந்தாவுஸோ , ஸத்தா நானத்தகாயா ஏகத்தஸஞ்ஞினோ, ஸெய்யதா²பி தே³வா ப்³ரஹ்மகாயிகா பட²மாபி⁴னிப்³ப³த்தா. அயங் து³தியோ ஸத்தாவாஸோ.

‘‘ஸந்தாவுஸோ, ஸத்தா ஏகத்தகாயா நானத்தஸஞ்ஞினோ, ஸெய்யதா²பி தே³வா ஆப⁴ஸ்ஸரா. அயங் ததியோ ஸத்தாவாஸோ.

‘‘ஸந்தாவுஸோ, ஸத்தா ஏகத்தகாயா ஏகத்தஸஞ்ஞினோ, ஸெய்யதா²பி தே³வா ஸுப⁴கிண்ஹா. அயங் சதுத்தோ² ஸத்தாவாஸோ.

‘‘ஸந்தாவுஸோ, ஸத்தா அஸஞ்ஞினோ அப்படிஸங்வேதி³னோ, ஸெய்யதா²பி தே³வா அஸஞ்ஞஸத்தா. அயங் பஞ்சமோ ஸத்தாவாஸோ.

‘‘ஸந்தாவுஸோ, ஸத்தா ஸப்³ப³ஸோ ரூபஸஞ்ஞானங் ஸமதிக்கமா
படிக⁴ஸஞ்ஞானங் அத்த²ங்க³மா நானத்தஸஞ்ஞானங் அமனஸிகாரா ‘அனந்தோ ஆகாஸோ’தி
ஆகாஸானஞ்சாயதனூபகா³. அயங் ச²ட்டோ² ஸத்தாவாஸோ.

‘‘ஸந்தாவுஸோ, ஸத்தா ஸப்³ப³ஸோ ஆகாஸானஞ்சாயதனங் ஸமதிக்கம்ம ‘அனந்தங் விஞ்ஞாண’ந்தி விஞ்ஞாணஞ்சாயதனூபகா³. அயங் ஸத்தமோ ஸத்தாவாஸோ.

‘‘ஸந்தாவுஸோ, ஸத்தா ஸப்³ப³ஸோ விஞ்ஞாணஞ்சாயதனங் ஸமதிக்கம்ம ‘நத்தி² கிஞ்சீ’தி ஆகிஞ்சஞ்ஞாயதனூபகா³. அயங் அட்ட²மோ ஸத்தாவாஸோ.

‘‘ஸந்தாவுஸோ, ஸத்தா ஸப்³ப³ஸோ ஆகிஞ்சஞ்ஞாயதனங் ஸமதிக்கம்ம நேவஸஞ்ஞானாஸஞ்ஞாயதனூபகா³. அயங் நவமோ ஸத்தாவாஸோ. இமே நவ த⁴ம்மா பரிஞ்ஞெய்யா.

(க⁴) ‘‘கதமே நவ த⁴ம்மா பஹாதப்³பா³? நவ தண்ஹாமூலகா த⁴ம்மா – தண்ஹங் படிச்ச பரியேஸனா, பரியேஸனங் படிச்ச லாபோ⁴, லாப⁴ங் படிச்ச வினிச்ச²யோ, வினிச்ச²யங் படிச்ச ச²ந்த³ராகோ³ ,
ச²ந்த³ராக³ங் படிச்ச அஜ்ஜோ²ஸானங், அஜ்ஜோ²ஸானங் படிச்ச பரிக்³க³ஹோ,
பரிக்³க³ஹங் படிச்ச மச்ச²ரியங், மச்ச²ரியங் படிச்ச ஆரக்கோ²,
ஆரக்கா²தி⁴கரணங் [ஆரக்கா²தி⁴கரணங் படிச்ச (ஸ்யா॰ பீ॰ க॰)]
த³ண்டா³தா³னஸத்தா²தா³னகலஹவிக்³க³ஹவிவாத³துவங்துவங்பேஸுஞ்ஞமுஸாவாதா³ அனேகே
பாபகா அகுஸலா த⁴ம்மா ஸம்ப⁴வந்தி. இமே நவ த⁴ம்மா பஹாதப்³பா³.

(ங) ‘‘கதமே நவ த⁴ம்மா ஹானபா⁴கி³யா?
நவ ஆகா⁴தவத்தூ²னி – ‘அனத்த²ங் மே அசரீ’தி ஆகா⁴தங் ப³ந்த⁴தி, ‘அனத்த²ங் மே
சரதீ’தி ஆகா⁴தங் ப³ந்த⁴தி, ‘அனத்த²ங் மே சரிஸ்ஸதீ’தி ஆகா⁴தங் ப³ந்த⁴தி;
‘பியஸ்ஸ மே மனாபஸ்ஸ அனத்த²ங் அசரீ’தி ஆகா⁴தங் ப³ந்த⁴தி…பே॰… ‘அனத்த²ங்
சரதீ’தி ஆகா⁴தங் ப³ந்த⁴தி…பே॰… ‘அனத்த²ங் சரிஸ்ஸதீ’தி ஆகா⁴தங் ப³ந்த⁴தி;
‘அப்பியஸ்ஸ மே அமனாபஸ்ஸ அத்த²ங் அசரீ’தி ஆகா⁴தங் ப³ந்த⁴தி…பே॰… ‘அத்த²ங்
சரதீ’தி ஆகா⁴தங் ப³ந்த⁴தி…பே॰… ‘அத்த²ங் சரிஸ்ஸதீ’தி ஆகா⁴தங் ப³ந்த⁴தி. இமே
நவ த⁴ம்மா ஹானபா⁴கி³யா.

(ச) ‘‘கதமே நவ த⁴ம்மா விஸேஸபா⁴கி³யா?
நவ ஆகா⁴தபடிவினயா – ‘அனத்த²ங் மே அசரி, தங் குதெத்த² லப்³பா⁴’தி ஆகா⁴தங்
படிவினேதி; ‘அனத்த²ங் மே சரதி, தங் குதெத்த² லப்³பா⁴’தி ஆகா⁴தங் படிவினேதி;
‘அனத்த²ங் மே சரிஸ்ஸதி, தங் குதெத்த² லப்³பா⁴’தி ஆகா⁴தங் படிவினேதி;
‘பியஸ்ஸ மே மனாபஸ்ஸ அனத்த²ங் அசரி…பே॰… அனத்த²ங் சரதி…பே॰… அனத்த²ங்
சரிஸ்ஸதி, தங் குதெத்த² லப்³பா⁴’தி ஆகா⁴தங் படிவினேதி; ‘அப்பியஸ்ஸ மே
அமனாபஸ்ஸ அத்த²ங் அசரி…பே॰… அத்த²ங் சரதி…பே॰… அத்த²ங் சரிஸ்ஸதி, தங்
குதெத்த² லப்³பா⁴’தி ஆகா⁴தங் படிவினேதி. இமே நவ த⁴ம்மா விஸேஸபா⁴கி³யா.

(ச²) ‘‘கதமே நவ த⁴ம்மா து³ப்படிவிஜ்ஜா²?
நவ நானத்தா – தா⁴துனானத்தங் படிச்ச உப்பஜ்ஜதி ப²ஸ்ஸனானத்தங்,
ப²ஸ்ஸனானத்தங் படிச்ச உப்பஜ்ஜதி வேத³னானானத்தங், வேத³னானானத்தங் படிச்ச
உப்பஜ்ஜதி ஸஞ்ஞானானத்தங், ஸஞ்ஞானானத்தங் படிச்ச உப்பஜ்ஜதி ஸங்கப்பனானத்தங்,
ஸங்கப்பனானத்தங் படிச்ச உப்பஜ்ஜதி ச²ந்த³னானத்தங், ச²ந்த³னானத்தங் படிச்ச
உப்பஜ்ஜதி பரிளாஹனானத்தங், பரிளாஹனானத்தங் படிச்ச உப்பஜ்ஜதி
பரியேஸனானானத்தங், பரியேஸனானானத்தங் படிச்ச உப்பஜ்ஜதி லாப⁴னானத்தங். இமே நவ
த⁴ம்மா து³ப்படிவிஜ்ஜா².

(ஜ) ‘‘கதமே நவ த⁴ம்மா உப்பாதே³தப்³பா³? நவ ஸஞ்ஞா – அஸுப⁴ஸஞ்ஞா, மரணஸஞ்ஞா, ஆஹாரேபடிகூலஸஞ்ஞா , ஸப்³ப³லோகேஅனபி⁴ரதிஸஞ்ஞா [அனபி⁴ரதஸஞ்ஞா (ஸ்யா॰ க॰)], அனிச்சஸஞ்ஞா, அனிச்சே து³க்க²ஸஞ்ஞா, து³க்கே² அனத்தஸஞ்ஞா, பஹானஸஞ்ஞா, விராக³ஸஞ்ஞா. இமே நவ த⁴ம்மா உப்பாதே³தப்³பா³.

(ஜ²) ‘‘கதமே நவ த⁴ம்மா அபி⁴ஞ்ஞெய்யா? நவ அனுபுப்³ப³விஹாரா – இதா⁴வுஸோ, பி⁴க்கு² விவிச்சேவ காமேஹி விவிச்ச அகுஸலேஹி த⁴ம்மேஹி ஸவிதக்கங் ஸவிசாரங் விவேகஜங் பீதிஸுக²ங் பட²மங் ஜா²னங் உபஸம்பஜ்ஜ விஹரதி. விதக்கவிசாரானங் வூபஸமா…பே॰… து³தியங் ஜா²னங் உபஸம்பஜ்ஜ விஹரதி. பீதியா ச விராகா³
…பே॰… ததியங் ஜா²னங் உபஸம்பஜ்ஜ விஹரதி. ஸுக²ஸ்ஸ ச பஹானா…பே॰… சதுத்த²ங்
ஜா²னங் உபஸம்பஜ்ஜ விஹரதி. ஸப்³ப³ஸோ ரூபஸஞ்ஞானங் ஸமதிக்கமா…பே॰…
ஆகாஸானஞ்சாயதனங் உபஸம்பஜ்ஜ விஹரதி. ஸப்³ப³ஸோ ஆகாஸானஞ்சாயதனங் ஸமதிக்கம்ம
‘அனந்தங் விஞ்ஞாண’ந்தி விஞ்ஞாணஞ்சாயதனங் உபஸம்பஜ்ஜ விஹரதி. ஸப்³ப³ஸோ
விஞ்ஞாணஞ்சாயதனங் ஸமதிக்கம்ம ‘நத்தி² கிஞ்சீ’தி ஆகிஞ்சஞ்ஞாயதனங் உபஸம்பஜ்ஜ
விஹரதி. ஸப்³ப³ஸோ ஆகிஞ்சஞ்ஞாயதனங் ஸமதிக்கம்ம நேவஸஞ்ஞானாஸஞ்ஞாயதனங்
உபஸம்பஜ்ஜ விஹரதி. ஸப்³ப³ஸோ நேவஸஞ்ஞானாஸஞ்ஞாயதனங் ஸமதிக்கம்ம
ஸஞ்ஞாவேத³யிதனிரோத⁴ங் உபஸம்பஜ்ஜ விஹரதி. இமே நவ த⁴ம்மா அபி⁴ஞ்ஞெய்யா.

(ஞ) ‘‘கதமே நவ த⁴ம்மா ஸச்சி²காதப்³பா³?
நவ அனுபுப்³ப³னிரோதா⁴ – பட²மங் ஜா²னங் ஸமாபன்னஸ்ஸ காமஸஞ்ஞா நிருத்³தா⁴
ஹோதி, து³தியங் ஜா²னங் ஸமாபன்னஸ்ஸ விதக்கவிசாரா நிருத்³தா⁴ ஹொந்தி, ததியங்
ஜா²னங் ஸமாபன்னஸ்ஸ பீதி நிருத்³தா⁴ ஹோதி, சதுத்த²ங் ஜா²னங் ஸமாபன்னஸ்ஸ
அஸ்ஸாஸபஸ்ஸாஸ்ஸா நிருத்³தா⁴ ஹொந்தி, ஆகாஸானஞ்சாயதனங் ஸமாபன்னஸ்ஸ ரூபஸஞ்ஞா
நிருத்³தா⁴ ஹோதி, விஞ்ஞாணஞ்சாயதனங் ஸமாபன்னஸ்ஸ ஆகாஸானஞ்சாயதனஸஞ்ஞா
நிருத்³தா⁴ ஹோதி, ஆகிஞ்சஞ்ஞாயதனங் ஸமாபன்னஸ்ஸ விஞ்ஞாணஞ்சாயதனஸஞ்ஞா
நிருத்³தா⁴ ஹோதி, நேவஸஞ்ஞானாஸஞ்ஞாயதனங் ஸமாபன்னஸ்ஸ ஆகிஞ்சஞ்ஞாயதனஸஞ்ஞா
நிருத்³தா⁴ ஹோதி, ஸஞ்ஞாவேத³யிதனிரோத⁴ங் ஸமாபன்னஸ்ஸ ஸஞ்ஞா ச வேத³னா ச
நிருத்³தா⁴ ஹொந்தி. இமே நவ த⁴ம்மா ஸச்சி²காதப்³பா³.

‘‘இதி இமே நவுதி த⁴ம்மா பூ⁴தா தச்சா² ததா² அவிததா² அனஞ்ஞதா² ஸம்மா ததா²க³தேன அபி⁴ஸம்பு³த்³தா⁴.

த³ஸ த⁴ம்மா

360. ‘‘த³ஸ த⁴ம்மா ப³ஹுகாரா…பே॰… த³ஸ த⁴ம்மா ஸச்சி²காதப்³பா³.

(க) ‘‘கதமே த³ஸ த⁴ம்மா ப³ஹுகாரா?
த³ஸ நாத²கரணாத⁴ம்மா – இதா⁴வுஸோ, பி⁴க்கு² ஸீலவா ஹோதி,
பாதிமொக்க²ஸங்வரஸங்வுதோ விஹரதி ஆசாரகோ³சரஸம்பன்னோ, அணுமத்தேஸு வஜ்ஜேஸு
ப⁴யத³ஸ்ஸாவீ ஸமாதா³ய ஸிக்க²தி ஸிக்கா²பதே³ஸு, யங்பாவுஸோ, பி⁴க்கு² ஸீலவா
ஹோதி…பே॰… ஸிக்க²தி ஸிக்கா²பதே³ஸு. அயம்பி த⁴ம்மோ நாத²கரணோ.

‘‘புன சபரங், ஆவுஸோ, பி⁴க்கு² ப³ஹுஸ்ஸுதோ …பே॰… தி³ட்டி²யா ஸுப்படிவித்³தா⁴, யங்பாவுஸோ, பி⁴க்கு² ப³ஹுஸ்ஸுதோ…பே॰… அயம்பி த⁴ம்மோ நாத²கரணோ.

‘‘புன சபரங், ஆவுஸோ, பி⁴க்கு² கல்யாணமித்தோ ஹோதி
கல்யாணஸஹாயோ கல்யாணஸம்பவங்கோ. யங்பாவுஸோ, பி⁴க்கு²…பே॰… கல்யாணஸம்பவங்கோ.
அயம்பி த⁴ம்மோ நாத²கரணோ.

‘‘புன சபரங், ஆவுஸோ, பி⁴க்கு² ஸுவசோ ஹோதி
ஸோவசஸ்ஸகரணேஹி த⁴ம்மேஹி ஸமன்னாக³தோ, க²மோ பத³க்கி²ணக்³கா³ஹீ அனுஸாஸனிங்.
யங்பாவுஸோ, பி⁴க்கு²…பே॰… அனுஸாஸனிங். அயம்பி த⁴ம்மோ நாத²கரணோ.

‘‘புன சபரங், ஆவுஸோ, பி⁴க்கு² யானி தானி
ஸப்³ரஹ்மசாரீனங் உச்சாவசானி கிங்கரணீயானி தத்த² த³க்கோ² ஹோதி அனலஸோ
தத்ருபாயாய வீமங்ஸாய ஸமன்னாக³தோ, அலங் காதுங், அலங் ஸங்விதா⁴துங்.
யங்பாவுஸோ, பி⁴க்கு²…பே॰… அலங் ஸங்விதா⁴துங். அயம்பி த⁴ம்மோ நாத²கரணோ.

‘‘புன சபரங், ஆவுஸோ, பி⁴க்கு² த⁴ம்மகாமோ ஹோதி
பியஸமுதா³ஹாரோ அபி⁴த⁴ம்மே அபி⁴வினயே உளாரபாமோஜ்ஜோ. யங்பாவுஸோ,
பி⁴க்கு²…பே॰… உளாரபாமோஜ்ஜோ. அயம்பி த⁴ம்மோ நாத²கரணோ.

‘‘புன சபரங், ஆவுஸோ, பி⁴க்கு² ஸந்துட்டோ² ஹோதி இதரீதரேஹி சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரேஹி. யங்பாவுஸோ, பி⁴க்கு² …பே॰… அயம்பி த⁴ம்மோ நாத²கரணோ.

‘‘புன சபரங், ஆவுஸோ, பி⁴க்கு² ஆரத்³த⁴வீரியோ விஹரதி…பே॰… குஸலேஸு த⁴ம்மேஸு. யங்பாவுஸோ, பி⁴க்கு²…பே॰… அயம்பி த⁴ம்மோ நாத²கரணோ.

‘‘புன சபரங், ஆவுஸோ, பி⁴க்கு² ஸதிமா ஹோதி, பரமேன
ஸதினேபக்கேன ஸமன்னாக³தோ, சிரகதம்பி சிரபா⁴ஸிதம்பி ஸரிதா அனுஸ்ஸரிதா.
யங்பாவுஸோ, பி⁴க்கு²…பே॰… அயம்பி த⁴ம்மோ நாத²கரணோ.

‘‘புன சபரங், ஆவுஸோ, பி⁴க்கு² பஞ்ஞவா ஹோதி
உத³யத்த²கா³மினியா பஞ்ஞாய ஸமன்னாக³தோ, அரியாய நிப்³பே³தி⁴காய ஸம்மா
து³க்க²க்க²யகா³மினியா. யங்பாவுஸோ, பி⁴க்கு²…பே॰… அயம்பி த⁴ம்மோ நாத²கரணோ.
இமே த³ஸ த⁴ம்மா ப³ஹுகாரா.

(க²) ‘‘கதமே த³ஸ த⁴ம்மா பா⁴வேதப்³பா³?
த³ஸ கஸிணாயதனானி – பத²வீகஸிணமேகோ ஸஞ்ஜானாதி உத்³த⁴ங் அதோ⁴ திரியங்
அத்³வயங் அப்பமாணங். ஆபோகஸிணமேகோ ஸஞ்ஜானாதி…பே॰… தேஜோகஸிணமேகோ ஸஞ்ஜானாதி…
வாயோகஸிணமேகோ ஸஞ்ஜானாதி… நீலகஸிணமேகோ ஸஞ்ஜானாதி… பீதகஸிணமேகோ ஸஞ்ஜானாதி…
லோஹிதகஸிணமேகோ ஸஞ்ஜானாதி… ஓதா³தகஸிணமேகோ ஸஞ்ஜானாதி… ஆகாஸகஸிணமேகோ
ஸஞ்ஜானாதி… விஞ்ஞாணகஸிணமேகோ ஸஞ்ஜானாதி உத்³த⁴ங் அதோ⁴ திரியங் அத்³வயங்
அப்பமாணங் . இமே த³ஸ த⁴ம்மா பா⁴வேதப்³பா³.

(க³) ‘‘கதமே த³ஸ த⁴ம்மா பரிஞ்ஞெய்யா?
த³ஸாயதனானி – சக்கா²யதனங், ரூபாயதனங், ஸோதாயதனங், ஸத்³தா³யதனங்,
கா⁴னாயதனங், க³ந்தா⁴யதனங், ஜிவ்ஹாயதனங், ரஸாயதனங், காயாயதனங்,
பொ²ட்ட²ப்³பா³யதனங். இமே த³ஸ த⁴ம்மா பரிஞ்ஞெய்யா.

(க⁴) ‘‘கதமே த³ஸ த⁴ம்மா பஹாதப்³பா³?
த³ஸ மிச்ச²த்தா – மிச்சா²தி³ட்டி², மிச்சா²ஸங்கப்போ, மிச்சா²வாசா,
மிச்சா²கம்மந்தோ, மிச்சா²ஆஜீவோ, மிச்சா²வாயாமோ, மிச்சா²ஸதி, மிச்சா²ஸமாதி⁴,
மிச்சா²ஞாணங், மிச்சா²விமுத்தி. இமே த³ஸ த⁴ம்மா பஹாதப்³பா³.

(ங) ‘‘கதமே த³ஸ த⁴ம்மா ஹானபா⁴கி³யா?
த³ஸ அகுஸலகம்மபதா² – பாணாதிபாதோ, அதி³ன்னாதா³னங், காமேஸுமிச்சா²சாரோ,
முஸாவாதோ³, பிஸுணா வாசா, ப²ருஸா வாசா, ஸம்ப²ப்பலாபோ, அபி⁴ஜ்ஜா²,
ப்³யாபாதோ³, மிச்சா²தி³ட்டி². இமே த³ஸ த⁴ம்மா ஹானபா⁴கி³யா.

(ச) ‘‘கதமே த³ஸ த⁴ம்மா விஸேஸபா⁴கி³யா?
த³ஸ குஸலகம்மபதா² – பாணாதிபாதா வேரமணீ, அதி³ன்னாதா³னா வேரமணீ,
காமேஸுமிச்சா²சாரா வேரமணீ, முஸாவாதா³ வேரமணீ, பிஸுணாய வாசாய வேரமணீ,
ப²ருஸாய வாசாய வேரமணீ, ஸம்ப²ப்பலாபா வேரமணீ, அனபி⁴ஜ்ஜா², அப்³யாபாதோ³,
ஸம்மாதி³ட்டி². இமே த³ஸ த⁴ம்மா விஸேஸபா⁴கி³யா.

(ச²) ‘‘கதமே த³ஸ த⁴ம்மா து³ப்படிவிஜ்ஜா²? த³ஸ அரியவாஸா – இதா⁴வுஸோ ,
பி⁴க்கு² பஞ்சங்க³விப்பஹீனோ ஹோதி, ச²ளங்க³ஸமன்னாக³தோ, ஏகாரக்கோ²,
சதுராபஸ்ஸேனோ, பணுன்னபச்சேகஸச்சோ, ஸமவயஸட்டே²ஸனோ, அனாவிலஸங்கப்போ,
பஸ்ஸத்³த⁴காயஸங்கா²ரோ, ஸுவிமுத்தசித்தோ, ஸுவிமுத்தபஞ்ஞோ.

‘‘கத²ஞ்சாவுஸோ , பி⁴க்கு² பஞ்சங்க³விப்பஹீனோ
ஹோதி? இதா⁴வுஸோ, பி⁴க்கு²னோ காமச்ச²ந்தோ³ பஹீனோ ஹோதி, ப்³யாபாதோ³ பஹீனோ
ஹோதி, தி²னமித்³த⁴ங் பஹீனங் ஹோதி, உத்³த⁴ச்சகுக்குச்சங் பஹீனங் ஹோதி,
விசிகிச்சா² பஹீனா ஹோதி. ஏவங் கோ², ஆவுஸோ, பி⁴க்கு² பஞ்சங்க³விப்பஹீனோ
ஹோதி.

‘‘கத²ஞ்சாவுஸோ, பி⁴க்கு² ச²ளங்க³ஸமன்னாக³தோ ஹோதி?
இதா⁴வுஸோ, பி⁴க்கு² சக்கு²னா ரூபங் தி³ஸ்வா நேவ ஸுமனோ ஹோதி ந து³ம்மனோ,
உபெக்க²கோ விஹரதி ஸதோ ஸம்பஜானோ. ஸோதேன ஸத்³த³ங் ஸுத்வா…பே॰… கா⁴னேன
க³ந்த⁴ங் கா⁴யித்வா… ஜிவ்ஹாய ரஸங் ஸாயித்வா… காயேன பொ²ட்ட²ப்³ப³ங்
பு²ஸித்வா… மனஸா த⁴ம்மங் விஞ்ஞாய நேவ ஸுமனோ ஹோதி ந து³ம்மனோ, உபெக்க²கோ
விஹரதி ஸதோ ஸம்பஜானோ. ஏவங் கோ², ஆவுஸோ, பி⁴க்கு² ச²ளங்க³ஸமன்னாக³தோ ஹோதி.

‘‘கத²ஞ்சாவுஸோ, பி⁴க்கு² ஏகாரக்கோ² ஹோதி? இதா⁴வுஸோ,
பி⁴க்கு² ஸதாரக்கே²ன சேதஸா ஸமன்னாக³தோ ஹோதி. ஏவங் கோ², ஆவுஸோ, பி⁴க்கு²
ஏகாரக்கோ² ஹோதி.

‘‘கத²ஞ்சாவுஸோ, பி⁴க்கு² சதுராபஸ்ஸேனோ ஹோதி? இதா⁴வுஸோ,
பி⁴க்கு² ஸங்கா²யேகங் படிஸேவதி, ஸங்கா²யேகங் அதி⁴வாஸேதி, ஸங்கா²யேகங்
பரிவஜ்ஜேதி, ஸங்கா²யேகங் வினோதே³தி. ஏவங் கோ², ஆவுஸோ, பி⁴க்கு²
சதுராபஸ்ஸேனோ ஹோதி.

‘‘கத²ஞ்சாவுஸோ, பி⁴க்கு² பணுன்னபச்சேகஸச்சோ ஹோதி? இதா⁴வுஸோ, பி⁴க்கு²னோ யானி தானி புது²ஸமணப்³ராஹ்மணானங்
புது²பச்சேகஸச்சானி, ஸப்³பா³னி தானி நுன்னானி ஹொந்தி பணுன்னானி சத்தானி
வந்தானி முத்தானி பஹீனானி படினிஸ்ஸட்டா²னி. ஏவங் கோ², ஆவுஸோ, பி⁴க்கு²
பணுன்னபச்சேகஸச்சோ ஹோதி.

‘‘கத²ஞ்சாவுஸோ, பி⁴க்கு² ஸமவயஸட்டே²ஸனோ ஹோதி?
இதா⁴வுஸோ, பி⁴க்கு²னோ காமேஸனா பஹீனா ஹோதி, ப⁴வேஸனா பஹீனா ஹோதி,
ப்³ரஹ்மசரியேஸனா படிப்பஸ்ஸத்³தா⁴. ஏவங் கோ², ஆவுஸோ, பி⁴க்கு² ஸமவயஸட்டே²ஸனோ
ஹோதி.

‘‘கத²ஞ்சாவுஸோ , பி⁴க்கு² அனாவிலஸங்கப்பா
ஹோதி? இதா⁴வுஸோ, பி⁴க்கு²னோ காமஸங்கப்போ பஹீனோ ஹோதி, ப்³யாபாத³ஸங்கப்போ
பஹீனோ ஹோதி, விஹிங்ஸாஸங்கப்போ பஹீனோ ஹோதி. ஏவங் கோ², ஆவுஸோ, பி⁴க்கு²
அனாவிலஸங்கப்போ ஹோதி.

‘‘கத²ஞ்சாவுஸோ, பி⁴க்கு² பஸ்ஸத்³த⁴காயஸங்கா²ரோ ஹோதி?
இதா⁴வுஸோ, பி⁴க்கு² ஸுக²ஸ்ஸ ச பஹானா து³க்க²ஸ்ஸ ச பஹானா புப்³பே³வ
ஸோமனஸ்ஸதோ³மனஸ்ஸானங் அத்த²ங்க³மா அது³க்க²மஸுக²ங்
உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ விஹரதி. ஏவங் கோ²,
ஆவுஸோ, பி⁴க்கு² பஸ்ஸத்³த⁴காயஸங்கா²ரோ ஹோதி.

‘‘கத²ஞ்சாவுஸோ, பி⁴க்கு² ஸுவிமுத்தசித்தோ ஹோதி?
இதா⁴வுஸோ, பி⁴க்கு²னோ ராகா³ சித்தங் விமுத்தங் ஹோதி, தோ³ஸா சித்தங்
விமுத்தங் ஹோதி, மோஹா சித்தங் விமுத்தங் ஹோதி. ஏவங் கோ², ஆவுஸோ, பி⁴க்கு²
ஸுவிமுத்தசித்தோ ஹோதி.

‘‘கத²ஞ்சாவுஸோ, பி⁴க்கு² ஸுவிமுத்தபஞ்ஞோ ஹோதி?
இதா⁴வுஸோ, பி⁴க்கு² ‘ராகோ³ மே பஹீனோ உச்சி²ன்னமூலோ தாலாவத்து²கதோ
அனபா⁴வங்கதோ ஆயதிங் அனுப்பாத³த⁴ம்மோ’தி பஜானாதி. ‘தோ³ஸோ மே பஹீனோ…பே॰…
ஆயதிங் அனுப்பாத³த⁴ம்மோ’தி பஜானாதி. ‘மோஹோ மே பஹீனோ …பே॰… ஆயதிங் அனுப்பாத³த⁴ம்மோ’தி பஜானாதி. ஏவங் கோ², ஆவுஸோ, பி⁴க்கு² ஸுவிமுத்தபஞ்ஞோ ஹோதி. இமே த³ஸ த⁴ம்மா து³ப்படிவிஜ்ஜா².

(ஜ) ‘‘கதமே த³ஸ த⁴ம்மா உப்பாதே³தப்³பா³?
த³ஸ ஸஞ்ஞா – அஸுப⁴ஸஞ்ஞா, மரணஸஞ்ஞா, ஆஹாரேபடிகூலஸஞ்ஞா,
ஸப்³ப³லோகேஅனபி⁴ரதிஸஞ்ஞா, அனிச்சஸஞ்ஞா, அனிச்சே து³க்க²ஸஞ்ஞா, து³க்கே²
அனத்தஸஞ்ஞா, பஹானஸஞ்ஞா, விராக³ஸஞ்ஞா, நிரோத⁴ஸஞ்ஞா. இமே த³ஸ த⁴ம்மா
உப்பாதே³தப்³பா³.

(ஜ²) ‘‘கதமே த³ஸ த⁴ம்மா அபி⁴ஞ்ஞெய்யா?
த³ஸ நிஜ்ஜரவத்தூ²னி – ஸம்மாதி³ட்டி²ஸ்ஸ மிச்சா²தி³ட்டி² நிஜ்ஜிண்ணா ஹோதி.
யே ச மிச்சா²தி³ட்டி²பச்சயா அனேகே பாபகா அகுஸலா த⁴ம்மா ஸம்ப⁴வந்தி, தே சஸ்ஸ
நிஜ்ஜிண்ணா ஹொந்தி. ஸம்மாஸங்கப்பஸ்ஸ மிச்சா²ஸங்கப்போ…பே॰… ஸம்மாவாசஸ்ஸ
மிச்சா²வாசா… ஸம்மாகம்மந்தஸ்ஸ மிச்சா²கம்மந்தோ… ஸம்மாஆஜீவஸ்ஸ மிச்சா²ஆஜீவோ…
ஸம்மாவாயாமஸ்ஸ மிச்சா²வாயாமோ… ஸம்மாஸதிஸ்ஸ
மிச்சா²ஸதி… ஸம்மாஸமாதி⁴ஸ்ஸ மிச்சா²ஸமாதி⁴… ஸம்மாஞாணஸ்ஸ மிச்சா²ஞாணங்
நிஜ்ஜிண்ணங் ஹோதி. ஸம்மாவிமுத்திஸ்ஸ மிச்சா²விமுத்தி
நிஜ்ஜிண்ணா ஹோதி. யே ச மிச்சா²விமுத்திபச்சயா அனேகே பாபகா அகுஸலா த⁴ம்மா
ஸம்ப⁴வந்தி, தே சஸ்ஸ நிஜ்ஜிண்ணா ஹொந்தி. இமே த³ஸ த⁴ம்மா அபி⁴ஞ்ஞெய்யா.

(ஞ) ‘‘கதமே த³ஸ த⁴ம்மா ஸச்சி²காதப்³பா³?
த³ஸ அஸெக்கா² த⁴ம்மா – அஸெக்கா² ஸம்மாதி³ட்டி², அஸெக்கோ² ஸம்மாஸங்கப்போ,
அஸெக்கா² ஸம்மாவாசா, அஸெக்கோ² ஸம்மாகம்மந்தோ, அஸெக்கோ² ஸம்மாஆஜீவோ,
அஸெக்கோ² ஸம்மாவாயாமோ, அஸெக்கா² ஸம்மாஸதி, அஸெக்கோ² ஸம்மாஸமாதி⁴, அஸெக்க²ங்
ஸம்மாஞாணங், அஸெக்கா² ஸம்மாவிமுத்தி. இமே த³ஸ த⁴ம்மா ஸச்சி²காதப்³பா³.

‘‘இதி இமே ஸதத⁴ம்மா பூ⁴தா தச்சா² ததா² அவிததா²
அனஞ்ஞதா² ஸம்மா ததா²க³தேன அபி⁴ஸம்பு³த்³தா⁴’’தி. இத³மவோசாயஸ்மா ஸாரிபுத்தோ.
அத்தமனா தே பி⁴க்கூ² ஆயஸ்மதோ ஸாரிபுத்தஸ்ஸ பா⁴ஸிதங் அபி⁴னந்து³ந்தி.

த³ஸுத்தரஸுத்தங் நிட்டி²தங் ஏகாத³ஸமங்.

பாதி²கவக்³கோ³ [பாடிகவக்³கோ³ (ஸீ॰ ஸ்யா॰ பீ॰)] நிட்டி²தோ.

தஸ்ஸுத்³தா³னங் –

பாதி²கோ ச [பாடிகஞ்ச (ஸ்யா॰ கங்॰)] உது³ம்ப³ரங் [பாடிகோது³ம்ப³ரீசேவ (ஸீ॰ பீ॰)], சக்கவத்தி அக்³க³ஞ்ஞகங்;

ஸம்பஸாத³னபாஸாத³ங் [ஸம்பஸாத³ஞ்ச பாஸாத³ங் (ஸீ॰ ஸ்யா॰ கங்॰ பீ॰)], மஹாபுரிஸலக்க²ணங்.

ஸிங்கா³லாடானாடியகங் , ஸங்கீ³தி ச த³ஸுத்தரங்;

ஏகாத³ஸஹி ஸுத்தேஹி, பாதி²கவக்³கோ³தி வுச்சதி.

பாதி²கவக்³க³பாளி நிட்டி²தா.

தீஹி வக்³கே³ஹி படிமண்டி³தோ ஸகலோ

தீ³க⁴னிகாயோ ஸமத்தோ.

Leave a Reply