Free Online FOOD for MIND & HUNGER - DO GOOD 😊 PURIFY MIND.To live like free birds 🐦 🦢 🦅 grow fruits 🍍 🍊 🥑 🥭 🍇 🍌 🍎 🍉 🍒 🍑 🥝 vegetables 🥦 🥕 🥗 🥬 🥔 🍆 🥜 🎃 🫑 🍅🍜 🧅 🍄 🍝 🥗 🥒 🌽 🍏 🫑 🌳 🍓 🍊 🥥 🌵 🍈 🌰 🇧🇧 🫐 🍅 🍐 🫒Plants 🌱in pots 🪴 along with Meditative Mindful Swimming 🏊‍♂️ to Attain NIBBĀNA the Eternal Bliss.

Kushinara NIBBĀNA Bhumi Pagoda White Home, Puniya Bhumi Bengaluru, Prabuddha Bharat International.

Categories:

Search:

Archives:

Meta:

April 2024

M	T	W	T	F	S	S
« Jan
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

08/09/07

ஸுத்தபிடக-Part-35-தமிழில் திரபிடக மூன்று தொகுப்புகள்TIPITAKA–35.மஜ்ஜிமனிகாயோ-மூலபண்ணாஸபாளி-1. மூலபரியாயவக்கோ-1. மூலபரியாயஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 8:18 am

ஸுத்தபிடக-Part-35-தமிழில் திரபிடக மூன்று தொகுப்புகள்TIPITAKA--35.மஜ்ஜிமனிகாயோ-மூலபண்ணாஸபாளி-1. மூலபரியாயவக்கோ-1. மூலபரியாயஸுத்தங்-from FREE ONLINE eNālāndā Research and
Practice UNIVERSITY through http://sarvajan.ambedkar.org

நமோ தஸ்ஸ பகவதோ அரஹதோ ஸம்மாஸம்பு³த்தஸ்ஸ

மஜ்ஜிமனிகாயோ

மூலபண்ணாஸபாளி

1. மூலபரியாயவக்கோ

1. மூலபரியாயஸுத்தங்

1. ஏவங்
மே ஸுதங் – ஏகங் ஸமயங் ப⁴க³வா உக்கட்டா²யங் விஹரதி ஸுப⁴க³வனே ஸாலராஜமூலே.
தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி. ‘‘ப⁴த³ந்தே’’தி தே
பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச – ‘‘ஸப்³ப³த⁴ம்மமூலபரியாயங்
வோ, பி⁴க்க²வே, தே³ஸெஸ்ஸாமி. தங் ஸுணாத², ஸாது⁴கங் மனஸி கரோத²,
பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² தே பி⁴க்கூ² ப⁴க³வதோ
பச்சஸ்ஸோஸுங். ப⁴க³வா ஏதத³வோச –

2. ‘‘இத⁴, பி⁴க்க²வே, அஸ்ஸுதவா புது²ஜ்ஜனோ அரியானங் அத³ஸ்ஸாவீ அரியத⁴ம்மஸ்ஸ அகோவிதோ³ அரியத⁴ம்மே அவினீதோ, ஸப்புரிஸானங் அத³ஸ்ஸாவீ ஸப்புரிஸத⁴ம்மஸ்ஸ அகோவிதோ³ ஸப்புரிஸத⁴ம்மே அவினீதோ – பத²விங் [பட²விங் (ஸீ॰ ஸ்யா॰ கங்॰ பீ॰)] பத²விதோ ஸஞ்ஜானாதி; பத²விங் பத²விதோ ஸஞ்ஞத்வா பத²விங் மஞ்ஞதி, பத²வியா மஞ்ஞதி, பத²விதோ மஞ்ஞதி, பத²விங் மேதி மஞ்ஞதி , பத²விங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘ஆபங் ஆபதோ ஸஞ்ஜானாதி; ஆபங் ஆபதோ ஸஞ்ஞத்வா ஆபங்
மஞ்ஞதி, ஆபஸ்மிங் மஞ்ஞதி, ஆபதோ மஞ்ஞதி, ஆபங் மேதி மஞ்ஞதி, ஆபங்
அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘தேஜங் தேஜதோ ஸஞ்ஜானாதி;
தேஜங் தேஜதோ ஸஞ்ஞத்வா தேஜங் மஞ்ஞதி, தேஜஸ்மிங் மஞ்ஞதி, தேஜதோ மஞ்ஞதி, தேஜங்
மேதி மஞ்ஞதி, தேஜங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி
வதா³மி.

‘‘வாயங் வாயதோ ஸஞ்ஜானாதி; வாயங் வாயதோ ஸஞ்ஞத்வா வாயங்
மஞ்ஞதி, வாயஸ்மிங் மஞ்ஞதி, வாயதோ மஞ்ஞதி, வாயங் மேதி மஞ்ஞதி, வாயங்
அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

3.
‘‘பூ⁴தே பூ⁴ததோ ஸஞ்ஜானாதி; பூ⁴தே பூ⁴ததோ ஸஞ்ஞத்வா பூ⁴தே மஞ்ஞதி, பூ⁴தேஸு
மஞ்ஞதி, பூ⁴ததோ மஞ்ஞதி, பூ⁴தே மேதி மஞ்ஞதி, பூ⁴தே அபி⁴னந்த³தி. தங் கிஸ்ஸ
ஹேது? ‘அபரிஞ்ஞாதங் தஸ்ஸா’தி வதா³மி.

‘‘தே³வே தே³வதோ ஸஞ்ஜானாதி; தே³வே தே³வதோ ஸஞ்ஞத்வா
தே³வே மஞ்ஞதி, தே³வேஸு மஞ்ஞதி, தே³வதோ மஞ்ஞதி, தே³வே மேதி மஞ்ஞதி, தே³வே
அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘பஜாபதிங் பஜாபதிதோ ஸஞ்ஜானாதி; பஜாபதிங் பஜாபதிதோ
ஸஞ்ஞத்வா பஜாபதிங் மஞ்ஞதி, பஜாபதிஸ்மிங் மஞ்ஞதி, பஜாபதிதோ மஞ்ஞதி, பஜாபதிங்
மேதி மஞ்ஞதி, பஜாபதிங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங்
தஸ்ஸா’தி வதா³மி.

‘‘ப்³ரஹ்மங் ப்³ரஹ்மதோ ஸஞ்ஜானாதி; ப்³ரஹ்மங் ப்³ரஹ்மதோ ஸஞ்ஞத்வா ப்³ரஹ்மங் மஞ்ஞதி ,
ப்³ரஹ்மஸ்மிங் மஞ்ஞதி, ப்³ரஹ்மதோ மஞ்ஞதி, ப்³ரஹ்மங் மேதி மஞ்ஞதி,
ப்³ரஹ்மங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘ஆப⁴ஸ்ஸரே ஆப⁴ஸ்ஸரதோ ஸஞ்ஜானாதி; ஆப⁴ஸ்ஸரே ஆப⁴ஸ்ஸரதோ
ஸஞ்ஞத்வா ஆப⁴ஸ்ஸரே மஞ்ஞதி, ஆப⁴ஸ்ஸரேஸு மஞ்ஞதி, ஆப⁴ஸ்ஸரதோ மஞ்ஞதி, ஆப⁴ஸ்ஸரே
மேதி மஞ்ஞதி, ஆப⁴ஸ்ஸரே அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி
வதா³மி.

‘‘ஸுப⁴கிண்ஹே ஸுப⁴கிண்ஹதோ ஸஞ்ஜானாதி; ஸுப⁴கிண்ஹே
ஸுப⁴கிண்ஹதோ ஸஞ்ஞத்வா ஸுப⁴கிண்ஹே மஞ்ஞதி, ஸுப⁴கிண்ஹேஸு மஞ்ஞதி, ஸுப⁴கிண்ஹதோ
மஞ்ஞதி, ஸுப⁴கிண்ஹே மேதி மஞ்ஞதி, ஸுப⁴கிண்ஹே அபி⁴னந்த³தி. தங் கிஸ்ஸ ஹேது?
‘அபரிஞ்ஞாதங் தஸ்ஸா’தி வதா³மி.

‘‘வேஹப்ப²லே வேஹப்ப²லதோ
ஸஞ்ஜானாதி; வேஹப்ப²லே வேஹப்ப²லதோ ஸஞ்ஞத்வா வேஹப்ப²லே மஞ்ஞதி, வேஹப்ப²லேஸு
மஞ்ஞதி, வேஹப்ப²லதோ மஞ்ஞதி, வேஹப்ப²லே மேதி மஞ்ஞதி, வேஹப்ப²லே அபி⁴னந்த³தி.
தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘அபி⁴பு⁴ங் அபி⁴பூ⁴தோ ஸஞ்ஜானாதி; அபி⁴பு⁴ங் அபி⁴பூ⁴தோ
ஸஞ்ஞத்வா அபி⁴பு⁴ங் மஞ்ஞதி, அபி⁴பு⁴ஸ்மிங் மஞ்ஞதி, அபி⁴பூ⁴தோ மஞ்ஞதி,
அபி⁴பு⁴ங் மேதி மஞ்ஞதி, அபி⁴பு⁴ங் அபி⁴னந்த³தி. தங் கிஸ்ஸ ஹேது?
‘அபரிஞ்ஞாதங் தஸ்ஸா’தி வதா³மி.

4.
‘‘ஆகாஸானஞ்சாயதனங் ஆகாஸானஞ்சாயதனதோ ஸஞ்ஜானாதி; ஆகாஸானஞ்சாயதனங்
ஆகாஸானஞ்சாயதனதோ ஸஞ்ஞத்வா ஆகாஸானஞ்சாயதனங் மஞ்ஞதி, ஆகாஸானஞ்சாயதனஸ்மிங்
மஞ்ஞதி, ஆகாஸானஞ்சாயதனதோ மஞ்ஞதி, ஆகாஸானஞ்சாயதனங் மேதி மஞ்ஞதி,
ஆகாஸானஞ்சாயதனங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘விஞ்ஞாணஞ்சாயதனங் விஞ்ஞாணஞ்சாயதனதோ ஸஞ்ஜானாதி; விஞ்ஞாணஞ்சாயதனங் விஞ்ஞாணஞ்சாயதனதோ ஸஞ்ஞத்வா விஞ்ஞாணஞ்சாயதனங் மஞ்ஞதி, விஞ்ஞாணஞ்சாயதனஸ்மிங் மஞ்ஞதி, விஞ்ஞாணஞ்சாயதனதோ மஞ்ஞதி, விஞ்ஞாணஞ்சாயதனங் மேதி மஞ்ஞதி, விஞ்ஞாணஞ்சாயதனங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘ஆகிஞ்சஞ்ஞாயதனங் ஆகிஞ்சஞ்ஞாயதனதோ ஸஞ்ஜானாதி;
ஆகிஞ்சஞ்ஞாயதனங் ஆகிஞ்சஞ்ஞாயதனதோ ஸஞ்ஞத்வா ஆகிஞ்சஞ்ஞாயதனங் மஞ்ஞதி,
ஆகிஞ்சஞ்ஞாயதனஸ்மிங் மஞ்ஞதி, ஆகிஞ்சஞ்ஞாயதனதோ மஞ்ஞதி, ஆகிஞ்சஞ்ஞாயதனங் மேதி
மஞ்ஞதி, ஆகிஞ்சஞ்ஞாயதனங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங்
தஸ்ஸா’தி வதா³மி.

‘‘நேவஸஞ்ஞானாஸஞ்ஞாயதனங் நேவஸஞ்ஞானாஸஞ்ஞாயதனதோ
ஸஞ்ஜானாதி; நேவஸஞ்ஞானாஸஞ்ஞாயதனங் நேவஸஞ்ஞானாஸஞ்ஞாயதனதோ ஸஞ்ஞத்வா
நேவஸஞ்ஞானாஸஞ்ஞாயதனங் மஞ்ஞதி, நேவஸஞ்ஞானாஸஞ்ஞாயதனஸ்மிங் மஞ்ஞதி,
நேவஸஞ்ஞானாஸஞ்ஞாயதனதோ மஞ்ஞதி, நேவஸஞ்ஞானாஸஞ்ஞாயதனங் மேதி மஞ்ஞதி,
நேவஸஞ்ஞானாஸஞ்ஞாயதனங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி
வதா³மி.

5. ‘‘தி³ட்ட²ங்
தி³ட்ட²தோ ஸஞ்ஜானாதி; தி³ட்ட²ங் தி³ட்ட²தோ ஸஞ்ஞத்வா தி³ட்ட²ங் மஞ்ஞதி,
தி³ட்ட²ஸ்மிங் மஞ்ஞதி, தி³ட்ட²தோ மஞ்ஞதி, தி³ட்ட²ங் மேதி மஞ்ஞதி, தி³ட்ட²ங்
அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘ஸுதங் ஸுததோ ஸஞ்ஜானாதி; ஸுதங் ஸுததோ ஸஞ்ஞத்வா ஸுதங் மஞ்ஞதி, ஸுதஸ்மிங் மஞ்ஞதி, ஸுததோ மஞ்ஞதி, ஸுதங் மேதி மஞ்ஞதி, ஸுதங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘முதங் முததோ ஸஞ்ஜானாதி; முதங் முததோ ஸஞ்ஞத்வா முதங்
மஞ்ஞதி, முதஸ்மிங் மஞ்ஞதி, முததோ மஞ்ஞதி, முதங் மேதி மஞ்ஞதி, முதங்
அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘விஞ்ஞாதங் விஞ்ஞாததோ ஸஞ்ஜானாதி; விஞ்ஞாதங் விஞ்ஞாததோ
ஸஞ்ஞத்வா விஞ்ஞாதங் மஞ்ஞதி, விஞ்ஞாதஸ்மிங் மஞ்ஞதி, விஞ்ஞாததோ மஞ்ஞதி,
விஞ்ஞாதங் மேதி மஞ்ஞதி, விஞ்ஞாதங் அபி⁴னந்த³தி. தங் கிஸ்ஸ ஹேது?
‘அபரிஞ்ஞாதங் தஸ்ஸா’தி வதா³மி.

6. ‘‘ஏகத்தங்
ஏகத்ததோ ஸஞ்ஜானாதி; ஏகத்தங் ஏகத்ததோ ஸஞ்ஞத்வா ஏகத்தங் மஞ்ஞதி, ஏகத்தஸ்மிங்
மஞ்ஞதி, ஏகத்ததோ மஞ்ஞதி, ஏகத்தங் மேதி மஞ்ஞதி, ஏகத்தங் அபி⁴னந்த³தி. தங்
கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘நானத்தங் நானத்ததோ ஸஞ்ஜானாதி; நானத்தங் நானத்ததோ
ஸஞ்ஞத்வா நானத்தங் மஞ்ஞதி, நானத்தஸ்மிங் மஞ்ஞதி, நானத்ததோ மஞ்ஞதி, நானத்தங்
மேதி மஞ்ஞதி, நானத்தங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங்
தஸ்ஸா’தி வதா³மி.

‘‘ஸப்³ப³ங் ஸப்³ப³தோ ஸஞ்ஜானாதி; ஸப்³ப³ங் ஸப்³ப³தோ ஸஞ்ஞத்வா ஸப்³ப³ங் மஞ்ஞதி, ஸப்³ப³ஸ்மிங் மஞ்ஞதி, ஸப்³ப³தோ மஞ்ஞதி, ஸப்³ப³ங் மேதி மஞ்ஞதி, ஸப்³ப³ங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘நிப்³பா³னங் நிப்³பா³னதோ ஸஞ்ஜானாதி; நிப்³பா³னங் நிப்³பா³னதோ ஸஞ்ஞத்வா நிப்³பா³னங் மஞ்ஞதி, நிப்³பா³னஸ்மிங் மஞ்ஞதி , நிப்³பா³னதோ மஞ்ஞதி, நிப்³பா³னங் மேதி மஞ்ஞதி, நிப்³பா³னங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

புது²ஜ்ஜனவஸேன பட²மனயபூ⁴மிபரிச்சே²தோ³ நிட்டி²தோ.

7. ‘‘யோபி ஸோ, பி⁴க்க²வே, பி⁴க்கு² ஸெக்கோ² [ஸேகோ² (ஸீ॰ ஸ்யா॰ கங்॰ பீ॰)] அப்பத்தமானஸோ அனுத்தரங் யோக³க்கே²மங் பத்த²யமானோ விஹரதி, ஸோபி பத²விங் பத²விதோ அபி⁴ஜானாதி; பத²விங் பத²விதோ அபி⁴ஞ்ஞாய [அபி⁴ஞ்ஞத்வா (க॰)] பத²விங் மா மஞ்ஞி [வா மஞ்ஞதி], பத²வியா மா மஞ்ஞி, பத²விதோ மா மஞ்ஞி, பத²விங் மேதி மா மஞ்ஞி, பத²விங் மாபி⁴னந்தி³ [வா அபி⁴னந்த³தி (ஸீ॰) டீகா ஓலோகேதப்³பா³]. தங் கிஸ்ஸ ஹேது? ‘பரிஞ்ஞெய்யங் தஸ்ஸா’தி வதா³மி.

‘‘ஆபங்…பே॰… தேஜங்… வாயங்… பூ⁴தே… தே³வே… பஜாபதிங்…
ப்³ரஹ்மங்… ஆப⁴ஸ்ஸரே… ஸுப⁴கிண்ஹே… வேஹப்ப²லே… அபி⁴பு⁴ங்… ஆகாஸானஞ்சாயதனங்…
விஞ்ஞாணஞ்சாயதனங்… ஆகிஞ்சஞ்ஞாயதனங்… நேவஸஞ்ஞானாஸஞ்ஞாயதனங்… தி³ட்ட²ங்…
ஸுதங்… முதங்… விஞ்ஞாதங்… ஏகத்தங்… நானத்தங்… ஸப்³ப³ங்… நிப்³பா³னங்
நிப்³பா³னதோ அபி⁴ஜானாதி; நிப்³பா³னங் நிப்³பா³னதோ அபி⁴ஞ்ஞாய
நிப்³பா³னங் மா மஞ்ஞி, நிப்³பா³னஸ்மிங் மா மஞ்ஞி, நிப்³பா³னதோ மா மஞ்ஞி,
நிப்³பா³னங் மேதி மா மஞ்ஞி, நிப்³பா³னங் மாபி⁴னந்தி³. தங் கிஸ்ஸ ஹேது?
‘பரிஞ்ஞெய்யங் தஸ்ஸா’தி வதா³மி.

ஸெக்க²வஸேன [ஸத்தா²ரவஸேன (ஸீ॰), ஸத்து²வஸேன (ஸ்யா॰ க॰)] து³தியனயபூ⁴மிபரிச்சே²தோ³ நிட்டி²தோ.

8.
‘‘யோபி ஸோ, பி⁴க்க²வே, பி⁴க்கு² அரஹங் கீ²ணாஸவோ வுஸிதவா கதகரணீயோ ஓஹிதபா⁴ரோ
அனுப்பத்தஸத³த்தோ² பரிக்கீ²ணப⁴வஸங்யோஜனோ ஸம்மத³ஞ்ஞா விமுத்தோ, ஸோபி
பத²விங் பத²விதோ அபி⁴ஜானாதி; பத²விங் பத²விதோ
அபி⁴ஞ்ஞாய பத²விங் ந மஞ்ஞதி, பத²வியா ந மஞ்ஞதி, பத²விதோ ந மஞ்ஞதி, பத²விங்
மேதி ந மஞ்ஞதி, பத²விங் நாபி⁴னந்த³தி. தங் கிஸ்ஸ ஹேது? ‘பரிஞ்ஞாதங்
தஸ்ஸா’தி வதா³மி.

‘‘ஆபங்…பே॰… தேஜங்… வாயங்… பூ⁴தே… தே³வே… பஜாபதிங்…
ப்³ரஹ்மங்… ஆப⁴ஸ்ஸரே… ஸுப⁴கிண்ஹே… வேஹப்ப²லே… அபி⁴பு⁴ங்… ஆகாஸானஞ்சாயதனங்…
விஞ்ஞாணஞ்சாயதனங்… ஆகிஞ்சஞ்ஞாயதனங்… நேவஸஞ்ஞானாஸஞ்ஞாயதனங்… தி³ட்ட²ங்…
ஸுதங்… முதங்… விஞ்ஞாதங்… ஏகத்தங்… நானத்தங்… ஸப்³ப³ங்… நிப்³பா³னங்
நிப்³பா³னதோ அபி⁴ஜானாதி; நிப்³பா³னங் நிப்³பா³னதோ அபி⁴ஞ்ஞாய நிப்³பா³னங் ந
மஞ்ஞதி, நிப்³பா³னஸ்மிங் ந மஞ்ஞதி, நிப்³பா³னதோ ந மஞ்ஞதி, நிப்³பா³னங் மேதி
ந மஞ்ஞதி, நிப்³பா³னங் நாபி⁴னந்த³தி. தங் கிஸ்ஸ ஹேது? ‘பரிஞ்ஞாதங்
தஸ்ஸா’தி வதா³மி.

கீ²ணாஸவவஸேன ததியனயபூ⁴மிபரிச்சே²தோ³ நிட்டி²தோ.

9. ‘‘யோபி
ஸோ, பி⁴க்க²வே, பி⁴க்கு² அரஹங் கீ²ணாஸவோ வுஸிதவா கதகரணீயோ ஓஹிதபா⁴ரோ
அனுப்பத்தஸத³த்தோ² பரிக்கீ²ணப⁴வஸங்யோஜனோ ஸம்மத³ஞ்ஞா விமுத்தோ, ஸோபி பத²விங்
பத²விதோ அபி⁴ஜானாதி; பத²விங் பத²விதோ அபி⁴ஞ்ஞாய
பத²விங் ந மஞ்ஞதி, பத²வியா ந மஞ்ஞதி, பத²விதோ ந மஞ்ஞதி, பத²விங் மேதி ந
மஞ்ஞதி, பத²விங் நாபி⁴னந்த³தி. தங் கிஸ்ஸ ஹேது? க²யா ராக³ஸ்ஸ, வீதராக³த்தா.

‘‘ஆபங்…பே॰… தேஜங்… வாயங்… பூ⁴தே… தே³வே… பஜாபதிங்…
ப்³ரஹ்மங்… ஆப⁴ஸ்ஸரே… ஸுப⁴கிண்ஹே… வேஹப்ப²லே… அபி⁴பு⁴ங்… ஆகாஸானஞ்சாயதனங்…
விஞ்ஞாணஞ்சாயதனங்… ஆகிஞ்சஞ்ஞாயதனங் … நேவஸஞ்ஞானாஸஞ்ஞாயதனங் …
தி³ட்ட²ங்… ஸுதங்… முதங்… விஞ்ஞாதங்… ஏகத்தங்… நானத்தங்… ஸப்³ப³ங்…
நிப்³பா³னங் நிப்³பா³னதோ அபி⁴ஜானாதி; நிப்³பா³னங் நிப்³பா³னதோ அபி⁴ஞ்ஞாய
நிப்³பா³னங் ந மஞ்ஞதி, நிப்³பா³னஸ்மிங் ந மஞ்ஞதி, நிப்³பா³னதோ ந மஞ்ஞதி,
நிப்³பா³னங் மேதி ந மஞ்ஞதி, நிப்³பா³னங் நாபி⁴னந்த³தி. தங் கிஸ்ஸ ஹேது?
க²யா ராக³ஸ்ஸ, வீதராக³த்தா.

கீ²ணாஸவவஸேன சதுத்த²னயபூ⁴மிபரிச்சே²தோ³ நிட்டி²தோ.

10.
‘‘யோபி ஸோ, பி⁴க்க²வே, பி⁴க்கு² அரஹங் கீ²ணாஸவோ வுஸிதவா கதகரணீயோ
ஓஹிதபா⁴ரோ அனுப்பத்தஸத³த்தோ² பரிக்கீ²ணப⁴வஸங்யோஜனோ ஸம்மத³ஞ்ஞா விமுத்தோ,
ஸோபி பத²விங் பத²விதோ அபி⁴ஜானாதி; பத²விங் பத²விதோ அபி⁴ஞ்ஞாய பத²விங் ந
மஞ்ஞதி, பத²வியா ந மஞ்ஞதி, பத²விதோ ந மஞ்ஞதி, பத²விங் மேதி ந மஞ்ஞதி,
பத²விங் நாபி⁴னந்த³தி. தங் கிஸ்ஸ ஹேது? க²யா தோ³ஸஸ்ஸ, வீததோ³ஸத்தா.

‘‘ஆபங்…பே॰… தேஜங்… வாயங்… பூ⁴தே… தே³வே… பஜாபதிங்…
ப்³ரஹ்மங்… ஆப⁴ஸ்ஸரே… ஸுப⁴கிண்ஹே… வேஹப்ப²லே… அபி⁴பு⁴ங்… ஆகாஸானஞ்சாயதனங்…
விஞ்ஞாணஞ்சாயதனங்… ஆகிஞ்சஞ்ஞாயதனங்… நேவஸஞ்ஞானாஸஞ்ஞாயதனங்… தி³ட்ட²ங்…
ஸுதங்… முதங்… விஞ்ஞாதங்… ஏகத்தங்… நானத்தங்… ஸப்³ப³ங்… நிப்³பா³னங்
நிப்³பா³னதோ அபி⁴ஜானாதி; நிப்³பா³னங் நிப்³பா³னதோ அபி⁴ஞ்ஞாய நிப்³பா³னங் ந
மஞ்ஞதி, நிப்³பா³னஸ்மிங் ந மஞ்ஞதி, நிப்³பா³னதோ ந மஞ்ஞதி, நிப்³பா³னங் மேதி
ந மஞ்ஞதி, நிப்³பா³னங் நாபி⁴னந்த³தி. தங் கிஸ்ஸ ஹேது? க²யா தோ³ஸஸ்ஸ,
வீததோ³ஸத்தா.

கீ²ணாஸவவஸேன பஞ்சமனயபூ⁴மிபரிச்சே²தோ³ நிட்டி²தோ.

11. ‘‘யோபி
ஸோ, பி⁴க்க²வே, பி⁴க்கு² அரஹங் கீ²ணாஸவோ வுஸிதவா கதகரணீயோ ஓஹிதபா⁴ரோ
அனுப்பத்தஸத³த்தோ² பரிக்கீ²ணப⁴வஸங்யோஜனோ ஸம்மத³ஞ்ஞா விமுத்தோ, ஸோபி பத²விங்
பத²விதோ அபி⁴ஜானாதி; பத²விங் பத²விதோ அபி⁴ஞ்ஞாய பத²விங் ந மஞ்ஞதி, பத²வியா
ந மஞ்ஞதி, பத²விதோ ந மஞ்ஞதி, பத²விங் மேதி ந மஞ்ஞதி, பத²விங்
நாபி⁴னந்த³தி. தங் கிஸ்ஸ ஹேது? க²யா மோஹஸ்ஸ, வீதமோஹத்தா.

‘‘ஆபங்…பே॰… தேஜங்… வாயங்… பூ⁴தே… தே³வே… பஜாபதிங்…
ப்³ரஹ்மங்… ஆப⁴ஸ்ஸரே… ஸுப⁴கிண்ஹே… வேஹப்ப²லே… அபி⁴பு⁴ங்… ஆகாஸானஞ்சாயதனங்…
விஞ்ஞாணஞ்சாயதனங்… ஆகிஞ்சஞ்ஞாயதனங் …
நேவஸஞ்ஞானாஸஞ்ஞாயதனங்… தி³ட்ட²ங்… ஸுதங்… முதங்… விஞ்ஞாதங்… ஏகத்தங்…
நானத்தங்… ஸப்³ப³ங்… நிப்³பா³னங் நிப்³பா³னதோ அபி⁴ஜானாதி; நிப்³பா³னங்
நிப்³பா³னதோ அபி⁴ஞ்ஞாய நிப்³பா³னங் ந மஞ்ஞதி, நிப்³பா³னஸ்மிங் ந மஞ்ஞதி,
நிப்³பா³னதோ ந மஞ்ஞதி, நிப்³பா³னங் மேதி ந மஞ்ஞதி, நிப்³பா³னங்
நாபி⁴னந்த³தி. தங் கிஸ்ஸ ஹேது? க²யா மோஹஸ்ஸ, வீதமோஹத்தா.

கீ²ணாஸவவஸேன ச²ட்ட²னயபூ⁴மிபரிச்சே²தோ³ நிட்டி²தோ.

12.
‘‘ததா²க³தோபி, பி⁴க்க²வே, அரஹங் ஸம்மாஸம்பு³த்³தோ⁴ பத²விங் பத²விதோ
அபி⁴ஜானாதி; பத²விங் பத²விதோ அபி⁴ஞ்ஞாய பத²விங் ந மஞ்ஞதி, பத²வியா ந
மஞ்ஞதி, பத²விதோ ந மஞ்ஞதி, பத²விங் மேதி ந மஞ்ஞதி, பத²விங் நாபி⁴னந்த³தி . தங் கிஸ்ஸ ஹேது? ‘பரிஞ்ஞாதந்தங் ததா²க³தஸ்ஸா’தி வதா³மி.

‘‘ஆபங்…பே॰… தேஜங்… வாயங்… பூ⁴தே… தே³வே… பஜாபதிங்…
ப்³ரஹ்மங்… ஆப⁴ஸ்ஸரே… ஸுப⁴கிண்ஹே… வேஹப்ப²லே… அபி⁴பு⁴ங்… ஆகாஸானஞ்சாயதனங்…
விஞ்ஞாணஞ்சாயதனங் … ஆகிஞ்சஞ்ஞாயதனங்…
நேவஸஞ்ஞானாஸஞ்ஞாயதனங்… தி³ட்ட²ங்… ஸுதங்… முதங்… விஞ்ஞாதங்… ஏகத்தங்…
நானத்தங்… ஸப்³ப³ங்… நிப்³பா³னங் நிப்³பா³னதோ அபி⁴ஜானாதி; நிப்³பா³னங்
நிப்³பா³னதோ அபி⁴ஞ்ஞாய நிப்³பா³னங் ந மஞ்ஞதி, நிப்³பா³னஸ்மிங் ந மஞ்ஞதி,
நிப்³பா³னதோ ந மஞ்ஞதி, நிப்³பா³னங் மேதி ந மஞ்ஞதி, நிப்³பா³னங்
நாபி⁴னந்த³தி. தங் கிஸ்ஸ ஹேது? ‘பரிஞ்ஞாதந்தங் ததா²க³தஸ்ஸா’தி வதா³மி.

ததா²க³தவஸேன ஸத்தமனயபூ⁴மிபரிச்சே²தோ³ நிட்டி²தோ.

13. ‘‘ததா²க³தோபி ,
பி⁴க்க²வே, அரஹங் ஸம்மாஸம்பு³த்³தோ⁴ பத²விங் பத²விதோ அபி⁴ஜானாதி; பத²விங்
பத²விதோ அபி⁴ஞ்ஞாய பத²விங் ந மஞ்ஞதி, பத²வியா ந மஞ்ஞதி, பத²விதோ ந மஞ்ஞதி,
பத²விங் மேதி ந மஞ்ஞதி, பத²விங் நாபி⁴னந்த³தி. தங் கிஸ்ஸ ஹேது? ‘நந்தீ³ [நந்தி³ (ஸீ॰ ஸ்யா॰)]
து³க்க²ஸ்ஸ மூல’ந்தி – இதி விதி³த்வா ‘ப⁴வா ஜாதி பூ⁴தஸ்ஸ ஜராமரண’ந்தி.
தஸ்மாதிஹ, பி⁴க்க²வே, ‘ததா²க³தோ ஸப்³ப³ஸோ தண்ஹானங் க²யா விராகா³ நிரோதா⁴
சாகா³ படினிஸ்ஸக்³கா³ அனுத்தரங் ஸம்மாஸம்போ³தி⁴ங் அபி⁴ஸம்பு³த்³தோ⁴’தி
வதா³மி.

‘‘ஆபங் …பே॰… தேஜங்… வாயங்…
பூ⁴தே… தே³வே… பஜாபதிங்… ப்³ரஹ்மங்… ஆப⁴ஸ்ஸரே… ஸுப⁴கிண்ஹே… வேஹப்ப²லே…
அபி⁴பு⁴ங்… ஆகாஸானஞ்சாயதனங்… விஞ்ஞாணஞ்சாயதனங்… ஆகிஞ்சஞ்ஞாயதனங்…
நேவஸஞ்ஞானாஸஞ்ஞாயதனங்… தி³ட்ட²ங்… ஸுதங்… முதங்… விஞ்ஞாதங்… ஏகத்தங்…
நானத்தங்… ஸப்³ப³ங்… நிப்³பா³னங் நிப்³பா³னதோ அபி⁴ஜானாதி; நிப்³பா³னங்
நிப்³பா³னதோ அபி⁴ஞ்ஞாய நிப்³பா³னங் ந மஞ்ஞதி, நிப்³பா³னஸ்மிங் ந மஞ்ஞதி,
நிப்³பா³னதோ ந மஞ்ஞதி, நிப்³பா³னங் மேதி ந மஞ்ஞதி, நிப்³பா³னங்
நாபி⁴னந்த³தி. தங் கிஸ்ஸ ஹேது? ‘நந்தீ³ து³க்க²ஸ்ஸ
மூல’ந்தி – இதி விதி³த்வா ‘ப⁴வா ஜாதி பூ⁴தஸ்ஸ ஜராமரண’ந்தி. தஸ்மாதிஹ,
பி⁴க்க²வே, ‘ததா²க³தோ ஸப்³ப³ஸோ தண்ஹானங் க²யா விராகா³ நிரோதா⁴ சாகா³
படினிஸ்ஸக்³கா³ அனுத்தரங் ஸம்மாஸம்போ³தி⁴ங் அபி⁴ஸம்பு³த்³தோ⁴’தி
வதா³மீ’’தி.

ததா²க³தவஸேன அட்ட²மனயபூ⁴மிபரிச்சே²தோ³ நிட்டி²தோ.

இத³மவோச ப⁴க³வா. ந தே பி⁴க்கூ² [ந அத்தமனா தேபி⁴க்கூ² (ஸ்யா॰), தே பி⁴க்கூ² (பீ॰ க॰)] ப⁴க³வதோ பா⁴ஸிதங் அபி⁴னந்து³ந்தி.

மூலபரியாயஸுத்தங் நிட்டி²தங் பட²மங்.

2. ஸப்³பா³ஸவஸுத்தங்

14. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
‘‘ஸப்³பா³ஸவஸங்வரபரியாயங் வோ, பி⁴க்க²வே, தே³ஸெஸ்ஸாமி. தங் ஸுணாத² , ஸாது⁴கங் மனஸி கரோத², பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

15.
‘‘ஜானதோ அஹங், பி⁴க்க²வே, பஸ்ஸதோ ஆஸவானங் க²யங் வதா³மி, நோ அஜானதோ நோ
அபஸ்ஸதோ. கிஞ்ச, பி⁴க்க²வே, ஜானதோ கிஞ்ச பஸ்ஸதோ ஆஸவானங் க²யங் வதா³மி?
யோனிஸோ ச மனஸிகாரங் அயோனிஸோ ச மனஸிகாரங். அயோனிஸோ, பி⁴க்க²வே, மனஸிகரோதோ
அனுப்பன்னா சேவ ஆஸவா உப்பஜ்ஜந்தி, உப்பன்னா ச ஆஸவா பவட்³ட⁴ந்தி; யோனிஸோ ச
கோ², பி⁴க்க²வே, மனஸிகரோதோ அனுப்பன்னா சேவ ஆஸவா ந உப்பஜ்ஜந்தி, உப்பன்னா ச
ஆஸவா பஹீயந்தி.

16.
‘‘அத்தி², பி⁴க்க²வே, ஆஸவா த³ஸ்ஸனா பஹாதப்³பா³, அத்தி² ஆஸவா ஸங்வரா
பஹாதப்³பா³, அத்தி² ஆஸவா படிஸேவனா பஹாதப்³பா³, அத்தி² ஆஸவா அதி⁴வாஸனா
பஹாதப்³பா³, அத்தி² ஆஸவா பரிவஜ்ஜனா பஹாதப்³பா³, அத்தி² ஆஸவா வினோத³னா
பஹாதப்³பா³, அத்தி² ஆஸவா பா⁴வனா பஹாதப்³பா³.

த³ஸ்ஸனா பஹாதப்³பா³ஸவா

17. ‘‘கதமே ச, பி⁴க்க²வே, ஆஸவா த³ஸ்ஸனா பஹாதப்³பா³? இத⁴, பி⁴க்க²வே ,
அஸ்ஸுதவா புது²ஜ்ஜனோ – அரியானங் அத³ஸ்ஸாவீ அரியத⁴ம்மஸ்ஸ அகோவிதோ³
அரியத⁴ம்மே அவினீதோ, ஸப்புரிஸானங் அத³ஸ்ஸாவீ ஸப்புரிஸத⁴ம்மஸ்ஸ அகோவிதோ³
ஸப்புரிஸத⁴ம்மே அவினீதோ – மனஸிகரணீயே த⁴ம்மே நப்பஜானாதி, அமனஸிகரணீயே
த⁴ம்மே நப்பஜானாதி. ஸோ மனஸிகரணீயே த⁴ம்மே அப்பஜானந்தோ அமனஸிகரணீயே த⁴ம்மே
அப்பஜானந்தோ, யே த⁴ம்மா ந மனஸிகரணீயா, தே த⁴ம்மே மனஸி கரோதி, யே த⁴ம்மா
மனஸிகரணீயா தே த⁴ம்மே ந மனஸி கரோதி.

‘‘கதமே ச, பி⁴க்க²வே, த⁴ம்மா ந
மனஸிகரணீயா யே த⁴ம்மே மனஸி கரோதி? யஸ்ஸ, பி⁴க்க²வே, த⁴ம்மே மனஸிகரோதோ
அனுப்பன்னோ வா காமாஸவோ உப்பஜ்ஜதி, உப்பன்னோ வா காமாஸவோ பவட்³ட⁴தி;
அனுப்பன்னோ வா ப⁴வாஸவோ உப்பஜ்ஜதி, உப்பன்னோ வா ப⁴வாஸவோ பவட்³ட⁴தி;
அனுப்பன்னோ வா அவிஜ்ஜாஸவோ உப்பஜ்ஜதி, உப்பன்னோ வா அவிஜ்ஜாஸவோ பவட்³ட⁴தி –
இமே த⁴ம்மா ந மனஸிகரணீயா யே த⁴ம்மே மனஸி கரோதி.

‘‘கதமே ச, பி⁴க்க²வே, த⁴ம்மா
மனஸிகரணீயா யே த⁴ம்மே ந மனஸி கரோதி? யஸ்ஸ, பி⁴க்க²வே, த⁴ம்மே மனஸிகரோதோ
அனுப்பன்னோ வா காமாஸவோ ந உப்பஜ்ஜதி, உப்பன்னோ வா காமாஸவோ பஹீயதி;
அனுப்பன்னோ வா ப⁴வாஸவோ ந உப்பஜ்ஜதி, உப்பன்னோ வா ப⁴வாஸவோ பஹீயதி;
அனுப்பன்னோ வா அவிஜ்ஜாஸவோ ந உப்பஜ்ஜதி, உப்பன்னோ வா அவிஜ்ஜாஸவோ பஹீயதி –
இமே த⁴ம்மா மனஸிகரணீயா யே த⁴ம்மே ந மனஸி கரோதி.

‘‘தஸ்ஸ அமனஸிகரணீயானங் த⁴ம்மானங் மனஸிகாரா மனஸிகரணீயானங் த⁴ம்மானங் அமனஸிகாரா அனுப்பன்னா சேவ ஆஸவா உப்பஜ்ஜந்தி உப்பன்னா ச ஆஸவா பவட்³ட⁴ந்தி.

18.
‘‘ஸோ ஏவங் அயோனிஸோ மனஸி கரோதி – ‘அஹோஸிங் நு கோ² அஹங் அதீதமத்³தா⁴னங்? ந
நு கோ² அஹோஸிங் அதீதமத்³தா⁴னங்? கிங் நு கோ² அஹோஸிங் அதீதமத்³தா⁴னங்? கத²ங்
நு கோ² அஹோஸிங் அதீதமத்³தா⁴னங்? கிங் ஹுத்வா கிங் அஹோஸிங் நு கோ² அஹங்
அதீதமத்³தா⁴னங்? ப⁴விஸ்ஸாமி நு கோ² அஹங் அனாக³தமத்³தா⁴னங்? ந நு கோ²
ப⁴விஸ்ஸாமி அனாக³தமத்³தா⁴னங்? கிங் நு கோ² ப⁴விஸ்ஸாமி அனாக³தமத்³தா⁴னங்?
கத²ங் நு கோ² ப⁴விஸ்ஸாமி அனாக³தமத்³தா⁴னங்? கிங் ஹுத்வா கிங் ப⁴விஸ்ஸாமி நு
கோ² அஹங் அனாக³தமத்³தா⁴ன’ந்தி? ஏதரஹி வா பச்சுப்பன்னமத்³தா⁴னங் [பச்சுப்பன்னமத்³தா⁴னங் ஆரப்³ப⁴ (ஸ்யா॰)]
அஜ்ஜ²த்தங் கத²ங்கதீ² ஹோதி – ‘அஹங் நு கொ²ஸ்மி? நோ நு கொ²ஸ்மி? கிங் நு
கொ²ஸ்மி? கத²ங் நு கொ²ஸ்மி? அயங் நு கோ² ஸத்தோ குதோ ஆக³தோ? ஸோ குஹிங் கா³மீ
ப⁴விஸ்ஸதீ’தி?

19. ‘‘தஸ்ஸ ஏவங் அயோனிஸோ மனஸிகரோதோ ச²ன்னங் தி³ட்டீ²னங் அஞ்ஞதரா தி³ட்டி² உப்பஜ்ஜதி. ‘அத்தி² மே அத்தா’தி வா அஸ்ஸ [வாஸ்ஸ (ஸீ॰ ஸ்யா॰ பீ॰)]
ஸச்சதோ தே²ததோ தி³ட்டி² உப்பஜ்ஜதி; ‘நத்தி² மே அத்தா’தி வா அஸ்ஸ ஸச்சதோ
தே²ததோ தி³ட்டி² உப்பஜ்ஜதி; ‘அத்தனாவ அத்தானங் ஸஞ்ஜானாமீ’தி வா அஸ்ஸ ஸச்சதோ
தே²ததோ தி³ட்டி² உப்பஜ்ஜதி; ‘அத்தனாவ அனத்தானங்
ஸஞ்ஜானாமீ’தி வா அஸ்ஸ ஸச்சதோ தே²ததோ தி³ட்டி² உப்பஜ்ஜதி; ‘அனத்தனாவ
அத்தானங் ஸஞ்ஜானாமீ’தி வா அஸ்ஸ ஸச்சதோ தே²ததோ தி³ட்டி² உப்பஜ்ஜதி; அத² வா
பனஸ்ஸ ஏவங் தி³ட்டி² ஹோதி – ‘யோ மே அயங் அத்தா வதோ³ வேதெ³ய்யோ தத்ர தத்ர
கல்யாணபாபகானங் கம்மானங் விபாகங் படிஸங்வேதே³தி ஸோ கோ² பன மே அயங் அத்தா
நிச்சோ து⁴வோ ஸஸ்ஸதோ அவிபரிணாமத⁴ம்மோ ஸஸ்ஸதிஸமங் ததே²வ ட²ஸ்ஸதீ’தி. இத³ங் வுச்சதி, பி⁴க்க²வே ,
தி³ட்டி²க³தங் தி³ட்டி²க³ஹனங் தி³ட்டி²கந்தாரங் தி³ட்டி²விஸூகங்
தி³ட்டி²விப்ப²ந்தி³தங் தி³ட்டி²ஸங்யோஜனங். தி³ட்டி²ஸங்யோஜனஸங்யுத்தோ,
பி⁴க்க²வே, அஸ்ஸுதவா புது²ஜ்ஜனோ ந பரிமுச்சதி ஜாதியா ஜராய மரணேன ஸோகேஹி
பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி; ‘ந பரிமுச்சதி
து³க்க²ஸ்மா’தி வதா³மி.

20.
‘‘ஸுதவா ச கோ², பி⁴க்க²வே, அரியஸாவகோ – அரியானங் த³ஸ்ஸாவீ அரியத⁴ம்மஸ்ஸ
கோவிதோ³ அரியத⁴ம்மே ஸுவினீதோ, ஸப்புரிஸானங் த³ஸ்ஸாவீ ஸப்புரிஸத⁴ம்மஸ்ஸ
கோவிதோ³ ஸப்புரிஸத⁴ம்மே ஸுவினீதோ – மனஸிகரணீயே த⁴ம்மே பஜானாதி அமனஸிகரணீயே
த⁴ம்மே பஜானாதி. ஸோ மனஸிகரணீயே த⁴ம்மே பஜானந்தோ அமனஸிகரணீயே த⁴ம்மே
பஜானந்தோ யே த⁴ம்மா ந மனஸிகரணீயா தே த⁴ம்மே ந மனஸி கரோதி, யே த⁴ம்மா மனஸிகரணீயா தே த⁴ம்மே மனஸி கரோதி.

‘‘கதமே ச, பி⁴க்க²வே, த⁴ம்மா ந மனஸிகரணீயா யே த⁴ம்மே ந
மனஸி கரோதி? யஸ்ஸ, பி⁴க்க²வே, த⁴ம்மே மனஸிகரோதோ அனுப்பன்னோ வா காமாஸவோ
உப்பஜ்ஜதி, உப்பன்னோ வா காமாஸவோ பவட்³ட⁴தி; அனுப்பன்னோ வா ப⁴வாஸவோ
உப்பஜ்ஜதி, உப்பன்னோ வா ப⁴வாஸவோ பவட்³ட⁴தி; அனுப்பன்னோ வா அவிஜ்ஜாஸவோ
உப்பஜ்ஜதி, உப்பன்னோ வா அவிஜ்ஜாஸவோ பவட்³ட⁴தி – இமே த⁴ம்மா ந மனஸிகரணீயா,
யே த⁴ம்மே ந மனஸி கரோதி.

‘‘கதமே ச, பி⁴க்க²வே, த⁴ம்மா மனஸிகரணீயா யே த⁴ம்மே
மனஸி கரோதி? யஸ்ஸ, பி⁴க்க²வே, த⁴ம்மே மனஸிகரோதோ அனுப்பன்னோ வா காமாஸவோ ந
உப்பஜ்ஜதி, உப்பன்னோ வா காமாஸவோ பஹீயதி; அனுப்பன்னோ வா ப⁴வாஸவோ ந உப்பஜ்ஜதி
, உப்பன்னோ வா ப⁴வாஸவோ பஹீயதி; அனுப்பன்னோ வா
அவிஜ்ஜாஸவோ ந உப்பஜ்ஜதி, உப்பன்னோ வா அவிஜ்ஜாஸவோ பஹீயதி – இமே த⁴ம்மா
மனஸிகரணீயா யே த⁴ம்மே மனஸி கரோதி.

‘‘தஸ்ஸ அமனஸிகரணீயானங் த⁴ம்மானங் அமனஸிகாரா
மனஸிகரணீயானங் த⁴ம்மானங் மனஸிகாரா அனுப்பன்னா சேவ ஆஸவா ந உப்பஜ்ஜந்தி,
உப்பன்னா ச ஆஸவா பஹீயந்தி.

21. ‘‘ஸோ ‘இத³ங் து³க்க²’ந்தி யோனிஸோ மனஸி கரோதி, ‘அயங் து³க்க²ஸமுத³யோ’தி யோனிஸோ மனஸி கரோதி, ‘அயங் து³க்க²னிரோதோ⁴’தி யோனிஸோ
மனஸி கரோதி, ‘அயங் து³க்க²னிரோத⁴கா³மினீ படிபதா³’தி யோனிஸோ மனஸி கரோதி.
தஸ்ஸ ஏவங் யோனிஸோ மனஸிகரோதோ தீணி ஸங்யோஜனானி பஹீயந்தி – ஸக்காயதி³ட்டி²,
விசிகிச்சா², ஸீலப்³ப³தபராமாஸோ. இமே வுச்சந்தி, பி⁴க்க²வே, ஆஸவா த³ஸ்ஸனா
பஹாதப்³பா³.

ஸங்வரா பஹாதப்³பா³ஸவா

22.
‘‘கதமே ச, பி⁴க்க²வே, ஆஸவா ஸங்வரா பஹாதப்³பா³? இத⁴, பி⁴க்க²வே, பி⁴க்கு²
படிஸங்கா² யோனிஸோ சக்கு²ந்த்³ரியஸங்வரஸங்வுதோ விஹரதி. யஞ்ஹிஸ்ஸ, பி⁴க்க²வே,
சக்கு²ந்த்³ரியஸங்வரங் அஸங்வுதஸ்ஸ விஹரதோ உப்பஜ்ஜெய்யுங் ஆஸவா
விகா⁴தபரிளாஹா, சக்கு²ந்த்³ரியஸங்வரங் ஸங்வுதஸ்ஸ விஹரதோ ஏவங்ஸ தே ஆஸவா
விகா⁴தபரிளாஹா ந ஹொந்தி. படிஸங்கா² யோனிஸோ ஸோதிந்த்³ரியஸங்வரஸங்வுதோ
விஹரதி…பே॰… கா⁴னிந்த்³ரியஸங்வரஸங்வுதோ விஹரதி…பே॰…
ஜிவ்ஹிந்த்³ரியஸங்வரஸங்வுதோ விஹரதி…பே॰… காயிந்த்³ரியஸங்வரஸங்வுதோ
விஹரதி…பே॰… மனிந்த்³ரியஸங்வரஸங்வுதோ விஹரதி. யஞ்ஹிஸ்ஸ, பி⁴க்க²வே ,
மனிந்த்³ரியஸங்வரங் அஸங்வுதஸ்ஸ விஹரதோ உப்பஜ்ஜெய்யுங் ஆஸவா விகா⁴தபரிளாஹா,
மனிந்த்³ரியஸங்வரங் ஸங்வுதஸ்ஸ விஹரதோ ஏவங்ஸ தே ஆஸவா விகா⁴தபரிளாஹா ந
ஹொந்தி.

‘‘யஞ்ஹிஸ்ஸ, பி⁴க்க²வே, ஸங்வரங் அஸங்வுதஸ்ஸ விஹரதோ உப்பஜ்ஜெய்யுங் ஆஸவா விகா⁴தபரிளாஹா , ஸங்வரங் ஸங்வுதஸ்ஸ விஹரதோ ஏவங்ஸ தே ஆஸவா விகா⁴தபரிளாஹா ந ஹொந்தி. இமே வுச்சந்தி, பி⁴க்க²வே, ஆஸவா ஸங்வரா பஹாதப்³பா³.

படிஸேவனா பஹாதப்³பா³ஸவா

23.
‘‘கதமே ச, பி⁴க்க²வே, ஆஸவா படிஸேவனா பஹாதப்³பா³? இத⁴, பி⁴க்க²வே, பி⁴க்கு²
படிஸங்கா² யோனிஸோ சீவரங் படிஸேவதி – ‘யாவதே³வ ஸீதஸ்ஸ படிகா⁴தாய, உண்ஹஸ்ஸ
படிகா⁴தாய, ட³ங்ஸமகஸவாதாதபஸரீங்ஸப- [ஸிரிங்ஸப (ஸீ॰ ஸ்யா॰ பீ॰)] ஸம்ப²ஸ்ஸானங் படிகா⁴தாய, யாவதே³வ ஹிரிகோபீனப்படிச்சா²த³னத்த²ங்’.

‘‘படிஸங்கா² யோனிஸோ பிண்ட³பாதங் படிஸேவதி – ‘நேவ த³வாய, ந மதா³ய, ந மண்ட³னாய, ந விபூ⁴ஸனாய, யாவதே³வ இமஸ்ஸ காயஸ்ஸ டி²தியா யாபனாய, விஹிங்ஸூபரதியா, ப்³ரஹ்மசரியானுக்³க³ஹாய, இதி புராணஞ்ச வேத³னங் படிஹங்கா²மி நவஞ்ச வேத³னங் ந உப்பாதெ³ஸ்ஸாமி, யாத்ரா ச மே ப⁴விஸ்ஸதி அனவஜ்ஜதா ச பா²ஸுவிஹாரோ ச’ [சாதி (ஸீ॰)].

‘‘படிஸங்கா² யோனிஸோ ஸேனாஸனங் படிஸேவதி – ‘யாவதே³வ
ஸீதஸ்ஸ படிகா⁴தாய, உண்ஹஸ்ஸ படிகா⁴தாய, ட³ங்ஸமகஸவாதாதபஸரீங்ஸபஸம்ப²ஸ்ஸானங்
படிகா⁴தாய, யாவதே³வ உதுபரிஸ்ஸயவினோத³னபடிஸல்லானாராமத்த²ங்’.

‘‘படிஸங்கா² யோனிஸோ கி³லானப்பச்சயபே⁴ஸஜ்ஜபரிக்கா²ரங்
படிஸேவதி – ‘யாவதே³வ உப்பன்னானங் வெய்யாபா³தி⁴கானங் வேத³னானங் படிகா⁴தாய,
அப்³யாப³ஜ்ஜ²பரமதாய’ [அப்³யாபஜ்ஜ²பரமதாய (ஸீ॰ ஸ்யா॰ பீ॰), அப்³யாபஜ்ஜபரமதாய (க॰)].

‘‘யஞ்ஹிஸ்ஸ, பி⁴க்க²வே, அப்படிஸேவதோ உப்பஜ்ஜெய்யுங் ஆஸவா விகா⁴தபரிளாஹா, படிஸேவதோ ஏவங்ஸ தே ஆஸவா விகா⁴தபரிளாஹா ந ஹொந்தி. இமே வுச்சந்தி, பி⁴க்க²வே, ஆஸவா படிஸேவனா பஹாதப்³பா³.

அதி⁴வாஸனா பஹாதப்³பா³ஸவா

24.
‘‘கதமே ச, பி⁴க்க²வே, ஆஸவா அதி⁴வாஸனா பஹாதப்³பா³? இத⁴, பி⁴க்க²வே,
பி⁴க்கு² படிஸங்கா² யோனிஸோ க²மோ ஹோதி ஸீதஸ்ஸ உண்ஹஸ்ஸ, ஜிக⁴ச்சா²ய பிபாஸாய.
ட³ங்ஸமகஸவாதாதபஸரீங்ஸபஸம்ப²ஸ்ஸானங், து³ருத்தானங் து³ராக³தானங் வசனபதா²னங்,
உப்பன்னானங் ஸாரீரிகானங் வேத³னானங் து³க்கா²னங் திப்³பா³னங் [திப்பானங் (ஸீ॰ ஸ்யா॰ பீ॰)] க²ரானங் கடுகானங் அஸாதானங் அமனாபானங் பாணஹரானங் அதி⁴வாஸகஜாதிகோ ஹோதி.

‘‘யஞ்ஹிஸ்ஸ, பி⁴க்க²வே, அனதி⁴வாஸயதோ உப்பஜ்ஜெய்யுங்
ஆஸவா விகா⁴தபரிளாஹா, அதி⁴வாஸயதோ ஏவங்ஸ தே ஆஸவா விகா⁴தபரிளாஹா ந ஹொந்தி. இமே
வுச்சந்தி, பி⁴க்க²வே, ஆஸவா அதி⁴வாஸனா பஹாதப்³பா³.

பரிவஜ்ஜனா பஹாதப்³பா³ஸவா

25. ‘‘கதமே ச, பி⁴க்க²வே, ஆஸவா பரிவஜ்ஜனா பஹாதப்³பா³? இத⁴, பி⁴க்க²வே, பி⁴க்கு²
படிஸங்கா² யோனிஸோ சண்ட³ங் ஹத்தி²ங் பரிவஜ்ஜேதி, சண்ட³ங் அஸ்ஸங்
பரிவஜ்ஜேதி, சண்ட³ங் கோ³ணங் பரிவஜ்ஜேதி, சண்ட³ங் குக்குரங் பரிவஜ்ஜேதி,
அஹிங் கா²ணுங் கண்டகட்டா²னங் ஸொப்³ப⁴ங் பபாதங் சந்த³னிகங் ஓளிக³ல்லங். யதா²ரூபே அனாஸனே நிஸின்னங்
யதா²ரூபே அகோ³சரே சரந்தங் யதா²ரூபே பாபகே மித்தே ப⁴ஜந்தங் விஞ்ஞூ
ஸப்³ரஹ்மசாரீ பாபகேஸு டா²னேஸு ஓகப்பெய்யுங், ஸோ தஞ்ச அனாஸனங் தஞ்ச அகோ³சரங்
தே ச பாபகே மித்தே படிஸங்கா² யோனிஸோ பரிவஜ்ஜேதி.

‘‘யஞ்ஹிஸ்ஸ, பி⁴க்க²வே, அபரிவஜ்ஜயதோ உப்பஜ்ஜெய்யுங்
ஆஸவா விகா⁴தபரிளாஹா, பரிவஜ்ஜயதோ ஏவங்ஸ தே ஆஸவா விகா⁴தபரிளாஹா ந ஹொந்தி. இமே
வுச்சந்தி, பி⁴க்க²வே, ஆஸவா பரிவஜ்ஜனா பஹாதப்³பா³.

வினோத³னா பஹாதப்³பா³ஸவா

26.
‘‘கதமே ச, பி⁴க்க²வே, ஆஸவா வினோத³னா பஹாதப்³பா³? இத⁴, பி⁴க்க²வே, பி⁴க்கு²
படிஸங்கா² யோனிஸோ உப்பன்னங் காமவிதக்கங் நாதி⁴வாஸேதி பஜஹதி வினோதே³தி
ப்³யந்தீகரோதி அனபா⁴வங் க³மேதி, உப்பன்னங் ப்³யாபாத³விதக்கங்…பே॰…
உப்பன்னங் விஹிங்ஸாவிதக்கங்…பே॰… உப்பன்னுப்பன்னே பாபகே அகுஸலே த⁴ம்மே
நாதி⁴வாஸேதி பஜஹதி வினோதே³தி ப்³யந்தீகரோதி அனபா⁴வங் க³மேதி.

‘‘யஞ்ஹிஸ்ஸ, பி⁴க்க²வே, அவினோத³யதோ உப்பஜ்ஜெய்யுங்
ஆஸவா விகா⁴தபரிளாஹா, வினோத³யதோ ஏவங்ஸ தே ஆஸவா விகா⁴தபரிளாஹா ந ஹொந்தி. இமே
வுச்சந்தி, பி⁴க்க²வே, ஆஸவா வினோத³னா பஹாதப்³பா³.

பா⁴வனா பஹாதப்³பா³ஸவா

27.
‘‘கதமே ச, பி⁴க்க²வே, ஆஸவா பா⁴வனா பஹாதப்³பா³? இத⁴, பி⁴க்க²வே, பி⁴க்கு²
படிஸங்கா² யோனிஸோ ஸதிஸம்பொ³ஜ்ஜ²ங்க³ங் பா⁴வேதி விவேகனிஸ்ஸிதங்
விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்; படிஸங்கா² யோனிஸோ
த⁴ம்மவிசயஸம்பொ³ஜ்ஜ²ங்க³ங் பா⁴வேதி…பே॰… வீரியஸம்பொ³ஜ்ஜ²ங்க³ங் பா⁴வேதி…
பீதிஸம்பொ³ஜ்ஜ²ங்க³ங் பா⁴வேதி…
பஸ்ஸத்³தி⁴ஸம்பொ³ஜ்ஜ²ங்க³ங் பா⁴வேதி… ஸமாதி⁴ஸம்பொ³ஜ்ஜ²ங்க³ங் பா⁴வேதி…
உபெக்கா²ஸம்பொ³ஜ்ஜ²ங்க³ங் பா⁴வேதி விவேகனிஸ்ஸிதங் விராக³னிஸ்ஸிதங்
நிரோத⁴னிஸ்ஸிதங் வொஸ்ஸக்³க³பரிணாமிங்.

‘‘யஞ்ஹிஸ்ஸ, பி⁴க்க²வே ,
அபா⁴வயதோ உப்பஜ்ஜெய்யுங் ஆஸவா விகா⁴தபரிளாஹா, பா⁴வயதோ ஏவங்ஸ தே ஆஸவா
விகா⁴தபரிளாஹா ந ஹொந்தி. இமே வுச்சந்தி, பி⁴க்க²வே, ஆஸவா பா⁴வனா
பஹாதப்³பா³.

28. ‘‘யதோ கோ², பி⁴க்க²வே, பி⁴க்கு²னோ யே ஆஸவா த³ஸ்ஸனா பஹாதப்³பா³ தே த³ஸ்ஸனா பஹீனா ஹொந்தி, யே ஆஸவா ஸங்வரா பஹாதப்³பா³
தே ஸங்வரா பஹீனா ஹொந்தி, யே ஆஸவா படிஸேவனா பஹாதப்³பா³ தே படிஸேவனா பஹீனா
ஹொந்தி, யே ஆஸவா அதி⁴வாஸனா பஹாதப்³பா³ தே அதி⁴வாஸனா பஹீனா ஹொந்தி, யே ஆஸவா
பரிவஜ்ஜனா பஹாதப்³பா³ தே பரிவஜ்ஜனா பஹீனா ஹொந்தி,
யே ஆஸவா வினோத³னா பஹாதப்³பா³ தே வினோத³னா பஹீனா ஹொந்தி, யே ஆஸவா பா⁴வனா
பஹாதப்³பா³ தே பா⁴வனா பஹீனா ஹொந்தி; அயங் வுச்சதி, பி⁴க்க²வே – ‘பி⁴க்கு²
ஸப்³பா³ஸவஸங்வரஸங்வுதோ விஹரதி, அச்செ²ச்சி² [அச்சே²ஜ்ஜி (க॰)] தண்ஹங், விவத்தயி [வாவத்தயி (ஸீ॰ பீ॰)] ஸங்யோஜனங், ஸம்மா மானாபி⁴ஸமயா அந்தமகாஸி து³க்க²ஸ்ஸா’’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

ஸப்³பா³ஸவஸுத்தங் நிட்டி²தங் து³தியங்.

3. த⁴ம்மதா³யாத³ஸுத்தங்

29.
ஏவங் மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே
அனாத²பிண்டி³கஸ்ஸ ஆராமே. தத்ர கோ² ப⁴க³வா பி⁴க்கூ² ஆமந்தேஸி –
‘‘பி⁴க்க²வோ’’தி. ‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா
ஏதத³வோச –

‘‘த⁴ம்மதா³யாதா³ மே, பி⁴க்க²வே, ப⁴வத², மா
ஆமிஸதா³யாதா³. அத்தி² மே தும்ஹேஸு அனுகம்பா – ‘கிந்தி மே ஸாவகா
த⁴ம்மதா³யாதா³ ப⁴வெய்யுங், நோ ஆமிஸதா³யாதா³’தி. தும்ஹே ச மே, பி⁴க்க²வே,
ஆமிஸதா³யாதா³ ப⁴வெய்யாத² நோ த⁴ம்மதா³யாதா³, தும்ஹேபி தேன ஆதி³யா [ஆதி³ஸ்ஸா (ஸீ॰ ஸ்யா॰ பீ॰)]
ப⁴வெய்யாத² – ‘ஆமிஸதா³யாதா³ ஸத்து²ஸாவகா விஹரந்தி, நோ த⁴ம்மதா³யாதா³’தி;
அஹம்பி தேன ஆதி³யோ ப⁴வெய்யங் – ‘ஆமிஸதா³யாதா³ ஸத்து²ஸாவகா விஹரந்தி, நோ
த⁴ம்மதா³யாதா³’தி. தும்ஹே ச மே, பி⁴க்க²வே, த⁴ம்மதா³யாதா³ ப⁴வெய்யாத², நோ
ஆமிஸதா³யாதா³, தும்ஹேபி தேன ந ஆதி³யா ப⁴வெய்யாத² – ‘த⁴ம்மதா³யாதா³
ஸத்து²ஸாவகா விஹரந்தி, நோ ஆமிஸதா³யாதா³’தி; அஹம்பி தேன ந ஆதி³யோ ப⁴வெய்யங் –
‘த⁴ம்மதா³யாதா³ ஸத்து²ஸாவகா விஹரந்தி, நோ ஆமிஸதா³யாதா³’தி. தஸ்மாதிஹ மே,
பி⁴க்க²வே, த⁴ம்மதா³யாதா³ ப⁴வத², மா ஆமிஸதா³யாதா³. அத்தி² மே தும்ஹேஸு அனுகம்பா – ‘கிந்தி மே ஸாவகா த⁴ம்மதா³யாதா³ ப⁴வெய்யுங், நோ ஆமிஸதா³யாதா³’தி.

30. ‘‘இதா⁴ஹங், பி⁴க்க²வே, பு⁴த்தாவீ அஸ்ஸங் பவாரிதோ பரிபுண்ணோ பரியோஸிதோ ஸுஹிதோ யாவத³த்தோ²; ஸியா ச மே பிண்ட³பாதோ அதிரேகத⁴ம்மோ ச²ட்³ட³னீயத⁴ம்மோ [ச²ட்³டி³யத⁴ம்மோ (ஸீ॰ ஸ்யா॰ பீ॰)]. அத² த்³வே பி⁴க்கூ² ஆக³ச்செ²ய்யுங் ஜிக⁴ச்சா²து³ப்³ப³ல்ய- [ஜிக⁴ச்சா²து³ப்³ப³ல்ல (ஸீ॰ பீ॰)] பரேதா .
த்யாஹங் ஏவங் வதெ³ய்யங் – ‘அஹங் கொ²ம்ஹி, பி⁴க்க²வே, பு⁴த்தாவீ பவாரிதோ
பரிபுண்ணோ பரியோஸிதோ ஸுஹிதோ யாவத³த்தோ²; அத்தி² ச மே அயங் பிண்ட³பாதோ
அதிரேகத⁴ம்மோ ச²ட்³ட³னீயத⁴ம்மோ. ஸசே ஆகங்க²த², பு⁴ஞ்ஜத², நோ சே தும்ஹே
பு⁴ஞ்ஜிஸ்ஸத² [ஸசே தும்ஹே ந பு⁴ஞ்ஜிஸ்ஸத² (ஸீ॰ ஸ்யா॰ பீ॰)],
இதா³னாஹங் அப்பஹரிதே வா ச²ட்³டெ³ஸ்ஸாமி, அப்பாணகே வா உத³கே
ஓபிலாபெஸ்ஸாமீ’தி. தத்ரேகஸ்ஸ பி⁴க்கு²னோ ஏவமஸ்ஸ – ‘ப⁴க³வா கோ² பு⁴த்தாவீ
பவாரிதோ பரிபுண்ணோ பரியோஸிதோ ஸுஹிதோ யாவத³த்தோ²; அத்தி² சாயங் ப⁴க³வதோ
பிண்ட³பாதோ அதிரேகத⁴ம்மோ ச²ட்³ட³னீயத⁴ம்மோ. ஸசே மயங் ந பு⁴ஞ்ஜிஸ்ஸாம,
இதா³னி ப⁴க³வா அப்பஹரிதே வா ச²ட்³டெ³ஸ்ஸதி, அப்பாணகே வா உத³கே
ஓபிலாபெஸ்ஸதி’ . வுத்தங் கோ² பனேதங் ப⁴க³வதா –
‘த⁴ம்மதா³யாதா³ மே, பி⁴க்க²வே, ப⁴வத², மா ஆமிஸதா³யாதா³’தி. ஆமிஸஞ்ஞதரங் கோ²
பனேதங், யதி³த³ங் பிண்ட³பாதோ. யங்னூனாஹங் இமங் பிண்ட³பாதங் அபு⁴ஞ்ஜித்வா
இமினாவ ஜிக⁴ச்சா²து³ப்³ப³ல்யேன ஏவங் இமங் ரத்திந்தி³வங் [ரத்திதி³வங் (க॰)]
வீதினாமெய்ய’’ந்தி. ஸோ தங் பிண்ட³பாதங் அபு⁴ஞ்ஜித்வா தேனேவ
ஜிக⁴ச்சா²து³ப்³ப³ல்யேன ஏவங் தங் ரத்திந்தி³வங் வீதினாமெய்ய. அத² து³தியஸ்ஸ
பி⁴க்கு²னோ ஏவமஸ்ஸ – ‘ப⁴க³வா கோ² பு⁴த்தாவீ பவாரிதோ பரிபுண்ணோ பரியோஸிதோ
ஸுஹிதோ யாவத³த்தோ²; அத்தி² சாயங் ப⁴க³வதோ பிண்ட³பாதோ அதிரேகத⁴ம்மோ
ச²ட்³ட³னீயத⁴ம்மோ. ஸசே மயங் ந பு⁴ஞ்ஜிஸ்ஸாம, இதா³னி ப⁴க³வா அப்பஹரிதே வா
ச²ட்³டெ³ஸ்ஸதி, அப்பாணகே வா உத³கே ஓபிலாபெஸ்ஸதி. யங்னூனாஹங் இமங் பிண்ட³பாதங் பு⁴ஞ்ஜித்வா ஜிக⁴ச்சா²து³ப்³ப³ல்யங் படிவினோதெ³த்வா [படிவினெத்வா (ஸீ॰ ஸ்யா॰ பீ॰)]
ஏவங் இமங் ரத்திந்தி³வங் வீதினாமெய்ய’ந்தி. ஸோ தங் பிண்ட³பாதங்
பு⁴ஞ்ஜித்வா ஜிக⁴ச்சா²து³ப்³ப³ல்யங் படிவினோதெ³த்வா ஏவங் தங் ரத்திந்தி³வங்
வீதினாமெய்ய. கிஞ்சாபி ஸோ, பி⁴க்க²வே, பி⁴க்கு² தங் பிண்ட³பாதங்
பு⁴ஞ்ஜித்வா ஜிக⁴ச்சா²து³ப்³ப³ல்யங் படிவினோதெ³த்வா ஏவங் தங் ரத்திந்தி³வங்
வீதினாமெய்ய, அத² கோ² அஸுயேவ மே புரிமோ பி⁴க்கு² புஜ்ஜதரோ ச பாஸங்ஸதரோ ச.
தங் கிஸ்ஸ ஹேது? தஞ்ஹி தஸ்ஸ, பி⁴க்க²வே, பி⁴க்கு²னோ தீ³க⁴ரத்தங்
அப்பிச்ச²தாய ஸந்துட்டி²யா ஸல்லேகா²ய ஸுப⁴ரதாய வீரியாரம்பா⁴ய
ஸங்வத்திஸ்ஸதி. தஸ்மாதிஹ மே, பி⁴க்க²வே, த⁴ம்மதா³யாதா³ ப⁴வத², மா
ஆமிஸதா³யாதா³. அத்தி² மே தும்ஹேஸு அனுகம்பா – ‘கிந்தி மே ஸாவகா
த⁴ம்மதா³யாதா³ ப⁴வெய்யுங், நோ ஆமிஸதா³யாதா³’’’தி.

இத³மவோச ப⁴க³வா. இத³ங் வத்வான [வத்வா (ஸீ॰ பீ॰) ஏவமீதி³ஸேஸு டா²னேஸு] ஸுக³தோ உட்டா²யாஸனா விஹாரங் பாவிஸி.

31. தத்ர கோ² ஆயஸ்மா ஸாரிபுத்தோ அசிரபக்கந்தஸ்ஸ ப⁴க³வதோ பி⁴க்கூ² ஆமந்தேஸி – ‘‘ஆவுஸோ பி⁴க்க²வே’’தி. ‘‘ஆவுஸோ’’தி கோ² தே பி⁴க்கூ² ஆயஸ்மதோ ஸாரிபுத்தஸ்ஸ பச்சஸ்ஸோஸுங். ஆயஸ்மா ஸாரிபுத்தோ ஏதத³வோச –

‘‘கித்தாவதா நு கோ², ஆவுஸோ, ஸத்து² பவிவித்தஸ்ஸ விஹரதோ
ஸாவகா விவேகங் நானுஸிக்க²ந்தி, கித்தாவதா ச பன ஸத்து² பவிவித்தஸ்ஸ விஹரதோ
ஸாவகா விவேகமனுஸிக்க²ந்தீ’’தி? ‘‘தூ³ரதோபி கோ² மயங், ஆவுஸோ, ஆக³ச்சா²ம
ஆயஸ்மதோ ஸாரிபுத்தஸ்ஸ ஸந்திகே ஏதஸ்ஸ பா⁴ஸிதஸ்ஸ அத்த²மஞ்ஞாதுங். ஸாது⁴
வதாயஸ்மந்தங்யேவ ஸாரிபுத்தங் படிபா⁴து ஏதஸ்ஸ பா⁴ஸிதஸ்ஸ அத்தோ²; ஆயஸ்மதோ
ஸாரிபுத்தஸ்ஸ ஸுத்வா பி⁴க்கூ² தா⁴ரெஸ்ஸந்தீ’’தி. ‘‘தேன
ஹாவுஸோ, ஸுணாத², ஸாது⁴கங் மனஸி கரோத², பா⁴ஸிஸ்ஸாமீ’’தி. ‘‘ஏவமாவுஸோ’’தி
கோ² தே பி⁴க்கூ² ஆயஸ்மதோ ஸாரிபுத்தஸ்ஸ பச்சஸ்ஸோஸுங். ஆயஸ்மா ஸாரிபுத்தோ
ஏதத³வோச –

‘‘கித்தாவதா நு கோ², ஆவுஸோ, ஸத்து² பவிவித்தஸ்ஸ விஹரதோ
ஸாவகா விவேகங் நானுஸிக்க²ந்தி? இதா⁴வுஸோ, ஸத்து² பவிவித்தஸ்ஸ விஹரதோ ஸாவகா
விவேகங் நானுஸிக்க²ந்தி, யேஸஞ்ச த⁴ம்மானங் ஸத்தா² பஹானமாஹ, தே ச த⁴ம்மே
நப்பஜஹந்தி, பா³ஹுலிகா [பா³ஹுல்லிகா (ஸ்யா॰)] ச
ஹொந்தி, ஸாத²லிகா, ஓக்கமனே புப்³ப³ங்க³மா, பவிவேகே நிக்கி²த்தது⁴ரா.
தத்ராவுஸோ, தே²ரா பி⁴க்கூ² தீஹி டா²னேஹி கா³ரய்ஹா ப⁴வந்தி. ‘ஸத்து²
பவிவித்தஸ்ஸ விஹரதோ ஸாவகா விவேகங் நானுஸிக்க²ந்தீ’தி – இமினா பட²மேன டா²னேன
தே²ரா பி⁴க்கூ² கா³ரய்ஹா ப⁴வந்தி. ‘யேஸஞ்ச த⁴ம்மானங் ஸத்தா² பஹானமாஹ தே ச
த⁴ம்மே நப்பஜஹந்தீ’தி – இமினா து³தியேன டா²னேன
தே²ரா பி⁴க்கூ² கா³ரய்ஹா ப⁴வந்தி. ‘பா³ஹுலிகா ச, ஸாத²லிகா, ஓக்கமனே
புப்³ப³ங்க³மா, பவிவேகே நிக்கி²த்தது⁴ரா’தி – இமினா ததியேன டா²னேன தே²ரா
பி⁴க்கூ² கா³ரய்ஹா ப⁴வந்தி. தே²ரா, ஆவுஸோ, பி⁴க்கூ² இமேஹி தீஹி டா²னேஹி
கா³ரய்ஹா ப⁴வந்தி. தத்ராவுஸோ, மஜ்ஜி²மா பி⁴க்கூ²…பே॰… நவா பி⁴க்கூ² தீஹி
டா²னேஹி கா³ரய்ஹா ப⁴வந்தி. ‘ஸத்து² பவிவித்தஸ்ஸ விஹரதோ
ஸாவகா விவேகங் நானுஸிக்க²ந்தீ’தி – இமினா பட²மேன டா²னேன நவா பி⁴க்கூ²
கா³ரய்ஹா ப⁴வந்தி. ‘யேஸஞ்ச த⁴ம்மானங் ஸத்தா² பஹானமாஹ தே ச த⁴ம்மே
நப்பஜஹந்தீ’தி – இமினா து³தியேன டா²னேன நவா பி⁴க்கூ² கா³ரய்ஹா ப⁴வந்தி.
‘பா³ஹுலிகா ச ஹொந்தி, ஸாத²லிகா, ஓக்கமனே புப்³ப³ங்க³மா, பவிவேகே
நிக்கி²த்தது⁴ரா’தி – இமினா ததியேன டா²னேன நவா பி⁴க்கூ² கா³ரய்ஹா ப⁴வந்தி.
நவா, ஆவுஸோ, பி⁴க்கூ² இமேஹி தீஹி டா²னேஹி கா³ரய்ஹா ப⁴வந்தி. எத்தாவதா கோ²,
ஆவுஸோ, ஸத்து² பவிவித்தஸ்ஸ விஹரதோ ஸாவகா விவேகங் நானுஸிக்க²ந்தி.

32. ‘‘கித்தாவதா ச, பனாவுஸோ, ஸத்து² பவிவித்தஸ்ஸ விஹரதோ ஸாவகா விவேகமனுஸிக்க²ந்தி ?
இதா⁴வுஸோ, ஸத்து² பவிவித்தஸ்ஸ விஹரதோ ஸாவகா விவேகமனுஸிக்க²ந்தி – யேஸஞ்ச
த⁴ம்மானங் ஸத்தா² பஹானமாஹ தே ச த⁴ம்மே பஜஹந்தி; ந ச பா³ஹுலிகா ஹொந்தி, ந
ஸாத²லிகா ஓக்கமனே நிக்கி²த்தது⁴ரா பவிவேகே புப்³ப³ங்க³மா. தத்ராவுஸோ, தே²ரா
பி⁴க்கூ² தீஹி டா²னேஹி பாஸங்ஸா ப⁴வந்தி. ‘ஸத்து² பவிவித்தஸ்ஸ விஹரதோ ஸாவகா
விவேகமனுஸிக்க²ந்தீ’தி – இமினா பட²மேன டா²னேன தே²ரா பி⁴க்கூ² பாஸங்ஸா
ப⁴வந்தி. ‘யேஸஞ்ச த⁴ம்மானங் ஸத்தா² பஹானமாஹ தே ச த⁴ம்மே பஜஹந்தீ’தி – இமினா
து³தியேன டா²னேன தே²ரா பி⁴க்கூ² பாஸங்ஸா ப⁴வந்தி.
‘ந ச பா³ஹுலிகா, ந ஸாத²லிகா ஓக்கமனே நிக்கி²த்தது⁴ரா பவிவேகே
புப்³ப³ங்க³மா’தி – இமினா ததியேன டா²னேன தே²ரா பி⁴க்கூ² பாஸங்ஸா ப⁴வந்தி.
தே²ரா, ஆவுஸோ, பி⁴க்கூ² இமேஹி தீஹி டா²னேஹி பாஸங்ஸா ப⁴வந்தி .
தத்ராவுஸோ, மஜ்ஜி²மா பி⁴க்கூ²…பே॰… நவா பி⁴க்கூ² தீஹி டா²னேஹி பாஸங்ஸா
ப⁴வந்தி. ‘ஸத்து² பவிவித்தஸ்ஸ விஹரதோ ஸாவகா விவேகமனுஸிக்க²ந்தீ’தி – இமினா
பட²மேன டா²னேன நவா பி⁴க்கூ² பாஸங்ஸா ப⁴வந்தி. ‘யேஸஞ்ச த⁴ம்மானங் ஸத்தா²
பஹானமாஹ தே ச த⁴ம்மே பஜஹந்தீ’தி – இமினா து³தியேன டா²னேன நவா பி⁴க்கூ²
பாஸங்ஸா ப⁴வந்தி. ‘ந ச பா³ஹுலிகா, ந ஸாத²லிகா ஓக்கமனே நிக்கி²த்தது⁴ரா
பவிவேகே புப்³ப³ங்க³மா’தி – இமினா ததியேன டா²னேன நவா பி⁴க்கூ² பாஸங்ஸா
ப⁴வந்தி. நவா, ஆவுஸோ, பி⁴க்கூ² இமேஹி தீஹி டா²னேஹி பாஸங்ஸா ப⁴வந்தி. எத்தாவதா கோ², ஆவுஸோ, ஸத்து² பவிவித்தஸ்ஸ விஹரதோ ஸாவகா விவேகமனுஸிக்க²ந்தி.

33.
‘‘தத்ராவுஸோ, லோபோ⁴ ச பாபகோ தோ³ஸோ ச பாபகோ. லோப⁴ஸ்ஸ ச பஹானாய தோ³ஸஸ்ஸ ச
பஹானாய அத்தி² மஜ்ஜி²மா படிபதா³ சக்கு²கரணீ ஞாணகரணீ உபஸமாய அபி⁴ஞ்ஞாய
ஸம்போ³தா⁴ய நிப்³பா³னாய ஸங்வத்ததி. கதமா ச ஸா, ஆவுஸோ, மஜ்ஜி²மா படிபதா³
சக்கு²கரணீ ஞாணகரணீ உபஸமாய அபி⁴ஞ்ஞாய ஸம்போ³தா⁴ய நிப்³பா³னாய ஸங்வத்ததி?
அயமேவ அரியோ அட்ட²ங்கி³கோ மக்³கோ³, ஸெய்யதி²த³ங் [ஸெய்யதீ²த³ங் (ஸீ॰ ஸ்யா॰ பீ॰)]
– ஸம்மாதி³ட்டி² ஸம்மாஸங்கப்போ ஸம்மாவாசா ஸம்மாகம்மந்தோ ஸம்மாஆஜீவோ
ஸம்மாவாயாமோ ஸம்மாஸதி ஸம்மாஸமாதி⁴. அயங் கோ² ஸா, ஆவுஸோ, மஜ்ஜி²மா படிபதா³
சக்கு²கரணீ ஞாணகரணீ உபஸமாய அபி⁴ஞ்ஞாய ஸம்போ³தா⁴ய நிப்³பா³னாய ஸங்வத்ததி.

‘‘தத்ராவுஸோ, கோதோ⁴ ச பாபகோ உபனாஹோ ச
பாபகோ…பே॰… மக்கோ² ச பாபகோ பளாஸோ ச பாபகோ, இஸ்ஸா ச பாபிகா மச்சே²ரஞ்ச
பாபகங், மாயா ச பாபிகா ஸாடெ²ய்யஞ்ச பாபகங், த²ம்போ⁴ ச பாபகோ ஸாரம்போ⁴
ச பாபகோ, மானோ ச பாபகோ அதிமானோ ச பாபகோ, மதோ³ ச பாபகோ பமாதோ³ ச பாபகோ.
மத³ஸ்ஸ ச பஹானாய பமாத³ஸ்ஸ ச பஹானாய அத்தி² மஜ்ஜி²மா படிபதா³ சக்கு²கரணீ
ஞாணகரணீ உபஸமாய அபி⁴ஞ்ஞாய ஸம்போ³தா⁴ய நிப்³பா³னாய ஸங்வத்ததி. கதமா ச ஸா,
ஆவுஸோ, மஜ்ஜி²மா படிபதா³ சக்கு²கரணீ ஞாணகரணீ உபஸமாய அபி⁴ஞ்ஞாய ஸம்போ³தா⁴ய
நிப்³பா³னாய ஸங்வத்ததி? அயமேவ அரியோ அட்ட²ங்கி³கோ மக்³கோ³, ஸெய்யதி²த³ங் –
ஸம்மாதி³ட்டி² ஸம்மாஸங்கப்போ ஸம்மாவாசா ஸம்மாகம்மந்தோ ஸம்மாஆஜீவோ
ஸம்மாவாயாமோ ஸம்மாஸதி ஸம்மாஸமாதி⁴. அயங் கோ² ஸா, ஆவுஸோ, மஜ்ஜி²மா படிபதா³ சக்கு²கரணீ ஞாணகரணீ உபஸமாய அபி⁴ஞ்ஞாய ஸம்போ³தா⁴ய நிப்³பா³னாய ஸங்வத்ததீ’’தி.

இத³மவோசாயஸ்மா ஸாரிபுத்தோ. அத்தமனா தே பி⁴க்கூ² ஆயஸ்மதோ ஸாரிபுத்தஸ்ஸ பா⁴ஸிதங் அபி⁴னந்து³ந்தி.

த⁴ம்மதா³யாத³ஸுத்தங் நிட்டி²தங் ததியங்.

4. ப⁴யபே⁴ரவஸுத்தங்

34. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. அத² கோ² ஜாணுஸ்ஸோணி ப்³ராஹ்மணோ யேன ப⁴க³வா தேனுபஸங்கமி;
உபஸங்கமித்வா ப⁴க³வதா ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் [ஸாராணீயங் (ஸீ॰ ஸ்யா॰ பீ॰)]
வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² ஜாணுஸ்ஸோணி
ப்³ராஹ்மணோ ப⁴க³வந்தங் ஏதத³வோச – ‘‘யேமே, போ⁴ கோ³தம, குலபுத்தா ப⁴வந்தங்
கோ³தமங் உத்³தி³ஸ்ஸ ஸத்³தா⁴ அகா³ரஸ்மா அனகா³ரியங் பப்³ப³ஜிதா, ப⁴வங் தேஸங்
கோ³தமோ புப்³ப³ங்க³மோ, ப⁴வங் தேஸங் கோ³தமோ ப³ஹுகாரோ, ப⁴வங் தேஸங் கோ³தமோ
ஸமாத³பேதா [ஸமாதா³பேதா (?)]; போ⁴தோ ச பன
கோ³தமஸ்ஸ ஸா ஜனதா தி³ட்டா²னுக³திங் ஆபஜ்ஜதீ’’தி. ‘‘ஏவமேதங், ப்³ராஹ்மண,
ஏவமேதங், ப்³ராஹ்மண! யே தே, ப்³ராஹ்மண, குலபுத்தா மமங் உத்³தி³ஸ்ஸ ஸத்³தா⁴
அகா³ரஸ்மா அனகா³ரியங் பப்³ப³ஜிதா, அஹங் தேஸங் புப்³ப³ங்க³மோ, அஹங் தேஸங்
ப³ஹுகாரோ, அஹங் தேஸங் ஸமாத³பேதா; மம ச பன ஸா ஜனதா தி³ட்டா²னுக³திங்
ஆபஜ்ஜதீ’’தி. ‘‘து³ரபி⁴ஸம்ப⁴வானி ஹி கோ², போ⁴ கோ³தம, அரஞ்ஞவனபத்தா²னி
பந்தானி ஸேனாஸனானி, து³க்கரங் பவிவேகங், து³ரபி⁴ரமங் ஏகத்தே, ஹரந்தி மஞ்ஞே
மனோ வனானி ஸமாதி⁴ங் அலப⁴மானஸ்ஸ பி⁴க்கு²னோ’’தி . ‘‘ஏவமேதங், ப்³ராஹ்மண, ஏவமேதங், ப்³ராஹ்மண! து³ரபி⁴ஸம்ப⁴வானி ஹி கோ², ப்³ராஹ்மண, அரஞ்ஞவனபத்தா²னி பந்தானி ஸேனாஸனானி, து³க்கரங் பவிவேகங், து³ரபி⁴ரமங் ஏகத்தே, ஹரந்தி மஞ்ஞே மனோ வனானி ஸமாதி⁴ங் அலப⁴மானஸ்ஸ பி⁴க்கு²னோ’’தி.

35.
‘‘மய்ஹம்பி கோ², ப்³ராஹ்மண, புப்³பே³வ ஸம்போ³தா⁴ அனபி⁴ஸம்பு³த்³த⁴ஸ்ஸ
போ³தி⁴ஸத்தஸ்ஸேவ ஸதோ ஏதத³ஹோஸி – ‘து³ரபி⁴ஸம்ப⁴வானி ஹி கோ² அரஞ்ஞவனபத்தா²னி
பந்தானி ஸேனாஸனானி, து³க்கரங் பவிவேகங், து³ரபி⁴ரமங் ஏகத்தே, ஹரந்தி மஞ்ஞே
மனோ வனானி ஸமாதி⁴ங் அலப⁴மானஸ்ஸ பி⁴க்கு²னோ’தி. தஸ்ஸ மய்ஹங் ப்³ராஹ்மண,
ஏதத³ஹோஸி – ‘யே கோ² கேசி ஸமணா வா ப்³ராஹ்மணா வா அபரிஸுத்³த⁴காயகம்மந்தா
அரஞ்ஞவனபத்தா²னி பந்தானி ஸேனாஸனானி படிஸேவந்தி,
அபரிஸுத்³த⁴காயகம்மந்தஸந்தோ³ஸஹேது ஹவே தே பொ⁴ந்தோ ஸமணப்³ராஹ்மணா அகுஸலங்
ப⁴யபே⁴ரவங் அவ்ஹாயந்தி. ந கோ² பனாஹங் அபரிஸுத்³த⁴காயகம்மந்தோ
அரஞ்ஞவனபத்தா²னி பந்தானி ஸேனாஸனானி படிஸேவாமி;
பரிஸுத்³த⁴காயகம்மந்தோஹமஸ்மி. யே ஹி வோ அரியா பரிஸுத்³த⁴காயகம்மந்தா அரஞ்ஞவனபத்தா²னி
பந்தானி ஸேனாஸனானி படிஸேவந்தி தேஸமஹங் அஞ்ஞதரோ’தி. ஏதமஹங், ப்³ராஹ்மண,
பரிஸுத்³த⁴காயகம்மதங் அத்தனி ஸம்பஸ்ஸமானோ பி⁴ய்யோ பல்லோமமாபாதி³ங் அரஞ்ஞே
விஹாராய.

36. ‘‘தஸ்ஸ மய்ஹங், ப்³ராஹ்மண, ஏதத³ஹோஸி – ‘யே கோ² கேசி ஸமணா வா ப்³ராஹ்மணா வா அபரிஸுத்³த⁴வசீகம்மந்தா…பே॰… அபரிஸுத்³த⁴மனோகம்மந்தா
…பே॰… அபரிஸுத்³தா⁴ஜீவா அரஞ்ஞவனபத்தா²னி பந்தானி ஸேனாஸனானி படிஸேவந்தி,
அபரிஸுத்³தா⁴ஜீவஸந்தோ³ஸஹேது ஹவே தே பொ⁴ந்தோ ஸமணப்³ராஹ்மணா அகுஸலங்
ப⁴யபே⁴ரவங் அவ்ஹாயந்தி. ந கோ² பனாஹங் அபரிஸுத்³தா⁴ஜீவோ அரஞ்ஞவனபத்தா²னி
பந்தானி ஸேனாஸனானி படிஸேவாமி; பரிஸுத்³தா⁴ஜீவோஹமஸ்மி. யே ஹி வோ அரியா
பரிஸுத்³தா⁴ஜீவா அரஞ்ஞவனபத்தா²னி பந்தானி ஸேனாஸனானி படிஸேவந்தி தேஸமஹங்
அஞ்ஞதரோ’தி. ஏதமஹங், ப்³ராஹ்மண, பரிஸுத்³தா⁴ஜீவதங் அத்தனி ஸம்பஸ்ஸமானோ
பி⁴ய்யோ பல்லோமமாபாதி³ங் அரஞ்ஞே விஹாராய.

37.
‘‘தஸ்ஸ மய்ஹங், ப்³ராஹ்மண, ஏதத³ஹோஸி – ‘யே கோ² கேசி ஸமணா வா ப்³ராஹ்மணா வா
அபி⁴ஜ்ஜா²லூ காமேஸு திப்³ப³ஸாராகா³ அரஞ்ஞவனபத்தா²னி பந்தானி ஸேனாஸனானி
படிஸேவந்தி, அபி⁴ஜ்ஜா²லுகாமேஸுதிப்³ப³ஸாராக³ஸந்தோ³ஸஹேது ஹவே தே பொ⁴ந்தோ
ஸமணப்³ராஹ்மணா அகுஸலங் ப⁴யபே⁴ரவங் அவ்ஹாயந்தி. ந கோ² பனாஹங் அபி⁴ஜ்ஜா²லு
காமேஸு திப்³ப³ஸாராகோ³ அரஞ்ஞவனபத்தா²னி பந்தானி ஸேனாஸனானி படிஸேவாமி;
அனபி⁴ஜ்ஜா²லூஹமஸ்மி. யே ஹி வோ அரியா அனபி⁴ஜ்ஜா²லூ அரஞ்ஞவனபத்தா²னி பந்தானி
ஸேனாஸனானி படிஸேவந்தி , தேஸமஹங் அஞ்ஞதரோ’தி. ஏதமஹங், ப்³ராஹ்மண, அனபி⁴ஜ்ஜா²லுதங் அத்தனி ஸம்பஸ்ஸமானோ பி⁴ய்யோ பல்லோமமாபாதி³ங் அரஞ்ஞே விஹாராய.

38. ‘‘தஸ்ஸ மய்ஹங், ப்³ராஹ்மண, ஏதத³ஹோஸி – ‘யே கோ² கேசி ஸமணா வா ப்³ராஹ்மணா வா ப்³யாபன்னசித்தா பது³ட்ட²மனஸங்கப்பா அரஞ்ஞவனபத்தா²னி
பந்தானி ஸேனாஸனானி படிஸேவந்தி,
ப்³யாபன்னசித்தபது³ட்ட²மனஸங்கப்பஸந்தோ³ஸஹேது ஹவே தே பொ⁴ந்தோ ஸமணப்³ராஹ்மணா
அகுஸலங் ப⁴யபே⁴ரவங் அவ்ஹாயந்தி. ந கோ² பனாஹங் ப்³யாபன்னசித்தோ
பது³ட்ட²மனஸங்கப்போ அரஞ்ஞவனபத்தா²னி பந்தானி ஸேனாஸனானி படிஸேவாமி;
மெத்தசித்தோஹமஸ்மி. யே ஹி வோ அரியா மெத்தசித்தா அரஞ்ஞவனபத்தா²னி பந்தானி
ஸேனாஸனானி படிஸேவந்தி தேஸமஹங் அஞ்ஞதரோ’தி. ஏதமஹங், ப்³ராஹ்மண,
மெத்தசித்ததங் அத்தனி ஸம்பஸ்ஸமானோ பி⁴ய்யோ பல்லோமமாபாதி³ங் அரஞ்ஞே விஹாராய.

39. ‘‘தஸ்ஸ
மய்ஹங், ப்³ராஹ்மண, ஏதத³ஹோஸி – ‘யே கோ² கேசி ஸமணா வா ப்³ராஹ்மணா வா
தீ²னமித்³த⁴பரியுட்டி²தா அரஞ்ஞவனபத்தா²னி பந்தானி ஸேனாஸனானி படிஸேவந்தி,
தீ²னமித்³த⁴பரியுட்டா²னஸந்தோ³ஸஹேது ஹவே தே பொ⁴ந்தோ ஸமணப்³ராஹ்மணா அகுஸலங்
ப⁴யபே⁴ரவங் அவ்ஹாயந்தி. ந கோ² பனாஹங் தீ²னமித்³த⁴பரியுட்டி²தோ
அரஞ்ஞவனபத்தா²னி பந்தானி ஸேனாஸனானி படிஸேவாமி; விக³ததீ²னமித்³தோ⁴ஹமஸ்மி. யே
ஹி வோ அரியா விக³ததீ²னமித்³தா⁴ அரஞ்ஞவனபத்தா²னி பந்தானி ஸேனாஸனானி
படிஸேவந்தி தேஸமஹங் அஞ்ஞதரோ’தி. ஏதமஹங், ப்³ராஹ்மண, விக³ததீ²னமித்³த⁴தங்
அத்தனி ஸம்பஸ்ஸமானோ பி⁴ய்யோ பல்லோமமாபாதி³ங் அரஞ்ஞே விஹாராய.

40.
‘‘தஸ்ஸ மய்ஹங், ப்³ராஹ்மண, ஏதத³ஹோஸி – ‘யே கோ² கேசி ஸமணா வா ப்³ராஹ்மணா வா
உத்³த⁴தா அவூபஸந்தசித்தா அரஞ்ஞவனபத்தா²னி பந்தானி ஸேனாஸனானி படிஸேவந்தி,
உத்³த⁴தஅவூபஸந்தசித்தஸந்தோ³ஸஹேது ஹவே தே பொ⁴ந்தோ
ஸமணப்³ராஹ்மணா அகுஸலங் ப⁴யபே⁴ரவங் அவ்ஹாயந்தி. ந கோ² பனாஹங் உத்³த⁴தோ
அவூபஸந்தசித்தோ அரஞ்ஞவனபத்தா²னி பந்தானி ஸேனாஸனானி படிஸேவாமி;
வூபஸந்தசித்தோஹமஸ்மி. யே ஹி வோ அரியா வூபஸந்தசித்தா அரஞ்ஞவனபத்தா²னி
பந்தானி ஸேனாஸனானி படிஸேவந்தி, தேஸமஹங் அஞ்ஞதரோ’தி. ஏதமஹங், ப்³ராஹ்மண,
வூபஸந்தசித்ததங் அத்தனி ஸம்பஸ்ஸமானோ பி⁴ய்யோ பல்லோமமாபாதி³ங் அரஞ்ஞே
விஹாராய.

41.
‘‘தஸ்ஸ மய்ஹங், ப்³ராஹ்மண, ஏதத³ஹோஸி – ‘யே கோ² கேசி ஸமணா வா ப்³ராஹ்மணா வா
கங்கீ² விசிகிச்சீ² அரஞ்ஞவனபத்தா²னி பந்தானி ஸேனாஸனானி படிஸேவந்தி,
கங்கி²விசிகிச்சி²ஸந்தோ³ஸஹேது ஹவே தே பொ⁴ந்தோ ஸமணப்³ராஹ்மணா அகுஸலங்
ப⁴யபே⁴ரவங் அவ்ஹாயந்தி. ந கோ² பனாஹங் கங்கீ² விசிகிச்சீ² அரஞ்ஞவனபத்தா²னி
பந்தானி ஸேனாஸனானி படிஸேவாமி; திண்ணவிசிகிச்சோ²ஹமஸ்மி. யே ஹி வோ அரியா
திண்ணவிசிகிச்சா² அரஞ்ஞவனபத்தா²னி பந்தானி ஸேனாஸனானி படிஸேவந்தி தேஸமஹங்
அஞ்ஞதரோ’தி. ஏதமஹங், ப்³ராஹ்மண, திண்ணவிசிகிச்ச²தங் அத்தனி ஸம்பஸ்ஸமானோ பி⁴ய்யோ பல்லோமமாபாதி³ங் அரஞ்ஞே விஹாராய.

42.
‘‘தஸ்ஸ மய்ஹங், ப்³ராஹ்மண, ஏதத³ஹோஸி – ‘யே கோ² கேசி ஸமணா வா ப்³ராஹ்மணா வா
அத்துக்கங்ஸகா பரவம்பீ⁴ அரஞ்ஞவனபத்தா²னி பந்தானி ஸேனாஸனானி படிஸேவந்தி,
அத்துக்கங்ஸனபரவம்ப⁴னஸந்தோ³ஸஹேது ஹவே தே பொ⁴ந்தோ ஸமணப்³ராஹ்மணா அகுஸலங் ப⁴யபே⁴ரவங் அவ்ஹாயந்தி . ந கோ² பனாஹங் அத்துக்கங்ஸகோ பரவம்பீ⁴ அரஞ்ஞவனபத்தா²னி பந்தானி ஸேனாஸனானி படிஸேவாமி ;
அனத்துக்கங்ஸகோ அபரவம்பீ⁴ஹமஸ்மி. யே ஹி வோ அரியா அனத்துக்கங்ஸகா அபரவம்பீ⁴
அரஞ்ஞவனபத்தா²னி பந்தானி ஸேனாஸனானி படிஸேவந்தி தேஸமஹங் அஞ்ஞதரோ’தி.
ஏதமஹங், ப்³ராஹ்மண, அனத்துக்கங்ஸகதங் அபரவம்பி⁴தங் அத்தனி ஸம்பஸ்ஸமானோ
பி⁴ய்யோ பல்லோமமாபாதி³ங் அரஞ்ஞே விஹாராய.

43.
‘‘தஸ்ஸ மய்ஹங், ப்³ராஹ்மண, ஏதத³ஹோஸி – ‘யே கோ² கேசி ஸமணா வா ப்³ராஹ்மணா வா
ச²ம்பீ⁴ பீ⁴ருகஜாதிகா அரஞ்ஞவனபத்தா²னி பந்தானி ஸேனாஸனானி படிஸேவந்தி,
ச²ம்பி⁴பீ⁴ருகஜாதிகஸந்தோ³ஸஹேது ஹவே தே பொ⁴ந்தோ ஸமணப்³ராஹ்மணா அகுஸலங்
ப⁴யபே⁴ரவங் அவ்ஹாயந்தி. ந கோ² பனாஹங் ச²ம்பீ⁴ பீ⁴ருகஜாதிகோ அரஞ்ஞவனபத்தா²னி
பந்தானி ஸேனாஸனானி படிஸேவாமி; விக³தலோமஹங்ஸோஹமஸ்மி. யே ஹி வோ அரியா
விக³தலோமஹங்ஸா அரஞ்ஞவனபத்தா²னி பந்தானி ஸேனாஸனானி படிஸேவந்தி தேஸமஹங்
அஞ்ஞதரோ’தி. ஏதமஹங், ப்³ராஹ்மண, விக³தலோமஹங்ஸதங் அத்தனி ஸம்பஸ்ஸமானோ
பி⁴ய்யோ பல்லோமமாபாதி³ங் அரஞ்ஞே விஹாராய.

44.
‘‘தஸ்ஸ மய்ஹங், ப்³ராஹ்மண, ஏதத³ஹோஸி – ‘யே கோ² கேசி ஸமணா வா ப்³ராஹ்மணா வா
லாப⁴ஸக்காரஸிலோகங் நிகாமயமானா அரஞ்ஞவனபத்தா²னி பந்தானி ஸேனாஸனானி
படிஸேவந்தி, லாப⁴ஸக்காரஸிலோகனிகாமன [நிகாமயமான (ஸீ॰ ஸ்யா॰)] ஸந்தோ³ஸஹேது ஹவே தே பொ⁴ந்தோ ஸமணப்³ராஹ்மணா அகுஸலங் ப⁴யபே⁴ரவங் அவ்ஹாயந்தி. ந கோ² பனாஹங் லாப⁴ஸக்காரஸிலோகங் நிகாமயமானோ
அரஞ்ஞவனபத்தா²னி பந்தானி ஸேனாஸனானி படிஸேவாமி; அப்பிச்சோ²ஹமஸ்மி. யே ஹி வோ
அரியா அப்பிச்சா² அரஞ்ஞவனபத்தா²னி பந்தானி ஸேனாஸனானி படிஸேவந்தி தேஸமஹங்
அஞ்ஞதரோ’தி. ஏதமஹங், ப்³ராஹ்மண, அப்பிச்ச²தங் அத்தனி ஸம்பஸ்ஸமானோ பி⁴ய்யோ
பல்லோமமாபாதி³ங் அரஞ்ஞே விஹாராய.

45.
‘‘தஸ்ஸ மய்ஹங், ப்³ராஹ்மண, ஏதத³ஹோஸி – ‘யே கோ² கேசி ஸமணா வா ப்³ராஹ்மணா வா
குஸீதா ஹீனவீரியா அரஞ்ஞவனபத்தா²னி பந்தானி ஸேனாஸனானி படிஸேவந்தி ,
குஸீதஹீனவீரியஸந்தோ³ஸஹேது ஹவே தே பொ⁴ந்தோ ஸமணப்³ராஹ்மணா அகுஸலங்
ப⁴யபே⁴ரவங் அவ்ஹாயந்தி. ந கோ² பனாஹங் குஸீதோ ஹீனவீரியோ அரஞ்ஞவனபத்தா²னி
பந்தானி ஸேனாஸனானி படிஸேவாமி; ஆரத்³த⁴வீரியோஹமஸ்மி. யே ஹி வோ அரியா
ஆரத்³த⁴வீரியா அரஞ்ஞவனபத்தா²னி பந்தானி ஸேனாஸனானி படிஸேவந்தி தேஸமஹங்
அஞ்ஞதரோ’தி. ஏதமஹங், ப்³ராஹ்மண, ஆரத்³த⁴வீரியதங் அத்தனி ஸம்பஸ்ஸமானோ
பி⁴ய்யோ பல்லோமமாபாதி³ங் அரஞ்ஞே விஹாராய.

46. ‘‘தஸ்ஸ மய்ஹங், ப்³ராஹ்மண, ஏதத³ஹோஸி – ‘யே
கோ² கேசி ஸமணா வா ப்³ராஹ்மணா வா முட்ட²ஸ்ஸதீ அஸம்பஜானா அரஞ்ஞவனபத்தா²னி
பந்தானி ஸேனாஸனானி படிஸேவந்தி, முட்ட²ஸ்ஸதிஅஸம்பஜானஸந்தோ³ஸஹேது ஹவே தே
பொ⁴ந்தோ ஸமணப்³ராஹ்மணா அகுஸலங் ப⁴யபே⁴ரவங் அவ்ஹாயந்தி. ந கோ² பனாஹங்
முட்ட²ஸ்ஸதி அஸம்பஜானோ அரஞ்ஞவனபத்தா²னி பந்தானி ஸேனாஸனானி படிஸேவாமி;
உபட்டி²தஸ்ஸதிஹமஸ்மி. யே ஹி வோ அரியா உபட்டி²தஸ்ஸதீ
அரஞ்ஞவனபத்தா²னி பந்தானி ஸேனாஸனானி படிஸேவந்தி தேஸமஹங் அஞ்ஞதரோ’தி.
ஏதமஹங், ப்³ராஹ்மண, உபட்டி²தஸ்ஸதிதங் அத்தனி ஸம்பஸ்ஸமானோ பி⁴ய்யோ
பல்லோமமாபாதி³ங் அரஞ்ஞே விஹாராய.

47.
‘‘தஸ்ஸ மய்ஹங், ப்³ராஹ்மண, ஏதத³ஹோஸி – ‘யே கோ² கேசி ஸமணா வா ப்³ராஹ்மணா வா
அஸமாஹிதா விப்³ப⁴ந்தசித்தா அரஞ்ஞவனபத்தா²னி பந்தானி ஸேனாஸனானி படிஸேவந்தி,
அஸமாஹிதவிப்³ப⁴ந்தசித்தஸந்தோ³ஸஹேது ஹவே தே பொ⁴ந்தோ ஸமணப்³ராஹ்மணா அகுஸலங்
ப⁴யபே⁴ரவங் அவ்ஹாயந்தி. ந கோ² பனாஹங் அஸமாஹிதோ விப்³ப⁴ந்தசித்தோ
அரஞ்ஞவனபத்தா²னி பந்தானி ஸேனாஸனானி படிஸேவாமி; ஸமாதி⁴ஸம்பன்னோஹமஸ்மி. யே ஹி
வோ அரியா ஸமாதி⁴ஸம்பன்னா அரஞ்ஞவனபத்தா²னி பந்தானி ஸேனாஸனானி படிஸேவந்தி
தேஸமஹங் அஞ்ஞதரோ’தி. ஏதமஹங், ப்³ராஹ்மண, ஸமாதி⁴ஸம்பத³ங் அத்தனி ஸம்பஸ்ஸமானோ
பி⁴ய்யோ பல்லோமமாபாதி³ங் அரஞ்ஞே விஹாராய.

48.
‘‘தஸ்ஸ மய்ஹங், ப்³ராஹ்மண, ஏதத³ஹோஸி – ‘யே கோ² கேசி ஸமணா வா ப்³ராஹ்மணா வா
து³ப்பஞ்ஞா ஏளமூகா³ அரஞ்ஞவனபத்தா²னி பந்தானி ஸேனாஸனானி படிஸேவந்தி,
து³ப்பஞ்ஞஏளமூக³ஸந்தோ³ஸஹேது ஹவே தே பொ⁴ந்தோ ஸமணப்³ராஹ்மணா அகுஸலங்
ப⁴யபே⁴ரவங் அவ்ஹாயந்தி. ந கோ² பனாஹங் து³ப்பஞ்ஞோ ஏளமூகோ³
அரஞ்ஞவனபத்தா²னி பந்தானி ஸேனாஸனானி படிஸேவாமி; பஞ்ஞாஸம்பன்னோஹமஸ்மி. யே ஹி
வோ அரியா பஞ்ஞாஸம்பன்னா அரஞ்ஞவனபத்தா²னி பந்தானி ஸேனாஸனானி படிஸேவந்தி
தேஸமஹங் அஞ்ஞதரோ’தி. ஏதமஹங், ப்³ராஹ்மண, பஞ்ஞாஸம்பத³ங் அத்தனி ஸம்பஸ்ஸமானோ பி⁴ய்யோ பல்லோமமாபாதி³ங் அரஞ்ஞே விஹாராய.

ஸோளஸபரியாயங் நிட்டி²தங்.

49. ‘‘தஸ்ஸ
மய்ஹங், ப்³ராஹ்மண, ஏதத³ஹோஸி – ‘யங்னூனாஹங் யா தா ரத்தியோ அபி⁴ஞ்ஞாதா
அபி⁴லக்கி²தா – சாதுத்³த³ஸீ பஞ்சத³ஸீ அட்ட²மீ ச பக்க²ஸ்ஸ – ததா²ரூபாஸு
ரத்தீஸு யானி தானி ஆராமசேதியானி வனசேதியானி ருக்க²சேதியானி பி⁴ங்ஸனகானி
ஸலோமஹங்ஸானி ததா²ரூபேஸு ஸேனாஸனேஸு விஹரெய்யங் அப்பேவ நாமாஹங் ப⁴யபே⁴ரவங்
பஸ்ஸெய்ய’ந்தி. ஸோ கோ² அஹங், ப்³ராஹ்மண, அபரேன ஸமயேன யா தா ரத்தியோ
அபி⁴ஞ்ஞாதா அபி⁴லக்கி²தா – சாதுத்³த³ஸீ பஞ்சத³ஸீ அட்ட²மீ ச பக்க²ஸ்ஸ –
ததா²ரூபாஸு ரத்தீஸு யானி தானி ஆராமசேதியானி வனசேதியானி ருக்க²சேதியானி
பி⁴ங்ஸனகானி ஸலோமஹங்ஸானி ததா²ரூபேஸு ஸேனாஸனேஸு விஹராமி. தத்த² ச மே,
ப்³ராஹ்மண, விஹரதோ மகோ³ வா ஆக³ச்ச²தி, மோரோ வா கட்ட²ங் பாதேதி, வாதோ வா பண்ணகஸடங் [பண்ணஸடங் (ஸீ॰ பீ॰)] ஏரேதி; தஸ்ஸ மய்ஹங் ப்³ராஹ்மண ஏதத³ஹோஸி [தஸ்ஸ மய்ஹங் ஏவங் ஹோதி (ஸீ॰ ஸ்யா॰)] – ‘ஏதங் நூன தங் ப⁴யபே⁴ரவங் ஆக³ச்ச²தீ’தி. தஸ்ஸ மய்ஹங், ப்³ராஹ்மண, ஏதத³ஹோஸி – ‘கிங் நு கோ² அஹங் அஞ்ஞத³த்து² ப⁴யபடிகங்கீ² [ப⁴யபாடிகங்கீ² (ஸீ॰)] விஹராமி? யங்னூனாஹங் யதா²பூ⁴தங் யதா²பூ⁴தஸ்ஸ [யதா²பூ⁴தஸ்ஸ யதா²பூ⁴தஸ்ஸ (ஸீ॰ ஸ்யா॰)] மே தங் ப⁴யபே⁴ரவங் ஆக³ச்ச²தி, ததா²பூ⁴தங் ததா²பூ⁴தோவ [யதா²பூ⁴தோ யதா²பூ⁴தோவ (ஸீ॰ ஸ்யா॰)]
தங் ப⁴யபே⁴ரவங் படிவினெய்ய’ந்தி. தஸ்ஸ மய்ஹங், ப்³ராஹ்மண, சங்கமந்தஸ்ஸ தங்
ப⁴யபே⁴ரவங் ஆக³ச்ச²தி. ஸோ கோ² அஹங், ப்³ராஹ்மண, நேவ தாவ திட்டா²மி
ந நிஸீதா³மி ந நிபஜ்ஜாமி, யாவ சங்கமந்தோவ தங் ப⁴யபே⁴ரவங் படிவினேமி. தஸ்ஸ
மய்ஹங், ப்³ராஹ்மண, டி²தஸ்ஸ தங் ப⁴யபே⁴ரவங் ஆக³ச்ச²தி. ஸோ கோ² அஹங்,
ப்³ராஹ்மண, நேவ தாவ சங்கமாமி ந நிஸீதா³மி ந நிபஜ்ஜாமி. யாவ டி²தோவ தங்
ப⁴யபே⁴ரவங் படிவினேமி. தஸ்ஸ மய்ஹங், ப்³ராஹ்மண, நிஸின்னஸ்ஸ தங் ப⁴யபே⁴ரவங்
ஆக³ச்ச²தி. ஸோ கோ² அஹங், ப்³ராஹ்மண, நேவ தாவ நிபஜ்ஜாமி ந திட்டா²மி
ந சங்கமாமி, யாவ நிஸின்னோவ தங் ப⁴யபே⁴ரவங் படிவினேமி. தஸ்ஸ மய்ஹங்,
ப்³ராஹ்மண, நிபன்னஸ்ஸ தங் ப⁴யபே⁴ரவங் ஆக³ச்ச²தி. ஸோ கோ² அஹங், ப்³ராஹ்மண,
நேவ தாவ நிஸீதா³மி ந திட்டா²மி ந சங்கமாமி, யாவ நிபன்னோவ தங் ப⁴யபே⁴ரவங்
படிவினேமி.

50.
‘‘ஸந்தி கோ² பன, ப்³ராஹ்மண, ஏகே ஸமணப்³ராஹ்மணா ரத்திங்யேவ ஸமானங் தி³வாதி
ஸஞ்ஜானந்தி, தி³வாயேவ ஸமானங் ரத்தீதி ஸஞ்ஜானந்தி. இத³மஹங் தேஸங்
ஸமணப்³ராஹ்மணானங் ஸம்மோஹவிஹாரஸ்மிங் வதா³மி. அஹங் கோ² பன, ப்³ராஹ்மண,
ரத்திங்யேவ ஸமானங் ரத்தீதி ஸஞ்ஜானாமி, தி³வாயேவ ஸமானங் தி³வாதி ஸஞ்ஜானாமி.
யங் கோ² தங், ப்³ராஹ்மண, ஸம்மா வத³மானோ வதெ³ய்ய – ‘அஸம்மோஹத⁴ம்மோ ஸத்தோ
லோகே உப்பன்னோ ப³ஹுஜனஹிதாய ப³ஹுஜனஸுகா²ய லோகானுகம்பாய அத்தா²ய ஹிதாய ஸுகா²ய
தே³வமனுஸ்ஸான’ந்தி, மமேவ தங் ஸம்மா வத³மானோ வதெ³ய்ய – ‘அஸம்மோஹத⁴ம்மோ
ஸத்தோ லோகே உப்பன்னோ ப³ஹுஜனஹிதாய ப³ஹுஜனஸுகா²ய லோகானுகம்பாய அத்தா²ய ஹிதாய
ஸுகா²ய தே³வமனுஸ்ஸான’ந்தி.

51. ‘‘ஆரத்³த⁴ங் கோ² பன மே, ப்³ராஹ்மண, வீரியங் அஹோஸி அஸல்லீனங், உபட்டி²தா ஸதி அஸம்முட்டா² [அப்பம்முட்டா² (ஸ்யா॰)],
பஸ்ஸத்³தோ⁴ காயோ அஸாரத்³தோ⁴, ஸமாஹிதங் சித்தங் ஏகக்³க³ங். ஸோ கோ² அஹங்,
ப்³ராஹ்மண, விவிச்சேவ காமேஹி விவிச்ச அகுஸலேஹி த⁴ம்மேஹி ஸவிதக்கங் ஸவிசாரங்
விவேகஜங் பீதிஸுக²ங் பட²மங் ஜா²னங் உபஸம்பஜ்ஜ விஹாஸிங். விதக்கவிசாரானங்
வூபஸமா அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங் அவிதக்கங்
அவிசாரங் ஸமாதி⁴ஜங் பீதிஸுக²ங் து³தியங் ஜா²னங் உபஸம்பஜ்ஜ விஹாஸிங்.
பீதியா ச விராகா³ உபெக்க²கோ ச விஹாஸிங், ஸதோ ச ஸம்பஜானோ ஸுக²ஞ்ச காயேன
படிஸங்வேதே³ஸிங்; யங் தங் அரியா ஆசிக்க²ந்தி – ‘உபெக்க²கோ ஸதிமா
ஸுக²விஹாரீ’தி ததியங் ஜா²னங் உபஸம்பஜ்ஜ விஹாஸிங். ஸுக²ஸ்ஸ ச பஹானா
து³க்க²ஸ்ஸ ச பஹானா புப்³பே³வ ஸோமனஸ்ஸதோ³மனஸ்ஸானங் அத்த²ங்க³மா
அது³க்க²மஸுக²ங் உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ
விஹாஸிங்.

52.
‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே
விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே
புப்³பே³னிவாஸானுஸ்ஸதிஞாணாய சித்தங் அபி⁴னின்னாமேஸிங். ஸோ அனேகவிஹிதங்
புப்³பே³னிவாஸங் அனுஸ்ஸராமி, ஸெய்யதி²த³ங் – ஏகம்பி
ஜாதிங் த்³வேபி ஜாதியோ திஸ்ஸோபி ஜாதியோ சதஸ்ஸோபி ஜாதியோ பஞ்சபி ஜாதியோ
த³ஸபி ஜாதியோ வீஸம்பி ஜாதியோ திங்ஸம்பி ஜாதியோ சத்தாலீஸம்பி ஜாதியோ
பஞ்ஞாஸம்பி ஜாதியோ ஜாதிஸதம்பி ஜாதிஸஹஸ்ஸம்பி ஜாதிஸதஸஹஸ்ஸம்பி அனேகேபி
ஸங்வட்டகப்பே அனேகேபி விவட்டகப்பே அனேகேபி
ஸங்வட்டவிவட்டகப்பே – ‘அமுத்ராஸிங் ஏவங்னாமோ ஏவங்கொ³த்தோ ஏவங்வண்ணோ
ஏவமாஹாரோ ஏவங்ஸுக²து³க்க²ப்படிஸங்வேதீ³ ஏவமாயுபரியந்தோ, ஸோ ததோ சுதோ அமுத்ர
உத³பாதி³ங்; தத்ராபாஸிங் ஏவங்னாமோ ஏவங்கொ³த்தோ ஏவங்வண்ணோ ஏவமாஹாரோ
ஏவங்ஸுக²து³க்க²ப்படிஸங்வேதீ³ ஏவமாயுபரியந்தோ, ஸோ ததோ சுதோ இதூ⁴பபன்னோ’தி.
இதி ஸாகாரங் ஸஉத்³தே³ஸங் அனேகவிஹிதங் புப்³பே³னிவாஸங் அனுஸ்ஸராமி. அயங் கோ²
மே, ப்³ராஹ்மண, ரத்தியா பட²மே யாமே பட²மா விஜ்ஜா அதி⁴க³தா, அவிஜ்ஜா விஹதா
விஜ்ஜா உப்பன்னா, தமோ விஹதோ ஆலோகோ உப்பன்னோ, யதா² தங் அப்பமத்தஸ்ஸ ஆதாபினோ
பஹிதத்தஸ்ஸ விஹரதோ.

53.
‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே
விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே ஸத்தானங்
சுதூபபாதஞாணாய சித்தங் அபி⁴னின்னாமேஸிங். ஸோ தி³ப்³பே³ன சக்கு²னா
விஸுத்³தே⁴ன அதிக்கந்தமானுஸகேன ஸத்தே பஸ்ஸாமி சவமானே உபபஜ்ஜமானே ஹீனே பணீதே
ஸுவண்ணே து³ப்³ப³ண்ணே ஸுக³தே து³க்³க³தே யதா²கம்மூபகே³ ஸத்தே பஜானாமி –
‘இமே வத பொ⁴ந்தோ ஸத்தா காயது³ச்சரிதேன ஸமன்னாக³தா வசீது³ச்சரிதேன
ஸமன்னாக³தா மனோது³ச்சரிதேன ஸமன்னாக³தா அரியானங்
உபவாத³கா மிச்சா²தி³ட்டி²கா மிச்சா²தி³ட்டி²கம்மஸமாதா³னா; தே காயஸ்ஸ பே⁴தா³
பரங் மரணா அபாயங் து³க்³க³திங் வினிபாதங் நிரயங் உபபன்னா. இமே வா பன
பொ⁴ந்தோ ஸத்தா காயஸுசரிதேன ஸமன்னாக³தா வசீஸுசரிதேன ஸமன்னாக³தா மனோஸுசரிதேன ஸமன்னாக³தா அரியானங் அனுபவாத³கா ஸம்மாதி³ட்டி²கா
ஸம்மாதி³ட்டி²கம்மஸமாதா³னா; தே காயஸ்ஸ பே⁴தா³ பரங் மரணா ஸுக³திங் ஸக்³க³ங்
லோகங் உபபன்னா’தி. இதி தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன
ஸத்தே பஸ்ஸாமி சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே ஸுக³தே
து³க்³க³தே யதா²கம்மூபகே³ ஸத்தே பஜானாமி. அயங் கோ² மே, ப்³ராஹ்மண, ரத்தியா
மஜ்ஜி²மே யாமே து³தியா விஜ்ஜா அதி⁴க³தா, அவிஜ்ஜா விஹதா விஜ்ஜா உப்பன்னா,
தமோ விஹதோ ஆலோகோ உப்பன்னோ, யதா² தங் அப்பமத்தஸ்ஸ ஆதாபினோ பஹிதத்தஸ்ஸ
விஹரதோ.

54. ‘‘ஸோ
ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே விக³தூபக்கிலேஸே
முது³பூ⁴தே கம்மனியே டி²தே ஆனேஞ்ஜப்பத்தே ஆஸவானங் க²யஞாணாய சித்தங்
அபி⁴னின்னாமேஸிங். ஸோ ‘இத³ங் து³க்க²’ந்தி யதா²பூ⁴தங் அப்³ப⁴ஞ்ஞாஸிங்,
‘அயங் து³க்க²ஸமுத³யோ’தி யதா²பூ⁴தங் அப்³ப⁴ஞ்ஞாஸிங், ‘அயங்
து³க்க²னிரோதோ⁴’தி யதா²பூ⁴தங் அப்³ப⁴ஞ்ஞாஸிங், ‘அயங் து³க்க²னிரோத⁴கா³மினீ
படிபதா³’தி யதா²பூ⁴தங் அப்³ப⁴ஞ்ஞாஸிங். ‘இமே ஆஸவா’தி யதா²பூ⁴தங்
அப்³ப⁴ஞ்ஞாஸிங், ‘அயங் ஆஸவஸமுத³யோ’தி யதா²பூ⁴தங் அப்³ப⁴ஞ்ஞாஸிங், ‘அயங்
ஆஸவனிரோதோ⁴’தி யதா²பூ⁴தங் அப்³ப⁴ஞ்ஞாஸிங், ‘அயங் ஆஸவனிரோத⁴கா³மினீ
படிபதா³’தி யதா²பூ⁴தங் அப்³ப⁴ஞ்ஞாஸிங். தஸ்ஸ மே ஏவங் ஜானதோ ஏவங் பஸ்ஸதோ
காமாஸவாபி சித்தங் விமுச்சித்த², ப⁴வாஸவாபி சித்தங் விமுச்சித்த²,
அவிஜ்ஜாஸவாபி சித்தங் விமுச்சித்த². விமுத்தஸ்மிங் விமுத்தமிதி ஞாணங்
அஹோஸி. ‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங்
இத்த²த்தாயா’தி அப்³ப⁴ஞ்ஞாஸிங். அயங் கோ² மே,
ப்³ராஹ்மண, ரத்தியா பச்சி²மே யாமே ததியா விஜ்ஜா அதி⁴க³தா, அவிஜ்ஜா விஹதா
விஜ்ஜா உப்பன்னா, தமோ விஹதோ ஆலோகோ உப்பன்னோ, யதா² தங் அப்பமத்தஸ்ஸ ஆதாபினோ
பஹிதத்தஸ்ஸ விஹரதோ.

55.
‘‘ஸியா கோ² பன தே, ப்³ராஹ்மண, ஏவமஸ்ஸ – ‘அஜ்ஜாபி நூன ஸமணோ கோ³தமோ
அவீதராகோ³ அவீததோ³ஸோ அவீதமோஹோ, தஸ்மா அரஞ்ஞவனபத்தா²னி பந்தானி ஸேனாஸனானி
படிஸேவதீ’தி. ந கோ² பனேதங், ப்³ராஹ்மண, ஏவங் த³ட்ட²ப்³ப³ங். த்³வே கோ²
அஹங், ப்³ராஹ்மண, அத்த²வஸே ஸம்பஸ்ஸமானோ அரஞ்ஞவனபத்தா²னி பந்தானி ஸேனாஸனானி
படிஸேவாமி – அத்தனோ ச தி³ட்ட²த⁴ம்மஸுக²விஹாரங் ஸம்பஸ்ஸமானோ, பச்சி²மஞ்ச
ஜனதங் அனுகம்பமானோ’’தி.

56. ‘‘அனுகம்பிதரூபா வதாயங் போ⁴தா கோ³தமேன பச்சி²மா ஜனதா ,
யதா² தங் அரஹதா ஸம்மாஸம்பு³த்³தே⁴ன. அபி⁴க்கந்தங், போ⁴ கோ³தம!
அபி⁴க்கந்தங், போ⁴ கோ³தம! ஸெய்யதா²பி, போ⁴ கோ³தம, நிக்குஜ்ஜிதங் வா
உக்குஜ்ஜெய்ய, படிச்ச²ன்னங் வா விவரெய்ய, மூள்ஹஸ்ஸ வா மக்³க³ங்
ஆசிக்கெ²ய்ய, அந்த⁴காரே வா தேலபஜ்ஜோதங் தா⁴ரெய்ய – ‘சக்கு²மந்தோ ரூபானி
த³க்க²ந்தீ’தி; ஏவமேவங் போ⁴தா கோ³தமேன அனேகபரியாயேன த⁴ம்மோ பகாஸிதோ. ஏஸாஹங்
ப⁴வந்தங் கோ³தமங் ஸரணங் க³ச்சா²மி த⁴ம்மஞ்ச பி⁴க்கு²ஸங்க⁴ஞ்ச. உபாஸகங் மங்
ப⁴வங் கோ³தமோ தா⁴ரேது அஜ்ஜதக்³கே³ பாணுபேதங் ஸரணங் க³த’’ந்தி.

ப⁴யபே⁴ரவஸுத்தங் நிட்டி²தங் சதுத்த²ங்.

5. அனங்க³ணஸுத்தங்

57. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ஆயஸ்மா ஸாரிபுத்தோ பி⁴க்கூ² ஆமந்தேஸி – ‘‘ஆவுஸோ,
பி⁴க்க²வே’’தி. ‘‘ஆவுஸோ’’தி கோ² தே பி⁴க்கூ² ஆயஸ்மதோ ஸாரிபுத்தஸ்ஸ
பச்சஸ்ஸோஸுங். ஆயஸ்மா ஸாரிபுத்தோ ஏதத³வோச –

‘‘சத்தாரோமே, ஆவுஸோ, புக்³க³லா ஸந்தோ ஸங்விஜ்ஜமானா
லோகஸ்மிங். கதமே சத்தாரோ? இதா⁴வுஸோ, ஏகச்சோ புக்³க³லோ ஸாங்க³ணோவ ஸமானோ
‘அத்தி² மே அஜ்ஜ²த்தங் அங்க³ண’ந்தி யதா²பூ⁴தங் நப்பஜானாதி. இத⁴ பனாவுஸோ,
ஏகச்சோ புக்³க³லோ ஸாங்க³ணோவ ஸமானோ ‘அத்தி² மே அஜ்ஜ²த்தங் அங்க³ண’ந்தி
யதா²பூ⁴தங் பஜானாதி. இதா⁴வுஸோ, ஏகச்சோ புக்³க³லோ அனங்க³ணோவ ஸமானோ ‘நத்தி²
மே அஜ்ஜ²த்தங் அங்க³ண’ந்தி யதா²பூ⁴தங் நப்பஜானாதி. இத⁴ பனாவுஸோ, ஏகச்சோ
புக்³க³லோ அனங்க³ணோவ ஸமானோ ‘நத்தி² மே அஜ்ஜ²த்தங் அங்க³ண’ந்தி யதா²பூ⁴தங்
பஜானாதி. தத்ராவுஸோ, ய்வாயங் புக்³க³லோ ஸாங்க³ணோவ ஸமானோ ‘அத்தி² மே
அஜ்ஜ²த்தங் அங்க³ண’ந்தி யதா²பூ⁴தங் நப்பஜானாதி, அயங் இமேஸங் த்³வின்னங்
புக்³க³லானங் ஸாங்க³ணானங்யேவ ஸதங் ஹீனபுரிஸோ அக்கா²யதி. தத்ராவுஸோ, ய்வாயங்
புக்³க³லோ ஸாங்க³ணோவ ஸமானோ ‘அத்தி² மே அஜ்ஜ²த்தங் அங்க³ண’ந்தி யதா²பூ⁴தங்
பஜானாதி, அயங் இமேஸங் த்³வின்னங் புக்³க³லானங் ஸாங்க³ணானங்யேவ ஸதங்
ஸெட்ட²புரிஸோ அக்கா²யதி . தத்ராவுஸோ, ய்வாயங் புக்³க³லோ அனங்க³ணோவ
ஸமானோ ‘நத்தி² மே அஜ்ஜ²த்தங் அங்க³ண’ந்தி யதா²பூ⁴தங் நப்பஜானாதி, அயங்
இமேஸங் த்³வின்னங் புக்³க³லானங் அனங்க³ணானங்யேவ ஸதங் ஹீனபுரிஸோ அக்கா²யதி.
தத்ராவுஸோ, ய்வாயங் புக்³க³லோ அனங்க³ணோவ ஸமானோ ‘நத்தி² மே அஜ்ஜ²த்தங்
அங்க³ண’ந்தி யதா²பூ⁴தங் பஜானாதி, அயங் இமேஸங் த்³வின்னங் புக்³க³லானங்
அனங்க³ணானங்யேவ ஸதங் ஸெட்ட²புரிஸோ அக்கா²யதீ’’தி.

58. ஏவங் வுத்தே, ஆயஸ்மா மஹாமொக்³க³ல்லானோ ஆயஸ்மந்தங் ஸாரிபுத்தங் ஏதத³வோச –

‘‘கோ நு கோ², ஆவுஸோ ஸாரிபுத்த, ஹேது கோ பச்சயோ
யேனிமேஸங் த்³வின்னங் புக்³க³லானங் ஸாங்க³ணானங்யேவ ஸதங் ஏகோ ஹீனபுரிஸோ
அக்கா²யதி, ஏகோ ஸெட்ட²புரிஸோ அக்கா²யதி? கோ பனாவுஸோ ஸாரிபுத்த, ஹேது கோ பச்சயோ யேனிமேஸங் த்³வின்னங் புக்³க³லானங் அனங்க³ணானங்யேவ ஸதங் ஏகோ ஹீனபுரிஸோ அக்கா²யதி, ஏகோ ஸெட்ட²புரிஸோ அக்கா²யதீ’’தி?

59.
‘‘தத்ராவுஸோ, ய்வாயங் புக்³க³லோ ஸாங்க³ணோவ ஸமானோ ‘அத்தி² மே அஜ்ஜ²த்தங்
அங்க³ண’ந்தி யதா²பூ⁴தங் நப்பஜானாதி, தஸ்ஸேதங் பாடிகங்க²ங் – ந ச²ந்த³ங்
ஜனெஸ்ஸதி ந வாயமிஸ்ஸதி ந வீரியங் ஆரபி⁴ஸ்ஸதி தஸ்ஸங்க³ணஸ்ஸ பஹானாய; ஸோ
ஸராகோ³ ஸதோ³ஸோ ஸமோஹோ ஸாங்க³ணோ ஸங்கிலிட்ட²சித்தோ காலங் கரிஸ்ஸதி.
ஸெய்யதா²பி, ஆவுஸோ, கங்ஸபாதி ஆப⁴தா ஆபணா வா கம்மாரகுலா வா ரஜேன ச மலேன ச
பரியோனத்³தா⁴. தமேனங் ஸாமிகா ந சேவ பரிபு⁴ஞ்ஜெய்யுங் ந ச பரியோத³பெய்யுங் [பரியோதா³பெய்யுங் (?)], ரஜாபதே² ச நங் நிக்கி²பெய்யுங். ஏவஞ்ஹி ஸா, ஆவுஸோ, கங்ஸபாதி அபரேன ஸமயேன ஸங்கிலிட்ட²தரா
அஸ்ஸ மலக்³க³ஹிதா’’தி? ‘‘ஏவமாவுஸோ’’தி. ‘‘ஏவமேவ கோ², ஆவுஸோ, ய்வாயங்
புக்³க³லோ ஸாங்க³ணோவ ஸமானோ ‘அத்தி² மே அஜ்ஜ²த்தங் அங்க³ண’ந்தி யதா²பூ⁴தங்
நப்பஜானாதி, தஸ்ஸேதங் பாடிகங்க²ங் – ந ச²ந்த³ங் ஜனெஸ்ஸதி ந வாயமிஸ்ஸதி ந
வீரியங் ஆரபி⁴ஸ்ஸதி தஸ்ஸங்க³ணஸ்ஸ பஹானாய; ஸோ ஸராகோ³ ஸதோ³ஸோ ஸமோஹோ ஸாங்க³ணோ
ஸங்கிலிட்ட²சித்தோ காலங் கரிஸ்ஸதி.

‘‘தத்ராவுஸோ, ய்வாயங் புக்³க³லோ ஸாங்க³ணோவ ஸமானோ
‘அத்தி² மே அஜ்ஜ²த்தங் அங்க³ண’ந்தி யதா²பூ⁴தங் பஜானாதி, தஸ்ஸேதங்
பாடிகங்க²ங் – ச²ந்த³ங் ஜனெஸ்ஸதி வாயமிஸ்ஸதி வீரியங் ஆரபி⁴ஸ்ஸதி
தஸ்ஸங்க³ணஸ்ஸ பஹானாய; ஸோ அராகோ³ அதோ³ஸோ அமோஹோ அனங்க³ணோ அஸங்கிலிட்ட²சித்தோ
காலங் கரிஸ்ஸதி. ஸெய்யதா²பி, ஆவுஸோ, கங்ஸபாதி ஆப⁴தா ஆபணா வா கம்மாரகுலா வா
ரஜேன ச மலேன ச பரியோனத்³தா⁴. தமேனங் ஸாமிகா பரிபு⁴ஞ்ஜெய்யுஞ்சேவ
பரியோத³பெய்யுஞ்ச, ந ச நங் ரஜாபதே² நிக்கி²பெய்யுங். ஏவஞ்ஹி
ஸா, ஆவுஸோ, கங்ஸபாதி அபரேன ஸமயேன பரிஸுத்³த⁴தரா அஸ்ஸ பரியோதா³தா’’தி?
‘‘ஏவமாவுஸோ’’தி. ‘‘ஏவமேவ கோ², ஆவுஸோ, ய்வாயங் புக்³க³லோ ஸாங்க³ணோவ ஸமானோ
‘அத்தி² மே அஜ்ஜ²த்தங் அங்க³ண’ந்தி யதா²பூ⁴தங் பஜானாதி, தஸ்ஸேதங்
பாடிகங்க²ங் – ச²ந்த³ங் ஜனெஸ்ஸதி வாயமிஸ்ஸதி வீரியங் ஆரபி⁴ஸ்ஸதி
தஸ்ஸங்க³ணஸ்ஸ பஹானாய; ஸோ அராகோ³ அதோ³ஸோ அமோஹோ அனங்க³ணோ அஸங்கிலிட்ட²சித்தோ
காலங் கரிஸ்ஸதி.

‘‘தத்ராவுஸோ , ய்வாயங் புக்³க³லோ அனங்க³ணோவ ஸமானோ ‘நத்தி² மே அஜ்ஜ²த்தங் அங்க³ண’ந்தி யதா²பூ⁴தங் நப்பஜானாதி, தஸ்ஸேதங் பாடிகங்க²ங்
– ஸுப⁴னிமித்தங் மனஸி கரிஸ்ஸதி, தஸ்ஸ ஸுப⁴னிமித்தஸ்ஸ மனஸிகாரா ராகோ³
சித்தங் அனுத்³த⁴ங்ஸெஸ்ஸதி; ஸோ ஸராகோ³ ஸதோ³ஸோ ஸமோஹோ ஸாங்க³ணோ
ஸங்கிலிட்ட²சித்தோ காலங் கரிஸ்ஸதி. ஸெய்யதா²பி,
ஆவுஸோ, கங்ஸபாதி ஆப⁴தா ஆபணா வா கம்மாரகுலா வா பரிஸுத்³தா⁴ பரியோதா³தா.
தமேனங் ஸாமிகா ந சேவ பரிபு⁴ஞ்ஜெய்யுங் ந ச பரியோத³பெய்யுங், ரஜாபதே² ச நங்
நிக்கி²பெய்யுங். ஏவஞ்ஹி ஸா, ஆவுஸோ, கங்ஸபாதி அபரேன ஸமயேன ஸங்கிலிட்ட²தரா
அஸ்ஸ மலக்³க³ஹிதா’’தி? ‘‘ஏவமாவுஸோ’’தி. ‘‘ஏவமேவ கோ², ஆவுஸோ, ய்வாயங்
புக்³க³லோ அனங்க³ணோவ ஸமானோ ‘நத்தி² மே அஜ்ஜ²த்தங் அங்க³ண’ந்தி யதா²பூ⁴தங்
நப்பஜானாதி, தஸ்ஸேதங் பாடிகங்க²ங் – ஸுப⁴னிமித்தங் மனஸி கரிஸ்ஸதி, தஸ்ஸ
ஸுப⁴னிமித்தஸ்ஸ மனஸிகாரா ராகோ³ சித்தங் அனுத்³த⁴ங்ஸெஸ்ஸதி;ஸோ ஸராகோ³ ஸதோ³ஸோ
ஸமோஹோ ஸாங்க³ணோ ஸங்கிலிட்ட²சித்தோகாலங்கரிஸ்ஸதி.

‘‘தத்ராவுஸோ, ய்வாயங் புக்³க³லோ அனங்க³ணோவ ஸமானோ
‘நத்தி² மே அஜ்ஜ²த்தங் அங்க³ண’ந்தி யதா²பூ⁴தங் பஜானாதி, தஸ்ஸேதங்
பாடிகங்க²ங் – ஸுப⁴னிமித்தங் ந மனஸி கரிஸ்ஸதி, தஸ்ஸ ஸுப⁴னிமித்தஸ்ஸ
அமனஸிகாரா ராகோ³ சித்தங் நானுத்³த⁴ங்ஸெஸ்ஸதி; ஸோ அராகோ³ அதோ³ஸோ அமோஹோ
அனங்க³ணோ அஸங்கிலிட்ட²சித்தோ காலங் கரிஸ்ஸதி. ஸெய்யதா²பி, ஆவுஸோ, கங்ஸபாதி
ஆப⁴தா ஆபணா வா கம்மாரகுலா வா பரிஸுத்³தா⁴ பரியோதா³தா. தமேனங் ஸாமிகா
பரிபு⁴ஞ்ஜெய்யுஞ்சேவ பரியோத³பெய்யுஞ்ச, ந ச நங் ரஜாபதே² நிக்கி²பெய்யுங்.
ஏவஞ்ஹி ஸா, ஆவுஸோ, கங்ஸபாதி அபரேன ஸமயேன பரிஸுத்³த⁴தரா அஸ்ஸ
பரியோதா³தா’’தி? ‘‘ஏவமாவுஸோ’’தி. ‘‘ஏவமேவ கோ²,
ஆவுஸோ, ய்வாயங் புக்³க³லோ அனங்க³ணோவ ஸமானோ ‘நத்தி² மே அஜ்ஜ²த்தங்
அங்க³ண’ந்தி யதா²பூ⁴தங் பஜானாதி, தஸ்ஸேதங் பாடிகங்க²ங் – ஸுப⁴னிமித்தங் ந
மனஸி கரிஸ்ஸதி, தஸ்ஸ ஸுப⁴னிமித்தஸ்ஸ அமனஸிகாரா ராகோ³ சித்தங்
நானுத்³த⁴ங்ஸெஸ்ஸதி; ஸோ அராகோ³ அதோ³ஸோ அமோஹோ அனங்க³ணோ அஸங்கிலிட்ட²சித்தோ
காலங் கரிஸ்ஸதி.

‘‘அயங் கோ², ஆவுஸோ மொக்³க³ல்லான ,
ஹேது அயங் பச்சயோ யேனிமேஸங் த்³வின்னங் புக்³க³லானங் ஸாங்க³ணானங்யேவ ஸதங்
ஏகோ ஹீனபுரிஸோ அக்கா²யதி, ஏகோ ஸெட்ட²புரிஸோ அக்கா²யதி. அயங் பனாவுஸோ
மொக்³க³ல்லான, ஹேது அயங் பச்சயோ யேனிமேஸங் த்³வின்னங் புக்³க³லானங் அனங்க³ணானங்யேவ ஸதங் ஏகோ ஹீனபுரிஸோ அக்கா²யதி, ஏகோ ஸெட்ட²புரிஸோ அக்கா²யதீ’’தி.

60.
‘‘அங்க³ணங் அங்க³ணந்தி, ஆவுஸோ, வுச்சதி. கிஸ்ஸ நு கோ² ஏதங், ஆவுஸோ,
அதி⁴வசனங் யதி³த³ங் அங்க³ண’’ந்தி? ‘‘பாபகானங் கோ² ஏதங், ஆவுஸோ, அகுஸலானங்
இச்சா²வசரானங் அதி⁴வசனங், யதி³த³ங் அங்க³ண’’ந்தி.

‘‘டா²னங் கோ² பனேதங், ஆவுஸோ,
விஜ்ஜதி யங் இதே⁴கச்சஸ்ஸ பி⁴க்கு²னோ ஏவங் இச்சா² உப்பஜ்ஜெய்ய – ‘ஆபத்திஞ்ச
வத ஆபன்னோ அஸ்ஸங், ந ச மங் பி⁴க்கூ² ஜானெய்யுங் ஆபத்திங் ஆபன்னோ’தி. டா²னங்
கோ² பனேதங், ஆவுஸோ, விஜ்ஜதி யங் தங் பி⁴க்கு²ங் பி⁴க்கூ² ஜானெய்யுங் –
‘ஆபத்திங் ஆபன்னோ’தி. ‘ஜானந்தி மங் பி⁴க்கூ² ஆபத்திங் ஆபன்னோ’தி – இதி ஸோ
குபிதோ ஹோதி அப்பதீதோ. யோ சேவ கோ², ஆவுஸோ, கோபோ யோ ச அப்பச்சயோ – உப⁴யமேதங்
அங்க³ணங்.

‘‘டா²னங் கோ² பனேதங், ஆவுஸோ,
விஜ்ஜதி யங் இதே⁴கச்சஸ்ஸ பி⁴க்கு²னோ ஏவங் இச்சா² உப்பஜ்ஜெய்ய – ‘ஆபத்திஞ்ச
வத ஆபன்னோ அஸ்ஸங், அனுரஹோ மங் பி⁴க்கூ² சோதெ³ய்யுங், நோ ஸங்க⁴மஜ்ஜே²’தி.
டா²னங் கோ² பனேதங், ஆவுஸோ, விஜ்ஜதி யங் தங் பி⁴க்கு²ங் பி⁴க்கூ²
ஸங்க⁴மஜ்ஜே² சோதெ³ய்யுங், நோ அனுரஹோ. ‘ஸங்க⁴மஜ்ஜே² மங் பி⁴க்கூ² சோதெ³ந்தி,
நோ அனுரஹோ’தி – இதி ஸோ குபிதோ ஹோதி அப்பதீதோ. யோ சேவ கோ², ஆவுஸோ, கோபோ யோ ச
அப்பச்சயோ – உப⁴யமேதங் அங்க³ணங்.

‘‘டா²னங் கோ² பனேதங், ஆவுஸோ, விஜ்ஜதி யங் இதே⁴கச்சஸ்ஸ
பி⁴க்கு²னோ ஏவங் இச்சா² உப்பஜ்ஜெய்ய – ‘ஆபத்திஞ்ச வத ஆபன்னோ அஸ்ஸங்,
ஸப்படிபுக்³க³லோ மங் சோதெ³ய்ய, நோ அப்படிபுக்³க³லோ’தி. டா²னங் கோ² பனேதங்,
ஆவுஸோ, விஜ்ஜதி யங் தங் பி⁴க்கு²ங் அப்படிபுக்³க³லோ சோதெ³ய்ய, நோ
ஸப்படிபுக்³க³லோ. ‘அப்படிபுக்³க³லோ மங் சோதே³தி, நோ ஸப்படிபுக்³க³லோ’தி –
இதி ஸோ குபிதோ ஹோதி அப்பதீதோ. யோ சேவ கோ², ஆவுஸோ, கோபோ யோ ச அப்பச்சயோ –
உப⁴யமேதங் அங்க³ணங்.

‘‘டா²னங் கோ² பனேதங், ஆவுஸோ, விஜ்ஜதி யங் இதே⁴கச்சஸ்ஸ
பி⁴க்கு²னோ ஏவங் இச்சா² உப்பஜ்ஜெய்ய – ‘அஹோ வத மமேவ ஸத்தா² படிபுச்சி²த்வா
படிபுச்சி²த்வா பி⁴க்கூ²னங் த⁴ம்மங் தே³ஸெய்ய, ந அஞ்ஞங் பி⁴க்கு²ங் ஸத்தா²
படிபுச்சி²த்வா படிபுச்சி²த்வா பி⁴க்கூ²னங் த⁴ம்மங் தே³ஸெய்யா’தி. டா²னங்
கோ² பனேதங், ஆவுஸோ, விஜ்ஜதி யங் அஞ்ஞங் பி⁴க்கு²ங் ஸத்தா² படிபுச்சி²த்வா படிபுச்சி²த்வா பி⁴க்கூ²னங் த⁴ம்மங் தே³ஸெய்ய, ந தங் பி⁴க்கு²ங் ஸத்தா²
படிபுச்சி²த்வா படிபுச்சி²த்வா பி⁴க்கூ²னங் த⁴ம்மங் தே³ஸெய்ய. ‘அஞ்ஞங்
பி⁴க்கு²ங் ஸத்தா² படிபுச்சி²த்வா படிபுச்சி²த்வா பி⁴க்கூ²னங் த⁴ம்மங்
தே³ஸேதி, ந மங் ஸத்தா² படிபுச்சி²த்வா படிபுச்சி²த்வா பி⁴க்கூ²னங் த⁴ம்மங்
தே³ஸேதீ’தி – இதி ஸோ குபிதோ ஹோதி அப்பதீதோ. யோ சேவ கோ², ஆவுஸோ, கோபோ யோ ச
அப்பச்சயோ – உப⁴யமேதங் அங்க³ணங்.

‘‘டா²னங் கோ² பனேதங், ஆவுஸோ,
விஜ்ஜதி யங் இதே⁴கச்சஸ்ஸ பி⁴க்கு²னோ ஏவங் இச்சா² உப்பஜ்ஜெய்ய – ‘அஹோ வத
மமேவ பி⁴க்கூ² புரக்க²த்வா புரக்க²த்வா கா³மங் ப⁴த்தாய பவிஸெய்யுங், ந
அஞ்ஞங் பி⁴க்கு²ங் பி⁴க்கூ² புரக்க²த்வா புரக்க²த்வா கா³மங் ப⁴த்தாய
பவிஸெய்யு’ந்தி. டா²னங் கோ² பனேதங், ஆவுஸோ, விஜ்ஜதி யங் அஞ்ஞங் பி⁴க்கு²ங்
பி⁴க்கூ² புரக்க²த்வா புரக்க²த்வா கா³மங் ப⁴த்தாய பவிஸெய்யுங், ந தங்
பி⁴க்கு²ங் பி⁴க்கூ² புரக்க²த்வா புரக்க²த்வா கா³மங் ப⁴த்தாய பவிஸெய்யுங்.
‘அஞ்ஞங் பி⁴க்கு²ங் பி⁴க்கூ² புரக்க²த்வா புரக்க²த்வா கா³மங் ப⁴த்தாய
பவிஸந்தி, ந மங் பி⁴க்கூ² புரக்க²த்வா புரக்க²த்வா கா³மங் ப⁴த்தாய
பவிஸந்தீ’தி – இதி ஸோ குபிதோ ஹோதி அப்பதீதோ. யோ சேவ கோ², ஆவுஸோ, கோபோ யோ ச
அப்பச்சயோ – உப⁴யமேதங் அங்க³ணங்.

‘‘டா²னங் கோ² பனேதங், ஆவுஸோ, விஜ்ஜதி யங் இதே⁴கச்சஸ்ஸ
பி⁴க்கு²னோ ஏவங் இச்சா² உப்பஜ்ஜெய்ய – ‘அஹோ வத அஹமேவ லபெ⁴ய்யங் ப⁴த்தக்³கே³
அக்³கா³ஸனங் அக்³கோ³த³கங் அக்³க³பிண்ட³ங், ந அஞ்ஞோ பி⁴க்கு² லபெ⁴ய்ய
ப⁴த்தக்³கே³ அக்³கா³ஸனங் அக்³கோ³த³கங் அக்³க³பிண்ட³’ந்தி. டா²னங் கோ²
பனேதங், ஆவுஸோ, விஜ்ஜதி யங் அஞ்ஞோ பி⁴க்கு² லபெ⁴ய்ய ப⁴த்தக்³கே³
அக்³கா³ஸனங் அக்³கோ³த³கங் அக்³க³பிண்ட³ங், ந ஸோ பி⁴க்கு² லபெ⁴ய்ய
ப⁴த்தக்³கே³ அக்³கா³ஸனங் அக்³கோ³த³கங் அக்³க³பிண்ட³ங். ‘அஞ்ஞோ பி⁴க்கு²
லப⁴தி ப⁴த்தக்³கே³ அக்³கா³ஸனங் அக்³கோ³த³கங் அக்³க³பிண்ட³ங், நாஹங் லபா⁴மி
ப⁴த்தக்³கே³ அக்³கா³ஸனங் அக்³கோ³த³கங் அக்³க³பிண்ட³’ந்தி – இதி ஸோ குபிதோ
ஹோதி அப்பதீதோ. யோ சேவ கோ², ஆவுஸோ, கோபோ யோ ச அப்பச்சயோ – உப⁴யமேதங்
அங்க³ணங்.

‘‘டா²னங் கோ² பனேதங், ஆவுஸோ, விஜ்ஜதி யங் இதே⁴கச்சஸ்ஸ
பி⁴க்கு²னோ ஏவங் இச்சா² உப்பஜ்ஜெய்ய – ‘அஹோ வத அஹமேவ ப⁴த்தக்³கே³ பு⁴த்தாவீ
அனுமோதெ³ய்யங், ந அஞ்ஞோ பி⁴க்கு² ப⁴த்தக்³கே³ பு⁴த்தாவீ அனுமோதெ³ய்யா’தி.
டா²னங் கோ² பனேதங், ஆவுஸோ, விஜ்ஜதி யங் அஞ்ஞோ பி⁴க்கு² ப⁴த்தக்³கே³
பு⁴த்தாவீ அனுமோதெ³ய்ய, ந ஸோ பி⁴க்கு² ப⁴த்தக்³கே³ பு⁴த்தாவீ அனுமோதெ³ய்ய.
‘அஞ்ஞோ பி⁴க்கு² ப⁴த்தக்³கே³ பு⁴த்தாவீ அனுமோத³தி,
நாஹங் ப⁴த்தக்³கே³ பு⁴த்தாவீ அனுமோதா³மீ’தி – இதி ஸோ குபிதோ ஹோதி அப்பதீதோ.
யோ சேவ கோ², ஆவுஸோ, கோபோ யோ ச அப்பச்சயோ – உப⁴யமேதங் அங்க³ணங்.

‘‘டா²னங் கோ² பனேதங், ஆவுஸோ, விஜ்ஜதி யங் இதே⁴கச்சஸ்ஸ
பி⁴க்கு²னோ ஏவங் இச்சா² உப்பஜ்ஜெய்ய – ‘அஹோ வத அஹமேவ ஆராமக³தானங்
பி⁴க்கூ²னங் த⁴ம்மங் தே³ஸெய்யங், ந அஞ்ஞோ பி⁴க்கு² ஆராமக³தானங் பி⁴க்கூ²னங்
த⁴ம்மங் தே³ஸெய்யா’தி. டா²னங் கோ² பனேதங், ஆவுஸோ, விஜ்ஜதி யங் அஞ்ஞோ
பி⁴க்கு² ஆராமக³தானங் பி⁴க்கூ²னங் த⁴ம்மங் தே³ஸெய்ய, ந ஸோ பி⁴க்கு² ஆராமக³தானங் பி⁴க்கூ²னங் த⁴ம்மங் தே³ஸெய்ய. ‘அஞ்ஞோ பி⁴க்கு² ஆராமக³தானங் பி⁴க்கூ²னங் த⁴ம்மங்
தே³ஸேதி, நாஹங் ஆராமக³தானங் பி⁴க்கூ²னங் த⁴ம்மங் தே³ஸேமீ’தி – இதி ஸோ
குபிதோ ஹோதி அப்பதீதோ. யோ சேவ கோ², ஆவுஸோ, கோபோ யோ ச அப்பச்சயோ – உப⁴யமேதங்
அங்க³ணங்.

‘‘டா²னங் கோ² பனேதங், ஆவுஸோ, விஜ்ஜதி யங் இதே⁴கச்சஸ்ஸ
பி⁴க்கு²னோ ஏவங் இச்சா² உப்பஜ்ஜெய்ய – ‘அஹோ வத அஹமேவ ஆராமக³தானங்
பி⁴க்கு²னீனங் த⁴ம்மங் தே³ஸெய்யங்…பே॰… உபாஸகானங் த⁴ம்மங் தே³ஸெய்யங்…பே॰…
உபாஸிகானங் த⁴ம்மங் தே³ஸெய்யங், ந அஞ்ஞோ பி⁴க்கு² ஆராமக³தானங் உபாஸிகானங்
த⁴ம்மங் தே³ஸெய்யா’தி. டா²னங் கோ² பனேதங், ஆவுஸோ, விஜ்ஜதி யங் அஞ்ஞோ
பி⁴க்கு² ஆராமக³தானங் உபாஸிகானங் த⁴ம்மங் தே³ஸெய்ய, ந ஸோ பி⁴க்கு²
ஆராமக³தானங் உபாஸிகானங் த⁴ம்மங் தே³ஸெய்ய. ‘அஞ்ஞோ பி⁴க்கு² ஆராமக³தானங்
உபாஸிகானங் த⁴ம்மங் தே³ஸேதி, நாஹங் ஆராமக³தானங் உபாஸிகானங் த⁴ம்மங்
தே³ஸேமீ’தி – இதி ஸோ குபிதோ ஹோதி அப்பதீதோ. யோ சேவ கோ², ஆவுஸோ, கோபோ யோ ச
அப்பச்சயோ – உப⁴யமேதங் அங்க³ணங்.

‘‘டா²னங் கோ² பனேதங், ஆவுஸோ, விஜ்ஜதி யங் இதே⁴கச்சஸ்ஸ
பி⁴க்கு²னோ ஏவங் இச்சா² உப்பஜ்ஜெய்ய – ‘அஹோ வத மமேவ பி⁴க்கூ² ஸக்கரெய்யுங்
க³ருங் கரெய்யுங் [க³ருகரெய்யுங் (ஸீ॰ ஸ்யா॰ பீ॰)]
மானெய்யுங் பூஜெய்யுங், ந அஞ்ஞங் பி⁴க்கு²ங் பி⁴க்கூ² ஸக்கரெய்யுங் க³ருங்
கரெய்யுங் மானெய்யுங் பூஜெய்யு’ந்தி. டா²னங் கோ² பனேதங், ஆவுஸோ, விஜ்ஜதி
யங் அஞ்ஞங் பி⁴க்கு²ங் பி⁴க்கூ² ஸக்கரெய்யுங் க³ருங் கரெய்யுங் மானெய்யுங்
பூஜெய்யுங், ந தங் பி⁴க்கு²ங் பி⁴க்கூ² ஸக்கரெய்யுங் க³ருங் கரெய்யுங்
மானெய்யுங் பூஜெய்யுங். ‘அஞ்ஞங் பி⁴க்கு²ங் பி⁴க்கூ² ஸக்கரொந்தி க³ருங் கரொந்தி மானெந்தி பூஜெந்தி ,
ந மங் பி⁴க்கூ² ஸக்கரொந்தி க³ருங் கரொந்தி மானெந்தி பூஜெந்தீ’தி – இதி ஸோ
குபிதோ ஹோதி அப்பதீதோ. யோ சேவ கோ², ஆவுஸோ, கோபோ யோ ச அப்பச்சயோ – உப⁴யமேதங்
அங்க³ணங்.

‘‘டா²னங் கோ² பனேதங், ஆவுஸோ, விஜ்ஜதி யங் இதே⁴கச்சஸ்ஸ
பி⁴க்கு²னோ ஏவங் இச்சா² உப்பஜ்ஜெய்ய – ‘அஹோ வத மமேவ பி⁴க்கு²னியோ…பே॰…
உபாஸகா…பே॰… உபாஸிகா ஸக்கரெய்யுங் க³ருங் கரெய்யுங் மானெய்யுங் பூஜெய்யுங்,
ந அஞ்ஞங் பி⁴க்கு²ங் உபாஸிகா ஸக்கரெய்யுங் க³ருங் கரெய்யுங் மானெய்யுங்
பூஜெய்யு’ந்தி. டா²னங் கோ² பனேதங், ஆவுஸோ, விஜ்ஜதி யங் அஞ்ஞங் பி⁴க்கு²ங்
உபாஸிகா ஸக்கரெய்யுங் க³ருங் கரெய்யுங் மானெய்யுங் பூஜெய்யுங், ந தங்
பி⁴க்கு²ங் உபாஸிகா ஸக்கரெய்யுங் க³ருங் கரெய்யுங்
மானெய்யுங் பூஜெய்யுங். ‘அஞ்ஞங் பி⁴க்கு²ங் உபாஸிகா ஸக்கரொந்தி க³ருங்
கரொந்தி மானெந்தி பூஜெந்தி, ந மங் உபாஸிகா ஸக்கரொந்தி க³ருங் கரொந்தி
மானெந்தி பூஜெந்தீ’தி – இதி ஸோ குபிதோ ஹோதி அப்பதீதோ. யோ சேவ கோ², ஆவுஸோ,
கோபோ யோ ச அப்பச்சயோ – உப⁴யமேதங் அங்க³ணங்.

‘‘டா²னங் கோ² பனேதங், ஆவுஸோ, விஜ்ஜதி யங் இதே⁴கச்சஸ்ஸ
பி⁴க்கு²னோ ஏவங் இச்சா² உப்பஜ்ஜெய்ய – ‘அஹோ வத அஹமேவ லாபீ⁴ அஸ்ஸங் பணீதானங்
சீவரானங், ந அஞ்ஞோ பி⁴க்கு² லாபீ⁴ அஸ்ஸ பணீதானங் சீவரான’ந்தி. டா²னங் கோ²
பனேதங், ஆவுஸோ, விஜ்ஜதி யங் அஞ்ஞோ பி⁴க்கு² லாபீ⁴ அஸ்ஸ பணீதானங் சீவரானங், ந ஸோ பி⁴க்கு² லாபீ⁴ அஸ்ஸ பணீதானங் சீவரானங். ‘அஞ்ஞோ பி⁴க்கு² லாபீ⁴ [லாபீ⁴ அஸ்ஸ (க॰)] பணீதானங் சீவரானங், நாஹங் லாபீ⁴ [லாபீ⁴ அஸ்ஸங் (க॰)] பணீதானங் சீவரான’ந்தி – இதி ஸோ குபிதோ ஹோதி அப்பதீதோ. யோ சேவ கோ², ஆவுஸோ, கோபோ யோ ச அப்பச்சயோ – உப⁴யமேதங் அங்க³ணங்.

‘‘டா²னங் கோ² பனேதங், ஆவுஸோ, விஜ்ஜதி யங் இதே⁴கச்சஸ்ஸ
பி⁴க்கு²னோ ஏவங் இச்சா² உப்பஜ்ஜெய்ய – ‘அஹோ வத அஹமேவ லாபீ⁴ அஸ்ஸங் பணீதானங்
பிண்ட³பாதானங்…பே॰… பணீதானங் ஸேனாஸனானங்…பே॰… பணீதானங்
கி³லானப்பச்சயபே⁴ஸஜ்ஜபரிக்கா²ரானங், ந அஞ்ஞோ பி⁴க்கு² லாபீ⁴ அஸ்ஸ பணீதானங்
கி³லானப்பச்சயபே⁴ஸஜ்ஜபரிக்கா²ரான’ந்தி. டா²னங் கோ² பனேதங், ஆவுஸோ, விஜ்ஜதி
யங் அஞ்ஞோ பி⁴க்கு² லாபீ⁴ அஸ்ஸ பணீதானங்
கி³லானப்பச்சயபே⁴ஸஜ்ஜபரிக்கா²ரானங், ந ஸோ பி⁴க்கு² லாபீ⁴ அஸ்ஸ பணீதானங்
கி³லானப்பச்சயபே⁴ஸஜ்ஜபரிக்கா²ரானங். ‘அஞ்ஞோ பி⁴க்கு² லாபீ⁴ [லாபீ⁴ அஸ்ஸ (க॰)] பணீதானங் கி³லானப்பச்சயபே⁴ஸஜ்ஜபரிக்கா²ரானங், நாஹங் லாபீ⁴ [லாபீ⁴ அஸ்ஸங் (க॰)]
பணீதானங் கி³லானப்பச்சயபே⁴ஸஜ்ஜபரிக்கா²ரான’ந்தி – இதி ஸோ குபிதோ ஹோதி
அப்பதீதோ. யோ சேவ கோ², ஆவுஸோ, கோபோ யோ ச அப்பச்சயோ – உப⁴யமேதங் அங்க³ணங்.

‘‘இமேஸங் கோ² ஏதங், ஆவுஸோ, பாபகானங் அகுஸலானங் இச்சா²வசரானங் அதி⁴வசனங், யதி³த³ங் அங்க³ண’’ந்தி.

61.
‘‘யஸ்ஸ கஸ்ஸசி, ஆவுஸோ, பி⁴க்கு²னோ இமே பாபகா அகுஸலா இச்சா²வசரா அப்பஹீனா
தி³ஸ்ஸந்தி சேவ ஸூயந்தி ச, கிஞ்சாபி ஸோ ஹோதி ஆரஞ்ஞிகோ பந்தஸேனாஸனோ
பிண்ட³பாதிகோ ஸபதா³னசாரீ பங்ஸுகூலிகோ லூக²சீவரத⁴ரோ,
அத² கோ² நங் ஸப்³ரஹ்மசாரீ ந சேவ ஸக்கரொந்தி ந க³ருங் கரொந்தி ந மானெந்தி ந
பூஜெந்தி. தங் கிஸ்ஸ ஹேது? தே ஹி தஸ்ஸ ஆயஸ்மதோ
பாபகா அகுஸலா இச்சா²வசரா அப்பஹீனா தி³ஸ்ஸந்தி சேவ ஸூயந்தி ச. ஸெய்யதா²பி,
ஆவுஸோ, கங்ஸபாதி ஆப⁴தா ஆபணா வா கம்மாரகுலா வா பரிஸுத்³தா⁴ பரியோதா³தா.
தமேனங் ஸாமிகா அஹிகுணபங் வா குக்குரகுணபங் வா மனுஸ்ஸகுணபங் வா ரசயித்வா
அஞ்ஞிஸ்ஸா கங்ஸபாதியா படிகுஜ்ஜித்வா அந்தராபணங் படிபஜ்ஜெய்யுங். தமேனங் ஜனோ
தி³ஸ்வா ஏவங் வதெ³ய்ய – ‘அம்போ⁴, கிமேவித³ங் ஹரீயதி ஜஞ்ஞஜஞ்ஞங் வியா’தி?
தமேனங் உட்ட²ஹித்வா அபாபுரித்வா [அவாபுரித்வா (ஸீ॰)] ஓலோகெய்ய. தஸ்ஸ ஸஹத³ஸ்ஸனேன அமனாபதா ச ஸண்ட²ஹெய்ய, பாடிகுல்யதா [படிகூலதா (க॰), பாடிகூல்யதா (ஸ்யா॰)] ச ஸண்ட²ஹெய்ய, ஜேகு³ச்ச²தா ச [ஜேகு³ச்சி²தா ச (பீ॰ க॰)]
ஸண்ட²ஹெய்ய; ஜிக⁴ச்சி²தானம்பி ந பொ⁴த்துகம்யதா அஸ்ஸ, பகே³வ ஸுஹிதானங்.
ஏவமேவ கோ², ஆவுஸோ, யஸ்ஸ கஸ்ஸசி பி⁴க்கு²னோ இமே பாபகா அகுஸலா இச்சா²வசரா
அப்பஹீனா தி³ஸ்ஸந்தி சேவ ஸூயந்தி ச, கிஞ்சாபி ஸோ ஹோதி ஆரஞ்ஞிகோ பந்தஸேனாஸனோ
பிண்ட³பாதிகோ ஸபதா³னசாரீ பங்ஸுகூலிகோ லூக²சீவரத⁴ரோ, அத² கோ² நங்
ஸப்³ரஹ்மசாரீ ந சேவ ஸக்கரொந்தி ந க³ருங் கரொந்தி ந மானெந்தி ந பூஜெந்தி. தங் கிஸ்ஸ ஹேது? தே ஹி தஸ்ஸ ஆயஸ்மதோ பாபகா அகுஸலா இச்சா²வசரா அப்பஹீனா தி³ஸ்ஸந்தி சேவ ஸூயந்தி ச.

62. ‘‘யஸ்ஸ கஸ்ஸசி, ஆவுஸோ, பி⁴க்கு²னோ இமே பாபகா அகுஸலா இச்சா²வசரா பஹீனா தி³ஸ்ஸந்தி சேவ ஸூயந்தி ச, கிஞ்சாபி ஸோ ஹோதி கா³மந்தவிஹாரீ நேமந்தனிகோ க³ஹபதிசீவரத⁴ரோ, அத² கோ² நங் ஸப்³ரஹ்மசாரீ ஸக்கரொந்தி க³ருங் கரொந்தி மானெந்தி பூஜெந்தி. தங் கிஸ்ஸ ஹேது ?
தே ஹி தஸ்ஸ ஆயஸ்மதோ பாபகா அகுஸலா இச்சா²வசரா பஹீனா தி³ஸ்ஸந்தி சேவ ஸூயந்தி
ச. ஸெய்யதா²பி, ஆவுஸோ, கங்ஸபாதி ஆப⁴தா ஆபணா வா கம்மாரகுலா வா பரிஸுத்³தா⁴
பரியோதா³தா. தமேனங் ஸாமிகா ஸாலீனங் ஓத³னங் விசிதகாளகங் [விசினிதகாளகங் (க॰)]
அனேகஸூபங் அனேகப்³யஞ்ஜனங் ரசயித்வா அஞ்ஞிஸ்ஸா கங்ஸபாதியா படிகுஜ்ஜித்வா
அந்தராபணங் படிபஜ்ஜெய்யுங். தமேனங் ஜனோ தி³ஸ்வா ஏவங் வதெ³ய்ய – ‘அம்போ⁴,
கிமேவித³ங் ஹரீயதி ஜஞ்ஞஜஞ்ஞங் வியா’தி? தமேனங் உட்ட²ஹித்வா அபாபுரித்வா
ஓலோகெய்ய. தஸ்ஸ ஸஹ த³ஸ்ஸனேன மனாபதா ச ஸண்ட²ஹெய்ய, அப்பாடிகுல்யதா ச
ஸண்ட²ஹெய்ய, அஜேகு³ச்ச²தா ச ஸண்ட²ஹெய்ய; ஸுஹிதானம்பி பொ⁴த்துகம்யதா அஸ்ஸ,
பகே³வ ஜிக⁴ச்சி²தானங். ஏவமேவ கோ², ஆவுஸோ, யஸ்ஸ கஸ்ஸசி பி⁴க்கு²னோ இமே பாபகா
அகுஸலா இச்சா²வசரா பஹீனா தி³ஸ்ஸந்தி சேவ ஸூயந்தி ச, கிஞ்சாபி ஸோ ஹோதி
கா³மந்தவிஹாரீ நேமந்தனிகோ க³ஹபதிசீவரத⁴ரோ, அத² கோ² நங் ஸப்³ரஹ்மசாரீ
ஸக்கரொந்தி க³ருங் கரொந்தி மானெந்தி பூஜெந்தி . தங் கிஸ்ஸ ஹேது? தே ஹி தஸ்ஸ ஆயஸ்மதோ பாபகா அகுஸலா இச்சா²வசரா பஹீனா தி³ஸ்ஸந்தி சேவ ஸூயந்தி சா’’தி.

63.
ஏவங் வுத்தே, ஆயஸ்மா மஹாமொக்³க³ல்லானோ ஆயஸ்மந்தங் ஸாரிபுத்தங் ஏதத³வோச –
‘‘உபமா மங், ஆவுஸோ ஸாரிபுத்த, படிபா⁴தீ’’தி. ‘‘படிபா⁴து தங், ஆவுஸோ
மொக்³க³ல்லானா’’தி. ‘‘ஏகமிதா³ஹங், ஆவுஸோ, ஸமயங் ராஜக³ஹே விஹராமி
கி³ரிப்³ப³ஜே. அத² க்²வாஹங், ஆவுஸோ, புப்³ப³ண்ஹஸமயங் நிவாஸெத்வா
பத்தசீவரமாதா³ய ராஜக³ஹங் பிண்டா³ய பாவிஸிங். தேன கோ² பன ஸமயேன ஸமீதி
யானகாரபுத்தோ ரத²ஸ்ஸ நேமிங் தச்ச²தி. தமேனங் பண்டு³புத்தோ ஆஜீவகோ
புராணயானகாரபுத்தோ பச்சுபட்டி²தோ ஹோதி. அத² கோ², ஆவுஸோ, பண்டு³புத்தஸ்ஸ
ஆஜீவகஸ்ஸ புராணயானகாரபுத்தஸ்ஸ ஏவங் சேதஸோ பரிவிதக்கோ உத³பாதி³ – ‘அஹோ
வதாயங் ஸமீதி யானகாரபுத்தோ இமிஸ்ஸா நேமியா இமஞ்ச வங்கங் இமஞ்ச ஜிம்ஹங்
இமஞ்ச தோ³ஸங் தச்செ²ய்ய, ஏவாயங் நேமி அபக³தவங்கா அபக³தஜிம்ஹா அபக³ததோ³ஸா
ஸுத்³தா⁴ அஸ்ஸ [ஸுத்³தா⁴ஸ்ஸ (ஸீ॰ பீ॰), ஸுத்³தா⁴ (க॰)] ஸாரே பதிட்டி²தா’தி . யதா² யதா² கோ², ஆவுஸோ, பண்டு³புத்தஸ்ஸ ஆஜீவகஸ்ஸ புராணயானகாரபுத்தஸ்ஸ சேதஸோ பரிவிதக்கோ ஹோதி, ததா² ததா²
ஸமீதி யானகாரபுத்தோ தஸ்ஸா நேமியா தஞ்ச வங்கங் தஞ்ச ஜிம்ஹங் தஞ்ச தோ³ஸங்
தச்ச²தி. அத² கோ², ஆவுஸோ, பண்டு³புத்தோ ஆஜீவகோ புராணயானகாரபுத்தோ அத்தமனோ
அத்தமனவாசங் நிச்சா²ரேஸி – ‘ஹத³யா ஹத³யங் மஞ்ஞே அஞ்ஞாய தச்ச²தீ’தி.

‘‘ஏவமேவ கோ², ஆவுஸோ, யே தே புக்³க³லா அஸ்ஸத்³தா⁴, ஜீவிகத்தா² ந ஸத்³தா⁴ அகா³ரஸ்மா அனகா³ரியங் பப்³ப³ஜிதா, ஸடா² மாயாவினோ கேதபி³னோ [கேடுபி⁴னோ (ப³ஹூஸு)]
உத்³த⁴தா உன்னளா சபலா முக²ரா விகிண்ணவாசா, இந்த்³ரியேஸு அகு³த்தத்³வாரா,
போ⁴ஜனே அமத்தஞ்ஞுனோ, ஜாக³ரியங் அனநுயுத்தா, ஸாமஞ்ஞே அனபெக்க²வந்தோ,
ஸிக்கா²ய ந திப்³ப³கா³ரவா, பா³ஹுலிகா ஸாத²லிகா, ஓக்கமனே புப்³ப³ங்க³மா,
பவிவேகே நிக்கி²த்தது⁴ரா, குஸீதா ஹீனவீரியா முட்ட²ஸ்ஸதீ அஸம்பஜானா அஸமாஹிதா
விப்³ப⁴ந்தசித்தா து³ப்பஞ்ஞா ஏளமூகா³, தேஸங் ஆயஸ்மா ஸாரிபுத்தோ இமினா த⁴ம்மபரியாயேன ஹத³யா ஹத³யங் மஞ்ஞே அஞ்ஞாய தச்ச²தி.

‘‘யே பன தே குலபுத்தா ஸத்³தா⁴ அகா³ரஸ்மா அனகா³ரியங்
பப்³ப³ஜிதா, அஸடா² அமாயாவினோ அகேதபி³னோ அனுத்³த⁴தா அனுன்னளா அசபலா அமுக²ரா
அவிகிண்ணவாசா, இந்த்³ரியேஸு கு³த்தத்³வாரா, போ⁴ஜனே மத்தஞ்ஞுனோ, ஜாக³ரியங்
அனுயுத்தா, ஸாமஞ்ஞே அபெக்க²வந்தோ, ஸிக்கா²ய திப்³ப³கா³ரவா, ந பா³ஹுலிகா
ந ஸாத²லிகா, ஓக்கமனே நிக்கி²த்தது⁴ரா, பவிவேகே புப்³ப³ங்க³மா,
ஆரத்³த⁴வீரியா பஹிதத்தா உபட்டி²தஸ்ஸதீ ஸம்பஜானா ஸமாஹிதா ஏகக்³க³சித்தா
பஞ்ஞவந்தோ அனேளமூகா³, தே ஆயஸ்மதோ ஸாரிபுத்தஸ்ஸ இமங் த⁴ம்மபரியாயங் ஸுத்வா
பிவந்தி மஞ்ஞே, க⁴ஸந்தி மஞ்ஞே வசஸா சேவ மனஸா ச – ‘ஸாது⁴ வத, போ⁴,
ஸப்³ரஹ்மசாரீ அகுஸலா வுட்டா²பெத்வா குஸலே பதிட்டா²பேதீ’தி. ஸெய்யதா²பி,
ஆவுஸோ, இத்தீ² வா புரிஸோ வா த³ஹரோ யுவா மண்ட³னகஜாதிகோ ஸீஸங்ன்ஹாதோ
உப்பலமாலங் வா வஸ்ஸிகமாலங் வா அதிமுத்தகமாலங் [அதி⁴முத்தகமாலங் (ஸ்யா॰)]
வா லபி⁴த்வா உபோ⁴ஹி ஹத்தே²ஹி படிக்³க³ஹெத்வா உத்தமங்கே³ ஸிரஸ்மிங்
பதிட்ட²பெய்ய, ஏவமேவ கோ², ஆவுஸோ, யே தே குலபுத்தா ஸத்³தா⁴ அகா³ரஸ்மா
அனகா³ரியங் பப்³ப³ஜிதா, அஸடா² அமாயாவினோ அகேதபி³னோ அனுத்³த⁴தா அனுன்னளா
அசபலா அமுக²ரா அவிகிண்ணவாசா, இந்த்³ரியேஸு கு³த்தத்³வாரா, போ⁴ஜனே
மத்தஞ்ஞுனோ, ஜாக³ரியங் அனுயுத்தா, ஸாமஞ்ஞே அபெக்க²வந்தோ, ஸிக்கா²ய
திப்³ப³கா³ரவா, ந பா³ஹுலிகா ந ஸாத²லிகா, ஓக்கமனே நிக்கி²த்தது⁴ரா, பவிவேகே புப்³ப³ங்க³மா, ஆரத்³த⁴வீரியா பஹிதத்தா உபட்டி²தஸ்ஸதீ
ஸம்பஜானா ஸமாஹிதா ஏகக்³க³சித்தா பஞ்ஞவந்தோ அனேளமூகா³, தே ஆயஸ்மதோ
ஸாரிபுத்தஸ்ஸ இமங் த⁴ம்மபரியாயங் ஸுத்வா பிவந்தி மஞ்ஞே, க⁴ஸந்தி மஞ்ஞே வசஸா
சேவ மனஸா ச – ‘ஸாது⁴ வத, போ⁴, ஸப்³ரஹ்மசாரீ அகுஸலா வுட்டா²பெத்வா குஸலே
பதிட்டா²பேதீ’தி. இதிஹ தே உபோ⁴ மஹானாகா³ அஞ்ஞமஞ்ஞஸ்ஸ ஸுபா⁴ஸிதங்
ஸமனுமோதி³ங்ஸூ’’தி.

அனங்க³ணஸுத்தங் நிட்டி²தங் பஞ்சமங்.

6. ஆகங்கெ²ய்யஸுத்தங்

64. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘ஸம்பன்னஸீலா, பி⁴க்க²வே, விஹரத² ஸம்பன்னபாதிமொக்கா²;
பாதிமொக்க²ஸங்வரஸங்வுதா விஹரத² ஆசாரகோ³சரஸம்பன்னா அணுமத்தேஸு வஜ்ஜேஸு
ப⁴யத³ஸ்ஸாவினோ; ஸமாதா³ய ஸிக்க²த² ஸிக்கா²பதே³ஸு.

65. ‘‘ஆகங்கெ²ய்ய சே, பி⁴க்க²வே, பி⁴க்கு² – ‘ஸப்³ரஹ்மசாரீனங் பியோ ச அஸ்ஸங் மனாபோ ச க³ரு ச பா⁴வனீயோ சா’தி [மனாபோ க³ருபா⁴வனியோ சாதி (ஸீ॰)], ஸீலெஸ்வேவஸ்ஸ பரிபூரகாரீ அஜ்ஜ²த்தங் சேதோஸமத²மனுயுத்தோ அனிராகதஜ்ஜா²னோ விபஸ்ஸனாய ஸமன்னாக³தோ ப்³ரூஹேதா ஸுஞ்ஞாகா³ரானங்.

‘‘ஆகங்கெ²ய்ய சே, பி⁴க்க²வே, பி⁴க்கு² – ‘லாபீ⁴ அஸ்ஸங்
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரான’ந்தி, ஸீலெஸ்வேவஸ்ஸ
பரிபூரகாரீ அஜ்ஜ²த்தங் சேதோஸமத²மனுயுத்தோ அனிராகதஜ்ஜா²னோ விபஸ்ஸனாய
ஸமன்னாக³தோ ப்³ரூஹேதா ஸுஞ்ஞாகா³ரானங்.

‘‘ஆகங்கெ²ய்ய சே, பி⁴க்க²வே, பி⁴க்கு² – ‘யேஸாஹங்
சீவரபிண்ட³பாதஸேனாஸன கி³லானப்பச்சயபே⁴ஸஜ்ஜபரிக்கா²ரங் பரிபு⁴ஞ்ஜாமி தேஸங்
தே காரா மஹப்ப²லா அஸ்ஸு மஹானிஸங்ஸா’தி,
ஸீலெஸ்வேவஸ்ஸ பரிபூரகாரீ அஜ்ஜ²த்தங் சேதோஸமத²மனுயுத்தோ அனிராகதஜ்ஜா²னோ
விபஸ்ஸனாய ஸமன்னாக³தோ ப்³ரூஹேதா ஸுஞ்ஞாகா³ரானங்.

‘‘ஆகங்கெ²ய்ய சே, பி⁴க்க²வே, பி⁴க்கு² – ‘யே மங் [யே மே (ஸீ॰ ஸ்யா॰)] ஞாதீ ஸாலோஹிதா பேதா காலங்கதா [காலகதா (ஸீ॰ ஸ்யா॰ பீ॰)]
பஸன்னசித்தா அனுஸ்ஸரந்தி தேஸங் தங் மஹப்ப²லங் அஸ்ஸ மஹானிஸங்ஸ’ந்தி,
ஸீலெஸ்வேவஸ்ஸ பரிபூரகாரீ அஜ்ஜ²த்தங் சேதோஸமத²மனுயுத்தோ அனிராகதஜ்ஜா²னோ
விபஸ்ஸனாய ஸமன்னாக³தோ ப்³ரூஹேதா ஸுஞ்ஞாகா³ரானங்.

66. ‘‘ஆகங்கெ²ய்ய
சே, பி⁴க்க²வே, பி⁴க்கு² – ‘அரதிரதிஸஹோ அஸ்ஸங், ந ச மங் அரதி ஸஹெய்ய,
உப்பன்னங் அரதிங் அபி⁴பு⁴ய்ய அபி⁴பு⁴ய்ய விஹரெய்ய’ந்தி, ஸீலெஸ்வேவஸ்ஸ
பரிபூரகாரீ…பே॰… ப்³ரூஹேதா ஸுஞ்ஞாகா³ரானங்.

‘‘ஆகங்கெ²ய்ய சே, பி⁴க்க²வே, பி⁴க்கு² – ‘ப⁴யபே⁴ரவஸஹோ
அஸ்ஸங், ந ச மங் ப⁴யபே⁴ரவங் ஸஹெய்ய, உப்பன்னங் ப⁴யபே⁴ரவங் அபி⁴பு⁴ய்ய
அபி⁴பு⁴ய்ய விஹரெய்ய’ந்தி, ஸீலெஸ்வேவஸ்ஸ பரிபூரகாரீ…பே॰… ப்³ரூஹேதா
ஸுஞ்ஞாகா³ரானங்.

‘‘ஆகங்கெ²ய்ய சே, பி⁴க்க²வே, பி⁴க்கு² – ‘சதுன்னங்
ஜா²னானங் ஆபி⁴சேதஸிகானங் தி³ட்ட²த⁴ம்மஸுக²விஹாரானங் நிகாமலாபீ⁴ அஸ்ஸங்
அகிச்ச²லாபீ⁴ அகஸிரலாபீ⁴’தி, ஸீலெஸ்வேவஸ்ஸ பரிபூரகாரீ…பே॰… ப்³ரூஹேதா
ஸுஞ்ஞாகா³ரானங்.

‘‘ஆகங்கெ²ய்ய சே, பி⁴க்க²வே, பி⁴க்கு² – ‘யே தே ஸந்தா
விமொக்கா² அதிக்கம்ம ரூபே ஆருப்பா, தே காயேன பு²ஸித்வா விஹரெய்ய’ந்தி,
ஸீலெஸ்வேவஸ்ஸ பரிபூரகாரீ…பே॰… ப்³ரூஹேதா ஸுஞ்ஞாகா³ரானங்.

67. ‘‘ஆகங்கெ²ய்ய
சே, பி⁴க்க²வே, பி⁴க்கு² – ‘திண்ணங் ஸங்யோஜனானங் பரிக்க²யா ஸோதாபன்னோ
அஸ்ஸங் அவினிபாதத⁴ம்மோ நியதோ ஸம்போ³தி⁴பராயணோ’தி, ஸீலெஸ்வேவஸ்ஸ
பரிபூரகாரீ…பே॰… ப்³ரூஹேதா ஸுஞ்ஞாகா³ரானங்.

‘‘ஆகங்கெ²ய்ய சே, பி⁴க்க²வே,
பி⁴க்கு² – ‘திண்ணங் ஸங்யோஜனானங் பரிக்க²யா ராக³தோ³ஸமோஹானங் தனுத்தா
ஸகதா³கா³மீ அஸ்ஸங் ஸகிதே³வ இமங் லோகங் ஆக³ந்த்வா து³க்க²ஸ்ஸந்தங்
கரெய்ய’ந்தி, ஸீலெஸ்வேவஸ்ஸ பரிபூரகாரீ…பே॰… ப்³ரூஹேதா ஸுஞ்ஞாகா³ரானங்.

‘‘ஆகங்கெ²ய்ய சே, பி⁴க்க²வே,
பி⁴க்கு² – ‘பஞ்சன்னங் ஓரம்பா⁴கி³யானங் ஸங்யோஜனானங் பரிக்க²யா ஓபபாதிகோ
அஸ்ஸங் தத்த² பரினிப்³பா³யீ அனாவத்தித⁴ம்மோ தஸ்மா லோகா’தி, ஸீலெஸ்வேவஸ்ஸ
பரிபூரகாரீ…பே॰… ப்³ரூஹேதா ஸுஞ்ஞாகா³ரானங்.

68.
‘‘ஆகங்கெ²ய்ய சே, பி⁴க்க²வே, பி⁴க்கு² – ‘அனேகவிஹிதங் இத்³தி⁴வித⁴ங்
பச்சனுப⁴வெய்யங் – ஏகோபி ஹுத்வா ப³ஹுதா⁴ அஸ்ஸங், ப³ஹுதா⁴பி ஹுத்வா ஏகோ
அஸ்ஸங்; ஆவிபா⁴வங் திரோபா⁴வங்; திரோகுட்டங் திரோபாகாரங் திரோபப்³ப³தங்
அஸஜ்ஜமானோ க³ச்செ²ய்யங், ஸெய்யதா²பி ஆகாஸே; பத²வியாபி உம்முஜ்ஜனிமுஜ்ஜங்
கரெய்யங், ஸெய்யதா²பி உத³கே; உத³கேபி அபி⁴ஜ்ஜமானே க³ச்செ²ய்யங், ஸெய்யதா²பி
பத²வியங்; ஆகாஸேபி பல்லங்கேன கமெய்யங், ஸெய்யதா²பி பக்கீ² ஸகுணோ; இமேபி
சந்தி³மஸூரியே ஏவங்மஹித்³தி⁴கே ஏவங்மஹானுபா⁴வே பாணினா பராமஸெய்யங்
பரிமஜ்ஜெய்யங்; யாவ ப்³ரஹ்மலோகாபி காயேன வஸங் வத்தெய்ய’ந்தி, ஸீலெஸ்வேவஸ்ஸ
பரிபூரகாரீ…பே॰… ப்³ரூஹேதா ஸுஞ்ஞாகா³ரானங்.

‘‘ஆகங்கெ²ய்ய சே, பி⁴க்க²வே,
பி⁴க்கு² – ‘தி³ப்³பா³ய ஸோததா⁴துயா விஸுத்³தா⁴ய அதிக்கந்தமானுஸிகாய உபோ⁴
ஸத்³தே³ ஸுணெய்யங் – தி³ப்³பே³ ச மானுஸே ச யே தூ³ரே ஸந்திகே சா’தி,
ஸீலெஸ்வேவஸ்ஸ பரிபூரகாரீ…பே॰… ப்³ரூஹேதா ஸுஞ்ஞாகா³ரானங்.

‘‘ஆகங்கெ²ய்ய சே, பி⁴க்க²வே, பி⁴க்கு² – ‘பரஸத்தானங்
பரபுக்³க³லானங் சேதஸா சேதோ பரிச்ச பஜானெய்யங் – ஸராக³ங் வா சித்தங் ஸராக³ங்
சித்தந்தி பஜானெய்யங், வீதராக³ங் வா சித்தங் வீதராக³ங் சித்தந்தி
பஜானெய்யங்; ஸதோ³ஸங் வா சித்தங் ஸதோ³ஸங் சித்தந்தி பஜானெய்யங், வீததோ³ஸங்
வா சித்தங் வீததோ³ஸங் சித்தந்தி பஜானெய்யங்; ஸமோஹங் வா சித்தங் ஸமோஹங்
சித்தந்தி பஜானெய்யங், வீதமோஹங் வா சித்தங் வீதமோஹங் சித்தந்தி பஜானெய்யங்;
ஸங்கி²த்தங் வா சித்தங் ஸங்கி²த்தங் சித்தந்தி பஜானெய்யங், விக்கி²த்தங்
வா சித்தங் விக்கி²த்தங் சித்தந்தி பஜானெய்யங்; மஹக்³க³தங் வா சித்தங்
மஹக்³க³தங் சித்தந்தி பஜானெய்யங், அமஹக்³க³தங் வா சித்தங் அமஹக்³க³தங்
சித்தந்தி பஜானெய்யங்; ஸஉத்தரங் வா சித்தங் ஸஉத்தரங் சித்தந்தி பஜானெய்யங்,
அனுத்தரங் வா சித்தங் அனுத்தரங் சித்தந்தி பஜானெய்யங்; ஸமாஹிதங் வா
சித்தங் ஸமாஹிதங் சித்தந்தி பஜானெய்யங், அஸமாஹிதங்
வா சித்தங் அஸமாஹிதங் சித்தந்தி பஜானெய்யங்; விமுத்தங் வா சித்தங்
விமுத்தங் சித்தந்தி பஜானெய்யங், அவிமுத்தங் வா சித்தங் அவிமுத்தங்
சித்தந்தி பஜானெய்ய’ந்தி, ஸீலெஸ்வேவஸ்ஸ பரிபூரகாரீ…பே॰… ப்³ரூஹேதா ஸுஞ்ஞாகா³ரானங்.

‘‘ஆகங்கெ²ய்ய
சே, பி⁴க்க²வே, பி⁴க்கு² – ‘அனேகவிஹிதங் புப்³பே³னிவாஸங் அனுஸ்ஸரெய்யங்,
ஸெய்யதி²த³ங் – ஏகம்பி ஜாதிங் த்³வேபி ஜாதியோ திஸ்ஸோபி ஜாதியோ சதஸ்ஸோபி
ஜாதியோ பஞ்சபி ஜாதியோ த³ஸபி ஜாதியோ வீஸம்பி ஜாதியோ திங்ஸம்பி ஜாதியோ
சத்தாலீஸம்பி ஜாதியோ பஞ்ஞாஸம்பி ஜாதியோ ஜாதிஸதம்பி ஜாதிஸஹஸ்ஸம்பி ஜாதி
ஸதஸஹஸ்ஸம்பி அனேகேபி ஸங்வட்டகப்பே அனேகேபி விவட்டகப்பே அனேகேபி
ஸங்வட்டவிவட்டகப்பே – அமுத்ராஸிங் ஏவங்னாமோ ஏவங்கொ³த்தோ ஏவங்வண்ணோ ஏவமாஹாரோ
ஏவங்ஸுக²து³க்க²ப்படிஸங்வேதீ³ ஏவமாயுபரியந்தோ, ஸோ ததோ சுதோ அமுத்ர
உத³பாதி³ங்; தத்ராபாஸிங் ஏவங்னாமோ ஏவங்கொ³த்தோ ஏவங்வண்ணோ ஏவமாஹாரோ
ஏவங்ஸுக²து³க்க²ப்படிஸங்வேதீ³ ஏவமாயுபரியந்தோ, ஸோ ததோ சுதோ இதூ⁴பபன்னோதி.
இதி ஸாகாரங் ஸஉத்³தே³ஸங் அனேகவிஹிதங் புப்³பே³னிவாஸங் அனுஸ்ஸரெய்ய’ந்தி,
ஸீலெஸ்வேவஸ்ஸ பரிபூரகாரீ…பே॰… ப்³ரூஹேதா ஸுஞ்ஞாகா³ரானங்.

‘‘ஆகங்கெ²ய்ய சே, பி⁴க்க²வே, பி⁴க்கு² – ‘தி³ப்³பே³ன
சக்கு²னா விஸுத்³தே⁴ன அதிக்கந்தமானுஸகேன ஸத்தே பஸ்ஸெய்யங் சவமானே
உபபஜ்ஜமானே ஹீனே பணீதே ஸுவண்ணே து³ப்³ப³ண்ணே ஸுக³தே து³க்³க³தே
யதா²கம்மூபகே³ ஸத்தே பஜானெய்யங் – இமே வத பொ⁴ந்தோ ஸத்தா காயது³ச்சரிதேன
ஸமன்னாக³தா வசீது³ச்சரிதேன ஸமன்னாக³தா மனோது³ச்சரிதேன ஸமன்னாக³தா அரியானங்
உபவாத³கா மிச்சா²தி³ட்டி²கா மிச்சா²தி³ட்டி²கம்மஸமாதா³னா, தே காயஸ்ஸ பே⁴தா³
பரங் மரணா அபாயங் து³க்³க³திங் வினிபாதங் நிரயங் உபபன்னா; இமே வா பன
பொ⁴ந்தோ ஸத்தா காயஸுசரிதேன ஸமன்னாக³தா வசீஸுசரிதேன
ஸமன்னாக³தா மனோஸுசரிதேன ஸமன்னாக³தா அரியானங் அனுபவாத³கா ஸம்மாதி³ட்டி²கா
ஸம்மாதி³ட்டி²கம்மஸமாதா³னா, தே காயஸ்ஸ பே⁴தா³ பரங் மரணா ஸுக³திங் ஸக்³க³ங்
லோகங் உபபன்னாதி, இதி தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன
ஸத்தே பஸ்ஸெய்யங் சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே
ஸுக³தே து³க்³க³தே யதா²கம்மூபகே³ ஸத்தே பஜானெய்ய’ந்தி, ஸீலெஸ்வேவஸ்ஸ
பரிபூரகாரீ அஜ்ஜ²த்தங் சேதோஸமத²மனுயுத்தோ அனிராகதஜ்ஜா²னோ விபஸ்ஸனாய
ஸமன்னாக³தோ ப்³ரூஹேதா ஸுஞ்ஞாகா³ரானங்.

69. ‘‘ஆகங்கெ²ய்ய சே, பி⁴க்க²வே, பி⁴க்கு² – ‘ஆஸவானங் க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வத⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ
விஹரெய்ய’ந்தி, ஸீலெஸ்வேவஸ்ஸ பரிபூரகாரீ அஜ்ஜ²த்தங் சேதோஸமத²மனுயுத்தோ
அனிராகதஜ்ஜா²னோ விபஸ்ஸனாய ஸமன்னாக³தோ ப்³ரூஹேதா ஸுஞ்ஞாகா³ரானங்.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

ஆகங்கெ²ய்யஸுத்தங் நிட்டி²தங் ச²ட்ட²ங்.

7. வத்த²ஸுத்தங்

70. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘ஸெய்யதா²பி, பி⁴க்க²வே, வத்த²ங் ஸங்கிலிட்ட²ங்
மலக்³க³ஹிதங்; தமேனங் ரஜகோ யஸ்மிங் யஸ்மிங் ரங்க³ஜாதே உபஸங்ஹரெய்ய – யதி³
நீலகாய யதி³ பீதகாய யதி³ லோஹிதகாய யதி³ மஞ்ஜிட்ட²காய [மஞ்ஜெட்ட²காய (ஸீ॰ பீ॰), மஞ்ஜெட்டி²காய (ஸ்யா॰)]
து³ரத்தவண்ணமேவஸ்ஸ அபரிஸுத்³த⁴வண்ணமேவஸ்ஸ. தங் கிஸ்ஸ ஹேது?
அபரிஸுத்³த⁴த்தா, பி⁴க்க²வே, வத்த²ஸ்ஸ. ஏவமேவ கோ², பி⁴க்க²வே, சித்தே
ஸங்கிலிட்டே², து³க்³க³தி பாடிகங்கா². ஸெய்யதா²பி, பி⁴க்க²வே, வத்த²ங்
பரிஸுத்³த⁴ங் பரியோதா³தங்; தமேனங் ரஜகோ யஸ்மிங் யஸ்மிங் ரங்க³ஜாதே
உபஸங்ஹரெய்ய – யதி³ நீலகாய யதி³ பீதகாய யதி³ லோஹிதகாய யதி³ மஞ்ஜிட்ட²காய –
ஸுரத்தவண்ணமேவஸ்ஸ பரிஸுத்³த⁴வண்ணமேவஸ்ஸ. தங் கிஸ்ஸ ஹேது? பரிஸுத்³த⁴த்தா,
பி⁴க்க²வே, வத்த²ஸ்ஸ. ஏவமேவ கோ², பி⁴க்க²வே, சித்தே அஸங்கிலிட்டே², ஸுக³தி
பாடிகங்கா².

71.
‘‘கதமே ச, பி⁴க்க²வே, சித்தஸ்ஸ உபக்கிலேஸா? அபி⁴ஜ்ஜா²விஸமலோபோ⁴ சித்தஸ்ஸ
உபக்கிலேஸோ, ப்³யாபாதோ³ சித்தஸ்ஸ உபக்கிலேஸோ, கோதோ⁴ சித்தஸ்ஸ உபக்கிலேஸோ,
உபனாஹோ சித்தஸ்ஸ உபக்கிலேஸோ, மக்கோ² சித்தஸ்ஸ உபக்கிலேஸோ, பளாஸோ சித்தஸ்ஸ உபக்கிலேஸோ, இஸ்ஸா
சித்தஸ்ஸ உபக்கிலேஸோ, மச்ச²ரியங் சித்தஸ்ஸ உபக்கிலேஸோ, மாயா சித்தஸ்ஸ
உபக்கிலேஸோ, ஸாடெ²ய்யங் சித்தஸ்ஸ உபக்கிலேஸோ, த²ம்போ⁴ சித்தஸ்ஸ உபக்கிலேஸோ,
ஸாரம்போ⁴ சித்தஸ்ஸ உபக்கிலேஸோ, மானோ சித்தஸ்ஸ உபக்கிலேஸோ, அதிமானோ
சித்தஸ்ஸ உபக்கிலேஸோ, மதோ³ சித்தஸ்ஸ உபக்கிலேஸோ, பமாதோ³ சித்தஸ்ஸ உபக்கிலேஸோ.

72.
‘‘ஸ கோ² ஸோ, பி⁴க்க²வே, பி⁴க்கு² ‘அபி⁴ஜ்ஜா²விஸமலோபோ⁴ சித்தஸ்ஸ
உபக்கிலேஸோ’தி – இதி விதி³த்வா அபி⁴ஜ்ஜா²விஸமலோப⁴ங் சித்தஸ்ஸ உபக்கிலேஸங்
பஜஹதி; ‘ப்³யாபாதோ³ சித்தஸ்ஸ உபக்கிலேஸோ’தி – இதி விதி³த்வா ப்³யாபாத³ங்
சித்தஸ்ஸ உபக்கிலேஸங் பஜஹதி ; ‘கோதோ⁴ சித்தஸ்ஸ
உபக்கிலேஸோ’தி – இதி விதி³த்வா கோத⁴ங் சித்தஸ்ஸ உபக்கிலேஸங் பஜஹதி; ‘உபனாஹோ
சித்தஸ்ஸ உபக்கிலேஸோ’தி – இதி விதி³த்வா உபனாஹங் சித்தஸ்ஸ உபக்கிலேஸங்
பஜஹதி; ‘மக்கோ² சித்தஸ்ஸ உபக்கிலேஸோ’தி – இதி விதி³த்வா மக்க²ங் சித்தஸ்ஸ
உபக்கிலேஸங் பஜஹதி; ‘பளாஸோ சித்தஸ்ஸ உபக்கிலேஸோ’தி – இதி விதி³த்வா பளாஸங்
சித்தஸ்ஸ உபக்கிலேஸங் பஜஹதி; ‘இஸ்ஸா சித்தஸ்ஸ உபக்கிலேஸோ’தி – இதி
விதி³த்வா இஸ்ஸங் சித்தஸ்ஸ உபக்கிலேஸங் பஜஹதி; ‘மச்ச²ரியங் சித்தஸ்ஸ
உபக்கிலேஸோ’தி – இதி விதி³த்வா மச்ச²ரியங் சித்தஸ்ஸ உபக்கிலேஸங் பஜஹதி;
‘மாயா சித்தஸ்ஸ உபக்கிலேஸோ’தி – இதி விதி³த்வா மாயங் சித்தஸ்ஸ உபக்கிலேஸங்
பஜஹதி; ‘ஸாடெ²ய்யங் சித்தஸ்ஸ உபக்கிலேஸோ’தி – இதி விதி³த்வா ஸாடெ²ய்யங்
சித்தஸ்ஸ உபக்கிலேஸங் பஜஹதி; ‘த²ம்போ⁴ சித்தஸ்ஸ உபக்கிலேஸோ’தி – இதி
விதி³த்வா த²ம்ப⁴ங் சித்தஸ்ஸ உபக்கிலேஸங் பஜஹதி; ‘ஸாரம்போ⁴ சித்தஸ்ஸ
உபக்கிலேஸோ’தி – இதி விதி³த்வா ஸாரம்ப⁴ங் சித்தஸ்ஸ
உபக்கிலேஸங் பஜஹதி; ‘மானோ சித்தஸ்ஸ உபக்கிலேஸோ’தி – இதி விதி³த்வா மானங்
சித்தஸ்ஸ உபக்கிலேஸங் பஜஹதி; ‘அதிமானோ சித்தஸ்ஸ உபக்கிலேஸோ’தி – இதி
விதி³த்வா அதிமானங் சித்தஸ்ஸ உபக்கிலேஸங் பஜஹதி; ‘மதோ³ சித்தஸ்ஸ
உபக்கிலேஸோ’தி – இதி விதி³த்வா மத³ங் சித்தஸ்ஸ உபக்கிலேஸங் பஜஹதி; ‘பமாதோ³
சித்தஸ்ஸ உபக்கிலேஸோ’தி – இதி விதி³த்வா பமாத³ங் சித்தஸ்ஸ உபக்கிலேஸங்
பஜஹதி.

73. ‘‘யதோ கோ² [யதோ ச கோ² (ஸீ॰ ஸ்யா॰)], பி⁴க்க²வே, பி⁴க்கு²னோ ‘அபி⁴ஜ்ஜா²விஸமலோபோ⁴ சித்தஸ்ஸ உபக்கிலேஸோ’தி – இதி விதி³த்வா அபி⁴ஜ்ஜா²விஸமலோபோ⁴ சித்தஸ்ஸ உபக்கிலேஸோ
பஹீனோ ஹோதி, ‘ப்³யாபாதோ³ சித்தஸ்ஸ உபக்கிலேஸோ’தி – இதி விதி³த்வா
ப்³யாபாதோ³ சித்தஸ்ஸ உபக்கிலேஸோ பஹீனோ ஹோதி; ‘கோதோ⁴ சித்தஸ்ஸ உபக்கிலேஸோ’தி
– இதி விதி³த்வா கோதோ⁴ சித்தஸ்ஸ உபக்கிலேஸோ பஹீனோ ஹோதி; ‘உபனாஹோ சித்தஸ்ஸ
உபக்கிலேஸோ’தி – இதி விதி³த்வா உபனாஹோ சித்தஸ்ஸ உபக்கிலேஸோ பஹீனோ ஹோதி;
‘மக்கோ² சித்தஸ்ஸ உபக்கிலேஸோ’தி – இதி விதி³த்வா மக்கோ² சித்தஸ்ஸ
உபக்கிலேஸோ பஹீனோ ஹோதி; ‘பளாஸோ சித்தஸ்ஸ உபக்கிலேஸோ’தி – இதி விதி³த்வா
பளாஸோ சித்தஸ்ஸ உபக்கிலேஸோ பஹீனோ ஹோதி; ‘இஸ்ஸா சித்தஸ்ஸ உபக்கிலேஸோ’தி –
இதி விதி³த்வா இஸ்ஸா சித்தஸ்ஸ உபக்கிலேஸோ பஹீனோ ஹோதி; ‘மச்ச²ரியங் சித்தஸ்ஸ
உபக்கிலேஸோ’தி – இதி விதி³த்வா மச்ச²ரியங் சித்தஸ்ஸ உபக்கிலேஸோ பஹீனோ
ஹோதி; ‘மாயா சித்தஸ்ஸ உபக்கிலேஸோ’தி – இதி விதி³த்வா மாயா சித்தஸ்ஸ
உபக்கிலேஸோ பஹீனோ ஹோதி; ‘ஸாடெ²ய்யங் சித்தஸ்ஸ உபக்கிலேஸோ’தி
– இதி விதி³த்வா ஸாடெ²ய்யங் சித்தஸ்ஸ உபக்கிலேஸோ பஹீனோ ஹோதி; ‘த²ம்போ⁴
சித்தஸ்ஸ உபக்கிலேஸோ’தி – இதி விதி³த்வா த²ம்போ⁴ சித்தஸ்ஸ உபக்கிலேஸோ பஹீனோ
ஹோதி; ‘ஸாரம்போ⁴ சித்தஸ்ஸ உபக்கிலேஸோ’தி – இதி விதி³த்வா ஸாரம்போ⁴
சித்தஸ்ஸ உபக்கிலேஸோ பஹீனோ ஹோதி; ‘மானோ சித்தஸ்ஸ
உபக்கிலேஸோ’தி – இதி விதி³த்வா மானோ சித்தஸ்ஸ உபக்கிலேஸோ பஹீனோ ஹோதி;
‘அதிமானோ சித்தஸ்ஸ உபக்கிலேஸோ’தி – இதி விதி³த்வா அதிமானோ சித்தஸ்ஸ
உபக்கிலேஸோ பஹீனோ ஹோதி; ‘மதோ³ சித்தஸ்ஸ உபக்கிலேஸோ’தி – இதி விதி³த்வா மதோ³
சித்தஸ்ஸ உபக்கிலேஸோ பஹீனோ ஹோதி; ‘பமாதோ³ சித்தஸ்ஸ உபக்கிலேஸோ’தி – இதி
விதி³த்வா பமாதோ³ சித்தஸ்ஸ உபக்கிலேஸோ பஹீனோ ஹோதி.

74.
‘‘ஸோ பு³த்³தே⁴ அவேச்சப்பஸாதே³ன ஸமன்னாக³தோ ஹோதி – ‘இதிபி ஸோ ப⁴க³வா அரஹங்
ஸம்மாஸம்பு³த்³தோ⁴ விஜ்ஜாசரணஸம்பன்னோ ஸுக³தோ லோகவிதூ³ அனுத்தரோ
புரிஸத³ம்மஸாரதி² ஸத்தா² தே³வமனுஸ்ஸானங் பு³த்³தோ⁴ ப⁴க³வா’தி; த⁴ம்மே
அவேச்சப்பஸாதே³ன ஸமன்னாக³தோ ஹோதி – ‘ஸ்வாக்கா²தோ ப⁴க³வதா த⁴ம்மோ
ஸந்தி³ட்டி²கோ அகாலிகோ ஏஹிபஸ்ஸிகோ ஓபனெய்யிகோ பச்சத்தங் வேதி³தப்³போ³
விஞ்ஞூஹீ’தி; ஸங்கே⁴ அவேச்சப்பஸாதே³ன ஸமன்னாக³தோ ஹோதி – ‘ஸுப்படிபன்னோ
ப⁴க³வதோ ஸாவகஸங்கோ⁴, உஜுப்படிபன்னோ ப⁴க³வதோ ஸாவகஸங்கோ⁴, ஞாயப்படிபன்னோ
ப⁴க³வதோ ஸாவகஸங்கோ⁴, ஸாமீசிப்படிபன்னோ ப⁴க³வதோ
ஸாவகஸங்கோ⁴, யதி³த³ங் சத்தாரி புரிஸயுகா³னி, அட்ட² புரிஸபுக்³க³லா. ஏஸ
ப⁴க³வதோ ஸாவகஸங்கோ⁴ ஆஹுனெய்யோ பாஹுனெய்யோ த³க்கி²ணெய்யோ அஞ்ஜலிகரணீயோ , அனுத்தரங் புஞ்ஞக்கெ²த்தங் லோகஸ்ஸா’தி.

75. ‘‘யதோ²தி⁴ [யதோதி⁴ (அட்ட²கதா²யங் பாட²ந்தரங்)]
கோ² பனஸ்ஸ சத்தங் ஹோதி வந்தங் முத்தங் பஹீனங் படினிஸ்ஸட்ட²ங், ஸோ
‘பு³த்³தே⁴ அவேச்சப்பஸாதே³ன ஸமன்னாக³தொம்ஹீ’தி லப⁴தி அத்த²வேத³ங், லப⁴தி
த⁴ம்மவேத³ங், லப⁴தி த⁴ம்மூபஸங்ஹிதங் பாமோஜ்ஜங். பமுதி³தஸ்ஸ பீதி ஜாயதி,
பீதிமனஸ்ஸ காயோ பஸ்ஸம்ப⁴தி, பஸ்ஸத்³த⁴காயோ ஸுக²ங் வேதே³தி, ஸுகி²னோ சித்தங்
ஸமாதி⁴யதி; ‘த⁴ம்மே…பே॰… ஸங்கே⁴ அவேச்சப்பஸாதே³ன
ஸமன்னாக³தொம்ஹீ’தி லப⁴தி அத்த²வேத³ங், லப⁴தி த⁴ம்மவேத³ங், லப⁴தி
த⁴ம்மூபஸங்ஹிதங் பாமோஜ்ஜங்; பமுதி³தஸ்ஸ பீதி ஜாயதி, பீதிமனஸ்ஸ காயோ
பஸ்ஸம்ப⁴தி, பஸ்ஸத்³த⁴காயோ ஸுக²ங் வேதே³தி, ஸுகி²னோ சித்தங் ஸமாதி⁴யதி.
‘யதோ²தி⁴ கோ² பன மே சத்தங் வந்தங் முத்தங் பஹீனங் படினிஸ்ஸட்ட²’ந்தி லப⁴தி
அத்த²வேத³ங், லப⁴தி த⁴ம்மவேத³ங், லப⁴தி த⁴ம்மூபஸங்ஹிதங் பாமோஜ்ஜங்;
பமுதி³தஸ்ஸ பீதி ஜாயதி, பீதிமனஸ்ஸ காயோ பஸ்ஸம்ப⁴தி, பஸ்ஸத்³த⁴காயோ ஸுக²ங்
வேதே³தி, ஸுகி²னோ சித்தங் ஸமாதி⁴யதி.

76.
‘‘ஸ கோ² ஸோ, பி⁴க்க²வே, பி⁴க்கு² ஏவங்ஸீலோ ஏவங்த⁴ம்மோ ஏவங்பஞ்ஞோ ஸாலீனங்
சேபி பிண்ட³பாதங் பு⁴ஞ்ஜதி விசிதகாளகங் அனேகஸூபங் அனேகப்³யஞ்ஜனங், நேவஸ்ஸ
தங் ஹோதி அந்தராயாய. ஸெய்யதா²பி, பி⁴க்க²வே, வத்த²ங் ஸங்கிலிட்ட²ங்
மலக்³க³ஹிதங் அச்சோ²த³கங் ஆக³ம்ம பரிஸுத்³த⁴ங் ஹோதி பரியோதா³தங் ,
உக்காமுக²ங் வா பனாக³ம்ம ஜாதரூபங் பரிஸுத்³த⁴ங் ஹோதி பரியோதா³தங், ஏவமேவ
கோ², பி⁴க்க²வே, பி⁴க்கு² ஏவங்ஸீலோ ஏவங்த⁴ம்மோ ஏவங்பஞ்ஞோ ஸாலீனங் சேபி
பிண்ட³பாதங் பு⁴ஞ்ஜதி விசிதகாளகங் அனேகஸூபங் அனேகப்³யஞ்ஜனங் , நேவஸ்ஸ தங் ஹோதி அந்தராயாய.

77. ‘‘ஸோ மெத்தாஸஹக³தேன சேதஸா ஏகங் தி³ஸங் ப²ரித்வா விஹரதி, ததா² து³தியங், ததா² ததியங், ததா² சதுத்த²ங் [சதுத்தி²ங் (ஸீ॰ பீ॰)].
இதி உத்³த⁴மதோ⁴ திரியங் ஸப்³ப³தி⁴ ஸப்³ப³த்ததாய ஸப்³பா³வந்தங் லோகங்
மெத்தாஸஹக³தேன சேதஸா விபுலேன மஹக்³க³தேன அப்பமாணேன அவேரேன அப்³யாபஜ்ஜேன
ப²ரித்வா விஹரதி; கருணாஸஹக³தேன சேதஸா…பே॰… முதி³தாஸஹக³தேன சேதஸா…பே॰…
உபெக்கா²ஸஹக³தேன சேதஸா ஏகங் தி³ஸங் ப²ரித்வா
விஹரதி, ததா² து³தியங், ததா² ததியங், ததா² சதுத்த²ங். இதி உத்³த⁴மதோ⁴
திரியங் ஸப்³ப³தி⁴ ஸப்³ப³த்ததாய ஸப்³பா³வந்தங் லோகங் உபெக்கா²ஸஹக³தேன சேதஸா
விபுலேன மஹக்³க³தேன அப்பமாணேன அவேரேன அப்³யாபஜ்ஜேன ப²ரித்வா விஹரதி.

78.
‘‘ஸோ ‘அத்தி² இத³ங், அத்தி² ஹீனங், அத்தி² பணீதங், அத்தி² இமஸ்ஸ
ஸஞ்ஞாக³தஸ்ஸ உத்தரிங் நிஸ்ஸரண’ந்தி பஜானாதி. தஸ்ஸ ஏவங் ஜானதோ ஏவங் பஸ்ஸதோ
காமாஸவாபி சித்தங் விமுச்சதி, ப⁴வாஸவாபி சித்தங் விமுச்சதி, அவிஜ்ஜாஸவாபி
சித்தங் விமுச்சதி. விமுத்தஸ்மிங் விமுத்தமிதி ஞாணங் ஹோதி. ‘கீ²ணா ஜாதி,
வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயா’தி பஜானாதி . அயங் வுச்சதி, பி⁴க்க²வே – ‘பி⁴க்கு² ஸினாதோ அந்தரேன ஸினானேனா’’’தி.

79. தேன கோ² பன ஸமயேன ஸுந்த³ரிகபா⁴ரத்³வாஜோ ப்³ராஹ்மணோ ப⁴க³வதோ அவிதூ³ரே நிஸின்னோ ஹோதி. அத² கோ² ஸுந்த³ரிகபா⁴ரத்³வாஜோ ப்³ராஹ்மணோ
ப⁴க³வந்தங் ஏதத³வோச – ‘‘க³ச்ச²தி பன ப⁴வங் கோ³தமோ பா³ஹுகங் நதி³ங்
ஸினாயிது’’ந்தி? ‘‘கிங், ப்³ராஹ்மண, பா³ஹுகாய நதி³யா? கிங் பா³ஹுகா நதீ³
கரிஸ்ஸதீ’’தி? ‘‘லொக்க²ஸம்மதா [லொக்²யஸம்மதா (ஸீ॰), மொக்க²ஸம்மதா (பீ॰)]
ஹி, போ⁴ கோ³தம, பா³ஹுகா நதீ³ ப³ஹுஜனஸ்ஸ, புஞ்ஞஸம்மதா ஹி, போ⁴ கோ³தம,
பா³ஹுகா நதீ³ ப³ஹுஜனஸ்ஸ, பா³ஹுகாய பன நதி³யா ப³ஹுஜனோ பாபகம்மங் கதங்
பவாஹேதீ’’தி. அத² கோ² ப⁴க³வா ஸுந்த³ரிகபா⁴ரத்³வாஜங் ப்³ராஹ்மணங் கா³தா²ஹி
அஜ்ஜ²பா⁴ஸி –

‘‘பா³ஹுகங் அதி⁴கக்கஞ்ச, க³யங் ஸுந்த³ரிகங் மபி [ஸுந்த³ரிகாமபி (ஸீ॰ ஸ்யா॰ பீ॰), ஸுந்த³ரிகங் மஹிங் (இதிபி)];

ஸரஸ்ஸதிங் பயாக³ஞ்ச, அதோ² பா³ஹுமதிங் நதி³ங்;

நிச்சம்பி பா³லோ பக்க²ந்தோ³ [பக்க²ன்னோ (ஸீ॰ ஸ்யா॰ பீ॰)], கண்ஹகம்மோ ந ஸுஜ்ஜ²தி.

‘‘கிங் ஸுந்த³ரிகா கரிஸ்ஸதி, கிங் பயாகா³ [பயாகோ³ (ஸீ॰ ஸ்யா॰ பீ॰)] கிங் பா³ஹுகா நதீ³;

வேரிங் கதகிப்³பி³ஸங் நரங், ந ஹி நங் ஸோத⁴யே பாபகம்மினங்.

‘‘ஸுத்³த⁴ஸ்ஸ வே ஸதா³ ப²க்³கு³, ஸுத்³த⁴ஸ்ஸுபோஸதோ² ஸதா³;

ஸுத்³த⁴ஸ்ஸ ஸுசிகம்மஸ்ஸ, ஸதா³ ஸம்பஜ்ஜதே வதங்;

இதே⁴வ ஸினாஹி ப்³ராஹ்மண, ஸப்³ப³பூ⁴தேஸு கரோஹி கே²மதங்.

‘‘ஸசே முஸா ந ப⁴ணஸி, ஸசே பாணங் ந ஹிங்ஸஸி;

ஸசே அதி³ன்னங் நாதி³யஸி, ஸத்³த³ஹானோ அமச்ச²ரீ;

கிங் காஹஸி க³யங் க³ந்த்வா, உத³பானோபி தே க³யா’’தி.

80. ஏவங்
வுத்தே, ஸுந்த³ரிகபா⁴ரத்³வாஜோ ப்³ராஹ்மணோ ப⁴க³வந்தங் ஏதத³வோச –
‘‘அபி⁴க்கந்தங், போ⁴ கோ³தம, அபி⁴க்கந்தங், போ⁴ கோ³தம! ஸெய்யதா²பி, போ⁴
கோ³தம, நிக்குஜ்ஜிதங் வா உக்குஜ்ஜெய்ய, படிச்ச²ன்னங் வா விவரெய்ய, மூள்ஹஸ்ஸ
வா மக்³க³ங் ஆசிக்கெ²ய்ய, அந்த⁴காரே வா தேலபஜ்ஜோதங் தா⁴ரெய்ய –
சக்கு²மந்தோ ரூபானி த³க்க²ந்தீதி; ஏவமேவங் போ⁴தா கோ³தமேன அனேகபரியாயேன
த⁴ம்மோ பகாஸிதோ. ஏஸாஹங் ப⁴வந்தங் கோ³தமங் ஸரணங் க³ச்சா²மி த⁴ம்மஞ்ச
பி⁴க்கு²ஸங்க⁴ஞ்ச. லபெ⁴ய்யாஹங் போ⁴தோ கோ³தமஸ்ஸ ஸந்திகே பப்³ப³ஜ்ஜங்,
லபெ⁴ய்யங் உபஸம்பத³’’ந்தி. அலத்த² கோ² ஸுந்த³ரிகபா⁴ரத்³வாஜோ ப்³ராஹ்மணோ
ப⁴க³வதோ ஸந்திகே பப்³ப³ஜ்ஜங், அலத்த² உபஸம்பத³ங். அசிரூபஸம்பன்னோ
கோ² பனாயஸ்மா பா⁴ரத்³வாஜோ ஏகோ வூபகட்டோ² அப்பமத்தோ ஆதாபீ பஹிதத்தோ
விஹரந்தோ நசிரஸ்ஸேவ – யஸ்ஸத்தா²ய குலபுத்தா ஸம்மதே³வ அகா³ரஸ்மா அனகா³ரியங்
பப்³ப³ஜந்தி தத³னுத்தரங் – ப்³ரஹ்மசரியபரியோஸானங் தி³ட்டே²வத⁴ம்மே ஸயங்
அபி⁴ஞ்ஞா ஸச்சி²கத்வா உபஸம்பஜ்ஜ விஹாஸி. ‘‘கீ²ணா ஜாதி, வுஸிதங்
ப்³ரஹ்மசரியங், கதங் கரணீயங், நாபரங் இத்த²த்தாயா’’தி அப்³ப⁴ஞ்ஞாஸி.
அஞ்ஞதரோ கோ² பனாயஸ்மா பா⁴ரத்³வாஜோ அரஹதங் அஹோஸீதி.

வத்த²ஸுத்தங் நிட்டி²தங் ஸத்தமங்.

8. ஸல்லேக²ஸுத்தங்

81. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. அத² கோ² ஆயஸ்மா மஹாசுந்தோ³ ஸாயன்ஹஸமயங் படிஸல்லானா வுட்டி²தோ யேன
ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³. ஏகமந்தங் நிஸின்னோ கோ² ஆயஸ்மா மஹாசுந்தோ³
ப⁴க³வந்தங் ஏதத³வோச – ‘‘யா இமா, ப⁴ந்தே, அனேகவிஹிதா தி³ட்டி²யோ லோகே
உப்பஜ்ஜந்தி – அத்தவாத³படிஸங்யுத்தா வா லோகவாத³படிஸங்யுத்தா வா – ஆதி³மேவ
நு கோ², ப⁴ந்தே, பி⁴க்கு²னோ மனஸிகரோதோ ஏவமேதாஸங் தி³ட்டீ²னங் பஹானங் ஹோதி,
ஏவமேதாஸங் தி³ட்டீ²னங் படினிஸ்ஸக்³கோ³ ஹோதீ’’தி?

82.
‘‘யா இமா, சுந்த³, அனேகவிஹிதா தி³ட்டி²யோ லோகே உப்பஜ்ஜந்தி –
அத்தவாத³படிஸங்யுத்தா வா லோகவாத³படிஸங்யுத்தா வா – யத்த² சேதா தி³ட்டி²யோ
உப்பஜ்ஜந்தி யத்த² ச அனுஸெந்தி யத்த² ச ஸமுதா³சரந்தி தங் ‘நேதங் மம,
நேஸோஹமஸ்மி, ந மே ஸோ அத்தா’தி – ஏவமேதங் யதா²பூ⁴தங் ஸம்மப்பஞ்ஞா பஸ்ஸதோ
ஏவமேதாஸங் தி³ட்டீ²னங் பஹானங் ஹோதி, ஏவமேதாஸங் தி³ட்டீ²னங் படினிஸ்ஸக்³கோ³
ஹோதி.

‘‘டா²னங் கோ² பனேதங், சுந்த³, விஜ்ஜதி யங் இதே⁴கச்சோ பி⁴க்கு² விவிச்சேவ
காமேஹி விவிச்ச அகுஸலேஹி த⁴ம்மேஹி ஸவிதக்கங் ஸவிசாரங் விவேகஜங் பீதிஸுக²ங்
பட²மங் ஜா²னங் உபஸம்பஜ்ஜ விஹரெய்ய. தஸ்ஸ ஏவமஸ்ஸ – ‘ஸல்லேகே²ன விஹராமீ’தி. ந
கோ² பனேதே, சுந்த³, அரியஸ்ஸ வினயே ஸல்லேகா² வுச்சந்தி.
தி³ட்ட²த⁴ம்மஸுக²விஹாரா ஏதே அரியஸ்ஸ வினயே வுச்சந்தி.

‘‘டா²னங் கோ² பனேதங், சுந்த³, விஜ்ஜதி யங் இதே⁴கச்சோ
பி⁴க்கு² விதக்கவிசாரானங் வூபஸமா அஜ்ஜ²த்தங் ஸம்பஸாத³னங் சேதஸோ
ஏகோதி³பா⁴வங் அவிதக்கங் அவிசாரங் ஸமாதி⁴ஜங் பீதிஸுக²ங் து³தியங் ஜா²னங்
உபஸம்பஜ்ஜ விஹரெய்ய. தஸ்ஸ ஏவமஸ்ஸ – ‘ஸல்லேகே²ன விஹராமீ’தி. ந கோ² பனேதே,
சுந்த³, அரியஸ்ஸ வினயே ஸல்லேகா² வுச்சந்தி. தி³ட்ட²த⁴ம்மஸுக²விஹாரா ஏதே
அரியஸ்ஸ வினயே வுச்சந்தி.

‘‘டா²னங் கோ² பனேதங், சுந்த³,
விஜ்ஜதி யங் இதே⁴கச்சோ பி⁴க்கு² பீதியா ச விராகா³ உபெக்க²கோ ச விஹரெய்ய,
ஸதோ ச ஸம்பஜானோ ஸுக²ஞ்ச காயேன படிஸங்வேதெ³ய்ய, யங் தங் அரியா ஆசிக்க²ந்தி –
‘உபெக்க²கோ ஸதிமா ஸுக²விஹாரீ’தி ததியங் ஜா²னங் உபஸம்பஜ்ஜ விஹரெய்ய. தஸ்ஸ
ஏவமஸ்ஸ – ‘ஸல்லேகே²ன விஹராமீ’தி. ந கோ² பனேதே, சுந்த³, அரியஸ்ஸ வினயே
ஸல்லேகா² வுச்சந்தி. தி³ட்ட²த⁴ம்மஸுக²விஹாரா ஏதே அரியஸ்ஸ வினயே வுச்சந்தி.

‘‘டா²னங் கோ² பனேதங், சுந்த³, விஜ்ஜதி யங் இதே⁴கச்சோ
பி⁴க்கு² ஸுக²ஸ்ஸ ச பஹானா து³க்க²ஸ்ஸ ச பஹானா புப்³பே³வ
ஸோமனஸ்ஸதோ³மனஸ்ஸானங் அத்த²ங்க³மா அது³க்க²மஸுங் உபெக்கா²ஸதிபாரிஸுத்³தி⁴ங்
சதுத்த²ங் ஜா²னங் உபஸம்பஜ்ஜ விஹரெய்ய. தஸ்ஸ ஏவமஸ்ஸ – ‘ஸல்லேகே²ன
விஹராமீ’தி. ந கோ² பனேதே, சுந்த³, அரியஸ்ஸ வினயே ஸல்லேகா² வுச்சந்தி.
தி³ட்ட²த⁴ம்மஸுக²விஹாரா ஏதே அரியஸ்ஸ வினயே வுச்சந்தி.

‘‘டா²னங் கோ² பனேதங், சுந்த³, விஜ்ஜதி யங் இதே⁴கச்சோ
பி⁴க்கு² ஸப்³ப³ஸோ ரூபஸஞ்ஞானங் ஸமதிக்கமா, படிக⁴ஸஞ்ஞானங் அத்த²ங்க³மா,
நானத்தஸஞ்ஞானங் அமனஸிகாரா, ‘அனந்தோ ஆகாஸோ’தி ஆகாஸானஞ்சாயதனங் உபஸம்பஜ்ஜ
விஹரெய்ய. தஸ்ஸ ஏவமஸ்ஸ – ‘ஸல்லேகே²ன விஹராமீ’தி. ந கோ² பனேதே, சுந்த³,
அரியஸ்ஸ வினயே ஸல்லேகா² வுச்சந்தி. ஸந்தா ஏதே விஹாரா அரியஸ்ஸ வினயே
வுச்சந்தி.

‘‘டா²னங் கோ² பனேதங், சுந்த³, விஜ்ஜதி யங் இதே⁴கச்சோ
பி⁴க்கு² ஸப்³ப³ஸோ ஆகாஸானஞ்சாயதனங் ஸமதிக்கம்ம ‘அனந்தங் விஞ்ஞாண’ந்தி
விஞ்ஞாணஞ்சாயதனங் உபஸம்பஜ்ஜ விஹரெய்ய. தஸ்ஸ ஏவமஸ்ஸ – ‘ஸல்லேகே²ன
விஹராமீ’தி. ந கோ² பனேதே, சுந்த³, அரியஸ்ஸ வினயே ஸல்லேகா² வுச்சந்தி. ஸந்தா
ஏதே விஹாரா அரியஸ்ஸ வினயே வுச்சந்தி.

‘‘டா²னங் கோ² பனேதங், சுந்த³, விஜ்ஜதி யங் இதே⁴கச்சோ
பி⁴க்கு² ஸப்³ப³ஸோ விஞ்ஞாணஞ்சாயதனங் ஸமதிக்கம்ம ‘நத்தி² கிஞ்சீ’தி
ஆகிஞ்சஞ்ஞாயதனங் உபஸம்பஜ்ஜ விஹரெய்ய. தஸ்ஸ ஏவமஸ்ஸ – ‘ஸல்லேகே²ன விஹராமீ’தி.
ந கோ² பனேதே, சுந்த³, அரியஸ்ஸ வினயே ஸல்லேகா² வுச்சந்தி. ஸந்தா ஏதே விஹாரா அரியஸ்ஸ வினயே வுச்சந்தி.

‘‘டா²னங் கோ² பனேதங், சுந்த³, விஜ்ஜதி யங் இதே⁴கச்சோ
பி⁴க்கு² ஸப்³ப³ஸோ ஆகிஞ்சஞ்ஞாயதனங் ஸமதிக்கம்ம நேவஸஞ்ஞானாஸஞ்ஞாயதனங்
உபஸம்பஜ்ஜ விஹரெய்ய. தஸ்ஸ ஏவமஸ்ஸ – ‘ஸல்லேகே²ன விஹராமீ’தி . ந கோ² பனேதே, சுந்த³, அரியஸ்ஸ வினயே ஸல்லேகா² வுச்சந்தி. ஸந்தா ஏதே விஹாரா அரியஸ்ஸ வினயே வுச்சந்தி.

83.
‘‘இத⁴ கோ² பன வோ, சுந்த³, ஸல்லேகோ² கரணீயோ. ‘பரே விஹிங்ஸகா ப⁴விஸ்ஸந்தி,
மயமெத்த² அவிஹிங்ஸகா ப⁴விஸ்ஸாமா’தி ஸல்லேகோ² கரணீயோ. ‘பரே பாணாதிபாதீ
ப⁴விஸ்ஸந்தி, மயமெத்த² பாணாதிபாதா படிவிரதா ப⁴விஸ்ஸாமா’தி ஸல்லேகோ² கரணீயோ.
‘பரே அதி³ன்னாதா³யீ ப⁴விஸ்ஸந்தி, மயமெத்த² அதி³ன்னாதா³னா படிவிரதா
ப⁴விஸ்ஸாமா’தி ஸல்லேகோ² கரணீயோ. ‘பரே அப்³ரஹ்மசாரீ
ப⁴விஸ்ஸந்தி, மயமெத்த² ப்³ரஹ்மசாரீ ப⁴விஸ்ஸாமா’தி ஸல்லேகோ² கரணீயோ. ‘பரே
முஸாவாதீ³ ப⁴விஸ்ஸந்தி, மயமெத்த² முஸாவாதா³ படிவிரதா ப⁴விஸ்ஸாமா’தி
ஸல்லேகோ² கரணீயோ. ‘பரே பிஸுணவாசா [பிஸுணா வாசா (ஸீ॰ பீ॰)] ப⁴விஸ்ஸந்தி, மயமெத்த² பிஸுணாய வாசாய படிவிரதா ப⁴விஸ்ஸாமா’தி ஸல்லேகோ² கரணீயோ. ‘பரே ப²ருஸவாசா [ப²ருஸா வாசா (ஸீ॰ பீ॰)]
ப⁴விஸ்ஸந்தி, மயமெத்த² ப²ருஸாய வாசாய படிவிரதா ப⁴விஸ்ஸாமா’தி ஸல்லேகோ²
கரணீயோ. ‘பரே ஸம்ப²ப்பலாபீ ப⁴விஸ்ஸந்தி, மயமெத்த² ஸம்ப²ப்பலாபா படிவிரதா
ப⁴விஸ்ஸாமா’தி ஸல்லேகோ² கரணீயோ. ‘பரே அபி⁴ஜ்ஜா²லூ ப⁴விஸ்ஸந்தி, மயமெத்த²
அனபி⁴ஜ்ஜா²லூ ப⁴விஸ்ஸாமா’தி ஸல்லேகோ² கரணீயோ. ‘பரே ப்³யாபன்னசித்தா
ப⁴விஸ்ஸந்தி, மயமெத்த² அப்³யாபன்னசித்தா ப⁴விஸ்ஸாமா’தி ஸல்லேகோ² கரணீயோ.
‘பரே மிச்சா²தி³ட்டீ² ப⁴விஸ்ஸந்தி, மயமெத்த² ஸம்மாதி³ட்டீ² ப⁴விஸ்ஸாமா’தி
ஸல்லேகோ² கரணீயோ. ‘பரே மிச்சா²ஸங்கப்பா
ப⁴விஸ்ஸந்தி, மயமெத்த² ஸம்மாஸங்கப்பா ப⁴விஸ்ஸாமா’தி ஸல்லேகோ² கரணீயோ. ‘பரே
மிச்சா²வாசா ப⁴விஸ்ஸந்தி, மயமெத்த² ஸம்மாவாசா ப⁴விஸ்ஸாமா’தி ஸல்லேகோ²
கரணீயோ. ‘பரே மிச்சா²கம்மந்தா ப⁴விஸ்ஸந்தி, மயமெத்த² ஸம்மாகம்மந்தா
ப⁴விஸ்ஸாமா’தி ஸல்லேகோ² கரணீயோ. ‘பரே மிச்சா²ஆஜீவா ப⁴விஸ்ஸந்தி, மயமெத்த²
ஸம்மாஆஜீவா ப⁴விஸ்ஸாமா’தி ஸல்லேகோ² கரணீயோ. ‘பரே மிச்சா²வாயாமா
ப⁴விஸ்ஸந்தி, மயமெத்த² ஸம்மாவாயாமா ப⁴விஸ்ஸாமா’தி ஸல்லேகோ² கரணீயோ. ‘பரே
மிச்சா²ஸதீ ப⁴விஸ்ஸந்தி, மயமெத்த² ஸம்மாஸதீ ப⁴விஸ்ஸாமா’தி ஸல்லேகோ² கரணீயோ.
‘பரே மிச்சா²ஸமாதி⁴ ப⁴விஸ்ஸந்தி, மயமெத்த² ஸம்மாஸமாதீ⁴ ப⁴விஸ்ஸாமா’தி
ஸல்லேகோ² கரணீயோ. ‘பரே மிச்சா²ஞாணீ ப⁴விஸ்ஸந்தி, மயமெத்த² ஸம்மாஞாணீ
ப⁴விஸ்ஸாமா’தி ஸல்லேகோ² கரணீயோ. ‘பரே மிச்சா²விமுத்தீ ப⁴விஸ்ஸந்தி,
மயமெத்த² ஸம்மாவிமுத்தீ ப⁴விஸ்ஸாமா’தி ஸல்லேகோ² கரணீயோ.

‘‘‘பரே தீ²னமித்³த⁴பரியுட்டி²தா ப⁴விஸ்ஸந்தி, மயமெத்த² விக³ததீ²னமித்³தா⁴ ப⁴விஸ்ஸாமா’தி ஸல்லேகோ² கரணீயோ . ‘பரே உத்³த⁴தா ப⁴விஸ்ஸந்தி, மயமெத்த² அனுத்³த⁴தா ப⁴விஸ்ஸாமா’தி ஸல்லேகோ² கரணீயோ. ‘பரே விசிகிச்சீ² [வேசிகிச்சீ² (ஸீ॰ பீ॰ க॰)]
ப⁴விஸ்ஸந்தி, மயமெத்த² திண்ணவிசிகிச்சா² ப⁴விஸ்ஸாமா’தி ஸல்லேகோ² கரணீயோ.
‘பரே கோத⁴னா ப⁴விஸ்ஸந்தி, மயமெத்த² அக்கோத⁴னா ப⁴விஸ்ஸாமா’தி ஸல்லேகோ²
கரணீயோ. ‘பரே உபனாஹீ ப⁴விஸ்ஸந்தி, மயமெத்த² அனுபனாஹீ ப⁴விஸ்ஸாமா’தி
ஸல்லேகோ² கரணீயோ. ‘பரே மக்கீ² ப⁴விஸ்ஸந்தி , மயமெத்த² அமக்கீ² ப⁴விஸ்ஸாமா’தி ஸல்லேகோ² கரணீயோ. ‘பரே
பளாஸீ ப⁴விஸ்ஸந்தி, மயமெத்த² அபளாஸீ ப⁴விஸ்ஸாமா’தி ஸல்லேகோ² கரணீயோ. ‘பரே
இஸ்ஸுகீ ப⁴விஸ்ஸந்தி, மயமெத்த² அனிஸ்ஸுகீ ப⁴விஸ்ஸாமா’தி ஸல்லேகோ² கரணீயோ.
‘பரே மச்ச²ரீ ப⁴விஸ்ஸந்தி, மயமெத்த² அமச்ச²ரீ ப⁴விஸ்ஸாமா’தி ஸல்லேகோ²
கரணீயோ. ‘பரே ஸடா² ப⁴விஸ்ஸந்தி, மயமெத்த² அஸடா² ப⁴விஸ்ஸாமா’தி ஸல்லேகோ²
கரணீயோ. ‘பரே மாயாவீ ப⁴விஸ்ஸந்தி, மயமெத்த² அமாயாவீ ப⁴விஸ்ஸாமா’தி ஸல்லேகோ²
கரணீயோ. ‘பரே த²த்³தா⁴ ப⁴விஸ்ஸந்தி, மயமெத்த² அத்த²த்³தா⁴ ப⁴விஸ்ஸாமா’தி
ஸல்லேகோ² கரணீயோ. ‘பரே அதிமானீ ப⁴விஸ்ஸந்தி, மயமெத்த² அனதிமானீ
ப⁴விஸ்ஸாமா’தி ஸல்லேகோ² கரணீயோ. ‘பரே து³ப்³ப³சா ப⁴விஸ்ஸந்தி, மயமெத்த²
ஸுவசா ப⁴விஸ்ஸாமா’தி ஸல்லேகோ² கரணீயோ. ‘பரே பாபமித்தா ப⁴விஸ்ஸந்தி,
மயமெத்த² கல்யாணமித்தா ப⁴விஸ்ஸாமா’தி ஸல்லேகோ² கரணீயோ. ‘பரே பமத்தா
ப⁴விஸ்ஸந்தி, மயமெத்த² அப்பமத்தா ப⁴விஸ்ஸாமா’தி ஸல்லேகோ² கரணீயோ. ‘பரே
அஸ்ஸத்³தா⁴ ப⁴விஸ்ஸந்தி, மயமெத்த² ஸத்³தா⁴ ப⁴விஸ்ஸாமா’தி ஸல்லேகோ² கரணீயோ.
‘பரே அஹிரிகா ப⁴விஸ்ஸந்தி, மயமெத்த² ஹிரிமனா ப⁴விஸ்ஸாமா’தி ஸல்லேகோ²
கரணீயோ. ‘பரே அனொத்தாபீ [அனொத்தப்பீ (க॰)]
ப⁴விஸ்ஸந்தி, மயமெத்த² ஒத்தாபீ ப⁴விஸ்ஸாமா’தி ஸல்லேகோ² கரணீயோ. ‘பரே
அப்பஸ்ஸுதா ப⁴விஸ்ஸந்தி, மயமெத்த² ப³ஹுஸ்ஸுதா ப⁴விஸ்ஸாமா’தி ஸல்லேகோ²
கரணீயோ. ‘பரே குஸீதா ப⁴விஸ்ஸந்தி, மயமெத்த² ஆரத்³த⁴வீரியா ப⁴விஸ்ஸாமா’தி
ஸல்லேகோ² கரணீயோ. ‘பரே முட்ட²ஸ்ஸதீ ப⁴விஸ்ஸந்தி, மயமெத்த² உபட்டி²தஸ்ஸதீ
ப⁴விஸ்ஸாமா’தி ஸல்லேகோ² கரணீயோ. ‘பரே து³ப்பஞ்ஞா
ப⁴விஸ்ஸந்தி, மயமெத்த² பஞ்ஞாஸம்பன்னா ப⁴விஸ்ஸாமா’தி ஸல்லேகோ² கரணீயோ. ‘பரே
ஸந்தி³ட்டி²பராமாஸீ ஆதா⁴னக்³கா³ஹீ து³ப்படினிஸ்ஸக்³கீ³ ப⁴விஸ்ஸந்தி,
மயமெத்த² அஸந்தி³ட்டி²பராமாஸீ அனாதா⁴னக்³கா³ஹீ ஸுப்படினிஸ்ஸக்³கீ³
ப⁴விஸ்ஸாமா’தி ஸல்லேகோ² கரணீயோ.

84. ‘‘சித்துப்பாத³ம்பி கோ² அஹங், சுந்த³, குஸலேஸு த⁴ம்மேஸு ப³ஹுகாரங் [ப³ஹூபகாரங் (க॰)]
வதா³மி, கோ பன வாதோ³ காயேன வாசாய அனுவிதீ⁴யனாஸு! தஸ்மாதிஹ, சுந்த³, ‘பரே
விஹிங்ஸகா ப⁴விஸ்ஸந்தி, மயமெத்த² அவிஹிங்ஸகா ப⁴விஸ்ஸாமா’தி சித்தங்
உப்பாதே³தப்³ப³ங். ‘பரே பாணாதிபாதீ ப⁴விஸ்ஸந்தி, மயமெத்த² பாணாதிபாதா
படிவிரதா ப⁴விஸ்ஸாமா’தி சித்தங் உப்பாதே³தப்³ப³ங்…‘பரே ஸந்தி³ட்டி²பராமாஸீ
ஆதா⁴னக்³கா³ஹீ து³ப்படினிஸ்ஸக்³கீ³ ப⁴விஸ்ஸந்தி, மயமெத்த²
அஸந்தி³ட்டி²பராமாஸீ அனாதா⁴னக்³கா³ஹீ ஸுப்படினிஸ்ஸக்³கீ³ ப⁴விஸ்ஸாமா’தி
சித்தங் உப்பாதே³தப்³ப³ங்.

85. ‘‘ஸெய்யதா²பி, சுந்த³, விஸமோ மக்³கோ³ அஸ்ஸ, தஸ்ஸ [மக்³கோ³ தஸ்ஸாஸ்ஸ (ஸீ॰ ஸ்யா॰ பீ॰)] அஞ்ஞோ ஸமோ மக்³கோ³ பரிக்கமனாய; ஸெய்யதா² வா பன, சுந்த³, விஸமங் தித்த²ங் அஸ்ஸ, தஸ்ஸ அஞ்ஞங் ஸமங் தித்த²ங் பரிக்கமனாய; ஏவமேவ
கோ², சுந்த³, விஹிங்ஸகஸ்ஸ புரிஸபுக்³க³லஸ்ஸ அவிஹிங்ஸா ஹோதி பரிக்கமனாய,
பாணாதிபாதிஸ்ஸ புரிஸபுக்³க³லஸ்ஸ பாணாதிபாதா வேரமணீ ஹோதி பரிக்கமனாய,
அதி³ன்னாதா³யிஸ்ஸ புரிஸபுக்³க³லஸ்ஸ அதி³ன்னாதா³னா வேரமணீ ஹோதி பரிக்கமனாய,
அப்³ரஹ்மசாரிஸ்ஸ புரிஸபுக்³க³லஸ்ஸ அப்³ரஹ்மசரியா வேரமணீ ஹோதி பரிக்கமனாய ,
முஸாவாதி³ஸ்ஸ புரிஸபுக்³க³லஸ்ஸ முஸாவாதா³ வேரமணீ ஹோதி பரிக்கமனாய,
பிஸுணவாசஸ்ஸ புரிஸபுக்³க³லஸ்ஸ பிஸுணாய வாசாய வேரமணீ ஹோதி பரிக்கமனாய,
ப²ருஸவாசஸ்ஸ புரிஸபுக்³க³லஸ்ஸ ப²ருஸாய வாசாய வேரமணீ ஹோதி பரிக்கமனாய,
ஸம்ப²ப்பலாபிஸ்ஸ புரிஸபுக்³க³லஸ்ஸ ஸம்ப²ப்பலாபா வேரமணீ ஹோதி பரிக்கமனாய,
அபி⁴ஜ்ஜா²லுஸ்ஸ புரிஸபுக்³க³லஸ்ஸ அனபி⁴ஜ்ஜா² ஹோதி பரிக்கமனாய,
ப்³யாபன்னசித்தஸ்ஸ புரிஸபுக்³க³லஸ்ஸ அப்³யாபாதோ³ ஹோதி பரிக்கமனாய,
மிச்சா²தி³ட்டி²ஸ்ஸ புரிஸபுக்³க³லஸ்ஸ ஸம்மாதி³ட்டி² ஹோதி பரிக்கமனாய,
மிச்சா²ஸங்கப்பஸ்ஸ புரிஸபுக்³க³லஸ்ஸ ஸம்மாஸங்கப்போ ஹோதி பரிக்கமனாய,
மிச்சா²வாசஸ்ஸ புரிஸபுக்³க³லஸ்ஸ ஸம்மாவாசா ஹோதி பரிக்கமனாய,
மிச்சா²கம்மந்தஸ்ஸ புரிஸபுக்³க³லஸ்ஸ ஸம்மாகம்மந்தோ ஹோதி பரிக்கமனாய,
மிச்சா²ஆஜீவஸ்ஸ புரிஸபுக்³க³லஸ்ஸ ஸம்மாஆஜீவோ ஹோதி பரிக்கமனாய,
மிச்சா²வாயாமஸ்ஸ புரிஸபுக்³க³லஸ்ஸ ஸம்மாவாயாமோ ஹோதி பரிக்கமனாய,
மிச்சா²ஸதிஸ்ஸ புரிஸபுக்³க³லஸ்ஸ ஸம்மாஸதி ஹோதி பரிக்கமனாய,
மிச்சா²ஸமாதி⁴ஸ்ஸ புரிஸபுக்³க³லஸ்ஸ ஸம்மாஸமாதி⁴ ஹோதி பரிக்கமனாய,
மிச்சா²ஞாணிஸ்ஸ புரிஸபுக்³க³லஸ்ஸ ஸம்மாஞாணங் ஹோதி பரிக்கமனாய,
மிச்சா²விமுத்திஸ்ஸ புரிஸபுக்³க³லஸ்ஸ ஸம்மாவிமுத்தி ஹோதி பரிக்கமனாய.

‘‘தீ²னமித்³த⁴பரியுட்டி²தஸ்ஸ புரிஸபுக்³க³லஸ்ஸ விக³ததி²னமித்³த⁴தா ஹோதி பரிக்கமனாய, உத்³த⁴தஸ்ஸ புரிஸபுக்³க³லஸ்ஸ அனுத்³த⁴ச்சங் ஹோதி பரிக்கமனாய, விசிகிச்சி²ஸ்ஸ புரிஸபுக்³க³லஸ்ஸ திண்ணவிசிகிச்ச²தா ஹோதி பரிக்கமனாய, கோத⁴னஸ்ஸ புரிஸபுக்³க³லஸ்ஸ
அக்கோதோ⁴ ஹோதி பரிக்கமனாய, உபனாஹிஸ்ஸ புரிஸபுக்³க³லஸ்ஸ அனுபனாஹோ ஹோதி
பரிக்கமனாய, மக்கி²ஸ்ஸ புரிஸபுக்³க³லஸ்ஸ அமக்கோ² ஹோதி பரிக்கமனாய, பளாஸிஸ்ஸ
புரிஸபுக்³க³லஸ்ஸ அபளாஸோ ஹோதி பரிக்கமனாய ,
இஸ்ஸுகிஸ்ஸ புரிஸபுக்³க³லஸ்ஸ அனிஸ்ஸுகிதா ஹோதி பரிக்கமனாய, மச்ச²ரிஸ்ஸ
புரிஸபுக்³க³லஸ்ஸ அமச்ச²ரியங் ஹோதி பரிக்கமனாய, ஸட²ஸ்ஸ புரிஸபுக்³க³லஸ்ஸ
அஸாடெ²ய்யங் ஹோதி பரிக்கமனாய, மாயாவிஸ்ஸ புரிஸபுக்³க³லஸ்ஸ அமாயா [அமாயாவிதா (க॰)]
ஹோதி பரிக்கமனாய, த²த்³த⁴ஸ்ஸ புரிஸபுக்³க³லஸ்ஸ அத்த²த்³தி⁴யங் ஹோதி
பரிக்கமனாய, அதிமானிஸ்ஸ புரிஸபுக்³க³லஸ்ஸ அனதிமானோ ஹோதி பரிக்கமனாய,
து³ப்³ப³சஸ்ஸ புரிஸபுக்³க³லஸ்ஸ ஸோவசஸ்ஸதா ஹோதி பரிக்கமனாய, பாபமித்தஸ்ஸ
புரிஸபுக்³க³லஸ்ஸ கல்யாணமித்ததா ஹோதி பரிக்கமனாய, பமத்தஸ்ஸ
புரிஸபுக்³க³லஸ்ஸ அப்பமாதோ³ ஹோதி பரிக்கமனாய, அஸ்ஸத்³த⁴ஸ்ஸ
புரிஸபுக்³க³லஸ்ஸ ஸத்³தா⁴ ஹோதி பரிக்கமனாய, அஹிரிகஸ்ஸ புரிஸபுக்³க³லஸ்ஸ
ஹிரீ ஹோதி பரிக்கமனாய, அனொத்தாபிஸ்ஸ புரிஸபுக்³க³லஸ்ஸ ஒத்தப்பங் ஹோதி
பரிக்கமனாய, அப்பஸ்ஸுதஸ்ஸ புரிஸபுக்³க³லஸ்ஸ பா³ஹுஸச்சங் ஹோதி பரிக்கமனாய,
குஸீதஸ்ஸ புரிஸபுக்³க³லஸ்ஸ வீரியாரம்போ⁴ ஹோதி பரிக்கமனாய, முட்ட²ஸ்ஸதிஸ்ஸ
புரிஸபுக்³க³லஸ்ஸ உபட்டி²தஸ்ஸதிதா ஹோதி பரிக்கமனாய, து³ப்பஞ்ஞஸ்ஸ
புரிஸபுக்³க³லஸ்ஸ பஞ்ஞாஸம்பதா³ ஹோதி பரிக்கமனாய ,
ஸந்தி³ட்டி²பராமாஸி-ஆதா⁴னக்³கா³ஹி-து³ப்படினிஸ்ஸக்³கி³ஸ்ஸ புரிஸபுக்³க³லஸ்ஸ
அஸந்தி³ட்டி²பராமாஸிஅனாதா⁴னக்³கா³ஹி-ஸுப்படினிஸ்ஸக்³கி³தா ஹோதி
பரிக்கமனாய.

86. ‘‘ஸெய்யதா²பி, சுந்த³, யே கேசி அகுஸலா த⁴ம்மா ஸப்³பே³ தே அதோ⁴பா⁴க³ங்க³மனீயா [அதோ⁴பா⁴வங்க³மனீயா (ஸீ॰ ஸ்யா॰ பீ॰)], யே கேசி குஸலா த⁴ம்மா ஸப்³பே³ தே உபரிபா⁴க³ங்க³மனீயா [உபரிபா⁴வங்க³மனீயா (ஸீ॰ ஸ்யா॰ பீ॰)], ஏவமேவ கோ², சுந்த³, விஹிங்ஸகஸ்ஸ புரிஸபுக்³க³லஸ்ஸ அவிஹிங்ஸா ஹோதி உபரிபா⁴கா³ய [உபரிபா⁴வாய (ஸீ॰ ஸ்யா॰ க॰)],
பாணாதிபாதிஸ்ஸ புரிஸபுக்³க³லஸ்ஸ பாணாதிபாதா வேரமணீ ஹோதி உபரிபா⁴கா³ய…பே॰…
ஸந்தி³ட்டி²பராமாஸி-ஆதா⁴னக்³கா³ஹி-து³ப்படினிஸ்ஸக்³கி³ஸ்ஸ புரிஸபுக்³க³லஸ்ஸ அஸந்தி³ட்டி²பராமாஸி-அனாதா⁴னக்³கா³ஹி-ஸுப்படினிஸ்ஸக்³கி³தா ஹோதி உபரிபா⁴கா³ய.

87.
‘‘ஸோ வத, சுந்த³, அத்தனா பலிபபலிபன்னோ பரங் பலிபபலிபன்னங் உத்³த⁴ரிஸ்ஸதீதி
நேதங் டா²னங் விஜ்ஜதி. ஸோ வத, சுந்த³, அத்தனா அபலிபபலிபன்னோ பரங்
பலிபபலிபன்னங் உத்³த⁴ரிஸ்ஸதீதி டா²னமேதங் விஜ்ஜதி. ஸோ வத, சுந்த³, அத்தனா
அத³ந்தோ அவினீதோ அபரினிப்³பு³தோ பரங் த³மெஸ்ஸதி வினெஸ்ஸதி
பரினிப்³பா³பெஸ்ஸதீதி நேதங் டா²னங் விஜ்ஜதி. ஸோ வத ,
சுந்த³, அத்தனா த³ந்தோ வினீதோ பரினிப்³பு³தோ பரங் த³மெஸ்ஸதி வினெஸ்ஸதி
பரினிப்³பா³பெஸ்ஸதீதி டா²னமேதங் விஜ்ஜதி. ஏவமேவ கோ², சுந்த³, விஹிங்ஸகஸ்ஸ
புரிஸபுக்³க³லஸ்ஸ அவிஹிங்ஸா ஹோதி பரினிப்³பா³னாய, பாணாதிபாதிஸ்ஸ
புரிஸபுக்³க³லஸ்ஸ பாணாதிபாதா வேரமணீ ஹோதி பரினிப்³பா³னாய. அதி³ன்னாதா³யிஸ்ஸ
புரிஸபுக்³க³லஸ்ஸ அதி³ன்னாதா³னா வேரமணீ ஹோதி
பரினிப்³பா³னாய. அப்³ரஹ்மசாரிஸ்ஸ புரிஸபுக்³க³லஸ்ஸ அப்³ரஹ்மசரியா வேரமணீ
ஹோதி பரினிப்³பா³னாய. முஸாவாதி³ஸ்ஸ புரிஸபுக்³க³லஸ்ஸ முஸாவாதா³ வேரமணீ ஹோதி
பரினிப்³பா³னாய. பிஸுணவாசஸ்ஸ புரிஸபுக்³க³லஸ்ஸ பிஸுணாய வாசாய வேரமணீ ஹோதி
பரினிப்³பா³னாய. ப²ருஸவாசஸ்ஸ புரிஸபுக்³க³லஸ்ஸ ப²ருஸாய வாசாய வேரமணீ ஹோதி
பரினிப்³பா³னாய. ஸம்ப²ப்பலாபிஸ்ஸ புரிஸபுக்³க³லஸ்ஸ ஸம்ப²ப்பலாபா வேரமணீ
ஹோதி பரினிப்³பா³னாய. அபி⁴ஜ்ஜா²லுஸ்ஸ புரிஸபுக்³க³லஸ்ஸ அனபி⁴ஜ்ஜா² ஹோதி
பரினிப்³பா³னாய. ப்³யாபன்னசித்தஸ்ஸ புரிஸபுக்³க³லஸ்ஸ அப்³யாபாதோ³ ஹோதி
பரினிப்³பா³னாய. மிச்சா²தி³ட்டி²ஸ்ஸ புரிஸபுக்³க³லஸ்ஸ ஸம்மாதி³ட்டி² ஹோதி
பரினிப்³பா³னாய. மிச்சா²ஸங்கப்பஸ்ஸ புரிஸபுக்³க³லஸ்ஸ ஸம்மாஸங்கப்போ ஹோதி
பரினிப்³பா³னாய. மிச்சா²வாசஸ்ஸ புரிஸபுக்³க³லஸ்ஸ ஸம்மாவாசா ஹோதி
பரினிப்³பா³னாய. மிச்சா²கம்மந்தஸ்ஸ புரிஸபுக்³க³லஸ்ஸ ஸம்மாகம்மந்தோ ஹோதி
பரினிப்³பா³னாய. மிச்சா²ஆஜீவஸ்ஸ புரிஸபுக்³க³லஸ்ஸ ஸம்மாஆஜீவோ ஹோதி
பரினிப்³பா³னாய. மிச்சா²வாயாமஸ்ஸ புரிஸபுக்³க³லஸ்ஸ ஸம்மாவாயாமோ ஹோதி
பரினிப்³பா³னாய. மிச்சா²ஸதிஸ்ஸ புரிஸபுக்³க³லஸ்ஸ ஸம்மாஸதி ஹோதி
பரினிப்³பா³னாய. மிச்சா²ஸமாதி⁴ஸ்ஸ புரிஸபுக்³க³லஸ்ஸ ஸம்மாஸமாதி⁴ ஹோதி
பரினிப்³பா³னாய. மிச்சா²ஞாணிஸ்ஸ புரிஸபுக்³க³லஸ்ஸ ஸம்மாஞாணங் ஹோதி
பரினிப்³பா³னாய. மிச்சா²விமுத்திஸ்ஸ புரிஸபுக்³க³லஸ்ஸ ஸம்மாவிமுத்தி ஹோதி
பரினிப்³பா³னாய.

‘‘தீ²னமித்³த⁴பரியுட்டி²தஸ்ஸ
புரிஸபுக்³க³லஸ்ஸ விக³ததி²னமித்³த⁴தா ஹோதி பரினிப்³பா³னாய. உத்³த⁴தஸ்ஸ
புரிஸபுக்³க³லஸ்ஸ அனுத்³த⁴ச்சங் ஹோதி பரினிப்³பா³னாய. விசிகிச்சி²ஸ்ஸ
புரிஸபுக்³க³லஸ்ஸ திண்ணவிசிகிச்ச²தா ஹோதி பரினிப்³பா³னாய. கோத⁴னஸ்ஸ
புரிஸபுக்³க³லஸ்ஸ அக்கோதோ⁴ ஹோதி பரினிப்³பா³னாய. உபனாஹிஸ்ஸ
புரிஸபுக்³க³லஸ்ஸ அனுபனாஹோ ஹோதி பரினிப்³பா³னாய. மக்கி²ஸ்ஸ
புரிஸபுக்³க³லஸ்ஸ அமக்கோ² ஹோதி பரினிப்³பா³னாய. பளாஸிஸ்ஸ புரிஸபுக்³க³லஸ்ஸ
அபளாஸோ ஹோதி பரினிப்³பா³னாய. இஸ்ஸுகிஸ்ஸ
புரிஸபுக்³க³லஸ்ஸ அனிஸ்ஸுகிதா ஹோதி பரினிப்³பா³னாய. மச்ச²ரிஸ்ஸ
புரிஸபுக்³க³லஸ்ஸ அமச்ச²ரியங் ஹோதி பரினிப்³பா³னாய. ஸட²ஸ்ஸ
புரிஸபுக்³க³லஸ்ஸ அஸாடெ²ய்யங் ஹோதி பரினிப்³பா³னாய. மாயாவிஸ்ஸ
புரிஸபுக்³க³லஸ்ஸ அமாயா ஹோதி பரினிப்³பா³னாய. த²த்³த⁴ஸ்ஸ புரிஸபுக்³க³லஸ்ஸ
அத்த²த்³தி⁴யங் ஹோதி பரினிப்³பா³னாய. அதிமானிஸ்ஸ புரிஸபுக்³க³லஸ்ஸ அனதிமானோ
ஹோதி பரினிப்³பா³னாய. து³ப்³ப³சஸ்ஸ புரிஸபுக்³க³லஸ்ஸ ஸோவசஸ்ஸதா ஹோதி
பரினிப்³பா³னாய. பாபமித்தஸ்ஸ புரிஸபுக்³க³லஸ்ஸ கல்யாணமித்ததா ஹோதி
பரினிப்³பா³னாய. பமத்தஸ்ஸ புரிஸபுக்³க³லஸ்ஸ அப்பமாதோ³
ஹோதி பரினிப்³பா³னாய. அஸ்ஸத்³த⁴ஸ்ஸ புரிஸபுக்³க³லஸ்ஸ ஸத்³தா⁴ ஹோதி
பரினிப்³பா³னாய. அஹிரிகஸ்ஸ புரிஸபுக்³க³லஸ்ஸ ஹிரீ ஹோதி பரினிப்³பா³னாய.
அனொத்தாபிஸ்ஸ புரிஸபுக்³க³லஸ்ஸ ஒத்தப்பங் ஹோதி பரினிப்³பா³னாய.
அப்பஸ்ஸுதஸ்ஸ புரிஸபுக்³க³லஸ்ஸ பா³ஹுஸச்சங் ஹோதி பரினிப்³பா³னாய. குஸீதஸ்ஸ
புரிஸபுக்³க³லஸ்ஸ வீரியாரம்போ⁴ ஹோதி பரினிப்³பா³னாய. முட்ட²ஸ்ஸதிஸ்ஸ
புரிஸபுக்³க³லஸ்ஸ உபட்டி²தஸ்ஸதிதா ஹோதி பரினிப்³பா³னாய. து³ப்பஞ்ஞஸ்ஸ புரிஸபுக்³க³லஸ்ஸ
பஞ்ஞாஸம்பதா³ ஹோதி பரினிப்³பா³னாய.
ஸந்தி³ட்டி²பராமாஸி-ஆதா⁴னக்³கா³ஹி-து³ப்படினிஸ்ஸக்³கி³ஸ்ஸ புரிஸபுக்³க³லஸ்ஸ
அஸந்தி³ட்டி²பராமாஸி-அனாதா⁴னக்³கா³ஹி-ஸுப்படினிஸ்ஸக்³கி³தா ஹோதி
பரினிப்³பா³னாய.

88.
‘‘இதி கோ², சுந்த³, தே³ஸிதோ மயா ஸல்லேக²பரியாயோ, தே³ஸிதோ
சித்துப்பாத³பரியாயோ, தே³ஸிதோ பரிக்கமனபரியாயோ, தே³ஸிதோ உபரிபா⁴க³பரியாயோ,
தே³ஸிதோ பரினிப்³பா³னபரியாயோ. யங் கோ², சுந்த³, ஸத்தா²ரா கரணீயங் ஸாவகானங்
ஹிதேஸினா அனுகம்பகேன அனுகம்பங் உபாதா³ய, கதங் வோ தங் மயா. ‘ஏதானி, சுந்த³,
ருக்க²மூலானி, ஏதானி ஸுஞ்ஞாகா³ரானி, ஜா²யத², சுந்த³, மா பமாத³த்த², மா
பச்சா²விப்படிஸாரினோ அஹுவத்த²’ – அயங் கோ² அம்ஹாகங் அனுஸாஸனீ’’தி.

இத³மவோச ப⁴க³வா. அத்தமனோ ஆயஸ்மா மஹாசுந்தோ³ ப⁴க³வதோ பா⁴ஸிதங் அபி⁴னந்தீ³தி.

சதுத்தாலீஸபதா³ வுத்தா, ஸந்த⁴யோ பஞ்ச தே³ஸிதா;

ஸல்லேகோ² நாம ஸுத்தந்தோ, க³ம்பீ⁴ரோ ஸாக³ரூபமோதி.

ஸல்லேக²ஸுத்தங் நிட்டி²தங் அட்ட²மங்.

9. ஸம்மாதி³ட்டி²ஸுத்தங்

89. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ஆயஸ்மா ஸாரிபுத்தோ பி⁴க்கூ² ஆமந்தேஸி – ‘‘ஆவுஸோ
பி⁴க்க²வே’’தி. ‘‘ஆவுஸோ’’தி கோ² தே பி⁴க்கூ² ஆயஸ்மதோ ஸாரிபுத்தஸ்ஸ
பச்சஸ்ஸோஸுங். ஆயஸ்மா ஸாரிபுத்தோ ஏதத³வோச –

‘‘‘ஸம்மாதி³ட்டி² [ஸம்மாதி³ட்டீ² (ஸீ॰ ஸ்யா॰)]
ஸம்மாதி³ட்டீ²’தி, ஆவுஸோ, வுச்சதி. கித்தாவதா நு கோ², ஆவுஸோ, அரியஸாவகோ
ஸம்மாதி³ட்டி² ஹோதி, உஜுக³தாஸ்ஸ தி³ட்டி², த⁴ம்மே அவேச்சப்பஸாதே³ன
ஸமன்னாக³தோ, ஆக³தோ இமங் ஸத்³த⁴ம்ம’’ந்தி?

‘‘தூ³ரதோபி கோ² மயங், ஆவுஸோ, ஆக³ச்செ²ய்யாம ஆயஸ்மதோ
ஸாரிபுத்தஸ்ஸ ஸந்திகே ஏதஸ்ஸ பா⁴ஸிதஸ்ஸ அத்த²மஞ்ஞாதுங். ஸாது⁴
வதாயஸ்மந்தங்யேவ ஸாரிபுத்தங் படிபா⁴து ஏதஸ்ஸ பா⁴ஸிதஸ்ஸ அத்தோ². ஆயஸ்மதோ
ஸாரிபுத்தஸ்ஸ ஸுத்வா பி⁴க்கூ² தா⁴ரெஸ்ஸந்தீ’’தி. ‘‘தேன ஹி, ஆவுஸோ, ஸுணாத²,
ஸாது⁴கங் மனஸி கரோத², பா⁴ஸிஸ்ஸாமீ’’தி. ‘‘ஏவமாவுஸோ’’தி கோ² தே பி⁴க்கூ²
ஆயஸ்மதோ ஸாரிபுத்தஸ்ஸ பச்சஸ்ஸோஸுங். ஆயஸ்மா ஸாரிபுத்தோ ஏதத³வோச –

‘‘யதோ கோ², ஆவுஸோ, அரியஸாவகோ அகுஸலஞ்ச பஜானாதி, அகுஸலமூலஞ்ச பஜானாதி, குஸலஞ்ச பஜானாதி, குஸலமூலஞ்ச பஜானாதி – எத்தாவதாபி கோ², ஆவுஸோ, அரியஸாவகோ ஸம்மாதி³ட்டி² ஹோதி, உஜுக³தாஸ்ஸ தி³ட்டி², த⁴ம்மே அவேச்சப்பஸாதே³ன
ஸமன்னாக³தோ, ஆக³தோ இமங் ஸத்³த⁴ம்மங். கதமங் பனாவுஸோ, அகுஸலங், கதமங்
அகுஸலமூலங், கதமங் குஸலங், கதமங் குஸலமூலங்? பாணாதிபாதோ கோ², ஆவுஸோ,
அகுஸலங், அதி³ன்னாதா³னங் அகுஸலங், காமேஸுமிச்சா²சாரோ அகுஸலங், முஸாவாதோ³
அகுஸலங், பிஸுணா வாசா [பிஸுணவாசா (க॰)] அகுஸலங், ப²ருஸா வாசா [ப²ருஸவாசா (க॰)]
அகுஸலங், ஸம்ப²ப்பலாபோ அகுஸலங், அபி⁴ஜ்ஜா² அகுஸலங், ப்³யாபாதோ³ அகுஸலங்,
மிச்சா²தி³ட்டி² அகுஸலங் – இத³ங் வுச்சதாவுஸோ அகுஸலங். கதமஞ்சாவுஸோ,
அகுஸலமூலங்? லோபோ⁴ அகுஸலமூலங், தோ³ஸோ அகுஸலமூலங், மோஹோ அகுஸலமூலங் – இத³ங்
வுச்சதாவுஸோ, அகுஸலமூலங்.

‘‘கதமஞ்சாவுஸோ ,
குஸலங்? பாணாதிபாதா வேரமணீ குஸலங், அதி³ன்னாதா³னா வேரமணீ குஸலங்,
காமேஸுமிச்சா²சாரா வேரமணீ குஸலங், முஸாவாதா³ வேரமணீ குஸலங், பிஸுணாய வாசாய
வேரமணீ குஸலங், ப²ருஸாய வாசாய வேரமணீ குஸலங், ஸம்ப²ப்பலாபா வேரமணீ குஸலங்,
அனபி⁴ஜ்ஜா² குஸலங், அப்³யாபாதோ³ குஸலங், ஸம்மாதி³ட்டி² குஸலங் – இத³ங்
வுச்சதாவுஸோ, குஸலங். கதமஞ்சாவுஸோ, குஸலமூலங்? அலோபோ⁴ குஸலமூலங், அதோ³ஸோ
குஸலமூலங், அமோஹோ குஸலமூலங் – இத³ங் வுச்சதாவுஸோ, குஸலமூலங்.

‘‘யதோ கோ², ஆவுஸோ, அரியஸாவகோ ஏவங் அகுஸலங் பஜானாதி,
ஏவங் அகுஸலமூலங் பஜானாதி, ஏவங் குஸலங் பஜானாதி, ஏவங் குஸலமூலங் பஜானாதி, ஸோ
ஸப்³ப³ஸோ ராகா³னுஸயங் பஹாய, படிகா⁴னுஸயங் படிவினோதெ³த்வா, ‘அஸ்மீ’தி
தி³ட்டி²மானானுஸயங் ஸமூஹனித்வா, அவிஜ்ஜங் பஹாய விஜ்ஜங் உப்பாதெ³த்வா,
தி³ட்டே²வத⁴ம்மே து³க்க²ஸ்ஸந்தகரோ ஹோதி – எத்தாவதாபி கோ², ஆவுஸோ, அரியஸாவகோ
ஸம்மாதி³ட்டி² ஹோதி, உஜுக³தாஸ்ஸ தி³ட்டி², த⁴ம்மே அவேச்சப்பஸாதே³ன ஸமன்னாக³தோ, ஆக³தோ இமங் ஸத்³த⁴ம்ம’’ந்தி.

90. ‘‘ஸாதா⁴வுஸோ’’தி கோ² தே பி⁴க்கூ² ஆயஸ்மதோ ஸாரிபுத்தஸ்ஸ பா⁴ஸிதங் அபி⁴னந்தி³த்வா அனுமோதி³த்வா ஆயஸ்மந்தங் ஸாரிபுத்தங் உத்தரி [உத்தரிங் (ஸீ॰ ஸ்யா॰ பீ॰)] பஞ்ஹங் அபுச்சு²ங் [அபுச்சி²ங்ஸு (ஸ்யா॰)]
– ‘‘ஸியா பனாவுஸோ, அஞ்ஞோபி பரியாயோ யதா² அரியஸாவகோ ஸம்மாதி³ட்டி² ஹோதி,
உஜுக³தாஸ்ஸ தி³ட்டி², த⁴ம்மே அவேச்சப்பஸாதே³ன ஸமன்னாக³தோ, ஆக³தோ இமங்
ஸத்³த⁴ம்ம’’ந்தி?

‘‘ஸியா, ஆவுஸோ. யதோ கோ², ஆவுஸோ, அரியஸாவகோ ஆஹாரஞ்ச
பஜானாதி, ஆஹாரஸமுத³யஞ்ச பஜானாதி, ஆஹாரனிரோத⁴ஞ்ச பஜானாதி,
ஆஹாரனிரோத⁴கா³மினிங் படிபத³ஞ்ச பஜானாதி – எத்தாவதாபி கோ², ஆவுஸோ, அரியஸாவகோ
ஸம்மாதி³ட்டி² ஹோதி, உஜுக³தாஸ்ஸ தி³ட்டி², த⁴ம்மே அவேச்சப்பஸாதே³ன
ஸமன்னாக³தோ, ஆக³தோ இமங் ஸத்³த⁴ம்மங். கதமோ பனாவுஸோ,
ஆஹாரோ, கதமோ ஆஹாரஸமுத³யோ, கதமோ ஆஹாரனிரோதோ⁴, கதமா ஆஹாரனிரோத⁴கா³மினீ
படிபதா³? சத்தாரோமே, ஆவுஸோ, ஆஹாரா பூ⁴தானங் வா ஸத்தானங் டி²தியா,
ஸம்ப⁴வேஸீனங் வா அனுக்³க³ஹாய. கதமே சத்தாரோ? கப³ளீகாரோ ஆஹாரோ ஓளாரிகோ
வா ஸுகு²மோ வா, ப²ஸ்ஸோ து³தியோ, மனோஸஞ்சேதனா ததியா, விஞ்ஞாணங் சதுத்த²ங்.
தண்ஹாஸமுத³யா ஆஹாரஸமுத³யோ, தண்ஹானிரோதா⁴ ஆஹாரனிரோதோ⁴, அயமேவ அரியோ
அட்ட²ங்கி³கோ மக்³கோ³ ஆஹாரனிரோத⁴கா³மினீ படிபதா³, ஸெய்யதி²த³ங் –
ஸம்மாதி³ட்டி² ஸம்மாஸங்கப்போ ஸம்மாவாசா ஸம்மாகம்மந்தோ , ஸம்மாஆஜீவோ ஸம்மாவாயாமோ ஸம்மாஸதி ஸம்மாஸமாதி⁴’.

‘‘யதோ கோ², ஆவுஸோ, அரியஸாவகோ ஏவங் ஆஹாரங் பஜானாதி,
ஏவங் ஆஹாரஸமுத³யங் பஜானாதி, ஏவங் ஆஹாரனிரோத⁴ங் பஜானாதி, ஏவங்
ஆஹாரனிரோத⁴கா³மினிங் படிபத³ங் பஜானாதி, ஸோ ஸப்³ப³ஸோ ராகா³னுஸயங் பஹாய,
படிகா⁴னுஸயங் படிவினோதெ³த்வா, ‘அஸ்மீ’தி தி³ட்டி²மானானுஸயங் ஸமூஹனித்வா,
அவிஜ்ஜங் பஹாய விஜ்ஜங் உப்பாதெ³த்வா, தி³ட்டே²வத⁴ம்மே து³க்க²ஸ்ஸந்தகரோ
ஹோதி – எத்தாவதாபி கோ², ஆவுஸோ, அரியஸாவகோ ஸம்மாதி³ட்டி² ஹோதி, உஜுக³தாஸ்ஸ
தி³ட்டி², த⁴ம்மே அவேச்சப்பஸாதே³ன ஸமன்னாக³தோ, ஆக³தோ இமங் ஸத்³த⁴ம்ம’’ந்தி.

91.
‘‘ஸாதா⁴வுஸோ’’தி கோ² தே பி⁴க்கூ² ஆயஸ்மதோ ஸாரிபுத்தஸ்ஸ பா⁴ஸிதங்
அபி⁴னந்தி³த்வா அனுமோதி³த்வா ஆயஸ்மந்தங் ஸாரிபுத்தங் உத்தரி பஞ்ஹங்
அபுச்சு²ங் – ‘‘ஸியா பனாவுஸோ, அஞ்ஞோபி பரியாயோ யதா² அரியஸாவகோ
ஸம்மாதி³ட்டி² ஹோதி, உஜுக³தாஸ்ஸ தி³ட்டி², த⁴ம்மே அவேச்சப்பஸாதே³ன
ஸமன்னாக³தோ, ஆக³தோ இமங் ஸத்³த⁴ம்ம’’ந்தி?

‘‘ஸியா, ஆவுஸோ. யதோ கோ², ஆவுஸோ, அரியஸாவகோ து³க்க²ஞ்ச
பஜானாதி, து³க்க²ஸமுத³யஞ்ச பஜானாதி, து³க்க²னிரோத⁴ஞ்ச பஜானாதி,
து³க்க²னிரோத⁴கா³மினிங் படிபத³ஞ்ச பஜானாதி – எத்தாவதாபி கோ², ஆவுஸோ,
அரியஸாவகோ ஸம்மாதி³ட்டி² ஹோதி, உஜுக³தாஸ்ஸ தி³ட்டி², த⁴ம்மே
அவேச்சப்பஸாதே³ன ஸமன்னாக³தோ, ஆக³தோ இமங் ஸத்³த⁴ம்மங். கதமங் பனாவுஸோ,
து³க்க²ங், கதமோ து³க்க²ஸமுத³யோ, கதமோ து³க்க²னிரோதோ⁴, கதமா
து³க்க²னிரோத⁴கா³மினீ படிபதா³? ஜாதிபி து³க்கா², ஜராபி து³க்கா², மரணம்பி
து³க்க²ங், ஸோகபரிதே³வது³க்க²தோ³மனஸ்ஸுபாயாஸாபி து³க்கா², அப்பியேஹி
ஸம்பயோகோ³பி து³க்கோ², பியேஹி விப்பயோகோ³பி து³க்கோ², யம்பிச்ச²ங் ந லப⁴தி தம்பி து³க்க²ங், ஸங்கி²த்தேன பஞ்சுபாதா³னக்க²ந்தா⁴ [பஞ்சுபாதா³னக்க²ந்தா⁴பி (க॰)] து³க்கா² – இத³ங் வுச்சதாவுஸோ, து³க்க²ங். கதமோ சாவுஸோ, து³க்க²ஸமுத³யோ? யாயங் தண்ஹா போனொப்³ப⁴விகா நந்தீ³ராக³ஸஹக³தா [போனோப⁴விகா (ஸீ॰ பீ॰)] தத்ரதத்ராபி⁴னந்தி³னீ [நந்தி³ராக³ஸஹக³தா (ஸீ॰ பீ॰)], ஸெய்யதி²த³ங், காமதண்ஹா ப⁴வதண்ஹா
விப⁴வதண்ஹா – அயங் வுச்சதாவுஸோ, து³க்க²ஸமுத³யோ. கதமோ சாவுஸோ,
து³க்க²னிரோதோ⁴? யோ தஸ்ஸாயேவ தண்ஹாய அஸேஸவிராக³னிரோதோ⁴ சாகோ³
படினிஸ்ஸக்³கோ³ முத்தி அனாலயோ – அயங் வுச்சதாவுஸோ, து³க்க²னிரோதோ⁴. கதமா
சாவுஸோ, து³க்க²னிரோத⁴கா³மினீ படிபதா³? அயமேவ அரியோ அட்ட²ங்கி³கோ மக்³கோ³, ஸெய்யதி²த³ங், ஸம்மாதி³ட்டி²…பே॰… ஸம்மாஸமாதி⁴ – அயங் வுச்சதாவுஸோ, து³க்க²னிரோத⁴கா³மினீ படிபதா³.

‘‘யதோ கோ², ஆவுஸோ, அரியஸாவகோ ஏவங் து³க்க²ங் பஜானாதி,
ஏவங் து³க்க²ஸமுத³யங் பஜானாதி, ஏவங் து³க்க²னிரோத⁴ங் பஜானாதி, ஏவங்
து³க்க²னிரோத⁴கா³மினிங் படிபத³ங் பஜானாதி, ஸோ ஸப்³ப³ஸோ ராகா³னுஸயங் பஹாய,
படிகா⁴னுஸயங் படிவினோதெ³த்வா, ‘அஸ்மீ’தி தி³ட்டி²மானானுஸயங் ஸமூஹனித்வா,
அவிஜ்ஜங் பஹாய விஜ்ஜங் உப்பாதெ³த்வா, தி³ட்டே²வத⁴ம்மே து³க்க²ஸ்ஸந்தகரோ
ஹோதி – எத்தாவதாபி கோ², ஆவுஸோ, அரியஸாவகோ ஸம்மாதி³ட்டி² ஹோதி, உஜுக³தாஸ்ஸ
தி³ட்டி², த⁴ம்மே அவேச்சப்பஸாதே³ன ஸமன்னாக³தோ, ஆக³தோ இமங் ஸத்³த⁴ம்ம’’ந்தி.

92.
‘‘ஸாதா⁴வுஸோ’’தி கோ² தே பி⁴க்கூ² ஆயஸ்மதோ ஸாரிபுத்தஸ்ஸ பா⁴ஸிதங்
அபி⁴னந்தி³த்வா அனுமோதி³த்வா ஆயஸ்மந்தங் ஸாரிபுத்தங் உத்தரி பஞ்ஹங்
அபுச்சு²ங் – ‘‘ஸியா பனாவுஸோ, அஞ்ஞோபி பரியாயோ யதா² அரியஸாவகோ
ஸம்மாதி³ட்டி² ஹோதி, உஜுக³தாஸ்ஸ தி³ட்டி², த⁴ம்மே அவேச்சப்பஸாதே³ன ஸமன்னாக³தோ, ஆக³தோ இமங் ஸத்³த⁴ம்ம’’ந்தி?

‘‘ஸியா, ஆவுஸோ. யதோ கோ², ஆவுஸோ, அரியஸாவகோ ஜராமரணஞ்ச
பஜானாதி, ஜராமரணஸமுத³யஞ்ச பஜானாதி, ஜராமரணனிரோத⁴ஞ்ச பஜானாதி,
ஜராமரணனிரோத⁴கா³மினிங் படிபத³ஞ்ச பஜானாதி – எத்தாவதாபி கோ², ஆவுஸோ,
அரியஸாவகோ ஸம்மாதி³ட்டி² ஹோதி, உஜுக³தாஸ்ஸ தி³ட்டி², த⁴ம்மே
அவேச்சப்பஸாதே³ன ஸமன்னாக³தோ, ஆக³தோ இமங் ஸத்³த⁴ம்மங். கதமங் பனாவுஸோ,
ஜராமரணங், கதமோ ஜராமரணஸமுத³யோ, கதமோ ஜராமரணனிரோதோ⁴, கதமா
ஜராமரணனிரோத⁴கா³மினீ படிபதா³? யா தேஸங் தேஸங் ஸத்தானங் தம்ஹி தம்ஹி
ஸத்தனிகாயே ஜரா ஜீரணதா க²ண்டி³ச்சங் பாலிச்சங் வலித்தசதா ஆயுனோ ஸங்ஹானி
இந்த்³ரியானங் பரிபாகோ – அயங் வுச்சதாவுஸோ, ஜரா. கதமஞ்சாவுஸோ, மரணங்? யா [யங் (பீ॰ க॰), ஸதிபட்டா²னஸுத்தேபி] தேஸங் தேஸங் ஸத்தானங்
தம்ஹா தம்ஹா ஸத்தனிகாயா சுதி சவனதா பே⁴தோ³ அந்தரதா⁴னங் மச்சு மரணங்
காலங்கிரியா க²ந்தா⁴னங் பே⁴தோ³, களேவரஸ்ஸ நிக்கே²போ,
ஜீவிதிந்த்³ரியஸ்ஸுபச்சே²தோ³ – இத³ங் வுச்சதாவுஸோ, மரணங். இதி அயஞ்ச ஜரா
இத³ஞ்ச மரணங் – இத³ங் வுச்சதாவுஸோ, ஜராமரணங். ஜாதிஸமுத³யா ஜராமரணஸமுத³யோ,
ஜாதினிரோதா⁴ ஜராமரணனிரோதோ⁴, அயமேவ அரியோ அட்ட²ங்கி³கோ மக்³கோ³
ஜராமரணனிரோத⁴கா³மினீ படிபதா³, ஸெய்யதி²த³ங் – ஸம்மாதி³ட்டி²…பே॰…
ஸம்மாஸமாதி⁴.

‘‘யதோ கோ², ஆவுஸோ, அரியஸாவகோ ஏவங் ஜராமரணங் பஜானாதி, ஏவங் ஜராமரணஸமுத³ங் பஜானாதி, ஏவங் ஜராமரணனிரோத⁴ங் பஜானாதி, ஏவங்
ஜராமரணனிரோத⁴கா³மினிங் படிபத³ங் பஜானாதி, ஸோ ஸப்³ப³ஸோ ராகா³னுஸயங்
பஹாய…பே॰… து³க்க²ஸ்ஸந்தகரோ ஹோதி – எத்தாவதாபி கோ², ஆவுஸோ, அரியஸாவகோ
ஸம்மாதி³ட்டி² ஹோதி, உஜுக³தாஸ்ஸ தி³ட்டி², த⁴ம்மே அவேச்சப்பஸாதே³ன
ஸமன்னாக³தோ, ஆக³தோ இமங் ஸத்³த⁴ம்ம’’ந்தி.

93. ‘‘ஸாதா⁴வுஸோ’’தி கோ²…பே॰… அபுச்சு²ங் – ஸியா பனாவுஸோ…பே॰…
‘‘ஸியா, ஆவுஸோ. யதோ கோ², ஆவுஸோ, அரியஸாவகோ ஜாதிஞ்ச பஜானாதி, ஜாதிஸமுத³யஞ்ச
பஜானாதி, ஜாதினிரோத⁴ஞ்ச பஜானாதி, ஜாதினிரோத⁴கா³மினிங் படிபத³ஞ்ச பஜானாதி –
எத்தாவதாபி கோ², ஆவுஸோ, அரியஸாவகோ ஸம்மாதி³ட்டி² ஹோதி, உஜுக³தாஸ்ஸ
தி³ட்டி², த⁴ம்மே அவேச்சப்பஸாதே³ன ஸமன்னாக³தோ, ஆக³தோ இமங் ஸத்³த⁴ம்மங்.
கதமா பனாவுஸோ, ஜாதி, கதமோ ஜாதிஸமுத³யோ, கதமோ ஜாதினிரோதோ⁴, கதமா
ஜாதினிரோத⁴கா³மினீ படிபதா³? யா தேஸங் தேஸங் ஸத்தானங் தம்ஹி தம்ஹி
ஸத்தனிகாயே ஜாதி ஸஞ்ஜாதி ஓக்கந்தி அபி⁴னிப்³ப³த்தி க²ந்தா⁴னங் பாதுபா⁴வோ,
ஆயதனானங் படிலாபோ⁴ – அயங் வுச்சதாவுஸோ, ஜாதி. ப⁴வஸமுத³யா ஜாதிஸமுத³யோ,
ப⁴வனிரோதா⁴ ஜாதினிரோதோ⁴, அயமேவ அரியோ அட்ட²ங்கி³கோ மக்³கோ³
ஜாதினிரோத⁴கா³மினீ படிபதா³, ஸெய்யதி²த³ங் – ஸம்மாதி³ட்டி²…பே॰…
ஸம்மாஸமாதி⁴.

‘‘யதோ கோ², ஆவுஸோ, அரியஸாவகோ ஏவங் ஜாதிங் பஜானாதி,
ஏவங் ஜாதிஸமுத³யங் பஜானாதி, ஏவங் ஜாதினிரோத⁴ங் பஜானாதி, ஏவங்
ஜாதினிரோத⁴கா³மினிங் படிபத³ங் பஜானாதி, ஸோ ஸப்³ப³ஸோ ராகா³னுஸயங் பஹாய…பே॰…
து³க்க²ஸ்ஸந்தகரோ ஹோதி – எத்தாவதாபி கோ², ஆவுஸோ, அரியஸாவகோ ஸம்மாதி³ட்டி² ஹோதி, உஜுக³தாஸ்ஸ தி³ட்டி², த⁴ம்மே அவேச்சப்பஸாதே³ன ஸமன்னாக³தோ, ஆக³தோ இமங் ஸத்³த⁴ம்ம’’ந்தி.

94.
‘‘ஸாதா⁴வுஸோ’’தி கோ²…பே॰… அபுச்சு²ங் – ஸியா பனாவுஸோ…பே॰… ‘‘ஸியா, ஆவுஸோ.
யதோ கோ², ஆவுஸோ, அரியஸாவகோ ப⁴வஞ்ச பஜானாதி, ப⁴வஸமுத³யஞ்ச பஜானாதி,
ப⁴வனிரோத⁴ஞ்ச பஜானாதி, ப⁴வனிரோத⁴கா³மினிங் படிபத³ஞ்ச பஜானாதி – எத்தாவதாபி
கோ², ஆவுஸோ, அரியஸாவகோ ஸம்மாதி³ட்டி² ஹோதி, உஜுக³தாஸ்ஸ தி³ட்டி², த⁴ம்மே
அவேச்சப்பஸாதே³ன ஸமன்னாக³தோ, ஆக³தோ இமங்
ஸத்³த⁴ம்மங். கதமோ பனாவுஸோ, ப⁴வோ, கதமோ ப⁴வஸமுத³யோ, கதமோ ப⁴வனிரோதோ⁴, கதமா
ப⁴வனிரோத⁴கா³மினீ படிபதா³? தயோமே, ஆவுஸோ, ப⁴வா – காமப⁴வோ, ரூபப⁴வோ,
அரூபப⁴வோ. உபாதா³னஸமுத³யா ப⁴வஸமுத³யோ, உபாதா³னநிரோதா⁴ ப⁴வனிரோதோ⁴, அயமேவ
அரியோ அட்ட²ங்கி³கோ மக்³கோ³ ப⁴வனிரோத⁴கா³மினீ படிபதா³, ஸெய்யதி²த³ங் –
ஸம்மாதி³ட்டி²…பே॰… ஸம்மாஸமாதி⁴.

‘‘யதோ கோ², ஆவுஸோ, அரியஸாவகோ ஏவங் ப⁴வங் பஜானாதி, ஏவங்
ப⁴வஸமுத³யங் பஜானாதி, ஏவங் ப⁴வனிரோத⁴ங் பஜானாதி, ஏவங் ப⁴வனிரோத⁴கா³மினிங்
படிபத³ங் பஜானாதி, ஸோ ஸப்³ப³ஸோ ராகா³னுஸயங் பஹாய…பே॰… து³க்க²ஸ்ஸந்தகரோ
ஹோதி. எத்தாவதாபி கோ², ஆவுஸோ, அரியஸாவகோ ஸம்மாதி³ட்டி² ஹோதி, உஜுக³தாஸ்ஸ
தி³ட்டி², த⁴ம்மே அவேச்சப்பஸாதே³ன ஸமன்னாக³தோ, ஆக³தோ இமங் ஸத்³த⁴ம்ம’’ந்தி.

95.
‘‘ஸாதா⁴வுஸோ’’தி கோ²…பே॰… அபுச்சு²ங் – ஸியா பனாவுஸோ…பே॰… ‘‘ஸியா, ஆவுஸோ.
யதோ கோ², ஆவுஸோ, அரியஸாவகோ உபாதா³னஞ்ச பஜானாதி, உபாதா³னஸமுத³யஞ்ச
பஜானாதி, உபாதா³னநிரோத⁴ஞ்ச பஜானாதி, உபாதா³னநிரோத⁴கா³மினிங் படிபத³ஞ்ச
பஜானாதி – எத்தாவதாபி கோ², ஆவுஸோ, அரியஸாவகோ ஸம்மாதி³ட்டி² ஹோதி,
உஜுக³தாஸ்ஸ தி³ட்டி², த⁴ம்மே அவேச்சப்பஸாதே³ன ஸமன்னாக³தோ, ஆக³தோ இமங்
ஸத்³த⁴ம்மங். கதமங் பனாவுஸோ, உபாதா³னங், கதமோ உபாதா³னஸமுத³யோ, கதமோ
உபாதா³னநிரோதோ⁴, கதமா உபாதா³னநிரோத⁴கா³மினீ படிபதா³? சத்தாரிமானி, ஆவுஸோ,
உபாதா³னானி – காமுபாதா³னங், தி³ட்டு²பாதா³னங்,
ஸீலப்³ப³துபாதா³னங், அத்தவாது³பாதா³னங். தண்ஹாஸமுத³யா உபாதா³னஸமுத³யோ,
தண்ஹானிரோதா⁴ உபாதா³னநிரோதோ⁴, அயமேவ அரியோ அட்ட²ங்கி³கோ மக்³கோ³ உபாதா³னநிரோத⁴கா³மினீ படிபதா³, ஸெய்யதி²த³ங் – ஸம்மாதி³ட்டி²…பே॰… ஸம்மாஸமாதி⁴.

‘‘யதோ கோ², ஆவுஸோ, அரியஸாவகோ ஏவங் உபாதா³னங் பஜானாதி,
ஏவங் உபாதா³னஸமுத³யங் பஜானாதி, ஏவங் உபாதா³னநிரோத⁴ங் பஜானாதி, ஏவங்
உபாதா³னநிரோத⁴கா³மினிங் படிபத³ங் பஜானாதி, ஸோ ஸப்³ப³ஸோ ராகா³னுஸயங்
பஹாய…பே॰… து³க்க²ஸ்ஸந்தகரோ ஹோதி – எத்தாவதாபி கோ², ஆவுஸோ, அரியஸாவகோ
ஸம்மாதி³ட்டி² ஹோதி, உஜுக³தாஸ்ஸ தி³ட்டி², த⁴ம்மே அவேச்சப்பஸாதே³ன
ஸமன்னாக³தோ, ஆக³தோ இமங் ஸத்³த⁴ம்ம’’ந்தி.

96. ‘‘ஸாதா⁴வுஸோ’’தி
கோ²…பே॰… அபுச்சு²ங் – ஸியா பனாவுஸோ…பே॰… ‘‘ஸியா, ஆவுஸோ. யதோ கோ², ஆவுஸோ,
அரியஸாவகோ தண்ஹஞ்ச பஜானாதி, தண்ஹாஸமுத³யஞ்ச பஜானாதி, தண்ஹானிரோத⁴ஞ்ச
பஜானாதி, தண்ஹானிரோத⁴கா³மினிங் படிபத³ஞ்ச பஜானாதி – எத்தாவதாபி கோ², ஆவுஸோ,
அரியஸாவகோ ஸம்மாதி³ட்டி² ஹோதி, உஜுக³தாஸ்ஸ தி³ட்டி², த⁴ம்மே
அவேச்சப்பஸாதே³ன ஸமன்னாக³தோ, ஆக³தோ இமங்
ஸத்³த⁴ம்மங். கதமா பனாவுஸோ, தண்ஹா, கதமோ தண்ஹாஸமுத³யோ, கதமோ தண்ஹானிரோதோ⁴,
கதமா தண்ஹானிரோத⁴கா³மினீ படிபதா³? ச²யிமே, ஆவுஸோ, தண்ஹாகாயா – ரூபதண்ஹா,
ஸத்³த³தண்ஹா, க³ந்த⁴தண்ஹா, ரஸதண்ஹா, பொ²ட்ட²ப்³ப³தண்ஹா, த⁴ம்மதண்ஹா.
வேத³னாஸமுத³யா தண்ஹாஸமுத³யோ, வேத³னானிரோதா⁴ தண்ஹானிரோதோ⁴, அயமேவ அரியோ
அட்ட²ங்கி³கோ மக்³கோ³ தண்ஹானிரோத⁴கா³மினீ படிபதா³, ஸெய்யதி²த³ங் –
ஸம்மாதி³ட்டி²…பே॰… ஸம்மாஸமாதி⁴.

‘‘யதோ கோ², ஆவுஸோ, அரியஸாவகோ ஏவங் தண்ஹங் பஜானாதி,
ஏவங் தண்ஹாஸமுத³யங் பஜானாதி, ஏவங் தண்ஹானிரோத⁴ங் பஜானாதி, ஏவங்
தண்ஹானிரோத⁴கா³மினிங் படிபத³ங் பஜானாதி, ஸோ ஸப்³ப³ஸோ ராகா³னுஸயங் பஹாய…பே॰…
து³க்க²ஸ்ஸந்தகரோ ஹோதி – எத்தாவதாபி கோ², ஆவுஸோ, அரியஸாவகோ ஸம்மாதி³ட்டி²
ஹோதி, உஜுக³தாஸ்ஸ தி³ட்டி², த⁴ம்மே அவேச்சப்பஸாதே³ன ஸமன்னாக³தோ, ஆக³தோ இமங்
ஸத்³த⁴ம்ம’’ந்தி.

97.
‘‘ஸாதா⁴வுஸோ’’தி கோ²…பே॰… அபுச்சு²ங் – ஸியா பனாவுஸோ…பே॰… ‘‘ஸியா, ஆவுஸோ.
யதோ கோ², ஆவுஸோ, அரியஸாவகோ வேத³னஞ்ச பஜானாதி, வேத³னாஸமுத³யஞ்ச பஜானாதி,
வேத³னானிரோத⁴ஞ்ச பஜானாதி, வேத³னானிரோத⁴கா³மினிங் படிபத³ஞ்ச பஜானாதி –
எத்தாவதாபி கோ², ஆவுஸோ, அரியஸாவகோ ஸம்மாதி³ட்டி²
ஹோதி, உஜுக³தாஸ்ஸ தி³ட்டி², த⁴ம்மே அவேச்சப்பஸாதே³ன ஸமன்னாக³தோ, ஆக³தோ இமங்
ஸத்³த⁴ம்மங். கதமா பனாவுஸோ, வேத³னா, கதமோ வேத³னாஸமுத³யோ, கதமோ
வேத³னானிரோதோ⁴, கதமா வேத³னானிரோத⁴கா³மினீ படிபதா³?
ச²யிமே, ஆவுஸோ, வேத³னாகாயா – சக்கு²ஸம்ப²ஸ்ஸஜா வேத³னா, ஸோதஸம்ப²ஸ்ஸஜா
வேத³னா, கா⁴னஸம்ப²ஸ்ஸஜா வேத³னா, ஜிவ்ஹாஸம்ப²ஸ்ஸஜா வேத³னா, காயஸம்ப²ஸ்ஸஜா
வேத³னா, மனோஸம்ப²ஸ்ஸஜா வேத³னா. ப²ஸ்ஸஸமுத³யா வேத³னாஸமுத³யோ, ப²ஸ்ஸனிரோதா⁴
வேத³னானிரோதோ⁴, அயமேவ அரியோ அட்ட²ங்கி³கோ மக்³கோ³ வேத³னானிரோத⁴கா³மினீ
படிபதா³, ஸெய்யதி²த³ங் – ஸம்மாதி³ட்டி²…பே॰… ஸம்மாஸமாதி⁴.

‘‘யதோ
கோ², ஆவுஸோ, அரியஸாவகோ ஏவங் வேத³னங் பஜானாதி, ஏவங் வேத³னாஸமுத³யங் பஜானாதி,
ஏவங் வேத³னானிரோத⁴ங் பஜானாதி, ஏவங் வேத³னானிரோத⁴கா³மினிங் படிபத³ங்
பஜானாதி, ஸோ ஸப்³ப³ஸோ ராகா³னுஸயங் பஹாய…பே॰… து³க்க²ஸ்ஸந்தகரோ ஹோதி –
எத்தாவதாபி கோ², ஆவுஸோ, அரியஸாவகோ ஸம்மாதி³ட்டி² ஹோதி, உஜுக³தாஸ்ஸ
தி³ட்டி², த⁴ம்மே அவேச்சப்பஸாதே³ன ஸமன்னாக³தோ, ஆக³தோ இமங் ஸத்³த⁴ம்ம’’ந்தி.

98.
‘‘ஸாதா⁴வுஸோ’’தி கோ²…பே॰… அபுச்சு²ங் – ஸியா பனாவுஸோ…பே॰… ‘‘ஸியா, ஆவுஸோ.
யதோ கோ², ஆவுஸோ, அரியஸாவகோ ப²ஸ்ஸஞ்ச பஜானாதி, ப²ஸ்ஸஸமுத³யஞ்ச பஜானாதி,
ப²ஸ்ஸனிரோத⁴ஞ்ச பஜானாதி, ப²ஸ்ஸனிரோத⁴கா³மினிங் படிபத³ஞ்ச பஜானாதி –
எத்தாவதாபி கோ², ஆவுஸோ, அரியஸாவகோ ஸம்மாதி³ட்டி² ஹோதி, உஜுக³தாஸ்ஸ
தி³ட்டி², த⁴ம்மே அவேச்சப்பஸாதே³ன ஸமன்னாக³தோ, ஆக³தோ இமங் ஸத்³த⁴ம்மங்.
கதமோ பனாவுஸோ, ப²ஸ்ஸோ, கதமோ ப²ஸ்ஸஸமுத³யோ, கதமோ ப²ஸ்ஸனிரோதோ⁴, கதமா
ப²ஸ்ஸனிரோத⁴கா³மினீ படிபதா³? ச²யிமே, ஆவுஸோ, ப²ஸ்ஸகாயா – சக்கு²ஸம்ப²ஸ்ஸோ,
ஸோதஸம்ப²ஸ்ஸோ , கா⁴னஸம்ப²ஸ்ஸோ, ஜிவ்ஹாஸம்ப²ஸ்ஸோ,
காயஸம்ப²ஸ்ஸோ, மனோஸம்ப²ஸ்ஸோ. ஸளாயதனஸமுத³யா ப²ஸ்ஸஸமுத³யோ, ஸளாயதனநிரோதா⁴
ப²ஸ்ஸனிரோதோ⁴, அயமேவ அரியோ அட்ட²ங்கி³கோ மக்³கோ³ ப²ஸ்ஸனிரோத⁴கா³மினீ
படிபதா³, ஸெய்யதி²த³ங் – ஸம்மாதி³ட்டி²…பே॰… ஸம்மாஸமாதி⁴.

‘‘யதோ கோ², ஆவுஸோ, அரியஸாவகோ ஏவங் ப²ஸ்ஸங் பஜானாதி,
ஏவங் ப²ஸ்ஸஸமுத³யங் பஜானாதி, ஏவங் ப²ஸ்ஸனிரோத⁴ங் பஜானாதி, ஏவங்
ப²ஸ்ஸனிரோத⁴கா³மினிங் படிபத³ங் பஜானாதி, ஸோ ஸப்³ப³ஸோ ராகா³னுஸயங் பஹாய…பே॰…
து³க்க²ஸ்ஸந்தகரோ ஹோதி – எத்தாவதாபி கோ², ஆவுஸோ,
அரியஸாவகோ ஸம்மாதி³ட்டி² ஹோதி, உஜுக³தாஸ்ஸ தி³ட்டி², த⁴ம்மே
அவேச்சப்பஸாதே³ன ஸமன்னாக³தோ, ஆக³தோ இமங் ஸத்³த⁴ம்ம’’ந்தி.

99.
‘‘ஸாதா⁴வுஸோ’’தி கோ²…பே॰… அபுச்சு²ங் – ஸியா பனாவுஸோ…பே॰… ‘‘ஸியா, ஆவுஸோ.
யதோ கோ², ஆவுஸோ, அரியஸாவகோ ஸளாயதனஞ்ச பஜானாதி, ஸளாயதனஸமுத³யஞ்ச பஜானாதி,
ஸளாயதனநிரோத⁴ஞ்ச பஜானாதி, ஸளாயதனநிரோத⁴கா³மினிங் படிபத³ஞ்ச பஜானாதி –
எத்தாவதாபி கோ², ஆவுஸோ, அரியஸாவகோ ஸம்மாதி³ட்டி² ஹோதி, உஜுக³தாஸ்ஸ
தி³ட்டி², த⁴ம்மே அவேச்சப்பஸாதே³ன ஸமன்னாக³தோ,
ஆக³தோ இமங் ஸத்³த⁴ம்மங். கதமங் பனாவுஸோ, ஸளாயதனங், கதமோ ஸளாயதனஸமுத³யோ,
கதமோ ஸளாயதனநிரோதோ⁴, கதமா ஸளாயதனநிரோத⁴கா³மினீ படிபதா³ ?
ச²யிமானி, ஆவுஸோ, ஆயதனானி – சக்கா²யதனங், ஸோதாயதனங், கா⁴னாயதனங்,
ஜிவ்ஹாயதனங், காயாயதனங், மனாயதனங். நாமரூபஸமுத³யா ஸளாயதனஸமுத³யோ,
நாமரூபனிரோதா⁴ ஸளாயதனநிரோதோ⁴, அயமேவ அரியோ அட்ட²ங்கி³கோ மக்³கோ³
ஸளாயதனநிரோத⁴கா³மினீ படிபதா³, ஸெய்யதி²த³ங் – ஸம்மாதி³ட்டி²…பே॰…
ஸம்மாஸமாதி⁴.

‘‘யதோ கோ², ஆவுஸோ, அரியஸாவகோ ஏவங் ஸளாயதனங் பஜானாதி, ஏவங் ஸளாயதனஸமுத³யங் பஜானாதி, ஏவங் ஸளாயதனநிரோத⁴ங் பஜானாதி ,
ஏவங் ஸளாயதனநிரோத⁴கா³மினிங் படிபத³ங் பஜானாதி, ஸோ ஸப்³ப³ஸோ ராகா³னுஸயங்
பஹாய…பே… து³க்க²ஸ்ஸந்தகரோ ஹோதி – எத்தாவதாபி கோ², ஆவுஸோ, அரியஸாவகோ
ஸம்மாதி³ட்டி² ஹோதி, உஜுக³தாஸ்ஸ தி³ட்டி², த⁴ம்மே அவேச்சப்பஸாதே³ன
ஸமன்னாக³தோ, ஆக³தோ இமங் ஸத்³த⁴ம்ம’’ந்தி.

100.
‘‘ஸாதா⁴வுஸோ’’தி கோ²…பே॰… அபுச்சு²ங் – ஸியா பனாவுஸோ…பே॰… ‘‘ஸியா, ஆவுஸோ.
யதோ கோ², ஆவுஸோ, அரியஸாவகோ நாமரூபஞ்ச பஜானாதி, நாமரூபஸமுத³யஞ்ச பஜானாதி,
நாமரூபனிரோத⁴ஞ்ச பஜானாதி, நாமரூபனிரோத⁴கா³மினிங் படிபத³ஞ்ச பஜானாதி –
எத்தாவதாபி கோ², ஆவுஸோ, அரியஸாவகோ ஸம்மாதி³ட்டி² ஹோதி, உஜுக³தாஸ்ஸ
தி³ட்டி², த⁴ம்மே அவேச்சப்பஸாதே³ன ஸமன்னாக³தோ, ஆக³தோ இமங் ஸத்³த⁴ம்மங்.
கதமங் பனாவுஸோ, நாமரூபங், கதமோ நாமரூபஸமுத³யோ, கதமோ நாமரூபனிரோதோ⁴, கதமா
நாமரூபனிரோத⁴கா³மினீ படிபதா³? வேத³னா, ஸஞ்ஞா, சேதனா, ப²ஸ்ஸோ, மனஸிகாரோ
– இத³ங் வுச்சதாவுஸோ, நாமங்; சத்தாரி ச மஹாபூ⁴தானி, சதுன்னஞ்ச மஹாபூ⁴தானங்
உபாதா³யரூபங் – இத³ங் வுச்சதாவுஸோ, ரூபங். இதி இத³ஞ்ச நாமங் இத³ஞ்ச ரூபங் –
இத³ங் வுச்சதாவுஸோ, நாமரூபங். விஞ்ஞாணஸமுத³யா நாமரூபஸமுத³யோ,
விஞ்ஞாணனிரோதா⁴ நாமரூபனிரோதோ⁴, அயமேவ அரியோ அட்ட²ங்கி³கோ மக்³கோ³
நாமரூபனிரோத⁴கா³மினீ படிபதா³, ஸெய்யதி²த³ங் – ஸம்மாதி³ட்டி²…பே॰…
ஸம்மாஸமாதி⁴.

‘‘யதோ கோ², ஆவுஸோ, அரியஸாவகோ ஏவங்
நாமரூபங் பஜானாதி, ஏவங் நாமரூபஸமுத³யங் பஜானாதி, ஏவங் நாமரூபனிரோத⁴ங்
பஜானாதி, ஏவங் நாமரூபனிரோத⁴கா³மினிங் படிபத³ங் பஜானாதி, ஸோ ஸப்³ப³ஸோ
ராகா³னுஸயங் பஹாய…பே॰… து³க்க²ஸ்ஸந்தகரோ ஹோதி – எத்தாவதாபி கோ², ஆவுஸோ,
அரியஸாவகோ ஸம்மாதி³ட்டி² ஹோதி, உஜுக³தாஸ்ஸ தி³ட்டி², த⁴ம்மே
அவேச்சப்பஸாதே³ன ஸமன்னாக³தோ, ஆக³தோ இமங் ஸத்³த⁴ம்ம’’ந்தி.

101.
‘‘ஸாதா⁴வுஸோ’’தி கோ²…பே॰… அபுச்சு²ங் – ஸியா பனாவுஸோ…பே॰… ‘‘ஸியா, ஆவுஸோ.
யதோ கோ², ஆவுஸோ, அரியஸாவகோ விஞ்ஞாணஞ்ச பஜானாதி, விஞ்ஞாணஸமுத³யஞ்ச பஜானாதி,
விஞ்ஞாணனிரோத⁴ஞ்ச பஜானாதி, விஞ்ஞாணனிரோத⁴கா³மினிங் படிபத³ஞ்ச பஜானாதி –
எத்தாவதாபி கோ², ஆவுஸோ, அரியஸாவகோ ஸம்மாதி³ட்டி² ஹோதி, உஜுக³தாஸ்ஸ
தி³ட்டி², த⁴ம்மே அவேச்சப்பஸாதே³ன ஸமன்னாக³தோ, ஆக³தோ இமங் ஸத்³த⁴ம்மங்.
கதமங் பனாவுஸோ, விஞ்ஞாணங், கதமோ விஞ்ஞாணஸமுத³யோ, கதமோ விஞ்ஞாணனிரோதோ⁴, கதமா
விஞ்ஞாணனிரோத⁴கா³மினீ படிபதா³? ச²யிமே, ஆவுஸோ, விஞ்ஞாணகாயா –
சக்கு²விஞ்ஞாணங், ஸோதவிஞ்ஞாணங், கா⁴னவிஞ்ஞாணங், ஜிவ்ஹாவிஞ்ஞாணங்,
காயவிஞ்ஞாணங், மனோவிஞ்ஞாணங். ஸங்கா²ரஸமுத³யா விஞ்ஞாணஸமுத³யோ,
ஸங்கா²ரனிரோதா⁴ விஞ்ஞாணனிரோதோ⁴, அயமேவ அரியோ அட்ட²ங்கி³கோ மக்³கோ³
விஞ்ஞாணனிரோத⁴கா³மினீ படிபதா³, ஸெய்யதி²த³ங் – ஸம்மாதி³ட்டி²…பே॰…
ஸம்மாஸமாதி⁴.

‘‘யதோ கோ², ஆவுஸோ, அரியஸாவகோ ஏவங் விஞ்ஞாணங் பஜானாதி,
ஏவங் விஞ்ஞாணஸமுத³யங் பஜானாதி, ஏவங் விஞ்ஞாணனிரோத⁴ங் பஜானாதி, ஏவங்
விஞ்ஞாணனிரோத⁴கா³மினிங் படிபத³ங் பஜானாதி , ஸோ ஸப்³ப³ஸோ
ராகா³னுஸயங் பஹாய…பே॰… து³க்க²ஸ்ஸந்தகரோ ஹோதி – எத்தாவதாபி கோ², ஆவுஸோ,
அரியஸாவகோ ஸம்மாதி³ட்டி² ஹோதி, உஜுக³தாஸ்ஸ தி³ட்டி², த⁴ம்மே
அவேச்சப்பஸாதே³ன ஸமன்னாக³தோ, ஆக³தோ இமங் ஸத்³த⁴ம்ம’’ந்தி.

102. ‘‘ஸாதா⁴வுஸோ’’தி
கோ²…பே॰… அபுச்சு²ங் – ஸியா பனாவுஸோ…பே॰… ‘‘ஸியா, ஆவுஸோ. யதோ கோ², ஆவுஸோ,
அரியஸாவகோ ஸங்கா²ரே ச பஜானாதி, ஸங்கா²ரஸமுத³யஞ்ச பஜானாதி, ஸங்கா²ரனிரோத⁴ஞ்ச
பஜானாதி, ஸங்கா²ரனிரோத⁴கா³மினிங் படிபத³ஞ்ச பஜானாதி – எத்தாவதாபி கோ²,
ஆவுஸோ, அரியஸாவகோ ஸம்மாதி³ட்டி² ஹோதி, உஜுக³தாஸ்ஸ தி³ட்டி², த⁴ம்மே
அவேச்சப்பஸாதே³ன ஸமன்னாக³தோ, ஆக³தோ இமங் ஸத்³த⁴ம்மங். கதமே பனாவுஸோ,
ஸங்கா²ரா, கதமோ ஸங்கா²ரஸமுத³யோ, கதமோ
ஸங்கா²ரனிரோதோ⁴, கதமா ஸங்கா²ரனிரோத⁴கா³மினீ படிபதா³? தயோமே, ஆவுஸோ,
ஸங்கா²ரா – காயஸங்கா²ரோ, வசீஸங்கா²ரோ, சித்தஸங்கா²ரோ. அவிஜ்ஜாஸமுத³யா
ஸங்கா²ரஸமுத³யோ, அவிஜ்ஜானிரோதா⁴ ஸங்கா²ரனிரோதோ⁴, அயமேவ அரியோ அட்ட²ங்கி³கோ
மக்³கோ³ ஸங்கா²ரனிரோத⁴கா³மினீ படிபதா³, ஸெய்யதி²த³ங் – ஸம்மாதி³ட்டி²…பே॰…
ஸம்மாஸமாதி⁴.

‘‘யதோ கோ², ஆவுஸோ, அரியஸாவகோ ஏவங் ஸங்கா²ரே பஜானாதி,
ஏவங் ஸங்கா²ரஸமுத³யங் பஜானாதி, ஏவங் ஸங்கா²ரனிரோத⁴ங் பஜானாதி, ஏவங்
ஸங்கா²ரனிரோத⁴கா³மினிங் படிபத³ங் பஜானாதி, ஸோ ஸப்³ப³ஸோ ராகா³னுஸயங் பஹாய,
படிகா⁴னுஸயங் படிவினோதெ³த்வா, ‘அஸ்மீ’தி தி³ட்டி²மானானுஸயங் ஸமூஹனித்வா,
அவிஜ்ஜங் பஹாய விஜ்ஜங் உப்பாதெ³த்வா, தி³ட்டே²வ த⁴ம்மே து³க்க²ஸ்ஸந்தகரோ
ஹோதி – எத்தாவதாபி கோ², ஆவுஸோ, அரியஸாவகோ ஸம்மாதி³ட்டி² ஹோதி, உஜுக³தாஸ்ஸ தி³ட்டி², த⁴ம்மே அவேச்சப்பஸாதே³ன ஸமன்னாக³தோ, ஆக³தோ இமங் ஸத்³த⁴ம்ம’’ந்தி.

103.
‘‘ஸாதா⁴வுஸோ’’தி கோ²…பே॰… அபுச்சு²ங் – ஸியா பனாவுஸோ…பே॰… ‘‘ஸியா, ஆவுஸோ.
யதோ கோ², ஆவுஸோ, அரியஸாவகோ அவிஜ்ஜஞ்ச பஜானாதி, அவிஜ்ஜாஸமுத³யஞ்ச பஜானாதி,
அவிஜ்ஜானிரோத⁴ஞ்ச பஜானாதி, அவிஜ்ஜானிரோத⁴கா³மினிங் படிபத³ஞ்ச பஜானாதி –
எத்தாவதாபி கோ², ஆவுஸோ, அரியஸாவகோ ஸம்மாதி³ட்டி² ஹோதி, உஜுக³தாஸ்ஸ
தி³ட்டி², த⁴ம்மே அவேச்சப்பஸாதே³ன ஸமன்னாக³தோ, ஆக³தோ இமங் ஸத்³த⁴ம்மங்.
கதமா பனாவுஸோ, அவிஜ்ஜா, கதமோ அவிஜ்ஜாஸமுத³யோ, கதமோ அவிஜ்ஜானிரோதோ⁴, கதமா
அவிஜ்ஜானிரோத⁴கா³மினீ படிபதா³? யங் கோ², ஆவுஸோ, து³க்கே² அஞ்ஞாணங்,
து³க்க²ஸமுத³யே அஞ்ஞாணங், து³க்க²னிரோதே⁴ அஞ்ஞாணங், து³க்க²னிரோத⁴கா³மினியா
படிபதா³ய அஞ்ஞாணங் – அயங் வுச்சதாவுஸோ, அவிஜ்ஜா. ஆஸவஸமுத³யா
அவிஜ்ஜாஸமுத³யோ, ஆஸவனிரோதா⁴ அவிஜ்ஜானிரோதோ⁴, அயமேவ அரியோ அட்ட²ங்கி³கோ
மக்³கோ³ அவிஜ்ஜானிரோத⁴கா³மினீ படிபதா³, ஸெய்யதி²த³ங் – ஸம்மாதி³ட்டி²…பே॰…
ஸம்மாஸமாதி⁴.

‘‘யதோ கோ², ஆவுஸோ, அரியஸாவகோ
ஏவங் அவிஜ்ஜங் பஜானாதி, ஏவங் அவிஜ்ஜாஸமுத³யங் பஜானாதி, ஏவங்
அவிஜ்ஜானிரோத⁴ங் பஜானாதி, ஏவங் அவிஜ்ஜானிரோத⁴கா³மினிங் படிபத³ங் பஜானாதி,
ஸோ ஸப்³ப³ஸோ ராகா³னுஸயங் பஹாய, படிகா⁴னுஸயங் படிவினோதெ³த்வா, ‘அஸ்மீ’தி
தி³ட்டி²மானானுஸயங் ஸமூஹனித்வா, அவிஜ்ஜங் பஹாய விஜ்ஜங் உப்பாதெ³த்வா,
தி³ட்டே²வ த⁴ம்மே து³க்க²ஸ்ஸந்தகரோ ஹோதி – எத்தாவதாபி கோ², ஆவுஸோ,
அரியஸாவகோ ஸம்மாதி³ட்டி² ஹோதி, உஜுக³தாஸ்ஸ தி³ட்டி², த⁴ம்மே அவேச்சப்பஸாதே³ன ஸமன்னாக³தோ, ஆக³தோ இமங் ஸத்³த⁴ம்ம’’ந்தி.

104. ‘‘ஸாதா⁴வுஸோ’’தி
கோ² தே பி⁴க்கூ² ஆயஸ்மதோ ஸாரிபுத்தஸ்ஸ பா⁴ஸிதங் அபி⁴னந்தி³த்வா
அனுமோதி³த்வா ஆயஸ்மந்தங் ஸாரிபுத்தங் உத்தரி பஞ்ஹங் அபுச்சு²ங் – ‘‘ஸியா
பனாவுஸோ, அஞ்ஞோபி பரியாயோ யதா² அரியஸாவகோ ஸம்மாதி³ட்டி² ஹோதி, உஜுக³தாஸ்ஸ தி³ட்டி², த⁴ம்மே அவேச்சப்பஸாதே³ன ஸமன்னாக³தோ, ஆக³தோ இமங் ஸத்³த⁴ம்ம’’ந்தி?

‘‘ஸியா, ஆவுஸோ. யதோ கோ², ஆவுஸோ, அரியஸாவகோ ஆஸவஞ்ச
பஜானாதி, ஆஸவஸமுத³யஞ்ச பஜானாதி, ஆஸவனிரோத⁴ஞ்ச பஜானாதி, ஆஸவனிரோத⁴கா³மினிங்
படிபத³ஞ்ச பஜானாதி – எத்தாவதாபி கோ², ஆவுஸோ, அரியஸாவகோ ஸம்மாதி³ட்டி² ஹோதி,
உஜுக³தாஸ்ஸ தி³ட்டி², த⁴ம்மே அவேச்சப்பஸாதே³ன ஸமன்னாக³தோ, ஆக³தோ இமங்
ஸத்³த⁴ம்மங். கதமோ பனாவுஸோ, ஆஸவோ, கதமோ ஆஸவஸமுத³யோ, கதமோ ஆஸவனிரோதோ⁴, கதமா
ஆஸவனிரோத⁴கா³மினீ படிபதா³தி? தயோமே, ஆவுஸோ, ஆஸவா – காமாஸவோ, ப⁴வாஸவோ,
அவிஜ்ஜாஸவோ. அவிஜ்ஜாஸமுத³யா ஆஸவஸமுத³யோ, அவிஜ்ஜானிரோதா⁴ ஆஸவனிரோதோ⁴, அயமேவ
அரியோ அட்ட²ங்கி³கோ மக்³கோ³ ஆஸவனிரோத⁴கா³மினீ படிபதா³, ஸெய்யதி²த³ங் –
ஸம்மாதி³ட்டி²…பே॰… ஸம்மாஸமாதி⁴.

‘‘யதோ கோ², ஆவுஸோ, அரியஸாவகோ ஏவங் ஆஸவங் பஜானாதி, ஏவங் ஆஸவஸமுத³யங் பஜானாதி, ஏவங் ஆஸவனிரோத⁴ங்
பஜானாதி, ஏவங் ஆஸவனிரோத⁴கா³மினிங் படிபத³ங் பஜானாதி, ஸோ ஸப்³ப³ஸோ
ராகா³னுஸயங் பஹாய, படிகா⁴னுஸயங் படிவினோதெ³த்வா, ‘அஸ்மீ’தி
தி³ட்டி²மானானுஸயங் ஸமூஹனித்வா, அவிஜ்ஜங் பஹாய விஜ்ஜங் உப்பாதெ³த்வா,
தி³ட்டே²வ த⁴ம்மே து³க்க²ஸ்ஸந்தகரோ ஹோதி – எத்தாவதாபி கோ², ஆவுஸோ,
அரியஸாவகோ ஸம்மாதி³ட்டி² ஹோதி , உஜுக³தாஸ்ஸ தி³ட்டி², த⁴ம்மே அவேச்சப்பஸாதே³ன ஸமன்னாக³தோ, ஆக³தோ இமங் ஸத்³த⁴ம்ம’’ந்தி.

ஸம்மாதி³ட்டி²ஸுத்தங் நிட்டி²தங் நவமங். [இதோ
பரங் கேஸுசி பொத்த²கேஸு இமாபி கா³தா²யோ§ஏவங் தி³ஸ்ஸந்தி –§து³க்க²ங்
ஜராமரணங் உபாதா³னங், ஸளாயதனங் நாமரூபங். விஞ்ஞாணங் யா ஸா பரே, கதமா பனாவுஸோ
பதா³னங்§கிங் ஜாதி தண்ஹா ச வேத³னா, அவிஜ்ஜாய சதுக்கனயோ. சத்தாரி பரே கதமா,
பனாவுஸோ பதா³னங் கேவலங்§ஆஹாரோ ச ப⁴வோ ப²ஸ்ஸோ, ஸங்கா²ரோ ஆஸவபஞ்சமோ. யாவ
பஞ்ச பரே கதமா, பனாவுஸோ பதா³னங் கிங்§கதமந்தி ச²ப்³பி³தா⁴ வுத்தங், கதமானி
சதுப்³பி³தா⁴னி. கதமோ பஞ்சவிதோ⁴ வுத்தோ, ஸப்³பே³ஸங் ஏகஸங்கா²னங்
பஞ்சனயபதா³னி சாதி ]

10. மஹாஸதிபட்டா²னஸுத்தங்

105. ஏவங்
மே ஸுதங் – ஏகங் ஸமயங் ப⁴க³வா குரூஸு விஹரதி கம்மாஸத⁴ம்மங் நாம குரூனங்
நிக³மோ. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

உத்³தே³ஸோ

106. ‘‘ஏகாயனோ அயங், பி⁴க்க²வே, மக்³கோ³ ஸத்தானங் விஸுத்³தி⁴யா, ஸோகபரிதே³வானங் [பரித்³த³வானங் (ஸீ॰ பீ॰)] ஸமதிக்கமாய, து³க்க²தோ³மனஸ்ஸானங் அத்த²ங்க³மாய, ஞாயஸ்ஸ அதி⁴க³மாய, நிப்³பா³னஸ்ஸ ஸச்சி²கிரியாய, யதி³த³ங் சத்தாரோ ஸதிபட்டா²னா.

‘‘கதமே சத்தாரோ? இத⁴, பி⁴க்க²வே, பி⁴க்கு² காயே
காயானுபஸ்ஸீ விஹரதி ஆதாபீ ஸம்பஜானோ ஸதிமா, வினெய்ய லோகே
அபி⁴ஜ்ஜா²தோ³மனஸ்ஸங்; வேத³னாஸு வேத³னானுபஸ்ஸீ விஹரதி ஆதாபீ ஸம்பஜானோ ஸதிமா,
வினெய்ய லோகே அபி⁴ஜ்ஜா²தோ³மனஸ்ஸங்; சித்தே சித்தானுபஸ்ஸீ விஹரதி ஆதாபீ
ஸம்பஜானோ ஸதிமா, வினெய்ய லோகே அபி⁴ஜ்ஜா²தோ³மனஸ்ஸங்; த⁴ம்மேஸு த⁴ம்மானுபஸ்ஸீ
விஹரதி ஆதாபீ ஸம்பஜானோ ஸதிமா, வினெய்ய லோகே அபி⁴ஜ்ஜா²தோ³மனஸ்ஸங்.

உத்³தே³ஸோ நிட்டி²தோ.

காயானுபஸ்ஸனா ஆனாபானபப்³ப³ங்

107.
‘‘கத²ஞ்ச, பி⁴க்க²வே, பி⁴க்கு² காயே காயானுபஸ்ஸீ விஹரதி? இத⁴, பி⁴க்க²வே,
பி⁴க்கு² அரஞ்ஞக³தோ வா ருக்க²மூலக³தோ வா ஸுஞ்ஞாகா³ரக³தோ வா நிஸீத³தி,
பல்லங்கங் ஆபு⁴ஜித்வா, உஜுங் காயங் பணிதா⁴ய, பரிமுக²ங் ஸதிங் உபட்ட²பெத்வா.
ஸோ ஸதோவ அஸ்ஸஸதி, ஸதோவ [ஸதோ (ஸீ॰ ஸ்யா॰)] பஸ்ஸஸதி. தீ³க⁴ங்
வா அஸ்ஸஸந்தோ ‘தீ³க⁴ங் அஸ்ஸஸாமீ’தி பஜானாதி, தீ³க⁴ங் வா பஸ்ஸஸந்தோ
‘தீ³க⁴ங் பஸ்ஸஸாமீ’தி பஜானாதி, ரஸ்ஸங் வா அஸ்ஸஸந்தோ ‘ரஸ்ஸங் அஸ்ஸஸாமீ’தி
பஜானாதி, ரஸ்ஸங் வா பஸ்ஸஸந்தோ ‘ரஸ்ஸங் பஸ்ஸஸாமீ’தி பஜானாதி, ‘ஸப்³ப³காயபடிஸங்வேதீ³ அஸ்ஸஸிஸ்ஸாமீ’தி ஸிக்க²தி, ‘ஸப்³ப³காயபடிஸங்வேதீ³ பஸ்ஸஸிஸ்ஸாமீ’தி ஸிக்க²தி , ‘பஸ்ஸம்ப⁴யங் காயஸங்கா²ரங் அஸ்ஸஸிஸ்ஸாமீ’தி ஸிக்க²தி, ‘பஸ்ஸம்ப⁴யங் காயஸங்கா²ரங் பஸ்ஸஸிஸ்ஸாமீ’தி ஸிக்க²தி.

‘‘ஸெய்யதா²பி, பி⁴க்க²வே, த³க்கோ² ப⁴மகாரோ வா
ப⁴மகாரந்தேவாஸீ வா தீ³க⁴ங் வா அஞ்ச²ந்தோ ‘தீ³க⁴ங் அஞ்சா²மீ’தி பஜானாதி,
ரஸ்ஸங் வா அஞ்ச²ந்தோ ‘ரஸ்ஸங் அஞ்சா²மீ’தி பஜானாதி; ஏவமேவ கோ², பி⁴க்க²வே,
பி⁴க்கு² தீ³க⁴ங் வா அஸ்ஸஸந்தோ ‘தீ³க⁴ங் அஸ்ஸஸாமீ’தி பஜானாதி, தீ³க⁴ங் வா
பஸ்ஸஸந்தோ ‘தீ³க⁴ங் பஸ்ஸஸாமீ’தி பஜானாதி, ரஸ்ஸங் வா அஸ்ஸஸந்தோ ‘ரஸ்ஸங்
அஸ்ஸஸாமீ’தி பஜானாதி, ரஸ்ஸங் வா பஸ்ஸஸந்தோ ‘ரஸ்ஸங் பஸ்ஸஸாமீ’தி பஜானாதி;
‘ஸப்³ப³காயபடிஸங்வேதீ³ அஸ்ஸஸிஸ்ஸாமீ’தி ஸிக்க²தி, ‘ஸப்³ப³காயபடிஸங்வேதீ³
பஸ்ஸஸிஸ்ஸாமீ’தி ஸிக்க²தி; ‘பஸ்ஸம்ப⁴யங் காயஸங்கா²ரங் அஸ்ஸஸிஸ்ஸாமீ’தி
ஸிக்க²தி, ‘பஸ்ஸம்ப⁴யங் காயஸங்கா²ரங் பஸ்ஸஸிஸ்ஸாமீ’தி ஸிக்க²தி. இதி
அஜ்ஜ²த்தங் வா காயே காயானுபஸ்ஸீ விஹரதி, ப³ஹித்³தா⁴ வா காயே காயானுபஸ்ஸீ
விஹரதி, அஜ்ஜ²த்தப³ஹித்³தா⁴ வா காயே காயானுபஸ்ஸீ விஹரதி;
ஸமுத³யத⁴ம்மானுபஸ்ஸீ வா காயஸ்மிங் விஹரதி, வயத⁴ம்மானுபஸ்ஸீ வா காயஸ்மிங்
விஹரதி, ஸமுத³யவயத⁴ம்மானுபஸ்ஸீ வா காயஸ்மிங் விஹரதி. ‘அத்தி² காயோ’தி வா
பனஸ்ஸ ஸதி பச்சுபட்டி²தா ஹோதி. யாவதே³வ ஞாணமத்தாய படிஸ்ஸதிமத்தாய அனிஸ்ஸிதோ ச விஹரதி, ந ச கிஞ்சி லோகே உபாதி³யதி. ஏவம்பி கோ² [ஏவம்பி (ஸீ॰ ஸ்யா॰ பீ॰)], பி⁴க்க²வே, பி⁴க்கு² காயே காயானுபஸ்ஸீ விஹரதி.

ஆனாபானபப்³ப³ங் நிட்டி²தங்.

காயானுபஸ்ஸனா இரியாபத²பப்³ப³ங்

108.
‘‘புன சபரங், பி⁴க்க²வே, பி⁴க்கு² க³ச்ச²ந்தோ வா ‘க³ச்சா²மீ’தி பஜானாதி,
டி²தோ வா ‘டி²தொம்ஹீ’தி பஜானாதி, நிஸின்னோ வா ‘நிஸின்னொம்ஹீ’தி
பஜானாதி, ஸயானோ வா ‘ஸயானொம்ஹீ’தி பஜானாதி. யதா² யதா² வா பனஸ்ஸ காயோ
பணிஹிதோ ஹோதி ததா² ததா² நங் பஜானாதி. இதி அஜ்ஜ²த்தங் வா காயே காயானுபஸ்ஸீ
விஹரதி, ப³ஹித்³தா⁴ வா காயே காயானுபஸ்ஸீ விஹரதி, அஜ்ஜ²த்தப³ஹித்³தா⁴ வா
காயே காயானுபஸ்ஸீ விஹரதி; ஸமுத³யத⁴ம்மானுபஸ்ஸீ வா காயஸ்மிங் விஹரதி,
வயத⁴ம்மானுபஸ்ஸீ வா காயஸ்மிங் விஹரதி, ஸமுத³யவயத⁴ம்மானுபஸ்ஸீ வா காயஸ்மிங்
விஹரதி. ‘அத்தி² காயோ’தி வா
பனஸ்ஸ ஸதி பச்சுபட்டி²தா ஹோதி. யாவதே³வ ஞாணமத்தாய படிஸ்ஸதிமத்தாய
அனிஸ்ஸிதோ ச விஹரதி, ந ச கிஞ்சி லோகே உபாதி³யதி. ஏவம்பி கோ², பி⁴க்க²வே,
பி⁴க்கு² காயே காயானுபஸ்ஸீ விஹரதி.

இரியாபத²பப்³ப³ங் நிட்டி²தங்.

காயானுபஸ்ஸனா ஸம்பஜானபப்³ப³ங்

109.
‘‘புன சபரங், பி⁴க்க²வே, பி⁴க்கு² அபி⁴க்கந்தே படிக்கந்தே ஸம்பஜானகாரீ
ஹோதி, ஆலோகிதே விலோகிதே ஸம்பஜானகாரீ ஹோதி, ஸமிஞ்ஜிதே பஸாரிதே ஸம்பஜானகாரீ
ஹோதி, ஸங்கா⁴டிபத்தசீவரதா⁴ரணே ஸம்பஜானகாரீ ஹோதி, அஸிதே பீதே கா²யிதே ஸாயிதே
ஸம்பஜானகாரீ ஹோதி, உச்சாரபஸ்ஸாவகம்மே ஸம்பஜானகாரீ ஹோதி, க³தே டி²தே
நிஸின்னே ஸுத்தே ஜாக³ரிதே பா⁴ஸிதே துண்ஹீபா⁴வே ஸம்பஜானகாரீ ஹோதி. இதி
அஜ்ஜ²த்தங் வா காயே காயானுபஸ்ஸீ விஹரதி…பே॰… ஏவம்பி கோ², பி⁴க்க²வே,
பி⁴க்கு² காயே காயானுபஸ்ஸீ விஹரதி.

ஸம்பஜானபப்³ப³ங் நிட்டி²தங்.

காயானுபஸ்ஸனா படிகூலமனஸிகாரபப்³ப³ங்

110.
‘‘புன சபரங், பி⁴க்க²வே, பி⁴க்கு² இமமேவ காயங் உத்³த⁴ங் பாத³தலா, அதோ⁴
கேஸமத்த²கா, தசபரியந்தங் பூரங் நானப்பகாரஸ்ஸ அஸுசினோ பச்சவெக்க²தி –
‘அத்தி² இமஸ்மிங் காயே கேஸா லோமா நகா² த³ந்தா தசோ மங்ஸங் ந்ஹாரு [நஹாரு (ஸீ॰ ஸ்யா॰ பீ॰)]
அட்டி² அட்டி²மிஞ்ஜங் வக்கங் ஹத³யங் யகனங் கிலோமகங் பிஹகங் பப்பா²ஸங்
அந்தங் அந்தகு³ணங் உத³ரியங் கரீஸங் பித்தங் ஸெம்ஹங் புப்³போ³ லோஹிதங் ஸேதோ³
மேதோ³ அஸ்ஸு வஸா கே²ளோ ஸிங்கா⁴ணிகா லஸிகா முத்த’ந்தி [முத்தங் மத்த²லுங்க³ந்தி (க॰)].

‘‘ஸெய்யதா²பி, பி⁴க்க²வே, உப⁴தோமுகா² புதோளி [மூதோளீ (ஸீ॰ ஸ்யா॰ பீ॰)] பூரா நானாவிஹிதஸ்ஸ த⁴ஞ்ஞஸ்ஸ, ஸெய்யதி²த³ங் – ஸாலீனங் வீஹீனங் முக்³கா³னங் மாஸானங் திலானங் தண்டு³லானங். தமேனங் சக்கு²மா புரிஸோ முஞ்சித்வா பச்சவெக்கெ²ய்ய – ‘இமே ஸாலீ இமே வீஹீ இமே
முக்³கா³ இமே மாஸா இமே திலா இமே தண்டு³லா’தி. ஏவமேவ கோ², பி⁴க்க²வே,
பி⁴க்கு² இமமேவ காயங் உத்³த⁴ங் பாத³தலா, அதோ⁴ கேஸமத்த²கா, தசபரியந்தங்
பூரங் நானப்பகாரஸ்ஸ அஸுசினோ பச்சவெக்க²தி – ‘அத்தி² இமஸ்மிங் காயே கேஸா
லோமா…பே॰… முத்த’ந்தி.

‘‘இதி அஜ்ஜ²த்தங் வா காயே காயானுபஸ்ஸீ விஹரதி…பே॰… ஏவம்பி கோ², பி⁴க்க²வே, பி⁴க்கு² காயே காயானுபஸ்ஸீ விஹரதி.

படிகூலமனஸிகாரபப்³ப³ங் நிட்டி²தங்.

காயானுபஸ்ஸனா தா⁴துமனஸிகாரபப்³ப³ங்

111.
‘‘புன சபரங், பி⁴க்க²வே, பி⁴க்கு² இமமேவ காயங் யதா²டி²தங் யதா²பணிஹிதங்
தா⁴துஸோ பச்சவெக்க²தி – ‘அத்தி² இமஸ்மிங் காயே பத²வீதா⁴து ஆபோதா⁴து
தேஜோதா⁴து வாயோதா⁴தூ’தி.

‘‘ஸெய்யதா²பி , பி⁴க்க²வே, த³க்கோ² கோ³கா⁴தகோ வா கோ³கா⁴தகந்தேவாஸீ வா கா³விங் வதி⁴த்வா சதுமஹாபதே² [சாதும்மஹாபதே² (ஸீ॰ ஸ்யா॰ பீ॰)]
பி³லஸோ விப⁴ஜித்வா நிஸின்னோ அஸ்ஸ. ஏவமேவ கோ², பி⁴க்க²வே, பி⁴க்கு² இமமேவ
காயங் யதா²டி²தங் யதா²பணிஹிதங் தா⁴துஸோ பச்சவெக்க²தி – ‘அத்தி² இமஸ்மிங்
காயே பத²வீதா⁴து ஆபோதா⁴து தேஜோதா⁴து வாயோதா⁴தூ’தி. இதி அஜ்ஜ²த்தங் வா காயே
காயானுபஸ்ஸீ விஹரதி…பே॰… ஏவம்பி கோ², பி⁴க்க²வே , பி⁴க்கு² காயே காயானுபஸ்ஸீ விஹரதி.

தா⁴துமனஸிகாரபப்³ப³ங் நிட்டி²தங்.

காயானுபஸ்ஸனா நவஸிவதி²கபப்³ப³ங்

112.
‘‘புன சபரங், பி⁴க்க²வே, பி⁴க்கு² ஸெய்யதா²பி பஸ்ஸெய்ய ஸரீரங் ஸிவதி²காய
ச²ட்³டி³தங் ஏகாஹமதங் வா த்³வீஹமதங் வா தீஹமதங் வா உத்³து⁴மாதகங் வினீலகங்
விபுப்³ப³கஜாதங். ஸோ இமமேவ காயங் உபஸங்ஹரதி – ‘அயம்பி கோ² காயோ ஏவங்த⁴ம்மோ
ஏவங்பா⁴வீ ஏவங்அனதீதோ’தி [ஏதங் அனதீதோதி (ஸீ॰ பீ॰)]. இதி அஜ்ஜ²த்தங் வா காயே காயானுபஸ்ஸீ விஹரதி…பே॰… ஏவம்பி கோ², பி⁴க்க²வே, பி⁴க்கு² காயே காயானுபஸ்ஸீ விஹரதி.

‘‘புன சபரங், பி⁴க்க²வே,
பி⁴க்கு² ஸெய்யதா²பி பஸ்ஸெய்ய ஸரீரங் ஸிவதி²காய ச²ட்³டி³தங் காகேஹி வா
க²ஜ்ஜமானங் குலலேஹி வா க²ஜ்ஜமானங் கி³ஜ்ஜே²ஹி வா க²ஜ்ஜமானங் கங்கேஹி வா
க²ஜ்ஜமானங் ஸுனகே²ஹி வா க²ஜ்ஜமானங் ப்³யக்³கே⁴ஹி வா க²ஜ்ஜமானங் தீ³பீஹி வா
க²ஜ்ஜமானங் ஸிங்கா³லேஹி வா [கி³ஜ்ஜே²ஹி வா க²ஜ்ஜமானங், ஸுவானேஹி வா க²ஜ்ஜமானங், ஸிகா³லேஹி வா (ஸ்யா॰ பீ॰)]
க²ஜ்ஜமானங் விவிதே⁴ஹி வா பாணகஜாதேஹி க²ஜ்ஜமானங். ஸோ இமமேவ காயங் உபஸங்ஹரதி
– ‘அயம்பி கோ² காயோ ஏவங்த⁴ம்மோ ஏவங்பா⁴வீ ஏவங்அனதீதோ’தி. இதி அஜ்ஜ²த்தங்
வா காயே காயானுபஸ்ஸீ விஹரதி…பே॰… ஏவம்பி கோ², பி⁴க்க²வே, பி⁴க்கு² காயே
காயானுபஸ்ஸீ விஹரதி.

‘‘புன சபரங், பி⁴க்க²வே, பி⁴க்கு² ஸெய்யதா²பி பஸ்ஸெய்ய
ஸரீரங் ஸிவதி²காய ச²ட்³டி³தங் அட்டி²கஸங்க²லிகங் ஸமங்ஸலோஹிதங்
ந்ஹாருஸம்ப³ந்த⁴ங்…பே॰… அட்டி²கஸங்க²லிகங் நிமங்ஸலோஹிதமக்கி²தங்
ந்ஹாருஸம்ப³ந்த⁴ங்…பே॰… அட்டி²கஸங்க²லிகங் அபக³தமங்ஸலோஹிதங்
ந்ஹாருஸம்ப³ந்த⁴ங்…பே॰… அட்டி²கானி அபக³தஸம்ப³ந்தா⁴னி [அபக³தன்ஹாருஸம்ப³ந்தா⁴னி (ஸ்யா॰)] தி³ஸா விதி³ஸா விக்கி²த்தானி, அஞ்ஞேன ஹத்த²ட்டி²கங் அஞ்ஞேன பாத³ட்டி²கங் அஞ்ஞேன கொ³ப்ப²கட்டி²கங் [‘‘அஞ்ஞேன கொ³ப்ப²கட்டி²க’’ந்தி இத³ங் ஸீ॰ ஸ்யா॰ பீ॰ பொத்த²கேஸு நத்தி²] அஞ்ஞேன ஜங்க⁴ட்டி²கங் அஞ்ஞேன ஊருட்டி²கங் அஞ்ஞேன கடிட்டி²கங் [அஞ்ஞேன
கடட்டி²கங் அஞ்ஞேன பிட்ட²ட்டி²கங் அஞ்ஞேன கண்டகட்டி²கங் அஞ்ஞேன
பா²ஸுகட்டி²கங் அஞ்ஞேன உரட்டி²கங் அஞ்ஞேன அங்ஸட்டி²கங் அஞ்ஞேன
பா³ஹுட்டி²கங் (ஸ்யா॰)] அஞ்ஞேன பா²ஸுகட்டி²கங் அஞ்ஞேன பிட்டி²ட்டி²கங் அஞ்ஞேன க²ந்த⁴ட்டி²கங் [அஞ்ஞேன
கடட்டி²கங் அஞ்ஞேன பிட்ட²ட்டி²கங் அஞ்ஞேன கண்டகட்டி²கங் அஞ்ஞேன
பா²ஸுகட்டி²கங் அஞ்ஞேன உரட்டி²கங் அஞ்ஞேன அங்ஸட்டி²கங் அஞ்ஞேன
பா³ஹுட்டி²கங் (ஸ்யா॰)] அஞ்ஞேன கீ³வட்டி²கங் அஞ்ஞேன ஹனுகட்டி²கங்
அஞ்ஞேன த³ந்தட்டி²கங் அஞ்ஞேன ஸீஸகடாஹங். ஸோ இமமேவ காயங் உபஸங்ஹரதி –
‘அயம்பி கோ² காயோ ஏவங்த⁴ம்மோ ஏவங்பா⁴வீ ஏவங்அனதீதோ’தி. இதி அஜ்ஜ²த்தங் வா
காயே காயானுபஸ்ஸீ விஹரதி…பே॰… ஏவம்பி கோ², பி⁴க்க²வே, பி⁴க்கு² காயே
காயானுபஸ்ஸீ விஹரதி.

‘‘புன சபரங், பி⁴க்க²வே, பி⁴க்கு² ஸெய்யதா²பி பஸ்ஸெய்ய ஸரீரங் ஸிவதி²காய ச²ட்³டி³தங், அட்டி²கானி ஸேதானி ஸங்க²வண்ணபடிபா⁴கா³னி [ஸங்க²வண்ணூபனிபா⁴னி (ஸீ॰ ஸ்யா॰ பீ॰)] …பே॰… அட்டி²கானி புஞ்ஜகிதானி தேரோவஸ்ஸிகானி…பே॰… அட்டி²கானி பூதீனி சுண்ணகஜாதானி . ஸோ இமமேவ காயங் உபஸங்ஹரதி – ‘அயம்பி கோ² காயோ ஏவங்த⁴ம்மோ ஏவங்பா⁴வீ ஏவங்அனதீதோ’தி. இதி அஜ்ஜ²த்தங் வா காயே காயானுபஸ்ஸீ
விஹரதி, ப³ஹித்³தா⁴ வா காயே காயானுபஸ்ஸீ விஹரதி, அஜ்ஜ²த்தப³ஹித்³தா⁴ வா
காயே காயானுபஸ்ஸீ விஹரதி; ஸமுத³யத⁴ம்மானுபஸ்ஸீ வா காயஸ்மிங் விஹரதி,
வயத⁴ம்மானுபஸ்ஸீ வா காயஸ்மிங் விஹரதி, ஸமுத³யவயத⁴ம்மானுபஸ்ஸீ வா காயஸ்மிங்
விஹரதி. ‘அத்தி² காயோ’தி வா பனஸ்ஸ ஸதி பச்சுபட்டி²தா ஹோதி. யாவதே³வ
ஞாணமத்தாய படிஸ்ஸதிமத்தாய அனிஸ்ஸிதோ ச விஹரதி, ந ச கிஞ்சி லோகே உபாதி³யதி.
ஏவம்பி கோ², பி⁴க்க²வே, பி⁴க்கு² காயே காயானுபஸ்ஸீ விஹரதி.

நவஸிவதி²கபப்³ப³ங் நிட்டி²தங்.

சுத்³த³ஸகாயானுபஸ்ஸனா நிட்டி²தா.

வேத³னானுபஸ்ஸனா

113. ‘‘கத²ஞ்ச பன, பி⁴க்க²வே, பி⁴க்கு² வேத³னாஸு வேத³னானுபஸ்ஸீ விஹரதி? இத⁴, பி⁴க்க²வே, பி⁴க்கு² ஸுக²ங் வா [ஸுக²ங், து³க்க²ங், அது³க்க²மஸுக²ங் (ஸீ॰ ஸ்யா॰ பீ॰ க॰)] வேத³னங் வேத³யமானோ ‘ஸுக²ங் வேத³னங் வேத³யாமீ’தி பஜானாதி; து³க்க²ங் வா [ஸுக²ங், து³க்க²ங் அது³க்க²மஸுக²ங் (ஸீ॰ ஸ்யா॰ பீ॰ க॰)]
வேத³னங் வேத³யமானோ ‘து³க்க²ங் வேத³னங் வேத³யாமீ’தி பஜானாதி;
அது³க்க²மஸுக²ங் வா வேத³னங் வேத³யமானோ ‘அது³க்க²மஸுக²ங் வேத³னங்
வேத³யாமீ’தி பஜானாதி; ஸாமிஸங் வா ஸுக²ங் வேத³னங் வேத³யமானோ ‘ஸாமிஸங் ஸுக²ங்
வேத³னங் வேத³யாமீ’தி பஜானாதி; நிராமிஸங் வா ஸுக²ங் வேத³னங் வேத³யமானோ
‘நிராமிஸங் ஸுக²ங் வேத³னங் வேத³யாமீ’தி பஜானாதி; ஸாமிஸங் வா து³க்க²ங்
வேத³னங் வேத³யமானோ ‘ஸாமிஸங் து³க்க²ங் வேத³னங் வேத³யாமீ’தி பஜானாதி;
நிராமிஸங் வா து³க்க²ங் வேத³னங் வேத³யமானோ ‘நிராமிஸங் து³க்க²ங் வேத³னங்
வேத³யாமீ’தி பஜானாதி; ஸாமிஸங் வா அது³க்க²மஸுக²ங் வேத³னங் வேத³யமானோ
‘ஸாமிஸங் அது³க்க²மஸுக²ங் வேத³னங் வேத³யாமீ’தி பஜானாதி; நிராமிஸங் வா
அது³க்க²மஸுக²ங் வேத³னங் வேத³யமானோ ‘நிராமிஸங் அது³க்க²மஸுக²ங் வேத³னங்
வேத³யாமீ’தி பஜானாதி; இதி அஜ்ஜ²த்தங் வா வேத³னாஸு வேத³னானுபஸ்ஸீ விஹரதி,
ப³ஹித்³தா⁴ வா வேத³னாஸு வேத³னானுபஸ்ஸீ விஹரதி, அஜ்ஜ²த்தப³ஹித்³தா⁴ வா
வேத³னாஸு வேத³னானுபஸ்ஸீ விஹரதி; ஸமுத³யத⁴ம்மானுபஸ்ஸீ வா வேத³னாஸு விஹரதி,
வயத⁴ம்மானுபஸ்ஸீ வா வேத³னாஸு விஹரதி, ஸமுத³யவயத⁴ம்மானுபஸ்ஸீ வா வேத³னாஸு
விஹரதி. ‘அத்தி² வேத³னா’தி வா பனஸ்ஸ ஸதி பச்சுபட்டி²தா ஹோதி. யாவதே³வ
ஞாணமத்தாய படிஸ்ஸதிமத்தாய அனிஸ்ஸிதோ ச விஹரதி , ந ச கிஞ்சி லோகே உபாதி³யதி. ஏவம்பி கோ², பி⁴க்க²வே, பி⁴க்கு² வேத³னாஸு வேத³னானுபஸ்ஸீ விஹரதி.

வேத³னானுபஸ்ஸனா நிட்டி²தா.

சித்தானுபஸ்ஸனா

114. ‘‘கத²ஞ்ச
பன, பி⁴க்க²வே, பி⁴க்கு² சித்தே சித்தானுபஸ்ஸீ விஹரதி? இத⁴, பி⁴க்க²வே,
பி⁴க்கு² ஸராக³ங் வா சித்தங் ‘ஸராக³ங் சித்த’ந்தி பஜானாதி, வீதராக³ங் வா
சித்தங் ‘வீதராக³ங் சித்த’ந்தி பஜானாதி; ஸதோ³ஸங் வா சித்தங் ‘ஸதோ³ஸங்
சித்த’ந்தி பஜானாதி, வீததோ³ஸங் வா சித்தங் ‘வீததோ³ஸங் சித்த’ந்தி பஜானாதி;
ஸமோஹங் வா சித்தங் ‘ஸமோஹங் சித்த’ந்தி பஜானாதி, வீதமோஹங் வா சித்தங்
‘வீதமோஹங் சித்த’ந்தி பஜானாதி; ஸங்கி²த்தங் வா சித்தங் ‘ஸங்கி²த்தங்
சித்த’ந்தி பஜானாதி, விக்கி²த்தங் வா சித்தங் ‘விக்கி²த்தங் சித்த’ந்தி
பஜானாதி; மஹக்³க³தங் வா சித்தங் ‘மஹக்³க³தங் சித்த’ந்தி பஜானாதி,
அமஹக்³க³தங் வா சித்தங் ‘அமஹக்³க³தங் சித்த’ந்தி பஜானாதி; ஸஉத்தரங்
வா சித்தங் ‘ஸஉத்தரங் சித்த’ந்தி பஜானாதி, அனுத்தரங் வா சித்தங்
‘அனுத்தரங் சித்த’ந்தி பஜானாதி; ஸமாஹிதங் வா சித்தங் ‘ஸமாஹிதங் சித்த’ந்தி
பஜானாதி, அஸமாஹிதங் வா சித்தங் ‘அஸமாஹிதங் சித்த’ந்தி பஜானாதி; விமுத்தங்
வா சித்தங் ‘விமுத்தங் சித்த’ந்தி பஜானாதி, அவிமுத்தங் வா சித்தங்
‘அவிமுத்தங் சித்த’ந்தி பஜானாதி. இதி அஜ்ஜ²த்தங் வா சித்தே சித்தானுபஸ்ஸீ
விஹரதி, ப³ஹித்³தா⁴ வா சித்தே சித்தானுபஸ்ஸீ விஹரதி, அஜ்ஜ²த்தப³ஹித்³தா⁴ வா
சித்தே சித்தானுபஸ்ஸீ விஹரதி; ஸமுத³யத⁴ம்மானுபஸ்ஸீ
வா சித்தஸ்மிங் விஹரதி, வயத⁴ம்மானுபஸ்ஸீ வா சித்தஸ்மிங் விஹரதி,
ஸமுத³யவயத⁴ம்மானுபஸ்ஸீ வா சித்தஸ்மிங் விஹரதி. ‘அத்தி² சித்த’ந்தி வா பனஸ்ஸ
ஸதி பச்சுபட்டி²தா ஹோதி. யாவதே³வ ஞாணமத்தாய படிஸ்ஸதிமத்தாய அனிஸ்ஸிதோ ச
விஹரதி, ந ச கிஞ்சி லோகே உபாதி³யதி . ஏவம்பி கோ², பி⁴க்க²வே, பி⁴க்கு² சித்தே சித்தானுபஸ்ஸீ விஹரதி.

சித்தானுபஸ்ஸனா நிட்டி²தா.

த⁴ம்மானுபஸ்ஸனா நீவரணபப்³ப³ங்

115.
‘‘கத²ஞ்ச, பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ விஹரதி? இத⁴,
பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ விஹரதி பஞ்சஸு நீவரணேஸு.
கத²ஞ்ச பன, பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ விஹரதி பஞ்சஸு
நீவரணேஸு?

‘‘இத⁴ , பி⁴க்க²வே, பி⁴க்கு²
ஸந்தங் வா அஜ்ஜ²த்தங் காமச்ச²ந்த³ங் ‘அத்தி² மே அஜ்ஜ²த்தங் காமச்ச²ந்தோ³’தி
பஜானாதி, அஸந்தங் வா அஜ்ஜ²த்தங் காமச்ச²ந்த³ங் ‘நத்தி² மே அஜ்ஜ²த்தங்
காமச்ச²ந்தோ³’தி பஜானாதி; யதா² ச அனுப்பன்னஸ்ஸ காமச்ச²ந்த³ஸ்ஸ உப்பாதோ³
ஹோதி தஞ்ச பஜானாதி, யதா² ச உப்பன்னஸ்ஸ காமச்ச²ந்த³ஸ்ஸ பஹானங் ஹோதி தஞ்ச
பஜானாதி, யதா² ச பஹீனஸ்ஸ காமச்ச²ந்த³ஸ்ஸ ஆயதிங் அனுப்பாதோ³ ஹோதி தஞ்ச
பஜானாதி.

‘‘ஸந்தங் வா அஜ்ஜ²த்தங் ப்³யாபாத³ங் ‘அத்தி² மே
அஜ்ஜ²த்தங் ப்³யாபாதோ³’தி பஜானாதி, அஸந்தங் வா அஜ்ஜ²த்தங் ப்³யாபாத³ங்
‘நத்தி² மே அஜ்ஜ²த்தங் ப்³யாபாதோ³’தி பஜானாதி; யதா² ச அனுப்பன்னஸ்ஸ
ப்³யாபாத³ஸ்ஸ உப்பாதோ³ ஹோதி தஞ்ச பஜானாதி, யதா² ச
உப்பன்னஸ்ஸ ப்³யாபாத³ஸ்ஸ பஹானங் ஹோதி தஞ்ச பஜானாதி, யதா² ச பஹீனஸ்ஸ
ப்³யாபாத³ஸ்ஸ ஆயதிங் அனுப்பாதோ³ ஹோதி தஞ்ச பஜானாதி.

‘‘ஸந்தங் வா அஜ்ஜ²த்தங் தீ²னமித்³த⁴ங் ‘அத்தி² மே
அஜ்ஜ²த்தங் தீ²னமித்³த⁴’ந்தி பஜானாதி, அஸந்தங் வா அஜ்ஜ²த்தங் தீ²னமித்³த⁴ங்
‘நத்தி² மே அஜ்ஜ²த்தங் தீ²னமித்³த⁴’ந்தி பஜானாதி, யதா² ச அனுப்பன்னஸ்ஸ
தீ²னமித்³த⁴ஸ்ஸ உப்பாதோ³ ஹோதி தஞ்ச பஜானாதி, யதா² ச
உப்பன்னஸ்ஸ தீ²னமித்³த⁴ஸ்ஸ பஹானங் ஹோதி தஞ்ச பஜானாதி, யதா² ச பஹீனஸ்ஸ
தீ²னமித்³த⁴ஸ்ஸ ஆயதிங் அனுப்பாதோ³ ஹோதி தஞ்ச பஜானாதி.

‘‘ஸந்தங் வா அஜ்ஜ²த்தங் உத்³த⁴ச்சகுக்குச்சங் ‘அத்தி²
மே அஜ்ஜ²த்தங் உத்³த⁴ச்சகுக்குச்ச’ந்தி பஜானாதி, அஸந்தங் வா அஜ்ஜ²த்தங்
உத்³த⁴ச்சகுக்குச்சங் ‘நத்தி² மே அஜ்ஜ²த்தங் உத்³த⁴ச்சகுக்குச்ச’ந்தி
பஜானாதி; யதா² ச அனுப்பன்னஸ்ஸ உத்³த⁴ச்சகுக்குச்சஸ்ஸ உப்பாதோ³ ஹோதி தஞ்ச
பஜானாதி, யதா² ச உப்பன்னஸ்ஸ உத்³த⁴ச்சகுக்குச்சஸ்ஸ பஹானங் ஹோதி தஞ்ச
பஜானாதி, யதா² ச பஹீனஸ்ஸ உத்³த⁴ச்சகுக்குச்சஸ்ஸ ஆயதிங் அனுப்பாதோ³ ஹோதி
தஞ்ச பஜானாதி.

‘‘ஸந்தங் வா அஜ்ஜ²த்தங் விசிகிச்ச²ங் ‘அத்தி² மே
அஜ்ஜ²த்தங் விசிகிச்சா²’தி பஜானாதி, அஸந்தங் வா அஜ்ஜ²த்தங் விசிகிச்ச²ங்
‘நத்தி² மே அஜ்ஜ²த்தங் விசிகிச்சா²’தி பஜானாதி; யதா² ச அனுப்பன்னாய
விசிகிச்சா²ய உப்பாதோ³ ஹோதி தஞ்ச பஜானாதி, யதா² ச உப்பன்னாய விசிகிச்சா²ய
பஹானங் ஹோதி தஞ்ச பஜானாதி, யதா² ச பஹீனாய விசிகிச்சா²ய ஆயதிங் அனுப்பாதோ³
ஹோதி தஞ்ச பஜானாதி.

‘‘இதி அஜ்ஜ²த்தங் வா த⁴ம்மேஸு த⁴ம்மானுபஸ்ஸீ விஹரதி,
ப³ஹித்³தா⁴ வா த⁴ம்மேஸு த⁴ம்மானுபஸ்ஸீ விஹரதி, அஜ்ஜ²த்தப³ஹித்³தா⁴ வா
த⁴ம்மேஸு த⁴ம்மானுபஸ்ஸீ விஹரதி; ஸமுத³யத⁴ம்மானுபஸ்ஸீ வா த⁴ம்மேஸு விஹரதி,
வயத⁴ம்மானுபஸ்ஸீ வா த⁴ம்மேஸு விஹரதி , ஸமுத³யவயத⁴ம்மானுபஸ்ஸீ வா த⁴ம்மேஸு விஹரதி. ‘அத்தி² த⁴ம்மா’தி வா பனஸ்ஸ ஸதி பச்சுபட்டி²தா ஹோதி. யாவதே³வ ஞாணமத்தாய படிஸ்ஸதிமத்தாய அனிஸ்ஸிதோ ச விஹரதி, ந ச கிஞ்சி லோகே உபாதி³யதி. ஏவம்பி கோ², பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ விஹரதி பஞ்சஸு நீவரணேஸு.

நீவரணபப்³ப³ங் நிட்டி²தங்.

த⁴ம்மானுபஸ்ஸனா க²ந்த⁴பப்³ப³ங்

116. ‘‘புன சபரங், பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ
விஹரதி பஞ்சஸு உபாதா³னக்க²ந்தே⁴ஸு. கத²ஞ்ச பன, பி⁴க்க²வே, பி⁴க்கு²
த⁴ம்மேஸு த⁴ம்மானுபஸ்ஸீ விஹரதி பஞ்சஸு உபாதா³னக்க²ந்தே⁴ஸு? இத⁴, பி⁴க்க²வே,
பி⁴க்கு² – ‘இதி ரூபங், இதி ரூபஸ்ஸ ஸமுத³யோ, இதி ரூபஸ்ஸ அத்த²ங்க³மோ; இதி
வேத³னா, இதி வேத³னாய ஸமுத³யோ, இதி வேத³னாய அத்த²ங்க³மோ; இதி ஸஞ்ஞா, இதி
ஸஞ்ஞாய ஸமுத³யோ, இதி ஸஞ்ஞாய அத்த²ங்க³மோ; இதி ஸங்கா²ரா, இதி ஸங்கா²ரானங்
ஸமுத³யோ, இதி ஸங்கா²ரானங் அத்த²ங்க³மோ; இதி விஞ்ஞாணங், இதி விஞ்ஞாணஸ்ஸ
ஸமுத³யோ, இதி விஞ்ஞாணஸ்ஸ அத்த²ங்க³மோ’தி; இதி அஜ்ஜ²த்தங் வா த⁴ம்மேஸு
த⁴ம்மானுபஸ்ஸீ விஹரதி, ப³ஹித்³தா⁴ வா த⁴ம்மேஸு த⁴ம்மானுபஸ்ஸீ விஹரதி,
அஜ்ஜ²த்தப³ஹித்³தா⁴ வா த⁴ம்மேஸு த⁴ம்மானுபஸ்ஸீ விஹரதி; ஸமுத³யத⁴ம்மானுபஸ்ஸீ
வா த⁴ம்மேஸு விஹரதி, வயத⁴ம்மானுபஸ்ஸீ வா த⁴ம்மேஸு விஹரதி,
ஸமுத³யவயத⁴ம்மானுபஸ்ஸீ வா த⁴ம்மேஸு விஹரதி. ‘அத்தி² த⁴ம்மா’தி வா பனஸ்ஸ ஸதி
பச்சுபட்டி²தா ஹோதி. யாவதே³வ ஞாணமத்தாய படிஸ்ஸதிமத்தாய அனிஸ்ஸிதோ ச
விஹரதி, ந ச கிஞ்சி லோகே உபாதி³யதி. ஏவம்பி கோ², பி⁴க்க²வே, பி⁴க்கு²
த⁴ம்மேஸு த⁴ம்மானுபஸ்ஸீ விஹரதி பஞ்சஸு உபாதா³னக்க²ந்தே⁴ஸு.

க²ந்த⁴பப்³ப³ங் நிட்டி²தங்.

த⁴ம்மானுபஸ்ஸனா ஆயதனபப்³ப³ங்

117.
‘‘புன சபரங், பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ விஹரதி ச²ஸு
அஜ்ஜ²த்திகபா³ஹிரேஸு ஆயதனேஸு. கத²ஞ்ச பன, பி⁴க்க²வே, பி⁴க்கு² த⁴ம்மேஸு
த⁴ம்மானுபஸ்ஸீ விஹரதி ச²ஸு அஜ்ஜ²த்திகபா³ஹிரேஸு ஆயதனேஸு?

‘‘இத⁴ , பி⁴க்க²வே, பி⁴க்கு²
சக்கு²ஞ்ச பஜானாதி, ரூபே ச பஜானாதி, யஞ்ச தது³ப⁴யங் படிச்ச உப்பஜ்ஜதி
ஸங்யோஜனங் தஞ்ச பஜானாதி, யதா² ச அனுப்பன்னஸ்ஸ ஸங்யோஜனஸ்ஸ உப்பாதோ³ ஹோதி
தஞ்ச பஜானாதி, யதா² ச உப்பன்னஸ்ஸ ஸங்யோஜனஸ்ஸ பஹானங் ஹோதி தஞ்ச பஜானாதி,
யதா² ச பஹீனஸ்ஸ ஸங்யோஜனஸ்ஸ ஆயதிங் அனுப்பாதோ³ ஹோதி தஞ்ச பஜானாதி.

‘‘ஸோதஞ்ச பஜானாதி, ஸத்³தே³ ச
பஜானாதி, யஞ்ச தது³ப⁴யங் படிச்ச உப்பஜ்ஜதி ஸங்யோஜனங் தஞ்ச பஜானாதி, யதா² ச
அனுப்பன்னஸ்ஸ ஸங்யோஜனஸ்ஸ உப்பாதோ³ ஹோதி தஞ்ச பஜானாதி, யதா² ச உப்பன்னஸ்ஸ
ஸங்யோஜனஸ்ஸ பஹானங் ஹோதி தஞ்ச பஜானாதி, யதா² ச பஹீனஸ்ஸ ஸங்யோஜனஸ்ஸ ஆயதிங்
அனுப்பாதோ³ ஹோதி தஞ்ச பஜானாதி.

‘‘கா⁴னஞ்ச பஜானாதி, க³ந்தே⁴ ச பஜானாதி, யஞ்ச தது³ப⁴யங்
படிச்ச உப்பஜ்ஜதி ஸங்யோஜனங் தஞ்ச பஜானாதி, யதா² ச அனுப்பன்னஸ்ஸ ஸங்யோஜனஸ்ஸ
உப்பாதோ³ ஹோதி தஞ்ச பஜானாதி, யதா² ச உப்பன்னஸ்ஸ ஸங்யோஜனஸ்ஸ பஹானங் ஹோதி
தஞ்ச பஜானாதி, யதா² ச பஹீனஸ்ஸ ஸங்யோஜனஸ்ஸ ஆயதிங் அனுப்பாதோ³ ஹோதி தஞ்ச
பஜானாதி.

‘‘ஜிவ்ஹஞ்ச பஜானாதி, ரஸே ச பஜானாதி, யஞ்ச தது³ப⁴யங்
படிச்ச உப்பஜ்ஜதி ஸங்யோஜனங் தஞ்ச பஜானாதி, யதா² ச அனுப்பன்னஸ்ஸ ஸங்யோஜனஸ்ஸ
உப்பாதோ³ ஹோதி தஞ்ச பஜானாதி, யதா² ச உப்பன்னஸ்ஸ ஸங்யோஜனஸ்ஸ பஹானங் ஹோதி
தஞ்ச பஜானாதி, யதா² ச பஹீனஸ்ஸ ஸங்யோஜனஸ்ஸ ஆயதிங் அனுப்பாதோ³ ஹோதி தஞ்ச
பஜானாதி.

‘‘காயஞ்ச பஜானாதி, பொ²ட்ட²ப்³பே³ ச பஜானாதி, யஞ்ச
தது³ப⁴யங் படிச்ச உப்பஜ்ஜதி ஸங்யோஜனங் தஞ்ச பஜானாதி, யதா² ச அனுப்பன்னஸ்ஸ
ஸங்யோஜனஸ்ஸ உப்பாதோ³ ஹோதி தஞ்ச பஜானாதி, யதா² ச உப்பன்னஸ்ஸ ஸங்யோஜனஸ்ஸ
பஹானங் ஹோதி தஞ்ச பஜானாதி, யதா² ச பஹீனஸ்ஸ ஸங்யோஜனஸ்ஸ ஆயதிங் அனுப்பாதோ³
ஹோதி தஞ்ச பஜானாதி.

‘‘மனஞ்ச பஜானாதி, த⁴ம்மே ச பஜானாதி, யஞ்ச தது³ப⁴யங்
படிச்ச உப்பஜ்ஜதி ஸங்யோஜனங் தஞ்ச பஜானாதி, யதா² ச அனுப்பன்னஸ்ஸ ஸங்யோஜனஸ்ஸ
உப்பாதோ³ ஹோதி தஞ்ச பஜானாதி, யதா² ச உப்பன்னஸ்ஸ ஸங்யோஜனஸ்ஸ பஹானங் ஹோதி
தஞ்ச பஜானாதி, யதா² ச பஹீனஸ்ஸ ஸங்யோஜனஸ்ஸ ஆயதிங் அனுப்பாதோ³ ஹோதி தஞ்ச
பஜானாதி.

‘‘இதி அஜ்ஜ²த்தங் வா த⁴ம்மேஸு
த⁴ம்மானுபஸ்ஸீ விஹரதி, ப³ஹித்³தா⁴ வா த⁴ம்மேஸு த⁴ம்மானுபஸ்ஸீ விஹரதி,
அஜ்ஜ²த்தப³ஹித்³தா⁴ வா த⁴ம்மேஸு த⁴ம்மானுபஸ்ஸீ விஹரதி; ஸமுத³யத⁴ம்மானுபஸ்ஸீ
வா த⁴ம்மேஸு விஹரதி, வயத⁴ம்மானுபஸ்ஸீ வா த⁴ம்மேஸு விஹரதி,
ஸமுத³யவயத⁴ம்மானுபஸ்ஸீ வா த⁴ம்மேஸு விஹரதி. ‘அத்தி² த⁴ம்மா’தி வா பனஸ்ஸ ஸதி
பச்சுபட்டி²தா ஹோதி. யாவதே³வ ஞாணமத்தாய படிஸ்ஸதிமத்தாய அனிஸ்ஸிதோ
ச விஹரதி ந ச கிஞ்சி லோகே உபாதி³யதி. ஏவம்பி கோ², பி⁴க்க²வே, பி⁴க்கு²
த⁴ம்மேஸு த⁴ம்மானுபஸ்ஸீ விஹரதி ச²ஸு அஜ்ஜ²த்திகபா³ஹிரேஸு ஆயதனேஸு.

ஆயதனபப்³ப³ங் நிட்டி²தங்.

த⁴ம்மானுபஸ்ஸனா பொ³ஜ்ஜ²ங்க³பப்³ப³ங்

118.
‘‘புன சபரங், பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ விஹரதி ஸத்தஸு
பொ³ஜ்ஜ²ங்கே³ஸு. கத²ஞ்ச பன, பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ
விஹரதி ஸத்தஸு பொ³ஜ்ஜ²ங்கே³ஸு? இத⁴, பி⁴க்க²வே, பி⁴க்கு² ஸந்தங் வா
அஜ்ஜ²த்தங் ஸதிஸம்பொ³ஜ்ஜ²ங்க³ங் ‘அத்தி² மே அஜ்ஜ²த்தங்
ஸதிஸம்பொ³ஜ்ஜ²ங்கோ³’தி பஜானாதி, அஸந்தங் வா அஜ்ஜ²த்தங் ஸதிஸம்பொ³ஜ்ஜ²ங்க³ங்
‘நத்தி² மே அஜ்ஜ²த்தங் ஸதிஸம்பொ³ஜ்ஜ²ங்கோ³’தி
பஜானாதி, யதா² ச அனுப்பன்னஸ்ஸ ஸதிஸம்பொ³ஜ்ஜ²ங்க³ஸ்ஸ உப்பாதோ³ ஹோதி தஞ்ச
பஜானாதி, யதா² ச உப்பன்னஸ்ஸ ஸதிஸம்பொ³ஜ்ஜ²ங்க³ஸ்ஸ பா⁴வனாய பாரிபூரீ ஹோதி
தஞ்ச பஜானாதி.

‘‘ஸந்தங் வா அஜ்ஜ²த்தங் த⁴ம்மவிசயஸம்பொ³ஜ்ஜ²ங்க³ங்
‘அத்தி² மே அஜ்ஜ²த்தங் த⁴ம்மவிசயஸம்பொ³ஜ்ஜ²ங்கோ³’தி பஜானாதி, அஸந்தங் வா
அஜ்ஜ²த்தங் த⁴ம்மவிசயஸம்பொ³ஜ்ஜ²ங்க³ங் ‘நத்தி² மே அஜ்ஜ²த்தங்
த⁴ம்மவிசயஸம்பொ³ஜ்ஜ²ங்கோ³’தி பஜானாதி, யதா² ச அனுப்பன்னஸ்ஸ
த⁴ம்மவிசயஸம்பொ³ஜ்ஜ²ங்க³ஸ்ஸ உப்பாதோ³ ஹோதி தஞ்ச பஜானாதி, யதா² ச உப்பன்னஸ்ஸ
த⁴ம்மவிசயஸம்பொ³ஜ்ஜ²ங்க³ஸ்ஸ பா⁴வனாய பாரிபூரீ ஹோதி தஞ்ச பஜானாதி.

‘‘ஸந்தங் வா அஜ்ஜ²த்தங் வீரியஸம்பொ³ஜ்ஜ²ங்க³ங் ‘அத்தி²
மே அஜ்ஜ²த்தங் வீரியஸம்பொ³ஜ்ஜ²ங்கோ³’தி பஜானாதி, அஸந்தங் வா அஜ்ஜ²த்தங்
வீரியஸம்பொ³ஜ்ஜ²ங்க³ங் ‘நத்தி² மே அஜ்ஜ²த்தங் வீரியஸம்பொ³ஜ்ஜ²ங்கோ³’தி
பஜானாதி, யதா² ச அனுப்பன்னஸ்ஸ வீரியஸம்பொ³ஜ்ஜ²ங்க³ஸ்ஸ உப்பாதோ³ ஹோதி தஞ்ச
பஜானாதி, யதா² ச உப்பன்னஸ்ஸ வீரியஸம்பொ³ஜ்ஜ²ங்க³ஸ்ஸ பா⁴வனாய பாரிபூரீ ஹோதி
தஞ்ச பஜானாதி.

‘‘ஸந்தங் வா அஜ்ஜ²த்தங்
பீதிஸம்பொ³ஜ்ஜ²ங்க³ங் ‘அத்தி² மே அஜ்ஜ²த்தங் பீதிஸம்பொ³ஜ்ஜ²ங்கோ³’தி
பஜானாதி, அஸந்தங் வா அஜ்ஜ²த்தங் பீதிஸம்பொ³ஜ்ஜ²ங்க³ங் ‘நத்தி² மே
அஜ்ஜ²த்தங் பீதிஸம்பொ³ஜ்ஜ²ங்கோ³’தி பஜானாதி , யதா² ச
அனுப்பன்னஸ்ஸ பீதிஸம்பொ³ஜ்ஜ²ங்க³ஸ்ஸ உப்பாதோ³ ஹோதி தஞ்ச பஜானாதி, யதா² ச
உப்பன்னஸ்ஸ பீதிஸம்பொ³ஜ்ஜ²ங்க³ஸ்ஸ பா⁴வனாய பாரிபூரீ ஹோதி தஞ்ச பஜானாதி.

‘‘ஸந்தங் வா அஜ்ஜ²த்தங் பஸ்ஸத்³தி⁴ஸம்பொ³ஜ்ஜ²ங்க³ங்
‘அத்தி² மே அஜ்ஜ²த்தங் பஸ்ஸத்³தி⁴ஸம்பொ³ஜ்ஜ²ங்கோ³’தி பஜானாதி, அஸந்தங் வா
அஜ்ஜ²த்தங் பஸ்ஸத்³தி⁴ஸம்பொ³ஜ்ஜ²ங்க³ங் ‘நத்தி² மே அஜ்ஜ²த்தங்
பஸ்ஸத்³தி⁴ஸம்பொ³ஜ்ஜ²ங்கோ³’தி பஜானாதி, யதா² ச அனுப்பன்னஸ்ஸ
பஸ்ஸத்³தி⁴ஸம்பொ³ஜ்ஜ²ங்க³ஸ்ஸ உப்பாதோ³ ஹோதி தஞ்ச பஜானாதி, யதா² ச
உப்பன்னஸ்ஸ பஸ்ஸத்³தி⁴ஸம்பொ³ஜ்ஜ²ங்க³ஸ்ஸ பா⁴வனாய பாரிபூரீ ஹோதி தஞ்ச
பஜானாதி.

‘‘ஸந்தங் வா அஜ்ஜ²த்தங் ஸமாதி⁴ஸம்பொ³ஜ்ஜ²ங்க³ங்
‘அத்தி² மே அஜ்ஜ²த்தங் ஸமாதி⁴ஸம்பொ³ஜ்ஜ²ங்கோ³’தி பஜானாதி, அஸந்தங் வா
அஜ்ஜ²த்தங் ஸமாதி⁴ஸம்பொ³ஜ்ஜ²ங்க³ங் ‘நத்தி² மே அஜ்ஜ²த்தங்
ஸமாதி⁴ஸம்பொ³ஜ்ஜ²ங்கோ³’தி பஜானாதி, யதா² ச அனுப்பன்னஸ்ஸ
ஸமாதி⁴ஸம்பொ³ஜ்ஜ²ங்க³ஸ்ஸ உப்பாதோ³ ஹோதி தஞ்ச பஜானாதி, யதா² ச உப்பன்னஸ்ஸ
ஸமாதி⁴ஸம்பொ³ஜ்ஜ²ங்க³ஸ்ஸ பா⁴வனாய பாரிபூரீ ஹோதி தஞ்ச பஜானாதி.

‘‘ஸந்தங் வா அஜ்ஜ²த்தங் உபெக்கா²ஸம்பொ³ஜ்ஜ²ங்க³ங்
‘அத்தி² மே அஜ்ஜ²த்தங் உபெக்கா²ஸம்பொ³ஜ்ஜ²ங்கோ³’தி பஜானாதி, அஸந்தங் வா
அஜ்ஜ²த்தங் உபெக்கா²ஸம்பொ³ஜ்ஜ²ங்க³ங் ‘நத்தி² மே அஜ்ஜ²த்தங்
உபெக்கா²ஸம்பொ³ஜ்ஜ²ங்கோ³’தி பஜானாதி, யதா² ச அனுப்பன்னஸ்ஸ
உபெக்கா²ஸம்பொ³ஜ்ஜ²ங்க³ஸ்ஸ உப்பாதோ³ ஹோதி தஞ்ச பஜானாதி, யதா² ச உப்பன்னஸ்ஸ
உபெக்கா²ஸம்பொ³ஜ்ஜ²ங்க³ஸ்ஸ பா⁴வனாய பாரிபூரீ ஹோதி தஞ்ச பஜானாதி .

‘‘இதி அஜ்ஜ²த்தங் வா த⁴ம்மேஸு த⁴ம்மானுபஸ்ஸீ விஹரதி,
ப³ஹித்³தா⁴ வா த⁴ம்மேஸு த⁴ம்மானுபஸ்ஸீ விஹரதி, அஜ்ஜ²த்தப³ஹித்³தா⁴ வா
த⁴ம்மேஸு த⁴ம்மானுபஸ்ஸீ விஹரதி; ஸமுத³யத⁴ம்மானுபஸ்ஸீ வா த⁴ம்மேஸு விஹரதி,
வயத⁴ம்மானுபஸ்ஸீ வா த⁴ம்மேஸு விஹரதி, ஸமுத³யவயத⁴ம்மானுபஸ்ஸீ வா த⁴ம்மேஸு
விஹரதி. ‘அத்தி² த⁴ம்மா’தி வா பனஸ்ஸ ஸதி பச்சுபட்டி²தா ஹோதி. யாவதே³வ
ஞாணமத்தாய படிஸ்ஸதிமத்தாய அனிஸ்ஸிதோ ச விஹரதி, ந ச கிஞ்சி லோகே உபாதி³யதி.
ஏவம்பி கோ², பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ விஹரதி ஸத்தஸு
பொ³ஜ்ஜ²ங்கே³ஸு.

பொ³ஜ்ஜ²ங்க³பப்³ப³ங் நிட்டி²தங் [பொ³ஜ்ஜ²ங்க³பப்³ப³ங் நிட்டி²தங். பட²மபா⁴ணவாரங் (ஸ்யா॰)].

த⁴ம்மானுபஸ்ஸனா ஸச்சபப்³ப³ங்

119. ‘‘புன
சபரங், பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ விஹரதி சதூஸு
அரியஸச்சேஸு. கத²ஞ்ச பன, பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ
விஹரதி சதூஸு அரியஸச்சேஸு? இத⁴, பி⁴க்க²வே, பி⁴க்கு² ‘இத³ங் து³க்க²’ந்தி
யதா²பூ⁴தங் பஜானாதி, ‘அயங் து³க்க²ஸமுத³யோ’தி யதா²பூ⁴தங் பஜானாதி, ‘அயங்
து³க்க²னிரோதோ⁴’தி யதா²பூ⁴தங் பஜானாதி, ‘அயங் து³க்க²னிரோத⁴கா³மினீ
படிபதா³’தி யதா²பூ⁴தங் பஜானாதி.

பட²மபா⁴ணவாரோ நிட்டி²தோ.

து³க்க²ஸச்சனித்³தே³ஸோ

120. ‘‘கதமஞ்ச ,
பி⁴க்க²வே, து³க்க²ங் அரியஸச்சங்? ஜாதிபி து³க்கா², ஜராபி து³க்கா²,
மரணம்பி து³க்க²ங், ஸோகபரிதே³வது³க்க²தோ³மனஸ்ஸுபாயாஸாபி து³க்கா²,
அப்பியேஹி ஸம்பயோகோ³பி து³க்கோ², பியேஹி விப்பயோகோ³பி து³க்கோ² [‘‘அப்பியேஹி…பே॰…
விப்பயோகோ³பி து³க்கோ²’’தி பாடோ² சேவ தங்னித்³தே³ஸோ ச ஸீ॰ பீ॰ பொத்த²கேஸு ந
தி³ஸ்ஸதி, ஸுமங்க³லவிலாஸினியங்பி தங்ஸங்வண்ணனா நத்தி²], யம்பிச்ச²ங் ந லப⁴தி தம்பி து³க்க²ங், ஸங்கி²த்தேன பஞ்சுபாதா³னக்க²ந்தா⁴ [பஞ்சுபாதா³னக்க²ந்தா⁴பி (க॰)] து³க்கா².

121.
‘‘கதமா ச, பி⁴க்க²வே, ஜாதி? யா தேஸங் தேஸங் ஸத்தானங் தம்ஹி தம்ஹி
ஸத்தனிகாயே ஜாதி ஸஞ்ஜாதி ஓக்கந்தி அபி⁴னிப்³ப³த்தி க²ந்தா⁴னங் பாதுபா⁴வோ
ஆயதனானங் படிலாபோ⁴, அயங் வுச்சதி, பி⁴க்க²வே, ஜாதி.

122.
‘‘கதமா ச, பி⁴க்க²வே, ஜரா? யா தேஸங் தேஸங் ஸத்தானங் தம்ஹி தம்ஹி
ஸத்தனிகாயே ஜரா ஜீரணதா க²ண்டி³ச்சங் பாலிச்சங் வலித்தசதா ஆயுனோ ஸங்ஹானி
இந்த்³ரியானங் பரிபாகோ, அயங் வுச்சதி, பி⁴க்க²வே, ஜரா.

123. ‘‘கதமஞ்ச, பி⁴க்க²வே, மரணங்? யங் [ஸுமங்க³லவிலாஸினீ ஓலோகேதப்³பா³]
தேஸங் தேஸங் ஸத்தானங் தம்ஹா தம்ஹா ஸத்தனிகாயா சுதி சவனதா பே⁴தோ³
அந்தரதா⁴னங் மச்சு மரணங் காலங்கிரியா க²ந்தா⁴னங் பே⁴தோ³ களேவரஸ்ஸ நிக்கே²போ
ஜீவிதிந்த்³ரியஸ்ஸுபச்சே²தோ³, இத³ங் வுச்சதி, பி⁴க்க²வே, மரணங்.

124. ‘‘கதமோ ச, பி⁴க்க²வே, ஸோகோ? யோ கோ², பி⁴க்க²வே, அஞ்ஞதரஞ்ஞதரேன ப்³யஸனேன ஸமன்னாக³தஸ்ஸ அஞ்ஞதரஞ்ஞதரேன து³க்க²த⁴ம்மேன பு²ட்ட²ஸ்ஸ ஸோகோ ஸோசனா ஸோசிதத்தங் அந்தோஸோகோ அந்தோபரிஸோகோ, அயங் வுச்சதி, பி⁴க்க²வே, ஸோகோ.

125.
‘‘கதமோ ச, பி⁴க்க²வே, பரிதே³வோ? யோ கோ², பி⁴க்க²வே, அஞ்ஞதரஞ்ஞதரேன
ப்³யஸனேன ஸமன்னாக³தஸ்ஸ அஞ்ஞதரஞ்ஞதரேன து³க்க²த⁴ம்மேன பு²ட்ட²ஸ்ஸ ஆதே³வோ
பரிதே³வோ ஆதே³வனா பரிதே³வனா ஆதே³விதத்தங் பரிதே³விதத்தங், அயங் வுச்சதி,
பி⁴க்க²வே, பரிதே³வோ.

126.
‘‘கதமஞ்ச, பி⁴க்க²வே, து³க்க²ங்? யங் கோ², பி⁴க்க²வே, காயிகங் து³க்க²ங்
காயிகங் அஸாதங் காயஸம்ப²ஸ்ஸஜங் து³க்க²ங் அஸாதங் வேத³யிதங், இத³ங் வுச்சதி,
பி⁴க்க²வே, து³க்க²ங்.

127.
‘‘கதமஞ்ச, பி⁴க்க²வே, தோ³மனஸ்ஸங்? யங் கோ², பி⁴க்க²வே, சேதஸிகங் து³க்க²ங்
சேதஸிகங் அஸாதங் மனோஸம்ப²ஸ்ஸஜங் து³க்க²ங் அஸாதங் வேத³யிதங், இத³ங்
வுச்சதி, பி⁴க்க²வே, தோ³மனஸ்ஸங்.

128.
‘‘கதமோ ச, பி⁴க்க²வே, உபாயாஸோ? யோ கோ², பி⁴க்க²வே, அஞ்ஞதரஞ்ஞதரேன ப்³யஸனேன
ஸமன்னாக³தஸ்ஸ அஞ்ஞதரஞ்ஞதரேன து³க்க²த⁴ம்மேன பு²ட்ட²ஸ்ஸ ஆயாஸோ உபாயாஸோ
ஆயாஸிதத்தங் உபாயாஸிதத்தங், அயங் வுச்சதி, பி⁴க்க²வே, உபாயாஸோ.

129.
‘‘கதமோ ச, பி⁴க்க²வே, அப்பியேஹி ஸம்பயோகோ³ து³க்கோ²? இத⁴ யஸ்ஸ தே ஹொந்தி
அனிட்டா² அகந்தா அமனாபா ரூபா ஸத்³தா³ க³ந்தா⁴ ரஸா பொ²ட்ட²ப்³பா³ த⁴ம்மா, யே
வா பனஸ்ஸ தே ஹொந்தி அனத்த²காமா அஹிதகாமா அபா²ஸுககாமா அயோக³க்கே²மகாமா, யா
தேஹி ஸத்³தி⁴ங் ஸங்க³தி ஸமாக³மோ ஸமோதா⁴னங் மிஸ்ஸீபா⁴வோ, அயங் வுச்சதி,
பி⁴க்க²வே, அப்பியேஹி ஸம்பயோகோ³ து³க்கோ².

130. ‘‘கதமோ ச, பி⁴க்க²வே, பியேஹி விப்பயோகோ³ து³க்கோ²? இத⁴ யஸ்ஸ தே ஹொந்தி இட்டா² கந்தா மனாபா ரூபா ஸத்³தா³ க³ந்தா⁴
ரஸா பொ²ட்ட²ப்³பா³ த⁴ம்மா, யே வா பனஸ்ஸ தே ஹொந்தி அத்த²காமா ஹிதகாமா
பா²ஸுககாமா யோக³க்கே²மகாமா மாதா வா பிதா வா பா⁴தா வா ப⁴கி³னீ வா மித்தா வா
அமச்சா வா ஞாதிஸாலோஹிதா வா, யா தேஹி ஸத்³தி⁴ங் அஸங்க³தி அஸமாக³மோ அஸமோதா⁴னங் அமிஸ்ஸீபா⁴வோ, அயங் வுச்சதி, பி⁴க்க²வே, பியேஹி விப்பயோகோ³ து³க்கோ².

131. ‘‘கதமஞ்ச, பி⁴க்க²வே, யம்பிச்ச²ங் ந லப⁴தி தம்பி து³க்க²ங்? ஜாதித⁴ம்மானங், பி⁴க்க²வே ,
ஸத்தானங் ஏவங் இச்சா² உப்பஜ்ஜதி – ‘அஹோ வத மயங் ந ஜாதித⁴ம்மா அஸ்ஸாம, ந ச
வத நோ ஜாதி ஆக³ச்செ²ய்யா’தி. ந கோ² பனேதங் இச்சா²ய பத்தப்³ப³ங், இத³ம்பி
யம்பிச்ச²ங் ந லப⁴தி தம்பி து³க்க²ங். ஜராத⁴ம்மானங், பி⁴க்க²வே, ஸத்தானங்
ஏவங் இச்சா² உப்பஜ்ஜதி – ‘அஹோ வத மயங் ந ஜராத⁴ம்மா அஸ்ஸாம, ந ச வத நோ ஜரா
ஆக³ச்செ²ய்யா’தி. ந கோ² பனேதங் இச்சா²ய பத்தப்³ப³ங், இத³ம்பி யம்பிச்ச²ங் ந
லப⁴தி தம்பி து³க்க²ங். ப்³யாதி⁴த⁴ம்மானங், பி⁴க்க²வே, ஸத்தானங் ஏவங்
இச்சா² உப்பஜ்ஜதி – ‘அஹோ வத மயங் ந ப்³யாதி⁴த⁴ம்மா அஸ்ஸாம, ந ச வத நோ
ப்³யாதி⁴ ஆக³ச்செ²ய்யா’தி. ந கோ² பனேதங் இச்சா²ய பத்தப்³ப³ங், இத³ம்பி
யம்பிச்ச²ங் ந லப⁴தி தம்பி து³க்க²ங். மரணத⁴ம்மானங், பி⁴க்க²வே, ஸத்தானங்
ஏவங் இச்சா² உப்பஜ்ஜதி – ‘அஹோ வத மயங் ந மரணத⁴ம்மா அஸ்ஸாம, ந ச வத நோ மரணங்
ஆக³ச்செ²ய்யா’தி. ந கோ² பனேதங் இச்சா²ய பத்தப்³ப³ங், இத³ம்பி யம்பிச்ச²ங் ந
லப⁴தி தம்பி து³க்க²ங். ஸோகபரிதே³வது³க்க²தோ³மனஸ்ஸுபாயாஸத⁴ம்மானங்,
பி⁴க்க²வே, ஸத்தானங் ஏவங் இச்சா² உப்பஜ்ஜதி – ‘அஹோ வத மயங் ந
ஸோகபரிதே³வது³க்க²தோ³மனஸ்ஸுபாயாஸத⁴ம்மா அஸ்ஸாம, ந ச வத நோ
ஸோகபரிதே³வது³க்க²தோ³மனஸ்ஸுபாயாஸத⁴ம்மா ஆக³ச்செ²ய்யு’ந்தி. ந கோ² பனேதங்
இச்சா²ய பத்தப்³ப³ங், இத³ம்பி யம்பிச்ச²ங் ந லப⁴தி தம்பி து³க்க²ங்.

132.
‘‘கதமே ச, பி⁴க்க²வே, ஸங்கி²த்தேன பஞ்சுபாதா³னக்க²ந்தா⁴ து³க்கா²?
ஸெய்யதி²த³ங் – ரூபுபாதா³னக்க²ந்தோ⁴, வேத³னுபாதா³னக்க²ந்தோ⁴,
ஸஞ்ஞுபாதா³னக்க²ந்தோ⁴, ஸங்கா²ருபாதா³னக்க²ந்தோ⁴, விஞ்ஞாணுபாதா³னக்க²ந்தோ⁴.
இமே வுச்சந்தி, பி⁴க்க²வே, ஸங்கி²த்தேன பஞ்சுபாதா³னக்க²ந்தா⁴ து³க்கா².
இத³ங் வுச்சதி, பி⁴க்க²வே, து³க்க²ங் அரியஸச்சங்.

ஸமுத³யஸச்சனித்³தே³ஸோ

133. ‘‘கதமஞ்ச, பி⁴க்க²வே, து³க்க²ஸமுத³யங் [து³க்க²ஸமுத³யோ (ஸ்யா॰)] அரியஸச்சங்? யாயங் தண்ஹா போனொப்³ப⁴விகா [போனோப⁴விகா (ஸீ॰ பீ॰)] நந்தீ³ராக³ஸஹக³தா [நந்தி³ராக³ஸஹக³தா (ஸீ॰ ஸ்யா॰ பீ॰)] தத்ரதத்ராபி⁴னந்தி³னீ. ஸெய்யதி²த³ங் – காமதண்ஹா ப⁴வதண்ஹா விப⁴வதண்ஹா.

‘‘ஸா கோ² பனேஸா, பி⁴க்க²வே,
தண்ஹா கத்த² உப்பஜ்ஜமானா உப்பஜ்ஜதி, கத்த² நிவிஸமானா நிவிஸதி? யங் லோகே
பியரூபங் ஸாதரூபங், எத்தே²ஸா தண்ஹா உப்பஜ்ஜமானா உப்பஜ்ஜதி, எத்த² நிவிஸமானா
நிவிஸதி.

‘‘கிஞ்ச லோகே பியரூபங் ஸாதரூபங்? சக்கு² லோகே பியரூபங்
ஸாதரூபங், எத்தே²ஸா தண்ஹா உப்பஜ்ஜமானா உப்பஜ்ஜதி, எத்த² நிவிஸமானா
நிவிஸதி. ஸோதங் லோகே…பே॰… கா⁴னங் லோகே… ஜிவ்ஹா லோகே… காயோ லோகே… மனோ லோகே பியரூபங் ஸாதரூபங், எத்தே²ஸா தண்ஹா உப்பஜ்ஜமானா உப்பஜ்ஜதி, எத்த² நிவிஸமானா நிவிஸதி.

‘‘ரூபா லோகே… ஸத்³தா³ லோகே… க³ந்தா⁴ லோகே… ரஸா லோகே…
பொ²ட்ட²ப்³பா³ லோகே… த⁴ம்மா லோகே பியரூபங் ஸாதரூபங், எத்தே²ஸா தண்ஹா
உப்பஜ்ஜமானா உப்பஜ்ஜதி, எத்த² நிவிஸமானா நிவிஸதி.

‘‘சக்கு²விஞ்ஞாணங் லோகே… ஸோதவிஞ்ஞாணங் லோகே…
கா⁴னவிஞ்ஞாணங் லோகே… ஜிவ்ஹாவிஞ்ஞாணங் லோகே… காயவிஞ்ஞாணங் லோகே…
மனோவிஞ்ஞாணங் லோகே பியரூபங் ஸாதரூபங், எத்தே²ஸா தண்ஹா உப்பஜ்ஜமானா
உப்பஜ்ஜதி, எத்த² நிவிஸமானா நிவிஸதி.

‘‘சக்கு²ஸம்ப²ஸ்ஸோ லோகே… ஸோதஸம்ப²ஸ்ஸோ லோகே…
கா⁴னஸம்ப²ஸ்ஸோ லோகே… ஜிவ்ஹாஸம்ப²ஸ்ஸோ லோகே… காயஸம்ப²ஸ்ஸோ லோகே…
மனோஸம்ப²ஸ்ஸோ லோகே பியரூபங் ஸாதரூபங், எத்தே²ஸா தண்ஹா உப்பஜ்ஜமானா
உப்பஜ்ஜதி, எத்த² நிவிஸமானா நிவிஸதி.

‘‘சக்கு²ஸம்ப²ஸ்ஸஜா வேத³னா லோகே… ஸோதஸம்ப²ஸ்ஸஜா வேத³னா
லோகே… கா⁴னஸம்ப²ஸ்ஸஜா வேத³னா லோகே… ஜிவ்ஹாஸம்ப²ஸ்ஸஜா வேத³னா லோகே…
காயஸம்ப²ஸ்ஸஜா வேத³னா லோகே… மனோஸம்ப²ஸ்ஸஜா வேத³னா லோகே பியரூபங் ஸாதரூபங்,
எத்தே²ஸா தண்ஹா உப்பஜ்ஜமானா உப்பஜ்ஜதி, எத்த² நிவிஸமானா நிவிஸதி.

‘‘ரூபஸஞ்ஞா லோகே… ஸத்³த³ஸஞ்ஞா
லோகே… க³ந்த⁴ஸஞ்ஞா லோகே… ரஸஸஞ்ஞா லோகே… பொ²ட்ட²ப்³ப³ஸஞ்ஞா லோகே… த⁴ம்மஸஞ்ஞா
லோகே பியரூபங் ஸாதரூபங், எத்தே²ஸா தண்ஹா உப்பஜ்ஜமானா உப்பஜ்ஜதி, எத்த²
நிவிஸமானா நிவிஸதி.

‘‘ரூபஸஞ்சேதனா லோகே…
ஸத்³த³ஸஞ்சேதனா லோகே… க³ந்த⁴ஸஞ்சேதனா லோகே… ரஸஸஞ்சேதனா லோகே…
பொ²ட்ட²ப்³ப³ஸஞ்சேதனா லோகே… த⁴ம்மஸஞ்சேதனா லோகே பியரூபங் ஸாதரூபங்,
எத்தே²ஸா தண்ஹா உப்பஜ்ஜமானா உப்பஜ்ஜதி, எத்த² நிவிஸமானா நிவிஸதி.

‘‘ரூபதண்ஹா லோகே… ஸத்³த³தண்ஹா லோகே… க³ந்த⁴தண்ஹா லோகே… ரஸதண்ஹா லோகே… பொ²ட்ட²ப்³ப³தண்ஹா லோகே… த⁴ம்மதண்ஹா லோகே பியரூபங் ஸாதரூபங், எத்தே²ஸா தண்ஹா உப்பஜ்ஜமானா உப்பஜ்ஜதி, எத்த² நிவிஸமானா நிவிஸதி.

‘‘ரூபவிதக்கோ லோகே… ஸத்³த³விதக்கோ லோகே… க³ந்த⁴விதக்கோ
லோகே… ரஸவிதக்கோ லோகே… பொ²ட்ட²ப்³ப³விதக்கோ லோகே… த⁴ம்மவிதக்கோ லோகே
பியரூபங் ஸாதரூபங், எத்தே²ஸா தண்ஹா உப்பஜ்ஜமானா உப்பஜ்ஜதி, எத்த² நிவிஸமானா
நிவிஸதி.

‘‘ரூபவிசாரோ லோகே… ஸத்³த³விசாரோ லோகே… க³ந்த⁴விசாரோ
லோகே… ரஸவிசாரோ லோகே… பொ²ட்ட²ப்³ப³விசாரோ லோகே… த⁴ம்மவிசாரோ லோகே பியரூபங்
ஸாதரூபங், எத்தே²ஸா தண்ஹா உப்பஜ்ஜமானா உப்பஜ்ஜதி, எத்த² நிவிஸமானா நிவிஸதி.
இத³ங் வுச்சதி, பி⁴க்க²வே, து³க்க²ஸமுத³யங் அரியஸச்சங்.

நிரோத⁴ஸச்சனித்³தே³ஸோ

134. ‘‘கதமஞ்ச, பி⁴க்க²வே, து³க்க²னிரோத⁴ங் [து³க்க²னிரோதோ⁴ (ஸ்யா॰)] அரியஸச்சங்? யோ தஸ்ஸாயேவ தண்ஹாய அஸேஸவிராக³னிரோதோ⁴ சாகோ³ படினிஸ்ஸக்³கோ³ முத்தி அனாலயோ.

‘‘ஸா கோ² பனேஸா, பி⁴க்க²வே, தண்ஹா கத்த² பஹீயமானா
பஹீயதி, கத்த² நிருஜ்ஜ²மானா நிருஜ்ஜ²தி? யங் லோகே பியரூபங் ஸாதரூபங்,
எத்தே²ஸா தண்ஹா பஹீயமானா பஹீயதி, எத்த² நிருஜ்ஜ²மானா நிருஜ்ஜ²தி.

‘‘கிஞ்ச லோகே பியரூபங் ஸாதரூபங்? சக்கு² லோகே பியரூபங் ஸாதரூபங், எத்தே²ஸா தண்ஹா பஹீயமானா பஹீயதி, எத்த² நிருஜ்ஜ²மானா நிருஜ்ஜ²தி. ஸோதங் லோகே…பே॰… கா⁴னங் லோகே… ஜிவ்ஹா லோகே… காயோ லோகே… மனோ லோகே பியரூபங் ஸாதரூபங், எத்தே²ஸா தண்ஹா பஹீயமானா பஹீயதி, எத்த² நிருஜ்ஜ²மானா நிருஜ்ஜ²தி.

‘‘ரூபா லோகே… ஸத்³தா³ லோகே… க³ந்தா⁴ லோகே… ரஸா லோகே…
பொ²ட்ட²ப்³பா³ லோகே… த⁴ம்மா லோகே பியரூபங் ஸாதரூபங், எத்தே²ஸா தண்ஹா
பஹீயமானா பஹீயதி, எத்த² நிருஜ்ஜ²மானா நிருஜ்ஜ²தி.

‘‘சக்கு²விஞ்ஞாணங் லோகே…
ஸோதவிஞ்ஞாணங் லோகே… கா⁴னவிஞ்ஞாணங் லோகே… ஜிவ்ஹாவிஞ்ஞாணங் லோகே…
காயவிஞ்ஞாணங் லோகே… மனோவிஞ்ஞாணங் லோகே பியரூபங் ஸாதரூபங், எத்தே²ஸா தண்ஹா
பஹீயமானா பஹீயதி, எத்த² நிருஜ்ஜ²மானா நிருஜ்ஜ²தி.

‘‘சக்கு²ஸம்ப²ஸ்ஸோ லோகே… ஸோதஸம்ப²ஸ்ஸோ லோகே…
கா⁴னஸம்ப²ஸ்ஸோ லோகே… ஜிவ்ஹாஸம்ப²ஸ்ஸோ லோகே… காயஸம்ப²ஸ்ஸோ லோகே…
மனோஸம்ப²ஸ்ஸோ லோகே பியரூபங் ஸாதரூபங், எத்தே²ஸா தண்ஹா பஹீயமானா பஹீயதி,
எத்த² நிருஜ்ஜ²மானா நிருஜ்ஜ²தி.

‘‘சக்கு²ஸம்ப²ஸ்ஸஜா வேத³னா லோகே… ஸோதஸம்ப²ஸ்ஸஜா வேத³னா
லோகே… கா⁴னஸம்ப²ஸ்ஸஜா வேத³னா லோகே… ஜிவ்ஹாஸம்ப²ஸ்ஸஜா வேத³னா லோகே…
காயஸம்ப²ஸ்ஸஜா வேத³னா லோகே… மனோஸம்ப²ஸ்ஸஜா வேத³னா லோகே பியரூபங் ஸாதரூபங்,
எத்தே²ஸா தண்ஹா பஹீயமானா பஹீயதி, எத்த² நிருஜ்ஜ²மானா நிருஜ்ஜ²தி.

‘‘ரூபஸஞ்ஞா லோகே… ஸத்³த³ஸஞ்ஞா லோகே… க³ந்த⁴ஸஞ்ஞா லோகே…
ரஸஸஞ்ஞா லோகே… பொ²ட்ட²ப்³ப³ஸஞ்ஞா லோகே… த⁴ம்மஸஞ்ஞா லோகே பியரூபங்
ஸாதரூபங், எத்தே²ஸா தண்ஹா பஹீயமானா பஹீயதி, எத்த² நிருஜ்ஜ²மானா நிருஜ்ஜ²தி.

‘‘ரூபஸஞ்சேதனா லோகே… ஸத்³த³ஸஞ்சேதனா லோகே…
க³ந்த⁴ஸஞ்சேதனா லோகே… ரஸஸஞ்சேதனா லோகே… பொ²ட்ட²ப்³ப³ஸஞ்சேதனா லோகே…
த⁴ம்மஸஞ்சேதனா லோகே பியரூபங் ஸாதரூபங், எத்தே²ஸா தண்ஹா பஹீயமானா பஹீயதி,
எத்த² நிருஜ்ஜ²மானா நிருஜ்ஜ²தி.

‘‘ரூபதண்ஹா லோகே… ஸத்³த³தண்ஹா லோகே… க³ந்த⁴தண்ஹா லோகே… ரஸதண்ஹா லோகே… பொ²ட்ட²ப்³ப³தண்ஹா லோகே… த⁴ம்மதண்ஹா லோகே பியரூபங் ஸாதரூபங், எத்தே²ஸா தண்ஹா பஹீயமானா பஹீயதி, எத்த² நிருஜ்ஜ²மானா நிருஜ்ஜ²தி.

‘‘ரூபவிதக்கோ லோகே… ஸத்³த³விதக்கோ லோகே… க³ந்த⁴விதக்கோ
லோகே… ரஸவிதக்கோ லோகே… பொ²ட்ட²ப்³ப³விதக்கோ லோகே… த⁴ம்மவிதக்கோ லோகே
பியரூபங் ஸாதரூபங், எத்தே²ஸா தண்ஹா பஹீயமானா பஹீயதி, எத்த² நிருஜ்ஜ²மானா
நிருஜ்ஜ²தி.

‘‘ரூபவிசாரோ லோகே… ஸத்³த³விசாரோ லோகே… க³ந்த⁴விசாரோ லோகே… ரஸவிசாரோ லோகே… பொ²ட்ட²ப்³ப³விசாரோ
லோகே… த⁴ம்மவிசாரோ லோகே பியரூபங் ஸாதரூபங். எத்தே²ஸா தண்ஹா பஹீயமானா
பஹீயதி, எத்த² நிருஜ்ஜா²மானா நிருஜ்ஜ²தி. இத³ங் வுச்சதி, பி⁴க்க²வே,
து³க்க²னிரோத⁴ங் அரியஸச்சங்.

மக்³க³ஸச்சனித்³தே³ஸோ

135.
‘‘கதமஞ்ச, பி⁴க்க²வே, து³க்க²னிரோத⁴கா³மினீ படிபதா³ அரியஸச்சங்? அயமேவ
அரியோ அட்ட²ங்கி³கோ மக்³கோ³ ஸெய்யதி²த³ங் – ஸம்மாதி³ட்டி² ஸம்மாஸங்கப்போ
ஸம்மாவாசா ஸம்மாகம்மந்தோ ஸம்மாஆஜீவோ ஸம்மாவாயாமோ ஸம்மாஸதி ஸம்மாஸமாதி⁴.

‘‘கதமா ச, பி⁴க்க²வே, ஸம்மாதி³ட்டி²? யங் கோ²,
பி⁴க்க²வே, து³க்கே² ஞாணங், து³க்க²ஸமுத³யே ஞாணங், து³க்க²னிரோதே⁴ ஞாணங்,
து³க்க²னிரோத⁴கா³மினியா படிபதா³ய ஞாணங். அயங் வுச்சதி, பி⁴க்க²வே,
ஸம்மாதி³ட்டி².

‘‘கதமோ ச, பி⁴க்க²வே, ஸம்மாஸங்கப்போ?
நெக்க²ம்மஸங்கப்போ அப்³யாபாத³ஸங்கப்போ அவிஹிங்ஸாஸங்கப்போ. அயங் வுச்சதி,
பி⁴க்க²வே, ஸம்மாஸங்கப்போ.

‘‘கதமா ச, பி⁴க்க²வே, ஸம்மாவாசா? முஸாவாதா³ வேரமணீ [வேரமணி (க॰)], பிஸுணாய வாசாய வேரமணீ, ப²ருஸாய வாசாய வேரமணீ, ஸம்ப²ப்பலாபா வேரமணீ . அயங் வுச்சதி, பி⁴க்க²வே, ஸம்மாவாசா.

‘‘கதமோ ச, பி⁴க்க²வே, ஸம்மாகம்மந்தோ? பாணாதிபாதா
வேரமணீ, அதி³ன்னாதா³னா வேரமணீ, காமேஸுமிச்சா²சாரா வேரமணீ. அயங் வுச்சதி,
பி⁴க்க²வே, ஸம்மாகம்மந்தோ.

‘‘கதமோ ச, பி⁴க்க²வே,
ஸம்மாஆஜீவோ? இத⁴, பி⁴க்க²வே, அரியஸாவகோ மிச்சா²ஆஜீவங் பஹாய ஸம்மாஆஜீவேன
ஜீவிதங் கப்பேதி. அயங் வுச்சதி, பி⁴க்க²வே, ஸம்மாஆஜீவோ.

‘‘கதமோ ச, பி⁴க்க²வே, ஸம்மாவாயாமோ? இத⁴, பி⁴க்க²வே,
பி⁴க்கு² அனுப்பன்னானங் பாபகானங் அகுஸலானங் த⁴ம்மானங் அனுப்பாதா³ய ச²ந்த³ங்
ஜனேதி வாயமதி வீரியங் ஆரப⁴தி சித்தங் பக்³க³ண்ஹாதி பத³ஹதி; உப்பன்னானங்
பாபகானங் அகுஸலானங் த⁴ம்மானங் பஹானாய ச²ந்த³ங் ஜனேதி வாயமதி வீரியங் ஆரப⁴தி
சித்தங் பக்³க³ண்ஹாதி பத³ஹதி; அனுப்பன்னானங் குஸலானங் த⁴ம்மானங் உப்பாதா³ய
ச²ந்த³ங் ஜனேதி வாயமதி வீரியங் ஆரப⁴தி சித்தங் பக்³க³ண்ஹாதி பத³ஹதி;
உப்பன்னானங் குஸலானங் த⁴ம்மானங் டி²தியா அஸம்மோஸாய பி⁴ய்யோபா⁴வாய வேபுல்லாய
பா⁴வனாய பாரிபூரியா ச²ந்த³ங் ஜனேதி வாயமதி வீரியங் ஆரப⁴தி சித்தங்
பக்³க³ண்ஹாதி பத³ஹதி. அயங் வுச்சதி, பி⁴க்க²வே, ஸம்மாவாயாமோ.

‘‘கதமா ச, பி⁴க்க²வே, ஸம்மாஸதி? இத⁴, பி⁴க்க²வே, பி⁴க்கு² காயே காயானுபஸ்ஸீ விஹரதி ஆதாபீ
ஸம்பஜானோ ஸதிமா வினெய்ய லோகே அபி⁴ஜ்ஜா²தோ³மனஸ்ஸங்; வேத³னாஸு வேத³னானுபஸ்ஸீ
விஹரதி ஆதாபீ ஸம்பஜானோ ஸதிமா வினெய்ய லோகே அபி⁴ஜ்ஜா²தோ³மனஸ்ஸங்; சித்தே
சித்தானுபஸ்ஸீ விஹரதி ஆதாபீ ஸம்பஜானோ ஸதிமா வினெய்ய லோகே
அபி⁴ஜ்ஜா²தோ³மனஸ்ஸங்; த⁴ம்மேஸு த⁴ம்மானுபஸ்ஸீ விஹரதி ஆதாபீ ஸம்பஜானோ ஸதிமா வினெய்ய லோகே அபி⁴ஜ்ஜா²தோ³மனஸ்ஸங். அயங் வுச்சதி, பி⁴க்க²வே, ஸம்மாஸதி.

‘‘கதமோ ச, பி⁴க்க²வே, ஸம்மாஸமாதி⁴? இத⁴, பி⁴க்க²வே,
பி⁴க்கு² விவிச்சேவ காமேஹி விவிச்ச அகுஸலேஹி த⁴ம்மேஹி ஸவிதக்கங் ஸவிசாரங்
விவேகஜங் பீதிஸுக²ங் பட²மங் ஜா²னங் உபஸம்பஜ்ஜ விஹரதி. விதக்கவிசாரானங்
வூபஸமா அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங் அவிதக்கங் அவிசாரங்
ஸமாதி⁴ஜங் பீதிஸுக²ங் து³தியங் ஜா²னங் உபஸம்பஜ்ஜ விஹரதி. பீதியா ச விராகா³
உபெக்க²கோ ச விஹரதி, ஸதோ ச ஸம்பஜானோ, ஸுக²ஞ்ச காயேன படிஸங்வேதே³தி, யங் தங்
அரியா ஆசிக்க²ந்தி ‘உபெக்க²கோ ஸதிமா ஸுக²விஹாரீ’தி ததியங் ஜா²னங்
உபஸம்பஜ்ஜ விஹரதி. ஸுக²ஸ்ஸ ச பஹானா து³க்க²ஸ்ஸ ச பஹானா புப்³பே³வ
ஸோமனஸ்ஸதோ³மனஸ்ஸானங் அத்த²ங்க³மா அது³க்க²மஸுக²ங்
உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ விஹரதி. அயங்
வுச்சதி, பி⁴க்க²வே, ஸம்மாஸமாதி⁴. இத³ங் வுச்சதி, பி⁴க்க²வே,
து³க்க²னிரோத⁴கா³மினீ படிபதா³ அரியஸச்சங்.

136. ‘‘இதி
அஜ்ஜ²த்தங் வா த⁴ம்மேஸு த⁴ம்மானுபஸ்ஸீ விஹரதி, ப³ஹித்³தா⁴ வா த⁴ம்மேஸு
த⁴ம்மானுபஸ்ஸீ விஹரதி, அஜ்ஜ²த்தப³ஹித்³தா⁴ வா த⁴ம்மேஸு த⁴ம்மானுபஸ்ஸீ
விஹரதி; ஸமுத³யத⁴ம்மானுபஸ்ஸீ வா த⁴ம்மேஸு விஹரதி, வயத⁴ம்மானுபஸ்ஸீ வா
த⁴ம்மேஸு விஹரதி, ஸமுத³யவயத⁴ம்மானுபஸ்ஸீ வா த⁴ம்மேஸு விஹரதி. ‘அத்தி²
த⁴ம்மா’தி வா பனஸ்ஸ ஸதி பச்சுபட்டி²தா ஹோதி. யாவதே³வ ஞாணமத்தாய
படிஸ்ஸதிமத்தாய அனிஸ்ஸிதோ ச விஹரதி, ந ச கிஞ்சி லோகே உபாதி³யதி. ஏவம்பி
கோ², பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ விஹரதி சதூஸு அரியஸச்சேஸு.

ஸச்சபப்³ப³ங் நிட்டி²தங்.

த⁴ம்மானுபஸ்ஸனா நிட்டி²தா.

137. ‘‘யோ
ஹி கோசி, பி⁴க்க²வே, இமே சத்தாரோ ஸதிபட்டா²னே ஏவங் பா⁴வெய்ய ஸத்த வஸ்ஸானி,
தஸ்ஸ த்³வின்னங் ப²லானங் அஞ்ஞதரங் ப²லங் பாடிகங்க²ங் தி³ட்டே²வ த⁴ம்மே
அஞ்ஞா; ஸதி வா உபாதி³ஸேஸே அனாகா³மிதா.

‘‘திட்ட²ந்து, பி⁴க்க²வே, ஸத்த வஸ்ஸானி. யோ ஹி கோசி ,
பி⁴க்க²வே, இமே சத்தாரோ ஸதிபட்டா²னே ஏவங் பா⁴வெய்ய ச² வஸ்ஸானி…பே॰… பஞ்ச
வஸ்ஸானி… சத்தாரி வஸ்ஸானி… தீணி வஸ்ஸானி… த்³வே வஸ்ஸானி… ஏகங் வஸ்ஸங்…
திட்ட²து, பி⁴க்க²வே, ஏகங் வஸ்ஸங். யோ ஹி கோசி, பி⁴க்க²வே, இமே சத்தாரோ
ஸதிபட்டா²னே ஏவங் பா⁴வெய்ய ஸத்த மாஸானி, தஸ்ஸ த்³வின்னங் ப²லானங் அஞ்ஞதரங்
ப²லங் பாடிகங்க²ங் தி³ட்டே²வ த⁴ம்மே அஞ்ஞா; ஸதி வா உபாதி³ஸேஸே அனாகா³மிதா.
திட்ட²ந்து, பி⁴க்க²வே, ஸத்த மாஸானி. யோ ஹி கோசி, பி⁴க்க²வே, இமே சத்தாரோ
ஸதிபட்டா²னே ஏவங் பா⁴வெய்ய ச² மாஸானி…பே॰… பஞ்ச மாஸானி… சத்தாரி மாஸானி…
தீணி மாஸானி… த்³வே மாஸானி… ஏகங் மாஸங்… அட்³ட⁴மாஸங்… திட்ட²து, பி⁴க்க²வே,
அட்³ட⁴மாஸோ. யோ ஹி கோசி, பி⁴க்க²வே, இமே சத்தாரோ ஸதிபட்டா²னே ஏவங்
பா⁴வெய்ய ஸத்தாஹங், தஸ்ஸ த்³வின்னங் ப²லானங் அஞ்ஞதரங் ப²லங் பாடிகங்க²ங்
தி³ட்டே²வ த⁴ம்மே அஞ்ஞா ஸதி வா உபாதி³ஸேஸே அனாகா³மிதா’’தி.

138. ‘‘‘ஏகாயனோ அயங், பி⁴க்க²வே, மக்³கோ³ ஸத்தானங் விஸுத்³தி⁴யா ஸோகபரிதே³வானங் ஸமதிக்கமாய து³க்க²தோ³மனஸ்ஸானங் அத்த²ங்க³மாய ஞாயஸ்ஸ அதி⁴க³மாய நிப்³பா³னஸ்ஸ ஸச்சி²கிரியாய யதி³த³ங் சத்தாரோ ஸதிபட்டா²னா’தி. இதி யங் தங் வுத்தங், இத³மேதங் படிச்ச வுத்த’’ந்தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

மஹாஸதிபட்டா²னஸுத்தங் நிட்டி²தங் த³ஸமங்.

மூலபரியாயவக்³கோ³ நிட்டி²தோ பட²மோ.

தஸ்ஸுத்³தா³னங் – [இதோ பரங் கேஸுசி
பொத்த²கேஸு இமாபி கா³தா²யோ ஏவங் தி³ஸ்ஸந்தி –§அஜரங் அமதங் அமதாதி⁴க³மங்,
ப²லமக்³க³னித³ஸ்ஸனங் து³க்க²னுத³ங். ஸஹிதத்தங் மஹாரஸஹஸ்ஸகரங், பூ⁴தமிதி
ஸாரங் விவித⁴ங் ஸுணாத².§தளாகங் வஸுபூரிதங் க⁴ம்மபதே²,
திவித⁴க்³கி³பிளேஸிதனிப்³பா³பனங். ப்³யாதி⁴பனுத³னஓஸத⁴யோ, பச்சி²மஸுத்தபவரா
ட²பிதா.§மது⁴மந்த³வரஸாமதா³னங், கி²ட்³டா³ரதி ஜனநிமனுஸங்கா⁴தங். ததா² ஸுத்தே
வெய்யாகரணா ட²பிதா, ஸக்யபுத்தானமபி⁴த³மனத்தா²ய.§பஞ்ஞாஸங் ச தி³யட்⁴ட³ஸதங்,
த்³வே ச வெய்யாகரணங் அபரே ச. தேவனாமக³தங் ச அனுபுப்³ப³ங், ஏகமனா நிஸாமேத²
முத³க்³க³ங்.]

மூலஸுஸங்வரத⁴ம்மதா³யாதா³, பே⁴ரவானங்க³ணாகங்கெ²ய்யவத்த²ங்;

ஸல்லேக²ஸம்மாதி³ட்டி²ஸதிபட்ட²ங், வக்³க³வரோ அஸமோ ஸுஸமத்தோ.

Leave a Reply