ஸுத்தபிடக-Part-55-தமிழில் திரபிடக மூன்று தொகுப்புகள்TIPITAKA--55.6. ப்ரஹ்மஸங்யுத்தங்-1. படமவக்கோ-1. ப்ரஹ்மாயாசனஸுத்தங்-from FREE ONLINE eNālāndā Research and
Practice UNIVERSITY through http://sarvajan.ambedkar.org
6. ப்ரஹ்மஸங்யுத்தங்
1. படமவக்கோ
1. ப்ரஹ்மாயாசனஸுத்தங்
172. ஏவங்
மே ஸுதங் – ஏகங் ஸமயங் ப⁴க³வா உருவேலாயங் விஹரதி நஜ்ஜா நேரஞ்ஜராய தீரே
அஜபாலனிக்³ரோத⁴மூலே பட²மாபி⁴ஸம்பு³த்³தோ⁴. அத² கோ² ப⁴க³வதோ ரஹோக³தஸ்ஸ
படிஸல்லீனஸ்ஸ ஏவங் சேதஸோ பரிவிதக்கோ உத³பாதி³ – ‘‘அதி⁴க³தோ கோ² ம்யாயங்
த⁴ம்மோ க³ம்பீ⁴ரோ து³த்³த³ஸோ து³ரனுபோ³தோ⁴ ஸந்தோ பணீதோ அதக்காவசரோ நிபுணோ
பண்டி³தவேத³னீயோ. ஆலயராமா கோ² பனாயங் பஜா ஆலயரதா ஆலயஸம்முதி³தா. ஆலயராமாய
கோ² பன பஜாய ஆலயரதாய ஆலயஸம்முதி³தாய து³த்³த³ஸங் இத³ங் டா²னங் யதி³த³ங்
இத³ப்பச்சயதாபடிச்சஸமுப்பாதோ³. இத³ம்பி கோ² டா²னங் து³த்³த³ஸங் யதி³த³ங்
ஸப்³ப³ஸங்கா²ரஸமதோ² ஸப்³பூ³பதி⁴படினிஸ்ஸக்³கோ³ தண்ஹாக்க²யோ விராகோ³ நிரோதோ⁴
நிப்³பா³னங். அஹஞ்சேவ கோ² பன த⁴ம்மங் தே³ஸெய்யங்; பரே ச மே ந ஆஜானெய்யுங்;
ஸோ மமஸ்ஸ கிலமதோ², ஸா மமஸ்ஸ விஹேஸா’’தி. அபிஸ்ஸு ப⁴க³வந்தங் இமா
அனச்ச²ரியா கா³தா²யோ படிப⁴ங்ஸு புப்³பே³ அஸ்ஸுதபுப்³பா³ –
‘‘கிச்சே²ன மே அதி⁴க³தங், ஹலங் தா³னி பகாஸிதுங்;
ராக³தோ³ஸபரேதேஹி, நாயங் த⁴ம்மோ ஸுஸம்பு³தோ⁴.
‘‘படிஸோதகா³மிங் நிபுணங், க³ம்பீ⁴ரங் து³த்³த³ஸங் அணுங்;
ராக³ரத்தா ந த³க்க²ந்தி, தமோக²ந்தே⁴ன ஆவுடா’’தி [தமொக்க²ந்தே⁴ன ஆவுதாதி (ஸீ॰ ஸ்யா॰ கங்॰ பீ॰)].
இதிஹ ப⁴க³வதோ படிஸஞ்சிக்க²தோ அப்பொஸ்ஸுக்கதாய சித்தங் நமதி, நோ த⁴ம்மதே³ஸனாய.
அத² கோ² ப்³ரஹ்முனோ ஸஹம்பதிஸ்ஸ
ப⁴க³வதோ சேதஸா சேதோபரிவிதக்கமஞ்ஞாய ஏதத³ஹோஸி – ‘‘நஸ்ஸதி வத போ⁴ லோகோ,
வினஸ்ஸதி வத போ⁴ லோகோ, யத்ர ஹி நாம ததா²க³தஸ்ஸ அரஹதோ ஸம்மாஸம்பு³த்³த⁴ஸ்ஸ
அப்பொஸ்ஸுக்கதாய சித்தங் நமதி [நமிஸ்ஸதி (?)], நோ த⁴ம்மதே³ஸனாயா’’தி. அத² கோ² ப்³ரஹ்மா ஸஹம்பதி – ஸெய்யதா²பி நாம ப³லவா புரிஸோ ஸமிஞ்ஜிதங் [ஸம்மிஞ்ஜிதங் (ஸீ॰ ஸ்யா॰ கங்॰ பீ॰)]
வா பா³ஹங் பஸாரெய்ய, பஸாரிதங் வா பா³ஹங் ஸமிஞ்ஜெய்ய ஏவமேவ – ப்³ரஹ்மலோகே
அந்தரஹிதோ ப⁴க³வதோ புரதோ பாதுரஹோஸி. அத² கோ² ப்³ரஹ்மா ஸஹம்பதி ஏகங்ஸங்
உத்தராஸங்க³ங் கரித்வா த³க்கி²ணஜாணுமண்ட³லங் பத²வியங் நிஹந்த்வா யேன ப⁴க³வா
தேனஞ்ஜலிங் பணாமெத்வா ப⁴க³வந்தங் ஏதத³வோச – ‘‘தே³ஸேது, ப⁴ந்தே, ப⁴க³வா
த⁴ம்மங், தே³ஸேது ஸுக³தோ த⁴ம்மங். ஸந்தி ஸத்தா அப்பரஜக்க²ஜாதிகா, அஸ்ஸவனதா
த⁴ம்மஸ்ஸ பரிஹாயந்தி. ப⁴விஸ்ஸந்தி த⁴ம்மஸ்ஸ அஞ்ஞாதாரோ’’தி. இத³மவோச
ப்³ரஹ்மா ஸஹம்பதி, இத³ங் வத்வா அதா²பரங் ஏதத³வோச –
‘‘பாதுரஹோஸி மக³தே⁴ஸு புப்³பே³,
த⁴ம்மோ அஸுத்³தோ⁴ ஸமலேஹி சிந்திதோ;
அபாபுரேதங் [அவாபுரேதங் (ஸீ॰)] அமதஸ்ஸ த்³வாரங்,
ஸுணந்து த⁴ம்மங் விமலேனானுபு³த்³த⁴ங்.
‘‘ஸேலே யதா² பப்³ப³தமுத்³த⁴னிட்டி²தோ,
யதா²பி பஸ்ஸே ஜனதங் ஸமந்ததோ;
ததூ²பமங் த⁴ம்மமயங் ஸுமேத⁴,
பாஸாத³மாருய்ஹ ஸமந்தசக்கு²;
ஸோகாவதிண்ணங் [ஸோகாவகிண்ணங் (ஸீ॰)] ஜனதமபேதஸோகோ,
அவெக்க²ஸ்ஸு ஜாதிஜராபி⁴பூ⁴தங்.
‘‘உட்டே²ஹி வீர விஜிதஸங்கா³ம,
ஸத்த²வாஹ அனண [அணண (ரூபஸித்³தி⁴டீகா)] விசர லோகே;
தே³ஸஸ்ஸு [தே³ஸேது (ஸ்யா॰ கங்॰ பீ॰ க॰)] ப⁴க³வா த⁴ம்மங்,
அஞ்ஞாதாரோ ப⁴விஸ்ஸந்தீ’’தி.
அத² கோ² ப⁴க³வா ப்³ரஹ்முனோ ச அஜ்ஜே²ஸனங் விதி³த்வா ஸத்தேஸு ச காருஞ்ஞதங் படிச்ச பு³த்³த⁴சக்கு²னா
லோகங் வோலோகேஸி. அத்³த³ஸா கோ² ப⁴க³வா பு³த்³த⁴சக்கு²னா லோகங் வோலோகெந்தோ
ஸத்தே அப்பரஜக்கே² மஹாரஜக்கே² திக்கி²ந்த்³ரியே முதி³ந்த்³ரியே ஸ்வாகாரே
த்³வாகாரே ஸுவிஞ்ஞாபயே து³விஞ்ஞாபயே, அப்பேகச்சே பரலோகவஜ்ஜப⁴யத³ஸ்ஸாவினே
விஹரந்தே, அப்பேகச்சே ந பரலோகவஜ்ஜப⁴யத³ஸ்ஸாவினே [த³ஸ்ஸாவினோ (ஸீ॰ ஸ்யா॰ கங்॰ பீ॰)]
விஹரந்தே. ஸெய்யதா²பி நாம உப்பலினியங் வா பது³மினியங் வா புண்ட³ரீகினியங்
வா அப்பேகச்சானி உப்பலானி வா பது³மானி வா புண்ட³ரீகானி வா உத³கே ஜாதானி
உத³கே ஸங்வட்³டா⁴னி உத³கானுக்³க³தானி அந்தோ நிமுக்³க³போஸீனி, அப்பேகச்சானி
உப்பலானி வா பது³மானி வா புண்ட³ரீகானி வா உத³கே
ஜாதானி உத³கே ஸங்வட்³டா⁴னி ஸமோத³கங் டி²தானி, அப்பேகச்சானி உப்பலானி வா
பது³மானி வா புண்ட³ரீகானி வா உத³கே ஜாதானி உத³கே ஸங்வட்³டா⁴னி உத³கா
அச்சுக்³க³ம்ம டி²தானி [திட்ட²ந்தி (ஸீ॰ ஸ்யா॰ கங்॰ பீ॰)]
அனுபலித்தானி உத³கேன; ஏவமேவ ப⁴க³வா பு³த்³த⁴சக்கு²னா லோகங் வோலோகெந்தோ
அத்³த³ஸ ஸத்தே அப்பரஜக்கே² மஹாரஜக்கே² திக்கி²ந்த்³ரியே முதி³ந்த்³ரியே
ஸ்வாகாரே த்³வாகாரே ஸுவிஞ்ஞாபயே து³விஞ்ஞாபயே, அப்பேகச்சே
பரலோகவஜ்ஜப⁴யத³ஸ்ஸாவினே விஹரந்தே, அப்பேகச்சே ந பரலோகவஜ்ஜப⁴யத³ஸ்ஸாவினே
விஹரந்தே. தி³ஸ்வான ப்³ரஹ்மானங் ஸஹம்பதிங் கா³தா²ய பச்சபா⁴ஸி –
‘‘அபாருதா தேஸங் அமதஸ்ஸ த்³வாரா,
யே ஸோதவந்தோ பமுஞ்சந்து ஸத்³த⁴ங்;
விஹிங்ஸஸஞ்ஞீ பகு³ணங் ந பா⁴ஸிங்,
த⁴ம்மங் பணீதங் மனுஜேஸு ப்³ரஹ்மே’’தி.
அத² கோ² ப்³ரஹ்மா ஸஹம்பதி ‘‘கதாவகாஸோ கொ²ம்ஹி ப⁴க³வதா
த⁴ம்மதே³ஸனாயா’’தி ப⁴க³வந்தங் அபி⁴வாதெ³த்வா பத³க்கி²ணங் கத்வா
தத்தே²வந்தரதா⁴யீதி.
2. கா³ரவஸுத்தங்
173. ஏவங் மே ஸுதங் – ஏகங் ஸமயங் ப⁴க³வா உருவேலாயங் விஹரதி நஜ்ஜா நேரஞ்ஜராய தீரே அஜபாலனிக்³ரோத⁴மூலே பட²மாபி⁴ஸம்பு³த்³தோ⁴. அத²
கோ² ப⁴க³வதோ ரஹோக³தஸ்ஸ படிஸல்லீனஸ்ஸ ஏவங் சேதஸோ பரிவிதக்கோ உத³பாதி³ –
‘‘து³க்க²ங் கோ² அகா³ரவோ விஹரதி அப்பதிஸ்ஸோ, கங் நு க்²வாஹங் ஸமணங் வா
ப்³ராஹ்மணங் வா ஸக்கத்வா க³ருங் கத்வா [க³ருகத்வா (ஸீ॰ ஸ்யா॰ கங்॰ பீ॰)] உபனிஸ்ஸாய விஹரெய்ய’’ந்தி?
அத² கோ² ப⁴க³வதோ ஏதத³ஹோஸி –
‘‘அபரிபுண்ணஸ்ஸ கோ² ஸீலக்க²ந்த⁴ஸ்ஸ பாரிபூரியா அஞ்ஞங் ஸமணங் வா ப்³ராஹ்மணங்
வா ஸக்கத்வா க³ருங் கத்வா உபனிஸ்ஸாய விஹரெய்யங் .
ந கோ² பனாஹங் பஸ்ஸாமி ஸதே³வகே லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா
பஜாய ஸதே³வமனுஸ்ஸாய அத்தனா ஸீலஸம்பன்னதரங் அஞ்ஞங் ஸமணங் வா ப்³ராஹ்மணங் வா,
யமஹங் ஸக்கத்வா க³ருங் கத்வா உபனிஸ்ஸாய விஹரெய்யங்.
‘‘அபரிபுண்ணஸ்ஸ கோ² ஸமாதி⁴க்க²ந்த⁴ஸ்ஸ பாரிபூரியா
அஞ்ஞங் ஸமணங் வா ப்³ராஹ்மணங் வா ஸக்கத்வா க³ருங் கத்வா உபனிஸ்ஸாய
விஹரெய்யங். ந கோ² பனாஹங் பஸ்ஸாமி ஸதே³வகே லோகே…பே॰… அத்தனா
ஸமாதி⁴ஸம்பன்னதரங் அஞ்ஞங் ஸமணங் வா ப்³ராஹ்மணங் வா, யமஹங் ஸக்கத்வா க³ருங்
கத்வா உபனிஸ்ஸாய விஹரெய்யங்.
‘‘அபரிபுண்ணஸ்ஸ பஞ்ஞாக்க²ந்த⁴ஸ்ஸ பாரிபூரியா அஞ்ஞங்
ஸமணங் வா ப்³ராஹ்மணங் வா ஸக்கத்வா க³ருங் கத்வா உபனிஸ்ஸாய விஹரெய்யங். ந
கோ² பனாஹங் பஸ்ஸாமி ஸதே³வகே…பே॰… அத்தனா பஞ்ஞாஸம்பன்னதரங் அஞ்ஞங் ஸமணங் வா
ப்³ராஹ்மணங் வா, யமஹங் ஸக்கத்வா க³ருங் கத்வா உபனிஸ்ஸாய விஹரெய்யங்.
‘‘அபரிபுண்ணஸ்ஸ கோ² விமுத்திக்க²ந்த⁴ஸ்ஸ பாரிபூரியா
அஞ்ஞங் ஸமணங் வா ப்³ராஹ்மணங் வா ஸக்கத்வா க³ருங் கத்வா உபனிஸ்ஸாய
விஹரெய்யங். ந கோ² பனாஹங் பஸ்ஸாமி ஸதே³வகே…பே॰… அத்தனா விமுத்திஸம்பன்னதரங்
அஞ்ஞங் ஸமணங் வா ப்³ராஹ்மணங் வா, யமஹங் ஸக்கத்வா க³ருங் கத்வா உபனிஸ்ஸாய
விஹரெய்யங்.
‘‘அபரிபுண்ணஸ்ஸ கோ² விமுத்திஞாணத³ஸ்ஸனக்க²ந்த⁴ஸ்ஸ பாரிபூரியா அஞ்ஞங் ஸமணங் வா ப்³ராஹ்மணங் வா
ஸக்கத்வா க³ருங் கத்வா உபனிஸ்ஸாய விஹரெய்யங். ந கோ² பனாஹங் பஸ்ஸாமி
ஸதே³வகே லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய
அத்தனா விமுத்திஞாணத³ஸ்ஸனஸம்பன்னதரங் அஞ்ஞங் ஸமணங் வா ப்³ராஹ்மணங் வா,
யமஹங் ஸக்கத்வா க³ருங் கத்வா உபனிஸ்ஸாய விஹரெய்யங். யங்னூனாஹங் ய்வாயங்
த⁴ம்மோ மயா அபி⁴ஸம்பு³த்³தோ⁴ தமேவ த⁴ம்மங் ஸக்கத்வா க³ருங் கத்வா உபனிஸ்ஸாய
விஹரெய்ய’’ந்தி.
அத² கோ² ப்³ரஹ்மா ஸஹம்பதி ப⁴க³வதோ சேதஸா
சேதோபரிவிதக்கமஞ்ஞாய – ஸெய்யதா²பி நாம ப³லவா புரிஸோ ஸமிஞ்ஜிதங் வா பா³ஹங்
பஸாரெய்ய பஸாரிதங் வா பா³ஹங் ஸமிஞ்ஜெய்ய ஏவமேவ – ப்³ரஹ்மலோகே
அந்தரஹிதோ ப⁴க³வதோ புரதோ பாதுரஹோஸி. அத² கோ² ப்³ரஹ்மா ஸஹம்பதி ஏகங்ஸங்
உத்தராஸங்க³ங் கரித்வா யேன ப⁴க³வா தேனஞ்ஜலிங் பணாமெத்வா ப⁴க³வந்தங் ஏதத³வோச
– ‘‘ஏவமேதங் , ப⁴க³வா, ஏவமேதங், ஸுக³த! யேபி தே, ப⁴ந்தே, அஹேஸுங் அதீதமத்³தா⁴னங் அரஹந்தோ ஸம்மாஸம்பு³த்³தா⁴, தேபி
ப⁴க³வந்தோ த⁴ம்மஞ்ஞேவ ஸக்கத்வா க³ருங் கத்வா உபனிஸ்ஸாய விஹரிங்ஸு; யேபி
தே, ப⁴ந்தே, ப⁴விஸ்ஸந்தி அனாக³தமத்³தா⁴னங் அரஹந்தோ ஸம்மாஸம்பு³த்³தா⁴ தேபி
ப⁴க³வந்தோ த⁴ம்மஞ்ஞேவ ஸக்கத்வா க³ருங் கத்வா உபனிஸ்ஸாய விஹரிஸ்ஸந்தி.
ப⁴க³வாபி, ப⁴ந்தே, ஏதரஹி அரஹங் ஸம்மாஸம்பு³த்³தோ⁴ த⁴ம்மஞ்ஞேவ ஸக்கத்வா
க³ருங் கத்வா உபனிஸ்ஸாய விஹரதூ’’தி. இத³மவோச ப்³ரஹ்மா ஸஹம்பதி, இத³ங் வத்வா
அதா²பரங் ஏதத³வோச –
‘‘யே ச அதீதா ஸம்பு³த்³தா⁴, யே ச பு³த்³தா⁴ அனாக³தா;
யோ சேதரஹி ஸம்பு³த்³தோ⁴, ப³ஹூனங் [ப³ஹுன்னங் (ஸீ॰ ஸ்யா॰ கங்॰ பீ॰)] ஸோகனாஸனோ.
‘‘ஸப்³பே³ ஸத்³த⁴ம்மக³ருனோ, விஹங்ஸு [விஹரிங்ஸு (ஸீ॰ ஸ்யா॰ கங்॰ பீ॰)] விஹரந்தி ச;
ததா²பி விஹரிஸ்ஸந்தி, ஏஸா பு³த்³தா⁴ன த⁴ம்மதா.
‘‘தஸ்மா ஹி அத்தகாமேன [அத்த²காமேன (ஸீ॰ பீ॰ க॰)], மஹத்தமபி⁴கங்க²தா;
ஸத்³த⁴ம்மோ க³ருகாதப்³போ³, ஸரங் பு³த்³தா⁴ன ஸாஸன’’ந்தி.
3. ப்³ரஹ்மதே³வஸுத்தங்
174.
ஏவங் மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே
அனாத²பிண்டி³கஸ்ஸ ஆராமே. தேன கோ² பன ஸமயேன அஞ்ஞதரிஸ்ஸா ப்³ராஹ்மணியா
ப்³ரஹ்மதே³வோ நாம புத்தோ ப⁴க³வதோ ஸந்திகே அகா³ரஸ்மா அனகா³ரியங் பப்³ப³ஜிதோ
ஹோதி.
அத² கோ² ஆயஸ்மா ப்³ரஹ்மதே³வோ ஏகோ வூபகட்டோ² அப்பமத்தோ
ஆதாபீ பஹிதத்தோ விஹரந்தோ நசிரஸ்ஸேவ – யஸ்ஸத்தா²ய குலபுத்தா ஸம்மதே³வ
அகா³ரஸ்மா அனகா³ரியங் பப்³ப³ஜந்தி, தத³னுத்தரங் ப்³ரஹ்மசரியபரியோஸானங்
தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹாஸி. ‘‘கீ²ணா
ஜாதி , வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயா’’தி அப்³ப⁴ஞ்ஞாஸி. அஞ்ஞதரோ ச பனாயஸ்மா ப்³ரஹ்மதே³வோ அரஹதங் அஹோஸி.
அத² கோ² ஆயஸ்மா ப்³ரஹ்மதே³வோ புப்³ப³ண்ஹஸமயங்
நிவாஸெத்வா பத்தசீவரமாதா³ய ஸாவத்தி²ங் பிண்டா³ய பாவிஸி. ஸாவத்தி²யங்
ஸபதா³னங் பிண்டா³ய சரமானோ யேன ஸகமாது நிவேஸனங் தேனுபஸங்கமி. தேன கோ² பன ஸமயேன ஆயஸ்மதோ ப்³ரஹ்மதே³வஸ்ஸ மாதா ப்³ராஹ்மணீ ப்³ரஹ்முனோ ஆஹுதிங் நிச்சங் பக்³க³ண்ஹாதி .
அத² கோ² ப்³ரஹ்முனோ ஸஹம்பதிஸ்ஸ ஏதத³ஹோஸி – ‘‘அயங் கோ² ஆயஸ்மதோ
ப்³ரஹ்மதே³வஸ்ஸ மாதா ப்³ராஹ்மணீ ப்³ரஹ்முனோ ஆஹுதிங் நிச்சங் பக்³க³ண்ஹாதி.
யங்னூனாஹங் தங் உபஸங்கமித்வா ஸங்வேஜெய்ய’’ந்தி. அத² கோ² ப்³ரஹ்மா ஸஹம்பதி –
ஸெய்யதா²பி நாம ப³லவா புரிஸோ ஸமிஞ்ஜிதங் வா பா³ஹங் பஸாரெய்ய, பஸாரிதங் வா
பா³ஹங் ஸமிஞ்ஜெய்ய ஏவமேவ – ப்³ரஹ்மலோகே அந்தரஹிதோ ஆயஸ்மதோ ப்³ரஹ்மதே³வஸ்ஸ
மாது நிவேஸனே பாதுரஹோஸி. அத² கோ² ப்³ரஹ்மா ஸஹம்பதி வேஹாஸங் டி²தோ ஆயஸ்மதோ
ப்³ரஹ்மதே³வஸ்ஸ மாதரங் ப்³ராஹ்மணிங் கா³தா²ய அஜ்ஜ²பா⁴ஸி –
‘‘தூ³ரே இதோ ப்³ராஹ்மணி ப்³ரஹ்மலோகோ,
யஸ்ஸாஹுதிங் பக்³க³ண்ஹாஸி நிச்சங்;
நேதாதி³ஸோ ப்³ராஹ்மணி ப்³ரஹ்மப⁴க்கோ²,
கிங் ஜப்பஸி ப்³ரஹ்மபத²ங் அஜானங் [அஜானந்தீ (ஸீ॰ பீ॰ க॰)].
‘‘ஏஸோ ஹி தே ப்³ராஹ்மணி ப்³ரஹ்மதே³வோ,
நிரூபதி⁴கோ அதிதே³வபத்தோ;
அகிஞ்சனோ பி⁴க்கு² அனஞ்ஞபோஸீ,
யோ தே ஸோ [தே ஸோ (ஸீ॰ பீ॰), யோ தே ஸ (?)] பிண்டா³ய க⁴ரங் பவிட்டோ².
‘‘ஆஹுனெய்யோ வேத³கு³ பா⁴விதத்தோ,
நரானங் தே³வானஞ்ச த³க்கி²ணெய்யோ;
பா³ஹித்வா பாபானி அனூபலித்தோ,
‘‘ந தஸ்ஸ பச்சா² ந புரத்த²மத்தி²,
ஸந்தோ விதூ⁴மோ அனிகோ⁴ நிராஸோ;
நிக்கி²த்தத³ண்டோ³ தஸதா²வரேஸு,
ஸோ த்யாஹுதிங் பு⁴ஞ்ஜது அக்³க³பிண்ட³ங்.
‘‘விஸேனிபூ⁴தோ உபஸந்தசித்தோ,
நாகோ³வ த³ந்தோ சரதி அனேஜோ;
பி⁴க்கு² ஸுஸீலோ ஸுவிமுத்தசித்தோ,
ஸோ த்யாஹுதிங் பு⁴ஞ்ஜது அக்³க³பிண்ட³ங்.
பதிட்ட²பேஹி த³க்கி²ணங் த³க்கி²ணெய்யே;
கரோஹி புஞ்ஞங் ஸுக²மாயதிகங்,
தி³ஸ்வா முனிங் ப்³ராஹ்மணி ஓக⁴திண்ண’’ந்தி.
‘‘தஸ்மிங் பஸன்னா அவிகம்பமானா,
பதிட்ட²பேஸி த³க்கி²ணங் த³க்கி²ணெய்யே;
அகாஸி புஞ்ஞங் ஸுக²மாயதிகங்,
தி³ஸ்வா முனிங் ப்³ராஹ்மணீ ஓக⁴திண்ண’’ந்தி.
4. ப³கப்³ரஹ்மஸுத்தங்
175.
ஏவங் மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே
அனாத²பிண்டி³கஸ்ஸ ஆராமே. தேன கோ² பன ஸமயேன ப³கஸ்ஸ ப்³ரஹ்முனோ ஏவரூபங்
பாபகங் தி³ட்டி²க³தங் உப்பன்னங் ஹோதி – ‘‘இத³ங்
நிச்சங், இத³ங் து⁴வங், இத³ங் ஸஸ்ஸதங், இத³ங் கேவலங், இத³ங் அசவனத⁴ம்மங்,
இத³ஞ்ஹி ந ஜாயதி ந ஜீயதி ந மீயதி ந சவதி ந உபபஜ்ஜதி, இதோ ச பனஞ்ஞங்
உத்தரிங் [உத்தரிங் (ஸீ॰ ஸ்யா॰ கங்॰ பீ॰)] நிஸ்ஸரணங் நத்தீ²’’தி.
அத² கோ² ப⁴க³வா ப³கஸ்ஸ
ப்³ரஹ்முனோ சேதஸா சேதோபரிவிதக்கமஞ்ஞாய – ஸெய்யதா²பி நாம ப³லவா புரிஸோ
ஸமிஞ்ஜிதங் வா பா³ஹங் பஸாரெய்ய, பஸாரிதங் வா பா³ஹங் ஸமிஞ்ஜெய்ய ஏவமேவ –
ஜேதவனே அந்தரஹிதோ தஸ்மிங் ப்³ரஹ்மலோகே பாதுரஹோஸி. அத்³த³ஸா கோ² ப³கோ
ப்³ரஹ்மா ப⁴க³வந்தங் தூ³ரதோவ ஆக³ச்ச²ந்தங். தி³ஸ்வான ப⁴க³வந்தங் ஏதத³வோச –
‘‘ஏஹி கோ² மாரிஸ, ஸ்வாக³தங் தே, மாரிஸ! சிரஸ்ஸங் கோ² மாரிஸ! இமங்
பரியாயமகாஸி யதி³த³ங் இதா⁴க³மனாய. இத³ஞ்ஹி, மாரிஸ, நிச்சங், இத³ங் து⁴வங்,
இத³ங் ஸஸ்ஸதங், இத³ங் கேவலங், இத³ங் அசவனத⁴ம்மங், இத³ஞ்ஹி ந ஜாயதி ந ஜீயதி ந
மீயதி ந சவதி ந உபபஜ்ஜதி. இதோ ச பனஞ்ஞங் உத்தரி நிஸ்ஸரணங் நத்தீ²’’தி.
ஏவங் வுத்தே, ப⁴க³வா ப³கங் ப்³ரஹ்மானங் ஏதத³வோச – ‘‘அவிஜ்ஜாக³தோ வத, போ⁴, ப³கோ ப்³ரஹ்மா; அவிஜ்ஜாக³தோ வத, போ⁴, ப³கோ ப்³ரஹ்மா. யத்ர
ஹி நாம அனிச்சங்யேவ ஸமானங் நிச்சந்தி வக்க²தி, அது⁴வங்யேவ ஸமானங் து⁴வந்தி
வக்க²தி, அஸஸ்ஸதங்யேவ ஸமானங் ஸஸ்ஸதந்தி வக்க²தி, அகேவலங்யேவ
ஸமானங் கேவலந்தி வக்க²தி, சவனத⁴ம்மங்யேவ ஸமானங் அசவனத⁴ம்மந்தி வக்க²தி.
யத்த² ச பன ஜாயதி ச ஜீயதி ச மீயதி ச சவதி ச உபபஜ்ஜதி ச, தஞ்ச ததா² வக்க²தி –
‘இத³ஞ்ஹி ந ஜாயதி ந ஜீயதி ந மீயதி ந சவதி ந உபபஜ்ஜதி’. ஸந்தஞ்ச பனஞ்ஞங் உத்தரி நிஸ்ஸரணங், ‘நத்த²ஞ்ஞங் உத்தரி நிஸ்ஸரண’ந்தி வக்க²தீ’’தி.
‘‘த்³வாஸத்ததி கோ³தம புஞ்ஞகம்மா,
வஸவத்தினோ ஜாதிஜரங் அதீதா;
அயமந்திமா வேத³கூ³ ப்³ரஹ்முபபத்தி,
அஸ்மாபி⁴ஜப்பந்தி ஜனா அனேகா’’தி.
‘‘அப்பஞ்ஹி ஏதங் ந ஹி தீ³க⁴மாயு,
யங் த்வங் ப³க மஞ்ஞஸி தீ³க⁴மாயுங்;
ஸதங் ஸஹஸ்ஸானங் [ஸஹஸ்ஸான (ஸ்யா॰ கங்॰)] நிரப்³பு³தா³னங்,
ஆயுங் பஜானாமி தவாஹங் ப்³ரஹ்மே’’தி.
‘‘அனந்தத³ஸ்ஸீ ப⁴க³வாஹமஸ்மி,
ஜாதிஜரங் ஸோகமுபாதிவத்தோ;
ஆசிக்க² மே தங் யமஹங் விஜஞ்ஞா’’தி.
‘‘யங் த்வங் அபாயேஸி ப³ஹூ மனுஸ்ஸே,
பிபாஸிதே க⁴ம்மனி ஸம்பரேதே;
தங் தே புராணங் வதஸீலவத்தங்,
ஸுத்தப்பபு³த்³தோ⁴வ அனுஸ்ஸராமி.
‘‘யங் ஏணிகூலஸ்மிங் ஜனங் க³ஹீதங்,
அமோசயீ க³ய்ஹகங் நீயமானங்;
ஸுத்தப்பபு³த்³தோ⁴வ அனுஸ்ஸராமி.
‘‘க³ங்கா³ய ஸோதஸ்மிங் க³ஹீதனாவங்,
லுத்³தே³ன நாகே³ன மனுஸ்ஸகம்யா;
பமோசயித்த² ப³லஸா பஸய்ஹ,
தங் தே புராணங் வதஸீலவத்தங்,
ஸுத்தப்பபு³த்³தோ⁴வ அனுஸ்ஸராமி.
‘‘கப்போ ச தே ப³த்³த⁴சரோ அஹோஸிங்,
ஸம்பு³த்³தி⁴மந்தங் [ஸம்பு³த்³தி⁴வந்தங் (ப³ஹூஸு)] வதினங் அமஞ்ஞி;
தங் தே புராணங் வதஸீலவத்தங்,
ஸுத்தப்பபு³த்³தோ⁴வ அனுஸ்ஸராமீ’’தி.
‘‘அத்³தா⁴ பஜானாஸி மமேதமாயுங்,
அஞ்ஞேபி [அஞ்ஞம்பி (ஸீ॰ பீ॰)] ஜானாஸி ததா² ஹி பு³த்³தோ⁴;
ததா² ஹி த்யாயங் ஜலிதானுபா⁴வோ,
ஓபா⁴ஸயங் திட்ட²தி ப்³ரஹ்மலோக’’ந்தி.
5. அஞ்ஞதரப்³ரஹ்மஸுத்தங்
176. ஸாவத்தி²னிதா³னங் .
தேன கோ² பன ஸமயேன அஞ்ஞதரஸ்ஸ ப்³ரஹ்முனோ ஏவரூபங் பாபகங் தி³ட்டி²க³தங்
உப்பன்னங் ஹோதி – ‘‘நத்தி² ஸோ ஸமணோ வா ப்³ராஹ்மணோ வா யோ இத⁴
ஆக³ச்செ²ய்யா’’தி. அத² கோ² ப⁴க³வா தஸ்ஸ ப்³ரஹ்முனோ
சேதஸா சேதோபரிவிதக்கமஞ்ஞாய – ஸெய்யதா²பி நாம ப³லவா புரிஸோ…பே॰… தஸ்மிங்
ப்³ரஹ்மலோகே பாதுரஹோஸி. அத² கோ² ப⁴க³வா தஸ்ஸ ப்³ரஹ்முனோ உபரி வேஹாஸங்
பல்லங்கேன நிஸீதி³ தேஜோதா⁴துங் ஸமாபஜ்ஜித்வா.
அத² கோ² ஆயஸ்மதோ மஹாமொக்³க³ல்லானஸ்ஸ ஏதத³ஹோஸி – ‘‘கஹங் நு கோ² ப⁴க³வா ஏதரஹி விஹரதீ’’தி? அத்³த³ஸா கோ² ஆயஸ்மா மஹாமொக்³க³ல்லானோ [மஹாமொக்³க³லானோ (க॰)]
ப⁴க³வந்தங் தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன தஸ்ஸ
ப்³ரஹ்முனோ உபரி வேஹாஸங் பல்லங்கேன நிஸின்னங் தேஜோதா⁴துங் ஸமாபன்னங்.
தி³ஸ்வான – ஸெய்யதா²பி நாம ப³லவா புரிஸோ ஸமிஞ்ஜிதங் வா பா³ஹங் பஸாரெய்ய,
பஸாரிதங் வா பா³ஹங் ஸமிஞ்ஜெய்ய ஏவமேவ – ஜேதவனே அந்தரஹிதோ தஸ்மிங்
ப்³ரஹ்மலோகே பாதுரஹோஸி. அத² கோ² ஆயஸ்மா மஹாமொக்³க³ல்லானோ புரத்தி²மங் தி³ஸங் நிஸ்ஸாய [உபனிஸ்ஸாய (ஸீ॰)] தஸ்ஸ ப்³ரஹ்முனோ உபரி வேஹாஸங் பல்லங்கேன நிஸீதி³ தேஜோதா⁴துங் ஸமாபஜ்ஜித்வா நீசதரங் ப⁴க³வதோ.
அத² கோ² ஆயஸ்மதோ மஹாகஸ்ஸபஸ்ஸ ஏதத³ஹோஸி – ‘‘கஹங் நு கோ²
ப⁴க³வா ஏதரஹி விஹரதீ’’தி? அத்³த³ஸா கோ² ஆயஸ்மா மஹாகஸ்ஸபோ ப⁴க³வந்தங்
தி³ப்³பே³ன சக்கு²னா…பே॰… தி³ஸ்வான – ஸெய்யதா²பி நாம ப³லவா புரிஸோ…பே॰…
ஏவமேவ – ஜேதவனே அந்தரஹிதோ தஸ்மிங் ப்³ரஹ்மலோகே
பாதுரஹோஸி. அத² கோ² ஆயஸ்மா மஹாகஸ்ஸபோ த³க்கி²ணங் தி³ஸங் நிஸ்ஸாய தஸ்ஸ
ப்³ரஹ்முனோ உபரி வேஹாஸங் பல்லங்கேன நிஸீதி³ தேஜோதா⁴துங் ஸமாபஜ்ஜித்வா
நீசதரங் ப⁴க³வதோ.
அத² கோ² ஆயஸ்மதோ மஹாகப்பினஸ்ஸ
ஏதத³ஹோஸி – ‘‘கஹங் நு கோ² ப⁴க³வா ஏதரஹி விஹரதீ’’தி? அத்³த³ஸா கோ² ஆயஸ்மா
மஹாகப்பினோ ப⁴க³வந்தங் தி³ப்³பே³ன சக்கு²னா…பே॰… தேஜோதா⁴துங் ஸமாபன்னங்.
தி³ஸ்வான – ஸெய்யதா²பி நாம ப³லவா புரிஸோ…பே॰… ஏவமேவ – ஜேதவனே அந்தரஹிதோ
தஸ்மிங் ப்³ரஹ்மலோகே பாதுரஹோஸி. அத² கோ² ஆயஸ்மா மஹாகப்பினோ பச்சி²மங்
தி³ஸங் நிஸ்ஸாய தஸ்ஸ ப்³ரஹ்முனோ உபரி வேஹாஸங் பல்லங்கேன நிஸீதி³
தேஜோதா⁴துங் ஸமாபஜ்ஜித்வா நீசதரங் ப⁴க³வதோ.
அத² கோ² ஆயஸ்மதோ அனுருத்³த⁴ஸ்ஸ
ஏதத³ஹோஸி – ‘‘கஹங் நு கோ² ப⁴க³வா ஏதரஹி விஹரதீ’’தி? அத்³த³ஸா கோ² ஆயஸ்மா
அனுருத்³தோ⁴…பே॰… தேஜோதா⁴துங் ஸமாபன்னங். தி³ஸ்வான – ஸெய்யதா²பி நாம ப³லவா
புரிஸோ…பே॰… தஸ்மிங் ப்³ரஹ்மலோகே பாதுரஹோஸி. அத² கோ² ஆயஸ்மா அனுருத்³தோ⁴
உத்தரங் தி³ஸங் நிஸ்ஸாய தஸ்ஸ ப்³ரஹ்முனோ உபரி வேஹாஸங் பல்லங்கேன நிஸீதி³
தேஜோதா⁴துங் ஸமாபஜ்ஜித்வா நீசதரங் ப⁴க³வதோ.
அத² கோ² ஆயஸ்மா மஹாமொக்³க³ல்லானோ தங் ப்³ரஹ்மானங் கா³தா²ய அஜ்ஜ²பா⁴ஸி –
‘‘அஜ்ஜாபி தே ஆவுஸோ ஸா தி³ட்டி², யா தே தி³ட்டி² புரே அஹு;
பஸ்ஸஸி வீதிவத்தந்தங், ப்³ரஹ்மலோகே பப⁴ஸ்ஸர’’ந்தி.
‘‘ந மே மாரிஸ ஸா தி³ட்டி², யா மே தி³ட்டி² புரே அஹு;
பஸ்ஸாமி வீதிவத்தந்தங், ப்³ரஹ்மலோகே பப⁴ஸ்ஸரங்;
ஸ்வாஹங் அஜ்ஜ கத²ங் வஜ்ஜங், அஹங் நிச்சொம்ஹி ஸஸ்ஸதோ’’தி.
அத²
கோ² ப⁴க³வா தங் ப்³ரஹ்மானங் ஸங்வேஜெத்வா – ஸெய்யதா²பி நாம ப³லவா புரிஸோ
ஸமிஞ்ஜிதங் வா பா³ஹங் பஸாரெய்ய, பஸாரிதங் வா பா³ஹங் ஸமிஞ்ஜெய்ய ஏவமேவ –
தஸ்மிங் ப்³ரஹ்மலோகே அந்தரஹிதோ ஜேதவனே பாதுரஹோஸி. அத² கோ² ஸோ ப்³ரஹ்மா
அஞ்ஞதரங் ப்³ரஹ்மபாரிஸஜ்ஜங் ஆமந்தேஸி – ‘‘ஏஹி த்வங், மாரிஸ, யேனாயஸ்மா
மஹாமொக்³க³ல்லானோ தேனுபஸங்கம; உபஸங்கமித்வா ஆயஸ்மந்தங் மஹாமொக்³க³ல்லானங்
ஏவங் வதே³ஹி – ‘அத்தி² நு கோ², மாரிஸ மொக்³க³ல்லான, அஞ்ஞேபி தஸ்ஸ ப⁴க³வதோ
ஸாவகா ஏவங்மஹித்³தி⁴கா ஏவங்மஹானுபா⁴வா ; ஸெய்யதா²பி
ப⁴வங் மொக்³க³ல்லானோ கஸ்ஸபோ கப்பினோ அனுருத்³தோ⁴’’’தி? ‘‘ஏவங், மாரிஸா’’தி
கோ² ஸோ ப்³ரஹ்மபாரிஸஜ்ஜோ தஸ்ஸ ப்³ரஹ்முனோ படிஸ்ஸுத்வா யேனாயஸ்மா
மஹாமொக்³க³ல்லானோ தேனுபஸங்கமி; உபஸங்கமித்வா ஆயஸ்மந்தங் மஹாமொக்³க³ல்லானங்
ஏதத³வோச – ‘‘அத்தி² நு கோ², மாரிஸ மொக்³க³ல்லான, அஞ்ஞேபி தஸ்ஸ ப⁴க³வதோ
ஸாவகா ஏவங்மஹித்³தி⁴கா ஏவங்மஹானுபா⁴வா; ஸெய்யதா²பி ப⁴வங் மொக்³க³ல்லானோ
கஸ்ஸபோ கப்பினோ அனுருத்³தோ⁴’’தி? அத² கோ² ஆயஸ்மா மஹாமொக்³க³ல்லானோ தங்
ப்³ரஹ்மபாரிஸஜ்ஜங் கா³தா²ய அஜ்ஜ²பா⁴ஸி –
‘‘தேவிஜ்ஜா இத்³தி⁴பத்தா ச, சேதோபரியாயகோவிதா³;
கீ²ணாஸவா அரஹந்தோ, ப³ஹூ பு³த்³த⁴ஸ்ஸ ஸாவகா’’தி.
அத² கோ² ஸோ ப்³ரஹ்மபாரிஸஜ்ஜோ
ஆயஸ்மதோ மஹாமொக்³க³ல்லானஸ்ஸ பா⁴ஸிதங் அபி⁴னந்தி³த்வா அனுமோதி³த்வா யேன ஸோ
ப்³ரஹ்மா தேனுபஸங்கமி; உபஸங்கமித்வா தங் ப்³ரஹ்மானங் ஏதத³வோச – ‘‘ஆயஸ்மா
மாரிஸ, மஹாமொக்³க³ல்லானோ ஏவமாஹ –
‘‘தேவிஜ்ஜா இத்³தி⁴பத்தா ச, சேதோபரியாயகோவிதா³;
கீ²ணாஸவா அரஹந்தோ, ப³ஹூ பு³த்³த⁴ஸ்ஸ ஸாவகா’’தி.
இத³மவோச ஸோ ப்³ரஹ்மபாரிஸஜ்ஜோ. அத்தமனோ ச ஸோ ப்³ரஹ்மா தஸ்ஸ ப்³ரஹ்மபாரிஸஜ்ஜஸ்ஸ பா⁴ஸிதங் அபி⁴னந்தீ³தி.
6. ப்³ரஹ்மலோகஸுத்தங்
177. ஸாவத்தி²னிதா³னங். தேன கோ² பன ஸமயேன ப⁴க³வா தி³வாவிஹாரக³தோ ஹோதி படிஸல்லீனோ. அத² கோ² ஸுப்³ரஹ்மா ச பச்சேகப்³ரஹ்மா ஸுத்³தா⁴வாஸோ ச பச்சேகப்³ரஹ்மா யேன ப⁴க³வா தேனுபஸங்கமிங்ஸு; உபஸங்கமித்வா பச்சேகங் த்³வாரபா³ஹங் [பச்சேகத்³வாரபா³ஹங் (பீ॰ க॰)]
உபனிஸ்ஸாய அட்ட²ங்ஸு. அத² கோ² ஸுப்³ரஹ்மா பச்சேகப்³ரஹ்மா ஸுத்³தா⁴வாஸங்
பச்சேகப்³ரஹ்மானங் ஏதத³வோச – ‘‘அகாலோ கோ² தாவ, மாரிஸ, ப⁴க³வந்தங்
பயிருபாஸிதுங்; தி³வாவிஹாரக³தோ ப⁴க³வா படிஸல்லீனோ ச. அஸுகோ ச ப்³ரஹ்மலோகோ
இத்³தோ⁴ சேவ பீ²தோ ச, ப்³ரஹ்மா ச தத்ர பமாத³விஹாரங் விஹரதி. ஆயாம, மாரிஸ,
யேன ஸோ ப்³ரஹ்மலோகோ தேனுபஸங்கமிஸ்ஸாம; உபஸங்கமித்வா தங் ப்³ரஹ்மானங்
ஸங்வேஜெய்யாமா’’தி. ‘‘ஏவங் , மாரிஸா’’தி கோ² ஸுத்³தா⁴வாஸோ பச்சேகப்³ரஹ்மா ஸுப்³ரஹ்முனோ பச்சேகப்³ரஹ்முனோ பச்சஸ்ஸோஸி.
அத² கோ² ஸுப்³ரஹ்மா ச பச்சேகப்³ரஹ்மா
ஸுத்³தா⁴வாஸோ ச பச்சேகப்³ரஹ்மா – ஸெய்யதா²பி நாம ப³லவா புரிஸோ…பே॰… ஏவமேவ –
ப⁴க³வதோ புரதோ அந்தரஹிதா தஸ்மிங் ப்³ரஹ்மலோகே பாதுரஹேஸுங். அத்³த³ஸா கோ²
ஸோ ப்³ரஹ்மா தே ப்³ரஹ்மானோ தூ³ரதோவ ஆக³ச்ச²ந்தே. தி³ஸ்வான தே ப்³ரஹ்மானோ
ஏதத³வோச – ‘‘ஹந்த³ குதோ நு தும்ஹே, மாரிஸா, ஆக³ச்ச²தா²’’தி? ‘‘ஆக³தா கோ²
மயங், மாரிஸ, அம்ஹ தஸ்ஸ ப⁴க³வதோ ஸந்திகா அரஹதோ ஸம்மாஸம்பு³த்³த⁴ஸ்ஸ. க³ச்செ²ய்யாஸி பன த்வங், மாரிஸ, தஸ்ஸ ப⁴க³வதோ உபட்டா²னங் அரஹதோ ஸம்மாஸம்பு³த்³த⁴ஸ்ஸா’’தி?
ஏவங் வுத்தோ [ஏவங் வுத்தே (ஸீ॰ ஸ்யா॰ கங்॰)]
கோ² ஸோ ப்³ரஹ்மா தங் வசனங் அனதி⁴வாஸெந்தோ ஸஹஸ்ஸக்க²த்துங் அத்தானங்
அபி⁴னிம்மினித்வா ஸுப்³ரஹ்மானங் பச்சேகப்³ரஹ்மானங் ஏதத³வோச – ‘‘பஸ்ஸஸி மே
நோ த்வங், மாரிஸ, ஏவரூபங் இத்³தா⁴னுபா⁴வ’’ந்தி? ‘‘பஸ்ஸாமி கோ² த்யாஹங்,
மாரிஸ, ஏவரூபங் இத்³தா⁴னுபா⁴வ’’ந்தி. ‘‘ஸோ க்²வாஹங், மாரிஸ,
ஏவங்மஹித்³தி⁴கோ ஏவங்மஹானுபா⁴வோ கஸ்ஸ அஞ்ஞஸ்ஸ ஸமணஸ்ஸ வா ப்³ராஹ்மணஸ்ஸ வா
உபட்டா²னங் க³மிஸ்ஸாமீ’’தி?
அத² கோ² ஸுப்³ரஹ்மா பச்சேகப்³ரஹ்மா
த்³விஸஹஸ்ஸக்க²த்துங் அத்தானங் அபி⁴னிம்மினித்வா தங் ப்³ரஹ்மானங் ஏதத³வோச –
‘‘பஸ்ஸஸி மே நோ த்வங், மாரிஸ, ஏவரூபங் இத்³தா⁴னுபா⁴வ’’ந்தி? ‘‘பஸ்ஸாமி கோ²
த்யாஹங், மாரிஸ, ஏவரூபங் இத்³தா⁴னுபா⁴வ’’ந்தி. ‘‘தயா ச கோ², மாரிஸ, மயா ச
ஸ்வேவ ப⁴க³வா மஹித்³தி⁴கதரோ சேவ மஹானுபா⁴வதரோ ச. க³ச்செ²ய்யாஸி த்வங்,
மாரிஸ, தஸ்ஸ ப⁴க³வதோ உபட்டா²னங் அரஹதோ ஸம்மாஸம்பு³த்³த⁴ஸ்ஸா’’தி? அத² கோ² ஸோ ப்³ரஹ்மா ஸுப்³ரஹ்மானங் பச்சேகப்³ரஹ்மானங் கா³தா²ய அஜ்ஜ²பா⁴ஸி –
ப்³யக்³கீ⁴னிஸா பஞ்சஸதா ச ஜா²யினோ;
தயித³ங் விமானங் ஜலதே ச [ஜலதேவ (பீ॰ க॰)] ப்³ரஹ்மே,
ஓபா⁴ஸயங் உத்தரஸ்ஸங் தி³ஸாய’’ந்தி.
‘‘கிஞ்சாபி தே தங் ஜலதே விமானங்,
ஓபா⁴ஸயங் உத்தரஸ்ஸங் தி³ஸாயங்;
ரூபே ரணங் தி³ஸ்வா ஸதா³ பவேதி⁴தங்,
தஸ்மா ந ரூபே ரமதீ ஸுமேதோ⁴’’தி.
அத² கோ² ஸுப்³ரஹ்மா ச பச்சேகப்³ரஹ்மா ஸுத்³தா⁴வாஸோ ச பச்சேகப்³ரஹ்மா தங் ப்³ரஹ்மானங் ஸங்வேஜெத்வா தத்தே²வந்தரதா⁴யிங்ஸு . அக³மாஸி ச கோ² ஸோ ப்³ரஹ்மா அபரேன ஸமயேன ப⁴க³வதோ உபட்டா²னங் அரஹதோ ஸம்மாஸம்பு³த்³த⁴ஸ்ஸாதி.
7. கோகாலிகஸுத்தங்
178.
ஸாவத்தி²னிதா³னங். தேன கோ² பன ஸமயேன ப⁴க³வா தி³வாவிஹாரக³தோ ஹோதி
படிஸல்லீனோ. அத² கோ² ஸுப்³ரஹ்மா ச பச்சேகப்³ரஹ்மா ஸுத்³தா⁴வாஸோ ச
பச்சேகப்³ரஹ்மா யேன ப⁴க³வா தேனுபஸங்கமிங்ஸு; உபஸங்கமித்வா பச்சேகங்
த்³வாரபா³ஹங் நிஸ்ஸாய அட்ட²ங்ஸு. அத² கோ² ஸுப்³ரஹ்மா பச்சேகப்³ரஹ்மா
கோகாலிகங் பி⁴க்கு²ங் ஆரப்³ப⁴ ப⁴க³வதோ ஸந்திகே இமங் கா³த²ங் அபா⁴ஸி –
‘‘அப்பமெய்யங் பமினந்தோ, கோத⁴ வித்³வா விகப்பயே;
அப்பமெய்யங் பமாயினங், நிவுதங் தங் மஞ்ஞே புது²ஜ்ஜன’’ந்தி.
8. கதமோத³கதிஸ்ஸஸுத்தங்
179.
ஸாவத்தி²னிதா³னங். தேன கோ² பன ஸமயேன ப⁴க³வா தி³வாவிஹாரக³தோ ஹோதி
படிஸல்லீனோ. அத² கோ² ஸுப்³ரஹ்மா ச பச்சேகப்³ரஹ்மா ஸுத்³தா⁴வாஸோ ச
பச்சேகப்³ரஹ்மா யேன ப⁴க³வா தேனுபஸங்கமிங்ஸு; உபஸங்கமித்வா பச்சேகங்
த்³வாரபா³ஹங் நிஸ்ஸாய அட்ட²ங்ஸு. அத² கோ² ஸுத்³தா⁴வாஸோ பச்சேகப்³ரஹ்மா
கதமோத³கதிஸ்ஸகங் [கதமோரகதிஸ்ஸகங் (ஸீ॰ ஸ்யா॰ கங்॰)] பி⁴க்கு²ங் ஆரப்³ப⁴ ப⁴க³வதோ ஸந்திகே இமங் கா³த²ங் அபா⁴ஸி –
‘‘அப்பமெய்யங் பமினந்தோ, கோத⁴ வித்³வா விகப்பயே;
அப்பமெய்யங் பமாயினங், நிவுதங் தங் மஞ்ஞே அகிஸ்ஸவ’’ந்தி.
9. துரூப்³ரஹ்மஸுத்தங்
180. ஸாவத்தி²னிதா³னங். தேன கோ² பன ஸமயேன கோகாலிகோ பி⁴க்கு² ஆபா³தி⁴கோ ஹோதி து³க்கி²தோ பா³ள்ஹகி³லானோ. அத² கோ² துரூ [துது³ (ஸீ॰ ஸ்யா॰ கங்॰ பீ॰)]
பச்சேகப்³ரஹ்மா அபி⁴க்கந்தாய ரத்தியா அபி⁴க்கந்தவண்ணோ கேவலகப்பங் ஜேதவனங்
ஓபா⁴ஸெத்வா யேன கோகாலிகோ பி⁴க்கு² தேனுபஸங்கமி; உபஸங்கமித்வா வேஹாஸங்
டி²தோ கோகாலிகங் பி⁴க்கு²ங் ஏதத³வோச – ‘‘பஸாதே³ஹி, கோகாலிக,
ஸாரிபுத்தமொக்³க³ல்லானேஸு சித்தங். பேஸலா ஸாரிபுத்தமொக்³க³ல்லானா’’தி.
‘‘கோஸி த்வங், ஆவுஸோ’’தி? ‘‘அஹங் துரூ பச்சேகப்³ரஹ்மா’’தி. ‘‘நனு த்வங்,
ஆவுஸோ, ப⁴க³வதா அனாகா³மீ ப்³யாகதோ, அத² கிஞ்சரஹி இதா⁴க³தோ? பஸ்ஸ, யாவஞ்ச தே இத³ங் அபரத்³த⁴’’ந்தி.
‘‘புரிஸஸ்ஸ ஹி ஜாதஸ்ஸ, குடா²ரீ [து³தா⁴ரீ (ஸ்யா॰ கங்॰ க॰)] ஜாயதே முகே²;
யாய சி²ந்த³தி அத்தானங், பா³லோ து³ப்³பா⁴ஸிதங் ப⁴ணங்.
‘‘யோ நிந்தி³யங் பஸங்ஸதி,
தங் வா நிந்த³தி யோ பஸங்ஸியோ;
விசினாதி முகே²ன ஸோ கலிங்,
கலினா தேன ஸுக²ங் ந விந்த³தி.
‘‘அப்பமத்தகோ அயங் கலி,
யோ அக்கே²ஸு த⁴னபராஜயோ;
ஸப்³ப³ஸ்ஸாபி ஸஹாபி அத்தனா,
அயமேவ மஹந்ததரோ கலி;
யோ ஸுக³தேஸு மனங் பதோ³ஸயே.
‘‘ஸதங் ஸஹஸ்ஸானங் நிரப்³பு³தா³னங்,
ச²த்திங்ஸதி பஞ்ச ச அப்³பு³தா³னி;
யமரியக³ரஹீ [யமரியே க³ரஹீ (ஸ்யா॰ கங்॰), யமரியங் க³ரஹங் (க॰)] நிரயங் உபேதி,
வாசங் மனஞ்ச பணிதா⁴ய பாபக’’ந்தி.
10. கோகாலிகஸுத்தங்
181. ஸாவத்தி²னிதா³னங் . அத² கோ² கோகாலிகோ பி⁴க்கு² யேன ப⁴க³வா தேனுபஸங்கமி ; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² கோகாலிகோ பி⁴க்கு² ப⁴க³வந்தங் ஏதத³வோச – ‘‘பாபிச்சா², ப⁴ந்தே, ஸாரிபுத்தமொக்³க³ல்லானா பாபிகானங் இச்சா²னங் வஸங் க³தா’’தி. ஏவங்
வுத்தே, ப⁴க³வா கோகாலிகங் பி⁴க்கு²ங் ஏதத³வோச – ‘‘மா ஹேவங், கோகாலிக, அவச;
மா ஹேவங், கோகாலிக, அவச. பஸாதே³ஹி, கோகாலிக, ஸாரிபுத்தமொக்³க³ல்லானேஸு
சித்தங். பேஸலா ஸாரிபுத்தமொக்³க³ல்லானா’’தி. து³தியம்பி கோ² கோகாலிகோ
பி⁴க்கு² ப⁴க³வந்தங் ஏதத³வோச – ‘‘கிஞ்சாபி மே, ப⁴ந்தே, ப⁴க³வா ஸத்³தா⁴யிகோ
பச்சயிகோ; அத² கோ² பாபிச்சா²வ ப⁴ந்தே, ஸாரிபுத்தமொக்³க³ல்லானா பாபிகானங்
இச்சா²னங் வஸங் க³தா’’தி. து³தியம்பி கோ² ப⁴க³வா கோகாலிகங் பி⁴க்கு²ங்
ஏதத³வோச – ‘‘மா ஹேவங், கோகாலிக, அவச; மா ஹேவங், கோகாலிக, அவச. பஸாதே³ஹி,
கோகாலிக, ஸாரிபுத்தமொக்³க³ல்லானேஸு சித்தங். பேஸலா
ஸாரிபுத்தமொக்³க³ல்லானா’’தி. ததியம்பி கோ² கோகாலிகோ பி⁴க்கு² ப⁴க³வந்தங்
ஏதத³வோச – ‘‘கிஞ்சாபி…பே॰… இச்சா²னங் வஸங் க³தா’’தி. ததியம்பி கோ² ப⁴க³வா
கோகாலிகங் பி⁴க்கு²ங் ஏதத³வோச – ‘‘மா ஹேவங்…பே॰… பேஸலா
ஸாரிபுத்தமொக்³க³ல்லானா’’தி.
அத² கோ² கோகாலிகோ பி⁴க்கு² உட்டா²யாஸனா ப⁴க³வந்தங்
அபி⁴வாதெ³த்வா பத³க்கி²ணங் கத்வா பக்காமி. அசிரபக்கந்தஸ்ஸ ச கோகாலிகஸ்ஸ
பி⁴க்கு²னோ ஸாஸபமத்தீஹி பீளகாஹி [பிளகாஹி (ஸீ॰ பீ॰)]
ஸப்³போ³ காயோ பு²டோ அஹோஸி. ஸாஸபமத்தியோ ஹுத்வா முக்³க³மத்தியோ அஹேஸுங்,
முக்³க³மத்தியோ ஹுத்வா கலாயமத்தியோ அஹேஸுங், கலாயமத்தியோ ஹுத்வா
கோலட்டி²மத்தியோ அஹேஸுங், கோலட்டி²மத்தியோ ஹுத்வா கோலமத்தியோ அஹேஸுங்,
கோலமத்தியோ ஹுத்வா ஆமலகமத்தியோ அஹேஸுங், ஆமலகமத்தியோ ஹுத்வா
பே³லுவஸலாடுகமத்தியோ அஹேஸுங், பே³லுவஸலாடுகமத்தியோ ஹுத்வா பி³ல்லமத்தியோ
அஹேஸுங், பி³ல்லமத்தியோ ஹுத்வா பபி⁴ஜ்ஜிங்ஸு. புப்³ப³ஞ்ச லோஹிதஞ்ச பக்³க⁴ரிங்ஸு. அத² கோ² கோகாலிகோ பி⁴க்கு² தேனேவ ஆபா³தே⁴ன காலமகாஸி . காலங்கதோ ச கோகாலிகோ பி⁴க்கு² பது³மங் நிரயங் உபபஜ்ஜி ஸாரிபுத்தமொக்³க³ல்லானேஸு சித்தங் ஆகா⁴தெத்வா.
அத² கோ² ப்³ரஹ்மா ஸஹம்பதி
அபி⁴க்கந்தாய ரத்தியா அபி⁴க்கந்தவண்ணோ கேவலகப்பங் ஜேதவனங் ஓபா⁴ஸெத்வா யேன
ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
அட்டா²ஸி. ஏகமந்தங் டி²தோ கோ² ப்³ரஹ்மா ஸஹம்பதி ப⁴க³வந்தங் ஏதத³வோச –
‘‘கோகாலிகோ, ப⁴ந்தே, பி⁴க்கு² காலங்கதோ. காலங்கதோ ச, ப⁴ந்தே, கோகாலிகோ
பி⁴க்கு² பது³மங் நிரயங் உபபன்னோ ஸாரிபுத்தமொக்³க³ல்லானேஸு சித்தங்
ஆகா⁴தெத்வா’’தி. இத³மவோச ப்³ரஹ்மா ஸஹம்பதி, இத³ங் வத்வா ப⁴க³வந்தங்
அபி⁴வாதெ³த்வா பத³க்கி²ணங் கத்வா தத்தே²வந்தரதா⁴யீதி.
அத² கோ² ப⁴க³வா தஸ்ஸா ரத்தியா
அச்சயேன பி⁴க்கூ² ஆமந்தேஸி – ‘‘இமங், பி⁴க்க²வே, ரத்திங் ப்³ரஹ்மா ஸஹம்பதி
அபி⁴க்கந்தாய ரத்தியா அபி⁴க்கந்தவண்ணோ கேவலகப்பங் ஜேதவனங் ஓபா⁴ஸெத்வா
யேனாஹங் தேனுபஸங்கமி; உபஸங்கமித்வா மங் அபி⁴வாதெ³த்வா ஏகமந்தங் அட்டா²ஸி.
ஏகமந்தங் டி²தோ கோ², பி⁴க்க²வே, ப்³ரஹ்மா ஸஹம்பதி மங் ஏதத³வோச – ‘கோகாலிகோ,
ப⁴ந்தே, பி⁴க்கு² காலங்கதோ. காலங்கதோ ச, ப⁴ந்தே, கோகாலிகோ பி⁴க்கு²
பது³மங் நிரயங் உபபன்னோ ஸாரிபுத்தமொக்³க³ல்லானேஸு சித்தங் ஆகா⁴தெத்வா’தி.
இத³மவோச, பி⁴க்க²வே , ப்³ரஹ்மா ஸஹம்பதி, இத³ங் வத்வா மங் அபி⁴வாதெ³த்வா பத³க்கி²ணங் கத்வா தத்தே²வந்தரதா⁴யீ’’தி.
ஏவங் வுத்தே, அஞ்ஞதரோ பி⁴க்கு² ப⁴க³வந்தங் ஏதத³வோச –
‘‘கீவதீ³க⁴ங் நு கோ², ப⁴ந்தே, பது³மே நிரயே ஆயுப்பமாண’’ந்தி? ‘‘தீ³க⁴ங்
கோ², பி⁴க்கு², பது³மே நிரயே ஆயுப்பமாணங். தங் ந ஸுகரங் ஸங்கா²துங் –
எத்தகானி வஸ்ஸானி இதி வா, எத்தகானி வஸ்ஸஸதானி இதி வா, எத்தகானி
வஸ்ஸஸஹஸ்ஸானி இதி வா, எத்தகானி வஸ்ஸஸதஸஹஸ்ஸானி இதி வா’’தி. ‘‘ஸக்கா பன,
ப⁴ந்தே, உபமங் காது’’ந்தி? ‘‘ஸக்கா , பி⁴க்கூ²’’தி ப⁴க³வா அவோச –
‘‘ஸெய்யதா²பி, பி⁴க்கு² வீஸதிகா²ரிகோ கோஸலகோ திலவாஹோ.
ததோ புரிஸோ வஸ்ஸஸதஸ்ஸ வஸ்ஸஸதஸ்ஸ அச்சயேன ஏகமேகங் திலங் உத்³த⁴ரெய்ய;
கி²ப்பதரங் கோ² ஸோ, பி⁴க்கு², வீஸதிகா²ரிகோ கோஸலகோ திலவாஹோ இமினா உபக்கமேன
பரிக்க²யங் பரியாதா³னங் க³ச்செ²ய்ய, ந த்வேவ ஏகோ அப்³பு³தோ³ நிரயோ.
ஸெய்யதா²பி, பி⁴க்கு², வீஸதி அப்³பு³தா³ நிரயா, ஏவமேகோ நிரப்³பு³த³னிரயோ.
ஸெய்யதா²பி, பி⁴க்கு², வீஸதி நிரப்³பு³தா³ நிரயா, ஏவமேகோ அப³போ³ நிரயோ.
ஸெய்யதா²பி, பி⁴க்கு², வீஸதி அப³பா³ நிரயா, ஏவமேகோ
அடடோ நிரயோ. ஸெய்யதா²பி, பி⁴க்கு², வீஸதி அடடா நிரயா, ஏவமேகோ அஹஹோ நிரயோ.
ஸெய்யதா²பி, பி⁴க்கு², வீஸதி அஹஹா நிரயா, ஏவமேகோ குமுதோ³ நிரயோ.
ஸெய்யதா²பி, பி⁴க்கு², வீஸதி குமுதா³ நிரயா, ஏவமேகோ ஸோக³ந்தி⁴கோ நிரயோ.
ஸெய்யதா²பி, பி⁴க்கு², வீஸதி ஸோக³ந்தி⁴கா நிரயா, ஏவமேகோ உப்பலனிரயோ.
ஸெய்யதா²பி, பி⁴க்கு², வீஸதி உப்பலா நிரயா, ஏவமேகோ புண்ட³ரிகோ நிரயோ.
ஸெய்யதா²பி , பி⁴க்கு², வீஸதி புண்ட³ரிகா நிரயா,
ஏவமேகோ பது³மோ நிரயோ. பது³மே பன, பி⁴க்கு², நிரயே கோகாலிகோ பி⁴க்கு²
உபபன்னோ ஸாரிபுத்தமொக்³க³ல்லானேஸு சித்தங் ஆகா⁴தெத்வா’’தி. இத³மவோச ப⁴க³வா,
இத³ங் வத்வான ஸுக³தோ அதா²பரங் ஏதத³வோச ஸத்தா² –
குடா²ரீ ஜாயதே முகே²;
யாய சி²ந்த³தி அத்தானங்,
பா³லோ து³ப்³பா⁴ஸிதங் ப⁴ணங்.
‘‘யோ நிந்தி³யங் பஸங்ஸதி,
தங் வா நிந்த³தி யோ பஸங்ஸியோ;
விசினாதி முகே²ன ஸோ கலிங்,
கலினா தேன ஸுக²ங் ந விந்த³தி.
‘‘அப்பமத்தகோ அயங் கலி,
யோ அக்கே²ஸு த⁴னபராஜயோ;
ஸப்³ப³ஸ்ஸாபி ஸஹாபி அத்தனா,
அயமேவ மஹந்தரோ கலி;
யோ ஸுக³தேஸு மனங் பதோ³ஸயே.
‘‘ஸதங் ஸஹஸ்ஸானங் நிரப்³பு³தா³னங்,
ச²த்திங்ஸதி பஞ்ச ச அப்³பு³தா³னி;
வாசங் மனஞ்ச பணிதா⁴ய பாபக’’ந்தி.
பட²மோ வக்³கோ³.
தஸ்ஸுத்³தா³னங் –
ப³கோ ச ப்³ரஹ்மா அபரா ச தி³ட்டி²;
பமாத³கோகாலிகதிஸ்ஸகோ ச,
துரூ ச ப்³ரஹ்மா அபரோ ச கோகாலிகோதி.
2. து³தியவக்³கோ³
1. ஸனங்குமாரஸுத்தங்
182. ஏவங்
மே ஸுதங் – ஏகங் ஸமயங் ப⁴க³வா ராஜக³ஹே விஹரதி ஸப்பினீதீரே. அத² கோ²
ப்³ரஹ்மா ஸனங்குமாரோ அபி⁴க்கந்தாய ரத்தியா அபி⁴க்கந்தவண்ணோ கேவலகப்பங்
ஸப்பினீதீரங் ஓபா⁴ஸெத்வா யேன ப⁴க³வா தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தோ கோ² ப்³ரஹ்மா ஸனங்குமாரோ
ப⁴க³வதோ ஸந்திகே இமங் கா³த²ங் அபா⁴ஸி –
‘‘க²த்தியோ ஸெட்டோ² ஜனேதஸ்மிங், யே கொ³த்தபடிஸாரினோ;
விஜ்ஜாசரணஸம்பன்னோ, ஸோ ஸெட்டோ² தே³வமானுஸே’’தி.
இத³மவோச ப்³ரஹ்மா ஸனங்குமாரோ. ஸமனுஞ்ஞோ ஸத்தா² அஹோஸி.
அத² கோ² ப்³ரஹ்மா ஸனங்குமாரோ ‘‘ஸமனுஞ்ஞோ மே ஸத்தா²’’தி ப⁴க³வந்தங்
அபி⁴வாதெ³த்வா பத³க்கி²ணங் கத்வா தத்தே²வந்தரதா⁴யீதி.
2. தே³வத³த்தஸுத்தங்
183.
ஏவங் மே ஸுதங் – ஏகங் ஸமயங் ப⁴க³வா ராஜக³ஹே விஹரதி கி³ஜ்ஜ²கூடே பப்³ப³தே
அசிரபக்கந்தே தே³வத³த்தே. அத² கோ² ப்³ரஹ்மா ஸஹம்பதி அபி⁴க்கந்தாய ரத்தியா
அபி⁴க்கந்தவண்ணோ கேவலகப்பங் கி³ஜ்ஜ²கூடங் பப்³ப³தங் ஓபா⁴ஸெத்வா யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தோ கோ² ப்³ரஹ்மா ஸஹம்பதி தே³வத³த்தங் ஆரப்³ப⁴ ப⁴க³வதோ ஸந்திகே இமங் கா³த²ங் அபா⁴ஸி –
‘‘ப²லங் வே கத³லிங் ஹந்தி, ப²லங் வேளுங் ப²லங் நளங்;
ஸக்காரோ காபுரிஸங் ஹந்தி, க³ப்³போ⁴ அஸ்ஸதரிங் யதா²’’தி.
3. அந்த⁴கவிந்த³ஸுத்தங்
184. ஏகங்
ஸமயங் ப⁴க³வா மாக³தே⁴ஸு விஹரதி அந்த⁴கவிந்தே³. தேன கோ² பன ஸமயேன ப⁴க³வா
ரத்தந்த⁴காரதிமிஸாயங் அப்³போ⁴காஸே நிஸின்னோ ஹோதி, தே³வோ ச ஏகமேகங்
பு²ஸாயதி. அத² கோ² ப்³ரஹ்மா ஸஹம்பதி அபி⁴க்கந்தாய ரத்தியா அபி⁴க்கந்தவண்ணோ
கேவலகப்பங் அந்த⁴கவிந்த³ங் ஓபா⁴ஸெத்வா யேன ப⁴க³வா தேனுபஸங்கமி;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தோ
கோ² ப்³ரஹ்மா ஸஹம்பதி ப⁴க³வதோ ஸந்திகே இமா கா³தா²யோ அபா⁴ஸி –
‘‘ஸேவேத² பந்தானி ஸேனாஸனானி,
சரெய்ய ஸங்யோஜனவிப்பமொக்கா²;
ஸசே ரதிங் நாதி⁴க³ச்செ²ய்ய தத்த²,
ஸங்கே⁴ வஸே ரக்கி²தத்தோ ஸதீமா.
‘‘குலாகுலங் பிண்டி³காய சரந்தோ,
ஸேவேத² பந்தானி ஸேனாஸனானி,
ப⁴யா பமுத்தோ அப⁴யே விமுத்தோ.
‘‘யத்த² பே⁴ரவா ஸரீஸபா [ஸிரிங் ஸபா (ஸீ॰ ஸ்யா॰ கங்॰ பீ॰)],
விஜ்ஜு ஸஞ்சரதி த²னயதி தே³வோ;
அந்த⁴காரதிமிஸாய ரத்தியா,
நிஸீதி³ தத்த² பி⁴க்கு² விக³தலோமஹங்ஸோ.
‘‘இத³ஞ்ஹி ஜாது மே தி³ட்ட²ங், நயித³ங் இதிஹீதிஹங்;
ஏகஸ்மிங் ப்³ரஹ்மசரியஸ்மிங், ஸஹஸ்ஸங் மச்சுஹாயினங்.
‘‘பி⁴ய்யோ [பீ⁴யோ (ஸீ॰ ஸ்யா॰ கங்॰ பீ॰)] பஞ்சஸதா ஸெக்கா², த³ஸா ச த³ஸதா⁴ த³ஸ;
ஸப்³பே³ ஸோதஸமாபன்னா, அதிரச்சா²னகா³மினோ.
‘‘அதா²யங் [அத்தா²யங்-இதிபி தீ³॰ நி॰ 2.290] இதரா பஜா, புஞ்ஞபா⁴கா³தி மே மனோ;
ஸங்கா²துங் நோபி ஸக்கோமி, முஸாவாத³ஸ்ஸ ஒத்தப’’ந்தி [ஒத்தபேதி (ஸீ॰ ஸ்யா॰ கங்॰ பீ॰), ஒத்தப்பேதி (க॰)].
4. அருணவதீஸுத்தங்
185. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி…பே॰… தத்ர கோ² ப⁴க³வா
பி⁴க்கூ² ஆமந்தேஸி – ‘‘பி⁴க்க²வோ’’தி. ‘‘ப⁴த³ந்தே’’தி தே பி⁴க்கூ² ப⁴க³வதோ
பச்சஸ்ஸோஸுங். ப⁴க³வா ஏதத³வோச –
‘‘பூ⁴தபுப்³ப³ங், பி⁴க்க²வே, ராஜா அஹோஸி அருணவா நாம.
ரஞ்ஞோ கோ² பன, பி⁴க்க²வே, அருணவதோ அருணவதீ நாம ராஜதா⁴னீ அஹோஸி. அருணவதிங்
கோ² பன, பி⁴க்க²வே, ராஜதா⁴னிங் [அருணவதியங் கோ² பன பி⁴க்க²வே ராஜதா⁴னியங் (பீ॰ க॰)] ஸிகீ² ப⁴க³வா
அரஹங் ஸம்மாஸம்பு³த்³தோ⁴ உபனிஸ்ஸாய விஹாஸி. ஸிகி²ஸ்ஸ கோ² பன, பி⁴க்க²வே,
ப⁴க³வதோ அரஹதோ ஸம்மாஸம்பு³த்³த⁴ஸ்ஸ அபி⁴பூ⁴ஸம்ப⁴வங் நாம ஸாவகயுக³ங் அஹோஸி
அக்³க³ங் ப⁴த்³த³யுக³ங். அத² கோ², பி⁴க்க²வே, ஸிகீ² ப⁴க³வா அரஹங்
ஸம்மாஸம்பு³த்³தோ⁴ அபி⁴பு⁴ங் பி⁴க்கு²ங் ஆமந்தேஸி – ‘ஆயாம, ப்³ராஹ்மண, யேன
அஞ்ஞதரோ ப்³ரஹ்மலோகோ தேனுபஸங்கமிஸ்ஸாம, யாவ ப⁴த்தஸ்ஸ காலோ ப⁴விஸ்ஸதீ’தி.
‘ஏவங், ப⁴ந்தே’தி கோ² பி⁴க்க²வே, அபி⁴பூ⁴ பி⁴க்கு² ஸிகி²ஸ்ஸ ப⁴க³வதோ அரஹதோ
ஸம்மாஸம்பு³த்³த⁴ஸ்ஸ பச்சஸ்ஸோஸி. அத² கோ², பி⁴க்க²வே, ஸிகீ² ப⁴க³வா அரஹங்
ஸம்மாஸம்பு³த்³தோ⁴ அபி⁴பூ⁴ ச பி⁴க்கு² – ஸெய்யதா²பி நாம ப³லவா புரிஸோ
ஸமிஞ்ஜிதங் வா பா³ஹங் பஸாரெய்ய, பஸாரிதங் வா பா³ஹங் ஸமிஞ்ஜெய்ய ஏவமேவ –
அருணவதியா ராஜதா⁴னியா அந்தரஹிதா தஸ்மிங் ப்³ரஹ்மலோகே பாதுரஹேஸுங்.
‘‘அத² கோ², பி⁴க்க²வே, ஸிகீ² ப⁴க³வா அரஹங்
ஸம்மாஸம்பு³த்³தோ⁴ அபி⁴பு⁴ங் பி⁴க்கு²ங் ஆமந்தேஸி – ‘படிபா⁴து, ப்³ராஹ்மண,
தங் ப்³ரஹ்முனோ ச ப்³ரஹ்மபரிஸாய ச ப்³ரஹ்மபாரிஸஜ்ஜானஞ்ச த⁴ம்மீ கதா²’தி.
‘ஏவங், ப⁴ந்தே’தி கோ², பி⁴க்க²வே, அபி⁴பூ⁴ பி⁴க்கு² ஸிகி²ஸ்ஸ ப⁴க³வதோ அரஹதோ
ஸம்மாஸம்பு³த்³த⁴ஸ்ஸ படிஸ்ஸுத்வா, ப்³ரஹ்மானஞ்ச ப்³ரஹ்மபரிஸஞ்ச
ப்³ரஹ்மபாரிஸஜ்ஜே ச த⁴ம்மியா கதா²ய ஸந்த³ஸ்ஸேஸி ஸமாத³பேஸி ஸமுத்தேஜேஸி
ஸம்பஹங்ஸேஸி. தத்ர ஸுத³ங், பி⁴க்க²வே, ப்³ரஹ்மா ச ப்³ரஹ்மபரிஸா ச
ப்³ரஹ்மபாரிஸஜ்ஜா ச உஜ்ஜா²யந்தி கி²ய்யந்தி [கீ²யந்தி (ஸீ॰ ஸ்யா॰ கங்॰ பீ॰)] விபாசெந்தி – ‘அச்ச²ரியங் வத , போ⁴, அப்³பு⁴தங் வத போ⁴, கத²ஞ்ஹி நாம ஸத்த²ரி ஸம்முகீ²பூ⁴தே ஸாவகோ த⁴ம்மங் தே³ஸெஸ்ஸதீ’’’தி !
‘‘அத² கோ², பி⁴க்க²வே, ஸிகீ²
ப⁴க³வா அரஹங் ஸம்மாஸம்பு³த்³தோ⁴ அபி⁴பு⁴ங் பி⁴க்கு²ங் ஆமந்தேஸி –
‘உஜ்ஜா²யந்தி கோ² தே, ப்³ராஹ்மண, ப்³ரஹ்மா ச ப்³ரஹ்மபரிஸா ச
ப்³ரஹ்மபாரிஸஜ்ஜா ச – அச்ச²ரியங் வத, போ⁴, அப்³பு⁴தங் வத, போ⁴, கத²ஞ்ஹி நாம
ஸத்த²ரி ஸம்முகீ²பூ⁴தே ஸாவகோ த⁴ம்மங் தே³ஸெஸ்ஸதீதி! தேன ஹி த்வங்
ப்³ராஹ்மண, பி⁴ய்யோஸோமத்தாய ப்³ரஹ்மானஞ்ச ப்³ரஹ்மபரிஸஞ்ச ப்³ரஹ்மபாரிஸஜ்ஜே ச
ஸங்வேஜேஹீ’தி. ‘ஏவங், ப⁴ந்தே’தி கோ², பி⁴க்க²வே, அபி⁴பூ⁴ பி⁴க்கு²
ஸிகி²ஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ படிஸ்ஸுத்வா தி³ஸ்ஸமானேனபி
காயேன த⁴ம்மங் தே³ஸேஸி, அதி³ஸ்ஸமானேனபி காயேன த⁴ம்மங் தே³ஸேஸி,
தி³ஸ்ஸமானேனபி ஹெட்டி²மேன உபட்³ட⁴காயேன அதி³ஸ்ஸமானேன உபரிமேன உபட்³ட⁴காயேன
த⁴ம்மங் தே³ஸேஸி, தி³ஸ்ஸமானேனபி உபரிமேன உபட்³ட⁴காயேன அதி³ஸ்ஸமானேன
ஹெட்டி²மேன உபட்³ட⁴காயேன த⁴ம்மங் தே³ஸேஸி. தத்ர ஸுத³ங், பி⁴க்க²வே,
ப்³ரஹ்மா ச ப்³ரஹ்மபரிஸா ச ப்³ரஹ்மபாரிஸஜ்ஜா ச அச்ச²ரியப்³பு⁴தசித்தஜாதா
அஹேஸுங் – ‘அச்ச²ரியங் வத, போ⁴, அப்³பு⁴தங் வத, போ⁴, ஸமணஸ்ஸ மஹித்³தி⁴கதா
மஹானுபா⁴வதா’’’தி!
‘‘அத² கோ² அபி⁴பூ⁴ பி⁴க்கு² ஸிகி²ங் ப⁴க³வந்தங்
அரஹந்தங் ஸம்மாஸம்பு³த்³த⁴ங் ஏதத³வோச – ‘அபி⁴ஜானாமி க்²வாஹங், ப⁴ந்தே,
பி⁴க்கு²ஸங்க⁴ஸ்ஸ மஜ்ஜே² ஏவரூபிங் வாசங் பா⁴ஸிதா – பஹோமி க்²வாஹங் ஆவுஸோ,
ப்³ரஹ்மலோகே டி²தோ ஸஹஸ்ஸிலோகதா⁴துங் [ஸஹஸ்ஸீலோகதா⁴துங் (ஸீ॰ ஸ்யா॰ கங்॰ பீ॰)]
ஸரேன விஞ்ஞாபேது’ந்தி. ‘ஏதஸ்ஸ, ப்³ராஹ்மண, காலோ, ஏதஸ்ஸ, ப்³ராஹ்மண, காலோ;
யங் த்வங், ப்³ராஹ்மண, ப்³ரஹ்மலோகே டி²தோ ஸஹஸ்ஸிலோகதா⁴துங் ஸரேன
விஞ்ஞாபெய்யாஸீ’தி. ‘ஏவங், ப⁴ந்தே’தி கோ², பி⁴க்க²வே, அபி⁴பூ⁴ பி⁴க்கு²
ஸிகி²ஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ படிஸ்ஸுத்வா ப்³ரஹ்மலோகே டி²தோ
இமா கா³தா²யோ அபா⁴ஸி –
‘‘ஆரம்ப⁴த² [ஆரப்³ப⁴த² (ஸப்³ப³த்த²)] நிக்கமத² [நிக்க²மத² (ஸீ॰ பீ॰)], யுஞ்ஜத² பு³த்³த⁴ஸாஸனே;
து⁴னாத² மச்சுனோ ஸேனங், நளாகா³ரங்வ குஞ்ஜரோ.
‘‘யோ இமஸ்மிங் த⁴ம்மவினயே, அப்பமத்தோ விஹஸ்ஸதி;
பஹாய ஜாதிஸங்ஸாரங், து³க்க²ஸ்ஸந்தங் கரிஸ்ஸதீ’’தி.
‘‘அத² கோ², பி⁴க்க²வே, ஸிகீ² ச
ப⁴க³வா அரஹங் ஸம்மாஸம்பு³த்³தோ⁴ அபி⁴பூ⁴ ச பி⁴க்கு² ப்³ரஹ்மானஞ்ச
ப்³ரஹ்மபரிஸஞ்ச ப்³ரஹ்மபாரிஸஜ்ஜே ச ஸங்வேஜெத்வா – ஸெய்யதா²பி நாம…பே॰…
தஸ்மிங் ப்³ரஹ்மலோகே அந்தரஹிதா அருணவதியா ராஜதா⁴னியா பாதுரஹேஸுங். அத² கோ²,
பி⁴க்க²வே, ஸிகீ² ப⁴க³வா அரஹங் ஸம்மாஸம்பு³த்³தோ⁴
பி⁴க்கூ² ஆமந்தேஸி – ‘அஸ்ஸுத்த² நோ, தும்ஹே, பி⁴க்க²வே, அபி⁴பு⁴ஸ்ஸ
பி⁴க்கு²னோ ப்³ரஹ்மலோகே டி²தஸ்ஸ கா³தா²யோ பா⁴ஸமானஸ்ஸா’தி? ‘அஸ்ஸும்ஹ கோ²
மயங், ப⁴ந்தே, அபி⁴பு⁴ஸ்ஸ பி⁴க்கு²னோ ப்³ரஹ்மலோகே டி²தஸ்ஸ கா³தா²யோ
பா⁴ஸமானஸ்ஸா’தி. ‘யதா² கத²ங் பன தும்ஹே, பி⁴க்க²வே, அஸ்ஸுத்த² அபி⁴பு⁴ஸ்ஸ
பி⁴க்கு²னோ ப்³ரஹ்மலோகே டி²தஸ்ஸ கா³தா²யோ பா⁴ஸமானஸ்ஸா’’’தி? ஏவங் கோ² மயங்,
ப⁴ந்தே, அஸ்ஸும்ஹ அபி⁴பு⁴ஸ்ஸ பி⁴க்கு²னோ ப்³ரஹ்மலோகே டி²தஸ்ஸ கா³தா²யோ
பா⁴ஸமானஸ்ஸ –
‘‘ஆரம்ப⁴த² நிக்கமத², யுஞ்ஜத² பு³த்³த⁴ஸாஸனே;
து⁴னாத² மச்சுனோ ஸேனங், நளாகா³ரங்வ குஞ்ஜரோ.
‘‘யோ இமஸ்மிங் த⁴ம்மவினயே, அப்பமத்தோ விஹஸ்ஸதி;
பஹாய ஜாதிஸங்ஸாரங், து³க்க²ஸ்ஸந்தங் கரிஸ்ஸதீ’’தி.
‘‘‘ஏவங் கோ² மயங், ப⁴ந்தே, அஸ்ஸும்ஹ அபி⁴பு⁴ஸ்ஸ
பி⁴க்கு²னோ ப்³ரஹ்மலோகே டி²தஸ்ஸ கா³தா²யோ பா⁴ஸமானஸ்ஸா’தி. ‘ஸாது⁴ ஸாது⁴,
பி⁴க்க²வே; ஸாது⁴ கோ² தும்ஹே, பி⁴க்க²வே! அஸ்ஸுத்த² அபி⁴பு⁴ஸ்ஸ பி⁴க்கு²னோ
ப்³ரஹ்மலோகே டி²தஸ்ஸ கா³தா²யோ பா⁴ஸமானஸ்ஸா’’’தி.
இத³மவோச ப⁴க³வா, அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.
5. பரினிப்³பா³னஸுத்தங்
186.
ஏகங் ஸமயங் ப⁴க³வா குஸினாராயங் விஹரதி உபவத்தனே மல்லானங் ஸாலவனே அந்தரேன
யமகஸாலானங் பரினிப்³பா³னஸமயே. அத² கோ² ப⁴க³வா பி⁴க்கூ² ஆமந்தேஸி – ‘‘ஹந்த³
தா³னி, பி⁴க்க²வே , ஆமந்தயாமி வோ – ‘வயத⁴ம்மா ஸங்கா²ரா, அப்பமாதே³ன ஸம்பாதே³தா²’தி. அயங் ததா²க³தஸ்ஸ பச்சி²மா வாசா’’.
அத² கோ² ப⁴க³வா பட²மங் ஜா²னங் [பட²மஜ்ஜா²னங் (ஸ்யா॰ கங்॰) ஏவங் து³தியங் ஜா²னங் இச்சாதீ³ஸுபி] ஸமாபஜ்ஜி. பட²மா ஜா²னா [பட²மஜ்ஜா²னா (ஸ்யா॰ கங்॰) ஏவங் து³தியா ஜா²னா இச்சாதீ³ஸுபி] வுட்ட²ஹித்வா து³தியங் ஜா²னங் ஸமாபஜ்ஜி. து³தியா ஜா²னா வுட்ட²ஹித்வா ததியங் ஜா²னங் ஸமாபஜ்ஜி. ததியா ஜா²னா வுட்ட²ஹித்வா சதுத்த²ங்
ஜா²னங் ஸமாபஜ்ஜி. சதுத்தா² ஜா²னா வுட்ட²ஹித்வா ஆகாஸானஞ்சாயதனங் ஸமாபஜ்ஜி.
ஆகாஸானஞ்சாயதனா வுட்ட²ஹித்வா விஞ்ஞாணஞ்சாயதனங் ஸமாபஜ்ஜி. விஞ்ஞாணஞ்சாயதனா
வுட்ட²ஹித்வா ஆகிஞ்சஞ்ஞாயதனங் ஸமாபஜ்ஜி. ஆகிஞ்சஞ்ஞாயதனா வுட்ட²ஹித்வா
நேவஸஞ்ஞானாஸஞ்ஞாயதனங் ஸமாபஜ்ஜி. நேவஸஞ்ஞானாஸஞ்ஞாயதனா வுட்ட²ஹித்வா ஸஞ்ஞாவேத³யிதனிரோத⁴ங் ஸமாபஜ்ஜி.
ஸஞ்ஞாவேத³யிதனிரோதா⁴ வுட்ட²ஹித்வா
நேவஸஞ்ஞானாஸஞ்ஞாயதனங் ஸமாபஜ்ஜி. நேவஸஞ்ஞானாஸஞ்ஞாயதனா வுட்ட²ஹித்வா
ஆகிஞ்சஞ்ஞாயதனங் ஸமாபஜ்ஜி. ஆகிஞ்சஞ்ஞாயதனா வுட்ட²ஹித்வா விஞ்ஞாணஞ்சாயதனங்
ஸமாபஜ்ஜி. விஞ்ஞாணஞ்சாயதனா வுட்ட²ஹித்வா ஆகாஸானஞ்சாயதனங் ஸமாபஜ்ஜி.
ஆகாஸானஞ்சாயதனா வுட்ட²ஹித்வா சதுத்த²ங் ஜா²னங் ஸமாபஜ்ஜி. சதுத்தா² ஜா²னா
வுட்ட²ஹித்வா ததியங் ஜா²னங் ஸமாபஜ்ஜி. ததியா ஜா²னா வுட்ட²ஹித்வா து³தியங்
ஜா²னங் ஸமாபஜ்ஜி. து³தியா ஜா²னா வுட்ட²ஹித்வா பட²மங் ஜா²னங் ஸமாபஜ்ஜி.
பட²மா ஜா²னா வுட்ட²ஹித்வா து³தியங் ஜா²னங் ஸமாபஜ்ஜி. து³தியா ஜா²னா
வுட்ட²ஹித்வா ததியங் ஜா²னங் ஸமாபஜ்ஜி. ததியா ஜா²னா வுட்ட²ஹித்வா சதுத்த²ங்
ஜா²னங் ஸமாபஜ்ஜி. சதுத்தா² ஜா²னா வுட்ட²ஹித்வா ஸமனந்தரங் ப⁴க³வா
பரினிப்³பா³யி. பரினிப்³பு³தே ப⁴க³வதி ஸஹ பரினிப்³பா³னா ப்³ரஹ்மா ஸஹம்பதி
இமங் கா³த²ங் அபா⁴ஸி –
‘‘ஸப்³பே³வ நிக்கி²பிஸ்ஸந்தி, பூ⁴தா லோகே ஸமுஸ்ஸயங்;
யத்த² ஏதாதி³ஸோ ஸத்தா², லோகே அப்படிபுக்³க³லோ;
ததா²க³தோ ப³லப்பத்தோ, ஸம்பு³த்³தோ⁴ பரினிப்³பு³தோ’’தி.
பரினிப்³பு³தே ப⁴க³வதி ஸஹ பரினிப்³பா³னா ஸக்கோ தே³வானமிந்தோ³ இமங் கா³த²ங் அபா⁴ஸி –
‘‘அனிச்சா வத ஸங்கா²ரா, உப்பாத³வயத⁴ம்மினோ;
உப்பஜ்ஜித்வா நிருஜ்ஜ²ந்தி, தேஸங் வூபஸமோ ஸுகோ²’’தி.
பரினிப்³பு³தே ப⁴க³வதி ஸஹ பரினிப்³பா³னா ஆயஸ்மா ஆனந்தோ³ இமங் கா³த²ங் அபா⁴ஸி –
‘‘ததா³ஸி யங் பி⁴ங்ஸனகங், ததா³ஸி லோமஹங்ஸனங்;
ஸப்³பா³காரவரூபேதே, ஸம்பு³த்³தே⁴ பரினிப்³பு³தே’’தி.
பரினிப்³பு³தே ப⁴க³வதி ஸஹ பரினிப்³பா³னா ஆயஸ்மா அனுருத்³தோ⁴ இமா கா³தா²யோ அபா⁴ஸி –
‘‘நாஹு அஸ்ஸாஸபஸ்ஸாஸோ, டி²தசித்தஸ்ஸ தாதி³னோ;
அனேஜோ ஸந்திமாரப்³ப⁴, சக்கு²மா பரினிப்³பு³தோ [யங் காலமகரீ முனி (மஹாபரினிப்³பா³னஸுத்தே)].
‘‘அஸல்லீனேன சித்தேன, வேத³னங் அஜ்ஜ²வாஸயி;
பஜ்ஜோதஸ்ஸேவ நிப்³பா³னங், விமொக்கோ² சேதஸோ அஹூ’’தி.
து³தியோ வக்³கோ³.
தஸ்ஸுத்³தா³னங் –
ப்³ரஹ்மாஸனங் தே³வத³த்தோ, அந்த⁴கவிந்தோ³ அருணவதீ;
பரினிப்³பா³னேன ச தே³ஸிதங், இத³ங் ப்³ரஹ்மபஞ்சகந்தி.
ப்³ரஹ்மஸங்யுத்தங் ஸமத்தங். [இதோ
பரங் மரம்மபொத்த²கேஸு ஏவம்பி தி³ஸ்ஸதி –§ப்³ரஹ்மாயாசனங் அகா³ரவஞ்ச,
ப்³ரஹ்மதே³வோ ப³கோ ச ப்³ரஹ்மா.§அஞ்ஞதரோ ச ப்³ரஹ்மாகோகாலிகஞ்ச, திஸ்ஸகஞ்ச
துரூ ச§ப்³ரஹ்மா கோகாலிகபி⁴க்கு², ஸனங்குமாரேன தே³வத³த்தங்.§அந்த⁴கவிந்த³ங்
அருணவதி, பரினிப்³பா³னேன பன்னரஸாதி]