Free Online FOOD for MIND & HUNGER - DO GOOD 😊 PURIFY MIND.To live like free birds 🐦 🦢 🦅 grow fruits 🍍 🍊 🥑 🥭 🍇 🍌 🍎 🍉 🍒 🍑 🥝 vegetables 🥦 🥕 🥗 🥬 🥔 🍆 🥜 🎃 🫑 🍅🍜 🧅 🍄 🍝 🥗 🥒 🌽 🍏 🫑 🌳 🍓 🍊 🥥 🌵 🍈 🌰 🇧🇧 🫐 🍅 🍐 🫒Plants 🌱in pots 🪴 along with Meditative Mindful Swimming 🏊‍♂️ to Attain NIBBĀNA the Eternal Bliss.

Kushinara NIBBĀNA Bhumi Pagoda White Home, Puniya Bhumi Bengaluru, Prabuddha Bharat International.

Categories:

Search:

Archives:

Meta:

November 2024

M	T	W	T	F	S	S
« Jan
	1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

11/10/12

111112 SUNDAY LESSON 747-வினயபிடகே-Part-3 and 4-தமிழில் திரபிடக மூன்று தொகுப்புகள் TIPITAKA from FREE ONLINE eNālāndā Research and Practice UNIVERSITY through http://sarvajan.ambedkar.org-பாராஜிகபாளி வேரஞ்ஜகண்டங் 2. ஸங்காதிஸேஸகண்டங் 1. ஸுக்கவிஸ்ஸட்டிஸிக்காபதங்

Filed under: General
Posted by: site admin @ 5:04 pm

111112 SUNDAY LESSON 747-வினயபிடகே-Part-3 and 4-தமிழில் திரபிடக மூன்று தொகுப்புகள் TIPITAKA
from FREE ONLINE eNālāndā Research and
Practice UNIVERSITY through http://sarvajan.ambedkar.org

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

வினயபிடகே

பாராஜிகபாளி

வேரஞ்ஜகண்டங்

2. ஸங்காதிஸேஸகண்டங்

1. ஸுக்கவிஸ்ஸட்டிஸிக்காபதங்

இமே கோ பனாயஸ்மந்தோ தேரஸ ஸங்காதிஸேஸா

தம்மா உத்தேஸங் ஆகச்சந்தி.

234. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா ஸெய்யஸகோ அனபி⁴ரதோ ப்³ரஹ்மசரியங் சரதி. ஸோ
தேன கிஸோ ஹோதி லூகோ² து³ப்³ப³ண்ணோ உப்பண்டு³ப்பண்டு³கஜாதோ
த⁴மனிஸந்த²தக³த்தோ. அத்³த³ஸ கோ² ஆயஸ்மா உதா³யீ ஆயஸ்மந்தங் ஸெய்யஸகங் கிஸங்
லூக²ங் து³ப்³ப³ண்ணங் உப்பண்டு³ப்பண்டு³கஜாதங் த⁴மனிஸந்த²தக³த்தங்.
தி³ஸ்வான ஆயஸ்மந்தங் ஸெய்யஸகங் ஏதத³வோச – ‘‘கிஸ்ஸ த்வங், ஆவுஸோ ஸெய்யஸக,
கிஸோ லூகோ² து³ப்³ப³ண்ணோ உப்பண்டு³ப்பண்டு³கஜாதோ த⁴மனிஸந்த²தக³த்தோ? கச்சி
நோ த்வங், ஆவுஸோ ஸெய்யஸக, அனபி⁴ரதோ ப்³ரஹ்மசரியங் சரஸீ’’தி?
‘‘ஏவமாவுஸோ’’தி. ‘‘தேன ஹி த்வங், ஆவுஸோ ஸெய்யஸக, யாவத³த்த²ங் பு⁴ஞ்ஜ
யாவத³த்த²ங் ஸுப யாவத³த்த²ங் ந்ஹாய. யாவத³த்த²ங் பு⁴ஞ்ஜித்வா யாவத³த்த²ங்
ஸுபித்வா யாவத³த்த²ங் ந்ஹாயித்வா யதா³ தே அனபி⁴ரதி உப்பஜ்ஜதி ராகோ³ சித்தங்
அனுத்³த⁴ங்ஸேதி ததா³ ஹத்தே²ன உபக்கமித்வா அஸுசிங் மோசேஹீ’’தி. ‘‘கிங் நு
கோ², ஆவுஸோ, கப்பதி ஏவரூபங் காது’’ந்தி? ‘‘ஆம, ஆவுஸோ. அஹம்பி ஏவங்
கரோமீ’’தி.

அத² கோ² ஆயஸ்மா ஸெய்யஸகோ யாவத³த்த²ங் பு⁴ஞ்ஜி
யாவத³த்த²ங் ஸுபி யாவத³த்த²ங் ந்ஹாயி. யாவத³த்த²ங் பு⁴ஞ்ஜித்வா யாவத³த்த²ங்
ஸுபித்வா யாவத³த்த²ங் ந்ஹாயித்வா யதா³ அனபி⁴ரதி உப்பஜ்ஜதி ராகோ³ சித்தங் அனுத்³த⁴ங்ஸேதி ததா³ ஹத்தே²ன உபக்கமித்வா அஸுசிங் மோசேஸி .
அத² கோ² ஆயஸ்மா ஸெய்யஸகோ அபரேன ஸமயேன வண்ணவா அஹோஸி பீணிந்த்³ரியோ
பஸன்னமுக²வண்ணோ விப்பஸன்னச²விவண்ணோ. அத² கோ² ஆயஸ்மதோ ஸெய்யஸகஸ்ஸ ஸஹாயகா
பி⁴க்கூ² ஆயஸ்மந்தங் ஸெய்யஸகங் ஏதத³வோசுங் – ‘‘புப்³பே³ கோ² த்வங், ஆவுஸோ
ஸெய்யஸக, கிஸோ அஹோஸி லூகோ² து³ப்³ப³ண்ணோ உப்பண்டு³ப்பண்டு³கஜாதோ
த⁴மனிஸந்த²தக³த்தோ. ஸோ தா³னி த்வங் ஏதரஹி வண்ணவா பீணிந்த்³ரியோ
பஸன்னமுக²வண்ணோ விப்பஸன்னச²விவண்ணோ. கிங் நு கோ² த்வங், ஆவுஸோ ஸெய்யஸக, பே⁴ஸஜ்ஜங் கரோஸீ’’தி? ‘‘ந கோ² அஹங், ஆவுஸோ, பே⁴ஸஜ்ஜங் கரோமி .
அபிசாஹங் யாவத³த்த²ங் பு⁴ஞ்ஜாமி யாவத³த்த²ங் ஸுபாமி யாவத³த்த²ங் ந்ஹாயாமி.
யாவத³த்த²ங் பு⁴ஞ்ஜித்வா யாவத³த்த²ங் ஸுபித்வா யாவத³த்த²ங் ந்ஹாயித்வா
யதா³ மே அனபி⁴ரதி உப்பஜ்ஜதி ராகோ³ சித்தங் அனுத்³த⁴ங்ஸேதி ததா³ ஹத்தே²ன
உபக்கமித்வா அஸுசிங் மோசேமீ’’தி. ‘‘கிங் பன த்வங், ஆவுஸோ ஸெய்யஸக, யேனேவ
ஹத்தே²ன ஸத்³தா⁴தெ³ய்யங் பு⁴ஞ்ஜஸி தேனேவ ஹத்தே²ன உபக்கமித்வா அஸுசிங்
மோசேஸீ’’தி? ‘‘ஏவமாவுஸோ’’தி. யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா ஸெய்யஸகோ
ஹத்தே²ன உபக்கமித்வா அஸுசிங் மோசெஸ்ஸதீ’’தி!

அத² கோ² தே பி⁴க்கூ² ஆயஸ்மந்தங் ஸெய்யஸகங்
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா
ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங் ஸன்னிபாதாபெத்வா
ஆயஸ்மந்தங் ஸெய்யஸகங் படிபுச்சி² – ‘‘ஸச்சங் கிர த்வங், ஸெய்யஸக, ஹத்தே²ன
உபக்கமித்வா அஸுசிங் மோசேஸீ’’தி? ‘‘ஸச்சங், ப⁴க³வா’’தி .
விக³ரஹி பு³த்³தோ⁴ ப⁴க³வா – ‘‘அனநுச்ச²விகங், மோக⁴புரிஸ, அனநுலோமிகங்
அப்பதிரூபங் அஸ்ஸாமணகங் அகப்பியங் அகரணீயங். கத²ஞ்ஹி நாம த்வங், மோக⁴புரிஸ,
ஹத்தே²ன உபக்கமித்வா அஸுசிங் மோசெஸ்ஸஸி! நனு மயா, மோக⁴புரிஸ, அனேகபரியாயேன
விராகா³ய த⁴ம்மோ தே³ஸிதோ நோ ஸராகா³ய, விஸஞ்ஞோகா³ய த⁴ம்மோ தே³ஸிதோ நோ
ஸஞ்ஞோகா³ய, அனுபாதா³னாய த⁴ம்மோ தே³ஸிதோ நோ ஸஉபாதா³னாய! தத்த² நாம த்வங்,
மோக⁴புரிஸ, மயா விராகா³ய த⁴ம்மே தே³ஸிதே ஸராகா³ய சேதெஸ்ஸஸி, விஸஞ்ஞோகா³ய
த⁴ம்மே தே³ஸிதே ஸஞ்ஞோகா³ய சேதெஸ்ஸஸி, அனுபாதா³னாய த⁴ம்மே தே³ஸிதே
ஸஉபாதா³னாய சேதெஸ்ஸஸி! நனு மயா, மோக⁴புரிஸ, அனேகபரியாயேன ராக³விராகா³ய
த⁴ம்மோ தே³ஸிதோ, மத³னிம்மத³னாய பிபாஸவினயாய ஆலயஸமுக்³கா⁴தாய
வட்டுபச்சே²தா³ய தண்ஹக்க²யாய விராகா³ய நிரோதா⁴ய நிப்³பா³னாய த⁴ம்மோ
தே³ஸிதோ? நனு மயா, மோக⁴புரிஸ, அனேகபரியாயேன காமானங் பஹானங் அக்கா²தங்,
காமஸஞ்ஞானங் பரிஞ்ஞா அக்கா²தா, காமபிபாஸானங் படிவினயோ அக்கா²தோ,
காமவிதக்கானங் ஸமுக்³கா⁴தோ அக்கா²தோ, காமபரிளாஹானங் வூபஸமோ அக்கா²தோ?
நேதங், மோக⁴புரிஸ, அப்பஸன்னானங் வா பஸாதா³ய, பஸன்னானங் வா பி⁴ய்யோபா⁴வாய.
அத² க்²வேதங், மோக⁴புரிஸ, அப்பஸன்னானஞ்சேவ அப்பஸாதா³ய, பஸன்னானஞ்ச
ஏகச்சானங் அஞ்ஞத²த்தாயா’’தி. அத² கோ² ப⁴க³வா ஆயஸ்மந்தங் ஸெய்யஸகங் அனேகபரியாயேன விக³ரஹித்வா து³ப்³ப⁴ரதாய…பே॰… ‘‘ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

‘‘ஸஞ்சேதனிகா ஸுக்கவிஸ்ஸட்டி² [விஸட்டி² (ஸீ॰ ஸ்யா॰)] ஸங்கா⁴தி³ஸேஸோ’’தி.

ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.

235. தேன
கோ² பன ஸமயேன பி⁴க்கூ² பணீதபோ⁴ஜனானி பு⁴ஞ்ஜித்வா முட்ட²ஸ்ஸதீ அஸம்பஜானா
நித்³த³ங் ஓக்கமந்தி. தேஸங் முட்ட²ஸ்ஸதீனங் அஸம்பஜானானங் நித்³த³ங்
ஓக்கமந்தானங் ஸுபினந்தேன அஸுசி முச்சதி. தேஸங் குக்குச்சங் அஹோஸி –
‘‘ப⁴க³வதா ஸிக்கா²பத³ங் பஞ்ஞத்தங் – ‘ஸஞ்சேதனிகா ஸுக்கவிஸ்ஸட்டி²
ஸங்கா⁴தி³ஸேஸோ’தி. அம்ஹாகஞ்ச ஸுபினந்தேன அஸுசி முச்சதி. அத்தி² செத்த²
சேதனா லப்³ப⁴தி. கச்சி நு கோ² மயங் ஸங்கா⁴தி³ஸேஸங் ஆபத்திங் ஆபன்னா’’தி?
ப⁴க³வதோ ஏதமத்த²ங் ஆரோசேஸுங். ‘‘அத்தே²ஸா, பி⁴க்க²வே, சேதனா; ஸா ச கோ²
அப்³போ³ஹாரிகாதி. ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

236. ‘‘ஸஞ்சேதனிகா ஸுக்கவிஸ்ஸட்டி² அஞ்ஞத்ர ஸுபினந்தா ஸங்கா⁴தி³ஸேஸோ’’தி.

237. ஸஞ்சேதனிகாதி ஜானந்தோ ஸஞ்ஜானந்தோ சேச்ச அபி⁴விதரித்வா வீதிக்கமோ.

ஸுக்கந்தி த³ஸ ஸுக்கானி – நீலங் பீதகங் லோஹிதகங் ஓதா³தங் தக்கவண்ணங் த³கவண்ணங் தேலவண்ணங் கீ²ரவண்ணங் த³தி⁴வண்ணங் ஸப்பிவண்ணங்.

விஸ்ஸட்டீ²தி டா²னதோ சாவனா வுச்சதி விஸ்ஸட்டீ²தி.

அஞ்ஞத்ர ஸுபினந்தாதி ட²பெத்வா ஸுபினந்தங்.

ஸங்கா⁴தி³ஸேஸோதி ஸங்கோ⁴வ தஸ்ஸா ஆபத்தியா பரிவாஸங் தே³தி, மூலாய படிகஸ்ஸதி, மானத்தங் தே³தி ,
அப்³பே⁴தி; ந ஸம்ப³ஹுலா, ந ஏகபுக்³க³லோ. தேன வுச்சதி –
‘‘ஸங்கா⁴தி³ஸேஸோ’’தி. தஸ்ஸேவ ஆபத்தினிகாயஸ்ஸ நாமகம்மங் அதி⁴வசனங். தேனபி
வுச்சதி – ‘‘ஸங்கா⁴தி³ஸேஸோ’’தி.

அஜ்ஜ²த்தரூபே மோசேதி,
ப³ஹித்³தா⁴ரூபே மோசேதி, அஜ்ஜ²த்தப³ஹித்³தா⁴ரூபே மோசேதி, ஆகாஸே கடிங்
கம்பெந்தோ மோசேதி; ராகூ³பத்த²ம்பே⁴ மோசேதி, வச்சூபத்த²ம்பே⁴ மோசேதி,
பஸ்ஸாவூபத்த²ம்பே⁴ மோசேதி, வாதூபத்த²ம்பே⁴ மோசேதி ,
உச்சாலிங்க³பாணகத³ட்டூ²பத்த²ம்பே⁴ மோசேதி; ஆரொக்³யத்தா²ய மோசேதி,
ஸுக²த்தா²ய மோசேதி, பே⁴ஸஜ்ஜத்தா²ய மோசேதி, தா³னத்தா²ய மோசேதி, புஞ்ஞத்தா²ய
மோசேதி, யஞ்ஞத்தா²ய மோசேதி, ஸக்³க³த்தா²ய மோசேதி, பீ³ஜத்தா²ய மோசேதி,
வீமங்ஸத்தா²ய மோசேதி, த³வத்தா²ய மோசேதி; நீலங் மோசேதி, பீதகங் மோசேதி,
லோஹிதகங் மோசேதி, ஓதா³தங் மோசேதி, தக்கவண்ணங் மோசேதி, த³கவண்ணங் மோசேதி,
தேலவண்ணங் மோசேதி, கீ²ரவண்ணங் மோசேதி, த³தி⁴வண்ணங் மோசேதி, ஸப்பிவண்ணங்
மோசேதி.

238. அஜ்ஜ²த்தரூபேதி அஜ்ஜ²த்தங் உபாதி³ன்னே [உபாதி³ண்ணே (ஸீ॰ க॰)] ரூபே.

ப³ஹித்³தா⁴ரூபேதி ப³ஹித்³தா⁴ உபாதி³ன்னே வா அனுபாதி³ன்னே வா.

அஜ்ஜ²த்தப³ஹித்³தா⁴ரூபேதி தது³ப⁴யே.

ஆகாஸே கடிங் கம்பெந்தோதி ஆகாஸே வாயமந்தஸ்ஸ அங்க³ஜாதங் கம்மனியங் ஹோதி.

ராகூ³பத்த²ம்பே⁴தி ராகே³ன பீளிதஸ்ஸ அங்க³ஜாதங் கம்மனியங் ஹோதி.

வச்சூபத்த²ம்பே⁴தி வச்சேன பீளிதஸ்ஸ அங்க³ஜாதங் கம்மனியங் ஹோதி.

பஸ்ஸாவூபத்த²ம்பே⁴தி பஸ்ஸாவேன பீளிதஸ்ஸ அங்க³ஜாதங் கம்மனியங் ஹோதி.

வாதூபத்த²ம்பே⁴தி வாதேன பீளிதஸ்ஸ அங்க³ஜாதங் கம்மனியங் ஹோதி.

உச்சாலிங்க³பாணகத³ட்டூ²பத்த²ம்பே⁴தி உச்சாலிங்க³பாணகத³ட்டே²ன அங்க³ஜாதங் கம்மனியங் ஹோதி.

239. ஆரொக்³யத்தா²யாதி அரோகோ³ ப⁴விஸ்ஸாமி.

ஸுக²த்தா²யாதி ஸுக²ங் வேத³னங் உப்பாதெ³ஸ்ஸாமி.

பே⁴ஸஜ்ஜத்தா²யாதி பே⁴ஸஜ்ஜங் ப⁴விஸ்ஸதி.

தா³னத்தா²யாதி தா³னங் த³ஸ்ஸாமி.

புஞ்ஞத்தா²யாதி புஞ்ஞங் ப⁴விஸ்ஸதி.

யஞ்ஞத்தா²யாதி யஞ்ஞங் யஜிஸ்ஸாமி.

ஸக்³க³த்தா²யாதி ஸக்³க³ங் க³மிஸ்ஸாமி.

பீ³ஜத்தா²யாதி பீ³ஜங் ப⁴விஸ்ஸதி.

வீமங்ஸத்தா²யாதி
நீலங் ப⁴விஸ்ஸதி, பீதகங் ப⁴விஸ்ஸதி, லோஹிதகங் ப⁴விஸ்ஸதி, ஓதா³தங்
ப⁴விஸ்ஸதி, தக்கவண்ணங் ப⁴விஸ்ஸதி, த³கவண்ணங் ப⁴விஸ்ஸதி, தேலவண்ணங்
ப⁴விஸ்ஸதி, கீ²ரவண்ணங் ப⁴விஸ்ஸதி, த³தி⁴வண்ணங் ப⁴விஸ்ஸதி, ஸப்பிவண்ணங்
ப⁴விஸ்ஸதீதி.

த³வத்தா²யாதி கி²ட்³டா³தி⁴ப்பாயோ.

240. அஜ்ஜ²த்தரூபே சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ப³ஹித்³தா⁴ரூபே சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

அஜ்ஜ²த்தப³ஹித்³தா⁴ரூபே சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஆகாஸே கடிங் கம்பெந்தோ சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ராகூ³பத்த²ம்பே⁴ சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

வச்சூபத்த²ம்பே⁴ சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

பஸ்ஸாவூபத்த²ம்பே⁴ சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

வாதூபத்த²ம்பே⁴ சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

உச்சாலிங்க³பாணகத³ட்டூ²பத்த²ம்பே⁴ சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஆரொக்³யத்தா²ய சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஸுக²த்தா²ய…பே॰… பே⁴ஸஜ்ஜத்தா²ய… தா³னத்தா²ய…
புஞ்ஞத்தா²ய… யஞ்ஞத்தா²ய… ஸக்³க³த்தா²ய… பீ³ஜத்தா²ய… வீமங்ஸத்தா²ய…
த³வத்தா²ய சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

நீலங் சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ .

பீதகங்… லோஹிதகங்… ஓதா³தங்… தக்கவண்ணங்… த³கவண்ணங்…
தேலவண்ணங்… கீ²ரவண்ணங்… த³தி⁴வண்ணங்… ஸப்பிவண்ணங் சேதேதி உபக்கமதி முச்சதி,
ஆபத்தி ஸங்கா⁴தி³ஸேஸஸ்ஸ.

ஸுத்³தி⁴கங் நிட்டி²தங்.

ஆரொக்³யத்த²ஞ்ச ஸுக²த்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஆரொக்³யத்த²ஞ்ச பே⁴ஸஜ்ஜத்த²ஞ்ச…பே॰… ஆரொக்³யத்த²ஞ்ச
தா³னத்த²ஞ்ச… ஆரொக்³யத்த²ஞ்ச புஞ்ஞத்த²ஞ்ச… ஆரொக்³யத்த²ஞ்ச யஞ்ஞத்த²ஞ்ச…
ஆரொக்³யத்த²ஞ்ச ஸக்³க³த்த²ஞ்ச… ஆரொக்³யத்த²ஞ்ச பீ³ஜத்த²ஞ்ச… ஆரொக்³யத்த²ஞ்ச
வீமங்ஸத்த²ஞ்ச… ஆரொக்³யத்த²ஞ்ச த³வத்த²ஞ்ச சேதேதி உபக்கமதி முச்சதி,
ஆபத்தி ஸங்கா⁴தி³ஸேஸஸ்ஸ.

ஏகமூலகஸ்ஸ க²ண்ட³சக்கங் நிட்டி²தங்.

241. ஸுக²த்த²ஞ்ச பே⁴ஸஜ்ஜத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஸுக²த்த²ஞ்ச தா³னத்த²ஞ்ச…பே॰… ஸுக²த்த²ஞ்ச
புஞ்ஞத்த²ஞ்ச… ஸுக²த்த²ஞ்ச யஞ்ஞத்த²ஞ்ச… ஸுக²த்த²ஞ்ச ஸக்³க³த்த²ஞ்ச…
ஸுக²த்த²ஞ்ச பீ³ஜத்த²ஞ்ச… ஸுக²த்த²ஞ்ச வீமங்ஸத்த²ஞ்ச… ஸுக²த்த²ஞ்ச
த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஸுக²த்த²ஞ்ச ஆரொக்³யத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

242. பே⁴ஸஜ்ஜத்த²ஞ்ச
தா³னத்த²ஞ்ச…பே॰… பே⁴ஸஜ்ஜத்த²ஞ்ச புஞ்ஞத்த²ஞ்ச… பே⁴ஸஜ்ஜத்த²ஞ்ச
யஞ்ஞத்த²ஞ்ச… பே⁴ஸஜ்ஜத்த²ஞ்ச ஸக்³க³த்த²ஞ்ச… பே⁴ஸஜ்ஜத்த²ஞ்ச பீ³ஜத்த²ஞ்ச…
பே⁴ஸஜ்ஜத்த²ஞ்ச வீமங்ஸத்த²ஞ்ச… பே⁴ஸஜ்ஜத்த²ஞ்ச த³வத்த²ஞ்ச சேதேதி உபக்கமதி
முச்சதி, ஆபத்தி ஸங்கா⁴தி³ஸேஸஸ்ஸ.

பே⁴ஸஜ்ஜத்த²ஞ்ச ஆரொக்³யத்த²ஞ்ச…பே॰… பே⁴ஸஜ்ஜத்த²ஞ்ச ஸுக²த்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

தா³னத்த²ஞ்ச புஞ்ஞத்த²ஞ்ச…பே॰… தா³னத்த²ஞ்ச
யஞ்ஞத்த²ஞ்ச… தா³னத்த²ஞ்ச ஸக்³க³த்த²ஞ்ச… தா³னத்த²ஞ்ச பீ³ஜத்த²ஞ்ச…
தா³னத்த²ஞ்ச வீமங்ஸத்த²ஞ்ச… தா³னத்த²ஞ்ச த³வத்த²ஞ்ச சேதேதி உபக்கமதி
முச்சதி, ஆபத்தி ஸங்கா⁴தி³ஸேஸஸ்ஸ.

தா³னத்த²ஞ்ச ஆரொக்³யத்த²ஞ்ச…பே॰… தா³னத்த²ஞ்ச
ஸுக²த்த²ஞ்ச… தா³னத்த²ஞ்ச பே⁴ஸஜ்ஜத்த²ஞ்ச சேதேதி உபக்கமதி முச்சதி, ஆபத்தி
ஸங்கா⁴தி³ஸேஸஸ்ஸ.

புஞ்ஞத்த²ஞ்ச யஞ்ஞத்த²ஞ்ச…பே॰… புஞ்ஞத்த²ஞ்ச
ஸக்³க³த்த²ஞ்ச… புஞ்ஞத்த²ஞ்ச பீ³ஜத்த²ஞ்ச… புஞ்ஞத்த²ஞ்ச வீமங்ஸத்த²ஞ்ச…
புஞ்ஞத்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

புஞ்ஞத்த²ஞ்ச
ஆரொக்³யத்த²ஞ்ச…பே॰… புஞ்ஞத்த²ஞ்ச ஸுக²த்த²ஞ்ச… புஞ்ஞத்த²ஞ்ச
பே⁴ஸஜ்ஜத்த²ஞ்ச… புஞ்ஞத்த²ஞ்ச தா³னத்த²ஞ்ச சேதேதி உபக்கமதி முச்சதி, ஆபத்தி
ஸங்கா⁴தி³ஸேஸஸ்ஸ.

யஞ்ஞத்த²ஞ்ச ஸக்³க³த்த²ஞ்ச…பே॰… யஞ்ஞத்த²ஞ்ச பீ³ஜத்த²ஞ்ச… யஞ்ஞத்த²ஞ்ச வீமங்ஸத்த²ஞ்ச … யஞ்ஞத்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

யஞ்ஞத்த²ஞ்ச ஆரொக்³யத்த²ஞ்ச…பே॰… யஞ்ஞத்த²ஞ்ச
ஸுக²த்த²ஞ்ச… யஞ்ஞத்த²ஞ்ச பே⁴ஸஜ்ஜத்த²ஞ்ச… யஞ்ஞத்த²ஞ்ச தா³னத்த²ஞ்ச…
யஞ்ஞத்த²ஞ்ச புஞ்ஞத்த²ஞ்ச சேதேதி உபக்கமதி முச்சதி, ஆபத்தி
ஸங்கா⁴தி³ஸேஸஸ்ஸ.

ஸக்³க³த்த²ஞ்ச பீ³ஜத்த²ஞ்ச…பே॰… ஸக்³க³த்த²ஞ்ச
வீமங்ஸத்த²ஞ்ச… ஸக்³க³த்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி
ஸங்கா⁴தி³ஸேஸஸ்ஸ.

ஸக்³க³த்த²ஞ்ச ஆரொக்³யத்த²ஞ்ச…பே॰… ஸக்³க³த்த²ஞ்ச
ஸுக²த்த²ஞ்ச… ஸக்³க³த்த²ஞ்ச பே⁴ஸஜ்ஜத்த²ஞ்ச… ஸக்³க³த்த²ஞ்ச தா³னத்த²ஞ்ச…
ஸக்³க³த்த²ஞ்ச புஞ்ஞத்த²ஞ்ச… ஸக்³க³த்த²ஞ்ச யஞ்ஞத்த²ஞ்ச சேதேதி உபக்கமதி
முச்சதி, ஆபத்தி ஸங்கா⁴தி³ஸேஸஸ்ஸ.

பீ³ஜத்த²ஞ்ச வீமங்ஸத்த²ஞ்ச…பே॰… பீ³ஜத்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

பீ³ஜத்த²ஞ்ச ஆரொக்³யத்த²ஞ்ச…பே॰… பீ³ஜத்த²ஞ்ச
ஸுக²த்த²ஞ்ச… பீ³ஜத்த²ஞ்ச பே⁴ஸஜ்ஜத்த²ஞ்ச… பீ³ஜத்த²ஞ்ச தா³னத்த²ஞ்ச…
பீ³ஜத்த²ஞ்ச புஞ்ஞத்த²ஞ்ச… பீ³ஜத்த²ஞ்ச யஞ்ஞத்த²ஞ்ச… பீ³ஜத்த²ஞ்ச
ஸக்³க³த்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

வீமங்ஸத்த²ஞ்ச த³வத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

வீமங்ஸத்த²ஞ்ச ஆரொக்³யத்த²ஞ்ச…பே॰… வீமங்ஸத்த²ஞ்ச
ஸுக²த்த²ஞ்ச… வீமங்ஸத்த²ஞ்ச பே⁴ஸஜ்ஜத்த²ஞ்ச… வீமங்ஸத்த²ஞ்ச தா³னத்த²ஞ்ச…
வீமங்ஸத்த²ஞ்ச புஞ்ஞத்த²ஞ்ச… வீமங்ஸத்த²ஞ்ச யஞ்ஞத்த²ஞ்ச… வீமங்ஸத்த²ஞ்ச
ஸக்³க³த்த²ஞ்ச… வீமங்ஸத்த²ஞ்ச பீ³ஜத்த²ஞ்ச சேதேதி உபக்கமதி முச்சதி, ஆபத்தி
ஸங்கா⁴தி³ஸேஸஸ்ஸ.

த³வத்த²ஞ்ச ஆரொக்³யத்த²ஞ்ச…பே॰…
த³வத்த²ஞ்ச ஸுக²த்த²ஞ்ச… த³வத்த²ஞ்ச பே⁴ஸஜ்ஜத்த²ஞ்ச… த³வத்த²ஞ்ச
தா³னத்த²ஞ்ச… த³வத்த²ஞ்ச புஞ்ஞத்த²ஞ்ச… த³வத்த²ஞ்ச யஞ்ஞத்த²ஞ்ச… த³வத்த²ஞ்ச
ஸக்³க³த்த²ஞ்ச… த³வத்த²ஞ்ச பீ³ஜத்த²ஞ்ச… த³வத்த²ஞ்ச வீமங்ஸத்த²ஞ்ச சேதேதி
உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஏகமூலகஸ்ஸ ப³த்³த⁴சக்கங் நிட்டி²தங்.

ஆரொக்³யத்த²ஞ்ச
ஸுக²த்த²ஞ்ச பே⁴ஸஜ்ஜத்த²ஞ்ச சேதேதி உபக்கமதி முச்சதி, ஆபத்தி
ஸங்கா⁴தி³ஸேஸஸ்ஸ…பே॰… ஆரொக்³யத்த²ஞ்ச ஸுக²த்த²ஞ்ச த³வத்த²ஞ்ச சேதேதி
உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

து³மூலகஸ்ஸ க²ண்ட³சக்கங்.

ஸுக²த்த²ஞ்ச பே⁴ஸஜ்ஜத்த²ஞ்ச தா³னத்த²ஞ்ச சேதேதி
உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ…பே॰… ஸுக²த்த²ஞ்ச பே⁴ஸஜ்ஜத்த²ஞ்ச
த³வத்த²ஞ்ச…பே॰… ஸுக²த்த²ஞ்ச பே⁴ஸஜ்ஜத்த²ஞ்ச ஆரொக்³யத்த²ஞ்ச சேதேதி
உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

து³மூலகஸ்ஸ ப³த்³த⁴சக்கங் ஸங்கி²த்தங்.

வீமங்ஸத்த²ஞ்ச த³வத்த²ஞ்ச ஆரொக்³யத்த²ஞ்ச சேதேதி
உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ. வீமங்ஸத்த²ஞ்ச த³வத்த²ஞ்ச
பீ³ஜத்த²ஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

து³மூலகங் நிட்டி²தங்.

திமூலகம்பி சதுமூலகம்பி பஞ்சமூலகம்பி ச²மூலகம்பி ஸத்தமூலகம்பி அட்ட²மூலகம்பி நவமூலகம்பி ஏவமேவ வித்தா²ரேதப்³ப³ங்.

இத³ங் ஸப்³ப³மூலகங்.

243.
ஆரொக்³யத்த²ஞ்ச ஸுக²த்த²ஞ்ச பே⁴ஸஜ்ஜத்த²ஞ்ச தா³னத்த²ஞ்ச புஞ்ஞத்த²ஞ்ச
யஞ்ஞத்த²ஞ்ச ஸக்³க³த்த²ஞ்ச பீ³ஜத்த²ஞ்ச வீமங்ஸத்த²ஞ்ச த³வத்த²ஞ்ச சேதேதி
உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஸப்³ப³மூலகங் நிட்டி²தங்.

244. நீலஞ்ச பீதகஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

நீலஞ்ச லோஹிதகஞ்ச…பே॰… நீலஞ்ச ஓதா³தஞ்ச… நீலஞ்ச
தக்கவண்ணஞ்ச… நீலஞ்ச த³கவண்ணஞ்ச… நீலஞ்ச தேலவண்ணஞ்ச… நீலஞ்ச கீ²ரவண்ணஞ்ச…
நீலஞ்ச த³தி⁴வண்ணஞ்ச… நீலஞ்ச ஸப்பிவண்ணஞ்ச சேதேதி உபக்கமதி முச்சத்தி,
ஆபத்தி ஸங்கா⁴தி³ஸேஸஸ்ஸ.

ஏகமூலகஸ்ஸ க²ண்ட³சக்கங் நிட்டி²தங்.

245. பீதகஞ்ச லோஹிதகஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

பீதகஞ்ச ஓதா³தஞ்ச…பே॰… பீதகஞ்ச தக்கவண்ணஞ்ச… பீதகஞ்ச
த³கவண்ணஞ்ச… பீதகஞ்ச தேலவண்ணஞ்ச… பீதகஞ்ச கீ²ரவண்ணஞ்ச… பீதகஞ்ச
த³தி⁴வண்ணஞ்ச… பீதகஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி
ஸங்கா⁴தி³ஸேஸஸ்ஸ.

பீதகஞ்ச நீலஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஏகமூலகஸ்ஸ ப³த்³த⁴சக்கங்.

246. லோஹிதகஞ்ச ஓதா³தஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

லோஹிதகஞ்ச தக்கவண்ணஞ்ச…பே॰… லோஹிதகஞ்ச த³கவண்ணஞ்ச…
லோஹிதகஞ்ச தேலவண்ணஞ்ச… லோஹிதகஞ்ச கீ²ரவண்ணஞ்ச… லோஹிதகஞ்ச த³தி⁴வண்ணஞ்ச…
லோஹிதகஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

லோஹிதகஞ்ச நீலஞ்ச…பே॰… லோஹிதகஞ்ச பீதகஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஓதா³தஞ்ச தக்கவண்ணஞ்ச…பே॰…
ஓதா³தஞ்ச த³கவண்ணஞ்ச… ஓதா³தஞ்ச தேலவண்ணஞ்ச… ஓதா³தஞ்ச கீ²ரவண்ணஞ்ச… ஓதா³தஞ்ச
த³தி⁴வண்ணஞ்ச… ஓதா³தஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி
ஸங்கா⁴தி³ஸேஸஸ்ஸ.

ஓதா³தஞ்ச நீலஞ்ச…பே॰… ஓதா³தஞ்ச பீதகஞ்ச… ஓதா³தஞ்ச லோஹிதகஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

தக்கவண்ணஞ்ச த³கவண்ணஞ்ச…பே॰… தக்கவண்ணஞ்ச தேலவண்ணஞ்ச…
தக்கவண்ணஞ்ச கீ²ரவண்ணஞ்ச… தக்கவண்ணஞ்ச த³தி⁴வண்ணஞ்ச… தக்கவண்ணஞ்ச
ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

தக்கவண்ணஞ்ச நீலஞ்ச…பே॰… தக்கவண்ணஞ்ச பீதகஞ்ச…
தக்கவண்ணஞ்ச லோஹிதகஞ்ச… தக்கவண்ணஞ்ச ஓதா³தஞ்ச சேதேதி உபக்கமதி முச்சதி,
ஆபத்தி ஸங்கா⁴தி³ஸேஸஸ்ஸ.

த³கவண்ணஞ்ச தேலவண்ணஞ்ச…பே॰…
த³கவண்ணஞ்ச கீ²ரவண்ணஞ்ச… த³கவண்ணஞ்ச த³தி⁴வண்ணஞ்ச… த³கவண்ணஞ்ச ஸப்பிவண்ணஞ்ச
சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

த³கவண்ணஞ்ச நீலஞ்ச…பே॰… த³கவண்ணஞ்ச பீதகஞ்ச…
த³கவண்ணஞ்ச லோஹிதகஞ்ச… த³கவண்ணஞ்ச ஓதா³தஞ்ச… த³கவண்ணஞ்ச தக்கவண்ணஞ்ச சேதேதி
உபக்கமதி முச்சதி , ஆபத்தி ஸங்கா⁴தி³ஸேஸஸ்ஸ.

தேலவண்ணஞ்ச கீ²ரவண்ணஞ்ச…பே॰… தேலவண்ணஞ்ச த³தி⁴வண்ணஞ்ச… தேலவண்ணஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

தேலவண்ணஞ்ச நீலஞ்ச…பே॰… தேலவண்ணஞ்ச பீதகஞ்ச…
தேலவண்ணஞ்ச லோஹிதகஞ்ச… தேலவண்ணஞ்ச ஓதா³தஞ்ச… தேலவண்ணஞ்ச தக்கவண்ணஞ்ச…
தேலவண்ணஞ்ச த³கவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

கீ²ரவண்ணஞ்ச த³தி⁴வண்ணஞ்ச…பே॰… கீ²ரவண்ணஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

கீ²ரவண்ணஞ்ச நீலஞ்ச…பே॰… கீ²ரவண்ணஞ்ச பீதகஞ்ச…
கீ²ரவண்ணஞ்ச லோஹிதகஞ்ச… கீ²ரவண்ணஞ்ச ஓதா³தஞ்ச… கீ²ரவண்ணஞ்ச தக்கவண்ணஞ்ச…
கீ²ரவண்ணஞ்ச த³கவண்ணஞ்ச… கீ²ரவண்ணஞ்ச தேலவண்ணஞ்ச சேதேதி உபக்கமதி முச்சதி,
ஆபத்தி ஸங்கா⁴தி³ஸேஸஸ்ஸ.

த³தி⁴வண்ணஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

த³தி⁴வண்ணஞ்ச நீலஞ்ச…பே॰… த³தி⁴வண்ணஞ்ச பீதகஞ்ச…
த³தி⁴வண்ணஞ்ச லோஹிதகஞ்ச… த³தி⁴வண்ணஞ்ச ஓதா³தஞ்ச… த³தி⁴வண்ணஞ்ச தக்கவண்ணஞ்ச…
த³தி⁴வண்ணஞ்ச த³கவண்ணஞ்ச… த³தி⁴வண்ணஞ்ச தேலவண்ணஞ்ச… த³தி⁴வண்ணஞ்ச
கீ²ரவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஸப்பிவண்ணஞ்ச நீலஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஸப்பிவண்ணஞ்ச பீதகஞ்ச…பே॰… ஸப்பிவண்ணஞ்ச லோஹிதகஞ்ச…
ஸப்பிவண்ணஞ்ச ஓதா³தஞ்ச… ஸப்பிவண்ணஞ்ச தக்கவண்ணஞ்ச… ஸப்பிவண்ணஞ்ச
த³கவண்ணஞ்ச… ஸப்பிவண்ணஞ்ச தேலவண்ணஞ்ச… ஸப்பிவண்ணஞ்ச கீ²ரவண்ணஞ்ச … ஸப்பிவண்ணஞ்ச த³தி⁴வண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஏகமூலகஸ்ஸ ப³த்³த⁴சக்கங் நிட்டி²தங்.

நீலஞ்ச பீதகஞ்ச லோஹிதகஞ்ச
சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ…பே॰… நீலஞ்ச பீதகஞ்ச
ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

து³மூலகஸ்ஸ க²ண்ட³சக்கங்.

பீதகஞ்ச லோஹிதகஞ்ச ஓதா³தஞ்ச
சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ…பே॰… பீதகஞ்ச லோஹிதகஞ்ச
ஸப்பிவண்ணஞ்ச…பே॰… பீதகஞ்ச லோஹிதகஞ்ச நீலஞ்ச சேதேதி உபக்கமதி முச்சதி,
ஆபத்தி ஸங்கா⁴தி³ஸேஸஸ்ஸ.

து³மூலகஸ்ஸ ப³த்³த⁴சக்கங் ஸங்கி²த்தங்.

த³தி⁴வண்ணஞ்ச ஸப்பிவண்ணஞ்ச நீலஞ்ச சேதேதி உபக்கமதி
முச்சதி, ஆபத்தி ஸங்கா⁴தி³ஸேஸஸ்ஸ…பே॰… த³தி⁴வண்ணஞ்ச ஸப்பிவண்ணஞ்ச
கீ²ரவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

து³மூலகங் நிட்டி²தங்.

இத³ங் ஸப்³ப³மூலகங்.

247. நீலஞ்ச
பீதகஞ்ச லோஹிதகஞ்ச ஓதா³தஞ்ச தக்கவண்ணஞ்ச த³கவண்ணஞ்ச தேலவண்ணஞ்ச
கீ²ரவண்ணஞ்ச த³தி⁴வண்ணஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி
ஸங்கா⁴தி³ஸேஸஸ்ஸ.

ஸப்³ப³மூலகங் நிட்டி²தங்.

248. ஆரொக்³யத்த²ஞ்ச நீலஞ்ச [ஆரொக்³யத்த²ங் நீலங் (?)] சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஆரொக்³யத்த²ஞ்ச ஸுக²த்த²ஞ்ச நீலஞ்ச பீதகஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

ஆரொக்³யத்த²ஞ்ச ஸுக²த்த²ஞ்ச பே⁴ஸஜ்ஜத்த²ஞ்ச நீலஞ்ச பீதகஞ்ச லோஹிதகஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

உப⁴தோ வட்³ட⁴கங் ஏவமேவ வட்³டே⁴தப்³ப³ங்.

ஆரொக்³யத்த²ஞ்ச ஸுக²த்த²ஞ்ச
பே⁴ஸஜ்ஜத்த²ஞ்ச தா³னத்த²ஞ்ச புஞ்ஞத்த²ஞ்ச யஞ்ஞத்த²ஞ்ச ஸக்³க³த்த²ஞ்ச
பீ³ஜத்த²ஞ்ச வீமங்ஸத்த²ஞ்ச த³வத்த²ஞ்ச நீலஞ்ச பீதகஞ்ச லோஹிதகஞ்ச ஓதா³தஞ்ச
தக்கவண்ணஞ்ச த³கவண்ணஞ்ச தேலவண்ணஞ்ச கீ²ரவண்ணஞ்ச த³தி⁴வண்ணஞ்ச ஸப்பிவண்ணஞ்ச சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

மிஸ்ஸகசக்கங் நிட்டி²தங்.

249. நீலங் மோசெஸ்ஸாமீதி சேதேதி உபக்கமதி பீதகங் முச்சதி, ஆபத்தி ஸங்கா⁴தி³ஸேஸஸ்ஸ.

நீலங் மோசெஸ்ஸாமீதி சேதேதி உபக்கமதி லோஹிதகங்…பே॰… ஓதா³தங் … தக்கவண்ணங்… த³கவண்ணங்… தேலவண்ணங்… கீ²ரவண்ணங்… த³தி⁴வண்ணங்… ஸப்பிவண்ணங் முச்சதி, ஆபத்தி ஸங்கா⁴தி³ஸேஸஸ்ஸ.

க²ண்ட³சக்கங் நிட்டி²தங்.

250. பீதகங் மோசெஸ்ஸாமீதி சேதேதி உபக்கமதி லோஹிதகங் முச்சதி, ஆபத்தி ஸங்கா⁴தி³ஸேஸஸ்ஸ.

பீதகங் மோசெஸ்ஸாமீதி சேதேதி உபக்கமதி ஓதா³தங்…பே॰…
தக்கவண்ணங்… த³கவண்ணங்… தேலவண்ணங்… கீ²ரவண்ணங்… த³தி⁴வண்ணங்… ஸப்பிவண்ணங்…
நீலங் முச்சதி, ஆபத்தி ஸங்கா⁴தி³ஸேஸஸ்ஸ.

ப³த்³த⁴சக்கமூலங் ஸங்கி²த்தங்.

251. ஸப்பிவண்ணங் மோசெஸ்ஸாமீதி சேதேதி உபக்கமதி நீலங் முச்சதி, ஆபத்தி ஸங்கா⁴தி³ஸேஸஸ்ஸ.

ஸப்பிவண்ணங் மோசெஸ்ஸாமீதி சேதேதி உபக்கமதி பீதகங்…பே॰… லோஹிதகங்… ஓதா³தங் … தக்கவண்ணங்… த³கவண்ணங்… தேலவண்ணங்… கீ²ரவண்ணங்… த³தி⁴வண்ணங் முச்சதி, ஆபத்தி ஸங்கா⁴தி³ஸேஸஸ்ஸ.

குச்சி²சக்கங் நிட்டி²தங்.

252. பீதகங் மோசெஸ்ஸாமீதி சேதேதி உபக்கமதி நீலங் முச்சதி, ஆபத்தி ஸங்கா⁴தி³ஸேஸஸ்ஸ.

லோஹிதகங்…பே॰… ஓதா³தங்… தக்கவண்ணங்… த³கவண்ணங்…
தேலவண்ணங்… கீ²ரவண்ணங்… த³தி⁴வண்ணங்… ஸப்பிவண்ணங் மோசெஸ்ஸாமீதி சேதேதி
உபக்கமதி நீலங் முச்சதி, ஆபத்தி ஸங்கா⁴தி³ஸேஸஸ்ஸ.

பிட்டி²சக்கஸ்ஸ பட²மங் க³மனங் நிட்டி²தங்.

253. லோஹிதகங் மோசெஸ்ஸாமீதி சேதேதி உபக்கமதி பீதகங் முச்சதி, ஆபத்தி ஸங்கா⁴தி³ஸேஸஸ்ஸ.

ஓதா³தங்…பே॰… தக்கவண்ணங்… த³கவண்ணங்… தேலவண்ணங்… கீ²ரவண்ணங்

… த³தி⁴வண்ணங்… ஸப்பிவண்ணங்… நீலங் மோசெஸ்ஸாமீதி சேதேதி உபக்கமதி பீதகங் முச்சதி, ஆபத்தி ஸங்கா⁴தி³ஸேஸஸ்ஸ.

பிட்டி²சக்கஸ்ஸ து³தியங் க³மனங் நிட்டி²தங்.

254. ஓதா³தங் மோசெஸ்ஸாமீதி சேதேதி உபக்கமதி லோஹிதகங் முச்சதி, ஆபத்தி ஸங்கா⁴தி³ஸேஸஸ்ஸ.

தக்கவண்ணங்…பே॰… த³கவண்ணங்… தேலவண்ணங்… கீ²ரவண்ணங்… த³தி⁴வண்ணங்…

ஸப்பிவண்ணங்… நீலங் … பீதகங் மோசெஸ்ஸாமீதி சேதேதி உபக்கமதி லோஹிதகங் முச்சதி, ஆபத்தி ஸங்கா⁴தி³ஸேஸஸ்ஸ.

பிட்டி²சக்கஸ்ஸ ததியங் க³மனங் நிட்டி²தங்.

255. தக்கவண்ணங் மோசெஸ்ஸாமீதி சேதேதி உபக்கமதி ஓதா³தங் முச்சதி, ஆபத்தி ஸங்கா⁴தி³ஸேஸஸ்ஸ.

த³கவண்ணங்…பே॰… தேலவண்ணங்… கீ²ரவண்ணங்… த³தி⁴வண்ணங்…
ஸப்பிவண்ணங்… நீலங்… பீதகங்… லோஹிதகங் மோசெஸ்ஸாமீதி சேதேதி உபக்கமதி
ஓதா³தங் முச்சதி, ஆபத்தி ஸங்கா⁴தி³ஸேஸஸ்ஸ.

பிட்டி²சக்கஸ்ஸ சதுத்த²ங் க³மனங் நிட்டி²தங்.

256. த³கவண்ணங் மோசெஸ்ஸாமீதி சேதேதி உபக்கமதி தக்கவண்ணங் முச்சதி, ஆபத்தி ஸங்கா⁴தி³ஸேஸஸ்ஸ.

தேலவண்ணங் …பே॰… கீ²ரவண்ணங்… த³தி⁴வண்ணங்… ஸப்பிவண்ணங்… நீல…

பீதகங்… லோஹிதகங்… ஓதா³தங் மோசெஸ்ஸாமீதி சேதேதி உபக்கமதி தக்கவண்ணங் முச்சதி, ஆபத்தி ஸங்கா⁴தி³ஸேஸஸ்ஸ.

பிட்டி²சக்கஸ்ஸ பஞ்சமங் க³மனங் நிட்டி²தங்.

257. தேலவண்ணங் மோசெஸ்ஸாமீதி சேதேதி உபக்கமதி த³கவண்ணங் முச்சதி, ஆபத்தி ஸங்கா⁴தி³ஸேஸஸ்ஸ.

கீ²ரவண்ணங்…பே॰… த³தி⁴வண்ணங்… ஸப்பிவண்ணங்… நீலங் … பீதகங்… லோஹிதகங்…

ஓதா³தங்… தக்கவண்ணங் மோசெஸ்ஸாமீதி சேதேதி உபக்கமதி த³கவண்ணங் முச்சதி, ஆபத்தி ஸங்கா⁴தி³ஸேஸஸ்ஸ.

பிட்டி²சக்கஸ்ஸ ச²ட்ட²ங் க³மனங் நிட்டி²தங்.

258. கீ²ரவண்ணங் மோசெஸ்ஸாமீதி சேதேதி உபக்கமதி தேலவண்ணங் முச்சதி, ஆபத்தி ஸங்கா⁴தி³ஸேஸஸ்ஸ.

த³தி⁴வண்ணங்…பே॰… ஸப்பிவண்ணங்… நீலங்… பீதகங்…
லோஹிதகங்… ஓதா³தங்… தக்கவண்ணங்… த³கவண்ணங் மோசெஸ்ஸாமீதி சேதேதி உபக்கமதி
தேலவண்ணங் முச்சதி, ஆபத்தி ஸங்கா⁴தி³ஸேஸஸ்ஸ.

பிட்டி²சக்கஸ்ஸ ஸத்தமங் க³மனங் நிட்டி²தங்.

259. த³தி⁴வண்ணங் மோசெஸ்ஸாமீதி சேதேதி உபக்கமதி கீ²ரவண்ணங் முச்சதி, ஆபத்தி ஸங்கா⁴தி³ஸேஸஸ்ஸ.

ஸப்பிவண்ணங்…பே॰… நீலங்… பீதகங்… லோஹிதகங்… ஓதா³தங்…
தக்கவண்ணங்… த³கவண்ணங்… தேலவண்ணங் மோசெஸ்ஸாமீதி சேதேதி உபக்கமதி கீ²ரவண்ணங்
முச்சதி, ஆபத்தி ஸங்கா⁴தி³ஸேஸஸ்ஸ.

பிட்டி²சக்கஸ்ஸ அட்ட²மங் க³மனங் நிட்டி²தங்.

260. ஸப்பிவண்ணங் மோசெஸ்ஸாமீதி சேதேதி உபக்கமதி த³தி⁴வண்ணங் முச்சதி, ஆபத்தி ஸங்கா⁴தி³ஸேஸஸ்ஸ.

நீலங்…பே॰… பீதகங்… லோஹிதகங்… ஓதா³தங்… தக்கவண்ணங்…
த³கவண்ணங்… தேலவண்ணங்… கீ²ரவண்ணங் மோசெஸ்ஸாமீதி சேதேதி உபக்கமதி
த³தி⁴வண்ணங் முச்சதி, ஆபத்தி ஸங்கா⁴தி³ஸேஸஸ்ஸ.

பிட்டி²சக்கஸ்ஸ நவமங் க³மனங் நிட்டி²தங்.

261. நீலங் மோசெஸ்ஸாமீதி சேதேதி உபக்கமதி ஸப்பிவண்ணங் முச்சதி, ஆபத்தி ஸங்கா⁴தி³ஸேஸஸ்ஸ.

பீதகங் …பே॰… லோஹிதகங்… ஓதா³தங்… தக்கவண்ணங்… த³கவண்ணங் … தேலவண்ணங்… கீ²ரவண்ணங்… த³தி⁴வண்ணங் மோசெஸ்ஸாமீதி சேதேதி உபக்கமதி ஸப்பிவண்ணங் முச்சதி, ஆபத்தி ஸங்கா⁴தி³ஸேஸஸ்ஸ.

பிட்டி²சக்கஸ்ஸ த³ஸமங் க³மனங் நிட்டி²தங்.

பிட்டி²சக்கங் நிட்டி²தங்.

262. சேதேதி உபக்கமதி முச்சதி, ஆபத்தி ஸங்கா⁴தி³ஸேஸஸ்ஸ.

சேதேதி உபக்கமதி ந முச்சதி, ஆபத்தி து²ல்லச்சயஸ்ஸ.

சேதேதி ந உபக்கமதி முச்சதி, அனாபத்தி.

சேதேதி ந உபக்கமதி ந முச்சதி, அனாபத்தி.

ந சேதேதி உபக்கமதி முச்சதி, அனாபத்தி.

ந சேதேதி உபக்கமதி ந முச்சதி, அனாபத்தி.

ந சேதேதி ந உபக்கமதி முச்சதி, அனாபத்தி.

ந சேதேதி ந உபக்கமதி ந முச்சதி, அனாபத்தி.

அனாபத்தி ஸுபினந்தேன, நமோசனாதி⁴ப்பாயஸ்ஸ, உம்மத்தகஸ்ஸ, கி²த்தசித்தஸ்ஸ, வேத³னாட்டஸ்ஸ, ஆதி³கம்மிகஸ்ஸாதி.

வினீதவத்து²உத்³தா³னகா³தா²

ஸுபினோச்சாரபஸ்ஸாவோ , விதக்குண்ஹோத³கேன ச;

பே⁴ஸஜ்ஜங் கண்டு³வங் மக்³கோ³, வத்தி² ஜந்தாக⁴ருபக்கமோ [ஜந்தக்³கு³பக்கமோ (ஸீ॰), ஜந்தாக⁴ரங் ஊரு (ஸ்யா॰)].

ஸாமணேரோ ச ஸுத்தோ ச, ஊரு முட்டி²னா பீளயி;

ஆகாஸே த²ம்ப⁴ங் நிஜ்ஜா²யி, சி²த்³த³ங் கட்டே²ன க⁴ட்டயி.

ஸோதோ உத³ஞ்ஜலங் தா⁴வங், புப்பா²வலியங் பொக்க²ரங்;

வாலிகா கத்³த³முஸ்ஸேகோ [கத்³த³மோஸேகோ (?)], ஸயனங்கு³ட்ட²கேன சாதி.

வினீதவத்து²

263. தேன
கோ² பன ஸமயேன அஞ்ஞதரஸ்ஸ பி⁴க்கு²னோ ஸுபினந்தேன அஸுசி முச்சி. தஸ்ஸ
குக்குச்சங் அஹோஸி – ‘‘ப⁴க³வதா ஸிக்கா²பத³ங் பஞ்ஞத்தங், கச்சி நு கோ² அஹங்
ஸங்கா⁴தி³ஸேஸங் ஆபத்திங் ஆபன்னோ’’தி? ப⁴க³வதோ ஏதமத்த²ங் ஆரோசேஸி.
‘‘அனாபத்தி, பி⁴க்கு², ஸுபினந்தேனா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ உச்சாரங்
கரொந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘கிங்சித்தோ த்வங்,
பி⁴க்கூ²’’தி? ‘‘நாஹங், ப⁴க³வா, மோசனாதி⁴ப்பாயோ’’தி. ‘‘அனாபத்தி, பி⁴க்கு²,
நமோசனாதி⁴ப்பாயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ பஸ்ஸாவங்
கரொந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி,
பி⁴க்கு², நமோசனாதி⁴ப்பாயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ காமவிதக்கங்
விதக்கெந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி,
பி⁴க்கு², விதக்கெந்தஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ உண்ஹோத³கேன ந்ஹாயந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘கிங்சித்தோ த்வங், பி⁴க்கூ²’’தி? ‘‘நாஹங், ப⁴க³வா, மோசனாதி⁴ப்பாயோ’’தி. ‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ உண்ஹோத³கேன ந்ஹாயந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ ஸங்கா⁴தி³ஸேஸ’’ந்தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ
மோசனாதி⁴ப்பாயஸ்ஸ உண்ஹோத³கேன ந்ஹாயந்தஸ்ஸ அஸுசி ந முச்சி. தஸ்ஸ குக்குச்சங்
அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி
து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ அங்க³ஜாதே வணோ ஹோதி. பே⁴ஸஜ்ஜேன [தஸ்ஸ பே⁴ஸஜ்ஜேன (?)] ஆலிம்பெந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ அங்க³ஜாதே வணோ ஹோதி. மோசனாதி⁴ப்பாயஸ்ஸ [தஸ்ஸ மோசனாமிப்பாயஸ்ஸ (ஸ்யா॰)]
பே⁴ஸஜ்ஜேன ஆலிம்பெந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ
குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி
து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ அண்ட³ங் கண்டு³வந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி , பி⁴க்கு², நமோசனாதி⁴ப்பாயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ அண்ட³ங் கண்டு³வந்தஸ்ஸ [கண்டூ³வந்தஸ்ஸ (ஸீ॰)] அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

264.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மக்³க³ங் க³ச்ச²ந்தஸ்ஸ அஸுசி
முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
நமோசனாதி⁴ப்பாயஸ்ஸா’’தி.

தேன கோ² பன ஸமயேன அஞ்ஞதரஸ்ஸ
பி⁴க்கு²னோ மோசனாதி⁴ப்பாயஸ்ஸ மக்³க³ங் க³ச்ச²ந்தஸ்ஸ அஸுசி முச்சி…பே॰…
அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ வத்தி²ங்
க³ஹெத்வா பஸ்ஸாவங் கரொந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰…
‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ
மோசனாதி⁴ப்பாயஸ்ஸ வத்தி²ங் க³ஹெத்வா பஸ்ஸாவங் கரொந்தஸ்ஸ அஸுசி முச்சி…பே॰…
அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ ஜந்தாக⁴ரே
உத³ரவட்டிங் தாபெந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰…
‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.

தேன கோ² பன
ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ ஜந்தாக⁴ரே உத³ரவட்டிங்
தாபெந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰…
‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ ஜந்தாக⁴ரே
உபஜ்ஜா²யஸ்ஸ பிட்டி²பரிகம்மங் கரொந்தஸ்ஸ அஸுசி முச்சி. தஸ்ஸ குக்குச்சங்
அஹோஸி…பே॰… ‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ
மோசனாதி⁴ப்பாயஸ்ஸ ஜந்தாக⁴ரே உபஜ்ஜா²யஸ்ஸ பிட்டி²பரிகம்மங் கரொந்தஸ்ஸ அஸுசி
முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி,
பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

265.
தேன கோ² பன ஸமயேன அஞ்ஞதரஸ்ஸ பி⁴க்கு²னோ ஊருங் க⁴ட்டாபெந்தஸ்ஸ அஸுசி
முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
நமோசனாதி⁴ப்பாயஸ்ஸா’’தி.

தேன கோ² பன ஸமயேன அஞ்ஞதரஸ்ஸ
பி⁴க்கு²னோ மோசனாதி⁴ப்பாயஸ்ஸ ஊருங் க⁴ட்டாபெந்தஸ்ஸ அஸுசி முச்சி…பே॰… அஸுசி
ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² மோசனாதி⁴ப்பாயோ
அஞ்ஞதரங் ஸாமணேரங் ஏதத³வோச – ‘‘ஏஹி மே த்வங், ஆவுஸோ ஸாமணேர, அங்க³ஜாதங்
க³ண்ஹாஹீ’’தி. ஸோ தஸ்ஸ அங்க³ஜாதங் அக்³க³ஹேஸி. தஸ்ஸேவ அஸுசி முச்சி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ ஸங்கா⁴தி³ஸேஸ’’ந்தி.

தேன கோ² பன ஸமயேன அஞ்ஞதரோ பி⁴க்கு² ஸுத்தஸ்ஸ ஸாமணேரஸ்ஸ அங்க³ஜாதங் அக்³க³ஹேஸி. தஸ்ஸேவ அஸுசி முச்சி. தஸ்ஸ குக்குச்சங் அஹோஸி …பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து³க்கடஸ்ஸா’’தி.

266.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ ஊரூஹி அங்க³ஜாதங்
பீளெந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங்
அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி
து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரஸ்ஸ
பி⁴க்கு²னோ மோசனாதி⁴ப்பாயஸ்ஸ முட்டி²னா அங்க³ஜாதங் பீளெந்தஸ்ஸ அஸுசி
முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி,
பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ ஆகாஸே கடிங் கம்பெந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ காயங்
த²ம்பெ⁴ந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி,
பி⁴க்கு², நமோசனாதி⁴ப்பாயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ காயங் த²ம்பெ⁴ந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² ஸாரத்தோ
மாதுகா³மஸ்ஸ அங்க³ஜாதங் உபனிஜ்ஜா²யி. தஸ்ஸ அஸுசி முச்சி. தஸ்ஸ குக்குச்சங்
அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ. ந ச, பி⁴க்க²வே,
ஸாரத்தேன மாதுகா³மஸ்ஸ அங்க³ஜாதங் உபனிஜ்ஜா²யிதப்³ப³ங். யோ உபனிஜ்ஜா²யெய்ய,
ஆபத்தி து³க்கடஸ்ஸா’’தி.

267.
தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ தாளச்சி²த்³த³ங்
அங்க³ஜாதங் பவேஸெந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ
குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி
து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ
மோசனாதி⁴ப்பாயஸ்ஸ கட்டே²ன அங்க³ஜாதங் க⁴ட்டெந்தஸ்ஸ அஸுசி முச்சி…பே॰… அஸுசி
ந முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
ஸங்கா⁴தி³ஸேஸஸ்ஸ ; ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரஸ்ஸ
பி⁴க்கு²னோ படிஸோதே ந்ஹாயந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰…
‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ
மோசனாதி⁴ப்பாயஸ்ஸ படிஸோதே ந்ஹாயந்தஸ்ஸ அஸுசி முச்சி…பே॰… அஸுசி ந முச்சி.
தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ;
ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ உத³ஞ்ஜலங்
கீளந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி,
பி⁴க்கு², நமோசனாதி⁴ப்பாயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ
மோசனாதி⁴ப்பாயஸ்ஸ உத³ஞ்ஜலங் கீளந்தஸ்ஸ அஸுசி முச்சி…பே॰… அஸுசி ந முச்சி.
தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ;
ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரஸ்ஸ
பி⁴க்கு²னோ உத³கே தா⁴வந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰…
‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ
மோசனாதி⁴ப்பாயஸ்ஸ உத³கே தா⁴வந்தஸ்ஸ அஸுசி முச்சி…பே॰… அஸுசி ந முச்சி. தஸ்ஸ
குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி
து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ புப்பா²வலியங் [புப்பா²வளியங் (ஸ்யா॰ க॰)] கீளந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ
மோசனாதி⁴ப்பாயஸ்ஸ புப்பா²வலியங் கீளந்தஸ்ஸ அஸுசி முச்சி…பே॰… அஸுசி ந
முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

268. தேன
கோ² பன ஸமயேன அஞ்ஞதரஸ்ஸ பி⁴க்கு²னோ பொக்க²ரவனே தா⁴வந்தஸ்ஸ அஸுசி முச்சி.
தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
நமோசனாதி⁴ப்பாயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ
மோசனாதி⁴ப்பாயஸ்ஸ பொக்க²ரவனே தா⁴வந்தஸ்ஸ அஸுசி முச்சி…பே॰… அஸுசி ந முச்சி.
தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ;
ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ
மோசனாதி⁴ப்பாயஸ்ஸ வாலிகங் அங்க³ஜாதங் பவேஸெந்தஸ்ஸ அஸுசி முச்சி…பே॰… அஸுசி ந
முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ மோசனாதி⁴ப்பாயஸ்ஸ கத்³த³மங் அங்க³ஜாதங் பவேஸெந்தஸ்ஸ அஸுசி முச்சி…பே॰… அஸுசி ந முச்சி . தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ உத³கேன அங்க³ஜாதங் ஓஸிஞ்சந்தஸ்ஸ அஸுசி முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², நமோசனாதி⁴ப்பாயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ
மோசனாதி⁴ப்பாயஸ்ஸ உத³கேன அங்க³ஜாதங் ஓஸிஞ்சந்தஸ்ஸ அஸுசி முச்சி…பே॰… அஸுசி ந
முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ
மோசனாதி⁴ப்பாயஸ்ஸ ஸயனே அங்க³ஜாதங் க⁴ட்டெந்தஸ்ஸ அஸுசி முச்சி…பே॰… அஸுசி ந
முச்சி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ
மோசனாதி⁴ப்பாயஸ்ஸ அங்கு³ட்டே²ன அங்க³ஜாதங் க⁴ட்டெந்தஸ்ஸ அஸுசி முச்சி…பே॰…
அஸுசி ந முச்சி. தஸ்ஸ குக்குச்சங் அஹோஸி –
‘‘ப⁴க³வதா ஸிக்கா²பத³ங் பஞ்ஞத்தங், கச்சி நு கோ² அஹங் ஸங்கா⁴தி³ஸேஸங்
ஆபத்திங் ஆபன்னோ’’தி? ப⁴க³வதோ ஏதமத்த²ங் ஆரோசேஸி. ‘‘அனாபத்தி, பி⁴க்கு²,
ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

ஸுக்கவிஸ்ஸட்டி²ஸிக்கா²பத³ங் நிட்டி²தங் பட²மங்.

2. காயஸங்ஸக்³க³ஸிக்கா²பத³ங்

269. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா உதா³யீ அரஞ்ஞே விஹரதி. தஸ்ஸாயஸ்மதோ விஹாரோ
அபி⁴ரூபோ ஹோதி த³ஸ்ஸனீயோ பாஸாதி³கோ, மஜ்ஜே²க³ப்³போ⁴, ஸமந்தாபரியாகா³ரோ,
ஸுபஞ்ஞத்தங் மஞ்சபீட²ங் பி⁴ஸிபி³ம்போ³ஹனங், பானீயங் பரிபோ⁴ஜனீயங்
ஸுபட்டி²தங், பரிவேணங் ஸுஸம்மட்ட²ங். ப³ஹூ மனுஸ்ஸா ஆயஸ்மதோ உதா³யிஸ்ஸ
விஹாரபெக்க²கா ஆக³ச்ச²ந்தி. அஞ்ஞதரோபி ப்³ராஹ்மணோ ஸபஜாபதிகோ யேனாயஸ்மா
உதா³யீ தேனுபஸங்கமி; உபஸங்கமித்வா ஆயஸ்மந்தங் உதா³யிங் ஏதத³வோச – ‘‘இச்சா²ம
மயங் போ⁴தோ உதா³யிஸ்ஸ விஹாரங் பெக்கி²து’’ந்தி. ‘‘தேன ஹி, ப்³ராஹ்மண, பெக்க²ஸ்ஸூ’’தி, அவாபுரணங் [அபாபுரணங் (ஸ்யா॰)]
ஆதா³ய க⁴டிகங் உக்³கா⁴டெத்வா கவாடங் பணாமெத்வா விஹாரங் பாவிஸி. ஸோபி கோ²
ப்³ராஹ்மணோ ஆயஸ்மதோ உதா³யிஸ்ஸ பிட்டி²தோ பாவிஸி. ஸாபி கோ² ப்³ராஹ்மணீ தஸ்ஸ
ப்³ராஹ்மணஸ்ஸ பிட்டி²தோ பாவிஸி. அத² கோ² ஆயஸ்மா உதா³யீ ஏகச்சே வாதபானே
விவரந்தோ ஏகச்சே வாதபானே த²கெந்தோ க³ப்³ப⁴ங் அனுபரிக³ந்த்வா பிட்டி²தோ
ஆக³ந்த்வா தஸ்ஸா ப்³ராஹ்மணியா அங்க³மங்கா³னி பராமஸி. அத² கோ² ஸோ ப்³ராஹ்மணோ
ஆயஸ்மதா உதா³யினா ஸத்³தி⁴ங் படிஸம்மோதி³த்வா அக³மாஸி. அத² கோ² ஸோ
ப்³ராஹ்மணோ அத்தமனோ அத்தமனவாசங் நிச்சா²ரேஸி – ‘‘உளாரா இமே ஸமணா
ஸக்யபுத்தியா யே இமே ஏவரூபே அரஞ்ஞே விஹரந்தி. ப⁴வம்பி உதா³யீ உளாரோ யோ ஏவரூபே அரஞ்ஞே விஹரதீ’’தி.

ஏவங் வுத்தே ஸா ப்³ராஹ்மணீ தங் ப்³ராஹ்மணங் ஏதத³வோச
– ‘‘குதோ தஸ்ஸ உளாரத்ததா! யதே²வ மே த்வங் அங்க³மங்கா³னி பராமஸி ஏவமேவ மே
ஸமணோ உதா³யீ அங்க³மங்கா³னி பராமஸீ’’தி. அத² கோ² ஸோ ப்³ராஹ்மணோ உஜ்ஜா²யதி
கி²ய்யதி விபாசேதி – ‘‘அலஜ்ஜினோ இமே ஸமணா ஸக்யபுத்தியா து³ஸ்ஸீலா
முஸாவாதி³னோ. இமே ஹி நாம த⁴ம்மசாரினோ ஸமசாரினோ ப்³ரஹ்மசாரினோ ஸச்சவாதி³னோ
ஸீலவந்தோ கல்யாணத⁴ம்மா படிஜானிஸ்ஸந்தி! நத்தி² இமேஸங் ஸாமஞ்ஞங் நத்தி²
இமேஸங் ப்³ரஹ்மஞ்ஞங், நட்ட²ங் இமேஸங் ஸாமஞ்ஞங் நட்ட²ங் இமேஸங்
ப்³ரஹ்மஞ்ஞங், குதோ இமேஸங் ஸாமஞ்ஞங் குதோ இமேஸங் ப்³ரஹ்மஞ்ஞங், அபக³தா இமே
ஸாமஞ்ஞா அபக³தா இமே ப்³ரஹ்மஞ்ஞா. கத²ஞ்ஹி நாம ஸமணோ உதா³யீ மம ப⁴ரியாய
அங்க³மங்கா³னி பராமஸிஸ்ஸதி! ந ஹி ஸக்கா குலித்தீ²ஹி குலதீ⁴தாஹி குலகுமாரீஹி
குலஸுண்ஹாஹி குலதா³ஸீஹி ஆராமங் வா விஹாரங் வா க³ந்துங். ஸசே [ஸசே ஹி (ஸ்யா॰)] குலித்தி²யோ குலதீ⁴தரோ [குலதீ⁴தாயோ (ஸீ॰ ஸ்யா॰)] குலகுமாரியோ குலஸுண்ஹாயோ குலதா³ஸியோ ஆராமங் வா விஹாரங் வா க³ச்செ²ய்யுங், தாபி ஸமணா ஸக்யபுத்தியா தூ³ஸெய்யு’’ந்தி!

அஸ்ஸோஸுங் கோ² பி⁴க்கு² தஸ்ஸ ப்³ராஹ்மணஸ்ஸ
உஜ்ஜா²யந்தஸ்ஸ கி²ய்யந்தஸ்ஸ விபாசெந்தஸ்ஸ. யே தே பி⁴க்கூ² அப்பிச்சா²…பே॰…
தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா உதா³யீ
மாதுகா³மேன ஸத்³தி⁴ங் காயஸங்ஸக்³க³ங் ஸமாபஜ்ஜிஸ்ஸதீ’’தி! அத² கோ² தே
பி⁴க்கூ² ஆயஸ்மந்தங் உதா³யிங் அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங்
பகரணே பி⁴க்கு²ஸங்க⁴ங் ஸன்னிபாதாபெத்வா ஆயஸ்மந்தங் உதா³யிங் படிபுச்சி² –
‘‘ஸச்சங் கிர த்வங், உதா³யி, மாதுகா³மேன ஸத்³தி⁴ங் காயஸங்ஸக்³க³ங்
ஸமாபஜ்ஜஸீ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா –
‘‘அனநுச்ச²விகங், மோக⁴புரிஸ, அனநுலோமிகங் அப்பதிரூபங் அஸ்ஸாமணகங் அகப்பியங்
அகரணீயங். கத²ஞ்ஹி நாம த்வங், மோக⁴புரிஸ, மாதுகா³மேன ஸத்³தி⁴ங்
காயஸங்ஸக்³க³ங் ஸமாபஜ்ஜிஸ்ஸஸி! நனு மயா, மோக⁴புரிஸ, அனேகபரியாயேன விராகா³ய
த⁴ம்மோ தே³ஸிதோ நோ ஸராகா³ய…பே॰… காமபரிளாஹானங் வூபஸமோ அக்கா²தோ. நேதங்,
மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –

270. ‘‘யோ
பன பி⁴க்கு² ஓதிண்ணோ விபரிணதேன சித்தேன மாதுகா³மேன ஸத்³தி⁴ங்
காயஸங்ஸக்³க³ங் ஸமாபஜ்ஜெய்ய ஹத்த²க்³கா³ஹங் வா வேணிக்³கா³ஹங் வா அஞ்ஞதரஸ்ஸ
வா அஞ்ஞதரஸ்ஸ வா அங்க³ஸ்ஸ பராமஸனங், ஸங்கா⁴தி³ஸேஸோ’’தி.

271. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

ஓதிண்ணோ நாம ஸாரத்தோ அபெக்க²வா படிப³த்³த⁴சித்தோ.

விபரிணதந்தி ரத்தம்பி
சித்தங் விபரிணதங். து³ட்ட²ம்பி சித்தங் விபரிணதங். மூள்ஹம்பி சித்தங்
விபரிணதங். அபிச, ரத்தங் சித்தங் இமஸ்மிங் அத்தே² அதி⁴ப்பேதங் விபரிணதந்தி.

மாதுகா³மோ நாம மனுஸ்ஸித்தீ², ந யக்கீ² ந பேதீ, ந திரச்சா²னக³தா. அந்தமஸோ தத³ஹுஜாதாபி தா³ரிகா, பகே³வ மஹத்தரீ.

ஸத்³தி⁴ந்தி ஏகதோ.

காயஸங்ஸக்³க³ங் ஸமாபஜ்ஜெய்யாதி அஜ்ஜா²சாரோ வுச்சதி.

ஹத்தோ² நாம கப்பரங் உபாதா³யங் யாவ அக்³க³னகா².

வேணீ நாம ஸுத்³த⁴கேஸா வா, ஸுத்தமிஸ்ஸா வா, மாலாமிஸ்ஸா வா, ஹிரஞ்ஞமிஸ்ஸா வா, ஸுவண்ணமிஸ்ஸா வா, முத்தாமிஸ்ஸா வா, மணிமிஸ்ஸா வா.

அங்க³ங் நாம ஹத்த²ஞ்ச வேணிஞ்ச ட²பெத்வா அவஸேஸங் அங்க³ங் நாம.

272. ஆமஸனா , பராமஸனா, ஓமஸனா, உம்மஸனா, ஓலங்க⁴னா, உல்லங்க⁴னா, ஆகட்³ட⁴னா, பதிகட்³ட⁴னா, அபி⁴னிக்³க³ண்ஹனா, அபி⁴னிப்பீளனா, க³ஹணங், சு²பனங்.

ஆமஸனா நாம ஆமட்ட²மத்தா.

பராமஸனா நாம இதோசிதோ ச ஸங்சோபனா.

ஓமஸனா நாம ஹெட்டா² ஓரோபனா.

உம்மஸனா நாம உத்³த⁴ங் உச்சாரணா.

ஓலங்க⁴னா நாம ஹெட்டா² ஓனமனா.

உல்லங்க⁴னா நாம உத்³த⁴ங் உச்சாரணா.

ஆகட்³ட⁴னா நாம ஆவிஞ்ச²னா [ஆவிஞ்ஜனா (ஸீ॰ ஸ்யா॰)].

பதிகட்³ட⁴னா நாம பதிப்பணாமனா.

அபி⁴னிக்³க³ண்ஹனா நாம அங்க³ங் க³ஹெத்வா நிப்பீளனா.

அபி⁴னிப்பீளனா நாம கேனசி ஸஹ நிப்பீளனா.

க³ஹணங் நாம க³ஹிதமத்தங்.

சு²பனங் நாம பு²ட்ட²மத்தங்.

ஸங்கா⁴தி³ஸேஸோதி…பே॰… தேனபி வுச்சதி ஸங்கா⁴தி³ஸேஸோதி.

273. இத்தீ² ச ஹோதி இத்தி²ஸஞ்ஞீ ஸாரத்தோ ச பி⁴க்கு² ச. நங் இத்தி²யா காயேன காயங் ஆமஸதி பராமஸதி ஓமஸதி உம்மஸதி ஓலங்கே⁴தி உல்லங்கே⁴தி ஆகட்³ட⁴தி பதிகட்³ட⁴தி அபி⁴னிக்³க³ண்ஹாதி அபி⁴னிப்பீளேதி க³ண்ஹாதி சு²பதி, ஆபத்தி ஸங்கா⁴தி³ஸேஸஸ்ஸ.

இத்தீ² ச ஹோதி வேமதிகோ ஸாரத்தோ ச. பி⁴க்கு² ச நங் இத்தி²யா காயேன காயங் ஆமஸதி பராமஸதி…பே॰… க³ண்ஹாதி சு²பதி, ஆபத்தி து²ல்லச்சயஸ்ஸ.

இத்தீ² ச ஹோதி பண்ட³கஸஞ்ஞீ ஸாரத்தோ ச. பி⁴க்கு² ச நங்
இத்தி²யா காயேன காயங் ஆமஸதி பராமஸதி…பே॰… க³ண்ஹாதி சு²பதி, ஆபத்தி
து²ல்லச்சயஸ்ஸ.

இத்தீ² ச ஹோதி புரிஸஸஞ்ஞீ ஸாரத்தோ ச. பி⁴க்கு² ச நங்
இத்தி²யா காயேன காயங் ஆமஸதி பராமஸதி…பே॰… க³ண்ஹாதி சு²பதி, ஆபத்தி
து²ல்லச்சயஸ்ஸ.

இத்தீ² ச ஹோதி திரச்சா²னக³தஸஞ்ஞீ ஸாரத்தோ ச. பி⁴க்கு² ச
நங் இத்தி²யா காயேன காயங் ஆமஸதி பராமஸதி…பே॰… க³ண்ஹாதி சு²பதி, ஆபத்தி
து²ல்லச்சயஸ்ஸ.

பண்ட³கோ ச ஹோதி பண்ட³கஸஞ்ஞீ ஸாரத்தோ ச. பி⁴க்கு² ச நங் பண்ட³கஸ்ஸ காயேன காயங் ஆமஸதி பராமஸதி…பே॰… க³ண்ஹாதி சு²பதி, ஆபத்தி து²ல்லச்சயஸ்ஸ.

பண்ட³கோ ச ஹோதி வேமதிகோ ஸாரத்தோ ச. பி⁴க்கு² ச நங் பண்ட³கஸ்ஸ காயேன காயங் ஆமஸதி பராமஸதி…பே॰… க³ண்ஹாதி சு²பதி, ஆபத்தி து³க்கடஸ்ஸ.

பண்ட³கோ ச ஹோதி புரிஸஸஞ்ஞீ ஸாரத்தோ ச. பி⁴க்கு² ச நங் பண்ட³கஸ்ஸ காயேன காயங் ஆமஸதி பராமஸதி…பே॰… க³ண்ஹாதி சு²பதி, ஆபத்தி து³க்கடஸ்ஸ.

பண்ட³கோ ச ஹோதி திரச்சா²னக³தஸஞ்ஞீ ஸாரத்தோ ச. பி⁴க்கு² ச நங் பண்ட³கஸ்ஸ காயேன காயங் ஆமஸதி பராமஸதி…பே॰… க³ண்ஹாதி சு²பதி , ஆபத்தி து³க்கடஸ்ஸ.

பண்ட³கோ ச ஹோதி இத்தி²ஸஞ்ஞீ ஸாரத்தோ ச. பி⁴க்கு² ச நங் பண்ட³கஸ்ஸ காயேன காயங் ஆமஸதி பராமஸதி…பே॰… க³ண்ஹாதி சு²பதி, ஆபத்தி து³க்கடஸ்ஸ.

புரிஸோ ச ஹோதி புரிஸஸஞ்ஞீ ஸாரத்தோ ச. பி⁴க்கு² ச நங் புரிஸஸ்ஸ காயேன காயங் ஆமஸதி பராமஸதி…பே॰… க³ண்ஹாதி சு²பதி, ஆபத்தி து³க்கடஸ்ஸ.

புரிஸோ ச ஹோதி வேமதிகோ…பே॰… புரிஸோ ச ஹோதி
திரச்சா²னக³தஸஞ்ஞீ… புரிஸோ ச ஹோதி இத்தி²ஸஞ்ஞீ… புரிஸோ ச ஹோதி பண்ட³கஸஞ்ஞீ
ஸாரத்தோ ச. பி⁴க்கு² ச நங் புரிஸஸ்ஸ காயேன காயங் ஆமஸதி பராமஸதி…பே॰…
க³ண்ஹாதி சு²பதி, ஆபத்தி து³க்கடஸ்ஸ.

திரச்சா²னக³தோ ச ஹோதி திரச்சா²னக³தஸஞ்ஞீ ஸாரத்தோ ச. பி⁴க்கு² ச நங் திரச்சா²னக³தஸ்ஸ காயேன காயங் ஆமஸதி பராமஸதி…பே॰… க³ண்ஹாதி சு²பதி, ஆபத்தி து³க்கடஸ்ஸ.

திரச்சா²னக³தோ ச ஹோதி வேமதிகோ…பே॰… திரச்சா²னக³தோ ச
ஹோதி இத்தி²ஸஞ்ஞீ… திரச்சா²னக³தோ ச ஹோதி பண்ட³கஸஞ்ஞீ… திரச்சா²னக³தோ ச
ஹோதி. புரிஸஸஞ்ஞீ ஸாரத்தோ ச. பி⁴க்கு² ச நங் திரச்சா²னக³தஸ்ஸ காயேன காயங்
ஆமஸதி பராமஸதி…பே॰… க³ண்ஹாதி சு²பதி, ஆபத்தி து³க்கடஸ்ஸ.

ஏகமூலகங் நிட்டி²தங்.

274.
த்³வே இத்தி²யோ த்³வின்னங் இத்தீ²னங் இத்தி²ஸஞ்ஞீ ஸாரத்தோ ச. பி⁴க்கு² ச
நங் த்³வின்னங் இத்தீ²னங் காயேன காயங் ஆமஸதி பராமஸதி…பே॰… க³ண்ஹாதி சு²பதி,
ஆபத்தி த்³வின்னங் ஸங்கா⁴தி³ஸேஸானங்.

த்³வே இத்தி²யோ த்³வின்னங் இத்தீ²னங் வேமதிகோ ஸாரத்தோ
ச. பி⁴க்கு² ச நங் த்³வின்னங் இத்தீ²னங் காயேன காயங் ஆமஸதி பராமஸதி…பே॰…
க³ண்ஹாதி சு²பதி, ஆபத்தி த்³வின்னங் து²ல்லச்சயானங்.

த்³வே இத்தி²யோ த்³வின்னங் இத்தீ²னங் பண்ட³கஸஞ்ஞீ…பே॰… புரிஸஸஞ்ஞீ… திரச்சா²னக³தஸஞ்ஞீ ஸாரத்தோ ச. பி⁴க்கு² ச த்³வின்னங் இத்தீ²னங் காயேன காயங் ஆமஸதி பராமஸதி…பே॰… க³ண்ஹாதி சு²பதி, ஆபத்தி த்³வின்னங் து²ல்லச்சயானங்.

த்³வே பண்ட³கா த்³வின்னங்
பண்ட³கானங் பண்ட³கஸஞ்ஞீ ஸாரத்தோ ச பி⁴க்கு² ச நங் த்³வின்னங் பண்ட³கானங்
காயேன காயங் ஆமஸதி பராமஸதி…பே॰… க³ண்ஹாதி சு²பதி, ஆபத்தி த்³வின்னங்
து²ல்லச்சயானங்.

த்³வே பண்ட³கா த்³வின்னங் பண்ட³கானங் வேமதிகோ…பே॰…
புரிஸஸஞ்ஞீ… திரச்சா²னக³தஸஞ்ஞீ… இத்தி²ஸஞ்ஞீ ஸாரத்தோ ச. பி⁴க்கு² ச நங்
த்³வின்னங் பண்ட³கானங் காயேன காயங் ஆமஸதி பராமஸதி…பே॰… க³ண்ஹாதி சு²பதி,
ஆபத்தி த்³வின்னங் து³க்கடானங்.

த்³வே புரிஸா த்³வின்னங் புரிஸானங் புரிஸஸஞ்ஞீ ஸாரத்தோ
ச பி⁴க்கு² ச நங் த்³வின்னங் புரிஸானங் காயேன காயங் ஆமஸதி பராமஸதி…பே॰…
க³ண்ஹாதி சு²பதி, ஆபத்தி த்³வின்னங் து³க்கடானங்.

த்³வே புரிஸா த்³வின்னங் புரிஸானங் வேமதிகோ…பே॰…
திரச்சா²னக³தஸஞ்ஞீ… இத்தி²ஸஞ்ஞீ… பண்ட³கஸஞ்ஞீ ஸாரத்தோ ச. பி⁴க்கு² ச நங்
த்³வின்னங் புரிஸானங் காயேன காயங் ஆமஸதி பராமஸதி…பே॰… க³ண்ஹாதி சு²பதி,
ஆபத்தி த்³வின்னங் து³க்கடானங்.

த்³வே திரச்சா²னக³தா த்³வின்னங் திரச்சா²னக³தானங்
திரச்சா²னக³தஸஞ்ஞீ ஸாரத்தோ ச. பி⁴க்கு² ச நங் த்³வின்னங் திரச்சா²னக³தானங்
காயேன காயங் ஆமஸதி பராமஸதி…பே॰… க³ண்ஹாதி சு²பதி, ஆபத்தி த்³வின்னங்
து³க்கடானங்.

த்³வே திரச்சா²னக³தா த்³வின்னங் திரச்சா²னக³தானங் வேமதிகோ…பே॰… இத்தி²ஸஞ்ஞீ… பண்ட³கஸஞ்ஞீ …
புரிஸஸஞ்ஞீ ஸாரத்தோ ச. பி⁴க்கு² ச நங் த்³வின்னங் திரச்சா²னக³தானங் காயேன
காயங் ஆமஸதி பராமஸதி…பே॰… க³ண்ஹாதி சு²பதி, ஆபத்தி த்³வின்னங் து³க்கடானங்.

275. இத்தீ² ச பண்ட³கோ ச உபி⁴ன்னங் இத்தி²ஸஞ்ஞீ ஸாரத்தோ ச. பி⁴க்கு² ச நங் உபி⁴ன்னங் காயேன காயங் ஆமஸதி பராமஸதி…பே॰… க³ண்ஹாதி சு²பதி, ஆபத்தி ஸங்கா⁴தி³ஸேஸேன து³க்கடஸ்ஸ.

இத்தீ² ச பண்ட³கோ ச உபி⁴ன்னங்
வேமதிகோ ஸாரத்தோ ச. பி⁴க்கு² ச நங் உபி⁴ன்னங் காயேன காயங் ஆமஸதி
பராமஸதி…பே॰… க³ண்ஹாதி சு²பதி, ஆபத்தி து²ல்லச்சயேன து³க்கடஸ்ஸ.

இத்தீ² ச பண்ட³கோ ச உபி⁴ன்னங் பண்ட³கஸஞ்ஞீ ஸாரத்தோ ச.
பி⁴க்கு² ச நங் உபி⁴ன்னங் காயேன காயங் ஆமஸதி பராமஸதி…பே॰… க³ண்ஹாதி சு²பதி,
ஆபத்தி த்³வின்னங் து²ல்லச்சயானங்.

இத்தீ² ச பண்ட³கோ ச உபி⁴ன்னங்
புரிஸஸஞ்ஞீ ஸாரத்தோ ச. பி⁴க்கு² ச நங் உபி⁴ன்னங் காயேன காயங் ஆமஸதி
பராமஸதி…பே॰… க³ண்ஹாதி சு²பதி, ஆபத்தி து²ல்லச்சயேன து³க்கடஸ்ஸ.

இத்தீ² ச பண்ட³கோ ச உபி⁴ன்னங் திரச்சா²னக³தஸஞ்ஞீ
ஸாரத்தோ ச. பி⁴க்கு² ச நங் உபி⁴ன்னங் காயேன காயங் ஆமஸதி பராமஸதி…பே॰…
க³ண்ஹாதி சு²பதி, ஆபத்தி து²ல்லச்சயேன து³க்கடஸ்ஸ.

இத்தீ² ச புரிஸோ ச உபி⁴ன்னங் இத்தி²ஸஞ்ஞீ ஸாரத்தோ ச.
பி⁴க்கு² ச நங் உபி⁴ன்னங் காயேன காயங் ஆமஸதி பராமஸதி…பே॰… க³ண்ஹாதி சு²பதி,
ஆபத்தி ஸங்கா⁴தி³ஸேஸேன து³க்கடஸ்ஸ.

இத்தீ² ச புரிஸோ ச உபி⁴ன்னங்
வேமதிகோ…பே॰… பண்ட³கஸஞ்ஞீ… புரிஸஸஞ்ஞீ… திரச்சா²னக³தஸஞ்ஞீ ஸாரத்தோ ச.
பி⁴க்கு² ச நங் உபி⁴ன்னங் காயேன காயங் ஆமஸதி பராமஸதி…பே॰… க³ண்ஹாதி சு²பதி,
ஆபத்தி து²ல்லச்சயேன து³க்கடஸ்ஸ.

இத்தீ² ச திரச்சா²னக³தோ ச உபி⁴ன்னங் இத்தி²ஸஞ்ஞீ
ஸாரத்தோ ச. பி⁴க்கு² ச நங் உபி⁴ன்னங் காயேன காயங் ஆமஸதி பராமஸதி…பே॰…
க³ண்ஹாதி சு²பதி, ஆபத்தி ஸங்கா⁴தி³ஸேஸேன து³க்கடஸ்ஸ.

இத்தீ² ச திரச்சா²னக³தோ ச உபி⁴ன்னங் வேமதிகோ…பே॰… பண்ட³கஸஞ்ஞீ… புரிஸஸஞ்ஞீ …
திரச்சா²னக³தஸஞ்ஞீ ஸாரத்தோ ச. பி⁴க்கு² ச நங் உபி⁴ன்னங் காயேன காயங் ஆமஸதி
பராமஸதி…பே॰… க³ண்ஹாதி சு²பதி, ஆபத்தி து²ல்லச்சயேன து³க்கடஸ்ஸ.

பண்ட³கோ ச புரிஸோ ச உபி⁴ன்னங்
பண்ட³கஸஞ்ஞீ ஸாரத்தோ ச. பி⁴க்கு² ச நங் உபி⁴ன்னங் காயேன காயங் ஆமஸதி
பராமஸதி…பே॰… க³ண்ஹாதி சு²பதி, ஆபத்தி து²ல்லச்சயேன து³க்கடஸ்ஸ.

பண்ட³கோ ச புரிஸோ ச உபி⁴ன்னங் வேமதிகோ…பே॰…
புரிஸஸஞ்ஞீ… திரச்சா²னக³தஸஞ்ஞீ… இத்தி²ஸஞ்ஞீ ஸாரத்தோ ச. பி⁴க்கு² ச நங்
உபி⁴ன்னங் காயேன காயங் ஆமஸதி பராமஸதி…பே॰… க³ண்ஹாதி சு²பதி, ஆபத்தி
த்³வின்னங் து³க்கடானங்.

பண்ட³கோ ச திரச்சா²னக³தோ ச உபி⁴ன்னங் பண்ட³கஸஞ்ஞீ
ஸாரத்தோ ச. பி⁴க்கு² ச நங் உபி⁴ன்னங் காயேன காயங் ஆமஸதி பராமஸதி…பே॰…
க³ண்ஹாதி சு²பதி, ஆபத்தி து²ல்லச்சயேன து³க்கடஸ்ஸ.

பண்ட³கோ ச திரச்சா²னக³தோ ச
உபி⁴ன்னங் வேமதிகோ…பே॰… புரிஸஸஞ்ஞீ… திரச்சா²னக³தஸஞ்ஞீ… இத்தி²ஸஞ்ஞீ
ஸாரத்தோ ச. பி⁴க்கு² ச நங் உபி⁴ன்னங் காயேன காயங் ஆமஸதி பராமஸதி…பே॰…
க³ண்ஹாதி சு²பதி, ஆபத்தி த்³வின்னங் து³க்கடானங்.

புரிஸோ ச திரச்சா²னக³தோ ச உபி⁴ன்னங் புரிஸஸஞ்ஞீ
ஸாரத்தோ ச. பி⁴க்கு² ச நங் உபி⁴ன்னங் காயேன காயங் ஆமஸதி பராமஸதி…பே॰…
க³ண்ஹாதி சு²பதி, ஆபத்தி த்³வின்னங் து³க்கடானங்.

புரிஸோ ச திரச்சா²னக³தோ ச உபி⁴ன்னங் வேமதிகோ…பே॰…
திரச்சா²னக³தஸஞ்ஞீ… இத்தி²ஸஞ்ஞீ… பண்ட³கஸஞ்ஞீ ஸாரத்தோ ச. பி⁴க்கு² ச நங்
உபி⁴ன்னங் காயேன காயங் ஆமஸதி பராமஸதி…பே॰… க³ண்ஹாதி சு²பதி, ஆபத்தி
த்³வின்னங் து³க்கடானங்.

து³மூலகங் நிட்டி²தங்.

276.
இத்தீ² ச ஹோதி இத்தி²ஸஞ்ஞீ ஸாரத்தோ ச. பி⁴க்கு² ச நங் இத்தி²யா காயேன
காயபடிப³த்³த⁴ங் ஆமஸதி பராமஸதி…பே॰… க³ண்ஹாதி சு²பதி, ஆபத்தி
து²ல்லச்சயஸ்ஸ…பே॰….

த்³வே இத்தி²யோ த்³வின்னங் இத்தீ²னங் இத்தி²ஸஞ்ஞீ ஸாரத்தோ ச. பி⁴க்கு² ச நங் த்³வின்னங் இத்தீ²னங் காயேன காயபடிப³த்³த⁴ங் ஆமஸதி பராமஸதி…பே॰… க³ண்ஹாதி சு²பதி, ஆபத்தி த்³வின்னங் து²ல்லச்சயானங் …பே॰….

இத்தீ² ச பண்ட³கோ ச உபி⁴ன்னங் இத்தி²ஸஞ்ஞீ ஸாரத்தோ ச.
பி⁴க்கு² ச நங் உபி⁴ன்னங் காயேன காயபடிப³த்³த⁴ங் ஆமஸதி பராமஸதி…பே॰…
க³ண்ஹாதி சு²பதி, ஆபத்தி து²ல்லச்சயேன து³க்கடஸ்ஸ…பே॰….

இத்தீ² ச ஹோதி இத்தி²ஸஞ்ஞீ ஸாரத்தோ ச. பி⁴க்கு² ச நங்
இத்தி²யா காயபடிப³த்³தே⁴ன காயங் ஆமஸதி பராமஸதி…பே॰… க³ண்ஹாதி சு²பதி,
ஆபத்தி து²ல்லச்சயஸ்ஸ…பே॰….

த்³வே இத்தி²யோ த்³வின்னங் இத்தீ²னங் இத்தி²ஸஞ்ஞீ
ஸாரத்தோ ச. பி⁴க்கு² ச நங் த்³வின்னங் இத்தீ²னங் காயபடிப³த்³தே⁴ன காயங்
ஆமஸதி பராமஸதி…பே॰… க³ண்ஹாதி சு²பதி, ஆபத்தி த்³வின்னங்
து²ல்லச்சயானங்…பே॰….

இத்தீ² ச பண்ட³கோ ச உபி⁴ன்னங் இத்தி²ஸஞ்ஞீ ஸாரத்தோ ச.
பி⁴க்கு² ச நங் உபி⁴ன்னங் காயபடிப³த்³தே⁴ன காயங் ஆமஸதி பராமஸதி…பே॰…
க³ண்ஹாதி சு²பதி, ஆபத்தி து²ல்லச்சயேன து³க்கடஸ்ஸ…பே॰….

இத்தீ² ச ஹோதி இத்தி²ஸஞ்ஞீ
ஸாரத்தோ ச. பி⁴க்கு² ச நங் இத்தி²யா காயபடிப³த்³தே⁴ன காயபடிப³த்³த⁴ங் ஆமஸதி
பராமஸதி…பே॰… க³ண்ஹாதி சு²பதி, ஆபத்தி து³க்கடஸ்ஸ…பே॰….

த்³வே இத்தி²யோ த்³வின்னங் இத்தீ²னங் இத்தி²ஸஞ்ஞீ
ஸாரத்தோ ச. பி⁴க்கு² ச நங் த்³வின்னங் இத்தீ²னங் காயபடிப³த்³தே⁴ன
காயபடிப³த்³த⁴ங் ஆமஸதி பராமஸதி…பே॰… க³ண்ஹாதி சு²பதி, ஆபத்தி த்³வின்னங்
து³க்கடானங்…பே॰….

இத்தீ² ச பண்ட³கோ ச உபி⁴ன்னங் இத்தி²ஸஞ்ஞீ ஸாரத்தோ ச.
பி⁴க்கு² ச நங் உபி⁴ன்னங் காயபடிப³த்³தே⁴ன காயபடிப³த்³த⁴ங் ஆமஸதி
பராமஸதி…பே॰… க³ண்ஹாதி சு²பதி, ஆபத்தி த்³வின்னங் து³க்கடானங்…பே॰….

இத்தீ² ச ஹோதி இத்தி²ஸஞ்ஞீ ஸாரத்தோ ச. பி⁴க்கு² ச நங் இத்தி²யா நிஸ்ஸக்³கி³யேன காயங் ஆமஸதி ஆபத்தி து³க்கடஸ்ஸ…பே॰….

த்³வே இத்தி²யோ த்³வின்னங் இத்தீ²னங் இத்தி²ஸஞ்ஞீ
ஸாரத்தோ ச. பி⁴க்கு² ச நங் த்³வின்னங் இத்தீ²னங் நிஸ்ஸக்³கி³யேன காயங்
ஆமஸதி, ஆபத்தி த்³வின்னங் து³க்கடானங்…பே॰….

இத்தீ² ச பண்ட³கோ ச உபி⁴ன்னங் இத்தி²ஸஞ்ஞீ ஸாரத்தோ ச.
பி⁴க்கு² ச நங் உபி⁴ன்னங் நிஸ்ஸக்³கி³யேன காயங் ஆமஸதி, ஆபத்தி த்³வின்னங்
து³க்கடானங்…பே॰….

இத்தீ² ச ஹோதி இத்தி²ஸஞ்ஞீ ஸாரத்தோ ச. பி⁴க்கு² ச நங் இத்தி²யா நிஸ்ஸக்³கி³யேன காயபடிப³த்³த⁴ங் ஆமஸதி, ஆபத்தி து³க்கடஸ்ஸ…பே॰….

த்³வே இத்தி²யோ த்³வின்னங் இத்தீ²னங் இத்தி²ஸஞ்ஞீ
ஸாரத்தோ ச. பி⁴க்கு² ச நங் த்³வின்னங் இத்தீ²னங் நிஸ்ஸக்³கி³யேன
காயபடிப³த்³த⁴ங் ஆமஸதி, ஆபத்தி த்³வின்னங் து³க்கடானங்…பே॰….

இத்தீ² ச பண்ட³கோ ச உபி⁴ன்னங் இத்தி²ஸஞ்ஞீ ஸாரத்தோ ச.
பி⁴க்கு² ச நங் உபி⁴ன்னங் நிஸ்ஸக்³கி³யேன காயபடிப³த்³த⁴ங் ஆமஸதி, ஆபத்தி
த்³வின்னங் து³க்கடானங்…பே॰….

இத்தீ² ச ஹோதி இத்தி²ஸஞ்ஞீ ஸாரத்தோ ச. பி⁴க்கு² ச நங் இத்தி²யா நிஸ்ஸக்³கி³யேன நிஸ்ஸக்³கி³யங் ஆமஸதி, ஆபத்தி து³க்கடஸ்ஸ…பே॰….

த்³வே இத்தி²யோ த்³வின்னங் இத்தீ²னங் இத்தி²ஸஞ்ஞீ
ஸாரத்தோ ச. பி⁴க்கு² ச நங் த்³வின்னங் இத்தீ²னங் நிஸ்ஸக்³கி³யேன
நிஸ்ஸக்³கி³யங் ஆமஸதி, ஆபத்தி த்³வின்னங் து³க்கடானங்…பே॰….

இத்தீ² ச பண்ட³கோ ச உபி⁴ன்னங் இத்தி²ஸஞ்ஞீ ஸாரத்தோ ச.
பி⁴க்கு² ச நங் உபி⁴ன்னங் நிஸ்ஸக்³கி³யேன நிஸ்ஸக்³கி³யங் ஆமஸதி, ஆபத்தி
த்³வின்னங் து³க்கடானங்…பே॰….

பி⁴க்கு²பெய்யாலோ நிட்டி²தோ.

277. இத்தீ²
ச ஹோதி இத்தி²ஸஞ்ஞீ ஸாரத்தோ ச. இத்தீ² ச நங் பி⁴க்கு²ஸ்ஸ காயேன காயங்
ஆமஸதி பராமஸதி ஓமஸதி உம்மஸதி ஓலங்கே⁴தி உல்லங்கே⁴தி ஆகட்³ட⁴தி பதிகட்³ட⁴தி
அபி⁴னிக்³க³ண்ஹாதி அபி⁴னிப்பீளேதி க³ண்ஹாதி சு²பதி, ஸேவனாதி⁴ப்பாயோ காயேன வாயமதி ப²ஸ்ஸங் படிவிஜானாதி, ஆபத்தி ஸங்கா⁴தி³ஸேஸஸ்ஸ…பே॰….

த்³வே இத்தி²யோ த்³வின்னங் இத்தீ²னங் இத்தி²ஸஞ்ஞீ
ஸாரத்தோ ச. இத்தி²யோ ச நங் பி⁴க்கு²ஸ்ஸ காயேன காயங் ஆமஸந்தி பராமஸந்தி
ஓமஸந்தி உம்மஸந்தி ஓலங்கெ⁴ந்தி உல்லங்கெ⁴ந்தி ஆகட்³ட⁴ந்தி பதிகட்³ட⁴ந்தி
அபி⁴னிக்³க³ண்ஹந்தி அபி⁴னிப்பீளெந்தி க³ண்ஹந்தி சு²பந்தி, ஸேவனாதி⁴ப்பாயோ
காயேன வாயமதி ப²ஸ்ஸங் படிவிஜானாதி, ஆபத்தி த்³வின்னங்
ஸங்கா⁴தி³ஸேஸானங்…பே॰….

இத்தீ² ச பண்ட³கோ ச உபி⁴ன்னங்
இத்தி²ஸஞ்ஞீ ஸாரத்தோ ச. உபோ⁴ ச நங் பி⁴க்கு²ஸ்ஸ காயேன காயங் ஆமஸந்தி
பராமஸந்தி…பே॰… க³ண்ஹந்தி சு²பந்தி, ஸேவனாதி⁴ப்பாயோ காயேன வாயமதி ப²ஸ்ஸங்
படிவிஜானாதி, ஆபத்தி ஸங்கா⁴தி³ஸேஸேன து³க்கடஸ்ஸ…பே॰….

இத்தீ² ச ஹோதி இத்தி²ஸஞ்ஞீ ஸாரத்தோ ச. இத்தீ² ச நங்
பி⁴க்கு²ஸ்ஸ காயேன காயபடிப³த்³த⁴ங் ஆமஸதி பராமஸதி…பே॰… க³ண்ஹாதி சு²பதி,
ஸேவனாதி⁴ப்பாயோ காயேன வாயமதி ப²ஸ்ஸங் படிவிஜானாதி, ஆபத்தி
து²ல்லச்சயஸ்ஸ…பே॰….

த்³வே இத்தி²யோ த்³வின்னங் இத்தீ²னங் இத்தி²ஸஞ்ஞீ
ஸாரத்தோ ச. இத்தி²யோ ச நங் பி⁴க்கு²ஸ்ஸ காயேன காயபடிப³த்³த⁴ங் ஆமஸந்தி
பராமஸந்தி…பே॰… க³ண்ஹந்தி சு²பந்தி, ஸேவனாதி⁴ப்பாயோ காயேன வாயமதி ப²ஸ்ஸங்
படிவிஜானாதி, ஆபத்தி த்³வின்னங் து²ல்லச்சயானங்…பே॰….

இத்தீ² ச பண்ட³கோ ச உபி⁴ன்னங் இத்தி²ஸஞ்ஞீ ஸாரத்தோ ச.
உபோ⁴ ச நங் பி⁴க்கு²ஸ்ஸ காயேன காயபடிப³த்³த⁴ங் ஆமஸந்தி பராமஸந்தி…பே॰…
க³ண்ஹந்தி சு²பந்தி, ஸேவனாதி⁴ப்பாயோ காயேன வாயமதி ப²ஸ்ஸங் படிவிஜானாதி,
ஆபத்தி து²ல்லச்சயேன து³க்கடஸ்ஸ…பே॰….

இத்தீ² ச ஹோதி இத்தி²ஸஞ்ஞீ
ஸாரத்தோ ச. இத்தீ² ச நங் பி⁴க்கு²ஸ்ஸ காயபடிப³த்³தே⁴ன காயங் ஆமஸதி
பராமஸதி…பே॰… க³ண்ஹாதி சு²பதி ஸேவனாதி⁴ப்பாயோ காயேன வாயமதி ப²ஸ்ஸங்
படிவிஜானாதி, ஆபத்தி து²ல்லச்சயஸ்ஸ…பே॰….

த்³வே
இத்தி²யோ த்³வின்னங் இத்தீ²னங் இத்தி²ஸஞ்ஞீ ஸாரத்தோ ச. இத்தி²யோ ச நங்
பி⁴க்கு²ஸ்ஸ காயபடிப³த்³தே⁴ன காயங் ஆமஸந்தி பராமஸந்தி…பே॰… க³ண்ஹந்தி
சு²பந்தி, ஸேவனாதி⁴ப்பாயோ காயேன வாயமதி ப²ஸ்ஸங் படிவிஜானாதி, ஆபத்தி
த்³வின்னங் து²ல்லச்சயானங்…பே॰….

இத்தீ² ச பண்ட³கோ ச உபி⁴ன்னங் இத்தி²ஸஞ்ஞீ ஸாரத்தோ ச.
உபோ⁴ ச நங் பி⁴க்கு²ஸ்ஸ காயபடிப³த்³தே⁴ன காயங் ஆமஸந்தி பராமஸந்தி…பே॰…
க³ண்ஹந்தி சு²பந்தி, ஸேவனாதி⁴ப்பாயோ காயேன வாயமதி ப²ஸ்ஸங் படிவிஜானாதி,
ஆபத்தி து²ல்லச்சயேன து³க்கடஸ்ஸ…பே॰….

278.
இத்தீ² ச ஹோதி இத்தி²ஸஞ்ஞீ ஸாரத்தோ ச. இத்தீ² ச நங் பி⁴க்கு²ஸ்ஸ
காயபடிப³த்³தே⁴ன காயபடிப³த்³த⁴ங் ஆமஸதி பராமஸதி…பே॰… க³ண்ஹாதி சு²பதி,
ஸேவனாதி⁴ப்பாயோ காயேன வாயமதி ப²ஸ்ஸங் படிவிஜானாதி, ஆபத்தி து³க்கடஸ்ஸ…பே॰….

த்³வே இத்தி²யோ த்³வின்னங் இத்தீ²னங் இத்தி²ஸஞ்ஞீ
ஸாரத்தோ ச. இத்தி²யோ ச நங் பி⁴க்கு²ஸ்ஸ காயபடிப³த்³தே⁴ன காயபடிப³த்³த⁴ங்
ஆமஸந்தி பராமஸந்தி…பே॰… க³ண்ஹந்தி சு²பந்தி, ஸேவனாதி⁴ப்பாயோ காயேன வாயமதி
ப²ஸ்ஸங் படிவிஜானாதி, ஆபத்தி த்³வின்னங் து³க்கடானங்…பே॰….

இத்தீ² ச பண்ட³கோ ச உபி⁴ன்னங் இத்தி²ஸஞ்ஞீ ஸாரத்தோ ச.
உபோ⁴ ச நங் பி⁴க்கு²ஸ்ஸ காயபடிப³த்³தே⁴ன காயபடிப³த்³த⁴ங் ஆமஸந்தி
பராமஸந்தி…பே॰… க³ண்ஹந்தி சு²பந்தி, ஸேவனாதி⁴ப்பாயோ காயேன வாயமதி ப²ஸ்ஸங்
படிவிஜானாதி, ஆபத்தி த்³வின்னங் து³க்கடானங்…பே॰….

இத்தீ² ச ஹோதி இத்தி²ஸஞ்ஞீ ஸாரத்தோ ச. இத்தீ² ச நங்
பி⁴க்கு²ஸ்ஸ நிஸ்ஸக்³கி³யேன காயங் ஆமஸதி. ஸேவனாதி⁴ப்பாயோ காயேன வாயமதி
ப²ஸ்ஸங் படிவிஜானாதி, ஆபத்தி து³க்கடஸ்ஸ…பே॰….

த்³வே இத்தி²யோ த்³வின்னங் இத்தீ²னங் இத்தி²ஸஞ்ஞீ
ஸாரத்தோ ச. இத்தி²யோ ச நங் பி⁴க்கு²ஸ்ஸ நிஸ்ஸக்³கி³யேன காயங் ஆமஸந்தி.
ஸேவனாதி⁴ப்பாயோ காயேன வாயமதி ப²ஸ்ஸங் படிவிஜானாதி, ஆபத்தி த்³வின்னங்
து³க்கடானங்…பே॰….

இத்தீ² ச பண்ட³கோ ச உபி⁴ன்னங் இத்தி²ஸஞ்ஞீ ஸாரத்தோ ச. உபோ⁴ ச நங் பி⁴க்கு²ஸ்ஸ நிஸ்ஸக்³கி³யேன காயங் ஆமஸந்தி. ஸேவனாதி⁴ப்பாயோ காயேன வாயமதி ப²ஸ்ஸங் படிவிஜானாதி, ஆபத்தி த்³வின்னங் து³க்கடானங்…பே॰….

இத்தீ² ச ஹோதி இத்தி²ஸஞ்ஞீ
ஸாரத்தோ ச. இத்தீ² ச நங் பி⁴க்கு²ஸ்ஸ நிஸ்ஸக்³கி³யேன காயபடிப³த்³த⁴ங்
ஆமஸதி. ஸேவனாதி⁴ப்பாயோ காயேன வாயமதி ப²ஸ்ஸங் படிவிஜானாதி, ஆபத்தி
து³க்கடஸ்ஸ…பே॰….

த்³வே இத்தி²யோ த்³வின்னங் இத்தீ²னங் இத்தி²ஸஞ்ஞீ
ஸாரத்தோ ச. இத்தி²யோ ச நங் பி⁴க்கு²ஸ்ஸ நிஸ்ஸக்³கி³யேன காயபடிப³த்³த⁴ங்
ஆமஸந்தி. ஸேவனாதி⁴ப்பாயோ காயேன வாயமதி ப²ஸ்ஸங் படிவிஜானாதி, ஆபத்தி
த்³வின்னங் து³க்கடானங்…பே॰….

இத்தீ² ச பண்ட³கோ ச உபி⁴ன்னங் இத்தி²ஸஞ்ஞீ ஸாரத்தோ ச.
உபோ⁴ ச நங் பி⁴க்கு²ஸ்ஸ நிஸ்ஸக்³கி³யேன காயபடிப³த்³த⁴ங் ஆமஸந்தி.
ஸேவனாதி⁴ப்பாயோ காயேன வாயமதி ப²ஸ்ஸங் படிவிஜானாதி, ஆபத்தி த்³வின்னங்
து³க்கடானங்…பே॰….

இத்தீ² ச ஹோதி இத்தி²ஸஞ்ஞீ ஸாரத்தோ ச. இத்தீ² ச நங் பி⁴க்கு²ஸ்ஸ நிஸ்ஸக்³கி³யேன நிஸ்ஸக்³கி³யங் ஆமஸதி. ஸேவனாதி⁴ப்பாயோ காயேன வாயமதி, ந ச ப²ஸ்ஸங் படிவிஜானாதி, ஆபத்தி து³க்கடஸ்ஸ…பே॰….

த்³வே இத்தி²யோ த்³வின்னங் இத்தீ²னங் இத்தி²ஸஞ்ஞீ
ஸாரத்தோ ச. இத்தி²யோ ச நங் பி⁴க்கு²ஸ்ஸ நிஸ்ஸக்³கி³யேன நிஸ்ஸக்³கி³யங்
ஆமஸந்தி. ஸேவனாதி⁴ப்பாயோ காயேன வாயமதி, ந ச ப²ஸ்ஸங் படிவிஜானாதி, ஆபத்தி
த்³வின்னங் து³க்கடானங்…பே॰….

இத்தீ² ச பண்ட³கோ ச உபி⁴ன்னங் இத்தி²ஸஞ்ஞீ ஸாரத்தோ ச.
உபோ⁴ ச நங் பி⁴க்கு²ஸ்ஸ நிஸ்ஸக்³கி³யேன நிஸ்ஸக்³கி³யங் ஆமஸந்தி.
ஸேவனாதி⁴ப்பாயோ காயேன வாயமதி, ந ச ப²ஸ்ஸங் படிவிஜானாதி, ஆபத்தி த்³வின்னங்
து³க்கடானங்…பே॰….

279. ஸேவனாதி⁴ப்பாயோ காயேன வாயமதி ப²ஸ்ஸங் படிவிஜானாதி, ஆபத்தி ஸங்கா⁴தி³ஸேஸஸ்ஸ.

ஸேவனாதி⁴ப்பாயோ காயேன வாயமதி, ந ச ப²ஸ்ஸங் படிவிஜானாதி, ஆபத்தி து³க்கடஸ்ஸ.

ஸேவனாதி⁴ப்பாயோ ந ச காயேன வாயமதி, ப²ஸ்ஸங் படிவிஜானாதி, அனாபத்தி.

ஸேவனாதி⁴ப்பாயோ ந ச காயேன வாயமதி, ந ச ப²ஸ்ஸங் படிவிஜானாதி, அனாபத்தி.

மொக்கா²தி⁴ப்பாயோ காயேன வாயமதி, ப²ஸ்ஸங் படிவிஜானாதி, அனாபத்தி.

மொக்கா²தி⁴ப்பாயோ காயேன வாயமதி, ந ச ப²ஸ்ஸங் படிவிஜானாதி , அனாபத்தி.

மொக்கா²தி⁴ப்பாயோ ந ச காயேன வாயமதி, ப²ஸ்ஸங் படிவிஜானாதி, அனாபத்தி.

மொக்கா²தி⁴ப்பாயோ ந ச காயேன வாயமதி, ந ச ப²ஸ்ஸங் படிவிஜானாதி, அனாபத்தி.

280. அனாபத்தி அஸஞ்சிச்ச, அஸதியா, அஜானந்தஸ்ஸ, அஸாதி³யந்தஸ்ஸ, உம்மத்தகஸ்ஸ, கி²த்தசித்தஸ்ஸ, வேத³னாட்டஸ்ஸ, ஆதி³கம்மிகஸ்ஸாதி.

வினீதவத்து²உத்³தா³னகா³தா²

மாதா தீ⁴தா ப⁴கி³னீ ச, ஜாயா யக்கீ² ச பண்ட³கோ;

ஸுத்தா மதா திரச்சா²னா, தா³ருதி⁴தலிகாய ச.

ஸம்பீளே ஸங்கமோ மக்³கோ³, ருக்கோ² நாவா ச ரஜ்ஜு ச;

த³ண்டோ³ பத்தங் பணாமேஸி, வந்தே³ வாயமி நச்சு²பேதி.

வினீதவத்து²

281.
தேன கோ² பன ஸமயேன அஞ்ஞதரோ பி⁴க்கு² மாதுயா மாதுபேமேன ஆமஸி. தஸ்ஸ
குக்குச்சங் அஹோஸி – ‘‘ப⁴க³வதா ஸிக்கா²பத³ங் பஞ்ஞத்தங், கச்சி நு கோ² அஹங்
ஸங்கா⁴தி³ஸேஸங் ஆபத்திங் ஆபன்னோ’’தி? ப⁴க³வதோ ஏதமத்த²ங் ஆரோசேஸி. ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து³க்கடஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² தீ⁴துயா தீ⁴துபேமேன
ஆமஸி…பே॰… ப⁴கி³னியா ப⁴கி³னிபேமேன ஆமஸி. தஸ்ஸ குக்குச்சங் அஹோஸி…பே॰…
‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து³க்கடஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² புராணது³தியிகாய
காயஸங்ஸக்³க³ங் ஸமாபஜ்ஜி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங்,
பி⁴க்கு², ஆபன்னோ ஸங்கா⁴தி³ஸேஸ’’ந்தி.

தேன கோ² பன ஸமயேன அஞ்ஞதரோ பி⁴க்கு² யக்கி²னியா
காயஸங்ஸக்³க³ங் ஸமாபஜ்ஜி. தஸ்ஸ குக்குச்சங் அஹோஸி…பே॰… ‘‘அனாபத்தி,
பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² பண்ட³கஸ்ஸ காயஸங்ஸக்³க³ங் ஸமாபஜ்ஜி. தஸ்ஸ குக்குச்சங் அஹோஸி…பே॰… ‘‘அனாபத்தி , பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² ஸுத்தித்தி²யா
காயஸங்ஸக்³க³ங் ஸமாபஜ்ஜி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங்,
பி⁴க்கு², ஆபன்னோ ஸங்கா⁴தி³ஸேஸ’’ந்தி.

தேன கோ² பன ஸமயேன அஞ்ஞதரோ பி⁴க்கு² மதித்தி²யா
காயஸங்ஸக்³க³ங் ஸமாபஜ்ஜி. தஸ்ஸ குக்குச்சங் அஹோஸி…பே॰… ‘‘அனாபத்தி,
பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு²
திரச்சா²னக³தித்தி²யா காயஸங்ஸக்³க³ங் ஸமாபஜ்ஜி. தஸ்ஸ குக்குச்சங்
அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி
து³க்கடஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² தா³ருதீ⁴தலிகாய
காயஸங்ஸக்³க³ங் ஸமாபஜ்ஜி. தஸ்ஸ குக்குச்சங் அஹோஸி…பே॰… ‘‘அனாபத்தி,
பி⁴க்கு², ஸங்கா⁴தி³ஸேஸஸ்ஸ; ஆபத்தி து³க்கடஸ்ஸா’’தி.

282. தேன
கோ² பன ஸமயேன ஸம்ப³ஹுலா இத்தி²யோ அஞ்ஞதரங் பி⁴க்கு²ங் ஸம்பீளெத்வா
பா³ஹாபரம்பராய ஆனேஸுங். தஸ்ஸ குக்குச்சங் அஹோஸி…பே॰… ‘‘ஸாதி³யி த்வங்,
பி⁴க்கூ²’’தி? ‘‘நாஹங், ப⁴க³வா, ஸாதி³யி’’ந்தி. ‘‘அனாபத்தி, பி⁴க்கூ²,
அஸாதி³யந்தஸ்ஸா’’தி.

தேன கோ² பன ஸமயேன அஞ்ஞதரோ
பி⁴க்கு² இத்தி²யா அபி⁴ரூள்ஹங் ஸங்கமங் ஸாரத்தோ ஸஞ்சாலேஸி. தஸ்ஸ
குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி
து³க்கடஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² இத்தி²ங் படிபதே² பஸ்ஸித்வா ஸாரத்தோ அங்ஸகூடேன பஹாரங் அதா³ஸி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ ஸங்கா⁴தி³ஸேஸ’’ந்தி.

தேன கோ² பன ஸமயேன அஞ்ஞதரோ பி⁴க்கு² இத்தி²யா
அபி⁴ரூள்ஹங் ருக்க²ங் ஸாரத்தோ ஸஞ்சாலேஸி. தஸ்ஸ குக்குச்சங் அஹோஸி…பே॰…
‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து³க்கடஸ்ஸா’’தி.

தேன கோ² பன ஸமயேன அஞ்ஞதரோ
பி⁴க்கு² இத்தி²யா அபி⁴ரூள்ஹங் நாவங் ஸாரத்தோ ஸஞ்சாலேஸி. தஸ்ஸ குக்குச்சங்
அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி
து³க்கடஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² இத்தி²யா க³ஹிதங் ரஜ்ஜுங் ஸாரத்தோ ஆவிஞ்சி² [ஆவிஞ்ஜி (ஸீ॰ ஸ்யா॰)]. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² இத்தி²யா க³ஹிதங்
த³ண்ட³ங் ஸாரத்தோ ஆவிஞ்சி². தஸ்ஸ குக்குச்சங் அஹோஸி…பே॰… ‘‘அனாபத்தி,
பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரோ
பி⁴க்கு² ஸாரத்தோ இத்தி²ங் பத்தேன பணாமேஸி. தஸ்ஸ குக்குச்சங் அஹோஸி…பே॰…
‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² இத்தி²யா
வந்த³ந்தியா ஸாரத்தோ பாத³ங் உச்சாரேஸி. தஸ்ஸ குக்குச்சங் அஹோஸி…பே॰…
‘‘ஆபத்திங் த்வங், பி⁴க்கு², ஆபன்னோ ஸங்கா⁴தி³ஸேஸ’’ந்தி.

தேன கோ² பன ஸமயேன அஞ்ஞதரோ பி⁴க்கு² இத்தி²ங் க³ஹெஸ்ஸாமீதி வாயமித்வா ந சு²பி.

தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து³க்கடஸ்ஸா’’தி.

காயஸங்ஸக்³க³ஸிக்கா²பத³ங் நிட்டி²தங் து³தியங்.

3. து³ட்டு²ல்லவாசாஸிக்கா²பத³ங்

283. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா உதா³யீ அரஞ்ஞே விஹரதி. தஸ்ஸாயஸ்மதோ விஹாரோ
அபி⁴ரூபோ ஹோதி த³ஸ்ஸனீயோ பாஸாதி³கோ. தேன கோ² பன ஸமயேன ஸம்ப³ஹுலா இத்தி²யோ
ஆராமங் ஆக³மங்ஸு விஹாரபெக்கி²காயோ. அத² கோ² தா இத்தி²யோ
யேனாயஸ்மா உதா³யீ தேனுபஸங்கமிங்ஸு; உபஸங்கமித்வா ஆயஸ்மந்தங் உதா³யிங்
ஏதத³வோசுங் – ‘‘இச்சா²ம மயங், ப⁴ந்தே, அய்யஸ்ஸ விஹாரங் பெக்கி²து’’ந்தி.
அத² கோ² ஆயஸ்மா உதா³யீ தா இத்தி²யோ விஹாரங் பெக்கா²பெத்வா தாஸங் இத்தீ²னங்
வச்சமக்³க³ங் பஸ்ஸாவமக்³க³ங் ஆதி³ஸ்ஸ வண்ணம்பி ப⁴ணதி அவண்ணம்பி ப⁴ணதி
யாசதிபி ஆயாசதிபி புச்ச²திபி படிபுச்ச²திபி ஆசிக்க²திபி அனுஸாஸதிபி
அக்கோஸதிபி. யா தா இத்தி²யோ சி²ன்னிகா து⁴த்திகா
அஹிரிகாயோ தா ஆயஸ்மதா உதா³யினா ஸத்³தி⁴ங் உஹஸந்திபி உல்லபந்திபி
உஜ்ஜக்³க⁴ந்திபி உப்பண்டெ³ந்திபி. யா பன தா இத்தி²யோ ஹிரிமனா தா
நிக்க²மித்வா பி⁴க்கூ² உஜ்ஜா²பெந்தி – ‘‘இத³ங், ப⁴ந்தே, நச்ச²ன்னங்
நப்பதிரூபங். ஸாமிகேனபி மயங் ஏவங் வுத்தா ந இச்செ²ய்யாம, கிங் பனாய்யேன
உதா³யினா’’தி. யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா உதா³யீ
மாதுகா³மங் து³ட்டு²ல்லாஹி வாசாஹி ஓபா⁴ஸிஸ்ஸதீ’’தி! அத² கோ² தே பி⁴க்கூ²
ஆயஸ்மந்தங் உதா³யிங் அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே
பி⁴க்கு²ஸங்க⁴ங் ஸன்னிபாதாபெத்வா ஆயஸ்மந்தங்
உதா³யிங் படிபுச்சி² – ‘‘ஸச்சங் கிர த்வங், உதா³யி, மாதுகா³மங்
து³ட்டு²ல்லாஹி வாசாஹி ஓபா⁴ஸஸீ’’தி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா – ‘‘அனநுச்ச²விகங், மோக⁴புரிஸ, அனநுலோமிகங் அப்பதிரூபங்
அஸ்ஸாமணகங் அகப்பியங் அகரணீயங். கத²ஞ்ஹி நாம த்வங், மோக⁴புரிஸ, மாதுகா³மங்
து³ட்டு²ல்லாஹி வாசாஹி ஓபா⁴ஸிஸ்ஸஸி! நனு மயா, மோக⁴புரிஸ, அனேகபரியாயேன
விராகா³ய த⁴ம்மோ தே³ஸிதோ நோ ஸராகா³ய…பே॰… காமபரிளாஹானங் வூபஸமோ அக்கா²தோ.
நேதங், மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –

284. ‘‘யோ
பன பி⁴க்கு² ஓதிண்ணோ விபரிணதேன சித்தேன மாதுகா³மங் து³ட்டு²ல்லாஹி வாசாஹி
ஓபா⁴ஸெய்ய யதா² தங் யுவா யுவதிங் மேது²னுபஸங்ஹிதாஹி, ஸங்கா⁴தி³ஸேஸோ’’தி.

285. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

ஓதிண்ணோ நாம ஸாரத்தோ அபெக்க²வா படிப³த்³த⁴சித்தோ.

விபரிணதந்தி
ரத்தம்பி சித்தங் விபரிணதங், து³ட்ட²ம்பி சித்தங் விபரிணதங் மூள்ஹம்பி
சித்தங் விபரிணதங். அபிச, ரத்தங் சித்தங் இமஸ்மிங் அத்தே² அதி⁴ப்பேதங்
விபரிணதந்தி.

மாதுகா³மோ நாம மனுஸ்ஸித்தீ², ந யக்கீ², ந பேதீ, ந திரச்சா²னக³தா. விஞ்ஞூ படிப³லா ஸுபா⁴ஸிதது³ப்³பா⁴ஸிதங் து³ட்டு²ல்லாது³ட்டு²ல்லங் ஆஜானிதுங்.

து³ட்டு²ல்லா நாம வாசா வச்சமக்³க³பஸ்ஸாவமக்³க³மேது²னத⁴ம்மப்படிஸங்யுத்தா வாசா.

ஓபா⁴ஸெய்யாதி அஜ்ஜா²சாரோ வுச்சதி.

யதா² தங் யுவா யுவதிந்தி த³ஹரோ த³ஹரிங், தருணோ தருணிங், காமபோ⁴கீ³ காமபோ⁴கி³னிங்.

மேது²னுபஸங்ஹிதாஹீதி மேது²னத⁴ம்மப்படிஸங்யுத்தாஹி.

ஸங்கா⁴தி³ஸேஸோதி …பே॰… தேனபி வுச்சதி ஸங்கா⁴தி³ஸேஸோதி.

த்³வே மக்³கே³ ஆதி³ஸ்ஸ வண்ணம்பி ப⁴ணதி, அவண்ணம்பி
ப⁴ணதி, யாசதிபி, ஆயாசதிபி, புச்ச²திபி, படிபுச்ச²திபி, ஆசிக்க²திபி,
அனுஸாஸதிபி, அக்கோஸதிபி.

வண்ணங் ப⁴ணதி நாம த்³வே மக்³கே³ தோ²மேதி வண்ணேதி பஸங்ஸதி.

அவண்ணங் ப⁴ணதி நாம த்³வே மக்³கே³ கு²ங்ஸேதி வம்பே⁴தி க³ரஹதி.

யாசதி நாம தே³ஹி மே, அரஹஸி மே தா³துந்தி.

ஆயாசதி நாம கதா³ தே மாதா பஸீதி³ஸ்ஸதி, கதா³ தே பிதா பஸீதி³ஸ்ஸதி, கதா³ தே தே³வதாயோ பஸீதி³ஸ்ஸந்தி, கதா³ [கதா³ தே (ஸ்யா॰)] ஸுக²ணோ ஸுலயோ ஸுமுஹுத்தோ ப⁴விஸ்ஸதி, கதா³ தே மேது²னங் த⁴ம்மங் லபி⁴ஸ்ஸாமீதி.

புச்ச²தி நாம கத²ங் த்வங் ஸாமிகஸ்ஸ தே³ஸி, கத²ங் ஜாரஸ்ஸ தே³ஸீதி?

படிபுச்ச²தி நாம ஏவங் கிர த்வங் ஸாமிகஸ்ஸ தே³ஸி, ஏவங் ஜாரஸ்ஸ தே³ஸீதி.

ஆசிக்க²தி நாம புட்டோ² ப⁴ணதி – ‘‘ஏவங் தே³ஹி. ஏவங் தெ³ந்தா ஸாமிகஸ்ஸ பியா ப⁴விஸ்ஸஸி மனாபா சா’’தி.

அனுஸாஸதி நாம அபுட்டோ² ப⁴ணதி – ‘‘ஏவங் தே³ஹி. ஏவங் தெ³ந்தா ஸாமிகஸ்ஸ பியா ப⁴விஸ்ஸதி மனாபா சா’’தி.

அக்கோஸதி நாம அனிமித்தாஸி, நிமித்தமத்தாஸி, அலோஹிதாஸி, து⁴வலோஹிதாஸி , து⁴வசோளாஸி, பக்³க⁴ரந்தீஸி, ஸிக²ரணீஸி, இத்தி²பண்ட³காஸி, வேபுரிஸிகாஸி, ஸம்பி⁴ன்னாஸி, உப⁴தொப்³யஞ்ஜனாஸீதி.

286. இத்தீ²
ச ஹோதி இத்தி²ஸஞ்ஞீ ஸாரத்தோ ச. பி⁴க்கு² ச நங் இத்தி²யா வச்சமக்³க³ங்
பஸ்ஸாவமக்³க³ங் ஆதி³ஸ்ஸ வண்ணம்பி ப⁴ணதி அவண்ணம்பி ப⁴ணதி யாசதிபி ஆயாசதிபி
புச்ச²திபி படிபுச்ச²திபி ஆசிக்க²திபி அனுஸாஸதிபி அக்கோஸதிபி, ஆபத்தி
ஸங்கா⁴தி³ஸேஸஸ்ஸ…பே॰… .

த்³வே இத்தி²யோ த்³வின்னங் இத்தீ²னங் இத்தி²ஸஞ்ஞீ
ஸாரத்தோ ச. பி⁴க்கு² ச நங் த்³வின்னங் இத்தீ²னங் வச்சமக்³க³ங்
பஸ்ஸாவமக்³க³ங் ஆதி³ஸ்ஸ வண்ணம்பி ப⁴ணதி அவண்ணங்பி ப⁴ணதி…பே॰… அக்கோஸதிபி,
ஆபத்தி த்³வின்னங் ஸங்கா⁴தி³ஸேஸானங்…பே॰… .

இத்தீ² ச பண்ட³கோ ச உபி⁴ன்னங் இத்தி²ஸஞ்ஞீ ஸாரத்தோ ச.
பி⁴க்கு² ச நங் உபி⁴ன்னங் வச்சமக்³க³ங் பஸ்ஸாவமக்³க³ங் ஆதி³ஸ்ஸ வண்ணம்பி
ப⁴ணதி அவண்ணம்பி ப⁴ணதி…பே॰… அக்கோஸதிபி, ஆபத்தி ஸங்கா⁴தி³ஸேஸேன
து³க்கடஸ்ஸ…பே॰… .

இத்தீ² ச ஹோதி இத்தி²ஸஞ்ஞீ ஸாரத்தோ ச. பி⁴க்கு² ச நங்
இத்தி²யா வச்சமக்³க³ங் பஸ்ஸாவமக்³க³ங் ட²பெத்வா அத⁴க்க²கங்
உப்³ப⁴ஜாணுமண்ட³லங் ஆதி³ஸ்ஸ வண்ணம்பி ப⁴ணதி அவண்ணம்பி ப⁴ணதி…பே॰…
அக்கோஸதிபி , ஆபத்தி து²ல்லச்சயஸ்ஸ…பே॰….

த்³வே இத்தி²யோ த்³வின்னங் இத்தீ²னங் இத்தி²ஸஞ்ஞீ
ஸாரத்தோ ச. பி⁴க்கு² ச நங் த்³வின்னங் இத்தீ²னங் வச்சமக்³க³ங்
பஸ்ஸாவமக்³க³ங் ட²பெத்வா அத⁴க்க²கங் உப்³ப⁴ஜாணுமண்ட³லங் ஆதி³ஸ்ஸ வண்ணம்பி
ப⁴ணதி அவண்ணம்பி ப⁴ணதி…பே॰… அக்கோஸதிபி, ஆபத்தி த்³வின்னங்
து²ல்லச்சயானங்…பே॰….

இத்தீ² ச பண்ட³கோ ச உபி⁴ன்னங் இத்தி²ஸஞ்ஞீ ஸாரத்தோ ச.
பி⁴க்கு² ச நங் உபி⁴ன்னங் வச்சமக்³க³ங் பஸ்ஸாவமக்³க³ங் ட²பெத்வா அத⁴க்க²கங்
உப்³ப⁴ஜாணுமண்ட³லங் ஆதி³ஸ்ஸ வண்ணம்பி ப⁴ணதி அவண்ணம்பி ப⁴ணதி…பே॰…
அக்கோஸதிபி, ஆபத்தி து²ல்லச்சயேன து³க்கடஸ்ஸ…பே॰….

இத்தீ² ச ஹோதி இத்தி²ஸஞ்ஞீ ஸாரத்தோ ச. பி⁴க்கு² ச நங் இத்தி²யா உப்³ப⁴க்க²கங் அதோ⁴ஜாணுமண்ட³லங் ஆதி³ஸ்ஸ வண்ணம்பி ப⁴ணதி அவண்ணம்பி ப⁴ணதி…பே॰… அக்கோஸதிபி, ஆபத்தி து³க்கடஸ்ஸ…பே॰….

த்³வே இத்தி²யோ த்³வின்னங்
இத்தீ²னங் இத்தி²ஸஞ்ஞீ ஸாரத்தோ ச. பி⁴க்கு² ச நங் த்³வின்னங் இத்தீ²னங்
உப்³ப⁴க்க²கங் அதோ⁴ஜாணுமண்ட³லங் ஆதி³ஸ்ஸ வண்ணம்பி ப⁴ணதி அவண்ணம்பி
ப⁴ணதி…பே॰… அக்கோஸதிபி, ஆபத்தி த்³வின்னங் து³க்கடானங்…பே॰….

இத்தீ² ச பண்ட³கோ ச உபி⁴ன்னங்
இத்தி²ஸஞ்ஞீ ஸாரத்தோ ச. பி⁴க்கு² ச நங் உபி⁴ன்னங் உப்³ப⁴க்க²கங்
அதோ⁴ஜாணுமண்ட³லங் ஆதி³ஸ்ஸ வண்ணம்பி ப⁴ணதி அவண்ணம்பி ப⁴ணதி…பே॰… அக்கோஸதிபி,
ஆபத்தி த்³வின்னங் து³க்கடானங்…பே॰….

இத்தீ² ச ஹோதி இத்தி²ஸஞ்ஞீ ஸாரத்தோ ச. பி⁴க்கு² ச நங்
இத்தி²யா காயபடிப³த்³த⁴ங் ஆதி³ஸ்ஸ வண்ணம்பி ப⁴ணதி அவண்ணம்பி ப⁴ணதி…பே॰…
அக்கோஸதிபி, ஆபத்தி து³க்கடஸ்ஸ…பே॰….

த்³வே இத்தி²யோ த்³வின்னங் இத்தீ²னங் இத்தி²ஸஞ்ஞீ
ஸாரத்தோ ச. பி⁴க்கு² ச நங் த்³வின்னங் இத்தீ²னங் காயபடிப³த்³த⁴ங் ஆதி³ஸ்ஸ
வண்ணம்பி ப⁴ணதி அவண்ணம்பி ப⁴ணதி…பே॰… அக்கோஸதிபி, ஆபத்தி த்³வின்னங்
து³க்கடானங்…பே॰….

இத்தீ² ச பண்ட³கோ ச உபி⁴ன்னங் இத்தி²ஸஞ்ஞீ ஸாரத்தோ ச.
பி⁴க்கு² ச நங் உபி⁴ன்னங் காயபடிப³த்³த⁴ங் ஆதி³ஸ்ஸ வண்ணம்பி ப⁴ணதி
அவண்ணம்பி ப⁴ணதி…பே॰… அக்கோஸதிபி, ஆபத்தி த்³வின்னங் து³க்கடானங்…பே॰….

287. அனாபத்தி அத்த²புரெக்கா²ரஸ்ஸ, த⁴ம்மபுரெக்கா²ரஸ்ஸ, அனுஸாஸனிபுரெக்கா²ரஸ்ஸ, உம்மத்தகஸ்ஸ, ஆதி³கம்மிகஸ்ஸாதி.

வினீதவத்து²உத்³தா³னகா³தா²

லோஹிதங் கக்கஸாகிண்ணங், க²ரங் தீ³க⁴ஞ்ச வாபிதங்;

கச்சி ஸங்ஸீத³தி மக்³கோ³, ஸத்³தா⁴ தா³னேன கம்முனாதி.

வினீதவத்து²

288. தேன
கோ² பன ஸமயேன அஞ்ஞதரா இத்தீ² நவரத்தங் கம்ப³லங் பாருதா ஹோதி. அஞ்ஞதரோ
பி⁴க்கு² ஸாரத்தோ தங் இத்தி²ங் ஏதத³வோச – ‘‘லோஹிதங் கோ² தே, ப⁴கி³னீ’’தி.
ஸா ந படிவிஜானி. ‘‘ஆமாய்ய, நவரத்தோ கம்ப³லோ’’தி. தஸ்ஸ குக்குச்சங் அஹோஸி
‘‘ப⁴க³வதா ஸிக்கா²பத³ங் பஞ்ஞத்தங், கச்சி நு கோ² அஹங் ஸங்கா⁴தி³ஸேஸங்
ஆபத்திங் ஆபன்னோ’’தி? ப⁴க³வதோ ஏதமத்த²ங் ஆரோசேஸி. ‘‘அனாபத்தி, பி⁴க்கு²,
ஸங்கா⁴தி³ஸேஸஸ்ஸ; ஆபத்தி து³க்கடஸ்ஸா’’தி.

தேன கோ² பன ஸமயேன அஞ்ஞதரா இத்தீ² க²ரகம்ப³லங் பாருதா
ஹோதி. அஞ்ஞதரோ பி⁴க்கு² ஸாரத்தோ தங் இத்தி²ங் ஏதத³வோச – ‘‘கக்கஸலோமங் கோ²
தே, ப⁴கி³னீ’’தி. ஸா ந படிவிஜானி. ‘‘ஆமாய்ய, க²ரகம்ப³லகோ’’தி. தஸ்ஸ
குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து³க்கடஸ்ஸா’’தி.

தேன கோ² பன ஸமயேன அஞ்ஞதரா இத்தீ² நவாவுதங் கம்ப³லங்
பாருதா ஹோதி. அஞ்ஞதரோ பி⁴க்கு² ஸாரத்தோ தங் இத்தி²ங் ஏதத³வோச –
‘‘ஆகிண்ணலோமங் கோ² தே, ப⁴கி³னீ’’தி. ஸா ந படிவிஜானி. ‘‘ஆமாய்ய, நவாவுதோ
கம்ப³லோ’’தி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து³க்கடஸ்ஸா’’தி.

தேன கோ² பன ஸமயேன அஞ்ஞதரா இத்தீ² க²ரகம்ப³லங் பாருதா
ஹோதி. அஞ்ஞதரோ பி⁴க்கு² ஸாரத்தோ தங் இத்தி²ங் ஏதத³வோச – ‘‘க²ரலோமங் கோ² தே,
ப⁴கி³னீ’’தி. ஸா ந படிவிஜானி. ‘‘ஆமாய்ய, க²ரகம்ப³லகோ’’தி. தஸ்ஸ
குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி
து³க்கடஸ்ஸா’’தி.

தேன கோ² பன ஸமயேன அஞ்ஞதரா இத்தீ² பாவாரங் [தீ³க⁴பாவாரங் (ஸ்யா॰)]
பாருதா ஹோதி. அஞ்ஞதரோ பி⁴க்கு² ஸாரத்தோ தங் இத்தி²ங் ஏதத³வோச –
‘‘தீ³க⁴லோமங் கோ² தே, ப⁴கி³னீ’’தி. ஸா ந படிவிஜானி. ‘‘ஆமாய்ய, பாவாரோ’’ [தீ³க⁴பாவாரோ (ஸ்யா॰)] தி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து³க்கடஸ்ஸா’’தி.

289. தேன கோ² பன ஸமயேன அஞ்ஞதரா இத்தீ² கெ²த்தங் வபாபெத்வா ஆக³ச்ச²தி. அஞ்ஞதரோ
பி⁴க்கு² ஸாரத்தோ தங் இத்தி²ங் ஏதத³வோச – ‘‘வாபிதங் கோ² தே, ப⁴கி³னீ’’தி?
ஸா ந படிவிஜானி. ‘‘ஆமாய்ய, நோ ச கோ² படிவுத்த’’ந்தி. தஸ்ஸ குக்குச்சங்
அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி
து³க்கடஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² பரிப்³பா³ஜிகங்
படிபதே² பஸ்ஸித்வா ஸாரத்தோ தங் பரிப்³பா³ஜிகங் ஏதத³வோச – ‘‘கச்சி, ப⁴கி³னி,
மக்³கோ³ ஸங்ஸீத³தீ’’தி? ஸா ந படிவிஜானி. ‘‘ஆம பி⁴க்கு², படிபஜ்ஜிஸ்ஸஸீ’’தி
. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² ஸாரத்தோ அஞ்ஞதரங்
இத்தி²ங் ஏதத³வோச – ‘‘ஸத்³தா⁴ஸி த்வங், ப⁴கி³னி. அபிச, யங் ஸாமிகஸ்ஸ தே³ஸி
தங் நாம்ஹாகங் தே³ஸீ’’தி . ‘‘கிங், ப⁴ந்தே’’தி? ‘‘மேது²னத⁴ம்ம’’ந்தி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ ஸங்கா⁴தி³ஸேஸ’’ந்தி.

தேன கோ² பன ஸமயேன அஞ்ஞதரோ பி⁴க்கு² ஸாரத்தோ அஞ்ஞதரங்
இத்தி²ங் ஏதத³வோச – ‘‘ஸத்³தா⁴ஸி த்வங், ப⁴கி³னி. அபிச, யங் அக்³க³தா³னங்
தங் நாம்ஹாகங் தே³ஸீ’’தி. ‘‘கிங், ப⁴ந்தே, அக்³க³தா³ன’’ந்தி?
‘‘மேது²னத⁴ம்ம’’ந்தி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங்,
பி⁴க்கு², ஆபன்னோ ஸங்கா⁴தி³ஸேஸ’’ந்தி.

தேன கோ² பன ஸமயேன அஞ்ஞதரா இத்தீ² கம்மங் கரோதி. அஞ்ஞதரோ பி⁴க்கு² ஸாரத்தோ
தங் இத்தி²ங் ஏதத³வோச – ‘‘திட்ட², ப⁴கி³னி, அஹங் கரிஸ்ஸாமீதி…பே॰… நிஸீத³,
ப⁴கி³னி, அஹங் கரிஸ்ஸாமீதி…பே॰… நிபஜ்ஜ, ப⁴கி³னி, அஹங் கரிஸ்ஸாமீ’’தி. ஸா ந
படிவிஜானி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
ஸங்கா⁴தி³ஸேஸஸ்ஸ; ஆபத்தி து³க்கடஸ்ஸா’’தி.

து³ட்டு²ல்லவாசாஸிக்கா²பத³ங் நிட்டி²தங் ததியங்.

4. அத்தகாமபாரிசரியஸிக்கா²பத³ங்

290. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா உதா³யீ ஸாவத்தி²யங் குலூபகோ ஹோதி, ப³ஹுகானி
குலானி உபஸங்கமதி. தேன கோ² பன ஸமயேன அஞ்ஞதரா இத்தீ² மதபதிகா அபி⁴ரூபா ஹோதி
த³ஸ்ஸனீயா பாஸாதி³கா. அத² கோ² ஆயஸ்மா உதா³யீ புப்³ப³ண்ஹஸமயங் நிவாஸெத்வா
பத்தசீவரமாதா³ய யேன தஸ்ஸா இத்தி²யா நிவேஸனங் தேனுபஸங்கமி; உபஸங்கமித்வா
பஞ்ஞத்தே ஆஸனே நிஸீதி³. அத² கோ² ஸா இத்தீ² யேனாயஸ்மா உதா³யீ தேனுபஸங்கமி;
உபஸங்கமித்வா ஆயஸ்மந்தங் உதா³யிங் அபி⁴வாதெ³த்வா ஏகமந்தங் நிஸீதி³.
ஏகமந்தங் நிஸின்னங் கோ² தங் இத்தி²ங் ஆயஸ்மா உதா³யீ த⁴ம்மியா கதா²ய
ஸந்த³ஸ்ஸேஸி ஸமாத³பேஸி ஸமுத்தேஜேஸி ஸம்பஹங்ஸேஸி. அத² கோ² ஸா இத்தீ² ஆயஸ்மதா
உதா³யினா த⁴ம்மியா கதா²ய ஸந்த³ஸ்ஸிதா ஸமாத³பிதா ஸமுத்தேஜிதா ஸம்பஹங்ஸிதா
ஆயஸ்மந்தங் உதா³யிங் ஏதத³வோச – ‘‘வதெ³ய்யாத², ப⁴ந்தே, யேன அத்தோ². படிப³லா
மயங் அய்யஸ்ஸ தா³துங் யதி³த³ங்
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ர’’ந்தி.

‘‘ந கோ² தே, ப⁴கி³னி, அம்ஹாகங்
து³ல்லபா⁴ யதி³த³ங் சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா.
அபிச, யோ அம்ஹாகங் து³ல்லபோ⁴ தங் தே³ஹீ’’தி. ‘‘கிங், ப⁴ந்தே’’தி?
‘‘மேது²னத⁴ம்ம’’ந்தி. ‘‘அத்தோ² , ப⁴ந்தே’’தி?
‘‘அத்தோ², ப⁴கி³னீ’’தி. ‘‘ஏஹி, ப⁴ந்தே’’தி, ஓவரகங் பவிஸித்வா ஸாடகங்
நிக்கி²பித்வா மஞ்சகே உத்தானா நிபஜ்ஜி. அத² கோ² ஆயஸ்மா உதா³யீ யேன ஸா
இத்தீ² தேனுபஸங்கமி; உபஸங்கமித்வா – ‘‘கோ இமங் வஸலங் து³க்³க³ந்த⁴ங்
ஆமஸிஸ்ஸதீ’’தி, நிட்டு²ஹித்வா பக்காமி. அத² கோ² ஸா இத்தீ² உஜ்ஜா²யதி
கி²ய்யதி விபாசேதி – ‘‘அலஜ்ஜினோ இமே ஸமணா ஸக்யபுத்தியா து³ஸ்ஸீலா
முஸாவாதி³னோ. இமே ஹி நாம த⁴ம்மசாரினோ ஸமசாரினோ ப்³ரஹ்மசாரினோ ஸச்சவாதி³னோ
ஸீலவந்தோ கல்யாணத⁴ம்மா படிஜானிஸ்ஸந்தி! நத்தி² இமேஸங் ஸாமஞ்ஞங் நத்தி²
இமேஸங் ப்³ரஹ்மஞ்ஞங், நட்ட²ங் இமேஸங் ஸாமஞ்ஞங் நட்ட²ங் இமேஸங்
ப்³ரஹ்மஞ்ஞங், குதோ இமேஸங் ஸாமஞ்ஞங் குதோ இமேஸங் ப்³ரஹ்மஞ்ஞங், அபக³தா இமே
ஸாமஞ்ஞா அபக³தா இமே ப்³ரஹ்மஞ்ஞா. கத²ஞ்ஹி நாம ஸமணோ உதா³யீ மங் ஸாமங்
மேது²னத⁴ம்மங் யாசித்வா, ‘கோ இமங் வஸலங் து³க்³க³ந்த⁴ங் ஆமஸிஸ்ஸதீ’’தி
நிட்டு²ஹித்வா பக்கமிஸ்ஸதி! கிங் மே பாபகங் கிங் மே து³க்³க³ந்த⁴ங்,
கஸ்ஸாஹங் கேன ஹாயாமீ’’தி? அஞ்ஞாபி இத்தி²யோ உஜ்ஜா²யந்தி கி²ய்யந்தி
விபாசெந்தி – ‘‘அலஜ்ஜினோ இமே ஸமணா ஸக்யபுத்தியா து³ஸ்ஸீலா முஸாவாதி³னோ…பே॰… கத²ஞ்ஹி நாம ஸமணோ உதா³யீ இமிஸ்ஸா ஸாமங் மேது²னத⁴ம்மங்
யாசித்வா, ‘கோ இமங் வஸலங் து³க்³க³ந்த⁴ங் ஆமஸிஸ்ஸதீ’தி நிட்டு²ஹித்வா
பக்கமிஸ்ஸதி! கிங் இமிஸ்ஸா பாபகங் கிங் இமிஸ்ஸா து³க்³க³ந்த⁴ங், கஸ்ஸாயங்
கேன ஹாயதீ’’தி? அஸ்ஸோஸுங் கோ² பி⁴க்கூ² தாஸங் இத்தீ²னங் உஜ்ஜா²யந்தீனங்
கி²ய்யந்தீனங் விபாசெந்தீனங். யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா உதா³யீ
மாதுகா³மஸ்ஸ ஸந்திகே அத்தகாமபாரிசரியாய வண்ணங் பா⁴ஸிஸ்ஸதீ’’தி!

அத² கோ² தே பி⁴க்கூ² ஆயஸ்மந்தங் உதா³யிங் அனேகபரியாயேன
விக³ரஹித்வா ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங்
நிதா³னே ஏதஸ்மிங் பகரணே பி⁴க்கு²ஸங்க⁴ங் ஸன்னிபாதாபெத்வா
ஆயஸ்மந்தங் உதா³யிங் படிபுச்சி² – ‘‘ஸச்சங் கிர த்வங், உதா³யி,
மாதுகா³மஸ்ஸ ஸந்திகே அத்தகாமபாரிசரியாய வண்ணங் பா⁴ஸஸீ’’தி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா – ‘‘அனநுச்ச²விகங், மோக⁴புரிஸ,
அனநுலோமிகங் அப்பதிரூபங் அஸ்ஸாமணகங் அகப்பியங் அகரணீயங். கத²ஞ்ஹி நாம
த்வங், மோக⁴புரிஸ, மாதுகா³மஸ்ஸ ஸந்திகே அத்தகாமபாரிசரியாய வண்ணங்
பா⁴ஸிஸ்ஸஸி! நனு மயா , மோக⁴புரிஸ, அனேகபரியாயேன
விராகா³ய த⁴ம்மோ தே³ஸிதோ நோ ஸராகா³ய…பே॰… காமபரிளாஹானங் வூபஸமோ அக்கா²தோ?
நேதங், மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –

291. ‘‘யோ
பன பி⁴க்கு² ஓதிண்ணோ விபரிணதேன சித்தேன மாதுகா³மஸ்ஸ ஸந்திகே
அத்தகாமபாரிசரியாய வண்ணங் பா⁴ஸெய்ய – ‘ஏதத³க்³க³ங், ப⁴கி³னி, பாரிசரியானங்
யா மாதி³ஸங் ஸீலவந்தங் கல்யாணத⁴ம்மங் ப்³ரஹ்மசாரிங் ஏதேன த⁴ம்மேன
பரிசரெய்யாதி மேது²னுபஸங்ஹிதேன’, ஸங்கா⁴தி³ஸேஸோ’’தி.

292. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

ஓதிண்ணோ நாம ஸாரத்தோ அபெக்க²வா படிப³த்³த⁴சித்தோ.

விபரிணதந்தி ரத்தம்பி
சித்தங் விபரிணத்தங், து³ட்ட²ம்பி சித்தங் விபரிணதங், மூள்ஹம்பி சித்தங்
விபரிணதங். அபிச, ரத்தங் சித்தங் இமஸ்மிங் அத்தே² அதி⁴ப்பேதங் விபரிணதந்தி.

மாதுகா³மோ நாம மனுஸ்ஸித்தீ², ந யக்கீ², ந பேதீ, ந திரச்சா²னக³தா. விஞ்ஞூ படிப³லா ஸுபா⁴ஸிதது³ப்³பா⁴ஸிதங் து³ட்ட²ல்லாது³ட்டு²ல்லங் ஆஜானிதுங்.

மாதுகா³மஸ்ஸ ஸந்திகேதி மாதுகா³மஸ்ஸ ஸாமந்தா, மாதுகா³மஸ்ஸ அவிதூ³ரே.

அத்தகாமந்தி அத்தனோ காமங் அத்தனோ ஹேதுங் அத்தனோ அதி⁴ப்பாயங் அத்தனோ பாரிசரியங்.

ஏதத³க்³க³ந்தி ஏதங் அக்³க³ங் ஏதங் ஸெட்ட²ங் ஏதங் மொக்க²ங் ஏதங் உத்தமங் ஏதங் பவரங்.

யாதி க²த்தியீ [க²த்தியா (ஸ்யா॰)] வா ப்³ராஹ்மணீ வா வெஸ்ஸீ வா ஸுத்³தீ³ வா.

மாதி³ஸந்தி க²த்தியங் வா ப்³ராஹ்மணங் வா வெஸ்ஸங் வா ஸுத்³த³ங் வா.

ஸீலவந்தந்தி பாணாதிபாதா படிவிரதங், அதி³ன்னாதா³னா படிவிரதங், முஸாவாதா³ படிவிரதங்.

ப்³ரஹ்மசாரிந்தி மேது²னத⁴ம்மா படிவிரதங்.

கல்யாணத⁴ம்மோ நாம தேன ச ஸீலேன தேன ச ப்³ரஹ்மசரியேன கல்யாணத⁴ம்மோ ஹோதி.

ஏதேன த⁴ம்மேனாதி மேது²னத⁴ம்மேன.

பரிசரெய்யாதி அபி⁴ரமெய்ய.

மேது²னுபஸங்ஹிதேனாதி மேது²னத⁴ம்மப்படிஸங்யுத்தேன.

ஸங்கா⁴தி³ஸேஸோதி…பே॰… தேனபி வுச்சதி ஸங்கா⁴தி³ஸேஸோதி.

293. இத்தீ² ச ஹோதி இத்தி²ஸஞ்ஞீ ஸாரத்தோ ச. பி⁴க்கு² ச நங் இத்தி²யா ஸந்திகே அத்தகாமபாரிசரியாய வண்ணங் பா⁴ஸதி, ஆபத்தி ஸங்கா⁴தி³ஸேஸஸ்ஸ .

இத்தீ² ச ஹோதி வேமதிகோ…பே॰…
பண்ட³கஸஞ்ஞீ… புரிஸஸஞ்ஞீ… திரச்சா²னக³தஸஞ்ஞீ ஸாரத்தோ ச. பி⁴க்கு² ச நங்
இத்தி²யா ஸந்திகே அத்தகாமபாரிசரியாய வண்ணங் பா⁴ஸதி, ஆபத்தி து²ல்லச்சயஸ்ஸ.

பண்ட³கோ ச ஹோதி பண்ட³கஸஞ்ஞீ ஸாரத்தோ ச. பி⁴க்கு² ச நங் பண்ட³கஸ்ஸ ஸந்திகே அத்தகாமபாரிசரியாய வண்ணங் பா⁴ஸதி, ஆபத்தி து²ல்லச்சயஸ்ஸ.

பண்ட³கோ ச ஹோதி வேமதிகோ…பே॰… புரிஸஸஞ்ஞீ…
திரச்சா²னக³தஸஞ்ஞீ… இத்தி²ஸஞ்ஞீ ஸாரத்தோ ச. பி⁴க்கு² ச நங் பண்ட³கஸ்ஸ
ஸந்திகே அத்தகாமபாரிசரியாய வண்ணங் பா⁴ஸதி, ஆபத்தி து³க்கடஸ்ஸ.

புரிஸோ ச ஹோதி…பே॰… திரச்சா²னக³தோ ச ஹோதி
திரச்சா²னக³தஸஞ்ஞீ…பே॰… வேமதிகோ இத்தி²ஸஞ்ஞீ… பண்ட³கஸஞ்ஞீ… புரிஸஸஞ்ஞீ
ஸாரத்தோ ச. பி⁴க்கு² ச நங் திரச்சா²னக³தஸ்ஸ ஸந்திகே அத்தகாமபாரிசரியாய
வண்ணங் பா⁴ஸதி, ஆபத்தி து³க்கடஸ்ஸ.

த்³வே இத்தி²யோ த்³வின்னங் இத்தீ²னங் இத்தி²ஸஞ்ஞீ
ஸாரத்தோ ச. பி⁴க்கு² ச நங் த்³வின்னங் இத்தீ²னங் ஸந்திகே அத்தகாமபாரிசரியாய
வண்ணங் பா⁴ஸதி, ஆபத்தி த்³வின்னங் ஸங்கா⁴தி³ஸேஸானங்…பே॰… .

இத்தீ² ச பண்ட³கோ ச உபி⁴ன்னங் இத்தி²ஸஞ்ஞீ ஸாரத்தோ ச.
பி⁴க்கு² ச நங் உபி⁴ன்னங் ஸந்திகே அத்தகாமபாரிசரியாய வண்ணங் பா⁴ஸதி, ஆபத்தி
ஸங்கா⁴தி³ஸேஸேன து³க்கடஸ்ஸ…பே॰… .

294. அனாபத்தி ‘‘சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரேன உபட்ட²ஹா’’தி ப⁴ணதி, உம்மத்தகஸ்ஸ ஆதி³கம்மிகஸ்ஸாதி.

வினீதவத்து²உத்³தா³னகா³தா²

கத²ங் வஞ்ஜா² லபே⁴ புத்தங், பியா ச ஸுப⁴கா³ ஸியங்;

கிங் த³ஜ்ஜங் கேனுபட்டெ²ய்யங், கத²ங் க³ச்செ²ய்யங் ஸுக்³க³திந்தி.

வினீதவத்து²

295. தேன
கோ² பன ஸமயேன அஞ்ஞதரா வஞ்ஜா² இத்தீ² குலூபகங் பி⁴க்கு²ங் ஏதத³வோச –
‘‘கதா²ஹங், ப⁴ந்தே, விஜாயெய்ய’’ந்தி? ‘‘தேன ஹி, ப⁴கி³னி, அக்³க³தா³னங்
தே³ஹீ’’தி. ‘‘கிங், ப⁴ந்தே, அக்³க³தா³ன’’ந்தி? ‘‘மேது²னத⁴ம்ம’’ந்தி. தஸ்ஸ
குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ
ஸங்கா⁴தி³ஸேஸ’’ந்தி.

தேன கோ² பன ஸமயேன அஞ்ஞதரா விஜாயினீ இத்தீ² குலூபகங்
பி⁴க்கு²ங் ஏதத³வோச – ‘‘கதா²ஹங், ப⁴ந்தே, புத்தங் லபெ⁴ய்ய’’ந்தி? ‘‘தேன ஹி,
ப⁴கி³னி, அக்³க³தா³னங் தே³ஹீ’’தி. ‘‘கிங், ப⁴ந்தே, அக்³க³தா³ன’’ந்தி?
‘‘மேது²னத⁴ம்ம’’ந்தி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங்,
பி⁴க்கு², ஆபன்னோ ஸங்கா⁴தி³ஸேஸ’’ந்தி.

தேன கோ² பன ஸமயேன அஞ்ஞதரா இத்தீ² குலூபகங் பி⁴க்கு²ங்
ஏதத³வோச – ‘‘கதா²ஹங், ப⁴ந்தே, ஸாமிகஸ்ஸ பியா அஸ்ஸ’’ந்தி? ‘‘தேன ஹி,
ப⁴கி³னி, அக்³க³தா³னங் தே³ஹீ’’தி. ‘‘கிங், ப⁴ந்தே, அக்³க³தா³ன’’ந்தி?
‘‘மேது²னத⁴ம்ம’’ந்தி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங்,
பி⁴க்கு², ஆபன்னோ ஸங்கா⁴தி³ஸேஸ’’ந்தி.

தேன கோ² பன ஸமயேன அஞ்ஞதரா இத்தீ² குலூபகங் பி⁴க்கு²ங் ஏதத³வோச – ‘‘கதா²ஹங், ப⁴ந்தே, ஸுப⁴கா³ அஸ்ஸ’’ந்தி? ‘‘தேன ஹி ,
ப⁴கி³னி, அக்³க³தா³னங் தே³ஹீ’’தி. ‘‘கிங், ப⁴ந்தே, அக்³க³தா³ன’’ந்தி?
‘‘மேது²னத⁴ம்ம’’ந்தி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங்,
பி⁴க்கு², ஆபன்னோ ஸங்கா⁴தி³ஸேஸ’’ந்தி.

தேன கோ² பன ஸமயேன அஞ்ஞதரா இத்தீ² குலூபகங் பி⁴க்கு²ங்
ஏதத³வோச – ‘‘க்யாஹங், ப⁴ந்தே, அய்யஸ்ஸ த³ஜ்ஜாமீ’’தி? ‘‘அக்³க³தா³னங்,
ப⁴கி³னீ’’தி. ‘‘கிங், ப⁴ந்தே, அக்³க³தா³ன’’ந்தி? ‘‘மேது²னத⁴ம்ம’’ந்தி. தஸ்ஸ
குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ
ஸங்கா⁴தி³ஸேஸ’’ந்தி.

தேன கோ² பன ஸமயேன அஞ்ஞதரா இத்தீ² குலூபகங் பி⁴க்கு²ங்
ஏதத³வோச – ‘‘கேனாஹங், ப⁴ந்தே, அய்யங் உபட்டே²மீ’’தி? ‘‘அக்³க³தா³னேன,
ப⁴கி³னீ’’தி. ‘‘கிங், ப⁴ந்தே, அக்³க³தா³ன’’ந்தி? ‘‘மேது²னத⁴ம்ம’’ந்தி. தஸ்ஸ
குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ
ஸங்கா⁴தி³ஸேஸ’’ந்தி.

தேன கோ² பன ஸமயேன அஞ்ஞதரா இத்தீ² குலூபகங் பி⁴க்கு²ங் ஏதத³வோச – ‘‘கதா²ஹங்,

ப⁴ந்தே, ஸுக³திங் க³ச்செ²ய்ய’’ந்தி? ‘‘தேன ஹி,
ப⁴கி³னி, அக்³க³தா³னங் தே³ஹீ’’தி. ‘‘கிங், ப⁴ந்தே, அக்³க³தா³ன’’ந்தி?
‘‘மேது²னத⁴ம்ம’’ந்தி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங்,
பி⁴க்கு², ஆபன்னோ ஸங்கா⁴தி³ஸேஸ’’ந்தி.

அத்தகாமபாரிசரியஸிக்கா²பத³ங் நிட்டி²தங் சதுத்த²ங்.

5. ஸஞ்சரித்தஸிக்கா²பத³ங்

296. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா உதா³யீ ஸாவத்தி²யங் குலூபகோ ஹோதி. ப³ஹுகானி
குலானி உபஸங்கமதி. யத்த² பஸ்ஸதி குமாரகங் வா அபஜாபதிகங், குமாரிகங் வா
அபதிகங், குமாரகஸ்ஸ மாதாபிதூனங் ஸந்திகே குமாரிகாய வண்ணங் ப⁴ணதி –
‘‘அமுகஸ்ஸ குலஸ்ஸ குமாரிகா அபி⁴ரூபா த³ஸ்ஸனீயா பாஸாதி³கா பண்டி³தா ப்³யத்தா
மேதா⁴வினீ த³க்கா² அனலஸா. ச²ன்னா ஸா குமாரிகா இமஸ்ஸ குமாரகஸ்ஸா’’தி. தே
ஏவங் வத³ந்தி – ‘‘ஏதே கோ², ப⁴ந்தே, அம்ஹே ந ஜானந்தி – ‘கே வா இமே கஸ்ஸ
வா’தி. ஸசே, ப⁴ந்தே, அய்யோ தா³பெய்ய ஆனெய்யாம மயங் தங் குமாரிகங் இமஸ்ஸ
குமாரகஸ்ஸா’’தி. குமாரிகாய மாதாபிதூனங் ஸந்திகே குமாரகஸ்ஸ வண்ணங் ப⁴ணதி –
‘‘அமுகஸ்ஸ குலஸ்ஸ குமாரகோ அபி⁴ரூபோ த³ஸ்ஸனீயோ பாஸாதி³கோ பண்டி³தோ ப்³யத்தோ
மேதா⁴வீ த³க்கோ² அனலஸோ. ச²ன்னாயங் குமாரிகா தஸ்ஸ குமாரகஸ்ஸா’’தி [ச²ன்னோ ஸோ குமாரகோ இமிஸ்ஸா குமாரிகாயாதி (ஸ்யா॰)].
தே ஏவங் வத³ந்தி – ‘‘ஏதே கோ², ப⁴ந்தே, அம்ஹே ந ஜானந்தி – ‘கே வா இமே கஸ்ஸ
வா’தி, கிஸ்மிங் விய குமாரிகாய வத்துங். ஸசே, ப⁴ந்தே, அய்யோ யாசாபெய்ய
த³ஜ்ஜெய்யாம மயங் இமங் குமாரிகங் தஸ்ஸ குமாரகஸ்ஸா’’தி. ஏதேனேவ உபாயேன
ஆவாஹானிபி காராபேதி , விவாஹானிபி காராபேதி, வாரெய்யானிபி காராபேதி.

297.
தேன கோ² பன ஸமயேன அஞ்ஞதரிஸ்ஸா புராணக³ணகியா தீ⁴தா அபி⁴ரூபா ஹோதி த³ஸ்ஸனீயா
பாஸாதி³கா. திரோகா³மகா ஆஜீவகஸாவகா ஆக³ந்த்வா தங் க³ணகிங் ஏதத³வோசுங் –
‘‘தே³ஹாய்யே, இமங் குமாரிகங் அம்ஹாகங் குமாரகஸ்ஸா’’தி. ஸா ஏவமாஹ – ‘‘அஹங்
க்²வய்யோ [க்²வய்யா (ஸ்யா॰), க்²வாய்யோ (க॰)] தும்ஹே
ந ஜானாமி – ‘கே வா இமே கஸ்ஸ வா’தி. அயஞ்ச மே ஏகதீ⁴திகா, திரோகா³மோ ச
க³ந்தப்³போ³, நாஹங் த³ஸ்ஸாமீ’’தி. மனுஸ்ஸா தே ஆஜீவகஸாவகே ஏதத³வோசுங் –
‘‘கிஸ்ஸ தும்ஹே, அய்யோ , ஆக³தத்தா²’’தி? ‘‘இத⁴ மயங்,
அய்யோ, அமுகங் நாம க³ணகிங் தீ⁴தரங் யாசிம்ஹா அம்ஹாகங் குமாரகஸ்ஸ. ஸா ஏவமாஹ
– ‘அஹங், க்²வய்யோ தும்ஹே ந ஜானாமி – கே வா இமே கஸ்ஸ வா’தி. அயஞ்ச மே
ஏகதீ⁴திகா, திரோகா³மோ ச க³ந்தப்³போ³, நாஹங் த³ஸ்ஸாமீ’’தி. ‘‘கிஸ்ஸ தும்ஹே,
அய்யோ, தங் க³ணகிங் தீ⁴தரங் யாசித்த²? நனு அய்யோ உதா³யீ வத்தப்³போ³. அய்யோ
உதா³யீ தா³பெஸ்ஸதீ’’தி.

அத² கோ² தே ஆஜீவகஸாவகா
யேனாயஸ்மா உதா³யீ தேனுபஸங்கமிங்ஸு; உபஸங்கமித்வா ஆயஸ்மந்தங் உதா³யிங்
ஏதத³வோசுங் – ‘‘இத⁴ மயங், ப⁴ந்தே, அமுகங் நாம க³ணகிங் தீ⁴தரங் யாசிம்ஹா
அம்ஹாகங் குமாரகஸ்ஸ. ஸா ஏவமாஹ – ‘அஹங் க்²வய்யோ தும்ஹே ந ஜானாமி – கே வா
இமே கஸ்ஸ வாதி. அயஞ்ச மே ஏகதீ⁴திகா, திரோகா³மோ ச க³ந்தப்³போ³, நாஹங்
த³ஸ்ஸாமீ’தி. ஸாது⁴, ப⁴ந்தே, அய்யோ தங் க³ணகிங் தீ⁴தரங் தா³பேது அம்ஹாகங்
குமாரகஸ்ஸா’’தி. அத² கோ² ஆயஸ்மா உதா³யீ யேன ஸா க³ணகீ தேனுபஸங்கமி;
உபஸங்கமித்வா தங் க³ணகிங் ஏதத³வோச – ‘‘கிஸ்ஸிமேஸங் தீ⁴தரங் ந
தே³ஸீ’’தி? ‘‘அஹங் க்²வய்ய, இமே ந ஜானாமி – ‘கே வா இமே கஸ்ஸ வா’தி. அயஞ்ச
மே ஏகதீ⁴திகா, திரோகா³மோ ச க³ந்தப்³போ³, நாஹங் த³ஸ்ஸாமீ’’தி. ‘‘தே³ஹிமேஸங்.
அஹங் இமே ஜானாமீ’’தி. ‘‘ஸசே, ப⁴ந்தே, அய்யோ ஜானாதி, த³ஸ்ஸாமீ’’தி. அத² கோ²
ஸா க³ணகீ தேஸங் ஆஜீவகஸாவகானங் தீ⁴தரங் அதா³ஸி. அத² கோ² தே ஆஜீவகஸாவகா தங்
குமாரிகங் நெத்வா மாஸங்யேவ ஸுணிஸபோ⁴கே³ன பு⁴ஞ்ஜிங்ஸு. ததோ அபரேன
தா³ஸிபோ⁴கே³ன பு⁴ஞ்ஜந்தி.

அத² கோ² ஸா குமாரிகா மாதுயா ஸந்திகே தூ³தங் பாஹேஸி –
‘‘அஹம்ஹி து³க்³க³தா து³க்கி²தா, ந ஸுக²ங் லபா⁴மி. மாஸங்யேவ மங்
ஸுணிஸபோ⁴கே³ன பு⁴ஞ்ஜிங்ஸு. ததோ அபரேன தா³ஸிபோ⁴கே³ன பு⁴ஞ்ஜந்தி. ஆக³ச்ச²து
மே மாதா, மங் நெஸ்ஸதூ’’தி. அத² கோ² ஸா க³ணகீ யேன தே ஆஜீவகஸாவகா
தேனுபஸங்கமி; உபஸங்கமித்வா தே ஆஜீவகஸாவகே ஏதத³வோச – ‘‘மாய்யோ, இமங்
குமாரிகங் தா³ஸிபோ⁴கே³ன பு⁴ஞ்ஜித்த². ஸுணிஸபோ⁴கே³ன இமங் குமாரிகங்
பு⁴ஞ்ஜதா²’’தி. தே ஏவமாஹங்ஸு – ‘‘நத்த²ம்ஹாகங் தயா ஸத்³தி⁴ங் ஆஹாரூபஹாரோ,
ஸமணேன ஸத்³தி⁴ங் அம்ஹாகங் ஆஹாரூபஹாரோ . க³ச்ச²
த்வங். ந மயங் தங் ஜானாமா’’தி. அத² கோ² ஸா க³ணகீ தேஹி ஆஜீவகஸாவகேஹி
அபஸாதி³தா புனதே³வ ஸாவத்தி²ங் பச்சாக³ஞ்சி². து³தியம்பி கோ² ஸா குமாரிகா
மாதுயா ஸந்திகே தூ³தங் பாஹேஸி – ‘‘அஹம்ஹி து³க்³க³தா து³க்கி²தா, ந ஸுக²ங்
லபா⁴மி. மாஸங்யேவ மங் ஸுணிஸபோ⁴கே³ன பு⁴ஞ்ஜிங்ஸு. ததோ அபரேன தா³ஸிபோ⁴கே³ன
பு⁴ஞ்ஜந்தி. ஆக³ச்ச²து மே மாதா, மங் நெஸ்ஸதூ’’தி. அத² கோ² ஸா க³ணகீ
யேனாயஸ்மா உதா³யீ தேனுபஸங்கமி; உபஸங்கமித்வா ஆயஸ்மந்தங் உதா³யிங்
ஏதத³வோச – ‘‘ஸா கிர, ப⁴ந்தே, குமாரிகா து³க்³க³தா து³க்கி²தா, ந ஸுக²ங்
லப⁴தி. மாஸங்யேவ நங் ஸுணிஸபோ⁴கே³ன பு⁴ஞ்ஜிங்ஸு. ததோ அபரேன தா³ஸிபோ⁴கே³ன
பு⁴ஞ்ஜந்தி. வதெ³ய்யாத², ப⁴ந்தே – ‘மாய்யோ, இமங் குமாரிகங் தா³ஸிபோ⁴கே³ன
பு⁴ஞ்ஜித்த². ஸுணிஸபோ⁴கே³ன இமங் குமாரிகங் பு⁴ஞ்ஜிதா²’’’தி.

அத² கோ² ஆயஸ்மா உதா³யீ யேன தே ஆஜீவகஸாவகா தேனுபஸங்கமி;
உபஸங்கமித்வா தே ஆஜீவகஸாவகே ஏதத³வோச – ‘‘மாய்யோ, இமங் குமாரிகங்
தா³ஸிபோ⁴கே³ன பு⁴ஜ்ஜித்த². ஸுணிஸபோ⁴கே³ன இமங் குமாரிகங் பு⁴ஞ்ஜதா²’’தி. தே
ஏவமாஹங்ஸு – ‘‘நத்த²ம்ஹாகங் தயா ஸத்³தி⁴ங் ஆஹாரூபஹாரோ, க³ணகியா ஸத்³தி⁴ங்
அம்ஹாகங் ஆஹாரூபஹாரோ. ஸமணேன ப⁴விதப்³ப³ங் அப்³யாவடேன. ஸமணோ
அஸ்ஸ ஸுஸமணோ, க³ச்ச² த்வங், ந மயங் தங் ஜானாமா’’தி. அத² கோ² ஆயஸ்மா உதா³யீ
தேஹி ஆஜீவகஸாவகேஹி அபஸாதி³தோ புனதே³வ ஸாவத்தி²ங் பச்சாக³ஞ்சி². ததியம்பி
கோ² ஸா குமாரிகா மாதுயா ஸந்திகே தூ³தங் பாஹேஸி – ‘‘அஹம்ஹி து³க்³க³தா
து³க்கி²தா, ந ஸுக²ங் லபா⁴மி. மாஸங்யேவ மங் ஸுணிஸபோ⁴கே³ன பு⁴ஞ்ஜிங்ஸு. ததோ
அபரேன தா³ஸிபோ⁴கே³ன பு⁴ஞ்ஜந்தி. ஆக³ச்ச²து மே மாதா, மங் நெஸ்ஸதூ’’தி.
து³தியம்பி கோ² ஸா க³ணகீ யேனாயஸ்மா உதா³யீ தேனுபஸங்கமி; உபஸங்கமித்வா
ஆயஸ்மந்தங் உதா³யிங் ஏதத³வோச – ‘‘ஸா கிர, ப⁴ந்தே, குமாரிகா து³க்³க³தா
து³க்கி²தா, ந ஸுக²ங் லப⁴தி. மாஸங்யேவ நங் ஸுணிஸபோ⁴கே³ன பு⁴ஞ்ஜிங்ஸு. ததோ
அபரேன தா³ஸிபோ⁴கே³ன பு⁴ஞ்ஜந்தி. வதெ³ய்யாத², ப⁴ந்தே – ‘மாய்யோ, இமங்
குமாரிகங் தா³ஸிபோ⁴கே³ன பு⁴ஞ்ஜித்த², ஸுணிஸபோ⁴கே³ன இமங் குமாரிகங் பு⁴ஞ்ஜதா²’’’தி. ‘‘பட²மங்பாஹங் தேஹி ஆஜீவகஸாவகேஹி அபஸாதி³தோ. க³ச்ச² த்வங். நாஹங் க³மிஸ்ஸாமீ’’தி.

298. அத² கோ² ஸா க³ணகீ உஜ்ஜா²யதி கி²ய்யதி விபாசேதி – ‘‘ஏவங் து³க்³க³தோ ஹோது அய்யோ உதா³யீ, ஏவங் து³க்கி²தோ ஹோது அய்யோ உதா³யீ, ஏவங்
மா ஸுக²ங் லப⁴து அய்யோ உதா³யீ, யதா² மே குமாரிகா து³க்³க³தா து³க்கி²தா ந
ஸுக²ங் லப⁴தி பாபிகாய ஸஸ்ஸுயா பாபகேன ஸஸுரேன பாபகேன ஸாமிகேனா’’தி. ஸாபி கோ²
குமாரிகா உஜ்ஜா²யதி கி²ய்யதி விபாசேதி – ‘‘ஏவங் து³க்³க³தோ ஹோது அய்யோ
உதா³யீ, ஏவங் து³க்கி²தோ ஹோது அய்யோ உதா³யீ, ஏவங் மா ஸுக²ங் லப⁴து அய்யோ
உதா³யீ, யதா²ஹங் து³க்³க³தா து³க்கி²தா ந ஸுக²ங் லபா⁴மி பாபிகாய ஸஸ்ஸுயா
பாபகேன ஸஸுரேன பாபகேன ஸாமிகேனா’’தி. அஞ்ஞாபி இத்தி²யோ அஸந்துட்டா² ஸஸ்ஸூஹி
வா ஸஸுரேஹி வா ஸாமிகேஹி வா, தா ஏவங் ஓயாசந்தி – ‘‘ஏவங் து³க்³க³தோ ஹோது
அய்யோ உதா³யீ, ஏவங் து³க்கி²தோ ஹோது அய்யோ உதா³யீ, ஏவங் மா ஸுக²ங் லப⁴து
அய்யோ உதா³யீ, யதா² மயங் து³க்³க³தா து³க்கி²தா ந
ஸுக²ங் லபா⁴ம பாபிகாஹி ஸஸ்ஸூஹி பாபகேஹி ஸஸுரேஹி பாபகேஹி ஸாமிகேஹீ’’தி. யா
பன தா இத்தி²யோ ஸந்துட்டா² ஸஸ்ஸூஹி வா ஸஸுரேஹி வா ஸாமிகேஹி வா தா ஏவங்
ஆயாசந்தி – ‘‘ஏவங் ஸுகி²தோ ஹோது அய்யோ உதா³யீ, ஏவங் ஸஜ்ஜிதோ ஹோது அய்யோ
உதா³யீ, ஏவங் ஸுக²மேதோ⁴ [ஸுக²மேதி⁴தோ (ஸீ॰ க॰)] ஹோது அய்யோ உதா³யீ, யதா² மயங் ஸுகி²தா ஸஜ்ஜிதா ஸுக²மேதா⁴ ப⁴த்³தி³காஹி ஸஸ்ஸூஹி ப⁴த்³த³கேஹி ஸஸுரேஹி ப⁴த்³த³கேஹி ஸாமிகேஹீ’’தி.

அஸ்ஸோஸுங் கோ² பி⁴க்கூ²
ஏகச்சானங் இத்தீ²னங் ஓயாசந்தீனங் ஏகச்சானங் இத்தீ²னங் ஆயாசந்தீனங். யே தே
பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஆயஸ்மா உதா³யீ ஸஞ்சரித்தங் ஸமாபஜ்ஜிஸ்ஸதீ’’தி! அத² கோ² தே
பி⁴க்கூ² ஆயஸ்மந்தங் உதா³யிங் அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே
பி⁴க்கு²ஸங்க⁴ங் ஸன்னிபாதாபெத்வா ஆயஸ்மந்தங் உதா³யிங் படிபுச்சி² –
‘‘ஸச்சங் கிர த்வங், உதா³யி, ஸஞ்சரித்தங் ஸமாபஜ்ஜஸீ’’தி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம த்வங், மோக⁴புரிஸ,
ஸஞ்சரித்தங் ஸமாபஜ்ஜஸி! நேதங், மோக⁴புரிஸ, அப்பஸன்னானங் வா பஸாதா³ய…பே॰…
ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

299. ‘‘யோ பன பி⁴க்கு² ஸஞ்சரித்தங் ஸமாபஜ்ஜெய்ய, இத்தி²யா வா புரிஸமதிங் புரிஸஸ்ஸ வா இத்தி²மதிங், ஜாயத்தனே வா ஜாரத்தனே வா, ஸங்கா⁴தி³ஸேஸோ’’தி.

ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.

300.
தேன கோ² பன ஸமயேன ஸம்ப³ஹுலா து⁴த்தா உய்யானே பரிசாரெந்தா அஞ்ஞதரிஸ்ஸா
வேஸியா ஸந்திகே தூ³தங் பாஹேஸுங் – ‘‘ஆக³ச்ச²து உய்யானே, பரிசாரெஸ்ஸாமா’’தி.
ஸா ஏவமாஹ – ‘‘அஹங் க்²வய்யோ தும்ஹே ந ஜானாமி – ‘கே வா இமே கஸ்ஸ வா’தி.
அஹஞ்சம்ஹி ப³ஹுப⁴ண்டா³ ப³ஹுபரிக்கா²ரா, ப³ஹினக³ரஞ்ச க³ந்தப்³ப³ங். நாஹங்
க³மிஸ்ஸாமீ’’தி. அத² கோ² ஸோ தூ³தோ தேஸங் து⁴த்தானங் ஏதமத்த²ங் ஆரோசேஸி.
ஏவங் வுத்தே, அஞ்ஞதரோ புரிஸோ தே து⁴த்தே ஏதத³வோச –
‘‘கிஸ்ஸ தும்ஹே அய்யோ ஏதங் வேஸிங் யாசித்த²? நனு அய்யோ உதா³யீ வத்தப்³போ³!
அய்யோ உதா³யீ உய்யோஜெஸ்ஸதீ’’தி. ஏவங் வுத்தே, அஞ்ஞதரோ உபாஸகோ தங் புரிஸங்
ஏதத³வோச – ‘‘மாய்யோ ஏவங் அவச. ந கப்பதி ஸமணானங் ஸக்யபுத்தியானங் ஏவரூபங்
காதுங். நாய்யோ உதா³யீ ஏவங் கரிஸ்ஸதீ’’தி. ஏவங் வுத்தே, ‘‘கரிஸ்ஸதி ந
கரிஸ்ஸதீ’’தி அப்³பு⁴தமகங்ஸு. அத² கோ² தே து⁴த்தா யேனாயஸ்மா
உதா³யீ தேனுபஸங்கமிங்ஸு; உபஸங்கமித்வா ஆயஸ்மந்தங் உதா³யிங் ஏதத³வோசுங் –
‘‘இத⁴ மயங், ப⁴ந்தே, உய்யானே பரிசாரெந்தா அஸுகாய நாம வேஸியா ஸந்திகே தூ³தங்
பஹிணிம்ஹா – ‘ஆக³ச்ச²து உய்யானே, பரிசாரெஸ்ஸாமா’தி. ஸா ஏவமாஹ – ‘அஹங்
க்²வய்யோ தும்ஹே ந ஜானாமி – கே வா இமே கஸ்ஸ வாதி, அஹஞ்சம்ஹி ப³ஹுப⁴ண்டா³
ப³ஹுபரிக்கா²ரா, ப³ஹினக³ரஞ்ச க³ந்தப்³ப³ங். நாஹங் க³மிஸ்ஸாமீ’தி. ஸாது⁴,
ப⁴ந்தே, அய்யோ தங் வஸிங் உய்யோஜேதூ’’தி.

அத² கோ² ஆயஸ்மா உதா³யீ யேன ஸா வேஸீ தேனுபஸங்கமி;
உபஸங்கமித்வா தங் வேஸிங் ஏதத³வோச – ‘‘கிஸ்ஸிமேஸங் ந க³ச்ச²ஸீ’’தி? ‘‘அஹங்
க்²வய்ய இமே ந ஜானாமி – ‘கே வா இமே கஸ்ஸ வா’தி. அஹஞ்சம்ஹி ப³ஹுப⁴ண்டா³
ப³ஹுபரிக்கா²ரா, ப³ஹினக³ரஞ்ச க³ந்தப்³ப³ங். நாஹங் க³மிஸ்ஸாமீ’’தி.
‘‘க³ச்சி²மேஸங். அஹங் இமே ஜானாமீ’’தி. ‘‘ஸசே, ப⁴ந்தே, அய்யோ ஜானாதி அஹங்
க³மிஸ்ஸாமீ’’தி. அத² கோ² தே து⁴த்தா தங் வேஸிங் ஆதா³ய உய்யானங் அக³மங்ஸு.
அத² கோ² ஸோ உபாஸகோ உஜ்ஜா²யதி கி²ய்யதி விபாசேதி – ‘‘கத²ஞ்ஹி நாம அய்யோ
உதா³யீ தங்க²ணிகங் ஸஞ்சரித்தங் ஸமாபஜ்ஜிஸ்ஸதீ’’தி. அஸ்ஸோஸுங் கோ² பி⁴க்கூ²
தஸ்ஸ உபாஸகஸ்ஸ உஜ்ஜா²யந்தஸ்ஸ கி²ய்யந்தஸ்ஸ
விபாசெந்தஸ்ஸ. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஆயஸ்மா உதா³யீ தங்க²ணிகங் ஸஞ்சரித்தங்
ஸமாபஜ்ஜிஸ்ஸதீ’’தி! அத² கோ² தே பி⁴க்கூ² ஆயஸ்மந்தங் உதா³யிங் அனேகபரியாயேன விக³ரஹித்வா ப⁴க³வதோ
ஏதமத்த²ங் ஆரோசேஸுங்…பே॰… ‘‘ஸச்சங் கிர த்வங், உதா³யி, தங்க²ணிகங்
ஸஞ்சரித்தங் ஸமாபஜ்ஜஸீ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… ‘‘கத²ஞ்ஹி நாம த்வங், மோக⁴புரிஸ, தங்க²ணிகங் ஸஞ்சரித்தங்
ஸமாபஜ்ஜிஸ்ஸஸி? நேதங், மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

301. ‘‘யோ
பன பி⁴க்கு² ஸஞ்சரித்தங் ஸமாபஜ்ஜெய்ய, இத்தி²யா வா புரிஸமதிங் புரிஸஸ்ஸ வா
இத்தி²மதிங், ஜாயத்தனே வா ஜாரத்தனே வா, அந்தமஸோ தங்க²ணிகாயபி,
ஸங்கா⁴தி³ஸேஸோ’’தி.

302. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

ஸஞ்சரித்தங் ஸமாபஜ்ஜெய்யாதி இத்தி²யா வா பஹிதோ புரிஸஸ்ஸ ஸந்திகே க³ச்ச²தி, புரிஸேன வா பஹிதோ இத்தி²யா ஸந்திகே க³ச்ச²தி.

இத்தி²யா வா புரிஸமதிந்தி புரிஸஸ்ஸ மதிங் இத்தி²யா ஆரோசேதி.

புரிஸஸ்ஸ வா இத்தி²மதிந்தி இத்தி²யா மதிங் புரிஸஸ்ஸ ஆரோசேதி.

ஜாயத்தனே வாதி ஜாயா ப⁴விஸ்ஸஸி.

ஜாரத்தனே வாதி ஜாரீ ப⁴விஸ்ஸஸி.

அந்தமஸோ தங்க²ணிகாயபீதி முஹுத்திகா ப⁴விஸ்ஸஸி .

ஸங்கா⁴தி³ஸேஸோதி…பே॰… தேனபி வுச்சதி ஸங்கா⁴தி³ஸேஸோதி.

303.
த³ஸ இத்தி²யோ – மாதுரக்கி²தா பிதுரக்கி²தா மாதாபிதுரக்கி²தா பா⁴துரக்கி²தா
ப⁴கி³னிரக்கி²தா ஞாதிரக்கி²தா கொ³த்தரக்கி²தா த⁴ம்மரக்கி²தா ஸாரக்கா²
ஸபரித³ண்டா³.

த³ஸ ப⁴ரியாயோ – த⁴னக்கீதா ச²ந்த³வாஸினீ போ⁴க³வாஸினீ
படவாஸினீ ஓத³பத்தகினீ ஓப⁴டசும்ப³டா தா³ஸீ ச ப⁴ரியா ச கம்மகாரீ ச ப⁴ரியா ச
த⁴ஜாஹடா முஹுத்திகா.

304. மாதுரக்கி²தா நாம மாதா ரக்க²தி கோ³பேதி இஸ்ஸரியங் காரேதி வஸங் வத்தேதி.

பிதுரக்கி²தா நாம பிதா ரக்க²தி கோ³பேதி இஸ்ஸரியங் காரேதி வஸங் வத்தேதி.

மாதாபிதுரக்கி²தா நாம மாதாபிதரோ ரக்க²ந்தி கோ³பெந்தி இஸ்ஸரியங் காரெந்தி வஸங் வத்தெந்தி.

பா⁴துரக்கி²தா நாம பா⁴தா ரக்க²தி கோ³பேதி இஸ்ஸரியங் காரேதி வஸங் வத்தேதி.

ப⁴கி³னிரக்கி²தா நாம ப⁴கி³னீ ரக்க²தி கோ³பேதி இஸ்ஸரியங் காரேதி வஸங் வத்தேதி.

ஞாதிரக்கி²தா நாம ஞாதகா ரக்க²ந்தி கோ³பெந்தி இஸ்ஸரியங் காரெந்தி வஸங் வத்தெந்தி.

கொ³த்தரக்கி²தா நாம ஸகொ³த்தா ரக்க²ந்தி கோ³பெந்தி இஸ்ஸரியங் காரெந்தி வஸங் வத்தெந்தி.

த⁴ம்மரக்கி²தா நாம ஸஹத⁴ம்மிகா ரக்க²ந்தி கோ³பெந்தி இஸ்ஸரியங் காரெந்தி வஸங் வத்தெந்தி.

ஸாரக்கா² நாம க³ப்³பே⁴பி பரிக்³க³ஹிதா ஹோதி – மய்ஹங் ஏஸாதி. அந்தமஸோ மாலாகு³ளபரிக்கி²த்தாபி.

ஸபரித³ண்டா³ நாம கேஹிசி த³ண்டோ³ ட²பிதோ ஹோதி – யோ இத்த²ன்னாமங் இத்தி²ங் க³ச்ச²தி எத்தகோ த³ண்டோ³தி.

த⁴னக்கீதா நாம த⁴னேன கிணித்வா வாஸேதி.

ச²ந்த³வாஸினீ நாம பியோ பியங் வாஸேதி.

போ⁴க³வாஸினீ நாம போ⁴க³ங் த³த்வா வாஸேதி.

படவாஸினீ நாம படங் த³த்வா வாஸேதி.

ஓத³பத்தகினீ நாம உத³கபத்தங் ஆமஸித்வா வாஸேதி.

ஓப⁴டசும்ப³டா நாம சும்ப³டங் ஓரோபெத்வா வாஸேதி.

தா³ஸீ நாம தா³ஸீ சேவ ஹோதி ப⁴ரியா ச.

கம்மகாரீ நாம கம்மகாரீ சேவ ஹோதி ப⁴ரியா ச.

த⁴ஜாஹடா நாம கரமரானீதா வுச்சதி.

முஹுத்திகா நாம தங்க²ணிகா வுச்சதி.

305. புரிஸோ
பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தங்
ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா த⁴னக்கீதா’’’தி. படிக்³க³ண்ஹாதி
வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே,
இத்த²ன்னாமங் பிதுரக்கி²தங் ப்³ரூஹி…பே॰… மாதாபிதுரக்கி²தங் ப்³ரூஹி…
பா⁴துரக்கி²தங் ப்³ரூஹி… ப⁴கி³னிரக்கி²தங் ப்³ரூஹி… ஞாதிரக்கி²தங் ப்³ரூஹி…
கொ³த்தரக்கி²தங் ப்³ரூஹி… த⁴ம்மரக்கி²தங் ப்³ரூஹி… ஸாரக்க²ங் ப்³ரூஹி…
ஸபரித³ண்ட³ங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா த⁴னக்கீதா’’’தி.
படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

நிக்கே²பபதா³னி.

306.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங்
மாதுரக்கி²தஞ்ச பிதுரக்கி²தஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ
த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தஞ்ச மாதாபிதுரஅக²தஞ்ச…பே॰…

மாதுரக்கி²தஞ்ச பா⁴துரக்கி²தஞ்ச… மாதுரக்கி²தஞ்ச
ப⁴கி³னிரக்கி²தஞ்ச… மாதுரக்கி²தஞ்ச ஞாதிரக்கி²தஞ்ச… மாதுரக்கி²தஞ்ச
கொ³த்தரக்கி²தஞ்ச… மாதுரக்கி²தஞ்ச த⁴ம்மரக்கி²தஞ்ச… மாதுரக்கி²தஞ்ச
ஸாரக்க²ஞ்ச… மாதுரக்கி²தஞ்ச ஸபரித³ண்ட³ஞ்ச ப்³ரூஹி – ‘ஹோத² கிர
இத்த²ன்னாமஸ்ஸ ப⁴ரியாயோ த⁴னக்கீதா’’’தி. படிக்³க³ண்ஹாதி வீமங்ஸதி
பச்சாஹரதி, ஆபத்தி ஸங்கா⁴தி³ஸேஸஸ்ஸ.

க²ண்ட³சக்கங்.

307.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங்
பிதுரக்கி²தஞ்ச மாதாபிதுரக்கி²தஞ்ச ப்³ரூஹி – ‘ஹோத² கிர இத்த²ன்னாமஸ்ஸ
ப⁴ரியாயோ த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி
ஸங்கா⁴தி³ஸேஸஸ்ஸ.

புரிஸோ பி⁴க்கு²ங் பஹிணதி –
‘‘க³ச்ச², ப⁴ந்தே, இத்த²ன்னாமங் பிதுரக்கி²தஞ்ச பா⁴துரக்கி²தஞ்ச…பே॰…
பிதுரக்கி²தஞ்ச ப⁴கி³னிரக்கி²தஞ்ச… பிதுரக்கி²தஞ்ச ஞாதிரக்கி²தஞ்ச…
பிதுரக்கி²தஞ்ச கொ³த்தரக்கி²தஞ்ச… பிதுரக்கி²தஞ்ச த⁴ம்மரக்கி²தஞ்ச…
பிதுரக்கி²தஞ்ச ஸாரக்க²ஞ்ச… பிதுரக்கி²தஞ்ச ஸபரித³ண்ட³ஞ்ச ப்³ரூஹி – ‘ஹோத²
கிர இத்த²ன்னாமஸ்ஸ ப⁴ரியாயோ த⁴னக்கீதா’’’தி. படிக்³க³ண்ஹாதி வீமங்ஸதி
பச்சாஹரதி, ஆபத்தி ஸங்கா⁴தி³ஸேஸஸ்ஸ.

புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் பிதுரக்கி²தஞ்ச மாதுரக்கி²தஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

ப³த்³த⁴சக்கங் மூலங் ஸங்கி²த்தங்.

308.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ஸபரித³ண்ட³ஞ்ச
மாதுரக்கி²தஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ
த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி
ஸங்கா⁴தி³ஸேஸஸ்ஸ.

புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ஸபரித³ண்ட³ஞ்ச பிதுரஅக²தஞ்ச…பே॰…

ஸபரித³ண்ட³ஞ்ச மாதாபிதுரக்கி²தஞ்ச… ஸபரித³ண்ட³ஞ்ச
பா⁴துரக்கி²தஞ்ச… ஸபரித³ண்ட³ஞ்ச ப⁴கி³னிரக்கி²தஞ்ச… ஸபரித³ண்ட³ஞ்ச
ஞாதிரக்கி²தஞ்ச… ஸபரித³ண்ட³ஞ்ச கொ³த்தரக்கி²தஞ்ச… ஸபரித³ண்ட³ஞ்ச
த⁴ம்மரக்கி²தஞ்ச… ஸபரித³ண்ட³ஞ்ச ஸாரக்க²ஞ்ச ப்³ரூஹி – ‘ஹோத² கிர
இத்த²ன்னாமஸ்ஸ ப⁴ரியாயோ த⁴னக்கீதா’’’தி. படிக்³க³ண்ஹாதி வீமங்ஸதி
பச்சாஹரதி, ஆபத்தி ஸங்கா⁴தி³ஸேஸஸ்ஸ.

ஏகமூலகங் நிட்டி²தங்.

ஏவங் து³மூலகம்பி திமூலகம்பி யாவ நவமூலகங் காதப்³ப³ங்.

இத³ங் த³ஸமூலகங்

309. புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தஞ்ச பிதுரக்கி²தஞ்ச
மாதாபிதுரக்கி²தஞ்ச பா⁴துரக்கி²தஞ்ச ப⁴கி³னிரக்கி²தஞ்ச ஞாதிரக்கி²தஞ்ச
கொ³த்தரக்கி²தஞ்ச த⁴ம்மரக்கி²தஞ்ச ஸாரக்க²ஞ்ச ஸபரித³ண்ட³ஞ்ச ப்³ரூஹி –
‘ஹோத² கிர இத்த²ன்னாமஸ்ஸ ப⁴ரியாயோ த⁴னக்கீதா’’’தி. படிக்³க³ண்ஹாதி வீமங்ஸதி
பச்சாஹரதி, ஆபத்தி ஸங்கா⁴தி³ஸேஸஸ்ஸ.

த⁴னக்கீதாசக்கங் நிட்டி²தங்.

310.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தங்
ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா ச²ந்த³வாஸினீ…பே॰… போ⁴க³வாஸினீ…
படவாஸினீ… ஓத³பத்தகினீ… ஓப⁴டசும்ப³டா… தா³ஸீ ச ப⁴ரியா ச… கம்மகாரீ ச
ப⁴ரியா ச… த⁴ஜாஹடா… முஹுத்திகா’’’தி. படிக்³க³ண்ஹாதி வீமங்ஸதி பச்சாஹரதி,
ஆபத்தி ஸங்கா⁴தி³ஸேஸஸ்ஸ.

புரிஸோ பி⁴க்கு²ங் பஹிணதி –
‘‘க³ச்ச², ப⁴ந்தே, இத்த²ன்னாமங் பிதுரக்கி²தங் ப்³ரூஹி…பே॰…
மாதாபிதுரக்கி²தங் ப்³ரூஹி… பா⁴துரக்கி²தங் ப்³ரூஹி… ப⁴கி³னிரக்கி²தங்
ப்³ரூஹி… ஞாதிரக்கி²தங் ப்³ரூஹி… கொ³த்தரக்கி²தங் ப்³ரூஹி… த⁴ம்மரக்கி²தங்
ப்³ரூஹி… ஸாரக்க²ங் ப்³ரூஹி… ஸபரித³ண்ட³ங் ப்³ரூஹி – ‘ஹோஹி கிர
இத்த²ன்னாமஸ்ஸ ப⁴ரியா முஹுத்திகா’’’தி. படிக்³க³ண்ஹாதி வீமங்ஸதி பச்சாஹரதி,
ஆபத்தி ஸங்கா⁴தி³ஸேஸஸ்ஸ.

நிக்கே²பபதா³னி.

311.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங்
மாதுரக்கி²தஞ்ச பிதுரக்கி²தஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ
முஹுத்திகா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி
ஸங்கா⁴தி³ஸேஸஸ்ஸ.

புரிஸோ பி⁴க்கு²ங் பஹிணதி –
‘‘க³ச்ச², ப⁴ந்தே, இத்த²ன்னாமங் மாதுரக்கி²தஞ்ச மாதாபிதுரக்கி²தஞ்ச…பே॰…
மாதுரக்கி²தஞ்ச ஸபரித³ண்ட³ஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ
முஹுத்திகா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி
ஸங்கா⁴தி³ஸேஸஸ்ஸ.

க²ண்ட³சக்கங்.

312. புரிஸோ
பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் பிதுரக்கி²தஞ்ச
மாதாபிதுரக்கி²தஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ
முஹுத்திகா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி
ஸங்கா⁴தி³ஸேஸஸ்ஸ.

புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே,
இத்த²ன்னாமங் பிதுரக்கி²தஞ்ச பா⁴துரக்கி²தஞ்ச…பே॰… பிதுரக்கி²தஞ்ச
ஸபரித³ண்ட³ஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ
முஹுத்திகா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி
ஸங்கா⁴தி³ஸேஸஸ்ஸ.

புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே,
இத்த²ன்னாமங் பிதுரக்கி²தஞ்ச மாதுரக்கி²தஞ்ச ப்³ரூஹி – ‘ஹோத² கிர
இத்த²ன்னாமஸ்ஸ ப⁴ரியாயோ முஹுத்திகா’’’தி. படிக்³க³ண்ஹாதி வீமங்ஸதி
பச்சாஹரதி, ஆபத்தி ஸங்கா⁴தி³ஸேஸஸ்ஸ.

ப³த்³த⁴சக்கங் மூலங் ஸங்கி²த்தங்.

313. புரிஸோ
பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ஸபரித³ண்ட³ஞ்ச
மாதுரக்கி²தஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ
முஹுத்திகா’’’தி . படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே,
இத்த²ன்னாமங் ஸபரித³ண்ட³ஞ்ச பிதுரக்கி²தஞ்ச…பே॰… ஸபரித³ண்ட³ஞ்ச ஸாரக்க²ஞ்ச
ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ முஹுத்திகா’’’தி.
படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

ஏகமூலகங் நிட்டி²தங்.

து³மூலகாதீ³னிபி ஏவமேவ காதப்³பா³னி.

இத³ங் த³ஸமூலகங்

314. புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தஞ்ச பிதுரக்கி²தஞ்ச மாதாபிதுரக்கி²தஞ்ச பா⁴துரக்கி²தஞ்ச ப⁴கி³னிரக்கி²தஞ்ச ஞாதிரக்கி²தஞ்ச கொ³த்தரக்கி²தஞ்ச
த⁴ம்மரக்கி²தஞ்ச ஸாரக்க²ஞ்ச ஸபரித³ண்ட³ஞ்ச ப்³ரூஹி – ‘ஹோத² கிர
இத்த²ன்னாமஸ்ஸ ப⁴ரியாயோ முஹுத்திகா’’’தி. படிக்³க³ண்ஹாதி வீமங்ஸதி
பச்சாஹரதி, ஆபத்தி ஸங்கா⁴தி³ஸேஸஸ்ஸ.

முஹுத்திகாசக்கங் நிட்டி²தங்.

315. புரிஸோ
பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தங்
ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா த⁴னக்கீதா’’’தி. படிக்³க³ண்ஹாதி
வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே,
இத்த²ன்னாமங் மாதுரக்கி²தங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா
ச²ந்த³வாஸினீ…பே॰… போ⁴க³வாஸினீ… படவாஸினீ… ஓத³பத்தகினீ… ஓப⁴டசும்ப³டா…
தா³ஸீ ச ப⁴ரியா ச… கம்மகாரீ ச ப⁴ரியா ச… த⁴ஜாஹடா… முஹுத்திகா’’’தி.
படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

நிக்கே²பபதா³னி.

316.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தங்
ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா த⁴னக்கீதா ச ச²ந்த³வாஸினீ
சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

புரிஸோ பி⁴க்கு²ங் பஹிணதி –
‘‘க³ச்ச², ப⁴ந்தே, இத்த²ன்னாமங் மாதுரக்கி²தங் ப்³ரூஹி – ‘ஹோஹி கிர
இத்த²ன்னாமஸ்ஸ ப⁴ரியா த⁴னக்கீதா ச போ⁴க³வாஸினீ ச…பே॰… த⁴னக்கீதா ச படவாஸினீ
ச… த⁴னக்கீதா ச ஓத³பத்தகினீ ச… த⁴னக்கீதா ச ஓப⁴டசும்ப³டா ச… த⁴னக்கீதா ச
தா³ஸீ ச ப⁴ரியா ச… த⁴னக்கீதா ச கம்மகாரீ ச ப⁴ரியா ச… த⁴னக்கீதா ச த⁴ஜாஹடா
ச… த⁴னக்கீதா ச முஹுத்திகா சா’’’தி. படிக்³க³ண்ஹாதி வீமங்ஸதி பச்சாஹரதி,
ஆபத்தி ஸங்கா⁴தி³ஸேஸஸ்ஸ.

க²ண்ட³சக்கங்.

317. புரிஸோ
பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தங்
ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா ச²ந்த³வாஸினீ ச போ⁴க³வாஸினீ
ச…பே॰… ச²ந்த³வாஸினீ ச முஹுத்திகா ச… ச²ந்த³வாஸினீ ச த⁴னக்கீதா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

ப³த்³த⁴சக்கங் மூலங் ஸங்கி²த்தங்.

318.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தங்
ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா முஹுத்திகா ச த⁴னக்கீதா ச…பே॰…
முஹுத்திகா ச ச²ந்த³வாஸினீ ச…பே॰… முஹுத்திகா ச த⁴ஜாஹடா சா’’’தி.
படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

ஏகமூலகங் நிட்டி²தங்.

து³மூலகாதீ³னிபி ஏவமேவ காதப்³பா³னி.

இத³ங் த³ஸமூலகங்

319.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தங்
ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா த⁴னக்கீதா ச ச²ந்த³வாஸினீ ச
போ⁴க³வாஸினீ ச படவாஸினீ ச ஓத³பத்தகினீ ச ஓப⁴டசும்ப³டா ச தா³ஸீ ச ப⁴ரியா ச
கம்மகாரீ ச ப⁴ரியா ச த⁴ஜாஹடா ச முஹுத்திகா சா’’’தி. படிக்³க³ண்ஹாதி
வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

மாதுரக்கி²தாசக்கங் நிட்டி²தங்.

புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே,
இத்த²ன்னாமங் பிதுரக்கி²தங்…பே॰… மாதாபிதுரக்கி²தங்… பா⁴துரக்கி²தங்…
ப⁴கி³னிரக்கி²தங் … ஞாதிரக்கி²தங்… கொ³த்தரக்கி²தங்… த⁴ம்மரக்கி²தங்
… ஸாரக்க²ங்… ஸபரித³ண்ட³ங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா
த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி
ஸங்கா⁴தி³ஸேஸஸ்ஸ.

புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே,
இத்த²ன்னாமங் ஸபரித³ண்ட³ங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா
ச²ந்த³வாஸினீ…பே॰… போ⁴க³வாஸினீ, படவாஸினீ, ஓத³பத்தகினீ, ஓப⁴டசும்ப³டா,
தா³ஸீ ச ப⁴ரியா ச, கம்மகாரீ ச ப⁴ரியா ச, த⁴ஜாஹடா, முஹுத்திகா’’’தி.
படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

நிக்கே²பபதா³னி.

320.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ஸபரித³ண்ட³ங்
ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா த⁴னக்கீதா ச ச²ந்த³வாஸினீ
சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே,
இத்த²ன்னாமங் ஸபரித³ண்ட³ங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா
த⁴னக்கீதா ச போ⁴க³வாஸினீ ச…பே॰… த⁴னக்கீதா ச முஹுத்திகா சா’’’தி.
படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

க²ண்ட³சக்கங்.

புரிஸோ பி⁴க்கு²ங் பஹிணதி –
‘‘க³ச்ச², ப⁴ந்தே, இத்த²ன்னாமங் ஸபரித³ண்ட³ங் ப்³ரூஹி – ‘ஹோஹி கிர
இத்த²ன்னாமஸ்ஸ ப⁴ரியா ச²ந்த³வாஸினீ ச போ⁴க³வாஸினீ ச…பே॰… ச²ந்த³வாஸினீ ச
முஹுத்திகா ச, ச²ந்த³வாஸினீ ச த⁴னக்கீதா சா’’’தி. படிக்³க³ண்ஹாதி வீமங்ஸதி
பச்சாஹரதி, ஆபத்தி ஸங்கா⁴தி³ஸேஸஸ்ஸ.

ப³த்³த⁴சக்கங் மூலங் ஸங்கி²த்தங்.

புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே,
இத்த²ன்னாமங் ஸபரித³ண்ட³ங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா
முஹுத்திகா ச த⁴னக்கீதா ச…பே॰… முஹுத்திகா ச ச²ந்த³வாஸினீ ச, முஹுத்திகா ச த⁴ஜாஹடா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

ஏகமூலகங் நிட்டி²தங்.

து³மூலகம்பி திமூலகம்பி யாவ நவமூலகங் ஏவமேவ காதப்³ப³ங்.

இத³ங் த³ஸமூலகங்.

321. புரிஸோ
பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ஸபரித³ண்ட³ங் ப்³ரூஹி
– ‘ஹோஹி கிர இத்த²ன்னாமஸ்ஸ ப⁴ரியா த⁴னக்கீதா ச ச²ந்த³வாஸினீ ச போ⁴க³வாஸினீ
ச படவாஸினீ ச ஓத³பத்தகினீ ச ஓப⁴டசும்ப³டா ச தா³ஸீ ச ப⁴ரியா ச கம்மகாரீ ச
ப⁴ரியா ச த⁴ஜாஹடா ச முஹுத்திகா சா’’’தி. படிக்³க³ண்ஹாதி வீமங்ஸதி
பச்சாஹரதி, ஆபத்தி ஸங்கா⁴தி³ஸேஸஸ்ஸ.

ஸபரித³ண்டா³சக்கங் நிட்டி²தங்.

புரிஸோ பி⁴க்கு²ங் பஹிணதி –
‘‘க³ச்ச², ப⁴ந்தே, இத்த²ன்னாமங் மாதுரக்கி²தங் ப்³ரூஹி – ‘ஹோஹி கிர
இத்த²ன்னாமஸ்ஸ ப⁴ரியா த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி,
ஆபத்தி ஸங்கா⁴தி³ஸேஸஸ்ஸ.

புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே,
இத்த²ன்னாமங் மாதுரக்கி²தஞ்ச பிதுரக்கி²தஞ்ச ப்³ரூஹி – ‘ஹோத² கிர
இத்த²ன்னாமஸ்ஸ ப⁴ரியாயோ த⁴னக்கீதா ச ச²ந்த³வாஸினீ சா’’’தி. படிக்³க³ண்ஹாதி
வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே,
இத்த²ன்னாமங் மாதுரக்கி²தஞ்ச பிதுரக்கி²தஞ்ச மாதாபிதுரக்கி²தஞ்ச ப்³ரூஹி –
‘ஹோத² கிர இத்த²ன்னாமஸ்ஸ ப⁴ரியாயோ த⁴னக்கீதா ச ச²ந்த³வாஸினீ ச போ⁴க³வாஸினீ
சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

ஏவங் உப⁴தோவட்³ட⁴கங் காதப்³ப³ங்.

புரிஸோ பி⁴க்கு²ங் பஹிணதி –
‘‘க³ச்ச², ப⁴ந்தே, இத்த²ன்னாமங் மாதுரக்கி²தஞ்ச பிதுரக்கி²தஞ்ச
மாதாபிதுரக்கி²தஞ்ச பா⁴துரக்கி²தஞ்ச ப⁴கி³னிரக்கி²தஞ்ச ஞாதிரக்கி²தஞ்ச
கொ³த்தரக்கி²தஞ்ச த⁴ம்மரக்கி²தஞ்ச ஸாரக்க²ஞ்ச ஸபரித³ண்ட³ஞ்ச ப்³ரூஹி –
‘ஹோத² கிர இத்த²ன்னாமஸ்ஸ ப⁴ரியாயோ த⁴னக்கீதா ச ச²ந்த³வாஸினீ ச போ⁴க³வாஸினீ ச
படவாஸினீ ச ஓத³பத்தகினீ ச ஓப⁴டசும்ப³டா ச தா³ஸீ ச ப⁴ரியா ச கம்மகாரீ ச
ப⁴ரியா ச த⁴ஜாஹடா ச முஹுத்திகா சா’’’தி. படிக்³க³ண்ஹாதி வீமங்ஸதி
பச்சாஹரதி, ஆபத்தி ஸங்கா⁴தி³ஸேஸஸ்ஸ.

உப⁴தோவட்³ட⁴கங் நிட்டி²தங்.

புரிஸஸ்ஸ மாதா பி⁴க்கு²ங்
பஹிணதி…பே॰… புரிஸஸ்ஸ பிதா பி⁴க்கு²ங் பஹிணதி…பே॰… புரிஸஸ்ஸ மாதாபிதரோ
பி⁴க்கு²ங் பஹிணந்தி…பே॰… புரிஸஸ்ஸ பா⁴தா பி⁴க்கு²ங் பஹிணதி…பே॰… புரிஸஸ்ஸ
ப⁴கி³னீ பி⁴க்கு²ங் பஹிணதி…பே॰… புரிஸஸ்ஸ ஞாதகா பி⁴க்கு²ங் பஹிணந்தி…பே॰… புரிஸஸ்ஸ கொ³த்தா பி⁴க்கு²ங் பஹிணந்தி…பே॰… புரிஸஸ்ஸ ஸஹத⁴ம்மிகா பி⁴க்கு²ங் பஹிணந்தி…பே॰….

புரிஸஸ்ஸ பெய்யாலோ வித்தா²ரேதப்³போ³.

உப⁴தோவட்³ட⁴கங் யதா² புரிமனயோ ததே²வ வித்தா²ரேதப்³ப³ங்.

322.
மாதுரக்கி²தாய மாதா பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங்
ப்³ரூஹி – ‘ஹோது இத்த²ன்னாமஸ்ஸ ப⁴ரியா த⁴னக்கீதா’’’தி. படிக்³க³ண்ஹாதி
வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

மாதுரக்கி²தாய மாதா பி⁴க்கு²ங் பஹிணதி – ‘‘க³ச்ச²,
ப⁴ந்தே, இத்த²ன்னாமங் ப்³ரூஹி – ‘ஹோது இத்த²ன்னாமஸ்ஸ ப⁴ரியா
ச²ந்த³வாஸினீ…பே॰… போ⁴க³வாஸினீ, படவாஸினீ, ஓத³பத்தகினீ, ஓப⁴டசும்ப³டா,
தா³ஸீ ச ப⁴ரியா ச, கம்மகாரீ ச ப⁴ரியா ச, த⁴ஜாஹடா, முஹுத்திகா’’’தி.
படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

நிக்கே²பபதா³னி.

323. மாதுரக்கி²தாய
மாதா பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோது
இத்த²ன்னாமஸ்ஸ ப⁴ரியா த⁴னக்கீதா ச ச²ந்த³வாஸினீ ச…பே॰… த⁴னக்கீதா ச
போ⁴க³வாஸினீ ச, த⁴னக்கீதா ச முஹுத்திகா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

க²ண்ட³சக்கங்.

324.
மாதுரக்கி²தாய மாதா பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங்
ப்³ரூஹி – ‘ஹோது இத்த²ன்னாமஸ்ஸ ப⁴ரியா ச²ந்த³வாஸினீ ச போ⁴க³வாஸினீ ச…பே॰…
ச²ந்த³வாஸினீ ச முஹுத்திகா ச, ச²ந்த³வாஸினீ ச த⁴னக்கீதா சா’’’தி.
படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

ப³த்³த⁴சக்கங் மூலங் ஸங்கி²த்தங்.

325.
மாதுரக்கி²தாய மாதா பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங்
ப்³ரூஹி – ‘ஹோது இத்த²ன்னாமஸ்ஸ ப⁴ரியா முஹுத்திகா ச த⁴னக்கீதா ச…பே॰…
முஹுத்திகா ச ச²ந்த³வாஸினீ ச…பே॰… முஹுத்திகா ச த⁴ஜாஹடா சா’’’தி.
படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

ஏகமூலகங் நிட்டி²தங்.

து³மூலகம்பி திமூலகம்பி யாவ நவமூலகங் ஏவமேவ காதப்³ப³ங்.

இத³ங் த³ஸமூலகங்

326. மாதுரக்கி²தாய
மாதா பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோது
இத்த²ன்னாமஸ்ஸ ப⁴ரியா த⁴னக்கீதா ச ச²ந்த³வாஸினீ ச போ⁴க³வாஸினீ ச படவாஸினீ ச
ஓத³பத்தகினீ ச ஓப⁴டசும்ப³டா ச தா³ஸீ ச ப⁴ரியா ச கம்மகாரீ ச ப⁴ரியா ச
த⁴ஜாஹடா ச முஹுத்திகா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி
ஸங்கா⁴தி³ஸேஸஸ்ஸ.

மாதுசக்கங் நிட்டி²தங்.

பிதுரக்கி²தாய பிதா பி⁴க்கு²ங்
பஹிணதி…பே॰… மாதாபிதுரக்கி²தாய மாதாபிதரோ பி⁴க்கு²ங் பஹிணந்தி…
பா⁴துரக்கி²தாய பா⁴தா பி⁴க்கு²ங் பஹிணதி… ப⁴கி³னிரக்கி²தாய ப⁴கி³னீ
பி⁴க்கு²ங் பஹிணதி… ஞாதிரக்கி²தாய ஞாதகா பி⁴க்கு²ங் பஹிணந்தி…
கொ³த்தரக்கி²தாய கொ³த்தா [ஸகொ³த்தா (?)]
பி⁴க்கு²ங் பஹிணந்தி… த⁴ம்மரக்கி²தாய ஸஹத⁴ம்மிகா பி⁴க்கு²ங் பஹிணந்தி…
ஸாரக்கா²ய யேன பரிக்³க³ஹிதா ஹோதி ஸோ பி⁴க்கு²ங் பஹிணதி… ஸபரித³ண்டா³ய யேன
த³ண்டோ³ ட²பிதோ ஹோதி ஸோ பி⁴க்கு²ங் பஹிணதி – ‘‘க³ச்ச², ப⁴ந்தே,
இத்த²ன்னாமங் ப்³ரூஹி – ‘ஹோது இத்த²ன்னாமஸ்ஸ ப⁴ரியா த⁴னக்கீதா’’’தி.
படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

ஸபரித³ண்டா³ய யேன த³ண்டோ³ ட²பிதோ ஹோதி ஸோ பி⁴க்கு²ங்
பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோது இத்த²ன்னாமஸ்ஸ
ப⁴ரியா ச²ந்த³வாஸினீ…பே॰… போ⁴க³வாஸினீ… படவாஸினீ… ஓத³பத்தகினீ…
ஓப⁴டசும்ப³டா… தா³ஸீ ச ப⁴ரியா ச… கம்மகாரீ ச ப⁴ரியா ச… த⁴ஜாஹடா…
முஹுத்திகா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி
ஸங்கா⁴தி³ஸேஸஸ்ஸ.

நிக்கே²பபதா³னி.

327. ஸபரித³ண்டா³ய
யேன த³ண்டோ³ ட²பிதோ ஹோதி ஸோ பி⁴க்கு²ங் பஹிணதி – ‘‘க³ச்ச², ப⁴ந்தே,
இத்த²ன்னாமங் ப்³ரூஹி – ‘ஹோது இத்த²ன்னாமஸ்ஸ ப⁴ரியா த⁴னக்கீதா ச
ச²ந்த³வாஸினீ ச…பே॰… த⁴னக்கீதா ச போ⁴க³வாஸினீ ச… த⁴னக்கீதா ச முஹுத்திகா
சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

க²ண்ட³சக்கங்.

328. ஸபரித³ண்டா³ய
யேன த³ண்டோ³ ட²பிதோ ஹோதி ஸோ பி⁴க்கு²ங் பஹிணதி – ‘‘க³ச்ச², ப⁴ந்தே,
இத்த²ன்னாமங் ப்³ரூஹி – ‘ஹோது இத்த²ன்னாமஸ்ஸ ப⁴ரியா ச²ந்த³வாஸினீ ச
போ⁴க³வாஸினீ ச…பே॰… ச²ந்த³வாஸினீ ச முஹுத்திகா ச… ச²ந்த³வாஸினீ ச த⁴னக்கீதா
சா’’’ தி. படிக்³க³ண்ஹாதி வீமங்ஸதி பச்சாஹரதி ஆபத்தி ஸங்கா⁴தி³ஸேஸஸ்ஸ.

ப³த்³த⁴சக்கங் மூலங் ஸங்கி²த்தங்.

329. ஸபரித³ண்டா³ய
யேன த³ண்டோ³, ட²பிதோ ஹோதி ஸோ பி⁴க்கு²ங் பஹிணதி – ‘‘க³ச்ச², ப⁴ந்தே,
இத்த²ன்னாமங் ப்³ரூஹி – ‘ஹோது இத்த²ன்னாமஸ்ஸ ப⁴ரியா முஹுத்திகா ச த⁴னக்கீதா
ச…பே॰… முஹுத்திகா ச ச²ந்த³வாஸினீ ச…பே॰… முஹுத்திகா ச த⁴ஜாஹடா சா’’’தி.
படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

ஏகமூலகங் நிட்டி²தங்.

து³மூலகம்பி திமூலகம்பி யாவ நவமூலகங் ஏவமேவ காதப்³ப³ங்.

இத³ங் த³ஸமூலகங்

330. ஸபரித³ண்டா³ய
யேன த³ண்டோ³ ட²பிதோ ஹோதி ஸோ பி⁴க்கு²ங் பஹிணதி – ‘‘க³ச்ச², ப⁴ந்தே,
இத்த²ன்னாமங் ப்³ரூஹி – ‘ஹோது இத்த²ன்னாமஸ்ஸ ப⁴ரியா த⁴னக்கீதா ச
ச²ந்த³வாஸினீ ச போ⁴க³வாஸினீ ச படவாஸினீ ச ஓத³பத்தகினீ ச ஓப⁴டசும்ப³டா ச
தா³ஸீ ச ப⁴ரியா ச கம்மகாரீ ச ப⁴ரியா ச த⁴ஜாஹடா ச முஹுத்திகா சா’’’தி.
படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

த³ண்ட³ட²பிதசக்கங் நிட்டி²தங்.

மாதுரக்கி²தா பி⁴க்கு²ங் பஹிணதி – ‘‘க³ச்ச², ப⁴ந்தே,
இத்த²ன்னாமங் ப்³ரூஹி – ‘ஹோமி இத்த²ன்னாமஸ்ஸ ப⁴ரியா த⁴னக்கீதா’’’தி.
படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

மாதுரக்கி²தா பி⁴க்கு²ங் பஹிணதி – ‘‘க³ச்ச², ப⁴ந்தே,
இத்த²ன்னாமங் ப்³ரூஹி – ‘ஹோமி இத்த²ன்னாமஸ்ஸ ப⁴ரியா ச²ந்த³வாஸினீ…பே॰…
போ⁴க³வாஸினீ… படவாஸினீ… ஓத³பத்தகினீ… ஓப⁴டசும்ப³டா… தா³ஸீ ச ப⁴ரியா ச…
கம்மகாரீ ச ப⁴ரியா ச… த⁴ஜாஹடா… முஹுத்திகா’’’தி. படிக்³க³ண்ஹாதி வீமங்ஸதி
பச்சாஹரதி, ஆபத்தி ஸங்கா⁴தி³ஸேஸஸ்ஸ.

நிக்கே²பபதா³னி.

331. மாதுரக்கி²தா பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோமி இத்த²ன்னாமஸ்ஸ ப⁴ரியா த⁴னக்கீதா ச ச²ந்த³வாஸினீ சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

மாதுரக்கி²தா பி⁴க்கு²ங்
பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோமி இத்த²ன்னாமஸ்ஸ
ப⁴ரியா த⁴னக்கீதா ச போ⁴க³வாஸினீ ச…பே॰… த⁴னக்கீதா ச படவாஸினீ ச…பே॰…
த⁴னக்கீதா ச முஹுத்திகா சா’’’தி. படிக்³க³ண்ஹாதி வீமங்ஸதி பச்சாஹரதி,
ஆபத்தி ஸங்கா⁴தி³ஸேஸஸ்ஸ.

க²ண்ட³சக்கங்.

332.
மாதுரக்கி²தா பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி
– ‘ஹோமி இத்த²ன்னாமஸ்ஸ ப⁴ரியா ச²ந்த³வாஸினீ ச போ⁴க³வாஸினீ ச…பே॰…
ச²ந்த³வாஸினீ ச முஹுத்திகா ச… ச²ந்த³வாஸினீ ச த⁴னக்கீதா சா’’’தி.
படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

ப³த்³த⁴சக்கங் மூலங் ஸங்கி²த்தங்.

மாதுரக்கி²தா பி⁴க்கு²ங் பஹிணதி – ‘‘க³ச்ச², ப⁴ந்தே,
இத்த²ன்னாமங் ப்³ரூஹி – ‘ஹோமி இத்த²ன்னாமஸ்ஸ ப⁴ரியா முஹுத்திகா ச த⁴னக்கீதா
ச…பே॰… முஹுத்திகா ச ச²ந்த³வாஸினீ ச…பே॰… முஹுத்திகா ச த⁴ஜாஹடா சா’’’தி.
படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

ஏகமூலகங் நிட்டி²தங்.

து³மூலகாதீ³னிபி ஏவமேவ காதப்³பா³னி.

இத³ங் த³ஸமூலகங்

333.
மாதுரக்கி²தா பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி
– ‘ஹோமி இத்த²ன்னாமஸ்ஸ ப⁴ரியா த⁴னக்கீதா ச ச²ந்த³வாஸினீ ச போ⁴க³வாஸினீ ச
படவாஸினீ ச ஓத³பத்தகினீ ச ஓப⁴டசும்ப³டா ச தா³ஸீ ச ப⁴ரியா ச கம்மகாரீ ச
ப⁴ரியா ச த⁴ஜாஹடா ச முஹுத்திகா சா’’’தி. படிக்³க³ண்ஹாதி வீமங்ஸதி
பச்சாஹரதி, ஆபத்தி ஸங்கா⁴தி³ஸேஸஸ்ஸ.

அபரங் மாதுரக்கி²தாசக்கங் நிட்டி²தங்.

பிதுரக்கி²தா பி⁴க்கு²ங்
பஹிணதி…பே॰… மாதாபிதுரக்கி²தா பி⁴க்கு²ங் பஹிணதி… பா⁴துரக்கி²தா பி⁴க்கு²ங்
பஹிணதி… ப⁴கி³னிரக்கி²தா பி⁴க்கு²ங் பஹிணதி… ஞாதிரக்கி²தா
பி⁴க்கு²ங் பஹிணதி… கொ³த்தரக்கி²தா பி⁴க்கு²ங் பஹிணதி… த⁴ம்மரக்கி²தா
பி⁴க்கு²ங் பஹிணதி… ஸாரக்கா² பி⁴க்கு²ங் பஹிணதி… ஸபரித³ண்டா³ பி⁴க்கு²ங்
பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோமி இத்த²ன்னாமஸ்ஸ
ப⁴ரியா த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி
ஸங்கா⁴தி³ஸேஸஸ்ஸ.

ஸபரித³ண்டா³ பி⁴க்கு²ங் பஹிணதி – ‘‘க³ச்ச², ப⁴ந்தே,
இத்த²ன்னாமங் ப்³ரூஹி – ‘ஹோமி இத்த²ன்னாமஸ்ஸ ப⁴ரியா ச²ந்த³வாஸினீ…பே॰…
போ⁴க³வாஸினீ… படவாஸினீ… ஓத³பத்தகினீ… ஓப⁴டசும்ப³டா… தா³ஸீ ச ப⁴ரியா ச…
கம்மகாரீ ச ப⁴ரியா ச… த⁴ஜாஹடா… முஹுத்திகா’’’தி. படிக்³க³ண்ஹாதி வீமங்ஸதி
பச்சாஹரதி, ஆபத்தி ஸங்கா⁴தி³ஸேஸஸ்ஸ.

நிக்கே²பபதா³னி.

334.
ஸபரித³ண்டா³ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி –
‘ஹோமி இத்த²ன்னாமஸ்ஸ ப⁴ரியா த⁴னக்கீதா ச ச²ந்த³வாஸினீ ச…பே॰… த⁴னக்கீதா ச
முஹுத்திகா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி
ஸங்கா⁴தி³ஸேஸஸ்ஸ.

க²ண்ட³சக்கங்.

335.
ஸபரித³ண்டா³ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி –
‘ஹோமி இத்த²ன்னாமஸ்ஸ ப⁴ரியா ச²ந்த³வாஸினீ ச போ⁴க³வாஸினீ ச…பே॰…
ச²ந்த³வாஸினீ ச முஹுத்திகா ச… ச²ந்த³வாஸினீ ச த⁴னக்கீதா சா’’’தி.
படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

ப³த்³த⁴சக்கங் மூலங் ஸங்கி²த்தங்.

336. ஸபரித³ண்டா³ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோமி இத்த²ன்னாமஸ்ஸ ப⁴ரியா முஹுத்திகா ச த⁴னக்கீதா
ச…பே॰… முஹுத்திகா ச ச²ந்த³வாஸினீ ச…பே॰… முஹுத்திகா ச த⁴ஜாஹடா சா’’’தி.
படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

ஏகமூலகங் நிட்டி²தங்.

து³மூலகாதீ³னிபி ஏவமேவ காதப்³பா³னி.

இத³ங் த³ஸமூலகங்

337. ஸபரித³ண்டா³
பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோமி
இத்த²ன்னாமஸ்ஸ ப⁴ரியா த⁴னக்கீதா ச ச²ந்த³வாஸினீ ச போ⁴க³வாஸினீ ச படவாஸினீ ச
ஓத³பத்தகினீ ச ஓப⁴டசும்ப³டா ச தா³ஸீ ச ப⁴ரியா ச கம்மகாரீ ச ப⁴ரியா ச
த⁴ஜாஹடா ச முஹுத்திகா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி
ஸங்கா⁴தி³ஸேஸஸ்ஸ.

அபரங் ஸபரித³ண்டா³சக்கங் நிட்டி²தங்.

ஸப்³ப³ங் சக்கபெய்யாலங் நிட்டி²தங்.

338. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ. படிக்³க³ண்ஹாதி
வீமங்ஸதி ந பச்சாஹரதி, ஆபத்தி து²ல்லச்சயஸ்ஸ. படிக்³க³ண்ஹாதி ந வீமங்ஸதி
பச்சாஹரதி, ஆபத்தி து²ல்லச்சயஸ்ஸ. படிக்³க³ண்ஹாதி ந வீமங்ஸதி ந பச்சாஹரதி,
ஆபத்தி து³க்கடஸ்ஸ. ந படிக்³க³ண்ஹாதி வீமங்ஸதி பச்சாஹரதி, ஆபத்தி
து²ல்லச்சயஸ்ஸ. ந படிக்³க³ண்ஹாதி வீமங்ஸதி ந
பச்சாஹரதி, ஆபத்தி து³க்கடஸ்ஸ. ந படிக்³க³ண்ஹாதி ந வீமங்ஸதி பச்சாஹரதி,
ஆபத்தி து³க்கடஸ்ஸ. ந படிக்³க³ண்ஹாதி ந வீமங்ஸதி ந பச்சாஹரதி, அனாபத்தி.

புரிஸோ ஸம்ப³ஹுலே பி⁴க்கூ² ஆணாபேதி – ‘‘க³ச்ச²த²,
ப⁴ந்தே, இத்த²ன்னாமங் இத்தி²ங் வீமங்ஸதா²’’தி. ஸப்³பே³ படிக்³க³ண்ஹந்தி
ஸப்³பே³ வீமங்ஸந்தி ஸப்³பே³ பச்சாஹரந்தி, ஆபத்தி ஸப்³பே³ஸங்
ஸங்கா⁴தி³ஸேஸஸ்ஸ.

புரிஸோ ஸம்ப³ஹுலே பி⁴க்கூ² ஆணாபேதி – ‘‘க³ச்ச²த²,
ப⁴ந்தே, இத்த²ன்னாமங் இத்தி²ங் வீமங்ஸதா²’’தி. ஸப்³பே³ படிக்³க³ண்ஹந்தி
ஸப்³பே³ வீமங்ஸந்தி ஏகங் பச்சாஹராபெந்தி, ஆபத்தி ஸப்³பே³ஸங்
ஸங்கா⁴தி³ஸேஸஸ்ஸ.

புரிஸோ ஸம்ப³ஹுலே பி⁴க்கூ²
ஆணாபேதி – ‘‘க³ச்ச²த², ப⁴ந்தே, இத்த²ன்னாமங் இத்தி²ங் வீமங்ஸதா²’’தி.
ஸப்³பே³ படிக்³க³ண்ஹந்தி, ஏகங் வீமங்ஸாபெத்வா ஸப்³பே³ பச்சாஹரந்தி, ஆபத்தி
ஸப்³பே³ஸங் ஸங்கா⁴தி³ஸேஸஸ்ஸ.

புரிஸோ ஸம்ப³ஹுலே பி⁴க்கூ² ஆணாபேதி – ‘‘க³ச்ச²த²,
ப⁴ந்தே, இத்த²ன்னாமங் இத்தி²ங் வீமங்ஸதா²’’தி. ஸப்³பே³ படிக்³க³ண்ஹந்தி,
ஏகங் வீமங்ஸாபெத்வா ஏகங் பச்சாஹராபெந்தி, ஆபத்தி ஸப்³பே³ஸங்
ஸங்கா⁴தி³ஸேஸஸ்ஸ.

புரிஸோ பி⁴க்கு²ங் ஆணாபேதி –
‘‘க³ச்ச², ப⁴ந்தே, இத்த²ன்னாமங் இத்தி²ங் வீமங்ஸா’’தி. படிக்³க³ண்ஹாதி
வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.

புரிஸோ பி⁴க்கு²ங் ஆணாபேதி – ‘‘க³ச்ச², ப⁴ந்தே,
இத்த²ன்னாமங் இத்தி²ங் வீமங்ஸா’’தி. படிக்³க³ண்ஹாதி வீமங்ஸதி அந்தேவாஸிங்
பச்சாஹராபேதி, ஆபத்தி ஸங்கா⁴தி³ஸேஸஸ்ஸ.

புரிஸோ பி⁴க்கு²ங் ஆணாபேதி – ‘‘க³ச்ச², ப⁴ந்தே,
இத்த²ன்னாமங் இத்தி²ங் வீமங்ஸா’’தி. படிக்³க³ண்ஹாதி அந்தேவாஸிங்
வீமங்ஸாபெத்வா அத்தனா பச்சாஹரதி ஆபத்தி ஸங்கா⁴தி³ஸேஸஸ்ஸ.

புரிஸோ பி⁴க்கு²ங் ஆணாபேதி –
‘‘க³ச்ச², ப⁴ந்தே, இத்த²ன்னாமங் இத்தி² விமங்ஸா’’தி. படிக்³க³ண்ஹாதி
அந்தேவாஸிங் வீமங்ஸாபேதி அந்தேவாஸீ வீமங்ஸித்வா ப³ஹித்³தா⁴ பச்சாஹரதி,
ஆபத்தி உபி⁴ன்னங் து²ல்லச்சயஸ்ஸ.

339. க³ச்ச²ந்தோ ஸம்பாதே³தி, ஆக³ச்ச²ந்தோ விஸங்வாதே³தி, ஆபத்தி து²ல்லச்சயஸ்ஸ.

க³ச்ச²ந்தோ விஸங்வாதே³தி, ஆக³ச்ச²ந்தோ ஸம்பாதே³தி, ஆபத்தி து²ல்லச்சயஸ்ஸ.

க³ச்ச²ந்தோ ஸம்பாதே³தி, ஆக³ச்ச²ந்தோ ஸம்பாதே³தி, ஆபத்தி ஸங்கா⁴தி³ஸேஸஸ்ஸ.

க³ச்ச²ந்தோ விஸங்வாதே³தி, ஆக³ச்ச²ந்தோ விஸங்வாதே³தி, அனாபத்தி.

340. அனாபத்தி ஸங்க⁴ஸ்ஸ வா சேதியஸ்ஸ வா கி³லானஸ்ஸ வா கரணீயேன க³ச்ச²தி, உம்மத்தகஸ்ஸ, ஆதி³கம்மிகஸ்ஸாதி.

வினீதவத்து²உத்³தா³னகா³தா²

ஸுத்தா மதா ச நிக்க²ந்தா, அனித்தீ² இத்தி²பண்ட³கா;

கலஹங் கத்வான ஸம்மோதி³, ஸஞ்சரித்தஞ்ச பண்ட³கேதி.

வினீதவத்து²

341. தேன கோ² பன ஸமயேன அஞ்ஞதரோ புரிஸோ அஞ்ஞதரங் பி⁴க்கு²ங் ஆணாபேஸி – [ஆணாபேதி (ஸ்யா॰ க॰)]
‘‘க³ச்ச², ப⁴ந்தே, இத்த²ன்னாமங் இத்தி²ங் வீமங்ஸா’’தி. ஸோ க³ந்த்வா
மனுஸ்ஸே புச்சி² – ‘‘கஹங் இத்த²ன்னாமா’’தி? ‘‘ஸுத்தா, ப⁴ந்தே’’தி. தஸ்ஸ குக்குச்சங்
அஹோஸி – ‘‘ப⁴க³வதா ஸிக்கா²பத³ங் பஞ்ஞத்தங், கச்சி நு கோ² அஹங்
ஸங்கா⁴தி³ஸேஸங் ஆபத்திங் ஆபன்னோ’’தி? ப⁴க³வதோ ஏதமத்த²ங் ஆரோசேஸி.
‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து³க்கடஸ்ஸா’’தி.

தேன கோ² பன ஸமயேன அஞ்ஞதரோ புரிஸோ அஞ்ஞதரங் பி⁴க்கு²ங்
ஆணாபேஸி – ‘‘க³ச்ச², ப⁴ந்தே, இத்த²ன்னாமங் இத்தி²ங் வீமங்ஸா’’தி. ஸோ
க³ந்த்வா மனுஸ்ஸே புச்சி² – ‘‘கஹங் இத்த²ன்னாமா’’தி? ‘‘மதா,
ப⁴ந்தே’’தி…பே॰… ‘‘நிக்க²ந்தா, ப⁴ந்தே’’தி… ‘‘அனித்தீ², ப⁴ந்தே’’தி…
‘‘இத்தி²பண்ட³கா, ப⁴ந்தே’’தி. தஸ்ஸ குக்குச்சங் அஹோஸி…பே॰… ‘‘அனாபத்தி,
பி⁴க்கு², ஸங்கா⁴தி³ஸேஸஸ்ஸ; ஆபத்தி து³க்கடஸ்ஸா’’தி.

தேன கோ² பன ஸமயேன அஞ்ஞதரா இத்தீ² ஸாமிகேன ஸஹ
ப⁴ண்டி³த்வா மாதுக⁴ரங் அக³மாஸி. குலூபகோ பி⁴க்கு² ஸம்மோத³னீயங் அகாஸி. தஸ்ஸ
குக்குச்சங் அஹோஸி…பே॰… ‘‘அலங்வசனீயா, பி⁴க்கூ²’’தி? ‘‘நாலங்வசனீயா,
ப⁴க³வா’’தி. ‘‘அனாபத்தி, பி⁴க்கு², நாலங்வசனீயாயா’’தி.

தேன கோ² பன ஸமயேன அஞ்ஞதரோ பி⁴க்கு² பண்ட³கே
ஸஞ்சரித்தங் ஸமாபஜ்ஜி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.

ஸஞ்சரித்தஸிக்கா²பத³ங் நிட்டி²தங் பஞ்சமங்.

6. குடிகாரஸிக்கா²பத³ங்

342. தேன
ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன
ஸமயேன ஆளவகா பி⁴க்கூ² ஸஞ்ஞாசிகாயோ குடியோ காராபெந்தி அஸ்ஸாமிகாயோ
அத்துத்³தே³ஸிகாயோ அப்பமாணிகாயோ. தாயோ ந நிட்டா²னங் க³ச்ச²ந்தி. தே
யாசனப³ஹுலா விஞ்ஞத்திப³ஹுலா விஹரந்தி – ‘‘புரிஸங் தே³த², புரிஸத்த²கரங்
தே³த², கோ³ணங் தே³த², ஸகடங் தே³த², வாஸிங் தே³த², பரஸுங் தே³த², குடா²ரிங்
தே³த², குதா³லங் தே³த², நிகா²த³னங் தே³த², வல்லிங் தே³த², வேளுங் தே³த²,
முஞ்ஜங் தே³த², பப்³ப³ஜங் தே³த², திணங் தே³த², மத்திகங் தே³தா²’’தி.
மனுஸ்ஸா உபத்³து³தா யாசனாய உபத்³து³தா விஞ்ஞத்தியா பி⁴க்கூ² தி³ஸ்வா
உப்³பி³ஜ்ஜந்திபி உத்தஸந்திபி பலாயந்திபி அஞ்ஞேனபி க³ச்ச²ந்தி அஞ்ஞேனபி
முக²ங் கரொந்தி த்³வாரம்பி த²கெந்தி, கா³விம்பி தி³ஸ்வா பலாயந்தி
பி⁴க்கூ²தி மஞ்ஞமானா.

அத² கோ² ஆயஸ்மா மஹாகஸ்ஸபோ
ராஜக³ஹே வஸ்ஸங்வுட்டோ² யேன ஆளவீ தேன பக்காமி. அனுபுப்³பே³ன யேன ஆளவீ
தத³வஸரி. தத்ர ஸுத³ங் ஆயஸ்மா மஹாகஸ்ஸபோ ஆளவியங் விஹரதி அக்³கா³ளவே சேதியே.
அத² கோ² ஆயஸ்மா மஹாகஸ்ஸபோ புப்³ப³ண்ஹஸமயங் நிவாஸெத்வா பத்தசீவரமாதா³ய
ஆளவிங் பிண்டா³ய பாவிஸி. மனுஸ்ஸா ஆயஸ்மந்தங்
மஹாகஸ்ஸபங் பஸ்ஸித்வா உப்³பி³ஜ்ஜந்திபி உத்தஸந்திபி பலாயந்திபி அஞ்ஞேனபி
க³ச்ச²ந்தி அஞ்ஞேனபி முக²ங் கரொந்தி த்³வாரம்பி த²கெந்தி. அத² கோ² ஆயஸ்மா
மஹாகஸ்ஸபோ ஆளவியங் பிண்டா³ய சரித்வா பச்சா²ப⁴த்தங் பிண்ட³பாதப்படிக்கந்தோ
பி⁴க்கூ² ஆமந்தேஸி – ‘‘புப்³பா³யங், ஆவுஸோ, ஆளவீ ஸுபி⁴க்கா² அஹோஸி
ஸுலப⁴பிண்டா³ ஸுகரா உஞ்சே²ன பக்³க³ஹேன யாபேதுங்; ஏதரஹி பனாயங் ஆளவீ
து³ப்³பி⁴க்கா² து³ல்லப⁴பிண்டா³, ந ஸுகரா உஞ்சே²ன பக்³க³ஹேன யாபேதுங். கோ
நு கோ², ஆவுஸோ, ஹேது கோ பச்சயோ, யேனாயங் ஆளவீ து³ப்³பி⁴க்கா²
து³ல்லப⁴பிண்டா³, ந ஸுகரா உஞ்சே²ன பக்³க³ஹேன யாபேது’’ந்தி? அத² கோ² தே
பி⁴க்கூ² ஆயஸ்மதோ மஹாகஸ்ஸபஸ்ஸ ஏதமத்த²ங் ஆரோசேஸுங்.

343.
அத² கோ² ப⁴க³வா ராஜக³ஹே யதா²பி⁴ரந்தங் விஹரித்வா யேன ஆளவீ தேன சாரிகங்
பக்காமி. அனுபுப்³பே³ன சாரிகங் சரமானோ யேன ஆளவீ தத³வஸரி. தத்ர ஸுத³ங்
ப⁴க³வா ஆளவியங் விஹரதி அக்³கா³ளவே சேதியே. அத² கோ² ஆயஸ்மா மஹாகஸ்ஸபோ யேன
ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³. ஏகமந்தங் நிஸின்னோ கோ² ஆயஸ்மா மஹாகஸ்ஸபோ
ப⁴க³வதோ ஏதமத்த²ங் ஆரோசேஸி. அத² கோ² ப⁴க³வா ஏதஸ்மிங் நிதா³னே ஏதஸ்மிங்
பகரணே பி⁴க்கு²ஸங்க⁴ங் ஸன்னிபாதாபெத்வா ஆளவகே பி⁴க்கூ² படிபுச்சி² –
‘‘ஸச்சங் கிர தும்ஹே, பி⁴க்க²வே, ஸஞ்ஞாசிகாயோ குடியோ காராபேத² அஸ்ஸாமிகாயோ
அத்துத்³தே³ஸிகாயோ அப்பமாணிகாயோ . தாயோ ந நிட்டா²னங்
க³ச்ச²ந்தி. தே தும்ஹே யாசனப³ஹுலா விஞ்ஞத்திப³ஹுலா விஹரத² – ‘புரிஸங்
தே³த² புரிஸத்த²கரங் தே³த²…பே॰… திணங் தே³த² மத்திகங் தே³தா²’தி. மனுஸ்ஸா
உபத்³து³தா யாசனாய உபத்³து³தா விஞ்ஞத்தியா பி⁴க்கூ² தி³ஸ்வா
உப்³பி³ஜ்ஜந்திபி உத்தஸந்திபி பலாயந்திபி அஞ்ஞேனபி க³ச்ச²ந்தி அஞ்ஞேனபி
முக²ங் கரொந்தி த்³வாரம்பி த²கெந்தி, கா³விம்பி தி³ஸ்வா பலாயந்தி
பி⁴க்கூ²தி மஞ்ஞமானா’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… ‘‘கத²ஞ்ஹி நாம தும்ஹே, மோக⁴புரிஸா, ஸங்யாசிகாயோ குடியோ
காராபெஸ்ஸத² அஸ்ஸாமிகாயோ அத்துத்³தே³ஸிகாயோ அப்பமாணிகாயோ! தாயோ ந
நிட்டா²னங் க³ச்ச²ந்தி. தே தும்ஹே யாசனப³ஹுலா விஞ்ஞத்திப³ஹுலா விஹரிஸ்ஸத² –
‘புரிஸங் தே³த² புரிஸத்த²கரங் தே³த²…பே॰… திணங் தே³த² மத்திகங் தே³தா²’தி!
நேதங் மோக⁴புரிஸா, அப்பஸன்னானங் வா பஸாதா³ய…பே॰…’’ விக³ரஹித்வா த⁴ம்மிங்
கத²ங் கத்வா பி⁴க்கூ² ஆமந்தேஸி –

344. ‘‘பூ⁴தபுப்³ப³ங் , பி⁴க்க²வே, த்³வே பா⁴தரோ இஸயோ க³ங்க³ங் நதி³ங் உபனிஸ்ஸாய விஹரிங்ஸு. அத² கோ², பி⁴க்க²வே, மணிகண்டோ²
நாக³ராஜா க³ங்க³ங் நதி³ங் உத்தரித்வா யேன கனிட்டோ² இஸி தேனுபஸங்கமி;
உபஸங்கமித்வா கனிட்ட²ங் இஸிங் ஸத்தக்க²த்துங் போ⁴கே³ஹி பரிக்கி²பித்வா
உபரிமுத்³த⁴னி மஹந்தங் ப²ணங் கரித்வா அட்டா²ஸி. அத² கோ², பி⁴க்க²வே,
கனிட்டோ² இஸி தஸ்ஸ நாக³ஸ்ஸ ப⁴யா கிஸோ அஹோஸி லூகோ² து³ப்³ப³ண்ணோ
உப்பண்டு³ப்பண்டு³கஜாதோ த⁴மனிஸந்த²தக³த்தோ. அத்³த³ஸ கோ², பி⁴க்க²வே,
ஜெட்டோ² இஸி கனிட்ட²ங் இஸிங் கிஸங் லூக²ங் து³ப்³ப³ண்ணங்
உப்பண்டு³ப்பண்டு³கஜாதங் த⁴மனிஸந்த²தக³த்தங். தி³ஸ்வான கனிட்ட²ங் இஸிங்
ஏதத³வோச – ‘‘கிஸ்ஸ த்வங், போ⁴, கிஸோ லூகோ² து³ப்³ப³ண்ணோ
உப்பண்டு³ப்பண்டு³கஜாதோ த⁴மனிஸந்த²தக³த்தோ’’தி? ‘‘இத⁴, போ⁴, மணிகண்டோ²
நாக³ராஜா க³ங்க³ங் நதி³ங் உத்தரித்வா யேனாஹங் தேனுபஸங்கமி; உபஸங்கமித்வா
மங் ஸத்தக்க²த்துங் போ⁴கே³ஹி பரிக்கி²பித்வா உபரிமுத்³த⁴னி மஹந்தங் ப²ணங்
கரித்வா அட்டா²ஸி. தஸ்ஸாஹங், போ⁴, நாக³ஸ்ஸ ப⁴யா [ப⁴யாம்ஹி (ஸீ॰)]
கிஸோ லூகோ² து³ப்³ப³ண்ணோ உப்பண்டு³ப்பண்டு³கஜாதோ த⁴மனிஸந்த²தக³த்தோ’’தி.
‘‘இச்ச²ஸி பன த்வங், போ⁴, தஸ்ஸ நாக³ஸ்ஸ அனாக³மன’’ந்தி? ‘‘இச்சா²மஹங், போ⁴,
தஸ்ஸ நாக³ஸ்ஸ அனாக³மன’’ந்தி. ‘‘அபி பன த்வங், போ⁴, தஸ்ஸ நாக³ஸ்ஸ கிஞ்சி
பஸ்ஸஸீ’’தி? ‘‘பஸ்ஸாமஹங், போ⁴, மணிமஸ்ஸ [மணிஸ்ஸ (ஸீ॰ க॰)] கண்டே² பிலந்த⁴ன’’ந்தி. ‘‘தேன ஹி த்வங், போ⁴, தங் நாக³ங் மணிங் யாச – ‘மணிங் மே, போ⁴, தே³ஹி; மணினா மே அத்தோ²’’’தி.

அத² கோ², பி⁴க்க²வே, மணிகண்டோ² நாக³ராஜா க³ங்க³ங் நதி³ங் உத்தரித்வா யேன கனிட்டோ² இஸி தேனுபஸங்கமி ; உபஸங்கமித்வா ஏகமந்தங்
அட்டா²ஸி. ஏகமந்தங் டி²தங் கோ², பி⁴க்க²வே, மணிகண்ட²ங் நாக³ராஜானங்
கனிட்டோ² இஸி ஏதத³வோச – ‘‘மணிங் மே, போ⁴, தே³ஹி; மணினா மே அத்தோ²’’தி. அத²
கோ², பி⁴க்க²வே, மணிகண்டோ² நாக³ராஜா – ‘பி⁴க்கு² மணிங் யாசதி, பி⁴க்கு²ஸ்ஸ
மணினா அத்தோ²’தி கி²ப்பஞ்ஞேவ அக³மாஸி. து³தியம்பி கோ², பி⁴க்க²வே,
மணிகண்டோ² நாக³ராஜா க³ங்க³ங் நதி³ங் உத்தரித்வா யேன கனிட்டோ² இஸி
தேனுபஸங்கமி. அத்³த³ஸ கோ², பி⁴க்க²வே, கனிட்டோ² இஸி
மணிகண்ட²ங் நாக³ராஜானங் தூ³ரதோவ ஆக³ச்ச²ந்தங். தி³ஸ்வான மணிகண்ட²ங்
நாக³ராஜானங் ஏதத³வோச – ‘‘மணிங் மே, போ⁴, தே³ஹி; மணினா மே அத்தோ²’’தி. அத²
கோ², பி⁴க்க²வே, மணிகண்டோ² நாக³ராஜா – ‘‘பி⁴க்கு² மணிங் யாசதி, பி⁴க்கு²ஸ்ஸ
மணினா அத்தோ²’’தி ததோவ படினிவத்தி. ததியம்பி கோ², பி⁴க்க²வே, மணிகண்டோ²
நாக³ராஜா க³ங்க³ங் நதி³ங் உத்தரதி. அத்³த³ஸ கோ², பி⁴க்க²வே, கனிட்டோ² இஸி
மணிகண்ட²ங் நாக³ராஜானங் க³ங்க³ங் நதி³ங் உத்தரந்தங். தி³ஸ்வான மணிகண்ட²ங்
நாக³ராஜானங் ஏதத³வோச – ‘‘மணிங் மே, போ⁴, தே³ஹி; மணினா மே அத்தோ²’’தி. அத²
கோ², பி⁴க்க²வே, மணிகண்டோ² நாக³ராஜா கனிட்ட²ங் இஸிங் கா³தா²ஹி அஜ்ஜ²பா⁴ஸி –

[ஜா॰ 1.3.7 மணிகண்ட²ஜாதகேபி] ‘‘மமன்னபானங் விபுலங் உளாரங்,

உப்பஜ்ஜதீமஸ்ஸ மணிஸ்ஸ ஹேது;

தங் தே ந த³ஸ்ஸங் அதியாசகோஸி;

ந சாபி தே அஸ்ஸமமாக³மிஸ்ஸங்.

[ஜா॰ 1.3.8 மணிகண்ட²ஜாதகேபி] ‘‘ஸுஸூ யதா² ஸக்க²ரதோ⁴தபாணீ;

தாஸேஸி மங் ஸேலமாயாசமானோ;

தங் தே ந த³ஸ்ஸங் அதியாசகோஸி;

ந சாபி தே அஸ்ஸமமாக³மிஸ்ஸ’’ந்தி.

அத² கோ², பி⁴க்க²வே, மணிகண்டோ² நாக³ராஜா – ‘‘பி⁴க்கு² மணிங் யாசதி, பி⁴க்கு²ஸ்ஸ மணினா அத்தோ²’’தி பக்காமி. ததா² பக்கந்தோவ [ததா³பக்கந்தோவ (க॰)]
அஹோஸி, ந புன பச்சாக³ஞ்சி². அத² கோ², பி⁴க்க²வே, கனிட்டோ² இஸி தஸ்ஸ
நாக³ஸ்ஸ த³ஸ்ஸனீயஸ்ஸ அத³ஸ்ஸனேன பி⁴ய்யோஸோமத்தாய கிஸோ அஹோஸி லூகோ²
து³ப்³ப³ண்ணோ, உப்பண்டு³ப்பண்டு³கஜாதோ த⁴மனிஸந்த²தக³த்தோ. அத்³த³ஸ கோ²,
பி⁴க்க²வே, ஜெட்டோ² இஸி கனிட்ட²ங் இஸிங் பி⁴ய்யோஸோமத்தாய கிஸங் லூக²ங்
து³ப்³ப³ண்ணங் உப்பண்டு³ப்பண்டு³கஜாதங் த⁴மனிஸந்த²தக³த்தங். தி³ஸ்வான
கனிட்ட²ங் இஸிங் ஏதத³வோச – ‘‘கிஸ்ஸ த்வங், போ⁴, பி⁴ய்யோஸோமத்தாய கிஸோ லூகோ²
து³ப்³ப³ண்ணோ உப்பண்டு³ப்பண்டு³கஜாதோ
த⁴மனிஸந்த²தக³த்தோ’’தி? ‘‘தஸ்ஸாஹங், போ⁴, நாக³ஸ்ஸ த³ஸ்ஸனீயஸ்ஸ அத³ஸ்ஸனேன
பி⁴ய்யோஸோமத்தாய கிஸோ லூகோ² து³ப்³ப³ண்ணோ உப்பண்டு³ப்பண்டு³கஜாதோ
த⁴மனிஸந்த²தக³த்தோ’’தி. அத² கோ², பி⁴க்க²வே, ஜெட்டோ² இஸி கனிட்ட²ங் இஸிங்
கா³தா²ய அஜ்ஜ²பா⁴ஸி –

[ஜா॰ 1.3.9 மணிகண்ட²ஜாதகேபி] ‘‘ந தங் யாசே யஸ்ஸ பியங் ஜிகீ³ஸே,

விதெ³ஸ்ஸோ [தெ³ஸ்ஸோ (ஸீ॰), தெ³ஸ்ஸோ ச (ஸ்யா॰)] ஹோதி அதியாசனாய;

நாகோ³ மணிங் யாசிதோ ப்³ராஹ்மணேன;

அத³ஸ்ஸனஞ்ஞேவ தத³ஜ்ஜ²க³மா’’தி.

தேஸஞ்ஹி நாம, பி⁴க்க²வே, திரச்சா²னக³தானங் பாணானங் அமனாபா ப⁴விஸ்ஸதி யாசனா அமனாபா விஞ்ஞத்தி. கிமங்க³ங் [கிமங்க³ (ஸீ॰)] பன மனுஸ்ஸபூ⁴தானங்!

345.
‘‘பூ⁴தபுப்³ப³ங், பி⁴க்க²வே, அஞ்ஞதரோ பி⁴க்கு² ஹிமவந்தபஸ்ஸே விஹரதி
அஞ்ஞதரஸ்மிங் வனஸண்டே³. தஸ்ஸ கோ², பி⁴க்க²வே, வனஸண்ட³ஸ்ஸ அவிதூ³ரே மஹந்தங்
நின்னங் பல்லலங். அத² கோ²,

வாஸாய உபக³ச்ச²தி. அத² கோ², பி⁴க்க²வே, ஸோ பி⁴க்கு²
தஸ்ஸ ஸகுணஸங்க⁴ஸ்ஸ ஸத்³தே³ன உப்³பா³ள்ஹோ யேனாஹங் தேனுபஸங்கமி; உபஸங்கமித்வா
மங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னங் கோ² அஹங்,
பி⁴க்க²வே, தங் பி⁴க்கு²ங் ஏதத³வோச – ‘கச்சி,
பி⁴க்கு², க²மனீயங் கச்சி யாபனீயங் கச்சிஸி அப்பகிலமதே²ன அத்³தா⁴னங் ஆக³தோ?
குதோ ச த்வங், பி⁴க்கு², ஆக³ச்ச²ஸீ’தி? ‘க²மனீயங், ப⁴க³வா, யாபனீயங்,
ப⁴க³வா. அப்பகிலமதே²ன சாஹங், ப⁴ந்தே, அத்³தா⁴னங் ஆக³தோ. அத்தி², ப⁴ந்தே,
ஹிமவந்தபஸ்ஸே மஹாவனஸண்டோ³. தஸ்ஸ கோ² பன, ப⁴ந்தே, வனஸண்ட³ஸ்ஸ அவிதூ³ரே
மஹந்தங் நின்னங் பல்லலங். அத² கோ², ப⁴ந்தே, மஹாஸகுணஸங்கோ⁴ தஸ்மிங் பல்லலே
தி³வஸங் கோ³சரங் சரித்வா ஸாயங் தங் வனஸண்ட³ங் வாஸாய உபக³ச்ச²தி. ததோ அஹங்,
ப⁴க³வா, ஆக³ச்சா²மி – தஸ்ஸ ஸகுணஸங்க⁴ஸ்ஸ ஸத்³தே³ன உப்³பா³ள்ஹோ’தி. ‘இச்ச²ஸி
பன த்வங், பி⁴க்கு², தஸ்ஸ ஸகுணஸங்க⁴ஸ்ஸ அனாக³மன’ந்தி ?
‘இச்சா²மஹங், ப⁴க³வா, தஸ்ஸ ஸகுணஸங்க⁴ஸ்ஸ அனாக³மன’ந்தி. ‘தேன ஹி த்வங்,
பி⁴க்கு², தத்த² க³ந்த்வா தங் வனஸண்ட³ங் அஜ்ஜோ²கா³ஹெத்வா ரத்தியா பட²மங்
யாமங் திக்க²த்துங் ஸத்³த³மனுஸ்ஸாவேஹி – ஸுணந்து மே, பொ⁴ந்தோ ஸகுணா,
யாவதிகா இமஸ்மிங் வனஸண்டே³ வாஸங் உபக³தா, பத்தேன மே அத்தோ². ஏகேகங் மே,
பொ⁴ந்தோ, பத்தங் த³த³ந்தூ’தி. ரத்தியா மஜ்ஜி²மங் யாமங்… ரத்தியா பச்சி²மங்
யாமங் திக்க²த்துங் ஸத்³த³மனுஸ்ஸாவேஹி – ‘ஸுணந்து மே, பொ⁴ந்தோ ஸகுணா, யாவதிகா இமஸ்மிங் வனஸண்டே³ வாஸங் உபக³தா, பத்தேன மே அத்தோ². ஏகேகங் மே, பொ⁴ந்தோ, பத்தங் த³த³ந்தூ’தி.

‘‘அத² கோ², பி⁴க்க²வே, ஸோ
பி⁴க்கு² தத்த² க³ந்த்வா தங் வனஸண்ட³ங் அஜ்ஜோ²கா³ஹெத்வா ரத்தியா பட²மங்
யாமங் திக்க²த்துங் ஸத்³த³மனுஸ்ஸாவேஸி – ‘ஸுணந்து மே, பொ⁴ந்தோ ஸகுணா,
யாவதிகா இமஸ்மிங் வனஸண்டே³ வாஸங் உபக³தா, பத்தேன மே அத்தோ². ஏகேகங் மே,
பொ⁴ந்தோ, பத்தங் த³த³ந்தூ’தி. ரத்தியா மஜ்ஜி²ம யாமங்… ரத்தியா பச்சி²மங்
யாமங் திக்க²த்துங் ஸத்³த³மனுஸ்ஸாவேஸி – ‘ஸுணந்து மே, பொ⁴ந்தோ ஸகுணா,
யாவதிகா இமஸ்மிங் வனஸண்டே³ வாஸங் உபக³தா, பத்தேன மே அத்தோ². ஏகேகங் மே,
பொ⁴ந்தோ, பத்தங் த³த³ந்தூ’தி. அத² கோ², பி⁴க்க²வே, ஸோ ஸகுணஸங்கோ⁴ –
‘பி⁴க்கு² பத்தங் யாசதி பி⁴க்கு²ஸ்ஸ பத்தேன அத்தோ²’தி தம்ஹா வனஸண்டா³
பக்காமி. ததா² பக்கந்தோவ அஹோஸி ந புன பச்சாக³ஞ்சி². தேஸஞ்ஹி நாம,
பி⁴க்க²வே, திரச்சா²னக³தானங் பாணானங் அமனாபா ப⁴விஸ்ஸதி யாசனா அமனாபா
விஞ்ஞத்தி. கிமங்க³ங் பன மனுஸ்ஸபூ⁴தானங்’’!

346. ‘‘பூ⁴தபுப்³ப³ங், பி⁴க்க²வே, ரட்ட²பாலஸ்ஸ குலபுத்தஸ்ஸ பிதா ரட்ட²பாலங் குலபுத்தங் கா³தா²ய அஜ்ஜ²பா⁴ஸி –

‘அபாஹங் தே ந ஜானாமி, ரட்ட²பால ப³ஹூ ஜனா;

[ஜா॰ 1.7.54] தே மங் ஸங்க³ம்ம யாசந்தி, கஸ்மா மங் த்வங் ந யாசஸீ’தி.

[ஜா॰ 1.7.55] ‘யாசகோ அப்பியோ ஹோதி, யாசங் அத³த³மப்பியோ;

தஸ்மாஹங் தங் ந யாசாமி, மா மே விதெ³ஸ்ஸனா அஹூ’தி.

‘‘ஸோ ஹி நாம, பி⁴க்க²வே, ரட்ட²பாலோ குலபுத்தோ ஸகங் பிதரங் ஏவங் வக்க²தி. கிமங்க³ங் பன ஜனோ ஜனங்!

347. ‘‘கி³ஹீனங், பி⁴க்க²வே, து³ஸ்ஸங்ஹரானி போ⁴கா³னி ஸம்ப⁴தானிபி து³ரக்கி²யானி .
தத்த² நாம தும்ஹே, மோக⁴புரிஸா, ஏவங் து³ஸ்ஸங்ஹரேஸு போ⁴கே³ஸு ஸம்ப⁴தேஸுபி
து³ரக்கி²யேஸு யாசனப³ஹுலா விஞ்ஞத்திப³ஹுலா விஹரிஸ்ஸத² – ‘புரிஸங் தே³த²,
புரிஸத்த²கரங் தே³த², கோ³ணங் தே³த², ஸகடங் தே³த², வாஸிங் தே³த², பரஸுங்
தே³த², குடா²ரிங் தே³த², குதா³லங் தே³த², நிகா²த³னங் தே³த², வல்லிங் தே³த²,
வேளுங் தே³த², முஞ்ஜங் தே³த² , பப்³ப³ஜங் தே³த²,
திணங் தே³த², மத்திகங் தே³தா²’’தி! நேதங், மோக⁴புரிஸா, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

348. ‘‘ஸஞ்ஞாசிகாய பன பி⁴க்கு²னா குடிங் காரயமானேன அஸ்ஸாமிகங் அத்துத்³தே³ஸங் பமாணிகா காரேதப்³பா³. தத்ரித³ங் பமாணங் – தீ³க⁴ஸோ த்³வாத³ஸ வித³த்தி²யோ, ஸுக³தவித³த்தி²யா; திரியங் ஸத்தந்தரா. பி⁴க்கூ² அபி⁴னேதப்³பா³ வத்து²தே³ஸனாய. தேஹி பி⁴க்கூ²ஹி வத்து² தே³ஸேதப்³ப³ங் – அனாரம்ப⁴ங் [அனாரப்³ப⁴ங் (க॰)] ஸபரிக்கமனங். ஸாரம்பே⁴ [ஸாரப்³பே⁴ (க॰)]
சே பி⁴க்கு² வத்து²ஸ்மிங் அபரிக்கமனே ஸஞ்ஞாசிகாய குடிங் காரெய்ய, பி⁴க்கூ²
வா அனபி⁴னெய்ய வத்து²தே³ஸனாய, பமாணங் வா அதிக்காமெய்ய, ஸங்கா⁴தி³ஸேஸோ’’தி.

349. ஸஞ்ஞாசிகா
நாம ஸயங் யாசித்வா புரிஸம்பி புரிஸத்த²கரம்பி கோ³ணம்பி ஸகடம்பி வாஸிம்பி
பரஸும்பி குடா²ரிம்பி குதா³லம்பி நிகா²த³னம்பி வல்லிம்பி வேளும்பி
முஞ்ஜம்பி பப்³ப³ஜம்பி திணம்பி மத்திகம்பி.

குடி நாம உல்லித்தா வா ஹோதி அவலித்தா வா உல்லித்தாவலித்தா வா.

காரயமானேனாதி கரொந்தோ வா காராபெந்தோ வா.

அஸ்ஸாமிகந்தி ந அஞ்ஞோ கோசி ஸாமிகோ ஹோதி, இத்தீ² வா புரிஸோ வா க³ஹட்டோ² வா பப்³ப³ஜிதோ வா.

அத்துத்³தே³ஸந்தி அத்தனோ அத்தா²ய.

பமாணிகா காரேதப்³பா³. தத்ரித³ங் பமாணங் – தீ³க⁴ஸோ த்³வாத³ஸ வித³த்தி²யோ, ஸுக³தவித³த்தி²யாதி பா³ஹிரிமேன மானேன.

திரியங் ஸத்தந்தராதி அப்³ப⁴ந்தரிமேன மானேன.

பி⁴க்கூ² அபி⁴னேதப்³பா³ வத்து²தே³ஸனாயாதி
தேன குடிகாரகேன பி⁴க்கு²னா குடிவத்து²ங் ஸோதெ⁴த்வா ஸங்க⁴ங் உபஸங்கமித்வா
ஏகங்ஸங் உத்தராஸங்க³ங் கரித்வா வுட்³டா⁴னங் பி⁴க்கூ²னங் பாதே³ வந்தி³த்வா
உக்குடிகங் நிஸீதி³த்வா அஞ்ஜலிங் பக்³க³ஹெத்வா
ஏவமஸ்ஸ வசனீயோ – ‘‘அஹங், ப⁴ந்தே, ஸஞ்ஞாசிகாய குடிங் கத்துகாமோ அஸ்ஸாமிகங்
அத்துத்³தே³ஸங். ஸோஹங், ப⁴ந்தே, ஸங்க⁴ங் குடிவத்து²ஓலோகனங் யாசாமீ’’தி.
து³தியம்பி யாசிதப்³பா³. ததியம்பி யாசிதப்³பா³. ஸசே
ஸப்³போ³ ஸங்கோ⁴ உஸ்ஸஹதி குடிவத்து²ங் ஓலோகேதுங், ஸப்³பே³ன ஸங்கே⁴ன
ஓலோகேதப்³ப³ங். நோ சே ஸப்³போ³ ஸங்கோ⁴ உஸ்ஸஹதி குடிவத்து²ங் ஓலோகேதுங், யே
தத்த² ஹொந்தி பி⁴க்கூ² ப்³யத்தா படிப³லா ஸாரம்ப⁴ங் அனாரம்ப⁴ங் ஸபரிக்கமனங்
அபரிக்கமனங் ஜானிதுங் தே யாசித்வா ஸம்மன்னிதப்³பா³. ஏவஞ்ச பன, பி⁴க்க²வே,
ஸம்மன்னிதப்³பா³. ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

350. ‘‘ஸுணாது
மே, ப⁴ந்தே, ஸங்கோ⁴. அயங் இத்த²ன்னாமோ பி⁴க்கு² ஸஞ்ஞாசிகாய குடிங்
கத்துகாமோ அஸ்ஸாமிகங் அத்துத்³தே³ஸங். ஸோ ஸங்க⁴ங் குடிவத்து²ஓலோகனங் யாசதி.
யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமஞ்ச இத்த²ன்னாமஞ்ச பி⁴க்கூ²
ஸம்மன்னெய்ய இத்த²ன்னாமஸ்ஸ பி⁴க்கு²னோ குடிவத்து²ங் ஓலோகேதுங். ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ
பி⁴க்கு² ஸஞ்ஞாசிகாய குடிங் கத்துகாமோ அஸ்ஸாமிகங் அத்துத்³தே³ஸங். ஸோ
ஸங்க⁴ங் குடிவத்து²ஓலோகனங் யாசதி. ஸங்கோ⁴ இத்த²ன்னாமஞ்ச இத்த²ன்னாமஞ்ச
பி⁴க்கூ² ஸம்மன்னதி இத்த²ன்னாமஸ்ஸ பி⁴க்கு²னோ குடிவத்து²ங் ஓலோகேதுங்.
யஸ்ஸாயஸ்மதோ க²மதி இத்த²ன்னாமஸ்ஸ ச இத்த²ன்னாமஸ்ஸ ச பி⁴க்கூ²னங் ஸம்முதி [ஸம்மதி (ஸ்யா॰)] இத்த²ன்னாமஸ்ஸ பி⁴க்கு²னோ குடிவத்து²ங் ஓலோகேதுங், ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

‘‘ஸம்மதா ஸங்கே⁴ன இத்த²ன்னாமோ ச இத்த²ன்னாமோ ச
பி⁴க்கூ² இத்த²ன்னாமஸ்ஸ பி⁴க்கு²னோ குடிவத்து²ங் ஓலோகேதுங். க²மதி
ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

351.
தேஹி ஸம்மதேஹி பி⁴க்கூ²ஹி தத்த² க³ந்த்வா குடிவத்து² ஓலோகேதப்³ப³ங்,
ஸாரம்ப⁴ங் அனாரம்ப⁴ங் ஸபரிக்கமனங் அபரிக்கமனங் ஜானிதப்³ப³ங். ஸசே ஸாரம்ப⁴ங்
ஹோதி அபரிக்கமனங், ‘மா இத⁴ கரீ’தி வத்தப்³போ³. ஸசே
அனாரம்ப⁴ங் ஹோதி ஸபரிக்கமனங், ஸங்க⁴ஸ்ஸ ஆரோசேதப்³ப³ங் – ‘அனாரம்ப⁴ங்
ஸபரிக்கமன’ந்தி. தேன குடிகாரகேன பி⁴க்கு²னா ஸங்க⁴ங் உபஸங்கமித்வா ஏகங்ஸங்
உத்தராஸங்க³ங் கரித்வா வுட்³டா⁴னங் பி⁴க்கூ²னங் பாதே³ வந்தி³த்வா
உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ – ‘‘அஹங்,
ப⁴ந்தே, ஸஞ்ஞாசிகாய குடிங் கத்துகாமோ அஸ்ஸாமிகங் அத்துத்³தே³ஸங் .
ஸோஹங், ப⁴ந்தே, ஸங்க⁴ங் குடிவத்து²தே³ஸனங் யாசாமீ’’தி. து³தியம்பி
யாசிதப்³பா³. ததியம்பி யாசிதப்³பா³. ப்³யத்தேன பி⁴க்கு²னா படிப³லேன ஸங்கோ⁴
ஞாபேதப்³போ³ –

352.
‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ பி⁴க்கு² ஸஞ்ஞாசிகாய
குடிங் கத்துகாமோ அஸ்ஸாமிகங் அத்துத்³தே³ஸங். ஸோ ஸங்க⁴ங் குடிவத்து²தே³ஸனங்
யாசதி. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமஸ்ஸ பி⁴க்கு²னோ
குடிவத்து²ங் தே³ஸெய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴.
அயங் இத்த²ன்னாமோ பி⁴க்கு² ஸஞ்ஞாசிகாய குடிங் கத்துகாமோ அஸ்ஸாமிகங்
அத்துத்³தே³ஸங். ஸோ ஸங்க⁴ங் குடிவத்து²தே³ஸனங் யாசதி. ஸங்கோ⁴
இத்த²ன்னாமஸ்ஸ பி⁴க்கு²னோ குடிவத்து²ங் தே³ஸேதி. யஸ்ஸாயஸ்மதோ க²மதி
இத்த²ன்னாமஸ்ஸ பி⁴க்கு²னோ குடிவத்து²ஸ்ஸ தே³ஸனா, ஸோ துண்ஹஸ்ஸ; யஸ்ஸ
நக்க²மதி, ஸோ பா⁴ஸெய்ய.

‘‘தே³ஸிதங் ஸங்கே⁴ன இத்த²ன்னாமஸ்ஸ பி⁴க்கு²னோ குடிவத்து². க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

353. ஸாரம்ப⁴ங்
நாம கிபில்லிகானங் வா ஆஸயோ ஹோதி, உபசிகானங் வா ஆஸயோ ஹோதி, உந்து³ரானங் வா
ஆஸயோ ஹோதி, அஹீனங் வா ஆஸயோ ஹோதி, விச்சி²கானங் வா ஆஸயோ ஹோதி, ஸதபதீ³னங் வா
ஆஸயோ ஹோதி, ஹத்தீ²னங் வா ஆஸயோ ஹோதி, அஸ்ஸானங் வா
ஆஸயோ ஹோதி, ஸீஹானங் வா ஆஸயோ ஹோதி, ப்³யக்³கா⁴னங் வா ஆஸயோ ஹோதி, தீ³பீனங் வா
ஆஸயோ ஹோதி, அச்சா²னங் வா ஆஸயோ ஹோதி, தரச்சா²னங் வா ஆஸயோ ஹோதி, யேஸங்
கேஸஞ்சி திரச்சா²னக³தானங் பாணானங் ஆஸயோ ஹோதி, புப்³ப³ண்ணனிஸ்ஸிதங் வா ஹோதி,
அபரண்ணனிஸ்ஸிதங் வா ஹோதி, அப்³பா⁴கா⁴தனிஸ்ஸிதங் வா ஹோதி, ஆகா⁴தனநிஸ்ஸிதங்
வா ஹோதி, ஸுஸானநிஸ்ஸிதங் வா ஹோதி, உய்யானநிஸ்ஸிதங் வா ஹோதி,
ராஜவத்து²னிஸ்ஸிதங் வா ஹோதி, ஹத்தி²ஸாலானிஸ்ஸிதங் வா ஹோதி,
அஸ்ஸஸாலானிஸ்ஸிதங் வா ஹோதி, ப³ந்த⁴னாகா³ரனிஸ்ஸிதங் வா ஹோதி,
பானாகா³ரனிஸ்ஸிதங் வா ஹோதி, ஸூனநிஸ்ஸிதங் வா ஹோதி, ரச்சா²னிஸ்ஸிதங் வா
ஹோதி, சச்சரனிஸ்ஸிதங் வா ஹோதி, ஸபா⁴னிஸ்ஸிதங் வா ஹோதி, ஸங்ஸரணனிஸ்ஸிதங் வா [ஸஞ்சரணனிஸ்ஸிதங் வா (க॰)] ஹோதி. ஏதங் ஸாரம்ப⁴ங் நாம.

அபரிக்கமனங் நாம ந ஸக்கா ஹோதி யதா²யுத்தேன ஸகடேன அனுபரிக³ந்துங் ஸமந்தா நிஸ்ஸேணியா அனுபரிக³ந்துங். ஏதங் அபரிக்கமனங் நாம.

அனாரம்ப⁴ங்
நாம ந கிபில்லிகானங் வா ஆஸயோ ஹோதி, ந உபசிகானங் வா ஆஸயோ ஹோதி, ந
உந்து³ரானங் வா ஆஸயோ ஹோதி, ந அஹீனங் வா ஆஸயோ ஹோதி, ந விச்சி²கானங் வா ஆஸயோ
ஹோதி, ந ஸதபதீ³னங் வா ஆஸயோ ஹோதி…பே॰… ந ஸங்ஸரணனிஸ்ஸிதங் வா ஹோதி. ஏதங்
அனாரம்ப⁴ங் நாம.

ஸபரிக்கமனங் நாம ஸக்கா ஹோதி யதா²யுத்தேன ஸகடேன அனுபரிக³ந்துங், ஸமந்தா நிஸ்ஸேணியா அனுபரிக³ந்துங். ஏதங் ஸபரிக்கமனங் நாம.

ஸஞ்ஞாசிகா நாம ஸயங் யாசித்வா புரிஸம்பி புரிஸத்த²கரம்பி…பே॰… மத்திகம்பி .

குடி நாம உல்லித்தா வா ஹோதி வா அவலித்தா வா உல்லித்தாவலித்தா வா.

காரெய்யாதி கரோதி வா காராபேதி வா.

பி⁴க்கூ² வா அனபி⁴னெய்ய, வத்து²தே³ஸனாய பமாணங் வா அதிக்காமெய்யாதி
ஞத்திது³தியேன கம்மேன குடிவத்து²ங் ந தே³ஸாபெத்வா, ஆயாமதோ வா வித்தா²ரதோ
வா அந்தமஸோ கேஸக்³க³மத்தம்பி அதிக்காமெத்வா கரோதி வா காராபேதி வா, பயோகே³
பயோகே³ து³க்கடங். ஏகங் பிண்ட³ங் அனாக³தே ஆபத்தி து²ல்லச்சயஸ்ஸ. தஸ்மிங்
பிண்டே³ ஆக³தே ஆபத்தி ஸங்கா⁴தி³ஸேஸஸ்ஸ.

ஸங்கா⁴தி³ஸேஸோதி…பே॰… தேனபி வுச்சதி ஸங்கா⁴தி³ஸேஸோதி.

354. பி⁴க்கு²
குடிங் கரோதி அதே³ஸிதவத்து²கங் ஸாரம்ப⁴ங் அபரிக்கமனங், ஆபத்தி
ஸங்கா⁴தி³ஸேஸேன த்³வின்னங் து³க்கடானங். பி⁴க்கு² குடிங் கரோதி
அதே³ஸிதவத்து²கங் ஸாரம்ப⁴ங் ஸபரிக்கமனங், ஆபத்தி ஸங்கா⁴தி³ஸேஸேன
து³க்கடஸ்ஸ. பி⁴க்கு² குடிங் கரோதி அதே³ஸிதவத்து²கங் அனாரம்ப⁴ங்
அபரிக்கமனங், ஆபத்தி ஸங்கா⁴தி³ஸேஸேன து³க்கடஸ்ஸ. பி⁴க்கு² குடிங் கரோதி
அதே³ஸிதவத்து²கங் அனாரம்ப⁴ங் ஸபரிக்கமனங், ஆபத்தி ஸங்கா⁴தி³ஸேஸஸ்ஸ.

355.
பி⁴க்கு² குடிங் கரோதி தே³ஸிதவத்து²கங் ஸாரம்ப⁴ங் அபரிக்கமனங், ஆபத்தி
த்³வின்னங் து³க்கடானங். பி⁴க்கு² குடிங் கரோதி தே³ஸிதவத்து²கங் ஸாரம்ப⁴ங்
ஸபரிக்கமனங், ஆபத்தி து³க்கடஸ்ஸ. பி⁴க்கு² குடிங்
கரோதி தே³ஸிதவத்து²கங் அனாரம்ப⁴ங் அபரிக்கமனங், ஆபத்தி து³க்கடஸ்ஸ.
பி⁴க்கு² குடிங் கரோதி தே³ஸிதவத்து²கங் அனாரம்ப⁴ங் ஸபரிக்கமனங், அனாபத்தி.

பி⁴க்கு² குடிங் கரோதி
பமாணாதிக்கந்தங் ஸாரம்ப⁴ங் அபரிக்கமனங், ஆபத்தி ஸங்கா⁴தி³ஸேஸேன த்³வின்னங்
து³க்கடானங். பி⁴க்கு² குடிங் கரோதி பமாணாதிக்கந்தங் ஸாரம்ப⁴ங்
ஸபரிக்கமனங், ஆபத்தி ஸங்கா⁴தி³ஸேஸேன து³க்கடஸ்ஸ. பி⁴க்கு² குடிங் கரோதி
பமாணாதிக்கந்தங் அனாரம்ப⁴ங் அபரிக்கமனங், ஆபத்தி ஸங்கா⁴தி³ஸேஸேன
து³க்கடஸ்ஸ. பி⁴க்கு² குடிங் கரோதி பமாணாதிக்கந்தங் அனாரம்ப⁴ங்
ஸபரிக்கமனங், ஆபத்தி ஸங்கா⁴தி³ஸேஸஸ்ஸ.

பி⁴க்கு² குடிங் கரோதி
பமாணிகங் ஸாரம்ப⁴ங் அபரிக்கமனங், ஆபத்தி த்³வின்னங் து³க்கடானங். பி⁴க்கு²
குடிங் கரோதி பமாணிகங் ஸாரம்ப⁴ங் ஸபரிக்கமனங், ஆபத்தி து³க்கடஸ்ஸ. பி⁴க்கு²
குடிங் கரோதி பமாணிகங் அனாரம்ப⁴ங் அபரிக்கமனங், ஆபத்தி து³க்கடஸ்ஸ.
பி⁴க்கு² குடிங் கரோதி பமாணிகங் அனாரம்ப⁴ங் ஸபரிக்கமனங், அனாபத்தி.

பி⁴க்கு² குடிங் கரோதி அதே³ஸிதவத்து²கங்
பமாணாதிக்கந்தங் ஸாரம்ப⁴ங் அபரிக்கமனங், ஆபத்தி த்³வின்னங் ஸங்கா⁴தி³ஸேஸேன
த்³வின்னங் து³க்கடானங். பி⁴க்கு² குடிங் கரோதி அதே³ஸிதவத்து²கங்
பமாணாதிக்கந்தங் ஸாரம்ப⁴ங் ஸபரிக்கமனங், ஆபத்தி த்³வின்னங் ஸங்கா⁴தி³ஸேஸேன
து³க்கடஸ்ஸ. பி⁴க்கு² குடிங் கரோதி அதே³ஸிதவத்து²கங் பமாணாதிக்கந்தங்
அனாரம்ப⁴ங் அபரிக்கமனங், ஆபத்தி த்³வின்னங் ஸங்கா⁴தி³ஸேஸேன து³க்கடஸ்ஸ.
பி⁴க்கு² குடிங் கரோதி அதே³ஸிதவத்து²கங் பமாணாதிக்கந்தங் அனாரம்ப⁴ங்
ஸபரிக்கமனங், ஆபத்தி த்³வின்னங் ஸங்கா⁴தி³ஸேஸானங்.

பி⁴க்கு²
குடிங் கரோதி தே³ஸிதவத்து²கங் பமாணிகங் ஸாரம்ப⁴ங் அபரிக்கமனங், ஆபத்தி
த்³வின்னங் து³க்கடானங். பி⁴க்கு² குடிங் கரோதி தே³ஸிதவத்து²கங் பமாணிகங்
ஸாரம்ப⁴ங் ஸபரிக்கமனங், ஆபத்தி து³க்கடஸ்ஸ. பி⁴க்கு² குடிங் கரோதி
தே³ஸிதவத்து²கங் பமாணிகங் அனாரம்ப⁴ங் அபரிக்கமனங், ஆபத்தி து³க்கடஸ்ஸ.
பி⁴க்கு² குடிங் கரோதி தே³ஸிதவத்து²கங் பமாணிகங் அனாரம்ப⁴ங் ஸபரிக்கமனங்,
அனாபத்தி.

356.
பி⁴க்கு² ஸமாதி³ஸதி – ‘‘குடிங் மே கரோதா²’’தி. தஸ்ஸ குடிங் கரொந்தி
அதே³ஸிதவத்து²கங் ஸாரம்ப⁴ங் அபரிக்கமனங், ஆபத்தி ஸங்கா⁴தி³ஸேஸேன த்³வின்னங்
து³க்கடானங்…பே॰… ஸாரம்ப⁴ங் ஸபரிக்கமனங் , ஆபத்தி
ஸங்கா⁴தி³ஸேஸேன து³க்கடஸ்ஸ…பே॰… அனாரம்ப⁴ங் அபரிக்கமனங், ஆபத்தி
ஸங்கா⁴தி³ஸேஸேன து³க்கடஸ்ஸ…பே॰… அனாரம்ப⁴ங் ஸபரிக்கமனங், ஆபத்தி
ஸங்கா⁴தி³ஸேஸஸ்ஸ.

பி⁴க்கு² ஸமாதி³ஸதி – ‘‘குடிங் மே கரோதா²’’தி. தஸ்ஸ
குடிங் கரொந்தி தே³ஸிதவத்து²கங் ஸாரம்ப⁴ங் அபரிக்கமனங், ஆபத்தி த்³வின்னங்
து³க்கடானங்…பே॰… ஸாரம்ப⁴ங் ஸபரிக்கமனங், ஆபத்தி து³க்கடஸ்ஸ…பே॰…
அனாரம்ப⁴ங் அபரிக்கமனங், ஆபத்தி து³க்கடஸ்ஸ…பே॰… அனாரம்ப⁴ங் ஸபரிக்கமனங்,
அனாபத்தி.

பி⁴க்கு² ஸமாதி³ஸதி – ‘‘குடிங் மே கரோதா²’’தி. தஸ்ஸ
குடிங் கரொந்தி பமாணாதிக்கந்தங் ஸாரம்ப⁴ங் அபரிக்கமனங், ஆபத்தி
ஸங்கா⁴தி³ஸேஸேன த்³வின்னங் து³க்கடானங்…பே॰… ஸாரம்ப⁴ங் ஸபரிக்கமனங், ஆபத்தி
ஸங்கா⁴தி³ஸேஸேன து³க்கடஸ்ஸ…பே॰… அனாரம்ப⁴ங் அபரிக்கமனங், ஆபத்தி ஸங்கா⁴தி³ஸேஸேன து³க்கடஸ்ஸ…பே॰… அனாரம்ப⁴ங் ஸபரிக்கமனங், ஆபத்தி ஸங்கா⁴தி³ஸேஸஸ்ஸ.

பி⁴க்கு² ஸமாதி³ஸதி – ‘‘குடிங்
மே கரோதா²’’தி. தஸ்ஸ குடிங் கரொந்தி பமாணிகங் ஸாரம்ப⁴ங் அபரிக்கமனங்,
ஆபத்தி த்³வின்னங் து³க்கடானங்…பே॰… ஸாரம்ப⁴ங் ஸபரிக்கமனங், ஆபத்தி
து³க்கடஸ்ஸ…பே॰… அனாரம்ப⁴ங் அபரிக்கமனங், ஆபத்தி து³க்கடஸ்ஸ…பே॰…
அனாரம்ப⁴ங் ஸபரிக்கமனங், அனாபத்தி.

பி⁴க்கு² ஸமாதி³ஸதி – ‘‘குடிங் மே கரோதா²’’தி. தஸ்ஸ
குடிங் கரொந்தி அதே³ஸிதவத்து²கங் பமாணாதிக்கந்தங் ஸாரம்ப⁴ங் அபரிக்கமனங்,
ஆபத்தி த்³வின்னங் ஸங்கா⁴தி³ஸேஸேன த்³வின்னங் து³க்கடானங்…பே॰… ஸாரம்ப⁴ங்
ஸபரிக்கமனங், ஆபத்தி த்³வின்னங் ஸங்கா⁴தி³ஸேஸேன து³க்கடஸ்ஸ…பே॰… அனாரம்ப⁴ங்
அபரிக்கமனங், ஆபத்தி த்³வின்னங் ஸங்கா⁴தி³ஸேஸேன து³க்கடஸ்ஸ…பே॰…
அனாரம்ப⁴ங் ஸபரிக்கமனங், ஆபத்தி த்³வின்னங் ஸங்கா⁴தி³ஸேஸானங்.

பி⁴க்கு² ஸமாதி³ஸதி – ‘‘குடிங் மே கரோதா²’’தி. தஸ்ஸ
குடிங் கரொந்தி தே³ஸிதவத்து²கங் பமாணிகங் ஸாரம்ப⁴ங் அபரிக்கமனங், ஆபத்தி
த்³வின்னங் து³க்கடானங்…பே॰… ஸாரம்ப⁴ங் ஸபரிக்கமனங், ஆபத்தி
து³க்கடஸ்ஸ…பே॰… அனாரம்ப⁴ங் அபரிக்கமனங், ஆபத்தி து³க்கடஸ்ஸ…பே॰…
அனாரம்ப⁴ங் ஸபரிக்கமனங், அனாபத்தி.

357. பி⁴க்கு²
ஸமாதி³ஸித்வா பக்கமதி – ‘‘குடிங் மே கரோதா²’’தி. ந ச ஸமாதி³ஸதி –
‘‘தே³ஸிதவத்து²கா ச ஹோது அனாரம்பா⁴ ச ஸபரிக்கமனா சா’’தி. தஸ்ஸ குடிங்
கரொந்தி அதே³ஸிதவத்து²கங் ஸாரம்ப⁴ங் அபரிக்கமனங், ஆபத்தி ஸங்கா⁴தி³ஸேஸேன
த்³வின்னங் து³க்கடானங்…பே॰… ஸாரம்ப⁴ங் ஸபரிக்கமனங், ஆபத்தி ஸங்கா⁴தி³ஸேஸேன
து³க்கடஸ்ஸ…பே॰… அனாரம்ப⁴ங் அபரிக்கமனங், ஆபத்தி ஸங்கா⁴தி³ஸேஸேன
து³க்கடஸ்ஸ…பே॰… அனாரம்ப⁴ங் ஸபரிக்கமனங், ஆபத்தி ஸங்கா⁴தி³ஸேஸஸ்ஸ.

பி⁴க்கு² ஸமாதி³ஸித்வா பக்கமதி – ‘‘குடிங் மே
கரோதா²’’தி. ந ச ஸமாதி³ஸதி – ‘‘தே³ஸிதவத்து²கா ச ஹோது அனாரம்பா⁴ ச
ஸபரிக்கமனா சா’’தி. தஸ்ஸ குடிங் கரொந்தி தே³ஸிதவத்து²கங் ஸாரம்ப⁴ங்
அபரிக்கமனங், ஆபத்தி த்³வின்னங் து³க்கடானங்…பே॰… ஸாரம்ப⁴ங் ஸபரிக்கமனங்,
ஆபத்தி து³க்கடஸ்ஸ…பே॰… அனாரம்ப⁴ங் அபரிக்கமனங், ஆபத்தி து³க்கடஸ்ஸ…பே॰…
அனாரம்ப⁴ங் ஸபரிக்கமனங், அனாபத்தி.

பி⁴க்கு² ஸமாதி³ஸித்வா பக்கமதி
– ‘‘குடிங் மே கரோதா²’’தி. ந ச ஸமாதி³ஸதி – ‘‘பமாணிகா ச ஹோது அனாரம்பா⁴ ச
ஸபரிக்கமனா சா’’தி. தஸ்ஸ குடிங் கரொந்தி பமாணாதிக்கந்தங் ஸாரம்ப⁴ங்
அபரிக்கமனங், ஆபத்தி ஸங்கா⁴தி³ஸேஸேன த்³வின்னங் து³க்கடானங்…பே॰… ஸாரம்ப⁴ங்
ஸபரிக்கமனங், ஆபத்தி ஸங்கா⁴தி³ஸேஸேன து³க்கடஸ்ஸ…பே॰… அனாரம்ப⁴ங்
அபரிக்கமனங், ஆபத்தி ஸங்கா⁴தி³ஸேஸேன து³க்கடஸ்ஸ…பே॰… அனாரம்ப⁴ங்
ஸபரிக்கமனங், ஆபத்தி ஸங்கா⁴தி³ஸேஸஸ்ஸ.

பி⁴க்கு² ஸமாதி³ஸித்வா பக்கமதி – ‘‘குடிங் மே
கரோதா²’’தி. ந ச ஸமாதி³ஸதி – ‘‘பமாணிகா ச ஹோது அனாரம்பா⁴ ச ஸபரிக்கமனா
சா’’தி. தஸ்ஸ குடிங் கரொந்தி பமாணிகங் ஸாரம்ப⁴ங் அபரிக்கமனங், ஆபத்தி
த்³வின்னங் து³க்கடானங்…பே॰… ஸாரம்ப⁴ங் ஸபரிக்கமனங், ஆபத்தி
து³க்கடஸ்ஸ…பே॰… அனாரம்ப⁴ங் அபரிக்கமனங், ஆபத்தி து³க்கடஸ்ஸ…பே॰…
அனாரம்ப⁴ங் ஸபரிக்கமனங், அனாபத்தி.

பி⁴க்கு² ஸமாதி³ஸித்வா பக்கமதி – ‘‘குடிங் மே
கரோதா²’’தி. ந ச ஸமாதி³ஸதி – ‘‘தே³ஸிதவத்து²கா ச ஹோது பமாணிகா ச அனாரம்பா⁴ ச
ஸபரிக்கமனா சா’’தி. தஸ்ஸ குடிங் கரொந்தி அதே³ஸிதவத்து²கங் பமாணாதிக்கந்தங்
ஸாரம்ப⁴ங் அபரிக்கமனங் , ஆபத்தி த்³வின்னங்
ஸங்கா⁴தி³ஸேஸேன த்³வின்னங் து³க்கடானங்…பே॰… ஸாரம்ப⁴ங் ஸபரிக்கமனங், ஆபத்தி
த்³வின்னங் ஸங்கா⁴தி³ஸேஸேன து³க்கடஸ்ஸ…பே॰… அனாரம்ப⁴ங் அபரிக்கமனங்,
ஆபத்தி த்³வின்னங் ஸங்கா⁴தி³ஸேஸேன து³க்கடஸ்ஸ …பே॰… அனாரம்ப⁴ங் ஸபரிக்கமனங், ஆபத்தி த்³வின்னங் ஸங்கா⁴தி³ஸேஸானங்.

பி⁴க்கு² ஸமாதி³ஸித்வா பக்கமதி – ‘‘குடிங் மே
கரோதா²’’தி. ந ச ஸமாதி³ஸதி – ‘‘தே³ஸிதவத்து²கா ச ஹோது பமாணிகா ச அனாரம்பா⁴ ச
ஸபரிக்கமனா சா’’தி. தஸ்ஸ குடிங் கரொந்தி தே³ஸிதவத்து²கங் பமாணிகங்
ஸாரம்ப⁴ங் அபரிக்கமனங், ஆபத்தி த்³வின்னங் து³க்கடானங்…பே॰… ஸாரம்ப⁴ங்
ஸபரிக்கமனங், ஆபத்தி து³க்கடஸ்ஸ…பே॰… அனாரம்ப⁴ங் அபரிக்கமனங், ஆபத்தி
து³க்கடஸ்ஸ…பே॰… அனாரம்ப⁴ங் ஸபரிக்கமனங், அனாபத்தி.

358.
பி⁴க்கு² ஸமாதி³ஸித்வா பக்கமதி – ‘‘குடிங் மே கரோதா²’’தி. ஸமாதி³ஸதி ச –
‘‘தே³ஸிதவத்து²கா ச ஹோது அனாரம்பா⁴ ச ஸபரிக்கமனா சா’’தி. தஸ்ஸ குடிங்
கரொந்தி அதே³ஸிதவத்து²கங் ஸாரம்ப⁴ங் அபரிக்கமனங். ஸோ ஸுணாதி – ‘‘குடி கிர
மே கயிரதி அதே³ஸிதவத்து²கா ஸாரம்பா⁴ அபரிக்கமனா’’தி. தேன பி⁴க்கு²னா ஸாமங்
வா க³ந்தப்³ப³ங் தூ³தோ வா பாஹேதப்³போ³ – ‘‘தே³ஸிதவத்து²கா ச ஹோது அனாரம்பா⁴ ச ஸபரிக்கமனா சா’’தி. நோ சே ஸாமங் வா க³ச்செ²ய்ய தூ³தங் வா பஹிணெய்ய, ஆபத்தி து³க்கடஸ்ஸ.

பி⁴க்கு² ஸமாதி³ஸித்வா பக்கமதி
– ‘‘குடிங் மே கரோதா²’’தி. ஸமாதி³ஸதி ச – ‘‘தே³ஸிதவத்து²கா ச ஹோது
அனாரம்பா⁴ ச ஸபரிக்கமனா சா’’தி. தஸ்ஸ குடிங் கரொந்தி அதே³ஸிதவத்து²கங்
ஸாரம்ப⁴ங் ஸபரிக்கமனங். ஸோ ஸுணாதி – ‘‘குடி கிர மே
கயிரதி அதே³ஸிதவத்து²கா ஸாரம்பா⁴ ஸபரிக்கமனா’’தி. தேன பி⁴க்கு²னா ஸாமங் வா
க³ந்தப்³ப³ங் தூ³தோ வா பாஹேதப்³போ³ – ‘‘தே³ஸிதவத்து²கா ச ஹோது அனாரம்பா⁴
சா’’தி. நோ சே ஸாமங் வா க³ச்செ²ய்ய தூ³தங் வா பஹிணெய்ய, ஆபத்தி து³க்கடஸ்ஸ.

பி⁴க்கு² ஸமாதி³ஸித்வா பக்கமதி – ‘‘குடிங் மே
கரோதா²’’தி. ஸமாதி³ஸதி ச – ‘‘தே³ஸிதவத்து²கா ச ஹோது அனாரம்பா⁴ ச ஸபரிக்கமனா
சா’’தி. தஸ்ஸ குடிங் கரொந்தி அதே³ஸிதவத்து²கங் அனாரம்ப⁴ங் அபரிக்கமனங். ஸோ
ஸுணாதி – ‘‘குடி கிர மே கயிரதி அதே³ஸிதவத்து²கா அனாரம்பா⁴ அபரிக்கமனா’’தி.
தேன பி⁴க்கு²னா ஸாமங் வா க³ந்தப்³ப³ங் தூ³தோ வா பாஹேதப்³போ³ –
‘‘தே³ஸிதவத்து²கா ச ஹோது ஸபரிக்கமனா சா’’தி. நோ சே ஸாமங் வா க³ச்செ²ய்ய
தூ³தங் வா பஹிணெய்ய, ஆபத்தி து³க்கடஸ்ஸ.

பி⁴க்கு² ஸமாதி³ஸித்வா பக்கமதி
– ‘‘குடிங் மே கரோதா²’’தி. ஸமாதி³ஸதி ச – ‘‘தே³ஸிதவத்து²கா ச ஹோது
அனாரம்பா⁴ ச ஸபரிக்கமனா சா’’தி. தஸ்ஸ குடிங் கரொந்தி அதே³ஸிதவத்து²கங்
அனாரம்ப⁴ங் ஸபரிக்கமனங். ஸோ ஸுணாதி – ‘‘குடி கிர மே கயிரதி அதே³ஸிதவத்து²கா
அனாரம்பா⁴ ஸபரிக்கமனா’’தி. தேன பி⁴க்கு²னா ஸாமங் வா க³ந்தப்³ப³ங் தூ³தோ வா
பாஹேதப்³போ³ – ‘‘தே³ஸிதவத்து²கா ஹோதூ’’தி. நோ சே ஸாமங் வா க³ச்செ²ய்ய
தூ³தங் வா பஹிணெய்ய, ஆபத்தி து³க்கடஸ்ஸ.

பி⁴க்கு² ஸமாதி³ஸித்வா பக்கமதி – ‘‘குடிங் மே
கரோதா²’’தி. ஸமாதி³ஸதி ச – ‘‘தே³ஸிதவத்து²கா ச ஹோது அனாரம்பா⁴ ச ஸபரிக்கமனா
சா’’தி. தஸ்ஸ குடிங் கரொந்தி தே³ஸிதவத்து²கங் ஸாரம்ப⁴ங் அபரிக்கமனங். ஸோ
ஸுணாதி – ‘‘குடி கிர மே கயிரதி தே³ஸிதவத்து²கா
ஸாரம்பா⁴ அபரிக்கமனா’’தி. தேன பி⁴க்கு²னா ஸாமங் வா க³ந்தப்³ப³ங் தூ³தோ வா
பாஹேதப்³போ³ – ‘‘அனாரம்பா⁴ ச ஹோது ஸபரிக்கமனா சா’’தி. நோ சே ஸாமங் வா
க³ச்செ²ய்ய தூ³தங் வா பஹிணெய்ய, ஆபத்தி து³க்கடஸ்ஸ.

பி⁴க்கு² ஸமாதி³ஸித்வா பக்கமதி – ‘‘குடிங் மே
கரோதா²’’தி. ஸமாதி³ஸதி ச – ‘‘தே³ஸிதவத்து²கா ச ஹோது அனாரம்பா⁴ ச ஸபரிக்கமனா
சா’’தி. தஸ்ஸ குடிங் கரொந்தி தே³ஸிதவத்து²கங் ஸாரம்ப⁴ங் ஸபரிக்கமனங். ஸோ
ஸுணாதி – ‘‘குடி கிர மே கயிரதி தே³ஸிதவத்து²கா
ஸாரம்பா⁴ ஸபரிக்கமனா’’தி. தேன பி⁴க்கு²னா ஸாமங் வா க³ந்தப்³ப³ங் தூ³தோ வா
பாஹேதப்³போ³ – ‘‘அனாரம்பா⁴ ஹோதூ’’தி. நோ சே ஸாமங் வா க³ச்செ²ய்ய தூ³தங் வா
பஹிணெய்ய, ஆபத்தி து³க்கடஸ்ஸ.

பி⁴க்கு² ஸமாதி³ஸித்வா பக்கமதி – ‘‘குடிங் மே
கரோதா²’’தி. ஸமாதி³ஸதி ச – ‘‘தே³ஸிதவத்து²கா ச ஹோது அனாரம்பா⁴ ச ஸபரிக்கமனா
சா’’தி. தஸ்ஸ குடிங் கரொந்தி தே³ஸிதவத்து²கங் அனாரம்ப⁴ங் அபரிக்கமனங். ஸோ
ஸுணாதி – ‘‘குடி கிர மே கயிரதி தே³ஸிதவத்து²கா அனாரம்பா⁴ அபரிக்கமனா’’தி.
தேன பி⁴க்கு²னா ஸாமங் வா க³ந்தப்³ப³ங் தூ³தோ வா பாஹேதப்³போ³ – ‘‘ஸபரிக்கமனா
ஹோதூ’’தி. நோ சே ஸாமங் வா க³ச்செ²ய்ய தூ³தங் வா பஹிணெய்ய, ஆபத்தி
து³க்கடஸ்ஸ.

359. பி⁴க்கு² ஸமாதி³ஸித்வா பக்கமதி – ‘‘குடிங் மே கரோதா²’’தி. ஸமாதி³ஸதி ச
– ‘‘பமாணிகா ச ஹோது அனாரம்பா⁴ ச ஸபரிக்கமனா சா’’தி. தஸ்ஸ குடிங் கரொந்தி
பமாணாதிக்கந்தங் ஸாரம்ப⁴ங் அபரிக்கமனங். ஸோ ஸுணாதி – ‘‘குடி கிர மே கயிரதி
பமாணாதிக்கந்தா ஸாரம்பா⁴ அபரிக்கமனா’’தி. தேன பி⁴க்கு²னா ஸாமங் வா
க³ந்தப்³ப³ங் தூ³தோ வா பாஹேதப்³போ³ – ‘‘பமாணிகா ச ஹோது அனாரம்பா⁴ ச
ஸபரிக்கமனா சா’’தி…பே॰… ‘‘பமாணிகா ச ஹோது அனாரம்பா⁴ சா’’தி…பே॰… ‘‘பமாணிகா ச
ஹோது ஸபரிக்கமனா சா’’தி…பே॰… ‘‘பமாணிகா ஹோதூ’’தி. நோ சே ஸாமங் வா
க³ச்செ²ய்ய தூ³தங் வா பஹிணெய்ய, ஆபத்தி து³க்கடஸ்ஸ.

பி⁴க்கு² ஸமாதி³ஸித்வா பக்கமதி – ‘‘குடிங் மே
கரோதா²’’தி. ஸமாதி³ஸதி ச – ‘‘பமாணிகா ச ஹோது அனாரம்பா⁴ ச ஸபரிக்கமனா
சா’’தி. தஸ்ஸ குடிங் கரொந்தி பமாணிகங் ஸாரம்ப⁴ங் அபரிக்கமனங். ஸோ ஸுணாதி –
‘‘குடி கிர மே கயிரதி பமாணிகா ஸாரம்பா⁴ அபரிக்கமனா’’தி. தேன பி⁴க்கு²னா
ஸாமங் வா க³ந்தப்³ப³ங் தூ³தோ வா பாஹேதப்³போ³ – ‘‘அனாரம்பா⁴ ச ஹோது
ஸபரிக்கமனா சா’’தி…பே॰… ‘‘அனாரம்பா⁴ ஹோதூ’’தி…பே॰… ‘‘ஸபரிக்கமனா
ஹோதூ’’தி…பே॰… அனாபத்தி.

360. பி⁴க்கு²
ஸமாதி³ஸித்வா பக்கமதி – ‘‘குடிங் மே கரோதா²’’தி. ஸமாதி³ஸதி ச –
‘‘தே³ஸிதவத்து²கா ச ஹோது பமாணிகா ச அனாரம்பா⁴ ச ஸபரிக்கமனா சா’’தி. தஸ்ஸ
குடிங் கரொந்தி அதே³ஸிதவத்து²கங் பமாணாதிக்கந்தங் ஸாரம்ப⁴ங் அபரிக்கமனங்.
ஸோ ஸுணாதி – ‘‘குடி கிர மே கயிரதி அதே³ஸிதவத்து²கா பமாணாதிக்கந்தா ஸாரம்பா⁴
அபரிக்கமனா’’தி. தேன பி⁴க்கு²னா ஸாமங் வா க³ந்தப்³ப³ங் தூ³தோ வா
பாஹேதப்³போ³ – ‘‘தே³ஸிதவத்து²கா ச ஹோது பமாணிகா ச அனாரம்பா⁴ ச
ஸபரிக்கமனா சா’’தி…பே॰… ‘‘தே³ஸிதவத்து²கா ச ஹோது பமாணிகா ச அனாரம்பா⁴
சா’’தி…பே॰… ‘‘தே³ஸிதவத்து²கா ச ஹோது பமாணிகா ச ஸபரிக்கமனா சா’’தி…பே॰…
‘‘தே³ஸிதவத்து²கா ச ஹோது பமாணிகா சா’’தி. நோ சே ஸாமங் வா க³ச்செ²ய்ய தூ³தங்
வா பஹிணெய்ய, ஆபத்தி து³க்கடஸ்ஸ.

பி⁴க்கு² ஸமாதி³ஸித்வா பக்கமதி – ‘‘குடிங் மே கரோதா²’’தி. ஸமாதி³ஸதி ச – ‘‘தே³ஸிதவத்து²கா
ச ஹோது பமாணிகா ச அனாரம்பா⁴ ச ஸபரிக்கமனா சா’’தி. தஸ்ஸ குடிங் கரொந்தி
தே³ஸிதவத்து²கங் பமாணிகங் ஸாரம்ப⁴ங் அபரிக்கமனங். ஸோ ஸுணாதி – ‘‘குடி கிர
மே கயிரதி தே³ஸிதவத்து²கா பமாணிகா ஸாரம்பா⁴ அபரிக்கமனா’’தி. தேன பி⁴க்கு²னா
ஸாமங் வா க³ந்தப்³ப³ங் தூ³தோ வா பாஹேதப்³போ³ – ‘‘அனாரம்பா⁴ ச ஹோது
ஸபரிக்கமனா சா’’தி…பே॰… ‘‘அனாரம்பா⁴ ஹோதூ’’தி…பே॰… ‘‘ஸபரிக்கமனா
ஹோதூ’’தி…பே॰… அனாபத்தி.

பி⁴க்கு² ஸமாதி³ஸித்வா பக்கமதி – ‘‘குடிங் மே
கரோதா²’’தி. ஸமாதி³ஸதி ச – ‘‘தே³ஸிதவத்து²கா ச ஹோது அனாரம்பா⁴ ச ஸபரிக்கமனா
சா’’தி. தஸ்ஸ குடிங் கரொந்தி அதே³ஸிதவத்து²கங் ஸாரம்ப⁴ங் அபரிக்கமனங்,
ஆபத்தி காருகானங் திண்ணங் து³க்கடானங்…பே॰… ஸாரம்ப⁴ங் ஸபரிக்கமனங், ஆபத்தி
காருகானங் த்³வின்னங் து³க்கடானங்…பே॰… அனாரம்ப⁴ங் அபரிக்கமனங், ஆபத்தி
காருகானங் த்³வின்னங் து³க்கடானங்…பே॰… அனாரம்ப⁴ங் ஸபரிக்கமனங், ஆபத்தி
காருகானங் து³க்கடஸ்ஸ.

பி⁴க்கு² ஸமாதி³ஸித்வா பக்கமதி – ‘‘குடிங் மே கரோதா²’’தி. ஸமாதி³ஸதி ச – ‘‘தே³ஸிதவத்து²கா ச ஹோது அனாரம்பா⁴ ச ஸபரிக்கமனா
சா’’தி. தஸ்ஸ குடிங் கரொந்தி தே³ஸிதவத்து²கங் ஸாரம்ப⁴ங் அபரிக்கமனங்,
ஆபத்தி காருகானங் த்³வின்னங் து³க்காடனங்…பே॰… ஸாரம்ப⁴ங் ஸபரிக்கமனங்,
ஆபத்தி காருகானங் து³க்கடஸ்ஸ…பே॰… அனாரம்ப⁴ங் அபரிக்கமனங், ஆபத்தி
காருகானங் து³க்கடஸ்ஸ…பே॰… அனாரம்ப⁴ங் ஸபரிக்கமனங், அனாபத்தி.

பி⁴க்கு² ஸமாதி³ஸித்வா பக்கமதி
– ‘‘குடிங் மே கரோதா²’’தி. ஸமாதி³ஸதி ச – ‘‘பமாணிகா ச ஹோது அனாரம்பா⁴ ச
ஸபரிக்கமனா சா’’தி. தஸ்ஸ குடிங் கரொந்தி பமாணாதிக்கந்தங் ஸாரம்ப⁴ங்
அபரிக்கமனங், ஆபத்தி காருகானங் திண்ணங் து³க்கடானங்…பே॰… ஸாரம்ப⁴ங்
ஸபரிக்கமனங், ஆபத்தி காருகானங் த்³வின்னங் து³க்கடானங்…பே॰… அனாரம்ப⁴ங்
அபரிக்கமனங், ஆபத்தி காருகானங் த்³வின்னங் து³க்கடானங்…பே॰… அனாரம்ப⁴ங்
ஸபரிக்கமனங் ஆபத்தி காருகானங் து³க்கடஸ்ஸ.

பி⁴க்கு² ஸமாதி³ஸித்வா பக்கமதி – ‘‘குடிங் மே
கரோதா²’’தி. ஸமாதி³ஸதி ச – ‘‘பமாணிகா ச ஹோது அனாரம்பா⁴ ச ஸபரிக்கமனா
சா’’தி. தஸ்ஸ குடிங் கரொந்தி பமாணிகங் ஸாரம்ப⁴ங் அபரிக்கமனங், ஆபத்தி
காருகானங் த்³வின்னங் து³க்கடானங்…பே॰… ஸாரம்ப⁴ங் ஸபரிக்கமனங், ஆபத்தி காருகானங் து³க்கடஸ்ஸ…பே॰… அனாரம்ப⁴ங் அபரிக்கமனங், ஆபத்தி காருகானங் து³க்கடஸ்ஸ…பே॰… அனாரம்ப⁴ங் ஸபரிக்கமனங், அனாபத்தி.

பி⁴க்கு² ஸமாதி³ஸித்வா பக்கமதி – ‘‘குடிங் மே
கரோதா²’’தி. ஸமாதி³ஸதி ச – ‘‘தே³ஸிதவத்து²கா ச ஹோது பமாணிகா ச அனாரம்பா⁴ ச
ஸபரிக்கமனா சா’’தி. தஸ்ஸ குடிங் கரொந்தி அதே³ஸிதவத்து²கங் பமாணாதிக்கந்தங்
ஸாரம்ப⁴ங் அபரிக்கமனங், ஆபத்தி காருகானங் சதுன்னங்
து³க்கடானங்…பே॰… ஸாரம்ப⁴ங் ஸபரிக்கமனங், ஆபத்தி காருகானங் திண்ணங்
து³க்கடானங்…பே॰… அனாரம்ப⁴ங் அபரிக்கமனங், ஆபத்தி காருகானங் திண்ணங்
து³க்கடானங்…பே॰… அனாரம்ப⁴ங் ஸபரிக்கமனங், ஆபத்தி காருகானங் த்³வின்னங்
து³க்கடானங்.

பி⁴க்கு² ஸமாதி³ஸித்வா பக்கமதி – ‘‘குடிங் மே
கரோதா²’’தி. ஸமாதி³ஸதி ச – ‘‘தே³ஸிதவத்து²கா ச ஹோது பமாணிகா ச அனாரம்பா⁴ ச
ஸபரிக்கமனா சா’’தி. தஸ்ஸ குடிங் கரொந்தி தே³ஸிதவத்து²கங் பமாணிகங்
ஸாரம்ப⁴ங் அபரிக்கமனங், ஆபத்தி காருகானங் த்³வின்னங் து³க்கடானங்…பே॰…
ஸாரம்ப⁴ங் ஸபரிக்கமனங், ஆபத்தி காருகானங் து³க்கடஸ்ஸ…பே॰… அனாரம்ப⁴ங் அபரிக்கமனங், ஆபத்தி காருகானங் து³க்கடஸ்ஸ…பே॰… அனாரம்ப⁴ங் ஸபரிக்கமனங், அனாபத்தி.

361.
பி⁴க்கு² ஸமாதி³ஸித்வா பக்கமதி – ‘‘குடிங் மே கரோதா²’’தி. தஸ்ஸ குடிங்
கரொந்தி அதே³ஸிதவத்து²கங் ஸாரம்ப⁴ங் அபரிக்கமனங். ஸோ சே விப்பகதே
ஆக³ச்ச²தி, தேன பி⁴க்கு²னா ஸா குடி அஞ்ஞஸ்ஸ வா தா³தப்³பா³ பி⁴ந்தி³த்வா வா
புன காதப்³பா³. நோ சே அஞ்ஞஸ்ஸ வா த³தெ³ய்ய பி⁴ந்தி³த்வா வா புன காரெய்ய,
ஆபத்தி ஸங்கா⁴தி³ஸேஸேன த்³வின்னங் து³க்கடானங்.

பி⁴க்கு² ஸமாதி³ஸித்வா பக்கமதி
– ‘‘குடிங் மே கரோதா²’’தி. தஸ்ஸ குடிங் கரொந்தி அதே³ஸிதவத்து²கங்
ஸாரம்ப⁴ங் ஸபரிக்கமனங். ஸோ சே விப்பகதே ஆக³ச்ச²தி, தேன பி⁴க்கு²னா ஸா குடி
அஞ்ஞஸ்ஸ வா தா³தப்³பா³ பி⁴ந்தி³த்வா வா புன காதப்³பா³. நோ சே அஞ்ஞஸ்ஸ வா
த³தெ³ய்ய பி⁴ந்தி³த்வா வா புன காரெய்ய, ஆபத்தி ஸங்கா⁴தி³ஸேஸேன
து³க்கடஸ்ஸ…பே॰… அனாரம்ப⁴ங் அபரிக்கமனங்…பே॰… ஆபத்தி ஸங்கா⁴தி³ஸேஸேன து³க்கடஸ்ஸ…பே॰… அனாரம்ப⁴ங் ஸபரிக்கமனங்…பே॰… ஆபத்தி ஸங்கா⁴தி³ஸேஸஸ்ஸ.

பி⁴க்கு² ஸமாதி³ஸித்வா பக்கமதி – ‘‘குடிங் மே கரோதா²’’தி. தஸ்ஸ குடிங் கரொந்தி தே³ஸிதவத்து²கங்
ஸாரம்ப⁴ங் அபரிக்கமனங். ஸோ சே விப்பகதே ஆக³ச்ச²தி, தேன பி⁴க்கு²னா ஸா குடி
அஞ்ஞஸ்ஸ வா தா³தப்³பா³ பி⁴ந்தி³த்வா வா புன காதப்³பா³. நோ சே அஞ்ஞஸ்ஸ வா
த³தெ³ய்ய பி⁴ந்தி³த்வா வா புன காரெய்ய, ஆபத்தி த்³வின்னங் து³க்கடானங்…பே॰…
ஸாரம்ப⁴ங் ஸபரிக்கமனங், ஆபத்தி து³க்கடஸ்ஸ…பே॰… அனாரம்ப⁴ங் அபரிக்கமனங்,
ஆபத்தி து³க்கடஸ்ஸ…பே॰… அனாரம்ப⁴ங் ஸபரிக்கமனங், அனாபத்தி.

362.
பி⁴க்கு² ஸமாதி³ஸித்வா பக்கமதி – ‘‘குடிங் மே கரோதா²’’தி. தஸ்ஸ குடிங்
கரொந்தி பமாணாதிக்கந்தங் ஸாரம்ப⁴ங் அபரிக்கமனங். ஸோ சே விப்பகதே ஆக³ச்ச²தி,
தேன பி⁴க்கு²னா ஸா குடி அஞ்ஞஸ்ஸ வா தா³தப்³பா³ பி⁴ந்தி³த்வா வா புன
காதப்³பா³. நோ சே அஞ்ஞஸ்ஸ வா த³தெ³ய்ய பி⁴ந்தி³த்வா வா புன காரெய்ய, ஆபத்தி
ஸங்கா⁴தி³ஸேஸேன த்³வின்னங் து³க்கடானங்…பே॰… ஸாரம்ப⁴ங் ஸபரிக்கமனங்,
ஆபத்தி ஸங்கா⁴தி³ஸேஸேன து³க்கடஸ்ஸ…பே॰… அனாரம்ப⁴ங் அபரிக்கமனங், ஆபத்தி
ஸங்கா⁴தி³ஸேஸேன து³க்கடஸ்ஸ…பே॰… அனாரம்ப⁴ங் ஸபரிக்கமனங், ஆபத்தி
ஸங்கா⁴தி³ஸேஸஸ்ஸ.

பி⁴க்கு² ஸமாதி³ஸித்வா பக்கமதி – ‘‘குடிங் மே
கரோதா²’’தி. தஸ்ஸ குடிங் கரொந்தி பமாணிகங் ஸாரம்ப⁴ங் அபரிக்கமனங். ஸோ சே
விப்பகதே ஆக³ச்ச²தி, தேன பி⁴க்கு²னா ஸா குடி அஞ்ஞஸ்ஸ வா தா³தப்³பா³
பி⁴ந்தி³த்வா வா புன காதப்³பா³ . நோ சே அஞ்ஞஸ்ஸ வா
த³தெ³ய்ய பி⁴ந்தி³த்வா வா புன காரெய்ய, ஆபத்தி த்³வின்னங் து³க்கடானங்…பே॰…
ஸாரம்ப⁴ங் ஸபரிக்கமனங், ஆபத்தி து³க்கடஸ்ஸ…பே॰… அனாரம்ப⁴ங் அபரிக்கமனங்,
ஆபத்தி து³க்கடஸ்ஸ…பே॰… அனாரம்ப⁴ங் ஸபரிக்கமனங், அனாபத்தி.

பி⁴க்கு² ஸமாதி³ஸித்வா பக்கமதி – ‘‘குடிங் மே
கரோதா²’’தி. தஸ்ஸ குடிங் கரொந்தி அதே³ஸிதவத்து²கங் பமாணாதிக்கந்தங்
ஸாரம்ப⁴ங் அபரிக்கமனங். ஸோ சே விப்பகதே ஆக³ச்ச²தி,
தேன பி⁴க்கு²னா ஸா குடி அஞ்ஞஸ்ஸ வா தா³தப்³பா³ பி⁴ந்தி³த்வா வா புன
காதப்³பா³. நோ சே அஞ்ஞஸ்ஸ வா த³தெ³ய்ய பி⁴ந்தி³த்வா வா புன காரெய்ய, ஆபத்தி
த்³வின்னங் ஸங்கா⁴தி³ஸேஸேன த்³வின்னங் து³க்கடானங்…பே॰… ஸாரம்ப⁴ங்
ஸபரிக்கமனங், ஆபத்தி த்³வின்னங் ஸங்கா⁴தி³ஸேஸேன து³க்கடஸ்ஸ…பே॰… அனாரம்ப⁴ங்
அபரிக்கமனங், ஆபத்தி த்³வின்னங் ஸங்கா⁴தி³ஸேஸேன து³க்கடஸ்ஸ…பே॰…
அனாரம்ப⁴ங் ஸபரிக்கமனங், ஆபத்தி த்³வின்னங் ஸங்கா⁴தி³ஸேஸானங்.

பி⁴க்கு² ஸமாதி³ஸித்வா பக்கமதி – ‘‘குடிங் மே கரோதா²’’தி. தஸ்ஸ குடிங் கரொந்தி தே³ஸிதவத்து²கங்
பமாணிகங் ஸாரம்ப⁴ங் அபரிக்கமனங். ஸோ சே விப்பகதே ஆக³ச்ச²தி, தேன
பி⁴க்கு²னா ஸா குடி அஞ்ஞஸ்ஸ வா தா³தப்³பா³ பி⁴ந்தி³த்வா வா புன காதப்³பா³.
நோ சே அஞ்ஞஸ்ஸ வா த³தெ³ய்ய பி⁴ந்தி³த்வா வா புன காரெய்ய, ஆபத்தி த்³வின்னங்
து³க்காடானங்…பே॰… ஸாரம்ப⁴ங் ஸபரிக்கமனங், ஆபத்தி து³க்கடஸ்ஸ…பே॰…
அனாரம்ப⁴ங் அபரிக்கமனங், ஆபத்தி து³க்கடஸ்ஸ.

பி⁴க்கு² ஸமாதி³ஸித்வா பக்கமதி – ‘‘குடிங் மே
கரோதா²’’தி. தஸ்ஸ குடிங் கரொந்தி தே³ஸிதவத்து²கங் பமாணிகங் அனாரம்ப⁴ங்
ஸபரிக்கமனங், அனாபத்தி.

363. அத்தனா விப்பகதங் அத்தனா பரியோஸாபேதி, ஆபத்தி ஸங்கா⁴தி³ஸேஸஸ்ஸ.

அத்தனா விப்பகதங் பரேஹி பரியோஸாபேதி [பரியோஸாவாபேதி (க॰)], ஆபத்தி ஸங்கா⁴தி³ஸேஸஸ்ஸ.

பரேஹி விப்பகதங் அத்தனா பரியோஸாபேதி, ஆபத்தி ஸங்கா⁴தி³ஸேஸஸ்ஸ.

பரேஹி விப்பகதங் பரேஹி பரியோஸாபேதி [பரியோஸாவாபேதி (க॰)], ஆபத்தி ஸங்கா⁴தி³ஸேஸஸ்ஸ.

364. அனாபத்தி லேணே கு³ஹாய திணகுடிகாய அஞ்ஞஸ்ஸத்தா²ய வாஸாகா³ரங் ட²பெத்வா ஸப்³ப³த்த², அனாபத்தி உம்மத்தகஸ்ஸ ஆதி³கம்மிகஸ்ஸாதி.

குடிகாரஸிக்கா²பத³ங் நிட்டி²தங் ச²ட்ட²ங்.

7. விஹாரகாரஸிக்கா²பத³ங்

365. தேன
ஸமயேன பு³த்³தோ⁴ ப⁴க³வா கோஸம்பி³யங் விஹரதி கோ⁴ஸிதாராமே. தேன கோ² பன ஸமயேன
ஆயஸ்மதோ ச²ன்னஸ்ஸ உபட்டா²கோ க³ஹபதி ஆயஸ்மந்தங் ச²ன்னங் ஏதத³வோச –
‘‘விஹாரவத்து²ங், ப⁴ந்தே, ஜானாஹி அய்யஸ்ஸ விஹாரங் காராபெஸ்ஸாமீ’’தி. அத²
கோ² ஆயஸ்மா ச²ன்னோ விஹாரவத்து²ங் ஸோதெ⁴ந்தோ அஞ்ஞதரங் சேதியருக்க²ங்
சே²தா³பேஸி கா³மபூஜிதங் நிக³மபூஜிதங் நக³ரபூஜிதங் ஜனபத³பூஜிதங்
ரட்ட²பூஜிதங். மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ஸமணா ஸக்யபுத்தியா சேதியருக்க²ங் சே²தா³பெஸ்ஸந்தி கா³மபூஜிதங் நிக³மபூஜிதங் நக³ரபூஜிதங் ஜனபத³பூஜிதங் ரட்ட²பூஜிதங்! ஏகிந்த்³ரியங் ஸமணா ஸக்யபுத்தியா ஜீவங் விஹேடெ²ந்தீ’’ [விஹேடெ²ஸ்ஸந்தி (கத்த²சி)]
தி. அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங்
கி²ய்யந்தானங் விபாசெந்தானங். யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா ச²ன்னோ
சேதியருக்க²ங் சே²தா³பெஸ்ஸதி கா³மபூஜிதங்…பே॰… ரட்ட²பூஜித’’ந்தி! அத² கோ²
தே பி⁴க்கூ² ஆயஸ்மந்தங் ச²ன்னங் அனேகபரியாயேன விக³ரஹித்வா ப⁴க³வதோ
ஏதமத்த²ங் ஆரோசேஸுங்…பே॰… ‘‘ஸச்சங் கிர த்வங், ச²ன்ன, சேதியருக்க²ங்
சே²தா³பேஸி கா³மபூஜிதங்…பே॰… ரட்ட²பூஜித’’ந்தி? ‘‘ஸச்சங், ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… ‘‘கத²ஞ்ஹி நாம த்வங், மோக⁴புரிஸ,
சேதியருக்க²ங் சே²தா³பெஸ்ஸஸி கா³மபூஜிதங் நிக³மபூஜிதங் நக³ரபூஜிதங்
ஜனபத³பூஜிதங் ரட்ட²பூஜிதங்! ஜீவஸஞ்ஞினோ ஹி, மோக⁴புரிஸ, மனுஸ்ஸா
ருக்க²ஸ்மிங். நேதங், மோக⁴புரிஸ , அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

366. ‘‘மஹல்லகங்
பன பி⁴க்கு²னா விஹாரங் காரயமானேன ஸஸ்ஸாமிகங் அத்துத்³தே³ஸங் பி⁴க்கூ²
அபி⁴னேதப்³பா³ வத்து²தே³ஸனாய. தேஹி பி⁴க்கூ²ஹி வத்து² தே³ஸேதப்³ப³ங்
அனாரம்ப⁴ங் ஸபரிக்கமனங். ஸாரம்பே⁴ சே பி⁴க்கு² வத்து²ஸ்மிங் அபரிக்கமனே
மஹல்லகங் விஹாரங் காரெய்ய பி⁴க்கூ² வா அனபி⁴னெய்ய வத்து²தே³ஸனாய,
ஸங்கா⁴தி³ஸேஸோ’’தி.

367. மஹல்லகோ நாம விஹாரோ ஸஸ்ஸாமிகோ வுச்சதி.

விஹாரோ நாம உல்லித்தோ வா ஹோதி அவலித்தோ வா உல்லித்தாவலித்தோ வா.

காரயமானேனாதி கரொந்தோ வா காராபெந்தோ வா.

ஸஸ்ஸாமிகந்தி அஞ்ஞோ கோசி ஸாமிகோ ஹோதி இத்தீ² வா புரிஸோ வா க³ஹட்டோ² வா பப்³ப³ஜிதோ வா.

அத்துத்³தே³ஸந்தி அத்தனோ அத்தா²ய.

பி⁴க்கூ² அபி⁴னேதப்³பா³ வத்து²தே³ஸனாயாதி தேன விஹாரகாரகேன பி⁴க்கு²னா விஹாரவத்து²ங் ஸோதெ⁴த்வா ஸங்க⁴ங்
உபஸங்கமித்வா ஏகங்ஸங் உத்தராஸங்க³ங் கரித்வா வுட்³டா⁴னங் பி⁴க்கூ²னங்
பாதே³ வந்தி³த்வா உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ
வசனீயோ – ‘‘அஹங், ப⁴ந்தே, மஹல்லகங் விஹாரங் கத்துகாமோ ஸஸ்ஸாமிகங்
அத்துத்³தே³ஸங். ஸோஹங், ப⁴ந்தே, ஸங்க⁴ங் விஹாரவத்து²ஓலோகனங் யாசாமீ’’தி.
து³தியம்பி யாசிதப்³பா³. ததியம்பி யாசிதப்³பா³. ஸசே ஸப்³போ³ ஸங்கோ⁴ உஸ்ஸஹதி
விஹாரவத்து²ங் ஓலோகேதுங் ஸப்³பே³ன ஸங்கே⁴ன ஓலோகேதப்³ப³ங். நோ சே ஸப்³போ³
ஸங்கோ⁴ உஸ்ஸஹதி விஹாரவத்து²ங் ஓலோகேதுங், யே தத்த² ஹொந்தி பி⁴க்கூ²
ப்³யத்தா படிப³லா ஸாரம்ப⁴ங் அனாரம்ப⁴ங் ஸபரிக்கமனங்
அபரிக்கமனங் ஜானிதுங் தே யாசித்வா ஸம்மன்னிதப்³பா³. ஏவஞ்ச பன, பி⁴க்க²வே,
ஸம்மன்னிதப்³பா³. ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

368.
‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ பி⁴க்கு² மஹல்லகங் விஹாரங்
கத்துகாமோ ஸஸ்ஸாமிகங் அத்துத்³தே³ஸங். ஸோ ஸங்க⁴ங் விஹாரவத்து²ஓலோகனங்
யாசதி. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமஞ்ச இத்த²ன்னாமஞ்ச
பி⁴க்கு² ஸம்மன்னெய்ய இத்த²ன்னாமஸ்ஸ பி⁴க்கு²னோ விஹாரவத்து²ங் ஓலோகேதுங்.
ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ
பி⁴க்கு² மஹல்லகங் விஹாரங் கத்துகாமோ ஸஸ்ஸாமிகங் அத்துத்³தே³ஸங். ஸோ
ஸங்க⁴ங் விஹாரவத்து²ஓலோகனங் யாசதி. ஸங்கோ⁴ இத்த²ன்னாமஞ்ச இத்த²ன்னாமஞ்ச
பி⁴க்கூ² ஸம்மன்னதி இத்த²ன்னாமஸ்ஸ பி⁴க்கு²னோ விஹாரவத்து²ங் ஓலோகேதுங்.
யஸ்ஸாயஸ்மதோ க²மதி இத்த²ன்னாமஸ்ஸ ச இத்த²ன்னாமஸ்ஸ ச பி⁴க்கூ²னங் ஸம்முதி
இத்த²ன்னாமஸ்ஸ பி⁴க்கு²னோ விஹாரவத்து²ங் ஓலோகேதுங், ஸோ துண்ஹஸ்ஸ; யஸ்ஸ
நக்க²மதி, ஸோ பா⁴ஸெய்ய.

‘‘ஸம்மதா ஸங்கே⁴ன இத்த²ன்னாமோ ச இத்த²ன்னாமோ ச
பி⁴க்கூ² இத்த²ன்னாமஸ்ஸ பி⁴க்கு²னோ விஹாரவத்து²ங் ஓலோகேதுங். க²மதி
ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

369. தேஹி
ஸம்மதேஹி பி⁴க்கூ²ஹி தத்த² க³ந்த்வா விஹாரவத்து² ஓலோகேதப்³ப³ங்; ஸாரம்ப⁴ங்
அனாரம்ப⁴ங் ஸபரிக்கமனங் அபரிக்கமனங் ஜானிதப்³ப³ங். ஸசே ஸாரம்ப⁴ங் ஹோதி
அபரிக்கமனங், ‘மாயித⁴ கரீ’தி வத்தப்³போ³. ஸசே அனாரம்ப⁴ங் ஹோதி ஸபரிக்கமனங்,
ஸங்க⁴ஸ்ஸ ஆரோசேதப்³ப³ங் – ‘அனாரம்ப⁴ங் ஸபரிக்கமன’ந்தி .
தேன விஹாரகாரகேன பி⁴க்கு²னா ஸங்க⁴ங் உபஸங்கமித்வா ஏகங்ஸங் உத்தராஸங்க³ங்
கரித்வா வுட்³டா⁴னங் பி⁴க்கூ²னங் பாதே³ வந்தி³த்வா உக்குடிகங் நிஸீதி³த்வா
அஞ்ஜலிங் பக்³க³ஹெத்வா ஏவமஸ்ஸ வசனீயோ – ‘‘அஹங், ப⁴ந்தே, மஹல்லகங் விஹாரங்
கத்துகாமோ ஸஸ்ஸாமிகங் அத்துத்³தே³ஸங் . ஸோஹங்,
ப⁴ந்தே, ஸங்க⁴ங் விஹாரவத்து²தே³ஸனங் யாசாமீ’’தி. து³தியம்பி யாசிதப்³பா³.
ததியம்பி யாசிதப்³பா³. ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

370.
‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ பி⁴க்கு² மஹல்லகங் விஹாரங்
கத்துகாமோ ஸஸ்ஸாமிகங் அத்துத்³தே³ஸங். ஸோ ஸங்க⁴ங் விஹாரவத்து²தே³ஸனங்
யாசதி. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமஸ்ஸ பி⁴க்கு²னோ
விஹாரவத்து²ங் தே³ஸெய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ
பி⁴க்கு² மஹல்லகங் விஹாரங் கத்துகாமோ ஸஸ்ஸாமிகங் அத்துத்³தே³ஸங். ஸோ
ஸங்க⁴ங் விஹாரவத்து²தே³ஸனங் யாசதி. ஸங்கோ⁴ இத்த²ன்னாமஸ்ஸ பி⁴க்கு²னோ
விஹாரவத்து²ங் தே³ஸேதி. யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ
விஹாரவத்து²ஸ்ஸ தே³ஸனா, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

‘‘தே³ஸிதங் ஸங்கே⁴ன இத்த²ன்னாமஸ்ஸ பி⁴க்கு²னோ விஹாரவத்து²ங். க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

371. ஸாரம்ப⁴ங்
நாம கிபில்லிகானங் வா ஆஸயோ ஹோதி, உபசிகானங் வா ஆஸயோ ஹோதி, உந்தூ³ரானங்
வா…பே॰… அஹீனங் வா விச்சி²கானங் வா ஸதபதீ³னங் வா ஹத்தீ²னங் வா அஸ்ஸானங் வா
ஸீஹானங் வா ப்³யக்³கா⁴னங் வா தீ³பீனங் வா அச்சா²னங்
வா தரச்சா²னங் வா ஆஸயோ ஹோதி, யேஸங் கேஸஞ்சி திரச்சா²னக³தானங் பாணானங் ஆஸயோ
ஹோதி, புப்³ப³ண்ணனிஸ்ஸிதங் வா ஹோதி, அபரண்ணனிஸ்ஸிதங் வா ஹோதி,
அப்³பா⁴கா⁴தனிஸ்ஸிதங் வா ஹோதி, ஆகா⁴தனநிஸ்ஸிதங் வா ஹோதி, ஸுஸானநிஸ்ஸிதங் வா
ஹோதி, உய்யானநிஸ்ஸிதங் வா ஹோதி, ராஜவத்து²னிஸ்ஸிதங் வா ஹோதி,
ஹத்தி²ஸாலானிஸ்ஸிதங் வா ஹோதி, அஸ்ஸஸாலானிஸ்ஸிதங் வா ஹோதி,
ப³ந்த⁴னாகா³ரனிஸ்ஸிதங் வா ஹோதி, பானாகா³ரனிஸ்ஸிதங்
வா ஹோதி, ஸூனநிஸ்ஸிதங் வா ஹோதி, ரச்சா²னிஸ்ஸிதங் வா ஹோதி, சச்சரனிஸ்ஸிதங்
வா ஹோதி, ஸபா⁴னிஸ்ஸிதங் வா ஹோதி, ஸங்ஸரணனிஸ்ஸிதங் வா ஹோதி. ஏதங் ஸாரம்ப⁴ங்
நாம.

அபரிக்கமனங் நாம ந ஸக்கா ஹோதி யதா²யுத்தேன ஸகடேன அனுபரிக³ந்துங், ஸமந்தா நிஸ்ஸேணியா அனுபரிக³ந்துங். ஏதங் அபரிக்கமனங் நாம.

அனாரம்ப⁴ங் நாம ந கிபில்லிகானங் வா ஆஸயோ ஹோதி…பே॰… ந ஸங்ஸரணனிஸ்ஸிதங் வா ஹோதி. ஏதங் அனாரம்ப⁴ங் நாம.

மஹல்லகோ நாம விஹாரோ ஸஸ்ஸாமிகோ வுச்சதி.

விஹாரோ நாம உல்லித்தோ வா ஹோதி அவலித்தோ வா உல்லித்தாவலித்தோ வா.

காரெய்யாதி கரோதி வா காராபேதி வா.

பி⁴க்கூ² வா அனபி⁴னெய்ய வத்து²தே³ஸனாயாதி ஞத்திது³தியேன கம்மேன விஹாரவத்து²ங் ந தே³ஸாபெத்வா கரோதி வா காராபேதி வா, பயோகே³ து³க்கடங். ஏகங் பிண்ட³ங் அனாக³தே, ஆபத்தி து²ல்லச்சயஸ்ஸ . தஸ்மிங் பிண்டே³ ஆக³தே, ஆபத்தி ஸங்கா⁴தி³ஸேஸஸ்ஸ.

ஸங்கா⁴தி³ஸேஸோதி…பே॰… தேனபி வுச்சதி – ‘ஸங்கா⁴தி³ஸேஸோ’தி.

372.
பி⁴க்கு² விஹாரங் கரோதி அதே³ஸிதவத்து²கங் ஸாரம்ப⁴ங் அபரிக்கமனங், ஆபத்தி
ஸங்கா⁴தி³ஸேஸேன த்³வின்னங் து³க்கடானங். பி⁴க்கு² விஹாரங் கரோதி
அதே³ஸிதவத்து²கங் ஸாரம்ப⁴ங் ஸபரிக்கமனங், ஆபத்தி ஸங்கா⁴தி³ஸேஸேன
து³க்கடஸ்ஸ. பி⁴க்கு² விஹாரங் கரோதி அதே³ஸிதவத்து²கங் அனாரம்ப⁴ங்
அபரிக்கமனங், ஆபத்தி ஸங்கா⁴தி³ஸேஸேன து³க்கடஸ்ஸ. பி⁴க்கு² விஹாரங் கரோதி
அதே³ஸிதவத்து²கங் அனாரம்ப⁴ங் ஸபரிக்கமனங், ஆபத்தி ஸங்கா⁴தி³ஸேஸஸ்ஸ.

பி⁴க்கு² விஹாரங் கரோதி தே³ஸிதவத்து²கங் ஸாரம்ப⁴ங்
அபரிக்கமனங், ஆபத்தி த்³வின்னங் து³க்கடானங். பி⁴க்கு² விஹாரங் கரோதி
தே³ஸிதவத்து²கங் ஸாரம்ப⁴ங் ஸபரிக்கமனங், ஆபத்தி து³க்கடஸ்ஸ. பி⁴க்கு²
விஹாரங் கரோதி தே³ஸிதவத்து²கங் அனாரம்ப⁴ங் அபரிக்கமனங், ஆபத்தி து³க்கடஸ்ஸ.
பி⁴க்கு² விஹாரங் கரோதி தே³ஸிதவத்து²கங் அனாரம்ப⁴ங் ஸபரிக்கமனங்,
அனாபத்தி.

373. பி⁴க்கு²
ஸமாதி³ஸதி – ‘‘விஹாரங் மே கரோதா²’’தி. தஸ்ஸ விஹாரங் கரொந்தி
அதே³ஸிதவத்து²கங் ஸாரம்ப⁴ங் அபரிக்கமனங், ஆபத்தி ஸங்கா⁴தி³ஸேஸேன த்³வின்னங்
து³க்கடானங்…பே॰… ஸாரம்ப⁴ங் ஸபரிக்கமனங், ஆபத்தி ஸங்கா⁴தி³ஸேஸேன
து³க்கடஸ்ஸ…பே॰… அனாரம்ப⁴ங் அபரிக்கமனங், ஆபத்தி ஸங்கா⁴தி³ஸேஸேன
து³க்கடஸ்ஸ…பே॰… அனாரம்ப⁴ங் ஸபரிக்கமனங், ஆபத்தி ஸங்கா⁴தி³ஸேஸஸ்ஸ.

பி⁴க்கு² ஸமாதி³ஸதி – ‘‘விஹாரங் மே கரோதா²’’தி. தஸ்ஸ
விஹாரங் கரொந்தி தே³ஸிதவத்து²கங் ஸாரம்ப⁴ங் அபரிக்கமனங், ஆபத்தி த்³வின்னங்
து³க்கடானங்…பே॰… ஸாரம்ப⁴ங் ஸபரிக்கமனங், ஆபத்தி து³க்கடஸ்ஸ…பே॰… அனாரம்ப⁴ங் அபரிக்கமனங், ஆபத்தி து³க்கடஸ்ஸ…பே॰… அனாரம்ப⁴ங் ஸபரிக்கமனங், அனாபத்தி.

374.
பி⁴க்கு² ஸமாதி³ஸித்வா பக்கமதி – ‘‘விஹாரங் மே கரோதா²’’தி. ந ச ஸமாதி³ஸதி –
‘‘தே³ஸிதவத்து²கோ ச ஹோது அனாரம்போ⁴ ச ஸபரிக்கமனோ சா’’தி. தஸ்ஸ விஹாரங்
கரொந்தி அதே³ஸிதவத்து²கங் ஸாரம்ப⁴ங் அபரிக்கமனங், ஆபத்தி ஸங்கா⁴தி³ஸேஸேன
த்³வின்னங் து³க்கடானங்…பே॰… ஸாரம்ப⁴ங் ஸபரிக்கமனங், ஆபத்தி ஸங்கா⁴தி³ஸேஸேன
து³க்கடஸ்ஸ…பே॰… அனாரம்ப⁴ங் அபரிக்கமனங், ஆபத்தி ஸங்கா⁴தி³ஸேஸேன
து³க்கடஸ்ஸ…பே॰… அனாரம்ப⁴ங் ஸபரிக்கமனங், ஆபத்தி ஸங்கா⁴தி³ஸேஸஸ்ஸ.

பி⁴க்கு² ஸமாதி³ஸித்வா பக்கமதி – ‘‘விஹாரங் மே
கரோதா²’’தி. ந ச ஸமாதி³ஸதி – ‘‘தே³ஸிதவத்து²கோ ச ஹோது அனாரம்போ⁴ ச
ஸபரிக்கமனோ சா’’தி. தஸ்ஸ விஹாரங் கரொந்தி தே³ஸிதவத்து²கங் ஸாரம்ப⁴ங்
அபரிக்கமனங், ஆபத்தி த்³வின்னங் து³க்கடானங்…பே॰… ஸாரம்ப⁴ங் ஸபரிக்கமனங்,
ஆபத்தி து³க்கடஸ்ஸ…பே॰… அனாரம்ப⁴ங் அபரிக்கமனங், ஆபத்தி து³க்கடஸ்ஸ…பே॰…
அனாரம்ப⁴ங் ஸபரிக்கமனங், அனாபத்தி.

375.
பி⁴க்கு² ஸமாதி³ஸித்வா பக்கமதி – ‘‘விஹாரங் மே கரோதா²’’தி. ஸமாதி³ஸதி ச –
‘‘தே³ஸிதவத்து²கோ ச ஹோது அனாரம்போ⁴ ச ஸபரிக்கமனோ சா’’தி. தஸ்ஸ விஹாரங்
கரொந்தி அதே³ஸிதவத்து²கங் ஸாரம்ப⁴ங் அபரிக்கமனங். ஸோ ஸுணாதி – ‘‘விஹாரோ கிர
மே கயிரதி அதே³ஸிதவத்து²கோ ஸாரம்போ⁴ அபரிக்கமனோ’’தி. தேன பி⁴க்கு²னா ஸாமங்
வா க³ந்தப்³ப³ங் தூ³தோ வா பாஹேதப்³போ³ – ‘‘தே³ஸிதவத்து²கோ ச ஹோது
அனாரம்போ⁴ ச ஸபரிக்கமனோ சா’’தி …பே॰… ‘‘தே³ஸிதவத்து²கோ ச ஹோது அனாரம்போ⁴ சா’’தி…பே॰… ‘‘தே³ஸிதவத்து²கோ ச ஹோது ஸபரிக்கமனோ சா’’தி …பே॰… ‘‘தே³ஸிதவத்து²கோ ஹோதூ’’தி. நோ சே ஸாமங் வா க³ச்செ²ய்ய தூ³தங் வா பஹிணெய்ய, ஆபத்தி து³க்கடஸ்ஸ.

பி⁴க்கு² ஸமாதி³ஸித்வா பக்கமதி – ‘‘விஹாரங் மே
கரோதா²’’தி. ஸமாதி³ஸதி ச – ‘‘தே³ஸிதவத்து²கோ ச ஹோது அனாரம்போ⁴ ச ஸபரிக்கமனோ
சா’’தி. தஸ்ஸ விஹாரங் கரொந்தி தே³ஸிதவத்து²கங் ஸாரம்ப⁴ங் அபரிக்கமனங். ஸோ
ஸுணாதி – ‘‘விஹாரோ கிர மே கயிரதி தே³ஸிதவத்து²கோ ஸாரம்போ⁴ அபரிக்கமனோ’’தி.
தேன பி⁴க்கு²னா ஸாமங் வா க³ந்தப்³ப³ங் தூ³தோ வா பாஹேதப்³போ³ – ‘‘அனாரம்போ⁴ ச
ஹோது ஸபரிக்கமனோ சா’’தி…பே॰… ‘‘அனாரம்போ⁴ ஹோதூ’’தி ‘‘ஸபரிக்கமனோ ஹோதூ’’தி,
அனாபத்தி.

376.
பி⁴க்கு² ஸமாதி³ஸித்வா பக்கமதி – ‘‘விஹாரங் மே கரோதா²’’தி. ஸமாதி³ஸதி ச –
‘‘தே³ஸிதவத்து²கோ ச ஹோது அனாரம்போ⁴ ச ஸபரிக்கமனோ சா’’தி. தஸ்ஸ விஹாரங்
கரொந்தி அதே³ஸிதவத்து²கங் ஸாரம்ப⁴ங் அபரிக்கமனங், ஆபத்தி காருகானங் திண்ணங்
து³க்கடானங்…பே॰… ஸாரம்ப⁴ங் ஸபரிக்கமனங், ஆபத்தி காருகானங் த்³வின்னங்
து³க்கடானங்…பே॰… அனாரம்ப⁴ங் அபரிக்கமனங், ஆபத்தி காருகானங் த்³வின்னங்
து³க்கடானங்…பே॰… அனாரம்ப⁴ங் ஸபரிக்கமனங், ஆபத்தி காருகானங் து³க்கடஸ்ஸ.

பி⁴க்கு² ஸமாதி³ஸித்வா பக்கமதி – ‘‘விஹாரங் மே
கரோதா²’’தி. ஸமாதி³ஸதி ச – ‘‘தே³ஸிதவத்து²கோ ச ஹோது அனாரம்போ⁴ ச ஸபரிக்கமனோ
சா’’தி. தஸ்ஸ விஹாரங் கரொந்தி தே³ஸிதவத்து²கங் ஸாரம்ப⁴ங் அபரிக்கமனங் ,
ஆபத்தி காருகானங் த்³வின்னங் து³க்கடானங்…பே॰… ஸாரம்ப⁴ங் ஸபரிக்கமனங்,
ஆபத்தி காருகானங் து³க்கடஸ்ஸ…பே॰… அனாரம்ப⁴ங் அபரிக்கமனங், ஆபத்தி
காருகானங் து³க்கடஸ்ஸ…பே॰… அனாரம்ப⁴ங் ஸபரிக்கமனங், அனாபத்தி.

377.
பி⁴க்கு² ஸமாதி³ஸித்வா பக்கமதி – ‘‘விஹாரங் மே கரோதா²’’தி. தஸ்ஸ விஹாரங்
கரொந்தி அதே³ஸிதவத்து²கங் ஸாரம்ப⁴ங் அபரிக்கமனங். ஸோ சே விப்பகதே
ஆக³ச்ச²தி, தேன பி⁴க்கு²னா ஸோ விஹாரோ அஞ்ஞஸ்ஸ வா தா³தப்³போ³ பி⁴ந்தி³த்வா
வா புன காதப்³போ³. நோ சே அஞ்ஞஸ்ஸ வா த³தெ³ய்ய பி⁴ந்தி³த்வா வா புன காரெய்ய,
ஆபத்தி ஸங்கா⁴தி³ஸேஸேன த்³வின்னங் து³க்கடானங்…பே॰… ஸாரம்ப⁴ங்
ஸபரிக்கமனங், ஆபத்தி ஸங்கா⁴தி³ஸேஸேன து³க்கடஸ்ஸ…பே॰… அனாரம்ப⁴ங்
அபரிக்கமனங், ஆபத்தி ஸங்கா⁴தி³ஸேஸேன து³க்கடஸ்ஸ…பே॰… அனாரம்ப⁴ங்
ஸபரிக்கமனங், ஆபத்தி ஸங்கா⁴தி³ஸேஸஸ்ஸ.

பி⁴க்கு²
ஸமாதி³ஸித்வா பக்கமதி – ‘‘விஹாரங் மே கரோதா²’’தி. தஸ்ஸ விஹாரங் கரொந்தி
தே³ஸிதவத்து²கங் ஸாரம்ப⁴ங் அபரிக்கமனங். ஸோ சே விப்பகதே ஆக³ச்ச²தி, தேன
பி⁴க்கு²னா ஸோ விஹாரோ அஞ்ஞஸ்ஸ வா தா³தப்³போ³ பி⁴ந்தி³த்வா வா புன
காதப்³போ³. நோ சே அஞ்ஞஸ்ஸ வா த³தெ³ய்ய பி⁴ந்தி³த்வா வா புன காரெய்ய, ஆபத்தி
த்³வின்னங் து³க்கடானங்…பே॰… ஸாரம்ப⁴ங் ஸபரிக்கமனங், ஆபத்தி
து³க்கடஸ்ஸ…பே॰… அனாரம்ப⁴ங் அபரிக்கமனங், ஆபத்தி து³க்கடஸ்ஸ…பே॰…
அனாரம்ப⁴ங் ஸபரிக்கமனங், அனாபத்தி.

378. அத்தனா விப்பகதங் அத்தனா பரியோஸாபேதி, ஆபத்தி ஸங்கா⁴தி³ஸேஸஸ்ஸ .

அத்தனா விப்பகதங் பரேஹி பரியோஸாபேதி, ஆபத்தி ஸங்கா⁴தி³ஸேஸஸ்ஸ.

பரேஹி விப்பகதங் அத்தனா பரியோஸாபேதி, ஆபத்தி ஸங்கா⁴தி³ஸேஸஸ்ஸ.

பரேஹி விப்பகதங் பரேஹி பரியோஸாபேதி, ஆபத்தி ஸங்கா⁴தி³ஸேஸஸ்ஸ.

379. அனாபத்தி லேணே கு³ஹாய திணகுடிகாய அஞ்ஞஸ்ஸத்தா²ய வாஸாகா³ரங் ட²பெத்வா ஸப்³ப³த்த². அனாபத்தி உம்மத்தகஸ்ஸ, ஆதி³கம்மிகஸ்ஸாதி.

விஹாரகாரஸிக்கா²பத³ங் நிட்டி²தங் ஸத்தமங்.

8. து³ட்ட²தோ³ஸஸிக்கா²பத³ங்

380. [இத³ங் வத்து² சூளவ॰ 189] தேன
ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன
ஸமயேன ஆயஸ்மதா த³ப்³பே³ன மல்லபுத்தேன ஜாதியா ஸத்தவஸ்ஸேன அரஹத்தங்
ஸச்சி²கதங் ஹோதி. யங் கிஞ்சி [யஞ்ச கிஞ்சி (ஸீ॰ க॰)]
ஸாவகேன பத்தப்³ப³ங் ஸப்³ப³ங் தேன அனுப்பத்தங் ஹோதி. நத்தி² சஸ்ஸ கிஞ்சி
உத்தரி கரணீயங், கதஸ்ஸ வா பதிசயோ. அத² கோ² ஆயஸ்மதோ த³ப்³ப³ஸ்ஸ மல்லபுத்தஸ்ஸ
ரஹோக³தஸ்ஸ படிஸல்லீனஸ்ஸ ஏவங் சேதஸோ பரிவிதக்கோ உத³பாதி³ – ‘‘மயா கோ²
ஜாதியா ஸத்தவஸ்ஸேன அரஹத்தங் ஸச்சி²கதங். யங் கிஞ்சி ஸாவகேன பத்தப்³ப³ங்
ஸப்³ப³ங் மயா அனுப்பத்தங். நத்தி² ச மே கிஞ்சி உத்தரி கரணீயங், கதஸ்ஸ வா பதிசயோ. கின்னு கோ² அஹங் ஸங்க⁴ஸ்ஸ வெய்யாவச்சங் கரெய்ய’’ந்தி?

அத² கோ² ஆயஸ்மதோ த³ப்³ப³ஸ்ஸ மல்லபுத்தஸ்ஸ ஏதத³ஹோஸி –
‘‘யங்னூனாஹங் ஸங்க⁴ஸ்ஸ ஸேனாஸனஞ்ச பஞ்ஞபெய்யங் ப⁴த்தானி ச
உத்³தி³ஸெய்ய’’ந்தி. அத² கோ² ஆயஸ்மா த³ப்³போ³
மல்லபுத்தோ ஸாயன்ஹஸமயங் படிஸல்லானா வுட்டி²தோ யேன ப⁴க³வா தேனுபஸங்கமி;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னோ கோ² ஆயஸ்மா த³ப்³போ³ மல்லபுத்தோ ப⁴க³வந்தங் ஏதத³வோச – ‘‘இத⁴
மய்ஹங், ப⁴ந்தே, ரஹோக³தஸ்ஸ படிஸல்லீனஸ்ஸ ஏவங் சேதஸோ பரிவிதக்கோ உத³பாதி³
மயா கோ² ஜாதியா ஸத்தவஸ்ஸேன அரஹத்தங் ஸச்சி²கதங், யங் கிஞ்சி ஸாவகேன
பத்தப்³ப³ங், ஸப்³ப³ங் மயா அனுபத்தங், நத்தி² ச மே
கிஞ்சி உத்தரி கரணீயங், கதஸ்ஸ வா பதிசயோ, கிங் நு கோ² அஹங் ஸங்க⁴ஸ்ஸ
வெய்யாவச்சங் கரெய்ய’’ந்தி. தஸ்ஸ மய்ஹங் ப⁴ந்தே, ஏதத³ஹோஸி யங்னூனாஹங்
‘‘ஸங்க⁴ஸ்ஸ ஸேனாஸனஞ்ச பஞ்ஞபெய்யங் ப⁴த்தானி ச உத்³தி³ஸெய்யந்தி.
இச்சா²மஹங், ப⁴ந்தே, ஸங்க⁴ஸ்ஸ ஸேனாஸனஞ்ச பஞ்ஞபேதுங் ப⁴த்தானி ச
உத்³தி³ஸிது’’ந்தி. ‘‘ஸாது⁴ ஸாது⁴, த³ப்³ப³. தேன ஹி த்வங், த³ப்³ப³,
ஸங்க⁴ஸ்ஸ ஸேனாஸனஞ்ச பஞ்ஞபேஹி ப⁴த்தானி ச உத்³தி³ஸா’’தி. ‘‘ஏவங், ப⁴ந்தே’’தி
கோ² ஆயஸ்மா த³ப்³போ³ மல்லபுத்தோ ப⁴க³வதோ பச்சஸ்ஸோஸி. அத² கோ² ப⁴க³வா
ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி –
‘‘தேன ஹி, பி⁴க்க²வே, ஸங்கோ⁴ த³ப்³ப³ங் மல்லபுத்தங் ஸேனாஸனபஞ்ஞாபகஞ்ச
ப⁴த்துத்³தே³ஸகஞ்ச ஸம்மன்னது. ஏவஞ்ச பன, பி⁴க்க²வே, ஸம்மன்னிதப்³போ³.
பட²மங் த³ப்³போ³ மல்லபுத்தோ யாசிதப்³போ³. யாசித்வா ப்³யத்தேன பி⁴க்கு²னா
படிப³லேன ஸங்கோ⁴ ஞாபேதப்³போ³ –

381.
‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங் ஸங்கோ⁴ ஆயஸ்மந்தங்
த³ப்³ப³ங் மல்லபுத்தங் ஸேனாஸனபஞ்ஞாபகஞ்ச ப⁴த்துத்³தே³ஸகஞ்ச ஸம்மன்னெய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. ஸங்கோ⁴ ஆயஸ்மந்தங்
த³ப்³ப³ங் மல்லபுத்தங் ஸேனாஸனபஞ்ஞாபகஞ்ச ப⁴த்துத்³தே³ஸகஞ்ச ஸம்மன்னதி.
யஸ்ஸாயஸ்மதோ க²மதி ஆயஸ்மதோ த³ப்³ப³ஸ்ஸ மல்லபுத்தஸ்ஸ ஸேனாஸனபஞ்ஞாபகஸ்ஸ ச
ப⁴த்துத்³தே³ஸகஸ்ஸ ச ஸம்முதி, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

‘‘ஸம்மதோ ஸங்கே⁴ன ஆயஸ்மா த³ப்³போ³ மல்லபுத்தோ ஸேனாஸனபஞ்ஞாபகோ ச ப⁴த்துத்³தே³ஸகோ ச. க²மதி ஸங்க⁴ஸ்ஸ, தஸ்மா துண்ஹீ , ஏவமேதங் தா⁴ரயாமீ’’தி.

382. ஸம்மதோ
ச பனாயஸ்மா த³ப்³போ³ மல்லபுத்தோ ஸபா⁴கா³னங் பி⁴க்கூ²னங் ஏகஜ்ஜ²ங் ஸேனாஸனங்
பஞ்ஞபேதி. யே தே பி⁴க்கூ² ஸுத்தந்திகா தேஸங் ஏகஜ்ஜ²ங் ஸேனாஸனங்
பஞ்ஞபேதி – ‘‘தே அஞ்ஞமஞ்ஞங் ஸுத்தந்தங் ஸங்கா³யிஸ்ஸந்தீ’’தி. யே தே
பி⁴க்கூ² வினயத⁴ரா தேஸங் ஏகஜ்ஜ²ங் ஸேனாஸனங் பஞ்ஞபேதி – ‘‘தே அஞ்ஞமஞ்ஞங்
வினயங் வினிச்சி²னிஸ்ஸந்தீ’’தி [வினிச்சி²ஸ்ஸந்தீதி (க॰)].
யே தே பி⁴க்கூ² த⁴ம்மகதி²கா தேஸங் ஏகஜ்ஜ²ங் ஸேனாஸனங் பஞ்ஞபேதி – ‘‘தே
அஞ்ஞமஞ்ஞங் த⁴ம்மங் ஸாகச்சி²ஸ்ஸந்தீ’’தி. யே தே பி⁴க்கூ² ஜா²யினோ தேஸங்
ஏகஜ்ஜ²ங் ஸேனாஸனங் பஞ்ஞபேதி – ‘‘தே அஞ்ஞமஞ்ஞங் ந ப்³யாபா³தி⁴ஸ்ஸந்தீ’’தி [ந ப்³யாபா³ஹிஸ்ஸந்தீதி (க॰)]. யே தே பி⁴க்கூ² திரச்சா²னகதி²கா காயத³ள்ஹிப³ஹுலா [காயத³ட்³டி⁴ப³ஹுலா (ஸீ॰)]
விஹரந்தி தேஸம்பி ஏகஜ்ஜ²ங் ஸேனாஸனங் பஞ்ஞபேதி – ‘‘இமாயபிமே ஆயஸ்மந்தோ
ரதியா அச்சி²ஸ்ஸந்தீ’’தி. யேபி தே பி⁴க்கூ² விகாலே ஆக³ச்ச²ந்தி தேஸம்பி
தேஜோதா⁴துங் ஸமாபஜ்ஜித்வா தேனேவ ஆலோகேன ஸேனாஸனங் பஞ்ஞபேதி. அபிஸு பி⁴க்கூ²
ஸஞ்சிச்ச விகாலே ஆக³ச்ச²ந்தி – ‘‘மயங் ஆயஸ்மதோ த³ப்³ப³ஸ்ஸ மல்லபுத்தஸ்ஸ
இத்³தி⁴பாடிஹாரியங் பஸ்ஸிஸ்ஸாமா’’தி.

தே ஆயஸ்மந்தங் த³ப்³ப³ங் மல்லபுத்தங் உபஸங்கமித்வா
ஏவங் வத³ந்தி – ‘‘அம்ஹாகங், ஆவுஸோ த³ப்³ப³, ஸேனாஸனங் பஞ்ஞபேஹீ’’தி. தே
ஆயஸ்மா த³ப்³போ³ மல்லபுத்தோ ஏவங் வதே³தி – ‘‘கத்தா²யஸ்மந்தா
இச்ச²ந்தி, கத்த² பஞ்ஞபேமீ’’தி? தே ஸஞ்சிச்ச தூ³ரே அபதி³ஸந்தி –
‘‘அம்ஹாகங், ஆவுஸோ த³ப்³ப³, கி³ஜ்ஜ²கூடே பப்³ப³தே ஸேனாஸனங் பஞ்ஞபேஹி.
அம்ஹாகங், ஆவுஸோ, சோரபபாதே ஸேனாஸனங் பஞ்ஞபேஹி. அம்ஹாகங், ஆவுஸோ,
இஸிகி³லிபஸ்ஸே காளஸிலாயங் ஸேனாஸனங் பஞ்ஞபேஹி. அம்ஹாகங், ஆவுஸோ, வேபா⁴ரபஸ்ஸே
ஸத்தபண்ணிகு³ஹாயங் ஸேனாஸனங் பஞ்ஞபேஹி. அம்ஹாகங், ஆவுஸோ, ஸீதவனே
ஸப்பஸொண்டி³கபப்³பா⁴ரே ஸேனாஸனங் பஞ்ஞபேஹி. அம்ஹாகங், ஆவுஸோ,
கோ³தமககந்த³ராயங் ஸேனாஸனங் பஞ்ஞபேஹி. அம்ஹாகங், ஆவுஸோ, திந்து³ககந்த³ராயங்
ஸேனாஸனங் பஞ்ஞபேஹி. அம்ஹாகங், ஆவுஸோ, தபோத³கந்த³ராயங் ஸேனாஸனங் பஞ்ஞபேஹி.
அம்ஹாகங், ஆவுஸோ, தபோதா³ராமே ஸேனாஸனங் பஞ்ஞபேஹி. அம்ஹாகங், ஆவுஸோ,
ஜீவகம்ப³வனே ஸேனாஸனங் பஞ்ஞபேஹி. அம்ஹாகங், ஆவுஸோ, மத்³த³குச்சி²ஸ்மிங் மிக³தா³யே ஸேனாஸனங் பஞ்ஞபேஹீ’’தி.

தேஸங் ஆயஸ்மா த³ப்³போ³ மல்லபுத்தோ தேஜோதா⁴துங்
ஸமாபஜ்ஜித்வா அங்கு³லியா ஜலமானாய புரதோ புரதோ க³ச்ச²தி. தேபி தேனேவ ஆலோகேன
ஆயஸ்மதோ த³ப்³ப³ஸ்ஸ மல்லபுத்தஸ்ஸ பிட்டி²தோ பிட்டி²தோ க³ச்ச²ந்தி. தேஸங்
ஆயஸ்மா த³ப்³போ³ மல்லபுத்தோ ஏவங் ஸேனாஸனங் பஞ்ஞபேதி – ‘‘அயங் மஞ்சோ, இத³ங்
பீட²ங், அயங் பி⁴ஸி, இத³ங் பி³ம்போ³ஹனங், இத³ங் வச்சட்டா²னங், இத³ங்
பஸ்ஸாவட்டா²னங் , இத³ங் பானீயங், இத³ங் பரிபோ⁴ஜனீயங், அயங் கத்தரத³ண்டோ³, இத³ங் ஸங்க⁴ஸ்ஸ கதிகஸண்டா²னங், இமங் காலங் பவிஸிதப்³ப³ங், இமங் காலங் நிக்க²மிதப்³ப³’’ந்தி. தேஸங் ஆயஸ்மா த³ப்³போ³ மல்லபுத்தோ ஏவங் ஸேனாஸனங் பஞ்ஞபெத்வா புனதே³வ வேளுவனங் பச்சாக³ச்ச²தி.

383. தேன கோ² பன ஸமயேன மெத்தியபூ⁴மஜகா [பு⁴ம்மஜகா (ஸீ॰ ஸ்யா॰)]
பி⁴க்கூ² நவகா சேவ ஹொந்தி அப்பபுஞ்ஞா ச. யானி ஸங்க⁴ஸ்ஸ லாமகானி ஸேனாஸனானி
தானி தேஸங் பாபுணந்தி லாமகானி ச ப⁴த்தானி. தேன கோ² பன ஸமயேன ராஜக³ஹே
மனுஸ்ஸா இச்ச²ந்தி தே²ரானங் பி⁴க்கூ²னங் அபி⁴ஸங்கா²ரிகங் பிண்ட³பாதங்
தா³துங் ஸப்பிம்பி தேலம்பி உத்தரிப⁴ங்க³ம்பி. மெத்தியபூ⁴மஜகானங் பன
பி⁴க்கூ²னங் பாகதிகங் தெ³ந்தி யதா²ரந்த⁴ங் கணாஜகங் பி³லங்க³து³தியங். தே
பச்சா²ப⁴த்தங் பிண்ட³பாதப்படிக்கந்தா தே²ரே பி⁴க்கூ² புச்ச²ந்தி –
‘‘தும்ஹாகங், ஆவுஸோ, ப⁴த்தக்³கே³ கிங் அஹோஸி? தும்ஹாகங், ஆவுஸோ,
ப⁴த்தக்³கே³ கிங் அஹோஸீ’’தி? ஏகச்சே தே²ரா ஏவங் வத³ந்தி – ‘‘அம்ஹாகங்,
ஆவுஸோ, ஸப்பி அஹோஸி தேலங் அஹோஸி உத்தரிப⁴ங்க³ங் அஹோஸீ’’தி. மெத்தியபூ⁴மஜகா
பன பி⁴க்கூ² ஏவங் வத³ந்தி – ‘‘அம்ஹாகங், ஆவுஸோ, ந கிஞ்சி அஹோஸி, பாகதிகங்
யதா²ரந்த⁴ங் கணாஜகங் பி³லங்க³து³திய’’ந்தி.

தேன கோ² பன ஸமயேன கல்யாணப⁴த்திகோ க³ஹபதி ஸங்க⁴ஸ்ஸ
சதுக்கப⁴த்தங் தே³தி நிச்சப⁴த்தங். ஸோ ப⁴த்தக்³கே³ ஸபுத்ததா³ரோ
உபதிட்டி²த்வா பரிவிஸதி . அஞ்ஞே ஓத³னேன புச்ச²ந்தி,
அஞ்ஞே ஸூபேன புச்ச²ந்தி, அஞ்ஞே தேலேன புச்ச²ந்தி, அஞ்ஞே உத்தரிப⁴ங்கே³ன
புச்ச²ந்தி. தேன கோ² பன ஸமயேன கல்யாணப⁴த்திகஸ்ஸ க³ஹபதினோ ப⁴த்தங் ஸ்வாதனாய
மெத்தியபூ⁴மஜகானங் பி⁴க்கூ²னங் உத்³தி³ட்ட²ங் ஹோதி. அத² கோ² கல்யாணப⁴த்திகோ
க³ஹபதி ஆராமங் அக³மாஸி கேனசிதே³வ கரணீயேன. ஸோ யேனாயஸ்மா த³ப்³போ³
மல்லபுத்தோ தேனுபஸங்கமி; உபஸங்கமித்வா ஆயஸ்மந்தங் த³ப்³ப³ங் மல்லபுத்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னங் கோ² கல்யாணப⁴த்திகங்
க³ஹபதிங் ஆயஸ்மா த³ப்³போ³ மல்லபுத்தோ த⁴ம்மியா
கதா²ய ஸந்த³ஸ்ஸேஸி ஸமாத³பேஸி ஸமுத்தேஜேஸி ஸம்பஹங்ஸேஸி. அத² கோ²
கல்யாணப⁴த்திகோ க³ஹபதி ஆயஸ்மதா த³ப்³பே³ன மல்லபுத்தேன த⁴ம்மியா கதா²ய
ஸந்த³ஸ்ஸிதோ ஸமாத³பிதோ ஸமுத்தேஜிதோ ஸம்பஹங்ஸிதோ ஆயஸ்மந்தங் த³ப்³ப³ங்
மல்லபுத்தங் ஏதத³வோச – ‘‘கஸ்ஸ, ப⁴ந்தே, அம்ஹாகங் க⁴ரே ஸ்வாதனாய ப⁴த்தங்
உத்³தி³ட்ட²’’ந்தி? ‘‘மெத்தியபூ⁴மஜகானங் கோ², க³ஹபதி, பி⁴க்கூ²னங்
தும்ஹாகங் க⁴ரே ஸ்வாதனாய ப⁴த்தங்
உத்³தி³ட்ட²’’ந்தி. அத² கோ² கல்யாணப⁴த்திகோ க³ஹபதி அனத்தமனோ அஹோஸி –
‘‘கத²ஞ்ஹி நாம பாபபி⁴க்கூ² அம்ஹாகங் க⁴ரே பு⁴ஞ்ஜிஸ்ஸந்தீ’’தி! க⁴ரங்
க³ந்த்வா தா³ஸிங் ஆணாபேஸி – ‘‘யே, ஜே, ஸ்வே ப⁴த்திகா ஆக³ச்ச²ந்தி தே
கொட்ட²கே ஆஸனங் பஞ்ஞபெத்வா கணாஜகேன பி³லங்க³து³தியேன பரிவிஸா’’தி. ‘‘ஏவங்
அய்யா’’தி கோ² ஸா தா³ஸீ கல்யாணப⁴த்திகஸ்ஸ க³ஹபதினோ பச்சஸ்ஸோஸி.

அத² கோ² மெத்தியபூ⁴மஜகா பி⁴க்கூ² – ‘‘ஹிய்யோ கோ², ஆவுஸோ, அம்ஹாகங் கல்யாணப⁴த்திகஸ்ஸ க³ஹபதினோ க⁴ரே
ப⁴த்தங் உத்³தி³ட்ட²ங், ஸ்வே அம்ஹே கல்யாணப⁴த்திகோ க³ஹபதி ஸபுத்ததா³ரோ
உபதிட்டி²த்வா பரிவிஸிஸ்ஸதி; அஞ்ஞே ஓத³னேன புச்சி²ஸ்ஸந்தி, அஞ்ஞே ஸூபேன
புச்சி²ஸ்ஸந்தி, அஞ்ஞே தேலேன புச்சி²ஸ்ஸந்தி, அஞ்ஞே உத்தரிப⁴ங்கே³ன
புச்சி²ஸ்ஸந்தீ’’தி. தே தேனேவ ஸோமனஸ்ஸேன ந சித்தரூபங் ரத்தியா ஸுபிங்ஸு.
அத² கோ² மெத்தியபூ⁴மஜகா பி⁴க்கூ² புப்³ப³ண்ஹஸமயங் நிவாஸெத்வா பத்தசீவரங்
ஆதா³ய யேன கல்யாணப⁴த்திகஸ்ஸ க³ஹபதினோ நிவேஸனங் தேனுபஸங்கமிங்ஸு. அத்³த³ஸா
கோ² ஸா தா³ஸீ மெத்தியபூ⁴மஜகே பி⁴க்கூ² தூ³ரதோவ ஆக³ச்ச²ந்தே. தி³ஸ்வான
கொட்ட²கே ஆஸனங் பஞ்ஞபெத்வா மெத்தியபூ⁴மஜகே பி⁴க்கூ² ஏதத³வோச – ‘‘நிஸீத³த²,
ப⁴ந்தே’’தி. அத² கோ² மெத்தியபூ⁴மஜகானங் பி⁴க்கூ²னங் ஏதத³ஹோஸி –
‘‘நிஸ்ஸங்ஸயங் கோ² ந தாவ ப⁴த்தங் ஸித்³த⁴ங் ப⁴விஸ்ஸதி! யதா² [யாவ (ஸீ॰)] மயங் கொட்ட²கே நிஸீதெ³ய்யாமா’’தி [நிஸீதா³பீயெய்யாமாதி (ஸீ॰), நிஸீதா³பீயாமாதி (ஸ்யா॰)].
அத² கோ² ஸா தா³ஸீ கணாஜகேன பி³லங்க³து³தியேன உபக³ச்சி² – ‘‘பு⁴ஞ்ஜத²,
ப⁴ந்தே’’தி. ‘‘மயங் கோ², ப⁴கி³னி, நிச்சப⁴த்திகா’’தி. ‘‘ஜானாமி அய்யா
நிச்சப⁴த்திகாத்த². அபிசாஹங் ஹிய்யோவ க³ஹபதினா ஆணத்தா – ‘யே, ஜே, ஸ்வே
ப⁴த்திகா ஆக³ச்ச²ந்தி தே கொட்ட²கே ஆஸனங் பஞ்ஞபெத்வா கணாஜகேன
பி³லங்க³து³தியேன பரிவிஸா’தி. பு⁴ஞ்ஜத², ப⁴ந்தே’’தி. அத² கோ²
மெத்தியபூ⁴மஜகா பி⁴க்கூ² – ‘‘ஹிய்யோ கோ², ஆவுஸோ, கல்யாணப⁴த்திகோ க³ஹபதி
ஆராமங் அக³மாஸி த³ப்³ப³ஸ்ஸ மல்லபுத்தஸ்ஸ ஸந்திகே. நிஸ்ஸங்ஸயங் கோ² மயங்
த³ப்³பே³ன மல்லபுத்தேன க³ஹபதினோ அந்தரே [ஸந்திகே (ஸ்யா॰ கங்॰ க॰)] பரிபி⁴ன்னா’’தி. தே தேனேவ தோ³மனஸ்ஸேன ந சித்தரூபங் பு⁴ஞ்ஜிங்ஸு. அத² கோ² மெத்தியபூ⁴மஜகா பி⁴க்கூ² பச்சா²ப⁴த்தங்
பிண்ட³பாதப்படிக்கந்தா ஆராமங் க³ந்த்வா பத்தசீவரங் படிஸாமெத்வா
ப³ஹாராமகொட்ட²கே ஸங்கா⁴டிபல்லத்தி²காய நிஸீதி³ங்ஸு துண்ஹீபூ⁴தா மங்குபூ⁴தா
பத்தக்க²ந்தா⁴ அதோ⁴முகா² பஜ்ஜா²யந்தா அப்படிபா⁴னா.

அத² கோ² மெத்தியா பி⁴க்கு²னீ
யேன மெத்தியபூ⁴மஜகா பி⁴க்கூ² தேனுபஸங்கமி; உபஸங்கமித்வா மெத்தியபூ⁴மஜகே
பி⁴க்கூ² ஏதத³வோச – ‘‘வந்தா³மி, அய்யா’’தி. ஏவங் வுத்தே மெத்தியபூ⁴மஜகா
பி⁴க்கூ² நாலபிங்ஸு. து³தியம்பி கோ²…பே॰… ததியம்பி கோ² மெத்தியா பி⁴க்கு²னீ
மெத்தியபூ⁴மஜகே பி⁴க்கூ² ஏதத³வோச – ‘‘வந்தா³மி, அய்யா’’தி. ததியம்பி கோ²
மெத்தியபூ⁴மஜகா பி⁴க்கூ² நாலபிங்ஸு. ‘‘க்யாஹங் அய்யானங் அபரஜ்ஜா²மி? கிஸ்ஸ
மங் அய்யா நாலபந்தீ’’தி? ‘‘ததா² ஹி பன த்வங், ப⁴கி³னி, அம்ஹே த³ப்³பே³ன
மல்லபுத்தேன விஹேடீ²யமானே அஜ்ஜு²பெக்க²ஸீ’’தி? ‘‘க்யாஹங், அய்யா,
கரோமீ’’தி? ‘‘ஸசே கோ² த்வங், ப⁴கி³னி, இச்செ²ய்யாஸி அஜ்ஜேவ ப⁴க³வா
த³ப்³ப³ங் மல்லபுத்தங் நாஸாபெய்யா’’தி. ‘‘க்யாஹங், அய்யா, கரோமி, கிங் மயா
ஸக்கா காது’’ந்தி? ‘‘ஏஹி த்வங், ப⁴கி³னி, யேன ப⁴க³வா தேனுபஸங்கம;
உபஸங்கமித்வா ப⁴க³வந்தங் ஏவங் வதே³ஹி – ‘இத³ங், ப⁴ந்தே, நச்ச²ன்னங்
நப்பதிரூபங். யாயங், ப⁴ந்தே, தி³ஸா அப⁴யா அனீதிகா அனுபத்³த³வா ஸாயங் தி³ஸா ஸப⁴யா ஸஈதிகா ஸஉபத்³த³வா. யதோ நிவாதங் ததோ ஸவாதங் [பவாதங் (ஸீ॰ ஸ்யா॰)].
உத³கங் மஞ்ஞே ஆதி³த்தங். அய்யேனம்ஹி த³ப்³பே³ன மல்லபுத்தேன தூ³ஸிதா’’’தி.
‘‘ஏவங், அய்யா’’தி கோ² மெத்தியா பி⁴க்கு²னீ மெத்தியபூ⁴மஜகானங் பி⁴க்கூ²னங்
படிஸ்ஸுத்வா யேன ப⁴க³வா தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தா
கோ² மெத்தியா பி⁴க்கு²னீ ப⁴க³வந்தங் ஏதத³வோச – ‘‘இத³ங், ப⁴ந்தே, நச்ச²ன்னங்
நப்பதிரூபங். யாயங், ப⁴ந்தே, தி³ஸா அப⁴யா அனீதிகா அனுபத்³த³வா ஸாயங் தி³ஸா
ஸப⁴யா ஸஈதிகா ஸஉபத்³த³வா. யதோ நிவாதங் ததோ ஸவாதங். உத³கங் மஞ்ஞே
ஆதி³த்தங்! அய்யேனம்ஹி த³ப்³பே³ன மல்லபுத்தேன தூ³ஸிதா’’தி.

384.
அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங்
ஸன்னிபாதாபெத்வா ஆயஸ்மந்தங் த³ப்³ப³ங் மல்லபுத்தங் படிபுச்சி² – ‘‘ஸரஸி
த்வங், த³ப்³ப³, ஏவரூபங் கத்தா யதா²யங் பி⁴க்கு²னீ ஆஹா’’தி? ‘‘யதா² மங்,
ப⁴ந்தே, ப⁴க³வா ஜானாதீ’’தி. து³தியம்பி கோ² ப⁴க³வா…பே॰… ததியம்பி கோ²
ப⁴க³வா ஆயஸ்மந்தங் த³ப்³ப³ங் மல்லபுத்தங் ஏதத³வோச – ‘‘ஸரஸி த்வங், த³ப்³ப³,
ஏவரூபங் கத்தா யதா²யங் பி⁴க்கு²னீ ஆஹா’’தி? ‘‘யதா² மங், ப⁴ந்தே, ப⁴க³வா
ஜானாதீ’’தி. ‘‘ந கோ², த³ப்³ப³, த³ப்³பா³ ஏவங் நிப்³பே³டெ²ந்தி. ஸசே தயா
கதங் கதந்தி வதே³ஹி, ஸசே தயா அகதங் அகதந்தி வதே³ஹீ’’தி. ‘‘யதோ அஹங்,
ப⁴ந்தே, ஜாதோ நாபி⁴ஜானாமி ஸுபினந்தேனபி மேது²னங் த⁴ம்மங் படிஸேவிதா, பகே³வ
ஜாக³ரோ’’தி! அத² கோ² ப⁴க³வா பி⁴க்கூ² ஆமந்தேஸி – ‘‘தேன ஹி, பி⁴க்க²வே, மெத்தியங் பி⁴க்கு²னிங் நாஸேத² . இமே ச பி⁴க்கூ² அனுயுஞ்ஜதா²’’தி. இத³ங் வத்வா ப⁴க³வா உட்டா²யாஸனா விஹாரங் பாவிஸி.

அத² கோ² தே பி⁴க்கூ² மெத்தியங் பி⁴க்கு²னிங் நாஸேஸுங்.
அத² கோ² மெத்தியபூ⁴மஜகா பி⁴க்கூ² தே பி⁴க்கூ² ஏதத³வோசுங் – ‘‘மாவுஸோ,
மெத்தியங் பி⁴க்கு²னிங் நாஸேத². ந ஸா கிஞ்சி அபரஜ்ஜ²தி. அம்ஹேஹி ஸா
உஸ்ஸாஹிதா குபிதேஹி அனத்தமனேஹி சாவனாதி⁴ப்பாயேஹீ’’தி. ‘‘கிங்
பன தும்ஹே, ஆவுஸோ, ஆயஸ்மந்தங் த³ப்³ப³ங் மல்லபுத்தங் அமூலகேன பாராஜிகேன
த⁴ம்மேன அனுத்³த⁴ங்ஸேதா²’’தி? ‘‘ஏவமாவுஸோ’’தி. யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
மெத்தியபூ⁴மஜகா பி⁴க்கூ² ஆயஸ்மந்தங் த³ப்³ப³ங் மல்லபுத்தங் அமூலகேன
பாராஜிகேன த⁴ம்மேன அனுத்³த⁴ங்ஸெஸ்ஸந்தீ’’தி! அத² கோ² தே பி⁴க்கூ²
மெத்தியபூ⁴மஜகே பி⁴க்கூ² அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸுங்…பே॰… ‘‘ஸச்சங் கிர தும்ஹே, பி⁴க்க²வே, த³ப்³ப³ங் மல்லபுத்தங்
அமூலகேன பாராஜிகேன த⁴ம்மேன அனுத்³த⁴ங்ஸேதா²’’தி? ‘‘ஸச்சங், ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… ‘‘கத²ஞ்ஹி நாம
தும்ஹே, மோக⁴புரிஸா, த³ப்³ப³ங் மல்லபுத்தங் அமூலகேன பாராஜிகேன த⁴ம்மேன
அனுத்³த⁴ங்ஸெஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச
பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

385. யோ
பன பி⁴க்கு² பி⁴க்கு²ங் து³ட்டோ² தோ³ஸோ அப்பதீதோ அமூலகேன பாராஜிகேன
த⁴ம்மேன அனுத்³த⁴ங்ஸெய்ய – ‘அப்பேவ நாம நங் இமம்ஹா ப்³ரஹ்மசரியா
சாவெய்ய’ந்தி, ததோ அபரேன ஸமயேன ஸமனுக்³கா³ஹீயமானோ வா அஸமனுக்³கா³ஹீயமானோ வா
அமூலகஞ்சேவ தங் அதி⁴கரணங் ஹோதி பி⁴க்கு² ச தோ³ஸங் பதிட்டா²தி,
ஸங்கா⁴தி³ஸேஸோ’’தி.

386. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

பி⁴க்கு²ந்தி அஞ்ஞங் பி⁴க்கு²ங்.

து³ட்டோ² தோ³ஸோதி குபிதோ அனத்தமனோ அனபி⁴ரத்³தோ⁴ ஆஹதசித்தோ கி²லஜாதோ.

அப்பதீதோதி தேன ச கோபேன தேன ச தோ³ஸேன தாய ச அனத்தமனதாய தாய ச அனபி⁴ரத்³தி⁴யா அப்பதீதோ ஹோதி.

அமூலகங் நாம அதி³ட்ட²ங் அஸுதங் அபரிஸங்கிதங்.

பாராஜிகேன த⁴ம்மேனாதி சதுன்னங் அஞ்ஞதரேன.

அனுத்³த⁴ங்ஸெய்யாதி சோதே³தி வா சோதா³பேதி வா.

அப்பேவ நாம நங் இமம்ஹா ப்³ரஹ்மசரியா சாவெய்யந்தி பி⁴க்கு²பா⁴வா சாவெய்யங், ஸமணத⁴ம்மா சாவெய்யங், ஸீலக்க²ந்தா⁴ சாவெய்யங், தபோகு³ணா சாவெய்யங்.

ததோ அபரேன ஸமயேனாதி யஸ்மிங் க²ணே அனுத்³த⁴ங்ஸிதோ ஹோதி தங் க²ணங் தங் லயங் தங் முஹுத்தங் வீதிவத்தே.

ஸமனுக்³கா³ஹீயமானோதி யேன வத்து²னா அனுத்³த⁴ங்ஸிதோ ஹோதி தஸ்மிங் வத்து²ஸ்மிங் ஸமனுக்³கா³ஹீயமானோ.

அஸமனுக்³கா³ஹீயமானோதி ந கேனசி வுச்சமானோ.

அதி⁴கரணங் நாம சத்தாரி அதி⁴கரணானி – விவாதா³தி⁴கரணங், அனுவாதா³தி⁴கரணங், ஆபத்தாதி⁴கரணங், கிச்சாதி⁴கரணங்.

பி⁴க்கு² ச தோ³ஸங் பதிட்டா²தீதி துச்ச²கங் மயா ப⁴ணிதங், முஸா மயா ப⁴ணிதங், அபூ⁴தங் மயா ப⁴ணிதங், அஜானந்தேன மயா ப⁴ணிதங்.

ஸங்கா⁴தி³ஸேஸோதி…பே॰… தேனபி வுச்சதி ஸங்கா⁴தி³ஸேஸோதி.

387.
அதி³ட்ட²ஸ்ஸ ஹோதி பாராஜிகங் த⁴ம்மங் அஜ்ஜா²பஜ்ஜந்தோ. தஞ்சே சோதே³தி –
‘‘தி³ட்டோ² மயா, பாராஜிகங் த⁴ம்மங் அஜ்ஜா²பன்னோஸி, அஸ்ஸமணோஸி,
அஸக்யபுத்தியோஸி, நத்தி² தயா ஸத்³தி⁴ங் உபோஸதோ² வா பவாரணா வா ஸங்க⁴கம்மங்
வா’’தி, ஆபத்தி வாசாய, வாசாய ஸங்கா⁴தி³ஸேஸஸ்ஸ.

அஸுதஸ்ஸ ஹோதி – ‘‘பாராஜிகங் த⁴ம்மங் அஜ்ஜா²பன்னோ’’தி. தஞ்சே சோதே³தி – ‘‘ஸுதோ மயா, பாராஜிகங்
த⁴ம்மங் அஜ்ஜா²பன்னோஸி, அஸ்ஸமணோஸி, அஸக்யபுத்தியோஸி, நத்தி² தயா ஸத்³தி⁴ங்
உபோஸதோ² வா பவாரணா வா ஸங்க⁴கம்மங் வா’’தி, ஆபத்தி வாசாய, வாசாய
ஸங்கா⁴தி³ஸேஸஸ்ஸ.

அபரிஸங்கிதஸ்ஸ ஹோதி – ‘‘பாராஜிகங் த⁴ம்மங்
அஜ்ஜா²பன்னோ’’தி. தஞ்சே சோதே³தி – ‘‘பரிஸங்கிதோ மயா, பாராஜிகங் த⁴ம்மங்
அஜ்ஜா²பன்னோஸி, அஸ்ஸமணோஸி, அஸக்யபுத்தியோஸி, நத்தி² தயா ஸத்³தி⁴ங் உபோஸதோ²
வா பவாரணா வா ஸங்க⁴கம்மங் வா’’தி, ஆபத்தி வாசாய, வாசாய ஸங்கா⁴தி³ஸேஸஸ்ஸ.

அதி³ட்ட²ஸ்ஸ
ஹோதி பாராஜிகங் த⁴ம்மங் அஜ்ஜா²பஜ்ஜந்தோ. தஞ்சே சோதே³தி – ‘‘தி³ட்டோ² மயா
ஸுதோ ச, பாராஜிகங் த⁴ம்மங் அஜ்ஜா²பன்னோஸி, அஸ்ஸமணோஸி’’…பே॰… ஆபத்தி வாசாய,
வாசாய ஸங்கா⁴தி³ஸேஸஸ்ஸ.

அதி³ட்ட²ஸ்ஸ ஹோதி பாராஜிகங் த⁴ம்மங் அஜ்ஜா²பஜ்ஜந்தோ.
தஞ்சே சோதே³தி – ‘‘தி³ட்டோ² மயா பரிஸங்கிதோ ச, பாராஜிகங் த⁴ம்மங்
அஜ்ஜா²பன்னோஸி, அஸ்ஸமணோஸி’’…பே॰… ஆபத்தி வாசாய, வாசாய ஸங்கா⁴தி³ஸேஸஸ்ஸ.

அதி³ட்ட²ஸ்ஸ ஹோதி பாராஜிகங் த⁴ம்மங் அஜ்ஜா²பஜ்ஜந்தோ.
தஞ்சே சோதே³தி – ‘‘தி³ட்டோ² மயா ஸுதோ ச பரிஸங்கிதோ ச, பாராஜிகங் த⁴ம்மங்
அஜ்ஜா²பன்னோஸி, அஸ்ஸமணோஸி’’…பே॰… ஆபத்தி வாசாய, வாசாய ஸங்கா⁴தி³ஸேஸஸ்ஸ.

அஸுதஸ்ஸ ஹோதி – ‘‘பாராஜிகங் த⁴ம்மங் அஜ்ஜா²பன்னோ’’தி. தஞ்சே சோதே³தி – ‘‘ஸுதோ மயா பரிஸங்கிதோ ச…பே॰… ஸுதோ மயா தி³ட்டோ² ச…பே॰… ஸுதோ மயா பரிஸங்கிதோ ச தி³ட்டோ² ச, பாராஜிகங் த⁴ம்மங் அஜ்ஜா²பன்னோஸி, அஸ்ஸமணோஸி’’…பே॰… ஆபத்தி வாசாய, வாசாய ஸங்கா⁴தி³ஸேஸஸ்ஸ.

அபரிஸங்கிதஸ்ஸ ஹோதி – ‘‘பாராஜிகங் த⁴ம்மங்
அஜ்ஜா²பன்னோ’’தி. தஞ்சே சோதே³தி – ‘‘பரிஸங்கிதோ மயா தி³ட்டோ² ச…பே॰…
பரிஸங்கிதோ மயா ஸுதோ ச…பே॰… பரிஸங்கிதோ மயா தி³ட்டோ² ச ஸுதோ ச, பாராஜிகங்
த⁴ம்மங் அஜ்ஜா²பன்னோஸி, அஸ்ஸமணோஸி’’…பே॰… ஆபத்தி வாசாய, வாசாய
ஸங்கா⁴தி³ஸேஸஸ்ஸ.

தி³ட்ட²ஸ்ஸ ஹோதி பாராஜிகங்
த⁴ம்மங் அஜ்ஜா²பஜ்ஜந்தோ. தஞ்சே சோதே³தி – ‘‘ஸுதோ மயா பாராஜிகங் த⁴ம்மங்
அஜ்ஜா²பன்னோஸி, அஸ்ஸமணோஸி’’…பே॰… ஆபத்தி வாசாய, வாசாய ஸங்கா⁴தி³ஸேஸஸ்ஸ.

தி³ட்ட²ஸ்ஸ ஹோதி பாராஜிகங் த⁴ம்மங் அஜ்ஜா²பஜ்ஜந்தோ.
தஞ்சே சோதே³தி – ‘‘பரிஸங்கிதோ மயா, பாராஜிகங் த⁴ம்மங் அஜ்ஜா²பன்னோஸி’’…பே॰…
‘‘ஸுதோ மயா பரிஸங்கிதோ ச, பாராஜிகங் த⁴ம்மங் அஜ்ஜா²பன்னோஸி,
அஸ்ஸமணோஸி’’…பே॰… ஆபத்தி வாசாய, வாசாய ஸங்கா⁴தி³ஸேஸஸ்ஸ.

ஸுதஸ்ஸ ஹோதி – ‘‘பாராஜிகங் த⁴ம்மங் அஜ்ஜா²பன்னோ’’தி. தஞ்சே சோதே³தி – ‘‘பரிஸங்கிதோ மயா, பாராஜிகங் த⁴ம்மங் அஜ்ஜா²பன்னோஸி…பே॰…
தி³ட்டோ² மயா, பாராஜிகங் த⁴ம்மங் அஜ்ஜா²பன்னோஸி…பே॰… பரிஸங்கிதோ மயா
தி³ட்டோ² ச, பாராஜிகங் த⁴ம்மங் அஜ்ஜா²பன்னோஸி, அஸ்ஸமணோஸி’’…பே॰… ஆபத்தி
வாசாய, வாசாய ஸங்கா⁴தி³ஸேஸஸ்ஸ.

பரிஸங்கிதஸ்ஸ ஹோதி –
‘‘பாராஜிகங் த⁴ம்மங் அஜ்ஜா²பன்னோ’’தி. தஞ்சே சோதே³தி – ‘‘தி³ட்டோ² மயா,
பாராஜிகங் த⁴ம்மங் அஜ்ஜா²பன்னோஸி…பே॰… ஸுதோ மயா, பாராஜிகங் த⁴ம்மங்
அஜ்ஜா²பன்னோஸி…பே॰… தி³ட்டோ² மயா ஸுதோ ச, பாராஜிகங் த⁴ம்மங் அஜ்ஜா²பன்னோஸி,
அஸ்ஸமணோஸி, அஸக்யபுத்தியோஸி’’…பே॰… ஆபத்தி வாசாய, வாசாய ஸங்கா⁴தி³ஸேஸஸ்ஸ.

தி³ட்ட²ஸ்ஸ ஹோதி பாராஜிகங் த⁴ம்மங் அஜ்ஜா²பஜ்ஜந்தோ.
தி³ட்டே² வேமதிகோ தி³ட்ட²ங் நோ கப்பேதி தி³ட்ட²ங் நஸ்ஸரதி தி³ட்ட²ங்
பமுட்டோ² ஹோதி…பே॰… ஸுதே வேமதிகோ ஸுதங் நோ கப்பேதி ஸுதங் நஸ்ஸரதி ஸுதங்
பமுட்டோ² ஹோதி…பே॰… பரிஸங்கிதே வேமதிகோ பரிஸங்கிதங் நோ
கப்பேதி பரிஸங்கிதங் நஸ்ஸரதி பரிஸங்கிதங் பமுட்டோ² ஹோதி. தஞ்சே சோதே³தி –
‘‘பரிஸங்கிதோ மயா தி³ட்டோ² ச…பே॰… பரிஸங்கிதோ மயா ஸுதோ ச…பே॰… பரிஸங்கிதோ
மயா தி³ட்டோ² ச ஸுதோ ச, பாராஜிகங் த⁴ம்மங் அஜ்ஜா²பன்னோஸி, அஸ்ஸமணோஸி,
அஸக்யபுத்தியோஸி, நத்தி² தயா ஸத்³தி⁴ங் உபோஸதோ² வா பவாரணா வா ஸங்க⁴கம்மங்
வா’’தி, ஆபத்தி வாசாய, வாசாய ஸங்கா⁴தி³ஸேஸஸ்ஸ.

388.
அதி³ட்ட²ஸ்ஸ ஹோதி பாராஜிகங் த⁴ம்மங் அஜ்ஜா²பஜ்ஜந்தோ. தஞ்சே சோதா³பேதி –
‘‘தி³ட்டோ²ஸி, பாராஜிகங் த⁴ம்மங் அஜ்ஜா²பன்னோஸி, அஸ்ஸமணோஸி,
அஸக்யபுத்தியோஸி, நத்தி² தயா ஸத்³தி⁴ங் உபோஸதோ² வா பவாரணா வா ஸங்க⁴கம்மங்
வா’’தி, ஆபத்தி வாசாய, வாசாய ஸங்கா⁴தி³ஸேஸஸ்ஸ.

அஸுதஸ்ஸ ஹோதி – ‘‘பாராஜிகங் த⁴ம்மங்
அஜ்ஜா²பன்னோ’’தி…பே॰… அபரிஸங்கிதஸ்ஸ ஹோதி – ‘‘பாராஜிகங் த⁴ம்மங்
அஜ்ஜா²பன்னோ’’தி. தஞ்சே சோதா³பேதி – ‘‘பரிஸங்கிதோஸி, பாராஜிகங் த⁴ம்மங்
அஜ்ஜா²பன்னோஸி’’…பே॰… ஆபத்தி வாசாய, வாசாய ஸங்கா⁴தி³ஸேஸஸ்ஸ.

அதி³ட்ட²ஸ்ஸ ஹோதி பாராஜிகங் த⁴ம்மங் அஜ்ஜா²பஜ்ஜந்தோ. தஞ்சே சோதா³பேதி – ‘‘தி³ட்டோ²ஸி ஸுதோஸி…பே॰… தி³ட்டோ²ஸி பரிஸங்கிதோஸி…பே॰… தி³ட்டோ²ஸி ஸுதோஸி பரிஸங்கிதோஸி, பாராஜிகங் த⁴ம்மங்
அஜ்ஜா²பன்னோஸி’’…பே॰… அஸுதஸ்ஸ ஹோதி – ‘‘பாராஜிகங் த⁴ம்மங்
அஜ்ஜா²பன்னோ’’தி…பே॰… அபரிஸங்கிதஸ்ஸ ஹோதி – ‘‘பாராஜிகங் த⁴ம்மங்
அஜ்ஜா²பன்னோ’’தி. தஞ்சே சோதா³பேதி – ‘‘பரிஸங்கிதோஸி, தி³ட்டோ²ஸி…பே॰…
பரிஸங்கிதோஸி, ஸுதோஸி…பே॰… பரிஸங்கிதோஸி, தி³ட்டோ²ஸி, ஸுதோஸி, பாராஜிகங்
த⁴ம்மங் அஜ்ஜா²பன்னோஸி, அஸ்ஸமணோஸி’’…பே॰… ஆபத்தி வாசாய, வாசாய
ஸங்கா⁴தி³ஸேஸஸ்ஸ.

தி³ட்ட²ஸ்ஸ ஹோதி பாராஜிகங்
த⁴ம்மங் அஜ்ஜா²பஜ்ஜந்தோ. தஞ்சே சோதா³பேதி – ‘‘ஸுதோஸி’’…பே॰… தஞ்சே
சோதா³பேதி – ‘‘பரிஸங்கிதோஸி’’…பே॰… தஞ்சே சோதா³பேதி – ‘‘ஸுதோஸி,
பரிஸங்கிதோஸி, பாராஜிகங் த⁴ம்மங் அஜ்ஜா²பன்னோஸி, அஸ்ஸமணோஸி’’…பே॰… ஆபத்தி
வாசாய, வாசாய ஸங்கா⁴தி³ஸேஸஸ்ஸ.

ஸுதஸ்ஸ ஹோதி – ‘‘பாராஜிகங் த⁴ம்மங்
அஜ்ஜா²பன்னோ’’தி…பே॰… பரிஸங்கிதஸ்ஸ ஹோதி – ‘‘பாராஜிகங் த⁴ம்மங்
அஜ்ஜா²பன்னோ’’தி. தஞ்சே ‘‘தி³ட்டோ²ஸி’’…பே॰… தஞ்சே சோதா³பேதி –
‘‘ஸுதோஸி’’…பே॰… தஞ்சே சோதா³பேதி – ‘‘தி³ட்டோ²ஸி, ஸுதோஸி, பாராஜிகங்
த⁴ம்மங் அஜ்ஜா²பன்னோஸி, அஸ்ஸமணோஸி’’…பே॰… ஆபத்தி வாசாய, வாசாய
ஸங்கா⁴தி³ஸேஸஸ்ஸ.

தி³ட்ட²ஸ்ஸ ஹோதி பாராஜிகங் த⁴ம்மங் அஜ்ஜா²பஜ்ஜந்தோ.
தி³ட்டே² வேமதிகோ தி³ட்ட²ங் நோ கப்பேதி தி³ட்ட²ங் நஸ்ஸரதி தி³ட்ட²ங்
பமுட்டோ² ஹோதி…பே॰… ஸுதே வேமதிகோ ஸுதங் நோ கப்பேதி
ஸுதங் நஸ்ஸரதி ஸுதங் பமுட்டோ² ஹோதி…பே॰… பரிஸங்கிதே வேமதிகோ பரிஸங்கிதங் நோ
கப்பேதி பரிஸங்கிதங் நஸ்ஸரதி பரிஸங்கிதங் பமுட்டோ² ஹோதி. தஞ்சே சோதா³பேதி –
‘‘பரிஸங்கிதோஸி, தி³ட்டோ²ஸி’’…பே॰… பரிஸங்கிதங் பமுட்டோ² ஹோதி, தஞ்சே
சோதா³பேதி – ‘‘பரிஸங்கிதோஸி ஸுதோஸி’’…பே॰… பரிஸங்கிதங் பமுட்டோ² ஹோதி,
தஞ்சே சோதா³பேதி – ‘‘பரிஸங்கிதோஸி, தி³ட்டோ²ஸி, ஸுதோஸி, பாராஜிகங் த⁴ம்மங்
அஜ்ஜா²பன்னோஸி, அஸ்ஸமணோஸி, அஸக்யபுத்தியோஸி, நத்தி² தயா ஸத்³தி⁴ங் உபோஸதோ²
வா பவாரணா வா ஸங்க⁴கம்மங் வா’’தி, ஆபத்தி வாசாய, வாசாய ஸங்கா⁴தி³ஸேஸஸ்ஸ.

389. அஸுத்³தே⁴ ஸுத்³த⁴தி³ட்டி², ஸுத்³தே⁴ அஸுத்³த⁴தி³ட்டி², அஸுத்³தே⁴ அஸுத்³த⁴தி³ட்டி², ஸுத்³தே⁴ ஸுத்³த⁴தி³ட்டி².

அஸுத்³தோ⁴ ஹோதி புக்³க³லோ அஞ்ஞதரங் பாராஜிகங் த⁴ம்மங்
அஜ்ஜா²பன்னோ. தஞ்சே ஸுத்³த⁴தி³ட்டி² ஸமானோ அனோகாஸங் காராபெத்வா
சாவனாதி⁴ப்பாயோ வதே³தி, ஆபத்தி ஸங்கா⁴தி³ஸேஸேன து³க்கடஸ்ஸ.

அஸுத்³தோ⁴ ஹோதி புக்³க³லோ
அஞ்ஞதரங் பாராஜிகங் த⁴ம்மங் அஜ்ஜா²பன்னோ. தஞ்சே ஸுத்³த⁴தி³ட்டி² ஸமானோ
ஓகாஸங் காராபெத்வா சாவனாதி⁴ப்பாயோ வதே³தி, ஆபத்தி ஸங்கா⁴தி³ஸேஸஸ்ஸ.

அஸுத்³தோ⁴ ஹோதி புக்³க³லோ
அஞ்ஞதரங் பாராஜிகங் த⁴ம்மங் அஜ்ஜா²பன்னோ. தஞ்சே ஸுத்³த⁴தி³ட்டி² ஸமானோ
அனோகாஸங் காராபெத்வா அக்கோஸாதி⁴ப்பாயோ வதே³தி, ஆபத்தி ஓமஸவாதே³ன
து³க்கடஸ்ஸ.

அஸுத்³தோ⁴ ஹோதி புக்³க³லோ அஞ்ஞதரங் பாராஜிகங் த⁴ம்மங்
அஜ்ஜா²பன்னோ. தஞ்சே ஸுத்³த⁴தி³ட்டி² ஸமானோ ஓகாஸங் காராபெத்வா
அக்கோஸாதி⁴ப்பாயோ வதே³தி, ஆபத்தி ஓமஸவாத³ஸ்ஸ.

ஸுத்³தோ⁴ ஹோதி புக்³க³லோ
அஞ்ஞதரங் பாராஜிகங் த⁴ம்மங் அனஜ்ஜா²பன்னோ. தஞ்சே அஸுத்³த⁴தி³ட்டி² ஸமானோ
அனோகாஸங் காராபெத்வா சாவனாதி⁴ப்பாயோ வதே³தி, ஆபத்தி து³க்கடஸ்ஸ.

ஸுத்³தோ⁴ ஹோதி புக்³க³லோ அஞ்ஞதரங் பாராஜிகங் த⁴ம்மங்
அனஜ்ஜா²பன்னோ. தஞ்சே அஸுத்³த⁴தி³ட்டி² ஸமானோ ஓகாஸங் காராபெத்வா
சாவனாதி⁴ப்பாயோ வதே³தி, அனாபத்தி.

ஸுத்³தோ⁴ ஹோதி புக்³க³லோ அஞ்ஞதரங் பாராஜிகங் த⁴ம்மங்
அனஜ்ஜா²பன்னோ. தஞ்சே அஸுத்³த⁴தி³ட்டி² ஸமானோ அனோகாஸங் காராபெத்வா
அக்கோஸாதி⁴ப்பாயோ வதே³தி, ஆபத்தி ஓமஸவாதே³ன து³க்கடஸ்ஸ.

ஸுத்³தோ⁴ ஹோதி புக்³க³லோ அஞ்ஞதரங் பாராஜிகங் த⁴ம்மங்
அனஜ்ஜா²பன்னோ. தஞ்சே அஸுத்³த⁴தி³ட்டி² ஸமானோ ஓகாஸங் காராபெத்வா
அக்கோஸாதி⁴ப்பாயோ வதே³தி, ஆபத்தி ஓமஸவாத³ஸ்ஸ.

அஸுத்³தோ⁴ ஹோதி புக்³க³லோ அஞ்ஞதரங் பாராஜிகங் த⁴ம்மங்
அஜ்ஜா²பன்னோ. தஞ்சே அஸுத்³த⁴தி³ட்டி² ஸமானோ அனோகாஸங் காராபெத்வா
சாவனாதி⁴ப்பாயோ வதே³தி, ஆபத்தி து³க்கடஸ்ஸ.

அஸுத்³தோ⁴ ஹோதி புக்³க³லோ அஞ்ஞதரங் பாராஜிகங் த⁴ம்மங்
அஜ்ஜா²பன்னோ. தஞ்சே அஸுத்³த⁴தி³ட்டி² ஸமானோ ஓகாஸங் காராபெத்வா
சாவனாதி⁴ப்பாயோ வதே³தி, அனாபத்தி.

அஸுத்³தோ⁴ ஹோதி புக்³க³லோ அஞ்ஞதரங் பாராஜிகங் த⁴ம்மங்
அஜ்ஜா²பன்னோ. தஞ்சே அஸுத்³த⁴தி³ட்டி² ஸமானோ அனோகாஸங் காராபெத்வா
அக்கோஸாதி⁴ப்பாயோ வதே³தி, ஆபத்தி ஓமஸவாதே³ன து³க்கடஸ்ஸ.

அஸுத்³தோ⁴ ஹோதி புக்³க³லோ அஞ்ஞதரங் பாராஜிகங் த⁴ம்மங் அஜ்ஜா²பன்னோ. தஞ்சே அஸுத்³த⁴தி³ட்டி² ஸமானோ ஓகாஸங் காராபெத்வா அக்கோஸாதி⁴ப்பாயோ வதே³தி, ஆபத்தி ஓமஸவாத³ஸ்ஸ.

ஸுத்³தோ⁴ ஹோதி புக்³க³லோ
அஞ்ஞதரங் பாராஜிகங் த⁴ம்மங் அனஜ்ஜா²பன்னோ. தஞ்சே ஸுத்³த⁴தி³ட்டி² ஸமானோ
அனோகாஸங் காராபெத்வா சாவனாதி⁴ப்பாயோ வதே³தி, ஆபத்தி ஸங்கா⁴தி³ஸேஸேன
து³க்கடஸ்ஸ.

ஸுத்³தோ⁴ ஹோதி புக்³க³லோ அஞ்ஞதரங் பாராஜிகங் த⁴ம்மங்
அனஜ்ஜா²பன்னோ. தஞ்சே ஸுத்³த⁴தி³ட்டி² ஸமானோ ஓகாஸங் காராபெத்வா
சாவனாதி⁴ப்பாயோ வதே³தி, ஆபத்தி ஸங்கா⁴தி³ஸேஸஸ்ஸ.

ஸுத்³தோ⁴ ஹோதி புக்³க³லோ அஞ்ஞதரங் பாராஜிகங் த⁴ம்மங்
அனஜ்ஜா²பன்னோ. தஞ்சே ஸுத்³த⁴தி³ட்டி² ஸமானோ அனோகாஸங் காராபெத்வா
அக்கோஸாதி⁴ப்பாயோ வதே³தி, ஆபத்தி ஓமஸவாதே³ன து³க்கடஸ்ஸ.

ஸுத்³தோ⁴ ஹோதி புக்³க³லோ அஞ்ஞதரங் பாராஜிகங் த⁴ம்மங்
அனஜ்ஜா²பன்னோ தஞ்சே ஸுத்³த⁴தி³ட்டி² ஸமானோ ஓகாஸங் காராபெத்வா
அக்கோஸாதி⁴ப்பாயோ வதே³தி, ஆபத்தி ஓமஸவாத³ஸ்ஸ.

390. அனாபத்தி ஸுத்³தே⁴ அஸுத்³த⁴தி³ட்டி²ஸ்ஸ, அஸுத்³தே⁴ அஸுத்³த⁴தி³ட்டி²ஸ்ஸ, உம்மத்தகஸ்ஸ, ஆதி³கம்மிகஸ்ஸாதி.

து³ட்ட²தோ³ஸஸிக்கா²பத³ங் நிட்டி²தங் அட்ட²மங்.

9. து³தியது³ட்ட²தோ³ஸஸிக்கா²பத³ங்

391. தேன
ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன
ஸமயேன மெத்தியபூ⁴மஜகா பி⁴க்கூ² கி³ஜ்ஜ²கூடா பப்³ப³தா ஓரோஹந்தா அத்³த³ஸங்ஸு
ச²க³லகங் [ச²கலகங் (ஸ்யா॰)] அஜிகாய விப்படிபஜ்ஜந்தங். தி³ஸ்வான
ஏவமாஹங்ஸு – ‘‘ஹந்த³ மயங், ஆவுஸோ, இமங் ச²க³லகங் த³ப்³ப³ங் மல்லபுத்தங்
நாம கரோம. இமங் அஜிகங் மெத்தியங் நாம பி⁴க்கு²னிங் கரோம. ஏவங் மயங்
வோஹரிஸ்ஸாம. புப்³பே³ மயங், ஆவுஸோ, த³ப்³ப³ங் மல்லபுத்தங் ஸுதேன அவோசும்ஹா.
இதா³னி பன அம்ஹேஹி ஸாமங் தி³ட்டோ² மெத்தியாய பி⁴க்கு²னியா
விப்படிபஜ்ஜந்தோ’’தி. தே தங் ச²க³லகங் த³ப்³ப³ங் மல்லபுத்தங் நாம
அகங்ஸு. தங் அஜிகங் மெத்தியங் நாம பி⁴க்கு²னிங் அகங்ஸு. தே பி⁴க்கூ²னங்
ஆரோசேஸுங் – ‘‘புப்³பே³ மயங், ஆவுஸோ, த³ப்³ப³ங் மல்லபுத்தங் ஸுதேன
அவோசும்ஹா. இதா³னி பன அம்ஹேஹி ஸாமங் தி³ட்டோ² மெத்தியாய பி⁴க்கு²னியா
விப்படிபஜ்ஜந்தோ’’தி. பி⁴க்கூ² ஏவமாஹங்ஸு – ‘‘மாவுஸோ, ஏவங் அவசுத்த².
நாயஸ்மா த³ப்³போ³ மல்லபுத்தோ ஏவங் கரிஸ்ஸதீ’’தி.

அத² கோ² தே பி⁴க்கூ² ப⁴க³வதோ
ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே
பி⁴க்கு²ஸங்க⁴ங் ஸன்னிபாதாபெத்வா ஆயஸ்மந்தங் த³ப்³ப³ங் மல்லபுத்தங்
படிபுச்சி² – ‘‘ஸரஸி த்வங், த³ப்³ப³, ஏவரூபங் கத்தா யத²யிமே பி⁴க்கூ²
ஆஹங்ஸூ’’தி? ‘‘யதா² மங், ப⁴ந்தே, ப⁴க³வா ஜானாதீ’’தி. து³தியம்பி கோ²
ப⁴க³வா…பே॰… ததியம்பி கோ² ப⁴க³வா ஆயஸ்மந்தங் த³ப்³ப³ங் மல்லபுத்தங்
ஏதத³வோச – ‘‘ஸரஸி த்வங், த³ப்³ப³, ஏவரூபங் கத்தா யத²யிமே பி⁴க்கூ²
ஆஹங்ஸூ’’தி? ‘‘யதா² மங், ப⁴ந்தே, ப⁴க³வா ஜானாதீ’’தி. ‘‘ந கோ², த³ப்³ப³,
த³ப்³பா³ ஏவங் நிப்³பே³டெ²ந்தி. ஸசே தயா கதங் கதந்தி வதே³ஹி, ஸசே தயா அகதங்
அகதந்தி வதே³ஹீ’’தி. ‘‘யதோ அஹங், ப⁴ந்தே, ஜாதோ நாபி⁴ஜானாமி ஸுபினந்தேனபி
மேது²னத⁴ம்மங் படிஸேவிதா, பகே³வ ஜாக³ரோ’’தி! அத² கோ² ப⁴க³வா பி⁴க்கூ²
ஆமந்தேஸி – ‘‘தேன ஹி, பி⁴க்கு²வே, இமே பி⁴க்கூ² அனுயுஞ்ஜதா²’’தி. இத³ங்
வத்வா ப⁴க³வா உட்டா²யாஸனா விஹாரங் பாவிஸி.

அத² கோ² தே பி⁴க்கூ² மெத்தியபூ⁴மஜகே பி⁴க்கூ²
அனுயுஞ்ஜிங்ஸு. தே பி⁴க்கூ²ஹி அனுயுஞ்ஜீயமானா பி⁴க்கூ²னங் ஏதமத்த²ங்
ஆரோசேஸுங் – ‘‘கிங் பன தும்ஹே, ஆவுஸோ, ஆயஸ்மந்தங் த³ப்³ப³ங் மல்லபுத்தங்
அஞ்ஞபா⁴கி³யஸ்ஸ அதி⁴கரணஸ்ஸ கிஞ்சிதே³ஸங் லேஸமத்தங் உபாதா³ய பாராஜிகேன
த⁴ம்மேன அனுத்³த⁴ங்ஸேதா²’’தி? ‘‘ஏவமாவுஸோ’’தி. யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
மெத்தியபூ⁴மஜகா பி⁴க்கூ² ஆயஸ்மந்தங் த³ப்³ப³ங் மல்லபுத்தங் அஞ்ஞபா⁴கி³யஸ்ஸ
அதி⁴கரணஸ்ஸ கிஞ்சி தே³ஸங் லேஸமத்தங் உபாதா³ய பாராஜிகேன த⁴ம்மேன
அனுத்³த⁴ங்ஸெஸ்ஸந்தீ’’தி! அத² கோ² தே பி⁴க்கூ² மெத்தியபூ⁴மஜகே பி⁴க்கூ²
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர
தும்ஹே, பி⁴க்க²வே, த³ப்³ப³ங் மல்லபுத்தங் அஞ்ஞபா⁴கி³யஸ்ஸ அதி⁴கரணஸ்ஸ
கிஞ்சி தே³ஸங் லேஸமத்தங் உபாதா³ய பாராஜிகேன த⁴ம்மேன அனுத்³த⁴ங்ஸேதா²’’தி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… ‘‘கத²ஞ்ஹி நாம
தும்ஹே, மோக⁴புரிஸா, த³ப்³ப³ங் மல்லபுத்தங் அஞ்ஞபா⁴கி³யஸ்ஸ அதி⁴கரணஸ்ஸ
கிஞ்சி தே³ஸங் லேஸமத்தங் உபாதா³ய பாராஜிகேன த⁴ம்மேன
அனுத்³த⁴ங்ஸெஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய…பே॰…
ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

392. ‘‘யோ பன பி⁴க்கு² பி⁴க்கு²ங் து³ட்டோ² தோ³ஸோ அப்பதீதோ அஞ்ஞபா⁴கி³யஸ்ஸ அதி⁴கரணஸ்ஸ
கிஞ்சிதே³ஸங் லேஸமத்தங் உபாதா³ய பாராஜிகேன த⁴ம்மேன அனுத்³த⁴ங்ஸெய்ய –
‘அப்பேவ நாம நங் இமம்ஹா ப்³ரஹ்மசரியா சாவெய்ய’ந்தி. ததோ
அபரேன ஸமயேன ஸமனுக்³கா³ஹீயமானோ வா அஸமனுக்³கா³ஹீயமானோ வா அஞ்ஞபா⁴கி³யஞ்சேவ
தங் அதி⁴கரணங் ஹோதி கோசிதே³ஸோ லேஸமத்தோ உபாதி³ன்னோ, பி⁴க்கு² ச தோ³ஸங்
பதிட்டா²தி, ஸங்கா⁴தி³ஸேஸோ’’தி.

393. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

பி⁴க்கு²ந்தி அஞ்ஞங் பி⁴க்கு²ங்.

து³ட்டோ² தோ³ஸோதி குபிதோ அனத்தமனோ அனபி⁴ரத்³தோ⁴ ஆஹதசித்தோ கி²லஜாதோ.

அப்பதீதோதி தேன ச கோபேன, தேன ச தோ³ஸேன, தாய ச அனத்தமனதாய, தாய ச அனபி⁴ரத்³தி⁴யா அப்பதீதோ ஹோதி.

அஞ்ஞபா⁴கி³யஸ்ஸ அதி⁴கரணஸ்ஸாதி
ஆபத்தஞ்ஞபா⁴கி³யங் வா ஹோதி அதி⁴கரணஞ்ஞபா⁴கி³யங் வா. கத²ங் அதி⁴கரணங்
அதி⁴கரணஸ்ஸ அஞ்ஞபா⁴கி³யங்? விவாதா³தி⁴கரணங் அனுவாதா³தி⁴கரணஸ்ஸ
ஆபத்தாதி⁴கரணஸ்ஸ கிச்சாதி⁴கரணஸ்ஸ அஞ்ஞபா⁴கி³யங். அனுவாதா³தி⁴கரணங்
ஆபத்தாதி⁴கரணஸ்ஸ கிச்சாதி⁴கரணஸ்ஸ விவாதா³தி⁴கரணஸ்ஸ அஞ்ஞபா⁴கி³யங்.
ஆபத்தாதி⁴கரணங் கிச்சாதி⁴கரணஸ்ஸ விவாதா³தி⁴கரணஸ்ஸ அனுவாதா³தி⁴கரணஸ்ஸ
அஞ்ஞபா⁴கி³யங். கிச்சாதி⁴கரணங் விவாதா³தி⁴கரணஸ்ஸ அனுவாதா³தி⁴கரணஸ்ஸ ஆபத்தாதி⁴கரணஸ்ஸ அஞ்ஞபா⁴கி³யங். ஏவங் அதி⁴கரணங் அதி⁴கரணஸ்ஸ அஞ்ஞபா⁴கி³யங்.

கத²ங் அதி⁴கரணங் அதி⁴கரணஸ்ஸ தப்³பா⁴கி³யங்?
விவாதா³தி⁴கரணங் விவாதா³தி⁴கரணஸ்ஸ தப்³பா⁴கி³யங். அனுவாதா³தி⁴கரணங்
அனுவாதா³தி⁴கரணஸ்ஸ தப்³பா⁴கி³யங். ஆபத்தாதி⁴கரணங் ஆபத்தாதி⁴கரணஸ்ஸ ஸியா
தப்³பா⁴கி³யங் ஸியா அஞ்ஞபா⁴கி³யங்.

கத²ங் ஆபத்தாதி⁴கரணங் ஆபத்தாதி⁴கரணஸ்ஸ அஞ்ஞபா⁴கி³யங்? மேது²னத⁴ம்மபாராஜிகாபத்தி அதி³ன்னாதா³னபாராஜிகாபத்தியா
மனுஸ்ஸவிக்³க³ஹபாராஜிகாபத்தியா உத்தரிமனுஸ்ஸத⁴ம்மபாராஜிகாபத்தியா
அஞ்ஞபா⁴கி³யா. அதி³ன்னாதா³னபாராஜிகாபத்தி மனுஸ்ஸவிக்³க³ஹபாராஜிகாபத்தியா
உத்தரிமனுஸ்ஸத⁴ம்மபாராஜிகாபத்தியா மேது²னத⁴ம்மபாராஜிகாபத்தியா
அஞ்ஞபா⁴கி³யா. மனுஸ்ஸவிக்³க³ஹபாராஜிகாபத்தி
உத்தரிமனுஸ்ஸத⁴ம்மபாராஜிகாபத்தியா மேது²னத⁴ம்மபாராஜிகாபத்தியா
அதி³ன்னாதா³னபாராஜிகாபத்தியா அஞ்ஞபா⁴கி³யா.
உத்தரிமனுஸ்ஸத⁴ம்மபாராஜிகாபத்தி மேது²னத⁴ம்மபாராஜிகாபத்தியா
அதி³ன்னாதா³னபாராஜிகாபத்தியா மனுஸ்ஸவிக்³க³ஹபாராஜிகாபத்தியா அஞ்ஞபா⁴கி³யா.
ஏவங் ஆபத்தாதி⁴கரணங் ஆபத்தாதி⁴கரணஸ்ஸ அஞ்ஞபா⁴கி³யங்.

கத²ங் ஆபத்தாதி⁴கரணங் ஆபத்தாதி⁴கரணஸ்ஸ தப்³பா⁴கி³யங்?
மேது²னத⁴ம்மபாராஜிகாபத்தி மேது²னத⁴ம்மபாராஜிகாபத்தியா தப்³பா⁴கி³யா.
அதி³ன்னாதா³னபாராஜிகாபத்தி அதி³ன்னாதா³னபாராஜிகாபத்தியா தப்³பா⁴கி³யா.
மனுஸ்ஸவிக்³க³ஹபாராஜிகாபத்தி மனுஸ்ஸவிக்³க³ஹபாராஜிகாபத்தியா தப்³பா⁴கி³யா.
உத்தரிமனுஸ்ஸத⁴ம்மபாராஜிகாபத்தி உத்தரிமனுஸ்ஸத⁴ம்மபாராஜிகாபத்தியா தப்³பா⁴கி³யா. ஏவங் ஆபத்தாதி⁴கரணங் ஆபத்தாதி⁴கரணஸ்ஸ தப்³பா⁴கி³யங்.

கிச்சாதி⁴கரணங் கிச்சாதி⁴கரணஸ்ஸ தப்³பா⁴கி³யங். ஏவங் அதி⁴கரணங் அதி⁴கரணஸ்ஸ தப்³பா⁴கி³யங்.

394. கிஞ்சி தே³ஸங் லேஸமத்தங் உபாதா³யாதி லேஸோ நாம த³ஸ லேஸா – ஜாதிலேஸோ , நாமலேஸோ, கொ³த்தலேஸோ, லிங்க³லேஸோ, ஆபத்திலேஸோ, பத்தலேஸோ, சீவரலேஸோ, உபஜ்ஜா²யலேஸோ, ஆசரியலேஸோ, ஸேனாஸனலேஸோ.

395. ஜாதிலேஸோ நாம க²த்தியோ தி³ட்டோ² ஹோதி பாராஜிகங் த⁴ம்மங் அஜ்ஜா²பஜ்ஜந்தோ. அஞ்ஞங் க²த்தியங் பஸ்ஸித்வா சோதே³தி – ‘‘க²த்தியோ மயா தி³ட்டோ² [எத்த²
‘‘பாராஜிகங் த⁴ம்மங் அஜ்ஜா²பஜ்ஜந்தோ’’தி பாடோ² ஊனோ மஞ்ஞே, அட்ட²கதா²யங் ஹி
‘‘க²த்தியோ மயா தி³ட்டோ² பாராஜிகங் த⁴ம்மங் அஜ்ஜா²பஜ்ஜந்தோ’’தி தி³ஸ்ஸதி].
பாராஜிகங் த⁴ம்மங் அஜ்ஜா²பன்னோஸி, அஸ்ஸமணோஸி, அஸக்யபுத்தியோஸி, நத்தி² தயா
ஸத்³தி⁴ங் உபோஸதோ² வா பவாரணா வா ஸங்க⁴கம்மங் வா’’தி, ஆபத்தி வாசாய, வாசாய
ஸங்கா⁴தி³ஸேஸஸ்ஸ.

ப்³ராஹ்மணோ தி³ட்டோ² ஹோதி…பே॰… வெஸ்ஸோ தி³ட்டோ²
ஹோதி…பே॰… ஸுத்³தோ³ தி³ட்டோ² ஹோதி பாராஜிகங் த⁴ம்மங் அஜ்ஜா²பஜ்ஜந்தோ.
அஞ்ஞங் ஸுத்³த³ங் பஸ்ஸித்வா சோதே³தி – ‘‘ஸுத்³தோ³ மயா தி³ட்டோ². பாராஜிகங்
த⁴ம்மங் அஜ்ஜா²பன்னோஸி , அஸ்ஸமணோஸி, அஸக்யபுத்தியோஸி’’…பே॰… ஆபத்தி வாசாய, வாசாய ஸங்கா⁴தி³ஸேஸஸ்ஸ.

396. நாமலேஸோ
நாம பு³த்³த⁴ரக்கி²தோ தி³ட்டோ² ஹோதி…பே॰… த⁴ம்மரக்கி²தோ தி³ட்டோ²
ஹோதி…பே॰… ஸங்க⁴ரக்கி²தோ தி³ட்டோ² ஹோதி பாராஜிகங் த⁴ம்மங் அஜ்ஜா²பஜ்ஜந்தோ .
அஞ்ஞங் ஸங்க⁴ரக்கி²தங் பஸ்ஸித்வா சோதே³தி – ‘‘ஸங்க⁴ரக்கி²தோ மயா தி³ட்டோ².
பாராஜிகங் த⁴ம்மங் அஜ்ஜா²பன்னோஸி, அஸ்ஸமணோஸி, அஸக்யபுத்தியோஸி’’…பே॰…
ஆபத்தி வாசாய, வாசாய ஸங்கா⁴தி³ஸேஸஸ்ஸ.

397. கொ³த்தலேஸோ
நாம கோ³தமோ தி³ட்டோ² ஹோதி…பே॰… மொக்³க³ல்லானோ தி³ட்டோ² ஹோதி…பே॰… கச்சாயனோ
தி³ட்டோ² ஹோதி…பே॰… வாஸிட்டோ² தி³ட்டோ² ஹோதி பாராஜிகங் த⁴ம்மங்
அஜ்ஜா²பஜ்ஜந்தோ. அஞ்ஞங் வாஸிட்ட²ங் பஸ்ஸித்வா சோதே³தி – ‘‘வாஸிட்டோ² மயா
தி³ட்டோ². பாராஜிகங் த⁴ம்மங் அஜ்ஜா²பன்னோஸி, அஸ்ஸமணோஸி,
அஸக்யபுத்தியோஸி’’…பே॰… ஆபத்தி வாசாய, வாசாய ஸங்கா⁴தி³ஸேஸஸ்ஸ.

398. லிங்க³லேஸோ
நாம தீ³கோ⁴ தி³ட்டோ² ஹோதி…பே॰… ரஸ்ஸோ தி³ட்டோ² ஹோதி…பே॰… கண்ஹோ தி³ட்டோ²
ஹோதி…பே॰… ஓதா³தோ தி³ட்டோ² ஹோதி பாராஜிகங் த⁴ம்மங் அஜ்ஜா²பஜ்ஜந்தோ. அஞ்ஞங்
ஓதா³தங் பஸ்ஸித்வா சோதே³தி – ‘‘ஓதா³தோ மயா தி³ட்டோ². பாராஜிகங் த⁴ம்மங்
அஜ்ஜா²பன்னோஸி, அஸ்ஸமணோஸி, அஸக்யபுத்தியோஸி’’…பே॰… ஆபத்தி வாசாய, வாசாய
ஸங்கா⁴தி³ஸேஸஸ்ஸ.

399. ஆபத்திலேஸோ
நாம லஹுகங் ஆபத்திங் ஆபஜ்ஜந்தோ தி³ட்டோ² ஹோதி. தஞ்சே பாராஜிகேன சோதே³தி –
‘‘அஸ்ஸமணோஸி, அஸக்யபுத்தியோஸி…பே॰… ஆபத்தி வாசாய, வாசாய ஸங்கா⁴தி³ஸேஸஸ்ஸ.

400. பத்தலேஸோ நாம லோஹபத்தத⁴ரோ தி³ட்டோ² ஹோதி…பே॰… ஸாடகபத்தத⁴ரோ தி³ட்டோ² ஹோதி…பே॰… ஸும்ப⁴கபத்தத⁴ரோ
தி³ட்டோ² ஹோதி பாராஜிகங் த⁴ம்மங் அஜ்ஜா²பஜ்ஜந்தோ. அஞ்ஞங் ஸும்ப⁴கபத்தத⁴ரங்
பஸ்ஸித்வா சோதே³தி – ‘‘ஸும்ப⁴கபத்தத⁴ரோ மயா தி³ட்டோ². பாராஜிகங் த⁴ம்மங்
அஜ்ஜா²பன்னோஸி, அஸ்ஸமணோஸி, அஸக்யபுத்தியோஸி’’…பே॰… ஆபத்தி வாசாய, வாசாய
ஸங்கா⁴தி³ஸேஸஸ்ஸ.

401. சீவரலேஸோ நாம பங்ஸுகூலிகோ தி³ட்டோ² ஹோதி…பே॰… க³ஹபதிசீவரத⁴ரோ தி³ட்டோ² ஹோதி
பாராஜிகங் த⁴ம்மங் அஜ்ஜா²பஜ்ஜந்தோ. அஞ்ஞங் க³ஹபதிசீவரத⁴ரங் பஸ்ஸித்வா
சோதே³தி – ‘‘க³ஹபதிசீவரத⁴ரோ மயா தி³ட்டோ². பாராஜிகங் த⁴ம்மங்
அஜ்ஜா²பன்னோஸி, அஸ்ஸமணோஸி, அஸக்யபுத்தியோஸி’’…பே॰… ஆபத்தி வாசாய, வாசாய
ஸங்கா⁴தி³ஸேஸஸ்ஸ.

402. உபஜ்ஜா²யலேஸோ
நாம இத்த²ன்னாமஸ்ஸ ஸத்³தி⁴விஹாரிகோ தி³ட்டோ² ஹோதி பாராஜிகங் த⁴ம்மங்
அஜ்ஜா²பஜ்ஜந்தோ. அஞ்ஞங் இத்த²ன்னாமஸ்ஸ ஸத்³தி⁴விஹாரிகங் பஸ்ஸித்வா சோதே³தி –
‘‘இத்த²ன்னாமஸ்ஸ ஸத்³தி⁴விஹாரிகோ மயா தி³ட்டோ². பாராஜிகங் த⁴ம்மங்
அஜ்ஜா²பன்னோஸி, அஸ்ஸமணோஸி, அஸக்யபுத்தியோஸி’’…பே॰… ஆபத்தி வாசாய, வாசாய
ஸங்கா⁴தி³ஸேஸஸ்ஸ.

403. ஆசரியலேஸோ
நாம இத்த²ன்னாமஸ்ஸ அந்தேவாஸிகோ தி³ட்டோ² ஹோதி பாராஜிகங் த⁴ம்மங்
அஜ்ஜா²பஜ்ஜந்தோ. அஞ்ஞங் இத்த²ன்னாமஸ்ஸ அந்தேவாஸிகங் பஸ்ஸித்வா சோதே³தி –
‘‘இத்த²ன்னாமஸ்ஸ அந்தேவாஸிகோ மயா தி³ட்டோ². பாராஜிகங் த⁴ம்மங்
அஜ்ஜா²பன்னோஸி, அஸ்ஸமணோஸி, அஸக்யபுத்தியோஸி’’…பே॰… ஆபத்தி வாசாய, வாசாய
ஸங்கா⁴தி³ஸேஸஸ்ஸ.

404. ஸேனாஸனலேஸோ நாம இத்த²ன்னாமஸேனாஸனவாஸிகோ தி³ட்டோ² ஹோதி பாராஜிகங்
த⁴ம்மங் அஜ்ஜா²பஜ்ஜந்தோ. அஞ்ஞங் இத்த²ன்னாமஸேனாஸனவாஸிகங் பஸ்ஸித்வா
சோதே³தி – ‘‘இத்த²ன்னாமஸேனாஸனவாஸிகோ மயா தி³ட்டோ². பாராஜிகங் த⁴ம்மங்
அஜ்ஜா²பன்னோஸி, அஸ்ஸமணோஸி, அஸக்யபுத்தியோஸி, நத்தி² தயா ஸத்³தி⁴ங் உபோஸதோ²
வா பவாரணா வா ஸங்க⁴கம்மங் வா’’தி, ஆபத்தி வாசாய, வாசாய ஸங்கா⁴தி³ஸேஸஸ்ஸ.

405. பாராஜிகேன த⁴ம்மேனாதி சதுன்னங் அஞ்ஞதரேன.

அனுத்³த⁴ங்ஸெய்யாதி சோதே³தி வா சோதா³பேதி வா.

அப்பேவ நாம நங் இமம்ஹா ப்³ரஹ்மசரியாசாவெய்யந்தி பி⁴க்கு²பா⁴வா சாவெய்யங், ஸமணத⁴ம்மா சாவெய்யங், ஸீலக்க²ந்தா⁴ சாவெய்யங், தபோகு³ணா சாவெய்யங்.

ததோ அபரேன ஸமயேனாதி யஸ்மிங் க²ணே அனுத்³த⁴ங்ஸிதோ ஹோதி, தங் க²ணங் தங் லயங் தங் முஹுத்தங் வீதிவத்தே.

அஸமனுக்³கா³ஹீயமானோதி ந கேனசி வுச்சமானோ.

கோசி தே³ஸோ லேஸமத்தோ உபாதி³ன்னோதி தேஸங் த³ஸன்னங் லேஸானங் அஞ்ஞதரோ லேஸோ உபாதி³ன்னோ ஹோதி.

ஸங்கா⁴தி³ஸேஸோதி …பே॰… தேனபி வுச்சதி ஸங்கா⁴தி³ஸேஸோதி.

406.
பி⁴க்கு² ஸங்கா⁴தி³ஸேஸங் அஜ்ஜா²பஜ்ஜந்தோ தி³ட்டோ² ஹோதி, ஸங்கா⁴தி³ஸேஸே
ஸங்கா⁴தி³ஸேஸதி³ட்டி² ஹோதி. தஞ்சே பாராஜிகேன சோதே³தி – ‘‘அஸ்ஸமணோஸி,
அஸக்யபுத்தியோஸி, நத்தி² தயா ஸத்³தி⁴ங் உபோஸதோ² வா பவாரணா வா ஸங்க⁴கம்மங்
வா’’தி, ஏவம்பி ஆபத்தஞ்ஞபா⁴கி³யங் ஹோதி லேஸோ ச உபாதி³ன்னோ, ஆபத்தி வாசாய,
வாசாய ஸங்கா⁴தி³ஸேஸஸ்ஸ.

பி⁴க்கு² ஸங்கா⁴தி³ஸேஸங் அஜ்ஜா²பஜ்ஜந்தோ தி³ட்டோ²
ஹோதி, ஸங்கா⁴தி³ஸேஸே து²ல்லச்சயதி³ட்டி² ஹோதி…பே॰… பாசித்தியதி³ட்டி² ஹோதி…
பாடிதே³ஸனீயதி³ட்டி² ஹோதி… து³க்கடதி³ட்டி² ஹோதி… து³ப்³பா⁴ஸிததி³ட்டி²
ஹோதி. தஞ்சே பாராஜிகேன சோதே³தி – ‘‘அஸ்ஸமணோஸி’’…பே॰… ஏவம்பி
ஆபத்தஞ்ஞபா⁴கி³யங் ஹோதி லேஸோ ச உபாதி³ன்னோ, ஆபத்தி வாசாய, வாசாய
ஸங்கா⁴தி³ஸேஸஸ்ஸ.

பி⁴க்கு² து²ல்லச்சயங் அஜ்ஜா²பஜ்ஜந்தோ தி³ட்டோ² ஹோதி
து²ல்லச்சயே து²ல்லச்சயதி³ட்டி² ஹோதி…பே॰… து²ல்லச்சயே பாசித்தியதி³ட்டி²
ஹோதி… பாடிதே³ஸனீயதி³ட்டி² ஹோதி… து³க்கடதி³ட்டி² ஹோதி… து³ப்³பா⁴ஸிததி³ட்டி² ஹோதி… ஸங்கா⁴தி³ஸேஸதி³ட்டி² ஹோதி. தஞ்சே பாராஜிகேன சோதே³தி – ‘‘அஸ்ஸமணோஸி’’ …பே॰… ஏவம்பி ஆபத்தஞ்ஞபா⁴கி³யங் ஹோதி லேஸோ ச உபாதி³ன்னோ, ஆபத்தி வாசாய, வாசாய ஸங்கா⁴தி³ஸேஸஸ்ஸ.

பி⁴க்கு² பாசித்தியங்…பே॰… பாடிதே³ஸனீயங்… து³க்கடங்…
து³ப்³பா⁴ஸிதங் அஜ்ஜா²பஜ்ஜந்தோ தி³ட்டோ² ஹோதி, து³ப்³பா⁴ஸிதே
து³ப்³பா⁴ஸிததி³ட்டி² ஹோதி…பே॰… து³ப்³பா⁴ஸிதே ஸங்கா⁴தி³ஸேஸதி³ட்டி² ஹோதி…
து²ல்லச்சயதி³ட்டி² ஹோதி… பாசித்தியதி³ட்டி² ஹோதி… பாடிதே³ஸனீயதி³ட்டி²
ஹோதி… து³க்கடதி³ட்டி² ஹோதி. தஞ்சே பாராஜிகேன சோதே³தி – ‘‘அஸ்ஸமணோஸி,
அஸக்யபுத்தியோஸி, நத்தி² தயா ஸத்³தி⁴ங் உபோஸதோ² வா பவாரணா வா ஸங்க⁴கம்மங்
வா’’தி, ஏவம்பி ஆபத்தஞ்ஞபா⁴கி³யங் ஹோதி லேஸோ ச உபாதி³ன்னோ, ஆபத்தி வாசாய,
வாசாய ஸங்கா⁴தி³ஸேஸஸ்ஸ.

ஏகேகங் மூலங் காதுன சக்கங் ப³ந்தி⁴தப்³ப³ங்.

407. பி⁴க்கு²
ஸங்கா⁴தி³ஸேஸங் அஜ்ஜா²பஜ்ஜந்தோ தி³ட்டோ² ஹோதி ஸங்கா⁴தி³ஸேஸே
ஸங்கா⁴தி³ஸேஸதி³ட்டி² ஹோதி. தஞ்சே பாராஜிகேன சோதா³பேதி –
‘‘அஸ்ஸமணோஸி’’…பே॰… ஏவம்பி ஆபத்தஞ்ஞபா⁴கி³யங் ஹோதி லேஸோ ச உபாதி³ன்னோ,
ஆபத்தி வாசாய, வாசாய ஸங்கா⁴தி³ஸேஸஸ்ஸ.

பி⁴க்கு² ஸங்கா⁴தி³ஸேஸங் அஜ்ஜா²பஜ்ஜந்தோ தி³ட்டோ² ஹோதி, ஸங்கா⁴தி³ஸேஸே து²ல்லச்சயதி³ட்டி²
ஹோதி…பே॰… பாசித்தியதி³ட்டி² ஹோதி… பாடிதே³ஸனீயதி³ட்டி² ஹோதி…
து³க்கடதி³ட்டி² ஹோதி… து³ப்³பா⁴ஸிததி³ட்டி² ஹோதி. தஞ்சே பாராஜிகேன
சோதா³பேதி – ‘‘அஸ்ஸமணோஸி’’…பே॰… ஏவம்பி ஆபத்தஞ்ஞபா⁴கி³யங் ஹோதி லேஸோ ச
உபாதி³ன்னோ, ஆபத்தி வாசாய, வாசாய ஸங்கா⁴தி³ஸேஸஸ்ஸ.

பி⁴க்கு² து²ல்லச்சயங் அஜ்ஜா²பஜ்ஜந்தோ தி³ட்டோ² ஹோதி
து²ல்லச்சயே து²ல்லச்சயதி³ட்டி² ஹோதி…பே॰… து²ல்லச்சயே பாசித்தியதி³ட்டி²
ஹோதி… பாடிதே³ஸனீயதி³ட்டி² ஹோதி… து³க்கடதி³ட்டி² ஹோதி…
து³ப்³பா⁴ஸிததி³ட்டி² ஹோதி… ஸங்கா⁴தி³ஸேஸதி³ட்டி² ஹோதி. தஞ்சே பாராஜிகேன
சோதா³பேதி – ‘‘அஸ்ஸமணோஸி’’…பே॰… ஏவம்பி ஆபத்தஞ்ஞபா⁴கி³யங் ஹோதி லேஸோ ச
உபாதி³ன்னோ, ஆபத்தி வாசாய, வாசாய ஸங்கா⁴தி³ஸேஸஸ்ஸ.

பி⁴க்கு² பாசித்தியங்…பே॰… பாடிதே³ஸனீயங்… து³க்கடங்…
து³ப்³பா⁴ஸிதங் அஜ்ஜா²பஜ்ஜந்தோ தி³ட்டோ² ஹோதி து³ப்³பா⁴ஸிதே
து³ப்³பா⁴ஸிததி³ட்டி² ஹோதி…பே॰… து³ப்³பா⁴ஸிதே ஸங்கா⁴தி³ஸேஸதி³ட்டி² ஹோதி…
து²ல்லச்சயதி³ட்டி² ஹோதி… பாசித்தியதி³ட்டி² ஹோதி… பாடிதே³ஸனீயதி³ட்டி² ஹோதி… து³க்கடதி³ட்டி² ஹோதி. தஞ்சே பாராஜிகேன சோதா³பேதி – ‘‘அஸ்ஸமணோஸி ,
அஸக்யபுத்தியோஸி, நத்தி² தயா ஸத்³தி⁴ங் உபோஸதோ² வா பவாரணா வா ஸங்க⁴கம்மங்
வா’’தி, ஏவம்பி ஆபத்தஞ்ஞபா⁴கி³யங் ஹோதி லேஸோ ச உபாதி³ன்னோ, ஆபத்தி வாசாய,
வாசாய ஸங்கா⁴தி³ஸேஸஸ்ஸ.

408. அனாபத்தி ததா²ஸஞ்ஞீ சோதே³தி வா சோதா³பேதி வா, உம்மத்தகஸ்ஸ, ஆதி³கம்மிகஸ்ஸாதி.

து³தியது³ட்ட²தோ³ஸஸிக்கா²பத³ங் நிட்டி²தங் நவமங்.

10. ஸங்க⁴பே⁴த³ஸிக்கா²பத³ங்

409. [இத³ங் வத்து² சூளவ॰ 343] தேன ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. அத² கோ² தே³வத³த்தோ யேன கோகாலிகோ கடமோத³கதிஸ்ஸகோ [கடமோரகதிஸ்ஸகோ (ஸீ॰ ஸ்யா॰)]
க²ண்ட³தே³வியா புத்தோ ஸமுத்³த³த³த்தோ தேனுபஸங்கமி; உபஸங்கமித்வா கோகாலிகங்
கடமோத³கதிஸ்ஸகங் க²ண்ட³தே³வியா புத்தங் ஸமுத்³த³த³த்தங் ஏதத³வோச – ‘‘ஏத²
மயங், ஆவுஸோ, ஸமணஸ்ஸ கோ³தமஸ்ஸ ஸங்க⁴பே⁴த³ங் கரிஸ்ஸாம சக்கபே⁴த³’’ந்தி. ஏவங்
வுத்தே கோகாலிகோ தே³வத³த்தங் ஏதத³வோச – ‘‘ஸமணோ கோ², ஆவுஸோ, கோ³தமோ
மஹித்³தி⁴கோ மஹானுபா⁴வோ. கத²ங் மயங் ஸமணஸ்ஸ கோ³தமஸ்ஸ ஸங்க⁴பே⁴த³ங் கரிஸ்ஸாம
சக்கபே⁴த³’’ந்தி? ‘‘ஏத² மயங், ஆவுஸோ, ஸமணங் கோ³தமங் உபஸங்கமித்வா பஞ்ச
வத்தூ²னி யாசிஸ்ஸாம – ‘ப⁴க³வா, ப⁴ந்தே, அனேகபரியாயேன அப்பிச்ச²ஸ்ஸ
ஸந்துட்ட²ஸ்ஸ ஸல்லேக²ஸ்ஸ து⁴தஸ்ஸ பாஸாதி³கஸ்ஸ அபசயஸ்ஸ வீரியாரம்ப⁴ஸ்ஸ [வீரியாரப்³ப⁴ஸ்ஸ (க॰)]
வண்ணவாதீ³. இமானி, ப⁴ந்தே, பஞ்ச வத்தூ²னி அனேகபரியாயேன அப்பிச்ச²தாய
ஸந்துட்டி²யா ஸல்லேகா²ய து⁴ததாய பாஸாதி³கதாய அபசயாய வீரியாரம்பா⁴ய
ஸங்வத்தந்தி. ஸாது⁴, ப⁴ந்தே, பி⁴க்கூ² யாவஜீவங் ஆரஞ்ஞிகா அஸ்ஸு; யோ
கா³மந்தங் ஓஸரெய்ய, வஜ்ஜங் நங் பு²ஸெய்ய. யாவஜீவங் பிண்ட³பாதிகா அஸ்ஸு; யோ
நிமந்தனங் ஸாதி³யெய்ய, வஜ்ஜங் நங் பு²ஸெய்ய. யாவஜீவங் பங்ஸுகூலிகா அஸ்ஸு;
யோ க³ஹபதிசீவரங் ஸாதி³யெய்ய, வஜ்ஜங் நங் பு²ஸெய்ய. யாவஜீவங் ருக்க²மூலிகா
அஸ்ஸு; யோ ச²ன்னங் உபக³ச்செ²ய்ய, வஜ்ஜங் நங் பு²ஸெய்ய. யாவஜீவங்
மச்ச²மங்ஸங் ந கா²தெ³ய்யுங்; யோ மச்ச²மங்ஸங் கா²தெ³ய்ய, வஜ்ஜங் நங் பு²ஸெய்யா’தி. இமானி ஸமணோ கோ³தமோ நானுஜானிஸ்ஸதி. தே மயங் இமேஹி பஞ்சஹி
வத்தூ²ஹி ஜனங் ஸஞ்ஞாபெஸ்ஸாமாதி. ஸக்கா கோ², ஆவுஸோ, இமேஹி பஞ்சஹி வத்தூ²ஹி
ஸமணஸ்ஸ கோ³தமஸ்ஸ ஸங்க⁴பே⁴தோ³ காதுங் சக்கபே⁴தோ³. லூக²பஸன்னா ஹி, ஆவுஸோ,
மனுஸ்ஸா’’தி.

அத² கோ² தே³வத³த்தோ ஸபரிஸோ யேன ப⁴க³வா தேனுபஸங்கமி;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னோ கோ² தே³வத³த்தோ ப⁴க³வந்தங் ஏதத³வோச – ‘‘ப⁴க³வா, ப⁴ந்தே,
அனேகபரியாயேன அப்பிச்ச²ஸ்ஸ…பே॰… வீரியாரம்ப⁴ஸ்ஸ வண்ணவாதீ³. இமானி, ப⁴ந்தே,
பஞ்ச வத்தூ²னி அனேகபரியாயேன அப்பிச்ச²தாய…பே॰… வீரியாரம்பா⁴ய ஸங்வத்தந்தி.
ஸாது⁴, ப⁴ந்தே, பி⁴க்கூ² யாவஜீவங் ஆரஞ்ஞிகா அஸ்ஸு;
யோ கா³மந்தங் ஓஸரெய்ய வஜ்ஜங் நங் பு²ஸெய்ய…பே॰… யாவஜீவங் மச்ச²மங்ஸங் ந
கா²தெ³ய்யுங், யோ மச்ச²மங்ஸங் கா²தெ³ய்ய வஜ்ஜங் நங் பு²ஸெய்யா’’தி. ‘‘அலங்,
தே³வத³த்த, யோ இச்ச²தி ஆரஞ்ஞிகோ ஹோது, யோ இச்ச²தி கா³மந்தே விஹரது; யோ
இச்ச²தி பிண்ட³பாதிகோ ஹோது, யோ
இச்ச²தி நிமந்தனங் ஸாதி³யது; யோ இச்ச²தி பங்ஸுகூலிகோ ஹோது, யோ இச்ச²தி
க³ஹபதிசீவரங் ஸாதி³யது. அட்ட²மாஸே கோ² மயா, தே³வத³த்த, ருக்க²மூலஸேனாஸனங்
அனுஞ்ஞாதங், திகோடிபரிஸுத்³த⁴ங் மச்ச²மங்ஸங் – அதி³ட்ட²ங் அஸுதங்
அபரிஸங்கித’’ந்தி. அத² கோ² தே³வத³த்தோ – ‘‘ந ப⁴க³வா இமானி பஞ்ச வத்தூ²னி
அனுஜானாதீ’’தி ஹட்டோ² உத³க்³கோ³ ஸபரிஸோ உட்டா²யாஸனா ப⁴க³வந்தங்
அபி⁴வாதெ³த்வா பத³க்கி²ணங் கத்வா பக்காமி.

410.
அத² கோ² தே³வத³த்தோ ஸபரிஸோ ராஜக³ஹங் பவிஸித்வா பஞ்சஹி வத்தூ²ஹி ஜனங்
ஸஞ்ஞாபேஸி – ‘‘மயங், ஆவுஸோ, ஸமணங் கோ³தமங் உபஸங்கமித்வா பஞ்ச வத்தூ²னி
யாசிம்ஹா – ‘ப⁴க³வா, ப⁴ந்தே, அனேகபரியாயேன அப்பிச்ச²ஸ்ஸ ஸந்துட்ட²ஸ்ஸ
ஸல்லேக²ஸ்ஸ து⁴தஸ்ஸ பாஸாதி³கஸ்ஸ அபசயஸ்ஸ வீரியாரம்ப⁴ஸ்ஸ வண்ணவாதீ³. இமானி,
ப⁴ந்தே, பஞ்ச வத்தூ²னி அனேகபரியாயேன அப்பிச்ச²தாய ஸந்துட்டி²யா ஸல்லேகா²ய
து⁴ததாய பாஸாதி³கதாய அபசயாய வீரியாரம்பா⁴ய ஸங்வத்தந்தி. ஸாது⁴, ப⁴ந்தே,
பி⁴க்கூ² யாவஜீவங் ஆரஞ்ஞிகா அஸ்ஸு; யோ கா³மந்தங் ஓஸரெய்ய, வஜ்ஜங் நங்
பு²ஸெய்ய. யாவஜீவங் பிண்ட³பாதிகா அஸ்ஸு; யோ நிமந்தனங் ஸாதி³யெய்ய, வஜ்ஜங்
நங் பு²ஸெய்ய. யாவஜீவங் பங்ஸுகூலிகா அஸ்ஸு; யோ க³ஹபதிசீவரங் ஸாதி³யெய்ய,
வஜ்ஜங் நங் பு²ஸெய்ய. யாவஜீவங் ருக்க²மூலிகா அஸ்ஸு; யோ ச²ன்னங்
உபக³ச்செ²ய்ய, வஜ்ஜங் நங் பு²ஸெய்ய. யாவஜீவங் மச்ச²மங்ஸங் ந கா²தெ³ய்யுங்;
யோ மச்ச²மங்ஸங் கா²தெ³ய்ய, வஜ்ஜங் நங் பு²ஸெய்யா’தி. இமானி ஸமணோ கோ³தமோ
நானுஜானாதி . தே மயங் இமேஹி பஞ்சஹி வத்தூ²ஹி ஸமாதா³ய
வத்தாமா’’தி. தத்த² யே தே மனுஸ்ஸா அஸ்ஸத்³தா⁴ அப்பஸன்னா து³ப்³பு³த்³தி⁴னோ
தே ஏவமாஹங்ஸு – ‘‘இமே கோ² ஸமணா ஸக்யபுத்தியா து⁴தா ஸல்லேக²வுத்தினோ, ஸமணோ
பன கோ³தமோ பா³ஹுல்லிகோ பா³ஹுல்லாய சேதேதீ’’தி. யே
பன தே மனுஸ்ஸா ஸத்³தா⁴ பஸன்னா பண்டி³தா ப்³யத்தா பு³த்³தி⁴மந்தோ தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம தே³வத³த்தோ ப⁴க³வதோ
ஸங்க⁴பே⁴தா³ய பரக்கமிஸ்ஸதி சக்கபே⁴தா³யா’’தி! அஸ்ஸோஸுங் கோ² பி⁴க்கூ² தேஸங்
மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி
– ‘‘கத²ஞ்ஹி நாம தே³வத³த்தோ ஸங்க⁴பே⁴தா³ய பரக்கமிஸ்ஸதி சக்கபே⁴தா³யா’’தி!
அத² கோ² தே பி⁴க்கூ² தே³வத³த்தங் அனேகபரியாயேன விக³ரஹித்வா ப⁴க³வதோ
ஏதமத்த²ங் ஆரோசேஸுங்…பே॰… ‘‘ஸச்சங் கிர த்வங், தே³வத³த்த, ஸங்க⁴பே⁴தா³ய
பரக்கமஸி சக்கபே⁴தா³யா’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… ‘‘கத²ஞ்ஹி நாம த்வங், மோக⁴புரிஸ, ஸங்க⁴பே⁴தா³ய பரக்கமிஸ்ஸஸி
சக்கபே⁴தா³ய! நேதங், மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

411. ‘‘யோ
பன பி⁴க்கு² ஸமக்³க³ஸ்ஸ ஸங்க⁴ஸ்ஸ பே⁴தா³ய பரக்கமெய்ய, பே⁴த³னஸங்வத்தனிகங்
வா அதி⁴கரணங் ஸமாதா³ய பக்³க³ய்ஹ திட்டெ²ய்ய, ஸோ பி⁴க்கு² பி⁴க்கூ²ஹி ஏவமஸ்ஸ
வசனீயோ – ‘மாயஸ்மா ஸமக்³க³ஸ்ஸ ஸங்க⁴ஸ்ஸ பே⁴தா³ய பரக்கமி,
பே⁴த³னஸங்வத்தனிகங் வா அதி⁴கரணங் ஸமாதா³ய பக்³க³ய்ஹ
அட்டா²ஸி. ஸமேதாயஸ்மா ஸங்கே⁴ன. ஸமக்³கோ³ ஹி ஸங்கோ⁴ ஸம்மோத³மானோ அவிவத³மானோ
ஏகுத்³தே³ஸோ பா²ஸு விஹரதீ’தி. ஏவஞ்ச ஸோ பி⁴க்கு² பி⁴க்கூ²ஹி வுச்சமானோ
ததே²வ பக்³க³ண்ஹெய்ய , ஸோ
பி⁴க்கு² பி⁴க்கூ²ஹி யாவததியங் ஸமனுபா⁴ஸிதப்³போ³ தஸ்ஸ படினிஸ்ஸக்³கா³ய.
யாவததியஞ்சே ஸமனுபா⁴ஸியமானோ தங் படினிஸ்ஸஜ்ஜெய்ய, இச்சேதங் குஸலங்; நோ சே
படினிஸ்ஸஜ்ஜெய்ய, ஸங்கா⁴தி³ஸேஸோ’’தி.

412. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

ஸமக்³கோ³ நாம ஸங்கோ⁴ ஸமானஸங்வாஸகோ ஸமானஸீமாயங் டி²தோ.

பே⁴தா³ய பரக்கமெய்யாதி – ‘‘கத²ங் இமே நானா அஸ்ஸு, வினா அஸ்ஸு, வக்³கா³ அஸ்ஸூ’’தி பக்க²ங் பரியேஸதி, க³ணங் ப³ந்த⁴தி.

பே⁴த³னஸங்வத்தனிகங் வா அதி⁴கரணந்தி அட்டா²ரஸபே⁴த³கரவத்தூ²னி.

ஸமாதா³யாதி ஆதா³ய.

பக்³க³ய்ஹாதி தீ³பெய்ய.

திட்டெ²ய்யாதி ந படினிஸ்ஸஜ்ஜெய்ய.

ஸோ பி⁴க்கூ²தி யோ ஸோ ஸங்க⁴பே⁴த³கோ பி⁴க்கு².

பி⁴க்கூ²ஹீதி அஞ்ஞேஹி பி⁴க்கூ²ஹி.

யே பஸ்ஸந்தி, யே ஸுணந்தி, தேஹி
வத்தப்³போ³ – ‘‘மாயஸ்மா ஸமக்³க³ஸ்ஸ ஸங்க⁴ஸ்ஸ பே⁴தா³ய பரக்கமி,
பே⁴த³னஸங்வத்தனிகங் வா அதி⁴கரணங் ஸமாதா³ய பக்³க³ய்ஹ அட்டா²ஸி. ஸமேதாயஸ்மா
ஸங்கே⁴ன. ஸமக்³கோ³ ஹி ஸங்கோ⁴ ஸம்மோத³மானோ அவிவத³மானோ ஏகுத்³தே³ஸோ பா²ஸு
விஹரதீ’’தி. து³தியம்பி வத்தப்³போ³. ததியம்பி வத்தப்³போ³. ஸசே
படினிஸ்ஸஜ்ஜதி, இச்சேதங் குஸலங்; நோ சே படினிஸ்ஸஜ்ஜதி, ஆபத்தி து³க்கடஸ்ஸ.
ஸுத்வா ந வத³ந்தி , ஆபத்தி து³க்கடஸ்ஸ. ஸோ பி⁴க்கு²
ஸங்க⁴மஜ்ஜ²ம்பி ஆகட்³டி⁴த்வா வத்தப்³போ³ – ‘‘மாயஸ்மா ஸமக்³க³ஸ்ஸ ஸங்க⁴ஸ்ஸ
பே⁴தா³ய பரக்கமி, பே⁴த³னஸங்வத்தனிகங் வா அதி⁴கரணங் ஸமாதா³ய பக்³க³ய்ஹ
அட்டா²ஸி. ஸமேதாயஸ்மா ஸங்கே⁴ன. ஸமக்³கோ³ ஹி ஸங்கோ⁴ ஸம்மோத³மானோ அவிவத³மானோ
ஏகுத்³தே³ஸோ பா²ஸு விஹரதீ’’தி. து³தியம்பி வத்தப்³போ³. ததியம்பி
வத்தப்³போ³. ஸசே படினிஸ்ஸஜ்ஜதி, இச்சேதங் குஸலங்; நோ சே படினிஸ்ஸஜ்ஜதி,
ஆபத்தி து³க்கடஸ்ஸ. ஸோ பி⁴க்கு² ஸமனுபா⁴ஸிதப்³போ³ – ‘‘ஏவஞ்ச பன, பி⁴க்க²வே,
ஸமனுபா⁴ஸிதப்³போ³. ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

413.
‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ பி⁴க்கு² ஸமக்³க³ஸ்ஸ
ஸங்க⁴ஸ்ஸ பே⁴தா³ய பரக்கமதி. ஸோ தங் வத்து²ங் ந படினிஸ்ஸஜ்ஜதி. யதி³
ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் பி⁴க்கு²ங் ஸமனுபா⁴ஸெய்ய தஸ்ஸ
வத்து²ஸ்ஸ படினிஸ்ஸக்³கா³ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ
பி⁴க்கு² ஸமக்³க³ஸ்ஸ ஸங்க⁴ஸ்ஸ பே⁴தா³ய பரக்கமதி. ஸோ தங் வத்து²ங் ந
படினிஸ்ஸஜ்ஜதி. ஸங்கோ⁴ இத்த²ன்னாமங் பி⁴க்கு²ங் ஸமனுபா⁴ஸதி தஸ்ஸ வத்து²ஸ்ஸ
படினிஸ்ஸக்³கா³ய. யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ ஸமனுபா⁴ஸனா
தஸ்ஸ வத்து²ஸ்ஸ படினிஸ்ஸக்³கா³ய, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

‘‘து³தியம்பி ஏதமத்த²ங் வதா³மி…பே॰… ததியம்பி
ஏதமத்த²ங் வதா³மி – ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ பி⁴க்கு²
ஸமக்³க³ஸ்ஸ ஸங்க⁴ஸ்ஸ பே⁴தா³ய பரக்கமதி. ஸோ தங் வத்து²ங் ந படினிஸ்ஸஜ்ஜதி.
ஸங்கோ⁴ இத்த²ன்னாமங் பி⁴க்கு²ங் ஸமனுபா⁴ஸதி தஸ்ஸ வத்து²ஸ்ஸ
படினிஸ்ஸக்³கா³ய. யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ ஸமனுபா⁴ஸனா தஸ்ஸ வத்து²ஸ்ஸ படினிஸ்ஸக்³கா³ய, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

‘‘ஸமனுப⁴ட்டோ² ஸங்கே⁴ன இத்த²ன்னாமோ பி⁴க்கு² தஸ்ஸ வத்து²ஸ்ஸ படினிஸ்ஸக்³கா³ய. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

414. ஞத்தியா
து³க்கடங், த்³வீஹி கம்மவாசாஹி து²ல்லச்சயா, கம்மவாசாபரியோஸானே ஆபத்தி
ஸங்கா⁴தி³ஸேஸஸ்ஸ. ஸங்கா⁴தி³ஸேஸங் அஜ்ஜா²பஜ்ஜந்தஸ்ஸ ஞத்தியா து³க்கடங்,
த்³வீஹி கம்மவாசாஹி து²ல்லச்சயா படிப்பஸ்ஸம்ப⁴ந்தி.

ஸங்கா⁴தி³ஸேஸோதி…பே॰… தேனபி வுச்சதி ஸங்கா⁴தி³ஸேஸோதி.

415. த⁴ம்மகம்மே த⁴ம்மகம்மஸஞ்ஞீ ந படினிஸ்ஸஜ்ஜதி, ஆபத்தி ஸங்கா⁴தி³ஸேஸஸ்ஸ.

த⁴ம்மகம்மே வேமதிகோ ந படினிஸ்ஸஜ்ஜதி, ஆபத்தி ஸங்கா⁴தி³ஸேஸஸ்ஸ.

த⁴ம்மகம்மே அத⁴ம்மகம்மஸஞ்ஞீ ந படினிஸ்ஸஜ்ஜதி, ஆபத்தி ஸங்கா⁴தி³ஸேஸஸ்ஸ.

அத⁴ம்மகம்மே த⁴ம்மகம்மஸஞ்ஞீ, ஆபத்தி து³க்கடஸ்ஸ.

அத⁴ம்மகம்மே வேமதிகோ, ஆபத்தி து³க்கடஸ்ஸ.

அத⁴ம்மகம்மே அத⁴ம்மகம்மஸஞ்ஞீ, ஆபத்தி து³க்கடஸ்ஸ.

416. அனாபத்தி அஸமனுபா⁴ஸந்தஸ்ஸ, படினிஸ்ஸஜ்ஜந்தஸ்ஸ, உம்மத்தகஸ்ஸ, கி²த்தசித்தஸ்ஸ, வேத³னாட்டஸ்ஸ, ஆதி³கம்மிகஸ்ஸாதி.

ஸங்க⁴பே⁴த³ஸிக்கா²பத³ங் நிட்டி²தங் த³ஸமங்.

11. பே⁴தா³னுவத்தகஸிக்கா²பத³ங்

417. தேன
ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன
ஸமயேன தே³வத³த்தோ ஸங்க⁴பே⁴தா³ய பரக்கமதி சக்கபே⁴தா³ய. பி⁴க்கூ² ஏவமாஹங்ஸு –
‘‘அத⁴ம்மவாதீ³ தே³வத³த்தோ, அவினயவாதீ³ தே³வத³த்தோ. கத²ஞ்ஹி நாம தே³வத³த்தோ
ஸங்க⁴பே⁴தா³ய பரக்கமிஸ்ஸதி சக்கபே⁴தா³யா’’தி! ஏவங் வுத்தே கோகாலிகோ
கடமோத³கதிஸ்ஸகோ க²ண்ட³தே³வியா புத்தோ ஸமுத்³த³த³த்தோ தே பி⁴க்கூ²
ஏதத³வோசுங் – ‘‘மாயஸ்மந்தோ ஏவங் அவசுத்த². த⁴ம்மவாதீ³
தே³வத³த்தோ, வினயவாதீ³ தே³வத³த்தோ. அம்ஹாகஞ்ச தே³வத³த்தோ ச²ந்த³ஞ்ச
ருசிஞ்ச ஆதா³ய வோஹரதி ஜானாதி நோ பா⁴ஸதி அம்ஹாகங்பேதங் க²மதீ’’தி. யே தே
பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கூ² தே³வத³த்தஸ்ஸ ஸங்க⁴பே⁴தா³ய
பரக்கமந்தஸ்ஸ அனுவத்தகா ப⁴விஸ்ஸந்தி வக்³க³வாத³கா’’தி! அத² கோ² தே பி⁴க்கூ²
தே அனுவத்தகே பி⁴க்கூ² அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸுங்…பே॰… ‘‘ஸச்சங் கிர, பி⁴க்க²வே, பி⁴க்கூ² தே³வத³த்தஸ்ஸ
ஸங்க⁴பே⁴தா³ய பரக்கமந்தஸ்ஸ அனுவத்தகா ஹொந்தி வக்³க³வாத³கா’’தி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… ‘‘கத²ஞ்ஹி நாம தே, பி⁴க்க²வே,
மோக⁴புரிஸா தே³வத³த்தஸ்ஸ ஸங்க⁴பே⁴தா³ய பரக்கமந்தஸ்ஸ அனுவத்தகா ப⁴விஸ்ஸந்தி
வக்³க³வாத³கா ! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

418. ‘‘தஸ்ஸேவ
கோ² பன பி⁴க்கு²ஸ்ஸ பி⁴க்கூ² ஹொந்தி அனுவத்தகா வக்³க³வாத³கா ஏகோ வா த்³வே
வா தயோ வா. தே ஏவங் வதெ³ய்யுங் – ‘மாயஸ்மந்தோ ஏதங் பி⁴க்கு²ங் கிஞ்சி
அவசுத்த². த⁴ம்மவாதீ³ சேஸோ பி⁴க்கு², வினயவாதீ³ சேஸோ பி⁴க்கு².
அம்ஹாகஞ்சேஸோ பி⁴க்கு² ச²ந்த³ஞ்ச ருசிஞ்ச ஆதா³ய வோஹரதி ஜானாதி நோ பா⁴ஸதி
அம்ஹாகம்பேதங் க²மதீ’தி, தே பி⁴க்கூ² பி⁴க்கூ²ஹி ஏவமஸ்ஸு வசனீயா –
‘மாயஸ்மந்தோ ஏவங் அவசுத்த², ந சேஸோ பி⁴க்கு² த⁴ம்மவாதீ³, ந சேஸோ பி⁴க்கு²
வினயவாதீ³, மாயஸ்மந்தானம்பி ஸங்க⁴பே⁴தோ³ ருச்சித்த², ஸமேதாயஸ்மந்தானங்
ஸங்கே⁴ன, ஸமக்³கோ³ ஹி ஸங்கோ⁴ ஸம்மோத³மானோ
அவிவத³மானோ ஏகுத்³தே³ஸோ பா²ஸு விஹரதீ’தி. ஏவஞ்ச தே பி⁴க்கூ² பி⁴க்கூ²ஹி
வுச்சமானா ததே²வ பக்³க³ண்ஹெய்யுங், தே பி⁴க்கூ² பி⁴க்கூ²ஹி யாவததியங்
ஸமனுபா⁴ஸிதப்³பா³ தஸ்ஸ படினிஸ்ஸக்³கா³ய. யாவததியஞ்சே ஸமனுபா⁴ஸியமானா தங்
படினிஸ்ஸஜ்ஜெய்யுங், இச்சேதங் குஸலங், நோ சே படினிஸ்ஸஜ்ஜெய்யுங்,
ஸங்கா⁴தி³ஸேஸோ’’தி.

419. தஸ்ஸேவ கோ² பனாதி தஸ்ஸ ஸங்க⁴பே⁴த³கஸ்ஸ பி⁴க்கு²னோ.

பி⁴க்கூ² ஹொந்தீதி அஞ்ஞே பி⁴க்கூ² ஹொந்தி.

அனுவத்தகாதி யங்தி³ட்டி²கோ ஸோ ஹோதி யங்க²ந்திகோ யங்ருசிகோ தேபி தங்தி³ட்டி²கா ஹொந்தி தங்க²ந்திகா தங்ருசிகா.

வக்³க³வாத³காதி தஸ்ஸ வண்ணாய பக்கா²ய டி²தா ஹொந்தி.

ஏகோ வா த்³வே வா தயோ வாதி ஏகோ வா ஹோதி த்³வே வா தயோ வா. தே ஏவங் வதெ³ய்யுங் – ‘‘மாயஸ்மந்தோ ஏதங் பி⁴க்கு²ங் கிஞ்சி அவசுத்த², த⁴ம்மவாதீ³ சேஸோ பி⁴க்கு², வினயவாதீ³ சேஸோ பி⁴க்கு², அம்ஹாகஞ்சேஸோ பி⁴க்கு² ச²ந்த³ஞ்ச ருசிஞ்ச ஆதா³ய வோஹரதி ஜானாதி நோ பா⁴ஸதி அம்ஹாகங்பேதங் க²மதீ’தி.

தே பி⁴க்கூ²தி யே தே அனுவத்தகா பி⁴க்கூ².

பி⁴க்கூ²ஹீதி அஞ்ஞேஹி பி⁴க்கூ²ஹி.

யே பஸ்ஸந்தி யே ஸுணந்தி தேஹி வத்தப்³பா³ –
‘‘மாயஸ்மந்தோ ஏவங் அவசுத்த². ந சேஸோ பி⁴க்கு² த⁴ம்மவாதீ³, ந சேஸோ பி⁴க்கு²
வினயவாதீ³. மாயஸ்மந்தானம்பி ஸங்க⁴பே⁴தோ³ ருச்சித்த². ஸமேதாயஸ்மந்தானங்
ஸங்கே⁴ன. ஸமக்³கோ³ ஹி ஸங்கோ⁴ ஸம்மோத³மானோ அவிவத³மானோ ஏகுத்³தே³ஸோ பா²ஸு
விஹரதீ’’தி. து³தியம்பி வத்தப்³பா³. ததியம்பி வத்தப்³பா³. ஸசே
படினிஸ்ஸஜ்ஜந்தி, இச்சேதங் குஸலங்; நோ சே படினிஸ்ஸஜ்ஜந்தி, ஆபத்தி
து³க்கடஸ்ஸ. ஸுத்வா ந வத³ந்தி, ஆபத்தி து³க்கடஸ்ஸ. தே பி⁴க்கூ²
ஸங்க⁴மஜ்ஜ²ம்பி ஆகட்³டி⁴த்வா வத்தப்³பா³ – ‘‘மாயஸ்மந்தோ ஏவங் அவசுத்த². ந
சேஸோ பி⁴க்கு² த⁴ம்மவாதீ³, ந சேஸோ பி⁴க்கு²
வினயவாதீ³. மாயஸ்மந்தானம்பி ஸங்க⁴பே⁴தோ³ ருச்சித்த². ஸமேதாயஸ்மந்தானங்
ஸங்கே⁴ன. ஸமக்³கோ³ ஹி ஸங்கோ⁴ ஸம்மோத³மானோ அவிவத³மானோ ஏகுத்³தே³ஸோ பா²ஸு
விஹரதீ’’தி. து³தியம்பி வத்தப்³பா³. ததியம்பி வத்தப்³பா³. ஸசே
படினிஸ்ஸஜ்ஜந்தி, இச்சேதங் குஸலங்; நோ சே படினிஸ்ஸஜ்ஜந்தி, ஆபத்தி
து³க்கடஸ்ஸ. தே பி⁴க்கூ² ஸமனுபா⁴ஸிதப்³பா³. ஏவஞ்ச பன, பி⁴க்க²வே,
ஸமனுபா⁴ஸிதப்³பா³. ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

420.
‘‘ஸுணாது மே, ப⁴ந்தே, ஸங்கோ⁴. இத்த²ன்னாமோ ச இத்த²னாமோ ச பி⁴க்கூ²
இத்த²ன்னாமஸ்ஸ பி⁴க்கு²னோ ஸங்க⁴பே⁴தா³ய பரக்கமந்தஸ்ஸ அனுவத்தகா
வக்³க³வாத³கா . தே தங் வத்து²ங் ந படினிஸ்ஸஜ்ஜந்தி.
யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமஞ்ச இத்த²ன்னாமஞ்ச பி⁴க்கூ²
ஸமனுபா⁴ஸெய்ய தஸ்ஸ வத்து²ஸ்ஸ படினிஸ்ஸக்³கா³ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. இத்த²ன்னாமோ ச
இத்த²ன்னாமோ ச பி⁴க்கூ² இத்த²ன்னாமஸ்ஸ பி⁴க்கு²னோ ஸங்க⁴பே⁴தா³ய
பரக்கமந்தஸ்ஸ அனுவத்தகா வக்³க³வாத³கா. தே தங் வத்து²ங் ந படினிஸ்ஸஜ்ஜந்தி.
ஸங்கோ⁴ இத்த²ன்னாமஞ்ச இத்த²ன்னாமஞ்ச பி⁴க்கூ² ஸமனுபா⁴ஸதி தஸ்ஸ வத்து²ஸ்ஸ
படினிஸ்ஸக்³கா³ய. யஸ்ஸாயஸ்மதோ க²மதி இத்த²ன்னாமஸ்ஸ ச இத்த²ன்னாமஸ்ஸ ச
பி⁴க்கூ²னங் ஸமனுபா⁴ஸனா தஸ்ஸ வத்து²ஸ்ஸ படினிஸ்ஸக்³கா³ய, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

‘‘து³தியம்பி ஏதமத்த²ங் வதா³மி…பே॰… ததியம்பி
ஏதமத்த²ங் வதா³மி – ஸுணாது மே, ப⁴ந்தே, ஸங்கோ⁴. இத்த²ன்னாமோ ச இத்த²ன்னாமோ ச
பி⁴க்கூ² இத்த²ன்னாமஸ்ஸ பி⁴க்கு²னோ ஸங்க⁴பே⁴தா³ய பரக்கமந்தஸ்ஸ அனுவத்தகா
வக்³க³வாத³கா. தே தங் வத்து²ங் ந படினிஸ்ஸஜ்ஜந்தி. ஸங்கோ⁴ இத்த²ன்னாமஞ்ச
இத்த²ன்னாமஞ்ச பி⁴க்கூ² ஸமனுபா⁴ஸதி தஸ்ஸ வத்து²ஸ்ஸ படினிஸ்ஸக்³கா³ய.
யஸ்ஸாயஸ்மதோ க²மதி இத்த²ன்னாமஸ்ஸ ச இத்த²ன்னாமஸ்ஸ ச பி⁴க்கூ²னங் ஸமனுபா⁴ஸனா
தஸ்ஸ வத்து²ஸ்ஸ படினிஸ்ஸக்³கா³ய, ஸோ துண்ஹஸ்ஸ; யஸ்ஸ நக்க²மதி, ஸோ
பா⁴ஸெய்ய.

‘‘ஸமனுப⁴ட்டா² ஸங்கே⁴ன இத்த²ன்னாமோ ச இத்த²ன்னாமோ ச
பி⁴க்கூ² தஸ்ஸ வத்து²ஸ்ஸ படினிஸ்ஸக்³கா³ய. க²மதி ஸங்க⁴ஸ்ஸ, தஸ்மா துண்ஹீ,
ஏவமேதங் தா⁴ரயாமீ’’தி.

421. ஞத்தியா து³க்கடங், த்³வீஹி கம்மவாசாஹி து²ல்லச்சயா, கம்மவாசாபரியோஸானே ஆபத்தி ஸங்கா⁴தி³ஸேஸஸ்ஸ. ஸங்கா⁴தி³ஸேஸங் அஜ்ஜா²பஜ்ஜந்தானங் ஞத்தியா து³க்கடங், த்³வீஹி கம்மவாசாஹி து²ல்லச்சயா படிப்பஸ்ஸம்ப⁴ந்தி. த்³வே தயோ ஏகதோ ஸமனுபா⁴ஸிதப்³பா³, தது³த்தரி ந ஸமனுபா⁴ஸிதப்³பா³.

ஸங்கா⁴தி³ஸேஸோதி…பே॰… தேனபி வுச்சதி ‘‘ஸங்கா⁴தி³ஸேஸோ’’தி.

422. த⁴ம்மகம்மே த⁴ம்மகம்மஸஞ்ஞீ ந படினிஸ்ஸஜ்ஜந்தி, ஆபத்தி ஸங்கா⁴தி³ஸேஸஸ்ஸ.

த⁴ம்மகம்மே வேமதிகா ந படினிஸ்ஸஜ்ஜந்தி, ஆபத்தி ஸங்கா⁴தி³ஸேஸஸ்ஸ.

த⁴ம்மகம்மே அத⁴ம்மகம்மஸஞ்ஞீ ந படினிஸ்ஸஜ்ஜந்தி, ஆபத்தி ஸங்கா⁴தி³ஸேஸஸ்ஸ.

அத⁴ம்மகம்மே த⁴ம்மகம்மஸஞ்ஞீ, ஆபத்தி து³க்கடஸ்ஸ.

அத⁴ம்மகம்மே வேமதிகா, ஆபத்தி து³க்கடஸ்ஸ.

அத⁴ம்மகம்மே அத⁴ம்மகம்மஸஞ்ஞீ, ஆபத்தி து³க்கடஸ்ஸ.

423. அனாபத்தி அஸமனுபா⁴ஸந்தானங், படினிஸ்ஸஜ்ஜந்தானங், உம்மத்தகானங், கி²த்தசித்தானங், வேத³னாட்டானங், ஆதி³கம்மிகானந்தி.

பே⁴தா³னுவத்தகஸிக்கா²பத³ங் நிட்டி²தங் ஏகாத³ஸமங்.

12. து³ப்³ப³சஸிக்கா²பத³ங்

424. தேன
ஸமயேன பு³த்³தோ⁴ ப⁴க³வா கோஸம்பி³யங் விஹரதி கோ⁴ஸிதாராமே. தேன கோ² பன ஸமயேன
ஆயஸ்மா ச²ன்னோ அனாசரங் ஆசரதி. பி⁴க்கூ² ஏவமாஹங்ஸு – ‘‘மாவுஸோ, ச²ன்ன,
ஏவரூபங் அகாஸி. நேதங் கப்பதீ’’தி. ஸோ ஏவங் வதே³தி – ‘‘கிங் நு கோ² நாம
தும்ஹே, ஆவுஸோ, மங் வத்தப்³ப³ங் மஞ்ஞத²? அஹங் கோ² நாம தும்ஹே வதெ³ய்யங்.
அம்ஹாகங் பு³த்³தோ⁴ அம்ஹாகங் த⁴ம்மோ அம்ஹாகங் அய்யபுத்தேன த⁴ம்மோ அபி⁴ஸமிதோ. ஸெய்யதா²பி நாம மஹாவாதோ வாயந்தோ திணகட்ட²பண்ணஸடங் [திணகட்ட²பண்ணகஸடங் (க॰)]
ஏகதோ உஸ்ஸாரெய்ய, ஸெய்யதா² வா பன நதீ³ பப்³ப³தெய்யா ஸங்க²ஸேவாலபணகங் ஏகதோ
உஸ்ஸாரெய்ய, ஏவமேவ தும்ஹே நானானாமா நானாகொ³த்தா நானாஜச்சா நானாகுலா
பப்³ப³ஜிதா ஏகதோ உஸ்ஸரிதா. கிங் நு கோ² நாம தும்ஹே, ஆவுஸோ, மங் வத்தப்³ப³ங்
மஞ்ஞத²? அஹங் கோ² நாம தும்ஹே வதெ³ய்யங்! அம்ஹாகங் பு³த்³தோ⁴ அம்ஹாகங்
த⁴ம்மோ அம்ஹாகங் அய்யபுத்தேன த⁴ம்மோ அபி⁴ஸமிதோ’’தி. யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ஆயஸ்மா ச²ன்னோ பி⁴க்கூ²ஹி ஸஹத⁴ம்மிகங் வுச்சமானோ அத்தானங் அவசனீயங்
கரிஸ்ஸதீ’’தி! அத² கோ² தே பி⁴க்கூ² ஆயஸ்மந்தங் ச²ன்னங் அனேகபரியாயேன
விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰…
‘‘ஸச்சங் கிர த்வங், ச²ன்ன, பி⁴க்கூ²ஹி ஸஹத⁴ம்மிகங் வுச்சமானோ அத்தானங்
அவசனீயங் கரோஸீ’’தி? ‘‘ஸச்சங் ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
‘‘கத²ஞ்ஹி நாம த்வங், மோக⁴புரிஸ, பி⁴க்கூ²ஹி ஸஹத⁴ம்மிகங் வுச்சமானோ
அத்தானங் அவசனீயங் கரிஸ்ஸஸி! நேதங், மோக⁴புரிஸ , அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

425. ‘‘பி⁴க்கு²
பனேவ து³ப்³ப³சஜாதிகோ ஹோதி உத்³தே³ஸபரியாபன்னேஸு ஸிக்கா²பதே³ஸு பி⁴க்கூ²ஹி
ஸஹத⁴ம்மிகங் வுச்சமானோ அத்தானங் அவசனீயங் கரோதி – ‘மா மங் ஆயஸ்மந்தோ
கிஞ்சி அவசுத்த² கல்யாணங் வா பாபகங் வா, அஹங்பாயஸ்மந்தே ந கிஞ்சி வக்கா²மி
கல்யாணங் வா பாபகங் வா, விரமதா²யஸ்மந்தோ மம வசனாயா’தி, ஸோ பி⁴க்கு²
பி⁴க்கூ²ஹி ஏவமஸ்ஸ வசனீயோ – ‘மாயஸ்மா அத்தானங் அவசனீயங் அகாஸி,
வசனீயமேவாயஸ்மா அத்தானங் கரோது, ஆயஸ்மாபி பி⁴க்கூ² வதே³து ஸஹத⁴ம்மேன,
பி⁴க்கூ²பி ஆயஸ்மந்தங் வக்க²ந்தி ஸஹத⁴ம்மேன. ஏவங் ஸங்வத்³தா⁴ ஹி தஸ்ஸ
ப⁴க³வதோ பரிஸா யதி³த³ங் அஞ்ஞமஞ்ஞவசனேன அஞ்ஞமஞ்ஞவுட்டா²பனேனாதி.
ஏவஞ்ச ஸோ பி⁴க்கு²ங் பி⁴க்கூ²ஹி வுச்சமானோ ததே²வ பக்³க³ண்ஹெய்ய, ஸோ
பி⁴க்கு² பி⁴க்கூ²ஹி யாவததியங் ஸமனுபா⁴ஸிதப்³போ³ தஸ்ஸ படினிஸ்ஸக்³கா³ய.
யாவததியஞ்சே ஸமனுபா⁴ஸீயமானோ தங் படினிஸ்ஸஜ்ஜெய்ய, இச்சேதங் குஸலங்; நோ சே
படினிஸ்ஸஜ்ஜெய்ய, ஸங்கா⁴தி³ஸேஸோ’’தி.

426. பி⁴க்கூ² பனேவ து³ப்³ப³சஜாதிகோ ஹோதீதி து³ப்³ப³சோ ஹோதி தோ³வசஸ்ஸகரணேஹி த⁴ம்மேஹி ஸமன்னாக³தோ அக்க²மோ அப்பத³க்கி²ணக்³கா³ஹீ அனுஸாஸனிங்.

உத்³தே³ஸபரியாபன்னேஸு ஸிக்கா²பதே³ஸூதி பாதிமொக்க²பரியாபன்னேஸு ஸிக்கா²பதே³ஸு.

பி⁴க்கூ²ஹீதி அஞ்ஞேஹி பி⁴க்கூ²ஹி.

ஸஹத⁴ம்மிகங் நாம யங் ப⁴க³வதா பஞ்ஞத்தங் ஸிக்கா²பத³ங், ஏதங் ஸஹத⁴ம்மிகங் நாம.

தேன வுச்சமானோ அத்தானங் அவசனீயங் கரோதி – ‘‘மா மங்
ஆயஸ்மந்தோ கிஞ்சி அவசுத்த² கல்யாணங் வா பாபகங் வா, அஹங்பாயஸ்மந்தே ந கிஞ்சி
வக்கா²மி கல்யாணங் வா பாபகங் வா. விரமதா²யஸ்மந்தோ மம வசனாயா’’தி.

ஸோ பி⁴க்கூ²தி யோ ஸோ து³ப்³ப³சஜாதிகோ பி⁴க்கு².

பி⁴க்கூ²ஹீதி அஞ்ஞேஹி
பி⁴க்கூ²ஹி. யே பஸ்ஸந்தி யே ஸுணந்தி தேஹி வத்தப்³போ³ – ‘‘மாயஸ்மா அத்தானங்
அவசனீயங் அகாஸி. வசனீயமேவ ஆயஸ்மா அத்தானங் கரோது. ஆயஸ்மாபி பி⁴க்கூ² வதே³து
ஸஹத⁴ம்மேன, பி⁴க்கூ²பி ஆயஸ்மந்தங் வக்க²ந்தி ஸஹத⁴ம்மேன. ஏவங் ஸங்வத்³தா⁴
ஹி தஸ்ஸ ப⁴க³வதோ பரிஸா யதி³த³ங் அஞ்ஞமஞ்ஞவசனேன அஞ்ஞமஞ்ஞவுட்டா²பனேனா’’தி.
து³தியம்பி வத்தப்³போ³. ததியம்பி வத்தப்³போ³. ஸசே படினிஸ்ஸஜ்ஜதி ,
இச்சேதங் குஸலங்; நோ சே படினிஸ்ஸஜ்ஜதி, ஆபத்தி து³க்கடஸ்ஸ. ஸுத்வா ந
வத³ந்தி, ஆபத்தி து³க்கடஸ்ஸ. ஸோ பி⁴க்கு² ஸங்க⁴மஜ்ஜ²ம்பி ஆகட்³டி⁴த்வா
வத்தப்³போ³ – ‘‘மாயஸ்மா அத்தானங் அவசனீயங் அகாஸி…பே॰…
அஞ்ஞமஞ்ஞவுட்டா²பனேனா’’தி. து³தியம்பி வத்தப்³போ³. ததியம்பி வத்தப்³போ³.
ஸசே படினிஸ்ஸஜ்ஜதி, இச்சேதங் குஸலங்; நோ சே படினிஸ்ஸஜ்ஜதி, ஆபத்தி
து³க்கடஸ்ஸ. ஸோ பி⁴க்கு² ஸமனுபா⁴ஸிதப்³போ³. ஏவஞ்ச பன, பி⁴க்க²வே,
ஸமனுபா⁴ஸிதப்³போ³. ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

427. ‘‘ஸுணாது
மே, ப⁴ந்தே, ஸங்கோ⁴. அயங் இத்த²ன்னாமோ பி⁴க்கு² பி⁴க்கூ²ஹி ஸஹத⁴ம்மிகங்
வுச்சமானோ அத்தானங் அவசனீயங் கரோதி. ஸோ தங் வத்து²ங் ந படினிஸ்ஸஜ்ஜதி. யதி³
ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் பி⁴க்கு²ங் ஸமனுபா⁴ஸெய்ய தஸ்ஸ
வத்து²ஸ்ஸ படினிஸ்ஸக்³கா³ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ
பி⁴க்கு² பி⁴க்கூ²ஹி ஸஹத⁴ம்மிகங் வுச்சமானோ அத்தானங் அவசனீயங் கரோதி. ஸோ
தங் வத்து²ங் ந படினிஸ்ஸஜ்ஜதி. ஸங்கோ⁴ இத்த²ன்னாமங் பி⁴க்கு²ங் ஸமனுபா⁴ஸதி
தஸ்ஸ வத்து²ஸ்ஸ படினிஸ்ஸக்³கா³ய. யஸ்ஸாயஸ்மதோ க²மதி இத்த²ன்னாமஸ்ஸ
பி⁴க்கு²னோ ஸமனுபா⁴ஸனா தஸ்ஸ வத்து²ஸ்ஸ படினிஸ்ஸக்³கா³ய, ஸோ துண்ஹஸ்ஸ; யஸ்ஸ
நக்க²மதி, ஸோ பா⁴ஸெய்ய.

‘‘து³தியம்பி ஏதமத்த²ங் வதா³மி…பே॰… ததியம்பி
ஏதமத்த²ங் வதா³மி – ‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ
பி⁴க்கு² பி⁴க்கூ²ஹி ஸஹத⁴ம்மிகங் வுச்சமானோ அத்தானங் அவசனீயங் கரோதி. ஸோ
தங் வத்து²ங் ந படினிஸ்ஸஜ்ஜதி. ஸங்கோ⁴ இத்த²ன்னாமங் பி⁴க்கு²ங் ஸமனுபா⁴ஸதி
தஸ்ஸ வத்து²ஸ்ஸ படினிஸ்ஸக்³கா³ய. யஸ்ஸாயஸ்மதோ க²மதி இத்த²ன்னாமஸ்ஸ
பி⁴க்கு²னோ ஸமனுபா⁴ஸனா தஸ்ஸ வத்து²ஸ்ஸ படினிஸ்ஸக்³கா³ய, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

428.
ஞத்தியா து³க்கடங், த்³வீஹி கம்மவாசாஹி து²ல்லச்சயா, கம்மவாசாபரியோஸானே
ஆபத்தி ஸங்கா⁴தி³ஸேஸஸ்ஸ. ஸங்கா⁴தி³ஸேஸங் அஜ்ஜா²பஜ்ஜந்தஸ்ஸ ஞத்தியா
து³க்கடங், த்³வீஹி கம்மவாசாஹி து²ல்லச்சயா படிப்பஸ்ஸம்ப⁴ந்தி.

ஸங்கா⁴தி³ஸேஸோதி…பே॰… தேனபி வுச்சதி ஸங்கா⁴தி³ஸேஸோதி.

429. த⁴ம்மகம்மே த⁴ம்மகம்மஸஞ்ஞீ ந படினிஸ்ஸஜ்ஜதி, ஆபத்தி ஸங்கா⁴தி³ஸேஸஸ்ஸ.

த⁴ம்மகம்மே வேமதிகோ ந படினிஸ்ஸஜ்ஜதி, ஆபத்தி ஸங்கா⁴தி³ஸேஸஸ்ஸ.

த⁴ம்மகம்மே அத⁴ம்மகம்மஸஞ்ஞீ ந படினிஸ்ஸஜ்ஜதி, ஆபத்தி ஸங்கா⁴தி³ஸேஸஸ்ஸ.

அத⁴ம்மகம்மே த⁴ம்மகம்மஸஞ்ஞீ, ஆபத்தி து³க்கடஸ்ஸ.

அத⁴ம்மகம்மே வேமதிகோ, ஆபத்தி து³க்கடஸ்ஸ.

அத⁴ம்மகம்மே அத⁴ம்மகம்மஸஞ்ஞீ, ஆபத்தி து³க்கடஸ்ஸ.

430. அனாபத்தி அஸமனுபா⁴ஸந்தஸ்ஸ, படினிஸ்ஸஜ்ஜந்தஸ்ஸ, உம்மத்தகஸ்ஸ, ஆதி³கம்மிகஸ்ஸாதி.

து³ப்³ப³சஸிக்கா²பத³ங் நிட்டி²தங் த்³வாத³ஸமங்.

13. குலதூ³ஸகஸிக்கா²பத³ங்

431. [இத³ங் வத்து² சூளவ॰ 21] தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன அஸ்ஸஜிபுனப்³ப³ஸுகா நாம [நாம பி⁴க்கூ² (க॰)] கீடாகி³ரிஸ்மிங் ஆவாஸிகா ஹொந்தி அலஜ்ஜினோ பாபபி⁴க்கூ². தே [சூளவ॰ 293] ஏவரூபங் அனாசாரங் ஆசரந்தி – மாலாவச்ச²ங் ரோபெந்திபி ரோபாபெந்திபி, ஸிஞ்சந்திபி
ஸிஞ்சாபெந்திபி, ஓசினந்திபி ஓசினாபெந்திபி, க³ந்தெ²ந்திபி
க³ந்தா²பெந்திபி, ஏகதோவண்டிகமாலங் கரொந்திபி காராபெந்திபி,
உப⁴தோவண்டிகமாலங் கரொந்திபி காராபெந்திபி, மஞ்ஜரிகங் கரொந்திபி
காராபெந்திபி, விதூ⁴திகங் கரொந்திபி காராபெந்திபி, வடங்ஸகங் கரொந்திபி
காராபெந்திபி, ஆவேளங் கரொந்திபி காராபெந்திபி, உரச்ச²த³ங் கரொந்திபி
காராபெந்திபி. தே குலித்தீ²னங் குலதீ⁴தானங் குலகுமாரீனங் குலஸுண்ஹானங்
குலதா³ஸீனங் ஏகதோவண்டிகமாலங் ஹரந்திபி ஹராபெந்திபி, உப⁴தோவண்டிகமாலங்
ஹரந்திபி ஹராபெந்திபி, மஞ்ஜரிகங் ஹரந்திபி ஹராபெந்திபி, விதூ⁴திகங்
ஹரந்திபி ஹராபெந்திபி, வடங்ஸகங் ஹரந்திபி ஹராபெந்திபி, ஆவேளங் ஹரந்திபி
ஹராபெந்திபி, உரச்ச²த³ங் ஹரந்திபி ஹராபெந்திபி. தே குலித்தீ²ஹி குலதீ⁴தாஹி
குலகுமாரீஹி குலஸுண்ஹாஹி குலதா³ஸீஹி ஸத்³தி⁴ங் ஏகபா⁴ஜனேபி பு⁴ஞ்ஜந்தி,
ஏகதா²லகேபி பிவந்தி, ஏகாஸனேபி நிஸீத³ந்தி, ஏகமஞ்சேபி துவட்டெந்தி,
ஏகத்த²ரணாபி துவட்டெந்தி, ஏகபாவுரணாபி துவட்டெந்தி, ஏகத்த²ரணபாவுரணாபி
துவட்டெந்தி, விகாலேபி பு⁴ஞ்ஜந்தி, மஜ்ஜம்பி பிவந்தி, மாலாக³ந்த⁴விலேபனம்பி
தா⁴ரெந்தி, நச்சந்திபி கா³யந்திபி வாதெ³ந்திபி
லாஸெந்திபி, நச்சந்தியாபி நச்சந்தி, நச்சந்தியாபி கா³யந்தி, நச்சந்தியாபி
வாதெ³ந்தி, நச்சந்தியாபி லாஸெந்தி, கா³யந்தியாபி நச்சந்தி, கா³யந்தியாபி
கா³யந்தி, கா³யந்தியாபி வாதெ³ந்தி, கா³யந்தியாபி லாஸெந்தி, வாதெ³ந்தியாபி
நச்சந்தி, வாதெ³ந்தியாபி கா³யந்தி, வாதெ³ந்தியாபி வாதெ³ந்தி, வாதெ³ந்தியாபி
லாஸெந்தி, லாஸெந்தியாபி நச்சந்தி, லாஸெந்தியாபி கா³யந்தி, லாஸெந்தியாபி
வாதெ³ந்தி, லாஸெந்தியாபி லாஸெந்தி. அட்ட²பதே³பி
கீளந்தி, த³ஸபதே³பி கீளந்தி, ஆகாஸேபி கீளந்தி, பரிஹாரபதே²பி கீளந்தி,
ஸந்திகாயபி கீளந்தி, க²லிகாயபி கீளந்தி, க⁴டிகாயபி
கீளந்தி, ஸலாகஹத்தே²னபி கீளந்தி, அக்கே²னபி கீளந்தி, பங்க³சீரேனபி கீளந்தி,
வங்ககேனபி கீளந்தி, மொக்க²சிகாயபி கீளந்தி, சிங்கு³லகேனபி கீளந்தி,
பத்தாள்ஹகேனபி கீளந்தி, ரத²கேனபி கீளந்தி, த⁴னுகேனபி கீளந்தி, அக்க²ரிகாயபி
கீளந்தி, மனேஸிகாயபி கீளந்தி, யதா²வஜ்ஜேனபி கீளந்தி. ஹத்தி²ஸ்மிம்பி
ஸிக்க²ந்தி, அஸ்ஸஸ்மிம்பி ஸிக்க²ந்தி, ரத²ஸ்மிம்பி ஸிக்க²ந்தி,
த⁴னுஸ்மிம்பி ஸிக்க²ந்தி, த²ருஸ்மிம்பி ஸிக்க²ந்தி, ஹத்தி²ஸ்ஸபி புரதோ
தா⁴வந்தி, அஸ்ஸஸ்ஸபி புரதோ தா⁴வந்தி, ரத²ஸ்ஸபி புரதோ [புரதோ தா⁴வந்தி (ஸ்யா॰)]
தா⁴வந்திபி ஆதா⁴வந்திபி, உஸ்ஸேளெந்திபி, அப்போ²டெந்திபி,
நிப்³பு³ஜ்ஜ²ந்திபி, முட்டீ²ஹிபி யுஜ்ஜ²ந்தி, ரங்க³மஜ்ஜே²பி ஸங்கா⁴டிங்
பத்த²ரித்வா நச்சகிங் [நச்சந்திங் (ஸீ॰ ஸ்யா॰)] ஏவங் வத³ந்தி – இத⁴, ப⁴கி³னி, நச்சஸ்ஸூதி, நலாடிகம்பி தெ³ந்தி, விவித⁴ம்பி அனாசாரங் ஆசரந்தி.

432. தேன கோ² பன ஸமயேன அஞ்ஞதரோ பி⁴க்கு² காஸீஸு வஸ்ஸங்வுட்டோ² ஸாவத்தி²ங் க³ச்ச²ந்தோ ப⁴க³வந்தங் த³ஸ்ஸனாய, யேன கீடாகி³ரி
தத³வஸரி. அத² கோ² ஸோ பி⁴க்கு² புப்³ப³ண்ஹஸமயங் நிவாஸெத்வா பத்தசீவரமாதா³ய
கீடாகி³ரிங் பிண்டா³ய பாவிஸி பாஸாதி³கேன அபி⁴க்கந்தேன படிக்கந்தேன ஆலோகிதேன
விலோகிதேன ஸமிஞ்ஜிதேன பஸாரிதேன ஒக்கி²த்தசக்கு² இரியாபத²ஸம்பன்னோ. மனுஸ்ஸா
தங் பி⁴க்கு²ங் பஸ்ஸித்வா ஏவமாஹங்ஸு – ‘‘க்வாயங் அப³லப³லோ விய மந்த³மந்தோ³
விய பா⁴குடிகபா⁴குடிகோ விய? கோ இமஸ்ஸ உபக³தஸ்ஸ பிண்ட³கங் த³ஸ்ஸதி?
அம்ஹாகங் பன அய்யா அஸ்ஸஜிபுனப்³ப³ஸுகா ஸண்ஹா ஸகி²லா ஸுக²ஸம்பா⁴ஸா
மிஹிதபுப்³ப³ங்க³மா ஏஹிஸ்வாக³தவாதி³னோ அப்³பா⁴குடிகா உத்தானமுகா²
புப்³ப³பா⁴ஸினோ. தேஸங் கோ² நாம பிண்டோ³ தா³தப்³போ³’’தி.

அத்³த³ஸா கோ² அஞ்ஞதரோ உபாஸகோ தங் பி⁴க்கு²ங்
கீடாகி³ரிஸ்மிங் பிண்டா³ய சரந்தங். தி³ஸ்வான யேன ஸோ பி⁴க்கு² தேனுபஸங்கமி;
உபஸங்கமித்வா தங் பி⁴க்கு²ங் அபி⁴வாதெ³த்வா ஏதத³வோச – ‘‘அபி, ப⁴ந்தே,
பிண்டோ³ லப்³ப⁴தீ’’தி? ‘‘ந கோ², ஆவுஸோ, பிண்டோ³ லப்³ப⁴தீ’’தி. ‘‘ஏஹி,
ப⁴ந்தே, க⁴ரங் க³மிஸ்ஸாமா’’தி. அத² கோ² ஸோ உபாஸகோ தங் பி⁴க்கு²ங் க⁴ரங்
நெத்வா போ⁴ஜெத்வா ஏதத³வோச – ‘‘கஹங், ப⁴ந்தே, அய்யோ க³மிஸ்ஸதீ’’தி?
‘‘ஸாவத்தி²ங் கோ² அஹங், ஆவுஸோ, க³மிஸ்ஸாமி ப⁴க³வந்தங் த³ஸ்ஸனாயா’’தி. ‘‘தேன
ஹி, ப⁴ந்தே, மம வசனேன ப⁴க³வதோ பாதே³ ஸிரஸா வந்த³,
ஏவஞ்ச வதே³ஹி – ‘து³ட்டோ², ப⁴ந்தே, கீடாகி³ரிஸ்மிங் ஆவாஸோ.
அஸ்ஸஜிபுனப்³ப³ஸுகா நாம கீடாகி³ரிஸ்மிங் ஆவாஸிகா அலஜ்ஜினோ பாபபி⁴க்கூ². தே
ஏவரூபங் அனாசாரங் ஆசரந்தி – மாலாவச்ச²ங் ரோபெந்திபி ரோபாபெந்திபி,
ஸிஞ்சந்திபி ஸிஞ்சாபெந்திபி…பே॰… விவித⁴ம்பி அனாசாரங் ஆசரந்தி. யேபி
தே, ப⁴ந்தே, மனுஸ்ஸா புப்³பே³ ஸத்³தா⁴ அஹேஸுங் பஸன்னா தேபி ஏதரஹி
அஸ்ஸத்³தா⁴ அப்பஸன்னா. யானிபி தானி ஸங்க⁴ஸ்ஸ புப்³பே³ தா³னபதா²னி தானிபி
ஏதரஹி உபச்சி²ன்னானி. ரிஞ்சந்தி பேஸலா பி⁴க்கூ², நிவஸந்தி பாபபி⁴க்கூ².
ஸாது⁴, ப⁴ந்தே, ப⁴க³வா கீடாகி³ரிங் பி⁴க்கூ² பஹிணெய்ய யதா²யங்
கீடாகி³ரிஸ்மிங் ஆவாஸோ ஸண்ட²ஹெய்யா’’’தி.

ஏவமாவுஸோதி கோ² ஸோ பி⁴க்கு² தஸ்ஸ உபாஸகஸ்ஸ படிஸ்ஸுத்வா
யேன ஸாவத்தி² தேன பக்காமி. அனுபுப்³பே³ன யேன ஸாவத்தி² ஜேதவனங்
அனாத²பிண்டி³கஸ்ஸ ஆராமோ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஆசிண்ணங் கோ² பனேதங் பு³த்³தா⁴னங்
ப⁴க³வந்தானங் ஆக³ந்துகேஹி பி⁴க்கூ²ஹி ஸத்³தி⁴ங் படிஸம்மோதி³துங். அத² கோ²
ப⁴க³வா தங் பி⁴க்கு²ங் ஏதத³வோச – ‘‘கச்சி, பி⁴க்கு², க²மனீயங் கச்சி
யாபனீயங், கச்சிஸி அப்பகிலமதே²ன அத்³தா⁴னங் ஆக³தோ, குதோ ச த்வங் பி⁴க்கு²
ஆக³ச்ச²ஸீ’’தி? ‘‘க²மனீயங், ப⁴க³வா, யாபனீயங், ப⁴க³வா. அப்பகிலமதே²ன சாஹங்,
ப⁴ந்தே, அத்³தா⁴னங் ஆக³தோ. இதா⁴ஹங், ப⁴ந்தே,
காஸீஸு வஸ்ஸங்வுட்டோ² ஸாவத்தி²ங் ஆக³ச்ச²ந்தோ ப⁴க³வந்தங் த³ஸ்ஸனாய யேன
கீடாகி³ரி தத³வஸரிங். அத² க்²வாஹங், ப⁴ந்தே, புப்³ப³ண்ஹஸமயங் நிவாஸெத்வா
பத்தசீவரமாதா³ய கீடாகி³ரிங் பிண்டா³ய பாவிஸிங். அத்³த³ஸா கோ² மங், ப⁴ந்தே,
அஞ்ஞதரோ உபாஸகோ கீடாகி³ரிஸ்மிங் பிண்டா³ய சரந்தங்.
தி³ஸ்வான யேனாஹங் தேனுபஸங்கமி; உபஸங்கமித்வா மங் அபி⁴வாதெ³த்வா ஏதத³வோச –
‘அபி, ப⁴ந்தே, பிண்டோ³ லப்³ப⁴தீ’தி? ‘ந கோ², ஆவுஸோ, பிண்டோ³ லப்³ப⁴தீ’தி.
‘ஏஹி, ப⁴ந்தே, க⁴ரங் க³மிஸ்ஸாமா’தி. அத² கோ², ப⁴ந்தே, ஸோ உபாஸகோ மங் க⁴ரங்
நெத்வா போ⁴ஜெத்வா ஏதத³வோச – ‘கஹங், ப⁴ந்தே, அய்யோ க³மிஸ்ஸஸீ’தி?
‘ஸாவத்தி²ங் கோ² அஹங், ஆவுஸோ, க³மிஸ்ஸாமி ப⁴க³வந்தங் த³ஸ்ஸனாயா’தி. தேன ஹி,
ப⁴ந்தே, மம வசனேன ப⁴க³வதோ பாதே³ ஸிரஸா வந்த³, ஏவஞ்ச வதே³ஹி – ‘து³ட்டோ²,
ப⁴ந்தே, கீடாகி³ரிஸ்மிங் ஆவாஸோ, அஸ்ஸஜிபுனப்³ப³ஸுகா நாம கீடாகி³ரிஸ்மிங்
ஆவாஸிகா அலஜ்ஜினோ பாபபி⁴க்கூ². தே ஏவரூபங் அனாசாரங் ஆசரந்தி – மாலாவச்ச²ங்
ரோபெந்திபி ரோபாபெந்திபி, ஸிஞ்சந்திபி ஸிஞ்சாபெந்திபி…பே॰… விவித⁴ம்பி
அனாசாரங் ஆசரந்தி. யேபி தே, ப⁴ந்தே, மனுஸ்ஸா புப்³பே³ ஸத்³தா⁴ அஹேஸுங்
பஸன்னா தேபி ஏதரஹி அஸ்ஸத்³தா⁴ அப்பஸன்னா, யானிபி தானி ஸங்க⁴ஸ்ஸ புப்³பே³
தா³னபதா²னி தானிபி ஏதரஹி உபச்சி²ன்னானி, ரிஞ்சந்தி பேஸலா பி⁴க்கூ² நிவஸந்தி
பாபபி⁴க்கூ². ஸாது⁴, ப⁴ந்தே, ப⁴க³வா கீடாகி³ரிங் பி⁴க்கூ² பஹிணெய்ய
யதா²யங் கீடாகி³ரிஸ்மிங் ஆவாஸோ ஸண்ட²ஹெய்யா’தி. ததோ அஹங், ப⁴க³வா,
ஆக³ச்சா²மீ’’தி.

433. அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங் ஸன்னிபாதாபெத்வா பி⁴க்கூ²
படிபுச்சி² – ‘‘ஸச்சங் கிர, பி⁴க்க²வே, அஸ்ஸஜிபுனப்³ப³ஸுகா நாம
கீடாகி³ரிஸ்மிங் ஆவாஸிகா அலஜ்ஜினோ பாபபி⁴க்கூ² தே ஏவரூபங் அனாசாரங் ஆசரந்தி
– மாலாவச்ச²ங் ரோபெந்திபி ரோபாபெந்திபி, ஸிஞ்சந்திபி ஸிஞ்சாபெந்திபி
…பே॰… விவித⁴ம்பி அனாசாரங் ஆசரந்தி, யேபி தே, பி⁴க்க²வே, மனுஸ்ஸா புப்³பே³
ஸத்³தா⁴ அஹேஸுங் பஸன்னா தேபி ஏதரஹி அஸ்ஸத்³தா⁴ அப்பஸன்னா; யானிபி தானி
ஸங்க⁴ஸ்ஸ புப்³பே³ தா³னபதா²னி தானிபி ஏதரஹி உபச்சி²ன்னானி; ரிஞ்சந்தி பேஸலா
பி⁴க்கூ² நிவஸந்தி பாபபி⁴க்கூ²’’தி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… ‘‘கத²ஞ்ஹி நாம தே, பி⁴க்க²வே, மோக⁴புரிஸா ஏவரூபங்
அனாசாரங் ஆசரிஸ்ஸந்தி – மாலாவச்ச²ங் ரோபெஸ்ஸந்திபி ரோபாபெஸ்ஸந்திபி,
ஸஞ்சிஸ்ஸந்திபி ஸிஞ்சாபெஸ்ஸந்திபி, ஓசினிஸ்ஸந்திபி ஓசினாபெஸ்ஸந்திபி,
க³ந்தி²ஸ்ஸந்திபி க³ந்தா²பெஸ்ஸந்திபி, ஏகதோவண்டிகமாலங் கரிஸ்ஸந்திபி
காராபெஸ்ஸந்திபி, உப⁴தோவண்டிகமாலங் கரிஸ்ஸந்திபி காராபெஸ்ஸந்திபி,
மஞ்ஜரிகங் கரிஸ்ஸந்திபி காராபெஸ்ஸந்திபி, விதூ⁴திகங் கரிஸ்ஸந்திபி
காராபெஸ்ஸந்திபி, வடங்ஸகங் கரிஸ்ஸந்திபி காராபெஸ்ஸந்திபி, ஆவேளங்
கரிஸ்ஸந்திபி காராபெஸ்ஸந்திபி, உரச்ச²த³ங் கரிஸ்ஸந்திபி காராபெஸ்ஸந்திபி.
தே குலித்தீ²னங் குலதீ⁴தானங் குலகுமாரீனங் குலஸுண்ஹானங் குலதா³ஸீனங்
ஏகதோவண்டிகமாலங் ஹரிஸ்ஸந்திபி ஹாராபெஸ்ஸந்திபி, உப⁴தோவண்டிகமாலங்
ஹரிஸ்ஸந்திபி ஹாராபெஸ்ஸந்திபி, மஞ்ஜரிகங் ஹரிஸ்ஸந்திபி ஹாராபெஸ்ஸந்திபி ,
விதூ⁴திகங் ஹரிஸ்ஸந்திபி ஹாராபெஸ்ஸந்திபி, வடங்ஸகங் ஹரிஸ்ஸந்திபி
ஹாராபெஸ்ஸந்திபி, ஆவேளங் ஹரிஸ்ஸந்திபி ஹாராபெஸ்ஸந்திபி, உரச்ச²த³ங்
ஹரிஸ்ஸந்திபி ஹாராபெஸ்ஸந்திபி. தே குலித்தீ²ஹி குலதீ⁴தாஹி குலகுமாரீஹி
குலஸுண்ஹாஹி குலதா³ஸீஹி ஸத்³தி⁴ங் ஏகபா⁴ஜனேபி பு⁴ஞ்ஜிஸ்ஸந்தி, ஏகதா²லகேபி
பிவிஸ்ஸந்தி, ஏகாஸனேபி நிஸீதி³ஸ்ஸந்தி, ஏகமஞ்சேபி துவட்டிஸ்ஸந்தி,
ஏகத்த²ரணாபி துவட்டிஸ்ஸந்தி, ஏகபாவுரணாபி துவட்டிஸ்ஸந்தி,
ஏகத்த²ரணபாவுரணாபி துவட்டிஸ்ஸந்தி, விகாலேபி பு⁴ஞ்ஜிஸ்ஸந்தி, மஜ்ஜம்பி
பிவிஸ்ஸந்தி, மாலாக³ந்த⁴விலேபனம்பி தா⁴ரிஸ்ஸந்தி, நச்சிஸ்ஸந்திபி
கா³யிஸ்ஸந்திபி வாதெ³ஸ்ஸந்திபி லாஸெஸ்ஸந்திபி,
நச்சந்தியாபி நச்சிஸ்ஸந்தி நச்சந்தியாபி கா³யிஸ்ஸந்தி நச்சந்தியாபி
வாதெ³ஸ்ஸந்தி நச்சந்தியாபி லாஸெஸ்ஸந்தி, கா³யந்தியாபி நச்சிஸ்ஸந்தி
கா³யந்தியாபி கா³யிஸ்ஸந்தி கா³யந்தியாபி வாதெ³ஸ்ஸந்தி கா³யந்தியாபி
லாஸெஸ்ஸந்தி, வாதெ³ந்தியாபி நச்சிஸ்ஸந்தி வாதெ³ந்தியாபி கா³யிஸ்ஸந்தி
வாதெ³ந்தியாபி வாதெ³ஸ்ஸந்தி வாதெ³ந்தியாபி லாஸெஸ்ஸந்தி, லாஸெந்தியாபி
நச்சிஸ்ஸந்தி லாஸெந்தியாபி கா³யிஸ்ஸந்தி லாஸெந்தியாபி வாதெ³ஸ்ஸந்தி
லாஸெந்தியாபி லாஸெஸ்ஸந்தி, அட்ட²பதே³பி கீளிஸ்ஸந்தி த³ஸபதே³பி கீளிஸ்ஸந்தி,
அகாஸேபி கீளிஸ்ஸந்தி, பரிஹாரபதே²பி கீளிஸ்ஸந்தி, ஸந்திகாயபி கீளிஸ்ஸந்தி,
க²லிகாயபி கீளிஸ்ஸந்தி, க⁴டிகாயபி கீளிஸ்ஸந்தி, ஸலாகஹத்தே²னபி கீளிஸ்ஸந்தி,
அக்கே²னபி கீளிஸ்ஸந்தி, பங்க³சீரேனபி கீளிஸ்ஸந்தி, வங்ககேனபி கீளிஸ்ஸந்தி,
மொக்க²சிகாயபி கீளிஸ்ஸந்தி, சிங்கு³லகேனபி
கீளிஸ்ஸந்தி, பத்தாள்ஹகேனபி கீளிஸ்ஸந்தி, ரத²கேனபி கீளிஸ்ஸந்தி, த⁴னுகேனபி
கீளிஸ்ஸந்தி, அக்க²ரிகாயபி கீளிஸ்ஸந்தி , மனேஸிகாயபி
கீளிஸ்ஸந்தி, யதா²வஜ்ஜேனபி கீளிஸ்ஸந்தி, ஹத்தி²ஸ்மிம்பி ஸிக்கி²ஸ்ஸந்தி,
அஸ்ஸஸ்மிம்பி ஸிக்கி²ஸ்ஸந்தி, ரத²ஸ்மிம்பி ஸிக்கி²ஸ்ஸந்தி, த⁴னுஸ்மிம்பி
ஸிக்கி²ஸ்ஸந்தி, த²ருஸ்மிம்பி ஸிக்கி²ஸ்ஸந்தி, ஹத்தி²ஸ்ஸபி புரதோ
தா⁴விஸ்ஸந்தி, அஸ்ஸஸ்ஸபி புரதோ தா⁴விஸ்ஸந்தி, ரத²ஸ்ஸபி புரதோ [புரதோ தா⁴விஸ்ஸந்தி (ஸ்யா॰)]
தா⁴விஸ்ஸந்திபி ஆதா⁴விஸ்ஸந்திபி, உஸ்ஸேளெஸ்ஸந்திபி, அப்போ²டெஸ்ஸந்திபி,
நிப்³பு³ஜ்ஜி²ஸ்ஸந்திபி, முட்டீ²ஹிபி யுஜ்ஜி²ஸ்ஸந்தி, ரங்க³மஜ்ஜே²பி
ஸங்கா⁴டிங் பத்த²ரித்வா நச்சகிங் ஏவங் வக்க²ந்தி ‘‘இத⁴ ப⁴கி³னி
நச்சஸ்ஸூ’’தி நலாடிகம்பி த³ஸ்ஸந்தி, விவித⁴ம்பி அனாசாரங் ஆசரிஸ்ஸந்தி!
நேதங், பி⁴க்க²வே, அப்பஸன்னானங் வா பஸாதா³ய…பே॰… விக³ரஹித்வா த⁴ம்மிங்
கத²ங் கத்வா ஸாரிபுத்தமொக்³க³ல்லானே ஆமந்தேஸி – ‘‘க³ச்ச²த² தும்ஹே,
ஸாரிபுத்தா, கீடாகி³ரிங் க³ந்த்வா அஸ்ஸஜிபுனப்³ப³ஸுகானங் பி⁴க்கூ²னங்
கீடாகி³ரிஸ்மா பப்³பா³ஜனீயகம்மங் கரோத². தும்ஹாகங் ஏதே
ஸத்³தி⁴விஹாரிகா’’தி.

‘‘கத²ங் மயங், ப⁴ந்தே, அஸ்ஸஜிபுனப்³ப³ஸுகானங் பி⁴க்கூ²னங்
கீடாகி³ரிஸ்மா பப்³பா³ஜனீயகம்மங் கரோம? சண்டா³ தே பி⁴க்கூ² ப²ருஸா’’தி.
‘‘தேன ஹி தும்ஹே, ஸாரிபுத்தா, ப³ஹுகேஹி பி⁴க்கூ²ஹி ஸத்³தி⁴ங்
க³ச்ச²தா²’’தி. ‘‘ஏவங், ப⁴ந்தே’’தி கோ² ஸாரிபுத்தமொக்³க³ல்லானா ப⁴க³வதோ
பச்சஸ்ஸோஸுங். ‘‘ஏவஞ்ச பன, பி⁴க்க²வே, காதப்³ப³ங். பட²மங்
அஸ்ஸஜிபுனப்³ப³ஸுகா பி⁴க்கூ² சோதே³தப்³பா³. சோதெ³த்வா ஸாரேதப்³பா³.
ஸாரெத்வா ஆபத்திங் ரோபேதப்³பா³ . ஆபத்திங் ரோபெத்வா ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

434. ‘‘ஸுணாது
மே, ப⁴ந்தே, ஸங்கோ⁴. இமே அஸ்ஸஜிபுனப்³ப³ஸுகா பி⁴க்கூ² குலதூ³ஸகா
பாபஸமாசாரா. இமேஸங் பாபகா ஸமாசாரா தி³ஸ்ஸந்தி சேவ ஸுய்யந்தி ச. குலானி ச
இமேஹி து³ட்டா²னி தி³ஸ்ஸந்தி சேவ ஸுய்யந்தி ச. யதி³ ஸங்க⁴ஸ்ஸ பத்தகல்லங்,
ஸங்கோ⁴ அஸ்ஸஜிபுனப்³ப³ஸுகானங் பி⁴க்கூ²னங் கீடாகி³ரிஸ்மா பப்³பா³ஜனீயகம்மங்
கரெய்ய – ‘ந அஸ்ஸஜிபுனப்³ப³ஸுகேஹி பி⁴க்கூ²ஹி கீடாகி³ரிஸ்மிங்
வத்த²ப்³ப³’ந்தி. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. இமே அஸ்ஸஜிபுனப்³ப³ஸுகா
பி⁴க்கூ² குலதூ³ஸகா பாபஸமாசாரா. இமேஸங் பாபகா ஸமாசாரா தி³ஸ்ஸந்தி சேவ
ஸுய்யந்தி ச. குலானி ச இமேஹி து³ட்டா²னி தி³ஸ்ஸந்தி சேவ ஸுய்யந்தி ச.
ஸங்கோ⁴ அஸ்ஸஜிபுனப்³ப³ஸுகானங் பி⁴க்கூ²னங் கீடாகி³ரிஸ்மா பப்³பா³ஜனீயகம்மங்
கரோதி – ‘ந அஸ்ஸஜிபுனப்³ப³ஸுகேஹி பி⁴க்கூ²ஹி கீடாகி³ரிஸ்மிங்
வத்த²ப்³ப³’ந்தி. யஸ்ஸாயஸ்மதோ க²மதி
அஸ்ஸஜிபுனப்³ப³ஸுகானங் பி⁴க்கூ²னங் கீடாகி³ரிஸ்மா பப்³பா³ஜனீயகம்மஸ்ஸ கரணங்
– ‘ந அஸ்ஸஜிபுனப்³ப³ஸுகேஹி பி⁴க்கூ²ஹி கீடாகி³ரிஸ்மிங் வத்த²ப்³ப³’ந்தி,
ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

‘‘து³தியம்பி ஏதமத்த²ங் வதா³மி…பே॰… ததியம்பி ஏதமத்த²ங் வதா³மி – ஸுணாது மே, ப⁴ந்தே, ஸங்கோ⁴…பே॰… ஸோ பா⁴ஸெய்ய.

‘‘கதங் ஸங்கே⁴ன அஸ்ஸஜிபுனப்³ப³ஸுகானங் பி⁴க்கூ²னங்
கீடாகி³ரிஸ்மா பப்³பா³ஜனீயகம்மங் – ‘ந அஸ்ஸஜிபுனப்³ப³ஸுகேஹி பி⁴க்கூ²ஹி
கீடாகி³ரிஸ்மிங் வத்த²ப்³ப³’ந்தி. க²மதி ஸங்க⁴ஸ்ஸ, தஸ்மா துண்ஹீ, ஏவமேதங்
தா⁴ரயாமீ’’தி.

435. அத²
கோ² ஸாரிபுத்தமொக்³க³ல்லானப்பமுகோ² பி⁴க்கு²ஸங்கோ⁴ கீடாகி³ரிங் க³ந்த்வா
அஸ்ஸஜிபுனப்³ப³ஸுகானங் பி⁴க்கூ²னங் கீடாகி³ரிஸ்மா பப்³பா³ஜனீயகம்மங் அகாஸி –
‘ந அஸ்ஸஜிபுனப்³ப³ஸுகேஹி பி⁴க்கூ²ஹி கீடாகி³ரிஸ்மிங் வத்த²ப்³ப³’ந்தி. தே
ஸங்கே⁴ன பப்³பா³ஜனீயகம்மகதா ந ஸம்மா வத்தந்தி, ந லோமங் பாதெந்தி, ந
நெத்தா²ரங் வத்தந்தி, ந பி⁴க்கூ² க²மாபெந்தி, அக்கோஸந்தி பரிபா⁴ஸந்தி
ச²ந்த³கா³மிதா தோ³ஸகா³மிதா மோஹகா³மிதா ப⁴யகா³மிதா பாபெந்தி, பக்கமந்திபி,
விப்³ப⁴மந்திபி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம அஸ்ஸஜிபுனப்³ப³ஸுகா பி⁴க்கூ² ஸங்கே⁴ன
பப்³பா³ஜனீயகம்மகதா ந ஸம்மா வத்திஸ்ஸந்தி, ந லோமங் பாதெஸ்ஸந்தி, ந
நெத்தா²ரங் வத்திஸ்ஸந்தி, ந பி⁴க்கூ² க²மாபெஸ்ஸந்தி ,
அக்கோஸிஸ்ஸந்தி பரிபா⁴ஸிஸ்ஸந்தி, ச²ந்த³கா³மிதா தோ³ஸகா³மிதா மோஹகா³மிதா
ப⁴யகா³மிதா பாபெஸ்ஸந்தி பக்கமிஸ்ஸந்திபி விப்³ப⁴மிஸ்ஸந்திபீ’’தி !
அத² கோ² தே பி⁴க்கூ² அஸ்ஸஜிபுனப்³ப³ஸுகே பி⁴க்கூ² அனேகபரியாயேன
விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர, பி⁴க்க²வே,
அஸ்ஸஜிபுனப்³ப³ஸுகா பி⁴க்கூ² ஸங்கே⁴ன பப்³பா³ஜனீயகம்மகதா ந ஸம்மா
வத்தந்தி…பே॰… விப்³ப⁴மந்திபீ’’தி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

436. ‘‘பி⁴க்கு²
பனேவ அஞ்ஞதரங் கா³மங் வா நிக³மங் வா உபனிஸ்ஸாய விஹரதி குலதூ³ஸகோ
பாபஸமாசாரோ. தஸ்ஸ கோ² பாபகா ஸமாசாரா தி³ஸ்ஸந்தி சேவ ஸுய்யந்தி ச, குலானி ச
தேன து³ட்டா²னி தி³ஸ்ஸந்தி சேவ ஸுய்யந்தி ச. ஸோ பி⁴க்கு² பி⁴க்கூ²ஹி ஏவமஸ்ஸ
வசனீயோ – ‘ஆயஸ்மா கோ² குலதூ³ஸகோ பாபஸமாசாரோ,
ஆயஸ்மதோ கோ² பாபகா ஸமாசாரா தி³ஸ்ஸந்தி சேவ ஸுய்யந்தி ச, குலானி சாயஸ்மதா
து³ட்டா²னி தி³ஸ்ஸந்தி சேவ ஸுய்யந்தி ச. பக்கமதாயஸ்மா இமம்ஹா ஆவாஸா. அலங்
தே இத⁴ வாஸேனா’தி. ஏவஞ்ச ஸோ பி⁴க்கு² பி⁴க்கூ²ஹி வுச்சமானோ தே பி⁴க்கூ²
ஏவங் வதெ³ய்ய – ‘ச²ந்த³கா³மினோ ச பி⁴க்கூ² தோ³ஸகா³மினோ ச பி⁴க்கூ²
மோஹகா³மினோ ச பி⁴க்கூ² ப⁴யகா³மினோ ச பி⁴க்கூ² தாதி³ஸிகாய ஆபத்தியா ஏகச்சங்
பப்³பா³ஜெந்தி ஏகச்சங் ந பப்³பா³ஜெந்தீ’தி, ஸோ பி⁴க்கு² பி⁴க்கூ²ஹி ஏவமஸ்ஸ
வசனீயோ – ‘மாயஸ்மா ஏவங் அவச. ந ச பி⁴க்கூ² ச²ந்த³கா³மினோ. ந ச பி⁴க்கூ²
தோ³ஸகா³மினோ. ந ச பி⁴க்கூ² மோஹகா³மினோ. ந ச பி⁴க்கூ² ப⁴யகா³மினோ. ஆயஸ்மா
கோ² குலதூ³ஸகோ பாபஸமாசாரோ. ஆயஸ்மதோ கோ² பாபகா ஸமாசாரா தி³ஸ்ஸந்தி சேவ
ஸுய்யந்தி ச. குலானி சாயஸ்மதா து³ட்டா²னி தி³ஸ்ஸந்தி சேவ ஸுய்யந்தி ச.
பக்கமதாயஸ்மா இமம்ஹா ஆவாஸா. அலங் தே இத⁴ வாஸேனா’தி. ஏவஞ்ச ஸோ பி⁴க்கு²
பி⁴க்கூ²ஹி வுச்சமானோ ததே²வ பக்³க³ண்ஹெய்ய, ஸோ பி⁴க்கு² பி⁴க்கூ²ஹி
யாவததியங் ஸமனுபா⁴ஸிதப்³போ³ தஸ்ஸ படினிஸ்ஸக்³கா³ய. யாவததியஞ்சே
ஸமனுபா⁴ஸீயமானோ தங் படினிஸ்ஸஜ்ஜெய்ய , இச்சேதங் குஸலங்; நோ சே படினிஸ்ஸஜ்ஜெய்ய, ஸங்கா⁴தி³ஸேஸோ’’தி.

437. பி⁴க்கு² பனேவ அஞ்ஞதரங் கா³மங் வா நிக³மங் வாதி கா³மோபி நிக³மோபி நக³ரம்பி கா³மோ சேவ நிக³மோ ச.

உபனிஸ்ஸாய விஹரதீதி தத்த² படிப³த்³தா⁴ ஹொந்தி சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா.

குலங் நாம சத்தாரி குலானி – க²த்தியகுலங், ப்³ராஹ்மணகுலங், வெஸ்ஸகுலங், ஸுத்³த³குலங்.

குலதூ³ஸகோதி குலானி தூ³ஸேதி புப்பே²ன வா ப²லேன வா சுண்ணேன வா மத்திகாய வா த³ந்தகட்டே²ன வா வேளுயா வா [வேளுனா வா (ஸ்யா॰)] வேஜ்ஜிகாய வா ஜங்க⁴பேஸனிகேன வா.

பாபஸமாசாரோதி மாலாவச்ச²ங் ரோபேதிபி ரோபாபேதிபி, ஸிஞ்சதிபி ஸிஞ்சாபேதிபி, ஓசினாதிபி ஓசினாபேதிபி, க³ந்தே²திபி க³ந்தா²பேதிபி.

தி³ஸ்ஸந்தி சேவ ஸுய்யந்தி சாதி யே ஸங்முகா² தே பஸ்ஸந்தி, யே திரொக்கா² தே ஸுணந்தி.

குலானி ச தேன து³ட்டா²னீதி புப்³பே³ ஸத்³தா⁴ ஹுத்வா தங் ஆக³ம்ம அஸ்ஸத்³தா⁴ ஹொந்தி, பஸன்னா ஹுத்வா அப்பஸன்னா ஹொந்தி.

ஸோ பி⁴க்கூ²தி யோ ஸோ குலதூ³ஸகோ பி⁴க்கு².

பி⁴க்கூ²ஹீதி அஞ்ஞேஹி
பி⁴க்கூ²ஹி. யே பஸ்ஸந்தி யே ஸுணந்தி. தேஹி வத்தப்³போ³ – ‘‘ஆயஸ்மா கோ²
குலதூ³ஸகோ பாபஸமாசாரோ. ஆயஸ்மதோ கோ² பாபகா ஸமாசாரா தி³ஸ்ஸந்தி சேவ ஸுய்யந்தி
ச. குலானி சாயஸ்மதா து³ட்டா²னி தி³ஸ்ஸந்தி சேவ ஸுய்யந்தி ச. பக்கமதாயஸ்மா இமம்ஹா ஆவாஸா. அலங் தே இத⁴ வாஸேனா’’தி.

ஏவஞ்ச ஸோ பி⁴க்கு² பி⁴க்கூ²ஹி வுச்சமானோ தே பி⁴க்கூ²
ஏவங் வதெ³ய்ய – ‘‘ச²ந்த³கா³மினோ ச பி⁴க்கூ², தோ³ஸகா³மினோ ச பி⁴க்கூ²,
மோஹகா³மினோ ச பி⁴க்கூ², ப⁴யகா³மினோ ச பி⁴க்கூ². தாதி³ஸிகாய ஆபத்தியா
ஏகச்சங் பப்³பா³ஜெந்தி ஏகச்சங் ந பப்³பா³ஜெந்தீ’’தி.

ஸோ பி⁴க்கூ²தி யோ ஸோ கம்மகதோ பி⁴க்கு².

பி⁴க்கூ²ஹீதி அஞ்ஞேஹி
பி⁴க்கூ²ஹி. யே பஸ்ஸந்தி யே ஸுணந்தி தேஹி வத்தப்³போ³ – ‘‘மாயஸ்மா ஏவங் அவச.
ந ச பி⁴க்கூ² ச²ந்த³கா³மினோ, ந ச பி⁴க்கூ² தோ³ஸகா³மினோ, ந ச பி⁴க்கூ²
மோஹகா³மினோ, ந ச பி⁴க்கூ² ப⁴யகா³மினோ. ஆயஸ்மா கோ²
குலதூ³ஸகோ பாபஸமாசாரோ. ஆயஸ்மதோ கோ² பாபகா ஸமாசாரா தி³ஸ்ஸந்தி சேவ ஸுய்யந்தி
ச. குலானி சாயஸ்மதா து³ட்டா²னி தி³ஸ்ஸந்தி சேவ ஸுய்யந்தி ச. பக்கமதாயஸ்மா
இமம்ஹா ஆவாஸா. அலங் தே இத⁴ வாஸேனா’’தி. து³தியம்பி வத்தப்³போ³. ததியம்பி
வத்தப்³போ³.

ஸசே படினிஸ்ஸஜ்ஜதி, இச்சேதங் குஸலங். நோ சே
படினிஸ்ஸஜ்ஜதி, ஆபத்தி து³க்கடஸ்ஸ. ஸுத்வா ந வத³ந்தி, ஆபத்தி து³க்கடஸ்ஸ.
ஸோ பி⁴க்கு² ஸங்க⁴மஜ்ஜ²ம்பி ஆகட்³டி⁴த்வா வத்தப்³போ³ – ‘‘மாயஸ்மா ஏவங் அவச.
ந ச பி⁴க்கூ² ச²ந்த³கா³மினோ, ந ச பி⁴க்கூ² தோ³ஸகா³மினோ, ந ச பி⁴க்கூ²
மோஹகா³மினோ, ந ச பி⁴க்கூ² ப⁴யகா³மினோ. ஆயஸ்மா கோ² குலதூ³ஸகோ பாபஸமாசாரோ.
ஆயஸ்மதோ கோ² பாபகா ஸமாசாரா தி³ஸ்ஸந்தி சேவ ஸுய்யந்தி ச. குலானி சாயஸ்மதா து³ட்டா²னி தி³ஸ்ஸந்தி சேவ ஸுய்யந்தி ச. பக்கமதாயஸ்மா
இமம்ஹா ஆவாஸா. அலங் தே இத⁴ வாஸேனா’’தி. து³தியம்பி வத்தப்³போ³. ததியம்பி
வத்தப்³போ³. ஸசே படினிஸ்ஸஜ்ஜதி, இச்சேதங் குஸலங். நோ சே படினிஸ்ஸஜ்ஜதி,
ஆபத்தி து³க்கடஸ்ஸ. ஸோ பி⁴க்கு² ஸமனுபா⁴ஸிதப்³போ³. ஏவஞ்ச பன, பி⁴க்க²வே,
ஸமனுபா⁴ஸிதப்³போ³. ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

438.
‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ பி⁴க்கு² ஸங்கே⁴ன
பப்³பா³ஜனீயகம்மகதோ பி⁴க்கூ² ச²ந்த³கா³மிதா தோ³ஸகா³மிதா மோஹகா³மிதா
ப⁴யகா³மிதா பாபேதி. ஸோ தங் வத்து²ங் ந படினிஸ்ஸஜ்ஜதி. யதி³ ஸங்க⁴ஸ்ஸ
பத்தகல்லங், ஸங்கோ⁴ இத்த²ன்னாமங் பி⁴க்கு²ங் ஸமனுபா⁴ஸெய்ய தஸ்ஸ வத்து²ஸ்ஸ
படினிஸ்ஸக்³கா³ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ
பி⁴க்கு² ஸங்கே⁴ன பப்³பா³ஜனீயகம்மகதோ பி⁴க்கூ² ச²ந்த³கா³மிதா தோ³ஸகா³மிதா
மோஹகா³மிதா ப⁴யகா³மிதா பாபேதி. ஸோ தங் வத்து²ங் ந படினிஸ்ஸஜ்ஜதி. ஸங்கோ⁴
இத்த²ன்னாமங் பி⁴க்கு²ங் ஸமனுபா⁴ஸதி தஸ்ஸ வத்து²ஸ்ஸ படினிஸ்ஸக்³கா³ய.
யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ ஸமனுபா⁴ஸனா தஸ்ஸ வத்து²ஸ்ஸ
படினிஸ்ஸக்³கா³ய, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

‘‘து³தியம்பி ஏதமத்த²ங் வதா³மி…பே॰… ததியம்பி ஏதமத்த²ங் வதா³மி…பே॰….

439. ஞத்தியா து³க்கடங், த்³வீஹி கம்மவாசாஹி து²ல்லச்சயா, கம்மவாசாபரியோஸானே ஆபத்தி ஸங்கா⁴தி³ஸேஸஸ்ஸ. ஸங்கா⁴தி³ஸேஸங் அஜ்ஜா²பஜ்ஜந்தஸ்ஸ ஞத்தியா து³க்கடங், த்³வீஹி கம்மவாசாஹி து²ல்லச்சயா படிப்பஸ்ஸம்ப⁴ந்தி.

ஸங்கா⁴தி³ஸேஸோதி ஸங்கோ⁴வ தஸ்ஸா ஆபத்தியா பரிவாஸங் தே³தி, மூலாய படிகஸ்ஸதி, மானத்தங் தே³தி, அப்³பே⁴தி; ந ஸம்ப³ஹுலா, ந ஏகபுக்³க³லோ . தேன வுச்சதி – ‘ஸங்கா⁴தி³ஸேஸோ’தி, தஸ்ஸேவ ஆபத்தினிகாயஸ்ஸ நாமகம்மங் அதி⁴வசனங். தேனபி வுச்சதி ஸங்கா⁴தி³ஸேஸோதி.

440. த⁴ம்மகம்மே த⁴ம்மகம்மஸஞ்ஞீ ந படினிஸ்ஸஜ்ஜதி, ஆபத்தி ஸங்கா⁴தி³ஸேஸஸ்ஸ.

த⁴ம்மகம்மே வேமதிகோ ந படினிஸ்ஸஜ்ஜதி, ஆபத்தி ஸங்கா⁴தி³ஸேஸஸ்ஸ.

த⁴ம்மகம்மே அத⁴ம்மகம்மஸஞ்ஞீ ந படினிஸ்ஸஜ்ஜதி, ஆபத்தி ஸங்கா⁴தி³ஸேஸஸ்ஸ.

அத⁴ம்மகம்மே த⁴ம்மகம்மஸஞ்ஞீ, ஆபத்தி து³க்கடஸ்ஸ.

அத⁴ம்மகம்மே வேமதிகோ, ஆபத்தி து³க்கடஸ்ஸ.

அத⁴ம்மகம்மே அத⁴ம்மகம்மஸஞ்ஞீ, ஆபத்தி து³க்கடஸ்ஸ.

441. அனாபத்தி அஸமனுபா⁴ஸந்தஸ்ஸ, படினிஸ்ஸஜ்ஜந்தஸ்ஸ, உம்மத்தகஸ்ஸ, ஆதி³கம்மிகஸ்ஸாதி.

குலதூ³ஸகஸிக்கா²பத³ங் நிட்டி²தங் தேரஸமங்.

442.
உத்³தி³ட்டா² கோ², ஆயஸ்மந்தோ, தேரஸ ஸங்கா⁴தி³ஸேஸா த⁴ம்மா, நவ
பட²மாபத்திகா, சத்தாரோ யாவததியகா. யேஸங் பி⁴க்கு² அஞ்ஞதரங் வா அஞ்ஞதரங் வா
ஆபஜ்ஜித்வா யாவதீஹங் ஜானங் படிச்சா²தே³தி தாவதீஹங் தேன பி⁴க்கு²னா
அகாமா பரிவத்த²ப்³ப³ங். பரிவுத்த²பரிவாஸேன பி⁴க்கு²னா உத்தரி சா²ரத்தங்
பி⁴க்கு²மானத்தாய படிபஜ்ஜிதப்³ப³ங். சிண்ணமானத்தோ பி⁴க்கு² யத்த² ஸியா
வீஸதிக³ணோ பி⁴க்கு²ஸங்கோ⁴ தத்த² ஸோ பி⁴க்கு² அப்³பே⁴தப்³போ³. ஏகேனபி சே ஊனோ
வீஸதிக³ணோ பி⁴க்கு²ஸங்கோ⁴ தங் பி⁴க்கு²ங் அப்³பெ⁴ய்ய, ஸோ ச பி⁴க்கு²
அனப்³பி⁴தோ, தே ச பி⁴க்கூ² கா³ரய்ஹா, அயங் தத்த² ஸாமீசி. தத்தா²யஸ்மந்தே
புச்சா²மி – ‘கச்சித்த² பரிஸுத்³தா⁴’? து³தியம்பி புச்சா²மி – ‘கச்சித்த²
பரிஸுத்³தா⁴’? ததியம்பி புச்சா²மி – ‘கச்சித்த² பரிஸுத்³தா⁴’?
பரிஸுத்³தெ⁴த்தா²யஸ்மந்தோ. தஸ்மா துண்ஹீ, ஏவமேதங் தா⁴ரயாமீதி.

தேரஸகங் நிட்டி²தங்.

தஸ்ஸுத்³தா³னங் –

விஸ்ஸட்டி² காயஸங்ஸக்³க³ங், து³ட்டு²ல்லங் அத்தகாமஞ்ச;

ஸஞ்சரித்தங் குடீ சேவ, விஹாரோ ச அமூலகங்.

கிஞ்சிலேஸஞ்ச பே⁴தோ³ ச, தஸ்ஸேவ அனுவத்தகா;

து³ப்³ப³சங் குலதூ³ஸஞ்ச, ஸங்கா⁴தி³ஸேஸா தேரஸாதி.

ஸங்கா⁴தி³ஸேஸகண்ட³ங் நிட்டி²தங்.

வினயபிடகே

பாராஜிகபாளி

வேரஞ்ஜகண்டங்

3. அனியதகண்டங்

1. படமஅனியதஸிக்காபதங்

இமே கோ பனாயஸ்மந்தோ த்வே அனியதா தம்மா

உத்தேஸங் ஆகச்ச²ந்தி.

443. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா உதா³யீ ஸாவத்தி²யங் குலூபகோ ஹோதி, ப³ஹுகானி
குலானி உபஸங்கமதி. தேன கோ² பன ஸமயேன ஆயஸ்மதோ உதா³யிஸ்ஸ உபட்டா²ககுலஸ்ஸ
குமாரிகா அஞ்ஞதரஸ்ஸ குலஸ்ஸ குமாரகஸ்ஸ தி³ன்னா ஹோதி. அத² கோ² ஆயஸ்மா உதா³யீ
புப்³ப³ண்ஹஸமயங் நிவாஸெத்வா பத்தசீவரமாதா³ய யேன தங் குலங் தேனுபஸங்கமி;
உபஸங்கமித்வா மனுஸ்ஸே புச்சி² – ‘‘கஹங் இத்த²ன்னாமா’’தி? தே ஏவமாஹங்ஸு –
‘‘தி³ன்னா, ப⁴ந்தே, அமுகஸ்ஸ குலஸ்ஸ குமாரகஸ்ஸா’’தி. தம்பி கோ² குலங்
ஆயஸ்மதோ உதா³யிஸ்ஸ உபட்டா²கங் ஹோதி. அத² கோ² ஆயஸ்மா உதா³யீ யேன தங் குலங்
தேனுபஸங்கமி; உபஸங்கமித்வா மனுஸ்ஸே புச்சி² – ‘‘கஹங் இத்த²ன்னாமா’’தி? தே
ஏவமாஹங்ஸு – ‘‘ஏஸாய்ய, ஓவரகே நிஸின்னா’’தி. அத² கோ² ஆயஸ்மா உதா³யீ யேன ஸா
குமாரிகா தேனுபஸங்கமி; உபஸங்கமித்வா தஸ்ஸா குமாரிகாய ஸத்³தி⁴ங் ஏகோ ஏகாய
ரஹோ படிச்ச²ன்னே ஆஸனே அலங்கம்மனியே நிஸஜ்ஜங் கப்பேஸி காலயுத்தங்
ஸமுல்லபந்தோ காலயுத்தங் த⁴ம்மங் ப⁴ணந்தோ.

தேன கோ² பன ஸமயேன விஸாகா² மிகா³ரமாதா ப³ஹுபுத்தா ஹோதி ப³ஹுனத்தா அரோக³புத்தா அரோக³னத்தா அபி⁴மங்க³லஸம்மதா. மனுஸ்ஸா யஞ்ஞேஸு ச²ணேஸு உஸ்ஸவேஸு விஸாக²ங் மிகா³ரமாதரங் பட²மங்
போ⁴ஜெந்தி. அத² கோ² விஸாகா² மிகா³ரமாதா நிமந்திதா தங் குலங் அக³மாஸி.
அத்³த³ஸா கோ² விஸாகா² மிகா³ரமாதா ஆயஸ்மந்தங் உதா³யிங் தஸ்ஸா குமாரிகாய
ஸத்³தி⁴ங் ஏகங் ஏகாய ரஹோ படிச்ச²ன்னே ஆஸனே அலங்கம்மனியே நிஸின்னங்.
தி³ஸ்வான ஆயஸ்மந்தங் உதா³யிங் ஏதத³வோச – ‘‘இத³ங், ப⁴ந்தே, நச்ச²ன்னங்
நப்பதிரூபங் யங் அய்யோ மாதுகா³மேன ஸத்³தி⁴ங் ஏகோ ஏகாய ரஹோ படிச்ச²ன்னே ஆஸனே
அலங்கம்மனியே நிஸஜ்ஜங்
கப்பேதி. கிஞ்சாபி, ப⁴ந்தே, அய்யோ அனத்தி²கோ தேன த⁴ம்மேன, அபிச
து³ஸ்ஸத்³தா⁴பயா அப்பஸன்னா மனுஸ்ஸா’’தி. ஏவம்பி கோ² ஆயஸ்மா உதா³யீ விஸாகா²ய
மிகா³ரமாதுயா வுச்சமானோ நாதி³யி. அத² கோ² விஸாகா² மிகா³ரமாதா நிக்க²மித்வா
பி⁴க்கூ²னங் ஏதமத்த²ங் ஆரோசேஸி. யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா உதா³யீ
மாதுகா³மேன ஸத்³தி⁴ங் ஏகோ ஏகாய ரஹோ படிச்ச²ன்னே ஆஸனே அலங்கம்மனியே நிஸஜ்ஜங்
கப்பெஸ்ஸதீ’’தி! அத² கோ² தே பி⁴க்கூ² ஆயஸ்மந்தங் உதா³யிங் அனேகபரியாயேன
விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர த்வங், உதா³யி,
மாதுகா³மேன ஸத்³தி⁴ங் ஏகோ ஏகாய ரஹோ படிச்ச²ன்னே ஆஸனே அலங்கம்மனியே
நிஸஜ்ஜங் கப்பேஸீ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம த்வங், மோக⁴புரிஸ, மாதுகா³மேன ஸத்³தி⁴ங் ஏகோ ஏகாய
ரஹோ படிச்ச²ன்னே ஆஸனே அலங்கம்மனியே நிஸஜ்ஜங் கப்பெஸ்ஸஸி! நேதங், மோக⁴புரிஸ,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே , இமங் ஸிக்கா²பத³ங் உத்³தி³ஸெய்யாத² –

444. ‘‘யோ
பன பி⁴க்கு² மாதுகா³மேன ஸத்³தி⁴ங் ஏகோ ஏகாய ரஹோ படிச்ச²ன்னே ஆஸனே
அலங்கம்மனியே நிஸஜ்ஜங் கப்பெய்ய, தமேனங் ஸத்³தெ⁴ய்யவசஸா உபாஸிகா தி³ஸ்வா
திண்ணங் த⁴ம்மானங் அஞ்ஞதரேன வதெ³ய்ய – பாராஜிகேன வா ஸங்கா⁴தி³ஸேஸேன வா
பாசித்தியேன வா, நிஸஜ்ஜங் பி⁴க்கு² படிஜானமானோ திண்ணங் த⁴ம்மானங் அஞ்ஞதரேன
காரேதப்³போ³ – பாராஜிகேன வா ஸங்கா⁴தி³ஸேஸேன வா பாசித்தியேன வா யேன வா ஸா
ஸத்³தெ⁴ய்யவசஸா உபாஸிகா வதெ³ய்ய, தேன ஸோ பி⁴க்கு² காரேதப்³போ³. அயங் த⁴ம்மோ
அனியதோ’’தி.

445. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

மாதுகா³மோ நாம மனுஸ்ஸித்தீ², ந யக்கீ² ந பேதீ ந திரச்சா²னக³தா. அந்தமஸோ தத³ஹுஜாதாபி தா³ரிகா, பகே³வ மஹத்தரீ.

ஸத்³தி⁴ந்தி ஏகதோ.

ஏகோ ஏகாயாதி பி⁴க்கு² சேவ ஹோதி மாதுகா³மோ ச.

ரஹோ நாம சக்கு²ஸ்ஸ ரஹோ, ஸோதஸ்ஸ ரஹோ. சக்கு²ஸ்ஸ ரஹோநாம ந ஸக்கா ஹோதி அக்கி²ங் வா நிக²ணீயமானே ப⁴முகங் வா உக்கி²பீயமானே ஸீஸங் வா உக்கி²பீயமானே பஸ்ஸிதுங். ஸோதஸ்ஸ ரஹோநாம ந ஸக்கா ஹோதி பகதிகதா² ஸோதுங்.

படிச்ச²ன்னங் நாம ஆஸனங் குட்டேன வா [குட்³டே³ன வா (ஸீ॰ ஸ்யா॰)] கவாடேன வா கிலஞ்ஜேன வா ஸாணிபாகாரேன வா ருக்கே²ன வா த²ம்பே⁴ன வா கொத்த²ளியா வா யேன கேனசி படிச்ச²ன்னங் ஹோதி.

அலங்கம்மனியேதி ஸக்கா ஹோதி மேது²னங் த⁴ம்மங் படிஸேவிதுங்.

நிஸஜ்ஜங் கப்பெய்யாதி
மாதுகா³மே நிஸின்னே பி⁴க்கு² உபனிஸின்னோ வா ஹோதி உபனிபன்னோ வா. பி⁴க்கு²
நிஸின்னே மாதுகா³மோ உபனிஸின்னோ வா ஹோதி உபனிபன்னோ வா. உபோ⁴ வா நிஸின்னா
ஹொந்தி உபோ⁴ வா நிபன்னா.

ஸத்³தெ⁴ய்யவசஸா நாம ஆக³தப²லா அபி⁴ஸமேதாவினீ விஞ்ஞாதஸாஸனா.

உபாஸிகா நாம பு³த்³த⁴ங் ஸரணங் க³தா, த⁴ம்மங் ஸரணங் க³தா, ஸங்க⁴ங் ஸரணங் க³தா.

தி³ஸ்வாதி பஸ்ஸித்வா.

திண்ணங் த⁴ம்மானங் அஞ்ஞதரேன வதெ³ய்ய – பாராஜிகேன வா
ஸங்கா⁴தி³ஸேஸேன வா பாசித்தியேன வா. நிஸஜ்ஜங் பி⁴க்கு² படிஜானமானோ திண்ணங்
த⁴ம்மானங் அஞ்ஞதரேன காரேதப்³போ³ – பாராஜிகேன வா ஸங்கா⁴தி³ஸேஸேன வா
பாசித்தியேன வா. யேன வா ஸா ஸத்³தெ⁴ய்யவசஸா உபாஸிகா வதெ³ய்ய தேன ஸோ பி⁴க்கு²
காரேதப்³போ³.

446. ஸா
சே ஏவங் வதெ³ய்ய – ‘‘அய்யோ மயா தி³ட்டோ² நிஸின்னோ மாதுகா³மஸ்ஸ மேது²னங்
த⁴ம்மங் படிஸேவந்தோ’’தி, ஸோ ச தங் படிஜானாதி, ஆபத்தியா காரேதப்³போ³. ஸா சே
ஏவங் வதெ³ய்ய – ‘‘அய்யோ மயா தி³ட்டோ² நிஸின்னோ மாதுகா³மஸ்ஸ மேது²னங்
த⁴ம்மங் படிஸேவந்தோ’’தி, ஸோ சே ஏவங் வதெ³ய்ய – ‘‘ஸச்சாஹங் நிஸின்னோ, நோ ச
கோ² மேது²னங் த⁴ம்மங் படிஸேவி’’ந்தி, நிஸஜ்ஜாய காரேதப்³போ³. ஸா சே ஏவங்
வதெ³ய்ய – ‘‘அய்யோ மயா தி³ட்டோ² நிஸின்னோ மாதுகா³மஸ்ஸ மேது²னங் த⁴ம்மங் படிஸேவந்தோ’’தி, ஸோ சே ஏவங் வதெ³ய்ய – ‘‘நாஹங் நிஸின்னோ, அபிச கோ² நிபன்னோ’’தி, நிபஜ்ஜாய காரேதப்³போ³ .
ஸா சே ஏவங் வதெ³ய்ய – ‘‘அய்யோ மயா தி³ட்டோ² நிஸின்னோ மாதுகா³மஸ்ஸ மேது²னங்
த⁴ம்மங் படிஸேவந்தோ’’தி, ஸோ சே ஏவங் வதெ³ய்ய – ‘‘நாஹங் நிஸின்னோ அபிச கோ²
டி²தோ’’தி, ந காரேதப்³போ³.

447.
ஸா சே ஏவங் வதெ³ய்ய – ‘‘அய்யோ மயா தி³ட்டோ² நிபன்னோ மாதுகா³மஸ்ஸ மேது²னங்
த⁴ம்மங் படிஸேவந்தோ’’தி, ஸோ ச தங் படிஜானாதி, ஆபத்தியா காரேதப்³போ³. ஸா சே
ஏவங் வதெ³ய்ய – ‘‘அய்யோ மயா தி³ட்டோ² நிபன்னோ மாதுகா³மஸ்ஸ மேது²னங் த⁴ம்மங்
படிஸேவந்தோ’’தி, ஸோ சே ஏவங் வதெ³ய்ய – ‘‘ஸச்சாஹங் நிபன்னோ, நோ ச கோ²
மேது²னங் த⁴ம்மங் படிஸேவி’’ந்தி, நிபஜ்ஜாய காரேதப்³போ³. ஸா சே ஏவங் வதெ³ய்ய
– ‘‘அய்யோ மயா தி³ட்டோ² நிபன்னோ மாதுகா³மஸ்ஸ மேது²னங் த⁴ம்மங்
படிஸேவந்தோ’’தி, ஸோ சே ஏவங் வதெ³ய்ய – ‘‘நாஹங் நிபன்னோ, அபிச கோ²
நிஸின்னோ’’தி, நிஸஜ்ஜாய காரேதப்³போ³. ஸா சே ஏவங் வதெ³ய்ய – ‘‘அய்யோ மயா
தி³ட்டோ² நிபன்னோ மாதுகா³மஸ்ஸ மேது²னங் த⁴ம்மங் படிஸேவந்தோ’’தி , ஸோ சே ஏவங் வதெ³ய்ய – ‘‘நாஹங் நிபன்னோ அபிச கோ² டி²தோ’’தி, ந காரேதப்³போ³.

448.
ஸா சே ஏவங் வதெ³ய்ய – ‘‘அய்யோ மயா தி³ட்டோ² நிஸின்னோ மாதுகா³மேன ஸத்³தி⁴ங்
காயஸங்ஸக்³க³ங் ஸமாபஜ்ஜந்தோ’’தி, ஸோ ச தங் படிஜானாதி, ஆபத்தியா
காரேதப்³போ³…பே॰… ஸச்சாஹங் நிஸின்னோ நோ ச கோ² காயஸங்ஸக்³க³ங் ஸமாபஜ்ஜிந்தி,
நிஸஜ்ஜாய காரேதப்³போ³…பே॰… நாஹங் நிஸின்னோ அபிச கோ² நிபன்னோதி, நிபஜ்ஜாய காரேதப்³போ³…பே॰… நாஹங் நிஸின்னோ அபிச கோ² டி²தோதி, ந காரேதப்³போ³.

ஸா சே ஏவங் வதெ³ய்ய – ‘‘அய்யோ மயா தி³ட்டோ² நிபன்னோ
மாதுகா³மேன ஸத்³தி⁴ங் காயஸங்ஸக்³க³ங் ஸமாபஜ்ஜந்தோ’’தி, ஸோ ச தங் படிஜானாதி,
ஆபத்தியா காரேதப்³போ³…பே॰… ஸச்சாஹங் நிபன்னோ, நோ ச கோ² காயஸங்ஸக்³க³ங்
ஸமாபஜ்ஜிந்தி, நிபஜ்ஜாய காரேதப்³போ³…பே॰… நாஹங் நிபன்னோ, அபிச கோ² நிஸின்னோதி, நிஸஜ்ஜாய காரேதப்³போ³…பே॰… நாஹங் நிபன்னோ, அபிச கோ² டி²தோதி, ந காரேதப்³போ³.

449. ஸா சே ஏவங் வதெ³ய்ய – ‘‘அய்யோ மயா தி³ட்டோ² மாதுகா³மேன ஸத்³தி⁴ங் ஏகோ ஏகாய ரஹோ படிச்ச²ன்னே ஆஸனே அலங்கம்மனியே நிஸின்னோ’’தி ,
ஸோ ச தங் படிஜானாதி, நிஸஜ்ஜாய காரேதப்³போ³…பே॰… நாஹங் நிஸின்னோ அபிச கோ²
நிபன்னோதி, நிபஜ்ஜாய காரேதப்³போ³…பே॰… நாஹங் நிஸின்னோ, அபிச கோ² டி²தோதி, ந
காரேதப்³போ³.

450.
ஸா சே ஏவங் வதெ³ய்ய – ‘‘அய்யோ மயா தி³ட்டோ² மாதுகா³மேன ஸத்³தி⁴ங் ஏகோ ஏகாய
ரஹோ படிச்ச²ன்னே ஆஸனே அலங்கம்மனியே நிபன்னோ’’தி, ஸோ ச தங் படிஜானாதி,
நிபஜ்ஜாய காரேதப்³போ³…பே॰… நாஹங் நிபன்னோ, அபிச கோ² நிஸின்னோதி, நிஸஜ்ஜாய
காரேதப்³போ³…பே॰… நாஹங் நிபன்னோ, அபிச கோ² டி²தோதி, ந காரேதப்³போ³.

அனியதோதி ந நியதோ, பாராஜிகங் வா ஸங்கா⁴தி³ஸேஸோ வா பாசித்தியங் வா.

451.
க³மனங் படிஜானாதி, நிஸஜ்ஜங் படிஜானாதி, ஆபத்திங் படிஜானாதி, ஆபத்தியா
காரேதப்³போ³. க³மனங் படிஜானாதி, நிஸஜ்ஜங் ந படிஜானாதி, ஆபத்திங் படிஜானாதி,
ஆபத்தியா காரேதப்³போ³. க³மனங் படிஜானாதி, நிஸஜ்ஜங் படிஜானாதி, ஆபத்திங் ந
படிஜானாதி, நிஸஜ்ஜாய காரேதப்³போ³. க³மனங் படிஜானாதி, நிஸஜ்ஜங் ந படிஜானாதி,
ஆபத்திங் ந படிஜானாதி, ந காரேதப்³போ³.

க³மனங் ந படிஜானாதி, நிஸஜ்ஜங் படிஜானாதி, ஆபத்திங் படிஜானாதி, ஆபத்தியா

காரேதப்³போ³. க³மனங் ந படிஜானாதி, நிஸஜ்ஜங் ந படிஜானாதி, ஆபத்திங்
படிஜானாதி, ஆபத்தியா காரேதப்³போ³. க³மனங் ந படிஜானாதி, நிஸஜ்ஜங்
படிஜானாதி, ஆபத்திங் ந படிஜானாதி, நிஸஜ்ஜாய காரேதப்³போ³. க³மனங் ந
படிஜானாதி, நிஸஜ்ஜங் ந படிஜானாதி, ஆபத்திங் ந படிஜானாதி, ந காரேதப்³போ³தி.

பட²மோ அனியதோ நிட்டி²தோ.

2. து³தியஅனியதஸிக்கா²பத³ங்

452. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா உதா³யீ – ‘‘ப⁴க³வதா படிக்கி²த்தங்
மாதுகா³மேன ஸத்³தி⁴ங் ஏகோ ஏகாய ரஹோ படிச்ச²ன்னே ஆஸனே அலங்கம்மனியே நிஸஜ்ஜங்
கப்பேது’’ந்தி தஸ்ஸாயேவ குமாரிகாய ஸத்³தி⁴ங் ஏகோ
ஏகாய ரஹோ நிஸஜ்ஜங் கப்பேஸி காலயுத்தங் ஸமுல்லபந்தோ காலயுத்தங் த⁴ம்மங்
ப⁴ணந்தோ. து³தியம்பி கோ² விஸாகா² மிகா³ரமாதா நிமந்திதா தங் குலங் அக³மாஸி.
அத்³த³ஸா கோ² விஸாகா² மிகா³ரமாதா ஆயஸ்மந்தங் உதா³யிங் தஸ்ஸாயேவ குமாரிகாய
ஸத்³தி⁴ங் ஏகங் ஏகாய ரஹோ நிஸின்னங். தி³ஸ்வான ஆயஸ்மந்தங் உதா³யிங் ஏதத³வோச –
‘‘இத³ங், ப⁴ந்தே, நச்ச²ன்னங் நப்பதிரூபங் யங் அய்யோ மாதுகா³மேன ஸத்³தி⁴ங்
ஏகோ ஏகாய ரஹோ நிஸஜ்ஜங் கப்பேதி. கிஞ்சாபி, ப⁴ந்தே, அய்யோ அனத்தி²கோ தேன
த⁴ம்மேன, அபிச து³ஸ்ஸத்³தா⁴பயா அப்பஸன்னா மனுஸ்ஸா’’தி. ஏவம்பி கோ² ஆயஸ்மா
உதா³யீ விஸாகா²ய மிகா³ரமாதுயா வுச்சமானோ நாதி³யி. அத² கோ² விஸாகா²
மிகா³ரமாதா நிக்க²மித்வா பி⁴க்கூ²னங் ஏதமத்த²ங் ஆரோசேஸி. யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ஆயஸ்மா உதா³யீ மாதுகா³மேன ஸத்³தி⁴ங் ஏகோ ஏகாய ரஹோ நிஸஜ்ஜங் கப்பெஸ்ஸதீ’’தி!
அத² கோ² தே பி⁴க்கூ² ஆயஸ்மந்தங் உதா³யிங் அனேகபரியாயேன விக³ரஹித்வா
ப⁴க³வதோ ஏதமத்த²ங் ஆரோசேஸுங் …பே॰… ‘‘ஸச்சங் கிர
த்வங், உதா³யி, மாதுகா³மேன ஸத்³தி⁴ங் ஏகோ ஏகாய ரஹோ நிஸஜ்ஜங் கப்பேஸீ’’தி?
‘‘ஸச்சங் ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம த்வங்,
மோக⁴புரிஸ, மாதுகா³மேன ஸத்³தி⁴ங் ஏகோ ஏகாய ரஹோ நிஸஜ்ஜங் கப்பெஸ்ஸஸி! நேதங்,
மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –

453. ‘‘ந
ஹேவ கோ² பன படிச்ச²ன்னங் ஆஸனங் ஹோதி நாலங் கம்மனியங், அலஞ்ச கோ² ஹோதி
மாதுகா³மங் து³ட்டு²ல்லாஹி வாசாஹி ஓபா⁴ஸிதுங். யோ பன பி⁴க்கு² ததா²ரூபே
ஆஸனே மாதுகா³மேன ஸத்³தி⁴ங் ஏகோ ஏகாய ரஹோ நிஸஜ்ஜங் கப்பெய்ய, தமேனங்
ஸத்³தெ⁴ய்யவசஸா உபாஸிகா தி³ஸ்வா த்³வின்னங் த⁴ம்மானங் அஞ்ஞதரேன வதெ³ய்ய –
ஸங்கா⁴தி³ஸேஸேன வா பாசித்தியேன வா. நிஸஜ்ஜங் பி⁴க்கு² படிஜானமானோ
த்³வின்னங் த⁴ம்மானங் அஞ்ஞதரேன காரேதப்³போ³ – ஸங்கா⁴தி³ஸேஸேன வா
பாசித்தியேன வா. யேன வா ஸா ஸத்³தெ⁴ய்யவசஸா உபாஸிகா வதெ³ய்ய தேன ஸோ பி⁴க்கு² காரேதப்³போ³. அயம்பி த⁴ம்மோ அனியதோ’’தி.

454. ந ஹேவ கோ² பன படிச்ச²ன்னங் ஆஸனங் ஹோதீதி
அப்படிச்ச²ன்னங் ஹோதி குட்டேன வா கவாடேன வா கிலஞ்ஜேன வா ஸாணிபாகாரேன வா
ருக்கே²ன வா த²ம்பே⁴ன வா கொத்த²ளியா வா யேன கேனசி அப்படிச்ச²ன்னங் ஹோதி.

நாலங் கம்மனியந்தி ந ஸக்கா ஹோதி மேது²னங் த⁴ம்மங் படிஸேவிதுங்.

அலஞ்ச கோ² ஹோதி மாதுகா³மங் து³ட்டு²ல்லாஹி வாசாஹி ஓபா⁴ஸிதுந்தி ஸக்கா ஹோதி மாதுகா³மங் து³ட்டு²ல்லாஹி வாசாஹி ஓபா⁴ஸிதுங்.

யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

ததா²ரூபே ஆஸனேதி ஏவரூபே ஆஸனே.

மாதுகா³மோ நாம மனுஸ்ஸித்தீ², ந யக்கீ² ந பேதீ ந திரச்சா²னக³தா, விஞ்ஞூ படிப³லா ஸுபா⁴ஸிதது³ப்³பா⁴ஸிதங் து³ட்டு²ல்லாது³ட்டு²ல்லங் ஆஜானிதுங்.

ஸத்³தி⁴ந்தி ஏகதோ.

ஏகோ ஏகாயாதி பி⁴க்கு² சேவ ஹோதி மாதுகா³மோ ச.

ரஹோ நாம சக்கு²ஸ்ஸ ரஹோ, ஸோதஸ்ஸ ரஹோ. சக்கு²ஸ்ஸ ரஹோ நாம ந ஸக்கா ஹோதி அக்கி²ங் வா நிக²ணீயமானே ப⁴முகங் வா உக்கி²பீயமானே ஸீஸங் வா உக்கி²பீயமானே பஸ்ஸிதுங். ஸோதஸ்ஸ ரஹோ நாம ந ஸக்கா ஹோதி பகதிகதா² ஸோதுங்.

ஸத்³தெ⁴ய்யவசஸா நாம ஆக³தப²லா அபி⁴ஸமேதாவினீ விஞ்ஞாதஸாஸனா.

உபாஸிகா நாம பு³த்³த⁴ங் ஸரணங் க³தா, த⁴ம்மங் ஸரணங் க³தா, ஸங்க⁴ங் ஸரணங் க³தா.

தி³ஸ்வாதி பஸ்ஸித்வா.

த்³வின்னங் த⁴ம்மானங் அஞ்ஞதரேன வதெ³ய்ய ஸங்கா⁴தி³ஸேஸேன
வா பாசித்தியேன வா. நிஸஜ்ஜங் பி⁴க்கு² படிஜானமானோ த்³வின்னங் த⁴ம்மானங்
அஞ்ஞதரேன காரேதப்³போ³ – ஸங்கா⁴தி³ஸேஸேன வா பாசித்தியேன வா. யேன வா ஸா
ஸத்³தெ⁴ய்யவசஸா உபாஸிகா வதெ³ய்ய, தேன ஸோ பி⁴க்கு² காரேதப்³போ³.

455. ஸா
சே ஏவங் வதெ³ய்ய – ‘‘அய்யோ மயா தி³ட்டோ² நிஸின்னோ மாதுகா³மேன ஸத்³தி⁴ங்
காயஸங்ஸக்³க³ங் ஸமாபஜ்ஜந்தோ’’தி, ஸோ ச தங் படிஜானாதி, ஆபத்தியா
காரேதப்³போ³. ஸா சே ஏவங் வதெ³ய்ய – ‘‘அய்யோ மயா
தி³ட்டோ² நிஸின்னோ மாதுகா³மேன ஸத்³தி⁴ங் காயஸங்ஸக்³க³ங் ஸமாபஜ்ஜந்தோ’’தி,
ஸோ சே ஏவங் வதெ³ய்ய – ‘‘ஸச்சாஹங் நிஸின்னோ, நோ ச கோ² காயஸங்ஸக்³க³ங்
ஸமாபஜ்ஜி’’ந்தி, நிஸஜ்ஜாய காரேதப்³போ³…பே॰… நாஹங் நிஸின்னோ, அபிச கோ²
நிபன்னோதி, நிபஜ்ஜாய காரேதப்³போ³…பே॰… நாஹங் நிஸின்னோ, அபிச கோ² டி²தோதி, ந
காரேதப்³போ³.

ஸா சே ஏவங் வதெ³ய்ய – ‘‘அய்யோ மயா தி³ட்டோ² நிபன்னோ
மாதுகா³மேன ஸத்³தி⁴ங் காயஸங்ஸக்³க³ங் ஸமாபஜ்ஜந்தோ’’தி, ஸோ ச தங் படிஜானாதி,
ஆபத்தியா காரேதப்³போ³…பே॰… ஸச்சாஹங் நிபன்னோ, நோ ச கோ² காயஸங்ஸக்³க³ங்
ஸமாபஜ்ஜிந்தி, நிபஜ்ஜாய காரேதப்³போ³…பே॰… நாஹங் நிபன்னோ, அபிச கோ²
நிஸின்னோதி, நிஸஜ்ஜாய காரேதப்³போ³ …பே॰… நாஹங் நிபன்னோ, அபிச கோ² டி²தோதி, ந காரேதப்³போ³.

ஸா சே ஏவங் வதெ³ய்ய –
‘‘அய்யஸ்ஸ மயா ஸுதங் நிஸின்னஸ்ஸ மாதுகா³மங் து³ட்டு²ல்லாஹி வாசாஹி
ஓபா⁴ஸந்தஸ்ஸா’’தி, ஸோ ச தங் படிஜானாதி, ஆபத்தியா
காரேதப்³போ³. ஸா சே ஏவங் வதெ³ய்ய – ‘‘அய்யஸ்ஸ மயா ஸுதங் நிஸின்னஸ்ஸ
மாதுகா³மங் து³ட்டு²ல்லாஹி வாசாஹி ஓபா⁴ஸந்தஸ்ஸா’’தி, ஸோ சே ஏவங் வதெ³ய்ய –
‘‘ஸச்சாஹங் நிஸின்னோ, நோ ச கோ² து³ட்டு²ல்லாஹி வாசாஹி ஓபா⁴ஸி’’ந்தி,
நிஸஜ்ஜாய காரேதப்³போ³…பே॰… நாஹங் நிஸின்னோ, அபிச கோ² நிபன்னோதி, நிபஜ்ஜாய
காரேதப்³போ³…பே॰… நாஹங் நிஸின்னோ, அபிச கோ² டி²தோதி, ந காரேதப்³போ³.

ஸா சே ஏவங் வதெ³ய்ய – ‘‘அய்யஸ்ஸ மயா ஸுதங் நிபன்னஸ்ஸ
மாதுகா³மங் து³ட்டு²ல்லாஹி வாசாஹி ஓபா⁴ஸந்தஸ்ஸா’’தி, ஸோ ச தங் படிஜானாதி,
ஆபத்தியா காரேதப்³போ³…பே॰… ஸச்சாஹங் நிபன்னோ நோ ச கோ² து³ட்டு²ல்லாஹி
வாசாஹி ஓபா⁴ஸிந்தி, நிபஜ்ஜாய காரேதப்³போ³…பே॰… நாஹங் நிபன்னோ, அபிச கோ²
நிஸின்னோதி, நிஸஜ்ஜாய காரேதப்³போ³…பே॰… நாஹங் நிபன்னோ, அபிச கோ² டி²தோதி, ந
காரேதப்³போ³.

456.
ஸா சே ஏவங் வதெ³ய்ய – ‘‘அய்யோ மயா தி³ட்டோ² மாதுகா³மேன ஸத்³தி⁴ங் ஏகோ ஏகாய
ரஹோ நிஸின்னோ’’தி, ஸோ ச தங் படிஜானாதி, நிஸஜ்ஜாய காரேதப்³போ³…பே॰… நாஹங்
நிஸின்னோ, அபிச கோ² நிபன்னோதி, நிபஜ்ஜாய காரேதப்³போ³…பே॰… நாஹங் நிஸின்னோ,
அபிச கோ² டி²தோதி, ந காரேதப்³போ³.

ஸா சே ஏவங் வதெ³ய்ய – ‘‘அய்யோ
மயா தி³ட்டோ² மாதுகா³மேன ஸத்³தி⁴ங் ஏகோ ஏகாய ரஹோ நிபன்னோ’’தி, ஸோ ச தங்
படிஜானாதி, நிபஜ்ஜாய காரேதப்³போ³…பே॰… நாஹங் நிபன்னோ, அபிச கோ² நிஸின்னோதி,
நிஸஜ்ஜாய காரேதப்³போ³…பே॰… நாஹங் நிபன்னோ, அபிச கோ² டி²தோதி, ந காரேதப்³போ³.

அயம்பீதி புரிமங் உபாதா³ய வுச்சதி.

அனியதோதி ந நியதோ, ஸங்கா⁴தி³ஸேஸோ வா பாசித்தியங் வா.

457.
க³மனங் படிஜானாதி நிஸஜ்ஜங் படிஜானாதி ஆபத்திங் படிஜானாதி, ஆபத்தியா
காரேதப்³போ³. க³மனங் படிஜானாதி நிஸஜ்ஜங் ந படிஜானாதி ஆபத்திங் படிஜானாதி,
ஆபத்தியா காரேதப்³போ³. க³மனங் படிஜானாதி நிஸஜ்ஜங் படிஜானாதி ஆபத்திங் ந
படிஜானாதி, நிஸஜ்ஜாய காரேதப்³போ³. க³மனங் படிஜானாதி நிஸஜ்ஜங் ந படிஜானாதி
ஆபத்திங் ந படிஜானாதி, ந காரேதப்³போ³.

க³மனங் ந படிஜானாதி நிஸஜ்ஜங் படிஜானாதி ஆபத்திங்
படிஜானாதி, ஆபத்தியா காரேதப்³போ³. க³மனங் ந படிஜானாதி நிஸஜ்ஜங் ந படிஜானாதி
ஆபத்திங் படிஜானாதி, ஆபத்தியா காரேதப்³போ³. க³மனங் ந படிஜானாதி நிஸஜ்ஜங்
படிஜானாதி ஆபத்திங் ந படிஜானாதி , நிஸஜ்ஜாய காரேதப்³போ³. க³மனங் ந படிஜானாதி நிஸஜ்ஜங் ந படிஜானாதி ஆபத்திங் ந படிஜானாதி, ந காரேதப்³போ³தி.

து³தியோ அனியதோ நிட்டி²தோ.

458. உத்³தி³ட்டா²
கோ² ஆயஸ்மந்தோ த்³வே அனியதா த⁴ம்மா. தத்தா²யஸ்மந்தே புச்சா²மி –
‘‘கச்சித்த² பரிஸுத்³தா⁴’’? து³தியம்பி புச்சா²மி – ‘‘கச்சித்த²
பரிஸுத்³தா⁴’’? ததியம்பி புச்சா²மி – ‘‘கச்சித்த² பரிஸுத்³தா⁴’’?
பரிஸுத்³தெ⁴த்தா²யஸ்மந்தோ; தஸ்மா துண்ஹீ, ஏவமேதங் தா⁴ரயாமீதி.

தஸ்ஸுத்³தா³னங் –

அலங் கம்மனியஞ்சேவ, ததே²வ ச நஹேவ கோ²;

அனியதா ஸுபஞ்ஞத்தா, பு³த்³த⁴ஸெட்டே²ன தாதி³னாதி.

அனியதகண்ட³ங் நிட்டி²தங்.

Leave a Reply