FREE ONLINE UNIVERSITY TO OVERCOME HUNGER-GROW VEGETABLES 🥦 , 🫑 , 🥒 , 🥕 , BEANS IN POTS DWARF FRUITS 🍎 🍉 ALL OVER THE WORLD AND IN SPACE. BE ONE ☝️ OF BILLIONS MINDFUL AQUATICS CMJCBUDDHA, SUJATA MANIMEGALAI'S AMUDHA SURABHI, ASHOKA & MAYAWATI.
White Home, Puniya Bhumi Bengaluru, Prabuddha Bharat International.
Categories:

Archives:
Meta:
January 2022
M T W T F S S
« Dec    
 12
3456789
10111213141516
17181920212223
24252627282930
31  
11/12/12
121112 MONDAY LESSON 748 -வினயபிடகே-Part-5,6,7,8,9 and 10-தமிழில் திரபிடக மூன்று தொகுப்புகள் TIPITAKA from FREE ONLINE eNālāndā Research and Practice UNIVERSITY through http://sarvajan.ambedkar.org
Filed under: General
Posted by: site admin @ 3:55 am

up a level
121112
MONDAY LESSON 748 -வினயபிடகே-Part-5,6,7,8,9 and 10-மிழில் திபி  மூன்று தொகுப்புள் TIPITAKA
from FREE ONLINE  eNālāndā Research and
Practice UNIVERSITY through http://sarvajan.ambedkar.org


நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

வினயபிடகே

பாராஜிகபாளி

வேரஞ்ஜகண்டங்

4. நிஸ்ஸக்கியகண்டங்

1. சீவரவக்கோ

1. படமகதினஸிக்காபதங்

இமே கோ பனாயஸ்மந்தோ திங்ஸ நிஸ்ஸக்கியா பாசித்தியா

தம்மா உத்தேஸங் ஆகச்சந்தி.

459. தேனே
ஸமயேன பு³த்³தோ⁴ ப⁴க³வா வேஸாலியங் விஹரதி கோ³தமகே சேதியே. தேன கோ² பன
ஸமயேன ப⁴க³வதா பி⁴க்கூ²னங் திசீவரங் அனுஞ்ஞாதங் ஹோதி. ச²ப்³ப³க்³கி³யா
பி⁴க்கூ² – ‘‘ப⁴க³வதா திசீவரங் அனுஞ்ஞாத’’ந்தி அஞ்ஞேனேவ திசீவரேன கா³மங்
பவிஸந்தி, அஞ்ஞேன திசீவரேன ஆராமே அச்ச²ந்தி, அஞ்ஞேன திசீவரேன நஹானங்
ஓதரந்தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² அதிரேகசீவரங்
தா⁴ரெஸ்ஸந்தீ’’தி! அத² கோ² தே பி⁴க்கூ² ச²ப்³ப³க்³கி³யே பி⁴க்கூ²
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர
தும்ஹே, பி⁴க்க²வே, அதிரேகசீவரங் தா⁴ரேதா²’’தி ?
‘‘ஸச்சங் ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே,
மோக⁴புரிஸா, அதிரேகசீவரங் தா⁴ரெஸ்ஸத²! நேதங், மோக⁴புரிஸா, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

460. ‘‘யோ பன பி⁴க்கு² அதிரேகசீவரங் தா⁴ரெய்ய, நிஸ்ஸக்³கி³யங் பாசித்திய’’ந்தி.

ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.

461. [மஹாவ॰ 347]
தேன கோ² பன ஸமயேன ஆயஸ்மதோ ஆனந்த³ஸ்ஸ அதிரேகசீவரங் உப்பன்னங் ஹோதி. ஆயஸ்மா ச
ஆனந்தோ³ தங் சீவரங் ஆயஸ்மதோ ஸாரிபுத்தஸ்ஸ தா³துகாமோ ஹோதி. ஆயஸ்மா ச
ஸாரிபுத்தோ ஸாகேதே விஹரதி. அத² கோ² ஆயஸ்மதோ ஆனந்த³ஸ்ஸ ஏதத³ஹோஸி – ‘‘ப⁴க³வதா
ஸிக்கா²பத³ங் பஞ்ஞத்தங் – ‘ந அதிரேகசீவரங் தா⁴ரேதப்³ப³’ந்தி. இத³ஞ்ச மே
அதிரேகசீவரங் உப்பன்னங். அஹஞ்சிமங் சீவரங் ஆயஸ்மதோ ஸாரிபுத்தஸ்ஸ தா³துகாமோ.
ஆயஸ்மா ச ஸாரிபுத்தோ ஸாகேதே விஹரதி. கத²ங் நு கோ² மயா படிபஜ்ஜிதப்³ப³’’ந்தி? அத² கோ² ஆயஸ்மா ஆனந்தோ³ ப⁴க³வதோ ஏதமத்த²ங்
ஆரோசேஸி. ‘‘கீவசிரங் பனானந்த³, ஸாரிபுத்தோ ஆக³ச்சி²ஸ்ஸதீ’’தி? ‘‘நவமங் வா,
ப⁴க³வா, தி³வஸங் த³ஸமங் வா’’தி. அத² கோ² ப⁴க³வா ஏதஸ்மிங் நிதா³னே ஏதஸ்மிங்
பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே,
த³ஸாஹபரமங் அதிரேகசீவரங் தா⁴ரேதுங். ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –

462. ‘‘நிட்டி²தசீவரஸ்மிங் பி⁴க்கு²னா உப்³ப⁴தஸ்மிங் கதி²னே த³ஸாஹபரமங் அதிரேகசீவரங் தா⁴ரேதப்³ப³ங். தங் அதிக்காமயதோ நிஸ்ஸக்³கி³யங் பாசித்திய’’ந்தி.

463. நிட்டி²தசீவரஸ்மிந்தி பி⁴க்கு²னோ சீவரங் கதங் வா ஹோதி நட்ட²ங் வா வினட்ட²ங் வா த³ட்³ட⁴ங் வா சீவராஸா வா உபச்சி²ன்னா.

உப்³ப⁴தஸ்மிங் கதி²னேதி அட்ட²ன்னங் மாதிகானங் அஞ்ஞதராய மாதிகாய உப்³ப⁴தங் ஹோதி, ஸங்கே⁴ன வா அந்தரா உப்³ப⁴தங் ஹோதி.

த³ஸாஹபரமந்தி த³ஸாஹபரமதா தா⁴ரேதப்³ப³ங்.

அதிரேகசீவரங் நாம அனதி⁴ட்டி²தங் அவிகப்பிதங்.

சீவரங் நாம ச²ன்னங் சீவரானங் அஞ்ஞதரங் சீவரங், விகப்பனுபக³ங் பச்சி²மங்.

தங் அதிக்காமயதோ நிஸ்ஸக்³கி³யங் ஹோதீ [ஹோதீதி இத³ங் பத³ங் ஸப்³ப³பொத்த²கேஸு அத்தி², ஸிக்கா²பதே³ பன நத்தி², ஏவமுபரிபி] தி ஏகாத³ஸே அருணுக்³க³மனே நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங்
ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச பன, பி⁴க்க²வே,
நிஸ்ஸஜ்ஜிதப்³ப³ங். தேன பி⁴க்கு²னா ஸங்க⁴ங் உபஸங்கமித்வா ஏகங்ஸங்
உத்தராஸங்க³ங் கரித்வா வுட்³டா⁴னங் பி⁴க்கூ²னங் பாதே³ வந்தி³த்வா
உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ – ‘‘இத³ங் மே,
ப⁴ந்தே, சீவரங் த³ஸாஹாதிக்கந்தங் நிஸ்ஸக்³கி³யங், இமாஹங் ஸங்க⁴ஸ்ஸ
நிஸ்ஸஜ்ஜாமீ’’தி. நிஸ்ஸஜ்ஜித்வா ஆபத்தி தே³ஸேதப்³பா³. ப்³யத்தேன பி⁴க்கு²னா
படிப³லேன ஆபத்தி படிக்³க³ஹேதப்³பா³. நிஸ்ஸட்ட²சீவரங் தா³தப்³ப³ங்.

464.
‘‘ஸுணாது மே, ப⁴ந்தே, ஸங்கோ⁴. இத³ங் சீவரங் இத்த²ன்னாமஸ்ஸ பி⁴க்கு²னோ
நிஸ்ஸக்³கி³யங் ஸங்க⁴ஸ்ஸ நிஸ்ஸட்ட²ங். யதி³ ஸங்க⁴ஸ்ஸ பத்தகல்லங், ஸங்கோ⁴
இமங் சீவரங் இத்த²ன்னாமஸ்ஸ பி⁴க்கு²னோ த³தெ³ய்யா’’தி.

465. தேன
பி⁴க்கு²னா ஸம்ப³ஹுலே பி⁴க்கூ² உபஸங்கமித்வா ஏகங்ஸங் உத்தராஸங்க³ங்
கரித்வா வுட்³டா⁴னங் பி⁴க்கூ²னங் பாதே³ வந்தி³த்வா உக்குடிகங் நிஸீதி³த்வா
அஞ்ஜலிங் பக்³க³ஹெத்வா ஏவமஸ்ஸு வசனீயா – ‘‘இத³ங் மே, ப⁴ந்தே, சீவரங்
த³ஸாஹாதிக்கந்தங் நிஸ்ஸக்³கி³யங். இமாஹங்
ஆயஸ்மந்தானங் நிஸ்ஸஜ்ஜாமீ’’தி. நிஸ்ஸஜ்ஜித்வா ஆபத்தி தே³ஸேதப்³பா³.
ப்³யத்தேன பி⁴க்கு²னா படிப³லேன ஆபத்தி படிக்³க³ஹேதப்³பா³. நிஸ்ஸட்ட²சீவரங்
தா³தப்³ப³ங்.

466.
‘‘ஸுணந்து மே ஆயஸ்மந்தா. இத³ங் சீவரங் இத்த²ன்னாமஸ்ஸ பி⁴க்கு²னோ
நிஸ்ஸக்³கி³யங் ஆயஸ்மந்தானங் நிஸ்ஸட்ட²ங். யதா³யஸ்மந்தானங் பத்தகல்லங்,
ஆயஸ்மந்தா இமங் சீவரங் இத்த²ன்னாமஸ்ஸ பி⁴க்கு²னோ த³தெ³ய்யு’’ந்தி.

467.
தேன பி⁴க்கு²னா ஏகங் பி⁴க்கு²ங் உபஸங்கமித்வா ஏகங்ஸங் உத்தராஸங்க³ங்
கரித்வா உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ –
‘‘இத³ங் மே, ஆவுஸோ, சீவரங் த³ஸாஹாதிக்கந்தங் நிஸ்ஸக்³கி³யங். இமாஹங்
ஆயஸ்மதோ நிஸ்ஸஜ்ஜாமீ’’தி. நிஸ்ஸஜ்ஜித்வா ஆபத்தி தே³ஸேதப்³பா³. தேன
பி⁴க்கு²னா ஆபத்தி படிக்³க³ஹேதப்³பா³. நிஸ்ஸட்ட²சீவரங் தா³தப்³ப³ங் –
‘‘இமங் சீவரங் ஆயஸ்மதோ த³ம்மீ’’தி.

468. த³ஸாஹாதிக்கந்தே அதிக்கந்தஸஞ்ஞீ, நிஸ்ஸக்³கி³யங் பாசித்தியங். த³ஸாஹாதிக்கந்தே வேமதிகோ, நிஸ்ஸக்³கி³யங் பாசித்தியங். த³ஸாஹாதிக்கந்தே அனதிக்கந்தஸஞ்ஞீ, நிஸ்ஸக்³கி³யங் பாசித்தியங் .
அனதி⁴ட்டி²தே அதி⁴ட்டி²தஸஞ்ஞீ, நிஸ்ஸக்³கி³யங் பாசித்தியங். அவிகப்பிதே
விகப்பிதஸஞ்ஞீ, நிஸ்ஸக்³கி³யங் பாசித்தியங். அவிஸ்ஸஜ்ஜிதே விஸ்ஸஜ்ஜிதஸஞ்ஞீ,
நிஸ்ஸக்³கி³யங் பாசித்தியங். அனட்டே² நட்ட²ஸஞ்ஞீ, நிஸ்ஸக்³கி³யங்
பாசித்தியங். அவினட்டே² வினட்ட²ஸஞ்ஞீ, நிஸ்ஸக்³கி³யங் பாசித்தியங்.
அத³ட்³டே⁴ த³ட்³ட⁴ஸஞ்ஞீ, நிஸ்ஸக்³கி³யங் பாசித்தியங். அவிலுத்தே
விலுத்தஸஞ்ஞீ, நிஸ்ஸக்³கி³யங் பாசித்தியங்.

நிஸ்ஸக்³கி³யங் சீவரங் அனிஸ்ஸஜ்ஜித்வா பரிபு⁴ஞ்ஜதி,
ஆபத்தி து³க்கடஸ்ஸ. த³ஸாஹானதிக்கந்தே அதிக்கந்தஸஞ்ஞீ, ஆபத்தி து³க்கடஸ்ஸ.
த³ஸாஹானதிக்கந்தே வேமதிகோ, ஆபத்தி து³க்கடஸ்ஸ. த³ஸாஹானதிக்கந்தே
அனதிக்கந்தஸஞ்ஞீ, அனாபத்தி.

469.
அனாபத்தி அந்தோத³ஸாஹங் அதி⁴ட்டே²தி, விகப்பேதி, விஸ்ஸஜ்ஜேதி, நஸ்ஸதி,
வினஸ்ஸதி, ட³ய்ஹதி, அச்சி²ந்தி³த்வா க³ண்ஹந்தி, விஸ்ஸாஸங் க³ண்ஹந்தி,
உம்மத்தகஸ்ஸ, ஆதி³கம்மிகஸ்ஸாதி.

470. தேன கோ² பன ஸமயேன ச²ப்³ப³க்³கி³யா பி⁴க்கூ² நிஸ்ஸட்ட²சீவரங் ந தெ³ந்தி. ப⁴க³வதோ ஏதமத்த²ங் ஆரோசேஸுங். ‘‘ந , பி⁴க்க²வே, நிஸ்ஸட்ட²சீவரங் ந தா³தப்³ப³ங். யோ ந த³தெ³ய்ய, ஆபத்தி து³க்கடஸ்ஸா’’தி.

கதி²னஸிக்கா²பத³ங் நிட்டி²தங் பட²மங்.

2. உதோ³ஸிதஸிக்கா²பத³ங்

471. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கூ² பி⁴க்கூ²னங் ஹத்தே² சீவரங் நிக்கி²பித்வா
ஸந்தருத்தரேன ஜனபத³சாரிகங் பக்கமந்தி. தானி சீவரானி சிரங் நிக்கி²த்தானி
கண்ணகிதானி ஹொந்தி. தானி பி⁴க்கூ² ஓதாபெந்தி. அத்³த³ஸா கோ² ஆயஸ்மா ஆனந்தோ³
ஸேனாஸனசாரிகங் ஆஹிண்ட³ந்தோ தே பி⁴க்கூ² தானி சீவரானி ஓதாபெந்தே. தி³ஸ்வான
யேன தே பி⁴க்கூ² தேனுபஸங்கமி; உபஸங்கமித்வா தே பி⁴க்கூ² ஏதத³வோச –
‘‘கஸ்ஸிமானி, ஆவுஸோ, சீவரானி கண்ணகிதானீ’’தி? அத² கோ² தே பி⁴க்கூ² ஆயஸ்மதோ
ஆனந்த³ஸ்ஸ ஏதமத்த²ங் ஆரோசேஸுங். ஆயஸ்மா ஆனந்தோ³ உஜ்ஜா²யதி கி²ய்யதி
விபாசேதி – ‘‘கத²ஞ்ஹி நாம பி⁴க்கூ² பி⁴க்கூ²னங் ஹத்தே² சீவரங்
நிக்கி²பித்வா ஸந்தருத்தரேன ஜனபத³சாரிகங் பக்கமிஸ்ஸந்தீ’’தி! அத² கோ²
ஆயஸ்மா ஆனந்தோ³ தே பி⁴க்கூ² அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸி…பே॰… ‘‘ஸச்சங் கிர, பி⁴க்க²வே, பி⁴க்கூ² பி⁴க்கூ²னங் ஹத்தே² சீவரங்
நிக்கி²பித்வா ஸந்தருத்தரேன ஜனபத³சாரிகங் பக்கமந்தீ’’தி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தே, பி⁴க்க²வே,
மோக⁴புரிஸா பி⁴க்கூ²னங் ஹத்தே² சீவரங் நிக்கி²பித்வா ஸந்தருத்தரேன
ஜனபத³சாரிகங் பக்கமிஸ்ஸந்தி ! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

472. ‘‘நிட்டி²தசீவரஸ்மிங் பி⁴க்கு²னா உப்³ப⁴தஸ்மிங் கதி²னே ஏகரத்தம்பி சே பி⁴க்கு² திசீவரேன விப்பவஸெய்ய, நிஸ்ஸக்³கி³யங் பாசித்திய’’ந்தி.

ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.

473.
தேன கோ² பன ஸமயேன அஞ்ஞதரோ பி⁴க்கு² கோஸம்பி³யங் கி³லானோ ஹோதி. ஞாதகா தஸ்ஸ
பி⁴க்கு²னோ ஸந்திகே தூ³தங் பாஹேஸுங் – ‘‘ஆக³ச்ச²து ப⁴த³ந்தோ, மயங்,
உபட்ட²ஹிஸ்ஸாமா’’தி. பி⁴க்கூ²பி ஏவமாஹங்ஸு – ‘‘க³ச்சா²வுஸோ ,
ஞாதகா தங் உபட்ட²ஹிஸ்ஸந்தீ’’தி. ஸோ ஏவமாஹ – ‘‘ப⁴க³வதாவுஸோ, ஸிக்கா²பத³ங்
பஞ்ஞத்தங் – ‘ந திசீவரேன விப்பவஸிதப்³ப³’ந்தி. அஹஞ்சம்ஹி கி³லானோ. ந
ஸக்கோமி திசீவரங் ஆதா³ய பக்கமிதுங். நாஹங் க³மிஸ்ஸாமீ’’தி .
ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங்
பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே,
கி³லானஸ்ஸ பி⁴க்கு²னோ திசீவரேன அவிப்பவாஸஸம்முதிங் தா³துங். ஏவஞ்ச பன,
பி⁴க்க²வே, தா³தப்³பா³. தேன கி³லானேன பி⁴க்கு²னா ஸங்க⁴ங் உபஸங்கமித்வா
ஏகங்ஸங் உத்தராஸங்க³ங் கரித்வா வுட்³டா⁴னங் பி⁴க்கூ²னங் பாதே³ வந்தி³த்வா
உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ – ‘அஹங்,
ப⁴ந்தே, கி³லானோ. ந ஸக்கோமி திசீவரங் ஆதா³ய பக்கமிதுங். ஸோஹங், ப⁴ந்தே,
ஸங்க⁴ங் திசீவரேன அவிப்பவாஸஸம்முதிங் யாசாமீ’தி. து³தியம்பி யாசிதப்³பா³.
ததியம்பி யாசிதப்³பா³. ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

474. ‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ பி⁴க்கு² கி³லானோ. ந ஸக்கோதி திசீவரங்
ஆதா³ய பக்கமிதுங். ஸோ ஸங்க⁴ங் திசீவரேன அவிப்பவாஸஸம்முதிங் யாசதி. யதி³
ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமஸ்ஸ பி⁴க்கு²னோ திசீவரேன
அவிப்பவாஸஸம்முதிங் த³தெ³ய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ
பி⁴க்கு² கி³லானோ. ந ஸக்கோதி திசீவரங் ஆதா³ய பக்கமிதுங். ஸோ ஸங்க⁴ங்
திசீவரேன அவிப்பவாஸஸம்முதிங் யாசதி. ஸங்கோ⁴ இத்த²ன்னாமஸ்ஸ பி⁴க்கு²னோ
திசீவரேன அவிப்பவாஸஸம்முதிங் தே³தி. யஸ்ஸாயஸ்மதோ க²மதி இத்த²ன்னாமஸ்ஸ
பி⁴க்கு²னோ திசீவரேன அவிப்பவாஸஸம்முதியா தா³னங், ஸோ துண்ஹஸ்ஸ; யஸ்ஸ
நக்க²மதி, ஸோ பா⁴ஸெய்ய.

‘‘தி³ன்னா ஸங்கே⁴ன இத்த²ன்னாமஸ்ஸ பி⁴க்கு²னோ திசீவரேன அவிப்பவாஸஸம்முதி. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

475. ‘‘நிட்டி²தசீவரஸ்மிங்
பி⁴க்கு²னா உப்³ப⁴தஸ்மிங் கதி²னே ஏகரத்தம்பி சே பி⁴க்கு² திசீவரேன
விப்பவஸெய்ய, அஞ்ஞத்ர பி⁴க்கு²ஸம்முதியா, நிஸ்ஸக்³கி³யங் பாசித்திய’’
ந்தி.

476. ‘‘நிட்டி²தசீவரஸ்மிந்தி பி⁴க்கு²னோ சீவரங் கதங் வா ஹோதி நட்ட²ங் வா வினட்ட²ங் வா த³ட்³ட⁴ங் வா சீவராஸா வா உபச்சி²ன்னா.

உப்³ப⁴தஸ்மிங் கதி²னேதி அட்ட²ன்னங் மாதிகானங் அஞ்ஞதராய மாதிகாய உப்³ப⁴தங் ஹோதி, ஸங்கே⁴ன வா அந்தரா உப்³ப⁴தங் ஹோதி.

ஏகரத்தம்பி சே பி⁴க்கு² திசீவரேன விப்பவஸெய்யாதி ஸங்கா⁴டியா வா உத்தராஸங்கே³ன வா அந்தரவாஸகேன வா.

அஞ்ஞத்ர பி⁴க்கு²ஸம்முதியாதி ட²பெத்வா பி⁴க்கு²ஸம்முதிங்.

நிஸ்ஸக்³கி³யங் ஹோதீதி ஸஹ அருணுக்³க³மனா [அருணுக்³க³மனேன (ஸீ॰ ஸ்யா॰)] நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே , சீவரங் ரத்திவிப்பவுத்த²ங் [ரத்திங் விப்பவுத்த²ங் (ஸீ॰)]
அஞ்ஞத்ர பி⁴க்கு²ஸம்முதியா நிஸ்ஸக்³கி³யங், இமாஹங் ஸங்க⁴ஸ்ஸ
நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.

477.
கா³மோ ஏகூபசாரோ நானூபசாரோ. நிவேஸனங் ஏகூபசாரங் நானூபசாரங். உதோ³ஸிதோ
ஏகூபசாரோ நானூபசாரோ. அட்டோ ஏகூபசாரோ நானூபசாரோ. மாளோ ஏகூபசாரோ நானூபசாரோ.
பாஸாதோ³ ஏகூபசாரோ நானூபசாரோ. ஹம்மியங் ஏகூபசாரங் நானூபசாரங். நாவா ஏகூபசாரா
நானூபசாரா. ஸத்தோ² ஏகூபசாரோ நானூபசாரோ. கெ²த்தங் ஏகூபசாரங் நானூபசாரங்.
த⁴ஞ்ஞகரணங் ஏகூபசாரங் நானூபசாரங். ஆராமோ ஏகூபசாரோ நானூபசாரோ. விஹாரோ
ஏகூபசாரோ நானூபசாரோ. ருக்க²மூலங் ஏகூபசாரங் நானூபசாரங். அஜ்ஜோ²காஸோ
ஏகூபசாரோ நானூபசாரோ.

478. கா³மோ ஏகூபசாரோ நாம ஏககுலஸ்ஸ கா³மோ ஹோதி பரிக்கி²த்தோ ச .
அந்தோகா³மே சீவரங் நிக்கி²பித்வா அந்தோகா³மே வத்த²ப்³ப³ங். அபரிக்கி²த்தோ
ஹோதி, யஸ்மிங் க⁴ரே சீவரங் நிக்கி²த்தங் ஹோதி தஸ்மிங் க⁴ரே வத்த²ப்³ப³ங்,
ஹத்த²பாஸா வா ந விஜஹிதப்³ப³ங்.

479.
நானாகுலஸ்ஸ கா³மோ ஹோதி பரிக்கி²த்தோ ச. யஸ்மிங் க⁴ரே சீவரங் நிக்கி²த்தங்
ஹோதி தஸ்மிங் க⁴ரே வத்த²ப்³ப³ங் ஸபா⁴யே வா த்³வாரமூலே வா, ஹத்த²பாஸா வா ந
விஜஹிதப்³ப³ங். ஸபா⁴யங் க³ச்ச²ந்தேன ஹத்த²பாஸே சீவரங் நிக்கி²பித்வா ஸபா⁴யே
வா வத்த²ப்³ப³ங் த்³வாரமூலே வா, ஹத்த²பாஸா வா ந விஜஹிதப்³ப³ங். ஸபா⁴யே
சீவரங் நிக்கி²பித்வா ஸபா⁴யே வா வத்த²ப்³ப³ங் த்³வாரமூலே வா, ஹத்த²பாஸா வா ந
விஜஹிதப்³ப³ங். அபரிக்கி²த்தோ ஹோதி, யஸ்மிங் க⁴ரே சீவரங் நிக்கி²த்தங்
ஹோதி தஸ்மிங் க⁴ரே வத்த²ப்³ப³ங், ஹத்த²பாஸா வா ந விஜஹிதப்³ப³ங்.

480. ஏககுலஸ்ஸ
நிவேஸனங் ஹோதி பரிக்கி²த்தஞ்ச, நானாக³ப்³பா⁴ நானாஓவரகா. அந்தோனிவேஸனே
சீவரங் நிக்கி²பித்வா அந்தோனிவேஸனே வத்த²ப்³ப³ங். அபரிக்கி²த்தங் ஹோதி,
யஸ்மிங் க³ப்³பே⁴ சீவரங் நிக்கி²த்தங் ஹோதி தஸ்மிங் க³ப்³பே⁴ வத்த²ப்³ப³ங்,
ஹத்த²பாஸா வா ந விஜஹிதப்³ப³ங்.

481.
நானாகுலஸ்ஸ நிவேஸனங் ஹோதி பரிக்கி²த்தஞ்ச, நானாக³ப்³பா⁴ நானாஓவரகா.
யஸ்மிங் க³ப்³பே⁴ சீவரங் நிக்கி²த்தங் ஹோதி தஸ்மிங் க³ப்³பே⁴ வத்த²ப்³ப³ங்
த்³வாரமூலே வா, ஹத்த²பாஸா வா ந விஜஹிதப்³ப³ங் . அபரிக்கி²த்தங் ஹோதி, யஸ்மிங் க³ப்³பே⁴ சீவரங் நிக்கி²த்தங் ஹோதி தஸ்மிங் க³ப்³பே⁴ வத்த²ப்³ப³ங், ஹத்த²பாஸா வா ந விஜஹிதப்³ப³ங்.

482. ஏககுலஸ்ஸ உதோ³ஸிதோ ஹோதி பரிக்கி²த்தோ ச, நானாக³ப்³பா⁴ நானாஓவரகா .
அந்தோஉதோ³ஸிதே சீவரங் நிக்கி²பித்வா அந்தோஉதோ³ஸிதே வத்த²ப்³ப³ங்.
அபரிக்கி²த்தோ ஹோதி, யஸ்மிங் க³ப்³பே⁴ சீவரங் நிக்கி²த்தங் ஹோதி தஸ்மிங்
க³ப்³பே⁴ வத்த²ப்³ப³ங், ஹத்த²பாஸா வா ந விஜஹிதப்³ப³ங்.

483.
நானாகுலஸ்ஸ உதோ³ஸிதோ ஹோதி பரிக்கி²த்தோ ச, நானாக³ப்³பா⁴ நானாஓவரகா.
யஸ்மிங் க³ப்³பே⁴ சீவரங் நிக்கி²த்தங் ஹோதி தஸ்மிங் க³ப்³பே⁴ வத்த²ப்³ப³ங்
த்³வாரமூலே வா, ஹத்த²பாஸா வா ந விஜஹிதப்³ப³ங். அபரிக்கி²த்தோ ஹோதி, யஸ்மிங்
க³ப்³பே⁴ சீவரங் நிக்கி²த்தங் ஹோதி தஸ்மிங் க³ப்³பே⁴ வத்த²ப்³ப³ங்,
ஹத்த²பாஸா வா ந விஜஹிதப்³ப³ங்.

484.
ஏககுலஸ்ஸ அட்டோ ஹோதி, அந்தோஅட்டே சீவரங் நிக்கி²பித்வா அந்தோஅட்டே
வத்த²ப்³ப³ங். நானாகுலஸ்ஸ அட்டோ ஹோதி, நானாக³ப்³பா⁴ நானாஓவரகா. யஸ்மிங்
க³ப்³பே⁴ சீவரங் நிக்கி²த்தங் ஹோதி தஸ்மிங் க³ப்³பே⁴ வத்த²ப்³ப³ங்
த்³வாரமூலே வா, ஹத்த²பாஸா வா ந விஜஹிதப்³ப³ங்.

485.
ஏககுலஸ்ஸ மாளோ ஹோதி, அந்தோமாளே சீவரங் நிக்கி²பித்வா அந்தோமாளே
வத்த²ப்³ப³ங். நானாகுலஸ்ஸ மாளோ ஹோதி நானாக³ப்³பா⁴ நானாஓவரகா, யஸ்மிங்
க³ப்³பே⁴ சீவரங் நிக்கி²த்தங் ஹோதி தஸ்மிங் க³ப்³பே⁴ வத்த²ப்³ப³ங்
த்³வாரமூலே வா, ஹத்த²பாஸா வா ந விஜஹிதப்³ப³ங்.

486. ஏககுலஸ்ஸ பாஸாதோ³ ஹோதி, அந்தோபாஸாதே³ சீவரங் நிக்கி²பித்வா அந்தோபாஸாதே³ வத்த²ப்³ப³ங். நானாகுலஸ்ஸ பாஸாதோ³ ஹோதி, நானாக³ப்³பா⁴ நானாஓவரகா. யஸ்மிங் க³ப்³பே⁴ சீவரங் நிக்கி²த்தங் ஹோதி தஸ்மிங் க³ப்³பே⁴ வத்த²ப்³ப³ங் த்³வாரமூலே வா, ஹத்த²பாஸா வா ந விஜஹிதப்³ப³ங்.

487.
ஏககுலஸ்ஸ ஹம்மியங் ஹோதி. அந்தோஹம்மியே சீவரங் நிக்கி²பித்வா அந்தோஹம்மியே
வத்த²ப்³ப³ங். நானாகுலஸ்ஸ ஹம்மியங் ஹோதி, நானாக³ப்³பா⁴ நானாஓவரகா. யஸ்மிங்
க³ப்³பே⁴ சீவரங் நிக்கி²த்தங் ஹோதி தஸ்மிங் க³ப்³பே⁴ வத்த²ப்³ப³ங்
த்³வாரமூலே வா, ஹத்த²பாஸா வா ந விஜஹிதப்³ப³ங்.

488. ஏககுலஸ்ஸ நாவா ஹோதி. அந்தோனாவாய சீவரங் நிக்கி²பித்வா அந்தோனாவாய வத்த²ப்³ப³ங் .
நானாகுலஸ்ஸ நாவா ஹோதி நானாக³ப்³பா⁴ நானாஓவரகா. யஸ்மிங் ஓவரகே சீவரங்
நிக்கி²த்தங் ஹோதி தஸ்மிங் ஓவரகே வத்த²ப்³ப³ங், ஹத்த²பாஸா வா ந
விஜஹிதப்³ப³ங்.

489.
ஏககுலஸ்ஸ ஸத்தோ² ஹோதி. ஸத்தே² சீவரங் நிக்கி²பித்வா புரதோ வா பச்ச²தோ வா
ஸத்தப்³ப⁴ந்தரா ந விஜஹிதப்³பா³, பஸ்ஸதோ அப்³ப⁴ந்தரங் ந விஜஹிதப்³ப³ங்.
நானாகுலஸ்ஸ ஸத்தோ² ஹோதி, ஸத்தே² சீவரங் நிக்கி²பித்வா ஹத்த²பாஸா ந
விஜஹிதப்³ப³ங்.

490.
ஏககுலஸ்ஸ கெ²த்தங் ஹோதி பரிக்கி²த்தஞ்ச. அந்தோகெ²த்தே சீவரங்
நிக்கி²பித்வா அந்தோகெ²த்தே வத்த²ப்³ப³ங். அபரிக்கி²த்தங் ஹோதி, ஹத்த²பாஸா ந
விஜஹிதப்³ப³ங். நானாகுலஸ்ஸ கெ²த்தங் ஹோதி பரிக்கி²த்தஞ்ச. அந்தோகெ²த்தே
சீவரங் நிக்கி²பித்வா த்³வாரமூலே வா வத்த²ப்³ப³ங், ஹத்த²பாஸா வா ந விஜஹிதப்³ப³ங். அபரிக்கி²த்தங் ஹோதி, ஹத்த²பாஸா ந விஜஹிதப்³ப³ங்.

491.
ஏககுலஸ்ஸ த⁴ஞ்ஞகரணங் ஹோதி பரிக்கி²த்தஞ்ச. அந்தோத⁴ஞ்ஞகரணே சீவரங்
நிக்கி²பித்வா அந்தோத⁴ஞ்ஞகரணே வத்த²ப்³ப³ங். அபரிக்கி²த்தங் ஹோதி,
ஹத்த²பாஸா ந விஜஹிதப்³ப³ங். நானாகுலஸ்ஸ த⁴ஞ்ஞகரணங் ஹோதி பரிக்கி²த்தஞ்ச.
அந்தோத⁴ஞ்ஞகரணே சீவரங் நிக்கி²பித்வா த்³வாரமூலே வா வத்த²ப்³ப³ங்,
ஹத்த²பாஸா வா ந விஜஹிதப்³ப³ங். அபரிக்கி²த்தங் ஹோதி, ஹத்த²பாஸா ந
விஜஹிதப்³ப³ங்.

492.
ஏககுலஸ்ஸ ஆராமோ ஹோதி பரிக்கி²த்தோ ச. அந்தோஆராமே சீவரங் நிக்கி²பித்வா
அந்தோஆராமே வத்த²ப்³ப³ங். அபரிக்கி²த்தோ ஹோதி, ஹத்த²பாஸா ந விஜஹிதப்³ப³ங்.
நானாகுலஸ்ஸ ஆராமோ ஹோதி பரிக்கி²த்தோ ச. அந்தோஆராமே சீவரங் நிக்கி²பித்வா
த்³வாரமூலே வா வத்த²ப்³ப³ங், ஹத்த²பாஸா வா ந விஜஹிதப்³ப³ங். அபரிக்கி²த்தோ
ஹோதி, ஹத்த²பாஸா ந விஜஹிதப்³ப³ங்.

493. ஏககுலஸ்ஸ
விஹாரோ ஹோதி பரிக்கி²த்தோ ச. அந்தோவிஹாரே சீவரங் நிக்கி²பித்வா
அந்தோவிஹாரே வத்த²ப்³ப³ங். அபரிக்கி²த்தோ ஹோதி, யஸ்மிங் விஹாரே சீவரங்
நிக்கி²த்தங் ஹோதி தஸ்மிங் விஹாரே வத்த²ப்³ப³ங், ஹத்த²பாஸா வா ந
விஜஹிதப்³ப³ங். நானாகுலஸ்ஸ விஹாரோ ஹோதி பரிக்கி²த்தோ ச. யஸ்மிங் விஹாரே
சீவரங் நிக்கி²த்தங் ஹோதி தஸ்மிங் விஹாரே வத்த²ப்³ப³ங் த்³வாரமூலே வா,
ஹத்த²பாஸா வா ந விஜஹிதப்³ப³ங். அபரிக்கி²த்தோ ஹோதி , யஸ்மிங் விஹாரே சீவரங் நிக்கி²த்தங் ஹோதி தஸ்மிங் விஹாரே வத்த²ப்³ப³ங், ஹத்த²பாஸா வா ந விஜஹிதப்³ப³ங்.

494. ஏககுலஸ்ஸ
ருக்க²மூலங் ஹோதி, யங் மஜ்ஜ²ன்ஹிகே காலே ஸமந்தா சா²யா ப²ரதி, அந்தோசா²யாய
சீவரங் நிக்கி²பித்வா அந்தோசா²யாய வத்த²ப்³ப³ங். நானாகுலஸ்ஸ ருக்க²மூலங்
ஹோதி, ஹத்த²பாஸா ந விஜஹிதப்³ப³ங்.

அஜ்ஜோ²காஸோ ஏகூபசாரோ நாம அகா³மகே அரஞ்ஞே ஸமந்தா ஸத்தப்³ப⁴ந்தரா ஏகூபசாரோ, ததோ பரங் நானூபசாரோ.

495.
விப்பவுத்தே² விப்பவுத்த²ஸஞ்ஞீ அஞ்ஞத்ர பி⁴க்கு²ஸம்முதியா, நிஸ்ஸக்³கி³யங்
பாசித்தியங். விப்பவுத்தே² வேமதிகோ, அஞ்ஞத்ர பி⁴க்கு²ஸம்முதியா,
நிஸ்ஸக்³கி³யங் பாசித்தியங். விப்பவுத்தே² அவிப்பவுத்த²ஸஞ்ஞீ, அஞ்ஞத்ர
பி⁴க்கு²ஸம்முதியா, நிஸ்ஸக்³கி³யங் பாசித்தியங். அப்பச்சுத்³த⁴டே
பச்சுத்³த⁴டஸஞ்ஞீ…பே॰… அவிஸ்ஸஜ்ஜிதே விஸ்ஸஜ்ஜிதஸஞ்ஞீ… அனட்டே² நட்ட²ஸஞ்ஞீ…
அவினட்டே² வினட்ட²ஸஞ்ஞீ… அத³ட்³டே⁴ த³ட்³ட⁴ஸஞ்ஞீ…பே॰… அவிலுத்தே
விலுத்தஸஞ்ஞீ, அஞ்ஞத்ர பி⁴க்கு²ஸம்முதியா, நிஸ்ஸக்³கி³யங் பாசித்தியங்.

நிஸ்ஸக்³கி³யங் சீவரங் அனிஸ்ஸஜ்ஜித்வா பரிபு⁴ஞ்ஜதி, ஆபத்தி து³க்கடஸ்ஸ .
அவிப்பவுத்தே² விப்பவுத்த²ஸஞ்ஞீ, ஆபத்தி து³க்கடஸ்ஸ. அவிப்பவுத்தே²
வேமதிகோ, ஆபத்தி து³க்கடஸ்ஸ. அவிப்பவுத்தே² அவிப்பவுத்த²ஸஞ்ஞீ, அனாபத்தி.

496.
அனாபத்தி அந்தோஅருணே பச்சுத்³த⁴ரதி, விஸ்ஸஜ்ஜேதி, நஸ்ஸதி, வினஸ்ஸதி,
ட³ய்ஹதி, அச்சி²ந்தி³த்வா க³ண்ஹந்தி, விஸ்ஸாஸங் க³ண்ஹந்தி,
பி⁴க்கு²ஸம்முதியா, உம்மத்தகஸ்ஸ, ஆதி³கம்மிகஸ்ஸாதி.

உதோ³ஸிதஸிக்கா²பத³ங் நிட்டி²தங் து³தியங்.

3. ததியகதி²னஸிக்கா²பத³ங்

497. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரஸ்ஸ பி⁴க்கு²னோ அகாலசீவரங் உப்பன்னங் ஹோதி.
தஸ்ஸ தங் சீவரங் கயிரமானங் நப்பஹோதி. அத² கோ²
ஸோ பி⁴க்கு² தங் சீவரங் உஸ்ஸாபெத்வா புனப்புனங் விமஜ்ஜதி. அத்³த³ஸா கோ²
ப⁴க³வா ஸேனாஸனசாரிகங் ஆஹிண்ட³ந்தோ தங் பி⁴க்கு²ங் தங் சீவரங் உஸ்ஸாபெத்வா
புனப்புனங் விமஜ்ஜந்தங். தி³ஸ்வான யேன ஸோ பி⁴க்கு² தேனுபஸங்கமி;
உபஸங்கமித்வா தங் பி⁴க்கு²ங் ஏதத³வோச – ‘‘கிஸ்ஸ த்வங், பி⁴க்கு², இமங்
சீவரங் உஸ்ஸாபெத்வா புனப்புனங் விமஜ்ஜஸீ’’தி? ‘‘இத³ங் மே, ப⁴ந்தே,
அகாலசீவரங் உப்பன்னங். கயிரமானங் நப்பஹோதி. தேனாஹங் இமங் சீவரங்
உஸ்ஸாபெத்வா புனப்புனங் விமஜ்ஜாமீ’’தி. ‘‘அத்தி² பன தே, பி⁴க்கு²,
சீவரபச்சாஸா’’தி? ‘‘அத்தி², ப⁴க³வா’’தி. அத² கோ² ப⁴க³வா ஏதஸ்மிங் நிதா³னே
ஏதஸ்மிங் பகரணே த⁴ம்மிங் கத²ங் கத்வா, பி⁴க்கூ² ஆமந்தேஸி – ‘‘அனுஜானாமி,
பி⁴க்க²வே, அகாலசீவரங் படிக்³க³ஹெத்வா சீவரபச்சாஸா நிக்கி²பிது’’ந்தி.

498.
தேன கோ² பன ஸமயேன பி⁴க்கூ² – ‘‘ப⁴க³வதா அனுஞ்ஞாதங் அகாலசீவரங்
படிக்³க³ஹெத்வா சீவரபச்சாஸா நிக்கி²பிது’’ந்தி அகாலசீவரானி படிக்³க³ஹெத்வா
அதிரேகமாஸங் நிக்கி²பந்தி. தானி சீவரானி சீவரவங்ஸே ப⁴ண்டி³காப³த்³தா⁴னி
திட்ட²ந்தி. அத்³த³ஸா கோ² ஆயஸ்மா ஆனந்தோ³ ஸேனாஸனசாரிகங் ஆஹிண்ட³ந்தோ தானி
சீவரானி சீவரவங்ஸே ப⁴ண்டி³காப³த்³தா⁴னி திட்ட²ந்தே. தி³ஸ்வான பி⁴க்கூ²
ஆமந்தேஸி – ‘‘கஸ்ஸிமானி, ஆவுஸோ, சீவரானி சீவரவங்ஸே ப⁴ண்டி³காப³த்³தா⁴னி
திட்ட²ந்தீ’’தி? ‘‘அம்ஹாகங், ஆவுஸோ, அகாலசீவரானி சீவரபச்சாஸா
நிக்கி²த்தானீ’’தி. ‘‘கீவசிரங் பனாவுஸோ, இமானி சீவரானி நிக்கி²த்தானீ’’தி?
‘‘அதிரேகமாஸங், ஆவுஸோ’’தி. ஆயஸ்மா ஆனந்தோ³ உஜ்ஜா²யதி கி²ய்யதி விபாசேதி –
‘‘கத²ஞ்ஹி நாம பி⁴க்கூ² அகாலசீவரங் படிக்³க³ஹெத்வா அதிரேகமாஸங்
நிக்கி²பிஸ்ஸந்தீ’’தி! அத² கோ² ஆயஸ்மா ஆனந்தோ³ தே பி⁴க்கூ² அனேகபரியாயேன
விக³ரஹித்வா ப⁴க³வதோ ஏதமத்த²ங் ஆரோசேஸி…பே॰… ‘‘ஸச்சங் கிர, பி⁴க்க²வே,
பி⁴க்கூ² அகாலசீவரங் படிக்³க³ஹெத்வா அதிரேகமாஸங் நிக்கி²பந்தீ’’தி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தே,
பி⁴க்க²வே, மோக⁴புரிஸா அகாலசீவரங் படிக்³க³ஹெத்வா அதிரேகமாஸங்
நிக்கி²பிஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச
பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

499. ‘‘நிட்டி²தசீவரஸ்மிங் பி⁴க்கு²னா
உப்³ப⁴தஸ்மிங் கதி²னே பி⁴க்கு²னோ பனேவ அகாலசீவரங் உப்பஜ்ஜெய்ய,
ஆகங்க²மானேன பி⁴க்கு²னா படிக்³க³ஹேதப்³ப³ங். படிக்³க³ஹெத்வா கி²ப்பமேவ
காரேதப்³ப³ங். நோசஸ்ஸ பாரிபூரி, மாஸபரமங் தேன பி⁴க்கு²னா தங் சீவரங் நிக்கி²பிதப்³ப³ங் ஊனஸ்ஸ பாரிபூரியா ஸதியா பச்சாஸாய. ததோ சே உத்தரி
[உத்தரிங் (ஸீ॰ ஸ்யா॰)] நிக்கி²பெய்ய, ஸதியாபி பச்சாஸாய, நிஸ்ஸக்³கி³யங் பாசித்திய’’ந்தி.

500. நிட்டி²தசீவரஸ்மிந்தி பி⁴க்கு²னோ சீவரங் கதங் வா ஹோதி நட்ட²ங் வா வினட்ட²ங் வா த³ட்³ட⁴ங் வா சீவராஸா வா உபச்சி²ன்னா.

உப்³ப⁴தஸ்மிங் கதி²னேதி அட்ட²ன்னங் மாதிகானங் அஞ்ஞதராய மாதிகாய உப்³ப⁴தங் ஹோதி, ஸங்கே⁴ன வா அந்தரா உப்³ப⁴தங் ஹோதி.

அகாலசீவரங் நாம அனத்த²தே கதி²னே ஏகாத³ஸமாஸே உப்பன்னங், அத்த²தே கதி²னே ஸத்தமாஸே உப்பன்னங், காலேபி ஆதி³ஸ்ஸ தி³ன்னங், ஏதங் அகாலசீவரங் நாம.

உப்பஜ்ஜெய்யாதி உப்பஜ்ஜெய்ய ஸங்க⁴தோ வா க³ணதோ வா ஞாதிதோ வா மித்ததோ வா பங்ஸுகூலங் வா அத்தனோ வா த⁴னேன.

ஆகங்க²மானேனாதி இச்ச²மானேன படிக்³க³ஹேதப்³ப³ங்.

படிக்³க³ஹெத்வா கி²ப்பமேவ காரேதப்³ப³ந்தி த³ஸாஹா காரேதப்³ப³ங்.

நோ சஸ்ஸ பாரிபூரீதி கயிரமானங் நப்பஹோதி.

மாஸபரமங் தேன பி⁴க்கு²னா தங் சீவரங் நிக்கி²பிதப்³ப³ந்தி மாஸபரமதா நிக்கி²பிதப்³ப³ங்.

ஊனஸ்ஸ பாரிபூரியாதி ஊனஸ்ஸ பாரிபூரத்தா²ய.

ஸதியா பச்சாஸாயாதி பச்சாஸா ஹோதி ஸங்க⁴தோ வா க³ணதோ வா ஞாதிதோ வா மித்ததோ வா பங்ஸுகூலங் வா அத்தனோ வா த⁴னேன.

ததோ சே உத்தரி நிக்கி²பெய்ய ஸதியாபி பச்சாஸாயாதி தத³ஹுப்பன்னே
மூலசீவரே பச்சாஸாசீவரங் உப்பஜ்ஜதி, த³ஸாஹா காரேதப்³ப³ங். த்³வீஹுப்பன்னே
மூலசீவரே பச்சாஸாசீவரங் உப்பஜ்ஜதி, த³ஸாஹா காரேதப்³ப³ங். தீஹுப்பன்னே
மூலசீவரே…பே॰… சதூஹுப்பன்னே… பஞ்சாஹுப்பன்னே… சா²ஹுப்பன்னே…
ஸத்தாஹுப்பன்னே… அட்டா²ஹுப்பன்னே … நவாஹுப்பன்னே… த³ஸாஹுப்பன்னே மூலசீவரே பச்சாஸாசீவரங் உப்பஜ்ஜதி, த³ஸாஹா காரேதப்³ப³ங் .
ஏகாத³ஸே உப்பன்னே…பே॰… த்³வாத³ஸே உப்பன்னே… தேரஸே உப்பன்னே… சுத்³த³ஸே
உப்பன்னே… பன்னரஸே உப்பன்னே… ஸோளஸே உப்பன்னே… ஸத்தரஸே உப்பன்னே… அட்டா²ரஸே
உப்பன்னே… ஏகூனவீஸே உப்பன்னே… வீஸே உப்பன்னே மூலசீவரே பச்சாஸாசீவரங்
உப்பஜ்ஜதி, த³ஸாஹா காரேதப்³ப³ங். ஏகவீஸே உப்பன்னே மூலசீவரே பச்சாஸாசீவரங்
உப்பஜ்ஜதி, நவாஹா காரேதப்³ப³ங். த்³வாவீஸே உப்பன்னே…பே॰… தேவீஸே உப்பன்னே…
சதுவீஸே உப்பன்னே… பஞ்சவீஸே உப்பன்னே… ச²ப்³பீ³ஸே உப்பன்னே… ஸத்தவீஸே
உப்பன்னே… அட்ட²வீஸே உப்பன்னே… ஏகூனதிங்ஸே உப்பன்னே மூலசீவரே பச்சாஸாசீவரங்
உப்பஜ்ஜதி, ஏகாஹங் காரேதப்³ப³ங்… திங்ஸே உப்பன்னே மூலசீவரே பச்சாஸாசீவரங்
உப்பஜ்ஜதி , தத³ஹேவ அதி⁴ட்டா²தப்³ப³ங்
விகப்பேதப்³ப³ங் விஸ்ஸஜ்ஜேதப்³ப³ங். நோ சே அதி⁴ட்டெ²ய்ய வா விகப்பெய்ய வா
விஸ்ஸஜ்ஜெய்ய வா, ஏகதிங்ஸே அருணுக்³க³மனே நிஸ்ஸக்³கி³யங் ஹோதி.
நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா
புக்³க³லஸ்ஸ வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே,
ப⁴ந்தே, அகாலசீவரங் மாஸாதிக்கந்தங் நிஸ்ஸக்³கி³யங், இமாஹங் ஸங்க⁴ஸ்ஸ
நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.

விஸபா⁴கே³ உப்பன்னே மூலசீவரே பச்சாஸாசீவரங் உப்பஜ்ஜதி, ரத்தியோ ச ஸேஸா ஹொந்தி, ந அகாமா காரேதப்³ப³ங்.

501.
மாஸாதிக்கந்தே அதிக்கந்தஸஞ்ஞீ, நிஸ்ஸக்³கி³யங் பாசித்தியங். மாஸாதிக்கந்தே
வேமதிகோ நிஸ்ஸக்³கி³யங் பாசித்தியங். மாஸாதிக்கந்தே அனதிக்கந்தஸஞ்ஞீ
நிஸ்ஸக்³கி³யங் பாசித்தியங். அனதி⁴ட்டி²தே அதி⁴ட்டி²தஸஞ்ஞீ…பே॰… அவிகப்பிதே
விகப்பிதஸஞ்ஞீ… அவிஸ்ஸஜ்ஜிதே விஸ்ஸஜ்ஜிதஸஞ்ஞீ… அனட்டே² நட்ட²ஸஞ்ஞீ…
அவினட்டே² வினட்ட²ஸஞ்ஞீ… அத³ட்³டே⁴ த³ட்³ட⁴ஸஞ்ஞீ… அவிலுத்தே விலுத்தஸஞ்ஞீ,
நிஸ்ஸக்³கி³யங் பாசித்தியங்.

நிஸ்ஸக்³கி³யங் சீவரங் அனிஸ்ஸஜ்ஜித்வா பரிபு⁴ஞ்ஜதி,
ஆபத்தி து³க்கடஸ்ஸ. மாஸானதிக்கந்தே அதிக்கந்தஸஞ்ஞீ, ஆபத்தி து³க்கடஸ்ஸ.
மாஸானதிக்கந்தே வேமதிகோ, ஆபத்தி து³க்கடஸ்ஸ. மாஸானதிக்கந்தே
அனதிக்கந்தஸஞ்ஞீ, அனாபத்தி.

502. அனாபத்தி அந்தோமாஸே அதி⁴ட்டே²தி, விகப்பேதி, விஸ்ஸஜ்ஜேதி, நஸ்ஸதி , வினஸ்ஸதி, ட³ய்ஹதி, அச்சி²ந்தி³த்வா க³ண்ஹந்தி, விஸ்ஸாஸங் க³ண்ஹந்தி, உம்மத்தகஸ்ஸ, ஆதி³கம்மிகஸ்ஸாதி.

ததியகதி²னஸிக்கா²பத³ங் நிட்டி²தங்.

4. புராணசீவரஸிக்கா²பத³ங்

503. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மதோ உதா³யிஸ்ஸ புராணது³தியிகா பி⁴க்கு²னீஸு
பப்³ப³ஜிதா ஹோதி. ஸா ஆயஸ்மதோ உதா³யிஸ்ஸ ஸந்திகே அபி⁴க்க²ணங் ஆக³ச்ச²தி.
ஆயஸ்மாபி உதா³யீ தஸ்ஸா பி⁴க்கு²னியா ஸந்திகே அபி⁴க்க²ணங் க³ச்ச²தி. தேன கோ²
பன ஸமயேன ஆயஸ்மா உதா³யீ தஸ்ஸா பி⁴க்கு²னியா ஸந்திகே ப⁴த்தவிஸ்ஸக்³க³ங்
கரோதி. அத² கோ² ஆயஸ்மா உதா³யீ புப்³ப³ண்ஹஸமயங் நிவாஸெத்வா பத்தசீவரமாதா³ய
யேன ஸா பி⁴க்கு²னீ தேனுபஸங்கமி; உபஸங்கமித்வா தஸ்ஸா பி⁴க்கு²னியா புரதோ
அங்க³ஜாதங் விவரித்வா ஆஸனே நிஸீதி³. ஸாபி கோ² பி⁴க்கு²னீ ஆயஸ்மதோ உதா³யிஸ்ஸ
புரதோ அங்க³ஜாதங் விவரித்வா ஆஸனே நிஸீதி³. அத² கோ² ஆயஸ்மா உதா³யீ ஸாரத்தோ
தஸ்ஸா பி⁴க்கு²னியா அங்க³ஜாதங் உபனிஜ்ஜா²யி. தஸ்ஸ அஸுசி முச்சி. அத² கோ²
ஆயஸ்மா உதா³யீ தங் பி⁴க்கு²னிங் ஏதத³வோச – ‘‘க³ச்ச², ப⁴கி³னி, உத³கங் ஆஹர,
அந்தரவாஸகங் தோ⁴விஸ்ஸாமீ’’தி. ‘‘ஆஹரய்ய , அஹமேவ
தோ⁴விஸ்ஸாமீ’’தி தங் அஸுசிங் ஏகதே³ஸங் முகே²ன அக்³க³ஹேஸி ஏகதே³ஸங்
அங்க³ஜாதே பக்கி²பி. ஸா தேன க³ப்³ப⁴ங் க³ண்ஹி. பி⁴க்கு²னியோ
ஏவமாஹங்ஸு – ‘‘அப்³ரஹ்மசாரினீ அயங் பி⁴க்கு²னீ, க³ப்³பி⁴னீ’’தி. ‘‘நாஹங்,
அய்யே, அப்³ரஹ்மசாரினீ’’தி பி⁴க்கு²னீனங் ஏதமத்த²ங் ஆரோசேஸி. பி⁴க்கு²னியோ
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம அய்யோ உதா³யீ
பி⁴க்கு²னியா புராணசீவரங் தோ⁴வாபெஸ்ஸதீ’’தி! அத² கோ² தா பி⁴க்கு²னியோ
பி⁴க்கூ²னங் ஏதமத்த²ங் ஆரோசேஸுங். யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா உதா³யீ
பி⁴க்கு²னியா புராணசீவரங் தோ⁴வாபெஸ்ஸதீ’’தி! அத² கோ² தே பி⁴க்கூ²
ஆயஸ்மந்தங் உதா³யிங் அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸுங்…பே॰… ‘‘ஸச்சங் கிர த்வங், உதா³யி, பி⁴க்கு²னியா புராணசீவரங்
தோ⁴வாபேஸீ’’தி? ‘‘ஸச்சங், ப⁴க³வா’’தி. ‘‘ஞாதிகா தே, உதா³யி, அஞ்ஞாதிகா’’தி?
‘‘அஞ்ஞாதிகா, ப⁴க³வா’’தி. ‘‘அஞ்ஞாதகோ, மோக⁴புரிஸ, அஞ்ஞாதிகாய ந ஜானாதி
பதிரூபங் வா அப்பதிரூபங் வா பாஸாதி³கங் வா அபாஸாதி³கங் வா. தத்த² நாம
த்வங், மோக⁴புரிஸ, அஞ்ஞாதிகாய பி⁴க்கு²னியா புராணசீவரங் தோ⁴வாபெஸ்ஸஸி!
நேதங், மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –

504. ‘‘யோ பன பி⁴க்கு² அஞ்ஞாதிகாய பி⁴க்கு²னியா புராணசீவரங் தோ⁴வாபெய்ய வா ரஜாபெய்ய வா ஆகோடாபெய்ய வா, நிஸ்ஸக்³கி³யங் பாசித்திய’’ந்தி.

505. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

அஞ்ஞாதிகா நாம மாதிதோ வா பிதிதோ வா யாவ ஸத்தமா பிதாமஹயுகா³ அஸம்ப³த்³தா⁴.

பி⁴க்கு²னீ நாம உப⁴தோஸங்கே⁴ உபஸம்பன்னா.

புராணசீவரங் நாம ஸகிங் நிவத்த²ம்பி ஸகிங் பாருதம்பி.

தோ⁴வாதி ஆணாபேதி, ஆபத்தி து³க்கடஸ்ஸ. தோ⁴தங்
நிஸ்ஸக்³கி³யங் ஹோதி. ரஜாதி ஆணாபேதி, ஆபத்தி து³க்கடஸ்ஸ. ரத்தங்
நிஸ்ஸக்³கி³யங் ஹோதி. ஆகோடேஹீதி ஆணாபேதி, ஆபத்தி து³க்கடஸ்ஸ. ஸகிங்
பாணிப்பஹாரங் வா முக்³க³ரப்பஹாரங் வா தி³ன்னே நிஸ்ஸக்³கி³யங் ஹோதி.
நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச பன,
பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே, புராணசீவரங்
அஞ்ஞாதிகாய பி⁴க்கு²னியா தோ⁴வாபிதங் நிஸ்ஸக்³கி³யங். இமாஹங் ஸங்க⁴ஸ்ஸ
நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.

506. அஞ்ஞாதிகாய
அஞ்ஞாதிகஸஞ்ஞீ புராணசீவரங் தோ⁴வாபேதி, நிஸ்ஸக்³கி³யங் பாசித்தியங்.
அஞ்ஞாதிகாய அஞ்ஞாதிகஸஞ்ஞீ புராணசீவரங் தோ⁴வாபேதி ரஜாபேதி, நிஸ்ஸக்³கி³யேன
ஆபத்தி து³க்கடஸ்ஸ. அஞ்ஞாதிகாய அஞ்ஞாதிகஸஞ்ஞீ
புராணசீவரங் தோ⁴வாபேதி ஆகோடாபேதி, நிஸ்ஸக்³கி³யேன ஆபத்தி து³க்கடஸ்ஸ.
அஞ்ஞாதிகாய அஞ்ஞாதிகஸஞ்ஞீ புராணசீவரங் தோ⁴வாபேதி ரஜாபேதி ஆகோடாபேதி,
நிஸ்ஸக்³கி³யேன ஆபத்தி த்³வின்னங் து³க்கடானங்.

அஞ்ஞாதிகாய அஞ்ஞாதிகஸஞ்ஞீ புராணசீவரங் ரஜாபேதி,
நிஸ்ஸக்³கி³யங் பாசித்தியங். அஞ்ஞாதிகாய அஞ்ஞாதிகஸஞ்ஞீ புராணசீவரங் ரஜாபேதி
ஆகோடாபேதி, நிஸ்ஸக்³கி³யேன ஆபத்தி து³க்கடஸ்ஸ. அஞ்ஞாதிகாய அஞ்ஞாதிகஸஞ்ஞீ
புராணசீவரங் ரஜாபேதி தோ⁴வாபேதி, நிஸ்ஸக்³கி³யேன ஆபத்தி து³க்கடஸ்ஸ. அஞ்ஞாதிகாய அஞ்ஞாதிகஸஞ்ஞீ புராணசீவரங் ரஜாபேதி ஆகோடாபேதி தோ⁴வாபேதி, நிஸ்ஸக்³கி³யேன ஆபத்தி த்³வின்னங் து³க்கடானங்.

அஞ்ஞாதிகாய அஞ்ஞாதிகஸஞ்ஞீ
புராணசீவரங் ஆகோடாபேதி, நிஸ்ஸக்³கி³யங் பாசித்தியங். அஞ்ஞாதிகாய
அஞ்ஞாதிகஸஞ்ஞீ புராணசீவரங் ஆகோடாபேதி தோ⁴வாபேதி, நிஸ்ஸக்³கி³யேன ஆபத்தி
து³க்கடஸ்ஸ. அஞ்ஞாதிகாய அஞ்ஞாதிகஸஞ்ஞீ புராணசீவரங் ஆகோடாபேதி ரஜாபேதி,
நிஸ்ஸக்³கி³யேன ஆபத்தி து³க்கடஸ்ஸ. அஞ்ஞாதிகாய அஞ்ஞாதிகஸஞ்ஞீ புராணசீவரங்
ஆகோடாபேதி தோ⁴வாபேதி ரஜாபேதி, நிஸ்ஸக்³கி³யேன ஆபத்தி த்³வின்னங்
து³க்கடானங்.

அஞ்ஞாதிகாய வேமதிகோ…பே॰… அஞ்ஞாதிகாய ஞாதிகஸஞ்ஞீ…பே॰…
அஞ்ஞஸ்ஸ புராணசீவரங் தோ⁴வாபேதி, ஆபத்தி து³க்கடஸ்ஸ. நிஸீத³னபச்சத்த²ரணங்
தோ⁴வாபேதி, ஆபத்தி து³க்கடஸ்ஸ. ஏகதோஉபஸம்பன்னாய தோ⁴வாபேதி, ஆபத்தி
து³க்கடஸ்ஸ. ஞாதிகாய அஞ்ஞாதிகஸஞ்ஞீ, ஆபத்தி து³க்கடஸ்ஸ . ஞாதிகாய வேமதிகோ, ஆபத்தி து³க்கடஸ்ஸ. ஞாதிகாய ஞாதிகஸஞ்ஞீ, அனாபத்தி.

507.
அனாபத்தி ஞாதிகாய தோ⁴வந்தியா அஞ்ஞாதிகா து³தியா ஹோதி, அவுத்தா தோ⁴வதி,
அபரிபு⁴த்தங் தோ⁴வாபேதி, சீவரங் ட²பெத்வா அஞ்ஞங் பரிக்கா²ரங் தோ⁴வாபேதி,
ஸிக்க²மானாய, ஸாமணேரியா, உம்மத்தகஸ்ஸ, ஆதி³கம்மிகஸ்ஸாதி.

புராணசீவரஸிக்கா²பத³ங் நிட்டி²தங் சதுத்த²ங்.

5. சீவரபடிக்³க³ஹணஸிக்கா²பத³ங்

508. தேன
ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன
ஸமயேன உப்பலவண்ணா பி⁴க்கு²னீ ஸாவத்தி²யங் விஹரதி. அத² கோ² உப்பலவண்ணா
பி⁴க்கு²னீ புப்³ப³ண்ஹஸமயங் நிவாஸெத்வா பத்தசீவரமாதா³ய
ஸாவத்தி²ங் பிண்டா³ய பாவிஸி. ஸாவத்தி²யங் பிண்டா³ய சரித்வா பச்சா²ப⁴த்தங்
பிண்ட³பாதப்படிக்கந்தா யேன அந்த⁴வனங் தேனுபஸங்கமி தி³வாவிஹாராய. அந்த⁴வனங்
அஜ்ஜோ²கா³ஹெத்வா அஞ்ஞதரஸ்மிங் ருக்க²மூலே தி³வாவிஹாரங் நிஸீதி³. தேன கோ² பன
ஸமயேன சோரா கதகம்மா கா³விங் வதி⁴த்வா மங்ஸங்
க³ஹெத்வா அந்த⁴வனங் பவிஸிங்ஸு. அத்³த³ஸா கோ² சோரகா³மணிகோ உப்பலவண்ணங்
பி⁴க்கு²னிங் அஞ்ஞதரஸ்மிங் ருக்க²மூலே தி³வாவிஹாரங்
நிஸின்னங். தி³ஸ்வானஸ்ஸ ஏதத³ஹோஸி – ‘‘ஸசே மே புத்தபா⁴துகா பஸ்ஸிஸ்ஸந்தி
விஹேடி²ஸ்ஸந்தி இமங் பி⁴க்கு²னி’’ந்தி அஞ்ஞேன மக்³கே³ன அக³மாஸி. அத² கோ² ஸோ
சோரகா³மணிகோ மங்ஸே பக்கே வரமங்ஸானி க³ஹெத்வா பண்ணபுடங் [பண்ணேன புடங் (ஸ்யா॰)]
ப³ந்தி⁴த்வா உப்பலவண்ணாய பி⁴க்கு²னியா அவிதூ³ரே ருக்கே² ஆலக்³கெ³த்வா –
‘‘யோ பஸ்ஸதி ஸமணோ வா ப்³ராஹ்மணோ வா தி³ன்னங்யேவ ஹரதூ’’தி, வத்வா பக்காமி.
அஸ்ஸோஸி கோ² உப்பலவண்ணா பி⁴க்கு²னீ ஸமாதி⁴ம்ஹா வுட்ட²ஹித்வா தஸ்ஸ
சோரகா³மணிகஸ்ஸ இமங் வாசங் பா⁴ஸமானஸ்ஸ. அத² கோ² உப்பலவண்ணா
பி⁴க்கு²னீ தங் மங்ஸங் க³ஹெத்வா உபஸ்ஸயங் அக³மாஸி. அத² கோ² உப்பலவண்ணா
பி⁴க்கு²னீ தஸ்ஸா ரத்தியா அச்சயேன தங் மங்ஸங் ஸம்பாதெ³த்வா உத்தராஸங்கே³ன
ப⁴ண்டி³கங் ப³ந்தி⁴த்வா வேஹாஸங் அப்³பு⁴க்³க³ந்த்வா வேளுவனே பச்சுட்டா²ஸி [பச்சுபட்டா²ஸி (?)].

தேன கோ² பன ஸமயேன ப⁴க³வா கா³மங் பிண்டா³ய பவிட்டோ²
ஹோதி. ஆயஸ்மா உதா³யீ ஓஹிய்யகோ ஹோதி விஹாரபாலோ. அத² கோ² உப்பலவண்ணா
பி⁴க்கு²னீ யேனாயஸ்மா உதா³யீ தேனுபஸங்கமி; உபஸங்கமித்வா ஆயஸ்மந்தங்
உதா³யிங் ஏதத³வோச – ‘‘கஹங், ப⁴ந்தே, ப⁴க³வா’’தி? ‘‘பவிட்டோ², ப⁴கி³னி,
ப⁴க³வா கா³மங் பிண்டா³யா’’தி. ‘‘இமங், ப⁴ந்தே, மங்ஸங் ப⁴க³வதோ தே³ஹீ’’தி.
‘‘ஸந்தப்பிதோ தயா, ப⁴கி³னி, ப⁴க³வா மங்ஸேன. ஸசே மே த்வங் அந்தரவாஸகங்
த³தெ³ய்யாஸி, ஏவங் அஹம்பி ஸந்தப்பிதோ ப⁴வெய்யங் அந்தரவாஸகேனா’’தி. ‘‘மயங்
கோ², ப⁴ந்தே, மாதுகா³மா நாம கிச்ச²லாபா⁴. இத³ஞ்ச மே அந்திமங் பஞ்சமங்
சீவரங். நாஹங் த³ஸ்ஸாமீ’’தி. ‘‘ஸெய்யதா²பி, ப⁴கி³னி, புரிஸோ ஹத்தி²ங்
த³த்வா கச்சே² ஸஜ்ஜெய்ய [விஸ்ஸஜ்ஜெய்ய (ஸ்யா॰)] ஏவமேவ கோ² த்வங் ப⁴கி³னி ப⁴க³வதோ மங்ஸங் த³த்வா மயி அந்தரவாஸகே ஸஜ்ஜஸீ’’தி [அந்தரவாஸகங் ந ஸஜ்ஜஸீதி (க॰), மய்ஹங் அந்தரவாஸகங் விஸ்ஸஜ்ஜேஹீதி (ஸ்யா॰)].
அத² கோ² உப்பலவண்ணா பி⁴க்கு²னீ ஆயஸ்மதா உதா³யினா நிப்பீளியமானா
அந்தரவாஸகங் த³த்வா உபஸ்ஸயங் அக³மாஸி. பி⁴க்கு²னியோ உப்பலவண்ணாய
பி⁴க்கு²னியா பத்தசீவரங் படிக்³க³ண்ஹந்தியோ
உப்பலவண்ணங் பி⁴க்கு²னிங் ஏதத³வோசுங் – ‘‘கஹங் தே, அய்யே, அந்தரவாஸகோ’’தி?
உப்பலவண்ணா பி⁴க்கு²னீ பி⁴க்கு²னீனங் ஏதமத்த²ங் ஆரோசேஸி. பி⁴க்கு²னியோ
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
அய்யோ உதா³யீ பி⁴க்கு²னியா சீவரங் படிக்³க³ஹெஸ்ஸதி கிச்ச²லாபோ⁴
மாதுகா³மோ’’தி. அத² கோ² தா பி⁴க்கு²னியோ பி⁴க்கூ²னங் ஏதமத்த²ங் ஆரோசேஸுங்.
யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஆயஸ்மா உதா³யீ பி⁴க்கு²னியா சீவரங் படிக்³க³ஹெஸ்ஸதீ’’தி! அத²
கோ² தே பி⁴க்கூ² ஆயஸ்மந்தங் உதா³யிங் அனேகபரியாயேன
விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர த்வங்,
உதா³யி, பி⁴க்கு²னியா சீவரங் படிக்³க³ஹேஸீ’’தி? ‘‘ஸச்சங் ,
ப⁴க³வா’’தி. ‘‘ஞாதிகா தே, உதா³யி, அஞ்ஞாதிகா’’தி? ‘‘அஞ்ஞாதிகா,
ப⁴க³வா’’தி. ‘‘அஞ்ஞாதகோ, மோக⁴புரிஸ, அஞ்ஞாதிகாய ந ஜானாதி பதிரூபங் வா
அப்பதிரூபங் வா ஸந்தங் வா அஸந்தங் வா. தத்த² நாம த்வங், மோக⁴புரிஸ,
அஞ்ஞாதிகாய பி⁴க்கு²னியா ஹத்த²தோ சீவரங் படிக்³க³ஹெஸ்ஸஸி! நேதங் மோக⁴புரிஸ,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –

509. ‘‘யோ பன பி⁴க்கு² அஞ்ஞாதிகாய பி⁴க்கு²னியா ஹத்த²தோ சீவரங் படிக்³க³ண்ஹெய்ய, நிஸ்ஸக்³கி³யங் பாசித்திய’’ந்தி.

ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.

510. தேன கோ² பன ஸமயேன பி⁴க்கூ² குக்குச்சாயந்தா பி⁴க்கு²னீனங் பாரிவத்தகசீவரங்
ந படிக்³க³ண்ஹந்தி. பி⁴க்கு²னியோ உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம அய்யா அம்ஹாகங் பாரிவத்தகசீவரங் ந படிக்³க³ஹெஸ்ஸந்தீ’’தி!
அஸ்ஸோஸுங் கோ² பி⁴க்கூ² தாஸங் பி⁴க்கு²னீனங் உஜ்ஜா²யந்தீனங் கி²ய்யந்தீனங்
விபாசெந்தீனங். அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸு. அத² கோ²
ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ²
ஆமந்தேஸி – ‘‘அனுஜானாமி, பி⁴க்க²வே, பஞ்சன்னங் பாரிவத்தகங் படிக்³க³ஹேதுங் –
பி⁴க்கு²ஸ்ஸ, பி⁴க்கு²னியா, ஸிக்க²மானாய, ஸாமணேரஸ்ஸ, ஸாமணேரியா.
அனுஜானாமி, பி⁴க்க²வே, இமேஸங் பஞ்சன்னங் பாரிவத்தகங் படிக்³க³ஹேதுங். ஏவஞ்ச
பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத².

511. ‘‘யோ பன பி⁴க்கு² அஞ்ஞாதிகாய பி⁴க்கு²னியா ஹத்த²தோ சீவரங் படிக்³க³ண்ஹெய்ய, அஞ்ஞத்ர பாரிவத்தகா, நிஸ்ஸக்³கி³யங் பாசித்திய’’ந்தி.

512. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

அஞ்ஞாதிகா நாம மாதிதோ வா பிதிதோ வா யாவ ஸத்தமா பிதாமஹயுகா³ அஸம்ப³த்³தா⁴.

பி⁴க்கு²னீ நாம உப⁴தோஸங்கே⁴ உபஸம்பன்னா.

சீவரங் நாம ச²ன்னங் சீவரானங் அஞ்ஞதரங் சீவரங் விகப்பனுபக³ங் பச்சி²மங்.

அஞ்ஞத்ர பாரிவத்தகாதி ட²பெத்வா பாரிவத்தகங்.

படிக்³க³ண்ஹாதி, பயோகே³ து³க்கடங். படிலாபே⁴ன
நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ
வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே,
சீவரங் அஞ்ஞாதிகாய பி⁴க்கு²னியா ஹத்த²தோ படிக்³க³ஹிதங், அஞ்ஞத்ர
பாரிவத்தகா, நிஸ்ஸக்³கி³யங். இமாஹங் ஸங்க⁴ஸ்ஸ நிஸ்ஸஜ்ஜாமீதி…பே॰…
த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.

513.
அஞ்ஞாதிகாய அஞ்ஞாதிகஸஞ்ஞீ சீவரங் படிக்³க³ண்ஹாதி, அஞ்ஞத்ர பாரிவத்தகா,
நிஸ்ஸக்³கி³யங் பாசித்தியங். அஞ்ஞாதிகாய வேமதிகோ சீவரங் படிக்³க³ண்ஹாதி,
அஞ்ஞத்ர பாரிவத்தகா, நிஸ்ஸக்³கி³யங் பாசித்தியங். அஞ்ஞாதிகாய ஞாதிகஸஞ்ஞீ
சீவரங் படிக்³க³ண்ஹாதி, அஞ்ஞத்ர பாரிவத்தகா, நிஸ்ஸக்³கி³யங் பாசித்தியங்.

ஏகதோஉபஸம்பன்னாய ஹத்த²தோ சீவரங் படிக்³க³ண்ஹாதி,
அஞ்ஞத்ர பாரிவத்தகா, ஆபத்தி து³க்கடஸ்ஸ. ஞாதிகாய அஞ்ஞாதிகஸஞ்ஞீ, ஆபத்தி
து³க்கடஸ்ஸ. ஞாதிகாய வேமதிகோ, ஆபத்தி து³க்கடஸ்ஸ. ஞாதிகாய ஞாதிகஸஞ்ஞீ,
அனாபத்தி.

514. அனாபத்தி ஞாதிகாய, பாரிவத்தகங் பரித்தேன வா விபுலங், விபுலேன வா பரித்தங், பி⁴க்கு² விஸ்ஸாஸங் க³ண்ஹாதி, தாவகாலிகங் க³ண்ஹாதி , சீவரங் ட²பெத்வா அஞ்ஞங் பரிக்கா²ரங் க³ண்ஹாதி, ஸிக்க²மானாய, ஸாமணேரியா, உம்மத்தகஸ்ஸ, ஆதி³கம்மிகஸ்ஸாதி.

சீவரபடிக்³க³ஹணஸிக்கா²பத³ங் நிட்டி²தங் பஞ்சமங்.

6. அஞ்ஞாதகவிஞ்ஞத்திஸிக்கா²பத³ங்

515. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே . தேன கோ² பன ஸமயேன ஆயஸ்மா உபனந்தோ³ ஸக்யபுத்தோ பட்டோ [பட்டோ² (ஸ்யா॰ க॰)] ஹோதி த⁴ம்மிங் கத²ங் காதுங். அத² கோ² அஞ்ஞதரோ ஸெட்டி²புத்தோ யேனாயஸ்மா உபனந்தோ³ ஸக்யபுத்தோ தேனுபஸங்கமி ;
உபஸங்கமித்வா ஆயஸ்மந்தங் உபனந்த³ங் ஸக்யபுத்தங் அபி⁴வாதெ³த்வா ஏகமந்தங்
நிஸீதி³. ஏகமந்தங் நிஸின்னங் கோ² தங் ஸெட்டி²புத்தங் ஆயஸ்மா உபனந்தோ³
ஸக்யபுத்தோ த⁴ம்மியா கதா²ய ஸந்த³ஸ்ஸேஸி ஸமாத³பேஸி ஸமுத்தேஜேஸி ஸம்பஹங்ஸேஸி.
அத² கோ² ஸோ ஸெட்டி²புத்தோ ஆயஸ்மதா உபனந்தே³ன ஸக்யபுத்தேன த⁴ம்மியா கதா²ய
ஸந்த³ஸ்ஸிதோ ஸமாத³பிதோ ஸமுத்தேஜிதோ ஸம்பஹங்ஸிதோ ஆயஸ்மந்தங் உபனந்த³ங்
ஸக்யபுத்தங் ஏதத³வோச – ‘‘வதெ³ய்யாத², ப⁴ந்தே, யேன அத்தோ². படிப³லா மயங்
அய்யஸ்ஸ தா³துங் யதி³த³ங்
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ர’’ந்தி. ‘‘ஸசே மே த்வங்,
ஆவுஸோ, தா³துகாமோஸி, இதோ ஏகங் ஸாடகங் தே³ஹீ’’தி. ‘‘அம்ஹாகங் கோ², ப⁴ந்தே,
குலபுத்தானங் கிஸ்மிங் விய ஏகஸாடகங் க³ந்துங். ஆக³மேஹி, ப⁴ந்தே, யாவ க⁴ரங்
க³ச்சா²மி. க⁴ரங் க³தோ இதோ வா ஏகங் ஸாடகங் பஹிணிஸ்ஸாமி
இதோ வா ஸுந்த³ரதர’’ந்தி. து³தியம்பி கோ² ஆயஸ்மா உபனந்தோ³ ஸக்யபுத்தோ தங்
ஸெட்டி²புத்தங் ஏதத³வோச ‘‘ஸசே மே த்வங் ஆவுஸோ தா³துகாமோஸி இதோ ஏகங் ஸாடகங்
தே³ஹீ’’தி. அம்ஹாகங் கோ² ப⁴ந்தே குலபுத்தானங் கிஸ்மிங் விய ஏகஸாடகங்
க³ந்துங், ஆக³மேஹி ப⁴ந்தே யாவ க⁴ரங் க³ச்சா²மி, க⁴ரங் க³தோ இதோ வா ஏகங்
ஸாடகங் பஹிணிஸ்ஸாமி இதோ வா ஸுந்த³ரதரந்தி. ததியம்பி கோ² ஆயஸ்மா உபனந்தோ³
ஸக்யபுத்தோ தங் ஸெட்டி²புத்தங் ஏதத³வோச ‘‘ஸசே மே த்வங் ஆவுஸோ தா³துகாமோஸி,
இதோ ஏகங் ஸாடகங் தே³ஹீ’’தி. அம்ஹாகங் கோ² ப⁴ந்தே குலபுத்தானங் கிஸ்மிங் விய
ஏகஸாடகங் க³ந்துங், ஆக³மேஹி ப⁴ந்தே யாவ க⁴ரங் க³ச்சா²மி, க⁴ரங் க³தோ இதோ
வா ஏகங் ஸாடகங் பஹிணிஸ்ஸாமி இதோ வா ஸுந்த³ரதரந்தி. ‘‘கிங் பன தயா, ஆவுஸோ,
அதா³துகாமேன பவாரிதேன யங் த்வங் பவாரெத்வா ந தே³ஸீ’’தி.

அத² கோ² ஸோ ஸெட்டி²புத்தோ ஆயஸ்மதா உபனந்தே³ன
ஸக்யபுத்தேன நிப்பீளியமானோ ஏகங் ஸாடகங் த³த்வா அக³மாஸி. மனுஸ்ஸா தங்
ஸெட்டி²புத்தங் ஏதத³வோசுங் – ‘‘கிஸ்ஸ த்வங் அய்யோ ஏகஸாடகோ ஆக³ச்ச²ஸீ’’தி?
அத² கோ² ஸோ ஸெட்டி²புத்தோ தேஸங் மனுஸ்ஸானங் ஏதமத்த²ங் ஆரோசேஸி. மனுஸ்ஸா
உஜ்ஜா²யந்தி கி²ய்யந்தி விபாசெந்தி – ‘‘மஹிச்சா² இமே ஸமணா ஸக்யபுத்தியா
அஸந்துட்டா². நயிமேஸங் ஸுகரா த⁴ம்மனிமந்தனாபி காதுங் [நயிமே ஸுகரா த⁴ம்மனிமந்தனாயபி காதுங் (ஸ்யா॰)]. கத²ஞ்ஹி நாம ஸெட்டி²புத்தேன த⁴ம்மனிமந்தனாய கயிரமானாய ஸாடகங் க³ஹெஸ்ஸந்தீ’’தி! அஸ்ஸோஸுங்
கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஆயஸ்மா உபனந்தோ³ ஸக்யபுத்தோ ஸெட்டி²புத்தங்
சீவரங் விஞ்ஞாபெஸ்ஸதீ’’தி! அத² கோ² தே பி⁴க்கூ² ஆயஸ்மந்தங் உபனந்த³ங்
ஸக்யபுத்தங் அனேகபரியாயேன விக³ரஹித்வா ப⁴க³வதோ
ஏதமத்த²ங் ஆரோசேஸுங்…பே॰… ‘‘ஸச்சங் கிர த்வங், உபனந்த³, ஸெட்டி²புத்தங்
சீவரங் விஞ்ஞாபேஸீ’’தி? ‘‘ஸச்சங், ப⁴க³வா’’தி. ‘‘ஞாதகோ தே, உபனந்த³,
அஞ்ஞாதகோ’’தி? ‘‘அஞ்ஞாதகோ, ப⁴க³வா’’தி. ‘‘அஞ்ஞாதகோ, மோக⁴புரிஸ, அஞ்ஞாதகஸ்ஸ ந
ஜானாதி பதிரூபங் வா அப்பதிரூபங் வா ஸந்தங் வா அஸந்தங் வா. தத்த² நாம
த்வங், மோக⁴புரிஸ, அஞ்ஞாதகங் ஸெட்டி²புத்தங் சீவரங் விஞ்ஞாபெஸ்ஸஸி! நேதங்,
மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –

516. ‘‘யோ பன பி⁴க்கு² அஞ்ஞாதகங் க³ஹபதிங் வா க³ஹபதானிங் வா சீவரங் விஞ்ஞாபெய்ய, நிஸ்ஸக்³கி³யங் பாசித்திய’’ந்தி.

ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.

517. தேன கோ² பன ஸமயேன ஸம்ப³ஹுலா பி⁴க்கூ² ஸாகேதா ஸாவத்தி²ங் 2
அத்³தா⁴னமக்³க³ப்படிபன்னா ஹொந்தி. அந்தராமக்³கே³ சோரா நிக்க²மித்வா தே
பி⁴க்கூ² அச்சி²ந்தி³ங்ஸு. அத² கோ² தே பி⁴க்கூ² – ‘‘ப⁴க³வதா படிக்கி²த்தங்
அஞ்ஞாதகங் க³ஹபதிங் வா க³ஹபதானிங் வா சீவரங் விஞ்ஞாபேது’’ந்தி,
குக்குச்சாயந்தா ந விஞ்ஞாபேஸுங். யதா²னக்³கா³வ
ஸாவத்தி²ங் க³ந்த்வா பி⁴க்கூ² அபி⁴வாதெ³ந்தி. பி⁴க்கூ² ஏவமாஹங்ஸு –
‘‘ஸுந்த³ரா கோ² இமே, ஆவுஸோ, ஆஜீவகா யே இமே பி⁴க்கூ²ஸு அபி⁴வாதெ³ந்தீ’’தி.
தே ஏவமாஹங்ஸு – ‘‘ந மயங், ஆவுஸோ, ஆஜீவகா, பி⁴க்கூ² மய’’ந்தி. பி⁴க்கூ²
ஆயஸ்மந்தங் உபாலிங் ஏதத³வோசுங் – ‘‘இங்கா⁴வுஸோ உபாலி, இமே அனுயுஞ்ஜாஹீ’’தி.
அத² கோ² ஆயஸ்மதா உபாலினா அனுயுஞ்ஜியமானா தே பி⁴க்கூ² ஏதமத்த²ங் ஆரோசேஸுங்.
அத² கோ² ஆயஸ்மா உபாலி தே பி⁴க்கூ² அனுயுஞ்ஜித்வா பி⁴க்கூ² ஏதத³வோச –
‘‘பி⁴க்கூ² இமே, ஆவுஸோ. தே³த² நேஸங் சீவரானீ’’தி. யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கூ² நக்³கா³ ஆக³ச்சி²ஸ்ஸந்தி! நனு நாம திணேன வா பண்ணேன வா
படிச்சா²தெ³த்வா ஆக³ந்தப்³ப³’’ந்தி. அத² கோ² தே பி⁴க்கூ² தே அனேகபரியாயேன
விக³ரஹித்வா ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே
ஏதஸ்மிங் பகரணே த⁴ம்மிங் கத²ங் கத்வா பி⁴க்கூ²
ஆமந்தேஸி – ‘‘அனுஜானாமி, பி⁴க்க²வே, அச்சி²ன்னசீவரஸ்ஸ வா நட்ட²சீவரஸ்ஸ வா
அஞ்ஞாதகங் க³ஹபதிங் வா க³ஹபதானிங் வா சீவரங் விஞ்ஞாபேதுங். யங் ஆவாஸங்
பட²மங் உபக³ச்ச²தி, ஸசே தத்த² ஹோதி ஸங்க⁴ஸ்ஸ விஹாரசீவரங் வா உத்தரத்த²ரணங்
வா பூ⁴மத்த²ரணங் வா பி⁴ஸிச்ச²வி வா, தங் க³ஹெத்வா பாருபிதுங் லபி⁴த்வா
ஓத³ஹிஸ்ஸாமீ’’தி . நோ சே ஹோதி ஸங்க⁴ஸ்ஸ விஹாரசீவரங் வா உத்தரத்த²ரணங் வா பு⁴மத்த²ரணங் வா
பி⁴ஸிச்ச²வி வா திணேன வா பண்ணேன வா படிச்சா²தெ³த்வா ஆக³ந்தப்³ப³ங்; ந
த்வேவ நக்³கே³ன ஆக³ந்தப்³ப³ங். யோ ஆக³ச்செ²ய்ய, ஆபத்தி து³க்கடஸ்ஸ. ஏவஞ்ச
பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

518. ‘‘யோ
பன பி⁴க்கு² அஞ்ஞாதகங் க³ஹபதிங் வா க³ஹபதானிங் வா சீவரங் விஞ்ஞாபெய்ய,
அஞ்ஞத்ர ஸமயா, நிஸ்ஸக்³கி³யங் பாசித்தியங். தத்தா²யங் ஸமயோ –
அச்சி²ன்னசீவரோ வா ஹோதி பி⁴க்கு² நட்ட²சீவரோ வா. அயங் தத்த² ஸமயோ’’
தி.

519. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

அஞ்ஞாதகோ நாம மாதிதோ வா பிதிதோ வா யாவ ஸத்தமா பிதாமஹயுகா³ அஸம்ப³த்³தோ⁴.

க³ஹபதி நாம யோ கோசி அகா³ரங் அஜ்ஜா²வஸதி.

க³ஹபதானீ நாம யா காசி அகா³ரங் அஜ்ஜா²வஸதி.

சீவரங் நாம ச²ன்னங் சீவரானங் அஞ்ஞதரங் சீவரங் விகப்பனுபக³ங் பச்சி²மங்.

அஞ்ஞத்ர ஸமயாதி ட²பெத்வா ஸமயங்.

அச்சி²ன்னசீவரோ நாம பி⁴க்கு²ஸ்ஸ சீவரங் அச்சி²ன்னங் ஹோதி ராஜூஹி வா சோரேஹி வா து⁴த்தேஹி வா, யேஹி கேஹிசி வா அச்சி²ன்னங் ஹோதி.

நட்ட²சீவரோ நாம பி⁴க்கு²ஸ்ஸ
சீவரங் அக்³கி³னா வா த³ட்³ட⁴ங் ஹோதி, உத³கேன வா வுள்ஹங் ஹோதி, உந்தூ³ரேஹி
வா உபசிகாஹி வா கா²யிதங் ஹோதி, பரிபோ⁴க³ஜிண்ணங் வா ஹோதி.

அஞ்ஞத்ர ஸமயா விஞ்ஞாபேதி, பயோகே³ து³க்கடங். படிலாபே⁴ன நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச பன, பி⁴க்க²வே ,
நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே, சீவரங் அஞ்ஞாதகங் க³ஹபதிகங்,
அஞ்ஞத்ர ஸமயா விஞ்ஞாபிதங், நிஸ்ஸக்³கி³யங். இமாஹங் ஸங்க⁴ஸ்ஸ
நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.

520.
அஞ்ஞாதகே அஞ்ஞாதகஸஞ்ஞீ, அஞ்ஞத்ர ஸமயா, சீவரங் விஞ்ஞாபேதி, நிஸ்ஸக்³கி³யங்
பாசித்தியங். அஞ்ஞாதகே வேமதிகோ, அஞ்ஞத்ர ஸமயா, சீவரங் விஞ்ஞாபேதி,
நிஸ்ஸக்³கி³யங் பாசித்தியங். அஞ்ஞாதகே ஞாதகஸஞ்ஞீ, அஞ்ஞத்ர ஸமயா, சீவரங்
விஞ்ஞாபேதி, நிஸ்ஸக்³கி³யங் பாசித்தியங்.

ஞாதகே அஞ்ஞாதகஸஞ்ஞீ, ஆபத்தி து³க்கடஸ்ஸ. ஞாதகே வேமதிகோ, ஆபத்தி து³க்கடஸ்ஸ. ஞாதகே ஞாதகஸஞ்ஞீ, அனாபத்தி.

521. அனாபத்தி ஸமயே, ஞாதகானங், பவாரிதானங், அஞ்ஞஸ்ஸத்தா²ய, அத்தனோ த⁴னேன, உம்மத்தகஸ்ஸ, ஆதி³கம்மிகஸ்ஸாதி.

அஞ்ஞாதகவிஞ்ஞத்திஸிக்கா²பத³ங் நிட்டி²தங் ச²ட்ட²ங்.

7. ததுத்தரிஸிக்கா²பத³ங்

522. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² அச்சி²ன்னசீவரகே
பி⁴க்கூ² உபஸங்கமித்வா ஏவங் வத³ந்தி – ‘‘ப⁴க³வதா, ஆவுஸோ, அனுஞ்ஞாதங் –
‘அச்சி²ன்னசீவரஸ்ஸ வா நட்ட²சீவரஸ்ஸ வா அஞ்ஞாதகங் க³ஹபதிங் வா க³ஹபதானிங் வா
சீவரங் விஞ்ஞாபேதுங்’; விஞ்ஞாபேத², ஆவுஸோ, சீவர’’ந்தி. ‘‘அலங், ஆவுஸோ,
லத்³த⁴ங் அம்ஹேஹி சீவர’’ந்தி. ‘‘மயங் ஆயஸ்மந்தானங் விஞ்ஞாபேமா’’தி.
‘‘விஞ்ஞாபேத², ஆவுஸோ’’தி. அத² கோ² ச²ப்³ப³க்³கி³யா பி⁴க்கூ² க³ஹபதிகே
உபஸங்கமித்வா ஏதத³வோசுங் – ‘‘அச்சி²ன்னசீவரகா, ஆவுஸோ, பி⁴க்கூ² ஆக³தா.
தே³த² நேஸங் சீவரானீ’’தி, ப³ஹுங் சீவரங் விஞ்ஞாபேஸுங்.

தேன கோ² பன
ஸமயேன அஞ்ஞதரோ புரிஸோ ஸபா⁴யங் நிஸின்னோ அஞ்ஞதரங் புரிஸங் ஏதத³வோச –
‘‘அச்சி²ன்னசீவரகா அய்யோ பி⁴க்கூ² ஆக³தா. தேஸங் மயா சீவரங் தி³ன்ன’’ந்தி.
ஸோபி ஏவமாஹ – ‘‘மயாபி தி³ன்ன’’ந்தி. அபரோபி ஏவமாஹ – ‘‘மயாபி தி³ன்ன’’ந்தி.
தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா ந மத்தங் ஜானித்வா ப³ஹுங் சீவரங் விஞ்ஞாபெஸ்ஸந்தி, து³ஸ்ஸவாணிஜ்ஜங் வா ஸமணா ஸக்யபுத்தியா கரிஸ்ஸந்தி, பக்³கா³ஹிகஸாலங் [படக்³கா³ஹிகஸாலங் (?)]
வா பஸாரெஸ்ஸந்தீ’’தி! அஸ்ஸோஸுங் கோ² பி⁴க்கூ² தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கூ² ந மத்தங் ஜானித்வா ப³ஹுங் சீவரங்
விஞ்ஞாபெஸ்ஸந்தீ’’தி! அத² கோ² தே பி⁴க்கூ² ச²ப்³ப³க்³கி³யே பி⁴க்கூ²
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர
தும்ஹே, பி⁴க்க²வே, ந மத்தங் ஜானித்வா ப³ஹுங் சீவரங் விஞ்ஞாபேதா²’’தி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே,
மோக⁴புரிஸா, ந மத்தங் ஜானித்வா ப³ஹுங் சீவரங் விஞ்ஞாபெஸ்ஸத²! நேதங்,
மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –

523. ‘‘தஞ்சே
அஞ்ஞாதகோ க³ஹபதி வா க³ஹபதானீ வா ப³ஹூஹி சீவரேஹி அபி⁴ஹட்டு²ங் பவாரெய்ய
ஸந்தருத்தரபரமங் தேன பி⁴க்கு²னா ததோ சீவரங் ஸாதி³தப்³ப³ங். ததோ சே உத்தரி
ஸாதி³யெய்ய, நிஸ்ஸக்³கி³யங் பாசித்திய’’
ந்தி.

524. தஞ்சேதி அச்சி²ன்னசீவரகங் பி⁴க்கு²ங்.

அஞ்ஞாதகோ நாம மாதிதோ வா பிதிதோ வா யாவ ஸத்தமா பிதாமஹயுகா³ அஸம்ப³த்³தோ⁴.

க³ஹபதி நாம யோ கோசி அகா³ரங் அஜ்ஜா²வஸதி.

க³ஹபதானீ நாம யா காசி அகா³ரங் அஜ்ஜா²வஸதி.

ப³ஹூஹி சீவரேஹீதி ப³ஹுகேஹி சீவரேஹி.

அபி⁴ஹட்டு²ங் பவாரெய்யாதி யாவதகங் இச்ச²ஸி தாவதகங் க³ண்ஹாஹீதி.

ஸந்தருத்தரபரமங் தேன பி⁴க்கு²னா ததோ சீவரங் ஸாதி³தப்³ப³ந்தி ஸசே தீணி நட்டா²னி ஹொந்தி த்³வே ஸாதி³தப்³பா³னி, த்³வே நட்டா²னி ஏகங் ஸாதி³தப்³ப³ங், ஏகங் நட்ட²ங் ந கிஞ்சி ஸாதி³தப்³ப³ங்.

ததோ சே உத்தரி ஸாதி³யெய்யாதி
ததுத்தரி விஞ்ஞாபேதி, பயோகே³ து³க்கடங். படிலாபே⁴ன நிஸ்ஸக்³கி³யங் ஹோதி.
நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச பன,
பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே, சீவரங் அஞ்ஞாதகங் க³ஹபதிகங் உபஸங்கமித்வா ததுத்தரி விஞ்ஞாபிதங் நிஸ்ஸக்³கி³யங். இமாஹங் ஸங்க⁴ஸ்ஸ நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.

525.
அஞ்ஞாதகே அஞ்ஞாதகஸஞ்ஞீ ததுத்தரி சீவரங் விஞ்ஞாபேதி, நிஸ்ஸக்³கி³யங்
பாசித்தியங். அஞ்ஞாதகே வேமதிகோ ததுத்தரி சீவரங் விஞ்ஞாபேதி, நிஸ்ஸக்³கி³யங்
பாசித்தியங். அஞ்ஞாதகே ஞாதகஸஞ்ஞீ ததுத்தரி சீவரங் விஞ்ஞாபேதி,
நிஸ்ஸக்³கி³யங் பாசித்தியங்.

ஞாதகே அஞ்ஞாதகஸஞ்ஞீ, ஆபத்தி து³க்கடஸ்ஸ. ஞாதகே வேமதிகோ, ஆபத்தி து³க்கடஸ்ஸ. ஞாதகே ஞாதகஸஞ்ஞீ, அனாபத்தி.

526. அனாபத்தி – ‘‘ஸேஸகங் ஆஹரிஸ்ஸாமீ’’தி ஹரந்தோ க³ச்ச²தி, ‘‘ஸேஸகங் துய்ஹேவ ஹோதூ’’தி தெ³ந்தி, ந அச்சி²ன்னகாரணா தெ³ந்தி, ந நட்ட²காரணா தெ³ந்தி, ஞாதகானங், பவாரிதானங், அத்தனோ த⁴னேன, உம்மத்தகஸ்ஸ, ஆதி³கம்மிகஸ்ஸாதி.

ததுத்தரிஸிக்கா²பத³ங் நிட்டி²தங் ஸத்தமங்.

8. உபக்க²டஸிக்கா²பத³ங்

527. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரோ புரிஸோ பஜாபதிங் ஏதத³வோச – ‘‘அய்யங்
உபனந்த³ங் சீவரேன அச்சா²தெ³ஸ்ஸாமீ’’தி. அஸ்ஸோஸி கோ² அஞ்ஞதரோ பிண்ட³சாரிகோ
பி⁴க்கு² தஸ்ஸ புரிஸஸ்ஸ இமங் வாசங் பா⁴ஸமானஸ்ஸ. அத² கோ² ஸோ பி⁴க்கு²
யேனாயஸ்மா உபனந்தோ³ ஸக்யபுத்தோ தேனுபஸங்கமி; உபஸங்கமித்வா
ஆயஸ்மந்தங் உபனந்த³ங் ஸக்யபுத்தங் ஏதத³வோச – ‘‘மஹாபுஞ்ஞோஸி த்வங், ஆவுஸோ
உபனந்த³, அமுகஸ்மிங் ஓகாஸே அஞ்ஞதரோ புரிஸோ பஜாபதிங் ஏதத³வோச – ‘‘அய்யங்
உபனந்த³ங் சீவரேன அச்சா²தெ³ஸ்ஸாமீ’’’தி. ‘‘அத்தா²வுஸோ, மங் ஸோ
உபட்டா²கோ’’தி. அத² கோ² ஆயஸ்மா உபனந்தோ³ ஸக்யபுத்தோ யேன ஸோ புரிஸோ
தேனுபஸங்கமி; உபஸங்கமித்வா தங் புரிஸங் ஏதத³வோச – ‘‘ஸச்சங் கிர மங் த்வங்,
ஆவுஸோ, சீவரேன அச்சா²தே³துகாமோஸீ’’தி? ‘‘அபி மெய்ய, ஏவங் ஹோதி – ‘அய்யங்
உபனந்த³ங் சீவரேன அச்சா²தெ³ஸ்ஸாமீ’’’தி. ‘‘ஸசே கோ² மங் த்வங், ஆவுஸோ,
சீவரேன அச்சா²தே³துகாமோஸி, ஏவரூபேன சீவரேன அச்சா²தே³ஹி. க்யாஹங் தேன
அச்ச²ன்னோபி கரிஸ்ஸாமி யாஹங் ந பரிபு⁴ஞ்ஜிஸ்ஸாமீ’’தி.

அத² கோ² ஸோ புரிஸோ உஜ்ஜா²யதி
கி²ய்யதி விபாசேதி – ‘‘மஹிச்சா² இமே ஸமணா ஸக்யபுத்தியா அஸந்துட்டா². நயிமே
ஸுகரா சீவரேன அச்சா²தே³துங். கத²ஞ்ஹி நாம அய்யோ
உபனந்தோ³ மயா புப்³பே³ அப்பவாரிதோ மங் உபஸங்கமித்வா சீவரே விகப்பங்
ஆபஜ்ஜிஸ்ஸதீ’’தி! அஸ்ஸோஸுங் கோ² பி⁴க்கூ² தஸ்ஸ புரிஸஸ்ஸ உஜ்ஜா²யந்தஸ்ஸ
கி²ய்யந்தஸ்ஸ விபாசெந்தஸ்ஸ. யே தே பி⁴க்கூ² அப்பிச்சா²…பே॰… தே
உஜ்ஜா²ய்யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா உபனந்தோ³
ஸக்யபுத்தோ புப்³பே³ அப்பவாரிதோ க³ஹபதிகங் உபஸங்கமித்வா சீவரே விகப்பங்
ஆபஜ்ஜிஸ்ஸதீ’’தி! அத² கோ² தே பி⁴க்கூ² ஆயஸ்மந்தங் உபனந்த³ங் ஸக்யபுத்தங்
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங் …பே॰…
‘‘ஸச்சங் கிர த்வங், உபனந்த³, புப்³பே³ அப்பவாரிதோ க³ஹபதிகங் உபஸங்கமித்வா
சீவரே விகப்பங் ஆபஜ்ஜஸீ’’தி? ‘‘ஸச்சங், ப⁴க³வா’’தி. ‘‘ஞாதகோ தே, உபனந்த³,
அஞ்ஞாதகோ’’தி? ‘‘அஞ்ஞாதகோ, ப⁴க³வா’’தி. ‘‘அஞ்ஞாதகோ, மோக⁴புரிஸ, அஞ்ஞாதகஸ்ஸ ந
ஜானாதி பதிரூபங் வா அப்பதிரூபங் வா ஸந்தங் வா அஸந்தங் வா. தத்த² நாம
த்வங், மோக⁴புரிஸ, புப்³பே³ அப்பவாரிதோ அஞ்ஞாதகங் க³ஹபதிகங் உபஸங்கமித்வா
சீவரே விகப்பங் ஆபஜ்ஜிஸ்ஸஸி! நேதங், மோக⁴புரிஸ, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

528. ‘‘பி⁴க்கு²ங் பனேவ உத்³தி³ஸ்ஸ அஞ்ஞாதகஸ்ஸ க³ஹபதிஸ்ஸ வா க³ஹபதானியா வா சீவரசேதாபன்னங் [சீவரசேதாபனங் (ஸ்யா॰)] உபக்க²டங் ஹோதி – ‘இமினா
சீவரசேதாபன்னேன சீவரங் சேதாபெத்வா இத்த²ன்னாமங் பி⁴க்கு²ங் சீவரேன
அச்சா²தெ³ஸ்ஸாமீ’தி; தத்ர சே ஸோ பி⁴க்கு² புப்³பே³ அப்பவாரிதோ உபஸங்கமித்வா
சீவரே விகப்பங் ஆபஜ்ஜெய்ய – ‘ஸாது⁴ வத மங் ஆயஸ்மா இமினா சீவரசேதாபன்னேன
ஏவரூபங் வா ஏவரூபங் வா சீவரங் சேதாபெத்வா அச்சா²தே³ஹீ’தி, கல்யாணகம்யதங்
உபாதா³ய, நிஸ்ஸக்³கி³யங் பாசித்திய’’ந்தி.

529. பி⁴க்கு²ங் பனேவ உத்³தி³ஸ்ஸாதி பி⁴க்கு²ஸ்ஸத்தா²ய, பி⁴க்கு²ங் ஆரம்மணங் கரித்வா, பி⁴க்கு²ங் அச்சா²தே³துகாமோ.

அஞ்ஞாதகோ நாம மாதிதோ வா பிதிதோ வா யாவ ஸத்தமா பிதாமஹயுகா³ அஸம்ப³த்³தோ⁴.

க³ஹபதி நாம யோ கோசி அகா³ரங் அஜ்ஜா²வஸதி.

க³ஹபதானீ நாம யா காசி அகா³ரங் அஜ்ஜா²வஸதி.

சீவரசேதாபன்னங் நாம ஹிரஞ்ஞங் வா ஸுவண்ணங் வா முத்தா வா மணி வா பவாளோ வா ப²லிகோ வா படகோ வா ஸுத்தங் வா கப்பாஸோ வா.

இமினா சீவரசேதாபன்னேனாதி பச்சுபட்டி²தேன.

சேதாபெத்வாதி பரிவத்தெத்வா.

அச்சா²தெ³ஸ்ஸாமீதி த³ஸ்ஸாமி.

தத்ர சே ஸோ பி⁴க்கூ²தி யங் பி⁴க்கு²ங் உத்³தி³ஸ்ஸ சீவரசேதாபன்னங் உபக்க²டங் ஹோதி ஸோ பி⁴க்கு².

புப்³பே³ அப்பவாரிதோதி புப்³பே³ அவுத்தோ ஹோதி – ‘‘கீதி³ஸேன தே, ப⁴ந்தே, சீவரேன அத்தோ², கீதி³ஸங் தே சீவரங் சேதாபேமீ’’தி?

உபஸங்கமித்வாதி க⁴ரங் க³ந்த்வா யத்த² கத்த²சி உபஸங்கமித்வா .

சீவரே விகப்பங் ஆபஜ்ஜெய்யாதி ஆயதங் வா ஹோது வித்த²தங் வா அப்பிதங் வா ஸண்ஹங் வா.

இமினா சீவரசேதாபன்னேனாதி பச்சுபட்டி²தேன.

ஏவரூபங் வா ஏவரூபங் வாதி. ஆயதங் வா வித்த²தங் வா அப்பிதங் வா ஸண்ஹங் வா.

சேதாபெத்வாதி பரிவத்தெத்வா.

அச்சா²தே³ஹீதி த³ஜ்ஜேஹி.

கல்யாணகம்யதங் உபாதா³யாதி ஸாத⁴த்தி²கோ [ஸாது⁴த்தி²கோ (ஸ்யா॰)]
மஹக்³க⁴த்தி²கோ. தஸ்ஸ வசனேன ஆயதங் வா வித்த²தங் வா அப்பிதங் வா ஸண்ஹங் வா
சேதாபேதி, பயோகே³ து³க்கடங். படிலாபே⁴ன நிஸ்ஸக்³கி³யங் ஹோதி.
நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச பன,
பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே, சீவரங் புப்³பே³
அப்பவாரிதோ அஞ்ஞாதகங் க³ஹபதிகங் உபஸங்கமித்வா சீவரே விகப்பங் ஆபன்னங்
நிஸ்ஸக்³கி³யங், இமாஹங் ஸங்க⁴ஸ்ஸ நிஸ்ஸஜ்ஜாமீதி…பே॰… த³தெ³ய்யாதி…பே॰…
த³தெ³ய்யுந்தி…பே॰… ஆயஸ்மதோ த³ம்மீதி.

530. அஞ்ஞாதகே
அஞ்ஞாதகஸஞ்ஞீ புப்³பே³ அப்பவாரிதோ க³ஹபதிகங் உபஸங்கமித்வா சீவரே விகப்பங்
ஆபஜ்ஜதி, நிஸ்ஸக்³கி³யங் பாசித்தியங். அஞ்ஞாதகே வேமதிகோ புப்³பே³
அப்பவாரிதோ க³ஹபதிகங் உபஸங்கமித்வா சீவரே விகப்பங் ஆபஜ்ஜதி, நிஸ்ஸக்³கி³யங்
பாசித்தியங். அஞ்ஞாதகே ஞாதகஸஞ்ஞீ புப்³பே³ அப்பவாரிதோ க³ஹபதிகங்
உபஸங்கமித்வா சீவரே விகப்பங் ஆபஜ்ஜதி, நிஸ்ஸக்³கி³யங் பாசித்தியங்.

ஞாதகே அஞ்ஞாதகஸஞ்ஞீ, ஆபத்தி து³க்கடஸ்ஸ. ஞாதகே வேமதிகோ, ஆபத்தி து³க்கடஸ்ஸ. ஞாதகே ஞாதகஸஞ்ஞீ, அனாபத்தி.

531. அனாபத்தி
ஞாதகானங், பவாரிதானங், அஞ்ஞஸ்ஸத்தா²ய, அத்தனோ த⁴னேன, மஹக்³க⁴ங்
சேதாபேதுகாமஸ்ஸ அப்பக்³க⁴ங் சேதாபேதி, உம்மத்தகஸ்ஸ, ஆதி³கம்மிகஸ்ஸாதி.

உபக்க²டஸிக்கா²பத³ங் நிட்டி²தங் அட்ட²மங்.

9. து³தியஉபக்க²டஸிக்கா²பத³ங்

532. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரோ புரிஸோ அஞ்ஞதரங் புரிஸங் ஏதத³வோச –
‘‘அய்யங் உபனந்த³ங் சீவரேன அச்சா²தெ³ஸ்ஸாமீ’’தி. ஸோபி ஏவமாஹ – ‘‘அஹம்பி
அய்யங் உபனந்த³ங் சீவரேன அச்சா²தெ³ஸ்ஸாமீ’’தி. அஸ்ஸோஸி கோ² அஞ்ஞதரோ
பிண்ட³சாரிகோ பி⁴க்கு² தேஸங் புரிஸானங் இமங் கதா²ஸல்லாபங். அத² கோ² ஸோ
பி⁴க்கு² யேனாயஸ்மா உபனந்தோ³ ஸக்யபுத்தோ தேனுபஸங்கமி; உபஸங்கமித்வா
ஆயஸ்மந்தங் உபனந்த³ங் ஸக்யபுத்தங் ஏதத³வோச – ‘‘மஹாபுஞ்ஞோஸி த்வங், ஆவுஸோ
உபனந்த³. அமுகஸ்மிங் ஓகாஸே அஞ்ஞதரோ புரிஸோ அஞ்ஞதரங்
புரிஸங் ஏதத³வோச – ‘அய்யங் உபனந்த³ங் சீவரேன அச்சா²தெ³ஸ்ஸாமீ’தி. ஸோபி
ஏவமாஹ – ‘அஹம்பி அய்யங் உபனந்த³ங் சீவரேன அச்சா²தெ³ஸ்ஸாமீ’’’தி.
‘‘அத்தா²வுஸோ, மங் தே உபட்டா²கா’’தி.

அத² கோ² ஆயஸ்மா உபனந்தோ³ ஸக்யபுத்தோ யேன தே புரிஸா
தேனுபஸங்கமி; உபஸங்கமித்வா தே புரிஸே ஏதத³வோச – ‘‘ஸச்சங் கிர மங் தும்ஹே,
ஆவுஸோ, சீவரேஹி அச்சா²தே³துகாமாத்தா²’’தி? ‘‘அபி நய்ய, ஏவங் ஹோதி – ‘அய்யங்
உபனந்த³ங் சீவரேஹி அச்சா²தெ³ஸ்ஸாமா’’’தி. ‘‘ஸசே கோ² மங் தும்ஹே ,
ஆவுஸோ, சீவரேஹி அச்சா²தே³துகாமாத்த², ஏவரூபேன சீவரேன அச்சா²தே³த², க்யாஹங்
தேஹி அச்ச²ன்னோபி கரிஸ்ஸாமி, யானாஹங் ந பரிபு⁴ஞ்ஜிஸ்ஸாமீ’’தி .
அத² கோ² தே புரிஸா உஜ்ஜா²யந்தி கி²ய்யந்தி விபாசெந்தி – ‘‘மஹிச்சா² இமே
ஸமணா ஸக்யபுத்தியா அஸந்துட்டா². நயிமே ஸுகரா சீவரேஹி அச்சா²தே³துங்.
கத²ஞ்ஹி நாம அய்யோ உபனந்தோ³ அம்ஹேஹி புப்³பே³ அப்பவாரிதோ உபஸங்கமித்வா
சீவரே விகப்பங் ஆபஜ்ஜிஸ்ஸதீ’’தி!

அஸ்ஸோஸுங் கோ² பி⁴க்கூ² தேஸங் புரிஸானங்
உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ஆயஸ்மா உபனந்தோ³ ஸக்யபுத்தோ புப்³பே³ அப்பவாரிதோ க³ஹபதிகே உபஸங்கமித்வா
சீவரே விகப்பங் ஆபஜ்ஜிஸ்ஸதீ’’தி! அத² கோ² தே பி⁴க்கூ² ஆயஸ்மந்தங் உபனந்த³ங்
ஸக்யபுத்தங் அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰…
‘‘ஸச்சங் கிர த்வங், உபனந்த³, புப்³பே³ அப்பவாரிதோ க³ஹபதிகே உபஸங்கமித்வா
சீவரே விகப்பங் ஆபஜ்ஜஸீ’’தி? ‘‘ஸச்சங், ப⁴க³வா’’தி. ‘‘ஞாதகா
தே, உபனந்த³, அஞ்ஞாதகா’’தி? ‘‘அஞ்ஞாதகா, ப⁴க³வா’’தி. ‘‘அஞ்ஞாதகோ,
மோக⁴புரிஸ, அஞ்ஞாதகானங் ந ஜானாதி பதிரூபங் வா அப்பதிரூபங் வா ஸந்தங் வா
அஸந்தங் வா. தத்த² நாம த்வங், மோக⁴புரிஸ, புப்³பே³ அப்பவாரிதோ அஞ்ஞாதகே
க³ஹபதிகே உபஸங்கமித்வா சீவரே விகப்பங் ஆபஜ்ஜிஸ்ஸஸி! நேதங், மோக⁴புரிஸ,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –

533. ‘‘பி⁴க்கு²ங்
பனேவ உத்³தி³ஸ்ஸ உபி⁴ன்னங் அஞ்ஞாதகானங் க³ஹபதீனங் வா க³ஹபதானீனங் வா
பச்சேகசீவரசேதாபன்னானி உபக்க²டானி ஹொந்தி – ‘இமேஹி மயங்
பச்சேகசீவரசேதாபன்னேஹி பச்சேகசீவரானி சேதாபெத்வா இத்த²ன்னாமங் பி⁴க்கு²ங்
சீவரேஹி அச்சா²தெ³ஸ்ஸாமா’தி ; தத்ர சே ஸோ பி⁴க்கு²
புப்³பே³ அப்பவாரிதோ உபஸங்கமித்வா சீவரே விகப்பங் ஆபஜ்ஜெய்ய – ‘ஸாது⁴ வத
மங் ஆயஸ்மந்தோ இமேஹி பச்சேகசீவரசேதாபன்னேஹி ஏவரூபங் வா ஏவரூபங் வா சீவரங்
சேதாபெத்வா அச்சா²தே³த², உபோ⁴வ ஸந்தா ஏகேனா’தி, கல்யாணகம்யதங் உபாதா³ய,
நிஸ்ஸக்³கி³யங் பாசித்திய’’
ந்தி.

534. பி⁴க்கு²ங் பனேவ உத்³தி³ஸ்ஸாதி பி⁴க்கு²ஸ்ஸத்தா²ய, பி⁴க்கு²ங் ஆரம்மணங் கரித்வா, பி⁴க்கு²ங் அச்சா²தே³துகாமா.

உபி⁴ன்னந்தி த்³வின்னங்.

அஞ்ஞாதகா நாம மாதிதோ வா பிதிதோ வா யாவ ஸத்தமா பிதாமஹயுகா³ அஸம்ப³த்³தா⁴.

க³ஹபதீ நாம யே கேசி அகா³ர அஜ்ஜா²வஸந்தி.

க³ஹபதானியோ நாம யா காசி அகா³ரங் அஜ்ஜா²வஸந்தி.

சீவரசேதாபன்னானி நாம ஹிரஞ்ஞா வா ஸுவண்ணா வா முத்தா வா மணீ வா பவாளா வா ப²லிகா வா படகா வா ஸுத்தா வா கப்பாஸா வா.

இமேஹி பச்சேகசீவரசேதாபன்னேஹிதி பச்சுபட்டி²தேஹி.

சேதாபெத்வாதி பரிவத்தெத்வா.

அச்சா²தெ³ஸ்ஸாமாதி த³ஸ்ஸாம.

தத்ர சே ஸோ பி⁴க்கூ²தி யங் பி⁴க்கு²ங் உத்³தி³ஸ்ஸ சீவரசேதாபன்னானி உபக்க²டானி ஹொந்தி ஸோ பி⁴க்கு².

புப்³பே³ அப்பவாரிதோதி புப்³பே³ அவுத்தோ ஹோதி – ‘‘கீதி³ஸேன தே, ப⁴ந்தே, சீவரேன அத்தோ², கீதி³ஸங் தே சீவரங் சேதாபேமா’’தி.

உபஸங்கமித்வாதி க⁴ரங் க³ந்த்வா யத்த² கத்த²சி உபஸங்கமித்வா.

சீவரே விகப்பங் ஆபஜ்ஜெய்யாதி ஆயதங் வா ஹோது வித்த²தங் வா அப்பிதங் வா ஸண்ஹங் வா.

இமேஹி பச்சேகசீவரசேதாபன்னேஹீதி பச்சுபட்டி²தேஹி.

ஏவரூபங் வா ஏவரூபங் வாதி ஆயதங் வா வித்த²தங் வா அப்பிதங் வா ஸண்ஹங் வா.

சேதாபெத்வாதி பரிவத்தெத்வா.

அச்சா²தே³தா²தி த³ஜ்ஜேத².

உபோ⁴வ ஸந்தா ஏகேனாதி த்³வேபி ஜனா ஏகேன.

கல்யாணகம்யதங் உபாதா³யாதி ஸாத⁴த்தி²கோ மஹக்³க⁴த்தி²கோ.

தஸ்ஸ வசனேன ஆயதங் வா வித்த²தங் வா அப்பிதங் வா ஸண்ஹங்
வா சேதாபெந்தி, பயோகே³ து³க்கடங். படிலாபே⁴ன நிஸ்ஸக்³கி³யங் ஹோதி.
நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச பன,
பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே, சீவரங் புப்³பே³
அப்பவாரிதோ அஞ்ஞாதகே க³ஹபதிகே உபஸங்கமித்வா சீவரே விகப்பங் ஆபன்னங் நிஸ்ஸக்³கி³யங். இமாஹங் ஸங்க⁴ஸ்ஸ நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.

535.
அஞ்ஞாதகே அஞ்ஞாதகஸஞ்ஞீ புப்³பே³ அப்பவாரிதோ க³ஹபதிகே உபஸங்கமித்வா சீவரே
விகப்பங் ஆபஜ்ஜதி, நிஸ்ஸக்³கி³யங் பாசித்தியங். அஞ்ஞாதகே வேமதிகோ புப்³பே³
அப்பவாரிதோ க³ஹபதிகே உபஸங்கமித்வா சீவரே விகப்பங் ஆபஜ்ஜதி, நிஸ்ஸக்³கி³யங்
பாசித்தியங். அஞ்ஞாதகே ஞாதகஸஞ்ஞீ புப்³பே³ அப்பவாரிதோ க³ஹபதிகே
உபஸங்கமித்வா சீவரே விகப்பங் ஆபஜ்ஜதி, நிஸ்ஸக்³கி³யங் பாசித்தியங்.

ஞாதகே அஞ்ஞாதகஸஞ்ஞீ, ஆபத்தி து³க்கடஸ்ஸ. ஞாதகே வேமதிகோ, ஆபத்தி து³க்கடஸ்ஸ. ஞாதகே ஞாதகஸஞ்ஞீ, அனாபத்தி.

536.
அனாபத்தி – ஞாதகானங், பவாரிதானங், அஞ்ஞஸ்ஸத்தா²ய, அத்தனோ த⁴னேன, மஹக்³க⁴ங்
சேதாபேதுகாமானங் அப்பக்³க⁴ங் சேதாபேதி, உம்மத்தகஸ்ஸ, ஆதி³கம்மிகஸ்ஸாதி.

து³தியஉபக்க²டஸிக்கா²பத³ங் நிட்டி²தங் நவமங்.

10. ராஜஸிக்கா²பத³ங்

537. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மதோ உபனந்த³ஸ்ஸ ஸக்யபுத்தஸ்ஸ உபட்டா²கோ
மஹாமத்தோ ஆயஸ்மதோ உபனந்த³ஸ்ஸ ஸக்யபுத்தஸ்ஸ தூ³தேன சீவரசேதாபன்னங் பாஹேஸி –
‘‘இமினா சீவரசேதாபன்னேன சீவரங் சேதாபெத்வா அய்யங் உபனந்த³ங் சீவரேன
அச்சா²தே³ஹீ’’தி. அத² கோ² ஸோ தூ³தோ யேனாயஸ்மா உபனந்தோ³ ஸக்யபுத்தோ
தேனுபஸங்கமி; உபஸங்கமித்வா ஆயஸ்மந்தங் உபனந்த³ங் ஸக்யபுத்தங் ஏதத³வோச –
‘‘இத³ங் கோ², ப⁴ந்தே, ஆயஸ்மந்தங் உத்³தி³ஸ்ஸ சீவரசேதாபன்னங் ஆப⁴தங்.
படிக்³க³ண்ஹாது ஆயஸ்மா சீவரசேதாபன்ன’’ந்தி. ஏவங் வுத்தே
ஆயஸ்மா உபனந்தோ³ ஸக்யபுத்தோ தங் தூ³தங் ஏதத³வோச – ‘‘ந கோ² மயங், ஆவுஸோ,
சீவரசேதாபன்னங் படிக்³க³ண்ஹாம, சீவரஞ்ச கோ² மயங் படிக்³க³ண்ஹாம காலேன
கப்பிய’’ந்தி. ஏவங் வுத்தே ஸோ தூ³தோ ஆயஸ்மந்தங் உபனந்த³ங் ஸக்யபுத்தங்
ஏதத³வோச – ‘‘அத்தி² பனாயஸ்மதோ கோசி வெய்யாவச்சகரோ’’தி ?
தேன கோ² பன ஸமயேன அஞ்ஞதரோ உபாஸகோ ஆராமங் அக³மாஸி கேனசிதே³வ கரணீயேன. அத²
கோ² ஆயஸ்மா உபனந்தோ³ ஸக்யபுத்தோ தங் தூ³தங் ஏதத³வோச – ‘‘ஏஸோ கோ², ஆவுஸோ,
உபாஸகோ பி⁴க்கூ²னங் வெய்யாவச்சகரோ’’தி. அத² கோ² ஸோ தூ³தோ தங் உபாஸகங்
ஸஞ்ஞாபெத்வா யேனாயஸ்மா உபனந்தோ³ ஸக்யபுத்தோ தேனுபஸங்கமி ;
உபஸங்கமித்வா ஆயஸ்மந்தங் உபனந்த³ங் ஸக்யபுத்தங் ஏதத³வோச – ‘‘யங் கோ²,
ப⁴ந்தே, ஆயஸ்மா வெய்யாவச்சகரங் நித்³தி³ஸி ஸஞ்ஞத்தோ ஸோ மயா. உபஸங்கமது
ஆயஸ்மா காலேன, சீவரேன தங் அச்சா²தெ³ஸ்ஸதீ’’தி.

தேன கோ² பன ஸமயேன ஸோ மஹாமத்தோ ஆயஸ்மதோ உபனந்த³ஸ்ஸ
ஸக்யபுத்தஸ்ஸ ஸந்திகே தூ³தங் பாஹேஸி – ‘‘பரிபு⁴ஞ்ஜது அய்யோ தங் சீவரங்,
இச்சா²ம மயங் அய்யேன தங் சீவரங் பரிபு⁴த்த’’ந்தி. அத² கோ² ஆயஸ்மா உபனந்தோ³
ஸக்யபுத்தோ தங் உபாஸகங் ந கிஞ்சி அவசாஸி. து³தியம்பி கோ² ஸோ மஹாமத்தோ
ஆயஸ்மதோ உபனந்த³ஸ்ஸ ஸக்யபுத்தஸ்ஸ ஸந்திகே தூ³தங் பாஹேஸி – ‘‘பரிபு⁴ஞ்ஜது
அய்யோ தங் சீவரங், இச்சா²ம மயங் அய்யேன தங் சீவரங் பரிபு⁴த்த’’ந்தி.
து³தியம்பி கோ² ஆயஸ்மா உபனந்தோ³ ஸக்யபுத்தோ தங் உபாஸகங் ந கிஞ்சி அவசாஸி.
ததியம்பி கோ² ஸோ மஹாமத்தோ ஆயஸ்மதோ உபனந்த³ஸ்ஸ ஸக்யபுத்தஸ்ஸ ஸந்திகே தூ³தங்
பாஹேஸி – ‘‘பரிபு⁴ஞ்ஜது அய்யோ தங் சீவரங், இச்சா²ம மயங் அய்யேன தங் சீவரங்
பரிபு⁴த்த’’ந்தி.

தேன கோ² பன ஸமயேன நேக³மஸ்ஸ ஸமயோ ஹோதி. நேக³மேன ச கதிகா
கதா ஹோதி – ‘‘யோ பச்சா² ஆக³ச்ச²தி பஞ்ஞாஸங் ப³த்³தோ⁴’’தி. அத² கோ² ஆயஸ்மா
உபனந்தோ³ ஸக்யபுத்தோ யேன ஸோ உபாஸகோ தேனுபஸங்கமி; உபஸங்கமித்வா தங் உபாஸகங்
ஏதத³வோச – ‘‘அத்தோ² மே, ஆவுஸோ, சீவரேனா’’தி. ‘‘அஜ்ஜண்ஹோ, ப⁴ந்தே ,
ஆக³மேஹி, அஜ்ஜ நேக³மஸ்ஸ ஸமயோ. நேக³மேன ச கதிகா கதா ஹோதி – ‘யோ பச்சா²
ஆக³ச்ச²தி பஞ்ஞாஸங் ப³த்³தோ⁴’’’தி. ‘‘அஜ்ஜேவ மே, ஆவுஸோ, சீவரங் தே³ஹீ’’தி
ஓவட்டிகாய பராமஸி. அத² கோ² ஸோ உபாஸகோ ஆயஸ்மதா உபனந்தே³ன ஸக்யபுத்தேன
நிப்பீளியமானோ ஆயஸ்மதோ உபனந்த³ஸ்ஸ ஸக்யபுத்தஸ்ஸ சீவரங் சேதாபெத்வா பச்சா²
அக³மாஸி. மனுஸ்ஸா தங் உபாஸகங் ஏதத³வோசுங் – ‘‘கிஸ்ஸ த்வங், அய்யோ, பச்சா²
ஆக³தோ, பஞ்ஞாஸங் ஜீனோஸீ’’தி.

அத² கோ² ஸோ உபாஸகோ தேஸங் மனுஸ்ஸானங் ஏதமத்த²ங்
ஆரோசேஸி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘மஹிச்சா² இமே ஸமணா
ஸக்யபுத்தியா அஸந்துட்டா² . நயிமேஸங் ஸுகரங் வெய்யாவச்சம்பி காதுங். கத²ஞ்ஹி நாம ஆயஸ்மா உபனந்தோ³ உபாஸகேன – ‘அஜ்ஜண்ஹோ, ப⁴ந்தே, ஆக³மேஹீ’தி
வுச்சமானோ நாக³மெஸ்ஸதீ’’தி! அஸ்ஸோஸுங் கோ² பி⁴க்கூ² தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ² அப்பிச்சா²…
தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா உபனந்தோ³
ஸக்யபுத்தோ உபாஸகேன – ‘அஜ்ஜண்ஹோ, ப⁴ந்தே, ஆக³மேஹீ’தி வுச்சமானோ
நாக³மெஸ்ஸதீ’’தி! அத² கோ² தே பி⁴க்கூ² ஆயஸ்மந்தங் உபனந்த³ங் ஸக்யபுத்தங்
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர
த்வங், உபனந்த³, உபாஸகேன – ‘அஜ்ஜண்ஹோ, ப⁴ந்தே, ஆக³மேஹீ’தி வுச்சமானோ
நாக³மேஸீ’’தி ? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம த்வங், மோக⁴புரிஸ, உபாஸகேன – ‘அஜ்ஜண்ஹோ,
ப⁴ந்தே, ஆக³மேஹீ’தி வுச்சமானோ நாக³மெஸ்ஸஸி! நேதங், மோக⁴புரிஸ,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –

538. ‘‘பி⁴க்கு²ங்
பனேவ உத்³தி³ஸ்ஸ ராஜா வா ராஜபொ⁴க்³கோ³ வா ப்³ராஹ்மணோ வா க³ஹபதிகோ வா
தூ³தேன சீவரசேதாபன்னங் பஹிணெய்ய – ‘இமினா சீவரசேதாபன்னேன சீவரங் சேதாபெத்வா
இத்த²ன்னாமங் பி⁴க்கு²ங் சீவரேன அச்சா²தே³ஹீ’தி. ஸோ சே தூ³தோ தங்
பி⁴க்கு²ங் உபஸங்கமித்வா ஏவங் வதெ³ய்ய – ‘இத³ங் கோ², ப⁴ந்தே, ஆயஸ்மந்தங்
உத்³தி³ஸ்ஸ சீவரசேதாபன்னங் ஆப⁴தங், படிக்³க³ண்ஹாது ஆயஸ்மா
சீவரசேதாபன்ன’ந்தி, தேன பி⁴க்கு²னா ஸோ தூ³தோ ஏவமஸ்ஸ வசனீயோ – ‘ந கோ² மயங்,
ஆவுஸோ, சீவரசேதாபன்னங் படிக்³க³ண்ஹாம. சீவரஞ்ச கோ² மயங் படிக்³க³ண்ஹாம,
காலேன கப்பிய’ந்தி. ஸோ சே தூ³தோ தங் பி⁴க்கு²ங் ஏவங் வதெ³ய்ய – ‘அத்தி²
பனாயஸ்மதோ கோசி வெய்யாவச்சகரோ’தி, சீவரத்தி²கேன, பி⁴க்க²வே, பி⁴க்கு²னா
வெய்யாவச்சகரோ நித்³தி³ஸிதப்³போ³ ஆராமிகோ வா உபாஸகோ வா – ‘ஏஸோ கோ², ஆவுஸோ,
பி⁴க்கூ²னங் வெய்யாவச்சகரோ’தி. ஸோ சே தூ³தோ தங் வெய்யாவச்சகரங் ஸஞ்ஞாபெத்வா
தங் பி⁴க்கு²ங் உபஸங்கமித்வா ஏவங் வதெ³ய்ய – ‘யங் கோ², ப⁴ந்தே, ஆயஸ்மா
வெய்யாவச்சகரங் நித்³தி³ஸி ஸஞ்ஞத்தோ ஸோ மயா, உபஸங்கமது ஆயஸ்மா காலேன,
சீவரேன தங் அச்சா²தெ³ஸ்ஸதீ’தி, சீவரத்தி²கேன, பி⁴க்க²வே, பி⁴க்கு²னா
வெய்யாவச்சகரோ உபஸங்கமித்வா த்³வத்திக்க²த்துங் சோதே³தப்³போ³
ஸாரேதப்³போ³ – ‘அத்தோ² மே, ஆவுஸோ, சீவரேனா’தி. த்³வத்திக்க²த்துங்
சோத³யமானோ ஸாரயமானோ தங் சீவரங் அபி⁴னிப்பா²தெ³ய்ய, இச்சேதங் குஸலங்; நோ சே
அபி⁴னிப்பா²தெ³ய்ய, சதுக்க²த்துங்
பஞ்சக்க²த்துங்
ச²க்க²த்துபரமங் துண்ஹீபூ⁴தேன உத்³தி³ஸ்ஸ டா²தப்³ப³ங். சதுக்க²த்துங்
பஞ்சக்க²த்துங் ச²க்க²த்துபரமங் துண்ஹீபூ⁴தோ உத்³தி³ஸ்ஸ திட்ட²மானோ
தங் சீவரங் அபி⁴னிப்பா²தெ³ய்ய, இச்சேதங் குஸலங்; ததோ சே உத்தரி வாயமமானோ
தங் சீவர அபி⁴னிப்பா²தெ³ய்ய, நிஸ்ஸக்³கி³யங் பாசித்தியங். நோ சே
அபி⁴னிப்பா²தெ³ய்ய, யதஸ்ஸ சீவரசேதாபன்னங் ஆப⁴தங், தத்த² ஸாமங் வா
க³ந்தப்³ப³ங் தூ³தோ வா பாஹேதப்³போ³ – ‘யங் கோ² தும்ஹே ஆயஸ்மந்தோ பி⁴க்கு²ங்
உத்³தி³ஸ்ஸ சீவரசேதாபன்னங் பஹிணித்த², ந தங் தஸ்ஸ
பி⁴க்கு²னோ கிஞ்சி அத்த²ங் அனுபோ⁴தி, யுஞ்ஜந்தாயஸ்மந்தோ ஸகங், மா வோ ஸகங்
வினஸ்ஸா’தி, அயங் தத்த² ஸாமீசீ’’
தி.

539. பி⁴க்கு²ங் பனேவ உத்³தி³ஸ்ஸாதி பி⁴க்கு²ஸ்ஸத்தா²ய, பி⁴க்கு²ங் ஆரம்மணங் கரித்வா , பி⁴க்கு²ங் அச்சா²தே³துகாமோ.

ராஜா நாம யோ கோசி ரஜ்ஜங் காரேதி.

ராஜபொ⁴க்³கோ³ நாம யோ கோசி ரஞ்ஞோ ப⁴த்தவேதனாஹாரோ.

ப்³ராஹ்மணோ நாம ஜாதியா ப்³ராஹ்மணோ.

க³ஹபதிகோ நாம ட²பெத்வா ராஜங் ராஜபொ⁴க்³க³ங் ப்³ராஹ்மணங் அவஸேஸோ க³ஹபதிகோ நாம.

சீவரசேதாபன்னங் நாம ஹிரஞ்ஞங் வா ஸுவண்ணங் வா முத்தா வா மணி வா.

இமினா சீவரசேதாபன்னேனாதி பச்சுபட்டி²தேன.

சேதாபெத்வாதி பரிவத்தெத்வா.

அச்சா²தே³ஹீதி த³ஜ்ஜேஹி.

ஸோ சே தூ³தோ தங் பி⁴க்கு²ங் உபஸங்கமித்வா ஏவங் வதெ³ய்ய
– ‘‘இத³ங் கோ², ப⁴ந்தே, ஆயஸ்மந்தங் உத்³தி³ஸ்ஸ சீவரசேதாபன்னங் ஆப⁴தங்.
படிக்³க³ண்ஹாது ஆயஸ்மா சீவரசேதாபன்ன’’ந்தி, தேன பி⁴க்கு²னா ஸோ தூ³தோ ஏவமஸ்ஸ
வசனீயோ – ‘‘ந கோ² மயங், ஆவுஸோ, சீவரசேதாபன்னங் படிக்³க³ண்ஹாம. சீவரஞ்ச கோ²
மயங் படிக்³க³ண்ஹாம, காலேன கப்பிய’’ந்தி. ஸோ சே தூ³தோ தங் பி⁴க்கு²ங் ஏவங்
வதெ³ய்ய – ‘‘அத்தி² பனாயஸ்மதோ கோசி வெய்யாவச்சகரோ’’தி? சீவரத்தி²கேன,
பி⁴க்க²வே, பி⁴க்கு²னா வெய்யாவச்சகரோ நித்³தி³ஸிதப்³போ³ ஆராமிகோ வா உபாஸகோ
வா – ‘‘ஏஸோ கோ², ஆவுஸோ , பி⁴க்கூ²னங்
வெய்யாவச்சகரோ’’தி. ந வத்தப்³போ³ – ‘‘தஸ்ஸ தே³ஹீதி வா, ஸோ வா
நிக்கி²பிஸ்ஸதி, ஸோ வா பரிவத்தெஸ்ஸதி, ஸோ வா சேதாபெஸ்ஸதீ’’தி.

ஸோ சே தூ³தோ தங் வெய்யாவச்சகரங்
ஸஞ்ஞாபெத்வா தங் பி⁴க்கு²ங் உபஸங்கமித்வா ஏவங் வதெ³ய்ய – ‘‘யங் கோ²,
ப⁴ந்தே, ஆயஸ்மா வெய்யாவச்சகரங் நித்³தி³ஸி ஸஞ்ஞத்தோ ஸோ மயா. உபஸங்கமது
ஆயஸ்மா காலேன, சீவரேன தங் அச்சா²தெ³ஸ்ஸதீ’’தி, சீவரத்தி²கேன, பி⁴க்க²வே,
பி⁴க்கு²னா வெய்யாவச்சகரோ உபஸங்கமித்வா த்³வத்திக்க²த்துங் சோதே³தப்³போ³
ஸாரேதப்³போ³ – ‘‘அத்தோ² மே, ஆவுஸோ, சீவரேனா’’தி. ந வத்தப்³போ³ – ‘‘தே³ஹி மே
சீவரங், ஆஹர மே சீவரங், பரிவத்தேஹி மே சீவரங், சேதாபேஹி மே சீவர’’ந்தி.
து³தியம்பி வத்தப்³போ³. ததியம்பி வத்தப்³போ³. ஸசே அபி⁴னிப்பா²தே³தி,
இச்சேதங் குஸலங்; நோ சே அபி⁴னிப்பா²தே³தி, தத்த² க³ந்த்வா துண்ஹீபூ⁴தேன
உத்³தி³ஸ்ஸ டா²தப்³ப³ங். ந ஆஸனே நிஸீதி³தப்³ப³ங். ந ஆமிஸங்
படிக்³க³ஹேதப்³ப³ங். ந த⁴ம்மோ பா⁴ஸிதப்³போ³. ‘‘கிங் காரணா ஆக³தோஸீ’’தி
புச்சி²யமானோ ‘‘ஜானாஹி, ஆவுஸோ’’தி வத்தப்³போ³. ஸசே ஆஸனே வா நிஸீத³தி ,
ஆமிஸங் வா படிக்³க³ண்ஹாதி, த⁴ம்மங் வா பா⁴ஸதி, டா²னங் ப⁴ஞ்ஜதி. து³தியம்பி
டா²தப்³ப³ங். ததியம்பி டா²தப்³ப³ங். சதுக்க²த்துங் சோதெ³த்வா
சதுக்க²த்துங் டா²தப்³ப³ங். பஞ்சக்க²துங் சோதெ³த்வா த்³விக்க²த்துங்
டா²தப்³ப³ங். ச²க்க²த்துங் சோதெ³த்வா ந டா²தப்³ப³ங். ததோ சே உத்தரி
வாயமமானோ தங் சீவரங் அபி⁴னிப்பா²தே³தி, பயோகே³ து³க்கடங். படிலாபே⁴ன
நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ
வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே ,
ப⁴ந்தே, சீவரங் அதிரேகதிக்க²த்துங் சோத³னாய அதிரேகச²க்க²த்துங் டா²னேன
அபி⁴னிப்பா²தி³தங் நிஸ்ஸக்³கி³யங். இமாஹங் ஸங்க⁴ஸ்ஸ நிஸ்ஸஜ்ஜாமீதி…பே॰…
த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.

நோ சே அபி⁴னிப்பா²தெ³ய்ய, யதஸ்ஸ சீவரசேதாபன்னங் ஆப⁴தங்
தத்த² ஸாமங் வா க³ந்தப்³ப³ங் தூ³தோ வா பாஹேதப்³போ³ – ‘‘யங் கோ² தும்ஹே
ஆயஸ்மந்தோ பி⁴க்கு²ங் உத்³தி³ஸ்ஸ சீவரசேதாபன்னங் பஹிணித்த² ந தங் தஸ்ஸ
பி⁴க்கு²னோ கிஞ்சி அத்த²ங் அனுபோ⁴தி. யுஞ்ஜந்தாயஸ்மந்தோ ஸகங், மா வோ ஸகங்
வினஸ்ஸா’’தி.

அயங் தத்த² ஸாமீசீதி அயங் தத்த² அனுத⁴ம்மதா.

540.
அதிரேகதிக்க²த்துங் சோத³னாய அதிரேகச²க்க²த்துங் டா²னேன அதிரேகஸஞ்ஞீ
அபி⁴னிப்பா²தே³தி, நிஸ்ஸக்³கி³யங் பாசித்தியங். அதிரேகதிக்க²த்துங் சோத³னாய
அதிரேகச²க்க²த்துங் டா²னேன வேமதிகோ
அபி⁴னிப்பா²தே³தி, நிஸ்ஸக்³கி³யங் பாசித்தியங். அதிரேகதிக்க²த்துங் சோத³னாய
அதிரேகச²க்க²த்துங் டா²னேன ஊனகஸஞ்ஞீ அபி⁴னிப்பா²தே³தி, நிஸ்ஸக்³கி³யங்
பாசித்தியங்.

ஊனகதிக்க²த்துங் சோத³னாய
ஊனகச²க்க²த்துங் டா²னேன அதிரேகஸஞ்ஞீ, ஆபத்தி து³க்கடஸ்ஸ. ஊனகதிக்க²த்துங்
சோத³னாய ஊனகச²க்க²த்துங் டா²னேன வேமதிகோ, ஆபத்தி து³க்கடஸ்ஸ.
ஊனகதிக்க²த்துங் சோத³னாய ஊனகச²க்க²த்துங் டா²னேன ஊனகஸஞ்ஞீ அனாபத்தி.

541.
அனாபத்தி – திக்க²த்துங் சோத³னாய, ச²க்க²த்துங் டா²னேன, ஊனகதிக்க²த்துங்
சோத³னாய, ஊனகச²க்க²த்துங் டா²னேன, அசோதி³யமானோ தே³தி, ஸாமிகா சோதெ³த்வா தெ³ந்தி, உம்மத்தகஸ்ஸ, ஆதி³கம்மிகஸ்ஸாதி.

ராஜஸிக்கா²பத³ங் நிட்டி²தங் த³ஸமங்.

கதி²னவக்³கோ³ பட²மோ.

தஸ்ஸுத்³தா³னங் –

உப்³ப⁴தங் கதி²னங் தீணி, தோ⁴வனஞ்ச படிக்³க³ஹோ;

அஞ்ஞாதகானி தீணேவ, உபி⁴ன்னங் தூ³தகேன சாதி.

2. கோஸியவக்³கோ³

1. கோஸியஸிக்கா²பத³ங்

542. தேன
ஸமயேன பு³த்³தோ⁴ ப⁴க³வா ஆளவியங் விஹரதி அக்³கா³ளவே சேதியே. தேன கோ² பன
ஸமயேன ச²ப்³ப³க்³கி³யா பி⁴க்கூ² கோஸியகாரகே உபஸங்கமித்வா ஏவங் வத³ந்தி –
‘‘ப³ஹூ, ஆவுஸோ, கோஸகாரகே பசத², அம்ஹாகம்பி த³ஸ்ஸத², மயம்பி இச்சா²ம
கோஸியமிஸ்ஸகங் ஸந்த²தங் காது’’ந்தி. தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஸமணா ஸக்யபுத்தியா அம்ஹே உபஸங்கமித்வா ஏவங் வக்க²ந்தி –
‘ப³ஹூ, ஆவுஸோ, கோஸகாரகே பசத², அம்ஹாகம்பி த³ஸ்ஸத², மயம்பி இச்சா²ம
கோஸியமிஸ்ஸகங் ஸந்த²தங் காது’ந்தி! அம்ஹாகம்பி அலாபா⁴, அம்ஹாகம்பி
து³ல்லத்³த⁴ங், யே மயங் ஆஜீவஸ்ஸ ஹேது புத்ததா³ரஸ்ஸ காரணா ப³ஹூ கு²த்³த³கே
பாணே ஸங்கா⁴தங் ஆபாதே³மா’’தி. அஸ்ஸோஸுங் கோ² பி⁴க்கூ² தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கூ² கோஸியகாரகே உபஸங்கமித்வா ஏவங் வக்க²ந்தி – ‘ப³ஹூ,
ஆவுஸோ, கோஸகாரகே பசத², அம்ஹாகம்பி த³ஸ்ஸத², மயம்பி இச்சா²ம கோஸியமிஸ்ஸகங்
ஸந்த²தங் காது’’’ந்தி! அத² கோ² தே பி⁴க்கூ² ச²ப்³ப³க்³கி³யே பி⁴க்கூ²
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர
தும்ஹே, பி⁴க்க²வே, கோஸியகாரகே உபஸங்கமித்வா ஏவங் வதே³த² – ‘ப³ஹூ, ஆவுஸோ,
கோஸகாரகே பசத², அம்ஹாகம்பி த³ஸ்ஸத², மயம்பி இச்சா²ம கோஸியமிஸ்ஸகங் ஸந்த²தங்
காது’’’ந்தி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, கோஸியகாரகே
உபஸங்கமித்வா ஏவங் வக்க²த² – ப³ஹூ, ஆவுஸோ, கோஸகாரகே பசத², அம்ஹாகம்பி
த³ஸ்ஸத², மயம்பி இச்சா²ம கோஸியமிஸ்ஸகங் ஸந்த²தங் காதுந்தி. நேதங் , மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

543. ‘‘யோ பன பி⁴க்கு² கோஸியமிஸ்ஸகங் ஸந்த²தங் காராபெய்ய, நிஸ்ஸக்³கி³யங் பாசித்திய’’ந்தி.

544. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

ஸந்த²தங் நாம ஸந்த²ரித்வா கதங் ஹோதி அவாயிமங்.

காராபெய்யாதி ஏகேனபி
கோஸியங்ஸுனா மிஸ்ஸித்வா கரோதி வா காராபேதி வா, பயோகே³ து³க்கடங். படிலாபே⁴ன
நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா
புக்³க³லஸ்ஸ வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³…பே॰… இத³ங் மே,
ப⁴ந்தே, கோஸியமிஸ்ஸகங் ஸந்த²தங் காராபிதங் நிஸ்ஸக்³கி³யங். இமாஹங் ஸங்க⁴ஸ்ஸ
நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ
த³ம்மீதி.

545. அத்தனா
விப்பகதங் அத்தனா பரியோஸாபேதி, நிஸ்ஸக்³கி³யங் பாசித்தியங். அத்தனா
விப்பகதங் பரேஹி பரியோஸாபேதி, நிஸ்ஸக்³கி³யங் பாசித்தியங். பரேஹி விப்பகதங்
அத்தனா பரியோஸாபேதி, நிஸ்ஸக்³கி³யங் பாசித்தியங். பரேஹி விப்பகதங் பரேஹி
பரியோஸாபேதி, நிஸ்ஸக்³கி³யங் பாசித்தியங்.

அஞ்ஞஸ்ஸத்தா²ய கரோதி வா காராபேதி வா, ஆபத்தி து³க்கடஸ்ஸ . அஞ்ஞேன கதங் படிலபி⁴த்வா பரிபு⁴ஞ்ஜதி, ஆபத்தி து³க்கடஸ்ஸ.

546. அனாபத்தி விதானங் வா பூ⁴மத்த²ரணங் வா ஸாணிபாகாரங் வா பி⁴ஸிங் வா பி³ப்³போ³ஹனங் வா கரோதி, உம்மத்தகஸ்ஸ, ஆதி³கம்மிகஸ்ஸாதி.

கோஸியஸிக்கா²பத³ங் நிட்டி²தங் பட²மங்.

2. ஸுத்³த⁴காளகஸிக்கா²பத³ங்

547. தேன
ஸமயேன பு³த்³தோ⁴ ப⁴க³வா வேஸாலியங் விஹரதி மஹாவனே கூடாகா³ரஸாலாயங். தேன கோ²
பன ஸமயேன ச²ப்³ப³க்³கி³யா பி⁴க்கூ² ஸுத்³த⁴காளகானங் ஏளகலோமானங் ஸந்த²தங்
காராபெந்தி. மனுஸ்ஸா விஹாரசாரிகங் ஆஹிண்ட³ந்தா பஸ்ஸித்வா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா ஸுத்³த⁴காளகானங்
ஏளகலோமானங் ஸந்த²தங் காராபெஸ்ஸந்தி, ஸெய்யதா²பி கி³ஹீ காமபோ⁴கி³னோ’’தி!
அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² ஸுத்³த⁴காளகானங்
ஏளகலோமானங் ஸந்த²தங் காராபெஸ்ஸந்தீ’’தி! அத² கோ² தே பி⁴க்கூ²
ச²ப்³ப³க்³கி³யே பி⁴க்கூ² அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸுங்…பே॰… ‘‘ஸச்சங் கிர தும்ஹே, பி⁴க்க²வே, ஸுத்³த⁴காளகானங்
ஏளகலோமானங் ஸந்த²தங் காராபேதா²’’தி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, ஸுத்³த⁴காளகானங்
ஏளகலோமானங் ஸந்த²தங் காராபெஸ்ஸத²! நேதங், மோக⁴புரிஸா, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

548. ‘‘யோ பன பி⁴க்கு² ஸுத்³த⁴காளகானங் ஏளகலோமானங் ஸந்த²தங் காராபெய்ய, நிஸ்ஸக்³கி³யங் பாசித்திய’’ந்தி.

549. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

காளகங் நாம த்³வே காளகானி – ஜாதியா காளகங் வா ரஜனகாளகங் வா.

ஸந்த²தங் நாம ஸந்த²ரித்வா கதங் ஹோதி அவாயிமங்.

காராபெய்யாதி கரோதி வா காராபேதி வா, பயோகே³ து³க்கடங். படிலாபே⁴ன நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்
…பே॰… இத³ங் மே, ப⁴ந்தே, ஸுத்³த⁴காளகானங் ஏளகலோமானங் ஸந்த²தங் காராபிதங்
நிஸ்ஸக்³கி³யங். இமாஹங் ஸங்க⁴ஸ்ஸ நிஸ்ஸஜ்ஜாமீதி…பே॰… த³தெ³ய்யாதி…பே॰…
த³தெ³ய்யுந்தி…பே॰… ஆயஸ்மதோ த³ம்மீதி.

550.
அத்தனா விப்பகதங் அத்தனா பரியோஸாபேதி, நிஸ்ஸக்³கி³யங் பாசித்தியங். அத்தனா
விப்பகதங் பரேஹி பரியோஸாபேதி, நிஸ்ஸக்³கி³யங் பாசித்தியங். பரேஹி
விப்பகதங் அத்தனா பரியோஸாபேதி, நிஸ்ஸக்³கி³யங் பாசித்தியங். பரேஹி
விப்பகதங் பரேஹி பரியோஸாபேதி, நிஸ்ஸக்³கி³யங் பாசித்தியங்.

அஞ்ஞஸ்ஸத்தா²ய கரோதி வா காராபேதி வா, ஆபத்தி து³க்கடஸ்ஸ. அஞ்ஞேன கதங் படிலபி⁴த்வா பரிபு⁴ஞ்ஜதி, ஆபத்தி து³க்கடஸ்ஸ.

551. அனாபத்தி விதானங் வா பூ⁴மத்த²ரணங் வா ஸாணிபாகாரங் வா பி⁴ஸிங் வா பி³ப்³போ³ஹனங் வா கரோதி, உம்மத்தகஸ்ஸ, ஆதி³கம்மிகஸ்ஸாதி.

ஸுத்³த⁴காளகஸிக்கா²பத³ங் நிட்டி²தங் து³தியங்.

3. த்³வேபா⁴க³ஸிக்கா²பத³ங்

552. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² – ‘‘ப⁴க³வதா
படிக்கி²த்தங் ஸுத்³த⁴காளகானங் ஏளகலோமானங் ஸந்த²தங் காராபேது’’ந்தி, தே
தோ²கங்யேவ ஓதா³தங் அந்தே ஆதி³யித்வா ததே²வ ஸுத்³த⁴காளகானங் ஏளகலோமானங்
ஸந்த²தங் காராபெந்தி. யே தே பி⁴க்கூ² அப்பிச்சா²… தே உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² தோ²கங்யேவ
ஓதா³தங் அந்தே ஆதி³யித்வா ததே²வ ஸுத்³த⁴காளகானங் ஏளகலோமானங் ஸந்த²தங்
காராபெஸ்ஸந்தீ’’தி! அத² கோ² தே பி⁴க்கூ² ச²ப்³ப³க்³கி³யே பி⁴க்கூ²
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர
தும்ஹே, பி⁴க்க²வே, தோ²கங்யேவ ஓதா³தங் அந்தே ஆதி³யித்வா ததே²வ
ஸுத்³த⁴காளகானங் ஏளகலோமானங் ஸந்த²தங் காராபேதா²’’தி? ‘‘ஸச்சங், ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, தோ²கங்யேவ
ஓதா³தங் அந்தே ஆதி³யித்வா ததே²வ ஸுத்³த⁴காளகானங் ஏளகலோமானங் ஸந்த²தங்
காராபெஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

553. ‘‘நவங்
பன பி⁴க்கு²னா ஸந்த²தங் காரயமானேன த்³வே பா⁴கா³ ஸுத்³த⁴காளகானங்
ஏளகலோமானங் ஆதா³தப்³பா³ ததியங் ஓதா³தானங் சதுத்த²ங் கோ³சரியானங் .
அனாதா³ சே பி⁴க்கு² த்³வே பா⁴கே³ ஸுத்³த⁴காளகானங் ஏளகலோமானங் ததியங்
ஓதா³தானங் சதுத்த²ங் கோ³சரியானங் நவங் ஸந்த²தங் காராபெய்ய, நிஸ்ஸக்³கி³யங்
பாசித்திய’’
ந்தி.

554. நவங் நாம கரணங் உபாதா³ய வுச்சதி.

ஸந்த²தங் நாம ஸந்த²ரித்வா கதங் ஹோதி அவாயிமங்.

காரயமானேனாதி கரொந்தோ வா காராபெந்தோ வா.

த்³வே பா⁴கா³ ஸுத்³த⁴காளகானங் ஏளகலோமானங் ஆதா³தப்³பா³தி தா⁴ரயித்வா த்³வே துலா ஆதா³தப்³பா³.

ததியங் ஓதா³தானந்தி துலங் ஓதா³தானங்.

சதுத்த²ங் கோ³சரியானந்தி துலங் கோ³சரியானங்.

அனாதா³ சே பி⁴க்கு² த்³வே பா⁴கே³ ஸுத்³த⁴காளகானங் ஏளகலோமானங் ததியங் ஓதா³தானங் சதுத்த²ங் கோ³சரியானந்தி.
அனாதி³யித்வா த்³வே துலே ஸுத்³த⁴காளகானங் ஏளகலோமானங் துலங் ஓதா³தானங்
துலங் கோ³சரியானங் நவங் ஸந்த²தங் கரோதி வா காராபேதி வா பயோகே³ து³க்கடங்,
படிலாபே⁴ன நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா
புக்³க³லஸ்ஸ வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே,
ப⁴ந்தே, ஸந்த²தங் அனாதி³யித்வா த்³வே துலே ஸுத்³த⁴காளகானங் ஏளகலோமானங்
துலங் ஓதா³தானங் துலங் கோ³சரியானங் காராபிதங் நிஸ்ஸக்³கி³யங். இமாஹங்
ஸங்க⁴ஸ்ஸ நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ
த³ம்மீதி.

555. அத்தனா
விப்பகதங் அத்தனா பரியோஸாபேதி, நிஸ்ஸக்³கி³யங் பாசித்தியங். அத்தனா
விப்பகதங் பரேஹி பரியோஸாபேதி, நிஸ்ஸக்³கி³யங் பாசித்தியங். பரேஹி விப்பகதங்
அத்தனா பரியோஸாபேதி, நிஸ்ஸக்³கி³யங் பாசித்தியங் . பரேஹி விப்பகதங் பரேஹி பரியோஸாபேதி, நிஸ்ஸக்³கி³யங் பாசித்தியங்.

அஞ்ஞஸ்ஸத்தா²ய கரோதி வா காராபேதி வா, ஆபத்தி து³க்கடஸ்ஸ. அஞ்ஞேன கதங் படிலபி⁴த்வா பரிபு⁴ஞ்ஜதி, ஆபத்தி து³க்கடஸ்ஸ.

556.
அனாபத்தி துலங் ஓதா³தானங் துலங் கோ³சரியானங் ஆதி³யித்வா கரோதி, ப³ஹுதரங்
ஓதா³தானங் ப³ஹுதரங் கோ³சரியானங் ஆதி³யித்வா கரோதி, ஸுத்³த⁴ங் ஓதா³தானங்
ஸுத்³த⁴ங் கோ³சரியானங் ஆதி³யித்வா கரோதி, விதானங் வா பூ⁴மத்த²ரணங் வா
ஸாணிபாகாரங் வா பி⁴ஸிங் வா பி³ப்³போ³ஹனங் வா கரோதி, உம்மத்தகஸ்ஸ,
ஆதி³கம்மிகஸ்ஸாதி.

த்³வேபா⁴க³ஸிக்கா²பத³ங் நிட்டி²தங் ததியங்.

4. ச²ப்³ப³ஸ்ஸஸிக்கா²பத³ங்

557. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கூ² அனுவஸ்ஸங் ஸந்த²தங் காராபெந்தி. தே
யாசனப³ஹுலா விஞ்ஞத்திப³ஹுலா விஹரந்தி – ‘‘ஏளகலோமானி தே³த². ஏளகலோமேஹி
அத்தோ²’’தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ஸமணா ஸக்யபுத்தியா அனுவஸ்ஸங் ஸந்த²தங் காராபெஸ்ஸந்தி, யாசனப³ஹுலா
விஞ்ஞத்திப³ஹுலா விஹரிஸ்ஸந்தி – ‘ஏளகலோமானி தே³த², ஏளகலோமேஹி அத்தோ²’’’தி!
அம்ஹாகங் பன ஸகிங் கதானி ஸந்த²தானி பஞ்சபி ச²பி வஸ்ஸானி ஹொந்தி, யேஸங் நோ
தா³ரகா உஹத³ந்திபி உம்மிஹந்திபி உந்தூ³ரேஹிபி க²ஜ்ஜந்தி. இமே பன ஸமணா
ஸக்யபுத்தியா அனுவஸ்ஸங் ஸந்த²தங் காராபெந்தி, யாசனப³ஹுலா விஞ்ஞத்திப³ஹுலா
விஹரந்தி – ‘‘ஏளகலோமானி தே³த², ஏளகலோமேஹி அத்தோ²’’தி!

அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கூ² அனுவஸ்ஸங் ஸந்த²தங் காராபெஸ்ஸந்தி, யாசனப³ஹுலா விஞ்ஞத்திப³ஹுலா
விஹரிஸ்ஸந்தி – ‘ஏளகலோமானி தே³த², ஏளகலோமேஹி அத்தோ²’’’தி! அத² கோ² தே
பி⁴க்கூ² தே அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰…
ஸச்சங் கிர, பி⁴க்க²வே, பி⁴க்கூ² அனுவஸ்ஸங் ஸந்த²தங் காராபெந்தி, யாசனப³ஹுலா விஞ்ஞத்திப³ஹுலா விஹரந்தி – ‘ஏளகலோமானி தே³த², ஏளகலோமேஹி அத்தோ²’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம தே, பி⁴க்க²வே, மோக⁴புரிஸா அனுவஸ்ஸங் ஸந்த²தங்
காராபெஸ்ஸந்தி, யாசனப³ஹுலா விஞ்ஞத்திப³ஹுலா விஹரிஸ்ஸந்தி – ‘ஏளகலோமானி
தே³த², ஏளகலோமேஹி அத்தோ²’தி! நேதங், பி⁴க்க²வே, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

558. ‘‘நவங்
பன பி⁴க்கு²னா ஸந்த²தங் காராபெத்வா ச²ப்³ப³ஸ்ஸானி தா⁴ரேதப்³ப³ங். ஓரேன சே
ச²ன்னங் வஸ்ஸானங் தங் ஸந்த²தங் விஸ்ஸஜ்ஜெத்வா வா அவிஸ்ஸஜ்ஜெத்வா வா அஞ்ஞங்
நவங் ஸந்த²தங் காராபெய்ய, நிஸ்ஸக்³கி³யங் பாசித்திய’’
ந்தி.

ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.

559.
தேன கோ² பன ஸமயேன அஞ்ஞதரோ பி⁴க்கு² கோஸம்பி³யங் கி³லானோ ஹோதி. ஞாதகா தஸ்ஸ
பி⁴க்கு²னோ ஸந்திகே தூ³தங் பாஹேஸுங் – ‘‘ஆக³ச்ச²து, ப⁴த³ந்தோ மயங்
உபட்ட²ஹிஸ்ஸாமா’’தி. பி⁴க்கூ²பி ஏவமாஹங்ஸு – ‘‘க³ச்சா²வுஸோ, ஞாதகா தங்
உபட்ட²ஹிஸ்ஸந்தீ’’தி. ஸோ ஏவமாஹ – ‘‘ப⁴க³வதா, ஆவுஸோ, ஸிக்கா²பத³ங் பஞ்ஞத்தங்
– ‘நவங் பன பி⁴க்கு²னா ஸந்த²தங் காராபெத்வா ச²ப்³ப³ஸ்ஸானி
தா⁴ரேதப்³ப³’ந்தி. அஹஞ்சம்ஹி கி³லானோ, ந ஸக்கோமி ஸந்த²தங் ஆதா³ய
பக்கமிதுங். மய்ஹஞ்ச வினா ஸந்த²தா ந பா²ஸு ஹோதி. நாஹங் க³மிஸ்ஸாமீ’’தி.
ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங்
பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே,
கி³லானஸ்ஸ பி⁴க்கு²னோ ஸந்த²தஸம்முதிங் தா³துங். ஏவஞ்ச பன ,
பி⁴க்க²வே, தா³தப்³பா³. தேன கி³லானேன பி⁴க்கு²னா ஸங்க⁴ங் உபஸங்கமித்வா
ஏகங்ஸங் உத்தராஸங்க³ங் கரித்வா வுட்³டா⁴னங் பி⁴க்கூ²னங் பாதே³ வந்தி³த்வா
உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ – ‘அஹங்,
ப⁴ந்தே, கி³லானோ. ந ஸக்கோமி ஸந்த²தங் ஆதா³ய பக்கமிதுங். ஸோஹங், ப⁴ந்தே,
ஸங்க⁴ங் ஸந்த²தஸம்முதிங் யாசாமீ’தி. து³தியம்பி யாசிதப்³பா³. ததியம்பி
யாசிதப்³பா³. ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

560. ‘‘ஸுணாது
மே, ப⁴ந்தே, ஸங்கோ⁴. அயங் இத்த²ன்னாமோ பி⁴க்கு² கி³லானோ. ந ஸக்கோதி
ஸந்த²தங் ஆதா³ய பக்கமிதுங். ஸோ ஸங்க⁴ங் ஸந்த²தஸம்முதிங் யாசதி. யதி³
ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமஸ்ஸ பி⁴க்கு²னோ ஸந்த²தஸம்முதிங்
த³தெ³ய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴ .
அயங் இத்த²ன்னாமோ பி⁴க்கு² கி³லானோ. ந ஸக்கோதி ஸந்த²தங் ஆதா³ய பக்கமிதுங்.
ஸோ ஸங்க⁴ங் ஸந்த²தஸம்முதிங் யாசதி. ஸங்கோ⁴ இத்த²ன்னாமஸ்ஸ பி⁴க்கு²னோ
ஸந்த²தஸம்முதிங் தே³தி. யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ
ஸந்த²தஸம்முதியா தா³னங், ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

‘‘தி³ன்னா ஸங்கே⁴ன இத்த²ன்னாமஸ்ஸ பி⁴க்கு²னோ ஸந்த²தஸம்முதி. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

561. ‘‘நவங்
பன பி⁴க்கு²னா ஸந்த²தங் காராபெத்வா ச²ப்³ப³ஸ்ஸானி தா⁴ரேதப்³ப³ங். ஓரேன சே
ச²ன்னங் வஸ்ஸானங் தங் ஸந்த²தங் விஸ்ஸஜ்ஜெத்வா வா அவிஸ்ஸஜ்ஜெத்வா வா அஞ்ஞங்
நவங் ஸந்த²தங் காராபெய்ய, அஞ்ஞத்ர பி⁴க்கு²ஸம்முதியா , நிஸ்ஸக்³கி³யங் பாசித்திய’’
ந்தி.

562. நவங் நாம கரணங் உபாதா³ய வுச்சதி.

ஸந்த²தங் நாம ஸந்த²ரித்வா கதங் ஹோதி அவாயிமங்.

காராபெத்வாதி கரித்வா வா காராபெத்வா வா.

ச²ப்³ப³ஸ்ஸானி தா⁴ரேதப்³ப³ந்தி ச²ப்³ப³ஸ்ஸபரமதா தா⁴ரேதப்³ப³ங்.

ஓரேன சே ச²ன்னங் வஸ்ஸானந்தி ஊனகச²ப்³ப³ஸ்ஸானி.

தங் ஸந்த²தங் விஸ்ஸஜ்ஜெத்வாதி அஞ்ஞேஸங் த³த்வா.

அவிஸ்ஸஜ்ஜெத்வாதி ந கஸ்ஸசி த³த்வா.

அஞ்ஞத்ர பி⁴க்கு²ஸம்முதியாதி
ட²பெத்வா பி⁴க்கு²ஸம்முதிங் அஞ்ஞங் நவங் ஸந்த²தங் கரோதி வா காராபேதி வா,
பயோகே³ து³க்கடங். படிலாபே⁴ன நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங்
ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச பன, பி⁴க்க²வே,
நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே, ஸந்த²தங் ஊனகச²ப்³ப³ஸ்ஸானி
காராபிதங், அஞ்ஞத்ர பி⁴க்கு²ஸம்முதியா, நிஸ்ஸக்³கி³யங். இமாஹங் ஸங்க⁴ஸ்ஸ
நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.

563.
அத்தனா விப்பகதங் அத்தனா பரியோஸாபேதி, நிஸ்ஸக்³கி³யங் பாசித்தியங். அத்தனா
விப்பகதங் பரேஹி பரியோஸாபேதி, நிஸ்ஸக்³கி³யங் பாசித்தியங் . பரேஹி விப்பகதங் அத்தனா பரியோஸாபேதி, நிஸ்ஸக்³கி³யங் பாசித்தியங். பரேஹி விப்பகதங் பரேஹி பரியோஸாபேதி, நிஸ்ஸக்³கி³யங் பாசித்தியங்.

564.
அனாபத்தி ச²ப்³ப³ஸ்ஸானி கரோதி, அதிரேகச²ப்³ப³ஸ்ஸானி கரோதி, அஞ்ஞஸ்ஸத்தா²ய
கரோதி வா காராபேதி வா, அஞ்ஞேன கதங் படிலபி⁴த்வா பரிபு⁴ஞ்ஜதி , விதானங் வா பூ⁴மத்த²ரணங் வா ஸாணிபாகாரங் வா பி⁴ஸிங் வா பி³ப்³போ³ஹனங் வா கரோதி, பி⁴க்கு²ஸம்முதியா, உம்மத்தகஸ்ஸ, ஆதி³கம்மிகஸ்ஸாதி.

ச²ப்³ப³ஸ்ஸஸிக்கா²பத³ங் நிட்டி²தங் சதுத்த²ங்.

5. நிஸீத³னஸந்த²தஸிக்கா²பத³ங்

565. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. அத² கோ² ப⁴க³வா பி⁴க்கூ² ஆமந்தேஸி – ‘‘இச்சா²மஹங், பி⁴க்க²வே,
தேமாஸங் படிஸல்லீயிதுங். நம்ஹி கேனசி உபஸங்கமிதப்³போ³, அஞ்ஞத்ர ஏகேன
பிண்ட³பாதனீஹாரகேனா’’தி. ‘‘ஏவங், ப⁴ந்தே,’’தி கோ² தே பி⁴க்கூ² ப⁴க³வதோ
படிஸ்ஸுணித்வா நாஸ்ஸுத⁴ கோசி ப⁴க³வந்தங் உபஸங்கமதி, அஞ்ஞத்ர ஏகேன
பிண்ட³பாதனீஹாரகேன. தேன கோ² பன ஸமயேன ஸாவத்தி²யா ஸங்கே⁴ன கதிகா கதா ஹோதி –
‘‘இச்ச²தாவுஸோ, ப⁴க³வா தேமாஸங் படிஸல்லீயிதுங். ந ப⁴க³வா கேனசி
உபஸங்கமிதப்³போ³ , அஞ்ஞத்ர ஏகேன பிண்ட³பாதனீஹாரகேன.
யோ ப⁴க³வந்தங் உபஸங்கமதி ஸோ பாசித்தியங் தே³ஸாபேதப்³போ³’’தி. அத² கோ²
ஆயஸ்மா உபஸேனோ வங்க³ந்தபுத்தோ, ஸபரிஸோ யேன ப⁴க³வா தேனுபஸங்கமி;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஆசிண்ணங் கோ²
பனேதங் பு³த்³தா⁴னங் ப⁴க³வந்தானங் ஆக³ந்துகேஹி பி⁴க்கூ²ஹி ஸத்³தி⁴ங்
படிஸம்மோதி³துங். அத² கோ² ப⁴க³வா ஆயஸ்மந்தங் உபஸேனங் வங்க³ந்தபுத்தங்
ஏதத³வோச – ‘‘கச்சி வோ, உபஸேன, க²மனீயங் கச்சி யாபனீயங், கச்சித்த²
அப்பகிலமதே²ன அத்³தா⁴னங் ஆக³தா’’தி? ‘‘க²மனீயங் , ப⁴க³வா, யாபனீயங், ப⁴க³வா. அப்பகிலமதே²ன ச மயங், ப⁴ந்தே, அத்³தா⁴னங் ஆக³தா’’தி.

தேன கோ² பன ஸமயேன ஆயஸ்மதோ உபஸேனஸ்ஸ வங்க³ந்தபுத்தஸ்ஸ ஸத்³தி⁴விஹாரிகோ பி⁴க்கு² ப⁴க³வதோ அவிதூ³ரே நிஸின்னோ ஹோதி. அத² கோ² ப⁴க³வா
தங் பி⁴க்கு²ங் ஏதத³வோச – ‘‘மனாபானி தே, பி⁴க்கு², பங்ஸுகூலானீ’’தி? ‘‘ந
கோ² மே, ப⁴ந்தே, மனாபானி பங்ஸுகூலானீ’’தி. ‘‘கிஸ்ஸ பன த்வங், பி⁴க்கு²,
பங்ஸுகூலிகோ’’தி? ‘‘உபஜ்ஜா²யோ மே, ப⁴ந்தே, பங்ஸுகூலிகோ. ஏவங் அஹம்பி
பங்ஸுகூலிகோ’’தி. அத² கோ² ப⁴க³வா ஆயஸ்மந்தங் உபஸேனங் வங்க³ந்தபுத்தங்
ஏதத³வோச – ‘‘பாஸாதி³கா கோ² த்யாயங், உபஸேன, பரிஸா. கத²ங் த்வங், உபஸேன,
பரிஸங் வினேஸீ’’தி? ‘‘யோ மங், ப⁴ந்தே, உபஸம்பத³ங் யாசதி தமஹங் [தாஹங் (க॰)]
ஏவங் வதா³மி – ‘அஹங் கோ², ஆவுஸோ, ஆரஞ்ஞிகோ பிண்ட³பாதிகோ பங்ஸுகூலிகோ. ஸசே
த்வம்பி ஆரஞ்ஞிகோ ப⁴விஸ்ஸஸி பிண்ட³பாதிகோ பங்ஸுகூலிகோ, ஏவாஹங் தங்
உபஸம்பாதெ³ஸ்ஸாமீ’தி. ஸசே மே படிஸ்ஸுணாதி உபஸம்பாதே³மி, நோ சே மே
படிஸ்ஸுணாதி ந உபஸம்பாதே³மி. யோ மங் நிஸ்ஸயங் யாசதி தமஹங் [தாஹங் (க॰)]
ஏவங் வதா³மி – ‘அஹங் கோ², ஆவுஸோ, ஆரஞ்ஞிகோ பிண்ட³பாதிகோ பங்ஸுகூலிகோ. ஸசே
த்வம்பி ஆரஞ்ஞிகோ ப⁴விஸ்ஸஸி பிண்ட³பாதிகோ பங்ஸுகூலிகோ, ஏவாஹங் தே நிஸ்ஸயங்
த³ஸ்ஸாமீ’தி. ஸசே மே படிஸ்ஸுணாதி நிஸ்ஸயங் தே³மி, நோ சே மே படிஸ்ஸுணாதி ந
நிஸ்ஸயங் தே³மி. ஏவங் கோ² அஹங், ப⁴ந்தே, பரிஸங் வினேமீ’’தி.

‘‘ஸாது⁴ ஸாது⁴, உபஸேன. ஸாது⁴ கோ² த்வங், உபஸேன, பரிஸங் வினேஸி .
ஜானாஸி பன த்வங், உபஸேன, ஸாவத்தி²யா ஸங்க⁴ஸ்ஸ கதிக’’ந்தி? ‘‘ந கோ² அஹங்,
ப⁴ந்தே, ஜானாமி ஸாவத்தி²யா ஸங்க⁴ஸ்ஸ கதிக’’ந்தி. ‘‘ஸாவத்தி²யா கோ², உபஸேன,
ஸங்கே⁴ன கதிகா கதா – ‘இச்ச²தாவுஸோ, ப⁴க³வா தேமாஸங் படிஸல்லீயிதுங். ந
ப⁴க³வா கேனசி உபஸங்கமிதப்³போ³, அஞ்ஞத்ர ஏகேன பிண்ட³பாதனீஹாரகேன. யோ
ப⁴க³வந்தங் உபஸங்கமதி ஸோ பாசித்தியங் தே³ஸாபேதப்³போ³’தி. ‘‘பஞ்ஞாயிஸ்ஸதி,
ப⁴ந்தே, ஸாவத்தி²யா ஸங்கோ⁴ ஸகாய கதிகாய, ந மயங் அபஞ்ஞத்தங் பஞ்ஞபெஸ்ஸாம
பஞ்ஞத்தங் வா ந ஸமுச்சி²ந்தி³ஸ்ஸாம, யதா²பஞ்ஞத்தேஸு ஸிக்கா²பதே³ஸு ஸமாதா³ய
வத்திஸ்ஸாமா’’தி. ‘‘ஸாது⁴ ஸாது⁴, உபஸேன, அபஞ்ஞத்தங்
ந பஞ்ஞபேதப்³ப³ங், பஞ்ஞத்தங் வா ந ஸமுச்சி²ந்தி³தப்³ப³ங், யதா²பஞ்ஞத்தேஸு
ஸிக்கா²பதே³ஸு ஸமாதா³ய வத்திதப்³ப³ங். அனுஜானாமி, உபஸேன, யே தே பி⁴க்கூ²
ஆரஞ்ஞிகா பிண்ட³பாதிகா பங்ஸுகூலிகா யதா²ஸுக²ங் மங் த³ஸ்ஸனாய
உபஸங்கமந்தூ’’தி.

566.
தேன கோ² பன ஸமயேன ஸம்ப³ஹுலா பி⁴க்கூ² ப³ஹித்³வாரகொட்ட²கே டி²தா ஹொந்தி –
‘‘மயங் ஆயஸ்மந்தங் உபஸேனங் வங்க³ந்தபுத்தங் பாசித்தியங் தே³ஸாபெஸ்ஸாமா’’தி .
அத² கோ² ஆயஸ்மா உபஸேனோ வங்க³ந்தபுத்தோ ஸபரிஸோ உட்டா²யாஸனா ப⁴க³வந்தங்
அபி⁴வாதெ³த்வா பத³க்கி²ணங் கத்வா பக்காமி. அத² கோ² தே பி⁴க்கூ² ஆயஸ்மந்தங்
உபஸேனங் வங்க³ந்தபுத்தங் ஏதத³வோசுங் – ‘‘ஜானாஸி த்வங், ஆவுஸோ உபஸேன,
ஸாவத்தி²யா ஸங்க⁴ஸ்ஸ கதிக’’ந்தி. ‘‘ப⁴க³வாபி மங், ஆவுஸோ, ஏவமாஹ – ‘ஜானாஸி
பன த்வங், உபஸேன, ஸாவத்தி²யா ஸங்க⁴ஸ்ஸ கதிக’ந்தி? ந
கோ² அஹங், ப⁴ந்தே, ஜானாமி ஸாவத்தி²யா ஸங்க⁴ஸ்ஸ கதிக’’ந்தி. ‘‘ஸாவத்தி²யா
கோ², உபஸேன, ஸங்கே⁴ன கதிகா கதா – இச்ச²தாவுஸோ, ப⁴க³வா தேமாஸங்
படிஸல்லீயிதுங். ந ப⁴க³வா கேனசி உபஸங்கமிதப்³போ³, அஞ்ஞத்ர ஏகேன
பிண்ட³பாதனீஹாரகேன. யோ ப⁴க³வந்தங் உபஸங்கமதி ஸோ பாசித்தியங்
தே³ஸாபேதப்³போ³’’தி. ‘‘பஞ்ஞாயிஸ்ஸதி, ப⁴ந்தே, ஸாவத்தி²யா ஸங்கோ⁴ ஸகாய
கதிகாய, ந மயங் அபஞ்ஞத்தங் பஞ்ஞபெஸ்ஸாம பஞ்ஞத்தங் வா ந ஸமுச்சி²ந்தி³ஸ்ஸாம,
யதா²பஞ்ஞத்தேஸு ஸிக்கா²பதே³ஸு ஸமாதா³ய வத்திஸ்ஸாமாதி. அனுஞ்ஞாதாவுஸோ,
ப⁴க³வதா – ‘யே தே பி⁴க்கூ² ஆரஞ்ஞிகா பிண்ட³பாதிகா பங்ஸுகூலிகா யதா²ஸுக²ங்
மங் த³ஸ்ஸனாய உபஸங்கமந்தூ’’’தி.

அத² கோ² தே பி⁴க்கூ² – ‘‘ஸச்சங் கோ² ஆயஸ்மா உபஸேனோ ஆஹ –
‘ந அபஞ்ஞத்தங் பஞ்ஞபேதப்³ப³ங், பஞ்ஞத்தங் வா ந ஸமுச்சி²ந்தி³தப்³ப³ங்,
யதா²பஞ்ஞத்தேஸு ஸிக்கா²பதே³ஸு ஸமாதா³ய வத்திதப்³ப³’’’ந்தி. அஸ்ஸோஸுங் கோ²
பி⁴க்கூ² – ‘‘அனுஞ்ஞாதா கிர ப⁴க³வதா – ‘யே தே பி⁴க்கூ² ஆரஞ்ஞிகா
பிண்ட³பாதிகா பங்ஸுகூலிகா யதா²ஸுக²ங் மங் த³ஸ்ஸனாய உபஸங்கமந்தூ’’’தி. தே
ப⁴க³வந்தங் த³ஸ்ஸனங் பிஹெந்தா [த³ஸ்ஸனாய பிஹயமானா (ஸ்யா॰)] ஸந்த²தானி உஜ்ஜி²த்வா ஆரஞ்ஞிகங்க³ங் பிண்ட³பாதிகங்க³ங்
பங்ஸுகூலிகங்க³ங் ஸமாதி³யிங்ஸு. அத² கோ² ப⁴க³வா ஸம்ப³ஹுலேஹி பி⁴க்கூ²ஹி
ஸத்³தி⁴ங் ஸேனாஸனசாரிகங் ஆஹிண்ட³ந்தோ அத்³த³ஸ ஸந்த²தானி தஹங் தஹங்
உஜ்ஜி²தானி. பஸ்ஸித்வா பி⁴க்கூ² ஆமந்தேஸி –
‘‘கஸ்ஸிமானி, பி⁴க்க²வே, ஸந்த²தானி தஹங் தஹங் உஜ்ஜி²தானீ’’தி? அத² கோ² தே
பி⁴க்கூ² ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே
ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘தேன ஹி,
பி⁴க்க²வே, பி⁴க்கூ²னங் ஸிக்கா²பத³ங் பஞ்ஞபெஸ்ஸாமி த³ஸ அத்த²வஸே படிச்ச – ஸங்க⁴ஸுட்டு²தாய, ஸங்க⁴பா²ஸுதாய,…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

567. ‘‘நிஸீத³னஸந்த²தங் பன
பி⁴க்கு²னா காரயமானேன புராணஸந்த²தஸ்ஸ ஸாமந்தா ஸுக³தவித³த்தி² ஆதா³தப்³பா³
து³ப்³ப³ண்ணகரணாய, அனாதா³ சே பி⁴க்கு² புராணஸந்த²தஸ்ஸ ஸாமந்தா
ஸுக³தவித³த்தி²ங் நவங் நிஸீத³னஸந்த²தங் காராபெய்ய, நிஸ்ஸக்³கி³யங்
பாசித்திய’’
ந்தி.

568. நிஸீத³னங் நாம ஸத³ஸங் வுச்சதி.

ஸந்த²தங் நாம ஸந்த²ரித்வா கதங் ஹோதி அவாயிமங்.

காரயமானேனாதி கரொந்தோ வா காராபெந்தோ வா.

புராணஸந்த²தங் நாம ஸகிங் நிவத்த²ம்பி ஸகிங் பாருதம்பி.

ஸாமந்தா ஸுக³தவித³த்தி² ஆதா³தப்³பா³ து³ப்³ப³ண்ணகரணாயாதி தி²ரபா⁴வாய வட்டங் வா சதுரஸ்ஸங் வா சி²ந்தி³த்வா ஏகதே³ஸே வா ஸந்த²ரிதப்³ப³ங் விஜடெத்வா வா ஸந்த²ரிதப்³ப³ங்.

அனாதா³ சே பி⁴க்கு² புராணஸந்த²தஸ்ஸ ஸாமந்தா ஸுக³தவித³த்தி²ந்தி அனாதி³யித்வா புராணஸந்த²தஸ்ஸ ஸாமந்தா ஸுக³தவித³த்தி²ங் நவங்
நிஸீத³னஸந்த²தங் கரோதி வா காராபேதி வா, பயோகே³ து³க்கடங், படிலாபே⁴ன
நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ
வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே,
நிஸீத³னஸந்த²தங் அனாதி³யித்வா புராணஸந்த²தஸ்ஸ ஸாமந்தா ஸுக³தவித³த்தி²ங்
காராபிதங் நிஸ்ஸக்³கி³யங். இமாஹங் ஸங்க⁴ஸ்ஸ நிஸ்ஸஜ்ஜாமீதி…பே॰…
த³தெ³ய்யாதி…பே॰… ஆயஸ்மதோ த³ம்மீதி.

569.
அத்தனா விப்பகதங் அத்தனா பரியோஸாபேதி, நிஸ்ஸக்³கி³யங் பாசித்தியங். அத்தனா
விப்பகதங் பரேஹி பரியோஸாபேதி, நிஸ்ஸக்³கி³யங் பாசித்தியங். பரேஹி
விப்பகதங் அத்தனா பரியோஸாபேதி, நிஸ்ஸக்³கி³யங் பாசித்தியங். பரேஹி
விப்பகதங் பரேஹி பரியோஸாபேதி, நிஸ்ஸக்³கி³யங் பாசித்தியங்.

அஞ்ஞஸ்ஸத்தா²ய கரோதி வா காராபேதி வா, ஆபத்தி து³க்கடஸ்ஸ.

570. அனாபத்தி – புராணஸந்த²தஸ்ஸ ஸாமந்தா ஸுக³தவித³த்தி²ங் ஆதி³யித்வா
கரோதி, அலப⁴ந்தோ தோ²கதரங் ஆதி³யித்வா கரோதி, அலப⁴ந்தோ அனாதி³யித்வா கரோதி,
அஞ்ஞேன கதங் படிலபி⁴த்வா பரிபு⁴ஞ்ஜதி, விதானங் வா பூ⁴மத்த²ரணங் வா
ஸாணிபாகாரங் வா பி⁴ஸிங் வா பி³ப்³போ³ஹனங் வா கரோதி, உம்மத்தகஸ்ஸ
ஆதி³கம்மிகஸ்ஸாதி.

நிஸீத³னஸந்த²தஸிக்கா²பத³ங் நிட்டி²தங் பஞ்சமங்.

6. ஏளகலோமஸிக்கா²பத³ங்

571. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரஸ்ஸ பி⁴க்கு²னோ கோஸலேஸு ஜனபதே³ ஸாவத்தி²ங்
க³ச்ச²ந்தஸ்ஸ அந்தராமக்³கே³ ஏளகலோமானி உப்பஜ்ஜிங்ஸு. அத² கோ² ஸோ பி⁴க்கு²
தானி ஏளகலோமானி உத்தராஸங்கே³ன ப⁴ண்டி³கங் ப³ந்தி⁴த்வா அக³மாஸி. மனுஸ்ஸா தங்
பி⁴க்கு²ங் பஸ்ஸித்வா உப்பண்டே³ஸுங் – ‘‘கித்தகேன தே, ப⁴ந்தே, கீதானி?
கித்தகோ உத³யோ ப⁴விஸ்ஸதீ’’தி? ஸோ பி⁴க்கு² தேஹி மனுஸ்ஸேஹி உப்பண்டி³யமானோ
மங்கு அஹோஸி. அத² கோ² ஸோ பி⁴க்கு² ஸாவத்தி²ங் க³ந்த்வா தானி ஏளகலோமானி
டி²தகோவ ஆஸும்பி⁴. பி⁴க்கூ² தங் பி⁴க்கு²ங் ஏதத³வோசுங் – ‘‘கிஸ்ஸ த்வங்,
ஆவுஸோ, இமானி ஏளகலோமானி டி²தகோவ ஆஸும்ப⁴ஸீ’’தி? ‘‘ததா² ஹி பனாஹங், ஆவுஸோ,
இமேஸங் ஏளகலோமானங் காரணா மனுஸ்ஸேஹி உப்பண்டி³தோ’’தி. ‘‘கீவ தூ³ரதோ பன
த்வங், ஆவுஸோ, இமானி ஏளகலோமானி ஆஹரீ’’தி? ‘‘அதிரேகதியோஜனங், ஆவுஸோ’’தி. யே
தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு² அதிரேகதியோஜனங் ஏளகலோமானி ஆஹரிஸ்ஸதீ’’தி! அத² கோ²
தே பி⁴க்கூ² தங் பி⁴க்கு²ங் அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸுங்…பே॰… ஸச்சங் கிர த்வங், பி⁴க்கு², அதிரேகதியோஜனங் ஏளகலோமானி
ஆஹரீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம
த்வங், மோக⁴புரிஸ, அதிரேகதியோஜனங் ஏளகலோமானி ஆஹரிஸ்ஸஸி! நேதங் மோக⁴புரிஸ,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –

572. ‘‘பி⁴க்கு²னோ பனேவ
அத்³தா⁴னமக்³க³ப்படிபன்னஸ்ஸ ஏளகலோமானி உப்பஜ்ஜய்யுங். ஆகங்க²மானேன
பி⁴க்கு²னா படிக்³க³ஹேதப்³பா³னி. படிக்³க³ஹெத்வா தியோஜனபரமங் ஸஹத்தா²
ஹரிதப்³பா³னி
[ஹாரேதப்³பா³னி (ஸீ॰ ஸ்யா॰ க॰)], அஸந்தே ஹாரகே. ததோ சே உத்தரி ஹரெய்ய, அஸந்தேபி ஹாரகே, நிஸ்ஸக்³கி³யங் பாசித்திய’’ந்தி.

573. பி⁴க்கு²னோ பனேவ அத்³தா⁴னமக்³க³ப்படிபன்னஸ்ஸாதி பந்த²ங் க³ச்ச²ந்தஸ்ஸ.

ஏளகலோமானி உப்பஜ்ஜெய்யுந்தி உப்பஜ்ஜெய்யுங் ஸங்க⁴தோ வா க³ணதோ வா ஞாதிதோ வா மித்ததோ வா பங்ஸுகூலங் வா அத்தனோ வா த⁴னேன.

ஆகங்க²மானேனாதி இச்ச²மானேன படிக்³க³ஹேதப்³பா³னி.

படிக்³க³ஹெத்வா தியோஜனபரமங் ஸஹத்தா² ஹரிதப்³பா³னீதி தியோஜனபரமதா ஸஹத்தா² ஹரிதப்³பா³னி.

அஸந்தே ஹாரகேதி நாஞ்ஞோ கோசி ஹாரகோ ஹோதி இத்தீ² வா புரிஸோ வா க³ஹட்டோ² வா பப்³ப³ஜிதோ வா.

ததோ சே உத்தரி ஹரெய்ய, அஸந்தேபி ஹாரகேதி பட²மங் பாத³ங் தியோஜனங் அதிக்காமேதி, ஆபத்தி து³க்கடஸ்ஸ. து³தியங் பாத³ங் அதிக்காமேதி, நிஸ்ஸக்³கி³யங் பாசித்தியங் [நிஸ்ஸக்³கி³யானி ஹொந்தி (ஸ்யா॰)]. அந்தோதியோஜனே டி²தோ ப³ஹிதியோஜனங் பாதேதி, நிஸ்ஸக்³கி³யங் பாசித்தியங் [நிஸ்ஸக்³கி³யானி ஹொந்தி (ஸ்யா॰)].
அஞ்ஞஸ்ஸ யானே வா ப⁴ண்டே³ வா அஜானந்தஸ்ஸ பக்கி²பித்வா தியோஜனங்
அதிக்காமேதி, நிஸ்ஸக்³கி³யானி ஹொந்தி. நிஸ்ஸஜ்ஜிதப்³பா³னி ஸங்க⁴ஸ்ஸ வா
க³ணஸ்ஸ வா புக்³க³லஸ்ஸ வா. ஏவஞ்ச பன, பி⁴க்க²வே,
நிஸ்ஸஜ்ஜிதப்³பா³னி…பே॰… இமானி மே, ப⁴ந்தே, ஏளகலோமானி தியோஜனங்
அதிக்காமிதானி நிஸ்ஸக்³கி³யானி. இமானாஹங் ஸங்க⁴ஸ்ஸ நிஸ்ஸஜ்ஜாமீதி…பே॰…
த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.

574. அதிரேகதியோஜனே அதிரேகஸஞ்ஞீ அதிக்காமேதி [தியோஜனங் அதிக்காமேதி (ஸ்யா॰)], நிஸ்ஸக்³கி³யங் பாசித்தியங். அதிரேகதியோஜனே வேமதிகோ அதிக்காமேதி [தியோஜனங் அதிக்காமேதி (ஸ்யா॰)], நிஸ்ஸக்³கி³யங் பாசித்தியங். அதிரேகதியோஜனே ஊனகஸஞ்ஞீ அதிக்காமேதி [தியோஜனங் அதிக்காமேதி (ஸ்யா॰)], நிஸ்ஸக்³கி³யங் பாசித்தியங்.

ஊனகதியோஜனே அதிரேகஸஞ்ஞீ, ஆபத்தி து³க்கடஸ்ஸ. ஊனகதியோஜனே வேமதிகோ, ஆபத்தி து³க்கடஸ்ஸ. ஊனகதியோஜனே ஊனகஸஞ்ஞீ, அனாபத்தி.

575.
அனாபத்தி தியோஜனங் ஹரதி, ஊனகதியோஜனங் ஹரதி, தியோஜனங் ஹரதிபி, பச்சாஹரதிபி,
தியோஜனங் வாஸாதி⁴ப்பாயோ க³ந்த்வா ததோ பரங் ஹரதி, அச்சி²ன்னங் படிலபி⁴த்வா
ஹரதி, நிஸ்ஸட்ட²ங் படிலபி⁴த்வா ஹரதி, அஞ்ஞங் ஹராபேதி கதப⁴ண்ட³ங்,
உம்மத்தகஸ்ஸ, ஆதி³கம்மிகஸ்ஸாதி.

ஏளகலோமஸிக்கா²பத³ங் நிட்டி²தங் ச²ட்ட²ங்.

7. ஏளகலோமதோ⁴வாபனஸிக்கா²பத³ங்

576. தேன
ஸமயேன பு³த்³தோ⁴ ப⁴க³வா ஸக்கேஸு விஹரதி கபிலவத்து²ஸ்மிங் நிக்³ரோதா⁴ராமே.
தேன கோ² பன ஸமயேன ச²ப்³ப³க்³கி³யா பி⁴க்கூ² பி⁴க்கு²னீஹி ஏளகலோமானி
தோ⁴வாபெந்திபி ரஜாபெந்திபி விஜடாபெந்திபி.
பி⁴க்கு²னியோ ஏளகலோமானி தோ⁴வந்தியோ ரஜந்தியோ விஜடெந்தியோ ரிஞ்சந்தி
உத்³தே³ஸங் பரிபுச்ச²ங் அதி⁴ஸீலங் அதி⁴சித்தங் அதி⁴பஞ்ஞங். அத² கோ²
மஹாபஜாபதி கோ³தமீ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தங் கோ² மஹாபஜாபதிங்
கோ³தமிங் ப⁴க³வா ஏதத³வோச – ‘‘கச்சி, கோ³தமி, பி⁴க்கு²னியோ அப்பமத்தா
ஆதாபினியோ பஹிதத்தா விஹரந்தீ’’தி? ‘‘குதோ, ப⁴ந்தே, பி⁴க்கு²னீனங்
அப்பமாதோ³! அய்யா ச²ப்³ப³க்³கி³யா பி⁴க்கு²னீஹி ஏளகலோமானி தோ⁴வாபெந்திபி
ரஜாபெந்திபி விஜடாபெந்திபி. பி⁴க்கு²னியோ ஏளகலோமானி தோ⁴வந்தியோ ரஜந்தியோ
விஜடெந்தியோ ரிஞ்சந்தி உத்³தே³ஸங் பரிபுச்ச²ங் அதி⁴ஸீலங் அதி⁴சித்தங்
அதி⁴பஞ்ஞ’’ந்தி.

அத² கோ² ப⁴க³வா மஹாபஜாபதிங் கோ³தமிங் த⁴ம்மியா கதா²ய
ஸந்த³ஸ்ஸேஸி ஸமாத³பேஸி ஸமுத்தேஜேஸி ஸம்பஹங்ஸேஸி. அத² கோ² மஹாபஜாபதி கோ³தமீ
ப⁴க³வதா த⁴ம்மியா கதா²ய ஸந்த³ஸ்ஸிதா ஸமாத³பிதா ஸமுத்தேஜிதா ஸம்பஹங்ஸிதா
ப⁴க³வந்தங் அபி⁴வாதெ³த்வா பத³க்கி²ணங் கத்வா பக்காமி. அத² கோ² ப⁴க³வா
ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங்
ஸன்னிபாதாபெத்வா ச²ப்³ப³க்³கி³யே பி⁴க்கூ² படிபுச்சி² – ‘‘ஸச்சங் கிர
தும்ஹே, பி⁴க்க²வே, பி⁴க்கு²னீஹி ஏளகலோமானி தோ⁴வாபேத²பி ரஜாபேத²பி
விஜடாபேத²பீ’’தி ? ‘‘ஸச்சங், ப⁴க³வா’’தி. ‘‘ஞாதிகாயோ
தும்ஹாகங், பி⁴க்க²வே, அஞ்ஞாதிகாயோ’’தி? ‘‘அஞ்ஞாதிகாயோ, ப⁴க³வா’’தி.
‘‘அஞ்ஞாதகா, மோக⁴புரிஸா, அஞ்ஞாதிகானங் ந ஜானந்தி பதிரூபங் வா அப்பதிரூபங்
வா பாஸாதி³கங் வா அபாஸாதி³கங். தத்த² நாம தும்ஹே, மோக⁴புரிஸா, அஞ்ஞாதிகாஹி
பி⁴க்கு²னீஹி ஏளகலோமானி தோ⁴வாபெஸ்ஸத²பி ரஜாபெஸ்ஸத²பி விஜடாபெஸ்ஸத²பி!
நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
இமங் ஸிக்கா²பத³ங் உத்³தி³ஸெய்யாத² –

577. ‘‘யோ பன பி⁴க்கு² அஞ்ஞாதிகாய பி⁴க்கு²னியா ஏளகலோமானி தோ⁴வாபெய்ய வா ரஜாபெய்ய வா விஜடாபெய்ய வா, நிஸ்ஸக்³கி³யங் பாசித்திய’’ந்தி.

578. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

அஞ்ஞாதிகா நாம மாதிதோ வா பிதிதோ வா யாவ ஸத்தமா பிதாமஹயுகா³ அஸம்ப³த்³தா⁴.

பி⁴க்கு²னீ நாம உப⁴தோஸங்கே⁴ உபஸம்பன்னா.

தோ⁴வாதி ஆணாபேதி, ஆபத்தி து³க்கடஸ்ஸ. தோ⁴தானி
நிஸ்ஸக்³கி³யானி ஹொந்தி. ரஜாதி ஆணாபேதி, ஆபத்தி து³க்கடஸ்ஸ. ரத்தானி
நிஸ்ஸக்³கி³யானி ஹொந்தி. விஜடேஹீதி ஆணாபேதி, ஆபத்தி து³க்கடஸ்ஸ. விஜடிதானி
நிஸ்ஸக்³கி³யானி ஹொந்தி. நிஸ்ஸஜ்ஜிதப்³பா³னி ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச
பன, பி⁴க்க²வே, நிஸ்ஸஜ்ஜிதப்³பா³னி…பே॰… இமானி மே, ப⁴ந்தே, ஏளகலோமானி
அஞ்ஞாதிகாய பி⁴க்கு²னியா தோ⁴வாபிதானி நிஸ்ஸக்³கி³யானி. இமானாஹங் ஸங்க⁴ஸ்ஸ
நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.

579.
அஞ்ஞாதிகாய அஞ்ஞாதிகஸஞ்ஞீ ஏளகலோமானி தோ⁴வாபேதி, நிஸ்ஸக்³கி³யங்
பாசித்தியங். அஞ்ஞாதிகாய அஞ்ஞாதிகஸஞ்ஞீ ஏளகலோமானி தோ⁴வாபேதி ரஜாபேதி,
நிஸ்ஸக்³கி³யேன ஆபத்தி து³க்கடஸ்ஸ. அஞ்ஞாதிகாய அஞ்ஞாதிகஸஞ்ஞீ ஏளகலோமானி
தோ⁴வாபேதி விஜடாபேதி, நிஸ்ஸக்³கி³யேன ஆபத்தி து³க்கடஸ்ஸ. அஞ்ஞாதிகாய
அஞ்ஞாதிகஸஞ்ஞீ ஏளகலோமானி தோ⁴வாபேதி ரஜாபேதி விஜடாபேதி, நிஸ்ஸக்³கி³யேன
ஆபத்தி த்³வின்னங் து³க்கடானங்.

அஞ்ஞாதிகாய அஞ்ஞாதிகஸஞ்ஞீ
ஏளகலோமானி ரஜாபேதி, நிஸ்ஸக்³கி³யங் பாசித்தியங். அஞ்ஞாதிகாய அஞ்ஞாதிகஸஞ்ஞீ
ஏளகலோமானி ரஜாபேதி விஜடாபேதி, நிஸ்ஸக்³கி³யேன ஆபத்தி து³க்கடஸ்ஸ.
அஞ்ஞாதிகாய அஞ்ஞாதிகஸஞ்ஞீ ஏளகலோமானி ரஜாபேதி தோ⁴வாபேதி, நிஸ்ஸக்³கி³யேன
ஆபத்தி து³க்கடஸ்ஸ. அஞ்ஞாதிகாய அஞ்ஞாதிகஸஞ்ஞீ ஏளகலோமானி ரஜாபேதி விஜடாபேதி
தோ⁴வாபேதி, நிஸ்ஸக்³கி³யேன ஆபத்தி த்³வின்னங் து³க்கடானங்.

அஞ்ஞாதிகாய அஞ்ஞாதிகஸஞ்ஞீ ஏளகலோமானி விஜடாபேதி,
நிஸ்ஸக்³கி³யங் பாசித்தியங். அஞ்ஞாதிகாய அஞ்ஞாதிகஸஞ்ஞீ ஏளகலோமானி விஜடாபேதி
தோ⁴வாபேதி, நிஸ்ஸக்³கி³யேன ஆபத்தி து³க்கடஸ்ஸ. அஞ்ஞாதிகாய அஞ்ஞாதிகஸஞ்ஞீ
ஏளகலோமானி விஜடாபேதி ரஜாபேதி, நிஸ்ஸக்³கி³யேன ஆபத்தி து³க்கடஸ்ஸ . அஞ்ஞாதிகாய அஞ்ஞாதிகஸஞ்ஞீ ஏளகலோமானி விஜடாபேதி தோ⁴வாபேதி ரஜாபேதி, நிஸ்ஸக்³கி³யேன ஆபத்தி த்³வின்னங் து³க்கடானங்.

580.
அஞ்ஞாதிகாய வேமதிகோ…பே॰… அஞ்ஞாதிகாய ஞாதிகஸஞ்ஞீ…பே॰… அஞ்ஞஸ்ஸ ஏளகலோமானி
தோ⁴வாபேதி, ஆபத்தி து³க்கடஸ்ஸ. ஏகதோ உபஸம்பன்னாய தோ⁴வாபேதி, ஆபத்தி
து³க்கடஸ்ஸ. ஞாதிகாய அஞ்ஞாதிகஸஞ்ஞீ, ஆபத்தி து³க்கடஸ்ஸ. ஞாதிகாய வேமதிகோ,
ஆபத்தி து³க்கடஸ்ஸ. ஞாதிகாய ஞாதிகஸஞ்ஞீ, அனாபத்தி.

581.
அனாபத்தி ஞாதிகாய தா⁴வந்தியா அஞ்ஞாதிகா து³தியா ஹோதி, அவுத்தா தோ⁴வதி,
அபரிபு⁴த்தங் கதப⁴ண்ட³ங் தோ⁴வாபேதி, ஸிக்க²மானாய ஸாமணேரியா உம்மத்தகஸ்ஸ
ஆதி³கம்மிகஸ்ஸாதி.

ஏளகலோமதோ⁴வாபனஸிக்கா²பத³ங் நிட்டி²தங் ஸத்தமங்.

8. ரூபியஸிக்கா²பத³ங்

582. தேன ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன ஸமயேன ஆயஸ்மா
உபனந்தோ³ ஸக்யபுத்தோ அஞ்ஞதரஸ்ஸ குலஸ்ஸ குலூபகோ ஹோதி நிச்சப⁴த்திகோ. யங்
தஸ்மிங் குலே உப்பஜ்ஜதி கா²த³னீயங் வா போ⁴ஜனீயங் வா ததோ ஆயஸ்மதோ உபனந்த³ஸ்ஸ
ஸக்யபுத்தஸ்ஸ படிவிஸோ ட²பிய்யதி. தேன கோ² பன ஸமயேன ஸாயங் தஸ்மிங் குலே
மங்ஸங் உப்பன்னங் ஹோதி. ததோ ஆயஸ்மதோ உபனந்த³ஸ்ஸ
ஸக்யபுத்தஸ்ஸ படிவிஸோ ட²பிதோ ஹோதி. தஸ்ஸ குலஸ்ஸ தா³ரகோ ரத்தியா பச்சூஸஸமயங்
பச்சுட்டா²ய ரோத³தி – ‘‘மங்ஸங் மே தே³தா²’’தி. அத² கோ² ஸோ புரிஸோ பஜாபதிங்
ஏதத³வோச – ‘‘அய்யஸ்ஸ படிவிஸங் தா³ரகஸ்ஸ தே³ஹி. அஞ்ஞங் சேதாபெத்வா அய்யஸ்ஸ
த³ஸ்ஸாமா’’தி.

அத² கோ² ஆயஸ்மா உபனந்தோ³ ஸக்யபுத்தோ புப்³ப³ண்ஹஸமயங்
நிவாஸெத்வா பத்தசீவரங் ஆதா³ய யேன தங் குலங் தேனுபஸங்கமி; உபஸங்கமித்வா
பஞ்ஞத்தே ஆஸனே நிஸீதி³. அத² கோ² ஸோ புரிஸோ யேனாயஸ்மா உபனந்தோ³ ஸக்யபுத்தோ
தேனுபஸங்கமி; உபஸங்கமித்வா ஆயஸ்மந்தங் உபனந்த³ங் ஸக்யபுத்தங் அபி⁴வாதெ³த்வா
ஏகமந்தங் நிஸீதி³. ஏகமந்தங் நிஸின்னோ கோ² ஸோ புரிஸோ ஆயஸ்மந்தங் உபனந்த³ங் ஸக்யபுத்தங் ஏதத³வோச – ‘‘ஹிய்யோ கோ², ப⁴ந்தே, ஸாயங் மங்ஸங் உப்பன்னங் அஹோஸி. ததோ அய்யஸ்ஸ படிவிஸோ ட²பிதோ. அயங் ,
ப⁴ந்தே, தா³ரகோ ரத்தியா பச்சூஸஸமயங் பச்சுட்டா²ய ரோத³தி – ‘மங்ஸங் மே
தே³தா²’தி. அய்யஸ்ஸ படிவிஸோ தா³ரகஸ்ஸ தி³ன்னோ. கஹாபணேன, ப⁴ந்தே, கிங்
ஆஹரிய்யதூ’’தி? ‘‘பரிச்சத்தோ மே, ஆவுஸோ, கஹாபணோ’’தி? ‘‘ஆம, ப⁴ந்தே,
பரிச்சத்தோ’’தி. ‘‘தஞ்ஞேவ மே, ஆவுஸோ, கஹாபணங் தே³ஹீ’’தி.

அத² கோ² ஸோ புரிஸோ ஆயஸ்மதோ உபனந்த³ஸ்ஸ ஸக்யபுத்தஸ்ஸ
கஹாபணங் த³த்வா உஜ்ஜா²யதி கி²ய்யதி விபாசேதி – ‘‘ததே²வ மயங் ரூபியங்
படிக்³க³ண்ஹாம ஏவமேவிமே ஸமணா ஸக்யபுத்தியா ரூபியங் படிக்³க³ண்ஹந்தீ’’தி.
அஸ்ஸோஸுங் கோ² பி⁴க்கூ² தஸ்ஸ புரிஸஸ்ஸ உஜ்ஜா²யந்தஸ்ஸ கி²ய்யந்தஸ்ஸ
விபாசெந்தஸ்ஸ. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஆயஸ்மா உபனந்தோ³ ஸக்யபுத்தோ ரூபியங்
படிக்³க³ஹெஸ்ஸதீ’’தி! அத² கோ² தே பி⁴க்கூ² ஆயஸ்மந்தங் உபனந்த³ங்
ஸக்யபுத்தங் அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰…
‘‘ஸச்சங் கிர த்வங், உபனந்த³, ரூபியங் படிக்³க³ஹேஸீ’’தி [படிக்³க³ண்ஹாஸீதி (ஸ்யா॰)]?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம த்வங்,
மோக⁴புரிஸ, ரூபியங் படிக்³க³ஹெஸ்ஸஸி! நேதங், மோக⁴புரிஸ, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

583. ‘‘யோ பன பி⁴க்கு² ஜாதரூபரஜதங் உக்³க³ண்ஹெய்ய வா உக்³க³ண்ஹாபெய்ய வா உபனிக்கி²த்தங் வா ஸாதி³யெய்ய, நிஸ்ஸக்³கி³யங் பாசித்திய’’ந்தி.

584. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

ஜாதரூபங் நாம ஸத்து²வண்ணோ வுச்சதி .

ரஜதங் நாம கஹாபணோ லோஹமாஸகோ தா³ருமாஸகோ ஜதுமாஸகோ யே வோஹாரங் க³ச்ச²ந்தி.

உக்³க³ண்ஹெய்யாதி ஸயங் க³ண்ஹாதி நிஸ்ஸக்³கி³யங் பாசித்தியங் [நிஸ்ஸக்³கி³யங் ஹோதி (ஸ்யா॰)].

உக்³க³ண்ஹாபெய்யாதி அஞ்ஞங் கா³ஹாபேதி நிஸ்ஸக்³கி³யங் பாசித்தியங் [நிஸ்ஸக்³கி³யங் ஹோதி (ஸ்யா॰)].

உபனிக்கி²த்தங் வா ஸாதி³யெய்யாதி
இத³ங் அய்யஸ்ஸ ஹோதூதி உபனிக்கி²த்தங் ஸாதி³யதி, நிஸ்ஸக்³கி³யங் ஹோதி.
ஸங்க⁴மஜ்ஜே² நிஸ்ஸஜ்ஜிதப்³ப³ங். ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங் –
தேன பி⁴க்கு²னா ஸங்க⁴ங் உபஸங்கமித்வா ஏகங்ஸங் உத்தராஸங்க³ங் கரித்வா
வுட்³டா⁴னங் பி⁴க்கூ²னங் பாதே³ வந்தி³த்வா உக்குடிகங் நிஸீதி³த்வா அஞ்ஜலிங்
பக்³க³ஹெத்வா ஏவமஸ்ஸ வசனீயோ – ‘‘அஹங், ப⁴ந்தே, ரூபியங் படிக்³க³ஹேஸிங்.
இத³ங் மே நிஸ்ஸக்³கி³யங். இமாஹங் ஸங்க⁴ஸ்ஸ நிஸ்ஸஜ்ஜாமீ’’தி. நிஸ்ஸஜ்ஜித்வா
ஆபத்தி தே³ஸேதப்³பா³. ப்³யத்தேன பி⁴க்கு²னா படிப³லேன ஆபத்தி
படிக்³க³ஹேதப்³பா³. ஸசே தத்த² ஆக³ச்ச²தி ஆராமிகோ வா உபாஸகோ வா ஸோ
வத்தப்³போ³ – ‘‘ஆவுஸோ, இமங் ஜானாஹீ’’தி. ஸசே ஸோ ப⁴ணதி – ‘‘இமினா கிங்
ஆஹரிய்யதூ’’தி, ந வத்தப்³போ³ – ‘‘இமங் வா இமங் வா ஆஹரா’’தி. கப்பியங்
ஆசிக்கி²தப்³ப³ங் – ஸப்பி வா தேலங் வா மது⁴ வா பா²ணிதங் வா. ஸசே ஸோ தேன
பரிவத்தெத்வா கப்பியங் ஆஹரதி ரூபியப்படிக்³கா³ஹகங் ட²பெத்வா ஸப்³பே³ஹேவ
பரிபு⁴ஞ்ஜிதப்³ப³ங். ஏவஞ்சேதங் லபே⁴த², இச்சேதங் குஸலங்; நோ சே லபே⁴த², ஸோ
வத்தப்³போ³ – ‘‘ஆவுஸோ, இமங் ச²ட்³டே³ஹீ’’தி. ஸசே ஸோ ச²ட்³டே³தி, இச்சேதங்
குஸலங்; நோ சே ச²ட்³டே³தி, பஞ்சஹங்கே³ஹி ஸமன்னாக³தோ பி⁴க்கு²
ரூபியச²ட்³ட³கோ ஸம்மன்னிதப்³போ³ – யோ ந ச²ந்தா³க³திங் க³ச்செ²ய்ய, ந
தோ³ஸாக³திங் க³ச்செ²ய்ய, ந மோஹாக³திங் க³ச்செ²ய்ய, ந ப⁴யாக³திங்
க³ச்செ²ய்ய, ச²ட்³டி³தாச²ட்³டி³தஞ்ச ஜானெய்ய. ஏவஞ்ச பன, பி⁴க்க²வே,
ஸம்மன்னிதப்³போ³. பட²மங் பி⁴க்கு² யாசிதப்³போ³. யாசித்வா ப்³யத்தேன
பி⁴க்கு²னா படிப³லேன ஸங்கோ⁴ ஞாபேதப்³போ³ –

585. ‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் பி⁴க்கு²ங் ரூபியச²ட்³ட³கங் ஸம்மன்னெய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴.
ஸங்கோ⁴ இத்த²ன்னாமங் பி⁴க்கு²ங் ரூபியச²ட்³ட³கங் ஸம்மன்னதி. யஸ்ஸாயஸ்மதோ
க²மதி இத்த²ன்னாமஸ்ஸ பி⁴க்கு²னோ ரூபியச²ட்³ட³கஸ்ஸ ஸம்முதி, ஸோ துண்ஹஸ்ஸ;
யஸ்ஸ நக்க²மதி, ஸோ பா⁴ஸெய்ய.

‘‘ஸம்மதோ ஸங்கே⁴ன இத்த²ன்னாமோ பி⁴க்கு² ரூபியச²ட்³ட³கோ. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

தேன ஸம்மதேன பி⁴க்கு²னா அனிமித்தங் கத்வா பாதேதப்³ப³ங். ஸசே நிமித்தங் கத்வா பாதேதி, ஆபத்தி து³க்கடஸ்ஸ.

586. ரூபியே
ரூபியஸஞ்ஞீ ரூபியங் படிக்³க³ண்ஹாதி, நிஸ்ஸக்³கி³யங் பாசித்தியங். ரூபியே
வேமதிகோ ரூபியங் படிக்³க³ண்ஹாதி, நிஸ்ஸக்³கி³யங் பாசித்தியங். ரூபியே
அரூபியஸஞ்ஞீ ரூபியங் படிக்³க³ண்ஹாதி, நிஸ்ஸக்³கி³யங் பாசித்தியங்.

அரூபியே ரூபியஸஞ்ஞீ, ஆபத்தி து³க்கடஸ்ஸ. அரூபியே வேமதிகோ, ஆபத்தி து³க்கடஸ்ஸ. அரூபியே அரூபியஸஞ்ஞீ, அனாபத்தி.

அனாபத்தி அஜ்ஜா²ராமே வா அஜ்ஜா²வஸதே² வா உக்³க³ஹெத்வா வா உக்³க³ஹாபெத்வா வா நிக்கி²பதி – யஸ்ஸ ப⁴விஸ்ஸதி ஸோ ஹரிஸ்ஸதீதி, உம்மத்தகஸ்ஸ, ஆதி³கம்மிகஸ்ஸாதி.

ரூபியஸிக்கா²பத³ங் நிட்டி²தங் அட்ட²மங்.

9. ரூபியஸங்வோஹாரஸிக்கா²பத³ங்

587. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² நானப்பகாரகங்
ரூபியஸங்வோஹாரங் ஸமாபஜ்ஜந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஸமணா ஸக்யபுத்தியா நானப்பகாரகங் ரூபியஸங்வோஹாரங்
ஸமாபஜ்ஜிஸ்ஸந்தி, ஸெய்யதா²பி கி³ஹீ காமபோ⁴கி³னோ’’தி !
அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² நானப்பகாரகங்
ரூபியஸங்வோஹாரங் ஸமாபஜ்ஜிஸ்ஸந்தீ’’தி! அத² கோ² தே பி⁴க்கூ² ச²ப்³ப³க்³கி³யே
பி⁴க்கூ² அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰…
‘‘ஸச்சங் கிர தும்ஹே, பி⁴க்க²வே, நானப்பகாரகங் ரூபியஸங்வோஹாரங்
ஸமாபஜ்ஜதா²’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம தும்ஹே, மோக⁴புரிஸா, நானப்பகாரகங் ரூபியஸங்வோஹாரங்
ஸமாபஜ்ஜிஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

588. ‘‘யோ பன பி⁴க்கு² நானப்பகாரகங் ரூபியஸங்வோஹாரங் ஸமாபஜ்ஜெய்ய, நிஸ்ஸக்³கி³யங் பாசித்திய’’ந்தி.

589. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

நானப்பகாரகங் நாம கதம்பி அகதம்பி கதாகதம்பி. கதங் நாம ஸீஸூபக³ங் கீ³வூபக³ங் ஹத்தூ²பக³ங் பாதூ³பக³ங் கடூபக³ங். அகதங் நாம க⁴னகதங் வுச்சதி. கதாகதங் நாம தது³ப⁴யங்.

ரூபியங் நாம ஸத்து²வண்ணோ கஹாபணோ, லோஹமாஸகோ, தா³ருமாஸகோ, ஜதுமாஸகோ யே வோஹாரங் க³ச்ச²ந்தி.

ஸமாபஜ்ஜெய்யாதி கதேன கதங் சேதாபேதி, நிஸ்ஸக்³கி³யங் பாசித்தியங் [நிஸ்ஸக்³கி³யங் ஹோதி (ஸ்யா॰)].
கதேன அகதங் சேதாபேதி, நிஸ்ஸக்³கி³யங் பாசித்தியங். கதேன கதாகதங் சேதாபேதி,
நிஸ்ஸக்³கி³யங் பாசித்தியங். அகதேன கதங் சேதாபேதி, நிஸ்ஸக்³கி³யங்
பாசித்தியங். அகதேன அகதங் சேதாபேதி, நிஸ்ஸக்³கி³யங் பாசித்தியங். அகதேன
கதாகதங் சேதாபேதி, நிஸ்ஸக்³கி³யங் பாசித்தியங். கதாகதேன கதங் சேதாபேதி,
நிஸ்ஸக்³கி³யங் பாசித்தியங். கதாகதேன அகதங் சேதாபேதி, நிஸ்ஸக்³கி³யங்
பாசித்தியங். கதாகதேன கதாகதங் சேதாபேதி, நிஸ்ஸக்³கி³யங் பாசித்தியங்.
ஸங்க⁴மஜ்ஜே² நிஸ்ஸஜ்ஜிதப்³ப³ங். ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்.
தேன பி⁴க்கு²னா ஸங்க⁴ங் உபஸங்கமித்வா ஏகங்ஸங் உத்தராஸங்க³ங் கரித்வா
வுட்³டா⁴னங் பி⁴க்கூ²னங் பாதே³ வந்தி³த்வா உக்குடிகங் நிஸீதி³த்வா அஞ்ஜலிங்
பக்³க³ஹெத்வா ஏவமஸ்ஸ வசனீயோ – ‘‘அஹங், ப⁴ந்தே,
நானப்பகாரகங் ரூபியஸங்வோஹாரங் ஸமாபஜ்ஜிங். இத³ங் மே நிஸ்ஸக்³கி³யங். இமாஹங்
ஸங்க⁴ஸ்ஸ நிஸ்ஸஜ்ஜாமீ’’தி. நிஸ்ஸஜ்ஜித்வா ஆபத்தி தே³ஸேதப்³பா³. ப்³யத்தேன
பி⁴க்கு²னா படிப³லேன ஆபத்தி படிக்³க³ஹேதப்³பா³. ஸசே தத்த² ஆக³ச்ச²தி
ஆராமிகோ வா உபாஸகோ வா ஸோ வத்தப்³போ³ – ‘‘ஆவுஸோ, இமங் ஜானாஹீ’’தி. ஸசே ஸோ
ப⁴ணதி – ‘‘இமினா கிங் ஆஹரிய்யதூ’’தி, ந வத்தப்³போ³ – ‘‘இமங்
வா இமங் வா ஆஹரா’’தி. கப்பியங் ஆசிக்கி²தப்³ப³ங் – ஸப்பி வா தேலங் வா மது⁴
வா பா²ணிதங் வா. ஸசே ஸோ தேன பரிவத்தெத்வா கப்பியங் ஆஹரதி, ரூபியசேதாபகங்
ட²பெத்வா, ஸப்³பே³ஹேவ பரிபு⁴ஞ்ஜிதப்³ப³ங். ஏவஞ்சேதங் லபே⁴த², இச்சேதங்
குஸலங்; நோ சே லபே⁴த², ஸோ வத்தப்³போ³ – ‘‘ஆவுஸோ, இமங் ச²ட்³டே³ஹீ’’தி. ஸசே
ஸோ ச²ட்³டே³தி, இச்சேதங் குஸலங்; நோ சே ச²ட்³டே³தி, பஞ்சஹங்கே³ஹி
ஸமன்னாக³தோ பி⁴க்கு² ரூபியச²ட்³ட³கோ ஸம்மன்னிதப்³போ³ – யோ ந ச²ந்தா³க³திங்
க³ச்செ²ய்ய, ந தோ³ஸாக³திங் க³ச்செ²ய்ய, ந மோஹாக³திங் க³ச்செ²ய்ய, ந
ப⁴யாக³திங் க³ச்செ²ய்ய, ச²ட்³டி³தாச²ட்³டி³தஞ்ச ஜானெய்ய. ஏவஞ்ச பன,
பி⁴க்க²வே, ஸம்மன்னிதப்³போ³. பட²மங் பி⁴க்கு² யாசிதப்³போ³. யாசித்வா
ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

590. ‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் பி⁴க்கு²ங் ரூபியச²ட்³ட³கங் ஸம்மன்னெய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. ஸங்கோ⁴ இத்த²ன்னாமங்
பி⁴க்கு²ங் ரூபியச²ட்³ட³கங் ஸம்மன்னதி. யஸ்ஸாயஸ்மதோ க²மதி இத்த²ன்னாமஸ்ஸ
பி⁴க்கு²னோ ரூபியச²ட்³ட³கஸ்ஸ ஸம்முதி, ஸோ துண்ஹஸ்ஸ; யஸ்ஸ நக்க²மதி, ஸோ
பா⁴ஸெய்ய.

‘‘ஸம்மதோ ஸங்கே⁴ன இத்த²ன்னாமோ பி⁴க்கு² ரூபியச²ட்³ட³கோ. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

தேன ஸம்மதேன பி⁴க்கு²னா அனிமித்தங் கத்வா பாதேதப்³ப³ங். ஸசே நிமித்தங் கத்வா பாதேதி, ஆபத்தி து³க்கடஸ்ஸ.

591. ரூபியே ரூபியஸஞ்ஞீ ரூபியங் சேதாபேதி, நிஸ்ஸக்³கி³யங் பாசித்தியங். ரூபியே
வேமதிகோ ரூபியங் சேதாபேதி, நிஸ்ஸக்³கி³யங் பாசித்தியங். ரூபியே
அரூபியஸஞ்ஞீ ரூபியங் சேதாபேதி, நிஸ்ஸக்³கி³யங் பாசித்தியங். அரூபியே
ரூபியஸஞ்ஞீ ரூபியங் சேதாபேதி, நிஸ்ஸக்³கி³யங் பாசித்தியங் .
அரூபியே வேமதிகோ ரூபியங் சேதாபேதி, நிஸ்ஸக்³கி³யங் பாசித்தியங். அரூபியே
அரூபியஸஞ்ஞீ ரூபியங் சேதாபேதி, நிஸ்ஸக்³கி³யங் பாசித்தியங்.

அரூபியே ரூபியஸஞ்ஞீ, ஆபத்தி து³க்கடஸ்ஸ. அரூபியே வேமதிகோ, ஆபத்தி து³க்கடஸ்ஸ. அரூபியே அரூபியஸஞ்ஞீ, அனாபத்தி.

592. அனாபத்தி உம்மத்தகஸ்ஸ, ஆதி³கம்மிகஸ்ஸாதி.

ரூபியஸங்வோஹாரஸிக்கா²பத³ங் நிட்டி²தங் நவமங்.

10. கயவிக்கயஸிக்கா²பத³ங்

593. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா உபனந்தோ³ ஸக்யபுத்தோ பட்டோ ஹோதி சீவரகம்மங்
காதுங். ஸோ படபிலோதிகானங் ஸங்கா⁴டிங் கரித்வா ஸுரத்தங் ஸுபரிகம்மகதங்
கத்வா பாருபி. அத² கோ² அஞ்ஞதரோ பரிப்³பா³ஜகோ மஹக்³க⁴ங் படங் பாருபித்வா
யேனாயஸ்மா உபனந்தோ³ ஸக்யபுத்தோ தேனுபஸங்கமி; உபஸங்கமித்வா ஆயஸ்மந்தங்
உபனந்த³ங் ஸக்யபுத்தங் ஏதத³வோச – ‘‘ஸுந்த³ரா
கோ² த்யாயங், ஆவுஸோ, ஸங்கா⁴டி; தே³ஹி மே படேனா’’தி. ‘‘ஜானாஹி, ஆவுஸோ’’தி.
‘‘ஆமாவுஸோ, ஜானாமீ’’தி. ‘‘ஹந்தா³வுஸோ’’தி, அதா³ஸி. அத² கோ² ஸோ பரிப்³பா³ஜகோ
தங் ஸங்கா⁴டிங் பாருபித்வா பரிப்³பா³ஜகாராமங் அக³மாஸி. பரிப்³பா³ஜகா தங்
பரிப்³பா³ஜகங் ஏதத³வோசுங் – ‘‘ஸுந்த³ரா கோ² த்யாயங், ஆவுஸோ, ஸங்கா⁴டி; குதோ
தயா லத்³தா⁴’’தி? ‘‘தேன மே, ஆவுஸோ, படேன பரிவத்திதா’’தி. ‘‘கதிஹிபி
த்யாயங், ஆவுஸோ, ஸங்கா⁴டி ப⁴விஸ்ஸதி, ஸோயேவ தே படோ வரோ’’தி.

அத² கோ² ஸோ பரிப்³பா³ஜகோ – ‘‘ஸச்சங் கோ² பரிப்³பா³ஜகா
ஆஹங்ஸு – ‘கதிஹிபி ம்யாயங் ஸங்கா⁴டி ப⁴விஸ்ஸதி! ஸோயேவ மே படோ வரோ’’’தி
யேனாயஸ்மா உபனந்தோ³ ஸக்யபுத்தோ தேனுபஸங்கமி; உபஸங்கமித்வா ஆயஸ்மந்தங்
உபனந்த³ங் ஸக்யபுத்தங் ஏதத³வோச – ‘‘ஹந்த³ தே, ஆவுஸோ, ஸங்கா⁴டி [ஸங்கா⁴டிங் (ஸ்யா॰ க॰)]; தே³ஹி மே பட’’ந்தி. ‘‘நனு த்வங், ஆவுஸோ, மயா வுத்தோ – ‘ஜானாஹி, ஆவுஸோ’தி ! நாஹ த³ஸ்ஸாமீ’’தி. அத² கோ² ஸோ பரிப்³பா³ஜகோ உஜ்ஜா²யதி கி²ய்யதி விபாசேதி – ‘‘கி³ஹீபி நங் கி³ஹிஸ்ஸ
விப்படிஸாரிஸ்ஸ தெ³ந்தி, கிங் பன பப்³ப³ஜிதோ பப்³ப³ஜிதஸ்ஸ ந த³ஸ்ஸதீ’’தி!
அஸ்ஸோஸுங் கோ² பி⁴க்கூ² தஸ்ஸ பரிப்³பா³ஜகஸ்ஸ உஜ்ஜா²யந்தஸ்ஸ கி²ய்யந்தஸ்ஸ
விபாசெந்தஸ்ஸ. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஆயஸ்மா உபனந்தோ³ ஸக்யபுத்தோ பரிப்³பா³ஜகேன
ஸத்³தி⁴ங் கயவிக்கயங் ஸமாபஜ்ஜிஸ்ஸதீ’’தி! அத² கோ² தே பி⁴க்கூ² ஆயஸ்மந்தங்
உபனந்த³ங் ஸக்யபுத்தங் அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸுங்…பே॰… ‘‘ஸச்சங் கிர த்வங், உபனந்த³, பரிப்³பா³ஜகேன ஸத்³தி⁴ங்
கயவிக்கயங் ஸமாபஜ்ஜஸீ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம த்வங், மோக⁴புரிஸ, பரிப்³பா³ஜகேன ஸத்³தி⁴ங்
கயவிக்கயங் ஸமாபஜ்ஜிஸ்ஸஸி! நேதங், மோக⁴புரிஸ, அப்பஸன்னானங் வா பஸாதா³ய…பே॰…
ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

594. ‘‘யோ பன பி⁴க்கு² நானப்பகாரகங் கயவிக்கயங் ஸமாபஜ்ஜெய்ய, நிஸ்ஸக்³கி³யங் பாசித்திய’’ந்தி.

595. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

நானப்பகாரகங் நாம சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா, அந்தமஸோ சுண்ணபிண்டோ³பி த³ந்தகட்ட²ம்பி த³ஸிகஸுத்தம்பி.

கயவிக்கயங் ஸமாபஜ்ஜெய்யாதி இமினா
இமங் தே³ஹி, இமினா இமங் ஆஹர, இமினா இமங் பரிவத்தேஹி, இமினா இமங்
சேதாபேஹீதி. அஜ்ஜா²சரதி, ஆபத்தி து³க்கடஸ்ஸ. யதோ கயிதஞ்ச ஹோதி விக்கயிதஞ்ச
அத்தனோ ப⁴ண்ட³ங் பரஹத்த²க³தங் பரப⁴ண்ட³ங் அத்தனோ ஹத்த²க³தங்,
நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ
வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰…
அஹங், ப⁴ந்தே, நானப்பகாரகங் கயவிக்கயங் ஸமாபஜ்ஜிங். இத³ங் மே
நிஸ்ஸக்³கி³யங். இமாஹங் ஸங்க⁴ஸ்ஸ நிஸ்ஸஜ்ஜாமீதி…பே॰… த³தெ³ய்யாதி…பே॰…
த³தெ³ய்யுந்தி…பே॰… ஆயஸ்மதோ த³ம்மீதி.

596. கயவிக்கயே கயவிக்கயஸஞ்ஞீ, நிஸ்ஸக்³கி³யங் பாசித்தியங். கயவிக்கயே வேமதிகோ , நிஸ்ஸக்³கி³யங் பாசித்தியங். கயவிக்கயே நகயவிக்கயஸஞ்ஞீ, நிஸ்ஸக்³கி³யங் பாசித்தியங்.

நகயவிக்கயே கயவிக்கயஸஞ்ஞீ, ஆபத்தி து³க்கடஸ்ஸ. நகயவிக்கயே வேமதிகோ, ஆபத்தி து³க்கடஸ்ஸ. நகயவிக்கயே நகயவிக்கயஸஞ்ஞீ, அனாபத்தி.

597.
அனாபத்தி – அக்³க⁴ங் புச்ச²தி, கப்பியகாரகஸ்ஸ ஆசிக்க²தி, ‘‘இத³ங் அம்ஹாகங்
அத்தி², அம்ஹாகஞ்ச இமினா ச இமினா ச அத்தோ²’’தி ப⁴ணதி, உம்மத்தகஸ்ஸ,
ஆதி³கம்மிகஸ்ஸாதி.

கயவிக்கயஸிக்கா²பத³ங் நிட்டி²தங் த³ஸமங்.

கோஸியவக்³கோ³ து³தியோ.

தஸ்ஸுத்³தா³னங் –

கோஸியா ஸுத்³த⁴த்³வேபா⁴கா³, ச²ப்³ப³ஸ்ஸானி நிஸீத³னங்;

த்³வே ச லோமானி உக்³க³ண்ஹே, உபோ⁴ நானப்பகாரகாதி.

3. பத்தவக்³கோ³

1. பத்தஸிக்கா²பத³ங்

598. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ப³ஹூ பத்தே ஸன்னிசயங்
கரொந்தி. மனுஸ்ஸா விஹாரசாரிகங் ஆஹிண்ட³ந்தா பஸ்ஸித்வா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா ப³ஹூ பத்தே
ஸன்னிசயங் கரிஸ்ஸந்தி, பத்தவாணிஜ்ஜங் வா ஸமணா ஸக்யபுத்தியா கரிஸ்ஸந்தி
ஆமத்திகாபணங் வா பஸாரெஸ்ஸந்தீ’’தி! அஸ்ஸோஸுங் கோ² பி⁴க்கூ² தேஸங்
மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கூ² அதிரேகபத்தங் தா⁴ரெஸ்ஸந்தீ’’தி! அத² கோ² தே
பி⁴க்கூ² ச²ப்³ப³க்³கி³யே பி⁴க்கூ² அனேகபரியாயேன விக³ரஹித்வா ப⁴க³வதோ
ஏதமத்த²ங் ஆரோசேஸுங்…பே॰… ‘‘ஸச்சங் கிர தும்ஹே, பி⁴க்க²வே, அதிரேகபத்தங்
தா⁴ரேதா²’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம தும்ஹே, மோக⁴புரிஸா, அதிரேகபத்தங் தா⁴ரெஸ்ஸத²! நேதங்,
மோக⁴புரிஸா, அப்பஸன்னானங் வா பஸாதா³ய …பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

599. ‘‘யோ பன பி⁴க்கு² அதிரேகபத்தங் தா⁴ரெய்ய, நிஸ்ஸக்³கி³யங் பாசித்திய’’ந்தி.

ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.

600. தேன கோ² பன ஸமயேன ஆயஸ்மதோ ஆனந்த³ஸ்ஸ அதிரேகபத்தோ உப்பன்னோ ஹோதி. ஆயஸ்மா
ச ஆனந்தோ³ தங் பத்தங் ஆயஸ்மதோ ஸாரிபுத்தஸ்ஸ தா³துகாமோ ஹோதி. ஆயஸ்மா ச
ஸாரிபுத்தோ ஸாகேதே விஹரதி. அத² கோ² ஆயஸ்மதோ ஆனந்த³ஸ்ஸ ஏதத³ஹோஸி – ‘‘ப⁴க³வதா
ஸிக்கா²பத³ங் பஞ்ஞத்தங் – ‘ந அதிரேகபத்தோ தா⁴ரேதப்³போ³’தி. அயஞ்ச மே
அதிரேகபத்தோ உப்பன்னோ. அஹஞ்சிமங் பத்தங் ஆயஸ்மதோ ஸாரிபுத்தஸ்ஸ தா³துகாமோ.
ஆயஸ்மா ச ஸாரிபுத்தோ ஸாகேதே விஹரதி. கத²ங் நு கோ² மயா
படிபஜ்ஜிதப்³ப³’’ந்தி? ப⁴க³வதோ ஏதமத்த²ங் ஆரோசேஸி. ‘‘கீவசிரங் பனானந்த³,
ஸாரிபுத்தோ ஆக³ச்சி²ஸ்ஸதீ’’தி? ‘‘நவமங் வா, ப⁴க³வா, தி³வஸங் த³ஸமங் வா’’தி.
அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா
பி⁴க்கூ² ஆமந்தேஸி – ‘‘அனுஜானாமி, பி⁴க்க²வே , த³ஸாஹபரமங் அதிரேகபத்தங் தா⁴ரேதுங். ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

601. ‘‘த³ஸாஹபரமங் அதிரேகபத்தோ தா⁴ரேதப்³போ³. தங் அதிக்காமயதோ நிஸ்ஸக்³கி³யங் பாசித்திய’’ந்தி.

602. த³ஸாஹபரமந்தி த³ஸாஹபரமதா தா⁴ரேதப்³போ³.

அதிரேகபத்தோ நாம அனதி⁴ட்டி²தோ அவிகப்பிதோ.

பத்தோ நாம த்³வே பத்தா அயோபத்தோ மத்திகாபத்தோதி.

தயோ பத்தஸ்ஸ வண்ணா உக்கட்டோ² பத்தோ மஜ்ஜி²மோ பத்தோ ஓமகோ பத்தோ. உக்கட்டோ² நாம பத்தோ அட்³டா⁴ள்ஹகோத³னங் க³ண்ஹாதி சதுபா⁴க³ங் கா²த³னங் தது³பியங் ப்³யஞ்ஜனங். மஜ்ஜி²மோ நாம பத்தோ நாளிகோத³னங் க³ண்ஹாதி சதுபா⁴க³ங் கா²த³னங் தது³பியங் ப்³யஞ்ஜனங். ஓமகோ நாம பத்தோ பத்தோ²த³னங் க³ண்ஹாதி சதுபா⁴க³ங் கா²த³னங் தது³பியங் ப்³யஞ்ஜனங். ததோ உக்கட்டோ² அபத்தோ, ஓமகோ அபத்தோ.

தங் அதிக்காமயதோ நிஸ்ஸக்³கி³யோ ஹோதீதி
ஏகாத³ஸே அருணுக்³க³மனே நிஸ்ஸக்³கி³யோ ஹோதி. நிஸ்ஸஜ்ஜிதப்³போ³ ஸங்க⁴ஸ்ஸ வா
க³ணஸ்ஸ வா புக்³க³லஸ்ஸ வா. ஏவஞ்ச பன, பி⁴க்க²வே, நிஸ்ஸஜ்ஜிதப்³போ³. தேன
பி⁴க்கு²னா ஸங்க⁴ங் உபஸங்கமித்வா ஏகங்ஸங் உத்தராஸங்க³ங் கரித்வா
வுட்³டா⁴னங் பி⁴க்கூ²னங் பாதே³ வந்தி³த்வா உக்குடிகங் நிஸீதி³த்வா அஞ்ஜலிங்
பக்³க³ஹெத்வா ஏவமஸ்ஸ வசனீயோ – ‘‘அயங் மே, ப⁴ந்தே, பத்தோ த³ஸாஹாதிக்கந்தோ நிஸ்ஸக்³கி³யோ. இமாஹங் ஸங்க⁴ஸ்ஸ நிஸ்ஸஜ்ஜாமீ’’தி. நிஸ்ஸஜ்ஜித்வா ஆபத்தி தே³ஸேதப்³பா³. ப்³யத்தேன பி⁴க்கு²னா படிப³லேன ஆபத்தி படிக்³க³ஹேதப்³பா³, நிஸ்ஸட்ட²பத்தோ தா³தப்³போ³.

603.
‘‘ஸுணாது மே, ப⁴ந்தே, ஸங்கோ⁴. அயங் பத்தோ இத்த²ன்னாமஸ்ஸ பி⁴க்கு²னோ
நிஸ்ஸக்³கி³யோ ஸங்க⁴ஸ்ஸ நிஸ்ஸட்டோ². யதி³ ஸங்க⁴ஸ்ஸ பத்தகல்லங், ஸங்கோ⁴ இமங்
பத்தங் இத்த²ன்னாமஸ்ஸ பி⁴க்கு²னோ த³தெ³ய்யா’’தி.

604.
தேன பி⁴க்கு²னா ஸம்ப³ஹுலே பி⁴க்கூ² உபஸங்கமித்வா ஏகங்ஸங் உத்தராஸங்க³ங்
கரித்வா வுட்³டா⁴னங் பி⁴க்கூ²னங் பாதே³ வந்தி³த்வா உக்குடிகங் நிஸீதி³த்வா
அஞ்ஜலிங் பக்³க³ஹெத்வா ஏவமஸ்ஸு வசனீயா – ‘‘அயங் மே, ப⁴ந்தே, பத்தோ
த³ஸாஹாதிக்கந்தோ நிஸ்ஸக்³கி³யோ. இமாஹங் ஆயஸ்மந்தானங் நிஸ்ஸஜ்ஜாமீ’’தி.
நிஸ்ஸஜ்ஜித்வா ஆபத்தி தே³ஸேதப்³பா³. ப்³யத்தேன பி⁴க்கு²னா படிப³லேன ஆபத்தி படிக்³க³ஹேதப்³பா³, நிஸ்ஸட்ட²பத்தோ தா³தப்³போ³.

605.
‘‘ஸுணந்து மே ஆயஸ்மந்தா. அயங் பத்தோ இத்த²ன்னாமஸ்ஸ பி⁴க்கு²னோ
நிஸ்ஸக்³கி³யோ ஆயஸ்மந்தானங் நிஸ்ஸட்டோ². யதா³யஸ்மந்தானங் பத்தகல்லங்,
ஆயஸ்மந்தா இமங் பத்தங் இத்த²ன்னாமஸ்ஸ பி⁴க்கு²னோ த³தெ³ய்யு’’ந்தி.

606.
தேன பி⁴க்கு²னா ஏகங் பி⁴க்கு²ங் உபஸங்கமித்வா ஏகங்ஸங் உத்தராஸங்க³ங்
கரித்வா உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ –
‘‘அயங் மே, ஆவுஸோ, பத்தோ த³ஸாஹாதிக்கந்தோ நிஸ்ஸக்³கி³யோ. இமாஹங் ஆயஸ்மதோ
நிஸ்ஸஜ்ஜாமீ’’தி. நிஸ்ஸஜ்ஜித்வா ஆபத்தி தே³ஸேதப்³பா³. தேன பி⁴க்கு²னா
ஆபத்தி படிக்³க³ஹேதப்³பா³, நிஸ்ஸட்ட²பத்தோ தா³தப்³போ³ – ‘‘இமங் பத்தங்
ஆயஸ்மதோ த³ம்மீ’’தி.

607.
த³ஸாஹாதிக்கந்தே அதிக்கந்தஸஞ்ஞீ, நிஸ்ஸக்³கி³யங் பாசித்தியங்.
த³ஸாஹாதிக்கந்தே வேமதிகோ, நிஸ்ஸக்³கி³யங் பாசித்தியங். த³ஸாஹாதிக்கந்தே
அனதிக்கந்தஸஞ்ஞீ, நிஸ்ஸக்³கி³யங் பாசித்தியங். அனதி⁴ட்டி²தே
அதி⁴ட்டி²தஸஞ்ஞீ, நிஸ்ஸக்³கி³யங் பாசித்தியங். அவிகப்பிதே விகப்பிதஸஞ்ஞீ,
நிஸ்ஸக்³கி³யங் பாசித்தியங். அவிஸ்ஸஜ்ஜிதே விஸ்ஸஜ்ஜிதஸஞ்ஞீ, நிஸ்ஸக்³கி³யங்
பாசித்தியங். அனட்டே² நட்ட²ஸஞ்ஞீ நிஸ்ஸக்³கி³யங் பாசித்தியங். அவினட்டே²
வினட்ட²ஸஞ்ஞீ, நிஸ்ஸக்³கி³யங் பாசித்தியங் . அபி⁴ன்னே பி⁴ன்னஸஞ்ஞீ, நிஸ்ஸக்³கி³யங் பாசித்தியங். அவிலுத்தே விலுத்தஸஞ்ஞீ, நிஸ்ஸக்³கி³யங் பாசித்தியங்.

நிஸ்ஸக்³கி³யங் பத்தங் அனிஸ்ஸஜ்ஜித்வா பரிபு⁴ஞ்ஜதி,
ஆபத்தி து³க்கடஸ்ஸ. த³ஸாஹானதிக்கந்தே அதிக்கந்தஸஞ்ஞீ, ஆபத்தி து³க்கடஸ்ஸ.
த³ஸாஹானதிக்கந்தே வேமதிகோ, ஆபத்தி து³க்கடஸ்ஸ. த³ஸாஹானதிக்கந்தே
அனதிக்கந்தஸஞ்ஞீ, அனாபத்தி.

608.
அனாபத்தி அந்தோத³ஸாஹங் அதி⁴ட்டே²தி, விகப்பேதி, விஸ்ஸஜ்ஜேதி, நஸ்ஸதி,
வினஸ்ஸதி, பி⁴ஜ்ஜதி, அச்சி²ந்தி³த்வா க³ண்ஹந்தி, விஸ்ஸாஸங் க³ண்ஹந்தி,
உம்மத்தகஸ்ஸ, ஆதி³கம்மிகஸ்ஸாதி.

தேன கோ² பன ஸமயேன ச²ப்³ப³க்³கி³யா பி⁴க்கூ²
நிஸ்ஸட்ட²பத்தங் ந தெ³ந்தி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
நிஸ்ஸட்ட²பத்தோ ந தா³தப்³போ³. யோ ந த³தெ³ய்ய, ஆபத்தி து³க்கடஸ்ஸா’’தி.

பத்தஸிக்கா²பத³ங் நிட்டி²தங் பட²மங்.

2. ஊனபஞ்சப³ந்த⁴னஸிக்கா²பத³ங்

609. தேன
ஸமயேன பு³த்³தோ⁴ ப⁴க³வா ஸக்கேஸு விஹரதி கபிலவத்து²ஸ்மிங் நிக்³ரோதா⁴ராமே.
தேன கோ² பன ஸமயேன அஞ்ஞதரேன கும்ப⁴காரேன பி⁴க்கூ² பவாரிதா ஹொந்தி – ‘‘யேஸங்
அய்யானங் பத்தேன அத்தோ² அஹங் பத்தேனா’’தி. தேன கோ² பன ஸமயேன பி⁴க்கூ² ந
மத்தங் ஜானித்வா ப³ஹூ பத்தே விஞ்ஞாபெந்தி. யேஸங் கு²த்³த³கா பத்தா தே
மஹந்தே பத்தே விஞ்ஞாபெந்தி. யேஸங் மஹந்தா பத்தா தே கு²த்³த³கே பத்தே
விஞ்ஞாபெந்தி. அத² கோ² ஸோ கும்ப⁴காரோ பி⁴க்கூ²னங் ப³ஹூ பத்தே கரொந்தோ ந
ஸக்கோதி அஞ்ஞங் விக்காயிகங் ப⁴ண்ட³ங் காதுங், அத்தனாபி ந யாபேதி,
புத்ததா³ராபிஸ்ஸ கிலமந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஸமணா ஸக்யபுத்தியா ந மத்தங் ஜானித்வா ப³ஹூ பத்தே
விஞ்ஞாபெஸ்ஸந்தி! அயங் இமேஸங் ப³ஹூ பத்தே கரொந்தோ ந ஸக்கோதி அஞ்ஞங் விக்காயிகங் ப⁴ண்ட³ங் காதுங், அத்தனாபி ந யாபேதி, புத்ததா³ராபிஸ்ஸ கிலமந்தீ’’தி.

அஸ்ஸோஸுங் கோ² பி⁴க்கூ² தேஸங்
மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கூ² ந மத்தங் ஜானித்வா ப³ஹூ பத்தே விஞ்ஞாபெஸ்ஸந்தீ’’தி! அத² கோ² தே
பி⁴க்கூ² தே அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰…
ஸச்சங் கிர, பி⁴க்க²வே, பி⁴க்கூ² ந மத்தங் ஜானித்வா ப³ஹூ
பத்தே விஞ்ஞாபெந்தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம தே, பி⁴க்க²வே, மோக⁴புரிஸா ந மத்தங் ஜானித்வா ப³ஹூ
பத்தே விஞ்ஞாபெஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰…
விக³ரஹித்வா த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘ந, பி⁴க்க²வே,
பத்தோ விஞ்ஞாபேதப்³போ³. யோ விஞ்ஞாபெய்ய, ஆபத்தி து³க்கடஸ்ஸா’’தி.

610.
தேன கோ² பன ஸமயேன அஞ்ஞதரஸ்ஸ பி⁴க்கு²னோ பத்தோ பி⁴ன்னோ ஹோதி. அத² கோ² ஸோ
பி⁴க்கு² – ‘‘ப⁴க³வதா படிக்கி²த்தங் பத்தங் விஞ்ஞாபேது’’ந்தி
குக்குச்சாயந்தோ ந விஞ்ஞாபேதி. ஹத்தே²ஸு பிண்டா³ய சரதி. மனுஸ்ஸா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா
ஹத்தே²ஸு பிண்டா³ய சரிஸ்ஸந்தி, ஸெய்யதா²பி தித்தி²யா’’தி! அஸ்ஸோஸுங் கோ²
பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங்.
அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங்
நிதா³னே ஏதஸ்மிங் பகரணே த⁴ம்மிங் கத²ங் கத்வா
பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, நட்ட²பத்தஸ்ஸ வா
பி⁴ன்னபத்தஸ்ஸ வா பத்தங் விஞ்ஞாபேது’’ந்தி.

611.
தேன கோ² பன ஸமயேன ச²ப்³ப³க்³கி³யா பி⁴க்கூ² – ‘‘ப⁴க³வதா அனுஞ்ஞாதங்
நட்ட²பத்தஸ்ஸ வா பி⁴ன்னபத்தஸ்ஸ வா பத்தங் விஞ்ஞாபேது’’ந்தி அப்பமத்தகேனபி
பி⁴ன்னேன அப்பமத்தகேனபி க²ண்டே³ன விலிகி²தமத்தேனபி ப³ஹூ பத்தே விஞ்ஞாபெந்தி
. அத² கோ² ஸோ கும்ப⁴காரோ பி⁴க்கூ²னங் ததே²வ ப³ஹூ
பத்தே கரொந்தோ ந ஸக்கோதி அஞ்ஞங் விக்காயிகங் ப⁴ண்ட³ங் காதுங், அத்தனாபி ந
யாபேதி, புத்ததா³ராபிஸ்ஸ கிலமந்தி. மனுஸ்ஸா ததே²வ உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஸமணா ஸக்யபுத்தியா ந மத்தங் ஜானித்வா ப³ஹூ
பத்தே விஞ்ஞாபெஸ்ஸந்தி! அயங் இமேஸங் ப³ஹூ பத்தே கரொந்தோ ந ஸக்கோதி அஞ்ஞங்
விக்காயிகங் ப⁴ண்ட³ங் காதுங், அத்தனாபி ந யாபேதி, புத்ததா³ராபிஸ்ஸ
கிலமந்தீ’’தி.

அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² அப்பமத்தகேனபி பி⁴ன்னேன
அப்பமத்தகேனபி க²ண்டே³ன விலிகி²தமத்தேனபி ப³ஹூ பத்தே விஞ்ஞாபெஸ்ஸந்தீ’’தி!
அத² கோ² தே பி⁴க்கூ² ச²ப்³ப³க்³கி³யே பி⁴க்கூ² அனேகபரியாயேன விக³ரஹித்வா
ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர தும்ஹே, பி⁴க்க²வே,
அப்பமத்தகேனபி பி⁴ன்னேன அப்பமத்தகேனபி க²ண்டே³ன விலிகி²தமத்தேனபி ப³ஹூ
பத்தே விஞ்ஞாபேதா²’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, அப்பமத்தகேனபி பி⁴ன்னேன
அப்பமத்தகேனபி க²ண்டே³ன விலிகி²தமத்தேனபி ப³ஹூ பத்தே விஞ்ஞாபெஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

612. ‘‘யோ
பன பி⁴க்கு² ஊனபஞ்சப³ந்த⁴னேன பத்தேன அஞ்ஞங் நவங் பத்தங் சேதாபெய்ய,
நிஸ்ஸக்³கி³யங் பாசித்தியங். தேன பி⁴க்கு²னா ஸோ பத்தோ பி⁴க்கு²பரிஸாய
நிஸ்ஸஜ்ஜிதப்³போ³. யோ ச தஸ்ஸா பி⁴க்கு²பரிஸாய பத்தபரியந்தோ ஸோ தஸ்ஸ
பி⁴க்கு²னோ பதா³தப்³போ³ – ‘அயங் தே, பி⁴க்கு², பத்தோ யாவ பே⁴த³னாய
தா⁴ரேதப்³போ³’தி. அயங் தத்த² ஸாமீசீ’’
தி.

613. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

ஊனபஞ்சப³ந்த⁴னோ
நாம பத்தோ அப³ந்த⁴னோ வா ஏகப³ந்த⁴னோ வா த்³விப³ந்த⁴னோ வா திப³ந்த⁴னோ வா
சதுப³ந்த⁴னோ வா. அப³ந்த⁴னோகாஸோ நாம பத்தோ யஸ்ஸ த்³வங்கு³லா ராஜி ந ஹோதி.
ப³ந்த⁴னோகாஸோ நாம பத்தோ யஸ்ஸ த்³வங்கு³லா ராஜி ஹோதி. நவோ நாம பத்தோ விஞ்ஞத்திங் உபாதா³ய வுச்சதி.

சேதாபெய்யாதி விஞ்ஞாபேதி,
பயோகே³ து³க்கடங். படிலாபே⁴ன நிஸ்ஸக்³கி³யோ ஹோதி. ஸங்க⁴மஜ்ஜே²
நிஸ்ஸஜ்ஜிதப்³போ³. ஸப்³பே³ஹேவ அதி⁴ட்டி²தபத்தங் க³ஹெத்வா ஸன்னிபதிதப்³ப³ங்.
ந லாமகோ பத்தோ அதி⁴ட்டா²தப்³போ³ – ‘‘மஹக்³க⁴ங் பத்தங் க³ஹெஸ்ஸாமீ’’தி. ஸசே
லாமகங் பத்தங் அதி⁴ட்டே²தி – ‘‘மஹக்³க⁴ங் பத்தங் க³ஹெஸ்ஸாமீ’’தி, ஆபத்தி
து³க்கடஸ்ஸ. ஏவஞ்ச பன, பி⁴க்க²வே, நிஸ்ஸஜ்ஜிதப்³போ³. தேன
பி⁴க்கு²னா ஸங்க⁴ங் உபஸங்கமித்வா ஏகங்ஸங் உத்தராஸங்க³ங் கரித்வா
வுட்³டா⁴னங் பி⁴க்கூ²னங் பாதே³ வந்தி³த்வா உக்குடிகங் நிஸீதி³த்வா அஞ்ஜலிங்
பக்³க³ஹெத்வா ஏவமஸ்ஸ வசனீயோ – ‘‘அயங் மே, ப⁴ந்தே, பத்தோ ஊனபஞ்சப³ந்த⁴னேன
பத்தேன சேதாபிதோ நிஸ்ஸக்³கி³யோ. இமாஹங் ஸங்க⁴ஸ்ஸ நிஸ்ஸஜ்ஜாமீ’’தி.
நிஸ்ஸஜ்ஜித்வா ஆபத்தி தே³ஸேதப்³பா³. ப்³யத்தேன
பி⁴க்கு²னா படிப³லேன ஆபத்தி படிக்³க³ஹேதப்³பா³. பஞ்சஹங்கே³ஹி ஸமன்னாக³தோ
பி⁴க்கு² பத்தக்³கா³ஹாபகோ ஸம்மன்னிதப்³போ³ – யோ ந ச²ந்தா³க³திங்
க³ச்செ²ய்ய, ந தோ³ஸாக³திங் க³ச்செ²ய்ய, ந மோஹாக³திங் க³ச்செ²ய்ய, ந
ப⁴யாக³திங் க³ச்செ²ய்ய, கா³ஹிதாகா³ஹிதஞ்ச ஜானெய்ய . ஏவஞ்ச பன, பி⁴க்க²வே, ஸம்மன்னிதப்³போ³. பட²மங் பி⁴க்கு² யாசிதப்³போ³. யாசித்வா ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

614. ‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் பி⁴க்கு²ங் பத்தக்³கா³ஹாபகங் ஸம்மன்னெய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. ஸங்கோ⁴ இத்த²ன்னாமங்
பி⁴க்கு²ங் பத்தக்³கா³ஹாபகங் ஸம்மன்னதி. யஸ்ஸாயஸ்மதோ க²மதி இத்த²ன்னாமஸ்ஸ
பி⁴க்கு²னோ பத்தக்³கா³ஹாபகஸ்ஸ ஸம்முதி, ஸோ துண்ஹஸ்ஸ; யஸ்ஸ நக்க²மதி, ஸோ
பா⁴ஸெய்ய.

‘‘ஸம்மதோ ஸங்கே⁴ன இத்த²ன்னாமோ பி⁴க்கு² பத்தக்³கா³ஹாபகோ. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

615.
தேன ஸம்மதேன பி⁴க்கு²னா பத்தோ கா³ஹேதப்³போ³. தே²ரோ வத்தப்³போ³ –
‘‘க³ண்ஹாது, ப⁴ந்தே, தே²ரோ பத்த’’ந்தி. ஸசே தே²ரோ க³ண்ஹாதி, தே²ரஸ்ஸ பத்தோ து³தியஸ்ஸ கா³ஹேதப்³போ³. ந ச தஸ்ஸ அனுத்³த³யதாய ந
க³ஹேதப்³போ³. யோ ந க³ண்ஹெய்ய, ஆபத்தி து³க்கடஸ்ஸ. அபத்தகஸ்ஸ ந
கா³ஹேதப்³போ³. ஏதேனேவ உபாயேன யாவ ஸங்க⁴னவகா கா³ஹேதப்³பா³. யோ ச தஸ்ஸா
பி⁴க்கு²பரிஸாய பத்தபரியந்தோ, ஸோ தஸ்ஸ பி⁴க்கு²னோ பதா³தப்³போ³ – ‘‘அயங் தே,
பி⁴க்கு², பத்தோ யாவ பே⁴த³னாய தா⁴ரேதப்³போ³’’தி.

தேன பி⁴க்கு²னா ஸோ பத்தோ ந அதே³ஸே நிக்கி²பிதப்³போ³, ந
அபோ⁴கே³ன பு⁴ஞ்ஜிதப்³போ³, ந விஸ்ஸஜ்ஜேதப்³போ³ – ‘‘கதா²யங் பத்தோ நஸ்ஸெய்ய
வா வினஸ்ஸெய்ய வா பி⁴ஜ்ஜெய்ய வா’’தி? ஸசே அதே³ஸே வா நிக்கி²பதி அபோ⁴கே³ன வா
பு⁴ஞ்ஜதி விஸ்ஸஜ்ஜேதி வா, ஆபத்தி து³க்கடஸ்ஸ.

அயங் தத்த² ஸாமீசீதி அயங் தத்த² அனுத⁴ம்மதா.

616. அப³ந்த⁴னேன
பத்தேன அப³ந்த⁴னங் பத்தங் சேதாபேதி, நிஸ்ஸக்³கி³யங் பாசித்தியங்.
அப³ந்த⁴னேன பத்தேன ஏகப³ந்த⁴னங் பத்தங் சேதாபேதி, நிஸ்ஸக்³கி³யங்
பாசித்தியங். அப³ந்த⁴னேன பத்தேன த்³விப³ந்த⁴னங் பத்தங் சேதாபேதி,
நிஸ்ஸக்³கி³யங் பாசித்தியங். அப³ந்த⁴னேன பத்தேன திப³ந்த⁴னங் பத்தங்
சேதாபேதி, நிஸ்ஸக்³கி³யங் பாசித்தியங். அப³ந்த⁴னேன பத்தேன சதுப³ந்த⁴னங்
பத்தங் சேதாபேதி, நிஸ்ஸக்³கி³யங் பாசித்தியங்.

ஏகப³ந்த⁴னேன பத்தேன அப³ந்த⁴னங் பத்தங் சேதாபேதி,
நிஸ்ஸக்³கி³யங் பாசித்தியங். ஏகப³ந்த⁴னேன பத்தேன ஏகப³ந்த⁴னங் பத்தங்
சேதாபேதி, நிஸ்ஸக்³கி³யங் பாசித்தியங். ஏகப³ந்த⁴னேன பத்தேன த்³விப³ந்த⁴னங்
பத்தங் சேதாபேதி, நிஸ்ஸக்³கி³யங் பாசித்தியங். ஏகப³ந்த⁴னேன பத்தேன
திப³ந்த⁴னங் பத்தங் சேதாபேதி, நிஸ்ஸக்³கி³யங் பாசித்தியங். ஏகப³ந்த⁴னேன
பத்தேன சதுப³ந்த⁴னங் பத்தங் சேதாபேதி, நிஸ்ஸக்³கி³யங் பாசித்தியங்.

த்³விப³ந்த⁴னேன பத்தேன அப³ந்த⁴னங் பத்தங் சேதாபேதி,
நிஸ்ஸக்³கி³யங் பாசித்தியங். த்³விப³ந்த⁴னேன பத்தேன ஏகப³ந்த⁴னங்
பத்தங்…பே॰… த்³விப³ந்த⁴னங் பத்தங்… திப³ந்த⁴னங் பத்தங்… சதுப³ந்த⁴னங்
பத்தங் சேதாபேதி, நிஸ்ஸக்³கி³யங் பாசித்தியங்.

திப³ந்த⁴னேன பத்தேன அப³ந்த⁴னங் பத்தங்…பே॰…
ஏகப³ந்த⁴னங் பத்தங்…பே॰… த்³விப³ந்த⁴னங் பத்தங்… திப³ந்த⁴னங் பத்தங்…
சதுப³ந்த⁴னங் பத்தங் சேதாபேதி, நிஸ்ஸக்³கி³யங் பாசித்தியங்.

சதுப³ந்த⁴னேன பத்தேன அப³ந்த⁴னங் பத்தங்…பே॰…
ஏகப³ந்த⁴னங் பத்தங்… த்³விப³ந்த⁴னங் பத்தங்… திப³ந்த⁴னங் பத்தங்…
சதுப³ந்த⁴னங் பத்தங் சேதாபேதி, நிஸ்ஸக்³கி³யங் பாசித்தியங்.

அப³ந்த⁴னேன பத்தேன அப³ந்த⁴னோகாஸங் பத்தங் சேதாபேதி,
நிஸ்ஸக்³கி³யங் பாசித்தியங். அப³ந்த⁴னேன பத்தேன ஏகப³ந்த⁴னோகாஸங்
பத்தங்…பே॰… த்³விப³ந்த⁴னோகாஸங் பத்தங் … திப³ந்த⁴னோகாஸங் பத்தங்… சதுப³ந்த⁴னோகாஸங் பத்தங் சேதாபேதி, நிஸ்ஸக்³கி³யங் பாசித்தியங்.

ஏகப³ந்த⁴னேன பத்தேன அப³ந்த⁴னோகாஸங் பத்தங்…பே॰…
ஏகப³ந்த⁴னோகாஸங் பத்தங்… த்³விப³ந்த⁴னோகாஸங் பத்தங்… திப³ந்த⁴னோகாஸங்
பத்தங்… சதுப³ந்த⁴னோகாஸங் பத்தங் சேதாபேதி, நிஸ்ஸக்³கி³யங் பாசித்தியங்.

த்³விப³ந்த⁴னேன பத்தேன அப³ந்த⁴னோகாஸங் பத்தங்…பே॰… சதுப³ந்த⁴னோகாஸங் பத்தங் சேதாபேதி, நிஸ்ஸக்³கி³யங் பாசித்தியங்.

திப³ந்த⁴னேன பத்தேன அப³ந்த⁴னோகாஸங் பத்தங்…பே॰… சதுப³ந்த⁴னோகாஸங் பத்தங் சேதாபேதி, நிஸ்ஸக்³கி³யங் பாசித்தியங்.

சதுப³ந்த⁴னேன பத்தேன அப³ந்த⁴னோகாஸங் பத்தங்…பே॰…
ஏகப³ந்த⁴னோகாஸங் பத்தங்… த்³விப³ந்த⁴னோகாஸங் பத்தங்… திப³ந்த⁴னோகாஸங்
பத்தங்… சதுப³ந்த⁴னோகாஸங் பத்தங் சேதாபேதி, நிஸ்ஸக்³கி³யங் பாசித்தியங்.

அப³ந்த⁴னோகாஸேன பத்தேன
அப³ந்த⁴னங் பத்தங் சேதாபேதி, நிஸ்ஸக்³கி³யங் பாசித்தியங். அப³ந்த⁴னோகாஸேன
பத்தேன ஏகப³ந்த⁴னங் பத்தங்…பே॰… த்³விப³ந்த⁴னங் பத்தங்… திப³ந்த⁴னங்
பத்தங்… சதுப³ந்த⁴னங் பத்தங் சேதாபேதி, நிஸ்ஸக்³கி³யங் பாசித்தியங்.

சதுப³ந்த⁴னோகாஸேன பத்தேன அப³ந்த⁴னங் பத்தங் சேதாபேதி, நிஸ்ஸக்³கி³யங் பாசித்தியங். சதுப³ந்த⁴னோகாஸேன பத்தேன ஏகப³ந்த⁴னங் பத்தங்…பே॰… த்³விப³ந்த⁴னங் பத்தங்… திப³ந்த⁴னங் பத்தங்… சதுப³ந்த⁴னங் பத்தங் சேதாபேதி, நிஸ்ஸக்³கி³யங் பாசித்தியங்.

அப³ந்த⁴னோகாஸேன பத்தேன அப³ந்த⁴னோகாஸங் பத்தங்…பே॰…
ஏகப³ந்த⁴னோகாஸங் பத்தங்… த்³விப³ந்த⁴னோகாஸங் பத்தங்… திப³ந்த⁴னோகாஸங்
பத்தங்… சதுப³ந்த⁴னோகாஸங் பத்தங் சேதாபேதி, நிஸ்ஸக்³கி³யங் பாசித்தியங்.

சதுப³ந்த⁴னோகாஸேன பத்தேன அப³ந்த⁴னோகாஸங் பத்தங்…பே॰…
ஏகப³ந்த⁴னோகாஸங் பத்தங்… த்³விப³ந்த⁴னோகாஸங் பத்தங்… திப³ந்த⁴னோகாஸங்
பத்தங்… சதுப³ந்த⁴னோகாஸங் பத்தங் சேதாபேதி, நிஸ்ஸக்³கி³யங் பாசித்தியங்.

617. அனாபத்தி நட்ட²பத்தஸ்ஸ, பி⁴ன்னபத்தஸ்ஸ, ஞாதகானங் பவாரிதானங், அஞ்ஞஸ்ஸத்தா²ய, அத்தனோ த⁴னேன, உம்மத்தகஸ்ஸ, ஆதி³கம்மிகஸ்ஸாதி.

ஊனபஞ்சப³ந்த⁴னஸிக்கா²பத³ங் நிட்டி²தங் து³தியங்.

3. பே⁴ஸஜ்ஜஸிக்கா²பத³ங்

618. [இத³ங் வத்து² மஹாவ॰ 270] தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா பிலிந்த³வச்சோ² ராஜக³ஹே பப்³பா⁴ரங்
ஸோதா⁴பேதி லேணங் கத்துகாமோ. அத² கோ² ராஜா மாக³தோ⁴ ஸேனியோ பி³ம்பி³ஸாரோ
யேனாயஸ்மா பிலிந்த³வச்சோ² தேனுபஸங்கமி; உபஸங்கமித்வா ஆயஸ்மந்தங்
பிலிந்த³வச்ச²ங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ²
ராஜா மாக³தோ⁴ ஸேனியோ பி³ம்பி³ஸாரோ ஆயஸ்மந்தங் பிலிந்த³வச்ச²ங் ஏதத³வோச –
‘‘கிங், ப⁴ந்தே, தே²ரோ காராபேதீ’’தி? ‘‘பப்³பா⁴ரங் மஹாராஜ, ஸோதா⁴பேமி லேணங்
கத்துகாமோ’’தி. ‘‘அத்தோ², ப⁴ந்தே, அய்யஸ்ஸ ஆராமிகேனா’’தி? ‘‘ந கோ²,
மஹாராஜ, ப⁴க³வதா ஆராமிகோ அனுஞ்ஞாதோ’’தி. ‘‘தேன ஹி, ப⁴ந்தே, ப⁴க³வந்தங்
படிபுச்சி²த்வா மம ஆரோசெய்யாதா²’’தி. ‘‘ஏவங் மஹாராஜா’’தி கோ² ஆயஸ்மா
பிலிந்த³வச்சோ² ரஞ்ஞோ மாக³த⁴ஸ்ஸ ஸேனியஸ்ஸ பி³ம்பி³ஸாரஸ்ஸ பச்சஸ்ஸோஸி. அத²
கோ² ஆயஸ்மா பிலிந்த³வச்சோ² ராஜானங் மாக³த⁴ங் ஸேனியங் பி³ம்பி³ஸாரங்
த⁴ம்மியா கதா²ய ஸந்த³ஸ்ஸேஸி ஸமாத³பேஸி ஸமுத்தேஜேஸி ஸம்பஹங்ஸேஸி. அத² கோ²
ராஜா மாக³தோ⁴ ஸேனியோ பி³ம்பி³ஸாரோ ஆயஸ்மதா பிலிந்த³வச்சே²ன த⁴ம்மியா கதா²ய
ஸந்த³ஸ்ஸிதோ ஸமாத³பிதோ ஸமுத்தேஜிதோ ஸம்பஹங்ஸிதோ உட்டா²யாஸனா ஆயஸ்மந்தங்
பிலிந்த³வச்ச²ங் அபி⁴வாதெ³த்வா பத³க்கி²ணங் கத்வா பக்காமி.

619. அத² கோ² ஆயஸ்மா பிலிந்த³வச்சோ² ப⁴க³வதோ ஸந்திகே தூ³தங் பாஹேஸி – ‘‘ராஜா, ப⁴ந்தே ,
மாக³தோ⁴ ஸேனியோ பி³ம்பி³ஸாரோ ஆராமிகங் தா³துகாமோ. கத²ங் நு கோ², ப⁴ந்தே,
மயா படிபஜ்ஜிதப்³ப³’’ந்தி? அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே
த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே,
ஆராமிக’’ந்தி. து³தியம்பி கோ² ராஜா மாக³தோ⁴ ஸேனியோ
பி³ம்பி³ஸாரோ யேனாயஸ்மா பிலிந்தி³வச்சோ² தேனுபஸங்கமி; உபஸங்கமித்வா
ஆயஸ்மந்தங் பிலிந்த³வச்ச²ங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னோ கோ² ராஜா மாக³தோ⁴ ஸேனியோ பி³ம்பி³ஸாரோ ஆயஸ்மந்தங் பிலிந்த³வச்ச²ங்
ஏதத³வோச – ‘‘அனுஞ்ஞாதோ, ப⁴ந்தே, ப⁴க³வதா ஆராமிகோ’’தி? ‘‘ஏவங்,
மஹாராஜா’’தி. ‘‘தேன ஹி, ப⁴ந்தே, அய்யஸ்ஸ ஆராமிகங் த³ம்மீ’’தி. அத² கோ² ராஜா
மாக³தோ⁴ ஸேனியோ பி³ம்பி³ஸாரோ ஆயஸ்மதோ பிலிந்த³வச்ச²ஸ்ஸ ஆராமிகங் படிஸ்ஸுணித்வா விஸ்ஸரித்வா சிரேன ஸதிங் படிலபி⁴த்வா அஞ்ஞதரங் ஸப்³ப³த்த²கங் மஹாமத்தங் ஆமந்தேஸி
– ‘‘யோ மயா, ப⁴ணே, அய்யஸ்ஸ ஆராமிகோ படிஸ்ஸுதோ, தி³ன்னோ ஸோ ஆராமிகோ’’தி?
‘‘ந கோ², தே³வ, அய்யஸ்ஸ ஆராமிகோ தி³ன்னோ’’தி. ‘‘கீவசிரங் நு கோ², ப⁴ணே, இதோ
ஹி தங் ஹோதீ’’தி? அத² கோ² ஸோ மஹாமத்தோ ரத்தியோ க³ணெத்வா [விக³ணெத்வா (க॰)]
ராஜானங் மாக³த⁴ங் ஸேனியங் பி³ம்பி³ஸாரங் ஏதத³வோச – ‘‘பஞ்ச, தே³வ,
ரத்திஸதானீ’’தி. ‘‘தேன ஹி, ப⁴ணே, அய்யஸ்ஸ பஞ்ச ஆராமிகஸதானி தே³ஹீ’’தி.
‘‘ஏவங், தே³வா’’தி கோ² ஸோ மஹாமத்தோ ரஞ்ஞோ மாக³த⁴ஸ்ஸ ஸேனியஸ்ஸ
பி³ம்பி³ஸாரஸ்ஸ படிஸ்ஸுணித்வா ஆயஸ்மதோ பிலிந்த³வச்ச²ஸ்ஸ பஞ்ச ஆராமிகஸதானி பாதா³ஸி [அதா³ஸி (ஸ்யா॰)], பாடியேக்கோ கா³மோ நிவிஸி. ஆராமிககா³மகோதிபி நங் ஆஹங்ஸு, பிலிந்த³கா³மகோதிபி நங் ஆஹங்ஸு.

620.
தேன கோ² பன ஸமயேன ஆயஸ்மா பிலிந்த³வச்சோ² தஸ்மிங் கா³மகே குலூபகோ ஹோதி. அத²
கோ² ஆயஸ்மா பிலிந்த³வச்சோ² புப்³ப³ண்ஹஸமயங் நிவாஸெத்வா பத்தசீவரங் ஆதா³ய
பிலிந்த³கா³மகங் பிண்டா³ய பாவிஸி. தேன கோ² பன ஸமயேன தஸ்மிங் கா³மகே உஸ்ஸவோ
ஹோதி. தா³ரகா அலங்கதா மாலாகிதா கீளந்தி. அத² கோ² ஆயஸ்மா பிலிந்த³வச்சோ²
பிலிந்த³கா³மகே ஸபதா³னங் பிண்டா³ய சரமானோ யேன அஞ்ஞதரஸ்ஸ ஆராமிகஸ்ஸ நிவேஸனங்
தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³. தேன கோ² பன ஸமயேன தஸ்ஸா
ஆராமிகினியா தீ⁴தா அஞ்ஞே தா³ரகே அலங்கதே மாலாகிதே பஸ்ஸித்வா ரோத³தி –
‘‘மாலங் மே தே³த², அலங்காரங் மே தே³தா²’’தி. அத² கோ² ஆயஸ்மா பிலிந்த³வச்சோ²
தங் ஆராமிகினிங் ஏதத³வோச – ‘‘கிஸ்ஸாயங் தா³ரிகா ரோத³தீ’’தி? ‘‘அயங்,
ப⁴ந்தே, தா³ரிகா அஞ்ஞே தா³ரகே அலங்கதே மாலாகிதே பஸ்ஸித்வா ரோத³தி – ‘மாலங்
மே தே³த², அலங்காரங் மே தே³தா²’தி. குதோ அம்ஹாகங் து³க்³க³தானங் மாலா குதோ,
அலங்காரோ’’தி? அத² கோ² ஆயஸ்மா பிலிந்த³வச்சோ² அஞ்ஞதரங் திணண்டு³பகங்
க³ஹெத்வா தங் ஆராமிகினிங் ஏதத³வோச – ‘‘ஹந்தி³மங் திணண்டு³பகங் தஸ்ஸா
தா³ரிகாய ஸீஸே படிமுஞ்சா’’தி. அத² கோ² ஸா ஆராமிகினீ தங் திணண்டு³பகங் க³ஹெத்வா தஸ்ஸா தா³ரிகாய ஸீஸே படிமுஞ்சி. ஸா அஹோஸி ஸுவண்ணமாலா அபி⁴ரூபா த³ஸ்ஸனீயா பாஸாதி³கா. நத்தி² தாதி³ஸா ரஞ்ஞோபி அந்தேபுரே ஸுவண்ணமாலா. மனுஸ்ஸா ரஞ்ஞோ மாக³த⁴ஸ்ஸ ஸேனியஸ்ஸ பி³ம்பி³ஸாரஸ்ஸ ஆரோசேஸுங்
– ‘‘அமுகஸ்ஸ, தே³வ, ஆராமிகஸ்ஸ க⁴ரே ஸுவண்ணமாலா அபி⁴ரூபா த³ஸ்ஸனீயா
பாஸாதி³கா. நத்தி² தாதி³ஸா தே³வஸ்ஸாபி அந்தேபுரே ஸுவண்ணமாலா. குதோ தஸ்ஸ
து³க்³க³தஸ்ஸ! நிஸ்ஸங்ஸயங் சோரிகாய ஆப⁴தா’’தி!! அத² கோ² ராஜா மாக³தோ⁴
ஸேனியோ பி³ம்பி³ஸாரோ தங் ஆராமிககுலங் ப³ந்தா⁴பேஸி. து³தியம்பி கோ² ஆயஸ்மா
பிலிந்த³வச்சோ² புப்³ப³ண்ஹஸமயங் நிவாஸெத்வா பத்தசீவரங் ஆதா³ய
பிலிந்த³கா³மகங் பிண்டா³ய பாவிஸி. பிலிந்த³கா³மகே ஸபதா³னங் பிண்டா³ய சரமானோ
யேன தஸ்ஸ ஆராமிகஸ்ஸ நிவேஸனங் தேனுபஸங்கமி;
உபஸங்கமித்வா படிவிஸ்ஸகே புச்சி² – ‘‘கஹங் இமங் ஆராமிககுலங் க³த’’ந்தி?
‘‘ஏதிஸ்ஸா, ப⁴ந்தே, ஸுவண்ணமாலாய காரணா ரஞ்ஞா ப³ந்தா⁴பித’’ந்தி.

621.
அத² கோ² ஆயஸ்மா பிலிந்த³வச்சோ² யேன ரஞ்ஞோ மாக³த⁴ஸ்ஸ ஸேனியஸ்ஸ
பி³ம்பி³ஸாரஸ்ஸ நிவேஸனங் தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³.
அத² கோ² ராஜா மாக³தோ⁴ ஸேனியோ பி³ம்பி³ஸாரோ யேனாயஸ்மா பிலிந்த³வச்சோ²
தேனுபஸங்கமி; உபஸங்கமித்வா ஆயஸ்மந்தங் பிலிந்த³வச்ச²ங் அபி⁴வாதெ³த்வா
ஏகமந்தங் நிஸீதி³. ஏகமந்தங் நிஸின்னங் கோ² ராஜானங் மாக³த⁴ங் ஸேனியங்
பி³ம்பி³ஸாரங் ஆயஸ்மா பிலிந்த³வச்சோ² ஏதத³வோச – ‘‘கிஸ்ஸ, மஹாராஜ,
ஆராமிககுலங் ப³ந்தா⁴பித’’ந்தி? ‘‘தஸ்ஸ, ப⁴ந்தே,
ஆராமிகஸ்ஸ க⁴ரே ஸுவண்ணமாலா அபி⁴ரூபா த³ஸ்ஸனீயா பாஸாதி³கா. நத்தி² தாதி³ஸா
அம்ஹாகம்பி அந்தேபுரே ஸுவண்ணமாலா. குதோ தஸ்ஸ து³க்³க³தஸ்ஸ! நிஸ்ஸங்ஸயங்
சோரிகாய ஆப⁴தா’’தி!! அத² கோ² ஆயஸ்மா பிலிந்த³வச்சோ² ரஞ்ஞோ மாக³த⁴ஸ்ஸ
ஸேனியஸ்ஸ பி³ம்பி³ஸாரஸ்ஸ பாஸாத³ங் ஸுவண்ணந்தி அதி⁴முச்சி. ஸோ அஹோஸி
ஸப்³ப³ஸோவண்ணமயோ. ‘‘இத³ங் பன தே, மஹாராஜ, தாவ ப³ஹுங் ஸுவண்ணங் குதோ’’தி?
‘‘அஞ்ஞாதங், ப⁴ந்தே, அய்யஸ்ஸேவேஸோ இத்³தா⁴னுபா⁴வோ’’தி. தங் ஆராமிககுலங்
முஞ்சாபேஸி. மனுஸ்ஸா – ‘‘அய்யேன கிர பிலிந்த³வச்சே²ன ஸராஜிகாய பரிஸாய
உத்தரிமனுஸ்ஸத⁴ம்மங் இத்³தி⁴பாடிஹாரியங் த³ஸ்ஸித’’ந்தி, அத்தமனா
அபி⁴ப்பஸன்னா ஆயஸ்மதோ பிலிந்த³வச்ச²ஸ்ஸ பஞ்ச பே⁴ஸஜ்ஜானி அபி⁴ஹரிங்ஸு,
ஸெய்யதி²த³ங் – ஸப்பி நவனீதங் தேலங் மது⁴ பா²ணிதங். பகதியாபி ச ஆயஸ்மா
பிலிந்த³வச்சோ² லாபீ⁴ ஹோதி பஞ்சன்னங் பே⁴ஸஜ்ஜானங். லத்³த⁴ங் லத்³த⁴ங்
பரிஸாய விஸ்ஸஜ்ஜேதி. பரிஸா சஸ்ஸ ஹோதி பா³ஹுல்லிகா. லத்³த⁴ங் லத்³த⁴ங்
கோலம்பே³பி க⁴டேபி பூரெத்வா படிஸாமேதி, பரிஸ்ஸாவனானிபி த²விகாயோபி பூரெத்வா
வாதபானேஸு லக்³கே³தி. தானி ஓலீனவிலீனானி திட்ட²ந்தி. உந்தூ³ரேஹிபி விஹாரா ஓகிண்ணவிகிண்ணா
ஹொந்தி. மனுஸ்ஸா விஹாரசாரிகங் ஆஹிண்ட³ந்தா பஸ்ஸித்வா உஜ்ஜா²யந்தி
கி²ய்யந்தி விபாசெந்தி – ‘‘அந்தோகொட்டா²கா³ரிகா இமே ஸமணா ஸக்யபுத்தியா,
ஸெய்யதா²பி ராஜா மாக³தோ⁴ ஸேனியோ பி³ம்பி³ஸாரோ’’தி !
அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பி⁴க்கூ² ஏவரூபாய பா³ஹுல்லாய சேதெஸ்ஸந்தீ’’தி!
அத² கோ² தே பி⁴க்கூ² தே அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸுங்…பே॰… ‘‘ஸச்சங் கிர, பி⁴க்க²வே, பி⁴க்கூ² ஏவரூபாய பா³ஹுல்லாய
சேதெந்தீ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம தே, பி⁴க்க²வே, மோக⁴புரிஸா ஏவரூபாய பா³ஹுல்லாய சேதெஸ்ஸந்தி!
நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –

622. ‘‘யானி கோ²
பன தானி கி³லானானங் பி⁴க்கூ²னங் படிஸாயனீயானி பே⁴ஸஜ்ஜானி, ஸெய்யதி²த³ங் –
ஸப்பி நவனீதங் தேலங் மது⁴ பா²ணிதங், தானி படிக்³க³ஹெத்வா ஸத்தாஹபரமங்
ஸன்னிதி⁴காரகங் பரிபு⁴ஞ்ஜிதப்³பா³னி. தங் அதிக்காமயதோ நிஸ்ஸக்³கி³யங்
பாசித்திய’’
ந்தி.

623. யானி கோ² பன தானி கி³லானானங் பி⁴க்கூ²னங் படிஸாயனீயானி பெ⁴ஸ்ஸஜ்ஜானீதி ஸப்பி நாம கோ³ஸப்பி வா அஜிகாஸப்பி வா மஹிங்ஸஸப்பி [மஹிஸஸப்பி (ஸீ॰ ஸ்யா॰)] வா யேஸங் மங்ஸங் கப்பதி தேஸங் ஸப்பி. நவனீதங் நாம தேஸங் யேவ நவனீதங். தேலங் நாம திலதேலங் ஸாஸபதேலங் மது⁴கதேலங் ஏரண்ட³தேலங் வஸாதேலங். மது⁴ நாம மக்கி²காமது⁴. பா²ணிதங் நாம உச்சு²ம்ஹா நிப்³ப³த்தங்.

தானி படிக்³க³ஹெத்வா ஸத்தாஹபரமங் ஸன்னிதி⁴காரகங் பரிபு⁴ஞ்ஜிதப்³பா³னீதி ஸத்தாஹபரமதா பரிபு⁴ஞ்ஜிதப்³பா³னி.

தங் அதிக்காமயதோ நிஸ்ஸக்³கி³யங் ஹோதீதி
அட்ட²மே அருணுக்³க³மனே நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ
வா க³ணஸ்ஸ வா புக்³க³லஸ்ஸ வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰…
இத³ங் மே, ப⁴ந்தே, பே⁴ஸஜ்ஜங் ஸத்தாஹாதிக்கந்தங் நிஸ்ஸக்³கி³யங், இமாஹங்
ஸங்க⁴ஸ்ஸ நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ
த³ம்மீதி.

624. ஸத்தாஹாதிக்கந்தே
அதிக்கந்தஸஞ்ஞீ, நிஸ்ஸக்³கி³யங் பாசித்தியங். ஸத்தாஹாதிக்கந்தே வேமதிகோ,
நிஸ்ஸக்³கி³யங் பாசித்தியங். ஸத்தாஹாதிக்கந்தே அனதிக்கந்தஸஞ்ஞீ,
நிஸ்ஸக்³கி³யங் பாசித்தியங். அனதி⁴ட்டி²தே அதி⁴ட்டி²தஸஞ்ஞீ, நிஸ்ஸக்³கி³யங்
பாசித்தியங். அவிஸ்ஸஜ்ஜிதே விஸ்ஸஜ்ஜிதஸஞ்ஞீ, நிஸ்ஸக்³கி³யங் பாசித்தியங்.
அனட்டே² நட்ட²ஸஞ்ஞீ, நிஸ்ஸக்³கி³யங் பாசித்தியங். அவினட்டே² வினட்ட²ஸஞ்ஞீ,
நிஸ்ஸக்³கி³யங் பாசித்தியங். அத³ட்³டே⁴ த³ட்³ட⁴ஸஞ்ஞீ, நிஸ்ஸக்³கி³யங் பாசித்தியங். அவிலுத்தே விலுத்தஸஞ்ஞீ, நிஸ்ஸக்³கி³யங் பாசித்தியங்.

நிஸ்ஸட்ட²ங் படிலபி⁴த்வா ந காயிகேன பரிபோ⁴கே³ன
பரிபு⁴ஞ்ஜிதப்³ப³ங், ந அஜ்ஜோ²ஹரிதப்³ப³ங், பதீ³பே வா காளவண்ணே வா
உபனேதப்³ப³ங், அஞ்ஞேன பி⁴க்கு²னா காயிகேன பரிபோ⁴கே³ன பரிபு⁴ஞ்ஜிதப்³ப³ங், ந
அஜ்ஜோ²ஹரிதப்³ப³ங்.

ஸத்தாஹானதிக்கந்தே அதிக்கந்தஸஞ்ஞீ, ஆபத்தி து³க்கடஸ்ஸ. ஸத்தாஹானதிக்கந்தே வேமதிகோ, ஆபத்தி து³க்கடஸ்ஸ. ஸத்தாஹானதிக்கந்தே அனதிக்கந்தஸஞ்ஞீ, அனாபத்தி.

625. அனாபத்தி
அந்தோஸத்தாஹங் அதி⁴ட்டே²தி, விஸ்ஸஜ்ஜேதி, நஸ்ஸதி, வினஸ்ஸதி, ட³ய்ஹதி,
அச்சி²ந்தி³த்வா க³ண்ஹந்தி, விஸ்ஸாஸங் க³ண்ஹந்தி, அனுபஸம்பன்னஸ்ஸ சத்தேன
வந்தேன முத்தேன அனபெக்கோ² த³த்வா படிலபி⁴த்வா பரிபு⁴ஞ்ஜதி, உம்மத்தகஸ்ஸ,
ஆதி³கம்மிகஸ்ஸாதி.

பே⁴ஸஜ்ஜஸிக்கா²பத³ங் நிட்டி²தங் ததியங்.

4. வஸ்ஸிகஸாடிகஸிக்கா²பத³ங்

626. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ப⁴க³வதா பி⁴க்கூ²னங் வஸ்ஸிகஸாடிகா அனுஞ்ஞாதா ஹோதி.
ச²ப்³ப³க்³கி³யா பி⁴க்கூ² – ‘‘ப⁴க³வதா வஸ்ஸிகஸாடிகா அனுஞ்ஞாதா’’தி,
படிகச்சேவ [படிக³ச்சேவ (ஸீ॰)] வஸ்ஸிகஸாடிகசீவரங்
பரியேஸந்தி, படிகச்சேவ கத்வா நிவாஸெந்தி, ஜிண்ணாய வஸ்ஸிகஸாடிகாய நக்³கா³
காயங் ஓவஸ்ஸாபெந்தி. யே தே பி⁴க்கூ² அப்பிச்சா²… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² படிகச்சேவ
வஸ்ஸிகஸாடிகசீவரங் பரியேஸிஸ்ஸந்தி, படிகச்சேவ கத்வா நிவாஸெஸ்ஸந்தி, ஜிண்ணாய
வஸ்ஸிகஸாடிகாய நக்³கா³ காயங் ஓவஸ்ஸாபெஸ்ஸந்தீ’’தி!
அத² கோ² தே பி⁴க்கூ² ச²ப்³ப³க்³கி³யே பி⁴க்கூ² அனேகபரியாயேன விக³ரஹித்வா
ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர தும்ஹே, பி⁴க்க²வே,
படிகச்சேவ வஸ்ஸிகஸாடிகசீவரங் பரியேஸத²? படிகச்சேவ கத்வா நிவாஸேத²? ஜிண்ணாய
வஸ்ஸிகஸாடிகாய நக்³கா³ காயங் ஓவஸ்ஸாபேதா²’’தி? ‘‘ஸச்சங், ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே மோக⁴புரிஸா, படிகச்சேவ
வஸ்ஸிகஸாடிகசீவரங் பரியேஸிஸ்ஸத², படிகச்சேவ கத்வா நிவாஸெஸ்ஸத², ஜிண்ணாய
வஸ்ஸிகஸாடிகாய நக்³கா³ காயங் ஓவஸ்ஸாபெஸ்ஸத²! நேதங், மோக⁴புரிஸா,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –

627. ‘‘மாஸோ ஸேஸோ கி³ம்ஹான’ந்தி பி⁴க்கு²னா வஸ்ஸிகஸாடிகசீவரங் பரியேஸிதப்³ப³ங் ; ‘அத்³த⁴மாஸோ ஸேஸோ கி³ம்ஹான’ந்தி கத்வா நிவாஸேதப்³ப³ங் . ‘ஓரேன
சே மாஸோ ஸேஸோ கி³ம்ஹான’ந்தி வஸ்ஸிகஸாடிகசீவரங் பரியேஸெய்ய, ‘ஓரேனத்³த⁴மாஸோ
ஸேஸோ கி³ம்ஹான’ந்தி கத்வா நிவாஸெய்ய, நிஸ்ஸக்³கி³யங் பாசித்திய’’
ந்தி.

628. ‘மாஸோ ஸேஸோ கி³ம்ஹான’ந்தி பி⁴க்கு²னா வஸ்ஸிகஸாடிகசீவரங் பரியேஸிதப்³ப³ந்தி.
யே மனுஸ்ஸா புப்³பே³பி வஸ்ஸிகஸாடிகசீவரங் தெ³ந்தி தே உபஸங்கமித்வா ஏவமஸ்ஸு
வசனீயா – ‘‘காலோ வஸ்ஸிகஸாடிகாய, ஸமயோ வஸ்ஸிகஸாடிகாய, அஞ்ஞேபி மனுஸ்ஸா
வஸ்ஸிகஸாடிகசீவரங் தெ³ந்தீ’’தி. ந வத்தப்³பா³ – ‘‘தே³த² மே
வஸ்ஸிகஸாடிகசீவரங், ஆஹரத² மே வஸ்ஸிகஸாடிகசீவரங், பரிவத்தேத² மே
வஸ்ஸிகஸாடிகசீவரங், சேதாபேத² மே வஸ்ஸிகஸாடிகசீவர’’ந்தி.

‘அத்³த⁴மாஸோ ஸேஸோ கி³ம்ஹான’ந்தி கத்வா நிவாஸேதப்³ப³ந்தி. அத்³த⁴மாஸே ஸேஸே கி³ம்ஹானே கத்வா நிவாஸேதப்³ப³ங்.

‘ஓரேன சே மாஸோ ஸேஸோ கி³ம்ஹான’ந்தி அதிரேகமாஸே ஸேஸ கி³ம்ஹானே வஸ்ஸிகஸாடிகசீவரங் பரியேஸதி, நிஸ்ஸக்³கி³யங் பாசித்தியங்.

‘ஓரேனத்³த⁴மாஸோ ஸேஸோ கி³ம்ஹான’ந்தி
அதிரேகத்³த⁴மாஸே ஸேஸே கி³ம்ஹானே கத்வா நிவாஸேதி, நிஸ்ஸக்³கி³யங் ஹோதி.
நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச பன,
பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே , வஸ்ஸிகஸாடிகசீவரங் அதிரேகமாஸே ஸேஸே கி³ம்ஹானே பரியிட்ட²ங் அதிரேகத்³த⁴மாஸே
ஸேஸே கி³ம்ஹானே கத்வா பரித³ஹிதங் நிஸ்ஸக்³கி³யங். இமாஹங் ஸங்க⁴ஸ்ஸ
நிஸ்ஸஜ்ஜாமீதி.…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ
த³ம்மீதி.

629.
அதிரேகமாஸே ஸேஸே கி³ம்ஹானே அதிரேகஸஞ்ஞீ வஸ்ஸிகஸாடிகசீவரங் பரியேஸதி,
நிஸ்ஸக்³கி³யங் பாசித்தியங். அதிரேகமாஸே ஸேஸே கி³ம்ஹானே வேமதிகோ
வஸ்ஸிகஸாடிகசீவரங் பரியேஸதி, நிஸ்ஸக்³கி³யங் பாசித்தியங். அதிரேகமாஸே ஸேஸே
கி³ம்ஹானே ஊனகஸஞ்ஞீ வஸ்ஸிகஸாடிகசீவரங் பரியேஸதி, நிஸ்ஸக்³கி³யங்
பாசித்தியங்.

அதிரேகத்³த⁴மாஸே ஸேஸே கி³ம்ஹானே அதிரேகஸஞ்ஞீ கத்வா
நிவாஸேதி, நிஸ்ஸக்³கி³யங் பாசித்தியங். அதிரேகத்³த⁴மாஸே ஸேஸே கி³ம்ஹானே
வேமதிகோ கத்வா நிவாஸேதி, நிஸ்ஸக்³கி³யங் பாசித்தியங் . அதிரேகத்³த⁴மாஸே ஸேஸே கி³ம்ஹானே ஊனகஸஞ்ஞீ கத்வா நிவாஸேதி, நிஸ்ஸக்³கி³யங் பாசித்தியங்.

ஸதியா வஸ்ஸிகஸாடிகாய நக்³கோ³ காயங் ஓவஸ்ஸாபேதி, ஆபத்தி
து³க்கடஸ்ஸ. ஊனகமாஸே ஸேஸே கி³ம்ஹானே அதிரேகஸஞ்ஞீ, ஆபத்தி து³க்கடஸ்ஸ.
ஊனகமாஸே ஸேஸே கி³ம்ஹானே வேமதிகோ, ஆபத்தி து³க்கடஸ்ஸ. ஊனகமாஸே ஸேஸே
கி³ம்ஹானே ஊனகஸஞ்ஞீ, அனாபத்தி.

ஊனகத்³த⁴மாஸே ஸேஸே கி³ம்ஹானே அதிரேகஸஞ்ஞீ, ஆபத்தி து³க்கடஸ்ஸ. ஊனகத்³த⁴மாஸே ஸேஸே கி³ம்ஹானே வேமதிகோ , ஆபத்தி து³க்கடஸ்ஸ. ஊனகத்³த⁴மாஸே ஸேஸே கி³ம்ஹானே ஊனகஸஞ்ஞீ, அனாபத்தி.

630. அனாபத்தி ‘மாஸோ ஸேஸோ கி³ம்ஹான’ந்தி வஸ்ஸிகஸாடிகசீவரங் பரியேஸதி ,
‘அத்³த⁴மாஸோ ஸேஸோ கி³ம்ஹான’ந்தி கத்வா நிவாஸேதி, ‘ஊனகமாஸோ ஸேஸோ
கி³ம்ஹான’ந்தி வஸ்ஸிகஸாடிகசீவரங் பரியேஸதி, ‘ஊனகத்³த⁴மாஸோ ஸேஸோ
கி³ம்ஹான’ந்தி கத்வா நிவாஸேதி, பரியிட்டா²ய வஸ்ஸிகஸாடிகாய வஸ்ஸங்
உக்கட்³டி⁴ய்யதி, நிவத்தா²ய வஸ்ஸிகஸாடிகாய வஸ்ஸங் உக்கட்³டி⁴ய்யதி,
தோ⁴வித்வா நிக்கி²பிதப்³ப³ங்; ஸமயே நிவாஸேதப்³ப³ங், அச்சி²ன்னசீவரஸ்ஸ,
நட்ட²சீவரஸ்ஸ, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

வஸ்ஸிகஸாடிகஸிக்கா²பத³ங் நிட்டி²தங் சதுத்த²ங்.

5. சீவரஅச்சி²ந்த³னஸிக்கா²பத³ங்

631. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா உபனந்தோ³ ஸக்யபுத்தோ பா⁴துனோ
ஸத்³தி⁴விஹாரிகங் பி⁴க்கு²ங் ஏதத³வோச – ‘‘ஏஹாவுஸோ, ஜனபத³சாரிகங்
பக்கமிஸ்ஸாமா’’தி. ‘‘நாஹங், ப⁴ந்தே, க³மிஸ்ஸாமி; து³ப்³ப³லசீவரொம்ஹீ’’தி.
‘‘ஏஹாவுஸோ, அஹங் தே சீவரங் த³ஸ்ஸாமீ’’தி தஸ்ஸ சீவரங் அதா³ஸி. அஸ்ஸோஸி கோ²
ஸோ பி⁴க்கு² – ‘‘ப⁴க³வா கிர ஜனபத³சாரிகங் பக்கமிஸ்ஸதீ’’தி. அத² கோ² தஸ்ஸ
பி⁴க்கு²னோ ஏதத³ஹோஸி – ‘‘ந தா³னாஹங் ஆயஸ்மதா உபனந்தே³ன ஸக்யபுத்தேன
ஸத்³தி⁴ங் ஜனபத³சாரிகங் பக்கமிஸ்ஸாமி, ப⁴க³வதா
ஸத்³தி⁴ங் ஜனபத³சாரிகங் பக்கமிஸ்ஸாமீ’’தி. அத² கோ² ஆயஸ்மா உபனந்தோ³
ஸக்யபுத்தோ தங் பி⁴க்கு²ங் ஏதத³வோச – ‘‘ஏஹி தா³னி, ஆவுஸோ, ஜனபத³சாரிகங்
பக்கமிஸ்ஸாமா’’தி. ‘‘நாஹங், ப⁴ந்தே, தயா ஸத்³தி⁴ங் ஜனபத³சாரிகங்
பக்கமிஸ்ஸாமி, ப⁴க³வதா ஸத்³தி⁴ங் ஜனபத³சாரிகங் பக்கமிஸ்ஸாமீ’’தி. ‘‘யம்பி
த்யாஹங், ஆவுஸோ, சீவரங் அதா³ஸிங், மயா ஸத்³தி⁴ங் ஜனபத³சாரிகங்
பக்கமிஸ்ஸதீ’’தி, குபிதோ அனத்தமனோ அச்சி²ந்தி³.

அத² கோ² ஸோ பி⁴க்கு² பி⁴க்கூ²னங் ஏதமத்த²ங் ஆரோசேஸி.
யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஆயஸ்மா உபனந்தோ³ ஸக்யபுத்தோ பி⁴க்கு²ஸ்ஸ ஸாமங் சீவரங் த³த்வா
குபிதோ அனத்தமனோ அச்சி²ந்தி³ஸ்ஸதீ’’தி! அத² கோ² தே பி⁴க்கூ² ஆயஸ்மந்தங்
உபனந்த³ங் ஸக்யபுத்தங் அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸுங்…பே॰… ‘‘ஸச்சங் கிர த்வங், உபனந்த³,
பி⁴க்கு²ஸ்ஸ ஸாமங் சீவரங் த³த்வா குபிதோ அனத்தமனோ அச்சி²ந்தீ³’’தி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம த்வங்,
மோக⁴புரிஸ , பி⁴க்கு²ஸ்ஸ ஸாமங் சீவரங் த³த்வா குபிதோ
அனத்தமனோ அச்சி²ந்தி³ஸ்ஸஸி! நேதங், மோக⁴புரிஸ, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

632. ‘‘யோ
பன பி⁴க்கு² பி⁴க்கு²ஸ்ஸ ஸாமங் சீவரங் த³த்வா குபிதோ அனத்தமனோ
அச்சி²ந்தெ³ய்ய வா அச்சி²ந்தா³பெய்ய வா, நிஸ்ஸக்³கி³யங் பாசித்திய’’
ந்தி.

633. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

பி⁴க்கு²ஸ்ஸாதி அஞ்ஞஸ்ஸ பி⁴க்கு²ஸ்ஸ.

ஸாமந்தி ஸயங் த³த்வா.

சீவரங் நாம ச²ன்னங் சீவரானங் அஞ்ஞதரங் சீவரங், விகப்பனுபக³ங் பச்சி²மங்.

குபிதோ அனத்தமனோதி அனபி⁴ரத்³தோ⁴ ஆஹதசித்தோ கி²லஜாதோ.

அச்சி²ந்தெ³ய்யாதி ஸயங் அச்சி²ந்த³தி, நிஸ்ஸக்³கி³யங் பாசித்தியங் [நிஸ்ஸக்³கி³யங் ஹோதி (ஸ்யா॰)].

அச்சி²ந்தா³பெய்யாதி அஞ்ஞங்
ஆணாபேதி, ஆபத்தி து³க்கடஸ்ஸ. ஸகிங் ஆணத்தோ ப³ஹுகம்பி அச்சி²ந்த³தி,
நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ
வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே,
சீவரங் பி⁴க்கு²ஸ்ஸ ஸாமங் த³த்வா அச்சி²ன்னங் நிஸ்ஸக்³கி³யங் இமாஹங்
ஸங்க⁴ஸ்ஸ நிஸ்ஸஜ்ஜாமீதி…பே॰… த³தெ³ய்யாதி …பே॰… த³தெ³ய்யுந்தி…பே॰… ஆயஸ்மதோ த³ம்மீதி.

634.
உபஸம்பன்னே உபஸம்பன்னஸஞ்ஞீ சீவரங் த³த்வா குபிதோ அனத்தமனோ அச்சி²ந்த³தி வா
அச்சி²ந்தா³பேதி வா, நிஸ்ஸக்³கி³யங் பாசித்தியங். உபஸம்பன்னே வேமதிகோ
சீவரங் த³த்வா குபிதோ அனத்தமனோ அச்சி²ந்த³தி வா அச்சி²ந்தா³பேதி வா,
நிஸ்ஸக்³கி³யங் பாசித்தியங். உபஸம்பன்னே அனுபஸம்பன்னஸஞ்ஞீ சீவரங் த³த்வா
குபிதோ அனத்தமனோ அச்சி²ந்த³தி வா அச்சி²ந்தா³பேதி வா, நிஸ்ஸக்³கி³யங்
பாசித்தியங்.

அஞ்ஞங் பரிக்கா²ரங் த³த்வா குபிதோ அனத்தமனோ
அச்சி²ந்த³தி வா அச்சி²ந்தா³பேதி வா, ஆபத்தி து³க்கடஸ்ஸ. அனுபஸம்பன்னஸ்ஸ
சீவரங் வா அஞ்ஞங் வா பரிக்கா²ரங் த³த்வா குபிதோ அனத்தமனோ அச்சி²ந்த³தி வா
அச்சி²ந்தா³பேதி வா, ஆபத்தி து³க்கடஸ்ஸ. அனுபஸம்பன்னே உபஸம்பன்னஸஞ்ஞீ,
ஆபத்தி து³க்கடஸ்ஸ. அனுபஸம்பன்னே வேமதிகோ, ஆபத்தி து³க்கடஸ்ஸ. அனுபஸம்பன்னே
அனுபஸம்பன்னஸஞ்ஞீ, ஆபத்தி து³க்கடஸ்ஸ.

635. அனாபத்தி – ஸோ வா தே³தி, தஸ்ஸ வா விஸ்ஸஸந்தோ க³ண்ஹாதி, உம்மத்தகஸ்ஸ ஆதி³கம்மிகஸ்ஸாதி.

சீவரஅச்சி²ந்த³னஸிக்கா²பத³ங் நிட்டி²தங் பஞ்சமங்.

6. ஸுத்தவிஞ்ஞத்திஸிக்கா²பத³ங்

636. தேன ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன ஸமயேன ச²ப்³ப³க்³கி³யா பி⁴க்கூ² சீவரகாரஸமயே
ப³ஹுங் ஸுத்தங் விஞ்ஞாபேஸுங். கதேபி சீவரே ப³ஹுங் ஸுத்தங் அவஸிட்ட²ங்
ஹோதி. அத² கோ² ச²ப்³ப³க்³கி³யானங் பி⁴க்கூ²னங் ஏதத³ஹோஸி – ‘‘ஹந்த³ மயங்,
ஆவுஸோ, அஞ்ஞம்பி ஸுத்தங் விஞ்ஞாபெத்வா தந்தவாயேஹி சீவரங் வாயாபேமா’’தி. அத²
கோ² ச²ப்³ப³க்³கி³யா பி⁴க்கூ² அஞ்ஞம்பி ஸுத்தங் விஞ்ஞாபெத்வா தந்தவாயேஹி
சீவரங் வாயாபேஸுங். வீதேபி சீவரே ப³ஹுங் ஸுத்தங் அவஸிட்ட²ங் ஹோதி.
து³தியம்பி கோ² ச²ப்³ப³க்³கி³யா பி⁴க்கூ² அஞ்ஞம்பி ஸுத்தங் விஞ்ஞாபெத்வா
தந்தவாயேஹி சீவரங் வாயாபேஸுங். வீதேபி சீவரே ப³ஹுங் ஸுத்தங் அவஸிட்ட²ங்
ஹோதி. ததியம்பி கோ² ச²ப்³ப³க்³கி³யா பி⁴க்கூ² அஞ்ஞம்பி ஸுத்தங்
விஞ்ஞாபெத்வா தந்தவாயேஹி சீவரங் வாயாபேஸுங். மனுஸ்ஸா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா ஸாமங் ஸுத்தங்
விஞ்ஞாபெத்வா தந்தவாயேஹி சீவரங் வாயாபெஸ்ஸந்தீ’’தி!

அஸ்ஸோஸுங் கோ² பி⁴க்கூ² தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ² அப்பிச்சா²…
தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா
பி⁴க்கூ² ஸாமங் ஸுத்தங் விஞ்ஞாபெத்வா தந்தவாயேஹி சீவரங் வாயாபெஸ்ஸந்தீ’’தி!
அத² கோ² தே பி⁴க்கூ² ச²ப்³ப³க்³கி³யே பி⁴க்கூ² அனேகபரியாயேன விக³ரஹித்வா
ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர தும்ஹே, பி⁴க்க²வே ,
ஸாமங் ஸுத்தங் விஞ்ஞாபெத்வா தந்தவாயேஹி சீவரங் வாயாபேதா²’’தி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே,
மோக⁴புரிஸா, ஸாமங் ஸுத்தங் விஞ்ஞாபெத்வா தந்தவாயேஹி சீவரங் வாயாபெஸ்ஸத²!
நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
இமங் ஸிக்கா²பத³ங் உத்³தி³ஸெய்யாத² –

637. ‘‘யோ பன பி⁴க்கு² ஸாமங் ஸுத்தங் விஞ்ஞாபெத்வா தந்தவாயேஹி சீவரங் வாயாபெய்ய, நிஸ்ஸக்³கி³யங் பாசித்திய’’ந்தி.

638. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

ஸாமந்தி ஸயங் விஞ்ஞாபெத்வா.

ஸுத்தங் நாம ச² ஸுத்தானி – கோ²மங் கப்பாஸிகங் கோஸெய்யங் கம்ப³லங் ஸாணங் ப⁴ங்க³ங்.

தந்தவாயேஹீதி பேஸகாரேஹி வாயாபேதி, பயோகே³ பயோகே³ து³க்கடங் [வாயாபேதி, பயோகே³ து³க்கடங் (ஸ்யா॰)]. படிலாபே⁴ன நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச
பன, பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே, சீவரங் ஸாமங்
ஸுத்தங் விஞ்ஞாபெத்வா தந்தவாயேஹி வாயாபிதங் நிஸ்ஸக்³கி³யங். இமாஹங்
ஸங்க⁴ஸ்ஸ நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ
த³ம்மீதி.

639.
வாயாபிதே வாயாபிதஸஞ்ஞீ, நிஸ்ஸக்³கி³யங் பாசித்தியங். வாயாபிதே வேமதிகோ,
நிஸ்ஸக்³கி³யங் பாசித்தியங். வாயாபிதே அவாயாபிதஸஞ்ஞீ, நிஸ்ஸக்³கி³யங்
பாசித்தியங்.

அவாயாபிதே வாயாபிதஸஞ்ஞீ, ஆபத்தி து³க்கடஸ்ஸ. அவாயாபிதே வேமதிகோ, ஆபத்தி து³க்கடஸ்ஸ. அவாயாபிதே அவாயாபிதஸஞ்ஞீ, அனாபத்தி.

640. அனாபத்தி – சீவரங் ஸிப்³பே³துங், ஆயோகே³, காயப³ந்த⁴னே, அங்ஸப³ந்த⁴கே [அங்ஸவட்டகே (ஸீ॰)], பத்தத்த²விகாய, பரிஸ்ஸாவனே, ஞாதகானங், பவாரிதானங், அஞ்ஞஸ்ஸத்தா²ய, அத்தனோ த⁴னேன, உம்மத்தகஸ்ஸ, ஆதி³கம்மிகஸ்ஸாதி.

ஸுத்தவிஞ்ஞத்திஸிக்கா²பத³ங் நிட்டி²தங் ச²ட்ட²ங்.

7. மஹாபேஸகாரஸிக்கா²பத³ங்

641. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரோ புரிஸோ பவாஸங் க³ச்ச²ந்தோ பஜாபதிங்
ஏதத³வோச – ‘‘ஸுத்தங் தா⁴ரயித்வா அமுகஸ்ஸ தந்தவாயஸ்ஸ தே³ஹி, சீவரங்
வாயாபெத்வா நிக்கி²ப, ஆக³தோ அய்யங் உபனந்த³ங் சீவரேன அச்சா²தெ³ஸ்ஸாமீ’’தி.
அஸ்ஸோஸி கோ² அஞ்ஞதரோ பிண்ட³சாரிகோ பி⁴க்கு² தஸ்ஸ புரிஸஸ்ஸ
இமங் வாசங் பா⁴ஸமானஸ்ஸ. அத² கோ² ஸோ பி⁴க்கு² யேனாயஸ்மா உபனந்தோ³
ஸக்யபுத்தோ தேனுபஸங்கமி; உபஸங்கமித்வா ஆயஸ்மந்தங் உபனந்த³ங் ஸக்யபுத்தங்
ஏதத³வோச – ‘‘மஹாபுஞ்ஞோஸி த்வங், ஆவுஸோ உபனந்த³, அமுகஸ்மிங் ஓகாஸே அஞ்ஞதரோ
புரிஸோ பவாஸங் க³ச்ச²ந்தோ பஜாபதிங் ஏதத³வோச –
‘‘ஸுத்தங் தா⁴ரயித்வா அமுகஸ்ஸ தந்தவாயஸ்ஸ தே³ஹி, சீவரங் வாயாபெத்வா
நிக்கி²ப, ஆக³தோ அய்யங் உபனந்த³ங் சீவரேன அச்சா²தெ³ஸ்ஸாமீ’’தி.
‘‘அத்தா²வுஸோ, மங் ஸோ உபட்டா²கோ’’தி. ஸோபி கோ² தந்தவாயோ ஆயஸ்மதோ உபனந்த³ஸ்ஸ
ஸக்யபுத்தஸ்ஸ உபட்டா²கோ ஹோதி. அத² கோ² ஆயஸ்மா உபனந்தோ³ ஸக்யபுத்தோ யேன ஸோ
தந்தவாயோ தேனுபஸங்கமி; உபஸங்கமித்வா தங் தந்தவாயங் ஏதத³வோச – ‘‘இத³ங் கோ²,
ஆவுஸோ, சீவரங் மங் உத்³தி³ஸ்ஸ விய்யதி; ஆயதஞ்ச கரோஹி வித்த²தஞ்ச. அப்பிதஞ்ச
ஸுவீதஞ்ச ஸுப்பவாயிதஞ்ச ஸுவிலேகி²தஞ்ச
ஸுவிதச்சி²தஞ்ச கரோஹீ’’தி. ‘‘ஏதே கோ² மே, ப⁴ந்தே, ஸுத்தங் தா⁴ரயித்வா
அத³ங்ஸு; இமினா ஸுத்தேன சீவரங் வினாஹீ’’தி. ‘‘ந, ப⁴ந்தே, ஸக்கா ஆயதங் வா
வித்த²தங் வா அப்பிதங் வா காதுங். ஸக்கா ச கோ²,
ப⁴ந்தே, ஸுவீதஞ்ச ஸுப்பவாயிதஞ்ச ஸுவிலேகி²தஞ்ச ஸுவிதச்சி²தஞ்ச காது’’ந்தி.
‘‘இங்க⁴ த்வங், ஆவுஸோ, ஆயதஞ்ச கரோஹி வித்த²தஞ்ச அப்பிதஞ்ச. ந தேன ஸுத்தேன
படிப³த்³த⁴ங் ப⁴விஸ்ஸதீ’’தி.

அத² கோ² ஸோ தந்தவாயோ யதா²ப⁴தங் ஸுத்தங் தந்தே உபனெத்வா
யேன ஸா இத்தீ² தேனுபஸங்கமி; உபஸங்கமித்வா தங் இத்தி²ங் ஏதத³வோச –
‘‘ஸுத்தேன, அய்யே, அத்தோ²’’தி. ‘‘நனு த்வங் அய்யோ [அய்ய (ஸ்யா॰)]
மயா வுத்தோ – ‘இமினா ஸுத்தேன சீவரங் வினாஹீ’’’தி. ‘‘ஸச்சாஹங், அய்யே, தயா
வுத்தோ – ‘இமினா ஸுத்தேன சீவரங் வினாஹீ’தி. அபிச, மங் அய்யோ உபனந்தோ³ ஏவமாஹ
– ‘இங்க⁴ த்வங், ஆவுஸோ, ஆயதஞ்ச கரோஹி வித்த²தஞ்ச அப்பிதஞ்ச, ந தேன ஸுத்தேன
படிப³த்³த⁴ங் ப⁴விஸ்ஸதீ’’’தி. அத² கோ² ஸா இத்தீ² யத்தகங்யேவ ஸுத்தங்
பட²மங் அதா³ஸி தத்தகங் பச்சா² அதா³ஸி. அஸ்ஸோஸி கோ² ஆயஸ்மா உபனந்தோ³
ஸக்யபுத்தோ – ‘‘ஸோ கிர புரிஸோ பவாஸதோ ஆக³தோ’’தி. அத² கோ² ஆயஸ்மா உபனந்தோ³
ஸக்யபுத்தோ யேன தஸ்ஸ புரிஸஸ்ஸ நிவேஸனங் தேனுபஸங்கமி; உபஸங்கமித்வா பஞ்ஞத்தே
ஆஸனே நிஸீதி³. அத² கோ² ஸோ புரிஸோ யேனாயஸ்மா உபனந்தோ³ ஸக்யபுத்தோ
தேனுபஸங்கமி; உபஸங்கமித்வா ஆயஸ்மந்தங் உபனந்த³ங் ஸக்யபுத்தங் அபி⁴வாதெ³த்வா
ஏகமந்தங் நிஸீதி³. ஏகமந்தங் நிஸின்னோ கோ² ஸோ
புரிஸோ பஜாபதிங் ஏதத³வோச – ‘‘வீதங் தங் சீவர’’ந்தி? ‘‘ஆமாய்ய, வீதங் தங்
சீவர’’ந்தி. ‘‘ஆஹர, அய்யங் உபனந்த³ங் சீவரேன அச்சா²தெ³ஸ்ஸாமீ’’தி. அத² கோ²
ஸா இத்தீ² தங் சீவரங் நீஹரித்வா ஸாமிகஸ்ஸ த³த்வா ஏதமத்த²ங் ஆரோசேஸி. அத²
கோ² ஸோ புரிஸோ ஆயஸ்மதோ உபனந்த³ஸ்ஸ ஸக்யபுத்தஸ்ஸ சீவரங் த³த்வா உஜ்ஜா²யதி கி²ய்யதி விபாசேதி – ‘‘மஹிச்சா² இமே ஸமணா ஸக்யபுத்தியா அஸந்துட்டா². நயிமே ஸுகரா சீவரேன அச்சா²தே³துங். கத²ஞ்ஹி நாம அய்யோ உபனந்தோ³ மயா புப்³பே³ அப்பவாரிதோ தந்தவாயே [க³ஹபதிகஸ்ஸ தந்தவாயே (க॰)] உபஸங்கமித்வா சீவரே விகப்பங் ஆபஜ்ஜிஸ்ஸதீ’’தி.

அஸ்ஸோஸுங் கோ² பி⁴க்கூ² தஸ்ஸ புரிஸஸ்ஸ உஜ்ஜா²யந்தஸ்ஸ
கி²ய்யந்தஸ்ஸ விபாசெந்தஸ்ஸ. யே தே பி⁴க்கூ² அப்பிச்சா²…பே॰… தே உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா உபனந்தோ³ ஸக்யபுத்தோ
புப்³பே³ அப்பவாரிதோ க³ஹபதிகஸ்ஸ தந்தவாயே உபஸங்கமித்வா சீவரே விகப்பங்
ஆபஜ்ஜிஸ்ஸதீ’’தி! அத² கோ² தே பி⁴க்கூ² ஆயஸ்மந்தங் உபனந்த³ங் ஸக்யபுத்தங்
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர
த்வங், உபனந்த³, புப்³பே³ அப்பவாரிதோ க³ஹபதிகஸ்ஸ தந்தவாயே உபஸங்கமித்வா
சீவரே விகப்பங் ஆபஜ்ஜீ’’தி? ‘‘ஸச்சங், ப⁴க³வா’’தி. ‘‘ஞாதகோ தே, உபனந்த³,
அஞ்ஞாதகோ’’தி? ‘‘அஞ்ஞாதகோ, ப⁴க³வா’’தி. ‘‘அஞ்ஞாதகோ, மோக⁴புரிஸ, அஞ்ஞாதகஸ்ஸ ந
ஜானாதி பதிரூபங் வா அப்பதிரூபங் வா ஸந்தங் வா அஸந்தங் வா. தத்த² நாம
த்வங், மோக⁴புரிஸ, புப்³பே³ அப்பவாரிதோ அஞ்ஞாதகஸ்ஸ க³ஹபதிகஸ்ஸ
தந்தவாயே உபஸங்கமித்வா சீவரே விகப்பங் ஆபஜ்ஜிஸ்ஸஸி! நேதங், மோக⁴புரிஸ,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –

642. ‘‘பி⁴க்கு²ங்
பனேவ உத்³தி³ஸ்ஸ அஞ்ஞாதகோ க³ஹபதி வா க³ஹபதானீ வா தந்தவாயேஹி சீவரங்
வாயாபெய்ய, தத்ர சே ஸோ பி⁴க்கு² புப்³பே³ அப்பவாரிதோ தந்தவாயே உபஸங்கமித்வா
சீவரே விகப்பங் ஆபஜ்ஜெய்ய – ‘இத³ங் கோ², ஆவுஸோ, சீவரங் மங் உத்³தி³ஸ்ஸ
விய்யதி. ஆயதஞ்ச கரோத² வித்த²தஞ்ச. அப்பிதஞ்ச ஸுவீதஞ்ச ஸுப்பவாயிதஞ்ச
ஸுவிலேகி²தஞ்ச ஸுவிதச்சி²தஞ்ச கரோத². அப்பேவ நாம மயம்பி ஆயஸ்மந்தானங்
கிஞ்சிமத்தங் அனுபத³ஜ்ஜெய்யாமா’தி. ஏவஞ்ச ஸோ பி⁴க்கு² வத்வா கிஞ்சிமத்தங்
அனுபத³ஜ்ஜெய்ய அந்தமஸோ பிண்ட³பாதமத்தம்பி, நிஸ்ஸக்³கி³யங் பாசித்திய’’
ந்தி.

643. பி⁴க்கு²ங் பனேவ உத்³தி³ஸ்ஸாதி பி⁴க்கு²ஸ்ஸத்தா²ய பி⁴க்கு²ங் ஆரம்மணங் கரித்வா பி⁴க்கு²ங் அச்சா²தே³துகாமோ.

அஞ்ஞாதகோ நாம மாதிதோ வா பிதிதோ வா யாவ ஸத்தமா பிதாமஹயுகா³ அஸம்ப³த்³தோ⁴.

க³ஹபதி நாம யோ கோசி அகா³ரங் அஜ்ஜா²வஸதி.

க³ஹபதானீ நாம யா காசி அகா³ரங் அஜ்ஜா²வஸதி.

தந்தவாயேஹீதி பேஸகாரேஹி.

சீவரங் நாம ச²ன்னங் சீவரானங் அஞ்ஞதரங் சீவரங் விகப்பனுபக³ங் பச்சி²மங்.

வாயாபெய்யாதி வினாபேதி.

தத்ர சே ஸோ பி⁴க்கூ²தி யங் பி⁴க்கு²ங் உத்³தி³ஸ்ஸ சீவரங் விய்யதி ஸோ பி⁴க்கு².

புப்³பே³ அப்பவாரிதோதி புப்³பே³ அவுத்தோ ஹோதி – ‘‘கீதி³ஸேன தே, ப⁴ந்தே, சீவரேன அத்தோ², கீதி³ஸங் தே சீவரங் வாயாபேமீ’’தி?

தந்தவாயே உபஸங்கமித்வாதி க⁴ரங் க³ந்த்வா யத்த² கத்த²சி உபஸங்கமித்வா.

சீவரே விகப்பங் ஆபஜ்ஜெய்யாதி
– ‘‘இத³ங் கோ², ஆவுஸோ, சீவரங் மங் உத்³தி³ஸ்ஸ விய்யதி, ஆயதஞ்ச கரோத²
வித்த²தஞ்ச. அப்பிதஞ்ச ஸுவீதஞ்ச ஸுப்பவாயிதஞ்ச ஸுவிலேகி²தஞ்ச
ஸுவிதச்சி²தஞ்ச கரோத². அப்பேவ நாம மயம்பி ஆயஸ்மந்தானங் கிஞ்சிமத்தங்
அனுபத³ஜ்ஜெய்யாமா’’தி.

ஏவஞ்ச ஸோ பி⁴க்கு² வத்வா கிஞ்சிமத்தங் அனுபத³ஜ்ஜெய்ய அந்தமஸோ பிண்ட³பாதமத்தம்பீதி. பிண்ட³பாதோ நாம யாகு³பி ப⁴த்தம்பி கா²த³னீயம்பி சுண்ணபிண்டோ³பி த³ந்தகட்ட²ம்பி த³ஸிகஸுத்தம்பி, அந்தமஸோ த⁴ம்மம்பி ப⁴ணதி.

தஸ்ஸ வசனேன ஆயதங் வா வித்த²தங் வா அப்பிதங் வா கரோதி,
பயோகே³ து³க்கடங். படிலாபே⁴ன நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங்
ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச பன, பி⁴க்க²வே,
நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே, சீவரங் புப்³பே³ அப்பவாரிதோ
அஞ்ஞாதகஸ்ஸ க³ஹபதிகஸ்ஸ தந்தவாயே உபஸங்கமித்வா சீவரே
விகப்பங் ஆபன்னங் நிஸ்ஸக்³கி³யங். இமாஹங் ஸங்க⁴ஸ்ஸ நிஸ்ஸஜ்ஜாமீதி…பே॰…
த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.

644.
அஞ்ஞாதகே அஞ்ஞாதகஸஞ்ஞீ புப்³பே³ அப்பவாரிதோ க³ஹபதிகஸ்ஸ தந்தவாயே
உபஸங்கமித்வா சீவரே விகப்பங் ஆபஜ்ஜதி, நிஸ்ஸக்³கி³யங் பாசித்தியங்.
அஞ்ஞாதகே வேமதிகோ புப்³பே³ அப்பவாரிதோ க³ஹபதிகஸ்ஸ தந்தவாயே
உபஸங்கமித்வா சீவரே விகப்பங் ஆபஜ்ஜதி, நிஸ்ஸக்³கி³யங் பாசித்தியங்.
அஞ்ஞாதகே ஞாதகஸஞ்ஞீ புப்³பே³ அப்பவாரிதோ க³ஹபதிகஸ்ஸ தந்தவாயே உபஸங்கமித்வா
சீவரே விகப்பங் ஆபஜ்ஜதி, நிஸ்ஸக்³கி³யங் பாசித்தியங்.

ஞாதகே அஞாதகஸஞ்ஞீ, ஆபத்தி து³க்கடஸ்ஸ. ஞாதகே வேமதிகோ, ஆபத்தி து³க்கடஸ்ஸ. ஞாதகே ஞாதகஸஞ்ஞீ, அனாபத்தி.

645.
அனாபத்தி – ஞாதகானங், பவாரிதானங், அஞ்ஞஸ்ஸத்தா²ய, அத்தனோ த⁴னேன, மஹக்³க⁴ங்
வாயாபேதுகாமஸ்ஸ அப்பக்³க⁴ங் வாயாபேதி, உம்மத்தகஸ்ஸ, ஆதி³கம்மிகஸ்ஸாதி.

மஹாபேஸகாரஸிக்கா²பத³ங் நிட்டி²தங் ஸத்தமங்.

8. அச்சேகசீவரஸிக்கா²பத³ங்

646. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரோ மஹாமத்தோ பவாஸங் க³ச்ச²ந்தோ பி⁴க்கூ²னங்
ஸந்திகே தூ³தங் பாஹேஸி – ‘‘ஆக³ச்ச²ந்து ப⁴த³ந்தா வஸ்ஸாவாஸிகங்
த³ஸ்ஸாமீ’’தி. பி⁴க்கூ² – ‘வஸ்ஸங்வுட்டா²னங் ப⁴க³வதா வஸ்ஸாவாஸிகங்
அனுஞ்ஞாத’ந்தி, குக்குச்சாயந்தா நாக³மங்ஸு. அத² கோ² ஸோ மஹாமத்தோ உஜ்ஜா²யதி
கி²ய்யதி விபாசேதி – ‘‘கத²ஞ்ஹி நாம ப⁴த³ந்தா மயா தூ³தே பஹிதே
நாக³ச்சி²ஸ்ஸந்தி! அஹஞ்ஹி ஸேனாய க³ச்சா²மி. து³ஜ்ஜானங் ஜீவிதங் து³ஜ்ஜானங்
மரண’’ந்தி. அஸ்ஸோஸுங் கோ² பி⁴க்கூ² தஸ்ஸ மஹாமத்தஸ்ஸ உஜ்ஜா²யந்தஸ்ஸ
கி²ய்யந்தஸ்ஸ விபாசெந்தஸ்ஸ. அத² கோ² தே பி⁴க்கூ² ப⁴க³வதோ ஏதமத்த²ங்
ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங்
கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, அச்சேகசீவரங்
படிக்³க³ஹெத்வா நிக்கி²பிது’’ந்தி.

647. தேன கோ² பன ஸமயேன பி⁴க்கூ² – ‘‘ப⁴க³வதா அனுஞ்ஞாதங் அச்சேகசீவரங் படிக்³க³ஹெத்வா நிக்கி²பிது’’ந்தி ,
அச்சேகசீவரானி படிக்³க³ஹெத்வா சீவரகாலஸமயங் அதிக்காமெந்தி. தானி சீவரானி
சீவரவங்ஸே ப⁴ண்டி³காப³த்³தா⁴னி திட்ட²ந்தி. அத்³த³ஸ கோ² ஆயஸ்மா ஆனந்தோ³
ஸேனாஸனசாரிகங் ஆஹிண்ட³ந்தோ தானி சீவரானி சீவரவங்ஸே ப⁴ண்டி³காப³த்³தா⁴னி.
திட்ட²ந்தே தி³ஸ்வா பி⁴க்கூ² ஏதத³வோச
‘‘கஸ்ஸிமானி, ஆவுஸோ, சீவரானி சீவரவங்ஸே ப⁴ண்டி³காப³த்³தா⁴னி
திட்ட²ந்தீ’’தி? ‘‘அம்ஹாகங், ஆவுஸோ, அச்சேகசீவரானீ’’தி. ‘‘கீவசிரங்
பனாவுஸோ, இமானி சீவரானி நிக்கி²த்தானீ’’தி? அத² கோ² தே பி⁴க்கூ² ஆயஸ்மதோ
ஆனந்த³ஸ்ஸ யதா²னிக்கி²த்தங் ஆரோசேஸுங். ஆயஸ்மா ஆனந்தோ³ உஜ்ஜா²யதி கி²ய்யதி
விபாசேதி – ‘‘கத²ஞ்ஹி நாம பி⁴க்கூ² அச்சேகசீவரங் படிக்³க³ஹெத்வா
சீவரகாலஸமயங் அதிக்காமெஸ்ஸந்தீ’’தி! அத² கோ² ஆயஸ்மா ஆனந்தோ³ தே பி⁴க்கூ²
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸி…பே॰… – ‘‘ஸச்சங் கிர,
பி⁴க்க²வே, பி⁴க்கூ² அச்சேகசீவரங் படிக்³க³ஹெத்வா சீவரகாலஸமயங்
அதிக்காமெந்தீ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம தே, பி⁴க்க²வே, மோக⁴புரிஸா அச்சேகசீவரங் படிக்³க³ஹெத்வா
சீவரகாலஸமயங் அதிக்காமெஸ்ஸந்தி! நேதங், பி⁴க்க²வே, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

648. ‘‘த³ஸாஹானாக³தங்
கத்திகதேமாஸிகபுண்ணமங் பி⁴க்கு²னோ பனேவ அச்சேகசீவரங் உப்பஜ்ஜெய்ய,
அச்சேகங் மஞ்ஞமானேன பி⁴க்கு²னா படிக்³க³ஹேதப்³ப³ங், படிக்³க³ஹெத்வா யாவ
சீவரகாலஸமயங் நிக்கி²பிதப்³ப³ங். ததோ சே உத்தரி நிக்கி²பெய்ய,
நிஸ்ஸக்³கி³யங் பாசித்திய’’
ந்தி.

649. த³ஸாஹானாக³தந்தி த³ஸாஹானாக³தாய பவாரணாய.

கத்திகதேமாஸிகபுண்ணமந்தி பவாரணா கத்திகா வுச்சதி.

அச்சேகசீவரங் நாம ஸேனாய வா க³ந்துகாமோ ஹோதி, பவாஸங் வா க³ந்துகாமோ ஹோதி, கி³லானோ வா ஹோதி, க³ப்³பி⁴னீ வா ஹோதி, அஸ்ஸத்³த⁴ஸ்ஸ வா ஸத்³தா⁴ உப்பன்னா ஹோதி, அப்பஸன்னஸ்ஸ வா
பஸாதோ³ உப்பன்னோ ஹோதி, ஸோ சே பி⁴க்கூ²னங் ஸந்திகே தூ³தங் பஹிணெய்ய –
‘‘ஆக³ச்ச²ந்து ப⁴த³ந்தா வஸ்ஸாவாஸிகங் த³ஸ்ஸாமீ’’தி, ஏதங் அச்சேகசீவரங் நாம.

அச்சேகங் மஞ்ஞமானேன பி⁴க்கு²னா படிக்³க³ஹேதப்³ப³ங் படிக்³க³ஹெத்வா யாவ சீவரகாலஸமயங் நிக்கி²பிதப்³ப³ந்தி ஸஞ்ஞாணங் கத்வா நிக்கி²பிதப்³ப³ங் – ‘‘இத³ங் அச்சேகசீவர’’ந்தி.

சீவரகாலஸமயோ நாம அனத்த²தே கதி²னே வஸ்ஸானஸ்ஸ பச்சி²மோ மாஸோ, அத்த²தே கதி²னே பஞ்சமாஸா.

ததோ சே உத்தரி நிக்கி²பெய்யாதி அனத்த²தே கதி²னே வஸ்ஸானஸ்ஸ பச்சி²மங் தி³வஸங் அதிக்காமேதி, நிஸ்ஸக்³கி³யங் பாசித்தியங் [நிஸ்ஸக்³கி³யங் ஹோதி (ஸ்யா॰)]. அத்த²தே கதி²னே கதி²னுத்³தா⁴ரதி³வஸங்
அதிக்காமேதி, நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ
வா புக்³க³லஸ்ஸ வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே,
ப⁴ந்தே, அச்சேகசீவரங் சீவரகாலஸமயங் அதிக்காமிதங் நிஸ்ஸக்³கி³யங். இமாஹங்
ஸங்க⁴ஸ்ஸ நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ
த³ம்மீதி.

650.
அச்சேகசீவரே அச்சேகசீவரஸஞ்ஞீ சீவரகாலஸமயங் அதிக்காமேதி, நிஸ்ஸக்³கி³யங்
பாசித்தியங். அச்சேகசீவரே வேமதிகோ சீவரகாலஸமயங் அதிக்காமேதி,
நிஸ்ஸக்³கி³யங் பாசித்தியங். அச்சேகசீவரே அனச்சேகசீவரஸஞ்ஞீ சீவரகாலஸமயங்
அதிக்காமேதி, நிஸ்ஸக்³கி³யங் பாசித்தியங். அனதி⁴ட்டி²தே அதி⁴ட்டி²தஸஞ்ஞீ
…பே॰… அவிகப்பிதே விகப்பிதஸஞ்ஞீ… அவிஸ்ஸஜ்ஜிதே விஸ்ஸஜ்ஜிதஸஞ்ஞீ… அனட்டே²
நட்ட²ஸஞ்ஞீ… அவினட்டே² வினட்ட²ஸஞ்ஞீ… அத³ட்³டே⁴ த³ட்³ட⁴ஸஞ்ஞீ… அவிலுத்தே
விலுத்தஸஞ்ஞீ சீவரகாலஸமயங் அதிக்காமேதி, நிஸ்ஸக்³கி³யங் பாசித்தியங்.

நிஸ்ஸக்³கி³யங் சீவரங் அனிஸ்ஸஜ்ஜித்வா பரிபு⁴ஞ்ஜதி,
ஆபத்தி து³க்கடஸ்ஸ. அனச்சேகசீவரே அச்சேகசீவரஸஞ்ஞீ, ஆபத்தி து³க்கடஸ்ஸ.
அனச்சேகசீவரே வேமதிகோ, ஆபத்தி து³க்கடஸ்ஸ. அனச்சேகசீவரே அனச்சேகசீவரஸஞ்ஞீ,
அனாபத்தி.

651. அனாபத்தி – அந்தோஸமயே அதி⁴ட்டே²தி, விகப்பேதி, விஸ்ஸஜ்ஜேதி, நஸ்ஸதி, வினஸ்ஸதி, ட³ய்ஹதி, அச்சி²ந்தி³த்வா க³ண்ஹந்தி, விஸ்ஸாஸங் க³ண்ஹந்தி, உம்மத்தகஸ்ஸ, ஆதி³கம்மிகஸ்ஸாதி.

அச்சேகசீவரஸிக்கா²பத³ங் நிட்டி²தங் அட்ட²மங்.

9. ஸாஸங்கஸிக்கா²பத³ங்

652. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கூ² வுத்த²வஸ்ஸா ஆரஞ்ஞகேஸு ஸேனாஸனேஸு
விஹரந்தி. கத்திகசோரகா பி⁴க்கூ² – ‘‘லத்³த⁴லாபா⁴’’தி பரிபாதெந்தி. ப⁴க³வதோ
ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே
த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே,
ஆரஞ்ஞகேஸு ஸேனாஸனேஸு விஹரந்தேன திண்ணங் சீவரானங் அஞ்ஞதரங் சீவரங் அந்தரக⁴ரே
நிக்கி²பிது’’ந்தி.

தேன கோ² பன ஸமயேன பி⁴க்கூ² – ‘‘ப⁴க³வதா அனுஞ்ஞாதங் ஆரஞ்ஞகேஸு ஸேனாஸனேஸு விஹரந்தேன திண்ணங் சீவரானங்
அஞ்ஞதரங் சீவரங் அந்தரக⁴ரே நிக்கி²பிது’’ந்தி திண்ணங் சீவரானங் அஞ்ஞதரங்
சீவரங் அந்தரக⁴ரே நிக்கி²பித்வா அதிரேகசா²ரத்தங் விப்பவஸந்தி. தானி சீவரானி
நஸ்ஸந்திபி வினஸ்ஸந்திபி ட³ய்ஹந்திபி உந்தூ³ரேஹிபி க²ஜ்ஜந்தி. பி⁴க்கூ²
து³ச்சோளா ஹொந்தி லூக²சீவரா. பி⁴க்கூ² ஏவமாஹங்ஸு – ‘‘கிஸ்ஸ தும்ஹே, ஆவுஸோ,
து³ச்சோளா லூக²சீவரா’’தி? அத² கோ² தே பி⁴க்கூ² பி⁴க்கூ²னங் ஏதமத்த²ங்
ஆரோசேஸுங். யே தே பி⁴க்கூ² அப்பிச்சா²… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பி⁴க்கூ² திண்ணங் சீவரானங் அஞ்ஞதரங் சீவரங்
அந்தரக⁴ரே நிக்கி²பித்வா அதிரேகசா²ரத்தங் விப்பவஸிஸ்ஸந்தீ’’தி! அத² கோ² தே
பி⁴க்கூ² தே அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰…
ஸச்சங் கிர, பி⁴க்க²வே , பி⁴க்கூ² திண்ணங் சீவரானங்
அஞ்ஞதரங் சீவரங் அந்தரக⁴ரே நிக்கி²பித்வா அதிரேகசா²ரத்தங் விப்பவஸந்தீதி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தே,
பி⁴க்க²வே, மோக⁴புரிஸா திண்ணங் சீவரானங் அஞ்ஞதரங் சீவரங் அந்தரக⁴ரே
நிக்கி²பித்வா அதிரேகசா²ரத்தங் விப்பவஸிஸ்ஸந்தி! நேதங், பி⁴க்க²வே,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –

653. ‘‘உபவஸ்ஸங்
கோ² பன கத்திகபுண்ணமங் யானி கோ² பன தானி ஆரஞ்ஞகானி ஸேனாஸனானி
ஸாஸங்கஸம்மதானி ஸப்படிப⁴யானி ததா²ரூபேஸு பி⁴க்கு² ஸேனாஸனேஸு விஹரந்தோ
ஆகங்க²மானோ திண்ணங் சீவரானங் அஞ்ஞதரங் சீவரங் அந்தரக⁴ரே நிக்கி²பெய்ய, ஸியா
ச தஸ்ஸ பி⁴க்கு²னோ கோசிதே³வ பச்சயோ தேன சீவரேன விப்பவாஸாய. சா²ரத்தபரமங்
தேன பி⁴க்கு²னா தேன சீவரேன விப்பவஸிதப்³ப³ங். ததோ சே உத்தரி விப்பவஸெய்ய,
அஞ்ஞத்ர பி⁴க்கு²ஸம்முதியா, நிஸ்ஸக்³கி³யங் பாசித்திய’’
ந்தி.

654. உபவஸ்ஸங் கோ² பனாதி வுட்ட²வஸ்ஸானங்.

கத்திகபுண்ணமந்தி கத்திகசாதுமாஸினீ வுச்சதி.

[பாசி॰ 573] யானி கோ² பன தானி ஆரஞ்ஞகானி ஸேனாஸனானீதி ஆரஞ்ஞகங் நாம ஸேனாஸனங் பஞ்சத⁴னுஸதிகங் பச்சி²மங்.

[பாசி॰ 573] ஸாஸங்கங்
நாம ஆராமே ஆராமூபசாரே சோரானங் நிவிட்டோ²காஸோ தி³ஸ்ஸதி, பு⁴த்தோகாஸோ
தி³ஸ்ஸதி, டி²தோகாஸோ தி³ஸ்ஸதி, நிஸின்னோகாஸோ தி³ஸ்ஸதி, நிபன்னோகாஸோ
தி³ஸ்ஸதி.

[பாசி॰ 573] ஸப்படிப⁴யங் நாம ஆராமே ஆராமூபசாரே சோரேஹி மனுஸ்ஸா ஹதா தி³ஸ்ஸந்தி, விலுத்தா தி³ஸ்ஸந்தி, ஆகோடிதா தி³ஸ்ஸந்தி .

[பாசி॰ 573] ததா²ரூபேஸு பி⁴க்கு² ஸேனாஸனேஸு விஹரந்தோதி ஏவரூபேஸு பி⁴க்கு² ஸேனாஸனேஸு விஹரந்தோ.

ஆகங்க²மானோதி இச்ச²மானோ.

திண்ணங் சீவரானங் அஞ்ஞதரங் சீவரந்தி ஸங்கா⁴டிங் வா உத்தராஸங்க³ங் வா அந்தரவாஸகங் வா.

அந்தரக⁴ரே நிக்கி²பெய்யாதி ஸமந்தா கோ³சரகா³மே நிக்கி²பெய்ய.

ஸியா ச தஸ்ஸ பி⁴க்கு²னோ கோசிதே³வ பச்சயோ தேன சீவரேன விப்பவாஸாயாதி ஸியா பச்சயோ ஸியா கரணீயங்.

சா²ரத்தபரமங் தேன பி⁴க்கு²னா தேன சீவரேன விப்பவஸிதப்³ப³ந்தி சா²ரத்தபரமதா விப்பவஸிதப்³ப³ங்.

அஞ்ஞத்ர பி⁴க்கு²ஸம்முதியாதி ட²பெத்வா பி⁴க்கு²ஸம்முதிங்.

ததோ சே உத்தரி விப்பவஸெய்யாதி
ஸத்தமே அருணுக்³க³மனே நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா
க³ணஸ்ஸ வா புக்³க³லஸ்ஸ வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்.
‘‘இத³ங் மே, ப⁴ந்தே, சீவரங் அதிரேகசா²ரத்தங் விப்பவுட்ட²ங், அஞ்ஞத்ர
பி⁴க்கு²ஸம்முதியா, நிஸ்ஸக்³கி³யங். இமாஹங் ஸங்க⁴ஸ்ஸ நிஸ்ஸஜ்ஜாமீ’’தி…பே॰…
த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.

655.
அதிரேகசா²ரத்தே அதிரேகஸஞ்ஞீ விப்பவஸதி, அஞ்ஞத்ர பி⁴க்கு²ஸம்முதியா,
நிஸ்ஸக்³கி³யங் பாசித்தியங். அதிரேகசா²ரத்தே வேமதிகோ விப்பவஸதி, அஞ்ஞத்ர
பி⁴க்கு²ஸம்முதியா, நிஸ்ஸக்³கி³யங் பாசித்தியங். அதிரேகசா²ரத்தே ஊனகஸஞ்ஞீ
விப்பவஸதி, அஞ்ஞத்ர பி⁴க்கு²ஸம்முதியா, நிஸ்ஸக்³கி³யங் பாசித்தியங்.
அப்பச்சுத்³த⁴டே பச்சுத்³த⁴டஸஞ்ஞீ…பே॰… அவிஸ்ஸஜ்ஜிதே விஸ்ஸஜ்ஜிதஸஞ்ஞீ…
அனட்டே² நட்ட²ஸஞ்ஞீ… அவினட்டே² வினட்ட²ஸஞ்ஞீ… அத³ட்³டே⁴ த³ட்³ட⁴ஸஞ்ஞீ … அவிலுத்தே விலுத்தஸஞ்ஞீ விப்பவஸதி, அஞ்ஞத்ர பி⁴க்கு²ஸம்முதியா, நிஸ்ஸக்³கி³யங் பாசித்தியங்.

நிஸ்ஸக்³கி³யங் சீவரங் அனிஸ்ஸஜ்ஜித்வா பரிபு⁴ஞ்ஜதி,
ஆபத்தி து³க்கடஸ்ஸ. ஊனகசா²ரத்தே அதிரேகஸஞ்ஞீ, ஆபத்தி து³க்கடஸ்ஸ.
ஊனகசா²ரத்தே வேமதிகோ, ஆபத்தி து³க்கடஸ்ஸ. ஊனகசா²ரத்தே ஊனகஸஞ்ஞீ, அனாபத்தி.

656. அனாபத்தி
– சா²ரத்தங் விப்பவஸதி, ஊனகசா²ரத்தங் விப்பவஸதி, சா²ரத்தங் விப்பவஸித்வா
புன கா³மஸீமங் ஓக்கமித்வா வஸித்வா பக்கமதி, அந்தோ சா²ரத்தங் பச்சுத்³த⁴ரதி,
விஸ்ஸஜ்ஜேதி, நஸ்ஸதி, வினஸ்ஸதி, ட³ய்ஹதி, அச்சி²ந்தி³த்வா க³ண்ஹந்தி,
விஸ்ஸாஸங் க³ண்ஹந்தி, பி⁴க்கு²ஸம்முதியா, உம்மத்தகஸ்ஸ, ஆதி³கம்மிகஸ்ஸாதி.

ஸாஸங்கஸிக்கா²பத³ங் நிட்டி²தங் நவமங்.

10. பரிணதஸிக்கா²பத³ங்

657. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஸாவத்தி²யங் அஞ்ஞதரஸ்ஸ பூக³ஸ்ஸ ஸங்க⁴ஸ்ஸ
ஸசீவரப⁴த்தங் படியத்தங் ஹோதி – ‘‘போ⁴ஜெத்வா சீவரேன அச்சா²தெ³ஸ்ஸாமா’’தி.
அத² கோ² ச²ப்³ப³க்³கி³யா பி⁴க்கூ² யேன ஸோ பூகோ³ தேனுபஸங்கமிங்ஸு;
உபஸங்கமித்வா தங் பூக³ங் ஏதத³வோசுங் – ‘‘தே³தா²வுஸோ, அம்ஹாகங் இமானி
சீவரானீ’’தி. ‘‘ந மயங், ப⁴ந்தே, த³ஸ்ஸாம. அம்ஹாகங் ஸங்க⁴ஸ்ஸ அனுவஸ்ஸங்
ஸசீவரபி⁴க்கா² பஞ்ஞத்தா’’தி. ‘‘ப³ஹூ, ஆவுஸோ, ஸங்க⁴ஸ்ஸ தா³யகா, ப³ஹூ
ஸங்க⁴ஸ்ஸ ப⁴த்தா [ப⁴த்³தா³ (க॰)]. மயங் தும்ஹே
நிஸ்ஸாய தும்ஹே ஸம்பஸ்ஸந்தா இத⁴ விஹராம. தும்ஹே சே அம்ஹாகங் ந த³ஸ்ஸத², அத²
கோ சரஹி அம்ஹாகங் த³ஸ்ஸதி? தே³தா²வுஸோ, அம்ஹாகங் இமானி சீவரானீ’’தி. அத²
கோ² ஸோ பூகோ³ ச²ப்³ப³க்³கி³யேஹி பி⁴க்கூ²ஹி நிப்பீளியமானோ யதா²படியத்தங்
சீவரங் ச²ப்³ப³க்³கி³யானங் பி⁴க்கூ²னங் த³த்வா ஸங்க⁴ங் ப⁴த்தேன பரிவிஸி. யே
தே பி⁴க்கூ² ஜானந்தி ஸங்க⁴ஸ்ஸ ஸசீவரப⁴த்தங் படியத்தங், ந ச ஜானந்தி
ச²ப்³ப³க்³கி³யானங் பி⁴க்கூ²னங் தி³ன்னந்தி, தே ஏவமாஹங்ஸு –
‘‘ஓணோஜேதா²வுஸோ, ஸங்க⁴ஸ்ஸ சீவர’’ந்தி. ‘‘நத்தி², ப⁴ந்தே. யதா²படியத்தங்
சீவரங் அய்யா ச²ப்³ப³க்³கி³யா அத்தனோ பரிணாமேஸு’’ந்தி. யே தே பி⁴க்கூ²
அப்பிச்சா²… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கூ² ஜானங் ஸங்கி⁴கங் லாப⁴ங் பரிணதங் அத்தனோ
பரிணாமெஸ்ஸந்தீ’’தி ! அத² கோ² தே பி⁴க்கூ²
ச²ப்³ப³க்³கி³யே பி⁴க்கூ² அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸுங்…பே॰… ‘‘ஸச்சங் கிர தும்ஹே, பி⁴க்க²வே, ஜானங் ஸங்கி⁴கங் லாப⁴ங்
பரிணதங் அத்தனோ பரிணாமேதா²’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, ஜானங் ஸங்கி⁴கங் லாப⁴ங்
பரிணதங் அத்தனோ பரிணாமெஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

658. ‘‘யோ பன பி⁴க்கு² ஜானங் ஸங்கி⁴கங் லாப⁴ங் பரிணதங் அத்தனோ பரிணாமெய்ய, நிஸ்ஸக்³கி³யங் பாசித்திய’’ந்தி.

659. யோ பனாதி யோ யாதி³ஸோ…பே॰… பி⁴க்கூ²தி…பே॰… அய இமஸ்மிங் அத்தே² அதி⁴ப்பேதோ பி⁴க்கூ²தி.

[பாசி॰ 491] ஜானாதி நாம ஸாமங் வா ஜானாதி அஞ்ஞே வா தஸ்ஸ ஆரோசெந்தி ஸோ வா ஆரோசேதி.

[பாசி॰ 491] ஸங்கி⁴கங் நாம ஸங்க⁴ஸ்ஸ தி³ன்னங் ஹோதி பரிச்சத்தங்.

[பாசி॰ 491] லாபோ⁴ நாம சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா. அந்தமஸோ சுண்ணபிண்டோ³பி, த³ந்தகட்ட²ம்பி, த³ஸிகஸுத்தம்பி.

[பாசி॰ 491] பரிணதங் நாம த³ஸ்ஸாம கரிஸ்ஸாமாதி வாசா பி⁴ன்னா ஹோதி.

அத்தனோ பரிணாமேதி, பயோகே³ து³க்கடங். படிலாபே⁴ன
நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ
வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே, ஜானங்
ஸங்கி⁴கங் லாப⁴ங் பரிணதங் அத்தனோ பரிணாமிதங் நிஸ்ஸக்³கி³யங். இமாஹங்
ஸங்க⁴ஸ்ஸ நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ
த³ம்மீதி.

660. பரிணதே பரிணதஸஞ்ஞீ அத்தனோ பரிணாமேதி, நிஸ்ஸக்³கி³யங் பாசித்தியங்.

பரிணதே வேமதிகோ அத்தனோ பரிணாமேதி, ஆபத்தி து³க்கடஸ்ஸ.
பரிணதே அபரிணதஸஞ்ஞீ அத்தனோ பரிணாமேதி, அனாபத்தி. ஸங்க⁴ஸ்ஸ பரிணதங்
அஞ்ஞஸங்க⁴ஸ்ஸ வா சேதியஸ்ஸ வா பரிணாமேதி, ஆபத்தி து³க்கடஸ்ஸ. சேதியஸ்ஸ
பரிணதங் அஞ்ஞசேதியஸ்ஸ வா ஸங்க⁴ஸ்ஸ வா புக்³க³லஸ்ஸ வா பரிணாமேதி, ஆபத்தி
து³க்கடஸ்ஸ. புக்³க³லஸ்ஸ பரிணதங் அஞ்ஞபுக்³க³லஸ்ஸ வா ஸங்க⁴ஸ்ஸ வா சேதியஸ்ஸ
வா பரிணாமேதி, ஆபத்தி து³க்கடஸ்ஸ. அபரிணதே பரிணதஸஞ்ஞீ, ஆபத்தி து³க்கடஸ்ஸ.
அபரிணதே வேமதிகோ, ஆபத்தி து³க்கடஸ்ஸ. அபரிணதே அபரிணதஸஞ்ஞீ, அனாபத்தி.

661. அனாபத்தி
கத்த² தே³மாதி புச்சி²யமானோ யத்த² தும்ஹாகங் தெ³ய்யத⁴ம்மோ பரிபோ⁴க³ங் வா
லபெ⁴ய்ய படிஸங்கா²ரங் வா லபெ⁴ய்ய சிரட்டி²திகோ வா அஸ்ஸ யத்த² வா பன
தும்ஹாகங் சித்தங் பஸீத³தி தத்த² தே³தா²தி ப⁴ணதி, உம்மத்தகஸ்ஸ,
ஆதி³கம்மிகஸ்ஸாதி.

பரிணதஸிக்கா²பத³ங் நிட்டி²தங் த³ஸமங்.

பத்தவக்³கோ³ ததியோ.

தஸ்ஸுத்³தா³னங்

த்³வே ச பத்தானி பே⁴ஸஜ்ஜங், வஸ்ஸிகா தா³னபஞ்சமங்;

ஸாமங் வாயாபனச்சேகோ, ஸாஸங்கங் ஸங்கி⁴கேன சாதி.

662. உத்³தி³ட்டா²
கோ², ஆயஸ்மந்தோ, திங்ஸ நிஸ்ஸக்³கி³யா பாசித்தியா த⁴ம்மா. தத்தா²யஸ்மந்தே
புச்சா²மி – ‘கச்சித்த² பரிஸுத்³தா⁴’? து³தியம்பி புச்சா²மி – ‘கச்சித்த²
பரிஸுத்³தா⁴’? ததியம்பி புச்சா²மி – ‘கச்சித்த² பரிஸுத்³தா⁴’?
பரிஸுத்³தெ⁴த்தா²யஸ்மந்தோ, தஸ்மா துண்ஹீ, ஏவமேதங் தா⁴ரயாமீதி.

நிஸ்ஸக்³கி³யகண்ட³ங் நிட்டி²தங்.

பாராஜிகபாளி நிட்டி²தா.

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

வினயபிடகே

பாசித்தியபாளி

6. பாடிதேஸனீயகண்டங்

1. படமபாடிதேஸனீயஸிக்காபதங்

இமே கோ பனாயஸ்மந்தோ சத்தாரோ பாடிதேஸனீயா

தம்மா உத்தேஸங் ஆகச்சந்தி.

552. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரா பி⁴க்கு²னீ ஸாவத்தி²யங் பிண்டா³ய சரித்வா
படிக்கமனகாலே அஞ்ஞதரங் பி⁴க்கு²ங் பஸ்ஸித்வா ஏதத³வோச – ‘‘ஹந்தா³ய்ய,
பி⁴க்க²ங் படிக்³க³ண்ஹா’’தி. ‘‘ஸுட்டு², ப⁴கி³னீ’’தி ஸப்³பே³வ அக்³க³ஹேஸி.
ஸா உபகட்டே² காலே நாஸக்கி² பிண்டா³ய சரிதுங், சி²ன்னப⁴த்தா அஹோஸி. அத² கோ²
ஸா பி⁴க்கு²னீ து³தியம்பி தி³வஸங்…பே॰… ததியம்பி தி³வஸங் ஸாவத்தி²யங்
பிண்டா³ய சரித்வா படிக்கமனகாலே தங் பி⁴க்கு²ங் பஸ்ஸித்வா ஏதத³வோச –
‘‘ஹந்தா³ய்ய, பி⁴க்க²ங் படிக்³க³ண்ஹா’’தி. ‘‘ஸுட்டு², ப⁴கி³னீ’’தி ஸப்³பே³வ
அக்³க³ஹேஸி. ஸா உபகட்டே² காலே நாஸக்கி² பிண்டா³ய சரிதுங், சி²ன்னப⁴த்தா
அஹோஸி. அத² கோ² ஸா பி⁴க்கு²னீ சதுத்தே² தி³வஸே ரதி²காய பவேதெ⁴ந்தீ
க³ச்ச²தி. ஸெட்டி² க³ஹபதி ரதே²ன படிபத²ங் ஆக³ச்ச²ந்தோ தங் பி⁴க்கு²னிங்
ஏதத³வோச – ‘‘அபேஹாய்யே’’தி. ஸா வோக்கமந்தீ தத்தே²வ பரிபதி. ஸெட்டி² க³ஹபதி
தங் பி⁴க்கு²னிங் க²மாபேஸி – ‘‘க²மாஹாய்யே, மயாஸி பாதிதா’’தி. ‘‘நாஹங்,
க³ஹபதி, தயா பாதிதா. அபிச, அஹமேவ து³ப்³ப³லா’’தி. ‘‘கிஸ்ஸ பன த்வங், அய்யே,
து³ப்³ப³லா’’தி? அத² கோ² ஸா பி⁴க்கு²னீ ஸெட்டி²ஸ்ஸ
க³ஹபதிஸ்ஸ ஏதமத்த²ங் ஆரோசேஸி. ஸெட்டி² க³ஹபதி தங் பி⁴க்கு²னிங் க⁴ரங்
நெத்வா போ⁴ஜெத்வா உஜ்ஜா²யதி கி²ய்யதி விபாசேதி – ‘‘கத²ஞ்ஹி நாம ப⁴த³ந்தா
பி⁴க்கு²னியா ஹத்த²தோ ஆமிஸங் படிக்³க³ஹெஸ்ஸந்தி! கிச்ச²லாபோ⁴
மாதுகா³மோ’’தி!

அஸ்ஸோஸுங் கோ² பி⁴க்கூ² தஸ்ஸ
ஸெட்டி²ஸ்ஸ க³ஹபதிஸ்ஸ உஜ்ஜா²யந்தஸ்ஸ கி²ய்யந்தஸ்ஸ விபாசெந்தஸ்ஸ. யே தே
பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு² பி⁴க்கு²னியா ஹத்த²தோ ஆமிஸங் படிக்³க³ஹெஸ்ஸதீ’’தி …பே॰… ஸச்சங் கிர த்வங், பி⁴க்கு², பி⁴க்கு²னியா ஹத்த²தோ ஆமிஸங் படிக்³க³ஹேஸீதி ?
‘‘ஸச்சங், ப⁴க³வா’’தி. ‘‘ஞாதிகா தே, பி⁴க்கு², அஞ்ஞாதிகா’’தி?
‘‘அஞ்ஞாதிகா, ப⁴க³வா’’தி. ‘‘அஞ்ஞாதகோ, மோக⁴புரிஸ, அஞ்ஞாதிகாய ந ஜானாதி
பதிரூபங் வா அப்பதிரூபங் வா ஸந்தங் வா அஸந்தங் வா. கத²ஞ்ஹி நாம த்வங்,
மோக⁴புரிஸ, அஞ்ஞாதிகாய பி⁴க்கு²னியா ஹத்த²தோ ஆமிஸங் படிக்³க³ஹெஸ்ஸஸி!
நேதங், மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –

553. ‘‘யோ
பன பி⁴க்கு² அஞ்ஞாதிகாய பி⁴க்கு²னியா அந்தரக⁴ரங் பவிட்டா²ய ஹத்த²தோ
கா²த³னீயங் வா போ⁴ஜனீயங் வா ஸஹத்தா² படிக்³க³ஹெத்வா கா²தெ³ய்ய வா
பு⁴ஞ்ஜெய்ய வா, படிதே³ஸேதப்³ப³ங் தேன பி⁴க்கு²னா – ‘கா³ரய்ஹங், ஆவுஸோ,
த⁴ம்மங் ஆபஜ்ஜிங் அஸப்பாயங் பாடிதே³ஸனீயங், தங் படிதே³ஸேமீ’’’
தி.

554. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

அஞ்ஞாதிகா நாம மாதிதோ வா . பிதிதோ வா யாவ ஸத்தமா பிதாமஹயுகா³ அஸம்ப³த்³தா⁴.

பி⁴க்கு²னீ நாம உப⁴தோஸங்கே⁴ உபஸம்பன்னா.

அந்தரக⁴ரங் நாம ரதி²கா ப்³யூஹங் ஸிங்கா⁴டகங் க⁴ரங்.

கா²த³னீயங் நாம பஞ்ச போ⁴ஜனானி – யாமகாலிகங் ஸத்தாஹகாலிகங் யாவஜீவிகங் ட²பெத்வா அவஸேஸங் கா²த³னீயங் நாம.

போ⁴ஜனீயங் நாம பஞ்ச போ⁴ஜனானி
– ஓத³னோ, கும்மாஸோ, ஸத்து, மச்சோ², மங்ஸங். ‘‘கா²தி³ஸ்ஸாமி
பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே
அஜ்ஜோ²ஹாரே ஆபத்தி பாடிதே³ஸனீயஸ்ஸ.

555. அஞ்ஞாதிகாய அஞ்ஞாதிகஸஞ்ஞீ அந்தரக⁴ரங் பவிட்டா²ய ஹத்த²தோ கா²த³னீயங் வா போ⁴ஜனீயங்
வா ஸஹத்தா² படிக்³க³ஹெத்வா கா²த³தி வா பு⁴ஞ்ஜதி வா, ஆபத்தி
பாடிதே³ஸனீயஸ்ஸ. அஞ்ஞாதிகாய வேமதிகோ அந்தரக⁴ரங் பவிட்டா²ய ஹத்த²தோ
கா²த³னீயங் வா போ⁴ஜனீயங் வா ஸஹத்தா² படிக்³க³ஹெத்வா கா²த³தி வா பு⁴ஞ்ஜதி
வா, ஆபத்தி பாடிதே³ஸனீயஸ்ஸ. அஞ்ஞாதிகாய ஞாதிகஸஞ்ஞீ
அந்தரக⁴ரங் பவிட்டா²ய ஹத்த²தோ கா²த³னீயங் வா போ⁴ஜனீயங் வா ஸஹத்தா²
படிக்³க³ஹெத்வா கா²த³தி வா பு⁴ஞ்ஜதி வா, ஆபத்தி பாடிதே³ஸனீயஸ்ஸ.

யாமகாலிகங் ஸத்தாஹகாலிகங் யாவஜீவிகங் ஆஹாரத்தா²ய
படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி
து³க்கடஸ்ஸ. ஏகதோஉபஸம்பன்னாய ஹத்த²தோ கா²த³னீயங் வா போ⁴ஜனீயங் வா –
‘‘கா²தி³ஸ்ஸாமி பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி து³க்கடஸ்ஸ.
அஜ்ஜோ²ஹாரே அஜ்ஜோ²ஹாரே ஆபத்தி து³க்கடஸ்ஸ. ஞாதிகாய அஞ்ஞாதிகஸஞ்ஞீ, ஆபத்தி
து³க்கடஸ்ஸ. ஞாதிகாய வேமதிகோ, ஆபத்தி து³க்கடஸ்ஸ. ஞாதிகாய ஞாதிகஸஞ்ஞீ, அனாபத்தி.

556. அனாபத்தி ஞாதிகாய, தா³பேதி ந தே³தி, உபனிக்கி²பித்வா தே³தி அந்தராராமே, பி⁴க்கு²னுபஸ்ஸயே, தித்தி²யஸெய்யாய, படிக்கமனே ,
கா³மதோ நீஹரித்வா தே³தி, யாமகாலிகங் ஸத்தாஹகாலிகங் யாவஜீவிகங் ‘‘ஸதி
பச்சயே பரிபு⁴ஞ்ஜா’’தி தே³தி, ஸிக்க²மானாய, ஸாமணேரியா, உம்மத்தகஸ்ஸ,
ஆதி³கம்மிகஸ்ஸாதி.

பட²மபாடிதே³ஸனீயஸிக்கா²பத³ங் நிட்டி²தங்.

2. து³தியபாடிதே³ஸனீயஸிக்கா²பத³ங்

557. தேன
ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன
ஸமயேன பி⁴க்கூ² குலேஸு நிமந்திதா பு⁴ஞ்ஜந்தி. ச²ப்³ப³க்³கி³யா
பி⁴க்கு²னியோ ச²ப்³ப³க்³கி³யானங் பி⁴க்கூ²னங் வோஸாஸந்தியோ டி²தா ஹொந்தி –
‘‘இத⁴ ஸூபங் தே³த², இத⁴ ஓத³னங் தே³தா²’’தி. ச²ப்³ப³க்³கி³யா பி⁴க்கூ²
யாவத³த்த²ங் பு⁴ஞ்ஜந்தி. அஞ்ஞே பி⁴க்கூ² ந சித்தரூபங் பு⁴ஞ்ஜந்தி. யே தே
பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ச²ப்³ப³க்³கி³யா பி⁴க்கூ² பி⁴க்கு²னியோ வோஸாஸந்தியோ ந
நிவாரெஸ்ஸந்தீ’’தி…பே॰… ஸச்சங் கிர தும்ஹே, பி⁴க்க²வே, பி⁴க்கு²னியோ
வோஸாஸந்தியோ ந நிவாரேதா²தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா …பே॰… கத²ஞ்ஹி நாம தும்ஹே, மோக⁴புரிஸா, பி⁴க்கு²னியோ வோஸாஸந்தியோ ந
நிவாரெஸ்ஸத² ! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

558. ‘‘பி⁴க்கூ² பனேவ குலேஸு நிமந்திதா பு⁴ஞ்ஜந்தி, தத்ர சே ஸா [தத்ர சே (ஸ்யா॰)]
பி⁴க்கு²னீ வோஸாஸமானரூபா டி²தா ஹோதி – ‘இத⁴ ஸூபங் தே³த², இத⁴ ஓத³னங்
தே³தா²’தி, தேஹி பி⁴க்கூ²ஹி ஸா பி⁴க்கு²னீ அபஸாதே³தப்³பா³ – ‘அபஸக்க தாவ,
ப⁴கி³னி, யாவ பி⁴க்கூ² பு⁴ஞ்ஜந்தீ’தி. ஏகஸ்ஸ சேபி [ஏகஸ்ஸபி சே (ஸீ॰ ஸ்யா॰)] பி⁴க்கு²னோ ந படிபா⁴ஸெய்ய தங் பி⁴க்கு²னிங் அபஸாதே³துங் – ‘அபஸக்க தாவ, ப⁴கி³னி, யாவ பி⁴க்கூ² பு⁴ஞ்ஜந்தீ’தி படிதே³ஸேதப்³ப³ங் தேஹி பி⁴க்கூ²ஹி – ‘கா³ரய்ஹங், ஆவுஸோ, த⁴ம்மங் ஆபஜ்ஜிம்ஹா அஸப்பாயங் பாடிதே³ஸனீயங், தங் படிதே³ஸேமா’’’தி.

559. பி⁴க்கூ² பனேவ குலேஸு நிமந்திதா பு⁴ஞ்ஜந்தீதி குலங் நாம சத்தாரி குலானி – க²த்தியகுலங், ப்³ராஹ்மணகுலங், வெஸ்ஸகுலங், ஸுத்³த³குலங்.

நிமந்திதா பு⁴ஞ்ஜந்தீதி பஞ்சன்னங் போ⁴ஜனானங் அஞ்ஞதரேன போ⁴ஜனேன நிமந்திதா பு⁴ஞ்ஜந்தி.

பி⁴க்கு²னீ நாம உப⁴தோஸங்கே⁴ உபஸம்பன்னா.

வோஸாஸந்தீ
நாம யதா²மித்ததா யதா²ஸந்தி³ட்ட²தா யதா²ஸம்ப⁴த்ததா யதா²ஸமானுபஜ்ஜா²யகதா
யதா²ஸமானாசரியகதா – ‘‘இத⁴ ஸூபங் தே³த², இத⁴ ஓத³னங் தே³தா²’’தி. ஏஸா
வோஸாஸந்தீ நாம.

தேஹி பி⁴க்கூ²ஹீதி பு⁴ஞ்ஜமானேஹி பி⁴க்கூ²ஹி.

ஸா பி⁴க்கு²னீதி யா ஸா வோஸாஸந்தீ பி⁴க்கு²னீ.

தேஹி பி⁴க்கூ²ஹி ஸா பி⁴க்கு²னீ அபஸாதே³தப்³பா³ – ‘‘அபஸக்க தாவ, ப⁴கி³னி, யாவ பி⁴க்கூ² பு⁴ஞ்ஜந்தீ’’தி. ஏகஸ்ஸ சேபி [ஏகஸ்ஸபி சே (ஸீ॰ ஸ்யா॰)] பி⁴க்கு²னோ அனபஸாதி³தோ [அனபஸாதி³தே (ஸீ॰ ஸ்யா॰)] – ‘‘கா²தி³ஸ்ஸாமி பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி பாடிதே³ஸனீயஸ்ஸ.

560. உபஸம்பன்னாய உபஸம்பன்னஸஞ்ஞீ வோஸாஸந்தியா ந நிவாரேதி, ஆபத்தி பாடிதே³ஸனீயஸ்ஸ .
உபஸம்பன்னாய வேமதிகோ வோஸாஸந்தியா ந நிவாரேதி, ஆபத்தி பாடிதே³ஸனீயஸ்ஸ.
உபஸம்பன்னாய அனுபஸம்பன்னஸஞ்ஞீ வோஸாஸந்தியா ந நிவாரேதி, ஆபத்தி
பாடிதே³ஸனீயஸ்ஸ.

ஏகதோஉபஸம்பன்னாய வோஸாஸந்தியா ந நிவாரேதி, ஆபத்தி து³க்கடஸ்ஸ. அனுபஸம்பன்னாய உபஸம்பன்னஸஞ்ஞீ, ஆபத்தி து³க்கடஸ்ஸ. அனுபஸம்பன்னாய வேமதிகோ, ஆபத்தி து³க்கடஸ்ஸ. அனுபஸம்பன்னாய அனுபஸம்பன்னஸஞ்ஞீ, அனாபத்தி.

561.
அனாபத்தி அத்தனோ ப⁴த்தங் தா³பேதி ந தே³தி, அஞ்ஞேஸங் ப⁴த்தங் தே³தி ந
தா³பேதி, யங் ந தி³ன்னங் தங் தா³பேதி, யத்த² ந தி³ன்னங் தத்த² தா³பேதி,
ஸப்³பே³ஸங் ஸமகங் தா³பேதி, ஸிக்க²மானா வோஸாஸதி, ஸாமணேரீ வோஸாஸதி, பஞ்ச
போ⁴ஜனானி ட²பெத்வா ஸப்³ப³த்த², அனாபத்தி, உம்மத்தகஸ்ஸ, ஆதி³கம்மிகஸ்ஸாதி.

து³தியபாடிதே³ஸனீயஸிக்கா²பத³ங் நிட்டி²தங்.

3. ததியபாடிதே³ஸனீயஸிக்கா²பத³ங்

562. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஸாவத்தி²யங் அஞ்ஞதரங் குலங் உப⁴தோபஸன்னங் ஹோதி.
ஸத்³தா⁴ய வட்³ட⁴தி, போ⁴கே³ன ஹாயதி, யங் தஸ்மிங் குலே உப்பஜ்ஜதி புரேப⁴த்தங்
கா²த³னீயங் வா போ⁴ஜனீயங் வா தங் ஸப்³ப³ங் பி⁴க்கூ²னங் விஸ்ஸஜ்ஜெத்வா
அப்பேகதா³ அனஸிதா அச்ச²ந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஸமணா ஸக்யபுத்தியா ந மத்தங் ஜானித்வா படிக்³க³ஹெஸ்ஸந்தி! இமே
இமேஸங் த³த்வா அப்பேகதா³ அனஸிதா அச்ச²ந்தீ’’தி!! அஸ்ஸோஸுங் கோ² பி⁴க்கூ²
தேஸங் மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். அத² கோ² தே
பி⁴க்கூ² ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே
ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி,
பி⁴க்க²வே, யங் குலங் ஸத்³தா⁴ய வட்³ட⁴தி, போ⁴கே³ன ஹாயதி ஏவரூபஸ்ஸ குலஸ்ஸ
ஞத்திது³தியேன கம்மேன ஸெக்க²ஸம்முதிங் தா³துங். ஏவஞ்ச பன, பி⁴க்க²வே,
தா³தப்³பா³. ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

563.
‘‘ஸுணாது மே, ப⁴ந்தே, ஸங்கோ⁴. இத்த²ன்னாமங் குலங் ஸத்³தா⁴ய வட்³ட⁴தி,
போ⁴கே³ன ஹாயதி. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமஸ்ஸ குலஸ்ஸ
ஸெக்க²ஸம்முதிங் த³தெ³ய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. இத்த²ன்னாமங் குலங் ஸத்³தா⁴ய வட்³ட⁴தி, போ⁴கே³ன
ஹாயதி. ஸங்கோ⁴ இத்த²ன்னாமஸ்ஸ குலஸ்ஸ ஸெக்க²ஸம்முதிங் தே³தி. யஸ்ஸாயஸ்மதோ
க²மதி இத்த²ன்னாமஸ்ஸ குலஸ்ஸ ஸெக்க²ஸம்முதியா தா³னங், ஸோ துண்ஹஸ்ஸ; யஸ்ஸ
நக்க²மதி, ஸோ பா⁴ஸெய்ய.

‘‘தி³ன்னா ஸங்கே⁴ன இத்த²ன்னாமஸ்ஸ குலஸ்ஸ ஸெக்க²ஸம்முதி. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

‘‘யானி கோ² பன தானி ஸெக்க²ஸம்மதானி
குலானி, யோ பன பி⁴க்கு² ததா²ரூபேஸு ஸெக்க²ஸம்மதேஸு குலேஸு கா²த³னீயங் வா
போ⁴ஜனீயங் வா ஸஹத்தா² படிக்³க³ஹெத்வா கா²தெ³ய்ய வா பு⁴ஞ்ஜெய்ய வா,
படிதே³ஸேதப்³ப³ங் தேன பி⁴க்கு²னா – ‘கா³ரய்ஹங், ஆவுஸோ, த⁴ம்மங் ஆபஜ்ஜிங்
அஸப்பாயங் பாடிதே³ஸனீயங் தங் படிதே³ஸேமீ’’’
தி.

ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.

564.
தேன கோ² பன ஸமயேன ஸாவத்தி²யங் உஸ்ஸவோ ஹோதி. மனுஸ்ஸா பி⁴க்கூ² நிமந்தெத்வா
போ⁴ஜெந்தி. தம்பி கோ² குலங் பி⁴க்கூ² நிமந்தேஸி. பி⁴க்கூ² குக்குச்சாயந்தா
நாதி⁴வாஸெந்தி – ‘‘படிக்கி²த்தங் ப⁴க³வதா ஸெக்க²ஸம்மதேஸு குலேஸு கா²த³னீயங்
வா போ⁴ஜனீயங் வா ஸஹத்தா² படிக்³க³ஹெத்வா கா²தி³துங் பு⁴ஞ்ஜிது’’ந்தி. தே
உஜ்ஜா²யந்தி கி²ய்யந்தி விபாசெந்தி – ‘‘கிங் நு கோ² நாம அம்ஹாகங் ஜீவிதேன
யங் அய்யா அம்ஹாகங் ந படிக்³க³ண்ஹந்தீ’’தி! அஸ்ஸோஸுங் கோ² பி⁴க்கூ² தேஸங்
மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். அத² கோ² தே
பி⁴க்கூ² ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே
ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி,
பி⁴க்க²வே, நிமந்திதேன ஸெக்க²ஸம்மதேஸு குலேஸு கா²த³னீயங் வா போ⁴ஜனீயங் வா ஸஹத்தா² படிக்³க³ஹெத்வா கா²தி³துங் பு⁴ஞ்ஜிதுங். ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

‘‘யானி கோ² பன தானி ஸெக்க²ஸம்மதானி குலானி, யோ பன பி⁴க்கு² ததா²ரூபேஸு ஸெக்க²ஸம்மதேஸு குலேஸு புப்³பே³ அனிமந்திதோ கா²த³னீயங் வா போ⁴ஜனீயங் வா ஸஹத்தா² படிக்³க³ஹெத்வா கா²தெ³ய்ய வா பு⁴ஞ்ஜெய்ய வா , படிதே³ஸேதப்³ப³ங் தேன பி⁴க்கு²னா – ‘கா³ரய்ஹங், ஆவுஸோ, த⁴ம்மங் ஆபஜ்ஜிங் அஸப்பாயங் பாடிதே³ஸனீயங், தங் படிதே³ஸேமீ’’’தி.

ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.

565.
தேன கோ² பன ஸமயேன அஞ்ஞதரோ பி⁴க்கு² தஸ்ஸ குலஸ்ஸ குலூபகோ ஹோதி. அத² கோ² ஸோ
பி⁴க்கு² புப்³ப³ண்ஹஸமயங் நிவாஸெத்வா பத்தசீவரமாதா³ய யேன தங் குலங்
தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³. தேன கோ² பன ஸமயேன ஸோ
பி⁴க்கு² கி³லானோ ஹோதி. அத² கோ² தே மனுஸ்ஸா தங் பி⁴க்கு²ங் ஏதத³வோசுங் –
‘‘பு⁴ஞ்ஜத², ப⁴ந்தே’’தி. அத² கோ² ஸோ பி⁴க்கு² – ‘‘ப⁴க³வதா படிக்கி²த்தங்
அனிமந்திதேன ஸெக்க²ஸம்மதேஸு குலேஸு கா²த³னீயங் வா போ⁴ஜனீயங் வா ஸஹத்தா²
படிக்³க³ஹெத்வா கா²தி³துங் பு⁴ஞ்ஜிது’’ந்தி குக்குச்சாயந்தோ ந
படிக்³க³ஹேஸி; நாஸக்கி² பிண்டா³ய சரிதுங்; சி²ன்னப⁴த்தோ அஹோஸி. அத² கோ² ஸோ
பி⁴க்கு² ஆராமங் க³ந்த்வா பி⁴க்கூ²னங் ஏதமத்த²ங் ஆரோசேஸி. பி⁴க்கூ² ப⁴க³வதோ
ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே
த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே,
கி³லானேன பி⁴க்கு²னா ஸெக்க²ஸம்மதேஸு குலேஸு கா²த³னீயங் வா போ⁴ஜனீயங் வா
ஸஹத்தா² படிக்³க³ஹெத்வா கா²தி³துங் பு⁴ஞ்ஜிதுங். ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

566. ‘‘யானி
கோ² பன தானி ஸெக்க²ஸம்மதானி குலானி, யோ பன பி⁴க்கு² ததா²ரூபேஸு
ஸெக்க²ஸம்மதேஸு குலேஸு புப்³பே³ அனிமந்திதோ அகி³லானோ கா²த³னீயங் வா
போ⁴ஜனீயங் வா ஸஹத்தா² படிக்³க³ஹெத்வா கா²தெ³ய்ய வா பு⁴ஞ்ஜெய்ய வா,
படிதே³ஸேதப்³ப³ங் தேன பி⁴க்கு²னா – ‘கா³ரய்ஹங், ஆவுஸோ, த⁴ம்மங் ஆபஜ்ஜிங்
அஸப்பாயங் பாடிதே³ஸனீயங், தங் படிதே³ஸேமீ’’
தி.

567. யானி கோ² பன தானி ஸெக்க²ஸம்மதானி குலானீதி
ஸெக்க²ஸம்மதங் நாம குலங் யங் குலங் ஸத்³தா⁴ய வட்³ட⁴தி, போ⁴கே³ன ஹாயதி.
ஏவரூபஸ்ஸ குலஸ்ஸ ஞத்திது³தியேன கம்மேன ஸெக்க²ஸம்முதி தி³ன்னா ஹோதி.

யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

ததா²ரூபேஸு ஸெக்க²ஸம்மதேஸு குலேஸூதி ஏவரூபேஸு ஸெக்க²ஸம்மதேஸு குலேஸு.

அனிமந்திதோ நாம அஜ்ஜதனாய வா ஸ்வாதனாய வா அனிமந்திதோ, க⁴ரூபசாரங் ஓக்கமந்தே நிமந்தேதி, ஏஸோ அனிமந்திதோ நாம.

நிமந்திதோ நாம அஜ்ஜதனாய வா ஸ்வாதனாய வா நிமந்திதோ, க⁴ரூபசாரங் அனோக்கமந்தே நிமந்தேதி, ஏஸோ நிமந்திதோ நாம.

அகி³லானோ நாம ஸக்கோதி பிண்டா³ய சரிதுங்.

கி³லானோ நாம ந ஸக்கோதி பிண்டா³ய சரிதுங்.

கா²த³னீயங் நாம பஞ்ச போ⁴ஜனானி – யாமகாலிகங் ஸத்தாஹகாலிகங் யாவஜீவிகங் ட²பெத்வா அவஸேஸங் கா²த³னீயங் நாம.

போ⁴ஜனீயங் நாம பஞ்ச போ⁴ஜனானி – ஓத³னோ, கும்மாஸோ, ஸத்து, மச்சோ², மங்ஸங்.

அனிமந்திதோ அகி³லானோ ‘‘கா²தி³ஸ்ஸாமி பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி து³க்கடஸ்ஸ . அஜ்ஜோ²ஹாரே அஜ்ஜோ²ஹாரே ஆபத்தி பாடிதே³ஸனீயஸ்ஸ.

568.
ஸெக்க²ஸம்மதே ஸெக்க²ஸம்மதஸஞ்ஞீ அனிமந்திதோ அகி³லானோ கா²த³னீயங் வா
போ⁴ஜனீயங்வ ஸஹத்தா² படிக்³க³ஹெத்வா கா²த³தி வா பு⁴ஞ்ஜதி வா, ஆபத்தி
பாடிதே³ஸனீயஸ்ஸ. ஸெக்க²ஸம்மதே வேமதிகோ…பே॰… ஸெக்க²ஸம்மதே அஸெக்க²ஸம்மதஸஞ்ஞீ
அனிமந்திதோ அகி³லானோ கா²த³னீயங் வா போ⁴ஜனீயங் வா ஸஹத்தா² படிக்³க³ஹெத்வா
கா²த³தி வா பு⁴ஞ்ஜதி வா, ஆபத்தி பாடிதே³ஸனீயஸ்ஸ.

யாமகாலிகங் ஸத்தாஹகாலிகங் யாவஜீவிகங் ஆஹாரத்தா²ய
படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி
து³க்கடஸ்ஸ. அஸெக்க²ஸம்மதே ஸெக்க²ஸம்மதஸஞ்ஞீ, ஆபத்தி து³க்கடஸ்ஸ.
அஸெக்க²ஸம்மதே வேமதிகோ, ஆபத்தி து³க்கடஸ்ஸ. அஸெக்க²ஸம்மதே
அஸெக்க²ஸம்மதஸஞ்ஞீ, அனாபத்தி.

569. அனாபத்தி நிமந்திதஸ்ஸ, கி³லானஸ்ஸ, நிமந்திதஸ்ஸ வா கி³லானஸ்ஸ வா ஸேஸகங் பு⁴ஞ்ஜதி ,
அஞ்ஞேஸங் பி⁴க்கா² தத்த² பஞ்ஞத்தா ஹோதி, க⁴ரதோ நீஹரித்வா தெ³ந்தி,
நிச்சப⁴த்தே, ஸலாகப⁴த்தே, பக்கி²கே, உபோஸதி²கே, பாடிபதி³கே, யாமகாலிகங்
ஸத்தாஹகாலிகங் யாவஜீவிகங் – ‘‘ஸதி பச்சயே பரிபு⁴ஞ்ஜா’’தி தே³தி,
உம்மத்தகஸ்ஸ, ஆதி³கம்மிகஸ்ஸாதி.

ததியபாடிதே³ஸனீயஸிக்கா²பத³ங் நிட்டி²தங்.

4. சதுத்த²பாடிதே³ஸனீயஸிக்கா²பத³ங்

570. தேன
ஸமயேன பு³த்³தோ⁴ ப⁴க³வா ஸக்கேஸு விஹரதி கபிலவத்து²ஸ்மிங் நிக்³ரோதா⁴ராமே.
தேன கோ² பன ஸமயேன ஸாகியதா³ஸகா அவருத்³தா⁴ ஹொந்தி. ஸாகியானியோ இச்ச²ந்தி
ஆரஞ்ஞகேஸு ஸேனாஸனேஸு ப⁴த்தங் காதுங். அஸ்ஸோஸுங் கோ² ஸாகியதா³ஸகா –
‘‘ஸாகியானியோ கிர ஆரஞ்ஞகேஸு ஸேனாஸனேஸு ப⁴த்தங் கத்துகாமா’’தி. தே மக்³கே³
பரியுட்டி²ங்ஸு. ஸாகியானியோ பணீதங் கா²த³னீயங்
போ⁴ஜனீயங் ஆதா³ய ஆரஞ்ஞகங் ஸேனாஸனங் அக³மங்ஸு. ஸாகியதா³ஸகா நிக்க²மித்வா
ஸாகியானியோ அச்சி²ந்தி³ங்ஸு ச தூ³ஸேஸுஞ்ச. ஸாகியா நிக்க²மித்வா தே சோரே
ஸப⁴ண்டே³ [ஸஹ ப⁴ண்டே³ன (க॰)] க³ஹெத்வா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ப⁴த³ந்தா ஆராமே சோரே
படிவஸந்தே நாரோசெஸ்ஸந்தீ’’தி! அஸ்ஸோஸுங் கோ² பி⁴க்கூ² ஸாகியானங்
உஜ்ஜா²யந்தானங் கி²ய்யந்தானங் விபாசெந்தானங். அத² கோ² தே பி⁴க்கூ² ப⁴க³வதோ
ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே
த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘தேன ஹி, பி⁴க்க²வே,
பி⁴க்கூ²னங் ஸிக்கா²பத³ங் பஞ்ஞபெஸ்ஸாமி த³ஸ அத்த²வஸே படிச்ச –
ஸங்க⁴ஸுட்டு²தாய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –

‘‘யானி கோ² பன தானி ஆரஞ்ஞகானி ஸேனாஸனானி ஸாஸங்கஸம்மதானி ஸப்படிப⁴யானி, யோ பன பி⁴க்கு² ததா²ரூபேஸு ஸேனாஸனேஸு [ஸேனாஸனேஸு விஹரந்தோ (ஸீ॰ ஸ்யா॰)] புப்³பே³ அப்படிஸங்விதி³தங் கா²த³னீயங் வா
போ⁴ஜனீயங் வா அஜ்ஜா²ராமே ஸஹத்தா² படிக்³க³ஹெத்வா கா²தெ³ய்ய வா பு⁴ஞ்ஜெய்ய
வா, படிதே³ஸேதப்³ப³ங் தேன பி⁴க்கு²னா – ‘கா³ரய்ஹங், ஆவுஸோ, த⁴ம்மங்
ஆபஜ்ஜிங் அஸப்பாயங் பாடிதே³ஸனீயங் தங் படிதே³ஸேமீ’’’
தி.

ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.

571. தேன கோ² பன ஸமயேன அஞ்ஞதரோ பி⁴க்கு² ஆரஞ்ஞகேஸு ஸேனாஸனேஸு கி³லானோ ஹோதி .
மனுஸ்ஸா கா²த³னீயங் வா போ⁴ஜனீயங் வா ஆதா³ய ஆரஞ்ஞகங் ஸேனாஸனங் அக³மங்ஸு.
அத² கோ² தே மனுஸ்ஸா தங் பி⁴க்கு²ங் ஏதத³வோசுங் – ‘‘பு⁴ஞ்ஜத², ப⁴ந்தே’’தி.
அத² கோ² ஸோ பி⁴க்கு² – ‘‘ப⁴க³வதா படிக்கி²த்தங் ஆரஞ்ஞகேஸு ஸேனாஸனேஸு
கா²த³னீயங் வா போ⁴ஜனீயங் வா ஸஹத்தா² படிக்³க³ஹெத்வா கா²தி³துங் பு⁴ஞ்ஜிது’’ந்தி குக்குச்சாயந்தோ ந படிக்³க³ஹேஸி, நாஸக்கி² பிண்டா³ய சரிதுங் [பவிஸிதுங் (க॰)],
சி²ன்னப⁴த்தோ அஹோஸி. அத² கோ² ஸோ பி⁴க்கு² பி⁴க்கூ²னங் ஏதமத்த²ங் ஆரோசேஸி.
பி⁴க்கூ² ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே
ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி,
பி⁴க்க²வே, கி³லானேன பி⁴க்கு²னா ஆரஞ்ஞகேஸு ஸேனாஸனேஸு புப்³பே³
அப்படிஸங்விதி³தங் கா²த³னீயங் வா போ⁴ஜனீயங் வா ஸஹத்தா² படிக்³க³ஹெத்வா
கா²தி³துங் பு⁴ஞ்ஜிதுங். ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –

572. ‘‘யானி கோ² பன தானி ஆரஞ்ஞகானி ஸேனாஸனானி ஸாஸங்கஸம்மதானி ஸப்படிப⁴யானி, யோ பன பி⁴க்கு² ததா²ரூபேஸு ஸேனாஸனேஸு
புப்³பே³ அப்படிஸங்விதி³தங் கா²த³னீயங் வா போ⁴ஜனீயங் வா அஜ்ஜா²ராமே
ஸஹத்தா² படிக்³க³ஹெத்வா அகி³லானோ கா²தெ³ய்ய வா பு⁴ஞ்ஜெய்ய வா,
படிதே³ஸேதப்³ப³ங் தேன பி⁴க்கு²னா – ‘கா³ரய்ஹங், ஆவுஸோ, த⁴ம்மங்
ஆபஜ்ஜிங் அஸப்பாயங் பாடிதே³ஸனீயங், தங் படிதே³ஸேமீ’’’தி.

573. யானி கோ² பன தானி ஆரஞ்ஞகானி ஸேனாஸனானீதி ஆரஞ்ஞகங் நாம ஸேனாஸனங் பஞ்சத⁴னுஸதிகங் பச்சி²மங்.

ஸாஸங்கங் நாம ஆராமே
ஆராமூபசாரே சோரானங் நிவிட்டோ²காஸோ தி³ஸ்ஸதி, பு⁴த்தோகாஸோ தி³ஸ்ஸதி,
டி²தோகாஸோ தி³ஸ்ஸதி, நிஸின்னோகாஸோ தி³ஸ்ஸதி, நிபன்னோகாஸோ தி³ஸ்ஸதி.

ஸப்படிப⁴யங் நாம ஆராமே ஆராமூபசாரே சோரேஹி மனுஸ்ஸா ஹதா தி³ஸ்ஸந்தி, விலுத்தா தி³ஸ்ஸந்தி, ஆகோடிதா தி³ஸ்ஸந்தி.

யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

ததா²ரூபேஸு ஸேனாஸனேஸூதி ஏவரூபேஸு ஸேனாஸனேஸு.

அப்படிஸங்விதி³தங் நாம பஞ்சன்னங் படிஸங்விதி³தங், ஏதங் அப்படிஸங்விதி³தங் நாம. ஆராமங் ஆராமூபசாரங் ட²பெத்வா படிஸங்விதி³தங், ஏதங் [ஏதம்பி (ஸீ॰)] அப்படிஸங்விதி³தங் நாம.

படிஸங்விதி³தங் நாம யோ கோசி
இத்தீ² வா புரிஸோ வா ஆராமங் ஆராமூபசாரங் ஆக³ந்த்வா ஆரோசேதி –
‘‘இத்த²ன்னாமஸ்ஸ, ப⁴ந்தே, கா²த³னீயங் வா போ⁴ஜனீயங் வா ஆஹரிஸ்ஸந்தீ’’தி. ஸசே
ஸாஸங்கங் ஹோதி, ஸாஸங்கந்தி ஆசிக்கி²தப்³ப³ங்; ஸசே ஸப்படிப⁴யங் ஹோதி,
ஸப்படிப⁴யந்தி ஆசிக்கி²தப்³ப³ங்; ஸசே – ‘‘ஹோது, ப⁴ந்தே, ஆஹரியிஸ்ஸதீ’’தி
ப⁴ணதி, சோரா வத்தப்³பா³ – ‘‘மனுஸ்ஸா இதூ⁴பசரந்தி அபஸக்கதா²’’தி. யாகு³யா
படிஸங்விதி³தே தஸ்ஸா பரிவாரோ ஆஹரிய்யதி, ஏதங் படிஸங்விதி³தங் நாம. ப⁴த்தேன
படிஸங்விதி³தே தஸ்ஸ பரிவாரோ ஆஹரிய்யதி, ஏதங் படிஸங்விதி³தங் நாம .
கா²த³னீயேன படிஸங்விதி³தே தஸ்ஸ பரிவாரோ ஆஹரிய்யதி, ஏதங் படிஸங்விதி³தங்
நாம. குலேன படிஸங்விதி³தே யோ தஸ்மிங் குலே மனுஸ்ஸோ கா²த³னீயங் வா போ⁴ஜனீயங்
வா ஆஹரதி, ஏதங் படிஸங்விதி³தங் நாம. கா³மேன படிஸங்விதி³தே யோ தஸ்மிங்
கா³மே மனுஸ்ஸோ கா²த³னீயங் வா போ⁴ஜனீயங் வா ஆஹரதி, ஏதங் படிஸங்விதி³தங் நாம.
பூகே³ன படிஸங்விதி³தே யோ தஸ்மிங் பூகே³ மனுஸ்ஸோ கா²த³னீயங் வா போ⁴ஜனீயங்
வா ஆஹரதி, ஏதங் படிஸங்விதி³தங் நாம.

கா²த³னீயங் நாம பஞ்ச போ⁴ஜனானி – யாமகாலிகங் ஸத்தாஹகாலிகங் யாவஜீவிகங் ட²பெத்வா அவஸேஸங் கா²த³னீயங் நாம.

போ⁴ஜனீயங் நாம பஞ்ச போ⁴ஜனானி – ஓத³னோ, கும்மாஸோ, ஸத்து, மச்சோ², மங்ஸங்.

அஜ்ஜா²ராமோ நாம பரிக்கி²த்தஸ்ஸ ஆராமஸ்ஸ அந்தோஆராமோ. அபரிக்கி²த்தஸ்ஸ உபசாரோ.

அகி³லானோ நாம ஸக்கோதி பிண்டா³ய சரிதுங் [க³ந்துங் (க॰)].

கி³லானோ நாம ந ஸக்கோதி பிண்டா³ய சரிதுங் [க³ந்துங் (க॰)].

அப்படிஸங்விதி³தங் அகி³லானோ ‘‘கா²தி³ஸ்ஸாமி பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி பாடிதே³ஸனீயஸ்ஸ.

574. அப்படிஸங்விதி³தே அப்படிஸங்விதி³தஸஞ்ஞீ கா²த³னீயங் வா போ⁴ஜனீயங் வா அஜ்ஜா²ராமே ஸஹத்தா² படிக்³க³ஹெத்வா அகி³லானோ கா²த³தி வா பு⁴ஞ்ஜதி வா, ஆபத்தி பாடிதே³ஸனீயஸ்ஸ. அப்படிஸங்விதி³தே வேமதிகோ கா²த³னீயங் வா போ⁴ஜனீயங் வா அஜ்ஜா²ராமே ஸஹத்தா² படிக்³க³ஹெத்வா அகி³லானோ
கா²த³தி வா பு⁴ஞ்ஜதி வா, ஆபத்தி பாடிதே³ஸனீயஸ்ஸ. அப்படிஸங்விதி³தே
படிஸங்விதி³தஸஞ்ஞீ கா²த³னீயங் வா போ⁴ஜனீயங் வா அஜ்ஜா²ராமே ஸஹத்தா²
படிக்³க³ஹெத்வா அகி³லானோ கா²த³தி வா பு⁴ஞ்ஜதி வா, ஆபத்தி பாடிதே³ஸனீயஸ்ஸ.

யாமகாலிகங் ஸத்தாஹகாலிகங் யாவஜீவிகங் ஆஹாரத்தா²ய
படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி
து³க்கடஸ்ஸ. படிஸங்விதி³தே அப்படிஸங்விதி³தஸஞ்ஞீ, ஆபத்தி து³க்கடஸ்ஸ.
படிஸங்விதி³தே வேமதிகோ, ஆபத்தி து³க்கடஸ்ஸ. படிஸங்விதி³தே
படிஸங்விதி³தஸஞ்ஞீ, அனாபத்தி.

575.
அனாபத்தி படிஸங்விதி³தே, கி³லானஸ்ஸ, படிஸங்விதி³தே வா கி³லானஸ்ஸ வா ஸேஸகங்
பு⁴ஞ்ஜதி, ப³ஹாராமே படிக்³க³ஹெத்வா அந்தோஆராமே பு⁴ஞ்ஜதி, தத்த² ஜாதகங்
மூலங் வா தசங் வா பத்தங் வா புப்ப²ங் வா ப²லங் வா பு⁴ஞ்ஜதி, யாமகாலிகங்
ஸத்தாஹகாலிகங் யாவஜீவிகங் ஸதி பச்சயே பரிபு⁴ஞ்ஜதி, உம்மத்தகஸ்ஸ,
ஆதி³கம்மிகஸ்ஸாதி.

சதுத்த²பாடிதே³ஸனீயஸிக்கா²பத³ங் நிட்டி²தங்.

உத்³தி³ட்டா² கோ², ஆயஸ்மந்தோ, சத்தாரோ பாடிதே³ஸனீயா
த⁴ம்மா. தத்தா²யஸ்மந்தே புச்சா²மி – ‘‘கச்சித்த² பரிஸுத்³தா⁴’’? து³தியம்பி
புச்சா²மி – ‘‘கச்சித்த² பரிஸுத்³தா⁴’’? ததியம்பி புச்சா²மி – ‘‘கச்சித்த²
பரிஸுத்³தா⁴’’? பரிஸுத்³தெ⁴த்தா²யஸ்மந்தோ, தஸ்மா துண்ஹீ, ஏவமேதங்
தா⁴ரயாமீதி.

பாடிதே³ஸனீயகண்ட³ங் நிட்டி²தங்.

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

வினயபிடகே

பாசித்தியபாளி


7. ஸேகியகண்டங்

1. பரிமண்டலவக்கோ

இமே கோ பனாயஸ்மந்தோ ஸேகியா

தம்மா உத்தேஸங் ஆகச்சந்தி.

576. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² புரதோபி பச்ச²தோபி
ஓலம்பெ³ந்தா நிவாஸெந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஸமணா ஸக்யபுத்தியா புரதோபி பச்ச²தோபி ஓலம்பெ³ந்தா
நிவாஸெஸ்ஸந்தி, ஸெய்யதா²பி கி³ஹீ காமபோ⁴கி³னோ’’தி. அஸ்ஸோஸுங் கோ² பி⁴க்கூ²
தேஸங் மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். யே தே
பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ச²ப்³ப³க்³கி³யா பி⁴க்கூ² புரதோபி பச்ச²தோபி ஓலம்பெ³ந்தா
நிவாஸெஸ்ஸந்தீ’’தி! அத² கோ² தே பி⁴க்கூ² ச²ப்³ப³க்³கி³யே பி⁴க்கூ²
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா
ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங் ஸன்னிபாதாபெத்வா
ச²ப்³ப³க்³கி³யே பி⁴க்கூ² படிபுச்சி² – ‘‘ஸச்சங் கிர தும்ஹே, பி⁴க்க²வே,
புரதோபி பச்ச²தோபி ஓலம்பெ³ந்தா நிவாஸேதா²’’தி? ‘‘ஸச்சங், ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, புரதோபி
பச்ச²தோபி ஓலம்பெ³ந்தா நிவாஸெஸ்ஸத²! நேதங், மோக⁴புரிஸா, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

‘‘பரிமண்ட³லங் நிவாஸெஸ்ஸாமீதி ஸிக்கா² கரணீயா’’தி.

பரிமண்ட³லங் நிவாஸேதப்³ப³ங்
நாபி⁴மண்ட³லங் ஜாணுமண்ட³லங் படிச்சா²தெ³ந்தேன. யோ அனாத³ரியங் படிச்ச புரதோ
வா பச்ச²தோ வா ஓலம்பெ³ந்தோ நிவாஸேதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, ஆபதா³ஸு, உம்மத்தகஸ்ஸ,

ஆதி³கம்மிகஸ்ஸாதி.

பட²மஸிக்கா²பத³ங் நிட்டி²தங்.

577. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² புரதோபி பச்ச²தோபி
ஓலம்பெ³ந்தா பாருபந்தி…பே॰….

‘‘பரிமண்ட³லங் பாருபிஸ்ஸாமீதி ஸிக்கா² கரணீயா’’தி.

பரிமண்ட³லங் பாருபிதப்³ப³ங் உபோ⁴ கண்ணே ஸமங் கத்வா. யோ அனாத³ரியங் படிச்ச புரதோ வா பச்ச²தோ வா ஓலம்பெ³ந்தோ பாருபதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, ஆபதா³ஸு, உம்மத்தகஸ்ஸ,

ஆதி³கம்மிகஸ்ஸாதி.

து³தியஸிக்கா²பத³ங் நிட்டி²தங்.

578.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² காயங் விவரித்வா
அந்தரக⁴ரே க³ச்ச²ந்தி…பே॰….

‘‘ஸுப்படிச்ச²ன்னோ அந்தரக⁴ரே க³மிஸ்ஸாமீதி ஸிக்கா² கரணீயா’’தி.

ஸுப்படிச்ச²ன்னேன அந்தரக⁴ரே க³ந்தப்³ப³ங். யோ அனாத³ரியங் படிச்ச காயங் விவரித்வா அந்தரக⁴ரே க³ச்ச²தி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, ஆபதா³ஸு, உம்மத்தகஸ்ஸ,

ஆதி³கம்மிகஸ்ஸாதி.

ததியஸிக்கா²பத³ங் நிட்டி²தங்.

579.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² காயங் விவரித்வா
அந்தரக⁴ரே நிஸீத³ந்தி…பே॰….

‘‘ஸுப்படிச்ச²ன்னோ அந்தரக⁴ரே நிஸீதி³ஸ்ஸாமீதி ஸிக்கா² கரணீயா’’தி.

ஸுப்படிச்ச²ன்னேன அந்தரக⁴ரே நிஸீதி³தப்³ப³ங். யோ அனாத³ரியங் படிச்ச காயங் விவரித்வா அந்தரக⁴ரே நிஸீத³தி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, வாஸூபக³தஸ்ஸ, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

சதுத்த²ஸிக்கா²பத³ங் நிட்டி²தங்.

580. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஹத்த²ம்பி பாத³ம்பி
கீளாபெந்தா அந்தரக⁴ரே க³ச்ச²ந்தி…பே॰….

‘‘ஸுஸங்வுதோ அந்தரக⁴ரே க³மிஸ்ஸாமீதி ஸிக்கா² கரணீயா’’தி.

ஸுஸங்வுதேன அந்தரக⁴ரே க³ந்தப்³ப³ங். யோ அனாத³ரியங் படிச்ச ஹத்த²ங் வா பாத³ங் வா கீளாபெந்தோ அந்தரக⁴ரே க³ச்ச²தி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, உம்மத்தகஸ்ஸ, ஆதி³கம்மிகஸ்ஸாதி.

பஞ்சமஸிக்கா²பத³ங் நிட்டி²தங்.

581. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஹத்த²ம்பி பாத³ம்பி கீளாபெந்தா அந்தரக⁴ரே நிஸீத³ந்தி…பே॰….

‘‘ஸுஸங்வுதோ அந்தரக⁴ரே நிஸீதி³ஸ்ஸாமீதி ஸிக்கா² கரணீயா’’தி.

ஸுஸங்வுதேன அந்தரக⁴ரே நிஸீதி³தப்³ப³ங். யோ அனாத³ரியங்
படிச்ச ஹத்த²ங் வா பாத³ங் வா கீளாபெந்தோ அந்தரக⁴ரே நிஸீத³தி, ஆபத்தி
து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, உம்மத்தகஸ்ஸ, ஆதி³கம்மிகஸ்ஸாதி.

ச²ட்ட²ஸிக்கா²பத³ங் நிட்டி²தங்.

582.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² தஹங் தஹங் ஓலோகெந்தா
அந்தரக⁴ரே க³ச்ச²ந்தி…பே॰….

‘‘ஒக்கி²த்தசக்கு² அந்தரக⁴ரே க³மிஸ்ஸாமீதி ஸிக்கா² கரணீயா’’தி.

ஒக்கி²த்தசக்கு²னா அந்தரக⁴ரே க³ந்தப்³ப³ங் யுக³மத்தங்
பெக்க²ந்தேன. யோ அனாத³ரியங் படிச்ச தஹங் தஹங் ஓலோகெந்தோ அந்தரக⁴ரே
க³ச்ச²தி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, ஆபதா³ஸு, உம்மத்தகஸ்ஸ,

ஆதி³கம்மிகஸ்ஸாதி.

ஸத்தமஸிக்கா²பத³ங் நிட்டி²தங்.

583. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² தஹங் தஹங் ஓலோகெந்தா
அந்தரக⁴ரே நிஸீத³ந்தி…பே॰….

‘‘ஒக்கி²த்தசக்கு² அந்தரக⁴ரே நிஸீதி³ஸ்ஸாமீதி ஸிக்கா² கரணீயா’’தி.

ஒக்கி²த்தசக்கு²னா அந்தரக⁴ரே நிஸீதி³தப்³ப³ங்
யுக³மத்தங் பெக்க²ந்தேன. யோ அனாத³ரியங் படிச்ச தஹங் தஹங் ஓலோகெந்தோ
அந்தரக⁴ரே நிஸீத³தி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, ஆபதா³ஸு, உம்மத்தகஸ்ஸ,

ஆதி³கம்மிகஸ்ஸாதி.

அட்ட²மஸிக்கா²பத³ங் நிட்டி²தங்.

584. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² உக்கி²த்தகாய அந்தரக⁴ரே
க³ச்ச²ந்தி…பே॰….

‘‘ந உக்கி²த்தகாய அந்தரக⁴ரே க³மிஸ்ஸாமீதி ஸிக்கா² கரணீயா’’தி.

ந உக்கி²த்தகாய அந்தரக⁴ரே க³ந்தப்³ப³ங். யோ அனாத³ரியங் படிச்ச ஏகதோ வா உப⁴தோ வா உக்கி²பித்வா அந்தரக⁴ரே க³ச்ச²தி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, ஆபதா³ஸு, உம்மத்தகஸ்ஸ,

ஆதி³கம்மிகஸ்ஸாதி.

நவமஸிக்கா²பத³ங் நிட்டி²தங்.

585.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² உக்கி²த்தகாய அந்தரக⁴ரே
நிஸீத³ந்தி…பே॰….

‘‘ந உக்கி²த்தகாய அந்தரக⁴ரே நிஸீதி³ஸ்ஸாமீதி ஸிக்கா² கரணீயா’’தி.

ந உக்கி²த்தகாய அந்தரக⁴ரே நிஸீதி³தப்³ப³ங். யோ
அனாத³ரியங் படிச்ச ஏகதோ வா உப⁴தோ வா உக்கி²பித்வா அந்தரக⁴ரே நிஸீத³தி,
ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, வாஸூபக³தஸ்ஸ, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

த³ஸமஸிக்கா²பத³ங் நிட்டி²தங்.

பரிமண்ட³லவக்³கோ³ பட²மோ.

2. உஜ்ஜக்³கி⁴கவக்³கோ³

586. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² மஹாஹஸிதங் ஹஸந்தா
அந்தரக⁴ரே க³ச்ச²ந்தி…பே॰….

‘‘ந உஜ்ஜக்³கி⁴காய அந்தரக⁴ரே க³மிஸ்ஸாமீதி ஸிக்கா² கரணீயா’’தி.

ந உஜ்ஜக்³கி⁴காய அந்தரக⁴ரே க³ந்தப்³ப³ங். யோ அனாத³ரியங் படிச்ச மஹாஹஸிதங் ஹஸந்தோ அந்தரக⁴ரே க³ச்ச²தி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ,
ஹஸனீயஸ்மிங் வத்து²ஸ்மிங் மிஹிதமத்தங் கரோதி, ஆபதா³ஸு, உம்மத்தகஸ்ஸ,
ஆதி³கம்மிகஸ்ஸாதி.

பட²மஸிக்கா²பத³ங் நிட்டி²தங்.

587.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² மஹாஹஸிதங் ஹஸந்தா
அந்தரக⁴ரே நிஸீத³ந்தி…பே॰….

‘‘ந உஜ்ஜக்³கி⁴காய அந்தரக⁴ரே நிஸீதி³ஸ்ஸாமீதி ஸிக்கா² கரணீயா’’தி.

உஜ்ஜக்³கி⁴காய அந்தரக⁴ரே நிஸீதி³தப்³ப³ங். யோ அனாத³ரியங் படிச்ச மஹாஹஸிதங் ஹஸந்தோ அந்தரக⁴ரே நிஸீத³தி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ,
ஹஸனீயஸ்மிங் வத்து²ஸ்மிங் மிஹிதமத்தங் கரோதி, ஆபதா³ஸு, உம்மத்தகஸ்ஸ,
ஆதி³கம்மிகஸ்ஸாதி.

து³தியஸிக்கா²பத³ங் நிட்டி²தங்.

588. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² உச்சாஸத்³த³ங்
மஹாஸத்³த³ங் கரொந்தா அந்தரக⁴ரே க³ச்ச²ந்தி…பே॰….

‘‘அப்பஸத்³தோ³ அந்தரக⁴ரே க³மிஸ்ஸாமீதி ஸிக்கா² கரணீயா’’தி.

அப்பஸத்³தே³ன அந்தரக⁴ரே க³ந்தப்³ப³ங். யோ அனாத³ரியங்
படிச்ச உச்சாஸத்³த³ங் மஹாஸத்³த³ங் கரொந்தோ அந்தரக⁴ரே க³ச்ச²தி, ஆபத்தி
து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

ததியஸிக்கா²பத³ங் நிட்டி²தங்.

589.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² உச்சாஸத்³த³ங்
மஹாஸத்³த³ங் கரொந்தா அந்தரக⁴ரே நிஸீத³ந்தி…பே॰….

‘‘அப்பஸத்³தோ³ அந்தரக⁴ரே நிஸீதி³ஸ்ஸாமீதி ஸிக்கா² கரணீயா’’தி.

அப்பஸத்³தே³ன அந்தரக⁴ரே நிஸீதி³தப்³ப³ங். யோ
அனாத³ரியங் படிச்ச உச்சாஸத்³த³ங் மஹாஸத்³த³ங் கரொந்தோ அந்தரக⁴ரே நிஸீத³தி,
ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

சதுத்த²ஸிக்கா²பத³ங் நிட்டி²தங்.

590. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² காயப்பசாலகங் அந்தரக⁴ரே க³ச்ச²ந்தி காயங் ஓலம்பெ³ந்தா…பே॰….

‘‘ந காயப்பசாலகங் அந்தரக⁴ரே க³மிஸ்ஸாமீதி ஸிக்கா² கரணீயா’’தி.

ந காயப்பசாலகங் அந்தரக⁴ரே க³ந்தப்³ப³ங். காயங் பக்³க³ஹெத்வா க³ந்தப்³ப³ங் . யோ அனாத³ரியங் படிச்ச காயப்பசாலகங் அந்தரக⁴ரே க³ச்ச²தி காயங் ஓலம்பெ³ந்தோ, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

பஞ்சமஸிக்கா²பத³ங் நிட்டி²தங்.

591. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² காயப்பசாலகங் அந்தரக⁴ரே
நிஸீத³ந்தி, காயங் ஓலம்பெ³ந்தா…பே॰….

‘‘ந காயப்பசாலகங் அந்தரக⁴ரே நிஸீதி³ஸ்ஸாமீதி ஸிக்கா² கரணீயா’’தி.

ந காயப்பசாலகங் அந்தரக⁴ரே நிஸீதி³தப்³ப³ங். காயங்
பக்³க³ஹெத்வா நிஸீதி³தப்³ப³ங். யோ அனாத³ரியங் படிச்ச காயப்பசாலகங்
அந்தரக⁴ரே நிஸீத³தி காயங் ஓலம்பெ³ந்தோ, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, வாஸூபக³தஸ்ஸ, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

ச²ட்ட²ஸிக்கா²பத³ங் நிட்டி²தங்.

592. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² பா³ஹுப்பசாலகங்
அந்தரக⁴ரே க³ச்ச²ந்தி பா³ஹுங் ஓலம்பெ³ந்தா…பே॰….

‘‘ந பா³ஹுப்பசாலகங் அந்தரக⁴ரே க³மிஸ்ஸாமீதி ஸிக்கா² கரணீயா’’தி.

ந பா³ஹுப்பசாலகங் அந்தரக⁴ரே க³ந்தப்³ப³ங். பா³ஹுங்
பக்³க³ஹெத்வா க³ந்தப்³ப³ங். யோ அனாத³ரியங் படிச்ச பா³ஹுப்பசாலகங் அந்தரக⁴ரே
க³ச்ச²தி பா³ஹுங் ஓலம்பெ³ந்தோ, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

ஸத்தமஸிக்கா²பத³ங் நிட்டி²தங்.

593. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² பா³ஹுப்பசாலகங்
அந்தரக⁴ரே நிஸீத³ந்தி பா³ஹுங் ஓலம்பெ³ந்தா…பே॰….

‘‘ந பா³ஹுப்பசாலகங் அந்தரக⁴ரே நிஸீதி³ஸ்ஸாமீதி ஸிக்கா² கரணீயா’’தி.

ந பா³ஹுப்பசாலகங் அந்தரக⁴ரே நிஸீதி³தப்³ப³ங். பா³ஹுங்
பக்³க³ஹெத்வா நிஸீதி³தப்³ப³ங். யோ அனாத³ரியங் படிச்ச பா³ஹுப்பசாலகங்
அந்தரக⁴ரே நிஸீத³தி பா³ஹுங் ஓலம்பெ³ந்தோ, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, வாஸூபக³தஸ்ஸ, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

அட்ட²மஸிக்கா²பத³ங் நிட்டி²தங்.

594. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்ட³கஸ்ஸ ஆராமே . தேன கோ² பன ஸமயேன ச²ப்³ப³க்³கி³யா பி⁴க்கூ² ஸீஸப்பசாலகங் அந்தரக⁴ரே க³ச்ச²ந்தி ஸீஸங் ஓலம்பெ³ந்தா…பே॰….

‘‘ந ஸீஸப்பசாலகங் அந்தரக⁴ரே க³மிஸ்ஸாமீதி ஸிக்கா² கரணீயா’’தி.

ந ஸீஸப்பசாலகங் அந்தரக⁴ரே க³ந்தப்³ப³ங். ஸீஸங்
பக்³க³ஹெத்வா க³ந்தப்³ப³ங். யோ அனாத³ரியங் படிச்ச ஸீஸப்பசாலகங் அந்தரக⁴ரே
க³ச்ச²தி ஸீஸங் ஓலம்பெ³ந்தோ, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

நவமஸிக்கா²பத³ங் நிட்டி²தங்.

595.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஸீஸப்பசாலகங் அந்தரக⁴ரே
நிஸீத³ந்தி ஸீஸங் ஓலம்பெ³ந்தா…பே॰….

‘‘ந ஸீஸப்பசாலகங் அந்தரக⁴ரே நிஸீதி³ஸ்ஸாமீதி ஸிக்கா² கரணீயா’’தி.

ந ஸீஸப்பசாலகங் அந்தரக⁴ரே நிஸீதி³தப்³ப³ங். ஸீஸங் பக்³க³ஹெத்வா நிஸீதி³தப்³ப³ங் . யோ அனாத³ரியங் படிச்ச ஸீஸப்பசாலகங் அந்தரக⁴ரே நிஸீத³தி ஸீஸங் ஓலம்பெ³ந்தோ, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, வாஸூபக³தஸ்ஸ, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

த³ஸமஸிக்கா²பத³ங் நிட்டி²தங்.

உஜ்ஜக்³கி⁴கவக்³கோ³ து³தியோ.

3. க²ம்ப⁴கதவக்³கோ³

596. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² க²ம்ப⁴கதா அந்தரக⁴ரே
க³ச்ச²ந்தி…பே॰….

‘‘ந க²ம்ப⁴கதோ அந்தரக⁴ரே க³மிஸ்ஸாமீதி ஸிக்கா² கரணீயா’’தி.

க²ம்ப⁴கதேன அந்தரக⁴ரே க³ந்தப்³ப³ங். யோ அனாத³ரியங் படிச்ச ஏகதோ வா உப⁴தோ வா க²ம்ப⁴ங் கத்வா அந்தரக⁴ரே க³ச்ச²தி, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

பட²மஸிக்கா²பத³ங் நிட்டி²தங்.

597.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² க²ம்ப⁴கதா அந்தரக⁴ரே
நிஸீத³ந்தி…பே॰….

‘‘ந க²ம்ப⁴கதோ அந்தரக⁴ரே நிஸீதி³ஸ்ஸாமீதி ஸிக்கா² கரணீயா’’தி.

ந க²ம்ப⁴கதேன அந்தரக⁴ரே நிஸீதி³தப்³ப³ங். யோ அனாத³ரியங் படிச்ச ஏகதோ வா உப⁴தோ வா க²ம்ப⁴ங் கத்வா அந்தரக⁴ரே நிஸீத³தி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, வாஸூபக³தஸ்ஸ, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

து³தியஸிக்கா²பத³ங் நிட்டி²தங்.

598. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஸஸீஸங் பாருபித்வா
அந்தரக⁴ரே க³ச்ச²ந்தி…பே॰….

‘‘ந ஓகு³ண்டி²தோ அந்தரக⁴ரே க³மிஸ்ஸாமீதி ஸிக்கா² கரணீயா’’தி.

ந ஓகு³ண்டி²தேன அந்தரக⁴ரே க³ந்தப்³ப³ங். யோ அனாத³ரியங் படிச்ச ஸஸீஸங் பாருபித்வா அந்தரக⁴ரே க³ச்ச²தி, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

ததியஸிக்கா²பத³ங் நிட்டி²தங்.

599. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஸஸீஸங் பாருபித்வா
அந்தரக⁴ரே நிஸீத³ந்தி…பே॰….

‘‘ந ஓகு³ண்டி²தோ அந்தரக⁴ரே நிஸீதி³ஸ்ஸாமீதி ஸிக்கா² கரணீயா’’தி.

ந ஓகு³ண்டி²தேன அந்தரக⁴ரே நிஸீதி³தப்³ப³ங். யோ அனாத³ரியங் படிச்ச ஸஸீஸங் பாருபித்வா அந்தரக⁴ரே நிஸீத³தி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, வாஸூபக³தஸ்ஸ, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

சதுத்த²ஸிக்கா²பத³ங் நிட்டி²தங்.

600.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² உக்குடிகாய அந்தரக⁴ரே
க³ச்ச²ந்தி…பே॰….

‘‘ந உக்குடிகாய அந்தரக⁴ரே க³மிஸ்ஸாமீதி ஸிக்கா² கரணீயா’’தி.

உக்குடிகாய அந்தரக⁴ரே க³ந்தப்³ப³ங். யோ அனாத³ரியங் படிச்ச உக்குடிகாய அந்தரக⁴ரே க³ச்ச²தி, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

பஞ்சமஸிக்கா²பத³ங் நிட்டி²தங்.

601.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² பல்லத்தி²காய [பல்லத்திகாய (க॰)] அந்தரக⁴ரே நிஸீத³ந்தி…பே॰….

‘‘ந பல்லத்தி²காய அந்தரக⁴ரே நிஸீதி³ஸ்ஸாமீதி ஸிக்கா² கரணீயா’’தி.

ந பல்லத்தி²காய அந்தரக⁴ரே நிஸீதி³தப்³ப³ங். யோ
அனாத³ரியங் படிச்ச ஹத்த²பல்லத்தி²காய வா து³ஸ்ஸபல்லத்தி²காய வா அந்தரக⁴ரே
நிஸீத³தி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, வாஸூபக³தஸ்ஸ, ஆபதா³ஸு,

உம்மத்தகஸ்ஸ, ஆதி³கம்மிகஸ்ஸாதி.

ச²ட்ட²ஸிக்கா²பத³ங் நிட்டி²தங்.

602. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² அஸக்கச்சங் பிண்ட³பாதங் படிக்³க³ண்ஹந்தி ச²ட்³டே³துகாமா விய…பே॰….

‘‘ஸக்கச்சங் பிண்ட³பாதங் படிக்³க³ஹெஸ்ஸாமீதி ஸிக்கா² கரணீயா’’தி.

ஸக்கச்சங் பிண்ட³பாதோ படிக்³க³ஹேதப்³போ³. யோ
அனாத³ரியங் படிச்ச அஸக்கச்சங் பிண்ட³பாதங் படிக்³க³ண்ஹாதி ச²ட்³டே³துகாமோ
விய, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

ஸத்தமஸிக்கா²பத³ங் நிட்டி²தங்.

603.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² தஹங் தஹங் ஓலோகெந்தா
பிண்ட³பாதங் படிக்³க³ண்ஹந்தி, ஆகிரந்தேபி அதிக்கந்தேபி [அதிக்கமந்தேபி (ஸீ॰)] ந ஜானந்தி…பே॰….

‘‘பத்தஸஞ்ஞீ பிண்ட³பாதங் படிக்³க³ஹெஸ்ஸாமீதி ஸிக்கா² கரணீயா’’தி.

பத்தஸஞ்ஞினா பிண்ட³பாதோ படிக்³க³ஹேதப்³போ³. யோ
அனாத³ரியங் படிச்ச தஹங் தஹங் ஓலோகெந்தோ பிண்ட³பாதங் படிக்³க³ண்ஹாதி, ஆபத்தி
து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

அட்ட²மஸிக்கா²பத³ங் நிட்டி²தங்.

604.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² பிண்ட³பாதங்
படிக்³க³ண்ஹந்தா ஸூபஞ்ஞேவ ப³ஹுங் படிக்³க³ண்ஹந்தி…பே॰….

‘‘ஸமஸூபகங் பிண்ட³பாதங் படிக்³க³ஹெஸ்ஸாமீதி ஸிக்கா² கரணீயா’’தி.

ஸூபோ நாம த்³வே ஸூபா –
முக்³க³ஸூபோ, மாஸஸூபோ. ஹத்த²ஹாரியோ ஸமஸூபகோ பிண்ட³பாதோ படிக்³க³ஹேதப்³போ³.
யோ அனாத³ரியங் படிச்ச ஸூபஞ்ஞேவ ப³ஹுங் படிக்³க³ண்ஹாதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ,
ரஸரஸே, ஞாதகானங் பவாரிதானங், அஞ்ஞஸ்ஸத்தா²ய, அத்தனோ த⁴னேன, ஆபதா³ஸு,
உம்மத்தகஸ்ஸ, ஆதி³கம்மிகஸ்ஸாதி.

நவமஸிக்கா²பத³ங் நிட்டி²தங்.

605. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² தூ²பீகதங் பிண்ட³பாதங்
படிக்³க³ண்ஹந்தி…பே॰….

‘‘ஸமதித்திகங் [ஸமதித்தி²கங் (க॰)] பிண்ட³பாதங் படிக்³க³ஹெஸ்ஸாமீதி ஸிக்கா² கரணீயா’’தி.

ஸமதித்திகோ [ஸமதித்தி²கங் (க॰)] பிண்ட³பாதோ படிக்³க³ஹேதப்³போ³. யோ அனாத³ரியங் படிச்ச தூ²பீகதங் பிண்ட³பாதங் படிக்³க³ண்ஹாதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

த³ஸமஸிக்கா²பத³ங் நிட்டி²தங்.

க²ம்ப⁴கதவக்³கோ³ ததியோ.

4. ஸக்கச்சவக்³கோ³

606.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² அஸக்கச்சங் பிண்ட³பாதங்
பு⁴ஞ்ஜந்தி அபு⁴ஞ்ஜிதுகாமா விய…பே॰….

‘‘ஸக்கச்சங் பிண்ட³பாதங் பு⁴ஞ்ஜிஸ்ஸாமீதி ஸிக்கா² கரணீயா’’தி.

ஸக்கச்சங் பிண்ட³பாதோ பு⁴ஞ்ஜிதப்³போ³. யோ அனாத³ரியங் படிச்ச அஸக்கச்சங் பிண்ட³பாதங் பு⁴ஞ்ஜதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, ஆபதா³ஸு, உம்மத்தகஸ்ஸ,

ஆதி³கம்மிகஸ்ஸாதி.

பட²மஸிக்கா²பத³ங் நிட்டி²தங்.

607. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² தஹங் தஹங் ஓலோகெந்தா
பிண்ட³பாதங் பு⁴ஞ்ஜந்தி, ஆகிரந்தேபி அதிக்கந்தேபி ந ஜானந்தி…பே॰… .

‘‘பத்தஸஞ்ஞீ பிண்ட³பாதங் பு⁴ஞ்ஜிஸ்ஸாமீதி ஸிக்கா² கரணீயா’’தி.

பத்தஸஞ்ஞினா பிண்ட³பாதோ பு⁴ஞ்ஜிதப்³போ³. யோ அனாத³ரியங் படிச்ச தஹங் தஹங் ஓலோகெந்தோ பிண்ட³பாதங் பு⁴ஞ்ஜதி, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

து³தியஸிக்கா²பத³ங் நிட்டி²தங்.

608.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² தஹங் தஹங் ஓமஸித்வா [ஓமத்³தி³த்வா (க॰)] பிண்ட³பாதங் பு⁴ஞ்ஜந்தி…பே॰….

‘‘ஸபதா³னங் பிண்ட³பாதங் பு⁴ஞ்ஜிஸ்ஸாமீதி ஸிக்கா² கரணீயா’’தி.

ஸபதா³னங் பிண்ட³பாதோ பு⁴ஞ்ஜிதப்³போ³. யோ அனாத³ரியங் படிச்ச தஹங் தஹங் ஓமஸித்வா [ஓமத்³தி³த்வா (க॰)] பிண்ட³பாதங் பு⁴ஞ்ஜதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ,
அஞ்ஞேஸங் தெ³ந்தோ ஓமஸதி, அஞ்ஞஸ்ஸ பா⁴ஜனே ஆகிரந்தோ ஓமஸதி, உத்தரிப⁴ங்கே³,
ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

ததியஸிக்கா²பத³ங் நிட்டி²தங்.

609. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே . தேன கோ² பன ஸமயேன ச²ப்³ப³க்³கி³யா பி⁴க்கூ² பிண்ட³பாதங் பு⁴ஞ்ஜந்தா ஸூபஞ்ஞேவ ப³ஹுங் பு⁴ஞ்ஜந்தி…பே॰….

‘‘ஸமஸூபகங் பிண்ட³பாதங் பு⁴ஞ்ஜிஸ்ஸாமீதி ஸிக்கா² கரணீயா’’தி.

ஸூபோ நாம த்³வே ஸூபா –
முக்³க³ஸூபோ, மாஸஸூபோ ஹத்த²ஹாரியோ. ஸமஸூபகோ பிண்ட³பாதோ பு⁴ஞ்ஜிதப்³போ³. யோ
அனாத³ரியங் படிச்ச ஸூபஞ்ஞேவ ப³ஹுங் பு⁴ஞ்ஜதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, ரஸரஸே , ஞாதகானங் பவாரிதானங், அத்தனோ த⁴னேன, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

சதுத்த²ஸிக்கா²பத³ங் நிட்டி²தங்.

610. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² தூ²பகதோ ஓமத்³தி³த்வா
பிண்ட³பாதங் பு⁴ஞ்ஜந்தி…பே॰….

‘‘ந தூ²பகதோ ஓமத்³தி³த்வா பிண்ட³பாதங் பு⁴ஞ்ஜிஸ்ஸாமீதி ஸிக்கா² கரணீயா’’தி.

ந தூ²பகதோ ஓமத்³தி³த்வா பிண்ட³பாதோ பு⁴ஞ்ஜிதப்³போ³. யோ
அனாத³ரியங் படிச்ச தூ²பகதோ ஓமத்³தி³த்வா பிண்ட³பாதங் பு⁴ஞ்ஜதி ஆபத்தி
து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ,
பரித்தகே ஸேஸே ஏகதோ ஸங்கட்³டி⁴த்வா ஓமத்³தி³த்வா பு⁴ஞ்ஜதி, ஆபதா³ஸு,
உம்மத்தகஸ்ஸ, ஆதி³கம்மிகஸ்ஸாதி.

பஞ்சமஸிக்கா²பத³ங் நிட்டி²தங்.

611.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஸூபம்பி ப்³யஞ்ஜனம்பி
ஓத³னேன படிச்சா²தெ³ந்தி பி⁴ய்யோகம்யதங் உபாதா³ய…பே॰….

‘‘ந ஸூபங் வா ப்³யஞ்ஜனங் வா ஓத³னேன படிச்சா²தெ³ஸ்ஸாமி பி⁴ய்யோகம்யதங் உபாதா³யாதி ஸிக்கா² கரணீயா’’தி.

ந ஸூபங் வா ப்³யஞ்ஜனங் வா ஓத³னேன படிச்சா²தே³தப்³ப³ங்
பி⁴ய்யோகம்யதங் உபாதா³ய. யோ அனாத³ரியங் படிச்ச ஸூபங் வா ப்³யஞ்ஜனங் வா
ஓத³னேன படிச்சா²தே³தி பி⁴ய்யோகம்யதங் உபாதா³ய, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, ஸாமிகா படிச்சா²தெ³த்வா தெ³ந்தி, ந பி⁴ய்யோகம்யதங் உபாதா³ய, ஆபதா³ஸு, உம்மத்தகஸ்ஸ , ஆதி³கம்மிகஸ்ஸாதி.

ச²ட்ட²ஸிக்கா²பத³ங் நிட்டி²தங்.

612. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஸூபம்பி ஓத³னம்பி அத்தனோ
அத்தா²ய விஞ்ஞாபெத்வா பு⁴ஞ்ஜந்தி. மனுஸ்ஸா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஸமணா ஸக்யபுத்தியா ஸூபம்பி ஓத³னம்பி அத்தனோ
அத்தா²ய விஞ்ஞாபெத்வா பு⁴ஞ்ஜிஸ்ஸந்தி! கஸ்ஸ ஸம்பன்னங் ந மனாபங் !
கஸ்ஸ ஸாது³ங் ந ருச்சதீ’’தி! அஸ்ஸோஸுங் கோ² பி⁴க்கூ² தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கூ² ஸூபம்பி ஓத³னம்பி அத்தனோ அத்தா²ய விஞ்ஞாபெத்வா
பு⁴ஞ்ஜிஸ்ஸந்தீ’’தி…பே॰… ஸச்சங் கிர தும்ஹே, பி⁴க்க²வே, ஸூபம்பி ஓத³னம்பி
அத்தனோ அத்தா²ய விஞ்ஞாபெத்வா பு⁴ஞ்ஜதா²தி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, ஸூபம்பி ஓத³னம்பி
அத்தனோ அத்தா²ய விஞ்ஞாபெத்வா பு⁴ஞ்ஜிஸ்ஸத²! நேதங், மோக⁴புரிஸா,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –

‘‘ந ஸூபங் வா ஓத³னங் வா அத்தனோ அத்தா²ய விஞ்ஞாபெத்வா பு⁴ஞ்ஜிஸ்ஸாமீதி ஸிக்கா² கரணீயா’’தி.

ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.

613. தேன
கோ² பன ஸமயேன பி⁴க்கூ² கி³லானா ஹொந்தி. கி³லானபுச்ச²கா பி⁴க்கூ² கி³லானே
பி⁴க்கூ² ஏதத³வோசுங் – ‘‘கச்சாவுஸோ, க²மனீயங், கச்சி யாபனீய’’ந்தி?
‘‘புப்³பே³ மயங், ஆவுஸோ, ஸூபம்பி ஓத³னம்பி அத்தனோ அத்தா²ய
விஞ்ஞாபெத்வா பு⁴ஞ்ஜாம, தேன நோ பா²ஸு ஹோதி. இதா³னி பன – ‘‘ப⁴க³வதா
படிக்கி²த்த’’ந்தி குக்குச்சாயந்தா ந விஞ்ஞாபேம, தேன நோ ந பா²ஸு ஹோதீ’’தி.
ப⁴க³வதோ ஏதமத்த²ங் ஆரோசேஸுங்…பே॰… அனுஜானாமி, பி⁴க்க²வே, கி³லானேன
பி⁴க்கு²னா ஸூபம்பி ஓத³னம்பி அத்தனோ அத்தா²ய விஞ்ஞாபெத்வா பு⁴ஞ்ஜிதுங்.
ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

‘‘ந ஸூபங் வா ஓத³னங் வா அகி³லானோ அத்தனோ அத்தா²ய விஞ்ஞாபெத்வா பு⁴ஞ்ஜிஸ்ஸாமீதி ஸிக்கா² கரணீயா’’தி.

ந ஸூபங் வா ஓத³னங் வா அகி³லானேன அத்தனோ அத்தா²ய
விஞ்ஞாபெத்வா பு⁴ஞ்ஜிதப்³ப³ங். யோ அனாத³ரியங் படிச்ச ஸூபங் வா ஓத³னங் வா
அகி³லானோ அத்தனோ அத்தா²ய விஞ்ஞாபெத்வா பு⁴ஞ்ஜதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ,
ஞாதகானங் பவாரிதானங், அஞ்ஞஸ்ஸத்தா²ய, அத்தனோ த⁴னேன, ஆபதா³ஸு, உம்மத்தகஸ்ஸ,
ஆதி³கம்மிகஸ்ஸாதி.

ஸத்தமஸிக்கா²பத³ங் நிட்டி²தங்.

614. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² உஜ்ஜா²னஸஞ்ஞீ பரேஸங்
பத்தங் ஓலோகெந்தி…பே॰….

‘‘ந உஜ்ஜா²னஸஞ்ஞீ பரேஸங் பத்தங் ஓலோகெஸ்ஸாமீதி ஸிக்கா² கரணீயா’’தி.

ந உஜ்ஜா²னஸஞ்ஞினா பரேஸங் பத்தோ ஓலோகேதப்³போ³. யோ அனாத³ரியங் படிச்ச உஜ்ஜா²னஸஞ்ஞீ பரேஸங் பத்தங் ஓலோகேதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, ‘‘த³ஸ்ஸாமீ’’தி வா ‘‘தா³பெஸ்ஸாமீ’’தி வா ஓலோகேதி, ந உஜ்ஜா²னஸஞ்ஞிஸ்ஸ, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

அட்ட²மஸிக்கா²பத³ங் நிட்டி²தங்.

615.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² மஹந்தங் கப³ளங்
கரொந்தி…பே॰….

‘‘நாதிமஹந்தங் கப³ளங் கரிஸ்ஸாமீதி ஸிக்கா² கரணீயா’’தி.

நாதிமஹந்தோ கப³ளோ காதப்³போ³. யோ அனாத³ரியங் படிச்ச மஹந்தங் கப³ளங் கரோதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, க²ஜ்ஜகே, ப²லாப²லே, உத்தரிப⁴ங்கே³, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

நவமஸிக்கா²பத³ங் நிட்டி²தங்.

616.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² தீ³க⁴ங் ஆலோபங்
கரொந்தி…பே॰….

‘‘பரிமண்ட³லங் ஆலோபங் கரிஸ்ஸாமீதி ஸிக்கா² கரணீயா’’தி.

பரிமண்ட³லோ ஆலோபோ காதப்³போ³. யோ அனாத³ரியங் படிச்ச தீ³க⁴ங் ஆலோபங் கரோதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, க²ஜ்ஜகே, ப²லாப²லே, உத்தரிப⁴ங்கே³, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

த³ஸமஸிக்கா²பத³ங் நிட்டி²தங்.

ஸக்கச்சவக்³கோ³ சதுத்தோ².

5. கப³ளவக்³கோ³

617. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² அனாஹடே கப³ளே
முக²த்³வாரங் விவரந்தி…பே॰….

‘‘ந அனாஹடே கப³ளே முக²த்³வாரங் விவரிஸ்ஸாமீதி ஸிக்கா² கரணீயா’’தி.

ந அனாஹடே கப³ளே முக²த்³வாரங் விவரிதப்³ப³ங். யோ அனாத³ரியங் படிச்ச அனாஹடே கப³ளே முக²த்³வாரங் விவரதி, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

பட²மஸிக்கா²பத³ங் நிட்டி²தங்.

618.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² பு⁴ஞ்ஜமானா ஸப்³ப³ங்
ஹத்த²ங் முகே² பக்கி²பந்தி…பே॰….

‘‘ந பு⁴ஞ்ஜமானோ ஸப்³ப³ங் ஹத்த²ங் முகே² பக்கி²பிஸ்ஸாமீதி ஸிக்கா²கரணீயா’’தி.

ந பு⁴ஞ்ஜமானேன ஸப்³போ³ ஹத்தோ² முகே² பக்கி²பிதப்³போ³.
யோ அனாத³ரியங் படிச்ச பு⁴ஞ்ஜமானோ ஸப்³ப³ங் ஹத்த²ங் முகே² பக்கி²பதி, ஆபத்தி
து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

து³தியஸிக்கா²பத³ங் நிட்டி²தங்.

619. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஸகப³ளேன முகே²ன
ப்³யாஹரந்தி…பே॰….

‘‘ந ஸகப³ளேன முகே²ன ப்³யாஹரிஸ்ஸாமீதி ஸிக்கா² கரணீயா’’தி.

ந ஸகப³ளேன முகே²ன ப்³யாஹரிதப்³ப³ங். யோ அனாத³ரியங் படிச்ச ஸகப³ளேன முகே²ன ப்³யாஹரதி, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

ததியஸிக்கா²பத³ங் நிட்டி²தங்.

620.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² பிண்டு³க்கே²பகங்
பு⁴ஞ்ஜந்தி…பே॰….

‘‘ந பிண்டு³க்கே²பகங் பு⁴ஞ்ஜிஸ்ஸாமீதி ஸிக்கா² கரணீயா’’தி.

ந பிண்டு³க்கே²பகங் பு⁴ஞ்ஜிதப்³ப³ங். யோ அனாத³ரியங் படிச்ச பிண்டு³க்கே²பகங் பு⁴ஞ்ஜதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, க²ஜ்ஜகே, ப²லாப²லே, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

சதுத்த²ஸிக்கா²பத³ங் நிட்டி²தங்.

621.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² கப³ளாவச்சே²த³கங்
பு⁴ஞ்ஜந்தி…பே॰….

‘‘ந கப³ளாவச்சே²த³கங் பு⁴ஞ்ஜிஸ்ஸாமீதி ஸிக்கா² கரணீயா’’தி.

கப³ளாவச்சே²த³கங் பு⁴ஞ்ஜிதப்³ப³ங். யோ அனாத³ரியங் படிச்ச கப³ளாவச்சே²த³கங் பு⁴ஞ்ஜதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, க²ஜ்ஜகே ப²லாப²லே, உத்தரிப⁴ங்கே³, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

பஞ்சமஸிக்கா²பத³ங் நிட்டி²தங்.

622.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² அவக³ண்ட³காரகங்
பு⁴ஞ்ஜந்தி…பே॰….

‘‘ந அவக³ண்ட³காரகங் பு⁴ஞ்ஜிஸ்ஸாமீதி ஸிக்கா² கரணீயா’’தி.

ந அவக³ண்ட³காரகங் பு⁴ஞ்ஜிதப்³ப³ங். யோ அனாத³ரியங் படிச்ச ஏகதோ வா உப⁴தோ வா க³ண்ட³ங் கத்வா பு⁴ஞ்ஜதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, ப²லாப²லே, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

ச²ட்ட²ஸிக்கா²பத³ங் நிட்டி²தங்.

623.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஹத்த²னித்³து⁴னகங்
பு⁴ஞ்ஜந்தி…பே॰….

‘‘ந ஹத்த²னித்³து⁴னகங் பு⁴ஞ்ஜிஸ்ஸாமீதி ஸிக்கா² கரணீயா’’தி.

ந ஹத்த²னித்³து⁴னகங் பு⁴ஞ்ஜிதப்³ப³ங். யோ அனாத³ரியங் படிச்ச ஹத்த²னித்³து⁴னகங் பு⁴ஞ்ஜதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, கசவரங் ச²ட்³டெ³ந்தோ ஹத்த²ங் நித்³து⁴னாதி, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

ஸத்தமஸிக்கா²பத³ங் நிட்டி²தங்.

624.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஸித்தா²வகாரகங்
பு⁴ஞ்ஜந்தி…பே॰….

‘‘ந ஸித்தா²வகாரகங் பு⁴ஞ்ஜிஸ்ஸாமீதி ஸிக்கா² கரணீயா’’தி.

ந ஸித்தா²வகாரகங் பு⁴ஞ்ஜிதப்³ப³ங். யோ அனாத³ரியங் படிச்ச ஸித்தா²வகாரகங் பு⁴ஞ்ஜதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, கசவரங் ச²ட்³டெ³ந்தோ ஸித்த²ங் ச²ட்³ட³யதி, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி .

அட்ட²மஸிக்கா²பத³ங் நிட்டி²தங்.

625.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஜிவ்ஹானிச்சா²ரகங்
பு⁴ஞ்ஜந்தி…பே॰….

‘‘ந ஜிவ்ஹானிச்சா²ரகங் பு⁴ஞ்ஜிஸ்ஸாமீதி ஸிக்கா² கரணீயா’’தி.

ந ஜிவ்ஹானிச்சா²ரகங் பு⁴ஞ்ஜிதப்³ப³ங். யோ அனாத³ரியங் படிச்ச ஜிவ்ஹானிச்சா²ரகங் பு⁴ஞ்ஜதி, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

நவமஸிக்கா²பத³ங் நிட்டி²தங்.

626. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² சபுசபுகாரகங்
பு⁴ஞ்ஜந்தி…பே॰….

‘‘ந சபுசபுகாரகங் பு⁴ஞ்ஜிஸ்ஸாமீதி ஸிக்கா² கரணீயா’’தி.

ந சபுசபுகாரகங் பு⁴ஞ்ஜிதப்³ப³ங். யோ அனாத³ரியங் படிச்ச சபுசபுகாரகங் பு⁴ஞ்ஜதி, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

த³ஸமஸிக்கா²பத³ங் நிட்டி²தங்.

கப³ளவக்³கோ³ பஞ்சமோ.

6. ஸுருஸுருவக்³கோ³

627. தேன ஸமயேன பு³த்³தோ⁴ ப⁴க³வா கோஸம்பி³யங் விஹரதி கோ⁴ஸிதாராமே. தேன கோ² பன ஸமயேன அஞ்ஞதரேன ப்³ராஹ்மணேன ஸங்க⁴ஸ்ஸ பயோபானங்
படியத்தங் ஹோதி. பி⁴க்கூ² ஸுருஸுருகாரகங் கீ²ரங் பிவந்தி. அஞ்ஞதரோ
நடபுப்³ப³கோ பி⁴க்கு² ஏவமாஹ – ‘‘ஸப்³போ³யங் மஞ்ஞே ஸங்கோ⁴ ஸீதீகதோ’’தி. யே
தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு² ஸங்க⁴ங் ஆரப்³ப⁴ த³வங் கரிஸ்ஸதீ’’தி…பே॰… ஸச்சங்
கிர த்வங், பி⁴க்கு², ஸங்க⁴ங் ஆரப்³ப⁴ த³வங் அகாஸீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம த்வங், மோக⁴புரிஸ,
ஸங்க⁴ங் ஆரப்³ப⁴ த³வங் கரிஸ்ஸஸி! நேதங், மோக⁴புரிஸ, அப்பஸன்னானங் வா
பஸாதா³ய…பே॰… விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி –
‘‘ந, பி⁴க்க²வே, பு³த்³த⁴ங் வா த⁴ம்மங் வா ஸங்க⁴ங்
வா ஆரப்³ப⁴ த³வோ காதப்³போ³. யோ கரெய்ய, ஆபத்தி து³க்கடஸ்ஸா’’தி. அத² கோ²
ப⁴க³வா தங் பி⁴க்கு²ங் அனேகபரியாயேன விக³ரஹித்வா து³ப்³ப⁴ரதாய…பே॰… ஏவஞ்ச
பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

‘‘ந ஸுருஸுருகாரகங் பு⁴ஞ்ஜிஸ்ஸாமீதி ஸிக்கா² கரணீயா’’தி.

ந ஸுருஸுருகாரகங் பு⁴ஞ்ஜிதப்³ப³ங். யோ அனாத³ரியங் படிச்ச ஸுருஸுருகாரகங் பு⁴ஞ்ஜதி, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

பட²மஸிக்கா²பத³ங் நிட்டி²தங்.

628.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஹத்த²னில்லேஹகங்
பு⁴ஞ்ஜந்தி…பே॰….

‘‘ந ஹத்த²னில்லேஹகங் பு⁴ஞ்ஜிஸ்ஸாமீதி ஸிக்கா² கரணீயா’’தி.

ஹத்த²னில்லேஹகங் பு⁴ஞ்ஜிதப்³ப³ங். யோ அனாத³ரியங் படிச்ச ஹத்த²னில்லேஹகங் பு⁴ஞ்ஜதி, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

து³தியஸிக்கா²பத³ங் நிட்டி²தங்.

629.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² பத்தனில்லேஹகங்
பு⁴ஞ்ஜந்தி…பே॰….

‘‘ந பத்தனில்லேஹகங் பு⁴ஞ்ஜிஸ்ஸாமீதி ஸிக்கா² கரணீயா’’தி.

ந பத்தனில்லேஹகங் பு⁴ஞ்ஜிதப்³ப³ங். யோ அனாத³ரியங் படிச்ச பத்தனில்லேஹகங் பு⁴ஞ்ஜதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா,
அஜானந்தஸ்ஸ, கி³லானஸ்ஸ, பரித்தகே ஸேஸே ஏகதோ ஸங்கட்³டி⁴த்வா நில்லேஹித்வா
பு⁴ஞ்ஜதி, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

ததியஸிக்கா²பத³ங் நிட்டி²தங்.

630. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஒட்ட²னில்லேஹகங்
பு⁴ஞ்ஜந்தி…பே॰….

‘‘ந ஒட்ட²னில்லேஹகங் பு⁴ஞ்ஜிஸ்ஸாமீதி ஸிக்கா² கரணீயா’’தி.

ந ஒட்ட²னில்லேஹகங் பு⁴ஞ்ஜிதப்³ப³ங். யோ அனாத³ரியங் படிச்ச ஒட்ட²னில்லேஹகங் பு⁴ஞ்ஜதி, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

சதுத்த²ஸிக்கா²பத³ங் நிட்டி²தங்.

631. தேன ஸமயேன பு³த்³தோ⁴ ப⁴க³வா ப⁴க்³கே³ஸு விஹரதி ஸுஸுமாரகி³ரே [ஸுங்ஸுமாரகி³ரே (ஸீ॰ ஸ்யா॰), ஸங்ஸுமாரகி³ரே (க॰)] பே⁴ஸகளாவனே மிக³தா³யே. தேன கோ² பன ஸமயேன பி⁴க்கூ² கோகனதே³ [கோகனுதே³ (க॰)]
பாஸாதே³ ஸாமிஸேன ஹத்தே²ன பானீயதா²லகங் படிக்³க³ண்ஹந்தி. மனுஸ்ஸா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா
ஸாமிஸேன ஹத்தே²ன பானீயதா²லகங் படிக்³க³ஹெஸ்ஸந்தி, ஸெய்யதா²பி கி³ஹீ
காமபோ⁴கி³னோ’’தி! அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங்
கி²ய்யந்தானங் விபாசெந்தானங். யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கூ² ஸாமிஸேன
ஹத்தே²ன பானீயதா²லகங் படிக்³க³ஹெஸ்ஸந்தீ’’தி…பே॰… ஸச்சங் கிர, பி⁴க்க²வே,
பி⁴க்கூ² ஸாமிஸேன ஹத்தே²ன பானீயதா²லகங் படிக்³க³ண்ஹந்தீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தே, பி⁴க்க²வே,
மோக⁴புரிஸா ஸாமிஸேன ஹத்தே²ன பானீயதா²லகங் படிக்³க³ஹெஸ்ஸந்தி! நேதங்,
பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –

‘‘ந ஸாமிஸேன ஹத்தே²ன பானீயதா²லகங் படிக்³க³ஹெஸ்ஸாமீதி ஸிக்கா² கரணீயா’’தி.


ஸாமிஸேன ஹத்தே²ன பானீயதா²லகோ படிக்³க³ஹேதப்³போ³. யோ அனாத³ரியங் படிச்ச
ஸாமிஸேன ஹத்தே²ன பானீயதா²லகங் படிக்³க³ண்ஹாதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா,
அஜானந்தஸ்ஸ, கி³லானஸ்ஸ, ‘‘தோ⁴விஸ்ஸாமீ’’தி வா ‘‘தோ⁴வாபெஸ்ஸாமீ’’தி வா
படிக்³க³ண்ஹாதி, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

பஞ்சமஸிக்கா²பத³ங் நிட்டி²தங்.

632. தேன
ஸமயேன பு³த்³தோ⁴ ப⁴க³வா ப⁴க்³கே³ஸு விஹரதி ஸுஸுமாரகி³ரே பே⁴ஸகளாவனே
மிக³தா³யே. தேன கோ² பன ஸமயேன பி⁴க்கூ² கோகனதே³ பாஸாதே³ ஸஸித்த²கங்
பத்ததோ⁴வனங் அந்தரக⁴ரே ச²ட்³டெ³ந்தி. மனுஸ்ஸா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஸமணா ஸக்யபுத்தியா ஸஸித்த²கங் பத்ததோ⁴வனங்
அந்தரக⁴ரே ச²ட்³டெ³ஸ்ஸந்தி, ஸெய்யதா²பி கி³ஹீ காமபோ⁴கி³னோ’’தி! அஸ்ஸோஸுங்
கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பி⁴க்கூ² ஸஸித்த²கங் பத்ததோ⁴வனங் அந்தரக⁴ரே
ச²ட்³டெ³ஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கூ² ஸஸித்த²கங்
பத்ததோ⁴வனங் அந்தரக⁴ரே ச²ட்³டெ³ந்தீதி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம தே, பி⁴க்க²வே, மோக⁴புரிஸா ஸஸித்த²கங்
பத்ததோ⁴வனங் அந்தரக⁴ரே ச²ட்³டெ³ஸ்ஸந்தி! நேதங், பி⁴க்க²வே, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

‘‘ந ஸஸித்த²கங் பத்ததோ⁴வனங் அந்தரக⁴ரே ச²ட்³டெ³ஸ்ஸாமீதி ஸிக்கா² கரணீயா’’தி.

ந ஸஸித்த²கங் பத்ததோ⁴வனங் அந்தரக⁴ரே ச²ட்³டே³தப்³ப³ங்.
யோ அனாத³ரியங் படிச்ச ஸஸித்த²கங் பத்ததோ⁴வனங் அந்தரக⁴ரே ச²ட்³டே³தி,
ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ,
உத்³த⁴ரித்வா வா பி⁴ந்தி³த்வா வா படிக்³க³ஹே வா நீஹரித்வா வா ச²ட்³டே³தி,
ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

ச²ட்ட²ஸிக்கா²பத³ங் நிட்டி²தங்.

633. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ச²த்தபாணிஸ்ஸ த⁴ம்மங்
தே³ஸெந்தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² ச²த்தபாணிஸ்ஸ
த⁴ம்மங் தே³ஸெஸ்ஸந்தீ’’தி…பே॰… ஸச்சங் கிர தும்ஹே, பி⁴க்க²வே,
ச²த்தபாணிஸ்ஸ த⁴ம்மங் தே³ஸேதா²தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, ச²த்தபாணிஸ்ஸ த⁴ம்மங்
தே³ஸெஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

‘‘ந ச²த்தபாணிஸ்ஸ த⁴ம்மங் தே³ஸெஸ்ஸாமீதி ஸிக்கா² கரணீயா’’தி.

ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.

634. தேன கோ² பன ஸமயேன பி⁴க்கூ² ச²த்தபாணிஸ்ஸ கி³லானஸ்ஸ த⁴ம்மங்
தே³ஸேதுங் குக்குச்சாயந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஸமணா ஸக்யபுத்தியா ச²த்தபாணிஸ்ஸ கி³லானஸ்ஸ த⁴ம்மங் ந
தே³ஸெஸ்ஸந்தீ’’தி! அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங்
கி²ய்யந்தானங் விபாசெந்தானங். அத² கோ² தே பி⁴க்கூ² ப⁴க³வதோ ஏதமத்த²ங்
ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங்
கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, ச²த்தபாணிஸ்ஸ
கி³லானஸ்ஸ த⁴ம்மங் தே³ஸேதுங். ஏவஞ்ச பன , பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

‘‘ந ச²த்தபாணிஸ்ஸ அகி³லானஸ்ஸ த⁴ம்மங் தே³ஸெஸ்ஸாமீதி ஸிக்கா² கரணீயா’’தி.

ச²த்தங் நாம தீணி ச²த்தானி – ஸேதச்ச²த்தங், கிலஞ்ஜச்ச²த்தங், பண்ணச்ச²த்தங் மண்ட³லப³த்³த⁴ங் ஸலாகப³த்³த⁴ங்.

த⁴ம்மோ நாம பு³த்³த⁴பா⁴ஸிதோ ஸாவகபா⁴ஸிதோ இஸிபா⁴ஸிதோ தே³வதாபா⁴ஸிதோ அத்தூ²பஸஞ்ஹிதோ த⁴ம்மூபஸஞ்ஹிதோ.

தே³ஸெய்யாதி பதே³ன தே³ஸேதி, பதே³ பதே³ ஆபத்தி து³க்கடஸ்ஸ. அக்க²ராய தே³ஸேதி, அக்க²ரக்க²ராய
ஆபத்தி து³க்கடஸ்ஸ. ந ச²த்தபாணிஸ்ஸ அகி³லானஸ்ஸ த⁴ம்மோ தே³ஸேதப்³போ³. யோ
அனாத³ரியங் படிச்ச ச²த்தபாணிஸ்ஸ அகி³லானஸ்ஸ த⁴ம்மங் தே³ஸேதி, ஆபத்தி
து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

ஸத்தமஸிக்கா²பத³ங் நிட்டி²தங்.

635. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² த³ண்ட³பாணிஸ்ஸ த⁴ம்மங்
தே³ஸெந்தி…பே॰….

‘‘ந த³ண்ட³பாணிஸ்ஸ அகி³லானஸ்ஸ த⁴ம்மங் தே³ஸெஸ்ஸாமீதி ஸிக்கா² கரணீயா’’தி.

த³ண்டோ³ நாம மஜ்ஜி²மஸ்ஸ புரிஸஸ்ஸ சதுஹத்தோ² த³ண்டோ³. ததோ உக்கட்டோ² அத³ண்டோ³, ஓமகோ அத³ண்டோ³.

ந த³ண்ட³பாணிஸ்ஸ அகி³லானஸ்ஸ த⁴ம்மோ தே³ஸேதப்³போ³. யோ
அனாத³ரியங் படிச்ச த³ண்ட³பாணிஸ்ஸ அகி³லானஸ்ஸ த⁴ம்மங் தே³ஸேதி, ஆபத்தி
து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

அட்ட²மஸிக்கா²பத³ங் நிட்டி²தங்.

636.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஸத்த²பாணிஸ்ஸ த⁴ம்மங்
தே³ஸெந்தி…பே॰….

‘‘ந ஸத்த²பாணிஸ்ஸ அகி³லானஸ்ஸ த⁴ம்மங் தே³ஸெஸ்ஸாமீதி ஸிக்கா² கரணீயா’’தி.

ஸத்த²ங் நாம ஏகதோதா⁴ரங் உப⁴தோதா⁴ரங் பஹரணங்.

ஸத்த²பாணிஸ்ஸ அகி³லானஸ்ஸ த⁴ம்மோ தே³ஸேதப்³போ³. யோ அனாத³ரியங் படிச்ச ஸத்த²பாணிஸ்ஸ அகி³லானஸ்ஸ த⁴ம்மங் தே³ஸேதி, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

நவமஸிக்கா²பத³ங் நிட்டி²தங்.

637.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஆவுத⁴பாணிஸ்ஸ த⁴ம்மங்
தே³ஸெந்தி…பே॰….

‘‘ந ஆவுத⁴பாணிஸ்ஸ அகி³லானஸ்ஸ த⁴ம்மங் தே³ஸெஸ்ஸாமீதி ஸிக்கா² கரணீயா’’தி.

ஆவுத⁴ங் நாம சாபோ கோத³ண்டோ³.

ஆவுத⁴பாணிஸ்ஸ அகி³லானஸ்ஸ த⁴ம்மோ தே³ஸேதப்³போ³. யோ அனாத³ரியங் படிச்ச ஆவுத⁴பாணிஸ்ஸ அகி³லானஸ்ஸ த⁴ம்மங் தே³ஸேதி, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

த³ஸமஸிக்கா²பத³ங் நிட்டி²தங்.

ஸுருஸுருவக்³கோ³ ச²ட்டோ².

7. பாது³கவக்³கோ³

638. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² பாது³காருள்ஹஸ்ஸ த⁴ம்மங்
தே³ஸெந்தி…பே॰….

‘‘ந பாது³காருள்ஹஸ்ஸ அகி³லானஸ்ஸ த⁴ம்மங் தே³ஸெஸ்ஸாமீதி ஸிக்கா² கரணீயா’’தி.

ந பாது³காருள்ஹஸ்ஸ அகி³லானஸ்ஸ த⁴ம்மோ தே³ஸேதப்³போ³. யோ
அனாத³ரியங் படிச்ச அக்கந்தஸ்ஸ வா படிமுக்கஸ்ஸ வா ஓமுக்கஸ்ஸ வா அகி³லானஸ்ஸ
த⁴ம்மங் தே³ஸேதி, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

பட²மஸிக்கா²பத³ங் நிட்டி²தங்.

639.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² உபாஹனாருள்ஹஸ்ஸ த⁴ம்மங்
தே³ஸெந்தி…பே॰….

‘‘ந உபாஹனாருள்ஹஸ்ஸ அகி³லானஸ்ஸ த⁴ம்மங் தே³ஸெஸ்ஸாமீதி ஸிக்கா²கரணீயா’’தி.

ந உபாஹனாருள்ஹஸ்ஸ அகி³லானஸ்ஸ த⁴ம்மோ தே³ஸேதப்³போ³. யோ
அனாத³ரியங் படிச்ச அக்கந்தஸ்ஸ வா படிமுக்கஸ்ஸ வா ஓமுக்கஸ்ஸ வா அகி³லானஸ்ஸ
த⁴ம்மங் தே³ஸேதி, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

து³தியஸிக்கா²பத³ங் நிட்டி²தங்.

640. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² யானக³தஸ்ஸ த⁴ம்மங்
தே³ஸெந்தி…பே॰….

‘‘ந யானக³தஸ்ஸ அகி³லானஸ்ஸ த⁴ம்மங் தே³ஸெஸ்ஸாமீதி ஸிக்கா² கரணீயா’’தி.

யானங் நாம வய்ஹங் ரதோ² ஸகடங் ஸந்த³மானிகா ஸிவிகா பாடங்கீ.

ந யானக³தஸ்ஸ அகி³லானஸ்ஸ த⁴ம்மோ தே³ஸேதப்³போ³. யோ அனாத³ரியங் படிச்ச யானக³தஸ்ஸ அகி³லானஸ்ஸ த⁴ம்மங் தே³ஸேதி, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

ததியஸிக்கா²பத³ங் நிட்டி²தங்.

641. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஸயனக³தஸ்ஸ த⁴ம்மங் தே³ஸெந்தி…பே॰….

‘‘ந ஸயனக³தஸ்ஸ அகி³லானஸ்ஸ த⁴ம்மங் தே³ஸெஸ்ஸாமீதி ஸிக்கா² கரணீயா’’தி.

ந ஸயனக³தஸ்ஸ அகி³லானஸ்ஸ த⁴ம்மோ தே³ஸேதப்³போ³. யோ
அனாத³ரியங் படிச்ச அந்தமஸோ ச²மாயம்பி நிபன்னஸ்ஸ ஸயனக³தஸ்ஸ அகி³லானஸ்ஸ
த⁴ம்மங் தே³ஸேதி, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

சதுத்த²ஸிக்கா²பத³ங் நிட்டி²தங்.

642.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² பல்லத்தி²காய நிஸின்னஸ்ஸ
த⁴ம்மங் தே³ஸெந்தி…பே॰….

‘‘ந பல்லத்தி²காய நிஸின்னஸ்ஸ அகி³லானஸ்ஸ த⁴ம்மங் தே³ஸெஸ்ஸாமீதி ஸிக்கா² கரணீயா’’தி.

பல்லத்தி²காய நிஸின்னஸ்ஸ
அகி³லானஸ்ஸ த⁴ம்மோ தே³ஸேதப்³போ³. யோ அனாத³ரியங் படிச்ச ஹத்த²பல்லத்தி²காய
வா து³ஸ்ஸபல்லத்தி²காய வா நிஸின்னஸ்ஸ அகி³லானஸ்ஸ த⁴ம்மங் தே³ஸேதி, ஆபத்தி
து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

பஞ்சமஸிக்கா²பத³ங் நிட்டி²தங்.

643. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² வேடி²தஸீஸஸ்ஸ த⁴ம்மங்
தே³ஸெந்தி…பே॰….

‘‘ந வேடி²தஸீஸஸ்ஸ அகி³லானஸ்ஸ த⁴ம்மங் தே³ஸெஸ்ஸாமீதி ஸிக்கா² கரணீயா’’தி.

வேடி²தஸீஸோ நாம கேஸந்தங் ந த³ஸ்ஸாபெத்வா வேடி²தோ ஹோதி.

ந வேடி²தஸீஸஸ்ஸ அகி³லானஸ்ஸ த⁴ம்மோ தே³ஸேதப்³போ³. யோ அனாத³ரியங் படிச்ச வேடி²தஸீஸஸ்ஸ அகி³லானஸ்ஸ த⁴ம்மங் தே³ஸேதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, கேஸந்தங் விவராபெத்வா தே³ஸேதி, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

ச²ட்ட²ஸிக்கா²பத³ங் நிட்டி²தங்.

644.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஓகு³ண்டி²தஸீஸஸ்ஸ
த⁴ம்மங் தே³ஸெந்தி…பே॰….

‘‘ந ஓகு³ண்டி²தஸீஸஸ்ஸ அகி³லானஸ்ஸ த⁴ம்மங் தே³ஸெஸ்ஸாமீதி ஸிக்கா² கரணீயா’’தி.

ஓகு³ண்டி²தஸீஸோ நாம ஸஸீஸங் பாருதோ வுச்சதி.

ந ஓகு³ண்டி²தஸீஸஸ்ஸ அகி³லானஸ்ஸ த⁴ம்மோ தே³ஸேதப்³போ³.
யோ அனாத³ரியங் படிச்ச ஓகு³ண்டி²தஸீஸஸ்ஸ அகி³லானஸ்ஸ த⁴ம்மங் தே³ஸேதி, ஆபத்தி
து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, ஸீஸங் விவராபெத்வா தே³ஸேதி, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

ஸத்தமஸிக்கா²பத³ங் நிட்டி²தங்.

645. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ச²மாய நிஸீதி³த்வா ஆஸனே நிஸின்னஸ்ஸ த⁴ம்மங் தே³ஸெந்தி…பே॰….

‘‘ந ச²மாயங் நிஸீதி³த்வா ஆஸனே நிஸின்னஸ்ஸ அகி³லானஸ்ஸ த⁴ம்மங் தே³ஸெஸ்ஸாமீதி ஸிக்கா² கரணீயா’’தி.

ந ச²மாயங் நிஸீதி³த்வா [நிஸின்னேன (அட்ட²கதா²)]
ஆஸனே நிஸின்னஸ்ஸ அகி³லானஸ்ஸ த⁴ம்மோ தே³ஸேதப்³போ³. யோ அனாத³ரியங் படிச்ச
ச²மாயங் நிஸீதி³த்வா ஆஸனே நிஸின்னஸ்ஸ அகி³லானஸ்ஸ த⁴ம்மங் தே³ஸேதி, ஆபத்தி
து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

அட்ட²மஸிக்கா²பத³ங் நிட்டி²தங்.

646.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² நீசே ஆஸனே நிஸீதி³த்வா
உச்சே ஆஸனே நிஸின்னஸ்ஸ த⁴ம்மங் தே³ஸெந்தி. யே தே பி⁴க்கூ² அப்பிச்சா²…பே॰…
தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா
பி⁴க்கூ² நீசே ஆஸனே நிஸீதி³த்வா உச்சே ஆஸனே நிஸின்னஸ்ஸ த⁴ம்மங்
தே³ஸெஸ்ஸந்தீ’’தி…பே॰… ஸச்சங் கிர தும்ஹே, பி⁴க்க²வே, நீசே ஆஸனே
நிஸீதி³த்வா உச்சே ஆஸனே நிஸின்னஸ்ஸ த⁴ம்மங் தே³ஸேதா²தி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே,
மோக⁴புரிஸா, நீசே ஆஸனே நிஸீதி³த்வா உச்சே ஆஸனே நிஸின்னஸ்ஸ த⁴ம்மங்
தே³ஸெஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய…பே॰…
விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி –

647. ‘‘பூ⁴தபுப்³ப³ங் , பி⁴க்க²வே, பா³ராணஸியங் அஞ்ஞதரஸ்ஸ ச²பகஸ்ஸ [ச²வகஸ்ஸ (ஸ்யா॰)]
பஜாபதி க³ப்³பி⁴னீ அஹோஸி. அத² கோ², பி⁴க்க²வே, ஸா ச²பகீ தங் ச²பகங்
ஏதத³வோச – ‘க³ப்³பி⁴னீம்ஹி, அய்யபுத்த! இச்சா²மி அம்ப³ங் கா²தி³து’ந்தி.
‘நத்தி² அம்ப³ங் [அம்போ³ (ஸ்யா॰)], அகாலோ
அம்ப³ஸ்ஸா’தி. ‘ஸசே ந லபி⁴ஸ்ஸாமி மரிஸ்ஸாமீ’தி. தேன கோ² பன ஸமயேன, ரஞ்ஞோ
அம்போ³ து⁴வப²லோ ஹோதி. அத² கோ², பி⁴க்க²வே, ஸோ ச²பகோ யேன ஸோ அம்போ³
தேனுபஸங்கமி; உபஸங்கமித்வா தங் அம்ப³ங் அபி⁴ருஹித்வா நிலீனோ அச்சி² .
அத² கோ², பி⁴க்க²வே, ராஜா புரோஹிதேன ப்³ராஹ்மணேன ஸத்³தி⁴ங் யேன ஸோ அம்போ³
தேனுபஸங்கமி; உபஸங்கமித்வா உச்சே ஆஸனே நிஸீதி³த்வா மந்தங் பரியாபுணாதி . அத² கோ², பி⁴க்க²வே ,
தஸ்ஸ ச²பகஸ்ஸ ஏதத³ஹோஸி – ‘யாவ அத⁴ம்மிகோ அயங் ராஜா, யத்ர ஹி நாம உச்சே
ஆஸனே நிஸீதி³த்வா மந்தங் பரியாபுணிஸ்ஸதி. அயஞ்ச ப்³ராஹ்மணோ அத⁴ம்மிகோ, யத்ர
ஹி நாம நீசே ஆஸனே நிஸீதி³த்வா உச்சே ஆஸனே நிஸின்னஸ்ஸ மந்தங் வாசெஸ்ஸதி.
அஹஞ்சம்ஹி அத⁴ம்மிகோ, யோஹங் இத்தி²யா காரணா ரஞ்ஞோ அம்ப³ங் அவஹராமி.
ஸப்³ப³மித³ங் சரிமங் கத’ந்தி தத்தே²வ பரிபதி.

[இமா கா³தா²யோ ஜா॰ 1.4.33-35 ஜாதகே அஞ்ஞதா² தி³ஸ்ஸந்தி] ‘‘உபோ⁴ அத்த²ங் ந ஜானந்தி, உபோ⁴ த⁴ம்மங் ந பஸ்ஸரே;

யோ சாயங் மந்தங் வாசேதி, யோ சாத⁴ம்மேனதீ⁴யதி.

‘‘ஸாலீனங் ஓத³னோ பு⁴த்தோ, ஸுசிமங்ஸூபஸேசனோ;

தஸ்மா த⁴ம்மே ந வத்தாமி, த⁴ம்மோ அரியேபி⁴ வண்ணிதோ.

‘‘தி⁴ரத்து² தங் த⁴னலாப⁴ங், யஸலாப⁴ஞ்ச ப்³ராஹ்மண;

யா வுத்தி வினிபாதேன, அத⁴ம்மசரணேன வா.

‘‘பரிப்³ப³ஜ மஹாப்³ரஹ்மே, பசந்தஞ்ஞேபி பாணினோ;

மா த்வங் அத⁴ம்மோ ஆசரிதோ, அஸ்மா கும்ப⁴மிவாபி⁴தா³’’தி.

‘‘ததா³பி மே, பி⁴க்க²வே, அமனாபா நீசே ஆஸனே நிஸீதி³த்வா
உச்சே ஆஸனே நிஸின்னஸ்ஸ மந்தங் வாசேதுங், கிமங்க³ பன ஏதரஹி ந அமனாபா
ப⁴விஸ்ஸதி நீசே ஆஸனே நிஸீதி³த்வா உச்சே ஆஸனே நிஸின்னஸ்ஸ த⁴ம்மங் தே³ஸேதுங்.
நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
இமங் ஸிக்கா²பத³ங் உத்³தி³ஸெய்யாத² –

‘‘ந நீசே ஆஸனே நிஸீதி³த்வா உச்சே ஆஸனே நிஸின்னஸ்ஸ அகி³லானஸ்ஸ த⁴ம்மங் தே³ஸெஸ்ஸாமீதி ஸிக்கா² கரணீயா’’தி.

ந நீசே ஆஸனே நிஸீதி³த்வா உச்சே ஆஸனே நிஸின்னஸ்ஸ
அகி³லானஸ்ஸ த⁴ம்மோ தே³ஸேதப்³போ³. யோ அனாத³ரியங் படிச்ச நீசே ஆஸனே
நிஸீதி³த்வா உச்சே ஆஸனே நிஸின்னஸ்ஸ அகி³லானஸ்ஸ த⁴ம்மங் தே³ஸேதி, ஆபத்தி
து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

நவமஸிக்கா²பத³ங் நிட்டி²தங்.

648.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² டி²தா நிஸின்னஸ்ஸ
த⁴ம்மங் தே³ஸெந்தி…பே॰….

‘‘ந டி²தோ நிஸின்னஸ்ஸ அகி³லானஸ்ஸ த⁴ம்மங் தே³ஸெஸ்ஸாமீதி ஸிக்கா² கரணீயா’’தி.

டி²தேன நிஸின்னஸ்ஸ
அகி³லானஸ்ஸ த⁴ம்மோ தே³ஸேதப்³போ³. யோ அனாத³ரியங் படிச்ச டி²தோ நிஸின்னஸ்ஸ
அகி³லானஸ்ஸ த⁴ம்மங் தே³ஸேதி, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

த³ஸமஸிக்கா²பத³ங் நிட்டி²தங்.

649. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² பச்ச²தோ க³ச்ச²ந்தா
புரதோ க³ச்ச²ந்தஸ்ஸ த⁴ம்மங் தே³ஸெந்தி…பே॰….

‘‘ந பச்ச²தோ க³ச்ச²ந்தோ புரதோ க³ச்ச²ந்தஸ்ஸ அகி³லானஸ்ஸ த⁴ம்மங் தே³ஸெஸ்ஸாமீதி ஸிக்கா² கரணீயா’’தி.

ந பச்ச²தோ க³ச்ச²ந்தேன புரதோ க³ச்ச²ந்தஸ்ஸ அகி³லானஸ்ஸ
த⁴ம்மோ தே³ஸேதப்³போ³. யோ அனாத³ரியங் படிச்ச பச்ச²தோ க³ச்ச²ந்தோ புரதோ
க³ச்ச²ந்தஸ்ஸ அகி³லானஸ்ஸ த⁴ம்மங் தே³ஸேதி, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

ஏகாத³ஸமஸிக்கா²பத³ங் நிட்டி²தங்.

650. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² உப்பதே²ன க³ச்ச²ந்தா
பதே²ன க³ச்ச²ந்தஸ்ஸ த⁴ம்மங் தே³ஸெந்தி…பே॰….

‘‘ந உப்பதே²ன க³ச்ச²ந்தோ பதே²ன க³ச்ச²ந்தஸ்ஸ அகி³லானஸ்ஸ த⁴ம்மங் தே³ஸெஸ்ஸாமீதி ஸிக்கா² கரணீயா’’தி.

ந உப்பதே²ன க³ச்ச²ந்தேன பதே²ன க³ச்ச²ந்தஸ்ஸ அகி³லானஸ்ஸ
த⁴ம்மோ தே³ஸேதப்³போ³. யோ அனாத³ரியங் படிச்ச உப்பதே²ன க³ச்ச²ந்தோ பதே²ன
க³ச்ச²ந்தஸ்ஸ அகி³லானஸ்ஸ த⁴ம்மங் தே³ஸேதி, ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

த்³வாத³ஸமஸிக்கா²பத³ங் நிட்டி²தங்.

651. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² டி²தா உச்சாரம்பி
பஸ்ஸாவம்பி கரொந்தி…பே॰….

‘‘ந டி²தோ அகி³லானோ உச்சாரங் வா பஸ்ஸாவங் வா கரிஸ்ஸாமீதி ஸிக்கா² கரணீயா’’தி.

ந டி²தேன அகி³லானேன உச்சாரோ வா பஸ்ஸாவோ வா காதப்³போ³.
யோ அனாத³ரியங் படிச்ச டி²தோ அகி³லானோ உச்சாரங் வா பஸ்ஸாவங் வா கரோதி,
ஆபத்தி து³க்கடஸ்ஸ.

அனாபத்தி அஸஞ்சிச்ச…பே॰… ஆதி³கம்மிகஸ்ஸாதி.

தேரஸமஸிக்கா²பத³ங் நிட்டி²தங்.

652.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஹரிதே உச்சாரம்பி
பஸ்ஸாவம்பி கே²ளம்பி கரொந்தி…பே॰….

‘‘ந ஹரிதே அகி³லானோ உச்சாரங் வா பஸ்ஸாவங் வா கே²ளங் வா கரிஸ்ஸாமீதி ஸிக்கா² கரணீயா’’தி.

ந ஹரிதே அகி³லானேன உச்சாரோ வா பஸ்ஸாவோ வா கே²ளோ வா
காதப்³போ³. யோ அனாத³ரியங் படிச்ச ஹரிதே அகி³லானோ உச்சாரங் வா பஸ்ஸாவங் வா
கே²ளங் வா கரோதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ, அப்பஹரிதே கதோ ஹரிதங் ஒத்த²ரதி, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

சுத்³த³ஸமஸிக்கா²பத³ங் நிட்டி²தங்.

653.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² உத³கே உச்சாரம்பி
பஸ்ஸாவம்பி கே²ளம்பி கரொந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா உத³கே உச்சாரம்பி பஸ்ஸாவம்பி கே²ளம்பி கரிஸ்ஸந்தி, ஸெய்யதா²பி கி³ஹீ காமபோ⁴கி³னோ’’தி! அஸ்ஸோஸுங்
கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² உத³கே உச்சாரம்பி
பஸ்ஸாவம்பி கே²ளம்பி கரிஸ்ஸந்தீ’’தி…பே॰… ஸச்சங் கிர தும்ஹே, பி⁴க்க²வே,
உத³கே உச்சாரம்பி பஸ்ஸாவம்பி கே²ளம்பி கரோதா²தி? ‘‘ஸச்சங், ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, உத³கே
உச்சாரம்பி பஸ்ஸாவம்பி கே²ளம்பி கரிஸ்ஸத²! நேதங், மோக⁴புரிஸா, அப்பஸன்னானங்
வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

‘‘ந உத³கே உச்சாரங் வா பஸ்ஸாவங் வா கே²ளங் வா கரிஸ்ஸாமீதி ஸிக்கா² கரணீயா’’தி.

ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.

654. தேன கோ² பன ஸமயேன கி³லானா பி⁴க்கூ² உத³கே உச்சாரம்பி பஸ்ஸாவம்பி
கே²ளம்பி காதுங் குக்குச்சாயந்தி. ப⁴க³வதோ ஏதமத்த²ங் ஆரோசேஸுங். அத² கோ²
ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ²
ஆமந்தேஸி – ‘‘அனுஜானாமி, பி⁴க்க²வே, கி³லானேன பி⁴க்கு²னா உத³கே உச்சாரம்பி பஸ்ஸாவம்பி கே²ளம்பி காதுங். ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

‘‘ந உத³கே அகி³லானோ உச்சாரங் வா பஸ்ஸாவங் வா கே²ளங் வா கரிஸ்ஸாமீதி ஸிக்கா² கரணீயா’’தி.

ந உத³கே அகி³லானேன உச்சாரோ வா பஸ்ஸாவோ வா கே²ளோ வா
காதப்³போ³. யோ அனாத³ரியங் படிச்ச உத³கே அகி³லானோ உச்சாரங் வா பஸ்ஸாவங் வா
கே²ளங் வா கரோதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, கி³லானஸ்ஸ,
த²லே கதோ உத³கங் ஒத்த²ரதி, ஆபதா³ஸு, உம்மத்தகஸ்ஸ, கி²த்தசித்தஸ்ஸ,
வேத³னாட்டஸ்ஸ, ஆதி³கம்மிகஸ்ஸாதி.

பன்னரஸமஸிக்கா²பத³ங் நிட்டி²தங்.

பாது³கவக்³கோ³ ஸத்தமோ.

உத்³தி³ட்டா² கோ², ஆயஸ்மந்தோ,
ஸேகி²யா த⁴ம்மா. தத்தா²யஸ்மந்தே புச்சா²மி – ‘‘கச்சித்த² பரிஸுத்³தா⁴’’?
து³தியம்பி புச்சா²மி – ‘‘கச்சித்த² பரிஸுத்³தா⁴’’? ததியம்பி புச்சா²மி –
‘‘கச்சித்த² பரிஸுத்³தா⁴’’? பரிஸுத்³தெ⁴த்தா²யஸ்மந்தோ, தஸ்மா துண்ஹீ,
ஏவமேதங் தா⁴ரயாமீதி.

ஸேகி²யா நிட்டி²தா.

ஸேகி²யகண்ட³ங் நிட்டி²தங்.

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

வினயபிடகே

பாசித்தியபாளி


8. அதிகரணஸமதா

இமே கோ பனாயஸ்மந்தோ ஸத்த அதிகரணஸமதா

தம்மா உத்தேஸங் ஆகச்சந்தி.

655. உப்பன்னுப்பன்னானங்
அதி⁴கரணானங் ஸமதா²ய வூபஸமாய ஸம்முகா²வினயோ தா³தப்³போ³, ஸதிவினயோ
தா³தப்³போ³, அமூள்ஹவினயோ தா³தப்³போ³, படிஞ்ஞாய காரேதப்³ப³ங், யேபு⁴ய்யஸிகா,
தஸ்ஸபாபியஸிகா, திணவத்தா²ரகோதி.

உத்³தி³ட்டா² கோ², ஆயஸ்மந்தோ, ஸத்த அதி⁴கரணஸமதா²
த⁴ம்மா. தத்தா²யஸ்மந்தே புச்சா²மி – ‘‘கச்சித்த² பரிஸுத்³தா⁴’’? து³தியம்பி
புச்சா²மி – ‘‘கச்சித்த² பரிஸுத்³தா⁴’’? ததியம்பி புச்சா²மி – ‘‘கச்சித்த²
பரிஸுத்³தா⁴’’? பரிஸுத்³தெ⁴த்தா²யஸ்மந்தோ, தஸ்மா துண்ஹீ, ஏவமேதங்
தா⁴ரயாமீதி.

அதி⁴கரணஸமதா² நிட்டி²தா.

உத்³தி³ட்ட²ங் கோ², ஆயஸ்மந்தோ, நிதா³னங்; உத்³தி³ட்டா²
சத்தாரோ பாராஜிகா த⁴ம்மா; உத்³தி³ட்டா² தேரஸ ஸங்கா⁴தி³ஸேஸா த⁴ம்மா;
உத்³தி³ட்டா² த்³வே அனியதா த⁴ம்மா; உத்³தி³ட்டா² திங்ஸ நிஸ்ஸக்³கி³யா
பாசித்தியா த⁴ம்மா; உத்³தி³ட்டா² த்³வேனவுதி பாசித்தியா த⁴ம்மா;
உத்³தி³ட்டா² சத்தாரோ பாடிதே³ஸனீயா த⁴ம்மா; உத்³தி³ட்டா² ஸேகி²யா த⁴ம்மா;
உத்³தி³ட்டா² ஸத்த அதி⁴கரணஸமதா² த⁴ம்மா. எத்தகங் தஸ்ஸ ப⁴க³வதோ ஸுத்தாக³தங்
ஸுத்தபரியாபன்னங் அன்வத்³த⁴மாஸங் உத்³தே³ஸங் ஆக³ச்ச²தி. தத்த² ஸப்³பே³ஹேவ
ஸமக்³கே³ஹி ஸம்மோத³மானேஹி அவிவத³மானேஹி ஸிக்கி²தப்³ப³ந்தி.

மஹாவிப⁴ங்கோ³ நிட்டி²தோ.

நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ

பி⁴க்கு²னீவிப⁴ங்கோ³

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

வினயபிடகே

பாசித்தியபாளி


1. பாராஜிககண்டங் (பிக்குனீவிபங்கோ)

1. படமபாராஜிகங்

656. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஸாள்ஹோ மிகா³ரனத்தா பி⁴க்கு²னிஸங்க⁴ஸ்ஸ விஹாரங்
கத்துகாமோ ஹோதி. அத² கோ² ஸாள்ஹோ மிகா³ரனத்தா பி⁴க்கு²னியோ உபஸங்கமித்வா
ஏதத³வோச – ‘‘இச்சா²மஹங், அய்யே, பி⁴க்கு²னிஸங்க⁴ஸ்ஸ விஹாரங் காதுங். தே³த²
மே நவகம்மிகங் பி⁴க்கு²னி’’ந்தி. தேன கோ² பன ஸமயேன சதஸ்ஸோ ப⁴கி³னியோ
பி⁴க்கு²னீஸு பப்³ப³ஜிதா ஹொந்தி – நந்தா³, நந்த³வதீ, ஸுந்த³ரீனந்தா³,
து²ல்லனந்தா³தி. தாஸு ஸுந்த³ரீனந்தா³ பி⁴க்கு²னீ தருணபப்³ப³ஜிதா அபி⁴ரூபா
ஹோதி த³ஸ்ஸனீயா பாஸாதி³கா பண்டி³தா ப்³யத்தா மேதா⁴வினீ த³க்கா² அனலஸா,
தத்ருபாயாய வீமங்ஸாய ஸமன்னாக³தா, அலங் காதுங் அலங் ஸங்விதா⁴துங். அத² கோ²
பி⁴க்கு²னிஸங்கோ⁴ ஸுந்த³ரீனந்த³ங் பி⁴க்கு²னிங் ஸம்மன்னித்வா ஸாள்ஹஸ்ஸ
மிகா³ரனத்துனோ நவகம்மிகங் அதா³ஸி. தேன கோ² பன ஸமயேன ஸுந்த³ரீனந்தா³
பி⁴க்கு²னீ ஸாள்ஹஸ்ஸ மிகா³ரனத்துனோ நிவேஸனங் அபி⁴க்க²ணங் க³ச்ச²தி – ‘‘வாஸிங் தே³த², பரஸுங் [ப²ரஸுங் (ஸ்யா॰ க॰)] தே³த², குடா²ரிங் [குதா⁴ரிங் (க॰)] தே³த², குத்³தா³லங் தே³த², நிகா²த³னங் தே³தா²’’தி. ஸாள்ஹோபி மிகா³ரனத்தா பி⁴க்கு²னுபஸ்ஸயங் அபி⁴க்க²ணங் க³ச்ச²தி கதாகதங் ஜானிதுங். தே அபி⁴ண்ஹத³ஸ்ஸனேன படிப³த்³த⁴சித்தா அஹேஸுங்.

அத² கோ² ஸாள்ஹோ மிகா³ரனத்தா ஸுந்த³ரீனந்த³ங்
பி⁴க்கு²னிங் தூ³ஸேதுங் ஓகாஸங் அலப⁴மானோ ஏததே³வத்தா²ய பி⁴க்கு²னிஸங்க⁴ஸ்ஸ
ப⁴த்தங் அகாஸி. அத² கோ² ஸாள்ஹோ மிகா³ரனத்தா ப⁴த்தக்³கே³ ஆஸனங் பஞ்ஞபெந்தோ –
‘‘எத்தகா பி⁴க்கு²னியோ அய்யாய ஸுந்த³ரீனந்தா³ய வுட்³ட⁴தரா’’தி ஏகமந்தங்
ஆஸனங் பஞ்ஞபேஸி ‘‘எத்தகா நவகதரா’’தி – ஏகமந்தங் ஆஸனங் பஞ்ஞபேஸி.
படிச்ச²ன்னே ஓகாஸே நிகூடே ஸுந்த³ரீனந்தா³ய பி⁴க்கு²னியா
ஆஸனங் பஞ்ஞபேஸி, யதா² தே²ரா பி⁴க்கு²னியோ ஜானெய்யுங் – ‘‘நவகானங்
பி⁴க்கு²னீனங் ஸந்திகே நிஸின்னா’’தி; நவகாபி பி⁴க்கு²னியோ ஜானெய்யுங் –
‘‘தே²ரானங் பி⁴க்கு²னீனங் ஸந்திகே நிஸின்னா’’தி. அத² கோ² ஸாள்ஹோ
மிகா³ரனத்தா பி⁴க்கு²னிஸங்க⁴ஸ்ஸ காலங் ஆரோசாபேஸி – ‘‘காலோ, அய்யே,
நிட்டி²தங் ப⁴த்த’’ந்தி. ஸுந்த³ரீனந்தா³ பி⁴க்கு²னீ ஸல்லக்கெ²த்வா – ‘‘ந
ப³ஹுகதோ ஸாள்ஹோ மிகா³ரனத்தா பி⁴க்கு²னிஸங்க⁴ஸ்ஸ ப⁴த்தங் அகாஸி; மங் ஸோ
தூ³ஸேதுகாமோ. ஸசாஹங் க³மிஸ்ஸாமி விஸ்ஸரோ மே ப⁴விஸ்ஸதீ’’தி, அந்தேவாஸினிங்
பி⁴க்கு²னிங் ஆணாபேஸி – ‘‘க³ச்ச² மே பிண்ட³பாதங் நீஹர. யோ சே மங் புச்ச²தி,
‘கி³லானா’தி படிவேதே³ஹீ’’தி. ‘‘ஏவங், அய்யே’’தி கோ² ஸா பி⁴க்கு²னீ
ஸுந்த³ரீனந்தா³ய பி⁴க்கு²னியா பச்சஸ்ஸோஸி.

தேன கோ² பன ஸமயேன ஸாள்ஹோ மிகா³ரனத்தா
ப³ஹித்³வாரகொட்ட²கே டி²தோ ஹோதி ஸுந்த³ரீனந்த³ங் பி⁴க்கு²னிங் படிபுச்ச²ந்தோ
– ‘‘கஹங், அய்யே, அய்யா ஸுந்த³ரீனந்தா³? கஹங், அய்யே, அய்யா
ஸுந்த³ரீனந்தா³’’தி? ஏவங் வுத்தே ஸுந்த³ரீனந்தா³ய
பி⁴க்கு²னியா அந்தேவாஸினீ பி⁴க்கு²னீ ஸாள்ஹங் மிகா³ரனத்தாரங் ஏதத³வோச –
‘‘கி³லானாவுஸோ; பிண்ட³பாதங் நீஹரிஸ்ஸாமீ’’தி. அத² கோ² ஸாள்ஹோ மிகா³ரனத்தா –
‘‘யம்பாஹங் அத்தா²ய [யங்பாஹங் (ஸ்யா॰)]
பி⁴க்கு²னிஸங்க⁴ஸ்ஸ ப⁴த்தங் அகாஸிங் அய்யாய ஸுந்த³ரீனந்தா³ய காரணா’’தி
மனுஸ்ஸே ஆணாபெத்வா – ‘‘பி⁴க்கு²னிஸங்க⁴ங் ப⁴த்தேன பரிவிஸதா²’’தி வத்வா யேன
பி⁴க்கு²னுபஸ்ஸயோ தேனுபஸங்கமி. தேன கோ² பன ஸமயேன ஸுந்த³ரீனந்தா³ பி⁴க்கு²னீ
ப³ஹாராமகொட்ட²கே டி²தா ஹோதி ஸாள்ஹங் மிகா³ரனத்தாரங் பதிமானெந்தீ. அத்³த³ஸா
கோ² ஸுந்த³ரீனந்தா³ பி⁴க்கு²னீ ஸாள்ஹங் மிகா³ரனத்தாரங் தூ³ரதோவ
ஆக³ச்ச²ந்தங். தி³ஸ்வான உபஸ்ஸயங் பவிஸித்வா ஸஸீஸங் பாருபித்வா மஞ்சகே
நிபஜ்ஜி. அத² கோ² ஸாள்ஹோ மிகா³ரனத்தா யேன ஸுந்த³ரீனந்தா³ பி⁴க்கு²னீ
தேனுபஸங்கமி; உபஸங்கமித்வா ஸுந்த³ரீனந்த³ங் பி⁴க்கு²னிங் ஏதத³வோச – ‘‘கிங்
தே, அய்யே, அபா²ஸு, கிஸ்ஸ நிபன்னாஸீ’’தி? ‘‘ஏவஞ்ஹேதங், ஆவுஸோ, ஹோதி யா
அனிச்ச²ந்தங் இச்ச²தீ’’தி. ‘‘க்யாஹங் தங், அய்யே , ந
இச்சி²ஸ்ஸாமி? அபி சாஹங் ஓகாஸங் ந லபா⁴மி தங் தூ³ஸேது’’ந்தி. அவஸ்ஸுதோ
அவஸ்ஸுதாய ஸுந்த³ரீனந்தா³ய பி⁴க்கு²னியா காயஸங்ஸக்³க³ங் ஸமாபஜ்ஜி.

தேன கோ² பன ஸமயேன அஞ்ஞதரா பி⁴க்கு²னீ ஜராது³ப்³ப³லா
சரணகி³லானா ஸுந்த³ரீனந்தா³ய பி⁴க்கு²னியா அவிதூ³ரே நிபன்னா ஹோதி. அத்³த³ஸா
கோ² ஸா பி⁴க்கு²னீ ஸாள்ஹங் மிகா³ரனத்தாரங் அவஸ்ஸுதங் அவஸ்ஸுதாய ஸுந்த³ரீனந்தா³ய பி⁴க்கு²னியா காயஸங்ஸக்³க³ங்
ஸமாபஜ்ஜந்தங். தி³ஸ்வான உஜ்ஜா²யதி கி²ய்யதி விபாசேதி – ‘‘கத²ஞ்ஹி நாம
அய்யா ஸுந்த³ரீனந்தா³ அவஸ்ஸுதா அவஸ்ஸுதஸ்ஸ புரிஸபுக்³க³லஸ்ஸ காயஸங்ஸக்³க³ங்
ஸாதி³யிஸ்ஸதீ’’தி ! அத² கோ² ஸா பி⁴க்கு²னீ
பி⁴க்கு²னீனங் ஏதமத்த²ங் ஆரோசேஸி. யா தா பி⁴க்கு²னியோ அப்பிச்சா²
ஸந்துட்டா² லஜ்ஜினியோ குக்குச்சிகா ஸிக்கா²காமா தா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம அய்யா ஸுந்த³ரீனந்தா³ அவஸ்ஸுதா அவஸ்ஸுதஸ்ஸ
புரிஸபுக்³க³லஸ்ஸ காயஸங்ஸக்³க³ங் ஸாதி³யிஸ்ஸதீ’’தி! அத² கோ² தா
பி⁴க்கு²னியோ பி⁴க்கூ²னங் ஏதமத்த²ங் ஆரோசேஸுங். யே தே பி⁴க்கூ² அப்பிச்சா²
ஸந்துட்டா² லஜ்ஜினோ குக்குச்சகா ஸிக்கா²காமா தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஸுந்த³ரீனந்தா³ பி⁴க்கு²னீ அவஸ்ஸுதா அவஸ்ஸுதஸ்ஸ
புரிஸபுக்³க³லஸ்ஸ காயஸங்ஸக்³க³ங் ஸாதி³யிஸ்ஸதீ’’தி!

அத² கோ² தே பி⁴க்கூ² ஸுந்த³ரீனந்த³ங் பி⁴க்கு²னிங்
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா
ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங் ஸன்னிபாதாபெத்வா பி⁴க்கூ²
படிபுச்சி² – ‘‘ஸச்சங் கிர, பி⁴க்க²வே, ஸுந்த³ரீனந்தா³ பி⁴க்கு²னீ
அவஸ்ஸுதா அவஸ்ஸுதஸ்ஸ புரிஸபுக்³க³லஸ்ஸ காயஸங்ஸக்³க³ங் ஸாதி³யதீ’’தி [ஸாதி³யீதி (க॰)]?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா – ‘‘அனநுச்ச²விகங்,
பி⁴க்க²வே, ஸுந்த³ரீனந்தா³ய பி⁴க்கு²னியா அனநுலோமிகங் அப்பதிரூபங்
அஸ்ஸாமணகங் அகப்பியங் அகரணீயங். கத²ஞ்ஹி நாம, பி⁴க்க²வே, ஸுந்த³ரீனந்தா³
பி⁴க்கு²னீ அவஸ்ஸுதா அவஸ்ஸுதஸ்ஸ புரிஸபுக்³க³லஸ்ஸ காயஸங்ஸக்³க³ங்
ஸாதி³யிஸ்ஸதி! நேதங், பி⁴க்க²வே, அப்பஸன்னானங் வா பஸாதா³ய பஸன்னானங் வா
பி⁴ய்யோபா⁴வாய. அத² க்²வேதங், பி⁴க்க²வே ,
அப்பஸன்னானஞ்சேவ அப்பஸாதா³ய பஸன்னானஞ்ச ஏகச்சானங் அஞ்ஞத²த்தாயா’’தி. அத²
கோ² ப⁴க³வா ஸுந்த³ரீனந்த³ங் பி⁴க்கு²னிங் அனேகபரியாயேன விக³ரஹித்வா
து³ப்³ப⁴ரதாய து³ப்போஸதாய மஹிச்ச²தாய அஸந்துட்டி²தாய [அஸந்துட்ட²தாய (ஸ்யா॰), அஸந்துட்டி²யா (க॰)] ஸங்க³ணிகாய கோஸஜ்ஜஸ்ஸ அவண்ணங் பா⁴ஸித்வா, அனேகபரியாயேன ஸுப⁴ரதாய ஸுபோஸதாய அப்பிச்ச²ஸ்ஸ ஸந்துட்ட²ஸ்ஸ [ஸந்துட்டி²யா (க॰)]
ஸல்லேக²ஸ்ஸ து⁴தஸ்ஸ பாஸாதி³கஸ்ஸ அபசயஸ்ஸ வீரியாரம்ப⁴ஸ்ஸ வண்ணங் பா⁴ஸித்வா,
பி⁴க்கூ²னங் தத³னுச்ச²விகங் தத³னுலோமிகங் த⁴ம்மிங் கத²ங் கத்வா பி⁴க்கூ²
ஆமந்தேஸி – ‘‘தேன ஹி, பி⁴க்க²வே, பி⁴க்கு²னீனங் ஸிக்கா²பத³ங் பஞ்ஞபெஸ்ஸாமி
த³ஸ அத்த²வஸே படிச்ச – ஸங்க⁴ஸுட்டு²தாய, ஸங்க⁴பா²ஸுதாய, து³ம்மங்கூனங் பி⁴க்கு²னீனங் நிக்³க³ஹாய ,
பேஸலானங் பி⁴க்கு²னீனங் பா²ஸுவிஹாராய, தி³ட்ட²த⁴ம்மிகானங் ஆஸவானங்
ஸங்வராய, ஸம்பராயிகானங் ஆஸவானங் படிகா⁴தாய, அப்பஸன்னானங் பஸாதா³ய,
பஸன்னானங் பி⁴ய்யோபா⁴வாய, ஸத்³த⁴ம்மட்டி²தியா வினயானுக்³க³ஹாய. ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

657. ‘‘யா
பன பி⁴க்கு²னீ அவஸ்ஸுதா அவஸ்ஸுதஸ்ஸ புரிஸபுக்³க³லஸ்ஸ அத⁴க்க²கங்
உப்³ப⁴ஜாணுமண்ட³லங் ஆமஸனங் வா பராமஸனங் வா க³ஹணங் வா சு²பனங் வா படிபீளனங்
வா ஸாதி³யெய்ய, அயம்பி பாராஜிகா ஹோதி அஸங்வாஸா உப்³ப⁴ஜாணுமண்ட³லிகா’’
தி.

658. யா பனாதி
யா யாதி³ஸா யதா²யுத்தா யதா²ஜச்சா யதா²னாமா யதா²கொ³த்தா யதா²ஸீலா
யதா²விஹாரினீ யதா²கோ³சரா தே²ரா வா நவா வா மஜ்ஜி²மா வா, ஏஸா வுச்சதி யா
பனாதி.

பி⁴க்கு²னீதி பி⁴க்கி²காதி பி⁴க்கு²னீ; பி⁴க்கா²சரியங் அஜ்ஜு²பக³தாதி பி⁴க்கு²னீ; பி⁴ன்னபடத⁴ராதி பி⁴க்கு²னீ ;
ஸமஞ்ஞாய பி⁴க்கு²னீ; படிஞ்ஞாய பி⁴க்கு²னீ; ஏஹி பி⁴க்கு²னீதி பி⁴க்கு²னீ;
தீஹி ஸரணக³மனேஹி உபஸம்பன்னாதி பி⁴க்கு²னீ; ப⁴த்³ரா பி⁴க்கு²னீ; ஸாரா
பி⁴க்கு²னீ; ஸேகா² பி⁴க்கு²னீ; அஸேகா² பி⁴க்கு²னீ; ஸமக்³கே³ன உப⁴தோஸங்கே⁴ன
ஞத்திசதுத்தே²ன கம்மேன அகுப்பேன டா²னாரஹேன உபஸம்பன்னாதி பி⁴க்கு²னீ. தத்ர
யாயங் பி⁴க்கு²னீ ஸமக்³கே³ன உப⁴தோஸங்கே⁴ன ஞத்திசதுத்தே²ன கம்மேன அகுப்பேன
டா²னாரஹேன உபஸம்பன்னா, அயங் இமஸ்மிங் அத்தே² அதி⁴ப்பேதா பி⁴க்கு²னீதி.

அவஸ்ஸுதா நாம ஸாரத்தா அபெக்க²வதீ படிப³த்³த⁴சித்தா.

அவஸ்ஸுதோ நாம ஸாரத்தோ அபெக்க²வா படிப³த்³த⁴சித்தோ.

புரிஸபுக்³க³லோ நாம மனுஸ்ஸபுரிஸோ ந யக்கோ² ந பேதோ ந திரச்சா²னக³தோ விஞ்ஞூ படிப³லோ காயஸங்ஸக்³க³ங் ஸமாபஜ்ஜிதுங்.

அத⁴க்க²கந்தி ஹெட்ட²க்க²கங்.

உப்³ப⁴ஜாணுமண்ட³லந்தி உபரிஜாணுமண்ட³லங்.

ஆமஸனங் நாம ஆமட்ட²மத்தங்.

பராமஸனங் நாம இதோசிதோ ச ஸஞ்சோபனங்.

க³ஹணங் நாம க³ஹிதமத்தங்.

சு²பனங் நாம பு²ட்ட²மத்தங்.

படிபீளனங் வா ஸாதி³யெய்யாதி அங்க³ங் க³ஹெத்வா நிப்பீளனங் ஸாதி³யதி.

அயம்பீதி புரிமாயோ உபாதா³ய வுச்சதி.

பாராஜிகா ஹோதீதி ஸெய்யதா²பி
நாம புரிஸோ ஸீஸச்சி²ன்னோ அப⁴ப்³போ³ தேன ஸரீரப³ந்த⁴னேன ஜீவிதுங், ஏவமேவ
பி⁴க்கு²னீ அவஸ்ஸுதா அவஸ்ஸுதஸ்ஸ புரிஸபுக்³க³லஸ்ஸ அத⁴க்க²கங்
உப்³ப⁴ஜாணுமண்ட³லங் ஆமஸனங் வா பராமஸனங் வா க³ஹணங் வா சு²பனங் வா படிபீளனங் வா ஸாதி³யந்தீ அஸ்ஸமணீ ஹோதி அஸக்யதீ⁴தா. தேன வுச்சதி பாராஜிகா ஹோதீதி.

அஸங்வாஸாதி ஸங்வாஸோ நாம ஏககம்மங் ஏகுத்³தே³ஸோ ஸமஸிக்க²தா, ஏஸோ ஸங்வாஸோ நாம. ஸோ தாய ஸத்³தி⁴ங் நத்தி², தேன வுச்சதி அஸங்வாஸாதி.

659.
உப⁴தோஅவஸ்ஸுதே அத⁴க்க²கங் உப்³ப⁴ஜாணுமண்ட³லங் காயேன காயங் ஆமஸதி, ஆபத்தி
பாராஜிகஸ்ஸ. காயேன காயபடிப³த்³த⁴ங் ஆமஸதி, ஆபத்தி து²ல்லச்சயஸ்ஸ.
காயபடிப³த்³தே⁴ன காயங் ஆமஸதி, ஆபத்தி து²ல்லச்சயஸ்ஸ. காயபடிப³த்³தே⁴ன
காயபடிப³த்³த⁴ங் ஆமஸதி, ஆபத்தி து³க்கடஸ்ஸ.

நிஸ்ஸக்³கி³யேன காயங் ஆமஸதி ,
ஆபத்தி து³க்கடஸ்ஸ. நிஸ்ஸக்³கி³யேன காயபடிப³த்³த⁴ங் ஆமஸதி, ஆபத்தி
து³க்கடஸ்ஸ. நிஸ்ஸக்³கி³யேன நிஸ்ஸக்³கி³யங் ஆமஸதி, ஆபத்தி து³க்கடஸ்ஸ.

உப்³ப⁴க்க²கங் அதோ⁴ஜாணுமண்ட³லங் காயேன காயங் ஆமஸதி, ஆபத்தி து²ல்லச்சயஸ்ஸ. காயேன காயபடிப³த்³த⁴ங்
ஆமஸதி, ஆபத்தி து³க்கடஸ்ஸ. காயபடிப³த்³தே⁴ன காயங் ஆமஸதி, ஆபத்தி
து³க்கடஸ்ஸ. காயபடிப³த்³தே⁴ன காயபடிப³த்³த⁴ங் ஆமஸதி, ஆபத்தி து³க்கடஸ்ஸ.

நிஸ்ஸக்³கி³யேன காயங் ஆமஸதி, ஆபத்தி து³க்கடஸ்ஸ.
நிஸ்ஸக்³கி³யேன காயபடிப³த்³த⁴ங் ஆமஸதி, ஆபத்தி து³க்கடஸ்ஸ. நிஸ்ஸக்³கி³யேன
நிஸ்ஸக்³கி³யங் ஆமஸதி, ஆபத்தி து³க்கடஸ்ஸ.

660. ஏகதோஅவஸ்ஸுதே அத⁴க்க²கங் உப்³ப⁴ஜாணுமண்ட³லங் காயேன காயங் ஆமஸதி , ஆபத்தி து²ல்லச்சயஸ்ஸ. காயேன காயபடிப³த்³த⁴ங் ஆமஸதி , ஆபத்தி து³க்கடஸ்ஸ. காயபடிப³த்³தே⁴ன காயங் ஆமஸதி, ஆபத்தி து³க்கடஸ்ஸ. காயபடிப³த்³தே⁴ன காயபடிப³த்³த⁴ங் ஆமஸதி, ஆபத்தி து³க்கடஸ்ஸ.

நிஸ்ஸக்³கி³யேன காயங் ஆமஸதி, ஆபத்தி து³க்கடஸ்ஸ.
நிஸ்ஸக்³கி³யேன காயபடிப³த்³த⁴ங் ஆமஸதி, ஆபத்தி து³க்கடஸ்ஸ. நிஸ்ஸக்³கி³யேன
நிஸ்ஸக்³கி³யங் ஆமஸதி, ஆபத்தி து³க்கடஸ்ஸ.

உப்³ப⁴க்க²கங் அதோ⁴ஜாணுமண்ட³லங் காயேன காயங் ஆமஸதி,
ஆபத்தி து³க்கடஸ்ஸ. காயேன காயபடிப³த்³த⁴ங் ஆமஸதி, ஆபத்தி து³க்கடஸ்ஸ.
காயபடிப³த்³தே⁴ன காயங் ஆமஸதி, ஆபத்தி து³க்கடஸ்ஸ. காயபடிப³த்³தே⁴ன
காயபடிப³த்³த⁴ங் ஆமஸதி, ஆபத்தி து³க்கடஸ்ஸ.

நிஸ்ஸக்³கி³யேன காயங் ஆமஸதி, ஆபத்தி து³க்கடஸ்ஸ.
நிஸ்ஸக்³கி³யேன காயபடிப³த்³த⁴ங் ஆமஸதி, ஆபத்தி து³க்கடஸ்ஸ. நிஸ்ஸக்³கி³யேன
நிஸ்ஸக்³கி³யங் ஆமஸதி, ஆபத்தி து³க்கடஸ்ஸ.

661.
உப⁴தோஅவஸ்ஸுதே யக்க²ஸ்ஸ வா பேதஸ்ஸ வா பண்ட³கஸ்ஸ வா
திரச்சா²னக³தமனுஸ்ஸவிக்³க³ஹஸ்ஸ வா அத⁴க்க²கங் உப்³ப⁴ஜாணுமண்ட³லங் காயேன
காயங் ஆமஸதி, ஆபத்தி து²ல்லச்சயஸ்ஸ. காயேன காயபடிப³த்³த⁴ங் ஆமஸதி, ஆபத்தி
து³க்கடஸ்ஸ. காயபடிப³த்³தே⁴ன காயங் ஆமஸதி, ஆபத்தி து³க்கடஸ்ஸ.
காயபடிப³த்³தே⁴ன காயபடிப³த்³த⁴ங் ஆமஸதி, ஆபத்தி து³க்கடஸ்ஸ.

நிஸ்ஸக்³கி³யேன காயங் ஆமஸதி, ஆபத்தி து³க்கடஸ்ஸ. நிஸ்ஸக்³கி³யேன காயபடிப³த்³த⁴ங் ஆமஸதி, ஆபத்தி து³க்கடஸ்ஸ. நிஸ்ஸக்³கி³யேன நிஸ்ஸக்³கி³யங் ஆமஸதி, ஆபத்தி து³க்கடஸ்ஸ.

உப்³ப⁴க்க²கங்
அதோ⁴ஜாணுமண்ட³லங் காயேன காயங் ஆமஸதி, ஆபத்தி து³க்கடஸ்ஸ. காயேன
காயபடிப³த்³த⁴ங் ஆமஸதி, ஆபத்தி து³க்கடஸ்ஸ. காயபடிப³த்³தே⁴ன காயங் ஆமஸதி,
ஆபத்தி து³க்கடஸ்ஸ. காயபடிப³த்³தே⁴ன காயபடிப³த்³த⁴ங் ஆமஸதி, ஆபத்தி
து³க்கடஸ்ஸ.

நிஸ்ஸக்³கி³யேன காயங் ஆமஸதி, ஆபத்தி து³க்கடஸ்ஸ.
நிஸ்ஸக்³கி³யேன காயபடிப³த்³த⁴ங் ஆமஸதி, ஆபத்தி து³க்கடஸ்ஸ. நிஸ்ஸக்³கி³யேன
நிஸ்ஸக்³கி³யங் ஆமஸதி, ஆபத்தி து³க்கடஸ்ஸ.

662. ஏகதோஅவஸ்ஸுதே
அத⁴க்க²கங் உப்³ப⁴ஜாணுமண்ட³லங் காயேன காயங் ஆமஸதி, ஆபத்தி து³க்கடஸ்ஸ.
காயேன காயபடிப³த்³த⁴ங் ஆமஸதி, ஆபத்தி து³க்கடஸ்ஸ. காயபடிப³த்³தே⁴ன காயங்
ஆமஸதி, ஆபத்தி து³க்கடஸ்ஸ. காயபடிப³த்³தே⁴ன காயபடிப³த்³த⁴ங் ஆமஸதி, ஆபத்தி
து³க்கடஸ்ஸ.

நிஸ்ஸக்³கி³யேன காயங் ஆமஸதி, ஆபத்தி து³க்கடஸ்ஸ.
நிஸ்ஸக்³கி³யேன காயபடிப³த்³த⁴ங் ஆமஸதி, ஆபத்தி து³க்கடஸ்ஸ. நிஸ்ஸக்³கி³யேன
நிஸ்ஸக்³கி³யங் ஆமஸதி, ஆபத்தி து³க்கடஸ்ஸ.

உப்³ப⁴க்க²கங் அதோ⁴ஜாணுமண்ட³லங் காயேன காயங் ஆமஸதி,
ஆபத்தி து³க்கடஸ்ஸ. காயேன காயபடிப³த்³த⁴ங் ஆமஸதி, ஆபத்தி து³க்கடஸ்ஸ.
காயபடிப³த்³தே⁴ன காயங் ஆமஸதி, ஆபத்தி து³க்கடஸ்ஸ. காயபடிப³த்³தே⁴ன
காயபடிப³த்³த⁴ங் ஆமஸதி, ஆபத்தி து³க்கடஸ்ஸ.

நிஸ்ஸக்³கி³யேன காயங் ஆமஸதி, ஆபத்தி து³க்கடஸ்ஸ. நிஸ்ஸக்³கி³யேன காயபடிப³த்³த⁴ங் ஆமஸதி, ஆபத்தி து³க்கடஸ்ஸ. நிஸ்ஸக்³கி³யேன நிஸ்ஸக்³கி³யங் ஆமஸதி, ஆபத்தி து³க்கடஸ்ஸ.

663. அனாபத்தி அஸஞ்சிச்ச, அஸ்ஸதியா, அஜானந்தியா, அஸாதி³யந்தியா, உம்மத்திகாய, கி²த்தசித்தாய, வேத³னாட்டாய, ஆதி³கம்மிகாயாதி.

பட²மபாராஜிகங் ஸமத்தங் [பி⁴க்கு²னிவிப⁴ங்கே³ ஸிக்கா²பத³க³ணனா பி⁴க்கூ²ஹி§அஸாதா⁴ரணவஸேன பகாஸிதாதி வேதி³தப்³பா³].

2. து³தியபாராஜிகங்

664. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஸுந்த³ரீனந்தா³ பி⁴க்கு²னீ ஸாள்ஹேன மிகா³ரனத்துனா
க³ப்³பி⁴னீ ஹோதி . யாவ க³ப்³போ⁴ தருணோ அஹோஸி தாவ
சா²தே³ஸி. பரிபக்கே க³ப்³பே⁴ விப்³ப⁴மித்வா விஜாயி. பி⁴க்கு²னியோ
து²ல்லனந்த³ங் பி⁴க்கு²னிங் ஏதத³வோசுங் – ‘‘ஸுந்த³ரீனந்தா³ கோ², அய்யே,
அசிரவிப்³ப⁴ந்தா விஜாதா. கச்சி நோ ஸா பி⁴க்கு²னீயேவ ஸமானா க³ப்³பி⁴னீ’’தி?
‘‘ஏவங், அய்யே’’தி. ‘‘கிஸ்ஸ பன த்வங், அய்யே, ஜானங் பாராஜிகங் த⁴ம்மங்
அஜ்ஜா²பன்னங் பி⁴க்கு²னிங் நேவத்தனா படிசோதே³ஸி ந க³ணஸ்ஸ ஆரோசேஸீ’’தி? ‘‘யோ
ஏதிஸ்ஸா அவண்ணோ மய்ஹேஸோ அவண்ணோ, யா ஏதிஸ்ஸா அகித்தி மய்ஹேஸா அகித்தி, யோ
ஏதிஸ்ஸா அயஸோ மய்ஹேஸோ அயஸோ, யோ ஏதிஸ்ஸா அலாபோ⁴ மய்ஹேஸோ
அலாபோ⁴. க்யாஹங், அய்யே, அத்தனோ அவண்ணங் அத்தனோ அகித்திங் அத்தனோ அயஸங்
அத்தனோ அலாப⁴ங் பரேஸங் ஆரோசெஸ்ஸாமீ’’தி? யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
அய்யா து²ல்லனந்தா³ ஜானங் பாராஜிகங் த⁴ம்மங் அஜ்ஜா²பன்னங் பி⁴க்கு²னிங்
நேவத்தனா படிசோதெ³ஸ்ஸதி ந க³ணஸ்ஸ ஆரோசெஸ்ஸதீ’’தி! அத² கோ² தா பி⁴க்கு²னியோ
பி⁴க்கூ²னங் ஏதமத்த²ங் ஆரோசேஸுங். பி⁴க்கூ² [யே தே பி⁴க்கூ²…பே॰… (?)] ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங் ஸன்னிபாதாபெத்வா
பி⁴க்கூ² படிபுச்சி² – ‘‘ஸச்சங் கிர, பி⁴க்க²வே, து²ல்லனந்தா³ பி⁴க்கு²னீ
ஜானங் பாராஜிகங் த⁴ம்மங் அஜ்ஜா²பன்னங் பி⁴க்கு²னிங் நேவத்தனா படிசோதே³தி [படிசோதே³ஸி… ஆரோசேஸீதி (க॰)] ந க³ணஸ்ஸ ஆரோசேதீ’’தி [படிசோதே³ஸி… ஆரோசேஸீதி (க॰)]?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, து²ல்லனந்தா³ பி⁴க்கு²னீ ஜானங் பாராஜிகங் த⁴ம்மங் அஜ்ஜா²பன்னங்
பி⁴க்கு²னிங் நேவத்தனா படிசோதெ³ஸ்ஸதி ந க³ணஸ்ஸ ஆரோசெஸ்ஸதி! நேதங்,
பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

665. ‘‘யா
பன பி⁴க்கு²னீ ஜானங் பாராஜிகங் த⁴ம்மங் அஜ்ஜா²பன்னங் பி⁴க்கு²னிங்
நேவத்தனா படிசோதெ³ய்ய ந க³ணஸ்ஸ ஆரோசெய்ய, யதா³ ச ஸா டி²தா வா அஸ்ஸ சுதா வா
நாஸிதா வா அவஸ்ஸடா வா, ஸா பச்சா² ஏவங் வதெ³ய்ய – ‘புப்³பே³வாஹங், அய்யே,
அஞ்ஞாஸிங் ஏதங் பி⁴க்கு²னிங் ஏவரூபா ச ஏவரூபா ச ஸா ப⁴கி³னீதி
, நோ ச கோ² அத்தனா படிசோதெ³ஸ்ஸங் ந க³ணஸ்ஸ ஆரோசெஸ்ஸ’ந்தி, அயம்பி பாராஜிகா ஹோதி அஸங்வாஸா வஜ்ஜப்படிச்சா²தி³கா’’தி.

666. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஜானாதி நாம ஸாமங் வா ஜானாதி, அஞ்ஞே வா தஸ்ஸா ஆரோசெந்தி, ஸா வா ஆரோசேதி.

பாராஜிகங் த⁴ம்மங் அஜ்ஜா²பன்னந்தி அட்ட²ன்னங் பாராஜிகானங் அஞ்ஞதரங் பாராஜிகங் அஜ்ஜா²பன்னங்.

நேவத்தனா படிசோதெ³ய்யாதி ந ஸயங் சோதெ³ய்ய.

ந க³ணஸ்ஸ ஆரோசெய்யாதி ந அஞ்ஞாஸங் பி⁴க்கு²னீனங் ஆரோசெய்ய.

யதா³ ச ஸா டி²தா வா அஸ்ஸ சுதா வாதி டி²தா நாம ஸலிங்கே³ டி²தா வுச்சதி. சுதா நாம காலங்கதா வுச்சதி. நாஸிதா நாம ஸயங் வா விப்³ப⁴ந்தா ஹோதி அஞ்ஞேஹி வா நாஸிதா. அவஸ்ஸடா
நாம தித்தா²யதனங் ஸங்கந்தா வுச்சதி. ஸா பச்சா² ஏவங் வதெ³ய்ய –
‘‘புப்³பே³வாஹங், அய்யே, அஞ்ஞாஸிங் ஏதங் பி⁴க்கு²னிங் ஏவரூபா ச ஏவரூபா ச ஸா
ப⁴கி³னீ’’தி.

நோ ச கோ² அத்தனா படிசோதெ³ஸ்ஸந்தி ஸயங் வா ந சோதெ³ஸ்ஸங்.

ந க³ணஸ்ஸ ஆரோசெஸ்ஸந்தி ந அஞ்ஞாஸங் பி⁴க்கு²னீனங் ஆரோசெஸ்ஸங்.

அயம்பீதி புரிமாயோ உபாதா³ய வுச்சதி.

பாராஜிகா ஹோதீதி ஸெய்யதா²பி
நாம பண்டு³பலாஸோ ப³ந்த⁴னா பமுத்தோ அப⁴ப்³போ³ ஹரிதத்தா²ய, ஏவமேவ பி⁴க்கு²னீ
ஜானங் பாராஜிகங் த⁴ம்மங் அஜ்ஜா²பன்னங் பி⁴க்கு²னிங் நேவத்தனா
படிசோதெ³ஸ்ஸாமி ந க³ணஸ்ஸ ஆரோசெஸ்ஸாமீதி து⁴ரங் நிக்கி²த்தமத்தே அஸ்ஸமணீ
ஹோதி அஸக்யதீ⁴தா. தேன வுச்சதி பாராஜிகா ஹோதீதி.

அஸங்வாஸாதி ஸங்வாஸோ நாம ஏககம்மங் ஏகுத்³தே³ஸோ ஸமஸிக்க²தா. ஏஸோ ஸங்வாஸோ நாம. ஸோ தாய ஸத்³தி⁴ங் நத்தி². தேன வுச்சதி அஸங்வாஸாதி.

667.
அனாபத்தி ‘‘ஸங்க⁴ஸ்ஸ ப⁴ண்ட³னங் வா கலஹோ வா விக்³க³ஹோ வா விவாதோ³ வா
ப⁴விஸ்ஸதீ’’தி நாரோசேதி, ‘‘ஸங்க⁴பே⁴தோ³ வா ஸங்க⁴ராஜி வா ப⁴விஸ்ஸதீ’’தி
நாரோசேதி, ‘‘அயங் கக்க²ளா ப²ருஸா ஜீவிதந்தராயங் வா ப்³ரஹ்மசரியந்தராயங் வா
கரிஸ்ஸதீ’’தி நாரோசேதி, அஞ்ஞா பதிரூபா பி⁴க்கு²னியோ அபஸ்ஸந்தீ நாரோசேதி,
நச்சா²தே³துகாமா நாரோசேதி, பஞ்ஞாயிஸ்ஸதி ஸகேன கம்மேனாதி நாரோசேதி,
உம்மத்திகாய…பே॰… ஆதி³கம்மிகாயாதி.

து³தியபாராஜிகங் ஸமத்தங்.

3. ததியபாராஜிகங்

668. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன து²ல்லனந்தா³ பி⁴க்கு²னீ ஸமக்³கே³ன ஸங்கே⁴ன
உக்கி²த்தங் அரிட்ட²ங் பி⁴க்கு²ங் க³த்³த⁴பா³தி⁴புப்³ப³ங் அனுவத்ததி. யா
தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம அய்யா து²ல்லனந்தா³ பி⁴க்கு²னீ ஸமக்³கே³ன ஸங்கே⁴ன
உக்கி²த்தங் அரிட்ட²ங் பி⁴க்கு²ங் க³த்³த⁴பா³தி⁴புப்³ப³ங்
அனுவத்திஸ்ஸதீ’’தி…பே॰… ஸச்சங் கிர, பி⁴க்க²வே, து²ல்லனந்தா³ பி⁴க்கு²னீ
ஸமக்³கே³ன ஸங்கே⁴ன உக்கி²த்தங் அரிட்ட²ங் பி⁴க்கு²ங்
க³த்³த⁴பா³தி⁴புப்³ப³ங் அனுவத்ததீதி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, து²ல்லனந்தா³ பி⁴க்கு²னீ
ஸமக்³கே³ன ஸங்கே⁴ன உக்கி²த்தங் அரிட்ட²ங் பி⁴க்கு²ங்
க³த்³த⁴பா³தி⁴புப்³ப³ங் அனுவத்திஸ்ஸதி! நேதங், பி⁴க்க²வே, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங்
உத்³தி³ஸந்து –

669. ‘‘யா
பன பி⁴க்கு²னீ ஸமக்³கே³ன ஸங்கே⁴ன உக்கி²த்தங் பி⁴க்கு²ங் த⁴ம்மேன வினயேன
ஸத்து²ஸாஸனேன அனாத³ரங் அப்படிகாரங் அகதஸஹாயங் தமனுவத்தெய்ய, ஸா பி⁴க்கு²னீ
பி⁴க்கு²னீஹி ஏவமஸ்ஸ வசனீயா – ‘ஏஸோ கோ², அய்யே, பி⁴க்கு² ஸமக்³கே³ன ஸங்கே⁴ன
உக்கி²த்தோ த⁴ம்மேன வினயேன ஸத்து²ஸாஸனேன அனாத³ரோ அப்படிகாரோ அகதஸஹாயோ,
மாய்யே, ஏதங் பி⁴க்கு²ங் அனுவத்தீ’தி. ஏவஞ்ச ஸா பி⁴க்கு²னீ பி⁴க்கு²னீஹி
வுச்சமானா ததே²வ பக்³க³ண்ஹெய்ய, ஸா பி⁴க்கு²னீ பி⁴க்கு²னீஹி யாவததியங்
ஸமனுபா⁴ஸிதப்³பா³ தஸ்ஸ படினிஸ்ஸக்³கா³ய. யாவததியங் சே ஸமனுபா⁴ஸியமானா தங்
படினிஸ்ஸஜ்ஜெய்ய, இச்சேதங் குஸலங். நோ சே படினிஸ்ஸஜ்ஜெய்ய, அயம்பி பாராஜிகா
ஹோதி அஸங்வாஸா உக்கி²த்தானுவத்திகா’’
தி.

670. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஸமக்³கோ³ நாம ஸங்கோ⁴ ஸமானஸங்வாஸகோ ஸமானஸீமாயங் டி²தோ.

உக்கி²த்தோ நாம ஆபத்தியா அத³ஸ்ஸனே வா அப்படிகம்மே வா அப்படினிஸ்ஸக்³கே³ வா [அத³ஸ்ஸனேன
வா அப்படிகம்மேன வா அப்படினிஸ்ஸக்³கே³ன வா (க॰), அத³ஸ்ஸனே வா அப்படிகம்மே
வா பாபிகாய தி³ட்டி²யா அப்படினிஸ்ஸக்³கே³ வா (?)]
உக்கி²த்தோ.

த⁴ம்மேன வினயேனாதி யேன த⁴ம்மேன யேன வினயேன.

ஸத்து²ஸாஸனேனாதி ஜினஸாஸனேன பு³த்³த⁴ஸாஸனேன.

அனாத³ரோ நாம ஸங்க⁴ங் வா க³ணங் வா புக்³க³லங் வா கம்மங் வா நாதி³யதி.

அப்படிகாரோ நாம உக்கி²த்தோ அனோஸாரிதோ.

அகதஸஹாயோ நாம ஸமானஸங்வாஸகா பி⁴க்கூ² வுச்சந்தி ஸஹாயா. ஸோ தேஹி ஸத்³தி⁴ங் நத்தி², தேன வுச்சதி அகதஸஹாயோதி.

தமனுவத்தெய்யாதி யங்தி³ட்டி²கோ ஸோ ஹோதி யங்க²ந்திகோ யங்ருசிகோ, ஸாபி தங்தி³ட்டி²கா ஹோதி தங்க²ந்திகா தங்ருசிகா.

ஸா பி⁴க்கு²னீதி யா ஸா உக்கி²த்தானுவத்திகா பி⁴க்கு²னீ.

பி⁴க்கு²னீஹீதி அஞ்ஞாஹி
பி⁴க்கு²னீஹி. யா பஸ்ஸந்தி யா ஸுணந்தி தாஹி வத்தப்³பா³ – ‘‘ஏஸோ கோ², அய்யே,
பி⁴க்கு² ஸமக்³கே³ன ஸங்கே⁴ன உக்கி²த்தோ த⁴ம்மேன வினயேன ஸத்து²ஸாஸனேன
அனாத³ரோ அப்படிகாரோ அகதஸஹாயோ. மாய்யே, ஏதங் பி⁴க்கு²ங்
அனுவத்தீ’’தி. து³தியம்பி வத்தப்³பா³. ததியம்பி வத்தப்³பா³. ஸசே
படினிஸ்ஸஜ்ஜதி, இச்சேதங் குஸலங்; நோ சே படினிஸ்ஸஜ்ஜதி, ஆபத்தி து³க்கடஸ்ஸ.
ஸுத்வா ந வத³ந்தி, ஆபத்தி து³க்கடஸ்ஸ. ஸா பி⁴க்கு²னீ ஸங்க⁴மஜ்ஜ²ம்பி
ஆகட்³டி⁴த்வா வத்தப்³பா³ – ‘‘ஏஸோ கோ², அய்யே, பி⁴க்கு² ஸமக்³கே³ன ஸங்கே⁴ன
உக்கி²த்தோ த⁴ம்மேன வினயேன ஸத்து²ஸாஸனேன அனாத³ரோ அப்படிகாரோ அகதஸஹாயோ.
மாய்யே, ஏதங் பி⁴க்கு²ங் அனுவத்தீ’’தி. து³தியம்பி வத்தப்³பா³. ததியம்பி
வத்தப்³பா³. ஸசே படினிஸ்ஸஜ்ஜதி, இச்சேதங் குஸலங். நோ சே படினிஸ்ஸஜ்ஜதி,
ஆபத்தி து³க்கடஸ்ஸ. ஸா பி⁴க்கு²னீ ஸமனுபா⁴ஸிதப்³பா³. ஏவஞ்ச பன, பி⁴க்க²வே,
ஸமனுபா⁴ஸிதப்³பா³. ப்³யத்தாய பி⁴க்கு²னியா படிப³லாய ஸங்கோ⁴ ஞாபேதப்³போ³ –

671.
‘‘ஸுணாது மே, அய்யே, ஸங்கோ⁴. அயங் இத்த²ன்னாமா பி⁴க்கு²னீ ஸமக்³கே³ன
ஸங்கே⁴ன உக்கி²த்தங் பி⁴க்கு²ங் த⁴ம்மேன வினயேன ஸத்து²ஸாஸனேன அனாத³ரங்
அப்படிகாரங் அகதஸஹாயங் தமனுவத்ததி, ஸா தங் வத்து²ங் ந படினிஸ்ஸஜ்ஜதி. யதி³
ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் பி⁴க்கு²னிங் ஸமனுபா⁴ஸெய்ய தஸ்ஸ
வத்து²ஸ்ஸ படினிஸ்ஸக்³கா³ய. ஏஸா ஞத்தி.

‘‘ஸுணாது மே, அய்யே, ஸங்கோ⁴.
அயங் இத்த²ன்னாமா பி⁴க்கு²னீ ஸமக்³கே³ன ஸங்கே⁴ன உக்கி²த்தங் பி⁴க்கு²ங்
த⁴ம்மேன வினயேன ஸத்து²ஸாஸனேன அனாத³ரங் அப்படிகாரங் அகதஸஹாயங் தமனுவத்ததி.
ஸா தங் வத்து²ங் ந படினிஸ்ஸஜ்ஜதி. ஸங்கோ⁴ இத்த²ன்னாமங் பி⁴க்கு²னிங்
ஸமனுபா⁴ஸதி தஸ்ஸ வத்து²ஸ்ஸ படினிஸ்ஸக்³கா³ய. யஸ்ஸா அய்யாய க²மதி
இத்த²ன்னாமாய பி⁴க்கு²னியா ஸமனுபா⁴ஸனா தஸ்ஸ வத்து²ஸ்ஸ படினிஸ்ஸக்³கா³ய, ஸா
துண்ஹஸ்ஸ; யஸ்ஸா நக்க²மதி, ஸா பா⁴ஸெய்ய.

‘‘து³தியம்பி ஏதமத்த²ங் வதா³மி…பே॰… ததியம்பி ஏதமத்த²ங் வதா³மி…பே॰….

‘‘ஸமனுப⁴ட்டா² ஸங்கே⁴ன இத்த²ன்னாமா பி⁴க்கு²னீ தஸ்ஸ வத்து²ஸ்ஸ படினிஸ்ஸக்³கா³ய. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

ஞத்தியா து³க்கடங், த்³வீஹி கம்மவாசாஹி து²ல்லச்சயா, கம்மவாசா பரியோஸானே ஆபத்தி பாராஜிகஸ்ஸ.

அயம்பீதி புரிமாயோ உபாதா³ய வுச்சதி.

பாராஜிகா ஹோதீதி ஸெய்யதா²பி நாம புது²ஸிலா த்³வேதா⁴ பி⁴ன்னா அப்படிஸந்தி⁴கா ஹோதி, ஏவமேவ பி⁴க்கு²னீ யாவததியங் ஸமனுபா⁴ஸனாய ந படினிஸ்ஸஜ்ஜந்தீ அஸ்ஸமணீ ஹோதி அஸக்யதீ⁴தா. தேன வுச்சதி பாராஜிகா ஹோதீதி.

அஸங்வாஸாதி ஸங்வாஸோ நாம ஏககம்மங் ஏகுத்³தே³ஸோ ஸமஸிக்க²தா. ஏஸோ ஸங்வாஸோ நாம. ஸோ தாய ஸத்³தி⁴ங் நத்தி². தேன வுச்சதி அஸங்வாஸாதி.

672.
த⁴ம்மகம்மே த⁴ம்மகம்மஸஞ்ஞா ந படினிஸ்ஸஜ்ஜதி, ஆபத்தி பாராஜிகஸ்ஸ.
த⁴ம்மகம்மே வேமதிகா ந படினிஸ்ஸஜ்ஜதி, ஆபத்தி பாராஜிகஸ்ஸ. த⁴ம்மகம்மே
அத⁴ம்மகம்மஸஞ்ஞா ந படினிஸ்ஸஜ்ஜதி, ஆபத்தி பாராஜிகஸ்ஸ.

அத⁴ம்மகம்மே த⁴ம்மகம்மஸஞ்ஞா, ஆபத்தி து³க்கடஸ்ஸ.
அத⁴ம்மகம்மே வேமதிகா, ஆபத்தி து³க்கடஸ்ஸ. அத⁴ம்மகம்மே அத⁴ம்மகம்மஸஞ்ஞா,
ஆபத்தி து³க்கடஸ்ஸ.

673. அனாபத்தி அஸமனுபா⁴ஸந்தியா, படினிஸ்ஸஜ்ஜந்தியா, உம்மத்திகாய…பே॰… ஆதி³கம்மிகாயாதி.

ததியபாராஜிகங் ஸமத்தங்.

4. சதுத்த²பாராஜிகங்

674. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கு²னியோ அவஸ்ஸுதா அவஸ்ஸுதஸ்ஸ
புரிஸபுக்³க³லஸ்ஸ ஹத்த²க்³க³ஹணம்பி ஸாதி³யந்தி, ஸங்கா⁴டிகண்ணக்³க³ஹணம்பி
ஸாதி³யந்தி, ஸந்திட்ட²ந்திபி, ஸல்லபந்திபி, ஸங்கேதம்பி க³ச்ச²ந்தி,
புரிஸஸ்ஸபி அப்³பா⁴க³மனங் ஸாதி³யந்தி, ச²ன்னம்பி அனுபவிஸந்தி, காயம்பி
தத³த்தா²ய உபஸங்ஹரந்தி ஏதஸ்ஸ அஸத்³த⁴ம்மஸ்ஸ படிஸேவனத்தா²ய. யா தா
பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ச²ப்³ப³க்³கி³யா பி⁴க்கு²னியோ
அவஸ்ஸுதா அவஸ்ஸுதஸ்ஸ புரிஸபுக்³க³லஸ்ஸ ஹத்த²க்³க³ஹணம்பி ஸாதி³யிஸ்ஸந்தி,
ஸங்கா⁴டிகண்ணக்³க³ஹணம்பி ஸாதி³யிஸ்ஸந்தி, ஸந்திட்டி²ஸ்ஸந்திபி,
ஸல்லபிஸ்ஸந்திபி, ஸங்கேதம்பி க³ச்சி²ஸ்ஸந்தி, புரிஸஸ்ஸபி அப்³பா⁴க³மனங்
ஸாதி³யிஸ்ஸந்தி, ச²ன்னம்பி அனுபவிஸிஸ்ஸந்தி, காயம்பி தத³த்தா²ய
உபஸங்ஹரிஸ்ஸந்தி ஏதஸ்ஸ அஸத்³த⁴ம்மஸ்ஸ படிஸேவனத்தா²யா’’தி…பே॰… ஸச்சங் கிர,
பி⁴க்க²வே, ச²ப்³ப³க்³கி³யா பி⁴க்கு²னியோ அவஸ்ஸுதா அவஸ்ஸுதஸ்ஸ
புரிஸபுக்³க³லஸ்ஸ ஹத்த²க்³க³ஹணம்பி ஸாதி³யந்தி, ஸங்கா⁴டிகண்ணக்³க³ஹணம்பி
ஸாதி³யந்தி, ஸந்திட்ட²ந்திபி, ஸல்லபந்திபி, ஸங்கேதம்பி க³ச்ச²ந்தி,
புரிஸஸ்ஸபி அப்³பா⁴க³மனங் ஸாதி³யந்தி, ச²ன்னம்பி அனுபவிஸந்தி, காயம்பி
தத³த்தா²ய உபஸங்ஹரந்தி ஏதஸ்ஸ அஸத்³த⁴ம்மஸ்ஸ படிஸேவனத்தா²யாதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி
நாம, பி⁴க்க²வே, ச²ப்³ப³க்³கி³யா பி⁴க்கு²னியோ அவஸ்ஸுதா அவஸ்ஸுதஸ்ஸ
புரிஸபுக்³க³லஸ்ஸ ஹத்த²க்³க³ஹணம்பி ஸாதி³யிஸ்ஸந்தி,
ஸங்கா⁴டிகண்ணக்³க³ஹணம்பி ஸாதி³யிஸ்ஸந்தி, ஸந்திட்டி²ஸ்ஸந்திபி,
ஸல்லபிஸ்ஸந்திபி, ஸங்கேதம்பி க³ச்சி²ஸ்ஸந்தி, புரிஸஸ்ஸபி அப்³பா⁴க³மனங்
ஸாதி³யிஸ்ஸந்தி, ச²ன்னம்பி அனுபவிஸிஸ்ஸந்தி, காயம்பி தத³த்தா²ய
உபஸங்ஹரிஸ்ஸந்தி ஏதஸ்ஸ அஸத்³த⁴ம்மஸ்ஸ படிஸேவனத்தா²ய! நேதங், பி⁴க்க²வே,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங்
ஸிக்கா²பத³ங் உத்³தி³ஸந்து –

675. ‘‘யா
பன பி⁴க்கு²னீ அவஸ்ஸுதா அவஸ்ஸுதஸ்ஸ புரிஸபுக்³க³லஸ்ஸ ஹத்த²க்³க³ஹணங் வா
ஸாதி³யெய்ய, ஸங்கா⁴டிகண்ணக்³க³ஹணங் வா ஸாதி³யெய்ய, ஸந்திட்டெ²ய்ய வா,
ஸல்லபெய்ய வா, ஸங்கேதங் வா
க³ச்செ²ய்ய , புரிஸஸ்ஸ
வா அப்³பா⁴க³மனங் ஸாதி³யெய்ய, ச²ன்னங் வா அனுபவிஸெய்ய, காயங் வா தத³த்தா²ய
உபஸங்ஹரெய்ய ஏதஸ்ஸ அஸத்³த⁴ம்மஸ்ஸ படிஸேவனத்தா²ய, அயம்பி பாராஜிகா ஹோதி
அஸங்வாஸா அட்ட²வத்து²கா’’
தி.

676. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

அவஸ்ஸுதா நாம ஸாரத்தா அபெக்க²வதீ படிப³த்³த⁴சித்தா.

அவஸ்ஸுதோ நாம ஸாரத்தோ அபெக்க²வா படிப³த்³த⁴சித்தோ.

புரிஸபுக்³க³லோ நாம மனுஸ்ஸபுரிஸோ, ந யக்கோ² ந பேதோ ந திரச்சா²னக³தோ விஞ்ஞூ படிப³லோ காயஸங்ஸக்³க³ங் ஸமாபஜ்ஜிதுங்.

ஹத்த²க்³க³ஹணங் வா ஸாதி³யெய்யாதி
ஹத்தோ² நாம கப்பரங் உபாதா³ய யாவ அக்³க³னகா². ஏதஸ்ஸ அஸத்³த⁴ம்மஸ்ஸ
படிஸேவனத்தா²ய உப்³ப⁴க்க²கங் அதோ⁴ஜாணுமண்ட³லங் க³ஹணங் ஸாதி³யதி, ஆபத்தி
து²ல்லச்சயஸ்ஸ.

ஸங்கா⁴டிகண்ணக்³க³ஹணங் வா ஸாதி³யெய்யாதி ஏதஸ்ஸ அஸத்³த⁴ம்மஸ்ஸ படிஸேவனத்தா²ய நிவத்த²ங் வா பாருதங் வா க³ஹணங் ஸாதி³யதி, ஆபத்தி து²ல்லச்சயஸ்ஸ.

ஸந்திட்டெ²ய்ய வாதி ஏதஸ்ஸ அஸத்³த⁴ம்மஸ்ஸ படிஸேவனத்தா²ய புரிஸஸ்ஸ ஹத்த²பாஸே திட்ட²தி, ஆபத்தி து²ல்லச்சயஸ்ஸ.

ஸல்லபெய்ய வாதி ஏதஸ்ஸ அஸத்³த⁴ம்மஸ்ஸ படிஸேவனத்தா²ய புரிஸஸ்ஸ ஹத்த²பாஸே டி²தா ஸல்லபதி, ஆபத்தி து²ல்லச்சயஸ்ஸ.

ஸங்கேதங் வா க³ச்செ²ய்யாதி ஏதஸ்ஸ அஸத்³த⁴ம்மஸ்ஸ படிஸேவனத்தா²ய புரிஸேன – ‘‘இத்த²ன்னாமங் ஓகாஸங் [இத³ங் பத³ங் அட்ட²கதா²யங் ந தி³ஸ்ஸதி] ஆக³ச்சா²’’தி – வுத்தா க³ச்ச²தி. பதே³ பதே³ ஆபத்தி து³க்கடஸ்ஸ. புரிஸஸ்ஸ ஹத்த²பாஸங் ஓக்கந்தமத்தே ஆபத்தி து²ல்லச்சயஸ்ஸ.

புரிஸஸ்ஸ வா அப்³பா⁴க³மனங் ஸாதி³யெய்யாதி
ஏதஸ்ஸ அஸத்³த⁴ம்மஸ்ஸ படிஸேவனத்தா²ய புரிஸஸ்ஸ அப்³பா⁴க³மனங் ஸாதி³யதி,
ஆபத்தி து³க்கடஸ்ஸ. ஹத்த²பாஸங் ஓக்கந்தமத்தே ஆபத்தி து²ல்லச்சயஸ்ஸ.

ச²ன்னங் வா அனுபவிஸெய்யாதி ஏதஸ்ஸ அஸத்³த⁴ம்மஸ்ஸ படிஸேவனத்தா²ய யேன கேனசி படிச்ச²ன்னங் ஓகாஸங் பவிட்ட²மத்தே ஆபத்தி து²ல்லச்சயஸ்ஸ.

காயங் வா தத³த்தா²ய உபஸங்ஹரெய்யாதி ஏதஸ்ஸ அஸத்³த⁴ம்மஸ்ஸ படிஸேவனத்தா²ய புரிஸஸ்ஸ ஹத்த²பாஸே டி²தா காயங் உபஸங்ஹரதி, ஆபத்தி து²ல்லச்சயஸ்ஸ.

அயம்பீதி புரிமாயோ உபாதா³ய வுச்சதி.

பாராஜிகா ஹோதீதி ஸெய்யதா²பி நாம தாலோ மத்த²கச்சி²ன்னோ அப⁴ப்³போ³ புன விருள்ஹியா ஏவமேவ பி⁴க்கு²னீ அட்ட²மங் வத்து²ங் பரிபூரெந்தீ அஸ்ஸமணீ ஹோதி அஸக்யதீ⁴தா. தேன வுச்சதி பாராஜிகா ஹோதீதி.

அஸங்வாஸாதி ஸங்வாஸோ நாம ஏககம்மங் ஏகுத்³தே³ஸோ ஸமஸிக்க²தா. ஏஸோ ஸங்வாஸோ நாம. ஸோ தாய ஸத்³தி⁴ங் நத்தி². தேன வுச்சதி அஸங்வாஸாதி.

677. அனாபத்தி அஸஞ்சிச்ச, அஸ்ஸதியா, அஜானந்தியா, அஸாதி³யந்தியா, உம்மத்திகாய, கி²த்தசித்தாய, வேத³னாட்டாய, ஆதி³கம்மிகாயாதி.

சதுத்த²பாராஜிகங் ஸமத்தங்.

உத்³தி³ட்டா² கோ², அய்யாயோ, அட்ட² பாராஜிகா த⁴ம்மா.
யேஸங் பி⁴க்கு²னீ அஞ்ஞதரங் வா அஞ்ஞதரங் வா ஆபஜ்ஜித்வா ந லப⁴தி பி⁴க்கு²னீஹி
ஸத்³தி⁴ங் ஸங்வாஸங், யதா² புரே ததா² பச்சா², பாராஜிகா ஹோதி அஸங்வாஸா.
தத்தா²ய்யாயோ புச்சா²மி – ‘‘கச்சித்த² பரிஸுத்³தா⁴’’? து³தியம்பி புச்சா²மி
– ‘‘கச்சித்த² பரிஸுத்³தா⁴’’? ததியம்பி புச்சா²மி – ‘‘கச்சித்த²
பரிஸுத்³தா⁴’’? பரிஸுத்³தெ⁴த்தா²ய்யாயோ, தஸ்மா துண்ஹீ, ஏவமேதங் தா⁴ரயாமீதி.

பி⁴க்கு²னிவிப⁴ங்கே³ பாராஜிககண்ட³ங் நிட்டி²தங்.

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

வினயபிடகே

பாசித்தியபாளி


2. ஸங்காதிஸேஸகண்டங் (பிக்குனீவிபங்கோ)

1. படமஸங்காதிஸேஸஸிக்காபதங்

இமே கோ பனாய்யாயோ ஸத்தரஸ ஸங்காதிஸேஸா

தம்மா உத்தேஸங் ஆகச்ச²ந்தி.

678. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரோ உபாஸகோ பி⁴க்கு²னிஸங்க⁴ஸ்ஸ உதோ³ஸிதங் [உத்³தோ³ஸிதங் (ஸீ॰ ஸ்யா॰)]
த³த்வா காலங்கதோ ஹோதி. தஸ்ஸ த்³வே புத்தா ஹொந்தி – ஏகோ அஸ்ஸத்³தோ⁴
அப்பஸன்னோ, ஏகோ ஸத்³தோ⁴ பஸன்னோ. தே பெத்திகங் ஸாபதெய்யங் விப⁴ஜிங்ஸு. அத²
கோ² ஸோ அஸ்ஸத்³தோ⁴ அப்பஸன்னோ தங் ஸத்³த⁴ங் பஸன்னங் ஏதத³வோச – ‘‘அம்ஹாகங்
உதோ³ஸிதோ, தங் பா⁴ஜேமா’’தி. ஏவங் வுத்தே ஸோ ஸத்³தோ⁴ பஸன்னோ தங் அஸ்ஸத்³த⁴ங்
அப்பஸன்னங் ஏதத³வோச – ‘‘மாய்யோ, ஏவங் அவச. அம்ஹாகங் பிதுனா
பி⁴க்கு²னிஸங்க⁴ஸ்ஸ தி³ன்னோ’’தி. து³தியம்பி கோ² ஸோ அஸ்ஸத்³தோ⁴ அப்பஸன்னோ
தங் ஸத்³த⁴ங் பஸன்னங் ஏதத³வோச – ‘‘அம்ஹாகங் உதோ³ஸிதோ, தங் பா⁴ஜேமா’’தி. அத²
கோ² ஸோ ஸத்³தோ⁴ பஸன்னோ தங் அஸ்ஸத்³த⁴ங் அப்பஸன்னங் ஏதத³வோச – ‘‘மாய்யோ,
ஏவங் அவச. அம்ஹாகங் பிதுனா பி⁴க்கு²னிஸங்க⁴ஸ்ஸ தி³ன்னோ’’தி. ததியம்பி கோ²
ஸோ அஸ்ஸத்³தோ⁴ அப்பஸன்னோ தங் ஸத்³த⁴ங் பஸன்னங் ஏதத³வோச – ‘‘அம்ஹாகங்
உதோ³ஸிதோ, தங் பா⁴ஜேமா’’தி. அத² கோ² ஸோ ஸத்³தோ⁴ பஸன்னோ – ‘‘ஸசே மய்ஹங்
ப⁴விஸ்ஸதி, அஹம்பி பி⁴க்கு²னிஸங்க⁴ஸ்ஸ த³ஸ்ஸாமீ’’தி – தங் அஸ்ஸத்³த⁴ங்
அப்பஸன்னங் ஏதத³வோச – ‘‘பா⁴ஜேமா’’தி. அத² கோ² ஸோ உதோ³ஸிதோ தேஹி பா⁴ஜீயமானோ
தஸ்ஸ அஸ்ஸத்³த⁴ஸ்ஸ அப்பஸன்னஸ்ஸ பாபுணாதி [பாபுணி (ஸ்யா॰)]. அத² கோ² ஸோ அஸ்ஸத்³தோ⁴ அப்பஸன்னோ பி⁴க்கு²னியோ உபஸங்கமித்வா ஏதத³வோச – ‘‘நிக்க²மதா²ய்யே, அம்ஹாகங் உதோ³ஸிதோ’’தி.

ஏவங் வுத்தே து²ல்லனந்தா³
பி⁴க்கு²னீ தங் புரிஸங் ஏதத³வோச – ‘‘மாய்யோ, ஏவங் அவச, தும்ஹாகங் பிதுனா
பி⁴க்கு²னிஸங்க⁴ஸ்ஸ தி³ன்னோ’’தி. ‘‘தி³ன்னோ ந தி³ன்னோ’’தி வோஹாரிகே
மஹாமத்தே புச்சி²ங்ஸு. மஹாமத்தா ஏவமாஹங்ஸு – ‘‘கோ, அய்யே, ஜானாதி
பி⁴க்கு²னிஸங்க⁴ஸ்ஸ தி³ன்னோ’’தி? ஏவங் வுத்தே து²ல்லனந்தா³ பி⁴க்கு²னீ தே
மஹாமத்தே ஏதத³வோச – ‘‘அபி நாய்யோ [அபி ந்வய்யா (ஸ்யா॰), அபி நாய்யோ (க॰)] தும்ஹேஹி தி³ட்ட²ங் வா ஸுதங் வா ஸக்கி²ங் ட²பயித்வா தா³னங் தி³ய்யமான’’ந்தி ?
அத² கோ² தே மஹாமத்தா – ‘‘ஸச்சங் கோ² அய்யா ஆஹா’’தி தங் உதோ³ஸிதங்
பி⁴க்கு²னிஸங்க⁴ஸ்ஸ அகங்ஸு. அத² கோ² ஸோ புரிஸோ பராஜிதோ உஜ்ஜா²யதி கி²ய்யதி
விபாசேதி – ‘‘அஸ்ஸமணியோ இமா முண்டா³ ப³ந்த⁴கினியோ. கத²ஞ்ஹி நாம அம்ஹாகங்
உதோ³ஸிதங் அச்சி²ந்தா³பெஸ்ஸந்தீ’’தி! து²ல்லனந்தா³ பி⁴க்கு²னீ மஹாமத்தானங்
ஏதமத்த²ங் ஆரோசேஸி. மஹாமத்தா தங் புரிஸங் த³ண்டா³பேஸுங். அத² கோ² ஸோ புரிஸோ
த³ண்டி³தோ பி⁴க்கு²னூபஸ்ஸயஸ்ஸ அவிதூ³ரே ஆஜீவகஸெய்யங் காராபெத்வா ஆஜீவகே
உய்யோஜேஸி – ‘‘ஏதா பி⁴க்கு²னியோ அச்சாவத³தா²’’தி.

து²ல்லனந்தா³ பி⁴க்கு²னீ மஹாமத்தானங் ஏதமத்த²ங் ஆரோசேஸி. மஹாமத்தா தங் புரிஸங் ப³ந்தா⁴பேஸுங். மனுஸ்ஸா உஜ்ஜா²யந்தி
கி²ய்யந்தி விபாசெந்தி – ‘‘பட²மங் பி⁴க்கு²னியோ உதோ³ஸிதங்
அச்சி²ந்தா³பேஸுங், து³தியங் த³ண்டா³பேஸுங், ததியங் ப³ந்தா⁴பேஸுங். இதா³னி
கா⁴தாபெஸ்ஸந்தீ’’தி! அஸ்ஸோஸுங் கோ² பி⁴க்கு²னியோ தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
அய்யா து²ல்லனந்தா³ உஸ்ஸயவாதி³கா விஹரிஸ்ஸதீ’’தி! அத² கோ² தா பி⁴க்கு²னியோ
பி⁴க்கூ²னங் ஏதமத்த²ங் ஆரோசேஸுங்…பே॰… ஸச்சங் கிர, பி⁴க்க²வே, து²ல்லனந்தா³
பி⁴க்கு²னீ உஸ்ஸயவாதி³கா விஹரதீதி. ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, து²ல்லனந்தா³ பி⁴க்கு²னீ
உஸ்ஸயவாதி³கா விஹரிஸ்ஸதி! நேதங், பி⁴க்க²வே, அப்பஸன்னானங் வா பஸாதா³ய…பே॰…
ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

679. ‘‘யா பன பி⁴க்கு²னீ உஸ்ஸயவாதி³கா விஹரெய்ய க³ஹபதினா வா க³ஹபதிபுத்தேன வா தா³ஸேன வா கம்மகாரேன [கம்மகரேன (ஸீ॰ ஸ்யா॰)] வா அந்தமஸோ ஸமணபரிப்³பா³ஜகேனாபி, அயங் பி⁴க்கு²னீ பட²மாபத்திகங் த⁴ம்மங் ஆபன்னா நிஸ்ஸாரணீயங் ஸங்கா⁴தி³ஸேஸ’’ந்தி.

680. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

உஸ்ஸயவாதி³கா நாம அட்³ட³காரிகா வுச்சதி.

க³ஹபதி நாம யோ கோசி அகா³ரங் அஜ்ஜா²வஸதி.

க³ஹபதிபுத்தோ நாம யே கேசி புத்தபா⁴தரோ.

தா³ஸோ நாம அந்தோஜாதோ த⁴னக்கீதோ கரமரானீதோ .

கம்மகாரோ நாம ப⁴டகோ ஆஹதகோ.

ஸமணபரிப்³பா³ஜகோ நாம பி⁴க்கு²ஞ்ச பி⁴க்கு²னிஞ்ச ஸிக்க²மானஞ்ச ஸாமணேரஞ்ச ஸாமணேரிஞ்ச ட²பெத்வா யோ கோசி பரிப்³பா³ஜகஸமாபன்னோ.

அட்³ட³ங் கரிஸ்ஸாமீதி து³தியங்
வா பரியேஸதி க³ச்ச²தி வா, ஆபத்தி து³க்கடஸ்ஸ. ஏகஸ்ஸ ஆரோசேதி, ஆபத்தி
து³க்கடஸ்ஸ. து³தியஸ்ஸ ஆரோசேதி, ஆபத்தி து²ல்லச்சயஸ்ஸ. அட்³ட³பரியோஸானே
ஆபத்தி ஸங்கா⁴தி³ஸேஸஸ்ஸ.

பட²மாபத்திகந்தி ஸஹ வத்து²ஜ்ஜா²சாரா ஆபஜ்ஜதி அஸமனுபா⁴ஸனாய.

நிஸ்ஸாரணீயந்தி ஸங்க⁴ம்ஹா நிஸ்ஸாரீயதி.

ஸங்கா⁴தி³ஸேஸந்தி ஸங்கோ⁴வ
தஸ்ஸா ஆபத்தியா மானத்தங் தே³தி மூலாய படிகஸ்ஸதி அப்³பே⁴தி, ந ஸம்ப³ஹுலா ந
ஏகா பி⁴க்கு²னீ. தேன வுச்சதி ‘‘ஸங்கா⁴தி³ஸேஸோ’’தி. தஸ்ஸேவ ஆபத்தினிகாயஸ்ஸ
நாமகம்மங் அதி⁴வசனங். தேனபி வுச்சதி ‘‘ஸங்கா⁴தி³ஸேஸோ’’தி.

681. அனாபத்தி மனுஸ்ஸேஹி ஆகட்³டீ⁴யமானா க³ச்ச²தி, ஆரக்க²ங் யாசதி, அனோதி³ஸ்ஸ ஆசிக்க²தி, உம்மத்திகாய…பே॰… ஆதி³கம்மிகாயாதி.

பட²மஸங்கா⁴தி³ஸேஸஸிக்கா²பத³ங் நிட்டி²தங்.

2. து³தியஸங்கா⁴தி³ஸேஸஸிக்கா²பத³ங்

682. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன வேஸாலியங் அஞ்ஞதரஸ்ஸ லிச்ச²விஸ்ஸ பஜாபதி அதிசாரினீ
ஹோதி. அத² கோ² ஸோ லிச்ச²வி தங் இத்தி²ங் ஏதத³வோச –
‘‘ஸாது⁴ விரமாஹி, அனத்த²ங் கோ² தே கரிஸ்ஸாமீ’’தி. ஏவம்பி ஸா வுச்சமானா
நாதி³யி. தேன கோ² பன ஸமயேன வேஸாலியங் லிச்ச²விக³ணோ ஸன்னிபதிதோ ஹோதி
கேனசிதே³வ கரணீயேன. அத² கோ² ஸோ லிச்ச²வி தே லிச்ச²வயோ ஏதத³வோச – ‘‘ஏகங் மே,
அய்யோ , இத்தி²ங் அனுஜானாதா²’’தி. ‘‘கா நாம ஸா’’தி?
‘‘மய்ஹங் பஜாபதி அதிசரதி, தங் கா⁴தெஸ்ஸாமீ’’தி. ‘‘ஜானாஹீ’’தி. அஸ்ஸோஸி கோ²
ஸா இத்தீ² – ‘‘ஸாமிகோ கிர மங் கா⁴தேதுகாமோ’’தி. வரப⁴ண்ட³ங் ஆதா³ய
ஸாவத்தி²ங் க³ந்த்வா தித்தி²யே உபஸங்கமித்வா பப்³ப³ஜ்ஜங் யாசி. தித்தி²யா ந
இச்சி²ங்ஸு பப்³பா³ஜேதுங். பி⁴க்கு²னியோ உபஸங்கமித்வா பப்³ப³ஜ்ஜங் யாசி.
பி⁴க்கு²னியோபி ந இச்சி²ங்ஸு பப்³பா³ஜேதுங். து²ல்லனந்த³ங் பி⁴க்கு²னிங்
உபஸங்கமித்வா ப⁴ண்ட³கங் த³ஸ்ஸெத்வா பப்³ப³ஜ்ஜங் யாசி. து²ல்லனந்தா³
பி⁴க்கு²னீ ப⁴ண்ட³கங் க³ஹெத்வா பப்³பா³ஜேஸி.

அத² கோ² ஸோ லிச்ச²வி தங் இத்தி²ங் க³வேஸந்தோ
ஸாவத்தி²ங் க³ந்த்வா பி⁴க்கு²னீஸு பப்³ப³ஜிதங் தி³ஸ்வான யேன ராஜா பஸேனதி³
கோஸலோ தேனுபஸங்கமி; உபஸங்கமித்வா ராஜானங் பஸேனதி³ங்
கோஸலங் ஏதத³வோச – ‘‘பஜாபதி மே, தே³வ, வரப⁴ண்ட³ங் ஆதா³ய ஸாவத்தி²ங்
அனுப்பத்தா. தங் தே³வோ அனுஜானாதூ’’தி. ‘‘தேன ஹி, ப⁴ணே, விசினித்வா
ஆசிக்கா²’’தி. ‘‘தி³ட்டா², தே³வ, பி⁴க்கு²னீஸு பப்³ப³ஜிதா’’தி. ‘‘ஸசே,
ப⁴ணே, பி⁴க்கு²னீஸு பப்³ப³ஜிதா, ந ஸா லப்³பா⁴ கிஞ்சி காதுங். ஸ்வாக்கா²தோ
ப⁴க³வதா த⁴ம்மோ, சரது ப்³ரஹ்மசரியங் ஸம்மா து³க்க²ஸ்ஸ அந்தகிரியாயா’’தி.
அத² கோ² ஸோ லிச்ச²வி உஜ்ஜா²யதி கி²ய்யதி விபாசேதி
‘‘கத²ஞ்ஹி நாம பி⁴க்கு²னியோ சோரிங் பப்³பா³ஜெஸ்ஸந்தீ’’தி! அஸ்ஸோஸுங் கோ²
பி⁴க்கு²னியோ தஸ்ஸ லிச்ச²விஸ்ஸ உஜ்ஜா²யந்தஸ்ஸ கி²ய்யந்தஸ்ஸ விபாசெந்தஸ்ஸ.
யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம அய்யா து²ல்லனந்தா³ சோரிங் பப்³பா³ஜெஸ்ஸதீ’’தி! அத² கோ² தா
பி⁴க்கு²னியோ பி⁴க்கூ²னங் ஏதமத்த²ங் ஆரோசேஸுங்…பே॰… ஸச்சங் கிர, பி⁴க்க²வே,
து²ல்லனந்தா³ பி⁴க்கு²னீ சோரிங் பப்³பா³ஜேதீதி [பப்³பா³ஜேஸீதி (க॰)]?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, து²ல்லனந்தா³ பி⁴க்கு²னீ சோரிங் பப்³பா³ஜெஸ்ஸதி! நேதங்,
பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

683. ‘‘யா பன
பி⁴க்கு²னீ ஜானங் சோரிங் வஜ்ஜ²ங் விதி³தங் அனபலோகெத்வா ராஜானங் வா ஸங்க⁴ங்
வா க³ணங் வா பூக³ங் வா ஸேணிங் வா அஞ்ஞத்ர கப்பா வுட்டா²பெய்ய, அயம்பி
பி⁴க்கு²னீ பட²மாபத்திகங் த⁴ம்மங் ஆபன்னா நிஸ்ஸாரணீயங் ஸங்கா⁴தி³ஸேஸ’’
ந்தி.

684. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஜானாதி நாம ஸாமங் வா ஜானாதி அஞ்ஞே வா தஸ்ஸா ஆரோசெந்தி, ஸா வா ஆரோசேதி.

சோரீ நாம யா பஞ்சமாஸகங் வா அதிரேகபஞ்சமாஸகங் வா அக்³க⁴னகங் அதி³ன்னங் தெ²ய்யஸங்கா²தங் ஆதி³யதி, ஏஸா சோரீ நாம.

வஜ்ஜா² நாம யங் கத்வா வஜ்ஜ²ப்பத்தா ஹோதி.

விதி³தா நாம அஞ்ஞேஹி மனுஸ்ஸேஹி ஞாதா ஹோதி ‘‘வஜ்ஜா² ஏஸா’’தி.

அனபலோகெத்வாதி அனாபுச்சா².

ராஜா நாம யத்த² ராஜா அனுஸாஸதி, ராஜா அபலோகேதப்³போ³.

ஸங்கோ⁴ நாம பி⁴க்கு²னிஸங்கோ⁴ வுச்சதி, பி⁴க்கு²னிஸங்கோ⁴ அபலோகேதப்³போ³.

க³ணோ நாம யத்த² க³ணோ அனுஸாஸதி, க³ணோ அபலோகேதப்³போ³.

பூகோ³ நாம யத்த² பூகோ³ அனுஸாஸதி, பூகோ³ அபலோகேதப்³போ³.

ஸேணி நாம யத்த² ஸேணி அனுஸாஸதி, ஸேணி அபலோகேதப்³போ³.

அஞ்ஞத்ர கப்பாதி ட²பெத்வா கப்பங். கப்பங்
நாம த்³வே கப்பானி – தித்தி²யேஸு வா பப்³ப³ஜிதா ஹோதி அஞ்ஞாஸு வா
பி⁴க்கு²னீஸு பப்³ப³ஜிதா. அஞ்ஞத்ர கப்பா ‘‘வுட்டா²பெஸ்ஸாமீ’’தி க³ணங் வா
ஆசரினிங் வா பத்தங் வா சீவரங் வா பரியேஸதி, ஸீமங்
வா ஸம்மன்னதி, ஆபத்தி து³க்கடஸ்ஸ. ஞத்தியா து³க்கடங். த்³வீஹி கம்மவாசாஹி
து²ல்லச்சயா. கம்மவாசாபரியோஸானே உபஜ்ஜா²யாய ஆபத்தி ஸங்கா⁴தி³ஸேஸஸ்ஸ. க³ணஸ்ஸ
ச ஆசரினியா ச ஆபத்தி து³க்கடஸ்ஸ.

அயம்பீதி புரிமங் உபாதா³ய வுச்சதி.

பட²மாபத்திகந்தி ஸஹ வத்து²ஜ்ஜா²சாரா ஆபஜ்ஜதி அஸமனுபா⁴ஸனாய.

நிஸ்ஸாரணீயந்தி ஸங்க⁴ம்ஹா நிஸ்ஸாரீயதி.

ஸங்கா⁴தி³ஸேஸந்தி…பே॰… தேனபி வுச்சதி ஸங்கா⁴தி³ஸேஸோதி.

685. சோரியா சோரிஸஞ்ஞா அஞ்ஞத்ர கப்பா வுட்டா²பேதி, ஆபத்தி ஸங்கா⁴தி³ஸேஸஸ்ஸ. சோரியா வேமதிகா அஞ்ஞத்ர கப்பா வுட்டா²பேதி, ஆபத்தி து³க்கடஸ்ஸ. சோரியா அசோரிஸஞ்ஞா அஞ்ஞத்ர கப்பா வுட்டா²பேதி, அனாபத்தி. அசோரியா சோரிஸஞ்ஞா, ஆபத்தி து³க்கடஸ்ஸ. அசோரியா வேமதிகா, ஆபத்தி து³க்கடஸ்ஸ. அசோரியா அசோரிஸஞ்ஞா, அனாபத்தி.

686. அனாபத்தி அஜானந்தீ வுட்டா²பேதி, அபலோகெத்வா வுட்டா²பேதி, கப்பகதங் வுட்டா²பேதி, உம்மத்திகாய, ஆதி³கம்மிகாயாதி.

து³தியஸங்கா⁴தி³ஸேஸஸிக்கா²பத³ங் நிட்டி²தங்.

3. ததியஸங்கா⁴தி³ஸேஸஸிக்கா²பத³ங்

687.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ப⁴த்³தா³ய காபிலானியா அந்தேவாஸினீ பி⁴க்கு²னீ
பி⁴க்கு²னீஹி ஸத்³தி⁴ங் ப⁴ண்டி³த்வா கா³மகங் [கா³மகே (ஸ்யா॰)]
ஞாதிகுலங் அக³மாஸி. ப⁴த்³தா³ காபிலானீ தங் பி⁴க்கு²னிங் அபஸ்ஸந்தீ
பி⁴க்கு²னியோ புச்சி² – ‘‘கஹங் இத்த²ன்னாமா, ந தி³ஸ்ஸதீ’’தி!
‘‘பி⁴க்கு²னீஹி ஸத்³தி⁴ங், அய்யே, ப⁴ண்டி³த்வா ந தி³ஸ்ஸதீ’’தி. ‘‘அம்மா,
அமுகஸ்மிங் கா³மகே ஏதிஸ்ஸா ஞாதிகுலங். தத்த² க³ந்த்வா விசினதா²’’தி.
பி⁴க்கு²னியோ தத்த² க³ந்த்வா தங் பி⁴க்கு²னிங் பஸ்ஸித்வா ஏதத³வோசுங் –
‘‘கிஸ்ஸ த்வங், அய்யே , ஏகிகா ஆக³தா, கச்சிஸி
அப்பத⁴ங்ஸிதா’’தி? ‘‘அப்பத⁴ங்ஸிதாம்ஹி, அய்யே’’தி. யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கு²னீ ஏகா கா³மந்தரங் க³ச்சி²ஸ்ஸதீ’’தி…பே॰… ஸச்சங் கிர, பி⁴க்க²வே,
பி⁴க்கு²னீ ஏகா கா³மந்தரங் க³ச்ச²தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே ,
பி⁴க்கு²னீ ஏகா கா³மந்தரங் க³ச்சி²ஸ்ஸதி! நேதங், பி⁴க்க²வே, அப்பஸன்னானங்
வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங்
உத்³தி³ஸந்து –

‘‘யா பன பி⁴க்கு²னீ ஏகா கா³மந்தரங் க³ச்செ²ய்ய, அயம்பி பி⁴க்கு²னீ பட²மாபத்திகங் த⁴ம்மங் ஆபன்னா நிஸ்ஸாரணீயங் ஸங்கா⁴தி³ஸேஸ’’ந்தி.

ஏவஞ்சித³ங் ப⁴க³வதா பி⁴க்கு²னீனங் ஸிக்கா²பத³ங் பஞ்ஞத்தங் ஹோதி.

688. தேன
கோ² பன ஸமயேன த்³வே பி⁴க்கு²னியோ ஸாகேதா ஸாவத்தி²ங்
அத்³தா⁴னமக்³க³ப்படிபன்னா ஹொந்தி. அந்தராமக்³கே³ நதீ³ தரிதப்³பா³ ஹோதி. அத²
கோ² தா பி⁴க்கு²னியோ நாவிகே உபஸங்கமித்வா ஏதத³வோசுங் – ‘‘ஸாது⁴ நோ, ஆவுஸோ,
தாரேதா²’’தி. ‘‘நாய்யே, ஸக்கா உபோ⁴ ஸகிங் தாரேது’’ந்தி. ஏகோ ஏகங்
உத்தாரேஸி. உத்திண்ணோ உத்திண்ணங் தூ³ஸேஸி. அனுத்திண்ணோ அனுத்திண்ணங்
தூ³ஸேஸி. தா பச்சா² ஸமாக³ந்த்வா புச்சி²ங்ஸு – ‘‘கச்சிஸி, அய்யே,
அப்பத⁴ங்ஸிதா’’தி? ‘‘பத⁴ங்ஸிதாம்ஹி, அய்யே! த்வங் பன, அய்யே,
அப்பத⁴ங்ஸிதா’’தி? ‘‘பத⁴ங்ஸிதாம்ஹி, அய்யே’’தி. அத² கோ² தா பி⁴க்கு²னியோ
ஸாவத்தி²ங் க³ந்த்வா பி⁴க்கு²னீனங் ஏதமத்த²ங் ஆரோசேஸுங். யா தா
பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு²னீ ஏகா நதீ³பாரங் க³ச்சி²ஸ்ஸதீ’’தி! அத² கோ² தா
பி⁴க்கு²னியோ பி⁴க்கூ²னங் ஏதமத்த²ங் ஆரோசேஸுங். பி⁴க்கூ² ப⁴க³வதோ ஏதமத்த²ங்
ஆரோசேஸுங்…பே॰… ஸச்சங் கிர, பி⁴க்க²வே, பி⁴க்கு²னீ ஏகா நதீ³பாரங்
க³ச்ச²தீ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம, பி⁴க்க²வே, பி⁴க்கு²னீ ஏகா நதீ³பாரங் க³ச்சி²ஸ்ஸதி! நேதங் , பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

‘‘யா பன பி⁴க்கு²னீ ஏகா வா
கா³மந்தரங் க³ச்செ²ய்ய, ஏகா வா நதீ³பாரங் க³ச்செ²ய்ய, அயம்பி பி⁴க்கு²னீ
பட²மாபத்திகங் த⁴ம்மங் ஆபன்னா நிஸ்ஸாரணீயங் ஸங்கா⁴தி³ஸேஸ’’
ந்தி.

ஏவஞ்சித³ங் ப⁴க³வதா பி⁴க்கு²னீனங் ஸிக்கா²பத³ங் பஞ்ஞத்தங் ஹோதி.

689. தேன கோ² பன ஸமயேன ஸம்ப³ஹுலா பி⁴க்கு²னியோ கோஸலேஸு ஜனபதே³ ஸாவத்தி²ங் க³ச்ச²ந்தா [க³ந்த்வா (க॰)]
ஸாயங் அஞ்ஞதரங் கா³மங் உபக³ச்சி²ங்ஸு. தத்த² அஞ்ஞதரா பி⁴க்கு²னீ அபி⁴ரூபா
ஹோதி த³ஸ்ஸனீயா பாஸாதி³கா. அஞ்ஞதரோ புரிஸோ தஸ்ஸா பி⁴க்கு²னியா ஸஹ த³ஸ்ஸனேன
படிப³த்³த⁴சித்தோ ஹோதி. அத² கோ² ஸோ புரிஸோ தாஸங் பி⁴க்கு²னீனங் ஸெய்யங்
பஞ்ஞபெந்தோ தஸ்ஸா பி⁴க்கு²னியா ஸெய்யங் ஏகமந்தங்
பஞ்ஞாபேஸி. அத² கோ² ஸா பி⁴க்கு²னீ ஸல்லக்கெ²த்வா – ‘‘பரியுட்டி²தோ அயங்
புரிஸோ; ஸசே ரத்திங் ஆக³ச்சி²ஸ்ஸதி, விஸ்ஸரோ மே ப⁴விஸ்ஸதீ’’தி,
பி⁴க்கு²னியோ அனாபுச்சா² அஞ்ஞதரங் குலங் க³ந்த்வா ஸெய்யங் கப்பேஸி. அத² கோ²
ஸோ புரிஸோ ரத்திங் ஆக³ந்த்வா தங் பி⁴க்கு²னிங்
க³வேஸந்தோ பி⁴க்கு²னியோ க⁴ட்டேஸி. பி⁴க்கு²னியோ தங் பி⁴க்கு²னிங்
அபஸ்ஸந்தியோ ஏவமாஹங்ஸு – ‘‘நிஸ்ஸங்ஸயங் கோ² ஸா பி⁴க்கு²னீ புரிஸேன
ஸத்³தி⁴ங் நிக்க²ந்தா’’தி.

அத² கோ² ஸா பி⁴க்கு²னீ தஸ்ஸா ரத்தியா அச்சயேன யேன தா
பி⁴க்கு²னியோ தேனுபஸங்கமி. பி⁴க்கு²னியோ தங் பி⁴க்கு²னிங் ஏதத³வோசுங் –
‘‘கிஸ்ஸ த்வங், அய்யே, புரிஸேன ஸத்³தி⁴ங் நிக்க²ந்தா’’தி? ‘‘நாஹங், அய்யே,
புரிஸேன ஸத்³தி⁴ங் நிக்க²ந்தா’’தி. பி⁴க்கு²னீனங் ஏதமத்த²ங்
ஆரோசேஸி. யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பி⁴க்கு²னீ ஏகா ரத்திங் விப்பவஸிஸ்ஸதீ’’தி…பே॰…
ஸச்சங் கிர, பி⁴க்க²வே, பி⁴க்கு²னீ ஏகா ரத்திங் விப்பவஸீதி [விப்பவஸீதி (க॰)]?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, பி⁴க்கு²னீ ஏகா ரத்திங் விப்பவஸிஸ்ஸதி! நேதங், பி⁴க்க²வே,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங்
ஸிக்கா²பத³ங் உத்³தி³ஸந்து –

‘‘யா பன பி⁴க்கு²னீ ஏகா வா
கா³மந்தரங் க³ச்செ²ய்ய, ஏகா வா நதீ³பாரங் க³ச்செ²ய்ய, ஏகா வா ரத்திங்
விப்பவஸெய்ய, அயம்பி பி⁴க்கு²னீ பட²மாபத்திகங் த⁴ம்மங் ஆபன்னா நிஸ்ஸாரணீயங்
ஸங்கா⁴தி³ஸேஸ’’
ந்தி.

ஏவஞ்சித³ங் ப⁴க³வதா பி⁴க்கு²னீனங் ஸிக்கா²பத³ங் பஞ்ஞத்தங் ஹோதி.

690.
தேன கோ² பன ஸமயேன ஸம்ப³ஹுலா பி⁴க்கு²னியோ கோஸலேஸு ஜனபதே³ ஸாவத்தி²ங்
அத்³தா⁴னமக்³க³ப்படிபன்னா ஹொந்தி. தத்த² அஞ்ஞதரா பி⁴க்கு²னீ வச்சேன பீளிதா
ஏகிகா ஓஹீயித்வா [ஓஹியித்வா (க॰)] பச்சா²
அக³மாஸி. மனுஸ்ஸா தங் பி⁴க்கு²னிங் பஸ்ஸித்வா தூ³ஸேஸுங். அத² கோ² ஸா
பி⁴க்கு²னீ யேன தா பி⁴க்கு²னியோ தேனுபஸங்கமி. பி⁴க்கு²னியோ தங்
பி⁴க்கு²னிங் ஏதத³வோசுங் – ‘‘கிஸ்ஸ த்வங், அய்யே, ஏகிகா ஓஹீனா, கச்சிஸி
அப்பத⁴ங்ஸிதா’’தி? ‘‘பத⁴ங்ஸிதாம்ஹி, அய்யே’’தி. யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – கத²ஞ்ஹி நாம பி⁴க்கு²னீ ஏகா க³ணம்ஹா ஓஹீயிஸ்ஸதீதி…பே॰… ஸச்சங் கிர, பி⁴க்க²வே, பி⁴க்கு²னீ ஏகா க³ணம்ஹா ஓஹீயதீதி? ‘‘ஸச்சங், ப⁴க³வா’’தி .
விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, பி⁴க்கு²னீ ஏகா
க³ணம்ஹா ஓஹீயிஸ்ஸதி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச
பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

691. ‘‘யா பன
பி⁴க்கு²னீ ஏகா வா கா³மந்தரங் க³ச்செ²ய்ய, ஏகா வா நதீ³பாரங் க³ச்செ²ய்ய,
ஏகா வா ரத்திங் விப்பவஸெய்ய, ஏகா வா க³ணம்ஹா ஓஹீயெய்ய, அயம்பி பி⁴க்கு²னீ
பட²மாபத்திகங்
த⁴ம்மங் ஆபன்னா நிஸ்ஸாரணீயங் ஸங்கா⁴தி³ஸேஸ’’ந்தி.

692. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஏகா வா கா³மந்தரங் க³ச்செ²ய்யாதி
பரிக்கி²த்தஸ்ஸ கா³மஸ்ஸ பரிக்கே²பங் பட²மங் பாத³ங் அதிக்காமெந்தியா ஆபத்தி
து²ல்லச்சயஸ்ஸ, து³தியங் பாத³ங் அதிக்காமெந்தியா ஆபத்தி ஸங்கா⁴தி³ஸேஸஸ்ஸ.

அபரிக்கி²த்தஸ்ஸ கா³மஸ்ஸ உபசாரங் பட²மங் பாத³ங்
அதிக்காமெந்தியா ஆபத்தி து²ல்லச்சயஸ்ஸ. து³தியங் பாத³ங் அதிக்காமெந்தியா
ஆபத்தி ஸங்கா⁴தி³ஸேஸஸ்ஸ.

ஏகா வா நதீ³பாரங் க³ச்செ²ய்யாதி
நதீ³ நாம திமண்ட³லங் படிச்சா²தெ³த்வா யத்த² கத்த²சி உத்தரந்தியா
பி⁴க்கு²னியா அந்தரவாஸகோ தேமியதி. பட²மங் பாத³ங் உத்தரந்தியா ஆபத்தி
து²ல்லச்சயஸ்ஸ. து³தியங் பாத³ங் உத்தரந்தியா ஆபத்தி ஸங்கா⁴தி³ஸேஸஸ்ஸ.

ஏகா வா ரத்திங் விப்பவஸெய்யாதி ஸஹ அருணுக்³க³மனா து³தியிகாய பி⁴க்கு²னியா ஹத்த²பாஸங் விஜஹந்தியா ஆபத்தி து²ல்லச்சயஸ்ஸ. விஜஹிதே ஆபத்தி ஸங்கா⁴தி³ஸேஸஸ்ஸ.

ஏகா வா க³ணம்ஹா ஓஹீயெய்யாதி அகா³மகே அரஞ்ஞே து³தியிகாய பி⁴க்கு²னியா த³ஸ்ஸனூபசாரங் வா ஸவனூபசாரங் வா விஜஹந்தியா ஆபத்தி து²ல்லச்சயஸ்ஸ. விஜஹிதே ஆபத்தி ஸங்கா⁴தி³ஸேஸஸ்ஸ.

அயம்பீதி புரிமாயோ உபாதா³ய வுச்சதி.

பட²மாபத்திகந்தி ஸஹ வத்து²ஜ்ஜா²சாரா ஆபஜ்ஜதி அஸமனுபா⁴ஸனாய.

நிஸ்ஸாரணீயந்தி ஸங்க⁴ம்ஹா நிஸ்ஸாரீயதி.

ஸங்கா⁴தி³ஸேஸோதி…பே॰… தேனபி வுச்சதி ஸங்கா⁴தி³ஸேஸோதி.

693.
அனாபத்தி து³தியிகா பி⁴க்கு²னீ பக்கந்தா வா ஹோதி விப்³ப⁴ந்தா வா காலங்கதா
வா பக்க²ஸங்கந்தா வா, ஆபதா³ஸு, உம்மத்திகாய, ஆதி³கம்மிகாயாதி.

ததியஸங்கா⁴தி³ஸேஸஸிக்கா²பத³ங் நிட்டி²தங்.

4. சதுத்த²ஸங்கா⁴தி³ஸேஸஸிக்கா²பத³ங்

694. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன சண்ட³காளீ பி⁴க்கு²னீ ப⁴ண்ட³னகாரிகா ஹோதி
கலஹகாரிகா விவாத³காரிகா ப⁴ஸ்ஸகாரிகா ஸங்கே⁴ அதி⁴கரணகாரிகா. து²ல்லனந்தா³
பி⁴க்கு²னீ தஸ்ஸா கம்மே கரீயமானே படிக்கோஸதி. தேன கோ² பன ஸமயேன
து²ல்லனந்தா³ பி⁴க்கு²னீ கா³மகங் அக³மாஸி கேனசிதே³வ கரணீயேன. அத² கோ²
பி⁴க்கு²னிஸங்கோ⁴ – ‘‘து²ல்லனந்தா³ பி⁴க்கு²னீ பக்கந்தா’’தி , சண்ட³காளிங் பி⁴க்கு²னிங் ஆபத்தியா அத³ஸ்ஸனே [அத³ஸ்ஸனேன (க॰)] உக்கி²பி. து²ல்லனந்தா³ பி⁴க்கு²னீ கா³மகே தங் கரணீயங் தீரெத்வா புனதே³வ ஸாவத்தி²ங் பச்சாக³ச்சி². சண்ட³காளீ
பி⁴க்கு²னீ து²ல்லனந்தா³ய பி⁴க்கு²னியா ஆக³ச்ச²ந்தியா நேவ ஆஸனங் பஞ்ஞபேஸி ந
பாதோ³த³கங் பாத³பீட²ங் பாத³கட²லிகங் உபனிக்கி²பி ந பச்சுக்³க³ந்த்வா
பத்தசீவரங் படிக்³க³ஹேஸி ந பானீயேன ஆபுச்சி². து²ல்லனந்தா³ பி⁴க்கு²னீ
சண்ட³காளிங் பி⁴க்கு²னிங் ஏதத³வோச – ‘‘கிஸ்ஸ த்வங், அய்யே, மயி
ஆக³ச்ச²ந்தியா நேவ ஆஸனங் பஞ்ஞபேஸி ந பாதோ³த³கங் பாத³பீட²ங் பாத³கட²லிகங்
உபனிக்கி²பி ந பச்சுக்³க³ந்த்வா பத்தசீவரங் படிக்³க³ஹேஸி ந பானீயேன
ஆபுச்சீ²’’தி? ‘‘ஏவஞ்ஹேதங், அய்யே, ஹோதி யதா² தங் அனாதா²யா’’தி. ‘‘கிஸ்ஸ பன
த்வங், அய்யே, அனாதா²’’தி? ‘‘இமா மங், அய்யே, பி⁴க்கு²னியோ – ‘‘அயங்
அனாதா² அப்பஞ்ஞாதா, நத்தி² இமிஸ்ஸா காசி படிவத்தா’’தி, ஆபத்தியா அத³ஸ்ஸனே [அத³ஸ்ஸனேன (க॰)] உக்கி²பிங்ஸூ’’தி.

து²ல்லனந்தா³ பி⁴க்கு²னீ –
‘‘பா³லா ஏதா அப்³யத்தா ஏதா, நேவ ஜானந்தி கம்மங் வா கம்மதோ³ஸங் வா
கம்மவிபத்திங் வா கம்மஸம்பத்திங் வா. மயங் கோ² ஜானாம கம்மம்பி கம்மதோ³ஸம்பி
கம்மவிபத்திம்பி கம்மஸம்பத்திம்பி. மயங் கோ² அகதங் வா கம்மங் காரெய்யாம
கதங் வா கம்மங் கோபெய்யாமா’’தி, லஹுங் லஹுங் பி⁴க்கு²னிஸங்க⁴ங்
ஸன்னிபாதெத்வா சண்ட³காளிங் பி⁴க்கு²னிங் ஓஸாரேஸி. யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
அய்யா து²ல்லனந்தா³ ஸமக்³கே³ன ஸங்கே⁴ன உக்கி²த்தங் பி⁴க்கு²னிங் த⁴ம்மேன
வினயேன ஸத்து²ஸாஸனேன அனபலோகெத்வா காரகஸங்க⁴ங் அனஞ்ஞாய க³ணஸ்ஸ ச²ந்த³ங்
ஓஸாரெஸ்ஸதீ’’தி…பே॰… ஸச்சங் கிர, பி⁴க்க²வே, து²ல்லனந்தா³ பி⁴க்கு²னீ
ஸமக்³கே³ன ஸங்கே⁴ன உக்கி²த்தங் பி⁴க்கு²னிங் த⁴ம்மேன வினயேன ஸத்து²ஸாஸனேன
அனபலோகெத்வா காரகஸங்க⁴ங் அனஞ்ஞாய க³ணஸ்ஸ ச²ந்த³ங் ஓஸாரேதீதி [ஓஸாரேஸீதி (க॰)]? ‘‘ஸச்சங் ,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே,
து²ல்லனந்தா³ பி⁴க்கு²னீ ஸமக்³கே³ன ஸங்கே⁴ன உக்கி²த்தங் பி⁴க்கு²னிங்
த⁴ம்மேன வினயேன ஸத்து²ஸாஸனேன அனபலோகெத்வா காரகஸங்க⁴ங் அனஞ்ஞாய க³ணஸ்ஸ
ச²ந்த³ங் ஓஸாரெஸ்ஸதி! நேதங், பி⁴க்க²வே, அப்பஸன்னானங் வா பஸாதா³ய…பே॰…
ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

695. ‘‘யா
பன பி⁴க்கு²னீ ஸமக்³கே³ன ஸங்கே⁴ன உக்கி²த்தங் பி⁴க்கு²னிங் த⁴ம்மேன வினயேன
ஸத்து²ஸாஸனேன அனபலோகெத்வா காரகஸங்க⁴ங் அனஞ்ஞாய க³ணஸ்ஸ ச²ந்த³ங் ஓஸாரெய்ய,
அயம்பி பி⁴க்கு²னீ பட²மாபத்திகங் த⁴ம்மங் ஆபன்னா நிஸ்ஸாரணீயங்
ஸங்கா⁴தி³ஸேஸ’’
ந்தி.

696. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஸமக்³கோ³ நாம ஸங்கோ⁴ ஸமானஸங்வாஸகோ ஸமானஸீமாயங் டி²தோ.

உக்கி²த்தா நாம ஆபத்தியா அத³ஸ்ஸனே வா அப்படிகம்மே வா அப்படினிஸ்ஸக்³கே³ வா [அத³ஸ்ஸனேன
வா அப்படிகம்மேன வா அப்படினிஸ்ஸக்³கே³ன வா (க॰), அத³ஸ்ஸனே வா அப்படிகம்மே
வா பாபிகாய தி³ட்டி²யா அப்படினிஸ்ஸக்³கே³ வா (?)]
உக்கி²த்தா.

த⁴ம்மேன வினயேனாதி யேன த⁴ம்மேன யேன வினயேன.

ஸத்து²ஸாஸனேனாதி ஜினஸாஸனேன பு³த்³த⁴ஸாஸனேன.

அனபலோகெத்வா காரகஸங்க⁴ந்தி கம்மகாரகஸங்க⁴ங் அனாபுச்சா².

அனஞ்ஞாய க³ணஸ்ஸ ச²ந்த³ந்தி க³ணஸ்ஸ ச²ந்த³ங் அஜானித்வா.

‘‘ஓஸாரெஸ்ஸாமீ’’தி க³ணங் வா பரியேஸதி, ஸீமங் வா ஸம்மன்னதி , ஆபத்தி து³க்கடஸ்ஸ. ஞத்தியா து³க்கடங், த்³வீஹி கம்மவாசாஹி து²ல்லச்சயா, கம்மவாசாபரியோஸானே ஆபத்தி ஸங்கா⁴தி³ஸேஸஸ்ஸ.

அயம்பீதி புரிமாயோ உபாதா³ய வுச்சதி.

பட²மாபத்திகந்தி ஸஹ வத்து²ஜ்ஜா²சாரா ஆபஜ்ஜதி அஸமனுபா⁴ஸனாய.

நிஸ்ஸாரணீயந்தி ஸங்க⁴ம்ஹா நிஸ்ஸாரீயதி.

ஸங்கா⁴தி³ஸேஸோதி…பே॰… தேனபி வுச்சதி ஸங்கா⁴தி³ஸேஸோதி.

697. த⁴ம்மகம்மே
த⁴ம்மகம்மஸஞ்ஞா ஓஸாரேதி, ஆபத்தி ஸங்கா⁴தி³ஸேஸஸ்ஸ. த⁴ம்மகம்மே வேமதிகா
ஓஸாரேதி ஆபத்தி ஸங்கா⁴தி³ஸேஸஸ்ஸ. த⁴ம்மகம்மே அத⁴ம்மகம்மஸஞ்ஞா ஓஸாரேதி,
ஆபத்தி ஸங்கா⁴தி³ஸேஸஸ்ஸ.

அத⁴ம்மகம்மே த⁴ம்மகம்மஸஞ்ஞா, ஆபத்தி து³க்கடஸ்ஸ.
அத⁴ம்மகம்மே வேமதிகா, ஆபத்தி து³க்கடஸ்ஸ. அத⁴ம்மகம்மே அத⁴ம்மகம்மஸஞ்ஞா,
ஆபத்தி து³க்கடஸ்ஸ.

698.
அனாபத்தி கம்மகாரகஸங்க⁴ங் அபலோகெத்வா ஓஸாரேதி, க³ணஸ்ஸ ச²ந்த³ங் ஜானித்வா
ஓஸாரேதி, வத்தே வத்தந்திங் ஓஸாரேதி, அஸந்தே கம்மகாரகஸங்கே⁴ ஓஸாரேதி,
உம்மத்திகாய, ஆதி³கம்மிகாயாதி.

சதுத்த²ஸங்கா⁴தி³ஸேஸஸிக்கா²பத³ங் நிட்டி²தங்.

5. பஞ்சமஸங்கா⁴தி³ஸேஸஸிக்கா²பத³ங்

699. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஸுந்த³ரீனந்தா³ பி⁴க்கு²னீ அபி⁴ரூபா ஹோதி
த³ஸ்ஸனீயா பாஸாதி³கா. மனுஸ்ஸா ப⁴த்தக்³கே³ ஸுந்த³ரீனந்த³ங்
பி⁴க்கு²னிங் பஸ்ஸித்வா அவஸ்ஸுதா அவஸ்ஸுதாய ஸுந்த³ரீனந்தா³ய பி⁴க்கு²னியா
அக்³க³மக்³கா³னி போ⁴ஜனானி தெ³ந்தி. ஸுந்த³ரீனந்தா³ பி⁴க்கு²னீ யாவத³த்த²ங்
பு⁴ஞ்ஜதி; அஞ்ஞா பி⁴க்கு²னியோ ந சித்தரூபங் லப⁴ந்தி. யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
அய்யா ஸுந்த³ரீனந்தா³ அவஸ்ஸுதா அவஸ்ஸுதஸ்ஸ புரிஸபுக்³க³லஸ்ஸ ஹத்த²தோ
கா²த³னீயங் வா போ⁴ஜனீயங் வா ஸஹத்தா² படிக்³க³ஹெத்வா
கா²தி³ஸ்ஸதி பு⁴ஞ்ஜிஸ்ஸதீ’’தி…பே॰… ஸச்சங் கிர, பி⁴க்க²வே, ஸுந்த³ரீனந்தா³
பி⁴க்கு²னீ அவஸ்ஸுதா அவஸ்ஸுதஸ்ஸ புரிஸபுக்³க³லஸ்ஸ ஹத்த²தோ கா²த³னீயங் வா
போ⁴ஜனீயங் வா ஸஹத்தா² படிக்³க³ஹெத்வா கா²த³தி பு⁴ஞ்ஜதீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே,
ஸுந்த³ரீனந்தா³ பி⁴க்கு²னீ அவஸ்ஸுதா அவஸ்ஸுதஸ்ஸ புரிஸபுக்³க³லஸ்ஸ ஹத்த²தோ
கா²த³னீயங் வா போ⁴ஜனீயங் வா ஸஹத்தா² படிக்³க³ஹெத்வா கா²தி³ஸ்ஸதி
பு⁴ஞ்ஜிஸ்ஸதி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

700. ‘‘யா பன
பி⁴க்கு²னீ அவஸ்ஸுதா அவஸ்ஸுதஸ்ஸ புரிஸபுக்³க³லஸ்ஸ ஹத்த²தோ கா²த³னீயங் வா
போ⁴ஜனீயங் வா ஸஹத்தா² படிக்³க³ஹெத்வா கா²தெ³ய்ய வா பு⁴ஞ்ஜெய்ய வா, அயம்பி
பி⁴க்கு²னீ பட²மாபத்திகங் த⁴ம்மங் ஆபன்னா நிஸ்ஸாரணீயங் ஸங்கா⁴தி³ஸேஸ’’
ந்தி.

701. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

அவஸ்ஸுதா நாம ஸாரத்தா அபெக்க²வதீ படிப³த்³த⁴சித்தா.

அவஸ்ஸுதோ நாம ஸாரத்தோ அபெக்க²வா படிப³த்³த⁴சித்தோ.

புரிஸபுக்³க³லோ நாம மனுஸ்ஸபுரிஸோ, ந யக்கோ² ந பேதோ ந திரச்சா²னக³தோ, விஞ்ஞூ படிப³லோ ஸாரஜ்ஜிதுங்.

கா²த³னீயங் நாம பஞ்ச போ⁴ஜனானி – உத³கத³ந்தபோனங் ட²பெத்வா அவஸேஸங் கா²த³னீயங் நாம.

போ⁴ஜனீயங் நாம பஞ்ச போ⁴ஜனானி – ஓத³னோ, கும்மாஸோ, ஸத்து, மச்சோ², மங்ஸங்.

‘‘கா²தி³ஸ்ஸாமி பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி து²ல்லச்சயஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி ஸங்கா⁴தி³ஸேஸஸ்ஸ.

அயம்பீதி புரிமாயோ உபாதா³ய வுச்சதி.

பட²மாபத்திகந்தி ஸஹ வத்து²ஜ்ஜா²சாரா ஆபஜ்ஜதி அஸமனுபா⁴ஸனாய.

நிஸ்ஸாரணீயந்தி ஸங்க⁴ம்ஹா நிஸ்ஸாரீயதி.

ஸங்கா⁴தி³ஸேஸோதி…பே॰… தேனபி வுச்சதி ஸங்கா⁴தி³ஸேஸோதி.

உத³கத³ந்தபோனங் படிக்³க³ண்ஹாதி, ஆபத்தி து³க்கடஸ்ஸ.
ஏகதோஅவஸ்ஸுதே ‘‘கா²தி³ஸ்ஸாமி பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி
து³க்கடஸ்ஸ.

702.
அஜ்ஜோ²ஹாரே அஜ்ஜோ²ஹாரே ஆபத்தி து²ல்லச்சயஸ்ஸ. உத³கத³ந்தபோனங்
படிக்³க³ண்ஹாதி, ஆபத்தி து³க்கடஸ்ஸ. உப⁴தோஅவஸ்ஸுதே யக்க²ஸ்ஸ வா பேதஸ்ஸ வா
பண்ட³கஸ்ஸ வா திரச்சா²னக³தமனுஸ்ஸவிக்³க³ஹஸ்ஸ வா ஹத்த²தோ ‘‘கா²தி³ஸ்ஸாமி
பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே
அஜ்ஜோ²ஹாரே ஆபத்தி து²ல்லச்சயஸ்ஸ. உத³கத³ந்தபோனங்
படிக்³க³ண்ஹாதி, ஆபத்தி து³க்கடஸ்ஸ. ஏகதோஅவஸ்ஸுதே ‘‘கா²தி³ஸ்ஸாமி
பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே
அஜ்ஜோ²ஹாரே ஆபத்தி து³க்கடஸ்ஸ. உத³கத³ந்தபோனங் படிக்³க³ண்ஹாதி, ஆபத்தி
து³க்கடஸ்ஸ.

703. அனாபத்தி உப⁴தோஅனவஸ்ஸுதா ஹொந்தி, ‘‘அனவஸ்ஸுதோ’’தி ஜானந்தீ படிக்³க³ண்ஹாதி, உம்மத்திகாய, ஆதி³கம்மிகாயாதி.

பஞ்சமஸங்கா⁴தி³ஸேஸஸிக்கா²பத³ங் நிட்டி²தங்.

6. ச²ட்ட²ஸங்கா⁴தி³ஸேஸஸிக்கா²பத³ங்

704. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஸுந்த³ரீனந்தா³ பி⁴க்கு²னீ அபி⁴ரூபா ஹோதி
த³ஸ்ஸனீயா பாஸாதி³கா. மனுஸ்ஸா ப⁴த்தக்³கே³ ஸுந்த³ரீனந்த³ங் பி⁴க்கு²னிங்
பஸ்ஸித்வா அவஸ்ஸுதா ஸுந்த³ரீனந்தா³ய பி⁴க்கு²னியா அக்³க³மக்³கா³னி போ⁴ஜனானி
தெ³ந்தி. ஸுந்த³ரீனந்தா³ பி⁴க்கு²னீ குக்குச்சாயந்தீ ந படிக்³க³ண்ஹாதி.
அனந்தரிகா பி⁴க்கு²னீ ஸுந்த³ரீனந்த³ங் பி⁴க்கு²னிங் ஏதத³வோச – ‘‘கிஸ்ஸ
த்வங், அய்யே, ந படிக்³க³ண்ஹாஸீ’’தி? ‘‘அவஸ்ஸுதா, அய்யே’’தி. ‘‘த்வங் பன,
அய்யே, அவஸ்ஸுதா’’தி? ‘‘நாஹங், அய்யே, அவஸ்ஸுதா’’தி. ‘‘கிங் தே, அய்யே, ஏஸோ
புரிஸபுக்³க³லோ கரிஸ்ஸதி அவஸ்ஸுதோ வா அனவஸ்ஸுதோ வா, யதோ த்வங் அனவஸ்ஸுதா.
இங்க⁴ங், அய்யே, யங் தே ஏஸோ புரிஸபுக்³க³லோ தே³தி கா²த³னீயங் வா போ⁴ஜனீயங் வா தங் த்வங் ஸஹத்தா² படிக்³க³ஹெத்வா கா²த³ வா, பு⁴ஞ்ஜ வா’’தி.

யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னீ ஏவங் வக்க²தி – ‘கிங்
தே, அய்யே, ஏஸோ புரிஸபுக்³க³லோ கரிஸ்ஸதி அவஸ்ஸுதோ வா அனவஸ்ஸுதோ வா, யதோ
த்வங் அனவஸ்ஸுதா. இங்க⁴, அய்யே, யங் தே ஏஸோ புரிஸபுக்³க³லோ தே³தி
கா²த³னீயங் வா போ⁴ஜனீயங் வா தங் த்வங் ஸஹத்தா² படிக்³க³ஹெத்வா கா²த³ வா
பு⁴ஞ்ஜ வா’’தி…பே॰… ஸச்சங் கிர, பி⁴க்க²வே, பி⁴க்கு²னீ ஏவங் வதே³தி –
‘‘கிங் தே, அய்யே, ஏஸோ புரிஸபுக்³க³லோ கரிஸ்ஸதி அவஸ்ஸுதோ வா அனவஸ்ஸுதோ வா
யதோ த்வங் அனவஸ்ஸுதா! இங்க⁴, அய்யே, யங் தே ஏஸோ புரிஸபுக்³க³லோ தே³தி
கா²த³னீயங் வா போ⁴ஜனீயங் வா தங் த்வங் ஸஹத்தா² படிக்³க³ஹெத்வா கா²த³ வா
பு⁴ஞ்ஜ வா’’தி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, பி⁴க்கு²னீ ஏவங் வக்க²தி –
‘‘கிங் தே, அய்யே, ஏஸோ புரிஸபுக்³க³லோ கரிஸ்ஸதி அவஸ்ஸுதோ வா அனவஸ்ஸுதோ வா
யதோ த்வங் அனவஸ்ஸுதா; இங்க⁴, அய்யே, யங் தே ஏஸோ புரிஸபுக்³க³லோ தே³தி
கா²த³னீயங் வா போ⁴ஜனீயங் வா தங் த்வங் ஸஹத்தா² படிக்³க³ஹெத்வா கா²த³ வா
பு⁴ஞ்ஜ வா’’. நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

705. ‘‘யா
பன பி⁴க்கு²னீ ஏவங் வதெ³ய்ய – ‘கிங் தே, அய்யே, ஏஸோ புரிஸபுக்³க³லோ
கரிஸ்ஸதி அவஸ்ஸுதோ வா அனவஸ்ஸுதோ வா, யதோ த்வங் அனவஸ்ஸுதா. இங்க⁴, அய்யே,
யங் தே ஏஸோ புரிஸபுக்³க³லோ தே³தி கா²த³னீயங் வா போ⁴ஜனீயங் வா தங் த்வங்
ஸஹத்தா² படிக்³க³ஹெத்வா கா²த³ வா பு⁴ஞ்ஜ வா’தி, அயம்பி பி⁴க்கு²னீ
பட²மாபத்திகங் த⁴ம்மங் ஆபன்னா நிஸ்ஸாரணீயங் ஸங்கா⁴தி³ஸேஸ’’
ந்தி.

706. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஏவங் வதெ³ய்யாதி – ‘‘கிங் தே, அய்யே, ஏஸோ புரிஸபுக்³க³லோ கரிஸ்ஸதி அவஸ்ஸுதோ வா அனவஸ்ஸுதோ வா, யதோ த்வங்
அனவஸ்ஸுதா. இங்க⁴, அய்யே, யங் தே ஏஸோ புரிஸபுக்³க³லோ தே³தி கா²த³னீயங் வா
போ⁴ஜனீயங் வா தங் த்வங் ஸஹத்தா² படிக்³க³ஹெத்வா கா²த³ வா பு⁴ஞ்ஜ வா’’தி
உய்யோஜேதி, ஆபத்தி து³க்கடஸ்ஸ. தஸ்ஸா வசனேன ‘‘கா²தி³ஸ்ஸாமி
பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே
அஜ்ஜோ²ஹாரே ஆபத்தி து²ல்லச்சயஸ்ஸ. போ⁴ஜனபரியோஸானே ஆபத்தி ஸங்கா⁴தி³ஸேஸஸ்ஸ.

அயம்பீதி புரிமாயோ உபாதா³ய வுச்சதி.

பட²மாபத்திகந்தி ஸஹ வத்து²ஜ்ஜா²சாரா ஆபஜ்ஜதி அஸமனுபா⁴ஸனாய.

நிஸ்ஸாரணீயந்தி ஸங்க⁴ம்ஹா நிஸ்ஸாரீயதி.

ஸங்கா⁴தி³ஸேஸோதி…பே॰… தேனபி வுச்சதி ஸங்கா⁴தி³ஸேஸோதி.

உத³கத³ந்தபோனங் ‘‘படிக்³க³ண்ஹா’’தி உய்யோஜேதி, ஆபத்தி
து³க்கடஸ்ஸ. தஸ்ஸா வசனேன கா²தி³ஸ்ஸாமி பு⁴ஞ்ஜிஸ்ஸாமீ’’தி படிக்³க³ண்ஹாதி,
ஆபத்தி து³க்கடஸ்ஸ.

707. ஏகதோஅவஸ்ஸுதே
யக்க²ஸ்ஸ வா பேதஸ்ஸ வா பண்ட³கஸ்ஸ வா திரச்சா²னக³தமனுஸ்ஸவிக்³க³ஹஸ்ஸ வா
ஹத்த²தோ கா²த³னீயங் வா போ⁴ஜனீயங் வா ‘‘கா²த³ வா பு⁴ஞ்ஜ வா’’தி உய்யோஜேதி,
ஆபத்தி து³க்கடஸ்ஸ. தஸ்ஸா வசனேன ‘‘கா²தி³ஸ்ஸாமி பு⁴ஞ்ஜிஸ்ஸாமீ’’தி
படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி
து³க்கடஸ்ஸ. போ⁴ஜனபரியோஸானே ஆபத்தி து²ல்லச்சயஸ்ஸ. உத³கத³ந்தபோனங்
படிக்³க³ண்ஹாதி உய்யோஜேதி, ஆபத்தி து³க்கடஸ்ஸ. தஸ்ஸா வசனேன ‘‘கா²தி³ஸ்ஸாமி
பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி து³க்கடஸ்ஸ.

708. அனாபத்தி ‘‘அனவஸ்ஸுதோ’’தி ஜானந்தீ உய்யோஜேதி, ‘‘குபிதா ந படிக்³க³ண்ஹாதீ’’தி உய்யோஜேதி, ‘‘குலானுத்³த³யதாய ந படிக்³க³ண்ஹாதீ’’தி உய்யோஜேதி, உம்மத்திகாய, ஆதி³கம்மிகாயாதி.

ச²ட்ட²ஸங்கா⁴தி³ஸேஸஸிக்கா²பத³ங் நிட்டி²தங்.

7. ஸத்தமஸங்கா⁴தி³ஸேஸஸிக்கா²பத³ங்

709.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன சண்ட³காளீ பி⁴க்கு²னீ பி⁴க்கு²னீஹி ஸத்³தி⁴ங்
ப⁴ண்டி³த்வா குபிதா அனத்தமனா ஏவங் வதே³தி – ‘‘பு³த்³த⁴ங் பச்சாசிக்கா²மி,
த⁴ம்மங் பச்சாசிக்கா²மி, ஸங்க⁴ங் பச்சாசிக்கா²மி, ஸிக்க²ங் பச்சாசிக்கா²மி.
கின்னுமாவ ஸமணியோ யா ஸமணியோ ஸக்யதீ⁴தரோ, ஸந்தஞ்ஞாபி ஸமணியோ லஜ்ஜினியோ
குக்குச்சிகா ஸிக்கா²காமா தாஸாஹங் ஸந்திகே ப்³ரஹ்மசரியங் சரிஸ்ஸாமீ’’தி. யா
தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம அய்யா சண்ட³காளீ [சண்ட³காளீ பி⁴க்கு²னீ (க॰)]
குபிதா அனத்தமனா ஏவங் வக்க²தி – பு³த்³த⁴ங் பச்சாசிக்கா²மி…பே॰… ஸிக்க²ங்
பச்சாசிக்கா²மி. கின்னுமாவ ஸமணியோ யா ஸமணியோ ஸக்யதீ⁴தரோ, ஸந்தஞ்ஞாபி ஸமணியோ
லஜ்ஜினியோ குக்குச்சிகா ஸிக்கா²காமா தாஸாஹங் ஸந்திகே ப்³ரஹ்மசரியங்
சரிஸ்ஸாமீ’’தி…பே॰… ஸச்சங் கிர, பி⁴க்க²வே, சண்ட³காளீ பி⁴க்கு²னீ குபிதா
அனத்தமனா ஏவங் வதே³தி – ‘‘பு³த்³த⁴ங் பச்சாசிக்கா²மி…பே॰… ஸிக்க²ங்
பச்சாசிக்கா²மி. கின்னுமாவ ஸமணியோ யா ஸமணியோ ஸக்யதீ⁴தரோ, ஸந்தஞ்ஞாபி ஸமணியோ
லஜ்ஜினியோ குக்குச்சிகா ஸிக்கா²காமா, தாஸாஹங் ஸந்திகே ப்³ரஹ்மசரியங் சரிஸ்ஸாமீ’’தி ? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, சண்ட³காளீ பி⁴க்கு²னீ குபிதா அனத்தமனா ஏவங்
வக்க²தி – ‘‘பு³த்³த⁴ங் பச்சாசிக்கா²மி…பே॰… ஸிக்க²ங் பச்சாசிக்கா²மி.
கின்னுமாவ ஸமணியோ யா ஸமணியோ ஸக்யதீ⁴தரோ, ஸந்தஞ்ஞாபி ஸமணியோ லஜ்ஜினியோ
குக்குச்சிகா ஸிக்கா²காமா, தாஸாஹங் ஸந்திகே ப்³ரஹ்மசரியங் சரிஸ்ஸாமீ’’தி!
நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

710. ‘‘யா
பன பி⁴க்கு²னீ குபிதா அனத்தமனா ஏவங் வதெ³ய்ய – ‘பு³த்³த⁴ங்
பச்சாசிக்கா²மி, த⁴ம்மங் பச்சாசிக்கா²மி, ஸங்க⁴ங் பச்சாசிக்கா²மி, ஸிக்க²ங்
பச்சாசிக்கா²மி. கின்னுமாவ ஸமணியோ யா ஸமணியோ ஸக்யதீ⁴தரோ! ஸந்தஞ்ஞாபி
ஸமணியோ லஜ்ஜினியோ குக்குச்சிகா ஸிக்கா²காமா, தாஸாஹங் ஸந்திகே
ப்³ரஹ்மசரியங் சரிஸ்ஸாமீ’தி, ஸா பி⁴க்கு²னீ பி⁴க்கு²னீஹி ஏவமஸ்ஸ வசனீயா –
‘மாய்யே, குபிதா அனத்தமனா ஏவங் அவச – பு³த்³த⁴ங் பச்சாசிக்கா²மி, த⁴ம்மங்
பச்சாசிக்கா²மி, ஸங்க⁴ங் பச்சாசிக்கா²மி, ஸிக்க²ங் பச்சாசிக்கா²மி.
கின்னுமாவ ஸமணியோ யா ஸமணியோ ஸக்யதீ⁴தரோ! ஸந்தஞ்ஞாபி ஸமணியோ லஜ்ஜினியோ
குக்குச்சிகா ஸிக்கா²காமா, தாஸாஹங் ஸந்திகே ப்³ரஹ்மசரியங் சரிஸ்ஸாமீதி,
அபி⁴ரமாய்யே, ஸ்வாக்கா²தோ த⁴ம்மோ; சர ப்³ரஹ்மசரியங் ஸம்மா து³க்க²ஸ்ஸ
அந்தகிரியாயா’தி. ஏவஞ்ச ஸா பி⁴க்கு²னீ பி⁴க்கு²னீஹி வுச்சமானா ததே²வ
பக்³க³ண்ஹெய்ய, ஸா பி⁴க்கு²னீ பி⁴க்கு²னீஹி யாவததியங் ஸமனுபா⁴ஸிதப்³பா³
தஸ்ஸ படினிஸ்ஸக்³கா³ய. யாவததியஞ்சே ஸமனுபா⁴ஸீயமானா தங் படினிஸ்ஸஜ்ஜெய்ய
இச்சேதங் குஸலங்; நோ சே படினிஸ்ஸஜ்ஜெய்ய , அயம்பி பி⁴க்கு²னீ யாவததியகங் த⁴ம்மங் ஆபன்னா நிஸ்ஸாரணீயங் ஸங்கா⁴தி³ஸேஸ’’
ந்தி.

711. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

குபிதா அனத்தமனாதி அனபி⁴ரத்³தா⁴ ஆஹதசித்தா கி²லஜாதா.

ஏவங் வதெ³ய்யாதி –
‘‘பு³த்³த⁴ங் பச்சாசிக்கா²மி…பே॰… ஸிக்க²ங் பச்சாசிக்கா²மி. கின்னுமாவ
ஸமணியோ யா ஸமணியோ ஸக்யதீ⁴தரோ! ஸந்தஞ்ஞாபி ஸமணியோ லஜ்ஜினியோ குக்குச்சிகா
ஸிக்கா²காமா, தாஸாஹங் ஸந்திகே ப்³ரஹ்மசரியங் சரிஸ்ஸாமீ’’தி.

ஸா பி⁴க்கு²னீதி யா ஸா ஏவங்வாதி³னீ பி⁴க்கு²னீ. பி⁴க்கு²னீஹீதி அஞ்ஞாஹி பி⁴க்கு²னீஹி.

யா பஸ்ஸந்தி யா ஸுணந்தி தாஹி வத்தப்³பா³ – ‘‘மாய்யே,
குபிதா அனத்தமனா ஏவங் அவச – ‘பு³த்³த⁴ங் பச்சாசிக்கா²மி…பே॰… ஸிக்க²ங்
பச்சாசிக்கா²மி. கின்னுமாவ ஸமணியோ யா ஸமணியோ ஸக்யதீ⁴தரோ! ஸந்தஞ்ஞாபி ஸமணியோ
லஜ்ஜினியோ குக்குச்சிகா ஸிக்கா²காமா, தாஸாஹங் ஸந்திகே ப்³ரஹ்மசரியங்
சரிஸ்ஸாமீ’தி. அபி⁴ரமாய்யே, ஸ்வாக்கா²தோ த⁴ம்மோ; சர ப்³ரஹ்மசரியங் ஸம்மா
து³க்க²ஸ்ஸ அந்தகிரியாயா’’தி. து³தியம்பி வத்தப்³பா³. ததியம்பி வத்தப்³பா³.
ஸசே படினிஸ்ஸஜ்ஜதி இச்சேதங் குஸலங், நோ சே படினிஸ்ஸஜ்ஜதி ஆபத்தி
து³க்கடஸ்ஸ. ஸுத்வா ந வத³ந்தி, ஆபத்தி து³க்கடஸ்ஸ. ஸா பி⁴க்கு²னீ
ஸங்க⁴மஜ்ஜ²ம்பி ஆகட்³டி⁴த்வா வத்தப்³பா³ – ‘‘மாய்யே, குபிதா அனத்தமனா ஏவங்
அவச – ‘பு³த்³த⁴ங் பச்சாசிக்கா²மி…பே॰… ஸிக்க²ங் பச்சாசிக்கா²மி . கின்னுமாவ
ஸமணியோ யா ஸமணியோ ஸக்யதீ⁴தரோ! ஸந்தஞ்ஞாபி ஸமணியோ லஜ்ஜினியோ குக்குச்சிகா
ஸிக்கா²காமா, தாஸாஹங் ஸந்திகே ப்³ரஹ்மசரியங் சரிஸ்ஸாமீ’தி. அபி⁴ரமாய்யே,
ஸ்வாக்கா²தோ த⁴ம்மோ; சர ப்³ரஹ்மசரியங் ஸம்மா து³க்க²ஸ்ஸ அந்தகிரியாயா’’தி.
து³தியம்பி வத்தப்³பா³. ததியம்பி வத்தப்³பா³. ஸசே படினிஸ்ஸஜ்ஜதி இச்சேதங்
குஸலங், நோ சே படினிஸ்ஸஜ்ஜதி ஆபத்தி து³க்கடஸ்ஸ. ஸா பி⁴க்கு²னீ
ஸமனுபா⁴ஸிதப்³பா³. ஏவஞ்ச பன, பி⁴க்க²வே, ஸமனுபா⁴ஸிதப்³பா³. ப்³யத்தாய
பி⁴க்கு²னியா படிப³லாய ஸங்கோ⁴ ஞாபேதப்³போ³ –

712.
‘‘ஸுணாது மே, அய்யே, ஸங்கோ⁴. அயங் இத்த²ன்னாமா பி⁴க்கு²னீ குபிதா அனத்தமனா
ஏவங் வதே³தி – ‘பு³த்³த⁴ங் பச்சாசிக்கா²மி, த⁴ம்மங் பச்சாசிக்கா²மி,
ஸங்க⁴ங் பச்சாசிக்கா²மி, ஸிக்க²ங் பச்சாசிக்கா²மி. கின்னுமாவ ஸமணியோ யா
ஸமணியோ ஸக்யதீ⁴தரோ! ஸந்தஞ்ஞாபி ஸமணியோ லஜ்ஜினியோ குக்குச்சிகா ஸிக்கா²காமா
தாஸாஹங் ஸந்திகே ப்³ரஹ்மசரியங் சரிஸ்ஸாமீ’தி. ஸா தங் வத்து²ங் ந
படினிஸ்ஸஜ்ஜதி. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங்
பி⁴க்கு²னிங் ஸமனுபா⁴ஸெய்ய தஸ்ஸ வத்து²ஸ்ஸ படினிஸ்ஸக்³கா³ய. ஏஸா ஞத்தி.

‘‘ஸுணாது மே, அய்யே, ஸங்கோ⁴. அயங் இத்த²ன்னாமா
பி⁴க்கு²னீ குபிதா அனத்தமனா ஏவங் வதே³தி – ‘பு³த்³த⁴ங் பச்சாசிக்கா²மி…பே॰…
ஸிக்க²ங் பச்சாசிக்கா²மி. கின்னுமாவ ஸமணியோ யா ஸமணியோ ஸக்யதீ⁴தரோ!
ஸந்தஞ்ஞாபி ஸமணியோ லஜ்ஜினியோ குக்குச்சிகா ஸிக்கா²காமா, தாஸாஹங் ஸந்திகே ப்³ரஹ்மசரியங் சரிஸ்ஸாமீ’தி .
ஸா தங் வத்து²ங் ந படினிஸ்ஸஜ்ஜதி. ஸங்கோ⁴ இத்த²ன்னாமங் பி⁴க்கு²னிங்
ஸமனுபா⁴ஸதி தஸ்ஸ வத்து²ஸ்ஸ படினிஸ்ஸக்³கா³ய. யஸ்ஸா அய்யாய க²மதி
இத்த²ன்னாமாய பி⁴க்கு²னியா ஸமனுபா⁴ஸனா தஸ்ஸ வத்து²ஸ்ஸ படினிஸ்ஸக்³கா³ய, ஸா
துண்ஹஸ்ஸ; யஸ்ஸா நக்க²மதி ஸா, பா⁴ஸெய்ய.

‘‘து³தியம்பி ஏதமத்த²ங் வதா³மி…பே॰… ததியம்பி ஏதமத்த²ங் வதா³மி…பே॰….

‘‘ஸமனுப⁴ட்டா² ஸங்கே⁴ன இத்த²ன்னாமா பி⁴க்கு²னீ தஸ்ஸ வத்து²ஸ்ஸ படினிஸ்ஸக்³கா³ய. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

ஞத்தியா து³க்கடங். த்³வீஹி கம்மவாசாஹி து²ல்லச்சயா.
கம்மவாசாபரியோஸானே ஆபத்தி ஸங்கா⁴தி³ஸேஸஸ்ஸ. ஸங்கா⁴தி³ஸேஸங்
அஜ்ஜா²பஜ்ஜந்தியா ஞத்தியா து³க்கடங், த்³வீஹி கம்மவாசாஹி து²ல்லச்சயா
படிப்பஸ்ஸம்ப⁴ந்தி.

அயம்பீதி புரிமாயோ உபாதா³ய வுச்சதி.

யாவததியகந்தி யாவததியங் ஸமனுபா⁴ஸனாய ஆபஜ்ஜதி, ந ஸஹ வத்து²ஜ்ஜா²சாரா.

நிஸ்ஸாரணீயந்தி ஸங்க⁴ம்ஹா நிஸ்ஸாரீயதி.

ஸங்கா⁴தி³ஸேஸோதி…பே॰… தேனபி வுச்சதி ஸங்கா⁴தி³ஸேஸோதி.

713.
த⁴ம்மகம்மே த⁴ம்மகம்மஸஞ்ஞா ந படினிஸ்ஸஜ்ஜதி, ஆபத்தி ஸங்கா⁴தி³ஸேஸஸ்ஸ.
த⁴ம்மகம்மே வேமதிகா ந படினிஸ்ஸஜ்ஜதி, ஆபத்தி ஸங்கா⁴தி³ஸேஸஸ்ஸ. த⁴ம்மகம்மே
அத⁴ம்மகம்மஸஞ்ஞா ந படினிஸ்ஸஜ்ஜதி, ஆபத்தி ஸங்கா⁴தி³ஸேஸஸ்ஸ.

அத⁴ம்மகம்மே த⁴ம்மகம்மஸஞ்ஞா, ஆபத்தி து³க்கடஸ்ஸ . அத⁴ம்மகம்மே வேமதிகா, ஆபத்தி து³க்கடஸ்ஸ. அத⁴ம்மகம்மே அத⁴ம்மகம்மஸஞ்ஞா, ஆபத்தி து³க்கடஸ்ஸ.

714. அனாபத்தி அஸமனுபா⁴ஸந்தியா, படினிஸ்ஸஜ்ஜந்தியா, உம்மத்திகாய, ஆதி³கம்மிகாயாதி.

ஸத்தமஸங்கா⁴தி³ஸேஸஸிக்கா²பத³ங் நிட்டி²தங்.

8. அட்ட²மஸங்கா⁴தி³ஸேஸஸிக்கா²பத³ங்

715. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன சண்ட³காளீ பி⁴க்கு²னீ கிஸ்மிஞ்சிதே³வ அதி⁴கரணே
பச்சாகதா குபிதா அனத்தமனா ஏவங் வதே³தி – ‘‘ச²ந்த³கா³மினியோ ச
பி⁴க்கு²னியோ, தோ³ஸகா³மினியோ ச பி⁴க்கு²னியோ, மோஹகா³மினியோ ச
பி⁴க்கு²னியோ, ப⁴யகா³மினியோ ச பி⁴க்கு²னியோ’’தி. யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
அய்யா சண்ட³காளீ கிஸ்மிஞ்சிதே³வ அதி⁴கரணே பச்சாகதா குபிதா அனத்தமனா ஏவங்
வக்க²தி – ச²ந்த³கா³மினியோ ச பி⁴க்கு²னியோ…பே॰… ப⁴யகா³மினியோ ச
பி⁴க்கு²னியோ’’தி…பே॰… ஸச்சங் கிர, பி⁴க்க²வே, சண்ட³காளீ பி⁴க்கு²னீ
கிஸ்மிஞ்சிதே³வ அதி⁴கரணே பச்சாகதா குபிதா அனத்தமனா
ஏவங் வதே³தி – ‘‘ச²ந்த³கா³மினியோ ச பி⁴க்கு²னியோ…பே॰… ப⁴யகா³மினியோ ச
பி⁴க்கு²னியோ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம, பி⁴க்க²வே, சண்ட³காளீ பி⁴க்கு²னீ கிஸ்மிஞ்சிதே³வ
அதி⁴கரணே பச்சாகதா குபிதா அனத்தமனா ஏவங் வக்க²தி – ‘‘ச²ந்த³கா³மினியோ ச
பி⁴க்கு²னியோ…பே॰… ப⁴யகா³மினியோ ச பி⁴க்கு²னியோ’’தி! நேதங், பி⁴க்க²வே,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங்
ஸிக்கா²பத³ங் உத்³தி³ஸந்து –

716. ‘‘யா
பன பி⁴க்கு²னீ கிஸ்மிஞ்சிதே³வ அதி⁴கரணே பச்சாகதா குபிதா அனத்தமனா ஏவங்
வதெ³ய்ய – ‘ச²ந்த³கா³மினியோ ச பி⁴க்கு²னியோ, தோ³ஸகா³மினியோ ச பி⁴க்கு²னியோ,
மோஹகா³மினியோ ச பி⁴க்கு²னியோ, ப⁴யகா³மினியோ ச பி⁴க்கு²னியோ’தி, ஸா
பி⁴க்கு²னீ பி⁴க்கு²னீஹி ஏவமஸ்ஸ வசனீயா – ‘மாய்யே, கிஸ்மிஞ்சிதே³வ அதி⁴கரணே
பச்சாகதா குபிதா அனத்தமனா ஏவங் அவச – ச²ந்த³கா³மினியோ ச பி⁴க்கு²னியோ
தோ³ஸகா³மினியோ ச பி⁴க்கு²னியோ மோஹகா³மினியோ ச பி⁴க்கு²னியோ ப⁴யகா³மினியோ ச
பி⁴க்கு²னியோதி. அய்யா கோ² ச²ந்தா³பி க³ச்செ²ய்ய, தோ³ஸாபி க³ச்செ²ய்ய,
மோஹாபி க³ச்செ²ய்ய, ப⁴யாபி க³ச்செ²ய்யா’தி. ஏவஞ்ச ஸா பி⁴க்கு²னீ
பி⁴க்கு²னீஹி வுச்சமானா ததே²வ பக்³க³ண்ஹெய்ய, ஸா பி⁴க்கு²னீ பி⁴க்கு²னீஹி
யாவததியங் ஸமனுபா⁴ஸிதப்³பா³ தஸ்ஸ படினிஸ்ஸக்³கா³ய. யாவததியஞ்சே
ஸமனுபா⁴ஸீயமானா தங் படினிஸ்ஸஜ்ஜெய்ய, இச்சேதங் குஸலங்; நோ சே
படினிஸ்ஸஜ்ஜெய்ய, அயம்பி பி⁴க்கு²னீ யாவததியகங் த⁴ம்மங் ஆபன்னா
நிஸ்ஸாரணீயங் ஸங்கா⁴தி³ஸேஸ’’
ந்தி.

717. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

கிஸ்மிஞ்சிதே³வ அதி⁴கரணேதி அதி⁴கரணங் நாம சத்தாரி அதி⁴கரணானி – விவாதா³தி⁴கரணங், அனுவாதா³தி⁴கரணங், ஆபத்தாதி⁴கரணங், கிச்சாதி⁴கரணங்.

பச்சாகதா நாம பராஜிதா வுச்சதி.

குபிதா அனத்தமனாதி அனபி⁴ரத்³தா⁴ ஆஹதசித்தா கி²லஜாதா.

ஏவங் வதெ³ய்யாதி – ‘‘ச²ந்த³கா³மினியோ ச பி⁴க்கு²னியோ…பே॰… ப⁴யகா³மினியோ ச பி⁴க்கு²னியோ’’தி.

ஸா பி⁴க்கு²னீதி யா ஸா ஏவங்வாதி³னீ பி⁴க்கு²னீ.

பி⁴க்கு²னீஹீதி அஞ்ஞாஹி பி⁴க்கு²னீஹி.

யா பஸ்ஸந்தி யா ஸுணந்தி தாஹி வத்தப்³பா³ – ‘‘மாய்யே,
கிஸ்மிஞ்சிதே³வ அதி⁴கரணே பச்சாகதா குபிதா அனத்தமனா ஏவங் அவச –
‘ச²ந்த³கா³மினியோ ச பி⁴க்கு²னியோ…பே॰… ப⁴யகா³மினியோ ச பி⁴க்கு²னியோ’தி.
அய்யா கோ² ச²ந்தா³பி க³ச்செ²ய்ய…பே॰… ப⁴யாபி க³ச்செ²ய்யா’’தி. து³தியம்பி
வத்தப்³பா³. ததியம்பி வத்தப்³பா³. ஸசே படினிஸ்ஸஜ்ஜதி, இச்சேதங் குஸலங்; நோ
சே படினிஸ்ஸஜ்ஜதி, ஆபத்தி து³க்கடஸ்ஸ. ஸுத்வா ந வத³ந்தி, ஆபத்தி
து³க்கடஸ்ஸ. ஸா பி⁴க்கு²னீ ஸங்க⁴மஜ்ஜ²ம்பி ஆகட்³டி⁴த்வா வத்தப்³பா³ –
‘‘மாய்யே, கிஸ்மிஞ்சிதே³வ அதி⁴கரணே பச்சாகதா குபிதா அனத்தமனா ஏவங் அவச –
‘ச²ந்த³கா³மினியோ ச பி⁴க்கு²னியோ…பே॰… ப⁴யகா³மினியோ ச பி⁴க்கு²னியோ’தி.
அய்யா கோ² ச²ந்தா³பி க³ச்செ²ய்ய…பே॰… ப⁴யாபி க³ச்செ²ய்யா’’தி. து³தியம்பி
வத்தப்³பா³. ததியம்பி வத்தப்³பா³. ஸசே படினிஸ்ஸஜ்ஜதி, இச்சேதங் குஸலங்; நோ
சே படினிஸ்ஸஜ்ஜதி, ஆபத்தி து³க்கடஸ்ஸ. ஸா பி⁴க்கு²னீ ஸமனுபா⁴ஸிதப்³பா³.
ஏவஞ்ச பன, பி⁴க்க²வே, ஸமனுபா⁴ஸிதப்³பா³. ப்³யத்தாய பி⁴க்கு²னியா படிப³லாய
ஸங்கோ⁴ ஞாபேதப்³போ³ –

718.
‘‘ஸுணாது மே, அய்யே, ஸங்கோ⁴. அயங் இத்த²ன்னாமா பி⁴க்கு²னீ கிஸ்மிஞ்சிதே³வ
அதி⁴கரணே பச்சாகதா குபிதா அனத்தமனா ஏவங் வதே³தி – ‘ச²ந்த³கா³மினியோ
ச பி⁴க்கு²னியோ…பே॰… ப⁴யகா³மினியோ ச பி⁴க்கு²னியோ’தி. ஸா தங் வத்து²ங் ந
படினிஸ்ஸஜ்ஜதி. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங்
பி⁴க்கு²னிங் ஸமனுபா⁴ஸெய்ய தஸ்ஸ வத்து²ஸ்ஸ படினிஸ்ஸக்³கா³ய. ஏஸா ஞத்தி.

‘‘ஸுணாது மே, அய்யே, ஸங்கோ⁴.
அயங் இத்த²ன்னாமா பி⁴க்கு²னீ கிஸ்மிஞ்சிதே³வ அதி⁴கரணே பச்சாகதா குபிதா
அனத்தமனா ஏவங் வதே³தி – ‘ச²ந்த³கா³மினியோ ச பி⁴க்கு²னியோ…பே॰… ப⁴யகா³மினியோ
ச பி⁴க்கு²னியோ’தி. ஸா தங் வத்து²ங் ந படினிஸ்ஸஜ்ஜதி. ஸங்கோ⁴ இத்த²ன்னாமங்
பி⁴க்கு²னிங் ஸமனுபா⁴ஸதி தஸ்ஸ வத்து²ஸ்ஸ படினிஸ்ஸக்³கா³ய. யஸ்ஸா அய்யாய
க²மதி இத்த²ன்னாமாய பி⁴க்கு²னியா ஸமனுபா⁴ஸனா தஸ்ஸ வத்து²ஸ்ஸ
படினிஸ்ஸக்³கா³ய, ஸா துண்ஹஸ்ஸ; யஸ்ஸா நக்க²மதி, ஸா பா⁴ஸெய்ய.

‘‘து³தியம்பி ஏதமத்த²ங் வதா³மி…பே॰… ததியம்பி ஏதமத்த²ங் வதா³மி…பே॰….

‘‘ஸமனுப⁴ட்டா² ஸங்கே⁴ன இத்த²ன்னாமா பி⁴க்கு²னீ தஸ்ஸ வத்து²ஸ்ஸ படினிஸ்ஸக்³கா³ய. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

ஞத்தியா து³க்கடங். த்³வீஹி கம்மவாசாஹி து²ல்லச்சயா.
கம்மவாசாபரியோஸானே ஆபத்தி ஸங்கா⁴தி³ஸேஸஸ்ஸ. ஸங்கா⁴தி³ஸேஸங்
அஜ்ஜா²பஜ்ஜந்தியா ஞத்தியா து³க்கடங். த்³வீஹி கம்மவாசாஹி து²ல்லச்சயா
படிப்பஸ்ஸம்ப⁴ந்தி.

அயம்பீதி புரிமாயோ உபாதா³ய வுச்சதி.

யாவததியகந்தி யாவததியங் ஸமனுபா⁴ஸனாய ஆபஜ்ஜதி, ந ஸஹ வத்து²ஜ்ஜா²சாரா.

நிஸ்ஸாரணீயந்தி ஸங்க⁴ம்ஹா நிஸ்ஸாரீயதி.

ஸங்கா⁴தி³ஸேஸோதி…பே॰… தேனபி வுச்சதி ஸங்கா⁴தி³ஸேஸோதி.

719.
த⁴ம்மகம்மே த⁴ம்மகம்மஸஞ்ஞா ந படினிஸ்ஸஜ்ஜதி, ஆபத்தி ஸங்கா⁴தி³ஸெஸ்ஸ.
த⁴ம்மகம்மே வேமதிகா ந படினிஸ்ஸஜ்ஜதி, ஆபத்தி ஸங்கா⁴தி³ஸேஸஸ்ஸ. த⁴ம்மகம்மே
அத⁴ம்மகம்மஸஞ்ஞா ந படினிஸ்ஸஜ்ஜதி, ஆபத்தி ஸங்கா⁴தி³ஸேஸஸ்ஸ.

அத⁴ம்மகம்மே த⁴ம்மகம்மஸஞ்ஞா, ஆபத்தி து³க்கடஸ்ஸ.
அத⁴ம்மகம்மே வேமதிகா, ஆபத்தி து³க்கடஸ்ஸ. அத⁴ம்மகம்மே அத⁴ம்மகம்மஸஞ்ஞா
ஆபத்தி து³க்கடஸ்ஸ.

720. அனாபத்தி அஸமனுபா⁴ஸந்தியா, படினிஸ்ஸஜ்ஜந்தியா, உம்மத்திகாய, ஆதி³கம்மிகாயாதி .

அட்ட²மஸங்கா⁴தி³ஸேஸஸிக்கா²பத³ங் நிட்டி²தங்.

9. நவமஸங்கா⁴தி³ஸேஸஸிக்கா²பத³ங்

721. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன து²ல்லனந்தா³ய பி⁴க்கு²னியா அந்தேவாஸிகா
பி⁴க்கு²னியோ ஸங்ஸட்டா² விஹரந்தி பாபாசாரா பாபஸத்³தா³ பாபஸிலோகா,
பி⁴க்கு²னிஸங்க⁴ஸ்ஸ விஹேஸிகா, அஞ்ஞமஞ்ஞிஸ்ஸா வஜ்ஜப்படிச்சா²தி³கா. யா தா
பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு²னியோ ஸங்ஸட்டா² விஹரிஸ்ஸந்தி பாபாசாரா பாபஸத்³தா³
பாபஸிலோகா பி⁴க்கு²னிஸங்க⁴ஸ்ஸ விஹேஸிகா
அஞ்ஞமஞ்ஞிஸ்ஸா வஜ்ஜப்படிச்சா²தி³கா’’தி…பே॰… ஸச்சங் கிர, பி⁴க்க²வே,
பி⁴க்கு²னியோ ஸங்ஸட்டா² விஹரந்தி பாபாசாரா பாபஸத்³தா³ பாபஸிலோகா
பி⁴க்கு²னிஸங்க⁴ஸ்ஸ விஹேஸிகா அஞ்ஞமஞ்ஞிஸ்ஸா வஜ்ஜப்படிச்சா²தி³காதி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, பி⁴க்கு²னியோ ஸங்ஸட்டா² விஹரிஸ்ஸந்தி பாபாசாரா பாபஸத்³தா³
பாபஸிலோகா, பி⁴க்கு²னிஸங்க⁴ஸ்ஸ விஹேஸிகா, அஞ்ஞமஞ்ஞிஸ்ஸா
வஜ்ஜப்படிச்சா²தி³கா! நேதங், பி⁴க்க²வே, அப்பஸன்னானங் வா பஸாதா³ய…பே॰…
ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

722. ‘‘பி⁴க்கு²னியோ
பனேவ ஸங்ஸட்டா² விஹரந்தி பாபாசாரா பாபஸத்³தா³ பாபஸிலோகா,
பி⁴க்கு²னிஸங்க⁴ஸ்ஸ விஹேஸிகா, அஞ்ஞமஞ்ஞிஸ்ஸா வஜ்ஜப்படிச்சா²தி³கா. தா
பி⁴க்கு²னியோ பி⁴க்கு²னீஹி ஏவமஸ்ஸு வசனீயா – ‘ப⁴கி³னியோ கோ² ஸங்ஸட்டா²
விஹரந்தி பாபாசாரா பாபஸத்³தா³ பாபஸிலோகா, பி⁴க்கு²னிஸங்க⁴ஸ்ஸ விஹேஸிகா
அஞ்ஞமஞ்ஞிஸ்ஸா வஜ்ஜப்படிச்சா²தி³கா. விவிச்சதா²ய்யே. விவேகஞ்ஞேவ ப⁴கி³னீனங்
ஸங்கோ⁴ வண்ணேதீ’தி. ஏவஞ்ச தா பி⁴க்கு²னியோ பி⁴க்கு²னீஹி வுச்சமானா ததே²வ
பக்³க³ண்ஹெய்யுங், தா பி⁴க்கு²னியோ பி⁴க்கு²னீஹி யாவததியங்
ஸமனுபா⁴ஸிதப்³பா³ தஸ்ஸ படினிஸ்ஸக்³கா³ய. யாவததியஞ்சே ஸமனுபா⁴ஸீயமானா தங்
படினிஸ்ஸஜ்ஜெய்யுங், இச்சேதங் குஸலங்; நோ சே படினிஸ்ஸஜ்ஜெய்யுங், இமாபி
பி⁴க்கு²னியோ யாவததியகங் த⁴ம்மங் ஆபன்னா நிஸ்ஸாரணீயங் ஸங்கா⁴தி³ஸேஸ’’
ந்தி.

723. பி⁴க்கு²னியோ பனேவாதி உபஸம்பன்னாயோ வுச்சந்தி.

ஸங்ஸட்டா² விஹரந்தீதி ஸங்ஸட்டா² நாம அனநுலோமிகேன காயிகவாசஸிகேன ஸங்ஸட்டா² விஹரந்தி.

பாபாசாராதி பாபகேன ஆசாரேன ஸமன்னாக³தா.

பாபஸத்³தா³தி பாபகேன கித்திஸத்³தே³ன அப்³பு⁴க்³க³தா.

பாபஸிலோகாதி பாபகேன மிச்சா²ஜீவேன ஜீவிதங் கப்பெந்தி.

பி⁴க்கு²னிஸங்க⁴ஸ்ஸ விஹேஸிகாதி அஞ்ஞமஞ்ஞிஸ்ஸா கம்மே கரீயமானே படிக்கோஸந்தி.

அஞ்ஞமஞ்ஞிஸ்ஸா வஜ்ஜப்படிச்சா²தி³காதி அஞ்ஞமஞ்ஞங் வஜ்ஜங் படிச்சா²தெ³ந்தி.

தா பி⁴க்கு²னியோதி யா தா ஸங்ஸட்டா² பி⁴க்கு²னியோ.

பி⁴க்கு²னீஹீதி அஞ்ஞாஹி பி⁴க்கு²னீஹி.

யா பஸ்ஸந்தி யா ஸுணந்தி தாஹி வத்தப்³பா³ – ‘‘ப⁴கி³னியோ
கோ² ஸங்ஸட்டா² விஹரந்தி பாபாசாரா பாபஸத்³தா³ பாபஸிலோகா,
பி⁴க்கு²னிஸங்க⁴ஸ்ஸ விஹேஸிகா, அஞ்ஞமஞ்ஞிஸ்ஸா வஜ்ஜப்படிச்சா²தி³கா.
விவிச்சதா²ய்யே. விவேகஞ்ஞேவ ப⁴கி³னீனங் ஸங்கோ⁴ வண்ணேதீ’’தி. து³தியம்பி
வத்தப்³பா³. ததியம்பி வத்தப்³பா³. ஸசே படினிஸ்ஸஜ்ஜந்தி, இச்சேதங் குஸலங்;
நோ சே படினிஸ்ஸஜ்ஜந்தி, ஆபத்தி து³க்கடஸ்ஸ. ஸுத்வா ந வத³ந்தி, ஆபத்தி
து³க்கடஸ்ஸ. தா பி⁴க்கு²னியோ ஸங்க⁴மஜ்ஜ²ம்பி ஆகட்³டி⁴த்வா வத்தப்³பா³ –
‘‘ப⁴கி³னியோ கோ² ஸங்ஸட்டா² விஹரந்தி பாபாசாரா பாபஸத்³தா³ பாபஸிலோகா,
பி⁴க்கு²னிஸங்க⁴ஸ்ஸ விஹேஸிகா, அஞ்ஞமஞ்ஞிஸ்ஸா வஜ்ஜப்படிச்சா²தி³கா.
விவிச்சதா²ய்யே. விவேகஞ்ஞேவ ப⁴கி³னீனங் ஸங்கோ⁴ வண்ணேதீ’’தி. து³தியம்பி
வத்தப்³பா³. ததியம்பி வத்தப்³பா³. ஸசே படினிஸ்ஸஜ்ஜந்தி, இச்சேதங் குஸலங்;
நோ சே படினிஸ்ஸஜ்ஜந்தி, ஆபத்தி து³க்கடஸ்ஸ. தா பி⁴க்கு²னியோ
ஸமனுபா⁴ஸிதப்³பா³. ஏவஞ்ச பன, பி⁴க்க²வே, ஸமனுபா⁴ஸிதப்³பா³. ப்³யத்தாய
பி⁴க்கு²னியா படிப³லாய ஸங்கோ⁴ ஞாபேதப்³போ³ –

724. ‘‘ஸுணாது
மே, அய்யே, ஸங்கோ⁴. இத்த²ன்னாமா ச இத்த²ன்னாமா ச பி⁴க்கு²னியோ ஸங்ஸட்டா²
விஹரந்தி பாபாசாரா பாபஸத்³தா³ பாபஸிலோகா, பி⁴க்கு²னிஸங்க⁴ஸ்ஸ விஹேஸிகா,
அஞ்ஞமஞ்ஞிஸ்ஸா வஜ்ஜப்படிச்சா²தி³கா. தா தங் வத்து²ங் ந படினிஸ்ஸஜ்ஜந்தி.
யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமஞ்ச இத்த²ன்னாமஞ்ச
பி⁴க்கு²னியோ ஸமனுபா⁴ஸெய்ய தஸ்ஸ வத்து²ஸ்ஸ படினிஸ்ஸக்³கா³ய. ஏஸா ஞத்தி.

‘‘ஸுணாது மே, அய்யே, ஸங்கோ⁴.
இத்த²ன்னாமா ச இத்த²ன்னாமா ச பி⁴க்கு²னியோ ஸங்ஸட்டா² விஹரந்தி பாபாசாரா
பாபஸத்³தா³ பாபஸிலோகா, பி⁴க்கு²னிஸங்க⁴ஸ்ஸ விஹேஸிகா, அஞ்ஞமஞ்ஞிஸ்ஸா
வஜ்ஜப்படிச்சா²தி³கா. தா தங் வத்து²ங் ந படினிஸ்ஸஜ்ஜந்தி. ஸங்கோ⁴
இத்த²ன்னாமஞ்ச இத்த²ன்னாமஞ்ச பி⁴க்கு²னியோ ஸமனுபா⁴ஸதி தஸ்ஸ வத்து²ஸ்ஸ
படினிஸ்ஸக்³கா³ய. யஸ்ஸா அய்யாய க²மதி இத்த²ன்னாமாய ச இத்த²ன்னாமாய ச
பி⁴க்கு²னீனங் ஸமனுபா⁴ஸனா தஸ்ஸ வத்து²ஸ்ஸ படினிஸ்ஸக்³கா³ய, ஸா துண்ஹஸ்ஸ;
யஸ்ஸா நக்க²மதி, ஸா பா⁴ஸெய்ய.

‘‘து³தியம்பி ஏதமத்த²ங் வதா³மி…பே॰… ததியம்பி ஏதமத்த²ங் வதா³மி…பே॰….

‘‘ஸமனுப⁴ட்டா² ஸங்கே⁴ன, இத்த²ன்னாமா ச இத்த²ன்னாமா ச
பி⁴க்கு²னியோ தஸ்ஸ வத்து²ஸ்ஸ படினிஸ்ஸக்³கா³ய. க²மதி ஸங்க⁴ஸ்ஸ, தஸ்மா
துண்ஹீ, ஏவமேதங் தா⁴ரயாமீ’’தி.

ஞத்தியா து³க்கடங், த்³வீஹி கம்மவாசாஹி து²ல்லச்சயா,
கம்மவாசாபரியோஸானே ஆபத்தி ஸங்கா⁴தி³ஸேஸஸ்ஸ. ஸங்கா⁴தி³ஸேஸங்
அஜ்ஜா²பஜ்ஜந்தீனங் ஞத்தியா து³க்கடங் த்³வீஹி கம்மவாசாஹி து²ல்லச்சயா
படிப்பஸ்ஸம்ப⁴ந்தி. த்³வே திஸ்ஸோ ஏகதோ ஸமனுபா⁴ஸிதப்³பா³. ததுத்தரி ந ஸமனுபா⁴ஸிதப்³பா³.

இமாபி பி⁴க்கு²னியோதி புரிமாயோ உபாதா³ய வுச்சந்தி.

யாவததியகந்தி யாவததியங் ஸமனுபா⁴ஸனாய ஆபஜ்ஜந்தி, ந ஸஹ வத்து²ஜ்ஜா²சாரா.

நிஸ்ஸாரணீயந்தி ஸங்க⁴ம்ஹா நிஸ்ஸாரீயதி.

ஸங்கா⁴தி³ஸேஸோதி…பே॰… தேனபி வுச்சதி ஸங்கா⁴தி³ஸேஸோதி.

725.
த⁴ம்மகம்மே த⁴ம்மகம்மஸஞ்ஞா ந படினிஸ்ஸஜ்ஜந்தி, ஆபத்தி ஸங்கா⁴தி³ஸேஸஸ்ஸ.
த⁴ம்மகம்மே வேமதிகா ந படினிஸ்ஸஜ்ஜந்தி, ஆபத்தி ஸங்கா⁴தி³ஸேஸஸ்ஸ. த⁴ம்மகம்மே
அத⁴ம்மகம்மஸஞ்ஞா ந படினிஸ்ஸஜ்ஜந்தி, ஆபத்தி ஸங்கா⁴தி³ஸேஸஸ்ஸ.

அத⁴ம்மகம்மே த⁴ம்மகம்மஸஞ்ஞா, ஆபத்தி து³க்கடஸ்ஸ.
அத⁴ம்மகம்மே வேமதிகா, ஆபத்தி து³க்கடஸ்ஸ. அத⁴ம்மகம்மே அத⁴ம்மகம்மஸஞ்ஞா,
ஆபத்தி து³க்கடஸ்ஸ.

726. அனாபத்தி அஸமனுபா⁴ஸந்தீனங், படினிஸ்ஸஜ்ஜந்தீனங், உம்மத்திகானங், ஆதி³கம்மிகானந்தி.

நவமஸங்கா⁴தி³ஸேஸஸிக்கா²பத³ங் நிட்டி²தங்.

10. த³ஸமஸங்கா⁴தி³ஸேஸஸிக்கா²பத³ங்

727. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன து²ல்லனந்தா³ பி⁴க்கு²னீஸங்கே⁴ன ஸமனுப⁴ட்டா²
பி⁴க்கு²னியோ ஏவங் வதே³தி – ‘‘ஸங்ஸட்டா²வ அய்யே, தும்ஹே விஹரத². மா தும்ஹே
நானா விஹரித்த². ஸந்தி ஸங்கே⁴ அஞ்ஞாபி பி⁴க்கு²னியோ ஏவாசாரா ஏவங்ஸத்³தா³
ஏவங்ஸிலோகா, பி⁴க்கு²னிஸங்க⁴ஸ்ஸ விஹேஸிகா, அஞ்ஞமஞ்ஞிஸ்ஸா வஜ்ஜப்படிச்சா²தி³கா. தா ஸங்கோ⁴ ந கிஞ்சி ஆஹ. தும்ஹஞ்ஞேவ [தும்ஹேயேவ (ஸ்யா॰)] ஸங்கோ⁴ உஞ்ஞாய பரிப⁴வேன அக்க²ந்தியா வேப⁴ஸ்ஸியா [வேப⁴ஸ்ஸா (ஸீ॰ ஸ்யா॰)]
து³ப்³ப³ல்யா ஏவமாஹ – ‘ப⁴கி³னியோ கோ² ஸங்ஸட்டா² விஹரந்தி பாபாசாரா
பாபஸத்³தா³ பாபஸிலோகா, பி⁴க்கு²னிஸங்க⁴ஸ்ஸ விஹேஸிகா, அஞ்ஞமஞ்ஞிஸ்ஸா
வஜ்ஜப்படிச்சா²தி³கா. விவிச்சதா²ய்யே. விவேகஞ்ஞேவ ப⁴கி³னீனங் ஸங்கோ⁴
வண்ணேதீ’’’தி. யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி
கி²ய்யந்தி விபாசெந்தி – கத²ஞ்ஹி நாம அய்யா து²ல்லனந்தா³ பி⁴க்கு²னீ
ஸங்கே⁴ன ஸமனுப⁴ட்டா² பி⁴க்கு²னியோ ஏவங் வக்க²தி – ஸங்ஸட்டா²வ அய்யே, தும்ஹே
விஹரத². மா தும்ஹே நானா விஹரித்த². ஸந்தி ஸங்கே⁴ அஞ்ஞாபி
பி⁴க்கு²னியோ…பே॰… விவிச்சதா²ய்யே. விவேகஞ்ஞேவ ப⁴கி³னீனங் ஸங்கோ⁴
வண்ணேதீதி…பே॰… ஸச்சங் கிர, பி⁴க்க²வே, து²ல்லனந்தா³ பி⁴க்கு²னீ ஸங்கே⁴ன
ஸமனுப⁴ட்டா² பி⁴க்கு²னியோ ஏவங் வதே³தி – ஸங்ஸட்டா²வ அய்யே தும்ஹே விஹரத².
மா தும்ஹே நானா விஹரித்த². ஸந்தி ஸங்கே⁴ அஞ்ஞாபி பி⁴க்கு²னியோ ஏவாசாரா
ஏவங்ஸத்³தா³ ஏவங்ஸிலோகா, பி⁴க்கு²னிஸங்க⁴ஸ்ஸ விஹேஸிகா, அஞ்ஞமஞ்ஞிஸ்ஸா
வஜ்ஜப்படிச்சா²தி³கா. தா ஸங்கோ⁴ ந கிஞ்சி ஆஹ. தும்ஹஞ்ஞேவ ஸங்கோ⁴ உஞ்ஞாய
பரிப⁴வேன அக்க²ந்தியா வேப⁴ஸ்ஸியா து³ப்³ப³ல்யா ஏவமாஹ – ப⁴கி³னியோ கோ²
ஸங்ஸட்டா² விஹரந்தி பாபாசாரா பாபஸத்³தா³ பாபஸிலோகா, பி⁴க்கு²னிஸங்க⁴ஸ்ஸ
விஹேஸிகா, அஞ்ஞமஞ்ஞிஸ்ஸா வஜ்ஜப்படிச்சா²தி³கா. விவிச்சதா²ய்யே. விவேகஞ்ஞேவ
ப⁴கி³னீனங் ஸங்கோ⁴ வண்ணேதீதி? ‘‘ஸச்சங் ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம, பி⁴க்க²வே, து²ல்லனந்தா³ பி⁴க்கு²னீ ஸங்கே⁴ன
ஸமனுப⁴ட்டா² பி⁴க்கு²னியோ ஏவங் வக்க²தி – ஸங்ஸட்டா²வ அய்யே, தும்ஹே விஹரத².
மா தும்ஹே நானா விஹரித்த². ஸந்தி ஸங்கே⁴ அஞ்ஞாபி பி⁴க்கு²னியோ…பே॰…
விவிச்சதா²ய்யே. விவேகஞ்ஞேவ ப⁴கி³னீனங் ஸங்கோ⁴ வண்ணேதீதி! நேதங்,
பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன பி⁴க்க²வே, பி⁴க்கு²னியோ
இமங் ஸிக்கா²பத³ங் உத்³தி³ஸந்து –

728. ‘‘யா பன பி⁴க்கு²னீ ஏவங் வதெ³ய்ய
– ‘ஸங்ஸட்டா²வ அய்யே, தும்ஹே விஹரத². மா தும்ஹே நானா விஹரித்த². ஸந்தி
ஸங்கே⁴ அஞ்ஞாபி பி⁴க்கு²னியோ ஏவாசாரா ஏவங்ஸத்³தா³ ஏவங்ஸிலோகா,
பி⁴க்கு²னிஸங்க⁴ஸ்ஸ விஹேஸிகா, அஞ்ஞமஞ்ஞிஸ்ஸா வஜ்ஜப்படிச்சா²தி³கா. தா
ஸங்கோ⁴ ந கிஞ்சி ஆஹ. தும்ஹஞ்ஞேவ ஸங்கோ⁴ உஞ்ஞாய பரிப⁴வேன அக்க²ந்தியா
வேப⁴ஸ்ஸியா து³ப்³ப³ல்யா ஏவமாஹ – ப⁴கி³னியோ கோ² ஸங்ஸட்டா² விஹரந்தி
பாபாசாரா பாபஸத்³தா³ பாபஸிலோகா, பி⁴க்கு²னிஸங்க⁴ஸ்ஸ விஹேஸிகா,
அஞ்ஞமஞ்ஞிஸ்ஸா வஜ்ஜப்படிச்சா²தி³கா. விவிச்சதா²ய்யே. விவேகஞ்ஞேவ ப⁴கி³னீனங்
ஸங்கோ⁴ வண்ணேதீ’தி. ஸா பி⁴க்கு²னீ பி⁴க்கு²னீஹி ஏவமஸ்ஸ வசனீயா – ‘மா,
அய்யே, ஏவங் அவச – ஸங்ஸட்டா²வ அய்யே, தும்ஹே விஹரத². மா தும்ஹே நானா
விஹரித்த². ஸந்தி ஸங்கே⁴ அஞ்ஞாபி பி⁴க்கு²னியோ ஏவாசாரா ஏவங்ஸத்³தா³
ஏவங்ஸிலோகா, பி⁴க்கு²னிஸங்க⁴ஸ்ஸ விஹேஸிகா, அஞ்ஞமஞ்ஞிஸ்ஸா
வஜ்ஜப்படிச்சா²தி³கா. தா ஸங்கோ⁴ ந கிஞ்சி ஆஹ. தும்ஹஞ்ஞேவ ஸங்கோ⁴ உஞ்ஞாய
பரிப⁴வேன அக்க²ந்தியா வேப⁴ஸ்ஸியா து³ப்³ப³ல்யா ஏவமாஹ – ப⁴கி³னியோ கோ²
ஸங்ஸட்டா² விஹரந்தி பாபாசாரா பாபஸத்³தா³ பாபஸிலோகா, பி⁴க்கு²னிஸங்க⁴ஸ்ஸ
விஹேஸிகா, அஞ்ஞமஞ்ஞிஸ்ஸா வஜ்ஜப்படிச்சா²தி³கா. விவிச்சதா²ய்யே. விவேகஞ்ஞேவ
ப⁴கி³னீனங் ஸங்கோ⁴ வண்ணேதீ’தி. ஏவஞ்ச ஸா பி⁴க்கு²னீ பி⁴க்கு²னீஹி வுச்சமானா
ததே²வ பக்³க³ண்ஹெய்ய, ஸா பி⁴க்கு²னீ பி⁴க்கு²னீஹி யாவததியங்
ஸமனுபா⁴ஸிதப்³பா³ தஸ்ஸ படினிஸ்ஸக்³கா³ய. யாவததியஞ்சே ஸமனுபா⁴ஸீயமானா தங்
படினிஸ்ஸஜ்ஜெய்ய, இச்சேதங் குஸலங்; நோ சே படினிஸ்ஸஜ்ஜெய்ய, அயம்பி
பி⁴க்கு²னீ யாவததியகங் த⁴ம்மங் ஆபன்னா நிஸ்ஸாரணீயங் ஸங்கா⁴தி³ஸேஸ’’
ந்தி.

729. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஏவங் வதெ³ய்யாதி –
‘‘ஸங்ஸட்டா²வ அய்யே, தும்ஹே விஹரத². மா தும்ஹே நானா விஹரித்த². ஸந்தி
ஸங்கே⁴ அஞ்ஞாபி பி⁴க்கு²னியோ ஏவாசாரா ஏவங்ஸத்³தா³ ஏவங்ஸிலோகா,
பி⁴க்கு²னிஸங்க⁴ஸ்ஸ விஹேஸிகா, அஞ்ஞமஞ்ஞிஸ்ஸா வஜ்ஜப்படிச்சா²தி³கா. தா
ஸங்கோ⁴ ந கிஞ்சி ஆஹ’’.

தும்ஹஞ்ஞேவ ஸங்கோ⁴ உஞ்ஞாயாதி அவஞ்ஞாய.

பரிப⁴வேனாதி பாரிப⁴ப்³யதா.

அக்க²ந்தியாதி கோபேன.

வேப⁴ஸ்ஸியாதி விப⁴ஸ்ஸீகதா [விப⁴ஸ்ஸிகதாய (ஸீ॰)].

து³ப்³ப³ல்யாதி அபக்க²தா.

ஏவமாஹ – ‘‘ப⁴கி³னியோ கோ² ஸங்ஸட்டா² விஹரந்தி பாபாசாரா
பாபஸத்³தா³ பாபஸிலோகா, பி⁴க்கு²னிஸங்க⁴ஸ்ஸ விஹேஸிகா, அஞ்ஞமஞ்ஞிஸ்ஸா
வஜ்ஜப்படிச்சா²தி³கா. விசிச்சதா²ய்யே. விவேகஞ்ஞேவ ப⁴கி³னீனங் ஸங்கோ⁴
வண்ணேதீ’’தி.

ஸா பி⁴க்கு²னீதி யா ஸா ஏவங்வாதி³னீ பி⁴க்கு²னீ.

பி⁴க்கு²னீஹீதி அஞ்ஞாஹி பி⁴க்கு²னீஹி.

யா பஸ்ஸந்தி யா ஸுணந்தி தாஹி வத்தப்³பா³ – ‘‘மாய்யே,
ஏவங் அவச – ‘ஸங்ஸட்டா²வ அய்யே, தும்ஹே விஹரத². மா தும்ஹே நானா விஹரித்த².
ஸந்தி ஸங்கே⁴ அஞ்ஞாபி பி⁴க்கு²னியோ…பே॰… விவிச்சதா²ய்யே. விவேகஞ்ஞேவ
ப⁴கி³னீனங் ஸங்கோ⁴ வண்ணேதீ’’தி. து³தியம்பி
வத்தப்³பா³. ததியம்பி வத்தப்³பா³. ஸசே படினிஸ்ஸஜ்ஜதி, இச்சேதங் குஸலங்; நோ
சே படினிஸ்ஸஜ்ஜதி, ஆபத்தி து³க்கடஸ்ஸ. ஸுத்வா ந வத³ந்தி, ஆபத்தி
து³க்கடஸ்ஸ. ஸா பி⁴க்கு²னீ ஸங்க⁴மஜ்ஜ²ம்பி ஆகட்³டி⁴த்வா வத்தப்³பா³ –
‘‘மாய்யே, ஏவங் அவச – ‘ஸங்ஸட்டா²வ அய்யே, தும்ஹே விஹரத². மா தும்ஹே நானா
விஹரித்த². ஸந்தி ஸங்கே⁴ அஞ்ஞாபி பி⁴க்கு²னியோ…பே॰… விவிச்சதா²ய்யே.
விவேகஞ்ஞேவ ப⁴கி³னீனங் ஸங்கோ⁴ வண்ணேதீ’’’தி. து³தியம்பி வத்தப்³பா³.
ததியம்பி வத்தப்³பா³. ஸசே படினிஸ்ஸஜ்ஜதி, இச்சேதங் குஸலங்; நோ சே
படினிஸ்ஸஜ்ஜதி, ஆபத்தி து³க்கடஸ்ஸ. ஸா பி⁴க்கு²னீ ஸமனுபா⁴ஸிதப்³பா³. ஏவஞ்ச
பன, பி⁴க்க²வே, ஸமனுபா⁴ஸிதப்³பா³. ப்³யத்தாய பி⁴க்கு²னியா படிப³லாய ஸங்கோ⁴
ஞாபேதப்³போ³ –

730.
‘‘ஸுணாது மே, அய்யே, ஸங்கோ⁴. அயங் இத்த²ன்னாமா பி⁴க்கு²னீ ஸங்கே⁴ன
ஸமனுப⁴ட்டா² பி⁴க்கு²னியோ ஏவங் வதே³தி – ‘ஸங்ஸட்டா²வ அய்யே, தும்ஹே விஹரத².
மா தும்ஹே நானா விஹரித்த². ஸந்தி ஸங்கே⁴ அஞ்ஞாபி பி⁴க்கு²னியோ ஏவாசாரா
ஏவங்ஸத்³தா³ ஏவங்ஸிலோகா, பி⁴க்கு²னிஸங்க⁴ஸ்ஸ விஹேஸிகா, அஞ்ஞமஞ்ஞிஸ்ஸா
வஜ்ஜப்படிச்சா²தி³கா. தா ஸங்கோ⁴ ந கிஞ்சி ஆஹ. தும்ஹஞ்ஞேவ ஸங்கோ⁴ உஞ்ஞாய
பரிப⁴வேன அக்க²ந்தியா வேப⁴ஸ்ஸியா து³ப்³ப³ல்யா ஏவமாஹ – ப⁴கி³னியோ கோ²
ஸங்ஸட்டா² விஹரந்தி பாபாசாரா பாபஸத்³தா³ பாபஸிலோகா, பி⁴க்கு²னிஸங்க⁴ஸ்ஸ விஹேஸிகா அஞ்ஞமஞ்ஞிஸ்ஸா வஜ்ஜப்படிச்சா²தி³கா .
விவிச்சதா²ய்யே. விவேகஞ்ஞேவ ப⁴கி³னீனங் ஸங்கோ⁴ வண்ணேதீ’தி. ஸா தங்
வத்து²ங் ந படினிஸ்ஸஜ்ஜதி. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங்
பி⁴க்கு²னிங் ஸமனுபா⁴ஸெய்ய தஸ்ஸ வத்து²ஸ்ஸ படினிஸ்ஸக்³கா³ய. ஏஸா ஞத்தி.

‘‘ஸுணாது மே, அய்யே, ஸங்கோ⁴.
அயங் இத்த²ன்னாமா பி⁴க்கு²னீ ஸங்கே⁴ன ஸமனுப⁴ட்டா² பி⁴க்கு²னியோ ஏவங் வதே³தி
– ‘ஸங்ஸட்டா²வ அய்யே, தும்ஹே விஹரத². மா தும்ஹே நானா விஹரித்த². ஸந்தி
ஸங்கே⁴ அஞ்ஞாபி பி⁴க்கு²னியோ ஏவாசாரா ஏவங்ஸத்³தா³ ஏவங்ஸிலோகா,
பி⁴க்கு²னிஸங்க⁴ஸ்ஸ விஹேஸிகா, அஞ்ஞமஞ்ஞிஸ்ஸா வஜ்ஜப்படிச்சா²தி³கா. தா
ஸங்கோ⁴ ந கிஞ்சி ஆஹ. தும்ஹஞ்ஞேவ ஸங்கோ⁴ உஞ்ஞாய பரிப⁴வேன அக்க²ந்தியா
வேப⁴ஸ்ஸியா து³ப்³ப³ல்யா ஏவமாஹ – ப⁴கி³னியோ கோ² ஸங்ஸட்டா² விஹரந்தி
பாபாசாரா பாபஸத்³தா³ பாபஸிலோகா, பி⁴க்கு²னிஸங்க⁴ஸ்ஸ விஹேஸிகா,
அஞ்ஞமஞ்ஞிஸ்ஸா வஜ்ஜப்படிச்சா²தி³கா. விவிச்சதா²ய்யே. விவேகஞ்ஞேவ ப⁴கி³னீனங்
ஸங்கோ⁴ வண்ணேதீ’தி. ஸா தங் வத்து²ங் ந படினிஸ்ஸஜ்ஜதி. ஸங்கோ⁴ இத்த²ன்னாமங்
பி⁴க்கு²னிங் ஸமனுபா⁴ஸதி தஸ்ஸ வத்து²ஸ்ஸ படினிஸ்ஸக்³கா³ய. யஸ்ஸா அய்யாய
க²மதி இத்த²ன்னாமாய பி⁴க்கு²னியா ஸமனுபா⁴ஸனா தஸ்ஸ வத்து²ஸ்ஸ
படினிஸ்ஸக்³கா³ய, ஸா துண்ஹஸ்ஸ; யஸ்ஸா நக்க²மதி, ஸா பா⁴ஸெய்ய.

‘‘து³தியம்பி ஏதமத்த²ங் வதா³மி…பே॰… ததியம்பி ஏதமத்த²ங் வதா³மி…பே॰….

‘‘ஸமனுப⁴ட்டா² ஸங்கே⁴ன இத்த²ன்னாமா பி⁴க்கு²னீ தஸ்ஸ வத்து²ஸ்ஸ படினிஸ்ஸக்³கா³ய. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

ஞத்தியா து³க்கடங், த்³வீஹி கம்மவாசாஹி து²ல்லச்சயா,
கம்மவாசாபரியோஸானே ஆபத்தி ஸங்கா⁴தி³ஸேஸஸ்ஸ. ஸங்கா⁴தி³ஸேஸங்
அஜ்ஜா²பஜ்ஜந்தியா ஞத்தியா து³க்கடங், த்³வீஹி கம்மவாசாஹி து²ல்லச்சயா
படிப்பஸ்ஸம்ப⁴ந்தி.

அயம்பீதி புரிமாயோ உபாதா³ய வுச்சதி.

யாவததியகந்தி யாவததியங் ஸமனுபா⁴ஸனாய ஆபஜ்ஜதி, ந ஸஹவத்து²ஜ்ஜா²சாரா.

நிஸ்ஸாரணீயந்தி ஸங்க⁴ம்ஹா நிஸ்ஸாரீயதி.

ஸங்கா⁴தி³ஸேஸோதி
ஸங்கோ⁴வ தஸ்ஸா ஆபத்தியா மானத்தங் தே³தி, மூலாய படிகஸ்ஸதி, அப்³பே⁴தி, ந
ஸம்ப³ஹுலா ந ஏகா பி⁴க்கு²னீ. தேன வுச்சதி ‘‘ஸங்கா⁴தி³ஸேஸோ’’தி. தஸ்ஸேவ
ஆபத்தினிகாயஸ்ஸ நாமகம்மங் அதி⁴வசனங், தேனபி வுச்சதி ‘‘ஸங்கா⁴தி³ஸேஸோ’’தி.

731. த⁴ம்மகம்மே த⁴ம்மகம்மஸஞ்ஞா ந படினிஸ்ஸஜ்ஜதி, ஆபத்தி ஸங்கா⁴தி³ஸேஸஸ்ஸ .
த⁴ம்மகம்மே வேமதிகா ந படினிஸ்ஸஜ்ஜதி, ஆபத்தி ஸங்கா⁴தி³ஸேஸஸ்ஸ. த⁴ம்மகம்மே
அத⁴ம்மகம்மஸஞ்ஞா ந படினிஸ்ஸஜ்ஜதி, ஆபத்தி ஸங்கா⁴தி³ஸேஸஸ்ஸ.

அத⁴ம்மகம்மே த⁴ம்மகம்மஸஞ்ஞா, ஆபத்தி து³க்கடஸ்ஸ. அத⁴ம்மகம்மே வேமதிகா, ஆபத்தி து³க்கடஸ்ஸ. அத⁴ம்மகம்மே அத⁴ம்மகம்மஸஞ்ஞா, ஆபத்தி து³க்கடஸ்ஸ.

732. அனாபத்தி அஸமனுபா⁴ஸந்தியா, படினிஸ்ஸஜ்ஜந்தியா, உம்மத்திகாய, ஆதி³கம்மிகாயாதி.

த³ஸமஸங்கா⁴தி³ஸேஸஸிக்கா²பத³ங் நிட்டி²தங்.

உத்³தி³ட்டா² கோ², அய்யாயோ, ஸத்தரஸ ஸங்கா⁴தி³ஸேஸா
த⁴ம்மா – நவ பட²மாபத்திகா, அட்ட² யாவததியகா. யேஸங் பி⁴க்கு²னீ அஞ்ஞதரங் வா
அஞ்ஞதரங் வா ஆபஜ்ஜதி, தாய பி⁴க்கு²னியா உப⁴தோஸங்கே⁴ பக்க²மானத்தங்
சரிதப்³ப³ங். சிண்ணமானத்தா பி⁴க்கு²னீ யத்த² ஸியா வீஸதிக³ணோ
பி⁴க்கு²னிஸங்கோ⁴ தத்த² (ஸா பி⁴க்கு²னீ) [( ) (கத்த²பி நத்தி²)]
அப்³பே⁴தப்³பா³. ஏகாயபி சே ஊனோ வீஸதிக³ணோ பி⁴க்கு²னிஸங்கோ⁴ தங்
பி⁴க்கு²னிங் அப்³பெ⁴ய்ய. ஸா ச பி⁴க்கு²னீ அனப்³பி⁴தா, தா ச பி⁴க்கு²னியோ
கா³ரய்ஹா, அயங் தத்த² ஸாமீசி.

தத்தா²ய்யாயோ புச்சா²மி – ‘‘கச்சித்த² பரிஸுத்³தா⁴’’?
து³தியம்பி புச்சா²மி – ‘‘கச்சித்த² பரிஸுத்³தா⁴’’? ததியம்பி புச்சா²மி –
‘‘கச்சித்த² பரிஸுத்³தா⁴’’? பரிஸுத்³தெ⁴த்தா²ய்யாயோ, தஸ்மா துண்ஹீ, ஏவமேதங்
தா⁴ரயாமீதி.

ஸத்தரஸகங் நிட்டி²தங்.

பி⁴க்கு²னிவிப⁴ங்கே³ ஸங்கா⁴தி³ஸேஸகண்ட³ங் நிட்டி²தங்.

Leave a Reply