Free Online FOOD for MIND & HUNGER - DO GOOD 😊 PURIFY MIND.To live like free birds 🐦 🦢 🦅 grow fruits 🍍 🍊 🥑 🥭 🍇 🍌 🍎 🍉 🍒 🍑 🥝 vegetables 🥦 🥕 🥗 🥬 🥔 🍆 🥜 🎃 🫑 🍅🍜 🧅 🍄 🍝 🥗 🥒 🌽 🍏 🫑 🌳 🍓 🍊 🥥 🌵 🍈 🌰 🇧🇧 🫐 🍅 🍐 🫒Plants 🌱in pots 🪴 along with Meditative Mindful Swimming 🏊‍♂️ to Attain NIBBĀNA the Eternal Bliss.

Kushinara NIBBĀNA Bhumi Pagoda White Home, Puniya Bhumi Bengaluru, Prabuddha Bharat International.

Categories:

Search:

Archives:

Meta:

November 2024

M	T	W	T	F	S	S
« Jan
	1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

11/12/12

131112 TUESDAY LESSON 749 -வினயபிடகே-Part-11,12,13,14-தமிழில் திரபிடக மூன்று தொகுப்புகள் TIPITAKA from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 8:47 pm

131112 TUESDAY LESSON 749 -வினயபிடகே-Part-11,12,13,14-தமிழில் திரபிடக மூன்று தொகுப்புகள் TIPITAKA
from FREE ONLINE eNālāndā Research and
Practice UNIVERSITY through http://sarvajan.ambedkar.org

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

வினயபிடகே

பாசித்தியபாளி

4. பாசித்தியகண்டங் (பிக்குனீவிபங்கோ)

1. லஸுணவக்கோ

1. படமஸிக்காபதங்

இமே கோ பனாய்யாயோ சஸட்டிஸதா பாசித்தியா

தம்மா உத்தேஸங் ஆகச்சந்தி.

793. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரேன உபாஸகேன பி⁴க்கு²னிஸங்கோ⁴ லஸுணேன பவாரிதோ
ஹோதி – ‘‘யாஸங் அய்யானங் லஸுணேன அத்தோ², அஹங் லஸுணேனா’’தி. கெ²த்தபாலோ ச
ஆணத்தோ ஹோதி – ‘‘ஸசே பி⁴க்கு²னியோ ஆக³ச்ச²ந்தி, ஏகமேகாய பி⁴க்கு²னியா
த்³வேதயோ ப⁴ண்டி³கே தே³ஹீ’’தி. தேன கோ² பன ஸமயேன ஸாவத்தி²யங் உஸ்ஸவோ ஹோதி.
யதா²ப⁴தங் லஸுணங் பரிக்க²யங் அக³மாஸி. பி⁴க்கு²னியோ தங் உபாஸகங்
உபஸங்கமித்வா ஏதத³வோசுங் – ‘‘லஸுணேன, ஆவுஸோ, அத்தோ²’’தி. ‘‘நத்தா²ய்யே.
யதா²ப⁴தங் லஸுணங் பரிக்கீ²ணங். கெ²த்தங் க³ச்ச²தா²’’தி. து²ல்லனந்தா³
பி⁴க்கு²னீ கெ²த்தங் க³ந்த்வா ந மத்தங் ஜானித்வா ப³ஹுங் லஸுணங் ஹராபேஸி.
கெ²த்தபாலோ உஜ்ஜா²யதி கி²ய்யதி விபாசேதி – ‘‘கத²ஞ்ஹி நாம பி⁴க்கு²னியோ ந
மத்தங் ஜானித்வா ப³ஹுங் லஸுணங் ஹராபெஸ்ஸந்தீ’’தி! அஸ்ஸோஸுங் கோ²
பி⁴க்கு²னியோ தஸ்ஸ கெ²த்தபாலஸ்ஸ உஜ்ஜா²யந்தஸ்ஸ கி²ய்யந்தஸ்ஸ விபாசெந்தஸ்ஸ.
யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம அய்யா து²ல்லனந்தா³ ந மத்தங் ஜானித்வா ப³ஹுங்
லஸுணங் ஹராபெஸ்ஸதீ’’தி…பே॰… ஸச்சங் கிர, பி⁴க்க²வே, து²ல்லனந்தா³
பி⁴க்கு²னீ ந மத்தங் ஜானித்வா ப³ஹுங் லஸுணங் ஹராபேதீதி [ஹராபேஸீதி (க॰)]? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, து²ல்லனந்தா³ பி⁴க்கு²னீ ந
மத்தங் ஜானித்வா ப³ஹுங் லஸுணங் ஹராபெஸ்ஸதி! நேதங், பி⁴க்க²வே,
அப்பஸன்னானங் வா பஸாதா³ய…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி –

‘‘பூ⁴தபுப்³ப³ங், பி⁴க்க²வே, து²ல்லனந்தா³ பி⁴க்கு²னீ அஞ்ஞதரஸ்ஸ ப்³ராஹ்மணஸ்ஸ பஜாபதி அஹோஸி. திஸ்ஸோ
ச தீ⁴தரோ – நந்தா³, நந்த³வதீ, ஸுந்த³ரீனந்தா³. அத² கோ², பி⁴க்க²வே, ஸோ
ப்³ராஹ்மணோ காலங்கத்வா அஞ்ஞதரங் ஹங்ஸயோனிங் உபபஜ்ஜி. தஸ்ஸ ஸப்³ப³ஸோவண்ணமயா
பத்தா அஹேஸுங். ஸோ தாஸங் ஏகேகங் பத்தங் தே³தி. அத² கோ², பி⁴க்க²வே,
து²ல்லனந்தா³ பி⁴க்கு²னீ ‘‘அயங் ஹங்ஸோ அம்ஹாகங்
ஏகேகங் பத்தங் தே³தீ’’தி தங் ஹங்ஸராஜங் க³ஹெத்வா நிப்பத்தங் அகாஸி. தஸ்ஸ
புன ஜாயமானா பத்தா ஸேதா ஸம்பஜ்ஜிங்ஸு. ததா³பி, பி⁴க்க²வே, து²ல்லனந்தா³
பி⁴க்கு²னீ அதிலோபே⁴ன ஸுவண்ணா பரிஹீனா. இதா³னி லஸுணா பரிஹாயிஸ்ஸதீ’’தி.

[ஜா॰ 1.1.136 ஸுவண்ணஹங்ஸஜாதகேபி] ‘‘யங் லத்³த⁴ங் தேன துட்ட²ப்³ப³ங், அதிலோபோ⁴ ஹி பாபகோ;

ஹங்ஸராஜங் க³ஹெத்வான, ஸுவண்ணா பரிஹாயதா²’’தி.

அத² கோ² ப⁴க³வா து²ல்லனந்த³ங் பி⁴க்கு²னிங்
அனேகபரியாயேன விக³ரஹித்வா து³ப்³ப⁴ரதாய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

794. ‘‘யா பன பி⁴க்கு²னீ லஸுணங் கா²தெ³ய்ய பாசித்திய’’ந்தி.

795. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

லஸுணங் நாம மாக³த⁴கங் வுச்சதி.

‘‘கா²தி³ஸ்ஸாமீதி படிக்³க³ண்ஹா’’தி, ஆபத்தி து³க்கடஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி பாசித்தியஸ்ஸ.

796.
லஸுணே லஸுணஸஞ்ஞா கா²த³தி, ஆபத்தி பாசித்தியஸ்ஸ. லஸுணே வேமதிகா கா²த³தி,
ஆபத்தி பாசித்தியஸ்ஸ. லஸுணே அலஸுணஸஞ்ஞா கா²த³தி, ஆபத்தி பாசித்தியஸ்ஸ.

அலஸுணே லஸுணஸஞ்ஞா கா²த³தி, ஆபத்தி து³க்கடஸ்ஸ. அலஸுணே வேமதிகா கா²த³தி, ஆபத்தி து³க்கடஸ்ஸ. அலஸுணே அலஸுணஸஞ்ஞா கா²த³தி, அனாபத்தி.

797.
அனாபத்தி பலண்டு³கே, ப⁴ஞ்ஜனகே, ஹரீதகே, சாபலஸுணே, ஸூபஸம்பாகே,
மங்ஸஸம்பாகே, தேலஸம்பாகே, ஸாளவே, உத்தரிப⁴ங்கே³, உம்மத்திகாய,
ஆதி³கம்மிகாயாதி.

பட²மஸிக்கா²பத³ங் நிட்டி²தங்.

2. து³தியஸிக்கா²பத³ங்

798. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கு²னியோ ஸம்பா³தே⁴ லோமங்
ஸங்ஹராபெத்வா அசிரவதியா நதி³யா வேஸியாஹி ஸத்³தி⁴ங் நக்³கா³ ஏகதித்தே²
நஹாயந்தி. வேஸியா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கு²னியோ ஸம்பா³தே⁴ லோமங் ஸங்ஹராபெஸ்ஸந்தி, ஸெய்யதா²பி கி³ஹினியோ
காமபோ⁴கி³னியோ’’தி! அஸ்ஸோஸுங் கோ² பி⁴க்கு²னியோ தாஸங் வேஸியானங்
உஜ்ஜா²யந்தீனங் கி²ய்யந்தீனங் விபாசெந்தீனங். யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கு²னியோ ஸம்பா³தே⁴ லோமங் ஸங்ஹராபெஸ்ஸந்தீ’’தி…பே॰…
ஸச்சங் கிர, பி⁴க்க²வே, ச²ப்³ப³க்³கி³யா பி⁴க்கு²னியோ ஸம்பா³தே⁴ லோமங்
ஸங்ஹராபெந்தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம, பி⁴க்க²வே, ச²ப்³ப³க்³கி³யா பி⁴க்கு²னியோ ஸம்பா³தே⁴ லோமங்
ஸங்ஹராபெஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச
பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

799. ‘‘யா பன பி⁴க்கு²னீ ஸம்பா³தே⁴ லோமங் ஸங்ஹராபெய்ய, பாசித்திய’’ந்தி.

800. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஸம்பா³தோ⁴ நாம உபோ⁴ உபகச்ச²கா, முத்தகரணங்.

ஸங்ஹராபெய்யாதி ஏகம்பி லோமங் ஸங்ஹராபேதி, ஆபத்தி பாசித்தியஸ்ஸ. ப³ஹுகேபி லோமே ஸங்ஹராபேதி, ஆபத்தி பாசித்தியஸ்ஸ.

801. அனாபத்தி ஆபா³த⁴பச்சயா, உம்மத்திகாய, ஆதி³கம்மிகாயாதி.

து³தியஸிக்கா²பத³ங் நிட்டி²தங்.

3. ததியஸிக்கா²பத³ங்

802. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன த்³வே பி⁴க்கு²னியோ அனபி⁴ரதியா
பீளிதா ஓவரகங் பவிஸித்வா தலகா⁴தகங் கரொந்தி. பி⁴க்கு²னியோ தேன ஸத்³தே³ன
உபதா⁴வித்வா தா பி⁴க்கு²னியோ ஏதத³வோசுங் – ‘‘கிஸ்ஸ தும்ஹே, அய்யே, புரிஸேன
ஸத்³தி⁴ங் ஸம்பது³ஸ்ஸதா²’’தி? ‘‘ந மயங், அய்யே, புரிஸேன ஸத்³தி⁴ங்
ஸம்பது³ஸ்ஸாமா’’தி. பி⁴க்கு²னீனங் ஏதமத்த²ங் ஆரோசேஸுங். யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கு²னியோ தலகா⁴தகங் கரிஸ்ஸந்தீ’’தி…பே॰… ஸச்சங் கிர, பி⁴க்க²வே,
பி⁴க்கு²னியோ தலகா⁴தகங் கரொந்தீதி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, பி⁴க்கு²னியோ தலகா⁴தகங்
கரிஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

803. ‘‘தலகா⁴தகே பாசித்திய’’ந்தி.

804. தலகா⁴தகங் நாம ஸம்ப²ஸ்ஸங் ஸாதி³யந்தீ அந்தமஸோ உப்பலபத்தேனபி முத்தகரணே பஹாரங் தே³தி, ஆபத்தி பாசித்தியஸ்ஸ.

805. அனாபத்தி ஆபா³த⁴பச்சயா, உம்மத்திகாய, ஆதி³கம்மிகாயாதி.

ததியஸிக்கா²பத³ங் நிட்டி²தங்.

4. சதுத்த²ஸிக்கா²பத³ங்

806. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரா புராணராஜோரோதா⁴ பி⁴க்கு²னீஸு பப்³ப³ஜிதா [அஞ்ஞதரோ புராணராஜோரோதோ⁴ பி⁴க்கு²னீஸு பப்³ப³ஜிதோ (ஸ்யா॰)]
ஹோதி. அஞ்ஞதரா பி⁴க்கு²னீ அனபி⁴ரதியா பீளிதா யேன ஸா பி⁴க்கு²னீ
தேனுபஸங்கமி; உபஸங்கமித்வா தங் பி⁴க்கு²னிங் ஏதத³வோச – ‘‘ராஜா கோ², அய்யே,
தும்ஹே சிராசிரங் க³ச்ச²தி. கத²ங் தும்ஹே தா⁴ரேதா²’’தி? ‘‘ஜதுமட்ட²கேன,
அய்யே’’தி. ‘‘கிங் ஏதங், அய்யே, ஜதுமட்ட²க’’ந்தி? அத² கோ² ஸா பி⁴க்கு²னீ
தஸ்ஸா பி⁴க்கு²னியா ஜதுமட்ட²கங் ஆசிக்கி². அத² கோ² ஸா பி⁴க்கு²னீ
ஜதுமட்ட²கங் ஆதி³யித்வா தோ⁴விதுங் விஸ்ஸரித்வா ஏகமந்தங் ச²ட்³டே³ஸி.
பி⁴க்கு²னியோ மக்கி²காஹி ஸம்பரிகிண்ணங் பஸ்ஸித்வா
ஏவமாஹங்ஸு – ‘‘கஸ்ஸித³ங் கம்ம’’ந்தி? ஸா ஏவமாஹ – ‘‘மய்ஹித³ங் கம்ம’’ந்தி.
யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு²னீ ஜதுமட்ட²கங் ஆதி³யிஸ்ஸதீ’’தி…பே॰… ஸச்சங் கிர,
பி⁴க்க²வே, பி⁴க்கு²னீ ஜதுமட்ட²கங் ஆதி³யதீதி [ஆதி³யீதி (க॰)]? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, பி⁴க்கு²னீ ஜதுமட்ட²கங்
ஆதி³யிஸ்ஸதி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

807. ‘‘ஜதுமட்ட²கே [ஜதுமட்டகே (ஸீ॰)] பாசித்திய’’ந்தி.

808. ஜதுமட்ட²கங் நாம ஜதுமயங் கட்ட²மயங் பிட்ட²மயங் மத்திகாமயங்.

ஆதி³யெய்யாதி ஸம்ப²ஸ்ஸங் ஸாதி³யந்தீ அந்தமஸோ உப்பலபத்தம்பி முத்தகரணங் பவேஸேதி, ஆபத்தி பாசித்தியஸ்ஸ.

809. அனாபத்தி ஆபா³த⁴பச்சயா, உம்மத்திகாய, ஆதி³கம்மிகாயாதி.

சதுத்த²ஸிக்கா²பத³ங் நிட்டி²தங்.

5. பஞ்சமஸிக்கா²பத³ங்

810. தேன ஸமயேன பு³த்³தோ⁴ ப⁴க³வா ஸக்கேஸு விஹரதி கபிலவத்து²ஸ்மிங் நிக்³ரோதா⁴ராமே. அத²
கோ² மஹாபஜாபதி கோ³தமீ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா அதோ⁴வாதே அட்டா²ஸி – ‘‘து³க்³க³ந்தோ⁴, ப⁴க³வா,
மாதுகா³மோ’’தி. அத² கோ² ப⁴க³வா – ‘‘ஆதி³யந்து கோ² பி⁴க்கு²னியோ
உத³கஸுத்³தி⁴க’’ந்தி, மஹாபஜாபதிங் கோ³தமிங் த⁴ம்மியா கதா²ய ஸந்த³ஸ்ஸேஸி
ஸமாத³பேஸி ஸமுத்தேஜேஸி ஸம்பஹங்ஸேஸி. அத² கோ² மஹாபஜாபதி கோ³தமீ ப⁴க³வதா
த⁴ம்மியா கதா²ய ஸந்த³ஸ்ஸிதா ஸமாத³பிதா ஸமுத்தேஜிதா ஸம்பஹங்ஸிதா ப⁴க³வந்தங்
அபி⁴வாதெ³த்வா பத³க்கி²ணங் கத்வா பக்காமி. அத² கோ² ப⁴க³வா ஏதஸ்மிங் நிதா³னே
ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, பி⁴க்கு²னீனங் உத³கஸுத்³தி⁴க’’ந்தி. தேன கோ² பன ஸமயேன அஞ்ஞதரா பி⁴க்கு²னீ – ‘‘ப⁴க³வதா
உத³கஸுத்³தி⁴கா அனுஞ்ஞாதா’’தி அதிக³ம்பீ⁴ரங் உத³கஸுத்³தி⁴கங் ஆதி³யந்தீ
முத்தகரணே வணங் அகாஸி. அத² கோ² ஸா பி⁴க்கு²னீ பி⁴க்கு²னீனங் ஏதமத்த²ங்
ஆரோசேதி. யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி
விபாசெந்தி – கத²ஞ்ஹி நாம பி⁴க்கு²னீ அதிக³ம்பீ⁴ரங் உத³கஸுத்³தி⁴கங்
ஆதி³யிஸ்ஸதீதி…பே॰… ஸச்சங் கிர, பி⁴க்க²வே, பி⁴க்கு²னீ அதிக³ம்பீ⁴ரங்
உத³கஸுத்³தி⁴கங் ஆதி³யதீ’’தி [ஆதி³யீதி (க॰)]?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, பி⁴க்கு²னீ அதிக³ம்பீ⁴ரங் உத³கஸுத்³தி⁴கங் ஆதி³யிஸ்ஸதி! நேதங்,
பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

811. ‘‘உத³கஸுத்³தி⁴கங் பன பி⁴க்கு²னியா ஆதி³யமானாய த்³வங்கு³லபப்³ப³பரமங் ஆதா³தப்³ப³ங். தங் அதிக்காமெந்தியா பாசித்திய’’ந்தி.

812. உத³கஸுத்³தி⁴கங் நாம முத்தகரணஸ்ஸ தோ⁴வனா வுச்சதி.

ஆதி³யமானாயாதி தோ⁴வந்தியா.

த்³வங்கு³லபப்³ப³பரமங் ஆதா³தப்³ப³ந்தி த்³வீஸு அங்கு³லேஸு த்³வே பப்³ப³பரமா ஆதா³தப்³பா³.

தங் அதிக்காமெந்தியாதி ஸம்ப²ஸ்ஸங் ஸாதி³யந்தீ அந்தமஸோ கேஸக்³க³மத்தம்பி அதிக்காமேதி, ஆபத்தி பாசித்தியஸ்ஸ.

813. அதிரேகத்³வங்கு³லபப்³பே³ அதிரேகஸஞ்ஞா ஆதி³யதி, ஆபத்தி பாசித்தியஸ்ஸ. அதிரேகத்³வங்கு³லபப்³பே³ வேமதிகா ஆதி³யதி, ஆபத்தி பாசித்தியஸ்ஸ . அதிரேகத்³வங்கு³லபப்³பே³ ஊனகஸஞ்ஞா ஆதி³யதி, ஆபத்தி பாசித்தியஸ்ஸ .

ஊனகத்³வங்கு³லபப்³பே³ அதிரேகஸஞ்ஞா, ஆபத்தி து³க்கடஸ்ஸ.
ஊனகத்³வங்கு³லபப்³பே³ வேமதிகா, ஆபத்தி து³க்கடஸ்ஸ. ஊனகத்³வங்கு³லபப்³பே³
ஊனகஸஞ்ஞா, அனாபத்தி.

814. அனாபத்தி த்³வங்கு³லபப்³ப³பரமங் ஆதி³யதி, ஊனகத்³வங்கு³லபப்³ப³பரமங் ஆதி³யதி, ஆபா³த⁴பச்சயா, உம்மத்திகாய, ஆதி³கம்மிகாயாதி.

பஞ்சமஸிக்கா²பத³ங் நிட்டி²தங்.

6. ச²ட்ட²ஸிக்கா²பத³ங்

815. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆரோஹந்தோ நாம மஹாமத்தோ பி⁴க்கூ²ஸு பப்³ப³ஜிதோ
ஹோதி. தஸ்ஸ புராணது³தியிகா பி⁴க்கு²னீஸு பப்³ப³ஜிதா ஹோதி. தேன கோ² பன ஸமயேன
ஸோ பி⁴க்கு² தஸ்ஸா பி⁴க்கு²னியா ஸந்திகே ப⁴த்தவிஸ்ஸக்³க³ங் கரோதி. அத² கோ²
ஸா பி⁴க்கு²னீ தஸ்ஸ பி⁴க்கு²னோ பு⁴ஞ்ஜந்தஸ்ஸ பானீயேன ச விதூ⁴பனேன ச
உபதிட்டி²த்வா அச்சாவத³தி. அத² கோ² ஸோ பி⁴க்கு² தங் பி⁴க்கு²னிங் அபஸாதே³தி
– ‘‘மா, ப⁴கி³னி, ஏவரூபங் அகாஸி. நேதங் கப்பதீ’’தி. ‘‘புப்³பே³ மங் த்வங்
ஏவஞ்ச ஏவஞ்ச கரோஸி, இதா³னி எத்தகங் ந ஸஹஸீ’’தி – பானீயதா²லகங் மத்த²கே
ஆஸும்பி⁴த்வா விதூ⁴பனேன பஹாரங் அதா³ஸி. யா தா பி⁴க்கு²னியோ அப்பிச்சா²…பே॰…
தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி
நாம பி⁴க்கு²னீ பி⁴க்கு²ஸ்ஸ பஹாரங் த³ஸ்ஸதீ’’தி…பே॰… ஸச்சங் கிர,
பி⁴க்க²வே, பி⁴க்கு²னீ பி⁴க்கு²ஸ்ஸ பஹாரங் அதா³ஸீதி? ‘‘ஸச்சங், ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, பி⁴க்கு²னீ
பி⁴க்கு²ஸ்ஸ பஹாரங் த³ஸ்ஸதி! நேதங், பி⁴க்க²வே, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங்
உத்³தி³ஸந்து –

816. ‘‘யா பன பி⁴க்கு²னீ பி⁴க்கு²ஸ்ஸ பு⁴ஞ்ஜந்தஸ்ஸ பானீயேன வா விதூ⁴பனேன வா உபதிட்டெ²ய்ய, பாசித்திய’’ந்தி.

817. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

பி⁴க்கு²ஸ்ஸாதி உபஸம்பன்னஸ்ஸ.

பு⁴ஞ்ஜந்தஸ்ஸாதி பஞ்சன்னங் போ⁴ஜனானங் அஞ்ஞதரங் போ⁴ஜனங் பு⁴ஞ்ஜந்தஸ்ஸ.

பானீயங் நாம யங் கிஞ்சி பானீயங்.

விதூ⁴பனங் நாம யா காசி பீ³ஜனீ.

உபதிட்டெ²ய்யாதி ஹத்த²பாஸே திட்ட²தி, ஆபத்தி பாசித்தியஸ்ஸ.

818. உபஸம்பன்னே
உபஸம்பன்னஸஞ்ஞா பானீயேன வா விதூ⁴பனேன வா உபதிட்ட²தி, ஆபத்தி பாசித்தியஸ்ஸ.
உபஸம்பன்னே வேமதிகா பானீயேன வா விதூ⁴பனேன வா உபதிட்ட²தி, ஆபத்தி
பாசித்தியஸ்ஸ. உபஸம்பன்னே அனுபஸம்பன்னஸஞ்ஞா பானீயேன வா விதூ⁴பனேன வா
உபதிட்ட²தி, ஆபத்தி பாசித்தியஸ்ஸ.

ஹத்த²பாஸங் விஜஹித்வா உபதிட்ட²தி, ஆபத்தி து³க்கடஸ்ஸ. கா²த³னீயங் கா²த³ந்தஸ்ஸ உபதிட்ட²தி, ஆபத்தி
து³க்கடஸ்ஸ. அனுபஸம்பன்னஸ்ஸ உபதிட்ட²தி, ஆபத்தி து³க்கடஸ்ஸ. அனுபஸம்பன்னே
உபஸம்பன்னஸஞ்ஞா, ஆபத்தி து³க்கடஸ்ஸ. அனுபஸம்பன்னே வேமதிகா, ஆபத்தி
து³க்கடஸ்ஸ. அனுபஸம்பன்னே அனுபஸம்பன்னஸஞ்ஞா, ஆபத்தி து³க்கடஸ்ஸ.

819. அனாபத்தி தே³தி, தா³பேதி, அனுபஸம்பன்னங் ஆணாபேதி, உம்மத்திகாய, ஆதி³கம்மிகாயாதி.

ச²ட்ட²ஸிக்கா²பத³ங் நிட்டி²தங்.

7. ஸத்தமஸிக்கா²பத³ங்

820. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ ஸஸ்ஸகாலே ஆமகத⁴ஞ்ஞங் விஞ்ஞாபெத்வா
நக³ரங் அதிஹரந்தி த்³வாரட்டா²னே – ‘‘தே³தா²ய்யே, பா⁴க³’’ந்தி.
பலிபு³ந்தெ⁴த்வா முஞ்சிங்ஸு. அத² கோ² தா பி⁴க்கு²னியோ உபஸ்ஸயங் க³ந்த்வா
பி⁴க்கு²னீனங் ஏதமத்த²ங் ஆரோசேஸுங். யா தா பி⁴க்கு²னியோ அப்பிச்சா²…பே॰… தா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ
ஆமகத⁴ஞ்ஞங் விஞ்ஞாபெஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கு²னியோ
ஆமகத⁴ஞ்ஞங் விஞ்ஞாபெந்தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம, பி⁴க்க²வே, பி⁴க்கு²னியோ ஆமகத⁴ஞ்ஞங்
விஞ்ஞாபெஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச
பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

821. ‘‘யா பன பி⁴க்கு²னீ ஆமகத⁴ஞ்ஞங் விஞ்ஞத்வா வா விஞ்ஞாபெத்வா வா ப⁴ஜ்ஜித்வா வா ப⁴ஜ்ஜாபெத்வா வா கொட்டெத்வா வா கொட்டாபெத்வா வா பசித்வா வா பசாபெத்வா வா பு⁴ஞ்ஜெய்ய, பாசித்திய’’ந்தி.

822. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஆமகத⁴ஞ்ஞங் நாம ஸாலி வீஹி யவோ கோ³து⁴மோ கங்கு³ வரகோ குத்³ருஸகோ.

விஞ்ஞத்வாதி ஸயங் விஞ்ஞத்வா. விஞ்ஞாபெத்வாதி அஞ்ஞங் விஞ்ஞாபெத்வா.

ப⁴ஜ்ஜித்வாதி ஸயங் ப⁴ஜ்ஜித்வா. ப⁴ஜ்ஜாபெத்வாதி அஞ்ஞங் ப⁴ஜ்ஜாபெத்வா.

கொட்டெத்வாதி ஸயங் கொட்டெத்வா. கொட்டாபெத்வாதி அஞ்ஞங் கொட்டாபெத்வா.

பசித்வாதி ஸயங் பசித்வா. பசாபெத்வாதி அஞ்ஞங் பசாபெத்வா.

‘‘பு⁴ஞ்ஜிஸ்ஸாமீ’’தி படிக்³க³ண்ஹாதி , ஆபத்தி து³க்கடஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி பாசித்தியஸ்ஸ.

823. அனாபத்தி ஆபா³த⁴பச்சயா, அபரண்ணங் விஞ்ஞாபேதி, உம்மத்திகாய, ஆதி³கம்மிகாயாதி.

ஸத்தமஸிக்கா²பத³ங் நிட்டி²தங்.

8. அட்ட²மஸிக்கா²பத³ங்

824.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரோ ப்³ராஹ்மணோ நிப்³பி³ட்ட²ராஜப⁴டோ ‘‘தஞ்ஞேவ
ப⁴டபத²ங் யாசிஸ்ஸாமீ’’தி ஸீஸங் நஹாயித்வா
பி⁴க்கு²னுபஸ்ஸயங் நிஸ்ஸாய ராஜகுலங் க³ச்ச²தி. அஞ்ஞதரா பி⁴க்கு²னீ கடாஹே
வச்சங் கத்வா திரோகுட்டே ச²ட்³டெ³ந்தீ தஸ்ஸ ப்³ராஹ்மணஸ்ஸ மத்த²கே ஆஸும்பி⁴.
அத² கோ² ஸோ ப்³ராஹ்மணோ உஜ்ஜா²யதி கி²ய்யதி விபாசேதி – ‘‘அஸ்ஸமணியோ இமா
முண்டா³ ப³ந்த⁴கினியோ. கத²ஞ்ஹி நாம கூ³த²கடாஹங் மத்த²கே ஆஸும்பி⁴ஸ்ஸந்தி!
இமாஸங் உபஸ்ஸயங் ஜா²பெஸ்ஸாமீ’’தி! உம்முகங் க³ஹெத்வா உபஸ்ஸயங் பவிஸதி.
அஞ்ஞதரோ உபாஸகோ உபஸ்ஸயா நிக்க²மந்தோ அத்³த³ஸ தங் ப்³ராஹ்மணங் உம்முகங்
க³ஹெத்வா உபஸ்ஸயங் பவிஸந்தங். தி³ஸ்வான தங் ப்³ராஹ்மணங் ஏதத³வோச – ‘‘கிஸ்ஸ
த்வங், போ⁴, உம்முகங் க³ஹெத்வா உபஸ்ஸயங் பவிஸஸீ’’தி? ‘‘இமா மங், போ⁴,
முண்டா³ ப³ந்த⁴கினியோ கூ³த²கடாஹங் மத்த²கே ஆஸும்பி⁴ங்ஸு. இமாஸங் உபஸ்ஸயங்
ஜா²பெஸ்ஸாமீ’’தி. ‘‘க³ச்ச², போ⁴ ப்³ராஹ்மண, மங்க³லங் ஏதங். ஸஹஸ்ஸங் லச்ச²ஸி
தஞ்ச ப⁴டபத²’’ந்தி. அத² கோ² ஸோ ப்³ராஹ்மணோ ஸீஸங் நஹாயித்வா ராஜகுலங்
க³ந்த்வா ஸஹஸ்ஸங் அலத்த² தஞ்ச ப⁴டபத²ங். அத² கோ² ஸோ உபாஸகோ உபஸ்ஸயங்
பவிஸித்வா பி⁴க்கு²னீனங் ஏதமத்த²ங் ஆரோசெத்வா
பரிபா⁴ஸி. யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பி⁴க்கு²னியோ உச்சாரங் திரோகுட்டே
ச²ட்³டெ³ஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கு²னியோ உச்சாரங்
திரோகுட்டே ச²ட்³டெ³ந்தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம, பி⁴க்க²வே, பி⁴க்கு²னியோ உச்சாரங் திரோகுட்டே
ச²ட்³டெ³ஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச
பன, பி⁴க்க²வே , பி⁴க்கு²னியோ இமங் ஸிக்கா²பத³ங் உத்³தி³ஸந்து –

825. ‘‘யா பன
பி⁴க்கு²னீ உச்சாரங் வா பஸ்ஸாவங் வா ஸங்காரங் வா விகா⁴ஸங் வா திரோகுட்டே
வா திரோபாகாரே வா ச²ட்³டெ³ய்ய வா ச²ட்³டா³பெய்ய வா, பாசித்திய’’ந்தி.

826. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

உச்சாரோ நாம கூ³தோ² வுச்சதி. பஸ்ஸாவோ நாம முத்தங் வுச்சதி.

ஸங்காரங் நாம கசவரங் வுச்சதி.

விகா⁴ஸங் நாம சலகானி வா அட்டி²கானி வா உச்சி²ட்டோ²த³கங் வா.

குட்டோ நாம தயோ குட்டா – இட்ட²காகுட்டோ, ஸிலாகுட்டோ, தா³ருகுட்டோ.

பாகாரோ நாம தயோ பாகாரா – இட்ட²காபாகாரோ, ஸிலாபாகாரோ, தா³ருபாகாரோ.

திரோகுட்டேதி குட்டஸ்ஸ பரதோ. திரோபாகாரேதி பாகாரஸ்ஸ பரதோ.

ச²ட்³டெ³ய்யாதி ஸயங் ச²ட்³டே³தி, ஆபத்தி பாசித்தியஸ்ஸ.

ச²ட்³டா³பெய்யாதி அஞ்ஞங் ஆணாபேதி, ஆபத்தி து³க்கடஸ்ஸ. ஸகிங் ஆணத்தா ப³ஹுகம்பி ச²ட்³டே³தி, ஆபத்தி பாசித்தியஸ்ஸ.

827. அனாபத்தி ஓலோகெத்வா ச²ட்³டே³தி, அவளஞ்ஜே ச²ட்³டே³தி, உம்மத்திகாய, ஆதி³கம்மிகாயாதி.

அட்ட²மஸிக்கா²பத³ங் நிட்டி²தங்.

9. நவமஸிக்கா²பத³ங்

828. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரஸ்ஸ ப்³ராஹ்மணஸ்ஸ பி⁴க்கு²னூபஸ்ஸயங்
நிஸ்ஸாய யவகெ²த்தங் ஹோதி. பி⁴க்கு²னியோ உச்சாரம்பி பஸ்ஸாவம்பி ஸங்காரம்பி
விகா⁴ஸம்பி கெ²த்தே ச²ட்³டெ³ந்தி. அத² கோ² ஸோ ப்³ராஹ்மணோ உஜ்ஜா²யதி
கி²ய்யதி விபாசேதி – ‘‘கத²ஞ்ஹி நாம பி⁴க்கு²னியோ அம்ஹாகங் யவகெ²த்தங்
தூ³ஸெஸ்ஸந்தீ’’தி! அஸ்ஸோஸுங் கோ² பி⁴க்கு²னியோ தஸ்ஸ ப்³ராஹ்மணஸ்ஸ
உஜ்ஜா²யந்தஸ்ஸ கி²ய்யந்தஸ்ஸ விபாசெந்தஸ்ஸ. யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கு²னியோ உச்சாரம்பி பஸ்ஸாவம்பி ஸங்காரம்பி விகா⁴ஸம்பி ஹரிதே
ச²ட்³டெ³ஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கு²னியோ உச்சாரம்பி
பஸ்ஸாவம்பி ஸங்காரம்பி விகா⁴ஸம்பி ஹரிதே ச²ட்³டெ³ந்தீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே,
பி⁴க்கு²னியோ உச்சாரம்பி பஸ்ஸாவம்பி ஸங்காரம்பி விகா⁴ஸம்பி ஹரிதே
ச²ட்³டெ³ஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச
பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

829. ‘‘யா பன பி⁴க்கு²னீ உச்சாரங் வா பஸ்ஸாவங் வா ஸங்காரங் வா விகா⁴ஸங் வா ஹரிதே ச²ட்³டெ³ய்ய வா ச²ட்³டா³பெய்ய வா, பாசித்திய’’ந்தி.

830. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

உச்சாரோ நாம கூ³தோ² வுச்சதி. பஸ்ஸாவோ நாம முத்தங் வுச்சதி.

ஸங்காரங் நாம கசவரங் வுச்சதி.

விகா⁴ஸங் நாம சலகானி வா அட்டி²கானி வா உச்சி²ட்டோ²த³கங் வா.

ஹரிதங் நாம புப்³ப³ண்ணங் அபரண்ணங் யங் மனுஸ்ஸானங் உபபோ⁴க³பரிபோ⁴க³ங் ரோபிமங் .

ச²ட்³டெ³ய்யாதி ஸயங் ச²ட்³டே³தி, ஆபத்தி பாசித்தியஸ்ஸ.

831.
ஹரிதே ஹரிதஸஞ்ஞா ச²ட்³டே³தி வா ச²ட்³டா³பேதி வா, ஆபத்தி பாசித்தியஸ்ஸ.
ஹரிதே வேமதிகா ச²ட்³டே³தி வா ச²ட்³டா³பேதி வா, ஆபத்தி பாசித்தியஸ்ஸ . ஹரிதே அஹரிதஸஞ்ஞா ச²ட்³டே³தி வா ச²ட்³டா³பேதி வா, ஆபத்தி பாசித்தியஸ்ஸ.

அஹரிதே ஹரிதஸஞ்ஞா, ஆபத்தி து³க்கடஸ்ஸ. அஹரிதே வேமதிகா, ஆபத்தி து³க்கடஸ்ஸ. அஹரிதே அஹரிதஸஞ்ஞா, அனாபத்தி.

832. அனாபத்தி ஓலோகெத்வா ச²ட்³டே³தி, கெ²த்தமரியாதே³ [ச²ட்³டி³தகெ²த்தே (?) அட்ட²கதா² ஓலோகேதப்³பா³] ச²ட்³டே³தி ஸாமிகே ஆபுச்சி²த்வா அபலோகெத்வா ச²ட்³டே³தி, உம்மத்திகாய, ஆதி³கம்மிகாயாதி.

நவமஸிக்கா²பத³ங் நிட்டி²தங்.

10. த³ஸமஸிக்கா²பத³ங்

833.
தேன ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன
கோ² பன ஸமயேன ராஜக³ஹே கி³ரக்³க³ஸமஜ்ஜோ ஹோதி. ச²ப்³ப³க்³கி³யா பி⁴க்கு²னியோ
கி³ரக்³க³ஸமஜ்ஜங் த³ஸ்ஸனாய அக³மங்ஸு. மனுஸ்ஸா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பி⁴க்கு²னியோ நச்சம்பி கீ³தம்பி வாதி³தம்பி
த³ஸ்ஸனாய க³ச்சி²ஸ்ஸந்தி, ஸெய்யதா²பி கி³ஹினியோ காமபோ⁴கி³னியோ’’தி!
அஸ்ஸோஸுங் கோ² பி⁴க்கு²னியோ தேஸங் மனுஸ்ஸானங் உஜ்ஜா²யந்தானங்
கி²ய்யந்தானங் விபாசெந்தானங். யா தா பி⁴க்கு²னியோ அப்பிச்சா²…பே॰… தா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா
பி⁴க்கு²னியோ நச்சம்பி கீ³தம்பி வாதி³தம்பி த³ஸ்ஸனாய
க³ச்சி²ஸ்ஸந்தீ’’தி…பே॰… ஸச்சங் கிர, பி⁴க்க²வே, ச²ப்³ப³க்³கி³யா
பி⁴க்கு²னியோ நச்சம்பி கீ³தம்பி வாதி³தம்பி த³ஸ்ஸனாய க³ச்ச²ந்தீதி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, ச²ப்³ப³க்³கி³யா பி⁴க்கு²னியோ நச்சம்பி கீ³தம்பி வாதி³தம்பி
த³ஸ்ஸனாய க³ச்சி²ஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰…
ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

834. ‘‘யா பன பி⁴க்கு²னீ நச்சங் வா கீ³தங் வா வாதி³தங் வா த³ஸ்ஸனாய க³ச்செ²ய்ய, பாசித்திய’’ந்தி.

835. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

நச்சங் நாம யங் கிஞ்சி நச்சங். கீ³தங் நாம யங் கிஞ்சி கீ³தங். வாதி³தங் நாம யங் கிஞ்சி வாதி³தங்.

836. த³ஸ்ஸனாய
க³ச்ச²தி, ஆபத்தி து³க்கடஸ்ஸ. யத்த² டி²தா பஸ்ஸதி வா ஸுணாதி வா, ஆபத்தி
பாசித்தியஸ்ஸ. த³ஸ்ஸனூபசாரங் விஜஹித்வா புனப்புனங் பஸ்ஸதி வா ஸுணாதி வா,
ஆபத்தி பாசித்தியஸ்ஸ. ஏகமேகங் த³ஸ்ஸனாய க³ச்ச²தி, ஆபத்தி து³க்கடஸ்ஸ. யத்த²
டி²தா பஸ்ஸதி வா ஸுணாதி வா, ஆபத்தி பாசித்தியஸ்ஸ. த³ஸ்ஸனூபசாரங் விஜஹித்வா
புனப்புனங் பஸ்ஸதி வா ஸுணாதி வா, ஆபத்தி பாசித்தியஸ்ஸ.

837. அனாபத்தி ஆராமே டி²தா பஸ்ஸதி வா ஸுணாதி வா, பி⁴க்கு²னியா
டி²தோகாஸங் வா நிஸின்னோகாஸங் வா நிபன்னோகாஸங் வா ஆக³ந்த்வா நச்சந்தி வா
கா³யந்தி வா வாதெ³ந்தி வா, படிபத²ங் க³ச்ச²ந்தீ பஸ்ஸதி வா ஸுணாதி வா, ஸதி
கரணீயே க³ந்த்வா பஸ்ஸதி வா ஸுணாதி வா, ஆபதா³ஸு, உம்மத்திகாய,
ஆதி³கம்மிகாயாதி.

த³ஸமஸிக்கா²பத³ங் நிட்டி²தங்.

லஸுணவக்³கோ³ பட²மோ.

2. அந்த⁴காரவக்³கோ³

1. பட²மஸிக்கா²பத³ங்

838. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ப⁴த்³தா³ய காபிலானியா அந்தேவாஸினியா பி⁴க்கு²னியா
ஞாதகோ புரிஸோ கா³மகா ஸாவத்தி²ங் அக³மாஸி கேனசிதே³வ கரணீயேன. அத² கோ² ஸா
பி⁴க்கு²னீ தேன புரிஸேன ஸத்³தி⁴ங் ரத்தந்த⁴காரே அப்பதீ³பே ஏகேனேகா
ஸந்திட்ட²திபி ஸல்லபதிபி. யா தா பி⁴க்கு²னியோ அப்பிச்சா²…பே॰… தா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னீ
ரத்தந்த⁴காரே அப்பதீ³பே புரிஸேன ஸத்³தி⁴ங் ஏகேனேகா ஸந்திட்டி²ஸ்ஸதிபி
ஸல்லபிஸ்ஸதிபீ’’தி…பே॰… ஸச்சங் கிர, பி⁴க்க²வே, பி⁴க்கு²னீ ரத்தந்த⁴காரே
அப்பதீ³பே புரிஸேன ஸத்³தி⁴ங் ஏகேனேகா ஸந்திட்ட²திபி ஸல்லபதிபீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே , பி⁴க்கு²னீ ரத்தந்த⁴காரே அப்பதீ³பே புரிஸேன ஸத்³தி⁴ங் ஏகேனேகா ஸந்திட்டி²ஸ்ஸதிபி ஸல்லபிஸ்ஸதிபி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

839. ‘‘யா பன பி⁴க்கு²னீ ரத்தந்த⁴காரே அப்பதீ³பே புரிஸேன ஸத்³தி⁴ங் ஏகேனேகா ஸந்திட்டெ²ய்ய வா ஸல்லபெய்ய வா, பாசித்திய’’ந்தி.

840. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ரத்தந்த⁴காரேதி ஒக்³க³தே ஸூரியே. அப்பதீ³பேதி அனாலோகே.

புரிஸோ நாம மனுஸ்ஸபுரிஸோ ந யக்கோ² ந பேதோ ந திரச்சா²னக³தோ விஞ்ஞூ படிப³லோ ஸந்திட்டி²துங் ஸல்லபிதுங்.

ஸத்³தி⁴ந்தி ஏகதோ. ஏகேனேகாதி புரிஸோ சேவ ஹோதி பி⁴க்கு²னீ ச.

ஸந்திட்டெ²ய்ய வாதி புரிஸஸ்ஸ ஹத்த²பாஸே திட்ட²தி, ஆபத்தி பாசித்தியஸ்ஸ.

ஸல்லபெய்ய வாதி புரிஸஸ்ஸ ஹத்த²பாஸே டி²தா ஸல்லபதி, ஆபத்தி பாசித்தியஸ்ஸ.

ஹத்த²பாஸங் விஜஹித்வா ஸந்திட்ட²தி வா ஸல்லபதி வா,
ஆபத்தி து³க்கடஸ்ஸ. யக்கே²ன வா பேதேன வா பண்ட³கேன வா
திரச்சா²னக³தமனுஸ்ஸவிக்³க³ஹேன வா ஸத்³தி⁴ங் ஸந்திட்ட²தி வா ஸல்லபதி வா,
ஆபத்தி து³க்கடஸ்ஸ.

841. அனாபத்தி யோ கோசி விஞ்ஞூ து³தியோ [யா காசி விஞ்ஞூ து³தியா (ஸ்யா॰)] ஹோதி, அரஹோபெக்கா², அஞ்ஞவிஹிதா ஸந்திட்ட²தி வா ஸல்லபதி வா, உம்மத்திகாய, ஆதி³கம்மிகாயாதி.

பட²மஸிக்கா²பத³ங் நிட்டி²தங்.

2. து³தியஸிக்கா²பத³ங்

842. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ப⁴த்³தா³ய காபிலானியா அந்தேவாஸினியா பி⁴க்கு²னியா
ஞாதகோ புரிஸோ கா³மகா ஸாவத்தி²ங் அக³மாஸி கேனசிதே³வ
கரணீயேன. அத² கோ² ஸா பி⁴க்கு²னீ – ‘‘ப⁴க³வதா படிக்கி²த்தங் ரத்தந்த⁴காரே
அப்பதீ³பே புரிஸேன ஸத்³தி⁴ங் ஏகேனேகா ஸந்திட்டி²துங் ஸல்லபிது’’ந்தி தேனேவ
புரிஸேன ஸத்³தி⁴ங் படிச்ச²ன்னே ஓகாஸே ஏகேனேகா ஸந்திட்ட²திபி ஸல்லபதிபி. யா தா பி⁴க்கு²னியோ அப்பிச்சா²…பே॰… தா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னீ
படிச்ச²ன்னே ஓகாஸே புரிஸேன ஸத்³தி⁴ங் ஏகேனேகா ஸந்திட்டி²ஸ்ஸதிபி
ஸல்லபிஸ்ஸதிபீ’’தி…பே॰… ஸச்சங் கிர, பி⁴க்க²வே, பி⁴க்கு²னீ படிச்ச²ன்னே
ஓகாஸே புரிஸேன ஸத்³தி⁴ங் ஏகேனேகா ஸந்திட்ட²திபி ஸல்லபதிபீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே,
பி⁴க்கு²னீ படிச்ச²ன்னே ஓகாஸே புரிஸேன ஸத்³தி⁴ங் ஏகேனேகா ஸந்திட்டி²ஸ்ஸதிபி
ஸல்லபிஸ்ஸதிபி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

843. ‘‘யா பன பி⁴க்கு²னீ படிச்ச²ன்னே ஓகாஸே புரிஸேன ஸத்³தி⁴ங் ஏகேனேகா ஸந்திட்டெ²ய்ய வா ஸல்லபெய்ய வா, பாசித்திய’’ந்தி.

844. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

படிச்ச²ன்னோ நாம ஓகாஸோ குட்டேன வா கவாடேன வா கிலஞ்ஜேன வா ஸாணிபாகாரேன வா ருக்கே²ன வா த²ம்பே⁴ன வா கொத்த²ளியா வா யேன கேனசி படிச்ச²ன்னோ ஹோதி.

ஸத்³தி⁴ந்தி ஏகதோ. ஏகேனேகாதி புரிஸோ சேவ ஹோதி பி⁴க்கு²னீ ச.

ஸந்திட்டெ²ய்ய வாதி புரிஸஸ்ஸ ஹத்த²பாஸே திட்ட²தி, ஆபத்தி பாசித்தியஸ்ஸ.

ஸல்லபெய்ய வாதி புரிஸஸ்ஸ ஹத்த²பாஸே டி²தா ஸல்லபதி, ஆபத்தி பாசித்தியஸ்ஸ.

845. அனாபத்தி யோ கோசி விஞ்ஞூ து³தியோ ஹோதி, அரஹோபெக்கா², அஞ்ஞவிஹிதா ஸந்திட்ட²தி வா ஸல்லபதி வா, உம்மத்திகாய, ஆதி³கம்மிகாயாதி.

து³தியஸிக்கா²பத³ங் நிட்டி²தங்.

3. ததியஸிக்கா²பத³ங்

846. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ப⁴த்³தா³ய காபிலானியா
அந்தேவாஸினியா பி⁴க்கு²னியா ஞாதகோ புரிஸோ கா³மகா ஸாவத்தி²ங் அக³மாஸி
கேனசிதே³வ கரணீயேன. அத² கோ² ஸா பி⁴க்கு²னீ – ‘‘ப⁴க³வதா படிக்கி²த்தங்
படிச்ச²ன்னே ஓகாஸே புரிஸேன ஸத்³தி⁴ங் ஏகேனேகா ஸந்திட்டி²துங்
ஸல்லபிது’’ந்தி தேனேவ புரிஸேன ஸத்³தி⁴ங் அஜ்ஜோ²காஸே
ஏகேனேகா ஸந்திட்ட²திபி ஸல்லபதிபி. யா தா பி⁴க்கு²னியோ அப்பிச்சா²…பே॰… தா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னீ அஜ்ஜோ²காஸே
புரிஸேன ஸத்³தி⁴ங் ஏகேனேகா ஸந்திட்டி²ஸ்ஸதிபி ஸல்லபிஸ்ஸதிபீ’’தி…பே॰…
ஸச்சங் கிர, பி⁴க்க²வே, பி⁴க்கு²னீ அஜ்ஜோ²காஸே புரிஸேன ஸத்³தி⁴ங் ஏகேனேகா
ஸந்திட்ட²திபி ஸல்லபதிபீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம, பி⁴க்க²வே, பி⁴க்கு²னீ அஜ்ஜோ²காஸே புரிஸேன
ஸத்³தி⁴ங் ஏகேனேகா ஸந்திட்டி²ஸ்ஸதிபி ஸல்லபிஸ்ஸதிபி! நேதங், பி⁴க்க²வே,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங்
ஸிக்கா²பத³ங் உத்³தி³ஸந்து –

847. ‘‘யா பன பி⁴க்கு²னீ அஜ்ஜோ²காஸே புரிஸேன ஸத்³தி⁴ங் ஏகேனேகா ஸந்திட்டெ²ய்ய வா ஸல்லபெய்ய வா, பாசித்திய’’ந்தி.

848. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

அஜ்ஜோ²காஸோ நாம
அப்படிச்ச²ன்னோ ஹோதி குட்டேன வா கவாடேன வா கிலஞ்ஜேன வா ஸாணிபாகாரேன வா
ருக்கே²ன வா த²ம்பே⁴ன வா கொத்த²ளியா வா, யேன கேனசி அப்படிச்ச²ன்னோ ஹோதி.

புரிஸோ நாம மனுஸ்ஸபுரிஸோ, ந யக்கோ² ந பேதோ ந திரச்சா²னக³தோ, விஞ்ஞூ படிப³லோ ஸந்திட்டி²துங் ஸல்லபிதுங்.

ஸத்³தி⁴ந்தி ஏகதோ. ஏகேனேகாதி புரிஸோ சேவ ஹோதி பி⁴க்கு²னீ ச.

ஸந்திட்டெ²ய்ய வாதி புரிஸஸ்ஸ ஹத்த²பாஸே திட்ட²தி, ஆபத்தி பாசித்தியஸ்ஸ.

ஸல்லபெய்ய வாதி புரிஸஸ்ஸ ஹத்த²பாஸே டி²தா ஸல்லபதி, ஆபத்தி பாசித்தியஸ்ஸ.

ஹத்த²பாஸங் விஜஹித்வா ஸந்திட்ட²தி வா ஸல்லபதி வா,
ஆபத்தி து³க்கடஸ்ஸ. யக்கே²ன வா பேதேன வா பண்ட³கேன வா
திரச்சா²க³தமனுஸ்ஸவிக்³க³ஹேன வா ஸத்³தி⁴ங் ஸந்திட்ட²தி வா ஸல்லபதி வா,
ஆபத்தி து³க்கடஸ்ஸ.

849. அனாபத்தி யோ கோசி விஞ்ஞூ து³தியோ ஹோதி, அரஹோபெக்கா², அஞ்ஞவிஹிதா ஸந்திட்ட²தி வா ஸல்லபதி வா, உம்மத்திகாய, ஆதி³கம்மிகாயாதி.

ததியஸிக்கா²பத³ங் நிட்டி²தங்.

4. சதுத்த²ஸிக்கா²பத³ங்

850.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன து²ல்லனந்தா³ பி⁴க்கு²னீ ரதி²காயபி ப்³யூஹேபி
ஸிங்கா⁴டகேபி புரிஸேன ஸத்³தி⁴ங் ஏகேனேகா ஸந்திட்ட²திபி ஸல்லபதிபி
நிகண்ணிகம்பி ஜப்பேதி து³தியிகம்பி பி⁴க்கு²னிங் உய்யோஜேதி. யா தா
பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம அய்யா து²ல்லனந்தா³ ரதி²காயபி ப்³யூஹேபி ஸிங்கா⁴டகேபி
புரிஸேன ஸத்³தி⁴ங் ஏகேனேகா ஸந்திட்டி²ஸ்ஸதிபி ஸல்லபிஸ்ஸதிபி நிகண்ணிகம்பி
ஜப்பிஸ்ஸதி து³தியிகம்பி பி⁴க்கு²னிங் உய்யோஜெஸ்ஸதீ’’தி…பே॰… ஸச்சங்
கிர, பி⁴க்க²வே, து²ல்லனந்தா³ பி⁴க்கு²னீ ரதி²காயபி ப்³யூஹேபி
ஸிங்கா⁴டகேபி புரிஸேன ஸத்³தி⁴ங் ஏகேனேகா ஸந்திட்ட²திபி ஸல்லபதிபி
நிகண்ணிகம்பி ஜப்பேதி து³தியிகம்பி பி⁴க்கு²னிங் உய்யோஜேதீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே,
து²ல்லனந்தா³ பி⁴க்கு²னீ ரதி²காயபி ப்³யூஹேபி ஸிங்கா⁴டகேபி புரிஸேன
ஸத்³தி⁴ங் ஏகேனேகா ஸந்திட்டி²ஸ்ஸதிபி ஸல்லபிஸ்ஸதிபி நிகண்ணிகம்பி
ஜப்பிஸ்ஸதி து³தியிகம்பி பி⁴க்கு²னிங்
உய்யோஜெஸ்ஸதி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

851. ‘‘யா பன
பி⁴க்கு²னீ ரதி²காய வா ப்³யூஹே வா ஸிங்கா⁴டகே வா புரிஸேன ஸத்³தி⁴ங்
ஏகேனேகா ஸந்திட்டெ²ய்ய வா ஸல்லபெய்ய வா நிகண்ணிகங் வா ஜப்பெய்ய து³தியிகங்
வா பி⁴க்கு²னிங் உய்யோஜெய்ய, பாசித்திய’’ந்தி.

852. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ரதி²கா நாம ரச்சா² வுச்சதி. ப்³யூஹங் நாம யேனேவ பவிஸந்தி தேனேவ நிக்க²மந்தி. ஸிங்கா⁴டகோ நாம சச்சரங் வுச்சதி.

ஸத்³தி⁴ந்தி ஏகதோ. ஏகேனேகாதி புரிஸோ சேவ ஹோதி பி⁴க்கு²னீ ச.

ஸந்திட்டெ²ய்ய வாதி புரிஸஸ்ஸ ஹத்த²பாஸே திட்ட²தி, ஆபத்தி பாசித்தியஸ்ஸ.

ஸல்லபெய்ய வாதி புரிஸஸ்ஸ ஹத்த²பாஸே டி²தா ஸல்லபதி, ஆபத்தி பாசித்தியஸ்ஸ.

நிகண்ணிகங் வா ஜப்பெய்யாதி புரிஸஸ்ஸ உபகண்ணகே ஆரோசேதி , ஆபத்தி பாசித்தியஸ்ஸ.

து³தியிகங் வா பி⁴க்கு²னிங் உய்யோஜெய்யாதி
அனாசாரங் ஆசரிதுகாமா து³தியிகம்பி பி⁴க்கு²னிங் உய்யோஜேதி, ஆபத்தி
து³க்கடஸ்ஸ. த³ஸ்ஸனூபசாரங் வா ஸவனூபசாரங் வா விஜஹந்தியா ஆபத்தி து³க்கடஸ்ஸ.
விஜஹிதே ஆபத்தி பாசித்தியஸ்ஸ.

ஹத்த²பாஸங் விஜஹித்வா ஸந்திட்ட²தி வா ஸல்லபதி வா
ஆபத்தி து³க்கடஸ்ஸ. யக்கே²ன வா பேதேன வா பண்ட³கேன வா
திரச்சா²னக³தமனுஸ்ஸவிக்³க³ஹேன வா ஸத்³தி⁴ங் ஸந்திட்ட²தி வா ஸல்லபதி வா,
ஆபத்தி து³க்கடஸ்ஸ.

853.
அனாபத்தி யோ கோசி விஞ்ஞூ து³தியோ ஹோதி, அரஹோபெக்கா², அஞ்ஞவிஹிதா
ஸந்திட்ட²தி வா ஸல்லபதி வா, ந அனாசாரங் ஆசரிதுகாமா, ஸதி கரணீயே து³தியிகங்
பி⁴க்கு²னிங் உய்யோஜேதி, உம்மத்திகாய, ஆதி³கம்மிகாயாதி.

சதுத்த²ஸிக்கா²பத³ங் நிட்டி²தங்.

5. பஞ்சமஸிக்கா²பத³ங்

854. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரா பி⁴க்கு²னீ அஞ்ஞதரஸ்ஸ குலஸ்ஸ குலூபிகா
ஹோதி நிச்சப⁴த்திகா. அத² கோ² ஸா பி⁴க்கு²னீ புப்³ப³ண்ஹஸமயங் நிவாஸெத்வா
பத்தசீவரமாதா³ய யேன தங் குலங் தேனுபஸங்கமி; உபஸங்கமித்வா ஆஸனே நிஸீதி³த்வா ஸாமிகே அனாபுச்சா² பக்காமி. தஸ்ஸ குலஸ்ஸ தா³ஸீ க⁴ரங் ஸம்மஜ்ஜந்தீ தங் ஆஸனங் பா⁴ஜனந்தரிகாய பக்கி²பி. மனுஸ்ஸா தங் ஆஸனங் அபஸ்ஸந்தா தங் பி⁴க்கு²னிங் ஏதத³வோசுங்
– ‘‘கஹங் தங், அய்யே, ஆஸன’’ந்தி? ‘‘நாஹங் தங், ஆவுஸோ, ஆஸனங் பஸ்ஸாமீ’’தி.
‘‘தே³தா²ய்யே, தங் ஆஸன’’ந்தி பரிபா⁴ஸித்வா நிச்சப⁴த்தங் பச்சி²ந்தி³ங்ஸு.
அத² கோ² தே மனுஸ்ஸா க⁴ரங் ஸோதெ⁴ந்தா தங் ஆஸனங் பா⁴ஜனந்தரிகாய பஸ்ஸித்வா தங்
பி⁴க்கு²னிங் க²மாபெத்வா நிச்சப⁴த்தங் பட்ட²பேஸுங். அத² கோ² ஸா பி⁴க்கு²னீ
பி⁴க்கு²னீனங் ஏதமத்த²ங் ஆரோசேஸி. யா தா பி⁴க்கு²னியோ அப்பிச்சா²…பே॰… தா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னீ புரேப⁴த்தங்
குலானி உபஸங்கமித்வா ஆஸனே நிஸீதி³த்வா ஸாமிகே அனாபுச்சா²
பக்கமிஸ்ஸதீ’’தி…பே॰… ஸச்சங் கிர, பி⁴க்க²வே, பி⁴க்கு²னீ புரேப⁴த்தங்
குலானி உபஸங்கமித்வா ஆஸனே நிஸீதி³த்வா ஸாமிகே அனாபுச்சா² பக்கமதீதி [பக்கமீதி (க॰)]?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே பி⁴க்கு²னீ புரேப⁴த்தங் குலானி உபஸங்கமித்வா ஆஸனே நிஸீதி³த்வா
ஸாமிகே அனாபுச்சா² பக்கமிஸ்ஸதி! நேதங், பி⁴க்க²வே, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங்
உத்³தி³ஸந்து –

855. ‘‘யா பன பி⁴க்கு²னீ புரேப⁴த்தங் குலானி உபஸங்கமித்வா ஆஸனே நிஸீதி³த்வா ஸாமிகே அனாபுச்சா² பக்கமெய்ய, பாசித்திய’’ந்தி.

856. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

புரேப⁴த்தங் நாம அருணுக்³க³மனங் உபாதா³ய யாவ மஜ்ஜ²ன்ஹிகா.

குலங் நாம சத்தாரி குலானி – க²த்தியகுலங், ப்³ராஹ்மணகுலங், வெஸ்ஸகுலங், ஸுத்³த³குலங். உபஸங்கமித்வாதி தத்த² க³ந்த்வா.

ஆஸனங் நாம பல்லங்கஸ்ஸ ஓகாஸோ வுச்சதி. நிஸீதி³த்வாதி தஸ்மிங் நிஸீதி³த்வா.

ஸாமிகே அனாபுச்சா² பக்கமெய்யாதி யோ தஸ்மிங் குலே மனுஸ்ஸோ விஞ்ஞூ தங் அனாபுச்சா² அனோவஸ்ஸகங் அதிக்காமெந்தியா ஆபத்தி பாசித்தியஸ்ஸ. அஜ்ஜோ²காஸே உபசாரங் அதிக்காமெந்தியா ஆபத்தி பாசித்தியஸ்ஸ.

857.
அனாபுச்சி²தே அனாபுச்சி²தஸஞ்ஞா பக்கமதி, ஆபத்தி பாசித்தியஸ்ஸ.
அனாபுச்சி²தே வேமதிகா பக்கமதி, ஆபத்தி பாசித்தியஸ்ஸ. அனாபுச்சி²தே
ஆபுச்சி²தஸஞ்ஞா பக்கமதி, ஆபத்தி பாசித்தியஸ்ஸ.

பல்லங்கஸ்ஸ அனோகாஸே ஆபத்தி து³க்கடஸ்ஸ. ஆபுச்சி²தே
அனாபுச்சி²தஸஞ்ஞா, ஆபத்தி து³க்கடஸ்ஸ. ஆபுச்சி²தே வேமதிகா, ஆபத்தி
து³க்கடஸ்ஸ. ஆபுச்சி²தே ஆபுச்சி²தஸஞ்ஞா, அனாபத்தி.

858. அனாபத்தி ஆபுச்சா² க³ச்ச²தி, அஸங்ஹாரிமே, கி³லானாய, ஆபதா³ஸு, உம்மத்திகாய, ஆதி³கம்மிகாயாதி.

பஞ்சமஸிக்கா²பத³ங் நிட்டி²தங்.

6. ச²ட்ட²ஸிக்கா²பத³ங்

859. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன து²ல்லனந்தா³ பி⁴க்கு²னீ பச்சா²ப⁴த்தங் குலானி
உபஸங்கமித்வா ஸாமிகே அனாபுச்சா² ஆஸனே அபி⁴னிஸீத³திபி
அபி⁴னிபஜ்ஜதிபி. மனுஸ்ஸா து²ல்லனந்த³ங் பி⁴க்கு²னிங் ஹிரீயமானா ஆஸனே நேவ
அபி⁴னிஸீத³ந்தி ந அபி⁴னிபஜ்ஜந்தி. மனுஸ்ஸா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம அய்யா து²ல்லனந்தா³ பச்சா²ப⁴த்தங் குலானி
உபஸங்கமித்வா ஸாமிகே அனாபுச்சா² ஆஸனே அபி⁴னிஸீதி³ஸ்ஸதிபி
அபி⁴னிபஜ்ஜிஸ்ஸதிபீ’’தி! அஸ்ஸோஸுங் கோ² பி⁴க்கு²னியோ தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
அய்யா து²ல்லனந்தா³ பச்சா²ப⁴த்தங் குலானி
உபஸங்கமித்வா ஸாமிகே அனாபுச்சா² ஆஸனே அபி⁴னிஸீதி³ஸ்ஸதிபி
அபி⁴னிபஜ்ஜிஸ்ஸதிபீ’’தி…பே॰… ஸச்சங் கிர, பி⁴க்க²வே, து²ல்லனந்தா³
பி⁴க்கு²னீ பச்சா²ப⁴த்தங் குலானி உபஸங்கமித்வா ஸாமிகே அனாபுச்சா² ஆஸனே
அபி⁴னிஸீத³திபி அபி⁴னிபஜ்ஜதிபீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம, பி⁴க்க²வே , து²ல்லனந்தா³
பி⁴க்கு²னீ பச்சா²ப⁴த்தங் குலானி உபஸங்கமித்வா ஸாமிகே அனாபுச்சா² ஆஸனே
அபி⁴னிஸீதி³ஸ்ஸதிபி அபி⁴னிபஜ்ஜிஸ்ஸதிபி! நேதங், பி⁴க்க²வே, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங்
உத்³தி³ஸந்து –

860. ‘‘யா பன பி⁴க்கு²னீ பச்சா²ப⁴த்தங் குலானி உபஸங்கமித்வா ஸாமிகே அனாபுச்சா² ஆஸனே அபி⁴னிஸீதெ³ய்ய வா அபி⁴னிபஜ்ஜெய்ய வா, பாசித்திய’’ந்தி.

861. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

பச்சா²ப⁴த்தங் நாம மஜ்ஜ²ன்ஹிகே வீதிவத்தே யாவ அத்த²ங்க³தே ஸூரியே.

ஸாமிகே அனாபுச்சா²தி யோ தஸ்மிங் குலே மனுஸ்ஸோ ஸாமிகோ தா³துங், தங் அனாபுச்சா².

ஆஸனங் நாம பல்லங்கஸ்ஸ ஓகாஸோ வுச்சதி.

அபி⁴னிஸீதெ³ய்யாதி தஸ்மிங் அபி⁴னிஸீத³தி, ஆபத்தி பாசித்தியஸ்ஸ.

அபி⁴னிபஜ்ஜெய்யாதி தஸ்மிங் அபி⁴னிபஜ்ஜதி, ஆபத்தி பாசித்தியஸ்ஸ.

862.
அனாபுச்சி²தே அனாபுச்சி²தஸஞ்ஞா ஆஸனே அபி⁴னிஸீத³தி வா அபி⁴னிபஜ்ஜதி வா,
ஆபத்தி பாசித்தியஸ்ஸ. அனாபுச்சி²தே வேமதிகா ஆஸனே அபி⁴னிஸீத³தி வா
அபி⁴னிபஜ்ஜதி வா, ஆபத்தி பாசித்தியஸ்ஸ. அனாபுச்சி²தே ஆபுச்சி²தஸஞ்ஞா ஆஸனே
அபி⁴னிஸீத³தி வா அபி⁴னிபஜ்ஜதி வா, ஆபத்தி பாசித்தியஸ்ஸ.

பல்லங்கஸ்ஸ அனோகாஸே ஆபத்தி து³க்கடஸ்ஸ. ஆபுச்சி²தே அனாபுச்சி²தஸஞ்ஞா, ஆபத்தி து³க்கடஸ்ஸ . ஆபுச்சி²தே வேமதிகா, ஆபத்தி து³க்கடஸ்ஸ. ஆபுச்சி²தே ஆபுச்சி²தஸஞ்ஞா, அனாபத்தி.

863. அனாபத்தி ஆபுச்சா² ஆஸனே அபி⁴னிஸீத³தி வா அபி⁴னிபஜ்ஜதி வா, து⁴வபஞ்ஞத்தே, கி³லானாய, ஆபதா³ஸு, உம்மத்திகாய, ஆதி³கம்மிகாயாதி.

ச²ட்ட²ஸிக்கா²பத³ங் நிட்டி²தங்.

7. ஸத்தமஸிக்கா²பத³ங்

864. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஸம்ப³ஹுலா பி⁴க்கு²னியோ கோஸலேஸு ஜனபதே³
ஸாவத்தி²ங் க³ச்ச²ந்தியோ ஸாயங் அஞ்ஞதரங் கா³மங் உபக³ந்த்வா அஞ்ஞதரங்
ப்³ராஹ்மணகுலங் உபஸங்கமித்வா ஓகாஸங் யாசிங்ஸு. அத² கோ² ஸா ப்³ராஹ்மணீ தா
பி⁴க்கு²னியோ ஏதத³வோச – ‘‘ஆக³மேத², அய்யே, யாவ ப்³ராஹ்மணோ ஆக³ச்ச²தீ’’தி.
பி⁴க்கு²னியோ – ‘‘யாவ ப்³ராஹ்மணோ ஆக³ச்ச²தீ’’தி ஸெய்யங் ஸந்த²ரித்வா ஏகச்சா
நிஸீதி³ங்ஸு ஏகச்சா நிபஜ்ஜிங்ஸு. அத² கோ² ஸோ ப்³ராஹ்மணோ ரத்திங் ஆக³ந்த்வா
தங் ப்³ராஹ்மணிங் ஏதத³வோச – ‘‘கா இமா’’தி? ‘‘பி⁴க்கு²னியோ, அய்யா’’தி.
‘‘நிக்கட்³ட⁴த² இமா முண்டா³ ப³ந்த⁴கினியோ’’தி, க⁴ரதோ நிக்கட்³டா⁴பேஸி. அத²
கோ² தா பி⁴க்கு²னியோ ஸாவத்தி²ங் க³ந்த்வா பி⁴க்கு²னீனங் ஏதமத்த²ங்
ஆரோசேஸுங். யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பி⁴க்கு²னியோ விகாலே குலானி உபஸங்கமித்வா
ஸாமிகே அனாபுச்சா² ஸெய்யங் ஸந்த²ரித்வா அபி⁴னிஸீதி³ஸ்ஸந்திபி
அபி⁴னிபஜ்ஜிஸ்ஸந்திபீ’’தி…பே॰… ஸச்சங் கிர, பி⁴க்க²வே, பி⁴க்கு²னியோ விகாலே
குலானி உபஸங்கமித்வா ஸாமிகே அனாபுச்சா² ஸெய்யங் ஸந்த²ரித்வா
அபி⁴னிஸீத³ந்திபி அபி⁴னிபஜ்ஜந்திபீதி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, பி⁴க்கு²னியோ விகாலே குலானி
உபஸங்கமித்வா ஸாமிகே அனாபுச்சா² ஸெய்யங் ஸந்த²ரித்வா அபி⁴னிஸீதி³ஸ்ஸந்திபி
அபி⁴னிபஜ்ஜிஸ்ஸந்திபி! நேதங், பி⁴க்க²வே, அப்பஸன்னானங் வா பஸாதா³ய…பே॰…
ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

865. ‘‘யா பன
பி⁴க்கு²னீ விகாலே குலானி உபஸங்கமித்வா ஸாமிகே அனாபுச்சா² ஸெய்யங்
ஸந்த²ரித்வா வா ஸந்த²ராபெத்வா வா அபி⁴னிஸீதெ³ய்ய வா அபி⁴னிபஜ்ஜெய்ய வா,
பாசித்திய’’ந்தி.

866. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

விகாலோ நாம அத்த²ங்க³தே ஸூரியே யாவ அருணுக்³க³மனா.

குலங் நாம சத்தாரி குலானி – க²த்தியகுலங், ப்³ராஹ்மணகுலங், வெஸ்ஸகுலங் ஸுத்³த³குலங். உபஸங்கமித்வாதி தத்த² க³ந்த்வா.

ஸெய்யங் நாம அந்தமஸோ பண்ணஸந்தா²ரோபி. ஸந்த²ரித்வாதி ஸயங் ஸந்த²ரித்வா. ஸந்த²ராபெத்வாதி அஞ்ஞங் ஸந்த²ராபெத்வா. அபி⁴னிஸீதெ³ய்யாதி தஸ்மிங் அபி⁴னிஸீத³தி, ஆபத்தி பாசித்தியஸ்ஸ. அபி⁴னிபஜ்ஜெய்யாதி தஸ்மிங் அபி⁴னிபஜ்ஜதி, ஆபத்தி பாசித்தியஸ்ஸ.

867.
அனாபுச்சி²தே அனாபுச்சி²தஸஞ்ஞா ஸெய்யங் ஸந்த²ரித்வா வா ஸந்த²ராபெத்வா வா
அபி⁴னிஸீத³தி வா அபி⁴னிபஜ்ஜதி வா, ஆபத்தி பாசித்தியஸ்ஸ. அனாபுச்சி²தே
வேமதிகா ஸெய்யங் ஸந்த²ரித்வா வா ஸந்த²ராபெத்வா வா அபி⁴னிஸீத³தி வா
அபி⁴னிபஜ்ஜதி வா, ஆபத்தி பாசித்தியஸ்ஸ. அனாபுச்சி²தே ஆபுச்சி²தஸஞ்ஞா
ஸெய்யங் ஸந்த²ரித்வா வா ஸந்த²ராபெத்வா வா அபி⁴னிஸீத³தி வா அபி⁴னிபஜ்ஜதி வா,
ஆபத்தி பாசித்தியஸ்ஸ.

ஆபுச்சி²தே அனாபுச்சி²தஸஞ்ஞா, ஆபத்தி து³க்கடஸ்ஸ. ஆபுச்சி²தே வேமதிகா, ஆபத்தி து³க்கடஸ்ஸ. ஆபுச்சி²தே ஆபுச்சி²தஸஞ்ஞா, அனாபத்தி.

868. அனாபத்தி
ஆபுச்சா² ஸெய்யங் ஸந்த²ரித்வா வா ஸந்த²ராபெத்வா வா அபி⁴னிஸீத³தி வா
அபி⁴னிபஜ்ஜதி வா, கி³லானாய, ஆபதா³ஸு, உம்மத்திகாய, ஆதி³கம்மிகாயாதி.

ஸத்தமஸிக்கா²பத³ங் நிட்டி²தங்.

8. அட்ட²மஸிக்கா²பத³ங்

869. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ப⁴த்³தா³ய காபிலானியா அந்தேவாஸினீ பி⁴க்கு²னீ
ப⁴த்³த³ங் காபிலானிங் ஸக்கச்சங் உபட்டே²தி. ப⁴த்³தா³ காபிலானீ பி⁴க்கு²னியோ
ஏதத³வோச – ‘‘அயங் மங், அய்யே, பி⁴க்கு²னீ ஸக்கசங் உபட்டே²தி, இமிஸ்ஸாஹங்
சீவரங் த³ஸ்ஸாமீ’’தி. அத² கோ² ஸா பி⁴க்கு²னீ து³க்³க³ஹிதேன தூ³பதா⁴ரிதேன
பரங் உஜ்ஜா²பேஸி – ‘‘அஹங் கிராய்யே, அய்யங் ந ஸக்கச்சங் உபட்டே²மி, ந கிர
மே அய்யா சீவரங் த³ஸ்ஸதீ’’தி. யா தா பி⁴க்கு²னியோ அப்பிச்சா²…பே॰… தா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னீ
து³க்³க³ஹிதேன தூ³பதா⁴ரிதேன பரங் உஜ்ஜா²பெஸ்ஸதீ’’தி…பே॰… ஸச்சங் கிர,
பி⁴க்க²வே, பி⁴க்கு²னீ து³க்³க³ஹிதேன தூ³பதா⁴ரிதேன பரங் உஜ்ஜா²பேதீதி [உஜ்ஜா²பேஸீதி (க॰)]?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, பி⁴க்கு²னீ து³க்³க³ஹிதேன தூ³பதா⁴ரிதேன பரங் உஜ்ஜா²பெஸ்ஸதி!
நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

870. ‘‘யா பன பி⁴க்கு²னீ து³க்³க³ஹிதேன தூ³பதா⁴ரிதேன பரங் உஜ்ஜா²பெய்ய, பாசித்திய’’ந்தி.

871. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

து³க்³க³ஹிதேனாதி அஞ்ஞதா² க³ஹிதேன [உக்³க³ஹிதேன (க॰)].

தூ³பதா⁴ரிதேனாதி அஞ்ஞதா² உபதா⁴ரிதேன.

பரந்தி உபஸம்பன்னங் உஜ்ஜா²பேதி, ஆபத்தி பாசித்தியஸ்ஸ.

872. உபஸம்பன்னாய
உபஸம்பன்னஸஞ்ஞா உஜ்ஜா²பேதி, ஆபத்தி பாசித்தியஸ்ஸ. உபஸம்பன்னாய வேமதிகா
உஜ்ஜா²பேதி, ஆபத்தி பாசித்தியஸ்ஸ. உபஸம்பன்னாய அனுபஸம்பன்னஸஞ்ஞா
உஜ்ஜா²பேதி, ஆபத்தி பாசித்தியஸ்ஸ.

அனுபஸம்பன்னங் உஜ்ஜா²பேதி, ஆபத்தி து³க்கடஸ்ஸ. அனுபஸம்பன்னாய உபஸம்பன்னஸஞ்ஞா, ஆபத்தி து³க்கடஸ்ஸ. அனுபஸம்பன்னாய வேமதிகா, ஆபத்தி து³க்கடஸ்ஸ. அனுபஸம்பன்னாய அனுபஸம்பன்னஸஞ்ஞா, ஆபத்தி து³க்கடஸ்ஸ.

873. அனாபத்தி உம்மத்திகாய, ஆதி³கம்மிகாயாதி.

அட்ட²மஸிக்கா²பத³ங் நிட்டி²தங்.

9. நவமஸிக்கா²பத³ங்

874.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ அத்தனோ ப⁴ண்ட³கங் அபஸ்ஸந்தியோ
சண்ட³காளிங் பி⁴க்கு²னிங் ஏதத³வோசுங் – ‘‘அபாய்யே, அம்ஹாகங், ப⁴ண்ட³கங்
பஸ்ஸெய்யாஸீ’’தி? சண்ட³காளீ பி⁴க்கு²னீ உஜ்ஜா²யதி கி²ய்யதி விபாசேதி –
‘‘அஹமேவ நூன சோரீ, அஹமேவ நூன அலஜ்ஜினீ, யா அய்யாயோ
அத்தனோ ப⁴ண்ட³கங் அபஸ்ஸந்தியோ தா மங் ஏவமாஹங்ஸு – ‘அபாய்யே, அம்ஹாகங்
ப⁴ண்ட³கங் பஸ்ஸெய்யாஸீ’தி? ஸசாஹங், அய்யே, தும்ஹாகங் ப⁴ண்ட³கங் க³ண்ஹாமி,
அஸ்ஸமணீ ஹோமி, ப்³ரஹ்மசரியா சவாமி, நிரயங் உபபஜ்ஜாமி; யா பன மங் அபூ⁴தேன
ஏவமாஹ ஸாபி அஸ்ஸமணீ ஹோது, ப்³ரஹ்மசரியா சவது, நிரயங் உபபஜ்ஜதூ’’தி. யா தா
பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம அய்யா சண்ட³காளீ அத்தானம்பி பரம்பி நிரயேனபி ப்³ரஹ்மசரியேனபி
அபி⁴ஸபிஸ்ஸதீ’’தி…பே॰… ஸச்சங் கிர, பி⁴க்க²வே, சண்ட³காளீ பி⁴க்கு²னீ
அத்தானம்பி பரம்பி நிரயேனபி ப்³ரஹ்மசரியேனபி அபி⁴ஸபதீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே,
சண்ட³காளீ பி⁴க்கு²னீ அத்தானம்பி பரம்பி நிரயேனபி ப்³ரஹ்மசரியேனபி
அபி⁴ஸபிஸ்ஸதி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

875. ‘‘யா பன பி⁴க்கு²னீ அத்தானங் வா பரங் வா நிரயேன வா ப்³ரஹ்மசரியேன வா அபி⁴ஸபெய்ய, பாசித்திய்ய’’ந்தி.

876. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

அத்தானந்தி பச்சத்தங். பரந்தி உபஸம்பன்னங். நிரயேன வா ப்³ரஹ்மசரியேன வா அபி⁴ஸபதி, ஆபத்தி பாசித்தியஸ்ஸ.

877. உபஸம்பன்னாய உபஸம்பன்னஸஞ்ஞா நிரயேன வா ப்³ரஹ்மசரியேன
வா அபி⁴ஸபதி, ஆபத்தி பாசித்தியஸ்ஸ. உபஸம்பன்னாய வேமதிகா நிரயேன வா
ப்³ரஹ்மசரியேன வா அபி⁴ஸபதி, ஆபத்தி பாசித்தியஸ்ஸ. உபஸம்பன்னாய
அனுபஸம்பன்னஸஞ்ஞா நிரயேன வா ப்³ரஹ்மசரியேன வா அபி⁴ஸபதி, ஆபத்தி
பாசித்தியஸ்ஸ.

திரச்சா²னயோனியா வா பெத்திவிஸயேன வா
மனுஸ்ஸதோ³ப⁴க்³கே³ன வா அபி⁴ஸபதி, ஆபத்தி து³க்கடஸ்ஸ. அனுபஸம்பன்னங்
அபி⁴ஸபதி, ஆபத்தி து³க்கடஸ்ஸ. அனுபஸம்பன்னாய உபஸம்பன்னஸஞ்ஞா, ஆபத்தி
து³க்கடஸ்ஸ. அனுபஸம்பன்னாய வேமதிகா, ஆபத்தி து³க்கடஸ்ஸ. அனுபஸம்பன்னாய
அனுபஸம்பன்னஸஞ்ஞா, ஆபத்தி து³க்கடஸ்ஸ.

878. அனாபத்தி அத்த²புரெக்கா²ராய, த⁴ம்மபுரெக்கா²ராய, அனுஸாஸனிபுரெக்கா²ராய, உம்மத்திகாய, ஆதி³கம்மிகாயாதி.

நவமஸிக்கா²பத³ங் நிட்டி²தங்.

10. த³ஸமஸிக்கா²பத³ங்

879.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன சண்ட³காளீ பி⁴க்கு²னீ பி⁴க்கு²னீஹி ஸத்³தி⁴ங்
ப⁴ண்டி³த்வா அத்தானங் வதி⁴த்வா வதி⁴த்வா ரோத³தி. யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
அய்யா சண்ட³காளீ அத்தானங் வதி⁴த்வா வதி⁴த்வா ரோதி³ஸ்ஸதீ’’தி…பே॰… ஸச்சங்
கிர, பி⁴க்க²வே, சண்ட³காளீ பி⁴க்கு²னீ அத்தானங் வதி⁴த்வா வதி⁴த்வா
ரோத³தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம, பி⁴க்க²வே, சண்ட³காளீ பி⁴க்கு²னீ அத்தானங் வதி⁴த்வா வதி⁴த்வா
ரோதி³ஸ்ஸதி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

880. ‘‘யா பன பி⁴க்கு²னீ அத்தானங் வதி⁴த்வா வதி⁴த்வா ரோதெ³ய்ய, பாசித்திய’’ந்தி.

881. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

அத்தானந்தி பச்சத்தங்.
வதி⁴த்வா வதி⁴த்வா ரோத³தி, ஆபத்தி பாசித்தியஸ்ஸ. வத⁴தி ந ரோத³தி, ஆபத்தி
து³க்கடஸ்ஸ. ரோத³தி ந வத⁴தி, ஆபத்தி து³க்கடஸ்ஸ.

882. அனாபத்தி ஞாதிப்³யஸனேன வா போ⁴க³ப்³யஸனேன வா ரோக³ப்³யஸனேன வா பு²ட்டா² ரோத³தி ந வத⁴தி, உம்மத்திகாய, ஆதி³கம்மிகாயாதி.

த³ஸமஸிக்கா²பத³ங் நிட்டி²தங்.

அந்த⁴காரவக்³கோ³ து³தியோ.

3. நக்³க³வக்³கோ³

1. பட²மஸிக்கா²பத³ங்

883. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ஸம்ப³ஹுலா [மஹாவ॰ 350]
பி⁴க்கு²னியோ அசிரவதியா நதி³யா வேஸியாஹி ஸத்³தி⁴ங் நக்³கா³ ஏகதித்தே²
நஹாயந்தி. வேஸியா தா பி⁴க்கு²னியோ உப்பண்டே³ஸுங் – ‘‘கிங் நு கோ² நாம
தும்ஹாகங், அய்யே, த³ஹரானங் [த³ஹரானங் த³ஹரானங் (ஸீ॰)] ப்³ரஹ்மசரியங் சிண்ணேன, நனு நாம காமா பரிபு⁴ஞ்ஜிதப்³பா³ !
யதா³ ஜிண்ணா ப⁴விஸ்ஸத² ததா³ ப்³ரஹ்மசரியங் சரிஸ்ஸத². ஏவங் தும்ஹாகங் உபோ⁴
அத்தா² பரிக்³க³ஹிதா ப⁴விஸ்ஸந்தீ’’தி. பி⁴க்கு²னியோ வேஸியாஹி
உப்பண்டி³யமானா மங்கூ அஹேஸுங். அத² கோ² தா பி⁴க்கு²னியோ உபஸ்ஸயங் க³ந்த்வா
பி⁴க்கு²னீனங் ஏதமத்த²ங் ஆரோசேஸுங். பி⁴க்கு²னியோ பி⁴க்கூ²னங் ஏதமத்த²ங்
ஆரோசேஸுங். பி⁴க்கூ² ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங்
நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘தேன
ஹி, பி⁴க்க²வே, பி⁴க்கு²னீனங் ஸிக்கா²பத³ங்
பஞ்ஞபெஸ்ஸாமி த³ஸ அத்த²வஸே படிச்ச – ஸங்க⁴ஸுட்டு²தாய…பே॰… வினயானுக்³க³ஹாய.
ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

884. ‘‘யா பன பி⁴க்கு²னீ நக்³கா³ நஹாயெய்ய, பாசித்திய’’ந்தி.

885. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

நக்³கா³ நஹாயெய்யாதி அனிவத்தா² வா அபாருதா வா நஹாயதி, பயோகே³ து³க்கடங். நஹானபரியோஸானே ஆபத்தி பாசித்தியஸ்ஸ.

886. அனாபத்தி அச்சி²ன்னசீவரிகாய வா நட்ட²சீவரிகாய வா, ஆபதா³ஸு, உம்மத்திகாய, ஆதி³கம்மிகாயாதி.

பட²மஸிக்கா²பத³ங் நிட்டி²தங்.

2. து³தியஸிக்கா²பத³ங்

887. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ப⁴க³வதா பி⁴க்கு²னீனங் [மஹாவ॰ 351] உத³கஸாடிகா அனுஞ்ஞாதா ஹோதி . ச²ப்³ப³க்³கி³யா பி⁴க்கு²னியோ – ‘‘ப⁴க³வதா உத³கஸாடிகா அனுஞ்ஞாதா’’தி அப்பமாணிகாயோ உத³கஸாடிகாயோ தா⁴ரேஸுங் [தா⁴ரெந்தி (பாசி॰ 531-545)].
புரதோபி பச்ச²தோபி ஆகட்³ட⁴ந்தா ஆஹிண்ட³ந்தி. யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கு²னியோ அப்பமாணிகாயோ உத³கஸாடிகாயோ
தா⁴ரெஸ்ஸந்தீ’’தி…பே॰… ஸச்சங் கிர, பி⁴க்க²வே, ச²ப்³ப³க்³கி³யா
பி⁴க்கு²னியோ அப்பமாணிகாயோ உத³கஸாடிகாயோ தா⁴ரெந்தீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே,
ச²ப்³ப³க்³கி³யா பி⁴க்கு²னியோ அப்பமாணிகாயோ உத³கஸாடிகாயோ தா⁴ரெஸ்ஸந்தி!
நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

888. ‘‘உத³கஸாடிகங் பன பி⁴க்கு²னியா காரயமானாய பமாணிகா காரேதப்³பா³. தத்ரித³ங் பமாணங் – தீ³க⁴ஸோ சதஸ்ஸோ வித³த்தி²யோ, ஸுக³தவித³த்தி²யா; திரியங் த்³வே வித³த்தி²யோ. தங் அதிக்காமெந்தியா சே²த³னகங் பாசித்திய’’ந்தி.

889. உத³கஸாடிகா நாம யாய நிவத்தா² [நிவத்தா²ய (ஸ்யா॰)] நஹாயதி.

காரயமானாயாதி கரொந்தியா வா காராபெந்தியா வா.

பமாணிகா காரேதப்³பா³. தத்ரித³ங் பமாணங் – தீ³க⁴ஸோ
சதஸ்ஸோ வித³த்தி²யோ, ஸுக³தவித³த்தி²யா; திரியங் த்³வே வித³த்தி²யோ. தங்
அதிக்காமெத்வா கரோதி வா காராபேதி வா, பயோகே³ து³க்கடங். படிலாபே⁴ன
சி²ந்தி³த்வா பாசித்தியங் தே³ஸேதப்³ப³ங்.

890. அத்தனா விப்பகதங் அத்தனா பரியோஸாபேதி, ஆபத்தி பாசித்தியஸ்ஸ .
அத்தனா விப்பகதங் பரேஹி பரியோஸாபேதி, ஆபத்தி பாசித்தியஸ்ஸ. பரேஹி
விப்பகதங் அத்தனா பரியோஸாபேதி, ஆபத்தி பாசித்தியஸ்ஸ. பரேஹி விப்பகதங் பரேஹி
பரியோஸாபேதி, ஆபத்தி பாசித்தியஸ்ஸ.

அஞ்ஞஸ்ஸத்தா²ய கரோதி வா காராபேதி வா, ஆபத்தி து³க்கடஸ்ஸ. அஞ்ஞேன கதங் படிலபி⁴த்வா பரிபு⁴ஞ்ஜதி, ஆபத்தி து³க்கடஸ்ஸ.

891.
அனாபத்தி பமாணிகங் கரோதி, ஊனகங் கரோதி, அஞ்ஞேன கதங் பமாணாதிக்கந்தங்
படிலபி⁴த்வா சி²ந்தி³த்வா பரிபு⁴ஞ்ஜதி, விதானங் வா பூ⁴மத்த²ரணங் வா
ஸாணிபாகாரங் வா பி⁴ஸிங் வா பி³ப்³போ³ஹனங் வா கரோதி, உம்மத்திகாய,
ஆதி³கம்மிகாயாதி.

து³தியஸிக்கா²பத³ங் நிட்டி²தங்.

3. ததியஸிக்கா²பத³ங்

892.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரிஸ்ஸா பி⁴க்கு²னியா மஹக்³கே⁴ சீவரது³ஸ்ஸே
சீவரங் து³க்கடங் ஹோதி து³ஸ்ஸிப்³பி³தங். து²ல்லனந்தா³ பி⁴க்கு²னீ தங் பி⁴க்கு²னிங் ஏதத³வோச – ‘‘ஸுந்த³ரங் கோ² இத³ங்
தே, அய்யே, சீவரது³ஸ்ஸங்; சீவரஞ்ச கோ² து³க்கடங் து³ஸ்ஸிப்³பி³த’’ந்தி.
‘‘விஸிப்³பே³மி, அய்யே, ஸிப்³பி³ஸ்ஸஸீ’’தி? ‘‘ஆமாய்யே, ஸிப்³பி³ஸ்ஸாமீ’’தி.
அத² கோ² ஸா பி⁴க்கு²னீ தங் சீவரங் விஸிப்³பெ³த்வா து²ல்லனந்தா³ய
பி⁴க்கு²னியா அதா³ஸி. து²ல்லனந்தா³ பி⁴க்கு²னீ – ‘‘ஸிப்³பி³ஸ்ஸாமி ஸிப்³பி³ஸ்ஸாமீ’’தி நேவ ஸிப்³ப³தி ந ஸிப்³பா³பனாய
உஸ்ஸுக்கங் கரோதி. அத² கோ² ஸா பி⁴க்கு²னீ பி⁴க்கு²னீனங் ஏதமத்த²ங்
ஆரோசேஸி. யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம அய்யா து²ல்லனந்தா³ பி⁴க்கு²னியா சீவரங்
விஸிப்³பா³பெத்வா நேவ ஸிப்³பி³ஸ்ஸதி ந ஸிப்³பா³பனாய உஸ்ஸுக்கங்
கரிஸ்ஸதீ’’தி…பே॰… ஸச்சங் கிர, பி⁴க்க²வே, து²ல்லனந்தா³ பி⁴க்கு²னீ
பி⁴க்கு²னியா சீவரங் விஸிப்³பா³பெத்வா நேவ ஸிப்³ப³தி ந ஸிப்³பா³பனாய
உஸ்ஸுக்கங் கரோதீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம, பி⁴க்க²வே, து²ல்லனந்தா³ பி⁴க்கு²னீ பி⁴க்கு²னியா சீவரங்
விஸிப்³பா³பெத்வா நேவ ஸிப்³பி³ஸ்ஸதி ந ஸிப்³பா³பனாய உஸ்ஸுக்கங் கரிஸ்ஸதி!
நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

893. ‘‘யா
பன பி⁴க்கு²னீ பி⁴க்கு²னியா சீவரங் விஸிப்³பெ³த்வா வா விஸிப்³பா³பெத்வா வா
ஸா பச்சா² அனந்தராயிகினீ நேவ ஸிப்³பெ³ய்ய ந ஸிப்³பா³பனாய உஸ்ஸுக்கங்
கரெய்ய, அஞ்ஞத்ர சதூஹபஞ்சாஹா, பாசித்திய’’ந்தி.

894. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

பி⁴க்கு²னியாதி அஞ்ஞாய பி⁴க்கு²னியா.

சீவரங் நாம ச²ன்னங் சீவரானங் அஞ்ஞதரங் சீவரங்.

விஸிப்³பெ³த்வாதி ஸயங் விஸிப்³பெ³த்வா. விஸிப்³பா³பெத்வாதி அஞ்ஞங் விஸிப்³பா³பெத்வா.

ஸா பச்சா² அனந்தராயிகினீதி அஸதி அந்தராயே.

நேவ ஸிப்³பெ³ய்யாதி ந ஸயங் ஸிப்³பெ³ய்ய. ந ஸிப்³பா³பனாய உஸ்ஸுக்கங் கரெய்யாதி ந அஞ்ஞங் ஆணாபெய்ய.

அஞ்ஞத்ர சதூஹபஞ்சாஹாதி ட²பெத்வா சதூஹபஞ்சாஹங். ‘‘நேவ ஸிப்³பி³ஸ்ஸாமி ந ஸிப்³பா³பனாய உஸ்ஸுக்கங் கரிஸ்ஸாமீ’’தி து⁴ரங் நிக்கி²த்தமத்தே ஆபத்தி பாசித்தியஸ்ஸ.

895.
உபஸம்பன்னாய உபஸம்பன்னஸஞ்ஞா சீவரங் விஸிப்³பெ³த்வா வா விஸிப்³பா³பெத்வா வா
ஸா பச்சா² அனந்தராயிகினீ நேவ ஸிப்³ப³தி ந ஸிப்³பா³பனாய உஸ்ஸுக்கங் கரோதி,
அஞ்ஞத்ர சதூஹபஞ்சாஹா, ஆபத்தி பாசித்தியஸ்ஸ. உபஸம்பன்னாய வேமதிகா
சீவரங் விஸிப்³பெ³த்வா வா விஸிப்³பா³பெத்வா வா ஸா பச்சா² அனந்தராயிகினீ
நேவ ஸிப்³ப³தி ந ஸிப்³பா³பனாய உஸ்ஸுக்கங் கரோதி, அஞ்ஞத்ர சதூஹபஞ்சாஹா,
ஆபத்தி பாசித்தியஸ்ஸ. உபஸம்பன்னாய அனுபஸம்பன்னஸஞ்ஞா சீவரங் விஸிப்³பெ³த்வா
வா விஸிப்³பா³பெத்வா வா ஸா பச்சா² அனந்தராயிகினீ நேவ ஸிப்³ப³தி ந
ஸிப்³பா³பனாய உஸ்ஸுக்கங் கரோதி, அஞ்ஞத்ர சதூஹபஞ்சாஹா, ஆபத்தி பாசித்தியஸ்ஸ.

அஞ்ஞங் பரிக்கா²ரங் விஸிப்³பெ³த்வா வா
விஸிப்³பா³பெத்வா வா ஸா பச்சா² அனந்தராயிகினீ நேவ ஸிப்³ப³தி ந ஸிப்³பா³பனாய
உஸ்ஸுக்கங் கரோதி, அஞ்ஞத்ர சதூஹபஞ்சாஹா, ஆபத்தி து³க்கடஸ்ஸ .
அனுபஸம்பன்னாய சீவரங் வா அஞ்ஞங் வா பரிக்கா²ரங் விஸிப்³பெ³த்வா வா
விஸிப்³பா³பெத்வா வா ஸா பச்சா² அனந்தராயிகினீ நேவ ஸிப்³ப³தி ந ஸிப்³பா³பனாய
உஸ்ஸுக்கங் கரோதி, அஞ்ஞத்ர சதூஹபஞ்சாஹா, ஆபத்தி து³க்கடஸ்ஸ. அனுபஸம்பன்னாய
உபஸம்பன்னஸஞ்ஞா, ஆபத்தி து³க்கடஸ்ஸ. அனுபஸம்பன்னாய வேமதிகா, ஆபத்தி
து³க்கடஸ்ஸ. அனுபஸம்பன்னாய அனுபஸம்பன்னஸஞ்ஞா, ஆபத்தி து³க்கடஸ்ஸ.

896. அனாபத்தி ஸதி அந்தராயே, பரியேஸித்வா ந லப⁴தி, கரொந்தீ சதூஹபஞ்சாஹங் அதிக்காமேதி, கி³லானாய, ஆபதா³ஸு, உம்மத்திகாய, ஆதி³கம்மிகாயாதி.

ததியஸிக்கா²பத³ங் நிட்டி²தங்.

4. சதுத்த²ஸிக்கா²பத³ங்

897.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ பி⁴க்கு²னீனங் ஹத்தே² சீவரங்
நிக்கி²பித்வா ஸந்தருத்தரேன ஜனபத³சாரிகங் பக்கமந்தி. தானி சீவரானி சிரங்
நிக்கி²த்தானி கண்ணகிதானி ஹொந்தி. தானி பி⁴க்கு²னியோ ஓதாபெந்தி.
பி⁴க்கு²னியோ தா பி⁴க்கு²னியோ ஏதத³வோசுங் – ‘‘கஸ்ஸிமானி ,
அய்யே, சீவரானி கண்ணகிதானீ’’தி? அத² கோ² தா பி⁴க்கு²னியோ பி⁴க்கு²னீனங்
ஏதமத்த²ங் ஆரோசேஸுங். யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ பி⁴க்கு²னீனங் ஹத்தே²
சீவரங் நிக்கி²பித்வா ஸந்தருத்தரேன ஜனபத³சாரிகங்
பக்கமிஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கு²னியோ பி⁴க்கு²னீனங்
ஹத்தே² சீவரங் நிக்கி²பித்வா ஸந்தருத்தரேன ஜனபத³சாரிகங் பக்கமந்தீதி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, பி⁴க்கு²னியோ பி⁴க்கு²னீனங் ஹத்தே² சீவரங் நிக்கி²பித்வா
ஸந்தருத்தரேன ஜனபத³சாரிகங் பக்கமிஸ்ஸந்தி! நேதங், பி⁴க்க²வே, அப்பஸன்னானங்
வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங்
உத்³தி³ஸந்து –

898. ‘‘யா பன பி⁴க்கு²னீ பஞ்சாஹிகங் ஸங்கா⁴டிசாரங் [ஸங்கா⁴டிவாரங் (ஸ்யா॰)] அதிக்காமெய்ய, பாசித்திய’’ந்தி.

899. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

பஞ்சாஹிகங் ஸங்கா⁴டிசாரங் அதிக்காமெய்யாதி பஞ்சமங் தி³வஸங் பஞ்ச சீவரானி நேவ நிவாஸேதி ந பாருபதி ந ஓதாபேதி, பஞ்சமங் தி³வஸங் அதிக்காமேதி, ஆபத்தி பாசித்தியஸ்ஸ.

900.
பஞ்சாஹாதிக்கந்தே அதிக்கந்தஸஞ்ஞா, ஆபத்தி பாசித்தியஸ்ஸ. பஞ்சாஹாதிக்கந்தே
வேமதிகா, ஆபத்தி பாசித்தியஸ்ஸ. பஞ்சாஹாதிக்கந்தே அனதிக்கந்தஸஞ்ஞா , ஆபத்தி பாசித்தியஸ்ஸ.

பஞ்சாஹானதிக்கந்தே அதிக்கந்தஸஞ்ஞா, ஆபத்தி து³க்கடஸ்ஸ.
பஞ்சாஹானதிக்கந்தே வேமதிகா, ஆபத்தி து³க்கடஸ்ஸ. பஞ்சாஹானதிக்கந்தே
அனதிக்கந்தஸஞ்ஞா, அனாபத்தி.

901. அனாபத்தி பஞ்சமங் தி³வஸங் பஞ்ச சீவரானி நிவாஸேதி வா பாருபதி வா ஓதாபேதி வா, கி³லானாய, ஆபதா³ஸு, உம்மத்திகாய, ஆதி³கம்மிகாயாதி.

சதுத்த²ஸிக்கா²பத³ங் நிட்டி²தங்.

5. பஞ்சமஸிக்கா²பத³ங்

902. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரா பி⁴க்கு²னீ பிண்டா³ய சரித்வா அல்லசீவரங்
பத்த²ரித்வா விஹாரங் பாவிஸி. அஞ்ஞதரா பி⁴க்கு²னீ தங்
சீவரங் பாருபித்வா கா³மங் பிண்டா³ய பாவிஸி. ஸா நிக்க²மித்வா பி⁴க்கு²னியோ
புச்சி² – ‘‘அபாய்யே, மய்ஹங் சீவரங் பஸ்ஸெய்யாதா²’’தி? பி⁴க்கு²னியோ தஸ்ஸா
பி⁴க்கு²னியா ஏதமத்த²ங் ஆரோசேஸுங். அத² கோ² ஸா பி⁴க்கு²னீ உஜ்ஜா²யதி
கி²ய்யதி விபாசேதி – ‘‘கத²ஞ்ஹி நாம பி⁴க்கு²னீ மய்ஹங் சீவரங் அனாபுச்சா²
பாருபிஸ்ஸதீ’’தி! அத² கோ² ஸா பி⁴க்கு²னீ பி⁴க்கு²னீனங் ஏதமத்த²ங் ஆரோசேஸி.
யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு²னீ பி⁴க்கு²னியா சீவரங் அனாபுச்சா²
பாருபிஸ்ஸதீ’’தி…பே॰… ஸச்சங் கிர, பி⁴க்க²வே, பி⁴க்கு²னீ பி⁴க்கு²னியா
சீவரங் அனாபுச்சா² பாருபதீதி [பாருபீதி (க॰)]?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, பி⁴க்கு²னீ பி⁴க்கு²னியா சீவரங் அனாபுச்சா² பாருபிஸ்ஸதி! நேதங்,
பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

903. ‘‘யா பன பி⁴க்கு²னீ சீவரஸங்கமனீயங் தா⁴ரெய்ய, பாசித்திய’’ந்தி.

904. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

சீவரஸங்கமனீயங் நாம
உபஸம்பன்னாய பஞ்சன்னங் சீவரானங் அஞ்ஞதரங் சீவரங் தஸ்ஸா வா அதி³ன்னங் தங் வா
அனாபுச்சா² நிவாஸேதி வா பாருபதி வா, ஆபத்தி பாசித்தியஸ்ஸ.

905. உபஸம்பன்னாய உபஸம்பன்னஸஞ்ஞா சீவரஸங்கமனீயங் தா⁴ரேதி, ஆபத்தி பாசித்தியஸ்ஸ. உபஸம்பன்னாய வேமதிகா சீவரஸங்கமனீயங் தா⁴ரேதி , ஆபத்தி பாசித்தியஸ்ஸ. உபஸம்பன்னாய அனுபஸம்பன்னஸஞ்ஞா சீவரஸங்கமனீயங் தா⁴ரேதி, ஆபத்தி பாசித்தியஸ்ஸ .

அனுபஸம்பன்னாய சீவரஸங்கமனீயங் தா⁴ரேதி, ஆபத்தி து³க்கடஸ்ஸ. அனுபஸம்பன்னாய உபஸம்பன்னஸஞ்ஞா , ஆபத்தி து³க்கடஸ்ஸ. அனுபஸம்பன்னாய வேமதிகா, ஆபத்தி து³க்கடஸ்ஸ. அனுபஸம்பன்னாய அனுபஸம்பன்னஸஞ்ஞா, ஆபத்தி து³க்கடஸ்ஸ.

906.
அனாபத்தி ஸா வா தே³தி, தங் வா ஆபுச்சா² நிவாஸேதி வா பாருபதி வா,
அச்சி²ன்னசீவரிகாய, நட்ட²சீவரிகாய, ஆபதா³ஸு, உம்மத்திகாய, ஆதி³கம்மிகாயாதி.

பஞ்சமஸிக்கா²பத³ங் நிட்டி²தங்.

6. ச²ட்ட²ஸிக்கா²பத³ங்

907. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன து²ல்லனந்தா³ய பி⁴க்கு²னியா உபட்டா²ககுலங்
து²ல்லனந்த³ங் பி⁴க்கு²னிங் ஏதத³வோச – ‘‘பி⁴க்கு²னிஸங்க⁴ஸ்ஸ, அய்யே, சீவரங்
த³ஸ்ஸாமா’’தி. து²ல்லனந்தா³ பி⁴க்கு²னீ – ‘‘தும்ஹே ப³ஹுகிச்சா
ப³ஹுகரணீயா’’தி அந்தராயங் அகாஸி. தேன கோ² பன ஸமயேன தஸ்ஸ குலஸ்ஸ க⁴ரங்
ட³ய்ஹதி. தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம அய்யா
து²ல்லனந்தா³ அம்ஹாகங் தெ³ய்யத⁴ம்மங் அந்தராயங் கரிஸ்ஸதி! உப⁴யேனாம்ஹ
பரிபா³ஹிரா [பரிஹீனா (ஸீ॰)], போ⁴கே³ஹி ச புஞ்ஞேன சா’’தி. அஸ்ஸோஸுங் கோ² பி⁴க்கு²னியோ தேஸங் மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங் .
யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி
– ‘‘கத²ஞ்ஹி நாம அய்யா து²ல்லனந்தா³ க³ணஸ்ஸ சீவரலாப⁴ங் அந்தராயங்
கரிஸ்ஸதீ’’தி…பே॰… ஸச்சங் கிர, பி⁴க்க²வே, து²ல்லனந்தா³ பி⁴க்கு²னீ க³ணஸ்ஸ
சீவரலாப⁴ங் அந்தராயங் அகாஸீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம, பி⁴க்க²வே, து²ல்லனந்தா³ பி⁴க்கு²னீ க³ணஸ்ஸ
சீவரலாப⁴ங் அந்தராயங் கரிஸ்ஸதி! நேதங், பி⁴க்க²வே, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங்
உத்³தி³ஸந்து –

908. ‘‘யா பன பி⁴க்கு²னீ க³ணஸ்ஸ சீவரலாப⁴ங் அந்தராயங் கரெய்ய, பாசித்திய’’ந்தி.

909. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

க³ணோ நாம பி⁴க்கு²னிஸங்கோ⁴ வுச்சதி.

சீவரங் நாம ச²ன்னங் சீவரானங் அஞ்ஞதரங் சீவரங் விகப்பனுபக³ங் பச்சி²மங்.

அந்தராயங் கரெய்யாதி ‘‘கத²ங் இமே சீவரங் ந [இமங் சீவரங் (க॰)]
த³தெ³ய்யு’’ந்தி அந்தராயங் கரோதி, ஆபத்தி பாசித்தியஸ்ஸ. அஞ்ஞங்
பரிக்கா²ரங் அந்தராயங் கரோதி, ஆபத்தி து³க்கடஸ்ஸ. ஸம்ப³ஹுலானங்
பி⁴க்கு²னீனங் வா ஏகபி⁴க்கு²னியா வா அனுபஸம்பன்னாய வா சீவரங் வா அஞ்ஞங் வா
பரிக்கா²ரங் அந்தராயங் கரோதி, ஆபத்தி து³க்கடஸ்ஸ.

910. அனாபத்தி ஆனிஸங்ஸங் த³ஸ்ஸெத்வா நிவாரேதி, உம்மத்திகாய, ஆதி³கம்மிகாயாதி.

ச²ட்ட²ஸிக்கா²பத³ங் நிட்டி²தங்.

7. ஸத்தமஸிக்கா²பத³ங்

911. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னிஸங்க⁴ஸ்ஸ அகாலசீவரங் உப்பன்னங் ஹோதி.
அத² கோ² பி⁴க்கு²னிஸங்கோ⁴ தங் சீவரங் பா⁴ஜேதுகாமோ ஸன்னிபதி. தேன கோ² பன
ஸமயேன து²ல்லனந்தா³ய பி⁴க்கு²னியா அந்தேவாஸினியோ பி⁴க்கு²னியோ பக்கந்தா
ஹொந்தி. து²ல்லனந்தா³ பி⁴க்கு²னீ தா பி⁴க்கு²னியோ ஏதத³வோச – ‘‘அய்யே,
பி⁴க்கு²னியோ பக்கந்தா, ந தாவ சீவரங் பா⁴ஜீயிஸ்ஸதீ’’தி. சீவரவிப⁴ங்க³ங்
படிபா³ஹி. பி⁴க்கு²னியோ ந தாவ சீவரங் பா⁴ஜீயிஸ்ஸதீதி பக்கமிங்ஸு [விபக்கமிங்ஸு (ஸ்யா॰)].
து²ல்லனந்தா³ பி⁴க்கு²னீ அந்தேவாஸினீஸு பி⁴க்கு²னீஸு ஆக³தாஸு தங் சீவரங்
பா⁴ஜாபேஸி. யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம அய்யா து²ல்லனந்தா³ த⁴ம்மிகங் சீவரவிப⁴ங்க³ங்
படிபா³ஹிஸ்ஸதீ’’தி…பே॰… ஸச்சங் கிர, பி⁴க்க²வே, து²ல்லனந்தா³ பி⁴க்கு²னீ
த⁴ம்மிகங் சீவரவிப⁴ங்க³ங் படிபா³ஹதீதி [படிபா³ஹீதி (க॰)]?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, து²ல்லனந்தா³ பி⁴க்கு²னீ த⁴ம்மிகங் சீவரவிப⁴ங்க³ங்
படிபா³ஹிஸ்ஸதி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

912. ‘‘யா பன பி⁴க்கு²னீ த⁴ம்மிகங் சீவரவிப⁴ங்க³ங் படிபா³ஹெய்ய, பாசித்திய’’ந்தி.

913. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

த⁴ம்மிகோநாம சீவரவிப⁴ங்கோ³ ஸமக்³கோ³ பி⁴க்கு²னிஸங்கோ⁴ ஸன்னிபதித்வா பா⁴ஜேதி.

படிபா³ஹெய்யாதி கத²ங் இமங் சீவரங் ந பா⁴ஜெய்யாதி [சீவரங் பா⁴ஜெய்யாதி (க॰)] படிபா³ஹதி, ஆபத்தி பாசித்தியஸ்ஸ.

914. த⁴ம்மிகே
த⁴ம்மிகஸஞ்ஞா படிபா³ஹதி, ஆபத்தி பாசித்தியஸ்ஸ. த⁴ம்மிகே வேமதிகா
படிபா³ஹதி, ஆபத்தி து³க்கடஸ்ஸ. த⁴ம்மிகே அத⁴ம்மிகஸஞ்ஞா படிபா³ஹதி,
அனாபத்தி. அத⁴ம்மிகே த⁴ம்மிகஸஞ்ஞா, ஆபத்தி து³க்கடஸ்ஸ. அத⁴ம்மிகே வேமதிகா,
ஆபத்தி து³க்கடஸ்ஸ. அத⁴ம்மிகே அத⁴ம்மிகஸஞ்ஞா, அனாபத்தி.

915. அனாபத்தி ஆனிஸங்ஸங் த³ஸ்ஸெத்வா படிபா³ஹதி, உம்மத்திகாய, ஆதி³கம்மிகாயாதி.

ஸத்தமஸிக்கா²பத³ங் நிட்டி²தங்.

8. அட்ட²மஸிக்கா²பத³ங்

916.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன து²ல்லனந்தா³ பி⁴க்கு²னீ நடானம்பி நடகானம்பி
லங்க⁴கானம்பி ஸோகஜ்ஜா²யிகானம்பி [ஸோகஸாயிகானம்பி (ஸீ॰)] கும்ப⁴தூ²ணிகானம்பி [கும்ப⁴து²ணிகானம்பி (க॰)] ஸமணசீவரங் தே³தி – ‘‘மய்ஹங் பரிஸதி [பரிஸதிங் (ஸீ॰)]
வண்ணங் பா⁴ஸதா²’’தி. நடாபி நடகாபி லங்க⁴காபி ஸோகஜ்ஜா²யிகாபி
கும்ப⁴தூ²ணிகாபி து²ல்லனந்தா³ய பி⁴க்கு²னியா பரிஸதி வண்ணங் பா⁴ஸந்தி –
‘‘அய்யா து²ல்லனந்தா³ ப³ஹுஸ்ஸுதா பா⁴ணிகா விஸாரதா³
பட்டா த⁴ம்மிங் கத²ங் காதுங்; தே³த² அய்யாய, கரோத² அய்யாயா’’தி. யா தா
பி⁴க்கு²னியோ அப்பிச்சா², தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம அய்யா து²ல்லனந்தா³ அகா³ரிகஸ்ஸ ஸமணசீவரங் த³ஸ்ஸதீ’’தி…பே॰…
ஸச்சங் கிர, பி⁴க்க²வே, து²ல்லனந்தா³ பி⁴க்கு²னீ அகா³ரிகஸ்ஸ ஸமணசீவரங்
தே³தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி
நாம, பி⁴க்க²வே, து²ல்லனந்தா³ பி⁴க்கு²னீ அகா³ரிகஸ்ஸ ஸமணசீவரங் த³ஸ்ஸதி!
நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

917. ‘‘யா பன பி⁴க்கு²னீ அகா³ரிகஸ்ஸ வா பரிப்³பா³ஜகஸ்ஸ வா பரிப்³பா³ஜிகாய வா ஸமணசீவரங் த³தெ³ய்ய, பாசித்திய’’ந்தி.

918. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

அகா³ரிகோ நாம யோ கோசி அகா³ரங் அஜ்ஜா²வஸதி.

பரிப்³பா³ஜகோ நாம பி⁴க்கு²ஞ்ச ஸாமணேரஞ்ச ட²பெத்வா யோ கோசி பரிப்³பா³ஜகஸமாபன்னோ.

பரிப்³பா³ஜிகா நாம பி⁴க்கு²னிஞ்ச ஸிக்க²மானஞ்ச ஸாமணேரிஞ்ச ட²பெத்வா யா காசி பரிப்³பா³ஜிகஸமாபன்னா.

ஸமணசீவரங் நாம கப்பகதங் வுச்சதி. தே³தி, ஆபத்தி பாசித்தியஸ்ஸ.

919. அனாபத்தி மாதாபிதூனங் தே³தி, தாவகாலிகங் தே³தி, உம்மத்திகாய, ஆதி³கம்மிகாயாதி.

அட்ட²மஸிக்கா²பத³ங் நிட்டி²தங்.

9. நவமஸிக்கா²பத³ங்

920. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன து²ல்லனந்தா³ய பி⁴க்கு²னியா உபட்டா²ககுலங்
து²ல்லனந்த³ங் பி⁴க்கு²னிங் ஏதத³வோச – ‘‘ஸசே மயங், அய்யே, ஸக்கோம,
பி⁴க்கு²னிஸங்க⁴ஸ்ஸ சீவரங் த³ஸ்ஸாமா’’தி. தேன கோ² பன ஸமயேன வஸ்ஸங்வுட்டா²
பி⁴க்கு²னியோ சீவரங் பா⁴ஜேதுகாமா ஸன்னிபதிங்ஸு. து²ல்லனந்தா³ பி⁴க்கு²னீ தா
பி⁴க்கு²னியோ ஏதத³வோச – ‘‘ஆக³மேத², அய்யே, அத்தி² பி⁴க்கு²னிஸங்க⁴ஸ்ஸ
சீவரபச்சாஸா’’தி. பி⁴க்கு²னியோ து²ல்லனந்த³ங் பி⁴க்கு²னிங் ஏதத³வோசுங் –
‘‘க³ச்சா²ய்யே, தங் சீவரங் ஜானாஹீ’’தி. து²ல்லனந்தா³ பி⁴க்கு²னீ யேன தங்
குலங் தேனுபஸங்கமி; உபஸங்கமித்வா தே மனுஸ்ஸே ஏதத³வோச – ‘‘தே³தா²வுஸோ,
பி⁴க்கு²னிஸங்க⁴ஸ்ஸ சீவர’’ந்தி. ‘‘ந மயங், அய்யே, ஸக்கோம
பி⁴க்கு²னிஸங்க⁴ஸ்ஸ சீவரங் தா³து’’ந்தி .
து²ல்லனந்தா³ பி⁴க்கு²னீ பி⁴க்கு²னீனங் ஏதமத்த²ங் ஆரோசேஸி. யா தா
பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம அய்யா து²ல்லனந்தா³ து³ப்³ப³லசீவரபச்சாஸாய சீவரகாலஸமயங்
அதிக்காமெஸ்ஸதீ’’தி…பே॰… ஸச்சங் கிர, பி⁴க்க²வே, து²ல்லனந்தா³ பி⁴க்கு²னீ
து³ப்³ப³லசீவரபச்சாஸாய சீவரகாலஸமயங் அதிக்காமேதீதி [அதிக்காமேஸீதி (க॰)]? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, து²ல்லனந்தா³ பி⁴க்கு²னீ து³ப்³ப³லசீவரபச்சாஸாய சீவரகாலஸமயங் அதிக்காமெஸ்ஸதி ! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

921. ‘‘யா பன பி⁴க்கு²னீ து³ப்³ப³லசீவரபச்சாஸாய சீவரகாலஸமயங் அதிக்காமெய்ய, பாசித்திய’’ந்தி.

922. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

து³ப்³ப³லசீவரபச்சாஸா நாம ‘‘ஸசே மயங் ஸக்கோம, த³ஸ்ஸாம கரிஸ்ஸாமா’’தி வாசா பி⁴ன்னா ஹோதி.

சீவரகாலஸமயோ நாம அனத்த²தே கதி²னே வஸ்ஸானஸ்ஸ பச்சி²மோ மாஸோ, அத்த²தே கதி²னே பஞ்ச மாஸா.

சீவரகாலஸமயங் அதிக்காமெய்யாதி
அனத்த²தே கதி²னே வஸ்ஸானஸ்ஸ பச்சி²மங் தி³வஸங் அதிக்காமேதி, ஆபத்தி
பாசித்தியஸ்ஸ. அத்த²தே கதி²னே கதி²னுத்³தா⁴ரதி³வஸங் அதிக்காமேதி, ஆபத்தி
பாசித்தியஸ்ஸ.

923.
து³ப்³ப³லசீவரே து³ப்³ப³லசீவரஸஞ்ஞா சீவரகாலஸமயங் அதிக்காமேதி, ஆபத்தி
பாசித்தியஸ்ஸ. து³ப்³ப³லசீவரே வேமதிகா சீவரகாலஸமயங் அதிக்காமேதி, ஆபத்தி
து³க்கடஸ்ஸ. து³ப்³ப³லசீவரே அது³ப்³ப³லசீவரஸஞ்ஞா சீவரகாலஸமயங் அதிக்காமேதி,
அனாபத்தி.

அது³ப்³ப³லசீவரே து³ப்³ப³லசீவரஸஞ்ஞா, ஆபத்தி
து³க்கடஸ்ஸ. அது³ப்³ப³லசீவரே வேமதிகா, ஆபத்தி து³க்கடஸ்ஸ. அது³ப்³ப³லசீவரே
அது³ப்³ப³லசீவரஸஞ்ஞா, அனாபத்தி.

924. அனாபத்தி ஆனிஸங்ஸங் த³ஸ்ஸெத்வா நிவாரேதி, உம்மத்திகாய, ஆதி³கம்மிகாயாதி.

நவமஸிக்கா²பத³ங் நிட்டி²தங்.

10. த³ஸமஸிக்கா²பத³ங்

925. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரேன உபாஸகேன ஸங்க⁴ங் உத்³தி³ஸ்ஸ விஹாரோ
காராபிதோ ஹோதி. ஸோ தஸ்ஸ விஹாரஸ்ஸ மஹே உப⁴தோஸங்க⁴ஸ்ஸ அகாலசீவரங் தா³துகாமோ
ஹோதி. தேன கோ² பன ஸமயேன உப⁴தோஸங்க⁴ஸ்ஸ கதி²னங் அத்த²தங் ஹோதி. அத² கோ² ஸோ
உபாஸகோ ஸங்க⁴ங் உபஸங்கமித்வா கதி²னுத்³தா⁴ரங் யாசி. ப⁴க³வதோ ஏதமத்த²ங்
ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங்
கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, கதி²னங் உத்³த⁴ரிதுங்.
ஏவஞ்ச பன பி⁴க்க²வே கதி²னங் உத்³த⁴ரிதப்³ப³ங். ப்³யத்தேன பி⁴க்கு²னா
படிப³லேன ஸங்கோ⁴ ஞாபேதப்³போ³ –

926. ‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், ஸங்கோ⁴ கதி²னங் உத்³த⁴ரெய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. ஸங்கோ⁴ கதி²னங்
உத்³த⁴ரதி. யஸ்ஸாயஸ்மதோ க²மதி கதி²னஸ்ஸ உத்³தா⁴ரோ, ஸோ துண்ஹஸ்ஸ; யஸ்ஸ
நக்க²மதி, ஸோ பா⁴ஸெய்ய.

‘‘உப்³ப⁴தங் ஸங்கே⁴ன கதி²னங், க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

927. அத² கோ² ஸோ உபாஸகோ பி⁴க்கு²னிஸங்க⁴ங் உபஸங்கமித்வா கதி²னுத்³தா⁴ரங் யாசி. து²ல்லனந்தா³ பி⁴க்கு²னீ – ‘‘சீவரங் அம்ஹாகங்
ப⁴விஸ்ஸதீ’’தி கதி²னுத்³தா⁴ரங் படிபா³ஹி. அத² கோ² ஸோ உபாஸகோ உஜ்ஜா²யதி
கி²ய்யதி விபாசேதி – ‘‘கத²ஞ்ஹி நாம பி⁴க்கு²னியோ அம்ஹாகங் கதி²னுத்³தா⁴ரங் ந
த³ஸ்ஸந்தீ’’தி! அஸ்ஸோஸுங் கோ² பி⁴க்கு²னியோ தஸ்ஸ
உபாஸகஸ்ஸ உஜ்ஜா²யந்தஸ்ஸ கி²ய்யந்தஸ்ஸ விபாசெந்தஸ்ஸ. யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
அய்யா து²ல்லனந்தா³ த⁴ம்மிகங் கதி²னுத்³தா⁴ரங் படிபா³ஹிஸ்ஸதீ’’தி…பே॰…
ஸச்சங் கிர, பி⁴க்க²வே, து²ல்லனந்தா³ பி⁴க்கு²னீ த⁴ம்மிகங் கதி²னுத்³தா⁴ரங்
படிபா³ஹதீதி [படிபா³ஹீதி (க॰)]? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, து²ல்லனந்தா³ பி⁴க்கு²னீ த⁴ம்மிகங் கதி²னுத்³தா⁴ரங் படிபா³ஹிஸ்ஸதி ! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

928. ‘‘யா பன பி⁴க்கு²னீ த⁴ம்மிகங் கதி²னுத்³தா⁴ரங் படிபா³ஹெய்ய, பாசித்திய’’ந்தி.

929. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

த⁴ம்மிகோ நாம கதி²னுத்³தா⁴ரோ ஸமக்³கோ³ பி⁴க்கு²னிஸங்கோ⁴ ஸன்னிபதித்வா உத்³த⁴ரதி.

படிபா³ஹெய்யாதி ‘‘கத²ங் இத³ங் கதி²னங் ந உத்³த⁴ரெய்யா’’தி [கதி²னங் உத்³த⁴ரெய்யாதி (க॰)] படிபா³ஹதி, ஆபத்தி பாசித்தியஸ்ஸ.

930.
த⁴ம்மிகே த⁴ம்மிகஸஞ்ஞா படிபா³ஹதி, ஆபத்தி பாசித்தியஸ்ஸ. த⁴ம்மிகே வேமதிகா
படிபா³ஹதி, ஆபத்தி து³க்கடஸ்ஸ. த⁴ம்மிகே அத⁴ம்மிகஸஞ்ஞா படிபா³ஹதி,
அனாபத்தி. அத⁴ம்மிகே த⁴ம்மிகஸஞ்ஞா, ஆபத்தி து³க்கடஸ்ஸ. அத⁴ம்மிகே வேமதிகா,
ஆபத்தி து³க்கடஸ்ஸ. அத⁴ம்மிகே அத⁴ம்மிகஸஞ்ஞா, அனாபத்தி.

931. அனாபத்தி அனிஸங்ஸங் த³ஸ்ஸெத்வா படிபா³ஹதி, உம்மத்திகாய, ஆதி³கம்மிகாயாதி .

த³ஸமஸிக்கா²பத³ங் நிட்டி²தங்.

நக்³க³வக்³கோ³ ததியோ.

4. துவட்டவக்³கோ³

1. பட²மஸிக்கா²பத³ங்

932. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே . தேன கோ² பன ஸமயேன பி⁴க்கு²னியோ த்³வே ஏகமஞ்சே துவட்டெந்தி. மனுஸ்ஸா விஹாரசாரிகங் ஆஹிண்ட³ந்தா பஸ்ஸித்வா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ த்³வே ஏகமஞ்சே
துவட்டெஸ்ஸந்தி, ஸெய்யதா²பி கி³ஹினியோ காமபோ⁴கி³னியோ’’தி! அஸ்ஸோஸுங் கோ²
பி⁴க்கு²னியோ தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ த்³வே ஏகமஞ்சே
துவட்டெஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கு²னியோ த்³வே
ஏகமஞ்சே துவட்டெந்தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம, பி⁴க்க²வே, பி⁴க்கு²னியோ த்³வே ஏகமஞ்சே
துவட்டெஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

933. ‘‘யா பன பி⁴க்கு²னியோ த்³வே ஏகமஞ்சே துவட்டெய்யுங், பாசித்திய’’ந்தி.

934. யா பனாதி யா யாதி³ஸா…பே॰… பி⁴க்கு²னியோதி உபஸம்பன்னாயோ வுச்சந்தி.

த்³வே ஏகமஞ்சே துவட்டெய்யுந்தி
ஏகாய நிபன்னாய அபரா நிபஜ்ஜதி, ஆபத்தி பாசித்தியஸ்ஸ. உபோ⁴ வா நிபஜ்ஜந்தி,
ஆபத்தி பாசித்தியஸ்ஸ. உட்ட²ஹித்வா புனப்புனங் நிபஜ்ஜந்தி, ஆபத்தி
பாசித்தியஸ்ஸ.

935. அனாபத்தி ஏகாய நிபன்னாய அபரா நிஸீத³தி, உபோ⁴ வா நிஸீத³ந்தி, உம்மத்திகானங், ஆதி³கம்மிகானந்தி.

பட²மஸிக்கா²பத³ங் நிட்டி²தங்.

2. து³தியஸிக்கா²பத³ங்

936.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ த்³வே ஏகத்த²ரணபாவுரணா துவட்டெந்தி.
மனுஸ்ஸா விஹாரசாரிகங் ஆஹிண்ட³ந்தா பஸ்ஸித்வா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பி⁴க்கு²னியோ த்³வே ஏகத்த²ரணபாவுரணா
துவட்டெஸ்ஸந்தி, ஸெய்யதா²பி கி³ஹினியோ காமபோ⁴கி³னியோ’’தி! அஸ்ஸோஸுங் கோ²
பி⁴க்கு²னியோ தேஸங் மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கு²னியோ த்³வே ஏகத்த²ரணபாவுரணா துவட்டெஸ்ஸந்தீ’’தி…பே॰… ஸச்சங் கிர,
பி⁴க்க²வே, பி⁴க்கு²னியோ த்³வே ஏகத்த²ரணபாவுரணா துவட்டெந்தீதி? ‘‘ஸச்சங் ,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே,
பி⁴க்கு²னியோ த்³வே ஏகத்த²ரணபாவுரணா துவட்டெஸ்ஸந்தி! நேதங், பி⁴க்க²வே,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங்
ஸிக்கா²பத³ங் உத்³தி³ஸந்து –

937. ‘‘யா பன பி⁴க்கு²னியோ த்³வே ஏகத்த²ரணபாவுரணா துவட்டெய்யுங், பாசித்திய’’ந்தி.

938. யா பனாதி யா யாதி³ஸா…பே॰… பி⁴க்கு²னியோதி உபஸம்பன்னாயோ வுச்சந்தி.

த்³வே ஏகத்த²ரணபாவுரணா துவட்டெய்யுந்தி தஞ்ஞேவ அத்த²ரித்வா தஞ்ஞேவ பாருபந்தி, ஆபத்தி பாசித்தியஸ்ஸ.

939.
ஏகத்த²ரணபாவுரணே ஏகத்த²ரணபாவுரணஸஞ்ஞா துவட்டெந்தி, ஆபத்தி பாசித்தியஸ்ஸ.
ஏகத்த²ரணபாவுரணே வேமதிகா துவட்டெந்தி, ஆபத்தி பாசித்தியஸ்ஸ.
ஏகத்த²ரணபாவுரணே நானத்த²ரணபாவுரணஸஞ்ஞா துவட்டெந்தி, ஆபத்தி பாசித்தியஸ்ஸ.

ஏகத்த²ரணே நானாபாவுரணே [நானாபாவுரணஸஞ்ஞா (க॰)], ஆபத்தி து³க்கடஸ்ஸ. நானத்த²ரணே ஏகபாவுரணே [ஏகபாவுரணஸஞ்ஞா (க॰)],
ஆபத்தி து³க்கடஸ்ஸ. நானத்த²ரணபாவுரணே ஏகத்த²ரணபாவுரணஸஞ்ஞா, ஆபத்தி
து³க்கடஸ்ஸ. நானத்த²ரணபாவுரணே வேமதிகா, ஆபத்தி து³க்கடஸ்ஸ.
நானத்த²ரணபாவுரணே நானத்த²ரணபாவுரணஸஞ்ஞா, அனாபத்தி.

940. அனாபத்தி வவத்தா²னங் த³ஸ்ஸெத்வா நிபஜ்ஜந்தி, உம்மத்திகானங், ஆதி³கம்மிகானந்தி.

து³தியஸிக்கா²பத³ங் நிட்டி²தங்.

3. ததியஸிக்கா²பத³ங்

941. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன து²ல்லனந்தா³ பி⁴க்கு²னீ ப³ஹுஸ்ஸுதா ஹோதி பா⁴ணிகா
விஸாரதா³ பட்டா த⁴ம்மிங் கத²ங் காதுங். ப⁴த்³தா³பி காபிலானீ ப³ஹுஸ்ஸுதா
ஹோதி பா⁴ணிகா விஸாரதா³ பட்டா த⁴ம்மிங் கத²ங் காதுங்
உளாரஸம்பா⁴விதா. மனுஸ்ஸா – ‘‘அய்யா ப⁴த்³தா³ காபிலானீ ப³ஹுஸ்ஸுதா பா⁴ணிகா
விஸாரதா³ பட்டா த⁴ம்மிங் கத²ங் காதுங் உளாரஸம்பா⁴விதா’’தி ப⁴த்³த³ங்
காபிலானிங் பட²மங் பயிருபாஸித்வா, பச்சா² து²ல்லனந்த³ங் பி⁴க்கு²னிங்
பயிருபாஸந்தி. து²ல்லனந்தா³ பி⁴க்கு²னீ இஸ்ஸாபகதா – ‘‘இமா கிர அப்பிச்சா²
ஸந்துட்டா² பவிவித்தா அஸங்ஸட்டா² யா இமா ஸஞ்ஞத்திப³ஹுலா விஞ்ஞத்திப³ஹுலா
விஹரந்தீ’’தி ப⁴த்³தா³ய காபிலானியா புரதோ சங்கமதிபி திட்ட²திபி நிஸீத³திபி
ஸெய்யம்பி கப்பேதி உத்³தி³ஸதிபி உத்³தி³ஸாபேதிபி ஸஜ்ஜா²யம்பி கரோதி. யா தா
பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம அய்யா து²ல்லனந்தா³ அய்யாய ப⁴த்³தா³ய காபிலானியா ஸஞ்சிச்ச
அபா²ஸுங் கரிஸ்ஸதீ’’தி…பே॰… ஸச்சங் கிர, பி⁴க்க²வே, து²ல்லனந்தா³
பி⁴க்கு²னீ ப⁴த்³தா³ய காபிலானியா ஸஞ்சிச்ச அபா²ஸுங் கரோதீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே,
து²ல்லனந்தா³ பி⁴க்கு²னீ ப⁴த்³தா³ய காபிலானியா ஸஞ்சிச்ச அபா²ஸுங் கரிஸ்ஸதி!
நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

942. ‘‘யா பன பி⁴க்கு²னீ பி⁴க்கு²னியா ஸஞ்சிச்ச அபா²ஸுங் கரெய்ய, பாசித்திய’’ந்தி.

943. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

பி⁴க்கு²னியாதி அஞ்ஞாய பி⁴க்கு²னியா.

ஸஞ்சிச்சாதி ஜானந்தீ ஸஞ்ஜானந்தீ சேச்ச அபி⁴விதரித்வா வீதிக்கமோ.

அபா²ஸுங் கரெய்யாதி –
‘‘இமினா இமிஸ்ஸா அபா²ஸு ப⁴விஸ்ஸதீ’’தி அனாபுச்சா² புரதோ சங்கமதி வா
திட்ட²தி வா நிஸீத³தி வா ஸெய்யங் வா கப்பேதி உத்³தி³ஸதி வா உத்³தி³ஸாபேதி
வா ஸஜ்ஜா²யங் வா கரோதி, ஆபத்தி பாசித்தியஸ்ஸ.

944. உபஸம்பன்னாய
உபஸம்பன்னஸஞ்ஞா ஸஞ்சிச்ச அபா²ஸுங் கரோதி, ஆபத்தி பாசித்தியஸ்ஸ.
உபஸம்பன்னாய வேமதிகா ஸஞ்சிச்ச அபா²ஸுங் கரோதி, ஆபத்தி பாசித்தியஸ்ஸ.
உபஸம்பன்னாய அனுபஸம்பன்னஸஞ்ஞா ஸஞ்சிச்ச அபா²ஸுங் கரோதி, ஆபத்தி
பாசித்தியஸ்ஸ.

அனுபஸம்பன்னாய ஸஞ்சிச்ச
அபா²ஸுங் கரோதி, ஆபத்தி து³க்கடஸ்ஸ. அனுபஸம்பன்னாய உபஸம்பன்னஸஞ்ஞா, ஆபத்தி
து³க்கடஸ்ஸ. அனுபஸம்பன்னாய வேமதிகா, ஆபத்தி து³க்கடஸ்ஸ. அனுபஸம்பன்னாய
அனுபஸம்பன்னஸஞ்ஞா, ஆபத்தி து³க்கடஸ்ஸ.

945.
அனாபத்தி ந அபா²ஸுங் கத்துகாமா ஆபுச்சா² புரதோ சங்கமதி வா திட்ட²தி வா
நிஸீத³தி வா ஸெய்யங் வா கப்பேதி உத்³தி³ஸதி வா உத்³தி³ஸாபேதி வா ஸஜ்ஜா²யங்
வா கரோதி, உம்மத்திகாய, ஆதி³கம்மிகாயாதி.

ததியஸிக்கா²பத³ங் நிட்டி²தங்.

4. சதுத்த²ஸிக்கா²பத³ங்

946. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன து²ல்லனந்தா³ பி⁴க்கு²னீ து³க்கி²தங் ஸஹஜீவினிங்
நேவ உபட்டே²தி ந உபட்டா²பனாய உஸ்ஸுக்கங் கரோதி. யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
அய்யா து²ல்லனந்தா³ து³க்கி²தங் ஸஹஜீவினிங் நேவ உபட்டெ²ஸ்ஸதி ந உபட்டா²பனாய
உஸ்ஸுக்கங் கரிஸ்ஸதீ’’தி…பே॰… ஸச்சங் கிர, பி⁴க்க²வே, து²ல்லனந்தா³
பி⁴க்கு²னீ து³க்கி²தங் ஸஹஜீவினிங் நேவ உபட்டே²தி ந உபட்டா²பனாய உஸ்ஸுக்கங்
கரோதீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி
நாம, பி⁴க்க²வே, து²ல்லனந்தா³ பி⁴க்கு²னீ து³க்கி²தங் ஸஹஜீவினிங் நேவ
உபட்டெ²ஸ்ஸதி ந உபட்டா²பனாய உஸ்ஸுக்கங் கரிஸ்ஸதி! நேதங், பி⁴க்க²வே,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங்
ஸிக்கா²பத³ங் உத்³தி³ஸந்து –

947. ‘‘யா பன பி⁴க்கு²னீ து³க்கி²தங் ஸஹஜீவினிங் நேவ உபட்டெ²ய்ய ந உபட்டா²பனாய உஸ்ஸுக்கங் கரெய்ய, பாசித்திய’’ந்தி.

948. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

து³க்கி²தா நாம கி³லானா வுச்சதி.

ஸஹஜீவினீ நாம ஸத்³தி⁴விஹாரினீ வுச்சதி.

நேவ உபட்டெ²ய்யாதி ந ஸயங் உபட்டெ²ய்ய.

ந உபட்டா²பனாய உஸ்ஸுக்கங் கரெய்யாதி ந அஞ்ஞங் ஆணாபெய்ய .

‘‘நேவ உபட்டெ²ஸ்ஸாமி, ந உபட்டா²பனாய உஸ்ஸுக்கங்
கரிஸ்ஸாமீ’’தி து⁴ரங் நிக்கி²த்தமத்தே ஆபத்தி பாசித்தியஸ்ஸ. அந்தேவாஸினிங்
வா அனுபஸம்பன்னங் வா நேவ உபட்டே²தி, ந உபட்டா²பனாய உஸ்ஸுக்கங் கரோதி,
ஆபத்தி து³க்கடஸ்ஸ.

949. அனாபத்தி ஸதி அந்தராயே, பரியேஸித்வா ந லப⁴தி, கி³லானாய, ஆபதா³ஸு, உம்மத்திகாய, ஆதி³கம்மிகாயாதி.

சதுத்த²ஸிக்கா²பத³ங் நிட்டி²தங்.

5. பஞ்சமஸிக்கா²பத³ங்

950.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ப⁴த்³தா³ காபிலானீ ஸாகேதே வஸ்ஸங் உபக³தா ஹோதி. ஸா
கேனசிதே³வ கரணீயேன உப்³பா³ள்ஹா து²ல்லனந்தா³ய பி⁴க்கு²னியா ஸந்திகே தூ³தங்
பாஹேஸி – ‘‘ஸசே மே அய்யா து²ல்லனந்தா³ உபஸ்ஸயங் த³தெ³ய்ய ஆக³ச்செ²ய்யாமஹங்
ஸாவத்தி²’’ந்தி. து²ல்லனந்தா³ பி⁴க்கு²னீ ஏவமாஹ – ‘‘ஆக³ச்ச²து,
த³ஸ்ஸாமீ’’தி. அத² கோ² ப⁴த்³தா³ காபிலானீ ஸாகேதா ஸாவத்தி²ங் அக³மாஸி.
து²ல்லனந்தா³ பி⁴க்கு²னீ ப⁴த்³தா³ய காபிலானியா உபஸ்ஸயங் அதா³ஸி. தேன கோ² பன
ஸமயேன து²ல்லனந்தா³ பி⁴க்கு²னீ ப³ஹுஸ்ஸுதா ஹோதி பா⁴ணிகா விஸாரதா³ பட்டா
த⁴ம்மிங் கத²ங் காதுங். ப⁴த்³தா³பி காபிலானீ ப³ஹுஸ்ஸுதா [ப³ஹுஸ்ஸுதாயேவ (க॰)]
ஹோதி பா⁴ணிகா விஸாரதா³ பட்டா த⁴ம்மிங் கத²ங் காதுங் உளாரஸம்பா⁴விதா.
மனுஸ்ஸா – ‘‘அய்யா ப⁴த்³தா³ காபிலானீ ப³ஹுஸ்ஸுதா பா⁴ணிகா விஸாரதா³ பட்டா
த⁴ம்மிங் கத²ங் காதுங் உளாரஸம்பா⁴விதா’’தி ப⁴த்³த³ங் காபிலானிங் பட²மங் பயிருபாஸித்வா பச்சா² து²ல்லனந்த³ங் பி⁴க்கு²னிங் பயிருபாஸந்தி. து²ல்லனந்தா³ பி⁴க்கு²னீ இஸ்ஸாபகதா – ‘‘இமா கிர
அப்பிச்சா² ஸந்துட்டா² பவிவித்தா அஸங்ஸட்டா² யா இமா ஸஞ்ஞத்திப³ஹுலா
விஞ்ஞத்திப³ஹுலா விஹரந்தீ’’தி குபிதா அனத்தமனா ப⁴த்³த³ங் காபிலானிங்
உபஸ்ஸயா நிக்கட்³டி⁴. யா தா பி⁴க்கு²னியோ அப்பிச்சா²…பே॰… தா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம அய்யா து²ல்லனந்தா³
அய்யாய ப⁴த்³தா³ய காபிலானியா உபஸ்ஸயங் த³த்வா குபிதா அனத்தமனா
நிக்கட்³டி⁴ஸ்ஸதீ’’தி…பே॰… ஸச்சங் கிர, பி⁴க்க²வே, து²ல்லனந்தா³ பி⁴க்கு²னீ
ப⁴த்³தா³ய காபிலானியா உபஸ்ஸயங் த³த்வா குபிதா அனத்தமனா நிக்கட்³ட⁴தீதி [நிக்கட்³டீ⁴தி (க॰)]?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, து²ல்லனந்தா³ பி⁴க்கு²னீ ப⁴த்³தா³ய காபிலானியா உபஸ்ஸயங் த³த்வா
குபிதா அனத்தமனா நிக்கட்³டி⁴ஸ்ஸதி! நேதங், பி⁴க்க²வே, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங்
உத்³தி³ஸந்து –

951. ‘‘யா பன பி⁴க்கு²னீ பி⁴க்கு²னியா உபஸ்ஸயங் த³த்வா குபிதா அனத்தமனா நிக்கட்³டெ⁴ய்ய வா நிக்கட்³டா⁴பெய்ய வா, பாசித்திய’’ந்தி.

952. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

பி⁴க்கு²னியாதி அஞ்ஞாய பி⁴க்கு²னியா. உபஸ்ஸயோ நாம கவாடப³த்³தோ⁴ வுச்சதி. த³த்வாதி ஸயங் த³த்வா. குபிதா அனத்தமனாதி அனபி⁴ரத்³தா⁴ ஆஹதசித்தா கி²லஜாதா.

நிக்கட்³டெ⁴ய்யாதி க³ப்³பே⁴ க³ஹெத்வா பமுக²ங் நிக்கட்³ட⁴தி, ஆபத்தி பாசித்தியஸ்ஸ. பமுகே² க³ஹெத்வா ப³ஹி நிக்கட்³ட⁴தி, ஆபத்தி பாசித்தியஸ்ஸ. ஏகேன பயோகே³ன ப³ஹுகேபி த்³வாரே அதிக்காமேதி, ஆபத்தி பாசித்தியஸ்ஸ.

நிக்கட்³டா⁴பெய்யாதி அஞ்ஞங் ஆணாபேதி, ஆபத்தி பாசித்தியஸ்ஸ [எத்த²
‘‘ஆபத்தி து³க்கடஸ்ஸா’’தி ஸப்³ப³த்த² தி³ஸ்ஸதி, பி⁴க்கு²விப⁴ங்கே³ பன
இதி³ஸேஸு ஆணத்திஸஹக³தஸிக்கா²பதே³ஸு ‘‘அஞ்ஞங் ஆணாபேதி ஆபத்தி
பாசித்தியஸ்ஸா’’தி ஆக³தத்தா தமனுவத்தித்வா விஸோதி⁴தமித³ங்]. ஸகிங் ஆணத்தா ப³ஹுகேபி த்³வாரே அதிக்காமேதி, ஆபத்தி பாசித்தியஸ்ஸ.

953.
உபஸம்பன்னாய உபஸம்பன்னஸஞ்ஞா உபஸ்ஸயங் த³த்வா குபிதா அனத்தமனா நிக்கட்³ட⁴தி
வா நிக்கட்³டா⁴பேதி வா, ஆபத்தி பாசித்தியஸ்ஸ. உபஸம்பன்னாய வேமதிகா
உபஸ்ஸயங் த³த்வா குபிதா அனத்தமனா நிக்கட்³ட⁴தி வா
நிக்கட்³டா⁴பேதி வா, ஆபத்தி பாசித்தியஸ்ஸ. உபஸம்பன்னாய அனுபஸம்பன்னஸஞ்ஞா
உபஸ்ஸயங் த³த்வா குபிதா அனத்தமனா நிக்கட்³ட⁴தி வா நிக்கட்³டா⁴பேதி வா,
ஆபத்தி பாசித்தியஸ்ஸ.

தஸ்ஸா பரிக்கா²ரங்
நிக்கட்³ட⁴தி வா நிக்கட்³டா⁴பேதி வா, ஆபத்தி து³க்கடஸ்ஸ. அகவாடப³த்³தா⁴
நிக்கட்³ட⁴தி வா நிக்கட்³டா⁴பேதி வா, ஆபத்தி து³க்கடஸ்ஸ. தஸ்ஸா பரிக்கா²ரங்
நிக்கட்³ட⁴தி வா நிக்கட்³டா⁴பேதி வா, ஆபத்தி து³க்கடஸ்ஸ. அனுபஸம்பன்னங்
கவாடப³த்³தா⁴ வா அகவாடப³த்³தா⁴ வா நிக்கட்³ட⁴தி வா நிக்கட்³டா⁴பேதி வா,
ஆபத்தி து³க்கடஸ்ஸ. தஸ்ஸா பரிக்கா²ரங் நிக்கட்³ட⁴தி வா நிக்கட்³டா⁴பேதி வா,
ஆபத்தி து³க்கடஸ்ஸ. அனுபஸம்பன்னாய உபஸம்பன்னஸஞ்ஞா, ஆபத்தி து³க்கடஸ்ஸ.
அனுபஸம்பன்னாய வேமதிகா, ஆபத்தி து³க்கடஸ்ஸ. அனுபஸம்பன்னாய
அனுபஸம்பன்னஸஞ்ஞா, ஆபத்தி து³க்கடஸ்ஸ.

954. அனாபத்தி
அலஜ்ஜினிங் நிக்கட்³ட⁴தி வா நிக்கட்³டா⁴பேதி வா, தஸ்ஸா பரிக்கா²ரங்
நிக்கட்³ட⁴தி வா நிக்கட்³டா⁴பேதி வா, உம்மத்திகங் நிக்கட்³ட⁴தி வா
நிக்கட்³டா⁴பேதி வா, தஸ்ஸா பரிக்கா²ரங் நிக்கட்³ட⁴தி வா நிக்கட்³டா⁴பேதி
வா, ப⁴ண்ட³னகாரிகங் கலஹகாரிகங் விவாத³காரிகங் ப⁴ஸ்ஸகாரிகங் ஸங்கே⁴
அதி⁴கரணகாரிகங் நிக்கட்³ட⁴தி வா நிக்கட்³டா⁴பேதி வா, தஸ்ஸா பரிக்கா²ரங்
நிக்கட்³ட⁴தி வா நிக்கட்³டா⁴பேதி வா, அந்தேவாஸினிங் வா ஸத்³தி⁴விஹாரினிங்
வா ந ஸம்மா வத்தந்திங் நிக்கட்³ட⁴தி வா நிக்கட்³டா⁴பேதி வா, தஸ்ஸா
பரிக்கா²ரங் நிக்கட்³ட⁴தி வா நிக்கட்³டா⁴பேதி வா, உம்மத்திகாய,
ஆதி³கம்மிகாயாதி.

பஞ்சமஸிக்கா²பத³ங் நிட்டி²தங்.

6. ச²ட்ட²ஸிக்கா²பத³ங்

955.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன சண்ட³காளீ பி⁴க்கு²னீ ஸங்ஸட்டா² விஹரதி க³ஹபதினாபி
க³ஹபதிபுத்தேனபி. யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம அய்யா சண்ட³காளீ ஸங்ஸட்டா²
விஹரிஸ்ஸதி க³ஹபதினாபி க³ஹபதிபுத்தேனபீ’’தி…பே॰… ஸச்சங் கிர, பி⁴க்க²வே,
சண்ட³காளீ பி⁴க்கு²னீ ஸங்ஸட்டா² விஹரதி க³ஹபதினாபி க³ஹபதிபுத்தேனபீதி ? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே , சண்ட³காளீ பி⁴க்கு²னீ ஸங்ஸட்டா² விஹரிஸ்ஸதி க³ஹபதினாபி க³ஹபதிபுத்தேனபி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

956. ‘‘யா பன
பி⁴க்கு²னீ ஸங்ஸட்டா² விஹரெய்ய க³ஹபதினா வா க³ஹபதிபுத்தேன வா ஸா
பி⁴க்கு²னீ பி⁴க்கு²னீஹி ஏவமஸ்ஸ வசனீயா – ‘மாய்யே, ஸங்ஸட்டா² விஹரி
க³ஹபதினாபி க³ஹபதிபுத்தேனபி. விவிச்சாய்யே; விவேகஞ்ஞேவ ப⁴கி³னியா ஸங்கோ⁴
வண்ணேதீ’தி. ஏவஞ்ச [ஏவஞ்ச பன (க॰)]
ஸா பி⁴க்கு²னீ பி⁴க்கு²னீஹி வுச்சமானா ததே²வ பக்³க³ண்ஹெய்ய, ஸா பி⁴க்கு²னீ
பி⁴க்கு²னீஹி யாவததியங் ஸமனுபா⁴ஸிதப்³பா³ தஸ்ஸ படினிஸ்ஸக்³கா³ய.
யாவததியஞ்சே ஸமனுபா⁴ஸீயமானா தங் படினிஸ்ஸஜ்ஜெய்ய, இச்சேதங் குஸலங்; நோ சே
படினிஸ்ஸஜ்ஜெய்ய, பாசித்திய’’ந்தி.

957. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஸங்ஸட்டா² நாம அனநுலோமிகேன காயிகவாசஸிகேன ஸங்ஸட்டா².

க³ஹபதி நாம யோ கோசி அகா³ரங் அஜ்ஜா²வஸதி.

க³ஹபதிபுத்தோ நாம யே கேசி [யோ கோசி (க॰)] புத்தபா⁴தரோ.

ஸா பி⁴க்கு²னீதி யா ஸா ஸங்ஸட்டா² பி⁴க்கு²னீ.

பி⁴க்கு²னீஹீதி அஞ்ஞாஹி
பி⁴க்கு²னீஹி. யா பஸ்ஸந்தி யா ஸுணந்தி தாஹி வத்தப்³பா³ – ‘‘மாய்யே,
ஸங்ஸட்டா² விஹரி க³ஹபதினாபி க³ஹபதிபுத்தேனபி. விவிச்சாய்யே; விவேகஞ்ஞேவ
ப⁴கி³னியா ஸங்கோ⁴ வண்ணேதீ’’தி. து³தியம்பி வத்தப்³பா³. ததியம்பி
வத்தப்³பா³. ஸசே படினிஸ்ஸஜ்ஜதி, இச்சேதங் குஸலங்; நோ சே படினிஸ்ஸஜ்ஜதி,
ஆபத்தி து³க்கடஸ்ஸ. ஸுத்வா ந வத³ந்தி, ஆபத்தி து³க்கடஸ்ஸ. ஸா பி⁴க்கு²னீ
ஸங்க⁴மஜ்ஜ²ம்பி ஆகட்³டி⁴த்வா வத்தப்³பா³ – ‘‘மாய்யே ,
ஸங்ஸட்டா² விஹரி க³ஹபதினாபி க³ஹபதிபுத்தேனபி. விவிச்சாய்யே;
விவேகஞ்ஞேவப⁴கி³னியா ஸங்கோ⁴ வண்ணேதீ’’தி. து³தியம்பி வத்தப்³பா³. ததியம்பி
வத்தப்³பா³. ஸசே படினிஸ்ஸஜ்ஜதி, இச்சேதங் குஸலங்; நோ சே படினிஸ்ஸஜ்ஜதி,
ஆபத்தி து³க்கடஸ்ஸ. ஸா பி⁴க்கு²னீ ஸமனுபா⁴ஸிதப்³பா³. ஏவஞ்ச பன, பி⁴க்க²வே,
ஸமனுபா⁴ஸிதப்³பா³. ப்³யத்தாய பி⁴க்கு²னியா படிப³லாய ஸங்கோ⁴ ஞாபேதப்³போ³ –

958. ‘‘ஸுணாது மே, அய்யே, ஸங்கோ⁴. அயங் இத்த²ன்னாமா பி⁴க்கு²னீ ஸங்ஸட்டா² விஹரதி க³ஹபதினாபி
க³ஹபதிபுத்தேனபி. ஸா தங் வத்து²ங் ந படினிஸ்ஸஜ்ஜதி. யதி³ ஸங்க⁴ஸ்ஸ
பத்தகல்லங், ஸங்கோ⁴ இத்த²ன்னாமங் பி⁴க்கு²னிங் ஸமனுபா⁴ஸெய்ய தஸ்ஸ வத்து²ஸ்ஸ
படினிஸ்ஸக்³கா³ய. ஏஸா ஞத்தி.

‘‘ஸுணாது மே, அய்யே, ஸங்கோ⁴. அயங் இத்த²ன்னாமா
பி⁴க்கு²னீ ஸங்ஸட்டா² விஹரதி க³ஹபதினாபி க³ஹபதிபுத்தேனபி. ஸா தங் வத்து²ங் ந
படினிஸ்ஸஜ்ஜதி. ஸங்கோ⁴ இத்த²ன்னாமங் பி⁴க்கு²னிங் ஸமனுபா⁴ஸதி தஸ்ஸ
வத்து²ஸ்ஸ படினிஸ்ஸக்³கா³ய. யஸ்ஸா அய்யாய க²மதி இத்த²ன்னாமாய பி⁴க்கு²னியா
ஸமனுபா⁴ஸனா தஸ்ஸ வத்து²ஸ்ஸ படினிஸ்ஸக்³கா³ய, ஸா துண்ஹஸ்ஸ; யஸ்ஸா நக்க²மதி,
ஸா பா⁴ஸெய்ய.

‘‘து³தியம்பி ஏதமத்த²ங் வதா³மி…பே॰… ததியம்பி ஏதமத்த²ங் வதா³மி…பே॰….

‘‘ஸமனுப⁴ட்டா² ஸங்கே⁴ன இத்த²ன்னாமா பி⁴க்கு²னீ தஸ்ஸ வத்து²ஸ்ஸ படினிஸ்ஸக்³கா³ய; க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

ஞத்தியா து³க்கடங். த்³வீஹி கம்மவாசாஹி து³க்கடா. கம்மவாசாபரியோஸானே ஆபத்தி பாசித்தியஸ்ஸ.

959. த⁴ம்மகம்மே
த⁴ம்மகம்மஸஞ்ஞா ந படினிஸ்ஸஜ்ஜதி, ஆபத்தி பாசித்தியஸ்ஸ. த⁴ம்மகம்மே வேமதிகா
ந படினிஸ்ஸஜ்ஜதி, ஆபத்தி பாசித்தியஸ்ஸ. த⁴ம்மகம்மே அத⁴ம்மகம்மஸஞ்ஞா ந
படினிஸ்ஸஜ்ஜதி, ஆபத்தி பாசித்தியஸ்ஸ.

அத⁴ம்மகம்மே த⁴ம்மகம்மஸஞ்ஞா, ஆபத்தி து³க்கடஸ்ஸ.
அத⁴ம்மகம்மே வேமதிகா, ஆபத்தி து³க்கடஸ்ஸ. அத⁴ம்மகம்மே அத⁴ம்மகம்மஸஞ்ஞா,
ஆபத்தி து³க்கடஸ்ஸ.

960. அனாபத்தி அஸமனுபா⁴ஸந்தியா, படினிஸ்ஸஜ்ஜந்தியா, உம்மத்திகாய, ஆதி³கம்மிகாயாதி.

ச²ட்ட²ஸிக்கா²பத³ங் நிட்டி²தங்.

7. ஸத்தமஸிக்கா²பத³ங்

961. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ அந்தோரட்டே² ஸாஸங்கஸம்மதே ஸப்படிப⁴யே
அஸத்தி²கா சாரிகங் சரந்தி. து⁴த்தா தூ³ஸெந்தி. யா
தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு²னியோ அந்தோரட்டே² ஸாஸங்கஸம்மதே ஸப்படிப⁴யே அஸத்தி²கா
சாரிகங் சரிஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கு²னியோ
அந்தோரட்டே² ஸாஸங்கஸம்மதே ஸப்படிப⁴யே அஸத்தி²கா சாரிகங் சரந்தீதி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, பி⁴க்கு²னியோ அந்தோரட்டே² ஸாஸங்கஸம்மதே ஸப்படிப⁴யே அஸத்தி²கா
சாரிகங் சரிஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச
பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

962. ‘‘யா பன பி⁴க்கு²னீ அந்தோரட்டே² ஸாஸங்கஸம்மதே ஸப்படிப⁴யே அஸத்தி²கா சாரிகங் சரெய்ய, பாசித்திய’’ந்தி.

963. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

அந்தோரட்டே²தி யஸ்ஸ விஜிதே விஹரதி, தஸ்ஸ ரட்டே².

ஸாஸங்கங் நாம தஸ்மிங்
மக்³கே³ சோரானங் நிவிட்டோ²காஸோ தி³ஸ்ஸதி, பு⁴த்தோகாஸோ தி³ஸ்ஸதி, டி²தோகாஸோ
தி³ஸ்ஸதி, நிஸின்னோகாஸோ தி³ஸ்ஸதி, நிபன்னோகாஸோ தி³ஸ்ஸதி.

ஸப்படிப⁴யங் நாம தஸ்மிங் மக்³கே³ சோரேஹி மனுஸ்ஸா ஹதா தி³ஸ்ஸந்தி, விலுத்தா தி³ஸ்ஸந்தி, ஆகோடிதா தி³ஸ்ஸந்தி.

அஸத்தி²கா நாம வினா ஸத்தே²ன.

சாரிகங் சரெய்யாதி குக்குடஸம்பாதே கா³மே கா³மந்தரே கா³மந்தரே ஆபத்தி பாசித்தியஸ்ஸ. அகா³மகே அரஞ்ஞே அத்³த⁴யோஜனே அத்³த⁴யோஜனே ஆபத்தி பாசித்தியஸ்ஸ.

964. அனாபத்தி ஸத்தே²ன ஸஹ க³ச்ச²தி, கே²மே அப்படிப⁴யே க³ச்ச²தி, ஆபதா³ஸு, உம்மத்திகாய, ஆதி³கம்மிகாயாதி.

ஸத்தமஸிக்கா²பத³ங் நிட்டி²தங்.

8. அட்ட²மஸிக்கா²பத³ங்

965. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ திரோரட்டே² ஸாஸங்கஸம்மதே ஸப்படிப⁴யே
அஸத்தி²கா சாரிகங் சரந்தி. து⁴த்தா தூ³ஸெந்தி. யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பி⁴க்கு²னியோ திரோரட்டே² ஸாஸங்கஸம்மதே
ஸப்படிப⁴யே அஸத்தி²கா சாரிகங் சரிஸ்ஸந்தீ’’தி…பே॰… ஸச்சங் கிர, பி⁴க்க²வே,
பி⁴க்கு²னியோ திரோரட்டே² ஸாஸங்கஸம்மதே ஸப்படிப⁴யே அஸத்தி²கா சாரிகங்
சரந்தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி
நாம, பி⁴க்க²வே, பி⁴க்கு²னியோ திரோரட்டே² ஸாஸங்கஸம்மதே ஸப்படிப⁴யே
அஸத்தி²கா சாரிகங் சரிஸ்ஸந்தி! நேதங், பி⁴க்க²வே, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங்
உத்³தி³ஸந்து –

966. ‘‘யா பன பி⁴க்கு²னீ திரோரட்டே² ஸாஸங்கஸம்மதே ஸப்படிப⁴யே அஸத்தி²கா சாரிகங் சரெய்ய, பாசத்திய’’ந்தி.

967. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

திரோரட்டே²தி யஸ்ஸ விஜிதே விஹரதி, தங் ட²பெத்வா அஞ்ஞஸ்ஸ ரட்டே².

அஸத்தி²கா நாம வினா ஸத்தே²ன.

சாரிகங் சரெய்யாதி குக்குடஸம்பாதே கா³மே கா³மந்தரே கா³மந்தரே, ஆபத்தி பாசித்தியஸ்ஸ. அகா³மகே அரஞ்ஞே அத்³த⁴யோஜனே அத்³த⁴யோஜனே ஆபத்தி பாசித்தியஸ்ஸ.

968. அனாபத்தி ஸத்தே²ன ஸஹ க³ச்ச²தி, கே²மே அப்படிப⁴யே க³ச்ச²தி , ஆபதா³ஸு, உம்மத்திகாய, ஆதி³கம்மிகாயாதி.

அட்ட²மஸிக்கா²பத³ங் நிட்டி²தங்.

9. நவமஸிக்கா²பத³ங்

969. தேன
ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன
ஸமயேன பி⁴க்கு²னியோ அந்தோவஸ்ஸங் சாரிகங் சரந்தி. மனுஸ்ஸா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ அந்தோவஸ்ஸங் சாரிகங்
சரிஸ்ஸந்தி ஹரிதானி திணானி ச ஸம்மத்³த³ந்தா, ஏகிந்த்³ரியங் ஜீவங்
விஹேடெ²ந்தா, ப³ஹூ கு²த்³த³கே பாணே ஸங்கா⁴தங் ஆபாதெ³ந்தா’’தி! அஸ்ஸோஸுங்
கோ² பி⁴க்கு²னியோ தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ அந்தோவஸ்ஸங் சாரிகங்
சரிஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கு²னியோ அந்தோவஸ்ஸங்
சாரிகங் சரந்தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம, பி⁴க்க²வே, பி⁴க்கு²னியோ அந்தோவஸ்ஸங் சாரிகங் சரிஸ்ஸந்தி!
நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

970. ‘‘யா பன பி⁴க்கு²னீ அந்தோவஸ்ஸங் சாரிகங் சரெய்ய, பாசித்திய’’ந்தி.

971. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

அந்தோவஸ்ஸந்தி புரிமங் வா தேமாஸங் பச்சி²மங் வா தேமாஸங் அவஸித்வா.

972. அனாபத்தி ஸத்தாஹகரணீயேன க³ச்ச²தி, கேனசி உப்³பா³ள்ஹா க³ச்ச²தி, ஆபதா³ஸு, உம்மத்திகாய, ஆதி³கம்மிகாயாதி.

நவமஸிக்கா²பத³ங் நிட்டி²தங்.

10. த³ஸமஸிக்கா²பத³ங்

973. தேன ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன ஸமயேன பி⁴க்கு²னியோ தத்தே²வ ராஜக³ஹே
வஸ்ஸங் வஸந்தி, தத்த² ஹேமந்தங், தத்த² கி³ம்ஹங். மனுஸ்ஸா உஜ்ஜா²யந்தி
கி²ய்யந்தி விபாசெந்தி – ‘‘ஆஹுந்த³ரிகா பி⁴க்கு²னீனங் தி³ஸா அந்த⁴காரா, ந
இமாஸங் தி³ஸா பக்கா²யந்தீ’’தி. அஸ்ஸோஸுங் கோ² பி⁴க்கு²னியோ தேஸங்
மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். அத² கோ² தா
பி⁴க்கு²னியோ பி⁴க்கூ²னங் ஏதமத்த²ங் ஆரோசேஸுங். பி⁴க்கூ² ப⁴க³வதோ ஏதமத்த²ங்
ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங்
கத²ங் கத்வா பி⁴க்கூ² ஆமந்தேஸி – ‘‘தேன ஹி, பி⁴க்க²வே, பி⁴க்கு²னீனங்
ஸிக்கா²பத³ங் பஞ்ஞபெஸ்ஸாமி த³ஸ அத்த²வஸே படிச்ச – ஸங்க⁴ஸுட்டு²தாய…பே॰…
ஸத்³த⁴ம்மட்டி²தியா வினயானுக்³க³ஹாய. ஏவஞ்ச பன, பி⁴க்க²வே, பி⁴க்கு²னியோ
இமங் ஸிக்கா²பத³ங் உத்³தி³ஸந்து –

974. ‘‘யா பன பி⁴க்கு²னீ வஸ்ஸங்வுட்டா² சாரிகங் ந பக்கமெய்ய அந்தமஸோ ச²ப்பஞ்சயோஜனானிபி, பாசித்திய’’ந்தி.

975. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

வஸ்ஸங்வுட்டா² நாம புரிமங் வா தேமாஸங் பச்சி²மங் வா தேமாஸங் வுட்டா².

‘‘சாரிகங் ந பக்கமிஸ்ஸாமி அந்தமஸோ ச²ப்பஞ்சயோஜனானிபீ’’தி து⁴ரங் நிக்கி²த்தமத்தே ஆபத்தி பாசித்தியஸ்ஸ.

976. அனாபத்தி ஸதி அந்தராயே, பரியேஸித்வா து³தியிகங் பி⁴க்கு²னிங் ந லப⁴தி, கி³லானாய, ஆபதா³ஸு, உம்மத்திகாய, ஆதி³கம்மிகாயாதி.

த³ஸமஸிக்கா²பத³ங் நிட்டி²தங்.

துவட்டவக்³கோ³ சதுத்தோ².

5. சித்தாகா³ரவக்³கோ³

1. பட²மஸிக்கா²பத³ங்

977. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ரஞ்ஞோ பஸேனதி³ஸ்ஸ கோஸலஸ்ஸ உய்யானே சித்தாகா³ரே
படிபா⁴னசித்தங் கதங் ஹோதி. ப³ஹூ மனுஸ்ஸா
சித்தாகா³ரங் த³ஸ்ஸனாய க³ச்ச²ந்தி. ச²ப்³ப³க்³கி³யாபி பி⁴க்கு²னியோ
சித்தாகா³ரங் த³ஸ்ஸனாய அக³மங்ஸு. மனுஸ்ஸா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பி⁴க்கு²னியோ சித்தாகா³ரங் த³ஸ்ஸனாய
க³ச்சி²ஸ்ஸந்தி, ஸெய்யதா²பி கி³ஹினியோ காமபோ⁴கி³னியோ’’தி! அஸ்ஸோஸுங் கோ²
பி⁴க்கு²னியோ தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கு²னியோ
சித்தாகா³ரங் த³ஸ்ஸனாய க³ச்சி²ஸ்ஸந்தீ’’தி…பே॰… ஸச்சங் கிர, பி⁴க்க²வே,
ச²ப்³ப³க்³கி³யா பி⁴க்கு²னியோ சித்தாகா³ரங்
த³ஸ்ஸனாய க³ச்ச²ந்தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம, பி⁴க்க²வே, ச²ப்³ப³க்³கி³யா பி⁴க்கு²னியோ
சித்தாகா³ரங் த³ஸ்ஸனாய க³ச்சி²ஸ்ஸந்தி! நேதங், பி⁴க்க²வே, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங்
உத்³தி³ஸந்து –

978. ‘‘யா பன பி⁴க்கு²னீ ராஜாகா³ரங் வா சித்தாகா³ரங் வா ஆராமங் வா உய்யானங் வா பொக்க²ரணிங் வா த³ஸ்ஸனாய க³ச்செ²ய்ய, பாசித்திய’’ந்தி.

979. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ராஜாகா³ரங் நாம யத்த² கத்த²சி ரஞ்ஞோ கீளிதுங் ரமிதுங் கதங் ஹோதி.

சித்தாகா³ரங் நாம யத்த² கத்த²சி மனுஸ்ஸானங் கீளிதுங் ரமிதுங் கதங் ஹோதி.

ஆராமோ நாம யத்த² கத்த²சி மனுஸ்ஸானங் கீளிதுங் ரமிதுங் கதோ ஹோதி.

உய்யானங் நாம யத்த² கத்த²சி மனுஸ்ஸானங் கீளிதுங் ரமிதுங் கதங் ஹோதி.

பொக்க²ரணீ நாம யத்த² கத்த²சி மனுஸ்ஸானங் கீளிதுங் ரமிதுங் கதா ஹோதி.

980.
த³ஸ்ஸனாய க³ச்ச²தி, ஆபத்தி து³க்கடஸ்ஸ. யத்த² டி²தா பஸ்ஸதி, ஆபத்தி
பாசித்தியஸ்ஸ. த³ஸ்ஸனூபசாரங் விஜஹித்வா புனப்புனங் பஸ்ஸதி, ஆபத்தி
பாசித்தியஸ்ஸ. ஏகமேகங் த³ஸ்ஸனாய க³ச்ச²தி, ஆபத்தி து³க்கடஸ்ஸ. யத்த² டி²தா
பஸ்ஸதி, ஆபத்தி பசித்தியஸ்ஸ. த³ஸ்ஸனூபசாரங் விஜஹித்வா புனப்புனங் பஸ்ஸதி,
ஆபத்தி பாசித்தியஸ்ஸ.

981. அனாபத்தி ஆராமே டி²தா பஸ்ஸதி, க³ச்ச²ந்தீ வா ஆக³ச்ச²ந்தீ வா பஸ்ஸதி, ஸதி கரணீயே க³ந்த்வா பஸ்ஸதி, ஆபதா³ஸு, உம்மத்திகாய, ஆதி³கம்மிகாயாதி.

பட²மஸிக்கா²பத³ங் நிட்டி²தங்.

2. து³தியஸிக்கா²பத³ங்

982.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ ஆஸந்தி³ம்பி பல்லங்கம்பி
பரிபு⁴ஞ்ஜந்தி. மனுஸ்ஸா விஹாரசாரிகங் ஆஹிண்ட³ந்தா பஸ்ஸித்வா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ ஆஸந்தி³ம்பி
பல்லங்கம்பி பரிபு⁴ஞ்ஜிஸ்ஸந்தி, ஸெய்யதா²பி கி³ஹினியோ காமபோ⁴கி³னியோ’’தி!
அஸ்ஸோஸுங் கோ² பி⁴க்கு²னியோ தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங் . யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கு²னியோ ஆஸந்தி³ம்பி பல்லங்கம்பி பரிபு⁴ஞ்ஜிஸ்ஸந்தீ’’தி…பே॰… ஸச்சங்
கிர, பி⁴க்க²வே, பி⁴க்கு²னியோ ஆஸந்தி³ம்பி பல்லங்கம்பி பரிபு⁴ஞ்ஜந்தீதி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, பி⁴க்கு²னியோ ஆஸந்தி³ம்பி பல்லங்கம்பி பரிபு⁴ஞ்ஜிஸ்ஸந்தி!
நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

983. ‘‘யா பன பி⁴க்கு²னீ ஆஸந்தி³ங் வா பல்லங்கங் வா பரிபு⁴ஞ்ஜெய்ய, பாசித்திய’’ந்தி.

984. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஆஸந்தீ³ நாம அதிக்கந்தப்பமாணா வுச்சதி.

பல்லங்கோ நாம ஆஹரிமேஹி [‘‘அஸங்ஹாரிமேஹி’’ இதி கங்கா²விதரணியா ஸமேதி] வாளேஹி கதோ ஹோதி.

பரிபு⁴ஞ்ஜெய்யாதி தஸ்மிங் அபி⁴னிஸீத³தி வா அபி⁴னிபஜ்ஜதி வா, ஆபத்தி பாசித்தியஸ்ஸ.

985. அனாபத்தி ஆஸந்தி³யா பாதே³ சி²ந்தி³த்வா பரிபு⁴ஞ்ஜதி, பல்லங்கஸ்ஸ வாளே பி⁴ந்தி³த்வா பரிபு⁴ஞ்ஜதி, உம்மத்திகாய, ஆதி³கம்மிகாயாதி.

து³தியஸிக்கா²பத³ங் நிட்டி²தங்.

3. ததியஸிக்கா²பத³ங்

986.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கு²னியோ ஸுத்தங் கந்தந்தி.
மனுஸ்ஸா விஹாரசாரிகங் ஆஹிண்ட³ந்தா பஸ்ஸித்வா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ ஸுத்தங்
கந்திஸ்ஸந்தி, ஸெய்யதா²பி கி³ஹினியோ காமபோ⁴கி³னியோ’’தி! அஸ்ஸோஸுங் கோ²
பி⁴க்கு²னியோ தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யா தா பி⁴க்கு²னியோ அப்பிச்சா²
…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கு²னியோ ஸுத்தங் கந்திஸ்ஸந்தீ’’தி…பே॰… ஸச்சங் கிர,
பி⁴க்க²வே, ச²ப்³ப³க்³கி³யா பி⁴க்கு²னியோ ஸுத்தங் கந்தந்தீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே,
ச²ப்³ப³க்³கி³யா பி⁴க்கு²னியோ ஸுத்தங் கந்திஸ்ஸந்தி! நேதங், பி⁴க்க²வே,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

987. ‘‘யா பன பி⁴க்கு²னீ ஸுத்தங் கந்தெய்ய, பாசித்திய’’ந்தி.

988. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஸுத்தங் நாம ச² ஸுத்தானி – கோ²மங், கப்பாஸிகங், கோஸெய்யங், கம்ப³லங், ஸாணங், ப⁴ங்க³ங்.

கந்தெய்யாதி ஸயங் கந்ததி, பயோகே³ து³க்கடங். உஜ்ஜவுஜ்ஜவே ஆபத்தி பாசித்தியஸ்ஸ.

989. அனாபத்தி கந்திதஸுத்தங் கந்ததி, உம்மத்திகாய, ஆதி³கம்மிகாயாதி.

ததியஸிக்கா²பத³ங் நிட்டி²தங்.

4. சதுத்த²ஸிக்கா²பத³ங்

990. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ கி³ஹிவெய்யாவச்சங் கரொந்தி. யா தா
பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு²னியோ கி³ஹிவெய்யாவச்சங் கரிஸ்ஸந்தீ’’தி…பே॰… ஸச்சங்
கிர, பி⁴க்க²வே, பி⁴க்கு²னியோ கி³ஹிவெய்யாவச்சங் கரொந்தீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே,
பி⁴க்கு²னியோ கி³ஹிவெய்யாவச்சங் கரிஸ்ஸந்தி! நேதங், பி⁴க்க²வே,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங்
ஸிக்கா²பத³ங் உத்³தி³ஸந்து –

991. ‘‘யா பன பி⁴க்கு²னீ கி³ஹிவெய்யாவச்சங் கரெய்ய, பாசித்திய’’ந்தி.

992. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

கி³ஹிவெய்யாவச்சங் நாம அகா³ரிகஸ்ஸ யாகு³ங் வா ப⁴த்தங் வா கா²த³னீயங் வா பசதி, ஸாடகங் வா வேட²னங் வா தோ⁴வதி, ஆபத்தி பாசித்தியஸ்ஸ.

993.
அனாபத்தி யாகு³பானே, ஸங்க⁴ப⁴த்தே, சேதியபூஜாய, அத்தனோ வெய்யாவச்சகரஸ்ஸ
யாகு³ங் வா ப⁴த்தங் வா கா²த³னீயங் வா பசதி, ஸாடகங் வா வேட²னங் வா தோ⁴வதி,
உம்மத்திகாய, ஆதி³கம்மிகாயாதி.

சதுத்த²ஸிக்கா²பத³ங் நிட்டி²தங்.

5. பஞ்சமஸிக்கா²பத³ங்

994.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரா பி⁴க்கு²னீ து²ல்லனந்த³ங் பி⁴க்கு²னிங்
உபஸங்கமித்வா ஏதத³வோச – ‘‘ஏஹாய்யே, இமங் அதி⁴கரணங் வூபஸமேஹீ’’தி.
து²ல்லனந்தா³ பி⁴க்கு²னீ ‘ஸாதூ⁴’தி படிஸ்ஸுணித்வா நேவ வூபஸமேதி ந வூபஸமாய
உஸ்ஸுக்கங் கரோதி. அத² கோ² ஸா பி⁴க்கு²னீ
பி⁴க்கு²னீனங் ஏதமத்த²ங் ஆரோசேஸி. யா தா பி⁴க்கு²னியோ அப்பிச்சா²…பே॰… தா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம அய்யா து²ல்லனந்தா³
பி⁴க்கு²னியா – ‘ஏஹாய்யே’, இமங் அதி⁴கரணங் வூபஸமேஹீ’தி வுச்சமானா –
‘ஸாதூ⁴’தி படிஸ்ஸுணித்வா, நேவ வூபஸமெஸ்ஸதி ந வூபஸமாய உஸ்ஸுக்கங்
கரிஸ்ஸதீ’’தி…பே॰… ஸச்சங் கிர, பி⁴க்க²வே, து²ல்லனந்தா³ பி⁴க்கு²னீ
பி⁴க்கு²னியா – ‘‘ஏஹாய்யே, இமங் அதி⁴கரணங் வூபஸமேஹீ’’தி வுச்சமானா –
‘‘ஸாதூ⁴’’தி படிஸ்ஸுணித்வா, நேவ வூபஸமேதி ந வூபஸமாய
உஸ்ஸுக்கங் கரோதீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம, பி⁴க்க²வே, து²ல்லனந்தா³ பி⁴க்கு²னீ பி⁴க்கு²னியா –
‘‘ஏஹாய்யே, இமங் அதி⁴கரணங் வூபஸமேஹீ’’தி வுச்சமானா – ‘‘ஸாதூ⁴’’தி
படிஸ்ஸுணித்வா, நேவ வூபஸமெஸ்ஸதி ந வூபஸமாய உஸ்ஸுக்கங் கரிஸ்ஸதி! நேதங்,
பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

995. ‘‘யா பன பி⁴க்கு²னீ பி⁴க்கு²னியா – ‘ஏஹாய்யே, இமங் அதி⁴கரணங் வூபஸமேஹீ’தி வுச்சமானா – ‘ஸாதூ⁴’தி படிஸ்ஸுணித்வா ஸா பச்சா² அனந்தராயிகினீ நேவ வூபஸமெய்ய ந வூபஸமாய உஸ்ஸுக்கங் கரெய்ய, பாசித்திய’’ந்தி.

996. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

பி⁴க்கு²னியாதி அஞ்ஞாய பி⁴க்கு²னியா.

அதி⁴கரணங் நாம சத்தாரி அதி⁴கரணானி – விவாதா³தி⁴கரணங், அனுவாதா³தி⁴கரணங், ஆபத்தாதி⁴கரணங், கிச்சாதி⁴கரணங்.

ஏஹாய்யே இமங் அதி⁴கரணங் வூபஸமேஹீதி ஏஹாய்யே இமங் அதி⁴கரணங் வினிச்சே²ஹி.

ஸா பச்சா² அனந்தராயிகினீதி அஸதி அந்தராயே.

நேவ வூபஸமெய்யாதி ந ஸயங் வூபஸமெய்ய.

ந வூபஸமாய உஸ்ஸுக்கங் கரெய்யாதி ந அஞ்ஞங் ஆணாபெய்ய. ‘‘நேவ வூபஸமெஸ்ஸாமி ந வூபஸமாய உஸ்ஸுக்கங் கரிஸ்ஸாமீ’’தி து⁴ரங் நிக்கி²த்தமத்தே, ஆபத்தி பாசித்தியஸ்ஸ.

997. உபஸம்பன்னாய உபஸம்பன்னஸஞ்ஞா அதி⁴கரணங் நேவ வூபஸமேதி ந வூபஸமாய உஸ்ஸுக்கங் கரோதி, ஆபத்தி பாசித்தியஸ்ஸ. உபஸம்பன்னாய
வேமதிகா அதி⁴கரணங் நேவ வூபஸமேதி, ந வூபஸமாய உஸ்ஸுக்கங் கரோதி, ஆபத்தி
பாசித்தியஸ்ஸ. உபஸம்பன்னாய அனுபஸம்பன்னஸஞ்ஞா அதி⁴கரணங் நேவ வூபஸமேதி, ந
வூபஸமாய உஸ்ஸுக்கங் கரோதி, ஆபத்தி பாசித்தியஸ்ஸ.

அனுபஸம்பன்னாய அதி⁴கரணங் நேவ வூபஸமேதி, ந வூபஸமாய
உஸ்ஸுக்கங் கரோதி, ஆபத்தி து³க்கடஸ்ஸ. அனுபஸம்பன்னாய உபஸம்பன்னஸஞ்ஞா,
ஆபத்தி து³க்கடஸ்ஸ. அனுபஸம்பன்னாய வேமதிகா, ஆபத்தி து³க்கடஸ்ஸ.
அனுபஸம்பன்னாய அனுபஸம்பன்னஸஞ்ஞா, ஆபத்தி து³க்கடஸ்ஸ.

998. அனாபத்தி ஸதி அந்தராயே, பரியேஸித்வா ந லப⁴தி, கி³லானாய, ஆபதா³ஸு, உம்மத்திகாய, ஆதி³கம்மிகாயாதி.

பஞ்சமஸிக்கா²பத³ங் நிட்டி²தங்.

6. ச²ட்ட²ஸிக்கா²பத³ங்

999.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன து²ல்லனந்தா³ பி⁴க்கு²னீ நடானம்பி நடகானம்பி
லங்க⁴கானம்பி ஸோகஜ்ஜா²யிகானம்பி கும்ப⁴தூ²ணிகானம்பி ஸஹத்தா² கா²த³னீயங்
போ⁴ஜனீயங் தே³தி – ‘‘மய்ஹங் பரிஸதி வண்ணங் பா⁴ஸதா²’’தி. நடாபி நடகாபி
லங்க⁴காபி ஸோகஜ்ஜா²யிகாபி கும்ப⁴தூ²ணிகாபி து²ல்லனந்தா³ய பி⁴க்கு²னியா
பரிஸதி வண்ணங் பா⁴ஸந்தி – ‘‘அய்யா து²ல்லனந்தா³ ப³ஹுஸ்ஸுதா பா⁴ணிகா
விஸாரதா³ பட்டா த⁴ம்மிங் கத²ங் காதுங்; தே³த² அய்யாய, கரோத² அய்யாயா’’தி.
யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி
கி²ய்யந்தி விபாசெந்தி – கத²ஞ்ஹி நாம அய்யா து²ல்லனந்தா³ அகா³ரிகஸ்ஸ
ஸஹத்தா² கா²த³னீயங் போ⁴ஜனீயங் த³ஸ்ஸதீதி…பே॰… ஸச்சங் கிர, பி⁴க்க²வே,
து²ல்லனந்தா³ பி⁴க்கு²னீ அகா³ரிகஸ்ஸ ஸஹத்தா² கா²த³னீயங் போ⁴ஜனீயங் தே³தீதி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, து²ல்லனந்தா³ பி⁴க்கு²னீ அகா³ரிகஸ்ஸ ஸஹத்தா² கா²த³னீயங்
போ⁴ஜனீயங் த³ஸ்ஸதி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச
பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

1000. ‘‘யா பன பி⁴க்கு²னீ அகா³ரிகஸ்ஸ வா பரிப்³பா³ஜகஸ்ஸ வா பரிப்³பா³ஜிகாய வா ஸஹத்தா² கா²த³னீயங் வா போ⁴ஜனீயங் வா த³தெ³ய்ய, பாசித்திய’’ந்தி.

1001. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

அகா³ரிகோ நாம யோ கோசி அகா³ரங் அஜ்ஜா²வஸதி.

கா²த³னீயங் நாம பஞ்ச போ⁴ஜனானி – உத³கத³ந்தபோனங் ட²பெத்வா அவஸேஸங் கா²த³னீயங் நாம.

போ⁴ஜனீயங் நாம பஞ்ச போ⁴ஜனானி – ஓத³னோ, கும்மாஸோ, ஸத்து, மச்சோ², மங்ஸங்.

த³தெ³ய்யாதி காயேன வா காயபடிப³த்³தே⁴ன வா நிஸ்ஸக்³கி³யேன வா தே³தி, ஆபத்தி பாசித்தியஸ்ஸ. உத³கத³ந்தபோனங் தே³தி, ஆபத்தி து³க்கடஸ்ஸ.

1002. அனாபத்தி தா³பேதி ந தே³தி, உபனிக்கி²பித்வா தே³தி, பா³ஹிராலேபங் தே³தி, உம்மத்திகாய, ஆதி³கம்மிகாயாதி.

ச²ட்ட²ஸிக்கா²பத³ங் நிட்டி²தங்.

7. ஸத்தமஸிக்கா²பத³ங்

1003.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன து²ல்லனந்தா³ பி⁴க்கு²னீ ஆவஸத²சீவரங்
அனிஸ்ஸஜ்ஜித்வா பரிபு⁴ஞ்ஜதி. அஞ்ஞா உதுனியோ பி⁴க்கு²னியோ ந லப⁴ந்தி. யா தா
பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம அய்யா து²ல்லனந்தா³ ஆவஸத²சீவரங் அனிஸ்ஸஜ்ஜித்வா
பரிபு⁴ஞ்ஜிஸ்ஸதீ’’தி…பே॰… ஸச்சங் கிர, பி⁴க்க²வே, து²ல்லனந்தா³ பி⁴க்கு²னீ
ஆவஸத²சீவரங் அனிஸ்ஸஜ்ஜித்வா பரிபு⁴ஞ்ஜதீதி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, து²ல்லனந்தா³ பி⁴க்கு²னீ
ஆவஸத²சீவரங் அனிஸ்ஸஜ்ஜித்வா பரிபு⁴ஞ்ஜிஸ்ஸதி! நேதங், பி⁴க்க²வே,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங்
ஸிக்கா²பத³ங் உத்³தி³ஸந்து –

1004. ‘‘யா பன பி⁴க்கு²னீ ஆவஸத²சீவரங் அனிஸ்ஸஜ்ஜித்வா பரிபு⁴ஞ்ஜெய்ய, பாசித்திய’’ந்தி.

1005. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஆவஸத²சீவரங் நாம ‘‘உதுனியோ பி⁴க்கு²னியோ பரிபு⁴ஞ்ஜந்தூ’’தி தி³ன்னங் ஹோதி.

அனிஸ்ஸஜ்ஜித்வா பரிபு⁴ஞ்ஜெய்யாதி
த்³வேதிஸ்ஸோ ரத்தியோ பரிபு⁴ஞ்ஜித்வா சதுத்த²தி³வஸே தோ⁴வித்வா பி⁴க்கு²னியா
வா ஸிக்க²மானாய வா ஸாமணேரியா வா அனிஸ்ஸஜ்ஜித்வா பரிபு⁴ஞ்ஜதி , ஆபத்தி பாசித்தியஸ்ஸ.

1006.
அனிஸ்ஸஜ்ஜிதே அனிஸ்ஸஜ்ஜிதஸஞ்ஞா பரிபு⁴ஞ்ஜதி, ஆபத்தி பாசித்தியஸ்ஸ.
அனிஸ்ஸஜ்ஜிதே வேமதிகா பரிபு⁴ஞ்ஜதி, ஆபத்தி பாசித்தியஸ்ஸ. அனிஸ்ஸஜ்ஜிதே
நிஸ்ஸஜ்ஜிதஸஞ்ஞா பரிபு⁴ஞ்ஜதி, ஆபத்தி பாசித்தியஸ்ஸ.

நிஸ்ஸஜ்ஜிதே அனிஸ்ஸஜ்ஜிதஸஞ்ஞா, ஆபத்தி து³க்கடஸ்ஸ. நிஸ்ஸஜ்ஜிதே வேமதிகா, ஆபத்தி து³க்கடஸ்ஸ. நிஸ்ஸஜ்ஜிதே நிஸ்ஸஜ்ஜிதஸஞ்ஞா அனாபத்தி.

1007.
அனாபத்தி நிஸ்ஸஜ்ஜித்வா பரிபு⁴ஞ்ஜதி, புன பரியாயேன பரிபு⁴ஞ்ஜதி, அஞ்ஞா
உதுனியோ பி⁴க்கு²னியோ ந ஹொந்தி, அச்சி²ன்னசீவரிகாய, நட்ட²சீவரிகாய,
ஆபதா³ஸு, உம்மத்திகாய, ஆதி³கம்மிகாயாதி.

ஸத்தமஸிக்கா²பத³ங் நிட்டி²தங்.

8. அட்ட²மஸிக்கா²பத³ங்

1008. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன து²ல்லனந்தா³ பி⁴க்கு²னீ ஆவஸத²ங் அனிஸ்ஸஜ்ஜித்வா
சாரிகங் பக்காமி. தேன கோ² பன ஸமயேன து²ல்லனந்தா³ய பி⁴க்கு²னியா ஆவஸதோ²
ட³ய்ஹதி. பி⁴க்கு²னியோ ஏவமாஹங்ஸு – ‘‘ஹந்தா³ய்யே, ப⁴ண்ட³கங் நீஹராமா’’தி.
ஏகச்சா ஏவமாஹங்ஸு – ‘‘ந மயங், அய்யே, நீஹரிஸ்ஸாம. யங் கிஞ்சி நட்ட²ங்
ஸப்³ப³ங் அம்ஹே அபி⁴யுஞ்ஜிஸ்ஸதீ’’தி. து²ல்லனந்தா³ பி⁴க்கு²னீ புனதே³வ தங்
ஆவஸத²ங் பச்சாக³ந்த்வா பி⁴க்கு²னியோ புச்சி² – ‘‘அபாய்யே, ப⁴ண்ட³கங்
நீஹரித்தா²’’தி? ‘‘ந மயங், அய்யே, நீஹரிம்ஹா’’தி .
து²ல்லனந்தா³ பி⁴க்கு²னீ உஜ்ஜா²யதி கி²ய்யதி விபாசேதி – ‘‘கத²ஞ்ஹி நாம
பி⁴க்கு²னியோ ஆவஸதே² ட³ய்ஹமானே ப⁴ண்ட³கங் ந நீஹரிஸ்ஸந்தீ’’தி! யா தா
பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம அய்யா து²ல்லனந்தா³ ஆவஸத²ங் அனிஸ்ஸஜ்ஜித்வா சாரிகங்
பக்கமிஸ்ஸதீ’’தி…பே॰… ஸச்சங் கிர, பி⁴க்க²வே, து²ல்லனந்தா³ பி⁴க்கு²னீ
ஆவஸத²ங் அனிஸ்ஸஜ்ஜித்வா சாரிகங் பக்கமதீதி [பக்கமீதி (க॰)]?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, து²ல்லனந்தா³ பி⁴க்கு²னீ ஆவஸத²ங் அனிஸ்ஸஜ்ஜித்வா சாரிகங்
பக்கமிஸ்ஸதி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

1009. ‘‘யா பன பி⁴க்கு²னீ ஆவஸத²ங் அனிஸ்ஸஜ்ஜித்வா சாரிகங் பக்கமெய்ய, பாசித்திய’’ந்தி.

1010. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஆவஸதோ² நாம கவாடப³த்³தோ⁴ வுச்சதி.

அனிஸ்ஸஜ்ஜித்வா சாரிகங் பக்கமெய்யாதி
பி⁴க்கு²னியா வா ஸிக்க²மானாய வா ஸாமணேரியா வா அனிஸ்ஸஜ்ஜித்வா
பரிக்கி²த்தஸ்ஸ ஆவஸத²ஸ்ஸ பரிக்கே²பங் அதிக்காமெந்தியா ஆபத்தி பாசித்தியஸ்ஸ.
அபரிக்கி²த்தஸ்ஸ ஆவஸத²ஸ்ஸ உபசாரங் அதிக்காமெந்தியா ஆபத்தி பாசித்தியஸ்ஸ.

1011. அனிஸ்ஸஜ்ஜிதே அனிஸ்ஸஜ்ஜிதஸஞ்ஞா பக்கமதி, ஆபத்தி பாசித்தியஸ்ஸ. அனிஸ்ஸஜ்ஜிதே வேமதிகா பக்கமதி, ஆபத்தி பாசித்தியஸ்ஸ. அனிஸ்ஸஜ்ஜிதே நிஸ்ஸஜ்ஜிதஸஞ்ஞா பக்கமதி, ஆபத்தி பாசித்தியஸ்ஸ.

அகவாடப³த்³த⁴ங் அனிஸ்ஸஜ்ஜித்வா
பக்கமதி, ஆபத்தி து³க்கடஸ்ஸ. நிஸ்ஸஜ்ஜிதே அனிஸ்ஸஜ்ஜிதஸஞ்ஞா, ஆபத்தி
து³க்கடஸ்ஸ. நிஸ்ஸஜ்ஜிதே வேமதிகா, ஆபத்தி து³க்கடஸ்ஸ. நிஸ்ஸஜ்ஜிதே
நிஸ்ஸஜ்ஜிதஸஞ்ஞா, அனாபத்தி.

1012. அனாபத்தி நிஸ்ஸஜ்ஜித்வா பக்கமதி, ஸதி அந்தராயே, பரியேஸித்வா ந லப⁴தி, கி³லானாய, ஆபதா³ஸு, உம்மத்திகாய, ஆதி³கம்மிகாயாதி.

அட்ட²மஸிக்கா²பத³ங் நிட்டி²தங்.

9. நவமஸிக்கா²பத³ங்

1013.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கு²னியோ திரச்சா²னவிஜ்ஜங்
பரியாபுணந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கு²னியோ திரச்சா²னவிஜ்ஜங் பரியாபுணிஸ்ஸந்தி, ஸெய்யதா²பி கி³ஹினியோ
காமபோ⁴கி³னியோ’’தி! அஸ்ஸோஸுங் கோ² பி⁴க்கு²னியோ தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கு²னியோ திரச்சா²னவிஜ்ஜங் பரியாபுணிஸ்ஸந்தீ’’தி…பே॰…
ஸச்சங் கிர, பி⁴க்க²வே, ச²ப்³ப³க்³கி³யா பி⁴க்கு²னியோ திரச்சா²னவிஜ்ஜங்
பரியாபுணந்தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம, பி⁴க்க²வே, ச²ப்³ப³க்³கி³யா
பி⁴க்கு²னியோ திரச்சா²னவிஜ்ஜங் பரியாபுணிஸ்ஸந்தி! நேதங், பி⁴க்க²வே,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங்
ஸிக்கா²பத³ங் உத்³தி³ஸந்து –

1014. ‘‘யா பன பி⁴க்கு²னீ திரச்சா²னவிஜ்ஜங் பரியாபுணெய்ய, பாசித்திய’’ந்தி.

1015. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

திரச்சா²னவிஜ்ஜா [திரச்சா²னவிஜ்ஜங் (க॰)] நாம யங் கிஞ்சி பா³ஹிரகங் அனத்த²ஸங்ஹிதங்.

பரியாபுணெய்யாதி பதே³ன பரியாபுணாதி, பதே³ பதே³ ஆபத்தி பாசித்தியஸ்ஸ. அக்க²ராய பரியாபுணாதி, அக்க²ரக்க²ராய ஆபத்தி பாசித்தியஸ்ஸ.

1016. அனாபத்தி லேக²ங் பரியாபுணாதி, தா⁴ரணங் பரியாபுணாதி, கு³த்தத்தா²ய பரித்தங் பரியாபுணாதி, உம்மத்திகாய, ஆதி³கம்மிகாயாதி.

நவமஸிக்கா²பத³ங் நிட்டி²தங்.

10. த³ஸமஸிக்கா²பத³ங்

1017. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன
ச²ப்³ப³க்³கி³யா பி⁴க்கு²னியோ திரச்சா²னவிஜ்ஜங் வாசெந்தி. மனுஸ்ஸா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ
திரச்சா²னவிஜ்ஜங் வாசெஸ்ஸந்தி, ஸெய்யதா²பி கி³ஹினியோ காமபோ⁴கி³னியோ’’தி!
அஸ்ஸோஸுங் கோ² பி⁴க்கு²னியோ தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா
பி⁴க்கு²னியோ திரச்சா²னவிஜ்ஜங் வாசெஸ்ஸந்தீ’’தி…பே॰… ஸச்சங் கிர,
பி⁴க்க²வே, ச²ப்³ப³க்³கி³யா பி⁴க்கு²னியோ திரச்சா²னவிஜ்ஜங் வாசெந்தீதி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, ச²ப்³ப³க்³கி³யா பி⁴க்கு²னியோ திரச்சா²னவிஜ்ஜங் வாசெஸ்ஸந்தி!
நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

1018. ‘‘யா பன பி⁴க்கு²னீ திரச்சா²னவிஜ்ஜங் வாசெய்ய, பாசித்திய’’ந்தி.

1019. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

வாசெய்யாதி பதே³ன வாசேதி, பதே³ பதே³ ஆபத்தி பாசித்தியஸ்ஸ. அக்க²ராய வாசேதி, அக்க²ரக்க²ராய ஆபத்தி பாசித்தியஸ்ஸ.

1020. அனாபத்தி லேக²ங் வாசேதி, தா⁴ரணங் வாசேதி, கு³த்தத்தா²ய பரித்தங் வாசேதி, உம்மத்திகாய, ஆதி³கம்மிகாயாதி.

த³ஸமஸிக்கா²பத³ங் நிட்டி²தங்.

சித்தாகா³ரவக்³கோ³ பஞ்சமோ.

6. ஆராமவக்³கோ³

1. பட²மஸிக்கா²பத³ங்

1021.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஸம்ப³ஹுலா பி⁴க்கூ² கா³மகாவாஸே ஏகசீவரா சீவரகம்மங்
கரொந்தி. பி⁴க்கு²னியோ அனாபுச்சா² ஆராமங் பவிஸித்வா யேன தே பி⁴க்கூ²
தேனுபஸங்கமிங்ஸு. பி⁴க்கூ² உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பி⁴க்கு²னியோ அனாபுச்சா² ஆராமங்
பவிஸிஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கு²னியோ அனாபுச்சா²
ஆராமங் பவிஸந்தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம, பி⁴க்க²வே, பி⁴க்கு²னியோ அனாபுச்சா² ஆராமங் பவிஸிஸ்ஸந்தி!
நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

‘‘யா பன பி⁴க்கு²னீ அனாபுச்சா² ஆராமங் பவிஸெய்ய, பாசித்திய’’ந்தி.

ஏவஞ்சித³ங் ப⁴க³வதா பி⁴க்கு²னீனங் ஸிக்கா²பத³ங் பஞ்ஞத்தங் ஹோதி.

1022.
தேன கோ² பன ஸமயேன தே பி⁴க்கூ² தம்ஹா ஆவாஸா பக்கமிங்ஸு. பி⁴க்கு²னியோ –
‘‘அய்யா பக்கந்தா’’தி, ஆராமங் நாக³மங்ஸு. அத² கோ² தே பி⁴க்கூ² புனதே³வ தங்
ஆவாஸங் பச்சாக³ச்சி²ங்ஸு. பி⁴க்கு²னியோ – ‘‘அய்யா ஆக³தா’’தி, ஆபுச்சா²
ஆராமங் பவிஸித்வா யேன தே பி⁴க்கூ² தேனுபஸங்கமிங்ஸு; உபஸங்கமித்வா
தே பி⁴க்கூ² அபி⁴வாதெ³த்வா ஏகமந்தங் அட்ட²ங்ஸு. ஏகமந்தங் டி²தா கோ² தா
பி⁴க்கு²னியோ தே பி⁴க்கூ² ஏதத³வோசுங் – ‘‘கிஸ்ஸ தும்ஹே, ப⁴கி³னியோ, ஆராமங் நேவ ஸம்மஜ்ஜித்த² ந பானீயங் பரிபோ⁴ஜனீயங் உபட்டா²பித்தா²தி? ப⁴க³வதா, அய்யா, ஸிக்கா²பத³ங் பஞ்ஞத்தங் [பஞ்ஞத்தங் ஹோதி (க॰)]
ஹோதி – ‘‘ந அனாபுச்சா² ஆராமோ பவிஸிதப்³போ³’’தி. தேன மயங் ந ஆக³மிம்ஹா’’தி.
ப⁴க³வதோ ஏதமத்த²ங் ஆரோசேஸுங்…பே॰… அனுஜானாமி, பி⁴க்க²வே, ஸந்தங்
பி⁴க்கு²ங் ஆபுச்சா² ஆராமங் பவிஸிதுங். ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

‘‘யா பன பி⁴க்கு²னீ ஸந்தங் பி⁴க்கு²ங் அனாபுச்சா² ஆராமங் பவிஸெய்ய, பாசித்திய’’ந்தி.

ஏவஞ்சித³ங் ப⁴க³வதா பி⁴க்கு²னீனங் ஸிக்கா²பத³ங் பஞ்ஞத்தங் ஹோதி.

1023.
தேன கோ² பன ஸமயேன தே பி⁴க்கூ² தம்ஹா ஆவாஸா பக்கமித்வா புனதே³வ தங் ஆவாஸங்
பச்சாக³ச்சி²ங்ஸு. பி⁴க்கு²னியோ – ‘‘அய்யா பக்கந்தா’’தி அனாபுச்சா² ஆராமங்
பவிஸிங்ஸு. தாஸங் குக்குச்சங் அஹோஸி – ‘‘ப⁴க³வதா ஸிக்கா²பத³ங் பஞ்ஞத்தங் –
‘ந ஸந்தங் பி⁴க்கு²ங் அனாபுச்சா² ஆராமோ பவிஸிதப்³போ³’தி. மயஞ்சம்ஹா ஸந்தங்
பி⁴க்கு²ங் அனாபுச்சா² ஆராமங் பவிஸிம்ஹா. கச்சி நு கோ² மயங் பாசித்தியங்
ஆபத்திங் ஆபன்னா’’தி…பே॰… ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா
ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ²
ஆமந்தேஸி…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங்
உத்³தி³ஸந்து –

1024. ‘‘யா பன பி⁴க்கு²னீ ஜானங் ஸபி⁴க்கு²கங் ஆராமங் அனாபுச்சா² பவிஸெய்ய, பாசித்திய’’ந்தி.

1025. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஜானாதி நாம ஸாமங் வா ஜானாதி, அஞ்ஞே வா தஸ்ஸா ஆரோசெந்தி, தே வா ஆரோசெந்தி.

ஸபி⁴க்கு²கோ நாம ஆராமோ யத்த² பி⁴க்கூ² ருக்க²மூலேபி வஸந்தி.

அனாபுச்சா² ஆராமங் பவிஸெய்யாதி பி⁴க்கு²ங் வா ஸாமணேரங் வா ஆராமிகங் வா அனாபுச்சா² பரிக்கி²த்தஸ்ஸ ஆராமஸ்ஸ பரிக்கே²பங் அதிக்காமெந்தியா ஆபத்தி பாசித்தியஸ்ஸ. அபரிக்கி²த்தஸ்ஸ ஆராமஸ்ஸ உபசாரங் ஓக்கமந்தியா ஆபத்தி பாசித்தியஸ்ஸ.

1026.
ஸபி⁴க்கு²கே ஸபி⁴க்கு²கஸஞ்ஞா ஸந்தங் பி⁴க்கு²ங் அனாபுச்சா² ஆராமங் பவிஸதி,
ஆபத்தி பாசித்தியஸ்ஸ. ஸபி⁴க்கு²கே வேமதிகா ஸந்தங் பி⁴க்கு²ங் அனாபுச்சா² ஆராமங் பவிஸதி, ஆபத்தி து³க்கடஸ்ஸ. ஸபி⁴க்கு²கே அபி⁴க்கு²கஸஞ்ஞா ஸந்தங் பி⁴க்கு²ங் அனாபுச்சா² ஆராமங் பவிஸதி, அனாபத்தி.

அபி⁴க்கு²கே ஸபி⁴க்கு²கஸஞ்ஞா, ஆபத்தி து³க்கடஸ்ஸ. அபி⁴க்கு²கே வேமதிகா, ஆபத்தி து³க்கடஸ்ஸ. அபி⁴க்கு²கே அபி⁴க்கு²கஸஞ்ஞா, அனாபத்தி.

1027.
அனாபத்தி ஸந்தங் பி⁴க்கு²ங் ஆபுச்சா² பவிஸதி, அஸந்தங் பி⁴க்கு²ங்
அனாபுச்சா² பவிஸதி, ஸீஸானுலோகிகா க³ச்ச²தி, யத்த² பி⁴க்கு²னியோ ஸன்னிபதிதா
ஹொந்தி தத்த² க³ச்ச²தி, ஆராமேன மக்³கோ³ ஹோதி, கி³லானாய, ஆபதா³ஸு,
உம்மத்திகாய, ஆதி³கம்மிகாயாதி.

பட²மஸிக்கா²பத³ங் நிட்டி²தங்.

2. து³தியஸிக்கா²பத³ங்

1028.
தேன ஸமயேன பு³த்³தோ⁴ ப⁴க³வா வேஸாலியங் விஹரதி மஹாவனே கூடாகா³ரஸாலாயங். தேன
கோ² பன ஸமயேன ஆயஸ்மதோ உபாலிஸ்ஸ உபஜ்ஜா²யோ ஆயஸ்மா கப்பிதகோ ஸுஸானே விஹரதி.
தேன கோ² பன ஸமயேன ச²ப்³ப³க்³கி³யானங் பி⁴க்கு²னீனங் மஹத்தரா [மஹந்ததரா (ஸீ॰)]
பி⁴க்கு²னீ காலங்கதா ஹோதி. ச²ப்³ப³க்³கி³யா பி⁴க்கு²னியோ தங் பி⁴க்கு²னிங்
நீஹரித்வா ஆயஸ்மதோ கப்பிதகஸ்ஸ விஹாரஸ்ஸ அவிதூ³ரே ஜா²பெத்வா தூ²பங் கத்வா
க³ந்த்வா தஸ்மிங் தூ²பே ரோத³ந்தி. அத² கோ² ஆயஸ்மா கப்பிதகோ தேன ஸத்³தே³ன
உப்³பா³ள்ஹோ தங் தூ²பங் பி⁴ந்தி³த்வா பகிரேஸி. ச²ப்³ப³க்³கி³யா
பி⁴க்கு²னியோ – ‘‘இமினா கப்பிதகேன அம்ஹாகங் அய்யாய தூ²போ பி⁴ன்னோ, ஹந்த³
நங் கா⁴தேமா’’தி, மந்தேஸுங் . அஞ்ஞதரா பி⁴க்கு²னீ
ஆயஸ்மதோ உபாலிஸ்ஸ ஏதமத்த²ங் ஆரோசேஸி. ஆயஸ்மா உபாலி ஆயஸ்மதோ கப்பிதகஸ்ஸ
ஏதமத்த²ங் ஆரோசேஸி. அத² கோ² ஆயஸ்மா கப்பிதகோ விஹாரா நிக்க²மித்வா நிலீனோ
அச்சி². அத² கோ² ச²ப்³ப³க்³கி³யா பி⁴க்கு²னியோ யேனாயஸ்மதோ கப்பிதகஸ்ஸ
விஹாரோ தேனுபஸங்கமிங்ஸு ; உபஸங்கமித்வா ஆயஸ்மதோ கப்பிதகஸ்ஸ விஹாரங் பாஸாணேஹி ச லெட்³டூ³ஹி ச ஒத்த²ராபெத்வா, ‘‘மதோ கப்பிதகோ’’தி பக்கமிங்ஸு.

அத² கோ² ஆயஸ்மா கப்பிதகோ தஸ்ஸா
ரத்தியா அச்சயேன புப்³ப³ண்ஹஸமயங் நிவாஸெத்வா பத்தசீவரமாதா³ய வேஸாலிங்
பிண்டா³ய பாவிஸி. அத்³த³ஸங்ஸு கோ² ச²ப்³ப³க்³கி³யா பி⁴க்கு²னியோ ஆயஸ்மந்தங்
கப்பிதகங் பிண்டா³ய சரந்தங். தி³ஸ்வான ஏவமாஹங்ஸு – ‘‘அயங் கப்பிதகோ ஜீவதி,
கோ நு கோ² அம்ஹாகங் மந்தங் ஸங்ஹரீ’’தி? அஸ்ஸோஸுங் கோ² ச²ப்³ப³க்³கி³யா
பி⁴க்கு²னியோ – ‘‘அய்யேன கிர உபாலினா அம்ஹாகங் மந்தோ ஸங்ஹடோ’’தி. தா
ஆயஸ்மந்தங் உபாலிங் அக்கோஸிங்ஸு – ‘‘கத²ஞ்ஹி நாம அயங் காஸாவடோ மலமஜ்ஜனோ
நிஹீனஜச்சோ அம்ஹாகங் மந்தங் ஸங்ஹரிஸ்ஸதீ’’தி! யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி
– ‘‘கத²ஞ்ஹி நாம ச²ப்³ப³க்³கி³யா பி⁴க்கு²னியோ அய்யங் உபாலிங்
அக்கோஸிஸ்ஸந்தீ’’தி…பே॰… ஸச்சங் கிர, பி⁴க்க²வே, ச²ப்³ப³க்³கி³யா
பி⁴க்கு²னியோ உபாலிங் அக்கோஸந்தீதி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, ச²ப்³ப³க்³கி³யா
பி⁴க்கு²னியோ உபாலிங் அக்கோஸிஸ்ஸந்தி! நேதங், பி⁴க்க²வே, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே , பி⁴க்கு²னியோ இமங் ஸிக்கா²பத³ங் உத்³தி³ஸந்து –

1029. ‘‘யா பன பி⁴க்கு²னீ பி⁴க்கு²ங் அக்கோஸெய்ய வா பரிபா⁴ஸெய்ய வா, பாசித்திய’’ந்தி.

1030. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

பி⁴க்கு²ந்தி உபஸம்பன்னங். அக்கோஸெய்ய வாதி த³ஸஹி வா அக்கோஸவத்தூ²ஹி அக்கோஸதி ஏதேஸங் வா அஞ்ஞதரேன, ஆபத்தி பாசித்தியஸ்ஸ.

பரிபா⁴ஸெய்ய வாதி ப⁴யங் உபத³ங்ஸேதி, ஆபத்தி பாசித்தியஸ்ஸ.

1031.
உபஸம்பன்னே உபஸம்பன்னஸஞ்ஞா அக்கோஸதி வா பரிபா⁴ஸதி வா, ஆபத்தி
பாசித்தியஸ்ஸ. உபஸம்பன்னே வேமதிகா அக்கோஸதி வா பரிபா⁴ஸதி வா, ஆபத்தி
பாசித்தியஸ்ஸ. உபஸம்பன்னே அனுபஸம்பன்னஸஞ்ஞா அக்கோஸதி வா பரிபா⁴ஸதி வா,
ஆபத்தி பாசித்தியஸ்ஸ.

அனுபஸம்பன்னங் அக்கோஸதி வா
பரிபா⁴ஸதி வா, ஆபத்தி து³க்கடஸ்ஸ. அனுபஸம்பன்னே உபஸம்பன்னஸஞ்ஞா, ஆபத்தி
து³க்கடஸ்ஸ. அனுபஸம்பன்னே வேமதிகா, ஆபத்தி து³க்கடஸ்ஸ. அனுபஸம்பன்னே
அனுபஸம்பன்னஸஞ்ஞா, ஆபத்தி து³க்கடஸ்ஸ.

1032. அனாபத்தி அத்த²புரெக்கா²ராய, த⁴ம்மபுரெக்கா²ராய, அனுஸாஸனிபுரெக்கா²ராய, உம்மத்திகாய, ஆதி³கம்மிகாயாதி.

து³தியஸிக்கா²பத³ங் நிட்டி²தங்.

3. ததியஸிக்கா²பத³ங்

1033. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன சண்ட³காளீ பி⁴க்கு²னீ ப⁴ண்ட³னகாரிகா ஹோதி
கலஹகாரிகா விவாத³காரிகா ப⁴ஸ்ஸகாரிகா ஸங்கே⁴ அதி⁴கரணகாரிகா. து²ல்லனந்தா³
பி⁴க்கு²னீ தஸ்ஸா கம்மே கரீயமானே படிக்கோஸதி. தேன கோ² பன ஸமயேன
து²ல்லனந்தா³ பி⁴க்கு²னீ கா³மகங் அக³மாஸி கேனசிதே³வ கரணீயேன. அத² கோ²
பி⁴க்கு²னிஸங்கோ⁴ – ‘‘து²ல்லனந்தா³ பி⁴க்கு²னீ பக்கந்தா’’தி சண்ட³காளிங்
பி⁴க்கு²னிங் ஆபத்தியா அத³ஸ்ஸனே உக்கி²பி. து²ல்லனந்தா³ பி⁴க்கு²னீ கா³மகே
தங் கரணீயங் தீரெத்வா புனதே³வ ஸாவத்தி²ங்
பச்சாக³ச்சி². சண்ட³காளீ பி⁴க்கு²னீ து²ல்லனந்தா³ய பி⁴க்கு²னியா
ஆக³ச்ச²ந்தியா நேவ ஆஸனங் பஞ்ஞபேஸி ந பாதோ³த³கங் பாத³பீட²ங் பாத³கட²லிகங்
உபனிக்கி²பி; ந பச்சுக்³க³ந்த்வா பத்தசீவரங் படிக்³க³ஹேஸி ந பானீயேன
ஆபுச்சி². து²ல்லனந்தா³ பி⁴க்கு²னீ சண்ட³காளிங் பி⁴க்கு²னிங் ஏதத³வோச –
‘‘கிஸ்ஸ த்வங், அய்யே, மயி ஆக³ச்ச²ந்தியா நேவ ஆஸனங் பஞ்ஞபேஸி ந பாதோ³த³கங்
பாத³பீட²ங் பாத³கட²லிகங் உபனிக்கி²பி; ந பச்சுக்³க³ந்த்வா பத்தசீவரங்
படிக்³க³ஹேஸி ந பானீயேன ஆபுச்சீ²’’தி? ‘‘ஏவஞ்ஹேதங், அய்யே, ஹோதி யதா² தங்
அனாதா²யா’’தி. ‘‘கிஸ்ஸ பன த்வங், அய்யே, அனாதா²’’தி? ‘‘இமா மங், அய்யே,
பி⁴க்கு²னியோ – ‘‘அயங் அனாதா² அப்பஞ்ஞாதா, நத்தி²
இமிஸ்ஸா காசி பதிவத்தா’’தி, ஆபத்தியா அத³ஸ்ஸனே உக்கி²பிங்ஸூ’’தி.
து²ல்லனந்தா³ பி⁴க்கு²னீ – ‘‘பா³லா ஏதா அப்³யத்தா ஏதா நேதா ஜானந்தி கம்மங்
வா கம்மதோ³ஸங் வா கம்மவிபத்திங் வா கம்மஸம்பத்திங் வா’’தி, சண்டீ³கதா க³ணங்
பரிபா⁴ஸி. யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம அய்யா து²ல்லனந்தா³ சண்டீ³கதா க³ணங்
பரிபா⁴ஸிஸ்ஸதீ’’தி…பே॰… ஸச்சங் கிர, பி⁴க்க²வே, து²ல்லனந்தா³ பி⁴க்கு²னீ
சண்டீ³கதா க³ணங் பரிபா⁴ஸதீதி [பரிபா⁴ஸீதி (க॰)]? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா …பே॰…கத²ஞ்ஹி நாம, பி⁴க்க²வே, து²ல்லனந்தா³ பி⁴க்கு²னீ சண்டீ³கதா க³ணங்
பரிபா⁴ஸிஸ்ஸதி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

1034. ‘‘யா பன பி⁴க்கு²னீ சண்டீ³கதா க³ணங் பரிபா⁴ஸெய்ய, பாசித்திய’’ந்தி.

1035. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

சண்டீ³கதா நாம கோத⁴னா வுச்சதி.

க³ணோ நாம பி⁴க்கு²னிஸங்கோ⁴ வுச்சதி.

பரிபா⁴ஸெய்யாதி ‘‘பா³லா ஏதா
அப்³யத்தா ஏதா நேதா ஜானந்தி கம்மங் வா கம்மதோ³ஸங் வா கம்மவிபத்திங் வா
கம்மஸம்பத்திங் வா’’தி பரிபா⁴ஸதி, ஆபத்தி பாசித்தியஸ்ஸ. ஸம்ப³ஹுலா
பி⁴க்கு²னியோ வா ஏகங் பி⁴க்கு²னிங் வா அனுபஸம்பன்னங் வா பரிபா⁴ஸதி, ஆபத்தி
து³க்கடஸ்ஸ.

1036. அனாபத்தி அத்த²புரெக்கா²ராய, த⁴ம்மபுரெக்கா²ராய, அனுஸாஸனிபுரெக்கா²ராய, உம்மத்திகாய, ஆதி³கம்மிகாயாதி.

ததியஸிக்கா²பத³ங் நிட்டி²தங்.

4. சதுத்த²ஸிக்கா²பத³ங்

1037.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரோ ப்³ராஹ்மணோ பி⁴க்கு²னியோ நிமந்தெத்வா
போ⁴ஜேஸி . பி⁴க்கு²னியோ பு⁴த்தாவீ [பு⁴த்தாவினீ (க॰)]
பவாரிதா ஞாதிகுலானி க³ந்த்வா ஏகச்சா பு⁴ஞ்ஜிங்ஸு ஏகச்சா பிண்ட³பாதங் ஆதா³ய
அக³மங்ஸு. அத² கோ² ஸோ ப்³ராஹ்மணோ படிவிஸ்ஸகே ஏதத³வோச – ‘‘பி⁴க்கு²னியோ மயா
அய்யா ஸந்தப்பிதா, ஏத² தும்ஹேபி ஸந்தப்பெஸ்ஸாமீ’’தி. தே ஏவமாஹங்ஸு –
‘‘கிங் த்வங், அய்யோ, அம்ஹே ஸந்தப்பெஸ்ஸஸி! யாபி தயா நிமந்திதா தாபி
அம்ஹாகங் க⁴ரானி ஆக³ந்த்வா ஏகச்சா பு⁴ஞ்ஜிங்ஸு ஏகச்சா பிண்ட³பாதங்
ஆதா³ய அக³மங்ஸூ’’தி. அத² கோ² ஸோ ப்³ராஹ்மணோ உஜ்ஜா²யதி கி²ய்யதி விபாசேதி –
‘‘கத²ஞ்ஹி நாம பி⁴க்கு²னியோ அம்ஹாகங் க⁴ரே பு⁴ஞ்ஜித்வா அஞ்ஞத்ர
பு⁴ஞ்ஜிஸ்ஸந்தி, ந சாஹங் படிப³லோ யாவத³த்த²ங் தா³து’’ந்தி! அஸ்ஸோஸுங் கோ²
பி⁴க்கு²னியோ தஸ்ஸ ப்³ராஹ்மணஸ்ஸ உஜ்ஜா²யந்தஸ்ஸ கி²ய்யந்தஸ்ஸ விபாசெந்தஸ்ஸ.
யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு²னியோ பு⁴த்தாவீ [பு⁴த்தாவினீ (க॰)] பவாரிதா அஞ்ஞத்ர பு⁴ஞ்ஜிஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கு²னியோ பு⁴த்தாவீ பவாரிதா அஞ்ஞத்ர பு⁴ஞ்ஜந்தீதி ?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, பி⁴க்கு²னியோ பு⁴த்தாவீ பவாரிதா அஞ்ஞத்ர பு⁴ஞ்ஜிஸ்ஸந்தி! நேதங்,
பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

1038. ‘‘யா பன பி⁴க்கு²னீ நிமந்திதா வா பவாரிதா வா கா²த³னீயங் வா போ⁴ஜனீயங் வா கா²தெ³ய்ய வா பு⁴ஞ்ஜெய்ய வா, பாசித்திய’’ந்தி.

1039. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

நிமந்திதா நாம பஞ்சன்னங் போ⁴ஜனானங் அஞ்ஞதரேன போ⁴ஜனேன நிமந்திதா.

பவாரிதா நாம அஸனங் பஞ்ஞாயதி, போ⁴ஜனங் பஞ்ஞாயதி, ஹத்த²பாஸே டி²தா அபி⁴ஹரதி, படிக்கே²போ பஞ்ஞாயதி.

கா²த³னீயங் நாம பஞ்ச போ⁴ஜனானி – யாகு³ங் யாமகாலிகங் ஸத்தாஹகாலிகங் யாவஜீவிகங் ட²பெத்வா அவஸேஸங் கா²த³னீயங் நாம.

போ⁴ஜனீயங் நாம பஞ்ச போ⁴ஜனானி – ஓத³னோ, கும்மாஸோ, ஸத்து, மச்சோ², மங்ஸங்.

‘‘கா²தி³ஸ்ஸாமி பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி பாசித்தியஸ்ஸ.

1040. நிமந்திதே
நிமந்திதஸஞ்ஞா கா²த³னீயங் வா போ⁴ஜனீயங் வா கா²த³தி வா பு⁴ஞ்ஜதி வா, ஆபத்தி
பாசித்தியஸ்ஸ. நிமந்திதே வேமதிகா கா²த³னீயங் வா போ⁴ஜனீயங்
வா கா²த³தி வா பு⁴ஞ்ஜதி வா, ஆபத்தி பாசித்தியஸ்ஸ. நிமந்திதே
அனிமந்திதஸஞ்ஞா கா²த³னீயங் வா போ⁴ஜனீயங் வா கா²த³தி வா பு⁴ஞ்ஜதி வா, ஆபத்தி
பாசித்தியஸ்ஸ.

யாமகாலிகங் ஸத்தாஹகாலிகங் யாவஜீவிகங் ஆஹாரத்தா²ய படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி து³க்கடஸ்ஸ…பே॰….

1041.
அனாபத்தி நிமந்திதா அப்பவாரிதா, யாகு³ங் பிவதி, ஸாமிகே அபலோகெத்வா
பு⁴ஞ்ஜதி, யாமகாலிகங் ஸத்தாஹகாலிகங் யாவஜீவிகங் ஸதி பச்சயே பரிபு⁴ஞ்ஜதி,
உம்மத்திகாய, ஆதி³கம்மிகாயாதி.

சதுத்த²ஸிக்கா²பத³ங் நிட்டி²தங்.

5. பஞ்சமஸிக்கா²பத³ங்

1042. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரா பி⁴க்கு²னீ ஸாவத்தி²யங் அஞ்ஞதரிஸ்ஸா
விஸிகா²ய பிண்டா³ய சரமானா யேன அஞ்ஞதரங் குலங் தேனுபஸங்கமி; உபஸங்கமித்வா
பஞ்ஞத்தே ஆஸனே நிஸீதி³. அத² கோ² தே மனுஸ்ஸா தங் பி⁴க்கு²னிங் போ⁴ஜெத்வா
ஏதத³வோசுங் – ‘‘அஞ்ஞாபி, அய்யே, பி⁴க்கு²னியோ ஆக³ச்ச²ந்தூ’’தி. அத² கோ² ஸா
பி⁴க்கு²னீ, ‘‘கத²ஞ்ஹி நாம [கத²ங் அஞ்ஞா (ஸ்யா॰)]
பி⁴க்கு²னியோ நாக³ச்செ²ய்யு’’ந்தி, பி⁴க்கு²னியோ உபஸங்கமித்வா ஏதத³வோச –
‘‘அமுகஸ்மிங், அய்யே, ஓகாஸே வாளா ஸுனகா² சண்டோ³ ப³லிப³த்³தோ³ சிக்க²ல்லோ
ஓகாஸோ. மா கோ² தத்த² அக³மித்தா²’’தி. அஞ்ஞதராபி பி⁴க்கு²னீ தஸ்ஸா விஸிகா²ய
பிண்டா³ய சரமானா யேன தங் குலங் தேனுபஸங்கமி; உபஸங்கமித்வா பஞ்ஞத்தே ஆஸனே
நிஸீதி³. அத² கோ² தே மனுஸ்ஸா தங் பி⁴க்கு²னிங் போ⁴ஜெத்வா ஏதத³வோசுங் –
‘‘கிஸ்ஸ, அய்யே, பி⁴க்கு²னியோ ந ஆக³ச்ச²ந்தீ’’தி? அத² கோ² ஸா பி⁴க்கு²னீ
தேஸங் மனுஸ்ஸானங் ஏதமத்த²ங் ஆரோசேஸி. மனுஸ்ஸா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னீ குலங்
மச்ச²ராயிஸ்ஸதீ’’தி…பே॰… ஸச்சங் கிர, பி⁴க்க²வே, பி⁴க்கு²னீ குலங் மச்ச²ராயதீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, பி⁴க்கு²னீ குலங்
மச்ச²ராயிஸ்ஸதி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச
பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

1043. ‘‘யா பன பி⁴க்கு²னீ குலமச்ச²ரினீ அஸ்ஸ, பாசித்திய’’ந்தி.

1044. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

குலங் நாம சத்தாரி குலானி – க²த்தியகுலங், ப்³ராஹ்மணகுலங், வெஸ்ஸகுலங், ஸுத்³த³குலங்.

மச்ச²ரினீ அஸ்ஸாதி ‘‘கத²ங்
பி⁴க்கு²னியோ நாக³ச்செ²ய்யு’’ந்தி பி⁴க்கு²னீனங் ஸந்திகே குலஸ்ஸ அவண்ணங்
பா⁴ஸதி, ஆபத்தி பாசித்தியஸ்ஸ. குலஸ்ஸ வா ஸந்திகே பி⁴க்கு²னீனங் அவண்ணங்
பா⁴ஸதி, ஆபத்தி பாசித்தியஸ்ஸ.

1045. அனாபத்தி குலங் ந மச்ச²ராயந்தீ ஸந்தங்யேவ ஆதீ³னவங் ஆசிக்க²தி, உம்மத்திகாய, ஆதி³கம்மிகாயாதி.

பஞ்சமஸிக்கா²பத³ங் நிட்டி²தங்.

6. ச²ட்ட²ஸிக்கா²பத³ங்

1046. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஸம்ப³ஹுலா பி⁴க்கு²னியோ கா³மகாவாஸே வஸ்ஸங்வுட்டா²
ஸாவத்தி²ங் அக³மங்ஸு. பி⁴க்கு²னியோ தா பி⁴க்கு²னியோ
ஏதத³வோசுங் – ‘‘கத்தா²ய்யாயோ வஸ்ஸங்வுட்டா²? கச்சி ஓவாதோ³ இத்³தோ⁴
அஹோஸீ’’தி? ‘‘நத்த²ய்யே, தத்த² பி⁴க்கூ²; குதோ ஓவாதோ³ இத்³தோ⁴
ப⁴விஸ்ஸதீ’’தி! யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ அபி⁴க்கு²கே ஆவாஸே
வஸ்ஸங் வஸிஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கு²னியோ
அபி⁴க்கு²கே ஆவாஸே வஸ்ஸங் வஸந்தீதி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே , பி⁴க்கு²னியோ அபி⁴க்கு²கே ஆவாஸே வஸ்ஸங் வஸிஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

1047. ‘‘யா பன பி⁴க்கு²னீ அபி⁴க்கு²கே ஆவாஸே வஸ்ஸங் வஸெய்ய, பாசித்திய’’ந்தி.

1048. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

அபி⁴க்கு²கோ நாம ஆவாஸோ ந
ஸக்கா ஹோதி ஓவாதா³ய வா ஸங்வாஸாய வா க³ந்துங். ‘‘வஸ்ஸங் வஸிஸ்ஸாமீ’’தி
ஸேனாஸனங் பஞ்ஞபேதி பானீயங் பரிபோ⁴ஜனீயங் உபட்ட²பேதி பரிவேணங் ஸம்மஜ்ஜதி,
ஆபத்தி து³க்கடஸ்ஸ. ஸஹ அருணுக்³க³மனா ஆபத்தி பாசித்தியஸ்ஸ.

1049.
அனாபத்தி வஸ்ஸுபக³தா பி⁴க்கூ² பக்கந்தா வா ஹொந்தி விப்³ப⁴ந்தா வா காலங்கதா
வா பக்க²ஸங்கந்தா வா, ஆபதா³ஸு, உம்மத்திகாய, ஆதி³கம்மிகாயாதி.

ச²ட்ட²ஸிக்கா²பத³ங் நிட்டி²தங்.

7. ஸத்தமஸிக்கா²பத³ங்

1050. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஸம்ப³ஹுலா பி⁴க்கு²னியோ கா³மகாவாஸே வஸ்ஸங்வுட்டா²
ஸாவத்தி²ங் அக³மங்ஸு. பி⁴க்கு²னியோ தா பி⁴க்கு²னியோ ஏதத³வோசுங் –
‘‘கத்தா²ய்யாயோ வஸ்ஸங்வுட்டா²; கத்த² [கச்சி (ஸ்யா॰)] பி⁴க்கு²ஸங்கோ⁴ பவாரிதோ’’தி ?
‘‘ந மயங், அய்யே, பி⁴க்கு²ஸங்க⁴ங் பவாரேமா’’தி. யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கு²னியோ வஸ்ஸங்வுட்டா² பி⁴க்கு²ஸங்க⁴ங் ந பவாரெஸ்ஸந்தீ’’தி…பே॰…
ஸச்சங் கிர, பி⁴க்க²வே, பி⁴க்கு²னியோ வஸ்ஸங்வுட்டா² பி⁴க்கு²ஸங்க⁴ங் ந
பவாரெந்தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி
நாம, பி⁴க்க²வே, பி⁴க்கு²னியோ வஸ்ஸங்வுட்டா²
பி⁴க்கு²ஸங்க⁴ங் ந பவாரெஸ்ஸந்தி! நேதங், பி⁴க்க²வே, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங்
உத்³தி³ஸந்து –

1051. ‘‘யா பன பி⁴க்கு²னீ வஸ்ஸங்வுட்டா² உப⁴தோஸங்கே⁴ தீஹி டா²னேஹி ந பவாரெய்ய தி³ட்டே²ன வா ஸுதேன வா பரிஸங்காய வா, பாசித்திய’’ந்தி.

1052. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

வஸ்ஸங்வுட்டா² நாம புரிமங்
வா தேமாஸங் பச்சி²மங் வா தேமாஸங் வுட்டா². உப⁴தோஸங்கே⁴ தீஹி டா²னேஹி ந
பவாரெஸ்ஸாமி தி³ட்டே²ன வா ஸுதேன வா பரிஸங்காய வா’’தி து⁴ரங்
நிக்கி²த்தமத்தே ஆபத்தி பாசித்தியஸ்ஸ.

1053. அனாபத்தி ஸதி அந்தராயே, பரியேஸித்வா ந லப⁴தி, கி³லானாய, ஆபதா³ஸு, உம்மத்திகாய, ஆதி³கம்மிகாயாதி.

ஸத்தமஸிக்கா²பத³ங் நிட்டி²தங்.

8. அட்ட²மஸிக்கா²பத³ங்

1054.
தேன ஸமயேன பு³த்³தோ⁴ ப⁴க³வா ஸக்கேஸு விஹரதி கபிலவத்து²ஸ்மிங்
நிக்³ரோதா⁴ராமே. தேன கோ² பன ஸமயேன ச²ப்³ப³க்³கி³யா பி⁴க்கூ²
பி⁴க்கு²னுபஸ்ஸயங் உபஸங்கமித்வா ச²ப்³ப³க்³கி³யா பி⁴க்கு²னியோ ஓவத³ந்தி.
பி⁴க்கு²னியோ ச²ப்³ப³க்³கி³யா பி⁴க்கு²னியோ ஏதத³வோசுங் – ‘‘ஏதா²ய்யே
ஓவாத³ங் க³மிஸ்ஸாமா’’தி. ‘‘யம்பி மயங், அய்யே, க³ச்செ²ய்யாம ஓவாத³ஸ்ஸ
காரணா, அய்யா ச²ப்³ப³க்³கி³யா இதே⁴வ ஆக³ந்த்வா அம்ஹே ஓவத³ந்தீ’’தி. யா தா
பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ச²ப்³ப³க்³கி³யா பி⁴க்கு²னியோ ஓவாத³ங் ந
க³ச்சி²ஸ்ஸந்தீ’’தி…பே॰… ஸச்சங் கிர, பி⁴க்க²வே, ச²ப்³ப³க்³கி³யா
பி⁴க்கு²னியோ ஓவாத³ங் ந க³ச்ச²ந்தீதி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, ச²ப்³ப³க்³கி³யா
பி⁴க்கு²னியோ ஓவாத³ங் ந க³ச்சி²ஸ்ஸந்தி! நேதங்,
பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

1055. ‘‘யா பன பி⁴க்கு²னீ ஓவாதா³ய வா ஸங்வாஸாய வா ந க³ச்செ²ய்ய, பாசித்திய’’ந்தி.

1056. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஓவாதோ³ நாம அட்ட² க³ருத⁴ம்மா.

ஸங்வாஸோ நாம ஏககம்மங் ஏகுத்³தே³ஸோ ஸமஸிக்க²தா. ஓவாதா³ய வா ஸங்வாஸாய வா ந க³ச்சி²ஸ்ஸாமீதி து⁴ரங் நிக்கி²த்தமத்தே ஆபத்தி பாசித்தியஸ்ஸ.

1057. அனாபத்தி ஸதி அந்தராயே, பரியேஸித்வா து³தியிகங் பி⁴க்கு²னிங் ந லப⁴தி, கி³லானாய, ஆபதா³ஸு, உம்மத்திகாய, ஆதி³கம்மிகாயாதி.

அட்ட²மஸிக்கா²பத³ங் நிட்டி²தங்.

9. நவமஸிக்கா²பத³ங்

1058.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ உபோஸத²ம்பி ந புச்ச²ந்தி ஓவாத³ம்பி ந
யாசந்தி. பி⁴க்கூ² உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கு²னியோ உபோஸத²ம்பி ந புச்சி²ஸ்ஸந்தி ஓவாத³ம்பி ந
யாசிஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கு²னியோ ‘‘உபோஸத²ம்பி ந
புச்ச²ந்தி ஓவாத³ம்பி ந யாசந்தீ’’தி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, பி⁴க்கு²னியோ உபோஸத²ம்பி ந
புச்சி²ஸ்ஸந்தி ஓவாத³ம்பி ந யாசிஸ்ஸந்தி! நேதங், பி⁴க்க²வே, அப்பஸன்னானங்
வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங்
உத்³தி³ஸந்து –

1059. ‘‘அன்வத்³த⁴மாஸங் பி⁴க்கு²னியா பி⁴க்கு²ஸங்க⁴தோ த்³வே த⁴ம்மா பச்சாஸீஸிதப்³பா³ – உபோஸத²புச்ச²கஞ்ச ஓவாதூ³பஸங்கமனஞ்ச. தங் அதிக்காமெந்தியா பாசித்திய’’ந்தி.

1060. அன்வத்³த⁴மாஸந்தி அனுபோஸதி²கங். உபோஸதோ² நாம த்³வே உபோஸதா² – சாதுத்³த³ஸிகோ ச பன்னரஸிகோ ச.

ஓவாதோ³ நாம அட்ட² க³ருத⁴ம்மா. ‘‘உபோஸத²ம்பி ந புச்சி²ஸ்ஸாமி ஓவாத³ம்பி ந யாசிஸ்ஸாமீ’’தி து⁴ரங் நிக்கி²த்தமத்தே ஆபத்தி பாசித்தியஸ்ஸ.

1061. அனாபத்தி ஸதி அந்தராயே, பரியேஸித்வா து³தியிகங் பி⁴க்கு²னிங் ந லப⁴தி, கி³லானாய, ஆபதா³ஸு, உம்மத்திகாய, ஆதி³கம்மிகாயாதி.

நவமஸிக்கா²பத³ங் நிட்டி²தங்.

10. த³ஸமஸிக்கா²பத³ங்

1062. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரா பி⁴க்கு²னீ பஸாகே² ஜாதங் க³ண்ட³ங் புரிஸேன
ஸத்³தி⁴ங் ஏகேனேகா பே⁴தா³பேஸி. அத² கோ² ஸோ புரிஸோ தங் பி⁴க்கு²னிங்
தூ³ஸேதுங் உபக்கமி. ஸா விஸ்ஸரமகாஸி. பி⁴க்கு²னியோ உபதா⁴வித்வா தங்
பி⁴க்கு²னிங் ஏதத³வோசுங் – ‘‘கிஸ்ஸ த்வங், அய்யே, விஸ்ஸரமகாஸீ’’தி? அத² கோ²
ஸா பி⁴க்கு²னீ பி⁴க்கு²னீனங் ஏதமத்த²ங் ஆரோசேஸி. யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கு²னீ பஸாகே² ஜாதங் க³ண்ட³ங் புரிஸேன ஸத்³தி⁴ங் ஏகேனேகா
பே⁴தா³பெஸ்ஸதீ’’தி…பே॰… ஸச்சங் கிர, பி⁴க்க²வே, பி⁴க்கு²னீ பஸாகே² ஜாதங்
க³ண்ட³ங் புரிஸேன ஸத்³தி⁴ங் ஏகேனேகா பே⁴தா³பேதீதி [பே⁴தா³பேஸீதி (க॰)]?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, பி⁴க்கு²னீ பஸாகே² ஜாதங் க³ண்ட³ங் புரிஸேன ஸத்³தி⁴ங் ஏகேனேகா
பே⁴தா³பெஸ்ஸதி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

1063. ‘‘யா
பன பி⁴க்கு²னீ பஸாகே² ஜாதங் க³ண்ட³ங் வா ருதி⁴தங் வா அனபலோகெத்வா ஸங்க⁴ங்
வா க³ணங் வா புரிஸேன ஸத்³தி⁴ங் ஏகேனேகா பே⁴தா³பெய்ய வா பா²லாபெய்ய வா
தோ⁴வாபெய்ய வா ஆலிம்பாபெய்ய வா ப³ந்தா⁴பெய்ய வா மோசாபெய்ய வா, பாசித்திய’’ந்தி.

1064. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

பஸாக²ங் நாம அதோ⁴னாபி⁴ உப்³ப⁴ஜாணுமண்ட³லங். ஜாதந்தி தத்த² ஜாதங். க³ண்டோ³ நாம யோ கோசி க³ண்டோ³. ருதி⁴தங் நாம யங் கிஞ்சி வணங். அனபலோகெத்வாதி அனாபுச்சா². ஸங்கோ⁴ நாம பி⁴க்கு²னிஸங்கோ⁴ வுச்சதி. க³ணோ நாம ஸம்ப³ஹுலா பி⁴க்கு²னியோ வுச்சந்தி. புரிஸோ நாம மனுஸ்ஸபுரிஸோ, ந யக்கோ², ந பேதோ, ந திரச்சா²னக³தோ, விஞ்ஞூ படிப³லோ தூ³ஸேதுங். ஸத்³தி⁴ந்தி ஏகதோ. ஏகேனேகாதி புரிஸோ சேவ ஹோதி பி⁴க்கு²னீ ச.

1065.
‘‘பி⁴ந்தா³’’தி ஆணாபேதி, ஆபத்தி து³க்கடஸ்ஸ. பி⁴ன்னே ஆபத்தி பாசித்தியஸ்ஸ.
‘‘பா²லேஹீ’’தி ஆணாபேதி, ஆபத்தி து³க்கடஸ்ஸ. பா²லிதே ஆபத்தி பாசித்தியஸ்ஸ. ‘‘தோ⁴வா’’தி ஆணாபேதி , ஆபத்தி து³க்கடஸ்ஸ. தோ⁴விதே [தோ⁴தே (ஸ்யா॰)] ஆபத்தி பாசித்தியஸ்ஸ. ‘‘ஆலிம்பா’’தி ஆணாபேதி, ஆபத்தி து³க்கடஸ்ஸ. லித்தே [ஆலித்தே (ஸ்யா॰)]
ஆபத்தி பாசித்தியஸ்ஸ. ‘‘ப³ந்தா⁴ஹீ’’தி ஆணாபேதி, ஆபத்தி து³க்கடஸ்ஸ.
ப³த்³தே⁴ ஆபத்தி பாசித்தியஸ்ஸ. ‘‘மோசேஹீ’’தி ஆணாபேதி, ஆபத்தி து³க்கடஸ்ஸ.
முத்தே ஆபத்தி பாசித்தியஸ்ஸ.

1066.
அனாபத்தி அபலோகெத்வா பே⁴தா³பேதி வா பா²லாபேதி வா தோ⁴வாபேதி வா ஆலிம்பாபேதி
வா ப³ந்தா⁴பேதி வா மோசாபேதி வா, யா காசி விஞ்ஞூ து³தியிகா [யா காசி விஞ்ஞூ து³தியா (ஸ்யா॰), யோ கோசி விஞ்ஞூ து³தியோ (க॰)] ஹோதி, உம்மத்திகாய, ஆதி³கம்மிகாயாதி.

த³ஸமஸிக்கா²பத³ங் நிட்டி²தங்.

ஆராமவக்³கோ³ ச²ட்டோ².

7. க³ப்³பி⁴னீவக்³கோ³

1. பட²மஸிக்கா²பத³ங்

1067.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ க³ப்³பி⁴னிங் வுட்டா²பெந்தி. ஸா
பிண்டா³ய சரதி. மனுஸ்ஸா ஏவமாஹங்ஸு – ‘‘தே³தா²ய்யாய பி⁴க்க²ங் , க³ருபா⁴ரா [க³ருக³ப்³பா⁴ (ஸ்யா॰)]
அய்யா’’தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கு²னியோ க³ப்³பி⁴னிங் வுட்டா²பெஸ்ஸந்தீ’’தி! அஸ்ஸோஸுங் கோ²
பி⁴க்கு²னியோ தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ க³ப்³பி⁴னிங் வுட்டா²பெஸ்ஸந்தீ’’தி…பே॰…
ஸச்சங் கிர, பி⁴க்க²வே, பி⁴க்கு²னியோ க³ப்³பி⁴னிங் வுட்டா²பெந்தீதி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, பி⁴க்கு²னியோ க³ப்³பி⁴னிங் வுட்டா²பெஸ்ஸந்தி! நேதங், பி⁴க்க²வே,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங்
ஸிக்கா²பத³ங் உத்³தி³ஸந்து –

1068. ‘‘யா பன பி⁴க்கு²னீ க³ப்³பி⁴னிங் வுட்டா²பெய்ய, பாசித்திய’’ந்தி.

1069. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

க³ப்³பி⁴னீ நாம ஆபன்னஸத்தா வுச்சதி. வுட்டா²பெய்யாதி உபஸம்பாதெ³ய்ய.

‘‘வுட்டா²பெஸ்ஸாமீ’’தி க³ணங் வா ஆசரினிங் வா பத்தங் வா
சீவரங் வா பரியேஸதி, ஸீமங் வா ஸம்மன்னதி, ஆபத்தி து³க்கடஸ்ஸ. ஞத்தியா
து³க்கடங். த்³வீஹி கம்மவாசாஹி து³க்கடா. கம்மவாசாபரியோஸானே உபஜ்ஜா²யாய
ஆபத்தி பாசித்தியஸ்ஸ. க³ணஸ்ஸ ச ஆசரினியா ச ஆபத்தி து³க்கடஸ்ஸ.

1070.
க³ப்³பி⁴னியா க³ப்³பி⁴னிஸஞ்ஞா வுட்டா²பேதி, ஆபத்தி பாசித்தியஸ்ஸ.
க³ப்³பி⁴னியா வேமதிகா வுட்டா²பேதி, ஆபத்தி து³க்கடஸ்ஸ. க³ப்³பி⁴னியா
அக³ப்³பி⁴னிஸஞ்ஞா வுட்டா²பேதி, அனாபத்தி. அக³ப்³பி⁴னியா க³ப்³பி⁴னிஸஞ்ஞா , ஆபத்தி து³க்கடஸ்ஸ. அக³ப்³பி⁴னியா வேமதிகா, ஆபத்தி து³க்கடஸ்ஸ. அக³ப்³பி⁴னியா அக³ப்³பி⁴னிஸஞ்ஞா, அனாபத்தி.

1071. அனாபத்தி க³ப்³பி⁴னிங் அக³ப்³பி⁴னிஸஞ்ஞா வுட்டா²பேதி, அக³ப்³பி⁴னிங் அக³ப்³பி⁴னிஸஞ்ஞா வுட்டா²பேதி, உம்மத்திகாய, ஆதி³கம்மிகாயாதி.

பட²மஸிக்கா²பத³ங் நிட்டி²தங்.

2. து³தியஸிக்கா²பத³ங்

1072. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ பாயந்திங் வுட்டா²பெந்தி. ஸா
பிண்டா³ய சரதி. மனுஸ்ஸா ஏவமாஹங்ஸு – ‘‘தே³தா²ய்யாய பி⁴க்க²ங், ஸது³தியிகா
அய்யா’’தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கு²னியோ பாயந்திங் வுட்டா²பெஸ்ஸந்தீ’’தி! அஸ்ஸோஸுங் கோ² பி⁴க்கு²னியோ
தேஸங் மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். யா தா
பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு²னியோ பாயந்திங் வுட்டா²பெஸ்ஸந்தீ’’தி…பே॰… ஸச்சங்
கிர, பி⁴க்க²வே, பி⁴க்கு²னியோ பாயந்திங் வுட்டா²பெந்தீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே,
பி⁴க்கு²னியோ பாயந்திங் வுட்டா²பெஸ்ஸந்தி! நேதங், பி⁴க்க²வே, அப்பஸன்னானங்
வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங்
உத்³தி³ஸந்து –

1073. ‘‘யா பன பி⁴க்கு²னீ பாயந்திங் வுட்டா²பெய்ய, பாசித்திய’’ந்தி.

1074. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

பாயந்தீ நாம மாதா வா ஹோதி [ஹோது (க॰)] தா⁴தி [தா⁴தீ (ஸீ॰ ஸ்யா॰)] வா.

வுட்டா²பெய்யாதி உபஸம்பாதெ³ய்ய.

‘‘வுட்டா²பெஸ்ஸாமீ’’தி க³ணங் வா ஆசரினிங் வா பத்தங் வா
சீவரங் வா பரியேஸதி, ஸீமங் வா ஸம்மன்னதி, ஆபத்தி து³க்கடஸ்ஸ. ஞத்தியா
து³க்கடங். த்³வீஹி கம்மவாசாஹி து³க்கடா. கம்மவாசாபரியோஸானே உபஜ்ஜா²யாய ஆபத்தி பாசித்தியஸ்ஸ. க³ணஸ்ஸ ச ஆசரினியா ச ஆபத்தி து³க்கடஸ்ஸ.

1075.
பாயந்தியா பாயந்திஸஞ்ஞா வுட்டா²பேதி, ஆபத்தி பாசித்தியஸ்ஸ. பாயந்தியா
வேமதிகா வுட்டா²பேதி, ஆபத்தி து³க்கடஸ்ஸ. பாயந்தியா அபாயந்திஸஞ்ஞா
வுட்டா²பேதி, அனாபத்தி. அபாயந்தியா பாயந்திஸஞ்ஞா, ஆபத்தி து³க்கடஸ்ஸ. அபாயந்தியா வேமதிகா, ஆபத்தி து³க்கடஸ்ஸ. அபாயந்தியா அபாயந்திஸஞ்ஞா, அனாபத்தி.

1076. அனாபத்தி பாயந்திங் அபாயந்திஸஞ்ஞா வுட்டா²பேதி, அபாயந்திங் அபாயந்திஸஞ்ஞா வுட்டா²பேதி, உம்மத்திகாய, ஆதி³கம்மிகாயாதி.

து³தியஸிக்கா²பத³ங் நிட்டி²தங்.

3. ததியஸிக்கா²பத³ங்

1077.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ த்³வே வஸ்ஸானி ச²ஸு த⁴ம்மேஸு
அஸிக்கி²தஸிக்க²ங் ஸிக்க²மானங் வுட்டா²பெந்தி. தா பா³லா ஹொந்தி அப்³யத்தா ந
ஜானந்தி கப்பியங் வா அகப்பியங் வா. யா தா பி⁴க்கு²னியோ அப்பிச்சா²…பே॰… தா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ த்³வே
வஸ்ஸானி ச²ஸு த⁴ம்மேஸு அஸிக்கி²தஸிக்க²ங் ஸிக்க²மானங்
வுட்டா²பெஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கு²னியோ த்³வே
வஸ்ஸானி ச²ஸு த⁴ம்மேஸு அஸிக்கி²தஸிக்க²ங் ஸிக்க²மானங் வுட்டா²பெந்தீ’’தி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, பி⁴க்கு²னியோ த்³வே வஸ்ஸானி ச²ஸு த⁴ம்மேஸு அஸிக்கி²தஸிக்க²ங் ஸிக்க²மானங் வுட்டா²பெஸ்ஸந்தி! நேதங் ,
பி⁴க்க²வே, அப்பஸன்னானங் வா பஸாதா³ய…பே॰… விக³ரஹித்வா…பே॰… த⁴ம்மிங் கத²ங்
கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, ஸிக்க²மானாய த்³வே
வஸ்ஸானி ச²ஸு த⁴ம்மேஸு ஸிக்கா²ஸம்முதிங் தா³துங். ஏவஞ்ச பன, பி⁴க்க²வே,
தா³தப்³பா³. தாய ஸிக்க²மானாய ஸங்க⁴ங் உபஸங்கமித்வா ஏகங்ஸங் உத்தராஸங்க³ங்
கரித்வா பி⁴க்கு²னீனங் பாதே³ வந்தி³த்வா உக்குடிகங் நிஸீதி³த்வா அஞ்ஜலிங்
பக்³க³ஹெத்வா ஏவமஸ்ஸ வசனீயோ – அஹங், அய்யே, இத்த²ன்னாமா இத்த²ன்னாமாய
அய்யாய ஸிக்க²மானா. ஸங்க⁴ங் த்³வே வஸ்ஸானி ச²ஸு த⁴ம்மேஸு ஸிக்கா²ஸம்முதிங்
யாசாமீ’’தி. து³தியம்பி யாசிதப்³பா³. ததியம்பி யாசிதப்³பா³. ப்³யத்தாய
பி⁴க்கு²னியா படிப³லாய ஸங்கோ⁴ ஞாபேதப்³போ³ –

1078.
‘‘ஸுணாது மே, அய்யே, ஸங்கோ⁴. அயங் இத்த²ன்னாமா இத்த²ன்னாமாய அய்யாய
ஸிக்க²மானா ஸங்க⁴ங் த்³வே வஸ்ஸானி ச²ஸு த⁴ம்மேஸு ஸிக்கா²ஸம்முதிங் யாசதி.
யதி³ ஸங்க⁴ஸ்ஸ பத்தகல்லங் ஸங்கோ⁴ இத்த²ன்னாமாய ஸிக்க²மானாய த்³வே வஸ்ஸானி ச²ஸு த⁴ம்மேஸு ஸிக்கா²ஸம்முதிங் த³தெ³ய்ய. ஏஸா ஞத்தி.

‘‘ஸுணாது மே, அய்யே, ஸங்கோ⁴.
அயங் இத்த²ன்னாமா இத்த²ன்னாமாய அய்யாய ஸிக்க²மானா ஸங்க⁴ங் த்³வே வஸ்ஸானி
ச²ஸு த⁴ம்மேஸு ஸிக்கா²ஸம்முதிங் யாசதி. ஸங்கோ⁴ இத்த²ன்னாமாய ஸிக்க²மானாய
த்³வே வஸ்ஸானி ச²ஸு த⁴ம்மேஸு ஸிக்கா²ஸம்முதிங் தே³தி. யஸ்ஸா அய்யாய க²மதி
இத்த²ன்னாமாய ஸிக்க²மானாய த்³வே வஸ்ஸானி ச²ஸு த⁴ம்மேஸு ஸிக்கா²ஸம்முதியா
தா³னங், ஸா துண்ஹஸ்ஸ; யஸ்ஸா நக்க²மதி, ஸா பா⁴ஸெய்ய.

‘‘தி³ன்னா ஸங்கே⁴ன இத்த²ன்னாமாய ஸிக்க²மானாய த்³வே
வஸ்ஸானி ச²ஸு த⁴ம்மேஸு ஸிக்கா²ஸம்முதி. க²மதி ஸங்க⁴ஸ்ஸ, தஸ்மா துண்ஹீ,
ஏவமேதங் தா⁴ரயாமீ’’தி.

1079.
ஸா ஸிக்க²மானா ‘‘ஏவங் வதே³ஹீ’’தி வத்தப்³பா³ – ‘‘பாணாதிபாதா வேரமணிங்
த்³வே வஸ்ஸானி அவீதிக்கம்ம ஸமாதா³னங் ஸமாதி³யாமி. அதி³ன்னாதா³னா வேரமணிங்
த்³வே வஸ்ஸானி அவீதிக்கம்ம ஸமாதா³னங் ஸமாதி³யாமி. அப்³ரஹ்மசரியா வேரமணிங்
த்³வே வஸ்ஸானி அவீதிக்கம்ம ஸமாதா³னங் ஸமாதி³யாமி. முஸாவாதா³ வேரமணிங் த்³வே
வஸ்ஸானி அவீதிக்கம்ம ஸமாதா³னங் ஸமாதி³யாமி. ஸுராமேரயமஜ்ஜப்பமாத³ட்டா²னா
வேரமணிங் த்³வே வஸ்ஸானி அவீதிக்கம்ம ஸமாதா³னங் ஸமாதி³யாமி. விகாலபோ⁴ஜனா
வேரமணிங் த்³வே வஸ்ஸானி அவீதிக்கம்ம ஸமாதா³னங் ஸமாதி³யாமீ’’தி.

அத² கோ² ப⁴க³வா தா பி⁴க்கு²னியோ அனேகபரியாயேன
விக³ரஹித்வா து³ப்³ப⁴ரதாய…பே॰… ஏவஞ்ச பன, பி⁴க்க²வே, பி⁴க்கு²னியோ இமங்
ஸிக்கா²பத³ங் உத்³தி³ஸந்து –

1080. ‘‘யா பன பி⁴க்கு²னீ த்³வே வஸ்ஸானி ச²ஸு த⁴ம்மேஸு அஸிக்கி²தஸிக்க²ங் ஸிக்க²மானங் வுட்டா²பெய்ய, பாசித்திய’’ந்தி.

1081. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

த்³வே வஸ்ஸானீதி த்³வே ஸங்வச்ச²ரானி. அஸிக்கி²தஸிக்கா² நாம ஸிக்கா² வா ந தி³ன்னா ஹோதி, தி³ன்னா வா ஸிக்கா² குபிதா. வுட்டா²பெய்யாதி உபஸம்பாதெ³ய்ய.

‘‘வுட்டா²பெஸ்ஸாமீ’’தி க³ணங் வா ஆசரினிங் வா பத்தங் வா
சீவரங் வா பரியேஸதி, ஸீமங் வா ஸம்மன்னதி, ஆபத்தி து³க்கடஸ்ஸ. ஞத்தியா
து³க்கடங். த்³வீஹி கம்மவாசாஹி து³க்கடா. கம்மவாசாபரியோஸானே உபஜ்ஜா²யாய ஆபத்தி பாசித்தியஸ்ஸ. க³ணஸ்ஸ ச ஆசரினியா ச ஆபத்தி து³க்கடஸ்ஸ.

1082. த⁴ம்மகம்மே
த⁴ம்மகம்மஸஞ்ஞா வுட்டா²பேதி, ஆபத்தி பாசித்தியஸ்ஸ. த⁴ம்மகம்மே வேமதிகா
வுட்டா²பேதி, ஆபத்தி பாசித்தியஸ்ஸ. த⁴ம்மகம்மே அத⁴ம்மகம்மஸஞ்ஞா
வுட்டா²பேதி, ஆபத்தி பாசித்தியஸ்ஸ.

1083. அனாபத்தி த்³வே வஸ்ஸானி ச²ஸு த⁴ம்மேஸு ஸிக்கி²தஸிக்க²ங் ஸிக்க²மானங் வுட்டா²பேதி, உம்மத்திகாய, ஆதி³கம்மிகாயாதி.

ததியஸிக்கா²பத³ங் நிட்டி²தங்.

4. சதுத்த²ஸிக்கா²பத³ங்

1084.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ த்³வே வஸ்ஸானி ச²ஸு த⁴ம்மேஸு
ஸிக்கி²தஸிக்க²ங் ஸிக்க²மானங் ஸங்கே⁴ன அஸம்மதங் வுட்டா²பெந்தி.
பி⁴க்கு²னியோ ஏவமாஹங்ஸு – ‘‘ஏத², ஸிக்க²மானா, இமங் ஜானாத², இமங் தே³த²,
இமங் ஆஹரத², இமினா அத்தோ², இமங் கப்பியங் கரோதா²’’தி. தா ஏவமாஹங்ஸு – ‘‘ந
மயங், அய்யே, ஸிக்க²மானா. பி⁴க்கு²னியோ மய’’ந்தி. யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கு²னியோ த்³வே வஸ்ஸானி ச²ஸு த⁴ம்மேஸு ஸிக்கி²தஸிக்க²ங் ஸிக்க²மானங் ஸங்கே⁴ன
அஸம்மதங் வுட்டா²பெஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கு²னியோ
த்³வே வஸ்ஸானி ச²ஸு த⁴ம்மேஸு ஸிக்கி²தஸிக்க²ங் ஸிக்க²மானங் ஸங்கே⁴ன
அஸம்மதங் வுட்டா²பெந்தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம, பி⁴க்க²வே, பி⁴க்கு²னியோ த்³வே வஸ்ஸானி ச²ஸு
த⁴ம்மேஸு ஸிக்கி²தஸிக்க²ங் ஸிக்க²மானங் ஸங்கே⁴ன அஸம்மதங் வுட்டா²பெஸ்ஸந்தி!
நேதங், பி⁴க்க²வே, அப்பஸன்னானங் வா பஸாதா³ய…பே॰… விக³ரஹித்வா…பே॰…
த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, த்³வே
வஸ்ஸானி ச²ஸு த⁴ம்மேஸு ஸிக்கி²தஸிக்கா²ய ஸிக்க²மானாய வுட்டா²னஸம்முதிங்
தா³துங். ஏவஞ்ச பன, பி⁴க்க²வே, தா³தப்³பா³. தாய த்³வே வஸ்ஸானி ச²ஸு
த⁴ம்மேஸு ஸிக்கி²தஸிக்கா²ய ஸிக்க²மானாய ஸங்க⁴ங் உபஸங்கமித்வா ஏகங்ஸங்
உத்தராஸங்க³ங் கரித்வா பி⁴க்கு²னீனங் பாதே³ வந்தி³த்வா உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ – ‘‘அஹங் ,
அய்யே, இத்த²ன்னாமா இத்த²ன்னாமாய அய்யாய த்³வே வஸ்ஸானி ச²ஸு த⁴ம்மேஸு
ஸிக்கி²தஸிக்கா² ஸிக்க²மானா ஸங்க⁴ங் வுட்டா²னஸம்முதிங் யாசாமீ’’தி.
து³தியம்பி யாசிதப்³பா³. ததியம்பி யாசிதப்³பா³. ப்³யத்தாய பி⁴க்கு²னியா
படிப³லாய ஸங்கோ⁴ ஞாபேதப்³போ³ –

1085.
‘‘ஸுணாது மே, அய்யே, ஸங்கோ⁴. அயங் இத்த²ன்னாமா இத்த²ன்னாமாய அய்யாய த்³வே
வஸ்ஸானி ச²ஸு த⁴ம்மேஸு ஸிக்கி²தஸிக்கா² ஸிக்க²மானா ஸங்க⁴ங்
வுட்டா²னஸம்முதிங் யாசதி. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமாய
த்³வே வஸ்ஸானி ச²ஸு த⁴ம்மேஸு ஸிக்கி²தஸிக்கா²ய ஸிக்க²மானாய
வுட்டா²னஸம்முதிங் த³தெ³ய்ய. ஏஸா ஞத்தி.

‘‘ஸுணாது மே , அய்யே, ஸங்கோ⁴.
அயங் இத்த²ன்னாமா இத்த²ன்னாமாய அய்யாய த்³வே வஸ்ஸானி ச²ஸு த⁴ம்மேஸு
ஸிக்கி²தஸிக்கா² ஸிக்க²மானா ஸங்க⁴ங் வுட்டா²னஸம்முதிங் யாசதி. ஸங்கோ⁴
இத்த²ன்னாமாய த்³வே வஸ்ஸானி ச²ஸு த⁴ம்மேஸு ஸிக்கி²தஸிக்கா²ய ஸிக்க²மானாய
வுட்டா²னஸம்முதிங் தே³தி. யஸ்ஸா அய்யாய க²மதி இத்த²ன்னாமாய த்³வே வஸ்ஸானி
ச²ஸு த⁴ம்மேஸு ஸிக்கி²தஸிக்கா²ய ஸிக்க²மானாய வுட்டா²னஸம்முதியா தா³னங், ஸா
துண்ஹஸ்ஸ; யஸ்ஸா நக்க²மதி, ஸா பா⁴ஸெய்ய.

‘‘தி³ன்னா ஸங்கே⁴ன இத்த²ன்னாமாய த்³வே வஸ்ஸானி ச²ஸு
த⁴ம்மேஸு ஸிக்கி²தஸிக்கா²ய ஸிக்க²மானாய வுட்டா²னஸம்முதி; க²மதி ஸங்க⁴ஸ்ஸ,
தஸ்மா துண்ஹீ, ஏவமேதங் தா⁴ரயாமீ’’தி.

1086. ‘‘யா பன பி⁴க்கு²னீ த்³வே வஸ்ஸானி ச²ஸு த⁴ம்மேஸு ஸிக்கி²தஸிக்க²ங் ஸிக்க²மானங் ஸங்கே⁴ன அஸம்மதங் வுட்டா²பெய்ய, பாசித்திய’’ந்தி.

1087. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

த்³வே வஸ்ஸானீதி த்³வே ஸங்வச்ச²ரானி. ஸிக்கி²தஸிக்கா² நாம ச²ஸு த⁴ம்மேஸு ஸிக்கி²தஸிக்கா². அஸம்மதா நாம ஞத்திது³தியேன கம்மேன வுட்டா²னஸம்முதி ந தி³ன்னாஹோதி. வுட்டா²பெய்யாதி உபஸம்பாதெ³ய்ய.

‘‘வுட்டா²பெஸ்ஸாமீ’’தி க³ணங் வா ஆசரினிங் வா பத்தங் வா
சீவரங் வா பரியேஸதி, ஸீமங் வா ஸம்மன்னதி, ஆபத்தி து³க்கடஸ்ஸ. ஞத்தியா
து³க்கடங். த்³வீஹி கம்மவாசாஹி து³க்கடா. கம்மவாசாபரியோஸானே உபஜ்ஜா²யாய ஆபத்தி பாசித்தியஸ்ஸ. க³ணஸ்ஸ ச ஆசரினியா ச ஆபத்தி து³க்கடஸ்ஸ.

1088.
த⁴ம்மகம்மே த⁴ம்மகம்மஸஞ்ஞா வுட்டா²பேதி, ஆபத்தி பாசித்தியஸ்ஸ. த⁴ம்மகம்மே
வேமதிகா வுட்டா²பேதி, ஆபத்தி பாசித்தியஸ்ஸ. த⁴ம்மகம்மே அத⁴ம்மகம்மஸஞ்ஞா
வுட்டா²பேதி, ஆபத்தி பாசித்தியஸ்ஸ.

1089. அனாபத்தி த்³வே வஸ்ஸானி ச²ஸு த⁴ம்மேஸு ஸிக்கி²தஸிக்க²ங் ஸிக்க²மானங் ஸங்கே⁴ன ஸம்மதங் வுட்டா²பேதி, உம்மத்திகாய, ஆதி³கம்மிகாயாதி.

சதுத்த²ஸிக்கா²பத³ங் நிட்டி²தங்.

5. பஞ்சமஸிக்கா²பத³ங்

1090. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே .
தேன கோ² பன ஸமயேன பி⁴க்கு²னியோ ஊனத்³வாத³ஸவஸ்ஸங் கி³ஹிக³தங்
வுட்டா²பெந்தி. தா அக்க²மா ஹொந்தி ஸீதஸ்ஸ உண்ஹஸ்ஸ ஜிக⁴ச்சா²ய பிபாஸாய
ட³ங்ஸமகஸவாதாதபஸரீஸபஸம்ப²ஸ்ஸானங் து³ருத்தானங் து³ராக³தானங் வசனபதா²னங்.
உப்பன்னானங் ஸாரீரிகானங் வேத³னானங் து³க்கா²னங் திப்³பா³னங் க²ரானங்
கடுகானங் அஸாதானங் அமனாபானங் பாணஹரானங் அனதி⁴வாஸகஜாதிகா ஹொந்தி. யா தா
பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு²னியோ ஊனத்³வாத³ஸவஸ்ஸங்
கி³ஹிக³தங் வுட்டா²பெஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கு²னியோ
ஊனத்³வாத³ஸவஸ்ஸங் கி³ஹிக³தங் வுட்டா²பெந்தீதி? ‘‘ஸச்சங், ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, பி⁴க்கு²னியோ ஊனத்³வாத³ஸவஸ்ஸங் கி³ஹிக³தங் வுட்டா²பெஸ்ஸந்தி! ஊனத்³வாத³ஸவஸ்ஸா [ஊனத்³வாத³ஸவஸ்ஸாஹி (க॰)],
பி⁴க்க²வே, கி³ஹிக³தா அக்க²மா ஹோதி ஸீதஸ்ஸ உண்ஹஸ்ஸ ஜிக⁴ச்சா²ய பிபாஸாய
ட³ங்ஸமகஸவாதாதபஸரீஸபஸம்ப²ஸ்ஸானங் து³ருத்தானங் து³ராக³தானங் வசனபதா²னங்.
உப்பன்னானங் ஸாரீரிகானங் வேத³னானங் து³க்கா²னங் திப்³பா³னங் க²ரானங்
கடுகானங் அஸாதானங் அமனாபானங் பாணஹரானங் அனதி⁴வாஸகஜாதிகா ஹோதி.
த்³வாத³ஸவஸ்ஸாவ [த்³வாத³ஸவஸ்ஸா ச (ஸ்யா॰ க॰)]
கோ², பி⁴க்க²வே, கி³ஹிக³தா க²மா ஹோதி ஸீதஸ்ஸ உண்ஹஸ்ஸ ஜிக⁴ச்சா²ய பிபாஸாய
ட³ங்ஸமகஸவாதாதபஸரீஸபஸம்ப²ஸ்ஸானங் து³ருத்தானங் து³ராக³தானங் வசனபதா²னங்.
உப்பன்னானங் ஸாரீரிகானங் வேத³னானங் து³க்கா²னங் திப்³பா³னங் க²ரானங்
கடுகானங் அஸாதானங் அமனாபானங் பாணஹரானங் அதி⁴வாஸகஜாதிகா ஹோதி. நேதங்,
பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

1091. ‘‘யா பன பி⁴க்கு²னீ ஊனத்³வாத³ஸவஸ்ஸங் கி³ஹிக³தங் வுட்டா²பெய்ய, பாசித்திய’’ந்தி.

1092. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஊனத்³வாத³ஸவஸ்ஸா நாம அப்பத்தத்³வாத³ஸவஸ்ஸா. கி³ஹிக³தா நாம புரிஸந்தரக³தா வுச்சதி. வுட்டா²பெய்யாதி உபஸம்பாதெ³ய்ய.

‘‘வுட்டா²பெஸ்ஸாமீ’’தி க³ணங் வா ஆசரினிங் வா பத்தங்
வா சீவரங் வா பரியேஸதி, ஸீமங் வா ஸம்மன்னதி, ஆபத்தி து³க்கடஸ்ஸ. ஞத்தியா
து³க்கடங். த்³வீஹி கம்மவாசாஹி து³க்கடா. கம்மவாசாபரியோஸானே உபஜ்ஜா²யாய
ஆபத்தி பாசித்தியஸ்ஸ. க³ணஸ்ஸ ச ஆசரினியா ச ஆபத்தி து³க்கடஸ்ஸ.

1093. ஊனத்³வாத³ஸவஸ்ஸாய
ஊனத்³வாத³ஸவஸ்ஸஸஞ்ஞா வுட்டா²பேதி, ஆபத்தி பாசித்தியஸ்ஸ. ஊனத்³வாத³ஸவஸ்ஸாய
வேமதிகா வுட்டா²பேதி, ஆபத்தி து³க்கடஸ்ஸ. ஊனத்³வாத³ஸவஸ்ஸாய பரிபுண்ணஸஞ்ஞா
வுட்டா²பேதி, அனாபத்தி.

பரிபுண்ணத்³வாத³ஸவஸ்ஸாய
ஊனத்³வாத³ஸவஸ்ஸஸஞ்ஞா, ஆபத்தி து³க்கடஸ்ஸ. பரிபுண்ணத்³வாத³ஸவஸ்ஸாய வேமதிகா,
ஆபத்தி து³க்கடஸ்ஸ. பரிபுண்ணத்³வாத³ஸவஸ்ஸாய பரிபுண்ணஸஞ்ஞா, அனாபத்தி.

1094.
அனாபத்தி ஊனத்³வாத³ஸவஸ்ஸங் பரிபுண்ணஸஞ்ஞா வுட்டா²பேதி,
பரிபுண்ணத்³வாத³ஸவஸ்ஸங் பரிபுண்ணஸஞ்ஞா வுட்டா²பேதி, உம்மத்திகாய,
ஆதி³கம்மிகாயாதி.

பஞ்சமஸிக்கா²பத³ங் நிட்டி²தங்.

6. ச²ட்ட²ஸிக்கா²பத³ங்

1095.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ பரிபுண்ணத்³வாத³ஸவஸ்ஸங் கி³ஹிக³தங்
த்³வே வஸ்ஸானி ச²ஸு த⁴ம்மேஸு அஸிக்கி²தஸிக்க²ங் வுட்டா²பெந்தி. தா பா³லா
ஹொந்தி அப்³யத்தா ந ஜானந்தி கப்பியங் வா அகப்பியங் வா. யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பி⁴க்கு²னியோ பரிபுண்ணத்³வாத³ஸவஸ்ஸங்
கி³ஹிக³தங் த்³வே வஸ்ஸானி ச²ஸு த⁴ம்மேஸு அஸிக்கி²தஸிக்க²ங்
வுட்டா²பெஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கு²னியோ
பரிபுண்ணத்³வாத³ஸவஸ்ஸங் கி³ஹிக³தங் த்³வே வஸ்ஸானி ச²ஸு த⁴ம்மேஸு
அஸிக்கி²தஸிக்க²ங் வுட்டா²பெந்தீதி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, பி⁴க்கு²னியோ
பரிபுண்ணத்³வாத³ஸவஸ்ஸங் கி³ஹிக³தங் த்³வே வஸ்ஸானி ச²ஸு த⁴ம்மேஸு
அஸிக்கி²தஸிக்க²ங் வுட்டா²பெஸ்ஸந்தி! நேதங், பி⁴க்க²வே, அப்பஸன்னானங் வா
பஸாதா³ய…பே॰… விக³ரஹித்வா த⁴ம்மிங் கத²ங் கத்வா
பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, பரிபுண்ணத்³வாத³ஸவஸ்ஸாய
கி³ஹிக³தாய த்³வே வஸ்ஸானி ச²ஸு த⁴ம்மேஸு ஸிக்கா²ஸம்முதிங் தா³துங். ஏவஞ்ச
பன, பி⁴க்க²வே, தா³தப்³பா³. தாய பரிபுண்ணத்³வாத³ஸவஸ்ஸாய கி³ஹிக³தாய ஸங்க⁴ங்
உபஸங்கமித்வா ஏகங்ஸங் உத்தராஸங்க³ங் கரித்வா பி⁴க்கு²னீனங் பாதே³
வந்தி³த்வா உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ –
அஹங், அய்யே, இத்த²ன்னாமா இத்த²ன்னாமாய அய்யாய பரிபுண்ணத்³வாத³ஸவஸ்ஸா
கி³ஹிக³தா ஸங்க⁴ங் த்³வே வஸ்ஸானி ச²ஸு த⁴ம்மேஸு ஸிக்கா²ஸம்முதிங் யாசாமீ’’தி. து³தியம்பி யாசிதப்³பா³. ததியம்பி யாசிதப்³பா³. ப்³யத்தாய பி⁴க்கு²னியா படிப³லாய ஸங்கோ⁴ ஞாபேதப்³போ³ –

1096. ‘‘ஸுணாது
மே, அய்யே, ஸங்கோ⁴. அயங் இத்த²ன்னாமா இத்த²ன்னாமாய அய்யாய
பரிபுண்ணத்³வாத³ஸவஸ்ஸா கி³ஹிக³தா ஸங்க⁴ங் த்³வே வஸ்ஸானி ச²ஸு த⁴ம்மேஸு
ஸிக்கா²ஸம்முதிங் யாசதி. யதி³ ஸங்க⁴ஸ்ஸ பத்தகல்லங் ஸங்கோ⁴ இத்த²ன்னாமாய
பரிபுண்ணத்³வாத³ஸவஸ்ஸாய கி³ஹிக³தாய த்³வே வஸ்ஸானி ச²ஸு த⁴ம்மேஸு ஸிக்கா²ஸம்முதிங் த³தெ³ய்ய. ஏஸா ஞத்தி.

‘‘ஸுணாது மே, அய்யே, ஸங்கோ⁴. அயங் இத்த²ன்னாமா
இத்த²ன்னாமாய அய்யாய பரிபுண்ணத்³வாத³ஸவஸ்ஸா கி³ஹிக³தா ஸங்க⁴ங் த்³வே
வஸ்ஸானி ச²ஸு த⁴ம்மேஸு ஸிக்கா²ஸம்முதிங் யாசதி. ஸங்கோ⁴ இத்த²ன்னாமாய
பரிபுண்ணத்³வாத³ஸவஸ்ஸாய கி³ஹிக³தாய த்³வே வஸ்ஸானி ச²ஸு த⁴ம்மேஸு
ஸிக்கா²ஸம்முதிங் தே³தி. யஸ்ஸா அய்யாய க²மதி இத்த²ன்னாமாய
பரிபுண்ணத்³வாத³ஸவஸ்ஸாய கி³ஹிக³தாய த்³வே வஸ்ஸானி ச²ஸு த⁴ம்மேஸு
ஸிக்கா²ஸம்முதியா தா³னங், ஸா துண்ஹஸ்ஸ; யஸ்ஸா நக்க²மதி, ஸா பா⁴ஸெய்ய.

‘‘தி³ன்னா ஸங்கே⁴ன இத்த²ன்னாமாய
பரிபுண்ணத்³வாத³ஸவஸ்ஸாய கி³ஹிக³தாய த்³வே வஸ்ஸானி ச²ஸு த⁴ம்மேஸு
ஸிக்கா²ஸம்முதி. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

ஸா பரிபுண்ணத்³வாத³ஸவஸ்ஸா கி³ஹிக³தா ஏவங் வதே³ஹீதி
வத்தப்³பா³ – ‘‘பாணாதிபாதா வேரமணிங் த்³வே வஸ்ஸானி அவீதிக்கம்ம ஸமாதா³னங்
ஸமாதி³யாமி…பே॰… விகாலபோ⁴ஜனா வேரமணிங் த்³வே வஸ்ஸானி அவீதிக்கம்ம ஸமாதா³னங்
ஸமாதி³யாமீ’’தி.

1097. ‘‘யா பன பி⁴க்கு²னீ பரிபுண்ணத்³வாத³ஸவஸ்ஸங் கி³ஹிக³தங் த்³வே வஸ்ஸானி ச²ஸு த⁴ம்மேஸு அஸிக்கி²தஸிக்க²ங் வுட்டா²பெய்ய, பாசித்திய’’ந்தி.

1098. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

பரிபுண்ணத்³வாத³ஸவஸ்ஸா நாம பத்தத்³வாத³ஸவஸ்ஸா. கி³ஹிக³தா நாம புரிஸந்தரக³தா வுச்சதி. த்³வே வஸ்ஸானீதி த்³வே ஸங்வச்ச²ரானி. அஸிக்கி²தஸிக்கா² நாம ஸிக்கா² வா ந தி³ன்னா ஹோதி, தி³ன்னா வா ஸிக்கா² குபிதா. வுட்டா²பெய்யாதி உபஸம்பாதெ³ய்ய.

‘‘வுட்டா²பெஸ்ஸாமீ’’தி க³ணங்
வா ஆசரினிங் வா பத்தங் வா சீவரங் வா பரியேஸதி, ஸீமங் வா ஸம்மன்னதி, ஆபத்தி
து³க்கடஸ்ஸ. ஞத்தியா து³க்கடங். த்³வீஹி கம்மவாசாஹி து³க்கடா.
கம்மவாசாபரியோஸானே உபஜ்ஜா²யாய ஆபத்தி பாசித்தியஸ்ஸ. க³ணஸ்ஸ ச ஆசரினியா ச
ஆபத்தி து³க்கடஸ்ஸ.

1099.
த⁴ம்மகம்மே த⁴ம்மகம்மஸஞ்ஞா வுட்டா²பேதி, ஆபத்தி பாசித்தியஸ்ஸ. த⁴ம்மகம்மே
வேமதிகா வுட்டா²பேதி, ஆபத்தி பாசித்தியஸ்ஸ. த⁴ம்மகம்மே அத⁴ம்மகம்மஸஞ்ஞா
வுட்டா²பேதி, ஆபத்தி பாசித்தியஸ்ஸ.

அத⁴ம்மகம்மே த⁴ம்மகம்மஸஞ்ஞா வுட்டா²பேதி, ஆபத்தி
து³க்கடஸ்ஸ. அத⁴ம்மகம்மே வேமதிகா வுட்டா²பேதி, ஆபத்தி து³க்கடஸ்ஸ.
அத⁴ம்மகம்மே அத⁴ம்மகம்மஸஞ்ஞா வுட்டா²பேதி, ஆபத்தி து³க்கடஸ்ஸ.

1100.
அனாபத்தி பரிபுண்ணத்³வாத³ஸவஸ்ஸங் கி³ஹிக³தங் த்³வே வஸ்ஸானி ச²ஸு த⁴ம்மேஸு
ஸிக்கி²தஸிக்க²ங் வுட்டா²பேதி, உம்மத்திகாய, ஆதி³கம்மிகாயாதி.

ச²ட்ட²ஸிக்கா²பத³ங் நிட்டி²தங்.

7. ஸத்தமஸிக்கா²பத³ங்

1101.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ பரிபுண்ணத்³வாத³ஸவஸ்ஸங்
கி³ஹிக³தங் த்³வே வஸ்ஸானி ச²ஸு த⁴ம்மேஸு ஸிக்கி²தஸிக்க²ங் ஸங்கே⁴ன
அஸம்மதங் வுட்டா²பெந்தி. பி⁴க்கு²னியோ ஏவமாஹங்ஸு – ‘‘ஏத² ஸிக்க²மானா, இமங்
ஜானாத², இமங் தே³த², இமங் ஆஹரத², இமினா அத்தோ², இமங் கப்பியங் கரோதா²’’தி.
தா ஏவமாஹங்ஸு – ‘‘ந மயங், அய்யே, ஸிக்க²மானா, பி⁴க்கு²னியோ மய’’ந்தி. யா தா
பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு²னியோ பரிபுண்ணத்³வாத³ஸவஸ்ஸங் கி³ஹிக³தங் த்³வே
வஸ்ஸானி ச²ஸு த⁴ம்மேஸு ஸிக்கி²தஸிக்க²ங் ஸங்கே⁴ன அஸம்மதங்
வுட்டா²பெஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கு²னியோ
பரிபுண்ணத்³வாத³ஸவஸ்ஸங் கி³ஹிக³தங் த்³வே வஸ்ஸானி ச²ஸு த⁴ம்மேஸு
ஸிக்கி²தஸிக்க²ங் ஸங்கே⁴ன அஸம்மத்தங் வுட்டா²பெந்தீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம பி⁴க்க²வே
பி⁴க்கு²னியோ பரிபுண்ணத்³வாத³ஸவஸ்ஸங் கி³ஹிக³தங் த்³வே வஸ்ஸானி ச²ஸு
த⁴ம்மேஸு ஸிக்கி²தஸிக்க²ங் ஸங்கே⁴ன அஸம்மதங்
வுட்டா²பெஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰…
விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி,
பி⁴க்க²வே, பரிபுண்ணத்³வாத³ஸவஸ்ஸாய கி³ஹிக³தாய த்³வே வஸ்ஸானி ச²ஸு த⁴ம்மேஸு
ஸிக்கி²தஸிக்கா²ய வுட்டா²னஸம்முதிங் தா³துங். ஏவஞ்ச பன, பி⁴க்க²வே,
தா³தப்³பா³. தாய பரிபுண்ணத்³வாத³ஸவஸ்ஸாய கி³ஹிக³தாய
த்³வே வஸ்ஸானி ச²ஸு த⁴ம்மேஸு ஸிக்கி²தஸிக்கா²ய ஸங்க⁴ங் உபஸங்கமித்வா
ஏகங்ஸங் உத்தராஸங்க³ங் கரித்வா பி⁴க்கு²னீனங் பாதே³ வந்தி³த்வா உக்குடிகங்
நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ – அஹங், அய்யே,
இத்த²ன்னாமா இத்த²ன்னாமாய அய்யாய
பரிபுண்ணத்³வாத³ஸவஸ்ஸா கி³ஹிக³தா த்³வே வஸ்ஸானி ச²ஸு த⁴ம்மேஸு
ஸிக்கி²தஸிக்கா², ஸங்க⁴ங் வுட்டா²னஸம்முதிங் யாசாமீ’’தி. து³தியம்பி
யாசிதப்³பா³. ததியம்பி யாசிதப்³பா³. ப்³யத்தாய பி⁴க்கு²னியா படிப³லாய
ஸங்கோ⁴ ஞாபேதப்³போ³.

1102.
‘‘ஸுணாது மே, அய்யே, ஸங்கோ⁴. அயங் இத்த²ன்னாமா இத்த²ன்னாமாய அய்யாய
பரிபுண்ணத்³வாத³ஸவஸ்ஸா கி³ஹிக³தா த்³வே வஸ்ஸானி ச²ஸு த⁴ம்மேஸு
ஸிக்கி²தஸிக்கா² ஸங்க⁴ங் வுட்டா²னஸம்முதிங் யாசதி. யதி³ ஸங்க⁴ஸ்ஸ
பத்தகல்லங், ஸங்கோ⁴ இத்த²ன்னாமாய பரிபுண்ணத்³வாத³ஸவஸ்ஸாய கி³ஹிக³தாய த்³வே
வஸ்ஸானி ச²ஸு த⁴ம்மேஸு ஸிக்கி²தஸிக்கா²ய வுட்டா²னஸம்முதிங் த³தெ³ய்ய. ஏஸா
ஞத்தி.

‘‘ஸுணாது மே, அய்யே, ஸங்கோ⁴. அயங் இத்த²ன்னாமா
இத்த²ன்னாமாய அய்யாய பரிபுண்ணத்³வாத³ஸவஸ்ஸா கி³ஹிக³தா த்³வே வஸ்ஸானி ச²ஸு
த⁴ம்மேஸு ஸிக்கி²தஸிக்கா² ஸங்க⁴ங் வுட்டா²னஸம்முதிங் யாசதி. ஸங்கோ⁴
இத்த²ன்னாமாய பரிபுண்ணத்³வாத³ஸவஸ்ஸாய கி³ஹிக³தாய த்³வே வஸ்ஸானி ச²ஸு
த⁴ம்மேஸு ஸிக்கி²தஸிக்கா²ய வுட்டா²னஸம்முதிங் தே³தி. யஸ்ஸா அய்யாய க²மதி
இத்த²ன்னாமாய பரிபுண்ணத்³வாத³ஸவஸ்ஸாய கி³ஹிக³தாய த்³வே வஸ்ஸானி ச²ஸு
த⁴ம்மேஸு ஸிக்கி²தஸிக்கா²ய வுட்டா²னஸம்முதியா தா³னங், ஸா துண்ஹஸ்ஸ; யஸ்ஸா
நக்க²மதி, ஸா பா⁴ஸெய்ய.

‘‘தி³ன்னா ஸங்கே⁴ன இத்த²ன்னாமாய
பரிபுண்ணத்³வாத³ஸவஸ்ஸாய கி³ஹிக³தாய த்³வே வஸ்ஸானி ச²ஸு த⁴ம்மேஸு
ஸிக்கி²தஸிக்கா²ய வுட்டா²னஸம்முதி. க²மதி ஸங்க⁴ஸ்ஸ, தஸ்மா துண்ஹீ, ஏவமேதங்
தா⁴ரயாமீ’’தி.

அத² கோ² ப⁴க³வா தா பி⁴க்கு²னியோ அனேகபரியாயேன விக³ரஹித்வா து³ப்³ப⁴ரதாய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

1103. ‘‘யா பன
பி⁴க்கு²னீ பரிபுண்ணத்³வாத³ஸவஸ்ஸங் கி³ஹிக³தங் த்³வே வஸ்ஸானி ச²ஸு
த⁴ம்மேஸு ஸிக்கி²தஸிக்க²ங் ஸங்கே⁴ன அஸம்மதங் வுட்டா²பெய்ய, பாசித்திய’’ந்தி.

1104. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

பரிபுண்ணத்³வாத³ஸவஸ்ஸா நாம பத்தத்³வாத³ஸவஸ்ஸா. கி³ஹிக³தா நாம புரிஸந்தரக³தா வுச்சதி. த்³வே வஸ்ஸானீதி த்³வே ஸங்வச்ச²ரானி. ஸிக்கி²தஸிக்கா² நாம ச²ஸு த⁴ம்மேஸு ஸிக்கி²தஸிக்கா². அஸம்மதா நாம ஞத்திது³தியேன கம்மேன வுட்டா²னஸம்முதி ந தி³ன்னா ஹோதி. வுட்டா²பெய்யாதி உபஸம்பாதெ³ய்ய.

1105.
த⁴ம்மகம்மே த⁴ம்மகம்மஸஞ்ஞா வுட்டா²பேதி, ஆபத்தி பாசித்தியஸ்ஸ. த⁴ம்மகம்மே
வேமதிகா வுட்டா²பேதி, ஆபத்தி பாசித்தியஸ்ஸ. த⁴ம்மகம்மே அத⁴ம்மகம்மஸஞ்ஞா
வுட்டா²பேதி, ஆபத்தி பாசித்தியஸ்ஸ.

1106. அனாபத்தி பரிபுண்ணத்³வாத³ஸவஸ்ஸங் கி³ஹிக³தங் த்³வே வஸ்ஸானி ச²ஸு த⁴ம்மேஸு ஸிக்கி²தஸிக்க²ங் ஸங்கே⁴ன ஸம்மதங் வுட்டா²பேதி, உம்மத்திகாய, ஆதி³கம்மிகாயாதி.

ஸத்தமஸிக்கா²பத³ங் நிட்டி²தங்.

8. அட்ட²மஸிக்கா²பத³ங்

1107. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன து²ல்லனந்தா³ பி⁴க்கு²னீ ஸஹஜீவினிங் வுட்டா²பெத்வா
த்³வே வஸ்ஸானி நேவ அனுக்³க³ண்ஹாதி ந அனுக்³க³ண்ஹாபேதி. தா
பா³லா ஹொந்தி அப்³யத்தா; ந ஜானந்தி கப்பியங் வா அகப்பியங் வா. யா தா
பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம அய்யா து²ல்லனந்தா³ ஸஹஜீவினிங் வுட்டா²பெத்வா த்³வே வஸ்ஸானி
நேவ அனுக்³க³ண்ஹிஸ்ஸதி ந
அனுக்³க³ண்ஹாபெஸ்ஸதீ’’தி…பே॰… ஸச்சங் கிர, பி⁴க்க²வே, து²ல்லனந்தா³
பி⁴க்கு²னீ ஸஹஜீவினிங் வுட்டா²பெத்வா த்³வே வஸ்ஸானி நேவ அனுக்³க³ண்ஹாதி ந
அனுக்³க³ண்ஹாபேதீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம, பி⁴க்க²வே, து²ல்லனந்தா³ பி⁴க்கு²னீ ஸஹஜீவினிங் வுட்டா²பெத்வா
த்³வே வஸ்ஸானி நேவ அனுக்³க³ண்ஹிஸ்ஸதி ந அனுக்³க³ண்ஹாபெஸ்ஸதி! நேதங்,
பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

1108. ‘‘யா பன பி⁴க்கு²னீ ஸஹஜீவினிங் வுட்டா²பெத்வா த்³வே வஸ்ஸானி நேவ அனுக்³க³ண்ஹெய்ய ந அனுக்³க³ண்ஹாபெய்ய, பாசித்திய’’ந்தி.

1109. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஸஹஜீவினீ நாம ஸத்³தி⁴விஹாரினீ வுச்சதி. வுட்டா²பெத்வாதி உபஸம்பாதெ³த்வா. த்³வே வஸ்ஸானீதி த்³வே ஸங்வச்ச²ரானி.

நேவ அனுக்³க³ண்ஹெய்யாதி ந ஸயங் அனுக்³க³ண்ஹெய்ய உத்³தே³ஸேன பரிபுச்சா²ய ஓவாதே³ன அனுஸாஸனியா.

ந அனுக்³க³ண்ஹாபெய்யாதி ந
அஞ்ஞங் ஆணாபெய்ய ‘‘த்³வே வஸ்ஸானி நேவ அனுக்³க³ண்ஹிஸ்ஸாமி ந
அனுக்³க³ண்ஹாபெஸ்ஸாமீ’’தி து⁴ரங் நிக்கி²த்தமத்தே ஆபத்தி பாசித்தியஸ்ஸ.

1110. அனாபத்தி ஸதி அந்தராயே, பரியேஸித்வா ந லப⁴தி, கி³லானாய, ஆபதா³ஸு, உம்மத்திகாய, ஆதி³கம்மிகாயாதி.

அட்ட²மஸிக்கா²பத³ங் நிட்டி²தங்.

9. நவமஸிக்கா²பத³ங்

1111. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன பி⁴க்கு²னியோ வுட்டா²பிதங்
பவத்தினிங் த்³வே வஸ்ஸானி நானுப³ந்த⁴ந்தி. தா பா³லா ஹொந்தி அப்³யத்தா; ந
ஜானந்தி கப்பியங் வா அகப்பியங் வா. யா தா பி⁴க்கு²னியோ அப்பிச்சா²…பே॰… தா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ
வுட்டா²பிதங் பவத்தினிங் த்³வே வஸ்ஸானி நானுப³ந்தி⁴ஸ்ஸந்தீ’’தி…பே॰… ஸச்சங்
கிர, பி⁴க்க²வே, பி⁴க்கு²னியோ வுட்டா²பிதங் பவத்தினிங் த்³வே வஸ்ஸானி
நானுப³ந்த⁴ந்தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம, பி⁴க்க²வே, பி⁴க்கு²னியோ வுட்டா²பிதங் பவத்தினிங் த்³வே
வஸ்ஸானி நானுப³ந்தி⁴ஸ்ஸந்தி! நேதங், பி⁴க்க²வே, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

1112. ‘‘யா பன பி⁴க்கு²னீ வுட்டா²பிதங் பவத்தினிங் த்³வே வஸ்ஸானி நானுப³ந்தெ⁴ய்ய, பாசித்திய’’ந்தி.

1113. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

வுட்டா²பிதந்தி உபஸம்பாதி³தங். பவத்தினீ நாம உபஜ்ஜா²யா வுச்சதி. த்³வே வஸ்ஸானீதி த்³வே ஸங்வச்ச²ரானி. நானுப³ந்தெ⁴ய்யாதி ந ஸயங் உபட்ட²ஹெய்ய. த்³வே வஸ்ஸானி நானுப³ந்தி⁴ஸ்ஸாமீதி து⁴ரங் நிக்கி²த்தமத்தே ஆபத்தி பாசித்தியஸ்ஸ.

1114. அனாபத்தி உபஜ்ஜா²யா பா³லா வா ஹோதி அலஜ்ஜினீ வா, கி³லானாய, ஆபதா³ஸு, உம்மத்திகாய, ஆதி³கம்மிகாயாதி.

நவமஸிக்கா²பத³ங் நிட்டி²தங்.

10. த³ஸமஸிக்கா²பத³ங்

1115. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன து²ல்லனந்தா³ பி⁴க்கு²னீ ஸஹஜீவினிங் வுட்டா²பெத்வா
நேவ வூபகாஸேதி ந வூபகாஸாபேதி. ஸாமிகோ அக்³க³ஹேஸி. யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
அய்யா து²ல்லனந்தா³ ஸஹஜீவினிங் வுட்டா²பெத்வா நேவ வூபகாஸெஸ்ஸதி ந
வூபகாஸாபெஸ்ஸதி, ஸாமிகோ அக்³க³ஹேஸி ! ஸசாயங் பி⁴க்கு²னீ பக்கந்தா அஸ்ஸ, ந ச ஸாமிகோ க³ண்ஹெய்யா’’தி…பே॰… ஸச்சங் கிர, பி⁴க்க²வே, து²ல்லனந்தா³ பி⁴க்கு²னீ ஸஹஜீவினிங் வுட்டா²பெத்வா நேவ வூபகாஸேதி ந வூபகாஸாபேதி […ஸி (க॰)],
ஸாமிகோ அக்³க³ஹேஸீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம, பி⁴க்க²வே, து²ல்லனந்தா³ பி⁴க்கு²னீ ஸஹஜீவினிங்
வுட்டா²பெத்வா நேவ வூபகாஸெஸ்ஸதி ந வூபகாஸாபெஸ்ஸதி, ஸாமிகோ அக்³க³ஹேஸி!
நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

1116. ‘‘யா பன பி⁴க்கு²னீ ஸஹஜீவினிங் வுட்டா²பெத்வா நேவ வூபகாஸெய்ய ந வூபகாஸாபெய்ய அந்தமஸோ ச²ப்பஞ்சயோஜனானிபி, பாசித்திய’’ந்தி.

1117. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஸஹஜீவினீ நாம ஸத்³தி⁴விஹாரினீ வுச்சதி. வுட்டா²பெத்வாதி உபஸம்பாதெ³த்வா. நேவ வூபகாஸெய்யாதி ந ஸயங் வூபகாஸெய்ய. ந வூபகாஸாபெய்யாதி
ந அஞ்ஞங் ஆணாபெய்ய. ‘‘நேவ வூபகாஸெஸ்ஸாமி ந வூபகாஸாபெஸ்ஸாமி அந்தமஸோ
ச²ப்பஞ்சயோஜனானிபீ’’தி து⁴ரங் நிக்கி²த்தமத்தே ஆபத்தி பாசித்தியஸ்ஸ.

1118. அனாபத்தி ஸதி அந்தராயே, பரியேஸித்வா து³தியிகங் பி⁴க்கு²னிங் ந லப⁴தி, கி³லானாய, ஆபதா³ஸு, உம்மத்திகாய, ஆதி³கம்மிகாயாதி.

த³ஸமஸிக்கா²பத³ங் நிட்டி²தங்.

க³ப்³பி⁴னிவக்³கோ³ ஸத்தமோ.

8. குமாரீபூ⁴தவக்³கோ³

1. பட²மஸிக்கா²பத³ங்

1119. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ ஊனவீஸதிவஸ்ஸங் குமாரிபூ⁴தங்
வுட்டா²பெந்தி. தா அக்க²மா ஹொந்தி ஸீதஸ்ஸ உண்ஹஸ்ஸ
ஜிக⁴ச்சா²ய பிபாஸாய ட³ங்ஸமகஸவாதாதபஸரீஸபஸம்ப²ஸ்ஸானங் து³ருத்தானங்
து³ராக³தானங் வசனபதா²னங். உப்பன்னானங் ஸாரீரிகானங் வேத³னானங் து³க்கா²னங்
திப்³பா³னங் க²ரானங் கடுகானங் அஸாதானங் அமனாபானங் பாணஹரானங்
அனதி⁴வாஸகஜாதிகா ஹொந்தி. யா தா பி⁴க்கு²னியோ அப்பிச்சா²…பே॰… தா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ
ஊனவீஸதிவஸ்ஸங் குமாரிபூ⁴தங் வுட்டா²பெஸ்ஸந்தீ’’தி…பே॰… ஸச்சங் கிர,
பி⁴க்க²வே, பி⁴க்கு²னியோ ஊனவீஸதிவஸ்ஸங் குமாரிபூ⁴தங் வுட்டா²பெந்தீதி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, பி⁴க்கு²னியோ ஊனவீஸதிவஸ்ஸங் குமாரிபூ⁴தங் வுட்டா²பெஸ்ஸந்தி!
ஊனவீஸதிவஸ்ஸா, பி⁴க்க²வே, குமாரிபூ⁴தா அக்க²மா ஹோதி ஸீதஸ்ஸ உண்ஹஸ்ஸ…பே॰…
பாணஹரானங் அனதி⁴வாஸகஜாதிகா ஹோதி. வீஸதிவஸ்ஸாவ கோ², பி⁴க்க²வே, குமாரிபூ⁴தா
க²மா ஹோதி ஸீதஸ்ஸ உண்ஹஸ்ஸ…பே॰… பாணஹரானங் அதி⁴வாஸகஜாதிகா ஹோதி. நேதங்,
பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

1120. ‘‘யா பன பி⁴க்கு²னீ ஊனவீஸதிவஸ்ஸங் குமாரிபூ⁴தங் வுட்டா²பெய்ய, பாசித்திய’’ந்தி.

1121. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஊனவீஸதிவஸ்ஸா நாம அப்பத்தவீஸதிவஸ்ஸா. குமாரிபூ⁴தா நாம ஸாமணேரீ வுச்சதி. வுட்டா²பெய்யாதி உபஸம்பாதெ³ய்ய.

‘‘வுட்டா²பெஸ்ஸாமீ’’தி க³ணங் வா ஆசரினிங் வா பத்தங் வா
சீவரங் வா பரியேஸதி, ஸீமங் வா ஸம்மன்னதி, ஆபத்தி து³க்கடஸ்ஸ. ஞத்தியா
து³க்கடங். த்³வீஹி கம்மவாசாஹி து³க்கடா. கம்மவாசாபரியோஸானே உபஜ்ஜா²யாய ஆபத்தி பாசித்தியஸ்ஸ. க³ணஸ்ஸ ச ஆசரினியா ச ஆபத்தி து³க்கடஸ்ஸ.

1122.
ஊனவீஸதிவஸ்ஸாய ஊனவீஸதிவஸ்ஸஸஞ்ஞா வுட்டா²பேதி, ஆபத்தி பாசித்தியஸ்ஸ.
ஊனவீஸதிவஸ்ஸாய வேமதிகா வுட்டா²பேதி, ஆபத்தி து³க்கடஸ்ஸ. ஊனவீஸதிவஸ்ஸாய
பரிபுண்ணஸஞ்ஞா வுட்டா²பேதி, அனாபத்தி. பரிபுண்ணவீஸதிவஸ்ஸாய
ஊனவீஸதிவஸ்ஸஸஞ்ஞா, ஆபத்தி து³க்கடஸ்ஸ. பரிபுண்ணவீஸதிவஸ்ஸாய வேமதிகா, ஆபத்தி து³க்கடஸ்ஸ. பரிபுண்ணவீஸதிவஸ்ஸாய பரிபுண்ணஸஞ்ஞா, அனாபத்தி.

1123. அனாபத்தி ஊனவீஸதிவஸ்ஸங் பரிபுண்ணஸஞ்ஞா வுட்டா²பேதி, பரிபுண்ணவீஸதிவஸ்ஸங் பரிபுண்ணஸஞ்ஞா வுட்டா²பேதி, உம்மத்திகாய, ஆதி³கம்மிகாயாதி.

பட²மஸிக்கா²பத³ங் நிட்டி²தங்.

2. து³தியஸிக்கா²பத³ங்

1124. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ பரிபுண்ணவீஸதிவஸ்ஸங் குமாரிபூ⁴தங்
த்³வே வஸ்ஸானி ச²ஸு த⁴ம்மேஸு அஸிக்கி²தஸிக்க²ங் வுட்டா²பெந்தி. தா
பா³லா ஹொந்தி அப்³யத்தா; ந ஜானந்தி கப்பியங் வா அகப்பியங் வா. யா தா
பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு²னியோ பரிபுண்ணவீஸதிவஸ்ஸங் குமாரிபூ⁴தங் த்³வே
வஸ்ஸானி ச²ஸு த⁴ம்மேஸு அஸிக்கி²தஸிக்க²ங் வுட்டா²பெஸ்ஸந்தீ’’தி…பே॰… ஸச்சங்
கிர, பி⁴க்க²வே, பி⁴க்கு²னியோ பரிபுண்ணவீஸதிவஸ்ஸங் குமாரிபூ⁴தங் த்³வே
வஸ்ஸானி ச²ஸு த⁴ம்மேஸு அஸிக்கி²தஸிக்க²ங் வுட்டா²பெந்தீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே,
பி⁴க்கு²னியோ பரிபுண்ணவீஸதிவஸ்ஸங் குமாரிபூ⁴தங் த்³வே வஸ்ஸானி ச²ஸு
த⁴ம்மேஸு அஸிக்கி²தஸிக்க²ங் வுட்டா²பெஸ்ஸந்தி! நேதங், பி⁴க்க²வே,
அப்பஸன்னானங் வா பஸாதா³ய…பே॰… விக³ரஹித்வா…பே॰… த⁴ம்மிங் கத²ங் கத்வா
பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, அட்டா²ரஸவஸ்ஸாய குமாரிபூ⁴தாய
த்³வே வஸ்ஸானி ச²ஸு த⁴ம்மேஸு ஸிக்கா²ஸம்முதிங் தா³துங். ஏவஞ்ச பன பி⁴க்க²வே
தா³தப்³பா³. தாய அட்டா²ரஸவஸ்ஸாய குமாரிபூ⁴தாய ஸங்க⁴ங் உபஸங்கமித்வா
ஏகங்ஸங் உத்தராஸங்க³ங் கரித்வா பி⁴க்கு²னீனங் பாதே³ வந்தி³த்வா உக்குடிகங்
நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ – அஹங், அய்யே , இத்த²ன்னாமா இத்த²ன்னாமாய அய்யாய
அட்டா²ரஸவஸ்ஸா குமாரிபூ⁴தா ஸங்க⁴ங் த்³வே வஸ்ஸானி ச²ஸு த⁴ம்மேஸு
ஸிக்கா²ஸம்முதிங் யாசாமீ’’தி. து³தியம்பி யாசிதப்³பா³. ததியம்பி
யாசிதப்³பா³. ப்³யத்தாய பி⁴க்கு²னியா படிப³லாய ஸங்கோ⁴ ஞாபேதப்³போ³ –

1125. ‘‘ஸுணாது
மே, அய்யே, ஸங்கோ⁴. அயங் இத்த²ன்னாமா இத்த²ன்னாமாய அய்யாய அட்டா²ரஸவஸ்ஸா
குமாரிபூ⁴தா ஸங்க⁴ங் த்³வே வஸ்ஸானி ச²ஸு த⁴ம்மேஸு ஸிக்கா²ஸம்முதிங் யாசதி.
யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமாய அட்டா²ரஸவஸ்ஸாய
குமாரிபூ⁴தாய த்³வே வஸ்ஸானி ச²ஸு த⁴ம்மேஸு ஸிக்கா²ஸம்முதிங் த³தெ³ய்ய. ஏஸா
ஞத்தி.

‘‘ஸுணாது மே, அய்யே, ஸங்கோ⁴. அயங் இத்த²ன்னாமா
இத்த²ன்னாமாய அய்யாய அட்டா²ரஸவஸ்ஸா குமாரிபூ⁴தா ஸங்க⁴ங் த்³வே வஸ்ஸானி ச²ஸு
த⁴ம்மேஸு ஸிக்கா²ஸம்முதிங் யாசதி. ஸங்கோ⁴ இத்த²ன்னாமாய அட்டா²ரஸவஸ்ஸாய
குமாரிபூ⁴தாய த்³வே வஸ்ஸானி ச²ஸு த⁴ம்மேஸு ஸிக்கா²ஸம்முதிங் தே³தி. யஸ்ஸா
அய்யாய க²மதி இத்த²ன்னாமாய அட்டா²ரஸவஸ்ஸாய குமாரிபூ⁴தாய த்³வே வஸ்ஸானி ச²ஸு
த⁴ம்மேஸு ஸிக்கா²ஸம்முதியா தா³னங், ஸா துண்ஹஸ்ஸ; யஸ்ஸா நக்க²மதி, ஸா
பா⁴ஸெய்ய.

‘‘தி³ன்னா ஸங்கே⁴ன இத்த²ன்னாமாய அட்டா²ரஸவஸ்ஸாய
குமாரிபூ⁴தாய த்³வே வஸ்ஸானி ச²ஸு த⁴ம்மேஸு ஸிக்கா²ஸம்முதி. க²மதி ஸங்க⁴ஸ்ஸ,
தஸ்மா துண்ஹீ, ஏவமேதங் தா⁴ரயாமீ’’தி.

ஸா அட்டா²ரஸவஸ்ஸா குமாரிபூ⁴தா ஏவங் வதே³ஹீதி
வத்தப்³பா³ – ‘‘பாணாதிபாதா வேரமணிங் த்³வே வஸ்ஸானி அவீதிக்கம்ம ஸமாதா³னங்
ஸமாதி³யாமி…பே॰… விகாலபோ⁴ஜனா வேரமணிங் த்³வே வஸ்ஸானி அவீதிக்கம்ம ஸமாதா³னங் ஸமாதி³யாமீ’’தி.

1126. ‘‘யா பன பி⁴க்கு²னீ பரிபுண்ணவீஸதிவஸ்ஸங் குமாரிபூ⁴தங் த்³வே வஸ்ஸானி ச²ஸு த⁴ம்மேஸு அஸிக்கி²தஸிக்க²ங் வுட்டா²பெய்ய, பாசித்திய’’ந்தி.

1127. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

பரிபுண்ணவீஸதிவஸ்ஸா நாம பத்தவீஸதிவஸ்ஸா. குமாரிபூ⁴தா நாம ஸாமணேரீ வுச்சதி. த்³வே வஸ்ஸானீதி த்³வே ஸங்வச்ச²ரானி. அஸிக்கி²தஸிக்கா² நாம ஸிக்கா² வா ந தி³ன்னா ஹோதி, தி³ன்னா வா ஸிக்கா² குபிதா. வுட்டா²பெய்யாதி உபஸம்பாதெ³ய்ய.

‘‘வுட்டா²பெஸ்ஸாமீ’’தி க³ணங்
வா ஆசரினிங் வா பத்தங் வா சீவரங் வா பரியேஸதி, ஸீமங் வா ஸம்மன்னதி, ஆபத்தி
து³க்கடஸ்ஸ. ஞத்தியா து³க்கடங். த்³வீஹி கம்மவாசாஹி து³க்கடா.
கம்மவாசாபரியோஸானே உபஜ்ஜா²யாய ஆபத்தி பாசித்தியஸ்ஸ. க³ணஸ்ஸ ச ஆசரினியா ச
ஆபத்தி து³க்கடஸ்ஸ.

1128. த⁴ம்மகம்மே த⁴ம்மகம்மஸஞ்ஞா வுட்டா²பேதி, ஆபத்தி பாசித்தியஸ்ஸ . த⁴ம்மகம்மே வேமதிகா வுட்டா²பேதி, ஆபத்தி பாசித்தியஸ்ஸ. த⁴ம்மகம்மே அத⁴ம்மகம்மஸஞ்ஞா வுட்டா²பேதி, ஆபத்தி பாசித்தியஸ்ஸ.

1129.
அனாபத்தி பரிபுண்ணவீஸதிவஸ்ஸங் குமாரிபூ⁴தங் த்³வே வஸ்ஸானி ச²ஸு த⁴ம்மேஸு
ஸிக்கி²தஸிக்க²ங் வுட்டா²பேதி, உம்மத்திகாய, ஆதி³கம்மிகாயாதி.

து³தியஸிக்கா²பத³ங் நிட்டி²தங்.

3. ததியஸிக்கா²பத³ங்

1130.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ பரிபுண்ணவீஸதிவஸ்ஸங் குமாரிபூ⁴தங்
த்³வே வஸ்ஸானி ச²ஸு த⁴ம்மேஸு ஸிக்கி²தஸிக்க²ங் ஸங்கே⁴ன அஸம்மதங்
வுட்டா²பெந்தி. பி⁴க்கு²னியோ ஏவமாஹங்ஸு – ‘‘ஏத² ஸிக்க²மானா, இமங் ஜானாத²,
இமங் தே³த², இமங் ஆஹரத², இமினா அத்தோ², இமங் கப்பியங் கரோதா²’’தி. தா
ஏவமாஹங்ஸு – ‘‘ந மயங், அய்யே, ஸிக்க²மானா; பி⁴க்கு²னியோ மய’’ந்தி. யா தா
பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு²னியோ பரிபுண்ணவீஸதிவஸ்ஸங் குமாரிபூ⁴தங் த்³வே
வஸ்ஸானி ச²ஸு த⁴ம்மேஸு ஸிக்கி²தஸிக்க²ங் ஸங்கே⁴ன அஸம்மதங் வுட்டா²பெஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கு²னியோ
பரிபுண்ணவீஸதிவஸ்ஸங் குமாரிபூ⁴தங் த்³வே வஸ்ஸானி ச²ஸு த⁴ம்மேஸு
ஸிக்கி²தஸிக்க²ங் ஸங்கே⁴ன அஸம்மதங் வுட்டா²பெந்தீதி? ‘‘ஸச்சங், ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, பி⁴க்கு²னியோ
பரிபுண்ணவீஸதிவஸ்ஸங் குமாரிபூ⁴தங் த்³வே வஸ்ஸானி ச²ஸு த⁴ம்மேஸு
ஸிக்கி²தஸிக்க²ங் ஸங்கே⁴ன அஸம்மதங் வுட்டா²பெஸ்ஸந்தி! நேதங், பி⁴க்க²வே ,
அப்பஸன்னானங் வா பஸாதா³ய…பே॰… விக³ரஹித்வா…பே॰… த⁴ம்மிங் கத²ங் கத்வா
பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, பரிபுண்ணவீஸதிவஸ்ஸாய
குமாரிபூ⁴தாய த்³வே வஸ்ஸானி ச²ஸு த⁴ம்மேஸு ஸிக்கி²தஸிக்கா²ய
வுட்டா²னஸம்முதிங் தா³துங். ஏவஞ்ச பன, பி⁴க்க²வே, தா³தப்³பா³. தாய
பரிபுண்ணவீஸதிவஸ்ஸாய குமாரிபூ⁴தாய த்³வே வஸ்ஸானி ச²ஸு த⁴ம்மேஸு
ஸிக்கி²தஸிக்கா²ய ஸங்க⁴ங் உபஸங்கமித்வா ஏகங்ஸங் உத்தராஸங்க³ங் கரித்வா
பி⁴க்கு²னீனங் பாதே³ வந்தி³த்வா உக்குடிகங் நிஸீதி³த்வா அஞ்ஜலிங்
பக்³க³ஹெத்வா ஏவமஸ்ஸ வசனீயோ – அஹங், அய்யே, இத்த²ன்னாமா இத்த²ன்னாமாய
அய்யாய பரிபுண்ணவீஸதிவஸ்ஸா குமாரிபூ⁴தா த்³வே வஸ்ஸானி ச²ஸு த⁴ம்மேஸு
ஸிக்கி²தஸிக்கா² ஸங்க⁴ங் வுட்டா²னஸம்முதிங் யாசாமீ’’தி. து³தியம்பி
யாசிதப்³பா³. ததியம்பி யாசிதப்³பா³. ப்³யத்தாய பி⁴க்கு²னியா படிப³லாய
ஸங்கோ⁴ ஞாபேதப்³போ³ –

1131.
‘‘ஸுணாது மே, அய்யே, ஸங்கோ⁴. அயங் இத்த²ன்னாமா இத்த²ன்னாமாய அய்யாய
பரிபுண்ணவீஸதிவஸ்ஸா குமாரிபூ⁴தா த்³வே வஸ்ஸானி ச²ஸு த⁴ம்மேஸு
ஸிக்கி²தஸிக்கா² ஸங்க⁴ங் வுட்டா²னஸம்முதிங் யாசதி. யதி³ ஸங்க⁴ஸ்ஸ
பத்தகல்லங் ஸங்கோ⁴ இத்த²ன்னாமாய பரிபுண்ணவீஸதிவஸ்ஸாய குமாரிபூ⁴தாய த்³வே
வஸ்ஸானி ச²ஸு த⁴ம்மேஸு ஸிக்கி²தஸிக்கா²ய வுட்டா²னஸம்முதிங் த³தெ³ய்ய. ஏஸா ஞத்தி.

‘‘ஸுணாது மே, அய்யே, ஸங்கோ⁴. அயங் இத்த²ன்னாமா
இத்த²ன்னாமாய அய்யாய பரிபுண்ணவீஸதிவஸ்ஸா குமாரிபூ⁴தா த்³வே வஸ்ஸானி ச²ஸு
த⁴ம்மேஸு ஸிக்கி²தஸிக்கா² ஸங்க⁴ங் வுட்டா²னஸம்முதிங் யாசதி. ஸங்கோ⁴
இத்த²ன்னாமாய பரிபுண்ணவீஸதிவஸ்ஸாய குமாரிபூ⁴தாய த்³வே வஸ்ஸானி ச²ஸு
த⁴ம்மேஸு ஸிக்கி²தஸிக்கா²ய வுட்டா²னஸம்முதிங் தே³தி. யஸ்ஸா அய்யாய க²மதி
இத்த²ன்னாமாய பரிபுண்ணவீஸதிவஸ்ஸாய குமாரிபூ⁴தாய த்³வே வஸ்ஸானி ச²ஸு
த⁴ம்மேஸு ஸிக்கி²தஸிக்கா²ய வுட்டா²னஸம்முதியா தா³னங், ஸா துண்ஹஸ்ஸ; யஸ்ஸா
நக்க²மதி, ஸா பா⁴ஸெய்ய.

‘‘தி³ன்னா ஸங்கே⁴ன
இத்த²ன்னாமாய பரிபுண்ணவீஸதிவஸ்ஸாய குமாரிபூ⁴தாய த்³வே வஸ்ஸானி ச²ஸு
த⁴ம்மேஸு ஸிக்கி²தஸிக்கா²ய வுட்டா²னஸம்முதி. க²மதி ஸங்க⁴ஸ்ஸ, தஸ்மா துண்ஹீ,
ஏவமேதங் தா⁴ரயாமீ’’தி.

1132. ‘‘யா பன
பி⁴க்கு²னீ பரிபுண்ணவீஸதிவஸ்ஸங் குமாரிபூ⁴தங் த்³வே வஸ்ஸானி ச²ஸு த⁴ம்மேஸு
ஸிக்கி²தஸிக்க²ங் ஸங்கே⁴ன அஸம்மதங் வுட்டா²பெய்ய, பாசித்திய’’ந்தி.

1133. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

பரிபுண்ணவீஸதிவஸ்ஸா நாம பத்தவீஸதிவஸ்ஸா. குமாரிபூ⁴தா நாம ஸாமணேரீ வுச்சதி. த்³வே வஸ்ஸானீதி த்³வே ஸங்வச்ச²ரானி. ஸிக்கி²தஸிக்கா² நாம ச²ஸு த⁴ம்மேஸு ஸிக்கி²தஸிக்கா² . அஸம்மதா நாம ஞத்திது³தியேன கம்மேன வுட்டா²னஸம்முதி ந தி³ன்னா ஹோதி. வுட்டா²பெய்யாதி உபஸம்பாதெ³ய்ய.

1134.
த⁴ம்மகம்மே த⁴ம்மகம்மஸஞ்ஞா வுட்டா²பேதி, ஆபத்தி பாசித்தியஸ்ஸ. த⁴ம்மகம்மே
வேமதிகா வுட்டா²பேதி, ஆபத்தி பாசித்தியஸ்ஸ. த⁴ம்மகம்மே அத⁴ம்மகம்மஸஞ்ஞா
வுட்டா²பேதி, ஆபத்தி பாசித்தியஸ்ஸ.

1135. அனாபத்தி
பரிபுண்ணவீஸதிவஸ்ஸங் குமாரிபூ⁴தங் த்³வே வஸ்ஸானி ச²ஸு த⁴ம்மேஸு
ஸிக்கி²தஸிக்க²ங் ஸங்கே⁴ன ஸம்மதங் வுட்டா²பேதி, உம்மத்திகாய,
ஆதி³கம்மிகாயாதி.

ததியஸிக்கா²பத³ங் நிட்டி²தங்.

4. சதுத்த²ஸிக்கா²பத³ங்

1136.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ ஊனத்³வாத³ஸவஸ்ஸா வுட்டா²பெந்தி. தா
பா³லா ஹொந்தி அப்³யத்தா ந ஜானந்தி கப்பியங்
வா அகப்பியங் வா. ஸத்³தி⁴விஹாரினியோபி பா³லா ஹொந்தி அப்³யத்தா; ந ஜானந்தி
கப்பியங் வா அகப்பியங் வா. யா தா பி⁴க்கு²னியோ அப்பிச்சா²…பே॰… தா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ
ஊனத்³வாத³ஸவஸ்ஸா வுட்டா²பெஸ்ஸந்தீ’’தி…பே॰… ஸச்சங் கிர, பி⁴க்க²வே,
பி⁴க்கு²னியோ ஊனத்³வாத³ஸவஸ்ஸா வுட்டா²பெந்தீதி? ‘‘ஸச்சங், ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, பி⁴க்கு²னியோ
ஊனத்³வாத³ஸவஸ்ஸா வுட்டா²பெஸ்ஸந்தி! நேதங், பி⁴க்க²வே, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங்
உத்³தி³ஸந்து –

1137. ‘‘யா பன பி⁴க்கு²னீ ஊனத்³வாத³ஸவஸ்ஸா வுட்டா²பெய்ய, பாசித்திய’’ந்தி.

1138. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஊனத்³வாத³ஸவஸ்ஸா நாம அப்பத்தத்³வாத³ஸவஸ்ஸா.

வுட்டா²பெய்யாதி உபஸம்பாதெ³ய்ய.

1139. அனாபத்தி பரிபுண்ணத்³வாத³ஸவஸ்ஸா வுட்டா²பேதி, உம்மத்திகாய, ஆதி³கம்மிகாயாதி.

சதுத்த²ஸிக்கா²பத³ங் நிட்டி²தங்.

5. பஞ்சமஸிக்கா²பத³ங்

1140. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ பரிபுண்ணத்³வாத³ஸவஸ்ஸா ஸங்கே⁴ன
அஸம்மதா வுட்டா²பெந்தி. தா பா³லா ஹொந்தி அப்³யத்தா; ந ஜானந்தி கப்பியங் வா
அகப்பியங் வா. ஸத்³தி⁴விஹாரினியோபி பா³லா ஹொந்தி
அப்³யத்தா; ந ஜானந்தி கப்பியங் வா அகப்பியங் வா. யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கு²னியோ பரிபுண்ணத்³வாத³ஸவஸ்ஸா ஸங்கே⁴ன அஸம்மதா
வுட்டா²பெஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கு²னியோ
பரிபுண்ணத்³வாத³ஸவஸ்ஸா ஸங்கே⁴ன அஸம்மதா வுட்டா²பெந்தீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே,
பி⁴க்கு²னியோ பரிபுண்ணத்³வாத³ஸவஸ்ஸா ஸங்கே⁴ன அஸம்மதா வுட்டா²பெஸ்ஸந்தி!
நேதங், பி⁴க்க²வே, அப்பஸன்னானங் வா பஸாதா³ய…பே॰… விக³ரஹித்வா…பே॰… த⁴ம்மிங்
கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே,
பரிபுண்ணத்³வாத³ஸவஸ்ஸாய பி⁴க்கு²னியா வுட்டா²பனஸம்முதிங் தா³துங். ஏவஞ்ச
பன, பி⁴க்க²வே, தா³தப்³பா³. தாய பரிபுண்ணத்³வாத³ஸவஸ்ஸாய பி⁴க்கு²னியா
ஸங்க⁴ங் உபஸங்கமித்வா ஏகங்ஸங் உத்தராஸங்க³ங் கரித்வா வுட்³டா⁴னங்
பி⁴க்கு²னீனங் பாதே³ வந்தி³த்வா உக்குடிகங் நிஸீதி³த்வா அஞ்ஜலிங்
பக்³க³ஹெத்வா ஏவமஸ்ஸ வசனீயோ – அஹங், அய்யே, இத்த²ன்னாமா
பரிபுண்ணத்³வாத³ஸவஸ்ஸா பி⁴க்கு²னீ ஸங்க⁴ங் வுட்டா²பனஸம்முதிங்
யாசாமீ’’தி. து³தியம்பி யாசிதப்³பா³. ததியம்பி யாசிதப்³பா³. ஸா பி⁴க்கு²னீ
ஸங்கே⁴ன பரிச்சி²ந்தி³தப்³பா³ – ‘‘ப்³யத்தாயங் பி⁴க்கு²னீ லஜ்ஜினீ’’தி.
ஸசே பா³லா ச ஹோதி அலஜ்ஜினீ ச, ந தா³தப்³பா³. ஸசே பா³லா ஹோதி லஜ்ஜினீ, ந
தா³தப்³பா³. ஸசே ப்³யத்தா ஹோதி அலஜ்ஜினீ, ந தா³தப்³பா³. ஸசே ப்³யத்தா ச
ஹோதி லஜ்ஜினீ ச, தா³தப்³பா³. ஏவஞ்ச பன, பி⁴க்க²வே, தா³தப்³பா³. ப்³யத்தாய
பி⁴க்கு²னியா படிப³லாய ஸங்கோ⁴ ஞாபேதப்³போ³ –

1141.
‘‘ஸுணாது மே, அய்யே, ஸங்கோ⁴. அயங் இத்த²ன்னாமா பரிபுண்ணத்³வாத³ஸவஸ்ஸா
பி⁴க்கு²னீ ஸங்க⁴ங் வுட்டா²பனஸம்முதிங் யாசதி. யதி³ ஸங்க⁴ஸ்ஸ பத்தகல்லங்,
ஸங்கோ⁴ இத்த²ன்னாமாய பரிபுண்ணத்³வாத³ஸவஸ்ஸாய பி⁴க்கு²னியா
வுட்டா²பனஸம்முதிங் த³தெ³ய்ய. ஏஸா ஞத்தி.

‘‘ஸுணாது மே, அய்யே, ஸங்கோ⁴.
அயங் இத்த²ன்னாமா பரிபுண்ணத்³வாத³ஸவஸ்ஸா பி⁴க்கு²னீ ஸங்க⁴ங்
வுட்டா²பனஸம்முதிங் யாசதி. ஸங்கோ⁴ இத்த²ன்னாமாய பரிபுண்ணத்³வாத³ஸவஸ்ஸாய
பி⁴க்கு²னியா வுட்டா²பனஸம்முதிங் தே³தி. யஸ்ஸா அய்யாய க²மதி இத்த²ன்னாமாய
பரிபுண்ணத்³வாத³ஸவஸ்ஸாய பி⁴க்கு²னியா வுட்டா²பனஸம்முதியா தா³னங், ஸா
துண்ஹஸ்ஸ; யஸ்ஸா நக்க²மதி, ஸா பா⁴ஸெய்ய.

‘‘தி³ன்னா ஸங்கே⁴ன இத்த²ன்னாமாய
பரிபுண்ணத்³வாத³ஸவஸ்ஸாய பி⁴க்கு²னியா வுட்டா²பனஸம்முதி. க²மதி ஸங்க⁴ஸ்ஸ,
தஸ்மா துண்ஹீ, ஏவமேதங் தா⁴ரயாமீ’’தி.

அத² கோ² ப⁴க³வா தா
பி⁴க்கு²னியோ அனேகபரியாயேன விக³ரஹித்வா து³ப்³ப⁴ரதாய…பே॰… ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

1142. ‘‘யா பன பி⁴க்கு²னீ பரிபுண்ணத்³வாத³ஸவஸ்ஸா ஸங்கே⁴ன அஸம்மதா வுட்டா²பெய்ய, பாசித்திய’’ந்தி .

1143. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

பரிபுண்ணத்³வாத³ஸவஸ்ஸா நாம பத்தத்³வாத³ஸவஸ்ஸா.

அஸம்மதா நாம ஞத்திது³தியேன கம்மேன வுட்டா²பனஸம்முதி ந தி³ன்னா ஹோதி. வுட்டா²பெய்யாதி உபஸம்பாதெ³ய்ய.

1144.
த⁴ம்மகம்மே த⁴ம்மகம்மஸஞ்ஞா வுட்டா²பேதி, ஆபத்தி பாசித்தியஸ்ஸ. த⁴ம்மகம்மே
வேமதிகா வுட்டா²பேதி, ஆபத்தி பாசித்தியஸ்ஸ. த⁴ம்மகம்மே அத⁴ம்மகம்மஸஞ்ஞா
வுட்டா²பேதி, ஆபத்தி பாசித்தியஸ்ஸ.

அத⁴ம்மகம்மே த⁴ம்மகம்மஸஞ்ஞா, ஆபத்தி து³க்கடஸ்ஸ. அத⁴ம்மகம்மே வேமதிகா, ஆபத்தி து³க்கடஸ்ஸ. அத⁴ம்மகம்மே அத⁴ம்மகம்மஸஞ்ஞா, ஆபத்தி து³க்கடஸ்ஸ.

1145. அனாபத்தி பரிபுண்ணத்³வாத³ஸவஸ்ஸா ஸங்கே⁴ன ஸம்மதா வுட்டா²பேதி, உம்மத்திகாய, ஆதி³கம்மிகாயாதி.

பஞ்சமஸிக்கா²பத³ங் நிட்டி²தங்.

6. ச²ட்ட²ஸிக்கா²பத³ங்

1146. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன சண்ட³காளீ பி⁴க்கு²னீ
பி⁴க்கு²னிஸங்க⁴ங் உபஸங்கமித்வா வுட்டா²பனஸம்முதிங் யாசதி. அத² கோ²
பி⁴க்கு²னிஸங்கோ⁴ சண்ட³காளிங் பி⁴க்கு²னிங் பரிச்சி²ந்தி³த்வா – ‘‘அலங் தாவ
தே, அய்யே, வுட்டா²பிதேனா’’தி, வுட்டா²பனஸம்முதிங் ந அதா³ஸி. சண்ட³காளீ
பி⁴க்கு²னீ ‘ஸாதூ⁴’தி படிஸ்ஸுணி. தேன கோ² பன ஸமயேன பி⁴க்கு²னிஸங்கோ⁴
அஞ்ஞாஸங் பி⁴க்கு²னீனங் வுட்டா²பனஸம்முதிங் தே³தி. சண்ட³காளீ பி⁴க்கு²னீ
உஜ்ஜா²யதி கி²ய்யதி விபாசேதி – ‘‘அஹமேவ நூன பா³லா, அஹமேவ நூன அலஜ்ஜினீ; யங்
ஸங்கோ⁴ அஞ்ஞாஸங் பி⁴க்கு²னீனங் வுட்டா²பனஸம்முதிங் தே³தி, மய்ஹமேவ ந
தே³தீ’’தி. யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம அய்யா சண்ட³காளீ – ‘அலங் தாவ தே, அய்யே,
வுட்டா²பிதேனா’தி வுச்சமானா ‘ஸாதூ⁴’தி படிஸ்ஸுணித்வா பச்சா² கீ²யனத⁴ம்மங்
ஆபஜ்ஜிஸ்ஸதீ’’தி…பே॰… ஸச்சங் கிர, பி⁴க்க²வே, ‘சண்ட³காளீ பி⁴க்கு²னீ அலங்
தாவ தே அய்யே வுட்டா²பிதேனா’தி வுச்சமானா ‘‘ஸாதூ⁴’’தி படிஸ்ஸுணித்வா பச்சா²
கீ²யனத⁴ம்மங் ஆபஜ்ஜதீதி [ஆபஜ்ஜீதி (க॰)]?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, சண்ட³காளீ பி⁴க்கு²னீ – ‘‘அலங் தாவ தே, அய்யே,
வுட்டா²பிதேனா’’தி வுச்சமானா ‘ஸாதூ⁴’தி படிஸ்ஸுணித்வா பச்சா² கீ²யனத⁴ம்மங்
ஆபஜ்ஜிஸ்ஸதி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

1147. ‘‘யா பன பி⁴க்கு²னீ – ‘அலங் தாவ தே, அய்யே, வுட்டா²பிதேனா’தி வுச்சமானா ‘ஸாதூ⁴’தி படிஸ்ஸுணித்வா பச்சா² கீ²யனத⁴ம்மங் ஆபஜ்ஜெய்ய, பாசித்திய’’ந்தி.

1148. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

அலங் தாவ தே அய்யே வுட்டா²பிதேனாதி அலங் தாவ தே, அய்யே, உபஸம்பாதி³தேன. ‘ஸாதூ⁴’தி படிஸ்ஸுணித்வா பச்சா² கீ²யனத⁴ம்மங் ஆபஜ்ஜதி, ஆபத்தி பாசித்தியஸ்ஸ.

1149. அனாபத்தி பகதியா ச²ந்தா³ தோ³ஸா மோஹா ப⁴யா கரொந்தங் கி²ய்யதி, உம்மத்திகாய, ஆதி³கம்மிகாயாதி.

ச²ட்ட²ஸிக்கா²பத³ங் நிட்டி²தங்.

7. ஸத்தமஸிக்கா²பத³ங்

1150. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரா ஸிக்க²மானா து²ல்லனந்த³ங் பி⁴க்கு²னிங்
உபஸங்கமித்வா உபஸம்பத³ங் யாசி. து²ல்லனந்தா³ பி⁴க்கு²னீ தங் ஸிக்க²மானங் –
‘‘ஸசே மே த்வங், அய்யே, சீவரங் த³ஸ்ஸஸி ஏவாஹங் தங் வுட்டா²பெஸ்ஸாமீ’’தி
வத்வா, நேவ வுட்டா²பேதி ந வுட்டா²பனாய உஸ்ஸுக்கங் கரோதி. அத² கோ² ஸா
ஸிக்க²மானா பி⁴க்கு²னீனங் ஏதமத்த²ங் ஆரோசேஸி. யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
அய்யா து²ல்லனந்தா³ ஸிக்க²மானங் – ‘ஸசே மே த்வங், அய்யே, சீவரங் த³ஸ்ஸஸி
ஏவாஹங் தங் வுட்டா²பெஸ்ஸாமீ’தி வத்வா, நேவ வுட்டா²பெஸ்ஸதி ந வுட்டா²பனாய
உஸ்ஸுக்கங் கரிஸ்ஸதீ’’தி…பே॰… ஸச்சங் கிர, பி⁴க்க²வே, து²ல்லனந்தா³
பி⁴க்கு²னீ ஸிக்க²மானங் – ‘‘ஸசே மே த்வங், அய்யே ,
சீவரங் த³ஸ்ஸஸி ஏவாஹங் தங் வுட்டா²பெஸ்ஸாமீ’’தி வத்வா, நேவ வுட்டா²பேதி ந
வுட்டா²பனாய உஸ்ஸுக்கங் கரோதீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம, பி⁴க்க²வே, து²ல்லனந்தா³ பி⁴க்கு²னீ ஸிக்க²மானங் –
‘‘ஸசே மே த்வங், அய்யே, சீவரங் த³ஸ்ஸஸி ஏவாஹங் தங் வுட்டா²பெஸ்ஸாமீ’’தி
வத்வா, நேவ வுட்டா²பெஸ்ஸதி ந வுட்டா²பனாய உஸ்ஸுக்கங் கரிஸ்ஸதி! நேதங்,
பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

1151. ‘‘யா பன பி⁴க்கு²னீ ஸிக்க²மானங் – ‘ஸசே மே த்வங், அய்யே, சீவரங் த³ஸ்ஸஸி, ஏவாஹங் தங் வுட்டா²பெஸ்ஸாமீ’தி வத்வா, ஸா பச்சா² அனந்தராயிகினீ நேவ வுட்டா²பெய்ய ந வுட்டா²பனாய உஸ்ஸுக்கங் கரெய்ய, பாசித்திய’’ந்தி.

1152. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஸிக்க²மானா நாம த்³வே வஸ்ஸானி ச²ஸு த⁴ம்மேஸு ஸிக்கி²தஸிக்கா².

ஸசே மே த்வங் அய்யே சீவரங் த³ஸ்ஸஸி ஏவாஹங் தங் வுட்டா²பெஸ்ஸாமீதி ஏவாஹங் தங் உபஸம்பாதெ³ஸ்ஸாமி.

ஸா பச்சா² அனந்தராயிகினீதி அஸதி அந்தராயே.

நேவ வுட்டா²பெய்யாதி ந ஸயங் வுட்டா²பெய்ய.

ந வுட்டா²பனாய உஸ்ஸுக்கங் கரெய்யாதி ந அஞ்ஞங் ஆணாபெய்ய. ‘‘நேவ வுட்டா²பெஸ்ஸாமி ந வுட்டா²பனாய உஸ்ஸுக்கங் கரிஸ்ஸாமீ’’தி து⁴ரங் நிக்கி²த்தமத்தே ஆபத்தி பாசித்தியஸ்ஸ.

1153. அனாபத்தி ஸதி அந்தராயே, பரியேஸித்வா ந லப⁴தி, கி³லானாய, ஆபதா³ஸு, உம்மத்திகாய, ஆதி³கம்மிகாயாதி.

ஸத்தமஸிக்கா²பத³ங் நிட்டி²தங்.

8. அட்ட²மஸிக்கா²பத³ங்

1154. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரா ஸிக்க²மானா து²ல்லனந்த³ங் பி⁴க்கு²னிங்
உபஸங்கமித்வா உபஸம்பத³ங் யாசி. து²ல்லனந்தா³ பி⁴க்கு²னீ தங் ஸிக்க²மானங்
‘‘ஸசே மங் த்வங், அய்யே, த்³வே வஸ்ஸானி அனுப³ந்தி⁴ஸ்ஸஸி ஏவாஹங் தங்
வுட்டா²பெஸ்ஸாமீ’’தி வத்வா, நேவ வுட்டா²பேதி ந வுட்டா²பனாய உஸ்ஸுக்கங்
கரோதி. அத² கோ² ஸா ஸிக்க²மானா பி⁴க்கு²னீனங் ஏதமத்த²ங் ஆரோசேஸி. யா தா
பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம அய்யா து²ல்லனந்தா³ ஸிக்க²மானங் –
ஸசே மங் த்வங், அய்யே, த்³வே வஸ்ஸானி அனுப³ந்தி⁴ஸ்ஸஸி ஏவாஹங் தங்
வுட்டா²பெஸ்ஸாமீதி வத்வா, நேவ வுட்டா²பெஸ்ஸதி ந வுட்டா²பனாய உஸ்ஸுக்கங்
கரிஸ்ஸதீ’’தி…பே॰… ஸச்சங் கிர, பி⁴க்க²வே, து²ல்லனந்தா³ பி⁴க்கு²னீ
ஸிக்க²மானங் – ‘‘ஸசே மங் த்வங் அய்யே த்³வே வஸ்ஸானி அனுப³ந்தி⁴ஸ்ஸஸி ஏவாஹங்
தங் வுட்டா²பெஸ்ஸாமீ’’தி வத்வா, நேவ வுட்டா²பேதி ந வுட்டா²பனாய உஸ்ஸுக்கங்
கரோதீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி
நாம, பி⁴க்க²வே, து²ல்லனந்தா³ பி⁴க்கு²னீ ஸிக்க²மானங் – ‘‘ஸசே மங் த்வங்,
அய்யே, த்³வே வஸ்ஸானி அனுப³ந்தி⁴ஸ்ஸஸி ஏவாஹங் தங் வுட்டா²பெஸ்ஸாமீ’’தி
வத்வா, நேவ வுட்டா²பெஸ்ஸதி ந வுட்டா²பனாய உஸ்ஸுக்கங் கரிஸ்ஸதி! நேதங்,
பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

1155. ‘‘யா
பன பி⁴க்கு²னீ ஸிக்க²மானங் – ‘ஸசே மங் த்வங் அய்யே த்³வே வஸ்ஸானி
அனுப³ந்தி⁴ஸ்ஸஸி ஏவாஹங் தங் வுட்டா²பெஸ்ஸாமீ’தி வத்வா, ஸா பச்சா²
அனந்தராயிகினீ நேவ வுட்டா²பெய்ய ந வுட்டா²பனாய உஸ்ஸுக்கங் கரெய்ய, பாசித்திய’’ந்தி.

1156. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஸிக்க²மானா நாம த்³வே வஸ்ஸானி ச²ஸு த⁴ம்மேஸு ஸிக்கி²தஸிக்கா².

ஸசே மங் த்வங் அய்யே த்³வே வஸ்ஸானி அனுப³ந்தி⁴ஸ்ஸஸீதி த்³வே ஸங்வச்ச²ரானி உபட்ட²ஹிஸ்ஸஸி.

ஏவாஹங் தங் வுட்டா²பெஸ்ஸாமீதி ஏவாஹங் தங் உபஸம்பாதெ³ஸ்ஸாமி.

ஸா பச்சா² அனந்தராயிகினீதி அஸதி அந்தராயே.

நேவ வுட்டா²பெய்யாதி ந ஸயங் வுட்டா²பெய்ய.

1157. அனாபத்தி ஸதி அந்தராயே, பரியேஸித்வா ந லப⁴தி, கி³லானாய, ஆபதா³ஸு, உம்மத்திகாய, ஆதி³கம்மிகாயாதி.

அட்ட²மஸிக்கா²பத³ங் நிட்டி²தங்.

9. நவமஸிக்கா²பத³ங்

1158.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன து²ல்லனந்தா³ பி⁴க்கு²னீ புரிஸஸங்ஸட்ட²ங்
குமாரகஸங்ஸட்ட²ங் சண்டி³ங் ஸோகாவாஸங் [ஸோகவஸ்ஸங் (ஸீ॰) ஸோகாவஸ்ஸங் (ஸ்யா॰)] சண்ட³காளிங் ஸிக்க²மானங்
வுட்டா²பேதி. யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம அய்யா து²ல்லனந்தா³ புரிஸஸங்ஸட்ட²ங்
குமாரகஸங்ஸட்ட²ங் சண்டி³ங் ஸோகாவாஸங் [ஸோகவஸ்ஸங் (ஸீ॰) ஸோகாவஸ்ஸங் (ஸ்யா॰)]
சண்ட³காளிங் ஸிக்க²மானங் வுட்டா²பெஸ்ஸதீ’’தி…பே॰… ஸச்சங் கிர, பி⁴க்க²வே,
து²ல்லனந்தா³ பி⁴க்கு²னீ புரிஸஸங்ஸட்ட²ங் குமாரகஸங்ஸட்ட²ங் சண்டி³ங்
ஸோகாவாஸங் [ஸோகவஸ்ஸங் (ஸீ॰) ஸோகாவஸ்ஸங் (ஸ்யா॰)] சண்ட³காளிங் ஸிக்க²மானங் வுட்டா²பேதீதி [வுட்டா²பேஸீதி (க॰)]? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, து²ல்லனந்தா³ பி⁴க்கு²னீ புரிஸஸங்ஸட்ட²ங் குமாரகஸங்ஸட்ட²ங்
சண்டி³ங் ஸோகாவாஸங் சண்ட³காளிங் ஸிக்க²மானங் வுட்டா²பெஸ்ஸதி! நேதங்,
பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

1159. ‘‘யா பன பி⁴க்கு²னீ புரிஸஸங்ஸட்ட²ங் குமாரகஸங்ஸட்ட²ங் சண்டி³ங் ஸோகாவாஸங் ஸிக்க²மானங் வுட்டா²பெய்ய, பாசித்திய’’ந்தி.

1160. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

புரிஸோ நாம பத்தவீஸதிவஸ்ஸோ. குமாரகோ நாம அப்பத்தவீஸதிவஸ்ஸோ. ஸங்ஸட்டா² நாம அனநுலோமிகேன காயிகவாசஸிகேன ஸங்ஸட்டா². சண்டீ³ நாம கோத⁴னா வுச்சதி.

ஸோகாவாஸா நாம பரேஸங் து³க்க²ங் உப்பாதே³தி, ஸோகங் ஆவிஸதி. ஸிக்க²மானா நாம த்³வே வஸ்ஸானி ச²ஸு த⁴ம்மேஸு ஸிக்கி²தஸிக்கா². வுட்டா²பெய்யாதி உபஸம்பாதெ³ய்ய.

‘‘வுட்டா²பெஸ்ஸாமீ’’தி க³ணங் வா ஆசரினிங் வா பத்தங் வா சீவரங்
வா பரியேஸதி, ஸீமங் வா ஸம்மன்னதி, ஆபத்தி து³க்கடஸ்ஸ. ஞத்தியா து³க்கடங்.
த்³வீஹி கம்மவாசாஹி து³க்கடா. கம்மவாசாபரியோஸானே உபஜ்ஜா²யாய ஆபத்தி
பாசித்தியஸ்ஸ; க³ணஸ்ஸ ச ஆசரினியா ச ஆபத்தி து³க்கடஸ்ஸ.

1161. அனாபத்தி அஜானந்தீ வுட்டா²பேதி, உம்மத்திகாய, ஆதி³கம்மிகாயாதி.

நவமஸிக்கா²பத³ங் நிட்டி²தங்.

10. த³ஸமஸிக்கா²பத³ங்

1162.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன து²ல்லனந்தா³ பி⁴க்கு²னீ மாதாபிதூஹிபி ஸாமிகேனபி
அனநுஞ்ஞாதங் ஸிக்க²மானங் வுட்டா²பேதி. மாதாபிதரோபி ஸாமிகோபி உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம அய்யா
து²ல்லனந்தா³ அம்ஹேஹி அனநுஞ்ஞாதங் ஸிக்க²மானங் வுட்டா²பெஸ்ஸதீ’’தி!
அஸ்ஸோஸுங் கோ² பி⁴க்கு²னியோ மாதாபிதூனம்பி ஸாமிகஸ்ஸபி உஜ்ஜா²யந்தானங்
கி²ய்யந்தானங் விபாசெந்தானங். யா தா பி⁴க்கு²னியோ அப்பிச்சா²…பே॰… தா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம அய்யா து²ல்லனந்தா³
மாதாபிதூஹிபி ஸாமிகேனபி அனநுஞ்ஞாதங் ஸிக்க²மானங் வுட்டா²பெஸ்ஸதீ’’தி…பே॰…
ஸச்சங் கிர, பி⁴க்க²வே, து²ல்லனந்தா³ பி⁴க்கு²னீ, மாதாபிதூஹிபி
ஸாமிகேனபி அனநுஞ்ஞாதங் ஸிக்க²மானங் வுட்டா²பேதீதி? ‘‘ஸச்சங், ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, து²ல்லனந்தா³
பி⁴க்கு²னீ மாதாபிதூஹிபி ஸாமிகேனபி அனநுஞ்ஞாதங் ஸிக்க²மானங்
வுட்டா²பெஸ்ஸதி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

1163. ‘‘யா பன பி⁴க்கு²னீ மாதாபிதூஹி வா ஸாமிகேன வா அனநுஞ்ஞாதங் ஸிக்க²மானங் வுட்டா²பெய்ய, பாசித்திய’’ந்தி.

1164. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

மாதாபிதரோ நாம ஜனகா வுச்சந்தி. ஸாமிகோ நாம யேன பரிக்³க³ஹிதா ஹோதி. அனநுஞ்ஞாதாதி அனாபுச்சா². ஸிக்க²மானா நாம த்³வே வஸ்ஸானி ச²ஸு த⁴ம்மேஸு ஸிக்கி²தஸிக்கா². வுட்டா²பெய்யாதி உபஸம்பாதெ³ய்ய.

வுட்டா²பெஸ்ஸாமீதி க³ணங் வா ஆசரினிங் வா பத்தங் வா
சீவரங் வா பரியேஸதி, ஸீமங் வா ஸம்மன்னதி, ஆபத்தி து³க்கடஸ்ஸ. ஞத்தியா
து³க்கடங். த்³வீஹி கம்மவாசாஹி து³க்கடா. கம்மவாசாபரியோஸானே உபஜ்ஜா²யாய
ஆபத்தி பாசித்தியஸ்ஸ. க³ணஸ்ஸ ச ஆசரினியா ச ஆபத்தி து³க்கடஸ்ஸ.

1165. அனாபத்தி அஜானந்தீ வுட்டா²பேதி, அபலோகெத்வா வுட்டா²பேதி, உம்மத்திகாய, ஆதி³கம்மிகாயாதி.

த³ஸமஸிக்கா²பத³ங் நிட்டி²தங்.

11. ஏகாத³ஸமஸிக்கா²பத³ங்

1166. தேன ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன ஸமயேன து²ல்லனந்தா³ பி⁴க்கு²னீ – ‘‘ஸிக்க²மானங் வுட்டா²பெஸ்ஸாமீ’’தி
தே²ரே பி⁴க்கூ² ஸன்னிபாதெத்வா பஹூதங் கா²த³னீயங் போ⁴ஜனீயங் பஸ்ஸித்வா –
‘‘ந தாவாஹங், அய்யா, ஸிக்க²மானங் வுட்டா²பெஸ்ஸாமீ’’தி தே²ரே பி⁴க்கூ²
உய்யோஜெத்வா தே³வத³த்தங் கோகாலிகங் கடமோத³கதிஸ்ஸகங் க²ண்ட³தே³வியா புத்தங்
ஸமுத்³த³த³த்தங் ஸன்னிபாதெத்வா ஸிக்க²மானங் வுட்டா²பேஸி. யா தா
பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம அய்யா து²ல்லனந்தா³ பாரிவாஸிகச²ந்த³தா³னேன ஸிக்க²மானங்
வுட்டா²பெஸ்ஸதீ’’தி…பே॰… ஸச்சங் கிர, பி⁴க்க²வே, து²ல்லனந்தா³ பி⁴க்கு²னீ
பாரிவாஸிகச²ந்த³தா³னேன ஸிக்க²மானங் வுட்டா²பேதீதி [வுட்டா²பேஸீதி (க॰)]?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, து²ல்லனந்தா³ பி⁴க்கு²னீ பாரிவாஸிகச²ந்த³தா³னேன ஸிக்க²மானங்
வுட்டா²பெஸ்ஸதி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

1167. ‘‘யா பன பி⁴க்கு²னீ பாரிவாஸிகச²ந்த³தா³னேன ஸிக்க²மானங் வுட்டா²பெய்ய, பாசித்திய’’ந்தி.

1168. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

பாரிவாஸிகச²ந்த³தா³னேனாதி வுட்டி²தாய பரிஸாய. ஸிக்க²மானா நாம த்³வே வஸ்ஸானி ச²ஸு த⁴ம்மேஸு ஸிக்கி²தஸிக்கா². வுட்டா²பெய்யாதி உபஸம்பாதெ³ய்ய.

‘‘வுட்டா²பெஸ்ஸாமீ’’தி க³ணங் வா ஆசரினிங் வா பத்தங் வா
சீவரங் வா பரியேஸதி, ஸீமங் வா ஸம்மன்னதி, ஆபத்தி து³க்கடஸ்ஸ. ஞத்தியா
து³க்கடங். த்³வீஹி கம்மவாசாஹி து³க்கடா. கம்மவாசாபரியோஸானே உபஜ்ஜா²யாய
ஆபத்தி பாசித்தியஸ்ஸ . க³ணஸ்ஸ ச ஆசரினியா ச ஆபத்தி து³க்கடஸ்ஸ.

1169. அனாபத்தி அவுட்டி²தாய பரிஸாய வுட்டா²பேதி, உம்மத்திகாய, ஆதி³கம்மிகாயாதி.

ஏகாத³ஸமஸிக்கா²பத³ங் நிட்டி²தங்.

12. த்³வாத³ஸமஸிக்கா²பத³ங்

1170. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன பி⁴க்கு²னியோ அனுவஸ்ஸங் வுட்டா²பெந்தி, உபஸ்ஸயோ ந ஸம்மதி. மனுஸ்ஸா [மனுஸ்ஸா விஹாரசாரிகங் ஆஹிண்ட³ந்தா பஸ்ஸித்வா (ஸீ॰)]
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ
அனுவஸ்ஸங் வுட்டா²பெஸ்ஸந்தி, உபஸ்ஸயோ ந ஸம்மதீ’’தி! அஸ்ஸோஸுங் கோ²
பி⁴க்கு²னியோ தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ அனுவஸ்ஸங்
வுட்டா²பெஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கு²னியோ அனுவஸ்ஸங்
வுட்டா²பெந்தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம, பி⁴க்க²வே, பி⁴க்கு²னியோ அனுவஸ்ஸங் வுட்டா²பெஸ்ஸந்தி! நேதங்,
பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

1171. ‘‘யா பன பி⁴க்கு²னீ அனுவஸ்ஸங் வுட்டா²பெய்ய, பாசித்திய’’ந்தி.

1172. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

அனுவஸ்ஸந்தி அனுஸங்வச்ச²ரங். வுட்டா²பெய்யாதி உபஸம்பாதெ³ய்ய.

1173. அனாபத்தி ஏகந்தரிகங் வுட்டா²பேதி, உம்மத்திகாய, ஆதி³கம்மிகாயாதி.

த்³வாத³ஸமஸிக்கா²பத³ங் நிட்டி²தங்.

13. தேரஸமஸிக்கா²பத³ங்

1174.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ ஏகங் வஸ்ஸங் த்³வே வுட்டா²பெந்தி.
உபஸ்ஸயோ ததே²வ ந ஸம்மதி. மனுஸ்ஸா [மனுஸ்ஸா விஹாரசாரிகங் ஆஹிண்ட³ந்தா பஸ்ஸித்வா (ஸீ॰)] ததே²வ உஜ்ஜா²யந்தி கி²ய்யந்தி விபாசெந்தி
– ‘‘கத²ஞ்ஹி நாம பி⁴க்கு²னியோ ஏகங் வஸ்ஸங் த்³வே வுட்டா²பெஸ்ஸந்தி!
உபஸ்ஸயோ ததே²வ ந ஸம்மதீ’’தி! அஸ்ஸோஸுங் கோ² பி⁴க்கு²னியோ தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கு²னியோ ஏகங் வஸ்ஸங் த்³வே வுட்டா²பெஸ்ஸந்தீ’’தி…பே॰… ஸச்சங் கிர,
பி⁴க்க²வே, பி⁴க்கு²னியோ ஏகங் வஸ்ஸங் த்³வே வுட்டா²பெந்தீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி
நாம, பி⁴க்க²வே, பி⁴க்கு²னியோ ஏகங் வஸ்ஸங் த்³வே வுட்டா²பெஸ்ஸந்தி! நேதங்,
பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

1175. ‘‘யா பன பி⁴க்கு²னீ ஏகங் வஸ்ஸங் த்³வே வுட்டா²பெய்ய, பாசித்திய’’ந்தி.

1176. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஏகங் வஸ்ஸந்தி ஏகங் ஸங்வச்ச²ரங். த்³வே வுட்டா²பெய்யாதி த்³வே உபஸம்பாதெ³ய்ய.

‘‘த்³வே வுட்டா²பெஸ்ஸாமீ’’தி க³ணங் வா ஆசரினிங் வா
பத்தங் வா சீவரங் வா பரியேஸதி, ஸீமங் வா ஸம்மன்னதி, ஆபத்தி து³க்கடஸ்ஸ.
ஞத்தியா து³க்கடங். த்³வீஹி கம்மவாசாஹி து³க்கடா. கம்மவாசாபரியோஸானே
உபஜ்ஜா²யாய ஆபத்தி பாசித்தியஸ்ஸ. க³ணஸ்ஸ ச ஆசரினியா ச ஆபத்தி து³க்கடஸ்ஸ.

1177. அனாபத்தி ஏகந்தரிகங் ஏகங் வுட்டா²பேதி, உம்மத்திகாய, ஆதி³கம்மிகாயாதி.

தேரஸமஸிக்கா²பத³ங் நிட்டி²தங்.

குமாரீபூ⁴தவக்³கோ³ அட்ட²மோ.

9. ச²த்துபாஹனவக்³கோ³

1. பட²மஸிக்கா²பத³ங்

1178.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கு²னியோ ச²த்துபாஹனங்
தா⁴ரெந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி
நாம பி⁴க்கு²னியோ ச²த்துபாஹனங் தா⁴ரெஸ்ஸந்தி, ஸெய்யதா²பி கி³ஹினியோ
காமபோ⁴கி³னியோ’’தி! அஸ்ஸோஸுங் கோ² பி⁴க்கு²னியோ தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கு²னியோ ச²த்துபாஹனங் தா⁴ரெஸ்ஸந்தீ’’தி…பே॰… ஸச்சங்
கிர, பி⁴க்க²வே, ச²ப்³ப³க்³கி³யா பி⁴க்கு²னியோ ச²த்துபாஹனங் தா⁴ரெந்தீதி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, ச²ப்³ப³க்³கி³யா பி⁴க்கு²னியோ
ச²த்துபாஹனங் தா⁴ரெஸ்ஸந்தி! நேதங், பி⁴க்க²வே, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங்
உத்³தி³ஸந்து –

‘‘யா பன பி⁴க்கு²னீ ச²த்துபாஹனங் தா⁴ரெய்ய, பாசித்திய’’ந்தி.

ஏவஞ்சித³ங் ப⁴க³வதா பி⁴க்கு²னீனங் ஸிக்கா²பத³ங் பஞ்ஞத்தங் ஹோதி.

1179. தேன கோ² பன ஸமயேன அஞ்ஞதரா பி⁴க்கு²னீ கி³லானா ஹோதி. தஸ்ஸா
வினா ச²த்துபாஹனங் ந பா²ஸு ஹோதி…பே॰… ப⁴க³வதோ ஏதமத்த²ங் ஆரோசேஸுங்…பே॰…
அனுஜானாமி, பி⁴க்க²வே, கி³லானாய பி⁴க்கு²னியா ச²த்துபாஹனங். ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

1180. ‘‘யா பன பி⁴க்கு²னீ அகி³லானா ச²த்துபாஹனங் தா⁴ரெய்ய, பாசித்திய’’ந்தி.

1181. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

அகி³லானா நாம யஸ்ஸா வினா ச²த்துபாஹனங் பா²ஸு ஹோதி.

கி³லானா நாம யஸ்ஸா வினா ச²த்துபாஹனங் ந பா²ஸு ஹோதி.

ச²த்தங் நாம தீணி ச²த்தானி – ஸேதச்ச²த்தங், கிலஞ்ஜச்ச²த்தங், பண்ணச்ச²த்தங் மண்ட³லப³த்³த⁴ங் ஸலாகப³த்³த⁴ங். தா⁴ரெய்யாதி ஸகிம்பி தா⁴ரேதி, ஆபத்தி பாசித்தியஸ்ஸ.

1182.
அகி³லானா அகி³லானஸஞ்ஞா ச²த்துபாஹனங் தா⁴ரேதி, ஆபத்தி பாசித்தியஸ்ஸ.
அகி³லானா வேமதிகா ச²த்துபாஹனங் தா⁴ரேதி, ஆபத்தி பாசித்தியஸ்ஸ. அகி³லானா
கி³லானஸஞ்ஞா ச²த்துபாஹனங் தா⁴ரேதி, ஆபத்தி பாசித்தியஸ்ஸ.

ச²த்தங் தா⁴ரேதி ந உபாஹனங், ஆபத்தி து³க்கடஸ்ஸ. உபாஹனங் தா⁴ரேதி ந ச²த்தங், ஆபத்தி து³க்கடஸ்ஸ . கி³லானா அகி³லானஸஞ்ஞா, ஆபத்தி து³க்கடஸ்ஸ. கி³லானா வேமதிகா, ஆபத்தி து³க்கடஸ்ஸ. கி³லானா கி³லானஸஞ்ஞா, அனாபத்தி.

1183. அனாபத்தி கி³லானாய, ஆராமே ஆராமூபசாரே தா⁴ரேதி, ஆபதா³ஸு, உம்மத்திகாய, ஆதி³கம்மிகாயாதி.

பட²மஸிக்கா²பத³ங் நிட்டி²தங்.

2. து³தியஸிக்கா²பத³ங்

1184.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கு²னியோ யானேன யாயந்தி.
மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ
யானேன யாயிஸ்ஸந்தி, ஸெய்யதா²பி கி³ஹினியோ காமபோ⁴கி³னியோ’’தி! அஸ்ஸோஸுங் கோ²
பி⁴க்கு²னியோ தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யா தா பி⁴க்கு²னியோ அப்பிச்சா²…பே॰ …
தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா
பி⁴க்கு²னியோ யானேன யாயிஸ்ஸந்தீ’’தி…பே॰… ஸச்சங் கிர, பி⁴க்க²வே,
ச²ப்³ப³க்³கி³யா பி⁴க்கு²னியோ யானேன யாயந்தீதி? ‘‘ஸச்சங், ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, ச²ப்³ப³க்³கி³யா
பி⁴க்கு²னியோ யானேன யாயிஸ்ஸந்தி! நேதங், பி⁴க்க²வே, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங்
உத்³தி³ஸந்து –

‘‘யா பன பி⁴க்கு²னீ யானேன யாயெய்ய, பாசித்திய’’ந்தி.

ஏவஞ்சித³ங் ப⁴க³வதா பி⁴க்கு²னீனங் ஸிக்கா²பத³ங் பஞ்ஞத்தங் ஹோதி.

1185.
தேன கோ² பன ஸமயேன அஞ்ஞதரா பி⁴க்கு²னீ கி³லானா ஹோதி, ந ஸக்கோதி பத³ஸா
க³ந்துங்…பே॰… ப⁴க³வதோ ஏதமத்த²ங் ஆரோசேஸுங்…பே॰… அனுஜானாமி, பி⁴க்க²வே,
கி³லானாய பி⁴க்கு²னியா யானங். ஏவஞ்ச பன, பி⁴க்க²வே, பி⁴க்கு²னியோ இமங்
ஸிக்கா²பத³ங் உத்³தி³ஸந்து –

1186. ‘‘யா பன பி⁴க்கு²னீ அகி³லானா யானேன யாயெய்ய, பாசித்திய’’ந்தி.

1187. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

அகி³லானா நாம ஸக்கோதி பத³ஸா க³ந்துங்.

கி³லானா நாம ந ஸக்கோதி பத³ஸா க³ந்துங்.

யானங் நாம வய்ஹங் ரதோ² ஸகடங் ஸந்த³மானிகா ஸிவிகா பாடங்கீ.

யாயெய்யாதி ஸகிம்பி யானேன யாயதி, ஆபத்தி பாசித்தியஸ்ஸ.

1188. அகி³லானா அகி³லானஸஞ்ஞா யானேன யாயதி, ஆபத்தி பாசித்தியஸ்ஸ. அகி³லானா வேமதிகா யானேன யாயதி, ஆபத்தி பாசித்தியஸ்ஸ . அகி³லானா கி³லானஸஞ்ஞா யானேன யாயதி, ஆபத்தி பாசித்தியஸ்ஸ.

கி³லானா அகி³லானஸஞ்ஞா, ஆபத்தி து³க்கடஸ்ஸ. கி³லானா வேமதிகா, ஆபத்தி து³க்கடஸ்ஸ. கி³லானா கி³லானஸஞ்ஞா, அனாபத்தி.

1189. அனாபத்தி கி³லானாய, ஆபதா³ஸு, உம்மத்திகாய, ஆதி³கம்மிகாயாதி.

து³தியஸிக்கா²பத³ங் நிட்டி²தங்.

3. ததியஸிக்கா²பத³ங்

1190.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரா பி⁴க்கு²னீ அஞ்ஞதரிஸ்ஸா இத்தி²யா குலூபிகா
ஹோதி. அத² கோ² ஸா இத்தீ² தங் பி⁴க்கு²னிங் ஏதத³வோச – ‘‘ஹந்தா³ய்யே, இமங்
ஸங்கா⁴ணிங் அமுகாய நாம இத்தி²யா தே³ஹீ’’தி. அத² கோ² ஸா பி⁴க்கு²னீ –
‘‘ஸசாஹங் பத்தேன ஆதா³ய க³ச்சா²மி விஸ்ஸரோ மே ப⁴விஸ்ஸதீ’’தி படிமுஞ்சித்வா
அக³மாஸி. தஸ்ஸா ரதி²காய ஸுத்தகே சி²ன்னே விப்பகிரியிங்ஸு. மனுஸ்ஸா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ ஸங்கா⁴ணிங்
தா⁴ரெஸ்ஸந்தி, ஸெய்யதா²பி கி³ஹினியோ காமபோ⁴கி³னியோ’’தி! அஸ்ஸோஸுங் கோ²
பி⁴க்கு²னியோ தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யா தா பி⁴க்கு²னியோ அப்பிச்சா²…பே॰ …
தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னீ
ஸங்கா⁴ணிங் தா⁴ரெஸ்ஸதீ’’தி…பே॰… ஸச்சங் கிர, பி⁴க்க²வே, பி⁴க்கு²னீ ஸங்கா⁴ணிங் தா⁴ரேதீ’’தி [தா⁴ரேஸீதி (க॰)]?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, பி⁴க்கு²னீ ஸங்கா⁴ணிங் தா⁴ரெஸ்ஸதி! நேதங், பி⁴க்க²வே,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங்
ஸிக்கா²பத³ங் உத்³தி³ஸந்து –

1191. ‘‘யா பன பி⁴க்கு²னீ ஸங்கா⁴ணிங் தா⁴ரெய்ய, பாசித்திய’’ந்தி.

1192. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஸங்கா⁴ணி நாம யா காசி கடூபகா³.

தா⁴ரெய்யாதி ஸகிம்பி தா⁴ரேதி, ஆபத்தி பாசித்தியஸ்ஸ.

1193. அனாபத்தி ஆபா³த⁴ப்பச்சயா, கடிஸுத்தகங் தா⁴ரேதி, உம்மத்திகாய, ஆதி³கம்மிகாயாதி.

ததியஸிக்கா²பத³ங் நிட்டி²தங்.

4. சதுத்த²ஸிக்கா²பத³ங்

1194.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கு²னியோ இத்தா²லங்காரங்
தா⁴ரெந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கு²னியோ இத்தா²லங்காரங் தா⁴ரெஸ்ஸந்தி, ஸெய்யதா²பி கி³ஹினியோ
காமபோ⁴கி³னியோ’’தி! அஸ்ஸோஸுங் கோ² பி⁴க்கு²னியோ தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கு²னியோ இத்தா²லங்காரங் தா⁴ரெஸ்ஸந்தீ’’தி
…பே॰… ஸச்சங் கிர, பி⁴க்க²வே, ச²ப்³ப³க்³கி³யா பி⁴க்கு²னியோ
இத்தா²லங்காரங் தா⁴ரெந்தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம, பி⁴க்க²வே, ச²ப்³ப³க்³கி³யா பி⁴க்கு²னியோ இத்தா²லங்காரங் தா⁴ரெஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

1195. ‘‘யா பன பி⁴க்கு²னீ இத்தா²லங்காரங் தா⁴ரெய்ய, பாசித்திய’’ந்தி.

1196. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

இத்தா²லங்காரோ நாம ஸீஸூபகோ³ கீ³வூபகோ³ ஹத்தூ²பகோ³ பாதூ³பகோ³ கடூபகோ³. தா⁴ரெய்யாதி ஸகிம்பி தா⁴ரேதி, ஆபத்தி பாசித்தியஸ்ஸ.

1197. அனாபத்தி ஆபா³த⁴பச்சயா, உம்மத்திகாய, ஆதி³கம்மிகாயாதி.

சதுத்த²ஸிக்கா²பத³ங் நிட்டி²தங்.

5. பஞ்சமஸிக்கா²பத³ங்

1198. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கு²னியோ க³ந்த⁴வண்ணகேன
நஹாயந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கு²னியோ க³ந்த⁴வண்ணகேன நஹாயிஸ்ஸந்தி, ஸெய்யதா²பி கி³ஹினியோ
காமபோ⁴கி³னியோ’’தி! அஸ்ஸோஸுங் கோ² பி⁴க்கு²னியோ தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கு²னியோ க³ந்த⁴வண்ணகேன நஹாயிஸ்ஸந்தீ’’தி…பே॰… ஸச்சங்
கிர, பி⁴க்க²வே, ச²ப்³ப³க்³கி³யா பி⁴க்கு²னியோ க³ந்த⁴வண்ணகேன நஹாயந்தீதி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, ச²ப்³ப³க்³கி³யா பி⁴க்கு²னியோ க³ந்த⁴வண்ணகேன நஹாயிஸ்ஸந்தி!
நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

1199. ‘‘யா பன பி⁴க்கு²னீ க³ந்த⁴வண்ணகேன நஹாயெய்ய, பாசித்திய’’ந்தி.

1200. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

க³ந்தோ⁴ நாம யோ கோசி க³ந்தோ⁴. வண்ணகங் நாம யங் கிஞ்சி வண்ணகங். நஹாயெய்யாதி நஹாயதி. பயோகே³ து³க்கடங், நஹானபரியோஸானே ஆபத்தி பாசித்தியஸ்ஸ.

1201. அனாபத்தி ஆபா³த⁴ப்பச்சயா, உம்மத்திகாய, ஆதி³கம்மிகாயாதி.

பஞ்சமஸிக்கா²பத³ங் நிட்டி²தங்.

6. ச²ட்ட²ஸிக்கா²பத³ங்

1202.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கு²னியோ வாஸிதகேன பிஞ்ஞாகேன
நஹாயந்தி. மனுஸ்ஸா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பி⁴க்கு²னியோ வாஸிதகேன பிஞ்ஞாகேன நஹாயிஸ்ஸந்தி,
ஸெய்யதா²பி கி³ஹினியோ காமபோ⁴கி³னியோ’’தி! அஸ்ஸோஸுங் கோ² பி⁴க்கு²னியோ
தேஸங் மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். யா தா
பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ச²ப்³ப³க்³கி³யா பி⁴க்கு²னியோ வாஸிதகேன பிஞ்ஞாகேன
நஹாயிஸ்ஸந்தீ’’தி…பே॰… ஸச்சங் கிர, பி⁴க்க²வே, ச²ப்³ப³க்³கி³யா
பி⁴க்கு²னியோ வாஸிதகேன பிஞ்ஞாகேன நஹாயந்தீதி? ‘‘ஸச்சங், ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, ச²ப்³ப³க்³கி³யா
பி⁴க்கு²னியோ வாஸிதகேன பிஞ்ஞாகேன நஹாயிஸ்ஸந்தி! நேதங், பி⁴க்க²வே,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங்
ஸிக்கா²பத³ங் உத்³தி³ஸந்து –

1203. ‘‘யா பன பி⁴க்கு²னீ வாஸிதகேன பிஞ்ஞாகேன நஹாயெய்ய, பாசித்திய’’ந்தி.

1204. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

வாஸிதகங் நாம யங் கிஞ்சி க³ந்த⁴வாஸிதகங். பிஞ்ஞாகங் நாம திலபிட்ட²ங் வுச்சதி. நஹாயெய்யாதி நஹாயதி. பயோகே³ து³க்கடங், நஹானபரியோஸானே ஆபத்தி பாசித்தியஸ்ஸ.

1205. அனாபத்தி ஆபா³த⁴ப்பச்சயா, பகதிபிஞ்ஞாகேன நஹாயதி, உம்மத்திகாய, ஆதி³கம்மிகாயாதி.

ச²ட்ட²ஸிக்கா²பத³ங் நிட்டி²தங்.

7. ஸத்தமஸிக்கா²பத³ங்

1206. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ பி⁴க்கு²னியா உம்மத்³தா³பெந்திபி
பரிமத்³தா³பெந்திபி. மனுஸ்ஸா விஹாரசாரிகங் ஆஹிண்ட³ந்தா பஸ்ஸித்வா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ
பி⁴க்கு²னியா உம்மத்³தா³பெஸ்ஸந்திபி பரிமத்³தா³பெஸ்ஸந்திபி ஸெய்யதா²பி
கி³ஹினியோ காமபோ⁴கி³னியோ’’தி! அஸ்ஸோஸுங் கோ² பி⁴க்கு²னியோ தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கு²னியோ பி⁴க்கு²னியா உம்மத்³தா³பெஸ்ஸந்திபி
பரிமத்³தா³பெஸ்ஸந்திபீ’’தி…பே॰… ஸச்சங் கிர, பி⁴க்க²வே, பி⁴க்கு²னியோ
பி⁴க்கு²னியா உம்மத்³தா³பெந்திபி பரிமத்³தா³பெந்திபீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே,
பி⁴க்கு²னியோ பி⁴க்கு²னியா உம்மத்³தா³பெஸ்ஸந்திபி பரிமத்³தா³பெஸ்ஸந்திபி!
நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
பி⁴க்கு²னியோ இமங் ஸிக்கா²பத³ங் உத்³தி³ஸந்து –

1207. ‘‘யா பன பி⁴க்கு²னீ பி⁴க்கு²னியா உம்மத்³தா³பெய்ய வா பரிமத்³தா³பெய்ய வா, பாசித்திய’’ந்தி.

1208. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

பி⁴க்கு²னியாதி அஞ்ஞாய பி⁴க்கு²னியா. உம்மத்³தா³பெய்ய வாதி உம்மத்³தா³பேதி [உப்³ப³ட்டாபேதி (ஸீ॰)], ஆபத்தி பாசித்தியஸ்ஸ. பரிமத்³தா³பெய்ய வாதி ஸம்பா³ஹாபேதி, ஆபத்தி பாசித்தியஸ்ஸ.

1209. அனாபத்தி கி³லானாய, ஆபதா³ஸு, உம்மத்திகாய, ஆதி³கம்மிகாயாதி.

ஸத்தமஸிக்கா²பத³ங் நிட்டி²தங்.

8-9-10. அட்ட²ம-நவம-த³ஸமஸிக்கா²பத³ங்

1210. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ ஸிக்க²மானாய உம்மத்³தா³பெந்திபி
பரிமத்³தா³பெந்திபி…பே॰… ஸாமணேரியா உம்மத்³தா³பெந்திபி
பரிமத்³தா³பெந்திபி…பே॰… கி³ஹினியா உம்மத்³தா³பெந்திபி பரிமத்³தா³பெந்திபி.
மனுஸ்ஸா விஹாரசாரிகங் ஆஹிண்ட³ந்தா பஸ்ஸித்வா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பி⁴க்கு²னியோ கி³ஹினியா
உம்மத்³தா³பெஸ்ஸந்திபி பரிமத்³தா³பெஸ்ஸந்திபி, ஸெய்யதா²பி கி³ஹினியோ
காமபோ⁴கி³னியோ’’தி! அஸ்ஸோஸுங் கோ² பி⁴க்கு²னியோ தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – கத²ஞ்ஹி நாம
பி⁴க்கு²னியோ கி³ஹினியா உம்மத்³தா³பெஸ்ஸந்திபி
பரிமத்³தா³பெஸ்ஸந்திபீதி…பே॰… ஸச்சங் கிர, பி⁴க்க²வே, பி⁴க்கு²னியோ
கி³ஹினியா உம்மத்³தா³பெந்திபி பரிமத்³தா³பெந்திபீதி? ‘‘ஸச்சங், ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, பி⁴க்கு²னியோ
கி³ஹினியா உம்மத்³தா³பெஸ்ஸந்திபி பரிமத்³தா³பெஸ்ஸந்திபி! நேதங், பி⁴க்க²வே,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங்
ஸிக்கா²பத³ங் உத்³தி³ஸந்து –

1211. ‘‘யா பன பி⁴க்கு²னீ (ஸிக்க²மானாய…பே॰… ஸாமணேரியா…பே॰…) கி³ஹினியா உம்மத்³தா³பெய்ய வா பரிமத்³தா³பெய்ய வா, பாசித்திய’’ந்தி.

1212. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

ஸிக்க²மானா நாம த்³வே வஸ்ஸானி ச²ஸு த⁴ம்மேஸு ஸிக்கி²தஸிக்கா².

ஸாமணேரீ நாம த³ஸஸிக்கா²பதி³கா.

கி³ஹினீ நாம அகா³ரினீ வுச்சதி.

உம்மத்³தா³பெய்ய வாதி உம்மத்³தா³பேதி, ஆபத்தி பாசித்தியஸ்ஸ.

பரிமத்³தா³பெய்ய வாதி ஸம்பா³ஹாபேதி, ஆபத்தி பாசித்தியஸ்ஸ.

1213. அனாபத்தி கி³லானாய [ஆபா³த⁴ப்பச்சயா (க॰)], ஆபதா³ஸு, உம்மத்திகாய, ஆதி³கம்மிகாயாதி.

அட்ட²ம நவம த³ஸமஸிக்கா²பதா³னி நிட்டி²தானி.

11. ஏகாத³ஸமஸிக்கா²பத³ங்

1214.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ பி⁴க்கு²ஸ்ஸ புரதோ அனாபுச்சா² ஆஸனே
நிஸீத³ந்தி. பி⁴க்கூ² உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கு²னியோ பி⁴க்கு²ஸ்ஸ புரதோ அனாபுச்சா² ஆஸனே நிஸீதி³ஸ்ஸந்தீ’’தி…பே॰…
ஸச்சங் கிர, பி⁴க்க²வே, பி⁴க்கு²னியோ பி⁴க்கு²ஸ்ஸ புரதோ அனாபுச்சா² ஆஸனே
நிஸீத³ந்தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம, பி⁴க்க²வே, பி⁴க்கு²னியோ பி⁴க்கு²ஸ்ஸ புரதோ அனாபுச்சா² ஆஸனே
நிஸீதி³ஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

1215. ‘‘யா பன பி⁴க்கு²னீ பி⁴க்கு²ஸ்ஸ புரதோ அனாபுச்சா² ஆஸனே நிஸீதெ³ய்ய, பாசித்திய’’ந்தி.

1216. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

பி⁴க்கு²ஸ்ஸ புரதோதி உபஸம்பன்னஸ்ஸ புரதோ. அனாபுச்சா²தி அனபலோகெத்வா. ஆஸனே நிஸீதெ³ய்யாதி அந்தமஸோ ச²மாயபி நிஸீத³தி, ஆபத்தி பாசித்தியஸ்ஸ.

1217. அனாபுச்சி²தே அனாபுச்சி²தஸஞ்ஞா ஆஸனே நிஸீத³தி, ஆபத்தி பாசித்தியஸ்ஸ. அனாபுச்சி²தே வேமதிகா ஆஸனே நிஸீத³தி, ஆபத்தி பாசித்தியஸ்ஸ . அனாபுச்சி²தே ஆபுச்சி²தஸஞ்ஞா ஆஸனே நிஸீத³தி, ஆபத்தி பாசித்தியஸ்ஸ.

1218. அனாபத்தி ஆபுச்சா² ஆஸனே நிஸீத³தி, கி³லானாய, ஆபதா³ஸு, உம்மத்திகாய, ஆதி³கம்மிகாயாதி.

ஏகாத³ஸமஸிக்கா²பத³ங் நிட்டி²தங்.

12. த்³வாத³ஸமஸிக்கா²பத³ங்

1219.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கு²னியோ அனோகாஸகதங் பி⁴க்கு²ங் பஞ்ஹங்
புச்ச²ந்தி. பி⁴க்கூ² உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கு²னியோ அனோகாஸகதங் பி⁴க்கு²ங் பஞ்ஹங் புச்சி²ஸ்ஸந்தீ’’தி…பே॰… ஸச்சங்
கிர, பி⁴க்க²வே, பி⁴க்கு²னியோ அனோகாஸகதங் பி⁴க்கு²ங் பஞ்ஹங்
புச்ச²ந்தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம, பி⁴க்க²வே, பி⁴க்கு²னியோ அனோகாஸகதங் பி⁴க்கு²ங் பஞ்ஹங்
புச்சி²ஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

1220. ‘‘யா பன பி⁴க்கு²னீ அனோகாஸகதங் பி⁴க்கு²ங் பஞ்ஹங் புச்செ²ய்ய, பாசித்திய’’ந்தி.

1221. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

அனோகாஸகதந்தி அனாபுச்சா². பி⁴க்கு²ந்தி உபஸம்பன்னங். பஞ்ஹங் புச்செ²ய்யாதி
ஸுத்தந்தே ஓகாஸங் காராபெத்வா வினயங் வா அபி⁴த⁴ம்மங் வா புச்ச²தி, ஆபத்தி
பாசித்தியஸ்ஸ. வினயே ஓகாஸங் காராபெத்வா ஸுத்தந்தங் வா அபி⁴த⁴ம்மங் வா
புச்ச²தி, ஆபத்தி பாசித்தியஸ்ஸ. அபி⁴த⁴ம்மே ஓகாஸங் காராபெத்வா ஸுத்தந்தங்
வா வினயங் வா புச்ச²தி, ஆபத்தி பாசித்தியஸ்ஸ.

1222. அனாபுச்சி²தே
அனாபுச்சி²தஸஞ்ஞா பஞ்ஹங் புச்ச²தி, ஆபத்தி பாசித்தியஸ்ஸ. அனாபுச்சி²தே
வேமதிகா பஞ்ஹங் புச்ச²தி, ஆபத்தி பாசித்தியஸ்ஸ. அனாபுச்சி²தே
ஆபுச்சி²தஸஞ்ஞா பஞ்ஹங் புச்ச²தி, ஆபத்தி பாசித்தியஸ்ஸ.

1223. அனாபத்தி ஓகாஸங் காராபெத்வா புச்ச²தி, அனோதி³ஸ்ஸ ஓகாஸங் காராபெத்வா யத்த² கத்த²சி புச்ச²தி, உம்மத்திகாய, ஆதி³கம்மிகாயாதி.

த்³வாத³ஸமஸிக்கா²பத³ங் நிட்டி²தங்.

13. தேரஸமஸிக்கா²பத³ங்

1224. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன அஞ்ஞதரா பி⁴க்கு²னீ அஸங்கச்சிகா [அஸங்கச்சி²கா (ஸ்யா॰)]
கா³மங் பிண்டா³ய பாவிஸி. தஸ்ஸா ரதி²காய வாதமண்ட³லிகா ஸங்கா⁴டியோ
உக்கி²பிங்ஸு. மனுஸ்ஸா உக்குட்டி²ங் அகங்ஸு – ‘‘ஸுந்த³ரா அய்யாய
த²னுத³ரா’’தி. ஸா பி⁴க்கு²னீ தேஹி மனுஸ்ஸேஹி உப்பண்டி³யமானா மங்கு அஹோஸி.
அத² கோ² ஸா பி⁴க்கு²னீ உபஸ்ஸயங் க³ந்த்வா பி⁴க்கு²னீனங் ஏதமத்த²ங் ஆரோசேஸி.
யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி
– ‘‘கத²ஞ்ஹி நாம பி⁴க்கு²னீ அஸங்கச்சிகா கா³மங் பவிஸிஸ்ஸதீ’’தி…பே॰…
ஸச்சங் கிர, பி⁴க்க²வே, பி⁴க்கு²னீ அஸங்கச்சிகா கா³மங் பாவிஸீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே,
பி⁴க்கு²னீ அஸங்கச்சிகா கா³மங் பவிஸிஸ்ஸதி! நேதங், பி⁴க்க²வே, அப்பஸன்னானங்
வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங்
உத்³தி³ஸந்து –

1225. ‘‘யா பன பி⁴க்கு²னீ அஸங்கச்சிகா [அஸங்கச்சி²கா (ஸ்யா॰)] கா³மங் பவிஸெய்ய, பாசித்திய’’ந்தி.

1226. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

அஸங்கச்சிகாதி வினா ஸங்கச்சிகங்.

ஸங்கச்சிகங் நாம அத⁴க்க²கங் உப்³ப⁴னாபி⁴, தஸ்ஸ படிச்சா²த³னத்தா²ய.

கா³மங் பவிஸெய்யாதி
பரிக்கி²த்தஸ்ஸ கா³மஸ்ஸ பரிக்கே²பங் அதிக்காமெந்தியா ஆபத்தி பாசித்தியஸ்ஸ.
அபரிக்கி²த்தஸ்ஸ கா³மஸ்ஸ உபசாரங் ஓக்கமந்தியா ஆபத்தி பாசித்தியஸ்ஸ.

1227. அனாபத்தி அச்சி²ன்னசீவரிகாய, நட்ட²சீவரிகாய, கி³லானாய, அஸ்ஸதியா, அஜானந்தியா, ஆபதா³ஸு, உம்மத்திகாய, ஆதி³கம்மிகாயாதி.

தேரஸமஸிக்கா²பத³ங் நிட்டி²தங்.

ச²த்துபாஹனவக்³கோ³ நவமோ.

உத்³தி³ட்டா² கோ², அய்யாயோ, ச²ஸட்டி²ஸதா பாசித்தியா
த⁴ம்மா. தத்தா²ய்யாயோ புச்சா²மி – ‘‘கச்சித்த² பரிஸுத்³தா⁴’’? து³தியம்பி
புச்சா²மி – ‘‘கச்சித்த² பரிஸுத்³தா⁴’’? ததியம்பி புச்சா²மி – ‘‘கச்சித்த²
பரிஸுத்³தா⁴’’? பரிஸுத்³தெ⁴த்தா²ய்யாயோ, தஸ்மா துண்ஹீ, ஏவமேதங் தா⁴ரயாமீதி.

கு²த்³த³கங் ஸமத்தங்.

பி⁴க்கு²னிவிப⁴ங்கே³ பாசித்தியகண்ட³ங் நிட்டி²தங்.

வினயபிடகே

பாசித்தியபாளி

5. பாடிதேஸனீயகண்டங் (பிக்குனீவிபங்கோ)

1. படமபாடிதேஸனீயஸிக்காபதங்

இமே கோ பனாய்யாயோ அட்ட பாடிதேஸனீயா

தம்மா உத்தேஸங் ஆகச்சந்தி.

1228. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கு²னியோ ஸப்பிங்
விஞ்ஞாபெத்வா பு⁴ஞ்ஜந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு²னியோ ஸப்பிங் விஞ்ஞாபெத்வா பு⁴ஞ்ஜிஸ்ஸந்தி! கஸ்ஸ
ஸம்பன்னங் ந மனாபங், கஸ்ஸ ஸாது³ங் ந ருச்சதீ’’தி! அஸ்ஸோஸுங் கோ²
பி⁴க்கு²னியோ தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கு²னியோ
ஸப்பிங் விஞ்ஞாபெத்வா பு⁴ஞ்ஜிஸ்ஸந்தீ’’தி…பே॰… ஸச்சங் கிர, பி⁴க்க²வே,
ச²ப்³ப³க்³கி³யா, பி⁴க்கு²னியோ ஸப்பிங் விஞ்ஞாபெத்வா பு⁴ஞ்ஜந்தீதி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம,
பி⁴க்க²வே, ச²ப்³ப³க்³கி³யா பி⁴க்கு²னியோ ஸப்பிங் விஞ்ஞாபெத்வா
பு⁴ஞ்ஜிஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

‘‘யா பன பி⁴க்கு²னீ ஸப்பிங்
விஞ்ஞாபெத்வா பு⁴ஞ்ஜெய்ய, படிதே³ஸேதப்³ப³ங் தாய பி⁴க்கு²னியா – ‘கா³ரய்ஹங்,
அய்யே, த⁴ம்மங் ஆபஜ்ஜிங் அஸப்பாயங் பாடிதே³ஸனீயங், தங் படிதே³ஸேமீ’’’தி.

ஏவஞ்சித³ங் ப⁴க³வதா பி⁴க்கு²னீனங் ஸிக்கா²பத³ங் பஞ்ஞத்தங் ஹோதி.

1229. தேன
கோ² பன ஸமயேன பி⁴க்கு²னியோ கி³லானா ஹொந்தி. கி³லானபுச்சி²கா பி⁴க்கு²னியோ
கி³லானா பி⁴க்கு²னியோ ஏதத³வோசுங் – ‘‘கச்சி, அய்யே, க²மனீயங், கச்சி
யாபனீய’’ந்தி? ‘‘புப்³பே³ மயங், அய்யே, ஸப்பிங் விஞ்ஞாபெத்வா பு⁴ஞ்ஜாம,
தேன நோ பா²ஸு ஹோதி; இதா³னி பன ‘‘ப⁴க³வதா படிக்கி²த்த’’ந்தி
குக்குச்சாயந்தா ந விஞ்ஞாபேம, தேன நோ ந பா²ஸு ஹோதீ’’தி…பே॰… ப⁴க³வதோ
ஏதமத்த²ங் ஆரோசேஸுங்…பே॰… அனுஜானாமி, பி⁴க்க²வே, கி³லானாய பி⁴க்கு²னியா
ஸப்பிங் விஞ்ஞாபெத்வா பு⁴ஞ்ஜிதுங் . ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

1230. ‘‘யா
பன பி⁴க்கு²னீ அகி³லானா ஸப்பிங் விஞ்ஞாபெத்வா பு⁴ஞ்ஜெய்ய,
படிதே³ஸேதப்³ப³ங் தாய பி⁴க்கு²னியா – ‘கா³ரய்ஹங், அய்யே, த⁴ம்மங் ஆபஜ்ஜிங்
அஸப்பாயங் பாடிதே³ஸனீயங் தங் படிதே³ஸேமீ’’’தி.

1231. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

அகி³லானா நாம யஸ்ஸா வினா ஸப்பினா பா²ஸு ஹோதி.

கி³லானா நாம யஸ்ஸா வினா ஸப்பினா ந பா²ஸு ஹோதி.

ஸப்பி நாம கோ³ஸப்பி வா அஜிகாஸப்பி வா மஹிங்ஸஸப்பி வா. யேஸங் மங்ஸங் கப்பதி தேஸங் ஸப்பி.

அகி³லானா அத்தனோ அத்தா²ய விஞ்ஞாபேதி, பயோகே³
து³க்கடங். படிலாபே⁴ன ‘‘பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி
து³க்கடஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி பாடிதே³ஸனீயஸ்ஸ.

1232.
அகி³லானா அகி³லானஸஞ்ஞா ஸப்பிங் விஞ்ஞாபெத்வா பு⁴ஞ்ஜதி, ஆபத்தி
பாடிதே³ஸனீயஸ்ஸ. அகி³லானா வேமதிகா ஸப்பிங் விஞ்ஞாபெத்வா பு⁴ஞ்ஜதி, ஆபத்தி
பாடிதே³ஸனீயஸ்ஸ. அகி³லானா கி³லானஸஞ்ஞா ஸப்பிங் விஞ்ஞாபெத்வா பு⁴ஞ்ஜதி,
ஆபத்தி பாடிதே³ஸனீயஸ்ஸ.

1233. அனாபத்தி
கி³லானாய, கி³லானா ஹுத்வா விஞ்ஞாபெத்வா அகி³லானா பு⁴ஞ்ஜதி, கி³லானாய
ஸேஸகங் பு⁴ஞ்ஜதி, ஞாதகானங் பவாரிதானங், அஞ்ஞஸ்ஸத்தா²ய, அத்தனோ த⁴னேன,
உம்மத்திகாய, ஆதி³கம்மிகாயாதி.

பட²மபாடிதே³ஸனீயஸிக்கா²பத³ங் நிட்டி²தங்.

2. து³தியாதி³பாடிதே³ஸனீயஸிக்கா²பதா³னி

1234.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கு²னியோ தேலங் விஞ்ஞாபெத்வா
பு⁴ஞ்ஜந்தி…பே॰… மது⁴ங் விஞ்ஞாபெத்வா பு⁴ஞ்ஜந்தி…பே॰… பா²ணிதங்
விஞ்ஞாபெத்வா பு⁴ஞ்ஜந்தி…பே॰… மச்ச²ங் விஞ்ஞாபெத்வா பு⁴ஞ்ஜந்தி…பே॰… மங்ஸங்
விஞ்ஞாபெத்வா பு⁴ஞ்ஜந்தி…பே॰… கீ²ரங் விஞ்ஞாபெத்வா பு⁴ஞ்ஜந்தி…பே॰…
த³தி⁴ங் விஞ்ஞாபெத்வா பு⁴ஞ்ஜந்தி. மனுஸ்ஸா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பி⁴க்கு²னியோ த³தி⁴ங் விஞ்ஞாபெத்வா
பு⁴ஞ்ஜிஸ்ஸந்தி! கஸ்ஸ ஸம்பன்னங் ந மனாபங், கஸ்ஸ ஸாது³ங்
ந ருச்சதீ’’தி! அஸ்ஸோஸுங் கோ² பி⁴க்கு²னியோ தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். யா தா பி⁴க்கு²னியோ
அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கு²னியோ த³தி⁴ங் விஞ்ஞாபெத்வா
பு⁴ஞ்ஜிஸ்ஸந்தீ’’தி…பே॰… ஸச்சங் கிர, பி⁴க்க²வே, ச²ப்³ப³க்³கி³யா
பி⁴க்கு²னியோ த³தி⁴ங் விஞ்ஞாபெத்வா பு⁴ஞ்ஜந்தீதி? ‘‘ஸச்சங், ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, ச²ப்³ப³க்³கி³யா
பி⁴க்கு²னியோ த³தி⁴ங் விஞ்ஞாபெத்வா பு⁴ஞ்ஜிஸ்ஸந்தி! நேதங், பி⁴க்க²வே,
அப்பஸன்னானங் வா பஸாதா³ய…பே॰… ஏவஞ்ச பன பி⁴க்க²வே, பி⁴க்கு²னியோ இமங்
ஸிக்கா²பத³ங் உத்³தி³ஸந்து –

‘‘யா பன பி⁴க்கு²னீ த³தி⁴ங்
விஞ்ஞாபெத்வா பு⁴ஞ்ஜெய்ய, படிதே³ஸேதப்³ப³ங் தாய பி⁴க்கு²னியா – ‘கா³ரய்ஹங்,
அய்யே, த⁴ம்மங் ஆபஜ்ஜிங் அஸப்பாயங் பாடிதே³ஸனீயங், தங் படிதே³ஸேமீ’’’தி.

ஏவஞ்சித³ங் ப⁴க³வதா பி⁴க்கு²னீனங் ஸிக்கா²பத³ங் பஞ்ஞத்தங் ஹோதி.

1235. தேன
கோ² பன ஸமயேன பி⁴க்கு²னியோ கி³லானா ஹொந்தி. கி³லானபுச்சி²கா பி⁴க்கு²னியோ
கி³லானா பி⁴க்கு²னியோ ஏதத³வோசுங் – ‘‘கச்சி, அய்யே, க²மனீயங், கச்சி
யாபனீய’’ந்தி? ‘‘புப்³பே³ மயங், அய்யே, த³தி⁴ங் விஞ்ஞாபெத்வா பு⁴ஞ்ஜிம்ஹா,
தேன நோ பா²ஸு ஹோதி, இதா³னி பன ‘‘ப⁴க³வதா படிக்கி²த்த’’ந்தி
குக்குச்சாயந்தா ந விஞ்ஞாபேம, தேன நோ ந பா²ஸு ஹோதீ’’தி…பே॰… ப⁴க³வதோ
ஏதமத்த²ங் ஆரோசேஸுங்…பே॰… அனுஜானாமி, பி⁴க்க²வே, கி³லானாய பி⁴க்கு²னியா
த³தி⁴ங் விஞ்ஞாபெத்வா பு⁴ஞ்ஜிதுங். ஏவஞ்ச பன, பி⁴க்க²வே, பி⁴க்கு²னியோ இமங்
ஸிக்கா²பத³ங் உத்³தி³ஸந்து –

1236. ‘‘யா பன பி⁴க்கு²னீ அகி³லானா (தேலங்…பே॰… மது⁴ங்…பே॰… பா²ணிதங்…பே॰… மச்ச²ங்…பே॰… மங்ஸங்…பே॰… கீ²ரங்…பே॰…) த³தி⁴ங் விஞ்ஞாபெத்வா பு⁴ஞ்ஜெய்ய , படிதே³ஸேதப்³ப³ங் தாய பி⁴க்கு²னியா – ‘கா³ரய்ஹங், அய்யே, த⁴ம்மங் ஆபஜ்ஜிங் அஸப்பாயங் பாடிதே³ஸனீயங், தங் படிதே³ஸேமீ’’’தி.

1237. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.

அகி³லானா நாம யஸ்ஸா வினா த³தி⁴னா பா²ஸு ஹோதி.

கி³லானா நாம யஸ்ஸா வினா த³தி⁴னா ந பா²ஸு ஹோதி.

தேலங் நாம திலதேலங் ஸாஸபதேலங் மது⁴கதேலங் ஏரண்ட³தேலங் வஸாதேலங்.

மது⁴ நாம மக்கி²காமது⁴. பா²ணிதங் நாம உச்சு²ம்ஹா நிப்³ப³த்தங். மச்சோ² நாம ஓத³கோ வுச்சதி. மங்ஸங் நாம யேஸங் மங்ஸங் கப்பதி தேஸங் மங்ஸங். கீ²ரங் நாம கோ³கீ²ரங் வா அஜிகாகீ²ரங் வா மஹிங்ஸகீ²ரங் வா யேஸங் மங்ஸங் கப்பதி தேஸங் கீ²ரங். த³தி⁴ நாம தேஸஞ்ஞேவ த³தி⁴.

அகி³லானா அத்தனோ அத்தா²ய விஞ்ஞாபேதி, பயோகே³
து³க்கடங். படிலாபே⁴ன பு⁴ஞ்ஜிஸ்ஸாமீதி படிக்³க³ண்ஹாதி, ஆபத்தி து³க்கடஸ்ஸ.
அஜ்ஜோ²ஹாரே அஜ்ஜோ²ஹாரே ஆபத்தி பாடிதே³ஸனீயஸ்ஸ.

1238. அகி³லானா அகி³லானஸஞ்ஞா த³தி⁴ங் விஞ்ஞாபெத்வா பு⁴ஞ்ஜதி, ஆபத்தி பாடிதே³ஸனீயஸ்ஸ .
அகி³லானா வேமதிகா த³தி⁴ங் விஞ்ஞாபெத்வா பு⁴ஞ்ஜதி, ஆபத்தி பாடிதே³ஸனீயஸ்ஸ.
அகி³லானா கி³லானஸஞ்ஞா த³தி⁴ங் விஞ்ஞாபெத்வா பு⁴ஞ்ஜதி, ஆபத்தி
பாடிதே³ஸனீயஸ்ஸ.

கி³லானா அகி³லானஸஞ்ஞா, ஆபத்தி து³க்கடஸ்ஸ. கி³லானா வேமதிகா, ஆபத்தி து³க்கடஸ்ஸ. கி³லானா கி³லானஸஞ்ஞா அனாபத்தி.

1239. அனாபத்தி
கி³லானாய, கி³லானா ஹுத்வா விஞ்ஞாபெத்வா அகி³லானா பு⁴ஞ்ஜதி, கி³லானாய
ஸேஸகங் பு⁴ஞ்ஜதி, ஞாதகானங் பவாரிதானங், அஞ்ஞஸ்ஸத்தா²ய, அத்தனோ த⁴னேன,
உம்மத்திகாய, ஆதி³கம்மிகாயாதி.

அட்ட²மபாடிதே³ஸனீயஸிக்கா²பத³ங் நிட்டி²தங்.

உத்³தி³ட்டா² கோ², அய்யாயோ, அட்ட² பாடிதே³ஸனீயா
த⁴ம்மா. தத்தா²ய்யாயோ புச்சா²மி – ‘‘கச்சித்த² பரிஸுத்³தா⁴’’? து³தியம்பி
புச்சா²மி – ‘‘கச்சித்த² பரிஸுத்³தா⁴’’? ததியம்பி புச்சா²மி – ‘‘கச்சித்த²
பரிஸுத்³தா⁴’’? பரிஸுத்³தெ⁴த்தா²ய்யாயோ, தஸ்மா துண்ஹீ, ஏவமேதங் தா⁴ரயாமீதி.

பி⁴க்கு²னிவிப⁴ங்கே³ பாடிதே³ஸனீயகண்ட³ங் நிட்டி²தங்.

வினயபிடகே

பாசித்தியபாளி

6. ஸேகியகண்டங் (பிக்குனீவிபங்கோ)

1. பரிமண்டலவக்கோ

இமே கோ பனாய்யாயோ ஸேகியா

தம்மா உத்தேஸங் ஆகச்சந்தி.

1240. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கு²னியோ புரதோபி பச்ச²தோபி
ஓலம்பெ³ந்தீ நிவாஸெந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு²னியோ புரதோபி பச்ச²தோபி ஓலம்பெ³ந்தீ நிவாஸெஸ்ஸந்தி,
ஸெய்யதா²பி கி³ஹினியோ காமபோ⁴கி³னியோ’’தி! அஸ்ஸோஸுங் கோ² பி⁴க்கு²னியோ தேஸங்
மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். யா தா
பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ச²ப்³ப³க்³கி³யா பி⁴க்கு²னியோ புரதோபி பச்ச²தோபி ஓலம்பெ³ந்தீ
நிவாஸெஸ்ஸந்தீ’’தி…பே॰… ஸச்சங் கிர, பி⁴க்க²வே, ச²ப்³ப³க்³கி³யா
பி⁴க்கு²னியோ புரதோபி பச்ச²தோபி ஓலம்பெ³ந்தீ நிவாஸெந்தீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே,
ச²ப்³ப³க்³கி³யா பி⁴க்கு²னியோ புரதோபி பச்ச²தோபி ஓலம்பெ³ந்தீ
நிவாஸெஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –

‘‘பரிமண்ட³லங் நிவாஸெஸ்ஸாமீதி ஸிக்கா² கரணீயா’’தி.

பரிமண்ட³லங் நிவாஸேதப்³ப³ங் நாபி⁴மண்ட³லங் ஜாணுமண்ட³லங் படிச்சா²தெ³ந்தியா. யா அனாத³ரியங் படிச்ச புரதோ வா பச்ச²தோ வா ஓலம்பெ³ந்தீ நிவாஸேதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தியா, கி³லானாய, ஆபதா³ஸு, உம்மத்திகாய, ஆதி³கம்மிகாயாதி…பே॰… (ஸங்கி²த்தங்).

7. பாது³கவக்³கோ³

1241.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கு²னியோ உத³கே உச்சாரம்பி
பஸ்ஸாவம்பி கே²ளம்பி கரொந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு²னியோ உத³கே உச்சாரம்பி
பஸ்ஸாவம்பி கே²ளம்பி கரிஸ்ஸந்தி, ஸெய்யதா²பி கி³ஹினியோ காமபோ⁴கி³னியோ’’தி!
அஸ்ஸோஸுங் கோ² பி⁴க்கு²னியோ தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யா தா பி⁴க்கு²னியோ அப்பிச்சா², தா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கு²னியோ உத³கே உச்சாரம்பி பஸ்ஸாவம்பி கே²ளம்பி கரிஸ்ஸந்தீ’’தி! அத² கோ² பி⁴க்கு²னியோ பி⁴க்கூ²னங் ஏதமத்த²ங் ஆரோசேஸுங். பி⁴க்கூ² [யே தே பி⁴க்கூ²…பே॰… (?)]
ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா…பே॰… பி⁴க்கூ² படிபுச்சி² –
‘‘ஸச்சங் கிர, பி⁴க்க²வே, ச²ப்³ப³க்³கி³யா பி⁴க்கு²னியோ உத³கே உச்சாரம்பி
பஸ்ஸாவம்பி கே²ளம்பி கரொந்தீ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம, பி⁴க்க²வே, ச²ப்³ப³க்³கி³யா பி⁴க்கு²னியோ உத³கே
உச்சாரம்பி பஸ்ஸாவம்பி கே²ளம்பி கரிஸ்ஸந்தி! நேதங், பி⁴க்க²வே,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங்
ஸிக்கா²பத³ங் உத்³தி³ஸந்து –

‘‘ந உத³கே உச்சாரங் வா பஸ்ஸாவங் வா கே²ளங் வா கரிஸ்ஸாமீதி ஸிக்கா² கரணீயா’’தி .

ஏவஞ்சித³ங் ப⁴க³வதா பி⁴க்கு²னீனங் ஸிக்கா²பத³ங் பஞ்ஞத்தங் ஹோதி.

தேன கோ² பன ஸமயேன கி³லானா பி⁴க்கு²னியோ உத³கே
உச்சாரம்பி பஸ்ஸாவம்பி கே²ளம்பி காதுங் குக்குச்சாயந்தி. ப⁴க³வதோ ஏதமத்த²ங்
ஆரோசேஸுங்…பே॰… அனுஜானாமி, பி⁴க்க²வே, கி³லானாய பி⁴க்கு²னியா உத³கே
உச்சாரம்பி பஸ்ஸாவம்பி கே²ளம்பி காதுங். ஏவஞ்ச பன, பி⁴க்க²வே, பி⁴க்கு²னியோ
இமங் ஸிக்கா²பத³ங் உத்³தி³ஸந்து –

‘‘ந உத³கே அகி³லானா உச்சாரங் வா பஸ்ஸாவங் வா கே²ளங் வா கரிஸ்ஸாமீதி ஸிக்கா² கரணீயா’’தி.

ந உத³கே அகி³லானாய உச்சாரோ வா
பஸ்ஸாவோ வா கே²ளோ வா காதப்³போ³. யா அனாத³ரியங் படிச்ச உத³கே அகி³லானா
உச்சாரங் வா பஸ்ஸாவங் வா கே²ளங் வா கரோதி, ஆபத்தி து³க்கடஸ்ஸ.

அனாபத்தி அஸஞ்சிச்ச, அஸ்ஸதியா, அஜானந்தியா, கி³லானாய,
த²லே கதோ உத³கங் ஒத்த²ரதி, ஆபதா³ஸு, உம்மத்திகாய, கி²த்தசித்தாய,
வேத³னாட்டாய, ஆதி³கம்மிகாயாதி.

பன்னரஸமஸிக்கா²பத³ங் நிட்டி²தங்.

பாது³கவக்³கோ³ ஸத்தமோ.

உத்³தி³ட்டா² கோ², அய்யாயோ,
ஸேகி²யா த⁴ம்மா. தத்தா²ய்யாயோ புச்சா²மி – ‘‘கச்சித்த² பரிஸுத்³தா⁴’’?
து³தியம்பி புச்சா²மி – ‘‘கச்சித்த² பரிஸுத்³தா⁴’’? ததியம்பி புச்சா²மி –
‘‘கச்சித்த² பரிஸுத்³தா⁴’’? பரிஸுத்³தெ⁴த்தா²ய்யாயோ, தஸ்மா துண்ஹீ, ஏவமேதங்
தா⁴ரயாமீதி.

ஸேகி²யகண்ட³ங் நிட்டி²தங்.

வினயபிடகே

பாசித்தியபாளி

7. அதிகரணஸமதா (பிக்குனீவிபங்கோ)

இமே கோ பனாய்யாயோ ஸத்த அதிகரணஸமதா

தம்மா உத்தேஸங் ஆகச்சந்தி.

1242. உப்பன்னுப்பன்னானங்
அதி⁴கரணானங் ஸமதா²ய வூபஸமாய ஸம்முகா²வினயோ தா³தப்³போ³, ஸதிவினயோ
தா³தப்³போ³, அமூள்ஹவினயோ தா³தப்³போ³, படிஞ்ஞாய காரேதப்³ப³ங், யேபு⁴ய்யஸிகா,
தஸ்ஸபாபியஸிகா, திணவத்தா²ரகோதி.

உத்³தி³ட்டா² கோ², அய்யாயோ, ஸத்த அதி⁴கரணஸமதா² த⁴ம்மா.
தத்தா²ய்யாயோ புச்சா²மி – ‘‘கச்சித்த² பரிஸுத்³தா⁴’’? து³தியம்பி
புச்சா²மி – ‘‘கச்சித்த² பரிஸுத்³தா⁴’’? ததியம்பி புச்சா²மி – ‘‘கச்சித்த²
பரிஸுத்³தா⁴’’? பரிஸுத்³தெ⁴த்தா²ய்யாயோ, தஸ்மா துண்ஹீ, ஏவமேதங் தா⁴ரயாமீதி.

அதி⁴கரணஸமதா² நிட்டி²தா.

உத்³தி³ட்ட²ங் கோ², அய்யாயோ, நிதா³னங். உத்³தி³ட்டா²
அட்ட² பாராஜிகா த⁴ம்மா. உத்³தி³ட்டா² ஸத்தரஸ ஸங்கா⁴தி³ஸேஸா த⁴ம்மா.
உத்³தி³ட்டா² திங்ஸ நிஸ்ஸக்³கி³யா பாசித்தியா த⁴ம்மா. உத்³தி³ட்டா²
ச²ஸட்டி²ஸதா பாசித்தியா த⁴ம்மா. உத்³தி³ட்டா² அட்ட² பாடிதே³ஸனீயா த⁴ம்மா.
உத்³தி³ட்டா² ஸேகி²யா த⁴ம்மா. உத்³தி³ட்டா² ஸத்த அதி⁴கரணஸமதா² த⁴ம்மா.
எத்தகங் தஸ்ஸ ப⁴க³வதோ ஸுத்தாக³தங் ஸுத்தபரியாபன்னங் அன்வத்³த⁴மாஸங்
உத்³தே³ஸங் ஆக³ச்ச²தி. தத்த² ஸப்³பா³ஹேவ ஸமக்³கா³ஹி ஸம்மோத³மானாஹி
அவிவத³மானாஹி ஸிக்கி²தப்³ப³ந்தி.

பி⁴க்கு²னிவிப⁴ங்கோ³ நிட்டி²தோ.

பாசித்தியபாளி நிட்டி²தா.

Leave a Reply