161112 FRIDAY LESSON 752-வினயபிடகே-Part- 16- தமிழில் திரபிடக மூன்று தொகுப்புகள்TIPITAKA-
from FREE ONLINE eNālāndā Research and
Practice UNIVERSITY through http://sarvajan.ambedkar.org
Mayawati the Empress of Awadh and the next Prime Minister of PRABUDDHA BHARTH.
Mayawati the Empress of Awadh and the next Prime Minister of PRABUDDHA BHARTH.
She might have lost Uttar Pradesh but retained her base unlike, Lalu’s in Bihar.
This is the base that was responsible for Indira Gandhi to become the Prime Minister, and MGR ^ NTR as CMs of Tamil Nadu and Andhra Pradesh.
Now Manmohan Singh’s is meeting Bahujan Samaj Party (BSP) chief Mayawati assumes importance as it is being seen as one to form strategy to unitedly face Opposition onslaught on several issues including FDI in retail and price hike ahead of Parliament’s Winter Session.
Mayawati says UP has become 100 per cent crime pradesh
saying law and order had failed completely in Uttar Pradesh reducing it
to “crime pradesh”, charge rubbished by the chief minister.
“The
UP government has failed badly on law and order front. Now Uttar Pradesh
has become not 99 per cent but 100 per cent crime pradesh,” she told
reporters here on Sunday.
The former Chief Minister said people of Uttar Pradesh have realised the mistake of voting Samajwadi Party to power.
“If
you go to any district of the state and ask the common people, they
will say we have made a big mistake. We have voted the wrong party to
power…The BSP government was far better,” she said.
Meanwhile, Congress saw nothing wrong in Mayawati’s description of Uttar Pradesh as “crime pradesh”.
The Lucknow bench of Allahabad High Court has upheld the decision of former UP Governor TV Rajeswar to deny permission to the CBI to prosecute Bahujan Samaj Party (BSP) supremo Mayawati, in the Taj Corridor case in June 2007.
The bench of Justice Imtiyaz Murtaza and Justice Ashwini Kumar Singh in its 74-page order, which was reserved on September 12 and pronounced on Monday, has dismissed all six PILs which were filed against the decision of the former Governor. The High Court also dismissed the PILs against Rajeswar’s decision to turn down the sanction of prosecution against Mayawati’s aide and former PWD Minister Nasimuddin Siddiqui in the same case.
Appreciating the HC order, Satish Chandra Mishra, Mayawati’s counsel and Rajya Sabha member said, “The PILs were politically motivated and pursued with malafide intentions. There was no role of Mayawati in project design, implementation and construction. The officials are responsible for what Mayawati is being blamed. They should explain why decisions to this effect were taken.”
Mishra said, “The 74-page order dismissing the PILs is based on merit and not technicalities. We have been saying from the beginning that the PILs were politically motivated. We had also argued that the decision relating to sanction of fund was taken by the officers and there was no culpability of Mayawati as CM.”
வினயபிடகே
மஹாவக்கபாளி
2. உபோஸதக்கந்தகோ
68. ஸன்னிபாதானுஜானநா
132. தேன
ஸமயேன பு³த்³தோ⁴ ப⁴க³வா ராஜக³ஹே விஹரதி கி³ஜ்ஜ²கூடே பப்³ப³தே. தேன கோ² பன
ஸமயேன அஞ்ஞதித்தி²யா பரிப்³பா³ஜகா சாதுத்³த³ஸே பன்னரஸே அட்ட²மியா ச
பக்க²ஸ்ஸ ஸன்னிபதித்வா த⁴ம்மங் பா⁴ஸந்தி. தே மனுஸ்ஸா உபஸங்கமந்தி
த⁴ம்மஸ்ஸவனாய. தே லப⁴ந்தி அஞ்ஞதித்தி²யேஸு பரிப்³பா³ஜகேஸு பேமங், லப⁴ந்தி
பஸாத³ங், லப⁴ந்தி அஞ்ஞதித்தி²யா பரிப்³பா³ஜகா பக்க²ங். அத² கோ² ரஞ்ஞோ
மாக³த⁴ஸ்ஸ ஸேனியஸ்ஸ பி³ம்பி³ஸாரஸ்ஸ ரஹோக³தஸ்ஸ படிஸல்லீனஸ்ஸ ஏவங் சேதஸோ
பரிவிதக்கோ உத³பாதி³ – ‘‘ஏதரஹி கோ² அஞ்ஞதித்தி²யா பரிப்³பா³ஜகா சாதுத்³த³ஸே
பன்னரஸே அட்ட²மியா ச பக்க²ஸ்ஸ ஸன்னிபதித்வா த⁴ம்மங் பா⁴ஸந்தி. தே மனுஸ்ஸா
உபஸங்கமந்தி த⁴ம்மஸ்ஸவனாய. தே லப⁴ந்தி அஞ்ஞதித்தி²யேஸு பரிப்³பா³ஜகேஸு
பேமங், லப⁴ந்தி பஸாத³ங், லப⁴ந்தி அஞ்ஞதித்தி²யா பரிப்³பா³ஜகா பக்க²ங்.
யங்னூன அய்யாபி சாதுத்³த³ஸே பன்னரஸே அட்ட²மியா ச பக்க²ஸ்ஸ
ஸன்னிபதெய்யு’’ந்தி. அத² கோ² ராஜா மாக³தோ⁴ ஸேனியோ பி³ம்பி³ஸாரோ யேன ப⁴க³வா
தேனுபஸங்கமி, உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³.
ஏகமந்தங் நிஸின்னோ கோ² ராஜா மாக³தோ⁴ ஸேனியோ பி³ம்பி³ஸாரோ ப⁴க³வந்தங்
ஏதத³வோச – ‘‘இத⁴ மய்ஹங், ப⁴ந்தே, ரஹோக³தஸ்ஸ படிஸல்லீனஸ்ஸ ஏவங் சேதஸோ
பரிவிதக்கோ உத³பாதி³ ‘ஏதரஹி கோ² அஞ்ஞதித்தி²யா பரிப்³பா³ஜகா சாதுத்³த³ஸே
பன்னரஸே அட்ட²மியா ச பக்க²ஸ்ஸ ஸன்னிபதித்வா த⁴ம்மங் பா⁴ஸந்தி. தே மனுஸ்ஸா
உபஸங்கமந்தி த⁴ம்மஸ்ஸவனாய. தே லப⁴ந்தி அஞ்ஞதித்தி²யேஸு பரிப்³பா³ஜகேஸு
பேமங், லப⁴ந்தி பஸாத³ங், லப⁴ந்தி அஞ்ஞதித்தி²யா பரிப்³பா³ஜகா பக்க²ங்.
யங்னூன அய்யாபி சாதுத்³த³ஸே பன்னரஸே அட்ட²மியா ச பக்க²ஸ்ஸ
ஸன்னிபதெய்யு’ந்தி. ஸாது⁴, ப⁴ந்தே, அய்யாபி சாதுத்³த³ஸே பன்னரஸே அட்ட²மியா ச
பக்க²ஸ்ஸ ஸன்னிபதெய்யு’’ந்தி. அத² கோ² ப⁴க³வா ராஜானங் மாக³த⁴ங் ஸேனியங்
பி³ம்பி³ஸாரங் த⁴ம்மியா கதா²ய ஸந்த³ஸ்ஸேஸி ஸமாத³பேஸி ஸமுத்தேஜேஸி
ஸம்பஹங்ஸேஸி. அத² கோ² ராஜா மாக³தோ⁴ ஸேனியோ பி³ம்பி³ஸாரோ ப⁴க³வதா த⁴ம்மியா
கதா²ய ஸந்த³ஸ்ஸிதோ ஸமாத³பிதோ ஸமுத்தேஜிதோ ஸம்பஹங்ஸிதோ உட்டா²யாஸனா
ப⁴க³வந்தங் அபி⁴வாதெ³த்வா பத³க்கி²ணங் கத்வா பக்காமி. அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, சாதுத்³த³ஸே பன்னரஸே அட்ட²மியா ச பக்க²ஸ்ஸ ஸன்னிபதிது’’ந்தி.
தேன கோ² பன ஸமயேன பி⁴க்கூ² – ப⁴க³வதா அனுஞ்ஞாதா
சாதுத்³த³ஸே பன்னரஸே அட்ட²மியா ச பக்க²ஸ்ஸ ஸன்னிபதிதுந்தி – சாதுத்³த³ஸே
பன்னரஸே அட்ட²மியா ச பக்க²ஸ்ஸ ஸன்னிபதித்வா துண்ஹீ நிஸீத³ந்தி. தே மனுஸ்ஸா
உபஸங்கமந்தி த⁴ம்மஸ்ஸவனாய. தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஸமணா ஸக்யபுத்தியா சாதுத்³த³ஸே பன்னரஸே அட்ட²மியா ச பக்க²ஸ்ஸ
ஸன்னிபதித்வா துண்ஹீ நிஸீதி³ஸ்ஸந்தி, ஸெய்யதா²பி மூக³ஸூகரா. நனு நாம
ஸன்னிபதிதேஹி த⁴ம்மோ பா⁴ஸிதப்³போ³’’தி. அஸ்ஸோஸுங் கோ² பி⁴க்கூ² தேஸங்
மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰… அத²
கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ²
ஆமந்தேஸி – ‘‘அனுஜானாமி, பி⁴க்க²வே, சாதுத்³த³ஸே பன்னரஸே அட்ட²மியா ச
பக்க²ஸ்ஸ ஸன்னிபதித்வா த⁴ம்மங் பா⁴ஸிது’’ந்தி.
69. பாதிமொக்கு²த்³தே³ஸானுஜானநா
133.
அத² கோ² ப⁴க³வதோ ரஹோக³தஸ்ஸ படிஸல்லீனஸ்ஸ ஏவங் சேதஸோ பரிவிதக்கோ உத³பாதி³ –
‘‘யங்னூனாஹங் யானி மயா பி⁴க்கூ²னங் பஞ்ஞத்தானி ஸிக்கா²பதா³னி, தானி நேஸங்
பாதிமொக்கு²த்³தே³ஸங் அனுஜானெய்யங். ஸோ நேஸங் ப⁴விஸ்ஸதி உபோஸத²கம்ம’’ந்தி.
அத² கோ² ப⁴க³வா ஸாயன்ஹஸமயங் படிஸல்லானா வுட்டி²தோ ஏதஸ்மிங் நிதா³னே
ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – இத⁴ மய்ஹங்,
பி⁴க்க²வே, ரஹோக³தஸ்ஸ படிஸல்லீனஸ்ஸ ஏவங் சேதஸோ பரிவிதக்கோ உத³பாதி³
‘யங்னூனாஹங் யானி மயா பி⁴க்கூ²னங் பஞ்ஞத்தானி ஸிக்கா²பதா³னி, தானி நேஸங்
பாதிமொக்கு²த்³தே³ஸங் அனுஜானெய்யங். ஸோ நேஸங் ப⁴விஸ்ஸதி உபோஸத²கம்ம’ந்தி.
அனுஜானாமி, பி⁴க்க²வே, பாதிமொக்க²ங் உத்³தி³ஸிதுங். ஏவஞ்ச பன, பி⁴க்க²வே,
உத்³தி³ஸிதப்³ப³ங். ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
134. ‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், ஸங்கோ⁴ உபோஸத²ங் கரெய்ய, பாதிமொக்க²ங் உத்³தி³ஸெய்ய. கிங் ஸங்க⁴ஸ்ஸ புப்³ப³கிச்சங்? பாரிஸுத்³தி⁴ங் ஆயஸ்மந்தோ ஆரோசேத² . பாதிமொக்க²ங் உத்³தி³ஸிஸ்ஸாமி. தங் ஸப்³பே³வ ஸந்தா ஸாது⁴கங் ஸுணோம மனஸி கரோம. யஸ்ஸ ஸியா ஆபத்தி , ஸோ ஆவிகரெய்ய. அஸந்தியா ஆபத்தியா துண்ஹீ ப⁴விதப்³ப³ங். துண்ஹீபா⁴வேன கோ² பனாயஸ்மந்தே பரிஸுத்³தா⁴தி வேதி³ஸ்ஸாமி. யதா² கோ² பன பச்சேகபுட்ட²ஸ்ஸ வெய்யாகரணங் ஹோதி, ஏவமேவங் [ஏவமேவ (க)]
ஏவரூபாய பரிஸாய யாவததியங் அனுஸ்ஸாவிதங் ஹோதி. யோ பன பி⁴க்கு² யாவததியங்
அனுஸ்ஸாவியமானே ஸரமானோ ஸந்திங் ஆபத்திங் நாவிகரெய்ய, ஸம்பஜானமுஸாவாத³ஸ்ஸ
ஹோதி. ஸம்பஜானமுஸாவாதோ³ கோ² பனாயஸ்மந்தோ அந்தராயிகோ த⁴ம்மோ வுத்தோ ப⁴க³வதா.
தஸ்மா, ஸரமானேன பி⁴க்கு²னா ஆபன்னேன விஸுத்³தா⁴பெக்கே²ன ஸந்தீ ஆபத்தி
ஆவிகாதப்³பா³; ஆவிகதா ஹிஸ்ஸ பா²ஸு ஹோதீ’’தி.
135. பாதிமொக்க²ந்தி ஆதி³மேதங் முக²மேதங் பமுக²மேதங் குஸலானங் த⁴ம்மானங். தேன வுச்சதி பாதிமொக்க²ந்தி. ஆயஸ்மந்தோதி பியவசனமேதங் க³ருவசனமேதங் ஸகா³ரவஸப்பதிஸ்ஸாதி⁴வசனமேதங் ஆயஸ்மந்தோதி. உத்³தி³ஸிஸ்ஸாமீதி ஆசிக்கி²ஸ்ஸாமி தே³ஸெஸ்ஸாமி பஞ்ஞபெஸ்ஸாமி பட்ட²பெஸ்ஸாமி விவரிஸ்ஸாமி விப⁴ஜிஸ்ஸாமி உத்தானிங் கரிஸ்ஸாமி [உத்தானீ கரிஸ்ஸாமி (ஸீ॰ ஸ்யா॰)] பகாஸெஸ்ஸாமி. தந்தி பாதிமொக்க²ங் வுச்சதி. ஸப்³பே³வ ஸந்தாதி யாவதிகா தஸ்ஸா பரிஸாய தே²ரா ச நவா ச மஜ்ஜி²மா ச, ஏதே வுச்சந்தி ஸப்³பே³வ ஸந்தாதி. ஸாது⁴கங் ஸுணோமாதி அட்டி²ங் கத்வா மனஸி கத்வா ஸப்³ப³சேதஸா [ஸப்³ப³ங் சேதஸா (ஸ்யா॰ க॰)] ஸமன்னாஹராம. மனஸி கரோமாதி ஏகக்³க³சித்தா அவிக்கி²த்தசித்தா அவிஸாஹடசித்தா நிஸாமேம. யஸ்ஸ ஸியா ஆபத்தீதி
தே²ரஸ்ஸ வா நவஸ்ஸ வா மஜ்ஜி²மஸ்ஸ வா, பஞ்சன்னங் வா ஆபத்திக்க²ந்தா⁴னங்
அஞ்ஞதரா ஆபத்தி, ஸத்தன்னங் வா ஆபத்திக்க²ந்தா⁴னங் அஞ்ஞதரா ஆபத்தி. ஸோ ஆவிகரெய்யாதி ஸோ தே³ஸெய்ய, ஸோ விவரெய்ய, ஸோ உத்தானிங் கரெய்ய, ஸோ பகாஸெய்ய ஸங்க⁴மஜ்ஜே² வா க³ணமஜ்ஜே² வா ஏகபுக்³க³லே வா. அஸந்தீ நாம ஆபத்தி அனஜ்ஜா²பன்னா வா ஹோதி, ஆபஜ்ஜித்வா வா வுட்டி²தா. துண்ஹீ ப⁴விதப்³ப³ந்தி அதி⁴வாஸேதப்³ப³ங் ந ப்³யாஹரிதப்³ப³ங். பரிஸுத்³தா⁴தி வேதி³ஸ்ஸாமீதி ஜானிஸ்ஸாமி தா⁴ரெஸ்ஸாமி. யதா² கோ² பன பச்சேகபுட்ட²ஸ்ஸ வெய்யாகரணங் ஹோதீதி யதா² ஏகேன ஏகோ புட்டோ² ப்³யாகரெய்ய, ஏவமேவ தஸ்ஸா பரிஸாய ஜானிதப்³ப³ங் மங் புச்ச²தீதி. ஏவரூபா நாம பரிஸா பி⁴க்கு²பரிஸா வுச்சதி. யாவததியங் அனுஸ்ஸாவிதங் ஹோதீதி ஸகிம்பி அனுஸ்ஸாவிதங் ஹோதி, து³தியம்பி அனுஸ்ஸாவிதங் ஹோதி, ததியம்பி அனுஸ்ஸாவிதங் ஹோதி. ஸரமானோதி ஜானமானோ ஸஞ்ஜானமானோ. ஸந்தீ நாம ஆபத்தி அஜ்ஜா²பன்னா வா ஹோதி, ஆபஜ்ஜித்வா வா அவுட்டி²தா. நாவிகரெய்யாதி ந தே³ஸெய்ய, ந விவரெய்ய, ந உத்தானிங் கரெய்ய, ந பகாஸெய்ய ஸங்க⁴மஜ்ஜே² வா க³ணமஜ்ஜே² வா ஏகபுக்³க³லே வா. ஸம்பஜானமுஸாவாத³ஸ்ஸ ஹோதீதி. ஸம்பஜானமுஸாவாதே³ கிங் ஹோதி? து³க்கடங் ஹோதி. அந்தராயிகோ த⁴ம்மோ வுத்தோ ப⁴க³வதாதி.
கிஸ்ஸ அந்தராயிகோ? பட²மஸ்ஸ ஜா²னஸ்ஸ அதி⁴க³மாய அந்தராயிகோ, து³தியஸ்ஸ
ஜா²னஸ்ஸ அதி⁴க³மாய அந்தராயிகோ, ததியஸ்ஸ ஜா²னஸ்ஸ அதி⁴க³மாய அந்தராயிகோ,
சதுத்த²ஸ்ஸ ஜா²னஸ்ஸ அதி⁴க³மாய அந்தராயிகோ, ஜா²னானங் விமொக்கா²னங் ஸமாதீ⁴னங்
ஸமாபத்தீனங் நெக்க²ம்மானங் நிஸ்ஸரணானங் பவிவேகானங் குஸலானங் த⁴ம்மானங்
அதி⁴க³மாய அந்தராயிகோ. தஸ்மாதி தங்காரணா. ஸரமானேனாதி ஜானமானேன ஸஞ்ஜானமானேன. விஸுத்³தா⁴பெக்கே²னாதி வுட்டா²துகாமேன விஸுஜ்ஜி²துகாமேன. ஸந்தீ நாம ஆபத்தி அஜ்ஜா²பன்னா வா ஹோதி, ஆபஜ்ஜித்வா வா அவுட்டி²தா. ஆவிகாதப்³பா³தி ஆவிகாதப்³பா³ ஸங்க⁴மஜ்ஜே² வா க³ணமஜ்ஜே² வா ஏகபுக்³க³லே வா. ஆவிகதா ஹிஸ்ஸ பா²ஸு ஹோதீதி. கிஸ்ஸ பா²ஸு ஹோதி? பட²மஸ்ஸ ஜா²னஸ்ஸ அதி⁴க³மாய பா²ஸு ஹோதி, து³தியஸ்ஸ ஜா²னஸ்ஸ அதி⁴க³மாய பா²ஸு ஹோதி, ததியஸ்ஸ ஜா²னஸ்ஸ
அதி⁴க³மாய பா²ஸு ஹோதி, சதுத்த²ஸ்ஸ ஜா²னஸ்ஸ அதி⁴க³மாய பா²ஸு ஹோதி, ஜா²னானங்
விமொக்கா²னங் ஸமாதீ⁴னங் ஸமாபத்தீனங் நெக்க²ம்மானங் நிஸ்ஸரணானங் பவிவேகானங்
குஸலானங் த⁴ம்மானங் அதி⁴க³மாய பா²ஸு ஹோதீதி.
136.
தேன கோ² பன ஸமயேன பி⁴க்கூ² – ப⁴க³வதா பாதிமொக்கு²த்³தே³ஸோ அனுஞ்ஞாதோதி –
தே³வஸிகங் பாதிமொக்க²ங் உத்³தி³ஸந்தி. ப⁴க³வதோ ஏதமத்த²ங் ஆரோசேஸுங். ந,
பி⁴க்க²வே, தே³வஸிகங் பாதிமொக்க²ங் உத்³தி³ஸிதப்³ப³ங். யோ உத்³தி³ஸெய்ய,
ஆபத்தி து³க்கடஸ்ஸ. அனுஜானாமி, பி⁴க்க²வே, உபோஸதே² பாதிமொக்க²ங்
உத்³தி³ஸிதுந்தி.
தேன கோ² பன ஸமயேன பி⁴க்கூ² – ப⁴க³வதா உபோஸதே²
பாதிமொக்கு²த்³தே³ஸோ அனுஞ்ஞாதோதி – பக்க²ஸ்ஸ திக்க²த்துங் பாதிமொக்க²ங்
உத்³தி³ஸந்தி, சாதுத்³த³ஸே பன்னரஸே அட்ட²மியா ச பக்க²ஸ்ஸ. ப⁴க³வதோ
ஏதமத்த²ங் ஆரோசேஸுங். ந, பி⁴க்க²வே, பக்க²ஸ்ஸ திக்க²த்துங் பாதிமொக்க²ங்
உத்³தி³ஸிதப்³ப³ங். யோ உத்³தி³ஸெய்ய, ஆபத்தி து³க்கடஸ்ஸ. அனுஜானாமி,
பி⁴க்க²வே, ஸகிங் பக்க²ஸ்ஸ சாதுத்³த³ஸே வா பன்னரஸே வா பாதிமொக்க²ங்
உத்³தி³ஸிதுந்தி.
தேன கோ² பன ஸமயேன
ச²ப்³ப³க்³கி³யா பி⁴க்கூ² யதா²பரிஸாய பாதிமொக்க²ங் உத்³தி³ஸந்தி ஸகாய ஸகாய
பரிஸாய. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, யதா²பரிஸாய
பாதிமொக்க²ங் உத்³தி³ஸிதப்³ப³ங் ஸகாய ஸகாய பரிஸாய. யோ உத்³தி³ஸெய்ய,
ஆபத்தி து³க்கடஸ்ஸ. அனுஜானாமி, பி⁴க்க²வே, ஸமக்³கா³னங் உபோஸத²கம்மந்தி.
அத² கோ² பி⁴க்கூ²னங் ஏதத³ஹோஸி – ‘‘ப⁴க³வதா பஞ்ஞத்தங் ‘ஸமக்³கா³னங் உபோஸத²கம்ம’ந்தி. கித்தாவதா
நு கோ² ஸாமக்³கீ³ ஹோதி, யாவதா ஏகாவாஸோ, உதா³ஹு ஸப்³பா³ பத²வீ’’தி? ப⁴க³வதோ
ஏதமத்த²ங் ஆரோசேஸுங். அனுஜானாமி, பி⁴க்க²வே, எத்தாவதா ஸாமக்³கீ³ யாவதா
ஏகாவாஸோதி.
70. மஹாகப்பினவத்து²
137. தேன
கோ² பன ஸமயேன ஆயஸ்மா மஹாகப்பினோ ராஜக³ஹே விஹரதி மத்³த³குச்சி²ம்ஹி
மிக³தா³யே. அத² கோ² ஆயஸ்மதோ மஹாகப்பினஸ்ஸ ரஹோக³தஸ்ஸ படிஸல்லீனஸ்ஸ ஏவங்
சேதஸோ பரிவிதக்கோ உத³பாதி³ – ‘‘க³ச்செ²ய்யங் வாஹங் உபோஸத²ங் ந வா
க³ச்செ²ய்யங், க³ச்செ²ய்யங் வாஹங் ஸங்க⁴கம்மங் ந வா க³ச்செ²ய்யங், அத²
க்²வாஹங் விஸுத்³தோ⁴ பரமாய விஸுத்³தி⁴யா’’தி? அத² கோ² ப⁴க³வா ஆயஸ்மதோ
மஹாகப்பினஸ்ஸ சேதஸா சேதோபரிவிதக்கமஞ்ஞாய – ஸெய்யதா²பி நாம ப³லவா புரிஸோ
ஸமிஞ்ஜிதங் வா பா³ஹங் பஸாரெய்ய, பஸாரிதங் வா பா³ஹங் ஸமிஞ்ஜெய்ய, ஏவமேவ –
கி³ஜ்ஜ²கூடே பப்³ப³தே அந்தரஹிதோ மத்³த³குச்சி²ம்ஹி மிக³தா³யே ஆயஸ்மதோ
மஹாகப்பினஸ்ஸ ஸம்முகே² பாதுரஹோஸி. நிஸீதி³ ப⁴க³வா பஞ்ஞத்தே ஆஸனே. ஆயஸ்மாபி
கோ² மஹாகப்பினோ ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னங் கோ² ஆயஸ்மந்தங் மஹாகப்பினங் ப⁴க³வா ஏதத³வோச – ‘‘நனு தே, கப்பின,
ரஹோக³தஸ்ஸ படிஸல்லீனஸ்ஸ ஏவங் சேதஸோ பரிவிதக்கோ உத³பாதி³ – க³ச்செ²ய்யங்
வாஹங் உபோஸத²ங் ந வா க³ச்செ²ய்யங், க³ச்செ²ய்யங் வாஹங் ஸங்க⁴கம்மங் ந வா
க³ச்செ²ய்யங், அத² க்²வாஹங் விஸுத்³தோ⁴ பரமாய விஸுத்³தி⁴யா’’தி? ‘‘ஏவங்,
ப⁴ந்தே’’. ‘‘தும்ஹே சே ப்³ராஹ்மணா உபோஸத²ங் ந ஸக்கரிஸ்ஸத² ந க³ருகரிஸ்ஸத² [ந க³ருங் கரிஸ்ஸத² (க॰)]
ந மானெஸ்ஸத² ந பூஜெஸ்ஸத², அத² கோ சரஹி உபோஸத²ங் ஸக்கரிஸ்ஸதி க³ருகரிஸ்ஸதி
மானெஸ்ஸதி பூஜெஸ்ஸதி? க³ச்ச² த்வங், ப்³ராஹ்மண, உபோஸத²ங், மா நோ அக³மாஸி.
க³ச்ச² த்வங் ஸங்க⁴கம்மங், மா நோ அக³மாஸீ’’தி. ‘‘ஏவங், ப⁴ந்தே’’தி கோ²
ஆயஸ்மா மஹாகப்பினோ ப⁴க³வதோ பச்சஸ்ஸோஸி. அத² கோ²
ப⁴க³வா ஆயஸ்மந்தங் மஹாகப்பினங் த⁴ம்மியா கதா²ய ஸந்த³ஸ்ஸெத்வா ஸமாத³பெத்வா
ஸமுத்தேஜெத்வா ஸம்பஹங்ஸெத்வா – ஸெய்யதா²பி நாம ப³லவா புரிஸோ ஸமிஞ்ஜிதங் வா
பா³ஹங் பஸாரெய்ய, பஸாரிதங் வா பா³ஹங் ஸமிஞ்ஜெய்ய, ஏவமேவ –
மத்³த³குச்சி²ம்ஹி மிக³தா³யே ஆயஸ்மதோ மஹாகப்பினஸ்ஸ ஸம்முகே² அந்தரஹிதோ
கி³ஜ்ஜ²கூடே பப்³ப³தே பாதுரஹோஸி.
71. ஸீமானுஜானநா
138. அத²
கோ² பி⁴க்கூ²னங் ஏதத³ஹோஸி – ‘‘ப⁴க³வதா பஞ்ஞத்தங் ‘எத்தாவதா ஸாமக்³கீ³
யாவதா ஏகாவாஸோ’தி, கித்தாவதா நு கோ² ஏகாவாஸோ ஹோதீ’’தி? ப⁴க³வதோ ஏதமத்த²ங்
ஆரோசேஸுங். அனுஜானாமி, பி⁴க்க²வே, ஸீமங் ஸம்மன்னிதுங். ஏவஞ்ச பன,
பி⁴க்க²வே, ஸம்மன்னிதப்³பா³ – பட²மங் நிமித்தா கித்தேதப்³பா³ –
பப்³ப³தனிமித்தங், பாஸாணனிமித்தங், வனநிமித்தங், ருக்க²னிமித்தங்,
மக்³க³னிமித்தங், வம்மிகனிமித்தங், நதீ³னிமித்தங், உத³கனிமித்தங். நிமித்தே
கித்தெத்வா ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
139. ‘‘ஸுணாது மே, ப⁴ந்தே, ஸங்கோ⁴ . யாவதா ஸமந்தா நிமித்தா கித்திதா. யதி³ ஸங்க⁴ஸ்ஸ பத்தகல்லங், ஸங்கோ⁴ ஏதேஹி நிமித்தேஹி ஸீமங் ஸம்மன்னெய்ய ஸமானஸங்வாஸங் ஏகுபோஸத²ங் [ஏகூபோஸத²ங் (க॰)]. ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴. யாவதா ஸமந்தா நிமித்தா
கித்திதா. ஸங்கோ⁴ ஏதேஹி நிமித்தேஹி ஸீமங் ஸம்மன்னதி ஸமானஸங்வாஸங்
ஏகுபோஸத²ங். யஸ்ஸாயஸ்மதோ க²மதி ஏதேஹி நிமித்தேஹி ஸீமாய ஸம்முதி [ஸம்மதி (ஸ்யா॰)]
ஸமானஸங்வாஸாய ஏகுபோஸதா²ய, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.
ஸம்மதா ஸீமா ஸங்கே⁴ன ஏதேஹி நிமித்தேஹி ஸமானஸங்வாஸா ஏகுபோஸதா². க²மதி
ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
140.
தேன கோ² பன ஸமயேன ச²ப்³ப³க்³கி³யா பி⁴க்கூ² – ப⁴க³வதா ஸீமாஸம்முதி
அனுஞ்ஞாதாதி – அதிமஹதியோ ஸீமாயோ ஸம்மன்னந்தி, சதுயோஜனிகாபி பஞ்சயோஜனிகாபி
ச²யோஜனிகாபி. பி⁴க்கூ² உபோஸத²ங் ஆக³ச்ச²ந்தா உத்³தி³ஸ்ஸமானேபி பாதிமொக்கே²
ஆக³ச்ச²ந்தி, உத்³தி³ட்ட²மத்தேபி ஆக³ச்ச²ந்தி, அந்தராபி
பரிவஸந்தி. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, அதிமஹதீ ஸீமா
ஸம்மன்னிதப்³பா³, சதுயோஜனிகா வா பஞ்சயோஜனிகா வா ச²யோஜனிகா வா. யோ
ஸம்மன்னெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, தியோஜனபரமங் ஸீமங்
ஸம்மன்னிதுந்தி.
தேன கோ² பன ஸமயேன ச²ப்³ப³க்³கி³யா பி⁴க்கூ² நதீ³பாரஸீமங் [நதீ³பாரங் ஸீமங் (ஸீ॰ ஸ்யா॰)] ஸம்மன்னந்தி. உபோஸத²ங் ஆக³ச்ச²ந்தா பி⁴க்கூ²பி வுய்ஹந்தி, பத்தாபி வுய்ஹந்தி ,
சீவரானிபி வுய்ஹந்தி. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே,
நதீ³பாரஸீமா ஸம்மன்னிதப்³பா³. யோ ஸம்மன்னெய்ய, ஆபத்தி து³க்கடஸ்ஸ.
அனுஜானாமி, பி⁴க்க²வே, யத்த²ஸ்ஸ து⁴வனாவா வா து⁴வஸேது வா, ஏவரூபங்
நதீ³பாரஸீமங் ஸம்மன்னிதுந்தி.
72. உபோஸதா²கா³ரகதா²
141. தேன கோ² பன ஸமயேன பி⁴க்கூ² அனுபரிவேணியங் பாதிமொக்க²ங்
உத்³தி³ஸந்தி அஸங்கேதேன. ஆக³ந்துகா பி⁴க்கூ² ந ஜானந்தி – ‘‘கத்த² வா
அஜ்ஜுபோஸதோ² கரீயிஸ்ஸதீ’’தி. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே,
அனுபரிவேணியங் பாதிமொக்க²ங் உத்³தி³ஸிதப்³ப³ங் அஸங்கேதேன. யோ உத்³தி³ஸெய்ய,
ஆபத்தி து³க்கடஸ்ஸ. அனுஜானாமி, பி⁴க்க²வே, உபோஸதா²கா³ரங் ஸம்மன்னித்வா
உபோஸத²ங் காதுங், யங் ஸங்கோ⁴ ஆகங்க²தி விஹாரங் வா அட்³ட⁴யோக³ங் வா பாஸாத³ங்
வா ஹம்மியங் வா கு³ஹங் வா. ஏவஞ்ச பன, பி⁴க்க²வே, ஸம்மன்னிதப்³ப³ங். ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் விஹாரங் உபோஸதா²கா³ரங் ஸம்மன்னெய்ய. ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴. ஸங்கோ⁴ இத்த²ன்னாமங்
விஹாரங் உபோஸதா²கா³ரங் ஸம்மன்னதி. யஸ்ஸாயஸ்மதோ க²மதி இத்த²ன்னாமஸ்ஸ
விஹாரஸ்ஸ உபோஸதா²கா³ரஸ்ஸ ஸம்முதி, ஸோ துண்ஹஸ்ஸ; யஸ்ஸ நக்க²மதி, ஸோ
பா⁴ஸெய்ய. ஸம்மதோ ஸங்கே⁴ன இத்த²ன்னாமோ விஹாரோ உபோஸதா²கா³ரங். க²மதி
ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
தேன கோ² பன ஸமயேன அஞ்ஞதரஸ்மிங்
ஆவாஸே த்³வே உபோஸதா²கா³ரானி ஸம்மதானி ஹொந்தி. பி⁴க்கூ² உப⁴யத்த²
ஸன்னிபதந்தி – ‘‘இத⁴ உபோஸதோ² கரீயிஸ்ஸதி, இத⁴ உபோஸதோ² கரீயிஸ்ஸதீ’’தி.
ப⁴க³வதோ ஏதமத்த²ங் ஆரோசேஸுங் . ந, பி⁴க்க²வே,
ஏகஸ்மிங் ஆவாஸே த்³வே உபோஸதா²கா³ரானி ஸம்மன்னிதப்³பா³னி. யோ ஸம்மன்னெய்ய,
ஆபத்தி து³க்கடஸ்ஸ. அனுஜானாமி, பி⁴க்க²வே, ஏகங் ஸமூஹனித்வா [ஸமுஹனித்வா (க॰)] ஏகத்த² உபோஸத²ங் காதுங். ஏவஞ்ச பன, பி⁴க்க²வே, ஸமூஹந்தப்³ப³ங். ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் உபோஸதா²கா³ரங் ஸமூஹனெய்ய [ஸமுஹனெய்ய (க॰)]. ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴. ஸங்கோ⁴ இத்த²ன்னாமங்
உபோஸதா²கா³ரங் ஸமூஹனதி. யஸ்ஸாயஸ்மதோ க²மதி இத்த²ன்னாமஸ்ஸ உபோஸதா²கா³ரஸ்ஸ
ஸமுக்³கா⁴தோ, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய. ஸமூஹதங் ஸங்கே⁴ன
இத்த²ன்னாமங் உபோஸதா²கா³ரங். க²மதி ஸங்க⁴ஸ்ஸ, தஸ்மா துண்ஹீ, ஏவமேதங்
தா⁴ரயாமீ’’தி.
73. உபோஸத²ப்பமுகா²னுஜானநா
142.
தேன கோ² பன ஸமயேன அஞ்ஞதரஸ்மிங் ஆவாஸே அதிகு²த்³த³கங் உபோஸதா²கா³ரங்
ஸம்மதங் ஹோதி, தத³ஹுபோஸதே² மஹாபி⁴க்கு²ஸங்கோ⁴ ஸன்னிபதிதோ ஹோதி. பி⁴க்கூ²
அஸம்மதாய பூ⁴மியா நிஸின்னா பாதிமொக்க²ங் அஸ்ஸோஸுங். அத² கோ² தேஸங் பி⁴க்கூ²னங் ஏதத³ஹோஸி ‘‘ப⁴க³வதா பஞ்ஞத்தங் ‘உபோஸதா²கா³ரங் ஸம்மன்னித்வா உபோஸதோ² காதப்³போ³’தி, மயஞ்சம்ஹா அஸம்மதாய பூ⁴மியா நிஸின்னோ பாதிமொக்க²ங் அஸ்ஸும்ஹா, கதோ நு கோ² அம்ஹாகங் உபோஸதோ², அகதோ
நு கோ²’’தி. ப⁴க³வதோ ஏதமத்த²ங் ஆரோசேஸுங். ஸம்மதாய வா, பி⁴க்க²வே, பூ⁴மியா
நிஸின்னா அஸம்மதாய வா யதோ பாதிமொக்க²ங் ஸுணாதி, கதோவஸ்ஸ உபோஸதோ². தேன ஹி,
பி⁴க்க²வே, ஸங்கோ⁴ யாவ மஹந்தங் உபோஸத²ப்பமுக²ங் [உபோஸத²முக²ங் (ஸ்யா॰)]
ஆகங்க²தி, தாவ மஹந்தங் உபோஸத²ப்பமுக²ங் ஸம்மன்னது. ஏவஞ்ச பன, பி⁴க்க²வே,
ஸம்மன்னிதப்³ப³ங். பட²மங் நிமித்தா கித்தேதப்³பா³. நிமித்தே கித்தெத்வா
ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
‘‘ஸுணாது மே, ப⁴ந்தே, ஸங்கோ⁴. யாவதா ஸமந்தா நிமித்தா
கித்திதா. யதி³ ஸங்க⁴ஸ்ஸ பத்தகல்லங், ஸங்கோ⁴ ஏதேஹி நிமித்தேஹி
உபோஸத²ப்பமுக²ங் ஸம்மன்னெய்ய. ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴. யாவதா ஸமந்தா நிமித்தா கித்திதா. ஸங்கோ⁴ ஏதேஹி நிமித்தேஹி உபோஸத²ப்பமுக²ங் ஸம்மன்னதி. யஸ்ஸாயஸ்மதோ
க²மதி ஏதேஹி நிமித்தேஹி உபோஸத²ப்பமுக²ஸ்ஸ ஸம்முதி, ஸோ துண்ஹஸ்ஸ; யஸ்ஸ
நக்க²மதி, ஸோ பா⁴ஸெய்ய. ஸம்மதங் ஸங்கே⁴ன ஏதேஹி நிமித்தேஹி உபோஸத²ப்பமுக²ங்.
க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
தேன கோ² பன ஸமயேன அஞ்ஞதரஸ்மிங் ஆவாஸே தத³ஹுபோஸதே² நவகா
பி⁴க்கூ² பட²மதரங் ஸன்னிபதித்வா – ‘‘ந தாவ தே²ரா ஆக³ச்ச²ந்தீ’’தி –
பக்கமிங்ஸு. உபோஸதோ² விகாலே அஹோஸி. ப⁴க³வதோ ஏதமத்த²ங் ஆரோசேஸுங்.
அனுஜானாமி, பி⁴க்க²வே, தத³ஹுபோஸதே² தே²ரேஹி பி⁴க்கூ²ஹி பட²மதரங்
ஸன்னிபதிதுந்தி.
தேன கோ² பன ஸமயேன ராஜக³ஹே
ஸம்ப³ஹுலா ஆவாஸா ஸமானஸீமா ஹொந்தி. தத்த² பி⁴க்கூ² விவத³ந்தி – ‘‘அம்ஹாகங்
ஆவாஸே உபோஸதோ² கரீயது, அம்ஹாகங் ஆவாஸே உபோஸதோ² கரீயதூ’’தி. ப⁴க³வதோ
ஏதமத்த²ங் ஆரோசேஸுங். இத⁴ பன, பி⁴க்க²வே, ஸம்ப³ஹுலா ஆவாஸா ஸமானஸீமா ஹொந்தி.
தத்த² பி⁴க்கூ² விவத³ந்தி – ‘‘அம்ஹாகங் ஆவாஸே உபோஸதோ² கரீயது, அம்ஹாகங்
ஆவாஸே உபோஸதோ² கரீயதூ’’தி. தேஹி, பி⁴க்க²வே, பி⁴க்கூ²ஹி ஸப்³பே³ஹேவ
ஏகஜ்ஜ²ங் ஸன்னிபதித்வா உபோஸதோ² காதப்³போ³. யத்த² வா பன தே²ரோ பி⁴க்கு²
விஹரதி, தத்த² ஸன்னிபதித்வா உபோஸதோ² காதப்³போ³, ந த்வேவ வக்³கே³ன ஸங்கே⁴ன
உபோஸதோ² காதப்³போ³. யோ கரெய்ய, ஆபத்தி து³க்கடஸ்ஸாதி.
74. அவிப்பவாஸஸீமானுஜானநா
143. தேன
கோ² பன ஸமயேன ஆயஸ்மா மஹாகஸ்ஸபோ அந்த⁴கவிந்தா³ ராஜக³ஹங் உபோஸத²ங்
ஆக³ச்ச²ந்தோ அந்தராமக்³கே³ நதி³ங் தரந்தோ மனங் வூள்ஹோ அஹோஸி, சீவரானிஸ்ஸ [தேன சீவரானிஸ்ஸ (க॰)]
அல்லானி. பி⁴க்கூ² ஆயஸ்மந்தங் மஹாகஸ்ஸபங் ஏதத³வோசுங் – ‘‘கிஸ்ஸ தே, ஆவுஸோ,
சீவரானி அல்லானீ’’தி? ‘‘இதா⁴ஹங், ஆவுஸோ, அந்த⁴கவிந்தா³ ராஜக³ஹங் உபோஸத²ங்
ஆக³ச்ச²ந்தோ அந்தராமக்³கே³ நதி³ங் தரந்தோ மனம்ஹி வூள்ஹோ. தேன மே சீவரானி
அல்லானீ’’தி. ப⁴க³வதோ ஏதமத்த²ங் ஆரோசேஸுங். யா ஸா, பி⁴க்க²வே, ஸங்கே⁴ன ஸீமா
ஸம்மதா ஸமானஸங்வாஸா ஏகுபோஸதா², ஸங்கோ⁴ தங் ஸீமங் திசீவரேன அவிப்பவாஸங்
ஸம்மன்னது. ஏவஞ்ச பன, பி⁴க்க²வே, ஸம்மன்னிதப்³பா³. ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
‘‘ஸுணாது மே, ப⁴ந்தே, ஸங்கோ⁴.
யா ஸா ஸங்கே⁴ன ஸீமா ஸம்மதா ஸமானஸங்வாஸா ஏகுபோஸதா², யதி³ ஸங்க⁴ஸ்ஸ
பத்தகல்லங் ஸங்கோ⁴ தங் ஸீமங் திசீவரேன அவிப்பவாஸங் ஸம்மன்னெய்ய. ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴. யா ஸா ஸங்கே⁴ன ஸீமா
ஸம்மதா ஸமானஸங்வாஸா ஏகுபோஸதா², ஸங்கோ⁴ தங் ஸீமங் திசீவரேன அவிப்பவாஸங்
ஸம்மன்னதி. யஸ்ஸாயஸ்மதோ க²மதி ஏதிஸ்ஸா ஸீமாய திசீவரேன அவிப்பவாஸாய [அவிப்பவாஸஸ்ஸ (ஸ்யா॰)] ஸம்முதி, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய. ஸம்மதா ஸா ஸீமா ஸங்கே⁴ன திசீவரேன அவிப்பவாஸா [அவிப்பவாஸோ (ஸ்யா॰)]. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
தேன கோ² பன ஸமயேன பி⁴க்கூ² ப⁴க³வதா திசீவரேன
அவிப்பவாஸஸம்முதி அனுஞ்ஞாதாதி அந்தரக⁴ரே சீவரானி நிக்கி²பந்தி. தானி
சீவரானி நஸ்ஸந்திபி ட³ய்ஹந்திபி உந்தூ³ரேஹிபி க²ஜ்ஜந்தி. பி⁴க்கூ²
து³ச்சோளா ஹொந்தி லூக²சீவரா. பி⁴க்கூ² ஏவமாஹங்ஸு – ‘‘கிஸ்ஸ தும்ஹே, ஆவுஸோ,
து³ச்சோளா லூக²சீவரா’’தி? ‘‘இத⁴ மயங், ஆவுஸோ, ப⁴க³வதா திசீவரேன
அவிப்பவாஸஸம்முதி அனுஞ்ஞாதாதி அந்தரக⁴ரே சீவரானி நிக்கி²பிம்ஹா .
தானி சீவரானி நட்டா²னிபி த³ட்³டா⁴னிபி, உந்தூ³ரேஹிபி கா²யிதானி, தேன மயங்
து³ச்சோளா லூக²சீவரா’’தி. ப⁴க³வதோ ஏதமத்த²ங் ஆரோசேஸுங். யா ஸா, பி⁴க்க²வே,
ஸங்கே⁴ன ஸீமா ஸம்மதா ஸமானஸங்வாஸா ஏகுபோஸதா², ஸங்கோ⁴ தங் ஸீமங் திசீவரேன
அவிப்பவாஸங் ஸம்மன்னது, ட²பெத்வா கா³மஞ்ச கா³மூபசாரஞ்ச. ஏவஞ்ச பன,
பி⁴க்க²வே, ஸம்மன்னிதப்³பா³. ப்³யத்தேன பி⁴க்கு²னா படிப³லேன ஸங்கோ⁴
ஞாபேதப்³போ³ –
144. ‘‘ஸுணாது
மே, ப⁴ந்தே, ஸங்கோ⁴. யா ஸா ஸங்கே⁴ன ஸீமா ஸம்மதா ஸமானஸங்வாஸா ஏகுபோஸதா²
யதி³ ஸங்க⁴ஸ்ஸ பத்தகல்லங், ஸங்கோ⁴ தங் ஸீமங் திசீவரேன அவிப்பவாஸங்
ஸம்மன்னெய்ய, ட²பெத்வா கா³மஞ்ச கா³மூபசாரஞ்ச. ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴. யா ஸா ஸங்கே⁴ன ஸீமா
ஸம்மதா ஸமானஸங்வாஸா ஏகுபோஸதா², ஸங்கோ⁴ தங் ஸீமங் திசீவரேன அவிப்பவாஸங்
ஸம்மன்னதி, ட²பெத்வா கா³மஞ்ச கா³மூபசாரஞ்ச. யஸ்ஸாயஸ்மதோ க²மதி ஏதிஸ்ஸா
ஸீமாய திசீவரேன அவிப்பவாஸாய [அவிப்பவாஸஸ்ஸ (ஸ்யா॰)] ஸம்முதி, ட²பெத்வா கா³மஞ்ச கா³மூபசாரஞ்ச, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய. ஸம்மதா ஸா ஸீமா ஸங்கே⁴ன திசீவரேன அவிப்பவாஸா [அவிப்பவாஸோ (ஸ்யா॰)], ட²பெத்வா கா³மஞ்ச கா³மூபசாரஞ்ச. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
75. ஸீமாஸமூஹனந
‘‘ஸீமங், பி⁴க்க²வே, ஸம்மன்னந்தேன பட²மங் ஸமானஸங்வாஸஸீமா [ஸமானஸங்வாஸா ஸீமா (ஸ்யா॰)] ஸம்மன்னிதப்³பா³ ,
பச்சா² திசீவரேன அவிப்பவாஸோ ஸம்மன்னிதப்³போ³. ஸீமங், பி⁴க்க²வே,
ஸமூஹனந்தேன பட²மங் திசீவரேன அவிப்பவாஸோ ஸமூஹந்தப்³போ³, பச்சா²
ஸமானஸங்வாஸஸீமா ஸமூஹந்தப்³பா³. ஏவஞ்ச பன, பி⁴க்க²வே, திசீவரேன அவிப்பவாஸோ
ஸமூஹந்தப்³போ³. ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
145.
‘‘ஸுணாது மே, ப⁴ந்தே, ஸங்கோ⁴. யோ ஸோ ஸங்கே⁴ன திசீவரேன அவிப்பவாஸோ ஸம்மதோ,
யதி³ ஸங்க⁴ஸ்ஸ பத்தகல்லங், ஸங்கோ⁴ தங் திசீவரேன அவிப்பவாஸங் ஸமூஹனெய்ய. ஏஸா
ஞத்தி.
‘‘ஸுணாது மே, ப⁴ந்தே, ஸங்கோ⁴. யோ ஸோ ஸங்கே⁴ன திசீவரேன
அவிப்பவாஸோ ஸம்மதோ, ஸங்கோ⁴ தங் திசீவரேன அவிப்பவாஸங் ஸமூஹனதி. யஸ்ஸாயஸ்மதோ
க²மதி ஏதஸ்ஸ திசீவரேன அவிப்பவாஸஸ்ஸ ஸமுக்³கா⁴தோ, ஸோ துண்ஹஸ்ஸ; யஸ்ஸ
நக்க²மதி, ஸோ பா⁴ஸெய்ய. ஸமூஹதோ ஸோ ஸங்கே⁴ன திசீவரேன அவிப்பவாஸோ. க²மதி
ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
ஏவஞ்ச பன, பி⁴க்க²வே, ஸீமா [ஸமானஸங்வாஸா ஸீமா (ஸ்யா॰)]. ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
146. ‘‘ஸுணாது மே, ப⁴ந்தே, ஸங்கோ⁴. யா ஸா ஸங்கே⁴ன ஸீமா ஸம்மதா ஸமானஸங்வாஸா ஏகுபோஸதா² , யதி³ ஸங்க⁴ஸ்ஸ பத்தகல்லங், ஸங்கோ⁴ தங் ஸீமங் ஸமூஹனெய்ய ஸமானஸங்வாஸங் ஏகுபோஸத²ங். ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴. யா ஸா ஸங்கே⁴ன ஸீமா ஸம்மதா ஸமானஸங்வாஸா ஏகுபோஸதா², ஸங்கோ⁴ தங்
ஸீமங் ஸமூஹனதி ஸமானஸங்வாஸங் ஏகுபோஸத²ங். யஸ்ஸாயஸ்மதோ க²மதி ஏதிஸ்ஸா ஸீமாய
ஸமானஸங்வாஸாய ஏகுபோஸதா²ய ஸமுக்³கா⁴தோ, ஸோ துண்ஹஸ்ஸ; யஸ்ஸ நக்க²மதி, ஸோ
பா⁴ஸெய்ய. ஸமூஹதா ஸா ஸீமா ஸங்கே⁴ன ஸமானஸங்வாஸா ஏகுபோஸதா². க²மதி ஸங்க⁴ஸ்ஸ,
தஸ்மா துண்ஹீ, ஏவமேதங் தா⁴ரயாமீ’’தி.
76. கா³மஸீமாதி³
147. அஸம்மதாய , பி⁴க்க²வே, ஸீமாய அட்ட²பிதாய, யங் கா³மங் வா நிக³மங் வா உபனிஸ்ஸாய விஹரதி, யா தஸ்ஸ வா கா³மஸ்ஸ கா³மஸீமா, நிக³மஸ்ஸ வா நிக³மஸீமா, அயங் தத்த² ஸமானஸங்வாஸா
ஏகுபோஸதா². அகா³மகே சே, பி⁴க்க²வே, அரஞ்ஞே ஸமந்தா ஸத்தப்³ப⁴ந்தரா, அயங்
தத்த² ஸமானஸங்வாஸா ஏகுபோஸதா². ஸப்³பா³, பி⁴க்க²வே, நதீ³ அஸீமா; ஸப்³போ³
ஸமுத்³தோ³ அஸீமோ; ஸப்³போ³ ஜாதஸ்ஸரோ அஸீமோ. நதி³யா வா, பி⁴க்க²வே, ஸமுத்³தே³
வா ஜாதஸ்ஸரே வா யங் மஜ்ஜி²மஸ்ஸ புரிஸஸ்ஸ ஸமந்தா உத³குக்கே²பா, அயங் தத்த²
ஸமானஸங்வாஸா ஏகுபோஸதா²தி.
148.
தேன கோ² பன ஸமயேன ச²ப்³ப³க்³கி³யா பி⁴க்கூ² ஸீமாய ஸீமங் ஸம்பி⁴ந்த³ந்தி.
ப⁴க³வதோ ஏதமத்த²ங் ஆரோசேஸுங். யேஸங், பி⁴க்க²வே, ஸீமா பட²மங் ஸம்மதா தேஸங்
தங் கம்மங் த⁴ம்மிகங் அகுப்பங் டா²னாரஹங். யேஸங், பி⁴க்க²வே, ஸீமா பச்சா²
ஸம்மதா தேஸங் தங் கம்மங் அத⁴ம்மிகங் குப்பங் அட்டா²னாரஹங். ந, பி⁴க்க²வே,
ஸீமாய ஸீமா ஸம்பி⁴ந்தி³தப்³பா³. யோ ஸம்பி⁴ந்தெ³ய்ய, ஆபத்தி து³க்கடஸ்ஸாதி.
தேன கோ² பன ஸமயேன ச²ப்³ப³க்³கி³யா பி⁴க்கூ² ஸீமாய
ஸீமங் அஜ்ஜொ²த்த²ரந்தி. ப⁴க³வதோ ஏதமத்த²ங் ஆரோசேஸுங். யேஸங், பி⁴க்க²வே,
ஸீமா பட²மங் ஸம்மதா தேஸங் தங் கம்மங் த⁴ம்மிகங் அகுப்பங் டா²னாரஹங். யேஸங்,
பி⁴க்க²வே, ஸீமா பச்சா² ஸம்மதா தேஸங் தங் கம்மங் அத⁴ம்மிகங் குப்பங்
அட்டா²னாரஹங். ந, பி⁴க்க²வே, ஸீமாய ஸீமா அஜ்ஜொ²த்த²ரிதப்³பா³. யோ
அஜ்ஜொ²த்த²ரெய்ய, ஆபத்தி து³க்கடஸ்ஸாதி. அனுஜானாமி, பி⁴க்க²வே, ஸீமங்
ஸம்மன்னந்தேன ஸீமந்தரிகங் ட²பெத்வா ஸீமங் ஸம்மன்னிதுந்தி.
77. உபோஸத²பே⁴தா³தி³
149. அத² கோ² பி⁴க்கூ²னங் ஏதத³ஹோஸி – ‘‘கதி நு கோ² உபோஸதா²’’தி? ப⁴க³வதோ ஏதமத்த²ங் ஆரோசேஸுங். த்³வேமே, பி⁴க்க²வே, உபோஸதா² – சாதுத்³த³ஸிகோ ச பன்னரஸிகோ ச. இமே கோ², பி⁴க்க²வே, த்³வே உபோஸதா²தி.
அத² கோ² பி⁴க்கூ²னங் ஏதத³ஹோஸி – ‘‘கதி நு கோ²
உபோஸத²கம்மானீ’’தி? ப⁴க³வதோ ஏதமத்த²ங் ஆரோசேஸுங். சத்தாரிமானி, பி⁴க்க²வே,
உபோஸத²கம்மானி – அத⁴ம்மேன வக்³க³ங் உபோஸத²கம்மங்,
அத⁴ம்மேன ஸமக்³க³ங் உபோஸத²கம்மங், த⁴ம்மேன வக்³க³ங் உபோஸத²கம்மங், த⁴ம்மேன
ஸமக்³க³ங் உபோஸத²கம்மந்தி. தத்ர, பி⁴க்க²வே, யதி³த³ங் அத⁴ம்மேன வக்³க³ங்
உபோஸத²கம்மங், ந, பி⁴க்க²வே, ஏவரூபங் உபோஸத²கம்மங், காதப்³ப³ங். ந ச மயா
ஏவரூபங் உபோஸத²கம்மங் அனுஞ்ஞாதங். தத்ர, பி⁴க்க²வே, யதி³த³ங் அத⁴ம்மேன
ஸமக்³க³ங் உபோஸத²கம்மங், ந, பி⁴க்க²வே, ஏவரூபங்
உபோஸத²கம்மங் காதப்³ப³ங். ந ச மயா ஏவரூபங் உபோஸத²கம்மங் அனுஞ்ஞாதங். தத்ர,
பி⁴க்க²வே, யதி³த³ங் த⁴ம்மேன வக்³க³ங் உபோஸத²கம்மங், ந, பி⁴க்க²வே, ஏவரூபங்
உபோஸத²கம்மங் காதப்³ப³ங். ந ச மயா ஏவரூபங் உபோஸத²கம்மங் அனுஞ்ஞாதங். தத்ர,
பி⁴க்க²வே, யதி³த³ங் த⁴ம்மேன ஸமக்³க³ங் உபோஸத²கம்மங், ஏவரூபங், பி⁴க்க²வே,
உபோஸத²கம்மங் காதப்³ப³ங், ஏவரூபஞ்ச மயா உபோஸத²கம்மங் அனுஞ்ஞாதங்.
தஸ்மாதிஹ, பி⁴க்க²வே, ஏவரூபங் உபோஸத²கம்மங் கரிஸ்ஸாம யதி³த³ங் த⁴ம்மேன
ஸமக்³க³ந்தி – ஏவஞ்ஹி வோ, பி⁴க்க²வே, ஸிக்கி²தப்³ப³ந்தி.
78. ஸங்கி²த்தேன பாதிமொக்கு²த்³தே³ஸாதி³
150.
அத² கோ² பி⁴க்கூ²னங் ஏதத³ஹோஸி – ‘‘கதி நு கோ² பாதிமொக்கு²த்³தே³ஸா’’தி?
ப⁴க³வதோ ஏதமத்த²ங் ஆரோசேஸுங். பஞ்சிமே, பி⁴க்க²வே, பாதிமொக்கு²த்³தே³ஸா –
நிதா³னங் உத்³தி³ஸித்வா அவஸேஸங் ஸுதேன ஸாவேதப்³ப³ங். அயங்
பட²மோ பாதிமொக்கு²த்³தே³ஸோ. நிதா³னங் உத்³தி³ஸித்வா சத்தாரி பாராஜிகானி
உத்³தி³ஸித்வா அவஸேஸங் ஸுதேன ஸாவேதப்³ப³ங். அயங் து³தியோ
பாதிமொக்கு²த்³தே³ஸோ. நிதா³னங் உத்³தி³ஸித்வா சத்தாரி பாராஜிகானி
உத்³தி³ஸித்வா தேரஸ ஸங்கா⁴தி³ஸேஸே உத்³தி³ஸித்வா அவஸேஸங் ஸுதேன
ஸாவேதப்³ப³ங். அயங் ததியோ பாதிமொக்கு²த்³தே³ஸோ. நிதா³னங் உத்³தி³ஸித்வா
சத்தாரி பாராஜிகானி உத்³தி³ஸித்வா தேரஸ ஸங்கா⁴தி³ஸேஸே உத்³தி³ஸித்வா த்³வே
அனியதே உத்³தி³ஸித்வா அவஸேஸங் ஸுதேன ஸாவேதப்³ப³ங். அயங் சதுத்தோ²
பாதிமொக்கு²த்³தே³ஸோ. வித்தா²ரேனேவ பஞ்சமோ. இமே கோ², பி⁴க்க²வே, பஞ்ச
பாதிமொக்கு²த்³தே³ஸாதி.
தேன கோ² பன ஸமயேன பி⁴க்கூ² –
ப⁴க³வதா ஸங்கி²த்தேன பாதிமொக்கு²த்³தே³ஸோ அனுஞ்ஞாதோதி – ஸப்³ப³காலங்
ஸங்கி²த்தேன பாதிமொக்க²ங் உத்³தி³ஸந்தி. ப⁴க³வதோ ஏதமத்த²ங் ஆரோசேஸுங். ந,
பி⁴க்க²வே, ஸங்கி²த்தேன பாதிமொக்க²ங் உத்³தி³ஸிதப்³ப³ங். யோ உத்³தி³ஸெய்ய,
ஆபத்தி து³க்கடஸ்ஸாதி.
தேன கோ² பன ஸமயேன கோஸலேஸு ஜனபதே³ அஞ்ஞதரஸ்மிங் ஆவாஸே தத³ஹுபோஸதே² ஸவரப⁴யங் [ஸங்சரப⁴யங் (ஸ்யா॰)]
அஹோஸி. பி⁴க்கூ² நாஸக்கி²ங்ஸு வித்தா²ரேன பாதிமொக்க²ங் உத்³தி³ஸிதுங்.
ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, ஸதி அந்தராயே
ஸங்கி²த்தேன பாதிமொக்க²ங் உத்³தி³ஸிதுந்தி.
தேன கோ² பன ஸமயேன ச²ப்³ப³க்³கி³யா பி⁴க்கூ²
அஸதிபி அந்தராயே ஸங்கி²த்தேன பாதிமொக்க²ங் உத்³தி³ஸந்தி. ப⁴க³வதோ
ஏதமத்த²ங் ஆரோசேஸுங். ந, பி⁴க்க²வே, அஸதி அந்தராயே ஸங்கி²த்தேன
பாதிமொக்க²ங் உத்³தி³ஸிதப்³ப³ங். யோ உத்³தி³ஸெய்ய, ஆபத்தி து³க்கடஸ்ஸ.
அனுஜானாமி, பி⁴க்க²வே, ஸதி அந்தராயே ஸங்கி²த்தேன பாதிமொக்க²ங்
உத்³தி³ஸிதுங். தத்ரிமே அந்தராயா – ராஜந்தராயோ, சோரந்தராயோ, அக்³யந்தராயோ,
உத³கந்தராயோ, மனுஸ்ஸந்தராயோ, அமனுஸ்ஸந்தராயோ ,
வாளந்தராயோ, ஸரீஸபந்தராயோ, ஜீவிதந்தராயோ, ப்³ரஹ்மசரியந்தராயோதி. அனுஜானாமி,
பி⁴க்க²வே, ஏவரூபேஸு அந்தராயேஸு ஸங்கி²த்தேன பாதிமொக்க²ங் உத்³தி³ஸிதுங்,
அஸதி அந்தராயே வித்தா²ரேனாதி.
தேன கோ² பன ஸமயேன ச²ப்³ப³க்³கி³யா பி⁴க்கூ²
ஸங்க⁴மஜ்ஜே² அனஜ்ஜி²ட்டா² த⁴ம்மங் பா⁴ஸந்தி. ப⁴க³வதோ ஏதமத்த²ங் ஆரோசேஸுங்.
ந, பி⁴க்க²வே, ஸங்க⁴மஜ்ஜே² அனஜ்ஜி²ட்டே²ன த⁴ம்மோ பா⁴ஸிதப்³போ³. யோ
பா⁴ஸெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, தே²ரேன பி⁴க்கு²னா
ஸாமங் வா த⁴ம்மங் பா⁴ஸிதுங் பரங் வா அஜ்ஜே²ஸிதுந்தி.
79. வினயபுச்ச²னகதா²
151.
தேன கோ² பன ஸமயேன ச²ப்³ப³க்³கி³யா பி⁴க்கூ² ஸங்க⁴மஜ்ஜே² அஸம்மதா வினயங்
புச்ச²ந்தி. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, ஸங்க⁴மஜ்ஜே²
அஸம்மதேன வினயோ புச்சி²தப்³போ³. யோ புச்செ²ய்ய, ஆபத்தி து³க்கடஸ்ஸ.
அனுஜானாமி, பி⁴க்க²வே, ஸங்க⁴மஜ்ஜே² ஸம்மதேன வினயங் புச்சி²துங். ஏவஞ்ச பன,
பி⁴க்க²வே, ஸம்மன்னிதப்³போ³ – அத்தனா வா [அத்தனாவ (ஸ்யா॰)] அத்தானங் ஸம்மன்னிதப்³ப³ங், பரேன வா பரோ ஸம்மன்னிதப்³போ³. கத²ஞ்ச அத்தனாவ அத்தானங் ஸம்மன்னிதப்³ப³ங்? ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
‘‘ஸுணாது
மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், அஹங் இத்த²ன்னாமங் வினயங்
புச்செ²ய்ய’’ந்தி. ஏவங் அத்தனாவ அத்தானங் ஸம்மன்னிதப்³ப³ங்.
கத²ஞ்ச பரேன பரோ ஸம்மன்னிதப்³போ³? ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ
பத்தகல்லங், இத்த²ன்னாமோ இத்த²ன்னாமங் வினயங் புச்செ²ய்யா’’தி. ஏவங் பரேன
பரோ ஸம்மன்னிதப்³போ³தி.
தேன கோ² பன ஸமயேன பேஸலா பி⁴க்கூ² ஸங்க⁴மஜ்ஜே² ஸம்மதா
வினயங் புச்ச²ந்தி. ச²ப்³ப³க்³கி³யா பி⁴க்கூ² லப⁴ந்தி ஆகா⁴தங், லப⁴ந்தி
அப்பச்சயங், வதே⁴ன தஜ்ஜெந்தி. ப⁴க³வதோ ஏதமத்த²ங் ஆரோசேஸுங். அனுஜானாமி,
பி⁴க்க²வே, ஸங்க⁴மஜ்ஜே² ஸம்மதேனபி பரிஸங் ஓலோகெத்வா புக்³க³லங் துலயித்வா
வினயங் புச்சி²துந்தி.
80. வினயவிஸ்ஸஜ்ஜனகதா²
152. தேன கோ² பன ஸமயேன ச²ப்³ப³க்³கி³யா பி⁴க்கூ² ஸங்க⁴மஜ்ஜே² அஸம்மதா வினயங் விஸ்ஸஜ்ஜெந்தி [விஸ்ஸஜ்ஜந்தி (க॰)].
ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, ஸங்க⁴மஜ்ஜே² அஸம்மதேன வினயோ
விஸ்ஸஜ்ஜேதப்³போ³. யோ விஸ்ஸஜ்ஜெய்ய, ஆபத்தி து³க்கடஸ்ஸ. அனுஜானாமி,
பி⁴க்க²வே, ஸங்க⁴மஜ்ஜே² ஸம்மதேன வினயங் விஸ்ஸஜ்ஜேதுங். ஏவஞ்ச பன,
பி⁴க்க²வே, ஸம்மன்னிதப்³ப³ங். அத்தனா வா [அத்தனாவ (ஸ்யா॰)] அத்தானங் ஸம்மன்னிதப்³ப³ங், பரேன வா பரோ ஸம்மன்னிதப்³போ³. கத²ஞ்ச அத்தனாவ அத்தானங் ஸம்மன்னிதப்³ப³ங்? ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், அஹங் இத்த²ன்னாமேன வினயங் புட்டோ² விஸ்ஸஜ்ஜெய்ய’’ந்தி. ஏவங் அத்தனாவ அத்தானங் ஸம்மன்னிதப்³ப³ங்.
கத²ஞ்ச பரேன பரோ ஸம்மன்னிதப்³போ³? ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ
பத்தகல்லங், இத்த²ன்னாமோ இத்த²ன்னாமேன வினயங் புட்டோ² விஸ்ஸஜ்ஜெய்யா’’தி.
ஏவங் பரேன பரோ ஸம்மன்னிதப்³போ³தி.
தேன
கோ² பன ஸமயேன பேஸலா பி⁴க்கூ² ஸங்க⁴மஜ்ஜே² ஸம்மதா வினயங் விஸ்ஸஜ்ஜெந்தி.
ச²ப்³ப³க்³கி³யா பி⁴க்கூ² லப⁴ந்தி ஆகா⁴தங், லப⁴ந்தி அப்பச்சயங், வதே⁴ன
தஜ்ஜெந்தி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே,
ஸங்க⁴மஜ்ஜே² ஸம்மதேனபி பரிஸங் ஓலோகெத்வா புக்³க³லங் துலயித்வா வினயங்
விஸ்ஸஜ்ஜேதுந்தி.
81. சோத³னாகதா²
153.
தேன கோ² பன ஸமயேன ச²ப்³ப³க்³கி³யா பி⁴க்கூ² அனோகாஸகதங் பி⁴க்கு²ங்
ஆபத்தியா சோதெ³ந்தி. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, அனோகாஸகதோ
பி⁴க்கு² ஆபத்தியா சோதே³தப்³போ³. யோ சோதெ³ய்ய, ஆபத்தி து³க்கடஸ்ஸ.
அனுஜானாமி, பி⁴க்க²வே, ஓகாஸங் காராபெத்வா ஆபத்தியா சோதே³துங் – கரோது
ஆயஸ்மா ஓகாஸங், அஹங் தங் வத்துகாமோதி.
தேன கோ² பன ஸமயேன பேஸலா பி⁴க்கூ² ச²ப்³ப³க்³கி³யே
பி⁴க்கூ² ஓகாஸங் காராபெத்வா ஆபத்தியா சோதெ³ந்தி. ச²ப்³ப³க்³கி³யா பி⁴க்கூ²
லப⁴ந்தி ஆகா⁴தங், லப⁴ந்தி அப்பச்சயங், வதே⁴ன தஜ்ஜெந்தி. ப⁴க³வதோ ஏதமத்த²ங்
ஆரோசேஸுங். அனுஜானாமி, பி⁴க்க²வே, கதேபி ஓகாஸே புக்³க³லங் துலயித்வா
ஆபத்தியா சோதே³துந்தி.
தேன கோ² பன ஸமயேன ச²ப்³ப³க்³கி³யா
பி⁴க்கூ² – புரம்ஹாகங் பேஸலா பி⁴க்கூ² ஓகாஸங் காராபெந்தீதி – படிகச்சேவ
ஸுத்³தா⁴னங் பி⁴க்கூ²னங் அனாபத்திகானங் அவத்து²ஸ்மிங் அகாரணே ஓகாஸங்
காராபெந்தி. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, ஸுத்³தா⁴னங்
பி⁴க்கூ²னங் அனாபத்திகானங் அவத்து²ஸ்மிங் அகாரணே ஓகாஸோ காராபேதப்³போ³. யோ
காராபெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, புக்³க³லங் துலயித்வா
ஓகாஸங் காது [காராபேதுங் (ஸ்யா॰)] ந்தி.
82. அத⁴ம்மகம்மபடிக்கோஸனாதி³
154.
தேன கோ² பன ஸமயேன ச²ப்³ப³க்³கி³யா பி⁴க்கூ² ஸங்க⁴மஜ்ஜே² அத⁴ம்மகம்மங்
கரொந்தி. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, அத⁴ம்மகம்மங்
காதப்³ப³ங். யோ கரெய்ய, ஆபத்தி து³க்கடஸ்ஸாதி. கரொந்தியேவ அத⁴ம்மகம்மங்.
ப⁴க³வதோ ஏதமத்த²ங் ஆரோசேஸுங் . அனுஜானாமி, பி⁴க்க²வே, அத⁴ம்மகம்மே கயிரமானே படிக்கோஸிதுந்தி.
தேன
கோ² பன ஸமயேன பேஸலா பி⁴க்கூ² ச²ப்³ப³க்³கி³யேஹி பி⁴க்கூ²ஹி அத⁴ம்மகம்மே
கயிரமானே படிக்கோஸந்தி. ச²ப்³ப³க்³கி³யா பி⁴க்கூ² லப⁴ந்தி ஆகா⁴தங், லப⁴ந்தி
அப்பச்சயங், வதே⁴ன தஜ்ஜெந்தி. ப⁴க³வதோ ஏதமத்த²ங் ஆரோசேஸுங். அனுஜானாமி,
பி⁴க்க²வே, தி³ட்டி²ம்பி ஆவிகாதுந்தி. தேஸங்யேவ ஸந்திகே தி³ட்டி²ங்
ஆவிகரொந்தி. ச²ப்³ப³க்³கி³யா பி⁴க்கூ² லப⁴ந்தி ஆகா⁴தங், லப⁴ந்தி
அப்பச்சயங், வதே⁴ன தஜ்ஜெந்தி. ப⁴க³வதோ ஏதமத்த²ங் ஆரோசேஸுங். அனுஜானாமி,
பி⁴க்க²வே, சதூஹி பஞ்சஹி படிக்கோஸிதுங், த்³வீஹி தீஹி தி³ட்டி²ங்
ஆவிகாதுங், ஏகேன அதி⁴ட்டா²துங் – ‘ந மேதங் க²மதீ’தி.
தேன கோ² பன ஸமயேன ச²ப்³ப³க்³கி³யா பி⁴க்கூ² ஸங்க⁴மஜ்ஜே² பாதிமொக்க²ங்
உத்³தி³ஸமானா ஸஞ்சிச்ச ந ஸாவெந்தி. ப⁴க³வதோ ஏதமத்த²ங் ஆரோசேஸுங். ந,
பி⁴க்க²வே, பாதிமொக்கு²த்³தே³ஸகேன ஸஞ்சிச்ச ந ஸாவேதப்³ப³ங். யோ ந ஸாவெய்ய,
ஆபத்தி து³க்கடஸ்ஸாதி.
தேன கோ² பன ஸமயேன ஆயஸ்மா உதா³யீ ஸங்க⁴ஸ்ஸ
பாதிமொக்கு²த்³தே³ஸகோ ஹோதி காகஸ்ஸரகோ. அத² கோ² ஆயஸ்மதோ உதா³யிஸ்ஸ ஏதத³ஹோஸி –
‘‘ப⁴க³வதா பஞ்ஞத்தங் ‘பாதிமொக்கு²த்³தே³ஸகேன ஸாவேதப்³ப³’ந்தி, அஹஞ்சம்ஹி
காகஸ்ஸரகோ, கத²ங் நு கோ² மயா படிபஜ்ஜிதப்³ப³’’ந்தி? ப⁴க³வதோ ஏதமத்த²ங்
ஆரோசேஸுங். அனுஜானாமி, பி⁴க்க²வே, பாதிமொக்கு²த்³தே³ஸகேன வாயமிதுங் –
‘கத²ங் ஸாவெய்ய’ந்தி. வாயமந்தஸ்ஸ அனாபத்தீதி.
தேன கோ² பன ஸமயேன தே³வத³த்தோ ஸக³ஹட்டா²ய பரிஸாய
பாதிமொக்க²ங் உத்³தி³ஸதி. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே,
ஸக³ஹட்டா²ய பரிஸாய பாதிமொக்க²ங் உத்³தி³ஸிதப்³ப³ங். யோ உத்³தி³ஸெய்ய,
ஆபத்தி து³க்கடஸ்ஸாதி.
தேன கோ² பன ஸமயேன ச²ப்³ப³க்³கி³யா பி⁴க்கூ²
ஸங்க⁴மஜ்ஜே² அனஜ்ஜி²ட்டா² பாதிமொக்க²ங் உத்³தி³ஸந்தி. ப⁴க³வதோ ஏதமத்த²ங்
ஆரோசேஸுங். ந, பி⁴க்க²வே, ஸங்க⁴மஜ்ஜே² அனஜ்ஜி²ட்டே²ன பாதிமொக்க²ங்
உத்³தி³ஸிதப்³ப³ங். யோ உத்³தி³ஸெய்ய, ஆபத்தி து³க்கடஸ்ஸ. அனுஜானாமி,
பி⁴க்க²வே, தே²ராதி⁴கங் [தே²ராதெ⁴ய்யங் (அட்ட²கதா²யங் பாட²ந்தரங்)] பாதிமொக்க²ந்தி.
அஞ்ஞதித்தி²யபா⁴ணவாரோ நிட்டி²தோ பட²மோ [ஏகாத³ஸமோ (க॰)].
83. பாதிமொக்கு²த்³தே³ஸகஅஜ்ஜே²ஸனாதி³
155. அத²
கோ² ப⁴க³வா ராஜக³ஹே யதா²பி⁴ரந்தங் விஹரித்வா யேன சோத³னாவத்து² தேன சாரிகங்
பக்காமி. அனுபுப்³பே³ன சாரிகங் சரமானோ யேன சோத³னாவத்து² தத³வஸரி. தேன கோ²
பன ஸமயேன அஞ்ஞதரஸ்மிங் ஆவாஸே ஸம்ப³ஹுலா பி⁴க்கூ² விஹரந்தி .
தத்த² தே²ரோ பி⁴க்கு² பா³லோ ஹோதி அப்³யத்தோ. ஸோ ந ஜானாதி உபோஸத²ங் வா
உபோஸத²கம்மங் வா, பாதிமொக்க²ங் வா பாதிமொக்கு²த்³தே³ஸங் வா. அத² கோ² தேஸங்
பி⁴க்கூ²னங் ஏதத³ஹோஸி – ‘‘ப⁴க³வதா பஞ்ஞத்தங் ‘தே²ராதி⁴கங் பாதிமொக்க²’ந்தி,
அயஞ்ச அம்ஹாகங் தே²ரோ பா³லோ அப்³யத்தோ, ந ஜானாதி உபோஸத²ங் வா உபோஸத²கம்மங்
வா, பாதிமொக்க²ங் வா பாதிமொக்கு²த்³தே³ஸங் வா. கத²ங் நு கோ² அம்ஹேஹி
படிபஜ்ஜிதப்³ப³’’ந்தி? ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே,
யோ தத்த² பி⁴க்கு² ப்³யத்தோ படிப³லோ தஸ்ஸாதெ⁴ய்யங் பாதிமொக்க²ந்தி.
தேன கோ² பன ஸமயேன அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா பி⁴க்கூ² விஹரந்தி பா³லா அப்³யத்தா. தே ந ஜானந்தி உபோஸத²ங் வா
உபோஸத²கம்மங் வா, பாதிமொக்க²ங் வா பாதிமொக்கு²த்³தே³ஸங் வா. தே தே²ரங்
அஜ்ஜே²ஸிங்ஸு – ‘‘உத்³தி³ஸது, ப⁴ந்தே, தே²ரோ பாதிமொக்க²’’ந்தி. ஸோ ஏவமாஹ –
‘‘ந மே, ஆவுஸோ, வத்ததீ’’தி. து³தியங் தே²ரங் அஜ்ஜே²ஸிங்ஸு – ‘‘உத்³தி³ஸது,
ப⁴ந்தே, தே²ரோ பாதிமொக்க²’’ந்தி. ஸோபி ஏவமாஹ – ‘‘ந மே, ஆவுஸோ, வத்ததீ’’தி.
ததியங் தே²ரங் அஜ்ஜே²ஸிங்ஸு – ‘‘உத்³தி³ஸது ,
ப⁴ந்தே, தே²ரோ பாதிமொக்க²’’ந்தி. ஸோபி ஏவமாஹ – ‘‘ந மே, ஆவுஸோ, வத்ததீ’’தி.
ஏதேனேவ உபாயேன யாவ ஸங்க⁴னவகங் அஜ்ஜே²ஸிங்ஸு – ‘‘உத்³தி³ஸது ஆயஸ்மா
பாதிமொக்க²’’ந்தி. ஸோபி ஏவமாஹ – ‘‘ந மே, ப⁴ந்தே, வத்ததீ’’தி. ப⁴க³வதோ
ஏதமத்த²ங் ஆரோசேஸுங்.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா பி⁴க்கூ² விஹரந்தி பா³லா அப்³யத்தா. தே ந ஜானந்தி உபோஸத²ங் வா
உபோஸத²கம்மங் வா, பாதிமொக்க²ங் வா பாதிமொக்கு²த்³தே³ஸங் வா. தே தே²ரங்
அஜ்ஜே²ஸந்தி – ‘‘உத்³தி³ஸது, ப⁴ந்தே, தே²ரோ பாதிமொக்க²’’ந்தி. ஸோ ஏவங்
வதே³தி – ‘‘ந மே, ஆவுஸோ, வத்ததீ’’தி. து³தியங் தே²ரங் அஜ்ஜே²ஸந்தி –
‘‘உத்³தி³ஸது, ப⁴ந்தே, தே²ரோ பாதிமொக்க²’’ந்தி. ஸோபி ஏவங் வதே³தி – ‘‘ந மே,
ஆவுஸோ, வத்ததீ’’தி. ததியங் தே²ரங் அஜ்ஜே²ஸந்தி –
‘‘உத்³தி³ஸது, ப⁴ந்தே, தே²ரோ பாதிமொக்க²’’ந்தி. ஸோபி ஏவங் வதே³தி – ‘‘ந மே,
ஆவுஸோ, வத்ததீ’’தி. ஏதேனேவ உபாயேன யாவ ஸங்க⁴னவகங் அஜ்ஜே²ஸந்தி –
‘‘உத்³தி³ஸது ஆயஸ்மா பாதிமொக்க²’’ந்தி. ஸோபி ஏவங் வதே³தி – ‘‘ந மே, ப⁴ந்தே,
வத்ததீ’’தி. தேஹி, பி⁴க்க²வே, பி⁴க்கூ²ஹி ஏகோ
பி⁴க்கு² ஸாமந்தா ஆவாஸா ஸஜ்ஜுகங் பாஹேதப்³போ³ – க³ச்சா²வுஸோ, ஸங்கி²த்தேன
வா வித்தா²ரேன வா பாதிமொக்க²ங் பரியாபுணித்வான ஆக³ச்சா²ஹீதி.
அத² கோ² பி⁴க்கூ²னங் ஏதத³ஹோஸி – ‘‘கேன நு கோ² பாஹேதப்³போ³’’தி? ப⁴க³வதோ
ஏதமத்த²ங் ஆரோசேஸுங். அனுஜானாமி, பி⁴க்க²வே, தே²ரேன பி⁴க்கு²னா நவங்
பி⁴க்கு²ங் ஆணாபேதுந்தி. தே²ரேன ஆணத்தா நவா பி⁴க்கூ² ந க³ச்ச²ந்தி. ப⁴க³வதோ
ஏதமத்த²ங் ஆரோசேஸுங். ந, பி⁴க்க²வே, தே²ரேன ஆணத்தேன அகி³லானேன ந க³ந்தப்³ப³ங். யோ ந க³ச்செ²ய்ய, ஆபத்தி து³க்கடஸ்ஸாதி.
84. பக்க²க³ணனாதி³உக்³க³ஹணானுஜானநா
156. அத² கோ² ப⁴க³வா சோத³னாவத்து²ஸ்மிங் யதா²பி⁴ரந்தங் விஹரித்வா புனதே³வ ராஜக³ஹங் பச்சாக³ஞ்சி².
தேன கோ² பன ஸமயேன மனுஸ்ஸா பி⁴க்கூ² பிண்டா³ய சரந்தே
புச்ச²ந்தி – ‘‘கதிமீ, ப⁴ந்தே, பக்க²ஸ்ஸா’’தி? பி⁴க்கூ² ஏவமாஹங்ஸு – ‘‘ந
கோ² மயங், ஆவுஸோ, ஜானாமா’’தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
‘‘பக்க²க³ணனமத்தமம்பிமே ஸமணா ஸக்யபுத்தியா ந ஜானந்தி, கிங் பனிமே அஞ்ஞங்
கிஞ்சி கல்யாணங் ஜானிஸ்ஸந்தீ’’தி? ப⁴க³வதோ ஏதமத்த²ங் ஆரோசேஸுங். அனுஜானாமி,
பி⁴க்க²வே, பக்க²க³ணனங் உக்³க³ஹேதுந்தி. அத² கோ² பி⁴க்கூ²னங் ஏதத³ஹோஸி –
‘‘கேன நு கோ² பக்க²க³ணனா உக்³க³ஹேதப்³பா³’’தி? ப⁴க³வதோ ஏதமத்த²ங்
ஆரோசேஸுங். அனுஜானாமி, பி⁴க்க²வே, ஸப்³பே³ஹேவ பக்க²க³ணனங் உக்³க³ஹேதுந்தி.
157.
தேன கோ² பன ஸமயேன மனுஸ்ஸா பி⁴க்கூ² பிண்டா³ய சரந்தே புச்ச²ந்தி –
‘‘கீவதிகா, ப⁴ந்தே, பி⁴க்கூ²’’தி? பி⁴க்கூ² ஏவமாஹங்ஸு – ‘‘ந கோ² மயங்,
ஆவுஸோ, ஜானாமா’’தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
‘‘அஞ்ஞமஞ்ஞம்பிமே ஸமணா ஸக்யபுத்தியா ந ஜானந்தி, கிங் பனிமே அஞ்ஞங் கிஞ்சி கல்யாணங் ஜானிஸ்ஸந்தீ’’தி? ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, பி⁴க்கூ² க³ணேதுந்தி.
அத² கோ² பி⁴க்கூ²னங் ஏதத³ஹோஸி –
‘‘கதா³ நு கோ² பி⁴க்கூ² க³ணேதப்³பா³’’தி? ப⁴க³வதோ ஏதமத்த²ங் ஆரோசேஸுங்.
அனுஜானாமி, பி⁴க்க²வே, தத³ஹுபோஸதே² நாமக்³கே³ன [நாமமத்தேன (ஸ்யா॰), க³ணமக்³கே³ன (க॰)] க³ணேதுங், ஸலாகங் வா கா³ஹேதுந்தி.
158. தேன
கோ² பன ஸமயேன பி⁴க்கூ² அஜானந்தா அஜ்ஜுபோஸதோ²தி தூ³ரங் கா³மங் பிண்டா³ய
சரந்தி. தே உத்³தி³ஸ்ஸமானேபி பாதிமொக்கே² ஆக³ச்ச²ந்தி, உத்³தி³ட்ட²மத்தேபி
ஆக³ச்ச²ந்தி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே,
ஆரோசேதுங் ‘அஜ்ஜுபோஸதோ²’தி.
அத² கோ² பி⁴க்கூ²னங் ஏதத³ஹோஸி – ‘‘கேன நு கோ²
ஆரோசேதப்³போ³’’தி? ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே,
தே²ரேன பி⁴க்கு²னா காலவதோ ஆரோசேதுந்தி.
தேன கோ² பன ஸமயேன அஞ்ஞதரோ தே²ரோ காலவதோ நஸ்ஸரதி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, ப⁴த்தகாலேபி ஆரோசேதுந்தி.
ப⁴த்தகாலேபி நஸ்ஸரதி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, யங் காலங் ஸரதி, தங் காலங் ஆரோசேதுந்தி.
85. புப்³ப³கரணானுஜானநா
159. தேன கோ² பன ஸமயேன அஞ்ஞதரஸ்மிங் ஆவாஸே உபோஸதா²கா³ரங் உக்லாபங் ஹோதி. ஆக³ந்துகா பி⁴க்கூ² உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி
நாம ஆவாஸிகா பி⁴க்கூ² உபோஸதா²கா³ரங் ந ஸம்மஜ்ஜிஸ்ஸந்தீ’’தி. ப⁴க³வதோ
ஏதமத்த²ங் ஆரோசேஸுங். அனுஜானாமி, பி⁴க்க²வே, உபோஸதா²கா³ரங் ஸம்மஜ்ஜிதுந்தி.
அத² கோ² பி⁴க்கூ²னங் ஏதத³ஹோஸி – ‘‘கேன நு கோ²
உபோஸதா²கா³ரங் ஸம்மஜ்ஜிதப்³ப³’’ந்தி? ப⁴க³வதோ ஏதமத்த²ங் ஆரோசேஸுங்.
அனுஜானாமி, பி⁴க்க²வே, தே²ரேன பி⁴க்கு²னா நவங் பி⁴க்கு²ங் ஆணாபேதுந்தி.
தே²ரேன ஆணத்தா நவா பி⁴க்கூ² ந ஸம்மஜ்ஜந்தி. ப⁴க³வதோ
ஏதமத்த²ங் ஆரோசேஸுங். ந, பி⁴க்க²வே, தே²ரேன ஆணத்தேன அகி³லானேன ந
ஸம்மஜ்ஜிதப்³ப³ங். யோ ந ஸம்மஜ்ஜெய்ய, ஆபத்தி து³க்கடஸ்ஸாதி.
160. தேன கோ² பன ஸமயேன உபோஸதா²கா³ரே ஆஸனங் அபஞ்ஞத்தங் ஹோதி. பி⁴க்கூ² ச²மாயங்
நிஸீத³ந்தி, க³த்தானிபி சீவரானிபி பங்ஸுகிதானி ஹொந்தி. ப⁴க³வதோ ஏதமத்த²ங்
ஆரோசேஸுங். அனுஜானாமி, பி⁴க்க²வே, உபோஸதா²கா³ரே ஆஸனங் பஞ்ஞபேதுந்தி.
அத² கோ² பி⁴க்கூ²னங் ஏதத³ஹோஸி – ‘‘கேன நு கோ²
உபோஸதா²கா³ரே ஆஸனங் பஞ்ஞபேதப்³ப³’’ந்தி? ப⁴க³வதோ ஏதமத்த²ங் ஆரோசேஸுங்.
அனுஜானாமி, பி⁴க்க²வே, தே²ரேன பி⁴க்கு²னா நவங் பி⁴க்கு²ங் ஆணாபேதுந்தி.
தே²ரேன ஆணத்தா நவா பி⁴க்கூ² ந பஞ்ஞபெந்தி. ப⁴க³வதோ
ஏதமத்த²ங் ஆரோசேஸுங். ந, பி⁴க்க²வே, தே²ரேன ஆணத்தேன அகி³லானேன ந
பஞ்ஞபேதப்³ப³ங். யோ ந பஞ்ஞபெய்ய, ஆபத்தி து³க்கடஸ்ஸாதி.
161.
தேன கோ² பன ஸமயேன உபோஸதா²கா³ரே பதீ³போ ந ஹோதி. பி⁴க்கூ² அந்த⁴காரே காயம்பி
சீவரம்பி அக்கமந்தி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே,
உபோஸதா²கா³ரே பதீ³பங் காதுந்தி.
அத² கோ² பி⁴க்கூ²னங் ஏதத³ஹோஸி – ‘‘கேன நு கோ²
உபோஸதா²கா³ரே பதீ³போ காதப்³போ³’’தி? ப⁴க³வதோ ஏதமத்த²ங் ஆரோசேஸுங்.
அனுஜானாமி, பி⁴க்க²வே, தே²ரேன பி⁴க்கு²னா நவங் பி⁴க்கு²ங் ஆணாபேதுந்தி.
தே²ரேன ஆணத்தா நவா பி⁴க்கூ² ந பதீ³பெந்தி. ப⁴க³வதோ
ஏதமத்த²ங் ஆரோசேஸுங். ந, பி⁴க்க²வே, தே²ரேன ஆணத்தேன அகி³லானேன ந
பதீ³பேதப்³போ³. யோ ந பதீ³பெய்ய, ஆபத்தி து³க்கடஸ்ஸாதி.
162.
தேன கோ² பன ஸமயேன அஞ்ஞதரஸ்மிங் ஆவாஸே ஆவாஸிகா பி⁴க்கூ² நேவ பானீயங்
உபட்டா²பெந்தி, ந பரிபோ⁴ஜனீயங் உபட்டா²பெந்தி. ஆக³ந்துகா பி⁴க்கூ²
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆவாஸிகா பி⁴க்கூ² நேவ
பானீயங் உபட்டா²பெஸ்ஸந்தி, ந பரிபோ⁴ஜனீயங் உபட்டா²பெஸ்ஸந்தீ’’தி. ப⁴க³வதோ
ஏதமத்த²ங் ஆரோசேஸுங். அனுஜானாமி, பி⁴க்க²வே , பானீயங் பரிபோ⁴ஜனீயங் உபட்டா²பேதுந்தி.
அத² கோ² பி⁴க்கூ²னங் ஏதத³ஹோஸி – ‘‘கேன நு கோ² பானீயங் பரிபோ⁴ஜனீயங் உபட்டா²பேதப்³ப³’’ந்தி ? ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, தே²ரேன பி⁴க்கு²னா நவங் பி⁴க்கு²ங் ஆணாபேதுந்தி.
தே²ரேன ஆணத்தா நவா பி⁴க்கூ² ந
உபட்டா²பெந்தி. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, தே²ரேன ஆணத்தேன
அகி³லானேன ந உபட்டா²பேதப்³ப³ங். யோ ந உபட்டா²பெய்ய, ஆபத்தி து³க்கடஸ்ஸாதி.
86. தி³ஸங்க³மிகாதி³வத்து²
163. தேன கோ² பன ஸமயேன ஸம்ப³ஹுலா பி⁴க்கூ² பா³லா அப்³யத்தா தி³ஸங்க³மிகா ஆசரியுபஜ்ஜா²யே ந ஆபுச்சி²ங்ஸு [ந ஆபுச்சி²ங்ஸு (க॰)]. ப⁴க³வதோ ஏதமத்த²ங் ஆரோசேஸுங்.
இத⁴ பன, பி⁴க்க²வே, ஸம்ப³ஹுலா பி⁴க்கூ² பா³லா அப்³யத்தா தி³ஸங்க³மிகா ஆசரியுபஜ்ஜா²யே ந ஆபுச்ச²ந்தி [ந ஆபுச்ச²ந்தி (க॰)]. தே [தேஹி (க॰)],
பி⁴க்க²வே, ஆசரியுபஜ்ஜா²யேஹி புச்சி²தப்³பா³ – ‘‘கஹங் க³மிஸ்ஸத², கேன
ஸத்³தி⁴ங் க³மிஸ்ஸதா²’’தி? தே சே, பி⁴க்க²வே, பா³லா அப்³யத்தா அஞ்ஞே பா³லே
அப்³யத்தே அபதி³ஸெய்யுங், ந, பி⁴க்க²வே, ஆசரியுபஜ்ஜா²யேஹி அனுஜானிதப்³பா³.
அனுஜானெய்யுங் சே, ஆபத்தி து³க்கடஸ்ஸ. தே ச, பி⁴க்க²வே, பா³லா அப்³யத்தா
அனநுஞ்ஞாதா ஆசரியுபஜ்ஜா²யேஹி க³ச்செ²ய்யுங் சே, ஆபத்தி து³க்கடஸ்ஸ.
இத⁴ பன, பி⁴க்க²வே, அஞ்ஞதரஸ்மிங் ஆவாஸே ஸம்ப³ஹுலா
பி⁴க்கூ² விஹரந்தி பா³லா அப்³யத்தா. தே ந ஜானந்தி உபோஸத²ங் வா உபோஸத²கம்மங்
வா, பாதிமொக்க²ங் வா பாதிமொக்கு²த்³தே³ஸங் வா. தத்த² அஞ்ஞோ பி⁴க்கு²
ஆக³ச்ச²தி ப³ஹுஸ்ஸுதோ ஆக³தாக³மோ த⁴ம்மத⁴ரோ வினயத⁴ரோ மாதிகாத⁴ரோ பண்டி³தோ
ப்³யத்தோ மேதா⁴வீ லஜ்ஜீ குக்குச்சகோ ஸிக்கா²காமோ. தேஹி, பி⁴க்க²வே,
பி⁴க்கூ²ஹி ஸோ பி⁴க்கு² ஸங்க³ஹேதப்³போ³ அனுக்³க³ஹேதப்³போ³ உபலாபேதப்³போ³
உபட்டா²பேதப்³போ³ சுண்ணேன மத்திகாய த³ந்தகட்டே²ன முகோ²த³கேன. நோ சே
ஸங்க³ண்ஹெய்யுங் அனுக்³க³ண்ஹெய்யுங் உபலாபெய்யுங் உபட்டா²பெய்யுங் சுண்ணேன
மத்திகாய த³ந்தகட்டே²ன முகோ²த³கேன, ஆபத்தி து³க்கடஸ்ஸ.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே² ஸம்ப³ஹுலா பி⁴க்கூ²
விஹரந்தி பா³லா அப்³யத்தா. தே ந ஜானந்தி உபோஸத²ங் வா உபோஸத²கம்மங் வா,
பாதிமொக்க²ங் வா பாதிமொக்கு²த்³தே³ஸங் வா. தேஹி, பி⁴க்க²வே, பி⁴க்கூ²ஹி ஏகோ
பி⁴க்கு² ஸாமந்தா ஆவாஸா ஸஜ்ஜுகங் பாஹேதப்³போ³ –
‘‘க³ச்சா²வுஸோ, ஸங்கி²த்தேன வா வித்தா²ரேன வா பாதிமொக்க²ங் பரியாபுணித்வா
ஆக³ச்சா²’’தி. ஏவஞ்சேதங் லபே⁴த², இச்சேதங் குஸலங். நோ சே லபே⁴த², தேஹி,
பி⁴க்க²வே, பி⁴க்கூ²ஹி ஸப்³பே³ஹேவ யத்த² ஜானந்தி உபோஸத²ங் வா உபோஸத²கம்மங் வா பாதிமொக்க²ங் வா பாதிமொக்கு²த்³தே³ஸங் வா, ஸோ ஆவாஸோ க³ந்தப்³போ³ . நோ சே க³ச்செ²ய்யுங், ஆபத்தி து³க்கடஸ்ஸ.
இத⁴ பன, பி⁴க்க²வே, அஞ்ஞதரஸ்மிங் ஆவாஸே ஸம்ப³ஹுலா
பி⁴க்கூ² வஸ்ஸங் வஸந்தி பா³லா அப்³யத்தா. தே ந ஜானந்தி உபோஸத²ங் வா
உபோஸத²கம்மங் வா பாதிமொக்க²ங் வா பாதிமொக்கு²த்³தே³ஸங் வா. தேஹி,
பி⁴க்க²வே, பி⁴க்கூ²ஹி ஏகோ பி⁴க்கு² ஸாமந்தா ஆவாஸா ஸஜ்ஜுகங் பாஹேதப்³போ³ –
‘‘க³ச்சா²வுஸோ, ஸங்கி²த்தேன வா வித்தா²ரேன வா பாதிமொக்க²ங் பரியாபுணித்வா
ஆக³ச்சா²’’தி. ஏவஞ்சேதங் லபே⁴த², இச்சேதங் குஸலங். நோ சே லபே⁴த², ஏகோ
பி⁴க்கு² ஸத்தாஹகாலிகங் பாஹேதப்³போ³ – ‘‘க³ச்சா²வுஸோ, ஸங்கி²த்தேன வா
வித்தா²ரேன வா பாதிமொக்க²ங் பரியாபுணித்வா ஆக³ச்சா²’’தி. ஏவஞ்சேதங் லபே⁴த²,
இச்சேதங் குஸலங். நோ சே லபே⁴த², ந, பி⁴க்க²வே, தேஹி பி⁴க்கூ²ஹி தஸ்மிங்
ஆவாஸே வஸ்ஸங் வஸிதப்³ப³ங். வஸெய்யுங் சே, ஆபத்தி து³க்கடஸ்ஸாதி.
87. பாரிஸுத்³தி⁴தா³னகதா²
164.
அத² கோ² ப⁴க³வா பி⁴க்கூ² ஆமந்தேஸி – ‘‘ஸன்னிபதத², பி⁴க்க²வே, ஸங்கோ⁴
உபோஸத²ங் கரிஸ்ஸதீ’’தி. ஏவங் வுத்தே அஞ்ஞதரோ பி⁴க்கு² ப⁴க³வந்தங் ஏதத³வோச
– ‘‘அத்தி², ப⁴ந்தே, பி⁴க்கு² கி³லானோ, ஸோ அனாக³தோ’’தி. அனுஜானாமி,
பி⁴க்க²வே, கி³லானேன பி⁴க்கு²னா பாரிஸுத்³தி⁴ங் தா³துங். ஏவஞ்ச பன,
பி⁴க்க²வே, தா³தப்³பா³ – தேன கி³லானேன பி⁴க்கு²னா ஏகங் பி⁴க்கு²ங்
உபஸங்கமித்வா ஏகங்ஸங் உத்தராஸங்க³ங் கரித்வா உக்குடிகங் நிஸீதி³த்வா
அஞ்ஜலிங் பக்³க³ஹெத்வா ஏவமஸ்ஸ வசனீயோ – ‘‘பாரிஸுத்³தி⁴ங் த³ம்மி,
பாரிஸுத்³தி⁴ங் மே ஹர, பாரிஸுத்³தி⁴ங் மே ஆரோசேஹீ’’தி. காயேன விஞ்ஞாபேதி,
வாசாய விஞ்ஞாபேதி, காயேன வாசாய விஞ்ஞாபேதி, தி³ன்னா ஹோதி பாரிஸுத்³தி⁴. ந
காயேன விஞ்ஞாபேதி, ந வாசாய விஞ்ஞாபேதி, ந காயேன வாசாய விஞ்ஞாபேதி, ந
தி³ன்னா ஹோதி பாரிஸுத்³தி⁴. ஏவஞ்சேதங் லபே⁴த², இச்சேதங் குஸலங். நோ சே
லபே⁴த², ஸோ, பி⁴க்க²வே, கி³லானோ பி⁴க்கு² மஞ்சேன வா பீடே²ன வா ஸங்க⁴மஜ்ஜே²
ஆனெத்வா உபோஸதோ² காதப்³போ³. ஸசே, பி⁴க்க²வே, கி³லானுபட்டா²கானங்
பி⁴க்கூ²னங் ஏவங் ஹோதி – ‘‘ஸசே கோ² மயங் கி³லானங் டா²னா சாவெஸ்ஸாம, ஆபா³தோ⁴
வா அபி⁴வட்³டி⁴ஸ்ஸதி காலங்கிரியா வா ப⁴விஸ்ஸதீ’’தி, ந, பி⁴க்க²வே, கி³லானோ
பி⁴க்கு² டா²னா சாவேதப்³போ³. ஸங்கே⁴ன தத்த² க³ந்த்வா உபோஸதோ² காதப்³போ³. ந த்வேவ வக்³கே³ன ஸங்கே⁴ன உபோஸதோ² காதப்³போ³. கரெய்ய சே, ஆபத்தி து³க்கடஸ்ஸ.
பாரிஸுத்³தி⁴ஹாரகோ சே,
பி⁴க்க²வே, தி³ன்னாய பாரிஸுத்³தி⁴யா தத்தே²வ பக்கமதி, அஞ்ஞஸ்ஸ தா³தப்³பா³
பாரிஸுத்³தி⁴. பாரிஸுத்³தி⁴ஹாரகோ சே, பி⁴க்க²வே, தி³ன்னாய பாரிஸுத்³தி⁴யா
தத்தே²வ விப்³ப⁴மதி,…பே॰… காலங் கரோதி – ஸாமணேரோ படிஜானாதி – ஸிக்க²ங் பச்சக்கா²தகோ படிஜானாதி – அந்திமவத்து²ங் அஜ்ஜா²பன்னகோ
படிஜானாதி – உம்மத்தகோ படிஜானாதி – கி²த்தசித்தோ படிஜானாதி – வேத³னாட்டோ
படிஜானாதி – ஆபத்தியா அத³ஸ்ஸனே உக்கி²த்தகோ படிஜானாதி – ஆபத்தியா
அப்படிகம்மே உக்கி²த்தகோ படிஜானாதி – பாபிகாய தி³ட்டி²யா அப்படினிஸ்ஸக்³கே³
உக்கி²த்தகோ படிஜானாதி – பண்ட³கோ படிஜானாதி – தெ²ய்யஸங்வாஸகோ படிஜானாதி –
தித்தி²யபக்கந்தகோ படிஜானாதி – திரச்சா²னக³தோ படிஜானாதி – மாதுகா⁴தகோ
படிஜானாதி – பிதுகா⁴தகோ படிஜானாதி – அரஹந்தகா⁴தகோ படிஜானாதி –
பி⁴க்கு²னிதூ³ஸகோ படிஜானாதி – ஸங்க⁴பே⁴த³கோ படிஜானாதி – லோஹிதுப்பாத³கோ
படிஜானாதி – உப⁴தொப்³யஞ்ஜனகோ படிஜானாதி, அஞ்ஞஸ்ஸ தா³தப்³பா³ பாரிஸுத்³தி⁴.
பாரிஸுத்³தி⁴ஹாரகோ சே, பி⁴க்க²வே, தி³ன்னாய
பாரிஸுத்³தி⁴யா அந்தராமக்³கே³ பக்கமதி, அனாஹடா ஹோதி பாரிஸுத்³தி⁴.
பாரிஸுத்³தி⁴ஹாரகோ சே, பி⁴க்க²வே, தி³ன்னாய பாரிஸுத்³தி⁴யா அந்தராமக்³கே³
விப்³ப⁴மதி,…பே॰… உப⁴தொப்³யஞ்ஜனகோ படிஜானாதி, அனாஹடா ஹோதி பாரிஸுத்³தி⁴.
பாரிஸுத்³தி⁴ஹாரகோ சே, பி⁴க்க²வே, தி³ன்னாய
பாரிஸுத்³தி⁴யா ஸங்க⁴ப்பத்தோ பக்கமதி, ஆஹடா ஹோதி பாரிஸுத்³தி⁴.
பாரிஸுத்³தி⁴ஹாரகோ சே, பி⁴க்க²வே, தி³ன்னாய பாரிஸுத்³தி⁴யா ஸங்க⁴ப்பத்தோ
விப்³ப⁴மதி,…பே॰… உப⁴தொப்³யஞ்ஜனகோ படிஜானாதி, ஆஹடா ஹோதி பாரிஸுத்³தி⁴.
பாரிஸுத்³தி⁴ஹாரகோ சே, பி⁴க்க²வே, தி³ன்னாய
பாரிஸுத்³தி⁴யா ஸங்க⁴ப்பத்தோ ஸுத்தோ ந ஆரோசேதி, பமத்தோ ந ஆரோசேதி, ஸமாபன்னோ
ந ஆரோசேதி, ஆஹடா ஹோதி பாரிஸுத்³தி⁴. பாரிஸுத்³தி⁴ஹாரகஸ்ஸ அனாபத்தி.
பாரிஸுத்³தி⁴ஹாரகோ சே, பி⁴க்க²வே , தி³ன்னாய பாரிஸுத்³தி⁴யா ஸங்க⁴ப்பத்தோ ஸஞ்சிச்ச ந ஆரோசேதி, ஆஹடா ஹோதி பாரிஸுத்³தி⁴. பாரிஸுத்³தி⁴ஹாரகஸ்ஸ ஆபத்தி து³க்கடஸ்ஸாதி.
88. ச²ந்த³தா³னகதா²
165. அத² கோ² ப⁴க³வா பி⁴க்கூ² ஆமந்தேஸி – ‘‘ஸன்னிபதத², பி⁴க்க²வே, ஸங்கோ⁴ கம்மங் கரிஸ்ஸதீ’’தி .
ஏவங் வுத்தே அஞ்ஞதரோ பி⁴க்கு² ப⁴க³வந்தங் ஏதத³வோச – ‘‘அத்தி², ப⁴ந்தே,
பி⁴க்கு² கி³லானோ, ஸோ அனாக³தோ’’தி. அனுஜானாமி, பி⁴க்க²வே, கி³லானேன
பி⁴க்கு²னா ச²ந்த³ங் தா³துங். ஏவஞ்ச பன, பி⁴க்க²வே, தா³தப்³போ³. தேன
கி³லானேன பி⁴க்கு²னா ஏகங் பி⁴க்கு²ங் உபஸங்கமித்வா ஏகங்ஸங் உத்தராஸங்க³ங்
கரித்வா உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ –
‘‘ச²ந்த³ங் த³ம்மி, ச²ந்த³ங் மே ஹர, ச²ந்த³ங் மே ஆரோசேஹீ’’தி. காயேன
விஞ்ஞாபேதி, வாசாய விஞ்ஞாபேதி, காயேன வாசாய விஞ்ஞாபேதி, தி³ன்னோ ஹோதி
ச²ந்தோ³. ந காயேன விஞ்ஞாபேதி, ந வாசாய விஞ்ஞாபேதி, ந காயேன வாசாய
விஞ்ஞாபேதி, ந தி³ன்னோ ஹோதி ச²ந்தோ³. ஏவஞ்சேதங் லபே⁴த², இச்சேதங் குஸலங்.
நோ சே லபே⁴த², ஸோ, பி⁴க்க²வே , கி³லானோ பி⁴க்கு²
மஞ்சேன வா பீடே²ன வா ஸங்க⁴மஜ்ஜே² ஆனெத்வா கம்மங் காதப்³ப³ங். ஸசே,
பி⁴க்க²வே, கி³லானுபட்டா²கானங் பி⁴க்கூ²னங் ஏவங் ஹோதி – ‘‘ஸசே கோ² மயங்
கி³லானங் டா²னா சாவெஸ்ஸாம, ஆபா³தோ⁴ வா அபி⁴வட்³டி⁴ஸ்ஸதி காலங்கிரியா வா
ப⁴விஸ்ஸதீ’’தி, ந, பி⁴க்க²வே, கி³லானோ பி⁴க்கு² டா²னா சாவேதப்³போ³. ஸங்கே⁴ன
தத்த² க³ந்த்வா கம்மங் காதப்³ப³ங். ந த்வேவ வக்³கே³ன ஸங்கே⁴ன கம்மங்
காதப்³ப³ங். கரெய்ய சே, ஆபத்தி து³க்கடஸ்ஸ.
ச²ந்த³ஹாரகோ சே, பி⁴க்க²வே,
தி³ன்னே ச²ந்தே³ தத்தே²வ பக்கமதி, அஞ்ஞஸ்ஸ தா³தப்³போ³ ச²ந்தோ³. ச²ந்த³ஹாரகோ
சே, பி⁴க்க²வே, தி³ன்னே ச²ந்தே³ தத்தே²வ விப்³ப⁴மதி…பே॰… காலங்கரோதி –
ஸாமணேரோ படிஜானாதி – ஸிக்க²ங் பச்சக்கா²தகோ படிஜானாதி – அந்திமவத்து²ங்
அஜ்ஜா²பன்னகோ படிஜானாதி – உம்மத்தகோ படிஜானாதி – கி²த்தசித்தோ படிஜானாதி –
வேத³னாட்டோ படிஜானாதி – ஆபத்தியா அத³ஸ்ஸனே உக்கி²த்தகோ படிஜானாதி –
ஆபத்தியா அப்படிகம்மே உக்கி²த்தகோ படிஜானாதி – பாபிகாய தி³ட்டி²யா
அப்படினிஸ்ஸக்³கே³ உக்கி²த்தகோ படிஜானாதி – பண்ட³கோ படிஜானாதி –
தெ²ய்யஸங்வாஸகோ படிஜானாதி – தித்தி²யபக்கந்தகோ படிஜானாதி – திரச்சா²னக³தோ
படிஜானாதி – மாதுகா⁴தகோ படிஜானாதி – பிதுகா⁴தகோ படிஜானாதி – அரஹந்தகா⁴தகோ
படிஜானாதி – பி⁴க்கு²னிதூ³ஸகோ படிஜானாதி – ஸங்க⁴பே⁴த³கோ படிஜானாதி –
லோஹிதுப்பாத³கோ படிஜானாதி – உப⁴தொப்³யஞ்ஜனகோ படிஜானாதி, அஞ்ஞஸ்ஸ தா³தப்³போ³
ச²ந்தோ³.
ச²ந்த³ஹாரகோ சே, பி⁴க்க²வே,
தி³ன்னே ச²ந்தே³ அந்தராமக்³கே³ பக்கமதி, அனாஹடோ ஹோதி ச²ந்தோ³. ச²ந்த³ஹாரகோ
சே, பி⁴க்க²வே, தி³ன்னே ச²ந்தே³ அந்தராமக்³கே³ விப்³ப⁴மதி…பே॰…
உப⁴தொப்³யஞ்ஜனகோ படிஜானாதி, அனாஹடோ ஹோதி ச²ந்தோ³.
ச²ந்த³ஹாரகோ சே, பி⁴க்க²வே, தி³ன்னே ச²ந்தே³ ஸங்க⁴ப்பத்தோ பக்கமதி, ஆஹடோ ஹோதி ச²ந்தோ³. ச²ந்த³ஹாரகோ சே, பி⁴க்க²வே, தி³ன்னே ச²ந்தே³ ஸங்க⁴ப்பத்தோ விப்³ப⁴மதி…பே॰… உப⁴தொப்³யஞ்ஜனகோ படிஜானாதி, ஆஹடோ ஹோதி ச²ந்தோ³.
ச²ந்த³ஹாரகோ சே, பி⁴க்க²வே, தி³ன்னே ச²ந்தே³ ஸங்க⁴ப்பத்தோ ஸுத்தோ ந ஆரோசேதி, பமத்தோ ந ஆரோசேதி, ஸமாபன்னோ ந ஆரோசேதி, ஆஹடோ ஹோதி ச²ந்தோ³. ச²ந்த³ஹாரகஸ்ஸ அனாபத்தி.
ச²ந்த³ஹாரகோ சே, பி⁴க்க²வே, தி³ன்னே ச²ந்தே³
ஸங்க⁴ப்பத்தோ ஸஞ்சிச்ச ந ஆரோசேதி, ஆஹடோ ஹோதி ச²ந்தோ³. ச²ந்த³ஹாரகஸ்ஸ ஆபத்தி
து³க்கடஸ்ஸ. அனுஜானாமி, பி⁴க்க²வே, தத³ஹுபோஸதே² பாரிஸுத்³தி⁴ங் தெ³ந்தேன
ச²ந்த³ம்பி தா³துங், ஸந்தி ஸங்க⁴ஸ்ஸ கரணீயந்தி.
89. ஞாதகாதி³க்³க³ஹணகதா²
166. தேன கோ² பன ஸமயேன அஞ்ஞதரங் பி⁴க்கு²ங் தத³ஹுபோஸதே² ஞாதகா க³ண்ஹிங்ஸுங். ப⁴க³வதோ ஏதமத்த²ங் ஆரோசேஸுங்.
இத⁴ பன, பி⁴க்க²வே, பி⁴க்கு²ங் தத³ஹுபோஸதே² ஞாதகா
க³ண்ஹந்தி. தே ஞாதகா பி⁴க்கூ²ஹி ஏவமஸ்ஸு வசனீயா – ‘‘இங்க⁴, தும்ஹே
ஆயஸ்மந்தோ இமங் பி⁴க்கு²ங் முஹுத்தங் முஞ்சத², யாவாயங் பி⁴க்கு² உபோஸத²ங்
கரோதீ’’தி. ஏவஞ்சேதங் லபே⁴த², இச்சேதங் குஸலங். நோ சே லபே⁴த², தே ஞாதகா
பி⁴க்கூ²ஹி ஏவமஸ்ஸு வசனீயா – ‘‘இங்க⁴, தும்ஹே ஆயஸ்மந்தோ முஹுத்தங் ஏகமந்தங்
ஹோத², யாவாயங் பி⁴க்கு² பாரிஸுத்³தி⁴ங் தே³தீ’’தி. ஏவஞ்சேதங் லபே⁴த²,
இச்சேதங் குஸலங். நோ சே லபே⁴த², தே ஞாதகா பி⁴க்கூ²ஹி ஏவமஸ்ஸு வசனீயா –
‘‘இங்க⁴, தும்ஹே ஆயஸ்மந்தோ இமங் பி⁴க்கு²ங் முஹுத்தங் நிஸ்ஸீமங் நேத², யாவ
ஸங்கோ⁴ உபோஸத²ங் கரோதீ’’தி. ஏவஞ்சேதங் லபே⁴த², இச்சேதங் குஸலங். நோ சே
லபே⁴த², ந த்வேவ வக்³கே³ன ஸங்கே⁴ன உபோஸதோ² காதப்³போ³. கரெய்ய சே, ஆபத்தி
து³க்கடஸ்ஸ.
இத⁴ பன, பி⁴க்க²வே, பி⁴க்கு²ங் தத³ஹுபோஸதே² ராஜானோ க³ண்ஹந்தி,…பே॰… சோரா க³ண்ஹந்தி – து⁴த்தா
க³ண்ஹந்தி – பி⁴க்கு²பச்சத்தி²கா க³ண்ஹந்தி, தே பி⁴க்கு²பச்சத்தி²கா
பி⁴க்கூ²ஹி ஏவமஸ்ஸு வசனீயா – ‘‘இங்க⁴, தும்ஹே ஆயஸ்மந்தோ இமங் பி⁴க்கு²ங்
முஹுத்தங் முஞ்சத², யாவாயங் பி⁴க்கு² உபோஸத²ங் கரோதீ’’தி. ஏவஞ்சேதங்
லபே⁴த², இச்சேதங் குஸலங். நோ சே லபே⁴த², தே பி⁴க்கு²பச்சத்தி²கா பி⁴க்கூ²ஹி
ஏவமஸ்ஸு வசனீயா – ‘‘இங்க⁴, தும்ஹே ஆயஸ்மந்தோ முஹுத்தங் ஏகமந்தங் ஹோத²,
யாவாயங் பி⁴க்கு² பாரிஸுத்³தி⁴ங் தே³தீ’’தி. ஏவஞ்சேதங் லபே⁴த², இச்சேதங்
குஸலங். நோ சே லபே⁴த², தே பி⁴க்கு²பச்சத்தி²கா
பி⁴க்கூ²ஹி ஏவமஸ்ஸு வசனீயா – ‘‘இங்க⁴, தும்ஹே ஆயஸ்மந்தோ இமங் பி⁴க்கு²ங்
முஹுத்தங் நிஸ்ஸீமங் நேத², யாவ ஸங்கோ⁴ உபோஸத²ங் கரோதீ’’தி. ஏவஞ்சேதங்
லபே⁴த², இச்சேதங் குஸலங். நோ சே லபே⁴த², ந த்வேவ வக்³கே³ன ஸங்கே⁴ன உபோஸதோ²
காதப்³போ³. கரெய்ய சே, ஆபத்தி து³க்கடஸ்ஸாதி.
90. உம்மத்தகஸம்முதி
167. அத²
கோ² ப⁴க³வா பி⁴க்கூ² ஆமந்தேஸி – ‘‘ஸன்னிபதத², பி⁴க்க²வே, அத்தி² ஸங்க⁴ஸ்ஸ
கரணீய’’ந்தி. ஏவங் வுத்தே அஞ்ஞதரோ பி⁴க்கு² ப⁴க³வந்தங் ஏதத³வோச – ‘‘அத்தி²,
ப⁴ந்தே, க³க்³கோ³ நாம பி⁴க்கு² உம்மத்தகோ, ஸோ அனாக³தோ’’தி.
‘‘த்³வேமே, பி⁴க்க²வே, உம்மத்தகா – அத்தி², பி⁴க்க²வே,
பி⁴க்கு² உம்மத்தகோ ஸரதிபி உபோஸத²ங் நபி ஸரதி, ஸரதிபி ஸங்க⁴கம்மங் நபி
ஸரதி, அத்தி² நேவ ஸரதி; ஆக³ச்ச²திபி உபோஸத²ங் நபி ஆக³ச்ச²தி, ஆக³ச்ச²திபி
ஸங்க⁴கம்மங் நபி ஆக³ச்ச²தி, அத்தி² நேவ ஆக³ச்ச²தி. தத்ர, பி⁴க்க²வே,
ய்வாயங் உம்மத்தகோ ஸரதிபி உபோஸத²ங் நபி ஸரதி, ஸரதிபி ஸங்க⁴கம்மங் நபி ஸரதி,
ஆக³ச்ச²திபி உபோஸத²ங் நபி ஆக³ச்ச²தி, ஆக³ச்ச²திபி ஸங்க⁴கம்மங்
நபி ஆக³ச்ச²தி, அனுஜானாமி, பி⁴க்க²வே, ஏவரூபஸ்ஸ உம்மத்தகஸ்ஸ
உம்மத்தகஸம்முத்திங் தா³துங். ஏவஞ்ச பன, பி⁴க்க²வே, தா³தப்³பா³. ப்³யத்தேன
பி⁴க்கு²னா படிப³லேன ஸங்கோ⁴ ஞாபேதப்³போ³ –
‘‘ஸுணாது மே, ப⁴ந்தே, ஸங்கோ⁴. க³க்³கோ³ பி⁴க்கு²
உம்மத்தகோ – ஸரதிபி உபோஸத²ங் நபி ஸரதி, ஸரதிபி ஸங்க⁴கம்மங் நபி ஸரதி,
ஆக³ச்ச²திபி உபோஸத²ங் நபி ஆக³ச்ச²தி, ஆக³ச்ச²திபி ஸங்க⁴கம்மங் நபி
ஆக³ச்ச²தி. யதி³ ஸங்க⁴ஸ்ஸ பத்தகல்லங், ஸங்கோ⁴ க³க்³க³ஸ்ஸ பி⁴க்கு²னோ
உம்மத்தகஸ்ஸ உம்மத்தகஸம்முதிங் த³தெ³ய்ய. ஸரெய்ய வா
க³க்³கோ³ பி⁴க்கு² உபோஸத²ங் ந வா ஸரெய்ய, ஸரெய்ய வா ஸங்க⁴கம்மங் ந வா
ஸரெய்ய, ஆக³ச்செ²ய்ய வா உபோஸத²ங் ந வா ஆக³ச்செ²ய்ய, ஆக³ச்செ²ய்ய வா
ஸங்க⁴கம்மங் ந வா ஆக³ச்செ²ய்ய, ஸங்கோ⁴ ஸஹ வா க³க்³கே³ன வினா வா க³க்³கே³ன
உபோஸத²ங் கரெய்ய, ஸங்க⁴கம்மங் கரெய்ய. ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴. க³க்³கோ³ பி⁴க்கு²
உம்மத்தகோ – ஸரதிபி உபோஸத²ங் நபி ஸரதி, ஸரதிபி ஸங்க⁴கம்மங் நபி ஸரதி,
ஆக³ச்ச²திபி உபோஸத²ங் நபி ஆக³ச்ச²தி, ஆக³ச்ச²திபி ஸங்க⁴கம்மங் நபி
ஆக³ச்ச²தி. ஸங்கோ⁴ க³க்³க³ஸ்ஸ பி⁴க்கு²னோ உம்மத்தகஸ்ஸ உம்மத்தகஸம்முதிங்
தே³தி. ஸரெய்ய வா க³க்³கோ³ பி⁴க்கு² உபோஸத²ங் ந வா ஸரெய்ய, ஸரெய்ய வா
ஸங்க⁴கம்மங் ந வா ஸரெய்யங், ஆக³ச்செ²ய்ய வா உபோஸத²ங் ந வா ஆக³ச்செ²ய்ய,
ஆக³ச்செ²ய்ய வா ஸங்க⁴கம்மங் ந வா ஆக³ச்செ²ய்ய, ஸங்கோ⁴ ஸஹ வா க³க்³கே³ன,
வினா வா க³க்³கே³ன உபோஸத²ங் கரிஸ்ஸதி, ஸங்க⁴கம்மங் கரிஸ்ஸதி. யஸ்ஸாயஸ்மதோ
க²மதி க³க்³க³ஸ்ஸ பி⁴க்கு²னோ உம்மத்தகஸ்ஸ
உம்மத்தகஸம்முதியா தா³னங் – ஸரெய்ய வா க³க்³கோ³ பி⁴க்கு² உபோஸத²ங் ந வா
ஸரெய்ய, ஸரெய்ய வா ஸங்க⁴கம்மங் ந வா ஸரெய்ய, ஆக³ச்செ²ய்ய வா உபோஸத²ங் ந வா
ஆக³ச்செ²ய்ய, ஆக³ச்செ²ய்ய வா ஸங்க⁴கம்மங் ந வா ஆக³ச்செ²ய்ய, ஸங்கோ⁴ ஸஹ வா
க³க்³கே³ன, வினா வா க³க்³கே³ன உபோஸத²ங் கரிஸ்ஸதி, ஸங்க⁴கம்மங் கரிஸ்ஸதி, ஸோ
துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.
‘‘தி³ன்னா ஸங்கே⁴ன க³க்³க³ஸ்ஸ பி⁴க்கு²னோ உம்மத்தகஸ்ஸ
உம்மத்தகஸம்முதி. ஸரெய்ய வா க³க்³கோ³ பி⁴க்கு² உபோஸத²ங் ந வா ஸரெய்ய,
ஸரெய்ய வா ஸங்க⁴கம்மங் ந வா ஸரெய்ய, ஆக³ச்செ²ய்ய வா உபோஸத²ங் ந வா
ஆக³ச்செ²ய்ய, ஆக³ச்செ²ய்ய வா ஸங்க⁴கம்மங் ந வா ஆக³ச்செ²ய்ய, ஸங்கோ⁴ ஸஹ வா
க³க்³கே³ன வினா வா க³க்³கே³ன உபோஸத²ங் கரிஸ்ஸதி, ஸங்க⁴கம்மங் கரிஸ்ஸதி.
க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
91. ஸங்கு⁴போஸதா²தி³ப்பபே⁴த³ங்
168. தேன
கோ² பன ஸமயேன அஞ்ஞதரஸ்மிங் ஆவாஸே தத³ஹுபோஸதே² சத்தாரோ பி⁴க்கூ² விஹரந்தி.
அத² கோ² தேஸங் பி⁴க்கூ²னங் ஏதத³ஹோஸி – ‘‘ப⁴க³வதா பஞ்ஞத்தங் ‘உபோஸதோ²
காதப்³போ³’தி, மயஞ்சம்ஹா சத்தாரோ ஜனா, கத²ங் நு கோ² அம்ஹேஹி உபோஸதோ²
காதப்³போ³’’தி? ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, சதுன்னங் பாதிமொக்க²ங் உத்³தி³ஸிதுந்தி.
தேன கோ² பன ஸமயேன அஞ்ஞதரஸ்மிங் ஆவாஸே தத³ஹுபோஸதே² தயோ
பி⁴க்கூ² விஹரந்தி. அத² கோ² தேஸங் பி⁴க்கூ²னங் ஏதத³ஹோஸி – ‘‘ப⁴க³வதா
அனுஞ்ஞாதங் சதுன்னங் பாதிமொக்க²ங் உத்³தி³ஸிதுங், மயஞ்சம்ஹா தயோ
ஜனா, கத²ங் நு கோ² அம்ஹேஹி உபோஸதோ² காதப்³போ³’’தி? ப⁴க³வதோ ஏதமத்த²ங்
ஆரோசேஸுங். அனுஜானாமி, பி⁴க்க²வே, திண்ணங் பாரிஸுத்³தி⁴உபோஸத²ங் காதுங்.
ஏவஞ்ச பன, பி⁴க்க²வே, காதப்³போ³. ப்³யத்தேன பி⁴க்கு²னா படிப³லேன தே
பி⁴க்கூ² ஞாபேதப்³பா³ –
‘‘ஸுணந்து மே ஆயஸ்மந்தா. அஜ்ஜுபோஸதோ² பன்னரஸோ. யதா³யஸ்மந்தானங் பத்தகல்லங், மயங் அஞ்ஞமஞ்ஞங் பாரிஸுத்³தி⁴உபோஸத²ங் கரெய்யாமா’’தி.
தே²ரேன பி⁴க்கு²னா ஏகங்ஸங்
உத்தராஸங்க³ங் கரித்வா உக்குடிகங் நிஸீதி³த்வா அஞ்ஜலிங் பக்³க³ஹெத்வா தே
பி⁴க்கூ² ஏவமஸ்ஸு வசனீயா – ‘‘பரிஸுத்³தோ⁴ அஹங், ஆவுஸோ; பரிஸுத்³தோ⁴தி மங்
தா⁴ரேத². பரிஸுத்³தோ⁴ அஹங், ஆவுஸோ; பரிஸுத்³தோ⁴தி மங் தா⁴ரேத². பரிஸுத்³தோ⁴
அஹங், ஆவுஸோ; பரிஸுத்³தோ⁴தி மங் தா⁴ரேதா²’’தி.
நவகேன பி⁴க்கு²னா ஏகங்ஸங் உத்தராஸங்க³ங் கரித்வா
உக்குடிகங் நிஸீதி³த்வா அஞ்ஜலிங் பக்³க³ஹெத்வா தே பி⁴க்கூ² ஏவமஸ்ஸு வசனீயா –
‘‘பரிஸுத்³தோ⁴ அஹங், ப⁴ந்தே; பரிஸுத்³தோ⁴தி மங் தா⁴ரேத². பரிஸுத்³தோ⁴
அஹங், ப⁴ந்தே; பரிஸுத்³தோ⁴தி மங் தா⁴ரேத². பரிஸுத்³தோ⁴ அஹங், ப⁴ந்தே;
பரிஸுத்³தோ⁴தி மங் தா⁴ரேதா²’’தி.
தேன கோ² பன ஸமயேன அஞ்ஞதரஸ்மிங் ஆவாஸே தத³ஹுபோஸதே²
த்³வே பி⁴க்கூ² விஹரந்தி. அத² கோ² தேஸங் பி⁴க்கூ²னங் ஏதத³ஹோஸி – ‘‘ப⁴க³வதா
அனுஞ்ஞாதங் சதுன்னங் பாதிமொக்க²ங் உத்³தி³ஸிதுங், திண்ணன்னங்
பாரிஸுத்³தி⁴உபோஸத²ங் காதுங். மயஞ்சம்ஹா த்³வே ஜனா. கத²ங் நு கோ² அம்ஹேஹி
உபோஸதோ² காதப்³போ³’’தி? ப⁴க³வதோ ஏதமத்த²ங் ஆரோசேஸுங். அனுஜானாமி,
பி⁴க்க²வே, த்³வின்னங் பாரிஸுத்³தி⁴உபோஸத²ங் காதுங் .
ஏவஞ்ச பன, பி⁴க்க²வே, காதப்³போ³. தே²ரேன பி⁴க்கு²னா ஏகங்ஸங் உத்தராஸங்க³ங்
கரித்வா உக்குடிகங் நிஸீதி³த்வா அஞ்ஜலிங் பக்³க³ஹெத்வா நவோ பி⁴க்கு²
ஏவமஸ்ஸ வசனீயோ – ‘‘பரிஸுத்³தோ⁴ அஹங், ஆவுஸோ; பரிஸுத்³தோ⁴தி மங் தா⁴ரேஹி.
பரிஸுத்³தோ⁴ அஹங், ஆவுஸோ; பரிஸுத்³தோ⁴தி மங் தா⁴ரேஹி. பரிஸுத்³தோ⁴ அஹங், ஆவுஸோ; பரிஸுத்³தோ⁴தி மங் தா⁴ரேஹீ’’தி.
நவகேன பி⁴க்கு²னா ஏகங்ஸங்
உத்தராஸங்க³ங் கரித்வா உக்குடிகங் நிஸீதி³த்வா அஞ்ஜலிங் பக்³க³ஹெத்வா தே²ரோ
பி⁴க்கு² ஏவமஸ்ஸ வசனீயோ – ‘‘பரிஸுத்³தோ⁴ அஹங், ப⁴ந்தே; பரிஸுத்³தோ⁴தி மங்
தா⁴ரேத². பரிஸுத்³தோ⁴ அஹங், ப⁴ந்தே; பரிஸுத்³தோ⁴தி மங் தா⁴ரேத².
பரிஸுத்³தோ⁴ அஹங், ப⁴ந்தே; பரிஸுத்³தோ⁴தி மங் தா⁴ரேதா²’’தி.
தேன கோ² பன ஸமயேன அஞ்ஞதரஸ்மிங் ஆவாஸே தத³ஹுபோஸதே² ஏகோ
பி⁴க்கு² விஹரதி. அத² கோ² தஸ்ஸ பி⁴க்கு²னோ ஏதத³ஹோஸி – ‘‘ப⁴க³வதா அனுஞ்ஞாதங்
சதுன்னங் பாதிமொக்க²ங் உத்³தி³ஸிதுங், திண்ணன்னங் பாரிஸுத்³தி⁴உபோஸத²ங்
காதுங், த்³வின்னங் பாரிஸுத்³தி⁴உபோஸத²ங் காதுங். அஹஞ்சம்ஹி ஏககோ. கத²ங் நு
கோ² மயா உபோஸதோ² காதப்³போ³’’தி? ப⁴க³வதோ ஏதமத்த²ங் ஆரோசேஸுங். இத⁴ பன,
பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே² ஏகோ பி⁴க்கு² விஹரதி. தேன,
பி⁴க்க²வே, பி⁴க்கு²னா யத்த² பி⁴க்கூ² படிக்கமந்தி உபட்டா²னஸாலாய வா,
மண்ட³பே வா, ருக்க²மூலே வா, ஸோ தே³ஸோ ஸம்மஜ்ஜித்வா பானீயங் பரிபோ⁴ஜனீயங் உபட்டா²பெத்வா ஆஸனங்
பஞ்ஞபெத்வா பதீ³பங் கத்வா நிஸீதி³தப்³ப³ங். ஸசே அஞ்ஞே பி⁴க்கூ²
ஆக³ச்ச²ந்தி, தேஹி ஸத்³தி⁴ங் உபோஸதோ² காதப்³போ³. நோ சே ஆக³ச்ச²ந்தி, அஜ்ஜ
மே உபோஸதோ²தி அதி⁴ட்டா²தப்³போ³. நோ சே அதி⁴ட்ட²ஹெய்ய, ஆபத்தி து³க்கடஸ்ஸ.
தத்ர, பி⁴க்க²வே, யத்த² சத்தாரோ பி⁴க்கூ² விஹரந்தி, ந
ஏகஸ்ஸ பாரிஸுத்³தி⁴ங் ஆஹரித்வா தீஹி பாதிமொக்க²ங் உத்³தி³ஸிதப்³ப³ங்.
உத்³தி³ஸெய்யுங் சே, ஆபத்தி து³க்கடஸ்ஸ. தத்ர, பி⁴க்க²வே, யத்த² தயோ
பி⁴க்கூ² விஹரந்தி, ந ஏகஸ்ஸ பாரிஸுத்³தி⁴ங் ஆஹரித்வா த்³வீஹி
பாரிஸுத்³தி⁴உபோஸதோ² காதப்³போ³. கரெய்யுங் சே, ஆபத்தி து³க்கடஸ்ஸ. தத்ர,
பி⁴க்க²வே, யத்த² த்³வே பி⁴க்கூ² விஹரந்தி, ந ஏகஸ்ஸ பாரிஸுத்³தி⁴ங்
ஆஹரித்வா ஏகேன அதி⁴ட்டா²தப்³போ³. அதி⁴ட்ட²ஹெய்ய சே, ஆபத்தி து³க்கடஸ்ஸாதி.
92. ஆபத்திபடிகம்மவிதி⁴
169.
தேன கோ² பன ஸமயேன அஞ்ஞதரோ பி⁴க்கு² தத³ஹுபோஸதே² ஆபத்திங் ஆபன்னோ ஹோதி. அத²
கோ² தஸ்ஸ பி⁴க்கு²னோ ஏதத³ஹோஸி – ‘‘ப⁴க³வதா பஞ்ஞத்தங் ‘ந ஸாபத்திகேன
உபோஸதோ² காதப்³போ³’தி. அஹஞ்சம்ஹி ஆபத்திங் ஆபன்னோ. கத²ங் நு கோ² மயா
படிபஜ்ஜிதப்³ப³’’ந்தி? ப⁴க³வதோ ஏதமத்த²ங் ஆரோசேஸுங். இத⁴ பன, பி⁴க்க²வே,
பி⁴க்கு² தத³ஹுபோஸதே² ஆபத்திங் ஆபன்னோ ஹோதி. தேன, பி⁴க்க²வே, பி⁴க்கு²னா
ஏகங் பி⁴க்கு²ங் உபஸங்கமித்வா ஏகங்ஸங் உத்தராஸங்க³ங் கரித்வா உக்குடிகங்
நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ – ‘‘அஹங், ஆவுஸோ, இத்த²ன்னாமங் ஆபத்திங் ஆபன்னோ, தங் படிதே³ஸேமீ’’தி. தேன வத்தப்³போ³ – ‘‘பஸ்ஸஸீ’’தி. ‘‘ஆம பஸ்ஸாமீ’’தி. ‘‘ஆயதிங் ஸங்வரெய்யாஸீ’’தி.
இத⁴ பன, பி⁴க்க²வே, பி⁴க்கு² தத³ஹுபோஸதே² ஆபத்தியா
வேமதிகோ ஹோதி. தேன, பி⁴க்க²வே, பி⁴க்கு²னா ஏகங் பி⁴க்கு²ங் உபஸங்கமித்வா
ஏகங்ஸங் உத்தராஸங்க³ங் கரித்வா உக்குடிகங் நிஸீதி³த்வா அஞ்ஜலிங்
பக்³க³ஹெத்வா ஏவமஸ்ஸ வசனீயோ – ‘‘அஹங், ஆவுஸோ, இத்த²ன்னாமாய ஆபத்தியா
வேமதிகோ; யதா³ நிப்³பே³மதிகோ ப⁴விஸ்ஸாமி, ததா³ தங் ஆபத்திங்
படிகரிஸ்ஸாமீ’’தி வத்வா உபோஸதோ² காதப்³போ³, பாதிமொக்க²ங் ஸோதப்³ப³ங், ந
த்வேவ தப்பச்சயா உபோஸத²ஸ்ஸ அந்தராயோ காதப்³போ³தி.
தேன கோ² பன ஸமயேன ச²ப்³ப³க்³கி³யா பி⁴க்கூ² ஸபா⁴க³ங்
ஆபத்திங் தே³ஸெந்தி. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, ஸபா⁴கா³
ஆபத்தி தே³ஸேதப்³பா³. யோ தே³ஸெய்ய, ஆபத்தி து³க்கடஸ்ஸாதி.
தேன கோ² பன ஸமயேன
ச²ப்³ப³க்³கி³யா பி⁴க்கூ² ஸபா⁴க³ங் ஆபத்திங் படிக்³க³ண்ஹந்தி. ப⁴க³வதோ
ஏதமத்த²ங் ஆரோசேஸுங். ந, பி⁴க்க²வே, ஸபா⁴கா³ ஆபத்தி படிக்³க³ஹேதப்³பா³. யோ
படிக்³க³ண்ஹெய்ய, ஆபத்தி து³க்கடஸ்ஸாதி.
93. ஆபத்திஆவிகரணவிதி⁴
170.
தேன கோ² பன ஸமயேன அஞ்ஞதரோ பி⁴க்கு² பாதிமொக்கே² உத்³தி³ஸ்ஸமானே ஆபத்திங்
ஸரதி. அத² கோ² தஸ்ஸ பி⁴க்கு²னோ ஏதத³ஹோஸி – ‘‘ப⁴க³வதா பஞ்ஞத்தங் ‘ந
ஸாபத்திகேன உபோஸதோ² காதப்³போ³’தி. அஹஞ்சம்ஹி ஆபத்திங் ஆபன்னோ. கத²ங் நு கோ²
மயா படிபஜ்ஜிதப்³ப³’’ந்தி? ப⁴க³வதோ ஏதமத்த²ங் ஆரோசேஸுங்.
இத⁴ பன, பி⁴க்க²வே, பி⁴க்கு² பாதிமொக்கே² உத்³தி³ஸ்ஸமானே
ஆபத்திங் ஸரதி. தேன, பி⁴க்க²வே, பி⁴க்கு²னா ஸாமந்தோ பி⁴க்கு² ஏவமஸ்ஸ
வசனீயோ – ‘‘அஹங், ஆவுஸோ, இத்த²ன்னாமங் ஆபத்திங் ஆபன்னோ. இதோ வுட்ட²ஹித்வா
தங் ஆபத்திங் படிகரிஸ்ஸாமீ’’தி வத்வா உபோஸதோ² காதப்³போ³, பாதிமொக்க²ங்
ஸோதப்³ப³ங், ந த்வேவ தப்பச்சயா உபோஸத²ஸ்ஸ அந்தராயோ காதப்³போ³.
இத⁴ பன, பி⁴க்க²வே, பி⁴க்கு² பாதிமொக்கே²
உத்³தி³ஸ்ஸமானே ஆபத்தியா வேமதிகோ ஹோதி. தேன, பி⁴க்க²வே, பி⁴க்கு²னா ஸாமந்தோ
பி⁴க்கு² ஏவமஸ்ஸ வசனீயோ – ‘‘அஹங், ஆவுஸோ,
இத்த²ன்னாமாய ஆபத்தியா வேமதிகோ. யதா³ நிப்³பே³மதிகோ ப⁴விஸ்ஸாமி, ததா³ தங்
ஆபத்திங் படிகரிஸ்ஸாமீ’’தி வத்வா உபோஸதோ² காதப்³போ³, பாதிமொக்க²ங்
ஸோதப்³ப³ங்; ந த்வேவ தப்பச்சயா உபோஸத²ஸ்ஸ அந்தராயோ காதப்³போ³தி.
94. ஸபா⁴கா³பத்திபடிகம்மவிதி⁴
171.
தேன கோ² பன ஸமயேன அஞ்ஞதரஸ்மிங் ஆவாஸே தத³ஹுபோஸதே² ஸப்³போ³ ஸங்கோ⁴ ஸபா⁴க³ங்
ஆபத்திங் ஆபன்னோ ஹோதி. அத² கோ² தேஸங் பி⁴க்கூ²னங் ஏதத³ஹோஸி – ‘‘ப⁴க³வதா
பஞ்ஞத்தங் ‘ந ஸபா⁴கா³ ஆபத்தி தே³ஸேதப்³பா³, ந ஸபா⁴கா³ ஆபத்தி
படிக்³க³ஹேதப்³பா³’தி . அயஞ்ச ஸப்³போ³ ஸங்கோ⁴ ஸபா⁴க³ங் ஆபத்திங் ஆபன்னோ. கத²ங் நு கோ² அம்ஹேஹி படிபஜ்ஜிதப்³ப³’’ந்தி? ப⁴க³வதோ ஏதமத்த²ங் ஆரோசேஸுங்.
இத⁴ பன, பி⁴க்க²வே,
அஞ்ஞதரஸ்மிங் ஆவாஸே தத³ஹுபோஸதே² ஸப்³போ³ ஸங்கோ⁴ ஸபா⁴க³ங் ஆபத்திங் ஆபன்னோ
ஹோதி. தேஹி, பி⁴க்க²வே, பி⁴க்கூ²ஹி ஏகோ பி⁴க்கு² ஸாமந்தா ஆவாஸா ஸஜ்ஜுகங்
பாஹேதப்³போ³ – க³ச்சா²வுஸோ, தங் ஆபத்திங் படிகரித்வா
ஆக³ச்ச²; மயங் தே ஸந்திகே ஆபத்திங் படிகரிஸ்ஸாமாதி. ஏவஞ்சேதங் லபே⁴த²,
இச்சேதங் குஸலங். நோ சே லபே⁴த², ப்³யத்தேன பி⁴க்கு²னா படிப³லேன ஸங்கோ⁴
ஞாபேதப்³போ³ –
‘‘ஸுணாது மே, ப⁴ந்தே, ஸங்கோ⁴. அயங் ஸப்³போ³ ஸங்கோ⁴
ஸபா⁴க³ங் ஆபத்திங் ஆபன்னோ. யதா³ அஞ்ஞங் பி⁴க்கு²ங் ஸுத்³த⁴ங் அனாபத்திகங்
பஸ்ஸிஸ்ஸதி, ததா³ தஸ்ஸ ஸந்திகே தங் ஆபத்திங் படிகரிஸ்ஸதீ’’தி வத்வா உபோஸதோ²
காதப்³போ³, பாதிமொக்க²ங் உத்³தி³ஸிதப்³ப³ங், ந த்வேவ தப்பச்சயா உபோஸத²ஸ்ஸ
அந்தராயோ காதப்³போ³.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸப்³போ³ ஸங்கோ⁴ ஸபா⁴கா³ய ஆபத்தியா வேமதிகோ ஹோதி. ப்³யத்தேன பி⁴க்கு²னா
படிப³லேன ஸங்கோ⁴ ஞாபேதப்³போ³ –
‘‘ஸுணாது மே, ப⁴ந்தே, ஸங்கோ⁴. அயங் ஸப்³போ³ ஸங்கோ⁴
ஸபா⁴கா³ய ஆபத்தியா வேமதிகோ. யதா³ நிப்³பே³மதிகோ ப⁴விஸ்ஸதி, ததா³ தங்
ஆபத்திங் படிகரிஸ்ஸதீ’’தி வத்வா உபோஸதோ² காதப்³போ³, பாதிமொக்க²ங்
உத்³தி³ஸிதப்³ப³ங்; ந த்வேவ தப்பச்சயா உபோஸத²ஸ்ஸ அந்தராயோ காதப்³போ³.
இத⁴ பன, பி⁴க்க²வே,
அஞ்ஞதரஸ்மிங் ஆவாஸே வஸ்ஸூபக³தோ ஸங்கோ⁴ ஸபா⁴க³ங் ஆபத்திங் ஆபன்னோ ஹோதி.
தேஹி, பி⁴க்க²வே, பி⁴க்கூ²ஹி ஏகோ பி⁴க்கு² ஸாமந்தா ஆவாஸா ஸஜ்ஜுகங்
பாஹேதப்³போ³ – க³ச்சா²வுஸோ, தங் ஆபத்திங் படிகரித்வா ஆக³ச்ச²; மயங் தே
ஸந்திகே தங் ஆபத்திங் படிகரிஸ்ஸாமாதி. ஏவஞ்சேதங் லபே⁴த², இச்சேதங் குஸலங்.
நோ சே லபே⁴த², ஏகோ பி⁴க்கு² ஸத்தாஹகாலிகங் பாஹேதப்³போ³ – க³ச்சா²வுஸோ, தங்
ஆபத்திங் படிகரித்வா ஆக³ச்ச²; மயங் தே ஸந்திகே தங் ஆபத்திங் படிகரிஸ்ஸாமாதி.
தேன கோ² பன ஸமயேன அஞ்ஞதரஸ்மிங் ஆவாஸே ஸப்³போ³ ஸங்கோ⁴
ஸபா⁴க³ங் ஆபத்திங் ஆபன்னோ ஹோதி. ஸோ ந ஜானாதி தஸ்ஸா ஆபத்தியா நாமகொ³த்தங்.
தத்த² அஞ்ஞோ பி⁴க்கு² ஆக³ச்ச²தி ப³ஹுஸ்ஸுதோ ஆக³தாக³மோ த⁴ம்மத⁴ரோ வினயத⁴ரோ
மாதிகாத⁴ரோ பண்டி³தோ ப்³யத்தோ மேதா⁴வீ லஜ்ஜீ குக்குச்சகோ ஸிக்கா²காமோ.
தமேனங் அஞ்ஞதரோ பி⁴க்கு² யேன ஸோ பி⁴க்கு² தேனுபஸங்கமி, உபஸங்கமித்வா தங்
பி⁴க்கு²ங் ஏதத³வோச – ‘‘யோ நு கோ², ஆவுஸோ, ஏவஞ்சேவஞ்ச கரோதி, கிங் நாம
ஸோ ஆபத்திங் ஆபஜ்ஜதீ’’தி? ஸோ ஏவமாஹ – ‘‘யோ கோ², ஆவுஸோ, ஏவஞ்சேவஞ்ச கரோதி,
இமங் நாம ஸோ ஆபத்திங் ஆபஜ்ஜதி. இமங் நாம த்வங், ஆவுஸோ, ஆபத்திங் ஆபன்னோ;
படிகரோஹி தங் ஆபத்தி’’ந்தி. ஸோ ஏவமாஹ – ‘‘ந கோ² அஹங், ஆவுஸோ, ஏகோவ இமங்
ஆபத்திங் ஆபன்னோ; அயங் ஸப்³போ³ ஸங்கோ⁴ இமங்
ஆபத்திங் ஆபன்னோ’’தி. ஸோ ஏவமாஹ – ‘‘கிங் தே, ஆவுஸோ, கரிஸ்ஸதி பரோ ஆபன்னோ வா
அனாபன்னோ வா. இங்க⁴, த்வங், ஆவுஸோ, ஸகாய ஆபத்தியா வுட்டா²ஹீ’’தி. அத² கோ²
ஸோ பி⁴க்கு² தஸ்ஸ பி⁴க்கு²னோ வசனேன தங் ஆபத்திங் படிகரித்வா யேன தே
பி⁴க்கூ² தேனுபஸங்கமி, உபஸங்கமித்வா தே பி⁴க்கூ² ஏதத³வோச – ‘‘யோ கிர,
ஆவுஸோ, ஏவஞ்சேவஞ்ச கரோதி, இமங் நாம ஸோ ஆபத்திங் ஆபஜ்ஜதி. இமங் நாம தும்ஹே,
ஆவுஸோ, ஆபத்திங் ஆபன்னா; படிகரோத² தங் ஆபத்தி’’ந்தி. அத² கோ² தே பி⁴க்கூ² ந
இச்சி²ங்ஸு தஸ்ஸ பி⁴க்கு²னோ வசனேன தங் ஆபத்திங் படிகாதுங். ப⁴க³வதோ ஏதமத்த²ங் ஆரோசேஸுங்.
இத⁴ பன, பி⁴க்க²வே, அஞ்ஞதரஸ்மிங் ஆவாஸே ஸப்³போ³ ஸங்கோ⁴
ஸபா⁴க³ங் ஆபத்திங் ஆபன்னோ ஹோதி. ஸோ ந ஜானாதி தஸ்ஸா ஆபத்தியா நாமகொ³த்தங்.
தத்த² அஞ்ஞோ பி⁴க்கு² ஆக³ச்ச²தி ப³ஹுஸ்ஸுதோ ஆக³தாக³மோ த⁴ம்மத⁴ரோ
வினயத⁴ரோ மாதிகாத⁴ரோ பண்டி³தோ ப்³யத்தோ மேதா⁴வீ லஜ்ஜீ குக்குச்சகோ
ஸிக்கா²காமோ. தமேனங் அஞ்ஞதரோ பி⁴க்கு² யேன ஸோ பி⁴க்கு² தேனுபஸங்கமி,
உபஸங்கமித்வா தங் பி⁴க்கு²ங் ஏவங் வதே³தி – ‘‘யோ நு கோ², ஆவுஸோ, ஏவஞ்சேவஞ்ச
கரோதி, கிங் நாம ஸோ ஆபத்திங் ஆபஜ்ஜதீ’’தி? ஸோ ஏவங் வதே³தி – ‘‘யோ கோ²,
ஆவுஸோ, ஏவஞ்சேவஞ்ச கரோதி, இமங் நாம ஸோ ஆபத்திங் ஆபஜ்ஜதி. இமங் நாம த்வங்,
ஆவுஸோ, ஆபத்திங் ஆபன்னோ; படிகரோஹி தங் ஆபத்தி’’ந்தி. ஸோ ஏவங் வதே³தி – ‘‘ந
கோ² அஹங், ஆவுஸோ, ஏகோவ இமங் ஆபத்திங் ஆபன்னோ. அயங் ஸப்³போ³ ஸங்கோ⁴ இமங்
ஆபத்திங் ஆபன்னோ’’தி. ஸோ ஏவங் வதே³தி – ‘‘கிங் தே, ஆவுஸோ, கரிஸ்ஸதி பரோ
ஆபன்னோ வா அனாபன்னோ வா. இங்க⁴, த்வங், ஆவுஸோ, ஸகாய ஆபத்தியா வுட்டா²ஹீ’’தி.
ஸோ சே, பி⁴க்க²வே, பி⁴க்கு² தஸ்ஸ பி⁴க்கு²னோ வசனேன தங் ஆபத்திங்
படிகரித்வா யேன தே பி⁴க்கூ² தேனுபஸங்கமி, உபஸங்கமித்வா தே பி⁴க்கூ² ஏவங்
வதே³தி – ‘‘யோ கிர, ஆவுஸோ, ஏவஞ்சேவஞ்ச கரோதி இமங் நாம ஸோ ஆபத்திங் ஆபஜ்ஜதி,
இமங் நாம தும்ஹே ஆவுஸோ ஆபத்திங் ஆபன்னா, படிகரோத² தங் ஆபத்தி’’ந்தி. தே
சே, பி⁴க்க²வே, பி⁴க்கூ² தஸ்ஸ பி⁴க்கு²னோ வசனேன தங் ஆபத்திங் படிகரெய்யுங், இச்சேதங் குஸலங். நோ சே படிகரெய்யுங், ந தே, பி⁴க்க²வே, பி⁴க்கூ² தேன பி⁴க்கு²னா அகாமா வசனீயாதி.
சோத³னாவத்து²பா⁴ணவாரோ நிட்டி²தோ து³தியோ.
95. அனாபத்திபன்னரஸகங்
172. தேன
கோ² பன ஸமயேன அஞ்ஞதரஸ்மிங் ஆவாஸே தத³ஹுபோஸதே² ஸம்ப³ஹுலா ஆவாஸிகா பி⁴க்கூ²
ஸன்னிபதிங்ஸு சத்தாரோ வா அதிரேகா வா. தே ந ஜானிங்ஸு ‘‘அத்த²ஞ்ஞே ஆவாஸிகா
பி⁴க்கூ² அனாக³தா’’தி . தே த⁴ம்மஸஞ்ஞினோ வினயஸஞ்ஞினோ
வக்³கா³ ஸமக்³க³ஸஞ்ஞினோ உபோஸத²ங் அகங்ஸு, பாதிமொக்க²ங் உத்³தி³ஸிங்ஸு.
தேஹி உத்³தி³ஸ்ஸமானே பாதிமொக்கே², அத²ஞ்ஞே ஆவாஸிகா பி⁴க்கூ² ஆக³ச்சி²ங்ஸு
ப³ஹுதரா. ப⁴க³வதோ ஏதமத்த²ங் ஆரோசேஸுங்.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ந
ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி.
தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ உபோஸத²ங் கரொந்தி,
பாதிமொக்க²ங் உத்³தி³ஸந்தி. தேஹி உத்³தி³ஸ்ஸமானே பாதிமொக்கே², அத²ஞ்ஞே
ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன
பாதிமொக்க²ங் உத்³தி³ஸிதப்³ப³ங். உத்³தே³ஸகானங் அனாபத்தி.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ந
ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ
வினயஸஞ்ஞினோ வக்³கா³ ஸமக்³க³ஸஞ்ஞினோ உபோஸத²ங்
கரொந்தி, பாதிமொக்க²ங் உத்³தி³ஸந்தி. தேஹி உத்³தி³ஸ்ஸமானே பாதிமொக்கே²,
அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா. உத்³தி³ட்ட²ங்
ஸுஉத்³தி³ட்ட²ங், அவஸேஸங் ஸோதப்³ப³ங். உத்³தே³ஸகானங் அனாபத்தி.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ந
ஜானந்தி அத்த²ஞ்ஞே ஆவாஸிகா பி⁴க்கூ² அனாக³தாதி, தே த⁴ம்மஸஞ்ஞினோ
வினயஸஞ்ஞினோ வக்³கா³ ஸமக்³க³ஸஞ்ஞினோ உபோஸத²ங் கரொந்தி பாதிமொக்க²ங்
உத்³தி³ஸந்தி. தேஹி உத்³தி³ஸ்ஸமானே பாதிமொக்கே², அத²ஞ்ஞே ஆவாஸிகா பி⁴க்கூ²
ஆக³ச்ச²ந்தி தோ²கதரா. உத்³தி³ட்ட²ங் ஸுஉத்³தி³ட்ட²ங், அவஸேஸங் ஸோதப்³ப³ங்.
உத்³தே³ஸகானங் அனாபத்தி.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ந
ஜானந்தி அத்த²ஞ்ஞே ஆவாஸிகா பி⁴க்கூ² அனாக³தாதி, தே த⁴ம்மஸஞ்ஞினோ
வினயஸஞ்ஞினோ வக்³கா³ ஸமக்³க³ஸஞ்ஞினோ உபோஸத²ங் கரொந்தி பாதிமொக்க²ங்
உத்³தி³ஸந்தி. தேஹி உத்³தி³ட்ட²மத்தே பாதிமொக்கே², அத²ஞ்ஞே ஆவாஸிகா
பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன
பாதிமொக்க²ங் உத்³தி³ஸிதப்³ப³ங். உத்³தே³ஸகானங் அனாபத்தி.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ந
ஜானந்தி அத்த²ஞ்ஞே ஆவாஸிகா பி⁴க்கூ² அனாக³தாதி, தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ உபோஸத²ங் கரொந்தி பாதிமொக்க²ங் உத்³தி³ஸந்தி. தேஹி
உத்³தி³ட்ட²மத்தே பாதிமொக்கே², அத²ஞ்ஞே ஆவாஸிகா பி⁴க்கூ² ஆக³ச்ச²ந்தி
ஸமஸமா. உத்³தி³ட்ட²ங் ஸுஉத்³தி³ட்ட²ங், தேஸங் ஸந்திகே பாரிஸுத்³தி⁴
ஆரோசேதப்³பா³. உத்³தே³ஸகானங் அனாபத்தி.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ந
ஜானந்தி அத்த²ஞ்ஞே ஆவாஸிகா பி⁴க்கூ² அனாக³தாதி, தே த⁴ம்மஸஞ்ஞினோ
வினயஸஞ்ஞினோ வக்³கா³ ஸமக்³க³ஸஞ்ஞினோ உபோஸத²ங் கரொந்தி பாதிமொக்க²ங்
உத்³தி³ஸந்தி. தேஹி உத்³தி³ட்ட²மத்தே பாதிமொக்கே², அத²ஞ்ஞே ஆவாஸிகா
பி⁴க்கூ² ஆக³ச்ச²ந்தி தோ²கதரா. உத்³தி³ட்ட²ங் ஸுஉத்³தி³ட்ட²ங், தேஸங்
ஸந்திகே பாரிஸுத்³தி⁴ ஆரோசேதப்³பா³. உத்³தே³ஸகானங் அனாபத்தி.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ந
ஜானந்தி அத்த²ஞ்ஞே ஆவாஸிகா பி⁴க்கூ² அனாக³தாதி, தே த⁴ம்மஸஞ்ஞினோ
வினயஸஞ்ஞினோ வக்³கா³ ஸமக்³க³ஸஞ்ஞினோ உபோஸத²ங் கரொந்தி பாதிமொக்க²ங்
உத்³தி³ஸந்தி. தேஹி உத்³தி³ட்ட²மத்தே பாதிமொக்கே², அவுட்டி²தாய
பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே,
பி⁴க்கூ²ஹி புன பாதிமொக்க²ங் உத்³தி³ஸிதப்³ப³ங். உத்³தே³ஸகானங் அனாபத்தி.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே² ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா .
தே ந ஜானந்தி அத்த²ஞ்ஞே ஆவாஸிகா பி⁴க்கூ² அனாக³தாதி, தே த⁴ம்மஸஞ்ஞினோ
வினயஸஞ்ஞினோ வக்³கா³ ஸமக்³க³ஸஞ்ஞினோ உபோஸத²ங் கரொந்தி பாதிமொக்க²ங்
உத்³தி³ஸந்தி. தேஹி உத்³தி³ட்ட²மத்தே பாதிமொக்கே², அவுட்டி²தாய பரிஸாய,
அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா. உத்³தி³ட்ட²ங் ஸுஉத்³தி³ட்ட²ங், தேஸங் ஸந்திகே பாரிஸுத்³தி⁴ ஆரோசேதப்³பா³. உத்³தே³ஸகானங் அனாபத்தி.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ந
ஜானந்தி அத்த²ஞ்ஞே ஆவாஸிகா பி⁴க்கூ² அனாக³தாதி, தே த⁴ம்மஸஞ்ஞினோ
வினயஸஞ்ஞினோ வக்³கா³ ஸமக்³கா³ஸஞ்ஞினோ உபோஸத²ங் கரொந்தி பாதிமொக்க²ங்
உத்³தி³ஸந்தி. தேஹி உத்³தி³ட்ட²மத்தே பாதிமொக்கே², அவுட்டி²தாய பரிஸாய,
அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. உத்³தி³ட்ட²ங்
ஸுஉத்³தி³ட்ட²ங், தேஸங் ஸந்திகே பாரிஸுத்³தி⁴ ஆரோசேதப்³பா³. உத்³தே³ஸகானங்
அனாபத்தி.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ந
ஜானந்தி அத்த²ஞ்ஞே ஆவாஸிகா பி⁴க்கூ² அனாக³தாதி, தே த⁴ம்மஸஞ்ஞினோ
வினயஸஞ்ஞினோ வக்³கா³ ஸமக்³க³ஸஞ்ஞினோ உபோஸத²ங் கரொந்தி பாதிமொக்க²ங்
உத்³தி³ஸந்தி. தேஹி உத்³தி³ட்ட²மத்தே பாதிமொக்கே², ஏகச்சாய வுட்டி²தாய
பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன பாதிமொக்க²ங் உத்³தி³ஸிதப்³ப³ங். உத்³தே³ஸகானங் அனாபத்தி.
இத⁴ பன, பி⁴க்க²வே,
அஞ்ஞதரஸ்மிங் ஆவாஸே தத³ஹுபோஸதே² ஸம்ப³ஹுலா ஆவாஸிகா பி⁴க்கூ² ஸன்னிபதந்தி
சத்தாரோ வா அதிரேகா வா. தே ந ஜானந்தி அத்த²ஞ்ஞே ஆவாஸிகா பி⁴க்கூ²
அனாக³தாதி, தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ உபோஸத²ங்
கரொந்தி பாதிமொக்க²ங் உத்³தி³ஸந்தி. தேஹி உத்³தி³ட்ட²மத்தே பாதிமொக்கே²,
ஏகச்சாய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா.
உத்³தி³ட்ட²ங் ஸுஉத்³தி³ட்ட²ங், தேஸங் ஸந்திகே பாரிஸுத்³தி⁴ ஆரோசேதப்³பா³.
உத்³தே³ஸகானங் அனாபத்தி.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ந
ஜானந்தி அத்த²ஞ்ஞே ஆவாஸிகா பி⁴க்கூ² அனாக³தாதி, தே த⁴ம்மஸஞ்ஞினோ
வினயஸஞ்ஞினோ வக்³கா³ ஸமக்³க³ஸஞ்ஞினோ உபோஸத²ங் கரொந்தி பாதிமொக்க²ங்
உத்³தி³ஸந்தி. தேஹி உத்³தி³ட்ட²மத்தே பாதிமொக்கே², ஏகச்சாய வுட்டி²தாய
பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. உத்³தி³ட்ட²ங்
ஸுஉத்³தி³ட்ட²ங், தேஸங் ஸந்திகே பாரிஸுத்³தி⁴ ஆரோசேதப்³பா³. உத்³தே³ஸகானங்
அனாபத்தி.
இத⁴ பன, பி⁴க்க²வே,
அஞ்ஞதரஸ்மிங் ஆவாஸே தத³ஹுபோஸதே² ஸம்ப³ஹுலா ஆவாஸிகா பி⁴க்கூ² ஸன்னிபதந்தி
சத்தாரோ வா அதிரேகா வா. தே ந ஜானந்தி அத்த²ஞ்ஞே ஆவாஸிகா பி⁴க்கூ²
அனாக³தாதி, தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ உபோஸத²ங்
கரொந்தி பாதிமொக்க²ங் உத்³தி³ஸந்தி. தேஹி உத்³தி³ட்ட²மத்தே பாதிமொக்கே²,
ஸப்³பா³ய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி
ப³ஹுதரா. தேஹி, பி⁴க்க²வே, பி⁴க்கூ²ஹி புன பாதிமொக்க²ங் உத்³தி³ஸிதப்³ப³ங்.
உத்³தே³ஸகானங் அனாபத்தி.
இத⁴ பன, பி⁴க்க²வே,
அஞ்ஞதரஸ்மிங் ஆவாஸே தத³ஹுபோஸதே² ஸம்ப³ஹுலா ஆவாஸிகா பி⁴க்கூ² ஸன்னிபதந்தி
சத்தாரோ வா அதிரேகா வா. தே ந ஜானந்தி அத்த²ஞ்ஞே ஆவாஸிகா பி⁴க்கூ²
அனாக³தாதி, தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ உபோஸத²ங்
கரொந்தி பாதிமொக்க²ங் உத்³தி³ஸந்தி. தேஹி உத்³தி³ட்ட²மத்தே பாதிமொக்கே²,
ஸப்³பா³ய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா.
உத்³தி³ட்ட²ங் ஸுஉத்³தி³ட்ட²ங், தேஸங் ஸந்திகே பாரிஸுத்³தி⁴ ஆரோசேதப்³பா³.
உத்³தே³ஸகானங் அனாபத்தி.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ந
ஜானந்தி அத்த²ஞ்ஞே ஆவாஸிகா பி⁴க்கூ² அனாக³தாதி, தே த⁴ம்மஸஞ்ஞினோ
வினயஸஞ்ஞினோ வக்³கா³ ஸமக்³க³ஸஞ்ஞினோ உபோஸத²ங் கரொந்தி பாதிமொக்க²ங்
உத்³தி³ஸந்தி. தேஹி உத்³தி³ட்ட²மத்தே பாதிமொக்கே², ஸப்³பா³ய வுட்டி²தாய
பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. உத்³தி³ட்ட²ங்
ஸுஉத்³தி³ட்ட²ங், தேஸங் ஸந்திகே பாரிஸுத்³தி⁴ ஆரோசேதப்³பா³. உத்³தே³ஸகானங்
அனாபத்தி.
அனாபத்திபன்னரஸகங் நிட்டி²தங்.
96. வக்³கா³வக்³க³ஸஞ்ஞீபன்னரஸகங்
173.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே² ஸம்ப³ஹுலா ஆவாஸிகா
பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி ‘‘அத்த²ஞ்ஞே
ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³
வக்³க³ஸஞ்ஞினோ உபோஸத²ங் கரொந்தி , பாதிமொக்க²ங் உத்³தி³ஸந்தி. தேஹி உத்³தி³ஸ்ஸமானே பாதிமொக்கே², அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன பாதிமொக்க²ங் உத்³தி³ஸிதப்³ப³ங். உத்³தே³ஸகானங் ஆபத்தி து³க்கடஸ்ஸ.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி
அத்த²ஞ்ஞே ஆவாஸிகா பி⁴க்கூ² அனாக³தாதி, தே த⁴ம்மஸஞ்ஞினோ வினயஸஞ்ஞினோ
வக்³கா³ ஸமக்³க³ஸஞ்ஞினோ உபோஸத²ங் கரொந்தி பாதிமொக்க²ங் உத்³தி³ஸந்தி. தேஹி
உத்³தி³ஸ்ஸமானே பாதிமொக்கே², அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா . உத்³தி³ட்ட²ங் ஸுஉத்³தி³ட்ட²ங், அவஸேஸங் ஸோதப்³ப³ங். உத்³தே³ஸகானங் ஆபத்தி து³க்கடஸ்ஸ.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி
அத்த²ஞ்ஞே ஆவாஸிகா பி⁴க்கூ² அனாக³தாதி தே த⁴ம்மஸஞ்ஞினோ வினயஸஞ்ஞினோ
வக்³கா³ வக்³க³ஸஞ்ஞினோ உபோஸத²ங் கரொந்தி பாதிமொக்க²ங் உத்³தி³ஸந்தி. தேஹி
உத்³தி³ஸ்ஸமானே பாதிமொக்கே², அத²ஞ்ஞே ஆவாஸிகா பி⁴க்கூ² ஆக³ச்ச²ந்தி
தோ²கதரா. உத்³தி³ட்ட²ங் ஸுஉத்³தி³ட்ட²ங், அவஸேஸங் ஸோதப்³ப³ங்.
உத்³தே³ஸகானங் ஆபத்தி து³க்கடஸ்ஸ.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ
வக்³கா³ வக்³க³ஸஞ்ஞினோ உபோஸத²ங் கரொந்தி, பாதிமொக்க²ங் உத்³தி³ஸந்தி. தேஹி
உத்³தி³ட்ட²மத்தே பாதிமொக்கே²…பே॰… அவுட்டி²தாய பரிஸாய…பே॰… ஏகச்சாய வுட்டி²தாய பரிஸாய…பே॰… ஸப்³பா³ய வுட்டி²தாய
பரிஸாய அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா…பே॰… ஸமஸமா…பே॰…
தோ²கதரா. உத்³தி³ட்ட²ங் ஸுஉத்³தி³ட்ட²ங், தேஸங் ஸந்திகே பாரிஸுத்³தி⁴
ஆரோசேதப்³பா³. உத்³தே³ஸகானங் ஆபத்தி து³க்கடஸ்ஸ.
வக்³கா³வக்³க³ஸஞ்ஞிபன்னரஸகங் நிட்டி²தங்.
97. வேமதிகபன்னரஸகங்
174.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே² ஸம்ப³ஹுலா ஆவாஸிகா
பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி ‘‘அத்த²ஞ்ஞே
ஆவாஸிகா பி⁴க்கூ² அனாக³தா’’தி. தே, கப்பதி நு கோ² அம்ஹாகங் உபோஸதோ² காதுங் ந
நு கோ² கப்பதீதி, வேமதிகா உபோஸத²ங் கரொந்தி,
பாதிமொக்க²ங் உத்³தி³ஸந்தி. தேஹி உத்³தி³ஸ்ஸமானே பாதிமொக்கே², அத²ஞ்ஞே
ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன
பாதிமொக்க²ங் உத்³தி³ஸிதப்³ப³ங். உத்³தே³ஸகானங் ஆபத்தி து³க்கடஸ்ஸ.
இத⁴ பன, பி⁴க்க²வே,
அஞ்ஞதரஸ்மிங் ஆவாஸே தத³ஹுபோஸதே² ஸம்ப³ஹுலா ஆவாஸிகா பி⁴க்கூ² ஸன்னிபதந்தி
சத்தாரோ வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ²
அனாக³தா’’தி, தே ‘‘கப்பதி நு கோ² அம்ஹாகங் உபோஸதோ² காதுங், ந நு கோ²
கப்பதீ’’தி, வேமதிகா உபோஸத²ங் கரொந்தி, பாதிமொக்க²ங் உத்³தி³ஸந்தி. தேஹி
உத்³தி³ஸ்ஸமானே பாதிமொக்கே², அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா.
உத்³தி³ட்ட²ங் ஸுஉத்³தி³ட்ட²ங், அவஸேஸங் ஸோதப்³ப³ங். உத்³தே³ஸகானங் ஆபத்தி
து³க்கடஸ்ஸ.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி
அத்த²ஞ்ஞே ஆவாஸிகா பி⁴க்கூ² அனாக³தாதி, தே கப்பதி
நு கோ² அம்ஹாகங் உபோஸதோ² காதுங், ந நு கோ² கப்பதீதி, வேமதிகா உபோஸத²ங்
கரொந்தி, பாதிமொக்க²ங் உத்³தி³ஸந்தி. தேஹி உத்³தி³ஸ்ஸமானே பாதிமொக்கே²
அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. உத்³தி³ட்ட²ங்
ஸுஉத்³தி³ட்ட²ங், அவஸேஸங் ஸோதப்³ப³ங். உத்³தே³ஸகானங் ஆபத்தி து³க்கடஸ்ஸ.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே, ‘‘கப்பதி நு கோ² அம்ஹாகங்
உபோஸதோ² காதுங் ந நு கோ² கப்பதீ’’தி, வேமதிகா உபோஸத²ங் கரொந்தி,
பாதிமொக்க²ங் உத்³தி³ஸந்தி. தேஹி உத்³தி³ட்ட²மத்தே பாதிமொக்கே²,…பே॰…
அவுட்டி²தாய பரிஸாய…பே॰… ஏகச்சாய வுட்டி²தாய பரிஸாய…பே॰… ஸப்³பா³ய
வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா…பே॰…
ஸமஸமா…பே॰… தோ²கதரா. உத்³தி³ட்ட²ங் ஸுஉத்³தி³ட்ட²ங், தேஸங் ஸந்திகே
பாரிஸுத்³தி⁴ ஆரோசேதப்³பா³. உத்³தே³ஸகானங் ஆபத்தி து³க்கடஸ்ஸ.
வேமதிகபன்னரஸகங் நிட்டி²தங்.
98. குக்குச்சபகதபன்னரஸகங்
175. இத⁴
பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே² ஸம்ப³ஹுலா ஆவாஸிகா
பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி ‘‘அத்த²ஞ்ஞே
ஆவாஸிகா பி⁴க்கூ² அனாக³தா’’தி. தே ‘‘கப்பதேவ அம்ஹாகங்
உபோஸதோ² காதுங் நாம்ஹாகங் ந கப்பதீ’’தி, குக்குச்சபகதா உபோஸத²ங் கரொந்தி,
பாதிமொக்க²ங் உத்³தி³ஸந்தி. தேஹி உத்³தி³ஸ்ஸமானே பாதிமொக்கே², அத²ஞ்ஞே
ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன
பாதிமொக்க²ங் உத்³தி³ஸிதப்³ப³ங். உத்³தே³ஸகானங் ஆபத்தி து³க்கடஸ்ஸ.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘கப்பதேவ அம்ஹாகங் உபோஸதோ²
காதுங் நாம்ஹாகங் ந கப்பதீ’’தி, குக்குச்சபகதா உபோஸத²ங் கரொந்தி,
பாதிமொக்க²ங் உத்³தி³ஸந்தி. தேஹி உத்³தி³ஸ்ஸமானே பாதிமொக்கே², அத²ஞ்ஞே
ஆவாஸிகா பி⁴க்கூ² ஆக³ச்ச²ந்தி ஸமஸமா. உத்³தி³ட்ட²ங் ஸுஉத்³தி³ட்ட²ங்,
அவஸேஸங் ஸோதப்³ப³ங். உத்³தே³ஸகானங் ஆபத்தி து³க்கடஸ்ஸ.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘கப்பதேவ அம்ஹாகங் உபோஸதோ²
காதுங், நாம்ஹாகங் ந கப்பதீ’’தி, குக்குச்சபகதா உபோஸத²ங் கரொந்தி,
பாதிமொக்க²ங் உத்³தி³ஸந்தி. தேஹி உத்³தி³ஸ்ஸமானே பாதிமொக்கே², அத²ஞ்ஞே
ஆவாஸிகா பி⁴க்கூ² ஆக³ச்ச²ந்தி தோ²கதரா. உத்³தி³ட்ட²ங் ஸுஉத்³தி³ட்ட²ங்,
அவஸேஸங் ஸோதப்³ப³ங். உத்³தே³ஸகானங் ஆபத்தி து³க்கடஸ்ஸ.
இத⁴ பன, பி⁴க்க²வே ,
அஞ்ஞதரஸ்மிங் ஆவாஸே தத³ஹுபோஸதே² ஸம்ப³ஹுலா ஆவாஸிகா பி⁴க்கூ² ஸன்னிபதந்தி
சத்தாரோ வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ²
அனாக³தா’’தி. தே ‘‘கப்பதேவ அம்ஹாகங் உபோஸதோ² காதுங் நாம்ஹாகங் ந
கப்பதீ’’தி, குக்குச்சபகதா உபோஸத²ங் கரொந்தி, பாதிமொக்க²ங் உத்³தி³ஸந்தி.
தேஹி உத்³தி³ட்ட²மத்தே பாதிமொக்கே²,…பே॰… அவுட்டி²தாய பரிஸாய…பே॰… ஏகச்சாய
வுட்டி²தாய பரிஸாய…பே॰… ஸப்³பா³ய வுட்டி²தாய பரிஸாய, அத²ஞ்ஞே ஆவாஸிகா
பி⁴க்கூ² ஆக³ச்ச²ந்தி ப³ஹுதரா…பே॰… ஸமஸமா …பே॰… தோ²கதரா. உத்³தி³ட்ட²ங் ஸுஉத்³தி³ட்ட²ங், தேஸங் ஸந்திகே பாரிஸுத்³தி⁴ ஆரோசேதப்³பா³. உத்³தே³ஸகானங் ஆபத்தி து³க்கடஸ்ஸ.
குக்குச்சபகதபன்னரஸகங் நிட்டி²தங்.
99. பே⁴த³புரெக்கா²ரபன்னரஸகங்
176. இத⁴
பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே² ஸம்ப³ஹுலா ஆவாஸிகா
பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி ‘‘அத்த²ஞ்ஞே
ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே, கோ தேஹி
அத்தோ²’’தி – பே⁴த³புரெக்கா²ரா உபோஸத²ங் கரொந்தி, பாதிமொக்க²ங்
உத்³தி³ஸந்தி. தேஹி உத்³தி³ஸ்ஸமானே பாதிமொக்கே², அத²ஞ்ஞே ஆவாஸிகா பி⁴க்கூ²
ஆக³ச்ச²ந்தி ப³ஹுதரா. தேஹி , பி⁴க்க²வே, பி⁴க்கூ²ஹி புன பாதிமொக்க²ங் உத்³தி³ஸிதப்³ப³ங். உத்³தே³ஸகானங் ஆபத்தி து²ல்லச்சயஸ்ஸ .
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே,
வினஸ்ஸந்தேதே, கோ தேஹி அத்தோ²’’தி – பே⁴த³புரெக்கா²ரா உபோஸத²ங் கரொந்தி,
பாதிமொக்க²ங் உத்³தி³ஸந்தி. தேஹி உத்³தி³ஸ்ஸமானே பாதிமொக்கே², அத²ஞ்ஞே
ஆவாஸிகா பி⁴க்கூ² ஆக³ச்ச²ந்தி ஸமஸமா. உத்³தி³ட்ட²ங் ஸுஉத்³தி³ட்ட²ங்,
அவஸேஸங் ஸோதப்³ப³ங். உத்³தே³ஸகானங் ஆபத்தி து²ல்லச்சயஸ்ஸ.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே,
வினஸ்ஸந்தேதே, கோ தேஹி அத்தோ²’’தி – பே⁴த³புரெக்கா²ரா உபோஸத²ங் கரொந்தி,
பாதிமொக்க²ங் உத்³தி³ஸந்தி. தேஹி உத்³தி³ஸ்ஸமானே பாதிமொக்கே², அத²ஞ்ஞே
ஆவாஸிகா பி⁴க்கூ² ஆக³ச்ச²ந்தி தோ²கதரா. உத்³தி³ட்ட²ங் ஸுஉத்³தி³ட்ட²ங்,
அவஸேஸங் ஸோதப்³ப³ங். உத்³தே³ஸகானங் ஆபத்தி து²ல்லச்சயஸ்ஸ.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி . தே
‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி – பே⁴த³புரெக்கா²ரா
உபோஸத²ங் கரொந்தி, பாதிமொக்க²ங் உத்³தி³ஸந்தி. தேஹி உத்³தி³ட்ட²மத்தே
பாதிமொக்கே² அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி,
பி⁴க்க²வே, பி⁴க்கூ²ஹி புன பாதிமொக்க²ங் உத்³தி³ஸிதப்³ப³ங். உத்³தே³ஸகானங்
ஆபத்தி து²ல்லச்சயஸ்ஸ.
இத⁴ பன, பி⁴க்க²வே,
அஞ்ஞதரஸ்மிங் ஆவாஸே தத³ஹுபோஸதே² ஸம்ப³ஹுலா ஆவாஸிகா பி⁴க்கூ² ஸன்னிபதந்தி
சத்தாரோ வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ²
அனாக³தா’’தி தே ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி
பே⁴த³புரெக்கா²ரா உபோஸத²ங் கரொந்தி, பாதிமொக்க²ங் உத்³தி³ஸந்தி. தேஹி
உத்³தி³ட்ட²மத்தே பாதிமொக்கே² அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா.
உத்³தி³ட்ட²ங் ஸுஉத்³தி³ட்ட²ங், தேஸங் ஸந்திகே பாரிஸுத்³தி⁴ ஆரோசேதப்³பா³.
உத்³தே³ஸகானங் ஆபத்தி து²ல்லச்சயஸ்ஸ.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே,
வினஸ்ஸந்தேதே, கோ தேஹி அத்தோ²’’தி – பே⁴த³புரெக்கா²ரா உபோஸத²ங் கரொந்தி,
பாதிமொக்க²ங் உத்³தி³ஸந்தி. தேஹி உத்³தி³ட்ட²மத்தே பாதிமொக்கே² அத²ஞ்ஞே
ஆவாஸிகா பி⁴க்கூ² ஆக³ச்ச²ந்தி தோ²கதரா. உத்³தி³ட்ட²ங் ஸுஉத்³தி³ட்ட²ங்,
தேஸங் ஸந்திகே பாரிஸுத்³தி⁴ ஆரோசேதப்³பா³. உத்³தே³ஸகானங் ஆபத்தி
து²ல்லச்சயஸ்ஸ.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே,
வினஸ்ஸந்தேதே, கோ தேஹி அத்தோ²’’தி – பே⁴த³புரெக்கா²ரா உபோஸத²ங் கரொந்தி,
பாதிமொக்க²ங் உத்³தி³ஸந்தி. தேஹி உத்³தி³ட்ட²மத்தே பாதிமொக்கே²,
அவுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி,
பி⁴க்க²வே, பி⁴க்கூ²ஹி புன பாதிமொக்க²ங் உத்³தி³ஸிதப்³ப³ங். உத்³தே³ஸகானங்
ஆபத்தி து²ல்லச்சயஸ்ஸ.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே,
வினஸ்ஸந்தேதே, கோ தேஹி அத்தோ²’’தி – பே⁴த³புரெக்கா²ரா உபோஸத²ங் கரொந்தி,
பாதிமொக்க²ங் உத்³தி³ஸந்தி. தேஹி உத்³தி³ட்ட²மத்தே பாதிமொக்கே²,
அவுட்டி²தாய பரிஸாய, அத²ஞ்ஞே ஆவாஸிகா பி⁴க்கூ²
ஆக³ச்ச²ந்தி ஸமஸமா. உத்³தி³ட்ட²ங் ஸுஉத்³தி³ட்ட²ங், தேஸங் ஸந்திகே
பாரிஸுத்³தி⁴ ஆரோசேதப்³பா³. உத்³தே³ஸகானங் ஆபத்தி து²ல்லச்சயஸ்ஸ.
இத⁴ பன, பி⁴க்க²வே,
அஞ்ஞதரஸ்மிங் ஆவாஸே தத³ஹுபோஸதே² ஸம்ப³ஹுலா ஆவாஸிகா பி⁴க்கூ² ஸன்னிபதந்தி
சத்தாரோ வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ²
அனாக³தா’’தி. தே ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி –
பே⁴த³புரெக்கா²ரா உபோஸத²ங் கரொந்தி, பாதிமொக்க²ங் உத்³தி³ஸந்தி. தேஹி
உத்³தி³ட்ட²மத்தே பாதிமொக்கே², அவுட்டி²தாய பரிஸாய, அத²ஞ்ஞே ஆவாஸிகா
பி⁴க்கூ² ஆக³ச்ச²ந்தி தோ²கதரா. உத்³தி³ட்ட²ங் ஸுஉத்³தி³ட்ட²ங், தேஸங்
ஸந்திகே பாரிஸுத்³தி⁴ ஆரோசேதப்³பா³. உத்³தே³ஸகானங் ஆபத்தி து²ல்லச்சயஸ்ஸ.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே,
வினஸ்ஸந்தேதே, கோ தேஹி அத்தோ²’’தி – பே⁴த³புரெக்கா²ரா உபோஸத²ங் கரொந்தி,
பாதிமொக்க²ங் உத்³தி³ஸந்தி. தேஹி உத்³தி³ட்ட²மத்தே பாதிமொக்கே², ஏகச்சாய
வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி,
பி⁴க்க²வே, பி⁴க்கூ²ஹி புன பாதிமொக்க²ங் உத்³தி³ஸிதப்³ப³ங். உத்³தே³ஸகானங்
ஆபத்தி து²ல்லச்சயஸ்ஸ.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே,
வினஸ்ஸந்தேதே, கோ தேஹி அத்தோ²’’தி – பே⁴த³புரெக்கா²ரா உபோஸத²ங் கரொந்தி,
பாதிமொக்க²ங் உத்³தி³ஸந்தி. தேஹி உத்³தி³ட்ட²மத்தே பாதிமொக்கே², ஏகச்சாய
வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா.
உத்³தி³ட்ட²ங் ஸுஉத்³தி³ட்ட²ங், தேஸங் ஸந்திகே பாரிஸுத்³தி⁴ ஆரோசேதப்³பா³.
உத்³தே³ஸகானங் ஆபத்தி து²ல்லச்சயஸ்ஸ.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே,
வினஸ்ஸந்தேதே, கோ தேஹி அத்தோ²’’தி – பே⁴த³புரெக்கா²ரா உபோஸத²ங் கரொந்தி,
பாதிமொக்க²ங் உத்³தி³ஸந்தி. தேஹி உத்³தி³ட்ட²மத்தே பாதிமொக்கே², ஏகச்சாய
வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா.
உத்³தி³ட்ட²ங் ஸுஉத்³தி³ட்ட²ங், தேஸங் ஸந்திகே பாரிஸுத்³தி⁴ ஆரோசேதப்³பா³. உத்³தே³ஸகானங் ஆபத்தி து²ல்லச்சயஸ்ஸ.
இத⁴ பன, பி⁴க்க²வே,
அஞ்ஞதரஸ்மிங் ஆவாஸே தத³ஹுபோஸதே² ஸம்ப³ஹுலா ஆவாஸிகா பி⁴க்கூ² ஸன்னிபதந்தி
சத்தாரோ வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ²
அனாக³தா’’தி. தே ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி –
பே⁴த³புரெக்கா²ரா உபோஸத²ங் கரொந்தி, பாதிமொக்க²ங் உத்³தி³ஸந்தி. தேஹி
உத்³தி³ட்ட²மத்தே பாதிமொக்கே², ஸப்³பா³ய வுட்டி²தாய பரிஸாய, அத²ஞ்ஞே
ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன
பாதிமொக்க²ங் உத்³தி³ஸிதப்³ப³ங். உத்³தே³ஸகானங் ஆபத்தி து²ல்லச்சயஸ்ஸ.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே,
வினஸ்ஸந்தேதே, கோ தேஹி அத்தோ²’’தி – பே⁴த³புரெக்கா²ரா உபோஸத²ங் கரொந்தி,
பாதிமொக்க²ங் உத்³தி³ஸந்தி. தேஹி உத்³தி³ட்ட²மத்தே பாதிமொக்கே², ஸப்³பா³ய
வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா.
உத்³தி³ட்ட²ங் ஸுஉத்³தி³ட்ட²ங், தேஸங் ஸந்திகே பாரிஸுத்³தி⁴ ஆரோசேதப்³பா³.
உத்³தே³ஸகானங் ஆபத்தி து²ல்லச்சயஸ்ஸ.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே²
ஸம்ப³ஹுலா ஆவாஸிகா பி⁴க்கூ² ஸன்னிபதந்தி சத்தாரோ வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே,
வினஸ்ஸந்தேதே, கோ தேஹி அத்தோ²’’தி – பே⁴த³புரெக்கா²ரா உபோஸத²ங் கரொந்தி,
பாதிமொக்க²ங் உத்³தி³ஸந்தி. தேஹி உத்³தி³ட்ட²மத்தே பாதிமொக்கே², ஸப்³பா³ய
வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா.
உத்³தி³ட்ட²ங் ஸுஉத்³தி³ட்ட²ங், தேஸங் ஸந்திகே பாரிஸுத்³தி⁴ ஆரோசேதப்³பா³.
உத்³தே³ஸகானங் ஆபத்தி து²ல்லச்சயஸ்ஸ.
பே⁴த³புரெக்கா²ரபன்னரஸகங் நிட்டி²தங்.
பஞ்சவீஸதிகா நிட்டி²தா.
100. ஸீமோக்கந்திகபெய்யாலங்
177. இத⁴
பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே² ஸம்ப³ஹுலா ஆவாஸிகா
பி⁴க்கூ² ஸன்னிபதந்தி சத்தாரோ வா அதிரேகா வா. தே ந ஜானந்தி ‘‘அஞ்ஞே ஆவாஸிகா
பி⁴க்கூ² அந்தோஸீமங் ஓக்கமந்தீ’’தி …பே॰… தே ந
ஜானந்தி ‘‘அஞ்ஞே ஆவாஸிகா பி⁴க்கூ² அந்தோஸீமங் ஓக்கந்தா’’தி…பே॰… தே ந
பஸ்ஸந்தி அஞ்ஞே ஆவாஸிகே பி⁴க்கூ² அந்தோஸீமங் ஓக்கமந்தே
…பே॰… தே ந பஸ்ஸந்தி அஞ்ஞே ஆவாஸிகே பி⁴க்கூ² அந்தோஸீமங் ஓக்கந்தே…பே॰… தே ந
ஸுணந்தி ‘‘அஞ்ஞே ஆவாஸிகா பி⁴க்கூ² அந்தோஸீமங் ஓக்கமந்தீ’’தி…பே॰… தே ந
ஸுணந்தி ‘‘அஞ்ஞே ஆவாஸிகா பி⁴க்கூ² அந்தோஸீமங் ஓக்கந்தா’’தி…பே॰….
ஆவாஸிகேன ஆவாஸிகா ஏகஸதபஞ்சஸத்ததி திகனயதோ, ஆவாஸிகேன
ஆக³ந்துகா, ஆக³ந்துகேன ஆவாஸிகா, ஆக³ந்துகேன ஆக³ந்துகா பெய்யாலமுகே²ன ஸத்த
திகஸதானி ஹொந்தி.
178.
இத⁴ பன, பி⁴க்க²வே, ஆவாஸிகானங் பி⁴க்கூ²னங் சாதுத்³த³ஸோ ஹோதி,
ஆக³ந்துகானங் பன்னரஸோ. ஸசே ஆவாஸிகா ப³ஹுதரா ஹொந்தி, ஆக³ந்துகேஹி ஆவாஸிகானங்
அனுவத்திதப்³ப³ங். ஸசே ஸமஸமா ஹொந்தி, ஆக³ந்துகேஹி ஆவாஸிகானங்
அனுவத்திதப்³ப³ங். ஸசே ஆக³ந்துகா ப³ஹுதரா ஹொந்தி, ஆவாஸிகேஹி ஆக³ந்துகானங்
அனுவத்திதப்³ப³ங்.
இத⁴ பன, பி⁴க்க²வே, ஆவாஸிகானங் பி⁴க்கூ²னங் பன்னரஸோ
ஹோதி, ஆக³ந்துகானங் சாதுத்³த³ஸோ. ஸசே ஆவாஸிகா ப³ஹுதரா ஹொந்தி, ஆக³ந்துகேஹி
ஆவாஸிகானங் அனுவத்திதப்³ப³ங். ஸசே ஸமஸமா ஹொந்தி, ஆக³ந்துகேஹி ஆவாஸிகானங்
அனுவத்திதப்³ப³ங். ஸசே ஆக³ந்துகா ப³ஹுதரா ஹொந்தி, ஆவாஸிகேஹி ஆக³ந்துகானங்
அனுவத்திதப்³ப³ங்.
இத⁴ பன, பி⁴க்க²வே, ஆவாஸிகானங் பி⁴க்கூ²னங் பாடிபதோ³ ஹோதி, ஆக³ந்துகானங் பன்னரஸோ. ஸசே ஆவாஸிகா ப³ஹுதரா ஹொந்தி, ஆவாஸிகேஹி
ஆக³ந்துகானங் நாகாமா தா³தப்³பா³ ஸாமக்³கீ³. ஆக³ந்துகேஹி நிஸ்ஸீமங்
க³ந்த்வா உபோஸதோ² காதப்³போ³. ஸசே ஸமஸமா ஹொந்தி, ஆவாஸிகேஹி ஆக³ந்துகானங்
நாகாமா தா³தப்³பா³ ஸாமக்³கீ³. ஆக³ந்துகேஹி நிஸ்ஸீமங்
க³ந்த்வா உபோஸதோ² காதப்³போ³. ஸசே ஆக³ந்துகா ப³ஹுதரா ஹொந்தி, ஆவாஸிகேஹி
ஆக³ந்துகானங் ஸாமக்³கீ³ வா தா³தப்³பா³ நிஸ்ஸீமங் வா க³ந்தப்³ப³ங்.
இத⁴ பன, பி⁴க்க²வே, ஆவாஸிகானங் பி⁴க்கூ²னங் பன்னரஸோ ஹோதி, ஆக³ந்துகானங்
பாடிபதோ³. ஸசே ஆவாஸிகா ப³ஹுதரா ஹொந்தி, ஆக³ந்துகேஹி ஆவாஸிகானங் ஸாமக்³கீ³ வா தா³தப்³பா³ நிஸ்ஸீமங்
வா க³ந்தப்³ப³ங். ஸசே ஸமஸமா ஹொந்தி, ஆக³ந்துகேஹி ஆவாஸிகானங் ஸாமக்³கீ³ வா
தா³தப்³பா³ நிஸ்ஸீமங் வா க³ந்தப்³ப³ங். ஸசே ஆக³ந்துகா ப³ஹுதரா ஹொந்தி,
ஆக³ந்துகேஹி ஆவாஸிகானங் நாகாமா தா³தப்³பா³ ஸாமக்³கீ³. ஆவாஸிகேஹி நிஸ்ஸீமங்
க³ந்த்வா உபோஸதோ² காதப்³போ³.
ஸீமோக்கந்திகபெய்யாலங் நிட்டி²தங்.
101. லிங்கா³தி³த³ஸ்ஸனங்
179.
இத⁴ பன, பி⁴க்க²வே, ஆக³ந்துகா பி⁴க்கூ² பஸ்ஸந்தி ஆவாஸிகானங் பி⁴க்கூ²னங்
ஆவாஸிகாகாரங், ஆவாஸிகலிங்க³ங், ஆவாஸிகனிமித்தங், ஆவாஸிகுத்³தே³ஸங்,
ஸுபஞ்ஞத்தங் மஞ்சபீட²ங், பி⁴ஸிபி³ப்³போ³ஹனங், பானீயங் பரிபோ⁴ஜனீயங்
ஸூபட்டி²தங், பரிவேணங் ஸுஸம்மட்ட²ங்; பஸ்ஸித்வா வேமதிகா ஹொந்தி – ‘‘அத்தி²
நு கோ² ஆவாஸிகா பி⁴க்கூ² நத்தி² நு கோ²’’தி. தே வேமதிகா ந விசினந்தி;
அவிசினித்வா உபோஸத²ங் கரொந்தி. ஆபத்தி து³க்கடஸ்ஸ. தே வேமதிகா விசினந்தி;
விசினித்வா ந பஸ்ஸந்தி; அபஸ்ஸித்வா உபோஸத²ங் கரொந்தி. அனாபத்தி. தே வேமதிகா
விசினந்தி; விசினித்வா பஸ்ஸந்தி; பஸ்ஸித்வா ஏகதோ
உபோஸத²ங் கரொந்தி. அனாபத்தி. தே வேமதிகா விசினந்தி; விசினித்வா பஸ்ஸந்தி;
பஸ்ஸித்வா பாடேக்கங் உபோஸத²ங் கரொந்தி. ஆபத்தி து³க்கடஸ்ஸ. தே வேமதிகா
விசினந்தி; விசினித்வா பஸ்ஸந்தி; பஸ்ஸித்வா – ‘‘நஸ்ஸந்தேதே, வினஸ்ஸந்தேதே,
கோ தேஹி அத்தோ²’’தி – பே⁴த³புரெக்கா²ரா உபோஸத²ங் கரொந்தி. ஆபத்தி
து²ல்லச்சயஸ்ஸ.
இத⁴ பன, பி⁴க்க²வே, ஆக³ந்துகா பி⁴க்கூ² ஸுணந்தி
ஆவாஸிகானங் பி⁴க்கூ²னங் ஆவாஸிகாகாரங், ஆவாஸிகலிங்க³ங், ஆவாஸிகனிமித்தங்,
ஆவாஸிகுத்³தே³ஸங், சங்கமந்தானங் பத³ஸத்³த³ங், ஸஜ்ஜா²யஸத்³த³ங்,
உக்காஸிதஸத்³த³ங், கி²பிதஸத்³த³ங்; ஸுத்வா வேமதிகா ஹொந்தி – ‘‘அத்தி² நு
கோ² ஆவாஸிகா பி⁴க்கூ² நத்தி² நு கோ²’’தி. தே வேமதிகா ந விசினந்தி;
அவிசினித்வா உபோஸத²ங் கரொந்தி. ஆபத்தி து³க்கடஸ்ஸ. தே வேமதிகா விசினந்தி;
விசினித்வா ந பஸ்ஸந்தி; அபஸ்ஸித்வா உபோஸத²ங்
கரொந்தி. அனாபத்தி. தே வேமதிகா விசினந்தி; விசினித்வா பஸ்ஸந்தி; பஸ்ஸித்வா
ஏகதோ உபோஸத²ங் கரொந்தி. அனாபத்தி. தே வேமதிகா விசினந்தி; விசினித்வா
பஸ்ஸந்தி; பஸ்ஸித்வா பாடேக்கங் உபோஸத²ங் கரொந்தி. ஆபத்தி து³க்கடஸ்ஸ. தே
வேமதிகா விசினந்தி; விசினித்வா பஸ்ஸந்தி; பஸ்ஸித்வா – ‘‘நஸ்ஸந்தேதே,
வினஸ்ஸந்தேதே, கோ தேஹி அத்தோ²’’தி – பே⁴த³புரெக்கா²ரா உபோஸத²ங் கரொந்தி.
ஆபத்தி து²ல்லச்சயஸ்ஸ.
இத⁴ பன, பி⁴க்க²வே, ஆவாஸிகா பி⁴க்கூ² பஸ்ஸந்தி
ஆக³ந்துகானங் பி⁴க்கூ²னங் ஆக³ந்துகாகாரங், ஆக³ந்துகலிங்க³ங்,
ஆக³ந்துகனிமித்தங், ஆக³ந்துகுத்³தே³ஸங், அஞ்ஞாதகங் பத்தங், அஞ்ஞாதகங் சீவரங், அஞ்ஞாதகங் நிஸீத³னங், பாதா³னங் தோ⁴தங், உத³கனிஸ்ஸேகங்; பஸ்ஸித்வா
வேமதிகா ஹொந்தி – ‘‘அத்தி² நு கோ² ஆக³ந்துகா பி⁴க்கூ² நத்தி² நு கோ²’’தி.
தே வேமதிகா ந விசினந்தி; அவிசினித்வா உபோஸத²ங் கரொந்தி. ஆபத்தி து³க்கடஸ்ஸ.
தே வேமதிகா விசினந்தி; விசினித்வா ந பஸ்ஸந்தி; அபஸ்ஸித்வா உபோஸத²ங்
கரொந்தி. அனாபத்தி. தே வேமதிகா விசினந்தி; விசினித்வா பஸ்ஸந்தி; பஸ்ஸித்வா
ஏகதோ உபோஸத²ங் கரொந்தி. அனாபத்தி. தே வேமதிகா விசினந்தி; விசினித்வா
பஸ்ஸந்தி; பஸ்ஸித்வா பாடேக்கங் உபோஸத²ங் கரொந்தி. ஆபத்தி து³க்கடஸ்ஸ. தே
வேமதிகா விசினந்தி; விசினித்வா பஸ்ஸந்தி; பஸ்ஸித்வா – ‘‘நஸ்ஸந்தேதே,
வினஸ்ஸந்தேதே, கோ தேஹி அத்தோ²’’தி – பே⁴த³புரெக்கா²ரா உபோஸத²ங் கரொந்தி.
ஆபத்தி து²ல்லச்சயஸ்ஸ.
இத⁴ பன, பி⁴க்க²வே, ஆவாஸிகா பி⁴க்கூ² ஸுணந்தி
ஆக³ந்துகானங் பி⁴க்கூ²னங் ஆக³ந்துகாகாரங், ஆக³ந்துகலிங்க³ங்,
ஆக³ந்துகனிமித்தங், ஆக³ந்துகுத்³தே³ஸங், ஆக³ச்ச²ந்தானங் பத³ஸத்³த³ங்,
உபாஹனபப்போ²டனஸத்³த³ங், உக்காஸிதஸத்³த³ங், கி²பிதஸத்³த³ங்; ஸுத்வா வேமதிகா
ஹொந்தி – ‘‘அத்தி² நு கோ² ஆக³ந்துகா பி⁴க்கூ² நத்தி² நு கோ²’’தி. தே
வேமதிகா ந விசினந்தி; அவிசினித்வா உபோஸத²ங் கரொந்தி. ஆபத்தி து³க்கடஸ்ஸ. தே
வேமதிகா விசினந்தி; விசினித்வா ந பஸ்ஸந்தி; அபஸ்ஸித்வா உபோஸத²ங் கரொந்தி.
அனாபத்தி. தே வேமதிகா விசினந்தி; விசினித்வா பஸ்ஸந்தி; பஸ்ஸித்வா ஏகதோ
உபோஸத²ங் கரொந்தி. அனாபத்தி. தே வேமதிகா விசினந்தி; விசினித்வா பஸ்ஸந்தி;
பஸ்ஸித்வா பாடேக்கங் உபோஸத²ங் கரொந்தி. ஆபத்தி து³க்கடஸ்ஸ. தே வேமதிகா
விசினந்தி; விசினித்வா பஸ்ஸந்தி; பஸ்ஸித்வா – ‘‘நஸ்ஸந்தேதே, வினஸ்ஸந்தேதே , கோ தேஹி அத்தோ²’’தி – பே⁴த³புரெக்கா²ரா உபோஸத²ங் கரொந்தி. ஆபத்தி து²ல்லச்சயஸ்ஸ .
லிங்கா³தி³த³ஸ்ஸனங் நிட்டி²தங்.
102. நானாஸங்வாஸகாதீ³ஹி உபோஸத²கரணங்
180. இத⁴
பன, பி⁴க்க²வே, ஆக³ந்துகா பி⁴க்கூ² பஸ்ஸந்தி ஆவாஸிகே பி⁴க்கூ²
நானாஸங்வாஸகே. தே ஸமானஸங்வாஸகதி³ட்டி²ங் படிலப⁴ந்தி; ஸமானஸங்வாஸகதி³ட்டி²ங்
படிலபி⁴த்வா ந புச்ச²ந்தி; அபுச்சி²த்வா ஏகதோ உபோஸத²ங் கரொந்தி. அனாபத்தி.
தே புச்ச²ந்தி; புச்சி²த்வா நாபி⁴விதரந்தி; அனபி⁴விதரித்வா ஏகதோ உபோஸத²ங்
கரொந்தி. ஆபத்தி து³க்கடஸ்ஸ. தே புச்ச²ந்தி; புச்சி²த்வா நாபி⁴விதரந்தி;
அனபி⁴விதரித்வா பாடேக்கங் உபோஸத²ங் கரொந்தி. அனாபத்தி.
இத⁴ பன, பி⁴க்க²வே, ஆக³ந்துகா
பி⁴க்கூ² பஸ்ஸந்தி ஆவாஸிகே பி⁴க்கூ² ஸமானஸங்வாஸகே. தே
நானாஸங்வாஸகதி³ட்டி²ங் படிலப⁴ந்தி; நானாஸங்வாஸகதி³ட்டி²ங் படிலபி⁴த்வா ந
புச்ச²ந்தி; அபுச்சி²த்வா ஏகதோ உபோஸத²ங் கரொந்தி. ஆபத்தி து³க்கடஸ்ஸ. தே
புச்ச²ந்தி; புச்சி²த்வா அபி⁴விதரந்தி; அபி⁴விதரித்வா பாடேக்கங் உபோஸத²ங்
கரொந்தி. ஆபத்தி து³க்கடஸ்ஸ. தே புச்ச²ந்தி; புச்சி²த்வா அபி⁴விதரந்தி;
அபி⁴விதரித்வா ஏகதோ உபோஸத²ங் கரொந்தி. அனாபத்தி.
இத⁴ பன, பி⁴க்க²வே, ஆவாஸிகா பி⁴க்கூ² பஸ்ஸந்தி
ஆக³ந்துகே பி⁴க்கூ² நானாஸங்வாஸகே. தே ஸமானஸங்வாஸகதி³ட்டி²ங் படிலப⁴ந்தி;
ஸமானஸங்வாஸகதி³ட்டி²ங் படிலபி⁴த்வா ந புச்ச²ந்தி; அபுச்சி²த்வா ஏகதோ
உபோஸத²ங் கரொந்தி. அனாபத்தி. தே புச்ச²ந்தி; புச்சி²த்வா நாபி⁴விதரந்தி;
அனபி⁴விதரித்வா ஏகதோ உபோஸத²ங் கரொந்தி. ஆபத்தி து³க்கடஸ்ஸ. தே புச்ச²ந்தி;
புச்சி²த்வா நாபி⁴விதரந்தி ; அனபி⁴விதரித்வா பாடேக்கங் உபோஸத²ங் கரொந்தி. அனாபத்தி.
இத⁴ பன, பி⁴க்க²வே, ஆவாஸிகா பி⁴க்கூ² பஸ்ஸந்தி
ஆக³ந்துகே பி⁴க்கூ² ஸமானஸங்வாஸகே. தே நானாஸங்வாஸகதி³ட்டி²ங் படிலப⁴ந்தி;
நானாஸங்வாஸகதி³ட்டி²ங் படிலபி⁴த்வா ந புச்ச²ந்தி; அபுச்சி²த்வா ஏகதோ
உபோஸத²ங் கரொந்தி. ஆபத்தி து³க்கடஸ்ஸ. தே புச்ச²ந்தி; புச்சி²த்வா
அபி⁴விதரந்தி; அபி⁴விதரித்வா பாடேக்கங் உபோஸத²ங் கரொந்தி. ஆபத்தி
து³க்கடஸ்ஸ. தே புச்ச²ந்தி; புச்சி²த்வா அபி⁴விதரந்தி; அபி⁴விதரித்வா ஏகதோ
உபோஸத²ங் கரொந்தி. அனாபத்தி.
நானாஸங்வாஸகாதீ³ஹி உபோஸத²கரணங் நிட்டி²தங்.
103. நக³ந்தப்³ப³வாரோ
181. ந, பி⁴க்க²வே, தத³ஹுபோஸதே² ஸபி⁴க்கு²கா ஆவாஸா அபி⁴க்கு²கோ ஆவாஸோ க³ந்தப்³போ³, அஞ்ஞத்ர ஸங்கே⁴ன அஞ்ஞத்ர அந்தராயா. ந, பி⁴க்க²வே ,
தத³ஹுபோஸதே² ஸபி⁴க்கு²கா ஆவாஸா அபி⁴க்கு²கோ அனாவாஸோ க³ந்தப்³போ³, அஞ்ஞத்ர
ஸங்கே⁴ன அஞ்ஞத்ர அந்தராயா. ந, பி⁴க்க²வே, தத³ஹுபோஸதே² ஸபி⁴க்கு²கா ஆவாஸா
அபி⁴க்கு²கோ ஆவாஸோ வா அனாவாஸோ வா க³ந்தப்³போ³, அஞ்ஞத்ர ஸங்கே⁴ன அஞ்ஞத்ர
அந்தராயா.
ந , பி⁴க்க²வே, தத³ஹுபோஸதே²
ஸபி⁴க்கு²கா அனாவாஸா அபி⁴க்கு²கோ ஆவாஸோ க³ந்தப்³போ³, அஞ்ஞத்ர ஸங்கே⁴ன
அஞ்ஞத்ர அந்தராயா. ந, பி⁴க்க²வே, தத³ஹுபோஸதே² ஸபி⁴க்கு²கா அனாவாஸா
அபி⁴க்கு²கோ அனாவாஸோ க³ந்தப்³போ³, அஞ்ஞத்ர ஸங்கே⁴ன அஞ்ஞத்ர அந்தராயா. ந,
பி⁴க்க²வே, தத³ஹுபோஸதே² ஸபி⁴க்கு²கா அனாவாஸா அபி⁴க்கு²கோ ஆவாஸோ வா அனாவாஸோ
வா க³ந்தப்³போ³, அஞ்ஞத்ர ஸங்கே⁴ன அஞ்ஞத்ர அந்தராயா.
ந, பி⁴க்க²வே, தத³ஹுபோஸதே² ஸபி⁴க்கு²கா ஆவாஸா வா
அனாவாஸா வா அபி⁴க்கு²கோ ஆவாஸோ க³ந்தப்³போ³, அஞ்ஞத்ர ஸங்கே⁴ன அஞ்ஞத்ர
அந்தராயா. ந, பி⁴க்க²வே , தத³ஹுபோஸதே² ஸபி⁴க்கு²கா
ஆவாஸா வா அனாவாஸா வா அபி⁴க்கு²கோ அனாவாஸோ க³ந்தப்³போ³, அஞ்ஞத்ர ஸங்கே⁴ன
அஞ்ஞத்ர அந்தராயா. ந, பி⁴க்க²வே, தத³ஹுபோஸதே² ஸபி⁴க்கு²கா ஆவாஸா வா அனாவாஸா
வா அபி⁴க்கு²கோ ஆவாஸோ வா அனாவாஸோ வா க³ந்தப்³போ³, அஞ்ஞத்ர ஸங்கே⁴ன அஞ்ஞத்ர
அந்தராயா.
ந, பி⁴க்க²வே, தத³ஹுபோஸதே²
ஸபி⁴க்கு²கா ஆவாஸா ஸபி⁴க்கு²கோ ஆவாஸோ க³ந்தப்³போ³, யத்த²ஸ்ஸு பி⁴க்கூ²
நானாஸங்வாஸகா, அஞ்ஞத்ர ஸங்கே⁴ன அஞ்ஞத்ர அந்தராயா. ந, பி⁴க்க²வே,
தத³ஹுபோஸதே² ஸபி⁴க்கு²கா ஆவாஸா ஸபி⁴க்கு²கோ அனாவாஸோ க³ந்தப்³போ³, யத்த²ஸ்ஸு
பி⁴க்கூ² நானாஸங்வாஸகா, அஞ்ஞத்ர ஸங்கே⁴ன அஞ்ஞத்ர அந்தராயா. ந, பி⁴க்க²வே,
தத³ஹுபோஸதே² ஸபி⁴க்கு²கா ஆவாஸா ஸபி⁴க்கு²கோ ஆவாஸோ வா அனாவாஸோ வா
க³ந்தப்³போ³, யத்த²ஸ்ஸு பி⁴க்கூ² நானாஸங்வாஸகா, அஞ்ஞத்ர ஸங்கே⁴ன அஞ்ஞத்ர
அந்தராயா.
ந, பி⁴க்க²வே, தத³ஹுபோஸதே² ஸபி⁴க்கு²கா அனாவாஸா
ஸபி⁴க்கு²கோ ஆவாஸோ க³ந்தப்³போ³, யத்த²ஸ்ஸு பி⁴க்கூ² நானாஸங்வாஸகா, அஞ்ஞத்ர
ஸங்கே⁴ன அஞ்ஞத்ர அந்தராயா. ந, பி⁴க்க²வே, தத³ஹுபோஸதே² ஸபி⁴க்கு²கா அனாவாஸா
ஸபி⁴க்கு²கோ அனாவாஸோ க³ந்தப்³போ³, யத்த²ஸ்ஸு பி⁴க்கூ² நானாஸங்வாஸகா,
அஞ்ஞத்ர ஸங்கே⁴ன அஞ்ஞத்ர அந்தராயா. ந, பி⁴க்க²வே, தத³ஹுபோஸதே²
ஸபி⁴க்கு²கா அனாவாஸா ஸபி⁴க்கு²கோ ஆவாஸோ வா அனாவாஸோ வா க³ந்தப்³போ³,
யத்த²ஸ்ஸு பி⁴க்கூ² நானாஸங்வாஸகா, அஞ்ஞத்ர ஸங்கே⁴ன அஞ்ஞத்ர அந்தராயா.
ந, பி⁴க்க²வே, தத³ஹுபோஸதே² ஸபி⁴க்கு²கா ஆவாஸா வா
அனாவாஸா வா ஸபி⁴க்கு²கோ ஆவாஸோ க³ந்தப்³போ³, யத்த²ஸ்ஸு பி⁴க்கூ²
நானாஸங்வாஸகா, அஞ்ஞத்ர ஸங்கே⁴ன அஞ்ஞத்ர அந்தராயா. ந, பி⁴க்க²வே,
தத³ஹுபோஸதே² ஸபி⁴க்கு²கா ஆவாஸா வா அனாவாஸா வா ஸபி⁴க்கு²கோ அனாவாஸோ
க³ந்தப்³போ³, யத்த²ஸ்ஸு பி⁴க்கூ² நானாஸங்வாஸகா, அஞ்ஞத்ர ஸங்கே⁴ன அஞ்ஞத்ர
அந்தராயா. ந, பி⁴க்க²வே, தத³ஹுபோஸதே² ஸபி⁴க்கு²கா
ஆவாஸா வா அனாவாஸா வா ஸபி⁴க்கு²கோ ஆவாஸோ வா அனாவாஸோ வா க³ந்தப்³போ³,
யத்த²ஸ்ஸு பி⁴க்கூ² நானாஸங்வாஸகா, அஞ்ஞத்ர ஸங்கே⁴ன அஞ்ஞத்ர அந்தராயா.
நக³ந்தப்³ப³வாரோ நிட்டி²தோ.
104. க³ந்தப்³ப³வாரோ
182.
க³ந்தப்³போ³, பி⁴க்க²வே, தத³ஹுபோஸதே² ஸபி⁴க்கு²கா ஆவாஸா ஸபி⁴க்கு²கோ
ஆவாஸோ, யத்த²ஸ்ஸு பி⁴க்கூ² ஸமானஸங்வாஸகா, யங் ஜஞ்ஞா – ‘‘ஸக்கோமி அஜ்ஜேவ
க³ந்து’’ந்தி. க³ந்தப்³போ³, பி⁴க்க²வே, தத³ஹுபோஸதே² ஸபி⁴க்கு²கா ஆவாஸா
ஸபி⁴க்கு²கோ அனாவாஸோ…பே॰… ஸபி⁴க்கு²கோ ஆவாஸோ வா அனாவாஸோ வா, யத்த²ஸ்ஸு
பி⁴க்கூ² ஸமானஸங்வாஸகா, யங் ஜஞ்ஞா – ‘‘ஸக்கோமி அஜ்ஜேவ க³ந்து’’ந்தி.
க³ந்தப்³போ³, பி⁴க்க²வே, தத³ஹுபோஸதே² ஸபி⁴க்கு²கா அனாவாஸா ஸபி⁴க்கு²கோ
ஆவாஸோ…பே॰… ஸபி⁴க்கு²கோ அனாவாஸோ…பே॰… ஸபி⁴க்கு²கோ ஆவாஸோ வா அனாவாஸோ வா,
யத்த²ஸ்ஸு பி⁴க்கூ² ஸமானஸங்வாஸகா, யங் ஜஞ்ஞா – ‘‘ஸக்கோமி அஜ்ஜேவ
க³ந்து’’ந்தி.
க³ந்தப்³போ³, பி⁴க்க²வே, தத³ஹுபோஸதே² ஸபி⁴க்கு²கா
ஆவாஸா வா அனாவாஸா வா ஸபி⁴க்கு²கோ ஆவாஸோ…பே॰… ஸபி⁴க்கு²கோ அனாவாஸோ…பே॰…
ஸபி⁴க்கு²கோ ஆவாஸோ வா அனாவாஸோ வா, யத்த²ஸ்ஸு பி⁴க்கூ² ஸமானஸங்வாஸகா, யங்
ஜஞ்ஞா – ‘‘ஸக்கோமி அஜ்ஜேவ க³ந்து’’ந்தி.
க³ந்தப்³ப³வாரோ நிட்டி²தோ.
105. வஜ்ஜனீயபுக்³க³லஸந்த³ஸ்ஸனா
183.
ந, பி⁴க்க²வே, பி⁴க்கு²னியா நிஸின்னபரிஸாய பாதிமொக்க²ங்
உத்³தி³ஸிதப்³ப³ங். யோ உத்³தி³ஸெய்ய, ஆபத்தி து³க்கடஸ்ஸ. ந
ஸிக்க²மானாய…பே॰… ந ஸாமணேரஸ்ஸ …பே॰… ந
ஸாமணேரியா…பே॰… ந ஸிக்கா²பச்சக்கா²தகஸ்ஸ…பே॰… ந அந்திமவத்து²ங்
அஜ்ஜா²பன்னகஸ்ஸ நிஸின்னபரிஸாய பாதிமொக்க²ங் உத்³தி³ஸிதப்³ப³ங். யோ
உத்³தி³ஸெய்ய, ஆபத்தி து³க்கடஸ்ஸ.
ந ஆபத்தியா அத³ஸ்ஸனே
உக்கி²த்தகஸ்ஸ நிஸின்னபரிஸாய பாதிமொக்க²ங் உத்³தி³ஸிதப்³ப³ங். யோ
உத்³தி³ஸெய்ய, யதா²த⁴ம்மோ காரேதப்³போ³. ந ஆபத்தியா அப்படிகம்மே
உக்கி²த்தகஸ்ஸ நிஸின்னபரிஸாய…பே॰… ந பாபிகாய தி³ட்டி²யா அப்படினிஸ்ஸக்³கே³
உக்கி²த்தகஸ்ஸ நிஸின்னபரிஸாய பாதிமொக்க²ங் உத்³தி³ஸிதப்³ப³ங். யோ
உத்³தி³ஸெய்ய, யதா²த⁴ம்மோ காரேதப்³போ³.
ந பண்ட³கஸ்ஸ நிஸின்னபரிஸாய பாதிமொக்க²ங் உத்³தி³ஸிதப்³ப³ங். யோ உத்³தி³ஸெய்ய, ஆபத்தி து³க்கடஸ்ஸ. ந தெ²ய்யஸங்வாஸகஸ்ஸ…பே॰… ந தித்தி²யபக்கந்தகஸ்ஸ…பே॰… ந திரச்சா²னக³தஸ்ஸ…பே॰…
ந மாதுகா⁴தகஸ்ஸ…பே॰… ந பிதுகா⁴தகஸ்ஸ…பே॰… ந அரஹந்தகா⁴தகஸ்ஸ…பே॰… ந
பி⁴க்கு²னிதூ³ஸகஸ்ஸ…பே॰… ந ஸங்க⁴பே⁴த³கஸ்ஸ…பே॰… ந லோஹிதுப்பாத³கஸ்ஸ…பே॰… ந
உப⁴தொப்³யஞ்ஜனகஸ்ஸ நிஸின்னபரிஸாய பாதிமொக்க²ங் உத்³தி³ஸிதப்³ப³ங். யோ
உத்³தி³ஸெய்ய, ஆபத்தி து³க்கடஸ்ஸ.
ந, பி⁴க்க²வே, பாரிவாஸிகபாரிஸுத்³தி⁴தா³னேன உபோஸதோ²
காதப்³போ³, அஞ்ஞத்ர அவுட்டி²தாய பரிஸாய. ந ச, பி⁴க்க²வே, அனுபோஸதே² உபோஸதோ²
காதப்³போ³, அஞ்ஞத்ர ஸங்க⁴ஸாமக்³கி³யாதி.
வஜ்ஜனீயபுக்³க³லஸந்த³ஸ்ஸனா நிட்டி²தா.
ததியபா⁴ணவாரோ நிட்டி²தோ.
உபோஸத²க்க²ந்த⁴கோ து³தியோ.
106. தஸ்ஸுத்³தா³னங்
தித்தி²யா பி³ம்பி³ஸாரோ ச, ஸன்னிபதிதுங் துண்ஹிகா;
த⁴ம்மங் ரஹோ பாதிமொக்க²ங், தே³வஸிகங் ததா³ ஸகிங்.
யதா²பரிஸா ஸமக்³க³ங், ஸாமக்³கீ³ மத்³த³குச்சி² ச;
ஸீமா மஹதீ நதி³யா, அனு த்³வே கு²த்³த³கானி ச.
நவா ராஜக³ஹே சேவ, ஸீமா அவிப்பவாஸனா;
ஸம்மன்னே [ஸம்மனே (க॰)] பட²மங் ஸீமங், பச்சா² ஸீமங் ஸமூஹனே.
அஸம்மதா கா³மஸீமா, நதி³யா ஸமுத்³தே³ ஸரே;
உத³குக்கே²போ பி⁴ந்த³ந்தி, ததே²வஜ்ஜொ²த்த²ரந்தி ச.
கதி கம்மானி உத்³தே³ஸோ, ஸவரா அஸதீபி ச;
த⁴ம்மங் வினயங் தஜ்ஜெந்தி, புன வினயதஜ்ஜனா.
சோத³னா கதே ஓகாஸே, அத⁴ம்மப்படிக்கோஸனா;
சதுபஞ்சபரா ஆவி, ஸஞ்சிச்ச சேபி வாயமே.
ஸக³ஹட்டா² அனஜ்ஜி²ட்டா², சோத³னம்ஹி ந ஜானதி;
ஸம்ப³ஹுலா ந ஜானந்தி, ஸஜ்ஜுகங் ந ச க³ச்ச²ரே.
கதிமீ கீவதிகா தூ³ரே, ஆரோசேதுஞ்ச நஸ்ஸரி;
உக்லாபங் ஆஸனங் தீ³போ, தி³ஸா அஞ்ஞோ ப³ஹுஸ்ஸுதோ.
ஸஜ்ஜுகங் [ஸஜ்ஜுவஸ்ஸருபோஸதோ² (க॰)] வஸ்ஸுபோஸதோ², ஸுத்³தி⁴கம்மஞ்ச ஞாதகா;
க³க்³கோ³ சதுதயோ த்³வேகோ, ஆபத்திஸபா⁴கா³ ஸரி.
ஸப்³போ³ ஸங்கோ⁴ வேமதிகோ, ந ஜானந்தி ப³ஹுஸ்ஸுதோ;
ப³ஹூ ஸமஸமா தோ²கா, பரிஸா அவுட்டி²தாய ச.
ஏகச்சா வுட்டி²தா ஸப்³பா³, ஜானந்தி ச வேமதிகா;
கப்பதேவாதி குக்குச்சா, ஜானங் பஸ்ஸங் ஸுணந்தி ச.
ஆவாஸிகேன ஆக³ந்து, சாதுபன்னரஸோ புன;
பாடிபதோ³ பன்னரஸோ, லிங்க³ஸங்வாஸகா உபோ⁴.
பாரிவாஸானுபோஸதோ² , அஞ்ஞத்ர ஸங்க⁴ஸாமக்³கி³யா;
ஏதே விப⁴த்தா உத்³தா³னா, வத்து²விபூ⁴தகாரணாதி.
இமஸ்மிங் க²ந்த⁴கே வத்தூ²னி ச²அஸீதி.
உபோஸத²க்க²ந்த⁴கோ நிட்டி²தோ.