181112 SUNDAY LESSON 754 வினயபிடகே-Parts-20 & 21 தமிழில் திரபிடக மூன்று தொகுப்புகள்TIPITAKA
from FREE ONLINE eNālāndā Research and
Practice UNIVERSITY through http://sarvajan.ambedkar.org
நமோ தஸ்ஸ பகவதோ அரஹதோ ஸம்மாஸம்புத்தஸ்ஸ
வினயபிடகே
மஹாவக்கபாளி
6. பேஸஜ்ஜக்கந்தகோ
160. பஞ்சபேஸஜ்ஜகதா
260. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கூ²னங் ஸாரதி³கேன ஆபா³தே⁴ன பு²ட்டா²னங்
யாகு³பி பீதா உக்³க³ச்ச²தி, ப⁴த்தம்பி பு⁴த்தங் உக்³க³ச்ச²தி. தே தேன கிஸா
ஹொந்தி, லூகா², து³ப்³ப³ண்ணா, உப்பண்டு³ப்பண்டு³கஜாதா, த⁴மனிஸந்த²தக³த்தா.
அத்³த³ஸா கோ² ப⁴க³வா தே பி⁴க்கூ² கிஸே லூகே² து³ப்³ப³ண்ணே
உப்பண்டு³ப்பண்டு³கஜாதே த⁴மனிஸந்த²தக³த்தே, தி³ஸ்வான ஆயஸ்மந்தங் ஆனந்த³ங்
ஆமந்தேஸி – ‘‘கிங் நு கோ², ஆனந்த³, ஏதரஹி பி⁴க்கூ² கிஸா, லூகா²,
து³ப்³ப³ண்ணா, உப்பண்டு³ப்பண்டு³கஜாதா, த⁴மனிஸந்த²தக³த்தா’’தி? ‘‘ஏதரஹி,
ப⁴ந்தே, பி⁴க்கூ²னங் ஸாரதி³கேன ஆபா³தே⁴ன பு²ட்டா²னங் யாகு³பி பீதா
உக்³க³ச்ச²தி, ப⁴த்தம்பி பு⁴த்தங் உக்³க³ச்ச²தி. தே தேன கிஸா ஹொந்தி,
லூகா², து³ப்³ப³ண்ணா, உப்பண்டு³ப்பண்டு³கஜாதா, த⁴மனிஸந்த²தக³த்தா’’தி. அத²
கோ² ப⁴க³வதோ ரஹோக³தஸ்ஸ படிஸல்லீனஸ்ஸ ஏவங் சேதஸோ பரிவிதக்கோ உத³பாதி³ –
‘‘ஏதரஹி கோ² பி⁴க்கூ²னங் ஸாரதி³கேன ஆபா³தே⁴ன பு²ட்டா²னங் யாகு³பி பீதா
உக்³க³ச்ச²தி, ப⁴த்தம்பி பு⁴த்தங் உக்³க³ச்ச²தி. தே தேன கிஸா ஹொந்தி,
லூகா², து³ப்³ப³ண்ணா, உப்பண்டு³ப்பண்டு³கஜாதா, த⁴மனிஸந்த²தக³த்தா. கிங் நு
கோ² அஹங் பி⁴க்கூ²னங் பே⁴ஸஜ்ஜங் அனுஜானெய்யங், யங் பே⁴ஸஜ்ஜஞ்சேவ அஸ்ஸ
பே⁴ஸஜ்ஜஸம்மதஞ்ச லோகஸ்ஸ, ஆஹாரத்த²ஞ்ச ப²ரெய்ய, ந ச ஓளாரிகோ ஆஹாரோ
பஞ்ஞாயெய்யா’’தி? அத² கோ² ப⁴க³வதோ ஏதத³ஹோஸி –
‘‘இமானி கோ² பஞ்ச பே⁴ஸஜ்ஜானி, ஸெய்யதி²த³ங் – ஸப்பி, நவனீதங், தேலங், மது⁴,
பா²ணிதங்; பே⁴ஸஜ்ஜானி சேவ பே⁴ஸஜ்ஜஸம்மதானி ச லோகஸ்ஸ, ஆஹாரத்த²ஞ்ச ப²ரந்தி,
ந ச ஓளாரிகோ ஆஹாரோ பஞ்ஞாயதி. யங்னூனாஹங் பி⁴க்கூ²னங் இமானி பஞ்ச
பே⁴ஸஜ்ஜானி அனுஜானெய்யங், காலே படிக்³க³ஹெத்வா காலே பரிபு⁴ஞ்ஜிது’’ந்தி.
அத² கோ² ப⁴க³வா ஸாயன்ஹஸமயங் படிஸல்லானா வுட்டி²தோ ஏதஸ்மிங் நிதா³னே
ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘இத⁴ மய்ஹங்,
பி⁴க்க²வே, ரஹோக³தஸ்ஸ படிஸல்லீனஸ்ஸ ஏவங் சேதஸோ பரிவிதக்கோ உத³பாதி³ –
‘ஏதரஹி கோ² பி⁴க்கூ²னங் ஸாரதி³கேன ஆபா³தே⁴ன
பு²ட்டா²னங் யாகு³பி பீதா உக்³க³ச்ச²தி, ப⁴த்தம்பி பு⁴த்தங் உக்³க³ச்ச²தி.
தே தேன கிஸா ஹொந்தி, லூகா², து³ப்³ப³ண்ணா, உப்பண்டு³ப்பண்டு³கஜாதா,
த⁴மனிஸந்த²தக³த்தா. கிங் நு கோ² அஹங் பி⁴க்கூ²னங் பே⁴ஸஜ்ஜங் அனுஜானெய்யங்,
யங் பே⁴ஸஜ்ஜஞ்சேவ அஸ்ஸ பே⁴ஸஜ்ஜஸம்மதஞ்ச லோகஸ்ஸ, ஆஹாரத்த²ஞ்ச ப²ரெய்ய, ந ச ஓளாரிகோ ஆஹாரோ பஞ்ஞாயெய்யா’தி. தஸ்ஸ மய்ஹங், பி⁴க்க²வே, ஏதத³ஹோஸி ‘இமானி கோ² பஞ்ச பே⁴ஸஜ்ஜானி ,
ஸெய்யதி²த³ங் – ஸப்பி, நவனீதங், தேலங், மது⁴, பா²ணிதங்; பே⁴ஸஜ்ஜானி சேவ
பே⁴ஸஜ்ஜஸம்மதானி ச லோகஸ்ஸ, ஆஹாரத்த²ஞ்ச ப²ரந்தி, ந ச ஓளாரிகோ ஆஹாரோ
பஞ்ஞாயதி. யங்னூனாஹங் பி⁴க்கூ²னங் இமானி பஞ்ச பே⁴ஸஜ்ஜானி அனுஜானெய்யங்,
காலே படிக்³க³ஹெத்வா காலே பரிபு⁴ஞ்ஜிது’ந்தி. அனுஜானாமி, பி⁴க்க²வே, தானி
பஞ்ச பே⁴ஸஜ்ஜானி காலே படிக்³க³ஹெத்வா காலே பரிபு⁴ஞ்ஜிது’’ந்தி.
261. தேன
கோ² பன ஸமயேன பி⁴க்கூ² தானி பஞ்ச பே⁴ஸஜ்ஜானி காலே படிக்³க³ஹெத்வா காலே
பரிபு⁴ஞ்ஜந்தி. தேஸங் யானிபி தானி பாகதிகானி லூகா²னி போ⁴ஜனானி தானிபி
நச்சா²தெ³ந்தி, பகே³வ ஸேனேஸிதானி [ஸேனேஸிகானி (ஸீ॰ ஸ்யா॰), ஸேனேஹிகானி (யோஜனா)]. தே தேன சேவ ஸாரதி³கேன ஆபா³தே⁴ன பு²ட்டா², இமினா ச ப⁴த்தாச்சா²த³கேன [ப⁴த்தாச்ச²ன்னகேன (க॰)],
தது³ப⁴யேன பி⁴ய்யோஸோமத்தாய கிஸா ஹொந்தி, லூகா², து³ப்³ப³ண்ணா,
உப்பண்டு³ப்பண்டு³கஜாதா, த⁴மனிஸந்த²தக³த்தா. அத்³த³ஸா கோ² ப⁴க³வா தே
பி⁴க்கூ² பி⁴ய்யோஸோமத்தாய கிஸே லூகே² து³ப்³ப³ண்ணே உப்பண்டு³ப்பண்டு³கஜாதே
த⁴மனிஸந்த²தக³த்தே, தி³ஸ்வான ஆயஸ்மந்தங் ஆனந்த³ங் ஆமந்தேஸி – ‘‘கிங் நு
கோ², ஆனந்த³, ஏதரஹி பி⁴க்கூ² பி⁴ய்யோஸோமத்தாய கிஸா, லூகா², து³ப்³ப³ண்ணா,
உப்பண்டு³ப்பண்டு³கஜாதா, த⁴மனிஸந்த²தக³த்தா’’தி? ‘‘ஏதரஹி, ப⁴ந்தே, பி⁴க்கூ²
தானி ச பஞ்ச பே⁴ஸஜ்ஜானி காலே படிக்³க³ஹெத்வா காலே பரிபு⁴ஞ்ஜந்தி. தேஸங்
யானிபி தானி பாகதிகானி லூகா²னி போ⁴ஜனானி தானிபி நச்சா²தெ³ந்தி, பகே³வ
ஸேனேஸிகானி. தே தேன சேவ ஸாரதி³கேன ஆபா³தே⁴ன பு²ட்டா², இமினா ச
ப⁴த்தாச்சா²த³கேன, தது³ப⁴யேன பி⁴ய்யோஸோமத்தாய கிஸா, லூகா², து³ப்³ப³ண்ணா,
உப்பண்டு³ப்பண்டு³கஜாதா, த⁴மனிஸந்த²தக³த்தா’’தி. அத² கோ² ப⁴க³வா ஏதஸ்மிங்
நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி –
‘‘அனுஜானாமி, பி⁴க்க²வே, தானி பஞ்ச பே⁴ஸஜ்ஜானி படிக்³க³ஹெத்வா காலேபி
விகாலேபி பரிபு⁴ஞ்ஜிது’’ந்தி.
262. தேன
கோ² பன ஸமயேன கி³லானானங் பி⁴க்கூ²னங் வஸேஹி பே⁴ஸஜ்ஜேஹி அத்தோ² ஹோதி.
ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, வஸானி பே⁴ஸஜ்ஜானி –
அச்ச²வஸங், மச்ச²வஸங், ஸுஸுகாவஸங் , ஸூகரவஸங், க³த்³ரப⁴வஸங் – காலே படிக்³க³ஹிதங் காலே நிப்பக்கங் [நிபக்கங் (க॰)]
காலே ஸங்ஸட்ட²ங் தேலபரிபோ⁴கே³ன பரிபு⁴ஞ்ஜிதுங். விகாலே சே, பி⁴க்க²வே,
படிக்³க³ஹிதங் விகாலே நிப்பக்கங் விகாலே ஸங்ஸட்ட²ங், தங் சே பரிபு⁴ஞ்ஜெய்ய,
ஆபத்தி திண்ணங் து³க்கடானங். காலே சே, பி⁴க்க²வே, படிக்³க³ஹிதங் விகாலே
நிப்பக்கங் விகாலே ஸங்ஸட்ட²ங், தங் சே பரிபு⁴ஞ்ஜெய்ய, ஆபத்தி த்³வின்னங்
து³க்கடானங். காலே சே, பி⁴க்க²வே, படிக்³க³ஹிதங்
காலே நிப்பக்கங் விகாலே ஸங்ஸட்ட²ங், தங் சே பரிபு⁴ஞ்ஜெய்ய, ஆபத்தி
து³க்கடஸ்ஸ. காலே சே, பி⁴க்க²வே, படிக்³க³ஹிதங் காலே நிப்பக்கங் காலே
ஸங்ஸட்ட²ங், தங் சே பரிபு⁴ஞ்ஜெய்ய, அனாபத்தீதி.
பஞ்சபே⁴ஸஜ்ஜகதா² நிட்டி²தா.
161. மூலாதி³பே⁴ஸஜ்ஜகதா²
263. தேன கோ² பன ஸமயேன கி³லானானங் பி⁴க்கூ²னங் மூலேஹி பே⁴ஸஜ்ஜேஹி அத்தோ² ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி , பி⁴க்க²வே, மூலானி பே⁴ஸஜ்ஜானி – ஹலித்³தி³ங், ஸிங்கி³வேரங், வசங், வசத்த²ங் [வசத்த²ங் (ஸீ॰ ஸ்யா॰)],
அதிவிஸங், கடுகரோஹிணிங், உஸீரங், ப⁴த்³த³முத்தகங், யானி வா பனஞ்ஞானிபி
அத்தி² மூலானி பே⁴ஸஜ்ஜானி, நேவ கா²த³னீயே கா²த³னீயத்த²ங் ப²ரந்தி, ந
போ⁴ஜனீயே போ⁴ஜனீயத்த²ங் ப²ரந்தி, தானி – படிக்³க³ஹெத்வா யாவஜீவங்
பரிஹரிதுங்; ஸதி பச்சயே பரிபு⁴ஞ்ஜிதுங். அஸதி பச்சயே பரிபு⁴ஞ்ஜந்தஸ்ஸ
ஆபத்தி து³க்கடஸ்ஸாதி.
தேன கோ² பன ஸமயேன கி³லானானங்
பி⁴க்கூ²னங் மூலேஹி பே⁴ஸஜ்ஜேஹி பிட்டே²ஹி அத்தோ² ஹோதி. ப⁴க³வதோ ஏதமத்த²ங்
ஆரோசேஸுங். அனுஜானாமி, பி⁴க்க²வே, நிஸத³ங் நிஸத³போதகந்தி.
தேன கோ² பன ஸமயேன கி³லானானங் பி⁴க்கூ²னங் கஸாவேஹி
பே⁴ஸஜ்ஜேஹி அத்தோ² ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி,
பி⁴க்க²வே, கஸாவானி [கஸாவபே⁴ஸஜ்ஜானி (க॰)]
பே⁴ஸஜ்ஜானி – நிம்ப³கஸாவங், குடஜகஸாவங், படோலகஸாவங், ப²க்³க³வகஸாவங்,
நத்தமாலகஸாவங், யானி வா பனஞ்ஞானிபி அத்தி² கஸாவானி பே⁴ஸஜ்ஜானி நேவ
கா²த³னீயே கா²த³னீயத்த²ங் ப²ரந்தி, ந போ⁴ஜனீயே போ⁴ஜனீயத்த²ங் ப²ரந்தி, தானி
– படிக்³க³ஹெத்வா யாவஜீவங் பரிஹரிதுங்; ஸதி பச்சயே பரிபு⁴ஞ்ஜிதுங். அஸதி
பச்சயே பரிபு⁴ஞ்ஜந்தஸ்ஸ ஆபத்தி து³க்கடஸ்ஸாதி.
தேன கோ² பன ஸமயேன கி³லானானங் பி⁴க்கூ²னங் பண்ணேஹி பே⁴ஸஜ்ஜேஹி அத்தோ² ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே ,
பண்ணானி பே⁴ஸஜ்ஜானி – நிம்ப³பண்ணங், குடஜபண்ணங், படோலபண்ணங், ஸுலஸிபண்ணங்,
கப்பாஸபண்ணங், யானி வா பனஞ்ஞானிபி அத்தி² பண்ணானி பே⁴ஸஜ்ஜானி, நேவ
கா²த³னீயே கா²த³னீயத்த²ங் ப²ரந்தி, ந போ⁴ஜனீயே போ⁴ஜனீயத்த²ங் ப²ரந்தி…பே॰….
தேன கோ² பன ஸமயேன கி³லானானங் பி⁴க்கூ²னங் ப²லேஹி பே⁴ஸஜ்ஜேஹி அத்தோ² ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, ப²லானி பே⁴ஸஜ்ஜானி – பி³லங்க³ங், பிப்பலிங், மரிசங், ஹரீதகங், விபீ⁴தகங், ஆமலகங், கொ³ட்ட²ப²லங் [கோ³ட²ப²லங் (ஸ்யா॰), கொட்ட²ப²லங் (க॰)], யானி வா பனஞ்ஞானிபி அத்தி² ப²லானி பே⁴ஸஜ்ஜானி, நேவ கா²த³னீயே கா²த³னீயத்த²ங் ப²ரந்தி, ந போ⁴ஜனீயே போ⁴ஜனீயத்த²ங் ப²ரந்தி…பே॰….
தேன கோ² பன ஸமயேன கி³லானானங் பி⁴க்கூ²னங் ஜதூஹி
பே⁴ஸஜ்ஜேஹி அத்தோ² ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி,
பி⁴க்க²வே, ஜதூனி பே⁴ஸஜ்ஜானி – ஹிங்கு³ங், ஹிங்கு³ஜதுங், ஹிங்கு³ஸிபாடிகங்,
தகங், தகபத்திங், தகபண்ணிங் , ஸஜ்ஜுலஸங், யானி வா பனஞ்ஞானிபி அத்தி² ஜதூனி பே⁴ஸஜ்ஜானி, நேவ கா²த³னீயே கா²த³னீயத்த²ங் ப²ரந்தி…பே॰….
தேன கோ² பன ஸமயேன கி³லானானங் பி⁴க்கூ²னங் லோணேஹி
பே⁴ஸஜ்ஜேஹி அத்தோ² ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி,
பி⁴க்க²வே, லோணானி பே⁴ஸஜ்ஜானி – ஸாமுத்³த³ங், காளலோணங், ஸிந்த⁴வங்,
உப்³பி⁴த³ங் [உப்³பி⁴ரங் (க॰)], பி³லங் [பி³ளாலங் (ஸீ॰)],
யானி வா பனஞ்ஞானிபி அத்தி² லோணானி பே⁴ஸஜ்ஜானி, நேவ கா²த³னீயே
கா²த³னீயத்த²ங் ப²ரந்தி, ந போ⁴ஜனீயே போ⁴ஜனீயத்த²ங் ப²ரந்தி, தானி –
படிக்³க³ஹெத்வா யாவஜீவங் பரிஹரிதுங்; ஸதி பச்சயே பரிபு⁴ஞ்ஜிதுங். அஸதி
பச்சயே பரிபு⁴ஞ்ஜந்தஸ்ஸ ஆபத்தி து³க்கடஸ்ஸாதி.
264. தேன கோ² பன ஸமயேன ஆயஸ்மதோ ஆனந்த³ஸ்ஸ உபஜ்ஜா²யஸ்ஸ
ஆயஸ்மதோ பே³லட்ட²ஸீஸஸ்ஸ து²ல்லகச்சா²பா³தோ⁴ ஹோதி. தஸ்ஸ லஸிகாய சீவரானி
காயே லக்³க³ந்தி, தானி பி⁴க்கூ² உத³கேன தேமெத்வா தேமெத்வா அபகட்³ட⁴ந்தி.
அத்³த³ஸா கோ² ப⁴க³வா ஸேனாஸனசாரிகங் ஆஹிண்ட³ந்தோ தே பி⁴க்கூ² தானி சீவரானி
உத³கேன தேமெத்வா தேமெத்வா அபகட்³ட⁴ந்தே, தி³ஸ்வான யேன தே பி⁴க்கூ²
தேனுபஸங்கமி, உபஸங்கமித்வா தே பி⁴க்கூ² ஏதத³வோச – ‘‘கிங் இமஸ்ஸ, பி⁴க்க²வே,
பி⁴க்கு²னோ ஆபா³தோ⁴’’தி? ‘‘இமஸ்ஸ, ப⁴ந்தே, ஆயஸ்மதோ து²ல்லகச்சா²பா³தோ⁴,
லஸிகாய சீவரானி காயே லக்³க³ந்தி, தானி மயங் உத³கேன தேமெத்வா தேமெத்வா
அபகட்³டா⁴மா’’தி . அத² கோ² ப⁴க³வா ஏதஸ்மிங் நிதா³னே
ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி,
பி⁴க்க²வே, யஸ்ஸ கண்டு³ வா, பிளகா வா, அஸ்ஸாவோ வா, து²ல்லகச்சு² வா
ஆபா³தோ⁴, காயோ வா து³க்³க³ந்தோ⁴, சுண்ணானி பே⁴ஸஜ்ஜானி; அகி³லானஸ்ஸ ச²கணங்
மத்திகங் ரஜனநிப்பக்கங். அனுஜானாமி, பி⁴க்க²வே, உது³க்க²லங் முஸல’’ந்தி.
தேன கோ² பன ஸமயேன கி³லானானங் பி⁴க்கூ²னங் சுண்ணேஹி பே⁴ஸஜ்ஜேஹி சாலிதேஹி அத்தோ² ஹோதி .
ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, சுண்ணசாலினிந்தி.
ஸண்ஹேஹி அத்தோ² ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே,
து³ஸ்ஸசாலினிந்தி.
தேன கோ² பன ஸமயேன அஞ்ஞதரஸ்ஸ பி⁴க்கு²னோ
அமனுஸ்ஸிகாபா³தோ⁴ ஹோதி. தங் ஆசரியுபஜ்ஜா²யா உபட்ட²ஹந்தா நாஸக்கி²ங்ஸு
அரோக³ங் காதுங். ஸோ ஸூகரஸூனங் க³ந்த்வா ஆமகமங்ஸங் கா²தி³, ஆமகலோஹிதங் பிவி . தஸ்ஸ ஸோ அமனுஸ்ஸிகாபா³தோ⁴ படிப்பஸ்ஸம்பி⁴. ப⁴க³வதோ ஏதமத்த²ங் ஆரோசேஸுங் . அனுஜானாமி, பி⁴க்க²வே, அமனுஸ்ஸிகாபா³தே⁴ ஆமகமங்ஸங் ஆமகலோஹிதந்தி.
265.
தேன கோ² பன ஸமயேன அஞ்ஞதரஸ்ஸ பி⁴க்கு²னோ சக்கு²ரோகா³பா³தோ⁴ ஹோதி. தங்
பி⁴க்கூ² பரிக்³க³ஹெத்வா உச்சாரம்பி பஸ்ஸாவம்பி நிக்கா²மெந்தி. அத்³த³ஸா
கோ² ப⁴க³வா ஸேனாஸனசாரிகங் ஆஹிண்ட³ந்தோ தே பி⁴க்கூ² தங் பி⁴க்கு²ங்
பரிக்³க³ஹெத்வா உச்சாரம்பி பஸ்ஸாவம்பி நிக்கா²மெந்தே, தி³ஸ்வான யேன தே
பி⁴க்கூ² தேனுபஸங்கமி, உபஸங்கமித்வா தே பி⁴க்கூ² ஏதத³வோச – ‘‘கிங் இமஸ்ஸ,
பி⁴க்க²வே, பி⁴க்கு²னோ ஆபா³தோ⁴’’தி? ‘‘இமஸ்ஸ, ப⁴ந்தே, ஆயஸ்மதோ
சக்கு²ரோகா³பா³தோ⁴. இமங் மயங் பரிக்³க³ஹெத்வா உச்சாரம்பி பஸ்ஸாவம்பி
நிக்கா²மேமா’’தி. அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங்
கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, அஞ்ஜனங் –
காளஞ்ஜனங், ரஸஞ்ஜனங், ஸோதஞ்ஜனங், கே³ருகங், கபல்ல’’ந்தி. அஞ்ஜனூபபிஸனேஹி
அத்தோ² ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே,
சந்த³னங், தக³ரங், காளானுஸாரியங், தாலீஸங், ப⁴த்³த³முத்தகந்தி. தேன கோ² பன
ஸமயேன பி⁴க்கூ² பிட்டா²னி அஞ்ஜனானி சருகேஸுபி [தா²லகேஸுபி (ஸீ॰ ஸ்யா॰)] ஸராவகேஸுபி நிக்கி²பந்தி; திணசுண்ணேஹிபி பங்ஸுகேஹிபி ஓகிரியந்தி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, அஞ்ஜனிந்தி.
தேன கோ² பன ஸமயேன ச²ப்³ப³க்³கி³யா பி⁴க்கூ² உச்சாவசா அஞ்ஜனியோ தா⁴ரெந்தி – ஸோவண்ணமயங், ரூபியமயங். மனுஸ்ஸா உஜ்ஜா²யந்தி
கி²ய்யந்தி விபாசெந்தி – ‘‘ஸெய்யதா²பி கி³ஹீ காமபோ⁴கி³னோ’’தி. ப⁴க³வதோ
ஏதமத்த²ங் ஆரோசேஸுங். ந, பி⁴க்க²வே, உச்சாவசா அஞ்ஜனீ தா⁴ரேதப்³பா³. யோ
தா⁴ரெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, அட்டி²மயங்,
த³ந்தமயங், விஸாணமயங், நளமயங், வேளுமயங், கட்ட²மயங், ஜதுமயங், ப²லமயங்,
லோஹமயங், ஸங்க²னாபி⁴மயந்தி.
தேன கோ² பன ஸமயேன அஞ்ஜனியோ அபாருதா ஹொந்தி,
திணசுண்ணேஹிபி பங்ஸுகேஹிபி ஓகிரியந்தி. ப⁴க³வதோ ஏதமத்த²ங் ஆரோசேஸுங்.
அனுஜானாமி, பி⁴க்க²வே, அபிதா⁴னந்தி. அபிதா⁴னங் நிபததி . ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, ஸுத்தகேன ப³ந்தி⁴த்வா அஞ்ஜனியா ப³ந்தி⁴துந்தி. அஞ்ஜனீ ப²லதி [நிபததி (க॰)]. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, ஸுத்தகேன ஸிப்³பே³துந்தி.
தேன கோ² பன ஸமயேன பி⁴க்கூ² அங்கு³லியா அஞ்ஜந்தி,
அக்கீ²னி து³க்கா²னி ஹொந்தி. ப⁴க³வதோ ஏதமத்த²ங் ஆரோசேஸுங். அனுஜானாமி,
பி⁴க்க²வே, அஞ்ஜனிஸலாகந்தி.
தேன கோ² பன ஸமயேன ச²ப்³ப³க்³கி³யா பி⁴க்கூ² உச்சாவசா அஞ்ஜனிஸலாகாயோ தா⁴ரெந்தி – ஸோவண்ணமயங் ரூபியமயங். மனுஸ்ஸா
உஜ்ஜா²யந்தி கி²ய்யந்தி விபாசெந்தி, ‘‘ஸெய்யதா²பி கி³ஹீ காமபோ⁴கி³னோ’’தி.
ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, உச்சாவசா அஞ்ஜனிஸலாகா
தா⁴ரேதப்³பா³. யோ தா⁴ரெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே,
அட்டி²மயங்…பே॰… ஸங்க²னாபி⁴மயந்தி.
தேன கோ² பன ஸமயேன அஞ்ஜனிஸலாகா பூ⁴மியங் பதிதா ப²ருஸா ஹோதி. ப⁴க³வதோ ஏதமத்த²ங் ஆரோசேஸுங் . அனுஜானாமி, பி⁴க்க²வே, ஸலாகடா²னியந்தி [ஸலாகோதா⁴னியந்தி (ஸீ॰ ஸ்யா॰)].
தேன கோ² பன ஸமயேன பி⁴க்கூ² அஞ்ஜனிம்பி அஞ்ஜனிஸலாகம்பி
ஹத்தே²ன பரிஹரந்தி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே,
அஞ்ஜனித்த²விகந்தி. அங்ஸப³த்³த⁴கோ ந ஹோதி. ப⁴க³வதோ ஏதமத்த²ங் ஆரோசேஸுங்.
அனுஜானாமி, பி⁴க்க²வே, அங்ஸப³த்³த⁴கங் ப³ந்த⁴னஸுத்தகந்தி.
266. தேன
கோ² பன ஸமயேன ஆயஸ்மதோ பிலிந்த³வச்ச²ஸ்ஸ ஸீஸாபி⁴தாபோ ஹோதி. ப⁴க³வதோ
ஏதமத்த²ங் ஆரோசேஸுங். அனுஜானாமி, பி⁴க்க²வே, முத்³த⁴னி தேலகந்தி.
நக்க²மனியோ ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே,
நத்து²கம்மந்தி. நத்து² க³லதி. ப⁴க³வதோ ஏதமத்த²ங் ஆரோசேஸுங். அனுஜானாமி,
பி⁴க்க²வே, நத்து²கரணிந்தி.
தேன கோ² பன ஸமயேன ச²ப்³ப³க்³கி³யா பி⁴க்கூ² உச்சாவசா
நத்து²கரணியோ தா⁴ரெந்தி – ஸோவண்ணமயங் ரூபியமயங். மனுஸ்ஸா உஜ்ஜா²யந்தி
கி²ய்யந்தி விபாசெந்தி, ‘‘ஸெய்யதா²பி கி³ஹீ காமபோ⁴கி³னோ’’தி. ப⁴க³வதோ
ஏதமத்த²ங் ஆரோசேஸுங். ந, பி⁴க்க²வே, உச்சாவசா நத்து²கரணீ தா⁴ரேதப்³பா³. யோ
தா⁴ரெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, அட்டி²மயங்…பே॰…
ஸங்க²னாபி⁴மயந்தி. நத்து²ங் விஸமங் ஆஸிஞ்சந்தி [நத்து² விஸமங் ஆஸிஞ்சியதி (ஸீ॰ ஸ்யா॰)]. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே ,
யமகனத்து²கரணிந்தி. நக்க²மனியோ ஹோதி. ப⁴க³வதோ ஏதமத்த²ங் ஆரோசேஸுங்.
அனுஜானாமி, பி⁴க்க²வே, தூ⁴மங் பாதுந்தி. தஞ்ஞேவ வட்டிங் ஆலிம்பெத்வா
பிவந்தி , கண்டோ² த³ஹதி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, தூ⁴மனெத்தந்தி.
தேன கோ² பன ஸமயேன ச²ப்³ப³க்³கி³யா பி⁴க்கூ² உச்சாவசானி
தூ⁴மனெத்தானி தா⁴ரெந்தி – ஸோவண்ணமயங் ரூபியமயங். மனுஸ்ஸா உஜ்ஜா²யந்தி
கி²ய்யந்தி விபாசெந்தி – ஸெய்யதா²பி கி³ஹீ காமபோ⁴கி³னோதி. ப⁴க³வதோ
ஏதமத்த²ங் ஆரோசேஸுங். ந, பி⁴க்க²வே, உச்சாவசானி தூ⁴மனெத்தானி
தா⁴ரேதப்³பா³னி. யோ தா⁴ரெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே,
அட்டி²மயங்…பே॰… ஸங்க²னாபி⁴மயந்தி.
தேன கோ² பன ஸமயேன தூ⁴மனெத்தானி அபாருதானி ஹொந்தி, பாணகா பவிஸந்தி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, அபிதா⁴னந்தி.
தேன கோ² பன ஸமயேன பி⁴க்கூ² தூ⁴மனெத்தானி ஹத்தே²ன
பரிஹரந்தி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே,
தூ⁴மனெத்தத²விகந்தி. ஏகதோ க⁴ங்ஸியந்தி. ப⁴க³வதோ ஏதமத்த²ங் ஆரோசேஸுங்.
அனுஜானாமி, பி⁴க்க²வே, யமகத²விகந்தி. அங்ஸப³த்³த⁴கோ ந ஹோதி. ப⁴க³வதோ
ஏதமத்த²ங் ஆரோசேஸுங். அனுஜானாமி, பி⁴க்க²வே, அங்ஸப³த்³த⁴கங்
ப³ந்த⁴னஸுத்தகந்தி.
267. தேன கோ² பன ஸமயேன ஆயஸ்மதோ பிலிந்த³வச்ச²ஸ்ஸ வாதாபா³தோ⁴
ஹோதி. வேஜ்ஜா ஏவமாஹங்ஸு – ‘‘தேலங் பசிதப்³ப³’’ந்தி. ப⁴க³வதோ ஏதமத்த²ங்
ஆரோசேஸுங். அனுஜானாமி, பி⁴க்க²வே, தேலபாகந்தி. தஸ்மிங் கோ² பன தேலபாகே
மஜ்ஜங் பக்கி²பிதப்³ப³ங் ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி,
பி⁴க்க²வே, தேலபாகே மஜ்ஜங் பக்கி²பிதுந்தி.
தேன கோ² பன ஸமயேன ச²ப்³ப³க்³கி³யா பி⁴க்கூ² அதிபக்கி²த்தமஜ்ஜானி [அதிகி²த்தமஜ்ஜானி (க॰)]
தேலானி பசந்தி, தானி பிவித்வா மஜ்ஜந்தி. ப⁴க³வதோ ஏதமத்த²ங் ஆரோசேஸுங். ந,
பி⁴க்க²வே, அதிபக்கி²த்தமஜ்ஜங் தேலங் பாதப்³ப³ங். யோ பிவெய்ய, யதா²த⁴ம்மோ
காரேதப்³போ³. அனுஜானாமி, பி⁴க்க²வே, யஸ்மிங் தேலபாகே மஜ்ஜஸ்ஸ ந வண்ணோ ந
க³ந்தோ⁴ ந ரஸோ பஞ்ஞாயதி, ஏவரூபங் மஜ்ஜபக்கி²த்தங் தேலங் பாதுந்தி.
தேன கோ² பன ஸமயேன பி⁴க்கூ²னங் ப³ஹுங் அதிபக்கி²த்தமஜ்ஜங் தேலங் பக்கங் ஹோதி. அத² கோ² பி⁴க்கூ²னங்
ஏதத³ஹோஸி – ‘‘கத²ங் நு கோ² அதிபக்கி²த்தமஜ்ஜே தேலே படிபஜ்ஜிதப்³ப³’’ந்தி?
ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, அப்³ப⁴ஞ்ஜனங்
அதி⁴ட்டா²துந்தி.
தேன கோ² பன ஸமயேன ஆயஸ்மதோ பிலிந்த³வச்ச²ஸ்ஸ ப³ஹுதரங்
தேலங் பக்கங் ஹோதி, தேலபா⁴ஜனங் ந விஜ்ஜதி. ப⁴க³வதோ ஏதமத்த²ங் ஆரோசேஸுங்.
அனுஜானாமி, பி⁴க்க²வே, தீணி தும்பா³னி – லோஹதும்ப³ங், கட்ட²தும்ப³ங்,
ப²லதும்ப³ந்தி.
தேன கோ² பன ஸமயேன ஆயஸ்மதோ பிலிந்த³வச்ச²ஸ்ஸ அங்க³வாதோ
ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, ஸேத³கம்மந்தி.
நக்க²மனியோ ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே,
ஸம்பா⁴ரஸேத³ந்தி. நக்க²மனியோ ஹோதி. ப⁴க³வதோ ஏதமத்த²ங் ஆரோசேஸுங்.
அனுஜானாமி, பி⁴க்க²வே, மஹாஸேத³ந்தி. நக்க²மனியோ ஹோதி. ப⁴க³வதோ ஏதமத்த²ங்
ஆரோசேஸுங். அனுஜானாமி, பி⁴க்க²வே, ப⁴ங்கோ³த³கந்தி. நக்க²மனியோ ஹோதி.
ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, உத³ககொட்ட²கந்தி.
தேன கோ² பன ஸமயேன ஆயஸ்மதோ பிலிந்த³வச்ச²ஸ்ஸ பப்³ப³வாதோ ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, லோஹிதங் மோசேதுந்தி. நக்க²மனியோ ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, லோஹிதங் மோசெத்வா விஸாணேன கா³ஹேதுந்தி [க³ஹேதுந்தி (ஸீ॰ ஸ்யா॰)].
தேன கோ² பன ஸமயேன ஆயஸ்மதோ பிலிந்த³வச்ச²ஸ்ஸ பாதா³ ப²லிதா [பா²லிதா (க॰)]
ஹொந்தி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே,
பாத³ப்³ப⁴ஞ்ஜனந்தி. நக்க²மனியோ ஹோதி. ப⁴க³வதோ ஏதமத்த²ங் ஆரோசேஸுங்.
அனுஜானாமி, பி⁴க்க²வே, பஜ்ஜங் அபி⁴ஸங்க²ரிதுந்தி.
தேன கோ² பன ஸமயேன அஞ்ஞதரஸ்ஸ பி⁴க்கு²னோ க³ண்டா³பா³தோ⁴
ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, ஸத்த²கம்மந்தி.
கஸாவோத³கேன அத்தோ² ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி,
பி⁴க்க²வே, கஸாவோத³கந்தி. திலகக்கேன அத்தோ² ஹோதி. ப⁴க³வதோ ஏதமத்த²ங்
ஆரோசேஸுங். அனுஜானாமி, பி⁴க்க²வே, திலகக்கந்தி. கப³ளிகாய அத்தோ² ஹோதி.
ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, கப³ளிகந்தி.
வணப³ந்த⁴னசோளேன அத்தோ² ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி,
பி⁴க்க²வே, வணப³ந்த⁴னசோளந்தி. வணோ கண்டு³வதி. ப⁴க³வதோ ஏதமத்த²ங் ஆரோசேஸுங்.
அனுஜானாமி, பி⁴க்க²வே, ஸாஸபகுட்டேன [ஸாஸபகுட்³டே³ன (ஸீ॰ ஸ்யா॰)] போ²ஸிதுந்தி. வணோ கிலிஜ்ஜித்த². ப⁴க³வதோ ஏதமத்த²ங் ஆரோசேஸுங். அனுஜானாமி , பி⁴க்க²வே, தூ⁴மங்
காதுந்தி. வட்³ட⁴மங்ஸங் வுட்டா²தி. ப⁴க³வதோ ஏதமத்த²ங் ஆரோசேஸுங்.
அனுஜானாமி, பி⁴க்க²வே, லோணஸக்க²ரிகாய சி²ந்தி³துந்தி. வணோ ந ருஹதி. ப⁴க³வதோ
ஏதமத்த²ங் ஆரோசேஸுங். அனுஜானாமி, பி⁴க்க²வே, வணதேலந்தி. தேலங் க³லதி.
ப⁴க³வதோ ஏதமத்த²ங் ஆரோசேஸுங். அனுஜானாமி , பி⁴க்க²வே, விகாஸிகங் ஸப்³ப³ங் வணபடிகம்மந்தி.
268.
தேன கோ² பன ஸமயேன அஞ்ஞதரோ பி⁴க்கு² அஹினா த³ட்டோ² ஹோதி. ப⁴க³வதோ ஏதமத்த²ங்
ஆரோசேஸுங். அனுஜானாமி, பி⁴க்க²வே, சத்தாரி மஹாவிகடானி தா³துங் – கூ³த²ங்,
முத்தங், சா²ரிகங், மத்திகந்தி. அத² கோ² பி⁴க்கூ²னங் ஏதத³ஹோஸி –
‘‘அப்படிக்³க³ஹிதானி நு கோ² உதா³ஹு படிக்³க³ஹேதப்³பா³னீ’’தி. ப⁴க³வதோ
ஏதமத்த²ங் ஆரோசேஸுங். அனுஜானாமி, பி⁴க்க²வே, ஸதி கப்பியகாரகே
படிக்³க³ஹாபேதுங், அஸதி கப்பியகாரகே ஸாமங் க³ஹெத்வா பரிபு⁴ஞ்ஜிதுந்தி.
தேன கோ² பன ஸமயேன அஞ்ஞதரேன
பி⁴க்கு²னா விஸங் பீதங் ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி
பி⁴க்க²வே கூ³த²ங் பாயேதுந்தி. அத² கோ² பி⁴க்கூ²னங் ஏதத³ஹோஸி –
‘‘அப்படிக்³க³ஹிதங் நு கோ² உதா³ஹு படிக்³க³ஹேதப்³போ³’’தி? ப⁴க³வதோ
ஏதமத்த²ங் ஆரோசேஸுங். அனுஜானாமி, பி⁴க்க²வே, யங் கரொந்தோ படிக்³க³ண்ஹாதி,
ஸ்வேவ படிக்³க³ஹோ கதோ, ந புன [கதோ பன (?)] படிக்³க³ஹேதப்³போ³தி.
269.
தேன கோ² பன ஸமயேன அஞ்ஞதரஸ்ஸ பி⁴க்கு²னோ க⁴ரதி³ன்னகாபா³தோ⁴ ஹோதி. ப⁴க³வதோ
ஏதமத்த²ங் ஆரோசேஸுங். அனுஜானாமி, பி⁴க்க²வே, ஸீதாலோளிங் பாயேதுந்தி.
தேன கோ² பன ஸமயேன அஞ்ஞதரோ பி⁴க்கு² து³ட்ட²க³ஹணிகோ ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, ஆமிஸகா²ரங் பாயேதுந்தி.
தேன கோ² பன ஸமயேன அஞ்ஞதரஸ்ஸ பி⁴க்கு²னோ பண்டு³ரோகா³பா³தோ⁴ ஹோதி. ப⁴க³வதோ ஏதமத்த²ங் ஆரோசேஸுங் . அனுஜானாமி, பி⁴க்க²வே, முத்தஹரீதகங் பாயேதுந்தி.
தேன கோ² பன ஸமயேன அஞ்ஞதரஸ்ஸ பி⁴க்கு²னோ
ச²விதோ³ஸாபா³தோ⁴ ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே,
க³ந்தா⁴லேபங் காதுந்தி.
தேன கோ² பன ஸமயேன அஞ்ஞதரோ பி⁴க்கு² அபி⁴ஸன்னகாயோ ஹோதி. ப⁴க³வதோ ஏதமத்த²ங் ஆரோசேஸுங் .
அனுஜானாமி, பி⁴க்க²வே, விரேசனங் பாதுந்தி. அச்ச²கஞ்ஜியா அத்தோ² ஹோதி.
ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, அச்ச²கஞ்ஜிந்தி.
அகடயூஸேன அத்தோ² ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே,
அகடயூஸந்தி. கடாகடேன அத்தோ² ஹோதி. ப⁴க³வதோ ஏதமத்த²ங் ஆரோசேஸுங்.
அனுஜானாமி, பி⁴க்க²வே, கடாகடந்தி. படிச்சா²த³னீயேன அத்தோ² ஹோதி. ப⁴க³வதோ
ஏதமத்த²ங் ஆரோசேஸுங். அனுஜானாமி, பி⁴க்க²வே, படிச்சா²த³னீயந்தி.
மூலாதி³பே⁴ஸஜ்ஜகதா² நிட்டி²தா.
162. பிலிந்த³வச்ச²வத்து²
270. [இத³ங் வத்து² பாரா॰ 618 ஆத³யோ] தேன கோ² பன ஸமயேன ஆயஸ்மா பிலிந்த³வச்சோ² ராஜக³ஹே பப்³பா⁴ரங் ஸோதா⁴பேதி லேணங் கத்துகாமோ. அத² கோ² ராஜா மாக³தோ⁴ ஸேனியோ பி³ம்பி³ஸாரோ யேனாயஸ்மா பிலிந்த³வச்சோ² தேனுபஸங்கமி, உபஸங்கமித்வா ஆயஸ்மந்தங் பிலிந்த³வச்ச²ங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ராஜா மாக³தோ⁴
ஸேனியோ பி³ம்பி³ஸாரோ ஆயஸ்மந்தங் பிலிந்த³வச்ச²ங் ஏதத³வோச – ‘‘கிங், ப⁴ந்தே,
தே²ரோ காராபேதீ’’தி? ‘‘பப்³பா⁴ரங், மஹாராஜ, ஸோதா⁴பேமி, லேணங்
கத்துகாமோ’’தி. ‘‘அத்தோ², ப⁴ந்தே, அய்யஸ்ஸ
ஆராமிகேனா’’தி? ‘‘ந கோ², மஹாராஜ, ப⁴க³வதா ஆராமிகோ அனுஞ்ஞாதோ’’தி. ‘‘தேன ஹி,
ப⁴ந்தே, ப⁴க³வந்தங் படிபுச்சி²த்வா மம ஆரோசெய்யாதா²’’தி. ‘ஏவங்,
மஹாராஜா’தி கோ² ஆயஸ்மா பிலிந்த³வச்சோ² ரஞ்ஞோ மாக³த⁴ஸ்ஸ ஸேனியஸ்ஸ
பி³ம்பி³ஸாரஸ்ஸ பச்சஸ்ஸோஸி. அத² கோ² ஆயஸ்மா பிலிந்த³வச்சோ² ராஜானங்
மாக³த⁴ங் ஸேனியங் பி³ம்பி³ஸாரங் த⁴ம்மியா கதா²ய ஸந்த³ஸ்ஸேஸி, ஸமாத³பேஸி,
ஸமுத்தேஜேஸி, ஸம்பஹங்ஸேஸி. அத² கோ² ராஜா மாக³தோ⁴ ஸேனியோ பி³ம்பி³ஸாரோ
ஆயஸ்மதா பிலிந்த³வச்சே²ன த⁴ம்மியா கதா²ய ஸந்த³ஸ்ஸிதோ ஸமாத³பிதோ ஸமுத்தேஜிதோ
ஸம்பஹங்ஸிதோ உட்டா²யாஸனா ஆயஸ்மந்தங் பிலிந்த³வச்ச²ங் அபி⁴வாதெ³த்வா
பத³க்கி²ணங் கத்வா பக்காமி.
அத² கோ² ஆயஸ்மா பிலிந்த³வச்சோ² ப⁴க³வதோ ஸந்திகே தூ³தங்
பாஹேஸி – ‘‘ராஜா, ப⁴ந்தே, மாக³தோ⁴ ஸேனியோ பி³ம்பி³ஸாரோ ஆராமிகங்
தா³துகாமோ. கத²ங் நு கோ², ப⁴ந்தே, மயா படிபஜ்ஜிதப்³ப³’’ந்தி? அத² கோ²
ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ²
ஆமந்தேஸி – ‘‘அனுஜானாமி, பி⁴க்க²வே, ஆராமிக’’ந்தி. து³தியம்பி கோ² ராஜா
மாக³தோ⁴ ஸேனியோ பி³ம்பி³ஸாரோ யேனாயஸ்மா பிலிந்த³வச்சோ² தேனுபஸங்கமி;
உபஸங்கமித்வா ஆயஸ்மந்தங் பிலிந்த³வச்ச²ங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ராஜா மாக³தோ⁴
ஸேனியோ பி³ம்பி³ஸாரோ ஆயஸ்மந்தங் பிலிந்த³வச்ச²ங் ஏதத³வோச – ‘‘அனுஞ்ஞாதோ,
ப⁴ந்தே, ப⁴க³வதா ஆராமிகோ’’தி? ‘‘ஏவங், மஹாராஜா’’தி. ‘‘தேன ஹி, ப⁴ந்தே,
அய்யஸ்ஸ ஆராமிகங் த³ம்மீ’’தி. அத² கோ² ராஜா மாக³தோ⁴ ஸேனியோ பி³ம்பி³ஸாரோ
ஆயஸ்மதோ பிலிந்த³வச்ச²ஸ்ஸ ஆராமிகங் படிஸ்ஸுத்வா, விஸ்ஸரித்வா, சிரேன ஸதிங்
படிலபி⁴த்வா, அஞ்ஞதரங் ஸப்³ப³த்த²கங் மஹாமத்தங் ஆமந்தேஸி – ‘‘யோ மயா,
ப⁴ணே, அய்யஸ்ஸ ஆராமிகோ படிஸ்ஸுதோ, தி³ன்னோ ஸோ ஆராமிகோ’’தி? ‘‘ந கோ², தே³வ,
அய்யஸ்ஸ ஆராமிகோ தி³ன்னோ’’தி. ‘‘கீவ சிரங் நு கோ², ப⁴ணே, இதோ [இதோ ரத்தி (ஸ்யா॰)] ஹி தங் ஹோதீ’’தி? அத² கோ² ஸோ மஹாமத்தோ ரத்தியோ க³ணெத்வா [விக³ணெத்வா (ஸீ॰)]
ராஜானங் மாக³த⁴ங் ஸேனியங் பி³ம்பி³ஸாரங் ஏதத³வோச – ‘‘பஞ்ச, தே³வ,
ரத்திஸதானீ’’தி. தேன ஹி, ப⁴ணே, அய்யஸ்ஸ பஞ்ச ஆராமிகஸதானி தே³ஹீதி. ‘‘ஏவங்,
தே³வா’’தி கோ² ஸோ மஹாமத்தோ ரஞ்ஞோ மாக³த⁴ஸ்ஸ ஸேனியஸ்ஸ பி³ம்பி³ஸாரஸ்ஸ
படிஸ்ஸுத்வா ஆயஸ்மதோ பிலிந்த³வச்ச²ஸ்ஸ பஞ்ச ஆராமிகஸதானி பாதா³ஸி,
பாடியேக்கோ கா³மோ நிவிஸி. ‘ஆராமிககா³மகோதி’பி நங் ஆஹங்ஸு , ‘பிலிந்த³கா³மகோ’திபி நங் ஆஹங்ஸு.
271.
தேன கோ² பன ஸமயேன ஆயஸ்மா பிலிந்த³வச்சோ² தஸ்மிங் கா³மகே குலூபகோ ஹோதி. அத²
கோ² ஆயஸ்மா பிலிந்த³வச்சோ² புப்³ப³ண்ஹஸமயங் நிவாஸெத்வா பத்தசீவரமாதா³ய
பிலிந்த³கா³மங் பிண்டா³ய பாவிஸி. தேன கோ² பன ஸமயேன தஸ்மிங் கா³மகே உஸ்ஸவோ
ஹோதி. தா³ரகா அலங்கதா மாலாகிதா கீளந்தி. அத² கோ² ஆயஸ்மா பிலிந்த³வச்சோ²
பிலிந்த³கா³மகே ஸபதா³னங் பிண்டா³ய சரமானோ யேன
அஞ்ஞதரஸ்ஸ ஆராமிகஸ்ஸ நிவேஸனங் தேனுபஸங்கமி, உபஸங்கமித்வா பஞ்ஞத்தே ஆஸனே
நிஸீதி³. தேன கோ² பன ஸமயேன தஸ்ஸா ஆராமிகினியா தீ⁴தா அஞ்ஞே தா³ரகே அலங்கதே
மாலாகிதே பஸ்ஸித்வா ரோத³தி – ‘மாலங் மே தே³த², அலங்காரங் மே தே³தா²’தி. அத²
கோ² ஆயஸ்மா பிலிந்த³வச்சோ² தங் ஆராமிகினிங் ஏதத³வோச – ‘‘கிஸ்ஸாயங் தா³ரிகா
ரோத³தீ’’தி? ‘‘அயங், ப⁴ந்தே, தா³ரிகா அஞ்ஞே தா³ரகே அலங்கதே மாலாகிதே
பஸ்ஸித்வா ரோத³தி – ‘மாலங் மே தே³த², அலங்காரங் மே தே³தா²’தி. குதோ
அம்ஹாகங் து³க்³க³தானங் மாலா, குதோ அலங்காரோ’’தி? அத² கோ² ஆயஸ்மா
பிலிந்த³வச்சோ² அஞ்ஞதரங் திணண்டு³பகங் க³ஹெத்வா தங் ஆராமிகினிங் ஏதத³வோச –
‘‘ஹந்தி³மங் திணண்டு³பகங் தஸ்ஸா தா³ரிகாய ஸீஸே படிமுஞ்சா’’தி. அத² கோ² ஸா
ஆராமிகினீ தங் திணண்டு³பகங் க³ஹெத்வா தஸ்ஸா தா³ரிகாய ஸீஸே படிமுஞ்சி. ஸா
அஹோஸி ஸுவண்ணமாலா அபி⁴ரூபா, த³ஸ்ஸனீயா, பாஸாதி³கா; நத்தி² தாதி³ஸா ரஞ்ஞோபி
அந்தேபுரே ஸுவண்ணமாலா. மனுஸ்ஸா ரஞ்ஞோ மாக³த⁴ஸ்ஸ ஸேனியஸ்ஸ பி³ம்பி³ஸாரஸ்ஸ
ஆரோசேஸுங் – ‘‘அமுகஸ்ஸ, தே³வ, ஆராமிகஸ்ஸ க⁴ரே ஸுவண்ணமாலா அபி⁴ரூபா,
த³ஸ்ஸனீயா, பாஸாதி³கா; நத்தி² தாதி³ஸா தே³வஸ்ஸபி அந்தேபுரே ஸுவண்ணமாலா; குதோ தஸ்ஸ து³க்³க³தஸ்ஸ? நிஸ்ஸங்ஸயங் சோரிகாய ஆப⁴தா’’தி.
அத² கோ² ராஜா மாக³தோ⁴ ஸேனியோ பி³ம்பி³ஸாரோ தங் ஆராமிககுலங் ப³ந்தா⁴பேஸி. து³தியம்பி
கோ² ஆயஸ்மா பிலிந்த³வச்சோ² புப்³ப³ண்ஹஸமயங் நிவாஸெத்வா பத்தசீவரமாதா³ய
பிலிந்த³கா³மங் பிண்டா³ய பாவிஸி. பிலிந்த³கா³மகே ஸபதா³னங் பிண்டா³ய சரமானோ
யேன தஸ்ஸ ஆராமிகஸ்ஸ நிவேஸனங் தேனுபஸங்கமி, உபஸங்கமித்வா படிவிஸ்ஸகே புச்சி²
– ‘‘கஹங் இமங் ஆராமிககுலங் க³த’’ந்தி? ‘‘ஏதிஸ்ஸா, ப⁴ந்தே, ஸுவண்ணமாலாய
காரணா ரஞ்ஞா ப³ந்தா⁴பித’’ந்தி. அத² கோ² ஆயஸ்மா பிலிந்த³வச்சோ² யேன ரஞ்ஞோ
மாக³த⁴ஸ்ஸ ஸேனியஸ்ஸ பி³ம்பி³ஸாரஸ்ஸ நிவேஸனங் தேனுபஸங்கமி, உபஸங்கமித்வா
பஞ்ஞத்தே ஆஸனே நிஸீதி³. அத² கோ² ராஜா மாக³தோ⁴ ஸேனியோ பி³ம்பி³ஸாரோ
யேனாயஸ்மா பிலிந்த³வச்சோ² தேனுபஸங்கமி, உபஸங்கமித்வா ஆயஸ்மந்தங்
பிலிந்த³வச்ச²ங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னங் கோ²
ராஜானங் மாக³த⁴ங் ஸேனியங் பி³ம்பி³ஸாரங் ஆயஸ்மா பிலிந்த³வச்சோ² ஏதத³வோச –
‘‘கிஸ்ஸ, மஹாராஜ, ஆராமிககுலங் ப³ந்தா⁴பித’’ந்தி? ‘‘தஸ்ஸ, ப⁴ந்தே, ஆராமிகஸ்ஸ
க⁴ரே ஸுவண்ணமாலா அபி⁴ரூபா, த³ஸ்ஸனீயா, பாஸாதி³கா; நத்தி² தாதி³ஸா
அம்ஹாகம்பி அந்தேபுரே ஸுவண்ணமாலா; குதோ தஸ்ஸ து³க்³க³தஸ்ஸ? நிஸ்ஸங்ஸயங்
சோரிகாய ஆப⁴தா’’தி. அத² கோ² ஆயஸ்மா பிலிந்த³வச்சோ² ரஞ்ஞோ மாக³த⁴ஸ்ஸ
ஸேனியஸ்ஸ பி³ம்பி³ஸாரஸ்ஸ பாஸாத³ங் ஸுவண்ணந்தி அதி⁴முச்சி; ஸோ அஹோஸி
ஸப்³ப³ஸோவண்ணமயோ. ‘‘இத³ங் பன தே, மஹாராஜ, தாவ ப³ஹுங் ஸுவண்ணங் குதோ’’தி?
‘அஞ்ஞாதங், ப⁴ந்தே, அய்யஸ்ஸேவேஸோ இத்³தா⁴னுபா⁴வோ’தி தங் ஆராமிககுலங் முஞ்சாபேஸி.
மனுஸ்ஸா ‘‘அய்யேன கிர பிலிந்த³வச்சே²ன ஸராஜிகாய பரிஸாய
உத்தரிமனுஸ்ஸத⁴ம்மங் இத்³தி⁴பாடிஹாரியங் த³ஸ்ஸித’’ந்தி அத்தமனா
அபி⁴ப்பஸன்னா ஆயஸ்மதோ பிலிந்த³வச்ச²ஸ்ஸ பஞ்ச பே⁴ஸஜ்ஜானி அபி⁴ஹரிங்ஸு,
ஸெய்யதி²த³ங் – ஸப்பிங், நவனீதங், தேலங், மது⁴ங் [ஸப்பி நவனீதங் தேலங் மது⁴ (க॰)],
பா²ணிதங். பகதியாபி ச ஆயஸ்மா பிலிந்த³வச்சோ² லாபீ⁴ ஹோதி பஞ்சன்னங்
பே⁴ஸஜ்ஜானங்; லத்³த⁴ங் லத்³த⁴ங் பரிஸாய விஸ்ஸஜ்ஜேதி. பரிஸா சஸ்ஸ ஹோதி
பா³ஹுல்லிகா; லத்³த⁴ங் லத்³த⁴ங் கோலம்பே³பி [கோளும்பே³பி (க॰)],
க⁴டேபி, பூரெத்வா படிஸாமேதி; பரிஸ்ஸாவனானிபி, த²விகாயோபி, பூரெத்வா
வாதபானேஸு லக்³கே³தி. தானி ஓலீனவிலீனானி திட்ட²ந்தி. உந்தூ³ரேஹிபி விஹாரா
ஓகிண்ணவிகிண்ணா ஹொந்தி. மனுஸ்ஸா விஹாரசாரிகங் ஆஹிண்ட³ந்தா பஸ்ஸித்வா
உஜ்ஜா²யந்தி கி²ய்யந்தி விபாசெந்தி – ‘‘அந்தோகொட்டா²கா³ரிகா இமே ஸமணா
ஸக்யபுத்தியா , ஸெய்யதா²பி ராஜா மாக³தோ⁴ ஸேனியோ
பி³ம்பி³ஸாரோ’’தி. அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங்
கி²ய்யந்தானங் விபாசெந்தானங். யே தே பி⁴க்கூ² அப்பிச்சா², தே உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம பி⁴க்கூ²
ஏவரூபாய பா³ஹுல்லாய சேதெஸ்ஸந்தீ’’தி. அத² கோ² தே பி⁴க்கூ² தே அனேகபரியாயேன
விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர, பி⁴க்க²வே,
பி⁴க்கூ² ஏவரூபாய பா³ஹுல்லாய சேதெந்தீ’’தி? ‘‘ஸச்சங் ப⁴க³வாதி…பே॰…
விக³ரஹித்வா த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘யானி கோ² பன தானி
கி³லானானங் பி⁴க்கூ²னங் படிஸாயனீயானி பே⁴ஸஜ்ஜானி,
ஸெய்யதி²த³ங் – ஸப்பி, நவனீதங், தேலங், மது⁴, பா²ணிதங், தானி
படிக்³க³ஹெத்வா ஸத்தாஹபரமங் ஸன்னிதி⁴காரகங் பரிபு⁴ஞ்ஜிதப்³பா³னி. தங்
அதிக்காமயதோ யதா²த⁴ம்மோ காரேதப்³போ³’’தி.
பிலிந்த³வச்ச²வத்து² நிட்டி²தங்.
பே⁴ஸஜ்ஜானுஞ்ஞாதபா⁴ணவாரோ நிட்டி²தோ பட²மோ.
163. கு³ளாதி³அனுஜானநா
272. அத² கோ² ப⁴க³வா ஸாவத்தி²யங் யதா²பி⁴ரந்தங் விஹரித்வா
யேன ராஜக³ஹங் தேன சாரிகங் பக்காமி. அத்³த³ஸா கோ² ஆயஸ்மா கங்கா²ரேவதோ
அந்தராமக்³கே³ கு³ளகரணங், ஓக்கமித்வா கு³ளே பிட்ட²ம்பி சா²ரிகம்பி
பக்கி²பந்தே, தி³ஸ்வான ‘‘அகப்பியோ கு³ளோ ஸாமிஸோ, ந கப்பதி கு³ளோ விகாலே
பரிபு⁴ஞ்ஜிது’’ந்தி குக்குச்சாயந்தோ ஸபரிஸோ கு³ளங் ந பரிபு⁴ஞ்ஜதி. யேபிஸ்ஸ
ஸோதப்³ப³ங் மஞ்ஞந்தி, தேபி கு³ளங் ந பரிபு⁴ஞ்ஜந்தி. ப⁴க³வதோ ஏதமத்த²ங்
ஆரோசேஸுங். கிமத்தா²ய [கிமத்தி²யா (க॰)], பி⁴க்க²வே, கு³ளே பிட்ட²ம்பி சா²ரிகம்பி பக்கி²பந்தீதி? த²த்³த⁴த்தா²ய [ப³ந்த⁴னத்தா²ய (ஸீ॰ ஸ்யா॰)]
ப⁴க³வாதி. ஸசே, பி⁴க்க²வே, த²த்³த⁴த்தா²ய கு³ளே பிட்ட²ம்பி சா²ரிகம்பி
பக்கி²பந்தி, ஸோ ச கு³ளொத்வேவ ஸங்க²ங் க³ச்ச²தி. அனுஜானாமி, பி⁴க்க²வே,
யதா²ஸுக²ங் கு³ளங் பரிபு⁴ஞ்ஜிதுந்தி.
அத்³த³ஸா கோ² ஆயஸ்மா கங்கா²ரேவதோ அந்தராமக்³கே³ வச்சே
முக்³க³ங் ஜாதங், பஸ்ஸித்வா ‘‘அகப்பியா முக்³கா³; பக்காபி முக்³கா³
ஜாயந்தீதி’’ குக்குச்சாயந்தோ ஸபரிஸோ முக்³க³ங் ந பரிபு⁴ஞ்ஜதி. யேபிஸ்ஸ
ஸோதப்³ப³ங் மஞ்ஞந்தி, தேபி முக்³க³ங் ந பரிபு⁴ஞ்ஜந்தி. ப⁴க³வதோ ஏதமத்த²ங்
ஆரோசேஸுங். ஸசே [ஸசேபி (?)], பி⁴க்க²வே, பக்காபி முக்³கா³ ஜாயந்தி , அனுஜானாமி, பி⁴க்க²வே, யதா²ஸுக²ங் முக்³க³ங் பரிபு⁴ஞ்ஜிதுந்தி.
273. தேன
கோ² பன ஸமயேன அஞ்ஞதரஸ்ஸ பி⁴க்கு²னோ உத³ரவாதாபா³தோ⁴ ஹோதி. ஸோ லோணஸோவீரகங்
அபாயி. தஸ்ஸ ஸோ உத³ரவாதாபா³தோ⁴ படிப்பஸ்ஸம்பி⁴. ப⁴க³வதோ ஏதமத்த²ங்
ஆரோசேஸுங் . அனுஜானாமி, பி⁴க்க²வே, கி³லானஸ்ஸ லோணஸோவீரகங்; அகி³லானஸ்ஸ உத³கஸம்பி⁴ன்னங் பானபரிபோ⁴கே³ன பரிபு⁴ஞ்ஜிதுந்தி.
கு³ளாதி³அனுஜானநா நிட்டி²தா.
164. அந்தோவுட்டா²தி³படிக்கே²பகதா²
274.
அத² கோ² ப⁴க³வா அனுபுப்³பே³ன சாரிகங் சரமானோ யேன ராஜக³ஹங் தத³வஸரி. தத்ர
ஸுத³ங் ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன ஸமயேன
ப⁴க³வதோ உத³ரவாதாபா³தோ⁴ ஹோதி. அத² கோ² ஆயஸ்மா ஆனந்தோ³ – ‘புப்³பே³பி
ப⁴க³வதோ உத³ரவாதாபா³தோ⁴ தேகடுலயாகு³யா பா²ஸு ஹோதீ’தி – ஸாமங் திலம்பி,
தண்டு³லம்பி, முக்³க³ம்பி விஞ்ஞாபெத்வா, அந்தோ வாஸெத்வா, அந்தோ ஸாமங்
பசித்வா ப⁴க³வதோ உபனாமேஸி – ‘‘பிவது ப⁴க³வா தேகடுலயாகு³’’ந்தி. ஜானந்தாபி
ததா²க³தா புச்ச²ந்தி, ஜானந்தாபி ந புச்ச²ந்தி; காலங் விதி³த்வா புச்ச²ந்தி,
காலங் விதி³த்வா ந புச்ச²ந்தி; அத்த²ஸங்ஹிதங் ததா²க³தா புச்ச²ந்தி, நோ
அனத்த²ஸங்ஹிதங். அனத்த²ஸங்ஹிதே ஸேதுகா⁴தோ ததா²க³தானங். த்³வீஹி ஆகாரேஹி
பு³த்³தா⁴ ப⁴க³வந்தோ பி⁴க்கூ² படிபுச்ச²ந்தி – த⁴ம்மங் வா தே³ஸெஸ்ஸாம,
ஸாவகானங் வா ஸிக்கா²பத³ங் பஞ்ஞபெஸ்ஸாமாதி. அத² கோ² ப⁴க³வா ஆயஸ்மந்தங் ஆனந்த³ங் ஆமந்தேஸி – ‘‘குதாயங், ஆனந்த³ ,
யாகூ³’’தி? அத² கோ² ஆயஸ்மா ஆனந்தோ³ ப⁴க³வதோ ஏதமத்த²ங் ஆரோசேஸி. விக³ரஹி
பு³த்³தோ⁴ ப⁴க³வா – ‘அனநுச்ச²விகங், ஆனந்த³, அனநுலோமிகங், அப்பதிரூபங்,
அஸ்ஸாமணகங், அகப்பியங், அகரணீயங். கத²ஞ்ஹி நாம த்வங், ஆனந்த³, ஏவரூபாய
பா³ஹுல்லாய சேதெஸ்ஸஸி. யத³பி, ஆனந்த³, அந்தோ வுட்ட²ங் [வுத்த²ங் (ஸீ॰ ஸ்யா॰ க॰)]
தத³பி அகப்பியங்; யத³பி அந்தோ பக்கங் தத³பி அகப்பியங்; யத³பி ஸாமங்
பக்கங், தத³பி அகப்பியங். நேதங், ஆனந்த³, அப்பஸன்னானங் வா பஸாதா³ய…பே॰…
விக³ரஹித்வா த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘ந, பி⁴க்க²வே,
அந்தோ வுட்ட²ங், அந்தோ பக்கங், ஸாமங் பக்கங் பரிபு⁴ஞ்ஜிதப்³ப³ங். யோ
பரிபு⁴ஞ்ஜேய, ஆபத்தி து³க்கடஸ்ஸ. அந்தோ சே, பி⁴க்க²வே, வுட்ட²ங், அந்தோ
பக்கங், ஸாமங் பக்கங் தஞ்சே பரிபு⁴ஞ்ஜெய்ய, ஆபத்தி திண்ணங் து³க்கடானங்.
அந்தோ சே, பி⁴க்க²வே, வுட்ட²ங், அந்தோ பக்கங், அஞ்ஞேஹி பக்கங், தஞ்சே
பரிபு⁴ஞ்ஜெய்ய, ஆபத்தி த்³வின்னங் து³க்கடானங். அந்தோ
சே, பி⁴க்க²வே, வுட்ட²ங், ப³ஹி பக்கங், ஸாமங் பக்கங், தஞ்சே
பரிபு⁴ஞ்ஜெய்ய, ஆபத்தி த்³வின்னங் து³க்கடானங். ப³ஹி சே, பி⁴க்க²வே,
வுட்ட²ங், அந்தோ பக்கங், ஸாமங் பக்கங், தஞ்சே பரிபு⁴ஞ்ஜெய்ய, ஆபத்தி
த்³வின்னங் து³க்கடானங். அந்தோ சே, பி⁴க்க²வே, வுட்ட²ங், ப³ஹி பக்கங்,
அஞ்ஞேஹி பக்கங், தஞ்சே பரிபு⁴ஞ்ஜெய்ய, ஆபத்தி து³க்கடஸ்ஸ. ப³ஹி சே,
பி⁴க்க²வே, வுட்ட²ங், அந்தோ பக்கங், அஞ்ஞேஹி பக்கங், தஞ்சே பரிபு⁴ஞ்ஜெய்ய,
ஆபத்தி து³க்கடஸ்ஸ. ப³ஹி சே, பி⁴க்க²வே, வுட்ட²ங், ப³ஹி பக்கங், ஸாமங்
பக்கங், தஞ்சே பரிபு⁴ஞ்ஜெய்ய, ஆபத்தி து³க்கடஸ்ஸ. ப³ஹி சே, பி⁴க்க²வே,
வுட்ட²ங், ப³ஹி பக்கங் , அஞ்ஞேஹி பக்கங், தஞ்சே பரிபு⁴ஞ்ஜெய்ய, அனாபத்தீ’’’தி.
தேன கோ² பன ஸமயேன பி⁴க்கூ² ‘‘ப⁴க³வதா ஸாமங்பாகோ
படிக்கி²த்தோ’’தி புன பாகே குக்குச்சாயந்தி. ப⁴க³வதோ ஏதமத்த²ங் ஆரோசேஸுங்.
அனுஜானாமி, பி⁴க்க²வே, புன பாகங் பசிதுந்தி.
தேன கோ² பன ஸமயேன ராஜக³ஹங் து³ப்³பி⁴க்க²ங் ஹோதி.
மனுஸ்ஸா லோணம்பி, தேலம்பி, தண்டு³லம்பி, கா²த³னீயம்பி ஆராமங் ஆஹரந்தி. தானி
பி⁴க்கூ² ப³ஹி வாஸெந்தி; உக்கபிண்ட³காபி கா²த³ந்தி, சோராபி ஹரந்தி.
ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, அந்தோ வாஸேதுந்தி.
அந்தோ வாஸெத்வா ப³ஹி பாசெந்தி. த³மகா பரிவாரெந்தி. பி⁴க்கூ² அவிஸ்ஸட்டா²
பரிபு⁴ஞ்ஜந்தி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, அந்தோ
பசிதுந்தி. து³ப்³பி⁴க்கே² கப்பியகாரகா ப³ஹுதரங் ஹரந்தி, அப்பதரங்
பி⁴க்கூ²னங் தெ³ந்தி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, ஸாமங் பசிதுங். அனுஜானாமி, பி⁴க்க²வே, அந்தோ வுட்ட²ங், அந்தோ பக்கங், ஸாமங் பக்கந்தி.
அந்தோவுட்டா²தி³படிக்கே²பகதா² நிட்டி²தா.
165. உக்³க³ஹிதபடிக்³க³ஹணா
275.
தேன கோ² பன ஸமயேன ஸம்ப³ஹுலா பி⁴க்கூ² காஸீஸு வஸ்ஸங்வுட்டா² ராஜக³ஹங்
க³ச்ச²ந்தா ப⁴க³வந்தங் த³ஸ்ஸனாய அந்தராமக்³கே³ ந லபி⁴ங்ஸு லூக²ஸ்ஸ வா
பணீதஸ்ஸ வா போ⁴ஜனஸ்ஸ யாவத³த்த²ங் பாரிபூரிங்; ப³ஹுஞ்ச ப²லகா²த³னீயங்
அஹோஸி; கப்பியகாரகோ ச ந அஹோஸி. அத² கோ² தே பி⁴க்கூ² கிலந்தரூபா யேன
ராஜக³ஹங் வேளுவனங் கலந்த³கனிவாபோ, யேன ப⁴க³வா தேனுபஸங்கமிங்ஸு,
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு. ஆசிண்ணங் கோ²
பனேதங் பு³த்³தா⁴னங் ப⁴க³வந்தானங் ஆக³ந்துகேஹி பி⁴க்கூ²ஹி ஸத்³தி⁴ங்
படிஸம்மோதி³துங். அத² கோ² ப⁴க³வா தே பி⁴க்கூ² ஏதத³வோச – ‘‘கச்சி ,
பி⁴க்க²வே, க²மனீயங், கச்சி யாபனீயங், கச்சித்த² அப்பகிலமதே²ன அத்³தா⁴னங்
ஆக³தா; குதோ ச தும்ஹே, பி⁴க்க²வே, ஆக³ச்ச²தா²’’தி? ‘‘க²மனீயங் ப⁴க³வா,
யாபனீயங் ப⁴க³வா. இத⁴ மயங், ப⁴ந்தே, காஸீஸு வஸ்ஸங்வுட்டா² ராஜக³ஹங்
ஆக³ச்ச²ந்தா ப⁴க³வந்தங் த³ஸ்ஸனாய அந்தராமக்³கே³ ந லபி⁴ம்ஹா லூக²ஸ்ஸ வா
பணீதஸ்ஸ வா போ⁴ஜனஸ்ஸ யாவத³த்த²ங் பாரிபூரிங்; ப³ஹுஞ்ச ப²லகா²த³னீயங்
அஹோஸி; கப்பியகாரகோ ச ந அஹோஸி; தேன மயங் கிலந்தரூபா அத்³தா⁴னங் ஆக³தா’’தி.
அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா
பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, யத்த² ப²லகா²த³னீயங் பஸ்ஸதி,
கப்பியகாரகோ ச ந ஹோதி, ஸாமங் க³ஹெத்வா, ஹரித்வா, கப்பியகாரகே பஸ்ஸித்வா,
பூ⁴மியங் நிக்கி²பித்வா, படிக்³க³ஹாபெத்வா பரிபு⁴ஞ்ஜிதுங். அனுஜானாமி,
பி⁴க்க²வே, உக்³க³ஹிதங் படிக்³க³ஹிது’’ந்தி.
276. தேன கோ² பன ஸமயேன அஞ்ஞதரஸ்ஸ ப்³ராஹ்மணஸ்ஸ நவா ச திலா நவஞ்ச மது⁴ உப்பன்னா ஹொந்தி. அத² கோ² தஸ்ஸ ப்³ராஹ்மணஸ்ஸ ஏதத³ஹோஸி
– ‘‘யங்னூனாஹங் நவே ச திலே நவஞ்ச மது⁴ங் பு³த்³த⁴ப்பமுக²ஸ்ஸ
பி⁴க்கு²ஸங்க⁴ஸ்ஸ த³தெ³ய்ய’’ந்தி. அத² கோ² ஸோ ப்³ராஹ்மணோ யேன ப⁴க³வா
தேனுபஸங்கமி, உபஸங்கமித்வா ப⁴க³வதா ஸத்³தி⁴ங் படிஸம்மோதி³, ஸம்மோத³னீயங்
கத²ங் ஸாரணீயங் வீதிஸாரெத்வா ஏகமந்தங் அட்டா²ஸி. ஏகமந்தங் டி²தோ கோ² ஸோ
ப்³ராஹ்மணோ ப⁴க³வந்தங் ஏதத³வோச – ‘‘அதி⁴வாஸேது மே ப⁴வங் கோ³தமோ ஸ்வாதனாய
ப⁴த்தங், ஸத்³தி⁴ங் பி⁴க்கு²ஸங்கே⁴னா’’தி. அதி⁴வாஸேஸி ப⁴க³வா துண்ஹீபா⁴வேன .
அத² கோ² ஸோ ப்³ராஹ்மணோ ப⁴க³வதோ அதி⁴வாஸனங் விதி³த்வா பக்காமி. அத² கோ² ஸோ
ப்³ராஹ்மணோ தஸ்ஸா ரத்தியா அச்சயேன பணீதங் கா²த³னீயங் போ⁴ஜனீயங்
படியாதா³பெத்வா ப⁴க³வதோ காலங் ஆரோசாபேஸி – ‘‘காலோ, போ⁴ கோ³தம, நிட்டி²தங்
ப⁴த்த’’ந்தி. அத² கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய
யேன தஸ்ஸ ப்³ராஹ்மணஸ்ஸ நிவேஸனங் தேனுபஸங்கமி, உபஸங்கமித்வா பஞ்ஞத்தே ஆஸனே
நிஸீதி³, ஸத்³தி⁴ங் பி⁴க்கு²ஸங்கே⁴ன. அத² கோ² ஸோ ப்³ராஹ்மணோ
பு³த்³த⁴ப்பமுக²ங் பி⁴க்கு²ஸங்க⁴ங் பணீதேன கா²த³னீயேன போ⁴ஜனீயேன ஸஹத்தா²
ஸந்தப்பெத்வா ஸம்பவாரெத்வா ப⁴க³வந்தங் பு⁴த்தாவிங் ஓனீதபத்தபாணிங் ஏகமந்தங்
நிஸீதி³. ஏகமந்தங் நிஸின்னங் கோ² தங் ப்³ராஹ்மணங் ப⁴க³வா த⁴ம்மியா கதா²ய
ஸந்த³ஸ்ஸெத்வா, ஸமாத³பெத்வா, ஸமுத்தேஜெத்வா, ஸம்பஹங்ஸெத்வா உட்டா²யாஸனா
பக்காமி.
அத² கோ² தஸ்ஸ ப்³ராஹ்மணஸ்ஸ
அசிரபக்கந்தஸ்ஸ ப⁴க³வதோ ஏதத³ஹோஸி – ‘‘யேஸங் கோ² மயா அத்தா²ய
பு³த்³த⁴ப்பமுகோ² பி⁴க்கு²ஸங்கோ⁴ நிமந்திதோ, ‘நவே ச திலே நவஞ்ச மது⁴ங்
த³ஸ்ஸாமீ’தி , தே மயா பமுட்டா² தா³துங். யங்னூனாஹங்
நவே ச திலே நவஞ்ச மது⁴ங் கோலம்பே³ஹி ச க⁴டேஹி ச ஆராமங் ஹராபெய்ய’’ந்தி. அத²
கோ² ஸோ ப்³ராஹ்மணோ நவே ச திலே நவஞ்ச மது⁴ங் கோலம்பே³ஹி ச க⁴டேஹி ச ஆராமங்
ஹராபெத்வா யேன ப⁴க³வா தேனுபஸங்கமி, உபஸங்கமித்வா ஏகமந்தங் அட்டா²ஸி.
ஏகமந்தங் டி²தோ கோ² ஸோ ப்³ராஹ்மணோ ப⁴க³வந்தங் ஏதத³வோச – ‘‘யேஸங் கோ² மயா,
போ⁴ கோ³தம, அத்தா²ய பு³த்³த⁴ப்பமுகோ² பி⁴க்கு²ஸங்கோ⁴ நிமந்திதோ, ‘நவே ச
திலே நவஞ்ச மது⁴ங் த³ஸ்ஸாமீ’தி, தே மயா பமுட்டா² தா³துங். படிக்³க³ண்ஹாது
மே ப⁴வங் கோ³தமோ நவே ச திலே நவஞ்ச மது⁴’’ந்தி. தேன ஹி, ப்³ராஹ்மண,
பி⁴க்கூ²னங் தே³ஹீதி . தேன கோ² பன ஸமயேன பி⁴க்கூ²
து³ப்³பி⁴க்கே² அப்பமத்தகேபி பவாரெந்தி, படிஸங்கா²பி படிக்கி²பந்தி,
ஸப்³போ³ ச ஸங்கோ⁴ பவாரிதோ ஹோதி. பி⁴க்கூ² குக்குச்சாயந்தா ந
படிக்³க³ண்ஹந்தி. படிக்³க³ண்ஹத², பி⁴க்க²வே, பரிபு⁴ஞ்ஜத². அனுஜானாமி,
பி⁴க்க²வே, ததோ நீஹடங் பு⁴த்தாவினா பவாரிதேன அனதிரித்தங் பரிபு⁴ஞ்ஜிதுந்தி.
உக்³க³ஹிதபடிக்³க³ஹணா நிட்டி²தா.
166. படிக்³க³ஹிதாதி³அனுஜானநா
277. [பாசி॰ 295]
தேன கோ² பன ஸமயேன ஆயஸ்மதோ உபனந்த³ஸ்ஸ ஸக்யபுத்தஸ்ஸ உபட்டா²ககுலங்
ஸங்க⁴ஸ்ஸத்தா²ய கா²த³னீயங் பாஹேஸி – அய்யஸ்ஸ உபனந்த³ஸ்ஸ த³ஸ்ஸெத்வா
ஸங்க⁴ஸ்ஸ தா³தப்³ப³ந்தி. தேன கோ² பன ஸமயேன ஆயஸ்மா உபனந்தோ³ ஸக்யபுத்தோ கா³மங் பிண்டா³ய பவிட்டோ² ஹோதி .
அத² கோ² தே மனுஸ்ஸா ஆராமங் க³ந்த்வா பி⁴க்கூ² புச்சி²ங்ஸு – ‘‘கஹங்,
ப⁴ந்தே, அய்யோ உபனந்தோ³’’தி? ‘‘ஏஸாவுஸோ, ஆயஸ்மா உபனந்தோ³ ஸக்யபுத்தோ கா³மங்
பிண்டா³ய பவிட்டோ²’’தி. ‘‘இத³ங், ப⁴ந்தே, கா²த³னீயங் அய்யஸ்ஸ உபனந்த³ஸ்ஸ
த³ஸ்ஸெத்வா ஸங்க⁴ஸ்ஸ தா³தப்³ப³’’ந்தி. ப⁴க³வதோ ஏதமத்த²ங் ஆரோசேஸுங். தேன
ஹி, பி⁴க்க²வே, படிக்³க³ஹெத்வா நிக்கி²பத² யாவ உபனந்தோ³ ஆக³ச்ச²தீதி. அத²
கோ² ஆயஸ்மா உபனந்தோ³ ஸக்யபுத்தோ புரேப⁴த்தங் குலானி பயிருபாஸித்வா தி³வா
ஆக³ச்ச²தி. தேன கோ² பன ஸமயேன பி⁴க்கூ² து³ப்³பி⁴க்கே² அப்பமத்தகேபி
பவாரெந்தி, படிஸங்கா²பி படிக்கி²பந்தி, ஸப்³போ³ ச ஸங்கோ⁴ பவாரிதோ ஹோதி,
பி⁴க்கூ² குக்குச்சாயந்தா ந படிக்³க³ண்ஹந்தி. படிக்³க³ண்ஹத², பி⁴க்க²வே,
பரிபு⁴ஞ்ஜத². அனுஜானாமி, பி⁴க்க²வே, புரேப⁴த்தங் படிக்³க³ஹிதங் பு⁴த்தாவினா
பவாரிதேன அனதிரித்தங் பரிபு⁴ஞ்ஜிதுந்தி.
278. அத²
கோ² ப⁴க³வா ராஜக³ஹே யதா²பி⁴ரந்தங் விஹரித்வா யேன ஸாவத்தி² தேன சாரிகங்
பக்காமி. அனுபுப்³பே³ன சாரிகங் சரமானோ யேன ஸாவத்தி² தத³வஸரி. தத்ர ஸுத³ங்
ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன
ஸமயேன ஆயஸ்மதோ ஸாரிபுத்தஸ்ஸ காயடா³ஹாபா³தோ⁴ ஹோதி. அத² கோ² ஆயஸ்மா
மஹாமொக்³க³ல்லானோ யேனாயஸ்மா ஸாரிபுத்தோ தேனுபஸங்கமி, உபஸங்கமித்வா
ஆயஸ்மந்தங் ஸாரிபுத்தங் ஏதத³வோச – ‘‘புப்³பே³ தே, ஆவுஸோ ஸாரிபுத்த,
காயடா³ஹாபா³தோ⁴ கேன பா²ஸு ஹோதீ’’தி? ‘‘பி⁴ஸேஹி ச மே, ஆவுஸோ ,
முளாலிகாஹி சா’’தி. அத² கோ² ஆயஸ்மா மஹாமொக்³க³ல்லானோ ஸெய்யதா²பி நாம ப³லவா
புரிஸோ ஸம்மிஞ்ஜிதங் வா பா³ஹங் பஸாரெய்ய, பஸாரிதங் வா பா³ஹங் ஸமிஞ்ஜெய்ய,
ஏவமேவ ஜேதவனே அந்தரஹிதோ மந்தா³கினியா பொக்க²ரணியா தீரே பாதுரஹோஸி. அத்³த³ஸா
கோ² அஞ்ஞதரோ நாகோ³ ஆயஸ்மந்தங் மஹாமொக்³க³ல்லானங் தூ³ரதோவ
ஆக³ச்ச²ந்தங், தி³ஸ்வான ஆயஸ்மந்தங் மஹாமொக்³க³ல்லானங் ஏதத³வோச – ‘‘ஏது
கோ², ப⁴ந்தே, அய்யோ மஹாமொக்³க³ல்லானோ. ஸ்வாக³தங், ப⁴ந்தே, அய்யஸ்ஸ
மஹாமொக்³க³ல்லானஸ்ஸ. கேன, ப⁴ந்தே, அய்யஸ்ஸ அத்தோ²; கிங் த³ம்மீ’’தி?
‘‘பி⁴ஸேஹி ச மே, ஆவுஸோ, அத்தோ², முளாலிகாஹி சா’’தி. அத² கோ² ஸோ நாகோ³
அஞ்ஞதரங் நாக³ங் ஆணாபேஸி – ‘‘தேன ஹி, ப⁴ணே, அய்யஸ்ஸ பி⁴ஸே ச முளாலிகாயோ ச
யாவத³த்த²ங் தே³ஹீ’’தி. அத² கோ² ஸோ நாகோ³ மந்தா³கினிங் பொக்க²ரணிங்
ஓகா³ஹெத்வா, ஸொண்டா³ய பி⁴ஸஞ்ச முளாலிகஞ்ச அப்³பா³ஹித்வா, ஸுவிக்கா²லிதங்
விக்கா²லெத்வா, ப⁴ண்டி³கங் ப³ந்தி⁴த்வா யேனாயஸ்மா மஹாமொக்³க³ல்லானோ
தேனுபஸங்கமி. அத² கோ² ஆயஸ்மா மஹாமொக்³க³ல்லானோ – ஸெய்யதா²பி நாம ப³லவா
புரிஸோ ஸமிஞ்ஜிதங் வா பா³ஹங் பஸாரெய்ய, பஸாரிதங் வா பா³ஹங் ஸமிஞ்ஜெய்ய,
ஏவமேவ – மந்தா³கினியா பொக்க²ரணியா தீரே அந்தரஹிதோ ஜேதவனே பாதுரஹோஸி. ஸோபி
கோ² நாகோ³ மந்தா³கினியா பொக்க²ரணியா தீரே அந்தரஹிதோ ஜேதவனே பாதுரஹோஸி. அத²
கோ² ஸோ நாகோ³ ஆயஸ்மதோ மஹாமொக்³க³ல்லானஸ்ஸ பி⁴ஸே ச முளாலிகாயோ
ச படிக்³க³ஹாபெத்வா ஜேதவனே அந்தரஹிதோ மந்தா³கினியா பொக்க²ரணியா தீரே
பாதுரஹோஸி. அத² கோ² ஆயஸ்மா மஹாமொக்³க³ல்லானோ ஆயஸ்மதோ ஸாரிபுத்தஸ்ஸ பி⁴ஸே ச
முளாலிகாயோ ச உபனாமேஸி. அத² கோ² ஆயஸ்மதோ ஸாரிபுத்தஸ்ஸ பி⁴ஸே ச முளாலிகாயோ ச
பு⁴த்தஸ்ஸ காயடா³ஹாபா³தோ⁴ படிப்பஸ்ஸம்பி⁴. ப³ஹூ பி⁴ஸா ச
முளாலிகாயோ ச அவஸிட்டா² ஹொந்தி. தேன கோ² பன ஸமயேன பி⁴க்கூ² து³ப்³பி⁴க்கே²
அப்பமத்தகேபி பவாரெந்தி, படிஸங்கா²பி படிக்கி²பந்தி, ஸப்³போ³ ச ஸங்கோ⁴
பவாரிதோ ஹோதி. பி⁴க்கூ² குக்குச்சாயந்தா ந படிக்³க³ண்ஹந்தி. படிக்³க³ண்ஹத²,
பி⁴க்க²வே, பரிபு⁴ஞ்ஜத². அனுஜானாமி, பி⁴க்க²வே, வனட்ட²ங் பொக்க²ரட்ட²ங்
பு⁴த்தாவினா பவாரிதேன அனதிரித்தங் பரிபு⁴ஞ்ஜிதுந்தி.
தேன கோ² பன ஸமயேன ஸாவத்தி²யங் ப³ஹுங் ப²லகா²த³னீயங்
உப்பன்னங் ஹோதி, கப்பியகாரகோ ச ந ஹோதி. பி⁴க்கூ² குக்குச்சாயந்தா ப²லங் ந
பரிபு⁴ஞ்ஜந்தி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே,
அபீ³ஜங் நிப்³ப³த்தபீ³ஜங் [நிப்³ப³ட்டபீ³ஜங் (ஸீ॰), நிப்³ப³டபீ³ஜங் (ஸ்யா॰), நிப்பட்டபீ³ஜங் (க॰)] அகதகப்பங் ப²லங் பரிபு⁴ஞ்ஜிதுந்தி.
படிக்³க³ஹிதாதி³ அனுஜானநா நிட்டி²தா.
167. ஸத்த²கம்மபடிக்கே²பகதா²
279.
அத² கோ² ப⁴க³வா ஸாவத்தி²யங் யதா²பி⁴ரந்தங் விஹரித்வா யேன ராஜக³ஹங் தேன
சாரிகங் பக்காமி. அனுபுப்³பே³ன சாரிகங் சரமானோ யேன ராஜக³ஹங் தத³வஸரி. தத்ர
ஸுத³ங் ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன ஸமயேன
அஞ்ஞதரஸ்ஸ பி⁴க்கு²னோ ப⁴க³ந்த³லாபா³தோ⁴ ஹோதி. ஆகாஸகொ³த்தோ வேஜ்ஜோ ஸத்த²கம்மங்
கரோதி. அத² கோ² ப⁴க³வா ஸேனாஸனசாரிகங் ஆஹிண்ட³ந்தோ யேன தஸ்ஸ பி⁴க்கு²னோ
விஹாரோ தேனுபஸங்கமி. அத்³த³ஸா கோ² ஆகாஸகொ³த்தோ வேஜ்ஜோ ப⁴க³வந்தங் தூ³ரதோவ
ஆக³ச்ச²ந்தங், தி³ஸ்வான ப⁴க³வந்தங் ஏதத³வோச – ‘‘ஆக³ச்ச²து ப⁴வங் கோ³தமோ,
இமஸ்ஸ பி⁴க்கு²னோ வச்சமக்³க³ங் பஸ்ஸது, ஸெய்யதா²பி கோ³தா⁴முக²’’ந்தி .
அத² கோ² ப⁴க³வா – ‘‘ஸோ மங் க்²வாயங் மோக⁴புரிஸோ உப்பண்டே³தீ’’தி – ததோவ
படினிவத்தித்வா, ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங்
ஸன்னிபாதாபெத்வா, பி⁴க்கூ² படிபுச்சி² – ‘‘அத்தி² கிர, பி⁴க்க²வே,
அமுகஸ்மிங் விஹாரே பி⁴க்கு² கி³லானோ’’தி? ‘‘அத்தி² ப⁴க³வா’’தி. ‘‘கிங்
தஸ்ஸ, பி⁴க்க²வே, பி⁴க்கு²னோ ஆபா³தோ⁴’’தி? ‘‘தஸ்ஸ, ப⁴ந்தே, ஆயஸ்மதோ
ப⁴க³ந்த³லாபா³தோ⁴, ஆகாஸகொ³த்தோ வேஜ்ஜோ ஸத்த²கம்மங் கரோதீ’’தி. விக³ரஹி
பு³த்³தோ⁴ ப⁴க³வா – ‘‘அனநுச்ச²விகங், பி⁴க்க²வே, தஸ்ஸ மோக⁴புரிஸஸ்ஸ,
அனநுலோமிகங், அப்பதிரூபங், அஸ்ஸாமணகங், அகப்பியங், அகரணீயங். கத²ஞ்ஹி நாம
ஸோ, பி⁴க்க²வே, மோக⁴புரிஸோ ஸம்பா³தே⁴ ஸத்த²கம்மங் காராபெஸ்ஸதி. ஸம்பா³தே⁴,
பி⁴க்க²வே, ஸுகு²மா ச²வி, து³ரோபயோ வணோ ,
து³ப்பரிஹாரங் ஸத்த²ங். நேதங், பி⁴க்க²வே, அப்பஸன்னானங் வா பஸாதா³ய…பே॰…
விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘ந,
பி⁴க்க²வே, ஸம்பா³தே⁴ ஸத்த²கம்மங் காராபேதப்³ப³ங். யோ காராபெய்ய, ஆபத்தி
து²ல்லச்சயஸ்ஸா’’தி.
தேன கோ² பன ஸமயேன ச²ப்³ப³க்³கி³யா பி⁴க்கூ² – ப⁴க³வதா
ஸத்த²கம்மங் படிக்கி²த்தந்தி – வத்தி²கம்மங் காராபெந்தி. யே தே பி⁴க்கூ²
அப்பிச்சா², தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கூ² வத்தி²கம்மங் காராபெஸ்ஸந்தீ’’தி. அத² கோ² தே
பி⁴க்கூ² ப⁴க³வதோ ஏதமத்த²ங் ஆரோசேஸுங். ‘‘ஸச்சங் கிர, பி⁴க்க²வே,
ச²ப்³ப³க்³கி³யா பி⁴க்கூ² வத்தி²கம்மங் காராபெந்தீ’’தி? ‘‘ஸச்சங்
ப⁴க³வா’’தி…பே॰… விக³ரஹித்வா த⁴ம்மிங் கத²ங் கத்வா பி⁴க்கூ² ஆமந்தேஸி –
‘‘ந, பி⁴க்க²வே, ஸம்பா³த⁴ஸ்ஸ ஸாமந்தா த்³வங்கு³லா ஸத்த²கம்மங் வா
வத்தி²கம்மங் வா காராபேதப்³ப³ங். யோ காராபெய்ய, ஆபத்தி து²ல்லச்சயஸ்ஸா’’தி.
ஸத்த²கம்மபடிக்கே²பகதா² நிட்டி²தா.
168. மனுஸ்ஸமங்ஸபடிக்கே²பகதா²
280.
அத² கோ² ப⁴க³வா ராஜக³ஹே யதா²பி⁴ரந்தங் விஹரித்வா யேன பா³ராணஸீ தேன சாரிகங்
பக்காமி. அனுபுப்³பே³ன சாரிகங் சரமானோ யேன பா³ராணஸீ தத³வஸரி. தத்ர ஸுத³ங்
ப⁴க³வா பா³ராணஸியங் விஹரதி இஸிபதனே மிக³தா³யே. தேன கோ² பன ஸமயேன
பா³ராணஸியங் ஸுப்பியோ ச உபாஸகோ ஸுப்பியா ச உபாஸிகா
உப⁴தோபஸன்னா ஹொந்தி, தா³யகா, காரகா, ஸங்கு⁴பட்டா²கா. அத² கோ² ஸுப்பியா
உபாஸிகா ஆராமங் க³ந்த்வா விஹாரேன விஹாரங் பரிவேணேன பரிவேணங் உபஸங்கமித்வா
பி⁴க்கூ² புச்ச²தி – ‘‘கோ, ப⁴ந்தே, கி³லானோ, கஸ்ஸ கிங் ஆஹரியதூ’’தி? தேன
கோ² பன ஸமயேன அஞ்ஞதரேன பி⁴க்கு²னா விரேசனங் பீதங்
ஹோதி. அத² கோ² ஸோ பி⁴க்கு² ஸுப்பியங் உபாஸிகங் ஏதத³வோச – ‘‘மயா கோ²,
ப⁴கி³னி, விரேசனங் பீதங். அத்தோ² மே படிச்சா²த³னீயேனா’’தி. ‘‘ஸுட்டு²,
அய்ய, ஆஹரியிஸ்ஸதீ’’தி க⁴ரங் க³ந்த்வா அந்தேவாஸிங் ஆணாபேஸி – ‘‘க³ச்ச²,
ப⁴ணே, பவத்தமங்ஸங் ஜானாஹீ’’தி. ஏவங், அய்யேதி கோ² ஸோ புரிஸோ ஸுப்பியாய
உபாஸிகாய படிஸ்ஸுணித்வா கேவலகப்பங் பா³ராணஸிங் ஆஹிண்ட³ந்தோ ந அத்³த³ஸ
பவத்தமங்ஸங். அத² கோ² ஸோ புரிஸோ யேன ஸுப்பியா உபாஸிகா தேனுபஸங்கமி,
உபஸங்கமித்வா ஸுப்பியங் உபாஸிகங் ஏதத³வோச – ‘‘நத்த²ய்யே பவத்தமங்ஸங்.
மாகா⁴தோ அஜ்ஜா’’தி. அத² கோ² ஸுப்பியாய உபாஸிகாய ஏதத³ஹோஸி – ‘‘தஸ்ஸ கோ²
கி³லானஸ்ஸ பி⁴க்கு²னோ படிச்சா²த³னீயங் அலப⁴ந்தஸ்ஸ ஆபா³தோ⁴ வா
அபி⁴வட்³டி⁴ஸ்ஸதி, காலங்கிரியா வா ப⁴விஸ்ஸதி. ந கோ²
மேதங் பதிரூபங் யாஹங் படிஸ்ஸுணித்வா ந ஹராபெய்ய’’ந்தி. பொத்த²னிகங்
க³ஹெத்வா ஊருமங்ஸங் உக்கந்தித்வா தா³ஸியா அதா³ஸி – ‘‘ஹந்த³, ஜே, இமங்
மங்ஸங் ஸம்பாதெ³த்வா அமுகஸ்மிங் விஹாரே பி⁴க்கு² கி³லானோ, தஸ்ஸ த³ஜ்ஜாஹி.
யோ ச மங் புச்ச²தி, ‘கி³லானா’தி படிவேதே³ஹீ’’தி. உத்தராஸங்கே³ன ஊருங்
வேடெ²த்வா ஓவரகங் பவிஸித்வா மஞ்சகே நிபஜ்ஜி. அத² கோ² ஸுப்பியோ உபாஸகோ க⁴ரங்
க³ந்த்வா தா³ஸிங் புச்சி² – ‘‘கஹங் ஸுப்பியா’’தி? ‘‘ஏஸாய்ய ஓவரகே
நிபன்னா’’தி. அத² கோ² ஸுப்பியோ உபாஸகோ யேன ஸுப்பியா உபாஸிகா தேனுபஸங்கமி,
உபஸங்கமித்வா ஸுப்பியங் உபாஸிகங் ஏதத³வோச – ‘‘கிஸ்ஸ நிபன்னாஸீ’’தி?
‘‘கி³லானாம்ஹீ’’தி. ‘‘கிங் தே ஆபா³தோ⁴’’தி? அத² கோ² ஸுப்பியா உபாஸிகா
ஸுப்பியஸ்ஸ உபாஸகஸ்ஸ ஏதமத்த²ங் ஆரோசேஸி. அத² கோ² ஸுப்பியோ உபாஸகோ –
அச்ச²ரியங் வத போ⁴! அப்³பு⁴தங் வத போ⁴! யாவ ஸத்³தா⁴யங் ஸுப்பியா பஸன்னா,
யத்ர ஹி நாம அத்தனோபி மங்ஸானி பரிச்சத்தானி! கிம்பிமாய [கிங் பனிமாய (ஸீ॰ ஸ்யா॰)] அஞ்ஞங் கிஞ்சி
அதெ³ய்யங் ப⁴விஸ்ஸதீதி – ஹட்டோ² உத³க்³கோ³ யேன ப⁴க³வா தேனுபஸங்கமி,
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னோ கோ² ஸுப்பியோ உபாஸகோ ப⁴க³வந்தங் ஏதத³வோச – ‘‘அதி⁴வாஸேது மே,
ப⁴ந்தே, ப⁴க³வா ஸ்வாதனாய ப⁴த்தங், ஸத்³தி⁴ங் பி⁴க்கு²ஸங்கே⁴னா’’தி.
அதி⁴வாஸேஸி ப⁴க³வா துண்ஹீபா⁴வேன. அத² கோ² ஸுப்பியோ உபாஸகோ ப⁴க³வதோ
அதி⁴வாஸனங் விதி³த்வா உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங்
கத்வா பக்காமி. அத² கோ² ஸுப்பியோ உபாஸகோ தஸ்ஸா ரத்தியா அச்சயேன பணீதங்
கா²த³னீயங் போ⁴ஜனீயங் படியாதா³பெத்வா ப⁴க³வதோ காலங் ஆரோசாபேஸி – ‘‘காலோ,
ப⁴ந்தே, நிட்டி²தங் ப⁴த்த’’ந்தி. அத² கோ² ப⁴க³வா புப்³ப³ண்ஹஸமயங்
நிவாஸெத்வா பத்தசீவரமாதா³ய யேன ஸுப்பியஸ்ஸ உபாஸகஸ்ஸ நிவேஸனங் தேனுபஸங்கமி, உபஸங்கமித்வா பஞ்ஞத்தே ஆஸனே நிஸீதி³, ஸத்³தி⁴ங் பி⁴க்கு²ஸங்கே⁴ன .
அத² கோ² ஸுப்பியோ உபாஸகோ யேன ப⁴க³வா தேனுபஸங்கமி, உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தங் கோ² ஸுப்பியங் உபாஸகங்
ப⁴க³வா ஏதத³வோச – ‘‘கஹங் ஸுப்பியா’’தி? ‘‘கி³லானா ப⁴க³வா’’தி. ‘‘தேன ஹி
ஆக³ச்ச²தூ’’தி. ‘‘ந ப⁴க³வா உஸ்ஸஹதீ’’தி. ‘‘தேன ஹி பரிக்³க³ஹெத்வாபி
ஆனேதா²’’தி. அத² கோ² ஸுப்பியோ உபாஸகோ ஸுப்பியங் உபாஸிகங் பரிக்³க³ஹெத்வா
ஆனேஸி. தஸ்ஸா, ஸஹ த³ஸ்ஸனேன ப⁴க³வதோ, தாவ மஹாவணோ ருளஹோ அஹோஸி,
ஸுச்ச²விலோமஜாதோ. அத² கோ² ஸுப்பியோ ச உபாஸகோ ஸுப்பியா ச உபாஸிகா –
‘‘அச்ச²ரியங் வத போ⁴! அப்³பு⁴தங் வத போ⁴! ததா²க³தஸ்ஸ மஹித்³தி⁴கதா
மஹானுபா⁴வதா, யத்ர ஹி நாம ஸஹ த³ஸ்ஸனேன ப⁴க³வதோ தாவ மஹாவணோ ருளஹோ
ப⁴விஸ்ஸதி, ஸுச்ச²விலோமஜாதோ’’தி – ஹட்டா² உத³க்³கா³ பு³த்³த⁴ப்பமுக²ங்
பி⁴க்கு²ஸங்க⁴ங் பணீதேன கா²த³னீயேன போ⁴ஜனீயேன ஸஹத்தா² ஸந்தப்பெத்வா
ஸம்பவாரெத்வா ப⁴க³வந்தங் பு⁴த்தாவிங் ஓனீதபத்தபாணிங் ஏகமந்தங் நிஸீதி³ங்ஸு.
அத² கோ² ப⁴க³வா ஸுப்பியஞ்ச உபாஸகங் ஸுப்பியஞ்ச உபாஸிகங் த⁴ம்மியா கதா²ய
ஸந்த³ஸ்ஸெத்வா ஸமாத³பெத்வா ஸமுத்தேஜெத்வா ஸம்பஹங்ஸெத்வா உட்டா²யாஸனா
பக்காமி.
அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங் ஸன்னிபாதாபெத்வா பி⁴க்கூ²
படிபுச்சி² – ‘‘கோ, பி⁴க்க²வே, ஸுப்பியங் உபாஸிகங்
மங்ஸங் விஞ்ஞாபேஸீ’’தி? ஏவங் வுத்தே ஸோ பி⁴க்கு² ப⁴க³வந்தங் ஏதத³வோச –
‘‘அஹங் கோ², ப⁴ந்தே, ஸுப்பியங் உபாஸிகங் மங்ஸங் விஞ்ஞாபேஸி’’ந்தி.
‘‘ஆஹரியித்த² பி⁴க்கூ²’’தி? ‘‘ஆஹரியித்த² ப⁴க³வா’’தி. ‘‘பரிபு⁴ஞ்ஜி த்வங்
பி⁴க்கூ²’’தி? ‘‘பரிபு⁴ஞ்ஜாமஹங் ப⁴க³வா’’தி. ‘‘படிவெக்கி² த்வங்
பி⁴க்கூ²’’தி? ‘‘நாஹங் ப⁴க³வா படிவெக்கி²’’ந்தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம த்வங், மோக⁴புரிஸ, அப்படிவெக்கி²த்வா மங்ஸங்
பரிபு⁴ஞ்ஜிஸ்ஸஸி. மனுஸ்ஸமங்ஸங் கோ² தயா, மோக⁴புரிஸ, பரிபு⁴த்தங். நேதங்,
மோக⁴புரிஸ, அப்பஸன்னானங் வா பஸாதா³ய…பே॰… விக³ரஹித்வா த⁴ம்மிங் கத²ங் கத்வா
பி⁴க்கூ² ஆமந்தேஸி – ‘‘ஸந்தி, பி⁴க்க²வே, மனுஸ்ஸா ஸத்³தா⁴ பஸன்னா, தேஹி
அத்தனோபி மங்ஸானி பரிச்சத்தானி. ந, பி⁴க்க²வே, மனுஸ்ஸமங்ஸங்
பரிபு⁴ஞ்ஜிதப்³ப³ங். யோ பரிபு⁴ஞ்ஜெய்ய, ஆபத்தி து²ல்லச்சயஸ்ஸ. ந ச,
பி⁴க்க²வே, அப்படிவெக்கி²த்வா மங்ஸங் பரிபு⁴ஞ்ஜிதப்³ப³ங். யோ பரிபு⁴ஞ்ஜெய்ய, ஆபத்தி து³க்கடஸ்ஸா’’தி.
மனுஸ்ஸமங்ஸபடிக்கே²பகதா² நிட்டி²தா.
169. ஹத்தி²மங்ஸாதி³படிக்கே²பகதா²
281. தேன கோ² பன ஸமயேன ரஞ்ஞோ ஹத்தீ² மரந்தி . மனுஸ்ஸா து³ப்³பி⁴க்கே² ஹத்தி²மங்ஸங் பரிபு⁴ஞ்ஜந்தி ,
பி⁴க்கூ²னங் பிண்டா³ய சரந்தானங் ஹத்தி²மங்ஸங் தெ³ந்தி. பி⁴க்கூ²
ஹத்தி²மங்ஸங் பரிபு⁴ஞ்ஜந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஸமணா ஸக்யபுத்தியா ஹத்தி²மங்ஸங் பரிபு⁴ஞ்ஜிஸ்ஸந்தி.
ராஜங்க³ங் ஹத்தீ², ஸசே ராஜா ஜானெய்ய, ந நேஸங் அத்தமனோ அஸ்ஸா’’தி. ப⁴க³வதோ
ஏதமத்த²ங் ஆரோசேஸுங். ந, பி⁴க்க²வே, ஹத்தி²மங்ஸங் பரிபு⁴ஞ்ஜிதப்³ப³ங். யோ பரிபு⁴ஞ்ஜெய்ய, ஆபத்தி து³க்கடஸ்ஸாதி.
தேன கோ² பன ஸமயேன ரஞ்ஞோ அஸ்ஸா மரந்தி. மனுஸ்ஸா
து³ப்³பி⁴க்கே² அஸ்ஸமங்ஸங் பரிபு⁴ஞ்ஜந்தி, பி⁴க்கூ²னங் பிண்டா³ய சரந்தானங்
அஸ்ஸமங்ஸங் தெ³ந்தி. பி⁴க்கூ² அஸ்ஸமங்ஸங் பரிபு⁴ஞ்ஜந்தி. மனுஸ்ஸா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா
அஸ்ஸமங்ஸங் பரிபு⁴ஞ்ஜிஸ்ஸந்தி. ராஜங்க³ங் அஸ்ஸா, ஸசே ராஜா ஜானெய்ய, ந நேஸங்
அத்தமனோ அஸ்ஸா’’தி. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே,
அஸ்ஸமங்ஸங் பரிபு⁴ஞ்ஜிதப்³ப³ங். யோ பரிபு⁴ஞ்ஜெய்ய, ஆபத்தி து³க்கடஸ்ஸாதி.
தேன கோ² பன ஸமயேன மனுஸ்ஸா து³ப்³பி⁴க்கே² ஸுனக²மங்ஸங்
பரிபு⁴ஞ்ஜந்தி, பி⁴க்கூ²னங் பிண்டா³ய சரந்தானங் ஸுனக²மங்ஸங் தெ³ந்தி.
பி⁴க்கூ² ஸுனக²மங்ஸங் பரிபு⁴ஞ்ஜந்தி. மனுஸ்ஸா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஸமணா ஸக்யபுத்தியா ஸுனக²மங்ஸங்
பரிபு⁴ஞ்ஜிஸ்ஸந்தி, ஜேகு³ச்சோ² ஸுனகோ² படிகூலோ’’தி.
ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, ஸுனக²மங்ஸங்
பரிபு⁴ஞ்ஜிதப்³ப³ங். யோ பரிபு⁴ஞ்ஜெய்ய, ஆபத்தி து³க்கடஸ்ஸாதி.
தேன கோ² பன ஸமயேன மனுஸ்ஸா து³ப்³பி⁴க்கே² அஹிமங்ஸங்
பரிபு⁴ஞ்ஜந்தி, பி⁴க்கூ²னங் பிண்டா³ய சரந்தானங் அஹிமங்ஸங் தெ³ந்தி.
பி⁴க்கூ² அஹிமங்ஸங் பரிபு⁴ஞ்ஜந்தி. மனுஸ்ஸா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஸமணா ஸக்யபுத்தியா அஹிமங்ஸங்
பரிபு⁴ஞ்ஜிஸ்ஸந்தி, ஜேகு³ச்சோ² அஹி படிகூலோ’’தி. ஸுபஸ்ஸோபி [ஸுப²ஸ்ஸோ (ஸீ॰)]
நாக³ராஜா யேன ப⁴க³வா தேனுபஸங்கமி, உபஸங்கமித்வா ப⁴க³வந்தங் அபி⁴வாதெ³த்வா
ஏகமந்தங் அட்டா²ஸி. ஏகமந்தங் டி²தோ கோ² ஸுபஸ்ஸோ நாக³ராஜா ப⁴க³வந்தங்
ஏதத³வோச – ‘‘ஸந்தி, ப⁴ந்தே, நாகா³ அஸ்ஸத்³தா⁴ அப்பஸன்னா. தே அப்பமத்தகேஹிபி
பி⁴க்கூ² விஹேடெ²ய்யுங். ஸாது⁴, ப⁴ந்தே, அய்யா அஹிமங்ஸங் ந
பரிபு⁴ஞ்ஜெய்யு’’ந்தி. அத² கோ² ப⁴க³வா ஸுபஸ்ஸங் நாக³ராஜானங் த⁴ம்மியா கதா²ய
ஸந்த³ஸ்ஸேஸி…பே॰… பத³க்கி²ணங் கத்வா பக்காமி. அத² கோ² ப⁴க³வா ஏதஸ்மிங்
நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘ந, பி⁴க்க²வே, அஹிமங்ஸங் பரிபு⁴ஞ்ஜிதப்³ப³ங். யோ பரிபு⁴ஞ்ஜெய்ய, ஆபத்தி து³க்கடஸ்ஸா’’தி.
தேன கோ² பன ஸமயேன லுத்³த³கா ஸீஹங் ஹந்த்வா ஸீஹமங்ஸங் [மங்ஸங் (க॰)] பரிபு⁴ஞ்ஜந்தி, பி⁴க்கூ²னங் பிண்டா³ய
சரந்தானங் ஸீஹமங்ஸங் தெ³ந்தி. பி⁴க்கூ² ஸீஹமங்ஸங் பரிபு⁴ஞ்ஜித்வா அரஞ்ஞே
விஹரந்தி. ஸீஹா ஸீஹமங்ஸக³ந்தே⁴ன பி⁴க்கூ² பரிபாதெந்தி. ப⁴க³வதோ ஏதமத்த²ங்
ஆரோசேஸுங். ந, பி⁴க்க²வே, ஸீஹமங்ஸங் பரிபு⁴ஞ்ஜிதப்³ப³ங். யோ பரிபு⁴ஞ்ஜெய்ய,
ஆபத்தி து³க்கடஸ்ஸாதி.
தேன கோ² பன ஸமயேன லுத்³த³கா ப்³யக்³க⁴ங் ஹந்த்வா…பே॰…
தீ³பிங் ஹந்த்வா…பே॰… அச்ச²ங் ஹந்த்வா…பே॰… தரச்ச²ங் ஹந்த்வா தரச்ச²மங்ஸங்
பரிபு⁴ஞ்ஜந்தி, பி⁴க்கூ²னங் பிண்டா³ய சரந்தானங்
தரச்ச²மங்ஸங் தெ³ந்தி. பி⁴க்கூ² தரச்ச²மங்ஸங் பரிபு⁴ஞ்ஜித்வா அரஞ்ஞே
விஹரந்தி. தரச்சா² தரச்ச²மங்ஸக³ந்தே⁴ன பி⁴க்கூ² பரிபாதெந்தி. ப⁴க³வதோ
ஏதமத்த²ங் ஆரோசேஸுங். ந, பி⁴க்க²வே, தரச்ச²மங்ஸங் பரிபு⁴ஞ்ஜிதப்³ப³ங். யோ
பரிபு⁴ஞ்ஜெய்ய, ஆபத்தி து³க்கடஸ்ஸாதி.
ஹத்தி²மங்ஸாதி³படிக்கே²பகதா² நிட்டி²தா.
ஸுப்பியபா⁴ணவாரோ நிட்டி²தோ து³தியோ.
170. யாகு³மது⁴கோ³ளகானுஜானநா
282.
அத² கோ² ப⁴க³வா பா³ராணஸியங் யதா²பி⁴ரந்தங் விஹரித்வா யேன அந்த⁴கவிந்த³ங்
தேன சாரிகங் பக்காமி, மஹதா பி⁴க்கு²ஸங்கே⁴ன ஸத்³தி⁴ங், அட்³ட⁴தேலஸேஹி
பி⁴க்கு²ஸதேஹி. தேன கோ² பன ஸமயேன ஜானபதா³ மனுஸ்ஸா ப³ஹுங் லோணம்பி, தேலம்பி,
தண்டு³லம்பி, கா²த³னீயம்பி ஸகடேஸு ஆரோபெத்வா பு³த்³த⁴ப்பமுக²ஸ்ஸ
பி⁴க்கு²ஸங்க⁴ஸ்ஸ பிட்டி²தோ பிட்டி²தோ அனுப³ந்தா⁴ ஹொந்தி – யதா³ படிபாடிங்
லபி⁴ஸ்ஸாம ததா³ ப⁴த்தங் கரிஸ்ஸாமாதி, பஞ்சமத்தானி ச விகா⁴ஸாத³ஸதானி. அத²
கோ² ப⁴க³வா அனுபுப்³பே³ன சாரிகங் சரமானோ யேன அந்த⁴கவிந்த³ங் தத³வஸரி. அத²
கோ² அஞ்ஞதரஸ்ஸ ப்³ராஹ்மணஸ்ஸ படிபாடிங் அலப⁴ந்தஸ்ஸ ஏதத³ஹோஸி – ‘‘அதீதானி [அதி⁴கானி (ஸீ॰ ஸ்யா॰)]
கோ² மே த்³வே மாஸானி பு³த்³த⁴ப்பமுக²ங் பி⁴க்கு²ஸங்க⁴ங் அனுப³ந்த⁴ந்தஸ்ஸ
‘யதா³ படிபாடிங் லபி⁴ஸ்ஸாமி ததா³ ப⁴த்தங் கரிஸ்ஸாமீ’தி, ந ச மே படிபாடி
லப்³ப⁴தி, அஹஞ்சம்ஹி ஏகத்தகோ [ஏகதோ (ஸீ॰ ஸ்யா॰)],
ப³ஹு ச மே க⁴ராவாஸத்தோ² ஹாயதி. யங்னூனாஹங் ப⁴த்தக்³க³ங் ஓலோகெய்யங்; யங்
ப⁴த்தக்³கே³ நாஸ்ஸ, தங் படியாதெ³ய்ய’’ந்தி. அத² கோ² ஸோ ப்³ராஹ்மணோ
ப⁴த்தக்³க³ங் ஓலோகெந்தோ த்³வே நாத்³த³ஸ – யாகு³ஞ்ச மது⁴கோ³ளகஞ்ச .
அத² கோ² ஸோ ப்³ராஹ்மணோ யேனாயஸ்மா ஆனந்தோ³ தேனுபஸங்கமி, உபஸங்கமித்வா
ஆயஸ்மந்தங் ஆனந்த³ங் ஏதத³வோச – ‘‘இத⁴ மே, போ⁴ ஆனந்த³, படிபாடிங் அலப⁴ந்தஸ்ஸ
ஏதத³ஹோஸி ‘அதீதானி கோ² மே த்³வே மாஸானி
பு³த்³த⁴ப்பமுக²ங் பி⁴க்கு²ஸங்க⁴ங் அனுப³ந்த⁴ந்தஸ்ஸ, யதா³ படிபாடிங்
லபி⁴ஸ்ஸாமி ததா³ ப⁴த்தங் கரிஸ்ஸாமீதி. ந ச மே படிபாடி லப்³ப⁴தி ,
அஹஞ்சம்ஹி ஏகத்தகோ, ப³ஹு ச மே க⁴ராவாஸத்தோ² ஹாயதி. யங்னூனாஹங்
ப⁴த்தக்³க³ங் ஓலோகெய்யங்; யங் ப⁴த்தக்³கே³ நாஸ்ஸ, தங் படியாதெ³ய்ய’ந்தி. ஸோ
கோ² அஹங், போ⁴ ஆனந்த³, ப⁴த்தக்³க³ங் ஓலோகெந்தோ த்³வே நாத்³த³ஸங் –
யாகு³ஞ்ச மது⁴கோ³ளகஞ்ச. ஸசாஹங், போ⁴ ஆனந்த³, படியாதெ³ய்யங் யாகு³ஞ்ச
மது⁴கோ³ளகஞ்ச, படிக்³க³ண்ஹெய்ய மே ப⁴வங் கோ³தமோ’’தி? ‘‘தேன ஹி, ப்³ராஹ்மண,
ப⁴க³வந்தங் படிபுச்சி²ஸ்ஸாமீ’’தி. அத² கோ² ஆயஸ்மா ஆனந்தோ³ ப⁴க³வதோ
ஏதமத்த²ங் ஆரோசேஸி. தேன ஹானந்த³, படியாதே³தூதி. தேன ஹி, ப்³ராஹ்மண,
படியாதே³ஹீதி. அத² கோ² ஸோ ப்³ராஹ்மணோ தஸ்ஸா ரத்தியா அச்சயேன பஹூதங்
யாகு³ஞ்ச மது⁴கோ³ளகஞ்ச படியாதா³பெத்வா ப⁴க³வதோ உபனாமேஸி – படிக்³க³ண்ஹாது
மே ப⁴வங் கோ³தமோ யாகு³ஞ்ச மது⁴கோ³ளகஞ்சாதி. தேன ஹி, ப்³ராஹ்மண, பி⁴க்கூ²னங்
தே³ஹீதி. பி⁴க்கூ² குக்குச்சாயந்தா ந படிக்³க³ண்ஹந்தி. படிக்³க³ண்ஹத²,
பி⁴க்க²வே, பரிபு⁴ஞ்ஜதா²தி. அத² கோ² ஸோ ப்³ராஹ்மணோ பு³த்³த⁴ப்பமுக²ங்
பி⁴க்கு²ஸங்க⁴ங் பஹூதாய யாகு³யா ச மது⁴கோ³ளகேன ச ஸஹத்தா² ஸந்தப்பெத்வா
ஸம்பவாரெத்வா ப⁴க³வந்தங் தோ⁴தஹத்த²ங் ஓனீதபத்தபாணிங் ஏகமந்தங் நிஸீதி³.
ஏகமந்தங் நிஸின்னங் கோ² தங் ப்³ராஹ்மணங் ப⁴க³வா ஏதத³வோச –
‘‘த³ஸயிமே, ப்³ராஹ்மண, ஆனிஸங்ஸா யாகு³யா. கதமே த³ஸ?
யாகு³ங் தெ³ந்தோ ஆயுங் தே³தி, வண்ணங் தே³தி, ஸுக²ங் தே³தி, ப³லங் தே³தி,
படிபா⁴னங் தே³தி, யாகு³ பீதா கு²த்³த³ங் [கு²த³ங் (ஸீ॰ ஸ்யா॰)] படிஹனதி, பிபாஸங் வினேதி, வாதங் அனுலோமேதி, வத்தி²ங் ஸோதே⁴தி, ஆமாவஸேஸங் பாசேதி – இமே கோ², ப்³ராஹ்மண, த³ஸானிஸங்ஸா யாகு³யா’’தி [பச்சி²மா பஞ்ச ஆனிஸங்ஸா அ॰ நி॰ 5.207].
[அ॰ நி॰ 4.58-59 தோ²கங் விஸதி³ஸங்] யோ ஸஞ்ஞதானங் பரத³த்தபோ⁴ஜினங்;
காலேன ஸக்கச்ச த³தா³தி யாகு³ங்;
த³ஸஸ்ஸ டா²னானி அனுப்பவெச்ச²தி;
ஆயுஞ்ச வண்ணஞ்ச ஸுக²ங் ப³லஞ்ச.
கு²த்³த³ங் பிபாஸஞ்ச ப்³யபனேதி வாதங்;
ஸோதே⁴தி வத்தி²ங் பரிணாமேதி பு⁴த்தங்;
பே⁴ஸஜ்ஜமேதங் ஸுக³தேன வண்ணிதங்.
தஸ்மா ஹி யாகு³ங் அலமேவ தா³துங்;
நிச்சங் மனுஸ்ஸேன ஸுக²த்தி²கேன;
தி³ப்³பா³னி வா பத்த²யதா ஸுகா²னி;
மனுஸ்ஸஸோப⁴க்³யதமிச்ச²தா வாதி.
அத² கோ² ப⁴க³வா தங் ப்³ராஹ்மணங் இமாஹி கா³தா²ஹி அனுமோதி³த்வா உட்டா²யாஸனா பக்காமி. அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, யாகு³ஞ்ச மது⁴கோ³ளகஞ்சா’’தி.
யாகு³மது⁴கோ³ளகானுஜானநா நிட்டி²தா.
171. தருணபஸன்னமஹாமத்தவத்து²
283.
அஸ்ஸோஸுங் கோ² மனுஸ்ஸா ப⁴க³வதா கிர யாகு³ அனுஞ்ஞாதா மது⁴கோ³ளகஞ்சாதி. தே
காலஸ்ஸேவ, போ⁴ஜ்ஜயாகு³ங் படியாதெ³ந்தி மது⁴கோ³ளகஞ்ச. பி⁴க்கூ² காலஸ்ஸேவ
போ⁴ஜ்ஜயாகு³யா தா⁴தா மது⁴கோ³ளகேன ச ப⁴த்தக்³கே³ ந சித்தரூபங்
பரிபு⁴ஞ்ஜந்தி. தேன கோ² பன ஸமயேன அஞ்ஞதரேன தருணபஸன்னேன மஹாமத்தேன ஸ்வாதனாய
பு³த்³த⁴ப்பமுகோ² பி⁴க்கு²ஸங்கோ⁴ நிமந்திதோ ஹோதி. அத² கோ² தஸ்ஸ
தருணபஸன்னஸ்ஸ மஹாமத்தஸ்ஸ ஏதத³ஹோஸி – ‘‘யங்னூனாஹங் அட்³ட⁴தேலஸன்னங்
பி⁴க்கு²ஸதானங் அட்³ட⁴தேலஸானி மங்ஸபாதிஸதானி படியாதெ³ய்யங், ஏகமேகஸ்ஸ
பி⁴க்கு²னோ ஏகமேகங் மங்ஸபாதிங் உபனாமெய்ய’’ந்தி. அத² கோ² ஸோ தருணபஸன்னோ
மஹாமத்தோ தஸ்ஸா ரத்தியா அச்சயேன பணீதங் கா²த³னீயங் போ⁴ஜனீயங்
படியாதா³பெத்வா அட்³ட⁴தேலஸானி ச மங்ஸபாதிஸதானி, ப⁴க³வதோ காலங் ஆரோசாபேஸி –
‘‘காலோ, ப⁴ந்தே, நிட்டி²தங் ப⁴த்த’’ந்தி. அத² கோ² ப⁴க³வா புப்³ப³ண்ஹஸமயங்
நிவாஸெத்வா பத்தசீவரமாதா³ய யேன தஸ்ஸ தருணபஸன்னஸ்ஸ மஹாமத்தஸ்ஸ நிவேஸனங்
தேனுபஸங்கமி, உபஸங்கமித்வா பஞ்ஞத்தே ஆஸனே நிஸீதி³, ஸத்³தி⁴ங்
பி⁴க்கு²ஸங்கே⁴ன. அத² கோ² ஸோ தருணபஸன்னோ மஹாமத்தோ ப⁴த்தக்³கே³ பி⁴க்கூ²
பரிவிஸதி. பி⁴க்கூ² ஏவமாஹங்ஸு – ‘‘தோ²கங், ஆவுஸோ, தே³ஹி; தோ²கங், ஆவுஸோ,
தே³ஹீ’’தி. ‘‘மா கோ² தும்ஹே, ப⁴ந்தே, – ‘அயங் தருணபஸன்னோ மஹாமத்தோ’தி
– தோ²கங் தோ²கங் படிக்³க³ண்ஹத². ப³ஹுங் மே கா²த³னீயங் போ⁴ஜனீயங்
படியத்தங், அட்³ட⁴தேலஸானி ச மங்ஸபாதிஸதானி. ஏகமேகஸ்ஸ பி⁴க்கு²னோ ஏகமேகங்
மங்ஸபாதிங் உபனாமெஸ்ஸாமீதி. படிக்³க³ண்ஹத², ப⁴ந்தே, யாவத³த்த²’’ந்தி. ‘‘ந
கோ² மயங், ஆவுஸோ, ஏதங்காரணா தோ²கங் தோ²கங் படிக்³க³ண்ஹாம, அபி ச மயங்
காலஸ்ஸேவ போ⁴ஜ்ஜயாகு³யா தா⁴தா மது⁴கோ³ளகேன ச. தேன மயங் தோ²கங் தோ²கங்
படிக்³க³ண்ஹாமா’’தி. அத² கோ² ஸோ தருணபஸன்னோ மஹாமத்தோ உஜ்ஜா²யதி கி²ய்யதி
விபாசேதி – ‘‘கத²ஞ்ஹி நாம ப⁴த³ந்தா மயா நிமந்திதா அஞ்ஞஸ்ஸ போ⁴ஜ்ஜயாகு³ங்
பரிபு⁴ஞ்ஜிஸ்ஸந்தி, ந சாஹங் படிப³லோ யாவத³த்த²ங் தா³து’’ந்தி
குபிதோ அனத்தமனோ ஆஸாத³னாபெக்கோ² பி⁴க்கூ²னங் பத்தே பூரெந்தோ அக³மாஸி –
பு⁴ஞ்ஜத² வா ஹரத² வாதி. அத² கோ² ஸோ தருணபஸன்னோ மஹாமத்தோ பு³த்³த⁴ப்பமுக²ங்
பி⁴க்கு²ஸங்க⁴ங் பணீதேன கா²த³னீயேன போ⁴ஜனீயேன
ஸஹத்தா² ஸந்தப்பெத்வா ஸம்பவாரெத்வா ப⁴க³வந்தங் பு⁴த்தாவிங் ஓனீதபத்தபாணிங்
ஏகமந்தங் நிஸீதி³. ஏகமந்தங் நிஸின்னங் கோ² தங் தருணபஸன்னங் மஹாமத்தங்
ப⁴க³வா த⁴ம்மியா கதா²ய ஸந்த³ஸ்ஸெத்வா ஸமாத³பெத்வா ஸமுத்தேஜெத்வா
ஸம்பஹங்ஸெத்வா உட்டா²யாஸனா பக்காமி.
அத² கோ² தஸ்ஸ தருணபஸன்னஸ்ஸ மஹாமத்தஸ்ஸ அசிரபக்கந்தஸ்ஸ
ப⁴க³வதோ அஹுதே³வ குக்குச்சங், அஹு விப்படிஸாரோ – ‘‘அலாபா⁴ வத மே, ந வத மே
லாபா⁴; து³ல்லத்³த⁴ங் வத மே, ந வத மே ஸுலத்³த⁴ங்; யோஹங் குபிதோ அனத்தமனோ
ஆஸாத³னாபெக்கோ² பி⁴க்கூ²னங் பத்தே பூரெந்தோ
அக³மாஸிங் – ‘பு⁴ஞ்ஜத² வா ஹரத² வா’தி. கிங் நு கோ² மயா ப³ஹுங் பஸுதங்
புஞ்ஞங் வா அபுஞ்ஞங் வா’’தி? அத² கோ² ஸோ தருணபஸன்னோ மஹாமத்தோ யேன ப⁴க³வா
தேனுபஸங்கமி, உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³.
ஏகமந்தங் நிஸின்னோ கோ² ஸோ தருணபஸன்னோ மஹாமத்தோ ப⁴க³வந்தங் ஏதத³வோச – ‘‘இத⁴
மய்ஹங், ப⁴ந்தே, அசிரபக்கந்தஸ்ஸ ப⁴க³வதோ அஹுதே³வ குக்குச்சங், அஹு
விப்படிஸாரோ ‘அலாபா⁴ வத மே, ந வத மே லாபா⁴; து³ல்லத்³த⁴ங் வத மே, ந வத மே
ஸுலத்³த⁴ங்; யோஹங் குபிதோ அனத்தமனோ ஆஸாத³னாபெக்கோ² பி⁴க்கூ²னங் பத்தே
பூரெந்தோ அக³மாஸிங் – பு⁴ஞ்ஜத² வா ஹரத² வாதி. கிங் நு கோ² மயா ப³ஹுங்
பஸுதங், புஞ்ஞங் வா அபுஞ்ஞங் வா’தி. கிங் நு கோ² மயா, ப⁴ந்தே, ப³ஹுங்
பஸுதங், புஞ்ஞங் வா அபுஞ்ஞங் வா’’தி? ‘‘யத³க்³கே³ன தயா, ஆவுஸோ, ஸ்வாதனாய
பு³த்³த⁴ப்பமுகோ² பி⁴க்கு²ஸங்கோ⁴ நிமந்திதோ தத³க்³கே³ன தே ப³ஹுங் புஞ்ஞங்
பஸுதங். யத³க்³கே³ன தே ஏகமேகேன பி⁴க்கு²னா ஏகமேகங்
ஸித்த²ங் படிக்³க³ஹிதங் தத³க்³கே³ன தே ப³ஹுங் புஞ்ஞங் பஸுதங், ஸக்³கா³ தே
ஆரத்³தா⁴’’தி. அத² கோ² ஸோ தருணபஸன்னோ மஹாமத்தோ – ‘‘லாபா⁴ கிர மே,
ஸுலத்³த⁴ங் கிர மே, ப³ஹுங் கிர மயா புஞ்ஞங் பஸுதங், ஸக்³கா³ கிர மே
ஆரத்³தா⁴’’தி – ஹட்டோ² உத³க்³கோ³ உட்டா²யாஸனா ப⁴க³வந்தங் அபி⁴வாதெ³த்வா
பத³க்கி²ணங் கத்வா பக்காமி. அத² கோ² ப⁴க³வா ஏதஸ்மிங் நிதா³னே ஏதஸ்மிங்
பகரணே பி⁴க்கு²ஸங்க⁴ங் ஸன்னிபாதாபெத்வா பி⁴க்கூ²
படிபுச்சி² – ‘‘ஸச்சங் கிர, பி⁴க்க²வே, பி⁴க்கூ² அஞ்ஞத்ர நிமந்திதா அஞ்ஞஸ்ஸ
போ⁴ஜ்ஜயாகு³ங் பரிபு⁴ஞ்ஜந்தீ’’தி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம தே, பி⁴க்க²வே, மோக⁴புரிஸா அஞ்ஞத்ர
நிமந்திதா அஞ்ஞஸ்ஸ போ⁴ஜ்ஜயாகு³ங் பரிபு⁴ஞ்ஜிஸ்ஸந்தி. நேதங், பி⁴க்க²வே,
அப்பஸன்னானங் வா பஸாதா³ய…பே॰… விக³ரஹித்வா த⁴ம்மிங் கத²ங் கத்வா பி⁴க்கூ²
ஆமந்தேஸி – ‘‘ந, பி⁴க்க²வே, அஞ்ஞத்ர நிமந்திதேன அஞ்ஞஸ்ஸ போ⁴ஜ்ஜயாகு³ பரிபு⁴ஞ்ஜிதப்³பா³. யோ பரிபு⁴ஞ்ஜெய்ய, யதா²த⁴ம்மோ காரேதப்³போ³’’தி.
தருணபஸன்னமஹாமத்தவத்து² நிட்டி²தங்.
172. பே³லட்ட²கச்சானவத்து²
284. அத²
கோ² ப⁴க³வா அந்த⁴கவிந்தே³ யதா²பி⁴ரந்தங் விஹரித்வா யேன ராஜக³ஹங் தேன
சாரிகங் பக்காமி, மஹதா பி⁴க்கு²ஸங்கே⁴ன ஸத்³தி⁴ங், அட்³ட⁴தேலஸேஹி
பி⁴க்கு²ஸதேஹி. தேன கோ² பன ஸமயேன பே³லட்டோ² கச்சானோ ராஜக³ஹா அந்த⁴கவிந்த³ங்
அத்³தா⁴னமக்³க³ப்படிபன்னோ ஹோதி, பஞ்சமத்தேஹி ஸகடஸதேஹி, ஸப்³பே³ஹேவ
கு³ளகும்ப⁴பூரேஹி. அத்³த³ஸா கோ² ப⁴க³வா பே³லட்ட²ங் கச்சானங் தூ³ரதோவ
ஆக³ச்ச²ந்தங், தி³ஸ்வான மக்³கா³ ஓக்கம்ம அஞ்ஞதரஸ்மிங் ருக்க²மூலே நிஸீதி³.
அத² கோ² பே³லட்டோ² கச்சானோ யேன ப⁴க³வா தேனுபஸங்கமி, உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தோ கோ² பே³லட்டோ²
கச்சானோ ப⁴க³வந்தங் ஏதத³வோச – ‘‘இச்சா²மஹங், ப⁴ந்தே, ஏகமேகஸ்ஸ பி⁴க்கு²னோ
ஏகமேகங் கு³ளகும்ப⁴ங் தா³து’’ந்தி. ‘‘தேன ஹி த்வங், கச்சான, ஏகங்யேவ
கு³ளகும்ப⁴ங் ஆஹரா’’தி. ‘‘ஏவங், ப⁴ந்தே’’தி கோ²
பே³லட்டோ² கச்சானோ ப⁴க³வதோ படிஸ்ஸுணித்வா ஏகங்யேவ கு³ளகும்ப⁴ங் ஆதா³ய யேன
ப⁴க³வா தேனுபஸங்கமி, உபஸங்கமித்வா ப⁴க³வந்தங் ஏதத³வோச – ‘‘ஆப⁴தோ [ஆஹடோ (ஸீ॰ ஸ்யா॰ க॰)],
ப⁴ந்தே, கு³ளகும்போ⁴; கதா²ஹங், ப⁴ந்தே, படிபஜ்ஜாமீ’’தி? ‘‘தேன ஹி த்வங்,
கச்சான, பி⁴க்கூ²னங் கு³ளங் தே³ஹீ’’தி. ‘‘ஏவங், ப⁴ந்தே’’தி கோ² பே³லட்டோ²
கச்சானோ ப⁴க³வதோ படிஸ்ஸுணித்வா பி⁴க்கூ²னங் கு³ளங்
த³த்வா ப⁴க³வந்தங் ஏதத³வோச – ‘‘தி³ன்னோ, ப⁴ந்தே, பி⁴க்கூ²னங் கு³ளோ, ப³ஹு
சாயங் கு³ளோ அவஸிட்டோ². கதா²ஹங், ப⁴ந்தே, படிபஜ்ஜாமீ’’தி? ‘‘தேன ஹி த்வங்,
கச்சான, பி⁴க்கூ²னங் கு³ளங் யாவத³த்த²ங் தே³ஹீ’’தி. ‘‘ஏவங், ப⁴ந்தே’’தி கோ²
பே³லட்டோ² கச்சானோ ப⁴க³வதோ படிஸ்ஸுணித்வா பி⁴க்கூ²னங் கு³ளங் யாவத³த்த²ங்
த³த்வா ப⁴க³வந்தங் ஏதத³வோச – ‘‘தி³ன்னோ, ப⁴ந்தே, பி⁴க்கூ²னங் கு³ளோ
யாவத³த்தோ², ப³ஹு சாயங் கு³ளோ அவஸிட்டோ². கதா²ஹங், ப⁴ந்தே, படிபஜ்ஜாமீ’’தி?
‘‘தேன ஹி த்வங், கச்சான, பி⁴க்கூ² கு³ளேஹி ஸந்தப்பேஹீ’’தி. ‘‘ஏவங்,
ப⁴ந்தே’’தி கோ² பே³லட்டோ² கச்சானோ ப⁴க³வதோ படிஸ்ஸுணித்வா பி⁴க்கூ² கு³ளேஹி
ஸந்தப்பேஸி. ஏகச்சே பி⁴க்கூ² பத்தேபி பூரேஸுங் பரிஸ்ஸாவனானிபி த²விகாயோபி
பூரேஸுங். அத² கோ² பே³லட்டோ² கச்சானோ பி⁴க்கூ² கு³ளேஹி ஸந்தப்பெத்வா
ப⁴க³வந்தங் ஏதத³வோச – ‘‘ஸந்தப்பிதா, ப⁴ந்தே, பி⁴க்கூ² கு³ளேஹி, ப³ஹு சாயங்
கு³ளோ அவஸிட்டோ². கதா²ஹங், ப⁴ந்தே, படிபஜ்ஜாமீ’’தி? ‘‘தேன ஹி
த்வங், கச்சான, விகா⁴ஸாதா³னங் கு³ளங் தே³ஹீ’’தி. ‘‘ஏவங், ப⁴ந்தே’’தி கோ²
பே³லட்டோ² கச்சானோ ப⁴க³வதோ படிஸ்ஸுணித்வா விகா⁴ஸாதா³னங் கு³ளங் த³த்வா
ப⁴க³வந்தங் ஏதத³வோச – ‘‘தி³ன்னோ, ப⁴ந்தே ,
விகா⁴ஸாதா³னங் கு³ளோ, ப³ஹு சாயங் கு³ளோ அவஸிட்டோ². கதா²ஹங், ப⁴ந்தே,
படிபஜ்ஜாமீ’’தி? ‘‘தேன ஹி த்வங், கச்சான, விகா⁴ஸாதா³னங் கு³ளங் யாவத³த்த²ங்
தே³ஹீ’’தி. ‘‘ஏவங், ப⁴ந்தே’’தி கோ² பே³லட்டோ² கச்சானோ ப⁴க³வதோ
படிஸ்ஸுணித்வா விகா⁴ஸாதா³னங் கு³ளங் யாவத³த்த²ங் த³த்வா ப⁴க³வந்தங் ஏதத³வோச
– ‘‘தி³ன்னோ, ப⁴ந்தே, விகா⁴ஸாதா³னங் கு³ளோ யாவத³த்தோ², ப³ஹு சாயங் கு³ளோ
அவஸிட்டோ². கதா²ஹங், ப⁴ந்தே, படிபஜ்ஜாமீ’’தி? ‘‘தேன ஹி த்வங், கச்சான,
விகா⁴ஸாதே³ கு³ளேஹி ஸந்தப்பேஹீ’’தி. ‘‘ஏவங், ப⁴ந்தே’’தி
கோ² பே³லட்டோ² கச்சானோ ப⁴க³வதோ படிஸ்ஸுணித்வா விகா⁴ஸாதே³ கு³ளேஹி
ஸந்தப்பேஸி. ஏகச்சே விகா⁴ஸாதா³ கோலம்பே³பி க⁴டேபி பூரேஸுங், பிடகானிபி
உச்ச²ங்கே³பி பூரேஸுங். அத² கோ² பே³லட்டோ² கச்சானோ விகா⁴ஸாதே³ கு³ளேஹி
ஸந்தப்பெத்வா ப⁴க³வந்தங் ஏதத³வோச – ‘‘ஸந்தப்பிதா, ப⁴ந்தே, விகா⁴ஸாதா³
கு³ளேஹி, ப³ஹு சாயங் கு³ளோ அவஸிட்டோ². கதா²ஹங், ப⁴ந்தே, படிபஜ்ஜாமீ’’தி?
‘‘நாஹங் தங், கச்சான, பஸ்ஸாமி ஸதே³வகே லோகே ஸமாரகே ஸப்³ரஹ்மகே
ஸஸ்ஸமணப்³ராஹ்மணியா பஜாய ஸதே³வமனுஸ்ஸாய யஸ்ஸ ஸோ கு³ளோ பரிபு⁴த்தோ ஸம்மா
பரிணாமங் க³ச்செ²ய்ய, அஞ்ஞத்ர ததா²க³தஸ்ஸ வா ததா²க³தஸாவகஸ்ஸ வா. தேன ஹி
த்வங், கச்சான, தங் கு³ளங் அப்பஹரிதே வா ச²ட்³டே³ஹி, அப்பாணகே வா உத³கே
ஓபிலாபேஹீ’’தி. ‘‘ஏவங், ப⁴ந்தே’’தி கோ² பே³லட்டோ² கச்சானோ ப⁴க³வதோ
படிஸ்ஸுணித்வா தங் கு³ளங் அப்பாணகே உத³கே ஓபிலாபேதி. அத² கோ² ஸோ கு³ளோ உத³கே பக்கி²த்தோ சிச்சிடாயதி சிடிசிடாயதி பதூ⁴பாயதி [ஸந்தூ⁴பாயதி (ஸீ॰ ஸ்யா॰)]
ஸம்பதூ⁴பாயதி. ஸெய்யதா²பி நாம பா²லோ தி³வஸங்ஸந்தத்தோ உத³கே பக்கி²த்தோ
சிச்சிடாயதி சிடிசிடாயதி பதூ⁴பாயதி ஸம்பதூ⁴பாயதி, ஏவமேவ ஸோ கு³ளோ உத³கே
பக்கி²த்தோ சிச்சிடாயதி சிடிசிடாயதி பதூ⁴பாயதி ஸம்பதூ⁴பாயதி.
அத² கோ² பே³லட்டோ² கச்சானோ ஸங்விக்³கோ³ லோமஹட்ட²ஜாதோ
யேன ப⁴க³வா தேனுபஸங்கமி, உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³. ஏகமந்தங் நிஸின்னஸ்ஸ கோ² பே³லட்ட²ஸ்ஸ கச்சானஸ்ஸ ப⁴க³வா
அனுபுப்³பி³ங் கத²ங் கதே²ஸி, ஸெய்யதி²த³ங் – ‘‘தா³னகத²ங் ஸீலகத²ங்
ஸக்³க³கத²ங், காமானங் ஆதீ³னவங் ஓகாரங் ஸங்கிலேஸங், நெக்க²ம்மே ஆனிஸங்ஸங்
பகாஸேஸி. யதா³ ப⁴க³வா அஞ்ஞாஸி பே³லட்ட²ங் கச்சானங் கல்லசித்தங்,
முது³சித்தங், வினீவரணசித்தங், உத³க்³க³சித்தங், பஸன்னசித்தங், அத² யா
பு³த்³தா⁴னங் ஸாமுக்கங்ஸிகா த⁴ம்மதே³ஸனா, தங் பகாஸேஸி…பே॰… ஏவமேவ
பே³லட்ட²ஸ்ஸ கச்சானஸ்ஸ தஸ்மிங்யேவ ஆஸனே விரஜங்
வீதமலங் த⁴ம்மசக்கு²ங் உத³பாதி³ – யங் கிஞ்சி ஸமுத³யத⁴ம்மங் ஸப்³ப³ங் தங்
நிரோத⁴த⁴ம்மந்தி. அத² கோ² பே³லட்டோ² கச்சானோ தி³ட்ட²த⁴ம்மோ பத்தத⁴ம்மோ
விதி³தத⁴ம்மோ பரியோகா³ள்ஹத⁴ம்மோ திண்ணவிசிகிச்சோ² விக³தகத²ங்கதோ²
வேஸாரஜ்ஜப்பத்தோ அபரப்பச்சயோ ஸத்து²ஸாஸனே ப⁴க³வந்தங் ஏதத³வோச –
‘‘அபி⁴க்கந்தங், ப⁴ந்தே. அபி⁴க்கந்தங், ப⁴ந்தே. ஸெய்யதா²பி, ப⁴ந்தே,
நிக்குஜ்ஜிதங் வா உக்குஜ்ஜெய்ய…பே॰… ஏவமேவங் கோ²
ப⁴க³வதா அனேகபரியாயேன த⁴ம்மோ பகாஸிதோ. ஏஸாஹங், ப⁴ந்தே, ப⁴க³வந்தங் ஸரணங்
க³ச்சா²மி, த⁴ம்மஞ்ச, பி⁴க்கு²ஸங்க⁴ஞ்ச. உபாஸகங் மங் ப⁴க³வா தா⁴ரேது
அஜ்ஜதக்³கே³ பாணுபேதங் ஸரணக³த’’ந்தி.
அத² கோ² ப⁴க³வா அனுபுப்³பே³ன சாரிகங் சரமானோ யேன
ராஜக³ஹங் தத³வஸரி. தத்ர ஸுத³ங் ப⁴க³வா ராஜக³ஹே விஹரதி வேளுவனே
கலந்த³கனிவாபே. தேன கோ² பன ஸமயேன ராஜக³ஹே கு³ளோ உஸ்ஸன்னோ ஹோதி. பி⁴க்கூ² –
கி³லானஸ்ஸேவ ப⁴க³வதா கு³ளோ அனுஞ்ஞாதோ, நோ அகி³லானஸ்ஸாதி – குக்குச்சாயந்தா கு³ளங் ந பு⁴ஞ்ஜந்தி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, கி³லானஸ்ஸ கு³ளங், அகி³லானஸ்ஸ கு³ளோத³கந்தி.
பே³லட்ட²கச்சானவத்து² நிட்டி²தங்.
173. பாடலிகா³மவத்து²
285. [இதோ பரங் மஹாவ॰ 286-287 ‘திண்ணா மேதா⁴வினோ ஜனா’தி பாடோ² தீ³॰ நி॰ 2.148; உதா³॰ 76 ஆத³யோ] அத²
கோ² ப⁴க³வா ராஜக³ஹே யதா²பி⁴ரந்தங் விஹரித்வா யேன பாடலிகா³மோ தேன சாரிகங்
பக்காமி, மஹதா பி⁴க்கு²ஸங்கே⁴ன ஸத்³தி⁴ங், அட்³ட⁴தேலஸேஹி பி⁴க்கு²ஸதேஹி.
அத² கோ² ப⁴க³வா அனுபுப்³பே³ன சாரிகங் சரமானோ யேன பாடலிகா³மோ தத³வஸரி.
அஸ்ஸோஸுங் கோ² பாடலிகா³மிகா உபாஸகா – ‘‘ப⁴க³வா கிர பாடலிகா³மங்
அனுப்பத்தோ’’தி. அத² கோ² பாடலிகா³மிகா உபாஸகா யேன ப⁴க³வா தேனுபஸங்கமிங்ஸு,
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங்
நிஸின்னே கோ² பாடலிகா³மிகே உபாஸகே ப⁴க³வா த⁴ம்மியா கதா²ய ஸந்த³ஸ்ஸேஸி,
ஸமாத³பேஸி, ஸமுத்தேஜேஸி, ஸம்பஹங்ஸேஸி. அத² கோ² பாடலிகா³மிகா உபாஸகா ப⁴க³வதா
த⁴ம்மியா கதா²ய ஸந்த³ஸ்ஸிதா ஸமாத³பிதா ஸமுத்தேஜிதா
ஸம்பஹங்ஸிதா ப⁴க³வந்தங் ஏதத³வோசுங் – ‘‘அதி⁴வாஸேது நோ, ப⁴ந்தே, ப⁴க³வா
ஆவஸதா²கா³ரங் ஸத்³தி⁴ங் பி⁴க்கு²ஸங்கே⁴னா’’தி. அதி⁴வாஸேஸி ப⁴க³வா
துண்ஹீபா⁴வேன. அத² கோ² பாடலிகா³மிகா உபாஸகா ப⁴க³வதோ அதி⁴வாஸனங் விதி³த்வா
உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங்
கத்வா யேன ஆவஸதா²கா³ரங் தேனுபஸங்கமிங்ஸு, உபஸங்கமித்வா ஸப்³ப³ஸந்த²ரிங்
ஆவஸதா²கா³ரங் ஸந்த²ரித்வா, ஆஸனானி பஞ்ஞபெத்வா, உத³கமணிகங் பதிட்டா²பெத்வா,
தேலபதீ³பங் ஆரோபெத்வா யேன ப⁴க³வா தேனுபஸங்கமிங்ஸு, உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் அட்ட²ங்ஸு. ஏகமந்தங் டி²தா கோ² பாடலிகா³மிகா
உபாஸகா ப⁴க³வந்தங் ஏதத³வோசுங் – ‘‘ஸப்³ப³ஸந்த²ரிஸந்த²தங், ப⁴ந்தே,
ஆவஸதா²கா³ரங். ஆஸனானி பஞ்ஞத்தானி. உத³கமணிகோ பதிட்டா²பிதோ. தேலபதீ³போ
ஆரோபிதோ. யஸ்ஸதா³னி, ப⁴ந்தே, ப⁴க³வா காலங் மஞ்ஞதீ’’தி.
அத² கோ² ப⁴க³வா நிவாஸெத்வா பத்தசீவரமாதா³ய ஸத்³தி⁴ங்
பி⁴க்கு²ஸங்கே⁴ன யேன ஆவஸதா²கா³ரங் தேனுபஸங்கமி; உபஸங்கமித்வா பாதே³
பக்கா²லெத்வா ஆவஸதா²கா³ரங் பவிஸித்வா மஜ்ஜி²மங் த²ம்ப⁴ங் நிஸ்ஸாய
புரத்தா²பி⁴முகோ² நிஸீதி³. பி⁴க்கு²ஸங்கோ⁴பி கோ² பாதே³ பக்கா²லெத்வா
ஆவஸதா²கா³ரங் பவிஸித்வா பச்சி²மங் பி⁴த்திங் நிஸ்ஸாய புரத்தா²பி⁴முகோ²
நிஸீதி³, ப⁴க³வந்தங்யேவ புரக்க²த்வா. பாடலிகா³மிகாபி கோ² உபாஸகா பாதே³
பக்கா²லெத்வா ஆவஸதா²கா³ரங் பவிஸித்வா புரத்தி²மங் பி⁴த்திங் நிஸ்ஸாய
பச்சி²மாபி⁴முகா² நிஸீதி³ங்ஸு, ப⁴க³வந்தங்யேவ புரக்க²த்வா. அத² கோ² ப⁴க³வா பாடலிகா³மிகே உபாஸகே ஆமந்தேஸி –
[தீ³॰ நி॰ 3.316; அ॰ நி॰ 5.213 ஆத³யோ],
க³ஹபதயோ, ஆதீ³னவா து³ஸ்ஸீலஸ்ஸ ஸீலவிபத்தியா. கதமே பஞ்ச? இத⁴, க³ஹபதயோ,
து³ஸ்ஸீலோ ஸீலவிபன்னோ பமாதா³தி⁴கரணங் மஹதிங் போ⁴க³ஜானிங் நிக³ச்ச²தி. அயங்
பட²மோ ஆதீ³னவோ து³ஸ்ஸீலஸ்ஸ ஸீலவிபத்தியா. புன சபரங், க³ஹபதயோ, து³ஸ்ஸீலஸ்ஸ
ஸீலவிபன்னஸ்ஸ பாபகோ கித்திஸத்³தோ³ அப்³பு⁴க்³க³ச்ச²தி. அயங் து³தியோ
ஆதீ³னவோ து³ஸ்ஸீலஸ்ஸ ஸீலவிபத்தியா. புன சபரங், க³ஹபதயோ, து³ஸ்ஸீலோ
ஸீலவிபன்னோ யஞ்ஞதே³வ பரிஸங் உபஸங்கமதி, யதி³ க²த்தியபரிஸங், யதி³
ப்³ராஹ்மணபரிஸங், யதி³ க³ஹபதிபரிஸங், யதி³ ஸமணபரிஸங், அவிஸாரதோ³ உபஸங்கமதி
மங்குபூ⁴தோ. அயங் ததியோ ஆதீ³னவோ து³ஸ்ஸீலஸ்ஸ ஸீலவிபத்தியா. புன சபரங்,
க³ஹபதயோ, து³ஸ்ஸீலோ ஸீலவிபன்னோ ஸம்மூள்ஹோ காலங்கரோதி. அயங் சதுத்தோ²
ஆதீ³னவோ து³ஸ்ஸீலஸ்ஸ ஸீலவிபத்தியா. புன சபரங், க³ஹபதயோ, து³ஸ்ஸீலோ
ஸீலவிபன்னோ காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங்
உபபஜ்ஜதி. அயங் பஞ்சமோ ஆதீ³னவோ து³ஸ்ஸீலஸ்ஸ ஸீலவிபத்தியா. இமே கோ²,
க³ஹபதயோ, பஞ்ச ஆதீ³னவா து³ஸ்ஸீலஸ்ஸ ஸீலவிபத்தியா.
[தீ³॰ நி॰ 3.316; அ॰ நி॰ 5.213 ஆத³யோ] ‘‘பஞ்சிமே, க³ஹபதயோ, ஆனிஸங்ஸா ஸீலவதோ ஸீலஸம்பதா³ய. கதமே
பஞ்ச? இத⁴, க³ஹபதயோ, ஸீலவா ஸீலஸம்பன்னோ அப்பமாதா³தி⁴கரணங் மஹந்தங்
போ⁴க³க்க²ந்த⁴ங் அதி⁴க³ச்ச²தி. அயங் பட²மோ ஆனிஸங்ஸோ ஸீலவதோ ஸீலஸம்பதா³ய .
புன சபரங், க³ஹபதயோ, ஸீலவதோ ஸீலஸம்பன்னஸ்ஸ கல்யாணோ கித்திஸத்³தோ³
அப்³பு⁴க்³க³ச்ச²தி. அயங் து³தியோ ஆனிஸங்ஸோ ஸீலவதோ ஸீலஸம்பதா³ய. புன சபரங்,
க³ஹபதயோ, ஸீலவா ஸீலஸம்பன்னோ யஞ்ஞதே³வ பரிஸங் உபஸங்கமதி, யதி³
க²த்தியபரிஸங், யதி³ ப்³ராஹ்மணபரிஸங், யதி³ க³ஹபதிபரிஸங், யதி³ ஸமணபரிஸங்,
விஸாரதோ³ உபஸங்கமதி அமங்குபூ⁴தோ. அயங் ததியோ ஆனிஸங்ஸோ ஸீலவதோ ஸீலஸம்பதா³ய.
புன சபரங், க³ஹபதயோ, ஸீலவா ஸீலஸம்பன்னோ அஸம்மூள்ஹோ காலங்கரோதி. அயங்
சதுத்தோ² ஆனிஸங்ஸோ ஸீலவதோ ஸீலஸம்பதா³ய. புன சபரங், க³ஹபதயோ, ஸீலவா
ஸீலஸம்பன்னோ காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜதி.
அயங் பஞ்சமோ ஆனிஸங்ஸோ ஸீலவதோ ஸீலஸம்பதா³ய. இமே கோ², க³ஹபதயோ, பஞ்ச ஆனிஸங்ஸா
ஸீலவதோ ஸீலஸம்பதா³யாதி.
அத² கோ² ப⁴க³வா பாடலிகா³மிகே உபாஸகே ப³ஹுதே³வ ரத்திங்
த⁴ம்மியா கதா²ய ஸந்த³ஸ்ஸெத்வா ஸமாத³பெத்வா ஸமுத்தேஜெத்வா ஸம்பஹங்ஸெத்வா
உய்யோஜேஸி – ‘‘அபி⁴க்கந்தா கோ², க³ஹபதயோ, ரத்தி. யஸ்ஸதா³னி தும்ஹே காலங் மஞ்ஞதா²’’தி. ‘‘ஏவங், ப⁴ந்தே’’தி, கோ² பாடலிகா³மிகா உபாஸகா ப⁴க³வதோ
படிஸ்ஸுணித்வா உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங் கத்வா
பக்கமிங்ஸு. அத² கோ² ப⁴க³வா அசிரபக்கந்தேஸு பாடலிகா³மிகேஸு உபாஸகேஸு
ஸுஞ்ஞாகா³ரங் பாவிஸி.
பாடலிகா³மவத்து² நிட்டி²தங்.
174. ஸுனித⁴வஸ்ஸகாரவத்து²
286. தேன
கோ² பன ஸமயேன ஸுனித⁴வஸ்ஸகாரா மக³த⁴மஹாமத்தா பாடலிகா³மே நக³ரங் மாபெந்தி
வஜ்ஜீனங் படிபா³ஹாய. அத்³த³ஸா கோ² ப⁴க³வா ரத்தியா பச்சூஸஸமயங் பச்சுட்டா²ய
தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ஸம்ப³ஹுலா தே³வதாயோ
பாடலிகா³மே வத்தூ²னி பரிக்³க³ண்ஹந்தியோ. யஸ்மிங் பதே³ஸே மஹேஸக்கா² தே³வதா
வத்தூ²னி பரிக்³க³ண்ஹந்தி, மஹேஸக்கா²னங் தத்த² ராஜூனங் ராஜமஹாமத்தானங்
சித்தானி நமந்தி நிவேஸனானி மாபேதுங். யஸ்மிங் பதே³ஸே மஜ்ஜி²மா தே³வதா
வத்தூ²னி பரிக்³க³ண்ஹந்தி, மஜ்ஜி²மானங் தத்த² ராஜூனங் ராஜமஹாமத்தானங்
சித்தானி நமந்தி நிவேஸனானி மாபேதுங். யஸ்மிங் பதே³ஸே நீசா தே³வதா வத்தூ²னி
பரிக்³க³ண்ஹந்தி, நீசானங் தத்த² ராஜூனங் ராஜமஹாமத்தானங் சித்தானி நமந்தி
நிவேஸனானி மாபேதுங். அத² கோ² ப⁴க³வா ஆயஸ்மந்தங் ஆனந்த³ங் ஆமந்தேஸி – ‘‘கே
நு கோ² தே, ஆனந்த³, பாடலிகா³மே நக³ரங் மாபெந்தீ’’தி? ‘‘ஸுனித⁴வஸ்ஸகாரா ,
ப⁴ந்தே, மக³த⁴மஹாமத்தா பாடலிகா³மே நக³ரங் மாபெந்தி வஜ்ஜீனங்
படிபா³ஹாயா’’தி. ஸெய்யதா²பி, ஆனந்த³, தே³வேஹி தாவதிங்ஸேஹி ஸத்³தி⁴ங்
மந்தெத்வா, ஏவமேவ கோ², ஆனந்த³, ஸுனித⁴வஸ்ஸகாரா மக³த⁴மஹாமத்தா பாடலிகா³மே
நக³ரங் மாபெந்தி வஜ்ஜீனங் படிபா³ஹாய. இதா⁴ஹங், ஆனந்த³, ரத்தியா பச்சூஸஸமயங்
பச்சுட்டா²ய அத்³த³ஸங் தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன
ஸம்ப³ஹுலா தே³வதாயோ பாடலிகா³மே வத்தூ²னி பரிக்³க³ண்ஹந்தியோ. யஸ்மிங்
பதே³ஸே மஹேஸக்கா² தே³வதா வத்தூ²னி பரிக்³க³ண்ஹந்தி, மஹேஸக்கா²னங் தத்த²
ராஜூனங் ராஜமஹாமத்தானங் சித்தானி நமந்தி நிவேஸனானி மாபேதுங். யஸ்மிங்
பதே³ஸே மஜ்ஜி²மா தே³வதா வத்தூ²னி பரிக்³க³ண்ஹந்தி, மஜ்ஜி²மானங் தத்த²
ராஜூனங் ராஜமஹாமத்தானங் சித்தானி நமந்தி நிவேஸனானி மாபேதுங். யஸ்மிங்
பதே³ஸே நீசா தே³வதா வத்தூ²னி பரிக்³க³ண்ஹந்தி, நீசானங் தத்த² ராஜூனங்
ராஜமஹாமத்தானங் சித்தானி நமந்தி நிவேஸனானி மாபேதுங். யாவதா, ஆனந்த³, அரியங்
ஆயதனங், யாவதா வணிப்பதோ², இத³ங் அக்³க³னக³ரங் ப⁴விஸ்ஸதி பாடலிபுத்தங்
புடபே⁴த³னங். பாடலிபுத்தஸ்ஸ கோ², ஆனந்த³, தயோ அந்தராயா ப⁴விஸ்ஸந்தி – அக்³கி³தோ வா உத³கதோ வா அப்³ப⁴ந்தரதோ வா மிது²பே⁴தா³தி.
அத² கோ² ஸுனித⁴வஸ்ஸகாரா மக³த⁴மஹாமத்தா யேன ப⁴க³வா தேனுபஸங்கமிங்ஸு, உபஸங்கமித்வா ப⁴க³வதா
ஸத்³தி⁴ங் ஸம்மோதி³ங்ஸு, ஸம்மோத³னீயங் கத²ங் ஸாரணீயங் வீதிஸாரெத்வா
ஏகமந்தங் அட்ட²ங்ஸு. ஏகமந்தங் டி²தா கோ² ஸுனித⁴வஸ்ஸகாரா மக³த⁴மஹாமத்தா
ப⁴க³வந்தங் ஏதத³வோசுங் – ‘‘அதி⁴வாஸேது நோ ப⁴வங் கோ³தமோ அஜ்ஜதனாய ப⁴த்தங்
ஸத்³தி⁴ங் பி⁴க்கு²ஸங்கே⁴னா’’தி. அதி⁴வாஸேஸி ப⁴க³வா துண்ஹீபா⁴வேன. அத² கோ²
ஸுனித⁴வஸ்ஸகாரா மக³த⁴மஹாமத்தா ப⁴க³வதோ அதி⁴வாஸனங் விதி³த்வா பக்கமிங்ஸு.
அத² கோ² ஸுனித⁴வஸ்ஸகாரா மக³த⁴மஹாமத்தா பணீதங் கா²த³னீயங் போ⁴ஜனீயங்
படியாதா³பெத்வா ப⁴க³வதோ காலங் ஆரோசாபேஸுங் – ‘‘காலோ, போ⁴ கோ³தம, நிட்டி²தங்
ப⁴த்த’’ந்தி. அத² கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய
யேன ஸுனித⁴வஸ்ஸகாரானங் மக³த⁴மஹாமத்தானங் பரிவேஸனா தேனுபஸங்கமி;
உபஸங்கமித்வா பஞ்ஞத்தே ஆஸனே நிஸீதி³ ஸத்³தி⁴ங் பி⁴க்கு²ஸங்கே⁴ன .
அத² கோ² ஸுனித⁴வஸ்ஸகாரா மக³த⁴மஹாமத்தா பு³த்³த⁴ப்பமுக²ங் பி⁴க்கு²ஸங்க⁴ங்
பணீதேன கா²த³னீயேன போ⁴ஜனீயேன ஸஹத்தா² ஸந்தப்பெத்வா ஸம்பவாரெத்வா ப⁴க³வந்தங்
பு⁴த்தாவிங் ஓனீதபத்தபாணிங் ஏகமந்தங் நிஸீதி³ங்ஸு. ஏகமந்தங் நிஸின்னே கோ²
ஸுனித⁴வஸ்ஸகாரே மக³த⁴மஹாமத்தே ப⁴க³வா இமாஹி கா³தா²ஹி அனுமோதி³ –
‘‘யஸ்மிங் பதே³ஸே கப்பேதி, வாஸங் பண்டி³தஜாதியோ;
ஸீலவந்தெத்த² போ⁴ஜெத்வா, ஸஞ்ஞதே ப்³ரஹ்மசாரயோ [ப்³ரஹ்மசாரினோ (ஸ்யா॰)].
‘‘யா தத்த² தே³வதா ஆஸுங், தாஸங் த³க்கி²ணமாதி³ஸே;
தா பூஜிதா பூஜயந்தி, மானிதா மானயந்தி நங்.
‘‘ததோ நங் அனுகம்பந்தி, மாதா புத்தங்வ ஓரஸங்;
தே³வதானுகம்பிதோ போஸோ, ஸதா³ ப⁴த்³ரானி பஸ்ஸதீ’’தி.
அத² கோ² ப⁴க³வா ஸுனித⁴வஸ்ஸகாரே மக³த⁴மஹாமத்தே இமாஹி
கா³தா²ஹி அனுமோதி³த்வா உட்டா²யாஸனா பக்காமி. தேன கோ² பன ஸமயேன
ஸுனித⁴வஸ்ஸகாரா மக³த⁴மஹாமத்தா ப⁴க³வந்தங் பிட்டி²தோ பிட்டி²தோ அனுப³ந்தா⁴
ஹொந்தி, ‘‘யேனஜ்ஜ ஸமணோ கோ³தமோ த்³வாரேன நிக்க²மிஸ்ஸதி, தங் கோ³தமத்³வாரங்
நாம ப⁴விஸ்ஸதி ; யேன தித்தே²ன க³ங்க³ங் நதி³ங்
உத்தரிஸ்ஸதி, தங் கோ³தமதித்த²ங் நாம ப⁴விஸ்ஸதீ’’தி. அத² கோ² ப⁴க³வா யேன
த்³வாரேன நிக்க²மி, தங் கோ³தமத்³வாரங் நாம அஹோஸி. அத² கோ² ப⁴க³வா யேன
க³ங்கா³ நதீ³ தேனுபஸங்கமி. தேன கோ² பன ஸமயேன க³ங்கா³ நதீ³ பூரா ஹோதி
ஸமதித்திகா காகபெய்யா. மனுஸ்ஸா அஞ்ஞே நாவங் பரியேஸந்தி ,
அஞ்ஞே உளும்பங் பரியேஸந்தி, அஞ்ஞே குல்லங் ப³ந்த⁴ந்தி ஓரா பாரங்
க³ந்துகாமா. அத்³த³ஸா கோ² ப⁴க³வா தே மனுஸ்ஸே அஞ்ஞே நாவங் பரியேஸந்தே, அஞ்ஞே
உளும்பங் பரியேஸந்தே, அஞ்ஞே குல்லங் ப³ந்த⁴ந்தே ஓரா பாரங் க³ந்துகாமே,
தி³ஸ்வான ஸெய்யதா²பி நாம ப³லவா புரிஸோ ஸமிஞ்ஜிதங்
வா பா³ஹங் பஸாரெய்ய, பஸாரிதங் வா பா³ஹங் ஸமிஞ்ஜெய்ய, ஏவமேவ கோ² க³ங்கா³ய
நதி³யா ஓரிமதீரே அந்தரஹிதோ பாரிமதீரே பச்சுட்டா²ஸி ஸத்³தி⁴ங்
பி⁴க்கு²ஸங்கே⁴ன. அத² கோ² ப⁴க³வா ஏதமத்த²ங் விதி³த்வா தாயங் வேலாயங் இமங்
உதா³னங் உதா³னேஸி –
‘‘யே தரந்தி அண்ணவங் ஸரங்;
ஸேதுங் கத்வான விஸஜ்ஜ பல்லலானி;
குல்லஞ்ஹி ஜனோ ப³ந்த⁴தி;
திண்ணா மேதா⁴வினோ ஜனா’’தி.
ஸுனித⁴வஸ்ஸகாரவத்து² நிட்டி²தங்.
175. கோடிகா³மே ஸச்சகதா²
287. அத² கோ² ப⁴க³வா யேன கோடிகா³மோ தேனுபஸங்கமி. தத்ர ஸுத³ங் ப⁴க³வா கோடிகா³மே விஹரதி. தத்ர கோ² ப⁴க³வா பி⁴க்கூ² ஆமந்தேஸி – [தீ³॰ நி॰ 2.155]
‘‘சதுன்னங், பி⁴க்க²வே, அரியஸச்சானங் அனநுபோ³தா⁴ அப்படிவேதா⁴ ஏவமித³ங்
தீ³க⁴மத்³தா⁴னங் ஸந்தா⁴விதங் ஸங்ஸரிதங் மமஞ்சேவ தும்ஹாகஞ்ச. கதமேஸங்
சதுன்னங்? து³க்க²ஸ்ஸ, பி⁴க்க²வே, அரியஸச்சஸ்ஸ அனநுபோ³தா⁴ அப்படிவேதா⁴
ஏவமித³ங் தீ³க⁴மத்³தா⁴னங் ஸந்தா⁴விதங் ஸங்ஸரிதங் மமஞ்சேவ தும்ஹாகஞ்ச.
து³க்க²ஸமுத³யஸ்ஸ அரியஸச்சஸ்ஸ…பே॰… து³க்க²னிரோத⁴ஸ்ஸ அரியஸச்சஸ்ஸ…பே॰…
து³க்க²னிரோத⁴கா³மினியா படிபதா³ய அரியஸச்சஸ்ஸ
அனநுபோ³தா⁴ அப்படிவேதா⁴ ஏவமித³ங் தீ³க⁴மத்³தா⁴னங் ஸந்தா⁴விதங் ஸங்ஸரிதங்
மமஞ்சேவ தும்ஹாகஞ்ச. தயித³ங், பி⁴க்க²வே, து³க்க²ங் அரியஸச்சங் அனுபு³த்³த⁴ங் படிவித்³த⁴ங், து³க்க²ஸமுத³யங் [து³க்க²ஸமுத³யோ (ஸ்யா॰)] அரியஸச்சங் அனுபு³த்³த⁴ங் படிவித்³த⁴ங், து³க்க²னிரோத⁴ங் [து³க்க²னிரோதோ⁴ (ஸ்யா॰)]
அரியஸச்சங் அனுபு³த்³த⁴ங் படிவித்³த⁴ங், து³க்க²னிரோத⁴கா³மினீ படிபதா³
அரியஸச்சங் அனுபு³த்³த⁴ங் படிவித்³த⁴ங், உச்சி²ன்னா ப⁴வதண்ஹா, கீ²ணா
ப⁴வனெத்தி, நத்தி²தா³னி புனப்³ப⁴வோ’’தி.
சதுன்னங் அரியஸச்சானங், யதா²பூ⁴தங் அத³ஸ்ஸனா;
ஸங்ஸிதங் தீ³க⁴மத்³தா⁴னங், தாஸு தாஸ்வேவ ஜாதிஸு.
தானி ஏதானி தி³ட்டா²னி, ப⁴வனெத்தி ஸமூஹதா;
உச்சி²ன்னங் மூலங் து³க்க²ஸ்ஸ, நத்தி²தா³னி புனப்³ப⁴வோதி.
கோடிகா³மே ஸச்சகதா² நிட்டி²தா.
176. அம்ப³பாலீவத்து²
288. [தீ³॰ நி॰ 2.161 ஆத³யோ]
அஸ்ஸோஸி கோ² அம்ப³பாலீ க³ணிகா – ப⁴க³வா கிர கோடிகா³மங் அனுப்பத்தோதி. அத²
கோ² அம்ப³பாலீ க³ணிகா ப⁴த்³ரானி ப⁴த்³ரானி யானானி யோஜாபெத்வா ப⁴த்³ரங்
ப⁴த்³ரங் யானங் அபி⁴ருஹித்வா ப⁴த்³ரேஹி ப⁴த்³ரேஹி யானேஹி வேஸாலியா நிய்யாஸி
ப⁴க³வந்தங் த³ஸ்ஸனாய. யாவதிகா யானஸ்ஸ பூ⁴மி, யானேன க³ந்த்வா, யானா
பச்சோரோஹித்வா, பத்திகாவ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னங் கோ² அம்ப³பாலிங்
க³ணிகங் ப⁴க³வா த⁴ம்மியா கதா²ய ஸந்த³ஸ்ஸேஸி
ஸமாத³பேஸி ஸமுத்தேஜேஸி ஸம்பஹங்ஸேஸி. அத² கோ² அம்ப³பாலீ க³ணிகா ப⁴க³வதா
த⁴ம்மியா கதா²ய ஸந்த³ஸ்ஸிதா ஸமாத³பிதா ஸமுத்தேஜிதா ஸம்பஹங்ஸிதா ப⁴க³வந்தங்
ஏதத³வோச – ‘‘அதி⁴வாஸேது மே, ப⁴ந்தே, ப⁴க³வா ஸ்வாதனாய ப⁴த்தங் ஸத்³தி⁴ங்
பி⁴க்கு²ஸங்கே⁴னா’’தி. அதி⁴வாஸேஸி ப⁴க³வா துண்ஹீபா⁴வேன. அத² கோ² அம்ப³பாலீ
க³ணிகா ப⁴க³வதோ அதி⁴வாஸனங் விதி³த்வா உட்டா²யாஸனா ப⁴க³வந்தங் அபி⁴வாதெ³த்வா
பத³க்கி²ணங் கத்வா பக்காமி.
அம்ப³பாலீவத்து² நிட்டி²தங்.
177. லிச்ச²வீவத்து²
289. [தீ³॰ நி॰ 2.161 ஆத³யோ]
அஸ்ஸோஸுங் கோ² வேஸாலிகா லிச்ச²வீ – ப⁴க³வா கிர கோடிகா³மங் அனுப்பத்தோதி.
அத² கோ² வேஸாலிகா லிச்ச²வீ ப⁴த்³ரானி ப⁴த்³ரானி யானானி யோஜாபெத்வா ப⁴த்³ரங்
ப⁴த்³ரங் யானங் அபி⁴ருஹித்வா ப⁴த்³ரேஹி ப⁴த்³ரேஹி யானேஹி வேஸாலியா
நிய்யாஸுங் ப⁴க³வந்தங் த³ஸ்ஸனாய. அப்பேகச்சே லிச்ச²வீ நீலா ஹொந்தி நீலவண்ணா
நீலவத்தா² நீலாலங்காரா, அப்பேகச்சே லிச்ச²வீ பீதா ஹொந்தி பீதவண்ணா
பீதவத்தா² பீதாலங்காரா, அப்பேகச்சே லிச்ச²வீ லோஹிதா ஹொந்தி லோஹிதவண்ணா
லோஹிதவத்தா² லோஹிதாலங்காரா, அப்பேகச்சே லிச்ச²வீ ஓதா³தா ஹொந்தி ஓதா³தவண்ணா
ஓதா³தவத்தா² ஓதா³தாலங்காரா. அத² கோ² அம்ப³பாலீ க³ணிகா த³ஹரானங் த³ஹரானங்
லிச்ச²வீனங் ஈஸாய ஈஸங் யுகே³ன யுக³ங் சக்கேன சக்கங் அக்கே²ன அக்க²ங்
படிவட்டேஸி [படிவத்தேஸி (க॰)]. அத² கோ² தே லிச்ச²வீ அம்ப³பாலிங் க³ணிகங் ஏதத³வோசுங் – ‘‘கிஸ்ஸ, ஜே அம்ப³பாலி, த³ஹரானங் த³ஹரானங் [அம்ஹாகங் த³ஹரானங் த³ஹரானங் (ஸீ॰ ஸ்யா॰)] லிச்ச²வீனங் ஈஸாய ஈஸங் யுகே³ன யுக³ங் சக்கேன சக்கங் அக்கே²ன அக்க²ங் படிவட்டேஸீ’’தி? ‘‘ததா² ஹி பன
மயா, அய்யபுத்தா, ஸ்வாதனாய பு³த்³த⁴ப்பமுகோ² பி⁴க்கு²ஸங்கோ⁴
நிமந்திதோ’’தி. ‘‘தே³ஹி, ஜே அம்ப³பாலி, அம்ஹாகங் ஏதங் ப⁴த்தங்
ஸதஸஹஸ்ஸேனா’’தி. ‘‘ஸசேபி மே, அய்யபுத்தா, வேஸாலிங் ஸாஹாரங் த³ஜ்ஜெய்யாத²,
நேவ த³ஜ்ஜாஹங் தங் ப⁴த்த’’ந்தி. அத² கோ² தே லிச்ச²வீ அங்கு³லிங் போ²டேஸுங் –
‘‘ஜிதம்ஹா வத, போ⁴, அம்ப³காய, பராஜிதம்ஹ வத, போ⁴, அம்ப³காயா’’தி. அத² கோ²
தே லிச்ச²வீ யேன ப⁴க³வா தேனுபஸங்கமிங்ஸு. அத்³த³ஸா கோ² ப⁴க³வா தே லிச்ச²வீ
தூ³ரதோவ ஆக³ச்ச²ந்தே, தி³ஸ்வான பி⁴க்கூ² ஆமந்தேஸி – ‘‘யேஹி, பி⁴க்க²வே,
பி⁴க்கூ²ஹி தே³வா தாவதிங்ஸா அதி³ட்ட²புப்³பா³, ஓலோகேத², பி⁴க்க²வே,
லிச்ச²வீபரிஸங்; அபலோகேத², பி⁴க்க²வே, லிச்ச²வீபரிஸங்; உபஸங்ஹரத²,
பி⁴க்க²வே, லிச்ச²வீபரிஸங் தாவதிங்ஸபரிஸ’’ந்தி. அத² கோ² தே லிச்ச²வீ
யாவதிகா யானஸ்ஸ பூ⁴மி, யானேன க³ந்த்வா யானா பச்சோரோஹித்வா பத்திகாவ யேன
ப⁴க³வா தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³ங்ஸு. ஏகமந்தங் நிஸின்னே கோ² தே லிச்ச²வீ ப⁴க³வா த⁴ம்மியா கதா²ய
ஸந்த³ஸ்ஸேஸி ஸமாத³பேஸி ஸமுத்தேஜேஸி ஸம்பஹங்ஸேஸி. அத² கோ² தே லிச்ச²வீ,
ப⁴க³வதா த⁴ம்மியா கதா²ய ஸந்த³ஸ்ஸிதா ஸமாத³பிதா ஸமுத்தேஜிதா ஸம்பஹங்ஸிதா
ப⁴க³வந்தங் ஏதத³வோசுங் – ‘‘அதி⁴வாஸேது நோ, ப⁴ந்தே, ப⁴க³வா ஸ்வாதனாய ப⁴த்தங்
ஸத்³தி⁴ங் பி⁴க்கு²ஸங்கே⁴னா’’தி. ‘‘அதி⁴வுட்டொ²ம்ஹி, லிச்ச²வீ, ஸ்வாதனாய
அம்ப³பாலியா க³ணிகாய ப⁴த்த’’ந்தி. அத² கோ² தே லிச்ச²வீ அங்கு³லிங்
போ²டேஸுங் – ‘‘ஜிதம்ஹ வத, போ⁴, அம்ப³காய, பராஜிதம்ஹ வத ,
போ⁴, அம்ப³காயா’’தி. அத² கோ² தே லிச்ச²வீ ப⁴க³வதோ பா⁴ஸிதங் அபி⁴னந்தி³த்வா
அனுமோதி³த்வா உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங் கத்வா
பக்கமிங்ஸு.
அத² கோ² ப⁴க³வா கோடிகா³மே யதா²பி⁴ரந்தங் விஹரித்வா [மஹாபரினிப்³பா³னஸுத்தே அனுஸந்தி⁴ அஞ்ஞதா² ஆக³தோ] யேன நாதிகா [நாதி³கா (ஸீ॰ ஸ்யா॰)]
தேனுபஸங்கமி. தத்ர ஸுத³ங் ப⁴க³வா நாதிகே விஹரதி கி³ஞ்ஜகாவஸதே². அத² கோ²
அம்ப³பாலீ க³ணிகா தஸ்ஸா ரத்தியா அச்சயேன ஸகே ஆராமே பணீதங் கா²த³னீயங்
போ⁴ஜனீயங் படியாதா³பெத்வா ப⁴க³வதோ காலங் ஆரோசாபேஸி – ‘‘காலோ, ப⁴ந்தே,
நிட்டி²தங் ப⁴த்த’’ந்தி. அத² கோ² ப⁴க³வா புப்³ப³ண்ஹஸமயங்
நிவாஸெத்வா பத்தசீவரமாதா³ய யேன அம்ப³பாலியா க³ணிகாய பரிவேஸனா தேனுபஸங்கமி;
உபஸங்கமித்வா பஞ்ஞத்தே ஆஸனே நிஸீதி³ ஸத்³தி⁴ங் பி⁴க்கு²ஸங்கே⁴ன .
அத² கோ² அம்ப³பாலீ க³ணிகா பு³த்³த⁴ப்பமுக²ங் பி⁴க்கு²ஸங்க⁴ங் பணீதேன
கா²த³னீயேன போ⁴ஜனீயேன ஸஹத்தா² ஸந்தப்பெத்வா ஸம்பவாரெத்வா ப⁴க³வந்தங்
பு⁴த்தாவிங் ஓனீதபத்தபாணிங் ஏகமந்தங் நிஸீதி³. ஏகமந்தங் நிஸின்னா கோ²
அம்ப³பாலீ க³ணிகா ப⁴க³வந்தங் ஏதத³வோச – ‘‘இமாஹங், ப⁴ந்தே, அம்ப³வனங்
பு³த்³த⁴ப்பமுக²ஸ்ஸ பி⁴க்கு²ஸங்க⁴ஸ்ஸ த³ம்மீ’’தி. படிக்³க³ஹேஸி ப⁴க³வா
ஆராமங். அத² கோ² ப⁴க³வா அம்ப³பாலிங் க³ணிகங் த⁴ம்மியா கதா²ய
ஸந்த³ஸ்ஸெத்வா ஸமாத³பெத்வா ஸமுத்தேஜெத்வா ஸம்பஹங்ஸெத்வா உட்டா²யாஸனா யேன
மஹாவனங் தேனுபஸங்கமி. தத்ர ஸுத³ங் ப⁴க³வா வேஸாலியங் விஹரதி மஹாவனே
கூடாகா³ரஸாலாயங்.
லிச்ச²வீவத்து² நிட்டி²தங்.
லிச்ச²விபா⁴ணவாரோ நிட்டி²தோ ததியோ.
178. ஸீஹஸேனாபதிவத்து²
290. [அ॰ நி॰ 8.12 ஆத³யோ] தேன கோ² பன ஸமயேன அபி⁴ஞ்ஞாதா அபி⁴ஞ்ஞாதா லிச்ச²வீ ஸந்தா⁴கா³ரே [ஸந்தா²கா³ரே (ஸீ॰ ஸ்யா॰)]
ஸன்னிஸின்னா ஸன்னிபதிதா அனேகபரியாயேன பு³த்³த⁴ஸ்ஸ வண்ணங் பா⁴ஸந்தி,
த⁴ம்மஸ்ஸ வண்ணங் பா⁴ஸந்தி, ஸங்க⁴ஸ்ஸ வண்ணங் பா⁴ஸந்தி. தேன கோ² பன ஸமயேன
ஸீஹோ ஸேனாபதி நிக³ண்ட²ஸாவகோ தஸ்ஸங் பரிஸாயங் நிஸின்னோ ஹோதி. அத² கோ² ஸீஹஸ்ஸ
ஸேனாபதிஸ்ஸ ஏதத³ஹோஸி – ‘‘நிஸ்ஸங்ஸயங் கோ² ஸோ ப⁴க³வா அரஹங்
ஸம்மாஸம்பு³த்³தோ⁴ ப⁴விஸ்ஸதி, ததா² ஹிமே அபி⁴ஞ்ஞாதா அபி⁴ஞ்ஞாதா லிச்ச²வீ
ஸந்தா²கா³ரே ஸன்னிஸின்னா ஸன்னிபதிதா அனேகபரியாயேன பு³த்³த⁴ஸ்ஸ வண்ணங்
பா⁴ஸந்தி, த⁴ம்மஸ்ஸ வண்ணங் பா⁴ஸந்தி, ஸங்க⁴ஸ்ஸ வண்ணங் பா⁴ஸந்தி. யங்னூனாஹங்
தங் ப⁴க³வந்தங் த³ஸ்ஸனாய உபஸங்கமெய்யங் அரஹந்தங் ஸம்மாஸம்பு³த்³த⁴’’ந்தி.
அத² கோ² ஸீஹோ ஸேனாபதி யேன நிக³ண்டோ² நாடபுத்தோ தேனுபஸங்கமி, உபஸங்கமித்வா
நிக³ண்ட²ங் நாடபுத்தங் ஏதத³வோச – ‘‘இச்சா²மஹங், ப⁴ந்தே, ஸமணங் கோ³தமங்
த³ஸ்ஸனாய உபஸங்கமிது’’ந்தி. ‘‘கிங் பன த்வங், ஸீஹ, கிரியவாதோ³ ஸமானோ
அகிரியவாத³ங் ஸமணங் கோ³தமங் த³ஸ்ஸனாய உபஸங்கமிஸ்ஸஸி? ஸமணோ ஹி, ஸீஹ, கோ³தமோ
அகிரியவாதோ³ அகிரியாய த⁴ம்மங் தே³ஸேதி, தேன ச ஸாவகே வினேதீ’’தி. அத² கோ²
ஸீஹஸ்ஸ ஸேனாபதிஸ்ஸ யோ அஹோஸி க³மிகாபி⁴ஸங்கா²ரோ ப⁴க³வந்தங் த³ஸ்ஸனாய, ஸோ
படிப்பஸ்ஸம்பி⁴. து³தியம்பி கோ² அபி⁴ஞ்ஞாதா அபி⁴ஞ்ஞாதா லிச்ச²வீ
ஸந்தா⁴கா³ரே ஸன்னிஸின்னா ஸன்னிபதிதா அனேகபரியானேன பு³த்³த⁴ஸ்ஸ வண்ணங்
பா⁴ஸந்தி, த⁴ம்மஸ்ஸ வண்ணங் பா⁴ஸந்தி, ஸங்க⁴ஸ்ஸ வண்ணங் பா⁴ஸந்தி. து³தியம்பி
கோ² ஸீஹஸ்ஸ ஸேனாபதிஸ்ஸ ஏதத³ஹோஸி – ‘‘நிஸ்ஸங்ஸயங் கோ² ஸோ ப⁴க³வா அரஹங்
ஸம்மாஸம்பு³த்³தோ⁴ ப⁴விஸ்ஸதி, ததா² ஹிமே அபி⁴ஞ்ஞாதா அபி⁴ஞ்ஞாதா லிச்ச²வீ
ஸந்தா⁴கா³ரே ஸன்னிஸின்னா ஸன்னிபதிதா அனேகபரியாயேன பு³த்³த⁴ஸ்ஸ வண்ணங்
பா⁴ஸந்தி, த⁴ம்மஸ்ஸ வண்ணங் பா⁴ஸந்தி, ஸங்க⁴ஸ்ஸ வண்ணங் பா⁴ஸந்தி. யங்னூனாஹங்
தங் ப⁴க³வந்தங் த³ஸ்ஸனாய உபஸங்கமெய்யங் அரஹந்தங் ஸம்மாஸம்பு³த்³த⁴’’ந்தி.
து³தியம்பி கோ² ஸீஹோ ஸேனாபதி யேன நிக³ண்டோ²
நாடபுத்தோ தேனுபஸங்கமி, உபஸங்கமித்வா நிக³ண்ட²ங் நாடபுத்தங் ஏதத³வோச –
‘‘இச்சா²மஹங், ப⁴ந்தே, ஸமணங் கோ³தமங் த³ஸ்ஸனாய உபஸங்கமிது’’ந்தி. ‘‘கிங் பன
த்வங், ஸீஹ, கிரியவாதோ³ ஸமானோ அகிரியவாத³ங் ஸமணங் கோ³தமங் த³ஸ்ஸனாய
உபஸங்கமிஸ்ஸஸி? ஸமணோ ஹி, ஸீஹ, கோ³தமோ அகிரியவாதோ³ அகிரியாய த⁴ம்மங் தே³ஸேதி
, தேன ச ஸாவகே வினேதீ’’தி. து³தியம்பி கோ² ஸீஹஸ்ஸ
ஸேனாபதிஸ்ஸ யோ அஹோஸி க³மிகாபி⁴ஸங்கா²ரோ ப⁴க³வந்தங் த³ஸ்ஸனாய, ஸோ
படிப்பஸ்ஸம்பி⁴. ததியம்பி கோ² அபி⁴ஞ்ஞாதா அபி⁴ஞ்ஞாதா
லிச்ச²வீ ஸந்தா⁴கா³ரே ஸன்னிஸின்னா ஸன்னிபதிதா அனேகபரியாயேன பு³த்³த⁴ஸ்ஸ
வண்ணங் பா⁴ஸந்தி, த⁴ம்மஸ்ஸ வண்ணங் பா⁴ஸந்தி, ஸங்க⁴ஸ்ஸ வண்ணங் பா⁴ஸந்தி.
ததியம்பி கோ² ஸீஹஸ்ஸ ஸேனாபதிஸ்ஸ ஏதத³ஹோஸி – ‘‘நிஸ்ஸங்ஸயங் கோ² ஸோ ப⁴க³வா
அரஹங் ஸம்மாஸம்பு³த்³தோ⁴ ப⁴விஸ்ஸதி, ததா² ஹிமே அபி⁴ஞ்ஞாதா அபி⁴ஞ்ஞாதா
லிச்ச²வீ ஸந்தா⁴கா³ரே ஸன்னிஸின்னா ஸன்னிபதிதா அனேகபரியாயேன பு³த்³த⁴ஸ்ஸ
வண்ணங் பா⁴ஸந்தி, த⁴ம்மஸ்ஸ வண்ணங் பா⁴ஸந்தி, ஸங்க⁴ஸ்ஸ வண்ணங் பா⁴ஸந்தி.
கிஞ்ஹி மே கரிஸ்ஸந்தி நிக³ண்டா² அபலோகிதா வா அனபலோகிதா வா? யங்னூனாஹங்
அனபலோகெத்வாவ நிக³ண்டே² தங் ப⁴க³வந்தங் த³ஸ்ஸனாய உபஸங்கமெய்யங் அரஹந்தங்
ஸம்மாஸம்பு³த்³த⁴’’ந்தி.
அத² கோ² ஸீஹோ ஸேனாபதி பஞ்சஹி ரத²ஸதேஹி தி³வா தி³வஸ்ஸ
வேஸாலியா நிய்யாஸி ப⁴க³வந்தங் த³ஸ்ஸனாய. யாவதிகா யானஸ்ஸ பூ⁴மி, யானேன
க³ந்த்வா யானா பச்சோரோஹித்வா பத்திகோவ யேன ப⁴க³வா தேனுபஸங்கமி;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னோ கோ² ஸீஹோ ஸேனாபதி ப⁴க³வந்தங் ஏதத³வோச – ‘‘ஸுதங் மே தங், ப⁴ந்தே,
‘அகிரியவாதோ³ ஸமணோ கோ³தமோ அகிரியாய த⁴ம்மங் தே³ஸேதி, தேன ச ஸாவகே
வினேதீ’தி. யே தே, ப⁴ந்தே, ஏவமாஹங்ஸு ‘அகிரியவாதோ³ ஸமணோ
கோ³தமோ, அகிரியாய த⁴ம்மங் தே³ஸேதி, தேன ச ஸாவகே வினேதீ’தி. கச்சி தே,
ப⁴ந்தே, ப⁴க³வதோ வுத்தவாதி³னோ, ந ச ப⁴க³வந்தங் அபூ⁴தேன அப்³பா⁴சிக்க²ந்தி,
த⁴ம்மஸ்ஸ சானுத⁴ம்மங் ப்³யாகரொந்தி, ந ச கோசி ஸஹத⁴ம்மிகோ வாதா³னுவாதோ³ கா³ரய்ஹங் டா²னங் ஆக³ச்ச²தி? அனப்³ப⁴க்கா²துகாமா ஹி மயங், ப⁴ந்தே, ப⁴க³வந்த’’ந்தி.
291.
‘‘அத்தி², ஸீஹ, பரியாயோ, யேன மங் பரியாயேன ஸம்மா வத³மானோ வதெ³ய்ய –
அகிரியவாதோ³ ஸமணோ கோ³தமோ, அகிரியாய த⁴ம்மங் தே³ஸேதி, தேன ச ஸாவகே வினேதீதி.
அத்தி², ஸீஹ, பரியாயோ, யேன மங் பரியாயேன ஸம்மா வத³மானோ வதெ³ய்ய –
கிரியவாதோ³ ஸமணோ கோ³தமோ கிரியாய த⁴ம்மங் தே³ஸேதி, தேன ச ஸாவகே வினேதீதி.
அத்தி², ஸீஹ, பரியாயோ யேன மங் பரியாயேன ஸம்மா வத³மானோ வதெ³ய்ய –
உச்சே²த³வாதோ³ ஸமணோ கோ³தமோ உச்சே²தா³ய த⁴ம்மங் தே³ஸேதி, தேன ச ஸாவகே
வினேதீதி. அத்தி², ஸீஹ, பரியாயோ, யேன மங் பரியாயேன ஸம்மா வத³மானோ வதெ³ய்ய –
ஜேகு³ச்சீ² ஸமணோ கோ³தமோ, ஜேகு³ச்சி²தாய த⁴ம்மங் தே³ஸேதி, தேன ச ஸாவகே
வினேதீதி. அத்தி², ஸீஹ, பரியாயோ, யேன மங் பரியாயேன ஸம்மா வத³மானோ வதெ³ய்ய –
வேனயிகோ ஸமணோ கோ³தமோ, வினயாய த⁴ம்மங் தே³ஸேதி, தேன ச ஸாவகே வினேதீதி.
அத்தி², ஸீஹ, பரியாயோ, யேன மங் பரியாயேன ஸம்மா வத³மானோ வதெ³ய்ய – தபஸ்ஸீ
ஸமணோ கோ³தமோ, தபஸ்ஸிதாய த⁴ம்மங் தே³ஸேதி, தேன ச
ஸாவகே வினேதீதி. அத்தி², ஸீஹ, பரியாயோ, யேன மங் பரியாயேன ஸம்மா வத³மானோ
வதெ³ய்ய – அபக³ப்³போ⁴ ஸமணோ கோ³தமோ, அபக³ப்³ப⁴தாய த⁴ம்மங் தே³ஸேதி, தேன ச
ஸாவகே வினேதீதி. அத்தி², ஸீஹ , பரியாயோ, யேன மங் பரியாயேன ஸம்மா வத³மானோ வதெ³ய்ய – அஸ்ஸத்தோ² ஸமணோ கோ³தமோ, அஸ்ஸாஸாய த⁴ம்மங் தே³ஸேதி, தேன ச ஸாவகே வினேதீதி.
292. ‘‘கதமோ ச, ஸீஹ, பரியாயோ, யேன மங் பரியாயேன ஸம்மா வத³மானோ வதெ³ய்ய – அகிரியவாதோ³ ஸமணோ கோ³தமோ, அகிரியாய த⁴ம்மங் தே³ஸேதி ,
தேன ச ஸாவகே வினேதீதி? அஹஞ்ஹி, ஸீஹ, அகிரியங் வதா³மி காயது³ச்சரிதஸ்ஸ
வசீது³ச்சரிதஸ்ஸ மனோது³ச்சரிதஸ்ஸ; அனேகவிஹிதானங் பாபகானங் அகுஸலானங்
த⁴ம்மானங் அகிரியங் வதா³மி. அயங் கோ², ஸீஹ, பரியாயோ , யேன மங் பரியாயேன ஸம்மா வத³மானோ வதெ³ய்ய – அகிரியவாதோ³ ஸமணோ கோ³தமோ, அகிரியாய த⁴ம்மங் தே³ஸேதி, தேன ச ஸாவகே வினேதீதி.
‘‘கதமோ ச, ஸீஹ, பரியாயோ, யேன மங் பரியாயேன ஸம்மா
வத³மானோ வதெ³ய்ய – கிரியவாதோ³ ஸமணோ கோ³தமோ, கிரியாய த⁴ம்மங் தே³ஸேதி, தேன ச
ஸாவகே வினேதீதி? அஹஞ்ஹி, ஸீஹ, கிரியங் வதா³மி காயஸுசரிதஸ்ஸ வசீஸுசரிதஸ்ஸ
மனோஸுசரிதஸ்ஸ, அனேகவிஹிதானங் குஸலானங் த⁴ம்மானங் கிரியங் வதா³மி. அயங் கோ²,
ஸீஹ, பரியாயோ, யேன மங் பரியாயேன ஸம்மா வத³மானோ வதெ³ய்ய – கிரியவாதோ³ ஸமணோ
கோ³தமோ, கிரியாய த⁴ம்மங் தே³ஸேதி, தேன ச ஸாவகே வினேதீதி.
‘‘கதமோ ச, ஸீஹ, பரியாயோ, யேன மங் பரியாயேன ஸம்மா
வத³மானோ வதெ³ய்ய – உச்சே²த³வாதோ³ ஸமணோ கோ³தமோ, உச்சே²தா³ய த⁴ம்மங் தே³ஸேதி,
தேன ச ஸாவகே வினேதீதி? அஹஞ்ஹி, ஸீஹ, உச்சே²த³ங் வதா³மி ராக³ஸ்ஸ தோ³ஸஸ்ஸ
மோஹஸ்ஸ; அனேகவிஹிதானங் பாபகானங் அகுஸலானங் த⁴ம்மானங் உச்சே²த³ங் வதா³மி.
அயங் கோ² , ஸீஹ, பரியாயோ, யேன மங் பரியாயேன ஸம்மா
வத³மானோ வதெ³ய்ய – உச்சே²த³வாதோ³ ஸமணோ கோ³தமோ உச்சே²தா³ய த⁴ம்மங் தே³ஸேதி,
தேன ச ஸாவகே வினேதீதி.
‘‘கதமோ ச, ஸீஹ, பரியாயோ யேன மங் பரியாயேன ஸம்மா
வத³மானோ வதெ³ய்ய – ஜேகு³ச்சீ² ஸமணோ கோ³தமோ, ஜேகு³ச்சி²தாய த⁴ம்மங் தே³ஸேதி,
தேன ச ஸாவகே வினேதீதி? அஹஞ்ஹி, ஸீஹ, ஜிகு³ச்சா²மி காயது³ச்சரிதேன
வசீது³ச்சரிதேன மனோது³ச்சரிதேன; அனேகவிஹிதானங் பாபகானங் அகுஸலானங்
த⁴ம்மானங் ஸமாபத்தியா ஜிகு³ச்சா²மி. அயங் கோ², ஸீஹ, பரியாயோ, யேன மங்
பரியாயேன ஸம்மா வத³மானோ வதெ³ய்ய – ஜேகு³ச்சீ² ஸமணோ கோ³தமோ, ஜேகு³ச்சி²தாய த⁴ம்மங் தே³ஸேதி, தேன ச ஸாவகே வினேதீதி.
‘‘கதமோ ச, ஸீஹ, பரியாயோ, யேன மங் பரியாயேன ஸம்மா
வத³மானோ வதெ³ய்ய – வேனயிகோ ஸமணோ கோ³தமோ, வினயாய த⁴ம்மங் தே³ஸேதி, தேன ச
ஸாவகே வினேதீதி? அஹஞ்ஹி, ஸீஹ, வினயாய த⁴ம்மங் தே³ஸேமி ராக³ஸ்ஸ தோ³ஸஸ்ஸ
மோஹஸ்ஸ; அனேகவிஹிதானங் பாபகானங் அகுஸலானங்
த⁴ம்மானங் வினயாய த⁴ம்மங் தே³ஸேமி. அயங் கோ², ஸீஹ, பரியாயோ, யேன மங்
பரியாயேன ஸம்மா வத³மானோ வதெ³ய்ய – வேனயிகோ ஸமணோ கோ³தமோ, வினயாய த⁴ம்மங்
தே³ஸேதி, தேன ச ஸாவகே வினேதீதி.
‘‘கதமோ ச, ஸீஹ, பரியாயோ, யேன மங் பரியாயேன ஸம்மா
வத³மானோ வதெ³ய்ய – தபஸ்ஸீ ஸமணோ கோ³தமோ, தபஸ்ஸிதாய த⁴ம்மங் தே³ஸேதி, தேன ச
ஸாவகே வினேதீதி? தபனீயாஹங், ஸீஹ, பாபகே அகுஸலே த⁴ம்மே வதா³மி –
காயது³ச்சரிதங் வசீது³ச்சரிதங் மனோது³ச்சரிதங். யஸ்ஸ கோ², ஸீஹ, தபனீயா
பாபகா அகுஸலா த⁴ம்மா பஹீனா உச்சி²ன்னமூலா
தாலாவத்து²கதா அனபா⁴வங்கதா ஆயதிங் அனுப்பாத³த⁴ம்மா, தமஹங் தபஸ்ஸீதி வதா³மி.
ததா²க³தஸ்ஸ கோ², ஸீஹ, தபனீயா பாபகா அகுஸலா த⁴ம்மா பஹீனா உச்சீ²ன்னமூலா
தாலாவத்து²கதா அனபா⁴வங்கதா ஆயதிங் அனுப்பாத³த⁴ம்மா. அயங் கோ², ஸீஹ,
பரியாயோ, யேன மங் பரியாயேன ஸம்மா வத³மானோ வதெ³ய்ய ‘‘தபஸ்ஸீ ஸமணோ கோ³தமோ தபஸ்ஸிதாய த⁴ம்மங் தே³ஸேதி, தேன ச ஸாவகே வினேதீ’’தி.
‘‘கதமோ ச, ஸீஹ, பரியாயோ, யேன மங் பரியாயேன ஸம்மா
வத³மானோ வதெ³ய்ய – அபக³ப்³போ⁴ ஸமணோ கோ³தமோ அபக³ப்³ப⁴தாய த⁴ம்மங் தே³ஸேதி,
தேன ச ஸாவகே வினேதீதி? யஸ்ஸ கோ², ஸீஹ, ஆயதிங் க³ப்³ப⁴ஸெய்யா
புனப்³ப⁴வாபி⁴னிப்³ப³த்தி பஹீனா உச்சி²ன்னமூலா தாலாவத்து²கதா அனபா⁴வங்கதா
ஆயதிங் அனுப்பாத³த⁴ம்மா, தமஹங் அபக³ப்³போ⁴தி வதா³மி. ததா²க³தஸ்ஸ கோ², ஸீஹ,
ஆயதிங் க³ப்³ப⁴ஸெய்யா புனப்³ப⁴வாபி⁴னிப்³ப³த்தி பஹீனா உச்சி²ன்னமூலா
தாலாவத்து²கதா அனபா⁴வங்கதா ஆயதிங் அனுப்பாத³த⁴ம்மா. அயங் கோ², ஸீஹ,
பரியாயோ, யேன மங் பரியாயேன ஸம்மா வத³மானோ வதெ³ய்ய – அபக³ப்³போ⁴ ஸமணோ
கோ³தமோ, அபக³ப்³ப⁴தாய த⁴ம்மங் தே³ஸேதி, தேன ச ஸாவகே வினேதீதி.
‘‘கதமோ ச, ஸீஹ, பரியாயோ, யேன மங் பரியாயேன ஸம்மா
வத³மானோ வதெ³ய்ய – அஸ்ஸத்தோ² ஸமணோ கோ³தமோ அஸ்ஸாஸாய த⁴ம்மங் தே³ஸேதி, தேன ச
ஸாவகே வினேதீதி? அஹஞ்ஹி, ஸீஹ, அஸ்ஸத்தோ² பரமேன அஸ்ஸாஸேன, அஸ்ஸாஸாய த⁴ம்மங் தே³ஸேமி, தேன ச ஸாவகே வினேமி. அயங் கோ², ஸீஹ, பரியாயோ, யேன மங் பரியாயேன ஸம்மா வத³மானோ வதெ³ய்ய – அஸ்ஸத்தோ² ஸமணோ கோ³தமோ அஸ்ஸாஸாய த⁴ம்மங் தே³ஸேதி, தேன ச ஸாவகே வினேதீ’’தி.
293. ஏவங்
வுத்தே ஸீஹோ ஸேனாபதி ப⁴க³வந்தங் ஏதத³வோச – ‘‘அபி⁴க்கந்தங், ப⁴ந்தே…பே॰…
உபாஸகங் மங் ப⁴க³வா தா⁴ரேது அஜ்ஜதக்³கே³ பாணுபேதங் ஸரணங் க³த’’ந்தி.
‘‘அனுவிச்சகாரங் [அனுவிஜ்ஜகாரங் (க॰)] கோ², ஸீஹ,
கரோஹி; அனுவிச்சகாரோ தும்ஹாதி³ஸானங் ஞாதமனுஸ்ஸானங் ஸாது⁴ ஹோதீ’’தி.
‘‘இமினாபாஹங், ப⁴ந்தே, ப⁴க³வதோ பி⁴ய்யோஸோமத்தாய அத்தமனோ அபி⁴ரத்³தோ⁴, யங்
மங் ப⁴க³வா ஏவமாஹ – ‘அனுவிச்சகாரங் கோ², ஸீஹ, கரோஹி; அனுவிச்சகாரோ
தும்ஹாதி³ஸானங் ஞாதமனுஸ்ஸானங் ஸாது⁴ ஹோதீ’தி. மமஞ்ஹி, ப⁴ந்தே,
அஞ்ஞதித்தி²யா ஸாவகங் லபி⁴த்வா கேவலகப்பங் வேஸாலிங் படாகங் பரிஹரெய்யுங் –
‘ஸீஹோ கோ² அம்ஹாகங் ஸேனாபதி ஸாவகத்தங் உபக³தோ’தி. அத² ச பன மங் ப⁴க³வா
ஏவமாஹ – ‘அனுவிச்சகாரங் கோ², ஸீஹ, கரோஹி; அனுவிச்சகாரோ தும்ஹாதி³ஸானங்
ஞாதமனுஸ்ஸானங் ஸாது⁴ ஹோதீ’தி. ஏஸாஹங், ப⁴ந்தே, து³தியம்பி ப⁴க³வந்தங் ஸரணங்
க³ச்சா²மி த⁴ம்மஞ்ச பி⁴க்கு²ஸங்க⁴ஞ்ச. உபாஸகங் மங் ப⁴க³வா
தா⁴ரேது அஜ்ஜதக்³கே³ பாணுபேதங் ஸரணங் க³த’’ந்தி. ‘‘தீ³க⁴ரத்தங் கோ² தே,
ஸீஹ, நிக³ண்டா²னங் ஓபானபூ⁴தங் குலங், யேன நேஸங் உபக³தானங் பிண்ட³கங்
தா³தப்³ப³ங் மஞ்ஞெய்யாஸீ’’தி. ‘‘இமினாபாஹங், ப⁴ந்தே, ப⁴க³வதோ
பி⁴ய்யோஸோமத்தாய அத்தமனோ அபி⁴ரத்³தோ⁴, யங் மங் ப⁴க³வா ஏவமாஹ – ‘தீ³க⁴ரத்தங்
கோ² தே, ஸீஹ, நிக³ண்டா²னங் ஓபானபூ⁴தங் குலங், யேன நேஸங் உபக³தானங்
பிண்ட³கங் தா³தப்³ப³ங் மஞ்ஞெய்யாஸீ’தி. ஸுதங் மே தங், ப⁴ந்தே, ஸமணோ கோ³தமோ
ஏவமாஹ – ‘மய்ஹமேவ தா³னங் தா³தப்³ப³ங், ந அஞ்ஞேஸங் தா³னங் தா³தப்³ப³ங்;
மய்ஹமேவ ஸாவகானங் தா³னங் தா³தப்³ப³ங், ந அஞ்ஞேஸங் ஸாவகானங் தா³னங்
தா³தப்³ப³ங் ; மய்ஹமேவ தி³ன்னங் மஹப்ப²லங், ந
அஞ்ஞேஸங் தி³ன்னங் மஹப்ப²லங்; மய்ஹமேவ ஸாவகானங் தி³ன்னங் மஹப்ப²லங், ந
அஞ்ஞேஸங் ஸாவகானங் தி³ன்னங் மஹப்ப²ல’ந்தி. அத² ச பன மங் ப⁴க³வா
நிக³ண்டே²ஸுபி தா³னே ஸமாத³பேதி. அபி ச, ப⁴ந்தே, மயமெத்த² காலங் ஜானிஸ்ஸாம.
ஏஸாஹங், ப⁴ந்தே, ததியம்பி ப⁴க³வந்தங் ஸரணங் க³ச்சா²மி த⁴ம்மஞ்ச
பி⁴க்கு²ஸங்க⁴ஞ்ச. உபாஸகங் மங் ப⁴க³வா தா⁴ரேது அஜ்ஜதக்³கே³ பாணுபேதங் ஸரணங்
க³த’’ந்தி.
அத² கோ² ப⁴க³வா ஸீஹஸ்ஸ ஸேனாபதிஸ்ஸ அனுபுப்³பி³ங் கத²ங் கதே²ஸி, ஸெய்யதி²த³ங் – தா³னகத²ங்…பே॰…
அபரப்பச்சயோ ஸத்து²ஸாஸனே ப⁴க³வந்தங் ஏதத³வோச – ‘‘அதி⁴வாஸேது மே, ப⁴ந்தே,
ப⁴க³வா ஸ்வாதனாய ப⁴த்தங் ஸத்³தி⁴ங் பி⁴க்கு²ஸங்கே⁴னா’’தி. அதி⁴வாஸேஸி
ப⁴க³வா துண்ஹீபா⁴வேன. அத² கோ² ஸீஹோ ஸேனாபதி ப⁴க³வதோ அதி⁴வாஸனங் விதி³த்வா உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங் கத்வா பக்காமி.
294. அத²
கோ² ஸீஹோ ஸேனாபதி அஞ்ஞதரங் புரிஸங் ஆணாபேஸி – ‘‘க³ச்ச², ப⁴ணே, பவத்தமங்ஸங்
ஜானாஹீ’’தி. அத² கோ² ஸீஹோ ஸேனாபதி தஸ்ஸா ரத்தியா அச்சயேன பணீதங்
கா²த³னீயங் போ⁴ஜனீயங் படியாதா³பெத்வா ப⁴க³வதோ காலங் ஆரோசாபேஸி – ‘‘காலோ,
ப⁴ந்தே, நிட்டி²தங் ப⁴த்த’’ந்தி. அத² கோ² ப⁴க³வா புப்³ப³ண்ஹஸமயங்
நிவாஸெத்வா பத்தசீவரமாதா³ய யேன ஸீஹஸ்ஸ ஸேனாபதிஸ்ஸ நிவேஸனங் தேனுபஸங்கமி;
உபஸங்கமித்வா பஞ்ஞத்தே ஆஸனே நிஸீதி³ ஸத்³தி⁴ங் பி⁴க்கு²ஸங்கே⁴ன.
தேன கோ² பன ஸமயேன ஸம்ப³ஹுலா நிக³ண்டா² வேஸாலியங்
ரதி²காய ரதி²கங் ஸிங்கா⁴டகேன ஸிங்கா⁴டகங் பா³ஹா பக்³க³ய்ஹ கந்த³ந்தி –
‘‘அஜ்ஜ ஸீஹேன ஸேனாபதினா தூ²லங் பஸுங் வதி⁴த்வா ஸமணஸ்ஸ கோ³தமஸ்ஸ ப⁴த்தங்
கதங், தங் ஸமணோ கோ³தமோ ஜானங் உத்³தி³ஸ்ஸகதங் மங்ஸங்
பரிபு⁴ஞ்ஜதி படிச்சகம்ம’’ந்தி. அத² கோ² அஞ்ஞதரோ புரிஸோ யேன ஸீஹோ ஸேனாபதி
தேனுபஸங்கமி, உபஸங்கமித்வா ஸீஹஸ்ஸ ஸேனாபதிஸ்ஸ உபகண்ணகே ஆரோசேஸி ‘‘யக்³கே⁴,
ப⁴ந்தே, ஜானெய்யாஸி, ஏதே ஸம்ப³ஹுலா நிக³ண்டா² வேஸாலியங் ரதி²காய ரதி²கங்
ஸிங்கா⁴டகேன ஸிங்கா⁴டகங் பா³ஹா பக்³க³ய்ஹ கந்த³ந்தி – ‘அஜ்ஜ ஸீஹேன
ஸேனாபதினா தூ²லங் பஸுங் வதி⁴த்வா ஸமணஸ்ஸ கோ³தமஸ்ஸ ப⁴த்தங் கதங், தங் ஸமணோ
கோ³தமோ ஜானங் உத்³தி³ஸ்ஸகதங் மங்ஸங் பரிபு⁴ஞ்ஜதி படிச்சகம்ம’’’ந்தி. ‘‘அலங்
அய்யோ, தீ³க⁴ரத்தம்பி தே ஆயஸ்மந்தா அவண்ணகாமா பு³த்³த⁴ஸ்ஸ, அவண்ணகாமா
த⁴ம்மஸ்ஸ, அவண்ணகாமா ஸங்க⁴ஸ்ஸ; ந ச பன தே ஆயஸ்மந்தா ஜிரித³ந்தி தங்
ப⁴க³வந்தங் அஸதா துச்சா² முஸா அபூ⁴தேன அப்³பா⁴சிக்க²ந்தா; ந ச மயங்
ஜீவிதஹேதுபி ஸஞ்சிச்ச பாணங் ஜீவிதா வோரோபெய்யாமா’’தி. அத² கோ² ஸீஹோ ஸேனாபதி
பு³த்³த⁴ப்பமுக²ங் பி⁴க்கு²ஸங்க⁴ங் பணீதேன கா²த³னீயேன போ⁴ஜனீயேன ஸஹத்தா²
ஸந்தப்பெத்வா ஸம்பவாரெத்வா ப⁴க³வந்தங் பு⁴த்தாவிங்
ஓனீதபத்தபாணிங் ஏகமந்தங் நிஸீதி³. ஏகமந்தங் நிஸின்னங் கோ² ஸீஹங் ஸேனாபதிங்
ப⁴க³வா த⁴ம்மியா கதா²ய ஸந்த³ஸ்ஸெத்வா ஸமாத³பெத்வா ஸமுத்தேஜெத்வா
ஸம்பஹங்ஸெத்வா உட்டா²யாஸனா பக்காமி. அத² கோ² ப⁴க³வா ஏதஸ்மிங் நிதா³னே
ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘ந, பி⁴க்க²வே,
ஜா நங் உத்³தி³ஸ்ஸகதங் மங்ஸங் பரிபு⁴ஞ்ஜிதப்³ப³ங். யோ பரிபு⁴ஞ்ஜெய்ய ஆபத்தி து³க்கடஸ்ஸ. அனுஜானாமி, பி⁴க்க²வே, திகோடிபரிஸுத்³த⁴ங் மச்ச²மங்ஸங் – அதி³ட்ட²ங் அஸ்ஸுதங் அபரிஸங்கித’’ந்தி.
ஸீஹஸேனாபதிவத்து² நிட்டி²தங்.
179. கப்பியபூ⁴மிஅனுஜானநா
295. தேன
கோ² பன ஸமயேன வேஸாலீ ஸுபி⁴க்கா² ஹோதி ஸுஸஸ்ஸா ஸுலப⁴பிண்டா³, ஸுகரா உஞ்சே²ன
பக்³க³ஹேன யாபேதுங். அத² கோ² ப⁴க³வதோ ரஹோக³தஸ்ஸ படிஸல்லீனஸ்ஸ ஏவங் சேதஸோ
பரிவிதக்கோ உத³பாதி³ – ‘‘யானி தானி மயா பி⁴க்கூ²னங் அனுஞ்ஞாதானி
து³ப்³பி⁴க்கே² து³ஸ்ஸஸ்ஸே து³ல்லப⁴பிண்டே³ அந்தோ வுட்ட²ங் அந்தோ பக்கங்
ஸாமங் பக்கங் உக்³க³ஹிதபடிக்³க³ஹிதகங் ததோ நீஹடங் புரேப⁴த்தங்
படிக்³க³ஹிதங் வனட்ட²ங் பொக்க²ரட்ட²ங், அஜ்ஜாபி நு கோ² தானி பி⁴க்கூ²
பரிபு⁴ஞ்ஜந்தீ’’தி. அத² கோ² ப⁴க³வா ஸாயன்ஹஸமயங் படிஸல்லானா வுட்டி²தோ
ஆயஸ்மந்தங் ஆனந்த³ங் ஆமந்தேஸி – ‘‘யானி தானி, ஆனந்த³, மயா பி⁴க்கூ²னங்
அனுஞ்ஞாதானி து³ப்³பி⁴க்கே² து³ஸ்ஸஸ்ஸே து³ல்லப⁴பிண்டே³ அந்தோ வுட்ட²ங்
அந்தோ பக்கங் ஸாமங் பக்கங் உக்³க³ஹிதபடிக்³க³ஹிதகங் ததோ நீஹடங் புரேப⁴த்தங்
படிக்³க³ஹிதங் வனட்ட²ங் பொக்க²ரட்ட²ங், அஜ்ஜாபி நு கோ² தானி பி⁴க்கூ²
பரிபு⁴ஞ்ஜந்தீ’’தி? ‘‘பரிபு⁴ஞ்ஜந்தி ப⁴க³வா’’தி. அத² கோ² ப⁴க³வா ஏதஸ்மிங்
நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘யானி
தானி, பி⁴க்க²வே, மயா பி⁴க்கூ²னங் அனுஞ்ஞாதானி து³ப்³பி⁴க்கே² து³ஸ்ஸஸ்ஸே
து³ல்லப⁴பிண்டே³ அந்தோ வுட்ட²ங் அந்தோ பக்கங் ஸாமங் பக்கங்
உக்³க³ஹிதபடிக்³க³ஹிதகங் ததோ நீஹடங் புரேப⁴த்தங் படிக்³க³ஹிதங் வனட்ட²ங்
பொக்க²ரட்ட²ங், தானாஹங் அஜ்ஜதக்³கே³ படிக்கி²பாமி. ந, பி⁴க்க²வே, அந்தோ
வுட்ட²ங் அந்தோ பக்கங் ஸாமங் பக்கங்
உக்³க³ஹிதபடிக்³க³ஹிதகங் பரிபு⁴ஞ்ஜிதப்³ப³ங். யோ பரிபு⁴ஞ்ஜெய்ய, ஆபத்தி
து³க்கடஸ்ஸ. ந ச, பி⁴க்க²வே, ததோ நீஹடங் புரேப⁴த்தங் படிக்³க³ஹிதங்
வனட்ட²ங் பொக்க²ரட்ட²ங் பு⁴த்தாவினா பவாரிதேன அனதிரித்தங்
பரிபு⁴ஞ்ஜிதப்³ப³ங். யோ பரிபு⁴ஞ்ஜெய்ய, யதா²த⁴ம்மோ காரேதப்³போ³’’தி.
தேன கோ² பன ஸமயேன ஜானபதா³ மனுஸ்ஸா ப³ஹுங் லோணம்பி,
தேலம்பி, தண்டு³லம்பி, கா²த³னீயம்பி ஸகடேஸு ஆரோபெத்வா ப³ஹாராமகொட்ட²கே
ஸகடபரிவட்டங் கரித்வா அச்ச²ந்தி – யதா³ படிபாடிங் லபி⁴ஸ்ஸாம, ததா³ ப⁴த்தங்
கரிஸ்ஸாமாதி. மஹா ச மேகோ⁴ உக்³க³தோ ஹோதி. அத² கோ²
தே மனுஸ்ஸா யேனாயஸ்மா ஆனந்தோ³ தேனுபஸங்கமிங்ஸு, உபஸங்கமித்வா ஆயஸ்மந்தங்
ஆனந்த³ங் ஏதத³வோசுங் – ‘‘இத⁴, ப⁴ந்தே ஆனந்த³, ப³ஹுங் லோணம்பி, தேலம்பி,
தண்டு³லம்பி, கா²த³னீயம்பி ஸகடேஸு ஆரோபிதா திட்ட²ந்தி, மஹா ச மேகோ⁴
உக்³க³தோ ; கத²ங் நு கோ², ப⁴ந்தே ஆனந்த³,
படிபஜ்ஜிதப்³ப³’’ந்தி? அத² கோ² ஆயஸ்மா ஆனந்தோ³ ப⁴க³வதோ ஏதமத்த²ங் ஆரோசேஸி.
‘‘தேன ஹானந்த³, ஸங்கோ⁴ பச்சந்திமங் விஹாரங் கப்பியபூ⁴மிங் ஸம்மன்னித்வா
தத்த² வாஸேது, யங் ஸங்கோ⁴ ஆகங்க²தி விஹாரங் வா அட்³ட⁴யோக³ங் வா பாஸாத³ங் வா
ஹம்மியங் வா கு³ஹங் வா. ஏவஞ்ச பன, பி⁴க்க²வே, ஸம்மன்னிதப்³பா³. ப்³யத்தேன
பி⁴க்கு²னா படிப³லேன ஸங்கோ⁴ ஞாபேதப்³போ³ –
‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் விஹாரங் கப்பியபூ⁴மிங் ஸம்மன்னெய்ய, ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴. ஸங்கோ⁴ இத்த²ன்னாமங் விஹாரங் கப்பியபூ⁴மிங் ஸம்மன்னதி . யஸ்ஸாயஸ்மதோ க²மதி இத்த²ன்னாமஸ்ஸ விஹாரஸ்ஸ கப்பியபூ⁴மியா ஸம்முதி, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.
‘‘ஸம்மதோ ஸங்கே⁴ன இத்த²ன்னாமோ விஹாரோ கப்பியபூ⁴மி. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
தேன கோ² பன ஸமயேன மனுஸ்ஸா தத்தே²வ ஸம்முதியா [ஸம்மதிகாய (ஸ்யா॰)]
கப்பியபூ⁴மியா யாகு³யோ பசந்தி, ப⁴த்தானி பசந்தி, ஸூபானி ஸம்பாதெ³ந்தி,
மங்ஸானி கொட்டெந்தி, கட்டா²னி பா²லெந்தி. அஸ்ஸோஸி கோ² ப⁴க³வா ரத்தியா
பச்சூஸஸமயங் பச்சுட்டா²ய உச்சாஸத்³த³ங் மஹாஸத்³த³ங் காகோரவஸத்³த³ங்,
ஸுத்வான ஆயஸ்மந்தங் ஆனந்த³ங் ஆமந்தேஸி – ‘‘கிங் நு கோ² ஸோ, ஆனந்த³,
உச்சாஸத்³தோ³ மஹாஸத்³தோ³ காகோரவஸத்³தோ³’’தி? ‘‘ஏதரஹி, ப⁴ந்தே, மனுஸ்ஸா
தத்தே²வ ஸம்முதியா கப்பியபூ⁴மியா யாகு³யோ பசந்தி, ப⁴த்தானி பசந்தி, ஸூபானி
ஸம்பாதெ³ந்தி, மங்ஸானி கொட்டெந்தி, கட்டா²னி பா²லெந்தி. ஸோ ஏஸோ, ப⁴க³வா,
உச்சாஸத்³தோ³ மஹாஸத்³தோ³ காகோரவஸத்³தோ³’’தி. அத² கோ² ப⁴க³வா ஏதஸ்மிங்
நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘ந,
பி⁴க்க²வே, ஸம்முதி [ஸம்மதிகா (ஸ்யா॰)]
கப்பியபூ⁴மி பரிபு⁴ஞ்ஜிதப்³பா³. யோ பரிபு⁴ஞ்ஜெய்ய, ஆபத்தி து³க்கடஸ்ஸ.
அனுஜானாமி, பி⁴க்க²வே, திஸ்ஸோ கப்பியபூ⁴மியோ – உஸ்ஸாவனந்திகங்
கோ³னிஸாதி³கங் க³ஹபதி’’ந்தி.
தேன கோ² பன ஸமயேன ஆயஸ்மா யஸோஜோ கி³லானோ ஹோதி. தஸ்ஸத்தா²ய பே⁴ஸஜ்ஜானி ஆஹரியந்தி. தானி பி⁴க்கூ² ப³ஹி வாஸெந்தி. உக்கபிண்டி³காபி கா²த³ந்தி, சோராபி ஹரந்தி. ப⁴க³வதோ ஏதமத்த²ங் ஆரோசேஸுங். அனுஜானாமி , பி⁴க்க²வே, ஸம்முதிங் கப்பியபூ⁴மிங் பரிபு⁴ஞ்ஜிதுங் . அனுஜானாமி, பி⁴க்க²வே, சதஸ்ஸோ கப்பியபூ⁴மியோ – உஸ்ஸாவனந்திகங் கோ³னிஸாதி³கங் க³ஹபதிங் ஸம்முதிந்தி.
கப்பியபூ⁴மிஅனுஜானநா நிட்டி²தா.
ஸீஹபா⁴ணவாரோ நிட்டி²தோ சதுத்தோ².
180. மெண்ட³கக³ஹபதிவத்து²
296. தேன
கோ² பன ஸமயேன ப⁴த்³தி³யனக³ரே மெண்ட³கோ க³ஹபதி படிவஸதி. தஸ்ஸ ஏவரூபோ
இத்³தா⁴னுபா⁴வோ ஹோதி – ஸீஸங் நஹாயித்வா த⁴ஞ்ஞாகா³ரங் ஸம்மஜ்ஜாபெத்வா
ப³ஹித்³வாரே நிஸீத³தி, அந்தலிக்கா² த⁴ஞ்ஞஸ்ஸ தா⁴ரா ஓபதித்வா த⁴ஞ்ஞாகா³ரங்
பூரேதி. ப⁴ரியாய ஏவரூபோ இத்³தா⁴னுபா⁴வோ ஹோதி – ஏகங்யேவ ஆள்ஹகதா²லிகங்
உபனிஸீதி³த்வா ஏகஞ்ச ஸூபபி⁴ஞ்ஜனகங் [ஸூபபி⁴ஞ்ஜரகங் (ஸீ॰)] தா³ஸகம்மகரபோரிஸங் ப⁴த்தேன பரிவிஸதி, ந தாவ தங் கி²ய்யதி [கீ²யதி (ஸீ॰ ஸ்யா॰)]
யாவ ஸா ந வுட்டா²தி. புத்தஸ்ஸ ஏவரூபோ இத்³தா⁴னுபா⁴வோ ஹோதி – ஏகங்யேவ
ஸஹஸ்ஸத²விகங் க³ஹெத்வா தா³ஸகம்மகரபோரிஸஸ்ஸ ச²மாஸிகங் வேதனங் தே³தி, ந தாவ
தங் கி²ய்யதி யாவஸ்ஸ ஹத்த²க³தா. ஸுணிஸாய ஏவரூபோ இத்³தா⁴னுபா⁴வோ ஹோதி –
ஏகங்யேவ சதுதோ³ணிகங் பிடகங் உபனிஸீதி³த்வா தா³ஸகம்மகரபோரிஸஸ்ஸ ச²மாஸிகங்
ப⁴த்தங் தே³தி, ந தாவ தங் கி²ய்யதி யாவ ஸா ந வுட்டா²தி. தா³ஸஸ்ஸ ஏவரூபோ
இத்³தா⁴னுபா⁴வோ ஹோதி – ஏகேன நங்க³லேன கஸந்தஸ்ஸ ஸத்த ஸீதாயோ க³ச்ச²ந்தி.
அஸ்ஸோஸி கோ² ராஜா மாக³தோ⁴ ஸேனியோ பி³ம்பி³ஸாரோ – ‘‘அம்ஹாகங்
கிர விஜிதே ப⁴த்³தி³யனக³ரே மெண்ட³கோ க³ஹபதி படிவஸதி. தஸ்ஸ ஏவரூபோ
இத்³தா⁴னுபா⁴வோ – ஸீஸங் நஹாயித்வா த⁴ஞ்ஞாகா³ரங் ஸம்மஜ்ஜாபெத்வா ப³ஹித்³வாரே
நிஸீத³தி, அந்தலிக்கா² த⁴ஞ்ஞஸ்ஸ தா⁴ரா ஓபதித்வா த⁴ஞ்ஞாகா³ரங் பூரேதி.
ப⁴ரியாய ஏவரூபோ இத்³தா⁴னுபா⁴வோ – ஏகங்யேவ ஆள்ஹகதா²லிகங் உபனிஸீதி³த்வா
ஏகஞ்ச ஸூபபி⁴ஞ்ஜனகங் தா³ஸகம்மகரபோரிஸங் ப⁴த்தேன பரிவிஸதி, ந தாவ தங்
கி²ய்யதி யாவ ஸா ந வுட்டா²தி. புத்தஸ்ஸ ஏவரூபோ இத்³தா⁴னுபா⁴வோ – ஏகங்யேவ
ஸஹஸ்ஸத²விகங் க³ஹெத்வா தா³ஸகம்மகரபோரிஸஸ்ஸ ச²மாஸிகங் வேதனங் தே³தி, ந தாவ
தங் கி²ய்யதி யாவஸ்ஸ ஹத்த²க³தா. ஸுணிஸாய ஏவரூபோ
இத்³தா⁴னுபா⁴வோ – ஏகங்யேவ சதுதோ³ணிகங் பிடகங் உபனிஸீதி³த்வா
தா³ஸகம்மகரபோரிஸஸ்ஸ ச²மாஸிகங் ப⁴த்தங் தே³தி, ந தாவ தங் கி²ய்யதி யாவ ஸா ந
வுட்டா²தி. தா³ஸஸ்ஸ ஏவரூபோ இத்³தா⁴னுபா⁴வோ – ஏகேன நங்க³லேன கஸந்தஸ்ஸ ஸத்த
ஸீதாயோ க³ச்ச²ந்தீ’’தி. அத² கோ² ராஜா மாக³தோ⁴ ஸேனியோ பி³ம்பி³ஸாரோ அஞ்ஞதரங்
ஸப்³ப³த்த²கங் மஹாமத்தங் ஆமந்தேஸி – ‘‘அம்ஹாகங் கிர, ப⁴ணே, விஜிதே
ப⁴த்³தி³யனக³ரே மெண்ட³கோ க³ஹபதி படிவஸதி. தஸ்ஸ ஏவரூபோ இத்³தா⁴னுபா⁴வோ
– ஸீஸங் நஹாயித்வா த⁴ஞ்ஞாகா³ரங் ஸம்மஜ்ஜாபெத்வா ப³ஹித்³வாரே நிஸீத³தி,
அந்தலிக்கா² த⁴ஞ்ஞஸ்ஸ தா⁴ரா ஓபதித்வா த⁴ஞ்ஞாகா³ரங் பூரேதி. ப⁴ரியாய…பே॰…
புத்தஸ்ஸ… ஸுணிஸாய… தா³ஸஸ்ஸ ஏவரூபோ இத்³தா⁴னுபா⁴வோ, ஏகேன நங்க³லேன கஸந்தஸ்ஸ
ஸத்த ஸீதாயோ க³ச்ச²ந்தீதி. க³ச்ச², ப⁴ணே, ஜானாஹி. யதா² மயா ஸாமங்
தி³ட்டோ², ஏவங் தவ தி³ட்டோ² ப⁴விஸ்ஸதீ’’தி.
297. ஏவங் , தே³வாதி
கோ² ஸோ மஹாமத்தோ ரஞ்ஞோ மாக³த⁴ஸ்ஸ ஸேனியஸ்ஸ பி³ம்பி³ஸாரஸ்ஸ படிஸ்ஸுணித்வா
சதுரங்கி³னியா ஸேனாய யேன ப⁴த்³தி³யங் தேன பாயாஸி. அனுபுப்³பே³ன யேன
ப⁴த்³தி³யங் யேன மெண்ட³கோ க³ஹபதி தேனுபஸங்கமி; உபஸங்கமித்வா மெண்ட³கங்
க³ஹபதிங் ஏதத³வோச – ‘‘அஹஞ்ஹி, க³ஹபதி, ரஞ்ஞா ஆணத்தோ ‘அம்ஹாகங் கிர, ப⁴ணே,
விஜிதே ப⁴த்³தி³யனக³ரே மெண்ட³கோ க³ஹபதி படிவஸதி, தஸ்ஸ ஏவரூபோ
இத்³தா⁴னுபா⁴வோ, ஸீஸங் நஹாயித்வா…பே॰… ப⁴ரியாய… புத்தஸ்ஸ… ஸுணிஸாய… தா³ஸஸ்ஸ
ஏவரூபோ இத்³தா⁴னுபா⁴வோ, ஏகேன நங்க³லேன கஸந்தஸ்ஸ ஸத்த ஸீதாயோ
க³ச்ச²ந்தீ’தி, க³ச்ச², ப⁴ணே, ஜானாஹி. யதா² மயா ஸாமங் தி³ட்டோ², ஏவங் தவ
தி³ட்டோ² ப⁴விஸ்ஸதீ’தி. பஸ்ஸாம தே, க³ஹபதி, இத்³தா⁴னுபா⁴வ’’ந்தி. அத² கோ²
மெண்ட³கோ க³ஹபதி ஸீஸங் நஹாயித்வா த⁴ஞ்ஞாகா³ரங் ஸம்மஜ்ஜாபெத்வா ப³ஹித்³வாரே
நிஸீதி³, அந்தலிக்கா² த⁴ஞ்ஞஸ்ஸ தா⁴ரா ஓபதித்வா த⁴ஞ்ஞாகா³ரங் பூரேஸி.
‘‘தி³ட்டோ² தே, க³ஹபதி, இத்³தா⁴னுபா⁴வோ. ப⁴ரியாய தே இத்³தா⁴னுபா⁴வங்
பஸ்ஸிஸ்ஸாமா’’தி. அத² கோ² மெண்ட³கோ க³ஹபதி ப⁴ரியங் ஆணாபேஸி – ‘‘தேன ஹி
சதுரங்கி³னிங் ஸேனங் ப⁴த்தேன பரிவிஸா’’தி. அத² கோ² மெண்ட³கஸ்ஸ க³ஹபதிஸ்ஸ
ப⁴ரியா ஏகங்யேவ ஆள்ஹகதா²லிகங் உபனிஸீதி³த்வா ஏகஞ்ச ஸூபபி⁴ஞ்ஜனகங்
சதுரங்கி³னிங் ஸேனங் ப⁴த்தேன பரிவிஸி, ந தாவ தங் கி²ய்யதி, யாவ ஸா ந
வுட்டா²தி. ‘‘தி³ட்டோ² தே, க³ஹபதி, ப⁴ரியாயபி இத்³தா⁴னுபா⁴வோ. புத்தஸ்ஸ தே
இத்³தா⁴னுபா⁴வங் பஸ்ஸிஸ்ஸாமா’’தி. அத² கோ² மெண்ட³கோ க³ஹபதி புத்தங் ஆணாபேஸி
– ‘‘தேன ஹி சதுரங்கி³னியா ஸேனாய ச²மாஸிகங் வேதனங் தே³ஹீ’’தி .
அத² கோ² மெண்ட³கஸ்ஸ க³ஹபதிஸ்ஸ புத்தோ ஏகங்யேவ ஸஹஸ்ஸத²விகங் க³ஹெத்வா
சதுரங்கி³னியா ஸேனாய ச²மாஸிகங் வேதனங் அதா³ஸி, ந தாவ தங் கி²ய்யதி, யாவஸ்ஸ
ஹத்த²க³தா. ‘‘தி³ட்டோ² தே, க³ஹபதி, புத்தஸ்ஸபி இத்³தா⁴னுபா⁴வோ. ஸுணிஸாய தே
இத்³தா⁴னுபா⁴வங் பஸ்ஸிஸ்ஸாமா’’தி. அத² கோ² மெண்ட³கோ க³ஹபதி ஸுணிஸங் ஆணாபேஸி
– ‘‘தேன ஹி சதுரங்கி³னியா ஸேனாய ச²மாஸிகங் ப⁴த்தங் தே³ஹீ’’தி. அத² கோ²
மெண்ட³கஸ்ஸ க³ஹபதிஸ்ஸ ஸுணிஸா ஏகங்யேவ சதுதோ³ணிகங் பிடகங் உபனிஸீதி³த்வா
சதுரங்கி³னியா ஸேனாய ச²மாஸிகங் ப⁴த்தங் அதா³ஸி, ந தாவ தங் கி²ய்யதி யாவ ஸா ந
வுட்டா²தி. ‘‘தி³ட்டோ² தே, க³ஹபதி, ஸுணிஸாயபி இத்³தா⁴னுபா⁴வோ. தா³ஸஸ்ஸ தே
இத்³தா⁴னுபா⁴வங் பஸ்ஸிஸ்ஸாமா’’தி. ‘‘மய்ஹங் கோ², ஸாமி, தா³ஸஸ்ஸ
இத்³தா⁴னுபா⁴வோ கெ²த்தே பஸ்ஸிதப்³போ³’’தி. ‘‘அலங், க³ஹபதி, தி³ட்டோ² தே
தா³ஸஸ்ஸபி இத்³தா⁴னுபா⁴வோ’’தி. அத² கோ² ஸோ மஹாமத்தோ சதுரங்கி³னியா ஸேனாய
புனதே³வ ராஜக³ஹங் பச்சாக³ஞ்சி². யேன ராஜா மாக³தோ⁴ ஸேனியோ பி³ம்பி³ஸாரோ
தேனுபஸங்கமி; உபஸங்கமித்வா ரஞ்ஞோ மாக³த⁴ஸ்ஸ ஸேனியஸ்ஸ பி³ம்பி³ஸாரஸ்ஸ
ஏதமத்த²ங் ஆரோசேஸி.
298. அத²
கோ² ப⁴க³வா வேஸாலியங் யதா²பி⁴ரந்தங் விஹரித்வா யேன ப⁴த்³தி³யங் தேன
சாரிகங் பக்காமி மஹதா பி⁴க்கு²ஸங்கே⁴ன ஸத்³தி⁴ங் அட்³ட⁴தேலஸேஹி
பி⁴க்கு²ஸதேஹி. அத² கோ² ப⁴க³வா அனுபுப்³பே³ன சாரிகங் சரமானோ யேன
ப⁴த்³தி³யங் தத³வஸரி. தத்ர ஸுத³ங் ப⁴க³வா ப⁴த்³தி³யே விஹரதி ஜாதியா வனே.
அஸ்ஸோஸி கோ² மெண்ட³கோ க³ஹபதி – ‘‘ஸமணோ க²லு போ⁴ கோ³தமோ ஸக்யபுத்தோ ஸக்யகுலா
பப்³ப³ஜிதோ ப⁴த்³தி³யங் அனுப்பத்தோ ப⁴த்³தி³யே விஹரதி ஜாதியா வனே. தங் கோ²
பன ப⁴க³வந்தங் கோ³தமங் ஏவங் கல்யாணோ கித்திஸத்³தோ³ அப்³பு⁴க்³க³தோ –
‘இதிபி ஸோ ப⁴க³வா அரஹங் ஸம்மாஸம்பு³த்³தோ⁴ விஜ்ஜாசரணஸம்பன்னோ ஸுக³தோ
லோகவிதூ³ அனுத்தரோ புரிஸத³ம்மஸாரதி² ஸத்தா² தே³வமனுஸ்ஸானங் பு³த்³தோ⁴
ப⁴க³வா’ [ப⁴க³வாதி (க॰)]. ஸோ இமங் லோகங்
ஸதே³வகங் ஸமாரகங் ஸப்³ரஹ்மகங் ஸஸ்ஸமணப்³ராஹ்மணிங் பஜங் ஸதே³வமனுஸ்ஸங் ஸயங்
அபி⁴ஞ்ஞா ஸச்சி²கத்வா பவேதே³தி. ஸோ த⁴ம்மங் தே³ஸேதி ஆதி³கல்யாணங்
மஜ்ஜே²கல்யாணங் பரியோஸானகல்யாணங் ஸாத்த²ங் ஸப்³யஞ்ஜனங் கேவலபரிபுண்ணங்
பரிஸுத்³த⁴ங் ப்³ரஹ்மசரியங் பகாஸேதி. ஸாது⁴ கோ² பன ததா²ரூபானங் அரஹதங்
த³ஸ்ஸனங் ஹோதீ’’தி. அத² கோ² மெண்ட³கோ க³ஹபதி ப⁴த்³ரானி ப⁴த்³ரானி யானானி
யோஜாபெத்வா ப⁴த்³ரங் ப⁴த்³ரங் யானங் அபி⁴ருஹித்வா ப⁴த்³ரேஹி ப⁴த்³ரேஹி
யானேஹி ப⁴த்³தி³யா நிய்யாஸி ப⁴க³வந்தங் த³ஸ்ஸனாய.
அத்³த³ஸங்ஸு கோ² ஸம்ப³ஹுலா தித்தி²யா மெண்ட³கங் க³ஹபதிங் தூ³ரதோவ
ஆக³ச்ச²ந்தங், தி³ஸ்வான மெண்ட³கங் க³ஹபதிங் ஏதத³வோசுங் – ‘‘கஹங் த்வங்,
க³ஹபதி, க³ச்ச²ஸீ’’தி? ‘‘க³ச்சா²மஹங், ப⁴ந்தே, ப⁴க³வந்தங் [இத³ங் பத³ங் ஸீ॰ ஸ்யா॰ பொத்த²கேஸு நத்தி²]
ஸமணங் கோ³தமங் த³ஸ்ஸனாயா’’தி. ‘‘கிங் பன த்வங், க³ஹபதி, கிரியவாதோ³ ஸமானோ
அகிரியவாத³ங் ஸமணங் கோ³தமங் த³ஸ்ஸனாய உபஸங்கமிஸ்ஸஸி? ஸமணோ ஹி, க³ஹபதி,
கோ³தமோ அகிரியவாதோ³ அகிரியாய த⁴ம்மங் தே³ஸேதி, தேன ச ஸாவகே வினேதீ’’தி. அத²
கோ² மெண்ட³கஸ்ஸ க³ஹபதிஸ்ஸ ஏதத³ஹோஸி –
‘‘நிஸ்ஸங்ஸயங், கோ² ஸோ ப⁴க³வா அரஹங் ஸம்மாஸம்பு³த்³தோ⁴ ப⁴விஸ்ஸதி, யத²யிமே
தித்தி²யா உஸூயந்தீ’’தி. யாவதிகா யானஸ்ஸ பூ⁴மி, யானேன க³ந்த்வா யானா
பச்சோரோஹித்வா பத்திகோவ யேன ப⁴க³வா தேனுபஸங்கமி, உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னஸ்ஸ கோ² மெண்ட³கஸ்ஸ
க³ஹபதிஸ்ஸ ப⁴க³வா அனுபுப்³பி³ங் கத²ங் கதே²ஸி, ஸெய்யதி²த³ங் –
தா³னகத²ங்…பே॰… அபரப்பச்சயோ ஸத்து²ஸாஸனே ப⁴க³வந்தங் ஏதத³வோச –
‘‘அபி⁴க்கந்தங், ப⁴ந்தே…பே॰… உபாஸகங் மங் ப⁴க³வா தா⁴ரேது அஜ்ஜதக்³கே³ பாணுபேதங் ஸரணங் க³தங் .
அதி⁴வாஸேது ச மே, ப⁴ந்தே, ப⁴க³வா ஸ்வாதனாய ப⁴த்தங் ஸத்³தி⁴ங்
பி⁴க்கு²ஸங்கே⁴னா’’தி. அதி⁴வாஸேஸி ப⁴க³வா துண்ஹீபா⁴வேன. அத² கோ² மெண்ட³கோ
க³ஹபதி ப⁴க³வதோ அதி⁴வாஸனங் விதி³த்வா உட்டா²யாஸனா ப⁴க³வந்தங் அபி⁴வாதெ³த்வா
பத³க்கி²ணங் கத்வா பக்காமி.
அத² கோ² மெண்ட³கோ க³ஹபதி தஸ்ஸா ரத்தியா அச்சயேன பணீதங்
கா²த³னீயங் போ⁴ஜனீயங் படியாதா³பெத்வா ப⁴க³வதோ காலங் ஆரோசாபேஸி – ‘‘காலோ,
ப⁴ந்தே, நிட்டி²தங் ப⁴த்த’’ந்தி. அத² கோ² ப⁴க³வா புப்³ப³ண்ஹஸமயங்
நிவாஸெத்வா பத்தசீவரமாதா³ய யேன மெண்ட³கஸ்ஸ க³ஹபதிஸ்ஸ நிவேஸனங் தேனுபஸங்கமி;
உபஸங்கமித்வா பஞ்ஞத்தே ஆஸனே நிஸீதி³ ஸத்³தி⁴ங் பி⁴க்கு²ஸங்கே⁴ன. அத² கோ²
மெண்ட³கஸ்ஸ க³ஹபதிஸ்ஸ ப⁴ரியா ச புத்தோ ச ஸுணிஸா ச தா³ஸோ ச யேன ப⁴க³வா
தேனுபஸங்கமிங்ஸு , உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³ங்ஸு. தேஸங் ப⁴க³வா அனுபுப்³பி³ங் கத²ங்
கதே²ஸி, ஸெய்யதி²த³ங் – தா³னகத²ங்…பே॰… அபரப்பச்சயா
ஸத்து²ஸாஸனே ப⁴க³வந்தங் ஏதத³வோசுங் – ‘‘அபி⁴க்கந்தங், ப⁴ந்தே…பே॰… ஏதே
மயங், ப⁴ந்தே, ப⁴க³வந்தங் ஸரணங் க³ச்சா²ம த⁴ம்மஞ்ச பி⁴க்கு²ஸங்க⁴ஞ்ச.
உபாஸகே நோ ப⁴க³வா தா⁴ரேது அஜ்ஜதக்³கே³ பாணுபேதே ஸரணங்
க³தே’’தி. அத² கோ² மெண்ட³கோ க³ஹபதி பு³த்³த⁴ப்பமுக²ங் பி⁴க்கு²ஸங்க⁴ங்
பணீதேன கா²த³னீயேன போ⁴ஜனீயேன ஸஹத்தா² ஸந்தப்பெத்வா ஸம்பவாரெத்வா ப⁴க³வந்தங்
பு⁴த்தாவிங் ஓனீதபத்தபாணிங் ஏகமந்தங் நிஸீதி³. ஏகமந்தங் நிஸின்னோ கோ²
மெண்ட³கோ க³ஹபதி ப⁴க³வந்தங் ஏதத³வோச – ‘‘யாவ, ப⁴ந்தே, ப⁴க³வா ப⁴த்³தி³யே
விஹரதி தாவ அஹங் பு³த்³த⁴ப்பமுக²ஸ்ஸ பி⁴க்கு²ஸங்க⁴ஸ்ஸ து⁴வப⁴த்தேனா’’தி.
அத² கோ² ப⁴க³வா மெண்ட³கங் க³ஹபதிங் த⁴ம்மியா கதா²ய ஸந்த³ஸ்ஸெத்வா
ஸமாத³பெத்வா ஸமுத்தேஜெத்வா ஸம்பஹங்ஸெத்வா உட்டா²யாஸனா பக்காமி.
மெண்ட³கக³ஹபதிவத்த² நிட்டி²தங்.
181. பஞ்சகோ³ரஸாதி³அனுஜானநா
299.
அத² கோ² ப⁴க³வா ப⁴த்³தி³யே யதா²பி⁴ரந்தங் விஹரித்வா மெண்ட³கங் க³ஹபதிங்
அனாபுச்சா² யேன அங்கு³த்தராபோ தேன சாரிகங் பக்காமி மஹதா பி⁴க்கு²ஸங்கே⁴ன
ஸத்³தி⁴ங் அட்³ட⁴தேலஸேஹி பி⁴க்கு²ஸதேஹி. அஸ்ஸோஸி கோ²
மெண்ட³கோ க³ஹபதி – ‘‘ப⁴க³வா கிர யேன அங்கு³த்தராபோ தேன சாரிகங் பக்கந்தோ
மஹதா பி⁴க்கு²ஸங்கே⁴ன ஸத்³தி⁴ங் அட்³ட⁴தேலஸேஹி பி⁴க்கு²ஸதேஹீ’’தி. அத² கோ²
மெண்ட³கோ க³ஹபதி தா³ஸே ச கம்மகரே ச ஆணாபேஸி – ‘‘தேன ஹி, ப⁴ணே, ப³ஹுங்
லோணம்பி, தேலம்பி, தண்டு³லம்பி, கா²த³னீயம்பி ஸகடேஸு ஆரோபெத்வா ஆக³ச்ச²த²,
அட்³ட⁴தேலஸானி ச கோ³பாலகஸதானி அட்³ட⁴தேலஸானி ச தே⁴னுஸதானி ஆதா³ய
ஆக³ச்ச²ந்து, யத்த² ப⁴க³வந்தங் பஸ்ஸிஸ்ஸாம தத்த² தருணேன [தா⁴ருண்ஹேன (ஸீ॰ ஸ்யா॰)] கீ²ரேன போ⁴ஜெஸ்ஸாமா’’தி. அத² கோ² மெண்ட³கோ க³ஹபதி
ப⁴க³வந்தங் அந்தராமக்³கே³ கந்தாரே ஸம்பா⁴வேஸி. அத² கோ² மெண்ட³கோ க³ஹபதி
யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
அட்டா²ஸி. ஏகமந்தங் டி²தோ கோ² மெண்ட³கோ க³ஹபதி ப⁴க³வந்தங் ஏதத³வோச –
‘‘அதி⁴வாஸேது மே, ப⁴ந்தே, ப⁴க³வா ஸ்வாதனாய ப⁴த்தங் ஸத்³தி⁴ங்
பி⁴க்கு²ஸங்கே⁴னா’’தி. அதி⁴வாஸேஸி ப⁴க³வா துண்ஹீபா⁴வேன. அத² கோ² மெண்ட³கோ
க³ஹபதி ப⁴க³வதோ அதி⁴வாஸனங் விதி³த்வா ப⁴க³வந்தங் அபி⁴வாதெ³த்வா பத³க்கி²ணங்
கத்வா பக்காமி.
அத² கோ² மெண்ட³கோ க³ஹபதி தஸ்ஸா ரத்தியா அச்சயேன பணீதங்
கா²த³னீயங் போ⁴ஜனீயங் படியாதா³பெத்வா ப⁴க³வதோ காலங் ஆரோசாபேஸி – ‘‘காலோ,
ப⁴ந்தே, நிட்டி²தங் ப⁴த்த’’ந்தி. அத² கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய யேன மெண்ட³கஸ்ஸ க³ஹபதிஸ்ஸ பரிவேஸனா தேனுபஸங்கமி ; உபஸங்கமித்வா பஞ்ஞத்தே ஆஸனே நிஸீதி³ ஸத்³தி⁴ங் பி⁴க்கு²ஸங்கே⁴ன. அத² கோ² மெண்ட³கோ க³ஹபதி அட்³ட⁴தேலஸானி கோ³பாலகஸதானி ஆணாபேஸி
– ‘‘தேனஹி, ப⁴ணே, ஏகமேகங் தே⁴னுங் க³ஹெத்வா ஏகமேகஸ்ஸ பி⁴க்கு²னோ
உபதிட்ட²த² தருணேன கீ²ரேன போ⁴ஜெஸ்ஸாமா’’தி. அத² கோ² மெண்ட³கோ க³ஹபதி
பு³த்³த⁴ப்பமுக²ங் பி⁴க்கு²ஸங்க⁴ங் பணீதேன கா²த³னீயேன போ⁴ஜனீயேன ஸஹத்தா²
ஸந்தப்பேஸி ஸம்பவாரேஸி, தருணேன ச கீ²ரேன. பி⁴க்கூ² குக்குச்சாயந்தா கீ²ரங் ந
படிக்³க³ண்ஹந்தி. படிக்³க³ண்ஹத², பி⁴க்க²வே, பரிபு⁴ஞ்ஜதா²தி. அத² கோ²
மெண்ட³கோ க³ஹபதி பு³த்³த⁴ப்பமுக²ங் பி⁴க்கு²ஸங்க⁴ங் பணீதேன கா²த³னீயேன
போ⁴ஜனீயேன ஸஹத்தா² ஸந்தப்பெத்வா ஸம்பவாரெத்வா தருணேன ச கீ²ரேன ப⁴க³வந்தங்
பு⁴த்தாவிங் ஓனீதபத்தபாணிங் ஏகமந்தங் நிஸீதி³. ஏகமந்தங் நிஸின்னோ கோ²
மெண்ட³கோ க³ஹபதி ப⁴க³வந்தங் ஏதத³வோச – ‘‘ஸந்தி, ப⁴ந்தே, மக்³கா³ கந்தாரா,
அப்போத³கா அப்பப⁴க்கா², ந ஸுகரா அபாதெ²ய்யேன க³ந்துங். ஸாது⁴, ப⁴ந்தே,
ப⁴க³வா பி⁴க்கூ²னங் பாதெ²ய்யங் அனுஜானாதூ’’தி. அத² கோ² ப⁴க³வா மெண்ட³கங்
க³ஹபதிங் த⁴ம்மியா கதா²ய ஸந்த³ஸ்ஸெத்வா ஸமாத³பெத்வா ஸமுத்தேஜெத்வா
ஸம்பஹங்ஸெத்வா உட்டா²யாஸனா பக்காமி. அத² கோ² ப⁴க³வா ஏதஸ்மிங் நிதா³னே
ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி,
பி⁴க்க²வே, பஞ்ச கோ³ரஸே – கீ²ரங், த³தி⁴ங், தக்கங், நவனீதங், ஸப்பிங்.
ஸந்தி, பி⁴க்க²வே, மக்³கா³ கந்தாரா அப்போத³கா அப்பப⁴க்கா², ந ஸுகரா
அபாதெ²ய்யேன க³ந்துங். அனுஜானாமி, பி⁴க்க²வே, பாதெ²ய்யங் பரியேஸிதுங்
தண்டு³லோ தண்டு³லத்தி²கேன, முக்³கோ³ முக்³க³த்தி²கேன, மாஸோ மாஸத்தி²கேன,
லோணங் லோணத்தி²கேன , கு³ளோ
கு³ளத்தி²கேன, தேலங் தேலத்தி²கேன, ஸப்பி ஸப்பித்தி²கேன. ஸந்தி, பி⁴க்க²வே,
மனுஸ்ஸா, ஸத்³தா⁴ பஸன்னா, தே கப்பியகாரகானங் ஹத்தே² ஹிரஞ்ஞங்
உபனிக்கி²பந்தி – ‘இமினா அய்யஸ்ஸ யங் கப்பியங் தங் தே³தா²’தி. அனுஜானாமி,
பி⁴க்க²வே, யங் ததோ கப்பியங் தங் ஸாதி³துங்; ந த்வேவாஹங், பி⁴க்க²வே, கேனசி
பரியாயேன ஜாதரூபரஜதங் ஸாதி³தப்³ப³ங் பரியேஸிதப்³ப³ந்தி வதா³மீ’’தி.
பஞ்சகோ³ரஸாதி³அனுஜானநா நிட்டி²தா.
182. கேணியஜடிலவத்து²
300. [ம॰ நி॰ 2.396 ஆத³யோ; ஸு॰ நி॰ ஸேலஸுத்தம்பி பஸ்ஸிதப்³ப³ங்]
அத² கோ² ப⁴க³வா அனுபுப்³பே³ன சாரிகங் சரமானோ யேன ஆபணங் தத³வஸரி. அஸ்ஸோஸி
கோ² கேணியோ ஜடிலோ – ‘‘ஸமணோ க²லு போ⁴ கோ³தமோ ஸக்யபுத்தோ ஸக்யகுலா பப்³ப³ஜிதோ
ஆபணங் அனுப்பத்தோ, தங் கோ² பன ப⁴வந்தங் கோ³தமங் ஏவங் கல்யாணோ
கித்திஸத்³தோ³ அப்³பு⁴க்³க³தோ…பே॰… ஸாது⁴ கோ² பன ததா²ரூபானங் அரஹதங்
த³ஸ்ஸனங் ஹோதீ’’தி. அத² கோ² கேணியஸ்ஸ ஜடிலஸ்ஸ ஏதத³ஹோஸி – ‘‘கிங் நு கோ² அஹங் ஸமணஸ்ஸ கோ³தமஸ்ஸ ஹராபெய்ய’’ந்தி. அத² கோ² கேணியஸ்ஸ ஜடிலஸ்ஸ ஏதத³ஹோஸி – ‘‘யேபி கோ² தே ப்³ராஹ்மணானங் [அயங் பாடோ² தீ³॰ நி॰ 1.285, 526, 536; ம॰ நி॰ 2.427; அ॰ நி॰ 5.191-192 ஆத³யோ]
புப்³ப³கா இஸயோ மந்தானங் கத்தாரோ மந்தானங் பவத்தாரோ, யேஸமித³ங் ஏதரஹி
ப்³ராஹ்மணா போராணங் மந்தபத³ங் கீ³தங் பவுத்தங் ஸமிஹிதங், தத³னுகா³யந்தி
தத³னுபா⁴ஸந்தி, பா⁴ஸிதமனுபா⁴ஸந்தி, வாசிதமனுவாசெந்தி, ஸெய்யதி²த³ங் –
அட்ட²கோ வாமகோ வாமதே³வோ வெஸ்ஸாமித்தோ யமதக்³கி³ [யமத³க்³கி³ (க॰)] அங்கீ³ரஸோ பா⁴ரத்³வாஜோ வாஸெட்டோ² கஸ்ஸபோ ப⁴கு³ [அயங் பாடோ² தீ³॰ நி॰ 1.285, 526, 536; ம॰ நி॰ 2.427; அ॰ நி॰ 5.191-192 ஆத³யோ],
ரத்தூபரதா விரதா விகாலபோ⁴ஜனா, தே ஏவரூபானி பானானி ஸாதி³யிங்ஸு. ஸமணோபி
கோ³தமோ ரத்தூபரதோ விரதோ விகாலபோ⁴ஜனா, அரஹதி ஸமணோபி கோ³தமோ ஏவரூபானி பானானி
ஸாதி³யிது’’ந்தி பஹூதங் பானங் படியாதா³பெத்வா காஜேஹி கா³ஹாபெத்வா யேன
ப⁴க³வா தேனுபஸங்கமி; உபஸங்கமித்வா ப⁴க³வதா ஸத்³தி⁴ங் ஸம்மோதி³;
ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் அட்டா²ஸி. ஏகமந்தங்
டி²தோ கோ² கேணியோ ஜடிலோ ப⁴க³வந்தங் ஏதத³வோச – ‘‘படிக்³க³ண்ஹாது மே ப⁴வங்
கோ³தமோ பான’’ந்தி. தேன ஹி, கேணிய, பி⁴க்கூ²னங் தே³ஹீதி. அத² கோ² கேணியோ
ஜடிலோ பி⁴க்கூ²னங் தே³தி. பி⁴க்கூ² குக்குச்சாயந்தா ந படிக்³க³ண்ஹந்தி.
படிக்³க³ண்ஹத², பி⁴க்க²வே, பரிபு⁴ஞ்ஜதா²தி. அத² கோ² கேணியோ ஜடிலோ
பு³த்³த⁴ப்பமுக²ங் பி⁴க்கு²ஸங்க⁴ங் பஹூதேஹி பானேஹி ஸஹத்தா² ஸந்தப்பெத்வா
ஸம்பவாரெத்வா ப⁴க³வந்தங் தோ⁴தஹத்த²ங் ஓனீதபத்தபாணிங் ஏகமந்தங் நிஸீதி³.
ஏகமந்தங் நிஸின்னங் கோ² கேணியங் ஜடிலங் ப⁴க³வா த⁴ம்மியா கதா²ய ஸந்த³ஸ்ஸேஸி
ஸமாத³பேஸி ஸமுத்தேஜேஸி ஸம்பஹங்ஸேஸி. அத² கோ² கேணியோ ஜடிலோ ப⁴க³வதா த⁴ம்மியா கதா²ய ஸந்த³ஸ்ஸிதோ ஸமாத³பிதோ ஸமுத்தேஜிதோ ஸம்பஹங்ஸிதோ ப⁴க³வந்தங் ஏதத³வோச – ‘‘அதி⁴வாஸேது மே
ப⁴வங் கோ³தமோ ஸ்வாதனாய ப⁴த்தங் ஸத்³தி⁴ங் பி⁴க்கு²ஸங்கே⁴னா’’தி. மஹா கோ²,
கேணிய, பி⁴க்கு²ஸங்கோ⁴ அட்³ட⁴தேலஸானி பி⁴க்கு²ஸதானி, த்வஞ்ச ப்³ராஹ்மணேஸு
அபி⁴ப்பஸன்னோதி. து³தியம்பி கோ² கேணியோ ஜடிலோ ப⁴க³வந்தங் ஏதத³வோச –
‘‘கிஞ்சாபி கோ², போ⁴ கோ³தம, மஹா பி⁴க்கு²ஸங்கோ⁴ அட்³ட⁴தேலஸானி
பி⁴க்கு²ஸதானி, அஹஞ்ச ப்³ராஹ்மணேஸு அபி⁴ப்பஸன்னோ, அதி⁴வாஸேது மே ப⁴வங்
கோ³தமோ ஸ்வாதனாய ப⁴த்தங் ஸத்³தி⁴ங் பி⁴க்கு²ஸங்கே⁴னா’’தி. மஹா கோ², கேணிய,
பி⁴க்கு²ஸங்கோ⁴ அட்³ட⁴தேலஸானி பி⁴க்கு²ஸதானி, த்வஞ்ச ப்³ராஹ்மணேஸு
அபி⁴ப்பஸன்னோதி . ததியம்பி கோ² கேணியோ ஜடிலோ
ப⁴க³வந்தங் ஏதத³வோச – ‘‘கிஞ்சாபி கோ², போ⁴ கோ³தம, மஹா பி⁴க்கு²ஸங்கோ⁴
அட்³ட⁴தேலஸானி பி⁴க்கு²ஸதானி, அஹஞ்ச ப்³ராஹ்மணேஸு அபி⁴ப்பஸன்னோ, அதி⁴வாஸேது
ப⁴வங் கோ³தமோ ஸ்வாதனாய ப⁴த்தங் ஸத்³தி⁴ங் பி⁴க்கு²ஸங்கே⁴னா’’தி.
அதி⁴வாஸேஸி ப⁴க³வா துண்ஹீபா⁴வேன. அத² கோ² கேணியோ ஜடிலோ ப⁴க³வதோ அதி⁴வாஸனங்
விதி³த்வா உட்டா²யாஸனா பக்காமி. அத² கோ² ப⁴க³வா ஏதஸ்மிங் நிதா³னே ஏதஸ்மிங்
பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே,
அட்ட² பானானி – அம்ப³பானங் ஜம்பு³பானங் சோசபானங் மோசபானங் மதூ⁴கபானங் [மது⁴பானங் (ஸீ॰ ஸ்யா॰)]
முத்³தி³கபானங் ஸாலூகபானங் பா²ருஸகபானங். அனுஜானாமி, பி⁴க்க²வே, ஸப்³ப³ங்
ப²லரஸங் ட²பெத்வா த⁴ஞ்ஞப²லரஸங். அனுஜானாமி, பி⁴க்க²வே, ஸப்³ப³ங் பத்தரஸங்
ட²பெத்வா டா³கரஸங். அனுஜானாமி, பி⁴க்க²வே, ஸப்³ப³ங் புப்ப²ரஸங் ட²பெத்வா மதூ⁴கபுப்ப²ரஸங். அனுஜானாமி, பி⁴க்க²வே, உச்சு²ரஸ’’ந்தி.
அத² கோ² கேணியோ ஜடிலோ தஸ்ஸா ரத்தியா
அச்சயேன ஸகே அஸ்ஸமே பணீதங் கா²த³னீயங் போ⁴ஜனீயங் படியாதா³பெத்வா ப⁴க³வதோ
காலங் ஆரோசாபேஸி – ‘‘காலோ, போ⁴ கோ³தம, நிட்டி²தங் ப⁴த்த’’ந்தி. அத² கோ²
ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய யேன கேணியஸ்ஸ ஜடிலஸ்ஸ
அஸ்ஸமோ தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³ ஸத்³தி⁴ங்
பி⁴க்கு²ஸங்கே⁴ன. அத² கோ² கேணியோ ஜடிலோ பு³த்³த⁴ப்பமுக²ங் பி⁴க்கு²ஸங்க⁴ங்
பணீதேன கா²த³னீயேன போ⁴ஜனீயேன ஸஹத்தா² ஸந்தப்பெத்வா ஸம்பவாரெத்வா ப⁴க³வந்தங்
பு⁴த்தாவிங் ஓனீதபத்தபாணிங் ஏகமந்தங் நிஸீதி³. ஏகமந்தங் நிஸின்னங் கோ²
கேணியங் ஜடிலங் ப⁴க³வா இமாஹி கா³தா²ஹி அனுமோதி³ –
‘‘அக்³கி³ஹுத்தமுகா² யஞ்ஞா, ஸாவித்தீ ச²ந்த³ஸோ முக²ங்;
ராஜா முக²ங் மனுஸ்ஸானங், நதீ³னங் ஸாக³ரோ முக²ங்.
‘‘நக்க²த்தானங் முக²ங் சந்தோ³, ஆதி³ச்சோ தபதங் முக²ங்;
புஞ்ஞங் ஆகங்க²மானானங் ஸங்கோ⁴, வே யஜதங் முக²’’ந்தி.
அத² கோ² ப⁴க³வா கேணியங் ஜடிலங் இமாஹி கா³தா²ஹி அனுமோதி³த்வா உட்டா²யாஸனா பக்காமி.
கேணியஜடிலவத்து² நிட்டி²தங்.
183. ரோஜமல்லவத்து²
301. அத²
கோ² ப⁴க³வா ஆபணே யதா²பி⁴ரந்தங் விஹரித்வா யேன குஸினாரா தேன சாரிகங்
பக்காமி மஹதா பி⁴க்கு²ஸங்கே⁴ன ஸத்³தி⁴ங் அட்³ட⁴தேலஸேஹி பி⁴க்கு²ஸதேஹி.
அஸ்ஸோஸுங் கோ² கோஸினாரகா மல்லா – ‘‘ப⁴க³வா கிர குஸினாரங் ஆக³ச்ச²தி மஹதா
பி⁴க்கு²ஸங்கே⁴ன ஸத்³தி⁴ங் அட்³ட⁴தேலஸேஹி பி⁴க்கு²ஸதேஹீ’’தி. தே ஸங்க³ரங் [ஸங்கரங் (க॰)] அகங்ஸு – ‘‘யோ ப⁴க³வதோ பச்சுக்³க³மனங் ந
கரிஸ்ஸதி, பஞ்சஸதானிஸ்ஸ த³ண்டோ³’’தி. தேன கோ² பன ஸமயேன ரோஜோ மல்லோ ஆயஸ்மதோ
ஆனந்த³ஸ்ஸ ஸஹாயோ ஹோதி. அத² கோ² ப⁴க³வா அனுபுப்³பே³ன சாரிகங் சரமானோ யேன
குஸினாரா தத³வஸரி. அத² கோ² கோஸினாரகா மல்லா ப⁴க³வதோ பச்சுக்³க³மனங் அகங்ஸு.
அத² கோ² ரோஜோ மல்லோ ப⁴க³வதோ பச்சுக்³க³மனங்
கரித்வா யேனாயஸ்மா ஆனந்தோ³ தேனுபஸங்கமி, உபஸங்கமித்வா ஆயஸ்மந்தங் ஆனந்த³ங்
அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தங் கோ² ரோஜங் மல்லங் ஆயஸ்மா
ஆனந்தோ³ ஏதத³வோச – ‘‘உளாரங் கோ² தே இத³ங், ஆவுஸோ ரோஜ, யங் த்வங் ப⁴க³வதோ
பச்சுக்³க³மனங் அகாஸீ’’தி. ‘‘நாஹங், ப⁴ந்தே ஆனந்த³, ப³ஹுகதோ பு³த்³தே⁴ வா
த⁴ம்மே வா ஸங்கே⁴ வா; அபி ச ஞாதீஹி ஸங்க³ரோ கதோ – ‘யோ ப⁴க³வதோ
பச்சுக்³க³மனங் ந கரிஸ்ஸதி, பஞ்சஸதானிஸ்ஸ த³ண்டோ³’’’தி; ஸோ கோ² அஹங்,
ப⁴ந்தே ஆனந்த³, ஞாதீனங் த³ண்ட³ப⁴யா ஏவாஹங் ப⁴க³வதோ பச்சுக்³க³மனங்
அகாஸிந்தி. அத² கோ² ஆயஸ்மா ஆனந்தோ³ அனத்தமனோ அஹோஸி’ கத²ஞ்ஹி நாம ரோஜோ மல்லோ
ஏவங் வக்க²தீ’தி? அத² கோ² ஆயஸ்மா ஆனந்தோ³ யேன ப⁴க³வா தேனுபஸங்கமி,
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னோ கோ² ஆயஸ்மா ஆனந்தோ³ ப⁴க³வந்தங் ஏதத³வோச – ‘‘அயங், ப⁴ந்தே, ரோஜோ
மல்லோ அபி⁴ஞ்ஞாதோ ஞாதமனுஸ்ஸோ. மஹத்தி²கோ கோ² பன ஏவரூபானங் ஞாதமனுஸ்ஸானங்
இமஸ்மிங் த⁴ம்மவினயே பஸாதோ³. ஸாது⁴, ப⁴ந்தே, ப⁴க³வா ததா²
கரோது, யதா² ரோஜோ மல்லோ இமஸ்மிங் த⁴ம்மவினயே பஸீதெ³ய்யா’’தி. ‘‘ந கோ² தங்,
ஆனந்த³, து³க்கரங் ததா²க³தேன, யதா² ரோஜோ மல்லோ இமஸ்மிங் த⁴ம்மவினயே
பஸீதெ³ய்யா’’தி.
அத² கோ² ப⁴க³வா ரோஜங் மல்லங் மெத்தேன சித்தேன ப²ரித்வா
உட்டா²யாஸனா விஹாரங் பாவிஸி. அத² கோ² ரோஜோ மல்லோ ப⁴க³வதோ மெத்தேன சித்தேன
பு²ட்டோ², ஸெய்யதா²பி நாம கா³விங் தருணவச்சோ², ஏவமேவ, விஹாரேன
விஹாரங் பரிவேணேன பரிவேணங் உபஸங்கமித்வா பி⁴க்கூ² புச்ச²தி – ‘‘கஹங் நு
கோ², ப⁴ந்தே, ஏதரஹி ஸோ ப⁴க³வா விஹரதி அரஹங் ஸம்மாஸம்பு³த்³தோ⁴, த³ஸ்ஸனகாமா
ஹி மயங் தங் ப⁴க³வந்தங் அரஹந்தங் ஸம்மாஸம்பு³த்³த⁴’’ந்தி. ‘‘ஏஸாவுஸோ ரோஜ,
விஹாரோ ஸங்வுதத்³வாரோ, தேன அப்பஸத்³தோ³
உபஸங்கமித்வா அதரமானோ ஆளிந்த³ங் பவிஸித்வா உக்காஸித்வா அக்³க³ளங் ஆகோடேஹி,
விவரிஸ்ஸதி தே ப⁴க³வா த்³வார’’ந்தி. அத² கோ² ரோஜோ மல்லோ யேன ஸோ விஹாரோ
ஸங்வுதத்³வாரோ, தேன அப்பஸத்³தோ³ உபஸங்கமித்வா அதரமானோ ஆளிந்த³ங் பவிஸித்வா
உக்காஸித்வா அக்³க³ளங் ஆகோடேஸி. விவரி ப⁴க³வா த்³வாரங். அத² கோ² ரோஜோ மல்லோ
விஹாரங் பவிஸித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னஸ்ஸ கோ² ரோஜஸ்ஸ மல்லஸ்ஸ ப⁴க³வா அனுபுப்³பி³ங் கத²ங் கதே²ஸி,
ஸெய்யதி²த³ங் – தா³னகத²ங்…பே॰… அபரப்பச்சயோ
ஸத்து²ஸாஸனே ப⁴க³வந்தங் ஏதத³வோச – ‘‘ஸாது⁴, ப⁴ந்தே, அய்யா மமஞ்ஞேவ
படிக்³க³ண்ஹெய்யுங் சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரங்,
நோ அஞ்ஞேஸ’’ந்தி. ‘‘யேஸங் கோ², ரோஜ, ஸெக்கே²ன ஞாணேன ஸெக்கே²ன த³ஸ்ஸனேன
த⁴ம்மோ தி³ட்டோ² ஸெய்யதா²பி தயா, தேஸம்பி ஏவங் ஹோதி – ‘அஹோ நூன அய்யா
அம்ஹாகஞ்ஞேவ படிக்³க³ண்ஹெய்யுங்
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரங், நோ அஞ்ஞேஸ’ந்தி. தேன
ஹி, ரோஜ, தவ சேவ படிக்³க³ஹிஸ்ஸந்தி அஞ்ஞேஸஞ்சா’’தி.
302. தேன
கோ² பன ஸமயேன குஸினாராயங் பணீதானங் ப⁴த்தானங் ப⁴த்தபடிபாடி அட்டி²தா ஹோதி.
அத² கோ² ரோஜஸ்ஸ மல்லஸ்ஸ படிபாடிங் அலப⁴ந்தஸ்ஸ ஏதத³ஹோஸி – ‘‘யங்னூனாஹங்
ப⁴த்தக்³க³ங் ஓலோகெய்யங், யங் ப⁴த்தக்³கே³ நாஸ்ஸ, தங் படியாதெ³ய்ய’’ந்தி.
அத² கோ² ரோஜோ மல்லோ ப⁴த்தக்³க³ங் ஓலோகெந்தோ த்³வே நாத்³த³ஸ – டா³கஞ்ச
பிட்ட²கா²த³னீயஞ்ச. அத² கோ² ரோஜோ மல்லோ யேனாயஸ்மா ஆனந்தோ³ தேனுபஸங்கமி;
உபஸங்கமித்வா ஆயஸ்மந்தங் ஆனந்த³ங் ஏதத³வோச – ‘‘இத⁴
மே, ப⁴ந்தே ஆனந்த³, படிபாடிங் அலப⁴ந்தஸ்ஸ ஏதத³ஹோஸி – ‘யங்னூனாஹங்
ப⁴த்தக்³க³ங் ஓலோகெய்யங், யங் ப⁴த்தக்³கே³ நாஸ்ஸ, தங் படியாதெ³ய்ய’ந்தி. ஸோ
கோ² அஹங், ப⁴ந்தே ஆனந்த³, ப⁴த்தக்³க³ங் ஓலோகெந்தோ த்³வே நாத்³த³ஸங் –
டா³கஞ்ச பிட்ட²கா²த³னீயஞ்ச. ஸசாஹங், ப⁴ந்தே ஆனந்த³, படியாதெ³ய்யங் டா³கஞ்ச
பிட்ட²கா²த³னீயஞ்ச, படிக்³க³ண்ஹெய்ய மே ப⁴க³வா’’தி? ‘‘தேன ஹி, ரோஜ,
ப⁴க³வந்தங் படிபுச்சி²ஸ்ஸாமீ’’தி. அத² கோ² ஆயஸ்மா ஆனந்தோ³ ப⁴க³வதோ
ஏதமத்த²ங் ஆரோசேஸி. ‘‘தேன ஹானந்த³, படியாதே³தூ’’தி. ‘‘தேன ஹி, ரோஜ,
படியாதே³ஹீ’’தி. அத² கோ² ரோஜோ மல்லோ தஸ்ஸா ரத்தியா அச்சயேன
பஹூதங் டா³கஞ்ச பிட்ட²கா²த³னீயஞ்ச படியாதா³பெத்வா ப⁴க³வதோ உபனாமேஸி
‘‘படிக்³க³ண்ஹாது மே, ப⁴ந்தே, ப⁴க³வா டா³கஞ்ச பிட்ட²கா²த³னீயஞ்சா’’தி.
‘‘தேன ஹி, ரோஜ, பி⁴க்கூ²னங் தே³ஹீ’’தி. அத² கோ² ரோஜோ மல்லோ பி⁴க்கூ²னங்
தே³தி. பி⁴க்கூ² குக்குச்சாயந்தா ந படிக்³க³ண்ஹந்தி .
‘‘படிக்³க³ண்ஹத², பி⁴க்க²வே, பரிபு⁴ஞ்ஜதா²’’தி. அத² கோ² ரோஜோ மல்லோ
பு³த்³த⁴ப்பமுக²ங் பி⁴க்கு²ஸங்க⁴ங் பஹூதேஹி டா³கேஹி ச பிட்ட²கா²த³னீயேஹி ச
ஸஹத்தா² ஸந்தப்பெத்வா ஸம்பவாரெத்வா ப⁴க³வந்தங் தோ⁴தஹத்த²ங் ஓனீதபத்தபாணிங்
ஏகமந்தங் நிஸீதி³. ஏகமந்தங் நிஸின்னங் கோ² ரோஜங் மல்லங் ப⁴க³வா த⁴ம்மியா
கதா²ய ஸந்த³ஸ்ஸெத்வா ஸமாத³பெத்வா ஸமுத்தேஜெத்வா ஸம்பஹங்ஸெத்வா உட்டா²யாஸனா
பக்காமி. அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங்
கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, ஸப்³ப³ஞ்ச டா³கங்
ஸப்³ப³ஞ்ச பிட்ட²கா²த³னீய’’ந்தி.
ரோஜமல்லவத்து² நிட்டி²தங்.
184. வுட்³ட⁴பப்³ப³ஜிதவத்து²
303. அத²
கோ² ப⁴க³வா குஸினாராயங் யதா²பி⁴ரந்தங் விஹரித்வா யேன ஆதுமா தேன சாரிகங்
பக்காமி மஹதா பி⁴க்கு²ஸங்கே⁴ன ஸத்³தி⁴ங் அட்³ட⁴தேலஸேஹி பி⁴க்கு²ஸதேஹி. தேன
கோ² பன ஸமயேன அஞ்ஞதரோ வுட்³ட⁴பப்³ப³ஜிதோ ஆதுமாயங் படிவஸதி நஹாபிதபுப்³போ³.
தஸ்ஸ த்³வே தா³ரகா ஹொந்தி, மஞ்ஜுகா படிபா⁴னெய்யகா, த³க்கா² பரியோதா³தஸிப்பா
ஸகே ஆசரியகே நஹாபிதகம்மே. அஸ்ஸோஸி கோ² ஸோ வுட்³ட⁴பப்³ப³ஜிதோ – ‘‘ப⁴க³வா
கிர ஆதுமங் ஆக³ச்ச²தி மஹதா பி⁴க்கு²ஸங்கே⁴ன ஸத்³தி⁴ங் அட்³ட⁴தேலஸேஹி
பி⁴க்கு²ஸதேஹீ’’தி. அத² கோ² ஸோ வுட்³ட⁴பப்³ப³ஜிதோ தே தா³ரகே ஏதத³வோச –
‘‘ப⁴க³வா கிர, தாதா, ஆதுமங் ஆக³ச்ச²தி மஹதா பி⁴க்கு²ஸங்கே⁴ன ஸத்³தி⁴ங்
அட்³ட⁴தேலஸேஹி பி⁴க்கு²ஸதேஹி. க³ச்ச²த² தும்ஹே, தாதா, கு²ரப⁴ண்ட³ங் ஆதா³ய
நாளியாவாபகேன அனுக⁴ரகங் அனுக⁴ரகங் ஆஹிண்ட³த², லோணம்பி, தேலம்பி,
தண்டு³லம்பி, கா²த³னீயம்பி ஸங்ஹரத², ப⁴க³வதோ ஆக³தஸ்ஸ யாகு³பானங்
கரிஸ்ஸாமா’’தி. ‘‘ஏவங், தாதா’’தி கோ² தே தா³ரகா தஸ்ஸ வுட்³ட⁴பப்³ப³ஜிதஸ்ஸ
படிஸ்ஸுணித்வா கு²ரப⁴ண்ட³ங் ஆதா³ய நாளியாவாபகேன அனுக⁴ரகங் அனுக⁴ரகங்
ஆஹிண்ட³ந்தி, லோணம்பி, தேலம்பி, தண்டு³லம்பி, கா²த³னீயம்பி ஸங்ஹரந்தா.
மனுஸ்ஸா தே தா³ரகே மஞ்ஜுகே படிபா⁴னெய்யகே பஸ்ஸித்வா யேபி ந காராபேதுகாமா
தேபி காராபெந்தி, காராபெத்வாபி ப³ஹுங் தெ³ந்தி. அத² கோ² தே தா³ரகா ப³ஹுங்
லோணம்பி, தேலம்பி, தண்டு³லம்பி, கா²த³னீயம்பி ஸங்ஹரிங்ஸு.
அத² கோ² ப⁴க³வா அனுபுப்³பே³ன சாரிகங் சரமானோ யேன
ஆதுமா தத³வஸரி. தத்ர ஸுத³ங் ப⁴க³வா ஆதுமாயங் விஹரதி பு⁴ஸாகா³ரே. அத² கோ²
ஸோ வுட்³ட⁴பப்³ப³ஜிதோ தஸ்ஸா ரத்தியா அச்சயேன பஹூதங் யாகு³ங் படியாதா³பெத்வா
ப⁴க³வதோ உபனாமேஸி – ‘‘படிக்³க³ண்ஹாது மே, ப⁴ந்தே, ப⁴க³வா யாகு³’’ந்தி.
ஜானந்தாபி ததா²க³தா புச்ச²ந்தி…பே॰… ஸாவகானங் வா
ஸிக்கா²பத³ங் பஞ்ஞபெஸ்ஸாமாதி. அத² கோ² ப⁴க³வா தங் வுட்³ட⁴பப்³ப³ஜிதங்
ஏதத³வோச – ‘‘குதாயங், பி⁴க்கு² யாகூ³’’தி? அத² கோ² ஸோ வுட்³ட⁴பப்³ப³ஜிதோ
ப⁴க³வதோ ஏதமத்த²ங் ஆரோசேஸி. விக³ரஹி பு³த்³தோ⁴ ப⁴க³வா, ‘‘அனநுச்ச²விகங்,
மோக⁴புரிஸ, அனநுலோமிகங் அப்பதிரூபங் அஸ்ஸாமணகங் அகப்பியங் அகரணீயங்.
கத²ஞ்ஹி நாம த்வங், மோக⁴புரிஸ, பப்³ப³ஜிதோ அகப்பியே ஸமாத³பெஸ்ஸஸி [ஸமாத³பேஸி (க॰)].
நேதங், மோக⁴புரிஸ, அப்பஸன்னானங் வா பஸாதா³ய…பே॰… விக³ரஹித்வா த⁴ம்மிங்
கத²ங் கத்வா பி⁴க்கூ² ஆமந்தேஸி ‘ந, பி⁴க்க²வே, பப்³ப³ஜிதேன அகப்பியே
ஸமாத³பேதப்³ப³ங், யோ ஸமாத³பெய்ய, ஆபத்தி து³க்கடஸ்ஸ. ந ச, பி⁴க்க²வே,
நஹாபிதபுப்³பே³ன கு²ரப⁴ண்ட³ங் பரிஹரிதப்³ப³ங். யோ பரிஹரெய்ய, ஆபத்தி
து³க்கடஸ்ஸா’’’தி.
அத² கோ² ப⁴க³வா ஆதுமாயங் யதா²பி⁴ரந்தங் விஹரித்வா யேன ஸாவத்தி²
தேன சாரிகங் பக்காமி. அனுபுப்³பே³ன சாரிகங் சரமானோ யேன ஸாவத்தி² தத³வஸரி.
தத்ர ஸுத³ங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன
கோ² பன ஸமயேன ஸாவத்தி²யங் ப³ஹுங் ப²லகா²த³னீயங் உப்பன்னங் ஹோதி. அத² கோ²
பி⁴க்கூ²னங் ஏதத³ஹோஸி – ‘‘கிங் நு கோ² ப⁴க³வதா ப²லகா²த³னீயங் அனுஞ்ஞாதங்,
கிங் அனநுஞ்ஞாத’’ந்தி? ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, ஸப்³ப³ங் ப²லகா²த³னீய’’ந்தி.
304. தேன
கோ² பன ஸமயேன ஸங்கி⁴கானி பீ³ஜானி புக்³க³லிகாய பூ⁴மியா ரோபியந்தி,
புக்³க³லிகானி பீ³ஜானி ஸங்கி⁴காய பூ⁴மியா ரோபியந்தி. ப⁴க³வதோ ஏதமத்த²ங்
ஆரோசேஸுங். ஸங்கி⁴கானி, பி⁴க்க²வே, பீ³ஜானி புக்³க³லிகாய பூ⁴மியா ரோபிதானி
பா⁴க³ங் த³த்வா பரிபு⁴ஞ்ஜிதப்³பா³னி. புக்³க³லிகானி பீ³ஜானி ஸங்கி⁴காய
பூ⁴மியா ரோபிதானி பா⁴க³ங் த³த்வா பரிபு⁴ஞ்ஜிதப்³பா³னீதி.
வுட்³ட⁴பப்³ப³ஜிதவத்து² நிட்டி²தங்.
185. சதுமஹாபதே³ஸகதா²
305.
தேன கோ² பன ஸமயேன பி⁴க்கூ²னங் கிஸ்மிஞ்சி கிஸ்மிஞ்சி டா²னே குக்குச்சங்
உப்பஜ்ஜதி – ‘‘கிங் நு கோ² ப⁴க³வதா அனுஞ்ஞாதங், கிங் அனநுஞ்ஞாத’’ந்தி?
ப⁴க³வதோ ஏதமத்த²ங் ஆரோசேஸுங். ‘‘யங், பி⁴க்க²வே, மயா ‘இத³ங் ந கப்பதீ’தி
அப்படிக்கி²த்தங் தஞ்சே அகப்பியங் அனுலோமேதி, கப்பியங் படிபா³ஹதி, தங் வோ ந கப்பதி. யங், பி⁴க்க²வே, மயா ‘இத³ங் ந கப்பதீ’தி அப்படிக்கி²த்தங்
தஞ்சே கப்பியங் அனுலோமேதி, அகப்பியங் படிபா³ஹதி, தங் வோ கப்பதி. யங்,
பி⁴க்க²வே, மயா ‘இத³ங் கப்பதீ’தி அனநுஞ்ஞாதங் தஞ்சே அகப்பியங் அனுலோமேதி,
கப்பியங் படிபா³ஹதி, தங் வோ ந கப்பதி. யங், பி⁴க்க²வே, மயா ‘இத³ங் கப்பதீ’தி அனநுஞ்ஞாதங், தஞ்சே கப்பியங் அனுலோமேதி, அகப்பியங் படிபா³ஹதி, தங் வோ கப்பதீ’’தி.
அத² கோ² பி⁴க்கூ²னங் ஏதத³ஹோஸி – ‘‘கப்பதி நு கோ²
யாவகாலிகேன யாமகாலிகங், ந நு கோ² கப்பதி? கப்பதி நு கோ² யாவகாலிகேன
ஸத்தாஹகாலிகங், ந நு கோ² கப்பதி? கப்பதி நு கோ² யாவகாலிகேன யாவஜீவிகங், ந
நு கோ² கப்பதி? கப்பதி நு கோ² யாமகாலிகேன ஸத்தாஹகாலிகங், ந நு கோ² கப்பதி?
கப்பதி நு கோ² யாமகாலிகேன யாவஜீவிகங், ந நு கோ² கப்பதி? கப்பதி நு கோ²
ஸத்தாஹகாலிகேன யாவஜீவிகங், ந நு கோ² கப்பதீ’’தி? ப⁴க³வதோ ஏதமத்த²ங்
ஆரோசேஸுங். ‘‘யாவகாலிகேன, பி⁴க்க²வே, யாமகாலிகங், தத³ஹு படிக்³க³ஹிதங் காலே
கப்பதி, விகாலே ந கப்பதி. யாவகாலிகேன, பி⁴க்க²வே, ஸத்தாஹகாலிகங், தத³ஹு
படிக்³க³ஹிதங் காலே கப்பதி, விகாலே ந கப்பதி. யாவகாலிகேன, பி⁴க்க²வே,
யாவஜீவிகங், தத³ஹு படிக்³க³ஹிதங் காலே கப்பதி, விகாலே ந கப்பதி.
யாமகாலிகேன, பி⁴க்க²வே, ஸத்தாஹகாலிகங், தத³ஹு படிக்³க³ஹிதங் யாமே கப்பதி,
யாமாதிக்கந்தே ந கப்பதி. யாமகாலிகேன, பி⁴க்க²வே, யாவஜீவிகங், தத³ஹு
படிக்³க³ஹிதங் யாமே கப்பதி, யாமாதிக்கந்தே ந கப்பதி. ஸத்தாஹகாலிகேன, பி⁴க்க²வே, யாவஜீவிகங் படிக்³க³ஹிதங், ஸத்தாஹங் கப்பதி, ஸத்தாஹாதிக்கந்தே ந கப்பதீ’’தி.
சதுமஹாபதே³ஸகதா² நிட்டி²தா.
பே⁴ஸஜ்ஜக்க²ந்த⁴கோ ச²ட்டோ².
186. தஸ்ஸுத்³தா³னங்
ஸாரதி³கே விகாலேபி, வஸங் மூலே பிட்டே²ஹி ச;
கஸாவேஹி பண்ணங் ப²லங், ஜது லோணங் ச²கணஞ்ச.
சுண்ணங் சாலினி மங்ஸஞ்ச, அஞ்ஜனங் உபபிஸனீ [உபபிங் ஸனீ (ஸீ॰), உபபிங் ஸனங் (ஸ்யா॰)];
அஞ்ஜனீ உச்சாபாருதா, ஸலாகா ஸலாகடா²னிங் [ஸலாகோத⁴னீ (ஸீ॰ ஸ்யா॰)].
த²விகங்ஸப³த்³த⁴கங் ஸுத்தங், முத்³த⁴னிதேலனத்து² ச;
நத்து²கரணீ தூ⁴மஞ்ச, நெத்தஞ்சாபித⁴னத்த²வி.
தேலபாகேஸு மஜ்ஜஞ்ச, அதிக்கி²த்தங் அப்³ப⁴ஞ்ஜனங்;
தும்ப³ங் ஸேத³ங் ஸம்பா⁴ரஞ்ச, மஹா ப⁴ங்கோ³த³கங் ததா².
த³ககொட்ட²ங் லோஹிதஞ்ச, விஸாணங் பாத³ப்³ப⁴ஞ்ஜனங்;
பஜ்ஜங் ஸத்த²ங் கஸாவஞ்ச, திலகக்கங் கப³ளிகங்.
சோளங் ஸாஸபகுட்டஞ்ச, தூ⁴ம ஸக்க²ரிகாய ச;
வணதேலங் விகாஸிகங், விகடஞ்ச படிக்³க³ஹங்.
கூ³த²ங் கரொந்தோ லோளிஞ்ச, கா²ரங் முத்தஹரீதகங்;
க³ந்தா⁴ விரேசனஞ்சேவ, அச்சா²கடங் கடாகடங்.
படிச்சா²த³னி பப்³பா⁴ரா, ஆராம ஸத்தாஹேன ச;
கு³ளங் முக்³க³ங் ஸோவீரஞ்ச, ஸாமங்பாகா புனாபசே.
புனானுஞ்ஞாஸி து³ப்³பி⁴க்கே², ப²லஞ்ச திலகா²த³னீ;
புரேப⁴த்தங் காயடா³ஹோ, நிப்³ப³த்தஞ்ச ப⁴க³ந்த³லங்.
வத்தி²கம்மஞ்ச ஸுப்பிஞ்ச, மனுஸ்ஸமங்ஸமேவ ச;
ஹத்தி²அஸ்ஸா ஸுனகோ² ச, அஹி ஸீஹஞ்ச தீ³பிகங் [ஹத்தி²அஸ்ஸஸுனகா²ஹி, ஸீஹப்³யக்³க⁴ஞ்ச தீ³பிகங் (ஸீ॰)].
அச்ச²தரச்ச²மங்ஸஞ்ச, படிபாடி ச யாகு³ ச;
தருணங் அஞ்ஞத்ர கு³ளங், ஸுனிதா⁴வஸதா²கா³ரங்.
க³ங்கா³ கோடிஸச்சகதா², அம்ப³பாலீ ச லிச்ச²வீ;
உத்³தி³ஸ்ஸ கதங் ஸுபி⁴க்க²ங், புனதே³வ படிக்கி²பி.
மேகோ⁴ யஸோ மெண்ட³கோ, ச கோ³ரஸங் பாதெ²ய்யகேன ச;
கேணி அம்போ³ ஜம்பு³ சோச, மோசமது⁴முத்³தி³கஸாலுகங்.
பா²ருஸகா டா³கபிட்ட²ங், ஆதுமாயங் நஹாபிதோ;
ஸாவத்தி²யங் ப²லங் பீ³ஜங், கிஸ்மிங் டா²னே ச காலிகேதி.
இமம்ஹி க²ந்த⁴கே வத்தூ² ஏகஸதங் ச²வத்து².
பே⁴ஸஜ்ஜக்க²ந்த⁴கோ நிட்டி²தோ.
வினயபிடகே
மஹாவக்கபாளி
7. கதினக்கந்தகோ
187. கதினானுஜானநா
306. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன திங்ஸமத்தா பாவெய்யகா [பாடெ²ய்யகா (ஸீ॰ ஸ்யா॰)]
பி⁴க்கூ², ஸப்³பே³ ஆரஞ்ஞிகா ஸப்³பே³ பிண்ட³பாதிகா ஸப்³பே³ பங்ஸுகூலிகா
ஸப்³பே³ தேசீவரிகா ஸாவத்தி²ங் ஆக³ச்ச²ந்தா ப⁴க³வந்தங் த³ஸ்ஸனாய உபகட்டா²ய
வஸ்ஸூபனாயிகாய நாஸக்கி²ங்ஸு ஸாவத்தி²யங் வஸ்ஸூபனாயிகங் ஸம்பா⁴வேதுங்;
அந்தராமக்³கே³ ஸாகேதே வஸ்ஸங் உபக³ச்சி²ங்ஸு. தே உக்கண்டி²தரூபா வஸ்ஸங்
வஸிங்ஸு – ஆஸன்னேவ நோ ப⁴க³வா விஹரதி இதோ ச²ஸு யோஜனேஸு, ந ச மயங் லபா⁴ம
ப⁴க³வந்தங் த³ஸ்ஸனாயாதி. அத² கோ² தே பி⁴க்கூ² வஸ்ஸங்வுட்டா², தேமாஸச்சயேன
கதாய பவாரணாய, தே³வே வஸ்ஸந்தே, உத³கஸங்க³ஹே உத³கசிக்க²ல்லே ஓகபுண்ணேஹி
சீவரேஹி கிலந்தரூபா யேன ஸாவத்தி² ஜேதவனங் அனாத²பிண்டி³கஸ்ஸ ஆராமோ, யேன
ப⁴க³வா தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³ங்ஸு. ஆசிண்ணங் கோ² பனேதங் பு³த்³தா⁴னங் ப⁴க³வந்தானங் ஆக³ந்துகேஹி
பி⁴க்கூ²ஹி ஸத்³தி⁴ங் படிஸம்மோதி³துங். அத² கோ² ப⁴க³வா தே பி⁴க்கூ² ஏதத³வோச
– ‘‘கச்சி, பி⁴க்க²வே, க²மனீயங், கச்சி யாபனீயங், கச்சி ஸமக்³கா³
ஸம்மோத³மானா அவிவத³மானா பா²ஸுகங் வஸ்ஸங் வஸித்த², ந ச பிண்ட³கேன
கிலமித்தா²’’தி? ‘‘க²மனீயங், ப⁴க³வா; யாபனீயங், ப⁴க³வா; ஸமக்³கா³ ச மயங்,
ப⁴ந்தே, ஸம்மோத³மானா அவிவத³மானா வஸ்ஸங் வஸிம்ஹா, ந ச பிண்ட³கேன கிலமிம்ஹா .
இத⁴ மயங், ப⁴ந்தே, திங்ஸமத்தா பாவெய்யகா பி⁴க்கூ² ஸாவத்தி²ங் ஆக³ச்ச²ந்தா
ப⁴க³வந்தங் த³ஸ்ஸனாய உபகட்டா²ய வஸ்ஸூபனாயிகாய நாஸக்கி²ம்ஹா ஸாவத்தி²யங்
வஸ்ஸூபனாயிகங் ஸம்பா⁴வேதுங், அந்தராமக்³கே³ ஸாகேதே வஸ்ஸங் உபக³ச்சி²ம்ஹா.
தே மயங், ப⁴ந்தே, உக்கண்டி²தரூபா வஸ்ஸங் வஸிம்ஹா –
‘ஆஸன்னேவ நோ ப⁴க³வா விஹரதி இதோ ச²ஸு யோஜனேஸு, ந ச மயங் லபா⁴ம ப⁴க³வந்தங்
த³ஸ்ஸனாயா’தி. அத² கோ² மயங், ப⁴ந்தே, வஸ்ஸங்வுட்டா², தேமாஸச்சயேன கதாய
பவாரணாய, தே³வே வஸ்ஸந்தே, உத³கஸங்க³ஹே உத³கசிக்க²ல்லே ஓகபுண்ணேஹி சீவரேஹி
கிலந்தரூபா அத்³தா⁴னங் ஆக³தாதி. அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, வஸ்ஸங்வுட்டா²னங் பி⁴க்கூ²னங் கதி²னங் [கடி²னங் (ஸீ॰ ஸ்யா॰)]
அத்த²ரிதுங். அத்த²தகதி²னானங் வோ, பி⁴க்க²வே, பஞ்ச கப்பிஸ்ஸந்தி –
அனாமந்தசாரோ, அஸமாதா³னசாரோ, க³ணபோ⁴ஜனங், யாவத³த்த²சீவரங், யோ ச தத்த²
சீவருப்பாதோ³ ஸோ நேஸங் ப⁴விஸ்ஸதீதி. அத்த²தகதி²னானங் வோ, பி⁴க்க²வே, இமானி
பஞ்ச கப்பிஸ்ஸந்தி. ஏவஞ்ச பன, பி⁴க்க²வே, கதி²னங் அத்த²ரிதப்³ப³ங்.
ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
307.
‘‘ஸுணாது மே, ப⁴ந்தே, ஸங்கோ⁴. இத³ங் ஸங்க⁴ஸ்ஸ கதி²னது³ஸ்ஸங் உப்பன்னங்.
யதி³ ஸங்க⁴ஸ்ஸ பத்தகல்லங், ஸங்கோ⁴ இமங் கதி²னது³ஸ்ஸங் இத்த²ன்னாமஸ்ஸ
பி⁴க்கு²னோ த³தெ³ய்ய கதி²னங் அத்த²ரிதுங். ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴. இத³ங் ஸங்க⁴ஸ்ஸ
கதி²னது³ஸ்ஸங் உப்பன்னங். ஸங்கோ⁴ இமங் கதி²னது³ஸ்ஸங் இத்த²ன்னாமஸ்ஸ
பி⁴க்கு²னோ தே³தி கதி²னங் அத்த²ரிதுங். யஸ்ஸாயஸ்மதோ
க²மதி இமஸ்ஸ கதி²னது³ஸ்ஸஸ்ஸ இத்த²ன்னாமஸ்ஸ பி⁴க்கு²னோ தா³னங் கதி²னங்
அத்த²ரிதுங், ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.
‘‘தி³ன்னங் இத³ங் ஸங்கே⁴ன கதி²னது³ஸ்ஸங் இத்த²ன்னாமஸ்ஸ
பி⁴க்கு²னோ கதி²னங் அத்த²ரிதுங். க²மதி ஸங்க⁴ஸ்ஸ, தஸ்மா துண்ஹீ, ஏவமேதங்
தா⁴ரயாமீ’’தி.
308.
‘‘ஏவங் கோ², பி⁴க்க²வே, அத்த²தங் ஹோதி கதி²னங், ஏவங் அனத்த²தங். கத²ஞ்ச
பன, பி⁴க்க²வே, அனத்த²தங் ஹோதி கதி²னங்? ந உல்லிகி²தமத்தேன அத்த²தங் ஹோதி
கதி²னங், ந தோ⁴வனமத்தேன அத்த²தங் ஹோதி கதி²னங், ந சீவரவிசாரணமத்தேன [ந க³ண்டுஸகரணமத்தேன (க॰)] அத்த²தங் ஹோதி கதி²னங், ந சே²த³னமத்தேன அத்த²தங் ஹோதி கதி²னங், ந ப³ந்த⁴னமத்தேன அத்த²தங் ஹோதி கதி²னங், ந ஓவட்டியகரணமத்தேன [ந ஓவட்டெய்யகரணமத்தேன (ஸீ॰ ஸ்யா॰), ந ஓவதெ³ய்யகரணமத்தேன (க॰)]
அத்த²தங் ஹோதி கதி²னங், ந கண்டு³ஸகரணமத்தேன அத்த²தங் ஹோதி கதி²னங், ந
த³ள்ஹீகம்மகரணமத்தேன அத்த²தங் ஹோதி கதி²னங், ந அனுவாதகரணமத்தேன அத்த²தங்
ஹோதி கதி²னங், ந பரிப⁴ண்ட³கரணமத்தேன அத்த²தங் ஹோதி கதி²னங், ந
ஓவத்³தெ⁴ய்யகரணமத்தேன அத்த²தங் ஹோதி கதி²னங், ந கம்ப³லமத்³த³னமத்தேன
அத்த²தங் ஹோதி கதி²னங், ந நிமித்தகதேன அத்த²தங் ஹோதி கதி²னங், ந
பரிகதா²கதேன அத்த²தங் ஹோதி கதி²னங், ந குக்குகதேன அத்த²தங் ஹோதி கதி²னங், ந
ஸன்னிதி⁴கதேன அத்த²தங் ஹோதி கதி²னங், ந நிஸ்ஸக்³கி³யேன அத்த²தங் ஹோதி
கதி²னங், ந அகப்பகதேன அத்த²தங் ஹோதி கதி²னங் , ந அஞ்ஞத்ர ஸங்கா⁴டியா அத்த²தங் ஹோதி கதி²னங், ந
அஞ்ஞத்ர உத்தராஸங்கே³ன அத்த²தங் ஹோதி கதி²னங், ந அஞ்ஞத்ர அந்தரவாஸகேன
அத்த²தங் ஹோதி கதி²னங், ந அஞ்ஞத்ர பஞ்சகேன வா அதிரேகபஞ்சகேன வா தத³ஹேவ
ஸஞ்சி²ன்னேன ஸமண்ட³லீகதேன அத்த²தங் ஹோதி கதி²னங், ந
அஞ்ஞத்ர புக்³க³லஸ்ஸ அத்தா²ரா அத்த²தங் ஹோதி கதி²னங்; ஸம்மா சேவ அத்த²தங்
ஹோதி கதி²னங், தஞ்சே நிஸ்ஸீமட்டோ² அனுமோத³தி, ஏவம்பி அனத்த²தங் ஹோதி
கதி²னங். ஏவங் கோ², பி⁴க்க²வே, அனத்த²தங் ஹோதி கதி²னங்.
309.
‘‘கத²ஞ்ச, பி⁴க்க²வே, அத்த²தங் ஹோதி கதி²னங்? அஹதேன அத்த²தங் ஹோதி
கதி²னங், அஹதகப்பேன அத்த²தங் ஹோதி கதி²னங், பிலோதிகாய அத்த²தங் ஹோதி
கதி²னங், பங்ஸுகூலேன அத்த²தங் ஹோதி கதி²னங், பாபணிகேன அத்த²தங் ஹோதி
கதி²னங், அனிமித்தகதேன அத்த²தங் ஹோதி கதி²னங், அபரிகதா²கதேன அத்த²தங் ஹோதி
கதி²னங், அகுக்குகதேன அத்த²தங் ஹோதி கதி²னங், அஸன்னிதி⁴கதேன அத்த²தங் ஹோதி
கதி²னங், அனிஸ்ஸக்³கி³யேன அத்த²தங் ஹோதி கதி²னங், கப்பகதேன அத்த²தங் ஹோதி
கதி²னங், ஸங்கா⁴டியா அத்த²தங் ஹோதி கதி²னங், உத்தராஸங்கே³ன அத்த²தங் ஹோதி
கதி²னங், அந்தரவாஸகேன அத்த²தங் ஹோதி கதி²னங், பஞ்சகேன வா அதிரேகபஞ்சகேன வா
தத³ஹேவ ஸஞ்சி²ன்னேன ஸமண்ட³லீகதேன அத்த²தங் ஹோதி கதி²னங், புக்³க³லஸ்ஸ
அத்தா²ரா அத்த²தங் ஹோதி கதி²னங்; ஸம்மா சே அத்த²தங் ஹோதி கதி²னங், தஞ்சே
ஸீமட்டோ² அனுமோத³தி, ஏவம்பி அத்த²தங் ஹோதி கதி²னங் . ஏவங் கோ², பி⁴க்க²வே, அத்த²தங் ஹோதி கதி²னங்.
310.
‘‘கத²ஞ்ச, பி⁴க்க²வே, உப்³ப⁴தங் ஹோதி கதி²னங்? அட்டி²மா, பி⁴க்க²வே,
மாதிகா கதி²னஸ்ஸ உப்³பா⁴ராய – பக்கமனந்திகா, நிட்டா²னந்திகா,
ஸன்னிட்டா²னந்திகா, நாஸனந்திகா, ஸவனந்திகா, ஆஸாவச்சே²தி³கா,
ஸீமாதிக்கந்திகா, ஸஹுப்³பா⁴ரா’’தி [ஸஉப்³பா⁴ராதி (க॰)].
கதி²னானுஜானநா நிட்டி²தா.
188. ஆதா³யஸத்தகங்
311. பி⁴க்கு² அத்த²தகதி²னோ கதசீவரங் ஆதா³ய பக்கமதி – ‘‘ந பச்செஸ்ஸ’’ந்தி. தஸ்ஸ பி⁴க்கு²னோ பக்கமனந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவரங்
ஆதா³ய பக்கமதி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘இதே⁴விமங் சீவரங்
காரெஸ்ஸங், ந பச்செஸ்ஸ’’ந்தி. ஸோ தங் சீவரங் காரேதி. தஸ்ஸ பி⁴க்கு²னோ
நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவரங்
ஆதா³ய பக்கமதி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘நேவிமங் சீவரங்
காரெஸ்ஸங், ந பச்செஸ்ஸ’’ந்தி. தஸ்ஸ பி⁴க்கு²னோ ஸன்னிட்டா²னந்திகோ
கதி²னுத்³தா⁴ரோ.
பி⁴க்கு² அத்த²தகதி²னோ சீவரங் ஆதா³ய பக்கமதி. தஸ்ஸ
ப³ஹிஸீமக³தஸ்ஸ ஏவங் ஹோதி – ‘‘இதே⁴விமங் சீவரங் காரெஸ்ஸங், ந
பச்செஸ்ஸ’’ந்தி. ஸோ தங் சீவரங் காரேதி. தஸ்ஸ தங் சீவரங் கயிரமானங் நஸ்ஸதி.
தஸ்ஸ பி⁴க்கு²னோ நாஸனந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவரங் ஆதா³ய பக்கமதி – ‘‘பச்செஸ்ஸ’’ந்தி. ஸோ ப³ஹிஸீமக³தோ தங் சீவரங் காரேதி. ஸோ கதசீவரோ ஸுணாதி ‘‘உப்³ப⁴தங் கிர தஸ்மிங் ஆவாஸே கதி²ன’’ந்தி. தஸ்ஸ பி⁴க்கு²னோ ஸவனந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவரங் ஆதா³ய பக்கமதி – ‘‘பச்செஸ்ஸ’’ந்தி .
ஸோ ப³ஹிஸீமக³தோ தங் சீவரங் காரேதி. ஸோ கதசீவரோ – ‘‘பச்செஸ்ஸங்
பச்செஸ்ஸ’’ந்தி – ப³ஹித்³தா⁴ கதி²னுத்³தா⁴ரங் வீதினாமேதி. தஸ்ஸ பி⁴க்கு²னோ
ஸீமாதிக்கந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவரங் ஆதா³ய பக்கமதி –
‘‘பச்செஸ்ஸ’’ந்தி. ஸோ ப³ஹிஸீமக³தோ தங் சீவரங் காரேதி. ஸோ கதசீவரோ –
‘‘பச்செஸ்ஸங் பச்செஸ்ஸ’’ந்தி – ஸம்பு⁴ணாதி கதி²னுத்³தா⁴ரங். தஸ்ஸ
பி⁴க்கு²னோ ஸஹ பி⁴க்கூ²ஹி கதி²னுத்³தா⁴ரோ.
ஆதா³யஸத்தகங் நிட்டி²தங் […து³தியங் நிட்டி²தங் (க॰)].
189. ஸமாதா³யஸத்தகங்
312. பி⁴க்கு² அத்த²தகதி²னோ கதசீவரங் ஸமாதா³ய பக்கமதி ‘‘ந பச்செஸ்ஸ’’ந்தி. தஸ்ஸ பி⁴க்கு²னோ பக்கமனந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவரங்
ஸமாதா³ய பக்கமதி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘இதே⁴விமங் சீவரங்
காரெஸ்ஸங், ந பச்செஸ்ஸ’’ந்தி. ஸோ தங் சீவரங் காரேதி. தஸ்ஸ பி⁴க்கு²னோ
நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவரங்
ஸமாதா³ய பக்கமதி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘இதே⁴விமங் சீவரங்
காரெஸ்ஸங், ந பச்செஸ்ஸ’’ந்தி. தஸ்ஸ பி⁴க்கு²னோ ஸன்னிட்டா²னந்திகோ
கதி²னுத்³தா⁴ரோ.
பி⁴க்கு² அத்த²தகதி²னோ சீவரங் ஸமாதா³ய பக்கமதி. தஸ்ஸ
ப³ஹிஸீமக³தஸ்ஸ ஏவங் ஹோதி – ‘‘இதே⁴விமங் சீவரங் காரெஸ்ஸங், ந
பச்செஸ்ஸ’’ந்தி. ஸோ தங் சீவரங் காரேதி. தஸ்ஸ தங் சீவரங் கயிரமானங் நஸ்ஸதி.
தஸ்ஸ பி⁴க்கு²னோ நாஸனந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவரங் ஸமாதா³ய பக்கமதி – ‘‘பச்செஸ்ஸ’’ந்தி. ஸோ ப³ஹிஸீமக³தோ தங் சீவரங் காரேதி. ஸோ கதசீவரோ ஸுணாதி – ‘‘உப்³ப⁴தங் கிர தஸ்மிங் ஆவாஸே கதி²ன’’ந்தி. தஸ்ஸ பி⁴க்கு²னோ ஸவனந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவரங் ஸமாதா³ய பக்கமதி –
‘‘பச்செஸ்ஸ’’ந்தி. ஸோ ப³ஹிஸீமக³தோ தங் சீவரங் காரேதி. ஸோ கதசீவரோ –
‘‘பச்செஸ்ஸங் பச்செஸ்ஸ’’ந்தி – ப³ஹித்³தா⁴ கதி²னுத்³தா⁴ரங் வீதினாமேதி.
தஸ்ஸ பி⁴க்கு²னோ ஸீமாதிக்கந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவரங் ஸமாதா³ய பக்கமதி –
‘‘பச்செஸ்ஸ’’ந்தி. ஸோ ப³ஹிஸீமக³தோ தங் சீவரங் காரேதி. ஸோ கதசீவரோ –
‘‘பச்செஸ்ஸங் பச்செஸ்ஸ’’ந்தி – ஸம்பு⁴ணாதி கதி²னுத்³தா⁴ரங். தஸ்ஸ
பி⁴க்கு²னோ ஸஹ பி⁴க்கூ²ஹி கதி²னுத்³தா⁴ரோ.
ஸமாதா³யஸத்தகங் நிட்டி²தங்.
190. ஆதா³யச²க்கங்
313. பி⁴க்கு²
அத்த²தகதி²னோ விப்பகதசீவரங் ஆதா³ய பக்கமதி. தஸ்ஸ ப³ஹிஸீமக³தஸ்ஸ ஏவங் ஹோதி –
‘‘இதே⁴விமங் சீவரங் காரெஸ்ஸங், ந பச்செஸ்ஸ’’ந்தி. ஸோ தங் சீவரங் காரேதி.
தஸ்ஸ பி⁴க்கு²னோ நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ
விப்பகதசீவரங் ஆதா³ய பக்கமதி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘நேவிமங்
சீவரங் காரெஸ்ஸங், ந பச்செஸ்ஸ’’ந்தி. தஸ்ஸ பி⁴க்கு²னோ ஸன்னிட்டா²னந்திகோ
கதி²னுத்³தா⁴ரோ.
பி⁴க்கு² அத்த²தகதி²னோ
விப்பகதசீவரங் ஆதா³ய பக்கமதி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘இதே⁴விமங்
சீவரங் காரெஸ்ஸங் ந பச்செஸ்ஸ’’ந்தி. ஸோ தங் சீவரங் காரேதி. தஸ்ஸங் தங்
சீவரங் கயிரமானங் நஸ்ஸதி. தஸ்ஸ பி⁴க்கு²னோ நாஸனந்திகோ கதி²னுத்³தா⁴ரோ.
பி⁴க்கு² அத்த²தகதி²னோ விப்பகதசீவரங் ஆதா³ய பக்கமதி ‘‘பச்செஸ்ஸ’’ந்தி. ஸோ ப³ஹிஸீமக³தோ தங் சீவரங் காரேதி. ஸோ கதசீவரோ ஸுணாதி – ‘‘உப்³ப⁴தங் கிர தஸ்மிங் ஆவாஸே கதி²ன’’ந்தி. தஸ்ஸ பி⁴க்கு²னோ ஸவனந்திகோ கதி²னுத்³தா⁴ரோ.
பி⁴க்கு² அத்த²தகதி²னோ விப்பகதசீவரங் ஆதா³ய பக்கமதி
‘‘பச்செஸ்ஸ’’ந்தி. ஸோ ப³ஹிஸீமக³தோ தங் சீவரங் காரேதி. ஸோ கதசீவரோ
‘‘பச்செஸ்ஸங் பச்செஸ்ஸ’’ந்தி ப³ஹித்³தா⁴ கதி²னுத்³தா⁴ரங் வீதினாமேதி. தஸ்ஸ
பி⁴க்கு²னோ ஸீமாதிக்கந்திகோ கதி²னுத்³தா⁴ரோ.
பி⁴க்கு² அத்த²தகதி²னோ விப்பகதசீவரங் ஆதா³ய பக்கமதி
‘‘பச்செஸ்ஸ’’ந்தி. ஸோ ப³ஹிஸீமக³தோ தங் சீவரங் காரேதி. ஸோ கதசீவரோ
‘‘பச்செஸ்ஸங் பச்செஸ்ஸ’’ந்தி ஸம்பு⁴ணாதி கதி²னுத்³தா⁴ரங். தஸ்ஸ பி⁴க்கு²னோ
ஸஹ பி⁴க்கூ²ஹி கதி²னுத்³தா⁴ரோ.
ஆதா³யச²க்கங் நிட்டி²தங்.
191. ஸமாதா³யச²க்கங்
314.
பி⁴க்கு² அத்த²தகதி²னோ விப்பகதசீவரங் ஸமாதா³ய பக்கமதி. தஸ்ஸ ப³ஹிஸீமக³தஸ்ஸ
ஏவங் ஹோதி – ‘‘இதே⁴விமங் சீவரங் காரெஸ்ஸங், ந பச்செஸ்ஸ’’ந்தி. ஸோ தங்
சீவரங் காரேதி. தஸ்ஸ பி⁴க்கு²னோ நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ விப்பகதசீவரங் ஸமாதா³ய பக்கமதி.
தஸ்ஸ ப³ஹிஸீமக³தஸ்ஸ ஏவங் ஹோதி – ‘‘நேவிமங் சீவரங் காரெஸ்ஸங், ந
பச்செஸ்ஸ’’ந்தி. தஸ்ஸ பி⁴க்கு²னோ ஸன்னிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ விப்பகதசீவரங் ஸமாதா³ய பக்கமதி. தஸ்ஸ ப³ஹிஸீமக³தஸ்ஸ ஏவங்
ஹோதி – ‘‘இதே⁴விமங் சீவரங் காரெஸ்ஸங், ந பச்செஸ்ஸ’’ந்தி. ஸோ தங் சீவரங்
காரேதி. தஸ்ஸ தங் சீவரங் கயிரமானங் நஸ்ஸதி. தஸ்ஸ பி⁴க்கு²னோ நாஸனந்திகோ
கதி²னுத்³தா⁴ரோ.
பி⁴க்கு² அத்த²தகதி²னோ விப்பகதசீவரங்
ஸமாதா³ய பக்கமதி ‘‘பச்செஸ்ஸ’’ந்தி. ஸோ ப³ஹிஸீமக³தோ தங் சீவரங் காரேதி. ஸோ
கதசீவரோ ஸுணாதி – ‘‘உப்³ப⁴தங் கிர தஸ்மிங் ஆவாஸே கதி²ன’’ந்தி. தஸ்ஸ
பி⁴க்கு²னோ ஸவனந்திகோ கதி²னுத்³தா⁴ரோ.
பி⁴க்கு² அத்த²தகதி²னோ விப்பகதசீவரங் ஸமாதா³ய பக்கமதி
‘‘பச்செஸ்ஸ’’ந்தி. ஸோ ப³ஹிஸீமக³தோ தங் சீவரங் காரேதி. ஸோ கதசீவரோ
‘‘பச்செஸ்ஸங் பச்செஸ்ஸ’’ந்தி ப³ஹித்³தா⁴ கதி²னுத்³தா⁴ரங் வீதினாமேதி. தஸ்ஸ
பி⁴க்கு²னோ ஸீமாதிக்கந்திகோ கதி²னுத்³தா⁴ரோ.
பி⁴க்கு² அத்த²தகதி²னோ விப்பகதசீவரங் ஸமாதா³ய பக்கமதி
‘‘பச்செஸ்ஸ’’ந்தி. ஸோ ப³ஹிஸீமக³தோ தங் சீவரங் காரேதி. ஸோ கதசீவரோ
‘‘பச்செஸ்ஸங் பச்செஸ்ஸ’’ந்தி ஸம்பு⁴ணாதி கதி²னுத்³தா⁴ரங். தஸ்ஸ பி⁴க்கு²னோ
ஸஹ பி⁴க்கூ²ஹி கதி²னுத்³தா⁴ரோ.
ஸமாதா³யச²க்கங் நிட்டி²தங்.
192. ஆதா³யபன்னரஸகங்
315.
பி⁴க்கு² அத்த²தகதி²னோ சீவரங் ஆதா³ய பக்கமதி. தஸ்ஸ ப³ஹிஸீமக³தஸ்ஸ ஏவங்
ஹோதி – ‘‘இதே⁴விமங் சீவரங் காரெஸ்ஸங், ந பச்செஸ்ஸ’’ந்தி. ஸோ தங் சீவரங்
காரேதி. தஸ்ஸ பி⁴க்கு²னோ நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவரங் ஆதா³ய பக்கமதி. தஸ்ஸ
ப³ஹிஸீமக³தஸ்ஸ ஏவங் ஹோதி – ‘‘நேவிமங் சீவரங் காரெஸ்ஸங், ந பச்செஸ்ஸ’’ந்தி.
தஸ்ஸ பி⁴க்கு²னோ ஸன்னிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவரங் ஆதா³ய பக்கமதி. தஸ்ஸ ப³ஹிஸீமக³தஸ்ஸ ஏவங் ஹோதி –
‘‘இதே⁴விமங் சீவரங் காரெஸ்ஸங், ந பச்செஸ்ஸ’’ந்தி. ஸோ தங் சீவரங் காரேதி. தஸ்ஸ தங் சீவரங் கயிரமானங் நஸ்ஸதி. தஸ்ஸ பி⁴க்கு²னோ நாஸனந்திகோ கதி²னுத்³தா⁴ரோ.
திகங்.
பி⁴க்கு²
அத்த²தகதி²னோ சீவரங் ஆதா³ய பக்கமதி ‘‘ந பச்செஸ்ஸ’’ந்தி. தஸ்ஸ
ப³ஹிஸீமக³தஸ்ஸ ஏவங் ஹோதி – ‘‘இதே⁴விமங் சீவரங் காரெஸ்ஸ’’ந்தி. ஸோ தங்
சீவரங் காரேதி. தஸ்ஸ பி⁴க்கு²னோ நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவரங் ஆதா³ய பக்கமதி ‘‘ந
பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘நேவிமங் சீவரங்
காரெஸ்ஸ’’ந்தி. தஸ்ஸ பி⁴க்கு²னோ ஸன்னிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவரங் ஆதா³ய பக்கமதி ‘‘ந பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘இதே⁴விமங் சீவரங் காரெஸ்ஸ’’ந்தி . ஸோ தங் சீவரங் காரேதி. தஸ்ஸ தங் சீவரங் கயிரமானங் நஸ்ஸதி. தஸ்ஸ பி⁴க்கு²னோ நாஸனந்திகோ கதி²னுத்³தா⁴ரோ.
திகங்.
பி⁴க்கு² அத்த²தகதி²னோ சீவரங் ஆதா³ய பக்கமதி
அனதி⁴ட்டி²தேன; நேவஸ்ஸ ஹோதி ‘‘பச்செஸ்ஸ’’ந்தி, ந பனஸ்ஸ ஹோதி ‘‘ந
பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘இதே⁴விமங் சீவரங்
காரெஸ்ஸங், ந பச்செஸ்ஸ’’ந்தி. ஸோ தங் சீவரங் காரேதி. தஸ்ஸ பி⁴க்கு²னோ
நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவரங் ஆதா³ய பக்கமதி
அனதி⁴ட்டி²தேன; நேவஸ்ஸ ஹோதி ‘‘பச்செஸ்ஸ’’ந்தி, ந பனஸ்ஸ ஹோதி ‘‘ந
பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘நேவிமங் சீவரங்
காரெஸ்ஸங், ந பச்செஸ்ஸ’’ந்தி. தஸ்ஸ பி⁴க்கு²னோ ஸன்னிட்டா²னந்திகோ
கதி²னுத்³தா⁴ரோ.
பி⁴க்கு² அத்த²தகதி²னோ சீவரங் ஆதா³ய பக்கமதி அனதி⁴ட்டி²தேன; நேவஸ்ஸ ஹோதி ‘‘பச்செஸ்ஸ’’ந்தி, ந பனஸ்ஸ ஹோதி ‘‘ந பச்செஸ்ஸ’’ந்தி .
தஸ்ஸ ப³ஹிஸீமக³தஸ்ஸ ஏவங் ஹோதி – ‘‘இதே⁴விமங் சீவரங் காரெஸ்ஸங், ந
பச்செஸ்ஸ’’ந்தி. ஸோ தங் சீவரங் காரேதி. தஸ்ஸ தங் சீவரங் கயிரமானங் நஸ்ஸதி.
தஸ்ஸ பி⁴க்கு²னோ நாஸனந்திகோ கதி²னுத்³தா⁴ரோ.
திகங்.
பி⁴க்கு²
அத்த²தகதி²னோ சீவரங் ஆதா³ய பக்கமதி ‘‘பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ
ஏவங் ஹோதி – ‘‘இதே⁴விமங் சீவரங் காரெஸ்ஸங், ந பச்செஸ்ஸ’’ந்தி. ஸோ தங்
சீவரங் காரேதி. தஸ்ஸ பி⁴க்கு²னோ நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவரங் ஆதா³ய பக்கமதி
‘‘பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘நேவிமங் சீவரங்
காரெஸ்ஸங், ந பச்செஸ்ஸ’’ந்தி. தஸ்ஸ பி⁴க்கு²னோ ஸன்னிட்டா²னந்திகோ
கதி²னுத்³தா⁴ரோ.
பி⁴க்கு² அத்த²தகதி²னோ சீவரங் ஆதா³ய பக்கமதி
‘‘பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘இதே⁴விமங் சீவரங்
காரெஸ்ஸங், ந பச்செஸ்ஸ’’ந்தி. ஸோ தங் சீவரங் காரேதி. தஸ்ஸ தங் சீவரங்
கயிரமானங் நஸ்ஸதி. தஸ்ஸ பி⁴க்கு²னோ நாஸனந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவரங் ஆதா³ய பக்கமதி
‘‘பச்செஸ்ஸ’’ந்தி. ஸோ ப³ஹிஸீமக³தோ தங் சீவரங் காரேதி. ஸோ கதசீவரோ ஸுணாதி –
‘‘உப்³ப⁴தங் கிர தஸ்மிங் ஆவாஸே கதி²ன’’ந்தி. தஸ்ஸ பி⁴க்கு²னோ ஸவனந்திகோ
கதி²னுத்³தா⁴ரோ.
பி⁴க்கு² அத்த²தகதி²னோ சீவரங் ஆதா³ய பக்கமதி
‘‘பச்செஸ்ஸ’’ந்தி. ஸோ ப³ஹிஸீமக³தோ தங் சீவரங் காரேதி. ஸோ கதசீவரோ
‘‘பச்செஸ்ஸங் பச்செஸ்ஸ’’ந்தி – ப³ஹித்³தா⁴ கதி²னுத்³தா⁴ரங் வீதினாமேதி.
தஸ்ஸ பி⁴க்கு²னோ ஸீமாதிக்கந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவரங் ஆதா³ய பக்கமதி ‘‘பச்செஸ்ஸ’’ந்தி. ஸோ ப³ஹிஸீமக³தோ தங் சீவரங் காரேதி. ஸோ கதசீவரோ – ‘‘பச்செஸ்ஸங் பச்செஸ்ஸ’’ந்தி ஸம்பு⁴ணாதி கதி²னுத்³தா⁴ரங். தஸ்ஸ பி⁴க்கு²னோ ஸஹ பி⁴க்கூ²ஹி கதி²னுத்³தா⁴ரோ.
ச²க்கங்.
ஆதா³யபன்னரஸகங் நிட்டி²தங்.
193. ஸமாதா³யபன்னரஸகாதி³
316. பி⁴க்கு² அத்த²தகதி²னோ சீவரங் ஸமாதா³ய பக்கமதி…பே॰….
(ஆதா³யவாரஸதி³ஸங் ஏவங் வித்தா²ரேதப்³ப³ங்.)
பி⁴க்கு² அத்த²தகதி²னோ விப்பகதசீவரங் ஆதா³ய பக்கமதி.
தஸ்ஸ ப³ஹிஸீமக³தஸ்ஸ ஏவங் ஹோதி – ‘‘இதே⁴விமங் சீவரங் காரெஸ்ஸங், ந
பச்செஸ்ஸ’’ந்தி. ஸோ தங் சீவரங் காரேதி. தஸ்ஸ பி⁴க்கு²னோ நிட்டா²னந்திகோ
கதி²னுத்³தா⁴ரோ…பே॰….
(ஸமாதா³யவாரஸதி³ஸங் ஏவங் வித்தா²ரேதப்³ப³ங்.)
ஸமாதா³யபன்னரஸகாதி³ நிட்டி²தா.
194. விப்பகதஸமாதா³யபன்னரஸகங்
317.
பி⁴க்கு² அத்த²தகதி²னோ விப்பகதசீவரங் ஸமாதா³ய பக்கமதி. தஸ்ஸ ப³ஹிஸீமக³தஸ்ஸ
ஏவங் ஹோதி – ‘‘இதே⁴விமங் சீவரங் காரெஸ்ஸங், ந பச்செஸ்ஸ’’ந்தி. ஸோ தங்
சீவரங் காரேதி. தஸ்ஸ பி⁴க்கு²னோ நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ விப்பகதசீவரங் ஸமாதா³ய பக்கமதி.
தஸ்ஸ ப³ஹிஸீமக³தஸ்ஸ ஏவங் ஹோதி – ‘‘நேவிமங் சீவரங் காரெஸ்ஸங், ந
பச்செஸ்ஸ’’ந்தி. தஸ்ஸ பி⁴க்கு²னோ ஸன்னிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ விப்பகதசீவரங் ஸமாதா³ய பக்கமதி.
தஸ்ஸ ப³ஹிஸீமக³தஸ்ஸ ஏவங் ஹோதி – ‘‘இதே⁴விமங் சீவரங் காரெஸ்ஸங், ந
பச்செஸ்ஸ’’ந்தி. ஸோ தங் சீவரங் காரேதி. தஸ்ஸ தங் சீவரங் கயிரமானங் நஸ்ஸதி.
தஸ்ஸ பி⁴க்கு²னோ நாஸனந்திகோ கதி²னுத்³தா⁴ரோ.
திகங்.
பி⁴க்கு² அத்த²தகதி²னோ விப்பகதசீவரங் ஸமாதா³ய பக்கமதி ‘‘ந
பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘இதே⁴விமங் சீவரங்
காரெஸ்ஸ’’ந்தி. ஸோ தங் சீவரங் காரேதி. தஸ்ஸ பி⁴க்கு²னோ நிட்டா²னந்திகோ
கதி²னுத்³தா⁴ரோ.
பி⁴க்கு² அத்த²தகதி²னோ விப்பகதசீவரங் ஸமாதா³ய பக்கமதி ‘‘ந பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘நேவிமங் சீவரங் காரெஸ்ஸ’’ந்தி. தஸ்ஸ பி⁴க்கு²னோ ஸன்னிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ
விப்பகதசீவரங் ஸமாதா³ய பக்கமதி ‘‘ந பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ
ஏவங் ஹோதி – ‘‘இதே⁴விமங் சீவரங் காரெஸ்ஸ’’ந்தி. ஸோ தங் சீவரங் காரேதி. தஸ்ஸ
தங் சீவரங் கயிரமானங் நஸ்ஸதி. தஸ்ஸ பி⁴க்கு²னோ நாஸனந்திகோ கதி²னுத்³தா⁴ரோ.
திகங்.
பி⁴க்கு² அத்த²தகதி²னோ விப்பகதசீவரங் ஸமாதா³ய பக்கமதி
அனதி⁴ட்டி²தேன; நேவஸ்ஸ ஹோதி – ‘‘பச்செஸ்ஸ’’ந்தி, ந பனஸ்ஸ ஹோதி – ‘‘ந
பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘இதே⁴விமங் சீவரங்
காரெஸ்ஸங், ந பச்செஸ்ஸ’’ந்தி. ஸோ தங் சீவரங் காரேதி. தஸ்ஸ பி⁴க்கு²னோ
நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ விப்பகதசீவரங் ஸமாதா³ய பக்கமதி
அனதி⁴ட்டி²தேன; நேவஸ்ஸ ஹோதி – ‘‘பச்செஸ்ஸ’’ந்தி, ந பனஸ்ஸ ஹோதி – ‘‘ந
பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘நேவிமங் சீவரங்
காரெஸ்ஸங், ந பச்செஸ்ஸ’’ந்தி. தஸ்ஸ பி⁴க்கு²னோ ஸன்னிட்டா²னந்திகோ
கதி²னுத்³தா⁴ரோ.
பி⁴க்கு² அத்த²தகதி²னோ விப்பகதசீவரங் ஸமாதா³ய பக்கமதி
அனதி⁴ட்டி²தேன; நேவஸ்ஸ ஹோதி – ‘‘பச்செஸ்ஸ’’ந்தி, ந பனஸ்ஸ ஹோதி – ‘‘ந
பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ ஏவங் ஹோதி –
‘‘இதே⁴விமங் சீவரங் காரெஸ்ஸங், ந பச்செஸ்ஸ’’ந்தி. ஸோ தங் சீவரங் காரேதி.
தஸ்ஸ தங் சீவரங் கயிரமானங் நஸ்ஸதி. தஸ்ஸ பி⁴க்கு²னோ நாஸனந்திகோ
கதி²னுத்³தா⁴ரோ.
திகங்.
பி⁴க்கு² அத்த²தகதி²னோ விப்பகதசீவரங் ஸமாதா³ய பக்கமதி
‘‘பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘இதே⁴விமங் சீவரங்
காரெஸ்ஸங், ந பச்செஸ்ஸ’’ந்தி. ஸோ தங் சீவரங் காரேதி. தஸ்ஸ பி⁴க்கு²னோ
நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ
விப்பகதசீவரங் ஸமாதா³ய பக்கமதி ‘‘பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ ஏவங்
ஹோதி – ‘‘நேவிமங் சீவரங் காரெஸ்ஸங், ந பச்செஸ்ஸ’’ந்தி. தஸ்ஸ பி⁴க்கு²னோ
ஸன்னிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ விப்பகதசீவரங் ஸமாதா³ய பக்கமதி
‘‘பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘இதே⁴விமங் சீவரங்
காரெஸ்ஸங், ந பச்செஸ்ஸ’’ந்தி . ஸோ தங் சீவரங் காரேதி. தஸ்ஸ தங் சீவரங் கயிரமானங் நஸ்ஸதி. தஸ்ஸ பி⁴க்கு²னோ நாஸனந்திகோ கதி²னுத்³தா⁴ரோ.
பி⁴க்கு² அத்த²தகதி²னோ விப்பகதசீவரங் ஸமாதா³ய பக்கமதி
‘‘பச்செஸ்ஸ’’ந்தி. ஸோ ப³ஹிஸீமக³தோ தங் சீவரங் காரேதி. ஸோ கதசீவரோ ஸுணாதி –
‘‘உப்³ப⁴தங் கிர தஸ்மிங் ஆவாஸே கதி²ன’’ந்தி. தஸ்ஸ பி⁴க்கு²னோ ஸவனந்திகோ
கதி²னுத்³தா⁴ரோ.
பி⁴க்கு² அத்த²தகதி²னோ விப்பகதசீவரங் ஸமாதா³ய பக்கமதி
‘‘பச்செஸ்ஸ’’ந்தி. ஸோ ப³ஹிஸீமக³தோ தங் சீவரங் காரேதி. ஸோ கதசீவரோ –
‘‘பச்செஸ்ஸங் பச்செஸ்ஸ’’ந்தி ப³ஹித்³தா⁴ கதி²னுத்³தா⁴ரங் வீதினாமேதி. தஸ்ஸ
பி⁴க்கு²னோ ஸீமாதிக்கந்திகோ கதி²னுத்³தா⁴ரோ.
பி⁴க்கு² அத்த²தகதி²னோ விப்பகதசீவரங் ஸமாதா³ய பக்கமதி
‘‘பச்செஸ்ஸ’’ந்தி. ஸோ ப³ஹிஸீமக³தோ தங் சீவரங் காரேதி. ஸோ கதசீவரோ
‘‘பச்செஸ்ஸங் பச்செஸ்ஸ’’ந்தி ஸம்பு⁴ணாதி கதி²னுத்³தா⁴ரங். தஸ்ஸ பி⁴க்கு²னோ
ஸஹ பி⁴க்கூ²ஹி கதி²னுத்³தா⁴ரோ.
ச²க்கங்.
விப்பகதஸமாதா³யபன்னரஸகங் நிட்டி²தங்.
ஆதா³யபா⁴ணவாரோ.
195. அனாஸாதோ³ளஸகங்
318.
பி⁴க்கு² அத்த²தகதி²னோ சீவராஸாய பக்கமதி. ஸோ ப³ஹிஸீமக³தோ தங் சீவராஸங்
பயிருபாஸதி. அனாஸாய லப⁴தி, ஆஸாய ந லப⁴தி. தஸ்ஸ ஏவங் ஹோதி – ‘‘இதே⁴விமங்
சீவரங் காரெஸ்ஸங், ந பச்செஸ்ஸ’’ந்தி. ஸோ தங் சீவரங் காரேதி. தஸ்ஸ
பி⁴க்கு²னோ நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ
சீவராஸாய பக்கமதி. ஸோ ப³ஹிஸீமக³தோ தங் சீவராஸங் பயிருபாஸதி. அனாஸாய லப⁴தி,
ஆஸாய ந லப⁴தி. தஸ்ஸ ஏவங் ஹோதி – ‘‘நேவிமங் சீவரங் காரெஸ்ஸங், ந
பச்செஸ்ஸ’’ந்தி. தஸ்ஸ பி⁴க்கு²னோ ஸன்னிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ
சீவராஸாய பக்கமதி. ஸோ ப³ஹிஸீமக³தோ தங் சீவராஸங் பயிருபாஸதி. அனாஸாய லப⁴தி,
ஆஸாய ந லப⁴தி. தஸ்ஸ ஏவங் ஹோதி – ‘‘இதே⁴விமங் சீவரங் காரெஸ்ஸங், ந
பச்செஸ்ஸ’’ந்தி. ஸோ தங் சீவரங் காரேதி. தஸ்ஸ தங் சீவரங் கயிரமானங் நஸ்ஸதி.
தஸ்ஸ பி⁴க்கு²னோ நாஸனந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவராஸாய பக்கமதி. தஸ்ஸ
ப³ஹிஸீமக³தஸ்ஸ ஏவங் ஹோதி – ‘‘இதே⁴விமங் சீவராஸங் பயிருபாஸிஸ்ஸங், ந
பச்செஸ்ஸ’’ந்தி. ஸோ தங் சீவராஸங் பயிருபாஸதி. தஸ்ஸ ஸா சீவராஸா உபச்சி²ஜ்ஜதி
. தஸ்ஸ பி⁴க்கு²னோ ஆஸாவச்சே²தி³கோ கதி²னுத்³தா⁴ரோ.
பி⁴க்கு² அத்த²தகதி²னோ சீவராஸாய பக்கமதி ‘‘ந
பச்செஸ்ஸ’’ந்தி. ஸோ ப³ஹிஸீமக³தோ தங் சீவராஸங் பயிருபாஸதி. அனாஸாய லப⁴தி,
ஆஸாய ந லப⁴தி. தஸ்ஸ ஏவங் ஹோதி – ‘‘இதே⁴விமங் சீவரங் காரெஸ்ஸ’’ந்தி. ஸோ தங்
சீவரங் காரேதி. தஸ்ஸ பி⁴க்கு²னோ நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவராஸாய பக்கமதி ‘‘ந
பச்செஸ்ஸ’’ந்தி. ஸோ ப³ஹிஸீமக³தோ தங் சீவராஸங் பயிருபாஸதி. அனாஸாய லப⁴தி,
ஆஸாய ந லப⁴தி. தஸ்ஸ ஏவங் ஹோதி – ‘‘நேவிமங் சீவரங் காரெஸ்ஸ’’ந்தி. தஸ்ஸ
பி⁴க்கு²னோ ஸன்னிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவராஸாய பக்கமதி ‘‘ந
பச்செஸ்ஸ’’ந்தி. ஸோ ப³ஹிஸீமக³தோ தங் சீவராஸங் பயிருபாஸதி. அனாஸாய லப⁴தி,
ஆஸாய ந லப⁴தி. தஸ்ஸ ஏவங் ஹோதி – ‘‘இதே⁴விமங் சீவரங் காரெஸ்ஸ’’ந்தி. ஸோ தங்
சீவரங் காரேதி. தஸ்ஸ தங் சீவரங் கயிரமானங் நஸ்ஸதி. தஸ்ஸ பி⁴க்கு²னோ
நாஸனந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவராஸாய பக்கமதி ‘‘ந பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘இதே⁴விமங் சீவராஸங் பயிருபாஸிஸ்ஸ’’ந்தி. ஸோ தங் சீவராஸங் பயிருபாஸதி . தஸ்ஸ ஸா சீவராஸா உபச்சி²ஜ்ஜதி. தஸ்ஸ பி⁴க்கு²னோ ஆஸாவச்சே²தி³கோ கதி²னுத்³தா⁴ரோ.
பி⁴க்கு² அத்த²தகதி²னோ சீவராஸாய பக்கமதி
அனதி⁴ட்டி²தேன; நேவஸ்ஸ ஹோதி – ‘‘பச்செஸ்ஸந்தி, ந பனஸ்ஸ ஹோதி – ‘‘ந
பச்செஸ்ஸ’’ந்தி. ஸோ ப³ஹிஸீமக³தோ தங் சீவராஸங் பயிருபாஸதி. அனாஸாய லப⁴தி,
ஆஸாய ந லப⁴தி. தஸ்ஸ ஏவங்
ஹோதி – ‘‘இதே⁴விமங் சீவரங் காரெஸ்ஸங், ந பச்செஸ்ஸ’’ந்தி. ஸோ தங் சீவரங்
காரேதி. தஸ்ஸ பி⁴க்கு²னோ நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவராஸாய பக்கமதி
அனதி⁴ட்டி²தேன; நேவஸ்ஸ ஹோதி – ‘‘பச்செஸ்ஸ’’ந்தி, ந பனஸ்ஸ ஹோதி – ‘‘ந
பச்செஸ்ஸ’’ந்தி. ஸோ ப³ஹிஸீமக³தோ தங் சீவராஸங் பயிருபாஸதி. அனாஸாய லப⁴தி,
ஆஸாய ந லப⁴தி. தஸ்ஸ ஏவங் ஹோதி – ‘‘நேவிமங் சீவரங் காரெஸ்ஸங், ந
பச்செஸ்ஸ’’ந்தி. தஸ்ஸ பி⁴க்கு²னோ ஸன்னிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவராஸாய பக்கமதி
அனதி⁴ட்டி²தேன; நேவஸ்ஸ ஹோதி – ‘‘பச்செஸ்ஸ’’ந்தி, ந பனஸ்ஸ ஹோதி – ‘‘ந
பச்செஸ்ஸ’’ந்தி. ஸோ ப³ஹிஸீமக³தோ தங் சீவராஸங் பயிருபாஸதி. அனாஸாய லப⁴தி,
ஆஸாய ந லப⁴தி. தஸ்ஸ ஏவங் ஹோதி – ‘‘இதே⁴விமங் சீவரங் காரெஸ்ஸங், ந
பச்செஸ்ஸ’’ந்தி. ஸோ தங் சீவரங் காரேதி. தஸ்ஸ தங் சீவரங் கயிரமானங் நஸ்ஸதி.
தஸ்ஸ பி⁴க்கு²னோ நாஸனந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவராஸாய பக்கமதி
அனதி⁴ட்டி²தேன; நேவஸ்ஸ ஹோதி – ‘‘பச்செஸ்ஸ’’ந்தி, ந பனஸ்ஸ ஹோதி – ‘‘ந
பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘இதே⁴விமங் சீவராஸங்
பயிருபாஸிஸ்ஸங், ந பச்செஸ்ஸ’’ந்தி. ஸோ தங் சீவராஸங் பயிருபாஸதி. தஸ்ஸ ஸா
சீவராஸா உபச்சி²ஜ்ஜதி. தஸ்ஸ பி⁴க்கு²னோ ஆஸாவச்சே²தி³கோ கதி²னுத்³தா⁴ரோ.
அனாஸாதோ³ளஸகங் [அனாஸாத்³வாத³ஸகங் (ஸீ॰)] நிட்டி²தங்.
196. ஆஸாதோ³ளஸகங்
319. பி⁴க்கு² அத்த²தகதி²னோ சீவராஸாய பக்கமதி ‘‘பச்செஸ்ஸ’’ந்தி. ஸோ ப³ஹிஸீமக³தோ
தங் சீவராஸங் பயிருபாஸதி. ஆஸாய லப⁴தி, அனாஸாய ந லப⁴தி. தஸ்ஸ ஏவங் ஹோதி –
‘‘இதே⁴விமங் சீவரங் காரெஸ்ஸங், ந பச்செஸ்ஸ’’ந்தி. ஸோ தங் சீவரங் காரேதி.
தஸ்ஸ பி⁴க்கு²னோ நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ
சீவராஸாய பக்கமதி ‘‘பச்செஸ்ஸ’’ந்தி. ஸோ ப³ஹிஸீமக³தோ தங் சீவராஸங்
பயிருபாஸதி. ஆஸாய லப⁴தி, அனாஸாய ந லப⁴தி. தஸ்ஸ ஏவங் ஹோதி – ‘‘நேவிமங்
சீவரங் காரெஸ்ஸங், ந பச்செஸ்ஸ’’ந்தி. தஸ்ஸ பி⁴க்கு²னோ ஸன்னிட்டா²னந்திகோ
கதி²னுத்³தா⁴ரோ.
பி⁴க்கு² அத்த²தகதி²னோ சீவராஸாய பக்கமதி
‘‘பச்செஸ்ஸ’’ந்தி. ஸோ ப³ஹிஸீமக³தோ தங் சீவராஸங் பயிருபாஸதி. ஆஸாய லப⁴தி,
அனாஸாய ந லப⁴தி. தஸ்ஸ ஏவங் ஹோதி – ‘‘இதே⁴விமங் சீவரங் காரெஸ்ஸங், ந
பச்செஸ்ஸ’’ந்தி. ஸோ தங் சீவரங் காரேதி. தஸ்ஸ தங் சீவரங் கயிரமானங் நஸ்ஸதி.
தஸ்ஸ பி⁴க்கு²னோ நாஸனந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவராஸாய பக்கமதி
‘‘பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘இதே⁴விமங் சீவராஸங்
பயிருபாஸிஸ்ஸங், ந பச்செஸ்ஸ’’ந்தி. ஸோ தங் சீவராஸங் பயிருபாஸதி. தஸ்ஸ ஸா
சீவராஸா உபச்சி²ஜ்ஜதி. தஸ்ஸ பி⁴க்கு²னோ ஆஸாவச்சே²தி³கோ கதி²னுத்³தா⁴ரோ.
பி⁴க்கு² அத்த²தகதி²னோ சீவராஸாய பக்கமதி ‘‘பச்செஸ்ஸ’’ந்தி. ஸோ ப³ஹிஸீமக³தோ ஸுணாதி – ‘‘உப்³ப⁴தங் கிர
தஸ்மிங் ஆவாஸே கதி²ன’’ந்தி. தஸ்ஸ ஏவங் ஹோதி – ‘‘யதோ தஸ்மிங் ஆவாஸே
உப்³ப⁴தங் கதி²னங், இதே⁴விமங் சீவராஸங் பயிருபாஸிஸ்ஸ’’ந்தி. ஸோ தங்
சீவராஸங் பயிருபாஸதி. ஆஸாய லப⁴தி , அனாஸாய ந லப⁴தி.
தஸ்ஸ ஏவங் ஹோதி – ‘‘இதே⁴விமங் சீவரங் காரெஸ்ஸங், ந பச்செஸ்ஸ’’ந்தி. ஸோ தங்
சீவரங் காரேதி. தஸ்ஸ பி⁴க்கு²னோ நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவராஸாய பக்கமதி
‘‘பச்செஸ்ஸ’’ந்தி. ஸோ ப³ஹிஸீமக³தோ ஸுணாதி – ‘‘உப்³ப⁴தங் கிர தஸ்மிங் ஆவாஸே
கதி²ன’’ந்தி. தஸ்ஸ ஏவங் ஹோதி – ‘‘யதோ தஸ்மிங் ஆவாஸே உப்³ப⁴தங் கதி²னங்,
இதே⁴விமங் சீவராஸங் பயிருபாஸிஸ்ஸ’’ந்தி. ஸோ தங் சீவராஸங் பயிருபாஸதி. ஆஸாய
லப⁴தி, அனாஸாய ந லப⁴தி. தஸ்ஸ ஏவங் ஹோதி – ‘‘நேவிமங் சீவரங் காரெஸ்ஸங், ந
பச்செஸ்ஸ’’ந்தி. தஸ்ஸ பி⁴க்கு²னோ ஸன்னிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ
சீவராஸாய பக்கமதி ‘‘பச்செஸ்ஸ’’ந்தி. ஸோ ப³ஹிஸீமக³தோ ஸுணாதி – ‘‘உப்³ப⁴தங்
கிர தஸ்மிங் ஆவாஸே கதி²ன’’ந்தி. தஸ்ஸ ஏவங் ஹோதி – ‘‘யதோ தஸ்மிங் ஆவாஸே
உப்³ப⁴தங் கதி²னங், இதே⁴விமங் சீவராஸங்
பயிருபாஸிஸ்ஸ’’ந்தி. ஸோ தங் சீவராஸங் பயிருபாஸதி. ஆஸாய லப⁴தி, அனாஸாய ந
லப⁴தி. தஸ்ஸ ஏவங் ஹோதி – ‘‘இதே⁴விமங் சீவரங் காரெஸ்ஸங், ந பச்செஸ்ஸ’’ந்தி.
ஸோ தங் சீவரங் காரேதி. தஸ்ஸ தங் சீவரங் கயிரமானங் நஸ்ஸதி. தஸ்ஸ பி⁴க்கு²னோ
நாஸனந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவராஸாய பக்கமதி
‘‘பச்செஸ்ஸ’’ந்தி. ஸோ ப³ஹிஸீமக³தோ ஸுணாதி – ‘‘உப்³ப⁴தங் கிர தஸ்மிங் ஆவாஸே
கதி²ன’’ந்தி. தஸ்ஸ ஏவங் ஹோதி – ‘‘யதோ தஸ்மிங் ஆவாஸே உப்³ப⁴தங் கதி²னங்,
இதே⁴விமங் சீவராஸங் பயிருபாஸிஸ்ஸங், ந பச்செஸ்ஸ’’ந்தி. ஸோ தங் சீவராஸங்
பயிருபாஸதி. தஸ்ஸ ஸா சீவராஸா உபச்சி²ஜ்ஜதி. தஸ்ஸ பி⁴க்கு²னோ ஆஸாவச்சே²தி³கோ கதி²னுத்³தா⁴ரோ.
பி⁴க்கு² அத்த²தகதி²னோ சீவராஸாய பக்கமதி
‘‘பச்செஸ்ஸ’’ந்தி. ஸோ ப³ஹிஸீமக³தோ தங் சீவராஸங் பயிருபாஸதி. ஆஸாய லப⁴தி,
அனாஸாய ந லப⁴தி. ஸோ தங் சீவரங் காரேதி. ஸோ கதசீவரோ ஸுணாதி – ‘‘உப்³ப⁴தங்
கிர தஸ்மிங் ஆவாஸே கதி²ன’’ந்தி. தஸ்ஸ பி⁴க்கு²னோ ஸவனந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவராஸாய பக்கமதி
‘‘பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘இதே⁴விமங் சீவராஸங்
பயிருபாஸிஸ்ஸங், ந பச்செஸ்ஸ’’ந்தி. ஸோ தங் சீவராஸங் பயிருபாஸதி. தஸ்ஸ ஸா
சீவராஸா உபச்சி²ஜ்ஜதி. தஸ்ஸ பி⁴க்கு²னோ ஆஸாவச்சே²தி³கோ கதி²னுத்³தா⁴ரோ.
பி⁴க்கு² அத்த²தகதி²னோ சீவராஸாய பக்கமதி
‘‘பச்செஸ்ஸ’’ந்தி. ஸோ ப³ஹிஸீமக³தோ தங் சீவராஸங் பயிருபாஸதி. ஆஸாய லப⁴தி,
அனாஸாய ந லப⁴தி. ஸோ தங் சீவரங் காரேதி. ஸோ கதசீவரோ ‘‘பச்செஸ்ஸங்
பச்செஸ்ஸ’’ந்தி – ப³ஹித்³தா⁴ கதி²னுத்³தா⁴ரங் வீதினாமேதி. தஸ்ஸ பி⁴க்கு²னோ
ஸீமாதிக்கந்திகோ கதி²னுத்³தா⁴ரோ.
பி⁴க்கு² அத்த²தகதி²னோ சீவராஸாய பக்கமதி
‘‘பச்செஸ்ஸ’’ந்தி. ஸோ ப³ஹிஸீமக³தோ தங் சீவராஸங் பயிருபாஸதி. ஆஸாய லப⁴தி,
அனாஸாய ந லப⁴தி. ஸோ தங் சீவரங் காரேதி. ஸோ கதசீவரோ ‘‘பச்செஸ்ஸங் பச்செஸ்ஸ’’ந்தி – ஸம்பு⁴ணாதி கதி²னுத்³தா⁴ரங். தஸ்ஸ பி⁴க்கு²னோ ஸஹ பி⁴க்கூ²ஹி கதி²னுத்³தா⁴ரோ.
ஆஸாதோ³ளஸகங் நிட்டி²தங்.
197. கரணீயதோ³ளஸகங்
320. பி⁴க்கு²
அத்த²தகதி²னோ கேனசிதே³வ கரணீயேன பக்கமதி. தஸ்ஸ ப³ஹிஸீமக³தஸ்ஸ சீவராஸா
உப்பஜ்ஜதி. ஸோ தங் சீவராஸங் பயிருபாஸதி. அனாஸாய லப⁴தி, ஆஸாய ந லப⁴தி. தஸ்ஸ
ஏவங் ஹோதி – ‘‘இதே⁴விமங் சீவரங் காரெஸ்ஸங், ந பச்செஸ்ஸ’’ந்தி. ஸோ தங்
சீவரங் காரேதி. தஸ்ஸ பி⁴க்கு²னோ நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ கேனசிதே³வ கரணீயேன பக்கமதி.
தஸ்ஸ ப³ஹிஸீமக³தஸ்ஸ சீவராஸா உப்பஜ்ஜதி. ஸோ தங் சீவராஸங் பயிருபாஸதி. அனாஸாய
லப⁴தி, ஆஸாய ந லப⁴தி. தஸ்ஸ ஏவங் ஹோதி – ‘‘நேவிமங் சீவரங் காரெஸ்ஸங், ந
பச்செஸ்ஸ’’ந்தி. தஸ்ஸ பி⁴க்கு²னோ ஸன்னிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ கேனசிதே³வ கரணீயேன பக்கமதி.
தஸ்ஸ ப³ஹிஸீமக³தஸ்ஸ சீவராஸா உப்பஜ்ஜதி. ஸோ தங் சீவராஸங் பயிருபாஸதி. அனாஸாய
லப⁴தி, ஆஸாய ந லப⁴தி. தஸ்ஸ ஏவங் ஹோதி – ‘‘இதே⁴விமங் சீவரங் காரெஸ்ஸங், ந
பச்செஸ்ஸ’’ந்தி. ஸோ தங் சீவரங் காரேதி. தஸ்ஸ தங் சீவரங் கயிரமானங் நஸ்ஸதி.
தஸ்ஸ பி⁴க்கு²னோ நாஸனந்திகோ கதி²னுத்³தா⁴ரோ.
பி⁴க்கு² அத்த²தகதி²னோ கேனசிதே³வ கரணீயேன பக்கமதி.
தஸ்ஸ ப³ஹிஸீமக³தஸ்ஸ சீவராஸா உப்பஜ்ஜதி. தஸ்ஸ ஏவங் ஹோதி – ‘‘இதே⁴விமங்
சீவராஸங் பயிருபாஸிஸ்ஸங், ந பச்செஸ்ஸ’’ந்தி. ஸோ தங் சீவராஸங் பயிருபாஸதி.
தஸ்ஸ ஸா சீவராஸா உபச்சி²ஜ்ஜதி. தஸ்ஸ பி⁴க்கு²னோ ஆஸாவச்சே²தி³கோ
கதி²னுத்³தா⁴ரோ.
பி⁴க்கு² அத்த²தகதி²னோ கேனசிதே³வ கரணீயேன பக்கமதி ‘‘ந பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ சீவராஸா உப்பஜ்ஜதி. ஸோ தங் சீவராஸங் பயிருபாஸதி. அனாஸாய லப⁴தி, ஆஸாய
ந லப⁴தி. தஸ்ஸ ஏவங் ஹோதி – ‘‘இதே⁴விமங் சீவரங் காரெஸ்ஸ’’ந்தி. ஸோ தங்
சீவரங் காரேதி. தஸ்ஸ பி⁴க்கு²னோ நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ கேனசிதே³வ கரணீயேன பக்கமதி ‘‘ந
பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ சீவராஸா உப்பஜ்ஜதி. ஸோ தங் சீவராஸங்
பயிருபாஸதி. அனாஸாய லப⁴தி, ஆஸாய ந லப⁴தி. தஸ்ஸ ஏவங் ஹோதி – ‘‘நேவிமங் சீவரங் காரெஸ்ஸ’’ந்தி. தஸ்ஸ பி⁴க்கு²னோ ஸன்னிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ கேனசிதே³வ கரணீயேன பக்கமதி ‘‘ந
பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ சீவராஸா உப்பஜ்ஜதி. ஸோ தங் சீவராஸங்
பயிருபாஸதி. அனாஸாய லப⁴தி, ஆஸாய ந லப⁴தி. தஸ்ஸ ஏவங் ஹோதி – ‘‘இதே⁴விமங்
சீவரங் காரெஸ்ஸ’’ந்தி. ஸோ தங் சீவரங் காரேதி. தஸ்ஸ தங் சீவரங் கயிரமானங்
நஸ்ஸதி. தஸ்ஸ பி⁴க்கு²னோ நாஸனந்திகோ கதி²னுத்³தா⁴ரோ.
பி⁴க்கு² அத்த²தகதி²னோ கேனசிதே³வ கரணீயேன பக்கமதி ‘‘ந
பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ சீவராஸா உப்பஜ்ஜதி. தஸ்ஸ ஏவங் ஹோதி –
‘‘இதே⁴விமங் சீவராஸங் பயிருபாஸிஸ்ஸ’’ந்தி. ஸோ தங் சீவராஸங் பயிருபாஸதி.
தஸ்ஸ ஸா சீவராஸா உபச்சி²ஜ்ஜதி. தஸ்ஸ பி⁴க்கு²னோ ஆஸாவச்சே²தி³கோ
கதி²னுத்³தா⁴ரோ.
பி⁴க்கு² அத்த²தகதி²னோ கேனசிதே³வ கரணீயேன பக்கமதி
அனதி⁴ட்டி²தேன; நேவஸ்ஸ ஹோதி – ‘‘பச்செஸ்ஸ’’ந்தி, ந பனஸ்ஸ ஹோதி – ‘‘ந
பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ சீவராஸா உப்பஜ்ஜதி. ஸோ தங்
சீவராஸங் பயிருபாஸதி. அனாஸாய லப⁴தி, ஆஸாய ந லப⁴தி. தஸ்ஸ ஏவங் ஹோதி –
‘‘இதே⁴விமங் சீவரங் காரெஸ்ஸங், ந பச்செஸ்ஸ’’ந்தி. ஸோ தங் சீவரங் காரேதி.
தஸ்ஸ பி⁴க்கு²னோ நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ கேனசிதே³வ கரணீயேன பக்கமதி
அனதி⁴ட்டி²தேன; நேவஸ்ஸ ஹோதி – ‘‘பச்செஸ்ஸ’’ந்தி, ந பனஸ்ஸ ஹோதி – ‘‘ந
பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ சீவராஸா உப்பஜ்ஜதி. ஸோ தங் சீவராஸங்
பயிருபாஸதி. அனாஸாய லப⁴தி, ஆஸாய ந லப⁴தி. தஸ்ஸ ஏவங் ஹோதி – ‘‘நேவிமங்
சீவரங் காரெஸ்ஸங், ந பச்செஸ்ஸ’’ந்தி. தஸ்ஸ பி⁴க்கு²னோ ஸன்னிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ
கேனசிதே³வ கரணீயேன பக்கமதி அனதி⁴ட்டி²தேன; நேவஸ்ஸ ஹோதி – ‘‘பச்செஸ்ஸ’’ந்தி,
ந பனஸ்ஸ ஹோதி – ‘‘ந பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ சீவராஸா
உப்பஜ்ஜதி. ஸோ தங் சீவராஸங் பயிருபாஸதி. அனாஸாய லப⁴தி, ஆஸாய ந லப⁴தி. தஸ்ஸ
ஏவங் ஹோதி – ‘‘இதே⁴விமங் சீவரங் காரெஸ்ஸங், ந பச்செஸ்ஸ’’ந்தி. ஸோ தங்
சீவரங் காரேதி. தஸ்ஸ தங் சீவரங் கயிரமானங் நஸ்ஸதி. தஸ்ஸ பி⁴க்கு²னோ நாஸனந்திகோ கதி²னுத்³தா⁴ரோ.
பி⁴க்கு² அத்த²தகதி²னோ கேனசிதே³வ கரணீயேன பக்கமதி
அனதி⁴ட்டி²தேன; நேவஸ்ஸ ஹோதி – ‘‘பச்செஸ்ஸ’’ந்தி, ந பனஸ்ஸ ஹோதி – ‘‘ந
பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ சீவராஸா உப்பஜ்ஜதி. தஸ்ஸ ஏவங் ஹோதி –
‘‘இதே⁴விமங் சீவராஸங் பயிருபாஸிஸ்ஸங், ந பச்செஸ்ஸ’’ந்தி. ஸோ தங் சீவராஸங்
பயிருபாஸதி. தஸ்ஸ ஸா சீவராஸா உபச்சி²ஜ்ஜதி. தஸ்ஸ பி⁴க்கு²னோ ஆஸாவச்சே²தி³கோ
கதி²னுத்³தா⁴ரோ.
கரணீயதோ³ளஸகங் நிட்டி²தங்.
198. அபவிலாயனநவகங்
321. பி⁴க்கு² அத்த²தகதி²னோ தி³ஸங்க³மிகோ பக்கமதி சீவரபடிவீஸங் அபவிலாயமானோ [அபவினயமானோ (ஸீ॰), அபசினயமானோ (க॰)].
தமேனங் தி³ஸங்க³தங் பி⁴க்கூ² புச்ச²ந்தி – ‘‘கஹங் த்வங், ஆவுஸோ,
வஸ்ஸங்வுட்டோ², கத்த² ச தே சீவரபடிவீஸோ’’தி? ஸோ ஏவங் வதே³தி – ‘‘அமுகஸ்மிங்
ஆவாஸே வஸ்ஸங்வுட்டொ²ம்ஹி. தத்த² ச மே சீவரபடிவீஸோ’’தி. தே ஏவங் வத³ந்தி –
‘‘க³ச்சா²வுஸோ, தங் சீவரங் ஆஹர, மயங் தே இத⁴ சீவரங் கரிஸ்ஸாமா’’தி. ஸோ தங்
ஆவாஸங் க³ந்த்வா பி⁴க்கூ² புச்ச²தி – ‘‘கஹங் மே, ஆவுஸோ, சீவரபடிவீஸோ’’தி?
தே ஏவங் வத³ந்தி – ‘‘அயங் தே, ஆவுஸோ, சீவரபடிவீஸோ; கஹங் க³மிஸ்ஸஸீ’’தி? ஸோ
ஏவங் வதே³தி – ‘‘அமுகங் நாம [அமுகஞ்ச (க॰)]
ஆவாஸங் க³மிஸ்ஸாமி, தத்த² மே பி⁴க்கூ² சீவரங் கரிஸ்ஸந்தீ’’தி. தே ஏவங்
வத³ந்தி – ‘‘அலங், ஆவுஸோ, மா அக³மாஸி. மயங் தே இத⁴ சீவரங் கரிஸ்ஸாமா’’தி.
தஸ்ஸ ஏவங் ஹோதி – ‘‘இதே⁴விமங் சீவரங் காரெஸ்ஸங், ந பச்செஸ்ஸ’’ந்தி. ஸோ தங்
சீவரங் காரேதி. தஸ்ஸ பி⁴க்கு²னோ நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ தி³ஸங்க³மிகோ பக்கமதி…பே॰…
‘‘நேவிமங் சீவரங் காரெஸ்ஸங், ந பச்செஸ்ஸ’’ந்தி. தஸ்ஸ பி⁴க்கு²னோ
ஸன்னிட்டா²னந்திகோ கதி²னுத்³தா⁴ரோ.
பி⁴க்கு²
அத்த²தகதி²னோ தி³ஸங்க³மிகோ பக்கமதி…பே॰… ‘‘இதே⁴விமங் சீவரங் காரெஸ்ஸங், ந
பச்செஸ்ஸ’’ந்தி. ஸோ தங் சீவரங் காரேதி. தஸ்ஸ தங் சீவரங் கயிரமானங் நஸ்ஸதி.
தஸ்ஸ பி⁴க்கு²னோ நாஸனந்திகோ கதி²னுத்³தா⁴ரோ.
322.
பி⁴க்கு² அத்த²தகதி²னோ தி³ஸங்க³மிகோ பக்கமதி சீவரபடிவீஸங் அபவிலாயமானோ.
தமேனங் தி³ஸங்க³தங் பி⁴க்கூ² புச்ச²ந்தி – ‘‘கஹங் த்வங், ஆவுஸோ,
வஸ்ஸங்வுட்டோ² , கத்த² ச தே சீவரபடிவீஸோ’’தி? ஸோ
ஏவங் வதே³தி – ‘‘அமுகஸ்மிங் ஆவாஸே வஸ்ஸங்வுட்டொ²ம்ஹி, தத்த² ச மே
சீவரபடிவீஸோ’’தி. தே ஏவங் வத³ந்தி – ‘‘க³ச்சா²வுஸோ, தங் சீவரங் ஆஹர, மயங்
தே இத⁴ சீவரங் கரிஸ்ஸாமா’’தி. ஸோ தங் ஆவாஸங் க³ந்த்வா பி⁴க்கூ² புச்ச²தி –
‘‘கஹங் மே, ஆவுஸோ, சீவரபடிவீஸோ’’தி? தே ஏவங் வத³ந்தி – ‘‘அயங் தே, ஆவுஸோ,
சீவரபடிவீஸோ’’தி. ஸோ தங் சீவரங் ஆதா³ய தங் ஆவாஸங் க³ச்ச²தி. தமேனங்
அந்தராமக்³கே³ பி⁴க்கூ² புச்ச²ந்தி – ‘‘ஆவுஸோ, கஹங் க³மிஸ்ஸஸீ’’தி? ஸோ ஏவங்
வதே³தி – ‘‘அமுகங் நாம ஆவாஸங் க³மிஸ்ஸாமி, தத்த² மே பி⁴க்கூ² சீவரங்
கரிஸ்ஸந்தீ’’தி. தே ஏவங் வத³ந்தி – ‘‘அலங், ஆவுஸோ, மா அக³மாஸி, மயங் தே இத⁴
சீவரங் கரிஸ்ஸாமா’’தி. தஸ்ஸ ஏவங் ஹோதி – ‘‘இதே⁴விமங் சீவரங் காரெஸ்ஸங் ந
பச்செஸ்ஸ’’ந்தி. ஸோ தங் சீவரங் காரேதி. தஸ்ஸ பி⁴க்கு²னோ நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ தி³ஸங்க³மிகோ பக்கமதி
சீவரபடிவீஸங் அபவிலாயமானோ. தமேனங் தி³ஸங்க³தங் பி⁴க்கூ² புச்ச²ந்தி –
‘‘கஹங் த்வங், ஆவுஸோ, வஸ்ஸங்வுட்டோ², கத்த² ச தே சீவரபடிவீஸோ’’தி? ஸோ ஏவங்
வதே³தி – ‘‘அமுகஸ்மிங் ஆவாஸே வஸ்ஸங்வுட்டொ²ம்ஹி, தத்த² ச மே
சீவரபடிவீஸோ’’தி. தே ஏவங் வத³ந்தி – ‘‘க³ச்சா²வுஸோ, தங் சீவரங் ஆஹர, மயங்
தே இத⁴ சீவரங் கரிஸ்ஸாமா’’தி. ஸோ தங் ஆவாஸங் க³ந்த்வா பி⁴க்கூ² புச்ச²தி –
‘‘கஹங் மே, ஆவுஸோ, சீவரபடிவீஸோ’’தி? தே ஏவங் வத³ந்தி – ‘‘அயங் தே, ஆவுஸோ,
சீவரபடிவீஸோ’’தி. ஸோ தங் சீவரங் ஆதா³ய தங் ஆவாஸங் க³ச்ச²தி. தமேனங்
அந்தராமக்³கே³ பி⁴க்கூ² புச்ச²ந்தி – ‘‘ஆவுஸோ, கஹங்
க³மிஸ்ஸஸீ’’தி? ஸோ ஏவங் வதே³தி – ‘‘அமுகங் நாம ஆவாஸங் க³மிஸ்ஸாமி, தத்த²
மே பி⁴க்கூ² சீவரங் கரிஸ்ஸந்தீ’’தி. தே ஏவங் வத³ந்தி – ‘‘அலங், ஆவுஸோ, மா
அக³மாஸி, மயங் தே இத⁴ சீவரங் கரிஸ்ஸாமா’’தி. தஸ்ஸ ஏவங் ஹோதி – ‘‘நேவிமங்
சீவரங் காரெஸ்ஸங், ந பச்செஸ்ஸ’’ந்தி. தஸ்ஸ பி⁴க்கு²னோ ஸன்னிட்டா²னந்திகோ
கதி²னுத்³தா⁴ரோ.
பி⁴க்கு² அத்த²தகதி²னோ தி³ஸங்க³மிகோ பக்கமதி…பே॰… ‘‘இதே⁴விமங் சீவரங் காரெஸ்ஸங், ந பச்செஸ்ஸ’’ந்தி . ஸோ தங் சீவரங் காரேதி. தஸ்ஸ தங் சீவரங் கயிரமானங் நஸ்ஸதி. தஸ்ஸ பி⁴க்கு²னோ நாஸனந்திகோ கதி²னுத்³தா⁴ரோ.
323. பி⁴க்கு²
அத்த²தகதி²னோ தி³ஸங்க³மிகோ பக்கமதி சீவரபடிவீஸங் அபவிலாயமானோ. தமேனங்
தி³ஸங்க³தங் பி⁴க்கூ² புச்ச²ந்தி – ‘‘கஹங் த்வங், ஆவுஸோ, வஸ்ஸங்வுட்டோ²,
கத்த² ச தே சீவரபடிவீஸோ’’தி? ஸோ ஏவங் வதே³தி – ‘‘அமுகஸ்மிங் ஆவாஸே
வஸ்ஸங்வுட்டொ²ம்ஹி, தத்த² ச மே சீவரபடிவீஸோ’’தி. தே ஏவங் வத³ந்தி –
‘‘க³ச்சா²வுஸோ, தங் சீவரங் ஆஹர, மயங் தே இத⁴ சீவரங் கரிஸ்ஸாமா’’தி. ஸோ தங்
ஆவாஸங் க³ந்த்வா பி⁴க்கூ² புச்ச²தி – ‘‘கஹங் மே, ஆவுஸோ, சீவரபடிவீஸோ’’தி?
தே ஏவங் வத³ந்தி – ‘‘அயங் தே, ஆவுஸோ, சீவரபடிவீஸோ’’தி. ஸோ தங் சீவரங் ஆதா³ய
தங் ஆவாஸங் க³ச்ச²தி. தஸ்ஸ தங் ஆவாஸங் க³தஸ்ஸ ஏவங் ஹோதி – ‘‘இதே⁴விமங்
சீவரங் காரெஸ்ஸங், ந பச்செஸ்ஸ’’ந்தி. ஸோ தங் சீவரங் காரேதி. தஸ்ஸ
பி⁴க்கு²னோ நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ தி³ஸங்க³மிகோ பக்கமதி…பே॰…
‘‘நேவிமங் சீவரங் காரெஸ்ஸங், ந பச்செஸ்ஸ’’ந்தி. தஸ்ஸ பி⁴க்கு²னோ
ஸன்னிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ தி³ஸங்க³மிகோ பக்கமதி…பே॰…
‘‘இதே⁴விமங் சீவரங் காரெஸ்ஸங், ந பச்செஸ்ஸ’’ந்தி. ஸோ தங் சீவரங் காரேதி.
தஸ்ஸ தங் சீவரங் கயிரமானங் நஸ்ஸதி. தஸ்ஸ பி⁴க்கு²னோ நாஸனந்திகோ
கதி²னுத்³தா⁴ரோ.
அபவிலாயனநவகங் நிட்டி²தங்.
199. பா²ஸுவிஹாரபஞ்சகங்
324.
பி⁴க்கு² அத்த²தகதி²னோ பா²ஸுவிஹாரிகோ சீவரங் ஆதா³ய பக்கமதி – ‘‘அமுகங் நாம
ஆவாஸங் க³மிஸ்ஸாமி; தத்த² மே பா²ஸு ப⁴விஸ்ஸதி வஸிஸ்ஸாமி, நோ சே மே பா²ஸு
ப⁴விஸ்ஸதி, அமுகங் நாம ஆவாஸங் க³மிஸ்ஸாமி; தத்த² மே பா²ஸு ப⁴விஸ்ஸதி
வஸிஸ்ஸாமி , நோ சே மே பா²ஸு ப⁴விஸ்ஸதி, அமுகங் நாம ஆவாஸங் க³மிஸ்ஸாமி; தத்த² மே பா²ஸு ப⁴விஸ்ஸதி வஸிஸ்ஸாமி, நோ சே மே பா²ஸு ப⁴விஸ்ஸதி, பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘இதே⁴விமங் சீவரங் காரெஸ்ஸங், ந பச்செஸ்ஸ’’ந்தி. ஸோ தங் சீவரங் காரேதி. தஸ்ஸ பி⁴க்கு²னோ நிட்டா²னந்திகோ கதி²னுத்³தா⁴ரோ.
பி⁴க்கு² அத்த²தகதி²னோ பா²ஸுவிஹாரிகோ சீவரங் ஆதா³ய
பக்கமதி – ‘‘அமுகங் நாம ஆவாஸங் க³மிஸ்ஸாமி; தத்த² மே பா²ஸு ப⁴விஸ்ஸதி
வஸிஸ்ஸாமி, நோ சே மே பா²ஸு ப⁴விஸ்ஸதி, அமுகங் நாம ஆவாஸங் க³மிஸ்ஸாமி; தத்த²
மே பா²ஸு ப⁴விஸ்ஸதி வஸிஸ்ஸாமி, நோ சே மே பா²ஸு ப⁴விஸ்ஸதி, அமுகங் நாம
ஆவாஸங் க³மிஸ்ஸாமி; தத்த² மே பா²ஸு ப⁴விஸ்ஸதி வஸிஸ்ஸாமி, நோ சே மே பா²ஸு
ப⁴விஸ்ஸதி, பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ ஏவங் ஹோதி – ‘‘நேவிமங்
சீவரங் காரெஸ்ஸங், ந பச்செஸ்ஸ’’ந்தி. தஸ்ஸ பி⁴க்கு²னோ ஸன்னிட்டா²னந்திகோ
கதி²னுத்³தா⁴ரோ.
பி⁴க்கு² அத்த²தகதி²னோ பா²ஸுவிஹாரிகோ சீவரங் ஆதா³ய
பக்கமதி – ‘‘அமுகங் நாம ஆவாஸங் க³மிஸ்ஸாமி; தத்த² மே பா²ஸு ப⁴விஸ்ஸதி
வஸிஸ்ஸாமி, நோ சே மே பா²ஸு ப⁴விஸ்ஸதி, அமுகங் நாம ஆவாஸங் க³மிஸ்ஸாமி; தத்த²
மே பா²ஸு ப⁴விஸ்ஸதி வஸிஸ்ஸாமி, நோ சே மே பா²ஸு ப⁴விஸ்ஸதி, அமுகங் நாம
ஆவாஸங் க³மிஸ்ஸாமி; தத்த² மே பா²ஸு ப⁴விஸ்ஸதி வஸிஸ்ஸாமி, நோ
சே மே பா²ஸு ப⁴விஸ்ஸதி, பச்செஸ்ஸ’’ந்தி. தஸ்ஸ ப³ஹிஸீமக³தஸ்ஸ ஏவங் ஹோதி –
‘‘இதே⁴விமங் சீவரங் காரெஸ்ஸங், ந பச்செஸ்ஸ’’ந்தி. ஸோ தங் சீவரங் காரேதி.
தஸ்ஸ தங் சீவரங் கயிரமானங் நஸ்ஸதி. தஸ்ஸ பி⁴க்கு²னோ நாஸனந்திகோ
கதி²னுத்³தா⁴ரோ.
பி⁴க்கு² அத்த²தகதி²னோ பா²ஸுவிஹாரிகோ சீவரங் ஆதா³ய
பக்கமதி – ‘‘அமுகங் நாம ஆவாஸங் க³மிஸ்ஸாமி; தத்த² மே பா²ஸு ப⁴விஸ்ஸதி
வஸிஸ்ஸாமி, நோ சே மே பா²ஸு ப⁴விஸ்ஸதி, அமுகங் நாம ஆவாஸங் க³மிஸ்ஸாமி; தத்த²
மே பா²ஸு ப⁴விஸ்ஸதி வஸிஸ்ஸாமி, நோ சே மே பா²ஸு ப⁴விஸ்ஸதி, அமுகங் நாம
ஆவாஸங் க³மிஸ்ஸாமி; தத்த² மே பா²ஸு ப⁴விஸ்ஸதி வஸிஸ்ஸாமி, நோ சே மே பா²ஸு
ப⁴விஸ்ஸதி, பச்செஸ்ஸ’’ந்தி. ஸோ ப³ஹிஸீமக³தோ தங் சீவரங் காரேதி. ஸோ கதசீவரோ –
‘‘பச்செஸ்ஸங் பச்செஸ்ஸ’’ந்தி ப³ஹித்³தா⁴ கதி²னுத்³தா⁴ரங் வீதினாமேதி. தஸ்ஸ
பி⁴க்கு²னோ ஸீமாதிக்கந்திகோ கதி²னுத்³தா⁴ரோ.
பி⁴க்கு² அத்த²தகதி²னோ
பா²ஸுவிஹாரிகோ சீவரங் ஆதா³ய பக்கமதி – ‘‘அமுகங் நாம ஆவாஸங் க³மிஸ்ஸாமி;
தத்த² மே பா²ஸு ப⁴விஸ்ஸதி வஸிஸ்ஸாமி, நோ சே மே பா²ஸு ப⁴விஸ்ஸதி, அமுகங் நாம
ஆவாஸங் க³மிஸ்ஸாமி; தத்த² மே பா²ஸு ப⁴விஸ்ஸதி வஸிஸ்ஸாமி, நோ சே மே பா²ஸு
ப⁴விஸ்ஸதி, அமுகங் நாம ஆவாஸங் க³மிஸ்ஸாமி; தத்த² மே பா²ஸு ப⁴விஸ்ஸதி
வஸிஸ்ஸாமி, நோ சே மே பா²ஸு ப⁴விஸ்ஸதி,
பச்செஸ்ஸ’’ந்தி. ஸோ ப³ஹிஸீமக³தோ தங் சீவரங் காரேதி. ஸோ கதசீவரோ
‘‘பச்செஸ்ஸங் பச்செஸ்ஸ’’ந்தி ஸம்பு⁴ணாதி கதி²னுத்³தா⁴ரங். தஸ்ஸ பி⁴க்கு²னோ
ஸஹ பி⁴க்கூ²ஹி கதி²னுத்³தா⁴ரோ.
பா²ஸுவிஹாரபஞ்சகங் நிட்டி²தங்.
200. பலிபோ³தா⁴பலிபோ³த⁴கதா²
325. த்³வேமே ,
பி⁴க்க²வே, கதி²னஸ்ஸ பலிபோ³தா⁴, த்³வே அபலிபோ³தா⁴. கதமே ச, பி⁴க்க²வே,
த்³வே கதி²னஸ்ஸ பலிபோ³தா⁴? ஆவாஸபலிபோ³தோ⁴ ச சீவரபலிபோ³தோ⁴ ச. கத²ஞ்ச,
பி⁴க்க²வே, ஆவாஸபலிபோ³தோ⁴ ஹோதி? இத⁴, பி⁴க்க²வே, பி⁴க்கு² வஸதி வா தஸ்மிங்
ஆவாஸே, ஸாபெக்கோ² வா பக்கமதி ‘‘பச்செஸ்ஸ’’ந்தி. ஏவங் கோ², பி⁴க்க²வே,
ஆவாஸபலிபோ³தோ⁴ ஹோதி. கத²ஞ்ச, பி⁴க்க²வே, சீவரபலிபோ³தோ⁴ ஹோதி? இத⁴,
பி⁴க்க²வே, பி⁴க்கு²னோ சீவரங் அகதங் வா ஹோதி விப்பகதங் வா, சீவராஸா வா
அனுபச்சி²ன்னா. ஏவங் கோ², பி⁴க்க²வே, சீவரபலிபோ³தோ⁴ ஹோதி. இமே கோ²,
பி⁴க்க²வே, த்³வே கதி²னஸ்ஸ பலிபோ³தா⁴.
கதமே ச, பி⁴க்க²வே, த்³வே கதி²னஸ்ஸ அபலிபோ³தா⁴?
ஆவாஸஅபலிபோ³தோ⁴ ச சீவரஅபலிபோ³தோ⁴ ச. கத²ஞ்ச, பி⁴க்க²வே, ஆவாஸஅபலிபோ³தோ⁴
ஹோதி? இத⁴, பி⁴க்க²வே, பி⁴க்கு² பக்கமதி தம்ஹா ஆவாஸா சத்தேன வந்தேன முத்தேன
அனபெக்கோ² [அனபெக்கே²ன (க॰)] ‘‘ந
பச்செஸ்ஸ’’ந்தி. ஏவங் கோ², பி⁴க்க²வே, ஆவாஸஅபலிபோ³தோ⁴ ஹோதி. கத²ஞ்ச,
பி⁴க்க²வே, சீவரஅபலிபோ³தோ⁴ ஹோதி? இத⁴, பி⁴க்க²வே, பி⁴க்கு²னோ சீவரங் கதங்
வா ஹோதி, நட்ட²ங் வா வினட்ட²ங் வா த³ட்³ட⁴ங் வா, சீவராஸா வா உபச்சி²ன்னா. ஏவங் கோ², பி⁴க்க²வே, சீவரஅபலிபோ³தோ⁴ ஹோதி. இமே கோ², பி⁴க்க²வே, த்³வே கதி²னஸ்ஸ அபலிபோ³தா⁴தி.
பலிபோ³தா⁴பலிபோ³த⁴கதா² நிட்டி²தா.
கதி²னக்க²ந்த⁴கோ நிட்டி²தோ ஸத்தமோ.
201. தஸ்ஸுத்³தா³னங்
திங்ஸ பாவெய்யகா பி⁴க்கூ², ஸாகேதுக்கண்டி²தா வஸுங்;
வஸ்ஸங்வுட்டோ²கபுண்ணேஹி, அக³முங் ஜினத³ஸ்ஸனங்.
இத³ங் வத்து² கதி²னஸ்ஸ, கப்பிஸ்ஸந்தி ச பஞ்சகா;
அனாமந்தா அஸமாசாரா, ததே²வ க³ணபோ⁴ஜனங்.
யாவத³த்த²ஞ்ச உப்பாதோ³, அத்த²தானங் ப⁴விஸ்ஸதி;
ஞத்தி ஏவத்த²தஞ்சேவ, ஏவஞ்சேவ அனத்த²தங்.
உல்லிகி² தோ⁴வனா சேவ, விசாரணஞ்ச சே²த³னங்;
ப³ந்த⁴னோ வட்டி கண்டு³ஸ, த³ள்ஹீகம்மானுவாதிகா.
பரிப⁴ண்ட³ங் ஓவத்³தெ⁴ய்யங், மத்³த³னா நிமித்தங் கதா²;
குக்கு ஸன்னிதி⁴ நிஸ்ஸக்³கி³, ந கப்பஞ்ஞத்ர தே தயோ.
அஞ்ஞத்ர பஞ்சாதிரேகே, ஸஞ்சி²ன்னேன ஸமண்ட³லீ;
நாஞ்ஞத்ர புக்³க³லா ஸம்மா, நிஸ்ஸீமட்டோ²னுமோத³தி.
கதி²னானத்த²தங் ஹோதி, ஏவங் பு³த்³தே⁴ன தே³ஸிதங்;
அஹதாகப்பபிலோதி, பங்ஸு பாபணிகாய ச.
அனிமித்தாபரிகதா², அகுக்கு ச அஸன்னிதி⁴;
அனிஸ்ஸக்³கி³ கப்பகதே, ததா² திசீவரேன ச.
பஞ்சகே வாதிரேகே வா, சி²ன்னே ஸமண்ட³லீகதே;
புக்³க³லஸ்ஸத்தா²ரா ஸம்மா, ஸீமட்டோ² அனுமோத³தி.
ஏவங் கதி²னத்த²ரணங், உப்³பா⁴ரஸ்ஸட்ட²மாதிகா;
பக்கமனந்தி நிட்டா²னங், ஸன்னிட்டா²னஞ்ச நாஸனங்.
ஸவனங் ஆஸாவச்சே²தி³, ஸீமா ஸஹுப்³பா⁴ரட்ட²மீ;
கதசீவரமாதா³ய, ‘‘ந பச்செஸ்ஸ’’ந்தி க³ச்ச²தி.
தஸ்ஸ தங் கதி²னுத்³தா⁴ரா,ஏ ஹோதி பக்கமனந்திகோ;
ஆதா³ய சீவரங் யாதி, நிஸ்ஸீமே இத³ங் சிந்தயி.
‘‘காரெஸ்ஸங் ந பச்செஸ்ஸ’’ந்தி, நிட்டா²னே கதி²னுத்³தா⁴ரோ;
ஆதா³ய நிஸ்ஸீமங் நேவ, ‘‘ந பச்செஸ்ஸ’’ந்தி மானஸோ.
தஸ்ஸ தங் கதி²னுத்³தா⁴ரோ, ஸன்னிட்டா²னந்திகோ ப⁴வே;
ஆதா³ய சீவரங் யாதி, நிஸ்ஸீமே இத³ங் சிந்தயி.
‘‘காரெஸ்ஸங் ந பச்செஸ்ஸ’’ந்தி, கயிரங் தஸ்ஸ நஸ்ஸதி;
தஸ்ஸ தங் கதி²னுத்³தா⁴ரோ, ப⁴வதி நாஸனந்திகோ.
ஆதா³ய யாதி ‘‘பச்செஸ்ஸங்’’, ப³ஹி காரேதி சீவரங்;
கதசீவரோ ஸுணாதி, உப்³ப⁴தங் கதி²னங் தஹிங்.
தஸ்ஸ தங் கதி²னுத்³தா⁴ரோ, ப⁴வதி ஸவனந்திகோ;
ஆதா³ய யாதி ‘‘பச்செஸ்ஸங்’’, ப³ஹி காரேதி சீவரங்.
கதசீவரோ ப³ஹித்³தா⁴, நாமேதி கதி²னுத்³தா⁴ரங்;
தஸ்ஸ தங் கதி²னுத்³தா⁴ரோ, ஸீமாதிக்கந்திகோ ப⁴வே.
ஆதா³ய யாதி ‘‘பச்செஸ்ஸங்’’, ப³ஹி காரேதி சீவரங்;
கதசீவரோ பச்செஸ்ஸங், ஸம்போ⁴தி கதி²னுத்³தா⁴ரங்.
தஸ்ஸ தங் கதி²னுத்³தா⁴ரோ, ஸஹ பி⁴க்கூ²ஹி ஜாயதி;
ஆதா³ய ச ஸமாதா³ய, ஸத்த-ஸத்தவிதா⁴ க³தி.
பக்கமனந்திகா நத்தி², ச²க்கே விப்பகதே [ச²ட்டே² விப்பகதா (ஸீ॰), ச²ச்சா விப்பகதா² (க॰)] க³தி;
ஆதா³ய நிஸ்ஸீமக³தங், காரெஸ்ஸங் இதி ஜாயதி.
நிட்டா²னங் ஸன்னிட்டா²னஞ்ச, நாஸனஞ்ச இமே தயோ;
ஆதா³ய ‘‘ந பச்செஸ்ஸ’’ந்தி, ப³ஹிஸீமே கரோமிதி.
நிட்டா²னங் ஸன்னிட்டா²னம்பி, நாஸனம்பி இத³ங் தயோ;
அனதி⁴ட்டி²தேன நேவஸ்ஸ, ஹெட்டா² தீணி நயாவிதி⁴.
ஆதா³ய யாதி பச்செஸ்ஸங், ப³ஹிஸீமே கரோமிதி;
‘‘ந பச்செஸ்ஸ’’ந்தி காரேதி, நிட்டா²னே கதி²னுத்³தா⁴ரோ.
ஸன்னிட்டா²னங் நாஸனஞ்ச, ஸவனஸீமாதிக்கமா;
ஸஹ பி⁴க்கூ²ஹி ஜாயேத², ஏவங் பன்னரஸங் க³தி.
ஸமாதா³ய விப்பகதா, ஸமாதா³ய புனா ததா²;
இமே தே சதுரோ வாரா, ஸப்³பே³ பன்னரஸவிதி⁴.
அனாஸாய ச ஆஸாய, கரணீயோ ச தே தயோ;
நயதோ தங் விஜானெய்ய, தயோ த்³வாத³ஸ த்³வாத³ஸ.
அபவிலானா நவெத்த² [அபவிலாயமானேவ (ஸ்யா॰), அபவினா நவ செத்த² (ஸீ॰)], பா²ஸு பஞ்சவிதா⁴ தஹிங்;
பலிபோ³தா⁴பலிபோ³தா⁴, உத்³தா³னங் நயதோ கதந்தி.
இமம்ஹி க²ந்த⁴கே வத்தூ² தோ³ளஸகபெய்யாலமுகா²னி ஏகஸதங் அட்டா²ரஸ.
கதி²னக்க²ந்த⁴கோ நிட்டி²தோ.