Free Online Analytic Insight Net for Discovery of Metteyya the Awakened One with Awareness Universe(FOAINDMAOAU) For the Welfare, Happiness and Peace for all Sentient and Non-Sentient Beings and for them to Attain Eternal Bliss as Final Goal.Free Online Analytic Insight Net for Discovery of Metteyya the Awakened One with Awareness Universe(FOAINDMAOAU) For the Welfare, Happiness and Peace for all Sentient and Non-Sentient Beings and for them to Attain Eternal Bliss as Final Goal.
From Analytic Insight Net - FREE Online Tipiṭaka Law Research & Practice University in
 111 CLASSICAL LANGUAGES in BUDDHA'S own Words through http://sarvajan.ambedkar.orgat 668, 5A main Road, 8th Cross, HAL 3rd Stage, Bangalore- Karnataka State -India Do good. Purify mind -‘The gift of Dhamma excels all other gifts – sabba danam dhamma danam to attain NIBBANA as Final Goal
Categories:

Archives:
Meta:
June 2020
M T W T F S S
« May    
1234567
891011121314
15161718192021
22232425262728
2930  
12/02/12
031212 MONDAY LESSON 769 -வினயபிடகே-Part-36-தமிழில் திரபிடக மூன்று தொகுப்புகள்TIPITAKA from FREE ONLINE eNālāndā Research and Practice UNIVERSITY through http://sarvajan.ambedkar.org Please watch Bahenji Ms Mayawati’s press conference on 3rd December 2012 at !3:00 hrs on all National News channels Gopinath State Co-ordinator
Filed under: General
Posted by: site admin @ 8:28 pm

031212 MONDAY LESSON 769 -வினயபிடகே-Part-36-மிழில் திபி  மூன்று தொகுப்புள்TIPITAKA
from FREE ONLINE  eNālāndā Research and
Practice UNIVERSITY through http://sarvajan.ambedkar.org

Please watch Bahenji Ms Mayawati’s press conference on 3rd December 2012 at 13:00 hrs on all National News channels Gopinath State Co-ordinator

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

வினயபிடகே

சூளவக்கபாளி

12. ஸத்தஸதிகக்கந்தகங்

1. படமபாணவாரோ

446. தேன
கோ² பன ஸமயேன வஸ்ஸஸதபரினிப்³பு³தே ப⁴க³வதி வேஸாலிகா வஜ்ஜிபுத்தகா பி⁴க்கூ²
வேஸாலியங் த³ஸ வத்தூ²னி தீ³பெந்தி – கப்பதி ஸிங்கி³லோணகப்போ, கப்பதி
த்³வங்கு³லகப்போ, கப்பதி கா³மந்தரகப்போ, கப்பதி ஆவாஸகப்போ, கப்பதி
அனுமதிகப்போ, கப்பதி ஆசிண்ணகப்போ, கப்பதி அமதி²தகப்போ, கப்பதி ஜளோகி³ங்
பாதுங், கப்பதி அத³ஸகங் நிஸீத³னங், கப்பதி ஜாதரூபரஜதந்தி.

தேன கோ² பன ஸமயேன ஆயஸ்மா யஸோ காகண்ட³கபுத்தோ வஜ்ஜீஸு
சாரிகங் சரமானோ யேன வேஸாலீ தத³வஸரி. தத்ர ஸுத³ங் ஆயஸ்மா யஸோ காகண்ட³கபுத்தோ
வேஸாலியங் விஹரதி மஹாவனே கூடாகா³ரஸாலாயங். தேன கோ² பன ஸமயேன வேஸாலிகா
வஜ்ஜிபுத்தகா பி⁴க்கூ² தத³ஹுபோஸதே² கங்ஸபாதிங் [கங்ஸசாடிங் (ஸ்யா॰)]
உத³கேன பூரெத்வா மஜ்ஜே² பி⁴க்கு²ஸங்க⁴ஸ்ஸ ட²பெத்வா ஆக³தாக³தே வேஸாலிகே
உபாஸகே ஏவங் வத³ந்தி – ‘‘தே³தா²வுஸோ, ஸங்க⁴ஸ்ஸ கஹாபணம்பி அட்³ட⁴ம்பி
பாத³ம்பி மாஸகரூபம்பி. ப⁴விஸ்ஸதி ஸங்க⁴ஸ்ஸ பரிக்கா²ரேன கரணீய’’ந்தி. ஏவங்
வுத்தே ஆயஸ்மா யஸோ காகண்ட³கபுத்தோ வேஸாலிகே உபாஸகே ஏதத³வோச – ‘‘மாவுஸோ,
அத³த்த² ஸங்க⁴ஸ்ஸ கஹாபணம்பி அட்³ட⁴ம்பி பாத³ம்பி மாஸகரூபம்பி. ந
கப்பதி ஸமணானங் ஸக்யபுத்தியானங் ஜாதரூபரஜதங்; ந ஸாதி³யந்தி ஸமணா
ஸக்யபுத்தியா ஜாதரூபரஜதங்; ந படிக்³க³ண்ஹந்தி ஸமணா ஸக்யபுத்தியா
ஜாதரூபரஜதங்; நிக்கி²த்தமணிஸுவண்ணா ஸமணா ஸக்யபுத்தியா அபேதஜாதரூபரஜதா’’தி.
ஏவம்பி கோ² வேஸாலிகா உபாஸகா ஆயஸ்மதா யஸேன காகண்ட³கபுத்தேன வுச்சமானா
அத³ங்ஸுயேவ ஸங்க⁴ஸ்ஸ கஹாபணம்பி அட்³ட⁴ம்பி பாத³ம்பி மாஸகரூபம்பி.

அத² கோ² வேஸாலிகா வஜ்ஜிபுத்தகா பி⁴க்கூ² தஸ்ஸா ரத்தியா அச்சயேன தங் ஹிரஞ்ஞங் பி⁴க்க²க்³கே³ன [பி⁴க்கு²க்³கே³ன (ஸ்யா॰)] படிவீஸங் [படிவிங்ஸங் (ஸீ॰), படிவிஸங் (ஸ்யா॰)] ட²பெத்வா பா⁴ஜேஸுங். அத² கோ² வேஸாலிகா வஜ்ஜிபுத்தகா பி⁴க்கூ² ஆயஸ்மந்தங் யஸங் காகண்ட³கபுத்தங் ஏதத³வோசுங் – ‘‘ஏஸோ தே, ஆவுஸோ யஸ, ஹிரஞ்ஞஸ்ஸ படிவீஸோ’’தி. ‘‘நத்தி², மே ஆவுஸோ, ஹிரஞ்ஞஸ்ஸ படிவீஸோ, நாஹங் ஹிரஞ்ஞங் ஸாதி³யாமீ’’தி. அத²
கோ² வேஸாலிகா வஜ்ஜிபுத்தகா பி⁴க்கூ² – ‘‘அயங் ஆவுஸோ யஸோ காகண்ட³கபுத்தோ
உபாஸகே ஸத்³தே⁴ பஸன்னே அக்கோஸதி, பரிபா⁴ஸதி, அப்பஸாத³ங் கரோதி; ஹந்த³ஸ்ஸ
மயங் படிஸாரணீயகம்மங் கரோமா’’தி தே. தஸ்ஸ படிஸாரணீயகம்மங் அகங்ஸு. அத² கோ²
ஆயஸ்மா யஸோ காகண்ட³கபுத்தோ வேஸாலிகே வஜ்ஜிபுத்தகே பி⁴க்கூ² ஏதத³வோச –
‘‘ப⁴க³வதா, ஆவுஸோ, பஞ்ஞத்தங் – ‘படிஸாரணீயகம்மகதஸ்ஸ பி⁴க்கு²னோ அனுதூ³தோ
தா³தப்³போ³’தி. தே³த² மே, ஆவுஸோ, அனுதூ³தங் பி⁴க்கு²’’ந்தி.

அத² கோ² வேஸாலிகா வஜ்ஜிபுத்தகா பி⁴க்கூ² ஏகங்
பி⁴க்கு²ங் ஸம்மன்னித்வா ஆயஸ்மதோ யஸஸ்ஸ காகண்ட³கபுத்தஸ்ஸ அனுதூ³தங்
அத³ங்ஸு. அத² கோ² ஆயஸ்மா யஸோ காகண்ட³கபுத்தோ
அனுதூ³தேன பி⁴க்கு²னா ஸத்³தி⁴ங் வேஸாலிங் பவிஸித்வா வேஸாலிகே உபாஸகே
ஏதத³வோச – ‘‘அஹங் கிராயஸ்மந்தே உபாஸகே ஸத்³தே⁴ பஸன்னே அக்கோஸாமி,
பரிபா⁴ஸாமி, அப்பஸாத³ங் கரோமி; யோஹங் அத⁴ம்மங் அத⁴ம்மோதி வதா³மி, த⁴ம்மங்
த⁴ம்மோதி வதா³மி, அவினயங் அவினயோதி வதா³மி, வினயங் வினயோதி வதா³மி.

447. ‘‘ஏகமித³ங், ஆவுஸோ, ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தத்ர கோ², ஆவுஸோ, ப⁴க³வா பி⁴க்கூ² ஆமந்தேஸி – [அ॰ நி॰ 4.50]
‘சத்தாரோமே, பி⁴க்க²வே, சந்தி³மஸூரியானங் உபக்கிலேஸா, யேஹி உபக்கிலேஸேஹி
உபக்கிலிட்டா² சந்தி³மஸூரியா ந தபந்தி, ந பா⁴ஸந்தி, ந விரோசந்தி. கதமே
சத்தாரோ? அப்³ப⁴ங், பி⁴க்க²வே, சந்தி³மஸூரியானங் உபக்கிலேஸோ, யேன
உபக்கிலேஸேன உபக்கிலிட்டா² சந்தி³மஸூரியா ந தபந்தி, ந பா⁴ஸந்தி ந
விரோசந்தி. மஹிகா, பி⁴க்க²வே, சந்தி³மஸூரியானங் உபக்கிலேஸோ, யேன
உபக்கிலேஸேன உபக்கிலிட்டா² சந்தி³மஸூரியா ந தபந்தி, ந பா⁴ஸந்தி, ந
விரோசந்தி, தூ⁴மரஜோ, பி⁴க்க²வே, சந்தி³மஸூரியானங் உபக்கிலேஸோ, யேன
உபக்கிலேஸேன உபக்கிலிட்டா² சந்தி³மஸூரியா ந தபந்தி, ந பா⁴ஸந்தி, ந
விரோசந்தி. ராஹு, பி⁴க்க²வே, அஸுரிந்தோ³ சந்தி³மஸூரியானங் உபக்கிலேஸோ, யேன
உபக்கிலேஸேன உபக்கிலிட்டா² சந்தி³மஸூரியா ந தபந்தி, ந பா⁴ஸந்தி, ந
விரோசந்தி. இமே கோ², பி⁴க்க²வே, சத்தாரோ சந்தி³மஸூரியானங் உபக்கிலேஸா, யேஹி
உபக்கிலேஸேஹி உபக்கிலிட்டா² சந்தி³மஸூரியா ந தபந்தி, ந பா⁴ஸந்தி, ந
விரோசந்தி. ஏவமேவ கோ², பி⁴க்க²வே, சத்தாரோமே ஸமணப்³ராஹ்மணானங்
உபக்கிலேஸா, யேஹி உபக்கிலேஸேஹி உபக்கிலிட்டா² ஏகே ஸமணப்³ராஹ்மணா ந தபந்தி,
ந பா⁴ஸந்தி, ந விரோசந்தி. கதமே சத்தாரோ? ஸந்தி, பி⁴க்க²வே, ஏகே
ஸமணப்³ராஹ்மணா ஸுரங் பிவந்தி, மேரயங் பிவந்தி,
ஸுராமேரயபானா அப்படிவிரதா – அயங், பி⁴க்க²வே, பட²மோ ஸமணப்³ராஹ்மணானங்
உபக்கிலேஸோ, யேன உபக்கிலேஸேன உபக்கிலிட்டா² ஏகே ஸமணப்³ராஹ்மணா ந தபந்தி, ந பா⁴ஸந்தி, ந விரோசந்தி. புன சபரங், பி⁴க்க²வே, ஏகே ஸமணப்³ராஹ்மணா மேது²னங்
த⁴ம்மங் படிஸேவந்தி, மேது²னத⁴ம்மா அப்படிவிரதா – அயங், பி⁴க்க²வே, து³தியோ
ஸமணப்³ராஹ்மணானங் உபக்கிலேஸோ, யேன உபக்கிலேஸேன உபக்கிலிட்டா² ஏகே
ஸமணப்³ராஹ்மணா ந தபந்தி, ந பா⁴ஸந்தி, ந விரோசந்தி. புன சபரங், பி⁴க்க²வே,
ஏகே ஸமணப்³ராஹ்மணா ஜாதரூபரஜதங் ஸாதி³யந்தி, ஜாதரூபரஜதப்படிக்³க³ஹணா
அப்படிவிரதா – அயங், பி⁴க்க²வே, ததியோ ஸமணப்³ராஹ்மணானங் உபக்கிலேஸோ, யேன
உபக்கிலேஸேன உபக்கிலிட்டா² ஏகே ஸமணப்³ராஹ்மணா ந தபந்தி, ந பா⁴ஸந்தி, ந
விரோசந்தி. புன சபரங், பி⁴க்க²வே, ஏகே ஸமணப்³ராஹ்மணா மிச்சா²ஜீவேன ஜீவிதங்
கப்பெந்தி; மிச்சா²ஜீவா அப்படிவிரதா – அயங், பி⁴க்க²வே, சதுத்தோ²
ஸமணப்³ராஹ்மணானங் உபக்கிலேஸோ, யேன உபக்கிலேஸேன உபக்கிலிட்டா² ஏகே
ஸமணப்³ராஹ்மணா ந தபந்தி, ந பா⁴ஸந்தி, ந விரோசந்தி. இமே கோ², பி⁴க்க²வே,
சத்தாரோ ஸமணப்³ராஹ்மணானங் உபக்கிலேஸா, யேஹி உபக்கிலேஸேஹி உபக்கிலிட்டா² ஏகே
ஸமணப்³ராஹ்மணா ந தபந்தி, ந பா⁴ஸந்தி , ந விரோசந்தி’. ‘‘இத³மவோசாவுஸோ, ப⁴க³வா. இத³ங் வத்வான ஸுக³தோ அதா²பரங் ஏதத³வோச ஸத்தா² –

‘‘ராக³தோ³ஸபரிக்லிட்டா², ஏகே ஸமணப்³ராஹ்மணா;

அவிஜ்ஜானிவுடா [அவிஜ்ஜானீவுதா (ஸ்யா॰)] போஸா, பியரூபாபி⁴னந்தி³னோ.

‘‘ஸுரங் பிவந்தி மேரயங், படிஸேவந்தி மேது²னங்;

ரஜதங் ஜாதரூபஞ்ச, ஸாதி³யந்தி அவித்³த³ஸூ.

‘‘மிச்சா²ஜீவேன ஜீவந்தி, ஏகே ஸமணப்³ராஹ்மணா;

ஏதே உபக்கிலேஸா வுத்தா, பு³த்³தே⁴னாதி³ச்சப³ந்து⁴னா.

‘‘யேஹி உபக்கிலேஸேஹி உபக்கிலிட்டா², ஏகே ஸமணப்³ராஹ்மணா;

ந தபந்தி ந பா⁴ஸந்தி, அஸுத்³தா⁴ ஸரஜா மகா³.

‘‘அந்த⁴காரேன ஓனத்³தா⁴, தண்ஹாதா³ஸா ஸனெத்திகா;

வட்³டெ⁴ந்தி கடஸிங் கோ⁴ரங், ஆதி³யந்தி புனப்³ப⁴வந்தி.

‘‘ஏவங்வாதீ³
கிராஹங் ஆயஸ்மந்தே உபாஸகே ஸத்³தே⁴ பஸன்னே அக்கோஸாமி, பரிபா⁴ஸாமி,
அப்பஸாத³ங் கரோமி; யோஹங் அத⁴ம்மங் அத⁴ம்மோதி வதா³மி, த⁴ம்மங் த⁴ம்மோதி
வதா³மி, அவினயங் அவினயோதி வதா³மி, வினயங் வினயோதி வதா³மி.

448. [ஸங்॰ நி॰ 4.362 இத³ங் வத்து² ஆக³தங்] ‘‘ஏகமித³ங், ஆவுஸோ, ஸமயங் ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன ஸமயேன ராஜந்தேபுரே ராஜபரிஸாயங் ஸன்னிஸின்னானங்
ஸன்னிபதிதானங் அயமந்தரகதா² உத³பாதி³ – ‘கப்பதி ஸமணானங் ஸக்யபுத்தியானங்
ஜாதரூபரஜதங்; ஸாதி³யந்தி ஸமணா ஸக்யபுத்தியா ஜாதரூபரஜதங்; படிக்³க³ண்ஹந்தி
ஸமணா ஸக்யபுத்தியா ஜாதரூபரஜத’ந்தி. தேன கோ² பனாவுஸோ ஸமயேன, மணிசூளகோ கா³மணீ
தஸ்ஸங் பரிஸாயங் நிஸின்னோ ஹோதி. அத² கோ², ஆவுஸோ, மணிசூளகோ கா³மணீ தங்
பரிஸங் ஏதத³வோச – ‘மா அய்யா ஏவங் அவசுத்த². ந கப்பதி ஸமணானங்
ஸக்யபுத்தியானங் ஜாதரூபரஜதங்; ந ஸாதி³யந்தி ஸமணா ஸக்யபுத்தியா ஜாதரூபரஜதங்;
ந படிக்³க³ண்ஹந்தி ஸமணா ஸக்யபுத்தியா ஜாதரூபரஜதங்; நிக்கி²த்தமணிஸுவண்ணா ஸமணா ஸக்யபுத்தியா அபேதஜாதரூபரஜதா’தி. அஸக்கி² கோ², ஆவுஸோ, மணிசூளகோ கா³மணீ தங் பரிஸங் ஸஞ்ஞாபேதுங்.

‘‘அத² கோ², ஆவுஸோ, மணிசூளகோ கா³மணீ தங் பரிஸங்
ஸஞ்ஞாபெத்வா யேன ப⁴க³வா தேனுபஸங்கமி, உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ², ஆவுஸோ, மணிசூளகோ
கா³மணீ ப⁴க³வந்தங் ஏதத³வோச – ‘இத⁴, ப⁴ந்தே, ராஜந்தேபுரே ராஜபரிஸாயங்
ஸன்னிஸின்னானங் ஸன்னிபதிதானங் அயமந்தரகதா² உத³பாதி³ – கப்பதி ஸமணானங்
ஸக்யபுத்தியானங் ஜாதரூபரஜதங்; ஸாதி³யந்தி ஸமணா ஸக்யபுத்தியா ஜாதரூபரஜதங்;
படிக்³க³ண்ஹந்தி ஸமணா ஸக்யபுத்தியா ஜாதரூபரஜதந்தி. ஏவங் வுத்தே அஹங்
ப⁴ந்தே, தங் பரிஸங் ஏதத³வோசங் – மா அய்யா ஏவங் அவசுத்த². ந கப்பதி ஸமணானங்
ஸக்யபுத்தியானங் ஜாதரூபரஜதங்; ந ஸாதி³யந்தி ஸமணா ஸக்யபுத்தியா ஜாதரூபரஜதங் ;
ந படிக்³க³ண்ஹந்தி ஸமணா ஸக்யபுத்தியா ஜாதரூபரஜதங்; நிக்கி²த்தமணிஸுவண்ணா
ஸமணா ஸக்யபுத்தியா அபேதஜாதரூபரஜதாதி. அஸக்கி²ங் கோ² அஹங், ப⁴ந்தே, தங்
பரிஸங் ஸஞ்ஞாபேதுங். கச்சாஹங், ப⁴ந்தே, ஏவங் ப்³யாகரமானோ வுத்தவாதீ³ சேவ
ப⁴க³வதோ ஹோமி, ந ச ப⁴க³வந்தங் அபூ⁴தேன அப்³பா⁴சிக்கா²மி, த⁴ம்மஸ்ஸ
சானுத⁴ம்மங் ப்³யாகரோமி, ந ச கோசி ஸஹத⁴ம்மிகோ வாதா³னுவாதோ³ கா³ரய்ஹங்
டா²னங் ஆக³ச்ச²தீ’தி? ‘தக்³க⁴ த்வங், கா³மணி, ஏவங் ப்³யாகரமானோ வுத்தவாதீ³
சேவ மே ஹோஸி; ந ச மங் அபூ⁴தேன அப்³பா⁴சிக்க²ஸி [பாரா॰ 582],
த⁴ம்மஸ்ஸ சானுத⁴ம்மங் ப்³யாகரோஸி, ந ச கோசி ஸஹத⁴ம்மிகோ வாதா³னுவாதோ³
கா³ரய்ஹங் டா²னங் ஆக³ச்ச²தி. ந ஹி, கா³மணி, கப்பதி ஸமணானங் ஸக்யபுத்தியானங்
ஜாதரூபரஜதங்; ந ஸாதி³யந்தி ஸமணா ஸக்யபுத்தியா
ஜாதரூபரஜதங்; ந படிக்³க³ண்ஹந்தி ஸமணா ஸக்யபுத்தியா ஜாதரூபரஜதங்;
நிக்கி²த்தமணிஸுவண்ணா ஸமணா ஸக்யபுத்தியா அபேதஜாதரூபரஜதா. யஸ்ஸ கோ², கா³மணி,
ஜாதரூபரஜதங் கப்பதி, பஞ்சபி தஸ்ஸ காமகு³ணா கப்பந்தி. யஸ்ஸ பஞ்ச காமகு³ணா
கப்பந்தி ஏகங்ஸேனேதங், கா³மணி, தா⁴ரெய்யாஸி – அஸ்ஸமணத⁴ம்மோ
அஸக்யபுத்தியத⁴ம்மோதி. அபி சாஹங், கா³மணி, ஏவங் வதா³மி திணங் திணத்தி²கேன
பரியேஸிதப்³ப³ங்; தா³ரு தா³ருத்தி²கேன பரியேஸிதப்³ப³ங்; ஸகடங் ஸகடத்தி²கேன
பரியேஸிதப்³ப³ங்; புரிஸோ புரிஸத்தி²கேன பரியேஸிதப்³போ³. ந த்வேவாஹங்,
கா³மணி, கேனசி பரியாயேன ஜாதரூபரஜதங் ஸாதி³தப்³ப³ங் பரியேஸிதப்³ப³ந்தி வதா³மீ’தி.

‘‘ஏவங்வாதீ³ கிராஹங் ஆயஸ்மந்தே உபாஸகே ஸத்³தே⁴ பஸன்னே
அக்கோஸாமி, பரிபா⁴ஸாமி, அப்பஸாத³ங் கரோமி; யோஹங் அத⁴ம்மங் அத⁴ம்மோதி
வதா³மி, த⁴ம்மங் த⁴ம்மோதி வதா³மி, அவினயங் அவினயோதி வதா³மி, வினயங் வினயோதி
வதா³மி.

449.
‘‘ஏகமித³ங், ஆவுஸோ, ஸமயங் ப⁴க³வா ராஜக³ஹே ஆயஸ்மந்தங் உபனந்த³ங்
ஸக்யபுத்தங் ஆரப்³ப⁴ ஜாதரூபரஜதங் படிக்கி²பி, ஸிக்கா²பத³ஞ்ச பஞ்ஞபேஸி.
ஏவங்வாதீ³ கிராஹங் ஆயஸ்மந்தே உபாஸகே ஸத்³தே⁴ பஸன்னே அக்கோஸாமி, பரிபா⁴ஸாமி,
அப்பஸாத³ங் கரோமி; யோஹங் அத⁴ம்மங் அத⁴ம்மோதி வதா³மி, த⁴ம்மங் த⁴ம்மோதி வதா³மி, அவினயங் அவினயோதி வதா³மி, வினயங் வினயோதி வதா³மீ’’தி.

ஏவங் வுத்தே வேஸாலிகா உபாஸகா ஆயஸ்மந்தங் யஸங்
காகண்ட³கபுத்தங் ஏதத³வோசுங் – ‘‘ஏகோவ ப⁴ந்தே, அய்யோ யஸோ காகண்ட³கபுத்தோ
ஸமணோ ஸக்யபுத்தியோ. ஸப்³பே³விமே அஸ்ஸமணா அஸக்யபுத்தியா. வஸது, ப⁴ந்தே,
அய்யோ யஸோ காகண்ட³கபுத்தோ வேஸாலியங். மயங் அய்யஸ்ஸ யஸஸ்ஸ காகண்ட³கபுத்தஸ்ஸ
உஸ்ஸுக்கங் கரிஸ்ஸாம
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரான’’ந்தி. அத² கோ² ஆயஸ்மா
யஸோ காகண்ட³கபுத்தோ வேஸாலிகே உபாஸகே ஸஞ்ஞாபெத்வா அனுதூ³தேன பி⁴க்கு²னா
ஸத்³தி⁴ங் ஆராமங் அக³மாஸி.

அத² கோ² வேஸாலிகா வஜ்ஜிபுத்தகா பி⁴க்கூ² அனுதூ³தங்
பி⁴க்கு²ங் புச்சி²ங்ஸு – ‘‘க²மாபிதாவுஸோ, யஸேன காகண்ட³கபுத்தேன வேஸாலிகா
உபாஸகா’’தி ? ‘‘உபாஸகேஹி
பாபிகங் நோ, ஆவுஸோ, கதங். ஏகோவ யஸோ காகண்ட³கபுத்தோ ஸமணோ ஸக்யபுத்தியோ கதோ.
ஸப்³பே³வ மயங் அஸ்ஸமணா அஸக்யபுத்தியா கதா’’தி. அத² கோ² வேஸாலிகா
வஜ்ஜிபுத்தகா பி⁴க்கூ² – ‘‘அயங், ஆவுஸோ, யஸோ காகண்ட³கபுத்தோ அம்ஹேஹி
அஸம்மதோ கி³ஹீனங் பகாஸேஸி; ஹந்த³ஸ்ஸ மயங் உக்கே²பனீயகம்மங்
கரோமா’’தி. தே தஸ்ஸ உக்கே²பனீயகம்மங் கத்துகாமா ஸன்னிபதிங்ஸு. அத² கோ²
ஆயஸ்மா யஸோ காகண்ட³கபுத்தோ வேஹாஸங் அப்³பு⁴க்³க³ந்த்வா கோஸம்பி³யங்
பச்சுட்டா²ஸி.

450. அத² கோ² ஆயஸ்மா யஸோ காகண்ட³கபுத்தோ பாவெய்யகானஞ்ச [பாடெ²ய்யகானஞ்ச (ஸ்யா॰)]
அவந்தித³க்கி²ணாபத²கானஞ்ச பி⁴க்கூ²னங் ஸந்திகே தூ³தங் பாஹேஸி –
‘‘ஆக³ச்ச²ந்து ஆயஸ்மந்தா; இமங் அதி⁴கரணங் ஆதி³யிஸ்ஸாம. புரே அத⁴ம்மோ
தி³ப்பதி, த⁴ம்மோ படிபா³ஹிய்யதி; அவினயோ தி³ப்பதி, வினயோ படிபா³ஹிய்யதி;
புரே அத⁴ம்மவாதி³னோ ப³லவந்தோ ஹொந்தி, த⁴ம்மவாதி³னோ து³ப்³ப³லா ஹொந்தி;
அவினயவாதி³னோ ப³லவந்தோ ஹொந்தி, வினயவாதி³னோ து³ப்³ப³லா ஹொந்தீ’’தி.

தேன கோ² பன ஸமயேன ஆயஸ்மா ஸம்பூ⁴தோ ஸாணவாஸீ அஹோக³ங்கே³
பப்³ப³தே படிவஸதி. அத² கோ² ஆயஸ்மா யஸோ காகண்ட³கபுத்தோ யேன அஹோக³ங்கோ³
பப்³ப³தோ, யேனாயஸ்மா ஸம்பூ⁴தோ ஸாணவாஸீ தேனுபஸங்கமி, உபஸங்கமித்வா
ஆயஸ்மந்தங் ஸம்பூ⁴தங் ஸாணவாஸிங் அபி⁴வாதெ³த்வா
ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா யஸோ காகண்ட³கபுத்தோ
ஆயஸ்மந்தங் ஸம்பூ⁴தங் ஸாணவாஸிங் ஏதத³வோச – ‘‘இமே, ப⁴ந்தே, வேஸாலிகா
வஜ்ஜிபுத்தகா பி⁴க்கூ² வேஸாலியங் த³ஸ வத்தூ²னி தீ³பெந்தி – கப்பதி
ஸிங்கி³லோணகப்போ, கப்பதி த்³வங்கு³லகப்போ, கப்பதி கா³மந்தரகப்போ, கப்பதி
ஆவாஸகப்போ, கப்பதி அனுமதிகப்போ, கப்பதி ஆசிண்ணகப்போ, கப்பதி அமதி²தகப்போ,
கப்பதி ஜளோகி³ங் பாதுங், கப்பதி அத³ஸகங் நிஸீத³னங், கப்பதி ஜாதரூபரஜதந்தி.
ஹந்த³ மயங், ப⁴ந்தே, இமங் அதி⁴கரணங் ஆதி³யிஸ்ஸாம.
புரே அத⁴ம்மோ தி³ப்பதி, த⁴ம்மோ படிபா³ஹிய்யதி; அவினயோ தி³ப்பதி, வினயோ
படிபா³ஹிய்யதி; புரே அத⁴ம்மவாதி³னோ ப³லவந்தோ ஹொந்தி, த⁴ம்மவாதி³னோ
து³ப்³ப³லா ஹொந்தி; அவினயவாதி³னோ ப³லவந்தோ ஹொந்தி, வினயவாதி³னோ து³ப்³ப³லா
ஹொந்தீ’’தி. ‘‘ஏவமாவுஸோ’’தி கோ² ஆயஸ்மா ஸம்பூ⁴தோ ஸாணவாஸீ ஆயஸ்மதோ யஸஸ்ஸ
காகண்ட³கபுத்தஸ்ஸ பச்சஸ்ஸோஸி. அத² கோ² ஸட்டி²மத்தா
பாவெய்யகா பி⁴க்கூ² – ஸப்³பே³ ஆரஞ்ஞிகா, ஸப்³பே³ பிண்ட³பாதிகா, ஸப்³பே³
பங்ஸுகூலிகா, ஸப்³பே³ தேசீவரிகா, ஸப்³பே³வ அரஹந்தோ – அஹோக³ங்கே³ பப்³ப³தே
ஸன்னிபதிங்ஸு. அட்டா²ஸீதிமத்தா அவந்தித³க்கி²ணாபத²கா பி⁴க்கூ² – அப்பேகச்சே
ஆரஞ்ஞிகா, அப்பேகச்சே பிண்ட³பாதிகா, அப்பேகச்சே பங்ஸுகூலிகா, அப்பேகச்சே
தேசீவரிகா, ஸப்³பே³வ அரஹந்தோ – அஹோக³ங்கே³ பப்³ப³தே ஸன்னிபதிங்ஸு. அத²
கோ² தே²ரானங் பி⁴க்கூ²னங் மந்தயமானானங் ஏதத³ஹோஸி – ‘‘இத³ங் கோ² அதி⁴கரணங்
கக்க²ளஞ்ச, வாளஞ்ச; கங் நு கோ² மயங் பக்க²ங் லபெ⁴ய்யாம, யேன மயங் இமஸ்மிங்
அதி⁴கரணே ப³லவந்ததரா அஸ்ஸாமா’’தி.

451. தேன கோ² பன ஸமயேன ஆயஸ்மா ரேவதோ ஸோரெய்யே படிவஸதி – ப³ஹுஸ்ஸுதோ ஆக³தாக³மோ
த⁴ம்மத⁴ரோ வினயத⁴ரோ மாதிகாத⁴ரோ பண்டி³தோ வியத்தோ மேதா⁴வீ லஜ்ஜீ
குக்குச்சகோ ஸிக்கா²காமோ. அத² கோ² தே²ரானங் பி⁴க்கூ²னங் ஏதத³ஹோஸி – ‘‘அயங்
கோ² ஆயஸ்மா ரேவதோ ஸோரெய்யே படிவஸதி – ப³ஹுஸ்ஸுதோ ஆக³தாக³மோ த⁴ம்மத⁴ரோ
வினயத⁴ரோ மாதிகாத⁴ரோ பண்டி³தோ வியத்தோ மேதா⁴வீ லஜ்ஜீ குக்குச்சகோ
ஸிக்கா²காமோ. ஸசே மயங் ஆயஸ்மந்தங் ரேவதங் பக்க²ங் லபி⁴ஸ்ஸாம, ஏவங் மயங்
இமஸ்மிங் அதி⁴கரணே ப³லவந்ததரா அஸ்ஸாமா’’தி. அஸ்ஸோஸி கோ² ஆயஸ்மா ரேவதோ –
தி³ப்³பா³ய ஸோததா⁴துயா விஸுத்³தா⁴ய அதிக்கந்தமானுஸிகாய – தே²ரானங்
பி⁴க்கூ²னங் மந்தயமானானங். ஸுத்வானஸ்ஸ ஏதத³ஹோஸி – ‘‘இத³ங் கோ² அதி⁴கரணங்
கக்க²ளஞ்ச வாளஞ்ச. ந கோ² மேதங் பதிரூபங் யோஹங் ஏவரூபே அதி⁴கரணே
ஓஸக்கெய்யங். இதா³னி ச பன தே பி⁴க்கூ² ஆக³ச்சி²ஸ்ஸந்தி. ஸோஹங் தேஹி ஆகிண்ணோ
ந பா²ஸு க³மிஸ்ஸாமி. யங்னூனாஹங் படிகச்சேவ க³ச்செ²ய்ய’’ந்தி. அத² கோ²
ஆயஸ்மா ரேவதோ ஸோரெய்யா ஸங்கஸ்ஸங் அக³மாஸி.

அத² கோ² தே²ரா பி⁴க்கூ² ஸோரெய்யங் க³ந்த்வா புச்சி²ங்ஸு – ‘‘கஹங் ஆயஸ்மா ரேவதோ’’தி? தே ஏவமாஹங்ஸு – ‘‘ஏஸாயஸ்மா ரேவதோ ஸங்கஸ்ஸங் க³தோ’’தி. அத² கோ² ஆயஸ்மா ரேவதோ ஸங்கஸ்ஸா கண்ணகுஜ்ஜங் [கன்னகுஜ்ஜங் (ஸீ॰)]
அக³மாஸி. அத² கோ² தே²ரா பி⁴க்கூ² ஸங்கஸ்ஸங் க³ந்த்வா புச்சி²ங்ஸு – ‘‘கஹங்
ஆயஸ்மா ரேவதோ’’தி? தே ஏவமாஹங்ஸு – ‘‘ஏஸாயஸ்மா ரேவதோ கண்ணகுஜ்ஜங் க³தோ’’தி.
அத² கோ² ஆயஸ்மா ரேவதோ கண்ணகுஜ்ஜா உது³ம்ப³ரங்
அக³மாஸி. அத² கோ² தே²ரா பி⁴க்கூ² கண்ணகுஜ்ஜங் க³ந்த்வா புச்சி²ங்ஸு –
‘‘கஹங் ஆயஸ்மா ரேவதோ’’தி? தே ஏவமாஹங்ஸு – ‘‘ஏஸாயஸ்மா ரேவதோ உது³ம்ப³ரங்
க³தோ’’தி. அத² கோ² ஆயஸ்மா ரேவதோ உது³ம்ப³ரா
அக்³க³ளபுரங் அக³மாஸி. அத² கோ² தே²ரா பி⁴க்கூ² உது³ம்ப³ரங் க³ந்த்வா
புச்சி²ங்ஸு – ‘‘கஹங் ஆயஸ்மா ரேவதோ’’தி? தே ஏவமாஹங்ஸு – ‘‘ஏஸாயஸ்மா ரேவதோ
அக்³க³ளபுரங் க³தோ’’தி. அத² கோ² ஆயஸ்மா ரேவதோ அக்³க³ளபுரா ஸஹஜாதிங் [ஸஹங்ஜாதிங் (க॰)]
அக³மாஸி. அத² கோ² தே²ரா பி⁴க்கூ² அக்³க³ளபுரங் க³ந்த்வா புச்சி²ங்ஸு –
‘‘கஹங் ஆயஸ்மா ரேவதோ’’தி? தே ஏவமாஹங்ஸு – ‘‘ஏஸாயஸ்மா ரேவதோ ஸஹஜாதிங்
க³தோ’’தி. அத² கோ² தே²ரா பி⁴க்கூ² ஆயஸ்மந்தங் ரேவதங் ஸஹஜாதியங்
ஸம்பா⁴வேஸுங்.

452.
அத² கோ² ஆயஸ்மா ஸம்பூ⁴தோ ஸாணவாஸீ ஆயஸ்மந்தங் யஸங் காகண்ட³கபுத்தங் ஏதத³வோச
– ‘‘அயங், ஆவுஸோ, ஆயஸ்மா ரேவதோ ப³ஹுஸ்ஸுதோ ஆக³தாக³மோ த⁴ம்மத⁴ரோ வினயத⁴ரோ
மாதிகாத⁴ரோ பண்டி³தோ வியத்தோ மேதா⁴வீ லஜ்ஜீ குக்குச்சகோ ஸிக்கா²காமோ. ஸசே
மயங் ஆயஸ்மந்தங் ரேவதங் பஞ்ஹங் புச்சி²ஸ்ஸாம, படிப³லோ ஆயஸ்மா ரேவதோ ஏகேனேவ
பஞ்ஹேன ஸகலம்பி ரத்திங் வீதினாமேதுங். இதா³னி ச பனாயஸ்மா ரேவதோ அந்தேவாஸிகங் [அந்தேவாஸிங் (ஸ்யா॰)] ஸரபா⁴ணகங் பி⁴க்கு²ங் அஜ்ஜே²ஸிஸ்ஸதி. ஸோ த்வங் தஸ்ஸ பி⁴க்கு²னோ ஸரப⁴ஞ்ஞபரியோஸானே ஆயஸ்மந்தங் ரேவதங் உபஸங்கமித்வா இமானி
த³ஸ வத்தூ²னி புச்செ²ய்யாஸீ’’தி. ‘‘ஏவங் ப⁴ந்தே’’தி கோ² ஆயஸ்மா யஸோ
காகண்ட³கபுத்தோ ஆயஸ்மதோ ஸம்பூ⁴தஸ்ஸ ஸாணவாஸிஸ்ஸ பச்சஸ்ஸோஸி. அத² கோ² ஆயஸ்மா
ரேவதோ அந்தேவாஸிகங் ஸரபா⁴ணகங் பி⁴க்கு²ங் அஜ்ஜே²ஸி. அத² கோ² ஆயஸ்மா யஸோ
காகண்ட³கபுத்தோ தஸ்ஸ பி⁴க்கு²னோ ஸரப⁴ஞ்ஞபரியோஸானே யேனாயஸ்மா ரேவதோ
தேனுபஸங்கமி, உபஸங்கமித்வா ஆயஸ்மந்தங் ரேவதங் அபி⁴வாதெ³த்வா ஏகமந்தங்
நிஸீதி³. ஏகமந்தங் நிஸின்னோ கோ² ஆயஸ்மா யஸோ காகண்ட³கபுத்தோ ஆயஸ்மந்தங்
ரேவதங் ஏதத³வோச – ‘‘கப்பதி, ப⁴ந்தே, ஸிங்கி³லோணகப்போ’’தி? ‘‘கோ ஸோ, ஆவுஸோ,
ஸிங்கி³லோணகப்போ’’தி? ‘‘கப்பதி, ப⁴ந்தே, ஸிங்கி³னா லோணங் பரிஹரிதுங் –
யத்த² அலோணகங் ப⁴விஸ்ஸதி தத்த² பரிபு⁴ஞ்ஜிஸ்ஸாமீ’’தி? ‘‘நாவுஸோ,
கப்பதீ’’தி. ‘‘கப்பதி, ப⁴ந்தே, த்³வங்கு³லகப்போ’’தி ?
‘‘கோ ஸோ, ஆவுஸோ, த்³வங்கு³லகப்போ’’தி? ‘‘கப்பதி, ப⁴ந்தே, த்³வங்கு³லாய
சா²யாய வீதிவத்தாய, விகாலே போ⁴ஜனங் பு⁴ஞ்ஜிது’’ந்தி? ‘‘நாவுஸோ, கப்பதீ’’தி.
‘‘கப்பதி, ப⁴ந்தே, கா³மந்தரகப்போ’’தி? ‘‘கோ ஸோ, ஆவுஸோ, கா³மந்தரகப்போ’’தி?
‘‘கப்பதி, ப⁴ந்தே – இதா³னி கா³மந்தரங் க³மிஸ்ஸாமீதி – பு⁴த்தாவினா
பவாரிதேன அனதிரித்தங் போ⁴ஜனங் பு⁴ஞ்ஜிது’’ந்தி? ‘‘நாவுஸோ, கப்பதீ’’தி.
‘‘கப்பதி, ப⁴ந்தே, ஆவாஸகப்போ’’தி? ‘‘கோ ஸோ, ஆவுஸோ, ஆவாஸகப்போ’’தி?
‘‘கப்பதி, ப⁴ந்தே, ஸம்ப³ஹுலா ஆவாஸா ஸமானஸீமா நானுபோஸத²ங் காது’’ந்தி?
‘‘நாவுஸோ , கப்பதீ’’தி. ‘‘கப்பதி ,
ப⁴ந்தே, அனுமதிகப்போ’’தி? ‘‘கோ ஸோ, ஆவுஸோ, அனுமதிகப்போ’’தி? ‘‘கப்பதி,
ப⁴ந்தே, வக்³கே³ன ஸங்கே⁴ன கம்மங் காதுங் – ஆக³தே பி⁴க்கூ²
அனுமானெஸ்ஸாமா’’தி [அனுஜானிஸ்ஸாமாதி, அனுஜானெஸ்ஸாமாதி, அனுமதிங் ஆனெஸ்ஸாமாதி (க॰)]?
‘‘நாவுஸோ, கப்பதீ’’தி. ‘‘கப்பதி, ப⁴ந்தே, ஆசிண்ணகப்போ’’தி? ‘‘கோ ஸோ,
ஆவுஸோ, ஆசிண்ணகப்போ’’தி? ‘‘கப்பதி, ப⁴ந்தே, இத³ங் மே உபஜ்ஜா²யேன
அஜ்ஜா²சிண்ணங், இத³ங் மே ஆசரியேன அஜ்ஜா²சிண்ணங், தங் அஜ்ஜா²சரிது’’ந்தி?
‘‘ஆசிண்ணகப்போ கோ², ஆவுஸோ, ஏகச்சோ கப்பதி, ஏகச்சோ ந கப்பதீ’’தி. ‘‘கப்பதி,
ப⁴ந்தே, அமதி²தகப்போ’’தி? ‘‘கோ ஸோ, ஆவுஸோ, அமதி²தகப்போ’’தி? ‘‘கப்பதி,
ப⁴ந்தே, யங் தங் கீ²ரங் கீ²ரபா⁴வங் விஜஹிதங், அஸம்பத்தங் த³தி⁴பா⁴வங், தங்
பு⁴த்தாவினா பவாரிதேன அனதிரித்தங் பாது’’ந்தி? ‘‘நாவுஸோ, கப்பதீ’’தி?
‘‘கப்பதி, ப⁴ந்தே, ஜளோகி³ங் பாது’’ந்தி? ‘‘கா ஸா, ஆவுஸோ, ஜளோகீ³’’தி?
‘‘கப்பதி, ப⁴ந்தே, யா ஸா ஸுரா ஆஸுதா, அஸம்பத்தா மஜ்ஜபா⁴வங், ஸா பாது’’ந்தி?
‘‘நாவுஸோ, கப்பதீ’’தி. ‘‘கப்பதி, ப⁴ந்தே, அத³ஸகங் நிஸீத³ன’’ந்தி?
‘‘நாவுஸோ, கப்பதீ’’தி. ‘‘கப்பதி, ப⁴ந்தே, ஜாதரூபரஜத’’ந்தி? ‘‘நாவுஸோ,
கப்பதீ’’தி. ‘‘இமே, ப⁴ந்தே, வேஸாலிகா வஜ்ஜிபுத்தகா பி⁴க்கூ² வேஸாலியங்
இமானி த³ஸ வத்தூ²னி தீ³பெந்தி. ஹந்த³ மயங், ப⁴ந்தே, இமங் அதி⁴கரணங்
ஆதி³யிஸ்ஸாம. புரே அத⁴ம்மோ தி³ப்பதி, த⁴ம்மோ படிபா³ஹிய்யதி; அவினயோ தி³ப்பதி, வினயோ படிபா³ஹிய்யதி; புரே அத⁴ம்மவாதி³னோ ப³லவந்தோ ஹொந்தி, த⁴ம்மவாதி³னோ து³ப்³ப³லா
ஹொந்தி; அவினயவாதி³னோ ப³லவந்தோ ஹொந்தி, வினயவாதி³னோ து³ப்³ப³லா
ஹொந்தீ’’தி. ‘‘ஏவமாவுஸோ’’தி கோ² ஆயஸ்மா ரேவதோ ஆயஸ்மதோ யஸஸ்ஸ
காகண்ட³கபுத்தஸ்ஸ பச்சஸ்ஸோஸி.

பட²மபா⁴ணவாரோ நிட்டி²தோ.

2. து³தியபா⁴ணவாரோ

453. அஸ்ஸோஸுங்
கோ² வேஸாலிகா வஜ்ஜிபுத்தகா பி⁴க்கூ² – ‘‘யஸோ கிர காகண்ட³கபுத்தோ இத³ங்
அதி⁴கரணங் ஆதி³யிதுகாமோ பக்க²ங் பரியேஸதி, லப⁴தி ச கிர பக்க²’’ந்தி. அத²
கோ² வேஸாலிகானங் வஜ்ஜிபுத்தகானங் பி⁴க்கூ²னங் ஏதத³ஹோஸி – ‘‘இத³ங் கோ²
அதி⁴கரணங் கக்க²ளஞ்ச வாளஞ்ச. கங் நு கோ² மயங் பக்க²ங் லபெ⁴ய்யாம, யேன மயங்
இமஸ்மிங் அதி⁴கரணே ப³லவந்ததரா அஸ்ஸாமா’’தி.

அத² கோ² வேஸாலிகானங் வஜ்ஜிபுத்தகானங் பி⁴க்கூ²னங்
ஏதத³ஹோஸி – ‘‘அயங் கோ² ஆயஸ்மா ரேவதோ ப³ஹுஸ்ஸுதோ ஆக³தாக³மோ த⁴ம்மத⁴ரோ
வினயத⁴ரோ மாதிகாத⁴ரோ பண்டி³தோ வியத்தோ மேதா⁴வீ லஜ்ஜீ குக்குச்சகோ
ஸிக்கா²காமோ. ஸசே மயங் ஆயஸ்மந்தங் ரேவதங் பக்க²ங் லபெ⁴ய்யாம, ஏவங் மயங்
இமஸ்மிங் அதி⁴கரணே ப³லவந்ததரா அஸ்ஸாமா’’தி.

அத² கோ² வேஸாலிகா வஜ்ஜிபுத்தகா பி⁴க்கூ² பஹூதங்
ஸாமணகங் பரிக்கா²ரங் படியாதே³ஸுங் – பத்தம்பி, சீவரம்பி, நிஸீத³னம்பி,
ஸூசிக⁴ரம்பி, காயப³ந்த⁴னம்பி, பரிஸ்ஸாவனம்பி, த⁴ம்மகரணம்பி. அத² கோ²
வேஸாலிகா வஜ்ஜிபுத்தகா பி⁴க்கூ² தங் ஸாமணகங் பரிக்கா²ரங் ஆதா³ய நாவாய
ஸஹஜாதிங் உஜ்ஜவிங்ஸு; நாவாய பச்சோரோஹித்வா அஞ்ஞதரஸ்மிங் ருக்க²மூலே
ப⁴த்தவிஸ்ஸக்³க³ங் கரொந்தி. அத² கோ² ஆயஸ்மதோ ஸாள்ஹஸ்ஸ ரஹோக³தஸ்ஸ
படிஸல்லீனஸ்ஸ ஏவங் சேதஸோ பரிவிதக்கோ உத³பாதி³ – ‘‘கே நு கோ² த⁴ம்மவாதி³னோ –
பாசீனகா வா பி⁴க்கூ², பாவெய்யகா வா’’தி? அத² கோ² ஆயஸ்மதோ ஸாள்ஹஸ்ஸ,
த⁴ம்மஞ்ச வினயஞ்ச சேதஸா பச்சவெக்க²ந்தஸ்ஸ, ஏதத³ஹோஸி – ‘‘அத⁴ம்மவாதி³னோ
பாசீனகா பி⁴க்கூ², த⁴ம்மவாதி³னோ பாவெய்யகா [பாடெ²ய்யகா (ஸ்யா॰)] பி⁴க்கூ²’’தி.

அத² கோ² அஞ்ஞதரா ஸுத்³தா⁴வாஸகாயிகா தே³வதா ஆயஸ்மதோ
ஸாள்ஹஸ்ஸ சேதஸா சேதோபரிவிதக்கமஞ்ஞாய – ஸெய்யதா²பி நாம ப³லவா புரிஸோ
ஸமிஞ்ஜிதங் வா பா³ஹங் பஸாரெய்ய, பஸாரிதங் வா பா³ஹங் ஸம்மிஞ்ஜெய்ய, ஏவமேவ
ஸுத்³தா⁴வாஸேஸு தே³வேஸு அந்தரஹிதா – ஆயஸ்மதோ ஸாள்ஹஸ்ஸ
ஸம்முகே² பாதுரஹோஸி. அத² கோ² ஸா தே³வதா ஆயஸ்மந்தங் ஸாள்ஹங் ஏதத³வோச –
‘‘ஸாது⁴, ப⁴ந்தே ஸாள்ஹ, அத⁴ம்மவாதீ³ பாசீனகா பி⁴க்கூ², த⁴ம்மவாதீ³
பாவெய்யகா பி⁴க்கூ². தேன ஹி, ப⁴ந்தே ஸாள்ஹ, யதா²த⁴ம்மோ ததா² திட்டா²ஹீ’’தி.
‘‘புப்³பே³பி சாஹங், தே³வதே, ஏதரஹி ச யதா²த⁴ம்மோ ததா² டி²தோ ; அபி சாஹங் ந தாவ தி³ட்டி²ங் ஆவி கரோமி, அப்பேவ நாம மங் இமஸ்மிங் அதி⁴கரணே ஸம்மன்னெய்யா’’தி.

454.
அத² கோ² வேஸாலிகா வஜ்ஜிபுத்தகா பி⁴க்கூ² தங் ஸாமணகங் பரிக்கா²ரங் ஆதா³ய
யேனாயஸ்மா ரேவதோ தேனுபஸங்கமிங்ஸு, உபஸங்கமித்வா ஆயஸ்மந்தங் ரேவதங்
ஏதத³வோசுங் – ‘‘படிக்³க³ண்ஹாது, ப⁴ந்தே, தே²ரோ ஸாமணகங்
பரிக்கா²ரங் – பத்தம்பி, சீவரம்பி, நிஸீத³னம்பி, ஸூசிக⁴ரம்பி,
காயப³ந்த⁴னம்பி, பரிஸ்ஸாவனம்பி, த⁴ம்மகரணம்பீ’’தி. ‘‘அலங், ஆவுஸோ,
பரிபுண்ணங் மே பத்தசீவர’’ந்தி ந இச்சி² படிக்³க³ஹேதுங்.

தேன கோ² பன ஸமயேன உத்தரோ நாம பி⁴க்கு² வீஸதிவஸ்ஸோ
ஆயஸ்மதோ ரேவதஸ்ஸ உபட்டா²கோ ஹோதி. அத² கோ² வேஸாலிகா வஜ்ஜிபுத்தகா பி⁴க்கூ²
யேனாயஸ்மா உத்தரோ தேனுபஸங்கமிங்ஸு, உபஸங்கமித்வா ஆயஸ்மந்தங் உத்தரங்
ஏதத³வோசுங் – ‘‘படிக்³க³ண்ஹாது ஆயஸ்மா உத்தரோ ஸாமணகங் பரிக்கா²ரங் –
பத்தம்பி, சீவரம்பி, நிஸீத³னம்பி, ஸூசிக⁴ரம்பி, காயப³ந்த⁴னம்பி,
பரிஸ்ஸாவனம்பி, த⁴ம்மகரணம்பீ’’தி. ‘‘அலங், ஆவுஸோ, பரிபுண்ணங் மே
பத்தசீவர’’ந்தி ந இச்சி² படிக்³க³ஹேதுங். ‘‘மனுஸ்ஸா கோ², ஆவுஸோ உத்தர,
ப⁴க³வதோ ஸாமணகங் பரிக்கா²ரங் உபனாமெந்தி. ஸசே ப⁴க³வா படிக்³க³ண்ஹாதி, தேனேவ
தே அத்தமனா ஹொந்தி. நோ சே ப⁴க³வா படிக்³க³ண்ஹாதி, ஆயஸ்மதோ [ஆயஸ்மதோ ச (ஸ்யா॰)]
ஆனந்த³ஸ்ஸ உபனாமெந்தி – படிக்³க³ண்ஹாது, ப⁴ந்தே, தே²ரோ ஸாமணகங்
பரிக்கா²ரங். யதா² ப⁴க³வதா படிக்³க³ஹிதோ, ஏவமேவ ஸோ ப⁴விஸ்ஸதீதி.
படிக்³க³ண்ஹாது ஆயஸ்மா உத்தரோ ஸாமணகங் பரிக்கா²ரங்.
யதா² தே²ரேன படிக்³க³ஹிதோ, ஏவமேவ ஸோ ப⁴விஸ்ஸதீ’’தி. அத² கோ² ஆயஸ்மா உத்தரோ
வேஸாலிகேஹி வஜ்ஜிபுத்தேஹி பி⁴க்கூ²ஹி நிப்பீளியமானோ ஏகங் சீவரங்
அக்³க³ஹேஸி. ‘‘வதெ³ய்யாத², ஆவுஸோ, யேன அத்தோ²’’தி. ‘‘எத்தகங் ஆயஸ்மா உத்தரோ
தே²ரங் வதே³து; எத்தகஞ்ச, ப⁴ந்தே, தே²ரோ
ஸங்க⁴மஜ்ஜே² வதே³து – ‘புரத்தி²மேஸு ஜனபதே³ஸு பு³த்³தா⁴ ப⁴க³வந்தோ
உப்பஜ்ஜந்தி. த⁴ம்மவாதீ³ பாசீனகா பி⁴க்கூ², அத⁴ம்மவாதீ³ பாவெய்யகா
பி⁴க்கூ²’’’தி. ‘‘ஏவமாவுஸோ’’தி கோ² ஆயஸ்மா உத்தரோ வேஸாலிகானங்
வஜ்ஜிபுத்தகானங் பி⁴க்கூ²னங் படிஸ்ஸுத்வா யேனாயஸ்மா ரேவதோ தேனுபஸங்கமி,
உபஸங்கமித்வா ஆயஸ்மந்தங் ரேவதங் ஏதத³வோச – ‘‘எத்தகங், ப⁴ந்தே, தே²ரோ
ஸங்க⁴மஜ்ஜே² வதே³து – ‘புரத்தி²மேஸு ஜனபதே³ஸு பு³த்³தா⁴ ப⁴க³வந்தோ
உப்பஜ்ஜந்தி . த⁴ம்மவாதீ³ பாசீனகா பி⁴க்கூ², அத⁴ம்மவாதீ³ பாவெய்யகா பி⁴க்கூ²’’’தி. ‘‘அத⁴ம்மே மங் த்வங், பி⁴க்கு², நியோஜேஸீ’’தி தே²ரோ ஆயஸ்மந்தங் உத்தரங் பணாமேஸி.

அத² கோ² வேஸாலிகா வஜ்ஜிபுத்தகா பி⁴க்கூ² ஆயஸ்மந்தங்
உத்தரங் ஏதத³வோசுங் – ‘‘கிங், ஆவுஸோ உத்தர, தே²ரோ ஆஹா’’தி? ‘‘பாபிகங் நோ,
ஆவுஸோ, கதங். ‘அத⁴ம்மே மங் த்வங், பி⁴க்கு², நியோஜேஸீ’’’தி தே²ரோ மங்
பணாமேஸீதி. ‘‘நனு த்வங், ஆவுஸோ [ஆவுஸோ உத்தர (ஸ்யா॰ கங்॰)], வுட்³டோ⁴ வீஸதிவஸ்ஸோஸீ’’தி? ‘‘ஆமாவுஸோ, அபி ச மயங் க³ருனிஸ்ஸயங் க³ண்ஹாமா’’தி.

455. அத² கோ² ஸங்கோ⁴ தங் அதி⁴கரணங் வினிச்சி²னிதுகாமோ ஸன்னிபதி. அத² கோ² ஆயஸ்மா ரேவதோ ஸங்க⁴ங் ஞாபேஸி –

‘‘ஸுணாது மே, ஆவுஸோ, ஸங்கோ⁴. ஸசே மயங் இமங் அதி⁴கரணங் இத⁴ வூபஸமெஸ்ஸாம, ஸியாபி மூலாதா³யகா [மூலதா³யகா (ஸீ॰)] பி⁴க்கூ² புனகம்மாய உக்கோடெய்யுங். யதி³ ஸங்க⁴ஸ்ஸ பத்தகல்லங், யத்தே²விமங் அதி⁴கரணங் ஸமுப்பன்னங், ஸங்கோ⁴ தத்தே²விமங் அதி⁴கரணங் வூபஸமெய்யா’’தி.

அத² கோ² தே²ரா பி⁴க்கூ² வேஸாலிங் அக³மங்ஸு – தங் அதி⁴கரணங் வினிச்சி²னிதுகாமா.

தேன கோ² பன ஸமயேன ஸப்³ப³காமீ நாம பத²ப்³யா
ஸங்க⁴த்தே²ரோ வீஸவஸ்ஸஸதிகோ உபஸம்பதா³ய, ஆயஸ்மதோ ஆனந்த³ஸ்ஸ ஸத்³தி⁴விஹாரிகோ,
வேஸாலியங் படிவஸதி. அத² கோ² ஆயஸ்மா ரேவதோ ஆயஸ்மந்தங் ஸம்பூ⁴தங் ஸாணவாஸிங்
ஏதத³வோச – ‘‘அஹங், ஆவுஸோ, யஸ்மிங் விஹாரே ஸப்³ப³காமீ தே²ரோ விஹரதி, தங்
விஹாரங் உபக³ச்சா²மி. ஸோ த்வங் காலஸ்ஸேவ ஆயஸ்மந்தங் ஸப்³ப³காமிங்
உபஸங்கமித்வா இமானி த³ஸ வத்தூ²னி புச்செ²ய்யாஸீ’’தி.

‘‘ஏவங் ப⁴ந்தே’’தி கோ² ஆயஸ்மா ஸம்பூ⁴தோ ஸாணவாஸீ
ஆயஸ்மதோ ரேவதஸ்ஸ பச்சஸ்ஸோஸி. அத² கோ² ஆயஸ்மா ரேவதோ, யஸ்மிங் விஹாரே
ஸப்³ப³காமீ தே²ரோ விஹரதி, தங் விஹாரங் உபக³ச்சி². க³ப்³பே⁴ ஆயஸ்மதோ
ஸப்³ப³காமிஸ்ஸ ஸேனாஸனங் பஞ்ஞத்தங் ஹோதி, க³ப்³ப⁴ப்பமுகே² ஆயஸ்மதோ ரேவதஸ்ஸ.
அத² கோ² ஆயஸ்மா ரேவதோ – அயங் தே²ரோ மஹல்லகோ ந
நிபஜ்ஜதீதி – ந ஸெய்யங் கப்பேஸி. ஆயஸ்மா ஸப்³ப³காமீ – அயங் பி⁴க்கு²
ஆக³ந்துகோ கிலந்தோ ந நிபஜ்ஜதீதி – ந ஸெய்யங் கப்பேஸி. அத² கோ² ஆயஸ்மா
ஸப்³ப³காமீ ரத்தியா பச்சூஸஸமயங் பச்சுட்டா²ய ஆயஸ்மந்தங் ரேவதங் ஏதத³வோச –
‘‘கதமேன த்வங் பூ⁴மி விஹாரேன ஏதரஹி ப³ஹுலங் விஹரஸீ’’தி? ‘‘மெத்தாவிஹாரேன
கோ² அஹங் , ப⁴ந்தே, ஏதரஹி ப³ஹுலங் விஹராமீ’’தி. ‘‘குல்லகவிஹாரேன கிர த்வங் பூ⁴மி ஏதரஹி ப³ஹுலங் விஹரஸி . குல்லகவிஹாரோ ஏஸோ [ஹேஸோ (ஸ்யா॰)]
பூ⁴மி யதி³த³ங் மெத்தா’’தி. ‘‘புப்³பே³பி மே, ப⁴ந்தே, கி³ஹிபூ⁴தஸ்ஸ
ஆசிண்ணா மெத்தா. தேனாஹங் ஏதரஹிபி மெத்தாவிஹாரேன ப³ஹுலங் விஹராமி, அபி ச கோ²
மயா சிரப்பத்தங் அரஹத்த’’ந்தி. ‘‘தே²ரோ பன, ப⁴ந்தே, கதமேன விஹாரேன ஏதரஹி
ப³ஹுலங் விஹரதீ’’தி? ‘‘ஸுஞ்ஞதாவிஹாரேன கோ² அஹங் பூ⁴மி ஏதரஹி ப³ஹுலங்
விஹராமீ’’தி. ‘‘மஹாபுரிஸவிஹாரேன கிர, ப⁴ந்தே, தே²ரோ ஏதரஹி ப³ஹுலங் விஹரதி.
மஹாபுரிஸவிஹாரோ ஏஸோ, ப⁴ந்தே, யதி³த³ங் ஸுஞ்ஞதா’’தி. ‘‘புப்³பே³பி மே பூ⁴மி
கி³ஹிபூ⁴தஸ்ஸ ஆசிண்ணா ஸுஞ்ஞதா. தேனாஹங் ஏதரஹிபி ஸுஞ்ஞதாவிஹாரேன ப³ஹுலங்
விஹராமி, அபி ச மயா சிரப்பத்தங் அரஹத்த’’ந்தி. அயஞ்சரஹி தே²ரானங்
பி⁴க்கூ²னங் அந்தராகதா² விப்பகதா, அதா²யஸ்மா ஸம்பூ⁴தோ ஸாணவாஸீ தஸ்மிங்
அனுப்பத்தோ ஹோதி. அத² கோ² ஆயஸ்மா ஸம்பூ⁴தோ ஸாணவாஸீ யேனாயஸ்மா ஸப்³ப³காமீ
தேனுபஸங்கமி, உபஸங்கமித்வா ஆயஸ்மந்தங் ஸப்³ப³காமிங் அபி⁴வாதெ³த்வா ஏகமந்தங்
நிஸீதி³. ஏகமந்தங் நிஸின்னோ கோ² ஆயஸ்மா ஸம்பூ⁴தோ ஸாணவாஸீ ஆயஸ்மந்தங்
ஸப்³ப³காமிங் ஏதத³வோச – ‘‘இமே, ப⁴ந்தே, வேஸாலிகா வஜ்ஜிபுத்தகா பி⁴க்கூ²
வேஸாலியங் த³ஸ வத்தூ²னி தீ³பெந்தி – கப்பதி ஸிங்கி³லோணகப்போ, கப்பதி
த்³வங்கு³லகப்போ, கப்பதி கா³மந்தரகப்போ, கப்பதி ஆவாஸகப்போ, கப்பதி
அனுமதிகப்போ, கப்பதி ஆசிண்ணகப்போ, கப்பதி அமதி²தகப்போ, கப்பதி ஜளோகி³ங் ,
பாதுங் கப்பதி அத³ஸகங் நிஸீத³னங், கப்பதி ஜாதரூபரஜதந்தி. தே²ரேன, ப⁴ந்தே,
உபஜ்ஜா²யஸ்ஸ மூலே ப³ஹுத⁴ம்மோ ச வினயோ ச பரியத்தோ. தே²ரஸ்ஸ ப⁴ந்தே, த⁴ம்மஞ்ச
வினயஞ்ச பச்சவெக்க²ந்தஸ்ஸ கத²ங் ஹோதி? கே நு கோ² த⁴ம்மவாதி³னோ – பாசீனகா
வா பி⁴க்கூ², பாவெய்யகா வா’’தி? ‘‘தயாபி கோ², ஆவுஸோ, உபஜ்ஜா²யஸ்ஸ மூலே ப³ஹு
த⁴ம்மோ ச வினயோ ச பரியத்தோ. துய்ஹங் பன, ஆவுஸோ, த⁴ம்மஞ்ச வினயஞ்ச
பச்சவெக்க²ந்தஸ்ஸ கத²ங் ஹோதி? கே நு கோ² த⁴ம்மவாதி³னோ – பாசீனகா வா
பி⁴க்கூ², பாவெய்யகா வா’’தி? ‘‘மய்ஹங் கோ², ப⁴ந்தே, த⁴ம்மஞ்ச வினயஞ்ச
பச்சவெக்க²ந்தஸ்ஸ ஏவங் ஹோதி – அத⁴ம்மவாதீ³ பாசீனகா பி⁴க்கூ², த⁴ம்மவாதீ³
பாவெய்யகா பி⁴க்கூ²தி; அபி சாஹங் ந தாவ தி³ட்டி²ங்
ஆவி கரோமி, அப்பேவ நாம மங் இமஸ்மிங் அதி⁴கரணே ஸம்மன்னெய்யா’’தி. ‘‘மய்ஹம்பி
கோ², ஆவுஸோ, த⁴ம்மஞ்ச வினயஞ்ச பச்சவெக்க²ந்தஸ்ஸ ஏவங் ஹோதி
– அத⁴ம்மவாதீ³ பாசீனகா பி⁴க்கூ², த⁴ம்மவாதீ³ பாவெய்யகா பி⁴க்கூ²தி; அபி
சாஹங் ந தாவ தி³ட்டி²ங் ஆவி கரோமி, அப்பேவ நாம மங் இமஸ்மிங் அதி⁴கரணே
ஸம்மன்னெய்யா’’தி.

456.
அத² கோ² ஸங்கோ⁴ தங் அதி⁴கரணங் வினிச்சி²னிதுகாமோ ஸன்னிபதி. தஸ்மிங் கோ² பன
அதி⁴கரணே வினிச்சி²யமானே அனக்³கா³னி சேவ ப⁴ஸ்ஸானி ஜாயந்தி, ந சேகஸ்ஸ
பா⁴ஸிதஸ்ஸ அத்தோ² விஞ்ஞாயதி. அத² கோ² ஆயஸ்மா ரேவதோ ஸங்க⁴ங் ஞாபேஸி –

‘‘ஸுணாது மே, ப⁴ந்தே, ஸங்கோ⁴. அம்ஹாகங்
இமஸ்மிங் அதி⁴கரணே வினிச்சி²யமானே அனக்³கா³னி சேவ ப⁴ஸ்ஸானி ஜாயந்தி, ந
சேகஸ்ஸ பா⁴ஸிதஸ்ஸ அத்தோ² விஞ்ஞாயதி. யதி³ ஸங்க⁴ஸ்ஸ பத்தகல்லங், ஸங்கோ⁴ இமங்
அதி⁴கரணங் உப்³பா³ஹிகாய வூபஸமெய்யா’’தி. ஸங்கோ⁴ சத்தாரோ பாசீனகே பி⁴க்கூ²,
சத்தாரோ பாவெய்யகே பி⁴க்கூ² உச்சினி. பாசீனகானங் பி⁴க்கூ²னங் –
ஆயஸ்மந்தஞ்ச ஸப்³ப³காமிங், ஆயஸ்மந்தஞ்ச ஸாள்ஹங், ஆயஸ்மந்தஞ்ச
கு²ஜ்ஜஸோபி⁴தங், ஆயஸ்மந்தஞ்ச வாஸப⁴கா³மிகங்; பாவெய்யகானங் பி⁴க்கூ²னங் –
ஆயஸ்மந்தஞ்ச ரேவதங், ஆயஸ்மந்தஞ்ச ஸம்பூ⁴தங் ஸாணவாஸிங், ஆயஸ்மந்தஞ்ச யஸங்
காகண்ட³கபுத்தங், ஆயஸ்மந்தஞ்ச ஸுமனந்தி. அத² கோ² ஆயஸ்மா ரேவதோ ஸங்க⁴ங்
ஞாபேஸி –

‘‘ஸுணாது மே, ப⁴ந்தே, ஸங்கோ⁴. அம்ஹாகங் இமஸ்மிங்
அதி⁴கரணே வினிச்சி²யமானே அனக்³கா³னி சேவ ப⁴ஸ்ஸானி ஜாயந்தி, ந சேகஸ்ஸ
பா⁴ஸிதஸ்ஸ அத்தோ² விஞ்ஞாயதி. யதி³ ஸங்க⁴ஸ்ஸ பத்தகல்லங், ஸங்கோ⁴ சத்தாரோ
பாசீனகே பி⁴க்கூ², சத்தாரோ பாவெய்யகே பி⁴க்கூ² ஸம்மன்னெய்ய உப்³பா³ஹிகாய
இமங் அதி⁴கரணங் வூபஸமேதுங். ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. அம்ஹாகங் இமஸ்மிங்
அதி⁴கரணே வினிச்சி²யமானே அனக்³கா³னி சேவ ப⁴ஸ்ஸானி ஜாயந்தி, ந சேகஸ்ஸ
பா⁴ஸிதஸ்ஸ அத்தோ² விஞ்ஞாயதி. ஸங்கோ⁴ சத்தாரோ பாசீனகே பி⁴க்கூ², சத்தாரோ
பாவெய்யகே பி⁴க்கூ² ஸம்மன்னதி உப்³பா³ஹிகாய இமங் அதி⁴கரணங் வூபஸமேதுங்.
யஸ்ஸாயஸ்மதோ க²மதி சதுன்னங் பாசீனகானங் பி⁴க்கூ²னங், சதுன்னங் பாவெய்யகானங்
பி⁴க்கூ²னங் ஸம்முதி, உப்³பா³ஹிகாய இமங் அதி⁴கரணங் வூபஸமேதுங் , ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

‘‘ஸம்மதா ஸங்கே⁴ன சத்தாரோ
பாசீனகா பி⁴க்கூ², சத்தாரோ பாவெய்யகா பி⁴க்கூ², உப்³பா³ஹிகாய இமங்
அதி⁴கரணங் வூபஸமேதுங். க²மதி ஸங்க⁴ஸ்ஸ, தஸ்மா துண்ஹீ, ஏவமேதங்
தா⁴ரயாமீ’’தி.

தேன கோ² பன ஸமயேன அஜிதோ நாம பி⁴க்கு² த³ஸவஸ்ஸோ
ஸங்க⁴ஸ்ஸ பாதிமொக்கு²த்³தே³ஸகோ ஹோதி. அத² கோ² ஸங்கோ⁴ ஆயஸ்மந்தம்பி அஜிதங்
ஸம்மன்னதி – தே²ரானங் பி⁴க்கூ²னங் ஆஸனபஞ்ஞாபகங். அத² கோ² தே²ரானங்
பி⁴க்கூ²னங் ஏதத³ஹோஸி – ‘‘கத்த² நு கோ² மயங் இமங் அதி⁴கரணங்
வூபஸமெய்யாமா’’தி? அத² கோ² தே²ரானங் பி⁴க்கூ²னங் ஏதத³ஹோஸி – ‘‘அயங் கோ² வாலிகாராமோ ரமணீயோ அப்பஸத்³தோ³ அப்பனிக்³கோ⁴ஸோ. யங்னூன மயங் வாலிகாராமே இமங் அதி⁴கரணங் வூபஸமெய்யாமா’’தி.

457. அத² கோ² தே²ரா பி⁴க்கூ² வாலிகாராமங் அக³மங்ஸு – தங் அதி⁴கரணங் வினிச்சி²னிதுகாமா. அத² கோ² ஆயஸ்மா ரேவதோ ஸங்க⁴ங் ஞாபேஸி –

‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், அஹங் ஆயஸ்மந்தங் ஸப்³ப³காமிங் வினயங் புச்செ²ய்ய’’ந்தி.

ஆயஸ்மா ஸப்³ப³காமீ ஸங்க⁴ங் ஞாபேஸி –

‘‘ஸுணாது மே, ஆவுஸோ, ஸங்கோ⁴. யதி³ ஸங்க⁴ஸ்ஸ பத்தகல்லங், அஹங் ரேவதேன வினயங் புட்டோ² விஸ்ஸஜ்ஜெய்ய’’ந்தி.

அத² கோ² ஆயஸ்மா ரேவதோ ஆயஸ்மந்தங் ஸப்³ப³காமிங் ஏதத³வோச
– ‘‘கப்பதி, ப⁴ந்தே, ஸிங்கி³லோணகப்போ’’தி? ‘‘கோ ஸோ, ஆவுஸோ,
ஸிங்கி³லோணகப்போ’’தி? ‘‘கப்பதி, ப⁴ந்தே, ஸிங்கி³னா லோணங் பரிஹரிதுங் –
யத்த² அலோணகங் ப⁴விஸ்ஸதி தத்த² பரிபு⁴ஞ்ஜிஸ்ஸாமா’’தி? ‘‘நாவுஸோ, கப்பதீ’’தி. [பாசி॰ 254 ஆத³யோ] ‘‘கத்த² படிக்கி²த்த’’ந்தி? ‘‘ஸாவத்தி²யங், ஸுத்தவிப⁴ங்கே³’’தி. ‘‘கிங் ஆபஜ்ஜதீ’’தி? ‘‘ஸன்னிதி⁴காரகபோ⁴ஜனே பாசித்திய’’ந்தி.

‘‘ஸுணாது மே, ப⁴ந்தே, ஸங்கோ⁴. இத³ங் பட²மங் வத்து²
ஸங்கே⁴ன வினிச்சி²தங். இதிபித³ங் வத்து² உத்³த⁴ம்மங், உப்³பி³னயங்,
அபக³தஸத்து²ஸாஸனங். இத³ங் பட²மங் ஸலாகங் நிக்கி²பாமி’’.

‘‘கப்பதி, ப⁴ந்தே, த்³வங்கு³லகப்போ’’தி? ‘‘கோ ஸோ,
ஆவுஸோ, த்³வங்கு³லகப்போ’’தி? ‘‘கப்பதி, ப⁴ந்தே, த்³வங்கு³லாய சா²யாய
வீதிவத்தாய விகாலே போ⁴ஜனங் பு⁴ஞ்ஜிது’’ந்தி ? ‘‘நாவுஸோ, கப்பதீ’’தி [பாசி॰ 245]. ‘‘கத்த² படிக்கி²த்த’’ந்தி? ‘‘ராஜக³ஹே, ஸுத்தவிப⁴ங்கே³’’தி. ‘‘கிங் ஆபஜ்ஜதீ’’தி? விகாலபோ⁴ஜனே பாசித்திய’’ந்தி.

‘‘ஸுணாது மே, ப⁴ந்தே, ஸங்கோ⁴. இத³ங் து³தியங் வத்து²
ஸங்கே⁴ன வினிச்சி²தங். இதிபித³ங் வத்து² உத்³த⁴ம்மங், உப்³பி³னயங்,
அபக³தஸத்து²ஸாஸனங். இத³ங் து³தியங் ஸலாகங் நிக்கி²பாமி’’.

‘‘கப்பதி, ப⁴ந்தே, கா³மந்தரகப்போ’’தி? ‘‘கோ ஸோ, ஆவுஸோ,
கா³மந்தரகப்போ’’தி? ‘‘கப்பதி, ப⁴ந்தே – இதா³னி கா³மந்தரங் க³மிஸ்ஸாமீதி –
பு⁴த்தாவினா பவாரிதேன அனதிரித்தங் போ⁴ஜனங் பு⁴ஞ்ஜிது’’ந்தி? ‘‘நாவுஸோ, கப்பதீ’’தி [பாசி॰ 234]. ‘‘கத்த² படிக்கி²த்த’’ந்தி? ‘‘ஸாவத்தி²யங், ஸுத்தவிப⁴ங்கே³’’தி. ‘‘கிங் ஆபஜ்ஜதீ’’தி? ‘‘அனதிரித்தபோ⁴ஜனே பாசித்திய’’ந்தி.

‘‘ஸுணாது மே, ப⁴ந்தே, ஸங்கோ⁴. இத³ங் ததியங் வத்து²
ஸங்கே⁴ன வினிச்சி²தங். இதிபித³ங் வத்து² உத்³த⁴ம்மங், உப்³பி³னயங்,
அபக³தஸத்து²ஸாஸனங். இத³ங் ததியங் ஸலாகங் நிக்கி²பாமி’’.

‘‘கப்பதி , ப⁴ந்தே,
ஆவாஸகப்போ’’தி? ‘‘கோ ஸோ, ஆவுஸோ, ஆவாஸகப்போ’’தி? ‘‘கப்பதி ப⁴ந்தே, ஸம்ப³ஹுலா
ஆவாஸா ஸமானஸீமா நானுபோஸத²ங் காது’’ந்தி. ‘‘நாவுஸோ, கப்பதீ’’தி [மஹாவ॰ 141 ஆத³யோ]. ‘‘கத்த² படிக்கி²த்த’’ந்தி? ‘‘ராஜக³ஹே, உபோஸத²ஸங்யுத்தே’’தி. ‘‘கிங் ஆபஜ்ஜதீ’’தி? ‘‘வினயாதிஸாரே து³க்கட’’ந்தி.

‘‘ஸுணாது மே, ப⁴ந்தே, ஸங்கோ⁴. இத³ங் சதுத்த²ங் வத்து²
ஸங்கே⁴ன வினிச்சி²தங். இதிபித³ங் வத்து² உத்³த⁴ம்மங், உப்³பி³னயங்,
அபக³தஸத்து²ஸாஸனங். இத³ங் சதுத்த²ங் ஸலாகங் நிக்கி²பாமி’’.

‘‘கப்பதி, ப⁴ந்தே, அனுமதிகப்போ’’தி? ‘‘கோ ஸோ, ஆவுஸோ,
அனுமதிகப்போ’’தி? ‘‘கப்பதி, ப⁴ந்தே, வக்³கே³ன ஸங்கே⁴ன கம்மங் காதுங் –
ஆக³தே பி⁴க்கூ² அனுமானெஸ்ஸாமா’’தி? ‘‘நாவுஸோ, கப்பதீ’’தி [மஹாவ॰ 383 ஆத³யோ]. ‘‘கத்த² படிக்கி²த்த’’ந்தி? ‘‘சம்பெய்யகே, வினயவத்து²ஸ்மி’’ந்தி. ‘‘கிங் ஆபஜ்ஜதீ’’தி? ‘‘வினயாதிஸாரே து³க்கட’’ந்தி.

‘‘ஸுணாது மே, ப⁴ந்தே, ஸங்கோ⁴. இத³ங் பஞ்சமங் வத்து²
ஸங்கே⁴ன வினிச்சி²தங். இதிபித³ங் வத்து² உத்³த⁴ம்மங், உப்³பி³னயங்,
அபக³தஸத்து²ஸாஸனங். இத³ங் பஞ்சமங் ஸலாகங் நிக்கி²பாமி’’.

‘‘கப்பதி, ப⁴ந்தே, ஆசிண்ணகப்போ’’தி? ‘‘கோ ஸோ, ஆவுஸோ,
ஆசிண்ணகப்போ’’தி? ‘‘கப்பதி, ப⁴ந்தே – இத³ங் மே உபஜ்ஜா²யேன அஜ்ஜா²சிண்ணங்,
இத³ங் மே ஆசரியேன அஜ்ஜா²சிண்ணங் – தங் அஜ்ஜா²சரிது’’ந்தி? ‘‘ஆசிண்ணகப்போ கோ², ஆவுஸோ, ஏகச்சோ கப்பதி, ஏகச்சோ ந கப்பதீ’’தி.

‘‘ஸுணாது மே, ப⁴ந்தே, ஸங்கோ⁴. இத³ங் ச²ட்ட²ங் வத்து² ஸங்கே⁴ன வினிச்சி²தங் . இதிபித³ங் வத்து² உத்³த⁴ம்மங், உப்³பி³னயங், அபக³தஸத்து²ஸாஸனங். இத³ங் ச²ட்ட²ங் ஸலாகங் நிக்கி²பாமி’’.

‘‘கப்பதி , ப⁴ந்தே,
அமதி²தகப்போ’’தி? ‘‘கோ ஸோ, ஆவுஸோ, அமதி²தகப்போ’’தி? ‘‘கப்பதி, ப⁴ந்தே, யங்
தங் கீ²ரங் கீ²ரபா⁴வங் விஜஹிதங், அஸம்பத்தங் த³தி⁴பா⁴வங், தங் பு⁴த்தாவினா
பவாரிதேன அனதிரித்தங் பாது’’ந்தி? ‘‘நாவுஸோ, கப்பதீ’’தி [பாசி॰ 234]. ‘‘கத்த² படிக்கி²த்த’’ந்தி? ‘‘ஸாவத்தி²யங், ஸுத்தவிப⁴ங்கே³’’தி. ‘‘கிங் ஆபஜ்ஜதீ’’தி? ‘‘அனதிரித்தபோ⁴ஜனே பாசித்திய’’ந்தி.

‘‘ஸுணாது மே, ப⁴ந்தே, ஸங்கோ⁴. இத³ங் ஸத்தமங் வத்து²
ஸங்கே⁴ன வினிச்சி²தங். இதிபித³ங் வத்து² உத்³த⁴ம்மங், உப்³பி³னயங்,
அபக³தஸத்து²ஸாஸனங். இத³ங் ஸத்தமங் ஸலாகங் நிக்கி²பாமி’’.

‘‘கப்பதி, ப⁴ந்தே, ஜளோகி³ங் பாது’’ந்தி? ‘‘கா ஸா,
ஆவுஸோ, ஜளோகீ³’’தி? ‘‘கப்பதி, ப⁴ந்தே, யா ஸா ஸுரா ஆஸுதா அஸம்பத்தா
மஜ்ஜபா⁴வங், ஸா பாது’’ந்தி? ‘‘நாவுஸோ, கப்பதீ’’தி [பாசி॰ 326]. ‘‘கத்த² படிக்கி²த்த’’ந்தி? ‘‘கோஸம்பி³யங், ஸுத்தவிப⁴ங்கே³’’தி. ‘‘கிங் ஆபஜ்ஜதீ’’தி. ‘‘ஸுராமேரயபானே பாசித்திய’’ந்தி.

‘‘ஸுணாது மே, ப⁴ந்தே, ஸங்கோ⁴. இத³ங் அட்ட²மங் வத்து²
ஸங்கே⁴ன வினிச்சி²தங். இதிபித³ங் வத்து² உத்³த⁴ம்மங், உப்³பி³னயங்,
அபக³தஸத்து²ஸாஸனங். இத³ங் அட்ட²மங் ஸலாகங் நிக்கி²பாமி’’.

‘‘கப்பதி, ப⁴ந்தே, அத³ஸகங் நிஸீத³ன’’ந்தி? ‘‘நாவுஸோ, கப்பதீ’’தி [பாசி॰ 531 ஆத³யோ]. ‘‘கத்த² படிக்கி²த்த’’ந்தி? ‘‘ஸாவத்தி²யங், ஸுத்தவிப⁴ங்கே³’’தி. ‘‘கிங் ஆபஜ்ஜதீ’’தி? ‘‘சே²த³னகே பாசித்திய’’ந்தி.

‘‘ஸுணாது மே, ப⁴ந்தே, ஸங்கோ⁴. இத³ங் நவமங் வத்து² ஸங்கே⁴ன வினிச்சி²தங். இதிபித³ங் வத்து² உத்³த⁴ம்மங், உப்³பி³னயங், அபக³தஸத்து²ஸாஸனங். இத³ங் நவமங் ஸலாகங் நிக்கி²பாமி’’.

‘‘கப்பதி, ப⁴ந்தே, ஜாதரூபரஜத’’ந்தி? ‘‘நாவுஸோ, கப்பதீ’’தி [பாரா॰ 580 ஆத³யோ]. ‘‘கத்த² படிக்கி²த்த’’ந்தி. ‘‘ராஜக³ஹே, ஸுத்தவிப⁴ங்கே³’’தி. ‘‘கிங் ஆபஜ்ஜதீ’’தி? ‘‘ஜாதரூபரஜதபடிக்³க³ஹணே பாசித்திய’’ந்தி.

‘‘ஸுணாது மே, ப⁴ந்தே, ஸங்கோ⁴.
இத³ங் த³ஸமங் வத்து² ஸங்கே⁴ன வினிச்சி²தங். இதிபித³ங் வத்து² உத்³த⁴ம்மங்,
உப்³பி³னயங், அபக³தஸத்து²ஸாஸனங். இத³ங் த³ஸமங் ஸலாகங் நிக்கி²பாமி.

‘‘ஸுணாது மே, ப⁴ந்தே, ஸங்கோ⁴.
இமானி த³ஸ வத்தூ²னி ஸங்கே⁴ன வினிச்சி²தானி. இதிபிமானி த³ஸவத்தூ²னி
உத்³த⁴ம்மானி, உப்³பி³னயானி, அபக³தஸத்து²ஸாஸனானீ’’தி.

458.
‘‘நிஹதமேதங், ஆவுஸோ, அதி⁴கரணங், ஸந்தங் வூபஸந்தங் ஸுவூபஸந்தங். அபி ச மங்
த்வங், ஆவுஸோ, ஸங்க⁴மஜ்ஜே²பி இமானி த³ஸ வத்தூ²னி புச்செ²ய்யாஸி – தேஸங்
பி⁴க்கூ²னங் ஸஞ்ஞத்தியா’’தி. அத² கோ² ஆயஸ்மா ரேவதோ ஆயஸ்மந்தங் ஸப்³ப³காமிங்
ஸங்க⁴மஜ்ஜே²பி இமானி த³ஸ வத்தூ²னி புச்சி². புட்டோ² புட்டோ² ஆயஸ்மா
ஸப்³ப³காமீ விஸ்ஸஜ்ஜேஸி. இமாய கோ² பன வினயஸங்கீ³தியா ஸத்த பி⁴க்கு²ஸதானி
அனூனானி அனதி⁴கானி அஹேஸுங், தஸ்மாயங் வினயஸங்கீ³தி ‘‘ஸத்தஸதிகா’’தி
வுச்சதீதி.

து³தியபா⁴ணவாரோ நிட்டி²தோ.

ஸத்தஸதிகக்க²ந்த⁴கோ த்³வாத³ஸமோ.

இமம்ஹி க²ந்த⁴கே வத்தூ² பஞ்சவீஸதி.

தஸ்ஸுத்³தா³னங் –

த³ஸ வத்தூ²னி பூரெத்வா, கம்மங் தூ³தேன பாவிஸி;

சத்தாரோ புன ரூபஞ்ச, கோஸம்பி³ ச பாவெய்யகோ.

மக்³கோ³ ஸோரெய்யங் ஸங்கஸ்ஸங், கண்ணகுஜ்ஜங் உது³ம்ப³ரங்;

ஸஹஜாதி ச மஜ்ஜே²ஸி, அஸ்ஸோஸி கங் நு கோ² மயங்.

பத்தனாவாய உஜ்ஜவி, ரஹோஸி உபனாமயங் [தூ³ரதோபி உத³பாதி³ (க॰)];

க³ரு [தா³ருணங் (ஸ்யா॰)] ஸங்கோ⁴ ச வேஸாலிங், மெத்தா ஸங்கோ⁴ உப்³பா³ஹிகாதி.

ஸத்தஸதிகக்க²ந்த⁴கோ நிட்டி²தோ.

சூளவக்³கோ³ [சுல்லவக்³கோ³ (ஸீ॰)] நிட்டி²தோ.

சூளவக்³க³பாளி நிட்டி²தா.


Leave a Reply