Free Online FOOD for MIND & HUNGER - DO GOOD 😊 PURIFY MIND.To live like free birds 🐦 🦢 🦅 grow fruits 🍍 🍊 🥑 🥭 🍇 🍌 🍎 🍉 🍒 🍑 🥝 vegetables 🥦 🥕 🥗 🥬 🥔 🍆 🥜 🎃 🫑 🍅🍜 🧅 🍄 🍝 🥗 🥒 🌽 🍏 🫑 🌳 🍓 🍊 🥥 🌵 🍈 🌰 🇧🇧 🫐 🍅 🍐 🫒Plants 🌱in pots 🪴 along with Meditative Mindful Swimming 🏊‍♂️ to Attain NIBBĀNA the Eternal Bliss.

Kushinara NIBBĀNA Bhumi Pagoda White Home, Puniya Bhumi Bengaluru, Prabuddha Bharat International.

Categories:

Search:

Archives:

Meta:

November 2024

M	T	W	T	F	S	S
« Jan
	1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

07/12/07

43-LESSON- வினயபிடகே பரிவாரபாளி காதாஸங்கணிகங் 1. ஸத்தனகரேஸு பஞ்ஞத்தஸிக்காபதங்-PALI-வினயபிடகே-Part-43-தமிழில் திரபிடக மூன்று தொகுப்புகள்TIPITAKA- from FREE ONLINE eNālāndā Research and Practice UNIVERSITY through http://sarvajan.ambedkar.org நமோ தஸ்ஸ பகவதோ அரஹதோ ஸம்மாஸம்புத்தஸ்ஸ வினயபிடகே பரிவாரபாளி காதாஸங்கணிகங் 1. ஸத்தனகரேஸு பஞ்ஞத்தஸிக்காபதங்

Filed under: General
Posted by: site admin @ 12:16 am

43-LESSON-

வினயபிடகே

பரிவாரபாளி

காதாஸங்கணிகங்

1. ஸத்தனகரேஸு பஞ்ஞத்தஸிக்காபதங்-PALI-

தமிழில் திரபிடக மூன்று தொகுப்புகள்TIPITAKA-வினயபிடகே-Part-43-
from FREE ONLINE eNālāndā Research and
Practice UNIVERSITY through http://sarvajan.ambedkar.org

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

வினயபிடகே

பரிவாரபாளி

காதாஸங்கணிகங்

1. ஸத்தனகரேஸு பஞ்ஞத்தஸிக்காபதங்

335.

ஏகங்ஸங் சீவரங் கத்வா, பக்³க³ண்ஹித்வான அஞ்ஜலிங்;

ஆஸீஸமானரூபோவ [ஆஸிங்ஸமானரூபோவ (ஸீ॰ ஸ்யா॰)], கிஸ்ஸ த்வங் இத⁴ மாக³தோ.

த்³வீஸு வினயேஸு யே பஞ்ஞத்தா;

உத்³தே³ஸங் ஆக³ச்ச²ந்தி உபோஸதே²ஸு;

கதி தே ஸிக்கா²பதா³ ஹொந்தி;

கதிஸு நக³ரேஸு பஞ்ஞத்தா.

ப⁴த்³த³கோ தே உம்மங்கோ³, யோனிஸோ பரிபுச்ச²ஸி;

தக்³க⁴ தே அஹமக்கி²ஸ்ஸங், யதா²ஸி குஸலோ ததா².

த்³வீஸு வினயேஸு யே பஞ்ஞத்தா;

உத்³தே³ஸங் ஆக³ச்ச²ந்தி உபோஸதே²ஸு;

அட்³டு⁴ட்³ட⁴ஸதானி தே ஹொந்தி;

ஸத்தஸு நக³ரேஸு பஞ்ஞத்தா.

கதமேஸு ஸத்தஸு நக³ரேஸு பஞ்ஞத்தா;

இங்க⁴ மே த்வங் ப்³யாகர நங் [இங்க⁴ மே தங் ப்³யாகர (க॰)];

தங் வசனபத²ங் [தவ வசனபத²ங் (ஸ்யா॰)] நிஸாமயித்வா;

படிபஜ்ஜேம ஹிதாய நோ ஸியா.

வேஸாலியங் ராஜக³ஹே, ஸாவத்தி²யஞ்ச ஆளவியங்;

கோஸம்பி³யஞ்ச ஸக்கேஸு, ப⁴க்³கே³ஸு சேவ பஞ்ஞத்தா.

கதி வேஸாலியங் பஞ்ஞத்தா, கதி ராஜக³ஹே கதா;

ஸாவத்தி²யங் கதி ஹொந்தி, கதி ஆளவியங் கதா.

கதி கோஸம்பி³யங் பஞ்ஞத்தா, கதி ஸக்கேஸு வுச்சந்தி;

கதி ப⁴க்³கே³ஸு பஞ்ஞத்தா, தங் மே அக்கா²ஹி புச்சி²தோ.

த³ஸ வேஸாலியங் பஞ்ஞத்தா, ஏகவீஸ ராஜக³ஹே கதா;

ச²ஊன தீணிஸதானி, ஸப்³பே³ ஸாவத்தி²யங் கதா.

ச² ஆளவியங் பஞ்ஞத்தா, அட்ட² கோஸம்பி³யங் கதா;

அட்ட² ஸக்கேஸு வுச்சந்தி, தயோ ப⁴க்³கே³ஸு பஞ்ஞத்தா.

யே வேஸாலியங் பஞ்ஞத்தா, தே ஸுணோஹி யதா²தத²ங் [யதா²கத²ங் (ஸீ॰ ஸ்யா॰ ஏவமுபரிபி)];

மேது²னவிக்³க³ஹுத்தரி, அதிரேகஞ்ச காளகங்.

பூ⁴தங் பரம்பரப⁴த்தங், த³ந்தபோனேன [த³ந்தபோணேன (க॰)] அசேலகோ;

பி⁴க்கு²னீஸு ச அக்கோஸோ, த³ஸேதே வேஸாலியங் கதா.

யே ராஜக³ஹே பஞ்ஞத்தா, தே ஸுணோஹி யதா²தத²ங்;

அதி³ன்னாதா³னங் ராஜக³ஹே, த்³வே அனுத்³த⁴ங்ஸனா த்³வேபி ச பே⁴தா³.

அந்தரவாஸகங் ரூபியங் ஸுத்தங், உஜ்ஜா²பனேன ச பாசிதபிண்ட³ங் ;

க³ணபோ⁴ஜனங் விகாலே ச, சாரித்தங் நஹானங் ஊனவீஸதி.

சீவரங் த³த்வா வோஸாஸந்தி, ஏதே ராஜக³ஹே கதா;

கி³ரக்³க³சரியா தத்தே²வ, ச²ந்த³தா³னேன ஏகவீஸதி.

யே ஸாவத்தி²யங் பஞ்ஞத்தா, தே ஸுணோஹி யதா²தத²ங்;

பாராஜிகானி சத்தாரி, ஸங்கா⁴தி³ஸேஸா ப⁴வந்தி ஸோளஸ.

அனியதா ச த்³வே ஹொந்தி, நிஸ்ஸக்³கி³யா சதுவீஸதி;

ச²பஞ்ஞாஸஸதஞ்சேவ, கு²த்³த³கானி பவுச்சந்தி.

த³ஸயேவ ச கா³ரய்ஹா, த்³வேஸத்ததி ச ஸேகி²யா;

ச²ஊன தீணிஸதானி, ஸப்³பே³ ஸாவத்தி²யங் கதா.

யே ஆளவியங் பஞ்ஞத்தா, தே ஸுணோஹி யதா²தத²ங்;

குடிகோஸியஸெய்யா ச, க²ணனே க³ச்ச² தே³வதே;

ஸப்பாணகஞ்ச ஸிஞ்சந்தி, ச² ஏதே ஆளவியங் கதா.

யே கோஸம்பி³யங் பஞ்ஞத்தா, தே ஸுணோஹி யதா²தத²ங்;

மஹாவிஹாரோ தோ³வசஸ்ஸங், அஞ்ஞங் த்³வாரங் ஸுராய ச;

அனாத³ரியங் ஸஹத⁴ம்மோ, பயோபானேன அட்ட²மங்.

யே ஸக்கேஸு பஞ்ஞத்தா, தே ஸுணோஹி யதா²தத²ங்;

ஏளகலோமானி பத்தோ ச, ஓவாதோ³ சேவ பே⁴ஸஜ்ஜங்.

ஸூசி ஆரஞ்ஞிகோ சேவ, அட்டே²தே [ச² ஏதே (ஸப்³ப³த்த²)] காபிலவத்த²வே;

உத³கஸுத்³தி⁴யா ஓவாதோ³, பி⁴க்கு²னீஸு பவுச்சந்தி.

யே ப⁴க்³கே³ஸு பஞ்ஞத்தா, தே ஸுணோஹி யதா²தத²ங்;

ஸமாத³ஹித்வா விஸிப்³பெ³ந்தி, ஸாமிஸேன ஸஸித்த²கங்.

பாராஜிகானி சத்தாரி, ஸங்கா⁴தி³ஸேஸானி ப⁴வந்தி;

ஸத்த ச நிஸ்ஸக்³கி³யானி, அட்ட² த்³வத்திங்ஸ கு²த்³த³கா.

த்³வே கா³ரய்ஹா தயோ ஸெக்கா², ச²ப்பஞ்ஞாஸ ஸிக்கா²பதா³;

ச²ஸு நக³ரேஸு பஞ்ஞத்தா, பு³த்³தே⁴னாதி³ச்சப³ந்து⁴னா.

ச²ஊன தீணிஸதானி, ஸப்³பே³ ஸாவத்தி²யங் கதா;

காருணிகேன பு³த்³தே⁴ன, கோ³தமேன யஸஸ்ஸினா.

2. சதுவிபத்திங்

336.

யங் தங் [யங் யங் (க॰)] புச்சி²ம்ஹ அகித்தயி நோ;

தங் தங் ப்³யாகதங் அனஞ்ஞதா²;

அஞ்ஞங் தங் புச்சா²மி ததி³ங்க⁴ ப்³ரூஹி;

க³ருக லஹுகஞ்சாபி ஸாவஸேஸங்;

அனவஸேஸங் து³ட்டு²ல்லஞ்ச அது³ட்டு²ல்லங்;

யே ச யாவததியகா.

ஸாதா⁴ரணங் அஸாதா⁴ரணங்;

விப⁴த்தியோ ச [விபத்தியோ ச (ஸீ॰ ஸ்யா॰)] யேஹி ஸமதே²ஹி ஸம்மந்தி;

ஸப்³பா³னிபேதானி வியாகரோஹி;

ஹந்த³ வாக்யங் ஸுணோம தே.

ஏகதிங்ஸா யே க³ருகா, அட்டெ²த்த² அனவஸேஸா;

யே க³ருகா தே து³ட்டு²ல்லா, யே து³ட்டு²ல்லா ஸா ஸீலவிபத்தி;

பாராஜிகங் ஸங்கா⁴தி³ஸேஸோ, ‘‘ஸீலவிபத்தீ’’தி வுச்சதி.

து²ல்லச்சயங் பாசித்தியா, பாடிதே³ஸனீயங் து³க்கடங்;

து³ப்³பா⁴ஸிதங் யோ சாயங், அக்கோஸதி ஹஸாதி⁴ப்பாயோ;

அயங் ஸா ஆசாரவிபத்திஸம்மதா.

விபரீததி³ட்டி²ங் க³ண்ஹந்தி, அஸத்³த⁴ம்மேஹி புரக்க²தா;

அப்³பா⁴சிக்க²ந்தி ஸம்பு³த்³த⁴ங், து³ப்பஞ்ஞா மோஹபாருதா;

அயங் ஸா தி³ட்டி²விபத்திஸம்மதா.

ஆஜீவஹேது ஆஜீவகாரணா பாபிச்சோ² இச்சா²பகதோ அஸந்தங்
அபூ⁴தங் உத்தரிமனுஸ்ஸத⁴ம்மங் உல்லபதி, ஆஜீவஹேது ஆஜீவகாரணா ஸஞ்சரித்தங்
ஸமாபஜ்ஜதி, ஆஜீவஹேது ஆஜீவகாரணா – ‘‘யோ தே விஹாரே வஸதி, ஸோ பி⁴க்கு²
அரஹா’’தி ப⁴ணதி, ஆஜீவஹேது ஆஜீவகாரணா பி⁴க்கு² பணீதபோ⁴ஜனானி அத்தனோ அத்தா²ய
விஞ்ஞாபெத்வா பு⁴ஞ்ஜதி, ஆஜீவஹேது ஆஜீவகாரணா பி⁴க்கு²னீ பணீதபோ⁴ஜனானி அத்தனோ
அத்தா²ய விஞ்ஞாபெத்வா பு⁴ஞ்ஜதி, ஆஜீவஹேது ஆஜீவகாரணா ஸூபங் வா ஓத³னங் வா
அகி³லானோ அத்தனோ அத்தா²ய விஞ்ஞாபெத்வா பு⁴ஞ்ஜதி. அயங் ஸா ஆஜீவவிபத்தி
ஸம்மதா.

ஏகாத³ஸ யாவததியகா, தே ஸுணோஹி யதா²தத²ங்;

உக்கி²த்தானுவத்திகா, அட்ட² யாவததியகா;

அரிட்டோ² சண்ட³காளீ ச, இமே தே யாவததியகா.

3. சே²த³னகாதி³

337. கதி சே²த³னகானி? கதி பே⁴த³னகானி? கதி உத்³தா³லனகானி? கதி அனஞ்ஞபாசித்தியானி? கதி பி⁴க்கு²ஸம்முதியோ? கதி ஸாமீசியோ? கதி பரமானி?

கதி ஜானந்தி பஞ்ஞத்தா, பு³த்³தே⁴னாதி³ச்சப³ந்து⁴னா.

ச² சே²த³னகானி. ஏகங் பே⁴த³னகங். ஏகங் உத்³தா³லனகங்.
சத்தாரி அனஞ்ஞபாசித்தியானி. சதஸ்ஸோ பி⁴க்கு²ஸம்முதியோ. ஸத்த ஸாமீசியோ.
சுத்³த³ஸ பரமானி.

ஸோத³ஸ [ஸோளஸ (ஸீ॰ ஸ்யா॰) அட்ட²கதா² ஓலோகேதப்³பா³] ஜானந்தி பஞ்ஞத்தா, பு³த்³தே⁴னாதி³ச்சப³ந்து⁴னா.

4. அஸாதா⁴ரணாதி³

338.

வீஸங் த்³வே ஸதானி பி⁴க்கூ²னங் ஸிக்கா²பதா³னி;

உத்³தே³ஸங் ஆக³ச்ச²ந்தி உபோஸதே²ஸு;

தீணி ஸதானி சத்தாரி பி⁴க்கு²னீனங் ஸிக்கா²பதா³னி;

உத்³தே³ஸங் ஆக³ச்ச²ந்தி உபோஸதே²ஸு.

ச²சத்தாரீஸா பி⁴க்கூ²னங், பி⁴க்கு²னீஹி அஸாதா⁴ரணா;

ஸதங் திங்ஸா ச பி⁴க்கு²னீனங், பி⁴க்கூ²ஹி அஸாதா⁴ரணா.

ஸதங் ஸத்ததி ச²ச்சேவ, உபி⁴ன்னங் அஸாதா⁴ரணா;

ஸதங் ஸத்ததி சத்தாரி, உபி⁴ன்னங் ஸமஸிக்க²தா.

வீஸங் த்³வே ஸதானி பி⁴க்கூ²னங் ஸிக்கா²பதா³னி;

உத்³தே³ஸங் ஆக³ச்ச²ந்தி உபோஸதே²ஸு;

தே ஸுணோஹி யதா²தத²ங்.

பாராஜிகானி சத்தாரி, ஸங்கா⁴தி³ஸேஸானி ப⁴வந்தி தேரஸ;

அனியதா த்³வே ஹொந்தி.

நிஸ்ஸக்³கி³யானி திங்ஸேவ, த்³வேனவுதி ச கு²த்³த³கா;

சத்தாரோ பாடிதே³ஸனீயா, பஞ்சஸத்ததி ஸேகி²யா.

வீஸங் த்³வே ஸதானி சிமே ஹொந்தி பி⁴க்கூ²னங் ஸிக்கா²பதா³னி;

உத்³தே³ஸங் ஆக³ச்ச²ந்தி உபோஸதே²ஸு.

தீணி ஸதானி சத்தாரி, பி⁴க்கு²னீனங் ஸிக்கா²பதா³னி;

உத்³தே³ஸங் ஆக³ச்ச²ந்தி உபோஸதே²ஸு, தே ஸுணோஹி யதா²தத²ங்.

பாராஜிகானி அட்ட², ஸங்கா⁴தி³ஸேஸானி ப⁴வந்தி ஸத்தரஸ;

நிஸ்ஸக்³கி³யானி திங்ஸேவ, ஸதங் ஸட்டி² ச² சேவ கு²த்³த³கானி பவுச்சந்தி.

அட்ட² பாடிதே³ஸனீயா, பஞ்சஸத்ததி ஸேகி²யா;

தீணி ஸதானி சத்தாரி சிமே ஹொந்தி பி⁴க்கு²னீனங் ஸிக்கா²பதா³னி;

உத்³தே³ஸங் ஆக³ச்ச²ந்தி உபோஸதே²ஸு.

ச²சத்தாரீஸா பி⁴க்கூ²னங், பி⁴க்கு²னீஹி அஸாதா⁴ரணா;

தே ஸுணோஹி யதா²தத²ங்.

ஸங்கா⁴தி³ஸேஸா, த்³வே அனியதேஹி அட்ட²;

நிஸ்ஸக்³கி³யானி த்³வாத³ஸ, தேஹி தே ஹொந்தி வீஸதி.

த்³வேவீஸதி கு²த்³த³கா, சதுரோ பாடிதே³ஸனீயா;

ச²சத்தாரீஸா சிமே ஹொந்தி, பி⁴க்கூ²னங் பி⁴க்கு²னீஹி அஸாதா⁴ரணா.

ஸதங் திங்ஸா ச பி⁴க்கு²னீனங், பி⁴க்கூ²ஹி அஸாதா⁴ரணா;

தே ஸுணோஹி யதா²தத²ங்.

பாராஜிகானி சத்தாரி, ஸங்க⁴ம்ஹா த³ஸ நிஸ்ஸரே;

நிஸ்ஸக்³கி³யானி த்³வாத³ஸ, ச²ன்னவுதி ச கு²த்³த³கா;

அட்ட² பாடிதே³ஸனீயா.

ஸதங் திங்ஸா சிமே ஹொந்தி பி⁴க்கு²னீனங், பி⁴க்கூ²ஹி அஸாதா⁴ரணா;

ஸதங் ஸத்ததி ச²ச்சேவ, உபி⁴ன்னங் அஸாதா⁴ரணா;

தே ஸுணோஹி யதா²தத²ங்.

பாராஜிகானி சத்தாரி, ஸங்கா⁴தி³ஸேஸானி ப⁴வந்தி ஸோளஸ;

அனியதா த்³வே ஹொந்தி, நிஸ்ஸக்³கி³யானி சதுவீஸதி;

ஸதங் அட்டா²ரஸா சேவ, கு²த்³த³கானி பவுச்சந்தி;

த்³வாத³ஸ பாடிதே³ஸனீயா.

ஸதங் ஸத்ததி ச²ச்சேவிமே ஹொந்தி, உபி⁴ன்னங் அஸாதா⁴ரணா;

ஸதங் ஸத்ததி சத்தாரி, உபி⁴ன்னங் ஸமஸிக்க²தா;

தே ஸுணோஹி யதா²தத²ங்.

பாராஜிகானி சத்தாரி, ஸங்கா⁴தி³ஸேஸானி ப⁴வந்தி ஸத்த;

நிஸ்ஸக்³கி³யானி அட்டா²ரஸ, ஸமஸத்ததி கு²த்³த³கா;

பஞ்சஸத்ததி ஸேகி²யானி.

ஸதங் ஸத்ததி சத்தாரி சிமே ஹொந்தி, உபி⁴ன்னங் ஸமஸிக்க²தா;

அட்டே² பாராஜிகா யே து³ராஸதா³, தாலவத்து²ஸமூபமா.

பண்டு³பலாஸோ புது²ஸிலா, ஸீஸச்சி²ன்னோவ ஸோ நரோ;

தாலோவ மத்த²கச்சி²ன்னோ, அவிருள்ஹீ ப⁴வந்தி தே.

தேவீஸதி ஸங்கா⁴தி³ஸேஸா, த்³வே அனியதா;

த்³வே சத்தாரீஸ நிஸ்ஸக்³கி³யா;

அட்டா²ஸீதிஸதங் பாசித்தியா, த்³வாத³ஸ பாடிதே³ஸனீயா.

பஞ்சஸத்ததி ஸேகி²யா, தீஹி ஸமதே²ஹி ஸம்மந்தி;

ஸம்முகா² ச படிஞ்ஞாய, திணவத்தா²ரகேன ச.

த்³வே உபோஸதா² த்³வே பவாரணா;

சத்தாரி கம்மானி ஜினேன தே³ஸிதா;

பஞ்சேவ உத்³தே³ஸா சதுரோ ப⁴வந்தி;

அனஞ்ஞதா² ஆபத்திக்க²ந்தா⁴ ச ப⁴வந்தி ஸத்த.

அதி⁴கரணானி சத்தாரி ஸத்தஹி ஸமதே²ஹி ஸம்மந்தி;

த்³வீஹி சதூஹி தீஹி கிச்சங் ஏகேன ஸம்மதி.

5. பாராஜிகாதி³ஆபத்தி

339.

‘பாராஜிக’ந்தி யங் வுத்தங், தங் ஸுணோஹி யதா²தத²ங்;

சுதோ பரத்³தோ⁴ ப⁴ட்டோ² ச, ஸத்³த⁴ம்மா ஹி நிரங்கதோ;

ஸங்வாஸோபி தஹிங் நத்தி², தேனேதங் இதி வுச்சதி.

‘ஸங்கா⁴தி³ஸேஸோ’தி யங் வுத்தங், தங் ஸுணோஹி யதா²தத²ங்;

ஸங்கோ⁴வ தே³தி பரிவாஸங், மூலாய படிகஸ்ஸதி;

மானத்தங் தே³தி அப்³பே⁴தி, தேனேதங் இதி வுச்சதி.

‘அனியதோ’தி யங் வுத்தங், தங் ஸுணோஹி யதா²தத²ங்;

அனியதோ ந நியதோ, அனேகங்ஸிகதங் பத³ங்;

திண்ணமஞ்ஞதரங் டா²னங், ‘அனியதோ’தி பவுச்சதி.

‘து²ல்லச்சய’ந்தி யங் வுத்தங், தங் ஸுணோஹி யதா²தத²ங்;

ஏகஸ்ஸ மூலே யோ தே³ஸேதி, யோ ச தங் படிக³ண்ஹதி;

அச்சயோ தேன ஸமோ நத்தி², தேனேதங் இதி வுச்சதி.

‘நிஸ்ஸக்³கி³ய’ந்தி யங் வுத்தங், தங் ஸுணோஹி யதா²தத²ங்;

ஸங்க⁴மஜ்ஜே² க³ணமஜ்ஜே², ஏகஸ்ஸேவ ச ஏகதோ;

நிஸ்ஸஜ்ஜித்வான தே³ஸேதி, தேனேதங் இதி வுச்சதி.

‘பாசித்திய’ந்தி யங் வுத்தங், தங் ஸுணோஹி யதா²தத²ங்;

பாதேதி குஸலங் த⁴ம்மங், அரியமக்³க³ங் அபரஜ்ஜ²தி;

சித்தஸங்மோஹனட்டா²னங், தேனேதங் இதி வுச்சதி.

‘பாடிதே³ஸனீய’ந்தி யங் வுத்தங், தங் ஸுணோஹி யதா²தத²ங்;

பி⁴க்கு² அஞ்ஞாதகோ ஸந்தோ, கிச்சா² லத்³தா⁴ய போ⁴ஜனங்;

ஸாமங் க³ஹெத்வா பு⁴ஞ்ஜெய்ய, ‘கா³ரய்ஹ’ந்தி பவுச்சதி.

நிமந்தனாஸு பு⁴ஞ்ஜந்தா ச²ந்தா³ய, வோஸாஸதி தத்த² பி⁴க்கு²னிங்;

அனிவாரெத்வா தஹிங் பு⁴ஞ்ஜே, கா³ரய்ஹந்தி பவுச்சதி.

ஸத்³தா⁴சித்தங் குலங் க³ந்த்வா, அப்பபோ⁴க³ங் அனாளியங் [அனாள்ஹியங் (ஸீ॰ ஸ்யா॰)];

அகி³லானோ தஹிங் பு⁴ஞ்ஜே, கா³ரய்ஹந்தி பவுச்சதி.

யோ சே அரஞ்ஞே விஹரந்தோ, ஸாஸங்கே ஸப⁴யானகே;

அவிதி³தங் தஹிங் பு⁴ஞ்ஜே, கா³ரய்ஹந்தி பவுச்சதி.

பி⁴க்கு²னீ அஞ்ஞாதிகா ஸந்தா, யங் பரேஸங் மமாயிதங்;

ஸப்பி தேலங் மது⁴ங் பா²ணிதங், மச்ச²மங்ஸங் அதோ² கீ²ரங்;

த³தி⁴ங் ஸயங் விஞ்ஞாபெய்ய பி⁴க்கு²னீ, கா³ரய்ஹபத்தா ஸுக³தஸ்ஸ ஸாஸனே.

‘து³க்கட’ந்தி யங் வுத்தங், தங் ஸுணோஹி யதா²தத²ங்;

அபரத்³த⁴ங் விரத்³த⁴ஞ்ச, க²லிதங் யஞ்ச து³க்கடங்.

யங் மனுஸ்ஸோ கரே பாபங், ஆவி வா யதி³ வா ரஹோ;

‘து³க்கட’ந்தி பவேதெ³ந்தி, தேனேதங் இதி வுச்சதி.

‘து³ப்³பா⁴ஸித’ந்தி யங் வுத்தங், தங் ஸுணோஹி யதா²தத²ங்;

து³ப்³பா⁴ஸிதங் து³ராப⁴ட்ட²ங், ஸங்கிலிட்ட²ஞ்ச யங் பத³ங்;

யஞ்ச விஞ்ஞூ க³ரஹந்தி, தேனேதங் இதி வுச்சதி.

‘ஸேகி²ய’ந்தி யங் வுத்தங், தங் ஸுணோஹி யதா²தத²ங்;

ஸெக்க²ஸ்ஸ ஸிக்க²மானஸ்ஸ, உஜுமக்³கா³னுஸாரினோ.

ஆதி³ சேதங் சரணஞ்ச, முக²ங் ஸஞ்ஞமஸங்வரோ;

ஸிக்கா² ஏதாதி³ஸீ நத்தி², தேனேதங் இதி வுச்சதி.

[உதா³॰ 45 உதா³னேபி] ச²ன்னமதிவஸ்ஸதி , விவடங் நாதிவஸ்ஸதி;

தஸ்மா ச²ன்னங் விவரேத², ஏவங் தங் நாதிவஸ்ஸதி.

க³தி மிகா³னங் பவனங், ஆகாஸோ பக்கி²னங் க³தி;

விப⁴வோ க³தி த⁴ம்மானங், நிப்³பா³னங் அரஹதோ க³தீதி.

கா³தா²ஸங்க³ணிகங்.

தஸ்ஸுத்³தா³னங் –

ஸத்தனக³ரேஸு பஞ்ஞத்தா, விபத்தி சதுரோபி ச;

பி⁴க்கூ²னங் பி⁴க்கு²னீனஞ்ச, ஸாதா⁴ரணா அஸாதா⁴ரணா;

ஸாஸனங் அனுக்³க³ஹாய, கா³தா²ஸங்க³ணிகங் இத³ந்தி.

கா³தா²ஸங்க³ணிகங் நிட்டி²தங்.

Leave a Reply