Do Good Be Mindful - Awakened One with Awareness (AOA)
வினயபிடகே த
மி05) Classical Pali,
(100) Classical Tamil-பாரம்பரிய இசைத்தமிழ் செம்மொழி,)
“Happiness never decreases by being shared.”
“Happiness is not having a lot. Happiness is giving a lot.”
05) Classical Pali,
(100) Classical Tamil-பாரம்பரிய இசைத்தமிழ் செம்மொழி,)
பாராஜிகபாளி,
வேரஞ்ஜகண்ட³ங்4. நிஸ்ஸக்³கி³யகண்ட³ங்
1. சீவரவக்³கோ³
1. பட²மகதி²னஸிக்கா²பத³ங்
இமே கோ² பனாயஸ்மந்தோ திங்ஸ நிஸ்ஸக்³கி³யா பாசித்தியா
த⁴ம்மா உத்³தே³ஸங் ஆக³ச்ச²ந்தி.
459. தேனே
ஸமயேன பு³த்³தோ⁴ ப⁴க³வா வேஸாலியங் விஹரதி கோ³தமகே சேதியே. தேன கோ² பன
ஸமயேன ப⁴க³வதா பி⁴க்கூ²னங் திசீவரங் அனுஞ்ஞாதங் ஹோதி. ச²ப்³ப³க்³கி³யா
பி⁴க்கூ² – ‘‘ப⁴க³வதா திசீவரங் அனுஞ்ஞாத’’ந்தி அஞ்ஞேனேவ திசீவரேன கா³மங்
பவிஸந்தி, அஞ்ஞேன திசீவரேன ஆராமே அச்ச²ந்தி, அஞ்ஞேன திசீவரேன நஹானங்
ஓதரந்தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² அதிரேகசீவரங்
தா⁴ரெஸ்ஸந்தீ’’தி! அத² கோ² தே பி⁴க்கூ² ச²ப்³ப³க்³கி³யே பி⁴க்கூ²
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர
தும்ஹே, பி⁴க்க²வே, அதிரேகசீவரங் தா⁴ரேதா²’’தி ?
‘‘ஸச்சங் ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே,
மோக⁴புரிஸா, அதிரேகசீவரங் தா⁴ரெஸ்ஸத²! நேதங், மோக⁴புரிஸா, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
460. ‘‘யோ பன பி⁴க்கு² அதிரேகசீவரங் தா⁴ரெய்ய, நிஸ்ஸக்³கி³யங் பாசித்திய’’ந்தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
461. [மஹாவ॰ 347]
தேன கோ² பன ஸமயேன ஆயஸ்மதோ ஆனந்த³ஸ்ஸ அதிரேகசீவரங் உப்பன்னங் ஹோதி. ஆயஸ்மா ச
ஆனந்தோ³ தங் சீவரங் ஆயஸ்மதோ ஸாரிபுத்தஸ்ஸ தா³துகாமோ ஹோதி. ஆயஸ்மா ச
ஸாரிபுத்தோ ஸாகேதே விஹரதி. அத² கோ² ஆயஸ்மதோ ஆனந்த³ஸ்ஸ ஏதத³ஹோஸி – ‘‘ப⁴க³வதா
ஸிக்கா²பத³ங் பஞ்ஞத்தங் – ‘ந அதிரேகசீவரங் தா⁴ரேதப்³ப³’ந்தி. இத³ஞ்ச மே
அதிரேகசீவரங் உப்பன்னங். அஹஞ்சிமங் சீவரங் ஆயஸ்மதோ ஸாரிபுத்தஸ்ஸ தா³துகாமோ.
ஆயஸ்மா ச ஸாரிபுத்தோ ஸாகேதே விஹரதி. கத²ங் நு கோ² மயா படிபஜ்ஜிதப்³ப³’’ந்தி? அத² கோ² ஆயஸ்மா ஆனந்தோ³ ப⁴க³வதோ ஏதமத்த²ங்
ஆரோசேஸி. ‘‘கீவசிரங் பனானந்த³, ஸாரிபுத்தோ ஆக³ச்சி²ஸ்ஸதீ’’தி? ‘‘நவமங் வா,
ப⁴க³வா, தி³வஸங் த³ஸமங் வா’’தி. அத² கோ² ப⁴க³வா ஏதஸ்மிங் நிதா³னே ஏதஸ்மிங்
பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே,
த³ஸாஹபரமங் அதிரேகசீவரங் தா⁴ரேதுங். ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –
462. ‘‘நிட்டி²தசீவரஸ்மிங் பி⁴க்கு²னா உப்³ப⁴தஸ்மிங் கதி²னே த³ஸாஹபரமங் அதிரேகசீவரங் தா⁴ரேதப்³ப³ங். தங் அதிக்காமயதோ நிஸ்ஸக்³கி³யங் பாசித்திய’’ந்தி.
463. நிட்டி²தசீவரஸ்மிந்தி பி⁴க்கு²னோ சீவரங் கதங் வா ஹோதி நட்ட²ங் வா வினட்ட²ங் வா த³ட்³ட⁴ங் வா சீவராஸா வா உபச்சி²ன்னா.
உப்³ப⁴தஸ்மிங் கதி²னேதி அட்ட²ன்னங் மாதிகானங் அஞ்ஞதராய மாதிகாய உப்³ப⁴தங் ஹோதி, ஸங்கே⁴ன வா அந்தரா உப்³ப⁴தங் ஹோதி.
த³ஸாஹபரமந்தி த³ஸாஹபரமதா தா⁴ரேதப்³ப³ங்.
அதிரேகசீவரங் நாம அனதி⁴ட்டி²தங் அவிகப்பிதங்.
சீவரங் நாம ச²ன்னங் சீவரானங் அஞ்ஞதரங் சீவரங், விகப்பனுபக³ங் பச்சி²மங்.
தங் அதிக்காமயதோ நிஸ்ஸக்³கி³யங் ஹோதீ [ஹோதீதி இத³ங் பத³ங் ஸப்³ப³பொத்த²கேஸு அத்தி², ஸிக்கா²பதே³ பன நத்தி², ஏவமுபரிபி] தி ஏகாத³ஸே அருணுக்³க³மனே நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங்
ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச பன, பி⁴க்க²வே,
நிஸ்ஸஜ்ஜிதப்³ப³ங். தேன பி⁴க்கு²னா ஸங்க⁴ங் உபஸங்கமித்வா ஏகங்ஸங்
உத்தராஸங்க³ங் கரித்வா வுட்³டா⁴னங் பி⁴க்கூ²னங் பாதே³ வந்தி³த்வா
உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ – ‘‘இத³ங் மே,
ப⁴ந்தே, சீவரங் த³ஸாஹாதிக்கந்தங் நிஸ்ஸக்³கி³யங், இமாஹங் ஸங்க⁴ஸ்ஸ
நிஸ்ஸஜ்ஜாமீ’’தி. நிஸ்ஸஜ்ஜித்வா ஆபத்தி தே³ஸேதப்³பா³. ப்³யத்தேன பி⁴க்கு²னா
படிப³லேன ஆபத்தி படிக்³க³ஹேதப்³பா³. நிஸ்ஸட்ட²சீவரங் தா³தப்³ப³ங்.
464.
‘‘ஸுணாது மே, ப⁴ந்தே, ஸங்கோ⁴. இத³ங் சீவரங் இத்த²ன்னாமஸ்ஸ பி⁴க்கு²னோ
நிஸ்ஸக்³கி³யங் ஸங்க⁴ஸ்ஸ நிஸ்ஸட்ட²ங். யதி³ ஸங்க⁴ஸ்ஸ பத்தகல்லங், ஸங்கோ⁴
இமங் சீவரங் இத்த²ன்னாமஸ்ஸ பி⁴க்கு²னோ த³தெ³ய்யா’’தி.
465. தேன
பி⁴க்கு²னா ஸம்ப³ஹுலே பி⁴க்கூ² உபஸங்கமித்வா ஏகங்ஸங் உத்தராஸங்க³ங்
கரித்வா வுட்³டா⁴னங் பி⁴க்கூ²னங் பாதே³ வந்தி³த்வா உக்குடிகங் நிஸீதி³த்வா
அஞ்ஜலிங் பக்³க³ஹெத்வா ஏவமஸ்ஸு வசனீயா – ‘‘இத³ங் மே, ப⁴ந்தே, சீவரங்
த³ஸாஹாதிக்கந்தங் நிஸ்ஸக்³கி³யங். இமாஹங்
ஆயஸ்மந்தானங் நிஸ்ஸஜ்ஜாமீ’’தி. நிஸ்ஸஜ்ஜித்வா ஆபத்தி தே³ஸேதப்³பா³.
ப்³யத்தேன பி⁴க்கு²னா படிப³லேன ஆபத்தி படிக்³க³ஹேதப்³பா³. நிஸ்ஸட்ட²சீவரங்
தா³தப்³ப³ங்.
466.
‘‘ஸுணந்து மே ஆயஸ்மந்தா. இத³ங் சீவரங் இத்த²ன்னாமஸ்ஸ பி⁴க்கு²னோ
நிஸ்ஸக்³கி³யங் ஆயஸ்மந்தானங் நிஸ்ஸட்ட²ங். யதா³யஸ்மந்தானங் பத்தகல்லங்,
ஆயஸ்மந்தா இமங் சீவரங் இத்த²ன்னாமஸ்ஸ பி⁴க்கு²னோ த³தெ³ய்யு’’ந்தி.
467.
தேன பி⁴க்கு²னா ஏகங் பி⁴க்கு²ங் உபஸங்கமித்வா ஏகங்ஸங் உத்தராஸங்க³ங்
கரித்வா உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ –
‘‘இத³ங் மே, ஆவுஸோ, சீவரங் த³ஸாஹாதிக்கந்தங் நிஸ்ஸக்³கி³யங். இமாஹங்
ஆயஸ்மதோ நிஸ்ஸஜ்ஜாமீ’’தி. நிஸ்ஸஜ்ஜித்வா ஆபத்தி தே³ஸேதப்³பா³. தேன
பி⁴க்கு²னா ஆபத்தி படிக்³க³ஹேதப்³பா³. நிஸ்ஸட்ட²சீவரங் தா³தப்³ப³ங் –
‘‘இமங் சீவரங் ஆயஸ்மதோ த³ம்மீ’’தி.
468. த³ஸாஹாதிக்கந்தே அதிக்கந்தஸஞ்ஞீ, நிஸ்ஸக்³கி³யங் பாசித்தியங். த³ஸாஹாதிக்கந்தே வேமதிகோ, நிஸ்ஸக்³கி³யங் பாசித்தியங். த³ஸாஹாதிக்கந்தே அனதிக்கந்தஸஞ்ஞீ, நிஸ்ஸக்³கி³யங் பாசித்தியங் .
அனதி⁴ட்டி²தே அதி⁴ட்டி²தஸஞ்ஞீ, நிஸ்ஸக்³கி³யங் பாசித்தியங். அவிகப்பிதே
விகப்பிதஸஞ்ஞீ, நிஸ்ஸக்³கி³யங் பாசித்தியங். அவிஸ்ஸஜ்ஜிதே விஸ்ஸஜ்ஜிதஸஞ்ஞீ,
நிஸ்ஸக்³கி³யங் பாசித்தியங். அனட்டே² நட்ட²ஸஞ்ஞீ, நிஸ்ஸக்³கி³யங்
பாசித்தியங். அவினட்டே² வினட்ட²ஸஞ்ஞீ, நிஸ்ஸக்³கி³யங் பாசித்தியங்.
அத³ட்³டே⁴ த³ட்³ட⁴ஸஞ்ஞீ, நிஸ்ஸக்³கி³யங் பாசித்தியங். அவிலுத்தே
விலுத்தஸஞ்ஞீ, நிஸ்ஸக்³கி³யங் பாசித்தியங்.
நிஸ்ஸக்³கி³யங் சீவரங் அனிஸ்ஸஜ்ஜித்வா பரிபு⁴ஞ்ஜதி,
ஆபத்தி து³க்கடஸ்ஸ. த³ஸாஹானதிக்கந்தே அதிக்கந்தஸஞ்ஞீ, ஆபத்தி து³க்கடஸ்ஸ.
த³ஸாஹானதிக்கந்தே வேமதிகோ, ஆபத்தி து³க்கடஸ்ஸ. த³ஸாஹானதிக்கந்தே
அனதிக்கந்தஸஞ்ஞீ, அனாபத்தி.
469.
அனாபத்தி அந்தோத³ஸாஹங் அதி⁴ட்டே²தி, விகப்பேதி, விஸ்ஸஜ்ஜேதி, நஸ்ஸதி,
வினஸ்ஸதி, ட³ய்ஹதி, அச்சி²ந்தி³த்வா க³ண்ஹந்தி, விஸ்ஸாஸங் க³ண்ஹந்தி,
உம்மத்தகஸ்ஸ, ஆதி³கம்மிகஸ்ஸாதி.
470. தேன கோ² பன ஸமயேன ச²ப்³ப³க்³கி³யா பி⁴க்கூ² நிஸ்ஸட்ட²சீவரங் ந தெ³ந்தி. ப⁴க³வதோ ஏதமத்த²ங் ஆரோசேஸுங். ‘‘ந , பி⁴க்க²வே, நிஸ்ஸட்ட²சீவரங் ந தா³தப்³ப³ங். யோ ந த³தெ³ய்ய, ஆபத்தி து³க்கடஸ்ஸா’’தி.
கதி²னஸிக்கா²பத³ங் நிட்டி²தங் பட²மங்.
2. உதோ³ஸிதஸிக்கா²பத³ங்
471. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கூ² பி⁴க்கூ²னங் ஹத்தே² சீவரங் நிக்கி²பித்வா
ஸந்தருத்தரேன ஜனபத³சாரிகங் பக்கமந்தி. தானி சீவரானி சிரங் நிக்கி²த்தானி
கண்ணகிதானி ஹொந்தி. தானி பி⁴க்கூ² ஓதாபெந்தி. அத்³த³ஸா கோ² ஆயஸ்மா ஆனந்தோ³
ஸேனாஸனசாரிகங் ஆஹிண்ட³ந்தோ தே பி⁴க்கூ² தானி சீவரானி ஓதாபெந்தே. தி³ஸ்வான
யேன தே பி⁴க்கூ² தேனுபஸங்கமி; உபஸங்கமித்வா தே பி⁴க்கூ² ஏதத³வோச –
‘‘கஸ்ஸிமானி, ஆவுஸோ, சீவரானி கண்ணகிதானீ’’தி? அத² கோ² தே பி⁴க்கூ² ஆயஸ்மதோ
ஆனந்த³ஸ்ஸ ஏதமத்த²ங் ஆரோசேஸுங். ஆயஸ்மா ஆனந்தோ³ உஜ்ஜா²யதி கி²ய்யதி
விபாசேதி – ‘‘கத²ஞ்ஹி நாம பி⁴க்கூ² பி⁴க்கூ²னங் ஹத்தே² சீவரங்
நிக்கி²பித்வா ஸந்தருத்தரேன ஜனபத³சாரிகங் பக்கமிஸ்ஸந்தீ’’தி! அத² கோ²
ஆயஸ்மா ஆனந்தோ³ தே பி⁴க்கூ² அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸி…பே॰… ‘‘ஸச்சங் கிர, பி⁴க்க²வே, பி⁴க்கூ² பி⁴க்கூ²னங் ஹத்தே² சீவரங்
நிக்கி²பித்வா ஸந்தருத்தரேன ஜனபத³சாரிகங் பக்கமந்தீ’’தி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தே, பி⁴க்க²வே,
மோக⁴புரிஸா பி⁴க்கூ²னங் ஹத்தே² சீவரங் நிக்கி²பித்வா ஸந்தருத்தரேன
ஜனபத³சாரிகங் பக்கமிஸ்ஸந்தி ! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
472. ‘‘நிட்டி²தசீவரஸ்மிங் பி⁴க்கு²னா உப்³ப⁴தஸ்மிங் கதி²னே ஏகரத்தம்பி சே பி⁴க்கு² திசீவரேன விப்பவஸெய்ய, நிஸ்ஸக்³கி³யங் பாசித்திய’’ந்தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
473.
தேன கோ² பன ஸமயேன அஞ்ஞதரோ பி⁴க்கு² கோஸம்பி³யங் கி³லானோ ஹோதி. ஞாதகா தஸ்ஸ
பி⁴க்கு²னோ ஸந்திகே தூ³தங் பாஹேஸுங் – ‘‘ஆக³ச்ச²து ப⁴த³ந்தோ, மயங்,
உபட்ட²ஹிஸ்ஸாமா’’தி. பி⁴க்கூ²பி ஏவமாஹங்ஸு – ‘‘க³ச்சா²வுஸோ ,
ஞாதகா தங் உபட்ட²ஹிஸ்ஸந்தீ’’தி. ஸோ ஏவமாஹ – ‘‘ப⁴க³வதாவுஸோ, ஸிக்கா²பத³ங்
பஞ்ஞத்தங் – ‘ந திசீவரேன விப்பவஸிதப்³ப³’ந்தி. அஹஞ்சம்ஹி கி³லானோ. ந
ஸக்கோமி திசீவரங் ஆதா³ய பக்கமிதுங். நாஹங் க³மிஸ்ஸாமீ’’தி .
ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங்
பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே,
கி³லானஸ்ஸ பி⁴க்கு²னோ திசீவரேன அவிப்பவாஸஸம்முதிங் தா³துங். ஏவஞ்ச பன,
பி⁴க்க²வே, தா³தப்³பா³. தேன கி³லானேன பி⁴க்கு²னா ஸங்க⁴ங் உபஸங்கமித்வா
ஏகங்ஸங் உத்தராஸங்க³ங் கரித்வா வுட்³டா⁴னங் பி⁴க்கூ²னங் பாதே³ வந்தி³த்வா
உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ – ‘அஹங்,
ப⁴ந்தே, கி³லானோ. ந ஸக்கோமி திசீவரங் ஆதா³ய பக்கமிதுங். ஸோஹங், ப⁴ந்தே,
ஸங்க⁴ங் திசீவரேன அவிப்பவாஸஸம்முதிங் யாசாமீ’தி. து³தியம்பி யாசிதப்³பா³.
ததியம்பி யாசிதப்³பா³. ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
474. ‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ பி⁴க்கு² கி³லானோ. ந ஸக்கோதி திசீவரங்
ஆதா³ய பக்கமிதுங். ஸோ ஸங்க⁴ங் திசீவரேன அவிப்பவாஸஸம்முதிங் யாசதி. யதி³
ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமஸ்ஸ பி⁴க்கு²னோ திசீவரேன
அவிப்பவாஸஸம்முதிங் த³தெ³ய்ய. ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ
பி⁴க்கு² கி³லானோ. ந ஸக்கோதி திசீவரங் ஆதா³ய பக்கமிதுங். ஸோ ஸங்க⁴ங்
திசீவரேன அவிப்பவாஸஸம்முதிங் யாசதி. ஸங்கோ⁴ இத்த²ன்னாமஸ்ஸ பி⁴க்கு²னோ
திசீவரேன அவிப்பவாஸஸம்முதிங் தே³தி. யஸ்ஸாயஸ்மதோ க²மதி இத்த²ன்னாமஸ்ஸ
பி⁴க்கு²னோ திசீவரேன அவிப்பவாஸஸம்முதியா தா³னங், ஸோ துண்ஹஸ்ஸ; யஸ்ஸ
நக்க²மதி, ஸோ பா⁴ஸெய்ய.
‘‘தி³ன்னா ஸங்கே⁴ன இத்த²ன்னாமஸ்ஸ பி⁴க்கு²னோ திசீவரேன அவிப்பவாஸஸம்முதி. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
475. ‘‘நிட்டி²தசீவரஸ்மிங்
பி⁴க்கு²னா உப்³ப⁴தஸ்மிங் கதி²னே ஏகரத்தம்பி சே பி⁴க்கு² திசீவரேன
விப்பவஸெய்ய, அஞ்ஞத்ர பி⁴க்கு²ஸம்முதியா, நிஸ்ஸக்³கி³யங் பாசித்திய’’ந்தி.
476. ‘‘நிட்டி²தசீவரஸ்மிந்தி பி⁴க்கு²னோ சீவரங் கதங் வா ஹோதி நட்ட²ங் வா வினட்ட²ங் வா த³ட்³ட⁴ங் வா சீவராஸா வா உபச்சி²ன்னா.
உப்³ப⁴தஸ்மிங் கதி²னேதி அட்ட²ன்னங் மாதிகானங் அஞ்ஞதராய மாதிகாய உப்³ப⁴தங் ஹோதி, ஸங்கே⁴ன வா அந்தரா உப்³ப⁴தங் ஹோதி.
ஏகரத்தம்பி சே பி⁴க்கு² திசீவரேன விப்பவஸெய்யாதி ஸங்கா⁴டியா வா உத்தராஸங்கே³ன வா அந்தரவாஸகேன வா.
அஞ்ஞத்ர பி⁴க்கு²ஸம்முதியாதி ட²பெத்வா பி⁴க்கு²ஸம்முதிங்.
நிஸ்ஸக்³கி³யங் ஹோதீதி ஸஹ அருணுக்³க³மனா [அருணுக்³க³மனேன (ஸீ॰ ஸ்யா॰)] நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே , சீவரங் ரத்திவிப்பவுத்த²ங் [ரத்திங் விப்பவுத்த²ங் (ஸீ॰)]
அஞ்ஞத்ர பி⁴க்கு²ஸம்முதியா நிஸ்ஸக்³கி³யங், இமாஹங் ஸங்க⁴ஸ்ஸ
நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.
477.
கா³மோ ஏகூபசாரோ நானூபசாரோ. நிவேஸனங் ஏகூபசாரங் நானூபசாரங். உதோ³ஸிதோ
ஏகூபசாரோ நானூபசாரோ. அட்டோ ஏகூபசாரோ நானூபசாரோ. மாளோ ஏகூபசாரோ நானூபசாரோ.
பாஸாதோ³ ஏகூபசாரோ நானூபசாரோ. ஹம்மியங் ஏகூபசாரங் நானூபசாரங். நாவா ஏகூபசாரா
நானூபசாரா. ஸத்தோ² ஏகூபசாரோ நானூபசாரோ. கெ²த்தங் ஏகூபசாரங் நானூபசாரங்.
த⁴ஞ்ஞகரணங் ஏகூபசாரங் நானூபசாரங். ஆராமோ ஏகூபசாரோ நானூபசாரோ. விஹாரோ
ஏகூபசாரோ நானூபசாரோ. ருக்க²மூலங் ஏகூபசாரங் நானூபசாரங். அஜ்ஜோ²காஸோ
ஏகூபசாரோ நானூபசாரோ.
478. கா³மோ ஏகூபசாரோ நாம ஏககுலஸ்ஸ கா³மோ ஹோதி பரிக்கி²த்தோ ச .
அந்தோகா³மே சீவரங் நிக்கி²பித்வா அந்தோகா³மே வத்த²ப்³ப³ங். அபரிக்கி²த்தோ
ஹோதி, யஸ்மிங் க⁴ரே சீவரங் நிக்கி²த்தங் ஹோதி தஸ்மிங் க⁴ரே வத்த²ப்³ப³ங்,
ஹத்த²பாஸா வா ந விஜஹிதப்³ப³ங்.
479.
நானாகுலஸ்ஸ கா³மோ ஹோதி பரிக்கி²த்தோ ச. யஸ்மிங் க⁴ரே சீவரங் நிக்கி²த்தங்
ஹோதி தஸ்மிங் க⁴ரே வத்த²ப்³ப³ங் ஸபா⁴யே வா த்³வாரமூலே வா, ஹத்த²பாஸா வா ந
விஜஹிதப்³ப³ங். ஸபா⁴யங் க³ச்ச²ந்தேன ஹத்த²பாஸே சீவரங் நிக்கி²பித்வா ஸபா⁴யே
வா வத்த²ப்³ப³ங் த்³வாரமூலே வா, ஹத்த²பாஸா வா ந விஜஹிதப்³ப³ங். ஸபா⁴யே
சீவரங் நிக்கி²பித்வா ஸபா⁴யே வா வத்த²ப்³ப³ங் த்³வாரமூலே வா, ஹத்த²பாஸா வா ந
விஜஹிதப்³ப³ங். அபரிக்கி²த்தோ ஹோதி, யஸ்மிங் க⁴ரே சீவரங் நிக்கி²த்தங்
ஹோதி தஸ்மிங் க⁴ரே வத்த²ப்³ப³ங், ஹத்த²பாஸா வா ந விஜஹிதப்³ப³ங்.
480. ஏககுலஸ்ஸ
நிவேஸனங் ஹோதி பரிக்கி²த்தஞ்ச, நானாக³ப்³பா⁴ நானாஓவரகா. அந்தோனிவேஸனே
சீவரங் நிக்கி²பித்வா அந்தோனிவேஸனே வத்த²ப்³ப³ங். அபரிக்கி²த்தங் ஹோதி,
யஸ்மிங் க³ப்³பே⁴ சீவரங் நிக்கி²த்தங் ஹோதி தஸ்மிங் க³ப்³பே⁴ வத்த²ப்³ப³ங்,
ஹத்த²பாஸா வா ந விஜஹிதப்³ப³ங்.
481.
நானாகுலஸ்ஸ நிவேஸனங் ஹோதி பரிக்கி²த்தஞ்ச, நானாக³ப்³பா⁴ நானாஓவரகா.
யஸ்மிங் க³ப்³பே⁴ சீவரங் நிக்கி²த்தங் ஹோதி தஸ்மிங் க³ப்³பே⁴ வத்த²ப்³ப³ங்
த்³வாரமூலே வா, ஹத்த²பாஸா வா ந விஜஹிதப்³ப³ங் . அபரிக்கி²த்தங் ஹோதி, யஸ்மிங் க³ப்³பே⁴ சீவரங் நிக்கி²த்தங் ஹோதி தஸ்மிங் க³ப்³பே⁴ வத்த²ப்³ப³ங், ஹத்த²பாஸா வா ந விஜஹிதப்³ப³ங்.
482. ஏககுலஸ்ஸ உதோ³ஸிதோ ஹோதி பரிக்கி²த்தோ ச, நானாக³ப்³பா⁴ நானாஓவரகா .
அந்தோஉதோ³ஸிதே சீவரங் நிக்கி²பித்வா அந்தோஉதோ³ஸிதே வத்த²ப்³ப³ங்.
அபரிக்கி²த்தோ ஹோதி, யஸ்மிங் க³ப்³பே⁴ சீவரங் நிக்கி²த்தங் ஹோதி தஸ்மிங்
க³ப்³பே⁴ வத்த²ப்³ப³ங், ஹத்த²பாஸா வா ந விஜஹிதப்³ப³ங்.
483.
நானாகுலஸ்ஸ உதோ³ஸிதோ ஹோதி பரிக்கி²த்தோ ச, நானாக³ப்³பா⁴ நானாஓவரகா.
யஸ்மிங் க³ப்³பே⁴ சீவரங் நிக்கி²த்தங் ஹோதி தஸ்மிங் க³ப்³பே⁴ வத்த²ப்³ப³ங்
த்³வாரமூலே வா, ஹத்த²பாஸா வா ந விஜஹிதப்³ப³ங். அபரிக்கி²த்தோ ஹோதி, யஸ்மிங்
க³ப்³பே⁴ சீவரங் நிக்கி²த்தங் ஹோதி தஸ்மிங் க³ப்³பே⁴ வத்த²ப்³ப³ங்,
ஹத்த²பாஸா வா ந விஜஹிதப்³ப³ங்.
484.
ஏககுலஸ்ஸ அட்டோ ஹோதி, அந்தோஅட்டே சீவரங் நிக்கி²பித்வா அந்தோஅட்டே
வத்த²ப்³ப³ங். நானாகுலஸ்ஸ அட்டோ ஹோதி, நானாக³ப்³பா⁴ நானாஓவரகா. யஸ்மிங்
க³ப்³பே⁴ சீவரங் நிக்கி²த்தங் ஹோதி தஸ்மிங் க³ப்³பே⁴ வத்த²ப்³ப³ங்
த்³வாரமூலே வா, ஹத்த²பாஸா வா ந விஜஹிதப்³ப³ங்.
485.
ஏககுலஸ்ஸ மாளோ ஹோதி, அந்தோமாளே சீவரங் நிக்கி²பித்வா அந்தோமாளே
வத்த²ப்³ப³ங். நானாகுலஸ்ஸ மாளோ ஹோதி நானாக³ப்³பா⁴ நானாஓவரகா, யஸ்மிங்
க³ப்³பே⁴ சீவரங் நிக்கி²த்தங் ஹோதி தஸ்மிங் க³ப்³பே⁴ வத்த²ப்³ப³ங்
த்³வாரமூலே வா, ஹத்த²பாஸா வா ந விஜஹிதப்³ப³ங்.
486. ஏககுலஸ்ஸ பாஸாதோ³ ஹோதி, அந்தோபாஸாதே³ சீவரங் நிக்கி²பித்வா அந்தோபாஸாதே³ வத்த²ப்³ப³ங். நானாகுலஸ்ஸ பாஸாதோ³ ஹோதி, நானாக³ப்³பா⁴ நானாஓவரகா. யஸ்மிங் க³ப்³பே⁴ சீவரங் நிக்கி²த்தங் ஹோதி தஸ்மிங் க³ப்³பே⁴ வத்த²ப்³ப³ங் த்³வாரமூலே வா, ஹத்த²பாஸா வா ந விஜஹிதப்³ப³ங்.
487.
ஏககுலஸ்ஸ ஹம்மியங் ஹோதி. அந்தோஹம்மியே சீவரங் நிக்கி²பித்வா அந்தோஹம்மியே
வத்த²ப்³ப³ங். நானாகுலஸ்ஸ ஹம்மியங் ஹோதி, நானாக³ப்³பா⁴ நானாஓவரகா. யஸ்மிங்
க³ப்³பே⁴ சீவரங் நிக்கி²த்தங் ஹோதி தஸ்மிங் க³ப்³பே⁴ வத்த²ப்³ப³ங்
த்³வாரமூலே வா, ஹத்த²பாஸா வா ந விஜஹிதப்³ப³ங்.
488. ஏககுலஸ்ஸ நாவா ஹோதி. அந்தோனாவாய சீவரங் நிக்கி²பித்வா அந்தோனாவாய வத்த²ப்³ப³ங் .
நானாகுலஸ்ஸ நாவா ஹோதி நானாக³ப்³பா⁴ நானாஓவரகா. யஸ்மிங் ஓவரகே சீவரங்
நிக்கி²த்தங் ஹோதி தஸ்மிங் ஓவரகே வத்த²ப்³ப³ங், ஹத்த²பாஸா வா ந
விஜஹிதப்³ப³ங்.
489.
ஏககுலஸ்ஸ ஸத்தோ² ஹோதி. ஸத்தே² சீவரங் நிக்கி²பித்வா புரதோ வா பச்ச²தோ வா
ஸத்தப்³ப⁴ந்தரா ந விஜஹிதப்³பா³, பஸ்ஸதோ அப்³ப⁴ந்தரங் ந விஜஹிதப்³ப³ங்.
நானாகுலஸ்ஸ ஸத்தோ² ஹோதி, ஸத்தே² சீவரங் நிக்கி²பித்வா ஹத்த²பாஸா ந
விஜஹிதப்³ப³ங்.
490.
ஏககுலஸ்ஸ கெ²த்தங் ஹோதி பரிக்கி²த்தஞ்ச. அந்தோகெ²த்தே சீவரங்
நிக்கி²பித்வா அந்தோகெ²த்தே வத்த²ப்³ப³ங். அபரிக்கி²த்தங் ஹோதி, ஹத்த²பாஸா ந
விஜஹிதப்³ப³ங். நானாகுலஸ்ஸ கெ²த்தங் ஹோதி பரிக்கி²த்தஞ்ச. அந்தோகெ²த்தே
சீவரங் நிக்கி²பித்வா த்³வாரமூலே வா வத்த²ப்³ப³ங், ஹத்த²பாஸா வா ந விஜஹிதப்³ப³ங். அபரிக்கி²த்தங் ஹோதி, ஹத்த²பாஸா ந விஜஹிதப்³ப³ங்.
491.
ஏககுலஸ்ஸ த⁴ஞ்ஞகரணங் ஹோதி பரிக்கி²த்தஞ்ச. அந்தோத⁴ஞ்ஞகரணே சீவரங்
நிக்கி²பித்வா அந்தோத⁴ஞ்ஞகரணே வத்த²ப்³ப³ங். அபரிக்கி²த்தங் ஹோதி,
ஹத்த²பாஸா ந விஜஹிதப்³ப³ங். நானாகுலஸ்ஸ த⁴ஞ்ஞகரணங் ஹோதி பரிக்கி²த்தஞ்ச.
அந்தோத⁴ஞ்ஞகரணே சீவரங் நிக்கி²பித்வா த்³வாரமூலே வா வத்த²ப்³ப³ங்,
ஹத்த²பாஸா வா ந விஜஹிதப்³ப³ங். அபரிக்கி²த்தங் ஹோதி, ஹத்த²பாஸா ந
விஜஹிதப்³ப³ங்.
492.
ஏககுலஸ்ஸ ஆராமோ ஹோதி பரிக்கி²த்தோ ச. அந்தோஆராமே சீவரங் நிக்கி²பித்வா
அந்தோஆராமே வத்த²ப்³ப³ங். அபரிக்கி²த்தோ ஹோதி, ஹத்த²பாஸா ந விஜஹிதப்³ப³ங்.
நானாகுலஸ்ஸ ஆராமோ ஹோதி பரிக்கி²த்தோ ச. அந்தோஆராமே சீவரங் நிக்கி²பித்வா
த்³வாரமூலே வா வத்த²ப்³ப³ங், ஹத்த²பாஸா வா ந விஜஹிதப்³ப³ங். அபரிக்கி²த்தோ
ஹோதி, ஹத்த²பாஸா ந விஜஹிதப்³ப³ங்.
493. ஏககுலஸ்ஸ
விஹாரோ ஹோதி பரிக்கி²த்தோ ச. அந்தோவிஹாரே சீவரங் நிக்கி²பித்வா
அந்தோவிஹாரே வத்த²ப்³ப³ங். அபரிக்கி²த்தோ ஹோதி, யஸ்மிங் விஹாரே சீவரங்
நிக்கி²த்தங் ஹோதி தஸ்மிங் விஹாரே வத்த²ப்³ப³ங், ஹத்த²பாஸா வா ந
விஜஹிதப்³ப³ங். நானாகுலஸ்ஸ விஹாரோ ஹோதி பரிக்கி²த்தோ ச. யஸ்மிங் விஹாரே
சீவரங் நிக்கி²த்தங் ஹோதி தஸ்மிங் விஹாரே வத்த²ப்³ப³ங் த்³வாரமூலே வா,
ஹத்த²பாஸா வா ந விஜஹிதப்³ப³ங். அபரிக்கி²த்தோ ஹோதி , யஸ்மிங் விஹாரே சீவரங் நிக்கி²த்தங் ஹோதி தஸ்மிங் விஹாரே வத்த²ப்³ப³ங், ஹத்த²பாஸா வா ந விஜஹிதப்³ப³ங்.
494. ஏககுலஸ்ஸ
ருக்க²மூலங் ஹோதி, யங் மஜ்ஜ²ன்ஹிகே காலே ஸமந்தா சா²யா ப²ரதி, அந்தோசா²யாய
சீவரங் நிக்கி²பித்வா அந்தோசா²யாய வத்த²ப்³ப³ங். நானாகுலஸ்ஸ ருக்க²மூலங்
ஹோதி, ஹத்த²பாஸா ந விஜஹிதப்³ப³ங்.
அஜ்ஜோ²காஸோ ஏகூபசாரோ நாம அகா³மகே அரஞ்ஞே ஸமந்தா ஸத்தப்³ப⁴ந்தரா ஏகூபசாரோ, ததோ பரங் நானூபசாரோ.
495.
விப்பவுத்தே² விப்பவுத்த²ஸஞ்ஞீ அஞ்ஞத்ர பி⁴க்கு²ஸம்முதியா, நிஸ்ஸக்³கி³யங்
பாசித்தியங். விப்பவுத்தே² வேமதிகோ, அஞ்ஞத்ர பி⁴க்கு²ஸம்முதியா,
நிஸ்ஸக்³கி³யங் பாசித்தியங். விப்பவுத்தே² அவிப்பவுத்த²ஸஞ்ஞீ, அஞ்ஞத்ர
பி⁴க்கு²ஸம்முதியா, நிஸ்ஸக்³கி³யங் பாசித்தியங். அப்பச்சுத்³த⁴டே
பச்சுத்³த⁴டஸஞ்ஞீ…பே॰… அவிஸ்ஸஜ்ஜிதே விஸ்ஸஜ்ஜிதஸஞ்ஞீ… அனட்டே² நட்ட²ஸஞ்ஞீ…
அவினட்டே² வினட்ட²ஸஞ்ஞீ… அத³ட்³டே⁴ த³ட்³ட⁴ஸஞ்ஞீ…பே॰… அவிலுத்தே
விலுத்தஸஞ்ஞீ, அஞ்ஞத்ர பி⁴க்கு²ஸம்முதியா, நிஸ்ஸக்³கி³யங் பாசித்தியங்.
நிஸ்ஸக்³கி³யங் சீவரங் அனிஸ்ஸஜ்ஜித்வா பரிபு⁴ஞ்ஜதி, ஆபத்தி து³க்கடஸ்ஸ .
அவிப்பவுத்தே² விப்பவுத்த²ஸஞ்ஞீ, ஆபத்தி து³க்கடஸ்ஸ. அவிப்பவுத்தே²
வேமதிகோ, ஆபத்தி து³க்கடஸ்ஸ. அவிப்பவுத்தே² அவிப்பவுத்த²ஸஞ்ஞீ, அனாபத்தி.
496.
அனாபத்தி அந்தோஅருணே பச்சுத்³த⁴ரதி, விஸ்ஸஜ்ஜேதி, நஸ்ஸதி, வினஸ்ஸதி,
ட³ய்ஹதி, அச்சி²ந்தி³த்வா க³ண்ஹந்தி, விஸ்ஸாஸங் க³ண்ஹந்தி,
பி⁴க்கு²ஸம்முதியா, உம்மத்தகஸ்ஸ, ஆதி³கம்மிகஸ்ஸாதி.
உதோ³ஸிதஸிக்கா²பத³ங் நிட்டி²தங் து³தியங்.
3. ததியகதி²னஸிக்கா²பத³ங்
497. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரஸ்ஸ பி⁴க்கு²னோ அகாலசீவரங் உப்பன்னங் ஹோதி.
தஸ்ஸ தங் சீவரங் கயிரமானங் நப்பஹோதி. அத² கோ²
ஸோ பி⁴க்கு² தங் சீவரங் உஸ்ஸாபெத்வா புனப்புனங் விமஜ்ஜதி. அத்³த³ஸா கோ²
ப⁴க³வா ஸேனாஸனசாரிகங் ஆஹிண்ட³ந்தோ தங் பி⁴க்கு²ங் தங் சீவரங் உஸ்ஸாபெத்வா
புனப்புனங் விமஜ்ஜந்தங். தி³ஸ்வான யேன ஸோ பி⁴க்கு² தேனுபஸங்கமி;
உபஸங்கமித்வா தங் பி⁴க்கு²ங் ஏதத³வோச – ‘‘கிஸ்ஸ த்வங், பி⁴க்கு², இமங்
சீவரங் உஸ்ஸாபெத்வா புனப்புனங் விமஜ்ஜஸீ’’தி? ‘‘இத³ங் மே, ப⁴ந்தே,
அகாலசீவரங் உப்பன்னங். கயிரமானங் நப்பஹோதி. தேனாஹங் இமங் சீவரங்
உஸ்ஸாபெத்வா புனப்புனங் விமஜ்ஜாமீ’’தி. ‘‘அத்தி² பன தே, பி⁴க்கு²,
சீவரபச்சாஸா’’தி? ‘‘அத்தி², ப⁴க³வா’’தி. அத² கோ² ப⁴க³வா ஏதஸ்மிங் நிதா³னே
ஏதஸ்மிங் பகரணே த⁴ம்மிங் கத²ங் கத்வா, பி⁴க்கூ² ஆமந்தேஸி – ‘‘அனுஜானாமி,
பி⁴க்க²வே, அகாலசீவரங் படிக்³க³ஹெத்வா சீவரபச்சாஸா நிக்கி²பிது’’ந்தி.
498.
தேன கோ² பன ஸமயேன பி⁴க்கூ² – ‘‘ப⁴க³வதா அனுஞ்ஞாதங் அகாலசீவரங்
படிக்³க³ஹெத்வா சீவரபச்சாஸா நிக்கி²பிது’’ந்தி அகாலசீவரானி படிக்³க³ஹெத்வா
அதிரேகமாஸங் நிக்கி²பந்தி. தானி சீவரானி சீவரவங்ஸே ப⁴ண்டி³காப³த்³தா⁴னி
திட்ட²ந்தி. அத்³த³ஸா கோ² ஆயஸ்மா ஆனந்தோ³ ஸேனாஸனசாரிகங் ஆஹிண்ட³ந்தோ தானி
சீவரானி சீவரவங்ஸே ப⁴ண்டி³காப³த்³தா⁴னி திட்ட²ந்தே. தி³ஸ்வான பி⁴க்கூ²
ஆமந்தேஸி – ‘‘கஸ்ஸிமானி, ஆவுஸோ, சீவரானி சீவரவங்ஸே ப⁴ண்டி³காப³த்³தா⁴னி
திட்ட²ந்தீ’’தி? ‘‘அம்ஹாகங், ஆவுஸோ, அகாலசீவரானி சீவரபச்சாஸா
நிக்கி²த்தானீ’’தி. ‘‘கீவசிரங் பனாவுஸோ, இமானி சீவரானி நிக்கி²த்தானீ’’தி?
‘‘அதிரேகமாஸங், ஆவுஸோ’’தி. ஆயஸ்மா ஆனந்தோ³ உஜ்ஜா²யதி கி²ய்யதி விபாசேதி –
‘‘கத²ஞ்ஹி நாம பி⁴க்கூ² அகாலசீவரங் படிக்³க³ஹெத்வா அதிரேகமாஸங்
நிக்கி²பிஸ்ஸந்தீ’’தி! அத² கோ² ஆயஸ்மா ஆனந்தோ³ தே பி⁴க்கூ² அனேகபரியாயேன
விக³ரஹித்வா ப⁴க³வதோ ஏதமத்த²ங் ஆரோசேஸி…பே॰… ‘‘ஸச்சங் கிர, பி⁴க்க²வே,
பி⁴க்கூ² அகாலசீவரங் படிக்³க³ஹெத்வா அதிரேகமாஸங் நிக்கி²பந்தீ’’தி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தே,
பி⁴க்க²வே, மோக⁴புரிஸா அகாலசீவரங் படிக்³க³ஹெத்வா அதிரேகமாஸங்
நிக்கி²பிஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச
பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
499. ‘‘நிட்டி²தசீவரஸ்மிங் பி⁴க்கு²னா
உப்³ப⁴தஸ்மிங் கதி²னே பி⁴க்கு²னோ பனேவ அகாலசீவரங் உப்பஜ்ஜெய்ய,
ஆகங்க²மானேன பி⁴க்கு²னா படிக்³க³ஹேதப்³ப³ங். படிக்³க³ஹெத்வா கி²ப்பமேவ
காரேதப்³ப³ங். நோசஸ்ஸ பாரிபூரி, மாஸபரமங் தேன பி⁴க்கு²னா தங் சீவரங் நிக்கி²பிதப்³ப³ங் ஊனஸ்ஸ பாரிபூரியா ஸதியா பச்சாஸாய. ததோ சே உத்தரி [உத்தரிங் (ஸீ॰ ஸ்யா॰)] நிக்கி²பெய்ய, ஸதியாபி பச்சாஸாய, நிஸ்ஸக்³கி³யங் பாசித்திய’’ந்தி.
500. நிட்டி²தசீவரஸ்மிந்தி பி⁴க்கு²னோ சீவரங் கதங் வா ஹோதி நட்ட²ங் வா வினட்ட²ங் வா த³ட்³ட⁴ங் வா சீவராஸா வா உபச்சி²ன்னா.
உப்³ப⁴தஸ்மிங் கதி²னேதி அட்ட²ன்னங் மாதிகானங் அஞ்ஞதராய மாதிகாய உப்³ப⁴தங் ஹோதி, ஸங்கே⁴ன வா அந்தரா உப்³ப⁴தங் ஹோதி.
அகாலசீவரங் நாம அனத்த²தே கதி²னே ஏகாத³ஸமாஸே உப்பன்னங், அத்த²தே கதி²னே ஸத்தமாஸே உப்பன்னங், காலேபி ஆதி³ஸ்ஸ தி³ன்னங், ஏதங் அகாலசீவரங் நாம.
உப்பஜ்ஜெய்யாதி உப்பஜ்ஜெய்ய ஸங்க⁴தோ வா க³ணதோ வா ஞாதிதோ வா மித்ததோ வா பங்ஸுகூலங் வா அத்தனோ வா த⁴னேன.
ஆகங்க²மானேனாதி இச்ச²மானேன படிக்³க³ஹேதப்³ப³ங்.
படிக்³க³ஹெத்வா கி²ப்பமேவ காரேதப்³ப³ந்தி த³ஸாஹா காரேதப்³ப³ங்.
நோ சஸ்ஸ பாரிபூரீதி கயிரமானங் நப்பஹோதி.
மாஸபரமங் தேன பி⁴க்கு²னா தங் சீவரங் நிக்கி²பிதப்³ப³ந்தி மாஸபரமதா நிக்கி²பிதப்³ப³ங்.
ஊனஸ்ஸ பாரிபூரியாதி ஊனஸ்ஸ பாரிபூரத்தா²ய.
ஸதியா பச்சாஸாயாதி பச்சாஸா ஹோதி ஸங்க⁴தோ வா க³ணதோ வா ஞாதிதோ வா மித்ததோ வா பங்ஸுகூலங் வா அத்தனோ வா த⁴னேன.
ததோ சே உத்தரி நிக்கி²பெய்ய ஸதியாபி பச்சாஸாயாதி தத³ஹுப்பன்னே
மூலசீவரே பச்சாஸாசீவரங் உப்பஜ்ஜதி, த³ஸாஹா காரேதப்³ப³ங். த்³வீஹுப்பன்னே
மூலசீவரே பச்சாஸாசீவரங் உப்பஜ்ஜதி, த³ஸாஹா காரேதப்³ப³ங். தீஹுப்பன்னே
மூலசீவரே…பே॰… சதூஹுப்பன்னே… பஞ்சாஹுப்பன்னே… சா²ஹுப்பன்னே…
ஸத்தாஹுப்பன்னே… அட்டா²ஹுப்பன்னே … நவாஹுப்பன்னே… த³ஸாஹுப்பன்னே மூலசீவரே பச்சாஸாசீவரங் உப்பஜ்ஜதி, த³ஸாஹா காரேதப்³ப³ங் .
ஏகாத³ஸே உப்பன்னே…பே॰… த்³வாத³ஸே உப்பன்னே… தேரஸே உப்பன்னே… சுத்³த³ஸே
உப்பன்னே… பன்னரஸே உப்பன்னே… ஸோளஸே உப்பன்னே… ஸத்தரஸே உப்பன்னே… அட்டா²ரஸே
உப்பன்னே… ஏகூனவீஸே உப்பன்னே… வீஸே உப்பன்னே மூலசீவரே பச்சாஸாசீவரங்
உப்பஜ்ஜதி, த³ஸாஹா காரேதப்³ப³ங். ஏகவீஸே உப்பன்னே மூலசீவரே பச்சாஸாசீவரங்
உப்பஜ்ஜதி, நவாஹா காரேதப்³ப³ங். த்³வாவீஸே உப்பன்னே…பே॰… தேவீஸே உப்பன்னே…
சதுவீஸே உப்பன்னே… பஞ்சவீஸே உப்பன்னே… ச²ப்³பீ³ஸே உப்பன்னே… ஸத்தவீஸே
உப்பன்னே… அட்ட²வீஸே உப்பன்னே… ஏகூனதிங்ஸே உப்பன்னே மூலசீவரே பச்சாஸாசீவரங்
உப்பஜ்ஜதி, ஏகாஹங் காரேதப்³ப³ங்… திங்ஸே உப்பன்னே மூலசீவரே பச்சாஸாசீவரங்
உப்பஜ்ஜதி , தத³ஹேவ அதி⁴ட்டா²தப்³ப³ங்
விகப்பேதப்³ப³ங் விஸ்ஸஜ்ஜேதப்³ப³ங். நோ சே அதி⁴ட்டெ²ய்ய வா விகப்பெய்ய வா
விஸ்ஸஜ்ஜெய்ய வா, ஏகதிங்ஸே அருணுக்³க³மனே நிஸ்ஸக்³கி³யங் ஹோதி.
நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா
புக்³க³லஸ்ஸ வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே,
ப⁴ந்தே, அகாலசீவரங் மாஸாதிக்கந்தங் நிஸ்ஸக்³கி³யங், இமாஹங் ஸங்க⁴ஸ்ஸ
நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.
விஸபா⁴கே³ உப்பன்னே மூலசீவரே பச்சாஸாசீவரங் உப்பஜ்ஜதி, ரத்தியோ ச ஸேஸா ஹொந்தி, ந அகாமா காரேதப்³ப³ங்.
501.
மாஸாதிக்கந்தே அதிக்கந்தஸஞ்ஞீ, நிஸ்ஸக்³கி³யங் பாசித்தியங். மாஸாதிக்கந்தே
வேமதிகோ நிஸ்ஸக்³கி³யங் பாசித்தியங். மாஸாதிக்கந்தே அனதிக்கந்தஸஞ்ஞீ
நிஸ்ஸக்³கி³யங் பாசித்தியங். அனதி⁴ட்டி²தே அதி⁴ட்டி²தஸஞ்ஞீ…பே॰… அவிகப்பிதே
விகப்பிதஸஞ்ஞீ… அவிஸ்ஸஜ்ஜிதே விஸ்ஸஜ்ஜிதஸஞ்ஞீ… அனட்டே² நட்ட²ஸஞ்ஞீ…
அவினட்டே² வினட்ட²ஸஞ்ஞீ… அத³ட்³டே⁴ த³ட்³ட⁴ஸஞ்ஞீ… அவிலுத்தே விலுத்தஸஞ்ஞீ,
நிஸ்ஸக்³கி³யங் பாசித்தியங்.
நிஸ்ஸக்³கி³யங் சீவரங் அனிஸ்ஸஜ்ஜித்வா பரிபு⁴ஞ்ஜதி,
ஆபத்தி து³க்கடஸ்ஸ. மாஸானதிக்கந்தே அதிக்கந்தஸஞ்ஞீ, ஆபத்தி து³க்கடஸ்ஸ.
மாஸானதிக்கந்தே வேமதிகோ, ஆபத்தி து³க்கடஸ்ஸ. மாஸானதிக்கந்தே
அனதிக்கந்தஸஞ்ஞீ, அனாபத்தி.
502. அனாபத்தி அந்தோமாஸே அதி⁴ட்டே²தி, விகப்பேதி, விஸ்ஸஜ்ஜேதி, நஸ்ஸதி , வினஸ்ஸதி, ட³ய்ஹதி, அச்சி²ந்தி³த்வா க³ண்ஹந்தி, விஸ்ஸாஸங் க³ண்ஹந்தி, உம்மத்தகஸ்ஸ, ஆதி³கம்மிகஸ்ஸாதி.
ததியகதி²னஸிக்கா²பத³ங் நிட்டி²தங்.
4. புராணசீவரஸிக்கா²பத³ங்
503. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மதோ உதா³யிஸ்ஸ புராணது³தியிகா பி⁴க்கு²னீஸு
பப்³ப³ஜிதா ஹோதி. ஸா ஆயஸ்மதோ உதா³யிஸ்ஸ ஸந்திகே அபி⁴க்க²ணங் ஆக³ச்ச²தி.
ஆயஸ்மாபி உதா³யீ தஸ்ஸா பி⁴க்கு²னியா ஸந்திகே அபி⁴க்க²ணங் க³ச்ச²தி. தேன கோ²
பன ஸமயேன ஆயஸ்மா உதா³யீ தஸ்ஸா பி⁴க்கு²னியா ஸந்திகே ப⁴த்தவிஸ்ஸக்³க³ங்
கரோதி. அத² கோ² ஆயஸ்மா உதா³யீ புப்³ப³ண்ஹஸமயங் நிவாஸெத்வா பத்தசீவரமாதா³ய
யேன ஸா பி⁴க்கு²னீ தேனுபஸங்கமி; உபஸங்கமித்வா தஸ்ஸா பி⁴க்கு²னியா புரதோ
அங்க³ஜாதங் விவரித்வா ஆஸனே நிஸீதி³. ஸாபி கோ² பி⁴க்கு²னீ ஆயஸ்மதோ உதா³யிஸ்ஸ
புரதோ அங்க³ஜாதங் விவரித்வா ஆஸனே நிஸீதி³. அத² கோ² ஆயஸ்மா உதா³யீ ஸாரத்தோ
தஸ்ஸா பி⁴க்கு²னியா அங்க³ஜாதங் உபனிஜ்ஜா²யி. தஸ்ஸ அஸுசி முச்சி. அத² கோ²
ஆயஸ்மா உதா³யீ தங் பி⁴க்கு²னிங் ஏதத³வோச – ‘‘க³ச்ச², ப⁴கி³னி, உத³கங் ஆஹர,
அந்தரவாஸகங் தோ⁴விஸ்ஸாமீ’’தி. ‘‘ஆஹரய்ய , அஹமேவ
தோ⁴விஸ்ஸாமீ’’தி தங் அஸுசிங் ஏகதே³ஸங் முகே²ன அக்³க³ஹேஸி ஏகதே³ஸங்
அங்க³ஜாதே பக்கி²பி. ஸா தேன க³ப்³ப⁴ங் க³ண்ஹி. பி⁴க்கு²னியோ
ஏவமாஹங்ஸு – ‘‘அப்³ரஹ்மசாரினீ அயங் பி⁴க்கு²னீ, க³ப்³பி⁴னீ’’தி. ‘‘நாஹங்,
அய்யே, அப்³ரஹ்மசாரினீ’’தி பி⁴க்கு²னீனங் ஏதமத்த²ங் ஆரோசேஸி. பி⁴க்கு²னியோ
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம அய்யோ உதா³யீ
பி⁴க்கு²னியா புராணசீவரங் தோ⁴வாபெஸ்ஸதீ’’தி! அத² கோ² தா பி⁴க்கு²னியோ
பி⁴க்கூ²னங் ஏதமத்த²ங் ஆரோசேஸுங். யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா உதா³யீ
பி⁴க்கு²னியா புராணசீவரங் தோ⁴வாபெஸ்ஸதீ’’தி! அத² கோ² தே பி⁴க்கூ²
ஆயஸ்மந்தங் உதா³யிங் அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸுங்…பே॰… ‘‘ஸச்சங் கிர த்வங், உதா³யி, பி⁴க்கு²னியா புராணசீவரங்
தோ⁴வாபேஸீ’’தி? ‘‘ஸச்சங், ப⁴க³வா’’தி. ‘‘ஞாதிகா தே, உதா³யி, அஞ்ஞாதிகா’’தி?
‘‘அஞ்ஞாதிகா, ப⁴க³வா’’தி. ‘‘அஞ்ஞாதகோ, மோக⁴புரிஸ, அஞ்ஞாதிகாய ந ஜானாதி
பதிரூபங் வா அப்பதிரூபங் வா பாஸாதி³கங் வா அபாஸாதி³கங் வா. தத்த² நாம
த்வங், மோக⁴புரிஸ, அஞ்ஞாதிகாய பி⁴க்கு²னியா புராணசீவரங் தோ⁴வாபெஸ்ஸஸி!
நேதங், மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –
504. ‘‘யோ பன பி⁴க்கு² அஞ்ஞாதிகாய பி⁴க்கு²னியா புராணசீவரங் தோ⁴வாபெய்ய வா ரஜாபெய்ய வா ஆகோடாபெய்ய வா, நிஸ்ஸக்³கி³யங் பாசித்திய’’ந்தி.
505. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
அஞ்ஞாதிகா நாம மாதிதோ வா பிதிதோ வா யாவ ஸத்தமா பிதாமஹயுகா³ அஸம்ப³த்³தா⁴.
பி⁴க்கு²னீ நாம உப⁴தோஸங்கே⁴ உபஸம்பன்னா.
புராணசீவரங் நாம ஸகிங் நிவத்த²ம்பி ஸகிங் பாருதம்பி.
தோ⁴வாதி ஆணாபேதி, ஆபத்தி து³க்கடஸ்ஸ. தோ⁴தங்
நிஸ்ஸக்³கி³யங் ஹோதி. ரஜாதி ஆணாபேதி, ஆபத்தி து³க்கடஸ்ஸ. ரத்தங்
நிஸ்ஸக்³கி³யங் ஹோதி. ஆகோடேஹீதி ஆணாபேதி, ஆபத்தி து³க்கடஸ்ஸ. ஸகிங்
பாணிப்பஹாரங் வா முக்³க³ரப்பஹாரங் வா தி³ன்னே நிஸ்ஸக்³கி³யங் ஹோதி.
நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச பன,
பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே, புராணசீவரங்
அஞ்ஞாதிகாய பி⁴க்கு²னியா தோ⁴வாபிதங் நிஸ்ஸக்³கி³யங். இமாஹங் ஸங்க⁴ஸ்ஸ
நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.
506. அஞ்ஞாதிகாய
அஞ்ஞாதிகஸஞ்ஞீ புராணசீவரங் தோ⁴வாபேதி, நிஸ்ஸக்³கி³யங் பாசித்தியங்.
அஞ்ஞாதிகாய அஞ்ஞாதிகஸஞ்ஞீ புராணசீவரங் தோ⁴வாபேதி ரஜாபேதி, நிஸ்ஸக்³கி³யேன
ஆபத்தி து³க்கடஸ்ஸ. அஞ்ஞாதிகாய அஞ்ஞாதிகஸஞ்ஞீ
புராணசீவரங் தோ⁴வாபேதி ஆகோடாபேதி, நிஸ்ஸக்³கி³யேன ஆபத்தி து³க்கடஸ்ஸ.
அஞ்ஞாதிகாய அஞ்ஞாதிகஸஞ்ஞீ புராணசீவரங் தோ⁴வாபேதி ரஜாபேதி ஆகோடாபேதி,
நிஸ்ஸக்³கி³யேன ஆபத்தி த்³வின்னங் து³க்கடானங்.
அஞ்ஞாதிகாய அஞ்ஞாதிகஸஞ்ஞீ புராணசீவரங் ரஜாபேதி,
நிஸ்ஸக்³கி³யங் பாசித்தியங். அஞ்ஞாதிகாய அஞ்ஞாதிகஸஞ்ஞீ புராணசீவரங் ரஜாபேதி
ஆகோடாபேதி, நிஸ்ஸக்³கி³யேன ஆபத்தி து³க்கடஸ்ஸ. அஞ்ஞாதிகாய அஞ்ஞாதிகஸஞ்ஞீ
புராணசீவரங் ரஜாபேதி தோ⁴வாபேதி, நிஸ்ஸக்³கி³யேன ஆபத்தி து³க்கடஸ்ஸ. அஞ்ஞாதிகாய அஞ்ஞாதிகஸஞ்ஞீ புராணசீவரங் ரஜாபேதி ஆகோடாபேதி தோ⁴வாபேதி, நிஸ்ஸக்³கி³யேன ஆபத்தி த்³வின்னங் து³க்கடானங்.
அஞ்ஞாதிகாய அஞ்ஞாதிகஸஞ்ஞீ
புராணசீவரங் ஆகோடாபேதி, நிஸ்ஸக்³கி³யங் பாசித்தியங். அஞ்ஞாதிகாய
அஞ்ஞாதிகஸஞ்ஞீ புராணசீவரங் ஆகோடாபேதி தோ⁴வாபேதி, நிஸ்ஸக்³கி³யேன ஆபத்தி
து³க்கடஸ்ஸ. அஞ்ஞாதிகாய அஞ்ஞாதிகஸஞ்ஞீ புராணசீவரங் ஆகோடாபேதி ரஜாபேதி,
நிஸ்ஸக்³கி³யேன ஆபத்தி து³க்கடஸ்ஸ. அஞ்ஞாதிகாய அஞ்ஞாதிகஸஞ்ஞீ புராணசீவரங்
ஆகோடாபேதி தோ⁴வாபேதி ரஜாபேதி, நிஸ்ஸக்³கி³யேன ஆபத்தி த்³வின்னங்
து³க்கடானங்.
அஞ்ஞாதிகாய வேமதிகோ…பே॰… அஞ்ஞாதிகாய ஞாதிகஸஞ்ஞீ…பே॰…
அஞ்ஞஸ்ஸ புராணசீவரங் தோ⁴வாபேதி, ஆபத்தி து³க்கடஸ்ஸ. நிஸீத³னபச்சத்த²ரணங்
தோ⁴வாபேதி, ஆபத்தி து³க்கடஸ்ஸ. ஏகதோஉபஸம்பன்னாய தோ⁴வாபேதி, ஆபத்தி
து³க்கடஸ்ஸ. ஞாதிகாய அஞ்ஞாதிகஸஞ்ஞீ, ஆபத்தி து³க்கடஸ்ஸ . ஞாதிகாய வேமதிகோ, ஆபத்தி து³க்கடஸ்ஸ. ஞாதிகாய ஞாதிகஸஞ்ஞீ, அனாபத்தி.
507.
அனாபத்தி ஞாதிகாய தோ⁴வந்தியா அஞ்ஞாதிகா து³தியா ஹோதி, அவுத்தா தோ⁴வதி,
அபரிபு⁴த்தங் தோ⁴வாபேதி, சீவரங் ட²பெத்வா அஞ்ஞங் பரிக்கா²ரங் தோ⁴வாபேதி,
ஸிக்க²மானாய, ஸாமணேரியா, உம்மத்தகஸ்ஸ, ஆதி³கம்மிகஸ்ஸாதி.
புராணசீவரஸிக்கா²பத³ங் நிட்டி²தங் சதுத்த²ங்.
5. சீவரபடிக்³க³ஹணஸிக்கா²பத³ங்
508. தேன
ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன
ஸமயேன உப்பலவண்ணா பி⁴க்கு²னீ ஸாவத்தி²யங் விஹரதி. அத² கோ² உப்பலவண்ணா
பி⁴க்கு²னீ புப்³ப³ண்ஹஸமயங் நிவாஸெத்வா பத்தசீவரமாதா³ய
ஸாவத்தி²ங் பிண்டா³ய பாவிஸி. ஸாவத்தி²யங் பிண்டா³ய சரித்வா பச்சா²ப⁴த்தங்
பிண்ட³பாதப்படிக்கந்தா யேன அந்த⁴வனங் தேனுபஸங்கமி தி³வாவிஹாராய. அந்த⁴வனங்
அஜ்ஜோ²கா³ஹெத்வா அஞ்ஞதரஸ்மிங் ருக்க²மூலே தி³வாவிஹாரங் நிஸீதி³. தேன கோ² பன
ஸமயேன சோரா கதகம்மா கா³விங் வதி⁴த்வா மங்ஸங்
க³ஹெத்வா அந்த⁴வனங் பவிஸிங்ஸு. அத்³த³ஸா கோ² சோரகா³மணிகோ உப்பலவண்ணங்
பி⁴க்கு²னிங் அஞ்ஞதரஸ்மிங் ருக்க²மூலே தி³வாவிஹாரங்
நிஸின்னங். தி³ஸ்வானஸ்ஸ ஏதத³ஹோஸி – ‘‘ஸசே மே புத்தபா⁴துகா பஸ்ஸிஸ்ஸந்தி
விஹேடி²ஸ்ஸந்தி இமங் பி⁴க்கு²னி’’ந்தி அஞ்ஞேன மக்³கே³ன அக³மாஸி. அத² கோ² ஸோ
சோரகா³மணிகோ மங்ஸே பக்கே வரமங்ஸானி க³ஹெத்வா பண்ணபுடங் [பண்ணேன புடங் (ஸ்யா॰)]
ப³ந்தி⁴த்வா உப்பலவண்ணாய பி⁴க்கு²னியா அவிதூ³ரே ருக்கே² ஆலக்³கெ³த்வா –
‘‘யோ பஸ்ஸதி ஸமணோ வா ப்³ராஹ்மணோ வா தி³ன்னங்யேவ ஹரதூ’’தி, வத்வா பக்காமி.
அஸ்ஸோஸி கோ² உப்பலவண்ணா பி⁴க்கு²னீ ஸமாதி⁴ம்ஹா வுட்ட²ஹித்வா தஸ்ஸ
சோரகா³மணிகஸ்ஸ இமங் வாசங் பா⁴ஸமானஸ்ஸ. அத² கோ² உப்பலவண்ணா
பி⁴க்கு²னீ தங் மங்ஸங் க³ஹெத்வா உபஸ்ஸயங் அக³மாஸி. அத² கோ² உப்பலவண்ணா
பி⁴க்கு²னீ தஸ்ஸா ரத்தியா அச்சயேன தங் மங்ஸங் ஸம்பாதெ³த்வா உத்தராஸங்கே³ன
ப⁴ண்டி³கங் ப³ந்தி⁴த்வா வேஹாஸங் அப்³பு⁴க்³க³ந்த்வா வேளுவனே பச்சுட்டா²ஸி [பச்சுபட்டா²ஸி (?)].
தேன கோ² பன ஸமயேன ப⁴க³வா கா³மங் பிண்டா³ய பவிட்டோ²
ஹோதி. ஆயஸ்மா உதா³யீ ஓஹிய்யகோ ஹோதி விஹாரபாலோ. அத² கோ² உப்பலவண்ணா
பி⁴க்கு²னீ யேனாயஸ்மா உதா³யீ தேனுபஸங்கமி; உபஸங்கமித்வா ஆயஸ்மந்தங்
உதா³யிங் ஏதத³வோச – ‘‘கஹங், ப⁴ந்தே, ப⁴க³வா’’தி? ‘‘பவிட்டோ², ப⁴கி³னி,
ப⁴க³வா கா³மங் பிண்டா³யா’’தி. ‘‘இமங், ப⁴ந்தே, மங்ஸங் ப⁴க³வதோ தே³ஹீ’’தி.
‘‘ஸந்தப்பிதோ தயா, ப⁴கி³னி, ப⁴க³வா மங்ஸேன. ஸசே மே த்வங் அந்தரவாஸகங்
த³தெ³ய்யாஸி, ஏவங் அஹம்பி ஸந்தப்பிதோ ப⁴வெய்யங் அந்தரவாஸகேனா’’தி. ‘‘மயங்
கோ², ப⁴ந்தே, மாதுகா³மா நாம கிச்ச²லாபா⁴. இத³ஞ்ச மே அந்திமங் பஞ்சமங்
சீவரங். நாஹங் த³ஸ்ஸாமீ’’தி. ‘‘ஸெய்யதா²பி, ப⁴கி³னி, புரிஸோ ஹத்தி²ங்
த³த்வா கச்சே² ஸஜ்ஜெய்ய [விஸ்ஸஜ்ஜெய்ய (ஸ்யா॰)] ஏவமேவ கோ² த்வங் ப⁴கி³னி ப⁴க³வதோ மங்ஸங் த³த்வா மயி அந்தரவாஸகே ஸஜ்ஜஸீ’’தி [அந்தரவாஸகங் ந ஸஜ்ஜஸீதி (க॰), மய்ஹங் அந்தரவாஸகங் விஸ்ஸஜ்ஜேஹீதி (ஸ்யா॰)].
அத² கோ² உப்பலவண்ணா பி⁴க்கு²னீ ஆயஸ்மதா உதா³யினா நிப்பீளியமானா
அந்தரவாஸகங் த³த்வா உபஸ்ஸயங் அக³மாஸி. பி⁴க்கு²னியோ உப்பலவண்ணாய
பி⁴க்கு²னியா பத்தசீவரங் படிக்³க³ண்ஹந்தியோ
உப்பலவண்ணங் பி⁴க்கு²னிங் ஏதத³வோசுங் – ‘‘கஹங் தே, அய்யே, அந்தரவாஸகோ’’தி?
உப்பலவண்ணா பி⁴க்கு²னீ பி⁴க்கு²னீனங் ஏதமத்த²ங் ஆரோசேஸி. பி⁴க்கு²னியோ
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
அய்யோ உதா³யீ பி⁴க்கு²னியா சீவரங் படிக்³க³ஹெஸ்ஸதி கிச்ச²லாபோ⁴
மாதுகா³மோ’’தி. அத² கோ² தா பி⁴க்கு²னியோ பி⁴க்கூ²னங் ஏதமத்த²ங் ஆரோசேஸுங்.
யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஆயஸ்மா உதா³யீ பி⁴க்கு²னியா சீவரங் படிக்³க³ஹெஸ்ஸதீ’’தி! அத²
கோ² தே பி⁴க்கூ² ஆயஸ்மந்தங் உதா³யிங் அனேகபரியாயேன
விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர த்வங்,
உதா³யி, பி⁴க்கு²னியா சீவரங் படிக்³க³ஹேஸீ’’தி? ‘‘ஸச்சங் ,
ப⁴க³வா’’தி. ‘‘ஞாதிகா தே, உதா³யி, அஞ்ஞாதிகா’’தி? ‘‘அஞ்ஞாதிகா,
ப⁴க³வா’’தி. ‘‘அஞ்ஞாதகோ, மோக⁴புரிஸ, அஞ்ஞாதிகாய ந ஜானாதி பதிரூபங் வா
அப்பதிரூபங் வா ஸந்தங் வா அஸந்தங் வா. தத்த² நாம த்வங், மோக⁴புரிஸ,
அஞ்ஞாதிகாய பி⁴க்கு²னியா ஹத்த²தோ சீவரங் படிக்³க³ஹெஸ்ஸஸி! நேதங் மோக⁴புரிஸ,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –
509. ‘‘யோ பன பி⁴க்கு² அஞ்ஞாதிகாய பி⁴க்கு²னியா ஹத்த²தோ சீவரங் படிக்³க³ண்ஹெய்ய, நிஸ்ஸக்³கி³யங் பாசித்திய’’ந்தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
510. தேன கோ² பன ஸமயேன பி⁴க்கூ² குக்குச்சாயந்தா பி⁴க்கு²னீனங் பாரிவத்தகசீவரங்
ந படிக்³க³ண்ஹந்தி. பி⁴க்கு²னியோ உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம அய்யா அம்ஹாகங் பாரிவத்தகசீவரங் ந படிக்³க³ஹெஸ்ஸந்தீ’’தி!
அஸ்ஸோஸுங் கோ² பி⁴க்கூ² தாஸங் பி⁴க்கு²னீனங் உஜ்ஜா²யந்தீனங் கி²ய்யந்தீனங்
விபாசெந்தீனங். அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸு. அத² கோ²
ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ²
ஆமந்தேஸி – ‘‘அனுஜானாமி, பி⁴க்க²வே, பஞ்சன்னங் பாரிவத்தகங் படிக்³க³ஹேதுங் –
பி⁴க்கு²ஸ்ஸ, பி⁴க்கு²னியா, ஸிக்க²மானாய, ஸாமணேரஸ்ஸ, ஸாமணேரியா.
அனுஜானாமி, பி⁴க்க²வே, இமேஸங் பஞ்சன்னங் பாரிவத்தகங் படிக்³க³ஹேதுங். ஏவஞ்ச
பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத².
511. ‘‘யோ பன பி⁴க்கு² அஞ்ஞாதிகாய பி⁴க்கு²னியா ஹத்த²தோ சீவரங் படிக்³க³ண்ஹெய்ய, அஞ்ஞத்ர பாரிவத்தகா, நிஸ்ஸக்³கி³யங் பாசித்திய’’ந்தி.
512. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
அஞ்ஞாதிகா நாம மாதிதோ வா பிதிதோ வா யாவ ஸத்தமா பிதாமஹயுகா³ அஸம்ப³த்³தா⁴.
பி⁴க்கு²னீ நாம உப⁴தோஸங்கே⁴ உபஸம்பன்னா.
சீவரங் நாம ச²ன்னங் சீவரானங் அஞ்ஞதரங் சீவரங் விகப்பனுபக³ங் பச்சி²மங்.
அஞ்ஞத்ர பாரிவத்தகாதி ட²பெத்வா பாரிவத்தகங்.
படிக்³க³ண்ஹாதி, பயோகே³ து³க்கடங். படிலாபே⁴ன
நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ
வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே,
சீவரங் அஞ்ஞாதிகாய பி⁴க்கு²னியா ஹத்த²தோ படிக்³க³ஹிதங், அஞ்ஞத்ர
பாரிவத்தகா, நிஸ்ஸக்³கி³யங். இமாஹங் ஸங்க⁴ஸ்ஸ நிஸ்ஸஜ்ஜாமீதி…பே॰…
த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.
513.
அஞ்ஞாதிகாய அஞ்ஞாதிகஸஞ்ஞீ சீவரங் படிக்³க³ண்ஹாதி, அஞ்ஞத்ர பாரிவத்தகா,
நிஸ்ஸக்³கி³யங் பாசித்தியங். அஞ்ஞாதிகாய வேமதிகோ சீவரங் படிக்³க³ண்ஹாதி,
அஞ்ஞத்ர பாரிவத்தகா, நிஸ்ஸக்³கி³யங் பாசித்தியங். அஞ்ஞாதிகாய ஞாதிகஸஞ்ஞீ
சீவரங் படிக்³க³ண்ஹாதி, அஞ்ஞத்ர பாரிவத்தகா, நிஸ்ஸக்³கி³யங் பாசித்தியங்.
ஏகதோஉபஸம்பன்னாய ஹத்த²தோ சீவரங் படிக்³க³ண்ஹாதி,
அஞ்ஞத்ர பாரிவத்தகா, ஆபத்தி து³க்கடஸ்ஸ. ஞாதிகாய அஞ்ஞாதிகஸஞ்ஞீ, ஆபத்தி
து³க்கடஸ்ஸ. ஞாதிகாய வேமதிகோ, ஆபத்தி து³க்கடஸ்ஸ. ஞாதிகாய ஞாதிகஸஞ்ஞீ,
அனாபத்தி.
514. அனாபத்தி ஞாதிகாய, பாரிவத்தகங் பரித்தேன வா விபுலங், விபுலேன வா பரித்தங், பி⁴க்கு² விஸ்ஸாஸங் க³ண்ஹாதி, தாவகாலிகங் க³ண்ஹாதி , சீவரங் ட²பெத்வா அஞ்ஞங் பரிக்கா²ரங் க³ண்ஹாதி, ஸிக்க²மானாய, ஸாமணேரியா, உம்மத்தகஸ்ஸ, ஆதி³கம்மிகஸ்ஸாதி.
சீவரபடிக்³க³ஹணஸிக்கா²பத³ங் நிட்டி²தங் பஞ்சமங்.
6. அஞ்ஞாதகவிஞ்ஞத்திஸிக்கா²பத³ங்
515. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே . தேன கோ² பன ஸமயேன ஆயஸ்மா உபனந்தோ³ ஸக்யபுத்தோ பட்டோ [பட்டோ² (ஸ்யா॰ க॰)] ஹோதி த⁴ம்மிங் கத²ங் காதுங். அத² கோ² அஞ்ஞதரோ ஸெட்டி²புத்தோ யேனாயஸ்மா உபனந்தோ³ ஸக்யபுத்தோ தேனுபஸங்கமி ;
உபஸங்கமித்வா ஆயஸ்மந்தங் உபனந்த³ங் ஸக்யபுத்தங் அபி⁴வாதெ³த்வா ஏகமந்தங்
நிஸீதி³. ஏகமந்தங் நிஸின்னங் கோ² தங் ஸெட்டி²புத்தங் ஆயஸ்மா உபனந்தோ³
ஸக்யபுத்தோ த⁴ம்மியா கதா²ய ஸந்த³ஸ்ஸேஸி ஸமாத³பேஸி ஸமுத்தேஜேஸி ஸம்பஹங்ஸேஸி.
அத² கோ² ஸோ ஸெட்டி²புத்தோ ஆயஸ்மதா உபனந்தே³ன ஸக்யபுத்தேன த⁴ம்மியா கதா²ய
ஸந்த³ஸ்ஸிதோ ஸமாத³பிதோ ஸமுத்தேஜிதோ ஸம்பஹங்ஸிதோ ஆயஸ்மந்தங் உபனந்த³ங்
ஸக்யபுத்தங் ஏதத³வோச – ‘‘வதெ³ய்யாத², ப⁴ந்தே, யேன அத்தோ². படிப³லா மயங்
அய்யஸ்ஸ தா³துங் யதி³த³ங்
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ர’’ந்தி. ‘‘ஸசே மே த்வங்,
ஆவுஸோ, தா³துகாமோஸி, இதோ ஏகங் ஸாடகங் தே³ஹீ’’தி. ‘‘அம்ஹாகங் கோ², ப⁴ந்தே,
குலபுத்தானங் கிஸ்மிங் விய ஏகஸாடகங் க³ந்துங். ஆக³மேஹி, ப⁴ந்தே, யாவ க⁴ரங்
க³ச்சா²மி. க⁴ரங் க³தோ இதோ வா ஏகங் ஸாடகங் பஹிணிஸ்ஸாமி
இதோ வா ஸுந்த³ரதர’’ந்தி. து³தியம்பி கோ² ஆயஸ்மா உபனந்தோ³ ஸக்யபுத்தோ தங்
ஸெட்டி²புத்தங் ஏதத³வோச ‘‘ஸசே மே த்வங் ஆவுஸோ தா³துகாமோஸி இதோ ஏகங் ஸாடகங்
தே³ஹீ’’தி. அம்ஹாகங் கோ² ப⁴ந்தே குலபுத்தானங் கிஸ்மிங் விய ஏகஸாடகங்
க³ந்துங், ஆக³மேஹி ப⁴ந்தே யாவ க⁴ரங் க³ச்சா²மி, க⁴ரங் க³தோ இதோ வா ஏகங்
ஸாடகங் பஹிணிஸ்ஸாமி இதோ வா ஸுந்த³ரதரந்தி. ததியம்பி கோ² ஆயஸ்மா உபனந்தோ³
ஸக்யபுத்தோ தங் ஸெட்டி²புத்தங் ஏதத³வோச ‘‘ஸசே மே த்வங் ஆவுஸோ தா³துகாமோஸி,
இதோ ஏகங் ஸாடகங் தே³ஹீ’’தி. அம்ஹாகங் கோ² ப⁴ந்தே குலபுத்தானங் கிஸ்மிங் விய
ஏகஸாடகங் க³ந்துங், ஆக³மேஹி ப⁴ந்தே யாவ க⁴ரங் க³ச்சா²மி, க⁴ரங் க³தோ இதோ
வா ஏகங் ஸாடகங் பஹிணிஸ்ஸாமி இதோ வா ஸுந்த³ரதரந்தி. ‘‘கிங் பன தயா, ஆவுஸோ,
அதா³துகாமேன பவாரிதேன யங் த்வங் பவாரெத்வா ந தே³ஸீ’’தி.
அத² கோ² ஸோ ஸெட்டி²புத்தோ ஆயஸ்மதா உபனந்தே³ன
ஸக்யபுத்தேன நிப்பீளியமானோ ஏகங் ஸாடகங் த³த்வா அக³மாஸி. மனுஸ்ஸா தங்
ஸெட்டி²புத்தங் ஏதத³வோசுங் – ‘‘கிஸ்ஸ த்வங் அய்யோ ஏகஸாடகோ ஆக³ச்ச²ஸீ’’தி?
அத² கோ² ஸோ ஸெட்டி²புத்தோ தேஸங் மனுஸ்ஸானங் ஏதமத்த²ங் ஆரோசேஸி. மனுஸ்ஸா
உஜ்ஜா²யந்தி கி²ய்யந்தி விபாசெந்தி – ‘‘மஹிச்சா² இமே ஸமணா ஸக்யபுத்தியா
அஸந்துட்டா². நயிமேஸங் ஸுகரா த⁴ம்மனிமந்தனாபி காதுங் [நயிமே ஸுகரா த⁴ம்மனிமந்தனாயபி காதுங் (ஸ்யா॰)]. கத²ஞ்ஹி நாம ஸெட்டி²புத்தேன த⁴ம்மனிமந்தனாய கயிரமானாய ஸாடகங் க³ஹெஸ்ஸந்தீ’’தி! அஸ்ஸோஸுங்
கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஆயஸ்மா உபனந்தோ³ ஸக்யபுத்தோ ஸெட்டி²புத்தங்
சீவரங் விஞ்ஞாபெஸ்ஸதீ’’தி! அத² கோ² தே பி⁴க்கூ² ஆயஸ்மந்தங் உபனந்த³ங்
ஸக்யபுத்தங் அனேகபரியாயேன விக³ரஹித்வா ப⁴க³வதோ
ஏதமத்த²ங் ஆரோசேஸுங்…பே॰… ‘‘ஸச்சங் கிர த்வங், உபனந்த³, ஸெட்டி²புத்தங்
சீவரங் விஞ்ஞாபேஸீ’’தி? ‘‘ஸச்சங், ப⁴க³வா’’தி. ‘‘ஞாதகோ தே, உபனந்த³,
அஞ்ஞாதகோ’’தி? ‘‘அஞ்ஞாதகோ, ப⁴க³வா’’தி. ‘‘அஞ்ஞாதகோ, மோக⁴புரிஸ, அஞ்ஞாதகஸ்ஸ ந
ஜானாதி பதிரூபங் வா அப்பதிரூபங் வா ஸந்தங் வா அஸந்தங் வா. தத்த² நாம
த்வங், மோக⁴புரிஸ, அஞ்ஞாதகங் ஸெட்டி²புத்தங் சீவரங் விஞ்ஞாபெஸ்ஸஸி! நேதங்,
மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –
516. ‘‘யோ பன பி⁴க்கு² அஞ்ஞாதகங் க³ஹபதிங் வா க³ஹபதானிங் வா சீவரங் விஞ்ஞாபெய்ய, நிஸ்ஸக்³கி³யங் பாசித்திய’’ந்தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
517. தேன கோ² பன ஸமயேன ஸம்ப³ஹுலா பி⁴க்கூ² ஸாகேதா ஸாவத்தி²ங் 2
அத்³தா⁴னமக்³க³ப்படிபன்னா ஹொந்தி. அந்தராமக்³கே³ சோரா நிக்க²மித்வா தே
பி⁴க்கூ² அச்சி²ந்தி³ங்ஸு. அத² கோ² தே பி⁴க்கூ² – ‘‘ப⁴க³வதா படிக்கி²த்தங்
அஞ்ஞாதகங் க³ஹபதிங் வா க³ஹபதானிங் வா சீவரங் விஞ்ஞாபேது’’ந்தி,
குக்குச்சாயந்தா ந விஞ்ஞாபேஸுங். யதா²னக்³கா³வ
ஸாவத்தி²ங் க³ந்த்வா பி⁴க்கூ² அபி⁴வாதெ³ந்தி. பி⁴க்கூ² ஏவமாஹங்ஸு –
‘‘ஸுந்த³ரா கோ² இமே, ஆவுஸோ, ஆஜீவகா யே இமே பி⁴க்கூ²ஸு அபி⁴வாதெ³ந்தீ’’தி.
தே ஏவமாஹங்ஸு – ‘‘ந மயங், ஆவுஸோ, ஆஜீவகா, பி⁴க்கூ² மய’’ந்தி. பி⁴க்கூ²
ஆயஸ்மந்தங் உபாலிங் ஏதத³வோசுங் – ‘‘இங்கா⁴வுஸோ உபாலி, இமே அனுயுஞ்ஜாஹீ’’தி.
அத² கோ² ஆயஸ்மதா உபாலினா அனுயுஞ்ஜியமானா தே பி⁴க்கூ² ஏதமத்த²ங் ஆரோசேஸுங்.
அத² கோ² ஆயஸ்மா உபாலி தே பி⁴க்கூ² அனுயுஞ்ஜித்வா பி⁴க்கூ² ஏதத³வோச –
‘‘பி⁴க்கூ² இமே, ஆவுஸோ. தே³த² நேஸங் சீவரானீ’’தி. யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கூ² நக்³கா³ ஆக³ச்சி²ஸ்ஸந்தி! நனு நாம திணேன வா பண்ணேன வா
படிச்சா²தெ³த்வா ஆக³ந்தப்³ப³’’ந்தி. அத² கோ² தே பி⁴க்கூ² தே அனேகபரியாயேன
விக³ரஹித்வா ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே
ஏதஸ்மிங் பகரணே த⁴ம்மிங் கத²ங் கத்வா பி⁴க்கூ²
ஆமந்தேஸி – ‘‘அனுஜானாமி, பி⁴க்க²வே, அச்சி²ன்னசீவரஸ்ஸ வா நட்ட²சீவரஸ்ஸ வா
அஞ்ஞாதகங் க³ஹபதிங் வா க³ஹபதானிங் வா சீவரங் விஞ்ஞாபேதுங். யங் ஆவாஸங்
பட²மங் உபக³ச்ச²தி, ஸசே தத்த² ஹோதி ஸங்க⁴ஸ்ஸ விஹாரசீவரங் வா உத்தரத்த²ரணங்
வா பூ⁴மத்த²ரணங் வா பி⁴ஸிச்ச²வி வா, தங் க³ஹெத்வா பாருபிதுங் லபி⁴த்வா
ஓத³ஹிஸ்ஸாமீ’’தி . நோ சே ஹோதி ஸங்க⁴ஸ்ஸ விஹாரசீவரங் வா உத்தரத்த²ரணங் வா பு⁴மத்த²ரணங் வா
பி⁴ஸிச்ச²வி வா திணேன வா பண்ணேன வா படிச்சா²தெ³த்வா ஆக³ந்தப்³ப³ங்; ந
த்வேவ நக்³கே³ன ஆக³ந்தப்³ப³ங். யோ ஆக³ச்செ²ய்ய, ஆபத்தி து³க்கடஸ்ஸ. ஏவஞ்ச
பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
518. ‘‘யோ
பன பி⁴க்கு² அஞ்ஞாதகங் க³ஹபதிங் வா க³ஹபதானிங் வா சீவரங் விஞ்ஞாபெய்ய,
அஞ்ஞத்ர ஸமயா, நிஸ்ஸக்³கி³யங் பாசித்தியங். தத்தா²யங் ஸமயோ –
அச்சி²ன்னசீவரோ வா ஹோதி பி⁴க்கு² நட்ட²சீவரோ வா. அயங் தத்த² ஸமயோ’’தி.
519. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
அஞ்ஞாதகோ நாம மாதிதோ வா பிதிதோ வா யாவ ஸத்தமா பிதாமஹயுகா³ அஸம்ப³த்³தோ⁴.
க³ஹபதி நாம யோ கோசி அகா³ரங் அஜ்ஜா²வஸதி.
க³ஹபதானீ நாம யா காசி அகா³ரங் அஜ்ஜா²வஸதி.
சீவரங் நாம ச²ன்னங் சீவரானங் அஞ்ஞதரங் சீவரங் விகப்பனுபக³ங் பச்சி²மங்.
அஞ்ஞத்ர ஸமயாதி ட²பெத்வா ஸமயங்.
அச்சி²ன்னசீவரோ நாம பி⁴க்கு²ஸ்ஸ சீவரங் அச்சி²ன்னங் ஹோதி ராஜூஹி வா சோரேஹி வா து⁴த்தேஹி வா, யேஹி கேஹிசி வா அச்சி²ன்னங் ஹோதி.
நட்ட²சீவரோ நாம பி⁴க்கு²ஸ்ஸ
சீவரங் அக்³கி³னா வா த³ட்³ட⁴ங் ஹோதி, உத³கேன வா வுள்ஹங் ஹோதி, உந்தூ³ரேஹி
வா உபசிகாஹி வா கா²யிதங் ஹோதி, பரிபோ⁴க³ஜிண்ணங் வா ஹோதி.
அஞ்ஞத்ர ஸமயா விஞ்ஞாபேதி, பயோகே³ து³க்கடங். படிலாபே⁴ன நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச பன, பி⁴க்க²வே ,
நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே, சீவரங் அஞ்ஞாதகங் க³ஹபதிகங்,
அஞ்ஞத்ர ஸமயா விஞ்ஞாபிதங், நிஸ்ஸக்³கி³யங். இமாஹங் ஸங்க⁴ஸ்ஸ
நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.
520.
அஞ்ஞாதகே அஞ்ஞாதகஸஞ்ஞீ, அஞ்ஞத்ர ஸமயா, சீவரங் விஞ்ஞாபேதி, நிஸ்ஸக்³கி³யங்
பாசித்தியங். அஞ்ஞாதகே வேமதிகோ, அஞ்ஞத்ர ஸமயா, சீவரங் விஞ்ஞாபேதி,
நிஸ்ஸக்³கி³யங் பாசித்தியங். அஞ்ஞாதகே ஞாதகஸஞ்ஞீ, அஞ்ஞத்ர ஸமயா, சீவரங்
விஞ்ஞாபேதி, நிஸ்ஸக்³கி³யங் பாசித்தியங்.
ஞாதகே அஞ்ஞாதகஸஞ்ஞீ, ஆபத்தி து³க்கடஸ்ஸ. ஞாதகே வேமதிகோ, ஆபத்தி து³க்கடஸ்ஸ. ஞாதகே ஞாதகஸஞ்ஞீ, அனாபத்தி.
521. அனாபத்தி ஸமயே, ஞாதகானங், பவாரிதானங், அஞ்ஞஸ்ஸத்தா²ய, அத்தனோ த⁴னேன, உம்மத்தகஸ்ஸ, ஆதி³கம்மிகஸ்ஸாதி.
அஞ்ஞாதகவிஞ்ஞத்திஸிக்கா²பத³ங் நிட்டி²தங் ச²ட்ட²ங்.
7. ததுத்தரிஸிக்கா²பத³ங்
522. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² அச்சி²ன்னசீவரகே
பி⁴க்கூ² உபஸங்கமித்வா ஏவங் வத³ந்தி – ‘‘ப⁴க³வதா, ஆவுஸோ, அனுஞ்ஞாதங் –
‘அச்சி²ன்னசீவரஸ்ஸ வா நட்ட²சீவரஸ்ஸ வா அஞ்ஞாதகங் க³ஹபதிங் வா க³ஹபதானிங் வா
சீவரங் விஞ்ஞாபேதுங்’; விஞ்ஞாபேத², ஆவுஸோ, சீவர’’ந்தி. ‘‘அலங், ஆவுஸோ,
லத்³த⁴ங் அம்ஹேஹி சீவர’’ந்தி. ‘‘மயங் ஆயஸ்மந்தானங் விஞ்ஞாபேமா’’தி.
‘‘விஞ்ஞாபேத², ஆவுஸோ’’தி. அத² கோ² ச²ப்³ப³க்³கி³யா பி⁴க்கூ² க³ஹபதிகே
உபஸங்கமித்வா ஏதத³வோசுங் – ‘‘அச்சி²ன்னசீவரகா, ஆவுஸோ, பி⁴க்கூ² ஆக³தா.
தே³த² நேஸங் சீவரானீ’’தி, ப³ஹுங் சீவரங் விஞ்ஞாபேஸுங்.
தேன கோ² பன
ஸமயேன அஞ்ஞதரோ புரிஸோ ஸபா⁴யங் நிஸின்னோ அஞ்ஞதரங் புரிஸங் ஏதத³வோச –
‘‘அச்சி²ன்னசீவரகா அய்யோ பி⁴க்கூ² ஆக³தா. தேஸங் மயா சீவரங் தி³ன்ன’’ந்தி.
ஸோபி ஏவமாஹ – ‘‘மயாபி தி³ன்ன’’ந்தி. அபரோபி ஏவமாஹ – ‘‘மயாபி தி³ன்ன’’ந்தி.
தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா ந மத்தங் ஜானித்வா ப³ஹுங் சீவரங் விஞ்ஞாபெஸ்ஸந்தி, து³ஸ்ஸவாணிஜ்ஜங் வா ஸமணா ஸக்யபுத்தியா கரிஸ்ஸந்தி, பக்³கா³ஹிகஸாலங் [படக்³கா³ஹிகஸாலங் (?)]
வா பஸாரெஸ்ஸந்தீ’’தி! அஸ்ஸோஸுங் கோ² பி⁴க்கூ² தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கூ² ந மத்தங் ஜானித்வா ப³ஹுங் சீவரங்
விஞ்ஞாபெஸ்ஸந்தீ’’தி! அத² கோ² தே பி⁴க்கூ² ச²ப்³ப³க்³கி³யே பி⁴க்கூ²
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர
தும்ஹே, பி⁴க்க²வே, ந மத்தங் ஜானித்வா ப³ஹுங் சீவரங் விஞ்ஞாபேதா²’’தி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே,
மோக⁴புரிஸா, ந மத்தங் ஜானித்வா ப³ஹுங் சீவரங் விஞ்ஞாபெஸ்ஸத²! நேதங்,
மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –
523. ‘‘தஞ்சே
அஞ்ஞாதகோ க³ஹபதி வா க³ஹபதானீ வா ப³ஹூஹி சீவரேஹி அபி⁴ஹட்டு²ங் பவாரெய்ய
ஸந்தருத்தரபரமங் தேன பி⁴க்கு²னா ததோ சீவரங் ஸாதி³தப்³ப³ங். ததோ சே உத்தரி
ஸாதி³யெய்ய, நிஸ்ஸக்³கி³யங் பாசித்திய’’ந்தி.
524. தஞ்சேதி அச்சி²ன்னசீவரகங் பி⁴க்கு²ங்.
அஞ்ஞாதகோ நாம மாதிதோ வா பிதிதோ வா யாவ ஸத்தமா பிதாமஹயுகா³ அஸம்ப³த்³தோ⁴.
க³ஹபதி நாம யோ கோசி அகா³ரங் அஜ்ஜா²வஸதி.
க³ஹபதானீ நாம யா காசி அகா³ரங் அஜ்ஜா²வஸதி.
ப³ஹூஹி சீவரேஹீதி ப³ஹுகேஹி சீவரேஹி.
அபி⁴ஹட்டு²ங் பவாரெய்யாதி யாவதகங் இச்ச²ஸி தாவதகங் க³ண்ஹாஹீதி.
ஸந்தருத்தரபரமங் தேன பி⁴க்கு²னா ததோ சீவரங் ஸாதி³தப்³ப³ந்தி ஸசே தீணி நட்டா²னி ஹொந்தி த்³வே ஸாதி³தப்³பா³னி, த்³வே நட்டா²னி ஏகங் ஸாதி³தப்³ப³ங், ஏகங் நட்ட²ங் ந கிஞ்சி ஸாதி³தப்³ப³ங்.
ததோ சே உத்தரி ஸாதி³யெய்யாதி
ததுத்தரி விஞ்ஞாபேதி, பயோகே³ து³க்கடங். படிலாபே⁴ன நிஸ்ஸக்³கி³யங் ஹோதி.
நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச பன,
பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே, சீவரங் அஞ்ஞாதகங் க³ஹபதிகங் உபஸங்கமித்வா ததுத்தரி விஞ்ஞாபிதங் நிஸ்ஸக்³கி³யங். இமாஹங் ஸங்க⁴ஸ்ஸ நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.
525.
அஞ்ஞாதகே அஞ்ஞாதகஸஞ்ஞீ ததுத்தரி சீவரங் விஞ்ஞாபேதி, நிஸ்ஸக்³கி³யங்
பாசித்தியங். அஞ்ஞாதகே வேமதிகோ ததுத்தரி சீவரங் விஞ்ஞாபேதி, நிஸ்ஸக்³கி³யங்
பாசித்தியங். அஞ்ஞாதகே ஞாதகஸஞ்ஞீ ததுத்தரி சீவரங் விஞ்ஞாபேதி,
நிஸ்ஸக்³கி³யங் பாசித்தியங்.
ஞாதகே அஞ்ஞாதகஸஞ்ஞீ, ஆபத்தி து³க்கடஸ்ஸ. ஞாதகே வேமதிகோ, ஆபத்தி து³க்கடஸ்ஸ. ஞாதகே ஞாதகஸஞ்ஞீ, அனாபத்தி.
526. அனாபத்தி – ‘‘ஸேஸகங் ஆஹரிஸ்ஸாமீ’’தி ஹரந்தோ க³ச்ச²தி, ‘‘ஸேஸகங் துய்ஹேவ ஹோதூ’’தி தெ³ந்தி, ந அச்சி²ன்னகாரணா தெ³ந்தி, ந நட்ட²காரணா தெ³ந்தி, ஞாதகானங், பவாரிதானங், அத்தனோ த⁴னேன, உம்மத்தகஸ்ஸ, ஆதி³கம்மிகஸ்ஸாதி.
ததுத்தரிஸிக்கா²பத³ங் நிட்டி²தங் ஸத்தமங்.
8. உபக்க²டஸிக்கா²பத³ங்
527. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரோ புரிஸோ பஜாபதிங் ஏதத³வோச – ‘‘அய்யங்
உபனந்த³ங் சீவரேன அச்சா²தெ³ஸ்ஸாமீ’’தி. அஸ்ஸோஸி கோ² அஞ்ஞதரோ பிண்ட³சாரிகோ
பி⁴க்கு² தஸ்ஸ புரிஸஸ்ஸ இமங் வாசங் பா⁴ஸமானஸ்ஸ. அத² கோ² ஸோ பி⁴க்கு²
யேனாயஸ்மா உபனந்தோ³ ஸக்யபுத்தோ தேனுபஸங்கமி; உபஸங்கமித்வா
ஆயஸ்மந்தங் உபனந்த³ங் ஸக்யபுத்தங் ஏதத³வோச – ‘‘மஹாபுஞ்ஞோஸி த்வங், ஆவுஸோ
உபனந்த³, அமுகஸ்மிங் ஓகாஸே அஞ்ஞதரோ புரிஸோ பஜாபதிங் ஏதத³வோச – ‘‘அய்யங்
உபனந்த³ங் சீவரேன அச்சா²தெ³ஸ்ஸாமீ’’’தி. ‘‘அத்தா²வுஸோ, மங் ஸோ
உபட்டா²கோ’’தி. அத² கோ² ஆயஸ்மா உபனந்தோ³ ஸக்யபுத்தோ யேன ஸோ புரிஸோ
தேனுபஸங்கமி; உபஸங்கமித்வா தங் புரிஸங் ஏதத³வோச – ‘‘ஸச்சங் கிர மங் த்வங்,
ஆவுஸோ, சீவரேன அச்சா²தே³துகாமோஸீ’’தி? ‘‘அபி மெய்ய, ஏவங் ஹோதி – ‘அய்யங்
உபனந்த³ங் சீவரேன அச்சா²தெ³ஸ்ஸாமீ’’’தி. ‘‘ஸசே கோ² மங் த்வங், ஆவுஸோ,
சீவரேன அச்சா²தே³துகாமோஸி, ஏவரூபேன சீவரேன அச்சா²தே³ஹி. க்யாஹங் தேன
அச்ச²ன்னோபி கரிஸ்ஸாமி யாஹங் ந பரிபு⁴ஞ்ஜிஸ்ஸாமீ’’தி.
அத² கோ² ஸோ புரிஸோ உஜ்ஜா²யதி
கி²ய்யதி விபாசேதி – ‘‘மஹிச்சா² இமே ஸமணா ஸக்யபுத்தியா அஸந்துட்டா². நயிமே
ஸுகரா சீவரேன அச்சா²தே³துங். கத²ஞ்ஹி நாம அய்யோ
உபனந்தோ³ மயா புப்³பே³ அப்பவாரிதோ மங் உபஸங்கமித்வா சீவரே விகப்பங்
ஆபஜ்ஜிஸ்ஸதீ’’தி! அஸ்ஸோஸுங் கோ² பி⁴க்கூ² தஸ்ஸ புரிஸஸ்ஸ உஜ்ஜா²யந்தஸ்ஸ
கி²ய்யந்தஸ்ஸ விபாசெந்தஸ்ஸ. யே தே பி⁴க்கூ² அப்பிச்சா²…பே॰… தே
உஜ்ஜா²ய்யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா உபனந்தோ³
ஸக்யபுத்தோ புப்³பே³ அப்பவாரிதோ க³ஹபதிகங் உபஸங்கமித்வா சீவரே விகப்பங்
ஆபஜ்ஜிஸ்ஸதீ’’தி! அத² கோ² தே பி⁴க்கூ² ஆயஸ்மந்தங் உபனந்த³ங் ஸக்யபுத்தங்
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங் …பே॰…
‘‘ஸச்சங் கிர த்வங், உபனந்த³, புப்³பே³ அப்பவாரிதோ க³ஹபதிகங் உபஸங்கமித்வா
சீவரே விகப்பங் ஆபஜ்ஜஸீ’’தி? ‘‘ஸச்சங், ப⁴க³வா’’தி. ‘‘ஞாதகோ தே, உபனந்த³,
அஞ்ஞாதகோ’’தி? ‘‘அஞ்ஞாதகோ, ப⁴க³வா’’தி. ‘‘அஞ்ஞாதகோ, மோக⁴புரிஸ, அஞ்ஞாதகஸ்ஸ ந
ஜானாதி பதிரூபங் வா அப்பதிரூபங் வா ஸந்தங் வா அஸந்தங் வா. தத்த² நாம
த்வங், மோக⁴புரிஸ, புப்³பே³ அப்பவாரிதோ அஞ்ஞாதகங் க³ஹபதிகங் உபஸங்கமித்வா
சீவரே விகப்பங் ஆபஜ்ஜிஸ்ஸஸி! நேதங், மோக⁴புரிஸ, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
528. ‘‘பி⁴க்கு²ங் பனேவ உத்³தி³ஸ்ஸ அஞ்ஞாதகஸ்ஸ க³ஹபதிஸ்ஸ வா க³ஹபதானியா வா சீவரசேதாபன்னங் [சீவரசேதாபனங் (ஸ்யா॰)] உபக்க²டங் ஹோதி – ‘இமினா
சீவரசேதாபன்னேன சீவரங் சேதாபெத்வா இத்த²ன்னாமங் பி⁴க்கு²ங் சீவரேன
அச்சா²தெ³ஸ்ஸாமீ’தி; தத்ர சே ஸோ பி⁴க்கு² புப்³பே³ அப்பவாரிதோ உபஸங்கமித்வா
சீவரே விகப்பங் ஆபஜ்ஜெய்ய – ‘ஸாது⁴ வத மங் ஆயஸ்மா இமினா சீவரசேதாபன்னேன
ஏவரூபங் வா ஏவரூபங் வா சீவரங் சேதாபெத்வா அச்சா²தே³ஹீ’தி, கல்யாணகம்யதங்
உபாதா³ய, நிஸ்ஸக்³கி³யங் பாசித்திய’’ந்தி.
529. பி⁴க்கு²ங் பனேவ உத்³தி³ஸ்ஸாதி பி⁴க்கு²ஸ்ஸத்தா²ய, பி⁴க்கு²ங் ஆரம்மணங் கரித்வா, பி⁴க்கு²ங் அச்சா²தே³துகாமோ.
அஞ்ஞாதகோ நாம மாதிதோ வா பிதிதோ வா யாவ ஸத்தமா பிதாமஹயுகா³ அஸம்ப³த்³தோ⁴.
க³ஹபதி நாம யோ கோசி அகா³ரங் அஜ்ஜா²வஸதி.
க³ஹபதானீ நாம யா காசி அகா³ரங் அஜ்ஜா²வஸதி.
சீவரசேதாபன்னங் நாம ஹிரஞ்ஞங் வா ஸுவண்ணங் வா முத்தா வா மணி வா பவாளோ வா ப²லிகோ வா படகோ வா ஸுத்தங் வா கப்பாஸோ வா.
இமினா சீவரசேதாபன்னேனாதி பச்சுபட்டி²தேன.
சேதாபெத்வாதி பரிவத்தெத்வா.
அச்சா²தெ³ஸ்ஸாமீதி த³ஸ்ஸாமி.
தத்ர சே ஸோ பி⁴க்கூ²தி யங் பி⁴க்கு²ங் உத்³தி³ஸ்ஸ சீவரசேதாபன்னங் உபக்க²டங் ஹோதி ஸோ பி⁴க்கு².
புப்³பே³ அப்பவாரிதோதி புப்³பே³ அவுத்தோ ஹோதி – ‘‘கீதி³ஸேன தே, ப⁴ந்தே, சீவரேன அத்தோ², கீதி³ஸங் தே சீவரங் சேதாபேமீ’’தி?
உபஸங்கமித்வாதி க⁴ரங் க³ந்த்வா யத்த² கத்த²சி உபஸங்கமித்வா .
சீவரே விகப்பங் ஆபஜ்ஜெய்யாதி ஆயதங் வா ஹோது வித்த²தங் வா அப்பிதங் வா ஸண்ஹங் வா.
இமினா சீவரசேதாபன்னேனாதி பச்சுபட்டி²தேன.
ஏவரூபங் வா ஏவரூபங் வாதி. ஆயதங் வா வித்த²தங் வா அப்பிதங் வா ஸண்ஹங் வா.
சேதாபெத்வாதி பரிவத்தெத்வா.
அச்சா²தே³ஹீதி த³ஜ்ஜேஹி.
கல்யாணகம்யதங் உபாதா³யாதி ஸாத⁴த்தி²கோ [ஸாது⁴த்தி²கோ (ஸ்யா॰)]
மஹக்³க⁴த்தி²கோ. தஸ்ஸ வசனேன ஆயதங் வா வித்த²தங் வா அப்பிதங் வா ஸண்ஹங் வா
சேதாபேதி, பயோகே³ து³க்கடங். படிலாபே⁴ன நிஸ்ஸக்³கி³யங் ஹோதி.
நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச பன,
பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே, சீவரங் புப்³பே³
அப்பவாரிதோ அஞ்ஞாதகங் க³ஹபதிகங் உபஸங்கமித்வா சீவரே விகப்பங் ஆபன்னங்
நிஸ்ஸக்³கி³யங், இமாஹங் ஸங்க⁴ஸ்ஸ நிஸ்ஸஜ்ஜாமீதி…பே॰… த³தெ³ய்யாதி…பே॰…
த³தெ³ய்யுந்தி…பே॰… ஆயஸ்மதோ த³ம்மீதி.
530. அஞ்ஞாதகே
அஞ்ஞாதகஸஞ்ஞீ புப்³பே³ அப்பவாரிதோ க³ஹபதிகங் உபஸங்கமித்வா சீவரே விகப்பங்
ஆபஜ்ஜதி, நிஸ்ஸக்³கி³யங் பாசித்தியங். அஞ்ஞாதகே வேமதிகோ புப்³பே³
அப்பவாரிதோ க³ஹபதிகங் உபஸங்கமித்வா சீவரே விகப்பங் ஆபஜ்ஜதி, நிஸ்ஸக்³கி³யங்
பாசித்தியங். அஞ்ஞாதகே ஞாதகஸஞ்ஞீ புப்³பே³ அப்பவாரிதோ க³ஹபதிகங்
உபஸங்கமித்வா சீவரே விகப்பங் ஆபஜ்ஜதி, நிஸ்ஸக்³கி³யங் பாசித்தியங்.
ஞாதகே அஞ்ஞாதகஸஞ்ஞீ, ஆபத்தி து³க்கடஸ்ஸ. ஞாதகே வேமதிகோ, ஆபத்தி து³க்கடஸ்ஸ. ஞாதகே ஞாதகஸஞ்ஞீ, அனாபத்தி.
531. அனாபத்தி
ஞாதகானங், பவாரிதானங், அஞ்ஞஸ்ஸத்தா²ய, அத்தனோ த⁴னேன, மஹக்³க⁴ங்
சேதாபேதுகாமஸ்ஸ அப்பக்³க⁴ங் சேதாபேதி, உம்மத்தகஸ்ஸ, ஆதி³கம்மிகஸ்ஸாதி.
உபக்க²டஸிக்கா²பத³ங் நிட்டி²தங் அட்ட²மங்.
9. து³தியஉபக்க²டஸிக்கா²பத³ங்
532. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரோ புரிஸோ அஞ்ஞதரங் புரிஸங் ஏதத³வோச –
‘‘அய்யங் உபனந்த³ங் சீவரேன அச்சா²தெ³ஸ்ஸாமீ’’தி. ஸோபி ஏவமாஹ – ‘‘அஹம்பி
அய்யங் உபனந்த³ங் சீவரேன அச்சா²தெ³ஸ்ஸாமீ’’தி. அஸ்ஸோஸி கோ² அஞ்ஞதரோ
பிண்ட³சாரிகோ பி⁴க்கு² தேஸங் புரிஸானங் இமங் கதா²ஸல்லாபங். அத² கோ² ஸோ
பி⁴க்கு² யேனாயஸ்மா உபனந்தோ³ ஸக்யபுத்தோ தேனுபஸங்கமி; உபஸங்கமித்வா
ஆயஸ்மந்தங் உபனந்த³ங் ஸக்யபுத்தங் ஏதத³வோச – ‘‘மஹாபுஞ்ஞோஸி த்வங், ஆவுஸோ
உபனந்த³. அமுகஸ்மிங் ஓகாஸே அஞ்ஞதரோ புரிஸோ அஞ்ஞதரங்
புரிஸங் ஏதத³வோச – ‘அய்யங் உபனந்த³ங் சீவரேன அச்சா²தெ³ஸ்ஸாமீ’தி. ஸோபி
ஏவமாஹ – ‘அஹம்பி அய்யங் உபனந்த³ங் சீவரேன அச்சா²தெ³ஸ்ஸாமீ’’’தி.
‘‘அத்தா²வுஸோ, மங் தே உபட்டா²கா’’தி.
அத² கோ² ஆயஸ்மா உபனந்தோ³ ஸக்யபுத்தோ யேன தே புரிஸா
தேனுபஸங்கமி; உபஸங்கமித்வா தே புரிஸே ஏதத³வோச – ‘‘ஸச்சங் கிர மங் தும்ஹே,
ஆவுஸோ, சீவரேஹி அச்சா²தே³துகாமாத்தா²’’தி? ‘‘அபி நய்ய, ஏவங் ஹோதி – ‘அய்யங்
உபனந்த³ங் சீவரேஹி அச்சா²தெ³ஸ்ஸாமா’’’தி. ‘‘ஸசே கோ² மங் தும்ஹே ,
ஆவுஸோ, சீவரேஹி அச்சா²தே³துகாமாத்த², ஏவரூபேன சீவரேன அச்சா²தே³த², க்யாஹங்
தேஹி அச்ச²ன்னோபி கரிஸ்ஸாமி, யானாஹங் ந பரிபு⁴ஞ்ஜிஸ்ஸாமீ’’தி .
அத² கோ² தே புரிஸா உஜ்ஜா²யந்தி கி²ய்யந்தி விபாசெந்தி – ‘‘மஹிச்சா² இமே
ஸமணா ஸக்யபுத்தியா அஸந்துட்டா². நயிமே ஸுகரா சீவரேஹி அச்சா²தே³துங்.
கத²ஞ்ஹி நாம அய்யோ உபனந்தோ³ அம்ஹேஹி புப்³பே³ அப்பவாரிதோ உபஸங்கமித்வா
சீவரே விகப்பங் ஆபஜ்ஜிஸ்ஸதீ’’தி!
அஸ்ஸோஸுங் கோ² பி⁴க்கூ² தேஸங் புரிஸானங்
உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ஆயஸ்மா உபனந்தோ³ ஸக்யபுத்தோ புப்³பே³ அப்பவாரிதோ க³ஹபதிகே உபஸங்கமித்வா
சீவரே விகப்பங் ஆபஜ்ஜிஸ்ஸதீ’’தி! அத² கோ² தே பி⁴க்கூ² ஆயஸ்மந்தங் உபனந்த³ங்
ஸக்யபுத்தங் அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰…
‘‘ஸச்சங் கிர த்வங், உபனந்த³, புப்³பே³ அப்பவாரிதோ க³ஹபதிகே உபஸங்கமித்வா
சீவரே விகப்பங் ஆபஜ்ஜஸீ’’தி? ‘‘ஸச்சங், ப⁴க³வா’’தி. ‘‘ஞாதகா
தே, உபனந்த³, அஞ்ஞாதகா’’தி? ‘‘அஞ்ஞாதகா, ப⁴க³வா’’தி. ‘‘அஞ்ஞாதகோ,
மோக⁴புரிஸ, அஞ்ஞாதகானங் ந ஜானாதி பதிரூபங் வா அப்பதிரூபங் வா ஸந்தங் வா
அஸந்தங் வா. தத்த² நாம த்வங், மோக⁴புரிஸ, புப்³பே³ அப்பவாரிதோ அஞ்ஞாதகே
க³ஹபதிகே உபஸங்கமித்வா சீவரே விகப்பங் ஆபஜ்ஜிஸ்ஸஸி! நேதங், மோக⁴புரிஸ,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –
533. ‘‘பி⁴க்கு²ங்
பனேவ உத்³தி³ஸ்ஸ உபி⁴ன்னங் அஞ்ஞாதகானங் க³ஹபதீனங் வா க³ஹபதானீனங் வா
பச்சேகசீவரசேதாபன்னானி உபக்க²டானி ஹொந்தி – ‘இமேஹி மயங்
பச்சேகசீவரசேதாபன்னேஹி பச்சேகசீவரானி சேதாபெத்வா இத்த²ன்னாமங் பி⁴க்கு²ங்
சீவரேஹி அச்சா²தெ³ஸ்ஸாமா’தி ; தத்ர சே ஸோ பி⁴க்கு²
புப்³பே³ அப்பவாரிதோ உபஸங்கமித்வா சீவரே விகப்பங் ஆபஜ்ஜெய்ய – ‘ஸாது⁴ வத
மங் ஆயஸ்மந்தோ இமேஹி பச்சேகசீவரசேதாபன்னேஹி ஏவரூபங் வா ஏவரூபங் வா சீவரங்
சேதாபெத்வா அச்சா²தே³த², உபோ⁴வ ஸந்தா ஏகேனா’தி, கல்யாணகம்யதங் உபாதா³ய,
நிஸ்ஸக்³கி³யங் பாசித்திய’’ந்தி.
534. பி⁴க்கு²ங் பனேவ உத்³தி³ஸ்ஸாதி பி⁴க்கு²ஸ்ஸத்தா²ய, பி⁴க்கு²ங் ஆரம்மணங் கரித்வா, பி⁴க்கு²ங் அச்சா²தே³துகாமா.
அஞ்ஞாதகா நாம மாதிதோ வா பிதிதோ வா யாவ ஸத்தமா பிதாமஹயுகா³ அஸம்ப³த்³தா⁴.
க³ஹபதீ நாம யே கேசி அகா³ர அஜ்ஜா²வஸந்தி.
க³ஹபதானியோ நாம யா காசி அகா³ரங் அஜ்ஜா²வஸந்தி.
சீவரசேதாபன்னானி நாம ஹிரஞ்ஞா வா ஸுவண்ணா வா முத்தா வா மணீ வா பவாளா வா ப²லிகா வா படகா வா ஸுத்தா வா கப்பாஸா வா.
இமேஹி பச்சேகசீவரசேதாபன்னேஹிதி பச்சுபட்டி²தேஹி.
அச்சா²தெ³ஸ்ஸாமாதி த³ஸ்ஸாம.
தத்ர சே ஸோ பி⁴க்கூ²தி யங் பி⁴க்கு²ங் உத்³தி³ஸ்ஸ சீவரசேதாபன்னானி உபக்க²டானி ஹொந்தி ஸோ பி⁴க்கு².
புப்³பே³ அப்பவாரிதோதி புப்³பே³ அவுத்தோ ஹோதி – ‘‘கீதி³ஸேன தே, ப⁴ந்தே, சீவரேன அத்தோ², கீதி³ஸங் தே சீவரங் சேதாபேமா’’தி.
உபஸங்கமித்வாதி க⁴ரங் க³ந்த்வா யத்த² கத்த²சி உபஸங்கமித்வா.
சீவரே விகப்பங் ஆபஜ்ஜெய்யாதி ஆயதங் வா ஹோது வித்த²தங் வா அப்பிதங் வா ஸண்ஹங் வா.
இமேஹி பச்சேகசீவரசேதாபன்னேஹீதி பச்சுபட்டி²தேஹி.
ஏவரூபங் வா ஏவரூபங் வாதி ஆயதங் வா வித்த²தங் வா அப்பிதங் வா ஸண்ஹங் வா.
சேதாபெத்வாதி பரிவத்தெத்வா.
அச்சா²தே³தா²தி த³ஜ்ஜேத².
உபோ⁴வ ஸந்தா ஏகேனாதி த்³வேபி ஜனா ஏகேன.
கல்யாணகம்யதங் உபாதா³யாதி ஸாத⁴த்தி²கோ மஹக்³க⁴த்தி²கோ.
தஸ்ஸ வசனேன ஆயதங் வா வித்த²தங் வா அப்பிதங் வா ஸண்ஹங்
வா சேதாபெந்தி, பயோகே³ து³க்கடங். படிலாபே⁴ன நிஸ்ஸக்³கி³யங் ஹோதி.
நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச பன,
பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே, சீவரங் புப்³பே³
அப்பவாரிதோ அஞ்ஞாதகே க³ஹபதிகே உபஸங்கமித்வா சீவரே விகப்பங் ஆபன்னங் நிஸ்ஸக்³கி³யங். இமாஹங் ஸங்க⁴ஸ்ஸ நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.
535.
அஞ்ஞாதகே அஞ்ஞாதகஸஞ்ஞீ புப்³பே³ அப்பவாரிதோ க³ஹபதிகே உபஸங்கமித்வா சீவரே
விகப்பங் ஆபஜ்ஜதி, நிஸ்ஸக்³கி³யங் பாசித்தியங். அஞ்ஞாதகே வேமதிகோ புப்³பே³
அப்பவாரிதோ க³ஹபதிகே உபஸங்கமித்வா சீவரே விகப்பங் ஆபஜ்ஜதி, நிஸ்ஸக்³கி³யங்
பாசித்தியங். அஞ்ஞாதகே ஞாதகஸஞ்ஞீ புப்³பே³ அப்பவாரிதோ க³ஹபதிகே
உபஸங்கமித்வா சீவரே விகப்பங் ஆபஜ்ஜதி, நிஸ்ஸக்³கி³யங் பாசித்தியங்.
ஞாதகே அஞ்ஞாதகஸஞ்ஞீ, ஆபத்தி து³க்கடஸ்ஸ. ஞாதகே வேமதிகோ, ஆபத்தி து³க்கடஸ்ஸ. ஞாதகே ஞாதகஸஞ்ஞீ, அனாபத்தி.
536.
அனாபத்தி – ஞாதகானங், பவாரிதானங், அஞ்ஞஸ்ஸத்தா²ய, அத்தனோ த⁴னேன, மஹக்³க⁴ங்
சேதாபேதுகாமானங் அப்பக்³க⁴ங் சேதாபேதி, உம்மத்தகஸ்ஸ, ஆதி³கம்மிகஸ்ஸாதி.
து³தியஉபக்க²டஸிக்கா²பத³ங் நிட்டி²தங் நவமங்.
10. ராஜஸிக்கா²பத³ங்
537. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மதோ உபனந்த³ஸ்ஸ ஸக்யபுத்தஸ்ஸ உபட்டா²கோ
மஹாமத்தோ ஆயஸ்மதோ உபனந்த³ஸ்ஸ ஸக்யபுத்தஸ்ஸ தூ³தேன சீவரசேதாபன்னங் பாஹேஸி –
‘‘இமினா சீவரசேதாபன்னேன சீவரங் சேதாபெத்வா அய்யங் உபனந்த³ங் சீவரேன
அச்சா²தே³ஹீ’’தி. அத² கோ² ஸோ தூ³தோ யேனாயஸ்மா உபனந்தோ³ ஸக்யபுத்தோ
தேனுபஸங்கமி; உபஸங்கமித்வா ஆயஸ்மந்தங் உபனந்த³ங் ஸக்யபுத்தங் ஏதத³வோச –
‘‘இத³ங் கோ², ப⁴ந்தே, ஆயஸ்மந்தங் உத்³தி³ஸ்ஸ சீவரசேதாபன்னங் ஆப⁴தங்.
படிக்³க³ண்ஹாது ஆயஸ்மா சீவரசேதாபன்ன’’ந்தி. ஏவங் வுத்தே
ஆயஸ்மா உபனந்தோ³ ஸக்யபுத்தோ தங் தூ³தங் ஏதத³வோச – ‘‘ந கோ² மயங், ஆவுஸோ,
சீவரசேதாபன்னங் படிக்³க³ண்ஹாம, சீவரஞ்ச கோ² மயங் படிக்³க³ண்ஹாம காலேன
கப்பிய’’ந்தி. ஏவங் வுத்தே ஸோ தூ³தோ ஆயஸ்மந்தங் உபனந்த³ங் ஸக்யபுத்தங்
ஏதத³வோச – ‘‘அத்தி² பனாயஸ்மதோ கோசி வெய்யாவச்சகரோ’’தி ?
தேன கோ² பன ஸமயேன அஞ்ஞதரோ உபாஸகோ ஆராமங் அக³மாஸி கேனசிதே³வ கரணீயேன. அத²
கோ² ஆயஸ்மா உபனந்தோ³ ஸக்யபுத்தோ தங் தூ³தங் ஏதத³வோச – ‘‘ஏஸோ கோ², ஆவுஸோ,
உபாஸகோ பி⁴க்கூ²னங் வெய்யாவச்சகரோ’’தி. அத² கோ² ஸோ தூ³தோ தங் உபாஸகங்
ஸஞ்ஞாபெத்வா யேனாயஸ்மா உபனந்தோ³ ஸக்யபுத்தோ தேனுபஸங்கமி ;
உபஸங்கமித்வா ஆயஸ்மந்தங் உபனந்த³ங் ஸக்யபுத்தங் ஏதத³வோச – ‘‘யங் கோ²,
ப⁴ந்தே, ஆயஸ்மா வெய்யாவச்சகரங் நித்³தி³ஸி ஸஞ்ஞத்தோ ஸோ மயா. உபஸங்கமது
ஆயஸ்மா காலேன, சீவரேன தங் அச்சா²தெ³ஸ்ஸதீ’’தி.
தேன கோ² பன ஸமயேன ஸோ மஹாமத்தோ ஆயஸ்மதோ உபனந்த³ஸ்ஸ
ஸக்யபுத்தஸ்ஸ ஸந்திகே தூ³தங் பாஹேஸி – ‘‘பரிபு⁴ஞ்ஜது அய்யோ தங் சீவரங்,
இச்சா²ம மயங் அய்யேன தங் சீவரங் பரிபு⁴த்த’’ந்தி. அத² கோ² ஆயஸ்மா உபனந்தோ³
ஸக்யபுத்தோ தங் உபாஸகங் ந கிஞ்சி அவசாஸி. து³தியம்பி கோ² ஸோ மஹாமத்தோ
ஆயஸ்மதோ உபனந்த³ஸ்ஸ ஸக்யபுத்தஸ்ஸ ஸந்திகே தூ³தங் பாஹேஸி – ‘‘பரிபு⁴ஞ்ஜது
அய்யோ தங் சீவரங், இச்சா²ம மயங் அய்யேன தங் சீவரங் பரிபு⁴த்த’’ந்தி.
து³தியம்பி கோ² ஆயஸ்மா உபனந்தோ³ ஸக்யபுத்தோ தங் உபாஸகங் ந கிஞ்சி அவசாஸி.
ததியம்பி கோ² ஸோ மஹாமத்தோ ஆயஸ்மதோ உபனந்த³ஸ்ஸ ஸக்யபுத்தஸ்ஸ ஸந்திகே தூ³தங்
பாஹேஸி – ‘‘பரிபு⁴ஞ்ஜது அய்யோ தங் சீவரங், இச்சா²ம மயங் அய்யேன தங் சீவரங்
பரிபு⁴த்த’’ந்தி.
தேன கோ² பன ஸமயேன நேக³மஸ்ஸ ஸமயோ ஹோதி. நேக³மேன ச கதிகா
கதா ஹோதி – ‘‘யோ பச்சா² ஆக³ச்ச²தி பஞ்ஞாஸங் ப³த்³தோ⁴’’தி. அத² கோ² ஆயஸ்மா
உபனந்தோ³ ஸக்யபுத்தோ யேன ஸோ உபாஸகோ தேனுபஸங்கமி; உபஸங்கமித்வா தங் உபாஸகங்
ஏதத³வோச – ‘‘அத்தோ² மே, ஆவுஸோ, சீவரேனா’’தி. ‘‘அஜ்ஜண்ஹோ, ப⁴ந்தே ,
ஆக³மேஹி, அஜ்ஜ நேக³மஸ்ஸ ஸமயோ. நேக³மேன ச கதிகா கதா ஹோதி – ‘யோ பச்சா²
ஆக³ச்ச²தி பஞ்ஞாஸங் ப³த்³தோ⁴’’’தி. ‘‘அஜ்ஜேவ மே, ஆவுஸோ, சீவரங் தே³ஹீ’’தி
ஓவட்டிகாய பராமஸி. அத² கோ² ஸோ உபாஸகோ ஆயஸ்மதா உபனந்தே³ன ஸக்யபுத்தேன
நிப்பீளியமானோ ஆயஸ்மதோ உபனந்த³ஸ்ஸ ஸக்யபுத்தஸ்ஸ சீவரங் சேதாபெத்வா பச்சா²
அக³மாஸி. மனுஸ்ஸா தங் உபாஸகங் ஏதத³வோசுங் – ‘‘கிஸ்ஸ த்வங், அய்யோ, பச்சா²
ஆக³தோ, பஞ்ஞாஸங் ஜீனோஸீ’’தி.
அத² கோ² ஸோ உபாஸகோ தேஸங் மனுஸ்ஸானங் ஏதமத்த²ங்
ஆரோசேஸி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘மஹிச்சா² இமே ஸமணா
ஸக்யபுத்தியா அஸந்துட்டா² . நயிமேஸங் ஸுகரங் வெய்யாவச்சம்பி காதுங். கத²ஞ்ஹி நாம ஆயஸ்மா உபனந்தோ³ உபாஸகேன – ‘அஜ்ஜண்ஹோ, ப⁴ந்தே, ஆக³மேஹீ’தி
வுச்சமானோ நாக³மெஸ்ஸதீ’’தி! அஸ்ஸோஸுங் கோ² பி⁴க்கூ² தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ² அப்பிச்சா²…
தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா உபனந்தோ³
ஸக்யபுத்தோ உபாஸகேன – ‘அஜ்ஜண்ஹோ, ப⁴ந்தே, ஆக³மேஹீ’தி வுச்சமானோ
நாக³மெஸ்ஸதீ’’தி! அத² கோ² தே பி⁴க்கூ² ஆயஸ்மந்தங் உபனந்த³ங் ஸக்யபுத்தங்
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர
த்வங், உபனந்த³, உபாஸகேன – ‘அஜ்ஜண்ஹோ, ப⁴ந்தே, ஆக³மேஹீ’தி வுச்சமானோ
நாக³மேஸீ’’தி ? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம த்வங், மோக⁴புரிஸ, உபாஸகேன – ‘அஜ்ஜண்ஹோ,
ப⁴ந்தே, ஆக³மேஹீ’தி வுச்சமானோ நாக³மெஸ்ஸஸி! நேதங், மோக⁴புரிஸ,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –
538. ‘‘பி⁴க்கு²ங்
பனேவ உத்³தி³ஸ்ஸ ராஜா வா ராஜபொ⁴க்³கோ³ வா ப்³ராஹ்மணோ வா க³ஹபதிகோ வா
தூ³தேன சீவரசேதாபன்னங் பஹிணெய்ய – ‘இமினா சீவரசேதாபன்னேன சீவரங் சேதாபெத்வா
இத்த²ன்னாமங் பி⁴க்கு²ங் சீவரேன அச்சா²தே³ஹீ’தி. ஸோ சே தூ³தோ தங்
பி⁴க்கு²ங் உபஸங்கமித்வா ஏவங் வதெ³ய்ய – ‘இத³ங் கோ², ப⁴ந்தே, ஆயஸ்மந்தங்
உத்³தி³ஸ்ஸ சீவரசேதாபன்னங் ஆப⁴தங், படிக்³க³ண்ஹாது ஆயஸ்மா
சீவரசேதாபன்ன’ந்தி, தேன பி⁴க்கு²னா ஸோ தூ³தோ ஏவமஸ்ஸ வசனீயோ – ‘ந கோ² மயங்,
ஆவுஸோ, சீவரசேதாபன்னங் படிக்³க³ண்ஹாம. சீவரஞ்ச கோ² மயங் படிக்³க³ண்ஹாம,
காலேன கப்பிய’ந்தி. ஸோ சே தூ³தோ தங் பி⁴க்கு²ங் ஏவங் வதெ³ய்ய – ‘அத்தி²
பனாயஸ்மதோ கோசி வெய்யாவச்சகரோ’தி, சீவரத்தி²கேன, பி⁴க்க²வே, பி⁴க்கு²னா
வெய்யாவச்சகரோ நித்³தி³ஸிதப்³போ³ ஆராமிகோ வா உபாஸகோ வா – ‘ஏஸோ கோ², ஆவுஸோ,
பி⁴க்கூ²னங் வெய்யாவச்சகரோ’தி. ஸோ சே தூ³தோ தங் வெய்யாவச்சகரங் ஸஞ்ஞாபெத்வா
தங் பி⁴க்கு²ங் உபஸங்கமித்வா ஏவங் வதெ³ய்ய – ‘யங் கோ², ப⁴ந்தே, ஆயஸ்மா
வெய்யாவச்சகரங் நித்³தி³ஸி ஸஞ்ஞத்தோ ஸோ மயா, உபஸங்கமது ஆயஸ்மா காலேன,
சீவரேன தங் அச்சா²தெ³ஸ்ஸதீ’தி, சீவரத்தி²கேன, பி⁴க்க²வே, பி⁴க்கு²னா
வெய்யாவச்சகரோ உபஸங்கமித்வா த்³வத்திக்க²த்துங் சோதே³தப்³போ³
ஸாரேதப்³போ³ – ‘அத்தோ² மே, ஆவுஸோ, சீவரேனா’தி. த்³வத்திக்க²த்துங்
சோத³யமானோ ஸாரயமானோ தங் சீவரங் அபி⁴னிப்பா²தெ³ய்ய, இச்சேதங் குஸலங்; நோ சே
அபி⁴னிப்பா²தெ³ய்ய, சதுக்க²த்துங் பஞ்சக்க²த்துங்
ச²க்க²த்துபரமங் துண்ஹீபூ⁴தேன உத்³தி³ஸ்ஸ டா²தப்³ப³ங். சதுக்க²த்துங்
பஞ்சக்க²த்துங் ச²க்க²த்துபரமங் துண்ஹீபூ⁴தோ உத்³தி³ஸ்ஸ திட்ட²மானோ தங் சீவரங் அபி⁴னிப்பா²தெ³ய்ய, இச்சேதங் குஸலங்; ததோ சே உத்தரி வாயமமானோ
தங் சீவர அபி⁴னிப்பா²தெ³ய்ய, நிஸ்ஸக்³கி³யங் பாசித்தியங். நோ சே
அபி⁴னிப்பா²தெ³ய்ய, யதஸ்ஸ சீவரசேதாபன்னங் ஆப⁴தங், தத்த² ஸாமங் வா
க³ந்தப்³ப³ங் தூ³தோ வா பாஹேதப்³போ³ – ‘யங் கோ² தும்ஹே ஆயஸ்மந்தோ பி⁴க்கு²ங்
உத்³தி³ஸ்ஸ சீவரசேதாபன்னங் பஹிணித்த², ந தங் தஸ்ஸ
பி⁴க்கு²னோ கிஞ்சி அத்த²ங் அனுபோ⁴தி, யுஞ்ஜந்தாயஸ்மந்தோ ஸகங், மா வோ ஸகங்
வினஸ்ஸா’தி, அயங் தத்த² ஸாமீசீ’’தி.
539. பி⁴க்கு²ங் பனேவ உத்³தி³ஸ்ஸாதி பி⁴க்கு²ஸ்ஸத்தா²ய, பி⁴க்கு²ங் ஆரம்மணங் கரித்வா , பி⁴க்கு²ங் அச்சா²தே³துகாமோ.
ராஜா நாம யோ கோசி ரஜ்ஜங் காரேதி.
ராஜபொ⁴க்³கோ³ நாம யோ கோசி ரஞ்ஞோ ப⁴த்தவேதனாஹாரோ.
ப்³ராஹ்மணோ நாம ஜாதியா ப்³ராஹ்மணோ.
க³ஹபதிகோ நாம ட²பெத்வா ராஜங் ராஜபொ⁴க்³க³ங் ப்³ராஹ்மணங் அவஸேஸோ க³ஹபதிகோ நாம.
சீவரசேதாபன்னங் நாம ஹிரஞ்ஞங் வா ஸுவண்ணங் வா முத்தா வா மணி வா.
இமினா சீவரசேதாபன்னேனாதி பச்சுபட்டி²தேன.
சேதாபெத்வாதி பரிவத்தெத்வா.
அச்சா²தே³ஹீதி த³ஜ்ஜேஹி.
ஸோ சே தூ³தோ தங் பி⁴க்கு²ங் உபஸங்கமித்வா ஏவங் வதெ³ய்ய
– ‘‘இத³ங் கோ², ப⁴ந்தே, ஆயஸ்மந்தங் உத்³தி³ஸ்ஸ சீவரசேதாபன்னங் ஆப⁴தங்.
படிக்³க³ண்ஹாது ஆயஸ்மா சீவரசேதாபன்ன’’ந்தி, தேன பி⁴க்கு²னா ஸோ தூ³தோ ஏவமஸ்ஸ
வசனீயோ – ‘‘ந கோ² மயங், ஆவுஸோ, சீவரசேதாபன்னங் படிக்³க³ண்ஹாம. சீவரஞ்ச கோ²
மயங் படிக்³க³ண்ஹாம, காலேன கப்பிய’’ந்தி. ஸோ சே தூ³தோ தங் பி⁴க்கு²ங் ஏவங்
வதெ³ய்ய – ‘‘அத்தி² பனாயஸ்மதோ கோசி வெய்யாவச்சகரோ’’தி? சீவரத்தி²கேன,
பி⁴க்க²வே, பி⁴க்கு²னா வெய்யாவச்சகரோ நித்³தி³ஸிதப்³போ³ ஆராமிகோ வா உபாஸகோ
வா – ‘‘ஏஸோ கோ², ஆவுஸோ , பி⁴க்கூ²னங்
வெய்யாவச்சகரோ’’தி. ந வத்தப்³போ³ – ‘‘தஸ்ஸ தே³ஹீதி வா, ஸோ வா
நிக்கி²பிஸ்ஸதி, ஸோ வா பரிவத்தெஸ்ஸதி, ஸோ வா சேதாபெஸ்ஸதீ’’தி.
ஸோ சே தூ³தோ தங் வெய்யாவச்சகரங்
ஸஞ்ஞாபெத்வா தங் பி⁴க்கு²ங் உபஸங்கமித்வா ஏவங் வதெ³ய்ய – ‘‘யங் கோ²,
ப⁴ந்தே, ஆயஸ்மா வெய்யாவச்சகரங் நித்³தி³ஸி ஸஞ்ஞத்தோ ஸோ மயா. உபஸங்கமது
ஆயஸ்மா காலேன, சீவரேன தங் அச்சா²தெ³ஸ்ஸதீ’’தி, சீவரத்தி²கேன, பி⁴க்க²வே,
பி⁴க்கு²னா வெய்யாவச்சகரோ உபஸங்கமித்வா த்³வத்திக்க²த்துங் சோதே³தப்³போ³
ஸாரேதப்³போ³ – ‘‘அத்தோ² மே, ஆவுஸோ, சீவரேனா’’தி. ந வத்தப்³போ³ – ‘‘தே³ஹி மே
சீவரங், ஆஹர மே சீவரங், பரிவத்தேஹி மே சீவரங், சேதாபேஹி மே சீவர’’ந்தி.
து³தியம்பி வத்தப்³போ³. ததியம்பி வத்தப்³போ³. ஸசே அபி⁴னிப்பா²தே³தி,
இச்சேதங் குஸலங்; நோ சே அபி⁴னிப்பா²தே³தி, தத்த² க³ந்த்வா துண்ஹீபூ⁴தேன
உத்³தி³ஸ்ஸ டா²தப்³ப³ங். ந ஆஸனே நிஸீதி³தப்³ப³ங். ந ஆமிஸங்
படிக்³க³ஹேதப்³ப³ங். ந த⁴ம்மோ பா⁴ஸிதப்³போ³. ‘‘கிங் காரணா ஆக³தோஸீ’’தி
புச்சி²யமானோ ‘‘ஜானாஹி, ஆவுஸோ’’தி வத்தப்³போ³. ஸசே ஆஸனே வா நிஸீத³தி ,
ஆமிஸங் வா படிக்³க³ண்ஹாதி, த⁴ம்மங் வா பா⁴ஸதி, டா²னங் ப⁴ஞ்ஜதி. து³தியம்பி
டா²தப்³ப³ங். ததியம்பி டா²தப்³ப³ங். சதுக்க²த்துங் சோதெ³த்வா
சதுக்க²த்துங் டா²தப்³ப³ங். பஞ்சக்க²துங் சோதெ³த்வா த்³விக்க²த்துங்
டா²தப்³ப³ங். ச²க்க²த்துங் சோதெ³த்வா ந டா²தப்³ப³ங். ததோ சே உத்தரி
வாயமமானோ தங் சீவரங் அபி⁴னிப்பா²தே³தி, பயோகே³ து³க்கடங். படிலாபே⁴ன
நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ
வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே ,
ப⁴ந்தே, சீவரங் அதிரேகதிக்க²த்துங் சோத³னாய அதிரேகச²க்க²த்துங் டா²னேன
அபி⁴னிப்பா²தி³தங் நிஸ்ஸக்³கி³யங். இமாஹங் ஸங்க⁴ஸ்ஸ நிஸ்ஸஜ்ஜாமீதி…பே॰…
த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.
நோ சே அபி⁴னிப்பா²தெ³ய்ய, யதஸ்ஸ சீவரசேதாபன்னங் ஆப⁴தங்
தத்த² ஸாமங் வா க³ந்தப்³ப³ங் தூ³தோ வா பாஹேதப்³போ³ – ‘‘யங் கோ² தும்ஹே
ஆயஸ்மந்தோ பி⁴க்கு²ங் உத்³தி³ஸ்ஸ சீவரசேதாபன்னங் பஹிணித்த² ந தங் தஸ்ஸ
பி⁴க்கு²னோ கிஞ்சி அத்த²ங் அனுபோ⁴தி. யுஞ்ஜந்தாயஸ்மந்தோ ஸகங், மா வோ ஸகங்
வினஸ்ஸா’’தி.
அயங் தத்த² ஸாமீசீதி அயங் தத்த² அனுத⁴ம்மதா.
540.
அதிரேகதிக்க²த்துங் சோத³னாய அதிரேகச²க்க²த்துங் டா²னேன அதிரேகஸஞ்ஞீ
அபி⁴னிப்பா²தே³தி, நிஸ்ஸக்³கி³யங் பாசித்தியங். அதிரேகதிக்க²த்துங் சோத³னாய
அதிரேகச²க்க²த்துங் டா²னேன வேமதிகோ
அபி⁴னிப்பா²தே³தி, நிஸ்ஸக்³கி³யங் பாசித்தியங். அதிரேகதிக்க²த்துங் சோத³னாய
அதிரேகச²க்க²த்துங் டா²னேன ஊனகஸஞ்ஞீ அபி⁴னிப்பா²தே³தி, நிஸ்ஸக்³கி³யங்
பாசித்தியங்.
ஊனகதிக்க²த்துங் சோத³னாய
ஊனகச²க்க²த்துங் டா²னேன அதிரேகஸஞ்ஞீ, ஆபத்தி து³க்கடஸ்ஸ. ஊனகதிக்க²த்துங்
சோத³னாய ஊனகச²க்க²த்துங் டா²னேன வேமதிகோ, ஆபத்தி து³க்கடஸ்ஸ.
ஊனகதிக்க²த்துங் சோத³னாய ஊனகச²க்க²த்துங் டா²னேன ஊனகஸஞ்ஞீ அனாபத்தி.
541.
அனாபத்தி – திக்க²த்துங் சோத³னாய, ச²க்க²த்துங் டா²னேன, ஊனகதிக்க²த்துங்
சோத³னாய, ஊனகச²க்க²த்துங் டா²னேன, அசோதி³யமானோ தே³தி, ஸாமிகா சோதெ³த்வா தெ³ந்தி, உம்மத்தகஸ்ஸ, ஆதி³கம்மிகஸ்ஸாதி.
ராஜஸிக்கா²பத³ங் நிட்டி²தங் த³ஸமங்.
கதி²னவக்³கோ³ பட²மோ.
தஸ்ஸுத்³தா³னங் –
உப்³ப⁴தங் கதி²னங் தீணி, தோ⁴வனஞ்ச படிக்³க³ஹோ;
அஞ்ஞாதகானி தீணேவ, உபி⁴ன்னங் தூ³தகேன சாதி.
2. கோஸியவக்³கோ³
1. கோஸியஸிக்கா²பத³ங்
542. தேன
ஸமயேன பு³த்³தோ⁴ ப⁴க³வா ஆளவியங் விஹரதி அக்³கா³ளவே சேதியே. தேன கோ² பன
ஸமயேன ச²ப்³ப³க்³கி³யா பி⁴க்கூ² கோஸியகாரகே உபஸங்கமித்வா ஏவங் வத³ந்தி –
‘‘ப³ஹூ, ஆவுஸோ, கோஸகாரகே பசத², அம்ஹாகம்பி த³ஸ்ஸத², மயம்பி இச்சா²ம
கோஸியமிஸ்ஸகங் ஸந்த²தங் காது’’ந்தி. தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஸமணா ஸக்யபுத்தியா அம்ஹே உபஸங்கமித்வா ஏவங் வக்க²ந்தி –
‘ப³ஹூ, ஆவுஸோ, கோஸகாரகே பசத², அம்ஹாகம்பி த³ஸ்ஸத², மயம்பி இச்சா²ம
கோஸியமிஸ்ஸகங் ஸந்த²தங் காது’ந்தி! அம்ஹாகம்பி அலாபா⁴, அம்ஹாகம்பி
து³ல்லத்³த⁴ங், யே மயங் ஆஜீவஸ்ஸ ஹேது புத்ததா³ரஸ்ஸ காரணா ப³ஹூ கு²த்³த³கே
பாணே ஸங்கா⁴தங் ஆபாதே³மா’’தி. அஸ்ஸோஸுங் கோ² பி⁴க்கூ² தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கூ² கோஸியகாரகே உபஸங்கமித்வா ஏவங் வக்க²ந்தி – ‘ப³ஹூ,
ஆவுஸோ, கோஸகாரகே பசத², அம்ஹாகம்பி த³ஸ்ஸத², மயம்பி இச்சா²ம கோஸியமிஸ்ஸகங்
ஸந்த²தங் காது’’’ந்தி! அத² கோ² தே பி⁴க்கூ² ச²ப்³ப³க்³கி³யே பி⁴க்கூ²
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர
தும்ஹே, பி⁴க்க²வே, கோஸியகாரகே உபஸங்கமித்வா ஏவங் வதே³த² – ‘ப³ஹூ, ஆவுஸோ,
கோஸகாரகே பசத², அம்ஹாகம்பி த³ஸ்ஸத², மயம்பி இச்சா²ம கோஸியமிஸ்ஸகங் ஸந்த²தங்
காது’’’ந்தி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, கோஸியகாரகே
உபஸங்கமித்வா ஏவங் வக்க²த² – ப³ஹூ, ஆவுஸோ, கோஸகாரகே பசத², அம்ஹாகம்பி
த³ஸ்ஸத², மயம்பி இச்சா²ம கோஸியமிஸ்ஸகங் ஸந்த²தங் காதுந்தி. நேதங் , மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
543. ‘‘யோ பன பி⁴க்கு² கோஸியமிஸ்ஸகங் ஸந்த²தங் காராபெய்ய, நிஸ்ஸக்³கி³யங் பாசித்திய’’ந்தி.
544. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ஸந்த²தங் நாம ஸந்த²ரித்வா கதங் ஹோதி அவாயிமங்.
காராபெய்யாதி ஏகேனபி
கோஸியங்ஸுனா மிஸ்ஸித்வா கரோதி வா காராபேதி வா, பயோகே³ து³க்கடங். படிலாபே⁴ன
நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா
புக்³க³லஸ்ஸ வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³…பே॰… இத³ங் மே,
ப⁴ந்தே, கோஸியமிஸ்ஸகங் ஸந்த²தங் காராபிதங் நிஸ்ஸக்³கி³யங். இமாஹங் ஸங்க⁴ஸ்ஸ
நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ
த³ம்மீதி.
545. அத்தனா
விப்பகதங் அத்தனா பரியோஸாபேதி, நிஸ்ஸக்³கி³யங் பாசித்தியங். அத்தனா
விப்பகதங் பரேஹி பரியோஸாபேதி, நிஸ்ஸக்³கி³யங் பாசித்தியங். பரேஹி விப்பகதங்
அத்தனா பரியோஸாபேதி, நிஸ்ஸக்³கி³யங் பாசித்தியங். பரேஹி விப்பகதங் பரேஹி
பரியோஸாபேதி, நிஸ்ஸக்³கி³யங் பாசித்தியங்.
அஞ்ஞஸ்ஸத்தா²ய கரோதி வா காராபேதி வா, ஆபத்தி து³க்கடஸ்ஸ . அஞ்ஞேன கதங் படிலபி⁴த்வா பரிபு⁴ஞ்ஜதி, ஆபத்தி து³க்கடஸ்ஸ.
546. அனாபத்தி விதானங் வா பூ⁴மத்த²ரணங் வா ஸாணிபாகாரங் வா பி⁴ஸிங் வா பி³ப்³போ³ஹனங் வா கரோதி, உம்மத்தகஸ்ஸ, ஆதி³கம்மிகஸ்ஸாதி.
கோஸியஸிக்கா²பத³ங் நிட்டி²தங் பட²மங்.
2. ஸுத்³த⁴காளகஸிக்கா²பத³ங்
547. தேன
ஸமயேன பு³த்³தோ⁴ ப⁴க³வா வேஸாலியங் விஹரதி மஹாவனே கூடாகா³ரஸாலாயங். தேன கோ²
பன ஸமயேன ச²ப்³ப³க்³கி³யா பி⁴க்கூ² ஸுத்³த⁴காளகானங் ஏளகலோமானங் ஸந்த²தங்
காராபெந்தி. மனுஸ்ஸா விஹாரசாரிகங் ஆஹிண்ட³ந்தா பஸ்ஸித்வா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா ஸுத்³த⁴காளகானங்
ஏளகலோமானங் ஸந்த²தங் காராபெஸ்ஸந்தி, ஸெய்யதா²பி கி³ஹீ காமபோ⁴கி³னோ’’தி!
அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² ஸுத்³த⁴காளகானங்
ஏளகலோமானங் ஸந்த²தங் காராபெஸ்ஸந்தீ’’தி! அத² கோ² தே பி⁴க்கூ²
ச²ப்³ப³க்³கி³யே பி⁴க்கூ² அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸுங்…பே॰… ‘‘ஸச்சங் கிர தும்ஹே, பி⁴க்க²வே, ஸுத்³த⁴காளகானங்
ஏளகலோமானங் ஸந்த²தங் காராபேதா²’’தி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, ஸுத்³த⁴காளகானங்
ஏளகலோமானங் ஸந்த²தங் காராபெஸ்ஸத²! நேதங், மோக⁴புரிஸா, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
548. ‘‘யோ பன பி⁴க்கு² ஸுத்³த⁴காளகானங் ஏளகலோமானங் ஸந்த²தங் காராபெய்ய, நிஸ்ஸக்³கி³யங் பாசித்திய’’ந்தி.
549. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
காளகங் நாம த்³வே காளகானி – ஜாதியா காளகங் வா ரஜனகாளகங் வா.
ஸந்த²தங் நாம ஸந்த²ரித்வா கதங் ஹோதி அவாயிமங்.
காராபெய்யாதி கரோதி வா காராபேதி வா, பயோகே³ து³க்கடங். படிலாபே⁴ன நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்
…பே॰… இத³ங் மே, ப⁴ந்தே, ஸுத்³த⁴காளகானங் ஏளகலோமானங் ஸந்த²தங் காராபிதங்
நிஸ்ஸக்³கி³யங். இமாஹங் ஸங்க⁴ஸ்ஸ நிஸ்ஸஜ்ஜாமீதி…பே॰… த³தெ³ய்யாதி…பே॰…
த³தெ³ய்யுந்தி…பே॰… ஆயஸ்மதோ த³ம்மீதி.
550.
அத்தனா விப்பகதங் அத்தனா பரியோஸாபேதி, நிஸ்ஸக்³கி³யங் பாசித்தியங். அத்தனா
விப்பகதங் பரேஹி பரியோஸாபேதி, நிஸ்ஸக்³கி³யங் பாசித்தியங். பரேஹி
விப்பகதங் அத்தனா பரியோஸாபேதி, நிஸ்ஸக்³கி³யங் பாசித்தியங். பரேஹி
விப்பகதங் பரேஹி பரியோஸாபேதி, நிஸ்ஸக்³கி³யங் பாசித்தியங்.
அஞ்ஞஸ்ஸத்தா²ய கரோதி வா காராபேதி வா, ஆபத்தி து³க்கடஸ்ஸ. அஞ்ஞேன கதங் படிலபி⁴த்வா பரிபு⁴ஞ்ஜதி, ஆபத்தி து³க்கடஸ்ஸ.
551. அனாபத்தி விதானங் வா பூ⁴மத்த²ரணங் வா ஸாணிபாகாரங் வா பி⁴ஸிங் வா பி³ப்³போ³ஹனங் வா கரோதி, உம்மத்தகஸ்ஸ, ஆதி³கம்மிகஸ்ஸாதி.
ஸுத்³த⁴காளகஸிக்கா²பத³ங் நிட்டி²தங் து³தியங்.
3. த்³வேபா⁴க³ஸிக்கா²பத³ங்
552. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² – ‘‘ப⁴க³வதா
படிக்கி²த்தங் ஸுத்³த⁴காளகானங் ஏளகலோமானங் ஸந்த²தங் காராபேது’’ந்தி, தே
தோ²கங்யேவ ஓதா³தங் அந்தே ஆதி³யித்வா ததே²வ ஸுத்³த⁴காளகானங் ஏளகலோமானங்
ஸந்த²தங் காராபெந்தி. யே தே பி⁴க்கூ² அப்பிச்சா²… தே உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² தோ²கங்யேவ
ஓதா³தங் அந்தே ஆதி³யித்வா ததே²வ ஸுத்³த⁴காளகானங் ஏளகலோமானங் ஸந்த²தங்
காராபெஸ்ஸந்தீ’’தி! அத² கோ² தே பி⁴க்கூ² ச²ப்³ப³க்³கி³யே பி⁴க்கூ²
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர
தும்ஹே, பி⁴க்க²வே, தோ²கங்யேவ ஓதா³தங் அந்தே ஆதி³யித்வா ததே²வ
ஸுத்³த⁴காளகானங் ஏளகலோமானங் ஸந்த²தங் காராபேதா²’’தி? ‘‘ஸச்சங், ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, தோ²கங்யேவ
ஓதா³தங் அந்தே ஆதி³யித்வா ததே²வ ஸுத்³த⁴காளகானங் ஏளகலோமானங் ஸந்த²தங்
காராபெஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
553. ‘‘நவங்
பன பி⁴க்கு²னா ஸந்த²தங் காரயமானேன த்³வே பா⁴கா³ ஸுத்³த⁴காளகானங்
ஏளகலோமானங் ஆதா³தப்³பா³ ததியங் ஓதா³தானங் சதுத்த²ங் கோ³சரியானங் .
அனாதா³ சே பி⁴க்கு² த்³வே பா⁴கே³ ஸுத்³த⁴காளகானங் ஏளகலோமானங் ததியங்
ஓதா³தானங் சதுத்த²ங் கோ³சரியானங் நவங் ஸந்த²தங் காராபெய்ய, நிஸ்ஸக்³கி³யங்
பாசித்திய’’ந்தி.
554. நவங் நாம கரணங் உபாதா³ய வுச்சதி.
ஸந்த²தங் நாம ஸந்த²ரித்வா கதங் ஹோதி அவாயிமங்.
காரயமானேனாதி கரொந்தோ வா காராபெந்தோ வா.
த்³வே பா⁴கா³ ஸுத்³த⁴காளகானங் ஏளகலோமானங் ஆதா³தப்³பா³தி தா⁴ரயித்வா த்³வே துலா ஆதா³தப்³பா³.
ததியங் ஓதா³தானந்தி துலங் ஓதா³தானங்.
சதுத்த²ங் கோ³சரியானந்தி துலங் கோ³சரியானங்.
அனாதா³ சே பி⁴க்கு² த்³வே பா⁴கே³ ஸுத்³த⁴காளகானங் ஏளகலோமானங் ததியங் ஓதா³தானங் சதுத்த²ங் கோ³சரியானந்தி.
அனாதி³யித்வா த்³வே துலே ஸுத்³த⁴காளகானங் ஏளகலோமானங் துலங் ஓதா³தானங்
துலங் கோ³சரியானங் நவங் ஸந்த²தங் கரோதி வா காராபேதி வா பயோகே³ து³க்கடங்,
படிலாபே⁴ன நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா
புக்³க³லஸ்ஸ வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே,
ப⁴ந்தே, ஸந்த²தங் அனாதி³யித்வா த்³வே துலே ஸுத்³த⁴காளகானங் ஏளகலோமானங்
துலங் ஓதா³தானங் துலங் கோ³சரியானங் காராபிதங் நிஸ்ஸக்³கி³யங். இமாஹங்
ஸங்க⁴ஸ்ஸ நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ
த³ம்மீதி.
555. அத்தனா
விப்பகதங் அத்தனா பரியோஸாபேதி, நிஸ்ஸக்³கி³யங் பாசித்தியங். அத்தனா
விப்பகதங் பரேஹி பரியோஸாபேதி, நிஸ்ஸக்³கி³யங் பாசித்தியங். பரேஹி விப்பகதங்
அத்தனா பரியோஸாபேதி, நிஸ்ஸக்³கி³யங் பாசித்தியங் . பரேஹி விப்பகதங் பரேஹி பரியோஸாபேதி, நிஸ்ஸக்³கி³யங் பாசித்தியங்.
அஞ்ஞஸ்ஸத்தா²ய கரோதி வா காராபேதி வா, ஆபத்தி து³க்கடஸ்ஸ. அஞ்ஞேன கதங் படிலபி⁴த்வா பரிபு⁴ஞ்ஜதி, ஆபத்தி து³க்கடஸ்ஸ.
556.
அனாபத்தி துலங் ஓதா³தானங் துலங் கோ³சரியானங் ஆதி³யித்வா கரோதி, ப³ஹுதரங்
ஓதா³தானங் ப³ஹுதரங் கோ³சரியானங் ஆதி³யித்வா கரோதி, ஸுத்³த⁴ங் ஓதா³தானங்
ஸுத்³த⁴ங் கோ³சரியானங் ஆதி³யித்வா கரோதி, விதானங் வா பூ⁴மத்த²ரணங் வா
ஸாணிபாகாரங் வா பி⁴ஸிங் வா பி³ப்³போ³ஹனங் வா கரோதி, உம்மத்தகஸ்ஸ,
ஆதி³கம்மிகஸ்ஸாதி.
த்³வேபா⁴க³ஸிக்கா²பத³ங் நிட்டி²தங் ததியங்.
4. ச²ப்³ப³ஸ்ஸஸிக்கா²பத³ங்
557. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கூ² அனுவஸ்ஸங் ஸந்த²தங் காராபெந்தி. தே
யாசனப³ஹுலா விஞ்ஞத்திப³ஹுலா விஹரந்தி – ‘‘ஏளகலோமானி தே³த². ஏளகலோமேஹி
அத்தோ²’’தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ஸமணா ஸக்யபுத்தியா அனுவஸ்ஸங் ஸந்த²தங் காராபெஸ்ஸந்தி, யாசனப³ஹுலா
விஞ்ஞத்திப³ஹுலா விஹரிஸ்ஸந்தி – ‘ஏளகலோமானி தே³த², ஏளகலோமேஹி அத்தோ²’’’தி!
அம்ஹாகங் பன ஸகிங் கதானி ஸந்த²தானி பஞ்சபி ச²பி வஸ்ஸானி ஹொந்தி, யேஸங் நோ
தா³ரகா உஹத³ந்திபி உம்மிஹந்திபி உந்தூ³ரேஹிபி க²ஜ்ஜந்தி. இமே பன ஸமணா
ஸக்யபுத்தியா அனுவஸ்ஸங் ஸந்த²தங் காராபெந்தி, யாசனப³ஹுலா விஞ்ஞத்திப³ஹுலா
விஹரந்தி – ‘‘ஏளகலோமானி தே³த², ஏளகலோமேஹி அத்தோ²’’தி!
அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கூ² அனுவஸ்ஸங் ஸந்த²தங் காராபெஸ்ஸந்தி, யாசனப³ஹுலா விஞ்ஞத்திப³ஹுலா
விஹரிஸ்ஸந்தி – ‘ஏளகலோமானி தே³த², ஏளகலோமேஹி அத்தோ²’’’தி! அத² கோ² தே
பி⁴க்கூ² தே அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰…
ஸச்சங் கிர, பி⁴க்க²வே, பி⁴க்கூ² அனுவஸ்ஸங் ஸந்த²தங் காராபெந்தி, யாசனப³ஹுலா விஞ்ஞத்திப³ஹுலா விஹரந்தி – ‘ஏளகலோமானி தே³த², ஏளகலோமேஹி அத்தோ²’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம தே, பி⁴க்க²வே, மோக⁴புரிஸா அனுவஸ்ஸங் ஸந்த²தங்
காராபெஸ்ஸந்தி, யாசனப³ஹுலா விஞ்ஞத்திப³ஹுலா விஹரிஸ்ஸந்தி – ‘ஏளகலோமானி
தே³த², ஏளகலோமேஹி அத்தோ²’தி! நேதங், பி⁴க்க²வே, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
558. ‘‘நவங்
பன பி⁴க்கு²னா ஸந்த²தங் காராபெத்வா ச²ப்³ப³ஸ்ஸானி தா⁴ரேதப்³ப³ங். ஓரேன சே
ச²ன்னங் வஸ்ஸானங் தங் ஸந்த²தங் விஸ்ஸஜ்ஜெத்வா வா அவிஸ்ஸஜ்ஜெத்வா வா அஞ்ஞங்
நவங் ஸந்த²தங் காராபெய்ய, நிஸ்ஸக்³கி³யங் பாசித்திய’’ந்தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
559.
தேன கோ² பன ஸமயேன அஞ்ஞதரோ பி⁴க்கு² கோஸம்பி³யங் கி³லானோ ஹோதி. ஞாதகா தஸ்ஸ
பி⁴க்கு²னோ ஸந்திகே தூ³தங் பாஹேஸுங் – ‘‘ஆக³ச்ச²து, ப⁴த³ந்தோ மயங்
உபட்ட²ஹிஸ்ஸாமா’’தி. பி⁴க்கூ²பி ஏவமாஹங்ஸு – ‘‘க³ச்சா²வுஸோ, ஞாதகா தங்
உபட்ட²ஹிஸ்ஸந்தீ’’தி. ஸோ ஏவமாஹ – ‘‘ப⁴க³வதா, ஆவுஸோ, ஸிக்கா²பத³ங் பஞ்ஞத்தங்
– ‘நவங் பன பி⁴க்கு²னா ஸந்த²தங் காராபெத்வா ச²ப்³ப³ஸ்ஸானி
தா⁴ரேதப்³ப³’ந்தி. அஹஞ்சம்ஹி கி³லானோ, ந ஸக்கோமி ஸந்த²தங் ஆதா³ய
பக்கமிதுங். மய்ஹஞ்ச வினா ஸந்த²தா ந பா²ஸு ஹோதி. நாஹங் க³மிஸ்ஸாமீ’’தி.
ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங்
பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே,
கி³லானஸ்ஸ பி⁴க்கு²னோ ஸந்த²தஸம்முதிங் தா³துங். ஏவஞ்ச பன ,
பி⁴க்க²வே, தா³தப்³பா³. தேன கி³லானேன பி⁴க்கு²னா ஸங்க⁴ங் உபஸங்கமித்வா
ஏகங்ஸங் உத்தராஸங்க³ங் கரித்வா வுட்³டா⁴னங் பி⁴க்கூ²னங் பாதே³ வந்தி³த்வா
உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ – ‘அஹங்,
ப⁴ந்தே, கி³லானோ. ந ஸக்கோமி ஸந்த²தங் ஆதா³ய பக்கமிதுங். ஸோஹங், ப⁴ந்தே,
ஸங்க⁴ங் ஸந்த²தஸம்முதிங் யாசாமீ’தி. து³தியம்பி யாசிதப்³பா³. ததியம்பி
யாசிதப்³பா³. ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
560. ‘‘ஸுணாது
மே, ப⁴ந்தே, ஸங்கோ⁴. அயங் இத்த²ன்னாமோ பி⁴க்கு² கி³லானோ. ந ஸக்கோதி
ஸந்த²தங் ஆதா³ய பக்கமிதுங். ஸோ ஸங்க⁴ங் ஸந்த²தஸம்முதிங் யாசதி. யதி³
ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமஸ்ஸ பி⁴க்கு²னோ ஸந்த²தஸம்முதிங்
த³தெ³ய்ய. ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴ .
அயங் இத்த²ன்னாமோ பி⁴க்கு² கி³லானோ. ந ஸக்கோதி ஸந்த²தங் ஆதா³ய பக்கமிதுங்.
ஸோ ஸங்க⁴ங் ஸந்த²தஸம்முதிங் யாசதி. ஸங்கோ⁴ இத்த²ன்னாமஸ்ஸ பி⁴க்கு²னோ
ஸந்த²தஸம்முதிங் தே³தி. யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ
ஸந்த²தஸம்முதியா தா³னங், ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.
‘‘தி³ன்னா ஸங்கே⁴ன இத்த²ன்னாமஸ்ஸ பி⁴க்கு²னோ ஸந்த²தஸம்முதி. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
561. ‘‘நவங்
பன பி⁴க்கு²னா ஸந்த²தங் காராபெத்வா ச²ப்³ப³ஸ்ஸானி தா⁴ரேதப்³ப³ங். ஓரேன சே
ச²ன்னங் வஸ்ஸானங் தங் ஸந்த²தங் விஸ்ஸஜ்ஜெத்வா வா அவிஸ்ஸஜ்ஜெத்வா வா அஞ்ஞங்
நவங் ஸந்த²தங் காராபெய்ய, அஞ்ஞத்ர பி⁴க்கு²ஸம்முதியா , நிஸ்ஸக்³கி³யங் பாசித்திய’’ந்தி.
562. நவங் நாம கரணங் உபாதா³ய வுச்சதி.
ஸந்த²தங் நாம ஸந்த²ரித்வா கதங் ஹோதி அவாயிமங்.
காராபெத்வாதி கரித்வா வா காராபெத்வா வா.
ச²ப்³ப³ஸ்ஸானி தா⁴ரேதப்³ப³ந்தி ச²ப்³ப³ஸ்ஸபரமதா தா⁴ரேதப்³ப³ங்.
ஓரேன சே ச²ன்னங் வஸ்ஸானந்தி ஊனகச²ப்³ப³ஸ்ஸானி.
தங் ஸந்த²தங் விஸ்ஸஜ்ஜெத்வாதி அஞ்ஞேஸங் த³த்வா.
அவிஸ்ஸஜ்ஜெத்வாதி ந கஸ்ஸசி த³த்வா.
அஞ்ஞத்ர பி⁴க்கு²ஸம்முதியாதி
ட²பெத்வா பி⁴க்கு²ஸம்முதிங் அஞ்ஞங் நவங் ஸந்த²தங் கரோதி வா காராபேதி வா,
பயோகே³ து³க்கடங். படிலாபே⁴ன நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங்
ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச பன, பி⁴க்க²வே,
நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே, ஸந்த²தங் ஊனகச²ப்³ப³ஸ்ஸானி
காராபிதங், அஞ்ஞத்ர பி⁴க்கு²ஸம்முதியா, நிஸ்ஸக்³கி³யங். இமாஹங் ஸங்க⁴ஸ்ஸ
நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.
563.
அத்தனா விப்பகதங் அத்தனா பரியோஸாபேதி, நிஸ்ஸக்³கி³யங் பாசித்தியங். அத்தனா
விப்பகதங் பரேஹி பரியோஸாபேதி, நிஸ்ஸக்³கி³யங் பாசித்தியங் . பரேஹி விப்பகதங் அத்தனா பரியோஸாபேதி, நிஸ்ஸக்³கி³யங் பாசித்தியங். பரேஹி விப்பகதங் பரேஹி பரியோஸாபேதி, நிஸ்ஸக்³கி³யங் பாசித்தியங்.
564.
அனாபத்தி ச²ப்³ப³ஸ்ஸானி கரோதி, அதிரேகச²ப்³ப³ஸ்ஸானி கரோதி, அஞ்ஞஸ்ஸத்தா²ய
கரோதி வா காராபேதி வா, அஞ்ஞேன கதங் படிலபி⁴த்வா பரிபு⁴ஞ்ஜதி , விதானங் வா பூ⁴மத்த²ரணங் வா ஸாணிபாகாரங் வா பி⁴ஸிங் வா பி³ப்³போ³ஹனங் வா கரோதி, பி⁴க்கு²ஸம்முதியா, உம்மத்தகஸ்ஸ, ஆதி³கம்மிகஸ்ஸாதி.
ச²ப்³ப³ஸ்ஸஸிக்கா²பத³ங் நிட்டி²தங் சதுத்த²ங்.
5. நிஸீத³னஸந்த²தஸிக்கா²பத³ங்
565. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. அத² கோ² ப⁴க³வா பி⁴க்கூ² ஆமந்தேஸி – ‘‘இச்சா²மஹங், பி⁴க்க²வே,
தேமாஸங் படிஸல்லீயிதுங். நம்ஹி கேனசி உபஸங்கமிதப்³போ³, அஞ்ஞத்ர ஏகேன
பிண்ட³பாதனீஹாரகேனா’’தி. ‘‘ஏவங், ப⁴ந்தே,’’தி கோ² தே பி⁴க்கூ² ப⁴க³வதோ
படிஸ்ஸுணித்வா நாஸ்ஸுத⁴ கோசி ப⁴க³வந்தங் உபஸங்கமதி, அஞ்ஞத்ர ஏகேன
பிண்ட³பாதனீஹாரகேன. தேன கோ² பன ஸமயேன ஸாவத்தி²யா ஸங்கே⁴ன கதிகா கதா ஹோதி –
‘‘இச்ச²தாவுஸோ, ப⁴க³வா தேமாஸங் படிஸல்லீயிதுங். ந ப⁴க³வா கேனசி
உபஸங்கமிதப்³போ³ , அஞ்ஞத்ர ஏகேன பிண்ட³பாதனீஹாரகேன.
யோ ப⁴க³வந்தங் உபஸங்கமதி ஸோ பாசித்தியங் தே³ஸாபேதப்³போ³’’தி. அத² கோ²
ஆயஸ்மா உபஸேனோ வங்க³ந்தபுத்தோ, ஸபரிஸோ யேன ப⁴க³வா தேனுபஸங்கமி;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஆசிண்ணங் கோ²
பனேதங் பு³த்³தா⁴னங் ப⁴க³வந்தானங் ஆக³ந்துகேஹி பி⁴க்கூ²ஹி ஸத்³தி⁴ங்
படிஸம்மோதி³துங். அத² கோ² ப⁴க³வா ஆயஸ்மந்தங் உபஸேனங் வங்க³ந்தபுத்தங்
ஏதத³வோச – ‘‘கச்சி வோ, உபஸேன, க²மனீயங் கச்சி யாபனீயங், கச்சித்த²
அப்பகிலமதே²ன அத்³தா⁴னங் ஆக³தா’’தி? ‘‘க²மனீயங் , ப⁴க³வா, யாபனீயங், ப⁴க³வா. அப்பகிலமதே²ன ச மயங், ப⁴ந்தே, அத்³தா⁴னங் ஆக³தா’’தி.
தேன கோ² பன ஸமயேன ஆயஸ்மதோ உபஸேனஸ்ஸ வங்க³ந்தபுத்தஸ்ஸ ஸத்³தி⁴விஹாரிகோ பி⁴க்கு² ப⁴க³வதோ அவிதூ³ரே நிஸின்னோ ஹோதி. அத² கோ² ப⁴க³வா
தங் பி⁴க்கு²ங் ஏதத³வோச – ‘‘மனாபானி தே, பி⁴க்கு², பங்ஸுகூலானீ’’தி? ‘‘ந
கோ² மே, ப⁴ந்தே, மனாபானி பங்ஸுகூலானீ’’தி. ‘‘கிஸ்ஸ பன த்வங், பி⁴க்கு²,
பங்ஸுகூலிகோ’’தி? ‘‘உபஜ்ஜா²யோ மே, ப⁴ந்தே, பங்ஸுகூலிகோ. ஏவங் அஹம்பி
பங்ஸுகூலிகோ’’தி. அத² கோ² ப⁴க³வா ஆயஸ்மந்தங் உபஸேனங் வங்க³ந்தபுத்தங்
ஏதத³வோச – ‘‘பாஸாதி³கா கோ² த்யாயங், உபஸேன, பரிஸா. கத²ங் த்வங், உபஸேன,
பரிஸங் வினேஸீ’’தி? ‘‘யோ மங், ப⁴ந்தே, உபஸம்பத³ங் யாசதி தமஹங் [தாஹங் (க॰)]
ஏவங் வதா³மி – ‘அஹங் கோ², ஆவுஸோ, ஆரஞ்ஞிகோ பிண்ட³பாதிகோ பங்ஸுகூலிகோ. ஸசே
த்வம்பி ஆரஞ்ஞிகோ ப⁴விஸ்ஸஸி பிண்ட³பாதிகோ பங்ஸுகூலிகோ, ஏவாஹங் தங்
உபஸம்பாதெ³ஸ்ஸாமீ’தி. ஸசே மே படிஸ்ஸுணாதி உபஸம்பாதே³மி, நோ சே மே
படிஸ்ஸுணாதி ந உபஸம்பாதே³மி. யோ மங் நிஸ்ஸயங் யாசதி தமஹங் [தாஹங் (க॰)]
ஏவங் வதா³மி – ‘அஹங் கோ², ஆவுஸோ, ஆரஞ்ஞிகோ பிண்ட³பாதிகோ பங்ஸுகூலிகோ. ஸசே
த்வம்பி ஆரஞ்ஞிகோ ப⁴விஸ்ஸஸி பிண்ட³பாதிகோ பங்ஸுகூலிகோ, ஏவாஹங் தே நிஸ்ஸயங்
த³ஸ்ஸாமீ’தி. ஸசே மே படிஸ்ஸுணாதி நிஸ்ஸயங் தே³மி, நோ சே மே படிஸ்ஸுணாதி ந
நிஸ்ஸயங் தே³மி. ஏவங் கோ² அஹங், ப⁴ந்தே, பரிஸங் வினேமீ’’தி.
‘‘ஸாது⁴ ஸாது⁴, உபஸேன. ஸாது⁴ கோ² த்வங், உபஸேன, பரிஸங் வினேஸி .
ஜானாஸி பன த்வங், உபஸேன, ஸாவத்தி²யா ஸங்க⁴ஸ்ஸ கதிக’’ந்தி? ‘‘ந கோ² அஹங்,
ப⁴ந்தே, ஜானாமி ஸாவத்தி²யா ஸங்க⁴ஸ்ஸ கதிக’’ந்தி. ‘‘ஸாவத்தி²யா கோ², உபஸேன,
ஸங்கே⁴ன கதிகா கதா – ‘இச்ச²தாவுஸோ, ப⁴க³வா தேமாஸங் படிஸல்லீயிதுங். ந
ப⁴க³வா கேனசி உபஸங்கமிதப்³போ³, அஞ்ஞத்ர ஏகேன பிண்ட³பாதனீஹாரகேன. யோ
ப⁴க³வந்தங் உபஸங்கமதி ஸோ பாசித்தியங் தே³ஸாபேதப்³போ³’தி. ‘‘பஞ்ஞாயிஸ்ஸதி,
ப⁴ந்தே, ஸாவத்தி²யா ஸங்கோ⁴ ஸகாய கதிகாய, ந மயங் அபஞ்ஞத்தங் பஞ்ஞபெஸ்ஸாம
பஞ்ஞத்தங் வா ந ஸமுச்சி²ந்தி³ஸ்ஸாம, யதா²பஞ்ஞத்தேஸு ஸிக்கா²பதே³ஸு ஸமாதா³ய
வத்திஸ்ஸாமா’’தி. ‘‘ஸாது⁴ ஸாது⁴, உபஸேன, அபஞ்ஞத்தங்
ந பஞ்ஞபேதப்³ப³ங், பஞ்ஞத்தங் வா ந ஸமுச்சி²ந்தி³தப்³ப³ங், யதா²பஞ்ஞத்தேஸு
ஸிக்கா²பதே³ஸு ஸமாதா³ய வத்திதப்³ப³ங். அனுஜானாமி, உபஸேன, யே தே பி⁴க்கூ²
ஆரஞ்ஞிகா பிண்ட³பாதிகா பங்ஸுகூலிகா யதா²ஸுக²ங் மங் த³ஸ்ஸனாய
உபஸங்கமந்தூ’’தி.
566.
தேன கோ² பன ஸமயேன ஸம்ப³ஹுலா பி⁴க்கூ² ப³ஹித்³வாரகொட்ட²கே டி²தா ஹொந்தி –
‘‘மயங் ஆயஸ்மந்தங் உபஸேனங் வங்க³ந்தபுத்தங் பாசித்தியங் தே³ஸாபெஸ்ஸாமா’’தி .
அத² கோ² ஆயஸ்மா உபஸேனோ வங்க³ந்தபுத்தோ ஸபரிஸோ உட்டா²யாஸனா ப⁴க³வந்தங்
அபி⁴வாதெ³த்வா பத³க்கி²ணங் கத்வா பக்காமி. அத² கோ² தே பி⁴க்கூ² ஆயஸ்மந்தங்
உபஸேனங் வங்க³ந்தபுத்தங் ஏதத³வோசுங் – ‘‘ஜானாஸி த்வங், ஆவுஸோ உபஸேன,
ஸாவத்தி²யா ஸங்க⁴ஸ்ஸ கதிக’’ந்தி. ‘‘ப⁴க³வாபி மங், ஆவுஸோ, ஏவமாஹ – ‘ஜானாஸி
பன த்வங், உபஸேன, ஸாவத்தி²யா ஸங்க⁴ஸ்ஸ கதிக’ந்தி? ந
கோ² அஹங், ப⁴ந்தே, ஜானாமி ஸாவத்தி²யா ஸங்க⁴ஸ்ஸ கதிக’’ந்தி. ‘‘ஸாவத்தி²யா
கோ², உபஸேன, ஸங்கே⁴ன கதிகா கதா – இச்ச²தாவுஸோ, ப⁴க³வா தேமாஸங்
படிஸல்லீயிதுங். ந ப⁴க³வா கேனசி உபஸங்கமிதப்³போ³, அஞ்ஞத்ர ஏகேன
பிண்ட³பாதனீஹாரகேன. யோ ப⁴க³வந்தங் உபஸங்கமதி ஸோ பாசித்தியங்
தே³ஸாபேதப்³போ³’’தி. ‘‘பஞ்ஞாயிஸ்ஸதி, ப⁴ந்தே, ஸாவத்தி²யா ஸங்கோ⁴ ஸகாய
கதிகாய, ந மயங் அபஞ்ஞத்தங் பஞ்ஞபெஸ்ஸாம பஞ்ஞத்தங் வா ந ஸமுச்சி²ந்தி³ஸ்ஸாம,
யதா²பஞ்ஞத்தேஸு ஸிக்கா²பதே³ஸு ஸமாதா³ய வத்திஸ்ஸாமாதி. அனுஞ்ஞாதாவுஸோ,
ப⁴க³வதா – ‘யே தே பி⁴க்கூ² ஆரஞ்ஞிகா பிண்ட³பாதிகா பங்ஸுகூலிகா யதா²ஸுக²ங்
மங் த³ஸ்ஸனாய உபஸங்கமந்தூ’’’தி.
அத² கோ² தே பி⁴க்கூ² – ‘‘ஸச்சங் கோ² ஆயஸ்மா உபஸேனோ ஆஹ –
‘ந அபஞ்ஞத்தங் பஞ்ஞபேதப்³ப³ங், பஞ்ஞத்தங் வா ந ஸமுச்சி²ந்தி³தப்³ப³ங்,
யதா²பஞ்ஞத்தேஸு ஸிக்கா²பதே³ஸு ஸமாதா³ய வத்திதப்³ப³’’’ந்தி. அஸ்ஸோஸுங் கோ²
பி⁴க்கூ² – ‘‘அனுஞ்ஞாதா கிர ப⁴க³வதா – ‘யே தே பி⁴க்கூ² ஆரஞ்ஞிகா
பிண்ட³பாதிகா பங்ஸுகூலிகா யதா²ஸுக²ங் மங் த³ஸ்ஸனாய உபஸங்கமந்தூ’’’தி. தே
ப⁴க³வந்தங் த³ஸ்ஸனங் பிஹெந்தா [த³ஸ்ஸனாய பிஹயமானா (ஸ்யா॰)] ஸந்த²தானி உஜ்ஜி²த்வா ஆரஞ்ஞிகங்க³ங் பிண்ட³பாதிகங்க³ங்
பங்ஸுகூலிகங்க³ங் ஸமாதி³யிங்ஸு. அத² கோ² ப⁴க³வா ஸம்ப³ஹுலேஹி பி⁴க்கூ²ஹி
ஸத்³தி⁴ங் ஸேனாஸனசாரிகங் ஆஹிண்ட³ந்தோ அத்³த³ஸ ஸந்த²தானி தஹங் தஹங்
உஜ்ஜி²தானி. பஸ்ஸித்வா பி⁴க்கூ² ஆமந்தேஸி –
‘‘கஸ்ஸிமானி, பி⁴க்க²வே, ஸந்த²தானி தஹங் தஹங் உஜ்ஜி²தானீ’’தி? அத² கோ² தே
பி⁴க்கூ² ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே
ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘தேன ஹி,
பி⁴க்க²வே, பி⁴க்கூ²னங் ஸிக்கா²பத³ங் பஞ்ஞபெஸ்ஸாமி த³ஸ அத்த²வஸே படிச்ச – ஸங்க⁴ஸுட்டு²தாய, ஸங்க⁴பா²ஸுதாய,…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
567. ‘‘நிஸீத³னஸந்த²தங் பன
பி⁴க்கு²னா காரயமானேன புராணஸந்த²தஸ்ஸ ஸாமந்தா ஸுக³தவித³த்தி² ஆதா³தப்³பா³
து³ப்³ப³ண்ணகரணாய, அனாதா³ சே பி⁴க்கு² புராணஸந்த²தஸ்ஸ ஸாமந்தா
ஸுக³தவித³த்தி²ங் நவங் நிஸீத³னஸந்த²தங் காராபெய்ய, நிஸ்ஸக்³கி³யங்
பாசித்திய’’ந்தி.
568. நிஸீத³னங் நாம ஸத³ஸங் வுச்சதி.
ஸந்த²தங் நாம ஸந்த²ரித்வா கதங் ஹோதி அவாயிமங்.
காரயமானேனாதி கரொந்தோ வா காராபெந்தோ வா.
புராணஸந்த²தங் நாம ஸகிங் நிவத்த²ம்பி ஸகிங் பாருதம்பி.
ஸாமந்தா ஸுக³தவித³த்தி² ஆதா³தப்³பா³ து³ப்³ப³ண்ணகரணாயாதி தி²ரபா⁴வாய வட்டங் வா சதுரஸ்ஸங் வா சி²ந்தி³த்வா ஏகதே³ஸே வா ஸந்த²ரிதப்³ப³ங் விஜடெத்வா வா ஸந்த²ரிதப்³ப³ங்.
அனாதா³ சே பி⁴க்கு² புராணஸந்த²தஸ்ஸ ஸாமந்தா ஸுக³தவித³த்தி²ந்தி அனாதி³யித்வா புராணஸந்த²தஸ்ஸ ஸாமந்தா ஸுக³தவித³த்தி²ங் நவங்
நிஸீத³னஸந்த²தங் கரோதி வா காராபேதி வா, பயோகே³ து³க்கடங், படிலாபே⁴ன
நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ
வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே,
நிஸீத³னஸந்த²தங் அனாதி³யித்வா புராணஸந்த²தஸ்ஸ ஸாமந்தா ஸுக³தவித³த்தி²ங்
காராபிதங் நிஸ்ஸக்³கி³யங். இமாஹங் ஸங்க⁴ஸ்ஸ நிஸ்ஸஜ்ஜாமீதி…பே॰…
த³தெ³ய்யாதி…பே॰… ஆயஸ்மதோ த³ம்மீதி.
569.
அத்தனா விப்பகதங் அத்தனா பரியோஸாபேதி, நிஸ்ஸக்³கி³யங் பாசித்தியங். அத்தனா
விப்பகதங் பரேஹி பரியோஸாபேதி, நிஸ்ஸக்³கி³யங் பாசித்தியங். பரேஹி
விப்பகதங் அத்தனா பரியோஸாபேதி, நிஸ்ஸக்³கி³யங் பாசித்தியங். பரேஹி
விப்பகதங் பரேஹி பரியோஸாபேதி, நிஸ்ஸக்³கி³யங் பாசித்தியங்.
அஞ்ஞஸ்ஸத்தா²ய கரோதி வா காராபேதி வா, ஆபத்தி து³க்கடஸ்ஸ.
570. அனாபத்தி – புராணஸந்த²தஸ்ஸ ஸாமந்தா ஸுக³தவித³த்தி²ங் ஆதி³யித்வா
கரோதி, அலப⁴ந்தோ தோ²கதரங் ஆதி³யித்வா கரோதி, அலப⁴ந்தோ அனாதி³யித்வா கரோதி,
அஞ்ஞேன கதங் படிலபி⁴த்வா பரிபு⁴ஞ்ஜதி, விதானங் வா பூ⁴மத்த²ரணங் வா
ஸாணிபாகாரங் வா பி⁴ஸிங் வா பி³ப்³போ³ஹனங் வா கரோதி, உம்மத்தகஸ்ஸ
ஆதி³கம்மிகஸ்ஸாதி.
நிஸீத³னஸந்த²தஸிக்கா²பத³ங் நிட்டி²தங் பஞ்சமங்.
6. ஏளகலோமஸிக்கா²பத³ங்
571. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரஸ்ஸ பி⁴க்கு²னோ கோஸலேஸு ஜனபதே³ ஸாவத்தி²ங்
க³ச்ச²ந்தஸ்ஸ அந்தராமக்³கே³ ஏளகலோமானி உப்பஜ்ஜிங்ஸு. அத² கோ² ஸோ பி⁴க்கு²
தானி ஏளகலோமானி உத்தராஸங்கே³ன ப⁴ண்டி³கங் ப³ந்தி⁴த்வா அக³மாஸி. மனுஸ்ஸா தங்
பி⁴க்கு²ங் பஸ்ஸித்வா உப்பண்டே³ஸுங் – ‘‘கித்தகேன தே, ப⁴ந்தே, கீதானி?
கித்தகோ உத³யோ ப⁴விஸ்ஸதீ’’தி? ஸோ பி⁴க்கு² தேஹி மனுஸ்ஸேஹி உப்பண்டி³யமானோ
மங்கு அஹோஸி. அத² கோ² ஸோ பி⁴க்கு² ஸாவத்தி²ங் க³ந்த்வா தானி ஏளகலோமானி
டி²தகோவ ஆஸும்பி⁴. பி⁴க்கூ² தங் பி⁴க்கு²ங் ஏதத³வோசுங் – ‘‘கிஸ்ஸ த்வங்,
ஆவுஸோ, இமானி ஏளகலோமானி டி²தகோவ ஆஸும்ப⁴ஸீ’’தி? ‘‘ததா² ஹி பனாஹங், ஆவுஸோ,
இமேஸங் ஏளகலோமானங் காரணா மனுஸ்ஸேஹி உப்பண்டி³தோ’’தி. ‘‘கீவ தூ³ரதோ பன
த்வங், ஆவுஸோ, இமானி ஏளகலோமானி ஆஹரீ’’தி? ‘‘அதிரேகதியோஜனங், ஆவுஸோ’’தி. யே
தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு² அதிரேகதியோஜனங் ஏளகலோமானி ஆஹரிஸ்ஸதீ’’தி! அத² கோ²
தே பி⁴க்கூ² தங் பி⁴க்கு²ங் அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸுங்…பே॰… ஸச்சங் கிர த்வங், பி⁴க்கு², அதிரேகதியோஜனங் ஏளகலோமானி
ஆஹரீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம
த்வங், மோக⁴புரிஸ, அதிரேகதியோஜனங் ஏளகலோமானி ஆஹரிஸ்ஸஸி! நேதங் மோக⁴புரிஸ,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –
572. ‘‘பி⁴க்கு²னோ பனேவ
அத்³தா⁴னமக்³க³ப்படிபன்னஸ்ஸ ஏளகலோமானி உப்பஜ்ஜய்யுங். ஆகங்க²மானேன
பி⁴க்கு²னா படிக்³க³ஹேதப்³பா³னி. படிக்³க³ஹெத்வா தியோஜனபரமங் ஸஹத்தா²
ஹரிதப்³பா³னி [ஹாரேதப்³பா³னி (ஸீ॰ ஸ்யா॰ க॰)], அஸந்தே ஹாரகே. ததோ சே உத்தரி ஹரெய்ய, அஸந்தேபி ஹாரகே, நிஸ்ஸக்³கி³யங் பாசித்திய’’ந்தி.
573. பி⁴க்கு²னோ பனேவ அத்³தா⁴னமக்³க³ப்படிபன்னஸ்ஸாதி பந்த²ங் க³ச்ச²ந்தஸ்ஸ.
ஏளகலோமானி உப்பஜ்ஜெய்யுந்தி உப்பஜ்ஜெய்யுங் ஸங்க⁴தோ வா க³ணதோ வா ஞாதிதோ வா மித்ததோ வா பங்ஸுகூலங் வா அத்தனோ வா த⁴னேன.
ஆகங்க²மானேனாதி இச்ச²மானேன படிக்³க³ஹேதப்³பா³னி.
படிக்³க³ஹெத்வா தியோஜனபரமங் ஸஹத்தா² ஹரிதப்³பா³னீதி தியோஜனபரமதா ஸஹத்தா² ஹரிதப்³பா³னி.
அஸந்தே ஹாரகேதி நாஞ்ஞோ கோசி ஹாரகோ ஹோதி இத்தீ² வா புரிஸோ வா க³ஹட்டோ² வா பப்³ப³ஜிதோ வா.
ததோ சே உத்தரி ஹரெய்ய, அஸந்தேபி ஹாரகேதி பட²மங் பாத³ங் தியோஜனங் அதிக்காமேதி, ஆபத்தி து³க்கடஸ்ஸ. து³தியங் பாத³ங் அதிக்காமேதி, நிஸ்ஸக்³கி³யங் பாசித்தியங் [நிஸ்ஸக்³கி³யானி ஹொந்தி (ஸ்யா॰)]. அந்தோதியோஜனே டி²தோ ப³ஹிதியோஜனங் பாதேதி, நிஸ்ஸக்³கி³யங் பாசித்தியங் [நிஸ்ஸக்³கி³யானி ஹொந்தி (ஸ்யா॰)].
அஞ்ஞஸ்ஸ யானே வா ப⁴ண்டே³ வா அஜானந்தஸ்ஸ பக்கி²பித்வா தியோஜனங்
அதிக்காமேதி, நிஸ்ஸக்³கி³யானி ஹொந்தி. நிஸ்ஸஜ்ஜிதப்³பா³னி ஸங்க⁴ஸ்ஸ வா
க³ணஸ்ஸ வா புக்³க³லஸ்ஸ வா. ஏவஞ்ச பன, பி⁴க்க²வே,
நிஸ்ஸஜ்ஜிதப்³பா³னி…பே॰… இமானி மே, ப⁴ந்தே, ஏளகலோமானி தியோஜனங்
அதிக்காமிதானி நிஸ்ஸக்³கி³யானி. இமானாஹங் ஸங்க⁴ஸ்ஸ நிஸ்ஸஜ்ஜாமீதி…பே॰…
த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.
574. அதிரேகதியோஜனே அதிரேகஸஞ்ஞீ அதிக்காமேதி [தியோஜனங் அதிக்காமேதி (ஸ்யா॰)], நிஸ்ஸக்³கி³யங் பாசித்தியங். அதிரேகதியோஜனே வேமதிகோ அதிக்காமேதி [தியோஜனங் அதிக்காமேதி (ஸ்யா॰)], நிஸ்ஸக்³கி³யங் பாசித்தியங். அதிரேகதியோஜனே ஊனகஸஞ்ஞீ அதிக்காமேதி [தியோஜனங் அதிக்காமேதி (ஸ்யா॰)], நிஸ்ஸக்³கி³யங் பாசித்தியங்.
ஊனகதியோஜனே அதிரேகஸஞ்ஞீ, ஆபத்தி து³க்கடஸ்ஸ. ஊனகதியோஜனே வேமதிகோ, ஆபத்தி து³க்கடஸ்ஸ. ஊனகதியோஜனே ஊனகஸஞ்ஞீ, அனாபத்தி.
575.
அனாபத்தி தியோஜனங் ஹரதி, ஊனகதியோஜனங் ஹரதி, தியோஜனங் ஹரதிபி, பச்சாஹரதிபி,
தியோஜனங் வாஸாதி⁴ப்பாயோ க³ந்த்வா ததோ பரங் ஹரதி, அச்சி²ன்னங் படிலபி⁴த்வா
ஹரதி, நிஸ்ஸட்ட²ங் படிலபி⁴த்வா ஹரதி, அஞ்ஞங் ஹராபேதி கதப⁴ண்ட³ங்,
உம்மத்தகஸ்ஸ, ஆதி³கம்மிகஸ்ஸாதி.
ஏளகலோமஸிக்கா²பத³ங் நிட்டி²தங் ச²ட்ட²ங்.
7. ஏளகலோமதோ⁴வாபனஸிக்கா²பத³ங்
576. தேன
ஸமயேன பு³த்³தோ⁴ ப⁴க³வா ஸக்கேஸு விஹரதி கபிலவத்து²ஸ்மிங் நிக்³ரோதா⁴ராமே.
தேன கோ² பன ஸமயேன ச²ப்³ப³க்³கி³யா பி⁴க்கூ² பி⁴க்கு²னீஹி ஏளகலோமானி
தோ⁴வாபெந்திபி ரஜாபெந்திபி விஜடாபெந்திபி.
பி⁴க்கு²னியோ ஏளகலோமானி தோ⁴வந்தியோ ரஜந்தியோ விஜடெந்தியோ ரிஞ்சந்தி
உத்³தே³ஸங் பரிபுச்ச²ங் அதி⁴ஸீலங் அதி⁴சித்தங் அதி⁴பஞ்ஞங். அத² கோ²
மஹாபஜாபதி கோ³தமீ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தங் கோ² மஹாபஜாபதிங்
கோ³தமிங் ப⁴க³வா ஏதத³வோச – ‘‘கச்சி, கோ³தமி, பி⁴க்கு²னியோ அப்பமத்தா
ஆதாபினியோ பஹிதத்தா விஹரந்தீ’’தி? ‘‘குதோ, ப⁴ந்தே, பி⁴க்கு²னீனங்
அப்பமாதோ³! அய்யா ச²ப்³ப³க்³கி³யா பி⁴க்கு²னீஹி ஏளகலோமானி தோ⁴வாபெந்திபி
ரஜாபெந்திபி விஜடாபெந்திபி. பி⁴க்கு²னியோ ஏளகலோமானி தோ⁴வந்தியோ ரஜந்தியோ
விஜடெந்தியோ ரிஞ்சந்தி உத்³தே³ஸங் பரிபுச்ச²ங் அதி⁴ஸீலங் அதி⁴சித்தங்
அதி⁴பஞ்ஞ’’ந்தி.
அத² கோ² ப⁴க³வா மஹாபஜாபதிங் கோ³தமிங் த⁴ம்மியா கதா²ய
ஸந்த³ஸ்ஸேஸி ஸமாத³பேஸி ஸமுத்தேஜேஸி ஸம்பஹங்ஸேஸி. அத² கோ² மஹாபஜாபதி கோ³தமீ
ப⁴க³வதா த⁴ம்மியா கதா²ய ஸந்த³ஸ்ஸிதா ஸமாத³பிதா ஸமுத்தேஜிதா ஸம்பஹங்ஸிதா
ப⁴க³வந்தங் அபி⁴வாதெ³த்வா பத³க்கி²ணங் கத்வா பக்காமி. அத² கோ² ப⁴க³வா
ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங்
ஸன்னிபாதாபெத்வா ச²ப்³ப³க்³கி³யே பி⁴க்கூ² படிபுச்சி² – ‘‘ஸச்சங் கிர
தும்ஹே, பி⁴க்க²வே, பி⁴க்கு²னீஹி ஏளகலோமானி தோ⁴வாபேத²பி ரஜாபேத²பி
விஜடாபேத²பீ’’தி ? ‘‘ஸச்சங், ப⁴க³வா’’தி. ‘‘ஞாதிகாயோ
தும்ஹாகங், பி⁴க்க²வே, அஞ்ஞாதிகாயோ’’தி? ‘‘அஞ்ஞாதிகாயோ, ப⁴க³வா’’தி.
‘‘அஞ்ஞாதகா, மோக⁴புரிஸா, அஞ்ஞாதிகானங் ந ஜானந்தி பதிரூபங் வா அப்பதிரூபங்
வா பாஸாதி³கங் வா அபாஸாதி³கங். தத்த² நாம தும்ஹே, மோக⁴புரிஸா, அஞ்ஞாதிகாஹி
பி⁴க்கு²னீஹி ஏளகலோமானி தோ⁴வாபெஸ்ஸத²பி ரஜாபெஸ்ஸத²பி விஜடாபெஸ்ஸத²பி!
நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
இமங் ஸிக்கா²பத³ங் உத்³தி³ஸெய்யாத² –
577. ‘‘யோ பன பி⁴க்கு² அஞ்ஞாதிகாய பி⁴க்கு²னியா ஏளகலோமானி தோ⁴வாபெய்ய வா ரஜாபெய்ய வா விஜடாபெய்ய வா, நிஸ்ஸக்³கி³யங் பாசித்திய’’ந்தி.
578. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
அஞ்ஞாதிகா நாம மாதிதோ வா பிதிதோ வா யாவ ஸத்தமா பிதாமஹயுகா³ அஸம்ப³த்³தா⁴.
பி⁴க்கு²னீ நாம உப⁴தோஸங்கே⁴ உபஸம்பன்னா.
தோ⁴வாதி ஆணாபேதி, ஆபத்தி து³க்கடஸ்ஸ. தோ⁴தானி
நிஸ்ஸக்³கி³யானி ஹொந்தி. ரஜாதி ஆணாபேதி, ஆபத்தி து³க்கடஸ்ஸ. ரத்தானி
நிஸ்ஸக்³கி³யானி ஹொந்தி. விஜடேஹீதி ஆணாபேதி, ஆபத்தி து³க்கடஸ்ஸ. விஜடிதானி
நிஸ்ஸக்³கி³யானி ஹொந்தி. நிஸ்ஸஜ்ஜிதப்³பா³னி ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச
பன, பி⁴க்க²வே, நிஸ்ஸஜ்ஜிதப்³பா³னி…பே॰… இமானி மே, ப⁴ந்தே, ஏளகலோமானி
அஞ்ஞாதிகாய பி⁴க்கு²னியா தோ⁴வாபிதானி நிஸ்ஸக்³கி³யானி. இமானாஹங் ஸங்க⁴ஸ்ஸ
நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.
579.
அஞ்ஞாதிகாய அஞ்ஞாதிகஸஞ்ஞீ ஏளகலோமானி தோ⁴வாபேதி, நிஸ்ஸக்³கி³யங்
பாசித்தியங். அஞ்ஞாதிகாய அஞ்ஞாதிகஸஞ்ஞீ ஏளகலோமானி தோ⁴வாபேதி ரஜாபேதி,
நிஸ்ஸக்³கி³யேன ஆபத்தி து³க்கடஸ்ஸ. அஞ்ஞாதிகாய அஞ்ஞாதிகஸஞ்ஞீ ஏளகலோமானி
தோ⁴வாபேதி விஜடாபேதி, நிஸ்ஸக்³கி³யேன ஆபத்தி து³க்கடஸ்ஸ. அஞ்ஞாதிகாய
அஞ்ஞாதிகஸஞ்ஞீ ஏளகலோமானி தோ⁴வாபேதி ரஜாபேதி விஜடாபேதி, நிஸ்ஸக்³கி³யேன
ஆபத்தி த்³வின்னங் து³க்கடானங்.
அஞ்ஞாதிகாய அஞ்ஞாதிகஸஞ்ஞீ
ஏளகலோமானி ரஜாபேதி, நிஸ்ஸக்³கி³யங் பாசித்தியங். அஞ்ஞாதிகாய அஞ்ஞாதிகஸஞ்ஞீ
ஏளகலோமானி ரஜாபேதி விஜடாபேதி, நிஸ்ஸக்³கி³யேன ஆபத்தி து³க்கடஸ்ஸ.
அஞ்ஞாதிகாய அஞ்ஞாதிகஸஞ்ஞீ ஏளகலோமானி ரஜாபேதி தோ⁴வாபேதி, நிஸ்ஸக்³கி³யேன
ஆபத்தி து³க்கடஸ்ஸ. அஞ்ஞாதிகாய அஞ்ஞாதிகஸஞ்ஞீ ஏளகலோமானி ரஜாபேதி விஜடாபேதி
தோ⁴வாபேதி, நிஸ்ஸக்³கி³யேன ஆபத்தி த்³வின்னங் து³க்கடானங்.
அஞ்ஞாதிகாய அஞ்ஞாதிகஸஞ்ஞீ ஏளகலோமானி விஜடாபேதி,
நிஸ்ஸக்³கி³யங் பாசித்தியங். அஞ்ஞாதிகாய அஞ்ஞாதிகஸஞ்ஞீ ஏளகலோமானி விஜடாபேதி
தோ⁴வாபேதி, நிஸ்ஸக்³கி³யேன ஆபத்தி து³க்கடஸ்ஸ. அஞ்ஞாதிகாய அஞ்ஞாதிகஸஞ்ஞீ
ஏளகலோமானி விஜடாபேதி ரஜாபேதி, நிஸ்ஸக்³கி³யேன ஆபத்தி து³க்கடஸ்ஸ . அஞ்ஞாதிகாய அஞ்ஞாதிகஸஞ்ஞீ ஏளகலோமானி விஜடாபேதி தோ⁴வாபேதி ரஜாபேதி, நிஸ்ஸக்³கி³யேன ஆபத்தி த்³வின்னங் து³க்கடானங்.
580.
அஞ்ஞாதிகாய வேமதிகோ…பே॰… அஞ்ஞாதிகாய ஞாதிகஸஞ்ஞீ…பே॰… அஞ்ஞஸ்ஸ ஏளகலோமானி
தோ⁴வாபேதி, ஆபத்தி து³க்கடஸ்ஸ. ஏகதோ உபஸம்பன்னாய தோ⁴வாபேதி, ஆபத்தி
து³க்கடஸ்ஸ. ஞாதிகாய அஞ்ஞாதிகஸஞ்ஞீ, ஆபத்தி து³க்கடஸ்ஸ. ஞாதிகாய வேமதிகோ,
ஆபத்தி து³க்கடஸ்ஸ. ஞாதிகாய ஞாதிகஸஞ்ஞீ, அனாபத்தி.
581.
அனாபத்தி ஞாதிகாய தா⁴வந்தியா அஞ்ஞாதிகா து³தியா ஹோதி, அவுத்தா தோ⁴வதி,
அபரிபு⁴த்தங் கதப⁴ண்ட³ங் தோ⁴வாபேதி, ஸிக்க²மானாய ஸாமணேரியா உம்மத்தகஸ்ஸ
ஆதி³கம்மிகஸ்ஸாதி.
ஏளகலோமதோ⁴வாபனஸிக்கா²பத³ங் நிட்டி²தங் ஸத்தமங்.
8. ரூபியஸிக்கா²பத³ங்
582. தேன ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன ஸமயேன ஆயஸ்மா
உபனந்தோ³ ஸக்யபுத்தோ அஞ்ஞதரஸ்ஸ குலஸ்ஸ குலூபகோ ஹோதி நிச்சப⁴த்திகோ. யங்
தஸ்மிங் குலே உப்பஜ்ஜதி கா²த³னீயங் வா போ⁴ஜனீயங் வா ததோ ஆயஸ்மதோ உபனந்த³ஸ்ஸ
ஸக்யபுத்தஸ்ஸ படிவிஸோ ட²பிய்யதி. தேன கோ² பன ஸமயேன ஸாயங் தஸ்மிங் குலே
மங்ஸங் உப்பன்னங் ஹோதி. ததோ ஆயஸ்மதோ உபனந்த³ஸ்ஸ
ஸக்யபுத்தஸ்ஸ படிவிஸோ ட²பிதோ ஹோதி. தஸ்ஸ குலஸ்ஸ தா³ரகோ ரத்தியா பச்சூஸஸமயங்
பச்சுட்டா²ய ரோத³தி – ‘‘மங்ஸங் மே தே³தா²’’தி. அத² கோ² ஸோ புரிஸோ பஜாபதிங்
ஏதத³வோச – ‘‘அய்யஸ்ஸ படிவிஸங் தா³ரகஸ்ஸ தே³ஹி. அஞ்ஞங் சேதாபெத்வா அய்யஸ்ஸ
த³ஸ்ஸாமா’’தி.
அத² கோ² ஆயஸ்மா உபனந்தோ³ ஸக்யபுத்தோ புப்³ப³ண்ஹஸமயங்
நிவாஸெத்வா பத்தசீவரங் ஆதா³ய யேன தங் குலங் தேனுபஸங்கமி; உபஸங்கமித்வா
பஞ்ஞத்தே ஆஸனே நிஸீதி³. அத² கோ² ஸோ புரிஸோ யேனாயஸ்மா உபனந்தோ³ ஸக்யபுத்தோ
தேனுபஸங்கமி; உபஸங்கமித்வா ஆயஸ்மந்தங் உபனந்த³ங் ஸக்யபுத்தங் அபி⁴வாதெ³த்வா
ஏகமந்தங் நிஸீதி³. ஏகமந்தங் நிஸின்னோ கோ² ஸோ புரிஸோ ஆயஸ்மந்தங் உபனந்த³ங் ஸக்யபுத்தங் ஏதத³வோச – ‘‘ஹிய்யோ கோ², ப⁴ந்தே, ஸாயங் மங்ஸங் உப்பன்னங் அஹோஸி. ததோ அய்யஸ்ஸ படிவிஸோ ட²பிதோ. அயங் ,
ப⁴ந்தே, தா³ரகோ ரத்தியா பச்சூஸஸமயங் பச்சுட்டா²ய ரோத³தி – ‘மங்ஸங் மே
தே³தா²’தி. அய்யஸ்ஸ படிவிஸோ தா³ரகஸ்ஸ தி³ன்னோ. கஹாபணேன, ப⁴ந்தே, கிங்
ஆஹரிய்யதூ’’தி? ‘‘பரிச்சத்தோ மே, ஆவுஸோ, கஹாபணோ’’தி? ‘‘ஆம, ப⁴ந்தே,
பரிச்சத்தோ’’தி. ‘‘தஞ்ஞேவ மே, ஆவுஸோ, கஹாபணங் தே³ஹீ’’தி.
அத² கோ² ஸோ புரிஸோ ஆயஸ்மதோ உபனந்த³ஸ்ஸ ஸக்யபுத்தஸ்ஸ
கஹாபணங் த³த்வா உஜ்ஜா²யதி கி²ய்யதி விபாசேதி – ‘‘ததே²வ மயங் ரூபியங்
படிக்³க³ண்ஹாம ஏவமேவிமே ஸமணா ஸக்யபுத்தியா ரூபியங் படிக்³க³ண்ஹந்தீ’’தி.
அஸ்ஸோஸுங் கோ² பி⁴க்கூ² தஸ்ஸ புரிஸஸ்ஸ உஜ்ஜா²யந்தஸ்ஸ கி²ய்யந்தஸ்ஸ
விபாசெந்தஸ்ஸ. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஆயஸ்மா உபனந்தோ³ ஸக்யபுத்தோ ரூபியங்
படிக்³க³ஹெஸ்ஸதீ’’தி! அத² கோ² தே பி⁴க்கூ² ஆயஸ்மந்தங் உபனந்த³ங்
ஸக்யபுத்தங் அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰…
‘‘ஸச்சங் கிர த்வங், உபனந்த³, ரூபியங் படிக்³க³ஹேஸீ’’தி [படிக்³க³ண்ஹாஸீதி (ஸ்யா॰)]?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம த்வங்,
மோக⁴புரிஸ, ரூபியங் படிக்³க³ஹெஸ்ஸஸி! நேதங், மோக⁴புரிஸ, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
583. ‘‘யோ பன பி⁴க்கு² ஜாதரூபரஜதங் உக்³க³ண்ஹெய்ய வா உக்³க³ண்ஹாபெய்ய வா உபனிக்கி²த்தங் வா ஸாதி³யெய்ய, நிஸ்ஸக்³கி³யங் பாசித்திய’’ந்தி.
584. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ஜாதரூபங் நாம ஸத்து²வண்ணோ வுச்சதி .
ரஜதங் நாம கஹாபணோ லோஹமாஸகோ தா³ருமாஸகோ ஜதுமாஸகோ யே வோஹாரங் க³ச்ச²ந்தி.
உக்³க³ண்ஹெய்யாதி ஸயங் க³ண்ஹாதி நிஸ்ஸக்³கி³யங் பாசித்தியங் [நிஸ்ஸக்³கி³யங் ஹோதி (ஸ்யா॰)].
உக்³க³ண்ஹாபெய்யாதி அஞ்ஞங் கா³ஹாபேதி நிஸ்ஸக்³கி³யங் பாசித்தியங் [நிஸ்ஸக்³கி³யங் ஹோதி (ஸ்யா॰)].
உபனிக்கி²த்தங் வா ஸாதி³யெய்யாதி
இத³ங் அய்யஸ்ஸ ஹோதூதி உபனிக்கி²த்தங் ஸாதி³யதி, நிஸ்ஸக்³கி³யங் ஹோதி.
ஸங்க⁴மஜ்ஜே² நிஸ்ஸஜ்ஜிதப்³ப³ங். ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங் –
தேன பி⁴க்கு²னா ஸங்க⁴ங் உபஸங்கமித்வா ஏகங்ஸங் உத்தராஸங்க³ங் கரித்வா
வுட்³டா⁴னங் பி⁴க்கூ²னங் பாதே³ வந்தி³த்வா உக்குடிகங் நிஸீதி³த்வா அஞ்ஜலிங்
பக்³க³ஹெத்வா ஏவமஸ்ஸ வசனீயோ – ‘‘அஹங், ப⁴ந்தே, ரூபியங் படிக்³க³ஹேஸிங்.
இத³ங் மே நிஸ்ஸக்³கி³யங். இமாஹங் ஸங்க⁴ஸ்ஸ நிஸ்ஸஜ்ஜாமீ’’தி. நிஸ்ஸஜ்ஜித்வா
ஆபத்தி தே³ஸேதப்³பா³. ப்³யத்தேன பி⁴க்கு²னா படிப³லேன ஆபத்தி
படிக்³க³ஹேதப்³பா³. ஸசே தத்த² ஆக³ச்ச²தி ஆராமிகோ வா உபாஸகோ வா ஸோ
வத்தப்³போ³ – ‘‘ஆவுஸோ, இமங் ஜானாஹீ’’தி. ஸசே ஸோ ப⁴ணதி – ‘‘இமினா கிங்
ஆஹரிய்யதூ’’தி, ந வத்தப்³போ³ – ‘‘இமங் வா இமங் வா ஆஹரா’’தி. கப்பியங்
ஆசிக்கி²தப்³ப³ங் – ஸப்பி வா தேலங் வா மது⁴ வா பா²ணிதங் வா. ஸசே ஸோ தேன
பரிவத்தெத்வா கப்பியங் ஆஹரதி ரூபியப்படிக்³கா³ஹகங் ட²பெத்வா ஸப்³பே³ஹேவ
பரிபு⁴ஞ்ஜிதப்³ப³ங். ஏவஞ்சேதங் லபே⁴த², இச்சேதங் குஸலங்; நோ சே லபே⁴த², ஸோ
வத்தப்³போ³ – ‘‘ஆவுஸோ, இமங் ச²ட்³டே³ஹீ’’தி. ஸசே ஸோ ச²ட்³டே³தி, இச்சேதங்
குஸலங்; நோ சே ச²ட்³டே³தி, பஞ்சஹங்கே³ஹி ஸமன்னாக³தோ பி⁴க்கு²
ரூபியச²ட்³ட³கோ ஸம்மன்னிதப்³போ³ – யோ ந ச²ந்தா³க³திங் க³ச்செ²ய்ய, ந
தோ³ஸாக³திங் க³ச்செ²ய்ய, ந மோஹாக³திங் க³ச்செ²ய்ய, ந ப⁴யாக³திங்
க³ச்செ²ய்ய, ச²ட்³டி³தாச²ட்³டி³தஞ்ச ஜானெய்ய. ஏவஞ்ச பன, பி⁴க்க²வே,
ஸம்மன்னிதப்³போ³. பட²மங் பி⁴க்கு² யாசிதப்³போ³. யாசித்வா ப்³யத்தேன
பி⁴க்கு²னா படிப³லேன ஸங்கோ⁴ ஞாபேதப்³போ³ –
585. ‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் பி⁴க்கு²ங் ரூபியச²ட்³ட³கங் ஸம்மன்னெய்ய. ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴.
ஸங்கோ⁴ இத்த²ன்னாமங் பி⁴க்கு²ங் ரூபியச²ட்³ட³கங் ஸம்மன்னதி. யஸ்ஸாயஸ்மதோ
க²மதி இத்த²ன்னாமஸ்ஸ பி⁴க்கு²னோ ரூபியச²ட்³ட³கஸ்ஸ ஸம்முதி, ஸோ துண்ஹஸ்ஸ;
யஸ்ஸ நக்க²மதி, ஸோ பா⁴ஸெய்ய.
‘‘ஸம்மதோ ஸங்கே⁴ன இத்த²ன்னாமோ பி⁴க்கு² ரூபியச²ட்³ட³கோ. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
தேன ஸம்மதேன பி⁴க்கு²னா அனிமித்தங் கத்வா பாதேதப்³ப³ங். ஸசே நிமித்தங் கத்வா பாதேதி, ஆபத்தி து³க்கடஸ்ஸ.
586. ரூபியே
ரூபியஸஞ்ஞீ ரூபியங் படிக்³க³ண்ஹாதி, நிஸ்ஸக்³கி³யங் பாசித்தியங். ரூபியே
வேமதிகோ ரூபியங் படிக்³க³ண்ஹாதி, நிஸ்ஸக்³கி³யங் பாசித்தியங். ரூபியே
அரூபியஸஞ்ஞீ ரூபியங் படிக்³க³ண்ஹாதி, நிஸ்ஸக்³கி³யங் பாசித்தியங்.
அரூபியே ரூபியஸஞ்ஞீ, ஆபத்தி து³க்கடஸ்ஸ. அரூபியே வேமதிகோ, ஆபத்தி து³க்கடஸ்ஸ. அரூபியே அரூபியஸஞ்ஞீ, அனாபத்தி.
அனாபத்தி அஜ்ஜா²ராமே வா அஜ்ஜா²வஸதே² வா உக்³க³ஹெத்வா வா உக்³க³ஹாபெத்வா வா நிக்கி²பதி – யஸ்ஸ ப⁴விஸ்ஸதி ஸோ ஹரிஸ்ஸதீதி, உம்மத்தகஸ்ஸ, ஆதி³கம்மிகஸ்ஸாதி.
ரூபியஸிக்கா²பத³ங் நிட்டி²தங் அட்ட²மங்.
9. ரூபியஸங்வோஹாரஸிக்கா²பத³ங்
587. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² நானப்பகாரகங்
ரூபியஸங்வோஹாரங் ஸமாபஜ்ஜந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஸமணா ஸக்யபுத்தியா நானப்பகாரகங் ரூபியஸங்வோஹாரங்
ஸமாபஜ்ஜிஸ்ஸந்தி, ஸெய்யதா²பி கி³ஹீ காமபோ⁴கி³னோ’’தி !
அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² நானப்பகாரகங்
ரூபியஸங்வோஹாரங் ஸமாபஜ்ஜிஸ்ஸந்தீ’’தி! அத² கோ² தே பி⁴க்கூ² ச²ப்³ப³க்³கி³யே
பி⁴க்கூ² அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰…
‘‘ஸச்சங் கிர தும்ஹே, பி⁴க்க²வே, நானப்பகாரகங் ரூபியஸங்வோஹாரங்
ஸமாபஜ்ஜதா²’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம தும்ஹே, மோக⁴புரிஸா, நானப்பகாரகங் ரூபியஸங்வோஹாரங்
ஸமாபஜ்ஜிஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
588. ‘‘யோ பன பி⁴க்கு² நானப்பகாரகங் ரூபியஸங்வோஹாரங் ஸமாபஜ்ஜெய்ய, நிஸ்ஸக்³கி³யங் பாசித்திய’’ந்தி.
589. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
நானப்பகாரகங் நாம கதம்பி அகதம்பி கதாகதம்பி. கதங் நாம ஸீஸூபக³ங் கீ³வூபக³ங் ஹத்தூ²பக³ங் பாதூ³பக³ங் கடூபக³ங். அகதங் நாம க⁴னகதங் வுச்சதி. கதாகதங் நாம தது³ப⁴யங்.
ரூபியங் நாம ஸத்து²வண்ணோ கஹாபணோ, லோஹமாஸகோ, தா³ருமாஸகோ, ஜதுமாஸகோ யே வோஹாரங் க³ச்ச²ந்தி.
ஸமாபஜ்ஜெய்யாதி கதேன கதங் சேதாபேதி, நிஸ்ஸக்³கி³யங் பாசித்தியங் [நிஸ்ஸக்³கி³யங் ஹோதி (ஸ்யா॰)].
கதேன அகதங் சேதாபேதி, நிஸ்ஸக்³கி³யங் பாசித்தியங். கதேன கதாகதங் சேதாபேதி,
நிஸ்ஸக்³கி³யங் பாசித்தியங். அகதேன கதங் சேதாபேதி, நிஸ்ஸக்³கி³யங்
பாசித்தியங். அகதேன அகதங் சேதாபேதி, நிஸ்ஸக்³கி³யங் பாசித்தியங். அகதேன
கதாகதங் சேதாபேதி, நிஸ்ஸக்³கி³யங் பாசித்தியங். கதாகதேன கதங் சேதாபேதி,
நிஸ்ஸக்³கி³யங் பாசித்தியங். கதாகதேன அகதங் சேதாபேதி, நிஸ்ஸக்³கி³யங்
பாசித்தியங். கதாகதேன கதாகதங் சேதாபேதி, நிஸ்ஸக்³கி³யங் பாசித்தியங்.
ஸங்க⁴மஜ்ஜே² நிஸ்ஸஜ்ஜிதப்³ப³ங். ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்.
தேன பி⁴க்கு²னா ஸங்க⁴ங் உபஸங்கமித்வா ஏகங்ஸங் உத்தராஸங்க³ங் கரித்வா
வுட்³டா⁴னங் பி⁴க்கூ²னங் பாதே³ வந்தி³த்வா உக்குடிகங் நிஸீதி³த்வா அஞ்ஜலிங்
பக்³க³ஹெத்வா ஏவமஸ்ஸ வசனீயோ – ‘‘அஹங், ப⁴ந்தே,
நானப்பகாரகங் ரூபியஸங்வோஹாரங் ஸமாபஜ்ஜிங். இத³ங் மே நிஸ்ஸக்³கி³யங். இமாஹங்
ஸங்க⁴ஸ்ஸ நிஸ்ஸஜ்ஜாமீ’’தி. நிஸ்ஸஜ்ஜித்வா ஆபத்தி தே³ஸேதப்³பா³. ப்³யத்தேன
பி⁴க்கு²னா படிப³லேன ஆபத்தி படிக்³க³ஹேதப்³பா³. ஸசே தத்த² ஆக³ச்ச²தி
ஆராமிகோ வா உபாஸகோ வா ஸோ வத்தப்³போ³ – ‘‘ஆவுஸோ, இமங் ஜானாஹீ’’தி. ஸசே ஸோ
ப⁴ணதி – ‘‘இமினா கிங் ஆஹரிய்யதூ’’தி, ந வத்தப்³போ³ – ‘‘இமங்
வா இமங் வா ஆஹரா’’தி. கப்பியங் ஆசிக்கி²தப்³ப³ங் – ஸப்பி வா தேலங் வா மது⁴
வா பா²ணிதங் வா. ஸசே ஸோ தேன பரிவத்தெத்வா கப்பியங் ஆஹரதி, ரூபியசேதாபகங்
ட²பெத்வா, ஸப்³பே³ஹேவ பரிபு⁴ஞ்ஜிதப்³ப³ங். ஏவஞ்சேதங் லபே⁴த², இச்சேதங்
குஸலங்; நோ சே லபே⁴த², ஸோ வத்தப்³போ³ – ‘‘ஆவுஸோ, இமங் ச²ட்³டே³ஹீ’’தி. ஸசே
ஸோ ச²ட்³டே³தி, இச்சேதங் குஸலங்; நோ சே ச²ட்³டே³தி, பஞ்சஹங்கே³ஹி
ஸமன்னாக³தோ பி⁴க்கு² ரூபியச²ட்³ட³கோ ஸம்மன்னிதப்³போ³ – யோ ந ச²ந்தா³க³திங்
க³ச்செ²ய்ய, ந தோ³ஸாக³திங் க³ச்செ²ய்ய, ந மோஹாக³திங் க³ச்செ²ய்ய, ந
ப⁴யாக³திங் க³ச்செ²ய்ய, ச²ட்³டி³தாச²ட்³டி³தஞ்ச ஜானெய்ய. ஏவஞ்ச பன,
பி⁴க்க²வே, ஸம்மன்னிதப்³போ³. பட²மங் பி⁴க்கு² யாசிதப்³போ³. யாசித்வா
ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
590. ‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் பி⁴க்கு²ங் ரூபியச²ட்³ட³கங் ஸம்மன்னெய்ய. ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴. ஸங்கோ⁴ இத்த²ன்னாமங்
பி⁴க்கு²ங் ரூபியச²ட்³ட³கங் ஸம்மன்னதி. யஸ்ஸாயஸ்மதோ க²மதி இத்த²ன்னாமஸ்ஸ
பி⁴க்கு²னோ ரூபியச²ட்³ட³கஸ்ஸ ஸம்முதி, ஸோ துண்ஹஸ்ஸ; யஸ்ஸ நக்க²மதி, ஸோ
பா⁴ஸெய்ய.
‘‘ஸம்மதோ ஸங்கே⁴ன இத்த²ன்னாமோ பி⁴க்கு² ரூபியச²ட்³ட³கோ. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
தேன ஸம்மதேன பி⁴க்கு²னா அனிமித்தங் கத்வா பாதேதப்³ப³ங். ஸசே நிமித்தங் கத்வா பாதேதி, ஆபத்தி து³க்கடஸ்ஸ.
591. ரூபியே ரூபியஸஞ்ஞீ ரூபியங் சேதாபேதி, நிஸ்ஸக்³கி³யங் பாசித்தியங். ரூபியே
வேமதிகோ ரூபியங் சேதாபேதி, நிஸ்ஸக்³கி³யங் பாசித்தியங். ரூபியே
அரூபியஸஞ்ஞீ ரூபியங் சேதாபேதி, நிஸ்ஸக்³கி³யங் பாசித்தியங். அரூபியே
ரூபியஸஞ்ஞீ ரூபியங் சேதாபேதி, நிஸ்ஸக்³கி³யங் பாசித்தியங் .
அரூபியே வேமதிகோ ரூபியங் சேதாபேதி, நிஸ்ஸக்³கி³யங் பாசித்தியங். அரூபியே
அரூபியஸஞ்ஞீ ரூபியங் சேதாபேதி, நிஸ்ஸக்³கி³யங் பாசித்தியங்.
அரூபியே ரூபியஸஞ்ஞீ, ஆபத்தி து³க்கடஸ்ஸ. அரூபியே வேமதிகோ, ஆபத்தி து³க்கடஸ்ஸ. அரூபியே அரூபியஸஞ்ஞீ, அனாபத்தி.
592. அனாபத்தி உம்மத்தகஸ்ஸ, ஆதி³கம்மிகஸ்ஸாதி.
ரூபியஸங்வோஹாரஸிக்கா²பத³ங் நிட்டி²தங் நவமங்.
10. கயவிக்கயஸிக்கா²பத³ங்
593. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா உபனந்தோ³ ஸக்யபுத்தோ பட்டோ ஹோதி சீவரகம்மங்
காதுங். ஸோ படபிலோதிகானங் ஸங்கா⁴டிங் கரித்வா ஸுரத்தங் ஸுபரிகம்மகதங்
கத்வா பாருபி. அத² கோ² அஞ்ஞதரோ பரிப்³பா³ஜகோ மஹக்³க⁴ங் படங் பாருபித்வா
யேனாயஸ்மா உபனந்தோ³ ஸக்யபுத்தோ தேனுபஸங்கமி; உபஸங்கமித்வா ஆயஸ்மந்தங்
உபனந்த³ங் ஸக்யபுத்தங் ஏதத³வோச – ‘‘ஸுந்த³ரா
கோ² த்யாயங், ஆவுஸோ, ஸங்கா⁴டி; தே³ஹி மே படேனா’’தி. ‘‘ஜானாஹி, ஆவுஸோ’’தி.
‘‘ஆமாவுஸோ, ஜானாமீ’’தி. ‘‘ஹந்தா³வுஸோ’’தி, அதா³ஸி. அத² கோ² ஸோ பரிப்³பா³ஜகோ
தங் ஸங்கா⁴டிங் பாருபித்வா பரிப்³பா³ஜகாராமங் அக³மாஸி. பரிப்³பா³ஜகா தங்
பரிப்³பா³ஜகங் ஏதத³வோசுங் – ‘‘ஸுந்த³ரா கோ² த்யாயங், ஆவுஸோ, ஸங்கா⁴டி; குதோ
தயா லத்³தா⁴’’தி? ‘‘தேன மே, ஆவுஸோ, படேன பரிவத்திதா’’தி. ‘‘கதிஹிபி
த்யாயங், ஆவுஸோ, ஸங்கா⁴டி ப⁴விஸ்ஸதி, ஸோயேவ தே படோ வரோ’’தி.
அத² கோ² ஸோ பரிப்³பா³ஜகோ – ‘‘ஸச்சங் கோ² பரிப்³பா³ஜகா
ஆஹங்ஸு – ‘கதிஹிபி ம்யாயங் ஸங்கா⁴டி ப⁴விஸ்ஸதி! ஸோயேவ மே படோ வரோ’’’தி
யேனாயஸ்மா உபனந்தோ³ ஸக்யபுத்தோ தேனுபஸங்கமி; உபஸங்கமித்வா ஆயஸ்மந்தங்
உபனந்த³ங் ஸக்யபுத்தங் ஏதத³வோச – ‘‘ஹந்த³ தே, ஆவுஸோ, ஸங்கா⁴டி [ஸங்கா⁴டிங் (ஸ்யா॰ க॰)]; தே³ஹி மே பட’’ந்தி. ‘‘நனு த்வங், ஆவுஸோ, மயா வுத்தோ – ‘ஜானாஹி, ஆவுஸோ’தி ! நாஹ த³ஸ்ஸாமீ’’தி. அத² கோ² ஸோ பரிப்³பா³ஜகோ உஜ்ஜா²யதி கி²ய்யதி விபாசேதி – ‘‘கி³ஹீபி நங் கி³ஹிஸ்ஸ
விப்படிஸாரிஸ்ஸ தெ³ந்தி, கிங் பன பப்³ப³ஜிதோ பப்³ப³ஜிதஸ்ஸ ந த³ஸ்ஸதீ’’தி!
அஸ்ஸோஸுங் கோ² பி⁴க்கூ² தஸ்ஸ பரிப்³பா³ஜகஸ்ஸ உஜ்ஜா²யந்தஸ்ஸ கி²ய்யந்தஸ்ஸ
விபாசெந்தஸ்ஸ. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஆயஸ்மா உபனந்தோ³ ஸக்யபுத்தோ பரிப்³பா³ஜகேன
ஸத்³தி⁴ங் கயவிக்கயங் ஸமாபஜ்ஜிஸ்ஸதீ’’தி! அத² கோ² தே பி⁴க்கூ² ஆயஸ்மந்தங்
உபனந்த³ங் ஸக்யபுத்தங் அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸுங்…பே॰… ‘‘ஸச்சங் கிர த்வங், உபனந்த³, பரிப்³பா³ஜகேன ஸத்³தி⁴ங்
கயவிக்கயங் ஸமாபஜ்ஜஸீ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம த்வங், மோக⁴புரிஸ, பரிப்³பா³ஜகேன ஸத்³தி⁴ங்
கயவிக்கயங் ஸமாபஜ்ஜிஸ்ஸஸி! நேதங், மோக⁴புரிஸ, அப்பஸன்னானங் வா பஸாதா³ய…பே॰…
ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
594. ‘‘யோ பன பி⁴க்கு² நானப்பகாரகங் கயவிக்கயங் ஸமாபஜ்ஜெய்ய, நிஸ்ஸக்³கி³யங் பாசித்திய’’ந்தி.
595. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
நானப்பகாரகங் நாம சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா, அந்தமஸோ சுண்ணபிண்டோ³பி த³ந்தகட்ட²ம்பி த³ஸிகஸுத்தம்பி.
கயவிக்கயங் ஸமாபஜ்ஜெய்யாதி இமினா
இமங் தே³ஹி, இமினா இமங் ஆஹர, இமினா இமங் பரிவத்தேஹி, இமினா இமங்
சேதாபேஹீதி. அஜ்ஜா²சரதி, ஆபத்தி து³க்கடஸ்ஸ. யதோ கயிதஞ்ச ஹோதி விக்கயிதஞ்ச
அத்தனோ ப⁴ண்ட³ங் பரஹத்த²க³தங் பரப⁴ண்ட³ங் அத்தனோ ஹத்த²க³தங்,
நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ
வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰…
அஹங், ப⁴ந்தே, நானப்பகாரகங் கயவிக்கயங் ஸமாபஜ்ஜிங். இத³ங் மே
நிஸ்ஸக்³கி³யங். இமாஹங் ஸங்க⁴ஸ்ஸ நிஸ்ஸஜ்ஜாமீதி…பே॰… த³தெ³ய்யாதி…பே॰…
த³தெ³ய்யுந்தி…பே॰… ஆயஸ்மதோ த³ம்மீதி.
596. கயவிக்கயே கயவிக்கயஸஞ்ஞீ, நிஸ்ஸக்³கி³யங் பாசித்தியங். கயவிக்கயே வேமதிகோ , நிஸ்ஸக்³கி³யங் பாசித்தியங். கயவிக்கயே நகயவிக்கயஸஞ்ஞீ, நிஸ்ஸக்³கி³யங் பாசித்தியங்.
நகயவிக்கயே கயவிக்கயஸஞ்ஞீ, ஆபத்தி து³க்கடஸ்ஸ. நகயவிக்கயே வேமதிகோ, ஆபத்தி து³க்கடஸ்ஸ. நகயவிக்கயே நகயவிக்கயஸஞ்ஞீ, அனாபத்தி.
597.
அனாபத்தி – அக்³க⁴ங் புச்ச²தி, கப்பியகாரகஸ்ஸ ஆசிக்க²தி, ‘‘இத³ங் அம்ஹாகங்
அத்தி², அம்ஹாகஞ்ச இமினா ச இமினா ச அத்தோ²’’தி ப⁴ணதி, உம்மத்தகஸ்ஸ,
ஆதி³கம்மிகஸ்ஸாதி.
கயவிக்கயஸிக்கா²பத³ங் நிட்டி²தங் த³ஸமங்.
கோஸியவக்³கோ³ து³தியோ.
தஸ்ஸுத்³தா³னங் –
கோஸியா ஸுத்³த⁴த்³வேபா⁴கா³, ச²ப்³ப³ஸ்ஸானி நிஸீத³னங்;
த்³வே ச லோமானி உக்³க³ண்ஹே, உபோ⁴ நானப்பகாரகாதி.
3. பத்தவக்³கோ³
1. பத்தஸிக்கா²பத³ங்
598. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ப³ஹூ பத்தே ஸன்னிசயங்
கரொந்தி. மனுஸ்ஸா விஹாரசாரிகங் ஆஹிண்ட³ந்தா பஸ்ஸித்வா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா ப³ஹூ பத்தே
ஸன்னிசயங் கரிஸ்ஸந்தி, பத்தவாணிஜ்ஜங் வா ஸமணா ஸக்யபுத்தியா கரிஸ்ஸந்தி
ஆமத்திகாபணங் வா பஸாரெஸ்ஸந்தீ’’தி! அஸ்ஸோஸுங் கோ² பி⁴க்கூ² தேஸங்
மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கூ² அதிரேகபத்தங் தா⁴ரெஸ்ஸந்தீ’’தி! அத² கோ² தே
பி⁴க்கூ² ச²ப்³ப³க்³கி³யே பி⁴க்கூ² அனேகபரியாயேன விக³ரஹித்வா ப⁴க³வதோ
ஏதமத்த²ங் ஆரோசேஸுங்…பே॰… ‘‘ஸச்சங் கிர தும்ஹே, பி⁴க்க²வே, அதிரேகபத்தங்
தா⁴ரேதா²’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம தும்ஹே, மோக⁴புரிஸா, அதிரேகபத்தங் தா⁴ரெஸ்ஸத²! நேதங்,
மோக⁴புரிஸா, அப்பஸன்னானங் வா பஸாதா³ய …பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
599. ‘‘யோ பன பி⁴க்கு² அதிரேகபத்தங் தா⁴ரெய்ய, நிஸ்ஸக்³கி³யங் பாசித்திய’’ந்தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
600. தேன கோ² பன ஸமயேன ஆயஸ்மதோ ஆனந்த³ஸ்ஸ அதிரேகபத்தோ உப்பன்னோ ஹோதி. ஆயஸ்மா
ச ஆனந்தோ³ தங் பத்தங் ஆயஸ்மதோ ஸாரிபுத்தஸ்ஸ தா³துகாமோ ஹோதி. ஆயஸ்மா ச
ஸாரிபுத்தோ ஸாகேதே விஹரதி. அத² கோ² ஆயஸ்மதோ ஆனந்த³ஸ்ஸ ஏதத³ஹோஸி – ‘‘ப⁴க³வதா
ஸிக்கா²பத³ங் பஞ்ஞத்தங் – ‘ந அதிரேகபத்தோ தா⁴ரேதப்³போ³’தி. அயஞ்ச மே
அதிரேகபத்தோ உப்பன்னோ. அஹஞ்சிமங் பத்தங் ஆயஸ்மதோ ஸாரிபுத்தஸ்ஸ தா³துகாமோ.
ஆயஸ்மா ச ஸாரிபுத்தோ ஸாகேதே விஹரதி. கத²ங் நு கோ² மயா
படிபஜ்ஜிதப்³ப³’’ந்தி? ப⁴க³வதோ ஏதமத்த²ங் ஆரோசேஸி. ‘‘கீவசிரங் பனானந்த³,
ஸாரிபுத்தோ ஆக³ச்சி²ஸ்ஸதீ’’தி? ‘‘நவமங் வா, ப⁴க³வா, தி³வஸங் த³ஸமங் வா’’தி.
அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா
பி⁴க்கூ² ஆமந்தேஸி – ‘‘அனுஜானாமி, பி⁴க்க²வே , த³ஸாஹபரமங் அதிரேகபத்தங் தா⁴ரேதுங். ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
601. ‘‘த³ஸாஹபரமங் அதிரேகபத்தோ தா⁴ரேதப்³போ³. தங் அதிக்காமயதோ நிஸ்ஸக்³கி³யங் பாசித்திய’’ந்தி.
602. த³ஸாஹபரமந்தி த³ஸாஹபரமதா தா⁴ரேதப்³போ³.
அதிரேகபத்தோ நாம அனதி⁴ட்டி²தோ அவிகப்பிதோ.
பத்தோ நாம த்³வே பத்தா அயோபத்தோ மத்திகாபத்தோதி.
தயோ பத்தஸ்ஸ வண்ணா உக்கட்டோ² பத்தோ மஜ்ஜி²மோ பத்தோ ஓமகோ பத்தோ. உக்கட்டோ² நாம பத்தோ அட்³டா⁴ள்ஹகோத³னங் க³ண்ஹாதி சதுபா⁴க³ங் கா²த³னங் தது³பியங் ப்³யஞ்ஜனங். மஜ்ஜி²மோ நாம பத்தோ நாளிகோத³னங் க³ண்ஹாதி சதுபா⁴க³ங் கா²த³னங் தது³பியங் ப்³யஞ்ஜனங். ஓமகோ நாம பத்தோ பத்தோ²த³னங் க³ண்ஹாதி சதுபா⁴க³ங் கா²த³னங் தது³பியங் ப்³யஞ்ஜனங். ததோ உக்கட்டோ² அபத்தோ, ஓமகோ அபத்தோ.
தங் அதிக்காமயதோ நிஸ்ஸக்³கி³யோ ஹோதீதி
ஏகாத³ஸே அருணுக்³க³மனே நிஸ்ஸக்³கி³யோ ஹோதி. நிஸ்ஸஜ்ஜிதப்³போ³ ஸங்க⁴ஸ்ஸ வா
க³ணஸ்ஸ வா புக்³க³லஸ்ஸ வா. ஏவஞ்ச பன, பி⁴க்க²வே, நிஸ்ஸஜ்ஜிதப்³போ³. தேன
பி⁴க்கு²னா ஸங்க⁴ங் உபஸங்கமித்வா ஏகங்ஸங் உத்தராஸங்க³ங் கரித்வா
வுட்³டா⁴னங் பி⁴க்கூ²னங் பாதே³ வந்தி³த்வா உக்குடிகங் நிஸீதி³த்வா அஞ்ஜலிங்
பக்³க³ஹெத்வா ஏவமஸ்ஸ வசனீயோ – ‘‘அயங் மே, ப⁴ந்தே, பத்தோ த³ஸாஹாதிக்கந்தோ நிஸ்ஸக்³கி³யோ. இமாஹங் ஸங்க⁴ஸ்ஸ நிஸ்ஸஜ்ஜாமீ’’தி. நிஸ்ஸஜ்ஜித்வா ஆபத்தி தே³ஸேதப்³பா³. ப்³யத்தேன பி⁴க்கு²னா படிப³லேன ஆபத்தி படிக்³க³ஹேதப்³பா³, நிஸ்ஸட்ட²பத்தோ தா³தப்³போ³.
603.
‘‘ஸுணாது மே, ப⁴ந்தே, ஸங்கோ⁴. அயங் பத்தோ இத்த²ன்னாமஸ்ஸ பி⁴க்கு²னோ
நிஸ்ஸக்³கி³யோ ஸங்க⁴ஸ்ஸ நிஸ்ஸட்டோ². யதி³ ஸங்க⁴ஸ்ஸ பத்தகல்லங், ஸங்கோ⁴ இமங்
பத்தங் இத்த²ன்னாமஸ்ஸ பி⁴க்கு²னோ த³தெ³ய்யா’’தி.
604.
தேன பி⁴க்கு²னா ஸம்ப³ஹுலே பி⁴க்கூ² உபஸங்கமித்வா ஏகங்ஸங் உத்தராஸங்க³ங்
கரித்வா வுட்³டா⁴னங் பி⁴க்கூ²னங் பாதே³ வந்தி³த்வா உக்குடிகங் நிஸீதி³த்வா
அஞ்ஜலிங் பக்³க³ஹெத்வா ஏவமஸ்ஸு வசனீயா – ‘‘அயங் மே, ப⁴ந்தே, பத்தோ
த³ஸாஹாதிக்கந்தோ நிஸ்ஸக்³கி³யோ. இமாஹங் ஆயஸ்மந்தானங் நிஸ்ஸஜ்ஜாமீ’’தி.
நிஸ்ஸஜ்ஜித்வா ஆபத்தி தே³ஸேதப்³பா³. ப்³யத்தேன பி⁴க்கு²னா படிப³லேன ஆபத்தி படிக்³க³ஹேதப்³பா³, நிஸ்ஸட்ட²பத்தோ தா³தப்³போ³.
605.
‘‘ஸுணந்து மே ஆயஸ்மந்தா. அயங் பத்தோ இத்த²ன்னாமஸ்ஸ பி⁴க்கு²னோ
நிஸ்ஸக்³கி³யோ ஆயஸ்மந்தானங் நிஸ்ஸட்டோ². யதா³யஸ்மந்தானங் பத்தகல்லங்,
ஆயஸ்மந்தா இமங் பத்தங் இத்த²ன்னாமஸ்ஸ பி⁴க்கு²னோ த³தெ³ய்யு’’ந்தி.
606.
தேன பி⁴க்கு²னா ஏகங் பி⁴க்கு²ங் உபஸங்கமித்வா ஏகங்ஸங் உத்தராஸங்க³ங்
கரித்வா உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ –
‘‘அயங் மே, ஆவுஸோ, பத்தோ த³ஸாஹாதிக்கந்தோ நிஸ்ஸக்³கி³யோ. இமாஹங் ஆயஸ்மதோ
நிஸ்ஸஜ்ஜாமீ’’தி. நிஸ்ஸஜ்ஜித்வா ஆபத்தி தே³ஸேதப்³பா³. தேன பி⁴க்கு²னா
ஆபத்தி படிக்³க³ஹேதப்³பா³, நிஸ்ஸட்ட²பத்தோ தா³தப்³போ³ – ‘‘இமங் பத்தங்
ஆயஸ்மதோ த³ம்மீ’’தி.
607.
த³ஸாஹாதிக்கந்தே அதிக்கந்தஸஞ்ஞீ, நிஸ்ஸக்³கி³யங் பாசித்தியங்.
த³ஸாஹாதிக்கந்தே வேமதிகோ, நிஸ்ஸக்³கி³யங் பாசித்தியங். த³ஸாஹாதிக்கந்தே
அனதிக்கந்தஸஞ்ஞீ, நிஸ்ஸக்³கி³யங் பாசித்தியங். அனதி⁴ட்டி²தே
அதி⁴ட்டி²தஸஞ்ஞீ, நிஸ்ஸக்³கி³யங் பாசித்தியங். அவிகப்பிதே விகப்பிதஸஞ்ஞீ,
நிஸ்ஸக்³கி³யங் பாசித்தியங். அவிஸ்ஸஜ்ஜிதே விஸ்ஸஜ்ஜிதஸஞ்ஞீ, நிஸ்ஸக்³கி³யங்
பாசித்தியங். அனட்டே² நட்ட²ஸஞ்ஞீ நிஸ்ஸக்³கி³யங் பாசித்தியங். அவினட்டே²
வினட்ட²ஸஞ்ஞீ, நிஸ்ஸக்³கி³யங் பாசித்தியங் . அபி⁴ன்னே பி⁴ன்னஸஞ்ஞீ, நிஸ்ஸக்³கி³யங் பாசித்தியங். அவிலுத்தே விலுத்தஸஞ்ஞீ, நிஸ்ஸக்³கி³யங் பாசித்தியங்.
நிஸ்ஸக்³கி³யங் பத்தங் அனிஸ்ஸஜ்ஜித்வா பரிபு⁴ஞ்ஜதி,
ஆபத்தி து³க்கடஸ்ஸ. த³ஸாஹானதிக்கந்தே அதிக்கந்தஸஞ்ஞீ, ஆபத்தி து³க்கடஸ்ஸ.
த³ஸாஹானதிக்கந்தே வேமதிகோ, ஆபத்தி து³க்கடஸ்ஸ. த³ஸாஹானதிக்கந்தே
அனதிக்கந்தஸஞ்ஞீ, அனாபத்தி.
608.
அனாபத்தி அந்தோத³ஸாஹங் அதி⁴ட்டே²தி, விகப்பேதி, விஸ்ஸஜ்ஜேதி, நஸ்ஸதி,
வினஸ்ஸதி, பி⁴ஜ்ஜதி, அச்சி²ந்தி³த்வா க³ண்ஹந்தி, விஸ்ஸாஸங் க³ண்ஹந்தி,
உம்மத்தகஸ்ஸ, ஆதி³கம்மிகஸ்ஸாதி.
தேன கோ² பன ஸமயேன ச²ப்³ப³க்³கி³யா பி⁴க்கூ²
நிஸ்ஸட்ட²பத்தங் ந தெ³ந்தி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
நிஸ்ஸட்ட²பத்தோ ந தா³தப்³போ³. யோ ந த³தெ³ய்ய, ஆபத்தி து³க்கடஸ்ஸா’’தி.
பத்தஸிக்கா²பத³ங் நிட்டி²தங் பட²மங்.
2. ஊனபஞ்சப³ந்த⁴னஸிக்கா²பத³ங்
609. தேன
ஸமயேன பு³த்³தோ⁴ ப⁴க³வா ஸக்கேஸு விஹரதி கபிலவத்து²ஸ்மிங் நிக்³ரோதா⁴ராமே.
தேன கோ² பன ஸமயேன அஞ்ஞதரேன கும்ப⁴காரேன பி⁴க்கூ² பவாரிதா ஹொந்தி – ‘‘யேஸங்
அய்யானங் பத்தேன அத்தோ² அஹங் பத்தேனா’’தி. தேன கோ² பன ஸமயேன பி⁴க்கூ² ந
மத்தங் ஜானித்வா ப³ஹூ பத்தே விஞ்ஞாபெந்தி. யேஸங் கு²த்³த³கா பத்தா தே
மஹந்தே பத்தே விஞ்ஞாபெந்தி. யேஸங் மஹந்தா பத்தா தே கு²த்³த³கே பத்தே
விஞ்ஞாபெந்தி. அத² கோ² ஸோ கும்ப⁴காரோ பி⁴க்கூ²னங் ப³ஹூ பத்தே கரொந்தோ ந
ஸக்கோதி அஞ்ஞங் விக்காயிகங் ப⁴ண்ட³ங் காதுங், அத்தனாபி ந யாபேதி,
புத்ததா³ராபிஸ்ஸ கிலமந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஸமணா ஸக்யபுத்தியா ந மத்தங் ஜானித்வா ப³ஹூ பத்தே
விஞ்ஞாபெஸ்ஸந்தி! அயங் இமேஸங் ப³ஹூ பத்தே கரொந்தோ ந ஸக்கோதி அஞ்ஞங் விக்காயிகங் ப⁴ண்ட³ங் காதுங், அத்தனாபி ந யாபேதி, புத்ததா³ராபிஸ்ஸ கிலமந்தீ’’தி.
அஸ்ஸோஸுங் கோ² பி⁴க்கூ² தேஸங்
மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கூ² ந மத்தங் ஜானித்வா ப³ஹூ பத்தே விஞ்ஞாபெஸ்ஸந்தீ’’தி! அத² கோ² தே
பி⁴க்கூ² தே அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰…
ஸச்சங் கிர, பி⁴க்க²வே, பி⁴க்கூ² ந மத்தங் ஜானித்வா ப³ஹூ
பத்தே விஞ்ஞாபெந்தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம தே, பி⁴க்க²வே, மோக⁴புரிஸா ந மத்தங் ஜானித்வா ப³ஹூ
பத்தே விஞ்ஞாபெஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰…
விக³ரஹித்வா த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘ந, பி⁴க்க²வே,
பத்தோ விஞ்ஞாபேதப்³போ³. யோ விஞ்ஞாபெய்ய, ஆபத்தி து³க்கடஸ்ஸா’’தி.
610.
தேன கோ² பன ஸமயேன அஞ்ஞதரஸ்ஸ பி⁴க்கு²னோ பத்தோ பி⁴ன்னோ ஹோதி. அத² கோ² ஸோ
பி⁴க்கு² – ‘‘ப⁴க³வதா படிக்கி²த்தங் பத்தங் விஞ்ஞாபேது’’ந்தி
குக்குச்சாயந்தோ ந விஞ்ஞாபேதி. ஹத்தே²ஸு பிண்டா³ய சரதி. மனுஸ்ஸா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா
ஹத்தே²ஸு பிண்டா³ய சரிஸ்ஸந்தி, ஸெய்யதா²பி தித்தி²யா’’தி! அஸ்ஸோஸுங் கோ²
பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங்.
அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங்
நிதா³னே ஏதஸ்மிங் பகரணே த⁴ம்மிங் கத²ங் கத்வா
பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, நட்ட²பத்தஸ்ஸ வா
பி⁴ன்னபத்தஸ்ஸ வா பத்தங் விஞ்ஞாபேது’’ந்தி.
611.
தேன கோ² பன ஸமயேன ச²ப்³ப³க்³கி³யா பி⁴க்கூ² – ‘‘ப⁴க³வதா அனுஞ்ஞாதங்
நட்ட²பத்தஸ்ஸ வா பி⁴ன்னபத்தஸ்ஸ வா பத்தங் விஞ்ஞாபேது’’ந்தி அப்பமத்தகேனபி
பி⁴ன்னேன அப்பமத்தகேனபி க²ண்டே³ன விலிகி²தமத்தேனபி ப³ஹூ பத்தே விஞ்ஞாபெந்தி
. அத² கோ² ஸோ கும்ப⁴காரோ பி⁴க்கூ²னங் ததே²வ ப³ஹூ
பத்தே கரொந்தோ ந ஸக்கோதி அஞ்ஞங் விக்காயிகங் ப⁴ண்ட³ங் காதுங், அத்தனாபி ந
யாபேதி, புத்ததா³ராபிஸ்ஸ கிலமந்தி. மனுஸ்ஸா ததே²வ உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஸமணா ஸக்யபுத்தியா ந மத்தங் ஜானித்வா ப³ஹூ
பத்தே விஞ்ஞாபெஸ்ஸந்தி! அயங் இமேஸங் ப³ஹூ பத்தே கரொந்தோ ந ஸக்கோதி அஞ்ஞங்
விக்காயிகங் ப⁴ண்ட³ங் காதுங், அத்தனாபி ந யாபேதி, புத்ததா³ராபிஸ்ஸ
கிலமந்தீ’’தி.
அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² அப்பமத்தகேனபி பி⁴ன்னேன
அப்பமத்தகேனபி க²ண்டே³ன விலிகி²தமத்தேனபி ப³ஹூ பத்தே விஞ்ஞாபெஸ்ஸந்தீ’’தி!
அத² கோ² தே பி⁴க்கூ² ச²ப்³ப³க்³கி³யே பி⁴க்கூ² அனேகபரியாயேன விக³ரஹித்வா
ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர தும்ஹே, பி⁴க்க²வே,
அப்பமத்தகேனபி பி⁴ன்னேன அப்பமத்தகேனபி க²ண்டே³ன விலிகி²தமத்தேனபி ப³ஹூ
பத்தே விஞ்ஞாபேதா²’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, அப்பமத்தகேனபி பி⁴ன்னேன
அப்பமத்தகேனபி க²ண்டே³ன விலிகி²தமத்தேனபி ப³ஹூ பத்தே விஞ்ஞாபெஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
612. ‘‘யோ
பன பி⁴க்கு² ஊனபஞ்சப³ந்த⁴னேன பத்தேன அஞ்ஞங் நவங் பத்தங் சேதாபெய்ய,
நிஸ்ஸக்³கி³யங் பாசித்தியங். தேன பி⁴க்கு²னா ஸோ பத்தோ பி⁴க்கு²பரிஸாய
நிஸ்ஸஜ்ஜிதப்³போ³. யோ ச தஸ்ஸா பி⁴க்கு²பரிஸாய பத்தபரியந்தோ ஸோ தஸ்ஸ
பி⁴க்கு²னோ பதா³தப்³போ³ – ‘அயங் தே, பி⁴க்கு², பத்தோ யாவ பே⁴த³னாய
தா⁴ரேதப்³போ³’தி. அயங் தத்த² ஸாமீசீ’’தி.
613. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ஊனபஞ்சப³ந்த⁴னோ
நாம பத்தோ அப³ந்த⁴னோ வா ஏகப³ந்த⁴னோ வா த்³விப³ந்த⁴னோ வா திப³ந்த⁴னோ வா
சதுப³ந்த⁴னோ வா. அப³ந்த⁴னோகாஸோ நாம பத்தோ யஸ்ஸ த்³வங்கு³லா ராஜி ந ஹோதி.
ப³ந்த⁴னோகாஸோ நாம பத்தோ யஸ்ஸ த்³வங்கு³லா ராஜி ஹோதி. நவோ நாம பத்தோ விஞ்ஞத்திங் உபாதா³ய வுச்சதி.
சேதாபெய்யாதி விஞ்ஞாபேதி,
பயோகே³ து³க்கடங். படிலாபே⁴ன நிஸ்ஸக்³கி³யோ ஹோதி. ஸங்க⁴மஜ்ஜே²
நிஸ்ஸஜ்ஜிதப்³போ³. ஸப்³பே³ஹேவ அதி⁴ட்டி²தபத்தங் க³ஹெத்வா ஸன்னிபதிதப்³ப³ங்.
ந லாமகோ பத்தோ அதி⁴ட்டா²தப்³போ³ – ‘‘மஹக்³க⁴ங் பத்தங் க³ஹெஸ்ஸாமீ’’தி. ஸசே
லாமகங் பத்தங் அதி⁴ட்டே²தி – ‘‘மஹக்³க⁴ங் பத்தங் க³ஹெஸ்ஸாமீ’’தி, ஆபத்தி
து³க்கடஸ்ஸ. ஏவஞ்ச பன, பி⁴க்க²வே, நிஸ்ஸஜ்ஜிதப்³போ³. தேன
பி⁴க்கு²னா ஸங்க⁴ங் உபஸங்கமித்வா ஏகங்ஸங் உத்தராஸங்க³ங் கரித்வா
வுட்³டா⁴னங் பி⁴க்கூ²னங் பாதே³ வந்தி³த்வா உக்குடிகங் நிஸீதி³த்வா அஞ்ஜலிங்
பக்³க³ஹெத்வா ஏவமஸ்ஸ வசனீயோ – ‘‘அயங் மே, ப⁴ந்தே, பத்தோ ஊனபஞ்சப³ந்த⁴னேன
பத்தேன சேதாபிதோ நிஸ்ஸக்³கி³யோ. இமாஹங் ஸங்க⁴ஸ்ஸ நிஸ்ஸஜ்ஜாமீ’’தி.
நிஸ்ஸஜ்ஜித்வா ஆபத்தி தே³ஸேதப்³பா³. ப்³யத்தேன
பி⁴க்கு²னா படிப³லேன ஆபத்தி படிக்³க³ஹேதப்³பா³. பஞ்சஹங்கே³ஹி ஸமன்னாக³தோ
பி⁴க்கு² பத்தக்³கா³ஹாபகோ ஸம்மன்னிதப்³போ³ – யோ ந ச²ந்தா³க³திங்
க³ச்செ²ய்ய, ந தோ³ஸாக³திங் க³ச்செ²ய்ய, ந மோஹாக³திங் க³ச்செ²ய்ய, ந
ப⁴யாக³திங் க³ச்செ²ய்ய, கா³ஹிதாகா³ஹிதஞ்ச ஜானெய்ய . ஏவஞ்ச பன, பி⁴க்க²வே, ஸம்மன்னிதப்³போ³. பட²மங் பி⁴க்கு² யாசிதப்³போ³. யாசித்வா ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
614. ‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் பி⁴க்கு²ங் பத்தக்³கா³ஹாபகங் ஸம்மன்னெய்ய. ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴. ஸங்கோ⁴ இத்த²ன்னாமங்
பி⁴க்கு²ங் பத்தக்³கா³ஹாபகங் ஸம்மன்னதி. யஸ்ஸாயஸ்மதோ க²மதி இத்த²ன்னாமஸ்ஸ
பி⁴க்கு²னோ பத்தக்³கா³ஹாபகஸ்ஸ ஸம்முதி, ஸோ துண்ஹஸ்ஸ; யஸ்ஸ நக்க²மதி, ஸோ
பா⁴ஸெய்ய.
‘‘ஸம்மதோ ஸங்கே⁴ன இத்த²ன்னாமோ பி⁴க்கு² பத்தக்³கா³ஹாபகோ. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
615.
தேன ஸம்மதேன பி⁴க்கு²னா பத்தோ கா³ஹேதப்³போ³. தே²ரோ வத்தப்³போ³ –
‘‘க³ண்ஹாது, ப⁴ந்தே, தே²ரோ பத்த’’ந்தி. ஸசே தே²ரோ க³ண்ஹாதி, தே²ரஸ்ஸ பத்தோ து³தியஸ்ஸ கா³ஹேதப்³போ³. ந ச தஸ்ஸ அனுத்³த³யதாய ந
க³ஹேதப்³போ³. யோ ந க³ண்ஹெய்ய, ஆபத்தி து³க்கடஸ்ஸ. அபத்தகஸ்ஸ ந
கா³ஹேதப்³போ³. ஏதேனேவ உபாயேன யாவ ஸங்க⁴னவகா கா³ஹேதப்³பா³. யோ ச தஸ்ஸா
பி⁴க்கு²பரிஸாய பத்தபரியந்தோ, ஸோ தஸ்ஸ பி⁴க்கு²னோ பதா³தப்³போ³ – ‘‘அயங் தே,
பி⁴க்கு², பத்தோ யாவ பே⁴த³னாய தா⁴ரேதப்³போ³’’தி.
தேன பி⁴க்கு²னா ஸோ பத்தோ ந அதே³ஸே நிக்கி²பிதப்³போ³, ந
அபோ⁴கே³ன பு⁴ஞ்ஜிதப்³போ³, ந விஸ்ஸஜ்ஜேதப்³போ³ – ‘‘கதா²யங் பத்தோ நஸ்ஸெய்ய
வா வினஸ்ஸெய்ய வா பி⁴ஜ்ஜெய்ய வா’’தி? ஸசே அதே³ஸே வா நிக்கி²பதி அபோ⁴கே³ன வா
பு⁴ஞ்ஜதி விஸ்ஸஜ்ஜேதி வா, ஆபத்தி து³க்கடஸ்ஸ.
அயங் தத்த² ஸாமீசீதி அயங் தத்த² அனுத⁴ம்மதா.
616. அப³ந்த⁴னேன
பத்தேன அப³ந்த⁴னங் பத்தங் சேதாபேதி, நிஸ்ஸக்³கி³யங் பாசித்தியங்.
அப³ந்த⁴னேன பத்தேன ஏகப³ந்த⁴னங் பத்தங் சேதாபேதி, நிஸ்ஸக்³கி³யங்
பாசித்தியங். அப³ந்த⁴னேன பத்தேன த்³விப³ந்த⁴னங் பத்தங் சேதாபேதி,
நிஸ்ஸக்³கி³யங் பாசித்தியங். அப³ந்த⁴னேன பத்தேன திப³ந்த⁴னங் பத்தங்
சேதாபேதி, நிஸ்ஸக்³கி³யங் பாசித்தியங். அப³ந்த⁴னேன பத்தேன சதுப³ந்த⁴னங்
பத்தங் சேதாபேதி, நிஸ்ஸக்³கி³யங் பாசித்தியங்.
ஏகப³ந்த⁴னேன பத்தேன அப³ந்த⁴னங் பத்தங் சேதாபேதி,
நிஸ்ஸக்³கி³யங் பாசித்தியங். ஏகப³ந்த⁴னேன பத்தேன ஏகப³ந்த⁴னங் பத்தங்
சேதாபேதி, நிஸ்ஸக்³கி³யங் பாசித்தியங். ஏகப³ந்த⁴னேன பத்தேன த்³விப³ந்த⁴னங்
பத்தங் சேதாபேதி, நிஸ்ஸக்³கி³யங் பாசித்தியங். ஏகப³ந்த⁴னேன பத்தேன
திப³ந்த⁴னங் பத்தங் சேதாபேதி, நிஸ்ஸக்³கி³யங் பாசித்தியங். ஏகப³ந்த⁴னேன
பத்தேன சதுப³ந்த⁴னங் பத்தங் சேதாபேதி, நிஸ்ஸக்³கி³யங் பாசித்தியங்.
த்³விப³ந்த⁴னேன பத்தேன அப³ந்த⁴னங் பத்தங் சேதாபேதி,
நிஸ்ஸக்³கி³யங் பாசித்தியங். த்³விப³ந்த⁴னேன பத்தேன ஏகப³ந்த⁴னங்
பத்தங்…பே॰… த்³விப³ந்த⁴னங் பத்தங்… திப³ந்த⁴னங் பத்தங்… சதுப³ந்த⁴னங்
பத்தங் சேதாபேதி, நிஸ்ஸக்³கி³யங் பாசித்தியங்.
திப³ந்த⁴னேன பத்தேன அப³ந்த⁴னங் பத்தங்…பே॰…
ஏகப³ந்த⁴னங் பத்தங்…பே॰… த்³விப³ந்த⁴னங் பத்தங்… திப³ந்த⁴னங் பத்தங்…
சதுப³ந்த⁴னங் பத்தங் சேதாபேதி, நிஸ்ஸக்³கி³யங் பாசித்தியங்.
சதுப³ந்த⁴னேன பத்தேன அப³ந்த⁴னங் பத்தங்…பே॰…
ஏகப³ந்த⁴னங் பத்தங்… த்³விப³ந்த⁴னங் பத்தங்… திப³ந்த⁴னங் பத்தங்…
சதுப³ந்த⁴னங் பத்தங் சேதாபேதி, நிஸ்ஸக்³கி³யங் பாசித்தியங்.
அப³ந்த⁴னேன பத்தேன அப³ந்த⁴னோகாஸங் பத்தங் சேதாபேதி,
நிஸ்ஸக்³கி³யங் பாசித்தியங். அப³ந்த⁴னேன பத்தேன ஏகப³ந்த⁴னோகாஸங்
பத்தங்…பே॰… த்³விப³ந்த⁴னோகாஸங் பத்தங் … திப³ந்த⁴னோகாஸங் பத்தங்… சதுப³ந்த⁴னோகாஸங் பத்தங் சேதாபேதி, நிஸ்ஸக்³கி³யங் பாசித்தியங்.
ஏகப³ந்த⁴னேன பத்தேன அப³ந்த⁴னோகாஸங் பத்தங்…பே॰…
ஏகப³ந்த⁴னோகாஸங் பத்தங்… த்³விப³ந்த⁴னோகாஸங் பத்தங்… திப³ந்த⁴னோகாஸங்
பத்தங்… சதுப³ந்த⁴னோகாஸங் பத்தங் சேதாபேதி, நிஸ்ஸக்³கி³யங் பாசித்தியங்.
த்³விப³ந்த⁴னேன பத்தேன அப³ந்த⁴னோகாஸங் பத்தங்…பே॰… சதுப³ந்த⁴னோகாஸங் பத்தங் சேதாபேதி, நிஸ்ஸக்³கி³யங் பாசித்தியங்.
திப³ந்த⁴னேன பத்தேன அப³ந்த⁴னோகாஸங் பத்தங்…பே॰… சதுப³ந்த⁴னோகாஸங் பத்தங் சேதாபேதி, நிஸ்ஸக்³கி³யங் பாசித்தியங்.
சதுப³ந்த⁴னேன பத்தேன அப³ந்த⁴னோகாஸங் பத்தங்…பே॰…
ஏகப³ந்த⁴னோகாஸங் பத்தங்… த்³விப³ந்த⁴னோகாஸங் பத்தங்… திப³ந்த⁴னோகாஸங்
பத்தங்… சதுப³ந்த⁴னோகாஸங் பத்தங் சேதாபேதி, நிஸ்ஸக்³கி³யங் பாசித்தியங்.
அப³ந்த⁴னோகாஸேன பத்தேன
அப³ந்த⁴னங் பத்தங் சேதாபேதி, நிஸ்ஸக்³கி³யங் பாசித்தியங். அப³ந்த⁴னோகாஸேன
பத்தேன ஏகப³ந்த⁴னங் பத்தங்…பே॰… த்³விப³ந்த⁴னங் பத்தங்… திப³ந்த⁴னங்
பத்தங்… சதுப³ந்த⁴னங் பத்தங் சேதாபேதி, நிஸ்ஸக்³கி³யங் பாசித்தியங்.
சதுப³ந்த⁴னோகாஸேன பத்தேன அப³ந்த⁴னங் பத்தங் சேதாபேதி, நிஸ்ஸக்³கி³யங் பாசித்தியங். சதுப³ந்த⁴னோகாஸேன பத்தேன ஏகப³ந்த⁴னங் பத்தங்…பே॰… த்³விப³ந்த⁴னங் பத்தங்… திப³ந்த⁴னங் பத்தங்… சதுப³ந்த⁴னங் பத்தங் சேதாபேதி, நிஸ்ஸக்³கி³யங் பாசித்தியங்.
அப³ந்த⁴னோகாஸேன பத்தேன அப³ந்த⁴னோகாஸங் பத்தங்…பே॰…
ஏகப³ந்த⁴னோகாஸங் பத்தங்… த்³விப³ந்த⁴னோகாஸங் பத்தங்… திப³ந்த⁴னோகாஸங்
பத்தங்… சதுப³ந்த⁴னோகாஸங் பத்தங் சேதாபேதி, நிஸ்ஸக்³கி³யங் பாசித்தியங்.
சதுப³ந்த⁴னோகாஸேன பத்தேன அப³ந்த⁴னோகாஸங் பத்தங்…பே॰…
ஏகப³ந்த⁴னோகாஸங் பத்தங்… த்³விப³ந்த⁴னோகாஸங் பத்தங்… திப³ந்த⁴னோகாஸங்
பத்தங்… சதுப³ந்த⁴னோகாஸங் பத்தங் சேதாபேதி, நிஸ்ஸக்³கி³யங் பாசித்தியங்.
617. அனாபத்தி நட்ட²பத்தஸ்ஸ, பி⁴ன்னபத்தஸ்ஸ, ஞாதகானங் பவாரிதானங், அஞ்ஞஸ்ஸத்தா²ய, அத்தனோ த⁴னேன, உம்மத்தகஸ்ஸ, ஆதி³கம்மிகஸ்ஸாதி.
ஊனபஞ்சப³ந்த⁴னஸிக்கா²பத³ங் நிட்டி²தங் து³தியங்.
3. பே⁴ஸஜ்ஜஸிக்கா²பத³ங்
618. [இத³ங் வத்து² மஹாவ॰ 270] தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா பிலிந்த³வச்சோ² ராஜக³ஹே பப்³பா⁴ரங்
ஸோதா⁴பேதி லேணங் கத்துகாமோ. அத² கோ² ராஜா மாக³தோ⁴ ஸேனியோ பி³ம்பி³ஸாரோ
யேனாயஸ்மா பிலிந்த³வச்சோ² தேனுபஸங்கமி; உபஸங்கமித்வா ஆயஸ்மந்தங்
பிலிந்த³வச்ச²ங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ²
ராஜா மாக³தோ⁴ ஸேனியோ பி³ம்பி³ஸாரோ ஆயஸ்மந்தங் பிலிந்த³வச்ச²ங் ஏதத³வோச –
‘‘கிங், ப⁴ந்தே, தே²ரோ காராபேதீ’’தி? ‘‘பப்³பா⁴ரங் மஹாராஜ, ஸோதா⁴பேமி லேணங்
கத்துகாமோ’’தி. ‘‘அத்தோ², ப⁴ந்தே, அய்யஸ்ஸ ஆராமிகேனா’’தி? ‘‘ந கோ²,
மஹாராஜ, ப⁴க³வதா ஆராமிகோ அனுஞ்ஞாதோ’’தி. ‘‘தேன ஹி, ப⁴ந்தே, ப⁴க³வந்தங்
படிபுச்சி²த்வா மம ஆரோசெய்யாதா²’’தி. ‘‘ஏவங் மஹாராஜா’’தி கோ² ஆயஸ்மா
பிலிந்த³வச்சோ² ரஞ்ஞோ மாக³த⁴ஸ்ஸ ஸேனியஸ்ஸ பி³ம்பி³ஸாரஸ்ஸ பச்சஸ்ஸோஸி. அத²
கோ² ஆயஸ்மா பிலிந்த³வச்சோ² ராஜானங் மாக³த⁴ங் ஸேனியங் பி³ம்பி³ஸாரங்
த⁴ம்மியா கதா²ய ஸந்த³ஸ்ஸேஸி ஸமாத³பேஸி ஸமுத்தேஜேஸி ஸம்பஹங்ஸேஸி. அத² கோ²
ராஜா மாக³தோ⁴ ஸேனியோ பி³ம்பி³ஸாரோ ஆயஸ்மதா பிலிந்த³வச்சே²ன த⁴ம்மியா கதா²ய
ஸந்த³ஸ்ஸிதோ ஸமாத³பிதோ ஸமுத்தேஜிதோ ஸம்பஹங்ஸிதோ உட்டா²யாஸனா ஆயஸ்மந்தங்
பிலிந்த³வச்ச²ங் அபி⁴வாதெ³த்வா பத³க்கி²ணங் கத்வா பக்காமி.
619. அத² கோ² ஆயஸ்மா பிலிந்த³வச்சோ² ப⁴க³வதோ ஸந்திகே தூ³தங் பாஹேஸி – ‘‘ராஜா, ப⁴ந்தே ,
மாக³தோ⁴ ஸேனியோ பி³ம்பி³ஸாரோ ஆராமிகங் தா³துகாமோ. கத²ங் நு கோ², ப⁴ந்தே,
மயா படிபஜ்ஜிதப்³ப³’’ந்தி? அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே
த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே,
ஆராமிக’’ந்தி. து³தியம்பி கோ² ராஜா மாக³தோ⁴ ஸேனியோ
பி³ம்பி³ஸாரோ யேனாயஸ்மா பிலிந்தி³வச்சோ² தேனுபஸங்கமி; உபஸங்கமித்வா
ஆயஸ்மந்தங் பிலிந்த³வச்ச²ங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னோ கோ² ராஜா மாக³தோ⁴ ஸேனியோ பி³ம்பி³ஸாரோ ஆயஸ்மந்தங் பிலிந்த³வச்ச²ங்
ஏதத³வோச – ‘‘அனுஞ்ஞாதோ, ப⁴ந்தே, ப⁴க³வதா ஆராமிகோ’’தி? ‘‘ஏவங்,
மஹாராஜா’’தி. ‘‘தேன ஹி, ப⁴ந்தே, அய்யஸ்ஸ ஆராமிகங் த³ம்மீ’’தி. அத² கோ² ராஜா
மாக³தோ⁴ ஸேனியோ பி³ம்பி³ஸாரோ ஆயஸ்மதோ பிலிந்த³வச்ச²ஸ்ஸ ஆராமிகங் படிஸ்ஸுணித்வா விஸ்ஸரித்வா சிரேன ஸதிங் படிலபி⁴த்வா அஞ்ஞதரங் ஸப்³ப³த்த²கங் மஹாமத்தங் ஆமந்தேஸி
– ‘‘யோ மயா, ப⁴ணே, அய்யஸ்ஸ ஆராமிகோ படிஸ்ஸுதோ, தி³ன்னோ ஸோ ஆராமிகோ’’தி?
‘‘ந கோ², தே³வ, அய்யஸ்ஸ ஆராமிகோ தி³ன்னோ’’தி. ‘‘கீவசிரங் நு கோ², ப⁴ணே, இதோ
ஹி தங் ஹோதீ’’தி? அத² கோ² ஸோ மஹாமத்தோ ரத்தியோ க³ணெத்வா [விக³ணெத்வா (க॰)]
ராஜானங் மாக³த⁴ங் ஸேனியங் பி³ம்பி³ஸாரங் ஏதத³வோச – ‘‘பஞ்ச, தே³வ,
ரத்திஸதானீ’’தி. ‘‘தேன ஹி, ப⁴ணே, அய்யஸ்ஸ பஞ்ச ஆராமிகஸதானி தே³ஹீ’’தி.
‘‘ஏவங், தே³வா’’தி கோ² ஸோ மஹாமத்தோ ரஞ்ஞோ மாக³த⁴ஸ்ஸ ஸேனியஸ்ஸ
பி³ம்பி³ஸாரஸ்ஸ படிஸ்ஸுணித்வா ஆயஸ்மதோ பிலிந்த³வச்ச²ஸ்ஸ பஞ்ச ஆராமிகஸதானி பாதா³ஸி [அதா³ஸி (ஸ்யா॰)], பாடியேக்கோ கா³மோ நிவிஸி. ஆராமிககா³மகோதிபி நங் ஆஹங்ஸு, பிலிந்த³கா³மகோதிபி நங் ஆஹங்ஸு.
620.
தேன கோ² பன ஸமயேன ஆயஸ்மா பிலிந்த³வச்சோ² தஸ்மிங் கா³மகே குலூபகோ ஹோதி. அத²
கோ² ஆயஸ்மா பிலிந்த³வச்சோ² புப்³ப³ண்ஹஸமயங் நிவாஸெத்வா பத்தசீவரங் ஆதா³ய
பிலிந்த³கா³மகங் பிண்டா³ய பாவிஸி. தேன கோ² பன ஸமயேன தஸ்மிங் கா³மகே உஸ்ஸவோ
ஹோதி. தா³ரகா அலங்கதா மாலாகிதா கீளந்தி. அத² கோ² ஆயஸ்மா பிலிந்த³வச்சோ²
பிலிந்த³கா³மகே ஸபதா³னங் பிண்டா³ய சரமானோ யேன அஞ்ஞதரஸ்ஸ ஆராமிகஸ்ஸ நிவேஸனங்
தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³. தேன கோ² பன ஸமயேன தஸ்ஸா
ஆராமிகினியா தீ⁴தா அஞ்ஞே தா³ரகே அலங்கதே மாலாகிதே பஸ்ஸித்வா ரோத³தி –
‘‘மாலங் மே தே³த², அலங்காரங் மே தே³தா²’’தி. அத² கோ² ஆயஸ்மா பிலிந்த³வச்சோ²
தங் ஆராமிகினிங் ஏதத³வோச – ‘‘கிஸ்ஸாயங் தா³ரிகா ரோத³தீ’’தி? ‘‘அயங்,
ப⁴ந்தே, தா³ரிகா அஞ்ஞே தா³ரகே அலங்கதே மாலாகிதே பஸ்ஸித்வா ரோத³தி – ‘மாலங்
மே தே³த², அலங்காரங் மே தே³தா²’தி. குதோ அம்ஹாகங் து³க்³க³தானங் மாலா குதோ,
அலங்காரோ’’தி? அத² கோ² ஆயஸ்மா பிலிந்த³வச்சோ² அஞ்ஞதரங் திணண்டு³பகங்
க³ஹெத்வா தங் ஆராமிகினிங் ஏதத³வோச – ‘‘ஹந்தி³மங் திணண்டு³பகங் தஸ்ஸா
தா³ரிகாய ஸீஸே படிமுஞ்சா’’தி. அத² கோ² ஸா ஆராமிகினீ தங் திணண்டு³பகங் க³ஹெத்வா தஸ்ஸா தா³ரிகாய ஸீஸே படிமுஞ்சி. ஸா அஹோஸி ஸுவண்ணமாலா அபி⁴ரூபா த³ஸ்ஸனீயா பாஸாதி³கா. நத்தி² தாதி³ஸா ரஞ்ஞோபி அந்தேபுரே ஸுவண்ணமாலா. மனுஸ்ஸா ரஞ்ஞோ மாக³த⁴ஸ்ஸ ஸேனியஸ்ஸ பி³ம்பி³ஸாரஸ்ஸ ஆரோசேஸுங்
– ‘‘அமுகஸ்ஸ, தே³வ, ஆராமிகஸ்ஸ க⁴ரே ஸுவண்ணமாலா அபி⁴ரூபா த³ஸ்ஸனீயா
பாஸாதி³கா. நத்தி² தாதி³ஸா தே³வஸ்ஸாபி அந்தேபுரே ஸுவண்ணமாலா. குதோ தஸ்ஸ
து³க்³க³தஸ்ஸ! நிஸ்ஸங்ஸயங் சோரிகாய ஆப⁴தா’’தி!! அத² கோ² ராஜா மாக³தோ⁴
ஸேனியோ பி³ம்பி³ஸாரோ தங் ஆராமிககுலங் ப³ந்தா⁴பேஸி. து³தியம்பி கோ² ஆயஸ்மா
பிலிந்த³வச்சோ² புப்³ப³ண்ஹஸமயங் நிவாஸெத்வா பத்தசீவரங் ஆதா³ய
பிலிந்த³கா³மகங் பிண்டா³ய பாவிஸி. பிலிந்த³கா³மகே ஸபதா³னங் பிண்டா³ய சரமானோ
யேன தஸ்ஸ ஆராமிகஸ்ஸ நிவேஸனங் தேனுபஸங்கமி;
உபஸங்கமித்வா படிவிஸ்ஸகே புச்சி² – ‘‘கஹங் இமங் ஆராமிககுலங் க³த’’ந்தி?
‘‘ஏதிஸ்ஸா, ப⁴ந்தே, ஸுவண்ணமாலாய காரணா ரஞ்ஞா ப³ந்தா⁴பித’’ந்தி.
621.
அத² கோ² ஆயஸ்மா பிலிந்த³வச்சோ² யேன ரஞ்ஞோ மாக³த⁴ஸ்ஸ ஸேனியஸ்ஸ
பி³ம்பி³ஸாரஸ்ஸ நிவேஸனங் தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³.
அத² கோ² ராஜா மாக³தோ⁴ ஸேனியோ பி³ம்பி³ஸாரோ யேனாயஸ்மா பிலிந்த³வச்சோ²
தேனுபஸங்கமி; உபஸங்கமித்வா ஆயஸ்மந்தங் பிலிந்த³வச்ச²ங் அபி⁴வாதெ³த்வா
ஏகமந்தங் நிஸீதி³. ஏகமந்தங் நிஸின்னங் கோ² ராஜானங் மாக³த⁴ங் ஸேனியங்
பி³ம்பி³ஸாரங் ஆயஸ்மா பிலிந்த³வச்சோ² ஏதத³வோச – ‘‘கிஸ்ஸ, மஹாராஜ,
ஆராமிககுலங் ப³ந்தா⁴பித’’ந்தி? ‘‘தஸ்ஸ, ப⁴ந்தே,
ஆராமிகஸ்ஸ க⁴ரே ஸுவண்ணமாலா அபி⁴ரூபா த³ஸ்ஸனீயா பாஸாதி³கா. நத்தி² தாதி³ஸா
அம்ஹாகம்பி அந்தேபுரே ஸுவண்ணமாலா. குதோ தஸ்ஸ து³க்³க³தஸ்ஸ! நிஸ்ஸங்ஸயங்
சோரிகாய ஆப⁴தா’’தி!! அத² கோ² ஆயஸ்மா பிலிந்த³வச்சோ² ரஞ்ஞோ மாக³த⁴ஸ்ஸ
ஸேனியஸ்ஸ பி³ம்பி³ஸாரஸ்ஸ பாஸாத³ங் ஸுவண்ணந்தி அதி⁴முச்சி. ஸோ அஹோஸி
ஸப்³ப³ஸோவண்ணமயோ. ‘‘இத³ங் பன தே, மஹாராஜ, தாவ ப³ஹுங் ஸுவண்ணங் குதோ’’தி?
‘‘அஞ்ஞாதங், ப⁴ந்தே, அய்யஸ்ஸேவேஸோ இத்³தா⁴னுபா⁴வோ’’தி. தங் ஆராமிககுலங்
முஞ்சாபேஸி. மனுஸ்ஸா – ‘‘அய்யேன கிர பிலிந்த³வச்சே²ன ஸராஜிகாய பரிஸாய
உத்தரிமனுஸ்ஸத⁴ம்மங் இத்³தி⁴பாடிஹாரியங் த³ஸ்ஸித’’ந்தி, அத்தமனா
அபி⁴ப்பஸன்னா ஆயஸ்மதோ பிலிந்த³வச்ச²ஸ்ஸ பஞ்ச பே⁴ஸஜ்ஜானி அபி⁴ஹரிங்ஸு,
ஸெய்யதி²த³ங் – ஸப்பி நவனீதங் தேலங் மது⁴ பா²ணிதங். பகதியாபி ச ஆயஸ்மா
பிலிந்த³வச்சோ² லாபீ⁴ ஹோதி பஞ்சன்னங் பே⁴ஸஜ்ஜானங். லத்³த⁴ங் லத்³த⁴ங்
பரிஸாய விஸ்ஸஜ்ஜேதி. பரிஸா சஸ்ஸ ஹோதி பா³ஹுல்லிகா. லத்³த⁴ங் லத்³த⁴ங்
கோலம்பே³பி க⁴டேபி பூரெத்வா படிஸாமேதி, பரிஸ்ஸாவனானிபி த²விகாயோபி பூரெத்வா
வாதபானேஸு லக்³கே³தி. தானி ஓலீனவிலீனானி திட்ட²ந்தி. உந்தூ³ரேஹிபி விஹாரா ஓகிண்ணவிகிண்ணா
ஹொந்தி. மனுஸ்ஸா விஹாரசாரிகங் ஆஹிண்ட³ந்தா பஸ்ஸித்வா உஜ்ஜா²யந்தி
கி²ய்யந்தி விபாசெந்தி – ‘‘அந்தோகொட்டா²கா³ரிகா இமே ஸமணா ஸக்யபுத்தியா,
ஸெய்யதா²பி ராஜா மாக³தோ⁴ ஸேனியோ பி³ம்பி³ஸாரோ’’தி !
அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பி⁴க்கூ² ஏவரூபாய பா³ஹுல்லாய சேதெஸ்ஸந்தீ’’தி!
அத² கோ² தே பி⁴க்கூ² தே அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸுங்…பே॰… ‘‘ஸச்சங் கிர, பி⁴க்க²வே, பி⁴க்கூ² ஏவரூபாய பா³ஹுல்லாய
சேதெந்தீ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம தே, பி⁴க்க²வே, மோக⁴புரிஸா ஏவரூபாய பா³ஹுல்லாய சேதெஸ்ஸந்தி!
நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –
622. ‘‘யானி கோ²
பன தானி கி³லானானங் பி⁴க்கூ²னங் படிஸாயனீயானி பே⁴ஸஜ்ஜானி, ஸெய்யதி²த³ங் –
ஸப்பி நவனீதங் தேலங் மது⁴ பா²ணிதங், தானி படிக்³க³ஹெத்வா ஸத்தாஹபரமங்
ஸன்னிதி⁴காரகங் பரிபு⁴ஞ்ஜிதப்³பா³னி. தங் அதிக்காமயதோ நிஸ்ஸக்³கி³யங்
பாசித்திய’’ந்தி.
623. யானி கோ² பன தானி கி³லானானங் பி⁴க்கூ²னங் படிஸாயனீயானி பெ⁴ஸ்ஸஜ்ஜானீதி ஸப்பி நாம கோ³ஸப்பி வா அஜிகாஸப்பி வா மஹிங்ஸஸப்பி [மஹிஸஸப்பி (ஸீ॰ ஸ்யா॰)] வா யேஸங் மங்ஸங் கப்பதி தேஸங் ஸப்பி. நவனீதங் நாம தேஸங் யேவ நவனீதங். தேலங் நாம திலதேலங் ஸாஸபதேலங் மது⁴கதேலங் ஏரண்ட³தேலங் வஸாதேலங். மது⁴ நாம மக்கி²காமது⁴. பா²ணிதங் நாம உச்சு²ம்ஹா நிப்³ப³த்தங்.
தானி படிக்³க³ஹெத்வா ஸத்தாஹபரமங் ஸன்னிதி⁴காரகங் பரிபு⁴ஞ்ஜிதப்³பா³னீதி ஸத்தாஹபரமதா பரிபு⁴ஞ்ஜிதப்³பா³னி.
தங் அதிக்காமயதோ நிஸ்ஸக்³கி³யங் ஹோதீதி
அட்ட²மே அருணுக்³க³மனே நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ
வா க³ணஸ்ஸ வா புக்³க³லஸ்ஸ வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰…
இத³ங் மே, ப⁴ந்தே, பே⁴ஸஜ்ஜங் ஸத்தாஹாதிக்கந்தங் நிஸ்ஸக்³கி³யங், இமாஹங்
ஸங்க⁴ஸ்ஸ நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ
த³ம்மீதி.
624. ஸத்தாஹாதிக்கந்தே
அதிக்கந்தஸஞ்ஞீ, நிஸ்ஸக்³கி³யங் பாசித்தியங். ஸத்தாஹாதிக்கந்தே வேமதிகோ,
நிஸ்ஸக்³கி³யங் பாசித்தியங். ஸத்தாஹாதிக்கந்தே அனதிக்கந்தஸஞ்ஞீ,
நிஸ்ஸக்³கி³யங் பாசித்தியங். அனதி⁴ட்டி²தே அதி⁴ட்டி²தஸஞ்ஞீ, நிஸ்ஸக்³கி³யங்
பாசித்தியங். அவிஸ்ஸஜ்ஜிதே விஸ்ஸஜ்ஜிதஸஞ்ஞீ, நிஸ்ஸக்³கி³யங் பாசித்தியங்.
அனட்டே² நட்ட²ஸஞ்ஞீ, நிஸ்ஸக்³கி³யங் பாசித்தியங். அவினட்டே² வினட்ட²ஸஞ்ஞீ,
நிஸ்ஸக்³கி³யங் பாசித்தியங். அத³ட்³டே⁴ த³ட்³ட⁴ஸஞ்ஞீ, நிஸ்ஸக்³கி³யங் பாசித்தியங். அவிலுத்தே விலுத்தஸஞ்ஞீ, நிஸ்ஸக்³கி³யங் பாசித்தியங்.
நிஸ்ஸட்ட²ங் படிலபி⁴த்வா ந காயிகேன பரிபோ⁴கே³ன
பரிபு⁴ஞ்ஜிதப்³ப³ங், ந அஜ்ஜோ²ஹரிதப்³ப³ங், பதீ³பே வா காளவண்ணே வா
உபனேதப்³ப³ங், அஞ்ஞேன பி⁴க்கு²னா காயிகேன பரிபோ⁴கே³ன பரிபு⁴ஞ்ஜிதப்³ப³ங், ந
அஜ்ஜோ²ஹரிதப்³ப³ங்.
ஸத்தாஹானதிக்கந்தே அதிக்கந்தஸஞ்ஞீ, ஆபத்தி து³க்கடஸ்ஸ. ஸத்தாஹானதிக்கந்தே வேமதிகோ, ஆபத்தி து³க்கடஸ்ஸ. ஸத்தாஹானதிக்கந்தே அனதிக்கந்தஸஞ்ஞீ, அனாபத்தி.
625. அனாபத்தி
அந்தோஸத்தாஹங் அதி⁴ட்டே²தி, விஸ்ஸஜ்ஜேதி, நஸ்ஸதி, வினஸ்ஸதி, ட³ய்ஹதி,
அச்சி²ந்தி³த்வா க³ண்ஹந்தி, விஸ்ஸாஸங் க³ண்ஹந்தி, அனுபஸம்பன்னஸ்ஸ சத்தேன
வந்தேன முத்தேன அனபெக்கோ² த³த்வா படிலபி⁴த்வா பரிபு⁴ஞ்ஜதி, உம்மத்தகஸ்ஸ,
ஆதி³கம்மிகஸ்ஸாதி.
பே⁴ஸஜ்ஜஸிக்கா²பத³ங் நிட்டி²தங் ததியங்.
4. வஸ்ஸிகஸாடிகஸிக்கா²பத³ங்
626. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ப⁴க³வதா பி⁴க்கூ²னங் வஸ்ஸிகஸாடிகா அனுஞ்ஞாதா ஹோதி.
ச²ப்³ப³க்³கி³யா பி⁴க்கூ² – ‘‘ப⁴க³வதா வஸ்ஸிகஸாடிகா அனுஞ்ஞாதா’’தி,
படிகச்சேவ [படிக³ச்சேவ (ஸீ॰)] வஸ்ஸிகஸாடிகசீவரங்
பரியேஸந்தி, படிகச்சேவ கத்வா நிவாஸெந்தி, ஜிண்ணாய வஸ்ஸிகஸாடிகாய நக்³கா³
காயங் ஓவஸ்ஸாபெந்தி. யே தே பி⁴க்கூ² அப்பிச்சா²… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² படிகச்சேவ
வஸ்ஸிகஸாடிகசீவரங் பரியேஸிஸ்ஸந்தி, படிகச்சேவ கத்வா நிவாஸெஸ்ஸந்தி, ஜிண்ணாய
வஸ்ஸிகஸாடிகாய நக்³கா³ காயங் ஓவஸ்ஸாபெஸ்ஸந்தீ’’தி!
அத² கோ² தே பி⁴க்கூ² ச²ப்³ப³க்³கி³யே பி⁴க்கூ² அனேகபரியாயேன விக³ரஹித்வா
ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர தும்ஹே, பி⁴க்க²வே,
படிகச்சேவ வஸ்ஸிகஸாடிகசீவரங் பரியேஸத²? படிகச்சேவ கத்வா நிவாஸேத²? ஜிண்ணாய
வஸ்ஸிகஸாடிகாய நக்³கா³ காயங் ஓவஸ்ஸாபேதா²’’தி? ‘‘ஸச்சங், ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே மோக⁴புரிஸா, படிகச்சேவ
வஸ்ஸிகஸாடிகசீவரங் பரியேஸிஸ்ஸத², படிகச்சேவ கத்வா நிவாஸெஸ்ஸத², ஜிண்ணாய
வஸ்ஸிகஸாடிகாய நக்³கா³ காயங் ஓவஸ்ஸாபெஸ்ஸத²! நேதங், மோக⁴புரிஸா,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –
627. ‘‘மாஸோ ஸேஸோ கி³ம்ஹான’ந்தி பி⁴க்கு²னா வஸ்ஸிகஸாடிகசீவரங் பரியேஸிதப்³ப³ங் ; ‘அத்³த⁴மாஸோ ஸேஸோ கி³ம்ஹான’ந்தி கத்வா நிவாஸேதப்³ப³ங் . ‘ஓரேன
சே மாஸோ ஸேஸோ கி³ம்ஹான’ந்தி வஸ்ஸிகஸாடிகசீவரங் பரியேஸெய்ய, ‘ஓரேனத்³த⁴மாஸோ
ஸேஸோ கி³ம்ஹான’ந்தி கத்வா நிவாஸெய்ய, நிஸ்ஸக்³கி³யங் பாசித்திய’’ந்தி.
628. ‘மாஸோ ஸேஸோ கி³ம்ஹான’ந்தி பி⁴க்கு²னா வஸ்ஸிகஸாடிகசீவரங் பரியேஸிதப்³ப³ந்தி.
யே மனுஸ்ஸா புப்³பே³பி வஸ்ஸிகஸாடிகசீவரங் தெ³ந்தி தே உபஸங்கமித்வா ஏவமஸ்ஸு
வசனீயா – ‘‘காலோ வஸ்ஸிகஸாடிகாய, ஸமயோ வஸ்ஸிகஸாடிகாய, அஞ்ஞேபி மனுஸ்ஸா
வஸ்ஸிகஸாடிகசீவரங் தெ³ந்தீ’’தி. ந வத்தப்³பா³ – ‘‘தே³த² மே
வஸ்ஸிகஸாடிகசீவரங், ஆஹரத² மே வஸ்ஸிகஸாடிகசீவரங், பரிவத்தேத² மே
வஸ்ஸிகஸாடிகசீவரங், சேதாபேத² மே வஸ்ஸிகஸாடிகசீவர’’ந்தி.
‘அத்³த⁴மாஸோ ஸேஸோ கி³ம்ஹான’ந்தி கத்வா நிவாஸேதப்³ப³ந்தி. அத்³த⁴மாஸே ஸேஸே கி³ம்ஹானே கத்வா நிவாஸேதப்³ப³ங்.
‘ஓரேன சே மாஸோ ஸேஸோ கி³ம்ஹான’ந்தி அதிரேகமாஸே ஸேஸ கி³ம்ஹானே வஸ்ஸிகஸாடிகசீவரங் பரியேஸதி, நிஸ்ஸக்³கி³யங் பாசித்தியங்.
‘ஓரேனத்³த⁴மாஸோ ஸேஸோ கி³ம்ஹான’ந்தி
அதிரேகத்³த⁴மாஸே ஸேஸே கி³ம்ஹானே கத்வா நிவாஸேதி, நிஸ்ஸக்³கி³யங் ஹோதி.
நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச பன,
பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே , வஸ்ஸிகஸாடிகசீவரங் அதிரேகமாஸே ஸேஸே கி³ம்ஹானே பரியிட்ட²ங் அதிரேகத்³த⁴மாஸே
ஸேஸே கி³ம்ஹானே கத்வா பரித³ஹிதங் நிஸ்ஸக்³கி³யங். இமாஹங் ஸங்க⁴ஸ்ஸ
நிஸ்ஸஜ்ஜாமீதி.…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ
த³ம்மீதி.
629.
அதிரேகமாஸே ஸேஸே கி³ம்ஹானே அதிரேகஸஞ்ஞீ வஸ்ஸிகஸாடிகசீவரங் பரியேஸதி,
நிஸ்ஸக்³கி³யங் பாசித்தியங். அதிரேகமாஸே ஸேஸே கி³ம்ஹானே வேமதிகோ
வஸ்ஸிகஸாடிகசீவரங் பரியேஸதி, நிஸ்ஸக்³கி³யங் பாசித்தியங். அதிரேகமாஸே ஸேஸே
கி³ம்ஹானே ஊனகஸஞ்ஞீ வஸ்ஸிகஸாடிகசீவரங் பரியேஸதி, நிஸ்ஸக்³கி³யங்
பாசித்தியங்.
அதிரேகத்³த⁴மாஸே ஸேஸே கி³ம்ஹானே அதிரேகஸஞ்ஞீ கத்வா
நிவாஸேதி, நிஸ்ஸக்³கி³யங் பாசித்தியங். அதிரேகத்³த⁴மாஸே ஸேஸே கி³ம்ஹானே
வேமதிகோ கத்வா நிவாஸேதி, நிஸ்ஸக்³கி³யங் பாசித்தியங் . அதிரேகத்³த⁴மாஸே ஸேஸே கி³ம்ஹானே ஊனகஸஞ்ஞீ கத்வா நிவாஸேதி, நிஸ்ஸக்³கி³யங் பாசித்தியங்.
ஸதியா வஸ்ஸிகஸாடிகாய நக்³கோ³ காயங் ஓவஸ்ஸாபேதி, ஆபத்தி
து³க்கடஸ்ஸ. ஊனகமாஸே ஸேஸே கி³ம்ஹானே அதிரேகஸஞ்ஞீ, ஆபத்தி து³க்கடஸ்ஸ.
ஊனகமாஸே ஸேஸே கி³ம்ஹானே வேமதிகோ, ஆபத்தி து³க்கடஸ்ஸ. ஊனகமாஸே ஸேஸே
கி³ம்ஹானே ஊனகஸஞ்ஞீ, அனாபத்தி.
ஊனகத்³த⁴மாஸே ஸேஸே கி³ம்ஹானே அதிரேகஸஞ்ஞீ, ஆபத்தி து³க்கடஸ்ஸ. ஊனகத்³த⁴மாஸே ஸேஸே கி³ம்ஹானே வேமதிகோ , ஆபத்தி து³க்கடஸ்ஸ. ஊனகத்³த⁴மாஸே ஸேஸே கி³ம்ஹானே ஊனகஸஞ்ஞீ, அனாபத்தி.
630. அனாபத்தி ‘மாஸோ ஸேஸோ கி³ம்ஹான’ந்தி வஸ்ஸிகஸாடிகசீவரங் பரியேஸதி ,
‘அத்³த⁴மாஸோ ஸேஸோ கி³ம்ஹான’ந்தி கத்வா நிவாஸேதி, ‘ஊனகமாஸோ ஸேஸோ
கி³ம்ஹான’ந்தி வஸ்ஸிகஸாடிகசீவரங் பரியேஸதி, ‘ஊனகத்³த⁴மாஸோ ஸேஸோ
கி³ம்ஹான’ந்தி கத்வா நிவாஸேதி, பரியிட்டா²ய வஸ்ஸிகஸாடிகாய வஸ்ஸங்
உக்கட்³டி⁴ய்யதி, நிவத்தா²ய வஸ்ஸிகஸாடிகாய வஸ்ஸங் உக்கட்³டி⁴ய்யதி,
தோ⁴வித்வா நிக்கி²பிதப்³ப³ங்; ஸமயே நிவாஸேதப்³ப³ங், அச்சி²ன்னசீவரஸ்ஸ,
நட்ட²சீவரஸ்ஸ, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.
வஸ்ஸிகஸாடிகஸிக்கா²பத³ங் நிட்டி²தங் சதுத்த²ங்.
5. சீவரஅச்சி²ந்த³னஸிக்கா²பத³ங்
631. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா உபனந்தோ³ ஸக்யபுத்தோ பா⁴துனோ
ஸத்³தி⁴விஹாரிகங் பி⁴க்கு²ங் ஏதத³வோச – ‘‘ஏஹாவுஸோ, ஜனபத³சாரிகங்
பக்கமிஸ்ஸாமா’’தி. ‘‘நாஹங், ப⁴ந்தே, க³மிஸ்ஸாமி; து³ப்³ப³லசீவரொம்ஹீ’’தி.
‘‘ஏஹாவுஸோ, அஹங் தே சீவரங் த³ஸ்ஸாமீ’’தி தஸ்ஸ சீவரங் அதா³ஸி. அஸ்ஸோஸி கோ²
ஸோ பி⁴க்கு² – ‘‘ப⁴க³வா கிர ஜனபத³சாரிகங் பக்கமிஸ்ஸதீ’’தி. அத² கோ² தஸ்ஸ
பி⁴க்கு²னோ ஏதத³ஹோஸி – ‘‘ந தா³னாஹங் ஆயஸ்மதா உபனந்தே³ன ஸக்யபுத்தேன
ஸத்³தி⁴ங் ஜனபத³சாரிகங் பக்கமிஸ்ஸாமி, ப⁴க³வதா
ஸத்³தி⁴ங் ஜனபத³சாரிகங் பக்கமிஸ்ஸாமீ’’தி. அத² கோ² ஆயஸ்மா உபனந்தோ³
ஸக்யபுத்தோ தங் பி⁴க்கு²ங் ஏதத³வோச – ‘‘ஏஹி தா³னி, ஆவுஸோ, ஜனபத³சாரிகங்
பக்கமிஸ்ஸாமா’’தி. ‘‘நாஹங், ப⁴ந்தே, தயா ஸத்³தி⁴ங் ஜனபத³சாரிகங்
பக்கமிஸ்ஸாமி, ப⁴க³வதா ஸத்³தி⁴ங் ஜனபத³சாரிகங் பக்கமிஸ்ஸாமீ’’தி. ‘‘யம்பி
த்யாஹங், ஆவுஸோ, சீவரங் அதா³ஸிங், மயா ஸத்³தி⁴ங் ஜனபத³சாரிகங்
பக்கமிஸ்ஸதீ’’தி, குபிதோ அனத்தமனோ அச்சி²ந்தி³.
அத² கோ² ஸோ பி⁴க்கு² பி⁴க்கூ²னங் ஏதமத்த²ங் ஆரோசேஸி.
யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஆயஸ்மா உபனந்தோ³ ஸக்யபுத்தோ பி⁴க்கு²ஸ்ஸ ஸாமங் சீவரங் த³த்வா
குபிதோ அனத்தமனோ அச்சி²ந்தி³ஸ்ஸதீ’’தி! அத² கோ² தே பி⁴க்கூ² ஆயஸ்மந்தங்
உபனந்த³ங் ஸக்யபுத்தங் அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸுங்…பே॰… ‘‘ஸச்சங் கிர த்வங், உபனந்த³,
பி⁴க்கு²ஸ்ஸ ஸாமங் சீவரங் த³த்வா குபிதோ அனத்தமனோ அச்சி²ந்தீ³’’தி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம த்வங்,
மோக⁴புரிஸ , பி⁴க்கு²ஸ்ஸ ஸாமங் சீவரங் த³த்வா குபிதோ
அனத்தமனோ அச்சி²ந்தி³ஸ்ஸஸி! நேதங், மோக⁴புரிஸ, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
632. ‘‘யோ
பன பி⁴க்கு² பி⁴க்கு²ஸ்ஸ ஸாமங் சீவரங் த³த்வா குபிதோ அனத்தமனோ
அச்சி²ந்தெ³ய்ய வா அச்சி²ந்தா³பெய்ய வா, நிஸ்ஸக்³கி³யங் பாசித்திய’’ந்தி.
633. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
பி⁴க்கு²ஸ்ஸாதி அஞ்ஞஸ்ஸ பி⁴க்கு²ஸ்ஸ.
ஸாமந்தி ஸயங் த³த்வா.
சீவரங் நாம ச²ன்னங் சீவரானங் அஞ்ஞதரங் சீவரங், விகப்பனுபக³ங் பச்சி²மங்.
குபிதோ அனத்தமனோதி அனபி⁴ரத்³தோ⁴ ஆஹதசித்தோ கி²லஜாதோ.
அச்சி²ந்தெ³ய்யாதி ஸயங் அச்சி²ந்த³தி, நிஸ்ஸக்³கி³யங் பாசித்தியங் [நிஸ்ஸக்³கி³யங் ஹோதி (ஸ்யா॰)].
அச்சி²ந்தா³பெய்யாதி அஞ்ஞங்
ஆணாபேதி, ஆபத்தி து³க்கடஸ்ஸ. ஸகிங் ஆணத்தோ ப³ஹுகம்பி அச்சி²ந்த³தி,
நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ
வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே,
சீவரங் பி⁴க்கு²ஸ்ஸ ஸாமங் த³த்வா அச்சி²ன்னங் நிஸ்ஸக்³கி³யங் இமாஹங்
ஸங்க⁴ஸ்ஸ நிஸ்ஸஜ்ஜாமீதி…பே॰… த³தெ³ய்யாதி …பே॰… த³தெ³ய்யுந்தி…பே॰… ஆயஸ்மதோ த³ம்மீதி.
634.
உபஸம்பன்னே உபஸம்பன்னஸஞ்ஞீ சீவரங் த³த்வா குபிதோ அனத்தமனோ அச்சி²ந்த³தி வா
அச்சி²ந்தா³பேதி வா, நிஸ்ஸக்³கி³யங் பாசித்தியங். உபஸம்பன்னே வேமதிகோ
சீவரங் த³த்வா குபிதோ அனத்தமனோ அச்சி²ந்த³தி வா அச்சி²ந்தா³பேதி வா,
நிஸ்ஸக்³கி³யங் பாசித்தியங். உபஸம்பன்னே அனுபஸம்பன்னஸஞ்ஞீ சீவரங் த³த்வா
குபிதோ அனத்தமனோ அச்சி²ந்த³தி வா அச்சி²ந்தா³பேதி வா, நிஸ்ஸக்³கி³யங்
பாசித்தியங்.
அஞ்ஞங் பரிக்கா²ரங் த³த்வா குபிதோ அனத்தமனோ
அச்சி²ந்த³தி வா அச்சி²ந்தா³பேதி வா, ஆபத்தி து³க்கடஸ்ஸ. அனுபஸம்பன்னஸ்ஸ
சீவரங் வா அஞ்ஞங் வா பரிக்கா²ரங் த³த்வா குபிதோ அனத்தமனோ அச்சி²ந்த³தி வா
அச்சி²ந்தா³பேதி வா, ஆபத்தி து³க்கடஸ்ஸ. அனுபஸம்பன்னே உபஸம்பன்னஸஞ்ஞீ,
ஆபத்தி து³க்கடஸ்ஸ. அனுபஸம்பன்னே வேமதிகோ, ஆபத்தி து³க்கடஸ்ஸ. அனுபஸம்பன்னே
அனுபஸம்பன்னஸஞ்ஞீ, ஆபத்தி து³க்கடஸ்ஸ.
635. அனாபத்தி – ஸோ வா தே³தி, தஸ்ஸ வா விஸ்ஸஸந்தோ க³ண்ஹாதி, உம்மத்தகஸ்ஸ ஆதி³கம்மிகஸ்ஸாதி.
சீவரஅச்சி²ந்த³னஸிக்கா²பத³ங் நிட்டி²தங் பஞ்சமங்.
6. ஸுத்தவிஞ்ஞத்திஸிக்கா²பத³ங்
636. தேன ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன ஸமயேன ச²ப்³ப³க்³கி³யா பி⁴க்கூ² சீவரகாரஸமயே
ப³ஹுங் ஸுத்தங் விஞ்ஞாபேஸுங். கதேபி சீவரே ப³ஹுங் ஸுத்தங் அவஸிட்ட²ங்
ஹோதி. அத² கோ² ச²ப்³ப³க்³கி³யானங் பி⁴க்கூ²னங் ஏதத³ஹோஸி – ‘‘ஹந்த³ மயங்,
ஆவுஸோ, அஞ்ஞம்பி ஸுத்தங் விஞ்ஞாபெத்வா தந்தவாயேஹி சீவரங் வாயாபேமா’’தி. அத²
கோ² ச²ப்³ப³க்³கி³யா பி⁴க்கூ² அஞ்ஞம்பி ஸுத்தங் விஞ்ஞாபெத்வா தந்தவாயேஹி
சீவரங் வாயாபேஸுங். வீதேபி சீவரே ப³ஹுங் ஸுத்தங் அவஸிட்ட²ங் ஹோதி.
து³தியம்பி கோ² ச²ப்³ப³க்³கி³யா பி⁴க்கூ² அஞ்ஞம்பி ஸுத்தங் விஞ்ஞாபெத்வா
தந்தவாயேஹி சீவரங் வாயாபேஸுங். வீதேபி சீவரே ப³ஹுங் ஸுத்தங் அவஸிட்ட²ங்
ஹோதி. ததியம்பி கோ² ச²ப்³ப³க்³கி³யா பி⁴க்கூ² அஞ்ஞம்பி ஸுத்தங்
விஞ்ஞாபெத்வா தந்தவாயேஹி சீவரங் வாயாபேஸுங். மனுஸ்ஸா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா ஸாமங் ஸுத்தங்
விஞ்ஞாபெத்வா தந்தவாயேஹி சீவரங் வாயாபெஸ்ஸந்தீ’’தி!
அஸ்ஸோஸுங் கோ² பி⁴க்கூ² தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ² அப்பிச்சா²…
தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா
பி⁴க்கூ² ஸாமங் ஸுத்தங் விஞ்ஞாபெத்வா தந்தவாயேஹி சீவரங் வாயாபெஸ்ஸந்தீ’’தி!
அத² கோ² தே பி⁴க்கூ² ச²ப்³ப³க்³கி³யே பி⁴க்கூ² அனேகபரியாயேன விக³ரஹித்வா
ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர தும்ஹே, பி⁴க்க²வே ,
ஸாமங் ஸுத்தங் விஞ்ஞாபெத்வா தந்தவாயேஹி சீவரங் வாயாபேதா²’’தி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே,
மோக⁴புரிஸா, ஸாமங் ஸுத்தங் விஞ்ஞாபெத்வா தந்தவாயேஹி சீவரங் வாயாபெஸ்ஸத²!
நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
இமங் ஸிக்கா²பத³ங் உத்³தி³ஸெய்யாத² –
637. ‘‘யோ பன பி⁴க்கு² ஸாமங் ஸுத்தங் விஞ்ஞாபெத்வா தந்தவாயேஹி சீவரங் வாயாபெய்ய, நிஸ்ஸக்³கி³யங் பாசித்திய’’ந்தி.
638. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ஸுத்தங் நாம ச² ஸுத்தானி – கோ²மங் கப்பாஸிகங் கோஸெய்யங் கம்ப³லங் ஸாணங் ப⁴ங்க³ங்.
தந்தவாயேஹீதி பேஸகாரேஹி வாயாபேதி, பயோகே³ பயோகே³ து³க்கடங் [வாயாபேதி, பயோகே³ து³க்கடங் (ஸ்யா॰)]. படிலாபே⁴ன நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச
பன, பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே, சீவரங் ஸாமங்
ஸுத்தங் விஞ்ஞாபெத்வா தந்தவாயேஹி வாயாபிதங் நிஸ்ஸக்³கி³யங். இமாஹங்
ஸங்க⁴ஸ்ஸ நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ
த³ம்மீதி.
639.
வாயாபிதே வாயாபிதஸஞ்ஞீ, நிஸ்ஸக்³கி³யங் பாசித்தியங். வாயாபிதே வேமதிகோ,
நிஸ்ஸக்³கி³யங் பாசித்தியங். வாயாபிதே அவாயாபிதஸஞ்ஞீ, நிஸ்ஸக்³கி³யங்
பாசித்தியங்.
அவாயாபிதே வாயாபிதஸஞ்ஞீ, ஆபத்தி து³க்கடஸ்ஸ. அவாயாபிதே வேமதிகோ, ஆபத்தி து³க்கடஸ்ஸ. அவாயாபிதே அவாயாபிதஸஞ்ஞீ, அனாபத்தி.
640. அனாபத்தி – சீவரங் ஸிப்³பே³துங், ஆயோகே³, காயப³ந்த⁴னே, அங்ஸப³ந்த⁴கே [அங்ஸவட்டகே (ஸீ॰)], பத்தத்த²விகாய, பரிஸ்ஸாவனே, ஞாதகானங், பவாரிதானங், அஞ்ஞஸ்ஸத்தா²ய, அத்தனோ த⁴னேன, உம்மத்தகஸ்ஸ, ஆதி³கம்மிகஸ்ஸாதி.
ஸுத்தவிஞ்ஞத்திஸிக்கா²பத³ங் நிட்டி²தங் ச²ட்ட²ங்.
7. மஹாபேஸகாரஸிக்கா²பத³ங்
641. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரோ புரிஸோ பவாஸங் க³ச்ச²ந்தோ பஜாபதிங்
ஏதத³வோச – ‘‘ஸுத்தங் தா⁴ரயித்வா அமுகஸ்ஸ தந்தவாயஸ்ஸ தே³ஹி, சீவரங்
வாயாபெத்வா நிக்கி²ப, ஆக³தோ அய்யங் உபனந்த³ங் சீவரேன அச்சா²தெ³ஸ்ஸாமீ’’தி.
அஸ்ஸோஸி கோ² அஞ்ஞதரோ பிண்ட³சாரிகோ பி⁴க்கு² தஸ்ஸ புரிஸஸ்ஸ
இமங் வாசங் பா⁴ஸமானஸ்ஸ. அத² கோ² ஸோ பி⁴க்கு² யேனாயஸ்மா உபனந்தோ³
ஸக்யபுத்தோ தேனுபஸங்கமி; உபஸங்கமித்வா ஆயஸ்மந்தங் உபனந்த³ங் ஸக்யபுத்தங்
ஏதத³வோச – ‘‘மஹாபுஞ்ஞோஸி த்வங், ஆவுஸோ உபனந்த³, அமுகஸ்மிங் ஓகாஸே அஞ்ஞதரோ
புரிஸோ பவாஸங் க³ச்ச²ந்தோ பஜாபதிங் ஏதத³வோச –
‘‘ஸுத்தங் தா⁴ரயித்வா அமுகஸ்ஸ தந்தவாயஸ்ஸ தே³ஹி, சீவரங் வாயாபெத்வா
நிக்கி²ப, ஆக³தோ அய்யங் உபனந்த³ங் சீவரேன அச்சா²தெ³ஸ்ஸாமீ’’தி.
‘‘அத்தா²வுஸோ, மங் ஸோ உபட்டா²கோ’’தி. ஸோபி கோ² தந்தவாயோ ஆயஸ்மதோ உபனந்த³ஸ்ஸ
ஸக்யபுத்தஸ்ஸ உபட்டா²கோ ஹோதி. அத² கோ² ஆயஸ்மா உபனந்தோ³ ஸக்யபுத்தோ யேன ஸோ
தந்தவாயோ தேனுபஸங்கமி; உபஸங்கமித்வா தங் தந்தவாயங் ஏதத³வோச – ‘‘இத³ங் கோ²,
ஆவுஸோ, சீவரங் மங் உத்³தி³ஸ்ஸ விய்யதி; ஆயதஞ்ச கரோஹி வித்த²தஞ்ச. அப்பிதஞ்ச
ஸுவீதஞ்ச ஸுப்பவாயிதஞ்ச ஸுவிலேகி²தஞ்ச
ஸுவிதச்சி²தஞ்ச கரோஹீ’’தி. ‘‘ஏதே கோ² மே, ப⁴ந்தே, ஸுத்தங் தா⁴ரயித்வா
அத³ங்ஸு; இமினா ஸுத்தேன சீவரங் வினாஹீ’’தி. ‘‘ந, ப⁴ந்தே, ஸக்கா ஆயதங் வா
வித்த²தங் வா அப்பிதங் வா காதுங். ஸக்கா ச கோ²,
ப⁴ந்தே, ஸுவீதஞ்ச ஸுப்பவாயிதஞ்ச ஸுவிலேகி²தஞ்ச ஸுவிதச்சி²தஞ்ச காது’’ந்தி.
‘‘இங்க⁴ த்வங், ஆவுஸோ, ஆயதஞ்ச கரோஹி வித்த²தஞ்ச அப்பிதஞ்ச. ந தேன ஸுத்தேன
படிப³த்³த⁴ங் ப⁴விஸ்ஸதீ’’தி.
அத² கோ² ஸோ தந்தவாயோ யதா²ப⁴தங் ஸுத்தங் தந்தே உபனெத்வா
யேன ஸா இத்தீ² தேனுபஸங்கமி; உபஸங்கமித்வா தங் இத்தி²ங் ஏதத³வோச –
‘‘ஸுத்தேன, அய்யே, அத்தோ²’’தி. ‘‘நனு த்வங் அய்யோ [அய்ய (ஸ்யா॰)]
மயா வுத்தோ – ‘இமினா ஸுத்தேன சீவரங் வினாஹீ’’’தி. ‘‘ஸச்சாஹங், அய்யே, தயா
வுத்தோ – ‘இமினா ஸுத்தேன சீவரங் வினாஹீ’தி. அபிச, மங் அய்யோ உபனந்தோ³ ஏவமாஹ
– ‘இங்க⁴ த்வங், ஆவுஸோ, ஆயதஞ்ச கரோஹி வித்த²தஞ்ச அப்பிதஞ்ச, ந தேன ஸுத்தேன
படிப³த்³த⁴ங் ப⁴விஸ்ஸதீ’’’தி. அத² கோ² ஸா இத்தீ² யத்தகங்யேவ ஸுத்தங்
பட²மங் அதா³ஸி தத்தகங் பச்சா² அதா³ஸி. அஸ்ஸோஸி கோ² ஆயஸ்மா உபனந்தோ³
ஸக்யபுத்தோ – ‘‘ஸோ கிர புரிஸோ பவாஸதோ ஆக³தோ’’தி. அத² கோ² ஆயஸ்மா உபனந்தோ³
ஸக்யபுத்தோ யேன தஸ்ஸ புரிஸஸ்ஸ நிவேஸனங் தேனுபஸங்கமி; உபஸங்கமித்வா பஞ்ஞத்தே
ஆஸனே நிஸீதி³. அத² கோ² ஸோ புரிஸோ யேனாயஸ்மா உபனந்தோ³ ஸக்யபுத்தோ
தேனுபஸங்கமி; உபஸங்கமித்வா ஆயஸ்மந்தங் உபனந்த³ங் ஸக்யபுத்தங் அபி⁴வாதெ³த்வா
ஏகமந்தங் நிஸீதி³. ஏகமந்தங் நிஸின்னோ கோ² ஸோ
புரிஸோ பஜாபதிங் ஏதத³வோச – ‘‘வீதங் தங் சீவர’’ந்தி? ‘‘ஆமாய்ய, வீதங் தங்
சீவர’’ந்தி. ‘‘ஆஹர, அய்யங் உபனந்த³ங் சீவரேன அச்சா²தெ³ஸ்ஸாமீ’’தி. அத² கோ²
ஸா இத்தீ² தங் சீவரங் நீஹரித்வா ஸாமிகஸ்ஸ த³த்வா ஏதமத்த²ங் ஆரோசேஸி. அத²
கோ² ஸோ புரிஸோ ஆயஸ்மதோ உபனந்த³ஸ்ஸ ஸக்யபுத்தஸ்ஸ சீவரங் த³த்வா உஜ்ஜா²யதி கி²ய்யதி விபாசேதி – ‘‘மஹிச்சா² இமே ஸமணா ஸக்யபுத்தியா அஸந்துட்டா². நயிமே ஸுகரா சீவரேன அச்சா²தே³துங். கத²ஞ்ஹி நாம அய்யோ உபனந்தோ³ மயா புப்³பே³ அப்பவாரிதோ தந்தவாயே [க³ஹபதிகஸ்ஸ தந்தவாயே (க॰)] உபஸங்கமித்வா சீவரே விகப்பங் ஆபஜ்ஜிஸ்ஸதீ’’தி.
அஸ்ஸோஸுங் கோ² பி⁴க்கூ² தஸ்ஸ புரிஸஸ்ஸ உஜ்ஜா²யந்தஸ்ஸ
கி²ய்யந்தஸ்ஸ விபாசெந்தஸ்ஸ. யே தே பி⁴க்கூ² அப்பிச்சா²…பே॰… தே உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா உபனந்தோ³ ஸக்யபுத்தோ
புப்³பே³ அப்பவாரிதோ க³ஹபதிகஸ்ஸ தந்தவாயே உபஸங்கமித்வா சீவரே விகப்பங்
ஆபஜ்ஜிஸ்ஸதீ’’தி! அத² கோ² தே பி⁴க்கூ² ஆயஸ்மந்தங் உபனந்த³ங் ஸக்யபுத்தங்
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர
த்வங், உபனந்த³, புப்³பே³ அப்பவாரிதோ க³ஹபதிகஸ்ஸ தந்தவாயே உபஸங்கமித்வா
சீவரே விகப்பங் ஆபஜ்ஜீ’’தி? ‘‘ஸச்சங், ப⁴க³வா’’தி. ‘‘ஞாதகோ தே, உபனந்த³,
அஞ்ஞாதகோ’’தி? ‘‘அஞ்ஞாதகோ, ப⁴க³வா’’தி. ‘‘அஞ்ஞாதகோ, மோக⁴புரிஸ, அஞ்ஞாதகஸ்ஸ ந
ஜானாதி பதிரூபங் வா அப்பதிரூபங் வா ஸந்தங் வா அஸந்தங் வா. தத்த² நாம
த்வங், மோக⁴புரிஸ, புப்³பே³ அப்பவாரிதோ அஞ்ஞாதகஸ்ஸ க³ஹபதிகஸ்ஸ
தந்தவாயே உபஸங்கமித்வா சீவரே விகப்பங் ஆபஜ்ஜிஸ்ஸஸி! நேதங், மோக⁴புரிஸ,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –
642. ‘‘பி⁴க்கு²ங்
பனேவ உத்³தி³ஸ்ஸ அஞ்ஞாதகோ க³ஹபதி வா க³ஹபதானீ வா தந்தவாயேஹி சீவரங்
வாயாபெய்ய, தத்ர சே ஸோ பி⁴க்கு² புப்³பே³ அப்பவாரிதோ தந்தவாயே உபஸங்கமித்வா
சீவரே விகப்பங் ஆபஜ்ஜெய்ய – ‘இத³ங் கோ², ஆவுஸோ, சீவரங் மங் உத்³தி³ஸ்ஸ
விய்யதி. ஆயதஞ்ச கரோத² வித்த²தஞ்ச. அப்பிதஞ்ச ஸுவீதஞ்ச ஸுப்பவாயிதஞ்ச
ஸுவிலேகி²தஞ்ச ஸுவிதச்சி²தஞ்ச கரோத². அப்பேவ நாம மயம்பி ஆயஸ்மந்தானங்
கிஞ்சிமத்தங் அனுபத³ஜ்ஜெய்யாமா’தி. ஏவஞ்ச ஸோ பி⁴க்கு² வத்வா கிஞ்சிமத்தங்
அனுபத³ஜ்ஜெய்ய அந்தமஸோ பிண்ட³பாதமத்தம்பி, நிஸ்ஸக்³கி³யங் பாசித்திய’’ந்தி.
643. பி⁴க்கு²ங் பனேவ உத்³தி³ஸ்ஸாதி பி⁴க்கு²ஸ்ஸத்தா²ய பி⁴க்கு²ங் ஆரம்மணங் கரித்வா பி⁴க்கு²ங் அச்சா²தே³துகாமோ.
அஞ்ஞாதகோ நாம மாதிதோ வா பிதிதோ வா யாவ ஸத்தமா பிதாமஹயுகா³ அஸம்ப³த்³தோ⁴.
க³ஹபதி நாம யோ கோசி அகா³ரங் அஜ்ஜா²வஸதி.
க³ஹபதானீ நாம யா காசி அகா³ரங் அஜ்ஜா²வஸதி.
தந்தவாயேஹீதி பேஸகாரேஹி.
சீவரங் நாம ச²ன்னங் சீவரானங் அஞ்ஞதரங் சீவரங் விகப்பனுபக³ங் பச்சி²மங்.
வாயாபெய்யாதி வினாபேதி.
தத்ர சே ஸோ பி⁴க்கூ²தி யங் பி⁴க்கு²ங் உத்³தி³ஸ்ஸ சீவரங் விய்யதி ஸோ பி⁴க்கு².
புப்³பே³ அப்பவாரிதோதி புப்³பே³ அவுத்தோ ஹோதி – ‘‘கீதி³ஸேன தே, ப⁴ந்தே, சீவரேன அத்தோ², கீதி³ஸங் தே சீவரங் வாயாபேமீ’’தி?
தந்தவாயே உபஸங்கமித்வாதி க⁴ரங் க³ந்த்வா யத்த² கத்த²சி உபஸங்கமித்வா.
சீவரே விகப்பங் ஆபஜ்ஜெய்யாதி
– ‘‘இத³ங் கோ², ஆவுஸோ, சீவரங் மங் உத்³தி³ஸ்ஸ விய்யதி, ஆயதஞ்ச கரோத²
வித்த²தஞ்ச. அப்பிதஞ்ச ஸுவீதஞ்ச ஸுப்பவாயிதஞ்ச ஸுவிலேகி²தஞ்ச
ஸுவிதச்சி²தஞ்ச கரோத². அப்பேவ நாம மயம்பி ஆயஸ்மந்தானங் கிஞ்சிமத்தங்
அனுபத³ஜ்ஜெய்யாமா’’தி.
ஏவஞ்ச ஸோ பி⁴க்கு² வத்வா கிஞ்சிமத்தங் அனுபத³ஜ்ஜெய்ய அந்தமஸோ பிண்ட³பாதமத்தம்பீதி. பிண்ட³பாதோ நாம யாகு³பி ப⁴த்தம்பி கா²த³னீயம்பி சுண்ணபிண்டோ³பி த³ந்தகட்ட²ம்பி த³ஸிகஸுத்தம்பி, அந்தமஸோ த⁴ம்மம்பி ப⁴ணதி.
தஸ்ஸ வசனேன ஆயதங் வா வித்த²தங் வா அப்பிதங் வா கரோதி,
பயோகே³ து³க்கடங். படிலாபே⁴ன நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங்
ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா. ஏவஞ்ச பன, பி⁴க்க²வே,
நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே, சீவரங் புப்³பே³ அப்பவாரிதோ
அஞ்ஞாதகஸ்ஸ க³ஹபதிகஸ்ஸ தந்தவாயே உபஸங்கமித்வா சீவரே
விகப்பங் ஆபன்னங் நிஸ்ஸக்³கி³யங். இமாஹங் ஸங்க⁴ஸ்ஸ நிஸ்ஸஜ்ஜாமீதி…பே॰…
த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.
644.
அஞ்ஞாதகே அஞ்ஞாதகஸஞ்ஞீ புப்³பே³ அப்பவாரிதோ க³ஹபதிகஸ்ஸ தந்தவாயே
உபஸங்கமித்வா சீவரே விகப்பங் ஆபஜ்ஜதி, நிஸ்ஸக்³கி³யங் பாசித்தியங்.
அஞ்ஞாதகே வேமதிகோ புப்³பே³ அப்பவாரிதோ க³ஹபதிகஸ்ஸ தந்தவாயே
உபஸங்கமித்வா சீவரே விகப்பங் ஆபஜ்ஜதி, நிஸ்ஸக்³கி³யங் பாசித்தியங்.
அஞ்ஞாதகே ஞாதகஸஞ்ஞீ புப்³பே³ அப்பவாரிதோ க³ஹபதிகஸ்ஸ தந்தவாயே உபஸங்கமித்வா
சீவரே விகப்பங் ஆபஜ்ஜதி, நிஸ்ஸக்³கி³யங் பாசித்தியங்.
ஞாதகே அஞாதகஸஞ்ஞீ, ஆபத்தி து³க்கடஸ்ஸ. ஞாதகே வேமதிகோ, ஆபத்தி து³க்கடஸ்ஸ. ஞாதகே ஞாதகஸஞ்ஞீ, அனாபத்தி.
645.
அனாபத்தி – ஞாதகானங், பவாரிதானங், அஞ்ஞஸ்ஸத்தா²ய, அத்தனோ த⁴னேன, மஹக்³க⁴ங்
வாயாபேதுகாமஸ்ஸ அப்பக்³க⁴ங் வாயாபேதி, உம்மத்தகஸ்ஸ, ஆதி³கம்மிகஸ்ஸாதி.
மஹாபேஸகாரஸிக்கா²பத³ங் நிட்டி²தங் ஸத்தமங்.
8. அச்சேகசீவரஸிக்கா²பத³ங்
646. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரோ மஹாமத்தோ பவாஸங் க³ச்ச²ந்தோ பி⁴க்கூ²னங்
ஸந்திகே தூ³தங் பாஹேஸி – ‘‘ஆக³ச்ச²ந்து ப⁴த³ந்தா வஸ்ஸாவாஸிகங்
த³ஸ்ஸாமீ’’தி. பி⁴க்கூ² – ‘வஸ்ஸங்வுட்டா²னங் ப⁴க³வதா வஸ்ஸாவாஸிகங்
அனுஞ்ஞாத’ந்தி, குக்குச்சாயந்தா நாக³மங்ஸு. அத² கோ² ஸோ மஹாமத்தோ உஜ்ஜா²யதி
கி²ய்யதி விபாசேதி – ‘‘கத²ஞ்ஹி நாம ப⁴த³ந்தா மயா தூ³தே பஹிதே
நாக³ச்சி²ஸ்ஸந்தி! அஹஞ்ஹி ஸேனாய க³ச்சா²மி. து³ஜ்ஜானங் ஜீவிதங் து³ஜ்ஜானங்
மரண’’ந்தி. அஸ்ஸோஸுங் கோ² பி⁴க்கூ² தஸ்ஸ மஹாமத்தஸ்ஸ உஜ்ஜா²யந்தஸ்ஸ
கி²ய்யந்தஸ்ஸ விபாசெந்தஸ்ஸ. அத² கோ² தே பி⁴க்கூ² ப⁴க³வதோ ஏதமத்த²ங்
ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங்
கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, அச்சேகசீவரங்
படிக்³க³ஹெத்வா நிக்கி²பிது’’ந்தி.
647. தேன கோ² பன ஸமயேன பி⁴க்கூ² – ‘‘ப⁴க³வதா அனுஞ்ஞாதங் அச்சேகசீவரங் படிக்³க³ஹெத்வா நிக்கி²பிது’’ந்தி ,
அச்சேகசீவரானி படிக்³க³ஹெத்வா சீவரகாலஸமயங் அதிக்காமெந்தி. தானி சீவரானி
சீவரவங்ஸே ப⁴ண்டி³காப³த்³தா⁴னி திட்ட²ந்தி. அத்³த³ஸ கோ² ஆயஸ்மா ஆனந்தோ³
ஸேனாஸனசாரிகங் ஆஹிண்ட³ந்தோ தானி சீவரானி சீவரவங்ஸே ப⁴ண்டி³காப³த்³தா⁴னி.
திட்ட²ந்தே தி³ஸ்வா பி⁴க்கூ² ஏதத³வோச –
‘‘கஸ்ஸிமானி, ஆவுஸோ, சீவரானி சீவரவங்ஸே ப⁴ண்டி³காப³த்³தா⁴னி
திட்ட²ந்தீ’’தி? ‘‘அம்ஹாகங், ஆவுஸோ, அச்சேகசீவரானீ’’தி. ‘‘கீவசிரங்
பனாவுஸோ, இமானி சீவரானி நிக்கி²த்தானீ’’தி? அத² கோ² தே பி⁴க்கூ² ஆயஸ்மதோ
ஆனந்த³ஸ்ஸ யதா²னிக்கி²த்தங் ஆரோசேஸுங். ஆயஸ்மா ஆனந்தோ³ உஜ்ஜா²யதி கி²ய்யதி
விபாசேதி – ‘‘கத²ஞ்ஹி நாம பி⁴க்கூ² அச்சேகசீவரங் படிக்³க³ஹெத்வா
சீவரகாலஸமயங் அதிக்காமெஸ்ஸந்தீ’’தி! அத² கோ² ஆயஸ்மா ஆனந்தோ³ தே பி⁴க்கூ²
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸி…பே॰… – ‘‘ஸச்சங் கிர,
பி⁴க்க²வே, பி⁴க்கூ² அச்சேகசீவரங் படிக்³க³ஹெத்வா சீவரகாலஸமயங்
அதிக்காமெந்தீ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம தே, பி⁴க்க²வே, மோக⁴புரிஸா அச்சேகசீவரங் படிக்³க³ஹெத்வா
சீவரகாலஸமயங் அதிக்காமெஸ்ஸந்தி! நேதங், பி⁴க்க²வே, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
648. ‘‘த³ஸாஹானாக³தங்
கத்திகதேமாஸிகபுண்ணமங் பி⁴க்கு²னோ பனேவ அச்சேகசீவரங் உப்பஜ்ஜெய்ய,
அச்சேகங் மஞ்ஞமானேன பி⁴க்கு²னா படிக்³க³ஹேதப்³ப³ங், படிக்³க³ஹெத்வா யாவ
சீவரகாலஸமயங் நிக்கி²பிதப்³ப³ங். ததோ சே உத்தரி நிக்கி²பெய்ய,
நிஸ்ஸக்³கி³யங் பாசித்திய’’ந்தி.
649. த³ஸாஹானாக³தந்தி த³ஸாஹானாக³தாய பவாரணாய.
கத்திகதேமாஸிகபுண்ணமந்தி பவாரணா கத்திகா வுச்சதி.
அச்சேகசீவரங் நாம ஸேனாய வா க³ந்துகாமோ ஹோதி, பவாஸங் வா க³ந்துகாமோ ஹோதி, கி³லானோ வா ஹோதி, க³ப்³பி⁴னீ வா ஹோதி, அஸ்ஸத்³த⁴ஸ்ஸ வா ஸத்³தா⁴ உப்பன்னா ஹோதி, அப்பஸன்னஸ்ஸ வா
பஸாதோ³ உப்பன்னோ ஹோதி, ஸோ சே பி⁴க்கூ²னங் ஸந்திகே தூ³தங் பஹிணெய்ய –
‘‘ஆக³ச்ச²ந்து ப⁴த³ந்தா வஸ்ஸாவாஸிகங் த³ஸ்ஸாமீ’’தி, ஏதங் அச்சேகசீவரங் நாம.
அச்சேகங் மஞ்ஞமானேன பி⁴க்கு²னா படிக்³க³ஹேதப்³ப³ங் படிக்³க³ஹெத்வா யாவ சீவரகாலஸமயங் நிக்கி²பிதப்³ப³ந்தி ஸஞ்ஞாணங் கத்வா நிக்கி²பிதப்³ப³ங் – ‘‘இத³ங் அச்சேகசீவர’’ந்தி.
சீவரகாலஸமயோ நாம அனத்த²தே கதி²னே வஸ்ஸானஸ்ஸ பச்சி²மோ மாஸோ, அத்த²தே கதி²னே பஞ்சமாஸா.
ததோ சே உத்தரி நிக்கி²பெய்யாதி அனத்த²தே கதி²னே வஸ்ஸானஸ்ஸ பச்சி²மங் தி³வஸங் அதிக்காமேதி, நிஸ்ஸக்³கி³யங் பாசித்தியங் [நிஸ்ஸக்³கி³யங் ஹோதி (ஸ்யா॰)]. அத்த²தே கதி²னே கதி²னுத்³தா⁴ரதி³வஸங்
அதிக்காமேதி, நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ
வா புக்³க³லஸ்ஸ வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே,
ப⁴ந்தே, அச்சேகசீவரங் சீவரகாலஸமயங் அதிக்காமிதங் நிஸ்ஸக்³கி³யங். இமாஹங்
ஸங்க⁴ஸ்ஸ நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ
த³ம்மீதி.
650.
அச்சேகசீவரே அச்சேகசீவரஸஞ்ஞீ சீவரகாலஸமயங் அதிக்காமேதி, நிஸ்ஸக்³கி³யங்
பாசித்தியங். அச்சேகசீவரே வேமதிகோ சீவரகாலஸமயங் அதிக்காமேதி,
நிஸ்ஸக்³கி³யங் பாசித்தியங். அச்சேகசீவரே அனச்சேகசீவரஸஞ்ஞீ சீவரகாலஸமயங்
அதிக்காமேதி, நிஸ்ஸக்³கி³யங் பாசித்தியங். அனதி⁴ட்டி²தே அதி⁴ட்டி²தஸஞ்ஞீ
…பே॰… அவிகப்பிதே விகப்பிதஸஞ்ஞீ… அவிஸ்ஸஜ்ஜிதே விஸ்ஸஜ்ஜிதஸஞ்ஞீ… அனட்டே²
நட்ட²ஸஞ்ஞீ… அவினட்டே² வினட்ட²ஸஞ்ஞீ… அத³ட்³டே⁴ த³ட்³ட⁴ஸஞ்ஞீ… அவிலுத்தே
விலுத்தஸஞ்ஞீ சீவரகாலஸமயங் அதிக்காமேதி, நிஸ்ஸக்³கி³யங் பாசித்தியங்.
நிஸ்ஸக்³கி³யங் சீவரங் அனிஸ்ஸஜ்ஜித்வா பரிபு⁴ஞ்ஜதி,
ஆபத்தி து³க்கடஸ்ஸ. அனச்சேகசீவரே அச்சேகசீவரஸஞ்ஞீ, ஆபத்தி து³க்கடஸ்ஸ.
அனச்சேகசீவரே வேமதிகோ, ஆபத்தி து³க்கடஸ்ஸ. அனச்சேகசீவரே அனச்சேகசீவரஸஞ்ஞீ,
அனாபத்தி.
651. அனாபத்தி – அந்தோஸமயே அதி⁴ட்டே²தி, விகப்பேதி, விஸ்ஸஜ்ஜேதி, நஸ்ஸதி, வினஸ்ஸதி, ட³ய்ஹதி, அச்சி²ந்தி³த்வா க³ண்ஹந்தி, விஸ்ஸாஸங் க³ண்ஹந்தி, உம்மத்தகஸ்ஸ, ஆதி³கம்மிகஸ்ஸாதி.
அச்சேகசீவரஸிக்கா²பத³ங் நிட்டி²தங் அட்ட²மங்.
9. ஸாஸங்கஸிக்கா²பத³ங்
652. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கூ² வுத்த²வஸ்ஸா ஆரஞ்ஞகேஸு ஸேனாஸனேஸு
விஹரந்தி. கத்திகசோரகா பி⁴க்கூ² – ‘‘லத்³த⁴லாபா⁴’’தி பரிபாதெந்தி. ப⁴க³வதோ
ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே
த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே,
ஆரஞ்ஞகேஸு ஸேனாஸனேஸு விஹரந்தேன திண்ணங் சீவரானங் அஞ்ஞதரங் சீவரங் அந்தரக⁴ரே
நிக்கி²பிது’’ந்தி.
தேன கோ² பன ஸமயேன பி⁴க்கூ² – ‘‘ப⁴க³வதா அனுஞ்ஞாதங் ஆரஞ்ஞகேஸு ஸேனாஸனேஸு விஹரந்தேன திண்ணங் சீவரானங்
அஞ்ஞதரங் சீவரங் அந்தரக⁴ரே நிக்கி²பிது’’ந்தி திண்ணங் சீவரானங் அஞ்ஞதரங்
சீவரங் அந்தரக⁴ரே நிக்கி²பித்வா அதிரேகசா²ரத்தங் விப்பவஸந்தி. தானி சீவரானி
நஸ்ஸந்திபி வினஸ்ஸந்திபி ட³ய்ஹந்திபி உந்தூ³ரேஹிபி க²ஜ்ஜந்தி. பி⁴க்கூ²
து³ச்சோளா ஹொந்தி லூக²சீவரா. பி⁴க்கூ² ஏவமாஹங்ஸு – ‘‘கிஸ்ஸ தும்ஹே, ஆவுஸோ,
து³ச்சோளா லூக²சீவரா’’தி? அத² கோ² தே பி⁴க்கூ² பி⁴க்கூ²னங் ஏதமத்த²ங்
ஆரோசேஸுங். யே தே பி⁴க்கூ² அப்பிச்சா²… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பி⁴க்கூ² திண்ணங் சீவரானங் அஞ்ஞதரங் சீவரங்
அந்தரக⁴ரே நிக்கி²பித்வா அதிரேகசா²ரத்தங் விப்பவஸிஸ்ஸந்தீ’’தி! அத² கோ² தே
பி⁴க்கூ² தே அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰…
ஸச்சங் கிர, பி⁴க்க²வே , பி⁴க்கூ² திண்ணங் சீவரானங்
அஞ்ஞதரங் சீவரங் அந்தரக⁴ரே நிக்கி²பித்வா அதிரேகசா²ரத்தங் விப்பவஸந்தீதி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தே,
பி⁴க்க²வே, மோக⁴புரிஸா திண்ணங் சீவரானங் அஞ்ஞதரங் சீவரங் அந்தரக⁴ரே
நிக்கி²பித்வா அதிரேகசா²ரத்தங் விப்பவஸிஸ்ஸந்தி! நேதங், பி⁴க்க²வே,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –
653. ‘‘உபவஸ்ஸங்
கோ² பன கத்திகபுண்ணமங் யானி கோ² பன தானி ஆரஞ்ஞகானி ஸேனாஸனானி
ஸாஸங்கஸம்மதானி ஸப்படிப⁴யானி ததா²ரூபேஸு பி⁴க்கு² ஸேனாஸனேஸு விஹரந்தோ
ஆகங்க²மானோ திண்ணங் சீவரானங் அஞ்ஞதரங் சீவரங் அந்தரக⁴ரே நிக்கி²பெய்ய, ஸியா
ச தஸ்ஸ பி⁴க்கு²னோ கோசிதே³வ பச்சயோ தேன சீவரேன விப்பவாஸாய. சா²ரத்தபரமங்
தேன பி⁴க்கு²னா தேன சீவரேன விப்பவஸிதப்³ப³ங். ததோ சே உத்தரி விப்பவஸெய்ய,
அஞ்ஞத்ர பி⁴க்கு²ஸம்முதியா, நிஸ்ஸக்³கி³யங் பாசித்திய’’ந்தி.
654. உபவஸ்ஸங் கோ² பனாதி வுட்ட²வஸ்ஸானங்.
கத்திகபுண்ணமந்தி கத்திகசாதுமாஸினீ வுச்சதி.
[பாசி॰ 573] யானி கோ² பன தானி ஆரஞ்ஞகானி ஸேனாஸனானீதி ஆரஞ்ஞகங் நாம ஸேனாஸனங் பஞ்சத⁴னுஸதிகங் பச்சி²மங்.
[பாசி॰ 573] ஸாஸங்கங்
நாம ஆராமே ஆராமூபசாரே சோரானங் நிவிட்டோ²காஸோ தி³ஸ்ஸதி, பு⁴த்தோகாஸோ
தி³ஸ்ஸதி, டி²தோகாஸோ தி³ஸ்ஸதி, நிஸின்னோகாஸோ தி³ஸ்ஸதி, நிபன்னோகாஸோ
தி³ஸ்ஸதி.
[பாசி॰ 573] ஸப்படிப⁴யங் நாம ஆராமே ஆராமூபசாரே சோரேஹி மனுஸ்ஸா ஹதா தி³ஸ்ஸந்தி, விலுத்தா தி³ஸ்ஸந்தி, ஆகோடிதா தி³ஸ்ஸந்தி .
[பாசி॰ 573] ததா²ரூபேஸு பி⁴க்கு² ஸேனாஸனேஸு விஹரந்தோதி ஏவரூபேஸு பி⁴க்கு² ஸேனாஸனேஸு விஹரந்தோ.
திண்ணங் சீவரானங் அஞ்ஞதரங் சீவரந்தி ஸங்கா⁴டிங் வா உத்தராஸங்க³ங் வா அந்தரவாஸகங் வா.
அந்தரக⁴ரே நிக்கி²பெய்யாதி ஸமந்தா கோ³சரகா³மே நிக்கி²பெய்ய.
ஸியா ச தஸ்ஸ பி⁴க்கு²னோ கோசிதே³வ பச்சயோ தேன சீவரேன விப்பவாஸாயாதி ஸியா பச்சயோ ஸியா கரணீயங்.
சா²ரத்தபரமங் தேன பி⁴க்கு²னா தேன சீவரேன விப்பவஸிதப்³ப³ந்தி சா²ரத்தபரமதா விப்பவஸிதப்³ப³ங்.
அஞ்ஞத்ர பி⁴க்கு²ஸம்முதியாதி ட²பெத்வா பி⁴க்கு²ஸம்முதிங்.
ததோ சே உத்தரி விப்பவஸெய்யாதி
ஸத்தமே அருணுக்³க³மனே நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா
க³ணஸ்ஸ வா புக்³க³லஸ்ஸ வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்.
‘‘இத³ங் மே, ப⁴ந்தே, சீவரங் அதிரேகசா²ரத்தங் விப்பவுட்ட²ங், அஞ்ஞத்ர
பி⁴க்கு²ஸம்முதியா, நிஸ்ஸக்³கி³யங். இமாஹங் ஸங்க⁴ஸ்ஸ நிஸ்ஸஜ்ஜாமீ’’தி…பே॰…
த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ த³ம்மீதி.
655.
அதிரேகசா²ரத்தே அதிரேகஸஞ்ஞீ விப்பவஸதி, அஞ்ஞத்ர பி⁴க்கு²ஸம்முதியா,
நிஸ்ஸக்³கி³யங் பாசித்தியங். அதிரேகசா²ரத்தே வேமதிகோ விப்பவஸதி, அஞ்ஞத்ர
பி⁴க்கு²ஸம்முதியா, நிஸ்ஸக்³கி³யங் பாசித்தியங். அதிரேகசா²ரத்தே ஊனகஸஞ்ஞீ
விப்பவஸதி, அஞ்ஞத்ர பி⁴க்கு²ஸம்முதியா, நிஸ்ஸக்³கி³யங் பாசித்தியங்.
அப்பச்சுத்³த⁴டே பச்சுத்³த⁴டஸஞ்ஞீ…பே॰… அவிஸ்ஸஜ்ஜிதே விஸ்ஸஜ்ஜிதஸஞ்ஞீ…
அனட்டே² நட்ட²ஸஞ்ஞீ… அவினட்டே² வினட்ட²ஸஞ்ஞீ… அத³ட்³டே⁴ த³ட்³ட⁴ஸஞ்ஞீ … அவிலுத்தே விலுத்தஸஞ்ஞீ விப்பவஸதி, அஞ்ஞத்ர பி⁴க்கு²ஸம்முதியா, நிஸ்ஸக்³கி³யங் பாசித்தியங்.
நிஸ்ஸக்³கி³யங் சீவரங் அனிஸ்ஸஜ்ஜித்வா பரிபு⁴ஞ்ஜதி,
ஆபத்தி து³க்கடஸ்ஸ. ஊனகசா²ரத்தே அதிரேகஸஞ்ஞீ, ஆபத்தி து³க்கடஸ்ஸ.
ஊனகசா²ரத்தே வேமதிகோ, ஆபத்தி து³க்கடஸ்ஸ. ஊனகசா²ரத்தே ஊனகஸஞ்ஞீ, அனாபத்தி.
656. அனாபத்தி
– சா²ரத்தங் விப்பவஸதி, ஊனகசா²ரத்தங் விப்பவஸதி, சா²ரத்தங் விப்பவஸித்வா
புன கா³மஸீமங் ஓக்கமித்வா வஸித்வா பக்கமதி, அந்தோ சா²ரத்தங் பச்சுத்³த⁴ரதி,
விஸ்ஸஜ்ஜேதி, நஸ்ஸதி, வினஸ்ஸதி, ட³ய்ஹதி, அச்சி²ந்தி³த்வா க³ண்ஹந்தி,
விஸ்ஸாஸங் க³ண்ஹந்தி, பி⁴க்கு²ஸம்முதியா, உம்மத்தகஸ்ஸ, ஆதி³கம்மிகஸ்ஸாதி.
ஸாஸங்கஸிக்கா²பத³ங் நிட்டி²தங் நவமங்.
10. பரிணதஸிக்கா²பத³ங்
657. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஸாவத்தி²யங் அஞ்ஞதரஸ்ஸ பூக³ஸ்ஸ ஸங்க⁴ஸ்ஸ
ஸசீவரப⁴த்தங் படியத்தங் ஹோதி – ‘‘போ⁴ஜெத்வா சீவரேன அச்சா²தெ³ஸ்ஸாமா’’தி.
அத² கோ² ச²ப்³ப³க்³கி³யா பி⁴க்கூ² யேன ஸோ பூகோ³ தேனுபஸங்கமிங்ஸு;
உபஸங்கமித்வா தங் பூக³ங் ஏதத³வோசுங் – ‘‘தே³தா²வுஸோ, அம்ஹாகங் இமானி
சீவரானீ’’தி. ‘‘ந மயங், ப⁴ந்தே, த³ஸ்ஸாம. அம்ஹாகங் ஸங்க⁴ஸ்ஸ அனுவஸ்ஸங்
ஸசீவரபி⁴க்கா² பஞ்ஞத்தா’’தி. ‘‘ப³ஹூ, ஆவுஸோ, ஸங்க⁴ஸ்ஸ தா³யகா, ப³ஹூ
ஸங்க⁴ஸ்ஸ ப⁴த்தா [ப⁴த்³தா³ (க॰)]. மயங் தும்ஹே
நிஸ்ஸாய தும்ஹே ஸம்பஸ்ஸந்தா இத⁴ விஹராம. தும்ஹே சே அம்ஹாகங் ந த³ஸ்ஸத², அத²
கோ சரஹி அம்ஹாகங் த³ஸ்ஸதி? தே³தா²வுஸோ, அம்ஹாகங் இமானி சீவரானீ’’தி. அத²
கோ² ஸோ பூகோ³ ச²ப்³ப³க்³கி³யேஹி பி⁴க்கூ²ஹி நிப்பீளியமானோ யதா²படியத்தங்
சீவரங் ச²ப்³ப³க்³கி³யானங் பி⁴க்கூ²னங் த³த்வா ஸங்க⁴ங் ப⁴த்தேன பரிவிஸி. யே
தே பி⁴க்கூ² ஜானந்தி ஸங்க⁴ஸ்ஸ ஸசீவரப⁴த்தங் படியத்தங், ந ச ஜானந்தி
ச²ப்³ப³க்³கி³யானங் பி⁴க்கூ²னங் தி³ன்னந்தி, தே ஏவமாஹங்ஸு –
‘‘ஓணோஜேதா²வுஸோ, ஸங்க⁴ஸ்ஸ சீவர’’ந்தி. ‘‘நத்தி², ப⁴ந்தே. யதா²படியத்தங்
சீவரங் அய்யா ச²ப்³ப³க்³கி³யா அத்தனோ பரிணாமேஸு’’ந்தி. யே தே பி⁴க்கூ²
அப்பிச்சா²… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கூ² ஜானங் ஸங்கி⁴கங் லாப⁴ங் பரிணதங் அத்தனோ
பரிணாமெஸ்ஸந்தீ’’தி ! அத² கோ² தே பி⁴க்கூ²
ச²ப்³ப³க்³கி³யே பி⁴க்கூ² அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸுங்…பே॰… ‘‘ஸச்சங் கிர தும்ஹே, பி⁴க்க²வே, ஜானங் ஸங்கி⁴கங் லாப⁴ங்
பரிணதங் அத்தனோ பரிணாமேதா²’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, ஜானங் ஸங்கி⁴கங் லாப⁴ங்
பரிணதங் அத்தனோ பரிணாமெஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
658. ‘‘யோ பன பி⁴க்கு² ஜானங் ஸங்கி⁴கங் லாப⁴ங் பரிணதங் அத்தனோ பரிணாமெய்ய, நிஸ்ஸக்³கி³யங் பாசித்திய’’ந்தி.
659. யோ பனாதி யோ யாதி³ஸோ…பே॰… பி⁴க்கூ²தி…பே॰… அய இமஸ்மிங் அத்தே² அதி⁴ப்பேதோ பி⁴க்கூ²தி.
[பாசி॰ 491] ஜானாதி நாம ஸாமங் வா ஜானாதி அஞ்ஞே வா தஸ்ஸ ஆரோசெந்தி ஸோ வா ஆரோசேதி.
[பாசி॰ 491] ஸங்கி⁴கங் நாம ஸங்க⁴ஸ்ஸ தி³ன்னங் ஹோதி பரிச்சத்தங்.
[பாசி॰ 491] லாபோ⁴ நாம சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா. அந்தமஸோ சுண்ணபிண்டோ³பி, த³ந்தகட்ட²ம்பி, த³ஸிகஸுத்தம்பி.
[பாசி॰ 491] பரிணதங் நாம த³ஸ்ஸாம கரிஸ்ஸாமாதி வாசா பி⁴ன்னா ஹோதி.
அத்தனோ பரிணாமேதி, பயோகே³ து³க்கடங். படிலாபே⁴ன
நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ
வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰… இத³ங் மே, ப⁴ந்தே, ஜானங்
ஸங்கி⁴கங் லாப⁴ங் பரிணதங் அத்தனோ பரிணாமிதங் நிஸ்ஸக்³கி³யங். இமாஹங்
ஸங்க⁴ஸ்ஸ நிஸ்ஸஜ்ஜாமீதி…பே॰… த³தெ³ய்யாதி…பே॰… த³தெ³ய்யுந்தி…பே॰… ஆயஸ்மதோ
த³ம்மீதி.
660. பரிணதே பரிணதஸஞ்ஞீ அத்தனோ பரிணாமேதி, நிஸ்ஸக்³கி³யங் பாசித்தியங்.
பரிணதே வேமதிகோ அத்தனோ பரிணாமேதி, ஆபத்தி து³க்கடஸ்ஸ.
பரிணதே அபரிணதஸஞ்ஞீ அத்தனோ பரிணாமேதி, அனாபத்தி. ஸங்க⁴ஸ்ஸ பரிணதங்
அஞ்ஞஸங்க⁴ஸ்ஸ வா சேதியஸ்ஸ வா பரிணாமேதி, ஆபத்தி து³க்கடஸ்ஸ. சேதியஸ்ஸ
பரிணதங் அஞ்ஞசேதியஸ்ஸ வா ஸங்க⁴ஸ்ஸ வா புக்³க³லஸ்ஸ வா பரிணாமேதி, ஆபத்தி
து³க்கடஸ்ஸ. புக்³க³லஸ்ஸ பரிணதங் அஞ்ஞபுக்³க³லஸ்ஸ வா ஸங்க⁴ஸ்ஸ வா சேதியஸ்ஸ
வா பரிணாமேதி, ஆபத்தி து³க்கடஸ்ஸ. அபரிணதே பரிணதஸஞ்ஞீ, ஆபத்தி து³க்கடஸ்ஸ.
அபரிணதே வேமதிகோ, ஆபத்தி து³க்கடஸ்ஸ. அபரிணதே அபரிணதஸஞ்ஞீ, அனாபத்தி.
661. அனாபத்தி
கத்த² தே³மாதி புச்சி²யமானோ யத்த² தும்ஹாகங் தெ³ய்யத⁴ம்மோ பரிபோ⁴க³ங் வா
லபெ⁴ய்ய படிஸங்கா²ரங் வா லபெ⁴ய்ய சிரட்டி²திகோ வா அஸ்ஸ யத்த² வா பன
தும்ஹாகங் சித்தங் பஸீத³தி தத்த² தே³தா²தி ப⁴ணதி, உம்மத்தகஸ்ஸ,
ஆதி³கம்மிகஸ்ஸாதி.
பரிணதஸிக்கா²பத³ங் நிட்டி²தங் த³ஸமங்.
பத்தவக்³கோ³ ததியோ.
த்³வே ச பத்தானி பே⁴ஸஜ்ஜங், வஸ்ஸிகா தா³னபஞ்சமங்;
ஸாமங் வாயாபனச்சேகோ, ஸாஸங்கங் ஸங்கி⁴கேன சாதி.
662. உத்³தி³ட்டா²
கோ², ஆயஸ்மந்தோ, திங்ஸ நிஸ்ஸக்³கி³யா பாசித்தியா த⁴ம்மா. தத்தா²யஸ்மந்தே
புச்சா²மி – ‘கச்சித்த² பரிஸுத்³தா⁴’? து³தியம்பி புச்சா²மி – ‘கச்சித்த²
பரிஸுத்³தா⁴’? ததியம்பி புச்சா²மி – ‘கச்சித்த² பரிஸுத்³தா⁴’?
பரிஸுத்³தெ⁴த்தா²யஸ்மந்தோ, தஸ்மா துண்ஹீ, ஏவமேதங் தா⁴ரயாமீதி.
நிஸ்ஸக்³கி³யகண்ட³ங் நிட்டி²தங்.
பாராஜிகபாளி நிட்டி²தா.
https://youtu.be/C0H2OfuApPQ
ಮಾತೆ ಸಾವಿತ್ರಿ ಭಾಯಿ ಫುಲೆ ರವರ ಜನ್ಮ ದಿನದಿ ನನ್ನ ಅಕ್ಷರ ನಮನ…..
ವಿದ್ಯಾದಾತೆಯೆ ಸಾವಿತ್ರಿ ಮಾತೆಯೆ,, ಜನುಮದಿನದಿ
ನಿಮಗಿದೊ ನಮ್ಮ ವಂದನೆ….
ಭಾರತೀಯ ಹೆಣ್ಣು ಮಕ್ಕಳ
ಕಣ್ಣು ತೆರೆಸಲೆಂದೆ ಬಂದ
ಭವ್ಯ ಜ್ಯೋತಿಯೆ….
ಸಮಾಜ ನಿಂದನೆ ಹಿಂದಿಕ್ಕುತ,
ಪತಿ ನೀಡಿದಂತೆ ವಿದ್ಯೆ
ಪರರಿಗಂಚಿದ ಮಹಾದಾನಿಯೆ.
ಸತಿಪಧ್ದತಿ ದಿಕ್ಕರಿಸಿ
ವಿಧವಾ ಕಲ್ಯಾಣಕೆ
ಪಣತೊಟ್ಟ,,ದಿಟ್ಟಮಹಿಳೆಯೆ….
ಬಾಲ್ಯ ವಿವಾಹ ದೂರಾಗಿಸಿ
ಕಿಶೋರಿಯರ ಕಣ್ಣೀರ
ತೊಡೆದ , ಕರುಣಾಮಯಿಯೆ….
ದಿಕ್ಕೆಟ್ಟನಾರಿಯ ಮುದ್ದು ಕಂದನ ದತ್ತು ಪಡೆದು ದಾರಿತೋರಿದ ದಿವ್ಯದೀಪ್ತಿಯೆ..
ಭಾರತನಾರಿಯ ಪ್ರತಿ
ಬರಹದಿ ನಿತ್ಯನಲಿದಾಡೋ
ಸತ್ಯಶೋದಕಿಯೆ….
ನಿಮಗಿದೋ ಜನುಮದಿನದಿ
ನಮ್ಮ ವಂದನೆ……….
ರಚನೆ :ಪೂರ್ಣಿಮ ಮಂಗಳಮೂರ್ತಿ…
Jai bhim jai bharat Dr Mangala Murthy Mysuru.
01) Classical Magahi Magadhi,
02) Classical Chandaso language,
06) Classical Deva Nagari,
07) Classical Cyrillic
08) Classical Afrikaans– Klassieke Afrikaans
09) Classical Albanian-Shqiptare klasike,
10) Classical Amharic-አንጋፋዊ አማርኛ,
11) Classical Arabic-اللغة العربية الفصحى
12) Classical Armenian-դասական հայերեն,
13) Classical Azerbaijani- Klassik Azərbaycan,
14) Classical Basque- Euskal klasikoa,
15) Classical Belarusian-Класічная беларуская,
16) Classical Bengali-ক্লাসিক্যাল বাংলা,
17) Classical Bosnian-Klasični bosanski,
18) Classical Bulgaria- Класически българск,
19) Classical Catalan-Català clàssic
20) Classical Cebuano-Klase sa Sugbo,
21) Classical Chichewa-Chikale cha Chichewa,
22) Classical Chinese (Simplified)-古典中文（简体）,
23) Classical Chinese (Traditional)-古典中文（繁體）,
24) Classical Corsican-Corsa Corsicana,
25) Classical Croatian-Klasična hrvatska,
26) Classical Czech-Klasická čeština,
27) Classical Danish-Klassisk dansk,Klassisk dansk,
28) Classical Dutch- Klassiek Nederlands,
29) Classical English,
30) Classical Esperanto-Klasika Esperanto,
31) Classical Estonian- klassikaline eesti keel,
32) Classical Filipino,
33) Classical Finnish- Klassinen suomalainen,
34) Classical French- Français classique,
35) Classical Frisian- Klassike Frysk,
36) Classical Galician-Clásico galego,
37) Classical Georgian-კლასიკური ქართული,
38) Classical German- Klassisches Deutsch,
39) Classical Greek-Κλασσικά Ελληνικά,
40) Classical Gujarati-ક્લાસિકલ ગુજરાતી,
41) Classical Haitian Creole-Klasik kreyòl,
42) Classical Hausa-Hausa Hausa,
43) Classical Hawaiian-Hawaiian Hawaiian,
44) Classical Hebrew- עברית קלאסית
45) Classical Hindi- शास्त्रीय हिंदी,
46) Classical Hmong- Lus Hmoob,
47) Classical Hungarian-Klasszikus magyar,
48) Classical Icelandic-Klassísk íslensku,
49) Classical Igbo,
50) Classical Indonesian-Bahasa Indonesia Klasik,
51) Classical Irish-Indinéisis Clasaiceach,
52) Classical Italian-Italiano classico,
53) Classical Japanese-古典的なイタリア語,
54) Classical Javanese-Klasik Jawa,
55) Classical Kannada- ಶಾಸ್ತ್ರೀಯ ಕನ್ನಡ,
56) Classical Kazakh-Классикалық қазақ,
57) Classical Khmer- ខ្មែរបុរាណ,
58) Classical Korean-고전 한국어,
59) Classical Kurdish (Kurmanji)-Kurdî (Kurmancî),
60) Classical Kyrgyz-Классикалык Кыргыз,
61) Classical Lao-ຄລາສສິກລາວ,
62) Classical Latin-LXII) Classical Latin,
63) Classical Latvian-Klasiskā latviešu valoda,
64) Classical Lithuanian-Klasikinė lietuvių kalba,
65) Classical Luxembourgish-Klassesch Lëtzebuergesch,
66) Classical Macedonian-Класичен македонски,
67) Classical Malagasy,
68) Classical Malay-Melayu Klasik,
69) Classical Malayalam-ക്ലാസിക്കൽ മലയാളം,
70) Classical Maltese-Klassiku Malti,
71) Classical Maori-Maori Maori,
72) Classical Marathi-क्लासिकल माओरी,
73) Classical Mongolian-Сонгодог Монгол,
74) Classical Myanmar (Burmese)-Classical မြန်မာ (ဗမာ),
75) Classical Nepali-शास्त्रीय म्यांमार (बर्मा),
76) Classical Norwegian-Klassisk norsk,
77) Classical Pashto- ټولګی پښتو
78) Classical Persian-کلاسیک فارسی
79) Classical Polish-Język klasyczny polski,
80) Classical Portuguese-Português Clássico,
81) Classical Punjabi-ਕਲਾਸੀਕਲ ਪੰਜਾਬੀ,
82) Classical Romanian-Clasic românesc,
83) Classical Russian-Классический русский,
84) Classical Samoan-Samoan Samoa,
85) Classical Scots Gaelic-Gàidhlig Albannach Clasaigeach,
86) Classical Serbian-Класични српски,
87) Classical Sesotho-Seserbia ea boholo-holo,
88) Classical Shona-Shona Shona,
89) Classical Sindhi,
90) Classical Sinhala-සම්භාව්ය සිංහල,
91) Classical Slovak-Klasický slovenský,
92) Classical Slovenian-Klasična slovenska,
93) Classical Somali-Soomaali qowmiyadeed,
94) Classical Spanish-Español clásico,
95) Classical Sundanese-Sunda Klasik,
96) Classical Swahili,
97) Classical Swedish-Klassisk svensk,
98) Classical Tajik-тоҷикӣ классикӣ,
99) Classical Tamil-பாரம்பரிய இசைத்தமிழ் செம்மொழி,
100) Classical Telugu- క్లాసికల్ తెలుగు,
101) Classical Thai-ภาษาไทยคลาสสิก,
102) Classical Turkish-Klasik Türk,
103) Classical Ukrainian-Класичний український,
104) Classical Urdu- کلاسیکی اردو
105) Classical Uzbek-Klassik o’zbek,
106) Classical Vietnamese-Tiếng Việt cổ điển,
107) Classical Welsh-Cymraeg Clasurol,
108) Classical Xhosa-IsiXhosa zesiXhosa,
109) Classical Yiddish- קלאסישע ייִדיש
110) Classical Yoruba-Yoruba Yoruba,
111) Classical Zulu-I-Classical Zulu
|
INSIGHT-NET-
Online A1 (Awakened One) Tipiṭaka Research & Practice University in Visual Format (FOA1TRPUVF)
SARVA SAMAJ MEDIA PRABANDHAK
