(100)  Classical Tamil-பாரம்பரிய இசைத்தமிழ் செம்மொழி,)

https://www.tipitaka.org/taml/

Tipiṭaka (Tamil)

திபிடக (மூல)

வினயபிடக

பாராஜிகபாளி,

வேரஞ்ஜகண்ட³ங்

1. பாராஜிககண்ட³ங்

2. ஸங்கா⁴தி³ஸேஸகண்ட³ங்

3. அனியதகண்ட³ங்

4. நிஸ்ஸக்³கி³யகண்ட³ங்

பாசித்தியபாளி

5. பாசித்தியகண்ட³ங்

நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ

வினயபிடகே

பாசித்தியபாளி

5. பாசித்தியகண்ட³ங்

1. முஸாவாத³வக்³கோ³

1. முஸாவாத³ஸிக்கா²பத³ங்

இமே கோ² பனாயஸ்மந்தோ த்³வேனவுதி பாசித்தியா

த⁴ம்மா உத்³தே³ஸங் ஆக³ச்ச²ந்தி.

1. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஹத்த²கோ ஸக்யபுத்தோ வாத³க்கி²த்தோ ஹோதி. ஸோ
தித்தி²யேஹி ஸத்³தி⁴ங் ஸல்லபந்தோ அவஜானித்வா
படிஜானாதி, படிஜானித்வா அவஜானாதி, அஞ்ஞேனஞ்ஞங் படிசரதி, ஸம்பஜானமுஸா
பா⁴ஸதி, ஸங்கேதங் கத்வா விஸங்வாதே³தி. தித்தி²யா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஹத்த²கோ ஸக்யபுத்தோ அம்ஹேஹி ஸத்³தி⁴ங்
ஸல்லபந்தோ அவஜானித்வா படிஜானிஸ்ஸதி, படிஜானித்வா அவஜானிஸ்ஸதி, அஞ்ஞேனஞ்ஞங்
படிசரிஸ்ஸதி, ஸம்பஜானமுஸா பா⁴ஸிஸ்ஸதி, ஸங்கேதங் கத்வா விஸங்வாதெ³ஸ்ஸதீ’’தி!

அஸ்ஸோஸுங் கோ² பி⁴க்கூ² தேஸங் தித்தி²யானங்
உஜ்ஜா²யந்தானங் கி²ய்யந்தானங் விபாசெந்தானங். அத² கோ² தே பி⁴க்கூ² யேன
ஹத்த²கோ ஸக்யபுத்தோ தேனுபஸங்கமிங்ஸு; உபஸங்கமித்வா ஹத்த²கங் ஸக்யபுத்தங்
ஏதத³வோசுங் – ‘‘ஸச்சங் கிர த்வங், ஆவுஸோ ஹத்த²க, தித்தி²யேஹி ஸத்³தி⁴ங்
ஸல்லபந்தோ அவஜானித்வா படிஜானாஸி, படிஜானித்வா அவஜானாஸி, அஞ்ஞேனஞ்ஞங்
படிசரஸி, ஸம்பஜானமுஸா பா⁴ஸஸி, ஸங்கேதங் கத்வா விஸங்வாதே³ஸீ’’தி? ‘‘ஏதே கோ²,
ஆவுஸோ, தித்தி²யா நாம யேன கேனசி ஜேதப்³பா³; நேவ தேஸங் ஜயோ
தா³தப்³போ³’’தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ஹத்த²கோ ஸக்யபுத்தோ தித்தி²யேஹி
ஸத்³தி⁴ங் ஸல்லபந்தோ அவஜானித்வா படிஜானிஸ்ஸதி, படிஜானித்வா அவஜானிஸ்ஸதி, அஞ்ஞேனஞ்ஞங் படிசரிஸ்ஸதி, ஸம்பஜானமுஸா பா⁴ஸிஸ்ஸதி, ஸங்கேதங் கத்வா விஸங்வாதெ³ஸ்ஸதீ’’தி!

அத² கோ² தே பி⁴க்கூ² ஹத்த²கங் ஸக்யபுத்தங்
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா
ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங் ஸன்னிபாதாபெத்வா ஹத்த²கங்
ஸக்யபுத்தங் படிபுச்சி² – ‘‘ஸச்சங் கிர த்வங், ஹத்த²க, தித்தி²யேஹி
ஸத்³தி⁴ங் ஸல்லபந்தோ அவஜானித்வா படிஜானாஸி, படிஜானித்வா அவஜானாஸி,
அஞ்ஞேனஞ்ஞங் படிசரஸி, ஸம்பஜானமுஸா பா⁴ஸஸி, ஸங்கேதங் கத்வா
விஸங்வாதே³ஸீ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம த்வங், மோக⁴புரிஸ, தித்தி²யேஹி ஸத்³தி⁴ங் ஸல்லபந்தோ அவஜானித்வா
படிஜானிஸ்ஸஸி, படிஜானித்வா அவஜானிஸ்ஸஸி, அஞ்ஞேனஞ்ஞங் படிசரிஸ்ஸஸி,
ஸம்பஜானமுஸா பா⁴ஸிஸ்ஸஸி, ஸங்கேதங் கத்வா விஸங்வாதெ³ஸ்ஸஸி! நேதங்,
மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –

2. ‘‘ஸம்பஜானமுஸாவாதே³ பாசித்திய’’ந்தி.

3. ஸம்பஜானமுஸாவாதோ³
நாம விஸங்வாத³னபுரெக்கா²ரஸ்ஸ வாசா, கி³ரா, ப்³யப்பதோ², வசீபே⁴தோ³, வாசஸிகா
விஞ்ஞத்தி, அட்ட² அனரியவோஹாரா – அதி³ட்ட²ங் தி³ட்ட²ங் மேதி, அஸ்ஸுதங்
ஸுதங் மேதி, அமுதங் முதங் மேதி, அவிஞ்ஞாதங் விஞ்ஞாதங் மேதி, தி³ட்ட²ங் அதி³ட்ட²ங் மேதி, ஸுதங் அஸ்ஸுதங் மேதி , முதங் அமுதங் மேதி, விஞ்ஞாதங் அவிஞ்ஞாதங் மேதி.

அதி³ட்ட²ங் நாம ந சக்கு²னா தி³ட்ட²ங். அஸ்ஸுதங் நாம ந ஸோதேன ஸுதங். அமுதங் நாம ந கா⁴னேன கா⁴யிதங், ந ஜிவ்ஹாய ஸாயிதங், ந காயேன பு²ட்ட²ங். அவிஞ்ஞாதங் நாம ந மனஸா விஞ்ஞாதங். தி³ட்ட²ங் நாம சக்கு²னா தி³ட்ட²ங். ஸுதங் நாம ஸோதேன ஸுதங். முதங் நாம கா⁴னேன கா⁴யிதங், ஜிவ்ஹாய ஸாயிதங், காயேன பு²ட்ட²ங். விஞ்ஞாதங் நாம மனஸா விஞ்ஞாதங்.

4.
தீஹாகாரேஹி ‘‘அதி³ட்ட²ங் தி³ட்ட²ங் மே’’தி ஸம்பஜானமுஸா ப⁴ணந்தஸ்ஸ ஆபத்தி
பாசித்தியஸ்ஸ – புப்³பே³வஸ்ஸ ஹோதி ‘‘முஸா ப⁴ணிஸ்ஸ’’ந்தி, ப⁴ணந்தஸ்ஸ ஹோதி
‘‘முஸா ப⁴ணாமீ’’தி, ப⁴ணிதஸ்ஸ ஹோதி ‘‘முஸா மயா ப⁴ணித’’ந்தி.

சதூஹாகாரேஹி ‘‘அதி³ட்ட²ங்
தி³ட்ட²ங் மே’’தி ஸம்பஜானமுஸா ப⁴ணந்தஸ்ஸ ஆபத்தி பாசித்தியஸ்ஸ –
புப்³பே³வஸ்ஸ ஹோதி ‘‘முஸா ப⁴ணிஸ்ஸ’’ந்தி, ப⁴ணந்தஸ்ஸ ஹோதி ‘‘முஸா
ப⁴ணாமீ’’தி, ப⁴ணிதஸ்ஸ ஹோதி ‘‘முஸா மயா ப⁴ணித’’ந்தி, வினிதா⁴ய தி³ட்டி²ங்.

பஞ்சஹாகாரேஹி ‘‘அதி³ட்ட²ங் தி³ட்ட²ங் மே’’தி
ஸம்பஜானமுஸா ப⁴ணந்தஸ்ஸ ஆபத்தி பாசித்தியஸ்ஸ – புப்³பே³வஸ்ஸ ஹோதி ‘‘முஸா
ப⁴ணிஸ்ஸ’’ந்தி, ப⁴ணந்தஸ்ஸ ஹோதி ‘‘முஸா ப⁴ணாமீ’’தி, ப⁴ணிதஸ்ஸ ஹோதி ‘‘முஸா
மயா ப⁴ணித’’ந்தி, வினிதா⁴ய தி³ட்டி²ங், வினிதா⁴ய க²ந்திங்.

ச²ஹாகாரேஹி ‘‘அதி³ட்ட²ங்
தி³ட்ட²ங் மே’’தி ஸம்பஜானமுஸா ப⁴ணந்தஸ்ஸ ஆபத்தி பாசித்தியஸ்ஸ –
புப்³பே³வஸ்ஸ ஹோதி ‘‘முஸா ப⁴ணிஸ்ஸ’’ந்தி, ப⁴ணந்தஸ்ஸ ஹோதி ‘‘முஸா
ப⁴ணாமீ’’தி, ப⁴ணிதஸ்ஸ ஹோதி ‘‘முஸா மயா ப⁴ணித’’ந்தி , வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங்.

ஸத்தஹாகாரேஹி ‘‘அதி³ட்ட²ங் தி³ட்ட²ங் மே’’தி
ஸம்பஜானமுஸா ப⁴ணந்தஸ்ஸ ஆபத்தி பாசித்தியஸ்ஸ’’ – புப்³பே³வஸ்ஸ ஹோதி ‘‘முஸா
ப⁴ணிஸ்ஸ’’ந்தி, ப⁴ணந்தஸ்ஸ ஹோதி ‘‘முஸா ப⁴ணாமீ’’தி, ப⁴ணிதஸ்ஸ ஹோதி ‘‘முஸா
மயா ப⁴ணித’’ந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய
ருசிங், வினிதா⁴ய பா⁴வங்.

5. தீஹாகாரேஹி ‘‘அஸ்ஸுதங் ஸுதங் மே’’தி…பே॰… அமுதங் முதங் மேதி…பே॰… அவிஞ்ஞாதங்
விஞ்ஞாதங் மேதி ஸம்பஜானமுஸா ப⁴ணந்தஸ்ஸ ஆபத்தி பாசித்தியஸ்ஸ – புப்³பே³வஸ்ஸ
ஹோதி ‘‘முஸா ப⁴ணிஸ்ஸ’’ந்தி, ப⁴ணந்தஸ்ஸ ஹோதி ‘‘முஸா ப⁴ணாமீ’’தி, ப⁴ணிதஸ்ஸ
ஹோதி ‘‘முஸா மயா ப⁴ணித’’ந்தி.

சதூஹாகாரேஹி…பே॰… பஞ்சஹாகாரேஹி…பே॰… ச²ஹாகாரேஹி…பே॰…
ஸத்தஹாகாரேஹி ‘‘அவிஞ்ஞாதங் விஞ்ஞாதங் மே’’தி ஸம்பஜானமுஸா ப⁴ணந்தஸ்ஸ ஆபத்தி
பாசித்தியஸ்ஸ – புப்³பே³வஸ்ஸ ஹோதி ‘‘முஸா ப⁴ணிஸ்ஸ’’ந்தி, ப⁴ணந்தஸ்ஸ ஹோதி
‘‘முஸா ப⁴ணாமீ’’தி, ப⁴ணிதஸ்ஸ ஹோதி ‘‘முஸா மயா ப⁴ணிதந்தி, வினிதா⁴ய
தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.

6.
தீஹாகாரேஹி ‘‘அதி³ட்ட²ங் தி³ட்ட²ஞ்ச மே ஸுதஞ்சா’’தி ஸம்பஜானமுஸா ப⁴ணந்தஸ்ஸ
ஆபத்தி பாசித்தியஸ்ஸ…பே॰… தீஹாகாரேஹி ‘‘அதி³ட்ட²ங் தி³ட்ட²ஞ்ச மே
முதஞ்சா’’தி ஸம்பஜானமுஸா ப⁴ணந்தஸ்ஸ ஆபத்தி பாசித்தியஸ்ஸ…பே॰… தீஹாகாரேஹி
‘‘அதி³ட்ட²ங் தி³ட்ட²ஞ்ச மே விஞ்ஞாதஞ்சா’’தி ஸம்பஜானமுஸா ப⁴ணந்தஸ்ஸ ஆபத்தி பாசித்தியஸ்ஸ …பே॰…
தீஹாகாரேஹி அதி³ட்ட²ங் ‘‘தி³ட்ட²ஞ்ச மே ஸுதஞ்ச முதஞ்சா’’தி…பே॰…
தீஹாகாரேஹி அதி³ட்ட²ங் ‘‘தி³ட்ட²ஞ்ச மே ஸுதஞ்ச விஞ்ஞாதஞ்சா’’தி…பே॰…
தீஹாகாரேஹி அதி³ட்ட²ங் ‘‘தி³ட்ட²ஞ்ச மே ஸுதஞ்ச முதஞ்ச விஞ்ஞாதஞ்சா’’தி
ஸம்பஜானமுஸா ப⁴ணந்தஸ்ஸ ஆபத்தி பாசித்தியஸ்ஸ…பே॰….

தீஹாகாரேஹி அஸ்ஸுதங் ‘‘ஸுதஞ்ச மே முதஞ்சா’’தி…பே॰…
தீஹாகாரேஹி அஸ்ஸுதங் ‘‘ஸுதஞ்ச மே விஞ்ஞாதஞ்சா’’தி…பே॰… தீஹாகாரேஹி அஸ்ஸுதங்
‘‘ஸுதஞ்ச மே தி³ட்ட²ஞ்சா’’தி ஸம்பஜானமுஸா ப⁴ணந்தஸ்ஸ ஆபத்தி
பாசித்தியஸ்ஸ…பே॰… தீஹாகாரேஹி அஸ்ஸுதங் ‘‘ஸுதஞ்ச மே முதஞ்ச
விஞ்ஞாதஞ்சா’’தி…பே॰… தீஹாகாரேஹி அஸ்ஸுதங் ‘‘ஸுதஞ்ச மே முதஞ்ச
தி³ட்ட²ஞ்சா’’தி…பே॰… தீஹாகாரேஹி அஸ்ஸுதங் ‘‘ஸுதஞ்ச மே முதஞ்ச விஞ்ஞாதஞ்ச
தி³ட்ட²ஞ்சா’’தி ஸம்பஜானமுஸா ப⁴ணந்தஸ்ஸ ஆபத்தி பாசித்தியஸ்ஸ…பே॰….

தீஹாகாரேஹி அமுதங் ‘‘முதஞ்ச மே விஞ்ஞாதஞ்சா’’தி…பே॰…
தீஹாகாரேஹி அமுதங் ‘‘முதஞ்ச மே தி³ட்ட²ஞ்சா’’தி…பே॰… தீஹாகாரேஹி அமுதங்
‘‘முதஞ்ச மே ஸுதஞ்சா’’தி ஸம்பஜானமுஸா ப⁴ணந்தஸ்ஸ ஆபத்தி பாசித்தியஸ்ஸ…பே॰…
தீஹாகாரேஹி அமுதங் ‘‘முதஞ்ச மே விஞ்ஞாதஞ்ச தி³ட்ட²ஞ்சா’’தி…பே॰… தீஹாகாரேஹி
அமுதங் ‘‘முதஞ்ச மே விஞ்ஞாதஞ்ச ஸுதஞ்சா’’தி…பே॰… தீஹாகாரேஹி அமுதங்
‘‘முதஞ்ச மே விஞ்ஞாதஞ்ச தி³ட்ட²ஞ்ச ஸுதஞ்சா’’தி ஸம்பஜானமுஸா ப⁴ணந்தஸ்ஸ
ஆபத்தி பாசித்தியஸ்ஸ…பே॰….

தீஹாகாரேஹி அவிஞ்ஞாதங்
‘‘விஞ்ஞாதஞ்ச மே தி³ட்ட²ஞ்சா’’தி…பே॰… தீஹாகாரேஹி அவிஞ்ஞாதங் ‘‘விஞ்ஞாதஞ்ச
மே ஸுதஞ்சா’’தி…பே॰… தீஹாகாரேஹி அவிஞ்ஞாதங் ‘‘விஞ்ஞாதஞ்ச மே முதஞ்சா’’தி
ஸம்பஜானமுஸா ப⁴ணந்தஸ்ஸ ஆபத்தி பாசித்தியஸ்ஸ…பே॰… தீஹாகாரேஹி அவிஞ்ஞாதங்
‘‘விஞ்ஞாதஞ்ச மே தி³ட்ட²ஞ்ச ஸுதஞ்சா’’தி…பே॰… தீஹாகாரேஹி அவிஞ்ஞாதங்
‘‘விஞ்ஞாதஞ்ச மே தி³ட்ட²ஞ்ச முதஞ்சா’’தி…பே॰… தீஹாகாரேஹி அவிஞ்ஞாதங்
‘‘விஞ்ஞாதஞ்ச மே தி³ட்ட²ஞ்ச ஸுதஞ்ச முதஞ்சா’’தி ஸம்பஜானமுஸா ப⁴ணந்தஸ்ஸ
ஆபத்தி பாசித்தியஸ்ஸ…பே॰….

7.
தீஹாகாரேஹி தி³ட்ட²ங் ‘‘அதி³ட்ட²ங் மே’’தி…பே॰… ஸுதங் ‘‘அஸ்ஸுதங்
மே’’தி…பே॰… முதங் ‘‘அமுதங் மே’’தி…பே॰… விஞ்ஞாதங் ‘‘அவிஞ்ஞாதங் மே’’தி
ஸம்பஜானமுஸா ப⁴ணந்தஸ்ஸ ஆபத்தி பாசித்தியஸ்ஸ…பே॰….

8. தீஹாகாரேஹி தி³ட்ட²ங் ‘‘ஸுதங் மே’’தி…பே॰… தீஹாகாரேஹி தி³ட்ட²ங் ‘‘முதங் மே’’தி…பே॰… தீஹாகாரேஹி தி³ட்ட²ங் ‘‘விஞ்ஞாதங் மே’’தி ஸம்பஜானமுஸா ப⁴ணந்தஸ்ஸ ஆபத்தி
பாசித்தியஸ்ஸ…பே॰… தீஹாகாரேஹி தி³ட்ட²ங் ‘‘ஸுதஞ்ச மே முதஞ்சா’’தி…பே॰…
தீஹாகாரேஹி தி³ட்ட²ங் ‘‘ஸுதஞ்ச மே விஞ்ஞாதஞ்சா’’தி…பே॰… தீஹாகாரேஹி
தி³ட்ட²ங் ‘‘ஸுதஞ்ச மே முதஞ்ச விஞ்ஞாதஞ்சா’’தி ஸம்பஜானமுஸா ப⁴ணந்தஸ்ஸ ஆபத்தி பாசித்தியஸ்ஸ…பே॰….

தீஹாகாரேஹி ஸுதங் ‘‘முதங் மே’’தி…பே॰… தீஹாகாரேஹி
ஸுதங் ‘‘விஞ்ஞாதங் மே’’தி…பே॰… தீஹாகாரேஹி ஸுதங் ‘‘தி³ட்ட²ங் மே’’தி
ஸம்பஜானமுஸா ப⁴ணந்தஸ்ஸ ஆபத்தி பாசித்தியஸ்ஸ…பே॰… தீஹாகாரேஹி ஸுதங் ‘‘முதஞ்ச
மே விஞ்ஞாதஞ்சா’’தி…பே॰… தீஹாகாரேஹி ஸுதங் ‘‘முதஞ்ச மே
தி³ட்ட²ஞ்சா’’தி…பே॰… தீஹாகாரேஹி ஸுதங் ‘‘முதஞ்ச மே விஞ்ஞாதஞ்ச
தி³ட்ட²ஞ்சா’’தி ஸம்பஜானமுஸா ப⁴ணந்தஸ்ஸ ஆபத்தி பாசித்தியஸ்ஸ…பே॰….

தீஹாகாரேஹி முதங் ‘‘விஞ்ஞாதங் மே’’தி…பே॰… தீஹாகாரேஹி
முதங் ‘‘தி³ட்ட²ங் மே’’தி…பே॰… தீஹாகாரேஹி முதங் ‘‘ஸுதங் மே’’தி
ஸம்பஜானமுஸா ப⁴ணந்தஸ்ஸ ஆபத்தி பாசித்தியஸ்ஸ…பே॰… தீஹாகாரேஹி முதங்
‘‘விஞ்ஞாதஞ்ச மே தி³ட்ட²ஞ்சா’’தி…பே॰… தீஹாகாரேஹி முதங் ‘‘விஞ்ஞாதஞ்ச மே
ஸுதஞ்சா’’தி…பே॰… தீஹாகாரேஹி முதங் ‘‘விஞ்ஞாதஞ்ச மே தி³ட்ட²ஞ்ச ஸுதஞ்சா’’தி
ஸம்பஜானமுஸா ப⁴ணந்தஸ்ஸ ஆபத்தி பாசித்தியஸ்ஸ…பே॰….

தீஹாகாரேஹி விஞ்ஞாதங் ‘‘தி³ட்ட²ங் மே’’தி…பே॰… தீஹாகாரேஹி விஞ்ஞாதங் ‘‘ஸுதங் மே’’தி
…பே॰… தீஹாகாரேஹி விஞ்ஞாதங் ‘‘முதங் மே’’தி ஸம்பஜானமுஸா ப⁴ணந்தஸ்ஸ ஆபத்தி
பாசித்தியஸ்ஸ…பே॰… தீஹாகாரேஹி விஞ்ஞாதங் ‘‘தி³ட்ட²ஞ்ச மே ஸுதஞ்சா’’தி…பே॰…
தீஹாகாரேஹி விஞ்ஞாதங் ‘‘தி³ட்ட²ஞ்ச மே முதஞ்சா’’தி…பே॰… தீஹாகாரேஹி
விஞ்ஞாதங் ‘‘தி³ட்ட²ஞ்ச மே ஸுதஞ்ச முதஞ்சா’’தி ஸம்பஜானமுஸா ப⁴ணந்தஸ்ஸ
ஆபத்தி பாசித்தியஸ்ஸ…பே॰….

9. தீஹாகாரேஹி தி³ட்டே² வேமதிகோ தி³ட்ட²ங் நோகப்பேதி, தி³ட்ட²ங் நஸ்ஸரதி ,
தி³ட்ட²ங் பமுட்டோ² ஹோதி…பே॰… ஸுதே வேமதிகோ ஸுதங் நோகப்பேதி, ஸுதங்
நஸ்ஸரதி, ஸுதங் பமுட்டோ² ஹோதி…பே॰… முதே வேமதிகோ முதங் நோகப்பேதி, முதங்
நஸ்ஸரதி, முதங் பமுட்டோ² ஹோதி…பே॰… விஞ்ஞாதே வேமதிகோ விஞ்ஞாதங் நோகப்பேதி,
விஞ்ஞாதங் நஸ்ஸரதி, விஞ்ஞாதங் பமுட்டோ² ஹோதி… விஞ்ஞாதஞ்ச மே
தி³ட்ட²ஞ்சாதி…பே॰… விஞ்ஞாதங் பமுட்டோ² ஹோதி விஞ்ஞாதஞ்ச மே ஸுதஞ்சாதி…பே॰…
விஞ்ஞாதங் பமுட்டோ² ஹோதி; விஞ்ஞாதஞ்ச மே முதஞ்சாதி…பே॰… விஞ்ஞாதங் பமுட்டோ²
ஹோதி; விஞ்ஞாதஞ்ச மே தி³ட்ட²ஞ்ச ஸுதஞ்சாதி…பே॰… விஞ்ஞாதங் பமுட்டோ²
ஹோதி; விஞ்ஞாதஞ்ச மே தி³ட்ட²ஞ்ச முதஞ்சாதி…பே॰… விஞ்ஞாதங் பமுட்டோ² ஹோதி;
விஞ்ஞாதஞ்ச மே தி³ட்ட²ஞ்ச ஸுதஞ்ச முதஞ்சாதி ஸம்பஜானமுஸா ப⁴ணந்தஸ்ஸ ஆபத்தி
பாசித்தியஸ்ஸ.

10.
சதூஹாகாரேஹி…பே॰… பஞ்சஹாகாரேஹி…பே॰… ச²ஹாகாரேஹி…பே॰… ஸத்தஹாகாரேஹி…பே॰…
விஞ்ஞாதங் பமுட்டோ² ஹோதி, விஞ்ஞாதஞ்ச மே தி³ட்ட²ஞ்ச ஸுதஞ்ச முதஞ்சாதி
ஸம்பஜானமுஸா ப⁴ணந்தஸ்ஸ ஆபத்தி பாசித்தியஸ்ஸ – புப்³பே³வஸ்ஸ ஹோதி ‘‘முஸா
ப⁴ணிஸ்ஸ’’ந்தி, ப⁴ணந்தஸ்ஸ ஹோதி ‘‘முஸா ப⁴ணாமீ’’தி, ப⁴ணிதஸ்ஸ ஹோதி ‘‘முஸா மயா ப⁴ணித’’ந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.

11. அனாபத்தி த³வா ப⁴ணதி, ரவா ப⁴ணதி [த³வாய ப⁴ணதி, ரவாய ப⁴ணதி (ஸ்யா॰)]. ‘‘த³வா ப⁴ணதி நாம ஸஹஸா ப⁴ணதி. ரவா ப⁴ணதி நாம ‘அஞ்ஞங் ப⁴ணிஸ்ஸாமீ’தி அஞ்ஞங் ப⁴ணதி’’. உம்மத்தகஸ்ஸ, ஆதி³கம்மிகஸ்ஸாதி.

முஸாவாத³ஸிக்கா²பத³ங் நிட்டி²தங் பட²மங்.

2. ஓமஸவாத³ஸிக்கா²பத³ங்

12. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே . தேன கோ² பன ஸமயேன ச²ப்³ப³க்³கி³யா பி⁴க்கூ² பேஸலேஹி பி⁴க்கூ²ஹி ஸத்³தி⁴ங் ப⁴ண்ட³ந்தா [ப⁴ண்டெ³ந்தா (இதிபி)]
பேஸலே பி⁴க்கூ² ஓமஸந்தி – ஜாதியாபி, நாமேனபி, கொ³த்தேனபி, கம்மேனபி,
ஸிப்பேனபி, ஆபா³தே⁴னபி, லிங்கே³னபி, கிலேஸேனபி, ஆபத்தியாபி; ஹீனேனபி
அக்கோஸேன கு²ங்ஸெந்தி வம்பெ⁴ந்தி. யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா
பி⁴க்கூ² பேஸலேஹி பி⁴க்கூ²ஹி ஸத்³தி⁴ங் ப⁴ண்ட³ந்தா பேஸலே பி⁴க்கூ²
ஓமஸிஸ்ஸந்தி – ஜாதியாபி, நாமேனபி, கொ³த்தேனபி, கம்மேனபி, ஸிப்பேனபி,
ஆபா³தே⁴னபி, லிங்கே³னபி, கிலேஸேனபி, ஆபத்தியாபி; ஹீனேனபி அக்கோஸேன
கு²ங்ஸெஸ்ஸந்தி வம்பெ⁴ஸ்ஸந்தீ’’தி!

அத² கோ² தே பி⁴க்கூ² ச²ப்³ப³க்³கி³யே பி⁴க்கூ²
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ஸச்சங் கிர
தும்ஹே, பி⁴க்க²வே, பேஸலேஹி பி⁴க்கூ²ஹி ஸத்³தி⁴ங்
ப⁴ண்ட³ந்தா பேஸலே பி⁴க்கூ² ஓமஸத² – ஜாதியாபி…பே॰… ஹீனேனபி அக்கோஸேன
கு²ங்ஸேத² வம்பே⁴தா²தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, பேஸலேஹி பி⁴க்கூ²ஹி ஸத்³தி⁴ங்
ப⁴ண்ட³ந்தா பேஸலே பி⁴க்கூ² ஓமஸிஸ்ஸத² – ஜாதியாபி…பே॰… ஹீனேனபி அக்கோஸேன
கு²ங்ஸெஸ்ஸத² வம்பெ⁴ஸ்ஸத² ! நேதங், மோக⁴புரிஸா, அப்பஸன்னானங் வா பஸாதா³ய…பே॰… விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி –

13. ‘‘பூ⁴தபுப்³ப³ங், பி⁴க்க²வே, தக்கஸிலாயங் [தக்கஸீலாயங் (க॰)] அஞ்ஞதரஸ்ஸ ப்³ராஹ்மணஸ்ஸ நந்தி³விஸாலோ நாம ப³லீப³த்³தோ³ [ப³லிவத்³தோ³ (ஸீ॰), ப³லிப³த்³தோ³ (ஸ்யா॰)]
அஹோஸி. அத² கோ², பி⁴க்க²வே, நந்தி³விஸாலோ ப³லீப³த்³தோ³ தங் ப்³ராஹ்மணங்
ஏதத³வோச – ‘‘க³ச்ச² த்வங், ப்³ராஹ்மண, ஸெட்டி²னா ஸத்³தி⁴ங் ஸஹஸ்ஸேன
அப்³பு⁴தங் கரோஹி – மய்ஹங் ப³லீப³த்³தோ³ ஸகடஸதங் அதிப³த்³த⁴ங்
பவட்டெஸ்ஸதீ’’தி. அத² கோ², பி⁴க்க²வே, ஸோ ப்³ராஹ்மணோ ஸெட்டி²னா ஸத்³தி⁴ங்
ஸஹஸ்ஸேன அப்³பு⁴தங் அகாஸி – மய்ஹங் ப³லீப³த்³தோ³ ஸகடஸதங் அதிப³த்³த⁴ங்
பவட்டெஸ்ஸதீதி. அத² கோ², பி⁴க்க²வே, ஸோ ப்³ராஹ்மணோ ஸகடஸதங் அதிப³ந்தி⁴த்வா
நந்தி³விஸாலங் ப³லீப³த்³த³ங் யுஞ்ஜித்வா ஏதத³வோச – ‘‘க³ச்ச², கூட [அஞ்ச² கூட (ஸீ॰ ஸ்யா॰)],
வஹஸ்ஸு, கூடா’தி. அத² கோ², பி⁴க்க²வே, நந்தி³விஸாலோ ப³லீப³த்³தோ³ தத்தே²வ
அட்டா²ஸி. அத² கோ², பி⁴க்க²வே, ஸோ ப்³ராஹ்மணோ ஸஹஸ்ஸேன பராஜிதோ பஜ்ஜா²யி.
அத² கோ², பி⁴க்க²வே, நந்தி³விஸாலோ ப³லீப³த்³தோ³ தங் ப்³ராஹ்மணங் ஏதத³வோச –
‘‘கிஸ்ஸ த்வங், ப்³ராஹ்மண, பஜ்ஜா²யஸீ’’தி? ‘ததா² ஹி பனாஹங், போ⁴, தயா
ஸஹஸ்ஸேன பராஜிதோ’’தி. ‘கிஸ்ஸ பன மங் த்வங், ப்³ராஹ்மண, அகூடங் கூடவாதே³ன
பாபேஸி? க³ச்ச² த்வங், ப்³ராஹ்மண, ஸெட்டி²னா ஸத்³தி⁴ங் த்³வீஹி ஸஹஸ்ஸேஹி
அப்³பு⁴தங் கரோஹி – ‘‘மய்ஹங் ப³லீப³த்³தோ³ ஸகடஸதங் அதிப³த்³த⁴ங்
பவட்டெஸ்ஸதீ’’தி. ‘‘மா ச மங் அகூடங் கூடவாதே³ன பாபேஸீ’’தி. அத² கோ²,
பி⁴க்க²வே, ஸோ ப்³ராஹ்மணோ ஸெட்டி²னா ஸத்³தி⁴ங்
த்³வீஹி ஸஹஸ்ஸேஹி அப்³பு⁴தங் அகாஸி – ‘‘மய்ஹங் ப³லீப³த்³தோ³ ஸகடஸதங்
அதிப³த்³த⁴ங் பவட்டெஸ்ஸதீ’’தி. அத² கோ², பி⁴க்க²வே, ஸோ ப்³ராஹ்மணோ
ஸகடஸதங் அதிப³ந்தி⁴த்வா நந்தி³விஸாலங் ப³லீப³த்³த³ங் யுஞ்ஜித்வா ஏதத³வோச –
‘‘அச்ச², ப⁴த்³ர, வஹஸ்ஸு, ப⁴த்³ரா’’தி. அத² கோ², பி⁴க்க²வே, நந்தி³விஸாலோ
ப³லீப³த்³தோ³ ஸகடஸதங் அதிப³த்³த⁴ங் பவட்டேஸி.

[ஜா॰ 1.1.28 நந்தி³விஸாலஜாதகேபி, தத்த² பன மனுஞ்ஞஸத்³தோ³ தி³ஸ்ஸதி] ‘‘மனாபமேவ பா⁴ஸெய்ய, நா, மனாபங் குதா³சனங்;

மனாபங் பா⁴ஸமானஸ்ஸ, க³ருங் பா⁴ரங் உத³ப்³ப³ஹி;

த⁴னஞ்ச நங் அலாபே⁴ஸி, தேன ச, த்தமனோ அஹூதி.

‘‘ததா³பி மே, பி⁴க்க²வே,
அமனாபா கு²ங்ஸனா வம்ப⁴னா. கிமங்க³ங் பன ஏதரஹி மனாபா ப⁴விஸ்ஸதி கு²ங்ஸனா
வம்ப⁴னா? நேதங், பி⁴க்க²வே, அப்பஸன்னானங் வா பஸாதா³ய…பே॰…. ‘‘ஏவஞ்ச பன,
பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

14. ‘‘ஓமஸவாதே³ பாசித்திய’’ந்தி.

15. ஓமஸவாதோ³
நாம த³ஸஹி ஆகாரேஹி ஓமஸதி – ஜாதியாபி, நாமேனபி, கொ³த்தேனபி, கம்மேனபி,
ஸிப்பேனபி, ஆபா³தே⁴னபி, லிங்கே³னபி, கிலேஸேனபி, ஆபத்தியாபி, அக்கோஸேனபி.

ஜாதி நாம த்³வே ஜாதியோ – ஹீனா ச ஜாதி உக்கட்டா² ச ஜாதி. ஹீனா நாம ஜாதி – சண்டா³லஜாதி, வேனஜாதி, நேஸாத³ஜாதி, ரத²காரஜாதி, புக்குஸஜாதி. ஏஸா ஹீனா நாம ஜாதி. உக்கட்டா² நாம ஜாதி – க²த்தியஜாதி, ப்³ராஹ்மணஜாதி. ஏஸா உக்கட்டா² நாம ஜாதி.

நாமங் நாம த்³வே நாமானி – ஹீனஞ்ச நாமங் உக்கட்ட²ஞ்ச நாமங் . ஹீனங்
நாம நாமங் – அவகண்ணகங், ஜவகண்ணகங், த⁴னிட்ட²கங், ஸவிட்ட²கங்,
குலவட்³ட⁴கங், தேஸு தேஸு வா பன ஜனபதே³ஸு ஓஞ்ஞாதங் அவஞ்ஞாதங் ஹீளிதங்
பரிபூ⁴தங் அசித்தீகதங், ஏதங் ஹீனங் நாம நாமங். உக்கட்ட²ங்
நாம நாமங் – பு³த்³த⁴ப்படிஸங்யுத்தங், த⁴ம்மப்படிஸங்யுத்தங்,
ஸங்க⁴ப்படிஸங்யுத்தங், தேஸு தேஸு வா பன ஜனபதே³ஸு அனோஞ்ஞாதங் அனவஞ்ஞாதங்
அஹீளிதங் அபரிபூ⁴தங் சித்தீகதங், ஏதங் உக்கட்ட²ங் நாம நாமங்.

கொ³த்தங் நாம த்³வே கொ³த்தானி – ஹீனஞ்ச கொ³த்தங் உக்கட்ட²ஞ்ச கொ³த்தங். ஹீனங் நாம கொ³த்தங் – கோஸியகொ³த்தங், பா⁴ரத்³வாஜகொ³த்தங், தேஸு தேஸு வா பன ஜனபதே³ஸு ஓஞ்ஞாதங் அவஞ்ஞாதங் ஹீளிதங் பரிபூ⁴தங் அசித்தீகதங், ஏதங் ஹீனங் நாம கொ³த்தங். உக்கட்ட²ங்
நாம கொ³த்தங் – கோ³தமகொ³த்தங், மொக்³க³ல்லானகொ³த்தங், கச்சானகொ³த்தங்,
வாஸிட்ட²கொ³த்தங், தேஸு தேஸு வா பன ஜனபதே³ஸு அனோஞ்ஞாதங் அனவஞ்ஞாதங்
அஹீளிதங் அபரிபூ⁴தங் சித்தீகதங், ஏதங் உக்கட்ட²ங் நாம கொ³த்தங்.

கம்மங் நாம த்³வே கம்மானி – ஹீனஞ்ச கம்மங் உக்கட்ட²ஞ்ச கம்மங். ஹீனங்
நாம கம்மங் – கொட்ட²ககம்மங், புப்ப²ச²ட்³ட³ககம்மங், தேஸு தேஸு வா பன
ஜனபதே³ஸு ஓஞ்ஞாதங் அவஞ்ஞாதங் ஹீளிதங் பரிபூ⁴தங் அசித்தீகதங், ஏதங் ஹீனங்
நாம கம்மங். உக்கட்ட²ங் நாம கம்மங் – கஸி, வணிஜ்ஜா, கோ³ரக்கா², தேஸு தேஸு வா பன ஜனபதே³ஸு அனோஞ்ஞாதங் அனவஞ்ஞாதங் அஹீளிதங் அபரிபூ⁴தங் சித்தீகதங். ஏதங் உக்கட்ட²ங் நாம கம்மங்.

ஸிப்பங் நாம த்³வே ஸிப்பானி – ஹீனஞ்ச ஸிப்பங் உக்கட்ட²ஞ்ச ஸிப்பங் . ஹீனங்
நாம ஸிப்பங் – நளகாரஸிப்பங், கும்ப⁴காரஸிப்பங், பேஸகாரஸிப்பங்,
சம்மகாரஸிப்பங், நஹாபிதஸிப்பங், தேஸு தேஸு வா பன ஜனபதே³ஸு ஓஞ்ஞாதங்
அவஞ்ஞாதங் ஹீளிதங் பரிபூ⁴தங் அசித்தீகதங். ஏதங் ஹீனங் நாம ஸிப்பங். உக்கட்ட²ங்
நாம ஸிப்பங் – முத்³தா³, க³ணனா, லேகா², தேஸு தேஸு வா பன ஜனபதே³ஸு
அனோஞ்ஞாதங் அனவஞ்ஞாதங் அஹீளிதங் அபரிபூ⁴தங் சித்தீகதங், ஏதங் உக்கட்ட²ங்
நாம ஸிப்பங்.

ஸப்³பே³பி ஆபா³தா⁴ ஹீனா, அபிச மது⁴மேஹோ ஆபா³தோ⁴ உக்கட்டோ².

லிங்க³ங் நாம த்³வே லிங்கா³னி – ஹீனஞ்ச லிங்க³ங் உக்கட்ட²ஞ்ச லிங்க³ங். ஹீனங் நாம லிங்க³ங் – அதிதீ³க⁴ங், அதிரஸ்ஸங், அதிகண்ஹங், அச்சோதா³தங், ஏதங் ஹீனங் நாம லிங்க³ங். உக்கட்ட²ங் நாம லிங்க³ங் – நாதிதீ³க⁴ங், நாதிரஸ்ஸங், நாதிகண்ஹங், நாச்சோதா³தங். ஏதங் உக்கட்ட²ங் நாம லிங்க³ங்.

ஸப்³பே³பி கிலேஸா ஹீனா.

ஸப்³பா³பி ஆபத்தியோ ஹீனா. அபிச, ஸோதாபத்திஸமாபத்தி உக்கட்டா².

அக்கோஸோ நாம த்³வே அக்கோஸா – ஹீனோ ச அக்கோஸோ உக்கட்டோ² ச அக்கோஸோ. ஹீனோ
நாம அக்கோஸோ – ஒட்டோ²ஸி, மெண்டோ³ஸி, கோ³ணோஸி, க³த்³ரபோ⁴ஸி,
திரச்சா²னக³தோஸி, நேரயிகோஸி; நத்தி² துய்ஹங் ஸுக³தி, து³க்³க³தி யேவ
துய்ஹங் பாடிகங்கா²தி, யகாரேன வா ப⁴காரேன வா, காடகோடசிகாய வா, ஏஸோ ஹீனோ நாம
அக்கோஸோ. உக்கட்டோ² நாம அக்கோஸோ – பண்டி³தோஸி, ப்³யத்தோஸி , மேதா⁴வீஸி, ப³ஹுஸ்ஸுதோஸி, த⁴ம்மகதி²கோஸி, நத்தி² துய்ஹங் து³க்³க³தி, ஸுக³தியேவ துய்ஹங் பாடிகங்கா²தி, ஏஸோ உக்கட்டோ² நாம அக்கோஸோ.

16.
உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ மங்குகத்துகாமோ ஹீனேன
ஹீனங் வதே³தி, சண்டா³லங் வேனங் நேஸாத³ங் ரத²காரங் புக்குஸங் –
‘‘சண்டா³லோஸி, வேனோஸி, நேஸாதோ³ஸி, ரத²காரோஸி, புக்குஸோஸீ’’தி ப⁴ணதி [வதே³தீதி உத்³தே³ஸோ. ப⁴ணதீதி வித்தா²ரோ (வஜிரபு³த்³தி⁴)], ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங்
கு²ங்ஸேதுகாமோ வம்பே⁴துகாமோ மங்குகத்துகாமோ ஹீனேன உக்கட்ட²ங் வதே³தி,
க²த்தியங் ப்³ராஹ்மணங் – ‘‘சண்டா³லோஸி, வேனோஸி, நேஸாதோ³ஸி, ரத²காரோஸி,
புக்குஸோஸீ’’தி ப⁴ணதி, ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ உக்கட்டே²ன ஹீனங் வதே³தி, சண்டா³லங் வேனங் நேஸாத³ங்
ரத²காரங் புக்குஸங் – ‘‘க²த்தியோஸி, ப்³ராஹ்மணோஸீ’’தி ப⁴ணதி, ஆபத்தி வாசாய,
வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ உக்கட்டே²ன உக்கட்ட²ங் வதே³தி, க²த்தியங் ப்³ராஹ்மணங் –
‘‘க²த்தியோஸி, ப்³ராஹ்மணோஸீ’’தி ப⁴ணதி, ஆபத்தி வாசாய, வாசாய பாசித்தியஸ்ஸ.

17. உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ மங்குகத்துகாமோ ஹீனேன ஹீனங் வதே³தி, அவகண்ணகங்
ஜவகண்ணகங் த⁴னிட்ட²கங் ஸவிட்ட²கங் குலவட்³ட⁴கங் – ‘‘அவகண்ணகோஸி,
ஜவகண்ணகோஸி, த⁴னிட்ட²கோஸி, ஸவிட்ட²கோஸி, குலவட்³ட⁴கோஸீ’’தி ப⁴ணதி, ஆபத்தி
வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ ஹீனேன உக்கட்ட²ங் வதே³தி, பு³த்³த⁴ரக்கி²தங் த⁴ம்மரக்கி²தங்
ஸங்க⁴ரக்கி²தங் – ‘‘அவகண்ணகோஸி, ஜவகண்ணகோஸி, த⁴னிட்ட²கோஸி, ஸவிட்ட²கோஸி,
குலவட்³ட⁴கோஸீ’’தி ப⁴ணதி, ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ உக்கட்டே²ன ஹீனங் வதே³தி, அவகண்ணகங் ஜவகண்ணகங் த⁴னிட்ட²கங்
ஸவிட்ட²கங் குலவட்³ட⁴கங் – ‘‘பு³த்³த⁴ரக்கி²தோஸி, த⁴ம்மரக்கி²தோஸி,
ஸங்க⁴ரக்கி²தோஸீ’’தி ப⁴ணதி, ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ உக்கட்டே²ன உகட்ட²ங் வதே³தி, பு³த்³த⁴ரக்கி²தங்
த⁴ம்மரக்கி²தங் ஸங்க⁴ரக்கி²தங் – ‘‘பு³த்³த⁴ரக்கி²தோஸி, த⁴ம்மரக்கி²தோஸி,
ஸங்க⁴ரக்கி²தோஸீ’’தி ப⁴ணதி, ஆபத்தி வாசாய, வாசாய பாசித்தியஸ்ஸ.

18. உபஸம்பன்னோ
உபஸம்பன்னங் கு²ங்ஸேதுகாமோ வம்பே⁴துகாமோ மங்குகத்துகாமோ ஹீனேன ஹீனங்
வதே³தி, கோஸியங் பா⁴ரத்³வாஜங் – ‘‘கோஸியோஸி, பா⁴ரத்³வாஜோஸீ’’தி ப⁴ணதி,
ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ ஹீனேன உக்கட்ட²ங் வதே³தி, கோ³தமங் மொக்³க³ல்லானங் கச்சானங்
வாஸிட்ட²ங் – ‘‘கோஸியோஸி, பா⁴ரத்³வாஜோஸீ’’தி ப⁴ணதி, ஆபத்தி வாசாய, வாசாய
பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ உக்கட்டே²ன ஹீனங் வதே³தி, கோஸியங் பா⁴ரத்³வாஜங் –
‘‘கோ³தமோஸி, மொக்³க³ல்லானோஸி, கச்சானோஸி, வாஸிட்டோ²ஸீ’’தி ப⁴ணதி, ஆபத்தி
வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ உக்கட்டே²ன உக்கட்ட²ங் வதே³தி, கோ³தமங் மொக்³க³ல்லானங்
கச்சானங் வாஸிட்ட²ங் – ‘‘கோ³தமோஸி, மொக்³க³ல்லானோஸி, கச்சானோஸி,
வாஸிட்டோ²ஸீ’’தி ப⁴ணதி, ஆபத்தி வாசாய, வாசாய பாசித்தியஸ்ஸ.

19.
உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ மங்குகத்துகாமோ ஹீனேன
ஹீனங் வதே³தி, கொட்ட²கங் புப்ப²ச²ட்³ட³கங் – ‘‘கொட்ட²கோஸி,
புப்ப²ச²ட்³ட³கோஸீ’’தி ப⁴ணதி, ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ ஹீனேன உக்கட்ட²ங் வதே³தி, கஸ்ஸகங் வாணிஜங் கோ³ரக்க²ங் –
‘‘கொட்ட²கோஸி, புப்ப²ச²ட்³ட³கோஸீ’’தி ப⁴ணதி, ஆபத்தி வாசாய, வாசாய
பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ மங்குகத்துகாமோ
உக்கட்டே²ன ஹீனங் வதே³தி, கொட்ட²கங் புப்ப²ச²ட்³ட³கங் – ‘‘கஸ்ஸகோஸி,
வாணிஜோஸி, கோ³ரக்கோ²ஸீ’’தி ப⁴ணதி, ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ உக்கட்டே²ன உக்கட்ட²ங் வதே³தி, கஸ்ஸகங் வாணிஜங் கோ³ரக்க²ங் –
‘‘கஸ்ஸகோஸி, வாணிஜோஸி, கோ³ரக்கோ²ஸீ’’தி ப⁴ணதி, ஆபத்தி வாசாய, வாசாய
பாசித்தியஸ்ஸ.

20. உபஸம்பன்னோ
உபஸம்பன்னங் கு²ங்ஸேதுகாமோ வம்பே⁴துகாமோ மங்குகத்துகாமோ ஹீனேன ஹீனங்
வதே³தி, நளகாரங் கும்ப⁴காரங் பேஸகாரங் சம்மகாரங் நஹாபிதங் – ‘‘நளகாரோஸி,
கும்ப⁴காரோஸி, பேஸகாரோஸி, சம்மகாரோஸி, நஹாபிதோஸீ’’தி ப⁴ணதி, ஆபத்தி வாசாய,
வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ ஹீனேன உக்கட்ட²ங் வதே³தி, முத்³தி³கங் க³ணகங் லேக²கங் –
‘‘நளகாரோஸி, கும்ப⁴காரோஸி, பேஸகாரோஸி, சம்மகாரோஸி, நஹாபிதோஸீ’’தி ப⁴ணதி,
ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ உக்கட்டே²ன ஹீனங் வதே³தி, நளகாரங் கும்ப⁴காரங் பேஸகாரங்
சம்மகாரங் நஹாபிதங் – ‘‘முத்³தி³கோஸி, க³ணகோஸி, லேக²கோஸீ’’தி ப⁴ணதி, ஆபத்தி
வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ மங்குகத்துகாமோ
உக்கட்டே²ன உக்கட்ட²ங் வதே³தி, முத்³தி³கங் க³ணகங் லேக²கங் –
‘‘முத்³தி³கோஸி, க³ணகோஸி, லேக²கோஸீ’’தி ப⁴ணதி, ஆபத்தி வாசாய, வாசாய
பாசித்தியஸ்ஸ.

21.
உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ மங்குகத்துகாமோ ஹீனேன
ஹீனங் வதே³தி, குட்டி²கங் க³ண்டி³கங் கிலாஸிகங் ஸோஸிகங் அபமாரிகங் –
‘‘குட்டி²கோஸி, க³ண்டி³கோஸி, கிலாஸிகோஸி, ஸோஸிகோஸி, அபமாரிகோஸீ’’தி ப⁴ணதி,
ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங்
கு²ங்ஸேதுகாமோ வம்பே⁴துகாமோ மங்குகத்துகாமோ ஹீனேன உக்கட்ட²ங் வதே³தி,
மது⁴மேஹிகங் – ‘‘குட்டி²கோஸி, க³ண்டி³கோஸி, கிலாஸிகோஸி, ஸோஸிகோஸி,
அபமாரிகோஸீ’’தி ப⁴ணதி, ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ உக்கட்டே²ன ஹீனங் வதே³தி, குட்டி²கங் க³ண்டி³கங் கிலாஸிகங்
ஸோஸிகங் அபமாரிகங் – ‘‘மது⁴மேஹிகோஸீ’’தி ப⁴ணதி, ஆபத்தி வாசாய, வாசாய
பாசித்தியஸ்ஸ.

உபஸம்பன்னோ உபஸம்பன்னங்
கு²ங்ஸேதுகாமோ வம்பே⁴துகாமோ மங்குகத்துகாமோ உக்கட்டே²ன உக்கட்ட²ங் வதே³தி,
மது⁴மேஹிகங் – ‘‘மது⁴மேஹிகோஸீ’’தி ப⁴ணதி, ஆபத்தி வாசாய, வாசாய
பாசித்தியஸ்ஸ.

22.
உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ மங்குகத்துகாமோ ஹீனேன
ஹீனங் வதே³தி, அதிதீ³க⁴ங் அதிரஸ்ஸங் அதிகண்ஹங் அச்சோதா³தங் – ‘‘அதிதீ³கோ⁴ஸி, அதிரஸ்ஸோஸி, அதிகண்ஹோஸி, அச்சோதா³தோஸீ’’தி ப⁴ணதி, ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ ஹீனேன உக்கட்ட²ங் வதே³தி, நாதிதீ³க⁴ங் நாதிரஸ்ஸங்
நாதிகண்ஹங் நாச்சோதா³தங் – ‘‘அதிதீ³கோ⁴ஸி, அதிரஸ்ஸோஸி, அதிகண்ஹோஸி,
அச்சோதா³தோஸீ’’தி ப⁴ணதி, ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ உக்கட்டே²ன ஹீனங் வதே³தி, அதிதீ³க⁴ங் அதிரஸ்ஸங் அதிகண்ஹங்
அச்சோதா³தங் – ‘‘நாதிதீ³கோ⁴ஸி, நாதிரஸ்ஸோஸி, நாதிகண்ஹோஸி,
நாச்சோதா³தோஸீ’’தி ப⁴ணதி, ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ உக்கட்டே²ன உக்கட்ட²ங் வதே³தி, நாதிதீ³க⁴ங் நாதிரஸ்ஸங்
நாதிகண்ஹங் நாச்சோதா³தங் – ‘‘நாதிதீ³கோ⁴ஸி, நாதிரஸ்ஸோஸி, நாதிகண்ஹோஸி, நாச்சோதா³தோஸீ’’தி ப⁴ணதி, ஆபத்தி வாசாய, வாசாய பாசித்தியஸ்ஸ.

23.
உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ மங்குகத்துகாமோ ஹீனேன
ஹீனங் வதே³தி, ராக³பரியுட்டி²தங் தோ³ஸபரியுட்டி²தங் மோஹபரியுட்டி²தங் –
‘‘ராக³பரியுட்டி²தோஸி, தோ³ஸபரியுட்டி²தோஸி, மோஹபரியுட்டி²தோஸீ’’தி ப⁴ணதி,
ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங்
கு²ங்ஸேதுகாமோ வம்பே⁴துகாமோ மங்குகத்துகாமோ ஹீனேன உக்கட்ட²ங் வதே³தி,
வீதராக³ங் வீததோ³ஸங் வீதமோஹங் – ‘‘ராக³பரியுட்டி²தோஸி , தோ³ஸபரியுட்டி²தோஸி, மோஹபரியுட்டி²தோஸீ’’தி ப⁴ணதி, ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ உக்கட்டே²ன ஹீனங் வதே³தி, ராக³பரியுட்டி²தங்
தோ³ஸபரியுட்டி²தங் மோஹபரியுட்டி²தங் – ‘‘வீதராகோ³ஸி, வீததோ³ஸோஸி, வீதமோஹோஸீ’’தி ப⁴ணதி, ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ உக்கட்டே²ன உக்கட்ட²ங் வதே³தி, வீதராக³ங் வீததோ³ஸங்
வீதமோஹங் – ‘‘வீதராகோ³ஸி, வீததோ³ஸோஸி, வீதமோஹோஸீ’’தி ப⁴ணதி, ஆபத்தி வாசாய,
வாசாய பாசித்தியஸ்ஸ.

24.
உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ மங்குகத்துகாமோ ஹீனேன
ஹீனங் வதே³தி, பாராஜிகங் அஜ்ஜா²பன்னங் ஸங்கா⁴தி³ஸேஸங் அஜ்ஜா²பன்னங்
து²ல்லச்சயங் அஜ்ஜா²பன்னங் பாசித்தியங் அஜ்ஜா²பன்னங் பாடிதே³ஸனீயங்
அஜ்ஜா²பன்னங் து³க்கடங் அஜ்ஜா²பன்னங் து³ப்³பா⁴ஸிதங் அஜ்ஜா²பன்னங் –
‘‘பாராஜிகங் அஜ்ஜா²பன்னோஸி, ஸங்கா⁴தி³ஸேஸங் அஜ்ஜா²பன்னோஸி, து²ல்லச்சயங்
அஜ்ஜா²பன்னோஸி, பாசித்தியங் அஜ்ஜா²பன்னோஸி, பாடிதே³ஸனீயங் அஜ்ஜா²பன்னோஸி,
து³க்கடங் அஜ்ஜா²பன்னோஸி, து³ப்³பா⁴ஸிதங் அஜ்ஜா²பன்னோஸீ’’தி ப⁴ணதி, ஆபத்தி
வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ ஹீனேன உக்கட்ட²ங் வதே³தி, ஸோதாபன்னங் – ‘‘பாராஜிகங்
அஜ்ஜா²பன்னோஸி…பே॰… து³ப்³பா⁴ஸிதங் அஜ்ஜா²பன்னோஸீ’’தி ப⁴ணதி, ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ உக்கட்டே²ன ஹீனங் வதே³தி, பாராஜிகங் அஜ்ஜா²பன்னங்…பே॰…
து³ப்³பா⁴ஸிதங் அஜ்ஜா²பன்னங் – ‘‘ஸோதாபன்னோஸீ’’தி ப⁴ணதி, ஆபத்தி வாசாய,
வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ உக்கட்டே²ன உக்கட்ட²ங் வதே³தி, ஸோதாபன்னங் –
‘‘ஸோதாபன்னோஸீ’’தி ப⁴ணதி, ஆபத்தி வாசாய, வாசாய பாசித்தியஸ்ஸ.

25. உபஸம்பன்னோ
உபஸம்பன்னங் கு²ங்ஸேதுகாமோ வம்பே⁴துகாமோ மங்குகத்துகாமோ ஹீனேன ஹீனங்
வதே³தி, ஒட்ட²ங் மெண்ட³ங் கோ³ணங் க³த்³ரப⁴ங் திரச்சா²னக³தங் நேரயிகங் –
‘‘ஒட்டோ²ஸி, மெண்டோ³ஸி, கோ³ணோஸி, க³த்³ரபோ⁴ஸி, திரச்சா²னக³தோஸி, நேரயிகோஸி,
நத்தி² துய்ஹங் ஸுக³தி, து³க்³க³தி யேவ துய்ஹங் பாடிகங்கா²’’தி ப⁴ணதி,
ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங்
கு²ங்ஸேதுகாமோ வம்பே⁴துகாமோ மங்குகத்துகாமோ ஹீனேன உக்கட்ட²ங் வதே³தி,
பண்டி³தங் ப்³யத்தங் மேதா⁴வி ப³ஹுஸ்ஸுதங் த⁴ம்மகதி²கங் – ‘‘ஒட்டோ²ஸி,
மெண்டோ³ஸி, கோ³ணோஸி, க³த்³ரபோ⁴ஸி, திரச்சா²னக³தோஸி, நேரயிகோஸி; நத்தி²
துய்ஹங் ஸுக³தி, து³க்³க³தி யேவ துய்ஹங் பாடிகங்கா²’’தி ப⁴ணதி, ஆபத்தி
வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ மங்குகத்துகாமோ
உக்கட்டே²ன ஹீனங் வதே³தி, ஒட்ட²ங் மெண்ட³ங் கோ³ணங் க³த்³ரப⁴ங்
திரச்சா²னக³தங் நேரயிகங் – ‘‘பண்டி³தோஸி, ப்³யத்தோஸி, மேதா⁴வீஸி,
ப³ஹுஸ்ஸுதோஸி, த⁴ம்மகதி²கோஸி, நத்தி² துய்ஹங் து³க்³க³தி, ஸுக³தி யேவ
துய்ஹங் பாடிகங்கா²’’தி ப⁴ணதி, ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ உக்கட்டே²ன உக்கட்ட²ங் வதே³தி, பண்டி³தங் ப்³யத்தங்
மேதா⁴விங் ப³ஹுஸ்ஸுதங் த⁴ம்மகதி²கங் – ‘‘பண்டி³தோஸி, ப்³யத்தோஸி,
மேதா⁴வீஸி, ப³ஹுஸ்ஸுதோஸி, த⁴ம்மகதி²கோஸி, நத்தி² துய்ஹங் து³க்³க³தி,
ஸுக³தி யேவ துய்ஹங் பாடிகங்கா²’’தி ப⁴ணதி, ஆபத்தி வாசாய, வாசாய
பாசித்தியஸ்ஸ.

26.
உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ மங்குகத்துகாமோ ஏவங்
வதே³தி, ‘‘ஸந்தி இதே⁴கச்சே சண்டா³லா வேனா நேஸாதா³ ரத²காரா புக்குஸா’’தி
ப⁴ணதி, ஆபத்தி வாசாய, வாசாய து³க்கடஸ்ஸ.

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ ஏவங் வதே³தி, ‘‘ஸந்தி இதே⁴கச்சே க²த்தியா, ப்³ராஹ்மணா’’தி
ப⁴ணதி, ஆபத்தி வாசாய, வாசாய து³க்கடஸ்ஸ.

27. உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ மங்குகத்துகாமோ ஏவங்
வதே³தி, ‘‘ஸந்தி இதே⁴கச்சே அவகண்ணகா ஜவகண்ணகா த⁴னிட்ட²கா ஸவிட்ட²கா
குலவட்³ட⁴கா’’தி ப⁴ணதி…பே॰…. ‘‘ஸந்தி இதே⁴கச்சே பு³த்³த⁴ரக்கி²தா
த⁴ம்மரக்கி²தா ஸங்க⁴ரக்கி²தா’’தி ப⁴ணதி
…பே॰…. ‘‘ஸந்தி இதே⁴கச்சே கோஸியா பா⁴ரத்³வாஜா’’தி ப⁴ணதி…பே॰…. ‘‘ஸந்தி
இதே⁴கச்சே கோ³தமா மொக்³க³ல்லானா கச்சானா வாஸிட்டா²’’தி ப⁴ணதி…பே॰…. ‘‘ஸந்தி
இதே⁴கச்சே கொட்ட²கா புப்ப²ச²ட்³ட³கா’’தி ப⁴ணதி…பே॰…. ‘‘ஸந்தி இதே⁴கச்சே
கஸ்ஸகா வாணிஜா கோ³ரக்கா²’’தி ப⁴ணதி…பே॰…. ‘‘ஸந்தி இதே⁴கச்சே நளகாரா
கும்ப⁴காரா பேஸகாரா சம்மகாரா நஹாபிதா’’தி
ப⁴ணதி…பே॰…. ‘‘ஸந்தி இதே⁴கச்சே முத்³தி³கா க³ணகா லேக²கா’’தி ப⁴ணதி…பே॰….
‘‘ஸந்தி இதே⁴கச்சே குட்டி²கா க³ண்டி³கா கிலாஸிகா ஸோஸிகா அபமாரிகா’’தி
ப⁴ணதி…பே॰…. ‘‘ஸந்தி இதே⁴கச்சே மது⁴மேஹிகா’’தி ப⁴ணதி…பே॰…. ‘‘ஸந்தி
இதே⁴கச்சே அதிதீ³கா⁴ அதிரஸ்ஸா அதிகண்ஹா அச்சோதா³தா’’தி ப⁴ணதி…பே॰…. ‘‘ஸந்தி
இதே⁴கச்சே நாதிதீ³கா⁴ நாதிரஸ்ஸா நாதிகண்ஹா நாச்சோதா³தா’’தி ப⁴ணதி…பே॰….
‘‘ஸந்தி இதே⁴கச்சே ராக³பரியுட்டி²தா தோ³ஸபரியுட்டி²தா மோஹபரியுட்டி²தா’’தி
ப⁴ணதி…பே॰…. ‘‘ஸந்தி இதே⁴கச்சே வீதராகா³ வீததோ³ஸா வீதமோஹா’’தி ப⁴ணதி…பே॰….
‘‘ஸந்தி இதே⁴கச்சே பாராஜிகங் அஜ்ஜா²பன்னா…பே॰… து³ப்³பா⁴ஸிதங்
அஜ்ஜா²பன்னா’’தி ப⁴ணதி…பே॰…. ‘‘ஸந்தி இதே⁴கச்சே ஸோதாபன்னா’’தி ப⁴ணதி…பே॰….
‘‘ஸந்தி இதே⁴கச்சே ஒட்டா² மெண்டா³ கோ³ணா க³த்³ரபா⁴ திரச்சா²னக³தா நேரயிகா,
நத்தி² தேஸங் ஸுக³தி, து³க்³க³தியேவ தேஸங் பாடிகங்கா²’’தி ப⁴ணதி, ஆபத்தி
வாசாய, வாசாய து³க்கடஸ்ஸ.

28. உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ மங்குகத்துகாமோ
ஏவங் வதே³தி, ‘‘ஸந்தி இதே⁴கச்சே பண்டி³தா ப்³யத்தா, மேதா⁴வீ ப³ஹுஸ்ஸுதா
த⁴ம்மகதி²கா, நத்தி² தேஸங் து³க்³க³தி, ஸுக³தியேவ தேஸங் பாடிகங்கா²’’தி
ப⁴ணதி, ஆபத்தி வாசாய, வாசாய து³க்கடஸ்ஸ.

29.
உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ மங்குகத்துகாமோ ஏவங்
வதே³தி, ‘‘யே நூன சண்டா³லா வேனா நேஸாதா³ ரத²காரா புக்குஸா’’தி ப⁴ணதி,
ஆபத்தி வாசாய, வாசாய து³க்கடஸ்ஸ…பே॰….

உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ ஏவங் வதே³தி, ‘‘யே நூன பண்டி³தா ப்³யத்தா மேதா⁴வீ
ப³ஹுஸ்ஸுதா த⁴ம்மகதி²கா’’தி ப⁴ணதி, ஆபத்தி வாசாய, வாசாய து³க்கடஸ்ஸ.

30.
உபஸம்பன்னோ உபஸம்பன்னங் கு²ங்ஸேதுகாமோ வம்பே⁴துகாமோ மங்குகத்துகாமோ ஏவங்
வதே³தி, ‘‘ந மயங் சண்டா³லா வேனா நேஸாதா³ ரத²காரா புக்குஸா’’தி ப⁴ணதி…பே॰….
‘‘ந மயங் பண்டி³தா ப்³யத்தா மேதா⁴வீ ப³ஹுஸ்ஸுதா
த⁴ம்மகதி²கா, நத்த²ம்ஹாகங் து³க்³க³தி, ஸுக³தியேவ அம்ஹாகங் பாடிகங்கா²’’தி
ப⁴ணதி. ஆபத்தி வாசாய, வாசாய து³க்கடஸ்ஸ.

31. உபஸம்பன்னோ
அனுபஸம்பன்னங் கு²ங்ஸேதுகாமோ வம்பே⁴துகாமோ மங்குகத்துகாமோ ஹீனேன ஹீனங்
வதே³தி,…பே॰… ஹீனேன உக்கட்ட²ங் வதே³தி…பே॰… உக்கட்டே²ன ஹீனங் வதே³தி…பே॰…
உக்கட்டே²ன உக்கட்ட²ங் வதே³தி, பண்டி³தங் ப்³யத்தங் மேதா⁴விங் ப³ஹுஸ்ஸுதங்
த⁴ம்மகதி²கங் – ‘‘பண்டி³தோஸி, ப்³யத்தோஸி, மேதா⁴வீஸி, ப³ஹுஸ்ஸுதோஸி,
த⁴ம்மகதி²கோஸி, நத்தி² துய்ஹங் து³க்³க³தி, ஸுக³தியேவ துய்ஹங்
பாடிகங்கா²’’தி ப⁴ணதி, ஆபத்தி வாசாய, வாசாய து³க்கடஸ்ஸ.

உபஸம்பன்னோ அனுபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ ஏவங் வதே³தி, ‘‘ஸந்தி இதே⁴கச்சே சண்டா³லா வேனா நேஸாதா³
ரத²காரா புக்குஸா’’தி ப⁴ணதி…பே॰…. ‘‘ஸந்தி இதே⁴கச்சே பண்டி³தா ப்³யத்தா
மேதா⁴வீ ப³ஹுஸ்ஸுதா த⁴ம்மகதி²கா, நத்தி² தேஸங் து³க்³க³தி, ஸுக³தியேவ தேஸங்
பாடிகங்கா²’’தி ப⁴ணதி, ஆபத்தி வாசாய, வாசாய து³க்கடஸ்ஸ.

உபஸம்பன்னோ அனுபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ ஏவங் வதே³தி, ‘‘யே நூன சண்டா³லா வேனா நேஸாதா³ ரத²காரா
புக்குஸா’’தி ப⁴ணதி…பே॰…. ‘‘யே நூன பண்டி³தா ப்³யத்தா மேதா⁴வீ ப³ஹுஸ்ஸுதா
த⁴ம்மகதி²கா’’தி ப⁴ணதி, ஆபத்தி வாசாய, வாசாய து³க்கடஸ்ஸ.

உபஸம்பன்னோ அனுபஸம்பன்னங் கு²ங்ஸேதுகாமோ வம்பே⁴துகாமோ
மங்குகத்துகாமோ ஏவங் வதே³தி, ‘‘ந மயங் சண்டா³லா வேனா நேஸாதா³ ரத²காரா
புக்குஸா’’தி ப⁴ணதி…பே॰…. ‘‘ந மயங் பண்டி³தா ப்³யத்தா மேதா⁴வீ ப³ஹுஸ்ஸுதா
த⁴ம்மகதி²கா, நத்த²ம்ஹாகங் து³க்³க³தி, ஸுக³தியேவ அம்ஹாகங் பாடிகங்கா²’’தி ப⁴ணதி. ஆபத்தி வாசாய, வாசாய து³க்கடஸ்ஸ.

32.
உபஸம்பன்னோ உபஸம்பன்னங் ந கு²ங்ஸேதுகாமோ ந வம்பே⁴துகாமோ ந மங்குகத்துகாமோ,
த³வகம்யதா ஹீனேன ஹீனங் வதே³தி, சண்டா³லங் வேனங் நேஸாத³ங் ரத²காரங்
புக்குஸங் – ‘‘சண்டா³லோஸி, வேனோஸி, நேஸாதோ³ஸி, ரத²காரோஸி , புக்குஸோஸீ’’தி ப⁴ணதி, ஆபத்தி வாசாய, வாசாய து³ப்³பா⁴ஸிதஸ்ஸ.

உபஸம்பன்னோ உபஸம்பன்னங் ந கு²ங்ஸேதுகாமோ ந வம்பே⁴துகாமோ ந மங்குகத்துகாமோ, த³வகம்யதா ஹீனேன
உக்கட்ட²ங் வதே³தி, க²த்தியங் ப்³ராஹ்மணங் – ‘‘சண்டா³லோஸி, வேனோஸி,
நேஸாதோ³ஸி, ரத²காரோஸி, புக்குஸோஸீ’’தி ப⁴ணதி, ஆபத்தி வாசாய, வாசாய
து³ப்³பா⁴ஸிதஸ்ஸ.

உபஸம்பன்னோ உபஸம்பன்னங் ந
கு²ங்ஸேதுகாமோ ந வம்பே⁴துகாமோ ந மங்குகத்துகாமோ, த³வகம்யதா உக்கட்டே²ன
ஹீனங் வதே³தி, சண்டா³லங் வேனங் நேஸாத³ங் ரத²காரங் புக்குஸங் –
‘‘க²த்தியோஸி, ப்³ராஹ்மணோஸீ’’தி ப⁴ணதி, ஆபத்தி வாசாய, வாசாய
து³ப்³பா⁴ஸிதஸ்ஸ.

உபஸம்பன்னோ உபஸம்பன்னங் ந கு²ங்ஸேதுகாமோ ந
வம்பே⁴துகாமோ ந மங்குகத்துகாமோ, த³வகம்யதா உக்கட்டே²ன உக்கட்ட²ங் வதே³தி,
க²த்தியங் ப்³ராஹ்மணங் – ‘‘க²த்தியோஸி, ப்³ராஹ்மணோஸீ’’தி ப⁴ணதி, ஆபத்தி
வாசாய, வாசாய து³ப்³பா⁴ஸிதஸ்ஸ.

உபஸம்பன்னோ உபஸம்பன்னங் ந கு²ங்ஸேதுகாமோ ந
வம்பே⁴துகாமோ ந மங்குகத்துகாமோ, த³வகம்யதா ஹீனேன ஹீனங் வதே³தி…பே॰… ஹீனேன
உக்கட்ட²ங் வதே³தி…பே॰… உக்கட்டே²ன ஹீனங் வதே³தி…பே॰… உக்கட்டே²ன
உக்கட்ட²ங் வதே³தி, பண்டி³தங் ப்³யத்தங் மேதா⁴விங் ப³ஹுஸ்ஸுதங்
த⁴ம்மகதி²கங் – ‘‘பண்டி³தோஸி, ப்³யத்தோஸி, மேதா⁴வீஸி, ப³ஹுஸ்ஸுதோஸி,
த⁴ம்மகதி²கோஸி, நத்தி² துய்ஹங் து³க்³க³தி, ஸுக³தி யேவ துய்ஹங்
பாடிகங்கா²’’தி ப⁴ணதி, ஆபத்தி வாசாய, வாசாய து³ப்³பா⁴ஸிதஸ்ஸ.

33. உபஸம்பன்னோ உபஸம்பன்னங் ந கு²ங்ஸேதுகாமோ ந வம்பே⁴துகாமோ ந
மங்குகத்துகாமோ, த³வகம்யதா ஏவங் வதே³தி, ‘‘ஸந்தி இதே⁴கச்சே சண்டா³லா வேனா
நேஸாதா³ ரத²காரா புக்குஸா’’தி ப⁴ணதி…பே॰…. ‘‘ஸந்தி இதே⁴கச்சே பண்டி³தா
ப்³யத்தா மேதா⁴வீ ப³ஹுஸ்ஸுதா த⁴ம்மகதி²கா, நத்தி² தேஸங் து³க்³க³தி, ஸுக³தி
யேவ தேஸங் பாடிகங்கா²’’தி ப⁴ணதி, ஆபத்தி வாசாய, வாசாய து³ப்³பா⁴ஸிதஸ்ஸ.

உபஸம்பன்னோ உபஸம்பன்னங் ந கு²ங்ஸேதுகாமோ ந
வம்பே⁴துகாமோ ந மங்குகத்துகாமோ, த³வகம்யதா ஏவங் வதே³தி, ‘‘யே நூன சண்டா³லா
வேனா நேஸாதா³ ரத²காரா புக்குஸா’’தி ப⁴ணதி…பே॰…. ‘‘யே நூன பண்டி³தா ப்³யத்தா
மேதா⁴வீ ப³ஹுஸ்ஸுதா த⁴ம்மகதி²கா’’தி ப⁴ணதி, ஆபத்தி வாசாய, வாசாய
து³ப்³பா⁴ஸிதஸ்ஸ.

உபஸம்பன்னோ உபஸம்பன்னங் ந கு²ங்ஸேதுகாமோ ந
வம்பே⁴துகாமோ ந மங்குகத்துகாமோ, த³வகம்யதா ஏவங் வதே³தி, ‘‘ந மயங் சண்டா³லா
வேனா நேஸாதா³ ரத²காரா புக்குஸா’’தி ப⁴ணதி…பே॰…. ‘‘ந மயங் பண்டி³தா
ப்³யத்தா மேதா⁴வீ ப³ஹுஸ்ஸுதா த⁴ம்மகதி²கா, நத்த²ம்ஹாகங் து³க்³க³தி,
ஸுக³தியேவ அம்ஹாகங் பாடிகங்கா²’’தி ப⁴ணதி. ஆபத்தி வாசாய, வாசாய
து³ப்³பா⁴ஸிதஸ்ஸ.

34. உபஸம்பன்னோ
அனுபஸம்பன்னங் ந கு²ங்ஸேதுகாமோ ந வம்பே⁴துகாமோ ந மங்குகத்துகாமோ,
த³வகம்யதா ஹீனேன ஹீனங் வதே³தி…பே॰… ஹீனேன உக்கட்ட²ங் வதே³தி…பே॰…
உக்கட்டே²ன ஹீனங் வதே³தி…பே॰… உக்கட்டே²ன உக்கட்ட²ங் வதே³தி, பண்டி³தங்
ப்³யத்தங் மேதா⁴விங் ப³ஹுஸ்ஸுதங் த⁴ம்மகதி²கங் – ‘‘பண்டி³தோஸி ,
ப்³யத்தோஸி, மேதா⁴வீஸி, ப³ஹுஸ்ஸுதோஸி த⁴ம்மகதி²கோஸி, நத்தி² துய்ஹங்
து³க்³க³தி; ஸுக³தி யேவ துய்ஹங் பாடிகங்கா²’’தி ப⁴ணதி, ஆபத்தி வாசாய, வாசாய
து³ப்³பா⁴ஸிதஸ்ஸ.

உபஸம்பன்னோ அனுபஸம்பன்னங் ந கு²ங்ஸேதுகாமோ ந
வம்பே⁴துகாமோ ந மங்குகத்துகாமோ, த³வகம்யதா ஏவங் வதே³தி, ‘‘ஸந்தி இதே⁴கச்சே
சண்டா³லா வேனா நேஸாதா³ ரத²காரா புக்குஸா’’தி ப⁴ணதி…பே॰…. ‘‘ஸந்தி இதே⁴கச்சே
பண்டி³தா ப்³யத்தா மேதா⁴வீ ப³ஹுஸ்ஸுதா த⁴ம்மகதி²கா, நத்தி² தேஸங்
து³க்³க³தி, ஸுக³தி யேவ தேஸங் பாடிகங்கா²’’தி ப⁴ணதி, ஆபத்தி வாசாய, வாசாய
து³ப்³பா⁴ஸிதஸ்ஸ.

உபஸம்பன்னோ அனுபஸம்பன்னங் ந கு²ங்ஸேதுகாமோ ந
வம்பே⁴துகாமோ ந மங்குகத்துகாமோ, த³வகம்யதா ஏவங் வதே³தி, ‘‘யே நூன சண்டா³லா
வேனா நேஸாதா³ ரத²காரா புக்குஸா’’தி ப⁴ணதி…பே॰…. ‘‘யே நூன பண்டி³தா ப்³யத்தா
மேதா⁴வீ ப³ஹுஸ்ஸுதா த⁴ம்மகதி²கா’’தி ப⁴ணதி, ஆபத்தி வாசாய, வாசாய
து³ப்³பா⁴ஸிதஸ்ஸ.

உபஸம்பன்னோ அனுபஸம்பன்னங் ந கு²ங்ஸேதுகாமோ ந
வம்பே⁴துகாமோ ந மங்குகத்துகாமோ, த³வகம்யதா ஏவங் வதே³தி, ‘‘ந மயங் சண்டா³லா
வேனா நேஸாதா³ ரத²காரா புக்குஸா’’தி ப⁴ணதி…பே॰…. ‘‘ந மயங் பண்டி³தா ப்³யத்தா
மேதா⁴வீ ப³ஹுஸ்ஸுதா த⁴ம்மகதி²கா, நத்த²ம்ஹாகங் து³க்³க³தி, ஸுக³தி யேவ
அம்ஹாகங் பாடிகங்கா²’’தி ப⁴ணதி, ஆபத்தி வாசாய, வாசாய து³ப்³பா⁴ஸிதஸ்ஸ.

35. அனாபத்தி அத்த²புரெக்கா²ரஸ்ஸ, த⁴ம்மபுரெக்கா²ரஸ்ஸ, அனுஸாஸனிபுரெக்கா²ரஸ்ஸ, உம்மத்தகஸ்ஸ, கி²த்தசித்தஸ்ஸ, வேத³னாட்டஸ்ஸ, ஆதி³கம்மிகஸ்ஸாதி.

ஓமஸவாத³ஸிக்கா²பத³ங் நிட்டி²தங் து³தியங்.

3. பேஸுஞ்ஞஸிக்கா²பத³ங்

36. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² பி⁴க்கூ²னங்
ப⁴ண்ட³னஜாதானங் கலஹஜாதானங் விவாதா³பன்னானங் பேஸுஞ்ஞங் உபஸங்ஹரந்தி; இமஸ்ஸ
ஸுத்வா அமுஸ்ஸ அக்கா²யந்தி, இமஸ்ஸ பே⁴தா³ய; அமுஸ்ஸ ஸுத்வா இமஸ்ஸ
அக்கா²யந்தி, அமுஸ்ஸ பே⁴தா³ய. தேன அனுப்பன்னானி சேவ ப⁴ண்ட³னானி
உப்பஜ்ஜந்தி, உப்பன்னானி ச ப⁴ண்ட³னானி பி⁴ய்யோபா⁴வாய வேபுல்லாய
ஸங்வத்தந்தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² பி⁴க்கூ²னங்
ப⁴ண்ட³னஜாதானங் கலஹஜாதானங் விவாதா³பன்னானங் பேஸுஞ்ஞங் உபஸங்ஹரிஸ்ஸந்தி,
இமஸ்ஸ ஸுத்வா அமுஸ்ஸ அக்கா²யிஸ்ஸந்தி, இமஸ்ஸ பே⁴தா³ய; அமுஸ்ஸ ஸுத்வா இமஸ்ஸ
அக்கா²யிஸ்ஸந்தி, அமுஸ்ஸ பே⁴தா³ய! தேன அனுப்பன்னானி சேவ ப⁴ண்ட³னானி
உப்பஜ்ஜந்தி, உப்பன்னானி ச ப⁴ண்ட³னானி பி⁴ய்யோபா⁴வாய வேபுல்லாய
ஸங்வத்தந்தீ’’தி. அத² கோ² தே பி⁴க்கூ² ச²ப்³ப³க்³கி³யே பி⁴க்கூ²
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர
தும்ஹே, பி⁴க்க²வே, பி⁴க்கூ²னங் ப⁴ண்ட³னஜாதானங் கலஹஜாதானங் விவாதா³பன்னானங்
பேஸுஞ்ஞங் உபஸங்ஹரத², இமஸ்ஸ ஸுத்வா அமுஸ்ஸ அக்கா²யத², இமஸ்ஸ பே⁴தா³ய,
அமுஸ்ஸ ஸுத்வா இமஸ்ஸ அக்கா²யத², அமுஸ்ஸ பே⁴தா³ய? தேன அனுப்பன்னானி சேவ
ப⁴ண்ட³னானி உப்பஜ்ஜந்தி, உப்பன்னானி ச ப⁴ண்ட³னானி பி⁴ய்யோபா⁴வாய வேபுல்லாய
ஸங்வத்தந்தீ’’தி? ‘‘ஸச்சங் , ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, பி⁴க்கூ²னங்
ப⁴ண்ட³னஜாதானங் கலஹஜாதானங் விவாதா³பன்னானங் பேஸுஞ்ஞங் உபஸங்ஹரிஸ்ஸத²! இமஸ்ஸ
ஸுத்வா அமுஸ்ஸ அக்கா²யிஸ்ஸத², இமஸ்ஸ பே⁴தா³ய! அமுஸ்ஸ ஸுத்வா இமஸ்ஸ
அக்கா²யிஸ்ஸத², அமுஸ்ஸ பே⁴தா³ய! தேன அனுப்பன்னானி சேவ ப⁴ண்ட³னானி
உப்பஜ்ஜந்தி, உப்பன்னானி ச ப⁴ண்ட³னானி பி⁴ய்யோபா⁴வாய வேபுல்லாய
ஸங்வத்தந்தி. நேதங், மோக⁴புரிஸா, அப்பஸன்னானங் வா பஸாதா³ய. பஸன்னானங் வா
பி⁴ய்யோபா⁴வாய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –

37. ‘‘பி⁴க்கு²பேஸுஞ்ஞே பாசித்திய’’ந்தி.

38. பேஸுஞ்ஞங்
நாம த்³வீஹாகாரேஹி பேஸுஞ்ஞங் ஹோதி – பியகம்யஸ்ஸ வா பே⁴தா³தி⁴ப்பாயஸ்ஸ வா.
த³ஸஹாகாரேஹி பேஸுஞ்ஞங் உபஸங்ஹரதி – ஜாதிதோபி, நாமதோபி, கொ³த்ததோபி,
கம்மதோபி, ஸிப்பதோபி, ஆபா³த⁴தோபி, லிங்க³தோபி, கிலேஸதோபி, ஆபத்திதோபி,
அக்கோஸதோபி.

ஜாதி நாம த்³வே ஜாதியோ – ஹீனா ச ஜாதி உக்கட்டா² ச ஜாதி. ஹீனா நாம ஜாதி – சண்டா³லஜாதி வேனஜாதி நேஸாத³ஜாதி ரத²காரஜாதி புக்குஸஜாதி . ஏஸா ஹீனா நாம ஜாதி. உக்கட்டா² நாம ஜாதி – க²த்தியஜாதி ப்³ராஹ்மணஜாதி. ஏஸா உக்கட்டா² நாம ஜாதி…பே॰….

அக்கோஸோ நாம த்³வே அக்கோஸா – ஹீனோ ச அக்கோஸோ உக்கட்டோ² ச அக்கோஸோ. ஹீனோ
நாம அக்கோஸோ – ஒட்டோ²ஸி, மெண்டோ³ஸி, கோ³ணோஸி, க³த்³ரபோ⁴ஸி,
திரச்சா²னக³தோஸி, நேரயிகோஸி; நத்தி² துய்ஹங் ஸுக³தி; து³க்³க³தி யேவ
துய்ஹங் பாடிகங்கா²தி, யகாரேன வா ப⁴காரேன வா காடகோடசிகாய வா. ஏஸோ ஹீனோ நாம அக்கோஸோ. உக்கட்டோ²
நாம அக்கோஸோ – பண்டி³தோஸி, ப்³யத்தோஸி, மேதா⁴வீஸி, ப³ஹுஸ்ஸுதோஸி,
த⁴ம்மகதி²கோஸி; நத்தி² துய்ஹங் து³க்³க³தி; ஸுக³தி யேவ துய்ஹங்
பாடிகங்கா²தி. ஏஸோ உக்கட்டோ² நாம அக்கோஸோ.

39.
உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ பேஸுஞ்ஞங் உபஸங்ஹரதி –
‘‘இத்த²ன்னாமோ தங் ‘சண்டா³லோ வேனோ நேஸாதோ³ ரத²காரோ புக்குஸோ’தி ப⁴ணதீ’’தி.
ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ
பேஸுஞ்ஞங் உபஸங்ஹரதி – ‘‘இத்த²ன்னாமோ தங் ‘க²த்தியோ ப்³ராஹ்மணோ’தி
ப⁴ணதீ’’தி. ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ
பேஸுஞ்ஞங் உபஸங்ஹரதி – ‘‘இத்த²ன்னாமோ தங் ‘அவகண்ணகோ ஜவகண்ணகோ த⁴னிட்ட²கோ
ஸவிட்ட²கோ குலவட்³ட⁴கோ’தி ப⁴ணதீ’’தி. ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ
பேஸுஞ்ஞங் உபஸங்ஹரதி – ‘‘இத்த²ன்னாமோ தங் ‘பு³த்³த⁴ரக்கி²தோ த⁴ம்மரக்கி²தோ
ஸங்க⁴ரக்கி²தோ’தி ப⁴ணதீ’’தி. ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ
பேஸுஞ்ஞங் உபஸங்ஹரதி – ‘‘இத்த²ன்னாமோ தங் ‘கோஸியோ பா⁴ரத்³வாஜோ’தி
ப⁴ணதீ’’தி. ஆபத்தி வாசாய, வாசாய பாசித்தியஸ்ஸ.

உபஸம்பன்னோ
உபஸம்பன்னஸ்ஸ ஸுத்வா உபஸம்பன்னஸ்ஸ பேஸுஞ்ஞங் உபஸங்ஹரதி – ‘‘இத்த²ன்னாமோ
தங் ‘கோ³தமோ மொக்³க³ல்லானோ கச்சானோ வாஸிட்டோ²’தி ப⁴ணதீ’’தி. ஆபத்தி வாசாய,
வாசாய பாசித்தியஸ்ஸ.

உபஸம்பன்னோ உபஸம்பன்னஸ்ஸ
ஸுத்வா உபஸம்பன்னஸ்ஸ பேஸுஞ்ஞங் உபஸங்ஹரதி – ‘‘இத்த²ன்னாமோ தங் ‘கொட்ட²கோ
புப்ப²ச²ட்³ட³கோ’தி ப⁴ணதீ’’தி. ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ
பேஸுஞ்ஞங் உபஸங்ஹரதி – ‘‘இத்த²ன்னாமோ தங் ‘கஸ்ஸகோ வாணிஜோ கோ³ரக்கோ²’தி
ப⁴ணதீ’’தி. ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ
பேஸுஞ்ஞங் உபஸங்ஹரதி – ‘‘இத்த²ன்னாமோ தங் ‘நளகாரோ கும்ப⁴காரோ பேஸகாரோ
சம்மகாரோ நஹாபிதோ’தி ப⁴ணதீ’’தி. ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ
பேஸுஞ்ஞங் உபஸங்ஹரதி – ‘‘இத்த²ன்னாமோ தங் ‘முத்³தி³கோ க³ணகோ லேக²கோ’தி
ப⁴ணதீ’’தி. ஆபத்தி வாசாய, வாசாய பாசித்தியஸ்ஸ.

40.
உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ பேஸுஞ்ஞங் உபஸங்ஹரதி –
‘‘இத்த²ன்னாமோ தங் ‘குட்டி²கோ க³ண்டி³கோ கிலாஸிகோ ஸோஸிகோ அபமாரிகோ’தி
ப⁴ணதீ’’தி. ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னஸ்ஸ
ஸுத்வா உபஸம்பன்னஸ்ஸ பேஸுஞ்ஞங் உபஸங்ஹரதி – ‘‘இத்த²ன்னாமோ தங்
‘மது⁴மேஹிகோ’தி ப⁴ணதீ’’தி. ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ
பேஸுஞ்ஞங் உபஸங்ஹரதி – ‘‘இத்த²ன்னாமோ தங் ‘அதிதீ³கோ⁴ அதிரஸ்ஸோ அதிகண்ஹோ
அச்சோதா³தோ’தி ப⁴ணதீ’’தி. ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ பேஸுஞ்ஞங் உபஸங்ஹரதி – ‘‘இத்த²ன்னாமோ தங் ‘நாதிதீ³கோ⁴ நாதிரஸ்ஸோ நாதிகண்ஹோ நாச்சோதா³தோ’தி ப⁴ணதீ’’தி. ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ
பேஸுஞ்ஞங் உபஸங்ஹரதி – ‘‘இத்த²ன்னாமோ தங் ‘ராக³பரியுட்டி²தோ
தோ³ஸபரியுட்டி²தோ மோஹபரியுட்டி²தோ’தி ப⁴ணதீ’’தி. ஆபத்தி வாசாய, வாசாய
பாசித்தியஸ்ஸ.

உபஸம்பன்னோ உபஸம்பன்னஸ்ஸ
ஸுத்வா உபஸம்பன்னஸ்ஸ பேஸுஞ்ஞங் உபஸங்ஹரதி – ‘‘இத்த²ன்னாமோ தங் ‘வீதராகோ³
வீததோ³ஸோ வீதமோஹோ’தி ப⁴ணதீ’’தி. ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ
பேஸுஞ்ஞங் உபஸங்ஹரதி – ‘‘இத்த²ன்னாமோ தங் ‘பாராஜிகங் அஜ்ஜா²பன்னோ,
ஸங்கா⁴தி³ஸேஸங் அஜ்ஜா²பன்னோ, து²ல்லச்சயங் அஜ்ஜா²பன்னோ, பாசித்தியங்
அஜ்ஜா²பன்னோ , பாடிதே³ஸனீயங் அஜ்ஜா²பன்னோ, து³க்கடங் அஜ்ஜா²பன்னோ, து³ப்³பா⁴ஸிதங் அஜ்ஜா²பன்னோ’தி ப⁴ணதீ’’தி. ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ
பேஸுஞ்ஞங் உபஸங்ஹரதி – ‘‘இத்த²ன்னாமோ தங் ‘ஸோதாபன்னோ’தி ப⁴ணதீ’’தி. ஆபத்தி
வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ
பேஸுஞ்ஞங் உபஸங்ஹரதி – ‘‘இத்த²ன்னாமோ தங் ‘ஒட்டோ² மெண்டோ³ கோ³ணோ க³த்³ரபோ⁴
திரச்சா²னக³தோ நேரயிகோ, நத்தி² தஸ்ஸ ஸுக³தி, து³க்³க³தியேவ தஸ்ஸ
பாடிகங்கா²’தி ப⁴ணதீ’’தி. ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ
பேஸுஞ்ஞங் உபஸங்ஹரதி – ‘‘இத்த²ன்னாமோ தங் ‘பண்டி³தோ ப்³யத்தோ மேதா⁴வீ
ப³ஹுஸ்ஸுதோ த⁴ம்மகதி²கோ, நத்தி² தஸ்ஸ து³க்³க³தி, ஸுக³தி யேவ தஸ்ஸ
பாடிகங்கா²’தி ப⁴ணதீ’’தி. ஆபத்தி வாசாய, வாசாய பாசித்தியஸ்ஸ.

41.
உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ பேஸுஞ்ஞங் உபஸங்ஹரதி –
‘‘இத்த²ன்னாமோ ‘ஸந்தி இதே⁴கச்சே சண்டா³லா வேனா நேஸாதா³ ரத²காரா,
புக்குஸா’தி ப⁴ணதி, ந ஸோ அஞ்ஞங் ப⁴ணதி, தஞ்ஞேவ ப⁴ணதீ’’தி. ஆபத்தி வாசாய,
வாசாய து³க்கடஸ்ஸ.

உபஸம்பன்னோ உபஸம்பன்னஸ்ஸ
ஸுத்வா உபஸம்பன்னஸ்ஸ பேஸுஞ்ஞங் உபஸங்ஹரதி – ‘‘இத்த²ன்னாமோ ‘ஸந்தி இதே⁴கச்சே
க²த்தியா ப்³ராஹ்மணா’தி ப⁴ணதி, ந ஸோ அஞ்ஞங் ப⁴ணதி, தஞ்ஞேவ ப⁴ணதீ’தி.
ஆபத்தி வாசாய, வாசாய து³க்கடஸ்ஸ…பே॰….

உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ
பேஸுஞ்ஞங் உபஸங்ஹரதி – ‘‘இத்த²ன்னாமோ ‘ஸந்தி இதே⁴கச்சே பண்டி³தா ப்³யத்தா
மேதா⁴வீ ப³ஹுஸ்ஸுதா த⁴ம்மகதி²கா, நத்தி² தேஸங் து³க்³க³தி, ஸுக³தி யேவ
தேஸங் பாடிகங்கா²’தி ப⁴ணதி, ந ஸோ அஞ்ஞங் ப⁴ணதி, தஞ்ஞேவ ப⁴ணதீ’’தி. ஆபத்தி வாசாய, வாசாய து³க்கடஸ்ஸ.

உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ
பேஸுஞ்ஞங் உபஸங்ஹரதி – ‘‘இத்த²ன்னாமோ ‘யே நூன சண்டா³லா வேனா நேஸாதா³
ரத²காரா புக்குஸா’தி ப⁴ணதி, ந ஸோ அஞ்ஞங் ப⁴ணதி, தஞ்ஞேவ ப⁴ணதீ’’தி. ஆபத்தி
வாசாய, வாசாய து³க்கடஸ்ஸ.

உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ
பேஸுஞ்ஞங் உபஸங்ஹரதி – ‘‘இத்த²ன்னாமோ ‘யே நூன பண்டி³தா ப்³யத்தா மேதா⁴வீ
ப³ஹுஸ்ஸுதா த⁴ம்மகதி²கா’தி ப⁴ணதி, ந ஸோ அஞ்ஞங் ப⁴ணதி, தஞ்ஞேவ ப⁴ணதீ’’தி.
ஆபத்தி வாசாய, வாசாய து³க்கடஸ்ஸ.

உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ
பேஸுஞ்ஞங் உபஸங்ஹரதி – ‘‘இத்த²ன்னாமோ ‘ந மயங் சண்டா³லா வேனா நேஸாதா³
ரத²காரா புக்குஸா’தி ப⁴ணதி, ந ஸோ அஞ்ஞங் ப⁴ணதி, தஞ்ஞேவ ப⁴ணதீ’’தி. ஆபத்தி
வாசாய, வாசாய து³க்கடஸ்ஸ.

உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ பேஸுஞ்ஞங் உபஸங்ஹரதி
– ‘‘இத்த²ன்னாமோ ‘ந மயங் பண்டி³தா ப்³யத்தா மேதா⁴வீ ப³ஹுஸ்ஸுதா
த⁴ம்மகதி²கா, நத்த²ம்ஹாகங் து³க்³க³தி, ஸுக³தி யேவ அம்ஹாகங் பாடிகங்கா²’தி
ப⁴ணதி, ந ஸோ அஞ்ஞங் ப⁴ணதி, தஞ்ஞேவ ப⁴ணதீ’’தி. ஆபத்தி வாசாய, வாசாய து³க்கடஸ்ஸ.

42. உபஸம்பன்னோ உபஸம்பன்னஸ்ஸ ஸுத்வா உபஸம்பன்னஸ்ஸ பேஸுஞ்ஞங் உபஸங்ஹரதி; ஆபத்தி வாசாய, வாசாய பாசித்தியஸ்ஸ.

உபஸம்பன்னோ உபஸம்பன்னஸ்ஸ ஸுத்வா அனுபஸம்பன்னஸ்ஸ பேஸுஞ்ஞங் உபஸங்ஹரதி, ஆபத்தி து³க்கடஸ்ஸ.

உபஸம்பன்னோ அனுபஸம்பன்னஸ்ஸ ஸுத்வா உபஸம்பன்னஸ்ஸ பேஸுஞ்ஞங் உபஸங்ஹரதி, ஆபத்தி து³க்கடஸ்ஸ.

உபஸம்பன்னோ அனுபஸம்பன்னஸ்ஸ ஸுத்வா அனுபஸம்பன்னஸ்ஸ பேஸுஞ்ஞங் உபஸங்ஹரதி, ஆபத்தி து³க்கடஸ்ஸ.

43. அனாபத்தி நபியகம்யஸ்ஸ, நபே⁴தா³தி⁴ப்பாயஸ்ஸ, உம்மத்தகஸ்ஸ, ஆதி³கம்மிகஸ்ஸாதி.

பேஸுஞ்ஞஸிக்கா²பத³ங் நிட்டி²தங் ததியங்.

4. பத³ஸோத⁴ம்மஸிக்கா²பத³ங்

44. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² உபாஸகே பத³ஸோ த⁴ம்மங்
வாசெந்தி. உபாஸகா பி⁴க்கூ²ஸு அகா³ரவா அப்பதிஸ்ஸா அஸபா⁴க³வுத்திகா விஹரந்தி.
யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ச²ப்³ப³க்³கி³யா பி⁴க்கூ² உபாஸகே பத³ஸோ த⁴ம்மங் வாசெஸ்ஸந்தி!
உபாஸகா பி⁴க்கூ²ஸு அகா³ரவா அப்பதிஸ்ஸா அஸபா⁴க³வுத்திகா விஹரந்தீ’’தி. அத²
கோ² தே பி⁴க்கூ² ச²ப்³ப³க்³கி³யே பி⁴க்கூ² அனேகபரியாயேன விக³ரஹித்வா
ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர தும்ஹே, பி⁴க்க²வே, உபாஸகே
பத³ஸோ த⁴ம்மங் வாசேத²; உபாஸகா பி⁴க்கூ²ஸு அகா³ரவா அப்பதிஸ்ஸா
அஸபா⁴க³வுத்திகா விஹரந்தீ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, உபாஸகே பத³ஸோ த⁴ம்மங்
வாசெஸ்ஸத²! உபாஸகா பி⁴க்கூ²ஸு அகா³ரவா அப்பதிஸ்ஸா அஸபா⁴க³வுத்திகா
விஹரந்தி! நேதங், மோக⁴புரிஸா, அப்பஸன்னானங் வா பஸாதா³ய பஸன்னானங் வா
பி⁴ய்யோபா⁴வாய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –

45. ‘‘யோ பன பி⁴க்கு² அனுபஸம்பன்னங் பத³ஸோ த⁴ம்மங் வாசெய்ய பாசித்திய’’ந்தி.

46. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

அனுபஸம்பன்னோ நாம பி⁴க்கு²ஞ்ச பி⁴க்கு²னிஞ்ச ட²பெத்வா அவஸேஸோ அனுபஸம்பன்னோ நாம.

பத³ஸோ நாம பத³ங், அனுபத³ங், அன்வக்க²ரங், அனுப்³யஞ்ஜனங்.

பத³ங் நாம ஏகதோ பட்ட²பெத்வா ஏகதோ ஓஸாபெந்தி. அனுபத³ங் நாம பாடேக்கங் பட்ட²பெத்வா ஏகதோ ஓஸாபெந்தி. அன்வக்க²ரங் நாம ‘‘ரூபங் அனிச்ச’’ந்தி வுச்சமானோ, ‘‘ரு’’ந்தி ஓபாதேதி. அனுப்³யஞ்ஜனங் நாம ‘‘ரூபங் அனிச்ச’’ந்தி வுச்சமானோ, ‘‘வேத³னா அனிச்சா’’தி ஸத்³த³ங் நிச்சா²ரேதி.

யஞ்ச பத³ங், யஞ்ச அனுபத³ங், யஞ்ச அன்வக்க²ரங், யஞ்ச அனுப்³யஞ்ஜனங் – ஸப்³ப³மேதங் பத³ஸோ [பத³ஸோ த⁴ம்மோ (இதிபி)] நாம.

த⁴ம்மோ நாம பு³த்³த⁴பா⁴ஸிதோ, ஸாவகபா⁴ஸிதோ, இஸிபா⁴ஸிதோ, தே³வதாபா⁴ஸிதோ, அத்தூ²பஸஞ்ஹிதோ, த⁴ம்மூபஸஞ்ஹிதோ.

வாசெய்யாதி பதே³ன வாசேதி, பதே³ பதே³ ஆபத்தி பாசித்தியஸ்ஸ. அக்க²ராய வாசேதி, அக்க²ரக்க²ராய ஆபத்தி பாசித்தியஸ்ஸ.

47.
அனுபஸம்பன்னே அனுபஸம்பன்னஸஞ்ஞீ பத³ஸோ த⁴ம்மங் வாசேதி, ஆபத்தி
பாசித்தியஸ்ஸ. அனுபஸம்பன்னே வேமதிகோ பத³ஸோ த⁴ம்மங் வாசேதி, ஆபத்தி
பாசித்தியஸ்ஸ. அனுபஸம்பன்னே உபஸம்பன்னஸஞ்ஞீ பத³ஸோ த⁴ம்மங் வாசேதி, ஆபத்தி
பாசித்தியஸ்ஸ.

உபஸம்பன்னே அனுபஸம்பன்னஸஞ்ஞீ, ஆபத்தி து³க்கடஸ்ஸ. உபஸம்பன்னே வேமதிகோ, ஆபத்தி து³க்கடஸ்ஸ. உபஸம்பன்னே உபஸம்பன்னஸஞ்ஞீ, அனாபத்தி.

48. அனாபத்தி ஏகதோ உத்³தி³ஸாபெந்தோ, ஏகதோ ஸஜ்ஜா²யங் கரொந்தோ , யேபு⁴ய்யேன பகு³ணங் க³ந்த²ங் ப⁴ணந்தங் ஓபாதேதி, ஓஸாரெந்தங் ஓபாதேதி, உம்மத்தகஸ்ஸ, ஆதி³கம்மிகஸ்ஸாதி.

பத³ஸோத⁴ம்மஸிக்கா²பத³ங் நிட்டி²தங் சதுத்த²ங்.

5. ஸஹஸெய்யஸிக்கா²பத³ங்

49. தேன
ஸமயேன பு³த்³தோ⁴ ப⁴க³வா ஆளவியங் விஹரதி அக்³கா³ளவே சேதியே. தேன கோ² பன
ஸமயேன உபாஸகா ஆராமங் ஆக³ச்ச²ந்தி த⁴ம்மஸ்ஸவனாய. த⁴ம்மே பா⁴ஸிதே தே²ரா
பி⁴க்கூ² யதா²விஹாரங் க³ச்ச²ந்தி. நவகா பி⁴க்கூ² தத்தே²வ உபட்டா²னஸாலாயங்
உபாஸகேஹி ஸத்³தி⁴ங் முட்ட²ஸ்ஸதீ, அஸம்பஜானா, நக்³கா³, விகூஜமானா,
காகச்ச²மானா ஸெய்யங் கப்பெந்தி. உபாஸகா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ப⁴த³ந்தா முட்ட²ஸ்ஸதீ அஸம்பஜானா நக்³கா³ விகூஜமானா
காகச்ச²மானா ஸெய்யங் கப்பெஸ்ஸந்தீ’’தி! அஸ்ஸோஸுங் கோ² பி⁴க்கூ² தேஸங்
உபாஸகானங் உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கூ² அனுபஸம்பன்னேன
ஸஹஸெய்யங் கப்பெஸ்ஸந்தீ’’தி! அத² கோ² தே பி⁴க்கூ² தே நவகே பி⁴க்கூ²
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர,
பி⁴க்க²வே, பி⁴க்கூ² அனுபஸம்பன்னேன ஸஹஸெய்யங் கப்பெந்தீ’’தி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தே, பி⁴க்க²வே,
மோக⁴புரிஸா அனுபஸம்பன்னேன ஸஹஸெய்யங் கப்பெஸ்ஸந்தி! நேதங், பி⁴க்க²வே,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –

‘‘யோ பன பி⁴க்கு² அனுபஸம்பன்னேன ஸஹஸெய்யங் கப்பெய்ய பாசித்திய’’ந்தி.

ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.

50. அத²
கோ² ப⁴க³வா ஆளவியங் யதா²பி⁴ரந்தங் விஹரித்வா யேன கோஸம்பீ³ தேன சாரிகங்
பக்காமி. அனுபுப்³பே³ன சாரிகங் சரமானோ யேன கோஸம்பீ³ தத³வஸரி. தத்ர ஸுத³ங்
ப⁴க³வா கோஸம்பி³யங் விஹரதி ப³த³ரிகாராமே. பி⁴க்கூ² ஆயஸ்மந்தங் ராஹுலங்
ஏதத³வோசுங் – ‘‘ப⁴க³வதா, ஆவுஸோ ராஹுல, ஸிக்கா²பத³ங் பஞ்ஞத்தங் – ‘ந
அனுபஸம்பன்னேன ஸஹஸெய்யா கப்பேதப்³பா³’தி. ஸெய்யங், ஆவுஸோ ராஹுல,
ஜானாஹீ’’தி. அத² கோ² ஆயஸ்மா ராஹுலோ ஸெய்யங் அலப⁴மானோ வச்சகுடியா ஸெய்யங்
கப்பேஸி. அத² கோ² ப⁴க³வா ரத்தியா பச்சூஸஸமயங் பச்சுட்டா²ய யேன வச்சகுடி
தேனுபஸங்கமி; உபஸங்கமித்வா உக்காஸி. ஆயஸ்மாபி ராஹுலோ உக்காஸி. ‘‘கோ
எத்தா²’’தி? ‘‘அஹங், ப⁴க³வா, ராஹுலோ’’தி. ‘‘கிஸ்ஸ த்வங், ராஹுல, இத⁴
நிஸின்னோஸீ’’தி? அத² கோ² ஆயஸ்மா ராஹுலோ ப⁴க³வதோ ஏதமத்த²ங் ஆரோசேஸி. அத² கோ²
ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங்
கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, அனுபஸம்பன்னேன
தி³ரத்ததிரத்தங் ஸஹஸெய்யங் கப்பேதுங். ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –

51. ‘‘யோ பன பி⁴க்கு² அனுபஸம்பன்னேன உத்தரிதி³ரத்ததிரத்தங் ஸஹஸெய்யங் கப்பெய்ய, பாசித்திய’’ந்தி.

52. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

அனுபஸம்பன்னோ நாம பி⁴க்கு²ங் ட²பெத்வா அவஸேஸோ அனுபஸம்பன்னோ நாம.

உத்தரிதி³ரத்ததிரத்தந்தி அதிரேகதி³ரத்ததிரத்தங்.

ஸஹாதி ஏகதோ.

ஸெய்யா நாம ஸப்³ப³ச்ச²ன்னா, ஸப்³ப³பரிச்ச²ன்னா, யேபு⁴ய்யேனச்ச²ன்னா, யேபு⁴ய்யேன பரிச்ச²ன்னா.

ஸெய்யங் கப்பெய்யாதி
சதுத்தே² தி³வஸே அத்த²ங்க³தே ஸூரியே, அனுபஸம்பன்னே நிபன்னே, பி⁴க்கு²
நிபஜ்ஜதி, ஆபத்தி பாசித்தியஸ்ஸ. பி⁴க்கு² நிபன்னே, அனுபஸம்பன்னோ நிபஜ்ஜதி,
ஆபத்தி பாசித்தியஸ்ஸ. உபோ⁴ வா நிபஜ்ஜந்தி, ஆபத்தி பாசித்தியஸ்ஸ.
உட்ட²ஹித்வா புனப்புனங் நிபஜ்ஜந்தி, ஆபத்தி பாசித்தியஸ்ஸ.

53.
அனுபஸம்பன்னே அனுபஸம்பன்னஸஞ்ஞீ உத்தரிதி³ரத்ததிரத்தங் ஸஹஸெய்யங் கப்பேதி,
ஆபத்தி பாசித்தியஸ்ஸ. அனுபஸம்பன்னே வேமதிகோ உத்தரிதி³ரத்ததிரத்தங்
ஸஹஸெய்யங் கப்பேதி, ஆபத்தி பாசித்தியஸ்ஸ. அனுபஸம்பன்னே உபஸம்பன்னஸஞ்ஞீ
உத்தரிதி³ரத்ததிரத்தங் ஸஹஸெய்யங் கப்பேதி, ஆபத்தி பாசித்தியஸ்ஸ.

உபட்³ட⁴ச்ச²ன்னே உபட்³ட⁴பரிச்ச²ன்னே, ஆபத்தி
து³க்கடஸ்ஸ. உபஸம்பன்னே அனுபஸம்பன்னஸஞ்ஞீ, ஆபத்தி து³க்கடஸ்ஸ. உபஸம்பன்னே
வேமதிகோ, ஆபத்தி து³க்கடஸ்ஸ. உபஸம்பன்னே உபஸம்பன்னஸஞ்ஞீ, அனாபத்தி.

54. அனாபத்தி
த்³வேதிஸ்ஸோ ரத்தியோ வஸதி, ஊனகத்³வேதிஸ்ஸோ ரத்தியோ வஸதி, த்³வே ரத்தியோ
வஸித்வா ததியாய ரத்தியா புராருணா நிக்க²மித்வா புன வஸதி, ஸப்³ப³ச்ச²ன்னே,
ஸப்³ப³அபரிச்ச²ன்னே, ஸப்³ப³பரிச்ச²ன்னே ஸப்³ப³அச்ச²ன்னே [வஸதி, ஸப்³ப³அச்ச²ன்னே ஸப்³ப³அபரிச்ச²ன்னே, (ஸீ॰)], யேபு⁴ய்யேன அச்ச²ன்னே, யேபு⁴ய்யேன அபரிச்ச²ன்னே, அனுபஸம்பன்னே நிபன்னே பி⁴க்கு² நிஸீத³தி, பி⁴க்கு² நிபன்னே அனுபஸம்பன்னோ நிஸீத³தி, உபோ⁴ வா நிஸீத³ந்தி, உம்மத்தகஸ்ஸ, ஆதி³கம்மிகஸ்ஸாதி.

ஸஹஸெய்யஸிக்கா²பத³ங் நிட்டி²தங் பஞ்சமங்.

6. து³தியஸஹஸெய்யஸிக்கா²பத³ங்

55. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ஆயஸ்மா அனுருத்³தோ⁴ கோஸலேஸு ஜனபதே³ [எத்த² அம்ப³ட்ட²ஸுத்தாதி³டீகா ஓலோகேதப்³பா³]
ஸாவத்தி²ங் க³ச்ச²ந்தோ ஸாயங் அஞ்ஞதரங் கா³மங் உபக³ச்சி². தேன கோ² பன ஸமயேன
தஸ்மிங் கா³மே அஞ்ஞதரிஸ்ஸா இத்தி²யா ஆவஸதா²கா³ரங் பஞ்ஞத்தங் ஹோதி. அத² கோ²
ஆயஸ்மா அனுருத்³தோ⁴ யேன ஸா இத்தீ² தேனுபஸங்கமி; உபஸங்கமித்வா தங் இத்தி²ங்
ஏதத³வோச – ‘‘ஸசே தே, ப⁴கி³னி, அக³ரு, வஸெய்யாம ஏகரத்தங் ஆவஸதா²கா³ரே’’தி.
‘‘வஸெய்யாத², ப⁴ந்தே’’தி. அஞ்ஞேபி அத்³தி⁴கா யேன ஸா இத்தீ²
தேனுபஸங்கமிங்ஸு; உபஸங்கமித்வா தங் இத்தி²ங் ஏதத³வோசுங் – ‘‘ஸசே தே, அய்யே,
அக³ரு வஸெய்யாம ஏகரத்தங் ஆவஸதா²கா³ரே’’தி . ‘‘ஏஸோ
கோ² அய்யோ ஸமணோ பட²மங் உபக³தோ; ஸசே ஸோ அனுஜானாதி, வஸெய்யாதா²’’தி. அத² கோ²
தே அத்³தி⁴கா யேனாயஸ்மா அனுருத்³தோ⁴ தேனுபஸங்கமிங்ஸு; உபஸங்கமித்வா
ஆயஸ்மந்தங் அனுருத்³த⁴ங் ஏதத³வோசுங் – ‘‘ஸசே தே, ப⁴ந்தே, அக³ரு, வஸெய்யாம
ஏகரத்தங் ஆவஸதா²கா³ரே’’தி. ‘‘வஸெய்யாத², ஆவுஸோ’’தி. அத² கோ² ஸா இத்தீ²
ஆயஸ்மந்தே அனுருத்³தே⁴ ஸஹ த³ஸ்ஸனேன படிப³த்³த⁴சித்தா அஹோஸி. அத² கோ² ஸா
இத்தீ² யேனாயஸ்மா அனுருத்³தோ⁴ தேனுபஸங்கமி; உபஸங்கமித்வா ஆயஸ்மந்தங்
அனுருத்³த⁴ங் ஏதத³வோச – ‘‘அய்யோ, ப⁴ந்தே, இமேஹி மனுஸ்ஸேஹி ஆகிண்ணோ ந பா²ஸு
விஹரிஸ்ஸதி. ஸாதா⁴ஹங், ப⁴ந்தே, அய்யஸ்ஸ மஞ்சகங்
அப்³ப⁴ந்தரங் பஞ்ஞபெய்ய’’ந்தி. அதி⁴வாஸேஸி கோ² ஆயஸ்மா அனுருத்³தோ⁴
துண்ஹீபா⁴வேன. அத² கோ² ஸா இத்தீ² ஆயஸ்மதோ அனுருத்³த⁴ஸ்ஸ மஞ்சகங்
அப்³ப⁴ந்தரங் பஞ்ஞபெத்வா அலங்கதப்படியத்தா க³ந்த⁴க³ந்தி⁴னீ யேனாயஸ்மா
அனுருத்³தோ⁴ தேனுபஸங்கமி; உபஸங்கமித்வா ஆயஸ்மந்தங் அனுருத்³த⁴ங் ஏதத³வோச –
‘‘அய்யோ, ப⁴ந்தே, அபி⁴ரூபோ த³ஸ்ஸனீயோ பாஸாதி³கோ, அஹங் சம்ஹி அபி⁴ரூபா
த³ஸ்ஸனீயா பாஸாதி³கா. ஸாதா⁴ஹங், ப⁴ந்தே, அய்யஸ்ஸ பஜாபதி ப⁴வெய்ய’’ந்தி.
ஏவங் வுத்தே ஆயஸ்மா அனுருத்³தோ⁴ துண்ஹீ அஹோஸி. து³தியம்பி கோ²…பே॰…
ததியம்பி கோ² ஸா இத்தீ² ஆயஸ்மந்தங் அனுருத்³த⁴ங் ஏதத³வோச – ‘‘அய்யோ,
ப⁴ந்தே, அபி⁴ரூபோ த³ஸ்ஸனீயோ பாஸாதி³கோ, அஹஞ்சம்ஹி அபி⁴ரூபா த³ஸ்ஸனீயா பாஸாதி³கா. ஸாது⁴, ப⁴ந்தே, அய்யோ மஞ்சேவ படிச்ச²து [ஸம்படிச்ச²து (ஸ்யா॰)]
ஸப்³ப³ஞ்ச ஸாபதெய்ய’’ந்தி. ததியம்பி கோ² ஆயஸ்மா அனுருத்³தோ⁴ துண்ஹீ அஹோஸி.
அத² கோ² ஸா இத்தீ² ஸாடகங் நிக்கி²பித்வா ஆயஸ்மதோ அனுருத்³த⁴ஸ்ஸ புரதோ
சங்கமதிபி திட்ட²திபி நிஸீத³திபி ஸெய்யம்பி கப்பேதி. அத² கோ² ஆயஸ்மா
அனுருத்³தோ⁴ இந்த்³ரியானி ஒக்கி²பித்வா தங் இத்தி²ங் நேவ ஓலோகேஸி நபி ஆலபி.
அத² கோ² ஸா இத்தீ² – ‘‘அச்ச²ரியங் வத போ⁴,
அப்³பு⁴தங் வத போ⁴! ப³ஹூ மே மனுஸ்ஸா ஸதேனபி ஸஹஸ்ஸேனபி பஹிணந்தி. அயங் பன
ஸமணோ – மயா ஸாமங் யாசியமானோ – ந இச்ச²தி மஞ்சேவ படிச்சி²துங் ஸப்³ப³ஞ்ச
ஸாபதெய்ய’’ந்தி ஸாடகங் நிவாஸெத்வா ஆயஸ்மதோ அனுருத்³த⁴ஸ்ஸ பாதே³ஸு ஸிரஸா
நிபதித்வா ஆயஸ்மந்தங் அனுருத்³த⁴ங் ஏதத³வோச – ‘‘அச்சயோ மங், ப⁴ந்தே,
அச்சக³மா யதா²பா³லங் யதா²மூள்ஹங் யதா²அகுஸலங் யாஹங் ஏவமகாஸிங். தஸ்ஸா மே,
ப⁴ந்தே, அய்யோ அச்சயங் அச்சயதோ படிக்³க³ண்ஹாது ஆயதிங் ஸங்வராயா’’தி.
‘‘தக்³க⁴ த்வங், ப⁴கி³னி, அச்சயோ அச்சக³மா யதா²பா³லங் யதா²மூள்ஹங்
யதா²அகுஸலங் யா த்வங் ஏவமகாஸி. யதோ ச கோ² த்வங், ப⁴கி³னி, அச்சயங் அச்சயதோ
தி³ஸ்வா யதா²த⁴ம்மங் படிகரோஸி, தங் தே மயங்
படிக்³க³ண்ஹாம. வுத்³தி⁴ ஹேஸா, ப⁴கி³னி, அரியஸ்ஸ வினயே யோ அச்சயங் அச்சயதோ
தி³ஸ்வா யதா²த⁴ம்மங் படிகரோதி ஆயதிஞ்ச ஸங்வரங் ஆபஜ்ஜதீ’’தி.

அத² கோ² ஸா இத்தீ² தஸ்ஸா ரத்தியா அச்சயேன ஆயஸ்மந்தங்
அனுருத்³த⁴ங் பணீதேன கா²த³னீயேன போ⁴ஜனீயேன ஸஹத்தா² ஸந்தப்பெத்வா
ஸம்பவாரெத்வா, ஆயஸ்மந்தங் அனுருத்³த⁴ங் பு⁴த்தாவிங் ஓனீதபத்தபாணிங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னங் கோ² தங் இத்தி²ங்
ஆயஸ்மா அனுருத்³தோ⁴ த⁴ம்மியா கதா²ய ஸந்த³ஸ்ஸேஸி ஸமாத³பேஸி ஸமுத்தேஜேஸி
ஸம்பஹங்ஸேஸி. அத² கோ² ஸா இத்தீ² – ஆயஸ்மதா அனுருத்³தே⁴ன த⁴ம்மியா கதா²ய
ஸந்த³ஸ்ஸிதா ஸமாத³பிதா ஸமுத்தேஜிதா ஸம்பஹங்ஸிதா – ஆயஸ்மந்தங் அனுருத்³த⁴ங்
ஏதத³வோச – ‘‘அபி⁴க்கந்தங், ப⁴ந்தே, அபி⁴க்கந்தங், ப⁴ந்தே! ஸெய்யதா²பி,
ப⁴ந்தே, நிக்குஜ்ஜிதங் வா உக்குஜ்ஜெய்ய, படிச்ச²ன்னங் வா விவரெய்ய,
மூள்ஹஸ்ஸ வா மக்³க³ங் ஆசிக்கெ²ய்ய, அந்த⁴காரே வா தேலபஜ்ஜோதங் தா⁴ரெய்ய –
சக்கு²மந்தோ ரூபானி த³க்க²ந்தீதி, ஏவமேவங் அய்யேன
அனுருத்³தே⁴ன அனேகபரியாயேன த⁴ம்மோ பகாஸிதோ. ஏஸாஹங், ப⁴ந்தே, தங் ப⁴க³வந்தங்
ஸரணங் க³ச்சா²மி த⁴ம்மஞ்ச பி⁴க்கு²ஸங்க⁴ஞ்ச. உபாஸிகங் மங் அய்யோ தா⁴ரேது
அஜ்ஜதக்³கே³ பாணுபேதங் ஸரணங் க³த’’ந்தி.

அத² கோ² ஆயஸ்மா அனுருத்³தோ⁴ ஸாவத்தி²யங் க³ந்த்வா
பி⁴க்கூ²னங் ஏதமத்த²ங் ஆரோசேஸி. யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா அனுருத்³தோ⁴
மாதுகா³மேன ஸஹஸெய்யங் கப்பெஸ்ஸதீ’’தி! அத² கோ² தே பி⁴க்கூ² ஆயஸ்மந்தங்
அனுருத்³த⁴ங் அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰…
‘‘ஸச்சங் கிர த்வங், அனுருத்³த⁴, மாதுகா³மேன ஸஹஸெய்யங் கப்பேஸீ’’தி? ‘‘ஸச்சங், ப⁴க³வா’’தி .
விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம த்வங், அனுருத்³த⁴, மாதுகா³மேன
ஸஹஸெய்யங் கப்பெஸ்ஸஸி! நேதங், அனுருத்³த⁴, அப்பஸன்னானங் வா பஸாதா³ய…பே॰…
ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

56. ‘‘யோ பன பி⁴க்கு² மாதுகா³மேன ஸஹஸெய்யங் கப்பெய்ய பாசித்திய’’ந்தி.

57. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

மாதுகா³மோ நாம மனுஸ்ஸித்தீ², ந யக்கீ² [யக்கி²னீ (க॰)], ந பேதீ, ந திரச்சா²னக³தா; அந்தமஸோ தத³ஹுஜாதாபி தா³ரிகா, பகே³வ மஹத்தரீ.

ஸஹாதி ஏகதோ.

ஸெய்யா நாம ஸப்³ப³ச்ச²ன்னா, ஸப்³ப³பரிச்ச²ன்னா, யேபு⁴ய்யேனச்ச²ன்னா, யேபு⁴ய்யேன பரிச்ச²ன்னா.

ஸெய்யங் கப்பெய்யாதி அத்த²ங்க³தே ஸூரியே, மாதுகா³மே நிபன்னே பி⁴க்கு² நிபஜ்ஜதி, ஆபத்தி
பாசித்தியஸ்ஸ. பி⁴க்கு² நிபன்னே மாதுகா³மோ நிபஜ்ஜதி, ஆபத்தி பாசித்தியஸ்ஸ.
உபோ⁴ வா நிபஜ்ஜந்தி, ஆபத்தி பாசித்தியஸ்ஸ. உட்ட²ஹித்வா புனப்புனங்
நிபஜ்ஜந்தி, ஆபத்தி பாசித்தியஸ்ஸ.

58.
மாதுகா³மே மாதுகா³மஸஞ்ஞீ ஸஹஸெய்யங் கப்பேதி, ஆபத்தி பாசித்தியஸ்ஸ.
மாதுகா³மே வேமதிகோ ஸஹஸெய்யங் கப்பேதி, ஆபத்தி பாசித்தியஸ்ஸ. மாதுகா³மே
அமாதுகா³மஸஞ்ஞீ ஸஹஸெய்யங் கப்பேதி, ஆபத்தி பாசித்தியஸ்ஸ.

உபட்³ட⁴ச்ச²ன்னே உபட்³ட⁴பரிச்ச²ன்னே, ஆபத்தி
து³க்கடஸ்ஸ. யக்கி²யா வா பேதியா வா பண்ட³கேன வா திரச்சா²னக³தித்தி²யா வா
ஸஹஸெய்யங் கப்பேதி, ஆபத்தி து³க்கடஸ்ஸ. அமாதுகா³மே மாதுகா³மஸஞ்ஞீ, ஆபத்தி
து³க்கடஸ்ஸ. அமாதுகா³மே வேமதிகோ, ஆபத்தி து³க்கடஸ்ஸ. அமாதுகா³மே
அமாதுகா³மஸஞ்ஞீ, அனாபத்தி.

59. அனாபத்தி ஸப்³ப³ச்ச²ன்னே ஸப்³ப³அபரிச்ச²ன்னே, ஸப்³ப³பரிச்ச²ன்னே ஸப்³ப³அச்ச²ன்னே [அனாபத்தி ஸப்³ப³அச்ச²ன்னே ஸப்³ப³அபரிச்ச²ன்னே, (ஸீ॰)], யேபு⁴ய்யேன அச்ச²ன்னே, யேபு⁴ய்யேன அபரிச்ச²ன்னே, மாதுகா³மே நிபன்னே பி⁴க்கு² நிஸீத³தி , பி⁴க்கு² நிபன்னே மாதுகா³மோ நிஸீத³தி, உபோ⁴ வா நிஸீத³ந்தி, உம்மத்தகஸ்ஸ, ஆதி³கம்மிகஸ்ஸாதி.

து³தியஸஹஸெய்யஸிக்கா²பத³ங் நிட்டி²தங் ச²ட்ட²ங்.

7. த⁴ம்மதே³ஸனாஸிக்கா²பத³ங்

60. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா உதா³யீ ஸாவத்தி²யங் குலூபகோ ஹோதி, ப³ஹுகானி
குலானி உபஸங்கமதி. அத² கோ² ஆயஸ்மா உதா³யீ புப்³ப³ண்ஹஸமயங் நிவாஸெத்வா
பத்தசீவரமாதா³ய யேன அஞ்ஞதரங் குலங் தேனுபஸங்கமி. தேன கோ² பன ஸமயேன க⁴ரணீ
நிவேஸனத்³வாரே நிஸின்னா ஹோதி, க⁴ரஸுண்ஹா ஆவஸத²த்³வாரே நிஸின்னா ஹோதி. அத²
கோ² ஆயஸ்மா உதா³யீ யேன க⁴ரணீ தேனுபஸங்கமி; உபஸங்கமித்வா க⁴ரணியா உபகண்ணகே
த⁴ம்மங் தே³ஸேஸி. அத² கோ² க⁴ரஸுண்ஹாய ஏதத³ஹோஸி – ‘‘கி நு கோ² ஸோ ஸமணோ
ஸஸ்ஸுயா ஜாரோ உதா³ஹு ஓபா⁴ஸதீ’’தி?

அத² கோ² ஆயஸ்மா உதா³யீ க⁴ரணியா உபகண்ணகே த⁴ம்மங்
தே³ஸெத்வா யேன க⁴ரஸுண்ஹா தேனுபஸங்கமி; உபஸங்கமித்வா க⁴ரஸுண்ஹாய உபகண்ணகே
த⁴ம்மங் தே³ஸேஸி. அத² கோ² க⁴ரணியா ஏதத³ஹோஸி – ‘‘கிங் நு கோ² ஸோ ஸமணோ
க⁴ரஸுண்ஹாய ஜாரோ உதா³ஹு ஓபா⁴ஸதீ’’தி ? அத² கோ²
ஆயஸ்மா உதா³யீ க⁴ரஸுண்ஹாய உபகண்ணகே த⁴ம்மங் தே³ஸெத்வா பக்காமி. அத² கோ²
க⁴ரணீ க⁴ரஸுண்ஹங் ஏதத³வோச – ‘‘ஹே ஜே, கிங் தே ஏஸோ ஸமணோ அவோசா’’தி?
‘‘த⁴ம்மங் மே, அய்யே, தே³ஸேஸி’’. ‘‘அய்யாய பன கிங் அவோசா’’தி? ‘‘மய்ஹம்பி
த⁴ம்மங் தே³ஸேஸீ’’தி. தா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம அய்யோ உதா³யீ மாதுகா³மஸ்ஸ உபகண்ணகே த⁴ம்மங்
தே³ஸெஸ்ஸதி! நனு நாம விஸ்ஸட்டே²ன விவடேன த⁴ம்மோ தே³ஸேதப்³போ³’’தி?

அஸ்ஸோஸுங் கோ² பி⁴க்கூ² தாஸங் இத்தீ²னங்
உஜ்ஜா²யந்தீனங் கி²ய்யந்தீனங் விபாசெந்தீனங். யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ஆயஸ்மா உதா³யீ மாதுகா³மஸ்ஸ த⁴ம்மங் தே³ஸெஸ்ஸதீ’’தி! அத² கோ² தே பி⁴க்கூ²
ஆயஸ்மந்தங் உதா³யிங் அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸுங்…பே॰… ‘‘ஸச்சங் கிர த்வங், உதா³யி, மாதுகா³மஸ்ஸ த⁴ம்மங்
தே³ஸேஸீ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி
நாம த்வங், மோக⁴புரிஸ, மாதுகா³மஸ்ஸ த⁴ம்மங்
தே³ஸெஸ்ஸஸி. நேதங் மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

‘‘யோ பன பி⁴க்கு² மாதுகா³மஸ்ஸ த⁴ம்மங் தே³ஸெய்ய பாசித்திய’’ந்தி.

ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.

61.
தேன கோ² பன ஸமயேன உபாஸிகா பி⁴க்கூ² பஸ்ஸித்வா ஏதத³வோசுங் – ‘‘இங்கா⁴ய்யா
த⁴ம்மங் தே³ஸேதா²’’தி. ‘‘ந, ப⁴கி³னீ, கப்பதி மாதுகா³மஸ்ஸ த⁴ம்மங்
தே³ஸேது’’ந்தி. ‘‘இங்கா⁴ய்யா ச²ப்பஞ்சவாசாஹி த⁴ம்மங் தே³ஸேத², ஸக்கா
எத்தகேனபி த⁴ம்மோ அஞ்ஞாது’’ந்தி. ‘‘ந, ப⁴கி³னீ, கப்பதி மாதுகா³மஸ்ஸ த⁴ம்மங்
தே³ஸேது’’ந்தி. குக்குச்சாயந்தா ந தே³ஸேஸுங். உபாஸிகா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம அய்யா அம்ஹேஹி யாசியமானா த⁴ம்மங் ந
தே³ஸெஸ்ஸந்தீ’’தி! அஸ்ஸோஸுங் கோ² பி⁴க்கூ² தாஸங் உபாஸிகானங்
உஜ்ஜா²யந்தீனங் கி²ய்யந்தீனங் விபாசெந்தீனங். அத² கோ² தே பி⁴க்கூ² ப⁴க³வதோ
ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே
த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே,
மாதுகா³மஸ்ஸ ச²ப்பஞ்சவாசாஹி த⁴ம்மங் தே³ஸேதுங். ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –

‘‘யோ பன பி⁴க்கூ² மாதுகா³மஸ்ஸ உத்தரிச²ப்பஞ்சவாசாஹி த⁴ம்மங் தே³ஸெய்ய, பாசித்திய’’ந்தி.

ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.

62.
தேன கோ² பன ஸமயேன ச²ப்³ப³க்³கி³யா பி⁴க்கூ² – ‘‘ப⁴க³வதா அனுஞ்ஞாதங்
மாதுகா³மஸ்ஸ ச²ப்பஞ்சவாசாஹி த⁴ம்மங் தே³ஸேது’’ந்தி தே அவிஞ்ஞுங்
புரிஸவிக்³க³ஹங் உபனிஸீதா³பெத்வா மாதுகா³மஸ்ஸ உத்தரிச²ப்பஞ்சவாசாஹி த⁴ம்மங்
தே³ஸெந்தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² அவிஞ்ஞுங்
புரிஸவிக்³க³ஹங் உபனிஸீதா³பெத்வா மாதுகா³மஸ்ஸ உத்தரிச²ப்பஞ்சவாசாஹி த⁴ம்மங்
தே³ஸெஸ்ஸந்தீ’’தி!

அத² கோ² தே பி⁴க்கூ²
ச²ப்³ப³க்³கி³யே பி⁴க்கூ² அனேகபரியாயேன விக³ரஹித்வா ப⁴க³வதோ ஏதமத்த²ங்
ஆரோசேஸுங்…பே॰… ‘‘ஸச்சங் கிர தும்ஹே, பி⁴க்க²வே, அவிஞ்ஞுங் புரிஸவிக்³க³ஹங்
உபனிஸீதா³பெத்வா மாதுகா³மஸ்ஸ உத்தரிச²ப்பஞ்சவாசாஹி த⁴ம்மங் தே³ஸேதா²’’தி?
‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, அவிஞ்ஞுங் புரிஸவிக்³க³ஹங்
உபனிஸீதா³பெத்வா மாதுகா³மஸ்ஸ உத்தரிச²ப்பஞ்சவாசாஹி த⁴ம்மங் தே³ஸெஸ்ஸத²!
நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
இமங் ஸிக்கா²பத³ங் உத்³தி³ஸெய்யாத² –

63. ‘‘யோ பன பி⁴க்கு² மாதுகா³மஸ்ஸ உத்தரிச²ப்பஞ்சவாசாஹி த⁴ம்மங் தே³ஸெய்ய, அஞ்ஞத்ர விஞ்ஞுனா புரிஸவிக்³க³ஹேன, பாசித்திய’’ந்தி.

64. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

மாதுகா³மோ நாம மனுஸ்ஸித்தீ²; ந யக்கீ² ந பேதீ ந திரச்சா²னக³தா; விஞ்ஞூ, படிப³லா ஸுபா⁴ஸிதது³ப்³பா⁴ஸிதங் து³ட்டு²ல்லாது³ட்டு²ல்லங் ஆஜானிதுங்.

உத்தரிச²ப்பஞ்சவாசாஹீதி அதிரேகச²ப்பஞ்சவாசாஹி.

த⁴ம்மோ நாம பு³த்³த⁴பா⁴ஸிதோ, ஸாவகபா⁴ஸிதோ, இஸிபா⁴ஸிதோ, தே³வதாபா⁴ஸிதோ, அத்தூ²பஸஞ்ஹிதோ, த⁴ம்மூபஸஞ்ஹிதோ.

தே³ஸெய்யாதி பதே³ன தே³ஸேதி, பதே³ பதே³ ஆபத்தி பாசித்தியஸ்ஸ. அக்க²ராய தே³ஸேதி, அக்க²ரக்க²ராய ஆபத்தி பாசித்தியஸ்ஸ.

அஞ்ஞத்ர விஞ்ஞுனா புரிஸவிக்³க³ஹேனாதி
ட²பெத்வா விஞ்ஞுங் புரிஸவிக்³க³ஹங். விஞ்ஞூ நாம புரிஸவிக்³க³ஹோ, படிப³லோ
ஹோதி ஸுபா⁴ஸிதது³ப்³பா⁴ஸிதங் து³ட்டு²ல்லாது³ட்டு²ல்லங் ஆஜானிதுங்.

65.
மாதுகா³மே மாதுகா³மஸஞ்ஞீ உத்தரிச²ப்பஞ்சவாசாஹி த⁴ம்மங் தே³ஸேதி, அஞ்ஞத்ர
விஞ்ஞுனா புரிஸவிக்³க³ஹேன, ஆபத்தி பாசித்தியஸ்ஸ. மாதுகா³மே வேமதிகோ
உத்தரிச²ப்பஞ்சவாசாஹி த⁴ம்மங் தே³ஸேதி, அஞ்ஞத்ர விஞ்ஞுனா புரிஸவிக்³க³ஹேன,
ஆபத்தி பாசித்தியஸ்ஸ. மாதுகா³மே அமாதுகா³மஸஞ்ஞீ உத்தரிச²ப்பஞ்சவாசாஹி
த⁴ம்மங் தே³ஸேதி, அஞ்ஞத்ர விஞ்ஞுனா புரிஸவிக்³க³ஹேன, ஆபத்தி பாசித்தியஸ்ஸ.

யக்கி²யா வா பேதியா வா பண்ட³கஸ்ஸ வா திரச்சா²னக³தமனுஸ்ஸவிக்³க³ஹித்தி²யா வா உத்தரிச²ப்பஞ்சவாசாஹி
த⁴ம்மங் தே³ஸேதி, அஞ்ஞத்ர விஞ்ஞுனா புரிஸவிக்³க³ஹேன, ஆபத்தி து³க்கடஸ்ஸ.
அமாதுகா³மே மாதுகா³மஸஞ்ஞீ, ஆபத்தி து³க்கடஸ்ஸ. அமாதுகா³மே வேமதிகோ, ஆபத்தி
து³க்கடஸ்ஸ. அமாதுகா³மே அமாதுகா³மஸஞ்ஞீ, அனாபத்தி.

66.
அனாபத்தி விஞ்ஞுனா புரிஸவிக்³க³ஹேன, ச²ப்பஞ்சவாசாஹி த⁴ம்மங் தே³ஸேதி,
ஊனகச²ப்பஞ்சவாசாஹி த⁴ம்மங் தே³ஸேதி, உட்ட²ஹித்வா புன நிஸீதி³த்வா தே³ஸேதி,
மாதுகா³மோ உட்ட²ஹித்வா புன நிஸீத³தி தஸ்மிங் தே³ஸேதி, அஞ்ஞஸ்ஸ மாதுகா³மஸ்ஸ
தே³ஸேதி, பஞ்ஹங் புச்ச²தி, பஞ்ஹங் புட்டோ² கதே²தி, அஞ்ஞஸ்ஸத்தா²ய ப⁴ணந்தங்
மாதுகா³மோ ஸுணாதி, உம்மத்தகஸ்ஸ, ஆதி³கம்மிகஸ்ஸாதி.

த⁴ம்மதே³ஸனாஸிக்கா²பத³ங் நிட்டி²தங் ஸத்தமங்.

8. பூ⁴தாரோசனஸிக்கா²பத³ங்

67. [பாரா॰ 193] தேன
ஸமயேன பு³த்³தோ⁴ ப⁴க³வா வேஸாலியங் விஹரதி மஹாவனே கூடாகா³ரஸாலாயங். தேன கோ²
பன ஸமயேன ஸம்ப³ஹுலா ஸந்தி³ட்டா² ஸம்ப⁴த்தா பி⁴க்கூ² வக்³கு³முதா³ய நதி³யா
தீரே வஸ்ஸங் உபக³ச்சி²ங்ஸு. தேன கோ² பன ஸமயேன வஜ்ஜீ து³ப்³பி⁴க்கா² ஹோதி –
த்³வீஹிதிகா ஸேதட்டி²கா ஸலாகாவுத்தா, ந ஸுகரா உஞ்சே²ன பக்³க³ஹேன யாபேதுங்.
அத² கோ² தேஸங் பி⁴க்கூ²னங் ஏதத³ஹோஸி – ‘‘ஏதரஹி கோ² வஜ்ஜீ து³ப்³பி⁴க்கா² –
த்³வீஹிதிகா ஸேதட்டி²கா ஸலாகாவுத்தா, ந ஸுகரா உஞ்சே²ன பக்³க³ஹேன யாபேதுங்.
கேன நு கோ² மயங் உபாயேன ஸமக்³கா³ ஸம்மோத³மானா அவிவத³மானா பா²ஸுகங் வஸ்ஸங்
வஸெய்யாம, ந ச பிண்ட³கேன கிலமெய்யாமா’’தி? ஏகச்சே ஏவமாஹங்ஸு – ‘‘ஹந்த³
மயங், ஆவுஸோ, கி³ஹீனங் கம்மந்தங் அதி⁴ட்டே²ம. ஏவங் தே அம்ஹாகங் தா³துங்
மஞ்ஞிஸ்ஸந்தி. ஏவங் மயங் ஸமக்³கா³ ஸம்மோத³மானா அவிவத³மானா பா²ஸுகங் வஸ்ஸங்
வஸிஸ்ஸாம, ந ச பிண்ட³கேன கிலமிஸ்ஸாமா’’தி. ஏகச்சே ஏவமாஹங்ஸு – ‘‘அலங்,
ஆவுஸோ, கிங் கி³ஹீனங் கம்மந்தங் அதி⁴ட்டி²தேன? ஹந்த³ மயங், ஆவுஸோ, கி³ஹீனங்
தூ³தெய்யங் ஹராம. ஏவங் தே அம்ஹாகங் தா³துங் மஞ்ஞிஸ்ஸந்தி. ஏவங் மயங்
ஸமக்³கா³ ஸம்மோத³மானா அவிவத³மானா பா²ஸுகங் வஸ்ஸங் வஸிஸ்ஸாம, ந ச பிண்ட³கேன
கிலமிஸ்ஸாமா’’தி. ஏகச்சே ஏவமாஹங்ஸு – ‘‘அலங், ஆவுஸோ;
கிங் கி³ஹீனங் கம்மந்தங் அதி⁴ட்டி²தேன! கிங் கி³ஹீனங் தூ³தெய்யங் ஹடேன!
ஹந்த³ மயங், ஆவுஸோ, கி³ஹீனங் அஞ்ஞமஞ்ஞஸ்ஸ உத்தரிமனுஸ்ஸத⁴ம்மஸ்ஸ வண்ணங்
பா⁴ஸிஸ்ஸாம – ‘அஸுகோ பி⁴க்கு² பட²மஸ்ஸ ஜா²னஸ்ஸ லாபீ⁴, அஸுகோ பி⁴க்கு² து³தியஸ்ஸ ஜா²னஸ்ஸ லாபீ⁴, அஸுகோ பி⁴க்கு² ததியஸ்ஸ ஜா²னஸ்ஸ லாபீ⁴, அஸுகோ பி⁴க்கு² சதுத்த²ஸ்ஸ ஜா²னஸ்ஸ
லாபீ⁴, அஸுகோ பி⁴க்கு² ஸோதாபன்னோ, அஸுகோ பி⁴க்கு² ஸகதா³கா³மீ, அஸுகோ
பி⁴க்கு² அனாகா³மீ, அஸுகோ பி⁴க்கு² அரஹா, அஸுகோ பி⁴க்கு² தேவிஜ்ஜோ, அஸுகோ
பி⁴க்கு² ச²ளபி⁴ஞ்ஞோதி. ஏவங் தே அம்ஹாகங் தா³துங் மஞ்ஞிஸ்ஸந்தி. ஏவங் மயங்
ஸமக்³கா³ ஸம்மோத³மானா அவிவத³மானா பா²ஸுகங் வஸ்ஸங் வஸிஸ்ஸாம, ந ச பிண்ட³கேன
கிலமிஸ்ஸாமா’’தி. ஏஸோ யேவ கோ², ஆவுஸோ, ஸெய்யோ, யோ அம்ஹாகங் கி³ஹீனங்
அஞ்ஞமஞ்ஞஸ்ஸ உத்தரிமனுஸ்ஸத⁴ம்மஸ்ஸ வண்ணோ பா⁴ஸிதோ’’தி.

அத² கோ² தே பி⁴க்கூ² கி³ஹீனங் அஞ்ஞமஞ்ஞஸ்ஸ
உத்தரிமனுஸ்ஸத⁴ம்மஸ்ஸ வண்ணங் பா⁴ஸிங்ஸு – ‘‘அஸுகோ பி⁴க்கு² பட²மஸ்ஸ ஜா²னஸ்ஸ
லாபீ⁴…பே॰… அஸுகோ பி⁴க்கு² ச²ளபி⁴ஞ்ஞோ’’தி. அத² கோ² தே மனுஸ்ஸா – ‘‘லாபா⁴
வத நோ, ஸுலத்³த⁴ங் வத நோ, யேஸங் நோ ஏவரூபா பி⁴க்கூ² வஸ்ஸங் உபக³தா, ந வத நோ
இதோ புப்³பே³ ஏவரூபா பி⁴க்கூ² வஸ்ஸங் உபக³தா, யத²யிமே பி⁴க்கூ² ஸீலவந்தோ
கல்யாணத⁴ம்மா’’தி. தே ந தாதி³ஸானி போ⁴ஜனானி அத்தனா பு⁴ஞ்ஜந்தி, மாதாபிதூனங்
தெ³ந்தி புத்ததா³ரஸ்ஸ தெ³ந்தி தா³ஸகம்மகரபோரிஸஸ்ஸ தெ³ந்தி மித்தாமச்சானங்
தெ³ந்தி ஞாதிஸாலோஹிதானங் தெ³ந்தி யாதி³ஸானி பி⁴க்கூ²னங் தெ³ந்தி. ந
தாதி³ஸானி கா²த³னீயானி ஸாயனீயானி பானானி அத்தனா கா²த³ந்தி ஸாயந்தி பிவந்தி [அத்தனா பிவந்தி (ஸ்யா॰ க॰)] மாதாபிதூனங் தெ³ந்தி புத்ததா³ரஸ்ஸ தெ³ந்தி தா³ஸகம்மகரபோரிஸஸ்ஸ தெ³ந்தி மித்தாமச்சானங் தெ³ந்தி ஞாதிஸாலோஹிதானங் தெ³ந்தி , யாதி³ஸானி பி⁴க்கூ²னங் தெ³ந்தி. அத² கோ² தே பி⁴க்கூ² வண்ணவா அஹேஸுங் பீணிந்த்³ரியா பஸன்னமுக²வண்ணா விப்பஸன்னச²விவண்ணா.

68.
ஆசிண்ணங் கோ² பனேதங் வஸ்ஸங்வுட்டா²னங் பி⁴க்கூ²னங் ப⁴க³வந்தங் த³ஸ்ஸனாய
உபஸங்கமிதுங். அத² கோ² தே பி⁴க்கூ² வஸ்ஸங்வுட்டா² தேமாஸச்சயேன ஸேனாஸனங்
ஸங்ஸாமெத்வா பத்தசீவரமாதா³ய யேன வேஸாலீ தேன பக்கமிங்ஸு. அனுபுப்³பே³ன யேன
வேஸாலீ மஹாவனங் கூடாகா³ரஸாலா யேன ப⁴க³வா தேனுபஸங்கமிங்ஸு; உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு. தேன கோ² பன ஸமயேன தி³ஸாஸு
வஸ்ஸங்வுட்டா² பி⁴க்கூ² கிஸா ஹொந்தி லூகா² து³ப்³ப³ண்ணா
உப்பண்டு³ப்பண்டு³கஜாதா த⁴மனிஸந்த²தக³த்தா. வக்³கு³முதா³தீரியா பன
பி⁴க்கூ² வண்ணவா ஹொந்தி பீணிந்த்³ரியா பஸன்னமுக²வண்ணா விப்பஸன்னச²விவண்ணா.
ஆசிண்ணங் கோ² பனேதங் பு³த்³தா⁴னங் ப⁴க³வந்தானங் ஆக³ந்துகேஹி பி⁴க்கூ²ஹி
ஸத்³தி⁴ங் படிஸம்மோதி³துங். அத² கோ² ப⁴க³வா வக்³கு³முதா³தீரியே பி⁴க்கூ²
ஏதத³வோச – ‘‘கச்சி, பி⁴க்க²வே, க²மனீயங், கச்சி
யாபனீயங், கச்சி ஸமக்³கா³ ஸம்மோத³மானா அவிவத³மானா பா²ஸுகங் வஸ்ஸங் வஸித்த²,
ந ச பிண்ட³கேன கிலமித்தா²’’தி? ‘‘க²மனீயங் ப⁴க³வா, யாபனீயங் ப⁴க³வா.
ஸமக்³கா³ ச மயங், ப⁴ந்தே, ஸம்மோத³மானா அவிவத³மானா பா²ஸுகங் வஸ்ஸங் வஸிம்ஹா,
ந ச பிண்ட³கேன கிலமிம்ஹா’’தி. ஜானந்தாபி ததா²க³தா புச்ச²ந்தி, ஜானந்தாபி ந
புச்ச²ந்தி. காலங் விதி³த்வா புச்ச²ந்தி , காலங்
விதி³த்வா ந புச்ச²ந்தி. அத்த²ஸஞ்ஹிதங் ததா²க³தா புச்ச²ந்தி, நோ
அனத்த²ஸஞ்ஹிதங். அனத்த²ஸஞ்ஹிதே ஸேதுகா⁴தோ ததா²க³தானங். த்³வீஹாகாரேஹி
பு³த்³தா⁴ ப⁴க³வந்தோ பி⁴க்கூ² படிபுச்ச²ந்தி – த⁴ம்மங் வா தே³ஸெஸ்ஸாம, ஸாவகானங் வா ஸிக்கா²பத³ங் பஞ்ஞபெஸ்ஸாமாதி.

அத² கோ² ப⁴க³வா வக்³கு³முதா³தீரியே பி⁴க்கூ² ஏதத³வோச –
‘‘யதா² கத²ங் பன தும்ஹே, பி⁴க்க²வே, ஸமக்³கா³ ஸம்மோத³மானா அவிவத³மானா
பா²ஸுகங் வஸ்ஸங் வஸித்த², ந ச பிண்ட³கேன கிலமித்தா²’’தி? அத² கோ² தே
பி⁴க்கூ² ப⁴க³வதோ ஏதமத்த²ங் ஆரோசேஸுங். ‘‘கச்சி பன வோ, பி⁴க்க²வே,
பூ⁴த’’ந்தி? ‘‘பூ⁴தங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி
நாம தும்ஹே, பி⁴க்க²வே, உத³ரஸ்ஸ காரணா கி³ஹீனங் அஞ்ஞமஞ்ஞஸ்ஸ
உத்தரிமனுஸ்ஸத⁴ம்மஸ்ஸ வண்ணங் பா⁴ஸிஸ்ஸத²! நேதங், பி⁴க்க²வே, அப்பஸன்னானங்
வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

69. ‘‘யோ பன பி⁴க்கு² அனுபஸம்பன்னஸ்ஸ உத்தரிமனுஸ்ஸத⁴ம்மங் ஆரோசெய்ய பூ⁴தஸ்மிங், பாசித்திய’’ந்தி.

70. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

அனுபஸம்பன்னோ நாம பி⁴க்கு²ஞ்ச பி⁴க்கு²னிஞ்ச ட²பெத்வா, அவஸேஸோ அனுபஸம்பன்னோ நாம.

[பாரா॰ 198] உத்தரிமனுஸ்ஸத⁴ம்மோ
நாம ஜா²னங், விமொக்கோ², ஸமாதி⁴, ஸமாபத்தி, ஞாணத³ஸ்ஸனங், மக்³க³பா⁴வனா,
ப²லஸச்சி²கிரியா, கிலேஸப்பஹானங், வினீவரணதா சித்தஸ்ஸ, ஸுஞ்ஞாகா³ரே அபி⁴ரதி.

[பாரா॰ 199] ஜா²னந்தி பட²மங் ஜா²னங், து³தியங் ஜா²னங், ததியங் ஜா²னங், சதுத்த²ங் ஜா²னங்.

[பாரா॰ 199] விமொக்கோ²தி ஸுஞ்ஞதோ விமொக்கோ², அனிமித்தோ விமொக்கோ², அப்பணிஹிதோ விமொக்கோ².

[பாரா॰ 199] ஸமாதீ⁴தி ஸுஞ்ஞதோ ஸமாதி⁴, அனிமித்தோ ஸமாதி⁴, அப்பணிஹிதோ ஸமாதி⁴.

[பாரா॰ 199] ஸமாபத்தீதி ஸுஞ்ஞதா ஸமாபத்தி, அனிமித்தா ஸமாபத்தி, அப்பணிஹிதா ஸமாபத்தி.

[பாரா॰ 199] ஞாணத³ஸ்ஸனந்தி திஸ்ஸோ விஜ்ஜா.

[பாரா॰ 199] மக்³க³பா⁴வனாதி
சத்தாரோ ஸதிபட்டா²னா, சத்தாரோ ஸம்மப்பதா⁴னா, சத்தாரோ இத்³தி⁴பாதா³,
பஞ்சிந்த்³ரியானி, பஞ்ச ப³லானி, ஸத்த பொ³ஜ்ஜ²ங்கா³, அரியோ அட்ட²ங்கி³கோ
மக்³கோ³.

[பாரா॰ 199] ப²லஸச்சி²கிரியாதி ஸோதாபத்திப²லஸ்ஸ ஸச்சி²கிரியா, ஸகதா³கா³மிப²லஸ்ஸ ஸச்சி²கிரியா, அனாகா³மிப²லஸ்ஸ ஸச்சி²கிரியா, அரஹத்தஸ்ஸ [அரஹத்தப²லஸ்ஸ (ஸ்யா॰)] ஸச்சி²கிரியா.

[பாரா॰ 199] கிலேஸப்பஹானந்தி ராக³ஸ்ஸ பஹானங், தோ³ஸஸ்ஸ பஹானங், மோஹஸ்ஸ பஹானங்.

[பாரா॰ 199] வினீவரணதா சித்தஸ்ஸாதி ராகா³ சித்தங் வினீவரணதா, தோ³ஸா சித்தங் வினீவரணதா, மோஹா சித்தங் வினீவரணதா.

[பாரா॰ 199] ஸுஞ்ஞாகா³ரே அபி⁴ரதீதி
பட²மேன ஜா²னேன ஸுஞ்ஞாகா³ரே அபி⁴ரதி, து³தியேன ஜா²னேன ஸுஞ்ஞாகா³ரே அபி⁴ரதி,
ததியேன ஜா²னேன ஸுஞ்ஞாகா³ரே அபி⁴ரதி, சதுத்தே²ன ஜா²னேன ஸுஞ்ஞாகா³ரே
அபி⁴ரதி.

71. ஆரோசெய்யாதி அனுபஸம்பன்னஸ்ஸ – ‘‘பட²மங் ஜா²னங் ஸமாபஜ்ஜி’’ந்தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ – ‘‘பட²மங் ஜா²னங் ஸமாபஜ்ஜாமீ’’தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ – ‘‘பட²மங் ஜா²னங் ஸமாபன்னோ’’தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ – ‘‘பட²மஸ்ஸ ஜா²னஸ்ஸ லாபி⁴ம்ஹீ’’தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ – ‘‘பட²மஸ்ஸ ஜா²னஸ்ஸ வஸிம்ஹீ’’தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ – ‘‘பட²மங் ஜா²னங் ஸச்சி²கதங் மயா’’தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ –
‘‘து³தியங் ஜா²னங்… ததியங் ஜா²னங்… சதுத்த²ங் ஜா²னங் ஸமாபஜ்ஜிங்,
ஸமாபஜ்ஜாமி, ஸமாபன்னோ; சதுத்த²ஸ்ஸ ஜா²னஸ்ஸ லாபி⁴ம்ஹி, வஸிம்ஹி; சதுத்த²ங்
ஜா²னங் ஸச்சி²கதங் மயா’’தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ –
‘‘ஸுஞ்ஞதங் விமொக்க²ங்… அனிமித்தங் விமொக்க²ங்… அப்பணிஹிதங் விமொக்க²ங்…
ஸுஞ்ஞதங் ஸமாதி⁴ங்… அனிமித்தங் ஸமாதி⁴ங்… அப்பணிஹிதங் ஸமாதி⁴ங் ஸமாபஜ்ஜிங்,
ஸமாபஜ்ஜாமி, ஸமாபன்னோ; அப்பணிஹிதஸ்ஸ ஸமாதி⁴ஸ்ஸ லாபி⁴ம்ஹி, வஸிம்ஹி;
அப்பணிஹிதோ ஸமாதி⁴ ஸச்சி²கதோ மயா’’தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ –
‘‘ஸுஞ்ஞதங் ஸமாபத்திங்… அனிமித்தங் ஸமாபத்திங்… அப்பணிஹிதங் ஸமாபத்திங்
ஸமாபஜ்ஜிங், ஸமாபஜ்ஜாமி, ஸமாபன்னோ; அப்பணிஹிதாய ஸமாபத்தியா லாபி⁴ம்ஹி,
வஸிம்ஹி; அப்பணிஹிதா ஸமாபத்தி ஸச்சி²கதா மயா’’தி ப⁴ணந்தஸ்ஸ ஆபத்தி
பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ –
‘‘திஸ்ஸோ விஜ்ஜா ஸமாபஜ்ஜிங், ஸமாபஜ்ஜாமி, ஸமாபன்னோ; திஸ்ஸன்னங் விஜ்ஜானங்
லாபி⁴ம்ஹி, வஸிம்ஹி; திஸ்ஸோ விஜ்ஜா ஸச்சி²கதா மயா’’தி ப⁴ணந்தஸ்ஸ ஆபத்தி
பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ – ‘‘சத்தாரோ
ஸதிபட்டா²னே… சத்தாரோ ஸம்மப்பதா⁴னே… சத்தாரோ இத்³தி⁴பாதே³ ஸமாபஜ்ஜிங்,
ஸமாபஜ்ஜாமி, ஸமாபன்னோ; சதுன்னங் இத்³தி⁴பாதா³னங் லாபி⁴ம்ஹி, வஸிம்ஹி;
சத்தாரோ இத்³தி⁴பாதா³ ஸச்சி²கதா மயா’’தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ – ‘‘பஞ்சிந்த்³ரியானி… பஞ்ச ப³லானி ஸமாபஜ்ஜிங், ஸமாபஜ்ஜாமி , ஸமாபன்னோ; பஞ்சன்னங் ப³லானங் லாபி⁴ம்ஹி, வஸிம்ஹி; பஞ்ச ப³லானி ஸச்சி²கதானி மயா’’தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி
அனுபஸம்பன்னஸ்ஸ – ‘‘ஸத்த பொ³ஜ்ஜ²ங்கே³ ஸமாபஜ்ஜிங், ஸமாபஜ்ஜாமி, ஸமாபன்னோ;
ஸத்தன்னங் பொ³ஜ்ஜ²ங்கா³னங் லாபி⁴ம்ஹி, வஸிம்ஹி; ஸத்த பொ³ஜ்ஜ²ங்கா³
ஸச்சி²கதா மயா’’தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ –
‘‘அரியங் அட்ட²ங்கி³கங் மக்³க³ங் ஸமாபஜ்ஜிங், ஸமாபஜ்ஜாமி, ஸமாபன்னோ;
அரியஸ்ஸ அட்ட²ங்கி³கஸ்ஸ மக்³க³ஸ்ஸ லாபி⁴ம்ஹி, வஸிம்ஹி; அரியோ அட்ட²ங்கி³கோ
மக்³கோ³ ஸச்சி²கதோ மயா’’தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ –
‘‘ஸோதாபத்திப²லங்… ஸகதா³கா³மிப²லங்… அனாகா³மிப²லங்… அரஹத்தங் ஸமாபஜ்ஜிங்,
ஸமாபஜ்ஜாமி, ஸமாபன்னோ; அரஹத்தஸ்ஸ லாபி⁴ம்ஹி, வஸிம்ஹி; அரஹத்தங் [அரஹத்தப²லங் (ஸ்யா॰)] ஸச்சி²கதங் மயா’’தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ – ‘‘ராகோ³ மே சத்தோ… தோ³ஸோ மே சத்தோ… மோஹோ மே சத்தோ, வந்தோ, முத்தோ, பஹீனோ, படினிஸ்ஸட்டோ², உக்கே²டிதோ , ஸமுக்கே²டிதோ’’தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ –
‘‘ராகா³ மே சித்தங் வினீவரணங்… தோ³ஸா மே சித்த வினீவரணங்… மோஹா மே சித்தங்
வினீவரண’’ந்தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ –
‘‘ஸுஞ்ஞாகா³ரே பட²மங் ஜா²னங்… து³தியங் ஜா²னங்… ததியங் ஜா²னங்… சதுத்த²ங்
ஜா²னங் ஸமாபஜ்ஜிங், ஸமாபஜ்ஜாமி, ஸமாபன்னோ; ஸுஞ்ஞாகா³ரே சதுத்த²ஸ்ஸ ஜா²னஸ்ஸ
லாபி⁴ம்ஹி, வஸிம்ஹி; ஸுஞ்ஞாகா³ரே சதுத்த²ங் ஜா²னங் ஸச்சி²கதங் மயா’’தி
ப⁴ணந்தஸ்ஸ ஆபத்தி பாசித்தியஸ்ஸ.

72. ஆரோசெய்யாதி
அனுபஸம்பன்னஸ்ஸ – ‘‘பட²மஞ்ச ஜா²னங் து³தியஞ்ச ஜா²னங் ஸமாபஜ்ஜிங்,
ஸமாபஜ்ஜாமி, ஸமாபன்னோ; பட²மஸ்ஸ ச ஜா²னஸ்ஸ து³தியஸ்ஸ ச ஜா²னஸ்ஸ லாபி⁴ம்ஹி,
வஸிம்ஹி; பட²மஞ்ச ஜா²னங் து³தியஞ்ச ஜா²னங் ஸச்சி²கதங் மயா’’தி ப⁴ணந்தஸ்ஸ
ஆபத்தி பாசித்தியஸ்ஸ.

ஆரோசெய்யாதி
அனுபஸம்பன்னஸ்ஸ – ‘‘பட²மஞ்ச ஜா²னங் ததியஞ்ச ஜா²னங்… பட²மஞ்ச ஜா²னங்
சதுத்த²ஞ்ச ஜா²னங் ஸமாபஜ்ஜிங், ஸமாபஜ்ஜாமி, ஸமாபன்னோ; பட²மஸ்ஸ ச ஜா²னஸ்ஸ
சதுத்த²ஸ்ஸ ச ஜா²னஸ்ஸ லாபி⁴ம்ஹி, வஸிம்ஹி; பட²மஞ்ச ஜா²னங் சதுத்த²ஞ்ச
ஜா²னங் ஸச்சி²கதங் மயா’’தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ – ‘‘பட²மஞ்ச ஜா²னங் ஸுஞ்ஞதஞ்ச விமொக்க²ங்… அனிமித்தஞ்ச விமொக்க²ங்… அப்பணிஹிதஞ்ச விமொக்க²ங்… ஸுஞ்ஞதஞ்ச
ஸமாதி⁴ங்… அனிமித்தஞ்ச ஸமாதி⁴ங்… அப்பணிஹிதஞ்ச ஸமாதி⁴ங் ஸமாபஜ்ஜிங்,
ஸமாபஜ்ஜாமி, ஸமாபன்னோ; பட²மஸ்ஸ ச ஜா²னஸ்ஸ அப்பணிஹிதஸ்ஸ ச ஸமாதி⁴ஸ்ஸ
லாபி⁴ம்ஹி, வஸிம்ஹி; பட²மஞ்ச ஜா²னங் அப்பணிஹிதோ ச ஸமாதி⁴ ஸச்சி²கதோ மயா’’தி
ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ –
‘‘பட²மஞ்ச ஜா²னங் ஸுஞ்ஞதஞ்ச ஸமாபத்திங்… அனிமித்தஞ்ச ஸமாபத்திங்…
அப்பணிஹிதஞ்ச ஸமாபத்திங் ஸமாபஜ்ஜிங், ஸமாபஜ்ஜாமி, ஸமாபன்னோ; பட²மஸ்ஸ ச
ஜா²னஸ்ஸ அப்பணிஹிதாய ச ஸமாபத்தியா லாபி⁴ம்ஹி, வஸிம்ஹி; பட²மஞ்ச ஜா²னங்
அப்பணிஹிதா ச ஸமாபத்தி ஸச்சி²கதா மயா’’தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ –
‘‘பட²மஞ்ச ஜா²னங் திஸ்ஸோ ச விஜ்ஜா ஸமாபஜ்ஜிங், ஸமாபஜ்ஜாமி, ஸமாபன்னோ;
பட²மஸ்ஸ ச ஜா²னஸ்ஸ திஸ்ஸன்னஞ்ச விஜ்ஜானங் லாபி⁴ம்ஹி, வஸிம்ஹி; பட²மஞ்ச
ஜா²னங் திஸ்ஸோ ச விஜ்ஜா ஸச்சி²கதா மயா’’தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ – ‘‘பட²மஞ்ச
ஜா²னங் சத்தாரோ ச ஸதிபட்டா²னே…பே॰… சத்தாரோ ச ஸம்மப்பதா⁴னே… சத்தாரோ ச
இத்³தி⁴பாதே³ ஸமாபஜ்ஜிங், ஸமாபஜ்ஜாமி, ஸமாபன்னோ; பட²மஸ்ஸ ச ஜா²னஸ்ஸ
சதுன்னஞ்ச இத்³தி⁴பாதா³னங் லாபி⁴ம்ஹி, வஸிம்ஹி; பட²மஞ்ச ஜா²னங் சத்தாரோ ச
இத்³தி⁴பாதா³ ஸச்சி²கதா மயா’’தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி
அனுபஸம்பன்னஸ்ஸ – ‘‘பட²மஞ்ச ஜா²னங், பஞ்ச ச இந்த்³ரியானி… பஞ்ச ச ப³லானி
ஸமாபஜ்ஜிங், ஸமாபஜ்ஜாமி, ஸமாபன்னோ; பட²மஸ்ஸ ச ஜா²னஸ்ஸ பஞ்சன்னஞ்ச ப³லானங்
லாபி⁴ம்ஹி, வஸிம்ஹி; பட²மஞ்ச ஜா²னங் பஞ்ச ச ப³லானி ஸச்சி²கதானி மயா’’தி
ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி
அனுபஸம்பன்னஸ்ஸ – ‘‘பட²மஞ்ச ஜா²னங் ஸத்த ச பொ³ஜ்ஜ²ங்கே³ ஸமாபஜ்ஜிங்,
ஸமாபஜ்ஜாமி, ஸமாபன்னோ; பட²மஸ்ஸ ச ஜா²னஸ்ஸ ஸத்தன்னஞ்ச பொ³ஜ்ஜ²ங்கா³னங்
லாபி⁴ம்ஹி, வஸிம்ஹி; பட²மஞ்ச ஜா²னங் ஸத்த ச பொ³ஜ்ஜ²ங்கா³ ஸச்சி²கதா மயா’’தி
ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ –
‘‘பட²மஞ்ச ஜா²னங் அரியஞ்ச அட்ட²ங்கி³கங் மக்³க³ங் ஸமாபஜ்ஜிங், ஸமாபஜ்ஜாமி,
ஸமாபன்னோ; பட²மஸ்ஸ ச ஜா²னஸ்ஸ அரியஸ்ஸ ச அட்ட²ங்கி³கஸ்ஸ மக்³க³ஸ்ஸ லாபி⁴ம்ஹி, வஸிம்ஹி; பட²மஞ்ச ஜா²னங் அரியோ ச அட்ட²ங்கி³கோ மக்³கோ³ ஸச்சி²கதோ மயா’’தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ – ‘‘பட²மஞ்ச ஜா²னங் ஸோதாபத்திப²லஞ்ச… ஸகதா³கா³மிப²லஞ்ச… அனாகா³மிப²லஞ்ச… அரஹத்தஞ்ச [அரஹத்தப²லஞ்ச (ஸ்யா॰)] ஸமாபஜ்ஜிங், ஸமாபஜ்ஜாமி, ஸமாபன்னோ; பட²மஸ்ஸ ச ஜா²னஸ்ஸ அரஹத்தஸ்ஸ [அரஹத்தப²லஸ்ஸ (ஸ்யா॰)] ச லாபி⁴ம்ஹி, வஸிம்ஹி; பட²மஞ்ச ஜா²னங் அரஹத்தஞ்ச ஸச்சி²கதங் மயா’’தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி
அனுபஸம்பன்னஸ்ஸ – ‘‘பட²மஞ்ச ஜா²னங் ஸமாபஜ்ஜிங், ஸமாபஜ்ஜாமி, ஸமாபன்னோ…
ராகோ³ ச மே சத்தோ… தோ³ஸோ ச மே சத்தோ… மோஹோ ச மே சத்தோ, வந்தோ, முத்தோ,
பஹீனோ, படினிஸ்ஸட்டோ², உக்கே²டிதோ, ஸமுக்கே²டிதோ’’தி ப⁴ணந்தஸ்ஸ ஆபத்தி
பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ –
‘‘பட²மஞ்ச ஜா²னங் ஸமாபஜ்ஜிங், ஸமாபஜ்ஜாமி, ஸமாபன்னோ… ராகா³ ச மே சித்தங்
வினீவரணங்… தோ³ஸா ச மே சித்தங் வினீவரணங்… மோஹா ச மே சித்தங் வினீவரண’’ந்தி
ப⁴ணந்தஸ்ஸ ஆபத்தி பாசித்தியஸ்ஸ.

73. ஆரோசெய்யாதி
அனுபஸம்பன்னஸ்ஸ – ‘‘து³தியஞ்ச ஜா²னங் ததியஞ்ச ஜா²னங்… து³தியஞ்ச ஜா²னங்
சதுத்த²ஞ்ச ஜா²னங் ஸமாபஜ்ஜிங், ஸமாபஜ்ஜாமி, ஸமாபன்னோ; து³தியஸ்ஸ ச ஜா²னஸ்ஸ
சதுத்த²ஸ்ஸ ச ஜா²னஸ்ஸ லாபி⁴ம்ஹி, வஸிம்ஹி; து³தியஞ்ச ஜா²னங் சதுத்த²ஞ்ச
ஜா²னங் ஸச்சி²கதங் மயா’’தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி அனுபஸம்பன்னஸ்ஸ – ‘‘து³தியஞ்ச ஜா²னங் ஸுஞ்ஞதஞ்ச விமொக்க²ங்…பே॰… மோஹா ச மே சித்தங் வினீவரண’’ந்தி ப⁴ணந்தஸ்ஸ ஆபத்தி பாசித்தியஸ்ஸ.

ஆரோசெய்யாதி
அனுபஸம்பன்னஸ்ஸ – ‘‘து³தியஞ்ச ஜா²னங் பட²மஞ்ச ஜா²னங் ஸமாபஜ்ஜிங்,
ஸமாபஜ்ஜாமி, ஸமாபன்னோ; து³தியஸ்ஸ ச ஜா²னஸ்ஸ பட²மஸ்ஸ ச ஜா²னஸ்ஸ லாபி⁴ம்ஹி,
வஸிம்ஹி; து³தியஞ்ச ஜா²னங் பட²மஞ்ச ஜா²னங் ஸச்சி²கதங் மயா’’தி ப⁴ணந்தஸ்ஸ
ஆபத்தி பாசித்தியஸ்ஸ…பே॰….

மூலங் ஸங்கி²த்தங்.

ஆரோசெய்யாதி அனுபஸம்பன்னஸ்ஸ – ‘‘மோஹா ச மே சித்தங் வினீவரணங், பட²மஞ்ச ஜா²னங் ஸமாபஜ்ஜிங், ஸமாபஜ்ஜாமி, ஸமாபன்னோ; மோஹா ச மே சித்தங் வினீவரணங், பட²மஸ்ஸ
ச ஜா²னஸ்ஸ லாபி⁴ம்ஹி, வஸிம்ஹி; மோஹா ச மே சித்தங் வினீவரணங், பட²மஞ்ச
ஜா²னங் ஸச்சி²கதங் மயா’’தி ப⁴ணந்தஸ்ஸ ஆபத்தி பாசித்தியஸ்ஸ…பே॰….

ஆரோசெய்யாதி அனுபஸம்பன்னஸ்ஸ – ‘‘மோஹா ச மே சித்தங் வினீவரணங், தோ³ஸா ச மே சித்தங் வினீவரண’’ந்தி ப⁴ணந்தஸ்ஸ ஆபத்தி பாசித்தியஸ்ஸ…பே॰….

ஆரோசெய்யாதி அனுபஸம்பன்னஸ்ஸ –
‘‘பட²மஞ்ச ஜா²னங் து³தியஞ்ச ஜா²னங் ததியஞ்ச ஜா²னங் சதுத்த²ஞ்ச ஜா²னங்
ஸுஞ்ஞதஞ்ச விமொக்க²ங் அனிமித்தஞ்ச விமொக்க²ங் அப்பணிஹிதஞ்ச விமொக்க²ங்
ஸுஞ்ஞதஞ்ச ஸமாதி⁴ங் அனிமித்தஞ்ச ஸமாதி⁴ங் அப்பணிஹிதஞ்ச ஸமாதி⁴ங் ஸுஞ்ஞதஞ்ச
ஸமாபத்திங் அனிமித்தஞ்ச ஸமாபத்திங் அப்பணிஹிதஞ்ச ஸமாபத்திங் திஸ்ஸோ ச
விஜ்ஜா சத்தாரோ ச ஸதிபட்டா²னே சத்தாரோ ச ஸம்மப்பதா⁴னே சத்தாரோ ச
இத்³தி⁴பாதே³ பஞ்ச ச இந்த்³ரியானி பஞ்ச ச ப³லானி ஸத்த ச பொ³ஜ்ஜ²ங்கே³
அரியஞ்ச அட்ட²ங்கி³கங் மக்³க³ங் ஸோதாபத்திப²லஞ்ச ஸகதா³கா³மிப²லஞ்ச அனாகா³மிப²லஞ்ச அரஹத்தஞ்ச [அரஹத்தப²லஞ்ச (ஸ்யா॰)]
ஸமாபஜ்ஜிங்…பே॰… ராகோ³ ச மே சத்தோ, தோ³ஸோ ச மே சத்தோ, மோஹோ ச மே சத்தோ,
வந்தோ, முத்தோ, பஹீனோ, படினிஸ்ஸட்டோ², உக்கே²டிதோ ஸமுக்கே²டிதோ, ராகா³ ச மே
சித்தங் வினீவரணங், தோ³ஸா ச மே சித்தங் வினீவரணங், மோஹா ச மே சித்தங்
வினீவரண’’ந்தி ப⁴ணந்தஸ்ஸ ஆபத்தி பாசித்தியஸ்ஸ.

74. ஆரோசெய்யாதி அனுபஸம்பன்னஸ்ஸ – ‘‘பட²மங் ஜா²னங் ஸமாபஜ்ஜி’’ந்தி வத்துகாமோ ‘‘து³தியங் ஜா²னங் ஸமாபஜ்ஜி’’ந்தி ப⁴ணந்தஸ்ஸ படிவிஜானந்தஸ்ஸ ஆபத்தி பாசித்தியஸ்ஸ, ந படிவிஜானந்தஸ்ஸ ஆபத்தி து³க்கடஸ்ஸ.

ஆரோசெய்யாதி
அனுபஸம்பன்னஸ்ஸ – ‘‘பட²மங் ஜா²னங் ஸமாபஜ்ஜி’’ந்தி வத்துகாமோ ‘‘ததியங்
ஜா²னங்…பே॰… சதுத்த²ங் ஜா²னங், ஸுஞ்ஞதங் விமொக்க²ங், அனிமித்தங்
விமொக்க²ங், அப்பணிஹிதங் விமொக்க²ங், ஸுஞ்ஞதங் ஸமாதி⁴ங், அனிமித்தங்
ஸமாதி⁴ங், அப்பணிஹிதங் ஸமாதி⁴ங், ஸுஞ்ஞதங் ஸமாபத்திங், அனிமித்தங்
ஸமாபத்திங், அப்பணிஹிதங் ஸமாபத்திங், திஸ்ஸோ விஜ்ஜா, சத்தாரோ ஸதிபட்டா²னே,
சத்தாரோ ஸம்மப்பதா⁴னே, சத்தாரோ இத்³தி⁴பாதே³, பஞ்சிந்த்³ரியானி, பஞ்ச
ப³லானி, ஸத்த பொ³ஜ்ஜ²ங்கே³, அரியங் அட்ட²ங்கி³கங் மக்³க³ங்,
ஸோதாபத்திப²லங், ஸகதா³கா³மிப²லங், அனாகா³மிப²லங், அரஹத்தங் [அரஹத்தப²லங் (ஸ்யா॰)]
ஸமாபஜ்ஜிங்…பே॰… ராகோ³ மே சத்தோ, தோ³ஸோ மே சத்தோ, மோஹோ மே சத்தோ, வந்தோ,
முத்தோ, பஹீனோ; படினிஸ்ஸட்டோ², உக்கே²டிதோ, ஸமுக்கே²டிதோ; ராகா³ மே சித்தங்
வினீவரணங், தோ³ஸா மே சித்தங் வினீவரணங், மோஹா மே சித்தங் வினீவரண’’ந்தி
ப⁴ணந்தஸ்ஸ படிவிஜானந்தஸ்ஸ ஆபத்தி பாசித்தியஸ்ஸ, ந படிவிஜானந்தஸ்ஸ ஆபத்தி
து³க்கடஸ்ஸ.

ஆரோசெய்யாதி
அனுபஸம்பன்னஸ்ஸ – ‘‘து³தியங் ஜா²னங் ஸமாபஜ்ஜி’’ந்தி வத்துகாமோ…பே॰… ‘‘மோஹா
மே சித்தங் வினீவரண’’ந்தி ப⁴ணந்தஸ்ஸ படிவிஜானந்தஸ்ஸ ஆபத்தி பாசித்தியஸ்ஸ, ந
படிவிஜானந்தஸ்ஸ ஆபத்தி து³க்கடஸ்ஸ…பே॰….

ஆரோசெய்யாதி அனுபஸம்பன்னஸ்ஸ – ‘‘து³தியங் ஜா²னங் ஸமாபஜ்ஜி’’ந்தி வத்துகாமோ – ‘‘பட²மங் ஜா²னங் ஸமாபஜ்ஜி’’ந்தி ப⁴ணந்தஸ்ஸ படிவிஜானந்தஸ்ஸ ஆபத்தி பாசித்தியஸ்ஸ, ந படிவிஜானந்தஸ்ஸ ஆபத்தி து³க்கடஸ்ஸ…பே॰….

மூலங் ஸங்கி²த்தங்.

ஆரோசெய்யாதி அனுபஸம்பன்னஸ்ஸ –
‘‘மோஹா மே சித்தங் வினீவரண’’ந்தி வத்துகாமோ – ‘‘பட²மங் ஜா²னங்
ஸமாபஜ்ஜி’’ந்தி ப⁴ணந்தஸ்ஸ படிவிஜானந்தஸ்ஸ ஆபத்தி பாசித்தியஸ்ஸ, ந
படிவிஜானந்தஸ்ஸ ஆபத்தி து³க்கடஸ்ஸ…பே॰….

ஆரோசெய்யாதி அனுபஸம்பன்னஸ்ஸ –
‘‘மோஹா மே சித்தங் வினீவரண’’ந்தி வத்துகாமோ – ‘‘தோ³ஸா மே சித்தங்
வினீவரண’’ந்தி ப⁴ணந்தஸ்ஸ படிவிஜானந்தஸ்ஸ ஆபத்தி பாசித்தியஸ்ஸ, ந
படிவிஜானந்தஸ்ஸ ஆபத்தி து³க்கடஸ்ஸ…பே॰….

ஆரோசெய்யாதி அனுபஸம்பன்னஸ்ஸ – ‘‘பட²மஞ்ச ஜா²னங் து³தியஞ்ச ஜா²னங் ததியஞ்ச ஜா²னங் சதுத்த²ஞ்ச ஜா²னங்
…பே॰… தோ³ஸா ச மே சித்தங் வினீவரண’’ந்தி வத்துகாமோ – ‘‘மோஹா மே சித்தங்
வினீவரண’’ந்தி ப⁴ணந்தஸ்ஸ படிவிஜானந்தஸ்ஸ ஆபத்தி பாசித்தியஸ்ஸ, ந
படிவிஜானந்தஸ்ஸ ஆபத்தி து³க்கடஸ்ஸ.

ஆரோசெய்யாதி அனுபஸம்பன்னஸ்ஸ –
‘‘து³தியஞ்ச ஜா²னங் ததியஞ்ச ஜா²னங் சதுத்த²ஞ்ச ஜா²னங்…பே॰… மோஹா ச மே
சித்தங் வினீவரண’’ந்தி வத்துகாமோ – ‘‘பட²மங் ஜா²னங் ஸமாபஜ்ஜி’’ந்தி
ப⁴ணந்தஸ்ஸ படிவிஜானந்தஸ்ஸ ஆபத்தி பாசித்தியஸ்ஸ, ந படிவிஜானந்தஸ்ஸ ஆபத்தி
து³க்கடஸ்ஸ…பே॰….

75. ஆரோசெய்யாதி அனுபஸம்பன்னஸ்ஸ – ‘‘யோ தே விஹாரே வஸி ஸோ பி⁴க்கு² பட²மங் ஜா²னங் ஸமாபஜ்ஜி, ஸமாபஜ்ஜதி, ஸமாபன்னோ; ஸோ பி⁴க்கு² பட²மஸ்ஸ ஜா²னஸ்ஸ லாபீ⁴, வஸீ; தேன பி⁴க்கு²னா பட²மங் ஜா²னங் ஸச்சி²கத’’ந்தி ப⁴ணந்தஸ்ஸ ஆபத்தி து³க்கடஸ்ஸ.

ஆரோசெய்யாதி அனுபஸம்பன்னஸ்ஸ –
‘‘யோ தே விஹாரே வஸி ஸோ பி⁴க்கு² து³தியங் ஜா²னங்…பே॰… ததியங் ஜா²னங்
சதுத்த²ங் ஜா²னங் ஸமாபஜ்ஜி, ஸமாபஜ்ஜதி, ஸமாபன்னோ; ஸோ பி⁴க்கு² சதுத்த²ஸ்ஸ
ஜா²னஸ்ஸ லாபீ⁴, வஸீ; தேன பி⁴க்கு²னா சதுத்த²ங் ஜா²னங் ஸச்சி²கத’’ந்தி
ப⁴ணந்தஸ்ஸ ஆபத்தி து³க்கடஸ்ஸ.

ஆரோசெய்யாதி
அனுபஸம்பன்னஸ்ஸ – ‘‘யோ தே விஹாரே வஸி ஸோ பி⁴க்கு² ஸுஞ்ஞதங்
விமொக்க²ங்…பே॰… அனிமித்தங் விமொக்க²ங் அப்பணிஹிதங் விமொக்க²ங் ஸுஞ்ஞதங்
ஸமாதி⁴ங் அனிமித்தங் ஸமாதி⁴ங் அப்பணிஹிதங் ஸமாதி⁴ங் ஸமாபஜ்ஜி, ஸமாபஜ்ஜதி,
ஸமாபன்னோ; ஸோ பி⁴க்கு² அப்பணிஹிதஸ்ஸ ஸமாதி⁴ஸ்ஸ லாபீ⁴, வஸீ; தேன பி⁴க்கு²னா
அப்பணிஹிதோ ஸமாதி⁴ ஸச்சி²கதோ’’தி ப⁴ணந்தஸ்ஸ ஆபத்தி து³க்கடஸ்ஸ.

ஆரோசெய்யாதி அனுபஸம்பன்னஸ்ஸ –
‘‘யோ தே விஹாரே வஸி ஸோ பி⁴க்கு² ஸுஞ்ஞதங் ஸமாபத்திங்…பே॰… அனிமித்தங்
ஸமாபத்திங் அப்பணிஹிதங் ஸமாபத்திங் ஸமாபஜ்ஜி, ஸமாபஜ்ஜதி, ஸமாபன்னோ;
அப்பணிஹிதாய ஸமாபத்தியா லாபீ⁴, வஸீ; தேன பி⁴க்கு²னா அப்பணிஹிதா ஸமாபத்தி
ஸச்சி²கதா’’தி ப⁴ணந்தஸ்ஸ ஆபத்தி து³க்கடஸ்ஸ.

ஆரோசெய்யாதி அனுபஸம்பன்னஸ்ஸ – ‘‘யோ தே விஹாரே வஸி ஸோ பி⁴க்கு² திஸ்ஸோ விஜ்ஜா
…பே॰… சத்தாரோ ஸதிபட்டா²னே, சத்தாரோ ஸம்மப்பதா⁴னே, சத்தாரோ இத்³தி⁴பாதே³,
பஞ்சிந்த்³ரியானி, பஞ்ச ப³லானி, ஸத்த போ³ஜ²ங்கே³, அரியங் அட்ட²ங்கி³கங்
மக்³க³ங், ஸோதாபத்திப²லங், ஸகதா³கா³மிப²லங், அனாகா³மிப²லங், அரஹத்தங் [அரஹத்தப²லங் (ஸ்யா॰)] ஸமாபஜ்ஜி…பே॰… ஸமாபஜ்ஜதி, ஸமாபன்னோ…பே॰… தஸ்ஸ பி⁴க்கு²னோ ராகோ³ சத்தோ, தோ³ஸோ சத்தோ, மோஹோ
சத்தோ, வந்தோ, முத்தோ, பஹீனோ, படினிஸ்ஸட்டோ², உக்கே²டிதோ, ஸமுக்கே²டிதோ;
தஸ்ஸ பி⁴க்கு²னோ ராகா³ சித்தங் வினீவரணங், தோ³ஸா சித்தங் வினீவரணங், மோஹா
சித்தங் வினீவரண’’ந்தி ப⁴ணந்தஸ்ஸ ஆபத்தி து³க்கடஸ்ஸ.

ஆரோசெய்யாதி
அனுபஸம்பன்னஸ்ஸ – ‘‘யோ தே விஹாரே வஸி ஸோ பி⁴க்கு² ஸுஞ்ஞாகா³ரே பட²மங்
ஜா²னங்…பே॰… து³தியங் ஜா²னங் ததியங் ஜா²னங் சதுத்த²ங் ஜா²னங் ஸமாபஜ்ஜி,
ஸமாபஜ்ஜதி, ஸமாபன்னோ; ஸோ பி⁴க்கு² ஸுஞ்ஞாகா³ரே சதுத்த²ஸ்ஸ ஜா²னஸ்ஸ லாபீ⁴,
வஸீ; தேன பி⁴க்கு²னா ஸுஞ்ஞாகா³ரே சதுத்த²ங் ஜா²னங் ஸச்சி²கத’’ந்தி
ப⁴ணந்தஸ்ஸ ஆபத்தி து³க்கடஸ்ஸ.

ஆரோசெய்யாதி அனுபஸம்பன்னஸ்ஸ –
‘‘யோ தே சீவரங் பரிபு⁴ஞ்ஜி, யோ தே பிண்ட³பாதங் பரிபு⁴ஞ்ஜி, யோ தே ஸேனாஸனங்
பரிபு⁴ஞ்ஜி, யோ தே கி³லானப்பச்சயபே⁴ஸஜ்ஜபரிக்கா²ரங் பரிபு⁴ஞ்ஜி ஸோ
பி⁴க்கு² ஸுஞ்ஞாகா³ரே சதுத்த²ங் ஜா²னங் ஸமாபஜ்ஜி, ஸமாபஜ்ஜதி, ஸமாபன்னோ; ஸோ
பி⁴க்கு² ஸுஞ்ஞாகா³ரே சதுத்த²ஸ்ஸ ஜா²னஸ்ஸ லாபீ⁴, வஸீ; தேன பி⁴க்கு²னா
ஸுஞ்ஞாகா³ரே சதுத்த²ங் ஜா²னங் ஸச்சி²கத’’ந்தி ப⁴ணந்தஸ்ஸ ஆபத்தி து³க்கடஸ்ஸ.

76. ஆரோசெய்யாதி
அனுபஸம்பன்னஸ்ஸ – ‘‘யேன தே விஹாரோ பரிபு⁴த்தோ…பே॰… யேன தே சீவரங்
பரிபு⁴த்தங், யேன தே பிண்ட³பாதோ பரிபு⁴த்தோ, யேன தே ஸேனாஸனங் பரிபு⁴த்தங்,
யேன தே கி³லானப்பச்சயபே⁴ஸஜ்ஜபரிக்கா²ரோ பரிபு⁴த்தோ ஸோ பி⁴க்கு² ஸுஞ்ஞாகா³ரே
சதுத்த²ங் ஜா²னங் ஸமாபஜ்ஜி, ஸமாபஜ்ஜதி, ஸமாபன்னோ; ஸோ பி⁴க்கு² ஸுஞ்ஞாகா³ரே
சதுத்த²ஸ்ஸ ஜா²னஸ்ஸ லாபீ⁴, வஸீ; தேன பி⁴க்கு²னா ஸுஞ்ஞாகா³ரே சதுத்த²ங்
ஜா²னங் ஸச்சி²கத’’ந்தி ப⁴ணந்தஸ்ஸ ஆபத்தி து³க்கடஸ்ஸ.

ஆரோசெய்யாதி அனுபஸம்பன்னஸ்ஸ –
‘‘யங் த்வங் ஆக³ம்ம விஹாரங் அதா³ஸி…பே॰… சீவரங் அதா³ஸி, பிண்ட³பாதங்
அதா³ஸி, ஸேனாஸனங் அதா³ஸி, கி³லானப்பச்சயபே⁴ஸஜ்ஜபரிக்கா²ரங்
அதா³ஸி ஸோ பி⁴க்கு² ஸுஞ்ஞாகா³ரே சதுத்த²ங் ஜா²னங் ஸமாபஜ்ஜி, ஸமாபஜ்ஜதி,
ஸமாபன்னோ; ஸோ பி⁴க்கு² ஸுஞ்ஞாகா³ரே சதுத்த²ஸ்ஸ ஜா²னஸ்ஸ லாபீ⁴, வஸீ; தேன
பி⁴க்கு²னா ஸுஞ்ஞாகா³ரே சதுத்த²ங் ஜா²னங் ஸச்சி²கத’’ந்தி ப⁴ணந்தஸ்ஸ ஆபத்தி
து³க்கடஸ்ஸ.

77. அனாபத்தி உபஸம்பன்னஸ்ஸ, பூ⁴தங் ஆரோசேதி, ஆதி³கம்மிகஸ்ஸாதி.

பூ⁴தாரோசனஸிக்கா²பத³ங் நிட்டி²தங் அட்ட²மங்.

9. து³ட்டு²ல்லாரோசனஸிக்கா²பத³ங்

78. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா உபனந்தோ³ ஸக்யபுத்தோ ச²ப்³ப³க்³கி³யேஹி
பி⁴க்கூ²ஹி ஸத்³தி⁴ங் ப⁴ண்ட³னகதோ ஹோதி. ஸோ ஸஞ்சேதனிகங் ஸுக்கவிஸ்ஸட்டி²ங்
ஆபத்திங் ஆபஜ்ஜித்வா ஸங்க⁴ங் தஸ்ஸா ஆபத்தியா பரிவாஸங் யாசி. தஸ்ஸ ஸங்கோ⁴
தஸ்ஸா ஆபத்தியா பரிவாஸங் அதா³ஸி. தேன கோ² பன ஸமயேன ஸாவத்தி²யங் அஞ்ஞதரஸ்ஸ
பூக³ஸ்ஸ ஸங்க⁴ப⁴த்தங் ஹோதி. ஸோ பரிவஸந்தோ ப⁴த்தக்³கே³ ஆஸனபரியந்தே நிஸீதி³.
ச²ப்³ப³க்³கி³யா பி⁴க்கூ² தே உபாஸகே ஏதத³வோசுங் – ‘‘ஏஸோ, ஆவுஸோ, ஆயஸ்மா
உபனந்தோ³ ஸக்யபுத்தோ தும்ஹாகங் ஸம்பா⁴விதோ குலூபகோ; யேனேவ ஹத்தே²ன
ஸத்³தா⁴தெ³ய்யங் பு⁴ஞ்ஜதி தேனேவ ஹத்தே²ன உபக்கமித்வா அஸுசிங் மோசேஸி. ஸோ
ஸஞ்சேதனிகங் ஸுக்கவிஸ்ஸட்டி²ங் ஆபத்திங் ஆபஜ்ஜித்வா ஸங்க⁴ங் தஸ்ஸா ஆபத்தியா பரிவாஸங் யாசி. தஸ்ஸ ஸங்கோ⁴ தஸ்ஸா ஆபத்தியா பரிவாஸங் அதா³ஸி .
ஸோ பரிவஸந்தோ ஆஸனபரியந்தே நிஸின்னோ’’தி. யே தே பி⁴க்கூ² அப்பிச்சா²…பே॰…
தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா
பி⁴க்கூ² பி⁴க்கு²ஸ்ஸ து³ட்டு²ல்லங் ஆபத்திங் அனுபஸம்பன்னஸ்ஸ
ஆரோசெஸ்ஸந்தீ’’தி…பே॰… ‘‘ஸச்சங் கிர தும்ஹே, பி⁴க்க²வே, பி⁴க்கு²ஸ்ஸ
து³ட்டு²ல்லங் ஆபத்திங் அனுபஸம்பன்னஸ்ஸ ஆரோசேதா²’’தி? ‘‘ஸச்சங் ,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே,
மோக⁴புரிஸா, பி⁴க்கு²ஸ்ஸ து³ட்டு²ல்லங் ஆபத்திங் அனுபஸம்பன்னஸ்ஸ
ஆரோசெஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

79. ‘‘யோ பன பி⁴க்கு² பி⁴க்கு²ஸ்ஸ து³ட்டு²ல்லங் ஆபத்திங் அனுபஸம்பன்னஸ்ஸ ஆரோசெய்ய, அஞ்ஞத்ர பி⁴க்கு²ஸம்முதியா [பி⁴க்கு²ஸம்மதியா (ஸ்யா॰)], பாசித்திய’’ந்தி.

80. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

பி⁴க்கு²ஸ்ஸாதி அஞ்ஞஸ்ஸ பி⁴க்கு²ஸ்ஸ.

து³ட்டு²ல்லா நாம ஆபத்தி – சத்தாரி ச பாராஜிகானி, தேரஸ ச ஸங்கா⁴தி³ஸேஸா.

அனுபஸம்பன்னோ நாம பி⁴க்கு²ஞ்ச பி⁴க்கு²னிஞ்ச ட²பெத்வா அவஸேஸோ அனுபஸம்பன்னோ நாம.

ஆரோசெய்யாதி ஆரோசெய்ய இத்தி²யா வா புரிஸஸ்ஸ வா க³ஹட்ட²ஸ்ஸ வா பப்³ப³ஜிதஸ்ஸ வா.

அஞ்ஞத்ர பி⁴க்கு²ஸம்முதியாதி ட²பெத்வா பி⁴க்கு²ஸம்முதிங்.

அத்தி² பி⁴க்கு²ஸம்முதி ஆபத்திபரியந்தா, ந
குலபரியந்தா. அத்தி² பி⁴க்கு²ஸம்முதி குலபரியந்தா, ந ஆபத்திபரியந்தா,
அத்தி² பி⁴க்கு²ஸம்முதி ஆபத்திபரியந்தா ச குலபரியந்தா ச, அத்தி²
பி⁴க்கு²ஸம்முதி நேவ ஆபத்திபரியந்தா ந குலபரியந்தா.

ஆபத்திபரியந்தா நாம ஆபத்தியோ பரிக்³க³ஹிதாயோ ஹொந்தி – ‘‘எத்தகாஹி ஆபத்தீஹி ஆரோசேதப்³போ³’’தி.

குலபரியந்தா நாம குலானி பரிக்³க³ஹிதானி ஹொந்தி – ‘‘எத்தகேஸு குலேஸு ஆரோசேதப்³போ³’’தி. ஆபத்திபரியந்தா ச குலபரியந்தா ச நாம ஆபத்தியோ ச பரிக்³க³ஹிதாயோ ஹொந்தி, குலானி ச பரிக்³க³ஹிதானி ஹொந்தி – ‘‘எத்தகாஹி ஆபத்தீஹி எத்தகேஸு குலேஸு ஆரோசேதப்³போ³’’தி. நேவ ஆபத்திபரியந்தா ந குலபரியந்தா நாம ஆபத்தியோ ச அபரிக்³க³ஹிதாயோ ஹொந்தி, குலானி ச அபரிக்³க³ஹிதானி ஹொந்தி – ‘‘எத்தகாஹி ஆபத்தீஹி எத்தகேஸு குலேஸு ஆரோசேதப்³போ³’’தி.

81. ஆபத்திபரியந்தே யா ஆபத்தியோ பரிக்³க³ஹிதாயோ ஹொந்தி, தா ஆபத்தியோ ட²பெத்வா அஞ்ஞாஹி ஆபத்தீஹி ஆரோசேதி, ஆபத்தி பாசித்தியஸ்ஸ.

குலபரியந்தே யானி குலானி பரிக்³க³ஹிதானி ஹொந்தி, தானி குலானி ட²பெத்வா அஞ்ஞேஸு குலேஸு ஆரோசேதி, ஆபத்தி பாசித்தியஸ்ஸ.

ஆபத்திபரியந்தே ச குலபரியந்தே ச யா ஆபத்தியோ பரிக்³க³ஹிதாயோ ஹொந்தி, தா ஆபத்தியோ ட²பெத்வா யானி குலானி பரிக்³க³ஹிதானி ஹொந்தி, தானி குலானி ட²பெத்வா அஞ்ஞாஹி ஆபத்தீஹி அஞ்ஞேஸு குலேஸு ஆரோசேதி, ஆபத்தி பாசித்தியஸ்ஸ.

நேவ ஆபத்திபரியந்தே ந குலபரியந்தே, அனாபத்தி.

82. து³ட்டு²ல்லாய ஆபத்தியா து³ட்டு²ல்லாபத்திஸஞ்ஞீ அனுபஸம்பன்னஸ்ஸ ஆரோசேதி, அஞ்ஞத்ர பி⁴க்கு²ஸம்முதியா, ஆபத்தி பாசித்தியஸ்ஸ.

து³ட்டு²ல்லாய ஆபத்தியா வேமதிகோ அனுபஸம்பன்னஸ்ஸ ஆரோசேதி, அஞ்ஞத்ர பி⁴க்கு²ஸம்முதியா, ஆபத்தி பாசித்தியஸ்ஸ.

து³ட்டு²ல்லாய ஆபத்தியா அது³ட்டு²ல்லாபத்திஸஞ்ஞீ அனுபஸம்பன்னஸ்ஸ ஆரோசேதி, அஞ்ஞத்ர பி⁴க்கு²ஸம்முதியா, ஆபத்தி பாசித்தியஸ்ஸ.

அது³ட்டு²ல்லங் ஆபத்திங் ஆரோசேதி, ஆபத்தி து³க்கடஸ்ஸ.

அனுபஸம்பன்னஸ்ஸ து³ட்டு²ல்லங் வா அது³ட்டு²ல்லங் வா அஜ்ஜா²சாரங் ஆரோசேதி, ஆபத்தி து³க்கடஸ்ஸ.

அது³ட்டு²ல்லாய ஆபத்தியா து³ட்டு²ல்லாபத்திஸஞ்ஞீ, ஆபத்தி து³க்கடஸ்ஸ.

அது³ட்டு²ல்லாய ஆபத்தியா வேமதிகோ, ஆபத்தி து³க்கடஸ்ஸ.

அது³ட்டு²ல்லாய ஆபத்தியா அது³ட்டு²ல்லாபத்திஸஞ்ஞீ, ஆபத்தி து³க்கடஸ்ஸ.

83. அனாபத்தி வத்து²ங் ஆரோசேதி நோ ஆபத்திங், ஆபத்திங் ஆரோசேதி நோ வத்து²ங், பி⁴க்கு²ஸம்முதியா, உம்மத்தகஸ்ஸ, ஆதி³கம்மிகஸ்ஸாதி.

து³ட்டு²ல்லாரோசனஸிக்கா²பத³ங் நிட்டி²தங் நவமங்.

10. பத²வீக²ணனஸிக்கா²பத³ங்

84. தேன ஸமயேன பு³த்³தோ⁴ ப⁴க³வா ஆளவியங் விஹரதி அக்³கா³ளவே சேதியே. தேன கோ² பன ஸமயேன ஆளவகா [ஆளவிகா (ஸ்யா॰)]
பி⁴க்கூ² நவகம்மங் கரொந்தா பத²விங் க²ணந்திபி க²ணாபெந்திபி. மனுஸ்ஸா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா
பத²விங் க²ணிஸ்ஸந்திபி க²ணாபெஸ்ஸந்திபி! ஏகிந்த்³ரியங் ஸமணா ஸக்யபுத்தியா
ஜீவங் விஹேடெ²ந்தீ’’தி! அஸ்ஸோஸுங் கோ² பி⁴க்கூ² தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ஆளவகா பி⁴க்கூ² பத²விங் க²ணிஸ்ஸந்திபி க²ணாபெஸ்ஸந்திபீ’’தி…பே॰… ‘‘ஸச்சங்
கிர தும்ஹே, பி⁴க்க²வே, பத²விங் க²ணத²பி க²ணாபேத²பீ’’தி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே,
மோக⁴புரிஸா, பத²விங் க²ணிஸ்ஸத²பி க²ணாபெஸ்ஸத²பி! ஜீவஸஞ்ஞினோ ஹி,
மோக⁴புரிஸா, மனுஸ்ஸா பத²வியா. நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

85. ‘‘யோ பன பி⁴க்கு² பத²விங் க²ணெய்ய வா க²ணாபெய்ய வா, பாசித்திய’’ந்தி.

86. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

பத²வீ நாம த்³வே பத²வியோ – ஜாதா ச பத²வீ அஜாதா ச பத²வீ.

ஜாதா
நாம பத²வீ – ஸுத்³த⁴பங்ஸு ஸுத்³த⁴மத்திகா அப்பபாஸாணா அப்பஸக்க²ரா
அப்பகட²லா அப்பமரும்பா³ அப்பவாலிகா, யேபு⁴ய்யேனபங்ஸுகா, யேபு⁴ய்யேனமத்திகா.
அத³ட்³டா⁴பி வுச்சதி ஜாதா பத²வீ. யோபி பங்ஸுபுஞ்ஜோ வா மத்திகாபுஞ்ஜோ வா
அதிரேகசாதுமாஸங் ஓவட்டோ², அயம்பி வுச்சதி ஜாதா பத²வீ.

அஜாதா நாம பத²வீ –
ஸுத்³த⁴பாஸாணா ஸுத்³த⁴ஸக்க²ரா ஸுத்³த⁴கட²லா ஸுத்³த⁴மரும்பா³ ஸுத்³த⁴வாலிகா
அப்பபங்ஸுகா அப்பமத்திகா, யேபு⁴ய்யேனபாஸாணா, யேபு⁴ய்யேனஸக்க²ரா,
யேபு⁴ய்யேனகட²லா, யேபு⁴ய்யேனமரும்பா³, யேபு⁴ய்யேனவாலிகா. த³ட்³டா⁴பி
வுச்சதி அஜாதா பத²வீ. யோபி பங்ஸுபுஞ்ஜோ வா மத்திகாபுஞ்ஜோ வா ஓமகசாதுமாஸங்
ஓவட்டோ², அயம்பி வுச்சதி அஜாதா பத²வீ.

க²ணெய்யாதி ஸயங் க²ணதி, ஆபத்தி பாசித்தியஸ்ஸ.

க²ணாபெய்யாதி அஞ்ஞங் ஆணாபேதி, ஆபத்தி பாசித்தியஸ்ஸ. ஸகிங் ஆணத்தோ ப³ஹுகம்பி க²ணதி, ஆபத்தி பாசித்தியஸ்ஸ.

87. பத²வியா பத²விஸஞ்ஞீ க²ணதி வா க²ணாபேதி வா, பி⁴ந்த³தி வா பே⁴தா³பேதி வா, த³ஹதி வா த³ஹாபேதி வா, ஆபத்தி பாசித்தியஸ்ஸ.

பத²வியா வேமதிகோ க²ணதி வா க²ணாபேதி வா, பி⁴ந்த³தி வா பே⁴தா³பேதி வா, த³ஹதி வா த³ஹாபேதி வா, ஆபத்தி து³க்கடஸ்ஸ.

பத²வியா அபத²விஸஞ்ஞீ க²ணதி வா க²ணாபேதி வா, பி⁴ந்த³தி வா பே⁴தா³பேதி வா, த³ஹதி வா த³ஹாபேதி வா, அனாபத்தி.

அபத²வியா பத²விஸஞ்ஞீ, ஆபத்தி து³க்கடஸ்ஸ. அபத²வியா வேமதிகோ, ஆபத்தி து³க்கடஸ்ஸ. அபத²வியா அபத²விஸஞ்ஞீ, அனாபத்தி.

88.
அனாபத்தி – ‘‘இமங் ஜான, இமங் தே³ஹி, இமங் ஆஹர, இமினா அத்தோ², இமங்
கப்பியங் கரோஹீ’’தி ப⁴ணதி, அஸஞ்சிச்ச, அஸதியா, அஜானந்தஸ்ஸ, உம்மத்தகஸ்ஸ,
ஆதி³கம்மிகஸ்ஸாதி.

பத²வீக²ணனஸிக்கா²பத³ங் நிட்டி²தங் த³ஸமங்.

முஸாவாத³வக்³கோ³ பட²மோ.

தஸ்ஸுத்³தா³னங் –

முஸா ஓமஸபேஸுஞ்ஞங், பத³ஸெய்யாய வே து³வே;

அஞ்ஞத்ர விஞ்ஞுனா பூ⁴தா, து³ட்டு²ல்லாபத்தி க²ணனாதி.

2. பூ⁴தகா³மவக்³கோ³

1. பூ⁴தகா³மஸிக்கா²பத³ங்

89. தேன
ஸமயேன பு³த்³தோ⁴ ப⁴க³வா ஆளவியங் விஹரதி அக்³கா³ளவே சேதியே. தேன கோ² பன
ஸமயேன ஆளவகா பி⁴க்கூ² நவகம்மங் கரொந்தா ருக்க²ங் சி²ந்த³ந்திபி
சே²தா³பெந்திபி. அஞ்ஞதரோபி ஆளவகோ பி⁴க்கு² ருக்க²ங் சி²ந்த³தி. தஸ்மிங்
ருக்கே² அதி⁴வத்தா² தே³வதா தங் பி⁴க்கு²ங் ஏதத³வோச – ‘‘மா, ப⁴ந்தே, அத்தனோ
ப⁴வனங் கத்துகாமோ மய்ஹங் ப⁴வனங் சி²ந்தீ³’’தி. ஸோ பி⁴க்கு² அனாதி³யந்தோ
சி²ந்தி³ யேவ, தஸ்ஸா ச தே³வதாய தா³ரகஸ்ஸ பா³ஹுங் ஆகோடேஸி. அத² கோ² தஸ்ஸா
தே³வதாய ஏதத³ஹோஸி – ‘‘யங்ன்னூனாஹங் இமங் பி⁴க்கு²ங் இதே⁴வ ஜீவிதா
வோரோபெய்ய’’ந்தி. அத² கோ² தஸ்ஸா தே³வதாய ஏதத³ஹோஸி – ‘‘ந கோ² மேதங் பதிரூபங்
யாஹங் இமங் பி⁴க்கு²ங் இதே⁴வ ஜீவிதா வோரோபெய்யங். யன்னூனாஹங் ப⁴க³வதோ
ஏதமத்த²ங் ஆரோசெய்ய’’ந்தி. அத² கோ² ஸா தே³வதா யேன ப⁴க³வா தேனுபஸங்கமி;
உபஸங்கமித்வா ப⁴க³வதோ ஏதமத்த²ங் ஆரோசேஸி. ‘‘ஸாது⁴ ஸாது⁴ தே³வதே! ஸாது⁴ கோ²
த்வங், தே³வதே, தங் பி⁴க்கு²ங் ஜீவிதா ந வோரோபேஸி. ஸசஜ்ஜ த்வங், தே³வதே,
தங் பி⁴க்கு²ங் ஜீவிதா வோரோபெய்யாஸி, ப³ஹுஞ்ச த்வங், தே³வதே, அபுஞ்ஞங்
பஸவெய்யாஸி. க³ச்ச² த்வங், தே³வதே, அமுகஸ்மிங் ஓகாஸே ருக்கோ² விவித்தோ
தஸ்மிங் உபக³ச்சா²’’தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஸமணா ஸக்யபுத்தியா ருக்க²ங் சி²ந்தி³ஸ்ஸந்திபி
சே²தா³பெஸ்ஸந்திபி ஏகிந்த்³ரியங் ஸமணா ஸக்யபுத்தியா ஜீவங் விஹேடெ²ஸ்ஸந்தீ’’தி!

அஸ்ஸோஸுங் கோ² பி⁴க்கூ² தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ஆளவகா பி⁴க்கூ² ருக்க²ங் சி²ந்தி³ஸ்ஸந்திபி சே²தா³பெஸ்ஸந்திபீ’’தி…பே॰…
‘‘ஸச்சங் கிர தும்ஹே, பி⁴க்க²வே, ருக்க²ங் சி²ந்த³தா²பி சே²தா³பேதா²பீ’’தி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே,
மோக⁴புரிஸா, ருக்க²ங் சி²ந்தி³ஸ்ஸதா²பி, சே²தா³பெஸ்ஸதா²பி! ஜீவஸஞ்ஞினோ ஹி,
மோக⁴புரிஸா, மனுஸ்ஸா ருக்க²ஸ்மிங், நேதங் மோக⁴புரிஸா அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

90. ‘‘பூ⁴தகா³மபாதப்³யதாய பாசித்திய’’ந்தி.

91. பூ⁴தகா³மோ நாம பஞ்ச பீ³ஜஜாதானி – மூலபீ³ஜங், க²ந்த⁴பீ³ஜங், ப²ளுபீ³ஜங், அக்³க³பீ³ஜங், பீ³ஜபீ³ஜமேவ [பீ³ஜபீ³ஜஞ்சேவ (இதிபி)] பஞ்சமங்.

மூலபீ³ஜங்
நாம – ஹலித்³தி³, ஸிங்கி³வேரங், வசா, வசத்தங், அதிவிஸா, கடுகரோஹிணீ,
உஸீரங், ப⁴த்³த³மூத்தகங், யானி வா பனஞ்ஞானிபி அத்தி² மூலே ஜாயந்தி, மூலே
ஸஞ்ஜாயந்தி, ஏதங் மூலபீ³ஜங் நாம.

க²ந்த⁴பீ³ஜங் நாம –
அஸ்ஸத்தோ², நிக்³ரோதோ⁴, பிலக்கோ², உது³ம்ப³ரோ, கச்ச²கோ, கபித்த²னோ, யானி வா
பனஞ்ஞானிபி அத்தி² க²ந்தே⁴ ஜாயந்தி, க²ந்தே⁴ ஸஞ்ஜாயந்தி, ஏதங்
க²ந்த⁴பீ³ஜங் நாம.

ப²ளுபீ³ஜங் நாம – உச்சு², வேளு, நளோ, யானி வா பனஞ்ஞானிபி அத்தி² பப்³பே³ ஜாயந்தி, பப்³பே³ ஸஞ்ஜாயந்தி, ஏதங் ப²ளுபீ³ஜங் நாம.

அக்³க³பீ³ஜங் நாம – அஜ்ஜுகங், ப²ணிஜ்ஜகங், ஹிரிவேரங், யானி வா பனஞ்ஞானிபி அத்தி² அக்³கே³ ஜாயந்தி, அக்³கே³ ஸஞ்ஜாயந்தி, ஏதங் அக்³க³பீ³ஜங் நாம.

பீ³ஜபீ³ஜங் நாம – புப்³ப³ண்ணங், அபரண்ணங், யானி வா பனஞ்ஞானிபி அத்தி² பீ³ஜே ஜாயந்தி, பீ³ஜே ஸஞ்ஜாயந்தி, ஏதங் பீ³ஜபீ³ஜங் நாம.

92.
பீ³ஜே பீ³ஜஸஞ்ஞீ சி²ந்த³தி வா சே²தா³பேதி வா, பி⁴ந்த³தி வா பே⁴தா³பேதி வா,
பசதி வா பசாபேதி வா, ஆபத்தி பாசித்தியஸ்ஸ. பீ³ஜே வேமதிகோ சி²ந்த³தி வா
சே²தா³பேதி வா, பி⁴ந்த³தி வா பே⁴தா³பேதி வா, பசதி வா பசாபேதி வா, ஆபத்தி
து³க்கடஸ்ஸ. பீ³ஜே அபீ³ஜஸஞ்ஞீ சி²ந்த³தி வா சே²தா³பேதி வா, பி⁴ந்த³தி வா
பே⁴தா³பேதி வா, பசதி வா பசாபேதி வா, அனாபத்தி. அபீ³ஜே பீ³ஜஸஞ்ஞீ ஆபத்தி
து³க்கடஸ்ஸ. அபீ³ஜே வேமதிகோ, ஆபத்தி து³க்கடஸ்ஸ. அபீ³ஜே அபீ³ஜஸஞ்ஞீ,
அனாபத்தி.

93.
அனாபத்தி – ‘‘இமங் ஜான, இமங் தே³ஹி, இமங் ஆஹர, இமினா அத்தோ², இமங்
கப்பியங் கரோஹீ’’தி ப⁴ணதி, அஸஞ்சிச்ச, அஸ்ஸதியா, அஜானந்தஸ்ஸ, உம்மத்தகஸ்ஸ,
ஆதி³கம்மிகஸ்ஸாதி.

பூ⁴தகா³மஸிக்கா²பத³ங் நிட்டி²தங் பட²மங்.

2. அஞ்ஞவாத³கஸிக்கா²பத³ங்

94. தேன
ஸமயேன பு³த்³தோ⁴ ப⁴க³வா கோஸம்பி³யங் விஹரதி கோ⁴ஸிதாராமே. தேன கோ² பன ஸமயேன
ஆயஸ்மா ச²ன்னோ அனாசாரங் ஆசரித்வா ஸங்க⁴மஜ்ஜே² ஆபத்தியா அனுயுஞ்ஜீயமானோ
அஞ்ஞேனஞ்ஞங் படிசரதி – ‘‘கோ ஆபன்னோ, கிங் ஆபன்னோ, கிஸ்மிங் ஆபன்னோ, கத²ங்
ஆபன்னோ, கங் ப⁴ணத², கிங் ப⁴ணதா²’’தி? யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா ச²ன்னோ
ஸங்க⁴மஜ்ஜே² ஆபத்தியா அனுயுஞ்ஜீயமானோ அஞ்ஞேனஞ்ஞங் படிசரிஸ்ஸதி – கோ ஆபன்னோ,
கிங் ஆபன்னோ, கிஸ்மிங் ஆபன்னோ, கத²ங் ஆபன்னோ, கங் ப⁴ணத², கிங்
ப⁴ணதா²’’தி…பே॰… ஸச்சங் கிர த்வங், ச²ன்ன, ஸங்க⁴மஜ்ஜே² ஆபத்தியா
அனுயுஞ்ஜீயமானோ அஞ்ஞேனஞ்ஞங் படிசரஸி – கோ ஆபன்னோ, கிங் ஆபன்னோ, கிஸ்மிங்
ஆபன்னோ, கத²ங் ஆபன்னோ, கங் ப⁴ணத², கிங் ப⁴ணதா²தி? ‘‘ஸச்சங், ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம த்வங், மோக⁴புரிஸ, ஸங்க⁴மஜ்ஜே²
ஆபத்தியா அனுயுஞ்ஜீயமானோ அஞ்ஞேனஞ்ஞங் படிசரிஸ்ஸஸி – கோ ஆபன்னோ, கிங்
ஆபன்னோ, கிஸ்மிங் ஆபன்னோ, கத²ங் ஆபன்னோ, கங் ப⁴ணத², கிங் ப⁴ணதா²தி! நேதங்,
மோக⁴புரிஸ, அப்பஸன்னானங் வா பஸாதா³ய…பே॰… விக³ரஹித்வா…பே॰… த⁴ம்மிங் கத²ங்
கத்வா பி⁴க்கூ² ஆமந்தேஸி – ‘‘தேன ஹி, பி⁴க்க²வே, ஸங்கோ⁴ ச²ன்னஸ்ஸ
பி⁴க்கு²னோ அஞ்ஞவாத³கங் ரோபேது. ஏவஞ்ச பன, பி⁴க்க²வே , ரோபேதப்³ப³ங். ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

95.
‘‘ஸுணாது மே, ப⁴ந்தே, ஸங்கோ⁴. அயங் ச²ன்னோ பி⁴க்கு² ஸங்க⁴மஜ்ஜே² ஆபத்தியா
அனுயுஞ்ஜீயமானோ அஞ்ஞேனஞ்ஞங் படிசரதி. யதி³ ஸங்க⁴ஸ்ஸ பத்தகல்லங், ஸங்கோ⁴
ச²ன்னஸ்ஸ பி⁴க்கு²னோ அஞ்ஞவாத³கங் ரோபெய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. அயங் ச²ன்னோ பி⁴க்கு²
ஸங்க⁴மஜ்ஜே² ஆபத்தியா அனுயுஞ்ஜீயமானோ அஞ்ஞேனஞ்ஞங் படிசரதி. ஸங்கோ⁴ ச²ன்னஸ்ஸ
பி⁴க்கு²னோ அஞ்ஞவாத³கங் ரோபேதி. யஸ்ஸாயஸ்மதோ க²மதி ச²ன்னஸ்ஸ பி⁴க்கு²னோ
அஞ்ஞவாத³கஸ்ஸ ரோபனா, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

‘‘ரோபிதங் ஸங்கே⁴ன ச²ன்னஸ்ஸ பி⁴க்கு²னோ அஞ்ஞவாத³கங். க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

அத²
கோ² ப⁴க³வா ஆயஸ்மந்தங் ச²ன்னங் அனேகபரியாயேன விக³ரஹித்வா து³ப்³ப⁴ரதாய…பே॰…
ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

‘‘அஞ்ஞவாத³கே பாசித்திய’’ந்தி.

ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.

96.
தேன கோ² பன ஸமயேன ஆயஸ்மா ச²ன்னோ ஸங்க⁴மஜ்ஜே² ஆபத்தியா அனுயுஞ்ஜீயமானோ
‘‘அஞ்ஞேனஞ்ஞங் படிசரந்தோ – ‘‘ஆபத்திங் ஆபஜ்ஜிஸ்ஸாமீ’’தி துண்ஹீபூ⁴தோ
ஸங்க⁴ங் விஹேஸேதி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா ச²ன்னோ ஸங்க⁴மஜ்ஜே² ஆபத்தியா
அனுயுஞ்ஜீயமானோ துண்ஹீபூ⁴தோ ஸங்க⁴ங் விஹேஸெஸ்ஸதீ’’தி…பே॰…
ஸச்சங் கிர த்வங், ச²ன்ன, ஸங்க⁴மஜ்ஜே² ஆபத்தியா அனுயுஞ்ஜீயமானோ
துண்ஹீபூ⁴தோ ஸங்க⁴ங் விஹேஸேஸீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம த்வங், மோக⁴புரிஸ, ஸங்க⁴மஜ்ஜே² ஆபத்தியா
அனுயுஞ்ஜீயமானோ துண்ஹீபூ⁴தோ ஸங்க⁴ங் விஹேஸெஸ்ஸஸி! நேதங், மோக⁴புரிஸ,
அப்பஸன்னானங் வா பஸாதா³ய…பே॰… விக³ரஹித்வா…பே॰… த⁴ம்மிங் கத²ங் கத்வா
பி⁴க்கூ² ஆமந்தேஸி – ‘‘தேன ஹி, பி⁴க்க²வே, ஸங்கோ⁴ ச²ன்னஸ்ஸ பி⁴க்கு²னோ
விஹேஸகங் ரோபேது. ஏவஞ்ச பன, பி⁴க்க²வே, ரோபேதப்³ப³ங். ப்³யத்தேன பி⁴க்கு²னா
படிப³லேன ஸங்கோ⁴ ஞாபேதப்³போ³ –

97.
‘‘ஸுணாது மே, ப⁴ந்தே, ஸங்கோ⁴. அயங் ச²ன்னோ பி⁴க்கு² ஸங்க⁴மஜ்ஜே² ஆபத்தியா
அனுயுஞ்ஜீயமானோ துண்ஹீபூ⁴தோ ஸங்க⁴ங் விஹேஸேதி. யதி³ ஸங்க⁴ஸ்ஸ பத்தகல்லங்,
ஸங்கோ⁴ ச²ன்னஸ்ஸ பி⁴க்கு²னோ விஹேஸகங் ரோபெய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. அயங் ச²ன்னோ பி⁴க்கு²
ஸங்க⁴மஜ்ஜே² ஆபத்தியா அனுயுஞ்ஜீயமானோ துண்ஹீபூ⁴தோ ஸங்க⁴ங் விஹேஸேதி. ஸங்கோ⁴
ச²ன்னஸ்ஸ பி⁴க்கு²னோ விஹேஸகங் ரோபேதி. யஸ்ஸாயஸ்மாதோ க²மதி ச²ன்னஸ்ஸ
பி⁴க்கு²னோ விஹேஸகஸ்ஸ ரோபனா, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

‘‘ரோபிதங் ஸங்கே⁴ன ச²ன்னஸ்ஸ பி⁴க்கு²னோ விஹேஸகங். க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

அத² கோ² ப⁴க³வா ஆயஸ்மந்தங் ச²ன்னங் அனேகபரியாயேன விக³ரஹித்வா து³ப்³ப⁴ரதாய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

98. ‘‘அஞ்ஞவாத³கே விஹேஸகே பாசித்திய’’ந்தி.

99. அஞ்ஞவாத³கோ
நாம ஸங்க⁴மஜ்ஜே² வத்து²ஸ்மிங் வா ஆபத்தியா வா அனுயுஞ்ஜீயமானோ தங் ந
கதே²துகாமோ தங் ந உக்³கா⁴டேதுகாமோ அஞ்ஞேனஞ்ஞங் படிசரதி – ‘‘கோ ஆபன்னோ, கிங்
ஆபன்னோ, கிஸ்மிங் ஆபன்னோ, கத²ங் ஆபன்னோ, கங் ப⁴ணத², கிங் ப⁴ணதா²’’தி. ஏஸோ
அஞ்ஞவாத³கோ நாம.

விஹேஸகோ நாம ஸங்க⁴மஜ்ஜே²
வத்து²ஸ்மிங் வா ஆபத்தியா வா அனுயுஞ்ஜீயமானோ தங் ந கதே²துகாமோ தங் ந
உக்³கா⁴டேதுகாமோ துண்ஹீபூ⁴தோ ஸங்க⁴ங் விஹேஸேதி. ஏஸோ விஹேஸகோ நாம.

100.
ஆரோபிதே அஞ்ஞவாத³கே ஸங்க⁴மஜ்ஜே² வத்து²ஸ்மிங் வா ஆபத்தியா வா
அனுயுஞ்ஜீயமானோ தங் ந கதே²துகாமோ தங் ந உக்³கா⁴டேதுகாமோ அஞ்ஞேனஞ்ஞங்
படிசரதி – ‘‘கோ ஆபன்னோ, கிங் ஆபன்னோ, கிஸ்மிங் ஆபன்னோ, கத²ங் ஆபன்னோ, கங்
ப⁴ணத², கிங் ப⁴ணதா²’’தி, ஆபத்தி து³க்கடஸ்ஸ. ஆரோபிதே விஹேஸகே ஸங்க⁴மஜ்ஜே²
வத்து²ஸ்மிங் வா ஆபத்தியா வா அனுயுஞ்ஜீயமானோ தங் ந கதே²துகாமோ தங் ந
உக்³கா⁴டேதுகாமோ துண்ஹீபூ⁴தோ ஸங்க⁴ங் விஹேஸேதி, ஆபத்தி து³க்கடஸ்ஸ. ரோபிதே
அஞ்ஞவாத³கே ஸங்க⁴மஜ்ஜே² வத்து²ஸ்மிங் வா ஆபத்தியா வா அனுயுஞ்ஜீயமானோ தங் ந
கதே²துகாமோ தங் ந உக்³கா⁴டேதுகாமோ அஞ்ஞேனஞ்ஞங் படிசரதி – ‘‘கோ ஆபன்னோ, கிங்
ஆபன்னோ, கிஸ்மிங் ஆபன்னோ, கத²ங் ஆபன்னோ, கங் ப⁴ணத², கிங் ப⁴ணதா²’’தி,
ஆபத்தி பாசித்தியஸ்ஸ . ரோபிதே விஹேஸகே ஸங்க⁴மஜ்ஜே²
வத்து²ஸ்மிங் வா ஆபத்தியா வா அனுயுஞ்ஜீயமானோ தங் ந கதே²துகாமோ தங் ந
உக்³கா⁴டேதுகாமோ துண்ஹீபூ⁴தோ ஸங்க⁴ங் விஹேஸேதி, ஆபத்தி பாசித்தியஸ்ஸ.

101.
த⁴ம்மகம்மே த⁴ம்மகம்மஸஞ்ஞீ அஞ்ஞவாத³கே விஹேஸகே, ஆபத்தி பாசித்தியஸ்ஸ.
த⁴ம்மகம்மே வேமதிகோ அஞ்ஞவாத³கே விஹேஸகே, ஆபத்தி பாசித்தியஸ்ஸ. த⁴ம்மகம்மே
அத⁴ம்மகம்மஸஞ்ஞீ அஞ்ஞவாத³கே விஹேஸகே, ஆபத்தி பாசித்தியஸ்ஸ. அத⁴ம்மகம்மே
த⁴ம்மகம்மஸஞ்ஞீ, ஆபத்தி து³க்கடஸ்ஸ. அத⁴ம்மகம்மே வேமதிகோ, ஆபத்தி
து³க்கடஸ்ஸ. அத⁴ம்மகம்மே அத⁴ம்மகம்மஸஞ்ஞீ, ஆபத்தி து³க்கடஸ்ஸ.

102. அனாபத்தி அஜானந்தோ புச்ச²தி, கி³லானோ வா ந கதே²தி; ‘‘ஸங்க⁴ஸ்ஸ ப⁴ண்ட³னங் வா
கலஹோ வா விக்³க³ஹோ வா விவாதோ³ வா ப⁴விஸ்ஸதீ’’தி ந கதே²தி; ‘‘ஸங்க⁴பே⁴தோ³
வா ஸங்க⁴ராஜி வா ப⁴விஸ்ஸதீ’’தி ந கதே²தி; ‘‘அத⁴ம்மேன வா வக்³கே³ன வா
நகம்மாரஹஸ்ஸ வா கம்மங் கரிஸ்ஸதீ’’தி ந கதே²தி; உம்மத்தகஸ்ஸ,
ஆதி³கம்மிகஸ்ஸாதி.

அஞ்ஞவாத³கஸிக்கா²பத³ங் நிட்டி²தங் து³தியங்.

3. உஜ்ஜா²பனகஸிக்கா²பத³ங்

103. தேன
ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன
ஸமயேன ஆயஸ்மா த³ப்³போ³ மல்லபுத்தோ ஸங்க⁴ஸ்ஸ ஸேனாஸனஞ்ச பஞ்ஞபேதி ப⁴த்தானி ச
உத்³தி³ஸதி. தேன கோ² பன ஸமயேன மெத்தியபூ⁴மஜகா [மெத்தியபூ⁴ம்மஜகா (ஸீ॰ ஸ்யா॰)] பி⁴க்கூ² நவகா சேவ ஹொந்தி அப்பபுஞ்ஞா ச .
யானி ஸங்க⁴ஸ்ஸ லாமகானி ஸேனாஸனானி தானி தேஸங் பாபுணந்தி லாமகானி ச
ப⁴த்தானி. தே ஆயஸ்மந்தங் த³ப்³ப³ங் மல்லபுத்தங் பி⁴க்கூ² உஜ்ஜா²பெந்தி –
‘‘ச²ந்தா³ய த³ப்³போ³ மல்லபுத்தோ ஸேனாஸனங் பஞ்ஞபேதி, ச²ந்தா³ய ச ப⁴த்தானி
உத்³தி³ஸதீ’’தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம மெத்தியபூ⁴மஜகா பி⁴க்கூ² ஆயஸ்மந்தங் த³ப்³ப³ங்
மல்லபுத்தங் பி⁴க்கூ² உஜ்ஜா²பெஸ்ஸந்தீ’’தி…பே॰… ‘‘ஸச்சங் கிர தும்ஹே,
பி⁴க்க²வே, த³ப்³ப³ங் மல்லபுத்தங் பி⁴க்கூ² உஜ்ஜா²பேதா²’’தி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே,
மோக⁴புரிஸா, த³ப்³ப³ங் மல்லபுத்தங் பி⁴க்கூ² உஜ்ஜா²பெஸ்ஸத²! நேதங்,
மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –

‘‘உஜ்ஜா²பனகே பாசித்திய’’ந்தி.

ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.

104. தேன கோ² பன ஸமயேன மெத்தியபூ⁴மஜகா பி⁴க்கூ² – ‘‘ப⁴க³வதா உஜ்ஜா²பனகங் படிக்கி²த்த’’ந்தி, ‘‘எத்தாவதா பி⁴க்கூ² ஸொஸ்ஸந்தீ’’தி [விஹேஸிஸ்ஸந்தீதி (இதிபி)] பி⁴க்கூ²னங் ஸாமந்தா ஆயஸ்மந்தங் த³ப்³ப³ங் மல்லபுத்தங் கி²ய்யந்தி – ‘‘ச²ந்தா³ய த³ப்³போ³ மல்லபுத்தோ ஸேனாஸனங்
பஞ்ஞபேதி, ச²ந்தா³ய ச ப⁴த்தானி உத்³தி³ஸதீ’’தி. யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
மெத்தியபூ⁴மஜகா பி⁴க்கூ² ஆயஸ்மந்தங் த³ப்³ப³ங் மல்லபுத்தங்
கி²ய்யிஸ்ஸந்தீ’’தி…பே॰… ‘‘ஸச்சங் கிர தும்ஹே, பி⁴க்க²வே, த³ப்³ப³ங்
மல்லபுத்தங் கி²ய்யதா²’’தி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, த³ப்³ப³ங்
மல்லபுத்தங் கி²ய்யிஸ்ஸத²! நேதங், மோக⁴புரிஸா, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

105. ‘‘உஜ்ஜா²பனகே கி²ய்யனகே பாசித்திய’’ந்தி.

106. உஜ்ஜா²பனகங்
நாம உபஸம்பன்னங் ஸங்கே⁴ன ஸம்மதங் ஸேனாஸனபஞ்ஞாபகங் வா ப⁴த்துத்³தே³ஸகங் வா
யாகு³பா⁴ஜகங் வா ப²லபா⁴ஜகங் வா க²ஜ்ஜபா⁴ஜகங் வா அப்பமத்தகவிஸ்ஸஜ்ஜகங் வா
அவண்ணங் கத்துகாமோ, அயஸங் கத்துகாமோ, மங்குகத்துகாமோ, உபஸம்பன்னங்
உஜ்ஜா²பேதி வா கி²ய்யதி வா, ஆபத்தி பாசித்தியஸ்ஸ. த⁴ம்மகம்மே
த⁴ம்மகம்மஸஞ்ஞீ உஜ்ஜா²பனகே கி²ய்யனகே ஆபத்தி பாசித்தியஸ்ஸ. த⁴ம்மகம்மே
வேமதிகோ உஜ்ஜா²பனகே கி²ய்யனகே ஆபத்தி பாசித்தியஸ்ஸ. த⁴ம்மகம்மே அத⁴ம்மகம்மஸஞ்ஞீ உஜ்ஜா²பனகே கி²ய்யனகே ஆபத்தி பாசித்தியஸ்ஸ.

அனுபஸம்பன்னங் உஜ்ஜா²பேதி வா கி²ய்யதி வா, ஆபத்தி
து³க்கடஸ்ஸ. உபஸம்பன்னங் ஸங்கே⁴ன அஸம்மதங் ஸேனாஸனபஞ்ஞாபகங் வா
ப⁴த்துத்³தே³ஸகங் வா யாகு³பா⁴ஜகங் வா ப²லபா⁴ஜகங் வா க²ஜ்ஜபா⁴ஜகங் வா
அப்பமத்தகவிஸ்ஸஜ்ஜகங் வா அவண்ணங் கத்துகாமோ, அயஸங் கத்துகாமோ,
மங்குகத்துகாமோ, உபஸம்பன்னங் வா அனுபஸம்பன்னங் வா உஜ்ஜா²பேதி வா கி²ய்யதி
வா, ஆபத்தி து³க்கடஸ்ஸ. அனுபஸம்பன்னங் ஸங்கே⁴ன ஸம்மதங் வா அஸம்மதங் வா
ஸேனாஸனபஞ்ஞாபகங் வா ப⁴த்துத்³தே³ஸகங் வா யாகு³பா⁴ஜகங் வா ப²லபா⁴ஜகங் வா
க²ஜ்ஜபா⁴ஜகங் வா அப்பமத்தகவிஸ்ஸஜ்ஜகங் வா அவண்ணங் கத்துகாமோ, அயஸங்
கத்துகாமோ, மங்குகத்துகாமோ, உபஸம்பன்னங் வா அனுபஸம்பன்னங் வா உஜ்ஜா²பேதி வா
கி²ய்யதி வா, ஆபத்தி து³க்கடஸ்ஸ. அத⁴ம்மகம்மே
த⁴ம்மகம்மஸஞ்ஞீ, ஆபத்தி து³க்கடஸ்ஸ. அத⁴ம்மகம்மே வேமதிகோ, ஆபத்தி
து³க்கடஸ்ஸ. அத⁴ம்மகம்மே அத⁴ம்மகம்மஸஞ்ஞீ ஆபத்தி து³க்கடஸ்ஸ.

107. அனாபத்தி பகதியா ச²ந்தா³ தோ³ஸா மோஹா ப⁴யா கரொந்தங் உஜ்ஜா²பேதி வா கி²ய்யதி வா, உம்மத்தகஸ்ஸ, ஆதி³கம்மிகஸ்ஸாதி.

உஜ்ஜா²பனகஸிக்கா²பத³ங் நிட்டி²தங் ததியங்.

4. பட²மஸேனாஸனஸிக்கா²பத³ங்

108. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பி⁴க்கூ² ஹேமந்திகே காலே அஜ்ஜோ²காஸே ஸேனாஸனங்
பஞ்ஞபெத்வா காயங் ஓதாபெந்தா காலே ஆரோசிதே தங் பக்கமந்தா நேவ உத்³த⁴ரிங்ஸு ந
உத்³த⁴ராபேஸுங், அனாபுச்சா² பக்கமிங்ஸு. ஸேனாஸனங் ஓவட்ட²ங் ஹோதி. யே தே
பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ங்
ஹி நாம பி⁴க்கூ² அஜ்ஜோ²காஸே ஸேனாஸனங் பஞ்ஞபெத்வா தங் பக்கமந்தா நேவ
உத்³த⁴ரிஸ்ஸந்தி ந உத்³த⁴ராபெஸ்ஸந்தி, அனாபுச்சா² பக்கமிஸ்ஸந்தி, ஸேனாஸனங்
ஓவட்ட²’’ந்தி! அத² கோ² தே பி⁴க்கூ² தே அனேகபரியாயேன விக³ரஹித்வா ப⁴க³வதோ
ஏதமத்த²ங் ஆரோசேஸுங்…பே॰… ஸச்சங் கிர, பி⁴க்க²வே, பி⁴க்கூ² அஜ்ஜோ²காஸே…பே॰…
ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

109. ‘‘யோ பன பி⁴க்கு² ஸங்கி⁴கங் மஞ்சங் வா பீட²ங் வா பி⁴ஸிங் வா கொச்ச²ங் வா அஜ்ஜோ²காஸே ஸந்த²ரித்வா வா ஸந்த²ராபெத்வா வா தங் பக்கமந்தோ நேவ உத்³த⁴ரெய்ய ந உத்³த⁴ராபெய்ய, அனாபுச்ச²ங் வா க³ச்செ²ய்ய, பாசித்திய’’ந்தி.

ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.

110.
தேன கோ² பன ஸமயேன பி⁴க்கூ² அஜ்ஜோ²காஸே வஸித்வா காலஸ்ஸேவ ஸேனாஸனங்
அபி⁴ஹரந்தி. அத்³த³ஸா கோ² ப⁴க³வா தே பி⁴க்கூ² காலஸ்ஸேவ ஸேனாஸனங்
அபி⁴ஹரந்தே. தி³ஸ்வான ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங்
கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, அட்ட² மாஸே
அவஸ்ஸிகஸங்கேதே [வஸிதுங் அவஸ்ஸிகஸங்கேதே (இதிபி)] மண்ட³பே வா ருக்க²மூலே வா யத்த² காகா வா குலலா வா ந ஊஹத³ந்தி தத்த² ஸேனாஸனங் நிக்கி²பிது’’ந்தி.

111. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

ஸங்கி⁴கங் நாம ஸங்க⁴ஸ்ஸ தி³ன்னங் ஹோதி பரிச்சத்தங்.

மஞ்சோ நாம சத்தாரோ மஞ்சா – மஸாரகோ, பு³ந்தி³காப³த்³தோ⁴, குளீரபாத³கோ, ஆஹச்சபாத³கோ.

பீட²ங் நாம சத்தாரி பீடா²னி – மஸாரகங், பு³ந்தி³காப³த்³த⁴ங், குளீரபாத³கங், ஆஹச்சபாத³கங்.

பி⁴ஸி நாம பஞ்ச பி⁴ஸியோ – உண்ணபி⁴ஸி, சோளபி⁴தி, வாகபி⁴ஸி, திணபி⁴ஸி, பண்ணபி⁴ஸி.

கொச்ச²ங் நாம – வாகமயங் வா உஸீரமயங் வா முஞ்ஜமயங் வா பப்³ப³ஜமயங் [ப³ப்³ப³ஜமயங் (ஸீ॰)] வா அந்தோ ஸங்வேடெ²த்வா ப³த்³த⁴ங் ஹோதி.

ஸந்த²ரித்வாதி ஸயங் ஸந்த²ரித்வா.

ஸந்த²ராபெத்வாதி அஞ்ஞங் ஸந்த²ராபெத்வா. அனுபஸம்பன்னங் ஸந்த²ராபேதி, தஸ்ஸ பலிபோ³தோ⁴. உபஸம்பன்னங் ஸந்த²ராபேதி, ஸந்தா²ரகஸ்ஸ [ஸந்த²தஸ்ஸ (இதிபி)] பலிபோ³தோ⁴.

தங் பக்கமந்தோ நேவ உத்³த⁴ரெய்யாதி ந ஸயங் உத்³த⁴ரெய்ய.

ந உத்³த⁴ராபெய்யாதி ந அஞ்ஞங் உத்³த⁴ராபெய்ய.

அனாபுச்ச²ங் வா க³ச்செ²ய்யாதி பி⁴க்கு²ங் வா ஸாமணேரங் வா ஆராமிகங் வா அனாபுச்சா² மஜ்ஜி²மஸ்ஸ புரிஸஸ்ஸ லெட்³டு³பாதங் அதிக்கமந்தஸ்ஸ ஆபத்தி பாசித்தியஸ்ஸ.

112.
ஸங்கி⁴கே ஸங்கி⁴கஸஞ்ஞீ அஜ்ஜோ²காஸே ஸந்த²ரித்வா வா ஸந்த²ராபெத்வா வா தங்
பக்கமந்தோ நேவ உத்³த⁴ரெய்ய ந உத்³த⁴ராபெய்ய அனாபுச்ச²ங் வா க³ச்செ²ய்ய,
ஆபத்தி பாசித்தியஸ்ஸ. ஸங்கி⁴கே வேமதிகோ…பே॰… ஸங்கி⁴கே புக்³க³லிகஸஞ்ஞீ
அஜ்ஜோ²காஸே ஸந்த²ரித்வா வா ஸந்த²ராபெத்வா வா தங் பக்கமந்தோ நேவ உத்³த⁴ரெய்ய
ந உத்³த⁴ராபெய்ய, அனாபுச்ச²ங் வா க³ச்செ²ய்ய, ஆபத்தி பாசித்தியஸ்ஸ.

சிமிலிகங் வா உத்தரத்த²ரணங் வா பூ⁴மத்த²ரணங் வா தட்டிகங் வா சம்மக²ண்ட³ங் வா பாத³புஞ்ச²னிங் வா
ப²லகபீட²ங் வா அஜ்ஜோ²காஸே ஸந்த²ரித்வா வா ஸந்த²ராபெத்வா வா தங் பக்கமந்தோ
நேவ உத்³த⁴ரெய்ய ந உத்³த⁴ராபெய்ய, அனாபுச்ச²ங் வா க³ச்செ²ய்ய, ஆபத்தி
து³க்கடஸ்ஸ. புக்³க³லிகே ஸங்கி⁴கஸஞ்ஞீ, ஆபத்தி து³க்கடஸ்ஸ. புக்³க³லிகே
வேமதிகோ, ஆபத்தி து³க்கடஸ்ஸ. புக்³க³லிகே புக்³க³லிகஸஞ்ஞீ அஞ்ஞஸ்ஸ
புக்³க³லிகே, ஆபத்தி து³க்கடஸ்ஸ. அத்தனோ புக்³க³லிகே அனாபத்தி.

113. அனாபத்தி
உத்³த⁴ரித்வா க³ச்ச²தி, உத்³த⁴ராபெத்வா க³ச்ச²தி, ஆபுச்ச²ங் க³ச்ச²தி,
ஓதாபெந்தோ க³ச்ச²தி, கேனசி பலிபு³த்³த⁴ங் ஹோதி, ஆபதா³ஸு, உம்மத்தகஸ்ஸ,
ஆதி³கம்மிகஸ்ஸாதி.

பட²மஸேனாஸனஸிக்கா²பத³ங் நிட்டி²தங் சதுத்த²ங்.

5. து³தியஸேனாஸனஸிக்கா²பத³ங்

114. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஸத்தரஸவக்³கி³யா பி⁴க்கூ² ஸஹாயகா ஹொந்தி. தே
வஸந்தாபி ஏகதோவ வஸந்தி, பக்கமந்தாபி ஏகதோவ பக்கமந்தி. தே அஞ்ஞதரஸ்மிங்
ஸங்கி⁴கே விஹாரே ஸெய்யங் ஸந்த²ரித்வா தங் பக்கமந்தா நேவ உத்³த⁴ரிங்ஸு ந
உத்³த⁴ராபேஸுங், அனாபுச்சா² பக்கமிங்ஸு. ஸேனாஸனங் உபசிகாஹி கா²யிதங் ஹோதி.
யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஸத்தரஸவக்³கி³யா பி⁴க்கூ² ஸங்கி⁴கே விஹாரே ஸெய்யங்
ஸந்த²ரித்வா தங் பக்கமந்தா நேவ உத்³த⁴ரிஸ்ஸந்தி ந உத்³த⁴ராபெஸ்ஸந்தி,
அனாபுச்சா² பக்கமிஸ்ஸந்தி, ஸேனாஸனங் உபசிகாஹி கா²யித’’ந்தி! அத² கோ² தே
பி⁴க்கூ² ஸத்தரஸவக்³கி³யே பி⁴க்கூ² அனேகபரியாயேன விக³ரஹித்வா ப⁴க³வதோ
ஏதமத்த²ங் ஆரோசேஸுங்…பே॰… ‘‘ஸச்சங் கிர, பி⁴க்க²வே, ஸத்தரஸவக்³கி³யா
பி⁴க்கூ² ஸங்கி⁴கே விஹாரே ஸெய்யங் ஸந்த²ரித்வா தங் பக்கமந்தா நேவ
உத்³த⁴ரிங்ஸு ந உத்³த⁴ராபேஸுங், அனாபுச்சா² பக்கமிங்ஸு, ஸேனாஸனங் உபசிகாஹி
கா²யித’’ந்தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம தே, பி⁴க்க²வே, மோக⁴புரிஸா ஸங்கி⁴கே விஹாரே ஸெய்யங்
ஸந்த²ரித்வா தங் பக்கமந்தா நேவ உத்³த⁴ரிஸ்ஸந்தி ந உத்³த⁴ராபெஸ்ஸந்தி,
அனாபுச்சா² பக்கமிஸ்ஸந்தி, ஸேனாஸனங் உபசிகாஹி கா²யிதங்! நேதங், பி⁴க்க²வே,
அப்பஸன்னானங் வா பஸாதா³ய…பே॰… ஏவஞ்ச பன , பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

115. ‘‘யோ
பன பி⁴க்கு² ஸங்கி⁴கே விஹாரே ஸெய்யங் ஸந்த²ரித்வா வா ஸந்த²ராபெத்வா வா தங்
பக்கமந்தோ நேவ உத்³த⁴ரெய்ய ந உத்³த⁴ராபெய்ய, அனாபுச்ச²ங் வா க³ச்செ²ய்ய,
பாசித்திய’’ந்தி.

116. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

ஸங்கி⁴கோ நாம விஹாரோ ஸங்க⁴ஸ்ஸ தி³ன்னோ ஹோதி பரிச்சத்தோ.

ஸெய்யங் நாம பி⁴ஸி, சிமிலிகா உத்தரத்த²ரணங், பூ⁴மத்த²ரணங், தட்டிகா, சம்மக²ண்டோ³, நிஸீத³னங், பச்சத்த²ரணங், திணஸந்தா²ரோ, பண்ணஸந்தா²ரோ.

ஸந்த²ரித்வாதி ஸயங் ஸந்த²ரித்வா.

ஸந்த²ராபெத்வாதி அஞ்ஞங் ஸந்த²ராபெத்வா.

தங் பக்கமந்தோ நேவ உத்³த⁴ரெய்யாதி ந ஸயங் உத்³த⁴ரெய்ய.

ந உத்³த⁴ராபெய்யாதி ந அஞ்ஞங் உத்³த⁴ராபெய்ய.

அனாபுச்ச²ங் வா க³ச்செ²ய்யாதி பி⁴க்கு²ங் வா ஸாமணேரங் வா ஆராமிகங்
வா அனாபுச்சா² பரிக்கி²த்தஸ்ஸ ஆராமஸ்ஸ பரிக்கே²பங் அதிக்கமந்தஸ்ஸ ஆபத்தி
பாசித்தியஸ்ஸ. அபரிக்கி²த்தஸ்ஸ ஆராமஸ்ஸ உபசாரங் அதிக்கமந்தஸ்ஸ ஆபத்தி
பாசித்தியஸ்ஸ. ஸங்கி⁴கே ஸங்கி⁴கஸஞ்ஞீ ஸெய்யங் ஸந்த²ரித்வா வா ஸந்த²ராபெத்வா
வா தங் பக்கமந்தோ நேவ உத்³த⁴ரெய்ய ந உத்³த⁴ராபெய்ய, அனாபுச்ச²ங் வா
க³ச்செ²ய்ய, ஆபத்தி பாசித்தியஸ்ஸ. ஸங்கி⁴கே வேமதிகோ ஸெய்யங் ஸந்த²ரித்வா வா
ஸந்த²ராபெத்வா வா தங் பக்கமந்தோ நேவ உத்³த⁴ரெய்ய ந உத்³த⁴ராபெய்ய,
அனாபுச்ச²ங் வா க³ச்செ²ய்ய, ஆபத்தி பாசித்தியஸ்ஸ. ஸங்கி⁴கே புக்³க³லிகஸஞ்ஞீ
ஸெய்யங் ஸந்த²ரித்வா வா ஸந்த²ராபெத்வா வா தங் பக்கமந்தோ நேவ உத்³த⁴ரெய்ய ந உத்³த⁴ராபெய்ய, அனாபுச்ச²ங் வா க³ச்செ²ய்ய, ஆபத்தி பாசித்தியஸ்ஸ.

117.
விஹாரஸ்ஸ உபசாரே வா உபட்டா²னஸாலாயங் வா மண்ட³பே வா ருக்க²மூலே வா ஸெய்யங்
ஸந்த²ரித்வா வா ஸந்த²ராபெத்வா வா தங் பக்கமந்தோ நேவ உத்³த⁴ரெய்ய ந
உத்³த⁴ராபெய்ய, அனாபுச்ச²ங் வா க³ச்செ²ய்ய, ஆபத்தி து³க்கடஸ்ஸ. மஞ்சங் வா
பீட²ங் வா விஹாரே வா விஹாரஸ்ஸூபசாரே வா உபட்டா²னஸாலாயங் வா மண்ட³பே வா
ருக்க²மூலே வா ஸந்த²ரித்வா வா ஸந்த²ராபெத்வா வா தங் பக்கமந்தோ நேவ
உத்³த⁴ரெய்ய ந உத்³த⁴ராபெய்ய, அனாபுச்ச²ங் வா க³ச்செ²ய்ய, ஆபத்தி
து³க்கடஸ்ஸ.

புக்³க³லிகே ஸங்கி⁴கஸஞ்ஞீ,
ஆபத்தி து³க்கடஸ்ஸ. புக்³க³லிகே வேமதிகோ, ஆபத்தி து³க்கடஸ்ஸ. புக்³க³லிகே
புக்³க³லிகஸஞ்ஞீ அஞ்ஞஸ்ஸ புக்³க³லிகே ஆபத்தி து³க்கடஸ்ஸ. அத்தனோ
புக்³க³லிகே அனாபத்தி.

118. அனாபத்தி
உத்³த⁴ரித்வா க³ச்ச²தி, உத்³த⁴ராபெத்வா க³ச்ச²தி, ஆபுச்ச²ங் க³ச்ச²தி,
கேனசி பலிபு³த்³த⁴ங் ஹோதி, ஸாபெக்கோ² க³ந்த்வா தத்த² டி²தோ ஆபுச்ச²தி,
கேனசி பலிபு³த்³தோ⁴ ஹோதி, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

து³தியஸேனாஸனஸிக்கா²பத³ங் நிட்டி²தங் பஞ்சமங்.

6. அனுபக²ஜ்ஜஸிக்கா²பத³ங்

119. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² வரஸெய்யாயோ
பலிபு³ந்தெ⁴ந்தி, தே²ரா பி⁴க்கூ² வுட்டா²பெந்தி [எத்த² தே இதி கம்மபத³ங் ஊனங் விய தி³ஸ்ஸதி].
அத² கோ² ச²ப்³ப³க்³கி³யானங் பி⁴க்கூ²னங் ஏதத³ஹோஸி – ‘‘கேன நு கோ² மயங்
உபாயேன இதே⁴வ வஸ்ஸங் வஸெய்யாமா’’தி? அத² கோ² ச²ப்³ப³க்³கி³யா பி⁴க்கூ²
தே²ரே பி⁴க்கூ² அனுபக²ஜ்ஜ ஸெய்யங் கப்பெந்தி – யஸ்ஸ ஸம்பா³தோ⁴ ப⁴விஸ்ஸதி ஸோ
பக்கமிஸ்ஸதீதி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² தே²ரே பி⁴க்கூ²
அனுபக²ஜ்ஜ ஸெய்யங் கப்பெஸ்ஸந்தீ’’தி! அத² கோ² தே பி⁴க்கூ² ச²ப்³ப³க்³கி³யே
பி⁴க்கூ² அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங் …பே॰…
‘‘ஸச்சங் கிர தும்ஹே, பி⁴க்க²வே, தே²ரே பி⁴க்கூ² அனுபக²ஜ்ஜ ஸெய்யங்
கப்பேதா²’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம தும்ஹே, மோக⁴புரிஸா, தே²ரே பி⁴க்கூ² அனுபக²ஜ்ஜ ஸெய்யங்
கப்பெஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

120. ‘‘யோ
பன பி⁴க்கு² ஸங்கி⁴கே விஹாரே ஜானங் புப்³பு³பக³தங் பி⁴க்கு²ங் அனுபக²ஜ்ஜ
ஸெய்யங் கப்பெய்ய – யஸ்ஸ ஸம்பா³தோ⁴ ப⁴விஸ்ஸதி ஸோ பக்கமிஸ்ஸதீ’தி, ஏததே³வ
பச்சயங் கரித்வா அனஞ்ஞங், பாசித்திய’’ந்தி.

121. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் 2.0251 அத்தே² அதி⁴ப்பேதோ பி⁴க்கூ²தி.

ஸங்கி⁴கோ நாம விஹாரோ ஸங்க⁴ஸ்ஸ தி³ன்னோ ஹோதி பரிச்சத்தோ.

ஜானாதி நாம வுட்³டோ⁴தி ஜானாதி, கி³லானோதி ஜானாதி, ஸங்கே⁴ன தி³ன்னோதி ஜானாதி.

அனுபக²ஜ்ஜாதி அனுபவிஸித்வா.

ஸெய்யங் கப்பெய்யாதி மஞ்சஸ்ஸ
வா பீட²ஸ்ஸ வா பவிஸந்தஸ்ஸ வா நிக்க²மந்தஸ்ஸ வா உபசாரே ஸெய்யங் ஸந்த²ரதி வா
ஸந்த²ராபேதி வா, ஆபத்தி து³க்கடஸ்ஸ. அபி⁴னிஸீத³தி வா அபி⁴னிபஜ்ஜதி வா,
ஆபத்தி பாசித்தியஸ்ஸ.

ஏததே³வ பச்சயங் கரித்வா அனஞ்ஞந்தி ந அஞ்ஞோ கோசி பச்சயோ ஹோதி அனுபக²ஜ்ஜ ஸெய்யங் கப்பேதுங்.

122.
ஸங்கி⁴கே ஸங்கி⁴கஸஞ்ஞீ அனுபக²ஜ்ஜ ஸெய்யங் கப்பேதி, ஆபத்தி பாசித்தியஸ்ஸ.
ஸங்கி⁴கே வேமதிகோ அனுபக²ஜ்ஜ ஸெய்யங் கப்பேதி, ஆபத்தி பாசித்தியஸ்ஸ.
ஸங்கி⁴கே புக்³க³லிகஸஞ்ஞீ அனுபக²ஜ்ஜ ஸெய்யங் கப்பேதி, ஆபத்தி பாசித்தியஸ்ஸ.

மஞ்சஸ்ஸ வா பீட²ஸ்ஸ வா பவிஸந்தஸ்ஸ வா நிக்க²மந்தஸ்ஸ வா
உபசாரங் ட²பெத்வா ஸெய்யங் ஸந்த²ரதி வா ஸந்த²ராபேதி வா, ஆபத்தி து³க்கடஸ்ஸ.
அபி⁴னிஸீத³தி வா அபி⁴னிபஜ்ஜதி வா, ஆபத்தி து³க்கடஸ்ஸ. விஹாரஸ்ஸ உபசாரே வா
உபட்டா²னஸாலாயங் வா மண்ட³பே வா ருக்க²மூலே வா அஜ்ஜோ²காஸே வா ஸெய்யங்
ஸந்த²ரதி வா ஸந்த²ராபேதி வா, ஆபத்தி து³க்கடஸ்ஸ. அபி⁴னிஸீத³தி வா
அபி⁴னிப்பஜ்ஜதி வா, ஆபத்தி து³க்கடஸ்ஸ. புக்³க³லிகே ஸங்கி⁴கஸஞ்ஞீ, ஆபத்தி
து³க்கடஸ்ஸ. புக்³க³லிகே வேமதிகோ, ஆபத்தி து³க்கடஸ்ஸ. புக்³க³லிகே
புக்³க³லிகஸஞ்ஞீ அஞ்ஞஸ்ஸ புக்³க³லிகே ஆபத்தி து³க்கடஸ்ஸ . அத்தனோ புக்³க³லிகே அனாபத்தி.

123. அனாபத்தி கி³லானோ பவிஸதி, ஸீதேன வா உண்ஹேன வா பீளிதோ பவிஸதி, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.

அனுபக²ஜ்ஜஸிக்கா²பத³ங் நிட்டி²தங் ச²ட்ட²ங்.

7. நிக்கட்³ட⁴னஸிக்கா²பத³ங்

124. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஸத்தரஸவக்³கி³யா பி⁴க்கூ² அஞ்ஞதரங் பச்சந்திமங்
மஹாவிஹாரங் படிஸங்க²ரொந்தி – ‘‘இத⁴ மயங் வஸ்ஸங் வஸிஸ்ஸாமா’’தி .
அத்³த³ஸங்ஸு கோ² ச²ப்³ப³க்³கி³யா பி⁴க்கூ² ஸத்தரஸவக்³கி³யே பி⁴க்கூ²
விஹாரங் படிஸங்க²ரொந்தே. தி³ஸ்வான ஏவமாஹங்ஸு – ‘‘இமே, ஆவுஸோ,
ஸத்தரஸவக்³கி³யா பி⁴க்கூ² விஹாரங் படிஸங்க²ரொந்தி. ஹந்த³ நே
வுட்டா²பெஸ்ஸாமா’’தி! ஏகச்சே ஏவமாஹங்ஸு – ‘‘ஆக³மேதா²வுஸோ, யாவ
படிஸங்க²ரொந்தி; படிஸங்க²தே வுட்டா²பெஸ்ஸாமா’’தி.

அத² கோ² ச²ப்³ப³க்³கி³யா பி⁴க்கூ² ஸத்தரஸவக்³கி³யே
பி⁴க்கூ² ஏதத³வோசுங் – ‘‘உட்டே²தா²வுஸோ, அம்ஹாகங் விஹாரோ பாபுணாதீ’’தி.
‘‘நனு, ஆவுஸோ, படிகச்சேவ [படிக³ச்சேவ (ஸீ॰)]
ஆசிக்கி²தப்³ப³ங், மயஞ்சஞ்ஞங் படிஸங்க²ரெய்யாமா’’தி. ‘‘நனு, ஆவுஸோ,
ஸங்கி⁴கோ விஹாரோ’’தி? ‘‘ஆமாவுஸோ, ஸங்கி⁴கோ விஹாரோ’’தி. ‘‘உட்டே²தா²வுஸோ,
அம்ஹாகங் விஹாரோ பாபுணாதீ’’தி. ‘‘மஹல்லகோ, ஆவுஸோ, விஹாரோ. தும்ஹேபி வஸத²,
மயம்பி வஸிஸ்ஸாமா’’தி. ‘‘உட்டே²தா²வுஸோ, அம்ஹாகங் விஹாரோ பாபுணாதீ’’தி
குபிதா அனத்தமனா கீ³வாயங் க³ஹெத்வா நிக்கட்³ட⁴ந்தி. தே நிக்கட்³டீ⁴யமானா
ரோத³ந்தி. பி⁴க்கூ² ஏவமாஹங்ஸு – ‘‘கிஸ்ஸ தும்ஹே, ஆவுஸோ, ரோத³தா²’’தி?
‘‘இமே, ஆவுஸோ, ச²ப்³ப³க்³கி³யா பி⁴க்கூ² குபிதா அனத்தமனா அம்ஹே ஸங்கி⁴கா
விஹாரா நிக்கட்³ட⁴ந்தீ’’தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கூ² குபிதா அனத்தமனா பி⁴க்கூ² ஸங்கி⁴கா விஹாரா
நிக்கட்³டி⁴ஸ்ஸந்தீ’’தி! அத² கோ² தே பி⁴க்கூ² ச²ப்³ப³க்³கி³யே பி⁴க்கூ²
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர
தும்ஹே, பி⁴க்க²வே, குபிதா அனத்தமனா பி⁴க்கூ² ஸங்கி⁴கா விஹாரா
நிக்கட்³ட⁴தா²’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம தும்ஹே, மோக⁴புரிஸா, குபிதா அனத்தமனா பி⁴க்கூ² ஸங்கி⁴கா விஹாரா
நிக்கட்³டி⁴ஸ்ஸத²? நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச
பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

125. ‘‘யோ பன பி⁴க்கு² பி⁴க்கு²ங் குபிதோ அனத்தமனோ ஸங்கி⁴கா விஹாரா நிக்கட்³டெ⁴ய்ய வா நிக்கட்³டா⁴பெய்ய வா, பாசித்திய’’ந்தி.

126. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

பி⁴க்கு²ந்தி அஞ்ஞங் பி⁴க்கு²ங்.

குபிதோ அனத்தமனோதி அனபி⁴ரத்³தோ⁴ ஆஹதசித்தோ கி²லஜாதோ.

ஸங்கி⁴கோ நாம விஹாரோ ஸங்க⁴ஸ்ஸ தி³ன்னோ ஹோதி பரிச்சத்தோ.

நிக்கட்³டெ⁴ய்யாதி க³ப்³பே⁴
க³ஹெத்வா பமுக²ங் நிக்கட்³ட⁴தி, ஆபத்தி பாசித்தியஸ்ஸ. பமுகே² க³ஹெத்வா ப³ஹி
நிக்கட்³ட⁴தி, ஆபத்தி பாசித்தியஸ்ஸ. ஏகேன பயோகே³ன ப³ஹுகேபி த்³வாரே
அதிக்காமேதி, ஆபத்தி பாசித்தியஸ்ஸ.

நிக்கட்³டா⁴பெய்யாதி அஞ்ஞங் ஆணாபேதி, ஆபத்தி பாசித்தியஸ்ஸ [து³க்கடஸ்ஸ (கத்த²சி)]. ஸகிங் ஆணத்தோ ப³ஹுகேபி த்³வாரே அதிக்காமேதி, ஆபத்தி பாசித்தியஸ்ஸ.

127. ஸங்கி⁴கே
ஸங்கி⁴கஸஞ்ஞீ குபிதோ அனத்தமனோ நிக்கட்³ட⁴தி வா நிக்கட்³டா⁴பேதி வா, ஆபத்தி
பாசித்தியஸ்ஸ. ஸங்கி⁴கே வேமதிகோ குபிதோ அனத்தமனோ நிக்கட்³ட⁴தி வா
நிக்கட்³டா⁴பேதி வா, ஆபத்தி பாசித்தியஸ்ஸ. ஸங்கி⁴கே புக்³க³லிகஸஞ்ஞீ குபிதோ
அனத்தமனோ நிக்கட்³ட⁴தி வா நிக்கட்³டா⁴பேதி வா, ஆபத்தி பாசித்தியஸ்ஸ.

தஸ்ஸ பரிக்கா²ரங் நிக்கட்³ட⁴தி வா நிக்கட்³டா⁴பேதி வா,
ஆபத்தி து³க்கடஸ்ஸ. விஹாரஸ்ஸ உபசாரா வா உபட்டா²னஸாலாய வா மண்ட³பா வா
ருக்க²மூலா வா அஜ்ஜோ²காஸா வா நிக்கட்³ட⁴தி வா நிக்கட்³டா⁴பேதி வா, ஆபத்தி
து³க்கடஸ்ஸ. தஸ்ஸ பரிக்கா²ரங் நிக்கட்³ட⁴தி வா நிக்கட்³டா⁴பேதி வா, ஆபத்தி
து³க்கடஸ்ஸ. அனுபஸம்பன்னங் விஹாரா வா விஹாரஸ்ஸ உபசாரா வா உபட்டா²னஸாலாய வா
மண்ட³பா வா ருக்க²மூலா வா அஜ்ஜோ²காஸா வா நிக்கட்³ட⁴தி வா நிக்கட்³டா⁴பேதி
வா, ஆபத்தி து³க்கடஸ்ஸ. தஸ்ஸ பரிக்கா²ரங் நிக்கட்³ட⁴தி வா நிக்கட்³டா⁴பேதி
வா, ஆபத்தி து³க்கடஸ்ஸ.

புக்³க³லிகே ஸங்கி⁴கஸஞ்ஞீ, ஆபத்தி து³க்கடஸ்ஸ.
புக்³க³லிகே வேமதிகோ, ஆபத்தி து³க்கடஸ்ஸ. புக்³க³லிகே புக்³க³லிகஸஞ்ஞீ
அஞ்ஞஸ்ஸ புக்³க³லிகே ஆபத்தி து³க்கடஸ்ஸ. அத்தனோ புக்³க³லிகே அனாபத்தி.

128. அனாபத்தி அலஜ்ஜிங் நிக்கட்³ட⁴தி வா நிக்கட்³டா⁴பேதி வா, தஸ்ஸ பரிக்கா²ரங் நிக்கட்³ட⁴தி வா நிக்கட்³டா⁴பேதி வா, உம்மத்தகங் நிக்கட்³ட⁴தி வா நிக்கட்³டா⁴பேதி வா, தஸ்ஸ பரிக்கா²ரங் நிக்கட்³ட⁴தி வா நிக்கட்³டா⁴பேதி வா, ப⁴ண்ட³னகாரகங் கலஹகாரகங் விவாத³காரகங் ப⁴ஸ்ஸகாரகங் ஸங்கே⁴ அதி⁴கரணகாரகங் நிக்கட்³ட⁴தி வா நிக்கட்³டா⁴பேதி
வா, தஸ்ஸ பரிக்கா²ரங் நிக்கட்³ட⁴தி வா நிக்கட்³டா⁴பேதி வா, அந்தேவாஸிகங்
வா ஸத்³தி⁴விஹாரிகங் வா ந ஸம்மா வத்தந்தங் நிக்கட்³ட⁴தி வா நிக்கட்³டா⁴பேதி
வா, தஸ்ஸ பரிக்கா²ரங் நிக்கட்³ட⁴தி வா நிக்கட்³டா⁴பேதி வா, உம்மத்தகஸ்ஸ,
ஆதி³கம்மிகஸ்ஸாதி.

நிக்கட்³ட⁴னஸிக்கா²பத³ங் நிட்டி²தங் ஸத்தமங்.

8. வேஹாஸகுடிஸிக்கா²பத³ங்

129. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன த்³வே பி⁴க்கூ² ஸங்கி⁴கே விஹாரே உபரிவேஹாஸகுடியா விஹரந்தி?. ஏகோ ஹெட்டா² விஹரதி [விஹரந்தி, ஏகோ ஹெட்டா² (?)], ஏகோ உபரி. உபரிமோ பி⁴க்கு² ஆஹச்சபாத³கங் மஞ்சங் ஸஹஸா அபி⁴னிஸீதி³. மஞ்சபாதோ³ நிப்பதித்வா [பதித்வா (ஸ்யா॰)]
ஹெட்டி²மஸ்ஸ பி⁴க்கு²னோ மத்த²கே அவத்தா²ஸி. ஸோ பி⁴க்கு² விஸ்ஸரமகாஸி.
பி⁴க்கூ² உபதா⁴வித்வா தங் பி⁴க்கு²ங் ஏதத³வோசுங் – ‘‘கிஸ்ஸ த்வங், ஆவுஸோ,
விஸ்ஸரமகாஸீ’’தி? அத² கோ² ஸோ பி⁴க்கு² பி⁴க்கூ²னங் ஏதமத்த²ங் ஆரோசேஸி. யே
தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு² ஸங்கி⁴கே விஹாரே உபரிவேஹாஸகுடியா ஆஹச்சபாத³கங்
மஞ்சங் ஸஹஸா அபி⁴னிஸீதி³ஸ்ஸதீ’’தி! அத² கோ² தே பி⁴க்கூ² தங் பி⁴க்கு²ங்
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர
த்வங், பி⁴க்கு², ஸங்கி⁴கே விஹாரே உபரிவேஹாஸகுடியா ஆஹச்சபாத³கங் மஞ்சங்
ஸஹஸா அபி⁴னிஸீத³ஸீ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம த்வங், மோக⁴புரிஸ, ஸங்கி⁴கே விஹாரே
உபரிவேஹாஸகுடியா ஆஹச்சபாத³கங் மஞ்சங் ஸஹஸா அபி⁴னிஸீதி³ஸ்ஸஸி! நேதங்,
மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –

130. ‘‘யோ பன பி⁴க்கு² ஸங்கி⁴கே விஹாரே உபரிவேஹாஸகுடியா ஆஹச்சபாத³கங் மஞ்சங் வா பீட²ங் வா அபி⁴னிஸீதெ³ய்ய வா அபி⁴னிபஜ்ஜெய்ய வா, பாசித்திய’’ந்தி.

131. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.

ஸங்கி⁴கோ நாம விஹாரோ ஸங்க⁴ஸ்ஸ தி³ன்னோ ஹோதி பரிச்சத்தோ.

வேஹாஸகுடி நாம மஜ்ஜி²மஸ்ஸ புரிஸஸ்ஸ அஸீஸக⁴ட்டா.

ஆஹச்சபாத³கோ நாம மஞ்சோ அங்கே³ விஜ்ஜி²த்வா டி²தோ ஹோதி. ஆஹச்சபாத³கங் நாம பீட²ங் அங்கே³ விஜ்ஜி²த்வா டி²தங் ஹோதி.

அபி⁴னிஸீதெ³ய்யாதி தஸ்மிங் அபி⁴னிஸீத³தி, ஆபத்தி பாசித்தியஸ்ஸ.

அபி⁴னிபஜ்ஜெய்யாதி தஸ்மிங் அபி⁴னிபஜ்ஜதி, ஆபத்தி பாசித்தியஸ்ஸ.

132.
ஸங்கி⁴கே ஸங்கி⁴கஸஞ்ஞீ உபரிவேஹாஸகுடியா ஆஹச்சபாத³கங் மஞ்சங் வா பீட²ங் வா
அபி⁴னிஸீத³தி வா அபி⁴னிபஜ்ஜதி வா, ஆபத்தி பாசித்தியஸ்ஸ. ஸங்கி⁴கே
வேமதிகோ…பே॰… ஸங்கி⁴கே புக்³க³லிகஸஞ்ஞீ உபரிவேஹாஸகுடியா ஆஹச்சபாத³கங்
மஞ்சங் வா பீட²ங் வா அபி⁴னிஸீத³தி வா அபி⁴னிபஜ்ஜதி வா, ஆபத்தி
பாசித்தியஸ்ஸ.

புக்³க³லிகே ஸங்கி⁴கஸஞ்ஞீ, ஆபத்தி து³க்கடஸ்ஸ.
புக்³க³லிகே வேமதிகோ, ஆபத்தி து³க்கடஸ்ஸ. புக்³க³லிகே புக்³க³லிகஸஞ்ஞீ
அஞ்ஞஸ்ஸ புக்³க³லிகே, ஆபத்தி து³க்கடஸ்ஸ. அத்தனோ புக்³க³லிகே, அனாபத்தி.

133. அனாபத்தி – அவேஹாஸகுடியா ஸீஸக⁴ட்டாய ஹெட்டா² அபரிபோ⁴க³ங் ஹோதி, பத³ரஸஞ்சிதங் ஹோதி, படாணி தி³ன்னா ஹோதி, தஸ்மிங் டி²தோ க³ண்ஹதி வா லக்³கே³தி வா, உம்மத்தகஸ்ஸ, ஆதி³கம்மிகஸ்ஸாதி.

வேஹாஸகுடிஸிக்கா²பத³ங் நிட்டி²தங் அட்ட²மங்.

9. மஹல்லகவிஹாரஸிக்கா²பத³ங்

134. தேன
ஸமயேன பு³த்³தோ⁴ ப⁴க³வா கோஸம்பி³யங் விஹரதி கோ⁴ஸிதாராமே. தேன கோ² பன ஸமயேன
ஆயஸ்மதோ ச²ன்னஸ்ஸ உபட்டா²கோ மஹாமத்தோ ஆயஸ்மதோ ச²ன்னஸ்ஸ விஹாரங் காராபேதி.
அத² கோ² ஆயஸ்மா ச²ன்னோ கதபரியோஸிதங் விஹாரங் புனப்புனங் சா²தா³பேதி,
புனப்புனங் லேபாபேதி. அதிபா⁴ரிதோ விஹாரோ பரிபதி.
அத² கோ² ஆயஸ்மா ச²ன்னோ திணஞ்ச கட்ட²ஞ்ச ஸங்கட்³ட⁴ந்தோ அஞ்ஞதரஸ்ஸ
ப்³ராஹ்மணஸ்ஸ யவகெ²த்தங் தூ³ஸேஸி. அத² கோ² ஸோ ப்³ராஹ்மணோ உஜ்ஜா²யதி
கி²ய்யதி விபாசேதி – ‘‘கத²ஞ்ஹி நாம ப⁴த³ந்தா அம்ஹாகங் யவகெ²த்தங்
தூ³ஸெஸ்ஸந்தீ’’தி! அஸ்ஸோஸுங் கோ² பி⁴க்கூ² தஸ்ஸ ப்³ராஹ்மணஸ்ஸ உஜ்ஜா²யந்தஸ்ஸ
கி²ய்யந்தஸ்ஸ விபாசெந்தஸ்ஸ. யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா ச²ன்னோ
கதபரியோஸிதங் விஹாரங் புனப்புனங் சா²தா³பெஸ்ஸதி, புனப்புனங் லேபாபெஸ்ஸதி,
அதிபா⁴ரிதோ விஹாரோ பரிபதீ’’தி! அத² கோ² தே பி⁴க்கூ² ஆயஸ்மந்தங் ச²ன்னங்
அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர
த்வங், ச²ன்ன, கதபரியோஸிதங் விஹாரங் புனப்புனங் சா²தா³பேஸி, புனப்புனங்
லேபாபேஸி, அதிபா⁴ரிதோ விஹாரோ பரிபதீ’’தி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம த்வங், மோக⁴புரிஸ, கதபரியோஸிதங் விஹாரங்
புனப்புனங் சா²தா³பெஸ்ஸஸி, புனப்புனங் லேபாபெஸ்ஸஸி ,
அதிபா⁴ரிதோ விஹாரோ பரிபதி! நேதங், மோக⁴புரிஸ, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

135. ‘‘மஹல்லகங்
பன பி⁴க்கு²னா விஹாரங் காரயமானேன யாவத்³வாரகோஸா அக்³க³ளட்ட²பனாய
ஆலோகஸந்தி⁴பரிகம்மாய த்³வத்திச்ச²த³னஸ்ஸ பரியாய அப்பஹரிதே டி²தேன
அதி⁴ட்டா²தப்³ப³ங். ததோ சே உத்தரிங் அப்பஹரிதேபி டி²தோ அதி⁴ட்ட²ஹெய்ய
பாசித்திய’’ந்தி.

136. மஹல்லகோ நாம விஹாரோ ஸஸ்ஸாமிகோ வுச்சதி.

விஹாரோ நாம உல்லித்தோ வா ஹோதி அவலித்தோ வா உல்லித்தாவலித்தோ வா.

காரயமானேனாதி கரொந்தோ வா காராபெந்தோ வா.

யாவ த்³வாரகோஸாதி பிட்ட²ஸங்கா⁴டஸ்ஸ [பீட²ஸங்கா⁴டஸ்ஸ (இதிபி), பிட்டி²ஸங்கா⁴டஸ்ஸ (ஸ்யா॰)] ஸமந்தா ஹத்த²பாஸா.

அக்³க³ளட்ட²பனாயாதி த்³வாரட்ட²பனாய.

ஆலோகஸந்தி⁴பரிகம்மாயாதி வாதபானபரிகம்மாய ஸேதவண்ணங் காளவண்ணங் கே³ருகபரிகம்மங் மாலாகம்மங் லதாகம்மங் மகரத³ந்தகங் பஞ்சபடிகங்.

த்³வத்திச்ச²த³னஸ்ஸ பரியாயங் அப்பஹரிதே டி²தேன அதி⁴ட்டா²தப்³ப³ந்தி
– ஹரிதங் நாம புப்³ப³ண்ணங் அபரண்ணங். ஸசே ஹரிதே டி²தோ அதி⁴ட்டா²தி, ஆபத்தி
து³க்கடஸ்ஸ. மக்³கே³ன சா²தெ³ந்தஸ்ஸ த்³வே மக்³கே³ அதி⁴ட்ட²ஹித்வா ததியங்
மக்³க³ங் ஆணாபெத்வா பக்கமிதப்³ப³ங். பரியாயேன சா²தெ³ந்தஸ்ஸ த்³வே பரியாயே
அதி⁴ட்ட²ஹித்வா ததியங் பரியாயங் ஆணாபெத்வா பக்கமிதப்³ப³ங்.

137. ததோ சே உத்தரி அப்பஹரிதேபி டி²தோ அதி⁴ட்ட²ஹெய்யாதி
இட்ட²காய 2.0262 சா²தெ³ந்தஸ்ஸ இட்ட²கிட்ட²காய ஆபத்தி பாசித்தியஸ்ஸ. ஸிலாய
சா²தெ³ந்தஸ்ஸ ஸிலாய ஸிலாய ஆபத்தி பாசித்தியஸ்ஸ. ஸுதா⁴ய சா²தெ³ந்தஸ்ஸ
பிண்டே³ பிண்டே³ ஆபத்தி பாசித்தியஸ்ஸ. திணேன சா²தெ³ந்தஸ்ஸ கரளே கரளே ஆபத்தி
பாசித்தியஸ்ஸ. பண்ணேன சா²தெ³ந்தஸ்ஸ பண்ணே பண்ணே ஆபத்தி பாசித்தியஸ்ஸ.

அதிரேகத்³வத்திபரியாயே அதிரேகஸஞ்ஞீ அதி⁴ட்டா²தி,
ஆபத்தி பாசித்தியஸ்ஸ. அதிரேகத்³வத்திபரியாயே வேமதிகோ அதி⁴ட்டா²தி, ஆபத்தி
பாசித்தியஸ்ஸ. அதிரேகத்³வத்திபரியாயே ஊனகஸஞ்ஞீ அதி⁴ட்டா²தி, ஆபத்தி
பாசித்தியஸ்ஸ.

ஊனகத்³வத்திபரியாயே அதிரேகஸஞ்ஞீ, ஆபத்தி து³க்கடஸ்ஸ.
ஊனகத்³வத்திபரியாயே வேமதிகோ, ஆபத்தி து³க்கடஸ்ஸ. ஊனகத்³வத்திபரியாயே
ஊனகஸஞ்ஞீ, அனாபத்தி.

138.
அனாபத்தி த்³வத்திபரியாயே, ஊனகத்³வத்திபரியாயே, லேணே, கு³ஹாய, திணகுடிகாய,
அஞ்ஞஸ்ஸத்தா²ய, அத்தனோ த⁴னேன, வாஸாகா³ரங் ட²பெத்வா ஸப்³ப³த்த² அனாபத்தி,
உம்மத்தகஸ்ஸ, ஆதி³கம்மிகஸ்ஸாதி.

மஹல்லகவிஹாரஸிக்கா²பத³ங் நிட்டி²தங் நவமங்.

10. ஸப்பாணகஸிக்கா²பத³ங்

139. தேன
ஸமயேன பு³த்³தோ⁴ ப⁴க³வா ஆளவியங் விஹரதி அக்³கா³ளவே சேதியே. தேன கோ² பன
ஸமயேன ஆளவகா பி⁴க்கூ² நவகம்மங் கரொந்தா ஜானங் ஸப்பாணகங் உத³கங் திணம்பி
மத்திகம்பி ஸிஞ்சந்திபி ஸிஞ்சாபெந்திபி. யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆளவகா
பி⁴க்கூ² ஜானங் ஸப்பாணகங் உத³கங் திணம்பி மத்திகம்பி ஸிஞ்சிஸ்ஸந்திபி
ஸிஞ்சாபெஸ்ஸந்திபீ’’தி! அத² கோ² தே பி⁴க்கூ² ஆளவகே பி⁴க்கூ² அனேகபரியாயேன
விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர தும்ஹே,
பி⁴க்க²வே, ஜானங் ஸப்பாணகங் உத³கங் திணம்பி மத்திகம்பி ஸிஞ்சத²பி
ஸிஞ்சாபேத²பீ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம தும்ஹே, மோக⁴புரிஸா, ஜானங் ஸப்பாணகங் உத³கங் திணம்பி
மத்திகம்பி ஸிஞ்சிஸ்ஸத²பி ஸிஞ்சாபெஸ்ஸத²பி! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –

140. ‘‘யோ பன பி⁴க்கு² ஜானங் ஸப்பாணகங் உத³கங் திணங் வா மத்திகங் வா ஸிஞ்செய்ய வா ஸிஞ்சாபெய்ய வா, பாசித்திய’’ந்தி.