Analytic Insight Net - FREE Online Tipiṭaka Law Research & Practice University
in
 112 CLASSICAL LANGUAGES
Paṭisambhidā Jāla-Abaddha Paripanti Tipiṭaka nīti Anvesanā ca Paricaya Nikhilavijjālaya ca ñātibhūta Pavatti Nissāya 
http://sarvajan.ambedkar.org anto 112 Seṭṭhaganthāyatta Bhāsā
Categories:

Archives:
Meta:
January 2019
M T W T F S S
« Dec    
 123456
78910111213
14151617181920
21222324252627
28293031  
01/12/19
LESSON 2871 Sun 13 Jan 2019 https://www.tipitaka.org/taml/ Tipiṭaka (Tamil) திபிடக (மூல) வினயபிடக பாராஜிகபாளி வேரஞ்ஜகண்ட³ங் 1. பாராஜிககண்ட³ங் 2. ஸங்கா⁴தி³ஸேஸகண்ட³ங் 3. அனியதகண்ட³ங் 4. நிஸ்ஸக்³கி³யகண்ட³ங் பாசித்தியபாளி 5. பாசித்தியகண்ட³ங் 6. பாடிதே³ஸனீயகண்ட³ங் 7. ஸேகி²யகண்ட³ங் 8. அதி⁴கரணஸமதா² 1. பாராஜிககண்ட³ங் (பி⁴க்கு²னீவிப⁴ங்கோ³) 2. ஸங்கா⁴தி³ஸேஸகண்ட³ங் (பி⁴க்கு²னீவிப⁴ங்கோ³) 3. நிஸ்ஸக்³கி³யகண்ட³ங் (பி⁴க்கு²னீவிப⁴ங்கோ³) 4. பாசித்தியகண்ட³ங் (பி⁴க்கு²னீவிப⁴ங்கோ³) 5. பாடிதே³ஸனீயகண்ட³ங் (பி⁴க்கு²னீவிப⁴ங்கோ³) 6. ஸேகி²யகண்ட³ங் (பி⁴க்கு²னீவிப⁴ங்கோ³) 7. அதி⁴கரணஸமதா² (பி⁴க்கு²னீவிப⁴ங்கோ³) மஹாவக்³க³பாளி 1. மஹாக²ந்த⁴கோ 2. உபோஸத²க்க²ந்த⁴கோ 3. வஸ்ஸூபனாயிகக்க²ந்த⁴கோ 4. பவாரணாக்க²ந்த⁴கோ 4. பவாரணாக்க²ந்த⁴கோ
Filed under: Vinaya Pitaka, ವಿನಯಪಿಟಕ
Posted by: site admin @ 11:25 am


LESSON 2871 Sun 13 Jan 2019



https://www.tipitaka.org/taml/



4. பவாரணாக்க²ந்த⁴கோ


120. அபா²ஸுகவிஹாரோ


209. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஸம்ப³ஹுலா ஸந்தி³ட்டா² ஸம்ப⁴த்தா பி⁴க்கூ² கோஸலேஸு
ஜனபதே³ அஞ்ஞதரஸ்மிங் ஆவாஸே வஸ்ஸங் உபக³ச்சி²ங்ஸு. அத² கோ² தேஸங்
பி⁴க்கூ²னங் ஏதத³ஹோஸி – ‘‘கேன நு கோ² மயங் உபாயேன ஸமக்³கா³ ஸம்மோத³மானா
அவிவத³மானா பா²ஸுகங் வஸ்ஸங் வஸெய்யாம, ந ச பிண்ட³கேன கிலமெய்யாமா’’தி. அத²
கோ² தேஸங் பி⁴க்கூ²னங் ஏதத³ஹோஸி – ‘‘ஸசே கோ² மயங் அஞ்ஞமஞ்ஞங் நேவ ஆலபெய்யாம
ந ஸல்லபெய்யாம – யோ பட²மங் கா³மதோ பிண்டா³ய படிக்கமெய்ய ஸோ ஆஸனங்
பஞ்ஞபெய்ய, பாதோ³த³கங் பாத³பீட²ங் பாத³கத²லிகங் உபனிக்கி²பெய்ய,
அவக்காரபாதிங் தோ⁴வித்வா உபட்டா²பெய்ய, பானீயங் பரிபோ⁴ஜனீயங் உபட்டா²பெய்ய;
யோ பச்சா² கா³மதோ பிண்டா³ய படிக்கமெய்ய, ஸசஸ்ஸ பு⁴த்தாவஸேஸோ, ஸசே
ஆகங்கெ²ய்ய பு⁴ஞ்ஜெய்ய, நோ சே ஆகங்கெ²ய்ய அப்பஹரிதே வா ச²ட்³டெ³ய்ய,
அப்பாணகே வா உத³கே ஓபிலாபெய்ய; ஸோ ஆஸனங் உத்³த⁴ரெய்ய, பாதோ³த³கங்
பாத³பீட²ங் பாத³கத²லிகங் படிஸாமெய்ய, அவக்காரபாதிங் தோ⁴வித்வா படிஸாமெய்ய,
பானீயங் பரிபோ⁴ஜனீயங் படிஸாமெய்ய, ப⁴த்தக்³க³ங் ஸம்மஜ்ஜெய்ய; யோ பஸ்ஸெய்ய
பானீயக⁴டங் வா பரிபோ⁴ஜனீயக⁴டங் வா வச்சக⁴டங் வா ரித்தங் துச்ச²ங் ஸோ
உபட்டா²பெய்ய; ஸசஸ்ஸ ஹோதி அவிஸய்ஹங், ஹத்த²விகாரேன து³தியங் ஆமந்தெத்வா
ஹத்த²விலங்க⁴கேன உபட்டா²பெய்ய; ந த்வேவ தப்பச்சயா வாசங் பி⁴ந்தெ³ய்ய – ஏவங்
கோ² மயங் ஸமக்³கா³ ஸம்மோத³மானா அவிவத³மானா
பா²ஸுகங் வஸ்ஸங் வஸெய்யாம, ந ச பிண்ட³கேன கிலமெய்யாமா’’தி. அத² கோ² தே
பி⁴க்கூ² அஞ்ஞமஞ்ஞங் நேவ ஆலபிங்ஸு, ந ஸல்லபிங்ஸு. யோ பட²மங் கா³மதோ
பிண்டா³ய படிக்கமதி, ஸோ ஆஸனங் பஞ்ஞபேதி, பாதோ³த³கங் பாத³பீட²ங்
பாத³கத²லிகங் உபனிக்கி²பதி, அவக்காரபாதிங் தோ⁴வித்வா உபட்டா²பேதி, பானீயங்
பரிபோ⁴ஜனீயங் உபட்டா²பேதி . யோ பச்சா² கா³மதோ
பிண்டா³ய படிக்கமதி, ஸசே ஹோதி பு⁴த்தாவஸேஸோ, ஸசே ஆகங்க²தி பு⁴ஞ்ஜதி, நோ சே
ஆகங்க²தி அப்பஹரிதே வா ச²ட்³டே³தி, அப்பாணகே வா உத³கே ஓபிலாபேதி; ஸோ ஆஸனங்
உத்³த⁴ரதி, பாதோ³த³கங் பாத³பீட²ங் பாத³கத²லிகங் படிஸாமேதி, அவக்காரபாதிங் தோ⁴வித்வா படிஸாமேதி, பானீயங் பரிபோ⁴ஜனீயங் படிஸாமேதி, ப⁴த்தக்³க³ங்
ஸம்மஜ்ஜதி. யோ பஸ்ஸதி பானீயக⁴டங் வா பரிபோ⁴ஜனீயக⁴டங் வா வச்சக⁴டங் வா
ரித்தங் துச்ச²ங் ஸோ உபட்டா²பேதி. ஸசஸ்ஸ ஹோதி அவிஸய்ஹங், ஹத்த²விகாரேன
து³தியங் ஆமந்தெத்வா ஹத்த²விலங்க⁴கேன உபட்டா²பேதி, ந த்வேவ தப்பச்சயா வாசங்
பி⁴ந்த³தி.


ஆசிண்ணங் கோ² பனேதங் வஸ்ஸங்வுட்டா²னங் பி⁴க்கூ²னங்
ப⁴க³வந்தங் த³ஸ்ஸனாய உபஸங்கமிதுங். அத² கோ² தே பி⁴க்கூ² வஸ்ஸங்வுட்டா²
தேமாஸச்சயேன ஸேனாஸனங் ஸங்ஸாமெத்வா பத்தசீவரமாதா³ய யேன ஸாவத்தி² தேன
பக்கமிங்ஸு. அனுபுப்³பே³ன யேன ஸாவத்தி² ஜேதவனங் அனாத²பிண்டி³கஸ்ஸ ஆராமோ யேன
ப⁴க³வா தேனுபஸங்கமிங்ஸு, உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³ங்ஸு. ஆசிண்ணங் கோ² பனேதங் பு³த்³தா⁴னங்
ப⁴க³வந்தானங் ஆக³ந்துகேஹி பி⁴க்கூ²ஹி ஸத்³தி⁴ங் படிஸம்மோதி³துங். அத² கோ²
ப⁴க³வா தே பி⁴க்கூ² ஏதத³வோச – ‘‘கச்சி, பி⁴க்க²வே, க²மனீயங், கச்சி
யாபனீயங், கச்சி ஸமக்³கா³ ஸம்மோத³மானா அவிவத³மானா பா²ஸுகங் வஸ்ஸங் வஸித்த²,
ந ச பிண்ட³கேன கிலமித்தா²’’தி? ‘‘க²மனீயங் ப⁴க³வா, யாபனீயங் ப⁴க³வா.
ஸமக்³கா³ ச மயங், ப⁴ந்தே, ஸம்மோத³மானா அவிவத³மானா பா²ஸுகங் வஸ்ஸங் வஸிம்ஹா,
ந ச பிண்ட³கேன கிலமிம்ஹா’’தி. ஜானந்தாபி ததா²க³தா புச்ச²ந்தி, ஜானந்தாபி ந
புச்ச²ந்தி. காலங் விதி³த்வா புச்ச²ந்தி, காலங் விதி³த்வா ந புச்ச²ந்தி.
அத்த²ஸங்ஹிதங் ததா²க³தா புச்ச²ந்தி, நோ அனத்த²ஸங்ஹிதங். அனத்த²ஸங்ஹிதே
ஸேதுகா⁴தோ ததா²க³தானங். த்³வீஹாகாரேஹி பு³த்³தா⁴ ப⁴க³வந்தோ பி⁴க்கூ²
படிபுச்ச²ந்தி – த⁴ம்மங் வா தே³ஸெஸ்ஸாம, ஸாவகானங் வா ஸிக்கா²பத³ங்
பஞ்ஞபெஸ்ஸாமாதி. அத² கோ² ப⁴க³வா தே பி⁴க்கூ² ஏதத³வோச – ‘‘யதா²கத²ங் பன
தும்ஹே, பி⁴க்க²வே, ஸமக்³கா³ ஸம்மோத³மானா அவிவத³மானா பா²ஸுகங் வஸ்ஸங்
வஸித்த², ந ச பிண்ட³கேன கிலமித்தா²’’தி.


இத⁴ மயங், ப⁴ந்தே, ஸம்ப³ஹுலா ஸந்தி³ட்டா² ஸம்ப⁴த்தா
பி⁴க்கூ² கோஸலேஸு ஜனபதே³ அஞ்ஞதரஸ்மிங் ஆவாஸே வஸ்ஸங் உபக³ச்சி²ம்ஹா. தேஸங்
நோ, ப⁴ந்தே, அம்ஹாகங் ஏதத³ஹோஸி – ‘‘கேன நு கோ² மயங் உபாயேன ஸமக்³கா³
ஸம்மோத³மானா அவிவத³மானா பா²ஸுகங் வஸ்ஸங் வஸெய்யாம, ந ச
பிண்ட³கேன கிலமெய்யாமா’’தி. தேஸங் நோ, ப⁴ந்தே, அம்ஹாகங் ஏதத³ஹோஸி – ‘‘ஸசே
கோ² மயங் அஞ்ஞமஞ்ஞங் நேவ ஆலபெய்யாம ந ஸல்லபெய்யாம – யோ பட²மங் கா³மதோ
பிண்டா³ய படிக்கமெய்ய ஸோ ஆஸனங் பஞ்ஞபெய்ய, பாதோ³த³கங் பாத³பீட²ங்
பாத³கத²லிகங் உபனிக்கி²பெய்ய, அவக்காரபாதிங் தோ⁴வித்வா உபட்டா²பெய்ய,
பானீயங் பரிபோ⁴ஜனீயங் உபட்டா²பெய்ய; யோ பச்சா² கா³மதோ பிண்டா³ய
படிக்கமெய்ய, ஸசஸ்ஸ பு⁴த்தாவஸேஸோ , ஸசே ஆகங்கெ²ய்ய
பு⁴ஞ்ஜெய்ய, நோ சே ஆகங்கெ²ய்ய அப்பஹரிதே வா ச²ட்³டெ³ய்ய, அப்பாணகே வா உத³கே
ஓபிலாபெய்ய; ஸோ ஆஸனங் உத்³த⁴ரெய்ய, பாதோ³த³கங் பாத³பீட²ங் பாத³கத²லிகங்
படிஸாமெய்ய , அவக்காரபாதிங் தோ⁴வித்வா படிஸாமெய்ய,
பானீயங் பரிபோ⁴ஜனீயங் படிஸாமெய்ய, ப⁴த்தக்³க³ங் ஸம்மஜ்ஜெய்ய; யோ பஸ்ஸெய்ய
பானீயக⁴டங் வா பரிபோ⁴ஜனீயக⁴டங் வா வச்சக⁴டங் வா ரித்தங் துச்ச²ங் ஸோ
உபட்டா²பெய்ய; ஸசஸ்ஸ ஹோதி அவிஸய்ஹங், ஹத்த²விகாரேன து³தியங் ஆமந்தெத்வா
ஹத்த²விலங்க⁴கேன உபட்டா²பெய்ய; ந த்வேவ தப்பச்சயா வாசங் பி⁴ந்தெ³ய்ய – ஏவங்
கோ² மயங் ஸமக்³கா³ ஸம்மோத³மானா அவிவத³மானா பா²ஸுகங் வஸ்ஸங் வஸெய்யாம, ந ச
பிண்ட³கேன கிலமெய்யாமா’’தி. அத² கோ² மயங், ப⁴ந்தே, அஞ்ஞமஞ்ஞங் நேவ ஆலபிம்ஹா
ந ஸல்லவிம்ஹா. யோ பட²மங் கா³மதோ பிண்டா³ய படிக்கமதி ஸோ ஆஸனங் பஞ்ஞபேதி,
பாதோ³த³கங் பாத³பீட²ங் பாத³கத²லிகங் உபனிக்கி²பதி, அவக்காரபாதிங் தோ⁴வித்வா
உபட்டா²பேதி, பானீயங் பரிபோ⁴ஜனீயங் உபட்டா²பேதி. யோ பச்சா² கா³மதோ
பிண்டா³ய படிக்கமதி, ஸசே ஹோதி பு⁴த்தாவஸேஸோ, ஸசே ஆகங்க²தி பு⁴ஞ்ஜதி, நோ சே
ஆகங்க²தி அப்பஹரிதே வா ச²ட்³டே³தி, அப்பாணகே வா உத³கே ஓபிலாபேதி, ஸோ ஆஸனங்
உத்³த⁴ரதி, பாதோ³த³கங் பாத³பீட²ங் பாத³கத²லிகங் படிஸாமேதி, அவக்காரபாதிங்
தோ⁴வித்வா படிஸாமேதி, பானீயங் பரிபோ⁴ஜனீயங்
படிஸாமேதி, ப⁴த்தக்³க³ங் ஸம்மஜ்ஜதி. யோ பஸ்ஸதி பானீயக⁴டங் வா
பரிபோ⁴ஜனீயக⁴டங் வா வச்சக⁴டங் வா ரித்தங் துச்ச²ங் ஸோ உபட்டா²பேதி. ஸசஸ்ஸ
ஹோதி அவிஸய்ஹங், ஹத்த²விகாரேன து³தியங் ஆமந்தெத்வா ஹத்த²விலங்க⁴கேன
உபட்டா²பேதி, ந த்வேவ தப்பச்சயா வாசங் பி⁴ந்த³தி. ஏவங் கோ² மயங், ப⁴ந்தே,
ஸமக்³கா³ ஸம்மோத³மானா அவிவத³மானா பா²ஸுகங் வஸ்ஸங் வஸிம்ஹா, ந ச பிண்ட³கேன
கிலமிம்ஹாதி.


அத² கோ² ப⁴க³வா பி⁴க்கூ² ஆமந்தேஸி – ‘‘அபா²ஸுஞ்ஞேவ [அபா²ஸுகஞ்ஞேவ (ஸீ॰)] கிரமே [கிரிமே (க॰)], பி⁴க்க²வே, மோக⁴புரிஸா வுட்டா² [வுத்தா² (க॰)] ஸமானா பா²ஸும்ஹா [பா²ஸுகம்ஹா (ஸீ॰)]
வுட்டா²தி படிஜானந்தி. பஸுஸங்வாஸஞ்ஞேவ கிரமே, பி⁴க்க²வே, மோக⁴புரிஸா
வுட்டா² ஸமானா பா²ஸும்ஹா வுட்டா²தி படிஜானந்தி. ஏளகஸங்வாஸஞ்ஞேவ கிரமே,
பி⁴க்க²வே, மோக⁴புரிஸா வுட்டா² ஸமானா பா²ஸும்ஹா வுட்டா²தி படிஜானந்தி.
ஸபத்தஸங்வாஸஞ்ஞேவ கிரமே, பி⁴க்க²வே, மோக⁴புரிஸா வுட்டா² ஸமானா பா²ஸும்ஹா
வுட்டா²தி படிஜானந்தி. கத²ஞ்ஹி நாமிமே, பி⁴க்க²வே, மோக⁴புரிஸா மூக³ப்³ப³தங்
தித்தி²யஸமாதா³னங் ஸமாதி³யிஸ்ஸ’’ந்தி. நேதங், பி⁴க்க²வே, அப்பஸன்னானங் வா
பஸாதா³ய…பே॰… விக³ரஹித்வா த⁴ம்மிங் கத²ங் கத்வா
பி⁴க்கூ² ஆமந்தேஸி – ந, பி⁴க்க²வே, மூக³ப்³ப³தங் தித்தி²யஸமாதா³னங்
ஸமாதி³யிதப்³ப³ங். யோ ஸமாதி³யெய்ய, ஆபத்தி து³க்கடஸ்ஸ. அனுஜானாமி,
பி⁴க்க²வே, வஸ்ஸங்வுட்டா²னங் பி⁴க்கூ²னங் தீஹி டா²னேஹி பவாரேதுங் –
தி³ட்டே²ன வா ஸுதேன வா பரிஸங்காய வா. ஸா வோ ப⁴விஸ்ஸதி அஞ்ஞமஞ்ஞானுலோமதா
ஆபத்திவுட்டா²னதா வினயபுரெக்கா²ரதா. ஏவஞ்ச பன, பி⁴க்க²வே, பவாரேதப்³ப³ங்.
ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³


210. ‘‘ஸுணாது மே, ப⁴ந்தே, ஸங்கோ⁴. அஜ்ஜ பவாரணா. யதி³ ஸங்க⁴ஸ்ஸ பத்தகல்லங், ஸங்கோ⁴ பவாரெய்யா’’தி.


தே²ரேன பி⁴க்கு²னா ஏகங்ஸங் உத்தராஸங்க³ங் கரித்வா
உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ – ‘‘ஸங்க⁴ங்,
ஆவுஸோ, பவாரேமி தி³ட்டே²ன வா ஸுதேன வா பரிஸங்காய வா. வத³ந்து மங் ஆயஸ்மந்தோ
அனுகம்பங் உபாதா³ய. பஸ்ஸந்தோ படிகரிஸ்ஸாமி. து³தியம்பி, ஆவுஸோ, ஸங்க⁴ங்
பவாரேமி தி³ட்டே²ன வா ஸுதேன வா பரிஸங்காய வா. வத³ந்து மங் ஆயஸ்மந்தோ
அனுகம்பங் உபாதா³ய. பஸ்ஸந்தோ படிகரிஸ்ஸாமி. ததியம்பி, ஆவுஸோ, ஸங்க⁴ங்
பவாரேமி தி³ட்டே²ன வா ஸுதேன வா பரிஸங்காய வா. வத³ந்து மங் ஆயஸ்மந்தோ
அனுகம்பங் உபாதா³ய. பஸ்ஸந்தோ படிகரிஸ்ஸாமீ’’தி.


நவகேன பி⁴க்கு²னா ஏகங்ஸங் உத்தராஸங்க³ங் கரித்வா
உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ – ‘‘ஸங்க⁴ங்,
ப⁴ந்தே, பவாரேமி தி³ட்டே²ன வா ஸுதேன வா பரிஸங்காய
வா. வத³ந்து மங் ஆயஸ்மந்தோ அனுகம்பங் உபாதா³ய. பஸ்ஸந்தோ படிகரிஸ்ஸாமி.
து³தியம்பி, ப⁴ந்தே, ஸங்க⁴ங்…பே॰… ததியம்பி, ப⁴ந்தே, ஸங்க⁴ங் பவாரேமி
தி³ட்டே²ன வா ஸுதேன வா பரிஸங்காய வா. வத³ந்து மங் ஆயஸ்மந்தோ அனுகம்பங்
உபாதா³ய. பஸ்ஸந்தோ படிகரிஸ்ஸாமீ’’தி.


211.
தேன கோ² பன ஸமயேன ச²ப்³ப³க்³கி³யா பி⁴க்கூ² தே²ரேஸு பி⁴க்கூ²ஸு உக்குடிகங்
நிஸின்னேஸு பவாரயமானேஸு ஆஸனேஸு அச்ச²ந்தி. யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கூ² தே²ரேஸு பி⁴க்கூ²ஸு உக்குடிகங் நிஸின்னேஸு
பவாரயமானேஸு ஆஸனேஸு அச்சி²ஸ்ஸந்தீ’’தி. அத² கோ² தே பி⁴க்கூ² ப⁴க³வதோ
ஏதமத்த²ங் ஆரோசேஸுங்…பே॰… ‘‘ஸச்சங் கிர, பி⁴க்க²வே, ச²ப்³ப³க்³கி³யா
பி⁴க்கூ² தே²ரேஸு பி⁴க்கூ²ஸு உக்குடிகங் நிஸின்னேஸு பவாரயமானேஸு ஆஸனேஸு
அச்ச²ந்தீ’’தி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… ‘‘கத²ஞ்ஹி நாம தே, பி⁴க்க²வே, மோக⁴புரிஸா தே²ரேஸு
பி⁴க்கூ²ஸு உக்குடிகங் நிஸின்னேஸு பவாரயமானேஸு ஆஸனேஸு அச்சி²ஸ்ஸ’’ந்தி.
நேதங், பி⁴க்க²வே, அப்பஸன்னானங் வா பஸாதா³ய, பஸன்னானங் வா
பி⁴ய்யோபா⁴வாய…பே॰… விக³ரஹித்வா த⁴ம்மிங் கத²ங் கத்வா பி⁴க்கூ² ஆமந்தேஸி –
‘‘ந, பி⁴க்க²வே, தே²ரேஸு பி⁴க்கூ²ஸு உக்குடிகங் நிஸின்னேஸு பவாரயமானேஸு
ஆஸனேஸு அச்சி²தப்³ப³ங். யோ அச்செ²ய்ய, ஆபத்தி து³க்கடஸ்ஸ. அனுஜானாமி,
பி⁴க்க²வே, ஸப்³பே³ஹேவ உக்குடிகங் நிஸின்னேஹி பவாரேது’’ந்தி.


தேன கோ² பன ஸமயேன அஞ்ஞதரோ தே²ரோ ஜராது³ப்³ப³லோ யாவ ஸப்³பே³ பவாரெந்தீதி [யாவ ஸப்³பே³ பவாரெந்தி (ஸ்யா॰)]
உக்குடிகங் நிஸின்னோ ஆக³மயமானோ முச்சி²தோ பபதி. ப⁴க³வதோ ஏதமத்த²ங்
ஆரோசேஸுங். அனுஜானாமி, பி⁴க்க²வே, தத³மந்தரா உக்குடிகங் நிஸீதி³துங் யாவ
பவாரேதி, பவாரெத்வா ஆஸனே நிஸீதி³துந்தி.


அபா²ஸுகவிஹாரோ நிட்டி²தோ.


121. பவாரணாபே⁴தா³


212.
அத² கோ² பி⁴க்கூ²னங் ஏதத³ஹோஸி – ‘‘கதி நு கோ² பவாரணா’’தி? ப⁴க³வதோ
ஏதமத்த²ங் ஆரோசேஸுங். த்³வேமா, பி⁴க்க²வே, பவாரணா – சாதுத்³த³ஸிகா ச
பன்னரஸிகா ச. இமா கோ², பி⁴க்க²வே, த்³வே பவாரணாதி.


அத² கோ² பி⁴க்கூ²னங் ஏதத³ஹோஸி – ‘‘கதி நு கோ² பவாரணகம்மானீ’’தி? [பவாரணாகம்மானீதி (ஸ்யா॰)]
ப⁴க³வதோ ஏதமத்த²ங் ஆரோசேஸுங். சத்தாரிமானி, பி⁴க்க²வே, பவாரணகம்மானி –
அத⁴ம்மேன வக்³க³ங் பவாரணகம்மங், அத⁴ம்மேன ஸமக்³க³ங் பவாரணகம்மங், த⁴ம்மேன
வக்³க³ங் பவாரணகம்மங், த⁴ம்மேன ஸமக்³க³ங் பவாரணகம்மங். தத்ர, பி⁴க்க²வே,
யதி³த³ங் அத⁴ம்மேன வக்³க³ங் பவாரணகம்மங், ந, பி⁴க்க²வே, ஏவரூபங்
பவாரணகம்மங் காதப்³ப³ங்; ந ச மயா ஏவரூபங் பவாரணகம்மங் அனுஞ்ஞாதங். தத்ர,
பி⁴க்க²வே, யதி³த³ங் அத⁴ம்மேன ஸமக்³க³ங் பவாரணகம்மங், ந, பி⁴க்க²வே,
ஏவரூபங் பவாரணகம்மங் காதப்³ப³ங்; ந ச மயா ஏவரூபங் பவாரணகம்மங் அனுஞ்ஞாதங்.
தத்ர, பி⁴க்க²வே, யதி³த³ங் த⁴ம்மேன வக்³க³ங் பவாரணகம்மங், ந, பி⁴க்க²வே,
ஏவரூபங் பவாரணகம்மங் காதப்³ப³ங்; ந ச மயா ஏவரூபங் பவாரணகம்மங் அனுஞ்ஞாதங்.
தத்ர, பி⁴க்க²வே, யதி³த³ங் த⁴ம்மேன ஸமக்³க³ங் பவாரணகம்மங், ஏவரூபங்,
பி⁴க்க²வே, பவாரணகம்மங் காதப்³ப³ங்; ஏவரூபஞ்ச மயா பவாரணகம்மங் அனுஞ்ஞாதங்.
தஸ்மாதிஹ, பி⁴க்க²வே, ஏவரூபங் பவாரணகம்மங் கரிஸ்ஸாம யதி³த³ங் த⁴ம்மேன
ஸமக்³க³ந்தி, ஏவஞ்ஹி வோ, பி⁴க்க²வே, ஸிக்கி²தப்³ப³ந்தி.


பவாரணாபே⁴தா³ நிட்டி²தா.


122. பவாரணாதா³னானுஜானநா


213. அத²
கோ² ப⁴க³வா பி⁴க்கூ² ஆமந்தேஸி – ‘‘ஸன்னிபதத², பி⁴க்க²வே. ஸங்கோ⁴
பவாரெஸ்ஸதீ’’தி. ஏவங் வுத்தே அஞ்ஞதரோ பி⁴க்கு² ப⁴க³வந்தங் ஏதத³வோச –
‘‘அத்தி², ப⁴ந்தே, பி⁴க்கு² கி³லானோ , ஸோ
அனாக³தோ’’தி. அனுஜானாமி, பி⁴க்க²வே, கி³லானேன பி⁴க்கு²னா பவாரணங் தா³துங்.
ஏவஞ்ச பன, பி⁴க்க²வே, தா³தப்³பா³ – தேன கி³லானேன பி⁴க்கு²னா ஏகங்
பி⁴க்கு²ங் உபஸங்கமித்வா
ஏகங்ஸங் உத்தராஸங்க³ங் கரித்வா உக்குடிகங் நிஸீதி³த்வா அஞ்ஜலிங்
பக்³க³ஹெத்வா ஏவமஸ்ஸ வசனீயோ – ‘‘பவாரணங் த³ம்மி, பவாரணங் மே ஹர, பவாரணங் மே
ஆரோசேஹி, மமத்தா²ய பவாரேஹீ’’தி காயேன விஞ்ஞாபேதி, வாசாய விஞ்ஞாபேதி, காயேன
வாசாய விஞ்ஞாபேதி, தி³ன்னா ஹோதி பவாரணா; ந காயேன விஞ்ஞாபேதி, ந வாசாய
விஞ்ஞாபேதி, ந காயேன வாசாய விஞ்ஞாபேதி, ந தி³ன்னா ஹோதி பவாரணா. ஏவஞ்சேதங்
லபே⁴த², இச்சேதங் குஸலங். நோ சே லபே⁴த², ஸோ, பி⁴க்க²வே, கி³லானோ பி⁴க்கு²
மஞ்சேன வா பீடே²ன வா ஸங்க⁴மஜ்ஜே² ஆனெத்வா பவாரேதப்³ப³ங். ஸசே, பி⁴க்க²வே,
கி³லானுபட்டா²கானங் பி⁴க்கூ²னங் ஏதத³ஹோஸி – ‘‘ஸசே கோ² மயங் கி³லானங் டா²னா
சாவெஸ்ஸாம, ஆபா³தோ⁴ வா அபி⁴வட்³டி⁴ஸ்ஸதி, காலங்கிரியா வா ப⁴விஸ்ஸதீ’’தி ந,
பி⁴க்க²வே, கி³லானோ பி⁴க்கு² டா²னா சாவேதப்³போ³. ஸங்கே⁴ன தத்த² க³ந்த்வா
பவாரேதப்³ப³ங்; ந த்வேவ வக்³கே³ன ஸங்கே⁴ன பவாரேதப்³ப³ங். பவாரெய்ய சே,
ஆபத்தி து³க்கடஸ்ஸ.


பவாரணஹாரகோ [பவாரணாஹாரகோ (ஸ்யா॰)]
சே, பி⁴க்க²வே, தி³ன்னாய பவாரணாய தத்தே²வ பக்கமதி, அஞ்ஞஸ்ஸ தா³தப்³பா³
பவாரணா. பவாரணஹாரகோ சே, பி⁴க்க²வே, தி³ன்னாய பவாரணாய தத்தே²வ
விப்³ப⁴மதி…பே॰… காலங்கரோதி… ஸாமணேரோ படிஜானாதி… ஸிக்க²ங் பச்சக்கா²தகோ
படிஜானாதி… அந்திமவத்து²ங் அஜ்ஜா²பன்னகோ படிஜானாதி… உம்மத்தகோ படிஜானாதி…
கி²த்தசித்தோ படிஜானாதி… வேத³னாட்டோ படிஜானாதி… ஆபத்தியா அத³ஸ்ஸனே
உக்கி²த்தகோ படிஜானாதி… ஆபத்தியா அப்படிகம்மே உக்கி²த்தகோ படிஜானாதி…
பாபிகாய தி³ட்டி²யா அப்படினிஸ்ஸக்³கே³ உக்கி²த்தகோ படிஜானாதி… பண்ட³கோ
படிஜானாதி… தெ²ய்யஸங்வாஸகோ படிஜானாதி… தித்தி²யபக்கந்தகோ படிஜானாதி…
திரச்சா²னக³தோ படிஜானாதி… மாதுகா⁴தகோ படிஜானாதி… பிதுகா⁴தகோ படிஜானாதி…
அரஹந்தகா⁴தகோ படிஜானாதி… பி⁴க்கு²னிதூ³ஸகோ படிஜானாதி… ஸங்க⁴பே⁴த³கோ
படிஜானாதி … லோஹிதுப்பாத³கோ படிஜானாதி… உப⁴தொப்³யஞ்ஜனகோ படிஜானாதி, அஞ்ஞஸ்ஸ தா³தப்³பா³ பவாரணா.


பவாரணஹாரகோ சே, பி⁴க்க²வே, தி³ன்னாய பவாரணாய
அந்தராமக்³கே³ பக்கமதி, அனாஹடா ஹோதி பவாரணா. பவாரணஹாரகோ சே, பி⁴க்க²வே,
தி³ன்னாய பவாரணாய அந்தராமக்³கே³ விப்³ப⁴மதி…பே॰… காலங்கரோதி… ஸாமணேரோ
படிஜானாதி… ஸிக்க²ங் பச்சக்கா²தகோ படிஜானாதி… அந்திமவத்து²ங் அஜ்ஜா²பன்னகோ
படிஜானாதி… உம்மத்தகோ படிஜானாதி… கி²த்தசித்தோ படிஜானாதி… வேத³னாட்டோ
படிஜானாதி… ஆபத்தியா அத³ஸ்ஸனே உக்கி²த்தகோ படிஜானாதி… ஆபத்தியா அப்படிகம்மே
உக்கி²த்தகோ படிஜானாதி… பாபிகாய தி³ட்டி²யா அப்படினிஸ்ஸக்³கே³
உக்கி²த்தகோ படிஜானாதி… பண்ட³கோ படிஜானாதி… தெ²ய்யஸங்வாஸகோ படிஜானாதி…
தித்தி²யபக்கந்தகோ படிஜானாதி… திரச்சா²னக³தோ படிஜானாதி… மாதுகா⁴தகோ
படிஜானாதி… பிதுகா⁴தகோ படிஜானாதி… அரஹந்தகா⁴தகோ படிஜானாதி…
பி⁴க்கு²னிதூ³ஸகோ படிஜானாதி… ஸங்க⁴பே⁴த³கோ படிஜானாதி… லோஹிதுப்பாத³கோ
படிஜானாதி… உப⁴தொப்³யஞ்ஜனகோ படிஜானாதி, அனாஹடா ஹோதி பவாரணா.


பவாரணஹாரகோ சே, பி⁴க்க²வே, தி³ன்னாய பவாரணாய
ஸங்க⁴ப்பத்தோ பக்கமதி, ஆஹடா ஹோதி பவாரணா. பவாரணஹாரகோ சே, பி⁴க்க²வே,
தி³ன்னாய பவாரணாய ஸங்க⁴ப்பத்தோ விப்³ப⁴மதி…பே॰… காலங்கரோதி… ஸாமணேரோ
படிஜானாதி… ஸிக்க²ங் பச்சக்கா²தகோ படிஜானாதி… அந்திமவத்து²ங் அஜ்ஜா²பன்னகோ
படிஜானாதி… உம்மத்தகோ படிஜானாதி… கி²த்தசித்தோ படிஜானாதி… வேத³னாட்டோ
படிஜானாதி… ஆபத்தியா அத³ஸ்ஸனே உக்கி²த்தகோ படிஜானாதி… ஆபத்தியா அப்படிகம்மே
உக்கி²த்தகோ படிஜானாதி… பாபிகாய தி³ட்டி²யா அப்படினிஸ்ஸக்³கே³ உக்கி²த்தகோ
படிஜானாதி… பண்ட³கோ படிஜானாதி… தெ²ய்யஸங்வாஸகோ படிஜானாதி…
தித்தி²யபக்கந்தகோ படிஜானாதி… திரச்சா²னக³தோ படிஜானாதி… மாதுகா⁴தகோ
படிஜானாதி… பிதுகா⁴தகோ படிஜானாதி… அரஹந்தகா⁴தகோ படிஜானாதி…
பி⁴க்கு²னிதூ³ஸகோ படிஜானாதி… ஸங்க⁴பே⁴த³கோ படிஜானாதி… லோஹிதுப்பாத³கோ
படிஜானாதி… உப⁴தொப்³யஞ்ஜனகோ படிஜானாதி, ஆஹடா ஹோதி பவாரணா.


பவாரணஹாரகோ சே, பி⁴க்க²வே, தி³ன்னாய பவாரணாய ஸங்க⁴ப்பத்தோ ஸுத்தோ நாரோசேதி, ஆஹடா ஹோதி பவாரணா. பவாரணஹாரகஸ்ஸ அனாபத்தி .
பவாரணஹாரகோ சே, பி⁴க்க²வே, தி³ன்னாய பவாரணாய ஸங்க⁴ப்பத்தோ பமத்தோ
நாரோசேதி…பே॰… ஸமாபன்னோ நாரோசேதி, ஆஹடா ஹோதி பவாரணா. பவாரணஹாரகஸ்ஸ
அனாபத்தி.


பவாரணஹாரகோ சே, பி⁴க்க²வே ,
தி³ன்னாய பவாரணாய ஸங்க⁴ப்பத்தோ ஸஞ்சிச்ச நாரோசேதி, ஆஹடா ஹோதி பவாரணா.
பவாரணஹாரகஸ்ஸ ஆபத்தி து³க்கடஸ்ஸ. அனுஜானாமி, பி⁴க்க²வே, தத³ஹு பவாரணாய
பவாரணங் தெ³ந்தேன ச²ந்த³ம்பி தா³துங், ஸந்தி ஸங்க⁴ஸ்ஸ கரணீயந்தி.


பவாரணாதா³னானுஜானநா நிட்டி²தா.


123. ஞாதகாதி³க்³க³ஹணகதா²


214. தேன
கோ² பன ஸமயேன அஞ்ஞதரங் பி⁴க்கு²ங் தத³ஹு பவாரணாய ஞாதகா க³ண்ஹிங்ஸு.
ப⁴க³வதோ ஏதமத்த²ங் ஆரோசேஸுங். இத⁴ பன, பி⁴க்க²வே, பி⁴க்கு²ங் தத³ஹு பவாரணாய
ஞாதகா க³ண்ஹந்தி. தே ஞாதகா பி⁴க்கூ²ஹி ஏவமஸ்ஸு வசனீயா – ‘‘இங்க⁴, தும்ஹே
ஆயஸ்மந்தோ இமங் பி⁴க்கு²ங் முஹுத்தங் முஞ்சத², யாவாயங் பி⁴க்கு²
பவாரேதீ’’தி. ஏவஞ்சேதங் லபே⁴த², இச்சேதங் குஸலங். நோ சே லபே⁴த², தே ஞாதகா
பி⁴க்கூ²ஹி ஏவமஸ்ஸு வசனீயா – ‘‘இங்க⁴, தும்ஹே ஆயஸ்மந்தோ முஹுத்தங் ஏகமந்தங்
ஹோத², யாவாயங் பி⁴க்கு² பவாரணங் தே³தீ’’தி. ஏவஞ்சேதங் லபே⁴த², இச்சேதங்
குஸலங். நோ சே லபே⁴த², தே ஞாதகா பி⁴க்கூ²ஹி ஏவமஸ்ஸு வசனீயா – ‘‘இங்க⁴,
தும்ஹே ஆயஸ்மந்தோ இமங் பி⁴க்கு²ங் முஹுத்தங் நிஸ்ஸீமங் நேத², யாவ ஸங்கோ⁴
பவாரேதீ’’தி. ஏவஞ்சேதங் லபே⁴த², இச்சேதங் குஸலங். நோ சே லபே⁴த², ந த்வேவ
வக்³கே³ன ஸங்கே⁴ன பவாரேதப்³ப³ங். பவாரெய்ய சே, ஆபத்தி து³க்கடஸ்ஸ.


இத⁴ பன, பி⁴க்க²வே, பி⁴க்கு²ங் தத³ஹு பவாரணாய ராஜானோ க³ண்ஹந்தி…பே॰… சோரா க³ண்ஹந்தி
து⁴த்தா க³ண்ஹந்தி… பி⁴க்கு²பச்சத்தி²கா க³ண்ஹந்தி. தே
பி⁴க்கு²பச்சத்தி²கா பி⁴க்கூ²ஹி ஏவமஸ்ஸு வசனீயா – ‘‘இங்க⁴, தும்ஹே
ஆயஸ்மந்தோ இமங் பி⁴க்கு²ங் முஹுத்தங் முஞ்சத², யாவாயங் பி⁴க்கு²
பவாரேதீ’’தி . ஏவஞ்சேதங் லபே⁴த², இச்சேதங் குஸலங்.
நோ சே லபே⁴த², தே பி⁴க்கு²பச்சத்தி²கா பி⁴க்கூ²ஹி ஏவமஸ்ஸு வசனீயா –
‘‘இங்க⁴, தும்ஹே ஆயஸ்மந்தோ முஹுத்தங் ஏகமந்தங் ஹோத², யாவாயங் பி⁴க்கு²
பவாரணங் தே³தீ’’தி. ஏவஞ்சேதங் லபே⁴த², இச்சேதங் குஸலங். நோ சே லபே⁴த², தே
பி⁴க்கு²பச்சத்தி²கா பி⁴க்கூ²ஹி ஏவமஸ்ஸு வசனீயா – ‘‘இங்க⁴, தும்ஹே
ஆயஸ்மந்தோ இமங் பி⁴க்கு²ங் முஹுத்தங் நிஸ்ஸீமங் நேத², யாவ ஸங்கோ⁴
பவாரேதீ’’தி. ஏவஞ்சேதங் லபே⁴த², இச்சேதங் குஸலங். நோ சே லபே⁴த², ந த்வேவ வக்³கே³ன ஸங்கே⁴ன பவாரேதப்³ப³ங். பவாரெய்ய சே, ஆபத்தி து³க்கடஸ்ஸாதி.


ஞாதகாதி³க்³க³ஹணகதா² நிட்டி²தா.


124. ஸங்க⁴பவாரணாதி³ப்பபே⁴தா³


215.
தேன கோ² பன ஸமயேன அஞ்ஞதரஸ்மிங் ஆவாஸே தத³ஹு பவாரணாய பஞ்ச பி⁴க்கூ²
விஹரந்தி. அத² கோ² தேஸங் பி⁴க்கூ²னங் ஏதத³ஹோஸி – ‘‘ப⁴க³வதா பஞ்ஞத்தங்
‘ஸங்கே⁴ன பவாரேதப்³ப³’ந்தி. மயஞ்சம்ஹா பஞ்ச ஜனா. கத²ங் நு கோ² அம்ஹேஹி
பவாரேதப்³ப³’’ந்தி? ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே,
பஞ்சன்னங் ஸங்கே⁴ பவாரேதுந்தி.


216. தேன
கோ² பன ஸமயேன அஞ்ஞதரஸ்மிங் ஆவாஸே தத³ஹு பவாரணாய சத்தாரோ பி⁴க்கூ²
விஹரந்தி. அத² கோ² தேஸங் பி⁴க்கூ²னங் ஏதத³ஹோஸி – ‘‘ப⁴க³வதா அனுஞ்ஞாதங்
பஞ்சன்னங் ஸங்கே⁴ பவாரேதுந்தி. மயஞ்சம்ஹா சத்தாரோ ஜனா. கத²ங் நு கோ²
அம்ஹேஹி பவாரேதப்³ப³’’ந்தி? ப⁴க³வதோ ஏதமத்த²ங் ஆரோசேஸுங். அனுஜானாமி,
பி⁴க்க²வே, சதுன்னங் அஞ்ஞமஞ்ஞங் பவாரேதுங். ஏவஞ்ச பன, பி⁴க்க²வே,
பவாரேதப்³ப³ங். ப்³யத்தேன பி⁴க்கு²னா படிப³லேன தே பி⁴க்கூ² ஞாபேதப்³பா³ –


‘‘ஸுணந்து மே ஆயஸ்மந்தோ. அஜ்ஜ பவாரணா. யதா³யஸ்மந்தானங் பத்தகல்லங், மயங் அஞ்ஞமஞ்ஞங் பவாரெய்யாமா’’தி.


தே²ரேன பி⁴க்கு²னா ஏகங்ஸங் உத்தராஸங்க³ங் கரித்வா
உக்குடிகங் நிஸீதி³த்வா அஞ்ஜலிங் பக்³க³ஹெத்வா தே பி⁴க்கூ² ஏவமஸ்ஸு வசனீயா –
‘‘அஹங், ஆவுஸோ, ஆயஸ்மந்தே பவாரேமி தி³ட்டே²ன வா ஸுதேன வா பரிஸங்காய வா.
வத³ந்து மங் ஆயஸ்மந்தோ அனுகம்பங் உபாதா³ய. பஸ்ஸந்தோ படிகரிஸ்ஸாமி.
து³தியம்பி…பே॰… ததியம்பி அஹங், ஆவுஸோ, ஆயஸ்மந்தே பவாரேமி தி³ட்டே²ன வா
ஸுதேன வா பரிஸங்காய வா. வத³ந்து மங் ஆயஸ்மந்தோ அனுகம்பங் உபாதா³ய. பஸ்ஸந்தோ
படிகரிஸ்ஸாமீ’’தி.


நவகேன பி⁴க்கு²னா ஏகங்ஸங் உத்தராஸங்க³ங் கரித்வா
உக்குடிகங் நிஸீதி³த்வா அஞ்ஜலிங் பக்³க³ஹெத்வா தே பி⁴க்கூ² ஏவமஸ்ஸு வசனீயா –
‘‘அஹங், ப⁴ந்தே, ஆயஸ்மந்தே பவாரேமி தி³ட்டே²ன வா ஸுதேன வா பரிஸங்காய வா.
வத³ந்து மங் ஆயஸ்மந்தோ அனுகம்பங் உபாதா³ய. பஸ்ஸந்தோ படிகரிஸ்ஸாமி.
து³தியம்பி…பே॰… ததியம்பி அஹங், ப⁴ந்தே, ஆயஸ்மந்தே பவாரேமி தி³ட்டே²ன வா
ஸுதேன வா பரிஸங்காய வா. வத³ந்து மங் ஆயஸ்மந்தோ அனுகம்பங் உபாதா³ய. பஸ்ஸந்தோ படிகரிஸ்ஸாமீ’’தி.


தேன கோ² பன ஸமயேன அஞ்ஞதரஸ்மிங் ஆவாஸே தத³ஹு பவாரணாய தயோ பி⁴க்கூ² விஹரந்தி. அத² கோ² தேஸங் பி⁴க்கூ²னங்
ஏதத³ஹோஸி – ‘‘ப⁴க³வதா அனுஞ்ஞாதங் பஞ்சன்னங் ஸங்கே⁴ பவாரேதுங், சதுன்னங்
அஞ்ஞமஞ்ஞங் பவாரேதுங். மயஞ்சம்ஹா தயோ ஜனா. கத²ங் நு கோ² அம்ஹேஹி
பவாரேதப்³ப³’’ந்தி? ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே,
திண்ணங் அஞ்ஞமஞ்ஞங் பவாரேதுங். ஏவஞ்ச பன, பி⁴க்க²வே, பவாரேதப்³ப³ங்.
ப்³யத்தேன பி⁴க்கு²னா படிப³லேன தே பி⁴க்கூ² ஞாபேதப்³பா³ –


‘‘ஸுணந்து மே ஆயஸ்மந்தா. அஜ்ஜ பவாரணா. யதா³யஸ்மந்தானங் பத்தகல்லங், மயங் அஞ்ஞமஞ்ஞங் பவாரெய்யாமா’’தி.


தே²ரேன பி⁴க்கு²னா ஏகங்ஸங் உத்தராஸங்க³ங் கரித்வா
உக்குடிகங் நிஸீதி³த்வா அஞ்ஜலிங் பக்³க³ஹெத்வா தே பி⁴க்கூ² ஏவமஸ்ஸு வசனீயா –
‘‘அஹங், ஆவுஸோ, ஆயஸ்மந்தே பவாரேமி தி³ட்டே²ன வா ஸுதேன வா பரிஸங்காய வா.
வத³ந்து மங் ஆயஸ்மந்தா அனுகம்பங் உபாதா³ய. பஸ்ஸந்தோ படிகரிஸ்ஸாமி.
து³தியம்பி…பே॰… ததியம்பி அஹங், ஆவுஸோ, ஆயஸ்மந்தே பவாரேமி தி³ட்டே²ன வா
ஸுதேன வா பரிஸங்காய வா. வத³ந்து மங் ஆயஸ்மந்தா அனுகம்பங் உபாதா³ய. பஸ்ஸந்தோ
படிகரிஸ்ஸாமீ’’தி.


நவகேன பி⁴க்கு²னா ஏகங்ஸங் உத்தராஸங்க³ங் கரித்வா
உக்குடிகங் நிஸீதி³த்வா அஞ்ஜலிங் பக்³க³ஹெத்வா தே பி⁴க்கூ² ஏவமஸ்ஸு வசனீயா –
‘‘அஹங், ப⁴ந்தே, ஆயஸ்மந்தே பவாரேமி தி³ட்டே²ன வா ஸுதேன வா பரிஸங்காய வா.
வத³ந்து மங் ஆயஸ்மந்தா அனுகம்பங் உபாதா³ய. பஸ்ஸந்தோ படிகரிஸ்ஸாமி.
து³தியம்பி…பே॰… ததியம்பி அஹங், ப⁴ந்தே, ஆயஸ்மந்தே
பவாரேமி தி³ட்டே²ன வா ஸுதேன வா பரிஸங்காய வா. வத³ந்து மங் ஆயஸ்மந்தா
அனுகம்பங் உபாதா³ய. பஸ்ஸந்தோ படிகரிஸ்ஸாமீ’’தி .


217.
தேன கோ² பன ஸமயேன அஞ்ஞதரஸ்மிங் ஆவாஸே தத³ஹு பவாரணாய த்³வே பி⁴க்கூ²
விஹரந்தி. அத² கோ² தேஸங் பி⁴க்கூ²னங் ஏதத³ஹோஸி – ‘‘ப⁴க³வதா அனுஞ்ஞாதங்
பஞ்சன்னங் ஸங்கே⁴ பவாரேதுங், சதுன்னங் அஞ்ஞமஞ்ஞங் பவாரேதுங், திண்ணங்
அஞ்ஞமஞ்ஞங் பவாரேதுங். மயஞ்சம்ஹா த்³வே ஜனா. கத²ங் நு கோ² அம்ஹேஹி
பவாரேதப்³ப³’’ந்தி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே,
த்³வின்னங் அஞ்ஞமஞ்ஞங் பவாரேதுங். ஏவஞ்ச பன, பி⁴க்க²வே, பவாரேதப்³ப³ங்.
தே²ரேன பி⁴க்கு²னா ஏகங்ஸங் உத்தராஸங்க³ங் கரித்வா உக்குடிகங் நிஸீதி³த்வா
அஞ்ஜலிங் பக்³க³ஹெத்வா நவோ பி⁴க்கு² ஏவமஸ்ஸ வசனீயோ – ‘‘அஹங், ஆவுஸோ,
ஆயஸ்மந்தங் பவாரேமி தி³ட்டே²ன வா ஸுதேன வா பரிஸங்காய வா. வத³து மங் ஆயஸ்மா
அனுகம்பங் உபாதா³ய. பஸ்ஸந்தோ படிகரிஸ்ஸாமி. து³தியம்பி…பே॰… ததியம்பி அஹங்,
ஆவுஸோ, ஆயஸ்மந்தங் பவாரேமி தி³ட்டே²ன வா ஸுதேன வா பரிஸங்காய வா. வத³து மங்
ஆயஸ்மா அனுகம்பங் உபாதா³ய. பஸ்ஸந்தோ படிகரிஸ்ஸாமீ’’தி.


நவகேன பி⁴க்கு²னா ஏகங்ஸங் உத்தராஸங்க³ங் கரித்வா உக்குடிகங் நிஸீதி³த்வா
அஞ்ஜலிங் பக்³க³ஹெத்வா தே²ரோ பி⁴க்கு² ஏவமஸ்ஸ வசனீயோ – ‘‘அஹங், ப⁴ந்தே,
ஆயஸ்மந்தங் பவாரேமி தி³ட்டே²ன வா ஸுதேன வா பரிஸங்காய வா. வத³து மங் ஆயஸ்மா
அனுகம்பங் உபாதா³ய. பஸ்ஸந்தோ படிகரிஸ்ஸாமி. து³தியம்பி…பே॰… ததியம்பி அஹங்,
ப⁴ந்தே, ஆயஸ்மந்தங் பவாரேமி தி³ட்டே²ன வா ஸுதேன வா பரிஸங்காய வா. வத³து மங் ஆயஸ்மா அனுகம்பங் உபாதா³ய. பஸ்ஸந்தோ படிகரிஸ்ஸாமீ’’தி.


218.
தேன கோ² பன ஸமயேன அஞ்ஞதரஸ்மிங் ஆவாஸே தத³ஹு பவாரணாய ஏகோ பி⁴க்கு² விஹரதி.
அத² கோ² தஸ்ஸ பி⁴க்கு²னோ ஏதத³ஹோஸி – ‘‘ப⁴க³வதா அனுஞ்ஞாதங் பஞ்சன்னங் ஸங்கே⁴
பவாரேதுங், சதுன்னங் அஞ்ஞமஞ்ஞங் பவாரேதுங், திண்ணங் அஞ்ஞமஞ்ஞங் பவாரேதுங்,
த்³வின்னங் அஞ்ஞமஞ்ஞங் பவாரேதுங். அஹஞ்சம்ஹி ஏககோ. கத²ங் நு கோ² மயா
பவாரேதப்³ப³’’ந்தி? ப⁴க³வதோ ஏதமத்த²ங் ஆரோசேஸுங்.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஏகோ பி⁴க்கு² விஹரதி. தேன, பி⁴க்க²வே, பி⁴க்கு²னா யத்த² பி⁴க்கூ²
படிக்கமந்தி உபட்டா²னஸாலாய வா மண்ட³பே வா ருக்க²மூலே வா, ஸோ தே³ஸோ
ஸம்மஜ்ஜித்வா பானீயங் பரிபோ⁴ஜனீயங் உபட்டா²பெத்வா ஆஸனங் பஞ்ஞபெத்வா பதீ³பங்
கத்வா நிஸீதி³தப்³ப³ங். ஸசே அஞ்ஞே பி⁴க்கூ² ஆக³ச்ச²ந்தி, தேஹி ஸத்³தி⁴ங்
பவாரேதப்³ப³ங்; நோ சே ஆக³ச்ச²ந்தி, ‘அஜ்ஜ மே பவாரணா’தி அதி⁴ட்டா²தப்³ப³ங்.
நோ சே அதி⁴ட்டெ²ய்ய, ஆபத்தி து³க்கடஸ்ஸ.


தத்ர , பி⁴க்க²வே, யத்த² பஞ்ச பி⁴க்கூ² விஹரந்தி, ந ஏகஸ்ஸ பவாரணங் ஆஹரித்வா


சதூஹி ஸங்கே⁴ பவாரேதப்³ப³ங். பவாரெய்யுங் சே, ஆபத்தி
து³க்கடஸ்ஸ. தத்ர, பி⁴க்க²வே, யத்த² சத்தாரோ பி⁴க்கூ² விஹரந்தி, ந ஏகஸ்ஸ
பவாரணங் ஆஹரித்வா தீஹி அஞ்ஞமஞ்ஞங் பவாரேதப்³ப³ங். பவாரெய்யுங் சே, ஆபத்தி
து³க்கடஸ்ஸ. தத்ர, பி⁴க்க²வே, யத்த² தயோ பி⁴க்கூ² விஹரந்தி, ந
ஏகஸ்ஸ பவாரணங் ஆஹரித்வா த்³வீஹி அஞ்ஞமஞ்ஞங் பவாரேதப்³ப³ங். பவாரெய்யுங்
சே, ஆபத்தி து³க்கடஸ்ஸ. தத்ர, பி⁴க்க²வே, யத்த² த்³வே பி⁴க்கூ² விஹரந்தி, ந
ஏகஸ்ஸ பவாரணங் ஆஹரித்வா ஏகேன அதி⁴ட்டா²தப்³ப³ங். அதி⁴ட்டெ²ய்ய சே, ஆபத்தி
து³க்கடஸ்ஸாதி.


ஸங்க⁴பவாரணாதி³ப்பபே⁴தா³ நிட்டி²தா.


125. ஆபத்திபடிகம்மவிதி⁴


219.
தேன கோ² பன ஸமயேன அஞ்ஞதரோ பி⁴க்கு² தத³ஹு பவாரணாய ஆபத்திங் ஆபன்னோ ஹோதி.
அத² கோ² தஸ்ஸ பி⁴க்கு²னோ ஏதத³ஹோஸி – ‘‘ப⁴க³வதா பஞ்ஞத்தங் ‘ந ஸாபத்திகேன
பவாரேதப்³ப³’ந்தி. அஹஞ்சம்ஹி ஆபத்திங் ஆபன்னோ. கத²ங் நு கோ² மயா
படிபஜ்ஜிதப்³ப³’’ந்தி? ப⁴க³வதோ ஏதமத்த²ங் ஆரோசேஸுங் [ஆரோசேஸி (க॰)].


இத⁴ பன, பி⁴க்க²வே, பி⁴க்கு²
தத³ஹு பவாரணாய ஆபத்திங் ஆபன்னோ ஹோதி. தேன, பி⁴க்க²வே, பி⁴க்கு²னா ஏகங்
பி⁴க்கு²ங் உபஸங்கமித்வா ஏகங்ஸங் உத்தராஸங்க³ங் கரித்வா உக்குடிகங்
நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ – ‘‘அஹங், ஆவுஸோ,
இத்த²ன்னாமங் ஆபத்திங் ஆபன்னோ, தங் படிதே³ஸேமீ’’தி. தேன வத்தப்³போ³ –
‘‘பஸ்ஸஸீ’’தி. ஆம பஸ்ஸாமீதி. ஆயதிங் ஸங்வரெய்யாஸீதி.


இத⁴ பன, பி⁴க்க²வே, பி⁴க்கு² தத³ஹு பவாரணாய ஆபத்தியா வேமதிகோ ஹோதி. தேன, பி⁴க்க²வே, பி⁴க்கு²னா ஏகங் பி⁴க்கு²ங் உபஸங்கமித்வா
ஏகங்ஸங் உத்தராஸங்க³ங் கரித்வா உக்குடிகங் நிஸீதி³த்வா அஞ்ஜலிங்
பக்³க³ஹெத்வா ஏவமஸ்ஸ வசனீயோ – ‘‘அஹங், ஆவுஸோ, இத்த²ன்னாமாய ஆபத்தியா
வேமதிகோ; யதா³ நிப்³பே³மதிகோ ப⁴விஸ்ஸாமி ததா³ தங் ஆபத்திங்
படிகரிஸ்ஸாமீ’’தி வத்வா பவாரேதப்³ப³ங்; ந த்வேவ தப்பச்சயா பவாரணாய அந்தராயோ
காதப்³போ³தி.


ஆபத்திபடிகம்மவிதி⁴ நிட்டி²தா.


126. ஆபத்திஆவிகரணவிதி⁴


220. தேன
கோ² பன ஸமயேன அஞ்ஞதரோ பி⁴க்கு² பவாரயமானோ ஆபத்திங் ஸரதி. அத² கோ² தஸ்ஸ
பி⁴க்கு²னோ ஏதத³ஹோஸி – ‘‘ப⁴க³வதா பஞ்ஞத்தங் ‘ந ஸாபத்திகேன
பவாரேதப்³ப³’ந்தி. அஹஞ்சம்ஹி ஆபத்திங் ஆபன்னோ. கத²ங் நு கோ² மயா
படிபஜ்ஜிதப்³ப³’’ந்தி? ப⁴க³வதோ ஏதமத்த²ங் ஆரோசேஸுங்.


இத⁴ பன, பி⁴க்க²வே, பி⁴க்கு² பவாரயமானோ ஆபத்திங் ஸரதி.
தேன, பி⁴க்க²வே, பி⁴க்கு²னா ஸாமந்தோ பி⁴க்கு² ஏவமஸ்ஸ வசனீயோ – ‘‘அஹங்,
ஆவுஸோ, இத்த²ன்னாமங் ஆபத்திங் ஆபன்னோ. இதோ வுட்ட²ஹித்வா தங் ஆபத்திங்
படிகரிஸ்ஸாமீ’’தி வத்வா பவாரேதப்³ப³ங்; ந த்வேவ தப்பச்சயா பவாரணாய அந்தராயோ
காதப்³போ³.


இத⁴ பன, பி⁴க்க²வே, பி⁴க்கு² பவாரயமானோ ஆபத்தியா வேமதிகோ ஹோதி. தேன, பி⁴க்க²வே,


பி⁴க்கு²னா ஸாமந்தோ பி⁴க்கு² ஏவமஸ்ஸ வசனீயோ – ‘‘அஹங்,
ஆவுஸோ, இத்த²ன்னாமாய ஆபத்தியா வேமதிகோ; யதா³ நிப்³பே³மதிகோ ப⁴விஸ்ஸாமி ததா³
தங் ஆபத்திங் படிகரிஸ்ஸாமீ’’தி வத்வா பவாரேதப்³ப³ங்; ந த்வேவ தப்பச்சயா
பவாரணாய அந்தராயோ காதப்³போ³தி.


ஆபத்தி ஆவிகரணவிதி⁴ நிட்டி²தா.


127. ஸபா⁴கா³பத்திபடிகம்மவிதி⁴


221. தேன கோ² பன ஸமயேன அஞ்ஞதரஸ்மிங் ஆவாஸே தத³ஹு பவாரணாய ஸப்³போ³ ஸங்கோ⁴ ஸபா⁴க³ங் ஆபத்திங் ஆபன்னோ ஹோதி. அத² கோ² தேஸங் பி⁴க்கூ²னங்
ஏதத³ஹோஸி – ‘‘ப⁴க³வதா பஞ்ஞத்தங் ‘ந ஸபா⁴கா³ ஆபத்தி தே³ஸேதப்³பா³, ந
ஸபா⁴கா³ ஆபத்தி படிக்³க³ஹேதப்³பா³’தி. அயஞ்ச ஸப்³போ³ ஸங்கோ⁴ ஸபா⁴க³ங்
ஆபத்திங் ஆபன்னோ. கத²ங் நு கோ² அம்ஹேஹி படிபஜ்ஜிதப்³ப³’’ந்தி? ப⁴க³வதோ
ஏதமத்த²ங் ஆரோசேஸுங்.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸப்³போ³ ஸங்கோ⁴ ஸபா⁴க³ங் ஆபத்திங் ஆபன்னோ ஹோதி. தேஹி, பி⁴க்க²வே,
பி⁴க்கூ²ஹி ஏகோ பி⁴க்கு² ஸாமந்தா ஆவாஸா ஸஜ்ஜுகங் பாஹேதப்³போ³ –
க³ச்சா²வுஸோ, தங் ஆபத்திங் படிகரித்வா ஆக³ச்ச², மயங் தே ஸந்திகே தங்
ஆபத்திங் படிகரிஸ்ஸாமாதி. ஏவஞ்சேதங் லபே⁴த², இச்சேதங் குஸலங். நோ சே
லபே⁴த², ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –


‘‘ஸுணாது மே, ப⁴ந்தே, ஸங்கோ⁴.
அயங் ஸப்³போ³ ஸங்கோ⁴ ஸபா⁴க³ங் ஆபத்திங் ஆபன்னோ. யதா³ அஞ்ஞங் பி⁴க்கு²ங்
ஸுத்³த⁴ங் அனாபத்திகங் பஸ்ஸிஸ்ஸதி ததா³ தஸ்ஸ ஸந்திகே தங் ஆபத்திங்
படிகரிஸ்ஸதீ’’தி வத்வா பவாரேதப்³ப³ங்; ந த்வேவ தப்பச்சயா பவாரணாய அந்தராயோ
காதப்³போ³.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸப்³போ³ ஸங்கோ⁴ ஸபா⁴கா³ய ஆபத்தியா வேமதிகோ ஹோதி. ப்³யத்தேன பி⁴க்கு²னா
படிப³லேன ஸங்கோ⁴ ஞாபேதப்³போ³ –


‘‘ஸுணாது மே, ப⁴ந்தே, ஸங்கோ⁴. அயங் ஸப்³போ³ ஸங்கோ⁴
ஸபா⁴கா³ய ஆபத்தியா வேமதிகோ. யதா³ நிப்³பே³மதிகோ ப⁴விஸ்ஸதி ததா³ தங்
ஆபத்திங் படிகரிஸ்ஸதீ’’தி வத்வா, பவாரேதப்³ப³ங், ந த்வேவ தப்பச்சயா பவாரணாய
அந்தராயோ காதப்³போ³தி.


ஸபா⁴கா³பத்திபடிகம்மவிதி⁴ நிட்டி²தா.


பட²மபா⁴ணவாரோ நிட்டி²தோ.


128. அனாபத்திபன்னரஸகங்


222. தேன
கோ² பன ஸமயேன அஞ்ஞதரஸ்மிங் ஆவாஸே தத³ஹு பவாரணாய ஸம்ப³ஹுலா ஆவாஸிகா
பி⁴க்கூ² ஸன்னிபதிங்ஸு, பஞ்ச வா அதிரேகா வா. தே ந ஜானிங்ஸு ‘‘அத்த²ஞ்ஞே
ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³
ஸமக்³க³ஸஞ்ஞினோ பவாரேஸுங். தேஹி பவாரியமானே அத²ஞ்ஞே ஆவாஸிகா பி⁴க்கூ²
ஆக³ச்சி²ங்ஸு ப³ஹுதரா. ப⁴க³வதோ ஏதமத்த²ங் ஆரோசேஸுங்.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச
வா அதிரேகா வா. தே ந ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி.
தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ பவாரெந்தி. தேஹி
பவாரியமானே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி,
பி⁴க்க²வே, பி⁴க்கூ²ஹி புன பவாரேதப்³ப³ங். பவாரிதானங் அனாபத்தி.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ
வக்³கா³ ஸமக்³க³ஸஞ்ஞினோ பவாரெந்தி. தேஹி பவாரியமானே அத²ஞ்ஞே ஆவாஸிகா
பி⁴க்கூ² ஆக³ச்ச²ந்தி ஸமஸமா. பவாரிதா ஸுப்பவாரிதா, அவஸேஸேஹி பவாரேதப்³ப³ங்.
பவாரிதானங் அனாபத்தி.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா
வா. தே ந ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே
த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ பவாரெந்தி. தேஹி
பவாரியமானே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. பவாரிதா
ஸுப்பவாரிதா, அவஸேஸேஹி பவாரேதப்³ப³ங். பவாரிதானங் அனாபத்தி.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ
வக்³கா³ ஸமக்³க³ஸஞ்ஞினோ பவாரெந்தி. தேஹி பவாரிதமத்தே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன பவாரேதப்³ப³ங். பவாரிதானங் அனாபத்தி.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ
வக்³கா³ ஸமக்³க³ஸஞ்ஞினோ பவாரெந்தி. தேஹி பவாரிதமத்தே அத²ஞ்ஞே ஆவாஸிகா
பி⁴க்கூ² ஆக³ச்ச²ந்தி ஸமஸமா. பவாரிதா ஸுப்பவாரிதா, தேஸங் ஸந்திகே
பவாரேதப்³ப³ங். பவாரிதானங் அனாபத்தி.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ
வக்³கா³ ஸமக்³க³ஸஞ்ஞினோ பவாரெந்தி. தேஹி பவாரிதமத்தே அத²ஞ்ஞே ஆவாஸிகா
பி⁴க்கூ² ஆக³ச்ச²ந்தி தோ²கதரா. பவாரிதா ஸுப்பவாரிதா, தேஸங் ஸந்திகே
பவாரேதப்³ப³ங். பவாரிதானங் அனாபத்தி.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ
வக்³கா³ ஸமக்³க³ஸஞ்ஞினோ பவாரெந்தி. தேஹி பவாரிதமத்தே, அவுட்டி²தாய பரிஸாய,
அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே,
பி⁴க்கூ²ஹி புன பவாரேதப்³ப³ங். பவாரிதானங் அனாபத்தி.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ
வக்³கா³ ஸமக்³க³ஸஞ்ஞினோ பவாரெந்தி. தேஹி பவாரிதமத்தே, அவுட்டி²தாய பரிஸாய,
அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா. பவாரிதா ஸுப்பவாரிதா, தேஸங்
ஸந்திகே பவாரேதப்³ப³ங். பவாரிதானங் அனாபத்தி.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ
வக்³கா³ ஸமக்³க³ஸஞ்ஞினோ பவாரெந்தி. தேஹி
பவாரிதமத்தே, அவுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி
தோ²கதரா. பவாரிதா ஸுப்பவாரிதா, தேஸங் ஸந்திகே பவாரேதப்³ப³ங். பவாரிதானங்
அனாபத்தி.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ
வக்³கா³ ஸமக்³க³ஸஞ்ஞினோ பவாரெந்தி. தேஹி பவாரிதமத்தே, ஏகச்சாய வுட்டி²தாய
பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே,
பி⁴க்கூ²ஹி புன பவாரேதப்³ப³ங். பவாரிதானங் அனாபத்தி.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ
வக்³கா³ ஸமக்³க³ஸஞ்ஞினோ பவாரெந்தி. தேஹி பவாரிதமத்தே, ஏகச்சாய வுட்டி²தாய
பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா. பவாரிதா ஸுப்பவாரிதா,
தேஸங் ஸந்திகே பவாரேதப்³ப³ங். பவாரிதானங் அனாபத்தி.


இத⁴ பன, பி⁴க்க²வே,
அஞ்ஞதரஸ்மிங் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி,
பஞ்ச வா அதிரேகா வா. தே ந ஜானந்தி ‘‘அத்த²ஞ்ஞே ஆவாஸிகா பி⁴க்கூ²
அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ
பவாரெந்தி. தேஹி பவாரிதமத்தே, ஏகச்சாய வுட்டி²தாய பரிஸாய, அத²ஞ்ஞே ஆவாஸிகா
பி⁴க்கூ² ஆக³ச்ச²ந்தி தோ²கதரா. பவாரிதா ஸுப்பவாரிதா, தேஸங் ஸந்திகே
பவாரேதப்³ப³ங். பவாரிதானங் அனாபத்தி.


இத⁴ பன, பி⁴க்க²வே,
அஞ்ஞதரஸ்மிங் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி,
பஞ்ச வா அதிரேகா வா. தே ந ஜானந்தி ‘‘அத்த²ஞ்ஞே ஆவாஸிகா பி⁴க்கூ²
அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ
பவாரெந்தி. தேஹி பவாரிதமத்தே, ஸப்³பா³ய வுட்டி²தாய பரிஸாய, அத²ஞ்ஞே ஆவாஸிகா
பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன
பவாரேதப்³ப³ங். பவாரிதானங் அனாபத்தி.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ
வக்³கா³ ஸமக்³க³ஸஞ்ஞினோ பவாரெந்தி. தேஹி
பவாரிதமத்தே, ஸப்³பா³ய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ²
ஆக³ச்ச²ந்தி ஸமஸமா. பவாரிதா ஸுப்பவாரிதா, தேஸங் ஸந்திகே பவாரேதப்³ப³ங்.
பவாரிதானங் அனாபத்தி.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ
வக்³கா³ ஸமக்³க³ஸஞ்ஞினோ பவாரெந்தி. தேஹி பவாரிதமத்தே, ஸப்³பா³ய வுட்டி²தாய
பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. பவாரிதா
ஸுப்பவாரிதா, தேஸங் ஸந்திகே பவாரேதப்³ப³ங். பவாரிதானங் அனாபத்தி.


அனாபத்திபன்னரஸகங் நிட்டி²தங்.


129. வக்³கா³வக்³க³ஸஞ்ஞீபன்னரஸகங்


223. இத⁴
பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய ஸம்ப³ஹுலா ஆவாஸிகா
பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா
பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ வக்³க³ஸஞ்ஞினோ
பவாரெந்தி. தேஹி பவாரியமானே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி
ப³ஹுதரா. தேஹி, பி⁴க்க²வே, பி⁴க்கூ²ஹி புன பவாரேதப்³ப³ங். பவாரிதானங்
ஆபத்தி து³க்கடஸ்ஸ.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ
வக்³கா³ வக்³க³ஸஞ்ஞினோ பவாரெந்தி. தேஹி பவாரியமானே அத²ஞ்ஞே ஆவாஸிகா
பி⁴க்கூ² ஆக³ச்ச²ந்தி ஸமஸமா. பவாரிதா ஸுப்பவாரிதா, அவஸேஸேஹி பவாரேதப்³ப³ங். பவாரிதானங் ஆபத்தி து³க்கடஸ்ஸ.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ
வக்³கா³ வக்³க³ஸஞ்ஞினோ பவாரெந்தி. தேஹி பவாரியமானே அத²ஞ்ஞே ஆவாஸிகா
பி⁴க்கூ² ஆக³ச்ச²ந்தி தோ²கதரா. பவாரிதா ஸுப்பவாரிதா, அவஸேஸேஹி
பவாரேதப்³ப³ங். பவாரிதானங் ஆபத்தி து³க்கடஸ்ஸ.


இத⁴ பன, பி⁴க்க²வே,
அஞ்ஞதரஸ்மிங் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி,
பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ²
அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ வக்³க³ஸஞ்ஞினோ
பவாரெந்தி. தேஹி பவாரிதமத்தே,…பே॰… அவுட்டி²தாய பரிஸாய…பே॰… ஏகச்சாய
வுட்டி²தாய பரிஸாய…பே॰… ஸப்³பா³ய வுட்டி²தாய பரிஸாய, அத²ஞ்ஞே ஆவாஸிகா
பி⁴க்கூ² ஆக³ச்ச²ந்தி ப³ஹுதரா…பே॰… ஸமஸமா…பே॰… தோ²கதரா. பவாரிதா
ஸுப்பவாரிதா, தேஸங் ஸந்திகே பவாரேதப்³ப³ங். பவாரிதானங் ஆபத்தி து³க்கடஸ்ஸ.


வக்³கா³வக்³க³ஸஞ்ஞீபன்னரஸகங் நிட்டி²தங்.


130. வேமதிகபன்னரஸகங்


224. இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய ஸம்ப³ஹுலா
ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘கப்பதி நு கோ² அம்ஹாகங்
பவாரேதுங், ந நு கோ² கப்பதீ’’தி வேமதிகா பவாரெந்தி. தேஹி பவாரியமானே
அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே,
பி⁴க்கூ²ஹி புன பவாரேதப்³ப³ங். பவாரிதானங் ஆபத்தி து³க்கடஸ்ஸ.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘கப்பதி நு கோ² அம்ஹாகங்
பவாரேதுங், ந நு கோ² கப்பதீ’’தி வேமதிகா பவாரெந்தி. தேஹி பவாரியமானே
அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா. பவாரிதா ஸுப்பவாரிதா,
அவஸேஸேஹி பவாரேதப்³ப³ங். பவாரிதானங் ஆபத்தி து³க்கடஸ்ஸ.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘கப்பதி நு கோ² அம்ஹாகங்
பவாரேதுங், ந நு கோ² கப்பதீ’’தி வேமதிகா பவாரெந்தி. தேஹி பவாரியமானே
அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. பவாரிதா ஸுப்பவாரிதா,
அவஸேஸேஹி பவாரேதப்³ப³ங். பவாரிதானங் ஆபத்தி து³க்கடஸ்ஸ.


இத⁴ பன, பி⁴க்க²வே,
அஞ்ஞதரஸ்மிங் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி,
பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ²
அனாக³தா’’தி. தே ‘‘கப்பதி நு கோ² அம்ஹாகங் பவாரேதுங், ந நு கோ² கப்பதீ’’தி
வேமதிகா பவாரெந்தி. தேஹி பவாரிதமத்தே…பே॰… அவுட்டி²தாய பரிஸாய…பே॰… ஏகச்சாய
வுட்டி²தாய பரிஸாய…பே॰… ஸப்³பா³ய வுட்டி²தாய பரிஸாய, அத²ஞ்ஞே ஆவாஸிகா
பி⁴க்கூ² ஆக³ச்ச²ந்தி ப³ஹுதரா…பே॰… ஸமஸமா…பே॰… தோ²கதரா. பவாரிதா
ஸுப்பவாரிதா, தேஸங் ஸந்திகே பவாரேதப்³ப³ங். பவாரிதானங் ஆபத்தி து³க்கடஸ்ஸ.


வேமதிகபன்னரஸகங் நிட்டி²தங்.


131. குக்குச்சபகதபன்னரஸகங்


225.
இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய ஸம்ப³ஹுலா ஆவாஸிகா
பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா
பி⁴க்கூ² அனாக³தா’’தி. தே ‘‘கப்பதேவ அம்ஹாகங்
பவாரேதுங், நாம்ஹாகங் ந கப்பதீ’’தி குக்குச்சபகதா பவாரெந்தி. தேஹி
பவாரியமானே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி,
பி⁴க்க²வே, பி⁴க்கூ²ஹி புன பவாரேதப்³ப³ங். பவாரிதானங் ஆபத்தி து³க்கடஸ்ஸ.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘கப்பதேவ அம்ஹாகங்
பவாரேதுங், நாம்ஹாகங் ந கப்பதீ’’தி குக்குச்சபகதா பவாரெந்தி. தேஹி
பவாரியமானே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா. பவாரிதா
ஸுப்பவாரிதா, அவஸேஸேஹி பவாரேதப்³ப³ங். பவாரிதானங் ஆபத்தி து³க்கடஸ்ஸ.


இத⁴ பன, பி⁴க்க²வே, அஞ்ஞரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘கப்பதேவ அம்ஹாகங்
பவாரேதுங், நாம்ஹாகங் ந கப்பதீ’’தி குக்குச்சபகதா பவாரெந்தி. தேஹி
பவாரியமானே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. பவாரிதா
ஸுப்பவாரிதா, அவஸேஸேஹி
[அவஸேஸேஹி தேஸங் ஸந்திகே (க॰)] பவாரேதப்³ப³ங். பவாரிதானங் ஆபத்தி து³க்கடஸ்ஸ.


இத⁴
பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய ஸம்ப³ஹுலா ஆவாஸிகா
பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா
பி⁴க்கூ² அனாக³தா’’தி. தே ‘‘கப்பதேவ அம்ஹாகங் பவாரேதுங், நாம்ஹாகங் ந
கப்பதீ’’தி குக்குச்சபகதா பவாரெந்தி. தேஹி பவாரிதமத்தே,…பே॰… அவுட்டி²தாய
பரிஸாய…பே॰… ஏகச்சாய வுட்டி²தாய பரிஸாய…பே॰… ஸப்³பா³ய வுட்டி²தாய பரிஸாய,
அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா…பே॰… ஸமஸமா…பே॰… தோ²கதரா.
பவாரிதா ஸுப்பவாரிதா, தேஸங் ஸந்திகே பவாரேதப்³ப³ங். பவாரிதானங் ஆபத்தி
து³க்கடஸ்ஸ.


குக்குச்சபகதபன்னரஸகங் நிட்டி²தங்.


132. பே⁴த³புரெக்கா²ரபன்னரஸகங்


226. இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே,
கோ தேஹி அத்தோ²’’தி பே⁴த³புரெக்கா²ரா பவாரெந்தி. தேஹி பவாரியமானே அத²ஞ்ஞே
ஆவாஸிகா பி⁴க்கூ² ஆக³ச்ச²ந்தி ப³ஹுதரா . தேஹி, பி⁴க்க²வே, பி⁴க்கூ²ஹி புன பவாரேதப்³ப³ங். பவாரிதானங் ஆபத்தி து²ல்லச்சயஸ்ஸ.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே,
கோ தேஹி அத்தோ²’’தி பே⁴த³புரெக்கா²ரா பவாரெந்தி. தேஹி பவாரியமானே அத²ஞ்ஞே
ஆவாஸிகா பி⁴க்கூ² ஆக³ச்ச²ந்தி ஸமஸமா. பவாரிதா ஸுப்பவாரிதா, அவஸேஸேஹி
பவாரேதப்³ப³ங். பவாரிதானங் ஆபத்தி து²ல்லச்சயஸ்ஸ.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே ,
கோ தேஹி அத்தோ²’’தி – பே⁴த³புரெக்கா²ரா பவாரெந்தி. தேஹி பவாரியமானே
அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. பவாரிதா ஸுப்பவாரிதா,
அவஸேஸேஹி பவாரேதப்³ப³ங். பவாரிதானங் ஆபத்தி து²ல்லச்சயஸ்ஸ.


இத⁴ பன, பி⁴க்க²வே,
அஞ்ஞதரஸ்மிங் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி,
பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ²
அனாக³தா’’தி. தே ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி –
பே⁴த³புரெக்கா²ரா பவாரெந்தி. தேஹி பவாரிதமத்தே அத²ஞ்ஞே ஆவாஸிகா பி⁴க்கூ²
ஆக³ச்ச²ந்தி ப³ஹுதரா, தேஹி பி⁴க்க²வே பி⁴க்கூ²ஹி புன பவாரேதப்³ப³ங்,
பவாரிதானங் ஆபத்தி து²ல்லச்சயஸ்ஸ.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே,
கோ தேஹி அத்தோ²’’தி பே⁴த³புரெக்கா²ரா பவாரெந்தி. தேஹி பவாரிதமத்தே அத²ஞ்ஞே
ஆவாஸிகா பி⁴க்கூ² ஆக³ச்ச²ந்தி ஸமஸமா. பவாரிதா ஸுப்பவாரிதா, தேஸங் ஸந்திகே
பவாரேதப்³ப³ங். பவாரிதானங் ஆபத்தி து²ல்லச்சயஸ்ஸ.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே,
கோ தேஹி அத்தோ²’’தி பே⁴த³புரெக்கா²ரா பவாரெந்தி. தேஹி பவாரிதமத்தே அத²ஞ்ஞே
ஆவாஸிகா பி⁴க்கூ² ஆக³ச்ச²ந்தி தோ²கதரா. பவாரிதா ஸுப்பவாரிதா, தேஸங்
ஸந்திகே பவாரேதப்³ப³ங். பவாரிதானங் ஆபத்தி து²ல்லச்சயஸ்ஸ.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே,
கோ தேஹி அத்தோ²’’தி பே⁴த³புரெக்கா²ரா பவாரெந்தி. தேஹி பவாரிதமத்தே,
அவுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன பவாரேதப்³ப³ங். பவாரிதானங் ஆபத்தி து²ல்லச்சயஸ்ஸ.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே,
கோ தேஹி அத்தோ²’’தி பே⁴த³புரெக்கா²ரா பவாரெந்தி. தேஹி பவாரிதமத்தே,
அவுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா. பவாரிதா
ஸுப்பவாரிதா, தேஸங் ஸந்திகே பவாரேதப்³ப³ங். பவாரிதானங் ஆபத்தி
து²ல்லச்சயஸ்ஸ.


இத⁴ பன, பி⁴க்க²வே,
அஞ்ஞதரஸ்மிங் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி,
பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ²
அனாக³தா’’தி. தே ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி
பே⁴த³புரெக்கா²ரா பவாரெந்தி. தேஹி பவாரிதமத்தே, அவுட்டி²தாய பரிஸாய,
அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. பவாரிதா ஸுப்பவாரிதா, தேஸங்
ஸந்திகே பவாரேதப்³ப³ங். பவாரிதானங் ஆபத்தி து²ல்லச்சயஸ்ஸ.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே,
கோ தேஹி அத்தோ²’’தி பே⁴த³புரெக்கா²ரா பவாரெந்தி. தேஹி பவாரிதமத்தே,
ஏகச்சாய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா.
தேஹி, பி⁴க்க²வே, பி⁴க்கூ²ஹி புன பவாரேதப்³ப³ங். பவாரிதானங் ஆபத்தி
து²ல்லச்சயஸ்ஸ.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே,
கோ தேஹி அத்தோ²’’தி பே⁴த³புரெக்கா²ரா பவாரெந்தி. தேஹி பவாரிதமத்தே,
ஏகச்சாய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா.
பவாரிதா ஸுப்பவாரிதா, தேஸங் ஸந்திகே பவாரேதப்³ப³ங். பவாரிதானங் ஆபத்தி
து²ல்லச்சயஸ்ஸ.


இத⁴ பன, பி⁴க்க²வே,
அஞ்ஞதரஸ்மிங் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி,
பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ²
அனாக³தா’’தி. தே ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி
பே⁴த³புரெக்கா²ரா பவாரெந்தி. தேஹி பவாரிதமத்தே, ஏகச்சாய வுட்டி²தாய பரிஸாய,
அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. பவாரிதா ஸுப்பவாரிதா,
தேஸங் ஸந்திகே பவாரேதப்³ப³ங். பவாரிதானங் ஆபத்தி து²ல்லச்சயஸ்ஸ.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே,
கோ தேஹி அத்தோ²’’தி பே⁴த³புரெக்கா²ரா பவாரெந்தி. தேஹி
பவாரிதமத்தே, ஸப்³பா³ய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ²
ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன பவாரேதப்³ப³ங்.
பவாரிதானங் ஆபத்தி து²ல்லச்சயஸ்ஸ.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே,
கோ தேஹி அத்தோ²’’தி பே⁴த³புரெக்கா²ரா பவாரெந்தி. தேஹி பவாரிதமத்தே,
ஸப்³பா³ய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா.
பவாரிதா ஸுப்பவாரிதா, தேஸங் ஸந்திகே பவாரேதப்³ப³ங். பவாரிதானங் ஆபத்தி
து²ல்லச்சயஸ்ஸ.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய ஸம்ப³ஹுலா ஆவாஸிகா


பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி
‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே,
வினஸ்ஸந்தேதே, கோ தேஹி அத்தோ²’’தி பே⁴த³புரெக்கா²ரா பவாரெந்தி. தேஹி
பவாரிதமத்தே, ஸப்³பா³ய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ²
ஆக³ச்ச²ந்தி தோ²கதரா. பவாரிதா ஸுப்பவாரிதா, தேஸங் ஸந்திகே பவாரேதப்³ப³ங்.
பவாரிதானங் ஆபத்தி து²ல்லச்சயஸ்ஸ.


பே⁴த³புரெக்கா²ரபன்னரஸகங் நிட்டி²தங்.


பஞ்சவீஸத்திகா நிட்டி²தா.


133. ஸீமொத்தந்திகபெய்யாலங்


227. இத⁴
பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய ஸம்ப³ஹுலா ஆவாஸிகா
பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி ‘‘அஞ்ஞே ஆவாஸிகா
பி⁴க்கூ² அந்தோஸீமங் ஓக்கமந்தீ’’தி…பே॰… தே ந ஜானந்தி ‘‘அஞ்ஞே ஆவாஸிகா
பி⁴க்கூ² அந்தோஸீமங் ஓக்கந்தா’’தி…பே॰… தே ந பஸ்ஸந்தி அஞ்ஞே ஆவாஸிகே
பி⁴க்கூ² அந்தோஸீமங் ஓக்கமந்தே…பே॰… தே ந பஸ்ஸந்தி
அஞ்ஞே ஆவாஸிகே பி⁴க்கூ² அந்தோஸீமங் ஓக்கந்தே…பே॰… தே ந ஸுணந்தி ‘‘அஞ்ஞே
ஆவாஸிகா பி⁴க்கூ² அந்தோஸீமங் ஓக்கமந்தீ’’தி…பே॰… தே ந ஸுணந்தி ‘‘அஞ்ஞே
ஆவாஸிகா பி⁴க்கூ² அந்தோஸீமங் ஓக்கந்தா’’தி…பே॰….


ஆவாஸிகேன ஆவாஸிகா
ஏகஸதபஞ்சஸத்ததி திகனயதோ, ஆவாஸிகேன ஆக³ந்துகா, ஆக³ந்துகேன ஆவாஸிகா,
ஆக³ந்துகேன ஆக³ந்துகா, பெய்யாலமுகே²ன ஸத்த திகஸதானி ஹொந்தி.


ஸீமோக்கந்திகபெய்யாலங் நிட்டி²தங்.


134. தி³வஸனானத்தங்


228.
இத⁴ பன, பி⁴க்க²வே, ஆவாஸிகானங் பி⁴க்கூ²னங் சாதுத்³த³ஸோ ஹோதி,
ஆக³ந்துகானங் பன்னரஸோ. ஸசே ஆவாஸிகா ப³ஹுதரா ஹொந்தி, ஆக³ந்துகேஹி ஆவாஸிகானங்
அனுவத்திதப்³ப³ங். ஸசே ஸமஸமா ஹொந்தி, ஆக³ந்துகேஹி ஆவாஸிகானங்
அனுவத்திதப்³ப³ங். ஸசே ஆக³ந்துகா ப³ஹுதரா ஹொந்தி, ஆவாஸிகேஹி ஆக³ந்துகானங்
அனுவத்திதப்³ப³ங்.


இத⁴ பன, பி⁴க்க²வே, ஆவாஸிகானங் பி⁴க்கூ²னங் பன்னரஸோ
ஹோதி, ஆக³ந்துகானங் சாதுத்³த³ஸோ. ஸசே ஆவாஸிகா ப³ஹுதரா ஹொந்தி, ஆக³ந்துகேஹி
ஆவாஸிகானங் அனுவத்திதப்³ப³ங். ஸசே ஸமஸமா ஹொந்தி, ஆக³ந்துகேஹி ஆவாஸிகானங்
அனுவத்திதப்³ப³ங். ஸசே ஆக³ந்துகா ப³ஹுதரா ஹொந்தி, ஆவாஸிகேஹி ஆக³ந்துகானங்
அனுவத்திதப்³ப³ங்.


இத⁴ பன, பி⁴க்க²வே, ஆவாஸிகானங் பி⁴க்கூ²னங் பாடிபதோ³
ஹோதி, ஆக³ந்துகானங் பன்னரஸோ. ஸசே ஆவாஸிகா ப³ஹுதரா ஹொந்தி, ஆவாஸிகேஹி
ஆக³ந்துகானங் நாகாமா தா³தப்³பா³ ஸாமக்³கீ³; ஆக³ந்துகேஹி நிஸ்ஸீமங் க³ந்த்வா
பவாரேதப்³ப³ங். ஸசே ஸமஸமா ஹொந்தி, ஆவாஸிகேஹி ஆக³ந்துகானங் நாகாமா தா³தப்³பா³ ஸாமக்³கீ³; ஆக³ந்துகேஹி நிஸ்ஸீமங் க³ந்த்வா பவாரேதப்³ப³ங் . ஸசே ஆக³ந்துகா ப³ஹுதரா ஹொந்தி, ஆவாஸிகேஹி ஆக³ந்துகானங் ஸாமக்³கீ³ வா தா³தப்³பா³, நிஸ்ஸீமங் வா க³ந்தப்³ப³ங்.


இத⁴ பன, பி⁴க்க²வே, ஆவாஸிகானங் பி⁴க்கூ²னங் பன்னரஸோ
ஹோதி, ஆக³ந்துகானங் பாடிபதோ³. ஸசே ஆவாஸிகா ப³ஹுதரா ஹொந்தி, ஆக³ந்துகேஹி
ஆவாஸிகானங் ஸாமக்³கீ³ வா தா³தப்³பா³, நிஸ்ஸீமங் வா க³ந்தப்³ப³ங். ஸசே ஸமஸமா
ஹொந்தி, ஆக³ந்துகேஹி ஆவாஸிகானங் ஸாமக்³கீ³ வா தா³தப்³பா³, நிஸ்ஸீமங் வா
க³ந்தப்³ப³ங். ஸசே ஆக³ந்துகா ப³ஹுதரா ஹொந்தி, ஆக³ந்துகேஹி ஆவாஸிகானங்
நாகாமா தா³தப்³பா³ ஸாமக்³கீ³; ஆவாஸிகேஹி நிஸ்ஸீமங் க³ந்த்வா பவாரேதப்³ப³ங்.


தி³வஸனானத்தங் நிட்டி²தங்.


135. லிங்கா³தி³த³ஸ்ஸனங்


229. இத⁴
பன, பி⁴க்க²வே, ஆக³ந்துகா பி⁴க்கூ² பஸ்ஸந்தி ஆவாஸிகானங் பி⁴க்கூ²னங்
ஆவாஸிகாகாரங், ஆவாஸிகலிங்க³ங், ஆவாஸிகனிமித்தங், ஆவாஸிகுத்³தே³ஸங்,
ஸுப்பஞ்ஞத்தங் மஞ்சபீட²ங் பி⁴ஸிபி³ப்³போ³ஹனங், பானீயங் பரிபோ⁴ஜனீயங்
ஸபட்டி²தங், பரிவேணங் ஸுஸம்மட்ட²ங்; பஸ்ஸித்வா வேமதிகா ஹொந்தி – ‘‘அத்தி²
நு கோ² ஆவாஸிகா பி⁴க்கூ², நத்தி² நு கோ²’’தி. தே வேமதிகா ந விசினந்தி,
அவிசினித்வா பவாரெந்தி. ஆபத்தி து³க்கடஸ்ஸ…பே॰… தே வேமதிகா விசினந்தி,
விசினித்வா ந பஸ்ஸந்தி, அபஸ்ஸித்வா பவாரெந்தி. அனாபத்தி. தே வேமதிகா
விசினந்தி, விசினித்வா பஸ்ஸந்தி, பஸ்ஸித்வா ஏகதோ பவாரெந்தி. அனாபத்தி. தே
வேமதிகா விசினந்தி, விசினித்வா பஸ்ஸந்தி, பஸ்ஸித்வா பாடேக்கங் பவாரெந்தி.
ஆபத்தி து³க்கடஸ்ஸ. தே வேமதிகா விசினந்தி, விசினித்வா பஸ்ஸந்தி, பஸ்ஸித்வா –
‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி – பே⁴த³புரெக்கா²ரா
பவாரெந்தி. ஆபத்தி து²ல்லச்சயஸ்ஸ.


இத⁴ பன, பி⁴க்க²வே, ஆக³ந்துகா பி⁴க்கூ² ஸுணந்தி
ஆவாஸிகானங் பி⁴க்கூ²னங் ஆவாஸிகாகாரங், ஆவாஸிகலிங்க³ங், ஆவாஸிகனிமித்தங்,
ஆவாஸிகுத்³தே³ஸங், சங்கமந்தானங் பத³ஸத்³த³ங், ஸஜ்ஜா²யஸத்³த³ங்,
உக்காஸிதஸத்³த³ங், கி²பிதஸத்³த³ங்; ஸுத்வா வேமதிகா ஹொந்தி – ‘‘அத்தி² நு
கோ² ஆவாஸிகா பி⁴க்கூ², நத்தி² நு கோ²’’தி. தே வேமதிகா ந விசினந்தி,
அவிசினித்வா பவாரெந்தி. ஆபத்தி து³க்கடஸ்ஸ. தே வேமதிகா விசினந்தி,
விசினித்வா ந பஸ்ஸந்தி, அபஸ்ஸித்வா பவாரெந்தி. அனாபத்தி. தே வேமதிகா
விசினந்தி, விசினித்வா பஸ்ஸந்தி, பஸ்ஸித்வா ஏகதோ பவாரெந்தி. அனாபத்தி. தே
வேமதிகா விசினந்தி, விசினித்வா பஸ்ஸந்தி, பஸ்ஸித்வா பாடேக்கங் பவாரெந்தி. ஆபத்தி து³க்கடஸ்ஸ. தே
வேமதிகா விசினந்தி, விசினித்வா பஸ்ஸந்தி, பஸ்ஸித்வா ‘‘நஸ்ஸந்தேதே,
வினஸ்ஸந்தேதே, கோ தேஹி அத்தோ²’’தி பே⁴த³புரெக்கா²ரா பவாரெந்தி. ஆபத்தி
து²ல்லச்சயஸ்ஸ.


இத⁴ பன, பி⁴க்க²வே, ஆவாஸிகா பி⁴க்கூ² பஸ்ஸந்தி
ஆக³ந்துகானங் பி⁴க்கூ²னங் ஆக³ந்துகாகாரங், ஆக³ந்துகலிங்க³ங்,
ஆக³ந்துகனிமித்தங், ஆக³ந்துகுத்³தே³ஸங், அஞ்ஞாதகங் பத்தங், அஞ்ஞாதகங்
சீவரங், அஞ்ஞாதகங் நிஸீத³னங், பாதா³னங் தோ⁴தங், உத³கனிஸ்ஸேகங்; பஸ்ஸித்வா
வேமதிகா ஹொந்தி – ‘‘அத்தி² நு கோ² ஆக³ந்துகா பி⁴க்கூ², நத்தி² நு கோ²’’தி.
தே வேமதிகா ந விசினந்தி, அவிசினித்வா பவாரெந்தி. ஆபத்தி து³க்கடஸ்ஸ. தே
வேமதிகா விசினந்தி, விசினித்வா ந பஸ்ஸந்தி, அபஸ்ஸித்வா பவாரெந்தி. அனாபத்தி. தே வேமதிகா விசினந்தி, விசினித்வா
பஸ்ஸந்தி, பஸ்ஸித்வா ஏகதோ பவாரெந்தி. அனாபத்தி. தே வேமதிகா விசினந்தி,
விசினித்வா பஸ்ஸந்தி, பஸ்ஸித்வா பாடேக்கங் பவாரெந்தி. ஆபத்தி து³க்கடஸ்ஸ.
தே வேமதிகா விசினந்தி, விசினித்வா பஸ்ஸந்தி, பஸ்ஸித்வா – நஸ்ஸந்தேதே,
வினஸ்ஸந்தேதே, கோ தேஹி அத்தோ²தி – பே⁴த³புரெக்கா²ரா பவாரெந்தி. ஆபத்தி
து²ல்லச்சயஸ்ஸ.


இத⁴ பன, பி⁴க்க²வே, ஆவாஸிகா பி⁴க்கூ² ஸுணந்தி ஆக³ந்துகானங் பி⁴க்கூ²னங் ஆக³ந்துகாகாரங்,


ஆக³ந்துகலிங்க³ங், ஆக³ந்துகனிமித்தங்,
ஆக³ந்துகுத்³தே³ஸங், ஆக³ச்ச²ந்தானங் பத³ஸத்³த³ங், உபாஹனபப்போ²டனஸத்³த³ங்,
உக்காஸிதஸத்³த³ங், கி²பிதஸத்³த³ங்; ஸுத்வா வேமதிகா ஹொந்தி – ‘‘அத்தி² நு
கோ² ஆக³ந்துகா பி⁴க்கூ², நத்தி² நு கோ²’’தி. தே வேமதிகா ந விசினந்தி,
அவிசினித்வா பவாரெந்தி. ஆபத்தி து³க்கடஸ்ஸ. தே வேமதிகா விசினந்தி,
விசினித்வா ந பஸ்ஸந்தி, அபஸ்ஸித்வா பவாரெந்தி. அனாபத்தி. தே வேமதிகா
விசினந்தி, விசினித்வா பஸ்ஸந்தி, பஸ்ஸித்வா ஏகதோ பவாரெந்தி. அனாபத்தி. தே
வேமதிகா விசினந்தி, விசினித்வா பஸ்ஸந்தி, பஸ்ஸித்வா பாடேக்கங் பவாரெந்தி.
ஆபத்தி து³க்கடஸ்ஸ. தே வேமதிகா விசினந்தி, விசினித்வா பஸ்ஸந்தி, பஸ்ஸித்வா –
நஸ்ஸந்தேதே, வினஸ்ஸந்தேதே, கோ தேஹி அத்தோ²தி – பே⁴த³புரெக்கா²ரா
பவாரெந்தி. ஆபத்தி து²ல்லச்சயஸ்ஸ.


லிங்கா³தி³த³ஸ்ஸனங் நிட்டி²தங்.


136. நானாஸங்வாஸகாதீ³ஹி பவாரணா


230.
இத⁴ பன, பி⁴க்க²வே, ஆக³ந்துகா பி⁴க்கூ² பஸ்ஸந்தி ஆவாஸிகே பி⁴க்கூ²
நானாஸங்வாஸகே. தே ஸமானஸங்வாஸகதி³ட்டி²ங் படிலப⁴ந்தி, ஸமானஸங்வாஸகதி³ட்டி²ங்
படிலபி⁴த்வா ந புச்ச²ந்தி,
அபுச்சி²த்வா ஏகதோ பவாரெந்தி. அனாபத்தி. தே புச்ச²ந்தி, புச்சி²த்வா
நாபி⁴விதரந்தி, அனபி⁴விதரித்வா ஏகதோ பவாரெந்தி. ஆபத்தி து³க்கடஸ்ஸ. தே
புச்ச²ந்தி, புச்சி²த்வா நாபி⁴விதரந்தி, அனபி⁴விதரித்வா பாடேக்கங்
பவாரெந்தி. அனாபத்தி.


இத⁴ பன, பி⁴க்க²வே, ஆக³ந்துகா பி⁴க்கூ² பஸ்ஸந்தி
ஆவாஸிகே பி⁴க்கூ² ஸமானஸங்வாஸகே. தே நானாஸங்வாஸகதி³ட்டி²ங் படிலப⁴ந்தி,
நானாஸங்வாஸகதி³ட்டி²ங் படிலபி⁴த்வா ந புச்ச²ந்தி, அபுச்சி²த்வா ஏகதோ
பவாரெந்தி. ஆபத்தி து³க்கடஸ்ஸ. தே புச்ச²ந்தி, புச்சி²த்வா அபி⁴விதரந்தி,
அபி⁴விதரித்வா பாடேக்கங் பவாரெந்தி. ஆபத்தி து³க்கடஸ்ஸ. தே புச்ச²ந்தி,
புச்சி²த்வா அபி⁴விதரந்தி, அபி⁴விதரித்வா ஏகதோ பவாரெந்தி. அனாபத்தி.


இத⁴ பன, பி⁴க்க²வே, ஆவாஸிகா
பி⁴க்கூ² பஸ்ஸந்தி ஆக³ந்துகே பி⁴க்கூ² நானாஸங்வாஸகே. தே
ஸமானஸங்வாஸகதி³ட்டி²ங் படிலப⁴ந்தி, ஸமானஸங்வாஸகதி³ட்டி²ங் படிலபி⁴த்வா ந
புச்ச²ந்தி, அபுச்சி²த்வா ஏகதோ பவாரெந்தி. அனாபத்தி. தே புச்ச²ந்தி,
புச்சி²த்வா நாபி⁴விதரந்தி, அனபி⁴விதரித்வா ஏகதோ பவாரெந்தி. ஆபத்தி
து³க்கடஸ்ஸ. தே புச்ச²ந்தி, புச்சி²த்வா நாபி⁴விதரந்தி, அனபி⁴விதரித்வா
பாடேக்கங் பவாரெந்தி. அனாபத்தி.


இத⁴ பன, பி⁴க்க²வே, ஆவாஸிகா பி⁴க்கூ² பஸ்ஸந்தி
ஆக³ந்துகே பி⁴க்கூ² ஸமானஸங்வாஸகே. தே நானாஸங்வாஸகதி³ட்டி²ங் படிலப⁴ந்தி,
நானாஸங்வாஸகதி³ட்டி²ங் படிலபி⁴த்வா ந புச்ச²ந்தி, அபுச்சி²த்வா
ஏகதோ பவாரெந்தி. ஆபத்தி து³க்கடஸ்ஸ. தே புச்ச²ந்தி, புச்சி²த்வா
அபி⁴விதரந்தி, அபி⁴விதரித்வா பாடேக்கங் பவாரெந்தி. ஆபத்தி து³க்கடஸ்ஸ. தே
புச்ச²ந்தி, புச்சி²த்வா அபி⁴விதரந்தி, அபி⁴விதரித்வா ஏகதோ பவாரெந்தி.
அனாபத்தி.


நானாஸங்வாஸகாதீ³ஹி பவாரணா நிட்டி²தா.


137. ந க³ந்தப்³ப³வாரோ


231.
ந, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா அபி⁴க்கு²கோ ஆவாஸோ
க³ந்தப்³போ³, அஞ்ஞத்ர ஸங்கே⁴ன, அஞ்ஞத்ர அந்தராயா. ந, பி⁴க்க²வே, தத³ஹு
பவாரணாய ஸபி⁴க்கு²கா ஆவாஸா அபி⁴க்கு²கோ அனாவாஸோ க³ந்தப்³போ³, அஞ்ஞத்ர
ஸங்கே⁴ன, அஞ்ஞத்ர அந்தராயா. ந, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா
அபி⁴க்கு²கோ ஆவாஸோ வா அனாவாஸோ வா க³ந்தப்³போ³, அஞ்ஞத்ர ஸங்கே⁴ன, அஞ்ஞத்ர
அந்தராயா.


, பி⁴க்க²வே, தத³ஹு பவாரணாய
ஸபி⁴க்கு²கா அனாவாஸா அபி⁴க்கு²கோ ஆவாஸோ க³ந்தப்³போ³, அஞ்ஞத்ர ஸங்கே⁴ன,
அஞ்ஞத்ர அந்தராயா. ந, பி⁴க்க²வே, தத³ஹு பவாரணாய ஸபி⁴க்கு²கா அனாவாஸா
அபி⁴க்கு²கோ அனாவாஸோ க³ந்தப்³போ³, அஞ்ஞத்ர ஸங்கே⁴ன, அஞ்ஞத்ர அந்தராயா. ந,
பி⁴க்க²வே, தத³ஹு பவாரணாய ஸபி⁴க்கு²கா அனாவாஸா அபி⁴க்கு²கோ ஆவாஸோ வா
அனாவாஸோ வா க³ந்தப்³போ³, அஞ்ஞத்ர ஸங்கே⁴ன, அஞ்ஞத்ர அந்தராயா.


ந, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா வா
அனாவாஸா வா அபி⁴க்கு²கோ ஆவாஸோ க³ந்தப்³போ³, அஞ்ஞத்ர ஸங்கே⁴ன, அஞ்ஞத்ர
அந்தராயா. ந, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா வா அனாவாஸா வா அபி⁴க்கு²கோ அனாவாஸோ க³ந்தப்³போ³, அஞ்ஞத்ர ஸங்கே⁴ன, அஞ்ஞத்ர அந்தராயா .
ந, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா வா அனாவாஸா வா அபி⁴க்கு²கோ
ஆவாஸோ வா அனாவாஸோ வா க³ந்தப்³போ³, அஞ்ஞத்ர ஸங்கே⁴ன, அஞ்ஞத்ர அந்தராயா.


ந, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா
ஸபி⁴க்கு²கோ ஆவாஸோ க³ந்தப்³போ³, யத்த²ஸ்ஸு பி⁴க்கூ² நானாஸங்வாஸகா, அஞ்ஞத்ர
ஸங்கே⁴ன, அஞ்ஞத்ர அந்தராயா. ந, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா
ஸபி⁴க்கு²கோ அனாவாஸோ க³ந்தப்³போ³, யத்த²ஸ்ஸு பி⁴க்கூ² நானாஸங்வாஸகா,
அஞ்ஞத்ர ஸங்கே⁴ன, அஞ்ஞத்ர அந்தராயா. ந, பி⁴க்க²வே, தத³ஹு பவாரணாய
ஸபி⁴க்கு²கா ஆவாஸா ஸபி⁴க்கு²கோ ஆவாஸோ வா அனாவாஸோ வா க³ந்தப்³போ³, யத்த²ஸ்ஸு
பி⁴க்கூ² நானாஸங்வாஸகா, அஞ்ஞத்ர ஸங்கே⁴ன, அஞ்ஞத்ர அந்தராயா.


ந, பி⁴க்க²வே, தத³ஹு பவாரணாய ஸபி⁴க்கு²கா அனாவாஸா
ஸபி⁴க்கு²கோ ஆவாஸோ க³ந்தப்³போ³, யத்த²ஸ்ஸு பி⁴க்கூ² நானாஸங்வாஸகா, அஞ்ஞத்ர
ஸங்கே⁴ன, அஞ்ஞத்ர அந்தராயா. ந, பி⁴க்க²வே, தத³ஹு பவாரணாய ஸபி⁴க்கு²கா
அனாவாஸா ஸபி⁴க்கு²கோ அனாவாஸோ க³ந்தப்³போ³, யத்த²ஸ்ஸு பி⁴க்கூ²
நானாஸங்வாஸகா, அஞ்ஞத்ர ஸங்கே⁴ன, அஞ்ஞத்ர அந்தராயா. ந, பி⁴க்க²வே, தத³ஹு
பவாரணாய ஸபி⁴க்கு²கா அனாவாஸா ஸபி⁴க்கு²கோ ஆவாஸோ வா அனாவாஸோ வா க³ந்தப்³போ³,
யத்த²ஸ்ஸு பி⁴க்கூ² நானாஸங்வாஸகா, அஞ்ஞத்ர ஸங்கே⁴ன, அஞ்ஞத்ர அந்தராயா.


, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா வா அனாவாஸா


வா ஸபி⁴க்கு²கோ ஆவாஸோ க³ந்தப்³போ³, யத்த²ஸ்ஸு பி⁴க்கூ²
நானாஸங்வாஸகா, அஞ்ஞத்ர ஸங்கே⁴ன, அஞ்ஞத்ர அந்தராயா. ந, பி⁴க்க²வே, தத³ஹு
பவாரணாய ஸபி⁴க்கு²கா ஆவாஸா வா அனாவாஸா வா ஸபி⁴க்கு²கோ அனாவாஸோ க³ந்தப்³போ³,
யத்த²ஸ்ஸு பி⁴க்கூ² நானாஸங்வாஸகா, அஞ்ஞத்ர ஸங்கே⁴ன, அஞ்ஞத்ர அந்தராயா. ந,
பி⁴க்க²வே, தத³ஹு பவாரணாய ஸபி⁴க்கு²கா ஆவாஸா வா அனாவாஸா வா ஸபி⁴க்கு²கோ
ஆவாஸோ வா அனாவாஸோ வா க³ந்தப்³போ³, யத்த²ஸ்ஸு பி⁴க்கூ² நானாஸங்வாஸகா,
அஞ்ஞத்ர ஸங்கே⁴ன, அஞ்ஞத்ர அந்தராயா.


ந க³ந்தப்³ப³வாரோ நிட்டி²தோ.


138. க³ந்தப்³ப³வாரோ


232. க³ந்தப்³போ³, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா ஸபி⁴க்கு²கோ ஆவாஸோ ,
யத்த²ஸ்ஸு பி⁴க்கூ² ஸமானஸங்வாஸகா, யங் ஜஞ்ஞா ‘‘ஸக்கோமி அஜ்ஜேவ
க³ந்து’’ந்தி. க³ந்தப்³போ³, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா
ஸபி⁴க்கு²கோ அனாவாஸோ…பே॰… ஸபி⁴க்கு²கோ ஆவாஸோ வா அனாவாஸோ வா, யத்த²ஸ்ஸு
பி⁴க்கூ² ஸமானஸங்வாஸகா, யங் ஜஞ்ஞா ‘‘ஸக்கோமி அஜ்ஜேவ க³ந்து’’ந்தி.


க³ந்தப்³போ³ , பி⁴க்க²வே, தத³ஹு
பவாரணாய ஸபி⁴க்கு²கா அனாவாஸா ஸபி⁴க்கு²கோ ஆவாஸோ…பே॰… ஸபி⁴க்கு²கோ
அனாவாஸோ…பே॰… ஸபி⁴க்கு²கோ ஆவாஸோ வா அனாவாஸோ வா, யத்த²ஸ்ஸு பி⁴க்கூ²
ஸமானஸங்வாஸகா, யங் ஜஞ்ஞா ‘‘ஸக்கோமி அஜ்ஜேவ க³ந்து’’ந்தி.


க³ந்தப்³போ³, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா வா அனாவாஸா வா ஸபி⁴க்கு²கோ


ஆவாஸோ…பே॰… ஸபி⁴க்கு²கோ அனாவாஸோ…பே॰… ஸபி⁴க்கு²கோ
ஆவாஸோ வா அனாவாஸோ வா, யத்த²ஸ்ஸு பி⁴க்கூ² ஸமானஸங்வாஸகா, யங் ஜஞ்ஞா
‘‘ஸக்கோமி அஜ்ஜேவ க³ந்து’’ந்தி.


க³ந்தப்³ப³வாரோ நிட்டி²தோ.


139. வஜ்ஜனீயபுக்³க³லஸந்த³ஸ்ஸனா


233.
ந, பி⁴க்க²வே, பி⁴க்கு²னியா நிஸின்னபரிஸாய பவாரேதப்³ப³ங். யோ பவாரெய்ய,
ஆபத்தி து³க்கடஸ்ஸ. ந, பி⁴க்க²வே, ஸிக்க²மானாய…பே॰… ந ஸாமணேரஸ்ஸ…பே॰… ந
ஸாமணேரியா…பே॰… ந ஸிக்க²ங் பச்சக்கா²தகஸ்ஸ…பே॰… ந அந்திமவத்து²ங்
அஜ்ஜா²பன்னகஸ்ஸ நிஸின்னபரிஸாய பவாரேதப்³ப³ங். யோ பவாரெய்ய, ஆபத்தி
து³க்கடஸ்ஸ .


ஆபத்தியா அத³ஸ்ஸனே
உக்கி²த்தகஸ்ஸ நிஸின்னபரிஸாய பவாரேதப்³ப³ங். யோ பவாரெய்ய, யதா²த⁴ம்மோ
காரேதப்³போ³. ந ஆபத்தியா அப்படிகம்மே உக்கி²த்தகஸ்ஸ…பே॰… ந பாபிகாய
தி³ட்டி²யா அப்படினிஸ்ஸக்³கே³ உக்கி²த்தகஸ்ஸ நிஸின்னபரிஸாய பவாரேதப்³ப³ங்.
யோ பவாரெய்ய, யதா²த⁴ம்மோ காரேதப்³போ³.


ந பண்ட³கஸ்ஸ நிஸின்னபரிஸாய பவாரேதப்³ப³ங். யோ
பவாரெய்ய, ஆபத்தி து³க்கடஸ்ஸ. ந தெ²ய்யஸங்வாஸகஸ்ஸ…பே॰… ந
தித்தி²யபக்கந்தகஸ்ஸ…பே॰… ந திரச்சா²னக³தஸ்ஸ…பே॰… ந மாதுகா⁴தகஸ்ஸ…பே॰… ந
பிதுகா⁴தகஸ்ஸ…பே॰… ந அரஹந்தகா⁴தகஸ்ஸ…பே॰… ந பி⁴க்கு²னிதூ³ஸகஸ்ஸ …பே॰… ந ஸங்க⁴பே⁴த³கஸ்ஸ…பே॰… ந லோஹிதுப்பாத³கஸ்ஸ …பே॰… ந உப⁴தொப்³யஞ்ஜனகஸ்ஸ நிஸின்னபரிஸாய பவாரேதப்³ப³ங். யோ பவாரெய்ய, ஆபத்தி து³க்கடஸ்ஸ.


ந, பி⁴க்க²வே, பாரிவாஸிகபவாரணாதா³னேன பவாரேதப்³ப³ங்,
அஞ்ஞத்ர அவுட்டி²தாய பரிஸாய. ந ச, பி⁴க்க²வே, அப்பவாரணாய பவாரேதப்³ப³ங்,
அஞ்ஞத்ர ஸங்க⁴ஸாமக்³கி³யாதி.


வஜ்ஜனீயபுக்³க³லஸந்த³ஸ்ஸனா நிட்டி²தா.


து³தியபா⁴ணவாரோ நிட்டி²தோ.


140. த்³வேவாசிகாதி³பவாரணா


234.
தேன கோ² பன ஸமயேன கோஸலேஸு ஜனபதே³ அஞ்ஞதரஸ்மிங் ஆவாஸே தத³ஹு பவாரணாய
ஸவரப⁴யங் அஹோஸி. பி⁴க்கூ² நாஸக்கி²ங்ஸு தேவாசிகங் பவாரேதுங். ப⁴க³வதோ
ஏதமத்த²ங் ஆரோசேஸுங். அனுஜானாமி, பி⁴க்க²வே, த்³வேவாசிகங் பவாரேதுந்தி.


பா³ள்ஹதரங் ஸவரப⁴யங் அஹோஸி. பி⁴க்கூ² நாஸக்கி²ங்ஸு
த்³வேவாசிகங் பவாரேதுங். ப⁴க³வதோ ஏதமத்த²ங் ஆரோசேஸுங். அனுஜானாமி,
பி⁴க்க²வே, ஏகவாசிகங் பவாரேதுந்தி.


பா³ள்ஹதரங் ஸவரப⁴யங் அஹோஸி. பி⁴க்கூ² நாஸக்கி²ங்ஸு
ஏகவாசிகங் பவாரேதுங். ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே,
ஸமானவஸ்ஸிகங் பவாரேதுந்தி.


தேன கோ² பன ஸமயேன அஞ்ஞதரஸ்மிங் ஆவாஸே தத³ஹு பவாரணாய மனுஸ்ஸேஹி தா³னங் தெ³ந்தேஹி யேபு⁴ய்யேன ரத்தி கே²பிதா ஹோதி. அத² கோ² தேஸங்
பி⁴க்கூ²னங் ஏதத³ஹோஸி – ‘‘மனுஸ்ஸேஹி தா³னங் தெ³ந்தேஹி யேபு⁴ய்யேன ரத்தி
கே²பிதா. ஸசே ஸங்கோ⁴ தேவாசிகங் பவாரெஸ்ஸதி, அப்பவாரிதோவ ஸங்கோ⁴ ப⁴விஸ்ஸதி,
அதா²யங் ரத்தி விபா⁴யிஸ்ஸதி. கத²ங் நு கோ² அம்ஹேஹி படிபஜ்ஜிதப்³ப³’’ந்தி?
ப⁴க³வதோ ஏதமத்த²ங் ஆரோசேஸுங். இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு
பவாரணாய மனுஸ்ஸேஹி தா³னங் தெ³ந்தேஹி யேபு⁴ய்யேன ரத்தி கே²பிதா ஹோதி. தத்ர
சே, பி⁴க்க²வே, பி⁴க்கூ²னங் ஏவங் ஹோதி – ‘‘மனுஸ்ஸேஹி தா³னங்
தெ³ந்தேஹி யேபு⁴ய்யேன ரத்தி கே²பிதா. ஸசே ஸங்கோ⁴ தேவாசிகங் பவாரெஸ்ஸதி,
அப்பவாரிதோவ ஸங்கோ⁴ ப⁴விஸ்ஸதி, அதா²யங் ரத்தி விபா⁴யிஸ்ஸதீ’’தி, ப்³யத்தேன
பி⁴க்கு²னா படிப³லேன ஸங்கோ⁴ ஞாபேதப்³போ³ –


‘‘ஸுணாது மே, ப⁴ந்தே, ஸங்கோ⁴. மனுஸ்ஸேஹி தா³னங்
தெ³ந்தேஹி யேபு⁴ய்யேன ரத்தி கே²பிதா. ஸசே ஸங்கோ⁴ தேவாசிகங் பவாரெஸ்ஸதி,
அப்பவாரிதோவ ஸங்கோ⁴ ப⁴விஸ்ஸதி, அதா²யங் ரத்தி விபா⁴யிஸ்ஸதி. யதி³ ஸங்க⁴ஸ்ஸ
பத்தகல்லங், ஸங்கோ⁴ த்³வேவாசிகங், ஏகவாசிகங், ஸமானவஸ்ஸிகங் பவாரெய்யா’’தி.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய
பி⁴க்கூ²ஹி த⁴ம்மங் ப⁴ணந்தேஹி…பே॰… ஸுத்தந்திகேஹி ஸுத்தந்தங்
ஸங்கா³யந்தேஹி… வினயத⁴ரேஹி வினயங் வினிச்சி²னந்தேஹி… த⁴ம்மகதி²கேஹி த⁴ம்மங்
ஸாகச்ச²ந்தேஹி… பி⁴க்கூ²ஹி கலஹங் கரொந்தேஹி யேபு⁴ய்யேன ரத்தி கே²பிதா
ஹோதி. தத்ர சே பி⁴க்கூ²னங் ஏவங் ஹோதி – ‘‘பி⁴க்கூ²ஹி கலஹங் கரொந்தேஹி
யேபு⁴ய்யேன ரத்தி கே²பிதா. ஸசே ஸங்கோ⁴ தேவாசிகங் பவாரெஸ்ஸதி, அப்பவாரிதோவ
ஸங்கோ⁴ ப⁴விஸ்ஸதி, அதா²யங் ரத்தி விபா⁴யிஸ்ஸதீ’’தி, ப்³யத்தேன பி⁴க்கு²னா
படிப³லேன ஸங்கோ⁴ ஞாபேதப்³போ³ –


‘‘ஸுணாது மே, ப⁴ந்தே, ஸங்கோ⁴. பி⁴க்கூ²ஹி கலஹங்
கரொந்தேஹி யேபு⁴ய்யேன ரத்தி கே²பிதா. ஸசே ஸங்கோ⁴ தேவாசிகங் பவாரெஸ்ஸதி,
அப்பவாரிதோவ ஸங்கோ⁴ ப⁴விஸ்ஸதி, அதா²யங் ரத்தி விபா⁴யிஸ்ஸதி. யதி³ ஸங்க⁴ஸ்ஸ
பத்தகல்லங், ஸங்கோ⁴ த்³வேவாசிகங், ஏகவாசிகங், ஸமானவஸ்ஸிகங் பவாரெய்யா’’தி.


தேன கோ² பன ஸமயேன கோஸலேஸு ஜனபதே³ அஞ்ஞதரஸ்மிங் ஆவாஸே தத³ஹு பவாரணாய மஹாபி⁴க்கு²ஸங்கோ⁴ ஸன்னிபதிதோ ஹோதி , பரித்தஞ்ச அனோவஸ்ஸிகங் [அனோவஸ்ஸகங் (க॰)]
ஹோதி, மஹா ச மேகோ⁴ உக்³க³தோ ஹோதி. அத² கோ² தேஸங் பி⁴க்கூ²னங் ஏதத³ஹோஸி –
‘‘அயங் கோ² மஹாபி⁴க்கு²ஸங்கோ⁴ ஸன்னிபதிதோ, பரித்தஞ்ச அனோவஸ்ஸிகங், மஹா ச
மேகோ⁴ உக்³க³தோ. ஸசே ஸங்கோ⁴ தேவாசிகங் பவாரெஸ்ஸதி, அப்பவாரிதோவ ஸங்கோ⁴
ப⁴விஸ்ஸதி, அதா²யங் மேகோ⁴ பவஸ்ஸிஸ்ஸதி. கத²ங் நு கோ² அம்ஹேஹி
படிபஜ்ஜிதப்³ப³’’ந்தி? ப⁴க³வதோ ஏதமத்த²ங் ஆரோசேஸுங். இத⁴ பன, பி⁴க்க²வே,
அஞ்ஞதரஸ்மிங் ஆவாஸே தத³ஹு பவாரணாய மஹாபி⁴க்கு²ஸங்கோ⁴ ஸன்னிபதிதோ ஹோதி,
பரித்தஞ்ச அனோவஸ்ஸிகங் ஹோதி, மஹா ச மேகோ⁴ உக்³க³தோ ஹோதி. தத்ர சே
பி⁴க்கூ²னங் ஏவங் ஹோதி – ‘‘அயங் கோ² மஹாபி⁴க்கு²ஸங்கோ⁴ ஸன்னிபதிதோ,
பரித்தஞ்ச அனோவஸ்ஸிகங், மஹா ச மேகோ⁴ உக்³க³தோ. ஸசே ஸங்கோ⁴ தேவாசிகங்
பவாரெஸ்ஸதி, அப்பவாரிதோவ ஸங்கோ⁴ ப⁴விஸ்ஸதி, அதா²யங் மேகோ⁴ பவஸ்ஸிஸ்ஸதீ’’தி.
ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –


‘‘ஸுணாது மே, ப⁴ந்தே, ஸங்கோ⁴. அயங் மஹாபி⁴க்கு²ஸங்கோ⁴
ஸன்னிபதிதோ, பரித்தஞ்ச அனோவஸ்ஸிகங், மஹா ச மேகோ⁴ உக்³க³தோ. ஸசே ஸங்கோ⁴
தேவாசிகங் பவாரெஸ்ஸதி, அப்பவாரிதோவ ஸங்கோ⁴ ப⁴விஸ்ஸதி, அதா²யங் மேகோ⁴ பவஸ்ஸிஸ்ஸதி. யதி³ ஸங்க⁴ஸ்ஸ பத்தகல்லங், ஸங்கோ⁴ த்³வேவாசிகங், ஏகவாசிகங், ஸமானவஸ்ஸிகங் பவாரெய்யா’’தி.


இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய ராஜந்தராயோ ஹோதி…பே॰… சோரந்தராயோ ஹோதி… அக்³யந்தராயோ ஹோதி… உத³கந்தராயோ
ஹோதி… மனுஸ்ஸந்தராயோ ஹோதி… அமனுஸ்ஸந்தராயோ ஹோதி… வாளந்தராயோ ஹோதி…
ஸரீஸபந்தராயோ ஹோதி… ஜீவிதந்தராயோ ஹோதி… ப்³ரஹ்மசரியந்தராயோ ஹோதி. தத்ர சே
பி⁴க்கூ²னங் ஏவங் ஹோதி – ‘‘அயங் கோ², ப்³ரஹ்மசரியந்தராயோ .
ஸசே ஸங்கோ⁴ தேவாசிகங் பவாரெஸ்ஸதி, அப்பவாரிதோவ ஸங்கோ⁴ ப⁴விஸ்ஸதி, அதா²யங்
ப்³ரஹ்மசரியந்தராயோ ப⁴விஸ்ஸதீ’’தி, ப்³யத்தேன பி⁴க்கு²னா படிப³லேன ஸங்கோ⁴
ஞாபேதப்³போ³ –


‘‘ஸுணாது மே, ப⁴ந்தே, ஸங்கோ⁴. அயங் ப்³ரஹ்மசரியந்தராயோ. ஸசே ஸங்கோ⁴ தேவாசிகங் பவாரெஸ்ஸதி, அப்பவாரிதோவ ஸங்கோ⁴ ப⁴விஸ்ஸதி, அதா²யங் ப்³ரஹ்மசரியந்தராயோ ப⁴விஸ்ஸதி. யதி³ ஸங்க⁴ஸ்ஸ பத்தகல்லங், ஸங்கோ⁴ த்³வேவாசிகங், ஏகவாசிகங், ஸமானவஸ்ஸிகங் பவாரெய்யா’’தி.


த்³வேவாசிகாதி³பவாரணா நிட்டி²தா.


141. பவாரணாட²பனங்


235.
தேன கோ² பன ஸமயேன ச²ப்³ப³க்³கி³யா பி⁴க்கூ² ஸாபத்திகா பவாரெந்தி. ப⁴க³வதோ
ஏதமத்த²ங் ஆரோசேஸுங். ந, பி⁴க்க²வே, ஸாபத்திகேன பவாரேதப்³ப³ங். யோ
பவாரெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, யோ ஸாபத்திகோ பவாரேதி,
தஸ்ஸ ஓகாஸங் காராபெத்வா ஆபத்தியா சோதே³துந்தி.


தேன கோ² பன ஸமயேன ச²ப்³ப³க்³கி³யா பி⁴க்கூ² ஓகாஸங்
காராபியமானா ந இச்ச²ந்தி ஓகாஸங் காதுங். ப⁴க³வதோ ஏதமத்த²ங் ஆரோசேஸுங்.
அனுஜானாமி, பி⁴க்க²வே, ஓகாஸங் அகரொந்தஸ்ஸ பவாரணங் ட²பேதுங். ஏவஞ்ச பன,
பி⁴க்க²வே, ட²பேதப்³பா³. தத³ஹு பவாரணாய சாதுத்³த³ஸே வா பன்னரஸே வா தஸ்மிங்
புக்³க³லே ஸம்முகீ²பூ⁴தே ஸங்க⁴மஜ்ஜே² உதா³ஹரிதப்³ப³ங் – ‘‘ஸுணாது மே,
ப⁴ந்தே, ஸங்கோ⁴. இத்த²ன்னாமோ புக்³க³லோ ஸாபத்திகோ . தஸ்ஸ பவாரணங் ட²பேமி. ந தஸ்மிங் ஸம்முகீ²பூ⁴தே பவாரேதப்³ப³’’ந்தி. ட²பிதா ஹோதி பவாரணாதி.


தேன கோ² பன ஸமயேன
ச²ப்³ப³க்³கி³யா பி⁴க்கூ² – புரம்ஹாகங் பேஸலா பி⁴க்கூ² பவாரணங் ட²பெந்தீதி –
படிகச்சேவ ஸுத்³தா⁴னங் பி⁴க்கூ²னங் அனாபத்திகானங் அவத்து²ஸ்மிங் அகாரணே
பவாரணங் ட²பெந்தி, பவாரிதானம்பி பவாரணங் ட²பெந்தி. ப⁴க³வதோ ஏதமத்த²ங்
ஆரோசேஸுங். ந, பி⁴க்க²வே, ஸுத்³தா⁴னங் பி⁴க்கூ²னங் அனாபத்திகானங்
அவத்து²ஸ்மிங் அகாரணே பவாரணா ட²பேதப்³பா³. யோ ட²பெய்ய, ஆபத்தி து³க்கடஸ்ஸ.
ந, பி⁴க்க²வே, பவாரிதானம்பி பவாரணா ட²பேதப்³பா³. யோ ட²பெய்ய, ஆபத்தி
து³க்கடஸ்ஸ.


236.
ஏவங் கோ², பி⁴க்க²வே, ட²பிதா ஹோதி பவாரணா, ஏவங் அட்ட²பிதா. கத²ஞ்ச,
பி⁴க்க²வே, அட்ட²பிதா ஹோதி பவாரணா? தேவாசிகாய சே, பி⁴க்க²வே, பவாரணாய
பா⁴ஸிதாய லபிதாய பரியோஸிதாய பவாரணங் ட²பேதி, அட்ட²பிதா ஹோதி பவாரணா.
த்³வேவாசிகாய சே, பி⁴க்க²வே,… ஏகவாசிகாய சே, பி⁴க்க²வே,… ஸமானவஸ்ஸிகாய சே,
பி⁴க்க²வே, பவாரணாய பா⁴ஸிதாய லபிதாய பரியோஸிதாய பவாரணங் ட²பேதி , அட்ட²பிதா ஹோதி பவாரணா. ஏவங் கோ², பி⁴க்க²வே, அட்ட²பிதா ஹோதி பவாரணா.


கத²ஞ்ச, பி⁴க்க²வே, ட²பிதா ஹோதி பவாரணா? தேவாசிகாய,
சே, பி⁴க்க²வே, பவாரணாய பா⁴ஸிதாய லபிதாய அபரியோஸிதாய பவாரணங் ட²பேதி,
ட²பிதா ஹோதி பவாரணா. த்³வேவாசிகாய சே, பி⁴க்க²வே,… ஏகவாசிகாய சே,
பி⁴க்க²வே,… ஸமானவஸ்ஸிகாய சே, பி⁴க்க²வே, பவாரணாய பா⁴ஸிதாய லபிதாய
அபரியோஸிதாய பவாரணங் ட²பேதி, ட²பிதா ஹோதி பவாரணா. ஏவங் கோ², பி⁴க்க²வே, ட²பிதா ஹோதி பவாரணா.


237.
இத⁴ பன, பி⁴க்க²வே, தத³ஹு பவாரணாய பி⁴க்கு² பி⁴க்கு²ஸ்ஸ பவாரணங் ட²பேதி.
தங் சே பி⁴க்கு²ங் அஞ்ஞே பி⁴க்கூ² ஜானந்தி, ‘‘அயங் கோ² ஆயஸ்மா
அபரிஸுத்³த⁴காயஸமாசாரோ, அபரிஸுத்³த⁴வசீஸமாசாரோ, அபரிஸுத்³தா⁴ஜீவோ, பா³லோ,
அப்³யத்தோ, ந படிப³லோ அனுயுஞ்ஜீயமானோ அனுயோக³ங் தா³து’’ந்தி, ‘அலங்,
பி⁴க்கு², மா ப⁴ண்ட³னங், மா கலஹங், மா விக்³க³ஹங், மா விவாத³’ந்தி
ஓமத்³தி³த்வா ஸங்கே⁴ன பவாரேதப்³ப³ங்.


இத⁴ பன, பி⁴க்க²வே, தத³ஹு பவாரணாய பி⁴க்கு²
பி⁴க்கு²ஸ்ஸ பவாரணங் ட²பேதி. தங் சே பி⁴க்கு²ங் அஞ்ஞே பி⁴க்கூ² ஜானந்தி,
‘‘அயங் கோ² ஆயஸ்மா பரிஸுத்³த⁴காயஸமாசாரோ, அபரிஸுத்³த⁴வசீஸமாசாரோ,
அபரிஸுத்³தா⁴ஜீவோ, பா³லோ, அப்³யத்தோ, ந படிப³லோ அனுயுஞ்ஜீயமானோ அனுயோக³ங் தா³து’’ந்தி, ‘அலங், பி⁴க்கு², மா ப⁴ண்ட³னங், மா கலஹங், மா விக்³க³ஹங், மா விவாத³’ந்தி ஓமத்³தி³த்வா ஸங்கே⁴ன பவாரேதப்³ப³ங்.


இத⁴ பன, பி⁴க்க²வே, தத³ஹு பவாரணாய பி⁴க்கு²
பி⁴க்கு²ஸ்ஸ பவாரணங் ட²பேதி. தங் சே பி⁴க்கு²ங் அஞ்ஞே பி⁴க்கூ² ஜானந்தி,
‘‘அயங் கோ² ஆயஸ்மா பரிஸுத்³த⁴காயஸமாசாரோ, பரிஸுத்³த⁴வசீஸமாசாரோ,
அபரிஸுத்³தா⁴ஜீவோ, பா³லோ, அப்³யத்தோ, ந படிப³லோ அனுயுஞ்ஜீயமானோ அனுயோக³ங்
தா³து’’ந்தி, ‘அலங், பி⁴க்கு², மா ப⁴ண்ட³னங், மா கலஹங், மா விக்³க³ஹங், மா
விவாத³’ந்தி ஓமத்³தி³த்வா ஸங்கே⁴ன பவாரேதப்³ப³ங்.


இத⁴ பன, பி⁴க்க²வே, தத³ஹு பவாரணாய பி⁴க்கு²
பி⁴க்கு²ஸ்ஸ பவாரணங் ட²பேதி. தங் சே பி⁴க்கு²ங் அஞ்ஞே பி⁴க்கூ² ஜானந்தி,
‘‘அயங் கோ² ஆயஸ்மா பரிஸுத்³த⁴காயஸமாசாரோ , பரிஸுத்³த⁴வசீஸமாசாரோ, பரிஸுத்³தா⁴ஜீவோ, பா³லோ, அப்³யத்தோ ,
ந படிப³லோ அனுயுஞ்ஜீயமானோ அனுயோக³ங் தா³து’’ந்தி, ‘அலங், பி⁴க்கு², மா
ப⁴ண்ட³னங், மா கலஹங், மா விக்³க³ஹங், மா விவாத³’ந்தி ஓமத்³தி³த்வா ஸங்கே⁴ன
பவாரேதப்³ப³ங்.


இத⁴ பன, பி⁴க்க²வே, தத³ஹு பவாரணாய பி⁴க்கு²
பி⁴க்கு²ஸ்ஸ பவாரணங் ட²பேதி. தங் சே பி⁴க்கு²ங் அஞ்ஞே பி⁴க்கூ² ஜானந்தி,
‘‘அயங் கோ² ஆயஸ்மா பரிஸுத்³த⁴காயஸமாசாரோ, பரிஸுத்³த⁴வசீஸமாசாரோ,
பரிஸுத்³தா⁴ஜீவோ, பண்டி³தோ, ப்³யத்தோ, படிப³லோ அனுயுஞ்ஜீயமானோ அனுயோக³ங்
தா³து’’ந்தி, ஸோ ஏவமஸ்ஸ வசனீயோ, ‘‘யங் கோ² த்வங், ஆவுஸோ, இமஸ்ஸ பி⁴க்கு²னோ
பவாரணங் ட²பேஸி, கிம்ஹி நங் ட²பேஸி, ஸீலவிபத்தியா வா ட²பேஸி, ஆசாரவிபத்தியா
வா ட²பேஸி, தி³ட்டி²விபத்தியா வா ட²பேஸீ’’தி? ஸோ
சே ஏவங் வதெ³ய்ய – ‘‘ஸீலவிபத்தியா வா ட²பேமி, ஆசாரவிபத்தியா வா ட²பேமி,
தி³ட்டி²விபத்தியா வா ட²பேமீ’’தி, ஸோ ஏவமஸ்ஸ வசனீயோ – ‘‘ஜானாஸி பனாயஸ்மா
ஸீலவிபத்திங், ஜானாஸி ஆசாரவிபத்திங், ஜானாஸி தி³ட்டி²விபத்தி’’ந்தி? ஸோ சே
ஏவங் வதெ³ய்ய – ‘‘ஜானாமி கோ² அஹங், ஆவுஸோ, ஸீலவிபத்திங், ஜானாமி
ஆசாரவிபத்திங், ஜானாமி தி³ட்டி²விபத்தி’’ந்தி, ஸோ ஏவமஸ்ஸ வசனீயோ – ‘‘கதமா
பனாவுஸோ, ஸீலவிபத்தி, கதமா ஆசாரவிபத்தி, கதமா தி³ட்டி²விபத்தீ’’தி? ஸோ சே
ஏவங் வதெ³ய்ய – ‘‘சத்தாரி பாராஜிகானி, தேரஸ ஸங்கா⁴தி³ஸேஸா, அயங்
ஸீலவிபத்தி; து²ல்லச்சயங், பாசித்தியங், பாடிதே³ஸனீயங், து³க்கடங்,
து³ப்³பா⁴ஸிதங், அயங் ஆசாரவிபத்தி; மிச்சா²தி³ட்டி²,
அந்தக்³கா³ஹிகாதி³ட்டி², அயங் தி³ட்டி²விபத்தீ’’தி, ஸோ ஏவமஸ்ஸ வசனீயோ –
‘‘யங் கோ² த்வங் , ஆவுஸோ, இமஸ்ஸ பி⁴க்கு²னோ பவாரணங் ட²பேஸி, தி³ட்டே²ன வா ட²பேஸி, ஸுதேன வா ட²பேஸி, பரிஸங்காய வா ட²பேஸீ’’தி? ஸோ சே
ஏவங் வதெ³ய்ய – ‘‘தி³ட்டே²ன வா ட²பேமி, ஸுதேன வா ட²பேமி, பரிஸங்காய வா
ட²பேமீ’’தி, ஸோ ஏவமஸ்ஸ வசனீயோ – ‘‘யங் கோ² த்வங், ஆவுஸோ, இமஸ்ஸ பி⁴க்கு²னோ
தி³ட்டே²ன பவாரணங் ட²பேஸி, கிங் தே தி³ட்ட²ங், கிந்தி தே தி³ட்ட²ங், கதா³
தே தி³ட்ட²ங், கத்த² தே தி³ட்ட²ங், பாராஜிகங் அஜ்ஜா²பஜ்ஜந்தோ தி³ட்டோ²,
ஸங்கா⁴தி³ஸேஸங் அஜ்ஜா²பஜ்ஜந்தோ தி³ட்டோ², து²ல்லச்சயங்… பாசித்தியங்…
பாடிதே³ஸனீயங்… து³க்கடங்… து³ப்³பா⁴ஸிதங் அஜ்ஜா²பஜ்ஜந்தோ தி³ட்டோ², கத்த² ச
த்வங் அஹோஸி, கத்த² சாயங் பி⁴க்கு² அஹோஸி, கிஞ்ச த்வங் கரோஸி, கிஞ்சாயங்
பி⁴க்கு² கரோதீ’’தி? ஸோ சே ஏவங் வதெ³ய்ய – ‘‘ந கோ² அஹங், ஆவுஸோ, இமஸ்ஸ
பி⁴க்கு²னோ தி³ட்டே²ன பவாரணங் ட²பேமி, அபிச ஸுதேன பவாரணங் ட²பேமீ’’தி, ஸோ
ஏவமஸ்ஸ வசனீயோ – ‘‘யங் கோ² த்வங், ஆவுஸோ, இமஸ்ஸ பி⁴க்கு²னோ
ஸுதேன பவாரணங் ட²பேஸி, கிங் தே ஸுதங், கிந்தி தே ஸுதங், கதா³ தே ஸுதங்,
கத்த² தே ஸுதங், பாராஜிகங் அஜ்ஜா²பன்னோதி ஸுதங், ஸங்கா⁴தி³ஸேஸங்
அஜ்ஜா²பன்னோதி ஸுதங், து²ல்லச்சயங்… பாசித்தியங்… பாடிதே³ஸனீயங்…
து³க்கடங்… து³ப்³பா⁴ஸிதங் அஜ்ஜா²பன்னோதி ஸுதங், பி⁴க்கு²ஸ்ஸ ஸுதங்,
பி⁴க்கு²னியா ஸுதங், ஸிக்க²மானாய ஸுதங், ஸாமணேரஸ்ஸ ஸுதங், ஸாமணேரியா ஸுதங்,
உபாஸகஸ்ஸ ஸுதங், உபாஸிகாய ஸுதங், ராஜூனங் ஸுதங், ராஜமஹாமத்தானங் ஸுதங்,
தித்தி²யானங் ஸுதங், தித்தி²யஸாவகானங் ஸுத’’ந்தி? ஸோ சே ஏவங் வதெ³ய்ய – ‘‘ந
கோ² அஹங், ஆவுஸோ, இமஸ்ஸ பி⁴க்கு²னோ ஸுதேன பவாரணங் ட²பேமி ,
அபிச பரிஸங்காய பவாரணங் ட²பேமீ’’தி, ஸோ ஏவமஸ்ஸ வசனீயோ – ‘‘யங் கோ² த்வங்,
ஆவுஸோ, இமஸ்ஸ பி⁴க்கு²னோ பரிஸங்காய பவாரணங் ட²பேஸி, கிங் பரிஸங்கஸி, கிந்தி
பரிஸங்கஸி, கதா³ பரிஸங்கஸி, கத்த² பரிஸங்கஸி, பாராஜிகங்
அஜ்ஜா²பன்னோதி பரிஸங்கஸி, ஸங்கா⁴தி³ஸேஸங் அஜ்ஜா²பன்னோதி பரிஸங்கஸி,
து²ல்லச்சயங்… பாசித்தியங்… பாடிதே³ஸனீயங்… து³க்கடங்… து³ப்³பா⁴ஸிதங்
அஜ்ஜா²பன்னோதி பரிஸங்கஸி, பி⁴க்கு²ஸ்ஸ ஸுத்வா பரிஸங்கஸி, பி⁴க்கு²னியா
ஸுத்வா பரிஸங்கஸி, ஸிக்க²மானாய ஸுத்வா பரிஸங்கஸி, ஸாமணேரஸ்ஸ ஸுத்வா
பரிஸங்கஸி, ஸாமணேரியா ஸுத்வா பரிஸங்கஸி, உபாஸகஸ்ஸ ஸுத்வா பரிஸங்கஸி,
உபாஸிகாய ஸுத்வா பரிஸங்கஸி, ராஜூனங் ஸுத்வா பரிஸங்கஸி, ராஜமஹாமத்தானங்
ஸுத்வா பரிஸங்கஸி, தித்தி²யானங் ஸுத்வா பரிஸங்கஸி, தித்தி²யஸாவகானங் ஸுத்வா
பரிஸங்கஸீ’’தி? ஸோ சே ஏவங் வதெ³ய்ய – ‘‘ந கோ² அஹங், ஆவுஸோ, இமஸ்ஸ
பி⁴க்கு²னோ பரிஸங்காய பவாரணங் ட²பேமி, அபி ச அஹம்பி ந ஜானாமி கேன பனாஹங்
இமஸ்ஸ பி⁴க்கு²னோ பவாரணங் ட²பேமீ’’தி. ஸோ சே, பி⁴க்க²வே, சோத³கோ பி⁴க்கு²
அனுயோகே³ன விஞ்ஞூனங் ஸப்³ரஹ்மசாரீனங் சித்தங் ந ஆராதே⁴தி, அனநுவாதோ³
சுதி³தோ பி⁴க்கூ²தி அலங் வசனாய. ஸோ சே, பி⁴க்க²வே, சோத³கோ பி⁴க்கு²
அனுயோகே³ன விஞ்ஞூனங் ஸப்³ரஹ்மசாரீனங் சித்தங் ஆராதே⁴தி, ஸானுவாதோ³ சுதி³தோ
பி⁴க்கூ²தி அலங் வசனாய. ஸோ சே, பி⁴க்க²வே, சோத³கோ பி⁴க்கு² அமூலகேன
பாராஜிகேன அனுத்³த⁴ங்ஸிதங் படிஜானாதி, ஸங்கா⁴தி³ஸேஸங் ஆரோபெத்வா ஸங்கே⁴ன
பவாரேதப்³ப³ங். ஸோ சே, பி⁴க்க²வே, சோத³கோ பி⁴க்கு²
அமூலகேன ஸங்கா⁴தி³ஸேஸேன அனுத்³த⁴ங்ஸிதங் படிஜானாதி, யதா²த⁴ம்மங் காராபெத்வா
ஸங்கே⁴ன பவாரேதப்³ப³ங். ஸோ சே, பி⁴க்க²வே, சோத³கோ, பி⁴க்கு² அமூலகேன
து²ல்லச்சயேன… பாசித்தியேன… பாடிதே³ஸனீயேன… து³க்கடேன… து³ப்³பா⁴ஸிதேன
அனுத்³த⁴ங்ஸிதங் படிஜானாதி, யதா²த⁴ம்மங் காராபெத்வா ஸங்கே⁴ன பவாரேதப்³ப³ங். ஸோ
சே, பி⁴க்க²வே, சுதி³தோ பி⁴க்கு² பாராஜிகங் அஜ்ஜா²பன்னோதி படிஜானாதி,
நாஸெத்வா ஸங்கே⁴ன பவாரேதப்³ப³ங். ஸோ சே, பி⁴க்க²வே, சுதி³தோ பி⁴க்கு²
ஸங்கா⁴தி³ஸேஸங் அஜ்ஜா²பன்னோதி படிஜானாதி, ஸங்கா⁴தி³ஸேஸங் ஆரோபெத்வா ஸங்கே⁴ன
பவாரேதப்³ப³ங். ஸோ சே, பி⁴க்க²வே, சுதி³தோ பி⁴க்கு² து²ல்லச்சயங்…
பாசித்தியங்… பாடிதே³ஸனீயங்… து³க்கடங்… து³ப்³பா⁴ஸிதங் அஜ்ஜா²பன்னோதி
படிஜானாதி, யதா²த⁴ம்மங் காராபெத்வா ஸங்கே⁴ன பவாரேதப்³ப³ங்.


பவாரணாட²பனங் நிட்டி²தங்.


142. து²ல்லச்சயவத்து²காதி³


238.
இத⁴ பன, பி⁴க்க²வே, பி⁴க்கு² தத³ஹு பவாரணாய து²ல்லச்சயங் அஜ்ஜா²பன்னோ
ஹோதி. ஏகச்சே பி⁴க்கூ² து²ல்லச்சயதி³ட்டி²னோ ஹொந்தி, ஏகச்சே பி⁴க்கூ²
ஸங்கா⁴தி³ஸேஸதி³ட்டி²னோ ஹொந்தி. யே தே, பி⁴க்க²வே, பி⁴க்கூ²
து²ல்லச்சயதி³ட்டி²னோ, தேஹி ஸோ, பி⁴க்க²வே, பி⁴க்கு² ஏகமந்தங் அபனெத்வா
யதா²த⁴ம்மங் காராபெத்வா ஸங்க⁴ங் உபஸங்கமித்வா ஏவமஸ்ஸ வசனீயோ – ‘‘யங் கோ²
ஸோ, ஆவுஸோ, பி⁴க்கு² ஆபத்திங் ஆபன்னோ, ஸாஸ்ஸ யதா²த⁴ம்மங் படிகதா. யதி³
ஸங்க⁴ஸ்ஸ பத்தகல்லங், ஸங்கோ⁴ பவாரெய்யா’’தி.


இத⁴ பன, பி⁴க்க²வே, பி⁴க்கு² தத³ஹு பவாரணாய
து²ல்லச்சயங் அஜ்ஜா²பன்னோ ஹோதி. ஏகச்சே பி⁴க்கூ² து²ல்லச்சயதி³ட்டி²னோ
ஹொந்தி, ஏகச்சே பி⁴க்கூ² பாசித்தியதி³ட்டி²னோ ஹொந்தி…பே॰… ஏகச்சே பி⁴க்கூ²
து²ல்லச்சயதி³ட்டி²னோ ஹொந்தி, ஏகச்சே பி⁴க்கூ² பாடிதே³ஸனீயதி³ட்டி²னோ
ஹொந்தி… ஏகச்சே பி⁴க்கூ² து²ல்லச்சயதி³ட்டி²னோ ஹொந்தி, ஏகச்சே பி⁴க்கூ²
து³க்கடதி³ட்டி²னோ ஹொந்தி… ஏகச்சே பி⁴க்கூ² து²ல்லச்சயதி³ட்டி²னோ ஹொந்தி,
ஏகச்சே பி⁴க்கூ² து³ப்³பா⁴ஸிததி³ட்டி²னோ ஹொந்தி. யே தே, பி⁴க்க²வே,
பி⁴க்கூ² து²ல்லச்சயதி³ட்டி²னோ, தேஹி ஸோ, பி⁴க்க²வே, பி⁴க்கு² ஏகமந்தங்
அபனெத்வா யதா²த⁴ம்மங் காராபெத்வா ஸங்க⁴ங் உபஸங்கமித்வா ஏவமஸ்ஸ வசனீயோ –
‘‘யங் கோ² ஸோ, ஆவுஸோ, பி⁴க்கு² ஆபத்திங் ஆபன்னோ, ஸாஸ்ஸ யதா²த⁴ம்மங் படிகதா.
யதி³ ஸங்க⁴ஸ்ஸ பத்தகல்லங், ஸங்கோ⁴ பவாரெய்யா’’தி.


இத⁴ பன, பி⁴க்க²வே, பி⁴க்கு² தத³ஹு பவாரணாய
பாசித்தியங் அஜ்ஜா²பன்னோ ஹோதி…பே॰… பாடிதே³ஸனீயங் அஜ்ஜா²பன்னோ ஹோதி…
து³க்கடங் அஜ்ஜா²பன்னோ ஹோதி… து³ப்³பா⁴ஸிதங் அஜ்ஜா²பன்னோ ஹோதி. ஏகச்சே
பி⁴க்கூ² து³ப்³பா⁴ஸிததி³ட்டி²னோ ஹொந்தி, ஏகச்சே பி⁴க்கூ²
ஸங்கா⁴தி³ஸேஸதி³ட்டி²னோ ஹொந்தி. யே தே, பி⁴க்க²வே, பி⁴க்கூ² து³ப்³பா⁴ஸிததி³ட்டி²னோ, தேஹி ஸோ, பி⁴க்க²வே, பி⁴க்கு² ஏகமந்தங்
அபனெத்வா யதா²த⁴ம்மங் காராபெத்வா ஸங்க⁴ங் உபஸங்கமித்வா ஏவமஸ்ஸ வசனீயோ –
‘‘யங் கோ² ஸோ, ஆவுஸோ, பி⁴க்கு² ஆபத்திங் ஆபன்னோ, ஸாஸ்ஸ யதா²த⁴ம்மங் படிகதா.
யதி³ ஸங்க⁴ஸ்ஸ பத்தகல்லங், ஸங்கோ⁴ பவாரெய்யா’’தி.


இத⁴ பன, பி⁴க்க²வே, பி⁴க்கு² தத³ஹு பவாரணாய
து³ப்³பா⁴ஸிதங் அஜ்ஜா²பன்னோ ஹோதி. ஏகச்சே பி⁴க்கூ² து³ப்³பா⁴ஸிததி³ட்டி²னோ
ஹொந்தி, ஏகச்சே பி⁴க்கூ² து²ல்லச்சயதி³ட்டி²னோ ஹொந்தி…பே॰… ஏகச்சே பி⁴க்கூ²
து³ப்³பா⁴ஸிததி³ட்டி²னோ ஹொந்தி, ஏகச்சே பி⁴க்கூ² பாசித்தியதி³ட்டி²னோ
ஹொந்தி… ஏகச்சே பி⁴க்கூ² து³ப்³பா⁴ஸிததி³ட்டி²னோ ஹொந்தி, ஏகச்சே பி⁴க்கூ²
பாடிதே³ஸனீயதி³ட்டி²னோ ஹொந்தி… ஏகச்சே பி⁴க்கூ² து³ப்³பா⁴ஸிததி³ட்டி²னோ
ஹொந்தி, ஏகச்சே பி⁴க்கூ² து³க்கடதி³ட்டி²னோ ஹொந்தி. யே தே, பி⁴க்க²வே,
பி⁴க்கூ² து³ப்³பா⁴ஸிததி³ட்டி²னோ, தேஹி ஸோ, பி⁴க்க²வே, பி⁴க்கு² ஏகமந்தங்
அபனெத்வா யதா²த⁴ம்மங் காராபெத்வா ஸங்க⁴ங் உபஸங்கமித்வா ஏவமஸ்ஸ வசனீயோ –
‘‘யங் கோ² ஸோ, ஆவுஸோ, பி⁴க்கு² ஆபத்திங் ஆபன்னோ, ஸாஸ்ஸ யதா²த⁴ம்மங் படிகதா.
யதி³ ஸங்க⁴ஸ்ஸ பத்தகல்லங், ஸங்கோ⁴ பவாரெய்யா’’தி.


து²ல்லச்சயவத்து²காதி³ நிட்டி²தா.


143. வத்து²ட²பனாதி³


239.
இத⁴ பன, பி⁴க்க²வே, பி⁴க்கு² தத³ஹு பவாரணாய ஸங்க⁴மஜ்ஜே² உதா³ஹரெய்ய –
‘‘ஸுணாது மே, ப⁴ந்தே, ஸங்கோ⁴. இத³ங் வத்து² பஞ்ஞாயதி, ந புக்³க³லோ. யதி³
ஸங்க⁴ஸ்ஸ பத்தகல்லங், வத்து²ங் ட²பெத்வா ஸங்கோ⁴ பவாரெய்யா’’தி. ஸோ ஏவமஸ்ஸ
வசனீயோ – ‘‘ப⁴க³வதா கோ², ஆவுஸோ, விஸுத்³தா⁴னங் பவாரணா பஞ்ஞத்தா. ஸசே வத்து²
பஞ்ஞாயதி, ந புக்³க³லோ, இதா³னேவ நங் வதே³ஹீ’’தி.


இத⁴ பன, பி⁴க்க²வே, பி⁴க்கு² தத³ஹு பவாரணாய
ஸங்க⁴மஜ்ஜே² உதா³ஹரெய்ய – ‘‘ஸுணாது மே, ப⁴ந்தே, ஸங்கோ⁴. அயங் புக்³க³லோ
பஞ்ஞாயதி, ந வத்து². யதி³ ஸங்க⁴ஸ்ஸ பத்தகல்லங், புக்³க³லங் ட²பெத்வா ஸங்கோ⁴
பவாரெய்யா’’தி. ஸோ ஏவமஸ்ஸ வசனீயோ – ‘‘ப⁴க³வதா கோ², ஆவுஸோ, ஸமக்³கா³னங்
பவாரணா பஞ்ஞத்தா. ஸசே புக்³க³லோ பஞ்ஞாயதி, ந வத்து², இதா³னேவ நங்
வதே³ஹீ’’தி.


இத⁴ பன, பி⁴க்க²வே, பி⁴க்கு² தத³ஹு பவாரணாய
ஸங்க⁴மஜ்ஜே² உதா³ஹரெய்ய – ‘‘ஸுணாது மே, ப⁴ந்தே, ஸங்கோ⁴. இத³ங் வத்து² ச
புக்³க³லோ ச பஞ்ஞாயதி. யதி³ ஸங்க⁴ஸ்ஸ பத்தகல்லங், வத்து²ஞ்ச புக்³க³லஞ்ச
ட²பெத்வா ஸங்கோ⁴ பவாரெய்யா’’தி. ஸோ ஏவமஸ்ஸ வசனீயோ – ‘‘ப⁴க³வதா கோ², ஆவுஸோ,
விஸுத்³தா⁴னஞ்ச ஸமக்³கா³னஞ்ச பவாரணா பஞ்ஞத்தா. ஸசே வத்து² ச புக்³க³லோ ச
பஞ்ஞாயதி, இதா³னேவ நங் வதே³ஹீ’’தி.


புப்³பே³ சே, பி⁴க்க²வே, பவாரணாய வத்து² பஞ்ஞாயதி, பச்சா² புக்³க³லோ, கல்லங் வசனாய. புப்³பே³ சே, பி⁴க்க²வே, பவாரணாய
புக்³க³லோ பஞ்ஞாயதி, பச்சா² வத்து², கல்லங் வசனாய. புப்³பே³ சே,
பி⁴க்க²வே, பவாரணாய வத்து² ச புக்³க³லோ ச பஞ்ஞாயதி, தங் சே கதாய பவாரணாய
உக்கோடேதி, உக்கோடனகங் பாசித்தியந்தி.


வத்து²ட²பனாதி³ நிட்டி²தா.


144. ப⁴ண்ட³னகாரகவத்து²


240.
தேன கோ² பன ஸமயேன ஸம்ப³ஹுலா ஸந்தி³ட்டா² ஸம்ப⁴த்தா பி⁴க்கூ² கோஸலேஸு
ஜனபதே³ அஞ்ஞதரஸ்மிங் ஆவாஸே வஸ்ஸங் உபக³ச்சி²ங்ஸு. தேஸங் ஸாமந்தா அஞ்ஞே
பி⁴க்கூ² ப⁴ண்ட³னகாரகா கலஹகாரகா விவாத³காரகா ப⁴ஸ்ஸகாரகா ஸங்கே⁴
அதி⁴கரணகாரகா வஸ்ஸங் உபக³ச்சி²ங்ஸு – மயங் தேஸங் பி⁴க்கூ²னங்
வஸ்ஸங்வுட்டா²னங் பவாரணாய பவாரணங் ட²பெஸ்ஸாமாதி. அஸ்ஸோஸுங் கோ² தே பி⁴க்கூ²
– ‘‘அம்ஹாகங் கிர ஸாமந்தா அஞ்ஞே பி⁴க்கூ² ப⁴ண்ட³னகாரகா கலஹகாரகா
விவாத³காரகா ப⁴ஸ்ஸகாரகா ஸங்கே⁴ அதி⁴கரணகாரகா வஸ்ஸங் உபக³தா – மயங் தேஸங்
பி⁴க்கூ²னங் வஸ்ஸங்வுட்டா²னங் பவாரணாய பவாரணங் ட²பெஸ்ஸாமா’’தி. கத²ங் நு
கோ² அம்ஹேஹி படிபஜ்ஜிதப்³ப³ந்தி? ப⁴க³வதோ ஏதமத்த²ங் ஆரோசேஸுங்.


இத⁴ பன, பி⁴க்க²வே, ஸம்ப³ஹுலா ஸந்தி³ட்டா² ஸம்ப⁴த்தா
பி⁴க்கூ² அஞ்ஞதரஸ்மிங் ஆவாஸே வஸ்ஸங் உபக³ச்ச²ந்தி. தேஸங் ஸாமந்தா அஞ்ஞே
பி⁴க்கூ² ப⁴ண்ட³னகாரகா கலஹகாரகா விவாத³காரகா ப⁴ஸ்ஸகாரகா
ஸங்கே⁴ அதி⁴கரணகாரகா வஸ்ஸங் உபக³ச்ச²ந்தி – மயங் தேஸங் பி⁴க்கூ²னங்
வஸ்ஸங்வுட்டா²னங் பவாரணாய பவாரணங் ட²பெஸ்ஸாமாதி. அனுஜானாமி, பி⁴க்க²வே,
தேஹி பி⁴க்கூ²ஹி த்³வே தயோ உபோஸதே² சாதுத்³த³ஸிகே காதுங் – கத²ங் மயங் தேஹி
பி⁴க்கூ²ஹி பட²மதரங் பவாரெய்யாமாதி. தே சே, பி⁴க்க²வே, பி⁴க்கூ²
ப⁴ண்ட³னகாரகா கலஹகாரகா விவாத³காரகா ப⁴ஸ்ஸகாரகா ஸங்கே⁴ அதி⁴கரணகாரகா தங்
ஆவாஸங் ஆக³ச்ச²ந்தி, தேஹி, பி⁴க்க²வே, ஆவாஸிகேஹி பி⁴க்கூ²ஹி லஹுங் லஹுங்
ஸன்னிபதித்வா பவாரேதப்³ப³ங், பவாரெத்வா வத்தப்³பா³ – ‘‘பவாரிதா கோ² மயங், ஆவுஸோ; யதா²யஸ்மந்தா மஞ்ஞந்தி ததா²
கரொந்தூ’’தி. தே சே, பி⁴க்க²வே, பி⁴க்கூ² ப⁴ண்ட³னகாரகா கலஹகாரகா
விவாத³காரகா ப⁴ஸ்ஸகாரகா ஸங்கே⁴ அதி⁴கரணகாரகா அஸங்விஹிதா தங் ஆவாஸங்
ஆக³ச்ச²ந்தி, தேஹி, பி⁴க்க²வே, ஆவாஸிகேஹி பி⁴க்கூ²ஹி ஆஸனங் பஞ்ஞபேதப்³ப³ங்,
பாதோ³த³கங் பாத³பீட²ங் பாத³கத²லிகங் உபனிக்கி²பிதப்³ப³ங்,
பச்சுக்³க³ந்த்வா பத்தசீவரங் படிக்³க³ஹேதப்³ப³ங், பானீயேன
பரிபுச்சி²தப்³பா³; தேஸங் விக்கி²த்வா
[விக்கி²பாபெத்வா (படிவிஸோத⁴கானங் மதி), ஆசிக்கி²த்வா (க॰)]
நிஸ்ஸீமங் க³ந்த்வா பவாரேதப்³ப³ங், பவாரெத்வா வத்தப்³பா³ – ‘‘பவாரிதா கோ²
மயங், ஆவுஸோ; யதா²யஸ்மந்தா மஞ்ஞந்தி ததா² கரொந்தூ’’தி. ஏவஞ்சேதங் லபே⁴த²,
இச்சேதங் குஸலங். நோ சே லபே⁴த², ஆவாஸிகேன பி⁴க்கு²னா ப்³யத்தேன படிப³லேன
ஆவாஸிகா பி⁴க்கூ² ஞாபேதப்³பா³ –


‘‘ஸுணந்து மே, ஆயஸ்மந்தோ [ஆயஸ்மந்தா (க॰)], ஆவாஸிகா. யதா³யஸ்மந்தானங் பத்தகல்லங், இதா³னி உபோஸத²ங் கரெய்யாம, பாதிமொக்க²ங் உத்³தி³ஸெய்யாம , ஆக³மே காளே பவாரெய்யாமா’’தி. தே சே, பி⁴க்க²வே, பி⁴க்கூ² ப⁴ண்ட³னகாரகா கலஹகாரகா
விவாத³காரகா ப⁴ஸ்ஸகாரகா ஸங்கே⁴ அதி⁴கரணகாரகா தே பி⁴க்கூ² ஏவங் வதெ³ய்யுங் –
‘‘ஸாதா⁴வுஸோ, இதா³னேவ நோ பவாரேதா²’’தி, தே ஏவமஸ்ஸு வசனீயா – ‘‘அனிஸ்ஸரா
கோ² தும்ஹே, ஆவுஸோ, அம்ஹாகங் பவாரணாய; ந தாவ மயங் பவாரெய்யாமா’’தி. தே சே,
பி⁴க்க²வே, பி⁴க்கூ² ப⁴ண்ட³னகாரகா கலஹகாரகா விவாத³காரகா ப⁴ஸ்ஸகாரகா ஸங்கே⁴
அதி⁴கரணகாரகா தங் காளங் அனுவஸெய்யுங், ஆவாஸிகேன, பி⁴க்க²வே, பி⁴க்கு²னா
ப்³யத்தேன படிப³லேன ஆவாஸிகா பி⁴க்கூ² ஞாபேதப்³பா³ –


‘‘ஸுணந்து மே, ஆயஸ்மந்தோ, ஆவாஸிகா. யதா³யஸ்மந்தானங்
பத்தகல்லங், இதா³னி உபோஸத²ங் கரெய்யாம, பாதிமொக்க²ங் உத்³தி³ஸெய்யாம, ஆக³மே
ஜுண்ஹே பவாரெய்யாமா’’தி. தே சே, பி⁴க்க²வே, பி⁴க்கூ² ப⁴ண்ட³னகாரகா
கலஹகாரகா விவாத³காரகா ப⁴ஸ்ஸகாரகா ஸங்கே⁴ அதி⁴கரணகாரகா தே பி⁴க்கூ² ஏவங்
வதெ³ய்யுங் – ‘‘ஸாதா⁴வுஸோ, இதா³னேவ நோ பவாரெய்யாதா²’’தி, தே ஏவமஸ்ஸு வசனீயா
– ‘‘அனிஸ்ஸரா கோ² தும்ஹே, ஆவுஸோ, அம்ஹாகங் பவாரணாய, ந தாவ மயங்
பவாரெய்யாமா’’தி. தே சே, பி⁴க்க²வே, பி⁴க்கூ² ப⁴ண்ட³னகாரகா கலஹகாரகா
விவாத³காரகா ப⁴ஸ்ஸகாரகா ஸங்கே⁴ அதி⁴கரணகாரகா தம்பி ஜுண்ஹங் அனுவஸெய்யுங், தேஹி, பி⁴க்க²வே, பி⁴க்கூ²ஹி ஸப்³பே³ஹேவ ஆக³மே ஜுண்ஹே கோமுதி³யா சாதுமாஸினியா அகாமா பவாரேதப்³ப³ங்.


தேஹி சே, பி⁴க்க²வே, பி⁴க்கூ²ஹி பவாரியமானே கி³லானோ
அகி³லானஸ்ஸ பவாரணங் ட²பேதி, ஸோ ஏவமஸ்ஸ வசனீயோ – ‘‘ஆயஸ்மா கோ² கி³லானோ.
கி³லானோ ச அனநுயோக³க்க²மோ வுத்தோ ப⁴க³வதா. ஆக³மேஹி, ஆவுஸோ, யாவ அரோகோ³
ஹோஸி. அரோகோ³ ஆகங்க²மானோ சோதெ³ஸ்ஸஸீ’’தி. ஏவஞ்சே வுச்சமானோ சோதே³தி, அனாத³ரியே பாசித்தியங். தேஹி சே, பி⁴க்க²வே, பி⁴க்கூ²ஹி பவாரியமானே
அகி³லானோ கி³லானஸ்ஸ பவாரணங் ட²பேதி, ஸோ ஏவமஸ்ஸ வசனீயோ – ‘‘அயங் கோ²,
ஆவுஸோ, பி⁴க்கு² கி³லானோ. கி³லானோ ச அனநுயோக³க்க²மோ வுத்தோ ப⁴க³வதா.
ஆக³மேஹி, ஆவுஸோ, யாவாயங் பி⁴க்கு² அரோகோ³ ஹோதி. அரோக³ங் ஆகங்க²மானோ
சோதெ³ஸ்ஸஸீ’’தி. ஏவஞ்சே வுச்சமானோ சோதே³தி, அனாத³ரியே பாசித்தியங். தேஹி
சே, பி⁴க்க²வே, பி⁴க்கூ²ஹி பவாரியமானே கி³லானோ கி³லானஸ்ஸ பவாரணங் ட²பேதி,
ஸோ ஏவமஸ்ஸ வசனீயோ – ‘‘ஆயஸ்மந்தா கோ² கி³லானா. கி³லானோ ச அனநுயோக³க்க²மோ
வுத்தோ ப⁴க³வதா. ஆக³மேஹி, ஆவுஸோ, யாவ அரோகா³ ஹோத². அரோகோ³ அரோக³ங்
ஆகங்க²மானோ சோதெ³ஸ்ஸஸீ’’தி
[யாவ அரோகோ³ ஹோதி, அரோக³ங் ஆகங்க²மானோ சோதெ³ஸ்ஸஸீதி (க॰)].
ஏவஞ்சே வுச்சமானோ சோதே³தி, அனாத³ரியே பாசித்தியங். தேஹி சே, பி⁴க்க²வே,
பி⁴க்கூ²ஹி பவாரியமானே அகி³லானோ அகி³லானஸ்ஸ பவாரணங் ட²பேதி, உபோ⁴ ஸங்கே⁴ன
ஸமனுயுஞ்ஜித்வா ஸமனுகா³ஹித்வா [ஸமனுபா⁴ஸித்வா (ஸீ॰)] யதா²த⁴ம்மங் காராபெத்வா ஸங்கே⁴ன பவாரேதப்³ப³ந்தி.


ப⁴ண்ட³னகாரகவத்து² நிட்டி²தங்.


145. பவாரணாஸங்க³ஹோ


241. தேன கோ² பன ஸமயேன ஸம்ப³ஹுலா ஸந்தி³ட்டா² ஸம்ப⁴த்தா பி⁴க்கூ²
கோஸலேஸு ஜனபதே³ அஞ்ஞதரஸ்மிங் ஆவாஸே வஸ்ஸங் உபக³ச்சி²ங்ஸு. தேஸங்
ஸமக்³கா³னங் ஸம்மோத³மானானங் அவிவத³மானானங் விஹரதங் அஞ்ஞதரோ பா²ஸுவிஹாரோ
அதி⁴க³தோ ஹோதி. அத² கோ² தேஸங் பி⁴க்கூ²னங் ஏதத³ஹோஸி – ‘‘அம்ஹாகங் கோ²
ஸமக்³கா³னங் ஸம்மோத³மானானங் அவிவத³மானானங் விஹரதங் அஞ்ஞதரோ பா²ஸுவிஹாரோ
அதி⁴க³தோ. ஸசே மயங் இதா³னி பவாரெஸ்ஸாம , ஸியாபி
பி⁴க்கூ² பவாரெத்வா சாரிகங் பக்கமெய்யுங். ஏவங் மயங் இமம்ஹா பா²ஸுவிஹாரா
பரிபா³ஹிரா ப⁴விஸ்ஸாம. கத²ங் நு கோ² அம்ஹேஹி படிபஜ்ஜிதப்³ப³’’ந்தி? ப⁴க³வதோ
ஏதமத்த²ங் ஆரோசேஸுங்.


இத⁴ பன, பி⁴க்க²வே, ஸம்ப³ஹுலா ஸந்தி³ட்டா² ஸம்ப⁴த்தா
பி⁴க்கூ² அஞ்ஞதரஸ்மிங் ஆவாஸே வஸ்ஸங் உபக³ச்ச²ந்தி. தேஸங் ஸமக்³கா³னங்
ஸம்மோத³மானானங் அவிவத³மானானங் விஹரதங் அஞ்ஞதரோ பா²ஸுவிஹாரோ அதி⁴க³தோ ஹோதி.
தத்ர சே பி⁴க்கூ²னங் ஏவங் ஹோதி – ‘‘அம்ஹாகங் கோ² ஸமக்³கா³னங்
ஸம்மோத³மானானங் அவிவத³மானானங் விஹரதங் அஞ்ஞதரோ பா²ஸுவிஹாரோ அதி⁴க³தோ. ஸசே
மயங் இதா³னி பவாரெஸ்ஸாம, ஸியாபி பி⁴க்கூ² பவாரெத்வா சாரிகங் பக்கமெய்யுங்.
ஏவங் மயங் இமம்ஹா பா²ஸுவிஹாரா பரிபா³ஹிரா ப⁴விஸ்ஸாமா’’தி, அனுஜானாமி,
பி⁴க்க²வே, தேஹி பி⁴க்கூ²ஹி பவாரணாஸங்க³ஹங் காதுங். ஏவஞ்ச பன, பி⁴க்க²வே,
காதப்³போ³. ஸப்³பே³ஹேவ ஏகஜ்ஜ²ங் ஸன்னிபதிதப்³ப³ங் – ஸன்னிபதித்வா ப்³யத்தேன
பி⁴க்கு²னா படிப³லேன ஸங்கோ⁴ ஞாபேதப்³போ³ –


‘‘ஸுணாது மே, ப⁴ந்தே, ஸங்கோ⁴.
அம்ஹாகங் ஸமக்³கா³னங் ஸம்மோத³மானானங் அவிவத³மானானங் விஹரதங் அஞ்ஞதரோ
பா²ஸுவிஹாரோ அதி⁴க³தோ. ஸசே மயங் இதா³னி பவாரெஸ்ஸாம, ஸியாபி பி⁴க்கூ²
பவாரெத்வா சாரிகங் பக்கமெய்யுங். ஏவங் மயங் இமம்ஹா பா²ஸுவிஹாரா பரிபா³ஹிரா
ப⁴விஸ்ஸாம. யதி³ ஸங்க⁴ஸ்ஸ பத்தகல்லங், ஸங்கோ⁴ பவாரணாஸங்க³ஹங் கரெய்ய,
இதா³னி உபோஸத²ங் கரெய்ய, பாதிமொக்க²ங் உத்³தி³ஸெய்ய, ஆக³மே ஜுண்ஹே
கோமுதி³யா சாதுமாஸினியா பவாரெய்ய. ஏஸா ஞத்தி.


‘‘ஸுணாது மே, ப⁴ந்தே, ஸங்கோ⁴. அம்ஹாகங் ஸமக்³கா³னங் ஸம்மோத³மானானங் அவிவத³மானானங் விஹரதங்
அஞ்ஞதரோ பா²ஸுவிஹாரோ அதி⁴க³தோ. ஸசே மயங் இதா³னி பவாரெஸ்ஸாம, ஸியாபி
பி⁴க்கூ² பவாரெத்வா சாரிகங் பக்கமெய்யுங். ஏவங் மயங் இமம்ஹா பா²ஸுவிஹாரா
பரிபா³ஹிரா ப⁴விஸ்ஸாம. ஸங்கோ⁴ பவாரணாஸங்க³ஹங் கரோதி, இதா³னி உபோஸத²ங்
கரிஸ்ஸதி, பாதிமொக்க²ங் உத்³தி³ஸிஸ்ஸதி, ஆக³மே ஜுண்ஹே கோமுதி³யா
சாதுமாஸினியா பவாரெஸ்ஸதி. யஸ்ஸாயஸ்மதோ க²மதி பவாரணாஸங்க³ஹஸ்ஸ கரணங், இதா³னி
உபோஸத²ங் கரிஸ்ஸதி, பாதிமொக்க²ங் உத்³தி³ஸிஸ்ஸதி, ஆக³மே ஜுண்ஹே கோமுதி³யா
சாதுமாஸினியா பவாரெஸ்ஸதி, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.


‘‘கதோ ஸங்கே⁴ன பவாரணாஸங்க³ஹோ,
இதா³னி உபோஸத²ங் கரிஸ்ஸதி, பாதிமொக்க²ங் உத்³தி³ஸிஸ்ஸதி, ஆக³மே ஜுண்ஹே
கோமுதி³யா சாதுமாஸினியா பவாரெஸ்ஸதி. க²மதி ஸங்க⁴ஸ்ஸ, தஸ்மா துண்ஹீ, ஏவமேதங்
தா⁴ரயாமீ’’தி.


தேஹி சே, பி⁴க்க²வே, பி⁴க்கூ²ஹி கதே பவாரணாஸங்க³ஹே
அஞ்ஞதரோ பி⁴க்கு² ஏவங் வதெ³ய்ய – ‘‘இச்சா²மஹங், ஆவுஸோ, ஜனபத³சாரிகங்
பக்கமிதுங்; அத்தி² மே ஜனபதே³ கரணீய’’ந்தி, ஸோ ஏவமஸ்ஸ வசனீயோ –
‘‘ஸாதா⁴வுஸோ, பவாரெத்வா க³ச்சா²ஹீ’’தி. ஸோ சே ,
பி⁴க்க²வே, பி⁴க்கு² பவாரயமானோ அஞ்ஞதரஸ்ஸ பி⁴க்கு²னோ பவாரணங் ட²பேதி, ஸோ
ஏவமஸ்ஸ வசனீயோ – ‘‘அனிஸ்ஸரோ கோ² மே த்வங், ஆவுஸோ, பவாரணாய, ந தாவாஹங்
பவாரெஸ்ஸாமீ’’தி. தஸ்ஸ சே, பி⁴க்க²வே, பி⁴க்கு²னோ பவாரயமானஸ்ஸ அஞ்ஞதரோ
பி⁴க்கு² தஸ்ஸ பி⁴க்கு²னோ பவாரணங் ட²பேதி, உபோ⁴ ஸங்கே⁴ன ஸமனுயுஞ்ஜித்வா
ஸமனுகா³ஹித்வா யதா²த⁴ம்மங் காராபேதப்³பா³. ஸோ சே, பி⁴க்க²வே, பி⁴க்கு²
ஜனபதே³ தங் கரணீயங் தீரெத்வா புனதே³வ அந்தோ
கோமுதி³யா சாதுமாஸினியா தங் ஆவாஸங் ஆக³ச்ச²தி, தேஹி சே, பி⁴க்க²வே,
பி⁴க்கூ²ஹி பவாரியமானே அஞ்ஞதரோ பி⁴க்கு² தஸ்ஸ பி⁴க்கு²னோ பவாரணங் ட²பேதி,
ஸோ ஏவமஸ்ஸ வசனீயோ – ‘‘அனிஸ்ஸரோ கோ² மே த்வங், ஆவுஸோ, பவாரணாய; பவாரிதோ
அஹ’’ந்தி. தேஹி சே, பி⁴க்க²வே, பி⁴க்கூ²ஹி பவாரியமானே ஸோ பி⁴க்கு²
அஞ்ஞதரஸ்ஸ பி⁴க்கு²னோ பவாரணங் ட²பேதி, உபோ⁴ ஸங்கே⁴ன ஸமனுயுஞ்ஜித்வா ஸமனுகா³ஹித்வா யதா²த⁴ம்மங் காராபெத்வா ஸங்கே⁴ன பவாரேதப்³ப³ந்தி.


பவாரணாஸங்க³ஹோ நிட்டி²தோ.


பவாரணாக்க²ந்த⁴கோ சதுத்தோ².


146. தஸ்ஸுத்³தா³னங்


வஸ்ஸங்வுட்டா² கோஸலேஸு, அக³முங் ஸத்து² த³ஸ்ஸனங்;


அபா²ஸுங் பஸுஸங்வாஸங், அஞ்ஞமஞ்ஞானுலோமதா.


பவாரெந்தா பணாமஞ்ச [பவாரெந்தாஸனே த்³வே ச (ஸீ॰ ஸ்யா॰)], கம்மங் கி³லானஞாதகா;


ராஜா சோரா ச து⁴த்தா ச, பி⁴க்கு²பச்சத்தி²கா ததா².


பஞ்ச சதுதயோ த்³வேகோ, ஆபன்னோ வேமதீ ஸரி;


ஸப்³போ³ ஸங்கோ⁴ வேமதிகோ, ப³ஹூ ஸமா ச தோ²கிகா.


ஆவாஸிகா சாதுத்³த³ஸ, லிங்க³ஸங்வாஸகா உபோ⁴;


க³ந்தப்³ப³ங் ந நிஸின்னாய, ச²ந்த³தா³னே பவாரணா [ச²ந்த³தா³னபவாரணா (க॰)].


ஸவரேஹி கே²பிதா மேகோ⁴, அந்தரா ச பவாரணா;


ந இச்ச²ந்தி புரம்ஹாகங், அட்ட²பிதா ச பி⁴க்கு²னோ.


கிம்ஹி வாதி கதமஞ்ச, தி³ட்டே²ன ஸுதஸங்காய;


சோத³கோ சுதி³தகோ ச, து²ல்லச்சயங் வத்து² ப⁴ண்ட³னங்;


பவாரணாஸங்க³ஹோ ச, அனிஸ்ஸரோ பவாரயேதி.


இமம்ஹி க²ந்த⁴கே வத்தூ²னி ச²சத்தாரீஸாதி.


பவாரணாக்க²ந்த⁴கோ நிட்டி²தோ.



http://donate.dhammatalks.org/vinaya/Mv/Mahavagga_Index.html


image.png


The Mahāvagga


The Great Division


Translated by Khematto Bhikkhu


The Mahāvagga, according to the Royal Thai recension, is the fourth
book of the Vinaya Piṭaka of the Pāḷi Canon. The Pāḷi used in this
side-by-side translation is taken from that recension, via Digital Pāli
Reader, with some variants mentioned. The translation follows the
BMC—most of the passages translated there are copied more or less
directly—with only minor deviations, usually in order to follow the Pāḷi
word order more closely for ease of comparison. Some passages from the
Commentary (in blue type) and Sub-commentary (in green type) have been
included, to clarify the meaning of ambiguous passages or expand on
points in the Canon.


  • Cover
  • I  mahākhandhako: The Great Khandhaka
  • II  uposathakkhandhako: The Uposatha Khandhaka
  • III  vassūpanāyikakkhandhako: The Entering-for-the-Rains Khandhaka
  • IV  pavāraṇākkhandhako: The Invitation Khandhaka
  • V  cammakkhandhako: The Leather Khandhaka
  • VI  bhesajjakkhandhako: The Medicine Khandhaka
  • VII  kaṭhinakkhandhako: The Kaṭhina Khandhaka
  • VIII  cīvarakkhandhako: The Robe-cloth Khandhaka
  • IX  campeyyakkhandhako: The Campā Khandhaka
  • http://donate.dhammatalks.org/vinaya/Mv/MvIV_Index.html

[ Mahāvagga Contents ]

IV pavāraṇākkhandhako



The Invitation Khandhaka


  • 120 aphāsukavihāro: Staying Uncomfortably
  • 121 pavāraṇābhedā: Analysis of the Invitation
  • 122 pavāraṇādānānujānanā: The Allowance of Giving the Invitation
  • 123 ñātakādiggahaṇakathā: The Discussion of Seizure by Relatives
  • 124 saṅghapavāraṇādippabhedā: Analysis of the Saṅgha-invitation, etc.
  • 125 āpattipaṭikammavidhi: The Method for Making Amends for an Offense
  • 126 āpattiāvikaraṇavidhi: The Method for Admitting an Offense (During the Invitation)
  • 127 sabhāgāpattipaṭikammavidhi: The Method for Making Amends for an Offense Common to One Another
  • 128 anāpattipannarasakaṁ: The Set of Fifteen Non-Offenses
  • 129 vaggāvaggasaññīpannarasakaṁ: The Set of Fifteen on Factional (Invitations) Perceived as Non-factional
  • 130 vematikapannarasakaṁ: The Set of Fifteen in the Case of Doubt
  • 131 kukkuccapakatapannarasakaṁ: The Set of Fifteen Done with an Uneasy Conscience
  • 132 bhedapurekkhārapannarasakaṁ: The Set of Fifteen Done Aiming as Schism
  • 133 sīmokkantikapeyyālaṁ: The Formula for Deriving Triplets on Entering the Territory
  • 134 divasanānattaṁ: Differences in Day
  • 135 liṅgādidassanaṁ: Seeing Traces, etc.
  • 136 nānāsaṁvāsakādīhi pavāraṇā: Performing the Uposatha with (Monks) of a Separate Affiliation, etc.
  • 137 na gantabbavāro: The List of (Cases in which One) Should not Go
  • 138 gantabbavāro: The List of (Cases where One) May Go
  • 139 vajjanīyapuggalasandassanā: Enumeration of Excluded Individuals
  • 140 dvevācikādipavāraṇā: The Invitation with Two Statements, etc.
  • 141 pavāraṇāṭhapanaṁ: The Cancellation of the Invitation
  • 142 thullaccayavatthukādi: The Case of the Thullaccaya Offense, etc.
  • 143 vatthuṭhapanādi: Shelving a Matter, etc.
  • 144 bhaṇḍanakārakavatthu: The Case of Makers of Quarrels
  • 145 pavāraṇāsaṅgaho: The Invitation-delay
  • tassuddānaṁ: Mnemonic Verses


https://www.youtube.com/watch?v=Kp80jfabQzk


Published on Jan 20, 2016



https://www.youtube.com/watch?v=Kp80jfabQzk
8. Tripitaka by Theravada Buddhism (Vinaya)
Maynka Vadya
Published on Jan 20, 2016
Most influential books in Indian History.

The Vinaya Pitaka, the first division of the Tipitaka, is the textual
framework upon which the monastic community (Sangha) is built.
Category
Entertainment


youtube.com
Most
influential books in Indian History. The Vinaya Pitaka, the first
division of the Tipitaka, is the textual framework upon which the
monastic community (…

http://donate.dhammatalks.org/vinaya/Mv/MvIV.html


Leave a Reply