Free Online FOOD for MIND & HUNGER - DO GOOD 😊 PURIFY MIND.To live like free birds 🐦 🦢 🦅 grow fruits 🍍 🍊 🥑 🥭 🍇 🍌 🍎 🍉 🍒 🍑 🥝 vegetables 🥦 🥕 🥗 🥬 🥔 🍆 🥜 🎃 🫑 🍅🍜 🧅 🍄 🍝 🥗 🥒 🌽 🍏 🫑 🌳 🍓 🍊 🥥 🌵 🍈 🌰 🇧🇧 🫐 🍅 🍐 🫒Plants 🌱in pots 🪴 along with Meditative Mindful Swimming 🏊‍♂️ to Attain NIBBĀNA the Eternal Bliss.
Kushinara NIBBĀNA Bhumi Pagoda White Home, Puniya Bhumi Bengaluru, Prabuddha Bharat International.
Categories:

Archives:
Meta:
March 2024
M T W T F S S
« Jan    
 123
45678910
11121314151617
18192021222324
25262728293031
08/06/07
ஸுத்தபிடக-Part-23-தமிழில் திரபிடக மூன்று தொகுப்புகள்TIPITAKA–23.10. பாயாஸிஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org
Filed under: General
Posted by: site admin @ 10:41 am

up a level
ஸுத்தபிடக-Part-23-மிழில் திபி  மூன்று தொகுப்புள்TIPITAKA--23.
10. பாயாஸிஸுத்தங்-from FREE ONLINE  eNālāndā Research and
Practice UNIVERSITY through http://sarvajan.ambedkar.org


10. பாயாஸிஸுத்தங்

406. ஏவங்
மே ஸுதங் – ஏகங் ஸமயங் ஆயஸ்மா குமாரகஸ்ஸபோ கோஸலேஸு சாரிகங் சரமானோ மஹதா
பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி பி⁴க்கு²ஸதேஹி யேன ஸேதப்³யா நாம
கோஸலானங் நக³ரங் தத³வஸரி. தத்ர ஸுத³ங் ஆயஸ்மா குமாரகஸ்ஸபோ ஸேதப்³யாயங்
விஹரதி உத்தரேன ஸேதப்³யங் ஸிங்ஸபாவனே [ஸீஸபாவனே (ஸ்யா॰)].
தேன கோ² பன ஸமயேன பாயாஸி ராஜஞ்ஞோ ஸேதப்³யங் அஜ்ஜா²வஸதி ஸத்துஸ்ஸத³ங்
ஸதிணகட்டோ²த³கங் ஸத⁴ஞ்ஞங் ராஜபொ⁴க்³க³ங் ரஞ்ஞா பஸேனதி³னா கோஸலேன தி³ன்னங்
ராஜதா³யங் ப்³ரஹ்மதெ³ய்யங்.

பாயாஸிராஜஞ்ஞவத்து²

407.
தேன கோ² பன ஸமயேன பாயாஸிஸ்ஸ ராஜஞ்ஞஸ்ஸ ஏவரூபங் பாபகங் தி³ட்டி²க³தங்
உப்பன்னங் ஹோதி – ‘‘இதிபி நத்தி² பரோ லோகோ, நத்தி² ஸத்தா ஓபபாதிகா, நத்தி²
ஸுகதது³க்கடானங் [ஸுகடக்கடானங் (ஸீ॰ பீ॰)]
கம்மானங் ப²லங் விபாகோ’’தி. அஸ்ஸோஸுங் கோ² ஸேதப்³யகா ப்³ராஹ்மணக³ஹபதிகா –
‘‘ஸமணோ க²லு போ⁴ குமாரகஸ்ஸபோ ஸமணஸ்ஸ கோ³தமஸ்ஸ ஸாவகோ கோஸலேஸு சாரிகங் சரமானோ
மஹதா பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி பி⁴க்கு²ஸதேஹி ஸேதப்³யங்
அனுப்பத்தோ ஸேதப்³யாயங் விஹரதி உத்தரேன ஸேதப்³யங் ஸிங்ஸபாவனே. தங் கோ² பன
ப⁴வந்தங் குமாரகஸ்ஸபங் ஏவங் கல்யாணோ கித்திஸத்³தோ³ அப்³பு⁴க்³க³தோ –
‘பண்டி³தோ ப்³யத்தோ மேதா⁴வீ ப³ஹுஸ்ஸுதோ சித்தகதீ² கல்யாணபடிபா⁴னோ வுத்³தோ⁴ [பு³த்³தோ⁴ (ஸ்யா॰ க॰)] சேவ அரஹா ச. ஸாது⁴ கோ² பன ததா²ரூபானங் அரஹதங் த³ஸ்ஸனங் ஹோதீ’’’தி. அத² கோ² ஸேதப்³யகா ப்³ராஹ்மணக³ஹபதிகா ஸேதப்³யாய நிக்க²மித்வா ஸங்க⁴ஸங்கீ⁴ க³ணீபூ⁴தா உத்தரேனமுகா² க³ச்ச²ந்தி யேன ஸிங்ஸபாவனங் [யேன ஸிங்ஸபாவனங், தேனுபஸங்கமந்தி (ஸீ॰ பீ॰)].

408.
தேன கோ² பன ஸமயேன பாயாஸி ராஜஞ்ஞோ உபரிபாஸாதே³ தி³வாஸெய்யங் உபக³தோ ஹோதி.
அத்³த³ஸா கோ² பாயாஸி ராஜஞ்ஞோ ஸேதப்³யகே ப்³ராஹ்மணக³ஹபதிகே ஸேதப்³யாய
நிக்க²மித்வா ஸங்க⁴ஸங்கீ⁴ க³ணீபூ⁴தே உத்தரேனமுகே² க³ச்ச²ந்தே யேன
ஸிங்ஸபாவனங் [யேன ஸிங்ஸபாவனங், தேனுபஸங்கமந்தே (ஸீ॰ பீ॰)], தி³ஸ்வா க²த்தங் ஆமந்தேஸி – ‘‘கிங் நு
கோ², போ⁴ க²த்தே, ஸேதப்³யகா ப்³ராஹ்மணக³ஹபதிகா ஸேதப்³யாய நிக்க²மித்வா
ஸங்க⁴ஸங்கீ⁴ க³ணீபூ⁴தா உத்தரேனமுகா² க³ச்ச²ந்தி யேன ஸிங்ஸபாவன’’ந்தி [எத்த² பன ஸப்³ப³த்த²பி ஏவமேவ தி³ஸ்ஸதி, நத்தி² பாட²ந்தரங்]?

‘‘அத்தி² கோ², போ⁴, ஸமணோ
குமாரகஸ்ஸபோ, ஸமணஸ்ஸ கோ³தமஸ்ஸ ஸாவகோ கோஸலேஸு சாரிகங் சரமானோ மஹதா
பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி பி⁴க்கு²ஸதேஹி ஸேதப்³யங் அனுப்பத்தோ
ஸேதப்³யாயங் விஹரதி உத்தரேன ஸேதப்³யங் ஸிங்ஸபாவனே. தங் கோ² பன ப⁴வந்தங்
குமாரகஸ்ஸபங் ஏவங் கல்யாணோ கித்திஸத்³தோ³ அப்³பு⁴க்³க³தோ – ‘பண்டி³தோ
ப்³யத்தோ மேதா⁴வீ ப³ஹுஸ்ஸுதோ சித்தகதீ² கல்யாணபடிபா⁴னோ வுத்³தோ⁴ சேவ அரஹா
சா’தி [அரஹா ச (ஸ்யா॰ க॰)]. தமேதே [தமேனங் தே (ஸீ॰ க॰), தமேனங் (பீ॰)]
ப⁴வந்தங் குமாரகஸ்ஸபங் த³ஸ்ஸனாய உபஸங்கமந்தீ’’தி. ‘‘தேன ஹி, போ⁴ க²த்தே,
யேன ஸேதப்³யகா ப்³ராஹ்மணக³ஹபதிகா தேனுபஸங்கம; உபஸங்கமித்வா ஸேதப்³யகே
ப்³ராஹ்மணக³ஹபதிகே ஏவங் வதே³ஹி – ‘பாயாஸி, போ⁴, ராஜஞ்ஞோ ஏவமாஹ
– ஆக³மெந்து கிர ப⁴வந்தோ, பாயாஸிபி ராஜஞ்ஞோ ஸமணங் குமாரகஸ்ஸபங் த³ஸ்ஸனாய
உபஸங்கமிஸ்ஸதீ’தி. புரா ஸமணோ குமாரகஸ்ஸபோ ஸேதப்³யகே ப்³ராஹ்மணக³ஹபதிகே
பா³லே அப்³யத்தே ஸஞ்ஞாபேதி – ‘இதிபி அத்தி² பரோ லோகோ, அத்தி² ஸத்தா
ஓபபாதிகா, அத்தி² ஸுகதது³க்கடானங் கம்மானங் ப²லங் விபாகோ’தி. நத்தி² ஹி,
போ⁴ க²த்தே, பரோ லோகோ, நத்தி² ஸத்தா ஓபபாதிகா, நத்தி² ஸுகதது³க்கடானங்
கம்மானங் ப²லங் விபாகோ’’தி. ‘‘ஏவங் போ⁴’’தி கோ² ஸோ க²த்தா பாயாஸிஸ்ஸ
ராஜஞ்ஞஸ்ஸ படிஸ்ஸுத்வா யேன ஸேதப்³யகா ப்³ராஹ்மணக³ஹபதிகா தேனுபஸங்கமி;
உபஸங்கமித்வா ஸேதப்³யகே ப்³ராஹ்மணக³ஹபதிகே ஏதத³வோச – ‘‘பாயாஸி, போ⁴,
ராஜஞ்ஞோ ஏவமாஹ, ஆக³மெந்து கிர ப⁴வந்தோ, பாயாஸிபி ராஜஞ்ஞோ ஸமணங்
குமாரகஸ்ஸபங் த³ஸ்ஸனாய உபஸங்கமிஸ்ஸதீ’’தி.

409.
அத² கோ² பாயாஸி ராஜஞ்ஞோ ஸேதப்³யகேஹி ப்³ராஹ்மணக³ஹபதிகேஹி பரிவுதோ யேன
ஸிங்ஸபாவனங் யேனாயஸ்மா குமாரகஸ்ஸபோ தேனுபஸங்கமி; உபஸங்கமித்வா ஆயஸ்மதா
குமாரகஸ்ஸபேன ஸத்³தி⁴ங் ஸம்மோதி³, ஸம்மோத³னீயங்
கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஸேதப்³யகாபி கோ²
ப்³ராஹ்மணக³ஹபதிகா அப்பேகச்சே ஆயஸ்மந்தங் குமாரகஸ்ஸபங் அபி⁴வாதெ³த்வா
ஏகமந்தங் நிஸீதி³ங்ஸு; அப்பேகச்சே ஆயஸ்மதா
குமாரகஸ்ஸபேன ஸத்³தி⁴ங் ஸம்மோதி³ங்ஸு; ஸம்மோத³னீயங் கத²ங் ஸாரணீயங்
வீதிஸாரெத்வா ஏகமந்தங் நிஸீதி³ங்ஸு. அப்பேகச்சே யேனாயஸ்மா குமாரகஸ்ஸபோ
தேனஞ்ஜலிங் பணாமெத்வா ஏகமந்தங் நிஸீதி³ங்ஸு. அப்பேகச்சே நாமகொ³த்தங்
ஸாவெத்வா ஏகமந்தங் நிஸீதி³ங்ஸு. அப்பேகச்சே துண்ஹீபூ⁴தா ஏகமந்தங்
நிஸீதி³ங்ஸு.

நத்தி²கவாதோ³

410. ஏகமந்தங்
நிஸின்னோ கோ² பாயாஸி ராஜஞ்ஞோ ஆயஸ்மந்தங் குமாரகஸ்ஸபங் ஏதத³வோச – ‘‘அஹஞ்ஹி,
போ⁴ கஸ்ஸப, ஏவங்வாதீ³ ஏவங்தி³ட்டீ² – ‘இதிபி நத்தி² பரோ லோகோ, நத்தி²
ஸத்தா ஓபபாதிகா, நத்தி² ஸுகதது³க்கடானங் கம்மானங் ப²லங் விபாகோ’’’தி.
‘‘நாஹங், ராஜஞ்ஞ, ஏவங்வாதி³ங் ஏவங்தி³ட்டி²ங் அத்³த³ஸங் வா அஸ்ஸோஸிங் வா.
கத²ஞ்ஹி நாம ஏவங் வதெ³ய்ய – ‘இதிபி நத்தி² பரோ லோகோ, நத்தி² ஸத்தா
ஓபபாதிகா, நத்தி² ஸுகதது³க்கடானங் கம்மானங் ப²லங் விபாகோ’தி?

சந்தி³மஸூரியஉபமா

411.
‘‘தேன ஹி, ராஜஞ்ஞ, தஞ்ஞேவெத்த² படிபுச்சி²ஸ்ஸாமி, யதா² தே க²மெய்ய, ததா²
நங் ப்³யாகரெய்யாஸி. தங் கிங் மஞ்ஞஸி, ராஜஞ்ஞ, இமே சந்தி³மஸூரியா இமஸ்மிங்
வா லோகே பரஸ்மிங் வா, தே³வா வா தே மனுஸ்ஸா வா’’தி? ‘‘இமே, போ⁴ கஸ்ஸப,
சந்தி³மஸூரியா பரஸ்மிங் லோகே, ந இமஸ்மிங்; தே³வா தே ந மனுஸ்ஸா’’தி.
‘‘இமினாபி கோ² தே, ராஜஞ்ஞ, பரியாயேன ஏவங் ஹோது – இதிபி அத்தி² பரோ லோகோ,
அத்தி² ஸத்தா ஓபபாதிகா, அத்தி² ஸுகதது³க்கடானங் கம்மானங் ப²லங் விபாகோ’’தி.

412. ‘‘கிஞ்சாபி ப⁴வங் கஸ்ஸபோ ஏவமாஹ, அத² கோ² ஏவங் மே எத்த² ஹோதி – ‘இதிபி நத்தி² பரோ லோகோ, நத்தி² ஸத்தா ஓபபாதிகா, நத்தி²
ஸுகதது³க்கடானங் கம்மானங் ப²லங் விபாகோ’’’தி. ‘‘அத்தி² பன, ராஜஞ்ஞ,
பரியாயோ, யேன தே பரியாயேன ஏவங் ஹோதி – ‘இதிபி நத்தி² பரோ லோகோ, நத்தி²
ஸத்தா ஓபபாதிகா, நத்தி² ஸுகதது³க்கடானங் கம்மானங் ப²லங் விபாகோ’’’தி?
‘‘அத்தி² , போ⁴ கஸ்ஸப, பரியாயோ, யேன மே பரியாயேன ஏவங்
ஹோதி – ‘இதிபி நத்தி² பரோ லோகோ, நத்தி² ஸத்தா ஓபபாதிகா, நத்தி²
ஸுகதது³க்கடானங் கம்மானங் ப²லங் விபாகோ’’’தி. ‘‘யதா² கத²ங் விய,
ராஜஞ்ஞா’’தி? ‘‘இத⁴ மே, போ⁴ கஸ்ஸப, மித்தாமச்சா ஞாதிஸாலோஹிதா பாணாதிபாதீ
அதி³ன்னாதா³யீ காமேஸுமிச்சா²சாரீ முஸாவாதீ³ பிஸுணவாசா ப²ருஸவாசா
ஸம்ப²ப்பலாபீ அபி⁴ஜ்ஜா²லூ ப்³யாபன்னசித்தா மிச்சா²தி³ட்டீ². தே அபரேன ஸமயேன
ஆபா³தி⁴கா ஹொந்தி து³க்கி²தா பா³ள்ஹகி³லானா. யதா³ஹங் ஜானாமி – ‘ந தா³னிமே
இமம்ஹா ஆபா³தா⁴ வுட்ட²ஹிஸ்ஸந்தீ’தி த்யாஹங் உபஸங்கமித்வா ஏவங் வதா³மி –
‘ஸந்தி கோ², போ⁴, ஏகே ஸமணப்³ராஹ்மணா ஏவங்வாதி³னோ ஏவங்தி³ட்டி²னோ – யே தே
பாணாதிபாதீ அதி³ன்னாதா³யீ காமேஸுமிச்சா²சாரீ முஸாவாதீ³ பிஸுணவாசா ப²ருஸவாசா
ஸம்ப²ப்பலாபீ அபி⁴ஜ்ஜா²லூ ப்³யாபன்னசித்தா மிச்சா²தி³ட்டீ², தே காயஸ்ஸ
பே⁴தா³ பரங் மரணா அபாயங் து³க்³க³திங் வினிபாதங்
நிரயங் உபபஜ்ஜந்தீ’தி. ப⁴வந்தோ கோ² பாணாதிபாதீ அதி³ன்னாதா³யீ
காமேஸுமிச்சா²சாரீ முஸாவாதீ³ பிஸுணவாசா ப²ருஸவாசா ஸம்ப²ப்பலாபீ அபி⁴ஜ்ஜா²லூ
ப்³யாபன்னசித்தா மிச்சா²தி³ட்டீ². ஸசே தேஸங் ப⁴வதங் ஸமணப்³ராஹ்மணானங்
ஸச்சங் வசனங், ப⁴வந்தோ காயஸ்ஸ பே⁴தா³ பரங் மரணா அபாயங் து³க்³க³திங்
வினிபாதங் நிரயங் உபபஜ்ஜிஸ்ஸந்தி. ஸசே, போ⁴, காயஸ்ஸ பே⁴தா³ பரங் மரணா
அபாயங் து³க்³க³திங் வினிபாதங் நிரயங் உபபஜ்ஜெய்யாத², யேன மே ஆக³ந்த்வா
ஆரோசெய்யாத² – ‘இதிபி அத்தி² பரோ லோகோ, அத்தி² ஸத்தா ஓபபாதிகா, அத்தி²
ஸுகதது³க்கடானங் கம்மானங் ப²லங் விபாகோ’தி . ப⁴வந்தோ
கோ² பன மே ஸத்³தா⁴யிகா பச்சயிகா, யங் ப⁴வந்தேஹி தி³ட்ட²ங், யதா² ஸாமங்
தி³ட்ட²ங் ஏவமேதங் ப⁴விஸ்ஸதீ’தி. தே மே ‘ஸாதூ⁴’தி படிஸ்ஸுத்வா
நேவ ஆக³ந்த்வா ஆரோசெந்தி, ந பன தூ³தங் பஹிணந்தி. அயம்பி கோ², போ⁴ கஸ்ஸப,
பரியாயோ, யேன மே பரியாயேன ஏவங் ஹோதி – ‘இதிபி நத்தி² பரோ லோகோ, நத்தி²
ஸத்தா ஓபபாதிகா, நத்தி² ஸுகதது³க்கடானங் கம்மானங் ப²லங் விபாகோ’’’தி.

சோரஉபமா

413.
‘‘தேன ஹி, ராஜஞ்ஞ, தஞ்ஞேவெத்த² படிபுச்சி²ஸ்ஸாமி. யதா² தே க²மெய்ய ததா²
நங் ப்³யாகரெய்யாஸி. தங் கிங் மஞ்ஞஸி, ராஜஞ்ஞ, இத⁴ தே புரிஸா சோரங்
ஆகு³சாரிங் க³ஹெத்வா த³ஸ்ஸெய்யுங் – ‘அயங் தே, ப⁴ந்தே, சோரோ ஆகு³சாரீ;
இமஸ்ஸ யங் இச்ச²ஸி, தங் த³ண்ட³ங் பணேஹீ’தி. தே த்வங் ஏவங் வதெ³ய்யாஸி –
‘தேன ஹி, போ⁴, இமங் புரிஸங் த³ள்ஹாய ரஜ்ஜுயா பச்சா²பா³ஹங் கா³ள்ஹப³ந்த⁴னங்
ப³ந்தி⁴த்வா கு²ரமுண்ட³ங் கரித்வா [காரெத்வா (ஸ்யா॰ க॰)] க²ரஸ்ஸரேன பணவேன ரதி²காய ரதி²கங் [ரதி²யாய ரதி²யங் (ப³ஹூஸூ)]
ஸிங்கா⁴டகேன ஸிங்கா⁴டகங் பரினெத்வா த³க்கி²ணேன த்³வாரேன நிக்க²மித்வா
த³க்கி²ணதோ நக³ரஸ்ஸ ஆகா⁴தனே ஸீஸங் சி²ந்த³தா²’தி. தே ‘ஸாதூ⁴’தி படிஸ்ஸுத்வா
தங் புரிஸங் த³ள்ஹாய ரஜ்ஜுயா பச்சா²பா³ஹங் கா³ள்ஹப³ந்த⁴னங் ப³ந்தி⁴த்வா
கு²ரமுண்ட³ங் கரித்வா க²ரஸ்ஸரேன பணவேன ரதி²காய ரதி²கங் ஸிங்கா⁴டகேன
ஸிங்கா⁴டகங் பரினெத்வா த³க்கி²ணேன த்³வாரேன நிக்க²மித்வா த³க்கி²ணதோ
நக³ரஸ்ஸ ஆகா⁴தனே நிஸீதா³பெய்யுங். லபெ⁴ய்ய நு கோ² ஸோ சோரோ சோரகா⁴தேஸு –
‘ஆக³மெந்து தாவ ப⁴வந்தோ சோரகா⁴தா, அமுகஸ்மிங் மே கா³மே வா நிக³மே வா மித்தாமச்சா ஞாதிஸாலோஹிதா, யாவாஹங் தேஸங் உத்³தி³ஸித்வா ஆக³ச்சா²மீ’தி ,
உதா³ஹு விப்பலபந்தஸ்ஸேவ சோரகா⁴தா ஸீஸங் சி²ந்தெ³ய்யு’’ந்தி? ‘‘ந ஹி ஸோ,
போ⁴ கஸ்ஸப, சோரோ லபெ⁴ய்ய சோரகா⁴தேஸு – ‘ஆக³மெந்து தாவ ப⁴வந்தோ சோரகா⁴தா
அமுகஸ்மிங் மே கா³மே வா நிக³மே வா மித்தாமச்சா ஞாதிஸாலோஹிதா, யாவாஹங் தேஸங்
உத்³தி³ஸித்வா ஆக³ச்சா²மீ’தி. அத² கோ² நங் விப்பலபந்தஸ்ஸேவ சோரகா⁴தா ஸீஸங்
சி²ந்தெ³ய்யு’’ந்தி. ‘‘ஸோ ஹி நாம, ராஜஞ்ஞ, சோரோ மனுஸ்ஸோ மனுஸ்ஸபூ⁴தேஸு
சோரகா⁴தேஸு ந லபி⁴ஸ்ஸதி – ‘ஆக³மெந்து தாவ ப⁴வந்தோ சோரகா⁴தா, அமுகஸ்மிங் மே
கா³மே வா நிக³மே வா மித்தாமச்சா ஞாதிஸாலோஹிதா,
யாவாஹங் தேஸங் உத்³தி³ஸித்வா ஆக³ச்சா²மீ’தி. கிங் பன தே மித்தாமச்சா
ஞாதிஸாலோஹிதா பாணாதிபாதீ அதி³ன்னாதா³யீ காமேஸுமிச்சா²சாரீ முஸாவாதீ³
பிஸுணவாசா ப²ருஸவாசா ஸம்ப²ப்பலாபீ அபி⁴ஜ்ஜா²லூ ப்³யாபன்னசித்தா
மிச்சா²தி³ட்டீ², தே காயஸ்ஸ பே⁴தா³ பரங் மரணா அபாயங் து³க்³க³திங்
வினிபாதங் நிரயங் உபபன்னா லபி⁴ஸ்ஸந்தி நிரயபாலேஸு – ‘ஆக³மெந்து தாவ ப⁴வந்தோ
நிரயபாலா, யாவ மயங் பாயாஸிஸ்ஸ ராஜஞ்ஞஸ்ஸ க³ந்த்வா ஆரோசேம – ‘‘இதிபி அத்தி²
பரோ லோகோ, அத்தி² ஸத்தா ஓபபாதிகா, அத்தி² ஸுகதது³க்கடானங் கம்மானங் ப²லங்
விபாகோ’’’தி? இமினாபி கோ² தே, ராஜஞ்ஞ, பரியாயேன ஏவங் ஹோது – ‘இதிபி அத்தி²
பரோ லோகோ, அத்தி² ஸத்தா ஓபபாதிகா, அத்தி² ஸுகதது³க்கடானங் கம்மானங் ப²லங்
விபாகோ’’’தி.

414. ‘‘கிஞ்சாபி ப⁴வங் கஸ்ஸபோ ஏவமாஹ, அத² கோ² ஏவங் மே எத்த² ஹோதி – ‘இதிபி நத்தி² பரோ லோகோ, நத்தி² ஸத்தா ஓபபாதிகா, நத்தி² ஸுகதது³க்கடானங்
கம்மானங் ப²லங் விபாகோ’’தி. ‘‘அத்தி² பன, ராஜஞ்ஞ, பரியாயோ யேன தே பரியாயேன
ஏவங் ஹோதி – ‘இதிபி நத்தி² பரோ லோகோ, நத்தி² ஸத்தா ஓபபாதிகா, நத்தி²
ஸுகதது³க்கடானங் கம்மானங் ப²லங் விபாகோ’’’தி? ‘‘அத்தி², போ⁴ கஸ்ஸப,
பரியாயோ, யேன மே பரியாயேன ஏவங் ஹோதி – ‘இதிபி நத்தி² பரோ லோகோ, நத்தி²
ஸத்தா ஓபபாதிகா, நத்தி² ஸுகதது³க்கடானங் கம்மானங் ப²லங் விபாகோ’’’தி.
‘‘யதா² கத²ங் விய, ராஜஞ்ஞா’’தி? ‘‘இத⁴ மே, போ⁴ கஸ்ஸப, மித்தாமச்சா
ஞாதிஸாலோஹிதா பாணாதிபாதா படிவிரதா அதி³ன்னாதா³னா படிவிரதா
காமேஸுமிச்சா²சாரா படிவிரதா முஸாவாதா³ படிவிரதா
பிஸுணாய வாசாய படிவிரதா ப²ருஸாய வாசாய படிவிரதா ஸம்ப²ப்பலாபா படிவிரதா
அனபி⁴ஜ்ஜா²லூ அப்³யாபன்னசித்தா ஸம்மாதி³ட்டீ². தே அபரேன ஸமயேன ஆபா³தி⁴கா
ஹொந்தி து³க்கி²தா பா³ள்ஹகி³லானா. யதா³ஹங் ஜானாமி – ‘ந தா³னிமே இமம்ஹா
ஆபா³தா⁴ வுட்ட²ஹிஸ்ஸந்தீ’தி த்யாஹங் உபஸங்கமித்வா ஏவங் வதா³மி – ‘ஸந்தி
கோ², போ⁴, ஏகே ஸமணப்³ராஹ்மணா ஏவங்வாதி³னோ ஏவங்தி³ட்டி²னோ – யே தே
பாணாதிபாதா படிவிரதா அதி³ன்னாதா³னா படிவிரதா காமேஸுமிச்சா²சாரா படிவிரதா
முஸாவாதா³ படிவிரதா பிஸுணாய வாசாய படிவிரதா ப²ருஸாய வாசாய படிவிரதா
ஸம்ப²ப்பலாபா படிவிரதா அனபி⁴ஜ்ஜா²லூ அப்³யாபன்னசித்தா ஸம்மாதி³ட்டீ² தே
காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜந்தீதி .
ப⁴வந்தோ கோ² பாணாதிபாதா படிவிரதா அதி³ன்னாதா³னா படிவிரதா
காமேஸுமிச்சா²சாரா படிவிரதா முஸாவாதா³ படிவிரதா பிஸுணாய வாசாய படிவிரதா
ப²ருஸாய வாசாய படிவிரதா ஸம்ப²ப்பலாபா படிவிரதா அனபி⁴ஜ்ஜா²லூ
அப்³யாபன்னசித்தா ஸம்மாதி³ட்டீ². ஸசே தேஸங் ப⁴வதங் ஸமணப்³ராஹ்மணானங் ஸச்சங்
வசனங், ப⁴வந்தோ காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங்
உபபஜ்ஜிஸ்ஸந்தி. ஸசே, போ⁴, காயஸ்ஸ பே⁴தா³ பரங் மரணா
ஸுக³திங் ஸக்³க³ங் லோகங் உபபஜ்ஜெய்யாத², யேன மே ஆக³ந்த்வா ஆரோசெய்யாத² –
‘இதிபி அத்தி² பரோ லோகோ, அத்தி² ஸத்தா ஓபபாதிகா, அத்தி² ஸுகதது³க்கடானங்
கம்மானங் ப²லங் விபாகோ’தி. ப⁴வந்தோ கோ² பன மே ஸத்³தா⁴யிகா பச்சயிகா, யங்
ப⁴வந்தேஹி தி³ட்ட²ங், யதா² ஸாமங் தி³ட்ட²ங் ஏவமேதங் ப⁴விஸ்ஸதீ’தி. தே மே
‘ஸாதூ⁴’தி படிஸ்ஸுத்வா நேவ ஆக³ந்த்வா ஆரோசெந்தி, ந பன தூ³தங் பஹிணந்தி.
அயம்பி கோ², போ⁴ கஸ்ஸப, பரியாயோ, யேன மே பரியாயேன ஏவங் ஹோதி – ‘இதிபி நத்தி² பரோ லோகோ, நத்தி² ஸத்தா ஓபபாதிகா, நத்தி² ஸுகதது³க்கடானங் கம்மானங் ப²லங் விபாகோ’’’தி.

கூ³த²கூபபுரிஸஉபமா

415. ‘‘தேன ஹி, ராஜஞ்ஞ, உபமங் தே கரிஸ்ஸாமி. உபமாய மிதே⁴கச்சே [உபமாயபிதே⁴கச்சே (ஸீ॰ ஸ்யா॰), உபமாயபிஇதே⁴கச்சே (பீ॰)] விஞ்ஞூ புரிஸா பா⁴ஸிதஸ்ஸ அத்த²ங் ஆஜானந்தி. ஸெய்யதா²பி, ராஜஞ்ஞ, புரிஸோ கூ³த²கூபே ஸஸீஸகங் [ஸஸீஸகோ (ஸ்யா॰)]
நிமுக்³கோ³ அஸ்ஸ. அத² த்வங் புரிஸே ஆணாபெய்யாஸி – ‘தேன ஹி, போ⁴, தங்
புரிஸங் தம்ஹா கூ³த²கூபா உத்³த⁴ரதா²’தி. தே ‘ஸாதூ⁴’தி படிஸ்ஸுத்வா தங்
புரிஸங் தம்ஹா கூ³த²கூபா உத்³த⁴ரெய்யுங். தே த்வங் ஏவங் வதெ³ய்யாஸி – ‘தேன
ஹி, போ⁴, தஸ்ஸ புரிஸஸ்ஸ காயா வேளுபேஸிகாஹி கூ³த²ங்
ஸுனிம்மஜ்ஜிதங் நிம்மஜ்ஜதா²’தி. தே ‘ஸாதூ⁴’தி படிஸ்ஸுத்வா தஸ்ஸ புரிஸஸ்ஸ
காயா வேளுபேஸிகாஹி கூ³த²ங் ஸுனிம்மஜ்ஜிதங் நிம்மஜ்ஜெய்யுங். தே த்வங் ஏவங்
வதெ³ய்யாஸி – ‘தேன ஹி, போ⁴, தஸ்ஸ புரிஸஸ்ஸ காயங் பண்டு³மத்திகாய
திக்க²த்துங் ஸுப்³ப³ட்டிதங் உப்³ப³ட்டேதா²’தி [ஸுப்பட்டிதங் உப்பட்டேதா²தி (க॰)].
தே தஸ்ஸ புரிஸஸ்ஸ காயங் பண்டு³மத்திகாய திக்க²த்துங் ஸுப்³ப³ட்டிதங்
உப்³ப³ட்டெய்யுங். தே த்வங் ஏவங் வதெ³ய்யாஸி – ‘தேன ஹி, போ⁴, தங் புரிஸங்
தேலேன அப்³ப⁴ஞ்ஜித்வா ஸுகு²மேன சுண்ணேன திக்க²த்துங் ஸுப்பதோ⁴தங்
கரோதா²’தி. தே தங் புரிஸங் தேலேன அப்³ப⁴ஞ்ஜித்வா ஸுகு²மேன சுண்ணேன
திக்க²த்துங் ஸுப்பதோ⁴தங் கரெய்யுங். தே த்வங் ஏவங் வதெ³ய்யாஸி – ‘தேன ஹி,
போ⁴, தஸ்ஸ புரிஸஸ்ஸ கேஸமஸ்ஸுங் கப்பேதா²’தி. தே தஸ்ஸ புரிஸஸ்ஸ கேஸமஸ்ஸுங்
கப்பெய்யுங். தே த்வங் ஏவங் வதெ³ய்யாஸி – ‘தேன ஹி, போ⁴, தஸ்ஸ புரிஸஸ்ஸ
மஹக்³க⁴ஞ்ச மாலங் மஹக்³க⁴ஞ்ச விலேபனங் மஹக்³கா⁴னி ச வத்தா²னி உபஹரதா²’தி.
தே தஸ்ஸ புரிஸஸ்ஸ மஹக்³க⁴ஞ்ச மாலங் மஹக்³க⁴ஞ்ச விலேபனங்
மஹக்³கா⁴னி ச வத்தா²னி உபஹரெய்யுங். தே த்வங் ஏவங் வதெ³ய்யாஸி – ‘தேன ஹி,
போ⁴, தங் புரிஸங் பாஸாத³ங் ஆரோபெத்வா பஞ்சகாமகு³ணானி உபட்டா²பேதா²’தி. தே
தங் புரிஸங் பாஸாத³ங் ஆரோபெத்வா பஞ்சகாமகு³ணானி உபட்டா²பெய்யுங்.

‘‘தங் கிங் மஞ்ஞஸி, ராஜஞ்ஞ, அபி நு தஸ்ஸ புரிஸஸ்ஸ
ஸுன்ஹாதஸ்ஸ ஸுவிலித்தஸ்ஸ ஸுகப்பிதகேஸமஸ்ஸுஸ்ஸ ஆமுக்கமாலாப⁴ரணஸ்ஸ
ஓதா³தவத்த²வஸனஸ்ஸ உபரிபாஸாத³வரக³தஸ்ஸ பஞ்சஹி காமகு³ணேஹி ஸமப்பிதஸ்ஸ ஸமங்கீ³பூ⁴தஸ்ஸ பரிசாரயமானஸ்ஸ புனதே³வ தஸ்மிங் கூ³த²கூபே நிமுஜ்ஜிதுகாமதா [நிமுஜ்ஜிதுகாம்யதா (ஸ்யா॰ க॰)]
அஸ்ஸா’’தி? ‘‘நோ ஹித³ங், போ⁴ கஸ்ஸப’’. ‘‘தங் கிஸ்ஸ ஹேது’’? ‘‘அஸுசி, போ⁴
கஸ்ஸப, கூ³த²கூபோ அஸுசி சேவ அஸுசிஸங்கா²தோ ச து³க்³க³ந்தோ⁴ ச
து³க்³க³ந்த⁴ஸங்கா²தோ ச ஜேகு³ச்சோ² ச ஜேகு³ச்ச²ஸங்கா²தோ
ச படிகூலோ ச படிகூலஸங்கா²தோ சா’’தி. ‘‘ஏவமேவ கோ², ராஜஞ்ஞ, மனுஸ்ஸா
தே³வானங் அஸுசீ சேவ அஸுசிஸங்கா²தா ச, து³க்³க³ந்தா⁴ ச து³க்³க³ந்த⁴ஸங்கா²தா
ச, ஜேகு³ச்சா² ச ஜேகு³ச்ச²ஸங்கா²தா ச, படிகூலா ச படிகூலஸங்கா²தா ச.
யோஜனஸதங் கோ², ராஜஞ்ஞ, மனுஸ்ஸக³ந்தோ⁴ தே³வே உப்³பா³த⁴தி. கிங் பன தே
மித்தாமச்சா ஞாதிஸாலோஹிதா பாணாதிபாதா படிவிரதா அதி³ன்னாதா³னா படிவிரதா
காமேஸுமிச்சா²சாரா படிவிரதா முஸாவாதா³ படிவிரதா பிஸுணாய வாசாய படிவிரதா
ப²ருஸாய வாசாய படிவிரதா ஸம்ப²ப்பலாபா படிவிரதா அனபி⁴ஜ்ஜா²லூ
அப்³யாபன்னசித்தா ஸம்மாதி³ட்டீ², காயஸ்ஸ பே⁴தா³ பரங் மரணா ஸுக³திங்
ஸக்³க³ங் லோகங் உபபன்னா தே ஆக³ந்த்வா ஆரோசெஸ்ஸந்தி – ‘இதிபி அத்தி² பரோ
லோகோ, அத்தி² ஸத்தா ஓபபாதிகா, அத்தி² ஸுகதது³க்கடானங்
கம்மானங் ப²லங் விபாகோ’தி? இமினாபி கோ² தே, ராஜஞ்ஞ, பரியாயேன ஏவங் ஹோது –
‘இதிபி அத்தி² பரோ லோகோ, அத்தி² ஸத்தா ஓபபாதிகா, அத்தி² ஸுகதது³க்கடானங்
கம்மானங் ப²லங் விபாகோ’’’தி.

416.
‘‘கிஞ்சாபி ப⁴வங் கஸ்ஸபோ ஏவமாஹ, அத² கோ² ஏவங் மே எத்த² ஹோதி – ‘இதிபி
நத்தி² பரோ லோகோ, நத்தி² ஸத்தா ஓபபாதிகா, நத்தி² ஸுகதது³க்கடானங் கம்மானங்
ப²லங் விபாகோ’’’தி. ‘‘அத்தி² பன, ராஜஞ்ஞ, பரியாயோ
…பே॰… ‘‘அத்தி², போ⁴ கஸ்ஸப, பரியாயோ…பே॰… “யதா² கத²ங் விய, ராஜஞ்ஞாதி?
‘‘இத⁴ மே, போ⁴ கஸ்ஸப, மித்தாமச்சா ஞாதிஸாலோஹிதா பாணாதிபாதா படிவிரதா
அதி³ன்னாதா³னா படிவிரதா காமேஸுமிச்சா²சாரா படிவிரதா முஸாவாதா³ படிவிரதா
ஸுராமேரயமஜ்ஜபமாத³ட்டா²னா படிவிரதா, தே அபரேன ஸமயேன ஆபா³தி⁴கா ஹொந்தி
து³க்கி²தா பா³ள்ஹகி³லானா. யதா³ஹங் ஜானாமி – ‘ந தா³னிமே இமம்ஹா ஆபா³தா⁴
வுட்ட²ஹிஸ்ஸந்தீ’தி த்யாஹங் உபஸங்கமித்வா ஏவங் வதா³மி – ‘ஸந்தி கோ², போ⁴,
ஏகே ஸமணப்³ராஹ்மணா ஏவங்வாதி³னோ ஏவங்தி³ட்டி²னோ – யே தே பாணாதிபாதா படிவிரதா
அதி³ன்னாதா³னா படிவிரதா காமேஸுமிச்சா²சாரா படிவிரதா முஸாவாதா³ படிவிரதா
ஸுராமேரயமஜ்ஜபமாத³ட்டா²னா படிவிரதா, தே காயஸ்ஸ பே⁴தா³ பரங் மரணா ஸுக³திங்
ஸக்³க³ங் லோகங் உபபஜ்ஜந்தி தே³வானங் தாவதிங்ஸானங் ஸஹப்³யதந்தி. ப⁴வந்தோ கோ²
பாணாதிபாதா படிவிரதா அதி³ன்னாதா³னா படிவிரதா காமேஸுமிச்சா²சாரா படிவிரதா
முஸாவாதா³ படிவிரதா ஸுராமேரயமஜ்ஜபமாத³ட்டா²னா படிவிரதா. ஸசே தேஸங் ப⁴வதங்
ஸமணப்³ராஹ்மணானங் ஸச்சங் வசனங், ப⁴வந்தோ காயஸ்ஸ பே⁴தா³ பரங்
மரணா ஸுக³திங் ஸக்³க³ங் லோகங் உபபஜ்ஜிஸ்ஸந்தி, தே³வானங் தாவதிங்ஸானங்
ஸஹப்³யதங். ஸசே, போ⁴, காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங்
உபபஜ்ஜெய்யாத² தே³வானங் தாவதிங்ஸானங் ஸஹப்³யதங்,
யேன மே ஆக³ந்த்வா ஆரோசெய்யாத² – `இதிபி அத்தி² பரோ லோகோ, அத்தி² ஸத்தா
ஓபபாதிகா, அத்தி² ஸுகதது³க்கடானங் கம்மானங் ப²லங் விபாகோதி. ப⁴வந்தோ கோ² பன மே ஸத்³தா⁴யிகா பச்சயிகா, யங் ப⁴வந்தேஹி தி³ட்ட²ங், யதா² ஸாமங்
தி³ட்ட²ங் ஏவமேதங் ப⁴விஸ்ஸதீதி. தே மே ‘ஸாதூ⁴’தி படிஸ்ஸுத்வா நேவ
ஆக³ந்த்வா ஆரோசெந்தி, ந பன தூ³தங் பஹிணந்தி. அயம்பி கோ², போ⁴ கஸ்ஸப,
பரியாயோ, யேன மே பரியாயேன ஏவங் ஹோதி – ‘இதிபி நத்தி² பரோ லோகோ, நத்தி²
ஸத்தா ஓபபாதிகா, நத்தி² ஸுகதது³க்கடானங் கம்மானங் ப²லங் விபாகோ’’’தி.

தாவதிங்ஸதே³வஉபமா

417.
‘‘தேன ஹி, ராஜஞ்ஞ, தஞ்ஞேவெத்த² படிபுச்சி²ஸ்ஸாமி; யதா² தே க²மெய்ய, ததா²
நங் ப்³யாகரெய்யாஸி. யங் கோ² பன, ராஜஞ்ஞ, மானுஸ்ஸகங் வஸ்ஸஸதங், தே³வானங்
தாவதிங்ஸானங் ஏஸோ ஏகோ ரத்திந்தி³வோ [ரத்திதி³வோ (க॰)],
தாய ரத்தியா திங்ஸரத்தியோ மாஸோ, தேன மாஸேன த்³வாத³ஸமாஸியோ ஸங்வச்ச²ரோ, தேன
ஸங்வச்ச²ரேன தி³ப்³ப³ங் வஸ்ஸஸஹஸ்ஸங் தே³வானங் தாவதிங்ஸானங் ஆயுப்பமாணங்.
யே தே மித்தாமச்சா ஞாதிஸாலோஹிதா பாணாதிபாதா படிவிரதா அதி³ன்னாதா³னா
படிவிரதா காமேஸுமிச்சா²சாரா படிவிரதா முஸாவாதா³ படிவிரதா
ஸுராமேரயமஜ்ஜபமாத³ட்டா²னா படிவிரதா, தே காயஸ்ஸ பே⁴தா³ பரங் மரணா ஸுக³திங்
ஸக்³க³ங் லோகங் உபபன்னா தே³வானங் தாவதிங்ஸானங் ஸஹப்³யதங். ஸசே பன தேஸங்
ஏவங் ப⁴விஸ்ஸதி – ‘யாவ மயங் த்³வே வா தீணி வா ரத்திந்தி³வா தி³ப்³பே³ஹி
பஞ்சஹி காமகு³ணேஹி ஸமப்பிதா ஸமங்கீ³பூ⁴தா பரிசாரேம, அத² மயங் பாயாஸிஸ்ஸ
ராஜஞ்ஞஸ்ஸ க³ந்த்வா ஆரோசெய்யாம – ‘‘இதிபி அத்தி² பரோ லோகோ, அத்தி² ஸத்தா
ஓபபாதிகா, அத்தி² ஸுகதது³க்கடானங் கம்மானங் ப²லங் விபாகோ’’தி. அபி நு தே
ஆக³ந்த்வா ஆரோசெய்யுங் – ‘இதிபி அத்தி² பரோ லோகோ,
அத்தி² ஸத்தா ஓபபாதிகா, அத்தி² ஸுகதது³க்கடானங் கம்மானங் ப²லங்
விபாகோ’’’தி? ‘‘நோ ஹித³ங், போ⁴ கஸ்ஸப. அபி ஹி மயங், போ⁴ கஸ்ஸப, சிரங்
காலங்கதாபி ப⁴வெய்யாம. கோ பனேதங் போ⁴தோ கஸ்ஸபஸ்ஸ ஆரோசேதி – ‘அத்தி² தே³வா தாவதிங்ஸா’தி வா ‘ஏவங்தீ³கா⁴யுகா தே³வா தாவதிங்ஸா’தி வா. ந மயங் போ⁴தோ கஸ்ஸபஸ்ஸ ஸத்³த³ஹாம – ‘அத்தி² தே³வா தாவதிங்ஸா’தி வா ‘ஏவங்தீ³கா⁴யுகா தே³வா தாவதிங்ஸா’தி வா’’தி.

ஜச்சந்த⁴உபமா

418. ‘‘ஸெய்யதா²பி, ராஜஞ்ஞ, ஜச்சந்தோ⁴ புரிஸோ ந பஸ்ஸெய்ய கண்ஹ – ஸுக்கானி ரூபானி , ந பஸ்ஸெய்ய நீலகானி ரூபானி, ந பஸ்ஸெய்ய பீதகானி [மஞ்ஜெட்ட²கானி (ஸ்யா॰)]
ரூபானி, ந பஸ்ஸெய்ய லோஹிதகானி ரூபானி, ந பஸ்ஸெய்ய மஞ்ஜிட்ட²கானி ரூபானி, ந
பஸ்ஸெய்ய ஸமவிஸமங், ந பஸ்ஸெய்ய தாரகானி ரூபானி, ந பஸ்ஸெய்ய சந்தி³மஸூரியே.
ஸோ ஏவங் வதெ³ய்ய – ‘நத்தி² கண்ஹஸுக்கானி ரூபானி, நத்தி² கண்ஹஸுக்கானங்
ரூபானங் த³ஸ்ஸாவீ. நத்தி² நீலகானி ரூபானி, நத்தி² நீலகானங் ரூபானங்
த³ஸ்ஸாவீ. நத்தி² பீதகானி ரூபானி, நத்தி² பீதகானங் ரூபானங் த³ஸ்ஸாவீ.
நத்தி² லோஹிதகானி ரூபானி, நத்தி² லோஹிதகானங் ரூபானங் த³ஸ்ஸாவீ. நத்தி²
மஞ்ஜிட்ட²கானி ரூபானி, நத்தி² மஞ்ஜிட்ட²கானங் ரூபானங் த³ஸ்ஸாவீ. நத்தி²
ஸமவிஸமங், நத்தி² ஸமவிஸமஸ்ஸ த³ஸ்ஸாவீ. நத்தி² தாரகானி ரூபானி, நத்தி²
தாரகானங் ரூபானங் த³ஸ்ஸாவீ. நத்தி² சந்தி³மஸூரியா, நத்தி² சந்தி³மஸூரியானங்
த³ஸ்ஸாவீ. அஹமேதங் ந ஜானாமி, அஹமேதங் ந பஸ்ஸாமி, தஸ்மா தங் நத்தீ²’தி.
ஸம்மா நு கோ² ஸோ, ராஜஞ்ஞ, வத³மானோ வதெ³ய்யா’’தி? ‘‘நோ ஹித³ங், போ⁴
கஸ்ஸப. அத்தி² கண்ஹஸுக்கானி ரூபானி, அத்தி² கண்ஹஸுக்கானங் ரூபானங்
த³ஸ்ஸாவீ. அத்தி² நீலகானி ரூபானி, அத்தி² நீலகானங் ரூபானங் த³ஸ்ஸாவீ…பே॰…
அத்தி² ஸமவிஸமங், அத்தி² ஸமவிஸமஸ்ஸ த³ஸ்ஸாவீ. அத்தி² தாரகானி ரூபானி,
அத்தி² தாரகானங் ரூபானங் த³ஸ்ஸாவீ. அத்தி² சந்தி³மஸூரியா, அத்தி²
சந்தி³மஸூரியானங் த³ஸ்ஸாவீ. ‘அஹமேதங் ந ஜானாமி, அஹமேதங் ந பஸ்ஸாமி, தஸ்மா
தங் நத்தீ²’தி. ந ஹி ஸோ, போ⁴ கஸ்ஸப, ஸம்மா வத³மானோ வதெ³ய்யா’’தி. ‘‘ஏவமேவ
கோ² த்வங், ராஜஞ்ஞ, ஜச்சந்தூ⁴பமோ மஞ்ஞே படிபா⁴ஸி யங் மங் த்வங் ஏவங்
வதே³ஸி’’.

‘‘கோ பனேதங் போ⁴தோ கஸ்ஸபஸ்ஸ ஆரோசேதி – ‘அத்தி² தே³வா
தாவதிங்ஸா’’தி வா, ‘ஏவங்தீ³கா⁴யுகா தே³வா தாவதிங்ஸா’தி வா? ந மயங் போ⁴தோ
கஸ்ஸபஸ்ஸ ஸத்³த³ஹாம – ‘அத்தி² தே³வா தாவதிங்ஸா’தி வா ‘ஏவங்தீ³கா⁴யுகா தே³வா
தாவதிங்ஸா’தி வா’’தி. ‘‘ந கோ², ராஜஞ்ஞ, ஏவங் பரோ லோகோ த³ட்ட²ப்³போ³, யதா²
த்வங் மஞ்ஞஸி இமினா மங்ஸசக்கு²னா. யே கோ² தே ராஜஞ்ஞ ஸமணப்³ராஹ்மணா
அரஞ்ஞவனபத்தா²னி பந்தானி ஸேனாஸனானி படிஸேவந்தி , தே
தத்த² அப்பமத்தா ஆதாபினோ பஹிதத்தா விஹரந்தா தி³ப்³ப³சக்கு²ங் விஸோதெ⁴ந்தி.
தே தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன இமங் சேவ லோகங்
பஸ்ஸந்தி பரஞ்ச ஸத்தே ச ஓபபாதிகே. ஏவஞ்ச கோ², ராஜஞ்ஞ, பரோ லோகோ
த³ட்ட²ப்³போ³; நத்வேவ யதா² த்வங் மஞ்ஞஸி இமினா மங்ஸசக்கு²னா. இமினாபி கோ²
தே, ராஜஞ்ஞ, பரியாயேன ஏவங் ஹோது – ‘இதிபி அத்தி² பரோ லோகோ, அத்தி² ஸத்தா ஓபபாதிகா, அத்தி² ஸுகதது³க்கடானங் கம்மானங் ப²லங் விபாகோ’’’தி.

419. ‘‘கிஞ்சாபி ப⁴வங் கஸ்ஸபோ ஏவமாஹ, அத² கோ² ஏவங் மே எத்த² ஹோதி – ‘இதிபி நத்தி² பரோ லோகோ, நத்தி² ஸத்தா ஓபபாதிகா, நத்தி² ஸுகதது³க்கடானங் கம்மானங் ப²லங் விபாகோ’’தி .
‘‘அத்தி² பன, ராஜஞ்ஞ, பரியாயோ…பே॰… அத்தி², போ⁴ கஸ்ஸப, பரியாயோ…பே॰… யதா²
கத²ங் விய, ராஜஞ்ஞா’’தி? ‘‘இதா⁴ஹங், போ⁴ கஸ்ஸப, பஸ்ஸாமி ஸமணப்³ராஹ்மணே
ஸீலவந்தே கல்யாணத⁴ம்மே ஜீவிதுகாமே அமரிதுகாமே ஸுக²காமே து³க்க²படிகூலே.
தஸ்ஸ மய்ஹங், போ⁴ கஸ்ஸப, ஏவங் ஹோதி – ஸசே கோ² இமே பொ⁴ந்தோ ஸமணப்³ராஹ்மணா
ஸீலவந்தோ கல்யாணத⁴ம்மா ஏவங் ஜானெய்யுங் – ‘இதோ நோ மதானங் ஸெய்யோ
ப⁴விஸ்ஸதீ’தி. இதா³னிமே பொ⁴ந்தோ ஸமணப்³ராஹ்மணா ஸீலவந்தோ கல்யாணத⁴ம்மா விஸங்
வா கா²தெ³ய்யுங், ஸத்த²ங் வா ஆஹரெய்யுங், உப்³ப³ந்தி⁴த்வா வா
காலங்கரெய்யுங், பபாதே வா பபதெய்யுங். யஸ்மா ச கோ² இமே பொ⁴ந்தோ
ஸமணப்³ராஹ்மணா ஸீலவந்தோ கல்யாணத⁴ம்மா ந ஏவங் ஜானந்தி – ‘இதோ நோ மதானங்
ஸெய்யோ ப⁴விஸ்ஸதீ’தி, தஸ்மா இமே பொ⁴ந்தோ ஸமணப்³ராஹ்மணா ஸீலவந்தோ
கல்யாணத⁴ம்மா ஜீவிதுகாமா அமரிதுகாமா ஸுக²காமா து³க்க²படிகூலா அத்தானங் ந
மாரெந்தி [( ) நத்தி² (ஸ்யா॰ பீ॰)]. அயம்பி கோ²,
போ⁴ கஸ்ஸப, பரியாயோ, யேன மே பரியாயேன ஏவங் ஹோதி – ‘இதிபி நத்தி² பரோ லோகோ,
நத்தி² ஸத்தா ஓபபாதிகா, நத்தி² ஸுகதது³க்கடானங் கம்மானங் ப²லங்
விபாகோ’’’தி.

க³ப்³பி⁴னீஉபமா

420. ‘‘தேன
ஹி, ராஜஞ்ஞ, உபமங் தே கரிஸ்ஸாமி. உபமாய மிதே⁴கச்சே விஞ்ஞூ புரிஸா
பா⁴ஸிதஸ்ஸ அத்த²ங் ஆஜானந்தி. பூ⁴தபுப்³ப³ங், ராஜஞ்ஞ, அஞ்ஞதரஸ்ஸ
ப்³ராஹ்மணஸ்ஸ த்³வே பஜாபதியோ அஹேஸுங். ஏகிஸ்ஸா
புத்தோ அஹோஸி த³ஸவஸ்ஸுத்³தே³ஸிகோ வா த்³வாத³ஸவஸ்ஸுத்³தே³ஸிகோ வா, ஏகா
க³ப்³பி⁴னீ உபவிஜஞ்ஞா. அத² கோ² ஸோ ப்³ராஹ்மணோ காலமகாஸி. அத² கோ² ஸோ மாணவகோ
மாதுஸபத்திங் [மாதுஸபதிங் (ஸ்யா॰)] ஏதத³வோச – ‘யமித³ங், போ⁴தி, த⁴னங் வா த⁴ஞ்ஞங் வா ரஜதங் வா ஜாதரூபங் வா, ஸப்³ப³ங் தங் மய்ஹங் ; நத்தி² துய்ஹெத்த² கிஞ்சி. பிது மே [பிது மே ஸந்தகோ (ஸ்யா॰)] போ⁴தி, தா³யஜ்ஜங் நிய்யாதே³ஹீ’தி [நீய்யாதேஹீதி (ஸீ॰ பீ॰)].
ஏவங் வுத்தே ஸா ப்³ராஹ்மணீ தங் மாணவகங் ஏதத³வோச – ‘ஆக³மேஹி தாவ, தாத, யாவ
விஜாயாமி. ஸசே குமாரகோ ப⁴விஸ்ஸதி, தஸ்ஸபி ஏகதே³ஸோ ப⁴விஸ்ஸதி; ஸசே குமாரிகா
ப⁴விஸ்ஸதி, ஸாபி தே ஓபபொ⁴க்³கா³ [உபபொ⁴க்³கா³ (ஸ்யா॰)]
ப⁴விஸ்ஸதீ’தி. து³தியம்பி கோ² ஸோ மாணவகோ மாதுஸபத்திங் ஏதத³வோச – ‘யமித³ங்,
போ⁴தி, த⁴னங் வா த⁴ஞ்ஞங் வா ரஜதங் வா ஜாதரூபங் வா, ஸப்³ப³ங் தங் மய்ஹங்;
நத்தி² துய்ஹெத்த² கிஞ்சி. பிது மே, போ⁴தி, தா³யஜ்ஜங் நிய்யாதே³ஹீ’தி.
து³தியம்பி கோ² ஸா ப்³ராஹ்மணீ தங் மாணவகங் ஏதத³வோச – ‘ஆக³மேஹி தாவ, தாத,
யாவ விஜாயாமி. ஸசே குமாரகோ ப⁴விஸ்ஸதி, தஸ்ஸபி ஏகதே³ஸோ ப⁴விஸ்ஸதி; ஸசே
குமாரிகா ப⁴விஸ்ஸதி ஸாபி தே ஓபபொ⁴க்³கா³ [உபபொ⁴க்³கா³ (ஸ்யா॰)] ப⁴விஸ்ஸதீ’தி. ததியம்பி கோ² ஸோ மாணவகோ மாதுஸபத்திங் ஏதத³வோச – ‘யமித³ங், போ⁴தி, த⁴னங் வா த⁴ஞ்ஞங் வா ரஜதங் வா ஜாதரூபங் வா , ஸப்³ப³ங் தங் மய்ஹங்; நத்தி² துய்ஹெத்த² கிஞ்சி. பிது மே, போ⁴தி, தா³யஜ்ஜங் நிய்யாதே³ஹீ’தி.

‘‘அத² கோ² ஸா ப்³ராஹ்மணீ ஸத்த²ங் க³ஹெத்வா ஓவரகங் பவிஸித்வா உத³ரங் ஓபாதே³ஸி [உப்பாதேஸி (ஸ்யா॰)]
– ‘யாவ விஜாயாமி யதி³ வா குமாரகோ யதி³ வா குமாரிகா’தி. ஸா அத்தானங் சேவ
ஜீவிதஞ்ச க³ப்³ப⁴ஞ்ச ஸாபதெய்யஞ்ச வினாஸேஸி. யதா² தங் பா³லா அப்³யத்தா
அனயப்³யஸனங் ஆபன்னா அயோனிஸோ தா³யஜ்ஜங் க³வேஸந்தீ, ஏவமேவ கோ² த்வங், ராஜஞ்ஞ,
பா³லோ அப்³யத்தோ அனயப்³யஸனங் ஆபஜ்ஜிஸ்ஸஸி அயோனிஸோ பரலோகங் க³வேஸந்தோ ;
ஸெய்யதா²பி ஸா ப்³ராஹ்மணீ பா³லா அப்³யத்தா அனயப்³யஸனங் ஆபன்னா அயோனிஸோ
தா³யஜ்ஜங் க³வேஸந்தீ. ந கோ², ராஜஞ்ஞ, ஸமணப்³ராஹ்மணா ஸீலவந்தோ கல்யாணத⁴ம்மா
அபக்கங் பரிபாசெந்தி; அபி ச பரிபாகங் ஆக³மெந்தி. பண்டி³தானங் அத்தோ² ஹி,
ராஜஞ்ஞ, ஸமணப்³ராஹ்மணானங் ஸீலவந்தானங் கல்யாணத⁴ம்மானங் ஜீவிதேன. யதா² யதா²
கோ², ராஜஞ்ஞ, ஸமணப்³ராஹ்மணா ஸீலவந்தோ கல்யாணத⁴ம்மா சிரங் தீ³க⁴மத்³தா⁴னங்
திட்ட²ந்தி, ததா² ததா² ப³ஹுங் புஞ்ஞங் பஸவந்தி,
ப³ஹுஜனஹிதாய ச படிபஜ்ஜந்தி ப³ஹுஜனஸுகா²ய லோகானுகம்பாய அத்தா²ய ஹிதாய ஸுகா²ய
தே³வமனுஸ்ஸானங். இமினாபி கோ² தே, ராஜஞ்ஞ, பரியாயேன ஏவங் ஹோது – ‘இதிபி
அத்தி² பரோ லோகோ, அத்தி² ஸத்தா ஓபபாதிகா, அத்தி² ஸுகதது³க்கடானங் கம்மானங்
ப²லங் விபாகோ’’’தி.

421.
‘‘கிஞ்சாபி ப⁴வங் கஸ்ஸபோ ஏவமாஹ, அத² கோ² ஏவங் மே எத்த² ஹோதி – ‘இதிபி
நத்தி² பரோ லோகோ, நத்தி² ஸத்தா ஓபபாதிகா, நத்தி² ஸுகதது³க்கடானங் கம்மானங்
ப²லங் விபாகோ’’’தி. ‘‘அத்தி² பன, ராஜஞ்ஞ, பரியாயோ…பே॰… அத்தி², போ⁴ கஸ்ஸப,
பரியாயோ…பே॰… யதா² கத²ங் விய, ராஜஞ்ஞா’’தி? ‘‘இத⁴ மே, போ⁴ கஸ்ஸப, புரிஸா
சோரங் ஆகு³சாரிங் க³ஹெத்வா த³ஸ்ஸெந்தி – ‘அயங் தே,
ப⁴ந்தே, சோரோ ஆகு³சாரீ; இமஸ்ஸ யங் இச்ச²ஸி, தங் த³ண்ட³ங் பணேஹீ’தி. த்யாஹங்
ஏவங் வதா³மி – ‘தேன ஹி, போ⁴, இமங் புரிஸங் ஜீவந்தங்யேவ கும்பி⁴யா
பக்கி²பித்வா முக²ங் பித³ஹித்வா அல்லேன சம்மேன ஓனந்தி⁴த்வா அல்லாய மத்திகாய
ப³ஹலாவலேபனங் [ப³ஹலவிலேபனங் (ஸ்யா॰ க॰)] கரித்வா
உத்³த⁴னங் ஆரோபெத்வா அக்³கி³ங் தே³தா²’தி. தே மே ‘ஸாதூ⁴’தி படிஸ்ஸுத்வா
தங் புரிஸங் ஜீவந்தங்யேவ கும்பி⁴யா பக்கி²பித்வா முக²ங் பித³ஹித்வா அல்லேன
சம்மேன ஓனந்தி⁴த்வா அல்லாய மத்திகாய ப³ஹலாவலேபனங் கரித்வா உத்³த⁴னங்
ஆரோபெத்வா அக்³கி³ங் தெ³ந்தி. யதா³ மயங் ஜானாம ‘காலங்கதோ ஸோ புரிஸோ’தி, அத²
நங் கும்பி⁴ங் ஓரோபெத்வா உப்³பி⁴ந்தி³த்வா முக²ங் விவரித்வா ஸணிகங்
நில்லோகேம [விலோகேம (ஸ்யா॰)] – ‘அப்பேவ நாமஸ்ஸ
ஜீவங் நிக்க²மந்தங் பஸ்ஸெய்யாமா’தி. நேவஸ்ஸ மயங் ஜீவங் நிக்க²மந்தங்
பஸ்ஸாம. அயம்பி கோ², போ⁴ கஸ்ஸப, பரியாயோ, யேன மே பரியாயேன ஏவங் ஹோதி –
‘இதிபி நத்தி² பரோ லோகோ, நத்தி² ஸத்தா ஓபபாதிகா, நத்தி² ஸுகதது³க்கடானங்
கம்மானங் ப²லங் விபாகோ’’’தி.

ஸுபினகஉபமா

422. ‘‘தேன
ஹி, ராஜஞ்ஞ, தஞ்ஞேவெத்த² படிபுச்சி²ஸ்ஸாமி, யதா² தே க²மெய்ய, ததா² நங்
ப்³யாகரெய்யாஸி. அபி⁴ஜானாஸி நோ த்வங், ராஜஞ்ஞ, தி³வா ஸெய்யங் உபக³தோ
ஸுபினகங் பஸ்ஸிதா ஆராமராமணெய்யகங் வனராமணெய்யகங் பூ⁴மிராமணெய்யகங்
பொக்க²ரணீராமணெய்யக’’ந்தி? ‘‘அபி⁴ஜானாமஹங், போ⁴ கஸ்ஸப, தி³வாஸெய்யங் உபக³தோ
ஸுபினகங் பஸ்ஸிதா ஆராமராமணெய்யகங் வனராமணெய்யகங் பூ⁴மிராமணெய்யகங்
பொக்க²ரணீராமணெய்யக’’ந்தி. ‘‘ரக்க²ந்தி தங் தம்ஹி ஸமயே கு²ஜ்ஜாபி வாமனகாபி வேலாஸிகாபி [சேலாவிகாபி (ஸ்யா॰), கேளாயிகாபி (ஸீ॰)] கோமாரிகாபீ’’தி? ‘‘ஏவங், போ⁴ கஸ்ஸப, ரக்க²ந்தி மங் தம்ஹி ஸமயே கு²ஜ்ஜாபி வாமனகாபி வேலாஸிகாபி [சேலாவிகாபி (ஸ்யா॰), கேளாயிகாபி (ஸீ॰)] கோமாரிகாபீ’’தி. ‘‘அபி நு தா துய்ஹங் ஜீவங் பஸ்ஸந்தி பவிஸந்தங் வா நிக்க²மந்தங் வா’’தி? ‘‘நோ
ஹித³ங், போ⁴ கஸ்ஸப’’. ‘‘தா ஹி நாம, ராஜஞ்ஞ, துய்ஹங் ஜீவந்தஸ்ஸ ஜீவந்தியோ
ஜீவங் ந பஸ்ஸிஸ்ஸந்தி பவிஸந்தங் வா நிக்க²மந்தங் வா. கிங் பன த்வங்
காலங்கதஸ்ஸ ஜீவங் பஸ்ஸிஸ்ஸஸி பவிஸந்தங் வா நிக்க²மந்தங் வா. இமினாபி கோ²
தே, ராஜஞ்ஞ, பரியாயேன ஏவங் ஹோது – ‘‘இதிபி அத்தி² பரோ லோகோ, அத்தி² ஸத்தா
ஓபபாதிகா, அத்தி² ஸுகதது³க்கடானங் கம்மானங் ப²லங் விபாகோ’’’தி.

423.
‘‘கிஞ்சாபி ப⁴வங் கஸ்ஸபோ ஏவமாஹ, அத² கோ² ஏவங் மே எத்த² ஹோதி – ‘இதிபி
நத்தி² பரோ லோகோ, நத்தி² ஸத்தா ஓபபாதிகா, நத்தி² ஸுகதது³க்கடானங் கம்மானங்
ப²லங் விபாகோ’’’தி. ‘‘அத்தி² பன, ராஜஞ்ஞ, பரியாயோ…பே॰… ‘‘அத்தி², போ⁴
கஸ்ஸப, பரியாயோ…பே॰… யதா² கத²ங் விய ராஜஞ்ஞா’’தி? ‘‘இத⁴ மே, போ⁴ கஸ்ஸப,
புரிஸா சோரங் ஆகு³சாரிங் க³ஹெத்வா த³ஸ்ஸெந்தி – ‘அயங் தே, ப⁴ந்தே, சோரோ
ஆகு³சாரீ; இமஸ்ஸ யங் இச்ச²ஸி, தங் த³ண்ட³ங் பணேஹீ’தி. த்யாஹங் ஏவங் வதா³மி –
‘தேன ஹி, போ⁴, இமங் புரிஸங் ஜீவந்தங்யேவ துலாய துலெத்வா ஜியாய அனஸ்ஸாஸகங்
மாரெத்வா புனதே³வ துலாய துலேதா²’தி. தே மே ‘ஸாதூ⁴’தி படிஸ்ஸுத்வா தங்
புரிஸங் ஜீவந்தங்யேவ துலாய துலெத்வா ஜியாய அனஸ்ஸாஸகங் மாரெத்வா புனதே³வ
துலாய துலெந்தி. யதா³ ஸோ ஜீவதி, ததா³ லஹுதரோ ச ஹோதி முது³தரோ
ச கம்மஞ்ஞதரோ ச. யதா³ பன ஸோ காலங்கதோ ஹோதி ததா³ க³ருதரோ ச ஹோதி
பத்தி²ன்னதரோ ச அகம்மஞ்ஞதரோ ச. அயம்பி கோ², போ⁴ கஸ்ஸப, பரியாயோ, யேன மே
பரியாயேன ஏவங் ஹோதி – ‘இதிபி நத்தி² பரோ லோகோ, நத்தி² ஸத்தா ஓபபாதிகா,
நத்தி² ஸுகதது³க்கடானங் கம்மானங் ப²லங் விபாகோ’’’தி.

ஸந்தத்தஅயோகு³ளஉபமா

424. ‘‘தேன ஹி, ராஜஞ்ஞ, உபமங் தே கரிஸ்ஸாமி. உபமாய மிதே⁴கச்சே விஞ்ஞூ புரிஸா பா⁴ஸிதஸ்ஸ அத்த²ங் ஆஜானந்தி. ஸெய்யதா²பி, ராஜஞ்ஞ, புரிஸோ தி³வஸங் ஸந்தத்தங்
அயோகு³ளங் ஆதி³த்தங் ஸம்பஜ்ஜலிதங் ஸஜோதிபூ⁴தங் துலாய துலெய்ய. தமேனங்
அபரேன ஸமயேன ஸீதங் நிப்³பு³தங் துலாய துலெய்ய. கதா³ நு கோ² ஸோ அயோகு³ளோ
லஹுதரோ வா ஹோதி முது³தரோ வா கம்மஞ்ஞதரோ வா, யதா³ வா ஆதி³த்தோ ஸம்பஜ்ஜலிதோ
ஸஜோதிபூ⁴தோ, யதா³ வா ஸீதோ நிப்³பு³தோ’’தி? ‘‘யதா³ ஸோ, போ⁴ கஸ்ஸப, அயோகு³ளோ
தேஜோஸஹக³தோ ச ஹோதி வாயோஸஹக³தோ ச ஆதி³த்தோ ஸம்பஜ்ஜலிதோ ஸஜோதிபூ⁴தோ, ததா³
லஹுதரோ ச ஹோதி முது³தரோ ச கம்மஞ்ஞதரோ ச. யதா³ பன ஸோ அயோகு³ளோ நேவ
தேஜோஸஹக³தோ ஹோதி ந வாயோஸஹக³தோ ஸீதோ நிப்³பு³தோ, ததா³ க³ருதரோ ச ஹோதி
பத்தி²ன்னதரோ ச அகம்மஞ்ஞதரோ சா’’தி. ‘‘ஏவமேவ கோ², ராஜஞ்ஞ, யதா³யங் காயோ
ஆயுஸஹக³தோ ச ஹோதி உஸ்மாஸஹக³தோ ச விஞ்ஞாணஸஹக³தோ ச, ததா³ லஹுதரோ ச ஹோதி
முது³தரோ ச கம்மஞ்ஞதரோ ச. யதா³ பனாயங் காயோ நேவ ஆயுஸஹக³தோ ஹோதி ந
உஸ்மாஸஹக³தோ ந விஞ்ஞாணஸஹக³தோ ததா³ க³ருதரோ ச ஹோதி
பத்தி²ன்னதரோ ச அகம்மஞ்ஞதரோ ச. இமினாபி கோ² தே, ராஜஞ்ஞ, பரியாயேன ஏவங் ஹோது
– ‘இதிபி அத்தி² பரோ லோகோ, அத்தி² ஸத்தா ஓபபாதிகா, அத்தி² ஸுகதது³க்கடானங்
கம்மானங் ப²லங் விபாகோ’’’தி.

425.
‘‘கிஞ்சாபி ப⁴வங் கஸ்ஸபோ ஏவமாஹ, அத² கோ² ஏவங் மே எத்த² ஹோதி – ‘இதிபி
நத்தி² பரோ லோகோ, நத்தி² ஸத்தா ஓபபாதிகா, நத்தி² ஸுகதது³க்கடானங் கம்மானங்
ப²லங் விபாகோ’’’தி. ‘‘அத்தி² பன, ராஜஞ்ஞ, பரியாயோ…பே॰… அத்தி², போ⁴ கஸ்ஸப,
பரியாயோ…பே॰… யதா² கத²ங் விய ராஜஞ்ஞா’’தி? ‘‘இத⁴ மே, போ⁴ கஸ்ஸப, புரிஸா
சோரங் ஆகு³சாரிங் க³ஹெத்வா த³ஸ்ஸெந்தி – ‘அயங் தே, ப⁴ந்தே, சோரோ ஆகு³சாரீ;
இமஸ்ஸ யங் இச்ச²ஸி , தங் த³ண்ட³ங் பணேஹீ’தி. த்யாஹங்
ஏவங் வதா³மி – ‘தேன ஹி, போ⁴, இமங் புரிஸங் அனுபஹச்ச ச²விஞ்ச சம்மஞ்ச
மங்ஸஞ்ச ந்ஹாருஞ்ச அட்டி²ஞ்ச அட்டி²மிஞ்ஜஞ்ச ஜீவிதா வோரோபேத², அப்பேவ
நாமஸ்ஸ ஜீவங் நிக்க²மந்தங் பஸ்ஸெய்யாமா’தி. தே மே ‘ஸாதூ⁴’தி படிஸ்ஸுத்வா
தங் புரிஸங் அனுபஹச்ச ச²விஞ்ச…பே॰… ஜீவிதா வோரோபெந்தி. யதா³ ஸோ ஆமதோ ஹோதி,
த்யாஹங் ஏவங் வதா³மி – ‘தேன ஹி, போ⁴, இமங் புரிஸங் உத்தானங் நிபாதேத²,
அப்பேவ நாமஸ்ஸ ஜீவங் நிக்க²மந்தங் பஸ்ஸெய்யாமா’தி. தே தங் புரிஸங் உத்தானங்
நிபாதெந்தி. நேவஸ்ஸ மயங் ஜீவங் நிக்க²மந்தங் பஸ்ஸாம. த்யாஹங் ஏவங் வதா³மி –
‘தேன ஹி, போ⁴, இமங் புரிஸங் அவகுஜ்ஜங் நிபாதேத²… பஸ்ஸேன நிபாதேத²…
து³தியேன பஸ்ஸேன நிபாதேத²…
உத்³த⁴ங் ட²பேத²… ஓமுத்³த⁴கங் ட²பேத²… பாணினா ஆகோடேத²… லெட்³டு³னா ஆகோடேத²…
த³ண்டே³ன ஆகோடேத²… ஸத்தே²ன ஆகோடேத²… ஓது⁴னாத² ஸந்து⁴னாத²
நித்³து⁴னாத², அப்பேவ நாமஸ்ஸ ஜீவங் நிக்க²மந்தங் பஸ்ஸெய்யாமா’தி. தே தங்
புரிஸங் ஓது⁴னந்தி ஸந்து⁴னந்தி நித்³து⁴னந்தி. நேவஸ்ஸ மயங் ஜீவங்
நிக்க²மந்தங் பஸ்ஸாம. தஸ்ஸ ததே³வ சக்கு² ஹோதி தே ரூபா, தஞ்சாயதனங்
நப்படிஸங்வேதே³தி. ததே³வ ஸோதங் ஹோதி தே ஸத்³தா³, தஞ்சாயதனங்
நப்படிஸங்வேதே³தி. ததே³வ கா⁴னங் ஹோதி தே க³ந்தா⁴, தஞ்சாயதனங்
நப்படிஸங்வேதே³தி . ஸாவ ஜிவ்ஹா ஹோதி தே ரஸா,
தஞ்சாயதனங் நப்படிஸங்வேதே³தி. ஸ்வேவ காயோ ஹோதி தே பொ²ட்ட²ப்³பா³,
தஞ்சாயதனங் நப்படிஸங்வேதே³தி. அயம்பி கோ², போ⁴ கஸ்ஸப, பரியாயோ, யேன மே
பரியாயேன ஏவங் ஹோதி – ‘இதிபி நத்தி² பரோ லோகோ, நத்தி² ஸத்தா ஓபபாதிகா,
நத்தி² ஸுகதது³க்கடானங் கம்மானங் ப²லங் விபாகோ’’’தி.

ஸங்க²த⁴மஉபமா

426.
‘‘தேன ஹி, ராஜஞ்ஞ, உபமங் தே கரிஸ்ஸாமி. உபமாய மிதே⁴கச்சே விஞ்ஞூ புரிஸா
பா⁴ஸிதஸ்ஸ அத்த²ங் ஆஜானந்தி. பூ⁴தபுப்³ப³ங், ராஜஞ்ஞ, அஞ்ஞதரோ ஸங்க²த⁴மோ
ஸங்க²ங் ஆதா³ய பச்சந்திமங் ஜனபத³ங் அக³மாஸி. ஸோ யேன அஞ்ஞதரோ கா³மோ
தேனுபஸங்கமி; உபஸங்கமித்வா மஜ்ஜே² கா³மஸ்ஸ டி²தோ திக்க²த்துங் ஸங்க²ங்
உபலாபெத்வா ஸங்க²ங் பூ⁴மியங் நிக்கி²பித்வா ஏகமந்தங் நிஸீதி³. அத² கோ²,
ராஜஞ்ஞ, தேஸங் பச்சந்தஜனபதா³னங் [பச்சந்தஜானங் (ஸீ॰)] மனுஸ்ஸானங் ஏதத³ஹோஸி – ‘அம்போ⁴ கஸ்ஸ நு கோ² [ஏதத³ஹோஸி ‘‘கிஸ்ஸ து³கோ² (பீ॰)]
ஏஸோ ஸத்³தோ³ ஏவங்ரஜனீயோ ஏவங்கமனீயோ ஏவங்மத³னீயோ ஏவங்ப³ந்த⁴னீயோ
ஏவங்முச்ச²னீயோ’தி. ஸன்னிபதித்வா தங் ஸங்க²த⁴மங் ஏதத³வோசுங் – ‘அம்போ⁴,
கஸ்ஸ நு கோ² ஏஸோ ஸத்³தோ³ ஏவங்ரஜனீயோ ஏவங்கமனீயோ ஏவங்மத³னீயோ ஏவங்ப³ந்த⁴னீயோ
ஏவங்முச்ச²னீயோ’தி. ‘ஏஸோ கோ², போ⁴, ஸங்கோ² நாம யஸ்ஸேஸோ ஸத்³தோ³ ஏவங்ரஜனீயோ
ஏவங்கமனீயோ ஏவங்மத³னீயோ ஏவங்ப³ந்த⁴னீயோ ஏவங்முச்ச²னீயோ’தி. தே தங் ஸங்க²ங்
உத்தானங் நிபாதேஸுங் – ‘வதே³ஹி, போ⁴ ஸங்க², வதே³ஹி, போ⁴ ஸங்கா²’தி. நேவ ஸோ
ஸங்கோ² ஸத்³த³மகாஸி. தே தங் ஸங்க²ங் அவகுஜ்ஜங் நிபாதேஸுங், பஸ்ஸேன
நிபாதேஸுங், து³தியேன பஸ்ஸேன நிபாதேஸுங், உத்³த⁴ங் ட²பேஸுங், ஓமுத்³த⁴கங்
ட²பேஸுங், பாணினா ஆகோடேஸுங், லெட்³டு³னா ஆகோடேஸுங், த³ண்டே³ன ஆகோடேஸுங், ஸத்தே²ன ஆகோடேஸுங், ஓது⁴னிங்ஸு ஸந்து⁴னிங்ஸு நித்³து⁴னிங்ஸு – ‘வதே³ஹி, போ⁴ ஸங்க², வதே³ஹி, போ⁴ ஸங்கா²’தி. நேவ ஸோ ஸங்கோ² ஸத்³த³மகாஸி.

‘‘அத² கோ², ராஜஞ்ஞ, தஸ்ஸ ஸங்க²த⁴மஸ்ஸ ஏதத³ஹோஸி – ‘யாவ
பா³லா இமே பச்சந்தஜனபதா³மனுஸ்ஸா, கத²ஞ்ஹி நாம அயோனிஸோ ஸங்க²ஸத்³த³ங்
க³வேஸிஸ்ஸந்தீ’தி. தேஸங் பெக்க²மானானங் ஸங்க²ங் க³ஹெத்வா திக்க²த்துங்
ஸங்க²ங் உபலாபெத்வா ஸங்க²ங் ஆதா³ய பக்காமி. அத² கோ², ராஜஞ்ஞ, தேஸங்
பச்சந்தஜனபதா³னங் மனுஸ்ஸானங் ஏதத³ஹோஸி – ‘யதா³ கிர, போ⁴, அயங் ஸங்கோ² நாம
புரிஸஸஹக³தோ ச ஹோதி வாயாமஸஹக³தோ [வாயோஸஹக³தோ (ஸ்யா॰)]
ச வாயுஸஹக³தோ ச, ததா³யங் ஸங்கோ² ஸத்³த³ங் கரோதி, யதா³ பனாயங் ஸங்கோ² நேவ
புரிஸஸஹக³தோ ஹோதி ந வாயாமஸஹக³தோ ந வாயுஸஹக³தோ, நாயங் ஸங்கோ² ஸத்³த³ங்
கரோதீ’தி . ஏவமேவ கோ², ராஜஞ்ஞ, யதா³யங் காயோ
ஆயுஸஹக³தோ ச ஹோதி உஸ்மாஸஹக³தோ ச விஞ்ஞாணஸஹக³தோ ச, ததா³ அபி⁴க்கமதிபி
படிக்கமதிபி திட்ட²திபி நிஸீத³திபி ஸெய்யம்பி கப்பேதி, சக்கு²னாபி ரூபங்
பஸ்ஸதி, ஸோதேனபி ஸத்³த³ங் ஸுணாதி, கா⁴னேனபி க³ந்த⁴ங் கா⁴யதி, ஜிவ்ஹாயபி
ரஸங் ஸாயதி, காயேனபி பொ²ட்ட²ப்³ப³ங் பு²ஸதி, மனஸாபி த⁴ம்மங் விஜானாதி. யதா³
பனாயங் காயோ நேவ ஆயுஸஹக³தோ ஹோதி, ந உஸ்மாஸஹக³தோ, ந விஞ்ஞாணஸஹக³தோ, ததா³
நேவ அபி⁴க்கமதி ந படிக்கமதி ந திட்ட²தி ந நிஸீத³தி ந ஸெய்யங் கப்பேதி,
சக்கு²னாபி ரூபங் ந பஸ்ஸதி, ஸோதேனபி ஸத்³த³ங் ந ஸுணாதி, கா⁴னேனபி க³ந்த⁴ங் ந
கா⁴யதி, ஜிவ்ஹாயபி ரஸங் ந ஸாயதி, காயேனபி பொ²ட்ட²ப்³ப³ங் ந பு²ஸதி, மனஸாபி
த⁴ம்மங் ந விஜானாதி. இமினாபி கோ² தே, ராஜஞ்ஞ, பரியாயேன ஏவங் ஹோது – ‘இதிபி
அத்தி² பரோ லோகோ, அத்தி² ஸத்தா ஓபபாதிகா, அத்தி² ஸுகதது³க்கடானங் கம்மானங்
ப²லங் விபாகோ’தி [விபாகோதி, பட²மபா⁴ணவாரங் (ஸ்யா॰)].

427. ‘‘கிஞ்சாபி ப⁴வங் கஸ்ஸபோ ஏவமாஹ, அத² கோ² ஏவங்
மே எத்த² ஹோதி – ‘இதிபி நத்தி² பரோ லோகோ, நத்தி² ஸத்தா ஓபபாதிகா, நத்தி²
ஸுகதது³க்கடானங் கம்மானங் ப²லங் விபாகோ’’’தி. ‘‘அத்தி² பன, ராஜஞ்ஞ,
பரியாயோ…பே॰… அத்தி², போ⁴ கஸ்ஸப, பரியாயோ…பே॰… யதா² கத²ங் விய ராஜஞ்ஞா’’தி?
‘‘இத⁴ மே, போ⁴ கஸ்ஸப, புரிஸா சோரங் ஆகு³சாரிங் க³ஹெத்வா த³ஸ்ஸெந்தி –
‘அயங் தே, ப⁴ந்தே, சோரோ ஆகு³சாரீ, இமஸ்ஸ யங் இச்ச²ஸி, தங் த³ண்ட³ங் பணேஹீ’தி. த்யாஹங் ஏவங் வதா³மி – ‘தேன ஹி, போ⁴, இமஸ்ஸ புரிஸஸ்ஸ ச²விங் சி²ந்த³த² ,
அப்பேவ நாமஸ்ஸ ஜீவங் பஸ்ஸெய்யாமா’தி. தே தஸ்ஸ புரிஸஸ்ஸ ச²விங்
சி²ந்த³ந்தி. நேவஸ்ஸ மயங் ஜீவங் பஸ்ஸாம. த்யாஹங் ஏவங் வதா³மி – ‘தேன ஹி,
போ⁴, இமஸ்ஸ புரிஸஸ்ஸ சம்மங் சி²ந்த³த², மங்ஸங் சி²ந்த³த², ந்ஹாருங்
சி²ந்த³த², அட்டி²ங் சி²ந்த³த², அட்டி²மிஞ்ஜங் சி²ந்த³த², அப்பேவ நாமஸ்ஸ
ஜீவங் பஸ்ஸெய்யாமா’தி. தே தஸ்ஸ புரிஸஸ்ஸ அட்டி²மிஞ்ஜங் சி²ந்த³ந்தி, நேவஸ்ஸ
மயங் ஜீவங் பஸ்ஸெய்யாம. அயம்பி கோ², போ⁴ கஸ்ஸப, பரியாயோ, யேன மே பரியாயேன
ஏவங் ஹோதி – ‘இதிபி நத்தி² பரோ லோகோ, நத்தி² ஸத்தா ஓபபாதிகா, நத்தி²
ஸுகதது³க்கடானங் கம்மானங் ப²லங் விபாகோ’’’தி.

அக்³கி³கஜடிலஉபமா

428.
‘‘தேன ஹி, ராஜஞ்ஞ, உபமங் தே கரிஸ்ஸாமி. உபமாய மிதே⁴கச்சே விஞ்ஞூ புரிஸா
பா⁴ஸிதஸ்ஸ அத்த²ங் ஆஜானந்தி. பூ⁴தபுப்³ப³ங், ராஜஞ்ஞ, அஞ்ஞதரோ அக்³கி³கோ
ஜடிலோ அரஞ்ஞாயதனே பண்ணகுடியா ஸம்மதி [வஸதி (ஸீ॰ பீ॰)]. அத² கோ², ராஜஞ்ஞ, அஞ்ஞதரோ ஜனபதே³ ஸத்தோ² [ஸத்தோ² ஜனபத³பதே³ஸா (ஸீ॰), ஜனபதோ³ ஸத்த²வாஸோ (ஸ்யா॰), ஜனபத³பதே³ஸோ (பீ॰)] வுட்டா²ஸி. அத² கோ² ஸோ ஸத்தோ² [ஸத்த²வாஸோ (ஸ்யா॰)] தஸ்ஸ அக்³கி³கஸ்ஸ ஜடிலஸ்ஸ அஸ்ஸமஸ்ஸ ஸாமந்தா ஏகரத்திங் வஸித்வா பக்காமி. அத² கோ², ராஜஞ்ஞ, தஸ்ஸ அக்³கி³கஸ்ஸ ஜடிலஸ்ஸ ஏதத³ஹோஸி
– ‘யங்னூனாஹங் யேன ஸோ ஸத்த²வாஸோ தேனுபஸங்கமெய்யங், அப்பேவ நாமெத்த² கிஞ்சி
உபகரணங் அதி⁴க³ச்செ²ய்ய’ந்தி. அத² கோ² ஸோ அக்³கி³கோ ஜடிலோ காலஸ்ஸேவ
வுட்டா²ய யேன ஸோ ஸத்த²வாஸோ தேனுபஸங்கமி; உபஸங்கமித்வா அத்³த³ஸ தஸ்மிங்
ஸத்த²வாஸே த³ஹரங் குமாரங் மந்த³ங் உத்தானஸெய்யகங்
ச²ட்³டி³தங். தி³ஸ்வானஸ்ஸ ஏதத³ஹோஸி – ‘ந கோ² மே தங் பதிரூபங் யங் மே
பெக்க²மானஸ்ஸ மனுஸ்ஸபூ⁴தோ காலங்கரெய்ய; யங்னூனாஹங் இமங் தா³ரகங் அஸ்ஸமங்
நெத்வா ஆபாதெ³ய்யங் போஸெய்யங் வட்³டெ⁴ய்ய’ந்தி. அத² கோ² ஸோ அக்³கி³கோ ஜடிலோ
தங் தா³ரகங் அஸ்ஸமங் நெத்வா ஆபாதே³ஸி போஸேஸி வட்³டே⁴ஸி. யதா³ ஸோ தா³ரகோ
த³ஸவஸ்ஸுத்³தே³ஸிகோ வா ஹோதி [அஹோஸி (?)]
த்³வாத³ஸவஸ்ஸுத்³தே³ஸிகோ வா, அத² கோ² தஸ்ஸ அக்³கி³கஸ்ஸ ஜடிலஸ்ஸ ஜனபதே³
கஞ்சிதே³வ கரணீயங் உப்பஜ்ஜி. அத² கோ² ஸோ அக்³கி³கோ ஜடிலோ தங் தா³ரகங்
ஏதத³வோச – ‘இச்சா²மஹங், தாத, ஜனபத³ங் [நக³ரங் (க॰)]
க³ந்துங்; அக்³கி³ங், தாத, பரிசரெய்யாஸி. மா ச தே அக்³கி³ நிப்³பா³யி. ஸசே
ச தே அக்³கி³ நிப்³பா³யெய்ய, அயங் வாஸீ இமானி கட்டா²னி இத³ங் அரணிஸஹிதங்,
அக்³கி³ங் நிப்³ப³த்தெத்வா அக்³கி³ங்
பரிசரெய்யாஸீ’தி. அத² கோ² ஸோ அக்³கி³கோ ஜடிலோ தங் தா³ரகங் ஏவங் அனுஸாஸித்வா
ஜனபத³ங் அக³மாஸி. தஸ்ஸ கி²ட்³டா³பஸுதஸ்ஸ அக்³கி³ நிப்³பா³யி.

‘‘அத² கோ² தஸ்ஸ தா³ரகஸ்ஸ ஏதத³ஹோஸி – ‘பிதா கோ² மங்
ஏவங் அவச – ‘‘அக்³கி³ங், தாத, பரிசரெய்யாஸி. மா ச தே அக்³கி³ நிப்³பா³யி.
ஸசே ச தே அக்³கி³ நிப்³பா³யெய்ய, அயங் வாஸீ இமானி கட்டா²னி இத³ங்
அரணிஸஹிதங், அக்³கி³ங் நிப்³ப³த்தெத்வா அக்³கி³ங் பரிசரெய்யாஸீ’’தி.
யங்னூனாஹங் அக்³கி³ங் நிப்³ப³த்தெத்வா அக்³கி³ங் பரிசரெய்ய’ந்தி. அத²
கோ² ஸோ தா³ரகோ அரணிஸஹிதங் வாஸியா தச்சி² – ‘அப்பேவ நாம அக்³கி³ங்
அதி⁴க³ச்செ²ய்ய’ந்தி. நேவ ஸோ அக்³கி³ங் அதி⁴க³ச்சி². அரணிஸஹிதங் த்³விதா⁴
பா²லேஸி, திதா⁴ பா²லேஸி, சதுதா⁴ பா²லேஸி, பஞ்சதா⁴ பா²லேஸி, த³ஸதா⁴ பா²லேஸி,
ஸததா⁴ [வீஸதிதா⁴ (ஸ்யா॰)] பா²லேஸி, ஸகலிகங் ஸகலிகங் அகாஸி, ஸகலிகங் ஸகலிகங் கரித்வா உது³க்க²லே கொட்டேஸி, உது³க்க²லே கொட்டெத்வா மஹாவாதே ஓபுனி [ஓபு²னி (ஸ்யா॰ க॰)] – ‘அப்பேவ நாம அக்³கி³ங் அதி⁴க³ச்செ²ய்ய’ந்தி. நேவ ஸோ அக்³கி³ங் அதி⁴க³ச்சி².

‘‘அத² கோ² ஸோ அக்³கி³கோ ஜடிலோ ஜனபதே³ தங் கரணீயங்
தீரெத்வா யேன ஸகோ அஸ்ஸமோ தேனுபஸங்கமி; உபஸங்கமித்வா தங் தா³ரகங் ஏதத³வோச –
‘கச்சி தே, தாத, அக்³கி³ ந நிப்³பு³தோ’தி? ‘இத⁴ மே, தாத, கி²ட்³டா³பஸுதஸ்ஸ
அக்³கி³ நிப்³பா³யி. தஸ்ஸ மே ஏதத³ஹோஸி – ‘‘பிதா கோ² மங் ஏவங் அவச
அக்³கி³ங், தாத, பரிசரெய்யாஸி. மா ச தே, தாத, அக்³கி³ நிப்³பா³யி. ஸசே
ச தே அக்³கி³ நிப்³பா³யெய்ய, அயங் வாஸீ இமானி கட்டா²னி இத³ங் அரணிஸஹிதங்,
அக்³கி³ங் நிப்³ப³த்தெத்வா அக்³கி³ங் பரிசரெய்யாஸீதி. யங்னூனாஹங் அக்³கி³ங்
நிப்³ப³த்தெத்வா அக்³கி³ங் பரிசரெய்ய’’ந்தி. அத² க்²வாஹங், தாத,
அரணிஸஹிதங் வாஸியா தச்சி²ங் – ‘‘அப்பேவ நாம அக்³கி³ங்
அதி⁴க³ச்செ²ய்ய’’ந்தி. நேவாஹங் அக்³கி³ங் அதி⁴க³ச்சி²ங். அரணிஸஹிதங்
த்³விதா⁴ பா²லேஸிங், திதா⁴ பா²லேஸிங், சதுதா⁴ பா²லேஸிங், பஞ்சதா⁴
பா²லேஸிங், த³ஸதா⁴ பா²லேஸிங் , ஸததா⁴ பா²லேஸிங்,
ஸகலிகங் ஸகலிகங் அகாஸிங், ஸகலிகங் ஸகலிகங் கரித்வா உது³க்க²லே கொட்டேஸிங்,
உது³க்க²லே கொட்டெத்வா மஹாவாதே ஓபுனிங் – ‘‘அப்பேவ நாம அக்³கி³ங்
அதி⁴க³ச்செ²ய்ய’’ந்தி. நேவாஹங் அக்³கி³ங் அதி⁴க³ச்சி²’’’ந்தி. அத² கோ² தஸ்ஸ
அக்³கி³கஸ்ஸ ஜடிலஸ்ஸ ஏதத³ஹோஸி – ‘யாவ பா³லோ அயங் தா³ரகோ அப்³யத்தோ,
கத²ஞ்ஹி நாம அயோனிஸோ அக்³கி³ங் க³வேஸிஸ்ஸதீ’தி. தஸ்ஸ பெக்க²மானஸ்ஸ
அரணிஸஹிதங் க³ஹெத்வா அக்³கி³ங் நிப்³ப³த்தெத்வா தங் தா³ரகங் ஏதத³வோச – ‘ஏவங் கோ², தாத, அக்³கி³
நிப்³ப³த்தேதப்³போ³. ந த்வேவ யதா² த்வங் பா³லோ அப்³யத்தோ அயோனிஸோ
அக்³கி³ங் க³வேஸீ’தி. ஏவமேவ கோ² த்வங், ராஜஞ்ஞ, பா³லோ அப்³யத்தோ அயோனிஸோ
பரலோகங் க³வேஸிஸ்ஸஸி. படினிஸ்ஸஜ்ஜேதங், ராஜஞ்ஞ, பாபகங் தி³ட்டி²க³தங்,
படினிஸ்ஸஜ்ஜேதங், ராஜஞ்ஞ, பாபகங் தி³ட்டி²க³தங், மா தே அஹோஸி தீ³க⁴ரத்தங்
அஹிதாய து³க்கா²யா’’தி.

429.
‘‘கிஞ்சாபி ப⁴வங் கஸ்ஸபோ ஏவமாஹ, அத² கோ² நேவாஹங் ஸக்கோமி இத³ங் பாபகங்
தி³ட்டி²க³தங் படினிஸ்ஸஜ்ஜிதுங். ராஜாபி மங் பஸேனதி³ கோஸலோ ஜானாதி
திரோராஜானோபி – ‘பாயாஸி ராஜஞ்ஞோ ஏவங்வாதீ³ ஏவங்தி³ட்டீ² – ‘‘இதிபி நத்தி²
பரோ லோகோ, நத்தி² ஸத்தா ஓபபாதிகா, நத்தி² ஸுகதது³க்கடானங் கம்மானங் ப²லங்
விபாகோ’’தி. ஸசாஹங், போ⁴ கஸ்ஸப, இத³ங் பாபகங் தி³ட்டி²க³தங்
படினிஸ்ஸஜ்ஜிஸ்ஸாமி, ப⁴விஸ்ஸந்தி மே வத்தாரோ – ‘யாவ பா³லோ பாயாஸி ராஜஞ்ஞோ
அப்³யத்தோ து³க்³க³ஹிதகா³ஹீ’தி. கோபேனபி நங் ஹரிஸ்ஸாமி, மக்கே²னபி நங்
ஹரிஸ்ஸாமி, பலாஸேனபி நங் ஹரிஸ்ஸாமீ’’தி.

த்³வே ஸத்த²வாஹஉபமா

430.
‘‘தேன ஹி, ராஜஞ்ஞ, உபமங் தே கரிஸ்ஸாமி. உபமாய மிதே⁴கச்சே விஞ்ஞூ புரிஸா
பா⁴ஸிதஸ்ஸ அத்த²ங் ஆஜானந்தி. பூ⁴தபுப்³ப³ங், ராஜஞ்ஞ, மஹாஸகடஸத்தோ²
ஸகடஸஹஸ்ஸங் புரத்தி²மா ஜனபதா³ பச்சி²மங் ஜனபத³ங் அக³மாஸி. ஸோ யேன யேன
க³ச்சி², கி²ப்பங்யேவ பரியாதி³யதி திணகட்டோ²த³கங் ஹரிதகபண்ணங். தஸ்மிங் கோ²
பன ஸத்தே² த்³வே ஸத்த²வாஹா அஹேஸுங் ஏகோ பஞ்சன்னங்
ஸகடஸதானங், ஏகோ பஞ்சன்னங் ஸகடஸதானங். அத² கோ² தேஸங் ஸத்த²வாஹானங் ஏதத³ஹோஸி
– ‘அயங் கோ² மஹாஸகடஸத்தோ² ஸகடஸஹஸ்ஸங்; தே மயங் யேன யேன க³ச்சா²ம,
கி²ப்பமேவ பரியாதி³யதி திணகட்டோ²த³கங் ஹரிதகபண்ணங்.
யங்னூன மயங் இமங் ஸத்த²ங் த்³விதா⁴ விப⁴ஜெய்யாம – ஏகதோ பஞ்ச ஸகடஸதானி ஏகதோ
பஞ்ச ஸகடஸதானீ’தி. தே தங் ஸத்த²ங் த்³விதா⁴ விப⁴ஜிங்ஸு [விப⁴ஜேஸுங் (க॰)] ஏகதோ பஞ்ச ஸகடஸதானி, ஏகதோ பஞ்ச ஸகடஸதானி. ஏகோ ஸத்த²வாஹோ ப³ஹுங் திணஞ்ச கட்ட²ஞ்ச உத³கஞ்ச ஆரோபெத்வா ஸத்த²ங் பயாபேஸி [பாயாபேஸி (ஸீ॰ பீ॰)]. த்³வீஹதீஹபயாதோ கோ² பன ஸோ ஸத்தோ² அத்³த³ஸ புரிஸங் காளங் லோஹிதக்க²ங் [லோஹிதக்கி²ங் (ஸ்யா॰)] ஸன்னத்³த⁴கலாபங் [ஆஸன்னத்³த⁴கலாபங் (ஸ்யா॰)] குமுத³மாலிங் அல்லவத்த²ங் அல்லகேஸங் கத்³த³மமக்கி²தேஹி சக்கேஹி
ப⁴த்³ரேன ரதே²ன படிபத²ங் ஆக³ச்ச²ந்தங்’, தி³ஸ்வா ஏதத³வோச – ‘குதோ, போ⁴,
ஆக³ச்ச²ஸீ’தி? ‘அமுகம்ஹா ஜனபதா³’தி. ‘குஹிங் க³மிஸ்ஸஸீ’தி? ‘அமுகங் நாம
ஜனபத³’ந்தி. ‘கச்சி, போ⁴, புரதோ கந்தாரே மஹாமேகோ⁴ அபி⁴ப்பவுட்டோ²’தி?
‘ஏவங், போ⁴, புரதோ கந்தாரே மஹாமேகோ⁴ அபி⁴ப்பவுட்டோ², ஆஸித்தோத³கானி
வடுமானி, ப³ஹு திணஞ்ச கட்ட²ஞ்ச உத³கஞ்ச.
ச²ட்³டே³த², போ⁴, புராணானி திணானி கட்டா²னி உத³கானி, லஹுபா⁴ரேஹி ஸகடேஹி
ஸீக⁴ங் ஸீக⁴ங் க³ச்ச²த², மா யொக்³கா³னி கிலமித்தா²’தி.

‘‘அத² கோ² ஸோ ஸத்த²வாஹோ ஸத்தி²கே ஆமந்தேஸி – ‘அயங்,
போ⁴, புரிஸோ ஏவமாஹ – ‘‘புரதோ கந்தாரே மஹாமேகோ⁴ அபி⁴ப்பவுட்டோ²,
ஆஸித்தோத³கானி வடுமானி, ப³ஹு திணஞ்ச கட்ட²ஞ்ச உத³கஞ்ச. ச²ட்³டே³த², போ⁴,
புராணானி திணானி கட்டா²னி உத³கானி, லஹுபா⁴ரேஹி ஸகடேஹி ஸீக⁴ங் ஸீக⁴ங்
க³ச்ச²த², மா யொக்³கா³னி கிலமித்தா²’’தி.
ச²ட்³டே³த², போ⁴, புராணானி திணானி கட்டா²னி உத³கானி, லஹுபா⁴ரேஹி ஸகடேஹி
ஸத்த²ங் பயாபேதா²’தி. ‘ஏவங், போ⁴’தி கோ² தே ஸத்தி²கா தஸ்ஸ ஸத்த²வாஹஸ்ஸ
படிஸ்ஸுத்வா ச²ட்³டெ³த்வா புராணானி திணானி கட்டா²னி உத³கானி லஹுபா⁴ரேஹி
ஸகடேஹி ஸத்த²ங் பயாபேஸுங். தே பட²மேபி ஸத்த²வாஸே ந அத்³த³ஸங்ஸு திணங் வா
கட்ட²ங் வா உத³கங் வா. து³தியேபி ஸத்த²வாஸே… ததியேபி ஸத்த²வாஸே… சதுத்தே²பி
ஸத்த²வாஸே… பஞ்சமேபி ஸத்த²வாஸே… ச²ட்டே²பி ஸத்த²வாஸே… ஸத்தமேபி ஸத்த²வாஸே ந
அத்³த³ஸங்ஸு திணங் வா கட்ட²ங் வா உத³கங் வா. ஸப்³பே³வ அனயப்³யஸனங்
ஆபஜ்ஜிங்ஸு. யே ச தஸ்மிங் ஸத்தே² அஹேஸுங் மனுஸ்ஸா வா பஸூ வா, ஸப்³பே³ ஸோ
யக்கோ² அமனுஸ்ஸோ ப⁴க்கே²ஸி. அட்டி²கானேவ ஸேஸானி.

‘‘யதா³ அஞ்ஞாஸி து³தியோ ஸத்த²வாஹோ – ‘ப³ஹுனிக்க²ந்தோ
கோ², போ⁴, தா³னி ஸோ ஸத்தோ²’தி ப³ஹுங் திணஞ்ச கட்ட²ஞ்ச உத³கஞ்ச ஆரோபெத்வா
ஸத்த²ங் பயாபேஸி. த்³வீஹதீஹபயாதோ கோ² பன ஸோ ஸத்தோ² அத்³த³ஸ புரிஸங் காளங்
லோஹிதக்க²ங் ஸன்னத்³த⁴கலாபங் குமுத³மாலிங்
அல்லவத்த²ங் அல்லகேஸங் கத்³த³மமக்கி²தேஹி சக்கேஹி ப⁴த்³ரேன ரதே²ன படிபத²ங்
ஆக³ச்ச²ந்தங், தி³ஸ்வா ஏதத³வோச – ‘குதோ, போ⁴, ஆக³ச்ச²ஸீ’தி? ‘அமுகம்ஹா
ஜனபதா³’தி. ‘குஹிங் க³மிஸ்ஸஸீ’தி? ‘அமுகங் நாம ஜனபத³’ந்தி. ‘கச்சி, போ⁴,
புரதோ கந்தாரே மஹாமேகோ⁴ அபி⁴ப்பவுட்டோ²’தி? ‘ஏவங், போ⁴, புரதோ கந்தாரே
மஹாமேகோ⁴ அபி⁴ப்பவுட்டோ². ஆஸித்தோத³கானி வடுமானி, ப³ஹு திணஞ்ச கட்ட²ஞ்ச உத³கஞ்ச. ச²ட்³டே³த² , போ⁴, புராணானி திணானி கட்டா²னி உத³கானி, லஹுபா⁴ரேஹி ஸகடேஹி ஸீக⁴ங் ஸீக⁴ங் க³ச்ச²த², மா யொக்³கா³னி கிலமித்தா²’தி.

‘‘அத² கோ² ஸோ ஸத்த²வாஹோ ஸத்தி²கே ஆமந்தேஸி – ‘அயங்,
போ⁴, ‘‘புரிஸோ ஏவமாஹ – புரதோ கந்தாரே மஹாமேகோ⁴ அபி⁴ப்பவுட்டோ²,
ஆஸித்தோத³கானி வடுமானி, ப³ஹு திணஞ்ச கட்ட²ஞ்ச உத³கஞ்ச. ச²ட்³டே³த², போ⁴,
புராணானி திணானி கட்டா²னி உத³கானி, லஹுபா⁴ரேஹி ஸகடேஹி ஸீக⁴ங் ஸீக⁴ங்
க³ச்ச²த²; மா யொக்³கா³னி கிலமித்தா²’’தி. அயங் போ⁴ புரிஸோ நேவ அம்ஹாகங்
மித்தோ, ந ஞாதிஸாலோஹிதோ, கத²ங் மயங் இமஸ்ஸ ஸத்³தா⁴ய க³மிஸ்ஸாம. ந வோ
ச²ட்³டே³தப்³பா³னி புராணானி திணானி கட்டா²னி உத³கானி, யதா²ப⁴தேன ப⁴ண்டே³ன
ஸத்த²ங் பயாபேத². ந நோ புராணங் ச²ட்³டெ³ஸ்ஸாமா’தி. ‘ஏவங், போ⁴’தி கோ² தே
ஸத்தி²கா தஸ்ஸ ஸத்த²வாஹஸ்ஸ படிஸ்ஸுத்வா யதா²ப⁴தேன ப⁴ண்டே³ன ஸத்த²ங்
பயாபேஸுங். தே பட²மேபி ஸத்த²வாஸே ந அத்³த³ஸங்ஸு திணங் வா கட்ட²ங்
வா உத³கங் வா. து³தியேபி ஸத்த²வாஸே… ததியேபி ஸத்த²வாஸே… சதுத்தே²பி
ஸத்த²வாஸே… பஞ்சமேபி ஸத்த²வாஸே… ச²ட்டே²பி ஸத்த²வாஸே… ஸத்தமேபி ஸத்த²வாஸே ந
அத்³த³ஸங்ஸு திணங் வா கட்ட²ங் வா உத³கங் வா. தஞ்ச ஸத்த²ங் அத்³த³ஸங்ஸு
அனயப்³யஸனங் ஆபன்னங். யே ச தஸ்மிங் ஸத்தே²பி அஹேஸுங் மனுஸ்ஸா வா பஸூ வா,
தேஸஞ்ச அட்டி²கானேவ அத்³த³ஸங்ஸு தேன யக்கே²ன அமனுஸ்ஸேன ப⁴க்கி²தானங்.

‘‘அத² கோ² ஸோ ஸத்த²வாஹோ ஸத்தி²கே ஆமந்தேஸி – ‘அயங் கோ², போ⁴, ஸத்தோ² அனயப்³யஸனங் ஆபன்னோ, யதா² தங் தேன பா³லேன
ஸத்த²வாஹேன பரிணாயகேன. தேன ஹி, போ⁴, யானம்ஹாகங் ஸத்தே² அப்பஸாரானி
பணியானி, தானி ச²ட்³டெ³த்வா, யானி இமஸ்மிங் ஸத்தே² மஹாஸாரானி பணியானி, தானி
ஆதி³யதா²’தி. ‘ஏவங், போ⁴’தி கோ² தே ஸத்தி²கா தஸ்ஸ ஸத்த²வாஹஸ்ஸ படிஸ்ஸுத்வா
யானி ஸகஸ்மிங் ஸத்தே² அப்பஸாரானி பணியானி, தானி ச²ட்³டெ³த்வா யானி தஸ்மிங்
ஸத்தே² மஹாஸாரானி பணியானி, தானி ஆதி³யித்வா ஸொத்தி²னா தங் கந்தாரங்
நித்த²ரிங்ஸு, யதா² தங் பண்டி³தேன ஸத்த²வாஹேன பரிணாயகேன. ஏவமேவ கோ² த்வங்,
ராஜஞ்ஞ, பா³லோ அப்³யத்தோ அனயப்³யஸனங் ஆபஜ்ஜிஸ்ஸஸி அயோனிஸோ பரலோகங்
க³வேஸந்தோ ஸெய்யதா²பி ஸோ புரிமோ ஸத்த²வாஹோ. யேபி தவ [தே (க॰)] ஸோதப்³ப³ங் ஸத்³தா⁴தப்³ப³ங் [ஸத்³த³ஹாதப்³ப³ங் (பீ॰ க॰)] மஞ்ஞிஸ்ஸந்தி, தேபி அனயப்³யஸனங் ஆபஜ்ஜிஸ்ஸந்தி, ஸெய்யதா²பி தே ஸத்தி²கா. படினிஸ்ஸஜ்ஜேதங், ராஜஞ்ஞ , பாபகங் தி³ட்டி²க³தங்; படினிஸ்ஸஜ்ஜேதங், ராஜஞ்ஞ, பாபகங் தி³ட்டி²க³தங். மா தே அஹோஸி தீ³க⁴ரத்தங் அஹிதாய து³க்கா²யா’’தி.

431.
‘‘கிஞ்சாபி ப⁴வங் கஸ்ஸபோ ஏவமாஹ, அத² கோ² நேவாஹங் ஸக்கோமி இத³ங் பாபகங்
தி³ட்டி²க³தங் படினிஸ்ஸஜ்ஜிதுங். ராஜாபி மங் பஸேனதி³ கோஸலோ ஜானாதி
திரோராஜானோபி – ‘பாயாஸி ராஜஞ்ஞோ ஏவங்வாதீ³ ஏவங்தி³ட்டீ² – ‘‘இதிபி
நத்தி² பரோ லோகோ…பே॰… விபாகோ’’’தி. ஸசாஹங், போ⁴ கஸ்ஸப, இத³ங் பாபகங்
தி³ட்டி²க³தங் படினிஸ்ஸஜ்ஜிஸ்ஸாமி, ப⁴விஸ்ஸந்தி மே வத்தாரோ – ‘யாவ பா³லோ
பாயாஸி ராஜஞ்ஞோ, அப்³யத்தோ து³க்³க³ஹிதகா³ஹீ’தி. கோபேனபி நங் ஹரிஸ்ஸாமி, மக்கே²னபி நங் ஹரிஸ்ஸாமி, பலாஸேனபி நங் ஹரிஸ்ஸாமீ’’தி.

கூ³த²பா⁴ரிகஉபமா

432.
‘‘தேன ஹி, ராஜஞ்ஞ, உபமங் தே கரிஸ்ஸாமி. உபமாய மிதே⁴கச்சே விஞ்ஞூ புரிஸா
பா⁴ஸிதஸ்ஸ அத்த²ங் ஆஜானந்தி. பூ⁴தபுப்³ப³ங், ராஜஞ்ஞ, அஞ்ஞதரோ ஸூகரபோஸகோ
புரிஸோ ஸகம்ஹா கா³மா அஞ்ஞங் கா³மங் அக³மாஸி. தத்த² அத்³த³ஸ பஹூதங்
ஸுக்க²கூ³த²ங் ச²ட்³டி³தங். தி³ஸ்வானஸ்ஸ ஏதத³ஹோஸி – ‘அயங் கோ² பஹுதோ
ஸுக்க²கூ³தோ² ச²ட்³டி³தோ, மம ச ஸூகரப⁴த்தங் [ஸூகரானங் ப⁴க்கோ² (ஸ்யா॰)];
யங்னூனாஹங் இதோ ஸுக்க²கூ³த²ங் ஹரெய்ய’ந்தி. ஸோ உத்தராஸங்க³ங் பத்த²ரித்வா
பஹூதங் ஸுக்க²கூ³த²ங் ஆகிரித்வா ப⁴ண்டி³கங் ப³ந்தி⁴த்வா ஸீஸே உப்³பா³ஹெத்வா
[உச்சாரோபெத்வா (க॰ ஸீ॰ க॰)] அக³மாஸி. தஸ்ஸ
அந்தராமக்³கே³ மஹாஅகாலமேகோ⁴ பாவஸ்ஸி. ஸோ உக்³க⁴ரந்தங் பக்³க⁴ரந்தங் யாவ
அக்³க³னகா² கூ³தே²ன மக்கி²தோ கூ³த²பா⁴ரங் ஆதா³ய அக³மாஸி. தமேனங் மனுஸ்ஸா
தி³ஸ்வா ஏவமாஹங்ஸு – ‘கச்சி நோ த்வங், ப⁴ணே, உம்மத்தோ, கச்சி விசேதோ,
கத²ஞ்ஹி நாம உக்³க⁴ரந்தங் பக்³க⁴ரந்தங் யாவ அக்³க³னகா² கூ³தே²ன மக்கி²தோ
கூ³த²பா⁴ரங் ஹரிஸ்ஸஸீ’தி. ‘தும்ஹே க்²வெத்த², ப⁴ணே, உம்மத்தா, தும்ஹே
விசேதா, ததா² ஹி பன மே ஸூகரப⁴த்த’ந்தி. ஏவமேவ கோ² த்வங், ராஜஞ்ஞ, கூ³த²பா⁴ரிகூபமோ [கூ³த²ஹாரிகூபமோ (ஸீ॰ பீ॰)]
மஞ்ஞே படிபா⁴ஸி. படினிஸ்ஸஜ்ஜேதங், ராஜஞ்ஞ, பாபகங் தி³ட்டி²க³தங்.
படினிஸ்ஸஜ்ஜேதங், ராஜஞ்ஞ, பாபகங் தி³ட்டி²க³தங். மா தே அஹோஸி தீ³க⁴ரத்தங்
அஹிதாய து³க்கா²யா’’தி.

433. ‘‘கிஞ்சாபி
ப⁴வங் கஸ்ஸபோ ஏவமாஹ, அத² கோ² நேவாஹங் ஸக்கோமி இத³ங் பாபகங் தி³ட்டி²க³தங்
படினிஸ்ஸஜ்ஜிதுங். ராஜாபி மங் பஸேனதி³ கோஸலோ ஜானாதி திரோராஜானோபி – ‘பாயாஸி
ராஜஞ்ஞோ ஏவங்வாதீ³ ஏவங்தி³ட்டீ² – ‘‘இதிபி நத்தி²
பரோ லோகோ…பே॰… விபாகோ’’தி. ஸசாஹங், போ⁴ கஸ்ஸப, இத³ங் பாபகங் தி³ட்டி²க³தங்
படினிஸ்ஸஜ்ஜிஸ்ஸாமி, ப⁴விஸ்ஸந்தி மே வத்தாரோ – ‘யாவ பா³லோ பாயாஸி ராஜஞ்ஞோ
அப்³யத்தோ து³க்³க³ஹிதகா³ஹீ’தி. கோபேனபி நங் ஹரிஸ்ஸாமி, மக்கே²னபி நங்
ஹரிஸ்ஸாமி, பலாஸேனபி நங் ஹரிஸ்ஸாமீ’’தி.

அக்க²து⁴த்தகஉபமா

434. ‘‘தேன
ஹி, ராஜஞ்ஞ, உபமங் தே கரிஸ்ஸாமி, உபமாய மிதே⁴கச்சே விஞ்ஞூ புரிஸா
பா⁴ஸிதஸ்ஸ அத்த²ங் ஆஜானந்தி. பூ⁴தபுப்³ப³ங், ராஜஞ்ஞ, த்³வே அக்க²து⁴த்தா
அக்கே²ஹி தி³ப்³பி³ங்ஸு. ஏகோ அக்க²து⁴த்தோ ஆக³தாக³தங் கலிங் கி³லதி.
அத்³த³ஸா கோ² து³தியோ அக்க²து⁴த்தோ தங் அக்க²து⁴த்தங் ஆக³தாக³தங் கலிங்
கி³லந்தங், தி³ஸ்வா தங் அக்க²து⁴த்தங் ஏதத³வோச – ‘த்வங் கோ², ஸம்ம,
ஏகந்திகேன ஜினாஸி, தே³ஹி மே, ஸம்ம, அக்கே² பஜோஹிஸ்ஸாமீ’தி. ‘ஏவங் ஸம்மா’தி
கோ² ஸோ அக்க²து⁴த்தோ தஸ்ஸ அக்க²து⁴த்தஸ்ஸ அக்கே² பாதா³ஸி. அத² கோ² ஸோ
அக்க²து⁴த்தோ அக்கே² விஸேன பரிபா⁴வெத்வா தங் அக்க²து⁴த்தங் ஏதத³வோச – ‘ஏஹி
கோ², ஸம்ம, அக்கே²ஹி தி³ப்³பி³ஸ்ஸாமா’தி. ‘ஏவங் ஸம்மா’தி கோ² ஸோ
அக்க²து⁴த்தோ தஸ்ஸ அக்க²து⁴த்தஸ்ஸ பச்சஸ்ஸோஸி. து³தியம்பி கோ² தே
அக்க²து⁴த்தா அக்கே²ஹி தி³ப்³பி³ங்ஸு. து³தியம்பி கோ² ஸோ அக்க²து⁴த்தோ ஆக³தாக³தங்
கலிங் கி³லதி. அத்³த³ஸா கோ² து³தியோ அக்க²து⁴த்தோ தங் அக்க²து⁴த்தங்
து³தியம்பி ஆக³தாக³தங் கலிங் கி³லந்தங், தி³ஸ்வா தங் அக்க²து⁴த்தங் ஏதத³வோச

‘‘லித்தங் பரமேன தேஜஸா, கி³லமக்க²ங் புரிஸோ ந பு³ஜ்ஜ²தி;

கி³ல ரே கி³ல பாபது⁴த்தக [கி³லி ரே பாபது⁴த்தக (க॰)], பச்சா² தே கடுகங் ப⁴விஸ்ஸதீதி.

‘‘ஏவமேவ கோ² த்வங், ராஜஞ்ஞ, அக்க²து⁴த்தகூபமோ மஞ்ஞே
படிபா⁴ஸி. படினிஸ்ஸஜ்ஜேதங், ராஜஞ்ஞ, பாபகங் தி³ட்டி²க³தங்;
படினிஸ்ஸஜ்ஜேதங், ராஜஞ்ஞ, பாபகங் தி³ட்டி²க³தங். மா தே அஹோஸி தீ³க⁴ரத்தங்
அஹிதாய து³க்கா²யா’’தி.

435.
‘‘கிஞ்சாபி ப⁴வங் கஸ்ஸபோ ஏவமாஹ, அத² கோ² நேவாஹங் ஸக்கோமி இத³ங் பாபகங்
தி³ட்டி²க³தங் படினிஸ்ஸஜ்ஜிதுங். ராஜாபி மங் பஸேனதி³ கோஸலோ ஜானாதி
திரோராஜானோபி – ‘பாயாஸி ராஜஞ்ஞோ ஏவங்வாதீ³ ஏவங்தி³ட்டீ² – ‘‘இதிபி நத்தி²
பரோ லோகோ…பே॰… விபாகோ’’தி. ஸசாஹங், போ⁴ கஸ்ஸப, இத³ங் பாபகங் தி³ட்டி²க³தங்
படினிஸ்ஸஜ்ஜிஸ்ஸாமி, ப⁴விஸ்ஸந்தி மே வத்தாரோ – ‘யாவ பா³லோ பாயாஸி ராஜஞ்ஞோ
அப்³யத்தோ து³க்³க³ஹிதகா³ஹீ’தி. கோபேனபி நங் ஹரிஸ்ஸாமி, மக்கே²னபி நங்
ஹரிஸ்ஸாமி, பலாஸேனபி நங் ஹரிஸ்ஸாமீ’’தி.

ஸாணபா⁴ரிகஉபமா

436. ‘‘தேன ஹி, ராஜஞ்ஞ, உபமங் தே கரிஸ்ஸாமி, உபமாய மிதே⁴கச்சே விஞ்ஞூ
புரிஸா பா⁴ஸிதஸ்ஸ அத்த²ங் ஆஜானந்தி. பூ⁴தபுப்³ப³ங், ராஜஞ்ஞ, அஞ்ஞதரோ
ஜனபதோ³ வுட்டா²ஸி. அத² கோ² ஸஹாயகோ ஸஹாயகங் ஆமந்தேஸி – ‘ஆயாம, ஸம்ம, யேன ஸோ
ஜனபதோ³ தேனுபஸங்கமிஸ்ஸாம, அப்பேவ நாமெத்த² கிஞ்சி த⁴னங்
அதி⁴க³ச்செ²ய்யாமா’தி. ‘ஏவங் ஸம்மா’தி கோ² ஸஹாயகோ ஸஹாயகஸ்ஸ பச்சஸ்ஸோஸி. தே
யேன ஸோ ஜனபதோ³, யேன அஞ்ஞதரங் கா³மபட்டங் [கா³மபஜ்ஜங் (ஸ்யா॰), கா³மபத்தங் (ஸீ॰)] தேனுபஸங்கமிங்ஸு ,
தத்த² அத்³த³ஸங்ஸு பஹூதங் ஸாணங் ச²ட்³டி³தங், தி³ஸ்வா ஸஹாயகோ ஸஹாயகங்
ஆமந்தேஸி – ‘இத³ங் கோ², ஸம்ம, பஹூதங் ஸாணங் ச²ட்³டி³தங், தேன ஹி, ஸம்ம,
த்வஞ்ச ஸாணபா⁴ரங் ப³ந்த⁴, அஹஞ்ச ஸாணபா⁴ரங் ப³ந்தி⁴ஸ்ஸாமி, உபோ⁴ ஸாணபா⁴ரங்
ஆதா³ய க³மிஸ்ஸாமா’தி. ‘ஏவங் ஸம்மா’தி கோ² ஸஹாயகோ ஸஹாயகஸ்ஸ படிஸ்ஸுத்வா
ஸாணபா⁴ரங் ப³ந்தி⁴த்வா தே உபோ⁴ ஸாணபா⁴ரங் ஆதா³ய யேன அஞ்ஞதரங் கா³மபட்டங்
தேனுபஸங்கமிங்ஸு. தத்த² அத்³த³ஸங்ஸு பஹூதங் ஸாணஸுத்தங் ச²ட்³டி³தங்,
தி³ஸ்வா ஸஹாயகோ ஸஹாயகங் ஆமந்தேஸி – ‘யஸ்ஸ கோ², ஸம்ம, அத்தா²ய இச்செ²ய்யாம
ஸாணங், இத³ங் பஹூதங் ஸாணஸுத்தங் ச²ட்³டி³தங். தேன ஹி, ஸம்ம, த்வஞ்ச
ஸாணபா⁴ரங் ச²ட்³டே³ஹி, அஹஞ்ச ஸாணபா⁴ரங் ச²ட்³டெ³ஸ்ஸாமி, உபோ⁴
ஸாணஸுத்தபா⁴ரங் ஆதா³ய க³மிஸ்ஸாமா’தி. ‘அயங் கோ² மே, ஸம்ம, ஸாணபா⁴ரோ
தூ³ராப⁴தோ ச ஸுஸன்னத்³தோ⁴ ச, அலங் மே த்வங் பஜானாஹீ’தி. அத² கோ² ஸோ ஸஹாயகோ
ஸாணபா⁴ரங் ச²ட்³டெ³த்வா ஸாணஸுத்தபா⁴ரங் ஆதி³யி.

‘‘தே யேன அஞ்ஞதரங் கா³மபட்டங் தேனுபஸங்கமிங்ஸு. தத்த²
அத்³த³ஸங்ஸு பஹூதா ஸாணியோ ச²ட்³டி³தா, தி³ஸ்வா ஸஹாயகோ ஸஹாயகங் ஆமந்தேஸி –
‘யஸ்ஸ கோ² , ஸம்ம, அத்தா²ய இச்செ²ய்யாம ஸாணங் வா
ஸாணஸுத்தங் வா, இமா பஹூதா ஸாணியோ ச²ட்³டி³தா. தேன ஹி, ஸம்ம, த்வஞ்ச
ஸாணபா⁴ரங் ச²ட்³டே³ஹி, அஹஞ்ச ஸாணஸுத்தபா⁴ரங் ச²ட்³டெ³ஸ்ஸாமி, உபோ⁴
ஸாணிபா⁴ரங் ஆதா³ய க³மிஸ்ஸாமா’தி . ‘அயங் கோ² மே,
ஸம்ம, ஸாணபா⁴ரோ தூ³ராப⁴தோ ச ஸுஸன்னத்³தோ⁴ ச, அலங் மே, த்வங் பஜானாஹீ’தி.
அத² கோ² ஸோ ஸஹாயகோ ஸாணஸுத்தபா⁴ரங் ச²ட்³டெ³த்வா ஸாணிபா⁴ரங் ஆதி³யி.

‘‘தே யேன அஞ்ஞதரங் கா³மபட்டங்
தேனுபஸங்கமிங்ஸு. தத்த² அத்³த³ஸங்ஸு பஹூதங் கோ²மங் ச²ட்³டி³தங்,
தி³ஸ்வா…பே॰… பஹூதங் கோ²மஸுத்தங் ச²ட்³டி³தங், தி³ஸ்வா… பஹூதங்
கோ²மது³ஸ்ஸங் ச²ட்³டி³தங், தி³ஸ்வா… பஹூதங் கப்பாஸங் ச²ட்³டி³தங், தி³ஸ்வா…
பஹூதங் கப்பாஸிகஸுத்தங் ச²ட்³டி³தங், தி³ஸ்வா… பஹூதங் கப்பாஸிகது³ஸ்ஸங்
ச²ட்³டி³தங், தி³ஸ்வா… பஹூதங் அயங் [அயஸங் (ஸ்யா॰)]
ச²ட்³டி³தங், தி³ஸ்வா… பஹூதங் லோஹங் ச²ட்³டி³தங், தி³ஸ்வா… பஹூதங் திபுங்
ச²ட்³டி³தங், தி³ஸ்வா… பஹூதங் ஸீஸங் ச²ட்³டி³தங், தி³ஸ்வா… பஹூதங் ஸஜ்ஜ²ங் [ஸஜ்ஜு²ங் (ஸீ॰ ஸ்யா॰ பீ॰)] ச²ட்³டி³தங், தி³ஸ்வா… பஹூதங் ஸுவண்ணங் ச²ட்³டி³தங், தி³ஸ்வா ஸஹாயகோ ஸஹாயகங் ஆமந்தேஸி – ‘யஸ்ஸ கோ², ஸம்ம, அத்தா²ய இச்செ²ய்யாம
ஸாணங் வா ஸாணஸுத்தங் வா ஸாணியோ வா கோ²மங் வா கோ²மஸுத்தங் வா கோ²மது³ஸ்ஸங்
வா கப்பாஸங் வா கப்பாஸிகஸுத்தங் வா கப்பாஸிகது³ஸ்ஸங் வா அயங் வா லோஹங் வா
திபுங் வா ஸீஸங் வா ஸஜ்ஜ²ங் வா, இத³ங் பஹூதங் ஸுவண்ணங் ச²ட்³டி³தங். தேன
ஹி, ஸம்ம, த்வஞ்ச ஸாணபா⁴ரங் ச²ட்³டே³ஹி, அஹஞ்ச ஸஜ்ஜ²பா⁴ரங் [ஸஜ்ஜு²பா⁴ரங் (ஸீ॰ ஸ்யா॰ பீ॰)] ச²ட்³டெ³ஸ்ஸாமி, உபோ⁴ ஸுவண்ணபா⁴ரங் ஆதா³ய க³மிஸ்ஸாமா’தி. ‘அயங் கோ² மே, ஸம்ம, ஸாணபா⁴ரோ தூ³ராப⁴தோ ச ஸுஸன்னத்³தோ⁴ ச, அலங் மே த்வங் பஜானாஹீ’தி. அத² கோ² ஸோ ஸஹாயகோ ஸஜ்ஜ²பா⁴ரங் ச²ட்³டெ³த்வா ஸுவண்ணபா⁴ரங் ஆதி³யி.

‘‘தே யேன ஸகோ கா³மோ தேனுபஸங்கமிங்ஸு. தத்த² யோ ஸோ
ஸஹாயகோ ஸாணபா⁴ரங் ஆதா³ய அக³மாஸி, தஸ்ஸ நேவ மாதாபிதரோ அபி⁴னந்தி³ங்ஸு, ந
புத்ததா³ரா அபி⁴னந்தி³ங்ஸு, ந மித்தாமச்சா அபி⁴னந்தி³ங்ஸு, ந ச ததோனிதா³னங்
ஸுக²ங் ஸோமனஸ்ஸங் அதி⁴க³ச்சி². யோ பன ஸோ ஸஹாயகோ
ஸுவண்ணபா⁴ரங் ஆதா³ய அக³மாஸி, தஸ்ஸ மாதாபிதரோபி அபி⁴னந்தி³ங்ஸு,
புத்ததா³ராபி அபி⁴னந்தி³ங்ஸு, மித்தாமச்சாபி அபி⁴னந்தி³ங்ஸு, ததோனிதா³னஞ்ச
ஸுக²ங் ஸோமனஸ்ஸங் அதி⁴க³ச்சி². ‘‘ஏவமேவ கோ² த்வங், ராஜஞ்ஞ, ஸாணபா⁴ரிகூபமோ
மஞ்ஞே படிபா⁴ஸி. படினிஸ்ஸஜ்ஜேதங், ராஜஞ்ஞ, பாபகங் தி³ட்டி²க³தங்;
படினிஸ்ஸஜ்ஜேதங், ராஜஞ்ஞ, பாபகங் தி³ட்டி²க³தங். மா தே அஹோஸி தீ³க⁴ரத்தங்
அஹிதாய து³க்கா²யா’’தி.

ஸரணக³மனங்

437. ‘‘புரிமேனேவ
அஹங் ஓபம்மேன போ⁴தோ கஸ்ஸபஸ்ஸ அத்தமனோ அபி⁴ரத்³தோ⁴. அபி சாஹங் இமானி
விசித்ரானி பஞ்ஹாபடிபா⁴னானி ஸோதுகாமோ ஏவாஹங் ப⁴வந்தங் கஸ்ஸபங் பச்சனீகங்
காதப்³ப³ங் அமஞ்ஞிஸ்ஸங். அபி⁴க்கந்தங், போ⁴ கஸ்ஸப, அபி⁴க்கந்தங், போ⁴
கஸ்ஸப. ஸெய்யதா²பி, போ⁴ கஸ்ஸப, நிக்குஜ்ஜிதங் வா உக்குஜ்ஜெய்ய,
படிச்ச²ன்னங் வா விவரெய்ய, மூள்ஹஸ்ஸ வா மக்³க³ங் ஆசிக்கெ²ய்ய, அந்த⁴காரே வா
தேலபஜ்ஜோதங் தா⁴ரெய்ய ‘சக்கு²மந்தோ ரூபானி த³க்க²ந்தீ’தி ஏவமேவங் போ⁴தா
கஸ்ஸபேன அனேகபரியாயேன த⁴ம்மோ பகாஸிதோ. ஏஸாஹங், போ⁴ கஸ்ஸப, தங் ப⁴வந்தங்
கோ³தமங் ஸரணங் க³ச்சா²மி, த⁴ம்மஞ்ச, பி⁴க்கு²ஸங்க⁴ஞ்ச. உபாஸகங் மங் ப⁴வங்
கஸ்ஸபோ தா⁴ரேது அஜ்ஜதக்³கே³ பாணுபேதங் ஸரணங் க³தங்.

‘‘இச்சா²மி சாஹங், போ⁴ கஸ்ஸப, மஹாயஞ்ஞங் யஜிதுங், அனுஸாஸது மங் ப⁴வங் கஸ்ஸபோ, யங் மமஸ்ஸ தீ³க⁴ரத்தங் ஹிதாய ஸுகா²யா’’தி.

யஞ்ஞகதா²

438. ‘‘யதா²ரூபே
கோ², ராஜஞ்ஞ, யஞ்ஞே கா³வோ வா ஹஞ்ஞந்தி அஜேளகா வா ஹஞ்ஞந்தி, குக்குடஸூகரா
வா ஹஞ்ஞந்தி, விவிதா⁴ வா பாணா ஸங்கா⁴தங் ஆபஜ்ஜந்தி, படிக்³கா³ஹகா ச ஹொந்தி
மிச்சா²தி³ட்டீ² மிச்சா²ஸங்கப்பா மிச்சா²வாசா
மிச்சா²கம்மந்தா மிச்சா²ஆஜீவா மிச்சா²வாயாமா மிச்சா²ஸதீ மிச்சா²ஸமாதீ⁴,
ஏவரூபோ கோ², ராஜஞ்ஞ, யஞ்ஞோ ந மஹப்ப²லோ ஹோதி ந மஹானிஸங்ஸோ ந மஹாஜுதிகோ ந
மஹாவிப்பா²ரோ. ஸெய்யதா²பி, ராஜஞ்ஞ, கஸ்ஸகோ பீ³ஜனங்க³லங் ஆதா³ய வனங்
பவிஸெய்ய. ஸோ தத்த² து³க்கெ²த்தே து³ப்³பூ⁴மே அவிஹதகா²ணுகண்டகே பீ³ஜானி
பதிட்டா²பெய்ய க²ண்டா³னி பூதீனி வாதாதபஹதானி அஸாரதா³னி அஸுக²ஸயிதானி. தே³வோ
ச ந காலேன காலங் ஸம்மாதா⁴ரங் அனுப்பவெச்செ²ய்ய. அபி நு தானி பீ³ஜானி
வுத்³தி⁴ங் விரூள்ஹிங் [விருள்ஹிங் (மொக்³க³லானே)] வேபுல்லங் ஆபஜ்ஜெய்யுங், கஸ்ஸகோ வா விபுலங் ப²லங் அதி⁴க³ச்செ²ய்யா’’தி? ‘‘நோ ஹித³ங் [ந ஏவங் (ஸ்யா॰ க॰)]
போ⁴ கஸ்ஸப’’. ‘‘ஏவமேவ கோ², ராஜஞ்ஞ, யதா²ரூபே யஞ்ஞே கா³வோ வா ஹஞ்ஞந்தி,
அஜேளகா வா ஹஞ்ஞந்தி, குக்குடஸூகரா வா ஹஞ்ஞந்தி, விவிதா⁴ வா பாணா ஸங்கா⁴தங்
ஆபஜ்ஜந்தி, படிக்³கா³ஹகா ச ஹொந்தி மிச்சா²தி³ட்டீ² மிச்சா²ஸங்கப்பா
மிச்சா²வாசா மிச்சா²கம்மந்தா மிச்சா²ஆஜீவா மிச்சா²வாயாமா மிச்சா²ஸதீ மிச்சா²ஸமாதீ⁴, ஏவரூபோ கோ² , ராஜஞ்ஞ, யஞ்ஞோ ந மஹப்ப²லோ ஹோதி ந மஹானிஸங்ஸோ ந மஹாஜுதிகோ ந மஹாவிப்பா²ரோ.

‘‘யதா²ரூபே ச கோ², ராஜஞ்ஞ, யஞ்ஞே நேவ கா³வோ ஹஞ்ஞந்தி, ந
அஜேளகா ஹஞ்ஞந்தி, ந குக்குடஸூகரா ஹஞ்ஞந்தி, ந விவிதா⁴ வா பாணா ஸங்கா⁴தங்
ஆபஜ்ஜந்தி, படிக்³கா³ஹகா ச ஹொந்தி ஸம்மாதி³ட்டீ² ஸம்மாஸங்கப்பா ஸம்மாவாசா
ஸம்மாகம்மந்தா ஸம்மாஆஜீவா ஸம்மாவாயாமா ஸம்மாஸதீ ஸம்மாஸமாதீ⁴, ஏவரூபோ கோ²,
ராஜஞ்ஞ, யஞ்ஞோ மஹப்ப²லோ ஹோதி மஹானிஸங்ஸோ மஹாஜுதிகோ மஹாவிப்பா²ரோ.
ஸெய்யதா²பி, ராஜஞ்ஞ, கஸ்ஸகோ பீ³ஜனங்க³லங் ஆதா³ய வனங் பவிஸெய்ய. ஸோ தத்த²
ஸுகெ²த்தே ஸுபூ⁴மே ஸுவிஹதகா²ணுகண்டகே பீ³ஜானி பதிட்ட²பெய்ய
அக²ண்டா³னி அபூதீனி அவாதாதபஹதானி ஸாரதா³னி ஸுக²ஸயிதானி. தே³வோ ச காலேன
காலங் ஸம்மாதா⁴ரங் அனுப்பவெச்செ²ய்ய. அபி நு தானி பீ³ஜானி வுத்³தி⁴ங்
விரூள்ஹிங் வேபுல்லங் ஆபஜ்ஜெய்யுங், கஸ்ஸகோ வா விபுலங் ப²லங்
அதி⁴க³ச்செ²ய்யா’’தி? ‘‘ஏவங், போ⁴ கஸ்ஸப’’. ‘‘ஏவமேவ கோ², ராஜஞ்ஞ, யதா²ரூபே
யஞ்ஞே நேவ கா³வோ ஹஞ்ஞந்தி, ந அஜேளகா ஹஞ்ஞந்தி, ந குக்குடஸூகரா ஹஞ்ஞந்தி, ந
விவிதா⁴ வா பாணா ஸங்கா⁴தங் ஆபஜ்ஜந்தி, படிக்³கா³ஹகா ச ஹொந்தி ஸம்மாதி³ட்டீ²
ஸம்மாஸங்கப்பா ஸம்மாவாசா ஸம்மாகம்மந்தா ஸம்மாஆஜீவா ஸம்மாவாயாமா ஸம்மாஸதீ
ஸம்மாஸமாதீ⁴, ஏவரூபோ கோ², ராஜஞ்ஞ, யஞ்ஞோ மஹப்ப²லோ ஹோதி மஹானிஸங்ஸோ
மஹாஜுதிகோ மஹாவிப்பா²ரோ’’தி.

உத்தரமாணவவத்து²

439. அத² கோ² பாயாஸி ராஜஞ்ஞோ தா³னங் பட்ட²பேஸி ஸமணப்³ராஹ்மணகபணத்³தி⁴கவணிப்³ப³கயாசகானங் . தஸ்மிங் கோ² பன தா³னே ஏவரூபங் போ⁴ஜனங் தீ³யதி கணாஜகங் பி³லங்க³து³தியங், தோ⁴ரகானி [தோ²ரகானி (ஸீ॰ பீ॰), சோரகானி (ஸ்யா॰)] ச வத்தா²னி கு³ளவாலகானி [கு³ளகா³ளகானி (க॰)]. தஸ்மிங் கோ² பன தா³னே உத்தரோ நாம மாணவோ வாவடோ [ப்³யாவடோ (ஸீ॰ பீ॰)]
அஹோஸி. ஸோ தா³னங் த³த்வா ஏவங் அனுத்³தி³ஸதி – ‘‘இமினாஹங் தா³னேன பாயாஸிங்
ராஜஞ்ஞமேவ இமஸ்மிங் லோகே ஸமாக³ச்சி²ங், மா பரஸ்மி’’ந்தி. அஸ்ஸோஸி கோ²
பாயாஸி ராஜஞ்ஞோ – ‘‘உத்தரோ கிர மாணவோ தா³னங் த³த்வா
ஏவங் அனுத்³தி³ஸதி – ‘இமினாஹங் தா³னேன பாயாஸிங் ராஜஞ்ஞமேவ இமஸ்மிங் லோகே
ஸமாக³ச்சி²ங், மா பரஸ்மி’’’ந்தி. அத² கோ² பாயாஸி
ராஜஞ்ஞோ உத்தரங் மாணவங் ஆமந்தாபெத்வா ஏதத³வோச – ‘‘ஸச்சங் கிர த்வங், தாத
உத்தர, தா³னங் த³த்வா ஏவங் அனுத்³தி³ஸஸி – ‘இமினாஹங் தா³னேன பாயாஸிங்
ராஜஞ்ஞமேவ இமஸ்மிங் லோகே ஸமாக³ச்சி²ங், மா பரஸ்மி’’’ந்தி? ‘‘ஏவங், போ⁴’’.
‘‘கிஸ்ஸ பன த்வங், தாத உத்தர, தா³னங் த³த்வா ஏவங் அனுத்³தி³ஸஸி – ‘இமினாஹங்
தா³னேன பாயாஸிங் ராஜஞ்ஞமேவ இமஸ்மிங் லோகே ஸமாக³ச்சி²ங், மா பரஸ்மி’ந்தி?
நனு மயங், தாத உத்தர, புஞ்ஞத்தி²கா தா³னஸ்ஸேவ ப²லங் பாடிகங்கி²னோ’’தி?
‘‘போ⁴தோ கோ² தா³னே ஏவரூபங் போ⁴ஜனங் தீ³யதி கணாஜகங் பி³லங்க³து³தியங், யங்
ப⁴வங் பாதா³பி [பாதா³ஸி (க॰)] ந இச்செ²ய்ய ஸம்பு²ஸிதுங் [சு²பிதுங் (பீ॰ க॰)], குதோ பு⁴ஞ்ஜிதுங், தோ⁴ரகானி ச வத்தா²னி கு³ளவாலகானி, யானி ப⁴வங் பாதா³பி [அசித்திகதங் (க॰)]
ந இச்செ²ய்ய ஸம்பு²ஸிதுங், குதோ பரித³ஹிதுங். ப⁴வங் கோ² பனம்ஹாகங் பியோ
மனாபோ, கத²ங் மயங் மனாபங் அமனாபேன ஸங்யோஜேமா’’தி? ‘‘தேன ஹி த்வங், தாத
உத்தர, யாதி³ஸாஹங் போ⁴ஜனங் பு⁴ஞ்ஜாமி, தாதி³ஸங் போ⁴ஜனங்
பட்ட²பேஹி. யாதி³ஸானி சாஹங் வத்தா²னி பரித³ஹாமி, தாதி³ஸானி ச வத்தா²னி
பட்ட²பேஹீ’’தி. ‘‘ஏவங், போ⁴’’தி கோ² உத்தரோ மாணவோ பாயாஸிஸ்ஸ ராஜஞ்ஞஸ்ஸ
படிஸ்ஸுத்வா யாதி³ஸங் போ⁴ஜனங் பாயாஸி ராஜஞ்ஞோ பு⁴ஞ்ஜதி, தாதி³ஸங் போ⁴ஜனங்
பட்ட²பேஸி. யாதி³ஸானி ச வத்தா²னி பாயாஸி ராஜஞ்ஞோ பரித³ஹதி, தாதி³ஸானி ச
வத்தா²னி பட்ட²பேஸி.

440. அத²
கோ² பாயாஸி ராஜஞ்ஞோ அஸக்கச்சங் தா³னங் த³த்வா அஸஹத்தா² தா³னங் த³த்வா
அசித்தீகதங் தா³னங் த³த்வா அபவித்³த⁴ங் தா³னங் த³த்வா காயஸ்ஸ பே⁴தா³ பரங்
மரணா சாதுமஹாராஜிகானங் தே³வானங் ஸஹப்³யதங் உபபஜ்ஜி ஸுஞ்ஞங் ஸேரீஸகங்
விமானங். யோ பன தஸ்ஸ தா³னே வாவடோ அஹோஸி உத்தரோ நாம மாணவோ. ஸோ ஸக்கச்சங்
தா³னங் த³த்வா ஸஹத்தா² தா³னங் த³த்வா சித்தீகதங் தா³னங் த³த்வா
அனபவித்³த⁴ங் தா³னங் த³த்வா காயஸ்ஸ பே⁴தா³ பரங் மரணா ஸுக³திங் ஸக்³க³ங்
லோகங் உபபஜ்ஜி தே³வானங் தாவதிங்ஸானங் ஸஹப்³யதங்.

பாயாஸிதே³வபுத்தோ

441. தேன
கோ² பன ஸமயேன ஆயஸ்மா க³வம்பதி அபி⁴க்க²ணங் ஸுஞ்ஞங் ஸேரீஸகங் விமானங்
தி³வாவிஹாரங் க³ச்ச²தி. அத² கோ² பாயாஸி தே³வபுத்தோ யேனாயஸ்மா க³வம்பதி
தேனுபஸங்கமி; உபஸங்கமித்வா ஆயஸ்மந்தங் க³வம்பதிங் அபி⁴வாதெ³த்வா
ஏகமந்தங் அட்டா²ஸி. ஏகமந்தங் டி²தங் கோ² பாயாஸிங் தே³வபுத்தங் ஆயஸ்மா
க³வம்பதி ஏதத³வோச – ‘‘கோஸி த்வங், ஆவுஸோ’’தி? ‘‘அஹங், ப⁴ந்தே, பாயாஸி
ராஜஞ்ஞோ’’தி. ‘‘நனு த்வங், ஆவுஸோ, ஏவங்தி³ட்டி²கோ அஹோஸி – ‘இதிபி நத்தி²
பரோ லோகோ, நத்தி² ஸத்தா ஓபபாதிகா, நத்தி²
ஸுகதது³க்கடானங் கம்மானங் ப²லங் விபாகோ’’’தி? ‘‘ஸச்சாஹங், ப⁴ந்தே,
ஏவங்தி³ட்டி²கோ அஹோஸிங் – ‘இதிபி நத்தி² பரோ லோகோ, நத்தி² ஸத்தா ஓபபாதிகா,
நத்தி² ஸுகதது³க்கடானங் கம்மானங் ப²லங் விபாகோ’தி. அபி சாஹங் அய்யேன
குமாரகஸ்ஸபேன ஏதஸ்மா பாபகா தி³ட்டி²க³தா விவேசிதோ’’தி. ‘‘யோ பன தே, ஆவுஸோ,
தா³னே வாவடோ அஹோஸி உத்தரோ நாம மாணவோ, ஸோ குஹிங் உபபன்னோ’’தி? ‘‘யோ மே,
ப⁴ந்தே, தா³னே வாவடோ அஹோஸி உத்தரோ நாம மாணவோ, ஸோ ஸக்கச்சங் தா³னங் த³த்வா
ஸஹத்தா² தா³னங் த³த்வா சித்தீகதங் தா³னங் த³த்வா அனபவித்³த⁴ங் தா³னங்
த³த்வா காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபன்னோ தே³வானங்
தாவதிங்ஸானங் ஸஹப்³யதங். அஹங் பன, ப⁴ந்தே, அஸக்கச்சங் தா³னங் த³த்வா
அஸஹத்தா² தா³னங் த³த்வா அசித்தீகதங் தா³னங் த³த்வா அபவித்³த⁴ங் தா³னங்
த³த்வா காயஸ்ஸ பே⁴தா³ பரங் மரணா சாதுமஹாராஜிகானங் தே³வானங் ஸஹப்³யதங்
உபபன்னோ ஸுஞ்ஞங் ஸேரீஸகங் விமானங். தேன ஹி, ப⁴ந்தே க³வம்பதி, மனுஸ்ஸலோகங்
க³ந்த்வா ஏவமாரோசேஹி – ‘ஸக்கச்சங் தா³னங் தே³த², ஸஹத்தா² தா³னங் தே³த²,
சித்தீகதங் தா³னங் தே³த², அனபவித்³த⁴ங் தா³னங் தே³த². பாயாஸி ராஜஞ்ஞோ
அஸக்கச்சங் தா³னங் த³த்வா அஸஹத்தா² தா³னங் த³த்வா அசித்தீகதங் தா³னங்
த³த்வா அபவித்³த⁴ங் தா³னங் த³த்வா காயஸ்ஸ பே⁴தா³ பரங் மரணா
சாதுமஹாராஜிகானங் தே³வானங் ஸஹப்³யதங் உபபன்னோ ஸுஞ்ஞங் ஸேரீஸகங் விமானங். யோ
பன தஸ்ஸ தா³னே வாவடோ அஹோஸி உத்தரோ நாம மாணவோ, ஸோ ஸக்கச்சங் தா³னங் த³த்வா
ஸஹத்தா² தா³னங் த³த்வா சித்தீகதங் தா³னங் த³த்வா அனபவித்³த⁴ங் தா³னங்
த³த்வா காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபன்னோ தே³வானங் தாவதிங்ஸானங் ஸஹப்³யத’’’ந்தி.

அத² கோ² ஆயஸ்மா க³வம்பதி மனுஸ்ஸலோகங் ஆக³ந்த்வா
ஏவமாரோசேஸி – ‘‘ஸக்கச்சங் தா³னங் தே³த², ஸஹத்தா² தா³னங் தே³த², சித்தீகதங்
தா³னங் தே³த², அனபவித்³த⁴ங் தா³னங் தே³த². பாயாஸி ராஜஞ்ஞோ அஸக்கச்சங்
தா³னங் த³த்வா அஸஹத்தா² தா³னங் த³த்வா அசித்தீகதங் தா³னங் த³த்வா
அபவித்³த⁴ங் தா³னங் த³த்வா காயஸ்ஸ பே⁴தா³ பரங் மரணா சாதுமஹாராஜிகானங்
தே³வானங் ஸஹப்³யதங் உபபன்னோ ஸுஞ்ஞங் ஸேரீஸகங் விமானங். யோ பன தஸ்ஸ தா³னே
வாவடோ அஹோஸி உத்தரோ நாம மாணவோ, ஸோ ஸக்கச்சங் தா³னங் த³த்வா ஸஹத்தா² தா³னங் த³த்வா சித்தீகதங் தா³னங் த³த்வா அனபவித்³த⁴ங் தா³னங் த³த்வா காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபன்னோ தே³வானங் தாவதிங்ஸானங் ஸஹப்³யத’’ந்தி.

பாயாஸிஸுத்தங் நிட்டி²தங் த³ஸமங்.

மஹாவக்³கோ³ நிட்டி²தோ.

தஸ்ஸுத்³தா³னங் –

மஹாபதா³ன நிதா³னங், நிப்³பா³னஞ்ச ஸுத³ஸ்ஸனங்;

ஜனவஸப⁴ கோ³விந்த³ங், ஸமயங் ஸக்கபஞ்ஹகங்;

மஹாஸதிபட்டா²னஞ்ச, பாயாஸி த³ஸமங் ப⁴வே [ஸதிபட்டா²னபாயாஸி, மஹாவக்³க³ஸ்ஸ ஸங்க³ஹோ (ஸீ॰ பீ॰) ஸதிபட்டா²னபாயாஸி, மஹாவக்³கோ³தி வுச்சதீதி (ஸ்யா॰)].

மஹாவக்³க³பாளி நிட்டி²தா.

Leave a Reply