Free Online FOOD for MIND & HUNGER - DO GOOD 😊 PURIFY MIND.To live like free birds 🐦 🦢 🦅 grow fruits 🍍 🍊 🥑 🥭 🍇 🍌 🍎 🍉 🍒 🍑 🥝 vegetables 🥦 🥕 🥗 🥬 🥔 🍆 🥜 🎃 🫑 🍅🍜 🧅 🍄 🍝 🥗 🥒 🌽 🍏 🫑 🌳 🍓 🍊 🥥 🌵 🍈 🌰 🇧🇧 🫐 🍅 🍐 🫒Plants 🌱in pots 🪴 along with Meditative Mindful Swimming 🏊‍♂️ to Attain NIBBĀNA the Eternal Bliss.

Kushinara NIBBĀNA Bhumi Pagoda White Home, Puniya Bhumi Bengaluru, Prabuddha Bharat International.

Categories:

Search:

Archives:

Meta:

November 2024

M	T	W	T	F	S	S
« Jan
	1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

08/06/07

ஸுத்தபிடக-Part-24-தமிழில் திரபிடக மூன்று தொகுப்புகள்TIPITAKA–24.தீகனிகாயோ-பாதிகவக்கபாளி-1. பாதிகஸுத்தங்-ஸுனக்கத்தவத்து-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 10:56 am

ஸுத்தபிடக-Part-24-தமிழில் திரபிடக மூன்று தொகுப்புகள்TIPITAKA--24.தீகனிகாயோ-பாதிகவக்கபாளி-1. பாதிகஸுத்தங்-ஸுனக்கத்தவத்து-from FREE ONLINE eNālāndā Research and
Practice UNIVERSITY through http://sarvajan.ambedkar.org

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

தீகனிகாயோ

பாதிகவக்கபாளி

1. பாதிகஸுத்தங்

ஸுனக்கத்தவத்து

1. ஏவங் மே ஸுதங் – ஏகங் ஸமயங் ப⁴க³வா மல்லேஸு விஹரதி அனுபியங் நாம [அனுப்பியங் நாம (ஸ்யா॰)]
மல்லானங் நிக³மோ. அத² கோ² ப⁴க³வா புப்³ப³ண்ஹஸமயங் நிவாஸெத்வா
பத்தசீவரமாதா³ய அனுபியங் பிண்டா³ய பாவிஸி. அத² கோ² ப⁴க³வதோ ஏதத³ஹோஸி –
‘‘அதிப்பகோ³ கோ² தாவ அனுபியாயங் [அனுபியங் (க॰)] பிண்டா³ய சரிதுங். யங்னூனாஹங் யேன ப⁴க்³க³வகொ³த்தஸ்ஸ பரிப்³பா³ஜகஸ்ஸ ஆராமோ, யேன ப⁴க்³க³வகொ³த்தோ பரிப்³பா³ஜகோ தேனுபஸங்கமெய்ய’’ந்தி.

2. அத²
கோ² ப⁴க³வா யேன ப⁴க்³க³வகொ³த்தஸ்ஸ பரிப்³பா³ஜகஸ்ஸ ஆராமோ, யேன
ப⁴க்³க³வகொ³த்தோ பரிப்³பா³ஜகோ தேனுபஸங்கமி. அத² கோ² ப⁴க்³க³வகொ³த்தோ
பரிப்³பா³ஜகோ ப⁴க³வந்தங் ஏதத³வோச – ‘‘ஏது கோ², ப⁴ந்தே, ப⁴க³வா. ஸ்வாக³தங்,
ப⁴ந்தே, ப⁴க³வதோ. சிரஸ்ஸங் கோ², ப⁴ந்தே, ப⁴க³வா இமங் பரியாயமகாஸி யதி³த³ங்
இதா⁴க³மனாய. நிஸீத³து, ப⁴ந்தே, ப⁴க³வா, இத³மாஸனங் பஞ்ஞத்த’’ந்தி. நிஸீதி³
ப⁴க³வா பஞ்ஞத்தே ஆஸனே. ப⁴க்³க³வகொ³த்தோபி கோ² பரிப்³பா³ஜகோ அஞ்ஞதரங்
நீசங் ஆஸனங் க³ஹெத்வா ஏகமந்தங் நிஸீதி³. ஏகமந்தங் நிஸின்னோ கோ²
ப⁴க்³க³வகொ³த்தோ பரிப்³பா³ஜகோ ப⁴க³வந்தங் ஏதத³வோச – ‘‘புரிமானி, ப⁴ந்தே,
தி³வஸானி புரிமதரானி ஸுனக்க²த்தோ லிச்ச²விபுத்தோ
யேனாஹங் தேனுபஸங்கமி; உபஸங்கமித்வா மங் ஏதத³வோச – ‘பச்சக்கா²தோ தா³னி மயா,
ப⁴க்³க³வ, ப⁴க³வா. ந தா³னாஹங் ப⁴க³வந்தங் உத்³தி³ஸ்ஸ விஹராமீ’தி. கச்சேதங்,
ப⁴ந்தே, ததே²வ, யதா² ஸுனக்க²த்தோ லிச்ச²விபுத்தோ அவசா’’தி? ‘‘ததே²வ கோ²
ஏதங், ப⁴க்³க³வ, யதா² ஸுனக்க²த்தோ லிச்ச²விபுத்தோ அவச’’.

3.
புரிமானி, ப⁴க்³க³வ, தி³வஸானி புரிமதரானி ஸுனக்க²த்தோ லிச்ச²விபுத்தோ
யேனாஹங் தேனுபஸங்கமி; உபஸங்கமித்வா மங் அபி⁴வாதெ³த்வா ஏகமந்தங் நிஸீதி³.
ஏகமந்தங் நிஸின்னோ கோ², ப⁴க்³க³வ, ஸுனக்க²த்தோ லிச்ச²விபுத்தோ மங் ஏதத³வோச –
‘பச்சக்கா²மி தா³னாஹங், ப⁴ந்தே, ப⁴க³வந்தங். ந தா³னாஹங், ப⁴ந்தே,
ப⁴க³வந்தங் உத்³தி³ஸ்ஸ விஹரிஸ்ஸாமீ’தி. ‘ஏவங் வுத்தே, அஹங், ப⁴க்³க³வ,
ஸுனக்க²த்தங் லிச்ச²விபுத்தங் ஏதத³வோசங் – ‘அபி நு தாஹங், ஸுனக்க²த்த, ஏவங்
அவசங், ஏஹி த்வங், ஸுனக்க²த்த, மமங் உத்³தி³ஸ்ஸ விஹராஹீ’தி? ‘நோ ஹேதங்,
ப⁴ந்தே’. ‘த்வங் வா பன மங் ஏவங் அவச – அஹங்,
ப⁴ந்தே, ப⁴க³வந்தங் உத்³தி³ஸ்ஸ விஹரிஸ்ஸாமீ’தி? ‘நோ ஹேதங், ப⁴ந்தே’. ‘இதி
கிர, ஸுனக்க²த்த, நேவாஹங் தங் வதா³மி – ஏஹி த்வங், ஸுனக்க²த்த, மமங்
உத்³தி³ஸ்ஸ விஹராஹீதி. நபி கிர மங் த்வங் வதே³ஸி – அஹங், ப⁴ந்தே,
ப⁴க³வந்தங் உத்³தி³ஸ்ஸ விஹரிஸ்ஸாமீதி. ஏவங் ஸந்தே, மோக⁴புரிஸ, கோ ஸந்தோ கங்
பச்சாசிக்க²ஸி? பஸ்ஸ, மோக⁴புரிஸ, யாவஞ்ச [யாவ ச (க॰)] தே இத³ங் அபரத்³த⁴’ந்தி.

4.
‘ந ஹி பன மே, ப⁴ந்தே, ப⁴க³வா உத்தரிமனுஸ்ஸத⁴ம்மா இத்³தி⁴பாடிஹாரியங்
கரோதீ’தி. ‘அபி நு தாஹங், ஸுனக்க²த்த, ஏவங் அவசங் – ஏஹி த்வங், ஸுனக்க²த்த,
மமங் உத்³தி³ஸ்ஸ விஹராஹி, அஹங் தே உத்தரிமனுஸ்ஸத⁴ம்மா இத்³தி⁴பாடிஹாரியங்
கரிஸ்ஸாமீ’தி? ‘நோ ஹேதங், ப⁴ந்தே’. ‘த்வங் வா பன மங் ஏவங் அவச – அஹங்,
ப⁴ந்தே, ப⁴க³வந்தங் உத்³தி³ஸ்ஸ விஹரிஸ்ஸாமி, ப⁴க³வா மே உத்தரிமனுஸ்ஸத⁴ம்மா
இத்³தி⁴பாடிஹாரியங் கரிஸ்ஸதீ’தி? ‘நோ ஹேதங், ப⁴ந்தே’. ‘இதி கிர,
ஸுனக்க²த்த, நேவாஹங் தங் வதா³மி – ஏஹி த்வங், ஸுனக்க²த்த, மமங் உத்³தி³ஸ்ஸ
விஹராஹி, அஹங் தே உத்தரிமனுஸ்ஸத⁴ம்மா இத்³தி⁴பாடிஹாரியங் கரிஸ்ஸாமீ’தி; நபி
கிர மங் த்வங் வதே³ஸி – அஹங், ப⁴ந்தே, ப⁴க³வந்தங் உத்³தி³ஸ்ஸ விஹரிஸ்ஸாமி,
ப⁴க³வா மே உத்தரிமனுஸ்ஸத⁴ம்மா இத்³தி⁴பாடிஹாரியங் கரிஸ்ஸதீ’தி. ஏவங்
ஸந்தே, மோக⁴புரிஸ , கோ ஸந்தோ கங் பச்சாசிக்க²ஸி? தங்
கிங் மஞ்ஞஸி, ஸுனக்க²த்த, கதே வா உத்தரிமனுஸ்ஸத⁴ம்மா இத்³தி⁴பாடிஹாரியே
அகதே வா உத்தரிமனுஸ்ஸத⁴ம்மா இத்³தி⁴பாடிஹாரியே யஸ்ஸத்தா²ய மயா த⁴ம்மோ தே³ஸிதோ ஸோ நிய்யாதி தக்கரஸ்ஸ ஸம்மா து³க்க²க்க²யாயா’தி? ‘கதே
வா, ப⁴ந்தே, உத்தரிமனுஸ்ஸத⁴ம்மா இத்³தி⁴பாடிஹாரியே அகதே வா
உத்தரிமனுஸ்ஸத⁴ம்மா இத்³தி⁴பாடிஹாரியே யஸ்ஸத்தா²ய ப⁴க³வதா த⁴ம்மோ தே³ஸிதோ
ஸோ நிய்யாதி தக்கரஸ்ஸ ஸம்மா து³க்க²க்க²யாயா’தி. ‘இதி கிர, ஸுனக்க²த்த, கதே
வா உத்தரிமனுஸ்ஸத⁴ம்மா இத்³தி⁴பாடிஹாரியே, அகதே வா உத்தரிமனுஸ்ஸத⁴ம்மா
இத்³தி⁴பாடிஹாரியே, யஸ்ஸத்தா²ய மயா த⁴ம்மோ தே³ஸிதோ, ஸோ நிய்யாதி தக்கரஸ்ஸ
ஸம்மா து³க்க²க்க²யாய. தத்ர, ஸுனக்க²த்த, கிங் உத்தரிமனுஸ்ஸத⁴ம்மா
இத்³தி⁴பாடிஹாரியங் கதங் கரிஸ்ஸதி? பஸ்ஸ, மோக⁴புரிஸ, யாவஞ்ச தே இத³ங்
அபரத்³த⁴’ந்தி.

5. ‘ந ஹி பன மே, ப⁴ந்தே, ப⁴க³வா அக்³க³ஞ்ஞங் பஞ்ஞபேதீ’தி [பஞ்ஞாபேதீதி (பீ॰)]?
‘அபி நு தாஹங், ஸுனக்க²த்த, ஏவங் அவசங் – ஏஹி த்வங், ஸுனக்க²த்த, மமங்
உத்³தி³ஸ்ஸ விஹராஹி, அஹங் தே அக்³க³ஞ்ஞங் பஞ்ஞபெஸ்ஸாமீ’தி? ‘நோ ஹேதங்,
ப⁴ந்தே’. ‘த்வங் வா பன மங் ஏவங் அவச – அஹங், ப⁴ந்தே, ப⁴க³வந்தங் உத்³தி³ஸ்ஸ
விஹரிஸ்ஸாமி, ப⁴க³வா மே அக்³க³ஞ்ஞங் பஞ்ஞபெஸ்ஸதீ’தி? ‘நோ ஹேதங், ப⁴ந்தே’.
‘இதி கிர, ஸுனக்க²த்த, நேவாஹங் தங் வதா³மி – ஏஹி த்வங், ஸுனக்க²த்த, மமங்
உத்³தி³ஸ்ஸ விஹராஹி, அஹங் தே அக்³க³ஞ்ஞங் பஞ்ஞபெஸ்ஸாமீதி. நபி கிர மங்
த்வங் வதே³ஸி – அஹங், ப⁴ந்தே, ப⁴க³வந்தங் உத்³தி³ஸ்ஸ விஹரிஸ்ஸாமி, ப⁴க³வா
மே அக்³க³ஞ்ஞங் பஞ்ஞபெஸ்ஸதீ’தி. ஏவங் ஸந்தே, மோக⁴புரிஸ, கோ ஸந்தோ கங்
பச்சாசிக்க²ஸி? தங் கிங் மஞ்ஞஸி, ஸுனக்க²த்த, பஞ்ஞத்தே வா அக்³க³ஞ்ஞே,
அபஞ்ஞத்தே வா அக்³க³ஞ்ஞே, யஸ்ஸத்தா²ய மயா த⁴ம்மோ தே³ஸிதோ, ஸோ நிய்யாதி
தக்கரஸ்ஸ ஸம்மா து³க்க²க்க²யாயா’தி? ‘பஞ்ஞத்தே வா, ப⁴ந்தே, அக்³க³ஞ்ஞே,
அபஞ்ஞத்தே வா அக்³க³ஞ்ஞே, யஸ்ஸத்தா²ய ப⁴க³வதா த⁴ம்மோ தே³ஸிதோ, ஸோ நிய்யாதி
தக்கரஸ்ஸ ஸம்மா து³க்க²க்க²யாயா’தி. ‘இதி கிர,
ஸுனக்க²த்த, பஞ்ஞத்தே வா அக்³க³ஞ்ஞே, அபஞ்ஞத்தே வா அக்³க³ஞ்ஞே, யஸ்ஸத்தா²ய
மயா த⁴ம்மோ தே³ஸிதோ, ஸோ நிய்யாதி தக்கரஸ்ஸ ஸம்மா து³க்க²க்க²யாய. தத்ர,
ஸுனக்க²த்த, கிங் அக்³க³ஞ்ஞங் பஞ்ஞத்தங் கரிஸ்ஸதி? பஸ்ஸ, மோக⁴புரிஸ, யாவஞ்ச தே இத³ங் அபரத்³த⁴ங்’.

6.
‘அனேகபரியாயேன கோ² தே, ஸுனக்க²த்த, மம வண்ணோ பா⁴ஸிதோ வஜ்ஜிகா³மே – இதிபி ஸோ
ப⁴க³வா அரஹங் ஸம்மாஸம்பு³த்³தோ⁴ விஜ்ஜாசரணஸம்பன்னோ ஸுக³தோ
லோகவிதூ³ அனுத்தரோ புரிஸத³ம்மஸாரதி² ஸத்தா² தே³வமனுஸ்ஸானங் பு³த்³தோ⁴
ப⁴க³வாதி. இதி கோ² தே, ஸுனக்க²த்த, அனேகபரியாயேன மம வண்ணோ பா⁴ஸிதோ
வஜ்ஜிகா³மே.

‘அனேகபரியாயேன கோ² தே,
ஸுனக்க²த்த, த⁴ம்மஸ்ஸ வண்ணோ பா⁴ஸிதோ வஜ்ஜிகா³மே – ஸ்வாக்கா²தோ ப⁴க³வதா
த⁴ம்மோ ஸந்தி³ட்டி²கோ அகாலிகோ ஏஹிபஸ்ஸிகோ ஓபனெய்யிகோ பச்சத்தங்
வேதி³தப்³போ³ விஞ்ஞூஹீதி. இதி கோ² தே, ஸுனக்க²த்த, அனேகபரியாயேன த⁴ம்மஸ்ஸ
வண்ணோ பா⁴ஸிதோ வஜ்ஜிகா³மே.

‘அனேகபரியாயேன கோ² தே, ஸுனக்க²த்த, ஸங்க⁴ஸ்ஸ வண்ணோ
பா⁴ஸிதோ வஜ்ஜிகா³மே – ஸுப்படிபன்னோ ப⁴க³வதோ ஸாவகஸங்கோ⁴, உஜுப்படிபன்னோ
ப⁴க³வதோ ஸாவகஸங்கோ⁴, ஞாயப்படிபன்னோ ப⁴க³வதோ ஸாவகஸங்கோ⁴, ஸாமீசிப்படிபன்னோ
ப⁴க³வதோ ஸாவகஸங்கோ⁴, யதி³த³ங் சத்தாரி புரிஸயுகா³னி அட்ட² புரிஸபுக்³க³லா,
ஏஸ ப⁴க³வதோ ஸாவகஸங்கோ⁴, ஆஹுனெய்யோ பாஹுனெய்யோ த³க்கி²ணெய்யோ அஞ்ஜலிகரணீயோ
அனுத்தரங் புஞ்ஞக்கெ²த்தங் லோகஸ்ஸாதி. இதி கோ² தே, ஸுனக்க²த்த,
அனேகபரியாயேன ஸங்க⁴ஸ்ஸ வண்ணோ பா⁴ஸிதோ வஜ்ஜிகா³மே.

‘ஆரோசயாமி கோ² தே, ஸுனக்க²த்த, படிவேத³யாமி கோ² தே,
ஸுனக்க²த்த. ப⁴விஸ்ஸந்தி கோ² தே, ஸுனக்க²த்த, வத்தாரோ, நோ விஸஹி
ஸுனக்க²த்தோ லிச்ச²விபுத்தோ ஸமணே கோ³தமே ப்³ரஹ்மசரியங் சரிதுங், ஸோ
அவிஸஹந்தோ ஸிக்க²ங் பச்சக்கா²ய ஹீனாயாவத்தோதி. இதி கோ² தே, ஸுனக்க²த்த, ப⁴விஸ்ஸந்தி வத்தாரோ’தி.

ஏவங் பி கோ², ப⁴க்³க³வ, ஸுனக்க²த்தோ லிச்ச²விபுத்தோ மயா வுச்சமானோ அபக்கமேவ இமஸ்மா த⁴ம்மவினயா, யதா² தங் ஆபாயிகோ நேரயிகோ.

கோரக்க²த்தியவத்து²

7. ‘‘ஏகமிதா³ஹங், ப⁴க்³க³வ, ஸமயங் தூ²லூஸு [பு³மூஸு (ஸீ॰ பீ॰)]
விஹராமி உத்தரகா நாம தூ²லூனங் நிக³மோ. அத² க்²வாஹங், ப⁴க்³க³வ,
புப்³ப³ண்ஹஸமயங் நிவாஸெத்வா பத்தசீவரமாதா³ய ஸுனக்க²த்தேன லிச்ச²விபுத்தேன
பச்சா²ஸமணேன உத்தரகங் பிண்டா³ய பாவிஸிங். தேன கோ² பன ஸமயேன அசேலோ
கோரக்க²த்தியோ குக்குரவதிகோ சதுக்குண்டி³கோ [சதுகுண்டி³கோ (ஸீ॰ பீ॰) சதுகொண்டி³கோ (ஸ்யா॰ க॰)]
ச²மானிகிண்ணங் ப⁴க்க²ஸங் முகே²னேவ கா²த³தி, முகே²னேவ பு⁴ஞ்ஜதி. அத்³த³ஸா
கோ², ப⁴க்³க³வ, ஸுனக்க²த்தோ லிச்ச²விபுத்தோ அசேலங் கோரக்க²த்தியங்
குக்குரவதிகங் சதுக்குண்டி³கங் ச²மானிகிண்ணங்
ப⁴க்க²ஸங் முகே²னேவ கா²த³ந்தங் முகே²னேவ பு⁴ஞ்ஜந்தங். தி³ஸ்வானஸ்ஸ ஏதத³ஹோஸி
– ‘ஸாது⁴ரூபோ வத, போ⁴, அயங் [அரஹங் (ஸீ॰ ஸ்யா॰ பீ॰)] ஸமணோ சதுக்குண்டி³கோ ச²மானிகிண்ணங் ப⁴க்க²ஸங் முகே²னேவ கா²த³தி, முகே²னேவ பு⁴ஞ்ஜதீ’தி.

‘‘அத² க்²வாஹங், ப⁴க்³க³வ, ஸுனக்க²த்தஸ்ஸ லிச்ச²விபுத்தஸ்ஸ சேதஸா சேதோபரிவிதக்கமஞ்ஞாய ஸுனக்க²த்தங் லிச்ச²விபுத்தங் ஏதத³வோசங் – ‘த்வம்பி நாம, மோக⁴புரிஸ, ஸமணோ ஸக்யபுத்தியோ [மோக⁴புரிஸ ஸக்யபுத்தியோ (ஸீ॰ ஸ்யா॰ பீ॰)] படிஜானிஸ்ஸஸீ’தி! ‘கிங் பன மங், ப⁴ந்தே, ப⁴க³வா ஏவமாஹ – ‘த்வம்பி நாம, மோக⁴புரிஸ, ஸமணோ ஸக்யபுத்தியோ [மோக⁴புரிஸ ஸக்யபுத்தியோ (ஸீ॰ ஸ்யா॰ பீ॰)]
படிஜானிஸ்ஸஸீ’தி? ‘நனு தே, ஸுனக்க²த்த, இமங் அசேலங் கோரக்க²த்தியங்
குக்குரவதிகங் சதுக்குண்டி³கங் ச²மானிகிண்ணங் ப⁴க்க²ஸங் முகே²னேவ
கா²த³ந்தங் முகே²னேவ பு⁴ஞ்ஜந்தங் தி³ஸ்வான ஏதத³ஹோஸி
– ஸாது⁴ரூபோ வத, போ⁴, அயங் ஸமணோ சதுக்குண்டி³கோ ச²மானிகிண்ணங் ப⁴க்க²ஸங்
முகே²னேவ கா²த³தி, முகே²னேவ பு⁴ஞ்ஜதீ’தி? ‘ஏவங், ப⁴ந்தே. கிங் பன, ப⁴ந்தே,
ப⁴க³வா அரஹத்தஸ்ஸ மச்ச²ராயதீ’தி? ‘ந கோ² அஹங், மோக⁴புரிஸ, அரஹத்தஸ்ஸ
மச்ச²ராயாமி. அபி ச, துய்ஹேவேதங் பாபகங் தி³ட்டி²க³தங் உப்பன்னங், தங் பஜஹ.
மா தே அஹோஸி தீ³க⁴ரத்தங் அஹிதாய து³க்கா²ய. யங் கோ² பனேதங், ஸுனக்க²த்த,
மஞ்ஞஸி அசேலங் கோரக்க²த்தியங் – ஸாது⁴ரூபோ அயங் ஸமணோதி [மஞ்ஞஸி ‘‘அசேலோ கோரக²த்தியோ ஸாது⁴ரூபோ அரஹங் ஸமணோதி’’ (ஸ்யா॰)]. ஸோ ஸத்தமங் தி³வஸங் அலஸகேன காலங்கரிஸ்ஸதி. காலங்கதோ [காலகதோ (ஸீ॰ ஸ்யா॰ பீ॰)] ச காலகஞ்சிகா [காலகஞ்ஜா (ஸீ॰ பீ॰), காலகஞ்ஜிகா (ஸ்யா॰)]
நாம அஸுரா ஸப்³ப³னிஹீனோ அஸுரகாயோ, தத்ர உபபஜ்ஜிஸ்ஸதி. காலங்கதஞ்ச நங்
பீ³ரணத்த²ம்ப³கே ஸுஸானே ச²ட்³டெ³ஸ்ஸந்தி. ஆகங்க²மானோ ச த்வங், ஸுனக்க²த்த,
அசேலங் கோரக்க²த்தியங் உபஸங்கமித்வா புச்செ²ய்யாஸி – ஜானாஸி, ஆவுஸோ
கோரக்க²த்திய [அசேல கோரக²த்திய (க॰)], அத்தனோ
க³திந்தி? டா²னங் கோ² பனேதங், ஸுனக்க²த்த, விஜ்ஜதி யங் தே அசேலோ
கோரக்க²த்தியோ ப்³யாகரிஸ்ஸதி – ஜானாமி, ஆவுஸோ ஸுனக்க²த்த, அத்தனோ க³திங்;
காலகஞ்சிகா நாம அஸுரா ஸப்³ப³னிஹீனோ அஸுரகாயோ, தத்ராம்ஹி உபபன்னோதி.

‘‘அத² கோ², ப⁴க்³க³வ, ஸுனக்க²த்தோ லிச்ச²விபுத்தோ யேன அசேலோ கோரக்க²த்தியோ தேனுபஸங்கமி; உபஸங்கமித்வா அசேலங் கோரக்க²த்தியங் ஏதத³வோச – ‘ப்³யாகதோ கோ²ஸி, ஆவுஸோ கோரக்க²த்திய, ஸமணேன கோ³தமேன – அசேலோ கோரக்க²த்தியோ ஸத்தமங் தி³வஸங் அலஸகேன காலங்கரிஸ்ஸதி. காலங்கதோ ச காலகஞ்சிகா நாம அஸுரா ஸப்³ப³னிஹீனோ அஸுரகாயோ ,
தத்ர உபபஜ்ஜிஸ்ஸதி. காலங்கதஞ்ச நங் பீ³ரணத்த²ம்ப³கே ஸுஸானே
ச²ட்³டெ³ஸ்ஸந்தீ’தி. யேன த்வங், ஆவுஸோ கோரக்க²த்திய, மத்தங் மத்தஞ்ச
ப⁴த்தங் பு⁴ஞ்ஜெய்யாஸி, மத்தங் மத்தஞ்ச பானீயங் பிவெய்யாஸி. யதா² ஸமணஸ்ஸ
கோ³தமஸ்ஸ மிச்சா² அஸ்ஸ வசன’ந்தி.

8.
‘‘அத² கோ², ப⁴க்³க³வ, ஸுனக்க²த்தோ லிச்ச²விபுத்தோ ஏகத்³வீஹிகாய
ஸத்தரத்திந்தி³வானி க³ணேஸி, யதா² தங் ததா²க³தஸ்ஸ அஸத்³த³ஹமானோ. அத² கோ²,
ப⁴க்³க³வ, அசேலோ கோரக்க²த்தியோ ஸத்தமங் தி³வஸங் அலஸகேன காலமகாஸி. காலங்கதோ ச
காலகஞ்சிகா நாம அஸுரா ஸப்³ப³னிஹீனோ அஸுரகாயோ, தத்ர உபபஜ்ஜி. காலங்கதஞ்ச
நங் பீ³ரணத்த²ம்ப³கே ஸுஸானே ச²ட்³டே³ஸுங்.

9. ‘‘அஸ்ஸோஸி
கோ², ப⁴க்³க³வ, ஸுனக்க²த்தோ லிச்ச²விபுத்தோ – ‘அசேலோ கிர கோரக்க²த்தியோ
அலஸகேன காலங்கதோ பீ³ரணத்த²ம்ப³கே ஸுஸானே ச²ட்³டி³தோ’தி. அத² கோ², ப⁴க்³க³வ,
ஸுனக்க²த்தோ லிச்ச²விபுத்தோ யேன பீ³ரணத்த²ம்ப³கங் ஸுஸானங், யேன அசேலோ
கோரக்க²த்தியோ தேனுபஸங்கமி; உபஸங்கமித்வா அசேலங் கோரக்க²த்தியங்
திக்க²த்துங் பாணினா ஆகோடேஸி – ‘ஜானாஸி, ஆவுஸோ கோரக்க²த்திய, அத்தனோ
க³தி’ந்தி? அத² கோ², ப⁴க்³க³வ, அசேலோ கோரக்க²த்தியோ பாணினா பிட்டி²ங்
பரிபுஞ்ச²ந்தோ வுட்டா²ஸி. ‘ஜானாமி, ஆவுஸோ ஸுனக்க²த்த, அத்தனோ க³திங்.
காலகஞ்சிகா நாம அஸுரா ஸப்³ப³னிஹீனோ அஸுரகாயோ, தத்ராம்ஹி உபபன்னோ’தி வத்வா
தத்தே²வ உத்தானோ பபதி [பரிபதி (ஸ்யா॰ க॰)].

10.
‘‘அத² கோ², ப⁴க்³க³வ, ஸுனக்க²த்தோ லிச்ச²விபுத்தோ யேனாஹங் தேனுபஸங்கமி;
உபஸங்கமித்வா மங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னங் கோ²
அஹங், ப⁴க்³க³வ , ஸுனக்க²த்தங் லிச்ச²விபுத்தங்
ஏதத³வோசங் – ‘தங் கிங் மஞ்ஞஸி, ஸுனக்க²த்த, யதே²வ தே அஹங் அசேலங்
கோரக்க²த்தியங் ஆரப்³ப⁴ ப்³யாகாஸிங், ததே²வ தங் விபாகங், அஞ்ஞதா² வா’தி?
‘யதே²வ மே, ப⁴ந்தே, ப⁴க³வா அசேலங் கோரக்க²த்தியங் ஆரப்³ப⁴ ப்³யாகாஸி, ததே²வ
தங் விபாகங், நோ அஞ்ஞதா²’தி. ‘தங்
கிங் மஞ்ஞஸி, ஸுனக்க²த்த, யதி³ ஏவங் ஸந்தே கதங் வா ஹோதி
உத்தரிமனுஸ்ஸத⁴ம்மா இத்³தி⁴பாடிஹாரியங், அகதங் வாதி? ‘அத்³தா⁴ கோ², ப⁴ந்தே,
ஏவங் ஸந்தே கதங் ஹோதி உத்தரிமனுஸ்ஸத⁴ம்மா இத்³தி⁴பாடிஹாரியங், நோ
அகத’ந்தி. ‘ஏவம்பி கோ² மங் த்வங், மோக⁴புரிஸ, உத்தரிமனுஸ்ஸத⁴ம்மா
இத்³தி⁴பாடிஹாரியங் கரொந்தங் ஏவங் வதே³ஸி – ந ஹி பன மே, ப⁴ந்தே, ப⁴க³வா
உத்தரிமனுஸ்ஸத⁴ம்மா இத்³தி⁴பாடிஹாரியங் கரோதீதி. பஸ்ஸ, மோக⁴புரிஸ, யாவஞ்ச
தே இத³ங் அபரத்³த⁴’ந்தி. ‘‘ஏவம்பி கோ², ப⁴க்³க³வ, ஸுனக்க²த்தோ
லிச்ச²விபுத்தோ மயா வுச்சமானோ அபக்கமேவ இமஸ்மா த⁴ம்மவினயா, யதா² தங்
ஆபாயிகோ நேரயிகோ.

அசேலகளாரமட்டகவத்து²

11.
‘‘ஏகமிதா³ஹங், ப⁴க்³க³வ, ஸமயங் வேஸாலியங் விஹராமி மஹாவனே கூடாகா³ரஸாலாயங்.
தேன கோ² பன ஸமயேன அசேலோ களாரமட்டகோ வேஸாலியங் படிவஸதி லாப⁴க்³க³ப்பத்தோ
சேவ யஸக்³க³ப்பத்தோ ச வஜ்ஜிகா³மே. தஸ்ஸ ஸத்தவதபதா³னி [ஸத்தவத்தபதா³னி (ஸ்யா॰ பீ॰)]
ஸமத்தானி ஸமாதி³ன்னானி ஹொந்தி – ‘யாவஜீவங் அசேலகோ அஸ்ஸங், ந வத்த²ங்
பரித³ஹெய்யங், யாவஜீவங் ப்³ரஹ்மசாரீ அஸ்ஸங், ந மேது²னங் த⁴ம்மங்
படிஸேவெய்யங், யாவஜீவங் ஸுராமங்ஸேனேவ யாபெய்யங், ந ஓத³னகும்மாஸங்
பு⁴ஞ்ஜெய்யங். புரத்தி²மேன வேஸாலிங் உதே³னங் நாம சேதியங், தங்
நாதிக்கமெய்யங், த³க்கி²ணேன வேஸாலிங் கோ³தமகங் நாம சேதியங், தங்
நாதிக்கமெய்யங், பச்சி²மேன வேஸாலிங் ஸத்தம்ப³ங் நாம சேதியங், தங் நாதிக்கமெய்யங், உத்தரேன வேஸாலிங் ப³ஹுபுத்தங் நாம [ப³ஹுபுத்தகங் நாம (ஸ்யா॰)] சேதியங் தங் நாதிக்கமெய்ய’ந்தி. ஸோ இமேஸங் ஸத்தன்னங் வதபதா³னங் ஸமாதா³னஹேது லாப⁴க்³க³ப்பத்தோ சேவ யஸக்³க³ப்பத்தோ ச வஜ்ஜிகா³மே.

12.
‘‘அத² கோ², ப⁴க்³க³வ, ஸுனக்க²த்தோ லிச்ச²விபுத்தோ யேன அசேலோ களாரமட்டகோ
தேனுபஸங்கமி; உபஸங்கமித்வா அசேலங் களாரமட்டகங் பஞ்ஹங் அபுச்சி². தஸ்ஸ அசேலோ
களாரமட்டகோ பஞ்ஹங் புட்டோ² ந ஸம்பாயாஸி. அஸம்பாயந்தோ கோபஞ்ச தோ³ஸஞ்ச
அப்பச்சயஞ்ச பாத்வாகாஸி. அத² கோ², ப⁴க்³க³வ, ஸுனக்க²த்தஸ்ஸ
லிச்ச²விபுத்தஸ்ஸ ஏதத³ஹோஸி – ‘ஸாது⁴ரூபங் வத போ⁴ அரஹந்தங் ஸமணங்
ஆஸாதி³ம்ஹஸே [அஸாதி³யிம்ஹஸே (ஸ்யா॰)]. மா வத நோ அஹோஸி தீ³க⁴ரத்தங் அஹிதாய து³க்கா²யா’தி.

13. ‘‘அத²
கோ², ப⁴க்³க³வ, ஸுனக்க²த்தோ லிச்ச²விபுத்தோ யேனாஹங் தேனுபஸங்கமி;
உபஸங்கமித்வா மங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னங் கோ²
அஹங், ப⁴க்³க³வ, ஸுனக்க²த்தங் லிச்ச²விபுத்தங் ஏதத³வோசங் – ‘த்வம்பி நாம,
மோக⁴புரிஸ, ஸமணோ ஸக்யபுத்தியோ படிஜானிஸ்ஸஸீ’தி! ‘கிங் பன மங், ப⁴ந்தே,
ப⁴க³வா ஏவமாஹ – த்வம்பி நாம, மோக⁴புரிஸ, ஸமணோ ஸக்யபுத்தியோ
படிஜானிஸ்ஸஸீ’தி? ‘நனு த்வங், ஸுனக்க²த்த, அசேலங் களாரமட்டகங் உபஸங்கமித்வா
பஞ்ஹங் அபுச்சி². தஸ்ஸ தே அசேலோ களாரமட்டகோ பஞ்ஹங் புட்டோ² ந ஸம்பாயாஸி.
அஸம்பாயந்தோ கோபஞ்ச தோ³ஸஞ்ச அப்பச்சயஞ்ச
பாத்வாகாஸி. தஸ்ஸ தே ஏதத³ஹோஸி – ‘‘ஸாது⁴ரூபங் வத, போ⁴, அரஹந்தங் ஸமணங்
ஆஸாதி³ம்ஹஸே. மா வத நோ அஹோஸி தீ³க⁴ரத்தங் அஹிதாய து³க்கா²யா’தி. ‘ஏவங்,
ப⁴ந்தே. கிங் பன, ப⁴ந்தே, ப⁴க³வா அரஹத்தஸ்ஸ மச்ச²ராயதீ’தி? ‘ந
கோ² அஹங், மோக⁴புரிஸ, அரஹத்தஸ்ஸ மச்ச²ராயாமி, அபி ச துய்ஹேவேதங் பாபகங்
தி³ட்டி²க³தங் உப்பன்னங், தங் பஜஹ. மா தே அஹோஸி தீ³க⁴ரத்தங் அஹிதாய
து³க்கா²ய. யங் கோ² பனேதங், ஸுனக்க²த்த, மஞ்ஞஸி அசேலங் களாரமட்டகங் –
ஸாது⁴ரூபோ அயங் [அரஹங் (ஸ்யா॰)] ஸமணோதி, ஸோ
நசிரஸ்ஸேவ பரிஹிதோ ஸானுசாரிகோ விசரந்தோ ஓத³னகும்மாஸங் பு⁴ஞ்ஜமானோ
ஸப்³பா³னேவ வேஸாலியானி சேதியானி ஸமதிக்கமித்வா யஸா நிஹீனோ [யஸானிகிண்ணோ (க॰)] காலங் கரிஸ்ஸதீ’தி.

‘‘‘அத² கோ², ப⁴க்³க³வ, அசேலோ களாரமட்டகோ நசிரஸ்ஸேவ
பரிஹிதோ ஸானுசாரிகோ விசரந்தோ ஓத³னகும்மாஸங் பு⁴ஞ்ஜமானோ ஸப்³பா³னேவ
வேஸாலியானி சேதியானி ஸமதிக்கமித்வா யஸா நிஹீனோ காலமகாஸி.

14.
‘‘அஸ்ஸோஸி கோ², ப⁴க்³க³வ, ஸுனக்க²த்தோ லிச்ச²விபுத்தோ – ‘அசேலோ கிர
களாரமட்டகோ பரிஹிதோ ஸானுசாரிகோ விசரந்தோ ஓத³னகும்மாஸங் பு⁴ஞ்ஜமானோ
ஸப்³பா³னேவ வேஸாலியானி சேதியானி ஸமதிக்கமித்வா யஸா நிஹீனோ காலங்கதோ’தி. அத²
கோ², ப⁴க்³க³வ, ஸுனக்க²த்தோ லிச்ச²விபுத்தோ
யேனாஹங் தேனுபஸங்கமி; உபஸங்கமித்வா மங் அபி⁴வாதெ³த்வா ஏகமந்தங் நிஸீதி³.
ஏகமந்தங் நிஸின்னங் கோ² அஹங், ப⁴க்³க³வ, ஸுனக்க²த்தங் லிச்ச²விபுத்தங்
ஏதத³வோசங் – ‘தங் கிங் மஞ்ஞஸி, ஸுனக்க²த்த, யதே²வ தே அஹங் அசேலங்
களாரமட்டகங் ஆரப்³ப⁴ ப்³யாகாஸிங், ததே²வ தங் விபாகங், அஞ்ஞதா² வா’தி?
‘யதே²வ மே, ப⁴ந்தே, ப⁴க³வா அசேலங் களாரமட்டகங் ஆரப்³ப⁴ ப்³யாகாஸி, ததே²வ தங் விபாகங், நோ அஞ்ஞதா²’தி. ‘தங் கிங் மஞ்ஞஸி, ஸுனக்க²த்த, யதி³ ஏவங் ஸந்தே கதங்
வா ஹோதி உத்தரிமனுஸ்ஸத⁴ம்மா இத்³தி⁴பாடிஹாரியங் அகதங் வா’தி? ‘அத்³தா⁴
கோ², ப⁴ந்தே, ஏவங் ஸந்தே கதங் ஹோதி உத்தரிமனுஸ்ஸத⁴ம்மா இத்³தி⁴பாடிஹாரியங்,
நோ அகத’ந்தி. ‘ஏவம்பி கோ² மங் த்வங், மோக⁴புரிஸ, உத்தரிமனுஸ்ஸத⁴ம்மா
இத்³தி⁴பாடிஹாரியங் கரொந்தங் ஏவங் வதே³ஸி – ந ஹி பன மே, ப⁴ந்தே, ப⁴க³வா
உத்தரிமனுஸ்ஸத⁴ம்மா இத்³தி⁴பாடிஹாரியங் கரோதீ’’தி. பஸ்ஸ, மோக⁴புரிஸ, யாவஞ்ச
தே இத³ங் அபரத்³த⁴’ந்தி. ‘‘ஏவ’ம்பி கோ², ப⁴க்³க³வ, ஸுனக்க²த்தோ
லிச்ச²விபுத்தோ மயா வுச்சமானோ அபக்கமேவ இமஸ்மா த⁴ம்மவினயா, யதா² தங்
ஆபாயிகோ நேரயிகோ.

அசேலபாதி²கபுத்தவத்து²

15. ‘‘ஏகமிதா³ஹங், ப⁴க்³க³வ, ஸமயங் தத்தே²வ வேஸாலியங் விஹராமி மஹாவனே கூடாகா³ரஸாலாயங். தேன கோ² பன ஸமயேன அசேலோ பாதி²கபுத்தோ [பாடிகபுத்தோ (ஸீ॰ ஸ்யா॰ பீ॰)]
வேஸாலியங் படிவஸதி லாப⁴க்³க³ப்பத்தோ சேவ யஸக்³க³ப்பத்தோ ச வஜ்ஜிகா³மே. ஸோ
வேஸாலியங் பரிஸதி ஏவங் வாசங் பா⁴ஸதி – ‘ஸமணோபி கோ³தமோ ஞாணவாதோ³, அஹம்பி
ஞாணவாதோ³. ஞாணவாதோ³ கோ² பன ஞாணவாதே³ன அரஹதி உத்தரிமனுஸ்ஸத⁴ம்மா
இத்³தி⁴பாடிஹாரியங் த³ஸ்ஸேதுங். ஸமணோ கோ³தமோ உபட்³ட⁴பத²ங் ஆக³ச்செ²ய்ய,
அஹம்பி உபட்³ட⁴பத²ங் க³ச்செ²ய்யங். தே தத்த² உபோ⁴பி உத்தரிமனுஸ்ஸத⁴ம்மா
இத்³தி⁴பாடிஹாரியங் கரெய்யாம. ஏகங் சே ஸமணோ கோ³தமோ உத்தரிமனுஸ்ஸத⁴ம்மா
இத்³தி⁴பாடிஹாரியங் கரிஸ்ஸதி, த்³வாஹங் கரிஸ்ஸாமி. த்³வே சே ஸமணோ கோ³தமோ
உத்தரிமனுஸ்ஸத⁴ம்மா இத்³தி⁴பாடிஹாரியானி கரிஸ்ஸதி, சத்தாராஹங் கரிஸ்ஸாமி .
சத்தாரி சே ஸமணோ கோ³தமோ உத்தரிமனுஸ்ஸத⁴ம்மா இத்³தி⁴பாடிஹாரியானி கரிஸ்ஸதி,
அட்டா²ஹங் கரிஸ்ஸாமி. இதி யாவதகங் யாவதகங் ஸமணோ கோ³தமோ உத்தரிமனுஸ்ஸத⁴ம்மா
இத்³தி⁴பாடிஹாரியங் கரிஸ்ஸதி, தத்³தி³கு³ணங் தத்³தி³கு³ணாஹங்
கரிஸ்ஸாமீ’தி.

16.
‘‘அத² கோ², ப⁴க்³க³வ, ஸுனக்க²த்தோ லிச்ச²விபுத்தோ யேனாஹங் தேனுபஸங்கமி;
உபஸங்கமித்வா மங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ²,
ப⁴க்³க³வ, ஸுனக்க²த்தோ லிச்ச²விபுத்தோ மங் ஏதத³வோச – ‘அசேலோ, ப⁴ந்தே,
பாதி²கபுத்தோ வேஸாலியங் படிவஸதி லாப⁴க்³க³ப்பத்தோ சேவ யஸக்³க³ப்பத்தோ ச
வஜ்ஜிகா³மே. ஸோ வேஸாலியங் பரிஸதி ஏவங் வாசங் பா⁴ஸதி – ஸமணோபி கோ³தமோ
ஞாணவாதோ³, அஹம்பி ஞாணவாதோ³. ஞாணவாதோ³ கோ² பன ஞாணவாதே³ன அரஹதி
உத்தரிமனுஸ்ஸத⁴ம்மா இத்³தி⁴பாடிஹாரியங் த³ஸ்ஸேதுங். ஸமணோ கோ³தமோ
உபட்³ட⁴பத²ங் ஆக³ச்செ²ய்ய, அஹம்பி உபட்³ட⁴பத²ங் க³ச்செ²ய்யங். தே தத்த²
உபோ⁴பி உத்தரிமனுஸ்ஸத⁴ம்மா இத்³தி⁴பாடிஹாரியங் கரெய்யாம. ஏகங் சே ஸமணோ
கோ³தமோ உத்தரிமனுஸ்ஸத⁴ம்மா இத்³தி⁴பாடிஹாரியங் கரிஸ்ஸதி, த்³வாஹங்
கரிஸ்ஸாமி. த்³வே சே ஸமணோ கோ³தமோ உத்தரிமனுஸ்ஸத⁴ம்மா இத்³தி⁴பாடிஹாரியானி
கரிஸ்ஸதி, சத்தாராஹங் கரிஸ்ஸாமி. சத்தாரி சே ஸமணோ கோ³தமோ
உத்தரிமனுஸ்ஸத⁴ம்மா இத்³தி⁴பாடிஹாரியானி கரிஸ்ஸதி, அட்டா²ஹங் கரிஸ்ஸாமி.
இதி யாவதகங் யாவதகங் ஸமணோ கோ³தமோ உத்தரி மனுஸ்ஸத⁴ம்மா இத்³தி⁴பாடிஹாரியங்
கரிஸ்ஸதி, தத்³தி³கு³ணங் தத்³தி³கு³ணாஹங் கரிஸ்ஸாமீ’’தி.

‘‘ஏவங் வுத்தே, அஹங், ப⁴க்³க³வ, ஸுனக்க²த்தங்
லிச்ச²விபுத்தங் ஏதத³வோசங் – ‘அப⁴ப்³போ³ கோ², ஸுனக்க²த்த, அசேலோ
பாதி²கபுத்தோ தங் வாசங் அப்பஹாய தங் சித்தங் அப்பஹாய தங் தி³ட்டி²ங்
அப்படினிஸ்ஸஜ்ஜித்வா மம ஸம்முகீ²பா⁴வங் ஆக³ந்துங். ஸசேபிஸ்ஸ ஏவமஸ்ஸ – அஹங்
தங் வாசங் அப்பஹாய தங் சித்தங் அப்பஹாய தங் தி³ட்டி²ங் அப்படினிஸ்ஸஜ்ஜித்வா
ஸமணஸ்ஸ கோ³தமஸ்ஸ ஸம்முகீ²பா⁴வங் க³ச்செ²ய்யந்தி, முத்³தா⁴பி தஸ்ஸ விபதெய்யா’தி.

17. ‘ரக்க²தேதங், ப⁴ந்தே, ப⁴க³வா வாசங், ரக்க²தேதங் ஸுக³தோ வாச’ந்தி. ‘கிங்
பன மங் த்வங், ஸுனக்க²த்த, ஏவங் வதே³ஸி – ரக்க²தேதங், ப⁴ந்தே, ப⁴க³வா
வாசங், ரக்க²தேதங் ஸுக³தோ வாச’ந்தி? ‘ப⁴க³வதா சஸ்ஸ, ப⁴ந்தே, ஏஸா வாசா
ஏகங்ஸேன ஓதா⁴ரிதா [ஓவாதி³தா (க॰)] – அப⁴ப்³போ³
அசேலோ பாதி²கபுத்தோ தங் வாசங் அப்பஹாய தங் சித்தங் அப்பஹாய தங் தி³ட்டி²ங்
அப்படினிஸ்ஸஜ்ஜித்வா மம ஸம்முகீ²பா⁴வங் ஆக³ந்துங். ஸசேபிஸ்ஸ ஏவமஸ்ஸ – அஹங்
தங் வாசங் அப்பஹாய தங் சித்தங் அப்பஹாய தங் தி³ட்டி²ங் அப்படினிஸ்ஸஜ்ஜித்வா
ஸமணஸ்ஸ கோ³தமஸ்ஸ ஸம்முகீ²பா⁴வங் க³ச்செ²ய்யந்தி, முத்³தா⁴பி தஸ்ஸ
விபதெய்யாதி. அசேலோ ச, ப⁴ந்தே, பாதி²கபுத்தோ விரூபரூபேன ப⁴க³வதோ
ஸம்முகீ²பா⁴வங் ஆக³ச்செ²ய்ய, தத³ஸ்ஸ ப⁴க³வதோ முஸா’தி.

18.
‘அபி நு, ஸுனக்க²த்த, ததா²க³தோ தங் வாசங் பா⁴ஸெய்ய யா ஸா வாசா
த்³வயகா³மினீ’தி? ‘கிங் பன, ப⁴ந்தே, ப⁴க³வதா அசேலோ பாதி²கபுத்தோ சேதஸா
சேதோ பரிச்ச விதி³தோ – அப⁴ப்³போ³ அசேலோ பாதி²கபுத்தோ தங் வாசங் அப்பஹாய
தங் சித்தங் அப்பஹாய தங் தி³ட்டி²ங் அப்படினிஸ்ஸஜ்ஜித்வா மம ஸம்முகீ²பா⁴வங்
ஆக³ந்துங். ஸசேபிஸ்ஸ ஏவமஸ்ஸ – அஹங் தங் வாசங் அப்பஹாய தங் சித்தங் அப்பஹாய
தங் தி³ட்டி²ங் அப்படினிஸ்ஸஜ்ஜித்வா ஸமணஸ்ஸ கோ³தமஸ்ஸ ஸம்முகீ²பா⁴வங்
க³ச்செ²ய்யந்தி, முத்³தா⁴பி தஸ்ஸ விபதெய்யா’தி?

‘உதா³ஹு , தே³வதா ப⁴க³வதோ
ஏதமத்த²ங் ஆரோசேஸுங் – அப⁴ப்³போ³, ப⁴ந்தே, அசேலோ பாதி²கபுத்தோ தங் வாசங்
அப்பஹாய தங் சித்தங் அப்பஹாய தங் தி³ட்டி²ங் அப்படினிஸ்ஸஜ்ஜித்வா ப⁴க³வதோ
ஸம்முகீ²பா⁴வங் ஆக³ந்துங். ஸசேபிஸ்ஸ ஏவமஸ்ஸ – அஹங் தங் வாசங் அப்பஹாய தங்
சித்தங் அப்பஹாய தங் தி³ட்டி²ங் அப்படினிஸ்ஸஜ்ஜித்வா ஸமணஸ்ஸ கோ³தமஸ்ஸ
ஸம்முகீ²பா⁴வங் க³ச்செ²ய்யந்தி, முத்³தா⁴பி தஸ்ஸ விபதெய்யா’தி?

19. ‘சேதஸா சேதோ பரிச்ச விதி³தோ சேவ மே, ஸுனக்க²த்த ,
அசேலோ பாதி²கபுத்தோ அப⁴ப்³போ³ அசேலோ பாதி²கபுத்தோ தங் வாசங் அப்பஹாய தங்
சித்தங் அப்பஹாய தங் தி³ட்டி²ங் அப்படினிஸ்ஸஜ்ஜித்வா மம ஸம்முகீ²பா⁴வங்
ஆக³ந்துங். ஸசேபிஸ்ஸ ஏவமஸ்ஸ – அஹங் தங் வாசங் அப்பஹாய தங் சித்தங் அப்பஹாய
தங் தி³ட்டி²ங் அப்படினிஸ்ஸஜ்ஜித்வா ஸமணஸ்ஸ கோ³தமஸ்ஸ ஸம்முகீ²பா⁴வங்
க³ச்செ²ய்யந்தி, முத்³தா⁴பி தஸ்ஸ விபதெய்யா’தி.

‘தே³வதாபி மே ஏதமத்த²ங் ஆரோசேஸுங் – அப⁴ப்³போ³ ,
ப⁴ந்தே, அசேலோ பாதி²கபுத்தோ தங் வாசங் அப்பஹாய தங் சித்தங் அப்பஹாய தங்
தி³ட்டி²ங் அப்படினிஸ்ஸஜ்ஜித்வா ப⁴க³வதோ ஸம்முகீ²பா⁴வங் ஆக³ந்துங்.
ஸசேபிஸ்ஸ ஏவமஸ்ஸ – அஹங் தங் வாசங் அப்பஹாய தங் சித்தங் அப்பஹாய தங்
தி³ட்டி²ங் அப்படினிஸ்ஸஜ்ஜித்வா ஸமணஸ்ஸ கோ³தமஸ்ஸ ஸம்முகீ²பா⁴வங்
க³ச்செ²ய்யந்தி, முத்³தா⁴பி தஸ்ஸ விபதெய்யா’தி.

‘அஜிதோபி நாம லிச்ச²வீனங் ஸேனாபதி அது⁴னா காலங்கதோ
தாவதிங்ஸகாயங் உபபன்னோ. ஸோபி மங் உபஸங்கமித்வா ஏவமாரோசேஸி – அலஜ்ஜீ,
ப⁴ந்தே, அசேலோ பாதி²கபுத்தோ; முஸாவாதீ³, ப⁴ந்தே, அசேலோ பாதி²கபுத்தோ.
மம்பி, ப⁴ந்தே, அசேலோ பாதி²கபுத்தோ ப்³யாகாஸி வஜ்ஜிகா³மே – அஜிதோ
லிச்ச²வீனங் ஸேனாபதி மஹானிரயங் உபபன்னோதி. ந கோ² பனாஹங், ப⁴ந்தே, மஹானிரயங்
உபபன்னோ; தாவதிங்ஸகாயம்ஹி உபபன்னோ. அலஜ்ஜீ, ப⁴ந்தே, அசேலோ பாதி²கபுத்தோ;
முஸாவாதீ³, ப⁴ந்தே, அசேலோ பாதி²கபுத்தோ; அப⁴ப்³போ³ ச, ப⁴ந்தே, அசேலோ
பாதி²கபுத்தோ தங் வாசங் அப்பஹாய தங் சித்தங் அப்பஹாய தங் தி³ட்டி²ங்
அப்படினிஸ்ஸஜ்ஜித்வா ப⁴க³வதோ ஸம்முகீ²பா⁴வங் ஆக³ந்துங். ஸசேபிஸ்ஸ
ஏவமஸ்ஸ – அஹங் தங் வாசங் அப்பஹாய தங் சித்தங் அப்பஹாய தங் தி³ட்டி²ங்
அப்படினிஸ்ஸஜ்ஜித்வா ஸமணஸ்ஸ கோ³தமஸ்ஸ ஸம்முகீ²பா⁴வங் க³ச்செ²ய்யந்தி,
முத்³தா⁴பி தஸ்ஸ விபதெய்யா’தி.

‘இதி கோ², ஸுனக்க²த்த, சேதஸா சேதோ பரிச்ச விதி³தோ சேவ
மே அசேலோ பாதி²கபுத்தோ அப⁴ப்³போ³ அசேலோ பாதி²கபுத்தோ தங் வாசங் அப்பஹாய தங்
சித்தங் அப்பஹாய தங் தி³ட்டி²ங் அப்படினிஸ்ஸஜ்ஜித்வா
மம ஸம்முகீ²பா⁴வங் ஆக³ந்துங். ஸசேபிஸ்ஸ ஏவமஸ்ஸ – அஹங் தங் வாசங் அப்பஹாய
தங் சித்தங் அப்பஹாய தங் தி³ட்டி²ங் அப்படினிஸ்ஸஜ்ஜித்வா ஸமணஸ்ஸ கோ³தமஸ்ஸ
ஸம்முகீ²பா⁴வங் க³ச்செ²ய்யந்தி, முத்³தா⁴பி தஸ்ஸ விபதெய்யாதி. தே³வதாபி மே
ஏதமத்த²ங் ஆரோசேஸுங் – அப⁴ப்³போ³, ப⁴ந்தே , அசேலோ
பாதி²கபுத்தோ தங் வாசங் அப்பஹாய தங் சித்தங் அப்பஹாய தங் தி³ட்டி²ங்
அப்படினிஸ்ஸஜ்ஜித்வா ப⁴க³வதோ ஸம்முகீ²பா⁴வங் ஆக³ந்துங். ஸசேபிஸ்ஸ ஏவமஸ்ஸ –
அஹங் தங் வாசங் அப்பஹாய தங் சித்தங் அப்பஹாய தங் தி³ட்டி²ங்
அப்படினிஸ்ஸஜ்ஜித்வா ஸமணஸ்ஸ கோ³தமஸ்ஸ ஸம்முகீ²பா⁴வங் க³ச்செ²ய்யந்தி,
முத்³தா⁴பி தஸ்ஸ விபதெய்யா’தி.

‘ஸோ கோ² பனாஹங், ஸுனக்க²த்த, வேஸாலியங் பிண்டா³ய
சரித்வா பச்சா²ப⁴த்தங் பிண்ட³பாதப்படிக்கந்தோ யேன அசேலஸ்ஸ பாதி²கபுத்தஸ்ஸ
ஆராமோ தேனுபஸங்கமிஸ்ஸாமி தி³வாவிஹாராய. யஸ்ஸதா³னி த்வங், ஸுனக்க²த்த,
இச்ச²ஸி, தஸ்ஸ ஆரோசேஹீ’தி.

இத்³தி⁴பாடிஹாரியகதா²

20. ‘‘அத² க்²வாஹங் [அத² கோ² ஸ்வாஹங் (ஸ்யா॰)],
ப⁴க்³க³வ, புப்³ப³ண்ஹஸமயங் நிவாஸெத்வா பத்தசீவரமாதா³ய வேஸாலிங் பிண்டா³ய
பாவிஸிங். வேஸாலியங் பிண்டா³ய சரித்வா பச்சா²ப⁴த்தங் பிண்ட³பாதப்படிக்கந்தோ
யேன அசேலஸ்ஸ பாதி²கபுத்தஸ்ஸ ஆராமோ தேனுபஸங்கமிங் தி³வாவிஹாராய. அத² கோ²,
ப⁴க்³க³வ, ஸுனக்க²த்தோ லிச்ச²விபுத்தோ தரமானரூபோ வேஸாலிங் பவிஸித்வா யேன
அபி⁴ஞ்ஞாதா அபி⁴ஞ்ஞாதா லிச்ச²வீ தேனுபஸங்கமி; உபஸங்கமித்வா அபி⁴ஞ்ஞாதே
அபி⁴ஞ்ஞாதே லிச்ச²வீ ஏதத³வோச – ‘ஏஸாவுஸோ, ப⁴க³வா வேஸாலியங் பிண்டா³ய
சரித்வா பச்சா²ப⁴த்தங் பிண்ட³பாதப்படிக்கந்தோ யேன அசேலஸ்ஸ பாதி²கபுத்தஸ்ஸ
ஆராமோ தேனுபஸங்கமி தி³வாவிஹாராய. அபி⁴க்கமதா²யஸ்மந்தோ அபி⁴க்கமதா²யஸ்மந்தோ,
ஸாது⁴ரூபானங் ஸமணானங் உத்தரிமனுஸ்ஸத⁴ம்மா இத்³தி⁴பாடிஹாரியங் ப⁴விஸ்ஸதீ’தி
. அத² கோ², ப⁴க்³க³வ, அபி⁴ஞ்ஞாதானங் அபி⁴ஞ்ஞாதானங் லிச்ச²வீனங் ஏதத³ஹோஸி – ‘ஸாது⁴ரூபானங் கிர, போ⁴, ஸமணானங் உத்தரிமனுஸ்ஸத⁴ம்மா
இத்³தி⁴பாடிஹாரியங் ப⁴விஸ்ஸதி; ஹந்த³ வத, போ⁴, க³ச்சா²மா’தி. யேன ச
அபி⁴ஞ்ஞாதா அபி⁴ஞ்ஞாதா ப்³ராஹ்மணமஹாஸாலா க³ஹபதினேசயிகா நானாதித்தி²யா [நானாதித்தி²ய (ஸ்யா॰)] ஸமணப்³ராஹ்மணா தேனுபஸங்கமி. உபஸங்கமித்வா அபி⁴ஞ்ஞாதே அபி⁴ஞ்ஞாதே நானாதித்தி²யே [நானாதித்தி²ய (ஸ்யா॰)]
ஸமணப்³ராஹ்மணே ஏதத³வோச – ‘ஏஸாவுஸோ, ப⁴க³வா வேஸாலியங் பிண்டா³ய சரித்வா
பச்சா²ப⁴த்தங் பிண்ட³பாதப்படிக்கந்தோ யேன அசேலஸ்ஸ பாதி²கபுத்தஸ்ஸ ஆராமோ
தேனுபஸங்கமி தி³வாவிஹாராய. அபி⁴க்கமதா²யஸ்மந்தோ அபி⁴க்கமதா²யஸ்மந்தோ,
ஸாது⁴ரூபானங் ஸமணானங் உத்தரிமனுஸ்ஸத⁴ம்மா இத்³தி⁴பாடிஹாரியங் ப⁴விஸ்ஸதீ’தி.
அத² கோ², ப⁴க்³க³வ, அபி⁴ஞ்ஞாதானங் அபி⁴ஞ்ஞாதானங்
நானாதித்தி²யானங் ஸமணப்³ராஹ்மணானங் ஏதத³ஹோஸி – ‘ஸாது⁴ரூபானங் கிர, போ⁴,
ஸமணானங் உத்தரிமனுஸ்ஸத⁴ம்மா இத்³தி⁴பாடிஹாரியங் ப⁴விஸ்ஸதி; ஹந்த³ வத, போ⁴,
க³ச்சா²மா’தி.

‘‘அத² கோ², ப⁴க்³க³வ,
அபி⁴ஞ்ஞாதா அபி⁴ஞ்ஞாதா லிச்ச²வீ, அபி⁴ஞ்ஞாதா அபி⁴ஞ்ஞாதா ச ப்³ராஹ்மணமஹாஸாலா
க³ஹபதினேசயிகா நானாதித்தி²யா ஸமணப்³ராஹ்மணா யேன அசேலஸ்ஸ பாதி²கபுத்தஸ்ஸ
ஆராமோ தேனுபஸங்கமிங்ஸு. ஸா ஏஸா, ப⁴க்³க³வ, பரிஸா மஹா ஹோதி [பரிஸா ஹோதி (ஸீ॰ ஸ்யா॰ பீ॰)] அனேகஸதா அனேகஸஹஸ்ஸா.

21.
‘‘அஸ்ஸோஸி கோ², ப⁴க்³க³வ, அசேலோ பாதி²கபுத்தோ – ‘அபி⁴க்கந்தா கிர
அபி⁴ஞ்ஞாதா அபி⁴ஞ்ஞாதா லிச்ச²வீ, அபி⁴க்கந்தா அபி⁴ஞ்ஞாதா அபி⁴ஞ்ஞாதா ச
ப்³ராஹ்மணமஹாஸாலா க³ஹபதினேசயிகா நானாதித்தி²யா ஸமணப்³ராஹ்மணா. ஸமணோபி
கோ³தமோ மய்ஹங் ஆராமே தி³வாவிஹாரங் நிஸின்னோ’தி. ஸுத்வானஸ்ஸ ப⁴யங்
ச²ம்பி⁴தத்தங் லோமஹங்ஸோ உத³பாதி³. அத² கோ², ப⁴க்³க³வ, அசேலோ பாதி²கபுத்தோ பீ⁴தோ ஸங்விக்³கோ³ லோமஹட்ட²ஜாதோ யேன திந்து³ககா²ணுபரிப்³பா³ஜகாராமோ தேனுபஸங்கமி.

‘‘அஸ்ஸோஸி கோ², ப⁴க்³க³வ, ஸா பரிஸா – ‘அசேலோ கிர பாதி²கபுத்தோ பீ⁴தோ ஸங்விக்³கோ³ லோமஹட்ட²ஜாதோ யேன திந்து³ககா²ணுபரிப்³பா³ஜகாராமோ தேனுபஸங்கந்தோ’தி [தேனுபஸங்கமந்தோ (ஸீ॰ பீ॰ க॰)]. அத² கோ², ப⁴க்³க³வ, ஸா பரிஸா அஞ்ஞதரங் புரிஸங் ஆமந்தேஸி –

‘ஏஹி த்வங், போ⁴ புரிஸ, யேன
திந்து³ககா²ணுபரிப்³பா³ஜகாராமோ, யேன அசேலோ பாதி²கபுத்தோ தேனுபஸங்கம.
உபஸங்கமித்வா அசேலங் பாதி²கபுத்தங் ஏவங் வதே³ஹி – அபி⁴க்கமாவுஸோ,
பாதி²கபுத்த, அபி⁴க்கந்தா அபி⁴ஞ்ஞாதா அபி⁴ஞ்ஞாதா லிச்ச²வீ, அபி⁴க்கந்தா
அபி⁴ஞ்ஞாதா அபி⁴ஞ்ஞாதா ச ப்³ராஹ்மணமஹாஸாலா க³ஹபதினேசயிகா நானாதித்தி²யா
ஸமணப்³ராஹ்மணா, ஸமணோபி கோ³தமோ ஆயஸ்மதோ ஆராமே தி³வாவிஹாரங் நிஸின்னோ;
பா⁴ஸிதா கோ² பன தே ஏஸா, ஆவுஸோ பாதி²கபுத்த, வேஸாலியங் பரிஸதி வாசா ஸமணோபி
கோ³தமோ ஞாணவாதோ³, அஹம்பி ஞாணவாதோ³. ஞாணவாதோ³ கோ² பன ஞாணவாதே³ன அரஹதி
உத்தரிமனுஸ்ஸத⁴ம்மா இத்³தி⁴பாடிஹாரியங் த³ஸ்ஸேதுங். ஸமணோ
கோ³தமோ உபட்³ட⁴பத²ங் ஆக³ச்செ²ய்ய அஹம்பி உபட்³ட⁴பத²ங் க³ச்செ²ய்யங். தே
தத்த² உபோ⁴பி உத்தரிமனுஸ்ஸத⁴ம்மா இத்³தி⁴பாடிஹாரியங் கரெய்யாம. ஏகங் சே
ஸமணோ கோ³தமோ உத்தரிமனுஸ்ஸத⁴ம்மா இத்³தி⁴பாடிஹாரியங் கரிஸ்ஸதி, த்³வாஹங்
கரிஸ்ஸாமி. த்³வே சே ஸமணோ கோ³தமோ உத்தரிமனுஸ்ஸத⁴ம்மா இத்³தி⁴பாடிஹாரியானி
கரிஸ்ஸதி, சத்தாராஹங் கரிஸ்ஸாமி. சத்தாரி சே ஸமணோ கோ³தமோ உத்தரிமனுஸ்ஸத⁴ம்மா இத்³தி⁴பாடிஹாரியானி கரிஸ்ஸதி ,
அட்டா²ஹங் கரிஸ்ஸாமி. இதி யாவதகங் யாவதகங் ஸமணோ கோ³தமோ உத்தரிமனுஸ்ஸத⁴ம்மா
இத்³தி⁴பாடிஹாரியங் கரிஸ்ஸதி, தத்³தி³கு³ணங் தத்³தி³கு³ணாஹங் கரிஸ்ஸாமீ’தி
அபி⁴க்கமஸ்ஸேவ [அபி⁴க்கமயேவ (ஸீ॰ ஸ்யா॰ பீ॰)] கோ²; ஆவுஸோ பாதி²கபுத்த, உபட்³ட⁴பத²ங். ஸப்³ப³பட²மங்யேவ ஆக³ந்த்வா ஸமணோ கோ³தமோ ஆயஸ்மதோ ஆராமே தி³வாவிஹாரங் நிஸின்னோ’தி.

22.
‘‘ஏவங், போ⁴தி கோ², ப⁴க்³க³வ, ஸோ புரிஸோ தஸ்ஸா பரிஸாய படிஸ்ஸுத்வா யேன
திந்து³ககா²ணுபரிப்³பா³ஜகாராமோ, யேன அசேலோ பாதி²கபுத்தோ தேனுபஸங்கமி.
உபஸங்கமித்வா அசேலங் பாதி²கபுத்தங் ஏதத³வோச – ‘அபி⁴க்கமாவுஸோ பாதி²கபுத்த,
அபி⁴க்கந்தா அபி⁴ஞ்ஞாதா அபி⁴ஞ்ஞாதா லிச்ச²வீ, அபி⁴க்கந்தா அபி⁴ஞ்ஞாதா
அபி⁴ஞ்ஞாதா ச ப்³ராஹ்மணமஹாஸாலா க³ஹபதினேசயிகா நானாதித்தி²யா ஸமணப்³ராஹ்மணா.
ஸமணோபி கோ³தமோ ஆயஸ்மதோ ஆராமே தி³வாவிஹாரங் நிஸின்னோ. பா⁴ஸிதா
கோ² பன தே ஏஸா, ஆவுஸோ பாதி²கபுத்த, வேஸாலியங் பரிஸதி வாசா – ஸமணோபி கோ³தமோ
ஞாணவாதோ³; அஹம்பி ஞாணவாதோ³. ஞாணவாதோ³ கோ² பன ஞாணவாதே³ன அரஹதி
உத்தரிமனுஸ்ஸத⁴ம்மா இத்³தி⁴பாடிஹாரியங் த³ஸ்ஸேதுங்…பே॰… தத்³தி³கு³ணங்
தத்³தி³கு³ணாஹங் கரிஸ்ஸாமீதி. அபி⁴க்கமஸ்ஸேவ கோ², ஆவுஸோ பாதி²கபுத்த,
உபட்³ட⁴பத²ங். ஸப்³ப³பட²மங்யேவ ஆக³ந்த்வா ஸமணோ கோ³தமோ ஆயஸ்மதோ ஆராமே
தி³வாவிஹாரங் நிஸின்னோ’தி.

‘‘ஏவங் வுத்தே, ப⁴க்³க³வ, அசேலோ பாதி²கபுத்தோ ‘ஆயாமி ஆவுஸோ, ஆயாமி ஆவுஸோ’தி வத்வா தத்தே²வ ஸங்ஸப்பதி [ஸங்ஸப்³ப³தி (க॰)],
ந ஸக்கோதி ஆஸனாபி வுட்டா²துங். அத² கோ² ஸோ, ப⁴க்³க³வ, புரிஸோ அசேலங்
பாதி²கபுத்தங் ஏதத³வோச – ‘கிங் ஸு நாம தே, ஆவுஸோ பாதி²கபுத்த, பாவளா ஸு நாம
தே பீட²கஸ்மிங் அல்லீனா, பீட²கங் ஸு நாம தே பாவளாஸு அல்லீனங்? ஆயாமி
ஆவுஸோ, ஆயாமி ஆவுஸோதி வத்வா தத்தே²வ ஸங்ஸப்பஸி, ந ஸக்கோஸி ஆஸனாபி
வுட்டா²து’ந்தி. ஏவம்பி கோ², ப⁴க்³க³வ, வுச்சமானோ அசேலோ பாதி²கபுத்தோ
‘ஆயாமி ஆவுஸோ, ஆயாமி ஆவுஸோ’தி வத்வா தத்தே²வ ஸங்ஸப்பதி , ந ஸக்கோதி ஆஸனாபி வுட்டா²துங்.

23.
‘‘யதா³ கோ² ஸோ, ப⁴க்³க³வ, புரிஸோ அஞ்ஞாஸி – ‘பராபூ⁴தரூபோ அயங் அசேலோ
பாதி²கபுத்தோ. ஆயாமி ஆவுஸோ, ஆயாமி ஆவுஸோதி வத்வா தத்தே²வ ஸங்ஸப்பதி, ந
ஸக்கோதி ஆஸனாபி வுட்டா²து’ந்தி. அத² தங் பரிஸங் ஆக³ந்த்வா ஏவமாரோசேஸி –
‘பராபூ⁴தரூபோ, போ⁴ [பராபூ⁴தரூபோ போ⁴ அயங் (ஸ்யா॰ க॰), பராபூ⁴தரூபோ (ஸீ॰ பீ॰)],
அசேலோ பாதி²கபுத்தோ. ஆயாமி ஆவுஸோ, ஆயாமி ஆவுஸோதி வத்வா தத்தே²வ ஸங்ஸப்பதி,
ந ஸக்கோதி ஆஸனாபி வுட்டா²து’ந்தி. ஏவங் வுத்தே, அஹங், ப⁴க்³க³வ, தங்
பரிஸங் ஏதத³வோசங் – ‘அப⁴ப்³போ³ கோ², ஆவுஸோ, அசேலோ பாதி²கபுத்தோ தங் வாசங்
அப்பஹாய தங் சித்தங் அப்பஹாய தங் தி³ட்டி²ங் அப்படினிஸ்ஸஜ்ஜித்வா
மம ஸம்முகீ²பா⁴வங் ஆக³ந்துங். ஸசேபிஸ்ஸ ஏவமஸ்ஸ – ‘அஹங் தங் வாசங் அப்பஹாய
தங் சித்தங் அப்பஹாய தங் தி³ட்டி²ங் அப்படினிஸ்ஸஜ்ஜித்வா ஸமணஸ்ஸ கோ³தமஸ்ஸ
ஸம்முகீ²பா⁴வங் க³ச்செ²ய்ய’ந்தி, முத்³தா⁴பி தஸ்ஸ விபதெய்யாதி.

பட²மபா⁴ணவாரோ நிட்டி²தோ.

24. ‘‘அத²
கோ², ப⁴க்³க³வ, அஞ்ஞதரோ லிச்ச²விமஹாமத்தோ உட்டா²யாஸனா தங் பரிஸங் ஏதத³வோச –
‘தேன ஹி, போ⁴, முஹுத்தங் தாவ ஆக³மேத², யாவாஹங் க³ச்சா²மி [பச்சாக³ச்சா²மி (?)]. அப்பேவ நாம அஹம்பி ஸக்குணெய்யங் அசேலங் பாதி²கபுத்தங் இமங் பரிஸங் ஆனேது’ந்தி.

‘‘அத² கோ² ஸோ, ப⁴க்³க³வ, லிச்ச²விமஹாமத்தோ யேன
திந்து³ககா²ணுபரிப்³பா³ஜகாராமோ, யேன அசேலோ பாதி²கபுத்தோ தேனுபஸங்கமி.
உபஸங்கமித்வா அசேலங் பாதி²கபுத்தங் ஏதத³வோச – ‘அபி⁴க்கமாவுஸோ பாதி²கபுத்த,
அபி⁴க்கந்தங் தே ஸெய்யோ, அபி⁴க்கந்தா அபி⁴ஞ்ஞாதா அபி⁴ஞ்ஞாதா
லிச்ச²வீ, அபி⁴க்கந்தா அபி⁴ஞ்ஞாதா அபி⁴ஞ்ஞாதா ச ப்³ராஹ்மணமஹாஸாலா
க³ஹபதினேசயிகா நானாதித்தி²யா ஸமணப்³ராஹ்மணா. ஸமணோபி கோ³தமோ ஆயஸ்மதோ ஆராமே
தி³வாவிஹாரங் நிஸின்னோ. பா⁴ஸிதா கோ² பன தே ஏஸா, ஆவுஸோ பாதி²கபுத்த,
வேஸாலியங் பரிஸதி வாசா – ஸமணோபி கோ³தமோ ஞாணவாதோ³…பே॰… தத்³தி³கு³ணங்
தத்³தி³கு³ணாஹங் கரிஸ்ஸாமீதி. அபி⁴க்கமஸ்ஸேவ கோ², ஆவுஸோ பாதி²கபுத்த,
உபட்³ட⁴பத²ங். ஸப்³ப³பட²மங்யேவ ஆக³ந்த்வா ஸமணோ கோ³தமோ ஆயஸ்மதோ ஆராமே
தி³வாவிஹாரங் நிஸின்னோ. பா⁴ஸிதா கோ² பனேஸா, ஆவுஸோ பாதி²கபுத்த, ஸமணேன
கோ³தமேன பரிஸதி வாசா – அப⁴ப்³போ³ கோ² அசேலோ பாதி²கபுத்தோ தங் வாசங் அப்பஹாய
தங் சித்தங் அப்பஹாய தங் தி³ட்டி²ங் அப்படினிஸ்ஸஜ்ஜித்வா மம
ஸம்முகீ²பா⁴வங் ஆக³ந்துங். ஸசேபிஸ்ஸ ஏவமஸ்ஸ – அஹங் தங் வாசங் அப்பஹாய தங்
சித்தங் அப்பஹாய தங் தி³ட்டி²ங் அப்படினிஸ்ஸஜ்ஜித்வா ஸமணஸ்ஸ கோ³தமஸ்ஸ
ஸம்முகீ²பா⁴வங் க³ச்செ²ய்யந்தி, முத்³தா⁴பி தஸ்ஸ விபதெய்யாதி.
அபி⁴க்கமாவுஸோ பாதி²கபுத்த, அபி⁴க்கமனேனேவ தே ஜயங் கரிஸ்ஸாம, ஸமணஸ்ஸ
கோ³தமஸ்ஸ பராஜய’ந்தி.

‘‘ஏவங் வுத்தே, ப⁴க்³க³வ, அசேலோ பாதி²கபுத்தோ ‘ஆயாமி ஆவுஸோ, ஆயாமி ஆவுஸோ’தி வத்வா தத்தே²வ ஸங்ஸப்பதி, ந ஸக்கோதி
ஆஸனாபி வுட்டா²துங். அத² கோ² ஸோ, ப⁴க்³க³வ, லிச்ச²விமஹாமத்தோ அசேலங்
பாதி²கபுத்தங் ஏதத³வோச – ‘கிங் ஸு நாம தே, ஆவுஸோ பாதி²கபுத்த, பாவளா ஸு நாம
தே பீட²கஸ்மிங் அல்லீனா, பீட²கங் ஸு நாம தே பாவளாஸு அல்லீனங் ? ஆயாமி ஆவுஸோ, ஆயாமி ஆவுஸோதி வத்வா தத்தே²வ ஸங்ஸப்பஸி, ந ஸக்கோஸி ஆஸனாபி வுட்டா²து’ந்தி .
ஏவம்பி கோ², ப⁴க்³க³வ, வுச்சமானோ அசேலோ பாதி²கபுத்தோ ‘ஆயாமி ஆவுஸோ, ஆயாமி
ஆவுஸோ’தி வத்வா தத்தே²வ ஸங்ஸப்பதி, ந ஸக்கோதி ஆஸனாபி வுட்டா²துங்.

25. ‘‘யதா³ கோ² ஸோ, ப⁴க்³க³வ, லிச்ச²விமஹாமத்தோ அஞ்ஞாஸி – ‘பராபூ⁴தரூபோ அயங் அசேலோ பாதி²கபுத்தோ ஆயாமி ஆவுஸோ, ஆயாமி ஆவுஸோதி வத்வா தத்தே²வ ஸங்ஸப்பதி, ந ஸக்கோதி ஆஸனாபி வுட்டா²து’ந்தி. அத² தங் பரிஸங் ஆக³ந்த்வா ஏவமாரோசேஸி – ‘பராபூ⁴தரூபோ, போ⁴ [பராபூ⁴தரூபோ (ஸீ॰ பீ॰), பராபூ⁴தரூபோ அயங் (ஸ்யா॰)],
அசேலோ பாதி²கபுத்தோ ஆயாமி ஆவுஸோ, ஆயாமி ஆவுஸோதி வத்வா தத்தே²வ ஸங்ஸப்பதி, ந
ஸக்கோதி ஆஸனாபி வுட்டா²து’ந்தி. ஏவங் வுத்தே, அஹங், ப⁴க்³க³வ, தங் பரிஸங்
ஏதத³வோசங் – ‘அப⁴ப்³போ³ கோ², ஆவுஸோ, அசேலோ பாதி²கபுத்தோ தங் வாசங் அப்பஹாய
தங் சித்தங் அப்பஹாய தங் தி³ட்டி²ங் அப்படினிஸ்ஸஜ்ஜித்வா மம ஸம்முகீ²பா⁴வங்
ஆக³ந்துங். ஸசேபிஸ்ஸ ஏவமஸ்ஸ – அஹங் தங் வாசங் அப்பஹாய தங் சித்தங் அப்பஹாய
தங் தி³ட்டி²ங் அப்படினிஸ்ஸஜ்ஜித்வா ஸமணஸ்ஸ கோ³தமஸ்ஸ ஸம்முகீ²பா⁴வங்
க³ச்செ²ய்யந்தி, முத்³தா⁴பி தஸ்ஸ விபதெய்ய. ஸசே பாயஸ்மந்தானங் லிச்ச²வீனங்
ஏவமஸ்ஸ – மயங் அசேலங் பாதி²கபுத்தங் வரத்தாஹி [யாஹி வரத்தாஹி (ஸ்யா॰ க॰)] ப³ந்தி⁴த்வா கோ³யுகே³ஹி ஆவிஞ்செ²ய்யாமாதி [ஆவிஞ்ஜெய்யாமாதி (ஸ்யா॰), ஆவிஜ்ஜெ²ய்யாமாதி (ஸீ॰ பீ॰)],
தா வரத்தா சி²ஜ்ஜெய்யுங் பாதி²கபுத்தோ வா. அப⁴ப்³போ³ பன அசேலோ
பாதி²கபுத்தோ தங் வாசங் அப்பஹாய தங் சித்தங் அப்பஹாய தங் தி³ட்டி²ங்
அப்படினிஸ்ஸஜ்ஜித்வா மம ஸம்முகீ²பா⁴வங் ஆக³ந்துங். ஸசேபிஸ்ஸ
ஏவமஸ்ஸ – அஹங் தங் வாசங் அப்பஹாய தங் சித்தங் அப்பஹாய தங் தி³ட்டி²ங்
அப்படினிஸ்ஸஜ்ஜித்வா ஸமணஸ்ஸ கோ³தமஸ்ஸ ஸம்முகீ²பா⁴வங் க³ச்செ²ய்யந்தி,
முத்³தா⁴பி தஸ்ஸ விபதெய்யா’தி.

26.
‘‘அத² கோ², ப⁴க்³க³வ, ஜாலியோ தா³ருபத்திகந்தேவாஸீ உட்டா²யாஸனா தங் பரிஸங்
ஏதத³வோச – ‘தேன ஹி, போ⁴, முஹுத்தங் தாவ ஆக³மேத², யாவாஹங் க³ச்சா²மி; அப்பேவ
நாம அஹம்பி ஸக்குணெய்யங் அசேலங் பாதி²கபுத்தங் இமங் பரிஸங் ஆனேது’’ந்தி.

‘‘அத² கோ², ப⁴க்³க³வ, ஜாலியோ
தா³ருபத்திகந்தேவாஸீ யேன திந்து³ககா²ணுபரிப்³பா³ஜகாராமோ, யேன அசேலோ
பாதி²கபுத்தோ தேனுபஸங்கமி. உபஸங்கமித்வா அசேலங் பாதி²கபுத்தங்
ஏதத³வோச – ‘அபி⁴க்கமாவுஸோ பாதி²கபுத்த, அபி⁴க்கந்தங் தே ஸெய்யோ.
அபி⁴க்கந்தா அபி⁴ஞ்ஞாதா அபி⁴ஞ்ஞாதா லிச்ச²வீ, அபி⁴க்கந்தா அபி⁴ஞ்ஞாதா
அபி⁴ஞ்ஞாதா ச ப்³ராஹ்மணமஹாஸாலா க³ஹபதினேசயிகா நானாதித்தி²யா ஸமணப்³ராஹ்மணா.
ஸமணோபி கோ³தமோ ஆயஸ்மதோ ஆராமே தி³வாவிஹாரங் நிஸின்னோ. பா⁴ஸிதா கோ² பன தே
ஏஸா, ஆவுஸோ பாதி²கபுத்த, வேஸாலியங் பரிஸதி வாசா – ஸமணோபி கோ³தமோ
ஞாணவாதோ³…பே॰… தத்³தி³கு³ணங் தத்³தி³கு³ணாஹங் கரிஸ்ஸாமீதி. அபி⁴க்கமஸ்ஸேவ,
கோ² ஆவுஸோ பாதி²கபுத்த, உபட்³ட⁴பத²ங். ஸப்³ப³பட²மங்யேவ ஆக³ந்த்வா ஸமணோ
கோ³தமோ ஆயஸ்மதோ ஆராமே தி³வாவிஹாரங் நிஸின்னோ.
பா⁴ஸிதா கோ² பனேஸா, ஆவுஸோ பாதி²கபுத்த, ஸமணேன கோ³தமேன பரிஸதி வாசா –
அப⁴ப்³போ³ அசேலோ பாதி²கபுத்தோ தங் வாசங் அப்பஹாய தங் சித்தங் அப்பஹாய தங்
தி³ட்டி²ங் அப்படினிஸ்ஸஜ்ஜித்வா மம ஸம்முகீ²பா⁴வங் ஆக³ந்துங். ஸசேபிஸ்ஸ
ஏவமஸ்ஸ – அஹங் தங் வாசங் அப்பஹாய தங் சித்தங் அப்பஹாய தங் தி³ட்டி²ங்
அப்படினிஸ்ஸஜ்ஜித்வா ஸமணஸ்ஸ கோ³தமஸ்ஸ ஸம்முகீ²பா⁴வங் க³ச்செ²ய்யந்தி,
முத்³தா⁴பி தஸ்ஸ விபதெய்ய. ஸசே பாயஸ்மந்தானங் லிச்ச²வீனங் ஏவமஸ்ஸ – மயங்
அசேலங் பாதி²கபுத்தங் வரத்தாஹி ப³ந்தி⁴த்வா கோ³யுகே³ஹி ஆவிஞ்செ²ய்யாமாதி.
தா வரத்தா சி²ஜ்ஜெய்யுங் பாதி²கபுத்தோ வா. அப⁴ப்³போ³ பன அசேலோ பாதி²கபுத்தோ
தங் வாசங் அப்பஹாய தங் சித்தங் அப்பஹாய தங் தி³ட்டி²ங்
அப்படினிஸ்ஸஜ்ஜித்வா மம ஸம்முகீ²பா⁴வங் ஆக³ந்துங். ஸசேபிஸ்ஸ ஏவமஸ்ஸ – அஹங்
தங் வாசங் அப்பஹாய தங் சித்தங் அப்பஹாய தங் தி³ட்டி²ங் அப்படினிஸ்ஸஜ்ஜித்வா
ஸமணஸ்ஸ கோ³தமஸ்ஸ ஸம்முகீ²பா⁴வங் ஆக³ச்செ²ய்யந்தி, முத்³தா⁴பி தஸ்ஸ
விபதெய்யாதி. அபி⁴க்கமாவுஸோ பாதி²கபுத்த, அபி⁴க்கமனேனேவ தே ஜயங் கரிஸ்ஸாம,
ஸமணஸ்ஸ கோ³தமஸ்ஸ பராஜய’ந்தி.

‘‘ஏவங் வுத்தே, ப⁴க்³க³வ, அசேலோ பாதி²கபுத்தோ
‘ஆயாமி ஆவுஸோ, ஆயாமி ஆவுஸோ’தி வத்வா தத்தே²வ ஸங்ஸப்பதி, ந ஸக்கோதி ஆஸனாபி
வுட்டா²துங். அத² கோ², ப⁴க்³க³வ, ஜாலியோ தா³ருபத்திகந்தேவாஸீ அசேலங்
பாதி²கபுத்தங் ஏதத³வோச – ‘கிங் ஸு நாம தே, ஆவுஸோ பாதி²கபுத்த, பாவளா ஸு நாம
தே பீட²கஸ்மிங் அல்லீனா, பீட²கங் ஸு நாம தே பாவளாஸு அல்லீனங்? ஆயாமி
ஆவுஸோ, ஆயாமி ஆவுஸோதி வத்வா தத்தே²வ ஸங்ஸப்பஸி, ந
ஸக்கோஸி ஆஸனாபி வுட்டா²து’ந்தி. ஏவம்பி கோ², ப⁴க்³க³வ, வுச்சமானோ அசேலோ
பாதி²கபுத்தோ ‘‘ஆயாமி ஆவுஸோ, ஆயாமி ஆவுஸோ’’தி வத்வா தத்தே²வ ஸங்ஸப்பதி, ந
ஸக்கோதி ஆஸனாபி வுட்டா²துந்தி.

27.
‘‘யதா³ கோ², ப⁴க்³க³வ, ஜாலியோ தா³ருபத்திகந்தேவாஸீ அஞ்ஞாஸி – ‘பராபூ⁴தரூபோ
அயங் அசேலோ பாதி²கபுத்தோ ‘ஆயாமி ஆவுஸோ, ஆயாமி ஆவுஸோதி வத்வா தத்தே²வ
ஸங்ஸப்பதி, ந ஸக்கோதி ஆஸனாபி வுட்டா²து’ந்தி, அத² நங் ஏதத³வோச –

‘பூ⁴தபுப்³ப³ங், ஆவுஸோ பாதி²கபுத்த, ஸீஹஸ்ஸ மிக³ரஞ்ஞோ
ஏதத³ஹோஸி – யங்னூனாஹங் அஞ்ஞதரங் வனஸண்ட³ங் நிஸ்ஸாய ஆஸயங் கப்பெய்யங்.
தத்ராஸயங் கப்பெத்வா ஸாயன்ஹஸமயங் ஆஸயா நிக்க²மெய்யங், ஆஸயா நிக்க²மித்வா
விஜம்பெ⁴ய்யங், விஜம்பி⁴த்வா ஸமந்தா சதுத்³தி³ஸா அனுவிலோகெய்யங், ஸமந்தா
சதுத்³தி³ஸா அனுவிலோகெத்வா திக்க²த்துங் ஸீஹனாத³ங் நதெ³ய்யங், திக்க²த்துங்
ஸீஹனாத³ங் நதி³த்வா கோ³சராய பக்கமெய்யங். ஸோ வரங் வரங் மிக³ஸங்கே⁴ [மிக³ஸங்க⁴ங் (ஸ்யா॰ க॰)] வதி⁴த்வா முது³மங்ஸானி முது³மங்ஸானி ப⁴க்க²யித்வா தமேவ ஆஸயங் அஜ்ஜு²பெய்ய’ந்தி.

‘அத² கோ², ஆவுஸோ, ஸோ ஸீஹோ மிக³ராஜா அஞ்ஞதரங் வனஸண்ட³ங் நிஸ்ஸாய ஆஸயங் கப்பேஸி. தத்ராஸயங் கப்பெத்வா ஸாயன்ஹஸமயங்
ஆஸயா நிக்க²மி, ஆஸயா நிக்க²மித்வா விஜம்பி⁴, விஜம்பி⁴த்வா ஸமந்தா
சதுத்³தி³ஸா அனுவிலோகேஸி, ஸமந்தா சதுத்³தி³ஸா அனுவிலோகெத்வா திக்க²த்துங்
ஸீஹனாத³ங் நதி³, திக்க²த்துங் ஸீஹனாத³ங் நதி³த்வா கோ³சராய பக்காமி. ஸோ வரங்
வரங் மிக³ஸங்கே⁴ வதி⁴த்வா முது³மங்ஸானி முது³மங்ஸானி ப⁴க்க²யித்வா தமேவ
ஆஸயங் அஜ்ஜு²பேஸி.

28. ‘தஸ்ஸேவ கோ², ஆவுஸோ பாதி²கபுத்த, ஸீஹஸ்ஸ மிக³ரஞ்ஞோ விகா⁴ஸஸங்வட்³டோ⁴ ஜரஸிங்கா³லோ [ஜரஸிகா³லோ (ஸீ॰ ஸ்யா॰ பீ॰)]
தி³த்தோ சேவ ப³லவா ச. அத² கோ², ஆவுஸோ, தஸ்ஸ ஜரஸிங்கா³லஸ்ஸ ஏதத³ஹோஸி – கோ
சாஹங், கோ ஸீஹோ மிக³ராஜா. யங்னூனாஹம்பி அஞ்ஞதரங் வனஸண்ட³ங் நிஸ்ஸாய ஆஸயங்
கப்பெய்யங். தத்ராஸயங் கப்பெத்வா ஸாயன்ஹஸமயங் ஆஸயா நிக்க²மெய்யங், ஆஸயா
நிக்க²மித்வா விஜம்பெ⁴ய்யங், விஜம்பி⁴த்வா ஸமந்தா சதுத்³தி³ஸா
அனுவிலோகெய்யங், ஸமந்தா சதுத்³தி³ஸா அனுவிலோகெத்வா திக்க²த்துங் ஸீஹனாத³ங்
நதெ³ய்யங், திக்க²த்துங் ஸீஹனாத³ங் நதி³த்வா கோ³சராய பக்கமெய்யங். ஸோ வரங்
வரங் மிக³ஸங்கே⁴ வதி⁴த்வா முது³மங்ஸானி முது³மங்ஸானி ப⁴க்க²யித்வா தமேவ
ஆஸயங் அஜ்ஜு²பெய்ய’ந்தி.

‘அத² கோ² ஸோ, ஆவுஸோ, ஜரஸிங்கா³லோ அஞ்ஞதரங் வனஸண்ட³ங்
நிஸ்ஸாய ஆஸயங் கப்பேஸி. தத்ராஸயங் கப்பெத்வா ஸாயன்ஹஸமயங் ஆஸயா நிக்க²மி,
ஆஸயா நிக்க²மித்வா விஜம்பி⁴, விஜம்பி⁴த்வா ஸமந்தா சதுத்³தி³ஸா அனுவிலோகேஸி,
ஸமந்தா சதுத்³தி³ஸா அனுவிலோகெத்வா திக்க²த்துங் ஸீஹனாத³ங் நதி³ஸ்ஸாமீதி
ஸிங்கா³லகங்யேவ அனதி³ பே⁴ரண்ட³கங்யேவ [பே⁴த³ண்ட³கங்யேவ (க॰)] அனதி³, கே ச ச²வே ஸிங்கா³லே, கே பன ஸீஹனாதே³தி [ஸீஹனாதே³ (?)].

‘ஏவமேவ கோ² த்வங், ஆவுஸோ பாதி²கபுத்த, ஸுக³தாபதா³னேஸு ஜீவமானோ ஸுக³தாதிரித்தானி பு⁴ஞ்ஜமானோ ததா²க³தே
அரஹந்தே ஸம்மாஸம்பு³த்³தே⁴ ஆஸாதே³தப்³ப³ங் மஞ்ஞஸி. கே ச ச²வே
பாதி²கபுத்தே, கா ச ததா²க³தானங் அரஹந்தானங் ஸம்மாஸம்பு³த்³தா⁴னங்
ஆஸாத³னா’தி.

29.
‘‘யதோ கோ², ப⁴க்³க³வ, ஜாலியோ தா³ருபத்திகந்தேவாஸீ இமினா ஓபம்மேன நேவ
அஸக்கி² அசேலங் பாதி²கபுத்தங் தம்ஹா ஆஸனா சாவேதுங். அத² நங் ஏதத³வோச –

‘ஸீஹோதி அத்தானங் ஸமெக்கி²யான,

அமஞ்ஞி கொத்து² மிக³ராஜாஹமஸ்மி;

ததே²வ [தமேவ (ஸ்யா॰)] ஸோ ஸிங்கா³லகங் அனதி³,

கே ச ச²வே ஸிங்கா³லே கே பன ஸீஹனாதே³’தி.

‘ஏவமேவ கோ² த்வங், ஆவுஸோ
பாதி²கபுத்த, ஸுக³தாபதா³னேஸு ஜீவமானோ ஸுக³தாதிரித்தானி பு⁴ஞ்ஜமானோ ததா²க³தே
அரஹந்தே ஸம்மாஸம்பு³த்³தே⁴ ஆஸாதே³தப்³ப³ங் மஞ்ஞஸி. கே ச ச²வே
பாதி²கபுத்தே, கா ச ததா²க³தானங் அரஹந்தானங் ஸம்மாஸம்பு³த்³தா⁴னங்
ஆஸாத³னா’தி.

30.
‘‘யதோ கோ², ப⁴க்³க³வ, ஜாலியோ தா³ருபத்திகந்தேவாஸீ இமினாபி ஓபம்மேன நேவ
அஸக்கி² அசேலங் பாதி²கபுத்தங் தம்ஹா ஆஸனா சாவேதுங். அத² நங் ஏதத³வோச –

‘அஞ்ஞங் அனுசங்கமனங், அத்தானங் விகா⁴ஸே ஸமெக்கி²ய;

யாவ அத்தானங் ந பஸ்ஸதி, கொத்து² தாவ ப்³யக்³கோ⁴தி மஞ்ஞதி.

ததே²வ ஸோ ஸிங்கா³லகங் அனதி³;

கே ச ச²வே ஸிங்கா³லே கே பன ஸீஹனாதே³’தி.

‘ஏவமேவ கோ² த்வங், ஆவுஸோ பாதி²கபுத்த, ஸுக³தாபதா³னேஸு
ஜீவமானோ ஸுக³தாதிரித்தானி பு⁴ஞ்ஜமானோ ததா²க³தே அரஹந்தே ஸம்மாஸம்பு³த்³தே⁴
ஆஸாதே³தப்³ப³ங் மஞ்ஞஸி. கே ச ச²வே பாதி²கபுத்தே, கா ச ததா²க³தானங்
அரஹந்தானங் ஸம்மாஸம்பு³த்³தா⁴னங் ஆஸாத³னா’தி.

31. ‘‘யதோ கோ², ப⁴க்³க³வ, ஜாலியோ தா³ருபத்திகந்தேவாஸீ இமினாபி ஓபம்மேன நேவ அஸக்கி² அசேலங் பாதி²கபுத்தங் தம்ஹா ஆஸனா சாவேதுங். அத² நங் ஏதத³வோச –

‘பு⁴த்வான பே⁴கே [பி⁴ங்கே³ (க॰)] க²லமூஸிகாயோ,

கடஸீஸு கி²த்தானி ச கோணபானி [கூணபானி (ஸ்யா॰)];

மஹாவனே ஸுஞ்ஞவனே விவட்³டோ⁴,

அமஞ்ஞி கொத்து² மிக³ராஜாஹமஸ்மி.

ததே²வ ஸோ ஸிங்கா³லகங் அனதி³;

கே ச ச²வே ஸிங்கா³லே கே பன ஸீஹனாதே³’தி.

‘ஏவமேவ கோ² த்வங், ஆவுஸோ பாதி²கபுத்த, ஸுக³தாபதா³னேஸு ஜீவமானோ ஸுக³தாதிரித்தானி பு⁴ஞ்ஜமானோ
ததா²க³தே அரஹந்தே ஸம்மாஸம்பு³த்³தே⁴ ஆஸாதே³தப்³ப³ங் மஞ்ஞஸி. கே ச ச²வே
பாதி²கபுத்தே, கா ச ததா²க³தானங் அரஹந்தானங் ஸம்மாஸம்பு³த்³தா⁴னங்
ஆஸாத³னா’தி.

32. ‘‘யதோ கோ², ப⁴க்³க³வ, ஜாலியோ தா³ருபத்திகந்தேவாஸீ இமினாபி ஓபம்மேன நேவ அஸக்கி²
அசேலங் பாதி²கபுத்தங் தம்ஹா ஆஸனா சாவேதுங். அத² தங் பரிஸங் ஆக³ந்த்வா
ஏவமாரோசேஸி – ‘பராபூ⁴தரூபோ, போ⁴, அசேலோ பாதி²கபுத்தோ ஆயாமி ஆவுஸோ, ஆயாமி
ஆவுஸோதி வத்வா தத்தே²வ ஸங்ஸப்பதி, ந ஸக்கோதி ஆஸனாபி வுட்டா²து’ந்தி.

33. ‘‘ஏவங்
வுத்தே, அஹங், ப⁴க்³க³வ, தங் பரிஸங் ஏதத³வோசங் – ‘அப⁴ப்³போ³ கோ², ஆவுஸோ,
அசேலோ பாதி²கபுத்தோ தங் வாசங் அப்பஹாய தங் சித்தங் அப்பஹாய தங் தி³ட்டி²ங்
அப்படினிஸ்ஸஜ்ஜித்வா மம ஸம்முகீ²பா⁴வங் ஆக³ந்துங். ஸசேபிஸ்ஸ ஏவமஸ்ஸ – அஹங்
தங் வாசங் அப்பஹாய தங் சித்தங் அப்பஹாய தங் தி³ட்டி²ங் அப்படினிஸ்ஸஜ்ஜித்வா
ஸமணஸ்ஸ கோ³தமஸ்ஸ ஸம்முகீ²பா⁴வங் க³ச்செ²ய்யந்தி, முத்³தா⁴பி தஸ்ஸ
விபதெய்ய. ஸசேபாயஸ்மந்தானங் லிச்ச²வீனங் ஏவமஸ்ஸ – மயங் அசேலங்
பாதி²கபுத்தங் வரத்தாஹி ப³ந்தி⁴த்வா நாகே³ஹி [கோ³யுகே³ஹி (ஸப்³ப³த்த²) அட்ட²கதா² பஸ்ஸிதப்³பா³] ஆவிஞ்செ²ய்யாமாதி .
தா வரத்தா சி²ஜ்ஜெய்யுங் பாதி²கபுத்தோ வா. அப⁴ப்³போ³ பன அசேலோ
பாதி²கபுத்தோ தங் வாசங் அப்பஹாய தங் சித்தங் அப்பஹாய தங் தி³ட்டி²ங்
அப்படினிஸ்ஸஜ்ஜித்வா மம ஸம்முகீ²பா⁴வங் ஆக³ந்துங். ஸசேபிஸ்ஸ ஏவமஸ்ஸ – அஹங்
தங் வாசங் அப்பஹாய தங் சித்தங் அப்பஹாய தங் தி³ட்டி²ங் அப்படினிஸ்ஸஜ்ஜித்வா
ஸமணஸ்ஸ கோ³தமஸ்ஸ ஸம்முகீ²பா⁴வங் க³ச்செ²ய்யந்தி, முத்³தா⁴பி தஸ்ஸ
விபதெய்யா’தி.

34.
‘‘அத² க்²வாஹங், ப⁴க்³க³வ, தங் பரிஸங் த⁴ம்மியா கதா²ய ஸந்த³ஸ்ஸேஸிங்
ஸமாத³பேஸிங் ஸமுத்தேஜேஸிங் ஸம்பஹங்ஸேஸிங், தங் பரிஸங் த⁴ம்மியா கதா²ய
ஸந்த³ஸ்ஸெத்வா ஸமாத³பெத்வா ஸமுத்தேஜெத்வா ஸம்பஹங்ஸெத்வா மஹாப³ந்த⁴னா
மொக்க²ங் கரித்வா சதுராஸீதிபாணஸஹஸ்ஸானி மஹாவிது³க்³கா³ உத்³த⁴ரித்வா
தேஜோதா⁴துங் ஸமாபஜ்ஜித்வா ஸத்ததாலங் வேஹாஸங் அப்³பு⁴க்³க³ந்த்வா அஞ்ஞங்
ஸத்ததாலம்பி அச்சிங் [அக்³கி³ங் (ஸ்யா॰)] அபி⁴னிம்மினித்வா பஜ்ஜலித்வா தூ⁴மாயித்வா [தூ⁴பாயித்வா (ஸீ॰ பீ॰)] மஹாவனே கூடாகா³ரஸாலாயங் பச்சுட்டா²ஸிங்.

35.
‘‘அத² கோ², ப⁴க்³க³வ, ஸுனக்க²த்தோ லிச்ச²விபுத்தோ யேனாஹங் தேனுபஸங்கமி;
உபஸங்கமித்வா மங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னங் கோ²
அஹங், ப⁴க்³க³வ, ஸுனக்க²த்தங் லிச்ச²விபுத்தங் ஏதத³வோசங் – ‘தங் கிங்
மஞ்ஞஸி, ஸுனக்க²த்த, யதே²வ தே அஹங் அசேலங் பாதி²கபுத்தங் ஆரப்³ப⁴
ப்³யாகாஸிங், ததே²வ தங் விபாகங் அஞ்ஞதா² வா’தி? ‘யதே²வ மே, ப⁴ந்தே, ப⁴க³வா
அசேலங் பாதி²கபுத்தங் ஆரப்³ப⁴ ப்³யாகாஸி, ததே²வ தங் விபாகங், நோ
அஞ்ஞதா²’தி.

‘தங் கிங் மஞ்ஞஸி, ஸுனக்க²த்த,
யதி³ ஏவங் ஸந்தே கதங் வா ஹோதி உத்தரிமனுஸ்ஸத⁴ம்மா இத்³தி⁴பாடிஹாரியங்,
அகதங் வா’தி? ‘அத்³தா⁴ கோ², ப⁴ந்தே, ஏவங் ஸந்தே கதங் ஹோதி
உத்தரிமனுஸ்ஸத⁴ம்மா இத்³தி⁴பாடிஹாரியங், நோ அகத’ந்தி. ‘ஏவம்பி கோ² மங் த்வங், மோக⁴புரிஸ, உத்தரிமனுஸ்ஸத⁴ம்மா
இத்³தி⁴பாடிஹாரியங் கரொந்தங் ஏவங் வதே³ஸி – ந ஹி பன மே, ப⁴ந்தே, ப⁴க³வா
உத்தரிமனுஸ்ஸத⁴ம்மா இத்³தி⁴பாடிஹாரியங் கரோதீதி. பஸ்ஸ, மோக⁴புரிஸ, யாவஞ்ச
தே இத³ங் அபரத்³த⁴ங்’தி.

‘‘ஏவம்பி கோ², ப⁴க்³க³வ, ஸுனக்க²த்தோ லிச்ச²விபுத்தோ மயா வுச்சமானோ அபக்கமேவ இமஸ்மா த⁴ம்மவினயா, யதா² தங் ஆபாயிகோ நேரயிகோ.

அக்³க³ஞ்ஞபஞ்ஞத்திகதா²

36. ‘‘அக்³க³ஞ்ஞஞ்சாஹங், ப⁴க்³க³வ, பஜானாமி. தஞ்ச பஜானாமி [‘‘தஞ்சபஜானாமீ’’தி இத³ங் ஸ்யாபொத்த²கேனத்தி²], ததோ ச உத்தரிதரங் பஜானாமி, தஞ்ச பஜானங் [பஜானநங் (ஸ்யா॰ க॰) அட்ட²கதா²ஸங்வண்ணனா பஸ்ஸிதப்³பா³] ந பராமஸாமி, அபராமஸதோ ச மே பச்சத்தஞ்ஞேவ நிப்³பு³தி விதி³தா, யத³பி⁴ஜானங் ததா²க³தோ நோ அனயங் ஆபஜ்ஜதி .

37.
‘‘ஸந்தி, ப⁴க்³க³வ, ஏகே ஸமணப்³ராஹ்மணா இஸ்ஸரகுத்தங் ப்³ரஹ்மகுத்தங்
ஆசரியகங் அக்³க³ஞ்ஞங் பஞ்ஞபெந்தி. த்யாஹங் உபஸங்கமித்வா ஏவங் வதா³மி –
‘ஸச்சங் கிர தும்ஹே ஆயஸ்மந்தோ இஸ்ஸரகுத்தங் ப்³ரஹ்மகுத்தங் ஆசரியகங்
அக்³க³ஞ்ஞங் பஞ்ஞபேதா²’தி? தே ச மே ஏவங் புட்டா², ‘ஆமோ’தி [ஆமாதி (ஸ்யா॰)] படிஜானந்தி. த்யாஹங் ஏவங் வதா³மி – ‘கத²ங்விஹிதகங் பன [கத²ங் விஹிதகங்னோ பன (க॰)]
தும்ஹே ஆயஸ்மந்தோ இஸ்ஸரகுத்தங் ப்³ரஹ்மகுத்தங் ஆசரியகங் அக்³க³ஞ்ஞங்
பஞ்ஞபேதா²’தி? தே மயா புட்டா² ந ஸம்பாயந்தி, அஸம்பாயந்தா மமஞ்ஞேவ
படிபுச்ச²ந்தி. தேஸாஹங் புட்டோ² ப்³யாகரோமி –

38.
‘ஹோதி கோ² ஸோ, ஆவுஸோ, ஸமயோ யங் கதா³சி கரஹசி தீ³க⁴ஸ்ஸ அத்³து⁴னோ அச்சயேன
அயங் லோகோ ஸங்வட்டதி. ஸங்வட்டமானே லோகே யேபு⁴ய்யேன ஸத்தா
ஆப⁴ஸ்ஸரஸங்வத்தனிகா ஹொந்தி. தே தத்த² ஹொந்தி மனோமயா பீதிப⁴க்கா² ஸயங்பபா⁴
அந்தலிக்க²சரா ஸுப⁴ட்டா²யினோ சிரங் தீ³க⁴மத்³தா⁴னங் திட்ட²ந்தி.

‘ஹோதி கோ² ஸோ, ஆவுஸோ, ஸமயோ யங் கதா³சி கரஹசி தீ³க⁴ஸ்ஸ
அத்³து⁴னோ அச்சயேன அயங் லோகோ விவட்டதி. விவட்டமானே லோகே ஸுஞ்ஞங்
ப்³ரஹ்மவிமானங் பாதுப⁴வதி. அத² கோ² [அத² (ஸீ॰ ஸ்யா॰ பீ॰)] அஞ்ஞதரோ ஸத்தோ ஆயுக்க²யா வா புஞ்ஞக்க²யா வா ஆப⁴ஸ்ஸரகாயா சவித்வா ஸுஞ்ஞங் ப்³ரஹ்மவிமானங் உபபஜ்ஜதி . ஸோ தத்த² ஹோதி மனோமயோ பீதிப⁴க்கோ² ஸயங்பபோ⁴ அந்தலிக்க²சரோ ஸுப⁴ட்டா²யீ, சிரங் தீ³க⁴மத்³தா⁴னங் திட்ட²தி.

‘தஸ்ஸ தத்த² ஏககஸ்ஸ தீ³க⁴ரத்தங் நிவுஸிதத்தா அனபி⁴ரதி
பரிதஸ்ஸனா உப்பஜ்ஜதி – அஹோ வத அஞ்ஞேபி ஸத்தா இத்த²த்தங் ஆக³ச்செ²ய்யுந்தி.
அத² அஞ்ஞேபி ஸத்தா ஆயுக்க²யா வா புஞ்ஞக்க²யா வா
ஆப⁴ஸ்ஸரகாயா சவித்வா ப்³ரஹ்மவிமானங் உபபஜ்ஜந்தி தஸ்ஸ ஸத்தஸ்ஸ ஸஹப்³யதங்.
தேபி தத்த² ஹொந்தி மனோமயா பீதிப⁴க்கா² ஸயங்பபா⁴ அந்தலிக்க²சரா
ஸுப⁴ட்டா²யினோ, சிரங் தீ³க⁴மத்³தா⁴னங் திட்ட²ந்தி.

39.
‘தத்ராவுஸோ, யோ ஸோ ஸத்தோ பட²மங் உபபன்னோ, தஸ்ஸ ஏவங் ஹோதி – அஹமஸ்மி
ப்³ரஹ்மா மஹாப்³ரஹ்மா அபி⁴பூ⁴ அனபி⁴பூ⁴தோ அஞ்ஞத³த்து²த³ஸோ வஸவத்தீ இஸ்ஸரோ
கத்தா நிம்மாதா ஸெட்டோ² ஸஜிதா [ஸஞ்ஜிதா (ஸீ॰ பீ॰), ஸஜ்ஜிதா (ஸ்யா॰ கங்॰)]
வஸீ பிதா பூ⁴தப⁴ப்³யானங், மயா இமே ஸத்தா நிம்மிதா. தங் கிஸ்ஸ ஹேது? மமஞ்ஹி
புப்³பே³ ஏதத³ஹோஸி – அஹோ வத அஞ்ஞேபி ஸத்தா இத்த²த்தங் ஆக³ச்செ²ய்யுந்தி;
இதி மம ச மனோபணிதி⁴. இமே ச ஸத்தா இத்த²த்தங் ஆக³தாதி.

‘யேபி தே ஸத்தா பச்சா² உபபன்னா, தேஸம்பி ஏவங் ஹோதி –
அயங் கோ² ப⁴வங் ப்³ரஹ்மா மஹாப்³ரஹ்மா அபி⁴பூ⁴ அனபி⁴பூ⁴தோ அஞ்ஞத³த்து²த³ஸோ
வஸவத்தீ இஸ்ஸரோ கத்தா நிம்மாதா ஸெட்டோ² ஸஜிதா வஸீ பிதா பூ⁴தப⁴ப்³யானங்;
இமினா மயங் போ⁴தா ப்³ரஹ்முனா நிம்மிதா. தங் கிஸ்ஸ ஹேது? இமஞ்ஹி மயங்
அத்³த³ஸாம இத⁴ பட²மங் உபபன்னங்; மயங் பனாம்ஹ பச்சா² உபபன்னாதி.

40. ‘தத்ராவுஸோ ,
யோ ஸோ ஸத்தோ பட²மங் உபபன்னோ, ஸோ தீ³கா⁴யுகதரோ ச ஹோதி வண்ணவந்ததரோ ச
மஹேஸக்க²தரோ ச. யே பன தே ஸத்தா பச்சா² உபபன்னா, தே அப்பாயுகதரா ச ஹொந்தி
து³ப்³ப³ண்ணதரா ச அப்பேஸக்க²தரா ச.

‘டா²னங் கோ² பனேதங், ஆவுஸோ, விஜ்ஜதி, யங் அஞ்ஞதரோ
ஸத்தோ தம்ஹா காயா சவித்வா இத்த²த்தங் ஆக³ச்ச²தி. இத்த²த்தங் ஆக³தோ ஸமானோ
அகா³ரஸ்மா அனகா³ரியங் பப்³ப³ஜதி. அகா³ரஸ்மா அனகா³ரியங் பப்³ப³ஜிதோ ஸமானோ ஆதப்பமன்வாய பதா⁴னமன்வாய
அனுயோக³மன்வாய அப்பமாத³மன்வாய ஸம்மாமனஸிகாரமன்வாய ததா²ரூபங் சேதோஸமாதி⁴ங்
பு²ஸதி, யதா²ஸமாஹிதே சித்தே தங் புப்³பே³னிவாஸங் அனுஸ்ஸரதி; ததோ பரங்
நானுஸ்ஸரதி.

‘ஸோ ஏவமாஹ – யோ கோ² ஸோ ப⁴வங்
ப்³ரஹ்மா மஹாப்³ரஹ்மா அபி⁴பூ⁴ அனபி⁴பூ⁴தோ அஞ்ஞத³த்து²த³ஸோ வஸவத்தீ இஸ்ஸரோ
கத்தா நிம்மாதா ஸெட்டோ² ஸஜிதா வஸீ பிதா பூ⁴தப⁴ப்³யானங், யேன மயங் போ⁴தா
ப்³ரஹ்முனா நிம்மிதா. ஸோ நிச்சோ து⁴வோ [ஸஸ்ஸதோ தீ³கா⁴யுகோ (ஸ்யா॰ க॰)] ஸஸ்ஸதோ அவிபரிணாமத⁴ம்மோ ஸஸ்ஸதிஸமங் ததே²வ ட²ஸ்ஸதி. யே பன மயங் அஹும்ஹா தேன போ⁴தா ப்³ரஹ்முனா நிம்மிதா, தே மயங் அனிச்சா அத்³து⁴வா [அத்³து⁴வா அஸஸ்ஸதா (ஸ்யா॰ க॰)]
அப்பாயுகா சவனத⁴ம்மா இத்த²த்தங் ஆக³தா’தி. ஏவங்விஹிதகங் நோ தும்ஹே
ஆயஸ்மந்தோ இஸ்ஸரகுத்தங் ப்³ரஹ்மகுத்தங் ஆசரியகங் அக்³க³ஞ்ஞங் பஞ்ஞபேதா²தி.
‘தே ஏவமாஹங்ஸு – ஏவங் கோ² நோ, ஆவுஸோ கோ³தம, ஸுதங், யதே²வாயஸ்மா கோ³தமோ
ஆஹா’தி. ‘‘அக்³க³ஞ்ஞஞ்சாஹங், ப⁴க்³க³வ, பஜானாமி. தஞ்ச பஜானாமி, ததோ ச
உத்தரிதரங் பஜானாமி, தஞ்ச பஜானங் ந பராமஸாமி, அபராமஸதோ ச மே பச்சத்தஞ்ஞேவ
நிப்³பு³தி விதி³தா. யத³பி⁴ஜானங் ததா²க³தோ நோ அனயங் ஆபஜ்ஜதி.

41.
‘‘ஸந்தி, ப⁴க்³க³வ, ஏகே ஸமணப்³ராஹ்மணா கி²ட்³டா³பதோ³ஸிகங் ஆசரியகங்
அக்³க³ஞ்ஞங் பஞ்ஞபெந்தி. த்யாஹங் உபஸங்கமித்வா ஏவங் வதா³மி – ‘ஸச்சங் கிர
தும்ஹே ஆயஸ்மந்தோ கி²ட்³டா³பதோ³ஸிகங் ஆசரியகங் அக்³க³ஞ்ஞங் பஞ்ஞபேதா²’தி?
தே ச மே ஏவங் புட்டா² ‘ஆமோ’தி படிஜானந்தி. த்யாஹங்
ஏவங் வதா³மி – ‘கத²ங்விஹிதகங் பன தும்ஹே ஆயஸ்மந்தோ கி²ட்³டா³பதோ³ஸிகங்
ஆசரியகங் அக்³க³ஞ்ஞங் பஞ்ஞபேதா²’தி? தே மயா புட்டா² ந ஸம்பாயந்தி,
அஸம்பாயந்தா மமஞ்ஞேவ படிபுச்ச²ந்தி, தேஸாஹங் புட்டோ² ப்³யாகரோமி –

42. ‘ஸந்தாவுஸோ, கி²ட்³டா³பதோ³ஸிகா நாம தே³வா. தே அதிவேலங் ஹஸ்ஸகி²ட்³டா³ரதித⁴ம்மஸமாபன்னா [ஹஸகி²ட்³டா³ரதித⁴ம்மஸமாபன்னா (க॰)] விஹரந்தி. தேஸங் அதிவேலங் ஹஸ்ஸகி²ட்³டா³ரதித⁴ம்மஸமாபன்னானங் விஹரதங் ஸதி ஸம்முஸ்ஸதி, ஸதியா ஸம்மோஸா [ஸதியா ஸம்மோஸாய (ஸ்யா॰)] தே தே³வா தம்ஹா காயா சவந்தி.

‘டா²னங் கோ² பனேதங், ஆவுஸோ,
விஜ்ஜதி, யங் அஞ்ஞதரோ ஸத்தோ தம்ஹா காயா சவித்வா இத்த²த்தங் ஆக³ச்ச²தி,
இத்த²த்தங் ஆக³தோ ஸமானோ அகா³ரஸ்மா அனகா³ரியங் பப்³ப³ஜதி, அகா³ரஸ்மா
அனகா³ரியங் பப்³ப³ஜிதோ ஸமானோ ஆதப்பமன்வாய பதா⁴னமன்வாய அனுயோக³மன்வாய
அப்பமாத³மன்வாய ஸம்மாமனஸிகாரமன்வாய ததா²ரூபங் சேதோஸமாதி⁴ங் பு²ஸதி,
யதா²ஸமாஹிதே சித்தே தங் புப்³பே³னிவாஸங் அனுஸ்ஸரதி; ததோ பரங் நானுஸ்ஸரதி.

‘ஸோ ஏவமாஹ – யே கோ² தே பொ⁴ந்தோ தே³வா ந
கி²ட்³டா³பதோ³ஸிகா தே ந அதிவேலங் ஹஸ்ஸகி²ட்³டா³ரதித⁴ம்மஸமாபன்னா விஹரந்தி.
தேஸங் நாதிவேலங் ஹஸ்ஸகி²ட்³டா³ரதித⁴ம்மஸமாபன்னானங் விஹரதங் ஸதி ந
ஸம்முஸ்ஸதி, ஸதியா அஸம்மோஸா தே தே³வா தம்ஹா காயா ந சவந்தி, நிச்சா து⁴வா
ஸஸ்ஸதா அவிபரிணாமத⁴ம்மா ஸஸ்ஸதிஸமங் ததே²வ
ட²ஸ்ஸந்தி. யே பன மயங் அஹும்ஹா கி²ட்³டா³பதோ³ஸிகா தே மயங் அதிவேலங்
ஹஸ்ஸகி²ட்³டா³ரதித⁴ம்மஸமாபன்னா விஹரிம்ஹா, தேஸங் நோ அதிவேலங்
ஹஸ்ஸகி²ட்³டா³ரதித⁴ம்மஸமாபன்னானங் விஹரதங் ஸதி ஸம்முஸ்ஸதி, ஸதியா ஸம்மோஸா
ஏவங் [ஸம்மோஸா ஏவ (ஸீ॰ பீ॰) ஸம்மோஸா தே (ஸ்யா॰ க॰)] மயங் தம்ஹா காயா சுதா, அனிச்சா அத்³து⁴வா அப்பாயுகா சவனத⁴ம்மா இத்த²த்தங் ஆக³தாதி. ஏவங்விஹிதகங் நோ தும்ஹே ஆயஸ்மந்தோ கி²ட்³டா³பதோ³ஸிகங் ஆசரியகங் அக்³க³ஞ்ஞங் பஞ்ஞபேதா²’தி. ‘தே
ஏவமாஹங்ஸு – ஏவங் கோ² நோ, ஆவுஸோ கோ³தம, ஸுதங், யதே²வாயஸ்மா கோ³தமோ ஆஹா’தி.
‘‘அக்³க³ஞ்ஞஞ்சாஹங், ப⁴க்³க³வ, பஜானாமி…பே॰… யத³பி⁴ஜானங் ததா²க³தோ நோ
அனயங் ஆபஜ்ஜதி.

43.
‘‘ஸந்தி, ப⁴க்³க³வ, ஏகே ஸமணப்³ராஹ்மணா மனோபதோ³ஸிகங் ஆசரியகங் அக்³க³ஞ்ஞங்
பஞ்ஞபெந்தி. த்யாஹங் உபஸங்கமித்வா ஏவங் வதா³மி – ‘ஸச்சங் கிர தும்ஹே
ஆயஸ்மந்தோ மனோபதோ³ஸிகங் ஆசரியகங் அக்³க³ஞ்ஞங் பஞ்ஞபேதா²’தி? தே ச மே ஏவங்
புட்டா² ‘ஆமோ’தி படிஜானந்தி. த்யாஹங் ஏவங் வதா³மி – ‘கத²ங்விஹிதகங் பன
தும்ஹே ஆயஸ்மந்தோ மனோபதோ³ஸிகங் ஆசரியகங் அக்³க³ஞ்ஞங் பஞ்ஞபேதா²’தி? தே மயா
புட்டா² ந ஸம்பாயந்தி, அஸம்பாயந்தா மமஞ்ஞேவ படிபுச்ச²ந்தி. தேஸாஹங் புட்டோ²
ப்³யாகரோமி –

44.
‘ஸந்தாவுஸோ, மனோபதோ³ஸிகா நாம தே³வா. தே அதிவேலங் அஞ்ஞமஞ்ஞங்
உபனிஜ்ஜா²யந்தி. தே அதிவேலங் அஞ்ஞமஞ்ஞங் உபனிஜ்ஜா²யந்தா அஞ்ஞமஞ்ஞம்ஹி
சித்தானி பதூ³ஸெந்தி. தே அஞ்ஞமஞ்ஞங் பது³ட்ட²சித்தா கிலந்தகாயா கிலந்தசித்தா. தே தே³வா தம்ஹா காயா சவந்தி.

‘டா²னங் கோ² பனேதங், ஆவுஸோ, விஜ்ஜதி, யங் அஞ்ஞதரோ
ஸத்தோ தம்ஹா காயா சவித்வா இத்த²த்தங் ஆக³ச்ச²தி. இத்த²த்தங் ஆக³தோ ஸமானோ
அகா³ரஸ்மா அனகா³ரியங் பப்³ப³ஜதி. அகா³ரஸ்மா அனகா³ரியங் பப்³ப³ஜிதோ ஸமானோ
ஆதப்பமன்வாய பதா⁴னமன்வாய அனுயோக³மன்வாய அப்பமாத³மன்வாய ஸம்மாமனஸிகாரமன்வாய
ததா²ரூபங் சேதோஸமாதி⁴ங் பு²ஸதி, யதா²ஸமாஹிதே சித்தே தங் புப்³பே³னிவாஸங்
அனுஸ்ஸரதி, ததோ பரங் நானுஸ்ஸரதி.

‘ஸோ ஏவமாஹ – யே கோ² தே பொ⁴ந்தோ தே³வா ந மனோபதோ³ஸிகா தே நாதிவேலங்
அஞ்ஞமஞ்ஞங் உபனிஜ்ஜா²யந்தி. தே நாதிவேலங் அஞ்ஞமஞ்ஞங் உபனிஜ்ஜா²யந்தா
அஞ்ஞமஞ்ஞம்ஹி சித்தானி நப்பதூ³ஸெந்தி. தே அஞ்ஞமஞ்ஞங் அப்பது³ட்ட²சித்தா
அகிலந்தகாயா அகிலந்தசித்தா. தே தே³வா தம்ஹா [அகிலந்தசித்தா தம்ஹா (க॰)] காயா
ந சவந்தி, நிச்சா து⁴வா ஸஸ்ஸதா அவிபரிணாமத⁴ம்மா ஸஸ்ஸதிஸமங் ததே²வ
ட²ஸ்ஸந்தி. யே பன மயங் அஹும்ஹா மனோபதோ³ஸிகா, தே மயங் அதிவேலங் அஞ்ஞமஞ்ஞங்
உபனிஜ்ஜா²யிம்ஹா. தே மயங் அதிவேலங் அஞ்ஞமஞ்ஞங் உபனிஜ்ஜா²யந்தா அஞ்ஞமஞ்ஞம்ஹி
சித்தானி பதூ³ஸிம்ஹா [பதோ³ஸியிம்ஹா (ஸ்யா॰), பதூ³ஸயிம்ஹா (?)]. தே மயங் அஞ்ஞமஞ்ஞங் பது³ட்ட²சித்தா கிலந்தகாயா கிலந்தசித்தா. ஏவங் மயங் [கிலந்தசித்தாஏவ மயங் (ஸீ॰ பீ॰), கிலந்தசித்தா (க॰)]
தம்ஹா காயா சுதா, அனிச்சா அத்³து⁴வா அப்பாயுகா சவனத⁴ம்மா இத்த²த்தங்
ஆக³தாதி. ஏவங்விஹிதகங் நோ தும்ஹே ஆயஸ்மந்தோ மனோபதோ³ஸிகங் ஆசரியகங்
அக்³க³ஞ்ஞங் பஞ்ஞபேதா²’தி. ‘தே ஏவமாஹங்ஸு – ஏவங் கோ² நோ, ஆவுஸோ கோ³தம,
ஸுதங், யதே²வாயஸ்மா கோ³தமோ ஆஹா’தி. ‘‘அக்³க³ஞ்ஞஞ்சாஹங், ப⁴க்³க³வ,
பஜானாமி…பே॰… யத³பி⁴ஜானங் ததா²க³தோ நோ அனயங் ஆபஜ்ஜதி.

45.
‘‘ஸந்தி, ப⁴க்³க³வ, ஏகே ஸமணப்³ராஹ்மணா அதி⁴ச்சஸமுப்பன்னங் ஆசரியகங்
அக்³க³ஞ்ஞங் பஞ்ஞபெந்தி. த்யாஹங் உபஸங்கமித்வா ஏவங் வதா³மி – ‘ஸச்சங் கிர
தும்ஹே ஆயஸ்மந்தோ அதி⁴ச்சஸமுப்பன்னங் ஆசரியகங் அக்³க³ஞ்ஞங் பஞ்ஞபேதா²’தி?
தே ச மே ஏவங் புட்டா² ‘ஆமோ’தி படிஜானந்தி. த்யாஹங் ஏவங் வதா³மி –
‘கத²ங்விஹிதகங் பன தும்ஹே ஆயஸ்மந்தோ அதி⁴ச்சஸமுப்பன்னங் ஆசரியகங்
அக்³க³ஞ்ஞங் பஞ்ஞபேதா²’தி? தே மயா புட்டா² ந ஸம்பாயந்தி, அஸம்பாயந்தா மமஞ்ஞேவ படிபுச்ச²ந்தி. தேஸாஹங் புட்டோ² ப்³யாகரோமி –

46. ‘ஸந்தாவுஸோ, அஸஞ்ஞஸத்தா நாம தே³வா. ஸஞ்ஞுப்பாதா³ ச பன தே தே³வா தம்ஹா காயா சவந்தி.

‘டா²னங் கோ² பனேதங், ஆவுஸோ, விஜ்ஜதி. யங் அஞ்ஞதரோ
ஸத்தோ தம்ஹா காயா சவித்வா இத்த²த்தங் ஆக³ச்ச²தி. இத்த²த்தங் ஆக³தோ ஸமானோ
அகா³ரஸ்மா அனகா³ரியங் பப்³ப³ஜதி. அகா³ரஸ்மா அனகா³ரியங் பப்³ப³ஜிதோ ஸமானோ
ஆதப்பமன்வாய பதா⁴னமன்வாய அனுயோக³மன்வாய அப்பமாத³மன்வாய ஸம்மாமனஸிகாரமன்வாய
ததா²ரூபங் சேதோஸமாதி⁴ங் பு²ஸதி, யதா²ஸமாஹிதே சித்தே தங் [இத³ங் பத³ங் ப்³ரஹ்மஜாலஸுத்தே ந தி³ஸ்ஸதி. ஏவங் (பீ॰ க॰)] ஸஞ்ஞுப்பாத³ங் அனுஸ்ஸரதி, ததோ பரங் நானுஸ்ஸரதி.

‘ஸோ ஏவமாஹ – அதி⁴ச்சஸமுப்பன்னோ அத்தா ச லோகோ ச. தங் கிஸ்ஸ ஹேது? அஹஞ்ஹி புப்³பே³ நாஹோஸிங், ஸொம்ஹி ஏதரஹி அஹுத்வா ஸந்ததாய [ஸத்தகாய (ஸீ॰ பீ॰), ஸத்தாய (க॰ ஸீ॰)]
பரிணதோதி. ஏவங்விஹிதகங் நோ தும்ஹே ஆயஸ்மந்தோ அதி⁴ச்சஸமுப்பன்னங் ஆசரியகங்
அக்³க³ஞ்ஞங் பஞ்ஞபேதா²’தி? ‘தே ஏவமாஹங்ஸு – ஏவங் கோ² நோ, ஆவுஸோ கோ³தம,
ஸுதங் யதே²வாயஸ்மா கோ³தமோ ஆஹா’தி. ‘‘அக்³க³ஞ்ஞஞ்சாஹங், ப⁴க்³க³வ, பஜானாமி
தஞ்ச பஜானாமி, ததோ ச உத்தரிதரங் பஜானாமி, தஞ்ச
பஜானங் ந பராமஸாமி, அபராமஸதோ ச மே பச்சத்தஞ்ஞேவ நிப்³பு³தி விதி³தா.
யத³பி⁴ஜானங் ததா²க³தோ நோ அனயங் ஆபஜ்ஜதி.

47.
‘‘ஏவங்வாதி³ங் கோ² மங், ப⁴க்³க³வ, ஏவமக்கா²யிங் ஏகே ஸமணப்³ராஹ்மணா அஸதா
துச்சா² முஸா அபூ⁴தேன அப்³பா⁴சிக்க²ந்தி – ‘விபரீதோ ஸமணோ கோ³தமோ பி⁴க்க²வோ
ச. ஸமணோ கோ³தமோ ஏவமாஹ – யஸ்மிங் ஸமயே ஸுப⁴ங் விமொக்க²ங் உபஸம்பஜ்ஜ விஹரதி,
ஸப்³ப³ங் தஸ்மிங் ஸமயே அஸுப⁴ந்த்வேவ [அஸுப⁴ந்தேவ (ஸீ॰ ஸ்யா॰ பீ॰)] பஜானாதீ’தி [ஸஞ்ஜானாதீதி (ஸீ॰ பீ॰)]. ந
கோ² பனாஹங், ப⁴க்³க³வ, ஏவங் வதா³மி – ‘யஸ்மிங் ஸமயே ஸுப⁴ங் விமொக்க²ங்
உபஸம்பஜ்ஜ விஹரதி, ஸப்³ப³ங் தஸ்மிங் ஸமயே அஸுப⁴ந்த்வேவ பஜானாதீ’தி. ஏவஞ்ச
க்²வாஹங், ப⁴க்³க³வ, வதா³மி – ‘யஸ்மிங் ஸமயே ஸுப⁴ங் விமொக்க²ங் உபஸம்பஜ்ஜ
விஹரதி, ஸுப⁴ந்த்வேவ தஸ்மிங் ஸமயே பஜானாதீ’தி.

‘‘தே ச, ப⁴ந்தே, விபரீதா, யே ப⁴க³வந்தங் விபரீததோ த³ஹந்தி பி⁴க்க²வோ ச. ஏவங்பஸன்னோ அஹங், ப⁴ந்தே, ப⁴க³வதி. பஹோதி மே ப⁴க³வா ததா² த⁴ம்மங் தே³ஸேதுங், யதா² அஹங் ஸுப⁴ங் விமொக்க²ங் உபஸம்பஜ்ஜ விஹரெய்ய’’ந்தி.

48.
‘‘து³க்கரங் கோ² ஏதங், ப⁴க்³க³வ, தயா அஞ்ஞதி³ட்டி²கேன அஞ்ஞக²ந்திகேன
அஞ்ஞருசிகேன அஞ்ஞத்ராயோகே³ன அஞ்ஞத்ராசரியகேன ஸுப⁴ங் விமொக்க²ங் உபஸம்பஜ்ஜ
விஹரிதுங். இங்க⁴ த்வங், ப⁴க்³க³வ, யோ ச தே அயங் மயி பஸாதோ³, தமேவ த்வங்
ஸாது⁴கமனுரக்கா²’’தி. ‘‘ஸசே தங், ப⁴ந்தே, மயா து³க்கரங் அஞ்ஞதி³ட்டி²கேன
அஞ்ஞக²ந்திகேன அஞ்ஞருசிகேன அஞ்ஞத்ராயோகே³ன அஞ்ஞத்ராசரியகேன ஸுப⁴ங்
விமொக்க²ங் உபஸம்பஜ்ஜ விஹரிதுங். யோ ச மே அயங், ப⁴ந்தே, ப⁴க³வதி பஸாதோ³,
தமேவாஹங் ஸாது⁴கமனுரக்கி²ஸ்ஸாமீ’’தி. இத³மவோச ப⁴க³வா. அத்தமனோ
ப⁴க்³க³வகொ³த்தோ பரிப்³பா³ஜகோ ப⁴க³வதோ பா⁴ஸிதங் அபி⁴னந்தீ³தி.

பாதி²கஸுத்தங் [பாடிகஸுத்தந்தங் (ஸீ॰ ஸ்யா॰ கங்॰ பீ॰)] நிட்டி²தங் பட²மங்.

Leave a Reply