Free Online FOOD for MIND & HUNGER - DO GOOD 😊 PURIFY MIND.To live like free birds 🐦 🦢 🦅 grow fruits 🍍 🍊 🥑 🥭 🍇 🍌 🍎 🍉 🍒 🍑 🥝 vegetables 🥦 🥕 🥗 🥬 🥔 🍆 🥜 🎃 🫑 🍅🍜 🧅 🍄 🍝 🥗 🥒 🌽 🍏 🫑 🌳 🍓 🍊 🥥 🌵 🍈 🌰 🇧🇧 🫐 🍅 🍐 🫒Plants 🌱in pots 🪴 along with Meditative Mindful Swimming 🏊‍♂️ to Attain NIBBĀNA the Eternal Bliss.

Kushinara NIBBĀNA Bhumi Pagoda White Home, Puniya Bhumi Bengaluru, Prabuddha Bharat International.

Categories:

Search:

Archives:

Meta:

July 2007

M	T	W	T	F	S	S
		Aug »
	1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

07/30/07

ஸுத்தபிடக-Part-7-தமிழில் திரபிடக மூன்று தொகுப்புகள்TIPITAKA–7. ஜாலியஸுத்தங்-த்வேபப்பஜிதவத்து-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 6:47 pm

ஸுத்தபிடக-Part-7-தமிழில் திரபிடக மூன்று தொகுப்புகள்TIPITAKA--7. ஜாலியஸுத்தங்-த்வேபப்பஜிதவத்து-from FREE ONLINE eNālāndā Research and
Practice UNIVERSITY through http://sarvajan.ambedkar.org

7. ஜாலியஸுத்தங்

த்வேபப்பஜிதவத்து

378. ஏவங்
மே ஸுதங் – ஏகங் ஸமயங் ப⁴க³வா கோஸம்பி³யங் விஹரதி கோ⁴ஸிதாராமே. தேன கோ² பன
ஸமயேன த்³வே பப்³ப³ஜிதா – முண்டி³யோ ச பரிப்³பா³ஜகோ ஜாலியோ ச
தா³ருபத்திகந்தேவாஸீ யேன ப⁴க³வா தேனுபஸங்கமிங்ஸு; உபஸங்கமித்வா ப⁴க³வதா
ஸத்³தி⁴ங் ஸம்மோதி³ங்ஸு. ஸம்மோத³னீயங் கத²ங் ஸாரணீயங் வீதிஸாரெத்வா
ஏகமந்தங் அட்ட²ங்ஸு. ஏகமந்தங் டி²தா கோ² தே த்³வே பப்³ப³ஜிதா ப⁴க³வந்தங்
ஏதத³வோசுங் – ‘‘கிங் நு கோ², ஆவுஸோ கோ³தம, தங் ஜீவங் தங் ஸரீரங், உதா³ஹு
அஞ்ஞங் ஜீவங் அஞ்ஞங் ஸரீர’’ந்தி?

379.
‘‘தேன ஹாவுஸோ, ஸுணாத² ஸாது⁴கங் மனஸி கரோத²; பா⁴ஸிஸ்ஸாமீ’’தி.
‘‘ஏவமாவுஸோ’’தி கோ² தே த்³வே பப்³ப³ஜிதா ப⁴க³வதோ பச்சஸ்ஸோஸுங். ப⁴க³வா
ஏதத³வோச – ‘‘இதா⁴வுஸோ, ததா²க³தோ லோகே உப்பஜ்ஜதி அரஹங்,
ஸம்மாஸம்பு³த்³தோ⁴…பே॰… (யதா² 190-212 அனுச்சே²தே³ஸு ஏவங்
வித்தா²ரேதப்³ப³ங்). ஏவங் கோ², ஆவுஸோ, பி⁴க்கு² ஸீலஸம்பன்னோ ஹோதி…பே॰…
பட²மங் ஜா²னங் உபஸம்பஜ்ஜ விஹரதி. யோ கோ², ஆவுஸோ, பி⁴க்கு² ஏவங் ஜானாதி ஏவங்
பஸ்ஸதி , கல்லங் நு கோ² தஸ்ஸேதங் வசனாய – ‘தங்
ஜீவங் தங் ஸரீர’ந்தி வா ‘அஞ்ஞங் ஜீவங் அஞ்ஞங் ஸரீர’ந்தி வாதி. யோ ஸோ,
ஆவுஸோ, பி⁴க்கு² ஏவங் ஜானாதி ஏவங் பஸ்ஸதி, கல்லங் தஸ்ஸேதங் வசனாய – ‘தங்
ஜீவங் தங் ஸரீர’ந்தி வா ‘அஞ்ஞங் ஜீவங் அஞ்ஞங் ஸரீர’ந்தி வாதி. அஹங் கோ²
பனேதங், ஆவுஸோ, ஏவங் ஜானாமி ஏவங் பஸ்ஸாமி. அத² ச பனாஹங் ந வதா³மி – ‘தங்
ஜீவங் தங் ஸரீர’ந்தி வா ‘அஞ்ஞங் ஜீவங் அஞ்ஞங் ஸரீர’ந்தி வா…பே॰… து³தியங்
ஜா²னங்…பே॰… ததியங்
ஜா²னங்…பே॰… சதுத்த²ங் ஜா²னங் உபஸம்பஜ்ஜ விஹரதி. யோ கோ², ஆவுஸோ, பி⁴க்கு²
ஏவங் ஜானாதி ஏவங் பஸ்ஸதி, கல்லங் நு கோ² தஸ்ஸேதங் வசனாய – ‘தங் ஜீவங் தங்
ஸரீர’ந்தி வா ‘அஞ்ஞங் ஜீவங் அஞ்ஞங் ஸரீர’ந்தி வாதி? யோ ஸோ, ஆவுஸோ, பி⁴க்கு²
ஏவங் ஜானாதி ஏவங் பஸ்ஸதி கல்லங், தஸ்ஸேதங் வசனாய – ‘தங் ஜீவங் தங்
ஸரீர’ந்தி வா ‘அஞ்ஞங் ஜீவங் அஞ்ஞங் ஸரீர’ந்தி வாதி. அஹங் கோ² பனேதங்,
ஆவுஸோ, ஏவங் ஜானாமி ஏவங் பஸ்ஸாமி. அத² ச பனாஹங் ந வதா³மி – ‘தங் ஜீவங் தங்
ஸரீர’ந்தி வா ‘அஞ்ஞங் ஜீவங் அஞ்ஞங் ஸரீர’ந்தி வா…பே॰… ஞாணத³ஸ்ஸனாய சித்தங்
அபி⁴னீஹரதி அபி⁴னின்னாமேதி…பே॰… யோ கோ², ஆவுஸோ, பி⁴க்கு² ஏவங் ஜானாதி ஏவங்
பஸ்ஸதி, கல்லங் நு கோ² தஸ்ஸேதங் வசனாய – ‘தங் ஜீவங் தங் ஸரீர’ந்தி வா
‘அஞ்ஞங் ஜீவங் அஞ்ஞங் ஸரீர’ந்தி வாதி. யோ ஸோ, ஆவுஸோ, பி⁴க்கு² ஏவங் ஜானாதி
ஏவங் பஸ்ஸதி கல்லங் தஸ்ஸேதங் வசனாய – ‘தங் ஜீவங் தங் ஸரீர’ந்தி வா ‘அஞ்ஞங்
ஜீவங் அஞ்ஞங் ஸரீர’ந்தி வாதி. அஹங் கோ² பனேதங், ஆவுஸோ, ஏவங் ஜானாமி ஏவங்
பஸ்ஸாமி. அத² ச பனாஹங் ந வதா³மி – ‘தங் ஜீவங் தங் ஸரீர’ந்தி வா ‘அஞ்ஞங்
ஜீவங் அஞ்ஞங் ஸரீர’ந்தி வா…பே॰….

380. …பே॰…
நாபரங் இத்த²த்தாயாதி பஜானாதி. யோ கோ², ஆவுஸோ, பி⁴க்கு² ஏவங் ஜானாதி ஏவங்
பஸ்ஸதி, கல்லங் நு கோ² தஸ்ஸேதங் வசனாய – ‘தங் ஜீவங் தங் ஸரீர’ந்தி வா
‘அஞ்ஞங் ஜீவங் அஞ்ஞங் ஸரீர’ந்தி வாதி? யோ ஸோ, ஆவுஸோ, பி⁴க்கு² ஏவங் ஜானாதி
ஏவங் பஸ்ஸதி, ந கல்லங் தஸ்ஸேதங் வசனாய – ‘தங் ஜீவங் தங் ஸரீர’ந்தி வா
‘அஞ்ஞங் ஜீவங் அஞ்ஞங் ஸரீர’ந்தி வாதி. அஹங் கோ² பனேதங், ஆவுஸோ, ஏவங் ஜானாமி
ஏவங் பஸ்ஸாமி. அத² ச பனாஹங் ந வதா³மி – ‘தங் ஜீவங் தங் ஸரீர’ந்தி வா
‘அஞ்ஞங் ஜீவங் அஞ்ஞங் ஸரீர’ந்தி வா’’தி. இத³மவோச ப⁴க³வா. அத்தமனா தே த்³வே
பப்³ப³ஜிதா ப⁴க³வதோ பா⁴ஸிதங் அபி⁴னந்து³ந்தி.

ஜாலியஸுத்தங் நிட்டி²தங் ஸத்தமங்.

comments (0)

ஸுத்தபிடக-Part-6-தமிழில் திரபிடக மூன்று தொகுப்புகள்TIPITAKA–6. மஹாலிஸுத்தங்-ப்ராஹ்மணதூதவத்து-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 6:05 pm

ஸுத்தபிடக-Part-6-தமிழில் திரபிடக மூன்று தொகுப்புகள்TIPITAKA--6. மஹாலிஸுத்தங்-ப்ராஹ்மணதூதவத்து-from FREE ONLINE eNālāndā Research and
Practice UNIVERSITY through http://sarvajan.ambedkar.org

6. மஹாலிஸுத்தங்

ப்ராஹ்மணதூதவத்து

359. ஏவங்
மே ஸுதங் – உஏகங் ஸமயங் ப⁴க³வா வேஸாலியங் விஹரதி மஹாவனே கூடாகா³ரஸாலாயங்.
தேன கோ² பன ஸமயேன ஸம்ப³ஹுலா கோஸலகா ச ப்³ராஹ்மணதூ³தா மாக³த⁴கா ச
ப்³ராஹ்மணதூ³தா வேஸாலியங் படிவஸந்தி கேனசிதே³வ கரணீயேன. அஸ்ஸோஸுங் கோ² தே
கோஸலகா ச ப்³ராஹ்மணதூ³தா மாக³த⁴கா ச ப்³ராஹ்மணதூ³தா – ‘‘ஸமணோ க²லு, போ⁴,
கோ³தமோ ஸக்யபுத்தோ ஸக்யகுலா பப்³ப³ஜிதோ வேஸாலியங் விஹரதி மஹாவனே
கூடாகா³ரஸாலாயங். தங் கோ² பன ப⁴வந்தங் கோ³தமங் ஏவங் கல்யாணோ கித்திஸத்³தோ³
அப்³பு⁴க்³க³தோ – ‘இதிபி ஸோ ப⁴க³வா அரஹங் ஸம்மாஸம்பு³த்³தோ⁴
விஜ்ஜாசரணஸம்பன்னோ ஸுக³தோ லோகவிதூ³ அனுத்தரோ புரிஸத³ம்மஸாரதி² ஸத்தா²
தே³வமனுஸ்ஸானங் பு³த்³தோ⁴ ப⁴க³வா’. ஸோ இமங் லோகங் ஸதே³வகங் ஸமாரகங்
ஸப்³ரஹ்மகங் ஸஸ்ஸமணப்³ராஹ்மணிங் பஜங் ஸதே³வமனுஸ்ஸங் ஸயங் அபி⁴ஞ்ஞா
ஸச்சி²கத்வா பவேதே³தி. ஸோ த⁴ம்மங் தே³ஸேதி ஆதி³கல்யாணங் மஜ்ஜே²கல்யாணங்
பரியோஸானகல்யாணங் ஸாத்த²ங் ஸப்³யஞ்ஜனங் கேவலபரிபுண்ணங் பரிஸுத்³த⁴ங்
ப்³ரஹ்மசரியங் பகாஸேதி. ஸாது⁴ கோ² பன ததா²ரூபானங் அரஹதங் த³ஸ்ஸனங்
ஹோதீ’’தி.

360.
அத² கோ² தே கோஸலகா ச ப்³ராஹ்மணதூ³தா மாக³த⁴கா ச ப்³ராஹ்மணதூ³தா யேன
மஹாவனங் கூடாகா³ரஸாலா தேனுபஸங்கமிங்ஸு. தேன கோ² பன ஸமயேன ஆயஸ்மா நாகி³தோ
ப⁴க³வதோ உபட்டா²கோ ஹோதி. அத² கோ² தே கோஸலகா ச ப்³ராஹ்மணதூ³தா மாக³த⁴கா ச
ப்³ராஹ்மணதூ³தா யேனாயஸ்மா நாகி³தோ தேனுபஸங்கமிங்ஸு. உபஸங்கமித்வா
ஆயஸ்மந்தங் நாகி³தங் ஏதத³வோசுங் – ‘‘கஹங் நு கோ², போ⁴ நாகி³த, ஏதரஹி ஸோ
ப⁴வங் கோ³தமோ விஹரதி? த³ஸ்ஸனகாமா ஹி மயங் தங் ப⁴வந்தங் கோ³தம’’ந்தி.
‘‘அகாலோ கோ², ஆவுஸோ, ப⁴க³வந்தங் த³ஸ்ஸனாய,
படிஸல்லீனோ ப⁴க³வா’’தி. அத² கோ² தே கோஸலகா ச ப்³ராஹ்மணதூ³தா மாக³த⁴கா ச
ப்³ராஹ்மணதூ³தா தத்தே²வ ஏகமந்தங் நிஸீதி³ங்ஸு – ‘‘தி³ஸ்வாவ மயங் தங் ப⁴வந்தங் கோ³தமங் க³மிஸ்ஸாமா’’தி.

ஒட்ட²த்³த⁴லிச்ச²வீவத்து²

361. ஒட்ட²த்³தோ⁴பி
லிச்ச²வீ மஹதியா லிச்ச²வீபரிஸாய ஸத்³தி⁴ங் யேன மஹாவனங் கூடாகா³ரஸாலா
யேனாயஸ்மா நாகி³தோ தேனுபஸங்கமி; உபஸங்கமித்வா ஆயஸ்மந்தங் நாகி³தங்
அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தோ கோ² ஒட்ட²த்³தோ⁴பி
லிச்ச²வீ ஆயஸ்மந்தங் நாகி³தங் ஏதத³வோச – ‘‘கஹங் நு கோ², ப⁴ந்தே நாகி³த,
ஏதரஹி ஸோ ப⁴க³வா விஹரதி அரஹங் ஸம்மாஸம்பு³த்³தோ⁴, த³ஸ்ஸனகாமா ஹி மயங் தங்
ப⁴க³வந்தங் அரஹந்தங் ஸம்மாஸம்பு³த்³த⁴’’ந்தி. ‘‘அகாலோ கோ², மஹாலி,
ப⁴க³வந்தங் த³ஸ்ஸனாய, படிஸல்லீனோ ப⁴க³வா’’தி. ஒட்ட²த்³தோ⁴பி லிச்ச²வீ
தத்தே²வ ஏகமந்தங் நிஸீதி³ – ‘‘தி³ஸ்வாவ அஹங் தங் ப⁴க³வந்தங் க³மிஸ்ஸாமி
அரஹந்தங் ஸம்மாஸம்பு³த்³த⁴’’ந்தி.

362.
அத² கோ² ஸீஹோ ஸமணுத்³தே³ஸோ யேனாயஸ்மா நாகி³தோ தேனுபஸங்கமி; உபஸங்கமித்வா
ஆயஸ்மந்தங் நாகி³தங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தோ கோ²
ஸீஹோ ஸமணுத்³தே³ஸோ ஆயஸ்மந்தங் நாகி³தங் ஏதத³வோச – ‘‘ஏதே, ப⁴ந்தே கஸ்ஸப,
ஸம்ப³ஹுலா கோஸலகா ச ப்³ராஹ்மணதூ³தா மாக³த⁴கா ச ப்³ராஹ்மணதூ³தா
இதூ⁴பஸங்கந்தா ப⁴க³வந்தங் த³ஸ்ஸனாய; ஒட்ட²த்³தோ⁴பி லிச்ச²வீ மஹதியா
லிச்ச²வீபரிஸாய ஸத்³தி⁴ங் இதூ⁴பஸங்கந்தோ ப⁴க³வந்தங் த³ஸ்ஸனாய, ஸாது⁴,
ப⁴ந்தே கஸ்ஸப, லப⁴தங் ஏஸா ஜனதா ப⁴க³வந்தங் த³ஸ்ஸனாயா’’தி.

‘‘தேன ஹி, ஸீஹ, த்வஞ்ஞேவ ப⁴க³வதோ ஆரோசேஹீ’’தி. ‘‘ஏவங்,
ப⁴ந்தே’’தி கோ² ஸீஹோ ஸமணுத்³தே³ஸோ ஆயஸ்மதோ நாகி³தஸ்ஸ படிஸ்ஸுத்வா யேன
ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
அட்டா²ஸி. ஏகமந்தங் டி²தோ கோ² ஸீஹோ ஸமணுத்³தே³ஸோ
ப⁴க³வந்தங் ஏதத³வோச – ‘‘ஏதே, ப⁴ந்தே, ஸம்ப³ஹுலா கோஸலகா ச ப்³ராஹ்மணதூ³தா
மாக³த⁴கா ச ப்³ராஹ்மணதூ³தா இதூ⁴பஸங்கந்தா ப⁴க³வந்தங் த³ஸ்ஸனாய,
ஒட்ட²த்³தோ⁴பி லிச்ச²வீ மஹதியா லிச்ச²வீபரிஸாய
ஸத்³தி⁴ங் இதூ⁴பஸங்கந்தோ ப⁴க³வந்தங் த³ஸ்ஸனாய. ஸாது⁴, ப⁴ந்தே, லப⁴தங் ஏஸா
ஜனதா ப⁴க³வந்தங் த³ஸ்ஸனாயா’’தி. ‘‘தேன ஹி, ஸீஹ, விஹாரபச்சா²யாயங் ஆஸனங்
பஞ்ஞபேஹீ’’தி. ‘‘ஏவங், ப⁴ந்தே’’தி கோ² ஸீஹோ ஸமணுத்³தே³ஸோ ப⁴க³வதோ
படிஸ்ஸுத்வா விஹாரபச்சா²யாயங் ஆஸனங் பஞ்ஞபேஸி.

363. அத²
கோ² ப⁴க³வா விஹாரா நிக்க²ம்ம விஹாரபச்சா²யாயங் பஞ்ஞத்தே ஆஸனே நிஸீதி³. அத²
கோ² தே கோஸலகா ச ப்³ராஹ்மணதூ³தா மாக³த⁴கா ச ப்³ராஹ்மணதூ³தா யேன ப⁴க³வா
தேனுபஸங்கமிங்ஸு; உபஸங்கமித்வா ப⁴க³வதா ஸத்³தி⁴ங் ஸம்மோதி³ங்ஸு.
ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங்
நிஸீதி³ங்ஸு. ஒட்ட²த்³தோ⁴பி லிச்ச²வீ மஹதியா லிச்ச²வீபரிஸாய ஸத்³தி⁴ங் யேன
ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³.

364.
ஏகமந்தங் நிஸின்னோ கோ² ஒட்ட²த்³தோ⁴ லிச்ச²வீ ப⁴க³வந்தங் ஏதத³வோச –
‘‘புரிமானி, ப⁴ந்தே, தி³வஸானி புரிமதரானி ஸுனக்க²த்தோ லிச்ச²விபுத்தோ
யேனாஹங் தேனுபஸங்கமி; உபஸங்கமித்வா மங் ஏதத³வோச – ‘யத³க்³கே³ அஹங், மஹாலி,
ப⁴க³வந்தங் உபனிஸ்ஸாய விஹராமி, ந சிரங் தீணி வஸ்ஸானி, தி³ப்³பா³னி ஹி கோ²
ரூபானி பஸ்ஸாமி பியரூபானி காமூபஸங்ஹிதானி ரஜனீயானி, நோ ச கோ² தி³ப்³பா³னி
ஸத்³தா³னி ஸுணாமி பியரூபானி காமூபஸங்ஹிதானி ரஜனீயானீ’தி. ஸந்தானேவ நு கோ²,
ப⁴ந்தே, ஸுனக்க²த்தோ லிச்ச²விபுத்தோ தி³ப்³பா³னி ஸத்³தா³னி நாஸ்ஸோஸி பியரூபானி காமூபஸங்ஹிதானி ரஜனீயானி, உதா³ஹு அஸந்தானீ’’தி?

ஏகங்ஸபா⁴விதஸமாதி⁴

365.
‘‘ஸந்தானேவ கோ², மஹாலி, ஸுனக்க²த்தோ லிச்ச²விபுத்தோ தி³ப்³பா³னி ஸத்³தா³னி
நாஸ்ஸோஸி பியரூபானி காமூபஸங்ஹிதானி ரஜனீயானி, நோ அஸந்தானீ’’தி. ‘‘கோ நு
கோ², ப⁴ந்தே, ஹேது, கோ பச்சயோ, யேன ஸந்தானேவ ஸுனக்க²த்தோ லிச்ச²விபுத்தோ
தி³ப்³பா³னி ஸத்³தா³னி நாஸ்ஸோஸி பியரூபானி காமூபஸங்ஹிதானி ரஜனீயானி, நோ
அஸந்தானீ’’தி?

366. ‘‘இத⁴ ,
மஹாலி, பி⁴க்கு²னோ புரத்தி²மாய தி³ஸாய ஏகங்ஸபா⁴விதோ ஸமாதி⁴ ஹோதி
தி³ப்³பா³னங் ரூபானங் த³ஸ்ஸனாய பியரூபானங் காமூபஸங்ஹிதானங் ரஜனீயானங், நோ ச
கோ² தி³ப்³பா³னங் ஸத்³தா³னங் ஸவனாய பியரூபானங் காமூபஸங்ஹிதானங் ரஜனீயானங்.
ஸோ புரத்தி²மாய தி³ஸாய ஏகங்ஸபா⁴விதே ஸமாதி⁴ம்ஹி தி³ப்³பா³னங் ரூபானங்
த³ஸ்ஸனாய பியரூபானங் காமூபஸங்ஹிதானங் ரஜனீயானங், நோ ச கோ² தி³ப்³பா³னங்
ஸத்³தா³னங் ஸவனாய பியரூபானங் காமூபஸங்ஹிதானங் ரஜனீயானங். புரத்தி²மாய
தி³ஸாய தி³ப்³பா³னி ரூபானி பஸ்ஸதி பியரூபானி காமூபஸங்ஹிதானி ரஜனீயானி, நோ ச
கோ² தி³ப்³பா³னி ஸத்³தா³னி ஸுணாதி பியரூபானி காமூபஸங்ஹிதானி ரஜனீயானி. தங்
கிஸ்ஸ ஹேது? ஏவஞ்ஹேதங், மஹாலி, ஹோதி பி⁴க்கு²னோ
புரத்தி²மாய தி³ஸாய ஏகங்ஸபா⁴விதே ஸமாதி⁴ம்ஹி தி³ப்³பா³னங் ரூபானங் த³ஸ்ஸனாய
பியரூபானங் காமூபஸங்ஹிதானங் ரஜனீயானங், நோ ச கோ² தி³ப்³பா³னங் ஸத்³தா³னங்
ஸவனாய பியரூபானங் காமூபஸங்ஹிதானங் ரஜனீயானங்.

367. ‘‘புன சபரங், மஹாலி, பி⁴க்கு²னோ த³க்கி²ணாய தி³ஸாய…பே॰… பச்சி²மாய தி³ஸாய …
உத்தராய தி³ஸாய… உத்³த⁴மதோ⁴ திரியங் ஏகங்ஸபா⁴விதோ ஸமாதி⁴ ஹோதி
தி³ப்³பா³னங் ரூபானங் த³ஸ்ஸனாய பியரூபானங் காமூபஸங்ஹிதானங் ரஜனீயானங், நோ ச
கோ² தி³ப்³பா³னங் ஸத்³தா³னங் ஸவனாய பியரூபானங் காமூபஸங்ஹிதானங் ரஜனீயானங்.
ஸோ உத்³த⁴மதோ⁴ திரியங் ஏகங்ஸபா⁴விதே ஸமாதி⁴ம்ஹி தி³ப்³பா³னங் ரூபானங்
த³ஸ்ஸனாய பியரூபானங் காமூபஸங்ஹிதானங் ரஜனீயானங், நோ ச கோ² தி³ப்³பா³னங்
ஸத்³தா³னங் ஸவனாய பியரூபானங் காமூபஸங்ஹிதானங் ரஜனீயானங். உத்³த⁴மதோ⁴
திரியங் தி³ப்³பா³னி ரூபானி பஸ்ஸதி பியரூபானி காமூபஸங்ஹிதானி ரஜனீயானி, நோ ச
கோ² தி³ப்³பா³னி ஸத்³தா³னி ஸுணாதி பியரூபானி
காமூபஸங்ஹிதானி ரஜனீயானி. தங் கிஸ்ஸ ஹேது? ஏவஞ்ஹேதங், மஹாலி, ஹோதி
பி⁴க்கு²னோ உத்³த⁴மதோ⁴ திரியங் ஏகங்ஸபா⁴விதே ஸமாதி⁴ம்ஹி தி³ப்³பா³னங்
ரூபானங் த³ஸ்ஸனாய பியரூபானங் காமூபஸங்ஹிதானங் ரஜனீயானங், நோ ச கோ²
தி³ப்³பா³னங் ஸத்³தா³னங் ஸவனாய பியரூபானங் காமூபஸங்ஹிதானங் ரஜனீயானங்.

368. ‘‘இத⁴ ,
மஹாலி, பி⁴க்கு²னோ புரத்தி²மாய தி³ஸாய ஏகங்ஸபா⁴விதோ ஸமாதி⁴ ஹோதி
தி³ப்³பா³னங் ஸத்³தா³னங் ஸவனாய பியரூபானங் காமூபஸங்ஹிதானங் ரஜனீயானங், நோ ச
கோ² தி³ப்³பா³னங் ரூபானங் த³ஸ்ஸனாய பியரூபானங் காமூபஸங்ஹிதானங் ரஜனீயானங்.
ஸோ புரத்தி²மாய தி³ஸாய ஏகங்ஸபா⁴விதே ஸமாதி⁴ம்ஹி தி³ப்³பா³னங் ஸத்³தா³னங்
ஸவனாய பியரூபானங் காமூபஸங்ஹிதானங் ரஜனீயானங், நோ ச கோ² தி³ப்³பா³னங்
ரூபானங் த³ஸ்ஸனாய பியரூபானங் காமூபஸங்ஹிதானங் ரஜனீயானங். புரத்தி²மாய
தி³ஸாய தி³ப்³பா³னி ஸத்³தா³னி ஸுணாதி பியரூபானி காமூபஸங்ஹிதானி ரஜனீயானி,
நோ ச கோ² தி³ப்³பா³னி ரூபானி பஸ்ஸதி பியரூபானி காமூபஸங்ஹிதானி ரஜனீயானி.
தங் கிஸ்ஸ ஹேது? ஏவஞ்ஹேதங், மஹாலி, ஹோதி பி⁴க்கு²னோ புரத்தி²மாய தி³ஸாய
ஏகங்ஸபா⁴விதே ஸமாதி⁴ம்ஹி தி³ப்³பா³னங் ஸத்³தா³னங் ஸவனாய பியரூபானங்
காமூபஸங்ஹிதானங் ரஜனீயானங், நோ ச கோ² தி³ப்³பா³னங் ரூபானங் த³ஸ்ஸனாய
பியரூபானங் காமூபஸங்ஹிதானங் ரஜனீயானங்.

369.
‘‘புன சபரங், மஹாலி, பி⁴க்கு²னோ த³க்கி²ணாய தி³ஸாய…பே॰… பச்சி²மாய தி³ஸாய…
உத்தராய தி³ஸாய… உத்³த⁴மதோ⁴ திரியங் ஏகங்ஸபா⁴விதோ ஸமாதி⁴
ஹோதி தி³ப்³பா³னங் ஸத்³தா³னங் ஸவனாய பியரூபானங் காமூபஸங்ஹிதானங்
ரஜனீயானங், நோ ச கோ² தி³ப்³பா³னங் ரூபானங் த³ஸ்ஸனாய பியரூபானங்
காமூபஸங்ஹிதானங் ரஜனீயானங். ஸோ உத்³த⁴மதோ⁴ திரியங் ஏகங்ஸபா⁴விதே ஸமாதி⁴ம்ஹி
தி³ப்³பா³னங் ஸத்³தா³னங் ஸவனாய பியரூபானங் காமூபஸங்ஹிதானங் ரஜனீயானங், நோ ச
கோ² தி³ப்³பா³னங் ரூபானங் த³ஸ்ஸனாய பியரூபானங் காமூபஸங்ஹிதானங் ரஜனீயானங்.
உத்³த⁴மதோ⁴ திரியங் தி³ப்³பா³னி ஸத்³தா³னி ஸுணாதி பியரூபானி
காமூபஸங்ஹிதானி ரஜனீயானி, நோ ச கோ² தி³ப்³பா³னி ரூபானி பஸ்ஸதி பியரூபானி
காமூபஸங்ஹிதானி ரஜனீயானி. தங் கிஸ்ஸ ஹேது? ஏவஞ்ஹேதங், மஹாலி, ஹோதி
பி⁴க்கு²னோ உத்³த⁴மதோ⁴ திரியங் ஏகங்ஸபா⁴விதே
ஸமாதி⁴ம்ஹி தி³ப்³பா³னங் ஸத்³தா³னங் ஸவனாய பியரூபானங் காமூபஸங்ஹிதானங்
ரஜனீயானங், நோ ச கோ² தி³ப்³பா³னங் ரூபானங் த³ஸ்ஸனாய பியரூபானங்
காமூபஸங்ஹிதானங் ரஜனீயானங்.

370. ‘‘இத⁴ ,
மஹாலி, பி⁴க்கு²னோ புரத்தி²மாய தி³ஸாய உப⁴யங்ஸபா⁴விதோ ஸமாதி⁴ ஹோதி
தி³ப்³பா³னஞ்ச ரூபானங் த³ஸ்ஸனாய பியரூபானங் காமூபஸங்ஹிதானங் ரஜனீயானங்
தி³ப்³பா³னஞ்ச ஸத்³தா³னங் ஸவனாய பியரூபானங்
காமூபஸங்ஹிதானங் ரஜனீயானங். ஸோ புரத்தி²மாய தி³ஸாய உப⁴யங்ஸபா⁴விதே
ஸமாதி⁴ம்ஹி தி³ப்³பா³னஞ்ச ரூபானங் த³ஸ்ஸனாய பியரூபானங் காமூபஸங்ஹிதானங்
ரஜனீயானங், தி³ப்³பா³னஞ்ச ஸத்³தா³னங் ஸவனாய பியரூபானங் காமூபஸங்ஹிதானங்
ரஜனீயானங். புரத்தி²மாய தி³ஸாய தி³ப்³பா³னி ச ரூபானி பஸ்ஸதி பியரூபானி
காமூபஸங்ஹிதானி ரஜனீயானி, தி³ப்³பா³னி ச ஸத்³தா³னி ஸுணாதி பியரூபானி
காமூபஸங்ஹிதானி ரஜனீயானி. தங் கிஸ்ஸ ஹேது? ஏவஞ்ஹேதங், மஹாலி, ஹோதி
பி⁴க்கு²னோ புரத்தி²மாய தி³ஸாய உப⁴யங்ஸபா⁴விதே ஸமாதி⁴ம்ஹி தி³ப்³பா³னஞ்ச
ரூபானங் த³ஸ்ஸனாய பியரூபானங் காமூபஸங்ஹிதானங் ரஜனீயானங் தி³ப்³பா³னஞ்ச
ஸத்³தா³னங் ஸவனாய பியரூபானங் காமூபஸங்ஹிதானங் ரஜனீயானங்.

371.
‘‘புன சபரங், மஹாலி, பி⁴க்கு²னோ த³க்கி²ணாய தி³ஸாய…பே॰… பச்சி²மாய தி³ஸாய…
உத்தராய தி³ஸாய… உத்³த⁴மதோ⁴ திரியங் உப⁴யங்ஸபா⁴விதோ ஸமாதி⁴ ஹோதி
தி³ப்³பா³னஞ்ச ரூபானங் த³ஸ்ஸனாய பியரூபானங் காமூபஸங்ஹிதானங் ரஜனீயானங்,
தி³ப்³பா³னஞ்ச ஸத்³தா³னங் ஸவனாய பியரூபானங் காமூபஸங்ஹிதானங் ரஜனீயானங். ஸோ
உத்³த⁴மதோ⁴ திரியங் உப⁴யங்ஸபா⁴விதே ஸமாதி⁴ம்ஹி தி³ப்³பா³னஞ்ச ரூபானங்
த³ஸ்ஸனாய பியரூபானங் காமூபஸங்ஹிதானங் ரஜனீயானங் தி³ப்³பா³னஞ்ச ஸத்³தா³னங்
ஸவனாய பியரூபானங் காமூபஸங்ஹிதானங் ரஜனீயானங். உத்³த⁴மதோ⁴ திரியங்
தி³ப்³பா³னி ச ரூபானி பஸ்ஸதி பியரூபானி
காமூபஸங்ஹிதானி ரஜனீயானி, தி³ப்³பா³னி ச ஸத்³தா³னி ஸுணாதி பியரூபானி
காமூபஸங்ஹிதானி ரஜனீயானி. தங் கிஸ்ஸ ஹேது? ஏவஞ்ஹேதங், மஹாலி, ஹோதி
பி⁴க்கு²னோ உத்³த⁴மதோ⁴ திரியங் உப⁴யங்ஸபா⁴விதே ஸமாதி⁴ம்ஹி தி³ப்³பா³னஞ்ச
ரூபானங் த³ஸ்ஸனாய பியரூபானங் காமூபஸங்ஹிதானங் ரஜனீயானங், தி³ப்³பா³னஞ்ச
ஸத்³தா³னங் ஸவனாய பியரூபானங் காமூபஸங்ஹிதானங் ரஜனீயானங். அயங் கோ² மஹாலி,
ஹேது, அயங் பச்சயோ, யேன ஸந்தானேவ ஸுனக்க²த்தோ லிச்ச²விபுத்தோ தி³ப்³பா³னி
ஸத்³தா³னி நாஸ்ஸோஸி பியரூபானி காமூபஸங்ஹிதானி ரஜனீயானி, நோ அஸந்தானீ’’தி.

372.
‘‘ஏதாஸங் நூன, ப⁴ந்தே, ஸமாதி⁴பா⁴வனானங் ஸச்சி²கிரியாஹேது பி⁴க்கூ² ப⁴க³வதி
ப்³ரஹ்மசரியங் சரந்தீ’’தி. ‘‘ந கோ², மஹாலி, ஏதாஸங் ஸமாதி⁴பா⁴வனானங்
ஸச்சி²கிரியாஹேது பி⁴க்கூ² மயி
ப்³ரஹ்மசரியங் சரந்தி. அத்தி² கோ², மஹாலி, அஞ்ஞேவ த⁴ம்மா உத்தரிதரா ச
பணீததரா ச, யேஸங் ஸச்சி²கிரியாஹேது பி⁴க்கூ² மயி ப்³ரஹ்மசரியங் சரந்தீ’’தி.

சதுஅரியப²லங்

373.
‘‘கதமே பன தே, ப⁴ந்தே, த⁴ம்மா உத்தரிதரா ச பணீததரா ச, யேஸங்
ஸச்சி²கிரியாஹேது பி⁴க்கூ² ப⁴க³வதி ப்³ரஹ்மசரியங் சரந்தீ’’தி? ‘‘இத⁴,
மஹாலி, பி⁴க்கு² திண்ணங் ஸங்யோஜனானங் பரிக்க²யா ஸோதாபன்னோ ஹோதி
அவினிபாதத⁴ம்மோ நியதோ ஸம்போ³தி⁴பராயணோ. அயம்பி கோ², மஹாலி, த⁴ம்மோ
உத்தரிதரோ ச பணீததரோ ச, யஸ்ஸ ஸச்சி²கிரியாஹேது பி⁴க்கூ² மயி ப்³ரஹ்மசரியங் சரந்தி.

‘‘புன சபரங், மஹாலி, பி⁴க்கு² திண்ணங் ஸங்யோஜனானங் பரிக்க²யா ராக³தோ³ஸமோஹானங் தனுத்தா ஸகதா³கா³மீ ஹோதி, ஸகிதே³வ [ஸகிங்தே³வ (க॰)]
இமங் லோகங் ஆக³ந்த்வா து³க்க²ஸ்ஸந்தங் கரோதி. அயம்பி கோ², மஹாலி, த⁴ம்மோ
உத்தரிதரோ ச பணீததரோ ச, யஸ்ஸ ஸச்சி²கிரியாஹேது பி⁴க்கூ² மயி ப்³ரஹ்மசரியங்
சரந்தி.

‘‘புன சபரங், மஹாலி, பி⁴க்கு² பஞ்சன்னங்
ஓரம்பா⁴கி³யானங் ஸங்யோஜனானங் பரிக்க²யா ஓபபாதிகோ ஹோதி, தத்த²
பரினிப்³பா³யீ, அனாவத்தித⁴ம்மோ தஸ்மா லோகா. அயம்பி கோ², மஹாலி, த⁴ம்மோ
உத்தரிதரோ ச பணீததரோ ச, யஸ்ஸ ஸச்சி²கிரியாஹேது பி⁴க்கூ² மயி ப்³ரஹ்மசரியங்
சரந்தி.

‘‘புன சபரங், மஹாலி, பி⁴க்கு²
ஆஸவானங் க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே
ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி. அயம்பி கோ², மஹாலி, த⁴ம்மோ
உத்தரிதரோ ச பணீததரோ ச, யஸ்ஸ ஸச்சி²கிரியாஹேது பி⁴க்கூ² மயி ப்³ரஹ்மசரியங்
சரந்தி. இமே கோ² தே, மஹாலி, த⁴ம்மா உத்தரிதரா ச பணீததரா ச, யேஸங்
ஸச்சி²கிரியாஹேது பி⁴க்கூ² மயி ப்³ரஹ்மசரியங் சரந்தீ’’தி.

அரியஅட்ட²ங்கி³கமக்³கோ³

374.
‘‘அத்தி² பன, ப⁴ந்தே, மக்³கோ³ அத்தி² படிபதா³ ஏதேஸங் த⁴ம்மானங்
ஸச்சி²கிரியாயா’’தி? ‘‘அத்தி² கோ², மஹாலி, மக்³கோ³ அத்தி² படிபதா³ ஏதேஸங்
த⁴ம்மானங் ஸச்சி²கிரியாயா’’தி.

375. ‘‘கதமோ
பன, ப⁴ந்தே, மக்³கோ³ கதமா படிபதா³ ஏதேஸங் த⁴ம்மானங் ஸச்சி²கிரியாயா’’தி?
‘‘அயமேவ அரியோ அட்ட²ங்கி³கோ மக்³கோ³. ஸெய்யதி²த³ங் – ஸம்மாதி³ட்டி²
ஸம்மாஸங்கப்போ ஸம்மாவாசா ஸம்மாகம்மந்தோ ஸம்மாஆஜீவோ ஸம்மாவாயாமோ ஸம்மாஸதி
ஸம்மாஸமாதி⁴. அயங் கோ², மஹாலி, மக்³கோ³ அயங் படிபதா³ ஏதேஸங் த⁴ம்மானங்
ஸச்சி²கிரியாய.

த்³வேபப்³ப³ஜிதவத்து²

376. ‘‘ஏகமிதா³ஹங், மஹாலி, ஸமயங் கோஸம்பி³யங் விஹராமி கோ⁴ஸிதாராமே .
அத² கோ² த்³வே பப்³ப³ஜிதா – முண்டி³யோ ச பரிப்³பா³ஜகோ ஜாலியோ ச
தா³ருபத்திகந்தேவாஸீ யேனாஹங் தேனுபஸங்கமிங்ஸு. உபஸங்கமித்வா மயா ஸத்³தி⁴ங்
ஸம்மோதி³ங்ஸு. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங்
அட்ட²ங்ஸு. ஏகமந்தங் டி²தா கோ² தே த்³வே பப்³ப³ஜிதா மங் ஏதத³வோசுங் – ‘கிங்
நு கோ², ஆவுஸோ கோ³தம, தங் ஜீவங் தங் ஸரீரங், உதா³ஹு அஞ்ஞங் ஜீவங் அஞ்ஞங்
ஸரீர’ந்தி?

377.
‘‘‘தேன ஹாவுஸோ, ஸுணாத² ஸாது⁴கங் மனஸி கரோத² பா⁴ஸிஸ்ஸாமீ’’தி. ‘ஏவமாவுஸோ’தி
கோ² தே த்³வே பப்³ப³ஜிதா மம பச்சஸ்ஸோஸுங். அஹங் ஏதத³வோசங் – இதா⁴வுஸோ
ததா²க³தோ லோகே உப்பஜ்ஜதி அரஹங் ஸம்மாஸம்பு³த்³தோ⁴…பே॰… (யதா² 190-212
அனுச்சே²தே³ஸு ஏவங் வித்தா²ரேதப்³ப³ங்). ஏவங் கோ², ஆவுஸோ, பி⁴க்கு²
ஸீலஸம்பன்னோ ஹோதி…பே॰… பட²மங் ஜா²னங் உபஸம்பஜ்ஜ விஹரதி. யோ கோ², ஆவுஸோ,
பி⁴க்கு² ஏவங் ஜானாதி ஏவங் பஸ்ஸதி, கல்லங் நு கோ² தஸ்ஸேதங் வசனாய – ‘தங்
ஜீவங் தங் ஸரீர’ந்தி வா ‘அஞ்ஞங் ஜீவங் அஞ்ஞங்
ஸரீர’ந்தி வாதி? யோ ஸோ, ஆவுஸோ, பி⁴க்கு² ஏவங் ஜானாதி ஏவங் பஸ்ஸதி, கல்லங்
தஸ்ஸேதங் வசனாய – ‘தங் ஜீவங் தங் ஸரீர’ந்தி வா, ‘அஞ்ஞங் ஜீவங் அஞ்ஞங்
ஸரீர’ந்தி வாதி. அஹங் கோ² பனேதங், ஆவுஸோ, ஏவங்
ஜானாமி ஏவங் பஸ்ஸாமி. அத² ச பனாஹங் ந வதா³மி – ‘தங் ஜீவங் தங் ஸரீர’ந்தி வா
‘அஞ்ஞங் ஜீவங் அஞ்ஞங் ஸரீர’ந்தி வா…பே॰… து³தியங் ஜா²னங்…பே॰… ததியங்
ஜா²னங்…பே॰… சதுத்த²ங் ஜா²னங் உபஸம்பஜ்ஜ விஹரதி. யோ
கோ², ஆவுஸோ, பி⁴க்கு² ஏவங் ஜானாதி ஏவங் பஸ்ஸதி, கல்லங் நு கோ² தஸ்ஸேதங்
வசனாய – ‘தங் ஜீவங் தங் ஸரீர’ந்தி வா ‘அஞ்ஞங் ஜீவங் அஞ்ஞங் ஸரீர’ந்தி வாதி?
யோ ஸோ, ஆவுஸோ, பி⁴க்கு² ஏவங் ஜானாதி ஏவங் பஸ்ஸதி ,
கல்லங் தஸ்ஸேதங் வசனாய – ‘தங் ஜீவங் தங் ஸரீர’ந்தி வா ‘அஞ்ஞங் ஜீவங் அஞ்ஞங்
ஸரீர’ந்தி வாதி. அஹங் கோ² பனேதங், ஆவுஸோ, ஏவங் ஜானாமி ஏவங் பஸ்ஸாமி. அத² ச
பனாஹங் ந வதா³மி – ‘தங் ஜீவங் தங் ஸரீர’ந்தி வா ‘அஞ்ஞங் ஜீவங் அஞ்ஞங்
ஸரீர’ந்தி வா…பே॰… ஞாணத³ஸ்ஸனாய சித்தங் அபி⁴னீஹரதி அபி⁴னின்னாமேதி…பே॰… யோ
கோ², ஆவுஸோ, பி⁴க்கு² ஏவங் ஜானாதி ஏவங் பஸ்ஸதி, கல்லங் நு கோ² தஸ்ஸேதங்
வசனாய – ‘தங் ஜீவங் தங் ஸரீர’ந்தி வா ‘அஞ்ஞங் ஜீவங் அஞ்ஞங் ஸரீர’ந்தி வாதி?
யோ ஸோ, ஆவுஸோ, பி⁴க்கு² ஏவங் ஜானாதி ஏவங் பஸ்ஸதி, கல்லங் [ந கல்லங் (ஸீ॰ ஸ்யா॰ கங்॰ க॰)]
தஸ்ஸேதங் வசனாய – ‘தங் ஜீவங் தங் ஸரீர’’ந்தி வா ‘அஞ்ஞங் ஜீவங் அஞ்ஞங்
ஸரீர’ந்தி வாதி. அஹங் கோ² பனேதங், ஆவுஸோ, ஏவங் ஜானாமி ஏவங் பஸ்ஸாமி. அத² ச
பனாஹங் ந வதா³மி – ‘தங் ஜீவங் தங் ஸரீர’ந்தி வா ‘அஞ்ஞங் ஜீவங் அஞ்ஞங்
ஸரீர’ந்தி வா…பே॰… நாபரங் இத்த²த்தாயாதி பஜானாதி.
யோ கோ², ஆவுஸோ, பி⁴க்கு² ஏவங் ஜானாதி ஏவங் பஸ்ஸதி, கல்லங் நு கோ² தஸ்ஸேதங்
வசனாய – ‘தங் ஜீவங் தங் ஸரீர’ந்தி வா ‘அஞ்ஞங் ஜீவங் அஞ்ஞங் ஸரீர’ந்தி வாதி?
யோ ஸோ, ஆவுஸோ, பி⁴க்கு² ஏவங் ஜானாதி ஏவங் பஸ்ஸதி ந கல்லங் தஸ்ஸேதங் வசனாய –
‘தங் ஜீவங் தங் ஸரீர’ந்தி வா ‘அஞ்ஞங் ஜீவங் அஞ்ஞங் ஸரீர’ந்தி வாதி. அஹங்
கோ² பனேதங், ஆவுஸோ, ஏவங் ஜானாமி ஏவங் பஸ்ஸாமி. அத² ச பனாஹங் ந வதா³மி –
‘தங் ஜீவங் தங் ஸரீர’ந்தி வா ‘அஞ்ஞங் ஜீவங் அஞ்ஞங் ஸரீர’ந்தி வா’’தி.
இத³மவோச ப⁴க³வா. அத்தமனோ ஒட்ட²த்³தோ⁴ லிச்ச²வீ ப⁴க³வதோ பா⁴ஸிதங்
அபி⁴னந்தீ³தி.

மஹாலிஸுத்தங் நிட்டி²தங் ச²ட்ட²ங்.

comments (0)

ஸுத்தபிடக-Part-5-தமிழில் திரபிடக மூன்று தொகுப்புகள்TIPITAKA–5. கூடதந்தஸுத்தங்-காணுமதகப்ராஹ்மணகஹபதிகா-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 6:02 pm

ஸுத்தபிடக-Part-5-தமிழில் திரபிடக மூன்று தொகுப்புகள்TIPITAKA--5. கூடதந்தஸுத்தங்-காணுமதகப்ராஹ்மணகஹபதிகா-from FREE ONLINE eNālāndā Research and
Practice UNIVERSITY through http://sarvajan.ambedkar.org

5. கூடதந்தஸுத்தங்

காணுமதகப்ராஹ்மணகஹபதிகா

323. ஏவங்
மே ஸுதங் – ஏகங் ஸமயங் ப⁴க³வா மக³தே⁴ஸு சாரிகங் சரமானோ மஹதா
பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி பி⁴க்கு²ஸதேஹி யேன கா²ணுமதங் நாம
மக³தா⁴னங் ப்³ராஹ்மணகா³மோ தத³வஸரி. தத்ர ஸுத³ங் ப⁴க³வா கா²ணுமதே விஹரதி
அம்ப³லட்டி²காயங். தேன கோ² பன ஸமயேன கூடத³ந்தோ ப்³ராஹ்மணோ கா²ணுமதங்
அஜ்ஜா²வஸதி ஸத்துஸ்ஸத³ங் ஸதிணகட்டோ²த³கங் ஸத⁴ஞ்ஞங் ராஜபொ⁴க்³க³ங் ரஞ்ஞா
மாக³தே⁴ன ஸேனியேன பி³ம்பி³ஸாரேன தி³ன்னங் ராஜதா³யங் ப்³ரஹ்மதெ³ய்யங். தேன
கோ² பன ஸமயேன கூடத³ந்தஸ்ஸ ப்³ராஹ்மணஸ்ஸ மஹாயஞ்ஞோ உபக்க²டோ ஹோதி. ஸத்த ச
உஸப⁴ஸதானி ஸத்த ச வச்ச²தரஸதானி ஸத்த ச வச்ச²தரீஸதானி ஸத்த ச அஜஸதானி ஸத்த ச
உரப்³ப⁴ஸதானி தூ²ணூபனீதானி ஹொந்தி யஞ்ஞத்தா²ய.

324.
அஸ்ஸோஸுங் கோ² கா²ணுமதகா ப்³ராஹ்மணக³ஹபதிகா – ‘‘ஸமணோ க²லு, போ⁴, கோ³தமோ
ஸக்யபுத்தோ ஸக்யகுலா பப்³ப³ஜிதோ மக³தே⁴ஸு சாரிகங் சரமானோ மஹதா
பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி பி⁴க்கு²ஸதேஹி கா²ணுமதங் அனுப்பத்தோ
கா²ணுமதே விஹரதி அம்ப³லட்டி²காயங். தங் கோ² பன ப⁴வந்தங் கோ³தமங் ஏவங்
கல்யாணோ கித்திஸத்³தோ³ அப்³பு⁴க்³க³தோ – ‘இதிபி ஸோ ப⁴க³வா அரஹங்
ஸம்மாஸம்பு³த்³தோ⁴ விஜ்ஜாசரணஸம்பன்னோ ஸுக³தோ லோகவிதூ³ அனுத்தரோ
புரிஸத³ம்மஸாரதி² ஸத்தா² தே³வமனுஸ்ஸானங் பு³த்³தோ⁴ ப⁴க³வா’தி . ஸோ இமங் லோகங் ஸதே³வகங் ஸமாரகங்
ஸப்³ரஹ்மகங் ஸஸ்ஸமணப்³ராஹ்மணிங் பஜங் ஸதே³வமனுஸ்ஸங் ஸயங் அபி⁴ஞ்ஞா
ஸச்சி²கத்வா பவேதே³தி. ஸோ த⁴ம்மங் தே³ஸேதி ஆதி³கல்யாணங் மஜ்ஜே²கல்யாணங்
பரியோஸானகல்யாணங் ஸாத்த²ங் ஸப்³யஞ்ஜனங் கேவலபரிபுண்ணங் பரிஸுத்³த⁴ங்
ப்³ரஹ்மசரியங் பகாஸேதி. ஸாது⁴ கோ² பன ததா²ரூபானங் அரஹதங் த³ஸ்ஸனங்
ஹோதீ’’தி.

325. அத² கோ² கா²ணுமதகா ப்³ராஹ்மணக³ஹபதிகா கா²ணுமதா நிக்க²மித்வா ஸங்க⁴ஸங்கீ⁴ க³ணீபூ⁴தா யேன அம்ப³லட்டி²கா தேனுபஸங்கமந்தி.

326. தேன
கோ² பன ஸமயேன கூடத³ந்தோ ப்³ராஹ்மணோ உபரிபாஸாதே³ தி³வாஸெய்யங் உபக³தோ ஹோதி.
அத்³த³ஸா கோ² கூடத³ந்தோ ப்³ராஹ்மணோ கா²ணுமதகே ப்³ராஹ்மணக³ஹபதிகே கா²ணுமதா
நிக்க²மித்வா ஸங்க⁴ஸங்கீ⁴ க³ணீபூ⁴தே யேன அம்ப³லட்டி²கா தேனுபஸங்கமந்தே.
தி³ஸ்வா க²த்தங் ஆமந்தேஸி – ‘‘கிங் நு கோ², போ⁴ க²த்தே, கா²ணுமதகா
ப்³ராஹ்மணக³ஹபதிகா கா²ணுமதா நிக்க²மித்வா ஸங்க⁴ஸங்கீ⁴ க³ணீபூ⁴தா யேன
அம்ப³லட்டி²கா தேனுபஸங்கமந்தீ’’தி?

327.
‘‘அத்தி² கோ², போ⁴, ஸமணோ கோ³தமோ ஸக்யபுத்தோ ஸக்யகுலா பப்³ப³ஜிதோ மக³தே⁴ஸு
சாரிகங் சரமானோ மஹதா பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி பி⁴க்கு²ஸதேஹி
கா²ணுமதங் அனுப்பத்தோ, கா²ணுமதே விஹரதி அம்ப³லட்டி²காயங். தங் கோ² பன
ப⁴வந்தங் கோ³தமங் ஏவங் கல்யாணோ கித்திஸத்³தோ³ அப்³பு⁴க்³க³தோ – ‘இதிபி ஸோ
ப⁴க³வா அரஹங் ஸம்மாஸம்பு³த்³தோ⁴ விஜ்ஜாசரணஸம்பன்னோ ஸுக³தோ லோகவிதூ³
அனுத்தரோ புரிஸத³ம்மஸாரதி² ஸத்தா² தே³வமனுஸ்ஸானங் பு³த்³தோ⁴ ப⁴க³வா’தி.
தமேதே ப⁴வந்தங் கோ³தமங் த³ஸ்ஸனாய உபஸங்கமந்தீ’’தி.

328. அத² கோ² கூடத³ந்தஸ்ஸ ப்³ராஹ்மணஸ்ஸ ஏதத³ஹோஸி – ‘‘ஸுதங் கோ² பன மேதங் – ‘ஸமணோ
கோ³தமோ திவித⁴ங் யஞ்ஞஸம்பத³ங் ஸோளஸபரிக்கா²ரங் ஜானாதீ’தி. ந கோ² பனாஹங்
ஜானாமி திவித⁴ங் யஞ்ஞஸம்பத³ங் ஸோளஸபரிக்கா²ரங். இச்சா²மி சாஹங் மஹாயஞ்ஞங்
யஜிதுங். யங்னூனாஹங் ஸமணங் கோ³தமங் உபஸங்கமித்வா திவித⁴ங் யஞ்ஞஸம்பத³ங் ஸோளஸபரிக்கா²ரங் புச்செ²ய்ய’’ந்தி.

329.
அத² கோ² கூடத³ந்தோ ப்³ராஹ்மணோ க²த்தங் ஆமந்தேஸி – ‘‘தேன ஹி, போ⁴ க²த்தே,
யேன கா²ணுமதகா ப்³ராஹ்மணக³ஹபதிகா தேனுபஸங்கம. உபஸங்கமித்வா கா²ணுமதகே
ப்³ராஹ்மணக³ஹபதிகே ஏவங் வதே³ஹி – ‘கூடத³ந்தோ, போ⁴, ப்³ராஹ்மணோ ஏவமாஹ –
‘‘ஆக³மெந்து கிர ப⁴வந்தோ, கூடத³ந்தோபி ப்³ராஹ்மணோ ஸமணங் கோ³தமங் த³ஸ்ஸனாய
உபஸங்கமிஸ்ஸதீ’’’தி. ‘‘ஏவங், போ⁴’’தி கோ² ஸோ க²த்தா கூடத³ந்தஸ்ஸ
ப்³ராஹ்மணஸ்ஸ படிஸ்ஸுத்வா யேன கா²ணுமதகா ப்³ராஹ்மணக³ஹபதிகா தேனுபஸங்கமி.
உபஸங்கமித்வா கா²ணுமதகே ப்³ராஹ்மணக³ஹபதிகே ஏதத³வோச – ‘‘கூடத³ந்தோ, போ⁴,
ப்³ராஹ்மணோ ஏவமாஹ – ‘ஆக³மெந்து கிர பொ⁴ந்தோ, கூடத³ந்தோபி ப்³ராஹ்மணோ ஸமணங்
கோ³தமங் த³ஸ்ஸனாய உபஸங்கமிஸ்ஸதீ’’’தி.

கூடத³ந்தகு³ணகதா²

330. தேன
கோ² பன ஸமயேன அனேகானி ப்³ராஹ்மணஸதானி கா²ணுமதே படிவஸந்தி – ‘‘கூடத³ந்தஸ்ஸ
ப்³ராஹ்மணஸ்ஸ மஹாயஞ்ஞங் அனுப⁴விஸ்ஸாமா’’தி. அஸ்ஸோஸுங் கோ² தே ப்³ராஹ்மணா –
‘‘கூடத³ந்தோ கிர ப்³ராஹ்மணோ ஸமணங் கோ³தமங் த³ஸ்ஸனாய உபஸங்கமிஸ்ஸதீ’’தி. அத²
கோ² தே ப்³ராஹ்மணா யேன கூடத³ந்தோ ப்³ராஹ்மணோ தேனுபஸங்கமிங்ஸு.

331.
உபஸங்கமித்வா கூடத³ந்தங் ப்³ராஹ்மணங் ஏதத³வோசுங் – ‘‘ஸச்சங் கிர ப⁴வங்
கூடத³ந்தோ ஸமணங் கோ³தமங் த³ஸ்ஸனாய உபஸங்கமிஸ்ஸதீ’’தி? ‘‘ஏவங் கோ² மே, போ⁴,
ஹோதி – ‘அஹம்பி ஸமணங் கோ³தமங் த³ஸ்ஸனாய உபஸங்கமிஸ்ஸாமீ’’’தி.

‘‘மா ப⁴வங் கூடத³ந்தோ ஸமணங் கோ³தமங் த³ஸ்ஸனாய
உபஸங்கமி. ந அரஹதி ப⁴வங் கூடத³ந்தோ ஸமணங் கோ³தமங் த³ஸ்ஸனாய உபஸங்கமிதுங்.
ஸசே ப⁴வங் கூடத³ந்தோ ஸமணங் கோ³தமங் த³ஸ்ஸனாய உபஸங்கமிஸ்ஸதி, போ⁴தோ
கூடத³ந்தஸ்ஸ யஸோ ஹாயிஸ்ஸதி, ஸமணஸ்ஸ கோ³தமஸ்ஸ யஸோ அபி⁴வட்³டி⁴ஸ்ஸதி. யம்பி
போ⁴தோ கூடத³ந்தஸ்ஸ யஸோ ஹாயிஸ்ஸதி, ஸமணஸ்ஸ கோ³தமஸ்ஸ யஸோ அபி⁴வட்³டி⁴ஸ்ஸதி,
இமினாபங்கே³ன ந அரஹதி ப⁴வங் கூடத³ந்தோ ஸமணங் கோ³தமங் த³ஸ்ஸனாய
உபஸங்கமிதுங். ஸமணோ த்வேவ கோ³தமோ அரஹதி ப⁴வந்தங் கூடத³ந்தங் த³ஸ்ஸனாய
உபஸங்கமிதுங் .

‘‘ப⁴வஞ்ஹி கூடத³ந்தோ உப⁴தோ ஸுஜாதோ மாதிதோ ச பிதிதோ ச
ஸங்ஸுத்³த⁴க³ஹணிகோ யாவ ஸத்தமா பிதாமஹயுகா³ அக்கி²த்தோ அனுபக்குட்டோ²
ஜாதிவாதே³ன. யம்பி ப⁴வங் கூடத³ந்தோ உப⁴தோ ஸுஜாதோ மாதிதோ ச பிதிதோ ச
ஸங்ஸுத்³த⁴க³ஹணிகோ யாவ ஸத்தமா பிதாமஹயுகா³ அக்கி²த்தோ அனுபக்குட்டோ²
ஜாதிவாதே³ன, இமினாபங்கே³ன ந அரஹதி ப⁴வங் கூடத³ந்தோ ஸமணங் கோ³தமங் த³ஸ்ஸனாய
உபஸங்கமிதுங். ஸமணோ த்வேவ கோ³தமோ அரஹதி ப⁴வந்தங் கூடத³ந்தங் த³ஸ்ஸனாய
உபஸங்கமிதுங்.

‘‘ப⁴வஞ்ஹி கூடத³ந்தோ அட்³டோ⁴ மஹத்³த⁴னோ மஹாபோ⁴கோ³ பஹூதவித்தூபகரணோ பஹூதஜாதரூபரஜதோ…பே॰…

‘‘ப⁴வஞ்ஹி கூடத³ந்தோ அஜ்ஜா²யகோ மந்தத⁴ரோ திண்ணங்
வேதா³னங் பாரகூ³ ஸனிக⁴ண்டு³கேடுபா⁴னங் ஸாக்க²ரப்பபே⁴தா³னங் இதிஹாஸபஞ்சமானங்
பத³கோ வெய்யாகரணோ லோகாயதமஹாபுரிஸலக்க²ணேஸு அனவயோ…பே॰…

‘‘ப⁴வஞ்ஹி கூடத³ந்தோ அபி⁴ரூபோ த³ஸ்ஸனீயோ பாஸாதி³கோ பரமாய வண்ணபொக்க²ரதாய ஸமன்னாக³தோ ப்³ரஹ்மவண்ணீ ப்³ரஹ்மவச்ச²ஸீ அகு²த்³தா³வகாஸோ த³ஸ்ஸனாய…பே॰…

‘‘ப⁴வஞ்ஹி கூடத³ந்தோ ஸீலவா வுத்³த⁴ஸீலீ வுத்³த⁴ஸீலேன ஸமன்னாக³தோ…பே॰…

‘‘ப⁴வஞ்ஹி கூடத³ந்தோ கல்யாணவாசோ கல்யாணவாக்கரணோ போரியா வாசாய ஸமன்னாக³தோ விஸ்ஸட்டா²ய அனேலக³லாய அத்த²ஸ்ஸ விஞ்ஞாபனியா…பே॰…

‘‘ப⁴வஞ்ஹி கூடத³ந்தோ ப³ஹூனங் ஆசரியபாசரியோ தீணி
மாணவகஸதானி மந்தே வாசேதி, ப³ஹூ கோ² பன நானாதி³ஸா நானாஜனபதா³ மாணவகா
ஆக³ச்ச²ந்தி போ⁴தோ கூடத³ந்தஸ்ஸ ஸந்திகே மந்தத்தி²கா மந்தே
அதி⁴யிதுகாமா…பே॰…

‘‘ப⁴வஞ்ஹி கூடத³ந்தோ ஜிண்ணோ வுத்³தோ⁴ மஹல்லகோ அத்³த⁴க³தோ வயோஅனுப்பத்தோ. ஸமணோ கோ³தமோ தருணோ சேவ தருணபப்³ப³ஜிதோ ச…பே॰…

‘‘ப⁴வஞ்ஹி கூடத³ந்தோ ரஞ்ஞோ மாக³த⁴ஸ்ஸ ஸேனியஸ்ஸ பி³ம்பி³ஸாரஸ்ஸ ஸக்கதோ க³ருகதோ மானிதோ பூஜிதோ அபசிதோ…பே॰…

‘‘ப⁴வஞ்ஹி கூடத³ந்தோ ப்³ராஹ்மணஸ்ஸ பொக்க²ரஸாதிஸ்ஸ ஸக்கதோ க³ருகதோ மானிதோ பூஜிதோ அபசிதோ…பே॰…

‘‘ப⁴வஞ்ஹி கூடத³ந்தோ கா²ணுமதங்
அஜ்ஜா²வஸதி ஸத்துஸ்ஸத³ங் ஸதிணகட்டோ²த³கங் ஸத⁴ஞ்ஞங் ராஜபொ⁴க்³க³ங் ரஞ்ஞா
மாக³தே⁴ன ஸேனியேன பி³ம்பி³ஸாரேன தி³ன்னங் ராஜதா³யங் ப்³ரஹ்மதெ³ய்யங். யம்பி
ப⁴வங் கூடத³ந்தோ கா²ணுமதங் அஜ்ஜா²வஸதி ஸத்துஸ்ஸத³ங் ஸதிணகட்டோ²த³கங்
ஸத⁴ஞ்ஞங் ராஜபொ⁴க்³க³ங், ரஞ்ஞா மாக³தே⁴ன ஸேனியேன பி³ம்பி³ஸாரேன தி³ன்னங்
ராஜதா³யங் ப்³ரஹ்மதெ³ய்யங், இமினாபங்கே³ன ந அரஹதி ப⁴வங் கூடத³ந்தோ ஸமணங்
கோ³தமங் த³ஸ்ஸனாய உபஸங்கமிதுங். ஸமணொத்வேவ கோ³தமோ அரஹதி ப⁴வந்தங்
கூடத³ந்தங் த³ஸ்ஸனாய உபஸங்கமிது’’ந்தி.

பு³த்³த⁴கு³ணகதா²

332. ஏவங் வுத்தே கூடத³ந்தோ ப்³ராஹ்மணோ தே ப்³ராஹ்மணே ஏதத³வோச –

‘‘தேன ஹி, போ⁴, மமபி ஸுணாத², யதா² மயமேவ அரஹாம தங் ப⁴வந்தங்
கோ³தமங் த³ஸ்ஸனாய உபஸங்கமிதுங், ந த்வேவ அரஹதி ஸோ ப⁴வங் கோ³தமோ அம்ஹாகங்
த³ஸ்ஸனாய உபஸங்கமிதுங். ஸமணோ க²லு, போ⁴, கோ³தமோ உப⁴தோ ஸுஜாதோ மாதிதோ ச
பிதிதோ ச ஸங்ஸுத்³த⁴க³ஹணிகோ யாவ ஸத்தமா பிதாமஹயுகா³ அக்கி²த்தோ
அனுபக்குட்டோ² ஜாதிவாதே³ன. யம்பி, போ⁴, ஸமணோ கோ³தமோ உப⁴தோ ஸுஜாதோ மாதிதோ ச
பிதிதோ ச ஸங்ஸுத்³த⁴க³ஹணிகோ யாவ ஸத்தமா பிதாமஹயுகா³ அக்கி²த்தோ
அனுபக்குட்டோ² ஜாதிவாதே³ன, இமினாபங்கே³ன ந அரஹதி ஸோ ப⁴வங் கோ³தமோ அம்ஹாகங்
த³ஸ்ஸனாய உபஸங்கமிதுங். அத² கோ² மயமேவ அரஹாம தங் ப⁴வந்தங் கோ³தமங் த³ஸ்ஸனாய
உபஸங்கமிதுங்.

‘‘ஸமணோ க²லு, போ⁴, கோ³தமோ மஹந்தங் ஞாதிஸங்க⁴ங் ஓஹாய பப்³ப³ஜிதோ…பே॰…

‘‘ஸமணோ க²லு, போ⁴, கோ³தமோ பஹூதங் ஹிரஞ்ஞஸுவண்ணங் ஓஹாய பப்³ப³ஜிதோ பூ⁴மிக³தஞ்ச வேஹாஸட்ட²ங் ச…பே॰…

‘‘ஸமணோ க²லு, போ⁴, கோ³தமோ த³ஹரோவ ஸமானோ யுவா
ஸுஸுகாளகேஸோ ப⁴த்³ரேன யொப்³ப³னேன ஸமன்னாக³தோ பட²மேன வயஸா அகா³ரஸ்மா
அனகா³ரியங் பப்³ப³ஜிதோ…பே॰…

‘‘ஸமணோ க²லு, போ⁴, கோ³தமோ அகாமகானங் மாதாபிதூனங்
அஸ்ஸுமுகா²னங் ருத³ந்தானங் கேஸமஸ்ஸுங் ஓஹாரெத்வா காஸாயானி வத்தா²னி
அச்சா²தெ³த்வா அகா³ரஸ்மா அனகா³ரியங் பப்³ப³ஜிதோ…பே॰…

‘‘ஸமணோ க²லு, போ⁴, கோ³தமோ அபி⁴ரூபோ த³ஸ்ஸனீயோ
பாஸாதி³கோ பரமாய வண்ணபொக்க²ரதாய ஸமன்னாக³தோ ப்³ரஹ்மவண்ணீ ப்³ரஹ்மவச்ச²ஸீ
அகு²த்³தா³வகாஸோ த³ஸ்ஸனாய …பே॰…

‘‘ஸமணோ க²லு, போ⁴, கோ³தமோ ஸீலவா அரியஸீலீ குஸலஸீலீ குஸலஸீலேன ஸமன்னாக³தோ…பே॰…

‘‘ஸமணோ க²லு, போ⁴, கோ³தமோ கல்யாணவாசோ கல்யாணவாக்கரணோ போரியா வாசாய ஸமன்னாக³தோ விஸ்ஸட்டா²ய அனேலக³லாய அத்த²ஸ்ஸ விஞ்ஞாபனியா…பே॰…

‘‘ஸமணோ க²லு, போ⁴, கோ³தமோ ப³ஹூனங் ஆசரியபாசரியோ…பே॰…

‘‘ஸமணோ க²லு, போ⁴, கோ³தமோ கீ²ணகாமராகோ³ விக³தசாபல்லோ…பே॰…

‘‘ஸமணோ க²லு, போ⁴, கோ³தமோ கம்மவாதீ³ கிரியவாதீ³ அபாபபுரெக்கா²ரோ ப்³ரஹ்மஞ்ஞாய பஜாய…பே॰…

‘‘ஸமணோ க²லு, போ⁴, கோ³தமோ உச்சா குலா பப்³ப³ஜிதோ அஸம்பி⁴ன்னக²த்தியகுலா…பே॰…

‘‘ஸமணோ க²லு, போ⁴, கோ³தமோ அட்³டா⁴ குலா பப்³ப³ஜிதோ மஹத்³த⁴னா மஹாபோ⁴கா³…பே॰…

‘‘ஸமணங் க²லு, போ⁴, கோ³தமங் திரோரட்டா² திரோஜனபதா³ பஞ்ஹங் புச்சி²துங் ஆக³ச்ச²ந்தி…பே॰…

‘‘ஸமணங் க²லு, போ⁴, கோ³தமங் அனேகானி தே³வதாஸஹஸ்ஸானி பாணேஹி ஸரணங் க³தானி…பே॰…

‘‘ஸமணங் க²லு, போ⁴, கோ³தமங் ஏவங் கல்யாணோ
கித்திஸத்³தோ³ அப்³பு⁴க்³க³தோ – ‘இதிபி ஸோ ப⁴க³வா அரஹங் ஸம்மாஸம்பு³த்³தோ⁴
விஜ்ஜாசரணஸம்பன்னோ ஸுக³தோ லோகவிதூ³ அனுத்தரோ புரிஸத³ம்மஸாரதி² ஸத்தா²
தே³வமனுஸ்ஸானங் பு³த்³தோ⁴ ப⁴க³வா’ தி…பே॰…

‘‘ஸமணோ க²லு, போ⁴, கோ³தமோ த்³வத்திங்ஸமஹாபுரிஸலக்க²ணேஹி ஸமன்னாக³தோ…பே॰…

‘‘ஸமணோ க²லு, போ⁴, கோ³தமோ ஏஹிஸ்வாக³தவாதீ³ ஸகி²லோ ஸம்மோத³கோ அப்³பா⁴குடிகோ உத்தானமுகோ² புப்³ப³பா⁴ஸீ…பே॰…

‘‘ஸமணோ க²லு, போ⁴, கோ³தமோ சதுன்னங் பரிஸானங் ஸக்கதோ க³ருகதோ மானிதோ பூஜிதோ அபசிதோ…பே॰…

‘‘ஸமணே க²லு, போ⁴, கோ³தமே ப³ஹூ தே³வா ச மனுஸ்ஸா ச அபி⁴ப்பஸன்னா…பே॰…

‘‘ஸமணோ க²லு, போ⁴, கோ³தமோ யஸ்மிங் கா³மே வா நிக³மே வா படிவஸதி ந தஸ்மிங் கா³மே வா நிக³மே வா அமனுஸ்ஸா மனுஸ்ஸே விஹேடெ²ந்தி…பே॰…

‘‘ஸமணோ க²லு, போ⁴, கோ³தமோ ஸங்கீ⁴ க³ணீ க³ணாசரியோ
புது²தித்த²கரானங் அக்³க³மக்கா²யதி, யதா² கோ² பன, போ⁴, ஏதேஸங்
ஸமணப்³ராஹ்மணானங் யதா² வா ததா² வா யஸோ ஸமுதா³க³ச்ச²தி, ந ஹேவங் ஸமணஸ்ஸ கோ³தமஸ்ஸ யஸோ ஸமுதா³க³தோ. அத² கோ² அனுத்தராய விஜ்ஜாசரணஸம்பதா³ய ஸமணஸ்ஸ கோ³தமஸ்ஸ யஸோ ஸமுதா³க³தோ…பே॰…

‘‘ஸமணங் க²லு, போ⁴, கோ³தமங் ராஜா மாக³தோ⁴ ஸேனியோ பி³ம்பி³ஸாரோ ஸபுத்தோ ஸப⁴ரியோ ஸபரிஸோ ஸாமச்சோ பாணேஹி ஸரணங் க³தோ…பே॰…

‘‘ஸமணங் க²லு, போ⁴, கோ³தமங் ராஜா பஸேனதி³ கோஸலோ ஸபுத்தோ ஸப⁴ரியோ ஸபரிஸோ ஸாமச்சோ பாணேஹி ஸரணங் க³தோ…பே॰…

‘‘ஸமணங் க²லு, போ⁴, கோ³தமங் ப்³ராஹ்மணோ பொக்க²ரஸாதி ஸபுத்தோ ஸப⁴ரியோ ஸபரிஸோ ஸாமச்சோ பாணேஹி ஸரணங் க³தோ…பே॰…

‘‘ஸமணோ க²லு, போ⁴, கோ³தமோ ரஞ்ஞோ மாக³த⁴ஸ்ஸ ஸேனியஸ்ஸ பி³ம்பி³ஸாரஸ்ஸ ஸக்கதோ க³ருகதோ மானிதோ பூஜிதோ அபசிதோ…பே॰…

‘‘ஸமணோ க²லு, போ⁴, கோ³தமோ ரஞ்ஞோ பஸேனதி³ஸ்ஸ கோஸலஸ்ஸ ஸக்கதோ க³ருகதோ மானிதோ பூஜிதோ அபசிதோ…பே॰…

‘‘ஸமணோ க²லு, போ⁴, கோ³தமோ ப்³ராஹ்மணஸ்ஸ பொக்க²ரஸாதிஸ்ஸ ஸக்கதோ க³ருகதோ மானிதோ பூஜிதோ அபசிதோ…பே॰…

‘‘ஸமணோ க²லு, போ⁴, கோ³தமோ கா²ணுமதங் அனுப்பத்தோ
கா²ணுமதே விஹரதி அம்ப³லட்டி²காயங். யே கோ² பன, போ⁴, கேசி ஸமணா வா
ப்³ராஹ்மணா வா அம்ஹாகங் கா³மகெ²த்தங் ஆக³ச்ச²ந்தி, அதிதீ² நோ
தே ஹொந்தி. அதிதீ² கோ² பனம்ஹேஹி ஸக்காதப்³பா³ க³ருகாதப்³பா³ மானேதப்³பா³
பூஜேதப்³பா³ அபசேதப்³பா³. யம்பி, போ⁴, ஸமணோ கோ³தமோ கா²ணுமதங் அனுப்பத்தோ
கா²ணுமதே விஹரதி அம்ப³லட்டி²காயங், அதிதி²ம்ஹாகங் ஸமணோ கோ³தமோ. அதிதி² கோ²
பனம்ஹேஹி ஸக்காதப்³போ³ க³ருகாதப்³போ³ மானேதப்³போ³ பூஜேதப்³போ³ அபசேதப்³போ³.
இமினாபங்கே³ன நாரஹதி ஸோ ப⁴வங் கோ³தமோ அம்ஹாகங் த³ஸ்ஸனாய உபஸங்கமிதுங். அத²
கோ² மயமேவ அரஹாம தங் ப⁴வந்தங் கோ³தமங் த³ஸ்ஸனாய
உபஸங்கமிதுங். எத்தகே கோ² அஹங், போ⁴, தஸ்ஸ போ⁴தோ கோ³தமஸ்ஸ வண்ணே
பரியாபுணாமி, நோ ச கோ² ஸோ ப⁴வங் கோ³தமோ எத்தகவண்ணோ. அபரிமாணவண்ணோ ஹி ஸோ
ப⁴வங் கோ³தமோ’’தி.

333. ஏவங்
வுத்தே, தே ப்³ராஹ்மணா கூடத³ந்தங் ப்³ராஹ்மணங் ஏதத³வோசுங் – ‘‘யதா² கோ²
ப⁴வங் கூடத³ந்தோ ஸமணஸ்ஸ கோ³தமஸ்ஸ வண்ணே பா⁴ஸதி, இதோ சேபி ஸோ ப⁴வங் கோ³தமோ
யோஜனஸதே விஹரதி, அலமேவ ஸத்³தே⁴ன குலபுத்தேன த³ஸ்ஸனாய உபஸங்கமிதுங் அபி
புடோஸேனா’’தி. ‘‘தேன ஹி, போ⁴, ஸப்³பே³வ மயங் ஸமணங் கோ³தமங் த³ஸ்ஸனாய
உபஸங்கமிஸ்ஸாமா’’தி.

மஹாவிஜிதராஜயஞ்ஞகதா²

334.
அத² கோ² கூடத³ந்தோ ப்³ராஹ்மணோ மஹதா ப்³ராஹ்மணக³ணேன ஸத்³தி⁴ங் யேன
அம்ப³லட்டி²கா யேன ப⁴க³வா தேனுபஸங்கமி, உபஸங்கமித்வா ப⁴க³வதா ஸத்³தி⁴ங்
ஸம்மோதி³ . ஸம்மோத³னீயங் கத²ங் ஸாரணீயங்
வீதிஸாரெத்வா ஏகமந்தங் நிஸீதி³. கா²ணுமதகாபி கோ² ப்³ராஹ்மணக³ஹபதிகா
அப்பேகச்சே ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு; அப்பேகச்சே
ப⁴க³வதா ஸத்³தி⁴ங் ஸம்மோதி³ங்ஸு, ஸம்மோத³னீயங் கத²ங் ஸாரணீயங் வீதிஸாரெத்வா
ஏகமந்தங் நிஸீதி³ங்ஸு; அப்பேகச்சே யேன ப⁴க³வா தேனஞ்ஜலிங் பணாமெத்வா
ஏகமந்தங் நிஸீதி³ங்ஸு; அப்பேகச்சே நாமகொ³த்தங் ஸாவெத்வா ஏகமந்தங்
நிஸீதி³ங்ஸு; அப்பேகச்சே துண்ஹீபூ⁴தா ஏகமந்தங் நிஸீதி³ங்ஸு.

335.
ஏகமந்தங் நிஸின்னோ கோ² கூடத³ந்தோ ப்³ராஹ்மணோ ப⁴க³வந்தங் ஏதத³வோச – ‘‘ஸுதங்
மேதங், போ⁴ கோ³தம – ‘ஸமணோ கோ³தமோ திவித⁴ங் யஞ்ஞஸம்பத³ங் ஸோளஸபரிக்கா²ரங்
ஜானாதீ’தி. ந கோ² பனாஹங் ஜானாமி திவித⁴ங் யஞ்ஞஸம்பத³ங் ஸோளஸபரிக்கா²ரங்.
இச்சா²மி சாஹங் மஹாயஞ்ஞங் யஜிதுங். ஸாது⁴ மே ப⁴வங் கோ³தமோ திவித⁴ங் யஞ்ஞஸம்பத³ங் ஸோளஸபரிக்கா²ரங் தே³ஸேதூ’’தி.

336.
‘‘தேன ஹி, ப்³ராஹ்மண, ஸுணாஹி ஸாது⁴கங் மனஸிகரோஹி, பா⁴ஸிஸ்ஸாமீ’’தி.
‘‘ஏவங், போ⁴’’தி கோ² கூடத³ந்தோ ப்³ராஹ்மணோ ப⁴க³வதோ பச்சஸ்ஸோஸி. ப⁴க³வா
ஏதத³வோச – ‘‘பூ⁴தபுப்³ப³ங், ப்³ராஹ்மண , ராஜா
மஹாவிஜிதோ நாம அஹோஸி அட்³டோ⁴ மஹத்³த⁴னோ மஹாபோ⁴கோ³ பஹூதஜாதரூபரஜதோ
பஹூதவித்தூபகரணோ பஹூதத⁴னத⁴ஞ்ஞோ பரிபுண்ணகோஸகொட்டா²கா³ரோ. அத² கோ²,
ப்³ராஹ்மண, ரஞ்ஞோ மஹாவிஜிதஸ்ஸ ரஹோக³தஸ்ஸ படிஸல்லீனஸ்ஸ ஏவங் சேதஸோ
பரிவிதக்கோ உத³பாதி³ – ‘அதி⁴க³தா கோ² மே விபுலா மானுஸகா போ⁴கா³, மஹந்தங்
பத²விமண்ட³லங் அபி⁴விஜிய அஜ்ஜா²வஸாமி , யங்னூனாஹங் மஹாயஞ்ஞங் யஜெய்யங், யங் மம அஸ்ஸ தீ³க⁴ரத்தங் ஹிதாய ஸுகா²யா’தி.

337.
‘‘அத² கோ², ப்³ராஹ்மண, ராஜா மஹாவிஜிதோ புரோஹிதங் ப்³ராஹ்மணங் ஆமந்தெத்வா
ஏதத³வோச – ‘இத⁴ மய்ஹங், ப்³ராஹ்மண, ரஹோக³தஸ்ஸ படிஸல்லீனஸ்ஸ ஏவங் சேதஸோ
பரிவிதக்கோ உத³பாதி³ – அதி⁴க³தா கோ² மே விபுலா மானுஸகா போ⁴கா³ ,
மஹந்தங் பத²விமண்ட³லங் அபி⁴விஜிய அஜ்ஜா²வஸாமி. யங்னூனாஹங் மஹாயஞ்ஞங்
யஜெய்யங் யங் மம அஸ்ஸ தீ³க⁴ரத்தங் ஹிதாய ஸுகா²யா’தி. இச்சா²மஹங்,
ப்³ராஹ்மண, மஹாயஞ்ஞங் யஜிதுங். அனுஸாஸது மங் ப⁴வங் யங் மம அஸ்ஸ தீ³க⁴ரத்தங்
ஹிதாய ஸுகா²யா’’’தி.

338.
‘‘ஏவங் வுத்தே, ப்³ராஹ்மண, புரோஹிதோ ப்³ராஹ்மணோ ராஜானங் மஹாவிஜிதங்
ஏதத³வோச – ‘போ⁴தோ கோ² ரஞ்ஞோ ஜனபதோ³ ஸகண்டகோ ஸஉப்பீளோ, கா³மகா⁴தாபி
தி³ஸ்ஸந்தி, நிக³மகா⁴தாபி தி³ஸ்ஸந்தி, நக³ரகா⁴தாபி தி³ஸ்ஸந்தி ,
பந்த²து³ஹனாபி தி³ஸ்ஸந்தி. ப⁴வங் கோ² பன ராஜா ஏவங் ஸகண்டகே ஜனபதே³
ஸஉப்பீளே ப³லிமுத்³த⁴ரெய்ய, அகிச்சகாரீ அஸ்ஸ தேன ப⁴வங் ராஜா. ஸியா கோ² பன
போ⁴தோ ரஞ்ஞோ ஏவமஸ்ஸ – ‘‘அஹமேதங் த³ஸ்ஸுகீ²லங் வதே⁴ன வா ப³ந்தே⁴ன வா ஜானியா
வா க³ரஹாய வா பப்³பா³ஜனாய வா ஸமூஹனிஸ்ஸாமீ’’தி, ந கோ² பனேதஸ்ஸ
த³ஸ்ஸுகீ²லஸ்ஸ ஏவங் ஸம்மா ஸமுக்³கா⁴தோ ஹோதி. யே தே ஹதாவஸேஸகா ப⁴விஸ்ஸந்தி,
தே பச்சா² ரஞ்ஞோ ஜனபத³ங் விஹேடெ²ஸ்ஸந்தி. அபி ச கோ² இத³ங் ஸங்விதா⁴னங்
ஆக³ம்ம ஏவமேதஸ்ஸ த³ஸ்ஸுகீ²லஸ்ஸ ஸம்மா ஸமுக்³கா⁴தோ ஹோதி. தேன ஹி ப⁴வங் ராஜா
யே போ⁴தோ ரஞ்ஞோ ஜனபதே³ உஸ்ஸஹந்தி கஸிகோ³ரக்கே², தேஸங் ப⁴வங் ராஜா
பீ³ஜப⁴த்தங் அனுப்பதே³து. யே போ⁴தோ ரஞ்ஞோ ஜனபதே³ உஸ்ஸஹந்தி வாணிஜ்ஜாய,
தேஸங் ப⁴வங் ராஜா பாப⁴தங் அனுப்பதே³து. யே போ⁴தோ ரஞ்ஞோ ஜனபதே³ உஸ்ஸஹந்தி
ராஜபோரிஸே, தேஸங் ப⁴வங் ராஜா ப⁴த்தவேதனங் பகப்பேது. தே ச மனுஸ்ஸா
ஸகம்மபஸுதா ரஞ்ஞோ ஜனபத³ங் ந விஹேடெ²ஸ்ஸந்தி; மஹா ச ரஞ்ஞோ ராஸிகோ ப⁴விஸ்ஸதி.
கே²மட்டி²தா ஜனபதா³ அகண்டகா அனுப்பீளா. மனுஸ்ஸா முதா³ மோத³மானா உரே புத்தே
நச்செந்தா அபாருதக⁴ரா மஞ்ஞே விஹரிஸ்ஸந்தீ’தி. ‘ஏவங், போ⁴’தி கோ²,
ப்³ராஹ்மண, ராஜா மஹாவிஜிதோ புரோஹிதஸ்ஸ ப்³ராஹ்மணஸ்ஸ படிஸ்ஸுத்வா யே ரஞ்ஞோ
ஜனபதே³ உஸ்ஸஹிங்ஸு கஸிகோ³ரக்கே², தேஸங் ராஜா மஹாவிஜிதோ பீ³ஜப⁴த்தங் அனுப்பதா³ஸி. யே ச ரஞ்ஞோ ஜனபதே³ உஸ்ஸஹிங்ஸு வாணிஜ்ஜாய, தேஸங் ராஜா மஹாவிஜிதோ பாப⁴தங் அனுப்பதா³ஸி. யே ச ரஞ்ஞோ ஜனபதே³ உஸ்ஸஹிங்ஸு
ராஜபோரிஸே, தேஸங் ராஜா மஹாவிஜிதோ ப⁴த்தவேதனங் பகப்பேஸி. தே ச மனுஸ்ஸா
ஸகம்மபஸுதா ரஞ்ஞோ ஜனபத³ங் ந விஹேடி²ங்ஸு, மஹா ச ரஞ்ஞோ ராஸிகோ அஹோஸி.
கே²மட்டி²தா ஜனபதா³ அகண்டகா அனுப்பீளா மனுஸ்ஸா முதா³ மோத³மானா உரே புத்தே
நச்செந்தா அபாருதக⁴ரா மஞ்ஞே விஹரிங்ஸு. அத² கோ², ப்³ராஹ்மண, ராஜா மஹாவிஜிதோ
புரோஹிதங் ப்³ராஹ்மணங் ஆமந்தெத்வா ஏதத³வோச – ‘ஸமூஹதோ கோ² மே போ⁴தோ
த³ஸ்ஸுகீ²லோ, போ⁴தோ ஸங்விதா⁴னங் ஆக³ம்ம மஹா ச மே ராஸிகோ. கே²மட்டி²தா
ஜனபதா³ அகண்டகா அனுப்பீளா மனுஸ்ஸா முதா³ மோத³மானா உரே புத்தே நச்செந்தா
அபாருதக⁴ரா மஞ்ஞே விஹரந்தி. இச்சா²மஹங் ப்³ராஹ்மண மஹாயஞ்ஞங் யஜிதுங்.
அனுஸாஸது மங் ப⁴வங் யங் மம அஸ்ஸ தீ³க⁴ரத்தங் ஹிதாய ஸுகா²யா’தி.

சதுபரிக்கா²ரங்

339.
‘‘தேன ஹி ப⁴வங் ராஜா யே போ⁴தோ ரஞ்ஞோ ஜனபதே³ க²த்தியா ஆனுயந்தா நேக³மா சேவ
ஜானபதா³ ச தே ப⁴வங் ராஜா ஆமந்தயதங் – ‘இச்சா²மஹங், போ⁴, மஹாயஞ்ஞங் யஜிதுங்,
அனுஜானந்து மே ப⁴வந்தோ யங் மம அஸ்ஸ தீ³க⁴ரத்தங் ஹிதாய ஸுகா²யா’தி. யே
போ⁴தோ ரஞ்ஞோ ஜனபதே³ அமச்சா பாரிஸஜ்ஜா நேக³மா சேவ ஜானபதா³ ச…பே॰…
ப்³ராஹ்மணமஹாஸாலா நேக³மா சேவ ஜானபதா³ ச…பே॰… க³ஹபதினேசயிகா நேக³மா சேவ
ஜானபதா³ ச, தே ப⁴வங் ராஜா ஆமந்தயதங் – ‘இச்சா²மஹங், போ⁴, மஹாயஞ்ஞங்
யஜிதுங், அனுஜானந்து மே ப⁴வந்தோ யங் மம அஸ்ஸ தீ³க⁴ரத்தங் ஹிதாய ஸுகா²யா’தி.
‘ஏவங், போ⁴’தி கோ², ப்³ராஹ்மண, ராஜா மஹாவிஜிதோ புரோஹிதஸ்ஸ ப்³ராஹ்மணஸ்ஸ
படிஸ்ஸுத்வா யே ரஞ்ஞோ ஜனபதே³ க²த்தியா ஆனுயந்தா நேக³மா சேவ ஜானபதா³ ச, தே ராஜா மஹாவிஜிதோ ஆமந்தேஸி
– ‘இச்சா²மஹங், போ⁴, மஹாயஞ்ஞங் யஜிதுங், அனுஜானந்து மே ப⁴வந்தோ யங் மம
அஸ்ஸ தீ³க⁴ரத்தங் ஹிதாய ஸுகா²யா’’தி. ‘யஜதங் ப⁴வங் ராஜா யஞ்ஞங், யஞ்ஞகாலோ
மஹாராஜா’தி. யே ரஞ்ஞோ ஜனபதே³ அமச்சா பாரிஸஜ்ஜா நேக³மா சேவ ஜானபதா³ ச…பே॰…
ப்³ராஹ்மணமஹாஸாலா நேக³மா சேவ ஜானபதா³ ச…பே॰… க³ஹபதினேசயிகா நேக³மா சேவ
ஜானபதா³ ச, தே ராஜா மஹாவிஜிதோ ஆமந்தேஸி – ‘இச்சா²மஹங், போ⁴ ,
மஹாயஞ்ஞங் யஜிதுங். அனுஜானந்து மே ப⁴வந்தோ யங் மம அஸ்ஸ தீ³க⁴ரத்தங் ஹிதாய
ஸுகா²யா’தி. ‘யஜதங் ப⁴வங் ராஜா யஞ்ஞங், யஞ்ஞகாலோ மஹாராஜா’தி. இதிமே சத்தாரோ
அனுமதிபக்கா² தஸ்ஸேவ யஞ்ஞஸ்ஸ பரிக்கா²ரா ப⁴வந்தி.

அட்ட² பரிக்கா²ரா

340. ‘‘ராஜா
மஹாவிஜிதோ அட்ட²ஹங்கே³ஹி ஸமன்னாக³தோ, உப⁴தோ ஸுஜாதோ மாதிதோ ச பிதிதோ ச
ஸங்ஸுத்³த⁴க³ஹணிகோ யாவ ஸத்தமா பிதாமஹயுகா³ அக்கி²த்தோ அனுபக்குட்டோ²
ஜாதிவாதே³ன அபி⁴ரூபோ த³ஸ்ஸனீயோ பாஸாதி³கோ பரமாய வண்ணபொக்க²ரதாய ஸமன்னாக³தோ
ப்³ரஹ்மவண்ணீ ப்³ரஹ்மவச்ச²ஸீ அகு²த்³தா³வகாஸோ த³ஸ்ஸனாய; அட்³டோ⁴ மஹத்³த⁴னோ
மஹாபோ⁴கோ³ பஹூதஜாதரூபரஜதோ பஹூதவித்தூபகரணோ பஹூதத⁴னத⁴ஞ்ஞோ
பரிபுண்ணகோஸகொட்டா²கா³ரோ; ப³லவா சதுரங்கி³னியா ஸேனாய ஸமன்னாக³தோ அஸ்ஸவாய
ஓவாத³படிகராய ஸஹதி [பதபதி (ஸீ॰ பீ॰), தபதி (ஸ்யா॰)]
மஞ்ஞே பச்சத்தி²கே யஸஸா; ஸத்³தோ⁴ தா³யகோ தா³னபதி அனாவடத்³வாரோ
ஸமணப்³ராஹ்மணகபணத்³தி⁴கவணிப்³ப³கயாசகானங் ஓபானபூ⁴தோ புஞ்ஞானி கரோதி;
ப³ஹுஸ்ஸுதோ தஸ்ஸ தஸ்ஸ ஸுதஜாதஸ்ஸ, தஸ்ஸ தஸ்ஸேவ கோ²
பன பா⁴ஸிதஸ்ஸ அத்த²ங் ஜானாதி ‘அயங் இமஸ்ஸ பா⁴ஸிதஸ்ஸ அத்தோ² அயங் இமஸ்ஸ
பா⁴ஸிதஸ்ஸ அத்தோ²’தி; பண்டி³தோ, வியத்தோ, மேதா⁴வீ, படிப³லோ,
அதீதானாக³தபச்சுப்பன்னே அத்தே² சிந்தேதுங். ராஜா மஹாவிஜிதோ இமேஹி
அட்ட²ஹங்கே³ஹி ஸமன்னாக³தோ. இதி இமானிபி அட்ட²ங்கா³னி தஸ்ஸேவ யஞ்ஞஸ்ஸ
பரிக்கா²ரா ப⁴வந்தி.

சதுபரிக்கா²ரங்

341. ‘‘புரோஹிதோ [புரோஹிதோபி (க॰ ஸீ॰ க॰)]
ப்³ராஹ்மணோ சதுஹங்கே³ஹி ஸமன்னாக³தோ. உப⁴தோ ஸுஜாதோ மாதிதோ ச பிதிதோ ச
ஸங்ஸுத்³த⁴க³ஹணிகோ யாவ ஸத்தமா பிதாமஹயுகா³ அக்கி²த்தோ அனுபக்குட்டோ²
ஜாதிவாதே³ன; அஜ்ஜா²யகோ மந்தத⁴ரோ திண்ணங் வேதா³னங் பாரகூ³
ஸனிக⁴ண்டு³கேடுபா⁴னங் ஸாக்க²ரப்பபே⁴தா³னங் இதிஹாஸபஞ்சமானங் பத³கோ
வெய்யாகரணோ லோகாயதமஹாபுரிஸலக்க²ணேஸு அனவயோ; ஸீலவா வுத்³த⁴ஸீலீ வுத்³த⁴ஸீலேன
ஸமன்னாக³தோ; பண்டி³தோ வியத்தோ மேதா⁴வீ பட²மோ வா
து³தியோ வா ஸுஜங் பக்³க³ண்ஹந்தானங். புரோஹிதோ ப்³ராஹ்மணோ இமேஹி சதூஹங்கே³ஹி
ஸமன்னாக³தோ. இதி இமானி சத்தாரி அங்கா³னி தஸ்ஸேவ யஞ்ஞஸ்ஸ பரிக்கா²ரா
ப⁴வந்தி.

திஸ்ஸோ விதா⁴

342.
‘‘அத² கோ², ப்³ராஹ்மண, புரோஹிதோ ப்³ராஹ்மணோ ரஞ்ஞோ மஹாவிஜிதஸ்ஸ புப்³பே³வ
யஞ்ஞா திஸ்ஸோ விதா⁴ தே³ஸேஸி. ஸியா கோ² பன போ⁴தோ ரஞ்ஞோ மஹாயஞ்ஞங் யிட்டு²காமஸ்ஸ [யிட்ட²காமஸ்ஸ (க॰)]
கோசிதே³வ விப்படிஸாரோ – ‘மஹா வத மே போ⁴க³க்க²ந்தோ⁴ விக³ச்சி²ஸ்ஸதீ’தி, ஸோ
போ⁴தா ரஞ்ஞா விப்படிஸாரோ ந கரணீயோ. ஸியா கோ² பன போ⁴தோ ரஞ்ஞோ மஹாயஞ்ஞங்
யஜமானஸ்ஸ கோசிதே³வ விப்படிஸாரோ – ‘மஹா வத மே
போ⁴க³க்க²ந்தோ⁴ விக³ச்ச²தீ’தி, ஸோ போ⁴தா ரஞ்ஞா விப்படிஸாரோ ந கரணீயோ. ஸியா
கோ² பன போ⁴தோ ரஞ்ஞோ மஹாயஞ்ஞங் யிட்ட²ஸ்ஸ கோசிதே³வ விப்படிஸாரோ – ‘மஹா வத மே
போ⁴க³க்க²ந்தோ⁴ விக³தோ’தி, ஸோ போ⁴தா ரஞ்ஞா விப்படிஸாரோ ந கரணீயோ’’தி. இமா
கோ², ப்³ராஹ்மண, புரோஹிதோ ப்³ராஹ்மணோ ரஞ்ஞோ மஹாவிஜிதஸ்ஸ புப்³பே³வ யஞ்ஞா
திஸ்ஸோ விதா⁴ தே³ஸேஸி.

த³ஸ ஆகாரா

343.
‘‘அத² கோ², ப்³ராஹ்மண, புரோஹிதோ ப்³ராஹ்மணோ ரஞ்ஞோ மஹாவிஜிதஸ்ஸ புப்³பே³வ
யஞ்ஞா த³ஸஹாகாரேஹி படிக்³கா³ஹகேஸு விப்படிஸாரங் படிவினேஸி. ‘ஆக³மிஸ்ஸந்தி
கோ² போ⁴தோ யஞ்ஞங் பாணாதிபாதினோபி பாணாதிபாதா படிவிரதாபி. யே தத்த²
பாணாதிபாதினோ, தேஸஞ்ஞேவ தேன. யே தத்த² பாணாதிபாதா படிவிரதா, தே ஆரப்³ப⁴
யஜதங் ப⁴வங், ஸஜ்ஜதங் ப⁴வங், மோத³தங் ப⁴வங், சித்தமேவ ப⁴வங் அந்தரங்
பஸாதே³து. ஆக³மிஸ்ஸந்தி கோ² போ⁴தோ யஞ்ஞங் அதி³ன்னாதா³யினோபி அதி³ன்னாதா³னா
படிவிரதாபி…பே॰… காமேஸு மிச்சா²சாரினோபி
காமேஸுமிச்சா²சாரா படிவிரதாபி… முஸாவாதி³னோபி முஸாவாதா³ படிவிரதாபி…
பிஸுணவாசினோபி பிஸுணாய வாசாய படிவிரதாபி… ப²ருஸவாசினோபி ப²ருஸாய வாசாய
படிவிரதாபி… ஸம்ப²ப்பலாபினோபி ஸம்ப²ப்பலாபா படிவிரதாபி …
அபி⁴ஜ்ஜா²லுனோபி அனபி⁴ஜ்ஜா²லுனோபி… ப்³யாபன்னசித்தாபி அப்³யாபன்னசித்தாபி…
மிச்சா²தி³ட்டி²காபி ஸம்மாதி³ட்டி²காபி…. யே தத்த² மிச்சா²தி³ட்டி²கா,
தேஸஞ்ஞேவ தேன. யே தத்த² ஸம்மாதி³ட்டி²கா, தே ஆரப்³ப⁴ யஜதங் ப⁴வங், ஸஜ்ஜதங்
ப⁴வங், மோத³தங் ப⁴வங், சித்தமேவ ப⁴வங் அந்தரங் பஸாதே³தூ’தி. இமேஹி கோ²,
ப்³ராஹ்மண, புரோஹிதோ ப்³ராஹ்மணோ ரஞ்ஞோ மஹாவிஜிதஸ்ஸ புப்³பே³வ யஞ்ஞா
த³ஸஹாகாரேஹி படிக்³கா³ஹகேஸு விப்படிஸாரங் படிவினேஸி.

ஸோளஸ ஆகாரா

344.
‘‘அத² கோ², ப்³ராஹ்மண, புரோஹிதோ ப்³ராஹ்மணோ ரஞ்ஞோ மஹாவிஜிதஸ்ஸ மஹாயஞ்ஞங்
யஜமானஸ்ஸ ஸோளஸஹாகாரேஹி சித்தங் ஸந்த³ஸ்ஸேஸி ஸமாத³பேஸி ஸமுத்தேஜேஸி
ஸம்பஹங்ஸேஸி ஸியா கோ² பன போ⁴தோ ரஞ்ஞோ மஹாயஞ்ஞங் யஜமானஸ்ஸ கோசிதே³வ வத்தா –
‘ராஜா கோ² மஹாவிஜிதோ மஹாயஞ்ஞங் யஜதி, நோ ச கோ² தஸ்ஸ ஆமந்திதா க²த்தியா
ஆனுயந்தா நேக³மா சேவ ஜானபதா³ ச; அத² ச பன ப⁴வங் ராஜா ஏவரூபங் மஹாயஞ்ஞங்
யஜதீ’தி . ஏவம்பி போ⁴தோ ரஞ்ஞோ வத்தா த⁴ம்மதோ நத்தி². போ⁴தா கோ² பன ரஞ்ஞா ஆமந்திதா க²த்தியா ஆனுயந்தா நேக³மா சேவ ஜானபதா³ ச . இமினாபேதங் ப⁴வங் ராஜா ஜானாது, யஜதங் ப⁴வங், ஸஜ்ஜதங் ப⁴வங், மோத³தங் ப⁴வங், சித்தமேவ ப⁴வங் அந்தரங் பஸாதே³து.

‘‘ஸியா கோ² பன போ⁴தோ ரஞ்ஞோ மஹாயஞ்ஞங் யஜமானஸ்ஸ
கோசிதே³வ வத்தா – ‘ராஜா கோ² மஹாவிஜிதோ மஹாயஞ்ஞங் யஜதி, நோ ச கோ² தஸ்ஸ
ஆமந்திதா அமச்சா பாரிஸஜ்ஜா நேக³மா சேவ ஜானபதா³ ச…பே॰… ப்³ராஹ்மணமஹாஸாலா
நேக³மா சேவ ஜானபதா³ ச…பே॰… க³ஹபதினேசயிகா நேக³மா சேவ ஜானபதா³ ச, அத² ச பன
ப⁴வங் ராஜா ஏவரூபங் மஹாயஞ்ஞங் யஜதீ’தி. ஏவம்பி போ⁴தோ ரஞ்ஞோ வத்தா த⁴ம்மதோ
நத்தி². போ⁴தா கோ² பன ரஞ்ஞா ஆமந்திதா க³ஹபதினேசயிகா நேக³மா சேவ ஜானபதா³ ச.
இமினாபேதங் ப⁴வங் ராஜா ஜானாது, யஜதங் ப⁴வங், ஸஜ்ஜதங் ப⁴வங், மோத³தங் ப⁴வங்,
சித்தமேவ ப⁴வங் அந்தரங் பஸாதே³து.

‘‘ஸியா கோ² பன போ⁴தோ ரஞ்ஞோ மஹாயஞ்ஞங் யஜமானஸ்ஸ கோசிதே³வ வத்தா – ‘ராஜா கோ² மஹாவிஜிதோ மஹாயஞ்ஞங் யஜதி, நோ ச கோ² உப⁴தோ
ஸுஜாதோ மாதிதோ ச பிதிதோ ச ஸங்ஸுத்³த⁴க³ஹணிகோ யாவ ஸத்தமா பிதாமஹயுகா³
அக்கி²த்தோ அனுபக்குட்டோ² ஜாதிவாதே³ன, அத² ச பன ப⁴வங் ராஜா ஏவரூபங்
மஹாயஞ்ஞங் யஜதீ’தி. ஏவம்பி போ⁴தோ ரஞ்ஞோ வத்தா த⁴ம்மதோ நத்தி². ப⁴வங் கோ² பன
ராஜா உப⁴தோ ஸுஜாதோ மாதிதோ ச பிதிதோ ச ஸங்ஸுத்³த⁴க³ஹணிகோ யாவ ஸத்தமா
பிதாமஹயுகா³ அக்கி²த்தோ
அனுபக்குட்டோ² ஜாதிவாதே³ன. இமினாபேதங் ப⁴வங் ராஜா ஜானாது, யஜதங் ப⁴வங்,
ஸஜ்ஜதங் ப⁴வங், மோத³தங் ப⁴வங், சித்தமேவ ப⁴வங் அந்தரங் பஸாதே³து.

‘‘ஸியா கோ² பன போ⁴தோ ரஞ்ஞோ மஹாயஞ்ஞங் யஜமானஸ்ஸ
கோசிதே³வ வத்தா – ‘ராஜா கோ² மஹாவிஜிதோ மஹாயஞ்ஞங் யஜதி நோ ச கோ² அபி⁴ரூபோ
த³ஸ்ஸனீயோ பாஸாதி³கோ பரமாய வண்ணபொக்க²ரதாய ஸமன்னாக³தோ ப்³ரஹ்மவண்ணீ
ப்³ரஹ்மவச்ச²ஸீ அகு²த்³தா³வகாஸோ த³ஸ்ஸனாய…பே॰… நோ ச கோ² அட்³டோ⁴ மஹத்³த⁴னோ
மஹாபோ⁴கோ³ பஹூதஜாதரூபரஜதோ பஹூதவித்தூபகரணோ பஹூதத⁴னத⁴ஞ்ஞோ
பரிபுண்ணகோஸகொட்டா²கா³ரோ…பே॰… நோ ச கோ² ப³லவா சதுரங்கி³னியா ஸேனாய
ஸமன்னாக³தோ அஸ்ஸவாய ஓவாத³படிகராய ஸஹதி மஞ்ஞே பச்சத்தி²கே யஸஸா…பே॰… நோ ச
கோ² ஸத்³தோ⁴ தா³யகோ தா³னபதி அனாவடத்³வாரோ
ஸமணப்³ராஹ்மணகபணத்³தி⁴கவணிப்³ப³கயாசகானங் ஓபானபூ⁴தோ புஞ்ஞானி கரோதி…பே॰… நோ
ச கோ² ப³ஹுஸ்ஸுதோ தஸ்ஸ தஸ்ஸ ஸுதஜாதஸ்ஸ…பே॰… நோ ச கோ² தஸ்ஸ தஸ்ஸேவ கோ² பன
பா⁴ஸிதஸ்ஸ அத்த²ங் ஜானாதி ‘‘அயங் இமஸ்ஸ பா⁴ஸிதஸ்ஸ அத்தோ², அயங் இமஸ்ஸ
பா⁴ஸிதஸ்ஸ அத்தோ²’’தி…பே॰… நோ ச கோ² பண்டி³தோ வியத்தோ மேதா⁴வீ படிப³லோ
அதீதானாக³தபச்சுப்பன்னே அத்தே² சிந்தேதுங், அத² ச பன ப⁴வங் ராஜா ஏவரூபங்
மஹாயஞ்ஞங் யஜதீ’தி . ஏவம்பி போ⁴தோ ரஞ்ஞோ வத்தா
த⁴ம்மதோ நத்தி². ப⁴வங் கோ² பன ராஜா பண்டி³தோ வியத்தோ மேதா⁴வீ படிப³லோ
அதீதானாக³தபச்சுப்பன்னே அத்தே² சிந்தேதுங். இமினாபேதங் ப⁴வங் ராஜா ஜானாது , யஜதங் ப⁴வங், ஸஜ்ஜதங் ப⁴வங், மோத³தங் ப⁴வங், சித்தமேவ ப⁴வங் அந்தரங் பஸாதே³து.

‘‘ஸியா கோ² பன போ⁴தோ ரஞ்ஞோ மஹாயஞ்ஞங் யஜமானஸ்ஸ
கோசிதே³வ வத்தா – ‘ராஜா கோ² மஹாவிஜிதோ மஹாயஞ்ஞங் யஜதி. நோ ச க்²வஸ்ஸ
புரோஹிதோ ப்³ராஹ்மணோ உப⁴தோ ஸுஜாதோ மாதிதோ ச பிதிதோ ச ஸங்ஸுத்³த⁴க³ஹணிகோ யாவ ஸத்தமா பிதாமஹயுகா³ அக்கி²த்தோ அனுபக்குட்டோ² ஜாதிவாதே³ன; அத² ச பன ப⁴வங் ராஜா ஏவரூபங் மஹாயஞ்ஞங் யஜதீ’தி. ஏவம்பி
போ⁴தோ ரஞ்ஞோ வத்தா த⁴ம்மதோ நத்தி². போ⁴தோ கோ² பன ரஞ்ஞோ புரோஹிதோ
ப்³ராஹ்மணோ உப⁴தோ ஸுஜாதோ மாதிதோ ச பிதிதோ ச ஸங்ஸுத்³த⁴க³ஹணிகோ யாவ ஸத்தமா
பிதாமஹயுகா³ அக்கி²த்தோ அனுபக்குட்டோ² ஜாதிவாதே³ன. இமினாபேதங் ப⁴வங் ராஜா
ஜானாது, யஜதங் ப⁴வங், ஸஜ்ஜதங் ப⁴வங், மோத³தங் ப⁴வங், சித்தமேவ ப⁴வங்
அந்தரங் பஸாதே³து.

‘‘ஸியா கோ² பன போ⁴தோ ரஞ்ஞோ மஹாயஞ்ஞங் யஜமானஸ்ஸ
கோசிதே³வ வத்தா – ‘ராஜா கோ² மஹாவிஜிதோ மஹாயஞ்ஞங் யஜதி. நோ ச க்²வஸ்ஸ
புரோஹிதோ ப்³ராஹ்மணோ அஜ்ஜா²யகோ மந்தத⁴ரோ திண்ணங் வேதா³னங் பாரகூ³
ஸனிக⁴ண்டு³கேடுபா⁴னங் ஸாக்க²ரப்பபே⁴தா³னங் இதிஹாஸபஞ்சமானங் பத³கோ
வெய்யாகரணோ லோகாயதமஹாபுரிஸலக்க²ணேஸு அனவயோ…பே॰… நோ ச க்²வஸ்ஸ புரோஹிதோ
ப்³ராஹ்மணோ ஸீலவா வுத்³த⁴ஸீலீ வுத்³த⁴ஸீலேன ஸமன்னாக³தோ…பே॰… நோ ச க்²வஸ்ஸ
புரோஹிதோ ப்³ராஹ்மணோ பண்டி³தோ வியத்தோ மேதா⁴வீ பட²மோ வா து³தியோ வா ஸுஜங்
பக்³க³ண்ஹந்தானங், அத² ச பன ப⁴வங் ராஜா ஏவரூபங்
மஹாயஞ்ஞங் யஜதீ’தி. ஏவம்பி போ⁴தோ ரஞ்ஞோ வத்தா த⁴ம்மதோ நத்தி². போ⁴தோ கோ² பன
ரஞ்ஞோ புரோஹிதோ ப்³ராஹ்மணோ பண்டி³தோ வியத்தோ மேதா⁴வீ பட²மோ வா து³தியோ வா
ஸுஜங் பக்³க³ண்ஹந்தானங். இமினாபேதங் ப⁴வங் ராஜா ஜானாது, யஜதங் ப⁴வங்,
ஸஜ்ஜதங் ப⁴வங், மோத³தங் ப⁴வங், சித்தமேவ ப⁴வங் அந்தரங் பஸாதே³தூதி. இமேஹி
கோ², ப்³ராஹ்மண, புரோஹிதோ ப்³ராஹ்மணோ ரஞ்ஞோ மஹாவிஜிதஸ்ஸ மஹாயஞ்ஞங் யஜமானஸ்ஸ
ஸோளஸஹி ஆகாரேஹி சித்தங் ஸந்த³ஸ்ஸேஸி ஸமாத³பேஸி ஸமுத்தேஜேஸி ஸம்பஹங்ஸேஸி.

345.
‘‘தஸ்மிங் கோ², ப்³ராஹ்மண, யஞ்ஞே நேவ கா³வோ ஹஞ்ஞிங்ஸு, ந அஜேளகா
ஹஞ்ஞிங்ஸு, ந குக்குடஸூகரா ஹஞ்ஞிங்ஸு, ந விவிதா⁴ பாணா ஸங்கா⁴தங்
ஆபஜ்ஜிங்ஸு, ந ருக்கா² சி²ஜ்ஜிங்ஸு யூபத்தா²ய, ந த³ப்³பா⁴ லூயிங்ஸு
ப³ரிஹிஸத்தா²ய [பரிஹிங்ஸத்தா²ய (ஸ்யா॰ க॰ ஸீ॰ க॰), பரஹிங்ஸத்தா²ய (க॰)]. யேபிஸ்ஸ அஹேஸுங் தா³ஸாதி வா பெஸ்ஸாதி வா கம்மகராதி வா, தேபி ந த³ண்ட³தஜ்ஜிதா ந ப⁴யதஜ்ஜிதா ந அஸ்ஸுமுகா² ருத³மானா பரிகம்மானி
அகங்ஸு. அத² கோ² யே இச்சி²ங்ஸு, தே அகங்ஸு, யே ந இச்சி²ங்ஸு, ந தே அகங்ஸு;
யங் இச்சி²ங்ஸு, தங் அகங்ஸு, யங் ந இச்சி²ங்ஸு, ந தங் அகங்ஸு.
ஸப்பிதேலனவனீதத³தி⁴மது⁴பா²ணிதேன சேவ ஸோ யஞ்ஞோ நிட்டா²னமக³மாஸி.

346. ‘‘அத²
கோ², ப்³ராஹ்மண, க²த்தியா ஆனுயந்தா நேக³மா சேவ ஜானபதா³ ச, அமச்சா
பாரிஸஜ்ஜா நேக³மா சேவ ஜானபதா³ ச, ப்³ராஹ்மணமஹாஸாலா நேக³மா சேவ ஜானபதா³ ச,
க³ஹபதினேசயிகா நேக³மா சேவ ஜானபதா³ ச பஹூதங்
ஸாபதெய்யங் ஆதா³ய ராஜானங் மஹாவிஜிதங் உபஸங்கமித்வா ஏவமாஹங்ஸு – ‘இத³ங்,
தே³வ, பஹூதங் ஸாபதெய்யங் தே³வஞ்ஞேவ உத்³தி³ஸ்ஸாப⁴தங், தங் தே³வோ
படிக்³க³ண்ஹாதூ’தி. ‘அலங், போ⁴, மமாபித³ங் பஹூதங் ஸாபதெய்யங் த⁴ம்மிகேன
ப³லினா அபி⁴ஸங்க²தங்; தஞ்ச வோ ஹோது, இதோ ச பி⁴ய்யோ ஹரதா²’தி. தே ரஞ்ஞா
படிக்கி²த்தா ஏகமந்தங் அபக்கம்ம ஏவங் ஸமசிந்தேஸுங் – ‘ந கோ² ஏதங் அம்ஹாகங்
பதிரூபங், யங் மயங் இமானி ஸாபதெய்யானி புனதே³வ ஸகானி க⁴ரானி படிஹரெய்யாம.
ராஜா கோ² மஹாவிஜிதோ மஹாயஞ்ஞங் யஜதி, ஹந்த³ஸ்ஸ மயங் அனுயாகி³னோ ஹோமா’தி.

347. ‘‘அத² கோ², ப்³ராஹ்மண, புரத்தி²மேன யஞ்ஞவாடஸ்ஸ [யஞ்ஞாவாடஸ்ஸ (ஸீ॰ பீ॰ க॰)]
க²த்தியா ஆனுயந்தா நேக³மா சேவ ஜானபதா³ ச தா³னானி பட்ட²பேஸுங். த³க்கி²ணேன
யஞ்ஞவாடஸ்ஸ அமச்சா பாரிஸஜ்ஜா நேக³மா சேவ ஜானபதா³ ச தா³னானி பட்ட²பேஸுங்.
பச்சி²மேன யஞ்ஞவாடஸ்ஸ ப்³ராஹ்மணமஹாஸாலா நேக³மா சேவ ஜானபதா³ ச தா³னானி
பட்ட²பேஸுங். உத்தரேன யஞ்ஞவாடஸ்ஸ க³ஹபதினேசயிகா நேக³மா சேவ ஜானபதா³ ச
தா³னானி பட்ட²பேஸுங்.

‘‘தேஸுபி கோ², ப்³ராஹ்மண, யஞ்ஞேஸு நேவ கா³வோ
ஹஞ்ஞிங்ஸு, ந அஜேளகா ஹஞ்ஞிங்ஸு, ந குக்குடஸூகரா ஹஞ்ஞிங்ஸு, ந விவிதா⁴ பாணா
ஸங்கா⁴தங் ஆபஜ்ஜிங்ஸு, ந ருக்கா² சி²ஜ்ஜிங்ஸு யூபத்தா²ய, ந த³ப்³பா⁴
லூயிங்ஸு ப³ரிஹிஸத்தா²ய. யேபி நேஸங் அஹேஸுங் தா³ஸாதி வா பெஸ்ஸாதி வா
கம்மகராதி வா, தேபி ந த³ண்ட³தஜ்ஜிதா ந ப⁴யதஜ்ஜிதா ந அஸ்ஸுமுகா² ருத³மானா
பரிகம்மானி அகங்ஸு. அத² கோ² யே இச்சி²ங்ஸு, தே
அகங்ஸு, யே ந இச்சி²ங்ஸு, ந தே அகங்ஸு; யங் இச்சி²ங்ஸு, தங் அகங்ஸு, யங் ந
இச்சி²ங்ஸு ந தங் அகங்ஸு. ஸப்பிதேலனவனீதத³தி⁴மது⁴பா²ணிதேன சேவ தே யஞ்ஞா
நிட்டா²னமக³மங்ஸு.

‘‘இதி சத்தாரோ ச அனுமதிபக்கா², ராஜா மஹாவிஜிதோ அட்ட²ஹங்கே³ஹி ஸமன்னாக³தோ, புரோஹிதோ ப்³ராஹ்மணோ சதூஹங்கே³ஹி ஸமன்னாக³தோ; திஸ்ஸோ ச விதா⁴ அயங் வுச்சதி ப்³ராஹ்மண திவிதா⁴ யஞ்ஞஸம்பதா³ ஸோளஸபரிக்கா²ரா’’தி.

348.
ஏவங் வுத்தே, தே ப்³ராஹ்மணா உன்னாதி³னோ உச்சாஸத்³த³மஹாஸத்³தா³ அஹேஸுங் –
‘‘அஹோ யஞ்ஞோ, அஹோ யஞ்ஞஸம்பதா³’’தி! கூடத³ந்தோ பன ப்³ராஹ்மணோ தூண்ஹீபூ⁴தோவ
நிஸின்னோ ஹோதி. அத² கோ² தே ப்³ராஹ்மணா கூடத³ந்தங் ப்³ராஹ்மணங் ஏதத³வோசுங் –
‘‘கஸ்மா பன ப⁴வங் கூடத³ந்தோ ஸமணஸ்ஸ கோ³தமஸ்ஸ ஸுபா⁴ஸிதங் ஸுபா⁴ஸிததோ
நாப்³ப⁴னுமோத³தீ’’தி? ‘‘நாஹங், போ⁴, ஸமணஸ்ஸ கோ³தமஸ்ஸ ஸுபா⁴ஸிதங் ஸுபா⁴ஸிததோ
நாப்³ப⁴னுமோதா³மி. முத்³தா⁴பி தஸ்ஸ விபதெய்ய, யோ ஸமணஸ்ஸ கோ³தமஸ்ஸ
ஸுபா⁴ஸிதங் ஸுபா⁴ஸிததோ நாப்³ப⁴னுமோதெ³ய்ய. அபி ச மே, போ⁴, ஏவங் ஹோதி – ஸமணோ
கோ³தமோ ந ஏவமாஹ – ‘ஏவங் மே ஸுத’ந்தி வா ‘ஏவங் அரஹதி ப⁴விது’ந்தி வா; அபி ச
ஸமணோ கோ³தமோ – ‘ஏவங் ததா³ ஆஸி, இத்த²ங் ததா³ ஆஸி’ த்வேவ பா⁴ஸதி. தஸ்ஸ
மய்ஹங் போ⁴ ஏவங் ஹோதி – ‘அத்³தா⁴ ஸமணோ கோ³தமோ தேன ஸமயேன ராஜா வா அஹோஸி
மஹாவிஜிதோ யஞ்ஞஸ்ஸாமி புரோஹிதோ வா ப்³ராஹ்மணோ தஸ்ஸ யஞ்ஞஸ்ஸ யாஜேதா’தி.
அபி⁴ஜானாதி பன ப⁴வங் கோ³தமோ ஏவரூபங் யஞ்ஞங் யஜித்வா வா
யாஜெத்வா வா காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங்
உபபஜ்ஜிதாதி’’? ‘‘அபி⁴ஜானாமஹங், ப்³ராஹ்மண, ஏவரூபங் யஞ்ஞங் யஜித்வா வா
யாஜெத்வா வா காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜிதா,
அஹங் தேன ஸமயேன புரோஹிதோ ப்³ராஹ்மணோ அஹோஸிங் தஸ்ஸ யஞ்ஞஸ்ஸ யாஜேதா’’தி.

நிச்சதா³னஅனுகுலயஞ்ஞங்

349. ‘‘அத்தி² பன, போ⁴ கோ³தம, அஞ்ஞோ யஞ்ஞோ இமாய திவிதா⁴ய யஞ்ஞஸம்பதா³ய [திவித⁴யஞ்ஞஸம்பதா³ய (க॰)] ஸோளஸபரிக்கா²ராய அப்பட்ட²தரோ [அப்பத்த²தரோ (ஸ்யா॰ கங்॰)] ச அப்பஸமாரம்ப⁴தரோ [அப்பஸமாரப்³ப⁴தரோ (ஸீ॰ பீ॰ க॰)] ச மஹப்ப²லதரோ ச மஹானிஸங்ஸதரோ சா’’தி?

‘‘அத்தி²
கோ², ப்³ராஹ்மண, அஞ்ஞோ யஞ்ஞோ இமாய திவிதா⁴ய யஞ்ஞஸம்பதா³ய ஸோளஸபரிக்கா²ராய
அப்பட்ட²தரோ ச அப்பஸமாரம்ப⁴தரோ ச மஹப்ப²லதரோ ச மஹானிஸங்ஸதரோ சா’’தி.

‘‘கதமோ பன ஸோ, போ⁴ கோ³தம, யஞ்ஞோ இமாய திவிதா⁴ய யஞ்ஞஸம்பதா³ய ஸோளஸபரிக்கா²ராய அப்பட்ட²தரோ ச அப்பஸமாரம்ப⁴தரோ ச மஹப்ப²லதரோ ச மஹானிஸங்ஸதரோ சா’’தி?

‘‘யானி கோ² பன தானி, ப்³ராஹ்மண, நிச்சதா³னானி
அனுகுலயஞ்ஞானி ஸீலவந்தே பப்³ப³ஜிதே உத்³தி³ஸ்ஸ தி³ய்யந்தி; அயங் கோ²,
ப்³ராஹ்மண, யஞ்ஞோ இமாய திவிதா⁴ய யஞ்ஞஸம்பதா³ய ஸோளஸபரிக்கா²ராய அப்பட்ட²தரோ ச
அப்பஸமாரம்ப⁴தரோ ச மஹப்ப²லதரோ ச மஹானிஸங்ஸதரோ சா’’தி.

‘‘கோ நு கோ², போ⁴ கோ³தம, ஹேது கோ பச்சயோ, யேன தங்
நிச்சதா³னங் அனுகுலயஞ்ஞங் இமாய திவிதா⁴ய யஞ்ஞஸம்பதா³ய ஸோளஸபரிக்கா²ராய
அப்பட்ட²தரஞ்ச அப்பஸமாரம்ப⁴தரஞ்ச மஹப்ப²லதரஞ்ச மஹானிஸங்ஸதரஞ்சா’’தி ?

‘‘ந கோ², ப்³ராஹ்மண, ஏவரூபங் யஞ்ஞங் உபஸங்கமந்தி
அரஹந்தோ வா அரஹத்தமக்³க³ங் வா ஸமாபன்னா. தங் கிஸ்ஸ ஹேது? தி³ஸ்ஸந்தி
ஹெத்த², ப்³ராஹ்மண, த³ண்ட³ப்பஹாராபி க³லக்³க³ஹாபி, தஸ்மா ஏவரூபங் யஞ்ஞங் ந
உபஸங்கமந்தி அரஹந்தோ வா அரஹத்தமக்³க³ங் வா ஸமாபன்னா. யானி கோ² பன தானி,
ப்³ராஹ்மண, நிச்சதா³னானி அனுகுலயஞ்ஞானி ஸீலவந்தே பப்³ப³ஜிதே உத்³தி³ஸ்ஸ
தி³ய்யந்தி; ஏவரூபங் கோ², ப்³ராஹ்மண, யஞ்ஞங் உபஸங்கமந்தி அரஹந்தோ வா
அரஹத்தமக்³க³ங் வா ஸமாபன்னா. தங் கிஸ்ஸ ஹேது? ந ஹெத்த², ப்³ராஹ்மண,
தி³ஸ்ஸந்தி த³ண்ட³ப்பஹாராபி க³லக்³க³ஹாபி, தஸ்மா ஏவரூபங் யஞ்ஞங்
உபஸங்கமந்தி அரஹந்தோ வா அரஹத்தமக்³க³ங் வா ஸமாபன்னா. அயங் கோ², ப்³ராஹ்மண,
ஹேது அயங் பச்சயோ, யேன தங் நிச்சதா³னங் அனுகுலயஞ்ஞங் இமாய திவிதா⁴ய
யஞ்ஞஸம்பதா³ய ஸோளஸபரிக்கா²ராய அப்பட்ட²தரஞ்ச அப்பஸமாரம்ப⁴தரஞ்ச
மஹப்ப²லதரஞ்ச மஹானிஸங்ஸதரஞ்சா’’தி.

350.
‘‘அத்தி² பன, போ⁴ கோ³தம, அஞ்ஞோ யஞ்ஞோ இமாய ச திவிதா⁴ய யஞ்ஞஸம்பதா³ய
ஸோளஸபரிக்கா²ராய இமினா ச நிச்சதா³னேன அனுகுலயஞ்ஞேன அப்பட்ட²தரோ ச
அப்பஸமாரம்ப⁴தரோ ச மஹப்ப²லதரோ ச மஹானிஸங்ஸதரோ சா’’தி?

‘‘அத்தி² கோ², ப்³ராஹ்மண,
அஞ்ஞோ யஞ்ஞோ இமாய ச திவிதா⁴ய யஞ்ஞஸம்பதா³ய ஸோளஸபரிக்கா²ராய இமினா ச
நிச்சதா³னேன அனுகுலயஞ்ஞேன அப்பட்ட²தரோ ச அப்பஸமாரம்ப⁴தரோ ச மஹப்ப²லதரோ ச
மஹானிஸங்ஸதரோ சா’’தி.

‘‘கதமோ பன ஸோ, போ⁴ கோ³தம,
யஞ்ஞோ இமாய ச திவிதா⁴ய யஞ்ஞஸம்பதா³ய ஸோளஸபரிக்கா²ராய இமினா ச நிச்சதா³னேன
அனுகுலயஞ்ஞேன அப்பட்ட²தரோ ச அப்பஸமாரம்ப⁴தரோ ச மஹப்ப²லதரோ ச மஹானிஸங்ஸதரோ
சா’’தி?

‘‘யோ கோ², ப்³ராஹ்மண, சாதுத்³தி³ஸங் ஸங்க⁴ங் உத்³தி³ஸ்ஸ விஹாரங் கரோதி, அயங் கோ² ,
ப்³ராஹ்மண, யஞ்ஞோ இமாய ச திவிதா⁴ய யஞ்ஞஸம்பதா³ய ஸோளஸபரிக்கா²ராய இமினா ச
நிச்சதா³னேன அனுகுலயஞ்ஞேன அப்பட்ட²தரோ ச அப்பஸமாரம்ப⁴தரோ ச மஹப்ப²லதரோ ச
மஹானிஸங்ஸதரோ சா’’தி.

351.
‘‘அத்தி² பன, போ⁴ கோ³தம, அஞ்ஞோ யஞ்ஞோ இமாய ச திவிதா⁴ய யஞ்ஞஸம்பதா³ய
ஸோளஸபரிக்கா²ராய இமினா ச நிச்சதா³னேன அனுகுலயஞ்ஞேன இமினா ச விஹாரதா³னேன
அப்பட்ட²தரோ ச அப்பஸமாரம்ப⁴தரோ ச மஹப்ப²லதரோ ச மஹானிஸங்ஸதரோ சா’’தி?

‘‘அத்தி² கோ², ப்³ராஹ்மண, அஞ்ஞோ யஞ்ஞோ இமாய ச திவிதா⁴ய
யஞ்ஞஸம்பதா³ய ஸோளஸபரிக்கா²ராய இமினா ச நிச்சதா³னேன அனுகுலயஞ்ஞேன இமினா ச
விஹாரதா³னேன அப்பட்ட²தரோ ச அப்பஸமாரம்ப⁴தரோ ச மஹப்ப²லதரோ ச மஹானிஸங்ஸதரோ
சா’’தி.

‘‘கதமோ பன ஸோ, போ⁴ கோ³தம, யஞ்ஞோ இமாய ச திவிதா⁴ய
யஞ்ஞஸம்பதா³ய ஸோளஸபரிக்கா²ராய இமினா ச நிச்சதா³னேன அனுகுலயஞ்ஞேன இமினா ச
விஹாரதா³னேன அப்பட்ட²தரோ ச அப்பஸமாரம்ப⁴தரோ ச மஹப்ப²லதரோ ச மஹானிஸங்ஸதரோ
சா’’தி?

‘‘யோ கோ², ப்³ராஹ்மண, பஸன்னசித்தோ பு³த்³த⁴ங் ஸரணங்
க³ச்ச²தி, த⁴ம்மங் ஸரணங் க³ச்ச²தி, ஸங்க⁴ங் ஸரணங் க³ச்ச²தி; அயங் கோ²,
ப்³ராஹ்மண, யஞ்ஞோ இமாய ச திவிதா⁴ய யஞ்ஞஸம்பதா³ய ஸோளஸபரிக்கா²ராய இமினா ச
நிச்சதா³னேன அனுகுலயஞ்ஞேன இமினா ச விஹாரதா³னேன அப்பட்ட²தரோ ச அப்பஸமாரம்ப⁴தரோ ச மஹப்ப²லதரோ ச மஹானிஸங்ஸதரோ சா’’தி.

352. ‘‘அத்தி²
பன, போ⁴ கோ³தம, அஞ்ஞோ யஞ்ஞோ இமாய ச திவிதா⁴ய யஞ்ஞஸம்பதா³ய ஸோளஸபரிக்கா²ராய
இமினா ச நிச்சதா³னேன அனுகுலயஞ்ஞேன இமினா ச விஹாரதா³னேன இமேஹி ச ஸரணக³மனேஹி
அப்பட்ட²தரோ ச அப்பஸமாரம்ப⁴தரோ ச மஹப்ப²லதரோ ச மஹானிஸங்ஸதரோ சா’’தி?

‘‘அத்தி² கோ², ப்³ராஹ்மண,
அஞ்ஞோ யஞ்ஞோ இமாய ச திவிதா⁴ய யஞ்ஞஸம்பதா³ய ஸோளஸபரிக்கா²ராய இமினா ச
நிச்சதா³னேன அனுகுலயஞ்ஞேன இமினா ச விஹாரதா³னேன இமேஹி ச ஸரணக³மனேஹி
அப்பட்ட²தரோ ச அப்பஸமாரம்ப⁴தரோ ச மஹப்ப²லதரோ ச மஹானிஸங்ஸதரோ சா’’தி.

‘‘கதமோ பன ஸோ, போ⁴ கோ³தம, யஞ்ஞோ இமாய ச திவிதா⁴ய
யஞ்ஞஸம்பதா³ய ஸோளஸபரிக்கா²ராய இமினா ச நிச்சதா³னேன அனுகுலயஞ்ஞேன இமினா ச
விஹாரதா³னேன இமேஹி ச ஸரணக³மனேஹி அப்பட்ட²தரோ ச அப்பஸமாரம்ப⁴தரோ ச
மஹப்ப²லதரோ ச மஹானிஸங்ஸதரோ சா’’தி?

‘‘யோ கோ², ப்³ராஹ்மண, பஸன்னசித்தோ ஸிக்கா²பதா³னி
ஸமாதி³யதி – பாணாதிபாதா வேரமணிங், அதி³ன்னாதா³னா வேரமணிங்,
காமேஸுமிச்சா²சாரா வேரமணிங், முஸாவாதா³ வேரமணிங், ஸுராமேரயமஜ்ஜபமாத³ட்டா²னா
வேரமணிங். அயங் கோ², ப்³ராஹ்மண, யஞ்ஞோ இமாய ச
திவிதா⁴ய யஞ்ஞஸம்பதா³ய ஸோளஸபரிக்கா²ராய இமினா ச நிச்சதா³னேன அனுகுலயஞ்ஞேன
இமினா ச விஹாரதா³னேன இமேஹி ச ஸரணக³மனேஹி அப்பட்ட²தரோ ச அப்பஸமாரம்ப⁴தரோ ச
மஹப்ப²லதரோ ச மஹானிஸங்ஸதரோ சா’’தி.

353.
‘‘அத்தி² பன, போ⁴ கோ³தம, அஞ்ஞோ யஞ்ஞோ இமாய ச திவிதா⁴ய யஞ்ஞஸம்பதா³ய
ஸோளஸபரிக்கா²ராய இமினா ச நிச்சதா³னேன அனுகுலயஞ்ஞேன இமினா ச விஹாரதா³னேன
இமேஹி ச ஸரணக³மனேஹி இமேஹி ச ஸிக்கா²பதே³ஹி அப்பட்ட²தரோ ச அப்பஸமாரம்ப⁴தரோ ச
மஹப்ப²லதரோ ச மஹானிஸங்ஸதரோ சா’’தி?

‘‘அத்தி² கோ², ப்³ராஹ்மண, அஞ்ஞோ யஞ்ஞோ இமாய ச திவிதா⁴ய
யஞ்ஞஸம்பதா³ய ஸோளஸபரிக்கா²ராய இமினா ச நிச்சதா³னேன அனுகுலயஞ்ஞேன இமினா ச
விஹாரதா³னேன இமேஹி ச ஸரணக³மனேஹி இமேஹி ச ஸிக்கா²பதே³ஹி அப்பட்ட²தரோ ச அப்பஸமாரம்ப⁴தரோ ச மஹப்ப²லதரோ ச மஹானிஸங்ஸதரோ சா’’தி.

‘‘கதமோ பன ஸோ, போ⁴ கோ³தம,
யஞ்ஞோ இமாய ச திவிதா⁴ய யஞ்ஞஸம்பதா³ய ஸோளஸபரிக்கா²ராய இமினா ச நிச்சதா³னேன
அனுகுலயஞ்ஞேன இமினா ச விஹாரதா³னேன இமேஹி ச ஸரணக³மனேஹி இமேஹி ச ஸிக்கா²பதே³ஹி அப்பட்ட²தரோ ச அப்பஸமாரம்ப⁴தரோ ச மஹப்ப²லதரோ ச மஹானிஸங்ஸதரோ சா’’தி?

‘‘இத⁴, ப்³ராஹ்மண, ததா²க³தோ லோகே உப்பஜ்ஜதி அரஹங்
ஸம்மாஸம்பு³த்³தோ⁴…பே॰… (யதா² 190-212 அனுச்சே²தே³ஸு, ஏவங்
வித்தா²ரேதப்³ப³ங்). ஏவங் கோ², ப்³ராஹ்மண, பி⁴க்கு² ஸீலஸம்பன்னோ ஹோதி…பே॰…
பட²மங் ஜா²னங் உபஸம்பஜ்ஜ விஹரதி. அயங் கோ², ப்³ராஹ்மண, யஞ்ஞோ புரிமேஹி
யஞ்ஞேஹி அப்பட்ட²தரோ ச அப்பஸமாரம்ப⁴தரோ ச மஹப்ப²லதரோ ச மஹானிஸங்ஸதரோ
ச…பே॰… து³தியங் ஜா²னங்…பே॰… ததியங் ஜா²னங்…பே॰… சதுத்த²ங் ஜா²னங்
உபஸம்பஜ்ஜ விஹரதி. அயம்பி கோ², ப்³ராஹ்மண, யஞ்ஞோ புரிமேஹி யஞ்ஞேஹி
அப்பட்ட²தரோ ச அப்பஸமாரம்ப⁴தரோ ச மஹப்ப²லதரோ ச மஹானிஸங்ஸதரோ சாதி.
ஞாணத³ஸ்ஸனாய சித்தங் அபி⁴னீஹரதி அபி⁴னின்னாமேதி…பே॰… அயம்பி கோ²,
ப்³ராஹ்மண, யஞ்ஞோ புரிமேஹி யஞ்ஞேஹி அப்பட்ட²தரோ ச அப்பஸமாரம்ப⁴தரோ ச
மஹப்ப²லதரோ ச மஹானிஸங்ஸதரோ ச…பே॰… நாபரங்
இத்த²த்தாயாதி பஜானாதி. அயம்பி கோ², ப்³ராஹ்மண, யஞ்ஞோ புரிமேஹி யஞ்ஞேஹி
அப்பட்ட²தரோ ச அப்பஸமாரம்ப⁴தரோ ச மஹப்ப²லதரோ ச மஹானிஸங்ஸதரோ ச. இமாய ச,
ப்³ராஹ்மண, யஞ்ஞஸம்பதா³ய அஞ்ஞா யஞ்ஞஸம்பதா³ உத்தரிதரா வா பணீததரா வா
நத்தீ²’’தி.

கூடத³ந்தஉபாஸகத்தபடிவேத³னா

354.
ஏவங் வுத்தே, கூடத³ந்தோ ப்³ராஹ்மணோ ப⁴க³வந்தங் ஏதத³வோச – ‘‘அபி⁴க்கந்தங்,
போ⁴ கோ³தம, அபி⁴க்கந்தங், போ⁴ கோ³தம! ஸெய்யதா²பி போ⁴ கோ³தம, நிக்குஜ்ஜிதங்
வா உக்குஜ்ஜெய்ய, படிச்ச²ன்னங் வா விவரெய்ய, மூள்ஹஸ்ஸ வா மக்³க³ங்
ஆசிக்கெ²ய்ய, அந்த⁴காரே வா தேலபஜ்ஜோதங் தா⁴ரெய்ய ‘சக்கு²மந்தோ ரூபானி
த³க்க²ந்தீ’தி; ஏவமேவங் போ⁴தா கோ³தமேன அனேகபரியாயேன த⁴ம்மோ
பகாஸிதோ. ஏஸாஹங் ப⁴வந்தங் கோ³தமங் ஸரணங் க³ச்சா²மி த⁴ம்மஞ்ச
பி⁴க்கு²ஸங்க⁴ஞ்ச. உபாஸகங் மங் ப⁴வங் கோ³தமோ தா⁴ரேது அஜ்ஜதக்³கே³ பாணுபேதங்
ஸரணங் க³தங். ஏஸாஹங் போ⁴ கோ³தம ஸத்த ச உஸப⁴ஸதானி
ஸத்த ச வச்ச²தரஸதானி ஸத்த ச வச்ச²தரீஸதானி ஸத்த ச அஜஸதானி ஸத்த ச
உரப்³ப⁴ஸதானி முஞ்சாமி, ஜீவிதங் தே³மி, ஹரிதானி சேவ திணானி கா²த³ந்து,
ஸீதானி ச பானீயானி பிவந்து, ஸீதோ ச நேஸங் வாதோ உபவாயதூ’’தி.

ஸோதாபத்திப²லஸச்சி²கிரியா

355.
அத² கோ² ப⁴க³வா கூடத³ந்தஸ்ஸ ப்³ராஹ்மணஸ்ஸ அனுபுப்³பி³ங் கத²ங் கதே²ஸி,
ஸெய்யதி²த³ங், தா³னகத²ங் ஸீலகத²ங் ஸக்³க³கத²ங்; காமானங் ஆதீ³னவங் ஓகாரங்
ஸங்கிலேஸங் நெக்க²ம்மே ஆனிஸங்ஸங் பகாஸேஸி. யதா³
ப⁴க³வா அஞ்ஞாஸி கூடத³ந்தங் ப்³ராஹ்மணங் கல்லசித்தங் முது³சித்தங்
வினீவரணசித்தங் உத³க்³க³சித்தங் பஸன்னசித்தங், அத² யா பு³த்³தா⁴னங்
ஸாமுக்கங்ஸிகா த⁴ம்மதே³ஸனா, தங் பகாஸேஸி – து³க்க²ங் ஸமுத³யங் நிரோத⁴ங்
மக்³க³ங். ஸெய்யதா²பி நாம ஸுத்³த⁴ங் வத்த²ங் அபக³தகாளகங் ஸம்மதே³வ ரஜனங்
படிக்³க³ண்ஹெய்ய, ஏவமேவ கூடத³ந்தஸ்ஸ ப்³ராஹ்மணஸ்ஸ
தஸ்மிஞ்ஞேவ ஆஸனே விரஜங் வீதமலங் த⁴ம்மசக்கு²ங் உத³பாதி³ – ‘‘யங் கிஞ்சி
ஸமுத³யத⁴ம்மங், ஸப்³ப³ங் தங் நிரோத⁴த⁴ம்ம’’ந்தி.

356.
அத² கோ² கூடத³ந்தோ ப்³ராஹ்மணோ தி³ட்ட²த⁴ம்மோ பத்தத⁴ம்மோ விதி³தத⁴ம்மோ
பரியோகா³ள்ஹத⁴ம்மோ திண்ணவிசிகிச்சோ² விக³தகத²ங்கதோ² வேஸாரஜ்ஜப்பத்தோ
அபரப்பச்சயோ ஸத்து²ஸாஸனே ப⁴க³வந்தங் ஏதத³வோச – ‘‘அதி⁴வாஸேது மே ப⁴வங்
கோ³தமோ ஸ்வாதனாய ப⁴த்தங் ஸத்³தி⁴ங் பி⁴க்கு²ஸங்கே⁴னா’’தி. அதி⁴வாஸேஸி
ப⁴க³வா துண்ஹீபா⁴வேன.

357.
அத² கோ² கூடத³ந்தோ ப்³ராஹ்மணோ ப⁴க³வதோ அதி⁴வாஸனங் விதி³த்வா உட்டா²யாஸனா
ப⁴க³வந்தங் அபி⁴வாதெ³த்வா பத³க்கி²ணங் கத்வா பக்காமி. அத² கோ² கூடத³ந்தோ
ப்³ராஹ்மணோ தஸ்ஸா ரத்தியா அச்சயேன ஸகே யஞ்ஞவாடே பணீதங் கா²த³னீயங்
போ⁴ஜனீயங் படியாதா³பெத்வா ப⁴க³வதோ காலங் ஆரோசாபேஸி – ‘‘காலோ, போ⁴ கோ³தம;
நிட்டி²தங் ப⁴த்த’’ந்தி.

358. அத²
கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய ஸத்³தி⁴ங்
பி⁴க்கு²ஸங்கே⁴ன யேன கூடத³ந்தஸ்ஸ ப்³ராஹ்மணஸ்ஸ யஞ்ஞவாடோ தேனுபஸங்கமி;
உபஸங்கமித்வா பஞ்ஞத்தே ஆஸனே நிஸீதி³.

அத² கோ² கூடத³ந்தோ ப்³ராஹ்மணோ
பு³த்³த⁴ப்பமுக²ங் பி⁴க்கு²ஸங்க⁴ங் பணீதேன கா²த³னீயேன போ⁴ஜனீயேன ஸஹத்தா²
ஸந்தப்பேஸி ஸம்பவாரேஸி. அத² கோ² கூடத³ந்தோ ப்³ராஹ்மணோ ப⁴க³வந்தங்
பு⁴த்தாவிங் ஓனீதபத்தபாணிங் அஞ்ஞதரங் நீசங் ஆஸனங் க³ஹெத்வா ஏகமந்தங்
நிஸீதி³. ஏகமந்தங் நிஸின்னங் கோ² கூடத³ந்தங் ப்³ராஹ்மணங் ப⁴க³வா த⁴ம்மியா
கதா²ய ஸந்த³ஸ்ஸெத்வா ஸமாத³பெத்வா ஸமுத்தேஜெத்வா ஸம்பஹங்ஸெத்வா உட்டா²யாஸனா
பக்காமீதி.

கூடத³ந்தஸுத்தங் நிட்டி²தங் பஞ்சமங்.

comments (0)