35-LESSON-
வினயபிடகே
சூளவக்கபாளி
11. பஞ்சஸதிகக்கந்தகங்
1. ஸங்கீதினிதானங்-PALI-
தமிழில் திரபிடக மூன்று தொகுப்புகள்TIPITAKA-வினயபிடகே-Part-35-
from FREE ONLINE eNālāndā Research and
Practice UNIVERSITY through http://sarvajan.ambedkar.org
நமோ தஸ்ஸ பகவதோ அரஹதோ ஸம்மாஸம்புத்தஸ்ஸ
வினயபிடகே
சூளவக்கபாளி
11. பஞ்சஸதிகக்கந்தகங்
1. ஸங்கீதினிதானங்
437. அத²
கோ² ஆயஸ்மா மஹாகஸ்ஸபோ பி⁴க்கூ² ஆமந்தேஸி – ‘‘ஏகமிதா³ஹங், ஆவுஸோ, ஸமயங்
பாவாய குஸினாரங் அத்³தா⁴னமக்³க³ப்படிபன்னோ மஹதா பி⁴க்கு²ஸங்கே⁴ன ஸத்³தி⁴ங்
பஞ்சமத்தேஹி பி⁴க்கு²ஸதேஹி. அத² க்²வாஹங், ஆவுஸோ, மக்³கா³ ஓக்கம்ம
அஞ்ஞதரஸ்மிங் ருக்க²மூலே நிஸீதி³ங்.
[தீ³॰ நி॰ 2.231] ‘‘தேன கோ²
பன ஸமயேன அஞ்ஞதரோ ஆஜீவகோ குஸினாராய மந்தா³ரவபுப்ப²ங் க³ஹெத்வா பாவங்
அத்³தா⁴னமக்³க³ப்படிபன்னோ ஹோதி. அத்³த³ஸங் கோ² அஹங், ஆவுஸோ, தங் ஆஜீவகங்
தூ³ரதோவ ஆக³ச்ச²ந்தங். தி³ஸ்வான தங் ஆஜீவகங் ஏதத³வோசங் – ‘அபாவுஸோ,
அம்ஹாகங் ஸத்தா²ரங் ஜானாஸீ’தி? ‘ஆமாவுஸோ, ஜானாமி. அஜ்ஜ ஸத்தாஹபரினிப்³பு³தோ
ஸமணோ கோ³தமோ. ததோ மே இத³ங் மந்தா³ரவபுப்ப²ங் க³ஹித’ந்தி. தத்ராவுஸோ, யே தே
பி⁴க்கூ² அவீதராகா³ அப்பேகச்சே பா³ஹா பக்³க³ய்ஹ கந்த³ந்தி, சி²ன்னபாதங்
பபதந்தி, ஆவட்டந்தி, விவட்டந்தி – அதிகி²ப்பங் ப⁴க³வா பரினிப்³பு³தோ,
அதிகி²ப்பங் ஸுக³தோ பரினிப்³பு³தோ, அதிகி²ப்பங் சக்கு²ங் லோகே
அந்தரஹிதந்தி. யே பன தே பி⁴க்கூ² வீதராகா³ தே ஸதா ஸம்பஜானா அதி⁴வாஸெந்தி –
அனிச்சா ஸங்கா²ரா, தங் குதெத்த² லப்³பா⁴தி.
‘‘அத² க்²வாஹங், ஆவுஸோ, தே பி⁴க்கூ² ஏதத³வோசங் –
‘அலங், ஆவுஸோ, மா ஸோசித்த²; மா பரிதே³வித்த². நன்வேதங், ஆவுஸோ, ப⁴க³வதா
படிகச்சேவ அக்கா²தங் – ஸப்³பே³ஹேவ பியேஹி மனாபேஹி
நானாபா⁴வோ வினாபா⁴வோ அஞ்ஞதா²பா⁴வோ. தங் குதெத்த² ஆவுஸோ லப்³பா⁴, யங் தங்
ஜாதங் பூ⁴தங் ஸங்க²தங் பலோகத⁴ம்மங், தங் வத மா பலுஜ்ஜீதி – நேதங் டா²னங்
விஜ்ஜதீ’தி.
‘‘தேன கோ² பனாவுஸோ, ஸமயேன ஸுப⁴த்³தோ³ நாம வுட்³ட⁴பப்³ப³ஜிதோ தஸ்ஸங் பரிஸாயங் நிஸின்னோ ஹோதி .
அத² கோ², ஆவுஸோ, ஸுப⁴த்³தோ³ வுட்³ட⁴பப்³ப³ஜிதோ தே பி⁴க்கூ² ஏதத³வோச –
‘அலங், ஆவுஸோ, மா ஸோசித்த²; மா பரிதே³வித்த². ஸுமுத்தா மயங் தேன மஹாஸமணேன ;
உபத்³து³தா ச மயங் ஹோம – இத³ங் வோ கப்பதி, இத³ங் வோ ந கப்பதீதி. இதா³னி பன
மயங் யங் இச்சி²ஸ்ஸாம தங் கரிஸ்ஸாம, யங் ந இச்சி²ஸ்ஸாம ந தங்
கரிஸ்ஸாமா’தி. ஹந்த³ மயங், ஆவுஸோ, த⁴ம்மஞ்ச வினயஞ்ச ஸங்கா³யாம. புரே அத⁴ம்மோ தி³ப்பதி [தி³ப்³ப³தி (க॰)],
த⁴ம்மோ படிபா³ஹிய்யதி; புரே அவினயோ தி³ப்பதி வினயோ படிபா³ஹிய்யதி; புரே
அத⁴ம்மவாதி³னோ ப³லவந்தோ ஹொந்தி, த⁴ம்மவாதி³னோ து³ப்³ப³லா ஹொந்தி; புரே
அவினயவாதி³னோ ப³லவந்தோ ஹொந்தி, வினயவாதி³னோ து³ப்³ப³லா ஹொந்தீ’’தி.
‘‘தேன ஹி, ப⁴ந்தே, தே²ரோ பி⁴க்கூ² உச்சினதூ’’தி. அத²
கோ² ஆயஸ்மா மஹாகஸ்ஸபோ ஏகேனூனபஞ்சஅரஹந்தஸதானி உச்சினி. பி⁴க்கூ² ஆயஸ்மந்தங்
மஹாகஸ்ஸபங் ஏதத³வோசுங் – ‘‘அயங், ப⁴ந்தே, ஆயஸ்மா ஆனந்தோ³ கிஞ்சாபி ஸெக்கோ²,
அப⁴ப்³போ³ ச²ந்தா³ தோ³ஸா மோஹா ப⁴யா அக³திங் க³ந்துங். ப³ஹு ச அனேன ப⁴க³வதோ
ஸந்திகே த⁴ம்மோ ச வினயோ ச பரியத்தோ. தேன ஹி, ப⁴ந்தே, தே²ரோ ஆயஸ்மந்தம்பி
ஆனந்த³ங் உச்சினதூ’’தி . அத² கோ² ஆயஸ்மா மஹாகஸ்ஸபோ ஆயஸ்மந்தம்பி ஆனந்த³ங் உச்சினி.
அத² கோ² தே²ரானங் பி⁴க்கூ²னங் ஏதத³ஹோஸி – ‘‘கத்த² நு
கோ² மயங் த⁴ம்மஞ்ச வினயஞ்ச ஸங்கா³யெய்யாமா’’தி? அத² கோ² தே²ரானங்
பி⁴க்கூ²னங் ஏதத³ஹோஸி – ‘‘ராஜக³ஹங் கோ² மஹாகோ³சரங் பஹூதஸேனாஸனங், யங்னூன
மயங் ராஜக³ஹே வஸ்ஸங் வஸந்தா த⁴ம்மஞ்ச வினயஞ்ச ஸங்கா³யெய்யாம. ந அஞ்ஞே
பி⁴க்கூ² ராஜக³ஹே வஸ்ஸங் உபக³ச்செ²ய்யு’’ந்தி.
அத² கோ² ஆயஸ்மா மஹாகஸ்ஸபோ ஸங்க⁴ங் ஞாபேஸி –
438.
‘‘ஸுணாது மே, ஆவுஸோ, ஸங்கோ⁴. யதி³ ஸங்க⁴ஸ்ஸ பத்தகல்லங், ஸங்கோ⁴ இமானி பஞ்ச
பி⁴க்கு²ஸதானி ஸம்மன்னெய்ய – ராஜக³ஹே வஸ்ஸங் வஸந்தானி த⁴ம்மஞ்ச வினயஞ்ச
ஸங்கா³யிதுங், ந அஞ்ஞேஹி பி⁴க்கூ²ஹி ராஜக³ஹே வஸ்ஸங் வஸிதப்³ப³ந்தி. ஏஸா
ஞத்தி.
‘‘ஸுணாது மே, ஆவுஸோ, ஸங்கோ⁴. இமானி பஞ்ச பி⁴க்கு²ஸதானி
ஸம்மன்னதி – ராஜக³ஹே வஸ்ஸங் வஸந்தானி த⁴ம்மஞ்ச வினயஞ்ச ஸங்கா³யிதுங், ந
அஞ்ஞேஹி பி⁴க்கூ²ஹி ராஜக³ஹே வஸ்ஸங் வஸிதப்³ப³ந்தி. யஸ்ஸாயஸ்மதோ க²மதி
இமேஸங் பஞ்சன்னங் பி⁴க்கு²ஸதானங் ஸம்முதி – ராஜக³ஹே வஸ்ஸங் வஸந்தானங் த⁴ம்மஞ்ச வினயஞ்ச ஸங்கா³யிதுங், ந அஞ்ஞேஹி பி⁴க்கூ²ஹி ராஜக³ஹே வஸ்ஸங் வஸிதப்³ப³ந்தி – ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.
‘‘ஸம்மதானி ஸங்கே⁴ன இமானி பஞ்ச
பி⁴க்கு²ஸதானி ராஜக³ஹே வஸ்ஸங் வஸந்தானி த⁴ம்மஞ்ச வினயஞ்ச ஸங்கா³யிதுங், ந
அஞ்ஞேஹி பி⁴க்கூ²ஹி ராஜக³ஹே வஸ்ஸங் வஸிதப்³ப³ந்தி. க²மதி ஸங்க⁴ஸ்ஸ, தஸ்மா
துண்ஹீ, ஏவமேதங் தா⁴ரயாமீ’’தி.
அத² கோ² தே²ரா பி⁴க்கூ²
ராஜக³ஹங் அக³மங்ஸு த⁴ம்மஞ்ச வினயஞ்ச ஸங்கா³யிதுங். அத² கோ² தே²ரானங்
பி⁴க்கூ²னங் ஏதத³ஹோஸி – ‘‘ப⁴க³வதா கோ², ஆவுஸோ, க²ண்ட³பு²ல்லப்படிஸங்க²ரணங்
வண்ணிதங். ஹந்த³ மயங், ஆவுஸோ, பட²மங் மாஸங் க²ண்ட³பு²ல்லங் படிஸங்க²ரோம;
மஜ்ஜி²மங் மாஸங் ஸன்னிபதித்வா த⁴ம்மஞ்ச வினயஞ்ச ஸங்கா³யிஸ்ஸாமா’’தி.
அத² கோ² தே²ரா பி⁴க்கூ² பட²மங் மாஸங் க²ண்ட³பு²ல்லங் படிஸங்க²ரிங்ஸு. அத² கோ² ஆயஸ்மா ஆனந்தோ³ – ஸ்வே ஸன்னிபாதோ [ஸன்னிபாதோதி (க॰)]
ந கோ² மேதங் பதிரூபங், யோஹங் ஸெக்கோ² ஸமானோ ஸன்னிபாதங் க³ச்செ²ய்யந்தி –
ப³ஹுதே³வ ரத்திங் காயக³தாய ஸதியா வீதினாமெத்வா ரத்தியா பச்சூஸஸமயங்
‘நிபஜ்ஜிஸ்ஸாமீ’தி காயங் ஆவஜ்ஜேஸி. அப்பத்தஞ்ச ஸீஸங் பி³ப்³போ³ஹனங்,
பூ⁴மிதோ ச பாதா³ முத்தா. ஏதஸ்மிங் அந்தரே அனுபாதா³ய ஆஸவேஹி சித்தங்
விமுச்சி.
439. அத² கோ² ஆயஸ்மா ஆனந்தோ³ அரஹா ஸமானோ ஸன்னிபாதங் அக³மாஸி. அத² கோ² ஆயஸ்மா மஹாகஸ்ஸபோ ஸங்க⁴ங் ஞாபேஸி –
‘‘ஸுணாது மே, ஆவுஸோ, ஸங்கோ⁴. யதி³ ஸங்க⁴ஸ்ஸ பத்தகல்லங், அஹங் உபாலிங் வினயங் புச்செ²ய்ய’’ந்தி.
ஆயஸ்மா உபாலி ஸங்க⁴ங் ஞாபேஸி –
‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், அஹங் ஆயஸ்மதா மஹாகஸ்ஸபேன வினயங் புட்டோ² விஸ்ஸஜ்ஜெய்ய’’ந்தி.
அத² கோ² ஆயஸ்மா மஹாகஸ்ஸபோ ஆயஸ்மந்தங் உபாலிங் ஏதத³வோச – ‘‘பட²மங், ஆவுஸோ உபாலி ,
பாராஜிகங் கத்த² பஞ்ஞத்த’’ந்தி? ‘‘வேஸாலியங் ப⁴ந்தே’’தி. ‘‘கங்
ஆரப்³பா⁴’’தி? ‘‘ஸுதி³ன்னங் கலந்த³புத்தங் ஆரப்³பா⁴’’தி. ‘‘கிஸ்மிங்
வத்து²ஸ்மி’’ந்தி? ‘‘மேது²னத⁴ம்மே’’தி. அத² கோ² ஆயஸ்மா மஹாகஸ்ஸபோ
ஆயஸ்மந்தங் உபாலிங் பட²மஸ்ஸ பாராஜிகஸ்ஸ வத்து²ம்பி புச்சி², நிதா³னம்பி
புச்சி², புக்³க³லம்பி புச்சி², பஞ்ஞத்திம்பி புச்சி², அனுபஞ்ஞத்திம்பி
புச்சி², ஆபத்திம்பி புச்சி², அனாபத்திம்பி
புச்சி². ‘‘து³தியங் பனாவுஸோ உபாலி, பாராஜிகங் கத்த² பஞ்ஞத்த’’ந்தி?
‘‘ராஜக³ஹே ப⁴ந்தே’’தி. ‘‘கங் ஆரப்³பா⁴’’தி? ‘‘த⁴னியங் கும்ப⁴காரபுத்தங்
ஆரப்³பா⁴’’தி. ‘‘கிஸ்மிங் வத்து²ஸ்மி’’ந்தி? ‘‘அதி³ன்னாதா³னே’’தி. அத² கோ²
ஆயஸ்மா மஹாகஸ்ஸபோ ஆயஸ்மந்தங் உபாலிங் து³தியஸ்ஸ பாராஜிகஸ்ஸ வத்து²ம்பி
புச்சி², நிதா³னம்பி புச்சி², புக்³க³லம்பி புச்சி², பஞ்ஞத்திம்பி புச்சி²,
அனுபஞ்ஞத்திம்பி புச்சி², ஆபத்திம்பி புச்சி², அனாபத்திம்பி புச்சி².
‘‘ததியங் பனாவுஸோ உபாலி, பாராஜிகங் கத்த² பஞ்ஞத்த’’ந்தி? ‘‘வேஸாலியங்
ப⁴ந்தே’’தி. ‘‘கங் ஆரப்³பா⁴’’தி? ‘‘ஸம்ப³ஹுலே பி⁴க்கூ² ஆரப்³பா⁴’’தி.
‘‘கிஸ்மிங் வத்து²ஸ்மி’’ந்தி? ‘‘மனுஸ்ஸவிக்³க³ஹே’’தி. அத² கோ² ஆயஸ்மா
மஹாகஸ்ஸபோ ஆயஸ்மந்தங் உபாலிங் ததியஸ்ஸ பாராஜிகஸ்ஸ
வத்து²ம்பி புச்சி², நிதா³னம்பி புச்சி², புக்³க³லம்பி புச்சி²,
பஞ்ஞத்திம்பி புச்சி², அனுபஞ்ஞத்திம்பி புச்சி², ஆபத்திம்பி புச்சி²,
அனாபத்திம்பி புச்சி². ‘‘சதுத்த²ங் பனாவுஸோ உபாலி, பாராஜிகங் கத்த²
பஞ்ஞத்த’’ந்தி? ‘‘வேஸாலியங் ப⁴ந்தே’’தி. ‘‘கங் ஆரப்³பா⁴’’தி?
‘‘வக்³கு³முதா³தீரியே பி⁴க்கூ² ஆரப்³பா⁴’’தி. ‘‘கிஸ்மிங் வத்து²ஸ்மி’’ந்தி?
‘‘உத்தரிமனுஸ்ஸத⁴ம்மே’’தி. அத² கோ² ஆயஸ்மா
மஹாகஸ்ஸபோ ஆயஸ்மந்தங் உபாலிங் சதுத்த²ஸ்ஸ பாராஜிகஸ்ஸ வத்து²ம்பி புச்சி²,
நிதா³னம்பி புச்சி², புக்³க³லம்பி புச்சி², பஞ்ஞத்திம்பி புச்சி²,
அனுபஞ்ஞத்திம்பி புச்சி², ஆபத்திம்பி புச்சி², அனாபத்திம்பி புச்சி².
ஏதேனேவ உபாயேன உப⁴தோவிப⁴ங்கே³ புச்சி². புட்டோ² புட்டோ² ஆயஸ்மா உபாலி
விஸ்ஸஜ்ஜேஸி.
440. அத² கோ² ஆயஸ்மா மஹாகஸ்ஸபோ ஸங்க⁴ங் ஞாபேஸி –
‘‘ஸுணாது மே, ஆவுஸோ, ஸங்கோ⁴. யதி³ ஸங்க⁴ஸ்ஸ பத்தகல்லங், அஹங் ஆனந்த³ங் த⁴ம்மங் புச்செ²ய்ய’’ந்தி.
ஆயஸ்மா ஆனந்தோ³ ஸங்க⁴ங் ஞாபேஸி –
‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், அஹங் ஆயஸ்மதா மஹாகஸ்ஸபேன த⁴ம்மங் புட்டோ² விஸ்ஸஜ்ஜெய்ய’’ந்தி.
அத² கோ² ஆயஸ்மா மஹாகஸ்ஸபோ
ஆயஸ்மந்தங் ஆனந்த³ங் ஏதத³வோச – ‘‘ப்³ரஹ்மஜாலங், ஆவுஸோ ஆனந்த³, கத்த²
பா⁴ஸித’’ந்தி? ‘‘அந்தரா ச, ப⁴ந்தே, ராஜக³ஹங் அந்தரா ச நாளந்த³ங் ராஜாகா³ரகே
அம்ப³லட்டி²காயா’’தி. ‘‘கங் ஆரப்³பா⁴’’தி? ‘‘ஸுப்பியஞ்ச பரிப்³பா³ஜகங்
ப்³ரஹ்மத³த்தஞ்ச மாணவ’’ந்தி. அத² கோ² ஆயஸ்மா மஹாகஸ்ஸபோ ஆயஸ்மந்தங் ஆனந்த³ங்
ப்³ரஹ்மஜாலஸ்ஸ நிதா³னம்பி புச்சி², புக்³க³லம்பி புச்சி². ‘‘ஸாமஞ்ஞப²லங்
பனாவுஸோ ஆனந்த³, கத்த² பா⁴ஸித’’ந்தி? ‘‘ராஜக³ஹே, ப⁴ந்தே, ஜீவகம்ப³வனே’’தி.
‘‘கேன ஸத்³தி⁴’’ந்தி? ‘‘அஜாதஸத்துனா வேதே³ஹிபுத்தேன ஸத்³தி⁴’’ந்தி. அத² கோ² ஆயஸ்மா மஹாகஸ்ஸபோ ஆயஸ்மந்தங் ஆனந்த³ங் ஸாமஞ்ஞப²லஸ்ஸ நிதா³னம்பி புச்சி², புக்³க³லம்பி புச்சி². ஏதேனேவ உபாயேன பஞ்சபி நிகாயே புச்சி². புட்டோ² புட்டோ² ஆயஸ்மா ஆனந்தோ³ விஸ்ஸஜ்ஜேஸி.
2. கு²த்³தா³னுகு²த்³த³கஸிக்கா²பத³கதா²
441.
அத² கோ² ஆயஸ்மா ஆனந்தோ³ தே²ரே பி⁴க்கூ² ஏதத³வோச – ‘‘ப⁴க³வா மங், ப⁴ந்தே,
பரினிப்³பா³னகாலே ஏவமாஹ – ‘ஆகங்க²மானோ, ஆனந்த³, ஸங்கோ⁴ மமச்சயேன
கு²த்³தா³னுகு²த்³த³கானி ஸிக்கா²பதா³னி ஸமூஹனெய்யா’’’தி. ‘‘புச்சி² பன
த்வங், ஆவுஸோ ஆனந்த³, ப⁴க³வந்தங் – ‘கதமானி பன, ப⁴ந்தே,
கு²த்³தா³னுகு²த்³த³கானி ஸிக்கா²பதா³னீ’’’தி? ‘‘ந கோ²ஹங், ப⁴ந்தே,
ப⁴க³வந்தங் புச்சி²ங் – ‘கதமானி பன, ப⁴ந்தே, கு²த்³தா³னுகு²த்³த³கானி
ஸிக்கா²பதா³னீ’’தி. ஏகச்சே தே²ரா ஏவமாஹங்ஸு – ‘‘சத்தாரி பாராஜிகானி
ட²பெத்வா, அவஸேஸானி கு²த்³தா³னுகு²த்³த³கானி ஸிக்கா²பதா³னீ’’தி. ஏகச்சே
தே²ரா ஏவமாஹங்ஸு – ‘‘சத்தாரி பாராஜிகானி ட²பெத்வா ,
தேரஸ ஸங்கா⁴தி³ஸேஸே ட²பெத்வா, அவஸேஸானி கு²த்³தா³னுகு²த்³த³கானி
ஸிக்கா²பதா³னீ’’தி. ஏகச்சே தே²ரா ஏவமாஹங்ஸு – ‘‘சத்தாரி பாராஜிகானி
ட²பெத்வா, தேரஸ ஸங்கா⁴தி³ஸேஸே ட²பெத்வா, த்³வே அனியதே ட²பெத்வா, அவஸேஸானி
கு²த்³தா³னுகு²த்³த³கானி ஸிக்கா²பதா³னீ’’தி. ஏகச்சே தே²ரா ஏவமாஹங்ஸு –
‘‘சத்தாரி பாராஜிகானி ட²பெத்வா, தேரஸ ஸங்கா⁴தி³ஸேஸே ட²பெத்வா, த்³வே அனியதே
ட²பெத்வா, திங்ஸ நிஸ்ஸக்³கி³யே பாசித்தியே ட²பெத்வா, அவஸேஸானி
கு²த்³தா³னுகு²த்³த³கானி ஸிக்கா²பதா³னீ’’தி. ஏகச்சே தே²ரா ஏவமாஹங்ஸு –
‘‘சத்தாரி பாராஜிகானி ட²பெத்வா, தேரஸ ஸங்கா⁴தி³ஸேஸே ட²பெத்வா, த்³வே அனியதே
ட²பெத்வா, திங்ஸ நிஸ்ஸக்³கி³யே பாசித்தியே ட²பெத்வா, த்³வேனவுதி
பாசித்தியே ட²பெத்வா, அவஸேஸானி கு²த்³தா³னுகு²த்³த³கானி ஸிக்கா²பதா³னீ’’தி.
ஏகச்சே தே²ரா ஏவமாஹங்ஸு – ‘‘சத்தாரி பாராஜிகானி ட²பெத்வா, தேரஸ
ஸங்கா⁴தி³ஸேஸே ட²பெத்வா, த்³வே அனியதே ட²பெத்வா, திங்ஸ நிஸ்ஸக்³கி³யே
பாசித்தியே ட²பெத்வா, த்³வேனவுதி பாசித்தியே ட²பெத்வா, சத்தாரோ
பாடிதே³ஸனீயே ட²பெத்வா, அவஸேஸானி கு²த்³தா³னுகு²த்³த³கானி ஸிக்கா²பதா³னீ’’தி.
442. அத² கோ² ஆயஸ்மா மஹாகஸ்ஸபோ ஸங்க⁴ங் ஞாபேஸி –
‘‘ஸுணாது மே, ஆவுஸோ, ஸங்கோ⁴. ஸந்தம்ஹாகங்
ஸிக்கா²பதா³னி கி³ஹிக³தானி. கி³ஹினோபி ஜானந்தி – ‘இத³ங் வோ ஸமணானங்
ஸக்யபுத்தியானங் கப்பதி, இத³ங் வோ ந கப்பதீ’தி. ஸசே மயங்
கு²த்³தா³னுகு²த்³த³கானி ஸிக்கா²பதா³னி ஸமூஹனிஸ்ஸாம, ப⁴விஸ்ஸந்தி
வத்தாரோ – ‘தூ⁴மகாலிகங் ஸமணேன கோ³தமேன ஸாவகானங் ஸிக்கா²பத³ங் பஞ்ஞத்தங்.
யாவிமேஸங் ஸத்தா² அட்டா²ஸி தாவிமே ஸிக்கா²பதே³ஸு ஸிக்கி²ங்ஸு. யதோ இமேஸங்
ஸத்தா² பரினிப்³பு³தோ, ந தா³னிமே ஸிக்கா²பதே³ஸு ஸிக்க²ந்தீ’தி. யதி³
ஸங்க⁴ஸ்ஸ பத்தகல்லங், ஸங்கோ⁴ அப்பஞ்ஞத்தங் நப்பஞ்ஞபெய்ய, பஞ்ஞத்தங் ந
ஸமுச்சி²ந்தெ³ய்ய, யதா²பஞ்ஞத்தேஸு ஸிக்கா²பதே³ஸு ஸமாதா³ய வத்தெய்ய. ஏஸா
ஞத்தி.
‘‘ஸுணாது மே, ஆவுஸோ, ஸங்கோ⁴. ஸந்தம்ஹாகங்
ஸிக்கா²பதா³னி கி³ஹிக³தானி. கி³ஹினோபி ஜானந்தி – ‘இத³ங் வோ ஸமணானங்
ஸக்யபுத்தியானங் கப்பதி, இத³ங் வோ ந கப்பதீ’தி. ஸசே மயங்
கு²த்³தா³னுகு²த்³த³கானி ஸிக்கா²பதா³னி ஸமூஹனிஸ்ஸாம, ப⁴விஸ்ஸந்தி வத்தாரோ –
‘தூ⁴மகாலிகங் ஸமணேன கோ³தமேன ஸாவகானங் ஸிக்கா²பத³ங் பஞ்ஞத்தங் .
யாவிமேஸங் ஸத்தா² அட்டா²ஸி தாவிமே ஸிக்கா²பதே³ஸு ஸிக்கி²ங்ஸு. யதோ இமேஸங்
ஸத்தா² பரினிப்³பு³தோ, ந தா³னிமே ஸிக்கா²பதே³ஸு ஸிக்க²ந்தீ’தி. ஸங்கோ⁴
அப்பஞ்ஞத்தங் நப்பஞ்ஞபேதி, பஞ்ஞத்தங் ந ஸமுச்சி²ந்த³தி, யதா²பஞ்ஞத்தேஸு
ஸிக்கா²பதே³ஸு ஸமாதா³ய வத்ததி. யஸ்ஸாயஸ்மதோ க²மதி அப்பஞ்ஞத்தஸ்ஸ
அப்பஞ்ஞாபனா, பஞ்ஞத்தஸ்ஸ அஸமுச்சே²தோ³, யதா²பஞ்ஞத்தேஸு ஸிக்கா²பதே³ஸு
ஸமாதா³ய வத்தனா, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.
‘‘ஸங்கோ⁴ அப்பஞ்ஞத்தங் நப்பஞ்ஞபேதி, பஞ்ஞத்தங் ந
ஸமுச்சி²ந்த³தி, யதா²பஞ்ஞத்தேஸு ஸிக்கா²பதே³ஸு ஸமாதா³ய வத்ததி. க²மதி
ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
443.
அத² கோ² தே²ரா பி⁴க்கூ² ஆயஸ்மந்தங் ஆனந்த³ங் ஏதத³வோசுங் – ‘‘இத³ங் தே,
ஆவுஸோ ஆனந்த³, து³க்கடங், யங் த்வங் ப⁴க³வந்தங் ந புச்சி² – ‘கதமானி பன,
ப⁴ந்தே, கு²த்³தா³னுகு²த்³த³கானி ஸிக்கா²பதா³னீ’தி.
தே³ஸேஹி தங் து³க்கட’’ந்தி. ‘‘அஹங் கோ², ப⁴ந்தே, அஸ்ஸதியா ப⁴க³வந்தங் ந
புச்சி²ங் – ‘கதமானி பன, ப⁴ந்தே, கு²த்³தா³னுகு²த்³த³கானி
ஸிக்கா²பதா³னீ’தி. நாஹங் தங் து³க்கடங் பஸ்ஸாமி, அபி சாயஸ்மந்தானங்
ஸத்³தா⁴ய தே³ஸேமி தங் து³க்கட’’ந்தி. ‘‘இத³ம்பி தே, ஆவுஸோ ஆனந்த³,
து³க்கடங், யங் த்வங் ப⁴க³வதோ வஸ்ஸிகஸாடிகங் அக்கமித்வா ஸிப்³பே³ஸி.
தே³ஸேஹி தங் து³க்கட’’ந்தி. ‘‘அஹங் கோ², ப⁴ந்தே, ந அகா³ரவேன ப⁴க³வதோ
வஸ்ஸிகஸாடிகங் அக்கமித்வா ஸிப்³பே³ஸிங். நாஹங் தங் து³க்கடங் பஸ்ஸாமி, அபி
சாயஸ்மந்தானங் ஸத்³தா⁴ய தே³ஸேமி தங் து³க்கட’’ந்தி. ‘‘இத³ம்பி தே, ஆவுஸோ ஆனந்த³, து³க்கடங், யங் த்வங் மாதுகா³மேஹி ப⁴க³வதோ
ஸரீரங் பட²மங் வந்தா³பேஸி, தாஸங் ரோத³ந்தீனங் ப⁴க³வதோ ஸரீரங் அஸ்ஸுகேன
மக்கி²தங். தே³ஸேஹி தங் து³க்கட’’ந்தி. அஹங் கோ², ப⁴ந்தே – மாயிமாஸங் [மாயிமா (ஸீ॰ ஸ்யா॰)]
விகாலே அஹேஸுந்தி – மாதுகா³மேஹி ப⁴க³வதோ ஸரீரங் பட²மங் வந்தா³பேஸிங்.
நாஹங் தங் து³க்கடங் பஸ்ஸாமி, அபி சாயஸ்மந்தானங் ஸத்³தா⁴ய தே³ஸேமி தங்
து³க்கட’’ந்தி. ‘‘இத³ம்பி தே, ஆவுஸோ ஆனந்த³, து³க்கடங், யங் த்வங் ப⁴க³வதா
ஓளாரிகே நிமித்தே கயிரமானே, ஓளாரிகே ஓபா⁴ஸே கயிரமானே, ந ப⁴க³வந்தங் யாசி –
‘திட்ட²து ப⁴க³வா கப்பங், திட்ட²து ஸுக³தோ கப்பங், ப³ஹுஜனஹிதாய
ப³ஹுஜனஸுகா²ய லோகானுகம்பாய அத்தா²ய ஹிதாய ஸுகா²ய தே³வமனுஸ்ஸான’ந்தி.
தே³ஸேஹி தங் து³க்கட’’ந்தி. ‘‘அஹங் கோ², ப⁴ந்தே, மாரேன பரியுட்டி²தசித்தோ ந
ப⁴க³வந்தங் யாசிங் – ‘திட்ட²து ப⁴க³வா கப்பங், திட்ட²து ஸுக³தோ கப்பங்,
ப³ஹுஜனஹிதாய ப³ஹுஜனஸுகா²ய லோகானுகம்பாய அத்தா²ய ஹிதாய ஸுகா²ய
தே³வமனுஸ்ஸான’ந்தி. நாஹங் தங் து³க்கடங் பஸ்ஸாமி, அபி சாயஸ்மந்தானங்
ஸத்³தா⁴ய தே³ஸேமி தங் து³க்கட’’ந்தி. ‘‘இத³ம்பி தே, ஆவுஸோ ஆனந்த³,
து³க்கடங் யங் த்வங் மாதுகா³மஸ்ஸ ததா²க³தப்பவேதி³தே த⁴ம்மவினயே பப்³ப³ஜ்ஜங்
உஸ்ஸுக்கங் அகாஸி. தே³ஸேஹி தங் து³க்கட’’ந்தி. ‘‘அஹங் கோ², ப⁴ந்தே, அயங்
மஹாபஜாபதி கோ³தமீ ப⁴க³வதோ மாதுச்சா² ஆபாதி³கா போஸிகா கீ²ரஸ்ஸ தா³யிகா
ப⁴க³வந்தங் ஜனெத்தியா காலங்கதாய த²ஞ்ஞங் பாயேஸீதி மாதுகா³மஸ்ஸ
ததா²க³தப்பவேதி³தே த⁴ம்மவினயே பப்³ப³ஜ்ஜங் உஸ்ஸுக்கங் அகாஸிங். நாஹங் தங்
து³க்கடங் பஸ்ஸாமி, அபி சாயஸ்மந்தானங் ஸத்³தா⁴ய தே³ஸேமி தங் து³க்கட’’ந்தி.
444.
தேன கோ² பன ஸமயேன ஆயஸ்மா புராணோ த³க்கி²ணாகி³ரிஸ்மிங் சாரிகங் சரதி மஹதா
பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி பி⁴க்கு²ஸதேஹி. அத² கோ² ஆயஸ்மா
புராணோ தே²ரேஹி பி⁴க்கூ²ஹி த⁴ம்மே ச வினயே ச ஸங்கீ³தே த³க்கி²ணாகி³ரிஸ்மிங்
யதா²பி⁴ரந்தங் விஹரித்வா யேன ராஜக³ஹங் யேன வேளுவனங்
கலந்த³கனிவாபோ யேன தே²ரா பி⁴க்கூ² தேனுபஸங்கமி, உபஸங்கமித்வா தே²ரேஹி
பி⁴க்கூ²ஹி ஸத்³தி⁴ங் படிஸம்மோதி³த்வா ஏகமந்தங் நிஸீதி³. ஏகமந்தங்
நிஸின்னங் கோ² ஆயஸ்மந்தங் புராணங் தே²ரா பி⁴க்கூ² ஏதத³வோசுங் – ‘‘தே²ரேஹி,
ஆவுஸோ புராண, த⁴ம்மோ ச வினயோ ச ஸங்கீ³தோ. உபேஹி தங் ஸங்கீ³தி’’ந்தி.
‘‘ஸுஸங்கீ³தாவுஸோ, தே²ரேஹி த⁴ம்மோ ச வினயோ ச. அபிச யதே²வ மயா ப⁴க³வதோ
ஸம்முகா² ஸுதங், ஸம்முகா² படிக்³க³ஹிதங், ததே²வாஹங் தா⁴ரெஸ்ஸாமீ’’தி.
3. ப்³ரஹ்மத³ண்ட³கதா²
445. அத²
கோ² ஆயஸ்மா ஆனந்தோ³ தே²ரே பி⁴க்கூ² ஏதத³வோச – ‘‘ப⁴க³வா மங், ப⁴ந்தே,
பரினிப்³பா³னகாலே ஏவமாஹ – ‘தேன ஹானந்த³, ஸங்கோ⁴ மமச்சயேன ச²ன்னஸ்ஸ
பி⁴க்கு²னோ ப்³ரஹ்மத³ண்ட³ங் ஆணாபேதூ’’’தி .
‘‘புச்சி² பன த்வங், ஆவுஸோ ஆனந்த³, ப⁴க³வந்தங் – ‘கதமோ பன, ப⁴ந்தே,
ப்³ரஹ்மத³ண்டோ³’’’தி? ‘‘புச்சி²ங் கோ²ஹங், ப⁴ந்தே, ப⁴க³வந்தங் – ‘கதமோ பன,
ப⁴ந்தே, ப்³ரஹ்மத³ண்டோ³’’’தி? ‘‘ச²ன்னோ, ஆனந்த³, பி⁴க்கு² யங் இச்செ²ய்ய
தங் வதெ³ய்ய. பி⁴க்கூ²ஹி ச²ன்னோ பி⁴க்கு² நேவ வத்தப்³போ³, ந ஓவதி³தப்³போ³,
நானுஸாஸிதப்³போ³’’தி. ‘‘தேன ஹாவுஸோ ஆனந்த³, த்வங்யேவ ச²ன்னஸ்ஸ பி⁴க்கு²னோ
ப்³ரஹ்மத³ண்ட³ங் ஆணாபேஹீ’’தி. ‘‘கதா²ஹங், ப⁴ந்தே, ச²ன்னஸ்ஸ பி⁴க்கு²னோ
ப்³ரஹ்மத³ண்ட³ங் ஆணாபேமி, சண்டோ³ ஸோ பி⁴க்கு² ப²ருஸோ’’தி? ‘தேன ஹாவுஸோ
ஆனந்த³, ப³ஹுகேஹி பி⁴க்கூ²ஹி ஸத்³தி⁴ங் க³ச்சா²ஹீ’’தி. ‘‘ஏவங் ப⁴ந்தே’’தி
கோ² ஆயஸ்மா ஆனந்தோ³ தே²ரானங் பி⁴க்கூ²னங் படிஸ்ஸுத்வா மஹதா பி⁴க்கு²ஸங்கே⁴ன
ஸத்³தி⁴ங் பஞ்சமத்தேஹி பி⁴க்கு²ஸதேஹி நாவாய உஜ்ஜவனிகாய கோஸம்பி³ங் உஜ்ஜவி,
நாவாய பச்சோரோஹித்வா ரஞ்ஞோ உதே³னஸ்ஸ [உதேனஸ்ஸ (க॰)]
உய்யானஸ்ஸ அவிதூ³ரே அஞ்ஞதரஸ்மிங் ருக்க²மூலே நிஸீதி³. தேன கோ² பன ஸமயேன
ராஜா உதே³னோ உய்யானே பரிசாரேஸி ஸத்³தி⁴ங் ஓரோதே⁴ன. அஸ்ஸோஸி கோ² ரஞ்ஞோ
உதே³னஸ்ஸ ஓரோதோ⁴ – ‘‘அம்ஹாகங் கிர ஆசரியோ அய்யோ ஆனந்தோ³ உய்யானஸ்ஸ அவிதூ³ரே
அஞ்ஞதரஸ்மிங் ருக்க²மூலே நிஸின்னோ’’தி. அத² கோ² ரஞ்ஞோ உதே³னஸ்ஸ ஓரோதோ⁴
ராஜானங் உதே³னங் ஏதத³வோச – ‘‘அம்ஹாகங் கிர, தே³வ, ஆசரியோ அய்யோ ஆனந்தோ³
உய்யானஸ்ஸ அவிதூ³ரே அஞ்ஞதரஸ்மிங் ருக்க²மூலே நிஸின்னோ. இச்சா²ம மயங், தே³வ,
அய்யங் ஆனந்த³ங் பஸ்ஸிது’’ந்தி. ‘‘தேன ஹி தும்ஹே ஸமணங் ஆனந்த³ங்
பஸ்ஸதா²’’தி.
அத² கோ² ரஞ்ஞோ உதே³னஸ்ஸ ஓரோதோ⁴ யேனாயஸ்மா ஆனந்தோ³
தேனுபஸங்கமி, உபஸங்கமித்வா ஆயஸ்மந்தங் ஆனந்த³ங் அபி⁴வாதெ³த்வா ஏகமந்தங்
நிஸீதி³. ஏகமந்தங் நிஸின்னங் கோ² ரஞ்ஞோ உதே³னஸ்ஸ ஓரோத⁴ங் ஆயஸ்மா ஆனந்தோ³
த⁴ம்மியா கதா²ய ஸந்த³ஸ்ஸேஸி ஸமாத³பேஸி ஸமுத்தேஜேஸி ஸம்பஹங்ஸேஸி .
அத² கோ² ரஞ்ஞோ உதே³னஸ்ஸ ஓரோதோ⁴ ஆயஸ்மதா ஆனந்தே³ன த⁴ம்மியா கதா²ய
ஸந்த³ஸ்ஸிதோ ஸமாத³பிதோ ஸமுத்தேஜிதோ ஸம்பஹங்ஸிதோ ஆயஸ்மதோ ஆனந்த³ஸ்ஸ பஞ்ச
உத்தராஸங்க³ஸதானி பாதா³ஸி. அத² கோ² ரஞ்ஞோ உதே³னஸ்ஸ
ஓரோதோ⁴ ஆயஸ்மதோ ஆனந்த³ஸ்ஸ பா⁴ஸிதங் அபி⁴னந்தி³த்வா அனுமோதி³த்வா
உட்டா²யாஸனா ஆயஸ்மந்தங் ஆனந்த³ங் அபி⁴வாதெ³த்வா பத³க்கி²ணங் கத்வா யேன ராஜா
உதே³னோ தேனுபஸங்கமி. அத்³த³ஸா கோ² ராஜா உதே³னோ ஓரோத⁴ங் தூ³ரதோவ
ஆக³ச்ச²ந்தங். தி³ஸ்வான ஓரோத⁴ங் ஏதத³வோச – ‘‘அபி நு கோ² தும்ஹே ஸமணங்
ஆனந்த³ங் பஸ்ஸித்தா²’’தி? ‘‘அபஸ்ஸிம்ஹா கோ² மயங், தே³வ, அய்யங்
ஆனந்த³’’ந்தி. ‘‘அபி நு தும்ஹே ஸமணஸ்ஸ ஆனந்த³ஸ்ஸ கிஞ்சி அத³த்தா²’’தி?
‘‘அத³ம்ஹா கோ² மயங், தே³வ, அய்யஸ்ஸ ஆனந்த³ஸ்ஸ பஞ்ச உத்தராஸங்க³ஸதானீ’’தி.
ராஜா உதே³னோ உஜ்ஜா²யதி கி²ய்யதி விபாசேதி – ‘‘கத²ஞ்ஹி நாம ஸமணோ ஆனந்தோ³ தாவ
ப³ஹுங் சீவரங் படிக்³க³ஹெஸ்ஸதி! து³ஸ்ஸவாணிஜ்ஜங் வா ஸமணோ ஆனந்தோ³
கரிஸ்ஸதி, பக்³கா³ஹிகஸாலங் வா பஸாரெஸ்ஸதீ’’தி!
அத² கோ² ராஜா உதே³னோ யேனாயஸ்மா
ஆனந்தோ³ தேனுபஸங்கமி, உபஸங்கமித்வா ஆயஸ்மதா ஆனந்தே³ன ஸத்³தி⁴ங் ஸம்மோதி³.
ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங்
நிஸின்னோ கோ² ராஜா உதே³னோ ஆயஸ்மந்தங் ஆனந்த³ங் ஏதத³வோச – ‘‘ஆக³மா நு
க்²வித⁴, போ⁴ ஆனந்த³, அம்ஹாகங் ஓரோதோ⁴’’தி? ‘‘ஆக³மாஸி கோ² தே இத⁴, மஹாராஜ,
ஓரோதோ⁴’’தி. ‘‘அபி பன போ⁴தோ ஆனந்த³ஸ்ஸ கிஞ்சி அதா³ஸீ’’தி? ‘‘அதா³ஸி கோ²
மே, மஹாராஜ, பஞ்ச உத்தராஸங்க³ஸதானீ’’தி. ‘‘கிங் பன ப⁴வங் ஆனந்தோ³ தாவ
ப³ஹுங் சீவரங் கரிஸ்ஸதீ’’தி? ‘‘யே [யே பன (க॰)]
தே, மஹாராஜ, பி⁴க்கூ² து³ப்³ப³லசீவரா தேஹி ஸத்³தி⁴ங் ஸங்விப⁴ஜிஸ்ஸாமீ’’தி.
‘‘யானி கோ² பன, போ⁴ ஆனந்த³, போராணகானி து³ப்³ப³லசீவரானி தானி கத²ங்
கரிஸ்ஸதா²’’தி? ‘‘தானி, மஹாராஜ, உத்தரத்த²ரணங் கரிஸ்ஸாமா’’தி. ‘‘யானி பன,
போ⁴ ஆனந்த³, போராணகானி உத்தரத்த²ரணானி தானி கத²ங் கரிஸ்ஸதா²’’தி? ‘‘தானி,
மஹாராஜ, பி⁴ஸிச்ச²வியோ கரிஸ்ஸாமா’’தி. ‘‘யா பன, போ⁴ ஆனந்த³, போராணகா
பி⁴ஸிச்ச²வியோ தா கத²ங் கரிஸ்ஸதா²’’தி? ‘‘தா, மஹாராஜ, பூ⁴மத்த²ரணங்
கரிஸ்ஸாமா’’தி. ‘‘யானி பன, போ⁴ ஆனந்த³, போராணகானி பூ⁴மத்த²ரணானி தானி கத²ங்
கரிஸ்ஸதா²’’தி? ‘‘தானி, மஹாராஜ, பாத³புஞ்ச²னியோ கரிஸ்ஸாமா’’தி. ‘‘யா பன,
போ⁴ ஆனந்த³, போராணகா பாத³புஞ்ச²னியோ தா கத²ங் கரிஸ்ஸதா²’’தி?. ‘‘தா,
மஹாராஜ, ரஜோஹரணங் கரிஸ்ஸாமா’’தி. ‘‘யானி பன, போ⁴
ஆனந்த³, போராணகானி ரஜோஹரணானி தானி கத²ங் கரிஸ்ஸதா²’’தி? ‘‘தானி, மஹாராஜ,
கொட்டெத்வா சிக்க²ல்லேன மத்³தி³த்வா பரிப⁴ண்ட³ங் லிம்பிஸ்ஸாமா’’தி.
அத² கோ² ராஜா உதே³னோ – ஸப்³பே³விமே ஸமணா ஸக்யபுத்தியா யோனிஸோ உபனெந்தி, ந குலவங் க³மெந்தீதி
– ஆயஸ்மதோ ஆனந்த³ஸ்ஸ அஞ்ஞானிபி பஞ்ச து³ஸ்ஸஸதானி பாதா³ஸி. அயஞ்சரஹி
ஆயஸ்மதோ ஆனந்த³ஸ்ஸ பட²மங் சீவரபி⁴க்கா² உப்பஜ்ஜி சீவரஸஹஸ்ஸங். அத² கோ²
ஆயஸ்மா ஆனந்தோ³ யேன கோ⁴ஸிதாராமோ தேனுபஸங்கமி, உபஸங்கமித்வா பஞ்ஞத்தே ஆஸனே
நிஸீதி³. அத² கோ² ஆயஸ்மா ச²ன்னோ யேனாயஸ்மா ஆனந்தோ³ தேனுபஸங்கமி,
உபஸங்கமித்வா ஆயஸ்மந்தங் ஆனந்த³ங் அபி⁴வாதெ³த்வா ஏகமந்தங் நிஸீதி³.
ஏகமந்தங் நிஸின்னங் கோ² ஆயஸ்மந்தங் ச²ன்னங் ஆயஸ்மா ஆனந்தோ³ ஏதத³வோச –
‘‘ஸங்கே⁴ன தே, ஆவுஸோ ச²ன்ன, ப்³ரஹ்மத³ண்டோ³ ஆணாபிதோ’’தி.
‘‘கதமோ பன, ப⁴ந்தே ஆனந்த³, ப்³ரஹ்மத³ண்டோ³
ஆணாபிதோ’’தி? ‘‘த்வங், ஆவுஸோ ச²ன்ன, பி⁴க்கூ² யங் இச்செ²ய்யாஸி தங்
வதெ³ய்யாஸி. பி⁴க்கூ²ஹி த்வங் நேவ வத்தப்³போ³, ந ஓவதி³தப்³போ³,
நானுஸாஸிதப்³போ³’’தி. ‘‘நன்வாஹங், ப⁴ந்தே ஆனந்த³, ஹதோ எத்தாவதா, யதோஹங்
பி⁴க்கூ²ஹி நேவ வத்தப்³போ³, ந ஓவதி³தப்³போ³, நானுஸாஸிதப்³போ³’’தி தத்தே²வ
முச்சி²தோ பபதோ. அத² கோ² ஆயஸ்மா ச²ன்னோ
ப்³ரஹ்மத³ண்டே³ன அட்டீயமானோ ஹராயமானோ ஜிகு³ச்ச²மானோ ஏகோ வூபகட்டோ²
அப்பமத்தோ ஆதாபீ பஹிதத்தோ விஹரந்தோ நசிரஸ்ஸேவ யஸ்ஸத்தா²ய குலபுத்தா
ஸம்மதே³வ அகா³ரஸ்மா அனகா³ரியங் பப்³ப³ஜந்தி, தத³னுத்தரங்
ப்³ரஹ்மசரியபரியோஸானங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா
உபஸம்பஜ்ஜ விஹாஸி. ‘கீ²ணா ஜாதி, வுஸிதங்
ப்³ரஹ்மசரியங், கதங் கரணீயங், நாபரங் இத்த²த்தாயா’தி அப்³ப⁴ஞ்ஞாஸி. அஞ்ஞதரோ
ச பனாயஸ்மா ச²ன்னோ அரஹதங் அஹோஸி. அத² கோ² ஆயஸ்மா ச²ன்னோ அரஹத்தங் பத்தோ
யேனாயஸ்மா ஆனந்தோ³ தேனுபஸங்கமி, உபஸங்கமித்வா ஆயஸ்மந்தங் ஆனந்த³ங் ஏதத³வோச –
‘‘படிப்பஸ்ஸம்பே⁴ஹி தா³னி மே, ப⁴ந்தே ஆனந்த³, ப்³ரஹ்மத³ண்ட³’’ந்தி.
‘‘யத³க்³கே³ன தயா, ஆவுஸோ ச²ன்ன, அரஹத்தங் ஸச்சி²கதங் தத³க்³கே³ன தே
ப்³ரஹ்மத³ண்டோ³ படிப்பஸ்ஸத்³தோ⁴’’தி. இமாய கோ² பன வினயஸங்கீ³தியா பஞ்ச
பி⁴க்கு²ஸதானி அனூனானி அனதி⁴கானி அஹேஸுங். தஸ்மா அயங் வினயஸங்கீ³தி
‘‘பஞ்சஸதிகா’’தி வுச்சதீதி.
பஞ்சஸதிகக்க²ந்த⁴கோ ஏகாத³ஸமோ.
இமம்ஹி க²ந்த⁴கே வத்தூ² தேவீஸதி.
தஸ்ஸுத்³தா³னங் –
பரினிப்³பு³தே ஸம்பு³த்³தே⁴, தே²ரோ கஸ்ஸபஸவ்ஹயோ;
ஆமந்தயி பி⁴க்கு²க³ணங், ஸத்³த⁴ம்மமனுபாலகோ;
பாவாயத்³தா⁴னமக்³க³ம்ஹி, ஸுப⁴த்³தே³ன பவேதி³தங்;
ஸங்கா³யிஸ்ஸாம ஸத்³த⁴ம்மங், அத⁴ம்மோ புரே தி³ப்பதி.
ஏகேனூன பஞ்சஸதங், ஆனந்த³ம்பி ச உச்சினி;
த⁴ம்மவினயஸங்கீ³திங், வஸந்தோ கு³ஹமுத்தமே.
உபாலிங் வினயங் புச்சி², ஸுத்தந்தானந்த³பண்டி³தங்;
பிடகங் தீணி ஸங்கீ³திங், அகங்ஸு ஜினஸாவகா.
ந புச்சி² அக்கமித்வான, வந்தா³பேஸி ந யாசி ச.
பப்³ப³ஜ்ஜங் மாதுகா³மஸ்ஸ, ஸத்³தா⁴ய து³க்கடானி மே;
புராணோ ப்³ரஹ்மத³ண்ட³ஞ்ச, ஓரோதோ⁴ உதே³னேன ஸஹ.
தாவ ப³ஹு து³ப்³ப³லஞ்ச, உத்தரத்த²ரணா பி⁴ஸி;
பூ⁴மத்த²ரணா புஞ்ச²னியோ, ரஜோ சிக்க²ல்லமத்³த³னா.
ஸஹஸ்ஸசீவரங் உப்பஜ்ஜி, பட²மானந்த³ஸவ்ஹயோ;
தஜ்ஜிதோ ப்³ரஹ்மத³ண்டே³ன, சதுஸ்ஸச்சங் அபாபுணி;
வஸீபூ⁴தா பஞ்சஸதா, தஸ்மா பஞ்சஸதீ இதி.
பஞ்சஸதிகக்க²ந்த⁴கங் நிட்டி²தங்.
34-LESSON-
வினயபிடகே
சூளவக்கபாளி
10. பிக்குனிக்கந்தகங்
1. படமபாணவாரோ
மஹாபஜாபதிகோதமீவத்து-PALI-
தமிழில் திரபிடக மூன்று தொகுப்புகள்TIPITAKA-வினயபிடகே-Part-34-
from FREE ONLINE eNālāndā Research and
Practice UNIVERSITY through http://sarvajan.ambedkar.org
நமோ தஸ்ஸ பகவதோ அரஹதோ ஸம்மாஸம்புத்தஸ்ஸ
வினயபிடகே
சூளவக்கபாளி
10. பிக்குனிக்கந்தகங்
1. படமபாணவாரோ
மஹாபஜாபதிகோதமீவத்து
402. [அ॰ நி॰ 8.51 இத³ங் வத்து² ஆக³தங்] தேன ஸமயேன பு³த்³தோ⁴ ப⁴க³வா ஸக்கேஸு விஹரதி கபிலவத்து²ஸ்மிங் நிக்³ரோதா⁴ராமே. அத² கோ² மஹாபஜாபதி [மஹாபஜாபதீ (ஸீ॰ ஸ்யா॰)]
கோ³தமீ யேன ப⁴க³வா தேனுபஸங்கமி, உபஸங்கமித்வா ப⁴க³வந்தங் அபி⁴வாதெ³த்வா
ஏகமந்தங் அட்டா²ஸி. ஏகமந்தங் டி²தா கோ² மஹாபஜாபதி கோ³தமீ ப⁴க³வந்தங்
ஏதத³வோச – ‘‘ஸாது⁴, ப⁴ந்தே, லபெ⁴ய்ய மாதுகா³மோ ததா²க³தப்பவேதி³தே
த⁴ம்மவினயே அகா³ரஸ்மா அனகா³ரியங் பப்³ப³ஜ்ஜ’’ந்தி. ‘‘அலங், கோ³தமி, மா தே
ருச்சி மாதுகா³மஸ்ஸ ததா²க³தப்பவேதி³தே த⁴ம்மவினயே அகா³ரஸ்மா அனகா³ரியங்
பப்³ப³ஜ்ஜா’’தி. து³தியம்பி கோ²…பே॰… ததியம்பி கோ² மஹபஜாபதி கோ³தமீ
ப⁴க³வந்தங் ஏதத³வோச – ‘‘ஸாது⁴, ப⁴ந்தே, லபெ⁴ய்ய மாதுகா³மோ
ததா²க³தப்பவேதி³தே த⁴ம்மவினயே அகா³ரஸ்மா அனகா³ரியங் பப்³ப³ஜ்ஜ’’ந்தி.
‘‘அலங், கோ³தமி, மா தே ருச்சி மாதுகா³மஸ்ஸ ததா²க³தப்பவேதி³தே த⁴ம்மவினயே
அகா³ரஸ்மா அனகா³ரியங் பப்³ப³ஜ்ஜா’’தி. அத² கோ² மஹாபஜாபதி கோ³தமீ – ந ப⁴க³வா
அனுஜானாதி மாதுகா³மஸ்ஸ ததா²க³தப்பவேதி³தே த⁴ம்மவினயே அகா³ரஸ்மா அனகா³ரியங்
பப்³ப³ஜ்ஜந்தி – து³க்கீ² து³ம்மனா அஸ்ஸுமுகீ² ருத³மானா ப⁴க³வந்தங்
அபி⁴வாதெ³த்வா பத³க்கி²ணங் கத்வா பக்காமி.
அத² கோ² ப⁴க³வா கபிலவத்து²ஸ்மிங் யதா²பி⁴ரந்தங்
விஹரித்வா யேன வேஸாலீ தேன சாரிகங் பக்காமி. அனுபுப்³பே³ன சாரிகங் சரமானோ
யேன வேஸாலீ தத³வஸரி. தத்ர ஸுத³ங் ப⁴க³வா வேஸாலியங் விஹரதி மஹாவனே
கூடாகா³ரஸாலாயங். அத² கோ² மஹாபஜாபதி கோ³தமீ கேஸே சே²தா³பெத்வா காஸாயானி
வத்தா²னி அச்சா²தெ³த்வா ஸம்ப³ஹுலாஹி ஸாகியானீஹி ஸத்³தி⁴ங் யேன வேஸாலீ தேன
பக்காமி. அனுபுப்³பே³ன யேன வேஸாலீ மஹாவனங் கூடாகா³ரஸாலா தேனுபஸங்கமி. அத²
கோ² மஹாபஜாபதி கோ³தமீ ஸூனேஹி பாதே³ஹி ரஜோகிண்ணேன க³த்தேன து³க்கீ² து³ம்மனா
அஸ்ஸுமுகீ² ருத³மானா ப³ஹித்³வாரகொட்ட²கே அட்டா²ஸி. அத்³த³ஸா கோ² ஆயஸ்மா
ஆனந்தோ³ மஹாபஜாபதிங் கோ³தமிங் ஸூனேஹி பாதே³ஹி ரஜோகிண்ணேன க³த்தேன
து³க்கி²ங் து³ம்மனங் அஸ்ஸுமுகி²ங் ருத³மானங் ப³ஹித்³வாரகொட்ட²கே டி²தங்.
தி³ஸ்வான மஹாபஜாபதிங் கோ³தமிங் ஏதத³வோச – ‘‘கிஸ்ஸ
த்வங், கோ³தமி, ஸூனேஹி பாதே³ஹி ரஜோகிண்ணேன க³த்தேன து³க்கீ² து³ம்மனா
அஸ்ஸுமுகீ² ருத³மானா ப³ஹித்³வாரகொட்ட²கே டி²தா’’தி? ‘‘ததா² ஹி பன, ப⁴ந்தே
ஆனந்த³, ந ப⁴க³வா அனுஜானாதி மாதுகா³மஸ்ஸ ததா²க³தப்பவேதி³தே த⁴ம்மவினயே
அகா³ரஸ்மா அனகா³ரியங் பப்³ப³ஜ்ஜ’’ந்தி. ‘‘தேன ஹி த்வங், கோ³தமி, முஹுத்தங்
இதே⁴வ தாவ ஹோஹி, யாவாஹங் ப⁴க³வந்தங் யாசாமி மாதுகா³மஸ்ஸ ததா²க³தப்பவேதி³தே
த⁴ம்மவினயே அகா³ரஸ்மா அனகா³ரியங் பப்³ப³ஜ்ஜ’’ந்தி.
அத² கோ² ஆயஸ்மா ஆனந்தோ³ யேன ப⁴க³வா தேனுபஸங்கமி,
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னோ கோ² ஆயஸ்மா ஆனந்தோ³ ப⁴க³வந்தங் ஏதத³வோச – ‘‘ஏஸா, ப⁴ந்தே,
மஹாபஜாபதி கோ³தமீ ஸூனேஹி பாதே³ஹி ரஜோகிண்ணேன க³த்தேன து³க்கீ² து³ம்மனா
அஸ்ஸுமுகீ² ருத³மானா ப³ஹித்³வாரகொட்ட²கே டி²தா – ந ப⁴க³வா
அனுஜானாதி மாதுகா³மஸ்ஸ ததா²க³தப்பவேதி³தே த⁴ம்மவினயே அகா³ரஸ்மா அனகா³ரியங்
பப்³ப³ஜ்ஜந்தி. ஸாது⁴, ப⁴ந்தே, லபெ⁴ய்ய மாதுகா³மோ ததா²க³தப்பவேதி³தே
த⁴ம்மவினயே அகா³ரஸ்மா அனகா³ரியங் பப்³ப³ஜ்ஜ’’ந்தி. ‘‘அலங், ஆனந்த³, மா தே
ருச்சி மாதுகா³மஸ்ஸ ததா²க³தப்பவேதி³தே த⁴ம்மவினயே அகா³ரஸ்மா அனகா³ரியங்
பப்³ப³ஜ்ஜா’’தி. து³தியம்பி கோ²…பே॰… ததியம்பி கோ² ஆயஸ்மா ஆனந்தோ³
ப⁴க³வந்தங் ஏதத³வோச – ‘‘ஸாது⁴, ப⁴ந்தே, லபெ⁴ய்ய மாதுகா³மோ
ததா²க³தப்பவேதி³தே த⁴ம்மவினயே அகா³ரஸ்மா அனகா³ரியங் பப்³ப³ஜ்ஜ’’ந்தி.
‘‘அலங், ஆனந்த³, மா தே ருச்சி மாதுகா³மஸ்ஸ ததா²க³தப்பவேதி³தே த⁴ம்மவினயே
அகா³ரஸ்மா அனகா³ரியங் பப்³ப³ஜ்ஜா’’தி.
அத² கோ² ஆயஸ்மா ஆனந்தோ³ [அ॰ நி॰ 8.51 ‘‘அத² கோ² ஆயஸ்மதோ ஆனந்த³ஸ்ஸ ஏதத³ஹோஸீ’’தி ஆக³தங்]
– ‘‘ந ப⁴க³வா அனுஜானாதி மாதுகா³மஸ்ஸ ததா²க³தப்பவேதி³தே த⁴ம்மவினயே
அகா³ரஸ்மா அனகா³ரியங் பப்³ப³ஜ்ஜங்; யங்னூனாஹங் அஞ்ஞேனபி பரியாயேன
ப⁴க³வந்தங் யாசெய்யங் மாதுகா³மஸ்ஸ ததா²க³தப்பவேதி³தே த⁴ம்மவினயே அகா³ரஸ்மா
அனகா³ரியங் பப்³ப³ஜ்ஜ’’ந்தி. அத² கோ² ஆயஸ்மா ஆனந்தோ³ ப⁴க³வந்தங் ஏதத³வோச –
‘‘ப⁴ப்³போ³ நு கோ², ப⁴ந்தே, மாதுகா³மோ ததா²க³தப்பவேதி³தே த⁴ம்மவினயே
அகா³ரஸ்மா அனகா³ரியங் பப்³ப³ஜித்வா ஸோதாபத்திப²லங் வா ஸகதா³கா³மிப²லங் [ஸகிதா³கா³மிப²லங் (ஸ்யா॰)] வா அனாகா³மிப²லங் வா அரஹத்தப²லங்
வா ஸச்சி²காது’’ந்தி? ‘‘ப⁴ப்³போ³, ஆனந்த³, மாதுகா³மோ ததா²க³தப்பவேதி³தே
த⁴ம்மவினயே அகா³ரஸ்மா அனகா³ரியங் பப்³ப³ஜித்வா ஸோதாபத்திப²லம்பி
ஸகதா³கா³மிப²லம்பி அனாகா³மிப²லம்பி அரஹத்தப²லம்பி
ஸச்சி²காது’’ந்தி. ‘‘ஸசே, ப⁴ந்தே, ப⁴ப்³போ³ மாதுகா³மோ ததா²க³தப்பவேதி³தே
த⁴ம்மவினயே அகா³ரஸ்மா அனகா³ரியங் பப்³ப³ஜித்வா ஸோதாபத்திப²லம்பி
ஸகதா³கா³மிப²லம்பி அனாகா³மிப²லம்பி அரஹத்தப²லம்பி ஸச்சி²காதுங்; ப³ஹூபகாரா, ப⁴ந்தே, மஹாபஜாபதி கோ³தமீ ப⁴க³வதோ மாதுச்சா² ஆபாதி³கா ,
போஸிகா, கீ²ரஸ்ஸ தா³யிகா, ப⁴க³வந்தங் ஜனெத்தியா காலங்கதாய த²ஞ்ஞங் பாயேஸி;
ஸாது⁴, ப⁴ந்தே, லபெ⁴ய்ய மாதுகா³மோ ததா²க³தப்பவேதி³தே த⁴ம்மவினயே அகா³ரஸ்மா
அனகா³ரியங் பப்³ப³ஜ்ஜ’’ந்தி.
அட்ட²க³ருத⁴ம்மா
403. ‘‘ஸசே, ஆனந்த³, மஹாபஜாபதீ கோ³தமீ அட்ட² க³ருத⁴ம்மே படிக்³க³ண்ஹாதி, ஸாவஸ்ஸா. ஹோது உபஸம்பதா³.
[பாசி॰ 149]
‘‘வஸ்ஸஸதூபஸம்பன்னாய பி⁴க்கு²னியா தத³ஹுபஸம்பன்னஸ்ஸ பி⁴க்கு²னோ அபி⁴வாத³னங்
பச்சுட்டா²னங் அஞ்ஜலிகம்மங் ஸாமீசிகம்மங் காதப்³ப³ங். அயம்பி த⁴ம்மோ
ஸக்கத்வா க³ருகத்வா [க³ருங்கத்வா (க॰)] மானெத்வா பூஜெத்வா யாவஜீவங் அனதிக்கமனீயோ.
‘‘ந பி⁴க்கு²னியா அபி⁴க்கு²கே ஆவாஸே வஸ்ஸங் வஸிதப்³ப³ங். அயம்பி த⁴ம்மோ ஸக்கத்வா க³ருகத்வா மானெத்வா பூஜெத்வா யாவஜீவங் அனதிக்கமனீயோ.
‘‘அன்வத்³த⁴மாஸங் பி⁴க்கு²னியா பி⁴க்கு²ஸங்க⁴தோ த்³வே
த⁴ம்மா பச்சாஸீஸிதப்³பா³ – உபோஸத²புச்ச²கஞ்ச, ஓவாதூ³பஸங்கமனஞ்ச. அயம்பி
த⁴ம்மோ ஸக்கத்வா க³ருகத்வா மானெத்வா பூஜெத்வா யாவஜீவங் அனதிக்கமனீயோ.
‘‘வஸ்ஸங்வுட்டா²ய பி⁴க்கு²னியா உப⁴தோஸங்கே⁴
தீஹி டா²னேஹி பவாரேதப்³ப³ங் – தி³ட்டே²ன வா, ஸுதேன வா, பரிஸங்காய வா.
அயம்பி த⁴ம்மோ ஸக்கத்வா க³ருகத்வா மானெத்வா பூஜெத்வா யாவஜீவங்
அனதிக்கமனீயோ.
‘‘க³ருத⁴ம்மங் அஜ்ஜா²பன்னாய பி⁴க்கு²னியா உப⁴தோஸங்கே⁴
பக்க²மானத்தங் சரிதப்³ப³ங். அயம்பி த⁴ம்மோ ஸக்கத்வா க³ருகத்வா மானெத்வா
பூஜெத்வா யாவஜீவங் அனதிக்கமனீயோ.
‘‘த்³வே வஸ்ஸானி ச²ஸு த⁴ம்மேஸு ஸிக்கி²தஸிக்கா²ய
ஸிக்க²மானாய உப⁴தோஸங்கே⁴ உபஸம்பதா³ பரியேஸிதப்³பா³. அயம்பி த⁴ம்மோ ஸக்கத்வா
க³ருகத்வா மானெத்வா பூஜெத்வா யாவஜீவங் அனதிக்கமனீயோ.
‘‘ந
பி⁴க்கு²னியா கேனசி பரியாயேன பி⁴க்கு² அக்கோஸிதப்³போ³ பரிபா⁴ஸிதப்³போ³.
அயம்பி த⁴ம்மோ ஸக்கத்வா க³ருகத்வா மானெத்வா பூஜெத்வா யாவஜீவங்
அனதிக்கமனீயோ.
‘‘அஜ்ஜதக்³கே³ ஓவடோ பி⁴க்கு²னீனங் பி⁴க்கூ²ஸு வசனபதோ²,
அனோவடோ பி⁴க்கூ²னங் பி⁴க்கு²னீஸு வசனபதோ². அயம்பி த⁴ம்மோ ஸக்கத்வா
க³ருகத்வா மானெத்வா பூஜெத்வா யாவஜீவங் அனதிக்கமனீயோ.
‘‘ஸசே, ஆனந்த³, மஹாபஜாபதி கோ³தமீ இமே அட்ட² க³ருத⁴ம்மே படிக்³க³ண்ஹாதி, ஸாவஸ்ஸா ஹோது உபஸம்பதா³’’தி.
அத² கோ² ஆயஸ்மா ஆனந்தோ³ ப⁴க³வதோ ஸந்திகே அட்ட²
க³ருத⁴ம்மே உக்³க³ஹெத்வா யேன மஹாபஜாபதி கோ³தமீ தேனுபஸங்கமி, உபஸங்கமித்வா
மஹாபஜாபதிங் கோ³தமிங் ஏதத³வோச – ‘‘ஸசே கோ² த்வங், கோ³தமி, அட்ட² க³ருத⁴ம்மே
படிக்³க³ண்ஹெய்யாஸி, ஸாவ தே ப⁴விஸ்ஸதி உபஸம்பதா³.
‘‘வஸ்ஸஸதூபஸம்பன்னாய பி⁴க்கு²னியா தத³ஹுபஸம்பன்னஸ்ஸ
பி⁴க்கு²னோ அபி⁴வாத³னங் பச்சுட்டா²னங் அஞ்ஜலிகம்மங் ஸாமீசிகம்மங்
காதப்³ப³ங். அயம்பி த⁴ம்மோ ஸக்கத்வா க³ருகத்வா மானெத்வா பூஜெத்வா யாவஜீவங் அனதிக்கமனீயோ.
‘‘ந பி⁴க்கு²னியா அபி⁴க்கு²கே ஆவாஸே வஸ்ஸங் வஸிதப்³ப³ங். அயம்பி த⁴ம்மோ ஸக்கத்வா க³ருகத்வா மானெத்வா பூஜெத்வா யாவஜீவங் அனதிக்கமனீயோ.
‘‘அன்வத்³த⁴மாஸங் பி⁴க்கு²னியா பி⁴க்கு²ஸங்க⁴தோ த்³வே
த⁴ம்மா பச்சாஸீஸிதப்³பா³ – உபோஸத²புச்ச²கஞ்ச, ஓவாதூ³பஸங்கமனஞ்ச. அயம்பி
த⁴ம்மோ ஸக்கத்வா க³ருகத்வா மானெத்வா பூஜெத்வா யாவஜீவங் அனதிக்கமனீயோ.
‘‘வஸ்ஸங்வுட்டா²ய பி⁴க்கு²னியா உப⁴தோஸங்கே⁴ தீஹி
டா²னேஹி பவாரேதப்³ப³ங் – தி³ட்டே²ன வா, ஸுதேன வா, பரிஸங்காய வா. அயம்பி
த⁴ம்மோ ஸக்கத்வா க³ருகத்வா மானெத்வா பூஜெத்வா யாவஜீவங் அனதிக்கமனீயோ.
‘‘க³ருத⁴ம்மங் அஜ்ஜா²பன்னாய பி⁴க்கு²னியா உப⁴தோஸங்கே⁴
பக்க²மானத்தங் சரிதப்³ப³ங். அயம்பி த⁴ம்மோ ஸக்கத்வா க³ருகத்வா மானெத்வா
பூஜெத்வா யாவஜீவங் அனதிக்கமனீயோ.
‘‘த்³வே வஸ்ஸானி ச²ஸு த⁴ம்மேஸு
ஸிக்கி²தஸிக்கா²ய ஸிக்க²மானாய உப⁴தோஸங்கே⁴ உபஸம்பதா³ பரியேஸிதப்³பா³.
அயம்பி த⁴ம்மோ ஸக்கத்வா க³ருகத்வா மானெத்வா பூஜெத்வா யாவஜீவங்
அனதிக்கமனீயோ.
‘‘ந பி⁴க்கு²னியா கேனசி
பரியாயேன பி⁴க்கு² அக்கோஸிதப்³போ³ பரிபா⁴ஸிதப்³போ³. அயம்பி த⁴ம்மோ ஸக்கத்வா
க³ருகத்வா மானெத்வா பூஜெத்வா யாவஜீவங் அனதிக்கமனீயோ.
‘‘அஜ்ஜதக்³கே³ ஓவடோ பி⁴க்கு²னீனங் பி⁴க்கூ²ஸு வசனபதோ²,
அனோவடோ பி⁴க்கூ²னங் பி⁴க்கு²னீஸு வசனபதோ². அயம்பி த⁴ம்மோ ஸக்கத்வா
க³ருகத்வா மானெத்வா பூஜெத்வா யாவஜீவங் அனதிக்கமனீயோ.
‘‘ஸசே கோ² த்வங், கோ³தமி, இமே அட்ட² க³ருத⁴ம்மே படிக்³க³ண்ஹெய்யாஸி, ஸாவ தே ப⁴விஸ்ஸதி உபஸம்பதா³’’தி.
‘‘ஸெய்யதா²பி, ப⁴ந்தே ஆனந்த³, இத்தீ² வா புரிஸோ வா
த³ஹரோ, யுவா, மண்ட³னகஜாதிகோ ஸீஸங்னஹாதோ உப்பலமாலங் வா வஸ்ஸிகமாலங் வா
அதிமுத்தகமாலங் [அதி⁴மத்தகமாலங் (ஸ்யா॰)]
வா லபி⁴த்வா உபோ⁴ஹி ஹத்தே²ஹி படிக்³க³ஹெத்வா உத்தமங்கே³ ஸிரஸ்மிங்
பதிட்டா²பெய்ய; ஏவமேவ கோ² அஹங், ப⁴ந்தே, ஆனந்த³ இமே அட்ட² க³ருத⁴ம்மே
படிக்³க³ண்ஹாமி யாவஜீவங் அனதிக்கமனீயே’’தி.
அத² கோ² ஆயஸ்மா ஆனந்தோ³ யேன ப⁴க³வா தேனுபஸங்கமி,
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னோ கோ² ஆயஸ்மா ஆனந்தோ³ ப⁴க³வந்தங் ஏதத³வோச – ‘‘படிக்³க³ஹிதா, ப⁴ந்தே,
மஹாபஜாபதியா கோ³தமியா அட்ட² க³ருத⁴ம்மா, உபஸம்பன்னா ப⁴க³வதோ
மாதுச்சா²’’தி.
‘‘ஸசே, ஆனந்த³, நாலபி⁴ஸ்ஸ மாதுகா³மோ ததா²க³தப்பவேதி³தே
த⁴ம்மவினயே அகா³ரஸ்மா அனகா³ரியங் பப்³ப³ஜ்ஜங், சிரட்டி²திகங், ஆனந்த³,
ப்³ரஹ்மசரியங் அப⁴விஸ்ஸ, வஸ்ஸஸஹஸ்ஸங் ஸத்³த⁴ம்மோ திட்டெ²ய்ய. யதோ ச கோ²,
ஆனந்த³, மாதுகா³மோ ததா²க³தப்பவேதி³தே த⁴ம்மவினயே அகா³ரஸ்மா அனகா³ரியங்
பப்³ப³ஜிதோ, ந தா³னி, ஆனந்த³, ப்³ரஹ்மசரியங் சிரட்டி²திகங் ப⁴விஸ்ஸதி.
பஞ்சேவ தா³னி, ஆனந்த³, வஸ்ஸஸதானி ஸத்³த⁴ம்மோ ட²ஸ்ஸதி.
‘‘ஸெய்யதா²பி, ஆனந்த³, யானி கானிசி குலானி ப³ஹுத்தி²கானி [ப³ஹுஇத்தி²கானி (ஸீ॰ ஸ்யா॰)] அப்பபுரிஸகானி, தானி ஸுப்பத⁴ங்ஸியானி
ஹொந்தி சோரேஹி கும்ப⁴தே²னகேஹி; ஏவமேவ கோ², ஆனந்த³, யஸ்மிங் த⁴ம்மவினயே
லப⁴தி மாதுகா³மோ அகா³ரஸ்மா அனகா³ரியங் பப்³ப³ஜ்ஜங், ந தங் ப்³ரஹ்மசரியங்
சிரட்டி²திகங் ஹோதி.
‘‘ஸெய்யதா²பி , ஆனந்த³,
ஸம்பன்னே ஸாலிக்கெ²த்தே ஸேதட்டிகா நாம ரோக³ஜாதி நிபததி, ஏவங் தங்
ஸாலிக்கெ²த்தங் ந சிரட்டி²திகங் ஹோதி; ஏவமேவ கோ², ஆனந்த³, யஸ்மிங்
த⁴ம்மவினயே லப⁴தி மாதுகா³மோ அகா³ரஸ்மா அனகா³ரியங் பப்³ப³ஜ்ஜங், ந தங்
ப்³ரஹ்மசரியங் சிரட்டி²திகங் ஹோதி.
‘‘ஸெய்யதா²பி, ஆனந்த³, ஸம்பன்னே உச்சு²க்கெ²த்தே மஞ்ஜிட்டி²கா [மஞ்ஜெட்டி²கா (ஸீ॰ ஸ்யா॰)]
நாம ரோக³ஜாதி நிபததி, ஏவங் தங் உச்சு²க்கெ²த்தங் ந சிரட்டி²திகங் ஹோதி;
ஏவமேவ கோ², ஆனந்த³, யஸ்மிங் த⁴ம்மவினயே லப⁴தி மாதுகா³மோ அகா³ரஸ்மா
அனகா³ரியங் பப்³ப³ஜ்ஜங், ந தங் ப்³ரஹ்மசரியங் சிரட்டி²திகங் ஹோதி.
‘‘ஸெய்யதா²பி, ஆனந்த³, புரிஸோ மஹதோ தளாகஸ்ஸ படிகச்சேவ
ஆளிங் ப³ந்தெ⁴ய்ய யாவதே³வ உத³கஸ்ஸ அனதிக்கமனாய; ஏவமேவ கோ², ஆனந்த³, மயா
படிகச்சேவ பி⁴க்கு²னீனங் அட்ட² க³ருத⁴ம்மா பஞ்ஞத்தா யாவஜீவங்
அனதிக்கமனீயா’’தி.
பி⁴க்கு²னீனங் அட்ட² க³ருத⁴ம்மா நிட்டி²தா.
பி⁴க்கு²னீஉபஸம்பதா³னுஜானநங்
404. அத² கோ² மஹாபஜாபதி கோ³தமீ யேன ப⁴க³வா தேனுபஸங்கமி, உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தா கோ² மஹாபஜாபதீ கோ³தமீ ப⁴க³வந்தங் ஏதத³வோச – ‘‘கதா²ஹங், ப⁴ந்தே, இமாஸு ஸாகியானீஸு
படிபஜ்ஜாமீ’’தி? அத² கோ² ப⁴க³வா மஹாபஜாபதிங் கோ³தமிங் த⁴ம்மியா கதா²ய
ஸந்த³ஸ்ஸேஸி ஸமாத³பேஸி ஸமுத்தேஜேஸி ஸம்பஹங்ஸேஸி. அத² கோ² மஹாபஜாபதி கோ³தமீ
ப⁴க³வதா த⁴ம்மியா கதா²ய ஸந்த³ஸ்ஸிதா ஸமாத³பிதா ஸமுத்தேஜிதா ஸம்பஹங்ஸிதா
ப⁴க³வந்தங் அபி⁴வாதெ³த்வா பத³க்கி²ணங் கத்வா பக்காமி. அத² கோ² ப⁴க³வா
ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி –
‘‘அனுஜானாமி, பி⁴க்க²வே, பி⁴க்கூ²ஹி பி⁴க்கு²னியோ உபஸம்பாதே³து’’ந்தி.
அத² கோ² தா பி⁴க்கு²னியோ மஹாபஜாபதிங் கோ³தமிங்
ஏதத³வோசுங் – ‘‘அய்யா அனுபஸம்பன்னா, மயஞ்சம்ஹா உபஸம்பன்னா; ஏவஞ்ஹி ப⁴க³வதா
பஞ்ஞத்தங் பி⁴க்கூ²ஹி பி⁴க்கு²னியோ உபஸம்பாதே³தப்³பா³’’தி. அத² கோ²
மஹாபஜாபதி கோ³தமீ யேனாயஸ்மா ஆனந்தோ³ தேனுபஸங்கமி, உபஸங்கமித்வா
ஆயஸ்மந்தங் ஆனந்த³ங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தா கோ²
மஹாபஜாபதி கோ³தமீ ஆயஸ்மந்தங் ஆனந்த³ங் ஏதத³வோச – ‘‘இமா மங், ப⁴ந்தே
ஆனந்த³, பி⁴க்கு²னியோ ஏவமாஹங்ஸு – ‘அய்யா அனுபஸம்பன்னா, மயஞ்சம்ஹா
உபஸம்பன்னா; ஏவஞ்ஹி ப⁴க³வதா பஞ்ஞத்தங் பி⁴க்கூ²ஹி பி⁴க்கு²னியோ
உபஸம்பாதே³தப்³பா³’’’தி.
அத² கோ² ஆயஸ்மா ஆனந்தோ³ யேன ப⁴க³வா தேனுபஸங்கமி,
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னோ கோ² ஆயஸ்மா ஆனந்தோ³ ப⁴க³வந்தங் ஏதத³வோச –
‘‘மஹாபஜாபதி, ப⁴ந்தே, கோ³தமீ ஏவமாஹ – ‘இமா மங், ப⁴ந்தே ஆனந்த³,
பி⁴க்கு²னியோ ஏவமாஹங்ஸு – அய்யா அனுபஸம்பன்னா, மயஞ்சம்ஹா உபஸம்பன்னா;
ஏவஞ்ஹி ப⁴க³வதா பஞ்ஞத்தங் பி⁴க்கூ²ஹி பி⁴க்கு²னியோ உபஸம்பாதே³தப்³பா³’’’தி.
‘‘யத³க்³கே³ன, ஆனந்த³, மஹாபஜாபதியா கோ³தமியா அட்ட² க³ருத⁴ம்மா படிக்³க³ஹிதா, ததே³வ ஸா [ததே³வஸ்ஸா (க॰)] உபஸம்பன்னா’’தி.
405.
அத² கோ² மஹாபஜாபதி கோ³தமீ யேனாயஸ்மா ஆனந்தோ³ தேனுபஸங்கமி, உபஸங்கமித்வா
ஆயஸ்மந்தங் ஆனந்த³ங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தா கோ²
மஹாபஜாபதி கோ³தமீ ஆயஸ்மந்தங் ஆனந்த³ங் ஏதத³வோச – ‘‘ஏகாஹங், ப⁴ந்தே ஆனந்த³,
ப⁴க³வந்தங் வரங் யாசாமி. ஸாது⁴, ப⁴ந்தே, ப⁴க³வா அனுஜானெய்ய பி⁴க்கூ²னஞ்ச
பி⁴க்கு²னீனஞ்ச யதா²வுட்³ட⁴ங் அபி⁴வாத³னங் பச்சுட்டா²னங் அஞ்ஜலிகம்மங்
ஸாமீசிகம்ம’’ந்தி.
அத² கோ² ஆயஸ்மா ஆனந்தோ³ யேன ப⁴க³வா தேனுபஸங்கமி,
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னோ கோ² ஆயஸ்மா ஆனந்தோ³ ப⁴க³வந்தங் ஏதத³வோச – ‘‘மஹாபஜாபதி, ப⁴ந்தே,
கோ³தமீ ஏவமாஹ – ‘ஏகாஹங், ப⁴ந்தே ஆனந்த³, ப⁴க³வந்தங் வரங் யாசாமி. ஸாது⁴,
ப⁴ந்தே, ப⁴க³வா அனுஜானெய்ய பி⁴க்கூ²னஞ்ச பி⁴க்கு²னீனஞ்ச யதா²வுட்³ட⁴ங்
அபி⁴வாத³னங் பச்சுட்டா²னங் அஞ்ஜலிகம்மங் ஸாமீசிகம்ம’’’ந்தி.
‘‘அட்டா²னமேதங், ஆனந்த³, அனவகாஸோ ,
யங் ததா²க³தோ அனுஜானெய்ய மாதுகா³மஸ்ஸ அபி⁴வாத³னங் பச்சுட்டா²னங்
அஞ்ஜலிகம்மங் ஸாமீசிகம்மங். இமேஹி நாம, ஆனந்த³, அஞ்ஞதித்தி²யா
து³ரக்கா²தத⁴ம்மா மாதுகா³மஸ்ஸ அபி⁴வாத³னங் பச்சுட்டா²னங் அஞ்ஜலிகம்மங் ஸாமீசிகம்மங் ந கரிஸ்ஸந்தி ; கிமங்க³ங் பன ததா²க³தோ அனுஜானிஸ்ஸதி மாதுகா³மஸ்ஸ அபி⁴வாத³னங் பச்சுட்டா²னங் அஞ்ஜலிகம்மங் ஸாமீசிகம்ம’’ந்தி?
அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே
த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘ந, பி⁴க்க²வே, மாதுகா³மஸ்ஸ
அபி⁴வாத³னங் பச்சுட்டா²னங் அஞ்ஜலிகம்மங் ஸாமீசிகம்மங் காதப்³ப³ங். யோ
கரெய்ய, ஆபத்தி து³க்கடஸ்ஸா’’தி.
அத² கோ² மஹாபஜாபதி கோ³தமீ யேன ப⁴க³வா தேனுபஸங்கமி,
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தா
கோ² மஹாபஜாபதி கோ³தமீ ப⁴க³வந்தங் ஏதத³வோச – ‘‘யானி தானி, ப⁴ந்தே,
பி⁴க்கு²னீனங் ஸிக்கா²பதா³னி பி⁴க்கூ²ஹி ஸாதா⁴ரணானி, கத²ங் மயங், ப⁴ந்தே,
தேஸு ஸிக்கா²பதே³ஸு படிபஜ்ஜாமா’’தி? ‘‘யானி தானி, கோ³தமி, பி⁴க்கு²னீனங்
ஸிக்கா²பதா³னி பி⁴க்கூ²ஹி ஸாதா⁴ரணானி, யதா² பி⁴க்கூ² ஸிக்க²ந்தி ததா² தேஸு
ஸிக்கா²பதே³ஸு ஸிக்க²தா²’’தி. ‘‘யானி பன தானி, ப⁴ந்தே, பி⁴க்கு²னீனங்
ஸிக்கா²பதா³னி பி⁴க்கூ²ஹி அஸாதா⁴ரணானி, கத²ங் மயங், ப⁴ந்தே, தேஸு
ஸிக்கா²பதே³ஸு படிபஜ்ஜாமா’’தி? ‘‘யானி தானி, கோ³தமி, பி⁴க்கு²னீனங்
ஸிக்கா²பதா³னி பி⁴க்கூ²ஹி அஸாதா⁴ரணானி, யதா²பஞ்ஞத்தேஸு ஸிக்கா²பதே³ஸு
ஸிக்க²தா²’’தி.
406. [அ॰ நி॰ 8.53]
அத² கோ² மஹாபஜாபதி கோ³தமீ யேன ப⁴க³வா தேனுபஸங்கமி, உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தா கோ² மஹாபஜாபதி
கோ³தமீ ப⁴க³வந்தங் ஏதத³வோச – ‘‘ஸாது⁴ மே, ப⁴ந்தே, ப⁴க³வா ஸங்கி²த்தேன
த⁴ம்மங் தே³ஸேது, யமஹங் ப⁴க³வதோ த⁴ம்மங் ஸுத்வா ஏகா
வூபகட்டா² அப்பமத்தா ஆதாபினீ பஹிதத்தா விஹரெய்ய’’ந்தி. ‘‘யே கோ² த்வங்,
கோ³தமி, த⁴ம்மே ஜானெய்யாஸி – இமே த⁴ம்மா ஸராகா³ய ஸங்வத்தந்தி நோ விராகா³ய,
ஸஞ்ஞோகா³ய ஸங்வத்தந்தி நோ விஸஞ்ஞோகா³ய, ஆசயாய ஸங்வத்தந்தி நோ அபசயாய,
மஹிச்ச²தாய ஸங்வத்தந்தி நோ அப்பிச்ச²தாய, அஸந்துட்டி²யா ஸங்வத்தந்தி நோ
ஸந்துட்டி²யா, ஸங்க³ணிகாய ஸங்வத்தந்தி நோ பவிவேகாய, கோஸஜ்ஜாய ஸங்வத்தந்தி
நோ வீரியாரம்பா⁴ய, து³ப்³ப⁴ரதாய ஸங்வத்தந்தி நோ
ஸுப⁴ரதாய; ஏகங்ஸேன, கோ³தமி, தா⁴ரெய்யாஸி – நேஸோ த⁴ம்மோ, நேஸோ வினயோ, நேதங்
ஸத்து²ஸாஸனந்தி. யே ச கோ² த்வங், கோ³தமி, த⁴ம்மே ஜானெய்யாஸி – இமே த⁴ம்மா
விராகா³ய ஸங்வத்தந்தி நோ ஸராகா³ய, விஸஞ்ஞோகா³ய ஸங்வத்தந்தி நோ ஸஞ்ஞோகா³ய,
அபசயாய ஸங்வத்தந்தி நோ ஆசயாய, அப்பிச்ச²தாய ஸங்வத்தந்தி நோ மஹிச்ச²தாய, ஸந்துட்டி²யா ஸங்வத்தந்தி நோ அஸந்துட்டி²யா, பவிவேகாய ஸங்வத்தந்தி நோ ஸங்க³ணிகாய, வீரியாரம்பா⁴ய
ஸங்வத்தந்தி நோ கோஸஜ்ஜாய, ஸுப⁴ரதாய ஸங்வத்தந்தி நோ து³ப்³ப⁴ரதாய; ஏகங்ஸேன,
கோ³தமி, தா⁴ரெய்யாஸி – ஏஸோ த⁴ம்மோ, ஏஸோ வினயோ, ஏதங் ஸத்து²ஸாஸன’’ந்தி.
407. தேன கோ² பன ஸமயேன பி⁴க்கு²னீனங் பாதிமொக்க²ங் ந உத்³தி³ஸீயதி. ப⁴க³வதோ ஏதமத்த²ங் ஆரோசேஸுங்…பே॰…
‘‘அனுஜானாமி, பி⁴க்க²வே, பி⁴க்கு²னீனங் பாதிமொக்க²ங் உத்³தி³ஸிது’’ந்தி.
அத² கோ² பி⁴க்கூ²னங் ஏதத³ஹோஸி – ‘‘கேன நு கோ² பி⁴க்கு²னீனங் பாதிமொக்க²ங்
உத்³தி³ஸிதப்³ப³’’ந்தி? ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, பி⁴க்கூ²ஹி பி⁴க்கு²னீனங் பாதிமொக்க²ங் உத்³தி³ஸிது’’ந்தி.
தேன கோ² பன ஸமயேன பி⁴க்கூ² பி⁴க்கு²னுபஸ்ஸயங்
உபஸங்கமித்வா பி⁴க்கு²னீனங் பாதிமொக்க²ங் உத்³தி³ஸந்தி. மனுஸ்ஸா
உஜ்ஜா²யந்தி கி²ய்யந்தி விபாசெந்தி – ‘‘ஜாயாயோ இமா இமேஸங், ஜாரியோ இமா
இமேஸங், இதா³னி இமே இமாஹி ஸத்³தி⁴ங் அபி⁴ரமிஸ்ஸந்தீ’’தி! ப⁴க³வதோ ஏதமத்த²ங்
ஆரோசேஸுங். ‘‘ந, பி⁴க்க²வே, பி⁴க்கூ²ஹி பி⁴க்கு²னீனங் பாதிமொக்க²ங்
உத்³தி³ஸிதப்³ப³ங். யோ உத்³தி³ஸெய்ய, ஆபத்தி து³க்கடஸ்ஸ. அனுஜானாமி,
பி⁴க்க²வே, பி⁴க்கு²னீஹி பி⁴க்கு²னீனங் பாதிமொக்க²ங் உத்³தி³ஸிது’’ந்தி.
பி⁴க்கு²னியோ ந ஜானந்தி – ‘‘ஏவங் பாதிமொக்க²ங் உத்³தி³ஸிதப்³ப³’’ந்தி.
ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, பி⁴க்கூ²ஹி
பி⁴க்கு²னீனங் ஆசிக்கி²துங் – ‘ஏவங் பாதிமொக்க²ங் உத்³தி³ஸெய்யாதா²’’’தி.
408.
தேன கோ² பன ஸமயேன பி⁴க்கு²னியோ ஆபத்திங் ந படிகரொந்தி. ப⁴க³வதோ ஏதமத்த²ங்
ஆரோசேஸுங். ‘‘ந, பி⁴க்க²வே, பி⁴க்கு²னியா ஆபத்தி ந படிகாதப்³பா³. யா ந
படிகரெய்ய, ஆபத்தி து³க்கடஸ்ஸா’’தி. பி⁴க்கு²னியோ ந ஜானந்தி – ‘‘ஏவங்
ஆபத்தி படிகாதப்³பா³’’தி . ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, பி⁴க்கூ²ஹி பி⁴க்கு²னீனங் ஆசிக்கி²துங்
– ‘ஏவங் ஆபத்திங் படிகரெய்யாதா²’’’தி. அத² கோ²
பி⁴க்கூ²னங் ஏதத³ஹோஸி – ‘‘கேன நு கோ² பி⁴க்கு²னீனங் ஆபத்தி
படிக்³க³ஹேதப்³பா³’’தி? ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, பி⁴க்கூ²ஹி பி⁴க்கு²னீனங் ஆபத்திங் படிக்³க³ஹேது’’ந்தி.
தேன கோ² பன ஸமயேன பி⁴க்கு²னியோ ரதி²காயபி ப்³யூஹேபி
ஸிங்கா⁴டகேபி பி⁴க்கு²ங் பஸ்ஸித்வா பத்தங் பூ⁴மியங் நிக்கி²பித்வா ஏகங்ஸங்
உத்தராஸங்க³ங் கரித்வா உக்குடிகங் நிஸீதி³த்வா
அஞ்ஜலிங் பக்³க³ஹெத்வா ஆபத்திங் படிகரொந்தி. மனுஸ்ஸா உஜ்ஜா²யந்தி
கி²ய்யந்தி விபாசெந்தி – ‘‘ஜாயாயோ இமா இமேஸங், ஜாரியோ இமா இமேஸங், ரத்திங்
விமானெத்வா இதா³னி க²மாபெந்தீ’’தி. ப⁴க³வதோ ஏதமத்த²ங் ஆரோசேஸுங் .
‘‘ந, பி⁴க்க²வே, பி⁴க்கூ²ஹி பி⁴க்கு²னீனங் ஆபத்தி படிக்³க³ஹேதப்³பா³. யோ
படிக்³க³ண்ஹெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, பி⁴க்கு²னீஹி
பி⁴க்கு²னீனங் ஆபத்திங் படிக்³க³ஹேது’’ந்தி. பி⁴க்கு²னியோ ந ஜானந்தி –
‘‘ஏவங் ஆபத்தி படிக்³க³ஹேதப்³பா³’’தி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, பி⁴க்கூ²ஹி பி⁴க்கு²னீனங் ஆசிக்கி²துங் – ‘ஏவங்
ஆபத்திங் படிக்³க³ண்ஹெய்யாதா²’’’தி.
409. தேன கோ² பன ஸமயேன பி⁴க்கு²னீனங் கம்மங் ந கரியதி .
ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, பி⁴க்கு²னீனங்
கம்மங் காது’’ந்தி. அத² கோ² பி⁴க்கூ²னங் ஏதத³ஹோஸி – ‘‘கேன நு கோ²
பி⁴க்கு²னீனங் கம்மங் காதப்³ப³’’ந்தி? ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, பி⁴க்கூ²ஹி பி⁴க்கு²னீனங் கம்மங் காது’’ந்தி.
தேன கோ² பன ஸமயேன கதகம்மா பி⁴க்கு²னியோ ரதி²காயபி
ப்³யூஹேபி ஸிங்கா⁴டகேபி பி⁴க்கு²ங் பஸ்ஸித்வா பத்தங் பூ⁴மியங்
நிக்கி²பித்வா ஏகங்ஸங் உத்தராஸங்க³ங் கரித்வா உக்குடிகங் நிஸீதி³த்வா
அஞ்ஜலிங் பக்³க³ஹெத்வா க²மாபெந்தி ‘ஏவங் நூன காதப்³ப³’ந்தி மஞ்ஞமானா.
மனுஸ்ஸா ததே²வ உஜ்ஜா²யந்தி கி²ய்யந்தி விபாசெந்தி – ‘‘ஜாயாயோ இமா இமேஸங்,
ஜாரியோ இமா இமேஸங், ரத்திங் விமானெத்வா இதா³னி க²மாபெந்தீ’’தி. ப⁴க³வதோ
ஏதமத்த²ங் ஆரோசேஸுங். ‘‘ந, பி⁴க்க²வே, பி⁴க்கூ²ஹி பி⁴க்கு²னீனங் கம்மங்
காதப்³ப³ங். யோ கரெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே,
பி⁴க்கு²னீஹி பி⁴க்கு²னீனங் கம்மங் காது’’ந்தி. பி⁴க்கு²னியோ ந ஜானந்தி –
‘‘ஏவங் கம்மங் காதப்³ப³’’ந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, பி⁴க்கூ²ஹி பி⁴க்கு²னீனங் ஆசிக்கி²துங் – ‘ஏவங் கம்மங்
கரெய்யாதா²’’’தி.
410. தேன கோ² பன ஸமயேன பி⁴க்கு²னியோ ஸங்க⁴மஜ்ஜே² ப⁴ண்ட³னஜாதா கலஹஜாதா விவாதா³பன்னா அஞ்ஞமஞ்ஞங் முக²ஸத்தீஹி விதுத³ந்தா விஹரந்தி. ந ஸக்கொந்தி தங் அதி⁴கரணங் வூபஸமேதுங். ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, பி⁴க்கூ²ஹி பி⁴க்கு²னீனங் அதி⁴கரணங் வூபஸமேது’’ந்தி.
தேன கோ² பன ஸமயேன பி⁴க்கூ²
பி⁴க்கு²னீனங் அதி⁴கரணங் வூபஸமெந்தி. தஸ்மிங் கோ² பன அதி⁴கரணே
வினிச்சி²யமானே தி³ஸ்ஸந்தி பி⁴க்கு²னியோ கம்மப்பத்தாயோபி
ஆபத்திகா³மினியோபி. பி⁴க்கு²னியோ ஏவமாஹங்ஸு – ‘‘ஸாது⁴, ப⁴ந்தே, அய்யாவ
பி⁴க்கு²னீனங் கம்மங் கரொந்து, அய்யாவ பி⁴க்கு²னீனங் ஆபத்திங்
படிக்³க³ண்ஹந்து; ஏவஞ்ஹி ப⁴க³வதா பஞ்ஞத்தங் பி⁴க்கூ²ஹி பி⁴க்கு²னீனங்
அதி⁴கரணங் வூபஸமேதப்³ப³’’ந்தி. ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, பி⁴க்கூ²ஹி பி⁴க்கு²னீனங் கம்மங்
ஆரோபெத்வா பி⁴க்கு²னீனங் நிய்யாதே³துங் – பி⁴க்கு²னீஹி பி⁴க்கு²னீனங்
கம்மங் காதுங், பி⁴க்கூ²ஹி பி⁴க்கு²னீனங் ஆபத்திங் ஆரோபெத்வா பி⁴க்கு²னீனங்
நிய்யாதே³துங், பி⁴க்கு²னீஹி பி⁴க்கு²னீனங் ஆபத்திங் படிக்³க³ஹேது’’ந்தி.
தேன கோ² பன ஸமயேன உப்பலவண்ணாய பி⁴க்கு²னியா
அந்தேவாஸினீ பி⁴க்கு²னீ ஸத்த வஸ்ஸானி ப⁴க³வந்தங் அனுப³ந்தா⁴ ஹோதி வினயங்
பரியாபுணந்தீ. தஸ்ஸா முட்ட²ஸ்ஸதினியா க³ஹிதோ க³ஹிதோ முஸ்ஸதி. அஸ்ஸோஸி கோ²
ஸா பி⁴க்கு²னீ – ‘‘ப⁴க³வா கிர ஸாவத்தி²ங் க³ந்துகாமோ’’தி. அத² கோ² தஸ்ஸா
பி⁴க்கு²னியா ஏதத³ஹோஸி – ‘‘அஹங் கோ² ஸத்த வஸ்ஸானி ப⁴க³வந்தங் அனுப³ந்தி⁴ங்
வினயங் பரியாபுணந்தீ. தஸ்ஸா மே முட்ட²ஸ்ஸதினியா க³ஹிதோ க³ஹிதோ முஸ்ஸதி.
து³க்கரங் கோ² பன மாதுகா³மேன யாவஜீவங் ஸத்தா²ரங்
அனுப³ந்தி⁴துங். கத²ங் நு கோ² மயா படிபஜ்ஜிதப்³ப³’’ந்தி? அத² கோ² ஸா
பி⁴க்கு²னீ பி⁴க்கு²னீனங் ஏதமத்த²ங் ஆரோசேஸி. பி⁴க்கு²னியோ பி⁴க்கூ²னங்
ஏதமத்த²ங் ஆரோசேஸுங். பி⁴க்கூ² ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, பி⁴க்கூ²ஹி பி⁴க்கு²னீனங் வினயங் வாசேது’’ந்தி.
பட²மபா⁴ணவாரோ நிட்டி²தோ.
2. து³தியபா⁴ணவாரோ
411.
அத² கோ² ப⁴க³வா வேஸாலியங் யதா²பி⁴ரந்தங் விஹரித்வா யேன ஸாவத்தி² தேன
சாரிகங் பக்காமி. அனுபுப்³பே³ன சாரிகங் சரமானோ யேன ஸாவத்தி² தத³வஸரி. தத்ர
ஸுத³ங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே .
தேன கோ² பன ஸமயேன ச²ப்³ப³க்³கி³யா பி⁴க்கூ² பி⁴க்கு²னியோ கத்³த³மோத³கேன
ஓஸிஞ்சந்தி – அப்பேவ நாம அம்ஹேஸு ஸாரஜ்ஜெய்யுந்தி. ப⁴க³வதோ ஏதமத்த²ங்
ஆரோசேஸுங். ‘‘ந, பி⁴க்க²வே, பி⁴க்கு²னா
பி⁴க்கு²னியோ கத்³த³மோத³கேன ஓஸிஞ்சிதப்³பா³. யோ ஓஸிஞ்செய்ய, ஆபத்தி
து³க்கடஸ்ஸ. அனுஜானாமி, பி⁴க்க²வே, தஸ்ஸ பி⁴க்கு²னோ த³ண்ட³கம்மங்
காது’’ந்தி. அத² கோ² பி⁴க்கூ²னங் ஏதத³ஹோஸி – ‘‘கிங் நு கோ² த³ண்ட³கம்மங்
காதப்³ப³’’ந்தி? ப⁴க³வதோ ஏதமத்த²ங் ஆரோசேஸுங். ‘‘அவந்தி³யோ ஸோ, பி⁴க்க²வே,
பி⁴க்கு² பி⁴க்கு²னிஸங்கே⁴ன காதப்³போ³’’தி.
தேன கோ² பன ஸமயேன ச²ப்³ப³க்³கி³யா பி⁴க்கூ² காயங் விவரித்வா பி⁴க்கு²னீனங் த³ஸ்ஸெந்தி
…பே॰… ஊருங் விவரித்வா பி⁴க்கு²னீனங் த³ஸ்ஸெந்தி, அங்க³ஜாதங் விவரித்வா
பி⁴க்கு²னீனங் த³ஸ்ஸெந்தி, பி⁴க்கு²னியோ ஓபா⁴ஸெந்தி, பி⁴க்கு²னீஹி
ஸத்³தி⁴ங் ஸம்பயோஜெந்தி – அப்பேவ நாம அம்ஹேஸு ஸாரஜ்ஜெய்யுந்தி. ப⁴க³வதோ
ஏதமத்த²ங் ஆரோசேஸுங். ‘‘ந, பி⁴க்க²வே, பி⁴க்கு²னா காயோ விவரித்வா
பி⁴க்கு²னீனங் த³ஸ்ஸேதப்³போ³, ந ஊரு விவரித்வா பி⁴க்கு²னீனங்
த³ஸ்ஸேதப்³போ³, ந அங்க³ஜாதங் விவரித்வா பி⁴க்கு²னீனங் த³ஸ்ஸேதப்³ப³ங், ந
பி⁴க்கு²னியோ ஓபா⁴ஸிதப்³பா³, ந பி⁴க்கு²னீஹி ஸத்³தி⁴ங் ஸம்பயோஜேதப்³ப³ங்.
யோ ஸம்பயோஜெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, தஸ்ஸ பி⁴க்கு²னோ
த³ண்ட³கம்மங் காது’’ந்தி. அத² கோ² பி⁴க்கூ²னங் ஏதத³ஹோஸி – ‘‘கிங் நு கோ²
த³ண்ட³கம்மங் காதப்³ப³’’ந்தி? ப⁴க³வதோ ஏதமத்த²ங் ஆரோசேஸுங். ‘‘அவந்தி³யோ
ஸோ, பி⁴க்க²வே, பி⁴க்கு² பி⁴க்கு²னிஸங்கே⁴ன காதப்³போ³’’தி.
தேன கோ² பன ஸமயேன ச²ப்³ப³க்³கி³யா பி⁴க்கு²னியோ
பி⁴க்கு²ங் கத்³த³மோத³கேன ஓஸிஞ்சந்தி – அப்பேவ நாம அம்ஹேஸு
ஸாரஜ்ஜெய்யுந்தி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
பி⁴க்கு²னியா பி⁴க்கு² கத்³த³மோத³கேன ஓஸிஞ்சிதப்³போ³. யா ஓஸிஞ்செய்ய,
ஆபத்தி து³க்கடஸ்ஸ. அனுஜானாமி, பி⁴க்க²வே, தஸ்ஸா பி⁴க்கு²னியா த³ண்ட³கம்மங்
காது’’ந்தி. அத² கோ² பி⁴க்கூ²னங் ஏதத³ஹோஸி – ‘‘கிங் நு கோ² த³ண்ட³கம்மங்
காதப்³ப³’’ந்தி? ப⁴க³வதோ ஏதமத்த²ங் ஆரோசேஸுங். ‘‘அனுஜானாமி பி⁴க்க²வே,
ஆவரணங் காது’’ந்தி. ஆவரணே கதே ந ஆதி³யந்தி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, ஓவாத³ங் ட²பேது’’ந்தி.
தேன கோ² பன ஸமயேன ச²ப்³ப³க்³கி³யா பி⁴க்கு²னியோ காயங்
விவரித்வா பி⁴க்கூ²னங் த³ஸ்ஸெந்தி, த²னங் விவரித்வா பி⁴க்கூ²னங்
த³ஸ்ஸெந்தி, ஊருங் விவரித்வா பி⁴க்கூ²னங் த³ஸ்ஸெந்தி, அங்க³ஜாதங் விவரித்வா பி⁴க்கூ²னங் த³ஸ்ஸெந்தி, பி⁴க்கூ² ஓபா⁴ஸெந்தி, பி⁴க்கூ²ஹி
ஸத்³தி⁴ங் ஸம்பயோஜெந்தி – அப்பேவ நாம அம்ஹேஸு ஸாரஜ்ஜெய்யுந்தி. ப⁴க³வதோ
ஏதமத்த²ங் ஆரோசேஸுங். ‘‘ந, பி⁴க்க²வே, பி⁴க்கு²னியா காயோ விவரித்வா
பி⁴க்கூ²னங் த³ஸ்ஸேதப்³போ³…பே॰… ந த²னோ விவரித்வா
பி⁴க்கூ²னங் த³ஸ்ஸேதப்³போ³, ந ஊரு விவரித்வா பி⁴க்கூ²னங் த³ஸ்ஸேதப்³போ³, ந
அங்க³ஜாதங் விவரித்வா பி⁴க்கூ²னங் த³ஸ்ஸேதப்³ப³ங், ந பி⁴க்கூ²
ஓபா⁴ஸிதப்³பா³, ந பி⁴க்கூ²ஹி ஸத்³தி⁴ங் ஸம்பயோஜேதப்³ப³ங். யா ஸம்பயோஜெய்ய,
ஆபத்தி து³க்கடஸ்ஸ. அனுஜானாமி, பி⁴க்க²வே, தஸ்ஸா பி⁴க்கு²னியா த³ண்ட³கம்மங்
காது’’ந்தி. அத² கோ² பி⁴க்கூ²னங் ஏதத³ஹோஸி – ‘‘கிங் நு கோ² த³ண்ட³கம்மங்
காதப்³ப³’’ந்தி? ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
ஆவரணங் காது’’ந்தி. ஆவரணே கதே ந ஆதி³யந்தி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, ஓவாத³ங் ட²பேது’’ந்தி. அத² கோ² பி⁴க்கூ²னங்
ஏதத³ஹோஸி – ‘‘கப்பதி நு கோ² ஓவாத³ட்ட²பிதாய [ஓவாத³ண்ட²பிதாய (ஸ்யா॰), ஓவாத³ங்ட²பிதாய (க॰)] பி⁴க்கு²னியா ஸத்³தி⁴ங் உபோஸத²ங் காதுங், ந நு கோ²
கப்பதீ’’தி? ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, ஓவாத³ட்ட²பிதாய
பி⁴க்கு²னியா ஸத்³தி⁴ங் உபோஸதோ² காதப்³போ³, யாவ ந தங் அதி⁴கரணங் வூபஸந்தங்
ஹோதீ’’தி.
412. தேன கோ² பன ஸமயேன ஆயஸ்மா உதா³யீ ஓவாத³ங் ட²பெத்வா சாரிகங்
பக்காமி. பி⁴க்கு²னியோ உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
அய்யோ உதா³யீ ஓவாத³ங் ட²பெத்வா சாரிகங் பக்கமிஸ்ஸதீ’’தி! ப⁴க³வதோ
ஏதமத்த²ங் ஆரோசேஸுங். ‘‘ந, பி⁴க்க²வே, ஓவாத³ங் ட²பெத்வா சாரிகா
பக்கமிதப்³பா³. யோ பக்கமெய்ய, ஆபத்தி து³க்கடஸ்ஸா’’தி.
தேன கோ² பன ஸமயேன [தேன கோ² பன ஸமயேன பி⁴க்கூ² (ஸ்யா॰ கங்॰)]
பா³லா அப்³யத்தா ஓவாத³ங் ட²பெந்தி. ப⁴க³வதோ ஏதமத்த²ங் ஆரோசேஸுங். ‘‘ந,
பி⁴க்க²வே, பா³லேன அப்³யத்தேன ஓவாதோ³ ட²பேதப்³போ³. யோ ட²பெய்ய, ஆபத்தி
து³க்கடஸ்ஸா’’தி.
தேன கோ² பன ஸமயேன பி⁴க்கூ² அவத்து²ஸ்மிங் அகாரணே
ஓவாத³ங் ட²பெந்தி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
அவத்து²ஸ்மிங் அகாரணே ஓவாதோ³ ட²பேதப்³போ³. யோ ட²பெய்ய, ஆபத்தி
து³க்கடஸ்ஸா’’தி.
தேன கோ² பன ஸமயேன பி⁴க்கூ² ஓவாத³ங் ட²பெத்வா
வினிச்ச²யங் ந தெ³ந்தி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
ஓவாத³ங் ட²பெத்வா வினிச்ச²யோ ந தா³தப்³போ³. யோ ந த³தெ³ய்ய, ஆபத்தி
து³க்கடஸ்ஸா’’தி.
413. [பாசி॰ 1054] தேன கோ² பன ஸமயேன பி⁴க்கு²னியோ ஓவாத³ங் ந க³ச்ச²ந்தி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, பி⁴க்கு²னியா ஓவாதோ³ ந க³ந்தப்³போ³. யா ந க³ச்செ²ய்ய, யதா²த⁴ம்மோ காரேதப்³போ³’’தி.
தேன கோ² பன ஸமயேன ஸப்³போ³ பி⁴க்கு²னிஸங்கோ⁴ ஓவாத³ங் க³ச்ச²தி. மனுஸ்ஸா உஜ்ஜா²யந்தி கி²ய்யந்தி
விபாசெந்தி – ‘‘ஜாயாயோ இமா இமேஸங், ஜாரியோ இமா இமேஸங், இதா³னி இமே இமாஹி
ஸத்³தி⁴ங் அபி⁴ரமிஸ்ஸந்தீ’’தி! ப⁴க³வதோ ஏதமத்த²ங் ஆரோசேஸுங். ‘‘ந,
பி⁴க்க²வே, ஸப்³பே³ன பி⁴க்கு²னிஸங்கே⁴ன ஓவாதோ³ க³ந்தப்³போ³. க³ச்செ²ய்ய சே,
ஆபத்தி து³க்கடஸ்ஸ. அனுஜானாமி, பி⁴க்க²வே, சதூஹி பஞ்சஹி பி⁴க்கு²னீஹி
ஓவாத³ங் க³ந்து’’ந்தி.
தேன கோ² பன ஸமயேன சதஸ்ஸோ பஞ்ச பி⁴க்கு²னியோ ஓவாத³ங் க³ச்ச²ந்தி. மனுஸ்ஸா ததே²வ உஜ்ஜா²யந்தி
கி²ய்யந்தி விபாசெந்தி – ‘‘ஜாயாயோ இமா இமேஸங், ஜாரியோ இமா இமேஸங், இதா³னி
இமே இமாஹி ஸத்³தி⁴ங் அபி⁴ரமிஸ்ஸந்தீ’’தி! ப⁴க³வதோ ஏதமத்த²ங் ஆரோசேஸுங்.
‘‘ந, பி⁴க்க²வே, சதூஹி பஞ்சஹி பி⁴க்கு²னீஹி ஓவாதோ³ க³ந்தப்³போ³.
க³ச்செ²ய்யுங் சே, ஆபத்தி து³க்கடஸ்ஸ. அனுஜானாமி, பி⁴க்க²வே, த்³வே திஸ்ஸோ
பி⁴க்கு²னியோ [பி⁴க்கு²னீஹி (க॰)] ஓவாத³ங்
க³ந்துங். ஏகங் பி⁴க்கு²ங் உபஸங்கமித்வா ஏகங்ஸங் உத்தராஸங்க³ங் கரித்வா
பாதே³ வந்தி³த்வா உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ
வசனீயோ – ‘பி⁴க்கு²னிஸங்கோ⁴, அய்ய, பி⁴க்கு²ஸங்க⁴ஸ்ஸ பாதே³ வந்த³தி,
ஓவாதூ³பஸங்கமனஞ்ச யாசதி; லப⁴து கிர, அய்ய, பி⁴க்கு²னிஸங்கோ⁴
ஓவாதூ³பஸங்கமன’ந்தி. தேன பி⁴க்கு²னா பாதிமொக்கு²த்³தே³ஸகோ உபஸங்கமித்வா
ஏவமஸ்ஸ வசனீயோ – ‘பி⁴க்கு²னீஸங்கோ⁴, ப⁴ந்தே, பி⁴க்கு²ஸங்க⁴ஸ்ஸ பாதே³
வந்த³தி, ஓவாதூ³பஸங்கமனஞ்ச யாசதி; லப⁴து கிர,
ப⁴ந்தே, பி⁴க்கு²னிஸங்கோ⁴ ஓவாதூ³பஸங்கமன’ந்தி. பாதிமொக்கு²த்³தே³ஸகேன
வத்தப்³போ³ – ‘அத்தி² கோசி பி⁴க்கு² பி⁴க்கு²னோவாத³கோ ஸம்மதோ’தி? ஸசே ஹோதி
கோசி பி⁴க்கு² பி⁴க்கு²னோவாத³கோ ஸம்மதோ, பாதிமொக்கு²த்³தே³ஸகேன வத்தப்³போ³ –
‘இத்த²ன்னாமோ பி⁴க்கு² பி⁴க்கு²னோவாத³கோ ஸம்மதோ, தங் பி⁴க்கு²னிஸங்கோ⁴
உபஸங்கமதூ’தி. ஸசே ந ஹோதி கோசி பி⁴க்கு² பி⁴க்கு²னோவாத³கோ ஸம்மதோ,
பாதிமொக்கு²த்³தே³ஸகேன வத்தப்³போ³ – ‘கோ ஆயஸ்மா உஸ்ஸஹதி பி⁴க்கு²னியோ
ஓவதி³து’ந்தி? ஸசே கோசி உஸ்ஸஹதி பி⁴க்கு²னியோ ஓவதி³துங், ஸோ ச ஹோதி
அட்ட²ஹங்கே³ஹி ஸமன்னாக³தோ, ஸம்மன்னித்வா வத்தப்³போ³ – ‘இத்த²ன்னாமோ
பி⁴க்கு² பி⁴க்கு²னோவாத³கோ ஸம்மதோ, தங்
பி⁴க்கு²னிஸங்கோ⁴ உபஸங்கமதூ’தி. ஸசே ந கோசி உஸ்ஸஹதி பி⁴க்கு²னியோ
ஓவதி³துங், பாதிமொக்கு²த்³தே³ஸகேன வத்தப்³போ³ – ‘நத்தி² கோசி பி⁴க்கு²
பி⁴க்கு²னோவாத³கோ ஸம்மதோ, பாஸாதி³கேன பி⁴க்கு²னிஸங்கோ⁴ ஸம்பாதே³தூ’’தி.
414.
தேன கோ² பன ஸமயேன பி⁴க்கூ² ஓவாத³ங் ந க³ண்ஹந்தி. ப⁴க³வதோ ஏதமத்த²ங்
ஆரோசேஸுங். ‘‘ந, பி⁴க்க²வே, ஓவாதோ³ ந க³ஹேதப்³போ³. யோ ந க³ண்ஹெய்ய, ஆபத்தி
து³க்கடஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² பா³லோ ஹோதி. தங் பி⁴க்கு²னியோ உபஸங்கமித்வா ஏதத³வோசுங் – ‘‘ஓவாத³ங், அய்ய, க³ண்ஹாஹீ’’தி . ‘‘அஹஞ்ஹி, ப⁴கி³னீ, பா³லோ; கதா²ஹங் ஓவாத³ங் க³ண்ஹாமீ’’தி? ‘‘க³ண்ஹாஹய்ய ,
ஓவாத³ங்; ஏவஞ்ஹி ப⁴க³வதா பஞ்ஞத்தங் – பி⁴க்கூ²ஹி பி⁴க்கு²னீனங் ஓவாதோ³
க³ஹேதப்³போ³’’தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
ட²பெத்வா பா³லங், அவஸேஸேஹி ஓவாத³ங் க³ஹேது’’ந்தி.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங் பி⁴க்கு²னியோ உபஸங்கமித்வா
ஏதத³வோசுங் – ‘‘ஓவாத³ங், அய்ய க³ண்ஹாஹீ’’தி. ‘‘அஹஞ்ஹி, ப⁴கி³னீ, கி³லானோ;
கதா²ஹங் ஓவாத³ங் க³ண்ஹாமீ’’தி? ‘‘க³ண்ஹாஹய்ய, ஓவாத³ங்; ஏவஞ்ஹி ப⁴க³வதா
பஞ்ஞத்தங் – ட²பெத்வா பா³லங், அவஸேஸேஹி ஓவாதோ³ க³ஹேதப்³போ³’’தி. ப⁴க³வதோ
ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, ட²பெத்வா பா³லங், ட²பெத்வா
கி³லானங், அவஸேஸேஹி ஓவாத³ங் க³ஹேது’’ந்தி.
தேன கோ² பன ஸமயேன அஞ்ஞதரோ பி⁴க்கு² க³மிகோ ஹோதி. தங்
பி⁴க்கு²னியோ உபஸங்கமித்வா ஏதத³வோசுங் – ‘‘ஓவாத³ங், அய்ய, க³ண்ஹாஹீ’’தி.
‘‘அஹஞ்ஹி, ப⁴கி³னீ, க³மிகோ; கதா²ஹங் ஓவாத³ங் க³ண்ஹாமீ’’தி? ‘‘க³ண்ஹாஹய்ய,
ஓவாத³ங்; ஏவஞ்ஹி ப⁴க³வதா பஞ்ஞத்தங் – ட²பெத்வா பா³லங், ட²பெத்வா கி³லானங்,
அவஸேஸேஹி ஓவாதோ³ க³ஹேதப்³போ³’’தி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, ட²பெத்வா பா³லங், ட²பெத்வா கி³லானங், ட²பெத்வா
க³மிகங், அவஸேஸேஹி ஓவாத³ங் க³ஹேது’’ந்தி.
தேன கோ² பன ஸமயேன அஞ்ஞதரோ பி⁴க்கு² அரஞ்ஞே விஹரதி. தங்
பி⁴க்கு²னியோ உபஸங்கமித்வா ஏதத³வோசுங் – ‘‘ஓவாத³ங், அய்ய, க³ண்ஹாஹீ’’தி.
‘‘அஹஞ்ஹி, ப⁴கி³னீ, அரஞ்ஞே விஹராமி; கதா²ஹங் ஓவாத³ங் க³ண்ஹாமீ’’தி? ‘‘க³ண்ஹாஹய்ய ,
ஓவாத³ங்; ஏவஞ்ஹி ப⁴க³வதா பஞ்ஞத்தங் – ட²பெத்வா பா³லங், ட²பெத்வா கி³லானங்,
ட²பெத்வா க³மிகங், அவஸேஸேஹி ஓவாதோ³ க³ஹேதப்³போ³’’தி. ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, ஆரஞ்ஞிகேன பி⁴க்கு²னா ஓவாத³ங்
க³ஹேதுங், ஸங்கேதஞ்ச காதுங் – அத்ர பதிஹரிஸ்ஸாமீ’’தி.
415.
தேன கோ² பன ஸமயேன பி⁴க்கூ² ஓவாத³ங் க³ஹெத்வா ந ஆரோசெந்தி. ப⁴க³வதோ
ஏதமத்த²ங் ஆரோசேஸுங். ‘‘ந, பி⁴க்க²வே, ஓவாதோ³ ந ஆரோசேதப்³போ³. யோ ந
ஆரோசெய்ய, ஆபத்தி து³க்கடஸ்ஸா’’தி.
தேன கோ² பன ஸமயேன பி⁴க்கூ² ஓவாத³ங் க³ஹெத்வா ந
பச்சாஹரந்தி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, ஓவாதோ³ ந
பச்சாஹரிதப்³போ³. யோ ந பச்சாஹரெய்ய, ஆபத்தி து³க்கடஸ்ஸா’’தி.
தேன கோ² பன ஸமயேன பி⁴க்கு²னியோ ஸங்கேதங் ந க³ச்ச²ந்தி.
ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, பி⁴க்கு²னியா ஸங்கேதங் ந
க³ந்தப்³ப³ங். யா ந க³ச்செ²ய்ய, ஆபத்தி து³க்கடஸ்ஸா’’தி.
416. தேன
கோ² பன ஸமயேன பி⁴க்கு²னியோ தீ³கா⁴னி காயப³ந்த⁴னானி தா⁴ரெந்தி, தேஹேவ
பா²ஸுகா நாமெந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி…பே॰…
ஸெய்யதா²பி கி³ஹினீ காமபோ⁴கி³னியோதி. ப⁴க³வதோ ஏதமத்த²ங்
ஆரோசேஸுங். ‘‘ந, பி⁴க்க²வே, பி⁴க்கு²னியா தீ³க⁴ங் காயப³ந்த⁴னங்
தா⁴ரேதப்³ப³ங். யா தா⁴ரெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே,
பி⁴க்கு²னியா ஏகபரியாகதங் [ஏகபரியாயகதங் (ஸ்யா॰)] காயப³ந்த⁴னங், ந ச தேன பா²ஸுகா நாமேதப்³பா³. யா நாமெய்ய, ஆபத்தி து³க்கடஸ்ஸா’’தி.
தேன கோ² பன ஸமயேன பி⁴க்கு²னியோ விலீவேன [விலிவேன (க॰)]
பட்டேன பா²ஸுகா நாமெந்தி…பே॰… சம்மபட்டேன பா²ஸுகா நாமெந்தி. து³ஸ்ஸபட்டேன
பா²ஸுகா நாமெந்தி. து³ஸ்ஸவேணியா பா²ஸுகா நாமெந்தி. து³ஸ்ஸவட்டியா பா²ஸுகா
நாமெந்தி. சோளபட்டேன பா²ஸுகா நாமெந்தி. சோளவேணியா பா²ஸுகா நாமெந்தி.
சோளவட்டியா பா²ஸுகா நாமெந்தி. ஸுத்தவேணியா பா²ஸுகா நாமெந்தி. ஸுத்தவட்டியா
பா²ஸுகா நாமெந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ஸெய்யதா²பி
கி³ஹினீ காமபோ⁴கி³னியோதி. ப⁴க³வதோ ஏதமத்த²ங் ஆரோசேஸுங் .
‘‘ந, பி⁴க்க²வே, பி⁴க்கு²னியா விலீவேன பட்டேன பா²ஸுகா நாமேதப்³பா³…பே॰… ந
ஸுத்தவட்டியா பா²ஸுகா நாமேதப்³பா³. யா நாமெய்ய ஆபத்தி து³க்கடஸ்ஸா’’தி.
தேன கோ² பன ஸமயேன பி⁴க்கு²னியோ அட்டி²ல்லேன ஜக⁴னங் க⁴ங்ஸாபெந்தி…பே॰…
கோ³ஹனுகேன ஜக⁴னங் கொட்டாபெந்தி, ஹத்த²ங் கொட்டாபெந்தி, ஹத்த²கொச்ச²ங்
கொட்டாபெந்தி, பாத³ங் கொட்டாபெந்தி, பாத³கொச்ச²ங் கொட்டாபெந்தி, ஊருங்
கொட்டாபெந்தி, முக²ங் கொட்டாபெந்தி, த³ந்தமங்ஸங் கொட்டாபெந்தி. மனுஸ்ஸா
உஜ்ஜா²யந்தி கி²ய்யந்தி விபாசெந்தி…பே॰… ஸெய்யதா²பி கி³ஹினீ
காமபோ⁴கி³னியோதி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
பி⁴க்கு²னியா அட்டி²ல்லேன ஜக⁴னங் க⁴ங்ஸாபேதப்³ப³ங்…பே॰… ந த³ந்தமங்ஸங்
கொட்டாபேதப்³ப³ங். யா கொட்டாபெய்ய, ஆபத்தி து³க்கடஸ்ஸா’’தி.
417.
தேன கோ² பன ஸமயேன ச²ப்³ப³க்³கி³யா பி⁴க்கு²னியோ முக²ங் ஆலிம்பந்தி…பே॰…
முக²ங் உம்மத்³தெ³ந்தி, முக²ங் சுண்ணெந்தி, மனோஸிலிகாய முக²ங் லஞ்செ²ந்தி,
அங்க³ராக³ங் கரொந்தி, முக²ராக³ங் கரொந்தி, அங்க³ராக³முக²ராக³ங் கரொந்தி.
மனுஸ்ஸா உஜ்ஜா²யந்தி கி²ய்யந்தி விபாசெந்தி…பே॰… ஸெய்யதா²பி கி³ஹினீ
காமபோ⁴கி³னியோதி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே ,
பி⁴க்கு²னியா முக²ங் ஆலிம்பிதப்³ப³ங்…பே॰… ந முக²ங் உம்மத்³தி³தப்³ப³ங், ந
முக²ங் சுண்ணேதப்³ப³ங், ந மனோஸிலிகாய முக²ங் லஞ்சி²தப்³ப³ங், ந அங்க³ராகோ³
காதப்³போ³, ந முக²ராகோ³ காதப்³போ³, ந அங்க³ராக³முக²ராகோ³ காதப்³போ³. யா
கரெய்ய, ஆபத்தி து³க்கடஸ்ஸா’’தி.
தேன கோ² பன ஸமயேன ச²ப்³ப³க்³கி³யா பி⁴க்கு²னியோ அவங்க³ங் [அபாங்க³ங் (?)] கரொந்தி…பே॰… விஸேஸகங் கரொந்தி, ஓலோகனகேன ஓலோகெந்தி, ஸாலோகே திட்ட²ந்தி; நச்சங் [ஸனச்சங் (ஸீ॰ ஸ்யா॰), ஸமஜ்ஜங் (க॰)]
காராபெந்தி, வேஸிங் வுட்டா²பெந்தி, பானாகா³ரங் ட²பெந்தி, ஸூனங் ட²பெந்தி,
ஆபணங் பஸாரெந்தி, வட்³டி⁴ங் பயோஜெந்தி, வணிஜ்ஜங் பயோஜெந்தி, தா³ஸங்
உபட்டா²பெந்தி, தா³ஸிங் உபட்டா²பெந்தி, கம்மகாரங் உபட்டா²பெந்தி,
கம்மகாரிங் உபட்டா²பெந்தி, திரச்சா²னக³தங் உபட்டா²பெந்தி, ஹரீதகபக்கிகங் [ஹரீதகபண்ணிகங் (க॰)]
பகிணந்தி, நமதகங் தா⁴ரெந்தி. மனுஸ்ஸா உஜ்ஜா²யந்தி கி²ய்யந்தி
விபாசெந்தி…பே॰… ஸெய்யதா²பி கி³ஹினீ காமபோ⁴கி³னியோதி. ப⁴க³வதோ ஏதமத்த²ங்
ஆரோசேஸுங். ‘‘ந, பி⁴க்க²வே, பி⁴க்கு²னியா அவங்க³ங் காதப்³ப³ங்…பே॰… ந
விஸேஸகங் காதப்³ப³ங், ந ஓலோகனகேன ஓலோகேதப்³ப³ங், ந
ஸாலோகே டா²தப்³ப³ங், ந நச்சங் காராபேதப்³ப³ங், ந வேஸீ வுட்டா²பேதப்³பா³, ந
பானாகா³ரங் ட²பேதப்³ப³ங், ந ஸூனா ட²பேதப்³பா³, ந ஆபணோ பஸாரேதப்³போ³, ந
வட்³டி⁴ பயோஜேதப்³பா³, ந வணிஜ்ஜா பயோஜேதப்³பா³, ந தா³ஸோ உபட்டா²பேதப்³போ³, ந
தா³ஸீ உபட்டா²பேதப்³பா³, ந கம்மகாரோ உபட்டா²பேதப்³போ³, ந கம்மகாரீ
உபட்டா²பேதப்³பா³, ந திரச்சா²னக³தோ உபட்டா²பேதப்³போ³, ந ஹரீதகபக்கிகங்
பகிணிதப்³ப³ங், ந நமதகங் தா⁴ரேதப்³ப³ங். யா தா⁴ரெய்ய, ஆபத்தி
து³க்கடஸ்ஸா’’தி.
418. தேன கோ² பன ஸமயேன ச²ப்³ப³க்³கி³யா பி⁴க்கு²னியோ ஸப்³ப³னீலகானி சீவரானி
தா⁴ரெந்தி…பே॰… ஸப்³ப³பீதகானி சீவரானி தா⁴ரெந்தி, ஸப்³ப³லோஹிதகானி சீவரானி
தா⁴ரெந்தி, ஸப்³ப³மஞ்ஜிட்டி²கானி சீவரானி தா⁴ரெந்தி, ஸப்³ப³கண்ஹானி
சீவரானி தா⁴ரெந்தி, ஸப்³ப³மஹாரங்க³ரத்தானி சீவரானி தா⁴ரெந்தி,
ஸப்³ப³மஹானாமரத்தானி சீவரானி தா⁴ரெந்தி, அச்சி²ன்னத³ஸானி சீவரானி
தா⁴ரெந்தி, தீ³க⁴த³ஸானி சீவரானி தா⁴ரெந்தி, புப்ப²த³ஸானி சீவரானி
தா⁴ரெந்தி, ப²லத³ஸானி சீவரானி தா⁴ரெந்தி, கஞ்சுகங் தா⁴ரெந்தி, திரீடகங்
தா⁴ரெந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி…பே॰… ஸெய்யதா²பி
கி³ஹினீ காமபோ⁴கி³னியோதி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
பி⁴க்கு²னியா ஸப்³ப³னீலகானி சீவரானி தா⁴ரேதப்³பா³னி…பே॰… ந திரீடகங்
தா⁴ரேதப்³ப³ங். யா தா⁴ரெய்ய, ஆபத்தி து³க்கடஸ்ஸா’’தி.
419.
தேன கோ² பன ஸமயேன அஞ்ஞதரா பி⁴க்கு²னீ காலங் கரொந்தீ ஏவமாஹ – ‘‘மமச்சயேன
மய்ஹங் பரிக்கா²ரோ ஸங்க⁴ஸ்ஸ ஹோதூ’’தி. தத்த² பி⁴க்கூ² ச பி⁴க்கு²னியோ ச
விவத³ந்தி – ‘‘அம்ஹாகங் ஹோதி, அம்ஹாகங் ஹோதீ’’தி. ப⁴க³வதோ ஏதமத்த²ங் ஆரோசேஸுங். ‘‘பி⁴க்கு²னீ சே, பி⁴க்க²வே ,
காலங் கரொந்தீ ஏவங் வதெ³ய்ய – ‘மமச்சயேன மய்ஹங் பரிக்கா²ரோ ஸங்க⁴ஸ்ஸ
ஹோதூ’தி, அனிஸ்ஸரோ தத்த² பி⁴க்கு²ஸங்கோ⁴, பி⁴க்கு²னிஸங்க⁴ஸ்ஸேவேதங்.
ஸிக்க²மானா சே, பி⁴க்க²வே…பே॰… ஸாமணேரீ சே, பி⁴க்க²வே, காலங் கரொந்தீ ஏவங்
வதெ³ய்ய – ‘மமச்சயேன மய்ஹங் பரிக்கா²ரோ ஸங்க⁴ஸ்ஸ
ஹோதூ’தி, அனிஸ்ஸரோ தத்த² பி⁴க்கு²ஸங்கோ⁴, பி⁴க்கு²னிஸங்க⁴ஸ்ஸேவேதங்.
பி⁴க்கு² சே, பி⁴க்க²வே, காலங் கரொந்தோ ஏவங் வதெ³ய்ய – ‘மமச்சயேன மய்ஹங்
பரிக்கா²ரோ ஸங்க⁴ஸ்ஸ ஹோதூ’தி, அனிஸ்ஸரோ தத்த² பி⁴க்கு²னிஸங்கோ⁴,
பி⁴க்கு²ஸங்க⁴ஸ்ஸேவேதங். ஸாமணேரோ சே, பி⁴க்க²வே…பே॰… உபாஸகோ சே,
பி⁴க்க²வே…பே॰… உபாஸிகா சே, பி⁴க்க²வே…பே॰… அஞ்ஞோ சே, பி⁴க்க²வே, கோசி
காலங் கரொந்தோ ஏவங் வதெ³ய்ய – ‘மமச்சயேன மய்ஹங் பரிக்கா²ரோ ஸங்க⁴ஸ்ஸ ஹோதூ’தி, அனிஸ்ஸரோ தத்த² பி⁴க்கு²னிஸங்கோ⁴, பி⁴க்கு²ஸங்க⁴ஸ்ஸேவேத’’ந்தி.
420.
தேன கோ² பன ஸமயேன அஞ்ஞதரா இத்தீ² புராணமல்லீ பி⁴க்கு²னீஸு பப்³ப³ஜிதா
ஹோதி. ஸா ரதி²காய து³ப்³ப³லகங் பி⁴க்கு²ங் பஸ்ஸித்வா அங்ஸகூடேன பஹாரங்
த³த்வா பாதேஸி [பவட்டேஸி (ஸீ॰)]. பி⁴க்கூ²
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம, பி⁴க்கு²னீ,
பி⁴க்கு²ஸ்ஸ பஹாரங் த³ஸ்ஸதீ’’தி. ப⁴க³வதோ ஏதமத்த²ங் ஆரோசேஸுங். ‘‘ந,
பி⁴க்க²வே, பி⁴க்கு²னியா பி⁴க்கு²ஸ்ஸ பஹாரோ தா³தப்³போ³. யா த³தெ³ய்ய,
ஆபத்தி து³க்கடஸ்ஸ. அனுஜானாமி, பி⁴க்க²வே, பி⁴க்கு²னியா பி⁴க்கு²ங் பஸ்ஸித்வா தூ³ரதோவ ஓக்கமித்வா மக்³க³ங் தா³து’’ந்தி.
தேன கோ² பன ஸமயேன அஞ்ஞதரா இத்தீ² பவுத்த²பதிகா ஜாரேன
க³ப்³பி⁴னீ ஹோதி. ஸா க³ப்³ப⁴ங் பாதெத்வா குலூபிகங் பி⁴க்கு²னிங் ஏதத³வோச –
‘‘ஹந்த³ய்யே, இமங் க³ப்³ப⁴ங் பத்தேன நீஹரா’’தி. அத² கோ² ஸா பி⁴க்கு²னீ தங்
க³ப்³ப⁴ங் பத்தே பக்கி²பித்வா ஸங்கா⁴டியா படிச்சா²தெ³த்வா அக³மாஸி. தேன கோ²
பன ஸமயேன அஞ்ஞதரேன பிண்ட³சாரிகேன பி⁴க்கு²னா ஸமாதா³னங் கதங் ஹோதி – ‘யாஹங்
பட²மங் பி⁴க்க²ங் லபி⁴ஸ்ஸாமி, ந தங் அத³த்வா பி⁴க்கு²ஸ்ஸ வா பி⁴க்கு²னியா
வா பரிபு⁴ஞ்ஜிஸ்ஸாமீ’தி. அத² கோ² ஸோ பி⁴க்கு² தங் பி⁴க்கு²னிங் பஸ்ஸித்வா
ஏதத³வோச – ‘‘ஹந்த³, ப⁴கி³னி, பி⁴க்க²ங் படிக்³க³ண்ஹா’’தி. ‘‘அலங்
அய்யா’’தி. து³தியம்பி கோ²…பே॰… ததியம்பி கோ² ஸோ பி⁴க்கு² தங் பி⁴க்கு²னிங்
ஏதத³வோச – ‘‘ஹந்த³, ப⁴கி³னி, பி⁴க்க²ங் படிக்³க³ண்ஹா’’தி. ‘‘அலங்
அய்யா’’தி. ‘‘மயா கோ², ப⁴கி³னி, ஸமாதா³னங் கதங் – ‘யாஹங் பட²மங் பி⁴க்க²ங்
லபி⁴ஸ்ஸாமி, ந தங் அத³த்வா பி⁴க்கு²ஸ்ஸ வா பி⁴க்கு²னியா வா
பரிபு⁴ஞ்ஜிஸ்ஸாமீ’தி. ஹந்த³ , ப⁴கி³னி, பி⁴க்க²ங்
படிக்³க³ண்ஹா’’தி. அத² கோ² ஸா பி⁴க்கு²னீ தேன பி⁴க்கு²னா நிப்பீளியமானா
நீஹரித்வா பத்தங் த³ஸ்ஸேஸி – ‘‘பஸ்ஸ, அய்ய, பத்தே க³ப்³ப⁴ங்; மா ச கஸ்ஸசி
ஆரோசேஸீ’’தி. அத² கோ² ஸோ பி⁴க்கு² உஜ்ஜா²யதி கி²ய்யதி விபாசேதி – ‘‘கத²ஞ்ஹி
நாம பி⁴க்கு²னீ பத்தேன க³ப்³ப⁴ங் நீஹரிஸ்ஸதீ’’தி!
அத² கோ² ஸோ பி⁴க்கு² பி⁴க்கூ²னங் ஏதமத்த²ங் ஆரோசேஸி. யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கு²னீ பத்தேன க³ப்³ப⁴ங் நீஹரிஸ்ஸதீ’’தி! ப⁴க³வதோ ஏதமத்த²ங் ஆரோசேஸுங்.
‘‘ந, பி⁴க்க²வே, பி⁴க்கு²னியா பத்தேன க³ப்³போ⁴ நீஹரிதப்³போ³. யா நீஹரெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, பி⁴க்கு²னியா பி⁴க்கு²ங் பஸ்ஸித்வா நீஹரித்வா பத்தங் த³ஸ்ஸேது’’ந்தி.
தேன கோ² பன ஸமயேன ச²ப்³ப³க்³கி³யா பி⁴க்கு²னியோ
பி⁴க்கு²ங் பஸ்ஸித்வா பரிவத்தெத்வா பத்தமூலங் த³ஸ்ஸெந்தி. பி⁴க்கூ²
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா
பி⁴க்கு²னியோ பி⁴க்கு²ங் பஸ்ஸித்வா பரிவத்தெத்வா பத்தமூலங்
த³ஸ்ஸெஸ்ஸந்தீ’’தி! அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங். ‘‘ந,
பி⁴க்க²வே, பி⁴க்கு²னியா பி⁴க்கு²ங் பஸ்ஸித்வா பரிவத்தெத்வா பத்தமூலங்
த³ஸ்ஸேதப்³ப³ங். யா த³ஸ்ஸெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே,
பி⁴க்கு²னியா பி⁴க்கு²ங் பஸ்ஸித்வா உக்குஜ்ஜித்வா பத்தங் த³ஸ்ஸேதுங். யஞ்ச
பத்தே ஆமிஸங் ஹோதி, தேன ச பி⁴க்கு² நிமந்தேதப்³போ³’’தி.
தேன கோ² பன ஸமயேன ஸாவத்தி²யங் ரதி²காய புரிஸப்³யஞ்ஜனங்
ச²ட்³டி³தங் ஹோதி. தங் பி⁴க்கு²னியோ ஸக்கச்சங் உபனிஜ்ஜா²யிங்ஸு. மனுஸ்ஸா
உக்குட்டி²ங் அகங்ஸு. தா பி⁴க்கு²னியோ மங்கூ அஹேஸுங். அத² கோ² தா
பி⁴க்கு²னியோ உபஸ்ஸயங் க³ந்த்வா பி⁴க்கு²னீனங் ஏதமத்த²ங் ஆரோசேஸுங். யா தா
பி⁴க்கு²னியோ அப்பிச்சா²…பே॰… தா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ புரிஸப்³யஞ்ஜனங்
உபனிஜ்ஜா²யிஸ்ஸந்தீ’’தி! அத² கோ² தா பி⁴க்கு²னியோ பி⁴க்கூ²னங் ஏதமத்த²ங்
ஆரோசேஸுங். பி⁴க்கூ² ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
பி⁴க்கு²னியா புரிஸப்³யஞ்ஜனங் உபனிஜ்ஜா²யிதப்³ப³ங். யா உபனிஜ்ஜா²யெய்ய,
ஆபத்தி து³க்கடஸ்ஸா’’தி.
421.
தேன கோ² பன ஸமயேன மனுஸ்ஸா பி⁴க்கூ²னங் ஆமிஸங் தெ³ந்தி. பி⁴க்கூ²
பி⁴க்கு²னீனங் தெ³ந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ப⁴த³ந்தா அத்தனோ பரிபோ⁴க³த்தா²ய
தி³ன்னங் அஞ்ஞேஸங் த³ஸ்ஸந்தி! மயம்பி ந ஜானாம தா³னங் தா³து’’ந்தி. ப⁴க³வதோ
ஏதமத்த²ங் ஆரோசேஸுங். ‘‘ந, பி⁴க்க²வே, அத்தனோ பரிபோ⁴க³த்தா²ய தி³ன்னங்
அஞ்ஞேஸங் தா³தப்³ப³ங். யோ த³தெ³ய்ய, ஆபத்தி து³க்கடஸ்ஸா’’தி.
தேன கோ² பன ஸமயேன பி⁴க்கூ²னங் ஆமிஸங் உஸ்ஸன்னங் ஹோதி.
ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, ஸங்க⁴ஸ்ஸ
தா³து’’ந்தி. பா³ள்ஹதரங் உஸ்ஸன்னங் ஹோதி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, புக்³க³லிகம்பி தா³து’’ந்தி.
தேன கோ² பன ஸமயேன பி⁴க்கூ²னங் ஸன்னிதி⁴கதங் ஆமிஸங் உஸ்ஸன்னங் ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, பி⁴க்கூ²னங் ஸன்னிதி⁴ங் பி⁴க்கு²னீஹி [பி⁴க்கு²னீஹி பி⁴க்கூ²ஹி (ஸீ॰)] படிக்³கா³ஹாபெத்வா [படிக்³க³ஹாபெத்வா (க॰)] பரிபு⁴ஞ்ஜிது’’ந்தி.
தேன கோ² பன ஸமயேன மனுஸ்ஸா பி⁴க்கு²னீனங் ஆமிஸங் தெ³ந்தி. பி⁴க்கு²னியோ
பி⁴க்கூ²னங் தெ³ந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு²னியோ அத்தனோ பரிபோ⁴க³த்தா²ய தி³ன்னங் அஞ்ஞேஸங்
த³ஸ்ஸந்தி! மயம்பி ந ஜானாம தா³னங் தா³து’’ந்தி. ப⁴க³வதோ ஏதமத்த²ங்
ஆரோசேஸுங். ‘‘ந, பி⁴க்க²வே, பி⁴க்கு²னியா அத்தனோ பரிபோ⁴க³த்தா²ய தி³ன்னங்
அஞ்ஞேஸங் தா³தப்³ப³ங். யா த³தெ³ய்ய, ஆபத்தி து³க்கடஸ்ஸா’’தி.
தேன கோ² பன ஸமயேன பி⁴க்கு²னீனங் ஆமிஸங் உஸ்ஸன்னங்
ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, ஸங்க⁴ஸ்ஸ
தா³து’’ந்தி. பா³ள்ஹதரங் உஸ்ஸன்னங் ஹோதி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, புக்³க³லிகம்பி தா³து’’ந்தி.
தேன கோ² பன ஸமயேன பி⁴க்கு²னீனங் ஸன்னிதி⁴கதங் ஆமிஸங்
உஸ்ஸன்னங் ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
பி⁴க்கு²னீனங் ஸன்னிதி⁴ங் பி⁴க்கூ²ஹி பி⁴க்கு²னீஹி [பி⁴க்கூ²ஹி பி⁴க்கு²னீஹி (ஸீ॰)] படிக்³கா³ஹாபெத்வா பரிபு⁴ஞ்ஜிது’’ந்தி.
422. தேன கோ² பன ஸமயேன பி⁴க்கூ²னங் ஸேனாஸனங் உஸ்ஸன்னங் ஹோதி, பி⁴க்கு²னீனங் [பி⁴க்கு²னீனங் ஸேனாஸனங் (ஸ்யா॰ கங்॰)]
ந ஹோதி. பி⁴க்கு²னியோ பி⁴க்கூ²னங் ஸந்திகே தூ³தங் பாஹேஸுங் – ‘ஸாது⁴,
ப⁴ந்தே, அய்யா அம்ஹாகங் ஸேனாஸனங் தெ³ந்து தாவகாலிக’ந்தி. ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, பி⁴க்கு²னீனங் ஸேனாஸனங் தா³துங்
தாவகாலிக’’ந்தி.
தேன கோ² பன ஸமயேன உதுனியோ பி⁴க்கு²னியோ ஓனத்³த⁴மஞ்சங்
ஓனத்³த⁴பீட²ங் அபி⁴னிஸீத³ந்திபி அபி⁴னிபஜ்ஜந்திபி. ஸேனாஸனங் லோஹிதேன
மக்கி²ய்யதி . ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, பி⁴க்கு²னியா
ஓனத்³த⁴மஞ்சங் ஓனத்³த⁴பீட²ங் அபி⁴னிஸீதி³தப்³ப³ங் அபி⁴னிபஜ்ஜிதப்³ப³ங். யா
அபி⁴னிஸீதெ³ய்ய வா அபி⁴னிபஜ்ஜெய்ய வா ஆபத்தி து³க்கடஸ்ஸ. அனுஜானாமி,
பி⁴க்க²வே, ஆவஸத²சீவர’’ந்தி. ஆவஸத²சீவரங் லோஹிதேன மக்கி²ய்யதி. ப⁴க³வதோ
ஏதமத்த²ங் ஆரோசேஸுங். ‘‘அனுஜானாமி , பி⁴க்க²வே,
ஆணிசோளக’’ந்தி. சோளகங் நிபததி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, ஸுத்தகேன ப³ந்தி⁴த்வா ஊருயா ப³ந்தி⁴து’’ந்தி . ஸுத்தங் சி²ஜ்ஜதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, ஸங்வேல்லியங், கடிஸுத்தக’’ந்தி.
தேன கோ² பன ஸமயேன ச²ப்³ப³க்³கி³யா பி⁴க்கு²னியோ
ஸப்³ப³காலங் கடிஸுத்தகங் தா⁴ரெந்தி. மனுஸ்ஸா உஜ்ஜா²யந்தி கி²ய்யந்தி
விபாசெந்தி – ஸெய்யதா²பி கி³ஹினீ காமபோ⁴கி³னியோதி. ப⁴க³வதோ ஏதமத்த²ங்
ஆரோசேஸுங். ‘‘ந, பி⁴க்க²வே, பி⁴க்கு²னியா ஸப்³ப³காலங் கடிஸுத்தகங்
தா⁴ரேதப்³ப³ங். யா தா⁴ரெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே,
உதுனியா கடிஸுத்தக’’ந்தி.
து³தியபா⁴ணவாரோ நிட்டி²தோ.
3. ததியபா⁴ணவாரோ
423.
தேன கோ² பன ஸமயேன உபஸம்பன்னாயோ தி³ஸ்ஸந்தி – அனிமித்தாபி, நிமித்தமத்தாபி,
அலோஹிதாபி, து⁴வலோஹிதாபி, து⁴வசோளாபி, பக்³க⁴ரந்தீபி, ஸிக²ரிணீபி,
இத்தி²பண்ட³காபி, வேபுரிஸிகாபி, ஸம்பி⁴ன்னாபி, உப⁴தொப்³யஞ்ஜனாபி. ப⁴க³வதோ
ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, உபஸம்பாதெ³ந்தியா சதுவீஸதி
அந்தராயிகே த⁴ம்மே புச்சி²துங். ஏவஞ்ச பன ,
பி⁴க்க²வே, புச்சி²தப்³பா³ – ‘நஸி அனிமித்தா, நஸி நிமித்தமத்தா, நஸி
அலோஹிதா, நஸி து⁴வலோஹிதா, நஸி து⁴வசோளா, நஸி பக்³க⁴ரந்தீ, நஸி ஸிக²ரணீ [ஸிக²ரிணீ (ஸீ॰ ஸ்யா॰)],
நஸி இத்தி²பண்ட³கா, நஸி வேபுரிஸிகா, நஸி ஸம்பி⁴ன்னா, நஸி உப⁴தொப்³யஞ்ஜனா?
ஸந்தி தே ஏவரூபா ஆபா³தா⁴ – குட்ட²ங், க³ண்டோ³, கிலாஸோ, ஸோஸோ, அபமாரோ?
மனுஸ்ஸாஸி, இத்தீ²ஸி, பு⁴ஜிஸ்ஸாஸி, அணணாஸி, நஸி ராஜப⁴டீ? அனுஞ்ஞாதாஸி
மாதாபிதூஹி, ஸாமிகேன? பரிபுண்ணவீஸதிவஸ்ஸாஸி, பரிபுண்ணங் தே பத்தசீவரங்,
கின்னாமாஸி, கானாமா தே பவத்தினீ’’தி?
தேன கோ² பன ஸமயேன பி⁴க்கூ² பி⁴க்கு²னீனங் அந்தராயிகே
த⁴ம்மே புச்ச²ந்தி. உபஸம்பதா³பெக்கா²யோ வித்தா²யந்தி, மங்கூ ஹொந்தி, ந
ஸக்கொந்தி விஸ்ஸஜ்ஜேதுங். ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, ஏகதோஉபஸம்பன்னாய பி⁴க்கு²னிஸங்கே⁴ விஸுத்³தா⁴ய பி⁴க்கு²ஸங்கே⁴
உபஸம்பாதே³து’’ந்தி.
தேன கோ² பன ஸமயேன பி⁴க்கு²னியோ அனநுஸிட்டா² உபஸம்பதா³பெக்கா²யோ அந்தராயிகே த⁴ம்மே புச்ச²ந்தி. உபஸம்பதா³பெக்கா²யோ வித்தா²யந்தி, மங்கூ ஹொந்தி, ந ஸக்கொந்தி விஸ்ஸஜ்ஜேதுங். ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, பட²மங் அனுஸாஸித்வா பச்சா² அந்தராயிகே த⁴ம்மே புச்சி²து’’ந்தி.
தத்தே²வ ஸங்க⁴மஜ்ஜே² அனுஸாஸந்தி. உபஸம்பதா³பெக்கா²யோ ததே²வ வித்தா²யந்தி, மங்கூ ஹொந்தி ,
ந ஸக்கொந்தி விஸ்ஸஜ்ஜேதுங். ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, ஏகமந்தங் அனுஸாஸித்வா ஸங்க⁴மஜ்ஜே² அந்தராயிகே த⁴ம்மே
புச்சி²துங். ஏவஞ்ச பன, பி⁴க்க²வே, அனுஸாஸிதப்³பா³.
424.
‘‘பட²மங் உபஜ்ஜ²ங் கா³ஹாபேதப்³பா³. உபஜ்ஜ²ங் கா³ஹாபெத்வா பத்தசீவரங்
ஆசிக்கி²தப்³ப³ங் – ‘அயங் தே பத்தோ, அயங் ஸங்கா⁴டி, அயங் உத்தராஸங்கோ³,
அயங் அந்தரவாஸகோ, இத³ங் ஸங்கச்சிகங் [ஸங்கச்சி²கங் (ஸ்யா॰)], அயங் உத³கஸாடிகா; க³ச்ச² அமும்ஹி ஓகாஸே திட்டா²ஹீ’’தி.
பா³லா அப்³யத்தா அனுஸாஸந்தி. து³ரனுஸிட்டா²
உபஸம்பதா³பெக்கா²யோ வித்தா²யந்தி, மங்கூ ஹொந்தி, ந ஸக்கொந்தி
விஸ்ஸஜ்ஜேதுங். ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, பா³லாய
அப்³யத்தாய அனுஸாஸிதப்³பா³. யா அனுஸாஸெய்ய, ஆபத்தி து³க்கடஸ்ஸ. அனுஜானாமி,
பி⁴க்க²வே, ப்³யத்தாய பி⁴க்கு²னியா படிப³லாய அனுஸாஸிது’’ந்தி.
அஸம்மதா அனுஸாஸந்தி. ப⁴க³வதோ ஏதமத்த²ங் ஆரோசேஸுங்.
‘‘ந, பி⁴க்க²வே, அஸம்மதாய அனுஸாஸிதப்³பா³. யா அனுஸாஸெய்ய, ஆபத்தி
து³க்கடஸ்ஸ. அனுஜானாமி, பி⁴க்க²வே, ஸம்மதாய அனுஸாஸிதுங். ஏவஞ்ச பன,
பி⁴க்க²வே, ஸம்மன்னிதப்³பா³ – அத்தனா வா அத்தானங் ஸம்மன்னிதப்³ப³ங், பராய
வா பரா ஸம்மன்னிதப்³பா³.
‘‘கத²ஞ்ச அத்தனாவ [அத்தனா வா (க॰)]
அத்தானங் ஸம்மன்னிதப்³ப³ங்? ப்³யத்தாய பி⁴க்கு²னியா படிப³லாய ஸங்கோ⁴
ஞாபேதப்³போ³ – ‘ஸுணாது மே, அய்யே, ஸங்கோ⁴. இத்த²ன்னாமா இத்த²ன்னாமாய அய்யாய
உபஸம்பதா³பெக்கா². யதி³ ஸங்க⁴ஸ்ஸ பத்தகல்லங், அஹங் இத்த²ன்னாமா
இத்த²ன்னாமங் அனுஸாஸெய்ய’ந்தி. ஏவங் அத்தனாவ அத்தானங் ஸம்மன்னிதப்³ப³ங்.
‘‘கத²ஞ்ச பராய [பராய வா (க॰)] பரா ஸம்மன்னிதப்³பா³? ப்³யத்தாய பி⁴க்கு²னியா படிப³லாய ஸங்கோ⁴ ஞாபேதப்³போ³ – ‘ஸுணாது மே, அய்யே, ஸங்கோ⁴. இத்த²ன்னாமா இத்த²ன்னாமாய அய்யாய உபஸம்பதா³பெக்கா². யதி³ ஸங்க⁴ஸ்ஸ பத்தகல்லங், இத்த²ன்னாமா இத்த²ன்னாமங் அனுஸாஸெய்யா’தி. ஏவங் பராய பரா ஸம்மன்னிதப்³பா³.
‘‘தாய ஸம்மதாய பி⁴க்கு²னியா
உபஸம்பதா³பெக்க²ங் உபஸங்கமித்வா ஏவமஸ்ஸ வசனீயா – ‘ஸுணஸி இத்த²ன்னாமே. அயங்
தே ஸச்சகாலோ, பூ⁴தகாலோ. யங் ஜாதங் தங் ஸங்க⁴மஜ்ஜே² புச்ச²ந்தே ஸந்தங்
அத்தீ²தி வத்தப்³ப³ங், அஸந்தங் நத்தீ²தி வத்தப்³ப³ங். மா கோ² வித்தா²யி [வித்தா²ஸி (க॰)],
மா கோ² மங்கு அஹோஸி. ஏவங் தங் புச்சி²ஸ்ஸந்தி – நஸி அனிமித்தா, நஸி
நிமித்தமத்தா, நஸி அலோஹிதா, நஸி து⁴வலோஹிதா, நஸி து⁴வசோளா, நஸி
பக்³க⁴ரந்தீ, நஸி ஸிக²ரிணீ, நஸி இத்தி²பண்ட³கா, நஸி வேபுரிஸிகா, நஸி
ஸம்பி⁴ன்னா, நஸி உப⁴தொப்³யஞ்ஜனா? ஸந்தி தே ஏவரூபா ஆபா³தா⁴ – குட்ட²ங்,
க³ண்டோ³, கிலாஸோ, ஸோஸோ, அபமாரோ? மனுஸ்ஸாஸி, இத்தீ²ஸி, பு⁴ஜிஸ்ஸாஸி, அணணாஸி,
நஸி ராஜப⁴டீ? அனுஞ்ஞாதாஸி மாதாபிதூஹி, ஸாமிகேன? பரிபுண்ணவீஸதிவஸ்ஸாஸி,
பரிபுண்ணங் தே பத்தசீவரங், கின்னாமாஸி, கானாமா தே பவத்தினீ’தி ?
‘‘ஏகதோ ஆக³ச்ச²ந்தி. ந ஏகதோ ஆக³ந்தப்³ப³ங். அனுஸாஸிகாய
பட²மதரங் ஆக³ந்த்வா ஸங்கோ⁴ ஞாபேதப்³போ³ – ‘ஸுணாது மே, அய்யே, ஸங்கோ⁴.
இத்த²ன்னாமா இத்த²ன்னாமாய அய்யாய உபஸம்பதா³பெக்கா². அனுஸிட்டா² ஸா மயா. யதி³ ஸங்க⁴ஸ்ஸ பத்தகல்லங், இத்த²ன்னாமா ஆக³ச்செ²ய்யா’தி. ‘ஆக³ச்சா²ஹீ’தி வத்தப்³பா³.
‘‘ஏகங்ஸங் உத்தராஸங்க³ங் காராபெத்வா பி⁴க்கு²னீனங்
பாதே³ வந்தா³பெத்வா உக்குடிகங் நிஸீதா³பெத்வா அஞ்ஜலிங் பக்³க³ண்ஹாபெத்வா
உபஸம்பத³ங் யாசாபேதப்³பா³ – ‘ஸங்க⁴ங், அய்யே, உபஸம்பத³ங் யாசாமி.
உல்லும்பது மங், அய்யே, ஸங்கோ⁴ அனுகம்பங் உபாதா³ய. து³தியம்பி, அய்யே,
ஸங்க⁴ங் உபஸம்பத³ங் யாசாமி. உல்லும்பது மங், அய்யே, ஸங்கோ⁴ அனுகம்பங்
உபாதா³ய. ததியம்பி, அய்யே, ஸங்க⁴ங் உபஸம்பத³ங் யாசாமி. உல்லும்பது மங்,
அய்யே, ஸங்கோ⁴ அனுகம்பங் உபாதா³யா’தி. ப்³யத்தாய பி⁴க்கு²னியா படிப³லாய
ஸங்கோ⁴ ஞாபேதப்³போ³ –
‘‘ஸுணாது மே, அய்யே, ஸங்கோ⁴. அயங் இத்த²ன்னாமா
இத்த²ன்னாமாய அய்யாய உபஸம்பதா³பெக்கா². யதி³ ஸங்க⁴ஸ்ஸ பத்தகல்லங், அஹங்
இத்த²ன்னாமங் அந்தராயிகே த⁴ம்மே புச்செ²ய்யந்தி.
‘‘ஸுணஸி இத்த²ன்னாமே. அயங் தே
ஸச்சகாலோ, பூ⁴தகாலோ. யங் ஜாதங் தங் புச்சா²மி ஸந்தங் அத்தீ²தி வத்தப்³ப³ங்,
அஸந்தங் நத்தீ²தி வத்தப்³ப³ங். நஸி அனிமித்தா…பே॰… கின்னாமாஸி, கானாமா தே
பவத்தினீதி. ப்³யத்தாய பி⁴க்கு²னியா படிப³லாய ஸங்கோ⁴ ஞாபேதப்³போ³ –
425.
‘‘ஸுணாது மே, அய்யே, ஸங்கோ⁴. அயங் இத்த²ன்னாமா இத்த²ன்னாமாய அய்யாய
உபஸம்பதா³பெக்கா². பரிஸுத்³தா⁴ அந்தராயிகேஹி த⁴ம்மேஹி, பரிபுண்ணஸ்ஸா
பத்தசீவரங். இத்த²ன்னாமா ஸங்க⁴ங் உபஸம்பத³ங் யாசதி இத்த²ன்னாமாய அய்யாய
பவத்தினியா. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் உபஸம்பாதெ³ய்ய இத்த²ன்னாமாய அய்யாய பவத்தினியா. ஏஸா ஞத்தி.
‘‘ஸுணாது மே, அய்யே, ஸங்கோ⁴. அயங் இத்த²ன்னாமா இத்த²ன்னாமாய அய்யாய உபஸம்பதா³பெக்கா² .
பரிஸுத்³தா⁴ அந்தராயிகேஹி த⁴ம்மேஹி, பரிபுண்ணஸ்ஸா பத்தசீவரங். இத்த²ன்னாமா
ஸங்க⁴ங் உபஸம்பத³ங் யாசதி இத்த²ன்னாமாய அய்யாய பவத்தினியா. ஸங்கோ⁴
இத்த²ன்னாமங் உபஸம்பாதே³தி இத்த²ன்னாமாய அய்யாய பவத்தினியா. யஸ்ஸா அய்யாய
க²மதி இத்த²ன்னாமாய உபஸம்பதா³ இத்த²ன்னாமாய அய்யாய பவத்தினியா, ஸா
துண்ஹஸ்ஸ; யஸ்ஸா நக்க²மதி, ஸா பா⁴ஸெய்ய.
‘‘து³தியம்பி ஏதமத்த²ங் வதா³மி…பே॰… ததியம்பி
ஏதமத்த²ங் வதா³மி – ஸுணாது மே, அய்யே, ஸங்கோ⁴. அயங் இத்த²ன்னாமா
இத்த²ன்னாமாய அய்யாய உபஸம்பதா³பெக்கா². பரிஸுத்³தா⁴ அந்தராயிகேஹி த⁴ம்மேஹி,
பரிபுண்ணஸ்ஸா பத்தசீவரங். இத்த²ன்னாமா ஸங்க⁴ங் உபஸம்பத³ங் யாசதி
இத்த²ன்னாமாய அய்யாய பவத்தினியா. ஸங்கோ⁴ இத்த²ன்னாமங் உபஸம்பாதே³தி
இத்த²ன்னாமாய அய்யாய பவத்தினியா. யஸ்ஸா அய்யாய க²மதி இத்த²ன்னாமாய
உபஸம்பதா³ இத்த²ன்னாமாய அய்யாய பவத்தினியா, ஸா துண்ஹஸ்ஸ; யஸ்ஸா நக்க²மதி,
ஸா பா⁴ஸெய்ய.
‘‘உபஸம்பன்னா ஸங்கே⁴ன இத்த²ன்னாமா இத்த²ன்னாமாய அய்யாய பவத்தினியா. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீதி.
‘‘தாவதே³வ தங் ஆதா³ய பி⁴க்கு²ஸங்க⁴ங் உபஸங்கமித்வா
ஏகங்ஸங் உத்தராஸங்க³ங் காராபெத்வா பி⁴க்கூ²னங் பாதே³ வந்தா³பெத்வா
உக்குடிகங் நிஸீதா³பெத்வா அஞ்ஜலிங் பக்³க³ண்ஹாபெத்வா உபஸம்பத³ங் யாசாபேதப்³பா³ – ‘அஹங், அய்யா, இத்த²ன்னாமா இத்த²ன்னாமாய அய்யாய உபஸம்பதா³பெக்கா² .
ஏகதோஉபஸம்பன்னா பி⁴க்கு²னிஸங்கே⁴, விஸுத்³தா⁴; ஸங்க⁴ங், அய்யா, உபஸம்பத³ங்
யாசாமி. உல்லும்பது மங், அய்யா, ஸங்கோ⁴ அனுகம்பங் உபாதா³ய. அஹங், அய்யா,
இத்த²ன்னாமா இத்த²ன்னாமாய அய்யாய உபஸம்பதா³பெக்கா².
ஏகதோஉபஸம்பன்னா பி⁴க்கு²னிஸங்கே⁴, விஸுத்³தா⁴. து³தியம்பி, அய்யா, ஸங்க⁴ங்
உபஸம்பத³ங் யாசாமி. உல்லும்பது மங், அய்யா, ஸங்கோ⁴ அனுகம்பங் உபாதா³ய.
அஹங், அய்யா, இத்த²ன்னாமா இத்த²ன்னாமாய அய்யாய உபஸம்பதா³பெக்கா².
ஏகதோஉபஸம்பன்னா பி⁴க்கு²னிஸங்கே⁴, விஸுத்³தா⁴. ததியம்பி, அய்யா, ஸங்க⁴ங்
உபஸம்பத³ங் யாசாமி. உல்லும்பது மங், அய்யா, ஸங்கோ⁴ அனுகம்பங் உபாதா³யா’தி.
ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
‘‘ஸுணாது மே, ப⁴ந்தே, ஸங்கோ⁴.
அயங் இத்த²ன்னாமா இத்த²ன்னாமாய உபஸம்பதா³பெக்கா². ஏகதோஉபஸம்பன்னா
பி⁴க்கு²னிஸங்கே⁴, விஸுத்³தா⁴. இத்த²ன்னாமா ஸங்க⁴ங் உபஸம்பத³ங் யாசதி
இத்த²ன்னாமாய பவத்தினியா. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங்
உபஸம்பாதெ³ய்ய, இத்த²ன்னாமாய பவத்தினியா. ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமா
இத்த²ன்னாமாய உபஸம்பதா³பெக்கா². ஏகதோஉபஸம்பன்னா பி⁴க்கு²னிஸங்கே⁴,
விஸுத்³தா⁴. இத்த²ன்னாமா ஸங்க⁴ங் உபஸம்பத³ங் யாசதி இத்த²ன்னாமாய
பவத்தினியா. ஸங்கோ⁴ இத்த²ன்னாமங் உபஸம்பாதே³தி இத்த²ன்னாமாய பவத்தினியா. யஸ்ஸாயஸ்மதோ க²மதி இத்த²ன்னாமாய உபஸம்பதா³ இத்த²ன்னாமாய பவத்தினியா, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.
‘‘து³தியம்பி ஏதமத்த²ங் வதா³மி…பே॰… ததியம்பி
ஏதமத்த²ங் வதா³மி – ஸுணாது மே, ப⁴ந்தே, ஸங்கோ⁴. அயங் இத்த²ன்னாமா
இத்த²ன்னாமாய உபஸம்பதா³பெக்கா². ஏகதோஉபஸம்பன்னா பி⁴க்கு²னிஸங்கே⁴,
விஸுத்³தா⁴. இத்த²ன்னாமா ஸங்க⁴ங் உபஸம்பத³ங் யாசதி இத்த²ன்னாமாய
பவத்தினியா. ஸங்கோ⁴ இத்த²ன்னாமங் உபஸம்பாதே³தி இத்த²ன்னாமாய பவத்தினியா.
யஸ்ஸாயஸ்மதோ க²மதி இத்த²ன்னாமாய உபஸம்பதா³ இத்த²ன்னாமாய பவத்தினியா, ஸோ
துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.
‘‘உபஸம்பன்னா ஸங்கே⁴ன இத்த²ன்னாமா இத்த²ன்னாமாய பவத்தினியா. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீதி.
‘‘தாவதே³வ சா²யா மேதப்³பா³, உதுப்பமாணங்
ஆசிக்கி²தப்³ப³ங், தி³வஸபா⁴கோ³ ஆசிக்கி²தப்³போ³, ஸங்கீ³தி ஆசிக்கி²தப்³பா³,
பி⁴க்கு²னியோ வத்தப்³பா³ – இமிஸ்ஸா தயோ ச நிஸ்ஸயே, அட்ட² ச அகரணீயானி
ஆசிக்கெ²ய்யாதா²’’தி.
426. தேன கோ² பன ஸமயேன பி⁴க்கு²னியோ ப⁴த்தக்³கே³ ஆஸனங் ஸங்கஸாயந்தியோ காலங் வீதினாமேஸுங். ப⁴க³வதோ ஏதமத்த²ங் ஆரோசேஸுங் . ‘‘அனுஜானாமி, பி⁴க்க²வே, அட்ட²ன்னங் பி⁴க்கு²னீனங் யதா²வுட்³ட⁴ங், அவஸேஸானங் யதா²க³திக’’ந்தி.
தேன கோ² பன ஸமயேன பி⁴க்கு²னியோ
– ப⁴க³வதா அனுஞ்ஞாதங் அட்ட²ன்னங் பி⁴க்கு²னீனங் யதா²வுட்³ட⁴ங், அவஸேஸானங்
யதா²க³திகந்தி – ஸப்³ப³த்த² அட்டே²வ பி⁴க்கு²னியோ யதா²வுட்³ட⁴ங்
படிபா³ஹந்தி, அவஸேஸாயோ யதா²க³திகங். ப⁴க³வதோ
ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, ப⁴த்தக்³கே³ அட்ட²ன்னங்
பி⁴க்கு²னீனங் யதா²வுட்³ட⁴ங், அவஸேஸானங் யதா²க³திகங்; அஞ்ஞத்த² ஸப்³ப³த்த²
யதா²வுட்³ட⁴ங் [அஞ்ஞத்த² யதா²வுட்³ட⁴ங் (ஸ்யா॰)] ந படிபா³ஹிதப்³ப³ங். யா படிபா³ஹெய்ய, ஆபத்தி து³க்கடஸ்ஸா’’தி.
427. [பாசி॰ 1050 ஆத³யோ] தேன
கோ² பன ஸமயேன பி⁴க்கு²னியோ ந பவாரெந்தி. ப⁴க³வதோ ஏதமத்த²ங் ஆரோசேஸுங்.
‘‘ந, பி⁴க்க²வே, பி⁴க்கு²னியா ந பவாரேதப்³ப³ங். யா ந பவாரெய்ய, யதா²த⁴ம்மோ
காரேதப்³போ³’’தி.
தேன கோ² பன ஸமயேன பி⁴க்கு²னியோ அத்தனா பவாரெத்வா
பி⁴க்கு²ஸங்க⁴ங் ந பவாரெந்தி. ப⁴க³வதோ ஏதமத்த²ங் ஆரோசேஸுங். ‘‘ந,
பி⁴க்க²வே, பி⁴க்கு²னியா அத்தனா பவாரெத்வா பி⁴க்கு²ஸங்கோ⁴ ந பவாரேதப்³போ³.
யா ந பவாரெய்ய, யதா²த⁴ம்மோ காரேதப்³போ³’’தி.
தேன கோ² பன ஸமயேன பி⁴க்கு²னியோ பி⁴க்கூ²ஹி ஸத்³தி⁴ங்
ஏகதோ பவாரெந்தியோ கோலாஹலங் அகங்ஸு. ப⁴க³வதோ ஏதமத்த²ங் ஆரோசேஸுங். ‘‘ந,
பி⁴க்க²வே, பி⁴க்கு²னியா பி⁴க்கூ²ஹி ஸத்³தி⁴ங் ஏகதோ பவாரேதப்³ப³ங். யா
பவாரெய்ய, ஆபத்தி து³க்கடஸ்ஸா’’தி.
தேன கோ² பன ஸமயேன பி⁴க்கு²னியோ புரேப⁴த்தங் பவாரெந்தியோ காலங் வீதினாமேஸுங். ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, பச்சா²ப⁴த்தங் [பி⁴க்க²வே பி⁴க்கு²னியா பச்சா²ப⁴த்தங் (ஸ்யா॰ கங்॰)] பவாரேது’’ந்தி. பச்சா²ப⁴த்தங் பவாரெந்தியோ விகாலே [விகாலங் (க॰)] அஹேஸுங். ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, அஜ்ஜதனா பி⁴க்கு²னிஸங்க⁴ங் [அஜ்ஜதனா (ஸீ॰), அஜ்ஜதனாய (க॰)] பவாரெத்வா அபரஜ்ஜு பி⁴க்கு²ஸங்க⁴ங் பவாரேது’’ந்தி.
தேன கோ² பன ஸமயேன ஸப்³போ³ பி⁴க்கு²னிஸங்கோ⁴ பவாரெந்தோ
கோலாஹலங் அகாஸி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
ஏகங் பி⁴க்கு²னிங் ப்³யத்தங் படிப³லங் ஸம்மன்னிதுங் – பி⁴க்கு²னிஸங்க⁴ஸ்ஸ
அத்தா²ய பி⁴க்கு²ஸங்க⁴ங் பவாரேதுங். ஏவஞ்ச பன,
பி⁴க்க²வே, ஸம்மன்னிதப்³பா³. பட²மங் பி⁴க்கு²னீ யாசிதப்³பா³, யாசித்வா
ப்³யத்தாய பி⁴க்கு²னியா படிப³லாய ஸங்கோ⁴ ஞாபேதப்³போ³ –
‘‘ஸுணாது மே, அய்யே, ஸங்கோ⁴. யதி³ ஸங்க⁴ஸ்ஸ
பத்தகல்லங், ஸங்கோ⁴ இத்த²ன்னாமங் பி⁴க்கு²னிங் ஸம்மன்னெய்ய
பி⁴க்கு²னிஸங்க⁴ஸ்ஸ அத்தா²ய பி⁴க்கு²ஸங்க⁴ங் பவாரேதுங். ஏஸா ஞத்தி.
‘‘ஸுணாது மே, அய்யே, ஸங்கோ⁴. ஸங்கோ⁴ இத்த²ன்னாமங்
பி⁴க்கு²னிங் ஸம்மன்னதி பி⁴க்கு²னிஸங்க⁴ஸ்ஸ அத்தா²ய பி⁴க்கு²ஸங்க⁴ங்
பவாரேதுங். யஸ்ஸா அய்யாய க²மதி இத்த²ன்னாமாய பி⁴க்கு²னியா ஸம்முதி
பி⁴க்கு²னிஸங்க⁴ஸ்ஸ அத்தா²ய பி⁴க்கு²ஸங்க⁴ங் பவாரேதுங், ஸா துண்ஹஸ்ஸ; யஸ்ஸா நக்க²மதி, ஸா பா⁴ஸெய்ய.
‘‘ஸம்மதா ஸங்கே⁴ன இத்த²ன்னாமா பி⁴க்கு²னீ
பி⁴க்கு²னிஸங்க⁴ஸ்ஸ அத்தா²ய பி⁴க்கு²ஸங்க⁴ங் பவாரேதுங். க²மதி ஸங்க⁴ஸ்ஸ,
தஸ்மா துண்ஹீ, ஏவமேதங் தா⁴ரயாமீதி.
‘‘தாய ஸம்மதாய பி⁴க்கு²னியா
பி⁴க்கு²னிஸங்க⁴ங் ஆதா³ய பி⁴க்கு²ஸங்க⁴ங் உபஸங்கமித்வா ஏகங்ஸங்
உத்தராஸங்க³ங் கரித்வா பி⁴க்கூ²னங் பாதே³ வந்தி³த்வா உக்குடிகங்
நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ – ‘பி⁴க்கு²னீஸங்கோ⁴ , அய்யா, பி⁴க்கு²ஸங்க⁴ங் பவாரேதி – தி³ட்டே²ன வா, ஸுதேன வா பரிஸங்காய வா. வத³து [வத³து மங் (க॰)],
அய்யா, பி⁴க்கு²ஸங்கோ⁴ பி⁴க்கு²னிஸங்க⁴ங் அனுகம்பங் உபாதா³ய, பஸ்ஸந்தோ
படிகரிஸ்ஸதி. து³தியம்பி, அய்யா…பே॰… ததியம்பி, அய்யா, பி⁴க்கு²னிஸங்கோ⁴
பி⁴க்கு²ஸங்க⁴ங் பவாரேதி – தி³ட்டே²ன வா, ஸுதேன வா, பரிஸங்காய வா. வத³து,
அய்யா, பி⁴க்கு²ஸங்கோ⁴ பி⁴க்கு²னிஸங்க⁴ங் அனுகம்பங் உபாதா³ய, பஸ்ஸந்தோ
படிகரிஸ்ஸதீ’’தி.
428.
தேன கோ² பன ஸமயேன பி⁴க்கு²னியோ பி⁴க்கூ²னங் உபோஸத²ங் ட²பெந்தி, பவாரணங்
ட²பெந்தி, ஸவசனீயங் கரொந்தி, அனுவாத³ங் பட்ட²பெந்தி, ஓகாஸங் காரெந்தி,
சோதெ³ந்தி, ஸாரெந்தி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
பி⁴க்கு²னியா பி⁴க்கு²ஸ்ஸ உபோஸதோ² ட²பேதப்³போ³; ட²பிதோபி அட்ட²பிதோ;
ட²பெந்தியா ஆபத்தி து³க்கடஸ்ஸ. ந பவாரணா ட²பேதப்³பா³; ட²பிதாபி அட்ட²பிதா;
ட²பெந்தியா ஆபத்தி து³க்கடஸ்ஸ. ந ஸவசனீயங் காதப்³ப³ங்; கதம்பி அகதங்;
கரொந்தியா ஆபத்தி து³க்கடஸ்ஸ. ந அனுவாதோ³ பட்ட²பேதப்³போ³; பட்ட²பிதோபி
அப்பட்ட²பிதோ; பட்ட²பெந்தியா ஆபத்தி து³க்கடஸ்ஸ. ந ஓகாஸோ காரேதப்³போ³ ; காரிதோபி அகாரிதோ; காரெந்தியா ஆபத்தி து³க்கடஸ்ஸ. ந சோதே³தப்³போ³; சோதி³தோபி அசோதி³தோ; சோதெ³ந்தியா ஆபத்தி து³க்கடஸ்ஸ . ந ஸாரேதப்³போ³; ஸாரிதோபி அஸாரிதோ; ஸாரெந்தியா ஆபத்தி து³க்கடஸ்ஸா’’தி.
தேன கோ² பன ஸமயேன பி⁴க்கூ² பி⁴க்கு²னீனங் உபோஸத²ங்
ட²பெந்தி, பவாரணங் ட²பெந்தி, ஸவசனீயங் கரொந்தி, அனுவாத³ங் பட்ட²பெந்தி,
ஓகாஸங் காரெந்தி, சோதெ³ந்தி, ஸாரெந்தி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே பி⁴க்கு²னா பி⁴க்கு²னியா உபோஸத²ங் ட²பேதுங்;
ட²பிதோபி ஸுட்ட²பிதோ; ட²பெந்தஸ்ஸ அனாபத்தி. பவாரணங் ட²பேதுங்; ட²பிதாபி
ஸுட்ட²பிதா; ட²பெந்தஸ்ஸ அனாபத்தி. ஸவசனீயங் காதுங்; கதம்பி ஸுகதங்;
கரொந்தஸ்ஸ அனாபத்தி. அனுவாத³ங் பட்ட²பேதுங்; பட்ட²பிதோபி ஸுப்பட்ட²பிதோ;
பட்ட²பெந்தஸ்ஸ அனாபத்தி. ஓகாஸங் காரேதுங்; காரிதோபி ஸுகாரிதோ; காரெந்தஸ்ஸ அனாபத்தி. சோதே³துங்; சோதி³தாபி ஸுசோதி³தா; சோதெ³ந்தஸ்ஸ அனாபத்தி. ஸாரேதுங்; ஸாரிதாபி ஸுஸாரிதா; ஸாரெந்தஸ்ஸ அனாபத்தீ’’தி.
429. [பாசி॰ 1184]
தேன கோ² பன ஸமயேன ச²ப்³ப³க்³கி³யா பி⁴க்கு²னியோ யானேன யாயந்தி –
இத்தி²யுத்தேனபி புரிஸந்தரேன, புரிஸயுத்தேனபி இத்த²ந்தரேன. மனுஸ்ஸா
உஜ்ஜா²யந்தி கி²ய்யந்தி விபாசெந்தி…பே॰… ‘‘ஸெய்யதா²பி க³ங்கா³மஹியாயா’’தி [க³ங்கா³மஹியாதி (ஸீ॰)]. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, பி⁴க்கு²னியா யானேன யாயிதப்³ப³ங். யா யாயெய்ய, யதா²த⁴ம்மோ காரேதப்³போ³’’தி.
தேன கோ² பன ஸமயேன அஞ்ஞதரா பி⁴க்கு²னீ கி³லானா ஹோதி, ந ஸக்கோதி பத³ஸா க³ந்துங். ப⁴க³வதோ ஏதமத்த²ங் ஆரோசேஸுங். ‘‘அனுஜானாமி ,
பி⁴க்க²வே, கி³லானாய யான’’ந்தி. அத² கோ² பி⁴க்கு²னீனங் ஏதத³ஹோஸி –
‘‘இத்தி²யுத்தங் நு கோ², புரிஸயுத்தங் நு கோ²’’தி? ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, இத்தி²யுத்தங் புரிஸயுத்தங்
ஹத்த²வட்டக’’ந்தி.
தேன கோ² பன ஸமயேன அஞ்ஞதரிஸ்ஸா பி⁴க்கு²னியா யானுக்³கா⁴தேன பா³ள்ஹதரங் அபா²ஸு அஹோஸி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, ஸிவிகங் பாடங்கி’’ந்தி.
430. தேன
கோ² பன ஸமயேன அட்³ட⁴காஸீ க³ணிகா பி⁴க்கு²னீஸு பப்³ப³ஜிதா ஹோதி. ஸா ச
ஸாவத்தி²ங் க³ந்துகாமா ஹோதி – ‘ப⁴க³வதோ ஸந்திகே உபஸம்பஜ்ஜிஸ்ஸாமீ’தி.
அஸ்ஸோஸுங் கோ² து⁴த்தா – ‘அட்³ட⁴காஸீ கிர க³ணிகா ஸாவத்தி²ங் க³ந்துகாமா’தி.
தே மக்³கே³ பரியுட்டி²ங்ஸு. அஸ்ஸோஸி கோ² அட்³ட⁴காஸீ க³ணிகா – ‘து⁴த்தா கிர
மக்³கே³ பரியுட்டி²தா’தி. ப⁴க³வதோ ஸந்திகே தூ³தங் பாஹேஸி – ‘‘அஹஞ்ஹி
உபஸம்பஜ்ஜிதுகாமா; கத²ங் நு கோ² மயா படிபஜ்ஜிதப்³ப³’’ந்தி? அத² கோ² ப⁴க³வா
ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி –
‘‘அனுஜானாமி, பி⁴க்க²வே, தூ³தேனபி உபஸம்பாதே³து’’ந்தி.
பி⁴க்கு²தூ³தேன உபஸம்பாதெ³ந்தி. ப⁴க³வதோ ஏதமத்த²ங்
ஆரோசேஸுங். ‘‘ந, பி⁴க்க²வே, பி⁴க்கு²தூ³தேன உபஸம்பாதே³தப்³பா³. யோ
உபஸம்பாதெ³ய்ய, ஆபத்தி து³க்கடஸ்ஸா’’தி. ஸிக்க²மானதூ³தேன
உபஸம்பாதெ³ந்தி…பே॰… ஸாமணேரதூ³தேன உபஸம்பாதெ³ந்தி…பே॰… ஸாமணேரிதூ³தேன
உபஸம்பாதெ³ந்தி…பே॰… பா³லாய அப்³யத்தாய தூ³தேன உபஸம்பாதெ³ந்தி. ‘‘ந,
பி⁴க்க²வே, பா³லாய அப்³யத்தாய தூ³தேன உபஸம்பாதே³தப்³பா³. யோ உபஸம்பாதெ³ய்ய,
ஆபத்தி து³க்கடஸ்ஸ. அனுஜானாமி, பி⁴க்க²வே, ப்³யத்தாய பி⁴க்கு²னியா
படிப³லாய தூ³தேன உபஸம்பாதே³துந்தி.
‘‘தாய தூ³தாய பி⁴க்கு²னியா
ஸங்க⁴ங் உபஸங்கமித்வா ஏகங்ஸங் உத்தராஸங்க³ங் கரித்வா பி⁴க்கூ²னங் பாதே³
வந்தி³த்வா உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ –
‘இத்த²ன்னாமா, அய்யா, இத்த²ன்னாமாய அய்யாய உபஸம்பதா³பெக்கா².
ஏகதோஉபஸம்பன்னா பி⁴க்கு²னிஸங்கே⁴, விஸுத்³தா⁴. ஸா கேனசிதே³வ அந்தராயேன ந
ஆக³ச்ச²தி. இத்த²ன்னாமா, அய்யா, ஸங்க⁴ங் உபஸம்பத³ங் யாசதி. உல்லும்பது தங்,
அய்யா, ஸங்கோ⁴ அனுகம்பங் உபாதா³ய. இத்த²ன்னாமா, அய்யா, இத்த²ன்னாமாய
அய்யாய உபஸம்பதா³பெக்கா². ஏகதோஉபஸம்பன்னா பி⁴க்கு²னிஸங்கே⁴, விஸுத்³தா⁴. ஸா
கேனசிதே³வ அந்தராயேன ந ஆக³ச்ச²தி. து³தியம்பி, அய்யா, இத்த²ன்னாமா ஸங்க⁴ங்
உபஸம்பத³ங் யாசதி. உல்லும்பது தங், அய்யா, ஸங்கோ⁴ அனுகம்பங் உபாதா³ய.
இத்த²ன்னாமா, அய்யா, இத்த²ன்னாமாய அய்யாய உபஸம்பதா³பெக்கா². ஏகதோஉபஸம்பன்னா
பி⁴க்கு²னிஸங்கே⁴, விஸுத்³தா⁴. ஸா கேனசிதே³வ அந்தராயேன ந ஆக³ச்ச²தி.
ததியம்பி, அய்யா, இத்த²ன்னாமா ஸங்க⁴ங் உபஸம்பத³ங் யாசதி. உல்லும்பது தங்,
அய்யா, ஸங்கோ⁴ அனுகம்பங் உபாதா³யா’தி . ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
‘‘ஸுணாது மே, ப⁴ந்தே, ஸங்கோ⁴.
இத்த²ன்னாமா இத்த²ன்னாமாய உபஸம்பதா³பெக்கா². ஏகதோஉபஸம்பன்னா
பி⁴க்கு²னிஸங்கே⁴, விஸுத்³தா⁴. ஸா கேனசிதே³வ அந்தராயேன ந ஆக³ச்ச²தி.
இத்த²ன்னாமா ஸங்க⁴ங் உபஸம்பத³ங் யாசதி இத்த²ன்னாமாய பவத்தினியா. யதி³
ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் உபஸம்பாதெ³ய்ய இத்த²ன்னாமாய
பவத்தினியா. ஏஸா ஞத்தி.
‘‘ஸுணாது மே , ப⁴ந்தே, ஸங்கோ⁴.
இத்த²ன்னாமா இத்த²ன்னாமாய உபஸம்பதா³பெக்கா². ஏகதோஉபஸம்பன்னா
பி⁴க்கு²னிஸங்கே⁴, விஸுத்³தா⁴. ஸா கேனசிதே³வ அந்தராயேன ந ஆக³ச்ச²தி.
இத்த²ன்னாமா ஸங்க⁴ங் உபஸம்பத³ங் யாசதி இத்த²ன்னாமாய பவத்தினியா. ஸங்கோ⁴
இத்த²ன்னாமங் உபஸம்பாதே³தி இத்த²ன்னாமாய பவத்தினியா. யஸ்ஸாயஸ்மதோ க²மதி
இத்த²ன்னாமாய உபஸம்பதா³ இத்த²ன்னாமாய பவத்தினியா, ஸோ துண்ஹஸ்ஸ; யஸ்ஸ
நக்க²மதி, ஸோ பா⁴ஸெய்ய.
‘‘து³தியம்பி ஏதமத்த²ங் வதா³மி…பே॰… ததியம்பி
ஏதமத்த²ங் வதா³மி. ஸுணாது மே, ப⁴ந்தே, ஸங்கோ⁴. இத்த²ன்னாமா இத்த²ன்னாமாய
உபஸம்பதா³பெக்கா². ஏகதோஉபஸம்பன்னா பி⁴க்கு²னிஸங்கே⁴, விஸுத்³தா⁴. ஸா
கேனசிதே³வ அந்தராயேன ந ஆக³ச்ச²தி. இத்த²ன்னாமா ஸங்க⁴ங் உபஸம்பத³ங் யாசதி
இத்த²ன்னாமாய பவத்தினியா. ஸங்கோ⁴ இத்த²ன்னாமங் உபஸம்பாதே³தி இத்த²ன்னாமாய
பவத்தினியா. யஸ்ஸாயஸ்மதோ க²மதி இத்த²ன்னாமாய உபஸம்பதா³ இத்த²ன்னாமாய
பவத்தினியா, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.
‘‘உபஸம்பன்னா ஸங்கே⁴ன இத்த²ன்னாமா இத்த²ன்னாமாய பவத்தினியா. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீதி.
‘‘தாவதே³வ சா²யா மேதப்³பா³, உதுப்பமாணங்
ஆசிக்கி²தப்³ப³ங், தி³வஸபா⁴கோ³ ஆசிக்கி²தப்³போ³, ஸங்கீ³தி ஆசிக்கி²தப்³பா³,
பி⁴க்கு²னியோ வத்தப்³பா³ – தஸ்ஸா தயோ ச நிஸ்ஸயே, அட்ட² ச அகரணீயானி
ஆசிக்கெ²ய்யாதா²’’தி.
431.
தேன கோ² பன ஸமயேன பி⁴க்கு²னியோ அரஞ்ஞே விஹரந்தி. து⁴த்தா தூ³ஸெந்தி.
ப⁴க³வதோ ஏதமத்த²ங், ஆரோசேஸுங். ‘‘ந, பி⁴க்க²வே, பி⁴க்கு²னியா அரஞ்ஞே
வத்த²ப்³ப³ங். யா வஸெய்ய, ஆபத்தி து³க்கடஸ்ஸா’’தி.
தேன கோ² பன ஸமயேன அஞ்ஞதரேன உபாஸகேன பி⁴க்கு²னிஸங்க⁴ஸ்ஸ
உத்³தோ³ஸிதோ தி³ன்னோ ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, உத்³தோ³ஸித’’ந்தி. உத்³தோ³ஸிதோ ந ஸம்மதி. ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, உபஸ்ஸய’’ந்தி. உபஸ்ஸயோ ந ஸம்மதி.
ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, நவகம்ம’’ந்தி.
நவகம்மங் ந ஸம்மதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
புக்³க³லிகம்பி காது’’ந்தி.
432.
தேன கோ² பன ஸமயேன அஞ்ஞதரா இத்தீ² ஸன்னிஸின்னக³ப்³பா⁴ பி⁴க்கு²னீஸு
பப்³ப³ஜிதா ஹோதி. தஸ்ஸா பப்³ப³ஜிதாய க³ப்³போ⁴ வுட்டா²தி. அத² கோ² தஸ்ஸா
பி⁴க்கு²னியா ஏதத³ஹோஸி – ‘‘கத²ங் நு கோ² மயா இமஸ்மிங் தா³ரகே
படிபஜ்ஜிதப்³ப³’’ந்தி? ப⁴க³வதோ ஏதமத்த²ங் ஆரோசேஸுங் . ‘‘அனுஜானாமி, பி⁴க்க²வே, போஸேதுங், யாவ ஸோ தா³ரகோ விஞ்ஞுதங் பாபுணாதீ’’தி.
அத² கோ² தஸ்ஸா பி⁴க்கு²னியா ஏதத³ஹோஸி – ‘‘மயா ச ந
லப்³பா⁴ ஏகிகாய வத்து²ங், அஞ்ஞாய ச பி⁴க்கு²னியா ந லப்³பா⁴ தா³ரகேன ஸஹ
வத்து²ங், கத²ங் நு கோ² மயா படிபஜ்ஜிதப்³ப³’’ந்தி? ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, ஏகங் பி⁴க்கு²னிங் ஸம்மன்னித்வா தஸ்ஸா
பி⁴க்கு²னியா து³தியங் தா³துங். ஏவஞ்ச பன, பி⁴க்க²வே, ஸம்மன்னிதப்³பா³.
பட²மங் பி⁴க்கு²னீ யாசிதப்³பா³, யாசித்வா ப்³யத்தாய பி⁴க்கு²னியா படிப³லாய
ஸங்கோ⁴ ஞாபேதப்³போ³ –
‘‘ஸுணாது மே, அய்யே, ஸங்கோ⁴.
யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் பி⁴க்கு²னிங் ஸம்மன்னெய்ய
இத்த²ன்னாமாய பி⁴க்கு²னியா து³தியங். ஏஸா ஞத்தி.
‘‘ஸுணாது மே, அய்யே, ஸங்கோ⁴. ஸங்கோ⁴ இத்த²ன்னாமங்
பி⁴க்கு²னிங் ஸம்மன்னதி இத்த²ன்னாமாய பி⁴க்கு²னியா து³தியங். யஸ்ஸா அய்யாய
க²மதி இத்த²ன்னாமாய பி⁴க்கு²னியா ஸம்முதி இத்த²ன்னாமாய பி⁴க்கு²னியா
து³தியாய, ஸா துண்ஹஸ்ஸ; யஸ்ஸா நக்க²மதி, ஸா பா⁴ஸெய்ய.
‘‘ஸம்மதா ஸங்கே⁴ன இத்த²ன்னாமா பி⁴க்கு²னீ இத்த²ன்னாமாய பி⁴க்கு²னியா து³தியா. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
அத² கோ² தஸ்ஸா து³தியிகாய பி⁴க்கு²னியா ஏதத³ஹோஸி –
‘‘கத²ங் நு கோ² மயா இமஸ்மிங் தா³ரகே படிபஜ்ஜிதப்³ப³’’ந்தி? ப⁴க³வதோ
ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, ட²பெத்வா ஸாகா³ரங் யதா²
அஞ்ஞஸ்மிங் புரிஸே படிபஜ்ஜந்தி [படிபஜ்ஜதி (ஸ்யா॰)] ஏவங் தஸ்மிங் தா³ரகே படிபஜ்ஜிது’’ந்தி.
433. தேன
கோ² பன ஸமயேன அஞ்ஞதரா பி⁴க்கு²னீ க³ருத⁴ம்மங் அஜ்ஜா²பன்னா ஹோதி
மானத்தசாரினீ. அத² கோ² தஸ்ஸா பி⁴க்கு²னியா ஏதத³ஹோஸி – ‘‘மயா ச ந லப்³பா⁴
ஏகிகாய வத்து²ங், அஞ்ஞாய ச பி⁴க்கு²னியா ந லப்³பா⁴ ஸஹ மயா வத்து²ங், கத²ங்
நு கோ² மயா படிபஜ்ஜிதப்³ப³’’ந்தி? ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, ஏகங் பி⁴க்கு²னிங் ஸம்மன்னித்வா தஸ்ஸா
பி⁴க்கு²னியா து³தியங் தா³துங். ஏவஞ்ச பன, பி⁴க்க²வே, ஸம்மன்னிதப்³பா³.
பட²மங் பி⁴க்கு²னீ யாசிதப்³பா³, யாசித்வா ப்³யத்தாய பி⁴க்கு²னியா படிப³லாய
ஸங்கோ⁴ ஞாபேதப்³போ³ –
‘‘ஸுணாது மே, அய்யே, ஸங்கோ⁴. யதி³ ஸங்க⁴ஸ்ஸ
பத்தகல்லங், ஸங்கோ⁴ இத்த²ன்னாமங் பி⁴க்கு²னிங் ஸம்மன்னெய்ய இத்த²ன்னாமாய
பி⁴க்கு²னியா து³தியங். ஏஸா ஞத்தி.
‘‘ஸுணாது மே, அய்யே, ஸங்கோ⁴. ஸங்கோ⁴ இத்த²ன்னாமங்
பி⁴க்கு²னிங் ஸம்மன்னதி இத்த²ன்னாமாய பி⁴க்கு²னியா து³தியங். யஸ்ஸா அய்யாய
க²மதி இத்த²ன்னாமாய பி⁴க்கு²னியா ஸம்முதி இத்த²ன்னாமாய பி⁴க்கு²னியா
து³தியாய, ஸா துண்ஹஸ்ஸ; யஸ்ஸா நக்க²மதி, ஸா பா⁴ஸெய்ய.
‘‘ஸம்மதா ஸங்கே⁴ன இத்த²ன்னாமா பி⁴க்கு²னீ இத்த²ன்னாமாய பி⁴க்கு²னியா து³தியா. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
434. தேன கோ² பன ஸமயேன அஞ்ஞதரா பி⁴க்கு²னீ ஸிக்க²ங் பச்சக்கா²ய விப்³ப⁴மி. ஸா புன பச்சாக³ந்த்வா பி⁴க்கு²னியோ உபஸம்பத³ங் யாசி . ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, பி⁴க்கு²னியா ஸிக்கா²பச்சக்கா²னங்; யதே³வ ஸா விப்³ப⁴ந்தா ததே³வ ஸா அபி⁴க்கு²னீ’’தி.
தேன கோ² பன ஸமயேன அஞ்ஞதரா பி⁴க்கு²னீ ஸகாவாஸா
தித்தா²யதனங் ஸங்கமி. ஸா புன பச்சாக³ந்த்வா பி⁴க்கு²னியோ உபஸம்பத³ங் யாசி.
ப⁴க³வதோ ஏதமத்த²ங் ஆரோசேஸுங். ‘‘யா ஸா, பி⁴க்க²வே, பி⁴க்கு²னீ ஸகாவாஸா
தித்தா²யதனங் ஸங்கந்தா, ஸா ஆக³தா ந உபஸம்பாதே³தப்³பா³’’தி.
தேன கோ² பன ஸமயேன பி⁴க்கு²னியோ புரிஸேஹி அபி⁴வாத³னங் ,
கேஸச்சே²த³னங், நக²ச்சே²த³னங், வணப்படிகம்மங், குக்குச்சாயந்தா ந
ஸாதி³யந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
ஸாதி³து’’ந்தி [ஸாதி³யிதுங் (க॰)].
435. தேன கோ² பன ஸமயேன பி⁴க்கு²னியோ பல்லங்கேன நிஸீத³ந்தி பண்ஹீஸம்ப²ஸ்ஸங் ஸாதி³யந்தீ [ஸாதி³யந்தா (க॰)]. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, பி⁴க்கு²னியா பல்லங்கேன நிஸீதி³தப்³ப³ங். யா நிஸீதெ³ய்ய, ஆபத்தி து³க்கடஸ்ஸா’’தி.
தேன கோ² பன ஸமயேன அஞ்ஞதரா பி⁴க்கு²னீ கி³லானா ஹோதி.
தஸ்ஸா வினா பல்லங்கேன ந பா²ஸு ஹோதி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, பி⁴க்கு²னியா அட்³ட⁴பல்லங்க’’ந்தி.
தேன கோ² பன ஸமயேன பி⁴க்கு²னியோ வச்சகுடியா வச்சங் கரொந்தி .
ச²ப்³ப³க்³கி³யா பி⁴க்கு²னியோ தத்தே²வ க³ப்³ப⁴ங் பாதெந்தி. ப⁴க³வதோ
ஏதமத்த²ங் ஆரோசேஸுங். ‘‘ந, பி⁴க்க²வே, பி⁴க்கு²னியா வச்சகுடியா வச்சோ
காதப்³போ³. யா கரெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, ஹெட்டா²
விவடே உபரிபடிச்ச²ன்னே வச்சங் காது’’ந்தி.
436.
தேன கோ² பன ஸமயேன பி⁴க்கு²னியோ சுண்ணேன நஹாயந்தி. மனுஸ்ஸா உஜ்ஜா²யந்தி
கி²ய்யந்தி விபாசெந்தி…பே॰… ஸெய்யதா²பி கி³ஹினீ காமபோ⁴கி³னியோதி. ப⁴க³வதோ
ஏதமத்த²ங் ஆரோசேஸுங் . ‘‘ந, பி⁴க்க²வே, பி⁴க்கு²னியா
சுண்ணேன நஹாயிதப்³ப³ங். யா நஹாயெய்ய, ஆபத்தி து³க்கடஸ்ஸ. அனுஜானாமி,
பி⁴க்க²வே, குக்குஸங் மத்திக’’ந்தி.
தேன கோ² பன ஸமயேன பி⁴க்கு²னியோ வாஸிதகாய மத்திகாய
நஹாயந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி…பே॰… ஸெய்யதா²பி
கி³ஹினீ காமபோ⁴கி³னியோதி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
பி⁴க்கு²னியா வாஸிதகாய மத்திகாய நஹாயிதப்³ப³ங். யா நஹாயெய்ய, ஆபத்தி
து³க்கடஸ்ஸ. அனுஜானாமி, பி⁴க்க²வே, பகதிமத்திக’’ந்தி.
தேன கோ² பன ஸமயேன பி⁴க்கு²னியோ ஜந்தாக⁴ரே நஹாயந்தியோ
கோலாஹலங் அகங்ஸு. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
பி⁴க்கு²னியா ஜந்தாக⁴ரே நஹாயிதப்³ப³ங். யா நஹாயெய்ய, ஆபத்தி
து³க்கடஸ்ஸா’’தி.
தேன கோ² பன ஸமயேன பி⁴க்கு²னியோ படிஸோதே நஹாயந்தி தா⁴ராஸம்ப²ஸ்ஸங் ஸாதி³யந்தீ. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே , பி⁴க்கு²னியா படிஸோதே நஹாயிதப்³ப³ங். யா நஹாயெய்ய, ஆபத்தி து³க்கடஸ்ஸா’’தி.
தேன கோ² பன ஸமயேன பி⁴க்கு²னியோ அதித்தே² நஹாயந்தி.
து⁴த்தா தூ³ஸெந்தி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
பி⁴க்கு²னியா அதித்தே² நஹாயிதப்³ப³ங். யா நஹாயெய்ய, ஆபத்தி
து³க்கடஸ்ஸா’’தி.
தேன கோ² பன ஸமயேன பி⁴க்கு²னியோ புரிஸதித்தே² நஹாயந்தி.
மனுஸ்ஸா உஜ்ஜா²யந்தி கி²ய்யந்தி விபாசெந்தி…பே॰… ஸெய்யதா²பி கி³ஹினீ
காமபோ⁴கி³னியோதி. ப⁴க³வதோ ஏதமத்த²ங் ஆரோசேஸுங்.
‘‘ந, பி⁴க்க²வே, பி⁴க்கு²னியா புரிஸதித்தே² நஹாயிதப்³ப³ங். யா நஹாயெய்ய,
ஆபத்தி து³க்கடஸ்ஸ. அனுஜானாமி, பி⁴க்க²வே, மஹிலாதித்தே² நஹாயிது’’ந்தி.
ததியபா⁴ணவாரோ நிட்டி²தோ.
பி⁴க்கு²னிக்க²ந்த⁴கோ த³ஸமோ.
இமஸ்மிங் க²ந்த⁴கே வத்தூ² ஏகஸதங்.
தஸ்ஸுத்³தா³னங் –
பப்³ப³ஜ்ஜங் கோ³தமீ யாசி, நானுஞ்ஞாஸி ததா²க³தோ;
கபிலவத்து² வேஸாலிங், அக³மாஸி வினாயகோ.
ரஜோகிண்ணேன கொட்ட²கே, ஆனந்த³ஸ்ஸ பவேத³யி;
ப⁴ப்³போ³தி நயதோ யாசி, மாதாதி போஸிகாதி ச.
வஸ்ஸஸதங் தத³ஹு ச, அபி⁴க்கு²பச்சாஸீஸனா;
பவாரணா க³ருத⁴ம்மா, த்³வே வஸ்ஸா அனக்கோஸனா.
ஓவடோ ச அட்ட² த⁴ம்மா, யாவஜீவானுவத்தனா;
க³ருத⁴ம்மபடிக்³கா³ஹோ ஸாவஸ்ஸா உபஸம்பதா³.
வஸ்ஸஸஹஸ்ஸங் பஞ்சேவ, கும்ப⁴தே²னகஸேதட்டி;
மஞ்ஜிட்டி²கஉபமாஹி, ஏவங் ஸத்³த⁴ம்மஹிங்ஸனா.
ஆளிங் ப³ந்தெ⁴ய்ய பாஏவ, புன ஸத்³த⁴ம்மஸண்டி²தி;
உபஸம்பாதே³துங் அய்யா, யதா²வுட்³டா⁴பி⁴வாத³னா.
ந கரிஸ்ஸந்தி கிமேவ, ஸாதா⁴ரணாஸாதா⁴ரணங்;
ஓவாத³ங் பாதிமொக்க²ஞ்ச, கேன நு கோ² உபஸ்ஸயங்.
ந ஜானந்தி ச ஆசிக்கி², ந கரொந்தி ச பி⁴க்கு²ஹி;
படிக்³க³ஹேதுங் பி⁴க்கூ²ஹி, பி⁴க்கு²னீஹி படிக்³க³ஹோ.
ஆசிக்கி² கம்மங் பி⁴க்கூ²ஹி, உஜ்ஜா²யந்தி பி⁴க்கு²னீஹி வா;
ஆசிக்கி²துங் ப⁴ண்ட³னஞ்ச, ரோபெத்வா உப்பலாய ச.
ஸாவத்தி²யா கத்³த³மோத³, அவந்தி³ காய ஊரு ச;
அங்க³ஜாதஞ்ச ஓபா⁴ஸங், ஸம்பயோஜெந்தி வக்³கி³கா.
அவந்தி³யோ த³ண்ட³கம்மங், பி⁴க்கு²னியோ ததா² புன;
ஆவரணஞ்ச ஓவாத³ங், கப்பதி நு கோ² பக்கமி.
பா³லா வத்து²வினிச்ச²யா, ஓவாத³ங் ஸங்கோ⁴ பஞ்சஹி;
து³வே திஸ்ஸோ ந க³ண்ஹந்தி, பா³லா கி³லானக³மிகங்.
ஆரஞ்ஞிகோ நாரோசெந்தி, ந பச்சாக³ச்ச²ந்தி ச;
தீ³க⁴ங் விலீவசம்மஞ்ச, து³ஸ்ஸா ச வேணிவட்டி ச;
சோளவேணி ச வட்டி ச, ஸுத்தவேணி ச வட்டிகா.
அட்டி²ல்லங் கோ³ஹனுகேன, ஹத்த²கொச்ச²ங் பாத³ங் ததா²;
ஊருங் முக²ங் த³ந்தமங்ஸங், ஆலிம்போமத்³த³சுண்ணனா.
லஞ்செ²ந்தி அங்க³ராக³ஞ்ச, முக²ராக³ங் ததா² து³வே;
அவங்க³ங் விஸேஸோலோகோ, ஸாலோகேன நச்சேன ச [ஸாலோகே ஸனச்சேன ச (ஸீ॰), ஸாலோகேன ஸனச்சனங் (ஸ்யா॰)].
வேஸீ பானாகா³ரங் ஸூனங், ஆபணங் வட்³டி⁴ வணிஜ்ஜா;
தா³ஸங் தா³ஸிங் கம்மகரங், கம்மகாரிங் உபட்ட²ய்யுங்.
திரச்சா²னஹரீதகி, ஸந்தா⁴ரயந்தி நமதகங்;
நீலங் பீதங் லோஹிதகங், மஞ்ஜிட்ட²கண்ஹசீவரா.
மஹாரங்க³மஹானாமஅச்சி²ன்னா தீ³க⁴மேவ ச;
புப்ப²ப²லகஞ்சுகஞ்ச, திரீடகஞ்ச தா⁴ரயுங்.
பி⁴க்கு²னீ ஸிக்க²மானாய, ஸாமணேராய அச்சயே;
நிய்யாதி³தே பரிக்கா²ரே, பி⁴க்கு²னியோவ இஸ்ஸரா.
பி⁴க்கு²ஸ்ஸ ஸாமணேரஸ்ஸ, உபாஸகஸ்ஸுபாஸிகா;
அஞ்ஞேஸஞ்ச பரிக்கா²ரே, நிய்யாதே பி⁴க்கு²இஸ்ஸரா.
மல்லீ க³ப்³ப⁴ங் பத்தமூலங், ப்³யஞ்ஜனங் ஆமிஸேன ச;
உஸ்ஸன்னஞ்ச பா³ள்ஹதரங், ஸன்னிதி⁴கதமாமிஸங்.
பி⁴க்கூ²னங் யாதி³ஸங் பொ⁴ட்ட²ங் [ஹெட்டா² (ஸீ॰), ஹெட்ட²ங் (ஸ்யா॰), பு⁴த்தி (க॰)], பி⁴க்கு²னீனங் ததா² கரே;
ஸேனாஸனங் உதுனியோ, மக்கீ²யதி படாணி ச.
சி²ஜ்ஜந்தி ஸப்³ப³காலஞ்ச, அனிமித்தாபி தி³ஸ்ஸரே;
நிமித்தா லோஹிதா சேவ, ததே²வ து⁴வலோஹிதா.
து⁴வசோளபக்³க⁴ரந்தீ, ஸிக²ரணித்தி²பண்ட³கா;
வேபுரிஸீ ச ஸம்பி⁴ன்னா, உப⁴தொப்³யஞ்ஜனாபி ச.
அனிமித்தாதி³தோ கத்வா, யாவ உப⁴தொப்³யஞ்ஜனா;
ஏதங் பெய்யாலதோ ஹெட்டா², குட்ட²ங் க³ண்டோ³ கிலாஸோ ச.
ஸோஸாபமாரோ மானுஸீ, இத்தீ²ஸி பு⁴ஜிஸ்ஸாஸி ச;
அணணா ந ராஜப⁴டீ, அனுஞ்ஞாதா ச வீஸதி.
பரிபுண்ணா ச கின்னாமா, கானாமா தே பவத்தினீ;
சதுவீஸந்தராயானங், புச்சி²த்வா உபஸம்பதா³.
வித்தா²யந்தி அனநுஸிட்டா², ஸங்க⁴மஜ்ஜே² ததே²வ ச;
உபஜ்ஜா²கா³ஹ ஸங்கா⁴டி, உத்தரந்தரவாஸகோ.
ஸங்கச்சுத³கஸாடி ச, ஆசிக்கி²த்வான பேஸயே;
பா³லா அஸம்மதேகதோ, யாசே புச்ச²ந்தராயிகா.
ஏகதோஉபஸம்பன்னா, பி⁴க்கு²ஸங்கே⁴ ததா² புன;
சா²யா உது தி³வஸா ச, ஸங்கீ³தி தயோ நிஸ்ஸயே.
அட்ட² அகரணீயானி, காலங் ஸப்³ப³த்த² அட்டே²வ;
ந பவாரெந்தி பி⁴க்கு²னீ, பி⁴க்கு²ஸங்க⁴ங் ததே²வ ச.
கோலாஹலங் புரேப⁴த்தங், விகாலே ச கோலாஹலங்;
உபோஸத²ங் பவாரணங், ஸவசனீயானுவாத³னங்.
ஓகாஸங் சோதே³ ஸாரெந்தி, படிக்கி²த்தங் மஹேஸினா;
ததே²வ பி⁴க்கு² பி⁴க்கு²னீ, அனுஞ்ஞாதங் மஹேஸினா.
யானங் கி³லானயுத்தஞ்ச, யானுக்³கா⁴தட்³ட⁴காஸிகா;
பி⁴க்கு² ஸிக்கா² ஸாமணேர, ஸாமணேரீ ச பா³லாய.
அரஞ்ஞே உபாஸகேன, உத்³தோ³ஸிதோ உபஸ்ஸயங்;
ந ஸம்மதி நவகம்மங், நிஸின்னக³ப்³ப⁴ஏகிகா.
ஸாகா³ரஞ்ச க³ருத⁴ம்மங், பச்சக்கா²ய ச ஸங்கமி;
அபி⁴வாத³னகேஸா ச, நகா² ச வணகம்மனா.
பல்லங்கேன கி³லானா ச, வச்சங் சுண்ணேன வாஸிதங்;
ஜந்தாக⁴ரே படிஸோதே, அதித்தே² புரிஸேன ச.
மஹாகோ³தமீ ஆயாசி, ஆனந்தோ³ சாபி யோனிஸோ;
பரிஸா சதஸ்ஸோ ஹொந்தி, பப்³ப³ஜ்ஜா ஜினஸாஸனே.
ஸங்வேக³ஜனநத்தா²ய , ஸத்³த⁴ம்மஸ்ஸ ச வுத்³தி⁴யா;
ஆதுரஸ்ஸாவ பே⁴ஸஜ்ஜங், ஏவங் பு³த்³தே⁴ன தே³ஸிதங்.
ஏவங் வினீதா ஸத்³த⁴ம்மே, மாதுகா³மாபி இதரா;
யாயந்தி [தாயந்தி (ஸீ॰ ஸ்யா॰)] அச்சுதங் டா²னங், யத்த² க³ந்த்வா ந ஸோசரேதி.
பி⁴க்கு²னிக்க²ந்த⁴கங் நிட்டி²தங்.
33-LESSON-
வினயபிடகே
சூளவக்கபாளி
9. பாதிமொக்கட்டபனக்கந்தகங்
1. பாதிமொக்குத்தேஸயாசனா-PALI-
தமிழில் திரபிடக மூன்று தொகுப்புகள்TIPITAKA-வினயபிடகே-Part-33-
from FREE ONLINE eNālāndā Research and
Practice UNIVERSITY through http://sarvajan.ambedkar.org
நமோ தஸ்ஸ பகவதோ அரஹதோ ஸம்மாஸம்புத்தஸ்ஸ
வினயபிடகே
சூளவக்கபாளி
9. பாதிமொக்கட்டபனக்கந்தகங்
1. பாதிமொக்குத்தேஸயாசனா
383. [உதா³॰ 45; அ॰ நி॰ 8.20] தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி புப்³பா³ராமே மிகா³ரமாது
பாஸாதே³. தேன கோ² பன ஸமயேன ப⁴க³வா தத³ஹுபோஸதே² பி⁴க்கு²ஸங்க⁴பரிவுதோ
நிஸின்னோ ஹோதி. அத² கோ² ஆயஸ்மா ஆனந்தோ³ அபி⁴க்கந்தாய ரத்தியா நிக்க²ந்தே
பட²மே யாமே உட்டா²யாஸனா ஏகங்ஸங் உத்தராஸங்க³ங் கரித்வா யேன ப⁴க³வா
தேனஞ்ஜலிங் பணாமெத்வா ப⁴க³வந்தங் ஏதத³வோச – ‘‘அபி⁴க்கந்தா, ப⁴ந்தே, ரத்தி,
நிக்க²ந்தோ பட²மோ யாமோ, சிரனிஸின்னோ பி⁴க்கு²ஸங்கோ⁴. உத்³தி³ஸது, ப⁴ந்தே,
ப⁴க³வா பி⁴க்கூ²னங் பாதிமொக்க²’’ந்தி. ஏவங் வுத்தே ப⁴க³வா துண்ஹீ அஹோஸி.
து³தியம்பி கோ² ஆயஸ்மா ஆனந்தோ³ அபி⁴க்கந்தாய ரத்தியா நிக்க²ந்தே மஜ்ஜி²மே
யாமே உட்டா²யாஸனா ஏகங்ஸங் உத்தராஸங்க³ங் கரித்வா யேன ப⁴க³வா தேனஞ்ஜலிங்
பணாமெத்வா ப⁴க³வந்தங் ஏதத³வோச – ‘‘அபி⁴க்கந்தா, ப⁴ந்தே, ரத்தி, நிக்க²ந்தோ
மஜ்ஜி²மோ யாமோ, சிரனிஸின்னோ பி⁴க்கு²ஸங்கோ⁴. உத்³தி³ஸது, ப⁴ந்தே, ப⁴க³வா
பி⁴க்கூ²னங் பாதிமொக்க²’’ந்தி. து³தியம்பி கோ² ப⁴க³வா துண்ஹீ அஹோஸி.
ததியம்பி கோ² ஆயஸ்மா ஆனந்தோ³ அபி⁴க்கந்தாய ரத்தியா நிக்க²ந்தே பச்சி²மே
யாமே உத்³த⁴ஸ்தே அருணே நந்தி³முகி²யா ரத்தியா உட்டா²யாஸனா ஏகங்ஸங்
உத்தராஸங்க³ங் கரித்வா யேன ப⁴க³வா தேனஞ்ஜலிங் பணாமெத்வா ப⁴க³வந்தங் ஏதத³வோச
– ‘‘அபி⁴க்கந்தா , ப⁴ந்தே, ரத்தி, நிக்க²ந்தோ
பச்சி²மோ யாமோ, உத்³த⁴ஸ்தங் அருணங் நந்தி³முகி² ரத்தி, சிரனிஸின்னோ
பி⁴க்கு²ஸங்கோ⁴. உத்³தி³ஸது, ப⁴ந்தே, ப⁴க³வா பி⁴க்கூ²னங் பாதிமொக்க²’’ந்தி.
‘‘அபரிஸுத்³தா⁴, ஆனந்த³, பரிஸா’’தி.
அத² கோ² ஆயஸ்மதோ மஹாமொக்³க³ல்லானஸ்ஸ ஏதத³ஹோஸி – ‘‘கங்
நு கோ² ப⁴க³வா புக்³க³லங் ஸந்தா⁴ய ஏவமாஹ – ‘அபரிஸுத்³தா⁴, ஆனந்த³,
பரிஸா’’’தி? அத² கோ² ஆயஸ்மா மஹாமொக்³க³ல்லானோ ஸப்³பா³வந்தங்
பி⁴க்கு²ஸங்க⁴ங் சேதஸா சேதோ பரிச்ச மனஸாகாஸி. அத்³த³ஸா கோ² ஆயஸ்மா
மஹாமொக்³க³ல்லானோ தங் புக்³க³லங் து³ஸ்ஸீலங் பாபத⁴ம்மங்
அஸுசிஸங்கஸ்ஸரஸமாசாரங் படிச்ச²ன்னகம்மந்தங் அஸ்ஸமணங் ஸமணபடிஞ்ஞங்
அப்³ரஹ்மசாரிங் ப்³ரஹ்மசாரிபடிஞ்ஞங் அந்தோபூதிங் அவஸ்ஸுதங் கஸம்பு³ஜாதங் [கஸம்பு³கஜாதங் (க॰)] மஜ்ஜே² பி⁴க்கு²ஸங்க⁴ஸ்ஸ நிஸின்னங். தி³ஸ்வான யேன ஸோ புக்³க³லோ தேனுபஸங்கமி , உபஸங்கமித்வா தங் புக்³க³லங் ஏதத³வோச – ‘‘உட்டே²ஹி, ஆவுஸோ, தி³ட்டோ²ஸி ப⁴க³வதா; நத்தி² தே பி⁴க்கூ²ஹி
ஸத்³தி⁴ங் ஸங்வாஸோ’’தி. ஏவங் வுத்தே ஸோ புக்³க³லோ துண்ஹீ அஹோஸி.
து³தியம்பி கோ² ஆயஸ்மா மஹாமொக்³க³ல்லானோ தங் புக்³க³லங் ஏதத³வோச –
‘‘உட்டே²ஹி, ஆவுஸோ, தி³ட்டோ²ஸி ப⁴க³வதா; நத்தி² தே பி⁴க்கூ²ஹி ஸத்³தி⁴ங்
ஸங்வாஸோ’’தி. து³தியம்பி கோ² ஸோ புக்³க³லோ துண்ஹீ அஹோஸி. ததியம்பி கோ²
ஆயஸ்மா மஹாமொக்³க³ல்லானோ தங் புக்³க³லங் ஏதத³வோச – ‘‘உட்டே²ஹி, ஆவுஸோ,
தி³ட்டோ²ஸி ப⁴க³வதா; நத்தி² தே பி⁴க்கூ²ஹி ஸத்³தி⁴ங் ஸங்வாஸோ’’தி. ததியம்பி
கோ² ஸோ புக்³க³லோ துண்ஹீ அஹோஸி. அத² கோ² ஆயஸ்மா மஹாமொக்³க³ல்லானோ தங்
புக்³க³லங் பா³ஹாயங் க³ஹெத்வா ப³ஹித்³வாரகொட்ட²கா
நிக்கா²மெத்வா ஸூசிக⁴டிகங் த³த்வா யேன ப⁴க³வா தேனுபஸங்கமி, உபஸங்கமித்வா
ப⁴க³வந்தங் ஏதத³வோச – ‘‘நிக்கா²மிதோ ஸோ, ப⁴ந்தே, புக்³க³லோ மயா; ஸுத்³தா⁴
பரிஸா; உத்³தி³ஸது, ப⁴ந்தே, ப⁴க³வா பி⁴க்கூ²னங் பாதிமொக்க²’’ந்தி.
‘‘அச்ச²ரியங், மொக்³க³ல்லான, அப்³பு⁴தங்,
மொக்³க³ல்லான, யாவ பா³ஹாக³ஹணாபி நாம ஸோ மோக⁴புரிஸோ ஆக³மெஸ்ஸதீ’’தி! அத² கோ²
ப⁴க³வா பி⁴க்கூ² ஆமந்தேஸி –
2. மஹாஸமுத்³தே³அட்ட²ச்ச²ரியங்
384. [உதா³॰ 45; அ॰ நி॰ 8.19] ‘‘அட்டி²மே, பி⁴க்க²வே, மஹாஸமுத்³தே³ அச்ச²ரியா அப்³பு⁴தா த⁴ம்மா, யே தி³ஸ்வா தி³ஸ்வா அஸுரா மஹாஸமுத்³தே³ அபி⁴ரமந்தி. கதமே அட்ட²?
‘‘மஹாஸமுத்³தோ³, பி⁴க்க²வே, அனுபுப்³ப³னின்னோ
அனுபுப்³ப³போணோ அனுபுப்³ப³பப்³பா⁴ரோ ந ஆயதகேனேவ பபாதோ. யம்பி, பி⁴க்க²வே,
மஹாஸமுத்³தோ³ அனுபுப்³ப³னின்னோ அனுபுப்³ப³போணோ அனுபுப்³ப³பப்³பா⁴ரோ ந
ஆயதகேனேவ பபாதோ – அயங், பி⁴க்க²வே, மஹாஸமுத்³தே³ பட²மோ அச்ச²ரியோ அப்³பு⁴தோ
த⁴ம்மோ, யங் தி³ஸ்வா தி³ஸ்வா அஸுரா மஹாஸமுத்³தே³ அபி⁴ரமந்தி.
‘‘புன சபரங், பி⁴க்க²வே, மஹாஸமுத்³தோ³ டி²தத⁴ம்மோ
வேலங் நாதிவத்ததி. யம்பி, பி⁴க்க²வே, மஹாஸமுத்³தோ³ டி²தத⁴ம்மோ வேலங்
நாதிவத்ததி – அயங் [அயம்பி (ஸ்யா॰)], பி⁴க்க²வே, மஹாஸமுத்³தே³ து³தியோ அச்ச²ரியோ அப்³பு⁴தோ த⁴ம்மோ, யங் தி³ஸ்வா தி³ஸ்வா அஸுரா மஹாஸமுத்³தே³ அபி⁴ரமந்தி.
‘‘புன சபரங், பி⁴க்க²வே, மஹாஸமுத்³தோ³ ந மதேன குணபேன ஸங்வஸதி .
யங் ஹோதி மஹாஸமுத்³தே³ மதங் குணபங், தங் கி²ப்பஞ்ஞேவ தீரங் வாஹேதி, த²லங்
உஸ்ஸாரேதி. யம்பி, பி⁴க்க²வே, மஹாஸமுத்³தோ³ ந மதேன குணபேன ஸங்வஸதி, யங்
ஹோதி மஹாஸமுத்³தே³ மதங் குணபங், தங் கி²ப்பஞ்ஞேவ தீரங்
வாஹேதி, த²லங் உஸ்ஸாரேதி – அயங், பி⁴க்க²வே, மஹாஸமுத்³தே³ ததியோ அச்ச²ரியோ
அப்³பு⁴தோ த⁴ம்மோ, யங் தி³ஸ்வா தி³ஸ்வா அஸுரா மஹாஸமுத்³தே³ அபி⁴ரமந்தி.
‘‘புன சபரங், பி⁴க்க²வே, யா காசி மஹானதி³யோ,
ஸெய்யதி²த³ங் – க³ங்கா³, யமுனா, அசிரவதீ, ஸரபூ⁴, மஹீ, தா மஹாஸமுத்³த³ங்
பத்தா ஜஹந்தி புரிமானி நாமகொ³த்தானி, மஹாஸமுத்³தோ³ த்வேவ ஸங்க²ங்
க³ச்ச²ந்தி. யம்பி, பி⁴க்க²வே, யாகாசி மஹானதி³யோ, ஸெய்யதி²த³ங் – க³ங்கா³,
யமுனா, அசிரவதீ, ஸரபூ⁴, மஹீ, தா மஹாஸமுத்³த³ங் பத்தா ஜஹந்தி புரிமானி
நாமகொ³த்தானி, மஹாஸமுத்³தோ³ த்வேவ ஸங்க²ங் க³ச்ச²ந்தி – அயங், பி⁴க்க²வே,
மஹாஸமுத்³தே³ சதுத்தோ² அச்ச²ரியோ அப்³பு⁴தோ த⁴ம்மோ, யங் தி³ஸ்வா தி³ஸ்வா அஸுரா மஹாஸமுத்³தே³ அபி⁴ரமந்தி.
‘‘புன சபரங், பி⁴க்க²வே, யா ச [யாகாசி (ஸ்யா॰)]
லோகே ஸவந்தியோ மஹாஸமுத்³த³ங் அப்பெந்தி, யா ச அந்தலிக்கா² தா⁴ரா பபதந்தி, ந
தேன மஹாஸமுத்³த³ஸ்ஸ ஊனத்தங் வா பூரத்தங் வா பஞ்ஞாயதி. யம்பி, பி⁴க்க²வே,
யா ச லோகே ஸவந்தியோ மஹாஸமுத்³த³ங் அப்பெந்தி, யா ச
அந்தலிக்கா² தா⁴ரா பபதந்தி, ந தேன மஹாஸமுத்³த³ஸ்ஸ ஊனத்தங் வா பூரத்தங் வா
பஞ்ஞாயதி – அயங், பி⁴க்க²வே, மஹாஸமுத்³தே³ பஞ்சமோ அச்ச²ரியோ அப்³பு⁴தோ
த⁴ம்மோ, யங் தி³ஸ்வா தி³ஸ்வா அஸுரா மஹாஸமுத்³தே³ அபி⁴ரமந்தி.
‘‘புன சபரங், பி⁴க்க²வே, மஹாஸமுத்³தோ³ ஏகரஸோ லோணரஸோ.
யம்பி, பி⁴க்க²வே, மஹாஸமுத்³தோ³ ஏகரஸோ லோணரஸோ – அயங், பி⁴க்க²வே,
மஹாஸமுத்³தே³ ச²ட்டோ² அச்ச²ரியோ அப்³பு⁴தோ த⁴ம்மோ, யங் தி³ஸ்வா தி³ஸ்வா
அஸுரா மஹாஸமுத்³தே³ அபி⁴ரமந்தி.
‘‘புன சபரங், பி⁴க்க²வே, மஹாஸமுத்³தோ³ ப³ஹுரதனோ [ப³ஹூதரதனோ (க॰)]
அனேகரதனோ. தத்ரிமானி ரதனானி, ஸெய்யதி²த³ங் – முத்தா, மணி, வேளுரியோ,
ஸங்கோ², ஸிலா, பவாளங், ரஜதங், ஜாதரூபங், லோஹிதகோ, மஸாரக³ல்லங். யம்பி,
பி⁴க்க²வே, மஹாஸமுத்³தோ³ ப³ஹுரதனோ அனேகரதனோ, தத்ரிமானி ரதனானி,
ஸெய்யதி²த³ங் – முத்தா, மணி, வேளுரியோ, ஸங்கோ², ஸிலா, பவாளங், ரஜதங்,
ஜாதரூபங், லோஹிதகோ , மஸாரக³ல்லங் – அயங், பி⁴க்க²வே,
மஹாஸமுத்³தே³ ஸத்தமோ அச்ச²ரியோ அப்³பு⁴தோ த⁴ம்மோ, யங் தி³ஸ்வா தி³ஸ்வா
அஸுரா மஹாஸமுத்³தே³ அபி⁴ரமந்தி.
‘‘புன சபரங், பி⁴க்க²வே, மஹாஸமுத்³தோ³ மஹதங் பூ⁴தானங் ஆவாஸோ. தத்ரிமே பூ⁴தா – திமி, திமிங்க³லோ, திமிதிமிங்க³லோ [திமிரபிங்க³லோ (ஸீ॰), திமிதிமிங்க³லோ மஹாதிமிங்க³லோ (ஸ்யா॰ கங்॰)], அஸுரா, நாகா³, க³ந்த⁴ப்³பா³. ஸந்தி மஹாஸமுத்³தே³ யோஜனஸதிகாபி அத்தபா⁴வா, த்³வியோஜனஸதிகாபி அத்தபா⁴வா, தியோஜனஸதிகாபி அத்தபா⁴வா, சதுயோஜனஸதிகாபி
அத்தபா⁴வா, பஞ்சயோஜனஸதிகாபி அத்தபா⁴வா. யம்பி, பி⁴க்க²வே, மஹாஸமுத்³தோ³
மஹதங் பூ⁴தானங் ஆவாஸோ, தத்ரிமே பூ⁴தா – திமி, திமிங்க³லோ, திமிதிமிங்க³லோ,
அஸுரா, நாகா³, க³ந்த⁴ப்³பா³; ஸந்தி மஹாஸமுத்³தே³, யோஜனஸதிகாபி
அத்தபா⁴வா…பே॰… பஞ்சயோஜனஸதிகாபி அத்தபா⁴வா – அயங், பி⁴க்க²வே, மஹாஸமுத்³தே³
அட்ட²மோ அச்ச²ரியோ அப்³பு⁴தோ த⁴ம்மோ, யங் தி³ஸ்வா தி³ஸ்வா அஸுரா
மஹாஸமுத்³தே³ அபி⁴ரமந்தி. இமே கோ², பி⁴க்க²வே, மஹாஸமுத்³தே³ அட்ட²
அச்ச²ரியா அப்³பு⁴தா த⁴ம்மா, யே தி³ஸ்வா தி³ஸ்வா அஸுரா மஹாஸமுத்³தே³
அபி⁴ரம’’ந்தி.
3. இமஸ்மிங்த⁴ம்மவினயேஅட்ட²ச்ச²ரியங்
385.
‘‘ஏவமேவ கோ², பி⁴க்க²வே, இமஸ்மிங் த⁴ம்மவினயே அட்ட² அச்ச²ரியா அப்³பு⁴தா
த⁴ம்மா, யே தி³ஸ்வா தி³ஸ்வா பி⁴க்கூ² இமஸ்மிங் த⁴ம்மவினயே அபி⁴ரமந்தி. கதமே
அட்ட²?
‘‘ஸெய்யதா²பி, பி⁴க்க²வே, மஹாஸமுத்³தோ³
அனுபுப்³ப³னின்னோ அனுபுப்³ப³போணோ அனுபுப்³ப³பப்³பா⁴ரோ ந ஆயதகேனேவ பபாதோ;
ஏவமேவ கோ², பி⁴க்க²வே, இமஸ்மிங் த⁴ம்மவினயே அனுபுப்³ப³ஸிக்கா²
அனுபுப்³ப³கிரியா அனுபுப்³ப³படிபதா³ ந ஆயதகேனேவ அஞ்ஞாபடிவேதோ⁴. யம்பி,
பி⁴க்க²வே, இமஸ்மிங் த⁴ம்மவினயே அனுபுப்³ப³ஸிக்கா² அனுபுப்³ப³கிரியா
அனுபுப்³ப³படிபதா³ ந ஆயதகேனேவ அஞ்ஞாபடிவேதோ⁴ – அயங், பி⁴க்க²வே, இமஸ்மிங்
த⁴ம்மவினயே பட²மோ அச்ச²ரியோ அப்³பு⁴தோ த⁴ம்மோ, யங் தி³ஸ்வா தி³ஸ்வா
பி⁴க்கூ² இமஸ்மிங் த⁴ம்மவினயே அபி⁴ரமந்தி.
‘‘ஸெய்யதா²பி, பி⁴க்க²வே, மஹாஸமுத்³தோ³ டி²தத⁴ம்மோ வேலங் நாதிவத்ததி ;
ஏவமேவ கோ², பி⁴க்க²வே, யங் மயா ஸாவகானங் ஸிக்கா²பத³ங் பஞ்ஞத்தங், தங் மம
ஸாவகா ஜீவிதஹேதுபி நாதிக்கமந்தி. யம்பி, பி⁴க்க²வே, மயா மம ஸாவகானங்
ஸிக்கா²பத³ங் பஞ்ஞத்தங், தங்
மம ஸாவகா ஜீவிதஹேதுபி நாதிக்கமந்தி – அயங், பி⁴க்க²வே, இமஸ்மிங்
த⁴ம்மவினயே து³தியோ அச்ச²ரியோ அப்³பு⁴தோ த⁴ம்மோ, யங் தி³ஸ்வா தி³ஸ்வா
பி⁴க்கூ² இமஸ்மிங் த⁴ம்மவினயே அபி⁴ரமந்தி.
‘‘ஸெய்யதா²பி, பி⁴க்க²வே, மஹாஸமுத்³தோ³ ந மதேன குணபேன
ஸங்வஸதி, யங் ஹோதி மஹாஸமுத்³தே³ மதங் குணபங் தங் கி²ப்பமேவ தீரங் வாஹேதி,
த²லங் உஸ்ஸாரேதி; ஏவமேவ கோ², பி⁴க்க²வே, யோ ஸோ புக்³க³லோ து³ஸ்ஸீலோ
பாபத⁴ம்மோ அஸுசிஸங்கஸ்ஸரஸமாசாரோ படிச்ச²ன்னகம்மந்தோ அஸ்ஸமணோ ஸமணபடிஞ்ஞோ
அப்³ரஹ்மசாரீ ப்³ரஹ்மசாரிபடிஞ்ஞோ அந்தோபூதி அவஸ்ஸுதோ கஸம்பு³ஜாதோ, ந தேன
ஸங்கோ⁴ ஸங்வஸதி, கி²ப்பமேவ நங் ஸன்னிபதித்வா உக்கி²பதி, கிஞ்சாபி கோ² ஸோ
ஹோதி மஜ்ஜே² பி⁴க்கு²ஸங்க⁴ஸ்ஸ நிஸின்னோ. அத² கோ² ஸோ
ஆரகாவ ஸங்க⁴ம்ஹா, ஸங்கோ⁴ ச தேன. யம்பி, பி⁴க்க²வே, யோ ஸோ புக்³க³லோ
து³ஸ்ஸீலோ பாபத⁴ம்மோ அஸுசிஸங்கஸ்ஸரஸமாசாரோ படிச்ச²ன்னகம்மந்தோ அஸ்ஸமணோ
ஸமணபடிஞ்ஞோ அப்³ரஹ்மசாரீ ப்³ரஹ்மசாரிபடிஞ்ஞோ அந்தோபூதி அவஸ்ஸுதோ
கஸம்பு³ஜாதோ, ந தேன ஸங்கோ⁴ ஸங்வஸதி, கி²ப்பமேவ நங் ஸன்னிபூதித்வா
உக்கி²பதி, கிஞ்சாபி கோ² ஸோ ஹோதி மஜ்ஜே² பி⁴க்கு²ஸங்க⁴ஸ்ஸ நிஸின்னோ, அத²
கோ² ஸோ ஆரகாவ ஸங்க⁴ம்ஹா, ஸங்கோ⁴ ச தேன – அயங் , பி⁴க்க²வே, இமஸ்மிங் த⁴ம்மவினயே ததியோ அச்ச²ரியோ அப்³பு⁴தோ த⁴ம்மோ, யங் தி³ஸ்வா தி³ஸ்வா பி⁴க்கூ² இமஸ்மிங் த⁴ம்மவினயே அபி⁴ரமந்தி.
‘‘ஸெய்யதா²பி, பி⁴க்க²வே, யா காசி மஹானதி³யோ,
ஸெய்யதி²த³ங் – க³ங்கா³, யமுனா, அசிரவதீ, ஸரபூ⁴, மஹீ, தா மஹாஸமுத்³த³ங்
பத்தா ஜஹந்தி புரிமானி நாமகொ³த்தானி, மஹாஸமுத்³தோ³ த்வேவ ஸங்க²ங்
க³ச்ச²ந்தி; ஏவமேவ கோ², பி⁴க்க²வே, சத்தாரோமே வண்ணா – க²த்தியா,
ப்³ராஹ்மணா, வெஸ்ஸா, ஸுத்³தா³. தே ததா²க³தப்பவேதி³தே த⁴ம்மவினயே அகா³ரஸ்மா
அனகா³ரியங் பப்³ப³ஜித்வா [பப்³ப³ஜிதா (ஸீ॰)]
ஜஹந்தி புரிமானி நாமகொ³த்தானி, ஸமணா ஸக்யபுத்தியா த்வேவ ஸங்க²ங்
க³ச்ச²ந்தி. யம்பி, பி⁴க்க²வே, சத்தாரோமே வண்ணா க²த்தியா ப்³ராஹ்மணா வெஸ்ஸா
ஸுத்³தா³, தே ததா²க³தப்பவேதி³தே த⁴ம்மவினயே அகா³ரஸ்மா அனகா³ரியங்
பப்³ப³ஜித்வா ஜஹந்தி புரிமானி நாமகொ³த்தானி, ஸமணா ஸக்யபுத்தியா த்வேவ
ஸங்க²ங் க³ச்ச²ந்தி – அயங், பி⁴க்க²வே, இமஸ்மிங் த⁴ம்மவினயே சதுத்தோ²
அச்ச²ரியோ அப்³பு⁴தோ த⁴ம்மோ, யங் தி³ஸ்வா தி³ஸ்வா பி⁴க்கூ² இமஸ்மிங்
த⁴ம்மவினயே அபி⁴ரமந்தி.
‘‘ஸெய்யதா²பி , பி⁴க்க²வே, யா ச
லோகே ஸவந்தியோ மஹாஸமுத்³த³ங் அப்பெந்தி, யா ச அந்தலிக்கா² தா⁴ரா பபதந்தி, ந
தேன மஹாஸமுத்³த³ஸ்ஸ ஊனத்தங் வா பூரத்தங் வா பஞ்ஞாயதி; ஏவமேவ கோ²,
பி⁴க்க²வே, ப³ஹூ சேபி பி⁴க்கூ² அனுபாதி³ஸேஸாய நிப்³பா³னதா⁴துயா
பரினிப்³பா³யந்தி, ந தேன நிப்³பா³னதா⁴துயா ஊனத்தங் வா பூரத்தங் வா
பஞ்ஞாயதி. யம்பி, பி⁴க்க²வே, ப³ஹூ சேபி பி⁴க்கூ² அனுபாதி³ஸேஸாய
நிப்³பா³னதா⁴துயா பரினிப்³பா³யந்தி , ந தேன
நிப்³பா³னதா⁴துயா ஊனத்தங் வா பூரத்தங் வா பஞ்ஞாயதி – அயங், பி⁴க்க²வே,
இமஸ்மிங் த⁴ம்மவினயே பஞ்சமோ அச்ச²ரியோ அப்³பு⁴தோ த⁴ம்மோ யங் தி³ஸ்வா
தி³ஸ்வா பி⁴க்கூ² இமஸ்மிங் த⁴ம்மவினயே அபி⁴ரமந்தி.
‘‘ஸெய்யதா²பி, பி⁴க்க²வே, மஹாஸமுத்³தோ³ ஏகரஸோ லோணரஸோ,
ஏவமேவ கோ², பி⁴க்க²வே, அயங் த⁴ம்மவினயோ ஏகரஸோ விமுத்திரஸோ. யம்பி,
பி⁴க்க²வே, அயங் த⁴ம்மவினயோ ஏகரஸோ விமுத்திரஸோ – அயங், பி⁴க்க²வே, இமஸ்மிங்
த⁴ம்மவினயே ச²ட்டோ² அச்ச²ரியோ அப்³பு⁴தோ த⁴ம்மோ, யங் தி³ஸ்வா தி³ஸ்வா
பி⁴க்கூ² இமஸ்மிங் த⁴ம்மவினயே அபி⁴ரமந்தி.
‘‘ஸெய்யதா²பி , பி⁴க்க²வே,
மஹாஸமுத்³தோ³ ப³ஹுரதனோ அனேகரதனோ, தத்ரிமானி ரதனானி, ஸெய்யதி²த³ங் – முத்தா,
மணி, வேளுரியோ, ஸங்கோ², ஸிலா, பவாளங், ரஜதங், ஜாதரூபங், லோஹிதகோ,
மஸாரக³ல்லங்; ஏவமேவ கோ², பி⁴க்க²வே, அயங்
த⁴ம்மவினயோ ப³ஹுரதனோ அனேகரதனோ. தத்ரிமானி ரதனானி, ஸெய்யதி²த³ங் – சத்தாரோ
ஸதிபட்டா²னா, சத்தாரோ ஸம்மப்பதா⁴னா, சத்தாரோ இத்³தி⁴பாதா³,
பஞ்சிந்த்³ரியானி, பஞ்ச ப³லானி, ஸத்த பொ³ஜ்ஜ²ங்கா³, அரியோ அட்ட²ங்கி³கோ
மக்³கோ³. யம்பி, பி⁴க்க²வே, அயங் த⁴ம்மவினயோ ப³ஹுரதனோ அனேகரதனோ, தத்ரிமானி
ரதனானி, ஸெய்யதி²த³ங் – சத்தாரோ ஸதிபட்டா²னா…பே॰… அரியோ அட்ட²ங்கி³கோ
மக்³கோ³ – அயங், பி⁴க்க²வே, இமஸ்மிங் த⁴ம்மவினயே ஸத்தமோ அச்ச²ரியோ
அப்³பு⁴தோ த⁴ம்மோ, யங் தி³ஸ்வா தி³ஸ்வா பி⁴க்கூ² இமஸ்மிங் த⁴ம்மவினயே
அபி⁴ரமந்தி.
‘‘ஸெய்யதா²பி , பி⁴க்க²வே,
மஹாஸமுத்³தோ³ மஹதங் பூ⁴தானங் ஆவாஸோ, தத்ரிமே பூ⁴தா – திமி, திமிங்க³லோ,
திமிதிமிங்க³லோ, அஸுரா, நாகா³, க³ந்த⁴ப்³பா³, ஸந்தி மஹாஸமுத்³தே³
யோஜனஸதிகாபி அத்தபா⁴வா, த்³வியோஜனஸதிகாபி அத்தபா⁴வா, தியோஜனஸதிகாபி
அத்தபா⁴வா, சதுயோஜனஸதிகாபி அத்தபா⁴வா, பஞ்சயோஜனஸதிகாபி அத்தபா⁴வா; ஏவமேவ
கோ², பி⁴க்க²வே, அயங் த⁴ம்மவினயோ மஹதங் பூ⁴தானங் ஆவாஸோ. தத்ரிமே பூ⁴தா –
ஸோதாபன்னோ, ஸோதாபத்திப²லஸச்சி²கிரியாய படிபன்னோ; ஸகதா³கா³மீ,
ஸகதா³கா³மிப²லஸச்சி²கிரியாய படிபன்னோ; அனாகா³மீ,
அனாகா³மிப²லஸச்சி²கிரியாய படிபன்னோ; அரஹா, அரஹத்தப²லஸச்சி²கிரியாய
படிபன்னோ. யம்பி, பி⁴க்க²வே, அயங் த⁴ம்மவினயோ மஹதங் பூ⁴தானங் ஆவாஸோ,
தத்ரிமே பூ⁴தா – ஸோதாபன்னோ, ஸோதாபத்திப²லஸச்சி²கிரியாய படிபன்னோ…பே॰… அரஹா,
அரஹதப²லஸச்சி²கிரியாய படிபன்னோ – அயங், பி⁴க்க²வே, இமஸ்மிங் த⁴ம்மவினயே
அட்ட²மோ அச்ச²ரியோ அப்³பு⁴தோ த⁴ம்மோ, யங் தி³ஸ்வா தி³ஸ்வா பி⁴க்கூ²
இமஸ்மிங் த⁴ம்மவினயே அபி⁴ரமந்தி. ‘‘இமே கோ², பி⁴க்க²வே, இமஸ்மிங்
த⁴ம்மவினயே அட்ட² அச்ச²ரியா அப்³பு⁴தா த⁴ம்மா, யே தி³ஸ்வா தி³ஸ்வா பி⁴க்கூ²
இமஸ்மிங் த⁴ம்மவினயே அபி⁴ரமந்தீ’’தி.
அத² கோ² ப⁴க³வா ஏதமத்த²ங் விதி³த்வா தாயங் வேலாயங் இமங் உதா³னங் உதா³னேஸி –
[உதா³॰ 45] ‘‘ச²ன்னமதிவஸ்ஸதி [ஸுச²ன்னமதிவஸ்ஸதி (க॰)], விவடங் நாதிவஸ்ஸதி;
தஸ்மா ச²ன்னங் விவரேத², ஏவங் தங் நாதிவஸ்ஸதீ’’தி.
4. பாதிமொக்க²ஸவனாரஹோ
386. அத² கோ² ப⁴க³வா பி⁴க்கூ² ஆமந்தேஸி – ‘‘நதா³னாஹங், பி⁴க்க²வே, இதோ
பரங் உபோஸத²ங் கரிஸ்ஸாமி, பாதிமொக்க²ங் உத்³தி³ஸிஸ்ஸாமி. தும்ஹேவதா³னி,
பி⁴க்க²வே, இதோ பரங் உபோஸத²ங் கரெய்யாத², பாதிமொக்க²ங் உத்³தி³ஸெய்யாத².
அட்டா²னமேதங், பி⁴க்க²வே, அனவகாஸோ யங் ததா²க³தோ அபரிஸுத்³தா⁴ய பரிஸாய
உபோஸத²ங் கரெய்ய, பாதிமொக்க²ங் உத்³தி³ஸெய்ய. ந ச, பி⁴க்க²வே [ந ச பி⁴க்க²வே பி⁴க்கு²னா (ஸ்யா॰ கங்॰)],
ஸாபத்திகேன பாதிமொக்க²ங் ஸோதப்³ப³ங். யோ ஸுணெய்ய, ஆபத்தி து³க்கடஸ்ஸ.
அனுஜானாமி, பி⁴க்க²வே, யோ ஸாபத்திகோ பாதிமொக்க²ங் ஸுணாதி, தஸ்ஸ
பாதிமொக்க²ங் ட²பேதுங். ஏவஞ்ச பன, பி⁴க்க²வே, ட²பேதப்³ப³ங். தத³ஹுபோஸதே²
சாதுத்³த³ஸே வா பன்னரஸே வா தஸ்மிங் புக்³க³லே ஸம்முகீ²பூ⁴தே ஸங்க⁴மஜ்ஜே² உதா³ஹரிதப்³ப³ங் –
‘ஸுணாது மே ப⁴ந்தே, ஸங்கோ⁴. இத்த²ன்னாமோ புக்³க³லோ
ஸாபத்திகோ, தஸ்ஸ பாதிமொக்க²ங் ட²பேமி, ந தஸ்மிங் ஸம்முகீ²பூ⁴தே
பாதிமொக்க²ங் உத்³தி³ஸிதப்³ப³’ந்தி ட²பிதங் ஹோதி பாதிமொக்க²’’ந்தி.
தேன கோ² பன ஸமயேன
ச²ப்³ப³க்³கி³யா பி⁴க்கூ² ‘நாம்ஹே கோசி ஜானாதீ’தி ஸாபத்திகாவ பாதிமொக்க²ங்
ஸுணந்தி. தே²ரா பி⁴க்கூ² பரசித்தவிது³னோ பி⁴க்கூ²னங் ஆரோசெந்தி –
‘‘இத்த²ன்னாமோ ச இத்த²ன்னாமோ ச, ஆவுஸோ, ச²ப்³ப³க்³கி³யா பி⁴க்கூ² ‘நாம்ஹே
கோசி ஜானாதீ’தி ஸாபத்திகாவ பாதிமொக்க²ங் ஸுணந்தீ’’தி. அஸ்ஸோஸுங் கோ²
ச²ப்³ப³க்³கி³யா பி⁴க்கூ² – ‘‘தே²ரா கிர பி⁴க்கூ² பரசித்தவிது³னோ அம்ஹே
பி⁴க்கூ²னங் ஆரோசெந்தி – இத்த²ன்னாமோ ச இத்த²ன்னாமோ ச, ஆவுஸோ,
ச²ப்³ப³க்³கி³யா பி⁴க்கூ² ‘நாம்ஹே கோசி ஜானாதீ’தி ஸாபத்திகாவ பாதிமொக்க²ங் ஸுணந்தீ’’தி.
தே – புரம்ஹாகங் பேஸலா பி⁴க்கூ² பாதிமொக்க²ங்
ட²பெந்தீதி – படிகச்சேவ ஸுத்³தா⁴னங் பி⁴க்கூ²னங் அனாபத்திகானங்
அவத்து²ஸ்மிங் அகாரணே பாதிமொக்க²ங் ட²பெந்தி. யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கூ² ஸுத்³தா⁴னங் பி⁴க்கூ²னங் அனாபத்திகானங்
அவத்து²ஸ்மிங் அகாரணே பாதிமொக்க²ங் ட²பெஸ்ஸந்தீ’’தி! அத² கோ² தே பி⁴க்கூ²
ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர, பி⁴க்க²வே,
ச²ப்³ப³க்³கி³யா பி⁴க்கூ² ஸுத்³தா⁴னங் பி⁴க்கூ²னங் அனாபத்திகானங்
அவத்து²ஸ்மிங் அகாரணே பாதிமொக்க²ங் ட²பெந்தீ’’தி? ‘‘ஸச்சங் ப⁴க³வா’’தி…பே॰…
விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘ந,
பி⁴க்க²வே, ஸுத்³தா⁴னங் பி⁴க்கூ²னங் அனாபத்திகானங் அவத்து²ஸ்மிங் அகாரணே
பாதிமொக்க²ங் ட²பேதப்³ப³ங். யோ ட²பெய்ய, ஆபத்தி து³க்கடஸ்ஸ’’.
5. த⁴ம்மிகாத⁴ம்மிகபாதிமொக்க²ட்ட²பனங்
387. ‘‘ஏகங் , பி⁴க்க²வே, அத⁴ம்மிகங் பாதிமொக்க²ட்ட²பனங், ஏகங் த⁴ம்மிகங்; பாதிமொக்க²ட்ட²பனங் [ஏகங் த⁴ம்மிகங் (ஸீ॰ ஸ்யா॰)],
த்³வே அத⁴ம்மிகானி; பாதிமொக்க²ட்ட²பனானி, த்³வே த⁴ம்மிகானி; தீணி
அத⁴ம்மிகானி பாதிமொக்க²ட்ட²பனானி, தீணி த⁴ம்மிகானி, சத்தாரி அத⁴ம்மிகானி
பாதிமொக்க²ட்ட²பனானி, சத்தாரி த⁴ம்மிகானி; பஞ்ச அத⁴ம்மிகானி
பாதிமொக்க²ட்ட²பனானி, பஞ்ச த⁴ம்மிகானி; ச² அத⁴ம்மிகானி
பாதிமொக்க²ட்ட²பனானி, ச² த⁴ம்மிகானி; ஸத்த அத⁴ம்மிகானி
பாதிமொக்க²ட்ட²பனானி, ஸத்த த⁴ம்மிகானி; அட்ட² அத⁴ம்மிகானி
பாதிமொக்க²ட்ட²பனானி, அட்ட² த⁴ம்மிகானி; நவ அத⁴ம்மிகானி
பாதிமொக்க²ட்ட²பனானி , நவ த⁴ம்மிகானி; த³ஸ அத⁴ம்மிகானி பாதிமொக்க²ட்ட²பனானி, த³ஸ த⁴ம்மிகானி.
‘‘கதமங் ஏகங் அத⁴ம்மிகங்
பாதிமொக்க²ட்ட²பனங்? அமூலிகாய ஸீலவிபத்தியா பாதிமொக்க²ங் ட²பேதி – இத³ங்
ஏகங் அத⁴ம்மிகங் பாதிமொக்க²ட்ட²பனங். கதமங் ஏகங் த⁴ம்மிகங்
பாதிமொக்க²ட்ட²பனங்? ஸமூலிகாய ஸீலவிபத்தியா பாதிமொக்க²ங் ட²பேதி – இத³ங்
ஏகங் த⁴ம்மிகங் பாதிமொக்க²ட்ட²பனங்.
‘‘கதமானி த்³வே அத⁴ம்மிகானி பாதிமொக்க²ட்ட²பனானி? அமூலிகாய ஸீலவிபத்தியா
பாதிமொக்க²ங் ட²பேதி, அமூலிகாய ஆசாரவிபத்தியா பாதிமொக்க²ங் ட²பேதி – இமானி
த்³வே அத⁴ம்மிகானி பாதிமொக்க²ட்ட²பனானி. கதமானி த்³வே த⁴ம்மிகானி
பாதிமொக்க²ட்ட²பனானி? ஸமூலிகாய ஸீலவிபத்தியா பாதிமொக்க²ங் ட²பேதி, ஸமூலிகாய
ஆசாரவிபத்தியா பாதிமொக்க²ங் ட²பேதி – இமானி த்³வே த⁴ம்மிகானி
பாதிமொக்க²ட்ட²பனானி.
‘‘கதமானி தீணி அத⁴ம்மிகானி பாதிமொக்க²ட்ட²பனானி?
அமூலிகாய ஸீலவிபத்தியா பாதிமொக்க²ங் ட²பேதி, அமூலிகாய ஆசாரவிபத்தியா
பாதிமொக்க²ங் ட²பேதி, அமூலிகாய தி³ட்டி²விபத்தியா பாதிமொக்க²ங் ட²பேதி –
இமானி தீணி அத⁴ம்மிகானி பாதிமொக்க²ட்ட²பனானி. கதமானி தீணி த⁴ம்மிகானி
பாதிமொக்க²ட்ட²பனானி? ஸமூலிகாய ஸீலவிபத்தியா
பாதிமொக்க²ங் ட²பேதி, ஸமூலிகாய ஆசாரவிபத்தியா பாதிமொக்க²ங் ட²பேதி,
ஸமூலிகாய தி³ட்டி²விபத்தியா பாதிமொக்க²ங் ட²பேதி – இமானி தீணி த⁴ம்மிகானி
பாதிமொக்க²ட்ட²பனானி.
‘‘கதமானி சத்தாரி அத⁴ம்மிகானி பாதிமொக்க²ட்ட²பனானி?
அமூலிகாய ஸீலவிபத்தியா பாதிமொக்க²ங் ட²பேதி, அமூலிகாய ஆசாரவிபத்தியா
பாதிமொக்க²ங் ட²பேதி, அமூலிகாய தி³ட்டி²விபத்தியா
பாதிமொக்க²ங் ட²பேதி, அமூலிகாய ஆஜீவவிபத்தியா பாதிமொக்க²ங் ட²பேதி – இமானி
சத்தாரி அத⁴ம்மிகானி பாதிமொக்க²ட்ட²பனானி. கதமானி சத்தாரி த⁴ம்மிகானி
பாதிமொக்க²ட்ட²பனானி? ஸமூலிகாய ஸீலவிபத்தியா பாதிமொக்க²ங் ட²பேதி, ஸமூலிகாய
ஆசாரவிபத்தியா பாதிமொக்க²ங் ட²பேதி, ஸமூலிகாய தி³ட்டி²விபத்தியா
பாதிமொக்க²ங் ட²பேதி, ஸமூலிகாய ஆஜீவவிபத்தியா பாதிமொக்க²ங் ட²பேதி – இமானி
சத்தாரி த⁴ம்மிகானி பாதிமொக்க²ட்ட²பனானி.
‘‘கதமானி பஞ்ச அத⁴ம்மிகானி பாதிமொக்க²ட்ட²பனானி?
அமூலகேன பாராஜிகேன பாதிமொக்க²ங் ட²பேதி, அமூலகேன ஸங்கா⁴தி³ஸேஸேன…பே॰…
அமூலகேன பாசித்தியேன… அமூலகேன பாடிதே³ஸனீயேன… அமூலகேன து³க்கடேன
பாதிமொக்க²ங் ட²பேதி – இமானி பஞ்ச அத⁴ம்மிகானி
பாதிமொக்க²ட்ட²பனானி. கதமானி பஞ்ச த⁴ம்மிகானி பாதிமொக்க²ட்ட²பனானி? ஸமூலகேன
பாராஜிகேன பாதிமொக்க²ங் ட²பேதி, ஸமூலகேன ஸங்கா⁴தி³ஸேஸேன…பே॰… பாசித்தியேன… பாடிதே³ஸனீயேன… து³க்கடேன பாதிமொக்க²ங் ட²பேதி – இமானி பஞ்ச த⁴ம்மிகானி பாதிமொக்க²ட்ட²பனானி.
‘‘கதமானி ச² அத⁴ம்மிகானி பாதிமொக்க²ட்ட²பனானி?
அமூலிகாய ஸீலவிபத்தியா பாதிமொக்க²ங் ட²பேதி அகதாய, அமூலிகாய ஸீலவிபத்தியா
பாதிமொக்க²ங் ட²பேதி கதாய; அமூலிகாய ஆசாரவிபத்தியா பாதிமொக்க²ங் ட²பேதி
அகதாய, அமூலிகாய ஆசாரவிபத்தியா பாதிமொக்க²ங் ட²பேதி கதாய; அமூலிகாய
தி³ட்டி²விபத்தியா பாதிமொக்க²ங் ட²பேதி அகதாய, அமூலிகாய தி³ட்டி²விபத்தியா
பாதிமொக்க²ங் ட²பேதி கதாய – இமானி ச² அத⁴ம்மிகானி பாதிமொக்க²ட்ட²பனானி.
கதமானி ச² த⁴ம்மிகானி பாதிமொக்க²ட்ட²பனானி? ஸமூலிகாய ஸீலவிபத்தியா
பாதிமொக்க²ங் ட²பேதி அகதாய, ஸமூலிகாய ஸீலவிபத்தியா பாதிமொக்க²ங் ட²பேதி
கதாய; ஸமூலிகாய ஆசாரவிபத்தியா…பே॰… தி³ட்டி²விபத்தியா பாதிமொக்க²ங் ட²பேதி
அகதாய…பே॰… கதாய – இமானி ச² த⁴ம்மிகானி பாதிமொக்க²ட்ட²பனானி.
‘‘கதமானி ஸத்த அத⁴ம்மிகானி பாதிமொக்க²ட்ட²பனானி? அமூலகேன பாராஜிகேன பாதிமொக்க²ங் ட²பேதி, அமூலகேன ஸங்கா⁴தி³ஸேஸேன…பே॰…
து²ல்லச்சயேன பாசித்தியேன பாடிதே³ஸனீயேன து³க்கடேன து³ப்³பா⁴ஸிதேன
பாதிமொக்க²ங் ட²பேதி – இமானி ஸத்த அத⁴ம்மிகானி பாதிமொக்க²ட்ட²பனானி. கதமானி
ஸத்த த⁴ம்மிகானி பாதிமொக்க²ட்ட²பனானி? ஸமூலகேன பாராஜிகேன பாதிமொக்க²ங்
ட²பேதி, ஸமூலகேன ஸங்கா⁴தி³ஸேஸேன…பே॰… து²ல்லச்சயேன
பாசித்தியேன பாடிதே³ஸனீயேன து³க்கடேன து³ப்³பா⁴ஸிதேன பாதிமொக்க²ங் ட²பேதி –
இமானி ஸத்த த⁴ம்மிகானி பாதிமொக்க²ட்ட²பனானி.
‘‘கதமானி அட்ட² அத⁴ம்மிகானி பாதிமொக்க²ட்ட²பனானி?
அமூலிகாய ஸீலவிபத்தியா பாதிமொக்க²ங் ட²பேதி அகதாய, அமூலிகாய ஸீலவிபத்தியா
பாதிமொக்க²ங் ட²பேதி கதாய; அமூலிகாய ஆசாரவிபத்தியா …பே॰…
தி³ட்டி²விபத்தியா…பே॰… ஆஜீவவிபத்தியா பாதிமொக்க²ங் ட²பேதி அகதாய…பே॰…
கதாய – இமானி அட்ட² அத⁴ம்மிகானி பாதிமொக்க²ட்ட²பனானி. கதமானி
அட்ட² த⁴ம்மிகானி பாதிமொக்க²ட்ட²பனானி? ஸமூலிகாய ஸீலவிபத்தியா
பாதிமொக்க²ங் ட²பேதி அகதாய, ஸமூலிகாய ஸீலவிபத்தியா பாதிமொக்க²ங் ட²பேதி
கதாய; ஸமூலிகாய ஆசாரவிபத்தியா…பே॰… தி³ட்டி²விபத்தியா…பே॰… ஆஜீவவிபத்தியா
பாதிமொக்க²ங் ட²பேதி அகதாய…பே॰… கதாய. இமானி அட்ட² த⁴ம்மிகானி
பாதிமொக்க²ட்ட²பனானி.
‘‘கதமானி நவ அத⁴ம்மிகானி பாதிமொக்க²ட்ட²பனானி?
அமூலிகாய ஸீலவிபத்தியா பாதிமொக்க²ங் ட²பேதி அகதாய, அமூலிகாய ஸீலவிபத்தியா
பாதிமொக்க²ங் ட²பேதி கதாய, அமூலிகாய ஸீலவிபத்தியா பாதிமொக்க²ங் ட²பேதி
கதாகதாய; அமூலிகாய ஆசாரவிபத்தியா…பே॰… தி³ட்டி²விபத்தியா பாதிமொக்க²ங்
ட²பேதி அகதாய…பே॰… கதாய…பே॰… கதாகதாய இமானி நவ அத⁴ம்மிகானி
பாதிமொக்க²ட்ட²பனானி. கதமானி நவ த⁴ம்மிகானி பாதிமொக்க²ட்ட²பனானி? ஸமூலிகாய
ஸீலவிபத்தியா பாதிமொக்க²ங் ட²பேதி அகதாய, ஸமூலிகாய ஸீலவிபத்தியா
பாதிமொக்க²ங் ட²பேதி கதாய, ஸமூலிகாய ஸீலவிபத்தியா
பாதிமொக்க²ங் ட²பேதி கதாகதாய; ஸமூலிகாய ஆசாரவிபத்தியா…பே॰…
தி³ட்டி²விபத்தியா பாதிமொக்க²ங் ட²பேதி அகதாய…பே॰… கதாய – கதாகதாய…பே॰…
இமானி நவ த⁴ம்மிகானி பாதிமொக்க²ட்ட²பனானி.
‘‘கதமானி த³ஸ அத⁴ம்மிகானி பாதிமொக்க²ட்ட²பனானி? ந
பாராஜிகோ தஸ்ஸங் பரிஸாயங் நிஸின்னோ ஹோதி, ந பாராஜிககதா² விப்பகதா ஹோதி; ந
ஸிக்க²ங் பச்சக்கா²தகோ தஸ்ஸங் பரிஸாயங் நிஸின்னோ ஹோதி, ந ஸிக்க²ங்
பச்சக்கா²தகதா² விப்பகதா ஹோதி; த⁴ம்மிகங் ஸாமக்³கி³ங் உபேதி, ந த⁴ம்மிகங்
ஸாமக்³கி³ங் பச்சாதி³யதி, ந த⁴ம்மிகாய ஸாமக்³கி³யா பச்சாதா³னகதா² விப்பகதா
ஹோதி; ந ஸீலவிபத்தியா தி³ட்ட²ஸுதபரிஸங்கிதோ ஹோதி, ந ஆசாரவிபத்தியா
தி³ட்ட²ஸுதபரிஸங்கிதோ ஹோதி, ந தி³ட்டி²விபத்தியா தி³ட்ட²ஸுதபரிஸங்கிதோ ஹோதி
– இமானி த³ஸ அத⁴ம்மிகானி பாதிமொக்க²ட்ட²பனானி.
கதமானி த³ஸ த⁴ம்மிகானி பாதிமொக்க²ட்ட²பனானி? பாராஜிகோ தஸ்ஸங் பரிஸாயங்
நிஸின்னோ ஹோதி, பாராஜிககதா² விப்பகதா ஹோதி; ஸிக்க²ங் பச்சக்கா²தகோ தஸ்ஸங்
பரிஸாயங் நிஸின்னோ ஹோதி, ஸிக்க²ங் பச்சக்கா²தகதா² விப்பகதா ஹோதி; த⁴ம்மிகங்
ஸாமக்³கி³ங் ந உபேதி, த⁴ம்மிகங் ஸாமக்³கி³ங்
பச்சாதி³யதி, த⁴ம்மிகாய ஸாமக்³கி³யா பச்சாதா³னகதா² விப்பகதா ஹோதி;
ஸீலவிபத்தியா தி³ட்ட²ஸுதபரிஸங்கிதோ ஹோதி, ஆசாரவிபத்தியா
தி³ட்ட²ஸுதபரிஸங்கிதோ ஹோதி, தி³ட்டி²விபத்தியா தி³ட்ட²ஸுதபரிஸங்கிதோ ஹோதி –
இமானி த³ஸ த⁴ம்மிகானி பாதிமொக்க²ட்ட²பனானி.
6. த⁴ம்மிகபாதிமொக்க²ட்ட²பனங்
388. ‘‘கத²ங்
பாராஜிகோ தஸ்ஸங் பரிஸாயங் நிஸின்னோ ஹோதி? இத⁴, பி⁴க்க²வே, யேஹி ஆகாரேஹி
யேஹி லிங்கே³ஹி யேஹி நிமித்தேஹி பாராஜிகஸ்ஸ த⁴ம்மஸ்ஸ அஜ்ஜா²பத்தி ஹோதி,
தேஹி ஆகாரேஹி தேஹி லிங்கே³ஹி தேஹி நிமித்தேஹி பி⁴க்கு² பி⁴க்கு²ங் பஸ்ஸதி
பாராஜிகங் த⁴ம்மங் அஜ்ஜா²பஜ்ஜந்தங். ந ஹேவ கோ² பி⁴க்கு² பி⁴க்கு²ங் பஸ்ஸதி
பாராஜிகங் த⁴ம்மங் அஜ்ஜா²பஜ்ஜந்தங், அபி ச அஞ்ஞோ
பி⁴க்கு² பி⁴க்கு²ஸ்ஸ ஆரோசேதி – ‘இத்த²ன்னாமோ, ஆவுஸோ, பி⁴க்கு² பாராஜிகங்
த⁴ம்மங் அஜ்ஜா²பன்னோ’தி. ந ஹேவ கோ² பி⁴க்கு² பி⁴க்கு²ங் பஸ்ஸதி பாராஜிகங்
த⁴ம்மங் அஜ்ஜா²பஜ்ஜந்தங், நாபி [நாபி ச (க॰)]
அஞ்ஞோ பி⁴க்கு² பி⁴க்கு²ஸ்ஸ ஆரோசேதி – ‘இத்த²ன்னாமோ, ஆவுஸோ, பி⁴க்கு²
பாராஜிகங் த⁴ம்மங் அஜ்ஜா²பன்னோ’தி, அபிச ஸோவ பி⁴க்கு² பி⁴க்கு²ஸ்ஸ ஆரோசேதி –
‘அஹங், ஆவுஸோ, பாராஜிகங் த⁴ம்மங் அஜ்ஜா²பன்னோ’தி. ஆகங்க²மானோ, பி⁴க்க²வே,
பி⁴க்கு² தேன தி³ட்டே²ன தேன ஸுதேன தாய பரிஸங்காய தத³ஹுபோஸதே² சாதுத்³த³ஸே
வா பன்னரஸே வா தஸ்மிங் புக்³க³லே ஸம்முகீ²பூ⁴தே ஸங்க⁴மஜ்ஜே² உதா³ஹரெய்ய –
‘‘ஸுணாது மே, ப⁴ந்தே, ஸங்கோ⁴. இத்த²ன்னாமோ புக்³க³லோ
பாராஜிகங் த⁴ம்மங் அஜ்ஜா²பன்னோ, தஸ்ஸ பாதிமொக்க²ங் ட²பேமி, ந தஸ்மிங்
ஸம்முகீ²பூ⁴தே பாதிமொக்க²ங் உத்³தி³ஸிதப்³ப³ந்தி – த⁴ம்மிகங் பாதிமொக்க²ட்ட²பனங்.
389. ‘‘பி⁴க்கு²ஸ்ஸ பாதிமொக்கே² ட²பிதே பரிஸா வுட்டா²தி, த³ஸன்னங் அந்தராயானங் அஞ்ஞதரேன [அஞ்ஞதரேன அந்தராயேன (ஸ்யா॰ கங்॰)]
– ராஜந்தராயேன வா, சோரந்தராயேன வா, அக்³யந்தராயேன வா, உத³கந்தராயேன வா,
மனுஸ்ஸந்தராயேன வா, அமனுஸ்ஸந்தராயேன வா, வாளந்தராயேன வா, ஸரீஸபந்தராயேன வா,
ஜீவிதந்தராயேன வா, ப்³ரஹ்மசரியந்தராயேன வா.
ஆகங்க²மானோ, பி⁴க்க²வே, பி⁴க்கு² தஸ்மிங் வா ஆவாஸே, அஞ்ஞஸ்மிங் வா ஆவாஸே,
தஸ்மிங் புக்³க³லே ஸம்முகீ²பூ⁴தே ஸங்க⁴மஜ்ஜே² உதா³ஹரெய்ய –
‘‘ஸுணாது மே, ப⁴ந்தே, ஸங்கோ⁴. இத்த²ன்னாமஸ்ஸ
புக்³க³லஸ்ஸ பாராஜிககதா² விப்பகதா, தங் வத்து² அவினிச்சி²தங். யதி³
ஸங்க⁴ஸ்ஸ பத்தகல்லங், ஸங்கோ⁴ தங் வத்து²ங் வினிச்சி²னெய்யாதி.
‘‘ஏவஞ்சேதங் லபே⁴த², இச்சேதங் குஸலங். நோ சே லபே⁴த²,
தத³ஹுபோஸதே² சாதுத்³த³ஸே வா பன்னரஸே வா தஸ்மிங் புக்³க³லே ஸம்முகீ²பூ⁴தே
ஸங்க⁴மஜ்ஜே² உதா³ஹரிதப்³ப³ங் –
‘‘ஸுணாது மே, ப⁴ந்தே, ஸங்கோ⁴.
இத்த²ன்னாமஸ்ஸ புக்³க³லஸ்ஸ பாராஜிககதா² விப்பகதா, தங் வத்து²
அவினிச்சி²தங். தஸ்ஸ பாதிமொக்க²ங் ட²பேமி, ந தஸ்மிங் ஸம்முகீ²பூ⁴தே
பாதிமொக்க²ங் உத்³தி³ஸிதப்³ப³ந்தி – த⁴ம்மிகங் பாதிமொக்க²ட்ட²பனங்.
390. ‘‘கத²ங் ஸிக்க²ங் பச்சக்கா²தகோ தஸ்ஸங் பரிஸாயங் நிஸின்னோ ஹோதி? இத⁴ பன, பி⁴க்க²வே, பி⁴க்கு² யேஹி ஆகாரேஹி யேஹி லிங்கே³ஹி யேஹி
நிமித்தேஹி ஸிக்கா² பச்சக்கா²தா ஹோதி, தேஹி ஆகாரேஹி தேஹி லிங்கே³ஹி தேஹி
நிமித்தேஹி பி⁴க்கு² பி⁴க்கு²ங் பஸ்ஸதி ஸிக்க²ங் பச்சக்க²ந்தங். ந ஹேவ கோ²
பி⁴க்கு² பி⁴க்கு²ங் பஸ்ஸதி ஸிக்க²ங் பச்சக்க²ந்தங், அபிச அஞ்ஞோ பி⁴க்கு²
பி⁴க்கு²ஸ்ஸ ஆரோசேதி – ‘இத்த²ன்னாமேன, ஆவுஸோ, பி⁴க்கு²னா ஸிக்கா²
பச்சக்கா²தா’தி. ந ஹேவ கோ² பி⁴க்கு² பி⁴க்கு²ங் பஸ்ஸதி ஸிக்க²ங்
பச்சக்க²ந்தங், நாபி அஞ்ஞோ பி⁴க்கு² பி⁴க்கு²ஸ்ஸ
ஆரோசேதி – ‘இத்த²ன்னாமேன, ஆவுஸோ, பி⁴க்கு²னா ஸிக்கா² பச்சக்கா²தா’தி, அபிச
ஸோவ பி⁴க்கு² பி⁴க்கு²ஸ்ஸ ஆரோசேதி – ‘மயா, ஆவுஸோ, ஸிக்கா² பச்சக்கா²தா’தி.
ஆகங்க²மானோ, பி⁴க்க²வே, பி⁴க்கு² தேன தி³ட்டே²ன தேன ஸுதேன தாய பரிஸங்காய
தத³ஹுபோஸதே² சாதுத்³த³ஸே வா பன்னரஸே வா தஸ்மிங் புக்³க³லே ஸம்முகீ²பூ⁴தே
ஸங்க⁴மஜ்ஜே² உதா³ஹரெய்ய –
‘‘ஸுணாது மே, ப⁴ந்தே, ஸங்கோ⁴. இத்த²ன்னாமேன புக்³க³லேன
ஸிக்கா² பச்சக்கா²தா, தஸ்ஸ பாதிமொக்க²ங் ட²பேமி, ந தஸ்மிங் ஸம்முகீ²பூ⁴தே
பாதிமொக்க²ங் உத்³தி³ஸிதப்³ப³ந்தி – த⁴ம்மிகங் பாதிமொக்க²ட்ட²பனங்.
391. ‘‘பி⁴க்கு²ஸ்ஸ பாதிமொக்கே² ட²பிதே பரிஸா வுட்டா²தி, த³ஸன்னங் அந்தராயானங் அஞ்ஞதரேன – ராஜந்தராயேன வா
…பே॰… ப்³ரஹ்மசரியந்தராயேன வா, ஆகங்க²மானோ, பி⁴க்க²வே, பி⁴க்கு² தஸ்மிங்
வா ஆவாஸே, அஞ்ஞஸ்மிங் வா ஆவாஸே, தஸ்மிங் புக்³க³லே ஸம்முகீ²பூ⁴தே
ஸங்க⁴மஜ்ஜே² உதா³ஹரெய்ய –
‘‘ஸுணாது மே, ப⁴ந்தே, ஸங்கோ⁴. இத்த²ன்னாமஸ்ஸ புக்³க³லஸ்ஸ ஸிக்க²ங் பச்சக்கா²தகதா² [ஸிக்கா²பச்சக்கா²தகதா² (ஸீ॰)] விப்பகதா, தங் வத்து² அவினிச்சி²தங். யதி³ ஸங்க⁴ஸ்ஸ பத்தகல்லங், ஸங்கோ⁴ தங் வத்து²ங் வினிச்சி²னெய்யாதி.
‘‘ஏவஞ்சேதங் லபே⁴த², இச்சேதங்
குஸலங். நோ சே லபே⁴த², தத³ஹுபோஸதே² சாதுத்³த³ஸே வா பன்னரஸே வா தஸ்மிங்
புக்³க³லே ஸம்முகீ²பூ⁴தே ஸங்க⁴மஜ்ஜே² உதா³ஹரிதப்³ப³ங் –
‘‘ஸுணாது மே, ப⁴ந்தே, ஸங்கோ⁴.
இத்த²ன்னாமஸ்ஸ புக்³க³லஸ்ஸ ஸிக்க²ங் பச்சக்கா²தகதா² விப்பகதா, தங் வத்து²
அவினிச்சி²தங். தஸ்ஸ பாதிமொக்க²ங் ட²பேமி, ந தஸ்மிங் ஸம்முகீ²பூ⁴தே
பாதிமொக்க²ங் உத்³தி³ஸிதப்³ப³ந்தி – த⁴ம்மிகங் பாதிமொக்க²ட்ட²பனங்.
392.
‘‘கத²ங் த⁴ம்மிகங் ஸாமக்³கி³ங் ந உபேதி? இத⁴ பன, பி⁴க்க²வே, பி⁴க்கு² யேஹி
ஆகாரேஹி யேஹி லிங்கே³ஹி யேஹி நிமித்தேஹி த⁴ம்மிகாய ஸாமக்³கி³யானுபக³மனங்
ஹோதி, தேஹி ஆகாரேஹி தேஹி லிங்கே³ஹி தேஹி நிமித்தேஹி பி⁴க்கு² பி⁴க்கு²ங்
பஸ்ஸதி த⁴ம்மிகங் ஸாமக்³கி³ங் ந உபெந்தங். ந ஹேவ கோ² பி⁴க்கு² பி⁴க்கு²ங்
பஸ்ஸதி த⁴ம்மிகங் ஸாமக்³கி³ங் ந உபெந்தங், அபி ச அஞ்ஞோ பி⁴க்கு²
பி⁴க்கு²ஸ்ஸ ஆரோசேதி – ‘இத்த²ன்னாமோ, ஆவுஸோ, பி⁴க்கு² த⁴ம்மிகங்
ஸாமக்³கி³ங் ந உபேதீ’தி. ந ஹேவ கோ² பி⁴க்கு² பி⁴க்கு²ங் பஸ்ஸதி த⁴ம்மிகங்
ஸாமக்³கி³ங் ந உபெந்தங், நாபி அஞ்ஞோ பி⁴க்கு² பி⁴க்கு²ஸ்ஸ ஆரோசேதி –
‘இத்த²ன்னாமோ, ஆவுஸோ, பி⁴க்கு² த⁴ம்மிகங் ஸாமக்³கி³ங் ந உபேதீ’தி, அபி ச
ஸோவ பி⁴க்கு² பி⁴க்கு²ஸ்ஸ ஆரோசேதி – ‘அஹங், ஆவுஸோ, த⁴ம்மிகங் ஸாமக்³கி³ங் ந
உபேமீ’தி. ஆகங்க²மானோ, பி⁴க்க²வே, பி⁴க்கு² தேன தி³ட்டே²ன தேன ஸுதேன தாய
பரிஸங்காய தத³ஹுபோஸதே² சாதுத்³த³ஸே வா பன்னரஸே வா தஸ்மிங் புக்³க³லே ஸம்முகீ²பூ⁴தே ஸங்க⁴மஜ்ஜே² உதா³ஹரெய்ய –
‘‘ஸுணாது மே, ப⁴ந்தே, ஸங்கோ⁴. இத்த²ன்னாமோ புக்³க³லோ த⁴ம்மிகங் ஸாமக்³கி³ங் ந உபேதி , தஸ்ஸ பாதிமொக்க²ங் ட²பேமி, ந தஸ்மிங் ஸம்முகீ²பூ⁴தே பாதிமொக்க²ங் உத்³தி³ஸிதப்³ப³ந்தி – த⁴ம்மிகங் பாதிமொக்க²ட்ட²பனங்.
393.
‘‘கத²ங் த⁴ம்மிகங் ஸாமக்³கி³ங் பச்சாதி³யதி? இத⁴, பி⁴க்க²வே, பி⁴க்கு²
யேஹி ஆகாரேஹி யேஹி லிங்கே³ஹி யேஹி நிமித்தேஹி த⁴ம்மிகாய ஸாமக்³கி³யா
பச்சாதா³னங் ஹோதி, தேஹி ஆகாரேஹி தேஹி லிங்கே³ஹி
தேஹி நிமித்தேஹி பி⁴க்கு² பி⁴க்கு²ங் பஸ்ஸதி த⁴ம்மிகங் ஸாமக்³கி³ங்
பச்சாதி³யந்தங் ந ஹேவ கோ² பி⁴க்கு² பி⁴க்கு²ங் பஸ்ஸதி த⁴ம்மிகங்
ஸாமக்³கி³ங் பச்சாதி³யந்தங், அபி ச அஞ்ஞோ பி⁴க்கு² பி⁴க்கு²ஸ்ஸ ஆரோசேதி –
‘இத்த²ன்னாமோ, ஆவுஸோ, பி⁴க்கு² த⁴ம்மிகங் ஸாமக்³கி³ங் பச்சாதி³யதீ’தி. ந
ஹேவ கோ² பி⁴க்கு² பி⁴க்கு²ங் பஸ்ஸதி த⁴ம்மிகங் ஸாமக்³கி³ங் பச்சாதி³யந்தங்,
நாபி அஞ்ஞோ பி⁴க்கு² பி⁴க்கு²ஸ்ஸ ஆரோசேதி – ‘இத்த²ன்னாமோ, ஆவுஸோ, பி⁴க்கு²
த⁴ம்மிகங் ஸாமக்³கி³ங் பச்சாதி³யதீ’தி, அபி ச ஸோவ பி⁴க்கு² பி⁴க்கு²ஸ்ஸ
ஆரோசேதி – ‘அஹங், ஆவுஸோ, த⁴ம்மிகங் ஸாமக்³கி³ங் பச்சாதி³யாமீ’தி .
ஆகங்க²மானோ, பி⁴க்க²வே, பி⁴க்கு² தேன தி³ட்டே²ன தேன ஸுதேன தாய பரிஸங்காய
தத³ஹுபோஸதே² சாதுத்³த³ஸே வா பன்னரஸே வா தஸ்மிங் புக்³க³லே ஸம்முகீ²பூ⁴தே
ஸங்க⁴மஜ்ஜே² உதா³ஹரெய்ய –
‘‘ஸுணாது மே, ப⁴ந்தே, ஸங்கோ⁴. இத்த²ன்னாமோ புக்³க³லோ
த⁴ம்மிகங் ஸாமக்³கி³ங் பச்சாதி³யதி, தஸ்ஸ பாதிமொக்க²ங் ட²பேமி, ந தஸ்மிங்
ஸம்முகீ²பூ⁴தே பாதிமொக்க²ங் உத்³தி³ஸிதப்³ப³ந்தி – த⁴ம்மிகங்
பாதிமொக்க²ட்ட²பனங்.
394. ‘‘பி⁴க்கு²ஸ்ஸ பாதிமொக்கே² ட²பிதே பரிஸா வுட்டா²தி, த³ஸன்னங் அந்தராயானங் அஞ்ஞதரேன – ராஜந்தராயேன வா…பே॰… ப்³ரஹ்மசரியந்தராயேன
வா. ஆகங்க²மானோ, பி⁴க்க²வே, பி⁴க்கு² தஸ்மிங் வா ஆவாஸே, அஞ்ஞஸ்மிங் வா
ஆவாஸே, தஸ்மிங் புக்³க³லே ஸம்முகீ²பூ⁴தே ஸங்க⁴மஜ்ஜே² உதா³ஹரெய்ய –
‘‘ஸுணாது மே, ப⁴ந்தே, ஸங்கோ⁴. இத்த²ன்னாமஸ்ஸ
புக்³க³லஸ்ஸ த⁴ம்மிகாய ஸாமக்³கி³யா பச்சாதா³னகதா² விப்பகதா, தங் வத்து²
அவினிச்சி²தங். யதி³ ஸங்க⁴ஸ்ஸ பத்தகல்லங், ஸங்கோ⁴ தங் வத்து²ங்
வினிச்சி²னெய்யாதி.
‘‘ஏவஞ்சேதங் லபே⁴த², இச்சேதங் குஸலங். நோ சே லபே⁴த²,
தத³ஹுபோஸதே² சாதுத்³த³ஸே வா பன்னரஸே வா தஸ்மிங் புக்³க³லே ஸம்முகீ²பூ⁴தே
ஸங்க⁴மஜ்ஜே² உதா³ஹரிதப்³ப³ங் –
‘‘ஸுணாது மே, ப⁴ந்தே, ஸங்கோ⁴. இத்த²ன்னாமஸ்ஸ
புக்³க³லஸ்ஸ த⁴ம்மிகாய ஸாமக்³கி³யா பச்சாதா³னகதா² விப்பகதா, தங் வத்து²
அவினிச்சி²தங். தஸ்ஸ பாதிமொக்க²ங் ட²பேமி, ந தஸ்மிங் ஸம்முகீ²பூ⁴தே
பாதிமொக்க²ங் உத்³தி³ஸிதப்³ப³ந்தி – த⁴ம்மிகங் பாதிமொக்க²ட்ட²பனங்.
395. ‘‘கத²ங்
ஸீலவிபத்தியா தி³ட்ட²ஸுதபரிஸங்கிதோ ஹோதி? இத⁴ பன, பி⁴க்க²வே, பி⁴க்கு²
யேஹி ஆகாரேஹி யேஹி லிங்கே³ஹி யேஹி நிமித்தேஹி ஸீலவிபத்தியா
தி³ட்ட²ஸுதபரிஸங்கிதோ ஹோதி, தேஹி ஆகாரேஹி தேஹி லிங்கே³ஹி தேஹி நிமித்தேஹி
பி⁴க்கு² பி⁴க்கு²ங் பஸ்ஸதி ஸீலவிபத்தியா தி³ட்ட²ஸுதபரிஸங்கிதங். ந ஹேவ கோ²
பி⁴க்கு² பி⁴க்கு²ங் பஸ்ஸதி ஸீலவிபத்தியா தி³ட்ட²ஸுதபரிஸங்கிதங், அபி ச
அஞ்ஞோ பி⁴க்கு² பி⁴க்கு²ஸ்ஸ ஆரோசேதி – ‘இத்த²ன்னாமோ, ஆவுஸோ, பி⁴க்கு²
ஸீலவிபத்தியா தி³ட்ட²ஸுதபரிஸங்கிதோ’தி. ந ஹேவ கோ² பி⁴க்கு² பி⁴க்கு²ங்
பஸ்ஸதி ஸீலவிபத்தியா தி³ட்ட²ஸுதபரிஸங்கிதங், நாபி அஞ்ஞோ பி⁴க்கு²
பி⁴க்கு²ஸ்ஸ ஆரோசேதி – ‘இத்த²ன்னாமோ, ஆவுஸோ, பி⁴க்கு²
ஸீலவிபத்தியா தி³ட்ட²ஸுதபரிஸங்கிதோ’தி, அபி ச ஸோவ பி⁴க்கு² பி⁴க்கு²ஸ்ஸ
ஆரோசேதி – ‘அஹங், ஆவுஸோ, ஸீலவிபத்தியா தி³ட்ட²ஸுதபரிஸங்கிதொம்ஹீ’தி.
ஆகங்க²மானோ, பி⁴க்க²வே, பி⁴க்கு² தேன தி³ட்டே²ன தேன ஸுதேன தாய பரிஸங்காய
தத³ஹுபோஸதே² சாதுத்³த³ஸே வா பன்னரஸே வா தஸ்மிங் புக்³க³லே ஸம்முகீ²பூ⁴தே
ஸங்க⁴மஜ்ஜே² உதா³ஹரெய்ய –
‘‘ஸுணாது மே, ப⁴ந்தே, ஸங்கோ⁴. இத்த²ன்னாமோ புக்³க³லோ ஸீலவிபத்தியா தி³ட்ட²ஸுதபரிஸங்கிதோ, [தி³ட்ட²ஸுதபரிஸங்கிதோ ஹோதி (ஸ்யா॰ கங்॰)] தஸ்ஸ பாதிமொக்க²ங் ட²பேமி, ந தஸ்மிங் ஸம்முகீ²பூ⁴தே பாதிமொக்க²ங் உத்³தி³ஸிதப்³ப³ந்தி – த⁴ம்மிகங் பாதிமொக்க²ட்ட²பனங்.
396.
‘‘கத²ங் ஆசாரவிபத்தியா தி³ட்ட²ஸுதபரிஸங்கிதோ ஹோதி? இத⁴ பன, பி⁴க்க²வே,
பி⁴க்கு² யேஹி ஆகாரேஹி யேஹி லிங்கே³ஹி யேஹி நிமித்தேஹி ஆசாரவிபத்தியா
தி³ட்ட²ஸுதபரிஸங்கிதோ ஹோதி தேஹி ஆகாரேஹி தேஹி லிங்கே³ஹி தேஹி நிமித்தேஹி
பி⁴க்கு² பி⁴க்கு²ங் பஸ்ஸதி ஆசாரவிபத்தியா தி³ட்ட²ஸுதபரிஸங்கிதங். ந ஹேவ
கோ² பி⁴க்கு² பி⁴க்கு²ங் பஸ்ஸதி ஆசாரவிபத்தியா தி³ட்ட²ஸுதபரிஸங்கிதங், அபி ச
அஞ்ஞோ பி⁴க்கு² பி⁴க்கு²ஸ்ஸ ஆரோசேதி – ‘இத்த²ன்னாமோ, ஆவுஸோ, பி⁴க்கு²
ஆசாரவிபத்தியா தி³ட்ட²ஸுதபரிஸங்கிதோ’தி. ந ஹேவ கோ² பி⁴க்கு² பி⁴க்கு²ங்
பஸ்ஸதி ஆசாரவிபத்தியா தி³ட்ட²ஸுதபரிஸங்கிதங், நாபி அஞ்ஞோ பி⁴க்கு²
பி⁴க்கு²ஸ்ஸ ஆரோசேதி – ‘இத்த²ன்னாமோ, ஆவுஸோ, பி⁴க்கு² ஆசாரவிபத்தியா
தி³ட்ட²ஸுதபரிஸங்கிதோ’தி, அபி ச ஸோவ பி⁴க்கு² பி⁴க்கு²ஸ்ஸ ஆரோசேதி – ‘அஹங்,
ஆவுஸோ, ஆசாரவிபத்தியா தி³ட்ட²ஸுதபரிஸங்கிதொம்ஹீ’தி. ஆகங்க²மானோ,
பி⁴க்க²வே, பி⁴க்கு² தேன தி³ட்டே²ன தேன ஸுதேன தாய பரிஸங்காய தத³ஹுபோஸதே² சாதுத்³த³ஸே வா பன்னரஸே வா தஸ்மிங் புக்³க³லே ஸம்முகீ²பூ⁴தே ஸங்க⁴மஜ்ஜே² உதா³ஹரெய்ய –
‘‘ஸுணாது மே, ப⁴ந்தே, ஸங்கோ⁴. இத்த²ன்னாமோ புக்³க³லோ ஆசாரவிபத்தியா தி³ட்ட²ஸுதபரிஸங்கிதோ, தஸ்ஸ பாதிமொக்க²ங் ட²பேமி, ந தஸ்மிங் ஸம்முகீ²பூ⁴தே பாதிமொக்க²ங் உத்³தி³ஸிதப்³ப³ந்தி – த⁴ம்மிகங் பாதிமொக்க²ட்ட²பனங்.
397.
‘‘கத²ங் தி³ட்டி²விபத்தியா தி³ட்ட²ஸுதபரிஸங்கிதோ ஹோதி? இத⁴ பன, பி⁴க்க²வே,
பி⁴க்கு² யேஹி ஆகாரேஹி யேஹி லிங்கே³ஹி யேஹி நிமித்தேஹி தி³ட்டி²விபத்தியா
தி³ட்ட²ஸுதபரிஸங்கிதோ ஹோதி, தேஹி ஆகாரேஹி தேஹி லிங்கே³ஹி தேஹி நிமித்தேஹி
பி⁴க்கு² பி⁴க்கு²ங் பஸ்ஸதி தி³ட்டி²விபத்தியா தி³ட்ட²ஸுதபரிஸங்கிதங். ந
ஹேவ கோ² பி⁴க்கு² பி⁴க்கு²ங் பஸ்ஸதி தி³ட்டி²விபத்தியா
தி³ட்ட²ஸுதபரிஸங்கிதங், அபி ச அஞ்ஞோ பி⁴க்கு² பி⁴க்கு²ஸ்ஸ ஆரோசேதி –
‘இத்த²ன்னாமோ, ஆவுஸோ, பி⁴க்கு² தி³ட்டி²விபத்தியா தி³ட்ட²ஸுதபரிஸங்கிதோ’தி.
ந ஹேவ கோ² பி⁴க்கு² பி⁴க்கு²ங் பஸ்ஸதி தி³ட்டி²விபத்தியா
தி³ட்ட²ஸுதபரிஸங்கிதங், நாபி அஞ்ஞோ பி⁴க்கு² பி⁴க்கு²ஸ்ஸ ஆரோசேதி –
‘இத்த²ன்னாமோ, ஆவுஸோ, பி⁴க்கு² தி³ட்டி²விபத்தியா தி³ட்ட²ஸுதபரிஸங்கிதோ’தி,
அபி ச ஸோவ பி⁴க்கு² பி⁴க்கு²ஸ்ஸ ஆரோசேதி – ‘அஹங், ஆவுஸோ,
தி³ட்டி²விபத்தியா தி³ட்ட²ஸுதபரிஸங்கிதொம்ஹீ’தி. ஆகங்க²மானோ, பி⁴க்க²வே,
பி⁴க்கு² தேன தி³ட்டே²ன தேன ஸுதேன தாய பரிஸங்காய தத³ஹுபோஸதே² சாதுத்³த³ஸே
வா பன்னரஸே வா தஸ்மிங் புக்³க³லே ஸம்முகீ²பூ⁴தே ஸங்க⁴மஜ்ஜே² உதா³ஹரெய்ய –
‘‘ஸுணாது மே, ப⁴ந்தே, ஸங்கோ⁴. இத்த²ன்னாமோ புக்³க³லோ தி³ட்டி²விபத்தியா தி³ட்ட²ஸுதபரிஸங்கிதோ, தஸ்ஸ பாதிமொக்க²ங் ட²பேமி, ந தஸ்மிங் ஸம்முகீ²பூ⁴தே பாதிமொக்க²ங் உத்³தி³ஸிதப்³ப³ந்தி – த⁴ம்மிகங் பாதிமொக்க²ட்ட²பனங்.
‘‘இமானி த³ஸ த⁴ம்மிகானி பாதிமொக்க²ட்ட²பனானீ’’தி.
பட²மபா⁴ணவாரோ நிட்டி²தோ.
7. அத்தாதா³னஅங்க³ங்
398.
அத² கோ² ஆயஸ்மா உபாலி யேன ப⁴க³வா தேனுபஸங்கமி, உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா உபாலி
ப⁴க³வந்தங் ஏதத³வோச – ‘‘அத்தாதா³னங் ஆதா³துகாமேன, ப⁴ந்தே, பி⁴க்கு²னா
கதமங்க³ஸமன்னாக³தங் [கதங்க³ஸமன்னாக³தங் (க॰)] அத்தாதா³னங் ஆதா³தப்³ப³’’ந்தி?
[பரி॰ 440] ‘‘அத்தாதா³னங்
ஆதா³துகாமேன, உபாலி, பி⁴க்கு²னா பஞ்சங்க³ஸமன்னாக³தங் அத்தாதா³னங்
ஆதா³தப்³ப³ங். அத்தாதா³னங் ஆதா³துகாமேன, உபாலி, பி⁴க்கு²னா ஏவங்
பச்சவெக்கி²தப்³ப³ங் – ‘யங் கோ² அஹங் இமங் அத்தாதா³னங் ஆதா³துகாமோ, காலோ நு
கோ² இமங் அத்தாதா³னங் ஆதா³துங் உதா³ஹு நோ’தி? ஸசே, உபாலி, பி⁴க்கு²
பச்சவெக்க²மானோ ஏவங் ஜானாதி – ‘அகாலோ இமங் அத்தாதா³னங் ஆதா³துங், நோ
காலோ’தி, ந தங், உபாலி, அத்தாதா³னங் ஆதா³தப்³ப³ங்.
‘‘ஸசே பனுபாலி, பி⁴க்கு² பச்சவெக்க²மானோ ஏவங் ஜானாதி –
‘காலோ இமங் அத்தாதா³னங் ஆதா³துங், நோ அகாலோ’தி, தேனுபாலி, பி⁴க்கு²னா
உத்தரி பச்சவெக்கி²தப்³ப³ங் – ‘யங் கோ² அஹங் இமங் அத்தாதா³னங் ஆதா³துகாமோ,
பூ⁴தங் நு கோ² இத³ங் அத்தாதா³னங் உதா³ஹு நோ’தி? ஸசே, உபாலி, பி⁴க்கு²
பச்சவெக்க²மானோ ஏவங் ஜானாதி – ‘அபூ⁴தங் இத³ங் அத்தாதா³னங், நோ பூ⁴த’ந்தி, ந
தங், உபாலி, அத்தாதா³னங் ஆதா³தப்³ப³ங்.
‘‘ஸசே பனுபாலி, பி⁴க்கு² பச்சவெக்க²மானோ
ஏவங் ஜானாதி – ‘பூ⁴தங் இத³ங் அத்தாதா³னங், நோ அபூ⁴த’ந்தி, தேனுபாலி,
பி⁴க்கு²னா உத்தரி பச்சவெக்கி²தப்³ப³ங் – ‘யங் கோ² அஹங் இமங் அத்தாதா³னங்
ஆதா³துகாமோ, அத்த²ஸஞ்ஹிதங் நு கோ² இத³ங் அத்தாதா³னங் உதா³ஹு நோ’தி? ஸசே,
உபாலி, பி⁴க்கு² பச்சவெக்க²மானோ ஏவங் ஜானாதி – ‘அனத்த²ஸஞ்ஹிதங் இத³ங்
அத்தாதா³னங், நோ அத்த²ஸஞ்ஹித’ந்தி, ந தங், உபாலி, அத்தாதா³னங்
ஆதா³தப்³ப³ங்.
‘‘ஸசே பனுபாலி, பி⁴க்கு² பச்சவெக்க²மானோ ஏவங் ஜானாதி –
‘அத்த²ஸஞ்ஹிதங் இத³ங் அத்தாதா³னங், நோ அனத்த²ஸஞ்ஹித’ந்தி, தேனுபாலி,
பி⁴க்கு²னா உத்தரி பச்சவெக்கி²தப்³ப³ங் – ‘இமங் கோ² அஹங் அத்தாதா³னங்
ஆதி³யமானோ லபி⁴ஸ்ஸாமி ஸந்தி³ட்டே² ஸம்ப⁴த்தே பி⁴க்கூ² த⁴ம்மதோ வினயதோ
பக்கே² உதா³ஹு நோ’தி? ஸசே, உபாலி, பி⁴க்கு² பச்சவெக்க²மானோ ஏவங் ஜானாதி –
‘இமங் கோ² அஹங் அத்தாதா³னங் ஆதி³யமானோ ந லபி⁴ஸ்ஸாமி ஸந்தி³ட்டே² ஸம்ப⁴த்தே
பி⁴க்கூ² த⁴ம்மதோ வினயதோ பக்கே²’தி, ந தங், உபாலி, அத்தாதா³னங்
ஆதா³தப்³ப³ங்.
‘‘ஸசே பனுபாலி, பி⁴க்கு² பச்சவெக்க²மானோ ஏவங் ஜானாதி – ‘இமங் கோ² அஹங்
அத்தாதா³னங் ஆதி³யமானோ லபி⁴ஸ்ஸாமி ஸந்தி³ட்டே² ஸம்ப⁴த்தே பி⁴க்கூ² த⁴ம்மதோ
வினயதோ பக்கே²’தி, தேனுபாலி, பி⁴க்கு²னா உத்தரி பச்சவெக்கி²தப்³ப³ங் –
‘இமங் கோ² மே அத்தாதா³னங் ஆதி³யதோ ப⁴விஸ்ஸதி ஸங்க⁴ஸ்ஸ ததோனிதா³னங்
ப⁴ண்ட³னங் கலஹோ விக்³க³ஹோ விவாதோ³ ஸங்க⁴பே⁴தோ³ ஸங்க⁴ராஜி ஸங்க⁴வவத்தா²னங்
ஸங்க⁴னானாகரணங் உதா³ஹு நோ’தி? ஸசே உபாலி, பி⁴க்கு² பச்சவெக்க²மானோ ஏவங்
ஜானாதி – ‘இமங் கோ² மே அத்தாதா³னங் ஆதி³யதோ ப⁴விஸ்ஸதி ஸங்க⁴ஸ்ஸ ததோனிதா³னங் ப⁴ண்ட³னங் கலஹோ விக்³க³ஹோ விவாதோ³ ஸங்க⁴பே⁴தோ³ ஸங்க⁴ராஜி ஸங்க⁴வவத்தா²னங்
ஸங்க⁴னானாகரண’ந்தி, ந தங், உபாலி, அத்தாதா³னங் ஆதா³தப்³ப³ங். ஸசே பனுபாலி,
பி⁴க்கு² பச்சவெக்க²மானோ ஏவங் ஜானாதி – ‘இமங் கோ² மே அத்தாதா³னங் ஆதி³யதோ ந
ப⁴விஸ்ஸதி ஸங்க⁴ஸ்ஸ ததோனிதா³னங் ப⁴ண்ட³னங் கலஹோ விக்³க³ஹோ
விவாதோ³ ஸங்க⁴பே⁴தோ³ ஸங்க⁴ராஜி ஸங்க⁴வவத்தா²னங் ஸங்க⁴னானாகரண’ந்தி,
ஆதா³தப்³ப³ங் தங், உபாலி, அத்தாதா³னங். ஏவங் பஞ்சங்க³ஸமன்னாக³தங் கோ²,
உபாலி, அத்தாதா³னங் ஆதி³ன்னங், பச்சா²பி அவிப்படிஸாரகரங் ப⁴விஸ்ஸதீ’தி.
8. சோத³கேனபச்சவெக்கி²தப்³ப³த⁴ம்மா
399. [பரி॰ 436 (அ॰ நி॰ 10.44 தோ²கங் விஸதி³ஸங்)]
‘‘சோத³கேன, ப⁴ந்தே, பி⁴க்கு²னா பரங் சோதே³துகாமேன கதி த⁴ம்மே அஜ்ஜ²த்தங்
பச்சவெக்கி²த்வா பரோ சோதே³தப்³போ³’’தி? ‘‘சோத³கேன, உபாலி, பி⁴க்கு²னா பரங்
சோதே³துகாமேன பஞ்ச த⁴ம்மே அஜ்ஜ²த்தங் பச்சவெக்கி²த்வா பரோ சோதே³தப்³போ³.
‘‘சோத³கேன, உபாலி, பி⁴க்கு²னா பரங் சோதே³துகாமேன ஏவங்
பச்சவெக்கி²தப்³ப³ங் – ‘பரிஸுத்³த⁴காயஸமாசாரோ நு கொ²ம்ஹி, பரிஸுத்³தே⁴னம்ஹி
காயஸமாசாரேன ஸமன்னாக³தோ – அச்சி²த்³தே³ன அப்படிமங்ஸேன? ஸங்விஜ்ஜதி நு கோ²
மே ஏஸோ த⁴ம்மோ உதா³ஹு நோ’தி? நோ சே, உபாலி, பி⁴க்கு² பரிஸுத்³த⁴காயஸமாசாரோ
ஹோதி, பரிஸுத்³தே⁴ன காயஸமாசாரேன ஸமன்னாக³தோ – அச்சி²த்³தே³ன அப்படிமங்ஸேன,
தஸ்ஸ ப⁴வந்தி வத்தாரோ – ‘இங்க⁴ தாவ ஆயஸ்மா காயிகங் ஸிக்க²ஸ்ஸூ’தி. இதிஸ்ஸ
ப⁴வந்தி வத்தாரோ.
‘‘புன சபரங், உபாலி, சோத³கேன பி⁴க்கு²னா பரங்
சோதே³துகாமேன ஏவங் பச்சவெக்கி²தப்³ப³ங் – ‘பரிஸுத்³த⁴வசீஸமாசாரோ நு
கொ²ம்ஹி, பரிஸுத்³தே⁴னம்ஹி வசீஸமாசாரேன ஸமன்னாக³தோ – அச்சி²த்³தே³ன
அப்படிமங்ஸேன? ஸங்விஜ்ஜதி நு கோ² மே ஏஸோ த⁴ம்மோ
உதா³ஹு நோ’தி? நோ சே, உபாலி, பி⁴க்கு² பரிஸுத்³த⁴வசீஸமாசாரோ ஹோதி,
பரிஸுத்³தே⁴ன வசீஸமாசாரேன ஸமன்னாக³தோ – அச்சி²த்³தே³ன அப்படிமங்ஸேன, தஸ்ஸ
ப⁴வந்தி வத்தாரோ – ‘இங்க⁴ தாவ ஆயஸ்மா வாசஸிகங் ஸிக்க²ஸ்ஸூ’தி. இதிஸ்ஸ
ப⁴வந்தி வத்தாரோ.
‘‘புன சபரங், உபாலி, சோத³கேன பி⁴க்கு²னா பரங்
சோதே³துகாமேன ஏவங் பச்சவெக்கி²தப்³ப³ங் – ‘மெத்தங் நு கோ² மே சித்தங்
பச்சுபட்டி²தங் ஸப்³ரஹ்மசாரீஸு அனாகா⁴தங் ,
ஸங்விஜ்ஜதி நு கோ² மே ஏஸோ த⁴ம்மோ உதா³ஹு நோ’தி? நோ சே, உபாலி, பி⁴க்கு²னோ
மெத்தசித்தங் பச்சுபட்டி²தங் ஹோதி ஸப்³ரஹ்மசாரீஸு அனாகா⁴தங் , தஸ்ஸ ப⁴வந்தி வத்தாரோ – ‘இங்க⁴ தாவ ஆயஸ்மா ஸப்³ரஹ்மசாரீஸு மெத்தசித்தங் உபட்டா²பேஹீ’தி. இதிஸ்ஸ ப⁴வந்தி வத்தாரோ.
‘‘புன சபரங், உபாலி, சோத³கேன பி⁴க்கு²னா பரங்
சோதே³துகாமேன ஏவங் பச்சவெக்கி²தப்³ப³ங் – ‘ப³ஹுஸ்ஸுதோ நு கொ²ம்ஹி, ஸுதத⁴ரோ,
ஸுதஸன்னிச்சயோ? யே தே த⁴ம்மா ஆதி³கல்யாணா மஜ்ஜே²கல்யாணா பரியோஸானகல்யாணா,
ஸாத்த²ங் ஸப்³யஞ்ஜனங் கேவலபரிபுண்ணங் பரிஸுத்³த⁴ங் ப்³ரஹ்மசரியங்
அபி⁴வத³ந்தி, ததா²ரூபா மே த⁴ம்மா ப³ஹுஸ்ஸுதா ஹொந்தி தா⁴தா வசஸா பரிசிதா
மனஸானுபெக்கி²தா தி³ட்டி²யா ஸுப்படிவித்³தா⁴? ஸங்விஜ்ஜதி நு கோ² மே ஏஸோ
த⁴ம்மோ உதா³ஹு நோ’தி? நோ சே, உபாலி, பி⁴க்கு² ப³ஹுஸ்ஸுதோ ஹோதி, ஸுதத⁴ரோ,
ஸுதஸன்னிச்சயோ; யே தே த⁴ம்மா ஆதி³கல்யாணா மஜ்ஜே²கல்யாணா பரியோஸானகல்யாணா,
ஸாத்த²ங் ஸப்³யஞ்ஜனங் கேவலபரிபுண்ணங் பரிஸுத்³த⁴ங்
ப்³ரஹ்மசரியங் அபி⁴வத³ந்தி, ததா²ரூபஸ்ஸ த⁴ம்மா ந ப³ஹுஸ்ஸுதா ஹொந்தி தா⁴தா
வசஸா பரிசிதா மனஸானுபெக்கி²தா தி³ட்டி²யா ஸுப்படிவித்³தா⁴, தஸ்ஸ ப⁴வந்தி
வத்தாரோ – ‘இங்க⁴ தாவ ஆயஸ்மா ஆக³மங் பரியாபுணஸ்ஸூ’தி. இதிஸ்ஸ ப⁴வந்தி
வத்தாரோ.
‘‘புன சபரங், உபாலி, சோத³கேன பி⁴க்கு²னா பரங்
சோதே³துகாமேன ஏவங் பச்சவெக்கி²தப்³ப³ங் – ‘உப⁴யானி கோ² மே பாதிமொக்கா²னி
வித்தா²ரேன ஸ்வாக³தானி ஹொந்தி, ஸுவிப⁴த்தானி, ஸுப்பவத்தீனி,
ஸுவினிச்சி²தானி – ஸுத்தஸோ, அனுப்³யஞ்ஜனஸோ? ஸங்விஞ்ஜதி நு கோ² மே ஏஸோ
த⁴ம்மோ உதா³ஹு நோ’தி? நோ சே, உபாலி, பி⁴க்கு²னோ உப⁴யானி பாதிமொக்கா²னி
வித்தா²ரேன ஸ்வாக³தானி ஹொந்தி, ஸுவிப⁴த்தானி, ஸுப்பவத்தீனி,
ஸுவினிச்சி²தானி – ஸுத்தஸோ, அனுப்³யஞ்ஜனஸோ, ‘இத³ங் பனாவுஸோ, கத்த² வுத்தங்
ப⁴க³வதா’தி, இதி புட்டோ² ந ஸம்பாயதி [ந ஸம்பாத³யதி (க॰)],
தஸ்ஸ ப⁴வந்தி வத்தாரோ – ‘இங்க⁴ தாவ ஆயஸ்மா, வினயங் பரியாபுணஸ்ஸூ’தி.
இதிஸ்ஸ ப⁴வந்தி வத்தாரோ. சோத³கேனுபாலி, பி⁴க்கு²னா பரங் சோதே³துகாமேன இமே
பஞ்ச த⁴ம்மே அஜ்ஜ²த்தங் பச்சவெக்கி²த்வா பரோ சோதே³தப்³போ³’’தி.
9. சோத³கேனஉபட்டா²பேதப்³ப³த⁴ம்மா
400.
‘‘சோத³கேன, ப⁴ந்தே, பி⁴க்கு²னா பரங் சோதே³துகாமேன கதி த⁴ம்மே அஜ்ஜ²த்தங்
உபட்டா²பெத்வா பரோ சோதே³தப்³போ³’’தி? ‘‘சோத³கேனுபாலி, பி⁴க்கு²னா பரங்
சோதே³துகாமேன பஞ்ச த⁴ம்மே அஜ்ஜ²த்தங் உபட்டா²பெத்வா பரோ சோதே³தப்³போ³ –
காலேன வக்கா²மி, நோ அகாலேன; பூ⁴தேன வக்கா²மி, நோ அபூ⁴தேன; ஸண்ஹேன வக்கா²மி, நோ ப²ருஸேன; அத்த²ஸங்ஹிதேன வக்கா²மி, நோ அனத்த²ஸங்ஹிதேன; மெத்தசித்தோ
வக்கா²மி, நோ தோ³ஸந்தரோதி. சோத³கேனுபாலி, பி⁴க்கு²னா பரங் சோதே³துகாமேன
இமே பஞ்ச த⁴ம்மே அஜ்ஜ²த்தங் உபட்டா²பெத்வா பரோ சோதே³தப்³போ³’’தி.
10. சோத³கசுதி³தகபடிஸங்யுத்தகதா²
401. ‘‘அத⁴ம்மசோத³கஸ்ஸ, ப⁴ந்தே, பி⁴க்கு²னோ கதீஹாகாரேஹி விப்படிஸாரோ
உபத³ஹாதப்³போ³’’தி? ‘‘அத⁴ம்மசோத³கஸ்ஸ, உபாலி, பி⁴க்கு²னோ பஞ்சஹாகாரேஹி
விப்படிஸாரோ உபத³ஹாதப்³போ³ – அகாலேனாயஸ்மா சோதே³ஸி, நோ காலேன, அலங் தே
விப்படிஸாராய; அபூ⁴தேனாயஸ்மா சோதே³ஸி, நோ பூ⁴தேன, அலங் தே விப்படிஸாராய;
ப²ருஸேனாயஸ்மா சோதே³ஸி, நோ ஸண்ஹேன, அலங் தே விப்படிஸாராய;
அனத்த²ஸங்ஹிதேனாயஸ்மா சோதே³ஸி, நோ அத்த²ஸங்ஹிதேன, அலங் தே விப்படிஸாராய;
தோ³ஸந்தரோ ஆயஸ்மா சோதே³ஸி, நோ மெத்தசித்தோ, அலங் தே விப்படிஸாராயாதி.
அத⁴ம்மசோத³கஸ்ஸ, உபாலி, பி⁴க்கு²னோ இமேஹி பஞ்சஹாகாரேஹி விப்படிஸாரோ
உபத³ஹாதப்³போ³. தங் கிஸ்ஸ ஹேது? யதா² ந அஞ்ஞோபி பி⁴க்கு² அபூ⁴தேன
சோதே³தப்³ப³ங் மஞ்ஞெய்யா’’தி.
‘‘அத⁴ம்மசுதி³தஸ்ஸ பன, ப⁴ந்தே, பி⁴க்கு²னோ கதிஹாகாரேஹி
அவிப்படிஸாரோ உபத³ஹாதப்³போ³’’தி? ‘‘அத⁴ம்மசுதி³தஸ்ஸ, உபாலி, பி⁴க்கு²னோ
பஞ்சஹாகாரேஹி அவிப்படிஸாரோ உபத³ஹாதப்³போ³ – அகாலேனாயஸ்மா சுதி³தோ, நோ
காலேன, அலங் தே அவிப்படிஸாராய; அபூ⁴தேனாயஸ்மா சுதி³தோ, நோ பூ⁴தேன, அலங் தே
அவிப்படிஸாராய; ப²ருஸேனாயஸ்மா சுதி³தோ , நோ ஸண்ஹேன,
அலங் தே அவிப்படிஸாராய; அனத்த²ஸங்ஹிதேனாயஸ்மா சுதி³தோ, நோ அத்த²ஸங்ஹிதேன,
அலங் தே அவிப்படிஸாராய; தோ³ஸந்தரேனாயஸ்மா சுதி³தோ, நோ மெத்தசித்தேன, அலங்
தே அவிப்படிஸாராயாதி. அத⁴ம்மசுதி³தஸ்ஸ, உபாலி, பி⁴க்கு²னோ இமேஹி
பஞ்சஹாகாரேஹி அவிப்படிஸாரோ உபத³ஹாதப்³போ³’’தி.
‘‘த⁴ம்மசோத³கஸ்ஸ, ப⁴ந்தே, பி⁴க்கு²னோ கதிஹாகாரேஹி
அவிப்படிஸாரோ உபத³ஹாதப்³போ³’’தி? ‘‘த⁴ம்மசோத³கஸ்ஸ, உபாலி, பி⁴க்கு²னோ
பஞ்சஹாகாரேஹி அவிப்படிஸாரோ உபத³ஹாதப்³போ³ – காலேனாயஸ்மா சோதே³ஸி, நோ
அகாலேன, அலங் தே அவிப்படிஸாராய; பூ⁴தேனாயஸ்மா சோதே³ஸி, நோ அபூ⁴தேன ,
அலங் தே அவிப்படிஸாராய; ஸண்ஹேனாயஸ்மா சோதே³ஸி, நோ ப²ருஸேன, அலங் தே
அவிப்படிஸாராய; அத்த²ஸங்ஹிதேனாயஸ்மா சோதே³ஸி, நோ அனத்த²ஸங்ஹிதேன, அலங் தே
அவிப்படிஸாராய; மெத்தசித்தோ ஆயஸ்மா சோதே³ஸி, நோ தோ³ஸந்தரோ, அலங் தே
அவிப்படிஸாராயாதி. த⁴ம்மசோத³கஸ்ஸ, உபாலி, பி⁴க்கு²னோ இமேஹி பஞ்சஹாகாரேஹி
அவிப்படிஸாரோ உபத³ஹாதப்³போ³. தங் கிஸ்ஸ ஹேது? யதா² அஞ்ஞோபி பி⁴க்கு² பூ⁴தேன
சோதே³தப்³ப³ங் மஞ்ஞெய்யா’’தி.
‘‘த⁴ம்மசுதி³தஸ்ஸ பன, ப⁴ந்தே,
பி⁴க்கு²னோ கதிஹாகாரேஹி விப்படிஸாரோ உபத³ஹாதப்³போ³’’தி? ‘‘த⁴ம்மசுதி³தஸ்ஸ,
உபாலி, பி⁴க்கு²னோ பஞ்சஹாகாரேஹி விப்படிஸாரோ உபத³ஹாதப்³போ³ – காலேனாயஸ்மா
சுதி³தோ, நோ அகாலேன, அலங் தே விப்படிஸாராய; பூ⁴தேனாயஸ்மா சுதி³தோ, நோ
அபூ⁴தேன , அலங் தே விப்படிஸாராய; ஸண்ஹேனாயஸ்மா
சுதி³தோ, நோ ப²ருஸேன, அலங் தே விப்படிஸாராய; அத்த²ஸங்ஹிதேனாயஸ்மா சுதி³தோ,
நோ அனத்த²ஸங்ஹிதேன, அலங் தே விப்படிஸாராய; மெத்தசித்தேனாயஸ்மா சுதி³தோ, நோ
தோ³ஸந்தரேன, அலங் தே விப்படிஸாராயாதி. த⁴ம்மசுதி³தஸ்ஸ, உபாலி, பி⁴க்கு²னோ
இமேஹி பஞ்சஹாகாரேஹி விப்படிஸாரோ உபத³ஹாதப்³போ³’’தி.
[பரி॰ 438] ‘‘சோத³கேன,
ப⁴ந்தே, பி⁴க்கு²னா பரங் சோதே³துகாமேன கதி த⁴ம்மே அஜ்ஜ²த்தங் மனஸி கரித்வா
பரோ சோதே³தப்³போ³’’தி? ‘‘சோத³கேனுபாலி, பி⁴க்கு²னா பரங் சோதே³துகாமேன பஞ்ச
த⁴ம்மே அஜ்ஜ²த்தங் மனஸி கரித்வா பரோ சோதே³தப்³போ³ – காருஞ்ஞதா, ஹிதேஸிதா,
அனுகம்பிதா, [அனுகம்பதா (க॰)] ஆபத்திவுட்டா²னதா, வினயபுரெக்கா²ரதாதி. சோத³கேனுபாலி, பி⁴க்கு²னா பரங் சோதே³துகாமேன இமே பஞ்ச த⁴ம்மே அஜ்ஜ²த்தங் மனஸி கரித்வா பரோ சோதே³தப்³போ³’’தி.
‘‘சுதி³தேன பன, ப⁴ந்தே, பி⁴க்கு²னா கதிஸு த⁴ம்மேஸு
பதிட்டா²தப்³ப³’’ந்தி? ‘‘சுதி³தேனுபாலி, பி⁴க்கு²னா த்³வீஸு த⁴ம்மேஸு
பதிட்டா²தப்³ப³ங் – ஸச்சே ச அகுப்பே சா’’தி.
து³தியபா⁴ணவாரோ நிட்டி²தோ.
பாதிமொக்க²ட்ட²பனக்க²ந்த⁴கோ நவமோ.
இமம்ஹி க²ந்த⁴கே வத்தூ² திங்ஸ.
தஸ்ஸுத்³தா³னங் –
உபோஸதே² யாவதிகங், பாபபி⁴க்கு² ந நிக்க²மி;
மொக்³க³ல்லானேன நிச்சு²த்³தோ⁴, அச்சே²ரா ஜினஸாஸனே.
நின்னோனுபுப்³ப³ஸிக்கா² ச, டி²தத⁴ம்மோ நாதிக்கம்ம;
குணபுக்கி²பதி ஸங்கோ⁴, ஸவந்தியோ ஜஹந்தி ச.
ஸவந்தி பரினிப்³ப³ந்தி, ஏகரஸ விமுத்தி ச;
ப³ஹு த⁴ம்மவினயோபி, பூ⁴தட்டா²ரியபுக்³க³லா.
ஸமுத்³த³ங் உபமங் கத்வா, வாசேஸி [டா²பேஸி (க॰)] ஸாஸனே கு³ணங்;
உபோஸதே² பாதிமொக்க²ங், ந அம்ஹே கோசி ஜானாதி.
படிகச்சேவ உஜ்ஜ²ந்தி, ஏகோ த்³வே தீணி சத்தாரி;
பஞ்ச ச² ஸத்த அட்டா²னி, நவா ச த³ஸமானி ச.
ஸீல-ஆசார-தி³ட்டி² ச, ஆஜீவங் சதுபா⁴கி³கே;
பாராஜிகஞ்ச ஸங்கா⁴தி³, பாசித்தி பாடிதே³ஸனி.
து³க்கடங் பஞ்சபா⁴கே³ஸு, ஸீலாசாரவிபத்தி ச;
அகதாய கதாய ச, ச²பா⁴கே³ஸு யதா²விதி⁴.
பாராஜிகஞ்ச ஸங்கா⁴தி³, து²ல்லங் பாசித்தியேன ச;
பாடிதே³ஸனியஞ்சேவ , து³க்கடஞ்ச து³ப்³பா⁴ஸிதங்.
ஸீலாசாரவிபத்தி ச, தி³ட்டி²ஆஜீவவிபத்தி;
யா ச அட்டா² கதாகதே, தேனேதா ஸீலாசாரதி³ட்டி²யா.
அகதாய கதாயாபி, கதாகதாயமேவ ச;
ஏவங் நவவிதா⁴ வுத்தா, யதா²பூ⁴தேன ஞாயதோ.
பாராஜிகோ விப்பகதா, பச்சக்கா²தோ ததே²வ ச;
உபேதி பச்சாதி³யதி, பச்சாதா³னகதா² ச யா.
ஸீலாசாரவிபத்தி ச, ததா² தி³ட்டி²விபத்தியா;
தி³ட்ட²ஸுதபரிஸங்கிதங், த³ஸதா⁴ தங் விஜானாத².
பி⁴க்கு² விபஸ்ஸதி பி⁴க்கு²ங், அஞ்ஞோ சாரோசயாதி தங்;
ஸோ யேவ தஸ்ஸ அக்கா²தி [விபஸ்ஸஞ்ஞோ சாரோசதி; தங் ஸுத்³தே⁴வ தஸ்ஸ அக்கா²தி (க॰)], பாதிமொக்க²ங் ட²பேதி ஸோ.
வுட்டா²தி அந்தராயேன, ராஜசோரக்³கு³த³கா ச;
மனுஸ்ஸஅமனுஸ்ஸா ச, வாளஸரீஸபா ஜீவிப்³ரஹ்மங்.
த³ஸன்னமஞ்ஞதரேன, தஸ்மிங் அஞ்ஞதரேஸு வா;
த⁴ம்மிகாத⁴ம்மிகா சேவ, யதா² மக்³கே³ன ஜானாத².
காலபூ⁴தத்த²ஸங்ஹிதங் , லபி⁴ஸ்ஸாமி ப⁴விஸ்ஸதி;
காயவாசஸிகா மெத்தா, பா³ஹுஸச்சங் உப⁴யானி.
காலபூ⁴தேன ஸண்ஹேன, அத்த²மெத்தேன சோத³யே;
விப்படிஸாரத⁴ம்மேன, ததா² வாசா [ததே²வாபி (ஸ்யா॰)] வினோத³யே.
த⁴ம்மசோத³சுதி³தஸ்ஸ, வினோதே³தி விப்படிஸாரோ;
கருணா ஹிதானுகம்பி, வுட்டா²னபுரெக்கா²ரதோ.
சோத³கஸ்ஸ படிபத்தி, ஸம்பு³த்³தே⁴ன பகாஸிதா;
ஸச்சே சேவ அகுப்பே ச, சுதி³தஸ்ஸேவ த⁴ம்மதாதி.
பாதிமொக்க²ட்ட²பனக்க²ந்த⁴கங் நிட்டி²தங்.
வினயபிடகே
சூளவக்கபாளி
8. வத்தக்கந்தகங்
1. ஆகந்துகவத்தகதா-PALI-
தமிழில் திரபிடக மூன்று தொகுப்புகள்TIPITAKA-வினயபிடகே-Part-32-
from FREE ONLINE eNālāndā Research and
Practice UNIVERSITY through http://sarvajan.ambedkar.org
நமோ தஸ்ஸ பகவதோ அரஹதோ ஸம்மாஸம்புத்தஸ்ஸ
வினயபிடகே
சூளவக்கபாளி
8. வத்தக்கந்தகங்
1. ஆகந்துகவத்தகதா
356. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆக³ந்துகா பி⁴க்கூ² ஸஉபாஹனாபி ஆராமங் பவிஸந்தி,
ச²த்தபக்³க³ஹிதாபி ஆராமங் பவிஸந்தி, ஓகு³ண்டி²தாபி ஆராமங் பவிஸந்தி, ஸீஸேபி
சீவரங் கரித்வா ஆராமங் பவிஸந்தி, பானீயேனபி பாதே³ தோ⁴வந்தி, வுட்³ட⁴தரேபி
ஆவாஸிகே பி⁴க்கூ² ந அபி⁴வாதெ³ந்தி, நபி ஸேனாஸனங் புச்ச²ந்தி. அஞ்ஞதரோபி
ஆக³ந்துகோ பி⁴க்கு² அனஜ்ஜா²வுட்ட²ங் விஹாரங் க⁴டிகங் உக்³கா⁴டெத்வா கவாடங்
பணாமெத்வா ஸஹஸா பாவிஸி. தஸ்ஸ உபரிபிட்டி²தோ [உபரிபிட்ட²தோ (?)]
அஹி க²ந்தே⁴ பபதி. ஸோ பீ⁴தோ விஸ்ஸரமகாஸி. பி⁴க்கூ² உபதா⁴வித்வா தங்
பி⁴க்கு²ங் ஏதத³வோசுங் – ‘‘கிஸ்ஸ த்வங், ஆவுஸோ, விஸ்ஸரமகாஸீ’’தி? அத² கோ²
ஸோ பி⁴க்கு² பி⁴க்கூ²னங் ஏதமத்த²ங் ஆரோசேஸி. யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ஆக³ந்துகா பி⁴க்கூ² ஸஉபாஹனாபி ஆராமங் பவிஸிஸ்ஸந்தி, ச²த்தபக்³க³ஹிதாபி
ஆராமங் பவிஸிஸ்ஸந்தி, ஓகு³ண்டி²தாபி ஆராமங் பவிஸிஸ்ஸந்தி, ஸீஸேபி சீவரங்
கரித்வா ஆராமங் பவிஸிஸ்ஸந்தி, பானீயேனபி பாதே³ தோ⁴விஸ்ஸந்தி, வுட்³ட⁴தரேபி
ஆவாஸிகே பி⁴க்கூ² ந அபி⁴வாதெ³ஸ்ஸந்தி, நபி ஸேனாஸனங் புச்சி²ஸ்ஸந்தீ’’தி!
அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங்
கிர, பி⁴க்க²வே, ‘‘ஆக³ந்துகா பி⁴க்கூ² ஸஉபாஹனாபி ஆராமங் பவிஸந்தி,
ச²த்தபக்³க³ஹிதாபி ஆராமங் பவிஸந்தி, ஓகு³ண்டி²தாபி ஆராமங் பவிஸந்தி, ஸீஸேபி
சீவரங் கரித்வா ஆராமங் பவிஸந்தி, பானீயேனிபி பாதே³ தோ⁴வந்தி, வுட்³ட⁴தரேபி
ஆவாஸிகே பி⁴க்கூ² ந அபி⁴வாதெ³ந்தி, நபி ஸேனாஸனங் புச்ச²ந்தீதி. ஸச்சங்
ப⁴க³வாதி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம பி⁴க்க²வே ஆக³ந்துகா
பி⁴க்கூ² ஸஉபாஹனாபி ஆராமங் பவிஸிஸ்ஸந்தி, ச²த்தபக்³க³ஹிதாபி ஆராமங்
பவிஸிஸ்ஸந்தி, ஓகு³ண்டி²தாபி ஆராமங் பவிஸிஸ்ஸந்தி, ஸீஸேபி சீவரங் கரித்வா
ஆராமங் பவிஸிஸ்ஸந்தி, பானீயேனபி பாதே³ தோ⁴விஸ்ஸந்தி, வுட்³ட⁴தரேபி ஆவாஸிகே
பி⁴க்கூ² ந அபி⁴வாதெ³ஸ்ஸந்தி, நபி ஸேனாஸனங் புச்சி²ஸ்ஸந்தி, நேதங்
பி⁴க்க²வே அப்பஸன்னானங் வா பஸாதா³ய…பே॰… விக³ரஹித்வா…பே॰… த⁴ம்மிங் கத²ங்
கத்வா பி⁴க்கூ² ஆமந்தேஸி –
357. ‘‘தேன
ஹி, பி⁴க்க²வே, ஆக³ந்துகானங் பி⁴க்கூ²னங் வத்தங் பஞ்ஞபெஸ்ஸாமி யதா²
ஆக³ந்துகேஹி பி⁴க்கூ²ஹி ஸம்மா வத்திதப்³ப³ங். ஆக³ந்துகேன, பி⁴க்க²வே,
பி⁴க்கு²னா ‘இதா³னி ஆராமங் பவிஸிஸ்ஸாமீ’தி உபாஹனா ஓமுஞ்சித்வா நீசங் கத்வா பப்போ²டெத்வா க³ஹெத்வா ச²த்தங் அபனாமெத்வா ஸீஸங் விவரித்வா ஸீஸே சீவரங் [விவரித்வா சீவரங் (க॰)] க²ந்தே⁴ கத்வா ஸாது⁴கங் அதரமானேன ஆராமோ பவிஸிதப்³போ³. ஆராமங் பவிஸந்தேன ஸல்லக்கே²தப்³ப³ங் – ‘கத்த²
ஆவாஸிகா பி⁴க்கூ² படிக்கமந்தீ’தி? யத்த² ஆவாஸிகா பி⁴க்கூ² படிக்கமந்தி –
உபட்டா²னஸாலாய வா மண்ட³பே வா ருக்க²மூலே வா – தத்த² க³ந்த்வா ஏகமந்தங்
பத்தோ நிக்கி²பிதப்³போ³; ஏகமந்தங் சீவரங் நிக்கி²பிதப்³ப³ங்; பதிரூபங்
ஆஸனங் க³ஹெத்வா நிஸீதி³தப்³ப³ங்; பானீயங் புச்சி²தப்³ப³ங், பரிபோ⁴ஜனீயங்
புச்சி²தப்³ப³ங் – ‘கதமங் பானீயங், கதமங் பரிபோ⁴ஜனீய’ந்தி? ஸசே பானீயேன
அத்தோ² ஹோதி, பானீயங் க³ஹெத்வா பாதப்³ப³ங். ஸசே பரிபோ⁴ஜனீயேன அத்தோ² ஹோதி,
பரிபோ⁴ஜனீயங் க³ஹெத்வா பாதா³ தோ⁴விதப்³பா³. பாதே³ தோ⁴வந்தேன ஏகேன ஹத்தே²ன
உத³கங் ஆஸிஞ்சிதப்³ப³ங், ஏகேன ஹத்தே²ன பாதா³ தோ⁴விதப்³பா³. தேனேவ உத³கங்
ஆஸிஞ்சிதப்³ப³ங் [யேன ஹத்தே²ன உத³கங் ஆஸிஞ்சிதப்³ப³ங் (ஸ்யா॰)]
ந தேனேவ ஹத்தே²ன பாதா³ தோ⁴விதப்³பா³. உபாஹனபுஞ்ச²னசோளகங் புச்சி²த்வா
உபாஹனா புஞ்சி²தப்³பா³. உபாஹனா புஞ்ச²ந்தேன பட²மங் ஸுக்கே²ன சோளகேன
புஞ்சி²தப்³பா³, பச்சா² அல்லேன. உபாஹனாபுஞ்ச²னசோளகங் தோ⁴வித்வா [பீளெத்வா (ஸ்யா॰)] ஏகமந்தங் விஸ்ஸஜ்ஜேதப்³ப³ங்.
‘‘ஸசே ஆவாஸிகோ பி⁴க்கு² வுட்³டோ⁴ ஹோதி,
அபி⁴வாதே³தப்³போ³. ஸசே நவகோ ஹோதி, அபி⁴வாதா³பேதப்³போ³. ஸேனாஸனங்
புச்சி²தப்³ப³ங் – ‘கதமங் மே ஸேனாஸனங் பாபுணாதீ’தி? அஜ்ஜா²வுட்ட²ங் வா
அனஜ்ஜா²வுட்ட²ங் வா புச்சி²தப்³ப³ங், கோ³சரோ புச்சி²தப்³போ³, அகோ³சரோ
புச்சி²தப்³போ³, ஸெக்க²ஸம்மதானி [ஸேக²ஸம்மதானி (க॰)] குலானி புச்சி²தப்³பா³னி ,
வச்சட்டா²னங் புச்சி²தப்³ப³ங், பஸ்ஸாவட்டா²னங் புச்சி²தப்³ப³ங், பானீயங்
புச்சி²தப்³ப³ங், பரிபோ⁴ஜனீயங் புச்சி²தப்³ப³ங், கத்தரத³ண்டோ³
புச்சி²தப்³போ³, ஸங்க⁴ஸ்ஸ கதிகஸண்டா²னங் புச்சி²தப்³ப³ங் – ‘கங் காலங்
பவிஸிதப்³ப³ங், கங் காலங் நிக்க²மிதப்³ப³’ந்தி? ஸசே விஹாரோ அனஜ்ஜா²வுட்டோ²
ஹோதி, கவாடங் ஆகோடெத்வா முஹுத்தங் ஆக³மெத்வா க⁴டிகங் உக்³கா⁴டெத்வா கவாடங்
பணாமெத்வா ப³ஹி டி²தேன நில்லோகேதப்³போ³.
‘‘ஸசே விஹாரோ உக்லாபோ ஹோதி, மஞ்சே வா மஞ்சோ ஆரோபிதோ ஹோதி, பீடே² வா பீட²ங் ஆரோபிதங் ஹோதி, ஸேனாஸனங் உபரி புஞ்ஜீகதங் [புஞ்ஜகிதங் (க॰)] ஹோதி, ஸசே உஸ்ஸஹதி, ஸோதே⁴தப்³போ³. [மஹாவ॰ 66-67 (தோ²கங் விஸதி³ஸங்)] விஹாரங் ஸோதெ⁴ந்தேன
பட²மங் பூ⁴மத்த²ரணங் நீஹரித்வா ஏகமந்தங் நிக்கி²பிதப்³ப³ங்; மஞ்சபடிபாத³கா
நீஹரித்வா ஏகமந்தங் நிக்கி²பிதப்³பா³; பி⁴ஸிபி³ப்³போ³ஹனங் நீஹரித்வா
ஏகமந்தங் நிக்கி²பிதப்³ப³ங்; நிஸீத³னபச்சத்த²ரணங் நீஹரித்வா ஏகமந்தங்
நிக்கி²பிதப்³ப³ங்; மஞ்சோ நீசங் கத்வா ஸாது⁴கங் அப்படிக⁴ங்ஸந்தேன,
அஸங்க⁴ட்டெந்தேன கவாடபிட்ட²ங், நீஹரித்வா ஏகமந்தங்
நிக்கி²பிதப்³போ³; பீட²ங் நீசங் கத்வா ஸாது⁴கங் அப்படிக⁴ங்ஸந்தேன,
அஸங்க⁴ட்டெந்தேன கவாடபிட்ட²ங், நீஹரித்வா ஏகமந்தங் நிக்கி²பிதப்³ப³ங்;
கே²ளமல்லகோ நீஹரித்வா ஏகமந்தங் நிக்கி²பிதப்³போ³; அபஸ்ஸேனப²லகங் நீஹரித்வா
ஏகமந்தங் நிக்கி²பிதப்³ப³ங். ஸசே விஹாரே ஸந்தானகங் ஹோதி, உல்லோகா பட²மங்
ஓஹாரேதப்³ப³ங், ஆலோகஸந்தி⁴கண்ணபா⁴கா³ பமஜ்ஜிதப்³பா³. ஸசே கே³ருகபரிகம்மகதா
பி⁴த்தி கண்ணகிதா ஹோதி, சோளகங் தேமெத்வா பீளெத்வா பமஜ்ஜிதப்³பா³. ஸசே
காளவண்ணகதா பூ⁴மி கண்ணகிதா ஹோதி, சோளகங் தேமெத்வா பீளெத்வா பமஜ்ஜிதப்³பா³. ஸசே அகதா ஹோதி பூ⁴மி, உத³கேன பரிப்போ²ஸித்வா ஸம்மஜ்ஜிதப்³பா³ – மா விஹாரோ ரஜேன உஹஞ்ஞீதி [ஊஹஞ்ஞீதி (ஸீ॰ ஸ்யா॰)]. ஸங்காரங் விசினித்வா ஏகமந்தங் ச²ட்³டே³தப்³ப³ங்.
‘‘பூ⁴மத்த²ரணங் ஓதாபெத்வா ஸோதெ⁴த்வா பப்போ²டெத்வா அதிஹரித்வா யதா²டா²னே [யதா²பஞ்ஞத்தங் (ஸீ॰ ஸ்யா॰), யதா²பா⁴க³ங் (க॰)] பஞ்ஞபேதப்³ப³ங். மஞ்சபடிபாத³கா ஓதாபெத்வா பமஜ்ஜித்வா அதிஹரித்வா யதா²டா²னே [யதா²பா⁴க³ங் (ஸ்யா॰ க॰)]
ட²பேதப்³பா³. மஞ்சோ ஓதாபெத்வா ஸோதெ⁴த்வா பப்போ²டெத்வா நீசங் கத்வா
ஸாது⁴கங் அப்படிக⁴ங்ஸந்தேன, அஸங்க⁴ட்டெந்தேன கவாடபிட்ட²ங், அதிஹரித்வா
யதா²டா²னே [யதா²பா⁴க³ங் (ஸ்யா॰ க॰)]
பஞ்ஞபேதப்³போ³. பீட²ங் ஓதாபெத்வா ஸோதெ⁴த்வா பப்போ²டெத்வா நீசங் கத்வா
ஸாது⁴கங் அப்படிக⁴ங்ஸந்தேன, அஸங்க⁴ட்டெந்தேன கவாடபிட்ட²ங், அதிஹரித்வா
யதா²டா²னே [யதா²பா⁴க³ங் (ஸ்யா॰ க॰)]
பஞ்ஞபேதப்³ப³ங். பி⁴ஸிபி³ப்³போ³ஹனங் ஓதாபெத்வா ஸோதெ⁴த்வா பப்போ²டெத்வா
அதிஹரித்வா யதா²பா⁴க³ங் பஞ்ஞபேதப்³ப³ங். நிஸீத³னபச்சத்த²ரணங் ஓதாபெத்வா
ஸோதெ⁴த்வா பப்போ²டெத்வா அதிஹரித்வா யதா²பா⁴க³ங் பஞ்ஞபேதப்³ப³ங். கே²ளமல்லகோ
ஓதாபெத்வா பமஜ்ஜித்வா அதிஹரித்வா யதா²பா⁴க³ங் ட²பேதப்³போ³. அபஸ்ஸேனப²லகங்
ஓதாபெத்வா பமஜ்ஜித்வா அதிஹரித்வா யதா²பா⁴க³ங் ட²பேதப்³ப³ங். பத்தசீவரங்
நிக்கி²பிதப்³ப³ங். பத்தங் நிக்கி²பந்தேன ஏகேன ஹத்தே²ன பத்தங் க³ஹெத்வா ஏகேன ஹத்தே²ன ஹெட்டா²மஞ்சங் வா ஹெட்டா²பீட²ங் வா பராமஸித்வா
பத்தோ நிக்கி²பிதப்³போ³. ந ச அனந்தரஹிதாய பூ⁴மியா பத்தோ நிக்கி²பிதப்³போ³.
சீவரங் நிக்கி²பந்தேன ஏகேன ஹத்தே²ன சீவரங் க³ஹெத்வா ஏகேன ஹத்தே²ன
சீவரவங்ஸங் வா சீவரரஜ்ஜுங் வா பமஜ்ஜித்வா பாரதோ அந்தங் ஓரதோ போ⁴க³ங் கத்வா
சீவரங் நிக்கி²பிதப்³ப³ங்.
‘‘ஸசே புரத்தி²மா ஸரஜா வாதா வாயந்தி, புரத்தி²மா
வாதபானா த²கேதப்³பா³. ஸசே பச்சி²மா ஸரஜா வாதா வாயந்தி, பச்சி²மா வாதபானா
த²கேதப்³பா³. ஸசே உத்தரா ஸரஜா வாதா வாயந்தி, உத்தரா வாதபானா த²கேதப்³பா³.
ஸசே த³க்கி²ணா ஸரஜா வாதா வாயந்தி, த³க்கி²ணா வாதபானா த²கேதப்³பா³ .
ஸசே ஸீதகாலோ ஹோதி, தி³வா வாதபானா விவரிதப்³பா³, ரத்திங் த²கேதப்³பா³. ஸசே
உண்ஹகாலோ ஹோதி, தி³வா வாதபானா த²கேதப்³பா³, ரத்திங் விவரிதப்³பா³.
‘‘ஸசே பரிவேணங் உக்லாபங் ஹோதி,
பரிவேணங் ஸம்மஜ்ஜிதப்³ப³ங். ஸசே கொட்ட²கோ உக்லாபோ ஹோதி, கொட்ட²கோ
ஸம்மஜ்ஜிதப்³போ³. ஸசே உபட்டா²னஸாலா உக்லாபா ஹோதி, உபட்டா²னஸாலா
ஸம்மஜ்ஜிதப்³பா³. ஸசே அக்³கி³ஸாலா உக்லாபா ஹோதி, அக்³கி³ஸாலா
ஸம்மஜ்ஜிதப்³பா³. ஸசே வச்சகுடி உக்லாபா ஹோதி, வச்சகுடி ஸம்மஜ்ஜிதப்³பா³.
ஸசே பானீயங் ந ஹோதி, பானீயங் உபட்டா²பேதப்³ப³ங். ஸசே பரிபோ⁴ஜனீயங் ந ஹோதி,
பரிபோ⁴ஜனீயங் உபட்டா²பேதப்³ப³ங். ஸசே ஆசமனகும்பி⁴யா உத³கங் ந ஹோதி,
ஆசமனகும்பி⁴யா உத³கங் ஆஸிஞ்சிதப்³ப³ங். இத³ங் கோ², பி⁴க்க²வே, ஆக³ந்துகானங்
பி⁴க்கூ²னங் வத்தங் யதா² ஆக³ந்துகேஹி பி⁴க்கூ²ஹி ஸம்மா வத்திதப்³ப³’’ந்தி.
2. ஆவாஸிகவத்தகதா²
358. தேன
கோ² பன ஸமயேன ஆவாஸிகா பி⁴க்கூ² ஆக³ந்துகே பி⁴க்கூ² தி³ஸ்வா நேவ ஆஸனங்
பஞ்ஞபெந்தி, ந பாதோ³த³கங் பாத³பீட²ங் பாத³கத²லிகங் உபனிக்கி²பந்தி, ந
பச்சுக்³க³ந்த்வா பத்தசீவரங் படிக்³க³ண்ஹந்தி, ந பானீயேன புச்ச²ந்தி [ந பானீயேன புச்ச²ந்தி, ந பரிபோ⁴ஜனீயேன புச்ச²ந்தி (ஸ்யா॰ கங்॰)],
ந வுட்³ட⁴தரேபி ஆக³ந்துகே பி⁴க்கூ² அபி⁴வாதெ³ந்தி, ந ஸேனாஸனங் பஞ்ஞபெந்தி.
யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஆவாஸிகா பி⁴க்கூ² ஆக³ந்துகே பி⁴க்கூ² தி³ஸ்வா நேவ ஆஸனங்
பஞ்ஞபெஸ்ஸந்தி, ந பாதோ³த³கங் பாத³பீட²ங் பாத³கத²லிகங் உபனிக்கி²பிஸ்ஸந்தி, ந
பச்சுக்³க³ந்த்வா பத்தசீவரங் படிக்³க³ஹிஸ்ஸந்தி, ந
பானீயேன புச்சி²ஸ்ஸந்தி, வுட்³ட⁴தரேபி ஆக³ந்துகே பி⁴க்கூ² ந
அபி⁴வாதெ³ஸ்ஸந்தி, ந ஸேனாஸனங் பஞ்ஞபெஸ்ஸந்தீ’’தி! அத² கோ² தே பி⁴க்கூ²
ப⁴க³வதோ ஏதமத்த²ங் ஆரோசேஸுங்…பே॰… ஸச்சங் கிரங், பி⁴க்க²வே…பே॰… ஸச்சங்
ப⁴க³வாதி…பே॰… விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி –
359.
‘‘தேன ஹி, பி⁴க்க²வே, ஆவாஸிகானங் பி⁴க்கூ²னங் வத்தங் பஞ்ஞபெஸ்ஸாமி யதா²
ஆவாஸிகேஹி பி⁴க்கூ²ஹி ஸம்மா வத்திதப்³ப³ங். ஆவாஸிகேன, பி⁴க்க²வே,
பி⁴க்கு²னா ஆக³ந்துகங் பி⁴க்கு²ங் வுட்³ட⁴தரங் தி³ஸ்வா ஆஸனங்
பஞ்ஞபேதப்³ப³ங், பாதோ³த³கங் பாத³பீட²ங் பாத³கத²லிகங் உபனிக்கி²பிதப்³ப³ங் , பச்சுக்³க³ந்த்வா பத்தசீவரங் படிக்³க³ஹேதப்³ப³ங், பானீயேன புச்சி²தப்³போ³ [பானீயேன புச்சி²தப்³போ³, பரிபோ⁴ஜனீயேன புச்சி²தப்³போ³ (ஸ்யா॰)].
ஸசே உஸ்ஸஹதி, உபாஹனா புஞ்சி²தப்³பா³. உபாஹனா புஞ்ச²ந்தேன பட²மங் ஸுக்கே²ன
சோளகேன புஞ்சி²தப்³பா³, பச்சா² அல்லேன. உபாஹனாபுஞ்ச²னசோளகங் தோ⁴வித்வா [தோ⁴வித்வா பீளெத்வா (ஸ்யா॰)] ஏகமந்தங் விஸ்ஸஜ்ஜேதப்³ப³ங்.
‘‘ஆக³ந்துகோ பி⁴க்கு²
வுட்³ட⁴தரோ அபி⁴வாதே³தப்³போ³. ஸேனாஸனங் பஞ்ஞபேதப்³ப³ங் – ‘ஏதங் தே ஸேனாஸனங்
பாபுணாதீ’தி. அஜ்ஜா²வுட்ட²ங் வா அனஜ்ஜா²வுட்ட²ங் வா ஆசிக்கி²தப்³ப³ங்.
கோ³சரோ ஆசிக்கி²தப்³போ³. அகோ³சரோ ஆசிக்கி²தப்³போ³. ஸெக்க²ஸம்மதானி குலானி
ஆசிக்கி²தப்³பா³னி. வச்சட்டா²னங் ஆசிக்கி²தப்³ப³ங். பஸ்ஸாவட்டா²னங்
ஆசிக்கி²தப்³ப³ங். பானீயங் ஆசிக்கி²தப்³ப³ங். பரிபோ⁴ஜனீயங்
ஆசிக்கி²தப்³ப³ங். கத்தரத³ண்டோ³ ஆசிக்கி²தப்³போ³. ஸங்க⁴ஸ்ஸ கதிகஸண்டா²னங்
ஆசிக்கி²தப்³ப³ங் – ‘இமங் காலங் பவிஸிதப்³ப³ங், இமங் காலங்
நிக்க²மிதப்³ப³’ந்தி .
‘‘ஸசே நவகோ ஹோதி, நிஸின்னகேனேவ ஆசிக்கி²தப்³ப³ங் –
‘அத்ர பத்தங் நிக்கி²பாஹி, அத்ர சீவரங் நிக்கி²பாஹி, இத³ங் ஆஸனங்
நிஸீதா³ஹீ’தி. பானீயங் ஆசிக்கி²தப்³ப³ங். பரிபோ⁴ஜனீயங் ஆசிக்கி²தப்³ப³ங்.
உபாஹனாபுஞ்ச²னசோளகங் ஆசிக்கி²தப்³ப³ங். ஆக³ந்துகோ பி⁴க்கு² நவகோ
அபி⁴வாதா³பேதப்³போ³. ஸேனாஸனங் ஆசிக்கி²தப்³ப³ங் – ‘ஏதங்
தே ஸேனாஸனங் பாபுணாதீ’தி. அஜ்ஜா²வுட்ட²ங் வா அனஜ்ஜா²வுட்ட²ங் வா
ஆசிக்கி²தப்³ப³ங். கோ³சரோ ஆசிக்கி²தப்³போ³. அகோ³சரோ ஆசிக்கி²தப்³போ³.
ஸெக்க²ஸம்மதானி குலானி ஆசிக்கி²தப்³பா³னி. வச்சட்டா²னங் ஆசிக்கி²தப்³ப³ங்.
பஸ்ஸாவட்டா²னங் ஆசிக்கி²தப்³ப³ங். பானீயங் ஆசிக்கி²தப்³ப³ங். பரிபோ⁴ஜனீயங்
ஆசிக்கி²தப்³ப³ங். கத்தரத³ண்டோ³ ஆசிக்கி²தப்³போ³. ஸங்க⁴ஸ்ஸ கதிகஸண்டா²னங்
ஆசிக்கி²தப்³ப³ங் – ‘இமங் காலங் பவிஸிதப்³ப³ங், இமங் காலங்
நிக்க²மிதப்³ப³’ந்தி. இத³ங் கோ², பி⁴க்க²வே , ஆவாஸிகானங் பி⁴க்கூ²னங் வத்தங் யதா² ஆவாஸிகேஹி பி⁴க்கூ²ஹி ஸம்மா வத்திதப்³ப³’’ந்தி.
3. க³மிகவத்தகதா²
360.
தேன கோ² பன ஸமயேன க³மிகா பி⁴க்கூ² தா³ருப⁴ண்ட³ங் மத்திகாப⁴ண்ட³ங்
அப்படிஸாமெத்வா த்³வாரவாதபானங் விவரித்வா ஸேனாஸனங் அனாபுச்சா² பக்கமந்தி.
தா³ருப⁴ண்ட³ங் மத்திகாப⁴ண்ட³ங் நஸ்ஸதி. ஸேனாஸனங் அகு³த்தங் ஹோதி. யே தே
பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம க³மிகா பி⁴க்கூ² தா³ருப⁴ண்ட³ங் மத்திகாப⁴ண்ட³ங்
அப்படிஸாமெத்வா த்³வாரவாதபானங் விவரித்வா ஸேனாஸனங் அனாபுச்சா²
பக்கமிஸ்ஸந்தி! தா³ருப⁴ண்ட³ங் மத்திகாப⁴ண்ட³ங் நஸ்ஸதி. ஸேனாஸனங் அகு³த்தங்
ஹோதீ’’தி. அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰… ஸச்சங்
கிர, பி⁴க்க²வே…பே॰… ஸச்சங் ப⁴க³வாதி…பே॰… விக³ரஹித்வா…பே॰… த⁴ம்மிங் கத²ங்
கத்வா பி⁴க்கூ² ஆமந்தேஸி –
361. ‘‘தேன ஹி, பி⁴க்க²வே, க³மிகானங் பி⁴க்கூ²னங் வத்தங் பஞ்ஞபெஸ்ஸாமி யதா² க³மிகேஹி பி⁴க்கூ²ஹி
ஸம்மா வத்திதப்³ப³ங். க³மிகேன, பி⁴க்க²வே, பி⁴க்கு²னா தா³ருப⁴ண்ட³ங்
மத்திகாப⁴ண்ட³ங் படிஸாமெத்வா த்³வாரவாதபானங் த²கெத்வா ஸேனாஸனங் ஆபுச்சா²
பக்கமிதப்³ப³ங் [ஆபுச்சி²தப்³ப³ங் (ஸ்யா॰)]. ஸசே
பி⁴க்கு² ந ஹோதி, ஸாமணேரோ ஆபுச்சி²தப்³போ³. ஸசே ஸாமணேரோ ந ஹோதி, ஆராமிகோ
ஆபுச்சி²தப்³போ³. ஸசே ஆராமிகோ ந ஹோதி, உபாஸகோ ஆபுச்சி²தப்³போ³. ஸசே ந ஹோதி
பி⁴க்கு² வா ஸாமணேரோ வா ஆராமிகோ வா உபாஸகோ வா, சதூஸு பாஸாணேஸு மஞ்சங்
பஞ்ஞபெத்வா மஞ்சே மஞ்சங் ஆரோபெத்வா பீடே² பீட²ங் ஆரோபெத்வா ஸேனாஸனங் உபரி
புஞ்ஜங் கரித்வா தா³ருப⁴ண்ட³ங் மத்திகாப⁴ண்ட³ங் படிஸாமெத்வா த்³வாரவாதபானங்
த²கெத்வா பக்கமிதப்³ப³ங். ஸசே விஹாரோ ஓவஸ்ஸதி, ஸசே உஸ்ஸஹதி,
சா²தே³தப்³போ³, உஸ்ஸுகங் வா காதப்³ப³ங் – ‘கிந்தி நு கோ² விஹாரோ
சா²தி³யேதா²’தி. ஏவஞ்சேதங் லபே⁴த², இச்சேதங் குஸலங். நோ சே லபே⁴த², யோ
தே³ஸோ அனோவஸ்ஸகோ ஹோதி, தத்த² சதூஸு பாஸாணேஸு மஞ்சங் பஞ்ஞபெத்வா மஞ்சே
மஞ்சங் ஆரோபெத்வா பீடே² பீட²ங் ஆரோபெத்வா ஸேனாஸனங் உபரி புஞ்ஜங் கரித்வா
தா³ருப⁴ண்ட³ங் மத்திகாப⁴ண்ட³ங் படிஸாமெத்வா த்³வாரவாதபானங் த²கெத்வா
பக்கமிதப்³ப³ங். ஸசே ஸப்³போ³ விஹாரோ ஓவஸ்ஸதி, ஸசே உஸ்ஸஹதி, ஸேனாஸனங் கா³மங் அதிஹரிதப்³ப³ங், உஸ்ஸுகங் வா காதப்³ப³ங்
– ‘கிந்தி நு கோ² ஸேனாஸனங் கா³மங் அதிஹரியேதா²’தி. ஏவஞ்சேதங் லபே⁴த²,
இச்சேதங் குஸலங். நோ சே லபே⁴த², அஜ்ஜோ²காஸே சதூஸு பாஸாணேஸு மஞ்சங்
பஞ்ஞபெத்வா மஞ்சே மஞ்சங் ஆரோபெத்வா பீடே² பீட²ங் ஆரோபெத்வா ஸேனாஸனங் உபரி
புஞ்ஜங் கரித்வா தா³ருப⁴ண்ட³ங் மத்திகாப⁴ண்ட³ங் படிஸாமெத்வா திணேன வா
பண்ணேன வா படிச்சா²தெ³த்வா பக்கமிதப்³ப³ங் – அப்பேவ நாம அங்கா³னிபி
ஸேஸெய்யுந்தி. இத³ங் கோ², பி⁴க்க²வே, க³மிகானங் பி⁴க்கூ²னங் வத்தங் யதா²
க³மிகேஹி பி⁴க்கூ²ஹி ஸம்மா வத்திதப்³ப³’’ந்தி.
4. அனுமோத³னவத்தகதா²
362.
தேன கோ² பன ஸமயேன பி⁴க்கூ² ப⁴த்தக்³கே³ ந அனுமோத³ந்தி. மனுஸ்ஸா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா
ப⁴த்தக்³கே³ ந அனுமோதி³ஸ்ஸந்தீ’’தி! அஸ்ஸோஸுங் கோ² பி⁴க்கூ² தேஸங்
மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். அத² கோ² தே
பி⁴க்கூ² ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே
ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி,
பி⁴க்க²வே, ப⁴த்தக்³கே³ அனுமோதி³து’’ந்தி. அத² கோ² தேஸங் பி⁴க்கூ²னங்
ஏதத³ஹோஸி – ‘‘கேன நு கோ² ப⁴த்தக்³கே³ அனுமோதி³தப்³ப³’’ந்தி? ப⁴க³வதோ
ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே
த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, தே²ரேன
பி⁴க்கு²னா ப⁴த்தக்³கே³ அனுமோதி³து’’ந்தி.
தேன கோ² பன ஸமயேன அஞ்ஞதரஸ்ஸ பூக³ஸ்ஸ ஸங்க⁴ப⁴த்தங் ஹோதி .
ஆயஸ்மா ஸாரிபுத்தோ ஸங்க⁴த்தே²ரோ ஹோதி. பி⁴க்கூ² – ‘ப⁴க³வதா அனுஞ்ஞாதங்
தே²ரேன பி⁴க்கு²னா ப⁴த்தக்³கே³ அனுமோதி³து’ந்தி – ஆயஸ்மந்தங் ஸாரிபுத்தங்
ஏககங் ஓஹாய பக்கமிங்ஸு. அத² கோ² ஆயஸ்மா ஸாரிபுத்தோ தே மனுஸ்ஸே
படிஸம்மோதி³த்வா பச்சா² ஏககோ அக³மாஸி. அத்³த³ஸா கோ² ப⁴க³வா ஆயஸ்மந்தங்
ஸாரிபுத்தங் தூ³ரதோவ ஏககங் ஆக³ச்ச²ந்தங். தி³ஸ்வான ஆயஸ்மந்தங் ஸாரிபுத்தங்
ஏதத³வோச – ‘‘கச்சி, ஸாரிபுத்த, ப⁴த்தங் இத்³த⁴ங் அஹோஸீ’’தி? ‘‘இத்³த⁴ங்
கோ², ப⁴ந்தே, ப⁴த்தங் அஹோஸி; அபிச மங் பி⁴க்கூ² ஏககங் ஓஹாய பக்கந்தா’’தி.
அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா
பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, ப⁴த்தக்³கே³ சதூஹி பஞ்சஹி
தே²ரானுதே²ரேஹி பி⁴க்கூ²ஹி ஆக³மேது’’ந்தி.
தேன கோ² பன ஸமயேன அஞ்ஞதரோ
தே²ரோ ப⁴த்தக்³கே³ வச்சிதோ ஆக³மேஸி. ஸோ வச்சங் ஸந்தா⁴ரேதுங் அஸக்கொந்தோ
முச்சி²தோ பபதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, ஸதி
கரணீயே ஆனந்தரிகங் பி⁴க்கு²ங் ஆபுச்சி²த்வா க³ந்து’’ந்தி.
5. ப⁴த்தக்³க³வத்தகதா²
363. தேன கோ² பன ஸமயேன ச²ப்³ப³க்³கி³யா பி⁴க்கூ² து³ன்னிவத்தா² து³ப்பாருதா அனாகப்பஸம்பன்னா ப⁴த்தக்³க³ங் க³ச்ச²ந்தி, வோக்கம்மபி தே²ரானங் பி⁴க்கூ²னங் புரதோ புரதோ க³ச்ச²ந்தி, தே²ரேபி பி⁴க்கூ² அனுபக²ஜ்ஜ நிஸீத³ந்தி ,
நவேபி பி⁴க்கூ² ஆஸனேன படிபா³ஹந்தி, ஸங்கா⁴டிம்பி ஒத்த²ரித்வா அந்தரக⁴ரே
நிஸீத³ந்தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² து³ன்னிவத்தா²
து³ப்பாருதா அனாகப்பஸம்பன்னா ப⁴த்தக்³க³ங் க³ச்சி²ஸ்ஸந்தி, வோக்கம்மபி
தே²ரானங் பி⁴க்கூ²னங் புரதோ புரதோ க³ச்சி²ஸ்ஸந்தி, தே²ரேபி பி⁴க்கூ²
அனுபக²ஜ்ஜ நிஸீதி³ஸ்ஸந்தி, நவேபி பி⁴க்கூ² ஆஸனேனபி படிபா³ஹிஸ்ஸந்தி,
ஸங்கா⁴டிம்பி ஒத்த²ரித்வா அந்தரக⁴ரே நிஸீதி³ஸ்ஸந்தீ’’தி! அத² கோ² தே
பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர, பி⁴க்க²வே,
ச²ப்³ப³க்³கி³யா பி⁴க்கூ² து³ன்னிவத்தா² து³ப்பாருதா அனாகப்பஸம்பன்னா
ப⁴த்தக்³க³ங் க³ச்ச²ந்தி, வோக்கம்மபி தே²ரானங் பி⁴க்கூ²னங் புரதோ புரதோ
க³ச்ச²ந்தி, தே²ரேபி பி⁴க்கூ² அனுபக²ஜ்ஜ நிஸீத³ந்தி, நவேபி பி⁴க்கூ² ஆஸனேன
படிபா³ஹந்தி, ஸங்கா⁴டிம்பி ஒத்த²ரித்வா அந்தரக⁴ரே நிஸீத³ந்தீ’’தி? ‘‘ஸச்சங்
ப⁴க³வா’’தி…பே॰… விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி
–
364. ‘‘தேன
ஹி, பி⁴க்க²வே, பி⁴க்கூ²னங் ப⁴த்தக்³க³வத்தங் பஞ்ஞபெஸ்ஸாமி யதா²
பி⁴க்கூ²ஹி ப⁴த்தக்³கே³ ஸம்மா வத்திதப்³ப³ங். ஸசே ஆராமே காலோ ஆரோசிதோ ஹோதி,
திமண்ட³லங் படிச்சா²தெ³ந்தேன பரிமண்ட³லங் நிவாஸெத்வா காயப³ந்த⁴னங்
ப³ந்தி⁴த்வா ஸகு³ணங் கத்வா ஸங்கா⁴டியோ பாருபித்வா க³ண்டி²கங் படிமுஞ்சித்வா
தோ⁴வித்வா பத்தங் க³ஹெத்வா ஸாது⁴கங் அதரமானேன கா³மோ பவிஸிதப்³போ³.
‘‘ந வோக்கம்ம தே²ரானங் பி⁴க்கூ²னங் புரதோ புரதோ க³ந்தப்³ப³ங். ஸுப்படிச்ச²ன்னேன அந்தரக⁴ரே
க³ந்தப்³ப³ங். ஸுஸங்வுதேன அந்தரக⁴ரே க³ந்தப்³ப³ங். ஒக்கி²த்தசக்கு²னா
அந்தரக⁴ரே க³ந்தப்³ப³ங். ந உக்கி²த்தகாய அந்தரக⁴ரே க³ந்தப்³ப³ங். ந
உஜ்ஜக்³கி⁴காய அந்தரக⁴ரே க³ந்தப்³ப³ங். அப்பஸத்³தே³ன அந்தரக⁴ரே
க³ந்தப்³ப³ங். ந காயப்பசாலகங் அந்தரக⁴ரே க³ந்தப்³ப³ங் .
ந பா³ஹுப்பசாலகங் அந்தரக⁴ரே க³ந்தப்³ப³ங். ந ஸீஸப்பசாலகங் அந்தரக⁴ரே
க³ந்தப்³ப³ங். ந க²ம்ப⁴கதேன அந்தரக⁴ரே க³ந்தப்³ப³ங். ந ஓகு³ண்டி²தேன
அந்தரக⁴ரே க³ந்தப்³ப³ங். ந உக்குடிகாய அந்தரக⁴ரே க³ந்தப்³ப³ங்.
‘‘ஸுப்படிச்ச²ன்னேன அந்தரக⁴ரே நிஸீதி³தப்³ப³ங்.
ஸுஸங்வுதேன அந்தரக⁴ரே நிஸீதி³தப்³ப³ங். ஒக்கி²த்தசக்கு²னா அந்தரக⁴ரே
நிஸீதி³தப்³ப³ங். ந உக்கி²த்தகாய அந்தரக⁴ரே நிஸீதி³தப்³ப³ங் ந
உஜ்ஜக்³கி⁴காய அந்தரக⁴ரே நிஸீதி³தப்³ப³ங், அப்பஸத்³தே³ன அந்தரக⁴ரே
நிஸீதி³தப்³ப³. ந காயப்பசாலகங் அந்தரக⁴ரே நிஸீதி³தப்³ப³ங். ந
பா³ஹுப்பசாலகங் அந்தரக⁴ரே நிஸீதி³தப்³ப³ங். ந ஸீஸப்பசாலகங் அந்தரக⁴ரே
நிஸீதி³தப்³ப³ங். ந க²ம்ப⁴கதேன அந்தரக⁴ரே நிஸீதி³தப்³ப³ங். ந ஓகு³ண்டி²தேன
அந்தரக⁴ரே நிஸீதி³தப்³ப³ங். ந பல்லத்தி²காய அந்தரக⁴ரே நிஸீதி³தப்³ப³ங். ந
தே²ரே பி⁴க்கூ² அனுபக²ஜ்ஜ நிஸீதி³தப்³ப³ங். ந நவா பி⁴க்கூ² ஆஸனேன
படிபா³ஹிதப்³பா³. ந ஸங்கா⁴டிங் ஒத்த²ரித்வா அந்தரக⁴ரே நிஸீதி³தப்³ப³ங்.
‘‘உத³கே தி³ய்யமானே உபோ⁴ஹி ஹத்தே²ஹி பத்தங்
படிக்³க³ஹெத்வா உத³கங் படிக்³க³ஹேதப்³ப³ங். நீசங் கத்வா ஸாது⁴கங்
அப்படிக⁴ங்ஸந்தேன பத்தோ தோ⁴விதப்³போ³. ஸசே உத³கப்படிக்³கா³ஹகோ ஹோதி, நீசங்
கத்வா உத³கப்படிக்³க³ஹே உத³கங் ஆஸிஞ்சிதப்³ப³ங் – மா உத³கப்படிக்³கா³ஹகோ
உத³கேன ஓஸிஞ்சி [ஓஸிஞ்சிய்யீ (க॰)], மா ஸாமந்தா பி⁴க்கூ² உத³கேன ஓஸிஞ்சிங்ஸு [ஓஸிஞ்சிய்யிங்ஸு (க॰)], மா ஸங்கா⁴டி உத³கேன ஓஸிஞ்சீதி. ஸசே உத³கப்படிக்³கா³ஹகோ ந ஹோதி, நீசங் கத்வா ச²மாய உத³கங் ஆஸிஞ்சிதப்³ப³ங் – மா ஸாமந்தா பி⁴க்கூ² உத³கேன ஓஸிஞ்சிங்ஸு, மா ஸங்கா⁴டி உத³கேன ஓஸிஞ்சீதி.
‘‘ஓத³னே தி³ய்யமானே உபோ⁴ஹி ஹத்தே²ஹி பத்தங்
படிக்³க³ஹெத்வா ஓத³னோ படிக்³க³ஹேதப்³போ³, ஸூபஸ்ஸ ஓகாஸோ காதப்³போ³. ஸசே ஹோதி
ஸப்பி வா தேலங் வா உத்தரிப⁴ங்க³ங் வா, தே²ரேன வத்தப்³போ³ – ‘ஸப்³பே³ஸங்
ஸமகங் ஸம்பாதே³ஹீ’தி. ஸக்கச்சங் பிண்ட³பாதோ படிக்³க³ஹேதப்³போ³.
பத்தஸஞ்ஞினா பிண்ட³பாதோ படிக்³க³ஹேதப்³போ³. ஸமஸூபகோ பிண்ட³பாதோ
படிக்³க³ஹேதப்³போ³. ஸமதித்திகோ பிண்ட³பாதோ படிக்³க³ஹேதப்³போ³.
‘‘ந தாவ தே²ரேன பு⁴ஞ்ஜிதப்³ப³ங் யாவ ந ஸப்³பே³ஸங்
ஓத³னோ ஸம்பத்தோ ஹோதி. ஸக்கச்சங் பிண்ட³பாதோ பு⁴ஞ்ஜிதப்³போ³. பத்தஸஞ்ஞினா
பிண்ட³பாதோ பு⁴ஞ்ஜிதப்³போ³. ஸபதா³னங் பிண்ட³பாதோ பு⁴ஞ்ஜிதப்³போ³. ஸமஸூபகோ
பிண்ட³பாதோ பு⁴ஞ்ஜிதப்³போ³ . ந தூ²பகதோ ஓமத்³தி³த்வா
பிண்டி³பாதோ பு⁴ஞ்ஜிதப்³போ³. ந ஸூபங் வா ப்³யஞ்ஜனங் வா ஓத³னேன
படிச்சா²தே³தப்³ப³ங் பி⁴ய்யோகம்யதங் உபாதா³ய. ந ஸூபங் வா ஓத³னங் வா
அகி³லானேன அத்தனோ அத்தா²ய விஞ்ஞாபெத்வா பு⁴ஞ்ஜிதப்³ப³ங். ந உஜ்ஜா²னஸஞ்ஞினா
பரேஸங் பத்தோ ஓலோகேதப்³போ³. நாதிமஹந்தோ கப³ளோ காதப்³போ³. பரிமண்ட³லோ ஆலோபோ
காதப்³போ³. ந அனாஹடே கப³ளே முக²த்³வாரங்
விவரிதப்³ப³ங். ந பு⁴ஞ்ஜமானேன ஸப்³போ³ ஹத்தோ² முகே² பக்கி²பிதப்³போ³. ந
ஸகப³ளேன முகே²ன ப்³யாஹரிதப்³ப³ங். ந பிண்டு³க்கே²பகங் பு⁴ஞ்ஜிதப்³ப³ங். ந
கப³ளாவச்சே²த³கங் பு⁴ஞ்ஜிதப்³ப³ங். ந அவக³ண்ட³காரகங் பு⁴ஞ்ஜிதப்³ப³ங். ந
ஹத்த²னித்³து⁴னகங் பு⁴ஞ்ஜிதப்³ப³ங். ந ஸித்தா²வகாரகங் பு⁴ஞ்ஜிதப்³ப³ங். ந
ஜிவ்ஹானிச்சா²ரகங் பு⁴ஞ்ஜிதப்³ப³ங். ந சபுசபுகாரகங் பு⁴ஞ்ஜிதப்³ப³ங். ந
ஸுருஸுருகாரகங் பு⁴ஞ்ஜிதப்³ப³ங். ந ஹத்த²னில்லேஹகங் பு⁴ஞ்ஜிதப்³ப³ங். ந
பத்தனில்லேஹகங் பு⁴ஞ்ஜிதப்³ப³ங். ந ஒட்ட²னில்லேஹகங் பு⁴ஞ்ஜிதப்³ப³ங்.
‘‘ந ஸாமிஸேன ஹத்தே²ன பானீயதா²லகோ படிக்³க³ஹேதப்³போ³. ந
தாவ தே²ரேன உத³கங் படிக்³க³ஹேதப்³ப³ங் யாவ ந ஸப்³பே³வ பு⁴த்தாவினோ ஹொந்தி.
உத³கே தி³ய்யமானே உபோ⁴ஹி ஹத்தே²ஹி பத்தங் படிக்³க³ஹெத்வா உத³கங்
படிக்³க³ஹேதப்³ப³ங். நீசங் கத்வா ஸாது⁴கங் அப்படிக⁴ங்ஸந்தேன பத்தோ
தோ⁴விதப்³போ³. ஸசே உத³கப்படிக்³கா³ஹகோ ஹோதி, நீசங் கத்வா உத³கப்படிக்³க³ஹே
உத³கங் ஆஸிஞ்சிதப்³ப³ங் – மா உத³கப்படிக்³கா³ஹகோ உத³கேன ஓஸிஞ்சி, மா
ஸாமந்தா பி⁴க்கூ² உத³கேன ஓஸிஞ்சிங்ஸு, மா ஸங்கா⁴டி உத³கேன ஓஸிஞ்சீதி. ஸசே
உத³கப்படிக்³கா³ஹகோ ந ஹோதி, நீசங் கத்வா ச²மாய உத³கங் ஆஸிஞ்சிதப்³ப³ங் – மா
ஸாமந்தா பி⁴க்கூ² உத³கேன ஓஸிஞ்சிங்ஸு, மா ஸங்கா⁴டி உத³கேன ஓஸிஞ்சீதி. ந
ஸஸித்த²கங் பத்ததோ⁴வனங் அந்தரக⁴ரே ச²ட்³டே³தப்³ப³ங்.
‘‘நிவத்தந்தேன நவகேஹி பி⁴க்கூ²ஹி பட²மதரங் நிவத்திதப்³ப³ங். பச்சா² தே²ரேஹி
ஸுப்படிச்ச²ன்னேன அந்தரக⁴ரே க³ந்தப்³ப³ங். ஸுஸங்வுதேன அந்தரக⁴ரே
க³ந்தப்³ப³ங். ஒக்கி²த்தசக்கு²னா அந்தரக⁴ரே க³ந்தப்³ப³ங். ந உக்கி²த்தகாய
அந்தரக⁴ரே க³ந்தப்³ப³ங். ந உஜ்ஜக்³கி⁴காய அந்தரக⁴ரே க³ந்தப்³ப³ங்.
அப்பஸத்³தே³ன அந்தரக⁴ரே க³ந்தப்³ப³ங். ந காயப்பசாலகங் அந்தரக⁴ரே
க³ந்தப்³ப³ங். ந பா³ஹுப்பசாலகங் அந்தரக⁴ரே க³ந்தப்³ப³ங் .
ந ஸீஸப்பசாலகங் அந்தரக⁴ரே க³ந்தப்³ப³ங். ந க²ம்ப⁴கதேன அந்தரக⁴ரே
க³ந்தப்³ப³ங். ந ஓகு³ண்டி²தேன அந்தரக⁴ரே க³ந்தப்³ப³ங். ந உக்குடிகாய
அந்தரக⁴ரே க³ந்தப்³ப³ங். இத³ங் கோ², பி⁴க்க²வே, பி⁴க்கூ²னங்
ப⁴த்தக்³க³வத்தங் யதா² பி⁴க்கூ²ஹி ப⁴த்தக்³கே³ ஸம்மா வத்திதப்³ப³’’ந்தி.
பட²மபா⁴ணவாரோ நிட்டி²தோ.
6. பிண்ட³சாரிகவத்தகதா²
365. தேன
கோ² பன ஸமயேன பிண்ட³சாரிகா பி⁴க்கூ² து³ன்னிவத்தா² து³ப்பாருதா
அனாகப்பஸம்பன்னா பிண்டா³ய சரந்தி, அஸல்லக்கெ²த்வாபி நிவேஸனங் பவிஸந்தி,
அஸல்லக்கெ²த்வாபி நிக்க²மந்தி, அதிஸஹஸாபி பவிஸந்தி, அதிஸஹஸாபி நிக்க²மந்தி,
அதிதூ³ரேபி திட்ட²ந்தி, அச்சாஸன்னேபி திட்ட²ந்தி, அதிசிரம்பி திட்ட²ந்தி,
அதிலஹும்பி நிவத்தந்தி. அஞ்ஞதரோபி பிண்ட³சாரிகோ பி⁴க்கு² அஸல்லக்கெ²த்வா
நிவேஸனங் பாவிஸி. ஸோ ச த்³வாரங் மஞ்ஞமானோ அஞ்ஞதரங் ஓவரகங் பாவிஸி.
தஸ்மிம்பி ஓவரகே இத்தீ² நக்³கா³ உத்தானா நிபன்னா ஹோதி. அத்³த³ஸா கோ² ஸோ
பி⁴க்கு² தங் இத்தி²ங் நக்³க³ங் உத்தானங் நிபன்னங். தி³ஸ்வான – ‘‘நயித³ங்
த்³வாரங், ஓவரகங் இத³’’ந்தி தம்ஹா ஓவரகா நிக்க²மி.
அத்³த³ஸா கோ² தஸ்ஸா இத்தி²யா ஸாமிகோ தங் இத்தி²ங் நக்³க³ங் உத்தானங்
நிபன்னங். தி³ஸ்வான – ‘‘இமினா மே பி⁴க்கு²னா பஜாபதீ தூ³ஸிதா’’தி தங்
பி⁴க்கு²ங் க³ஹெத்வா ஆகோடேஸி. அத² கோ² ஸா இத்தீ² தேன ஸத்³தே³ன
படிபு³ஜ்ஜி²த்வா தங் புரிஸங் ஏதத³வோச – ‘‘கிஸ்ஸ த்வங், அய்ய, இமங்
பி⁴க்கு²ங் ஆகோடேஸீ’’தி? ‘‘இமினாஸி த்வங் பி⁴க்கு²னா தூ³ஸிதா’’தி? ‘‘நாஹங்,
அய்ய, இமினா பி⁴க்கு²னா தூ³ஸிதா; அகாரகோ ஸோ பி⁴க்கூ²’’தி தங் பி⁴க்கு²ங்
முஞ்சாபேஸி. அத² கோ² ஸோ பி⁴க்கு² ஆராமங் க³ந்த்வா பி⁴க்கூ²னங் ஏதமத்த²ங்
ஆரோசேஸி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பிண்ட³சாரிகா பி⁴க்கூ² து³ன்னிவத்தா²
து³ப்பாருதா அனாகப்பஸம்பன்னா பிண்டா³ய சரிஸ்ஸந்தி, அஸல்லக்கெ²த்வாபி
நிவேஸனங் பவிஸிஸ்ஸந்தி, அஸல்லக்கெ²த்வாபி நிக்க²மிஸ்ஸந்தி, அதிஸஹஸாபி
பவிஸிஸ்ஸந்தி, அதிஸஹஸாபி நிக்க²மிஸ்ஸந்தி, அதிதூ³ரேபி திட்டி²ஸ்ஸந்தி,
அச்சாஸன்னேபி திட்டி²ஸ்ஸந்தி, அதிசிரம்பி திட்டி²ஸ்ஸந்தி, அதிலஹும்பி
நிவத்திஸ்ஸந்தீ’’தி! அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰…
ஸச்சங் கிர, பி⁴க்க²வே…பே॰… ஸச்சங் ப⁴க³வாதி…பே॰… விக³ரஹித்வா…பே॰…
த⁴ம்மிங் கத²ங் கத்வா பி⁴க்கூ² ஆமந்தேஸி –
366. ‘‘தேன ஹி, பி⁴க்க²வே, பிண்ட³சாரிகானங் பி⁴க்கூ²னங் வத்தங் பஞ்ஞாபெஸ்ஸாமி யதா² பிண்ட³சாரிகேஹி
பி⁴க்கூ²ஹி ஸம்மா வத்திதப்³ப³ங். பிண்ட³சாரிகேன, பி⁴க்க²வே, பி⁴க்கு²னா –
‘இதா³னி கா³மங் பவிஸிஸ்ஸாமீ’தி திமண்ட³லங் படிச்சா²தெ³ந்தேன பரிமண்ட³லங்
நிவாஸெத்வா காயப³ந்த⁴னங் ப³ந்தி⁴த்வா ஸகு³ணங் கத்வா
ஸங்கா⁴டியோ பாருபித்வா க³ண்டி²கங் படிமுஞ்சித்வா தோ⁴வித்வா பத்தங்
க³ஹெத்வா ஸாது⁴கங் அதரமானேன கா³மோ பவிஸிதப்³போ³.
‘‘ஸுப்படிச்ச²ன்னேன அந்தரக⁴ரே க³ந்தப்³ப³ங் .
ஸுஸங்வுதேன அந்தரக⁴ரே க³ந்தப்³ப³ங். ஒக்கி²த்தசக்கு²னா அந்தரக⁴ரே
க³ந்தப்³ப³ங். ந உக்கி²த்தகாய அந்தரக⁴ரே க³ந்தப்³ப³ங். ந உஜ்ஜக்³கி⁴காய
அந்தரக⁴ரே க³ந்தப்³ப³ங். அப்பஸத்³தே³ன அந்தரக⁴ரே க³ந்தப்³ப³ங். ந
காயப்பசாலகங் அந்தரக⁴ரே க³ந்தப்³ப³ங். ந பா³ஹுப்பசாலகங் அந்தரக⁴ரே
க³ந்தப்³ப³ங். ந ஸீஸப்பசாலகங் அந்தரக⁴ரே க³ந்தப்³ப³ங். ந க²ம்ப⁴கதேன
அந்தரக⁴ரே க³ந்தப்³ப³ங். ந ஓகு³ண்டி²தேன அந்தரக⁴ரே க³ந்தப்³ப³ங். ந
உக்குடிகாய அந்தரக⁴ரே க³ந்தப்³ப³ங்.
‘‘நிவேஸனங் பவிஸந்தேன ஸல்லக்கே²தப்³ப³ங் – ‘இமினா
பவிஸிஸ்ஸாமி, இமினா நிக்க²மிஸ்ஸாமீ’தி. நாதிஸஹஸா பவிஸிதப்³ப³ங். நாதிஸஹஸா
நிக்க²மிதப்³ப³ங். நாதிதூ³ரே டா²தப்³ப³ங். நாச்சாஸன்னே டா²தப்³ப³ங்.
நாதிசிரங் டா²தப்³ப³ங். நாதிலஹுங் நிவத்திதப்³ப³ங். டி²தகேன
ஸல்லக்கே²தப்³ப³ங் – ‘பி⁴க்க²ங் தா³துகாமா வா அதா³துகாமா வா’தி. ஸசே கம்மங்
வா நிக்கி²பதி, ஆஸனா வா வுட்டா²தி, கடச்சு²ங் வா பராமஸதி, பா⁴ஜனங் வா
பராமஸதி, ட²பேதி [டா²பேதி (க॰)] வா – தா³துகாமஸ்ஸாதி [தா³துகாமியாதி (ஸ்யா॰), தா³துகாமா வியாதி (ஸீ॰)]
டா²தப்³ப³ங். பி⁴க்கா²ய தி³ய்யமானாய வாமேன ஹத்தே²ன ஸங்கா⁴டிங் உச்சாரெத்வா
த³க்கி²ணேன ஹத்தே²ன பத்தங் பணாமெத்வா உபோ⁴ஹி ஹத்தே²ஹி பத்தங்
படிக்³க³ஹெத்வா பி⁴க்கா² படிக்³க³ஹேதப்³பா³. ந ச பி⁴க்கா²தா³யிகாய முக²ங் உல்லோகேதப்³ப³ங் [ஓலோகேதப்³ப³ங் (ஸ்யா॰)].
ஸல்லக்கே²தப்³ப³ங் – ‘ஸூபங் தா³துகாமா வா அதா³துகாமா வா’தி. ஸசே கடச்சு²ங்
வா பராமஸதி, பா⁴ஜனங் வா பராமஸதி, ட²பேதி வா – தா³துகாமஸ்ஸாதி டா²தப்³ப³ங்.
பி⁴க்கா²ய தி³ன்னாய ஸங்கா⁴டியா பத்தங் படிச்சா²தெ³த்வா ஸாது⁴கங் அதரமானேன
நிவத்திதப்³ப³ங்.
‘‘ஸுப்படிச்ச²ன்னேன அந்தரக⁴ரே க³ந்தப்³ப³ங்.
ஸுஸங்வுதேன அந்தரக⁴ரே க³ந்தப்³ப³ங். ஒக்கி²த்தசக்கு²னா அந்தரக⁴ரே
க³ந்தப்³ப³ங். ந உக்கி²த்தகாய அந்தரக⁴ரே க³ந்தப்³ப³ங். ந உஜ்ஜக்³கி⁴காய
அந்தரக⁴ரே க³ந்தப்³ப³ங். அப்பஸத்³தே³ன அந்தரக⁴ரே க³ந்தப்³ப³ங். ந
காயப்பசாலகங் அந்தரக⁴ரே க³ந்தப்³ப³ங். ந பா³ஹுப்பசாலகங் அந்தரக⁴ரே
க³ந்தப்³ப³ங். ந ஸீஸப்பசாலகங் அந்தரக⁴ரே க³ந்தப்³ப³ங். ந க²ம்ப⁴கதேன
அந்தரக⁴ரே க³ந்தப்³ப³ங். ந ஓகு³ண்டி²தேன அந்தரக⁴ரே க³ந்தப்³ப³ங். ந
உக்குடிகாய அந்தரக⁴ரே க³ந்தப்³ப³ங். யோ பட²மங் கா³மதோ பிண்டா³ய படிக்கமதி,
தேன ஆஸனங் பஞ்ஞபேதப்³ப³ங், பாதோ³த³கங் பாத³பீட²ங்
பாத³கத²லிகங் உபனிக்கி²பிதப்³ப³ங், அவக்காரபாதி தோ⁴வித்வா
உபட்டா²பேதப்³பா³, பானீயங் பரிபோ⁴ஜனீயங் உபட்டா²பேதப்³ப³ங். யோ பச்சா²
கா³மதோ பிண்டா³ய படிக்கமதி, ஸசே ஹோதி பு⁴த்தாவஸேஸோ, ஸசே ஆகங்க²தி,
பு⁴ஞ்ஜிதப்³ப³ங் . நோ சே ஆகங்க²தி, அப்பஹரிதே வா
ச²ட்³டே³தப்³ப³ங், அப்பாணகே வா உத³கே ஓபிலாபேதப்³ப³ங். தேன ஆஸனங்
உத்³த⁴ரிதப்³ப³ங், பாதோ³த³கங் பாத³பீட²ங் பாத³கத²லிகங் படிஸாமேதப்³ப³ங்,
அவக்காரபாதி தோ⁴வித்வா படிஸாமேதப்³பா³, பானீயங் பரிபோ⁴ஜனீயங்
படிஸாமேதப்³ப³ங் , ப⁴த்தக்³க³ங் ஸம்மஜ்ஜிதப்³ப³ங்.
யோ பஸ்ஸதி பானீயக⁴டங் வா பரிபோ⁴ஜனீயக⁴டங் வா வச்சக⁴டங் வா ரித்தங் துச்ச²ங்
தேன உபட்டா²பேதப்³ப³ங். ஸசஸ்ஸ ஹோதி அவிஸய்ஹங், ஹத்த²விகாரேன து³தியங்
ஆமந்தெத்வா ஹத்த²விலங்க⁴கேன உபட்டா²பேதப்³ப³ங், ந ச தப்பச்சயா வாசா
பி⁴ந்தி³தப்³பா³. இத³ங் கோ², பி⁴க்க²வே, பிண்ட³சாரிகானங் பி⁴க்கூ²னங்
வத்தங் யதா² பிண்ட³சாரிகேஹி பி⁴க்கூ²ஹி ஸம்மா வத்திதப்³ப³’’ந்தி.
7. ஆரஞ்ஞிகவத்தகதா²
367. தேன கோ² பன ஸமயேன ஸம்ப³ஹுலா பி⁴க்கூ² அரஞ்ஞே விஹரந்தி. தே நேவ பானீயங் உபட்டா²பெந்தி, ந பரிபோ⁴ஜனீயங் உபட்டா²பெந்தி ,
ந அக்³கி³ங் உபட்டா²பெந்தி, ந அரணிஸஹிதங் உபட்டா²பெந்தி, ந நக்க²த்தபதா³னி
ஜானந்தி, ந தி³ஸாபா⁴க³ங் ஜானந்தி. சோரா தத்த² க³ந்த்வா தே பி⁴க்கூ²
ஏதத³வோசுங் – ‘‘அத்தி², ப⁴ந்தே, பானீய’’ந்தி? ‘‘நத்தா²வுஸோ’’தி. ‘‘அத்தி²,
ப⁴ந்தே, பரிபோ⁴ஜனீய’’ந்தி? ‘‘நத்தா²வுஸோ’’தி. ‘‘அத்தி², ப⁴ந்தே,
அக்³கீ³’’தி? ‘‘நத்தா²வுஸோ’’தி. ‘‘அத்தி², ப⁴ந்தே, அரணிஸஹித’’ந்தி?
‘‘நத்தா²வுஸோ’’தி. ( ) [(அத்தி² ப⁴ந்தே நக்க²த்தபதா³னீதி, ந ஜானாம ஆவுஸோதி, அத்தி² ப⁴ந்தே தி³ஸாபா⁴க³ந்தி, ந ஜானாம ஆவுஸோதி.) ஸீ॰ விமதிடீகாய பன ஸமேதி]
‘‘கேனஜ்ஜ, ப⁴ந்தே, யுத்த’’ந்தி? ‘‘ந கோ² மயங், ஆவுஸோ, ஜானாமா’’தி.
‘‘கதமாயங், ப⁴ந்தே, தி³ஸா’’தி? ‘‘ந கோ² மயங், ஆவுஸோ, ஜானாமா’’தி. அத² கோ²
தே சோரா – ‘நேவிமேஸங் பானீயங் அத்தி², ந பரிபோ⁴ஜனீயங் அத்தி², ந அக்³கி³
அத்தி², ந அரணிஸஹிதங் அத்தி², ந நக்க²த்தபதா³னி ஜானந்தி, ந தி³ஸாபா⁴க³ங்
ஜானந்தி; சோரா இமே, நயிமே பி⁴க்கூ²’தி – ஆகோடெத்வா பக்கமிங்ஸு. அத² கோ² தே
பி⁴க்கூ² பி⁴க்கூ²னங் ஏதமத்த²ங் ஆரோசேஸுங். பி⁴க்கூ² ப⁴க³வதோ ஏதமத்த²ங்
ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி –
368.
‘‘தேன ஹி, பி⁴க்க²வே, ஆரஞ்ஞிகானங் பி⁴க்கூ²னங் வத்தங் பஞ்ஞபெஸ்ஸாமி யதா²
ஆரஞ்ஞிகேஹி பி⁴க்கூ²ஹி ஸம்மா வத்திதப்³ப³ங். ஆரஞ்ஞிகேன, பி⁴க்க²வே,
பி⁴க்கு²னா காலஸ்ஸேவ உட்டா²ய பத்தங் த²விகாய பக்கி²பித்வா அங்ஸே
ஆலக்³கெ³த்வா சீவரங் க²ந்தே⁴ கரித்வா உபாஹனா ஆரோஹித்வா தா³ருப⁴ண்ட³ங் மத்திகாப⁴ண்ட³ங் படிஸாமெத்வா த்³வாரவாதபானங் த²கெத்வா ஸேனாஸனா ஓதரிதப்³ப³ங்
– இதா³னி கா³மங் பவிஸிஸ்ஸாமீதி. உபாஹனா ஓமுஞ்சித்வா நீசங் கத்வா
பப்போ²டெத்வா த²விகாய பக்கி²பித்வா அங்ஸே ஆலக்³கெ³த்வா திமண்ட³லங்
படிச்சா²தெ³ந்தேன பரிமண்ட³லங் நிவாஸெத்வா காயப³ந்த⁴னங் ப³ந்தி⁴த்வா ஸகு³ணங்
கத்வா ஸங்கா⁴டியோ பாருபித்வா க³ண்டி²கங் படிமுஞ்சித்வா தோ⁴வித்வா பத்தங்
க³ஹெத்வா ஸாது⁴கங் அதரமானேன கா³மோ பவிஸிதப்³போ³. ஸுப்படிச்ச²ன்னேன
அந்தரக⁴ரே க³ந்தப்³ப³ங்…பே॰… ந க²ம்ப⁴கதேன அந்தரக⁴ரே க³ந்தப்³ப³ங். ந
ஓகு³ண்டி²தேன அந்தரக⁴ரே க³ந்தப்³ப³ங். ந உக்குடிகாய அந்தரக⁴ரே
க³ந்தப்³ப³ங்.
‘‘நிவேஸனங் பவிஸந்தேன ஸல்லக்கே²தப்³ப³ங் – ‘இமினா
பவிஸிஸ்ஸாமி, இமினா நிக்க²மிஸ்ஸாமீ’தி. நாதிஸஹஸா பவிஸிதப்³ப³ங். நாதிஸஹஸா
நிக்க²மிதப்³ப³ங். நாதிதூ³ரே டா²தப்³ப³ங். நாச்சாஸன்னே டா²தப்³ப³ங்.
நாதிசிரங் டா²தப்³ப³ங். நாதிலஹுங் நிவத்திதப்³ப³ங். டி²தகேன
ஸல்லக்கே²தப்³ப³ங் – ‘பி⁴க்க²ங் தா³துகாமா வா அதா³துகாமா வா’தி. ஸசே கம்மங்
வா நிக்கி²பதி, ஆஸனா வா வுட்டா²தி, கடச்சு²ங் வா பராமஸதி, பா⁴ஜனங் வா
பராமஸதி, ட²பேதி வா – தா³துகாமஸ்ஸாதி டா²தப்³ப³ங். பி⁴க்கா²ய தி³ய்யமானாய
வாமேன ஹத்தே²ன ஸங்கா⁴டிங் உச்சாரெத்வா த³க்கி²ணேன
ஹத்தே²ன பத்தங் பணாமெத்வா உபோ⁴ஹி ஹத்தே²ஹி பத்தங் படிக்³க³ஹெத்வா பி⁴க்கா²
படிக்³க³ஹேதப்³பா³. ந ச பி⁴க்கா²தா³யிகாய முக²ங் உல்லோகேதப்³ப³ங்.
ஸல்லக்கே²தப்³ப³ங் – ‘ஸூபங் தா³துகாமா வா அதா³துகாமா வா’தி. ஸசே கடச்சு² வா
பராமஸதி, பா⁴ஜனங் வா பராமஸதி, ட²பேதி வா – தா³துகாமஸ்ஸாதி டா²தப்³ப³ங்.
பி⁴க்கா²ய தி³ன்னாய ஸங்கா⁴டியா பத்தங் படிச்சா²தெ³த்வா ஸாது⁴கங் அதரமானேன
நிவத்திதப்³ப³ங்.
‘‘ஸுப்படிச்ச²ன்னேன அந்தரக⁴ரே க³ந்தப்³ப³ங்…பே॰… ந
உக்குடிகாய அந்தரக⁴ரே க³ந்தப்³ப³ங். கா³மதோ நிக்க²மித்வா பத்தங் த²விகாய
பக்கி²பித்வா அங்ஸே ஆலக்³கெ³த்வா சீவரங் ஸங்க⁴ரித்வா ஸீஸே கரித்வா உபாஹனா
ஆரோஹித்வா க³ந்தப்³ப³ங்.
‘‘ஆரஞ்ஞிகேன, பி⁴க்க²வே, பி⁴க்கு²னா பானீயங்
உபட்டா²பேதப்³ப³ங், பரிபோ⁴ஜனீயங் உபட்டா²பேதப்³ப³ங், அக்³கி³
உபட்டா²பேதப்³போ³, அரணிஸஹிதங் உபட்டா²பேதப்³ப³ங், கத்தரத³ண்டோ³
உபட்டா²பேதப்³போ³, நக்க²த்தபதா³னி உக்³க³ஹேதப்³பா³னி – ஸகலானி வா ஏகதே³ஸானி
வா, தி³ஸாகுஸலேன ப⁴விதப்³ப³ங். இத³ங் கோ², பி⁴க்க²வே, ஆரஞ்ஞிகானங்
பி⁴க்கூ²னங் வத்தங் யதா² ஆரஞ்ஞிகேஹி பி⁴க்கூ²ஹி ஸம்மா வத்திதப்³ப³’’ந்தி.
8. ஸேனாஸனவத்தகதா²
369. தேன கோ² பன ஸமயேன ஸம்ப³ஹுலா பி⁴க்கூ² அஜ்ஜோ²காஸே சீவரகம்மங் கரொந்தி. ச²ப்³ப³க்³கி³யா பி⁴க்கூ² படிவாதே அங்க³ணே [பங்க³ணே (ஸீ॰ ஸ்யா॰)] ஸேனாஸனங் பப்போ²டேஸுங். பி⁴க்கூ² ரஜேன ஓகிரிங்ஸு. யே தே பி⁴க்கூ² அப்பிச்சா²…பே॰…
தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா
பி⁴க்கூ² படிவாதே அங்க³ணே ஸேனாஸனங் பப்போ²டெஸ்ஸந்தி! பி⁴க்கூ² ரஜேன
ஓகிரிங்ஸூ’’தி. அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰…
‘‘ஸச்சங் கிர, பி⁴க்க²வே, ச²ப்³ப³க்³கி³யா பி⁴க்கூ² படிவாதே அங்க³ணே
ஸேனாஸனங் பப்போ²டெந்தி, பி⁴க்கூ² ரஜேன ஓகிரிங்ஸூ’’தி? ‘‘ஸச்சங்
ப⁴க³வா’’தி…பே॰… விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி –
370.
‘‘தேன ஹி, பி⁴க்க²வே, பி⁴க்கூ²னங் ஸேனாஸனவத்தங் பஞ்ஞபெஸ்ஸாமி யதா²
பி⁴க்கூ²ஹி ஸேனாஸனே ஸம்மா வத்திதப்³ப³ங். யஸ்மிங் விஹாரே விஹரதி, ஸசே ஸோ
விஹாரோ உக்லாபோ ஹோதி, ஸசே உஸ்ஸஹதி, ஸோதே⁴தப்³போ³. [மஹாவ॰ 66, 67; சூளவ॰ 357]
விஹாரங் ஸோதெ⁴ந்தேன பட²மங் பத்தசீவரங் நீஹரித்வா ஏகமந்தங்
நிக்கி²பிதப்³ப³ங்; நிஸீத³னபச்சத்த²ரணங் நீஹரித்வா ஏகமந்தங்
நிக்கி²பிதப்³ப³ங்; பி⁴ஸிபி³ப்³போ³ஹனங் நீஹரித்வா ஏகமந்தங்
நிக்கி²பிதப்³ப³ங்; மஞ்சோ நீசங் கத்வா ஸாது⁴கங் அப்படிக⁴ங்ஸந்தேன,
அஸங்க⁴ட்டெந்தேன கவாடபிட்ட²ங், நீஹரித்வா ஏகமந்தங் நிக்கி²பிதப்³போ³;
பீட²ங் நீசங் கத்வா ஸாது⁴கங் அப்படிக⁴ங்ஸந்தேன, அஸங்க⁴ட்டெந்தேன
கவாடபிட்ட²ங், நீஹரித்வா ஏகமந்தங் நிக்கி²பிதப்³ப³ங்; மஞ்சபடிபாத³கா
நீஹரித்வா ஏகமந்தங் நிக்கி²பிதப்³பா³; கே²ளமல்லகோ நீஹரித்வா ஏகமந்தங்
நிக்கி²பிதப்³போ³; அபஸ்ஸேனப²லகங் நீஹரித்வா ஏகமந்தங் நிக்கி²பிதப்³ப³ங்;
பு⁴ம்மத்த²ரணங் யதா²பஞ்ஞத்தங் ஸல்லக்கெ²த்வா நீஹரித்வா ஏகமந்தங்
நிக்கி²பிதப்³ப³ங். ஸசே விஹாரே ஸந்தானகங் ஹோதி,
உல்லோகா பட²மங் ஓஹாரேதப்³ப³ங், ஆலோகஸந்தி⁴கண்ணபா⁴கா³ பமஜ்ஜிதப்³பா³. ஸசே
கே³ருகபரிகம்மகதா பி⁴த்தி கண்ணகிதா ஹோதி, சோளகங் தேமெத்வா பீளெத்வா
பமஜ்ஜிதப்³பா³. ஸசே காளவண்ணகதா பூ⁴மி கண்ணகிதா ஹோதி, சோளகங் தேமெத்வா
பீளெத்வா பமஜ்ஜிதப்³பா³. ஸசே அகதா ஹோதி பூ⁴மி, உத³கேன பரிப்போ²ஸித்வா
பரிபோ²ஸித்வா ஸம்மஜ்ஜிதப்³பா³ – மா விஹாரோ ரஜேன உஹஞ்ஞீதி. ஸங்காரங்
விசினித்வா ஏகமந்தங் ச²ட்³டே³தப்³ப³ங்.
‘‘ந பி⁴க்கு²ஸாமந்தா ஸேனாஸனங்
பப்போ²டேதப்³ப³ங். ந விஹாரஸாமந்தா ஸேனாஸனங் பப்போ²டேதப்³ப³ங். ந
பானீயஸாமந்தா ஸேனாஸனங் பப்போ²டேதப்³ப³ங். ந பரிபோ⁴ஜனீயஸாமந்தா ஸேனாஸனங்
பப்போ²டேதப்³ப³ங். ந படிவாதே அங்க³ணே ஸேனாஸனங் பப்போ²டேதப்³ப³ங். அதோ⁴வாதே
ஸேனாஸனங் பப்போ²டேதப்³ப³ங்.
‘‘பு⁴ம்மத்த²ரணங் ஏகமந்தங் ஓதாபெத்வா ஸோதெ⁴த்வா பப்போ²டெத்வா அதிஹரித்வா யதா²பஞ்ஞத்தங் பஞ்ஞபேதப்³ப³ங். மஞ்சபடிபாத³கா ஏகமந்தங் ஓதாபெத்வா பமஜ்ஜித்வா
அதிஹரித்வா யதா²டா²னே ட²பேதப்³பா³. மஞ்சோ ஏகமந்தங் ஓதாபெத்வா ஸோதெ⁴த்வா
பப்போ²டெத்வா நீசங் கத்வா ஸாது⁴கங் அப்படிக⁴ங்ஸந்தேன, அஸங்க⁴ட்டெந்தேன
கவாடபிட்ட²ங், அதிஹரித்வா யதா²பஞ்ஞத்தங் பஞ்ஞபேதப்³போ³. பீட²ங் ஏகமந்தங்
ஓதாபெத்வா ஸோதெ⁴த்வா பப்போ²டெத்வா நீசங் கத்வா ஸாது⁴கங் அப்படிக⁴ங்ஸந்தேன,
அஸங்க⁴ட்டெந்தேன கவாடபிட்ட²ங், அதிஹரித்வா யதா²பஞ்ஞத்தங் பஞ்ஞபேதப்³ப³ங்.
பி⁴ஸிபி³ப்³போ³ஹனங் ஏகமந்தங் ஓதாபெத்வா ஸோதெ⁴த்வா பப்போ²டெத்வா
அதிஹரித்வா யதா²பஞ்ஞத்தங் பஞ்ஞபேதப்³ப³ங். நிஸீத³னபச்சத்த²ரணங் ஏகமந்தங்
ஓதாபெத்வா ஸோதெ⁴த்வா பப்போ²டெத்வா அதிஹரித்வா யதா²பஞ்ஞத்தங்
பஞ்ஞபேதப்³ப³ங். கே²ளமல்லகோ ஏகமந்தங் ஓதாபெத்வா பமஜ்ஜித்வா அதிஹரித்வா
யதா²டா²னே ட²பேதப்³போ³. அபஸ்ஸேனப²லகங் ஏகமந்தங் ஓதாபெத்வா பமஜ்ஜித்வா
அதிஹரித்வா யதா²டா²னே ட²பேதப்³ப³ங். பத்தசீவரங் நிக்கி²பிதப்³ப³ங். பத்தங்
நிக்கி²பந்தேன ஏகேன ஹத்தே²ன பத்தங் க³ஹெத்வா ஏகேன ஹத்தே²ன ஹெட்டா²மஞ்சங் வா
ஹெட்டா²பீட²ங் வா பராமஸித்வா பத்தோ நிக்கி²பிதப்³போ³. ந ச அனந்தரஹிதாய
பூ⁴மியா பத்தோ நிக்கி²பிதப்³போ³. சீவரங் நிக்கி²பந்தேன ஏகேன ஹத்தே²ன சீவரங்
க³ஹெத்வா ஏகேன ஹத்தே²ன சீவரவங்ஸங் வா சீவரரஜ்ஜு வா பமஜ்ஜித்வா பாரதோ
அந்தங் ஓரதோ போ⁴க³ங் கத்வா சீவரங் நிக்கி²பிதப்³ப³ங்.
‘‘ஸசே புரத்தி²மா ஸரஜா வாதா வாயந்தி, புரத்தி²மா
வாதபானா த²கேதப்³பா³. ஸசே பச்சி²மா ஸரஜா வாதா வாயந்தி, பச்சி²மா வாதபானா
த²கேதப்³பா³. ஸசே உத்தரா ஸரஜா வாதா வாயந்தி உத்தரா வாதபானா த²கேதப்³பா³.
ஸசே த³க்கி²ணா ஸரஜா வாதா வாயந்தி, த³க்கி²ணா வாதபானா த²கேதப்³பா³. ஸசே
ஸீதகாலோ ஹோதி, தி³வா வாதபானா விவரிதப்³பா³, ரத்திங் த²கேதப்³பா³. ஸசே
உண்ஹகாலோ ஹோதி, தி³வா வாதபானா த²கேதப்³பா³, ரத்திங் விவரிதப்³பா³.
‘‘ஸசே பரிவேணங் உக்லாபங் ஹோதி, பரிவேணங் ஸம்மஜ்ஜிதப்³ப³ங். ஸசே கொட்ட²கோ உக்லாபோ ஹோதி, கொட்ட²கோ ஸம்மஜ்ஜிதப்³போ³. ஸசே உபட்டா²னஸாலா
உக்லாபா ஹோதி, உபட்டா²னஸாலா ஸம்மஜ்ஜிதப்³பா³. ஸசே அக்³கி³ஸாலா உக்லாபா
ஹோதி, அக்³கி³ஸாலா ஸம்மஜ்ஜிதப்³பா³. ஸசே வச்சகுடி உக்லாபா ஹோதி, வச்சகுடி
ஸம்மஜ்ஜிதப்³பா³. ஸசே பானீயங் ந ஹோதி, பானீயங் உபட்டா²பேதப்³ப³ங். ஸசே
பரிபோ⁴ஜனீயங் ந ஹோதி, பரிபோ⁴ஜனீயங் உபட்டா²பேதப்³ப³ங். ஸசே ஆசமனகும்பி⁴யா
உத³கங் ந ஹோதி, ஆசமனகும்பி⁴யா உத³கங் ஆஸிஞ்சிதப்³ப³ங்.
‘‘ஸசே வுட்³டே⁴ன ஸத்³தி⁴ங் ஏகவிஹாரே விஹரதி, ந
வுட்³ட⁴ங் அனாபுச்சா² உத்³தே³ஸோ தா³தப்³போ³, ந பரிபுச்சா² தா³தப்³பா³, ந
ஸஜ்ஜா²யோ காதப்³போ³, ந த⁴ம்மோ பா⁴ஸிதப்³போ³, ந பதீ³போ காதப்³போ³, ந பதீ³போ விஜ்ஜா²பேதப்³போ³, ந வாதபானா விவரிதப்³பா³, ந வாதபானா த²கேதப்³பா³. ஸசே
வுட்³டே⁴ன ஸத்³தி⁴ங் ஏகசங்கமே சங்கமதி, யேன வுட்³டோ⁴ தேன
பரிவத்திதப்³ப³ங், ந ச வுட்³டோ⁴ ஸங்கா⁴டிகண்ணேன க⁴ட்டேதப்³போ³. இத³ங் கோ²,
பி⁴க்க²வே, பி⁴க்கூ²னங் ஸேனாஸனவத்தங் யதா² பி⁴க்கூ²ஹி ஸேனாஸனே ஸம்மா
வத்திதப்³ப³’’ந்தி.
9. ஜந்தாக⁴ரவத்தகதா²
371.
தேன கோ² பன ஸமயேன ச²ப்³ப³க்³கி³யா பி⁴க்கூ² ஜந்தாக⁴ரே தே²ரேஹி பி⁴க்கூ²ஹி
நிவாரியமானா அனாத³ரியங் படிச்ச பஹூதங் கட்ட²ங் ஆரோபெத்வா அக்³கி³ங் த³த்வா
த்³வாரங் த²கெத்வா த்³வாரே நிஸீத³ந்தி. பி⁴க்கூ² [தே²ரா ச பி⁴க்கூ² (ஸ்யா॰ கங்॰)]
உண்ஹாபி⁴தத்தா த்³வாரங் அலப⁴மானா முச்சி²தா பபதந்தி. யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி
நாம ச²ப்³ப³க்³கி³யா பி⁴க்கூ² ஜந்தாக⁴ரே தே²ரேஹி பி⁴க்கூ²ஹி நிவாரியமானா
அனாத³ரியங் படிச்ச பஹூதங் கட்ட²ங் ஆரோபெத்வா அக்³கி³ங் த³த்வா த்³வாரங்
த²கெத்வா த்³வாரே நிஸீதி³ஸ்ஸந்தி! பி⁴க்கூ² உண்ஹாபி⁴தத்தா த்³வாரங்
அலப⁴மானா முச்சி²தா பபதந்தீ’’தி. அத² கோ² தே பி⁴க்கூ² ப⁴க³வதோ ஏதமத்த²ங்
ஆரோசேஸுங்…பே॰… ‘‘ஸச்சங் கிர, பி⁴க்க²வே, ச²ப்³ப³க்³கி³யா பி⁴க்கூ²
ஜந்தாக⁴ரே தே²ரேஹி பி⁴க்கூ²ஹி நிவாரியமானா அனாத³ரியங் படிச்ச பஹூதங்
கட்ட²ங் ஆரோபெத்வா அக்³கி³ங் த³த்வா த்³வாரங் த²கெத்வா த்³வாரே நிஸீத³ந்தி;
பி⁴க்கூ² உண்ஹாபி⁴தத்தா த்³வாரங் அலப⁴மானா முச்சி²தா பபதந்தீ’’தி?
‘‘ஸச்சங் ப⁴க³வா’’தி…பே॰… விக³ரஹித்வா…பே॰… த⁴ம்மிங் கத²ங் கத்வா பி⁴க்கூ²
ஆமந்தேஸி – ‘‘ந , பி⁴க்க²வே, ஜந்தாக⁴ரே தே²ரேன
பி⁴க்கு²னா நிவாரியமானேன அனாத³ரியங் படிச்ச பஹூதங் கட்ட²ங் ஆரோபெத்வா
அக்³கி³ தா³தப்³போ³. யோ த³தெ³ய்ய, ஆபத்தி து³க்கடஸ்ஸ. ந, பி⁴க்க²வே,
த்³வாரங் த²கெத்வா த்³வாரே நிஸீதி³தப்³ப³ங். யோ நிஸீதெ³ய்ய, ஆபத்தி
து³க்கடஸ்ஸ.
372.
‘‘தேன ஹி, பி⁴க்க²வே, பி⁴க்கூ²னங் ஜந்தாக⁴ரவத்தங் பஞ்ஞபெஸ்ஸாமி யதா²
பி⁴க்கூ²ஹி ஜந்தாக⁴ரே ஸம்மா வத்திதப்³ப³ங். யோ பட²மங் ஜந்தாக⁴ரங் க³ச்ச²தி,
ஸசே சா²ரிகா உஸ்ஸன்னா ஹோதி, சா²ரிகா ச²ட்³டே³தப்³பா³. ஸசே ஜந்தாக⁴ரங்
உக்லாபங் ஹோதி, ஜந்தாக⁴ரங் ஸம்மஜ்ஜிதப்³ப³ங். ஸசே பரிப⁴ண்ட³ங் உக்லாபங்
ஹோதி, பரிப⁴ண்ட³ங் ஸம்மஜ்ஜிதப்³ப³ங். ஸசே பரிவேணங் உக்லாபங் ஹோதி, பரிவேணங்
ஸம்மஜ்ஜிதப்³ப³ங். ஸசே கொட்ட²கோ உக்லாபோ ஹோதி, கொட்ட²கோ ஸம்மஜ்ஜிதப்³போ³ . ஸசே ஜந்தாக⁴ரஸாலா உக்லாபா ஹோதி, ஜந்தாக⁴ரஸாலா ஸம்மஜ்ஜிதப்³பா³.
‘‘சுண்ணங் ஸன்னேதப்³ப³ங், மத்திகா தேமேதப்³பா³, உத³கதோ³ணிகாய உத³கங் ஆஸிஞ்சிதப்³ப³ங். ஜந்தாக⁴ரங்
பவிஸந்தேன மத்திகாய முக²ங் மக்கெ²த்வா புரதோ ச பச்ச²தோ ச படிச்சா²தெ³த்வா
ஜந்தாக⁴ரங் பவிஸிதப்³ப³ங். ந தே²ரே பி⁴க்கூ² அனுபக²ஜ்ஜ நிஸீதி³தப்³ப³ங். ந
நவா பி⁴க்கூ² ஆஸனேன படிபா³ஹிதப்³பா³. ஸசே உஸ்ஸஹதி, ஜந்தாக⁴ரே தே²ரானங்
பி⁴க்கூ²னங் பரிகம்மங் காதப்³ப³ங். ஜந்தாக⁴ரா நிக்க²மந்தேன ஜந்தாக⁴ரபீட²ங்
ஆதா³ய புரதோ ச பச்ச²தோ ச படிச்சா²தெ³த்வா ஜந்தாக⁴ரா நிக்க²மிதப்³ப³ங். ஸசே
உஸ்ஸஹதி, உத³கேபி தே²ரானங் பி⁴க்கூ²னங் பரிகம்மங் காதப்³ப³ங். ந தே²ரானங்
பி⁴க்கூ²னங் புரதோபி நஹாயிதப்³ப³ங், ந உபரிதோபி
நஹாயிதப்³ப³ங். நஹாதேன உத்தரந்தேன ஓதரந்தானங் மக்³கோ³ தா³தப்³போ³. யோ
பச்சா² ஜந்தாக⁴ரா நிக்க²மதி, ஸசே ஜந்தாக⁴ரங் சிக்க²ல்லங் ஹோதி,
தோ⁴விதப்³ப³ங். மத்திகாதோ³ணிகங் தோ⁴வித்வா ஜந்தாக⁴ரபீட²ங் படிஸாமெத்வா
அக்³கி³ங் விஜ்ஜா²பெத்வா த்³வாரங் த²கெத்வா பக்கமிதப்³ப³ங். இத³ங் கோ²,
பி⁴க்க²வே, பி⁴க்கூ²னங் ஜந்தாக⁴ரவத்தங் யதா² பி⁴க்கூ²ஹி ஜந்தாக⁴ரே ஸம்மா
வத்திதப்³ப³’’ந்தி.
10. வச்சகுடிவத்தகதா²
373. தேன கோ² பன ஸமயேன அஞ்ஞதரோ பி⁴க்கு² ப்³ராஹ்மணஜாதிகோ வச்சங் கத்வா ந இச்ச²தி ஆசமேதுங் – கோ இமங் வஸலங் து³க்³க³ந்த⁴ங் ஆமஸிஸ்ஸதீதி [ஆசமிஸ்ஸதீதி (க॰)].
தஸ்ஸ வச்சமக்³கே³ கிமி ஸண்டா²தி. அத² கோ² ஸோ பி⁴க்கு² பி⁴க்கூ²னங்
ஏதமத்த²ங் ஆரோசேஸி. ‘‘கிங் பன த்வங், ஆவுஸோ, வச்சங் கத்வா ந ஆசமேஸீ’’தி?
‘‘ஏவமாவுஸோ’’தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பி⁴க்கு² வச்சங் கத்வா ந ஆசமெஸ்ஸதீ’’தி! அத²
கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர த்வங்,
பி⁴க்கு², வச்சங் கத்வா ந ஆசமேஸீ’’தி? ‘‘ஸச்சங் ப⁴க³வா’’தி…பே॰…
விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘ந,
பி⁴க்க²வே, வச்சங் கத்வா ஸதி உத³கே நாசமேதப்³ப³ங். யோ நாசமெய்ய, ஆபத்தி
து³க்கடஸ்ஸா’’தி.
தேன கோ² பன ஸமயேன பி⁴க்கூ² வச்சகுடியா யதா²வுட்³ட⁴ங்
வச்சங் கரொந்தி. நவகா பி⁴க்கூ² பட²மதரங் ஆக³ந்த்வா வச்சிதா ஆக³மெந்தி. தே
வச்சங் ஸந்தா⁴ரெந்தா முச்சி²தா பபதந்தி. ப⁴க³வதோ ஏதமத்த²ங் ஆரோசேஸுங்…பே॰…
ஸச்சங் கிர பி⁴க்க²வே…பே॰… ஸச்சங் ப⁴க³வாதி…பே॰… ‘‘ந, பி⁴க்க²வே,
வச்சகுடியா யதா²வுட்³ட⁴ங் வச்சோ காதப்³போ³. யோ கரெய்ய, ஆபத்தி து³க்கடஸ்ஸ.
அனுஜானாமி, பி⁴க்க²வே, ஆக³தபடிபாடியா வச்சங் காது’’ந்தி.
தேன கோ² பன ஸமயேன ச²ப்³ப³க்³கி³யா பி⁴க்கூ² அதிஸஹஸாபி வச்சகுடிங் பவிஸந்தி, உப்³ப⁴ஜித்வாபி [உப்³பு⁴ஜ்ஜித்வாபி (ஸீ॰), உப்³பு⁴ஜித்வா (ஸ்யா॰)] பவிஸந்தி, நித்து²னந்தாபி வச்சங் கரொந்தி ,
த³ந்தகட்ட²ங் கா²த³ந்தாபி வச்சங் கரொந்தி, ப³ஹித்³தா⁴பி வச்சதோ³ணிகாய
வச்சங் கரொந்தி, ப³ஹித்³தா⁴பி பஸ்ஸாவதோ³ணிகாய பஸ்ஸாவங் கரொந்தி,
பஸ்ஸாவதோ³ணிகாயபி கே²ளங் கரொந்தி, ப²ருஸேனபி கட்டே²ன அவலேக²ந்தி,
அவலேக²னகட்ட²ம்பி வச்சகூபம்ஹி பாதெந்தி, அதிஸஹஸாபி நிக்க²மந்தி,
உப்³ப⁴ஜித்வாபி நிக்க²மந்தி, சபுசபுகாரகம்பி ஆசமெந்தி, ஆசமனஸராவகேபி உத³கங்
ஸேஸெந்தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ச²ப்³ப³க்³கி³யா
பி⁴க்கூ² அதிஸஹஸாபி வச்சகுடிங் பவிஸிஸ்ஸந்தி, உப்³ப⁴ஜித்வாபி பவிஸிஸ்ஸந்தி,
நித்து²னந்தாபி வச்சங் கரிஸ்ஸந்தி, த³ந்தகட்ட²ங் கா²த³ந்தாபி வச்சங்
கரிஸ்ஸந்தி, ப³ஹித்³தா⁴பி வச்சதோ³ணிகாய வச்சங் கரிஸ்ஸந்தி, ப³ஹித்³தா⁴பி
பஸ்ஸாவதோ³ணிகாய பஸ்ஸாவங் கரிஸ்ஸந்தி, பஸ்ஸாவதோ³ணிகாயபி கே²ளங் கரிஸ்ஸந்தி,
ப²ருஸேனபி கட்டே²ன அவலேகி²ஸ்ஸந்தி, அவலேக²னகட்ட²ம்பி வச்சகூபம்ஹி
பாதெஸ்ஸந்தி, அதிஸஹஸாபி நிக்க²மிஸ்ஸந்தி, உப்³ப⁴ஜித்வாபி நிக்க²மிஸ்ஸந்தி,
சபுசபுகாரகம்பி ஆசமெஸ்ஸந்தி, ஆசமனஸராவகேபி உத³கங் ஸேஸெஸ்ஸந்தீ’’தி! அத² கோ²
தே பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰… ஸச்சங் கிர, பி⁴க்க²வே…பே॰… ஸச்சங் ப⁴க³வாதி…பே॰… விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி –
374. ‘‘தேன ஹி, பி⁴க்க²வே, பி⁴க்கூ²னங் வச்சகுடிவத்தங் பஞ்ஞபெஸ்ஸாமி யதா² பி⁴க்கூ²ஹி வச்சகுடியா ஸம்மா வத்திதப்³ப³ங். யோ வச்சகுடிங் க³ச்ச²தி தேன ப³ஹி டி²தேன [ப³ஹி டி²தேன (ஸீ॰ க॰)]
உக்காஸிதப்³ப³ங். அந்தோ நிஸின்னேனபி உக்காஸிதப்³ப³ங். சீவரவங்ஸே வா
சீவரரஜ்ஜுயா வா சீவரங் நிக்கி²பித்வா ஸாது⁴கங் அதரமானேன வச்சகுடீ
பவிஸிதப்³பா³. நாதிஸஹஸா பவிஸிதப்³பா³. ந உப்³ப⁴ஜித்வா பவிஸிதப்³பா³.
வச்சபாது³காய டி²தேன உப்³ப⁴ஜிதப்³ப³ங். ந நித்து²னந்தேன வச்சோ காதப்³போ³. ந
த³ந்தகட்ட²ங் கா²த³ந்தேன வச்சோ காதப்³போ³. ந ப³ஹித்³தா⁴ வச்சதோ³ணிகாய
வச்சோ காதப்³போ³. ந ப³ஹித்³தா⁴ பஸ்ஸாவதோ³ணிகாய பஸ்ஸாவோ காதப்³போ³. ந
பஸ்ஸாவதோ³ணிகாய கே²ளோ காதப்³போ³. ந ப²ருஸேன கட்டே²ன அவலேகி²தப்³ப³ங். ந
அவலேக²னகட்ட²ங் வச்சகூபம்ஹி பாதேதப்³ப³ங். வச்சபாது³காய டி²தேன
படிச்சா²தே³தப்³ப³ங். நாதிஸஹஸா நிக்க²மிதப்³ப³ங். ந உப்³ப⁴ஜித்வா
நிக்க²மிதப்³ப³ங். ஆசமனபாது³காய டி²தேன உப்³ப⁴ஜிதப்³ப³ங். ந சபுசபுகாரகங்
ஆசமேதப்³ப³ங். ந ஆசமனஸராவகே உத³கங் ஸேஸேதப்³ப³ங். ஆசமனபாது³காய டி²தேன
படிச்சா²தே³தப்³ப³ங்.
‘‘ஸசே வச்சகுடி உஹதா [ஊஹதா (ஸீ॰ ஸ்யா॰)]
ஹோதி, தோ⁴விதப்³பா³. ஸசே அவலேக²னபித⁴ரோ பூரோ ஹோதி, அவலேக²னகட்ட²ங்
ச²ட்³டே³தப்³ப³ங். ஸசே வச்சகுடி உக்லாபா ஹோதி, வச்சகுடி ஸம்மஜ்ஜிதப்³பா³.
ஸசே பரிப⁴ண்ட³ங் உக்லாபங் ஹோதி, பரிப⁴ண்ட³ங் ஸம்மஜ்ஜிதப்³ப³ங். ஸசே
பரிவேணங் உக்லாபங் ஹோதி, பரிவேணங் ஸம்மஜ்ஜிதப்³ப³ங் . ஸசே கொட்ட²கோ உக்லாபோ ஹோதி, கொட்ட²கோ ஸம்மஜ்ஜிதப்³போ³. ஸசே ஆசமனகும்பி⁴யா உத³கங் ந ஹோதி, ஆசமனகும்பி⁴யா உத³கங் ஆஸிஞ்சிதப்³ப³ங் . இத³ங் கோ², பி⁴க்க²வே, பி⁴க்கூ²னங் வச்சகுடிவத்தங் யதா² பி⁴க்கூ²ஹி வச்சகுடியா ஸம்மா வத்திதப்³ப³’’ந்தி.
11. உபஜ்ஜா²யவத்தகதா²
375.
தேன கோ² பன ஸமயேன ஸத்³தி⁴விஹாரிகா உபஜ்ஜா²யேஸு ந ஸம்மா வத்தந்தி. யே தே
பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஸத்³தி⁴விஹாரிகா உபஜ்ஜா²யேஸு ந ஸம்மா வத்திஸ்ஸந்தீ’’தி! அத²
கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர,
பி⁴க்க²வே, ஸத்³தி⁴விஹாரிகா உபஜ்ஜா²யேஸு ந ஸம்மா வத்தந்தீ’’தி? ‘‘ஸச்சங்
ப⁴க³வா’’தி விக³ரஹி பு³த்³தோ⁴ ப⁴க³வா…பே॰… ‘‘கத²ஞ்ஹி நாம, பி⁴க்க²வே, ஸத்³தி⁴விஹாரிகா உபஜ்ஜா²யேஸு ந ஸம்மா வத்திஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰… விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி –
376.
‘‘தேன ஹி, பி⁴க்க²வே, ஸத்³தி⁴விஹாரிகானங் உபஜ்ஜா²யேஸு வத்தங் பஞ்ஞபெஸ்ஸாமி
யதா² ஸத்³தி⁴விஹாரிகேஹி உபஜ்ஜா²யேஸு ஸம்மா வத்திதப்³ப³ங். [மஹாவ॰ 66] ஸத்³தி⁴விஹாரிகேன, பி⁴க்க²வே, உபஜ்ஜா²யம்ஹி ஸம்மா வத்திதப்³ப³ங். தத்ராயங் ஸம்மாவத்தனா –
‘‘காலஸ்ஸேவ உட்டா²ய உபாஹனா ஓமுஞ்சித்வா ஏகங்ஸங்
உத்தராஸங்க³ங் கரித்வா த³ந்தகட்ட²ங் தா³தப்³ப³ங், முகோ²த³கங் தா³தப்³ப³ங்,
ஆஸனங் பஞ்ஞபேதப்³ப³ங். ஸசே யாகு³ ஹோதி, பா⁴ஜனங் தோ⁴வித்வா யாகு³
உபனாமேதப்³பா³. யாகு³ங் பீதஸ்ஸ உத³கங் த³த்வா பா⁴ஜனங் படிக்³க³ஹெத்வா நீசங்
கத்வா ஸாது⁴கங் அப்படிக⁴ங்ஸந்தேன தோ⁴வித்வா படிஸாமேதப்³ப³ங். உபஜ்ஜா²யம்ஹி
வுட்டி²தே ஆஸனங் உத்³த⁴ரிதப்³ப³ங். ஸசே ஸோ தே³ஸோ உக்லாபோ ஹோதி , ஸோ தே³ஸோ ஸம்மஜ்ஜிதப்³போ³.
‘‘ஸசே உபஜ்ஜா²யோ கா³மங் பவிஸிதுகாமோ ஹோதி, நிவாஸனங்
தா³தப்³ப³ங், படினிவாஸனங் படிக்³க³ஹேதப்³ப³ங், காயப³ந்த⁴னங் தா³தப்³ப³ங்,
ஸகு³ணங் கத்வா ஸங்கா⁴டியோ தா³தப்³பா³, தோ⁴வித்வா பத்தோ ஸோத³கோ [ஸஉத³கோ (க॰)]
தா³தப்³போ³. ஸசே உபஜ்ஜா²யோ பச்சா²ஸமணங் ஆகங்க²தி, திமண்ட³லங்
படிச்சா²தெ³ந்தேன பரிமண்ட³லங் நிவாஸெத்வா காயப³ந்த⁴னங் ப³ந்தி⁴த்வா ஸகு³ணங்
கத்வா ஸங்கா⁴டியோ பாருபித்வா க³ண்டி²கங் படிமுஞ்சித்வா தோ⁴வித்வா பத்தங்
க³ஹெத்வா உபஜ்ஜா²யஸ்ஸ பச்சா²ஸமணேன ஹோதப்³ப³ங். நாதிதூ³ரே க³ந்தப்³ப³ங்,
நாச்சாஸன்னே க³ந்தப்³ப³ங் , பத்தபரியாபன்னங்
படிக்³க³ஹேதப்³ப³ங். ந உபஜ்ஜா²யஸ்ஸ ப⁴ணமானஸ்ஸ அந்தரந்தரா கதா²
ஓபாதேதப்³பா³. உபஜ்ஜா²யோ ஆபத்திஸாமந்தா ப⁴ணமானோ நிவாரேதப்³போ³.
‘‘நிவத்தந்தேன பட²மதரங் ஆக³ந்த்வா ஆஸனங்
பஞ்ஞபேதப்³ப³ங், பாதோ³த³கங் பாத³பீட²ங் பாத³கத²லிகங் உபனிக்கி²பிதப்³ப³ங்,
பச்சுக்³க³ந்த்வா பத்தசீவரங் படிக்³க³ஹேதப்³ப³ங், படினிவாஸனங் தா³தப்³ப³ங்,
நிவாஸனங் படிக்³க³ஹேதப்³ப³ங். ஸசே சீவரங் ஸின்னங் ஹோதி, முஹுத்தங் உண்ஹே
ஓதாபேதப்³ப³ங், ந ச உண்ஹே சீவரங் நித³ஹிதப்³ப³ங். சீவரங் ஸங்க⁴ரிதப்³ப³ங்.
சீவரங் ஸங்க⁴ரந்தேன சதுரங்கு³லங் கண்ணங் உஸ்ஸாரெத்வா சீவரங்
ஸங்க⁴ரிதப்³ப³ங் – மா மஜ்ஜே² ப⁴ங்கோ³ அஹோஸீதி. ஓபோ⁴கே³ காயப³ந்த⁴னங்
காதப்³ப³ங்.
‘‘ஸசே பிண்ட³பாதோ ஹோதி, உபஜ்ஜா²யோ ச பு⁴ஞ்ஜிதுகாமோ ஹோதி, உத³கங் த³த்வா பிண்ட³பாதோ
உபனாமேதப்³போ³. உபஜ்ஜா²யோ பானீயேன புச்சி²தப்³போ³. பு⁴த்தாவிஸ்ஸ உத³கங்
த³த்வா பத்தங் படிக்³க³ஹெத்வா நீசங் கத்வா ஸாது⁴கங் அப்படிக⁴ங்ஸந்தேன
தோ⁴வித்வா வோத³கங் கத்வா முஹுத்தங் உண்ஹே ஓதாபேதப்³போ³. ந ச உண்ஹே பத்தோ
நித³ஹிதப்³போ³. பத்தசீவரங் நிக்கி²பிதப்³ப³ங்.
பத்தங் நிக்கி²பந்தேன ஏகேன ஹத்தே²ன பத்தங் க³ஹெத்வா ஏகேன ஹத்தே²ன
ஹெட்டா²மஞ்சங் வா ஹெட்டா²பீட²ங் வா பராமஸித்வா பத்தோ நிக்கி²பிதப்³போ³. ந ச
அனந்தரஹிதாய பூ⁴மியா பத்தோ நிக்கி²பிதப்³போ³. சீவரங் நிக்கி²பந்தேன ஏகேன
ஹத்தே²ன சீவரங் க³ஹெத்வா ஏகேன ஹத்தே²ன சீவரவங்ஸங் வா சீவரரஜ்ஜுங் வா
பமஜ்ஜித்வா பாரதோ அந்தங் ஓரதோ போ⁴க³ங் கத்வா சீவரங் நிக்கி²பிதப்³ப³ங்.
உபஜ்ஜா²யம்ஹி வுட்டி²தே ஆஸனங் உத்³த⁴ரிதப்³ப³ங், பாதோ³த³கங் பாத³பீட²ங்
பாத³கத²லிகங் படிஸாமேதப்³ப³ங். ஸசே ஸோ தே³ஸோ உக்லாபோ ஹோதி, ஸோ தே³ஸோ
ஸம்மஜ்ஜிதப்³போ³.
‘‘ஸசே உபஜ்ஜா²யோ நஹாயிதுகாமோ ஹோதி, நஹானங்
படியாதே³தப்³ப³ங். ஸசே ஸீதேன அத்தோ² ஹோதி, ஸீதங் படியாதே³தப்³ப³ங். ஸசே
உண்ஹேன அத்தோ² ஹோதி, உண்ஹங் படியாதே³தப்³ப³ங்.
‘‘ஸசே உபஜ்ஜா²யோ ஜந்தாக⁴ரங் பவிஸிதுகாமோ ஹோதி, சுண்ணங்
ஸன்னேதப்³ப³ங், மத்திகா தேமேதப்³பா³, ஜந்தாக⁴ரபீட²ங் ஆதா³ய உபஜ்ஜா²யஸ்ஸ
பிட்டி²தோ பிட்டி²தோ க³ந்த்வா ஜந்தாக⁴ரபீட²ங் த³த்வா சீவரங் படிக்³க³ஹெத்வா
ஏகமந்தங் நிக்கி²பிதப்³ப³ங், சுண்ணங் தா³தப்³ப³ங், மத்திகா தா³தப்³பா³.
ஸசே உஸ்ஸஹதி, ஜந்தாக⁴ரங் பவிஸிதப்³ப³ங். ஜந்தாக⁴ரங் பவிஸந்தேன மத்திகாய
முக²ங் மக்கெ²த்வா புரதோ ச பச்ச²தோ ச படிச்சா²தெ³த்வா
ஜந்தாக⁴ரங் பவிஸிதப்³ப³ங். ந தே²ரே பி⁴க்கூ² அனுபக²ஜ்ஜ நிஸீதி³தப்³ப³ங். ந
நவா பி⁴க்கூ² ஆஸனேன படிபா³ஹிதப்³பா³. ஜந்தாக⁴ரே உபஜ்ஜா²யஸ்ஸ பரிகம்மங்
காதப்³ப³ங். ஜந்தாக⁴ரா நிக்க²மந்தேன ஜந்தாக⁴ரபீட²ங் ஆதா³ய புரதோ ச பச்ச²தோ ச படிச்சா²தெ³த்வா ஜந்தாக⁴ரா நிக்க²மிதப்³ப³ங்.
‘‘உத³கேபி உபஜ்ஜா²யஸ்ஸ பரிகம்மங் காதப்³ப³ங். நஹாதேன
பட²மதரங் உத்தரித்வா அத்தனோ க³த்தங் வோத³கங் கத்வா நிவாஸெத்வா உபஜ்ஜா²யஸ்ஸ
க³த்ததோ உத³கங் பமஜ்ஜிதப்³ப³ங், நிவாஸனங் தா³தப்³ப³ங், ஸங்கா⁴டி
தா³தப்³பா³, ஜந்தாக⁴ரபீட²ங் ஆதா³ய பட²மதரங் ஆக³ந்த்வா ஆஸனங்
பஞ்ஞபேதப்³ப³ங், பாதோ³த³கங் பாத³பீட²ங் பாத³கத²லிகங் உபனிக்கி²பிதப்³ப³ங்.
உபஜ்ஜா²யோ பானீயேன புச்சி²தப்³போ³. ஸசே உத்³தி³ஸாபேதுகாமோ ஹோதி,
உத்³தி³ஸிதப்³போ³. ஸசே பரிபுச்சி²துகாமோ ஹோதி, பரிபுச்சி²தப்³போ³.
‘‘யஸ்மிங் விஹாரே உபஜ்ஜா²யோ
விஹரதி, ஸசே ஸோ விஹாரோ உக்லாபோ ஹோதி, ஸசே உஸ்ஸஹதி, ஸோதே⁴தப்³போ³. விஹாரங்
ஸோதெ⁴ந்தேன பட²மங் பத்தசீவரங் நீஹரித்வா ஏகமந்தங் நிக்கி²பிதப்³ப³ங்;
நிஸீத³னபச்சத்த²ரணங் நீஹரித்வா ஏகமந்தங் நிக்கி²பிதப்³ப³ங்;
பி⁴ஸிபி³ப்³போ³ஹனங் நீஹரித்வா ஏகமந்தங் நிக்கி²பிதப்³ப³ங்; மஞ்சோ நீசங்
கத்வா ஸாது⁴கங் அப்படிக⁴ங்ஸந்தேன , அஸங்க⁴ட்டெந்தேன
கவாடபிட்ட²ங், நீஹரித்வா ஏகமந்தங் நிக்கி²பிதப்³போ³; பீட²ங் நீசங் கத்வா
ஸாது⁴கங் அப்படிக⁴ங்ஸந்தேன, அஸங்க⁴ட்டெந்தேன கவாடபிட்ட²ங், நீஹரித்வா
ஏகமந்தங் நிக்கி²பிதப்³ப³ங்; மஞ்சபடிபாத³கா நீஹரித்வா ஏகமந்தங்
நிக்கி²பிதப்³பா³; கே²ளமல்லகோ நீஹரித்வா ஏகமந்தங் நிக்கி²பிதப்³போ³;
அபஸ்ஸேனப²லகங் நீஹரித்வா ஏகமந்தங்
நிக்கி²பிதப்³ப³ங்; பூ⁴மத்த²ரணங் யதா²பஞ்ஞத்தங் ஸல்லக்கெ²த்வா நீஹரித்வா
ஏகமந்தங் நிக்கி²பிதப்³ப³ங். ஸசே விஹாரே ஸந்தானகங் ஹோதி, உல்லோகா பட²மங்
ஓஹாரேதப்³ப³ங், ஆலோகஸந்தி⁴கண்ணபா⁴கா³ பமஜ்ஜிதப்³பா³. ஸசே கே³ருகபரிகம்மகதா
பி⁴த்தி கண்ணகிதா ஹோதி, சோளகங் தேமெத்வா பீளெத்வா பமஜ்ஜிதப்³பா³. ஸசே
காளவண்ணகதா பூ⁴மி கண்ணகிதா ஹோதி, சோளகங் தேமெத்வா பீளெத்வா பமஜ்ஜிதப்³பா³.
ஸசே அகதா ஹோதி பூ⁴மி, உத³கேன பரிப்போ²ஸித்வா பரிபோ²ஸித்வா ஸம்மஜ்ஜிதப்³பா³ –
மா விஹாரோ ரஜேன உஹஞ்ஞீதி. ஸங்காரங் விசினித்வா ஏகமந்தங் ச²ட்³டே³தப்³ப³ங்.
‘‘பூ⁴மத்த²ரணங் ஓதாபெத்வா ஸோதெ⁴த்வா பப்போ²டெத்வா
அதிஹரித்வா யதா²பஞ்ஞத்தங் பஞ்ஞபேதப்³ப³ங். மஞ்சபடிபாத³கா ஓதாபெத்வா
பமஜ்ஜித்வா அதிஹரித்வா யதா²டா²னே ட²பேதப்³பா³. மஞ்சோ ஓதாபெத்வா ஸோதெ⁴த்வா
பப்போ²டெத்வா நீசங் கத்வா ஸாது⁴கங் அப்படிக⁴ங்ஸந்தேன, அஸங்க⁴ட்டெந்தேன
கவாடபிட்ட²ங், அதிஹரித்வா யதா²பஞ்ஞத்தங் பஞ்ஞபேதப்³போ³. பீட²ங் ஓதாபெத்வா
ஸோதெ⁴த்வா பப்போ²டெத்வா நீசங் கத்வா ஸாது⁴கங் அப்படிக⁴ங்ஸந்தேன,
அஸங்க⁴ட்டெந்தேன கவாடபிட்ட²ங், அதிஹரித்வா யதா²பஞ்ஞத்தங் பஞ்ஞபேதப்³ப³ங்.
பி⁴ஸிபி³ப்³போ³ஹனங் ஓதாபெத்வா ஸோதெ⁴த்வா பப்போ²டெத்வா அதிஹரித்வா
யதா²பஞ்ஞத்தங் பஞ்ஞபேதப்³ப³ங். நிஸீத³னபச்சத்த²ரணங் ஓதாபெத்வா ஸோதெ⁴த்வா பப்போ²டெத்வா அதிஹரித்வா யதா²பஞ்ஞத்தங் பஞ்ஞபேதப்³ப³ங். கே²ளமல்லகோ ஓதாபெத்வா
பமஜ்ஜித்வா அதிஹரித்வா யதா²டா²னே ட²பேதப்³போ³. அபஸ்ஸேனப²லகங் ஓதாபெத்வா
பமஜ்ஜித்வா அதிஹரித்வா யதா²டா²னே ட²பேதப்³ப³ங். பத்தசீவரங்
நிக்கி²பிதப்³ப³ங். பத்தங் நிக்கி²பந்தேன ஏகேன ஹத்தே²ன பத்தங் க³ஹெத்வா
ஏகேன ஹத்தே²ன ஹெட்டா²மஞ்சங் வா ஹெட்டா²பீட²ங் வா பராமஸித்வா பத்தோ
நிக்கி²பிதப்³போ³. ந ச அனந்தரஹிதாய பூ⁴மியா பத்தோ நிக்கி²பிதப்³போ³.
சீவரங் நிக்கி²பந்தேன ஏகேன ஹத்தே²ன சீவரங் க³ஹெத்வா ஏகேன ஹத்தே²ன
சீவரவங்ஸங் வா சீவரரஜ்ஜுங் வா பமஜ்ஜித்வா பாரதோ அந்தங் ஓரதோ போ⁴க³ங் கத்வா
சீவரங் நிக்கி²பிதப்³ப³ங்.
‘‘ஸசே புரத்தி²மா ஸரஜா வாதா வாயந்தி, புரத்தி²மா
வாதபானா த²கேதப்³பா³. ஸசே பச்சி²மா ஸரஜா வாதா வாயந்தி, பச்சி²மா வாதபானா
த²கேதப்³பா³. ஸசே உத்தரா ஸரஜா வாதா வாயந்தி, உத்தரா வாதபானா த²கேதப்³பா³.
ஸசே த³க்கி²ணா ஸரஜா வாதா வாயந்தி, த³க்கி²ணா
வாதபானா த²கேதப்³பா³. ஸசே ஸீதகாலோ ஹோதி, தி³வா வாதபானா விவரிதப்³பா³,
ரத்திங் த²கேதப்³பா³. ஸசே உண்ஹகாலோ ஹோதி, தி³வா வாதபானா த²கேதப்³பா³,
ரத்திங் விவரிதப்³பா³.
‘‘ஸசே பரிவேணங் உக்லாபங் ஹோதி, பரிவேணங்
ஸம்மஜ்ஜிதப்³ப³ங். ஸசே கொட்ட²கோ உக்லாபோ ஹோதி, கொட்ட²கோ ஸம்மஜ்ஜிதப்³போ³.
ஸசே உபட்டா²னஸாலா உக்லாபா ஹோதி, உபட்டா²னஸாலா ஸம்மஜ்ஜிதப்³பா³. ஸசே
அக்³கி³ஸாலா உக்லாபா ஹோதி, அக்³கி³ஸாலா ஸம்மஜ்ஜிதப்³பா³. ஸசே வச்சகுடி
உக்லாபா ஹோதி, வச்சகுடி ஸம்மஜ்ஜிதப்³பா³. ஸசே பானீயங் ந ஹோதி, பானீயங்
உபட்டா²பேதப்³ப³ங். ஸசே பரிபோ⁴ஜனீயங் ந ஹோதி, பரிபோ⁴ஜனீயங் உபட்டா²பேதப்³ப³ங். ஸசே ஆசமனகும்பி⁴யா உத³கங் ந ஹோதி, ஆசமனகும்பி⁴யா உத³கங் ஆஸிஞ்சிதப்³ப³ங்.
‘‘ஸசே உபஜ்ஜா²யஸ்ஸ அனபி⁴ரதி உப்பன்னா ஹோதி,
ஸத்³தி⁴விஹாரிகேன வூபகாஸேதப்³போ³, வூபகாஸாபேதப்³போ³, த⁴ம்மகதா² வாஸ்ஸ
காதப்³பா³. ஸசே உபஜ்ஜா²யஸ்ஸ குக்குச்சங் உப்பன்னங் ஹோதி, ஸத்³தி⁴விஹாரிகேன
வினோதே³தப்³ப³ங், வினோதா³பேதப்³ப³ங், த⁴ம்மகதா² வாஸ்ஸ காதப்³பா³. ஸசே
உபஜ்ஜா²யஸ்ஸ தி³ட்டி²க³தங் உப்பன்னங் ஹோதி, ஸத்³தி⁴விஹாரிகேன
விவேசேதப்³ப³ங், விவேசாபேதப்³ப³ங், த⁴ம்மகதா² வாஸ்ஸ காதப்³பா³. ஸசே
உபஜ்ஜா²யோ க³ருத⁴ம்மங் அஜ்ஜா²பன்னோ ஹோதி பரிவாஸாரஹோ, ஸத்³தி⁴விஹாரிகேன
உஸ்ஸுக்கங் காதப்³ப³ங் – கிந்தி நு கோ² ஸங்கோ⁴ உபஜ்ஜா²யஸ்ஸ பரிவாஸங்
த³தெ³ய்யாதி. ஸசே உபஜ்ஜா²யோ மூலாயபடிகஸ்ஸனாரஹோ ஹோதி, ஸத்³தி⁴விஹாரிகேன
உஸ்ஸுக்கங் காதப்³ப³ங் – கிந்தி நு கோ² ஸங்கோ⁴ உபஜ்ஜா²யங் மூலாய
படிகஸ்ஸெய்யாதி. ஸசே உபஜ்ஜா²யோ மானத்தாரஹோ ஹோதி, ஸத்³தி⁴விஹாரிகேன
உஸ்ஸுக்கங் காதப்³ப³ங் – கிந்தி நு கோ² ஸங்கோ⁴ உபஜ்ஜா²யஸ்ஸ மானத்தங்
த³தெ³ய்யாதி. ஸசே உபஜ்ஜா²யோ அப்³பா⁴னாரஹோ ஹோதி, ஸத்³தி⁴விஹாரிகேன உஸ்ஸுக்கங் காதப்³ப³ங் – கிந்தி நு கோ²
ஸங்கோ⁴ உபஜ்ஜா²யங் அப்³பெ⁴ய்யாதி. ஸசே ஸங்கோ⁴ உபஜ்ஜா²யஸ்ஸ கம்மங்
கத்துகாமோ ஹோதி, தஜ்ஜனீயங் வா நியஸ்ஸங் வா பப்³பா³ஜனீயங் வா படிஸாரணீயங் வா
உக்கே²பனீயங் வா, ஸத்³தி⁴விஹாரிகேன உஸ்ஸுக்கங் காதப்³ப³ங் – கிந்தி நு கோ²
ஸங்கோ⁴ உபஜ்ஜா²யஸ்ஸ கம்மங் ந கரெய்ய, லஹுகாய வா பரிணாமெய்யாதி. கதங்
வா பனஸ்ஸ ஹோதி ஸங்கே⁴ன கம்மங், தஜ்ஜனீயங் வா நியஸ்ஸங் வா பப்³பா³ஜனீயங் வா
படிஸாரணீயங் வா உக்கே²பனீயங் வா, ஸத்³தி⁴விஹாரிகேன உஸ்ஸுக்கங் காதப்³ப³ங் –
கிந்தி நு கோ² உபஜ்ஜா²யோ ஸம்மா வத்தெய்ய, லோமங் பாதெய்ய, நெத்தா²ரங்
வத்தெய்ய, ஸங்கோ⁴ தங் கம்மங் படிப்பஸ்ஸம்பெ⁴ய்யாதி.
‘‘ஸசே உபஜ்ஜா²யஸ்ஸ சீவரங் தோ⁴விதப்³ப³ங் ஹோதி ,
ஸத்³தி⁴விஹாரிகேன தோ⁴விதப்³ப³ங், உஸ்ஸுக்கங் வா காதப்³ப³ங் – கிந்தி நு
கோ² உபஜ்ஜா²யஸ்ஸ சீவரங் தோ⁴வியேதா²தி. ஸசே உபஜ்ஜா²யஸ்ஸ சீவரங் காதப்³ப³ங்
ஹோதி, ஸத்³தி⁴விஹாரிகேன காதப்³ப³ங், உஸ்ஸுக்கங் வா காதப்³ப³ங் – கிந்தி நு
கோ² உபஜ்ஜா²யஸ்ஸ சீவரங் கரியேதா²தி. ஸசே உபஜ்ஜா²யஸ்ஸ ரஜனா பசிதப்³பா³ ஹோதி,
ஸத்³தி⁴விஹாரிகேன பசிதப்³பா³, உஸ்ஸுக்கங் வா காதப்³ப³ங் – கிந்தி நு கோ²
உபஜ்ஜா²யஸ்ஸ ரஜனங் பசியேதா²தி. ஸசே உபஜ்ஜா²யஸ்ஸ சீவரங் ரஜிதப்³ப³ங் [ரஜேதப்³ப³ங் (ஸ்யா॰)] ஹோதி, ஸத்³தி⁴விஹாரிகேன ரஜிதப்³ப³ங், உஸ்ஸுக்கங் வா காதப்³ப³ங் – கிந்தி நு கோ² உபஜ்ஜா²யஸ்ஸ சீவரங் ரஜியேதா²தி. சீவரங் ரஜந்தேன [ரஜெந்தேன (ஸ்யா॰)] ஸாது⁴கங் ஸம்பரிவத்தகங் ஸம்பரிவத்தகங் ரஜிதப்³ப³ங், ந ச அச்சி²ன்னே தே²வே பக்கமிதப்³ப³ங்.
‘‘ந உபஜ்ஜா²யங் அனாபுச்சா² ஏகச்சஸ்ஸ பத்தோ தா³தப்³போ³,
ந ஏகச்சஸ்ஸ பத்தோ படிக்³க³ஹேதப்³போ³; ந ஏகச்சஸ்ஸ சீவரங் தா³தப்³ப³ங், ந
ஏகச்சஸ்ஸ சீவரங் படிக்³க³ஹேதப்³ப³ங்; ந ஏகச்சஸ்ஸ பரிக்கா²ரோ தா³தப்³போ³, ந
ஏகச்சஸ்ஸ பரிக்கா²ரோ படிக்³க³ஹேதப்³போ³; ந ஏகச்சஸ்ஸ கேஸா சே²தே³தப்³பா³ [செ²த்தப்³பா³ (ஸீ॰), சே²தி³தப்³பா³ (க॰)], ந ஏகச்சேன கேஸா சே²தா³பேதப்³பா³; ந ஏகச்சஸ்ஸ பரிகம்மங் காதப்³ப³ங், ந ஏகச்சேன பரிகம்மங் காராபேதப்³ப³ங்; ந ஏகச்சஸ்ஸ வெய்யாவச்சோ [வெய்யாவச்சங் (க॰)]
காதப்³போ³, ந ஏகச்சேன வெய்யாவச்சோ காராபேதப்³போ³; ந ஏகச்சஸ்ஸ பச்சா²ஸமணேன
ஹோதப்³ப³ங், ந ஏகச்சோ பச்சா²ஸமணோ ஆதா³தப்³போ³; ந ஏகச்சஸ்ஸ பிண்ட³பாதோ
நீஹரிதப்³போ³, ந ஏகச்சேன பிண்ட³பாதோ நீஹராபேதப்³போ³; ந உபஜ்ஜா²யங்
அனாபுச்சா² கா³மோ பவிஸிதப்³போ³; ந ஸுஸானங் க³ந்தப்³ப³ங்; ந தி³ஸா
பக்கமிதப்³பா³. ஸசே உபஜ்ஜா²யோ கி³லானோ ஹோதி, யாவஜீவங் உபட்டா²தப்³போ³ ,
வுட்டா²னமஸ்ஸ ஆக³மேதப்³ப³ங். இத³ங் கோ², பி⁴க்க²வே, ஸத்³தி⁴விஹாரிகானங்
உபஜ்ஜா²யேஸு வத்தங் யதா² ஸத்³தி⁴விஹாரிகேஹி உபஜ்ஜா²யேஸு ஸம்மா
வத்திதப்³ப³’’ந்தி.
12. ஸத்³தி⁴விஹாரிகவத்தகதா²
377. தேன
கோ² பன ஸமயேன உபஜ்ஜா²யா ஸத்³தி⁴விஹாரிகேஸு ந ஸம்மா வத்தந்தி. யே தே
பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம உபஜ்ஜா²யா ஸத்³தி⁴விஹாரிகேஸு ந ஸம்மா வத்திஸ்ஸந்தீ’’தி! அத²
கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர,
பி⁴க்க²வே, உபஜ்ஜா²யா ஸத்³தி⁴விஹாரிகேஸு ந ஸம்மா வத்தந்தீ’’தி? ‘‘ஸச்சங்
ப⁴க³வா’’தி…பே॰… விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி –
378.
‘‘தேன ஹி, பி⁴க்க²வே, உபஜ்ஜா²யானங் ஸத்³தி⁴விஹாரிகேஸு வத்தங் பஞ்ஞபெஸ்ஸாமி
யதா² உபஜ்ஜா²யேஹி ஸத்³தி⁴விஹாரிகேஸு ஸம்மா வத்திதப்³ப³ங். [மஹாவ॰ 67] உபஜ்ஜா²யேன, பி⁴க்க²வே, ஸத்³தி⁴விஹாரிகம்ஹி ஸம்மா வத்திதப்³ப³ங் . தத்ராயங் ஸம்மாவத்தனா –
‘‘உபஜ்ஜா²யேன, பி⁴க்க²வே, ஸத்³தி⁴விஹாரிகோ
ஸங்க³ஹேதப்³போ³ அனுக்³க³ஹேதப்³போ³ உத்³தே³ஸேன பரிபுச்சா²ய ஓவாதே³ன
அனுஸாஸனியா. ஸசே உபஜ்ஜா²யஸ்ஸ பத்தோ ஹோதி, ஸத்³தி⁴விஹாரிகஸ்ஸ பத்தோ ந ஹோதி,
உபஜ்ஜா²யேன ஸத்³தி⁴விஹாரிகஸ்ஸ பத்தோ தா³தப்³போ³, உஸ்ஸுக்கங் வா காதப்³ப³ங் –
கிந்தி நு கோ² ஸத்³தி⁴விஹாரிகஸ்ஸ பத்தோ உப்பஜ்ஜியேதா²தி. ஸசே உபஜ்ஜா²யஸ்ஸ
சீவரங் ஹோதி, ஸத்³தி⁴விஹாரிகஸ்ஸ சீவரங் ந ஹோதி, உபஜ்ஜா²யேன
ஸத்³தி⁴விஹாரிகஸ்ஸ சீவரங் தா³தப்³ப³ங், உஸ்ஸுக்கங் வா காதப்³ப³ங் – கிந்தி
நு கோ² ஸத்³தி⁴விஹாரிகஸ்ஸ சீவரங் உப்பஜ்ஜியேதா²தி. ஸசே உபஜ்ஜா²யஸ்ஸ
பரிக்கா²ரோ ஹோதி, ஸத்³தி⁴விஹாரிகஸ்ஸ பரிக்கா²ரோ ந ஹோதி, உபஜ்ஜா²யேன
ஸத்³தி⁴விஹாரிகஸ்ஸ பரிக்கா²ரோ தா³தப்³போ³, உஸ்ஸுக்கங் வா காதப்³ப³ங் –
கிந்தி நு கோ² ஸத்³தி⁴விஹாரிகஸ்ஸ பரிக்கா²ரோ உப்பஜ்ஜியேதா²தி.
‘‘ஸசே ஸத்³தி⁴விஹாரிகோ கி³லானோ ஹோதி, காலஸ்ஸேவ உட்டா²ய
த³ந்தகட்ட²ங் தா³தப்³ப³ங், முகோ²த³கங் தா³தப்³ப³ங், ஆஸனங் பஞ்ஞபேதப்³ப³ங்.
ஸசே யாகு³ ஹோதி, பா⁴ஜனங் தோ⁴வித்வா யாகு³ உபனாமேதப்³பா³. யாகு³ங் பீதஸ்ஸ
உத³கங் த³த்வா பா⁴ஜனங் படிக்³க³ஹெத்வா நீசங் கத்வா
ஸாது⁴கங் அப்படிக⁴ங்ஸந்தேன தோ⁴வித்வா படிஸாமேதப்³ப³ங். ஸத்³தி⁴விஹாரிகம்ஹி
வுட்டி²தே ஆஸனங் உத்³த⁴ரிதப்³ப³ங். ஸசே ஸோ தே³ஸோ உக்லாபோ ஹோதி, ஸோ தே³ஸோ
ஸம்மஜ்ஜிதப்³போ³.
‘‘ஸசே ஸத்³தி⁴விஹாரிகோ கா³மங் பவிஸிதுகாமோ ஹோதி, நிவாஸனங் தா³தப்³ப³ங், படினிவாஸனங் படிக்³க³ஹேதப்³ப³ங் , காயப³ந்த⁴னங் தா³தப்³ப³ங், ஸகு³ணங் கத்வா ஸங்கா⁴டியோ தா³தப்³பா³ , தோ⁴வித்வா பத்தோ ஸோத³கோ தா³தப்³போ³.
‘‘எத்தாவதா நிவத்திஸ்ஸதீதி ஆஸனங் பஞ்ஞபேதப்³ப³ங்,
பாதோ³த³கங் பாத³பீட²ங் பாத³கத²லிகங் உபனிக்கி²பிதப்³ப³ங், பச்சுக்³க³ந்த்வா
பத்தசீவரங் படிக்³க³ஹேதப்³ப³ங், படினிவாஸனங் தா³தப்³ப³ங், நிவாஸனங்
படிக்³க³ஹேதப்³ப³ங். ஸசே சீவரங் ஸின்னங் ஹோதி, முஹுத்தங் உண்ஹே
ஓதாபேதப்³ப³ங், ந ச உண்ஹே சீவரங் நித³ஹிதப்³ப³ங். சீவரங் ஸங்க⁴ரிதப்³ப³ங்.
சீவரங் ஸங்க⁴ரந்தேன சதுரங்கு³லங் கண்ணங் உஸ்ஸாரெத்வா சீவரங்
ஸங்க⁴ரிதப்³ப³ங் – மா மஜ்ஜே² ப⁴ங்கோ³ அஹோஸீதி. ஓபோ⁴கே³ காயப³ந்த⁴னங்
காதப்³ப³ங்.
‘‘ஸசே பிண்ட³பாதோ ஹோதி, ஸத்³தி⁴விஹாரிகோ ச
பு⁴ஞ்ஜிதுகாமோ ஹோதி, உத³கங் த³த்வா பிண்ட³பாதோ உபனாமேதப்³போ³.
ஸத்³தி⁴விஹாரிகோ பானீயேன புச்சி²தப்³போ³. பு⁴த்தாவிஸ்ஸ உத³கங் த³த்வா
பத்தங் படிக்³க³ஹெத்வா நீசங் கத்வா ஸாது⁴கங் அப்படிக⁴ங்ஸந்தேன தோ⁴வித்வா
வோத³கங் கத்வா முஹுத்தங் உண்ஹே ஓதாபேதப்³போ³, ந ச உண்ஹே பத்தோ
நித³ஹிதப்³போ³. பத்தசீவரங் நிக்கி²பிதப்³ப³ங். பத்தங் நிக்கி²பந்தேன ஏகேன
ஹத்தே²ன பத்தங் க³ஹெத்வா ஏகேன ஹத்தே²ன ஹெட்டா²மஞ்சங்
வா ஹெட்டா²பீட²ங் வா பராமஸித்வா பத்தோ நிக்கி²பிதப்³போ³. ந ச அனந்தரஹிதாய
பூ⁴மியா பத்தோ நிக்கி²பிதப்³போ³. சீவரங் நிக்கி²பந்தேன ஏகேன ஹத்தே²ன சீவரங்
க³ஹெத்வா ஏகேன ஹத்தே²ன சீவரவங்ஸங் வா சீவரரஜ்ஜுங் வா பமஜ்ஜித்வா பாரதோ
அந்தங் ஓரதோ போ⁴க³ங் கத்வா சீவரங் நிக்கி²பிதப்³ப³ங். ஸத்³தி⁴விஹாரிகம்ஹி
வுட்டி²தே ஆஸனங் உத்³த⁴ரிதப்³ப³ங், பாதோ³த³கங் பாத³பீட²ங் பாத³கத²லிகங்
படிஸாமேதப்³ப³ங். ஸசே ஸோ தே³ஸோ உக்லாபோ ஹோதி, ஸோ தே³ஸோ ஸம்மஜ்ஜிதப்³போ³ .
‘‘ஸசே ஸத்³தி⁴விஹாரிகோ நஹாயிதுகாமோ ஹோதி, நஹானங்
படியாதே³தப்³ப³ங். ஸசே ஸீதேன அத்தோ² ஹோதி, ஸீதங் படியாதே³தப்³ப³ங். ஸசே
உண்ஹேன அத்தோ² ஹோதி, உண்ஹங் படியாதே³தப்³ப³ங்.
‘‘ஸசே ஸத்³தி⁴விஹாரிகோ ஜந்தாக⁴ரங் பவிஸிதுகாமோ ஹோதி, சுண்ணங் ஸன்னேதப்³ப³ங், மத்திகா தேமேதப்³பா³, ஜந்தாக⁴ரபீட²ங் ஆதா³ய [ஆதா³ய ஸத்³தி⁴விஹாரிகஸ்ஸ பிட்டி²தோ பிட்டி²தோ (க॰)]
க³ந்த்வா ஜந்தாக⁴ரபீட²ங் த³த்வா சீவரங் படிக்³க³ஹெத்வா ஏகமந்தங்
நிக்கி²பிதப்³ப³ங், சுண்ணங் தா³தப்³ப³ங், மத்திகா தா³தப்³பா³. ஸசே உஸ்ஸஹதி
ஜந்தாக⁴ரங் பவிஸிதப்³ப³ங். ஜந்தாக⁴ரங் பவிஸந்தேன மத்திகாய முக²ங்
மக்கெ²த்வா புரதோ ச பச்ச²தோ ச படிச்சா²தெ³த்வா ஜந்தாக⁴ரங் பவிஸிதப்³ப³ங். ந
தே²ரே பி⁴க்கூ² அனுபக²ஜ்ஜ நிஸீதி³தப்³ப³ங், ந நவா பி⁴க்கூ² ஆஸனேன
படிபா³ஹிதப்³பா³. ஜந்தாக⁴ரே ஸத்³தி⁴விஹாரிகஸ்ஸ பரிகம்மங் காதப்³ப³ங்.
ஜந்தாக⁴ரா நிக்க²மந்தேன ஜந்தாக⁴ரபீட²ங் ஆதா³ய புரதோ ச பச்ச²தோ ச
படிச்சா²தெ³த்வா ஜந்தாக⁴ரா நிக்க²மிதப்³ப³ங்.
‘‘உத³கேபி ஸத்³தி⁴விஹாரிகஸ்ஸ
பரிகம்மங் காதப்³ப³ங். நஹாதேன பட²மதரங் உத்தரித்வா அத்தனோ க³த்தங் வோத³கங்
கத்வா நிவாஸெத்வா ஸத்³தி⁴விஹாரிகஸ்ஸ க³த்ததோ உத³கங் பமஜ்ஜிதப்³ப³ங்,
நிவாஸனங் தா³தப்³ப³ங், ஸங்கா⁴டி தா³தப்³பா³, ஜந்தாக⁴ரபீட²ங் ஆதா³ய பட²மதரங்
ஆக³ந்த்வா ஆஸனங் பஞ்ஞபேதப்³ப³ங், பாதோ³த³கங் பாத³பீட²ங் பாத³கத²லிகங்
உபனிக்கி²பிதப்³ப³ங். ஸத்³தி⁴விஹாரிகோ பானீயேன புச்சி²தப்³போ³.
‘‘யஸ்மிங் விஹாரே ஸத்³தி⁴விஹாரிகோ விஹரதி, ஸசே ஸோ
விஹாரோ உக்லாபோ ஹோதி, ஸசே உஸ்ஸஹதி, ஸோதே⁴தப்³போ³. விஹாரங் ஸோதெ⁴ந்தேன
பட²மங் பத்தசீவரங் நீஹரித்வா ஏகமந்தங் நிக்கி²பிதப்³ப³ங்…பே॰… ஸசே ஆசமனகும்பி⁴யா உத³கங் ந ஹோதி, ஆசமனகும்பி⁴யா உத³கங் ஆஸிஞ்சிதப்³ப³ங்.
‘‘ஸசே ஸத்³தி⁴விஹாரிகஸ்ஸ அனபி⁴ரதி உப்பன்னா ஹோதி,
உபஜ்ஜா²யேன வூபகாஸேதப்³போ³, வூபகாஸாபேதப்³போ³, த⁴ம்மகதா² வாஸ்ஸ காதப்³பா³.
ஸசே ஸத்³தி⁴விஹாரிகஸ்ஸ குக்குச்சங் உப்பன்னங் ஹோதி, உபஜ்ஜா²யேன
வினோதே³தப்³ப³ங், வினோதா³பேதப்³ப³ங், த⁴ம்மகதா² வாஸ்ஸ காதப்³பா³. ஸசே
ஸத்³தி⁴விஹாரிகஸ்ஸ தி³ட்டி²க³தங் உப்பன்னங் ஹோதி,
உபஜ்ஜா²யேன விவேசேதப்³ப³ங், விவேசாபேதப்³ப³ங், த⁴ம்மகதா² வாஸ்ஸ காதப்³பா³.
ஸசே ஸத்³தி⁴விஹாரிகோ க³ருத⁴ம்மங் அஜ்ஜா²பன்னோ ஹோதி பரிவாஸாரஹோ, உபஜ்ஜா²யேன
உஸ்ஸுக்கங் காதப்³ப³ங் – கிந்தி நு கோ² ஸங்கோ⁴ ஸத்³தி⁴விஹாரிகஸ்ஸ பரிவாஸங்
த³தெ³ய்யாதி. ஸசே ஸத்³தி⁴விஹாரிகோ மூலாயபடிகஸ்ஸனாரஹோ ஹோதி, உபஜ்ஜா²யேன
உஸ்ஸுக்கங் காதப்³ப³ங் – கிந்தி நு கோ² ஸங்கோ⁴ ஸத்³தி⁴விஹாரிகங் மூலாய
படிகஸ்ஸெய்யாதி. ஸசே ஸத்³தி⁴விஹாரிகோ மானத்தாரஹோ ஹோதி, உபஜ்ஜா²யேன
உஸ்ஸுக்கங் காதப்³ப³ங் – கிந்தி நு கோ² ஸங்கோ⁴
ஸத்³தி⁴விஹாரிகஸ்ஸ மானத்தங் த³தெ³ய்யாதி. ஸசே ஸத்³தி⁴விஹாரிகோ அப்³பா⁴னாரஹோ
ஹோதி, உபஜ்ஜா²யேன உஸ்ஸுக்கங் காதப்³ப³ங் – கிந்தி நு கோ² ஸங்கோ⁴
ஸத்³தி⁴விஹாரிகங் அப்³பெ⁴ய்யாதி. ஸசே ஸங்கோ⁴ ஸத்³தி⁴விஹாரிகஸ்ஸ கம்மங்
கத்துகாமோ ஹோதி, தஜ்ஜனீயங் வா நியஸ்ஸங் வா பப்³பா³ஜனீயங் வா படிஸாரணீயங் வா
உக்கே²பனீயங் வா, உபஜ்ஜா²யேன உஸ்ஸுக்கங் காதப்³ப³ங் – கிந்தி நு கோ²
ஸங்கோ⁴ ஸத்³தி⁴விஹாரிகஸ்ஸ கம்மங் ந கரெய்ய, லஹுகாய வா பரிணாமெய்யாதி. கதங்
வா பனஸ்ஸ ஹோதி ஸங்கே⁴ன கம்மங், தஜ்ஜனீயங் வா
நியஸ்ஸங் வா பப்³பா³ஜனீயங் வா படிஸாரணீயங் வா, உக்கே²பனீயங் வா, உபஜ்ஜா²யேன
உஸ்ஸுக்கங் காதப்³ப³ங் – கிந்தி நு கோ² ஸத்³தி⁴விஹாரிகோ ஸம்மா வத்தெய்ய
லோமங் பாதெய்ய, நெத்தா²ரங் வத்தெய்ய, ஸங்கோ⁴ தங் கம்மங்
படிப்பஸ்ஸம்பெ⁴ய்யாதி.
‘‘ஸசே ஸத்³தி⁴விஹாரிகஸ்ஸ சீவரங் தோ⁴விதப்³ப³ங் ஹோதி,
உபஜ்ஜா²யேன ஆசிக்கி²தப்³ப³ங் – ஏவங் தோ⁴வெய்யாஸீதி, உஸ்ஸுக்கங் வா
காதப்³ப³ங் – கிந்தி நு கோ² ஸத்³தி⁴விஹாரிகஸ்ஸ சீவரங் தோ⁴வியேதா²தி. ஸசே
ஸத்³தி⁴விஹாரிகஸ்ஸ சீவரங் காதப்³ப³ங் ஹோதி, உபஜ்ஜா²யேன ஆசிக்கி²தப்³ப³ங் –
ஏவங் கரெய்யாஸீதி, உஸ்ஸுக்கங் வா காதப்³ப³ங் – கிந்தி நு கோ²
ஸத்³தி⁴விஹாரிகஸ்ஸ சீவரங் கரியேதா²தி. ஸசே ஸத்³தி⁴விஹாரிகஸ்ஸ ரஜனங்
பசிதப்³ப³ங் ஹோதி, உபஜ்ஜா²யேன ஆசிக்கி²தப்³ப³ங் – ஏவங் பசெய்யாஸீதி,
உஸ்ஸுக்கங் வா காதப்³ப³ங் – கிந்தி நு கோ² ஸத்³தி⁴விஹாரிகஸ்ஸ ரஜனங்
பசியேதா²தி. ஸசே ஸத்³தி⁴விஹாரிகஸ்ஸ சீவரங் ரஜிதப்³ப³ங் ஹோதி, உபஜ்ஜா²யேன
ஆசிக்கி²தப்³ப³ங் – ஏவங் ரஜெய்யாஸீதி, உஸ்ஸுக்கங் வா காதப்³ப³ங் – கிந்தி
நு கோ² ஸத்³தி⁴விஹாரிகஸ்ஸ சீவரங் ரஜியேதா²தி. சீவரங் ரஜந்தேன ஸாது⁴கங்
ஸம்பரிவத்தகங் ஸம்பரிவத்தகங் ரஜிதப்³ப³ங், ந ச அச்சி²ன்னே தே²வே
பக்கமிதப்³ப³ங். ஸசே ஸத்³தி⁴விஹாரிகோ கி³லானோ ஹோதி, யாவஜீவங்
உபட்டா²தப்³போ³, வுட்டா²னமஸ்ஸ ஆக³மேதப்³ப³ங். இத³ங் கோ², பி⁴க்க²வே , உபஜ்ஜா²யானங் ஸத்³தி⁴விஹாரிகேஸு வத்தங் யதா² உபஜ்ஜா²யேஹி ஸத்³தி⁴விஹாரிகேஸு ஸம்மா வத்திதப்³ப³’’ந்தி.
து³தியபா⁴ணவாரோ நிட்டி²தோ.
13. ஆசரியவத்தகதா²
379. தேன
கோ² பன ஸமயேன அந்தேவாஸிகா ஆசரியேஸு ந ஸம்மா வத்தந்தி. யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
அந்தேவாஸிகா ஆசரியேஸு ந ஸம்மா வத்திஸ்ஸந்தீ’’தி! அத²
கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர,
பி⁴க்க²வே, அந்தேவாஸிகா ஆசரியேஸு ந ஸம்மா வத்தந்தீ’’தி? ‘‘ஸச்சங்
ப⁴க³வா’’தி…பே॰… விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி –
380. ‘‘தேன ஹி, பி⁴க்க²வே, அந்தேவாஸிகானங் ஆசரியேஸு வத்தங் பஞ்ஞபெஸ்ஸாமி யதா² அந்தேவாஸிகேஹி ஆசரியேஸு ஸம்மா வத்திதப்³ப³ங். [மஹாவ॰ 78] அந்தேவாஸிகேன, பி⁴க்க²வே, ஆசரியம்ஹி ஸம்மா வத்திதப்³ப³ங். தத்ராயங் ஸம்மாவத்தனா –
‘‘காலஸ்ஸேவ உட்டா²ய உபாஹனா ஓமுஞ்சித்வா ஏகங்ஸங்
உத்தராஸங்க³ங் கரித்வா த³ந்தகட்ட²ங் தா³தப்³ப³ங், முகோ²த³கங் தா³தப்³ப³ங்,
ஆஸனங் பஞ்ஞபேதப்³ப³ங். ஸசே யாகு³ ஹோதி, பா⁴ஜனங் தோ⁴வித்வா யாகு³
உபனாமேதப்³பா³. யாகு³ங் பீதஸ்ஸ உத³கங் த³த்வா பா⁴ஜனங் படிக்³க³ஹெத்வா நீசங்
கத்வா ஸாது⁴கங் அப்படிக⁴ங்ஸந்தேன தோ⁴வித்வா படிஸாமேதப்³ப³ங். ஆசரியம்ஹி வுட்டி²தே ஆஸனங் உத்³த⁴ரிதப்³ப³ங். ஸசே ஸோ தே³ஸோ உக்லாபோ ஹோதி, ஸோ தே³ஸோ ஸம்மஜ்ஜிதப்³போ³.
‘‘ஸசே ஆசரியோ கா³மங் பவிஸிதுகாமோ ஹோதி, நிவாஸனங்
தா³தப்³ப³ங், படினிவாஸனங் படிக்³க³ஹேதப்³ப³ங், காயப³ந்த⁴னங் தா³தப்³ப³ங்,
ஸகு³ணங் கத்வா ஸங்கா⁴டியோ தா³தப்³பா³, தோ⁴வித்வா பத்தோ
ஸோத³கோ தா³தப்³போ³. ஸசே ஆசரியோ பச்சா²ஸமணங் ஆகங்க²தி, திமண்ட³லங்
படிச்சா²தெ³ந்தேன பரிமண்ட³லங் நிவாஸெத்வா காயப³ந்த⁴னங் ப³ந்தி⁴த்வா ஸகு³ணங்
கத்வா ஸங்கா⁴டியோ பாருபித்வா க³ண்டி²கங் படிமுஞ்சித்வா தோ⁴வித்வா பத்தங்
க³ஹெத்வா ஆசரியஸ்ஸ பச்சா²ஸமணேன ஹோதப்³ப³ங். நாதிதூ³ரே க³ந்தப்³ப³ங்,
நாச்சாஸன்னே க³ந்தப்³ப³ங், பத்தபரியாபன்னங் படிக்³க³ஹேதப்³ப³ங். ந ஆசரியஸ்ஸ
ப⁴ணமானஸ்ஸ அந்தரந்தரா கதா² ஓபாதேதப்³பா³. ஆசரியோ ஆபத்திஸாமந்தா ப⁴ணமானோ
நிவாரேதப்³போ³.
‘‘நிவத்தந்தேன பட²மதரங் ஆக³ந்த்வா ஆஸனங்
பஞ்ஞபேதப்³ப³ங், பாதோ³த³கங் பாத³பீட²ங் பாத³கத²லிகங் உபனிக்கி²பிதப்³ப³ங்,
பச்சுக்³க³ந்த்வா பத்தசீவரங் படிக்³க³ஹேதப்³ப³ங், படினிவாஸனங் தா³தப்³ப³ங்,
நிவாஸனங் படிக்³க³ஹேதப்³ப³ங். ஸசே சீவரங் ஸின்னங் ஹோதி, முஹுத்தங் உண்ஹே
ஓதாபேதப்³ப³ங், ந ச உண்ஹே சீவரங் நித³ஹிதப்³ப³ங். சீவரங் ஸங்க⁴ரிதப்³ப³ங்.
சீவரங் ஸங்க⁴ரந்தேன சதுரங்கு³லங் கண்ணங் உஸ்ஸாரெத்வா சீவரங்
ஸங்க⁴ரிதப்³ப³ங் – மா மஜ்ஜே² ப⁴ங்கோ³ அஹோஸீதி. ஓபோ⁴கே³ காயப³ந்த⁴னங்
காதப்³ப³ங்.
‘‘ஸசே பிண்ட³பாதோ ஹோதி, ஆசரியோ ச பு⁴ஞ்ஜிதுகாமோ ஹோதி, உத³கங் த³த்வா பிண்ட³பாதோ உபனாமேதப்³போ³. ஆசரியோ பானீயேன புச்சி²தப்³போ³ .
பு⁴த்தாவிஸ்ஸ உத³கங் த³த்வா பத்தங் படிக்³க³ஹெத்வா நீசங் கத்வா ஸாது⁴கங்
அப்படிக⁴ங்ஸந்தேன தோ⁴வித்வா வோத³கங் கத்வா முஹுத்தங் உண்ஹே ஓதாபேதப்³போ³, ந
ச உண்ஹே பத்தோ நித³ஹிதப்³போ³. பத்தசீவரங் நிக்கி²பிதப்³ப³ங். பத்தங்
நிக்கி²பந்தேன ஏகேன ஹத்தே²ன பத்தங் க³ஹெத்வா ஏகேன ஹத்தே²ன ஹெட்டா²மஞ்சங்
வா ஹெட்டா²பீட²ங் வா பராமஸித்வா பத்தோ நிக்கி²பிதப்³போ³. ந ச அனந்தரஹிதாய
பூ⁴மியா பத்தோ நிக்கி²பிதப்³போ³. சீவரங் நிக்கி²பந்தேன ஏகேன ஹத்தே²ன சீவரங்
க³ஹெத்வா ஏகேன ஹத்தே²ன சீவரவங்ஸங் வா சீவரரஜ்ஜுங் வா பமஜித்வா பாரதோ
அந்தங் ஓரதோ போ⁴க³ங் கத்வா சீவரங் நிக்கி²பிதப்³ப³ங். ஆசரியம்ஹி வுட்டி²தே
ஆஸனங் உத்³த⁴ரிதப்³ப³ங், பாதோ³த³கங் பாத³பீட²ங் பாத³கத²லிகங்
படிஸாமேதப்³ப³ங். ஸசே ஸோ தே³ஸோ உக்லாபோ ஹோதி, ஸோ தே³ஸோ ஸம்மஜ்ஜிதப்³போ³.
‘‘ஸசே ஆசரியோ நஹாயிதுகாமோ ஹோதி, நஹானங்
படியாதே³தப்³ப³ங். ஸசே ஸீதேன அத்தோ² ஹோதி, ஸீதங் படியாதே³தப்³ப³ங். ஸசே
உண்ஹேன அத்தோ² ஹோதி, உண்ஹங் படியாதே³தப்³ப³ங்.
‘‘ஸசே ஆசரியோ ஜந்தாக⁴ரங்
பவிஸிதுகாமோ ஹோதி, சுண்ணங் ஸன்னேதப்³ப³ங், மத்திகா தேமேதப்³பா³,
ஜந்தாக⁴ரபீட²ங் ஆதா³ய ஆசரியஸ்ஸ பிட்டி²தோ பிட்டி²தோ க³ந்த்வா
ஜந்தாக⁴ரபீட²ங் த³த்வா சீவரங் படிக்³க³ஹெத்வா ஏகமந்தங் நிக்கி²பிதப்³ப³ங்,
சுண்ணங் தா³தப்³ப³ங், மத்திகா தா³தப்³பா³. ஸசே உஸ்ஸஹதி, ஜந்தாக⁴ரங்
பவிஸிதப்³ப³ங். ஜந்தாக⁴ரங் பவிஸந்தேன மத்திகாய முக²ங் மக்கெ²த்வா புரதோ ச
பச்ச²தோ ச படிச்சா²தெ³த்வா ஜந்தாக⁴ரங் பவிஸிதப்³ப³ங். ந தே²ரே பி⁴க்கூ²
அனுபக²ஜ்ஜ நிஸீதி³தப்³ப³ங். ந நவா பி⁴க்கூ² ஆஸனேன படிபா³ஹிதப்³பா³.
ஜந்தாக⁴ரே ஆசரியஸ்ஸ பரிகம்மங் காதப்³ப³ங். ஜந்தாக⁴ரா நிக்க²மந்தேன
ஜந்தாக⁴ரபீட²ங் ஆதா³ய புரதோ ச பச்ச²தோ ச படிச்சா²தெ³த்வா ஜந்தாக⁴ரா
நிக்க²மிதப்³ப³ங்.
‘‘உத³கேபி ஆசரியஸ்ஸ பரிகம்மங் காதப்³ப³ங். நஹாதேன பட²மதரங் உத்தரித்வா அத்தனோ
க³த்தங் வோத³கங் கத்வா நிவாஸெத்வா ஆசரியஸ்ஸ க³த்ததோ உத³கங்
பமஜ்ஜிதப்³ப³ங், நிவாஸனங் தா³தப்³ப³ங், ஸங்கா⁴டி தா³தப்³பா³,
ஜந்தாக⁴ரபீட²ங் ஆதா³ய பட²மதரங் ஆக³ந்த்வா ஆஸனங் பஞ்ஞபேதப்³ப³ங், பாதோ³த³கங்
பாத³பீட²ங் பாத³கத²லிகங் உபனிக்கி²பிதப்³ப³ங். ஆசரியோ பானீயேன
புச்சி²தப்³போ³. ஸசே உத்³தி³ஸாபேதுகாமோ ஹோதி, உத்³தி³ஸிதப்³போ³. ஸசே
பரிபுச்சி²துகாமோ ஹோதி, பரிபுச்சி²தப்³போ³.
‘‘யஸ்மிங் விஹாரே ஆசரியோ
விஹரதி, ஸசே ஸோ விஹாரோ உக்லாபோ ஹோதி, ஸசே உஸ்ஸஹதி, ஸோதே⁴தப்³போ³. விஹாரங்
ஸோதெ⁴ந்தேன பட²மங் பத்தசீவரங் நீஹரித்வா ஏகமந்தங் நிக்கி²பிதப்³ப³ங்;
நிஸீத³னபச்சத்த²ரணங் நீஹரித்வா ஏகமந்தங் நிக்கி²பிதப்³ப³ங்;
பி⁴ஸிபி³ப்³போ³ஹனங் நீஹரித்வா ஏகமந்தங் நிக்கி²பிதப்³ப³ங்; மஞ்சோ நீசங்
கத்வா ஸாது⁴கங் அப்படிக⁴ங்ஸந்தேன அஸங்க⁴ட்டெந்தேன கவாடபிட்ட²ங், நீஹரித்வா
ஏகமந்தங் நிக்கி²பிதப்³போ³; பீட²ங் நீசங் கத்வா ஸாது⁴கங் அப்படிக⁴ங்ஸந்தேன,
அஸங்க⁴ட்டெந்தேன கவாடபிட்ட²ங், நீஹரித்வா ஏகமந்தங் நிக்கி²பிதப்³ப³ங்;
மஞ்சபடிபாத³கா நீஹரித்வா ஏகமந்தங் நிக்கி²பிதப்³பா³; கே²ளமல்லகோ நீஹரித்வா
ஏகமந்தங் நிக்கி²பிதப்³போ³; அபஸ்ஸேனப²லகங் நீஹரித்வா ஏகமந்தங்
நிக்கி²பிதப்³ப³ங்; பூ⁴மத்த²ரணங் யதா²பஞ்ஞத்தங் ஸல்லக்கெ²த்வா நீஹரித்வா
ஏகமந்தங் நிக்கி²பிதப்³ப³ங். ஸசே விஹாரே ஸந்தானகங் ஹோதி, உல்லோகா பட²மங்
ஓஹாரேதப்³ப³ங், ஆலோகஸந்தி⁴கண்ணபா⁴கா³ பமஜ்ஜிதப்³பா³. ஸசே கே³ருகபரிகம்மகதா
பி⁴த்தி கண்ணகிதா ஹோதி, சோளகங் தேமெத்வா பீளெத்வா பமஜ்ஜிதப்³பா³. ஸசே
காளவண்ணகதா பூ⁴மி கண்ணகிதா ஹோதி, சோளகங் தேமெத்வா
பீளெத்வா பமஜ்ஜிதப்³பா³. ஸசே அகதா ஹோதி பூ⁴மி, உத³கேன பரிப்போ²ஸித்வா
பரிபோ²ஸித்வா ஸம்மஜ்ஜிதப்³பா³ – மா விஹாரோ ரஜேன உஹஞ்ஞீதி. ஸங்காரங்
விசினித்வா ஏகமந்தங் ச²ட்³டே³தப்³ப³ங்.
‘‘பூ⁴மத்த²ரணங் ஓதாபெத்வா
ஸோதெ⁴த்வா பப்போ²டெத்வா அதிஹரித்வா யதா²பஞ்ஞத்தங் பஞ்ஞபேதப்³ப³ங்.
மஞ்சபடிபாத³கா ஓதாபெத்வா பமஜ்ஜித்வா அதிஹரித்வா யதா²டா²னே ட²பேதப்³பா³.
மஞ்சோ ஓதாபெத்வா ஸோதெ⁴த்வா பப்போ²டெத்வா நீசங் கத்வா ஸாது⁴கங்
அப்படிக⁴ங்ஸந்தேன, அஸங்க⁴ட்டெந்தேன கவாடபிட்ட²ங், அதிஹரித்வா யதா²பஞ்ஞத்தங்
பஞ்ஞபேதப்³போ³. பீட²ங் ஓதாபெத்வா ஸோதெ⁴த்வா பப்போ²டெத்வா நீசங் கத்வா
ஸாது⁴கங் அப்படிக⁴ங்ஸந்தேன, அஸங்க⁴ட்டெந்தேன கவாடபிட்ட²ங், அதிஹரித்வா
யதா²பஞ்ஞத்தங் பஞ்ஞபேதப்³ப³ங். பி⁴ஸிபி³ப்³போ³ஹனங் ஓதாபெத்வா ஸோதெ⁴த்வா
பப்போ²டெத்வா அதிஹரித்வா யதா²பஞ்ஞத்தங் பஞ்ஞபேதப்³ப³ங்.
நிஸீத³னபச்சத்த²ரணங் ஓதாபெத்வா ஸோதெ⁴த்வா பப்போ²டெத்வா அதிஹரித்வா
யதா²பஞ்ஞத்தங் பஞ்ஞபேதப்³ப³ங். கே²ளமல்லகோ ஓதாபெத்வா பமஜ்ஜித்வா அதிஹரித்வா
யதா²டா²னே ட²பேதப்³போ³. அபஸ்ஸேனப²லகங் ஓதாபெத்வா பமஜ்ஜித்வா அதிஹரித்வா
யதா²டா²னே ட²பேதப்³ப³ங். பத்தசீவரங் நிக்கி²பிதப்³ப³ங். பத்தங்
நிக்கி²பந்தேன ஏகேன ஹத்தே²ன பத்தங் க³ஹெத்வா ஏகேன ஹத்தே²ன ஹெட்டா²மஞ்சங் வா
ஹெட்டா²பீட²ங் வா பராமஸித்வா பத்தோ நிக்கி²பிதப்³போ³. ந ச அனந்தரஹிதாய
பூ⁴மியா பத்தோ நிக்கி²பிதப்³போ³. சீவரங் நிக்கி²பந்தேன ஏகேன ஹத்தே²ன சீவரங் க³ஹெத்வா ஏகேன ஹத்தே²ன சீவரவங்ஸங் வா சீவரரஜ்ஜுங் வா பமஜ்ஜித்வா பாரதோ அந்தங் ஓரதோ போ⁴க³ங் கத்வா சீவரங் நிக்கி²பிதப்³ப³ங்.
‘‘ஸசே புரத்தி²மா ஸரஜா வாதா வாயந்தி, புரத்தி²மா
வாதபானா த²கேதப்³பா³. ஸசே பச்சி²மா ஸரஜா வாதா வாயந்தி, பச்சி²மா வாதபானா
த²கேதப்³பா³. ஸசே உத்தரா ஸரஜா வாதா வாயந்தி, உத்தரா வாதபானா த²கேதப்³பா³.
ஸசே த³க்கி²ணா ஸரஜா வாதா வாயந்தி, த³க்கி²ணா வாதபானா த²கேதப்³பா³. ஸசே
ஸீதகாலோ ஹோதி, தி³வா வாதபானா விவரிதப்³பா³, ரத்திங் த²கேதப்³பா³. ஸசே
உண்ஹகாலோ ஹோதி, தி³வா வாதபானா த²கேதப்³பா³, ரத்திங் விவரிதப்³பா³.
‘‘ஸசே பரிவேணங் உக்லாபங் ஹோதி, பரிவேணங்
ஸம்மஜ்ஜிதப்³ப³ங். ஸசே கொட்ட²கோ உக்லாபோ ஹோதி, கொட்ட²கோ ஸம்மஜ்ஜிதப்³போ³.
ஸசே உபட்டா²னஸாலா உக்லாபா ஹோதி, உபட்டா²னஸாலா ஸம்மஜ்ஜிதப்³பா³. ஸசே
அக்³கி³ஸாலா உக்லாபா ஹோதி, அக்³கி³ஸாலா ஸம்மஜ்ஜிதப்³பா³. ஸசே வச்சகுடி
உக்லாபா ஹோதி, வச்சகுடி ஸம்மஜ்ஜிதப்³பா³. ஸசே பானீயங் ந ஹோதி, பானீயங்
உபட்டா²பேதப்³ப³ங். ஸசே பரிபோ⁴ஜனீயங் ந ஹோதி, பரிபோ⁴ஜனீயங்
உபட்டா²பேதப்³ப³ங். ஸசே ஆசமனகும்பி⁴யா உத³கங் ந ஹோதி, ஆசமனகும்பி⁴யா உத³கங்
ஆஸிஞ்சிதப்³ப³ங்.
‘‘ஸசே ஆசரியஸ்ஸ அனபி⁴ரதி உப்பன்னா ஹோதி, அந்தேவாஸிகேன
வூபகாஸேதப்³பா³, வூபகாஸாபேதப்³பா³, த⁴ம்மகதா² வாஸ்ஸ காதப்³பா³. ஸசே
ஆசரியஸ்ஸ குக்குச்சங் உப்பன்னங் ஹோதி, அந்தேவாஸிகேன வினோதே³தப்³ப³ங்,
வினோதா³பேதப்³ப³ங், த⁴ம்மகதா² வாஸ்ஸ காதப்³பா³. ஸசே ஆசரியஸ்ஸ தி³ட்டி²க³தங்
உப்பன்னங் ஹோதி ,
அந்தேவாஸிகேன விவேசேதப்³ப³ங், விவேசாபேதப்³ப³ங், த⁴ம்மகதா² வாஸ்ஸ
காதப்³பா³. ஸசே ஆசரியோ க³ருத⁴ம்மங் அஜ்ஜா²பன்னோ ஹோதி, பரிவாஸாரஹோ,
அந்தேவாஸிகேன உஸ்ஸுக்கங் காதப்³ப³ங் – கிந்தி நு கோ² ஸங்கோ⁴ ஆசரியஸ்ஸ
பரிவாஸங் த³தெ³ய்யாதி. ஸசே ஆசரியோ மூலாயபடிகஸ்ஸனாரஹோ ஹோதி, அந்தேவாஸிகேன
உஸ்ஸுக்கங் காதப்³ப³ங் – கிந்தி நு கோ² ஸங்கோ⁴ ஆசரியங் மூலாய
படிகஸ்ஸெய்யாதி. ஸசே ஆசரியோ மானத்தாரஹோ ஹோதி, அந்தேவாஸிகேன உஸ்ஸுக்கங்
காதப்³ப³ங் – கிந்தி நு கோ² ஸங்கோ⁴ ஆசரியஸ்ஸ மானத்தங் த³தெ³ய்யாதி. ஸசே
ஆசரியோ அப்³பா⁴னாரஹோ ஹோதி, அந்தேவாஸிகேன உஸ்ஸுக்கங் காதப்³ப³ங் – கிந்தி நு
கோ² ஸங்கோ⁴ ஆசரியங் அப்³பெ⁴ய்யாதி. ஸசே ஸங்கோ⁴ ஆசரியஸ்ஸ
கம்மங் கத்துகாமோ ஹோதி, தஜ்ஜனீயங் வா நியஸ்ஸங் வா பப்³பா³ஜனீயங் வா
படிஸாரணீயங் வா உக்கே²பனீயங் வா, அந்தேவாஸிகேன உஸ்ஸுக்கங் காதப்³ப³ங் –
கிந்தி நு கோ² ஸங்கோ⁴ ஆசரியஸ்ஸ கம்மங் ந கரெய்ய, லஹுகாய வா பரிணாமெய்யாதி.
கதங் வா பனஸ்ஸ ஹோதி ஸங்கே⁴ன கம்மங், தஜ்ஜனீயங் வா நியஸ்ஸங் வா
பப்³பா³ஜனீயங் வா படிஸாரணீயங் வா உக்கே²பனீயங் வா, அந்தேவாஸிகேன உஸ்ஸுக்கங்
காதப்³ப³ங் – கிந்தி நு கோ² ஆசரியோ ஸம்மா வத்தெய்ய, லோமங் பாதெய்ய,
நெத்தா²ரங் வத்தெய்ய, ஸங்கோ⁴ தங் கம்மங் படிப்பஸ்ஸம்பெ⁴ய்யாதி.
‘‘ஸசே ஆசரியஸ்ஸ சீவரங் தோ⁴விதப்³ப³ங் ஹோதி,
அந்தேவாஸிகேன தோ⁴விதப்³ப³ங், உஸ்ஸுக்கங் வா காதப்³ப³ங் – கிந்தி நு கோ²
ஆசரியஸ்ஸ சீவரங் தோ⁴வியேதா²தி. ஸசே ஆசரியஸ்ஸ சீவரங் காதப்³ப³ங் ஹோதி,
அந்தேவாஸிகேன காதப்³ப³ங், உஸ்ஸுக்கங் வா காதப்³ப³ங்
– கிந்தி நு கோ² ஆசரியஸ்ஸ சீவரங் கரியேதா²தி. ஸசே ஆசரியஸ்ஸ ரஜனங்
பசிதப்³ப³ங் ஹோதி, அந்தேவாஸிகேன பசிதப்³ப³ங், உஸ்ஸுக்கங் வா காதப்³ப³ங் –
கிந்தி நு கோ² ஆசரியஸ்ஸ ரஜனங் பசியேதா²தி. ஸசே ஆசரியஸ்ஸ சீவரங் ரஜிதப்³ப³ங்
ஹோதி, அந்தேவாஸிகேன ரஜிதப்³ப³ங், உஸ்ஸுக்கங் வா காதப்³ப³ங் – கிந்தி நு
கோ² ஆசரியஸ்ஸ சீவரங் ரஜியேதா²தி. சீவரங் ரஜந்தேன ஸாது⁴கங் ஸம்பரிவத்தகங்
ஸம்பரிவத்தகங் ரஜிதப்³ப³ங், ந ச அச்சி²ன்னே தே²வே பக்கமிதப்³ப³ங்.
‘‘ந ஆசரியங் அனாபுச்சா² ஏகச்சஸ்ஸ பத்தோ தா³தப்³போ³, ந
ஏகச்சஸ்ஸ பத்தோ படிக்³க³ஹேதப்³போ³; ந ஏகச்சஸ்ஸ சீவரங் தா³தப்³ப³ங், ந
ஏகச்சஸ்ஸ சீவரங் படிக்³க³ஹேதப்³ப³ங்; ந ஏகச்சஸ்ஸ பரிக்கா²ரோ தா³தப்³போ³, ந
ஏகச்சஸ்ஸ பரிக்கா²ரோ படிக்³க³ஹேதப்³போ³; ந ஏகச்சஸ்ஸ கேஸா சே²தி³தப்³பா³, ந
ஏகச்சேன கேஸா சே²தா³பேதப்³பா³; ந ஏகச்சஸ்ஸ பரிகம்மங் காதப்³ப³ங், ந ஏகச்சேன
பரிகம்மங் காராபேதப்³ப³ங்; ந ஏகச்சஸ்ஸ வெய்யாவச்சோ காதப்³போ³, ந ஏகச்சேன
வெய்யாவச்சோ காராபேதப்³போ³; ந ஏகச்சஸ்ஸ பச்சா²ஸமணேன ஹோதப்³ப³ங், ந ஏகச்சோ
பச்சா²ஸமணோ ஆதா³தப்³போ³; ந ஏகச்சஸ்ஸ பிண்ட³பாதோ நீஹரிதப்³போ³, ந ஏகச்சேன
பிண்ட³பாதோ நீஹராபேதப்³போ³; ந ஆசரியங் அனாபுச்சா²
கா³மோ பவிஸிதப்³போ³; ந ஸுஸானங் க³ந்தப்³ப³ங்; ந தி³ஸா பக்கமிதப்³பா³. ஸசே
ஆசரியோ கி³லானோ ஹோதி, யாவஜீவங் உபட்டா²தப்³போ³ , வுட்டா²னமஸ்ஸ ஆக³மேதப்³ப³ங். இத³ங் கோ², பி⁴க்க²வே, அந்தேவாஸிகானங் ஆசரியேஸு வத்தங் யதா² அந்தேவாஸிகேஹி ஆசரியேஸு ஸம்மா வத்திதப்³ப³’’ந்தி.
14. அந்தேவாஸிகவத்தகதா²
381.
தேன கோ² பன ஸமயேன ஆசரியா அந்தேவாஸிகேஸு ந ஸம்மா வத்தந்தி. யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ஆசரியா அந்தேவாஸிகேஸு ந ஸம்மா வத்திஸ்ஸந்தீ’’தி! அத² கோ² தே பி⁴க்கூ²
ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங்
பகரணே பி⁴க்கு²ஸங்க⁴ங் ஸன்னிபாதாபெத்வா பி⁴க்கூ² படிபுச்சி² – ‘‘ஸச்சங்
கிர, பி⁴க்க²வே, ஆசரியா அந்தேவாஸிகேஸு ந ஸம்மா வத்தந்தீ’’தி? ‘‘ஸச்சங்
ப⁴க³வா’’தி…பே॰… விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி –
382. ‘‘தேன ஹி, பி⁴க்க²வே, ஆசரியானங் அந்தேவாஸிகேஸு வத்தங் பஞ்ஞபெஸ்ஸாமி யதா² ஆசரியேஹி அந்தேவாஸிகேஸு ஸம்மா வத்திதப்³ப³ங். [மஹாவ॰ 79] ஆசரியேன, பி⁴க்க²வே, அந்தேவாஸிகம்ஹி ஸம்மா வத்திதப்³ப³ங். தத்ராயங் ஸம்மாவத்தனா –
‘‘ஆசரியேன, பி⁴க்க²வே, அந்தேவாஸிகோ ஸங்க³ஹேதப்³போ³
அனுக்³க³ஹேதப்³போ³ உத்³தே³ஸேன பரிபுச்சா²ய ஓவாதே³ன அனுஸாஸனியா. ஸசே
ஆசரியஸ்ஸ பத்தோ ஹோதி, அந்தேவாஸிகஸ்ஸ பத்தோ ந ஹோதி, ஆசரியேன அந்தேவாஸிகஸ்ஸ
பத்தோ தா³தப்³போ³, உஸ்ஸுக்கங் வா காதப்³ப³ங் – கிந்தி நு கோ² அந்தேவாஸிகஸ்ஸ
பத்தோ உப்பஜ்ஜியேதா²தி. ஸசே ஆசரியஸ்ஸ சீவரங் ஹோதி, அந்தேவாஸிகஸ்ஸ சீவரங் ந
ஹோதி, ஆசரியேன அந்தேவாஸிகஸ்ஸ சீவரங் தா³தப்³ப³ங், உஸ்ஸுக்கங் வா
காதப்³ப³ங் – கிந்தி நு கோ² அந்தேவாஸிகஸ்ஸ சீவரங் உப்பஜ்ஜியேதா²தி. ஸசே
ஆசரியஸ்ஸ பரிக்கா²ரோ ஹோதி, அந்தேவாஸிகஸ்ஸ
பரிக்கா²ரோ ந ஹோதி, ஆசரியேன அந்தேவாஸிகஸ்ஸ பரிக்கா²ரோ தா³தப்³போ³,
உஸ்ஸுக்கங் வா காதப்³ப³ங் – கிந்தி நு கோ² அந்தேவாஸிகஸ்ஸ பரிக்கா²ரோ
உப்பஜ்ஜியேதா²தி.
‘‘ஸசே அந்தேவாஸிகோ கி³லானோ ஹோதி, காலஸ்ஸேவ உட்டா²ய
த³ந்தகட்ட²ங் தா³தப்³ப³ங், முகோ²த³கங் தா³தப்³ப³ங், ஆஸனங் பஞ்ஞபேதப்³ப³ங்.
ஸசே யாகு³ ஹோதி , பா⁴ஜனங் தோ⁴வித்வா யாகு³
உபனாமேதப்³பா³. யாகு³ங் பீதஸ்ஸ உத³கங் த³த்வா பா⁴ஜனங் படிக்³க³ஹெத்வா நீசங்
கத்வா ஸாது⁴கங் அப்படிக⁴ங்ஸந்தேன தோ⁴வித்வா படிஸாமேதப்³ப³ங் . அந்தேவாஸிகம்ஹி வுட்டி²தே ஆஸனங் உத்³த⁴ரிதப்³ப³ங். ஸசே ஸோ தே³ஸோ உக்லாபோ ஹோதி, ஸோ தே³ஸோ ஸம்மஜ்ஜிதப்³போ³.
‘‘ஸசே அந்தேவாஸிகோ கா³மங் பவிஸிதுகாமோ ஹோதி, நிவாஸனங்
தா³தப்³ப³ங், படினிவாஸனங் படிக்³க³ஹேதப்³ப³ங், காயப³ந்த⁴னங் தா³தப்³ப³ங்,
ஸகு³ணங் கத்வா ஸங்கா⁴டியோ தா³தப்³பா³, தோ⁴வித்வா பத்தோ ஸோத³கோ தா³தப்³போ³.
‘‘எத்தாவதா நிவத்திஸ்ஸதீதி ஆஸனங் பஞ்ஞபேதப்³ப³ங்,
பாதோ³த³கங் பாத³பீட²ங் பாத³கத²லிகங் உபனிக்கி²பிதப்³ப³ங், பச்சுக்³க³ந்த்வா
பத்தசீவரங் படிக்³க³ஹேதப்³ப³ங், படினிவாஸனங் தா³தப்³ப³ங், நிவாஸனங்
படிக்³க³ஹேதப்³ப³ங். ஸசே சீவரங் ஸின்னங் ஹோதி, முஹுத்தங் உண்ஹே
ஓதாபேதப்³ப³ங், ந ச உண்ஹே சீவரங் நித³ஹிதப்³ப³ங். சீவரங் ஸங்க⁴ரிதப்³ப³ங்.
சீவரங் ஸங்க⁴ரந்தேன சதுரங்கு³லங் கண்ணங் உஸ்ஸாரெத்வா சீவரங்
ஸங்க⁴ரிதப்³ப³ங் – மா மஜ்ஜே² ப⁴ங்கோ³ அஹோஸீதி. ஓபோ⁴கே³ காயப³ந்த⁴னங்
காதப்³ப³ங்.
‘‘ஸசே பிண்ட³பாதோ ஹோதி, அந்தேவாஸிகோ ச பு⁴ஞ்ஜிதுகாமோ ஹோதி, உத³கங் த³த்வா பிண்ட³பாதோ உபனாமேதப்³போ³. அந்தேவாஸிகோ
பானீயேன புச்சி²தப்³போ³. பு⁴த்தாவிஸ்ஸ உத³கங் த³த்வா பத்தங்
படிக்³க³ஹெத்வா நீசங் கத்வா ஸாது⁴கங் அப்படிக⁴ங்ஸந்தேன தோ⁴வித்வா வோத³கங்
கத்வா முஹுத்தங் உண்ஹே ஓதாபேதப்³போ³, ந ச உண்ஹே பத்தோ நித³ஹிதப்³போ³.
பத்தசீவரங் நிக்கி²பிதப்³ப³ங். பத்தங் நிக்கி²பந்தேன…பே॰… சீவரங்
நிக்கி²பந்தேன…பே॰… பாரதோ அந்தங் ஓரதோ போ⁴க³ங் கத்வா சீவரங்
நிக்கி²பிதப்³ப³ங். அந்தேவாஸிகம்ஹி உட்டி²தே ஆஸனங் உத்³த⁴ரிதப்³ப³ங்,
பாதோ³த³கங் பாத³பீட²ங் பாத³கத²லிகங் படிஸாமேதப்³ப³ங். ஸசே ஸோ தே³ஸோ உக்லாபோ
ஹோதி, ஸோ தே³ஸோ ஸம்மஜ்ஜிதப்³போ³.
‘‘ஸசே அந்தேவாஸிகோ நஹாயிதுகாமோ ஹோதி, நஹானங்
படியாதே³தப்³ப³ங். ஸசே ஸீதேன அத்தோ² ஹோதி, ஸீதங் படியாதே³தப்³ப³ங். ஸசே
உண்ஹேன அத்தோ² ஹோதி, உண்ஹங் படியாதே³தப்³ப³ங்.
‘‘ஸசே அந்தேவாஸிகோ ஜந்தாக⁴ரங் பவிஸிதுகாமோ ஹோதி, சுண்ணங் ஸன்னேதப்³ப³ங், மத்திகா தேமேதப்³பா³, ஜந்தாக⁴ரபீட²ங் ஆதா³ய [ஆதா³ய அந்தேவாஸிகஸ்ஸ பிட்டி²தோ பிட்டி²தோ (க॰)]
க³ந்த்வா ஜந்தாக⁴ரபீட²ங் த³த்வா சீவரங் படிக்³க³ஹெத்வா ஏகமந்தங்
நிக்கி²பிதப்³ப³ங், சுண்ணங் தா³தப்³ப³ங், மத்திகா தா³தப்³பா³. ஸசே உஸ்ஸஹதி
ஜந்தாக⁴ரங் பவிஸிதப்³ப³ங். ஜந்தாக⁴ரங் பவிஸந்தேன
மத்திகாய முக²ங் மக்கெ²த்வா புரதோ ச பச்ச²தோ ச படிச்சா²தெ³த்வா ஜந்தாக⁴ரங்
பவிஸிதப்³ப³ங். ந தே²ரே பி⁴க்கூ² அனுபக²ஜ்ஜ நிஸீதி³தப்³ப³ங். ந நவா
பி⁴க்கூ² ஆஸனேன படிபா³ஹிதப்³பா³ . ஜந்தாக⁴ரே
அந்தேவாஸிகஸ்ஸ பரிகம்மங் காதப்³ப³ங். ஜந்தாக⁴ரா நிக்க²மந்தேன
ஜந்தாக⁴ரபீட²ங் ஆதா³ய புரதோ ச பச்ச²தோ ச படிச்சா²தெ³த்வா ஜந்தாக⁴ரா
நிக்க²மிதப்³ப³ங்.
‘‘உத³கேபி அந்தேவாஸிகஸ்ஸ
பரிகம்மங் காதப்³ப³ங். நஹாதேன பட²மதரங் உத்தரித்வா அத்தனோ க³த்தங் வோத³கங்
கத்வா நிவாஸெத்வா அந்தேவாஸிகஸ்ஸ க³த்ததோ உத³கங் பமஜ்ஜிதப்³ப³ங், நிவாஸனங்
தா³தப்³ப³ங், ஸங்கா⁴டி தா³தப்³பா³, ஜந்தாக⁴ரபீட²ங் ஆதா³ய பட²மதரங்
ஆக³ந்த்வா ஆஸனங் பஞ்ஞபேதப்³ப³ங், பாதோ³த³கங் பாத³பீட²ங் பாத³கத²லிகங்
உபனிக்கி²பிதப்³ப³ங், அந்தேவாஸிகோ பானீயேன புச்சி²தப்³போ³.
‘‘யஸ்மிங் விஹாரே அந்தேவாஸிகோ விஹரதி, ஸசே ஸோ விஹாரோ
உக்லாபோ ஹோதி, ஸசே உஸ்ஸஹதி, ஸோதே⁴தப்³போ³. விஹாரங் ஸோதெ⁴ந்தேன பட²மங்
பத்தசீவரங் நீஹரித்வா ஏகமந்தங் நிக்கி²பிதப்³ப³ங்…பே॰… ஆசமனகும்பி⁴யா
உத³கங் ந ஹோதி, ஆசமனகும்பி⁴யா உத³கங் ஆஸிஞ்சிதப்³ப³ங்.
‘‘ஸசே அந்தேவாஸிகஸ்ஸ அனபி⁴ரதி உப்பன்னா ஹோதி, ஆசரியேன
வூபகாஸேதப்³போ³, வூபகாஸாபேதப்³போ³, த⁴ம்மகதா² வாஸ்ஸ காதப்³பா³. ஸசே
அந்தேவாஸிகஸ்ஸ குக்குச்சங் உப்பன்னங் ஹோதி, ஆசரியேன வினோதே³தப்³ப³ங்,
வினோதா³பேதப்³ப³ங், த⁴ம்மகதா² வாஸ்ஸ காதப்³பா³. ஸசே அந்தேவாஸிகஸ்ஸ
தி³ட்டி²க³தங் உப்பன்னங் ஹோதி, ஆசரியேன விவேசேதப்³ப³ங், விவேசாபேதப்³ப³ங்,
த⁴ம்மகதா² வாஸ்ஸ காதப்³பா³. ஸசே அந்தேவாஸிகோ க³ருத⁴ம்மங் அஜ்ஜா²பன்னோ ஹோதி,
பரிவாஸாரஹோ, ஆசரியேன உஸ்ஸுக்கங் காதப்³ப³ங் – கிந்தி நு கோ² ஸங்கோ⁴
அந்தேவாஸிகஸ்ஸ பரிவாஸங் த³தெ³ய்யாதி. ஸசே அந்தேவாஸிகோ மூலாயபடிகஸ்ஸனாரஹோ
ஹோதி, ஆசரியேன உஸ்ஸுக்கங் காதப்³ப³ங் – கிந்தி நு கோ² ஸங்கோ⁴ அந்தேவாஸிகங்
மூலாய படிகஸ்ஸெய்யாதி. ஸசே அந்தேவாஸிகோ மானத்தாரஹோ ஹோதி, ஆசரியேன
உஸ்ஸுக்கங் காதப்³ப³ங் – கிந்தி நு கோ² ஸங்கோ⁴
அந்தேவாஸிகஸ்ஸ மானத்தங் த³தெ³ய்யாதி. ஸசே அந்தேவாஸிகோ அப்³பா⁴னாரஹோ ஹோதி,
ஆசரியேன உஸ்ஸுக்கங் காதப்³ப³ங் – கிந்தி நு கோ² ஸங்கோ⁴ அந்தேவாஸிகங்
அப்³பெ⁴ய்யாதி. ஸசே ஸங்கோ⁴ அந்தேவாஸிகஸ்ஸ கம்மங் கத்துகாமோ ஹோதி, தஜ்ஜனீயங்
வா நியஸ்ஸங் வா பப்³பா³ஜனீயங் வா படிஸாரணீயங் வா உக்கே²பனீயங் வா, ஆசரியேன
உஸ்ஸுக்கங் காதப்³ப³ங் – கிந்தி நு கோ² ஸங்கோ⁴ அந்தேவாஸிகஸ்ஸ கம்மங் ந
கரெய்ய , லஹுகாய வா பரிணாமெய்யாதி. கதங் வா பனஸ்ஸ
ஹோதி, ஸங்கே⁴ன கம்மங், தஜ்ஜனீயங் வா நியஸ்ஸங் வா பப்³பா³ஜனீயங் வா
படிஸாரணீயங் வா உக்கே²பனீயங் வா, ஆசரியேன உஸ்ஸுக்கங் காதப்³ப³ங் – கிந்தி
நு கோ² அந்தேவாஸிகோ ஸம்மா வத்தெய்ய, லோமங் பாதெய்ய, நெத்தா²ரங் வத்தெய்ய,
ஸங்கோ⁴ தங் கம்மங் படிப்பஸ்ஸம்பெ⁴ய்யாதி.
‘‘ஸசே அந்தேவாஸிகஸ்ஸ சீவரங்
தோ⁴விதப்³ப³ங் ஹோதி, ஆசரியேன ஆசிக்கி²தப்³ப³ங் – ஏவங் தோ⁴வெய்யாஸீதி,
உஸ்ஸுக்கங் வா காதப்³ப³ங் – கிந்தி நு கோ² அந்தேவாஸிகஸ்ஸ சீவரங்
தோ⁴வியேதா²தி. ஸசே அந்தேவாஸிகஸ்ஸ சீவரங் காதப்³ப³ங் ஹோதி, ஆசரியேன
ஆசிக்கி²தப்³ப³ங் – ஏவங் கரெய்யாஸீதி, உஸ்ஸுக்கங் வா காதப்³ப³ங் – கிந்தி
நு கோ² அந்தேவாஸிகஸ்ஸ சீவரங் கரியேதா²தி. ஸசே அந்தேவாஸிகஸ்ஸ ரஜனங்
பசிதப்³ப³ங் ஹோதி, ஆசரியேன ஆசிக்கி²தப்³ப³ங் – ஏவங் பசெய்யாஸீதி,
உஸ்ஸுக்கங் வா காதப்³ப³ங் – கிந்தி நு கோ² அந்தேவாஸிகஸ்ஸ ரஜனங் பசியேதா²தி.
ஸசே அந்தேவாஸிகஸ்ஸ சீவரங் ரஜிதப்³ப³ங் ஹோதி, ஆசரியேன ஆசிக்கி²தப்³ப³ங் –
ஏவங் ரஜெய்யாஸீதி, உஸ்ஸுக்கங் வா காதப்³ப³ங் –
கிந்தி நு கோ² அந்தேவாஸிகஸ்ஸ சீவரங் ரஜியேதா²தி. சீவரங் ரஜந்தேன ஸாது⁴கங்
ஸம்பரிவத்தகங் ஸம்பரிவத்தகங் ரஜிதப்³ப³ங். ந ச அச்சி²ன்னே தே²வே
பக்கமிதப்³ப³ங். ஸசே அந்தேவாஸிகோ கி³லானோ ஹோதி, யாவஜீவங் உபட்டா²தப்³போ³,
வுட்டா²னமஸ்ஸ ஆக³மேதப்³ப³ங். இத³ங் கோ², பி⁴க்க²வே, ஆசரியானங்
அந்தேவாஸிகேஸு வத்தங் யதா² ஆசரியேஹி அந்தேவாஸிகேஸு ஸம்மா
வத்திதப்³ப³’’ந்தி.
வத்தக்க²ந்த⁴கோ அட்ட²மோ.
இமம்ஹி க²ந்த⁴கே வத்தூ² ஏகூனவீஸதி, வத்தா சுத்³த³ஸ.
தஸ்ஸுத்³தா³னங் –
ஸஉபாஹனா ச²த்தா ச, ஓகு³ண்டி² ஸீஸங் பானீயங்;
நாபி⁴வாதே³ ந புச்ச²ந்தி, அஹி உஜ்ஜ²ந்தி பேஸலா.
ஓமுஞ்சி ச²த்தங் க²ந்தே⁴ ச, அதரஞ்ச படிக்கமங்;
பத்தசீவரங் நிக்கி²பா, பதிரூபஞ்ச புச்சி²தா.
ஆஸிஞ்செய்ய தோ⁴விதேன, ஸுக்கே²னல்லேனுபாஹனா;
வுட்³டோ⁴ நவகோ புச்செ²ய்ய, அஜ்ஜா²வுட்ட²ஞ்ச கோ³சரா.
ஸெக்கா² வச்சா பானீ பரி, கத்தரங் கதிகங் ததோ;
காலங் முஹுத்தங் உக்லாபோ, பூ⁴மத்த²ரணங் நீஹரே.
படிபாதோ³ பி⁴ஸிபி³ப்³போ³, மஞ்சபீட²ஞ்ச மல்லகங்;
அபஸ்ஸேனுல்லோககண்ணா, கே³ருகா காள அகதா.
ஸங்காரஞ்ச பூ⁴மத்த²ரணங், படிபாத³கங் மஞ்சபீட²ங்;
பி⁴ஸி நிஸீத³னம்பி, மல்லகங் அபஸ்ஸேன ச.
பத்தசீவரங் பூ⁴மி ச, பாரந்தங் ஓரதோ போ⁴க³ங்;
புரத்தி²மா பச்சி²மா ச, உத்தரா அத² த³க்கி²ணா.
ஸீதுண்ஹே ச தி³வாரத்திங், பரிவேணஞ்ச கொட்ட²கோ;
உபட்டா²னக்³கி³ ஸாலா ச, வத்தங் வச்சகுடீஸு ச.
பானீ பரிபோ⁴ஜனியா, கும்பி⁴ ஆசமனேஸு ச;
அனோபமேன பஞ்ஞத்தங், வத்தங் ஆக³ந்துகேஹிமே [வே (க॰ ஏவமுபரிபி)].
நேவாஸனங் ந உத³கங், ந பச்சு ந ச பானியங்;
நாபி⁴வாதே³ நபஞ்ஞபே, உஜ்ஜா²யந்தி ச பேஸலா.
வுட்³டா⁴ஸனஞ்ச உத³கங், பச்சுக்³க³ந்த்வா ச பானியங்;
உபாஹனே ஏகமந்தங், அபி⁴வாதே³ ச பஞ்ஞபே.
வுத்த²ங் கோ³சரஸெக்கோ² ச, டா²னங் பானியபோ⁴ஜனங்;
கத்தரங் கதிகங் காலங், நவகஸ்ஸ நிஸின்னகே.
அபி⁴வாத³யே ஆசிக்கே², யதா² ஹெட்டா² ததா² நயே;
நித்³தி³ட்ட²ங் ஸத்த²வாஹேன வத்தங் ஆவாஸிகேஹிமே.
க³மிகா தா³ருமத்தி ச, விவரித்வா ந புச்சி²ய;
நஸ்ஸந்தி ச அகு³த்தஞ்ச, உஜ்ஜா²யந்தி ச பேஸலா.
படிஸாமெத்வா த²கெத்வா, ஆபுச்சி²த்வாவ பக்கமே;
பி⁴க்கு² வா ஸாமணேரோ வா, ஆராமிகோ உபாஸகோ.
பாஸாணகேஸு ச புஞ்ஜங், படிஸாமே த²கெய்ய ச;
ஸசே உஸ்ஸஹதி உஸ்ஸுக்கங், அனோவஸ்ஸே ததே²வ ச.
ஸப்³போ³ ஓவஸ்ஸதி கா³மங், அஜ்ஜோ²காஸே ததே²வ ச;
அப்பேவங்கா³னி ஸேஸெய்யுங், வத்தங் க³மிகபி⁴க்கு²னா.
நானுமோத³ந்தி தே²ரேன, ஓஹாய சதுபஞ்சஹி;
வச்சிதோ முச்சி²தோ ஆஸி, வத்தானுமோத³னேஸுமே.
ச²ப்³ப³க்³கி³யா து³ன்னிவத்தா², அதோ²பி ச து³ப்பாருதா;
அனாகப்பா ச வோக்கம்ம, தே²ரே அனுபக²ஜ்ஜனே.
நவே பி⁴க்கூ² ச ஸங்கா⁴டி, உஜ்ஜா²யந்தி ச பேஸலா;
திமண்ட³லங் நிவாஸெத்வா, காயஸகு³ணக³ண்டி²கா.
ந வோக்கம்ம படிச்ச²ன்னங், ஸுஸங்வுதொக்கி²த்தசக்கு²;
உக்கி²த்தோஜ்ஜக்³கி⁴காஸத்³தோ³, தயோ சேவ பசாலனா.
க²ம்போ⁴கு³ண்டி²உக்குடிகா, படிச்ச²ன்னங் ஸுஸங்வுதோ;
ஒக்கி²த்துக்கி²த்தஉஜ்ஜக்³கி⁴, அப்பஸத்³தோ³ தயோ சலா.
க²ம்போ⁴கு³ண்டி²பல்லத்தி² ச, அனுபக²ஜ்ஜ நாஸனே;
ஒத்த²ரித்வான உத³கே, நீசங் கத்வான ஸிஞ்சியா.
படி ஸாமந்தா ஸங்கா⁴டி, ஓத³னே ச படிக்³க³ஹே;
ஸூபங் உத்தரிப⁴ங்கே³ன, ஸப்³பே³ஸங் ஸமதித்தி² ச.
ஸக்கச்சங் பத்தஸஞ்ஞீ ச, ஸபதா³னஞ்ச ஸூபகங்;
ந தூ²பதோ படிச்சா²தே³, விஞ்ஞத்துஜ்ஜா²னஸஞ்ஞினா.
மஹந்தமண்ட³லத்³வாரங், ஸப்³ப³ஹத்தோ² ந ப்³யாஹரே;
உக்கே²போ சே²த³னாக³ண்ட³, து⁴னங் ஸித்தா²வகாரகங்.
ஜிவ்ஹானிச்சா²ரகஞ்சேவ, சபுசபு ஸுருஸுரு;
ஹத்த²பத்தொட்ட²னில்லேஹங், ஸாமிஸேன படிக்³க³ஹே.
யாவ ந ஸப்³பே³ உத³கே, நீசங் கத்வான ஸிஞ்சியங்;
படி ஸாமந்தா ஸங்கா⁴டி, நீசங் கத்வா ச²மாய ச.
ஸஸித்த²கங் நிவத்தந்தே, ஸுப்படிச்ச²ன்னமுக்குடி;
த⁴ம்மராஜேன பஞ்ஞத்தங், இத³ங் ப⁴த்தக்³க³வத்தனங்.
து³ன்னிவத்தா² அனாகப்பா, அஸல்லெக்கெ²த்வா ச ஸஹஸா;
தூ³ரே அச்ச சிரங் லஹுங், ததே²வ பிண்ட³சாரிகோ.
படிச்ச²ன்னோவ க³ச்செ²ய்ய, ஸுங்ஸவுதொக்கி²த்தசக்கு²;
உக்கி²த்தோஜ்ஜக்³கி⁴காஸத்³தோ³, தயோ சேவ பசாலனா.
க²ம்போ⁴கு³ண்டி²உக்குடிகா, ஸல்லக்கெ²த்வா ச ஸஹஸா;
தூ³ரே அச்ச சிரங் லஹுங், ஆஸனகங் கடச்சு²கா.
பா⁴ஜனங் வா ட²பேதி ச, உச்சாரெத்வா பணாமெத்வா;
படிக்³க³ஹே ந உல்லோகே, ஸூபேஸுபி ததே²வ தங்.
பி⁴க்கு² ஸங்கா⁴டியா சா²தே³, படிச்ச²ன்னேவ க³ச்சி²யங்;
ஸங்வுதொக்கி²த்தசக்கு² ச, உக்கி²த்தோஜ்ஜக்³கி⁴காய ச;
அப்பஸத்³தோ³ தயோ சாலா, க²ம்போ⁴கு³ண்டி²கஉக்குடி.
பட²மாஸனவக்கார , பானியங் பரிபோ⁴ஜனீ;
பச்சா²கங்க²தி பு⁴ஞ்ஜெய்ய, ஓபிலாபெய்ய உத்³த⁴ரே.
படிஸாமெய்ய ஸம்மஜ்ஜே, ரித்தங் துச்ச²ங் உபட்ட²பே;
ஹத்த²விகாரே பி⁴ந்தெ³ய்ய, வத்தித³ங் பிண்ட³சாரிகே.
பானீ பரி அக்³கி³ரணி, நக்க²த்ததி³ஸசோரா ச;
ஸப்³ப³ங் நத்தீ²தி கொட்டெத்வா, பத்தங்ஸே சீவரங் ததோ.
இதா³னி அங்ஸே லக்³கெ³த்வா, திமண்ட³லங் பரிமண்ட³லங்;
யதா² பிண்ட³சாரிவத்தங், நயே ஆரஞ்ஞகேஸுபி.
பத்தங்ஸே சீவரங் ஸீஸே, ஆரோஹித்வா ச பானியங்;
பரிபோ⁴ஜனியங் அக்³கி³, அரணீ சாபி கத்தரங்.
நக்க²த்தங் ஸப்பதே³ஸங் வா, தி³ஸாபி குஸலோ ப⁴வே;
ஸத்துத்தமேன பஞ்ஞத்தங், வத்தங் ஆரஞ்ஞகேஸுமே.
அஜ்ஜோ²காஸே ஓகிரிங்ஸு, உஜ்ஜா²யந்தி ச பேஸலா;
ஸசே விஹாரோ உக்லாபோ, பட²மங் பத்தசீவரங்.
பி⁴ஸிபி³ப்³போ³ஹனங் மஞ்சங், பீட²ஞ்ச கே²ளமல்லகங்;
அபஸ்ஸேனுல்லோககண்ணா, கே³ருகா காள அகதா.
ஸங்காரங் பி⁴க்கு²ஸாமந்தா, ஸேனாவிஹாரபானியங்;
பரிபோ⁴ஜனஸாமந்தா, படிவாதே ச அங்க³ணே.
அதோ⁴வாதே அத்த²ரணங், படிபாத³கமஞ்சோ ச;
பீட²ங் பி⁴ஸி நிஸீத³னங், மல்லகங் அபஸ்ஸேன ச.
பத்தசீவரங் பூ⁴மி ச, பாரந்தங் ஓரதோ போ⁴க³ங்;
புரத்தி²மா ச பச்சி²மா, உத்தரா அத² த³க்கி²ணா.
ஸீதுண்ஹே ச தி³வா ரத்திங், பரிவேணஞ்ச கொட்ட²கோ;
உபட்டா²னக்³கி³ஸாலா ச, வச்சகுடீ ச பானியங்.
ஆசமனகும்பி⁴ வுட்³டே⁴ ச, உத்³தே³ஸபுச்ச²னா ஸஜ்ஜா²;
த⁴ம்மோ பதீ³பங் விஜ்ஜா²பே, ந விவரே நபி த²கே.
யேன வுட்³டோ⁴ பரிவத்தி, கண்ணேனபி ந க⁴ட்டயே;
பஞ்ஞபேஸி மஹாவீரோ, வத்தங் ஸேனாஸனேஸு தங்.
நிவாரியமானா த்³வாரங், முச்சி²துஜ்ஜ²ந்தி பேஸலா;
சா²ரிகங் ச²ட்³ட³யே ஜந்தா, பரிப⁴ண்ட³ங் ததே²வ ச.
பரிவேணங் கொட்ட²கோ ஸாலா, சுண்ணமத்திகதோ³ணிகா;
முக²ங் புரதோ ந தே²ரே, ந நவே உஸ்ஸஹதி ஸசே.
புரதோ உபரிமக்³கோ³, சிக்க²ல்லங் மத்தி பீட²கங்;
விஜ்ஜா²பெத்வா த²கெத்வா ச, வத்தங் ஜந்தாக⁴ரேஸுமே.
நாசமேதி யதா²வுட்³ட⁴ங், படிபாடி ச ஸஹஸா;
உப்³ப⁴ஜி நித்து²னோ கட்ட²ங், வச்சங் பஸ்ஸாவ கே²ளகங்.
ப²ருஸா கூப ஸஹஸா, உப்³ப⁴ஜி சபு ஸேஸேன;
ப³ஹி அந்தோ ச உக்காஸே, ரஜ்ஜு அதரமானஞ்ச.
ஸஹஸா உப்³ப⁴ஜி டி²தே, நித்து²னே கட்ட² வச்சஞ்ச;
பஸ்ஸாவ கே²ள ப²ருஸா, கூபஞ்ச வச்சபாது³கே.
நாதிஸஹஸா உப்³ப⁴ஜி, பாது³காய சபுசபு;
ந ஸேஸயே படிச்சா²தே³, உஹதபித⁴ரேன ச.
வச்சகுடீ பரிப⁴ண்ட³ங், பரிவேணஞ்ச கொட்ட²கோ;
ஆசமனே ச உத³கங், வத்தங் வச்சகுடீஸுமே.
உபாஹனா த³ந்தகட்ட²ங், முகோ²த³கஞ்ச ஆஸனங்;
யாகு³ உத³கங் தோ⁴வித்வா, உத்³தா⁴ருக்லாப கா³ம ச.
நிவாஸனா காயப³ந்தா⁴, ஸகு³ணங் பத்தஸோத³கங்;
பச்சா² திமண்ட³லோ சேவ, பரிமண்ட³ல ப³ந்த⁴னங்.
ஸகு³ணங் தோ⁴வித்வா பச்சா², நாதிதூ³ரே படிக்³க³ஹே;
ப⁴ணமானஸ்ஸ ஆபத்தி, பட²மாக³ந்த்வான ஆஸனங்.
உத³கங் பீட²கத²லி, பச்சுக்³க³ந்த்வா நிவாஸனங்;
ஓதாபே நித³ஹி ப⁴ங்கோ³, ஓபோ⁴கே³ பு⁴ஞ்ஜிது நமே.
பானீயங் உத³கங் நீசங், முஹுத்தங் ந ச நித³ஹே;
பத்தசீவரங் பூ⁴மி ச, பாரந்தங் ஓரதோ போ⁴க³ங்.
உத்³த⁴ரே படிஸாமே ச, உக்லாபோ ச நஹாயிதுங்;
ஸீதங் உண்ஹங் ஜந்தாக⁴ரங், சுண்ணங் மத்திக பிட்டி²தோ.
பீட²ஞ்ச சீவரங் சுண்ணங், மத்திகுஸ்ஸஹதி முக²ங்;
புரதோ தே²ரே நவே ச, பரிகம்மஞ்ச நிக்க²மே.
புரதோ உத³கே ந்ஹாதே, நிவாஸெத்வா உபஜ்ஜா²யங்;
நிவாஸனஞ்ச ஸங்கா⁴டி, பீட²கங் ஆஸனேன ச.
பாதோ³ பீட²ங் கத²லிஞ்ச, பானீயுத்³தே³ஸபுச்ச²னா;
உக்லாபங் ஸுஸோதெ⁴ய்ய, பட²மங் பத்தசீவரங்.
நிஸீத³னபச்சத்த²ரணங், பி⁴ஸி பி³ப்³போ³ஹனானி ச;
மஞ்சோ பீட²ங் படிபாத³ங், மல்லகங் அபஸ்ஸேன ச.
பூ⁴ம ஸந்தான ஆலோக, கே³ருகா காள அகதா;
பூ⁴மத்த²ரபடிபாதா³, மஞ்சோ பீட²ங் பி³ப்³போ³ஹனங்.
நிஸீத³த்த²ரணங் கே²ள, அபஸ்ஸே பத்தசீவரங்;
புரத்தி²மா பச்சி²மா ச, உத்தரா அத² த³க்கி²ணா.
ஸீதுண்ஹஞ்ச தி³வா ரத்திங், பரிவேணஞ்ச கொட்ட²கோ;
உபட்டா²னக்³கி³ஸாலா ச, வச்சபானியபோ⁴ஜனீ.
ஆசமங் அனபி⁴ரதி, குக்குச்சங் தி³ட்டி² ச க³ரு;
மூலமானத்தஅப்³பா⁴னங், தஜ்ஜனீயங் நியஸ்ஸகங்.
பப்³பா³ஜ படிஸாரணீ, உக்கே²பஞ்ச கதங் யதி³;
தோ⁴வே காதப்³ப³ங் ரஜஞ்ச, ரஜே ஸம்பரிவத்தகங்.
பத்தஞ்ச சீவரஞ்சாபி, பரிக்கா²ரஞ்ச சே²த³னங்;
பரிகம்மங் வெய்யாவச்சங், பச்சா² பிண்ட³ங் பவிஸனங்.
ந ஸுஸானங் தி³ஸா சேவ, யாவஜீவங் உபட்ட²ஹே;
ஸத்³தி⁴விஹாரிகேனேதங், வத்துபஜ்ஜா²யகேஸுமே.
ஓவாத³ஸாஸனுத்³தே³ஸா, புச்சா² பத்தஞ்ச சீவரங்;
பரிக்கா²ரோ கி³லானோ ச, ந பச்சா²ஸமணோ ப⁴வே.
உபஜ்ஜா²யேஸு யே வத்தா, ஏவங் ஆசரியேஸுபி;
ஸத்³தி⁴விஹாரிகே வத்தா, ததே²வ அந்தேவாஸிகே.
ஆக³ந்துகேஸு யே வத்தா, புன ஆவாஸிகேஸு ச;
க³மிகானுமோத³னிகா, ப⁴த்தக்³கே³ பிண்ட³சாரிகே.
ஆரஞ்ஞகேஸு யங் வத்தங், யஞ்ச ஸேனாஸனேஸுபி;
ஜந்தாக⁴ரே வச்சகுடீ, உபஜ்ஜா² ஸத்³தி⁴விஹாரிகே.
ஆசரியேஸு யங் வத்தங், ததே²வ அந்தேவாஸிகே;
ஏகூனவீஸதி வத்தூ², வத்தா சுத்³த³ஸ க²ந்த⁴கே.
வத்தங் அபரிபூரெந்தோ, ந ஸீலங் பரிபூரதி;
அஸுத்³த⁴ஸீலோ து³ப்பஞ்ஞோ, சித்தேகக்³க³ங் ந விந்த³தி.
விக்கி²த்தசித்தோனேகக்³கோ³, ஸம்மா த⁴ம்மங் ந பஸ்ஸதி;
அபஸ்ஸமானோ ஸத்³த⁴ம்மங், து³க்கா² ந பரிமுச்சதி.
யங் வத்தங் பரிபூரெந்தோ, ஸீலம்பி பரிபூரதி;
விஸுத்³த⁴ஸீலோ ஸப்பஞ்ஞோ, சித்தேகக்³க³ம்பி விந்த³தி.
அவிக்கி²த்தசித்தோ ஏகக்³கோ³, ஸம்மா த⁴ம்மங் விபஸ்ஸதி;
ஸம்பஸ்ஸமானோ ஸத்³த⁴ம்மங், து³க்கா² ஸோ பரிமுச்சதி.
தஸ்மா ஹி வத்தங் பூரெய்ய, ஜினபுத்தோ விசக்க²ணோ;
ஓவாத³ங் பு³த்³த⁴ஸெட்ட²ஸ்ஸ, ததோ நிப்³பா³னமேஹிதீதி.
வத்தக்க²ந்த⁴கங் நிட்டி²தங்.