Free Online Analytic Insight Net for Discovery of Metteyya the Awakened One with Awareness Universe(FOAINDMAOAU) For the Welfare, Happiness and Peace for all Sentient and Non-Sentient Beings and for them to Attain Eternal Bliss as Final Goal.Free Online Analytic Insight Net for Discovery of Metteyya the Awakened One with Awareness Universe(FOAINDMAOAU) For the Welfare, Happiness and Peace for all Sentient and Non-Sentient Beings and for them to Attain Eternal Bliss as Final Goal.
From Analytic Insight Net - FREE Online Tipiṭaka Law Research & Practice University in
 111 CLASSICAL LANGUAGES in BUDDHA'S own Words through http://sarvajan.ambedkar.orgat 668, 5A main Road, 8th Cross, HAL 3rd Stage, Bangalore- Karnataka State -India Do good. Purify mind -‘The gift of Dhamma excels all other gifts – sabba danam dhamma danam to attain NIBBANA as Final Goal
Categories:

Archives:
Meta:
July 2007
M T W T F S S
« Jun   Aug »
 1
2345678
9101112131415
16171819202122
23242526272829
3031  
07/02/07
31-LESSON- வினயபிடகே சூளவக்கபாளி 7. ஸங்கபேதகக்கந்தகங் 1. படமபாணவாரோ சஸக்யபப்பஜ்ஜாகதா-PALI-வினயபிடகே-Part-31-தமிழில் திரபிடக மூன்று தொகுப்புகள்TIPITAKA- from FREE ONLINE eNālāndā Research and Practice UNIVERSITY through http://sarvajan.ambedkar.org நமோ தஸ்ஸ பகவதோ அரஹதோ ஸம்மாஸம்புத்தஸ்ஸ வினயபிடகே சூளவக்கபாளி 7. ஸங்கபேதகக்கந்தகங் 1. படமபாணவாரோ சஸக்யபப்பஜ்ஜாகதா
Filed under: General
Posted by: site admin @ 6:03 pm

31-LESSON-

வினயபிடகே

சூளவக்கபாளி

7. ஸங்கபேதகக்கந்தகங்

1. படமபாணவாரோ

சஸக்யபப்பஜ்ஜாகதா-PALI-

up a level
மிழில் திபி  மூன்று தொகுப்புள்TIPITAKA-வினயபிடகே-Part-31-
from FREE ONLINE  eNālāndā Research and
Practice UNIVERSITY through http://sarvajan.ambedkar.org

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

வினயபிடகே

சூளவக்கபாளி

7. ஸங்கபேதகக்கந்தகங்

1. படமபாணவாரோ

சஸக்யபப்பஜ்ஜாகதா

330. தேன
ஸமயேன பு³த்³தோ⁴ ப⁴க³வா அனுபியாயங் விஹரதி, அனுபியங் நாம மல்லானங் நிக³மோ.
தேன கோ² பன ஸமயேன அபி⁴ஞ்ஞாதா அபி⁴ஞ்ஞாதா ஸக்யகுமாரா ப⁴க³வந்தங்
பப்³ப³ஜிதங் அனுபப்³ப³ஜந்தி. தேன கோ² பன ஸமயேன மஹானாமோ ச ஸக்கோ அனுருத்³தோ⁴
ச ஸக்கோ த்³வேபா⁴திகா ஹொந்தி. அனுருத்³தோ⁴ ஸக்கோ ஸுகு²மாலோ ஹோதி. தஸ்ஸ தயோ
பாஸாதா³ ஹொந்தி – ஏகோ ஹேமந்திகோ, ஏகோ கி³ம்ஹிகோ, ஏகோ வஸ்ஸிகோ. ஸோ வஸ்ஸிகே
பாஸாதே³ சத்தாரோ மாஸே [வஸ்ஸிகே பாஸாதே³ வஸ்ஸிகே சத்தாரோ மாஸே (ஸீ॰)] நிப்புரிஸேஹி தூரியேஹி பரிசாரயமானோ [பரிசாரியமானோ (க॰)]
ந ஹெட்டா²பாஸாத³ங் ஓரோஹதி. அத² கோ² மஹானாமஸ்ஸ ஸக்கஸ்ஸ ஏதத³ஹோஸி – ‘‘ஏதரஹி
கோ² அபி⁴ஞ்ஞாதா அபி⁴ஞ்ஞாதா ஸக்யகுமாரா ப⁴க³வந்தங் பப்³ப³ஜிதங்
அனுபப்³ப³ஜந்தி. அம்ஹாகஞ்ச பன குலா நத்தி² கோசி அகா³ரஸ்மா அனகா³ரியங்
பப்³ப³ஜிதோ. யங்னூனாஹங் வா பப்³ப³ஜெய்யங், அனுருத்³தோ⁴ வா’’தி. அத² கோ²
மஹானாமோ ஸக்கோ யேன அனுருத்³தோ⁴ ஸக்கோ தேனுபஸங்கமி, உபஸங்கமித்வா
அனுருத்³த⁴ங் ஸக்கங் ஏதத³வோச – ‘‘ஏதரஹி, தாத அனுருத்³த⁴, அபி⁴ஞ்ஞாதா
அபி⁴ஞ்ஞாதா ஸக்யகுமாரா ப⁴க³வந்தங் பப்³ப³ஜிதங் அனுபப்³ப³ஜந்தி. அம்ஹாகஞ்ச
பன குலா நத்தி² கோசி அகா³ரஸ்மா அனகா³ரியங் பப்³ப³ஜிதோ. தேன
ஹி த்வங் வா பப்³ப³ஜ, அஹங் வா பப்³ப³ஜிஸ்ஸாமீ’’தி. ‘‘அஹங் கோ² ஸுகு²மாலோ,
நாஹங் ஸக்கோமி அகா³ரஸ்மா அனகா³ரியங் பப்³ப³ஜிதுங். த்வங் பப்³ப³ஜாஹீ’’தி.
‘‘ஏஹி கோ² தே, தாத அனுருத்³த⁴, க⁴ராவாஸத்த²ங் அனுஸாஸிஸ்ஸாமி. பட²மங்
கெ²த்தங் கஸாபேதப்³ப³ங். கஸாபெத்வா வபாபேதப்³ப³ங். வபாபெத்வா உத³கங்
அபி⁴னேதப்³ப³ங். உத³கங் அபி⁴னெத்வா உத³கங் நின்னேதப்³ப³ங். உத³கங்
நின்னெத்வா நித்³தா⁴பேதப்³ப³ங். நித்³தா⁴பெத்வா [நிட்³ட³ஹேதப்³ப³ங், நிட்³ட³ஹெத்வா (ஸீ॰)]
லவாபேதப்³ப³ங். லவாபெத்வா உப்³பா³ஹாபேதப்³ப³ங். உப்³பா³ஹாபெத்வா புஞ்ஜங்
காராபேதப்³ப³ங். புஞ்ஜங் காராபெத்வா மத்³தா³பேதப்³ப³ங். மத்³தா³பெத்வா
பலாலானி உத்³த⁴ராபேதப்³பா³னி. பலாலானி உத்³த⁴ராபெத்வா பு⁴ஸிகா உத்³த⁴ராபேதப்³பா³. பு⁴ஸிகங் உத்³த⁴ராபெத்வா ஓபுனாபேதப்³ப³ங் [ஓபு²னாபேதப்³ப³ங் (ஸ்யா॰ க॰), ஓபு²ணாபேதப்³ப³ங் (யோஜனா)]. ஓபுனாபெத்வா அதிஹராபேதப்³ப³ங். அதிஹராபெத்வா
ஆயதிம்பி வஸ்ஸங் ஏவமேவ காதப்³ப³ங், ஆயதிம்பி வஸ்ஸங் ஏவமேவ காதப்³ப³’’ந்தி.
‘‘ந கம்மா கீ²யந்தி? ந கம்மானங் அந்தோ பஞ்ஞாயதி? கதா³ கம்மா கீ²யிஸ்ஸந்தி?
கதா³ கம்மானங் அந்தோ பஞ்ஞாயிஸ்ஸதி? கதா³ மயங் அப்பொஸ்ஸுக்கா பஞ்சஹி
காமகு³ணேஹி ஸமப்பிதா ஸமங்கீ³பூ⁴தா பரிசாரெஸ்ஸாமா’’தி? ‘‘ந ஹி, தாத
அனுருத்³த⁴, கம்மா கீ²யந்தி. ந கம்மானங் அந்தோ பஞ்ஞாயதி. அகீ²ணேவ கம்மே
பிதரோ ச பிதாமஹா ச காலங்கதா’’தி. ‘‘தேன ஹி த்வஞ்ஞேவ க⁴ராவாஸத்தே²ன உபஜானாஹி. அஹங் அகா³ரஸ்மா அனகா³ரியங் பப்³ப³ஜிஸ்ஸாமீ’’தி.

அத² கோ² அனுருத்³தோ⁴ ஸக்கோ யேன மாதா தேனுபஸங்கமி,
உபஸங்கமித்வா மாதரங் ஏதத³வோச – ‘‘இச்சா²மஹங், அம்ம, அகா³ரஸ்மா அனகா³ரியங்
பப்³ப³ஜிதுங். அனுஜானாஹி மங் அகா³ரஸ்மா அனகா³ரியங் பப்³ப³ஜ்ஜாயா’’தி. ஏவங்
வுத்தே அனுருத்³த⁴ஸ்ஸ ஸக்கஸ்ஸ மாதா அனுருத்³த⁴ங் ஸக்கங் ஏதத³வோச – ‘‘தும்ஹே
கோ² மே, தாத அனுருத்³த⁴, த்³வே புத்தா பியா மனாபா அப்படிகூலா. மரணேனபி வோ
அகாமகா வினா ப⁴விஸ்ஸாமி. கிங் பனாஹங் தும்ஹே ஜீவந்தே அனுஜானிஸ்ஸாமி
அகா³ரஸ்மா அனகா³ரியங் பப்³ப³ஜ்ஜாயா’’தி? து³தியம்பி கோ²…பே॰… ததியம்பி கோ²
அனுருத்³தோ⁴ ஸக்கோ மாதரங் ஏதத³வோச – ‘‘இச்சா²மஹங், அம்ம, அகா³ரஸ்மா
அனகா³ரியங் பப்³ப³ஜிதுங். அனுஜானாஹி மங் அகா³ரஸ்மா அனகா³ரியங்
பப்³ப³ஜ்ஜாயா’’தி [இமஸ்ஸ அனந்தரங் கேஸுசி பொத்த²கேஸு
ஏவம்பி பாடோ² தி³ஸ்ஸதி –- ‘‘ஏவங் வுத்தே அனுருத்³த⁴ஸ்ஸ ஸக்கஸ்ஸ மாதா ஏவமாஹ
‘ஸசே தாத அனுருத்³த⁴ ப⁴த்³தி³யோ ஸக்யராஜா ஸக்யானங் ரஜ்ஜங் காரேதி அகா³ரஸ்மா
அனகா³ரியங் பப்³ப³ஜதி, ஏவங் த்வம்பி பப்³ப³ஜாஹீ’’’தி]
. தேன கோ² பன
ஸமயேன ப⁴த்³தி³யோ ஸக்யராஜா ஸக்யானங் ரஜ்ஜங் காரேதி. ஸோ ச அனுருத்³த⁴ஸ்ஸ
ஸக்கஸ்ஸ ஸஹாயோ ஹோதி. அத² கோ² அனுருத்³த⁴ஸ்ஸ ஸக்கஸ்ஸ மாதா – ‘அயங் கோ²
ப⁴த்³தி³யோ ஸக்யராஜா ஸக்யானங் ரஜ்ஜங் காரேதி; அனுருத்³த⁴ஸ்ஸ ஸக்கஸ்ஸ ஸஹாயோ;
ஸோ ந உஸ்ஸஹதி அகா³ரஸ்மா அனகா³ரியங் பப்³ப³ஜிது’ந்தி – அனுருத்³த⁴ங் ஸக்கங்
ஏதத³வோச – ‘‘ஸசே, தாத அனுருத்³த⁴, ப⁴த்³தி³யோ ஸக்யராஜா அகா³ரஸ்மா
அனகா³ரியங் பப்³ப³ஜதி, ஏவங் த்வம்பி பப்³ப³ஜாஹீ’’தி. அத² கோ² அனுருத்³தோ⁴
ஸக்கோ யேன ப⁴த்³தி³யோ ஸக்யராஜா தேனுபஸங்கமி,
உபஸங்கமித்வா ப⁴த்³தி³யங் ஸக்யராஜானங் ஏதத³வோச – ‘‘மம கோ², ஸம்ம,
பப்³ப³ஜ்ஜா தவ படிப³த்³தா⁴’’தி. ‘‘ஸசே தே, ஸம்ம, பப்³ப³ஜ்ஜா மம படிப³த்³தா⁴
வா அப்படிப³த்³தா⁴ வா ஸா ஹோது, அஹங் தயா; யதா² ஸுக²ங் பப்³ப³ஜாஹீ’’தி.
‘‘ஏஹி, ஸம்ம, உபோ⁴ அகா³ரஸ்மா அனகா³ரியங் பப்³ப³ஜிஸ்ஸாமா’’தி. ‘‘நாஹங்,
ஸம்ம, ஸக்கோமி அகா³ரஸ்மா அனகா³ரியங் பப்³ப³ஜிதுந்தி . யங் தே ஸக்கா அஞ்ஞங் மயா காதுங், க்யாஹங் [த்யாஹங் (ஸீ॰ ஸ்யா॰)]
கரிஸ்ஸாமி. த்வங் பப்³ப³ஜாஹீ’’தி. ‘‘மாதா கோ² மங், ஸம்ம, ஏவமாஹ – ‘ஸசே,
தாத அனுருத்³த⁴, ப⁴த்³தி³யோ ஸக்யராஜா அகா³ரஸ்மா அனகா³ரியங் பப்³ப³ஜதி, ஏவங்
த்வம்பி பப்³ப³ஜாஹீ’’’தி. ‘‘பா⁴ஸிதா கோ² பன தே, ஸம்ம, ஏஸா வாசா. ஸசே தே,
ஸம்ம, பப்³ப³ஜ்ஜா மம படிப³த்³தா⁴ வா, அப்படிப³த்³தா⁴ வா ஸா ஹோது, அஹங் தயா;
யதா² ஸுக²ங் பப்³ப³ஜாஹீ’’தி. ‘‘ஏஹி, ஸம்ம, உபோ⁴ அகா³ரஸ்மா அனகா³ரியங்
பப்³ப³ஜிஸ்ஸாமா’’தி.

தேன கோ² பன ஸமயேன மனுஸ்ஸா
ஸச்சவாதி³னோ ஹொந்தி, ஸச்சபடிஞ்ஞா. அத² கோ² ப⁴த்³தி³யோ ஸக்யராஜா
அனுருத்³த⁴ங் ஸக்கங் ஏதத³வோச – ‘‘ஆக³மேஹி, ஸம்ம, ஸத்தவஸ்ஸானி. ஸத்தன்னங்
வஸ்ஸானங் அச்சயேன உபோ⁴ அகா³ரஸ்மா அனகா³ரியங் பப்³ப³ஜிஸ்ஸாமா’’தி.
‘‘அதிசிரங், ஸம்ம, ஸத்தவஸ்ஸானி. நாஹங் ஸக்கோமி ஸத்தவஸ்ஸானி ஆக³மேது’’ந்தி.
‘‘ஆக³மேஹி, ஸம்ம, ச²வஸ்ஸானி…பே॰… பஞ்சவஸ்ஸானி… சத்தாரி வஸ்ஸானி… தீணி
வஸ்ஸானி… த்³வே வஸ்ஸானி… ஏகங் வஸ்ஸங். ஏகஸ்ஸ வஸ்ஸஸ்ஸ
அச்சயேன உபோ⁴ அகா³ரஸ்மா அனகா³ரியங் பப்³ப³ஜிஸ்ஸாமா’’தி. ‘‘அதிசிரங், ஸம்ம,
ஏகவஸ்ஸங். நாஹங் ஸக்கோமி ஏகங் வஸ்ஸங் ஆக³மேது’’ந்தி. ‘‘ஆக³மேஹி, ஸம்ம,
ஸத்தமாஸே. ஸத்தன்னங் மாஸானங் அச்சயேன உபோ⁴பி அகா³ரஸ்மா அனகா³ரியங்
பப்³ப³ஜிஸ்ஸாமா’’தி. ‘‘அதிசிரங், ஸம்ம, ஸத்தமாஸா. நாஹங் ஸக்கோமி ஸத்தமாஸே
ஆக³மேது’’ந்தி. ‘‘ஆக³மேஹி, ஸம்ம, ச² மாஸே…பே॰… பஞ்ச மாஸே… சத்தாரோ மாஸே…
தயோ மாஸே… த்³வே மாஸே… ஏகங் மாஸங்… அட்³ட⁴மாஸங். அட்³ட⁴மாஸஸ்ஸ அச்சயேன
உபோ⁴பி அகா³ரஸ்மா அனகா³ரியங் பப்³ப³ஜிஸ்ஸாமா’’தி. ‘‘அதிசிரங், ஸம்ம,
அட்³ட⁴மாஸோ. நாஹங் ஸக்கோமி அட்³ட⁴மாஸங் ஆக³மேது’’ந்தி. ‘‘ஆக³மேஹி, ஸம்ம,
ஸத்தாஹங் யாவாஹங் புத்தே ச பா⁴தரோ ச ரஜ்ஜங் நிய்யாதே³மீ’’தி. ‘‘ந சிரங்,
ஸம்ம, ஸத்தாஹோ, ஆக³மெஸ்ஸாமீ’’தி.

331.
அத² கோ² ப⁴த்³தி³யோ ச ஸக்யராஜா அனுருத்³தோ⁴ ச ஆனந்தோ³ ச ப⁴கு³ ச கிமிலோ ச
தே³வத³த்தோ ச, உபாலிகப்பகேன ஸத்தமா, யதா² புரே சதுரங்கி³னியா ஸேனாய
உய்யானபூ⁴மிங் நிய்யந்தி, ஏவமேவ சதுரங்கி³னியா ஸேனாய நிய்யிங்ஸு. தே தூ³ரங்
க³ந்த்வா ஸேனங் நிவத்தாபெத்வா பரவிஸயங் ஓக்கமித்வா ஆப⁴ரணங் ஓமுஞ்சித்வா
உத்தராஸங்கே³ன ப⁴ண்டி³கங் ப³ந்தி⁴த்வா உபாலிங் கப்பகங் ஏதத³வோசுங் –
‘‘ஹந்த³, ப⁴ணே உபாலி, நிவத்தஸ்ஸு; அலங் தே எத்தகங் ஜீவிகாயா’’தி. அத² கோ²
உபாலிஸ்ஸ கப்பகஸ்ஸ நிவத்தந்தஸ்ஸ ஏதத³ஹோஸி – ‘‘சண்டா³ கோ² ஸாகியா; இமினா குமாரா நிப்பாதிதாதி கா⁴தாபெய்யும்பி மங். இமே ஹி நாம ஸக்யகுமாரா அகா³ரஸ்மா அனகா³ரியங் பப்³ப³ஜிஸ்ஸந்தி. கிமங்க³ [கிமங்க³ (ஸீ॰)] பனாஹ’’ந்தி. ப⁴ண்டி³கங் முஞ்சித்வா தங் ப⁴ண்ட³ங் ருக்கே² ஆலக்³கெ³த்வா ‘யோ பஸ்ஸதி, தி³ன்னங்யேவ ஹரதூ’தி
வத்வா யேன தே ஸக்யகுமாரா தேனுபஸங்கமி. அத்³த³ஸாஸுங் கோ² தே ஸக்யகுமாரா
உபாலிங் கப்பகங் தூ³ரதோவ ஆக³ச்ச²ந்தங். தி³ஸ்வான உபாலிங் கப்பகங்
ஏதத³வோசுங் – ‘‘கிஸ்ஸ, ப⁴ணே உபாலி, நிவத்தேஸீ’’தி? ‘‘இத⁴ மே, அய்யபுத்தா,
நிவத்தந்தஸ்ஸ ஏதத³ஹோஸி – ‘சண்டா³ கோ² ஸாகியா; இமினா குமாரா நிப்பாதிதாதி
கா⁴தாபெய்யும்பி மங். இமே ஹி நாம ஸக்யகுமாரா அகா³ரஸ்மா அனகா³ரியங்
பப்³ப³ஜிஸ்ஸந்தி. கிமங்க³ பனாஹ’ந்தி. ஸோ கோ² அஹங், அய்யபுத்தா, ப⁴ண்டி³கங்
முஞ்சித்வா தங் ப⁴ண்ட³ங் ருக்கே² ஆலக்³கெ³த்வா ‘யோ பஸ்ஸதி, தி³ன்னஞ்ஞேவ
ஹரதூ’தி வத்வா ததொம்ஹி படினிவத்தோ’’தி. ‘‘ஸுட்டு², ப⁴ணே உபாலி, அகாஸி யம்பி
ந நிவத்தோ [யங் நிவத்தோ (ஸீ॰), யங் பன நிவத்தோ (ஸ்யா॰)]. சண்டா³ கோ² ஸாகியா; இமினா குமாரா நிப்பாதிதாதி கா⁴தாபெய்யும்பி த’’ந்தி.

அத² கோ² ஸக்யகுமாரா உபாலிங்
கப்பகங் ஆதா³ய யேன ப⁴க³வா தேனுபஸங்கமிங்ஸு, உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங் நிஸின்னா கோ² தே ஸக்யகுமாரா
ப⁴க³வந்தங் ஏதத³வோசுங் – ‘‘மயங், ப⁴ந்தே, ஸாகியா நாம மானஸ்ஸினோ. அயங் ,
ப⁴ந்தே, உபாலி கப்பகோ அம்ஹாகங் தீ³க⁴ரத்தங் பரிசாரகோ. இமங் ப⁴க³வா பட²மங்
பப்³பா³ஜேது. இமஸ்ஸ மயங் அபி⁴வாத³னபச்சுட்டா²னஅஞ்ஜலிகம்மஸாமீசிகம்மங்
கரிஸ்ஸாம. ஏவங் அம்ஹாகங் ஸாகியானங் ஸாகியமானோ நிம்மானாயிஸ்ஸதீ’’தி [நிம்மாத³யிஸ்ஸதீதி (ஸீ॰), நிம்மானியிஸ்ஸதீதி (ஸ்யா॰)].

அத² கோ² ப⁴க³வா உபாலிங் கப்பகங் பட²மங் பப்³பா³ஜேஸி,
பச்சா² தே ஸக்யகுமாரே. அத² கோ² ஆயஸ்மா ப⁴த்³தி³யோ தேனேவ அந்தரவஸ்ஸேன திஸ்ஸோ
விஜ்ஜா ஸச்சா²காஸி. ஆயஸ்மா அனுருத்³தோ⁴ தி³ப்³ப³சக்கு²ங் உப்பாதே³ஸி.
ஆயஸ்மா ஆனந்தோ³ ஸோதாபத்திப²லங் ஸச்சா²காஸி. தே³வத³த்தோ போது²ஜ்ஜனிகங்
இத்³தி⁴ங் அபி⁴னிப்பா²தே³ஸி.

332.
தேன கோ² பன ஸமயேன ஆயஸ்மா ப⁴த்³தி³யோ அரஞ்ஞக³தோபி ருக்க²மூலக³தோபி
ஸுஞ்ஞாகா³ரக³தோபி அபி⁴க்க²ணங் உதா³னங் உதா³னேஸி – ‘‘அஹோ ஸுக²ங், அஹோ
ஸுக²’’ந்தி. அத² கோ² ஸம்ப³ஹுலா பி⁴க்கூ² யேன ப⁴க³வா தேனுபஸங்கமிங்ஸு,
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங்
நிஸின்னா கோ² தே பி⁴க்கூ² ப⁴க³வந்தங் ஏதத³வோசுங் – ‘‘ஆயஸ்மா, ப⁴ந்தே,
ப⁴த்³தி³யோ அரஞ்ஞக³தோபி ருக்க²மூலக³தோபி ஸுஞ்ஞாகா³ரக³தோபி அபி⁴க்க²ணங்
உதா³னங் உதா³னேஸி – ‘அஹோ ஸுக²ங், அஹோ ஸுக²’ந்தி. நிஸ்ஸங்ஸயங் கோ², ப⁴ந்தே,
ஆயஸ்மா ப⁴த்³தி³யோ அனபி⁴ரதோவ ப்³ரஹ்மசரியங் சரதி. தங்யேவ வா புரிமங்
ரஜ்ஜஸுக²ங் ஸமனுஸ்ஸரந்தோ அரஞ்ஞக³தோபி ருக்க²மூலக³தோபி ஸுஞ்ஞாகா³ரக³தோபி
அபி⁴க்க²ணங் உதா³னங் உதா³னேஸி – ‘அஹோ ஸுக²ங், அஹோ ஸுக²’’’ந்தி.

அத² கோ² ப⁴க³வா அஞ்ஞதரங் பி⁴க்கு²ங் ஆமந்தேஸி – ‘‘ஏஹி
த்வங், பி⁴க்கு², மம வசனேன ப⁴த்³தி³யங் பி⁴க்கு²ங் ஆமந்தேஹி – ‘ஸத்தா² தங்,
ஆவுஸோ ப⁴த்³தி³ய, ஆமந்தேதீ’’’தி . ‘‘ஏவங்
ப⁴ந்தே’’தி கோ² ஸோ பி⁴க்கு² ப⁴க³வதோ படிஸ்ஸுத்வா யேனாயஸ்மா ப⁴த்³தி³யோ
தேனுபஸங்கமி, உபஸங்கமித்வா ஆயஸ்மந்தங் ப⁴த்³தி³யங் ஏதத³வோச – ‘‘ஸத்தா² தங்,
ஆவுஸோ ப⁴த்³தி³ய, ஆமந்தேதீ’’தி. ‘‘ஏவமாவுஸோ’’தி கோ² ஆயஸ்மா ப⁴த்³தி³யோ
தஸ்ஸ பி⁴க்கு²னோ படிஸ்ஸுத்வா யேன ப⁴க³வா தேனுபஸங்கமி, உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னங் கோ²
ஆயஸ்மந்தங் ப⁴த்³தி³யங் ப⁴க³வா ஏதத³வோச – ‘‘ஸச்சங் கிர த்வங், ப⁴த்³தி³ய,
அரஞ்ஞக³தோபி ருக்க²மூலக³தோபி ஸுஞ்ஞாகா³ரக³தோபி அபி⁴க்க²ணங் உதா³னங்
உதா³னேஸி – ‘அஹோ ஸுக²ங், அஹோ ஸுக²’’’ந்தி? ‘‘ஏவங் ப⁴ந்தே’’தி. ‘‘கிங் பன
த்வங், ப⁴த்³தி³ய, அத்த²வஸங் ஸம்பஸ்ஸமானோ அரஞ்ஞக³தோபி
ருக்க²மூலக³தோபி ஸுஞ்ஞாகா³ரக³தோபி அபி⁴க்க²ணங் உதா³னங் உதா³னேஸி – ‘அஹோ
ஸுக²ங் அஹோ ஸுக²’’’ந்தி? ‘‘புப்³பே³ மே, ப⁴ந்தே, ரஞ்ஞோ ஸதோபி அந்தோபி
அந்தேபுரே ரக்கா² ஸுஸங்விஹிதா ஹோதி, ப³ஹிபி அந்தேபுரே ரக்கா² ஸுஸங்விஹிதா
ஹோதி, அந்தோபி நக³ரே ரக்கா² ஸுஸங்விஹிதா ஹோதி, ப³ஹிபி நக³ரே ரக்கா²
ஸுஸங்விஹிதா ஹோதி, அந்தோபி ஜனபதே³ ரக்கா² ஸுஸங்விஹிதா ஹோதி, ப³ஹிபி ஜனபதே³
ரக்கா² ஸுஸங்விஹிதா ஹோதி. ஸோ கோ² அஹங், ப⁴ந்தே, ஏவங்
ரக்கி²தோபி கோ³பிதோபி ஸந்தோ பீ⁴தோ உப்³பி³க்³கோ³ உஸ்ஸங்கீ உத்ரஸ்தோ
விஹராமி. ஏதரஹி கோ² பன அஹங் ஏகோ, ப⁴ந்தே, அரஞ்ஞக³தோபி ருக்க²மூலக³தோபி
ஸுஞ்ஞாகா³ரக³தோபி அபீ⁴தோ அனுப்³பி³க்³கோ³ அனுஸ்ஸங்கீ அனுத்ரஸ்தோ
அப்பொஸ்ஸுக்கோ பன்னலோமோ பரத³த்தவுத்தோ மிக³பூ⁴தேன சேதஸா விஹராமீதி. இமங்
கோ² அஹங், ப⁴ந்தே, அத்த²வஸங் ஸம்பஸ்ஸமானோ அரஞ்ஞக³தோபி ருக்க²மூலக³தோபி
ஸுஞ்ஞாகா³ரக³தோபி அபி⁴க்க²ணங் உதா³னங் உதா³னேமி – ‘அஹோ ஸுக²ங், அஹோ
ஸுக²’’’ந்தி. அத² கோ² ப⁴க³வா ஏதமத்த²ங் விதி³த்வா தாயங் வேலாயங் இமங்
உதா³னங் உதா³னேஸி –

[உதா³॰ 20] ‘‘யஸ்ஸந்தரதோ ந ஸந்தி கோபா, இதி ப⁴வாப⁴வதஞ்ச வீதிவத்தோ;

தங் விக³தப⁴யங் ஸுகி²ங் அஸோகங், தே³வா நானுப⁴வந்தி த³ஸ்ஸனாயா’’தி.

தே³வத³த்தவத்து²

333.
அத² கோ² ப⁴க³வா அனுபியாயங் யதா²பி⁴ரந்தங் விஹரித்வா யேன கோஸம்பீ³ தேன
சாரிகங் பக்காமி. அனுபுப்³பே³ன சாரிகங் சரமானோ யேன கோஸம்பீ³ தத³வஸரி. தத்ர
ஸுத³ங் ப⁴க³வா கோஸம்பி³யங் விஹரதி கோ⁴ஸிதாராமே. அத² கோ² தே³வத³த்தஸ்ஸ
ரஹோக³தஸ்ஸ படிஸல்லீனஸ்ஸ ஏவங் சேதஸோ பரிவிதக்கோ உத³பாதி³ – ‘‘கங் நு கோ²
அஹங் பஸாதெ³ய்யங், யஸ்மிங் மே பஸன்னே ப³ஹுலாப⁴ஸக்காரோ உப்பஜ்ஜெய்யா’’தி? அத² கோ² தே³வத³த்தஸ்ஸ ஏதத³ஹோஸி – ‘‘அயங் கோ² அஜாதஸத்து குமாரோ தருணோ சேவ ஆயதிங் ப⁴த்³தோ³ ச. யங்னூனாஹங் அஜாதஸத்துங் குமாரங் பஸாதெ³ய்யங். தஸ்மிங் மே பஸன்னே ப³ஹுலாப⁴ஸக்காரோ உப்பஜ்ஜிஸ்ஸதீ’’தி.

அத² கோ² தே³வத³த்தோ ஸேனாஸனங் ஸங்ஸாமெத்வா
பத்தசீவரமாதா³ய யேன ராஜக³ஹங் தேன பக்காமி. அனுபுப்³பே³ன யேன ராஜக³ஹங்
தத³வஸரி. அத² கோ² தே³வத³த்தோ ஸகவண்ணங் படிஸங்ஹரித்வா குமாரகவண்ணங்
அபி⁴னிம்மினித்வா அஹிமேக²லிகாய அஜாதஸத்துஸ்ஸ குமாரஸ்ஸ உச்ச²ங்கே³ [உச்சங்கே (ஸ்யா॰)]
பாதுரஹோஸி. அத² கோ² அஜாதஸத்து குமாரோ பீ⁴தோ அஹோஸி, உப்³பி³க்³கோ³ உஸ்ஸங்கீ
உத்ரஸ்தோ. அத² கோ² தே³வத³த்தோ அஜாதஸத்துங் குமாரங் ஏதத³வோச – ‘‘பா⁴யஸி மங்
த்வங் குமாரா’’தி? ‘‘ஆம, பா⁴யாமி. கோஸி த்வ’’ந்தி? ‘‘அஹங் தே³வத³த்தோ’’தி.
‘‘ஸசே கோ² த்வங், ப⁴ந்தே, அய்யோ தே³வத³த்தோ, இங்க⁴
ஸகேனேவ வண்ணேன பாதுப⁴வஸ்ஸூ’’தி. அத² கோ² தே³வத³த்தோ குமாரகவண்ணங்
படிஸங்ஹரித்வா ஸங்கா⁴டிபத்தசீவரத⁴ரோ அஜாதஸத்துஸ்ஸ குமாரஸ்ஸ புரதோ அட்டா²ஸி.
அத² கோ² அஜாதஸத்து குமாரோ தே³வத³த்தஸ்ஸ இமினா இத்³தி⁴பாடிஹாரியேன
அபி⁴ப்பஸன்னோ பஞ்சஹி ரத²ஸதேஹி ஸாயங் பாதங் உபட்டா²னங் க³ச்ச²தி, பஞ்ச ச
தா²லிபாகஸதானி ப⁴த்தாபி⁴ஹாரோ அபி⁴ஹரீயதி. அத² கோ² தே³வத³த்தஸ்ஸ
லாப⁴ஸக்காரஸிலோகேன அபி⁴பூ⁴தஸ்ஸ பரியாதி³ன்னசித்தஸ்ஸ ஏவரூபங் இச்சா²க³தங் உப்பஜ்ஜி – ‘‘அஹங் பி⁴க்கு²ஸங்க⁴ங் பரிஹரிஸ்ஸாமீ’’தி . ஸஹ சித்துப்பாதா³வ தே³வத³த்தோ தஸ்ஸா இத்³தி⁴யா பரிஹாயி.

[அ॰ நி॰ 5.100] தேன கோ² பன
ஸமயேன ககுதோ⁴ நாம கோளியபுத்தோ, ஆயஸ்மதோ மஹாமொக்³க³ல்லானஸ்ஸ உபட்டா²கோ,
அது⁴னா காலங்கதோ அஞ்ஞதரங் மனோமயங் காயங் உபபன்னோ. தஸ்ஸ ஏவரூபோ
அத்தபா⁴வப்படிலாபோ⁴ ஹோதி – ஸெய்யதா²பி நாம த்³வே வா தீணி வா மாக³த⁴கானி [மாக³தி⁴கானி (ஸ்யா॰)]
கா³மக்கெ²த்தானி. ஸோ தேன அத்தபா⁴வப்படிலாபே⁴ன நேவ அத்தானங் ந பரங்
ப்³யாபா³தே⁴தி. அத² கோ² ககுதோ⁴ தே³வபுத்தோ யேனாயஸ்மா மஹாமொக்³க³ல்லானோ
தேனுபஸங்கமி, உபஸங்கமித்வா ஆயஸ்மந்தங் மஹாமொக்³க³ல்லானங் அபி⁴வாதெ³த்வா
ஏகமந்தங் அட்டா²ஸி. ஏகமந்தங் டி²தோ கோ² ககுதோ⁴ தே³வபுத்தோ ஆயஸ்மந்தங்
மஹாமொக்³க³ல்லானங் ஏதத³வோச – ‘‘தே³வத³த்தஸ்ஸ, ப⁴ந்தே, லாப⁴ஸக்காரஸிலோகேன
அபி⁴பூ⁴தஸ்ஸ பரியாதி³ன்னசித்தஸ்ஸ [பரியாதி³ண்ணசித்தஸ்ஸ (க॰)]
ஏவரூபங் இச்சா²க³தங் உப்பஜ்ஜி – ‘அஹங் பி⁴க்கு²ஸங்க⁴ங் பரிஹரிஸ்ஸாமீ’தி.
ஸஹ சித்துப்பாதா³வ ப⁴ந்தே, தே³வத³த்தோ தஸ்ஸா இத்³தி⁴யா பரிஹீனோ’’தி.
இத³மவோச ககுதோ⁴ தே³வபுத்தோ. இத³ங் வத்வா ஆயஸ்மந்தங் மஹாமொக்³க³ல்லானங்
அபி⁴வாதெ³த்வா பத³க்கி²ணங் கத்வா தத்தே²வ அந்தரதா⁴யி.

அத² கோ² ஆயஸ்மா மஹாமொக்³க³ல்லானோ யேன ப⁴க³வா தேனுபஸங்கமி , உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³ .
ஏகமந்தங் நிஸின்னோ கோ² ஆயஸ்மா மஹாமொக்³க³ல்லானோ ப⁴க³வந்தங் ஏதத³வோச –
‘‘ககுதோ⁴ நாம, ப⁴ந்தே, கோளியபுத்தோ மம உபட்டா²கோ அது⁴னா காலங்கதோ அஞ்ஞதரங்
மனோமயங் காயங் உபபன்னோ. தஸ்ஸ ஏவரூபோ அத்தபா⁴வப்படிலாபோ⁴ – ஸெய்யதா²பி நாம
த்³வே வா தீணி வா மாக³த⁴கானி கா³மக்கெ²த்தானி. ஸோ தேன அத்தபா⁴வப்படிலாபே⁴ன
நேவ அத்தானங் ந பரங் ப்³யாபா³தே⁴தி. அத² கோ², ப⁴ந்தே, ககுதோ⁴ தே³வபுத்தோ
யேனாஹங் தேனுபஸங்கமி, உபஸங்கமித்வா மங் அபி⁴வாதெ³த்வா ஏகமந்தங் அட்டா²ஸி.
ஏகமந்தங் டி²தோ கோ², ப⁴ந்தே, ககுதோ⁴ தே³வபுத்தோ மங் ஏதத³வோச –
‘தே³வத³த்தஸ்ஸ, ப⁴ந்தே, லாப⁴ஸக்காரஸிலோகேன அபி⁴பூ⁴தஸ்ஸ பரியாதி³ன்னசித்தஸ்ஸ
ஏவரூபங் இச்சா²க³தங் உப்பஜ்ஜி – அஹங் பி⁴க்கு²ஸங்க⁴ங் பரிஹரிஸ்ஸாமீதி. ஸஹ
சித்துப்பாதா³வ ப⁴ந்தே, தே³வத³த்தோ தஸ்ஸா இத்³தி⁴யா பரிஹீனோ’தி. இத³மவோச,
ப⁴ந்தே, ககுதோ⁴ தே³வபுத்தோ. இத³ங் வத்வா மங் அபி⁴வாதெ³த்வா பத³க்கி²ணங்
கத்வா தத்தே²வ அந்தரதா⁴யீ’’தி.

‘‘கிங்
பன தே, மொக்³க³ல்லான, ககுதோ⁴ தே³வபுத்தோ சேதஸா சேதோ பரிச்ச விதி³தோ? யங்
கிஞ்சி ககுதோ⁴ தே³வபுத்தோ பா⁴ஸதி ஸப்³ப³ங் தங் ததே²வ ஹோதி, நோ அஞ்ஞதா²’’தி?
‘‘சேதஸா சேதோ பரிச்ச விதி³தோ ச மே, ப⁴ந்தே, ககுதோ⁴ தே³வபுத்தோ. யங் கிஞ்சி
ககுதோ⁴ தே³வபுத்தோ பா⁴ஸதி ஸப்³ப³ங் தங் ததே²வ ஹோதி, நோ அஞ்ஞதா²’’தி.
‘‘ரக்க²ஸ்ஸேதங், மொக்³க³ல்லான, வாசங். ரக்க²ஸ்ஸேதங், மொக்³க³ல்லான, வாசங்.
இதா³னி ஸோ மோக⁴புரிஸோ அத்தனாவ அத்தானங் பாதுகரிஸ்ஸதி.

பஞ்சஸத்து²கதா²

334. [அ॰ நி॰ 5.100] ‘‘பஞ்சிமே ,
மொக்³க³ல்லான, ஸத்தா²ரோ ஸந்தோ ஸங்விஜ்ஜமானா லோகஸ்மிங். கதமே பஞ்ச? ‘‘இத⁴,
மொக்³க³ல்லான, ஏகச்சோ ஸத்தா² அபரிஸுத்³த⁴ஸீலோ ஸமானோ ‘பரிஸுத்³த⁴ஸீலொம்ஹீ’தி
படிஜானாதி ‘பரிஸுத்³த⁴ங் மே ஸீலங் பரியோதா³தங் அஸங்கிலிட்ட²’ந்தி. தமேனங்
ஸாவகா ஏவங் ஜானந்தி – ‘அயங் கோ² ப⁴வங் ஸத்தா² அபரிஸுத்³த⁴ஸீலோ ஸமானோ
‘பரிஸுத்³த⁴ஸீலொம்ஹீ’தி படிஜானாதி ‘பரிஸுத்³த⁴ங் மே ஸீலங் பரியோதா³தங்
அஸங்கிலிட்ட²’ந்தி ச. மயஞ்சேவ கோ² பன கி³ஹீனங் ஆரோசெய்யாம, நாஸ்ஸஸ்ஸ
மனாபங். யங் கோ² பனஸ்ஸ அமனாபங், கத²ங் நங் மயங் தேன ஸமுதா³சரெய்யாம?
ஸம்மன்னதி கோ² பன சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரேன –
யங் துமோ கரிஸ்ஸதி, துமோவ தேன பஞ்ஞாயிஸ்ஸதீ’தி. ஏவரூபங் கோ², மொக்³க³ல்லான,
ஸத்தா²ரங் ஸாவகா ஸீலதோ ரக்க²ந்தி; ஏவரூபோ ச பன ஸத்தா² ஸாவகேஹி ஸீலதோ
ரக்க²ங் பச்சாஸீஸதி [பச்சாஸிங்ஸதி (ஸீ॰ ஸ்யா॰)].

‘‘புன சபரங், மொக்³க³ல்லான, இதே⁴கச்சோ ஸத்தா²
அபரிஸுத்³தா⁴ஜீவோ ஸமானோ ‘பரிஸுத்³தா⁴ஜீவொம்ஹீ’தி படிஜானாதி ‘பரிஸுத்³தோ⁴ மே
ஆஜீவோ பரியோதா³தோ அஸங்கிலிட்டோ²’தி ச. தமேனங் ஸாவகா ஏவங் ஜானந்தி – ‘அயங்
கோ² ப⁴வங் ஸத்தா² அபரிஸுத்³தா⁴ஜீவோ ஸமானோ ‘பரிஸுத்³தா⁴ஜீவொம்ஹீ’தி
படிஜானாதி ‘பரிஸுத்³தோ⁴ மே ஆஜீவோ பரியோதா³தோ அஸங்கிலிட்டோ²’தி ச. மயஞ்சேவ கோ² பன கி³ஹீனங் ஆரோசெய்யாம, நாஸ்ஸஸ்ஸ மனாபங். யங் கோ² பனஸ்ஸ அமனாபங், கத²ங் ந மயங் தேன ஸமுதா³சரெய்யாம? ஸம்மன்னதி கோ² பன சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரேன – யங் துமோ
கரிஸ்ஸதி, துமோவ தேன பஞ்ஞாயிஸ்ஸதீ’தி. ஏவரூபங் கோ², மொக்³க³ல்லான,
ஸத்தா²ரங் ஸாவகா ஆஜீவதோ ரக்க²ந்தி; ஏவரூபோ ச பன ஸத்தா² ஸாவகேஹி ஆஜீவதோ
ரக்க²ங் பச்சாஸீஸதி.

‘‘புன சபரங், மொக்³க³ல்லான, இதே⁴கச்சோ ஸத்தா²
அபரிஸுத்³த⁴த⁴ம்மதே³ஸனோ ஸமானோ ‘பரிஸுத்³த⁴த⁴ம்மதே³ஸனொம்ஹீ’தி படிஜானாதி
‘பரிஸுத்³தா⁴ மே த⁴ம்மதே³ஸனா பரியோதா³தா அஸங்கிலிட்டா²’தி ச .
தமேனங் ஸாவகா ஏவங் ஜானந்தி – ‘அயங் கோ² ப⁴வங் ஸத்தா²
அபரிஸுத்³த⁴த⁴ம்மதே³ஸனோ ஸமானோ ‘பரிஸுத்³த⁴த⁴ம்மதே³ஸனொம்ஹீ’தி படிஜானாதி
‘பரிஸுத்³தா⁴ மே த⁴ம்மதே³ஸனா பரியோதா³தா அஸங்கிலிட்டா²’தி ச. மயஞ்சேவ கோ²
பன கி³ஹீனங் ஆரோசெய்யாம, நாஸ்ஸஸ்ஸ மனாபங். யங் கோ² பனஸ்ஸ அமனாபங், கத²ங்
நங் மயங் தேன ஸமுதா³சரெய்யாம? ஸம்மன்னதி கோ² பன
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரேன – யங் துமோ கரிஸ்ஸதி,
துமோவ தேன பஞ்ஞாயிஸ்ஸதீ’தி. ஏவரூபங் கோ², மொக்³க³ல்லான, ஸத்தா²ரங் ஸாவகா
த⁴ம்மதே³ஸனதோ ரக்க²ந்தி; ஏவரூபோ ச பன ஸத்தா² ஸாவகேஹி த⁴ம்மதே³ஸனதோ ரக்க²ங்
பச்சாஸீஸதி.

‘‘புன சபரங், மொக்³க³ல்லான, இதே⁴கச்சோ ஸத்தா²
அபரிஸுத்³த⁴வெய்யாகரணோ ஸமானோ ‘பரிஸுத்³த⁴வெய்யாகரணொம்ஹீ’தி படிஜானாதி
‘பரிஸுத்³த⁴ங் மே வெய்யாகரணங் பரியோதா³தங் அஸங்கிலிட்ட²’ந்தி ச. தமேனங்
ஸாவகா ஏவங் ஜானந்தி – ‘அயங் கோ² ப⁴வங் ஸத்தா² அபரிஸுத்³த⁴வெய்யாகரணோ ஸமானோ
‘பரிஸுத்³த⁴வெய்யாகரணொம்ஹீ’தி படிஜானாதி ‘பரிஸுத்³த⁴ங் மே வெய்யாகரணங்
பரியோதா³தங் அஸங்கிலிட்ட²’ந்தி ச. மயஞ்சேவ கோ² பன கி³ஹீனங் ஆரோசெய்யாம,
நாஸ்ஸஸ்ஸ மனாபங். யங் கோ² பனஸ்ஸ அமனாபங், கத²ங் நங் மயங் தேன
ஸமுதா³சரெய்யாம? ஸம்மன்னதி கோ² பன
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரேன – யங் துமோ கரிஸ்ஸதி,
துமோவ தேன பஞ்ஞாயிஸ்ஸதீ’தி. ஏவரூபங் கோ², மொக்³க³ல்லான, ஸத்தா²ரங் ஸாவகா
வெய்யாகரணதோ ரக்க²ந்தி; ஏவரூபோ ச பன ஸத்தா² ஸாவகேஹி வெய்யாகரணதோ ரக்க²ங்
பச்சாஸீஸதி.

‘‘புன சபரங், மொக்³க³ல்லான, இதே⁴கச்சோ ஸத்தா²
அபரிஸுத்³த⁴ஞாணத³ஸ்ஸனோ ஸமானோ ‘பரிஸுத்³த⁴ஞாணத³ஸ்ஸனொம்ஹீ’தி படிஜானாதி
‘பரிஸுத்³த⁴ங் மே ஞாணத³ஸ்ஸனங் பரியோதா³தங் அஸங்கிலிட்ட²’ந்தி ச. தமேனங்
ஸாவகா ஏவங் ஜானந்தி – ‘அயங் கோ² ப⁴வங் ஸத்தா² அபரிஸுத்³த⁴ஞாணத³ஸ்ஸனோ ஸமானோ
‘பரிஸுத்³த⁴ஞாணத³ஸ்ஸனொம்ஹீ’தி படிஜானாதி
‘பரிஸுத்³த⁴ங் மே ஞாணத³ஸ்ஸனங் பரியோதா³தங் அஸங்கிலிட்ட²’ந்தி ச. மயஞ்சேவ
கோ² பன கி³ஹீனங் ஆரோசெய்யாம, நாஸ்ஸஸ்ஸ மனாபங். யங் கோ² பனஸ்ஸ அமனாபங்,
கத²ங் நங் மயங் தேன ஸமுதா³சரெய்யாம? ஸம்மன்னதி கோ² பன
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரேன – யங் துமோ கரிஸ்ஸதி,
துமோவ தேன பஞ்ஞாயிஸ்ஸதீ’தி. ஏவரூபங் கோ², மொக்³க³ல்லான, ஸத்தா²ரங் ஸாவகா
ஞாணத³ஸ்ஸனதோ ரக்க²ந்தி; ஏவரூபோ ச பன ஸத்தா² ஸாவகேஹி ஞாணத³ஸ்ஸனதோ ரக்க²ங்
பச்சாஸீஸதீதி. இமே கோ², மொக்³க³ல்லான, பஞ்ச ஸத்தா²ரோ ஸந்தோ ஸங்விஜ்ஜமானா லோகஸ்மிங்.

‘‘அஹங் கோ² பன, மொக்³க³ல்லான, பரிஸுத்³த⁴ஸீலோ ஸமானோ ‘பரிஸுத்³த⁴ஸீலொம்ஹீ’தி படிஜானாமி
‘பரிஸுத்³த⁴ங் மே ஸீலங் பரியோதா³தங் அஸங்கிலிட்ட²’ந்தி ச. ந ச மங் ஸாவகா
ஸீலதோ ரக்க²ந்தி; ந சாஹங் ஸாவகேஹி ஸீலதோ ரக்க²ங் பச்சாஸீஸாமி.
பரிஸுத்³தா⁴ஜீவோ ஸமானோ…பே॰… பரிஸுத்³த⁴த⁴ம்மதே³ஸனோ ஸமானோ…பே॰…
பரிஸுத்³த⁴வெய்யாகரணோ ஸமானோ…பே॰… பரிஸுத்³த⁴ஞாணத³ஸ்ஸனோ ஸமானோ
‘பரிஸுத்³த⁴ஞாணத³ஸ்ஸனொம்ஹீ’தி படிஜானாமி ‘பரிஸுத்³த⁴ங் மே ஞாணத³ஸ்ஸனங்
பரியோதா³தங் அஸங்கிலிட்ட²’ந்தி ச. ந ச மங் ஸாவகா ஞாணத³ஸ்ஸனதோ ரக்க²ந்தி; ந
சாஹங் ஸாவகேஹி ஞாணத³ஸ்ஸனதோ ரக்க²ங் பச்சாஸீஸாமீ’’தி.

335.
அத² கோ² ப⁴க³வா கோஸம்பி³யங் யதா²பி⁴ரந்தங் விஹரித்வா யேன ராஜக³ஹங் தேன
சாரிகங் பக்காமி. அனுபுப்³பே³ன சாரிகங் சரமானோ யேன ராஜக³ஹங் தத³வஸரி. தத்ர
ஸுத³ங் ப⁴க³வா ராஜக³ஹே விஹரதி வேளுவனே கலந்த³கனிவாபே. அத² கோ² ஸம்ப³ஹுலா
பி⁴க்கூ² யேன ப⁴க³வா தேனுபஸங்கமிங்ஸு, உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங் நிஸின்னா கோ² தே பி⁴க்கூ²
ப⁴க³வந்தங் ஏதத³வோசுங் – ‘‘தே³வத³த்தஸ்ஸ, ப⁴ந்தே, அஜாதஸத்து குமாரோ பஞ்சஹி
ரத²ஸதேஹி ஸாயங் பாதங் உபட்டா²னங் க³ச்ச²தி; பஞ்ச ச தா²லிபாகஸதானி
ப⁴த்தாபி⁴ஹாரோ அபி⁴ஹரீயதீ’’தி. ‘‘மா, பி⁴க்க²வே, தே³வத³த்தஸ்ஸ
லாப⁴ஸக்காரஸிலோகங் பிஹயித்த². யாவகீவஞ்ச, பி⁴க்க²வே , தே³வத³த்தஸ்ஸ அஜாதஸத்து குமாரோ பஞ்சஹி ரத²ஸதேஹி ஸாயங் பாதங் உபட்டா²னங் க³மிஸ்ஸதி , பஞ்ச ச தா²லிபாகஸதானி ப⁴த்தாபி⁴ஹாரோ அபி⁴ஹரீயிஸ்ஸதி, ஹானியேவ, பி⁴க்க²வே, தே³வத³த்தஸ்ஸ பாடிகங்கா² குஸலேஸு த⁴ம்மேஸு, நோ வுட்³டி⁴.

‘‘ஸெய்யதா²பி , பி⁴க்க²வே,
சண்ட³ஸ்ஸ குக்குரஸ்ஸ நாஸாய பித்தங் பி⁴ந்தெ³ய்யுங், ஏவஞ்ஹி ஸோ, பி⁴க்க²வே,
குக்குரோ பி⁴ய்யோஸோமத்தாய சண்ட³தரோ அஸ்ஸ, ஏவமேவ கோ², பி⁴க்க²வே, யாவகீவஞ்ச
தே³வத³த்தஸ்ஸ அஜாதஸத்து குமாரோ பஞ்சஹி ரத²ஸதேஹி ஸாயங் பாதங் உபட்டா²னங்
க³மிஸ்ஸதி, பஞ்ச ச தா²லிபாகஸதானி ப⁴த்தாபி⁴ஹாரோ அபி⁴ஹரீயிஸ்ஸதி, ஹானியேவ,
பி⁴க்க²வே, தே³வத³த்தஸ்ஸ பாடிகங்கா² குஸலேஸு த⁴ம்மேஸு, நோ வுட்³டி⁴.

[ஸங்॰ நி॰ 2.184; அ॰ நி॰ 4.68] ‘‘அத்தவதா⁴ய, பி⁴க்க²வே, தே³வத³த்தஸ்ஸ லாப⁴ஸக்காரஸிலோகோ உத³பாதி³, பராப⁴வாய தே³வத³த்தஸ்ஸ லாப⁴ஸக்காரஸிலோகோ உத³பாதி³.

‘‘ஸெய்யதா²பி, பி⁴க்க²வே, கத³லீ அத்தவதா⁴ய ப²லங்
தே³தி, பராப⁴வாய ப²லங் தே³தி, ஏவமேவ கோ², பி⁴க்க²வே, அத்தவதா⁴ய
தே³வத³த்தஸ்ஸ லாப⁴ஸக்காரஸிலோகோ உத³பாதி³, பராப⁴வாய தே³வத³த்தஸ்ஸ
லாப⁴ஸக்காரஸிலோகோ உத³பாதி³.

‘‘ஸெய்யதா²பி , பி⁴க்க²வே, வேளு
அத்தவதா⁴ய ப²லங் தே³தி, பராப⁴வாய ப²லங் தே³தி, ஏவமேவ கோ², பி⁴க்க²வே,
அத்தவதா⁴ய தே³வத³த்தஸ்ஸ லாப⁴ஸக்காரஸிலோகோ உத³பாதி³, பராப⁴வாய தே³வத³த்தஸ்ஸ
லாப⁴ஸக்காரஸிலோகோ உத³பாதி³.

‘‘ஸெய்யதா²பி, பி⁴க்க²வே, நளோ அத்தவதா⁴ய ப²லங் தே³தி,
பராப⁴வாய ப²லங் தே³தி, ஏவமேவ கோ², பி⁴க்க²வே, அத்தவதா⁴ய தே³வத³த்தஸ்ஸ
லாப⁴ஸக்காரஸிலோகோ உத³பாதி³, பராப⁴வாய தே³வத³த்தஸ்ஸ லாப⁴ஸக்காரஸிலோகோ
உத³பாதி³ .

‘‘ஸெய்யதா²பி, பி⁴க்க²வே, அஸ்ஸதரீ அத்தவதா⁴ய க³ப்³ப⁴ங்
க³ண்ஹாதி, பராப⁴வாய க³ப்³ப⁴ங் க³ண்ஹாதி, ஏவமேவ கோ², பி⁴க்க²வே, அத்தவதா⁴ய
தே³வத³த்தஸ்ஸ லாப⁴ஸக்காரஸிலோகோ உத³பாதி³, பராப⁴வாய தே³வத³த்தஸ்ஸ
லாப⁴ஸக்காரஸிலோகோ உத³பாதீ³’’தி.

[ஸங்॰ நி॰ 1.183, 1.2.184, நெத்தி॰ 90] ‘‘ப²லங் வே கத³லிங் ஹந்தி, ப²லங் வேளுங் ப²லங் நளங்;

ஸக்காரோ காபுரிஸங் ஹந்தி, க³ப்³போ⁴ அஸ்ஸதரிங் யதா²’’தி.

பட²மபா⁴ணவாரோ நிட்டி²தோ.

2. து³தியபா⁴ணவாரோ

பகாஸனீயகம்மங்

336. தேன
கோ² பன ஸமயேன ப⁴க³வா மஹதியா பரிஸாய பரிவுதோ த⁴ம்மங் தே³ஸெந்தோ நிஸின்னோ
ஹோதி ஸராஜிகாய பரிஸாய. அத² கோ² தே³வத³த்தோ உட்டா²யாஸனா ஏகங்ஸங்
உத்தராஸங்க³ங் கரித்வா யேன ப⁴க³வா தேனஞ்ஜலிங் பணாமெத்வா ப⁴க³வந்தங் ஏதத³வோச
– ‘‘ஜிண்ணோ தா³னி, ப⁴ந்தே, ப⁴க³வா வுட்³டோ⁴ மஹல்லகோ அத்³த⁴க³தோ
வயோஅனுப்பத்தோ. அப்பொஸ்ஸுக்கோ தா³னி, ப⁴ந்தே, ப⁴க³வா
தி³ட்ட²த⁴ம்மஸுக²விஹாரங் அனுயுத்தோ விஹரது, மமங் பி⁴க்கு²ஸங்க⁴ங்
நிஸ்ஸஜ்ஜது. அஹங் பி⁴க்கு²ஸங்க⁴ங் பரிஹரிஸ்ஸாமீ’’தி. ‘‘அலங், தே³வத³த்த, மா
தே ருச்சி பி⁴க்கு²ஸங்க⁴ங் பரிஹரிது’’ந்தி. து³தியம்பி கோ²
தே³வத³த்தோ…பே॰… ததியம்பி கோ² தே³வத³த்தோ ப⁴க³வந்தங் ஏதத³வோச – ‘‘ஜிண்ணோ
தா³னி, ப⁴ந்தே, ப⁴க³வா வுட்³டோ⁴ மஹல்லகோ அத்³த⁴க³தோ வயோஅனுப்பத்தோ.
அப்பொஸ்ஸுக்கோ தா³னி, ப⁴ந்தே, ப⁴க³வா தி³ட்ட²த⁴ம்மஸுக²விஹாரங் அனுயுத்தோ
விஹரது, மமங் பி⁴க்கு²ஸங்க⁴ங் நிஸ்ஸஜ்ஜது. அஹங் பி⁴க்கு²ஸங்க⁴ங்
பரிஹரிஸ்ஸாமீ’’தி. ‘‘ஸாரிபுத்தமொக்³க³ல்லானானம்பி கோ² அஹங், தே³வத³த்த, பி⁴க்கு²ஸங்க⁴ங் ந நிஸ்ஸஜ்ஜெய்யங் , கிங் பன துய்ஹங் ச²வஸ்ஸ கே²ளாஸகஸ்ஸா’’தி! அத² கோ² தே³வத³த்தோ – ஸராஜிகாய
மங் ப⁴க³வா பரிஸாய கே²ளாஸகவாதே³ன அபஸாதே³தி, ஸாரிபுத்தமொக்³க³ல்லானேவ
உக்கங்ஸதீதி – குபிதோ அனத்தமனோ ப⁴க³வந்தங் அபி⁴வாதெ³த்வா பத³க்கி²ணங் கத்வா
பக்காமி. அயஞ்சரஹி தே³வத³த்தஸ்ஸ ப⁴க³வதி பட²மோ ஆகா⁴தோ அஹோஸி.

அத² கோ² ப⁴க³வா பி⁴க்கூ² ஆமந்தேஸி – ‘‘தேன ஹி,
பி⁴க்க²வே, ஸங்கோ⁴ தே³வத³த்தஸ்ஸ ராஜக³ஹே பகாஸனீயங் கம்மங் கரோது –
‘புப்³பே³ தே³வத³த்தஸ்ஸ அஞ்ஞா பகதி அஹோஸி, இதா³னி அஞ்ஞா பகதி. யங்
தே³வத³த்தோ கரெய்ய காயேன வாசாய, ந தேன பு³த்³தோ⁴ வா த⁴ம்மோ வா ஸங்கோ⁴ வா
த³ட்ட²ப்³போ³, தே³வத³த்தோவ தேன த³ட்ட²ப்³போ³’தி. ஏவஞ்ச பன, பி⁴க்க²வே,
காதப்³ப³ங். ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

337.
‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங் ஸங்கோ⁴
தே³வத³த்தஸ்ஸ ராஜக³ஹே பகாஸனீயங் கம்மங் கரெய்ய – ‘‘புப்³பே³ தே³வத³த்தஸ்ஸ
அஞ்ஞா பகதி அஹோஸி, இதா³னி அஞ்ஞா பகதி. யங் தே³வத³த்தோ கரெய்ய காயேன வாசாய, ந தேன பு³த்³தோ⁴ வா த⁴ம்மோ வா ஸங்கோ⁴ வா த³ட்ட²ப்³போ³, தே³வத³த்தோவ தேன த³ட்ட²ப்³போ³’தி. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. ஸங்கோ⁴ தே³வத³த்தஸ்ஸ ராஜக³ஹே
பகாஸனீயங் கம்மங் கரோதி – ‘புப்³பே³ தே³வத³த்தஸ்ஸ அஞ்ஞா பகதி அஹோஸி,
இதா³னி அஞ்ஞா பகதி. யங் தே³வத³த்தோ கரெய்ய காயேன வாசாய, ந தேன பு³த்³தோ⁴ வா
த⁴ம்மோ வா ஸங்கோ⁴ வா த³ட்ட²ப்³போ³, தே³வத³த்தோவ தேன த³ட்ட²ப்³போ³’தி.
யஸ்ஸாயஸ்மதோ க²மதி தே³வத³த்தஸ்ஸ ராஜக³ஹே பகாஸனீயங் கம்மஸ்ஸ கரணங் –
‘புப்³பே³ தே³வத³த்தஸ்ஸ அஞ்ஞா பகதி அஹோஸி, இதா³னி அஞ்ஞா பகதி, யங்
தே³வத³த்தோ கரெய்ய காயேன வாசாய, ந தேன பு³த்³தோ⁴ வா த⁴ம்மோ வா ஸங்கோ⁴ வா
த³ட்ட²ப்³போ³, தே³வத³த்தோவ தேன த³ட்ட²ப்³போ³’தி – ஸோ துண்ஹஸ்ஸ; யஸ்ஸ
நக்க²மதி, ஸோ பா⁴ஸெய்ய.

‘‘கதங் ஸங்கே⁴ன தே³வத³த்தஸ்ஸ ராஜக³ஹே பகாஸனீயங் கம்மங்
– ‘புப்³பே³ தே³வத³த்தஸ்ஸ அஞ்ஞா பகதி அஹோஸி, இதா³னி அஞ்ஞா பகதி. யங்
தே³வத³த்தோ கரெய்ய காயேன வாசாய, ந தேன பு³த்³தோ⁴ வா த⁴ம்மோ வா ஸங்கோ⁴ வா
த³ட்ட²ப்³போ³, தே³வத³த்தோவ தேன த³ட்ட²ப்³போ³’தி. க²மதி ஸங்க⁴ஸ்ஸ, தஸ்மா
துண்ஹீ, ஏவமேதங் தா⁴ரயாமீ’’தி.

338. அத² கோ² ப⁴க³வா ஆயஸ்மந்தங் ஸாரிபுத்தங் ஆமந்தேஸி – ‘‘தேன ஹி த்வங், ஸாரிபுத்த, தே³வத³த்தங்
ராஜக³ஹே பகாஸேஹீ’’தி. ‘‘புப்³பே³ மயா, ப⁴ந்தே, தே³வத³த்தஸ்ஸ ராஜக³ஹே வண்ணோ
பா⁴ஸிதோ – ‘மஹித்³தி⁴கோ கோ³தி⁴புத்தோ, மஹானுபா⁴வோ கோ³தி⁴புத்தோ’தி.
கதா²ஹங், ப⁴ந்தே, தே³வத³த்தங் ராஜக³ஹே பகாஸேமீ’’தி? ‘‘நனு தயா, ஸாரிபுத்த,
பூ⁴தோயேவ தே³வத³த்தஸ்ஸ ராஜக³ஹே வண்ணோ பா⁴ஸிதோ – ‘மஹித்³தி⁴கோ கோ³தி⁴புத்தோ,
மஹானுபா⁴வோ கோ³தி⁴புத்தோ’’’ தி? ‘‘ஏவங்
ப⁴ந்தே’’தி. ‘‘ஏவமேவ கோ² த்வங், ஸாரிபுத்த, பூ⁴தங்யேவ தே³வத³த்தங் ராஜக³ஹே
பகாஸேஹீ’’தி. ‘‘ஏவங் ப⁴ந்தே’’தி கோ² ஆயஸ்மா ஸாரிபுத்தோ ப⁴க³வதோ பச்சஸ்ஸோஸி.

அத² கோ² ப⁴க³வா பி⁴க்கூ² ஆமந்தேஸி – ‘‘தேன ஹி,
பி⁴க்க²வே, ஸங்கோ⁴ ஸாரிபுத்தங் ஸம்மன்னது தே³வத³த்தங் ராஜக³ஹே பகாஸேதுங் –
‘புப்³பே³ தே³வத³த்தஸ்ஸ அஞ்ஞா பகதி அஹோஸி, இதா³னி அஞ்ஞா பகதி. யங்
தே³வத³த்தோ கரெய்ய காயேன வாசாய, ந தேன பு³த்³தோ⁴ வா த⁴ம்மோ வா ஸங்கோ⁴ வா
த³ட்ட²ப்³போ³, தே³வத³த்தோவ தேன த³ட்ட²ப்³போ³’தி. ஏவஞ்ச பன, பி⁴க்க²வே,
ஸம்மன்னிதப்³போ³. பட²மங் ஸாரிபுத்தோ யாசிதப்³போ³. யாசித்வா ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், ஸங்கோ⁴ ஆயஸ்மந்தங் ஸாரிபுத்தங் ஸம்மன்னெய்ய
தே³வத³த்தங் ராஜக³ஹே பகாஸேதுங் – ‘புப்³பே³ தே³வத³த்தஸ்ஸ அஞ்ஞா பகதி
அஹோஸி, இதா³னி அஞ்ஞா பகதி. யங் தே³வத³த்தோ கரெய்ய காயேன வாசாய, ந தேன
பு³த்³தோ⁴ வா த⁴ம்மோ வா ஸங்கோ⁴ வா த³ட்ட²ப்³போ³, தே³வத³த்தோவ தேன
த³ட்ட²ப்³போ³’தி. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. ஸங்கோ⁴ ஆயஸ்மந்தங்
ஸாரிபுத்தங் ஸம்மன்னதி தே³வத³த்தங் ராஜக³ஹே பகாஸேதுங் – ‘புப்³பே³
தே³வத³த்தஸ்ஸ அஞ்ஞா பகதி அஹோஸி, இதா³னி அஞ்ஞா பகதி, யங் தே³வத³த்தோ கரெய்ய
காயேன வாசாய, ந தேன பு³த்³தோ⁴ வா த⁴ம்மோ வா ஸங்கோ⁴ வா த³ட்ட²ப்³போ³,
தே³வத³த்தோவ தேன த³ட்ட²ப்³போ³’தி. யஸ்ஸாயஸ்மதோ க²மதி, ஆயஸ்மதோ ஸாரிபுத்தஸ்ஸ
ஸம்முதி தே³வத³த்தங் ராஜக³ஹே பகாஸேதுங் –
‘புப்³பே³ தே³வத³த்தஸ்ஸ அஞ்ஞா பகதி அஹோஸி, இதா³னி அஞ்ஞா பகதி, யங்
தே³வத³த்தோ கரெய்ய காயேன வாசாய, ந தேன பு³த்³தோ⁴ வா த⁴ம்மோ வா ஸங்கோ⁴ வா
த³ட்ட²ப்³போ³, தே³வத³த்தோவ தேன த³ட்ட²ப்³போ³’தி – ஸோ துண்ஹஸ்ஸ; யஸ்ஸ
நக்க²மதி, ஸோ பா⁴ஸெய்ய.

‘‘ஸம்மதோ ஸங்கே⁴ன ஆயஸ்மா ஸாரிபுத்தோ தே³வத³த்தங்
ராஜக³ஹே பகாஸேதுங் – ‘புப்³பே³ தே³வத³த்தஸ்ஸ அஞ்ஞா பகதி அஹோஸி, இதா³னி
அஞ்ஞா பகதி. யங் தே³வத³த்தோ கரெய்ய காயேன வாசாய, ந தேன பு³த்³தோ⁴ வா த⁴ம்மோ
வா ஸங்கோ⁴ வா த³ட்ட²ப்³போ³, தே³வத³த்தோவ தேன த³ட்ட²ப்³போ³’தி. க²மதி
ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

ஸம்மதோ ச ஆயஸ்மா ஸாரிபுத்தோ
ஸம்ப³ஹுலேஹி பி⁴க்கூ²ஹி ஸத்³தி⁴ங் ராஜக³ஹங் பவிஸித்வா தே³வத³த்தங் ராஜக³ஹே
பகாஸேஸி – ‘‘புப்³பே³ தே³வத³த்தஸ்ஸ அஞ்ஞா பகதி அஹோஸி, இதா³னி அஞ்ஞா பகதி.
யங் தே³வத³த்தோ கரெய்ய காயேன வாசாய, ந தேன பு³த்³தோ⁴ வா த⁴ம்மோ வா ஸங்கோ⁴
வா த³ட்ட²ப்³போ³, தே³வத³த்தோவ தேன த³ட்ட²ப்³போ³’’தி. தத்த² யே தே மனுஸ்ஸா
அஸ்ஸத்³தா⁴ அப்பஸன்னா து³ப்³பு³த்³தி⁴னோ, தே ஏவமாஹங்ஸு – ‘‘உஸூயகா இமே ஸமணா
ஸக்யபுத்தியா தே³வத³த்தஸ்ஸ லாப⁴ஸக்காரங் உஸூயந்தீ’’தி. யே பன தே மனுஸ்ஸா
ஸத்³தா⁴ பஸன்னா பண்டி³தா ப்³யத்தா பு³த்³தி⁴மந்தோ, தே ஏவமாஹங்ஸு – ‘‘ந கோ²
இத³ங் ஓரகங் ப⁴விஸ்ஸதி யதா² ப⁴க³வா தே³வத³த்தங் ராஜக³ஹே பகாஸாபேதீ’’தி.

அஜாதஸத்துகுமாரவத்து²

339. அத²
கோ² தே³வத³த்தோ யேன அஜாதஸத்து குமாரோ தேனுபஸங்கமி, உபஸங்கமித்வா
அஜாதஸத்துங் குமாரங் ஏதத³வோச – ‘‘புப்³பே³ கோ², குமார, மனுஸ்ஸா தீ³கா⁴யுகா,
ஏதரஹி அப்பாயுகா. டா²னங் கோ² பனேதங் விஜ்ஜதி யங் த்வங் குமாரோவ ஸமானோ
காலங் கரெய்யாஸி. தேன ஹி த்வங், குமார, பிதரங் ஹந்த்வா ராஜா ஹோஹி. அஹங்
ப⁴க³வந்தங் ஹந்த்வா பு³த்³தோ⁴ ப⁴விஸ்ஸாமீ’’தி.

அத² கோ² அஜாதஸத்து குமாரோ – அய்யோ கோ² தே³வத³த்தோ
மஹித்³தி⁴கோ மஹானுபா⁴வோ, ஜானெய்யாஸி அய்யோ தே³வத³த்தோதி – ஊருயா
பொத்த²னிகங் ப³ந்தி⁴த்வா தி³வா தி³வஸ்ஸ [தி³வா தி³வஸஸ்ஸ (க॰)]
பீ⁴தோ உப்³பி³க்³கோ³ உஸ்ஸங்கீ உத்ரஸ்தோ ஸஹஸா அந்தேபுரங் பாவிஸி.
அத்³த³ஸாஸுங் கோ² அந்தேபுரே உபசாரகா மஹாமத்தா அஜாதஸத்துங் குமாரங் தி³வா
தி³வஸ்ஸ பீ⁴தங் உப்³பி³க்³க³ங் உஸ்ஸங்கிங் உத்ரஸ்தங் ஸஹஸா அந்தேபுரங்
பவிஸந்தங்; தி³ஸ்வான அக்³க³ஹேஸுங். தே விசினந்தா ஊருயா பொத்த²னிகங்
ப³த்³த⁴ங் [ப³ந்த⁴ங் (க॰)] தி³ஸ்வான அஜாதஸத்துங்
குமாரங் ஏதத³வோசுங் – ‘‘கிங் த்வங், குமார, கத்துகாமோஸீ’’தி? ‘‘பிதரம்ஹி
ஹந்துகாமோ’’தி. ‘‘கேனாஸி உஸ்ஸாஹிதோ’’தி? ‘‘அய்யேன தே³வத³த்தேனா’’தி. ஏகச்சே
மஹாமத்தா ஏவங் மதிங் அகங்ஸு – ‘‘குமாரோ ச ஹந்தப்³போ³, தே³வத³த்தோ ச,
ஸப்³பே³ ச பி⁴க்கூ² ஹந்தப்³பா³’’தி. ஏகச்சே மஹாமத்தா ஏவங் மதிங் அகங்ஸு –
‘‘ந பி⁴க்கூ² ஹந்தப்³பா³. ந பி⁴க்கூ² கிஞ்சி அபரஜ்ஜ²ந்தி. குமாரோ ச
ஹந்தப்³போ³, தே³வத³த்தோ சா’’தி. ஏகச்சே மஹாமத்தா ஏவங் மதிங் அகங்ஸு – ‘‘ந
குமாரோ ச ஹந்தப்³போ³, ந தே³வத³த்தோ. ந பி⁴க்கூ² ஹந்தப்³பா³. ரஞ்ஞோ ஆரோசேதப்³ப³ங். யதா² ராஜா வக்க²தி ததா² கரிஸ்ஸாமா’’தி.

அத² கோ² தே மஹாமத்தா அஜாதஸத்துங் குமாரங் ஆதா³ய யேன ராஜா மாக³தோ⁴ ஸேனியோ பி³ம்பி³ஸாரோ தேனுபஸங்கமிங்ஸு , உபஸங்கமித்வா ரஞ்ஞோ மாக³த⁴ஸ்ஸ ஸேனியஸ்ஸ பி³ம்பி³ஸாரஸ்ஸ ஏதமத்த²ங் ஆரோசேஸுங் .
‘‘கத²ங், ப⁴ணே, மஹாமத்தேஹி மதி கதா’’தி? ‘‘ஏகச்சே, தே³வ, மஹாமத்தா ஏவங்
மதிங் அகங்ஸு – ‘குமாரோ ச ஹந்தப்³போ³, தே³வத³த்தோ ச, ஸப்³பே³ ச பி⁴க்கூ²
ஹந்தப்³பா³’தி. ஏகச்சே மஹாமத்தா ஏவங் மதிங் அகங்ஸு – ‘ந பி⁴க்கூ²
ஹந்தப்³பா³. ந பி⁴க்கூ² கிஞ்சி அபரஜ்ஜ²ந்தி. குமாரோ ச ஹந்தப்³போ³,
தே³வத³த்தோ சா’தி. ஏகச்சே மஹாமத்தா ஏவங் மதிங் அகங்ஸு – ‘ந குமாரோ ச
ஹந்தப்³போ³, ந தே³வத³த்தோ. ந பி⁴க்கூ² ஹந்தப்³பா³. ரஞ்ஞோ
ஆரோசேதப்³ப³ங். யதா² ராஜா வக்க²தி ததா² கரிஸ்ஸாமா’’’தி. ‘‘கிங், ப⁴ணே,
கரிஸ்ஸதி பு³த்³தோ⁴ வா த⁴ம்மோ வா ஸங்கோ⁴ வா? நனு ப⁴க³வதா படிகச்சேவ
தே³வத³த்தோ ராஜக³ஹே பகாஸாபிதோ – ‘புப்³பே³ தே³வத³த்தஸ்ஸ அஞ்ஞா பகதி அஹோஸி,
இதா³னி அஞ்ஞா பகதி. யங் தே³வத³த்தோ கரெய்ய காயேன வாசாய, ந தேன பு³த்³தோ⁴ வா
த⁴ம்மோ வா ஸங்கோ⁴ வா த³ட்ட²ப்³போ³, தே³வத³த்தோவ தேன த³ட்ட²ப்³போ³’’தி?
தத்த² யே தே மஹாமத்தா ஏவங் மதிங் அகங்ஸு – ‘குமாரோ ச ஹந்தப்³போ³ தே³வத³த்தோ
ச; ஸப்³பே³ ச பி⁴க்கூ² ஹந்தப்³பா³’தி; தே அட்டா²னே அகாஸி. யே தே மஹாமத்தா
ஏவங் மதிங் அகங்ஸு – ‘ந பி⁴க்கூ² ஹந்தப்³பா³; ந பி⁴க்கூ² கிஞ்சி
அபரஜ்ஜ²ந்தி; குமாரோ ச ஹந்தப்³போ³ தே³வத³த்தோ சா’தி; தே நீசே டா²னே ட²பேஸி.
யே தே மஹாமத்தா ஏவங் மதிங் அகங்ஸு – ‘ந குமாரோ ச
ஹந்தப்³போ³, ந தே³வத³த்தோ; ந பி⁴க்கூ² ஹந்தப்³பா³; ரஞ்ஞோ ஆரோசேதப்³ப³ங்;
யதா² ராஜா வக்க²தி ததா² கரிஸ்ஸாமா’தி; தே உச்சே டா²னே ட²பேஸி. அத² கோ² ராஜா
மாக³தோ⁴ ஸேனியோ பி³ம்பி³ஸாரோ அஜாதஸத்துங் குமாரங் ஏதத³வோச – ‘‘கிஸ்ஸ மங்
த்வங், குமார, ஹந்துகாமோஸீ’’தி? ‘‘ரஜ்ஜேனாம்ஹி, தே³வ, அத்தி²கோ’’தி. ‘‘ஸசே
கோ² த்வங், குமார, ரஜ்ஜேன அத்தி²கோ, ஏதங் தே ரஜ்ஜ’’ந்தி அஜாதஸத்துஸ்ஸ
குமாரஸ்ஸ ரஜ்ஜங் நிய்யாதே³ஸி.

அபி⁴மாரபேஸனங்

340.
அத² கோ² தே³வத³த்தோ யேன அஜாதஸத்து குமாரோ தேனுபஸங்கமி, உபஸங்கமித்வா
அஜாதஸத்துங் குமாரங் ஏதத³வோச – ‘‘புரிஸே, மஹாராஜ, ஆணாபேஹி, யே ஸமணங்
கோ³தமங் ஜீவிதா வோரோபெஸ்ஸந்தீ’’தி. அத² கோ² அஜாதஸத்து குமாரோ மனுஸ்ஸே
ஆணாபேஸி – ‘‘யதா², ப⁴ணே, அய்யோ தே³வத³த்தோ ஆஹ ததா² கரெய்யாதா²’’தி. அத² கோ²
தே³வத³த்தோ ஏகங் புரிஸங் ஆணாபேஸி – ‘‘க³ச்சா²வுஸோ, அமுகஸ்மிங் ஓகாஸே ஸமணோ
கோ³தமோ விஹரதி. தங் ஜீவிதா வோரோபெத்வா இமினா மக்³கே³ன ஆக³ச்சா²’’தி.
தஸ்மிங் மக்³கே³ த்³வே புரிஸே ட²பேஸி – ‘‘யோ இமினா மக்³கே³ன ஏகோ புரிஸோ
ஆக³ச்ச²தி, தங் ஜீவிதா வோரோபெத்வா இமினா மக்³கே³ன ஆக³ச்ச²தா²’’தி. தஸ்மிங்
மக்³கே³ சத்தாரோ புரிஸே ட²பேஸி – ‘‘யே இமினா மக்³கே³ன
த்³வே புரிஸா ஆக³ச்ச²ந்தி, தே ஜீவிதா வோரோபெத்வா இமினா மக்³கே³ன
ஆக³ச்ச²தா²’’தி. தஸ்மிங் மக்³கே³ அட்ட² புரிஸே ட²பேஸி – ‘‘யே இமினா
மக்³கே³ன சத்தாரோ புரிஸா ஆக³ச்ச²ந்தி, தே ஜீவிதா வோரோபெத்வா இமினா மக்³கே³ன ஆக³ச்ச²தா²’’தி. தஸ்மிங் மக்³கே³ ஸோளஸ புரிஸே ட²பேஸி – ‘‘யே இமினா மக்³கே³ன அட்ட² புரிஸா ஆக³ச்ச²ந்தி, தே ஜீவிதா வோரோபெத்வா ஆக³ச்ச²தா²’’தி.

அத² கோ² ஸோ ஏகோ புரிஸோ அஸிசம்மங் க³ஹெத்வா த⁴னுகலாபங்
ஸன்னய்ஹித்வா யேன ப⁴க³வா தேனுபஸங்கமி, உபஸங்கமித்வா ப⁴க³வதோ அவிதூ³ரே பீ⁴தோ
உப்³பி³க்³கோ³ உஸ்ஸங்கீ உத்ரஸ்தோ பத்த²த்³தே⁴ன காயேன அட்டா²ஸி. அத்³த³ஸா
கோ² ப⁴க³வா தங் புரிஸங் பீ⁴தங் உப்³பி³க்³க³ங் உஸ்ஸங்கிங் உத்ரஸ்தங்
பத்த²த்³தே⁴ன காயேன டி²தங். தி³ஸ்வான தங் புரிஸங் ஏதத³வோச – ‘‘ஏஹாவுஸோ, மா
பா⁴யீ’’தி. அத² கோ² ஸோ புரிஸோ அஸிசம்மங் ஏகமந்தங் கரித்வா த⁴னுகலாபங்
நிக்கி²பித்வா யேன ப⁴க³வா தேனுபஸங்கமி, உபஸங்கமித்வா ப⁴க³வதோ பாதே³ஸு ஸிரஸா
நிபதித்வா ப⁴க³வந்தங் ஏதத³வோச – ‘‘அச்சயோ மங், ப⁴ந்தே, அச்சக³மா
யதா²பா³லங் யதா²மூள்ஹங் யதா²அகுஸலங், யோஹங் து³ட்ட²சித்தோ வத⁴கசித்தோ
இதூ⁴பஸங்கந்தோ. தஸ்ஸ மே, ப⁴ந்தே, ப⁴க³வா அச்சயங் அச்சயதோ படிக்³க³ண்ஹாது
ஆயதிங் ஸங்வராயா’’தி. ‘‘தக்³க⁴ த்வங், ஆவுஸோ, அச்சயோ அச்சக³மா யதா²பா³லங்
யதா²மூள்ஹங் யதா²அகுஸலங், யங் த்வங் து³ட்ட²சித்தோ வத⁴கசித்தோ
இதூ⁴பஸங்கந்தோ. யதோ ச கோ² த்வங், ஆவுஸோ , அச்சயங்
அச்சயதோ தி³ஸ்வா யதா²த⁴ம்மங் படிகரோஸி, தங் தே மயங் படிக்³க³ண்ஹாம.
வுட்³டி⁴ ஹேஸா, ஆவுஸோ, அரியஸ்ஸ வினயே – யோ அச்சயங் அச்சயதோ தி³ஸ்வா
யதா²த⁴ம்மங் படிகரோதி, ஆயதிங் ஸங்வரங் ஆபஜ்ஜதீ’’தி.

அத² கோ² ப⁴க³வா தஸ்ஸ புரிஸஸ்ஸ அனுபுப்³பி³ங் கத²ங்
கதே²ஸி, ஸெய்யதி²த³ங் – தா³னகத²ங் ஸீலகத²ங் ஸக்³க³கத²ங், காமானங் ஆதீ³னவங்
ஓகாரங் ஸங்கிலேஸங், நெக்க²ம்மே ஆனிஸங்ஸங் பகாஸேஸி. யதா³ தங் ப⁴க³வா அஞ்ஞாஸி
கல்லசித்தங், முது³சித்தங், வினீவரணசித்தங், உத³க்³க³சித்தங்,
பஸன்னசித்தங், அத² யா பு³த்³தா⁴னங் ஸாமுக்கங்ஸிகா த⁴ம்மதே³ஸனா தங் பகாஸேஸி –
து³க்க²ங், ஸமுத³யங், நிரோத⁴ங், மக்³க³ங். ஸெய்யதா²பி நாம ஸுத்³த⁴ங்
வத்த²ங் அபக³தகாளகங் ஸம்மதே³வ ரஜனங் படிக்³க³ஹெய்ய, ஏவமேவ தஸ்ஸ புரிஸஸ்ஸ
தஸ்மிங்யேவ ஆஸனே விரஜங் வீதமலங் த⁴ம்மசக்கு²ங் உத³பாதி³ – யங் கிஞ்சி
ஸமுத³யத⁴ம்மங், ஸப்³ப³ங் தங் நிரோத⁴த⁴ம்மந்தி. அத² கோ² ஸோ புரிஸோ
தி³ட்ட²த⁴ம்மோ பத்தத⁴ம்மோ விதி³தத⁴ம்மோ பரியோகா³ள்ஹத⁴ம்மோ திண்ணவிசிகிச்சோ²
விக³தகத²ங்கதோ² வேஸாரஜ்ஜப்பத்தோ அபரப்பச்சயோ ஸத்து²ஸாஸனே ப⁴க³வந்தங்
ஏதத³வோச – ‘‘அபி⁴க்கந்தங், ப⁴ந்தே, அபி⁴க்கந்தங், ப⁴ந்தே. ஸெய்யதா²பி,
ப⁴ந்தே, நிக்குஜ்ஜிதங் வா உக்குஜ்ஜெய்ய, படிச்ச²ன்னங் வா விவரெய்ய,
மூள்ஹஸ்ஸ வா மக்³க³ங் ஆசிக்கெ²ய்ய, அந்த⁴காரே வா
தேலபஜ்ஜோதங் தா⁴ரெய்ய – சக்கு²மந்தோ ரூபானி த³க்க²ந்தீதி – ஏவமேவங் ப⁴க³வதா
அனேகபரியாயேன த⁴ம்மோ பகாஸிதோ. ஏஸாஹங், ப⁴ந்தே, ப⁴க³வந்தங் ஸரணங் க³ச்சா²மி, த⁴ம்மஞ்ச, பி⁴க்கு²ஸங்க⁴ஞ்ச. உபாஸகங் மங் ப⁴க³வா தா⁴ரேது அஜ்ஜதக்³கே³ பாணுபேதங் ஸரணங் க³த’’ந்தி. அத² கோ² ப⁴க³வா தங் புரிஸங் ஏதத³வோச – ‘‘மா கோ² த்வங், ஆவுஸோ, இமினா மக்³கே³ன க³ச்ச², இமினா மக்³கே³ன க³ச்சா²ஹீ’’தி அஞ்ஞேன மக்³கே³ன உய்யோஜேஸி.

அத² கோ² தே த்³வே புரிஸா – கிங் நு கோ² ஸோ ஏகோ புரிஸோ
சிரேன ஆக³ச்ச²தீதி – படிபத²ங் க³ச்ச²ந்தா அத்³த³ஸங்ஸு ப⁴க³வந்தங்
அஞ்ஞதரஸ்மிங் ருக்க²மூலே நிஸின்னங். தி³ஸ்வான யேன ப⁴க³வா தேனுபஸங்கமிங்ஸு,
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு. தேஸங் ப⁴க³வா
அனுபுப்³பி³ங் கத²ங் கதே²ஸி…பே॰… அபரப்பச்சயா ஸத்து²ஸாஸனே ப⁴க³வந்தங்
ஏதத³வோசுங் – ‘‘அபி⁴க்கந்தங், ப⁴ந்தே…பே॰… உபாஸகே நோ ப⁴க³வா தா⁴ரேது
அஜ்ஜதக்³கே³ பாணுபேதங் ஸரணங் க³தே’’தி. அத² கோ² ப⁴க³வா தே புரிஸே ஏதத³வோச –
‘‘மா கோ² தும்ஹே, ஆவுஸோ, இமினா மக்³கே³ன க³ச்சி²த்த², இமினா மக்³கே³ன
க³ச்ச²தா²’’தி அஞ்ஞேன மக்³கே³ன உய்யோஜேஸி.

அத² கோ² தே சத்தாரோ புரிஸா…பே॰… அத² கோ² தே அட்ட²
புரிஸா…பே॰… அத² கோ² தே ஸோளஸ புரிஸா – கிங் நு கோ² தே அட்ட² புரிஸா சிரேன
ஆக³ச்ச²ந்தீதி – படிபத²ங் க³ச்ச²ந்தா அத்³த³ஸாஸுங் ப⁴க³வந்தங் அஞ்ஞதரஸ்மிங்
ருக்க²மூலே நிஸின்னங். தி³ஸ்வான யேன ப⁴க³வா தேனுபஸங்கமிங்ஸு, உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு. தேஸங் ப⁴க³வா
அனுபுப்³பி³ங் கத²ங் கதே²ஸி, ஸெய்யதி²த³ங் – தா³னகத²ங்…பே॰… அபரப்பச்சயா
ஸத்து²ஸாஸனே ப⁴க³வந்தங் ஏதத³வோசுங் – ‘‘அபி⁴க்கந்தங், ப⁴ந்தே…பே॰…
உபாஸகே நோ ப⁴க³வா தா⁴ரேது அஜ்ஜதக்³கே³ பாணுபேதங் ஸரணங் க³தே’’தி. அத² கோ²
ப⁴க³வா தே புரிஸே ஏதத³வோச – ‘‘மா கோ² தும்ஹே, ஆவுஸோ, இமினா மக்³கே³ன
க³ச்சி²த்த², இமினா மக்³கே³ன க³ச்ச²தா²’’தி அஞ்ஞேன மக்³கே³ன உய்யோஜேஸி.

அத² கோ² ஸோ ஏகோ புரிஸோ யேன தே³வத³த்தோ தேனுபஸங்கமி,
உபஸங்கமித்வா தே³வத³த்தங் ஏதத³வோச – ‘‘நாஹங், ப⁴ந்தே, ஸக்கோமி தங்
ப⁴க³வந்தங் ஜீவிதா வோரோபேதுங்; மஹித்³தி⁴கோ ஸோ ப⁴க³வா, மஹானுபா⁴வோ’’தி.
‘‘அலங், ஆவுஸோ; மா த்வங் ஸமணங் கோ³தமங் ஜீவிதா வோரோபேஸி. அஹமேவ ஸமணங்
கோ³தமங் ஜீவிதா வோரோபெஸ்ஸாமீ’’தி.

லோஹிதுப்பாத³ககம்மங்

341. தேன
கோ² பன ஸமயேன ப⁴க³வா கி³ஜ்ஜ²கூடஸ்ஸ பப்³ப³தஸ்ஸ சா²யாயங் சங்கமதி. அத² கோ²
தே³வத³த்தோ கி³ஜ்ஜ²கூடங் பப்³ப³தங் ஆருஹித்வா மஹதிங் ஸிலங் பவிஜ்ஜி² – இமாய
ஸமணங் கோ³தமங் ஜீவிதா வோரோபெஸ்ஸாமீதி. த்³வே பப்³ப³தகூடா ஸமாக³ந்த்வா தங்
ஸிலங் ஸம்படிச்சி²ங்ஸு. ததோ பபதிகா உப்பதித்வா ப⁴க³வதோ பாதே³ ருஹிரங்
உப்பாதே³ஸி. அத² கோ² ப⁴க³வா உத்³த⁴ங் உல்லோகெத்வா தே³வத³த்தங்
ஏதத³வோச – ‘‘ப³ஹுங் தயா, மோக⁴புரிஸ, அபுஞ்ஞங் பஸுதங், யங் த்வங்
து³ட்ட²சித்தோ வத⁴கசித்தோ ததா²க³தஸ்ஸ ருஹிரங் உப்பாதே³ஸீ’’தி. அத² கோ²
ப⁴க³வா பி⁴க்கூ² ஆமந்தேஸி – ‘‘இத³ங், பி⁴க்க²வே, தே³வத³த்தேன பட²மங்
ஆனந்தரியங் கம்மங் உபசிதங், யங் து³ட்ட²சித்தேன வத⁴கசித்தேன ததா²க³தஸ்ஸ
ருஹிரங் உப்பாதி³த’’ந்தி.

அஸ்ஸோஸுங் கோ² பி⁴க்கூ² –
‘‘தே³வத³த்தேன கிர ப⁴க³வதோ வதோ⁴ பயுத்தோ’’தி. தே ச பி⁴க்கூ² ப⁴க³வதோ
விஹாரஸ்ஸ பரிதோ பரிதோ சங்கமந்தி உச்சாஸத்³தா³ மஹாஸத்³தா³ ஸஜ்ஜா²யங்
கரொந்தா, ப⁴க³வதோ ரக்கா²வரணகு³த்தியா. அஸ்ஸோஸி கோ² ப⁴க³வா உச்சாஸத்³த³ங்
மஹாஸத்³த³ங் ஸஜ்ஜா²யஸத்³த³ங். ஸுத்வான ஆயஸ்மந்தங் ஆனந்த³ங் ஆமந்தேஸி –
‘‘கிங் நு கோ² ஸோ, ஆனந்த³, உச்சாஸத்³தோ³ மஹாஸத்³தோ³ ஸஜ்ஜா²யஸத்³தோ³’’தி?
‘‘அஸ்ஸோஸுங் கோ², ப⁴ந்தே, பி⁴க்கூ² – ‘தே³வத³த்தேன கிர ப⁴க³வதோ வதோ⁴
பயுத்தோ’தி. தே ச [தேத⁴ (ஸீ॰)], ப⁴ந்தே,
பி⁴க்கூ² ப⁴க³வதோ விஹாரஸ்ஸ பரிதோ பரிதோ சங்கமந்தி உச்சாஸத்³தா³ மஹாஸத்³தா³
ஸஜ்ஜா²யங் கரொந்தா, ப⁴க³வதோ ரக்கா²வரணகு³த்தியா. ஸோ ஏஸோ, ப⁴க³வா,
உச்சாஸத்³தோ³ மஹாஸத்³தோ³ ஸஜ்ஜா²யஸத்³தோ³’’தி. ‘‘தேன ஹானந்த³, மம வசனேன தே
பி⁴க்கூ² ஆமந்தேஹி – ஸத்தா² ஆயஸ்மந்தே ஆமந்தேதீ’’தி. ‘‘ஏவங் ப⁴ந்தே’’தி கோ²
ஆயஸ்மா ஆனந்தோ³ ப⁴க³வதோ படிஸ்ஸுத்வா யேன தே பி⁴க்கூ² தேனுபஸங்கமி,
உபஸங்கமித்வா தே பி⁴க்கூ² ஏதத³வோச – ‘‘ஸத்தா² ஆயஸ்மந்தே ஆமந்தேதீ’’தி.
‘‘ஏவமாவுஸோ’’தி கோ² தே பி⁴க்கூ² ஆயஸ்மதோ ஆனந்த³ஸ்ஸ படிஸ்ஸுத்வா யேன ப⁴க³வா
தேனுபஸங்கமிங்ஸு, உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³ங்ஸு. ஏகமந்தங் நிஸின்னே கோ² தே பி⁴க்கூ² ப⁴க³வா ஏதத³வோச –

‘‘அட்டா²னமேதங் , பி⁴க்க²வே, அனவகாஸோ, யங் பரூபக்கமேன ததா²க³தங் ஜீவிதா வோரோபெய்ய. அனுபக்கமேன, பி⁴க்க²வே, ததா²க³தா பரினிப்³பா³யந்தி.

[சூளவ॰ 334; அ॰ நி॰ 5.100]
‘‘பஞ்சிமே, பி⁴க்க²வே, ஸத்தா²ரோ ஸந்தோ ஸங்விஜ்ஜமானா லோகஸ்மிங். கதமே பஞ்ச?
‘‘இத⁴, பி⁴க்க²வே, ஏகச்சோ ஸத்தா² அபரிஸுத்³த⁴ஸீலோ ஸமானோ
‘பரிஸுத்³த⁴ஸீலொம்ஹீ’தி படிஜானாதி ‘பரிஸுத்³த⁴ங் மே
ஸீலங் பரியோதா³தங் அஸங்கிலிட்ட²’ந்தி ச. தமேனங் ஸாவகா ஏவங் ஜானந்தி –
‘அயங் கோ² ப⁴வங் ஸத்தா² அபரிஸுத்³த⁴ஸீலோ ஸமானோ ‘பரிஸுத்³த⁴ஸீலொம்ஹீ’தி
படிஜானாதி ‘பரிஸுத்³த⁴ங் மே ஸீலங் பரியோதா³தங் அஸங்கிலிட்ட²’ந்தி ச.
மயஞ்சேவ கோ² பன கி³ஹீனங் ஆரோசெய்யாம, நாஸ்ஸஸ்ஸ மனாபங். யங் கோ² பனஸ்ஸ
அமனாபங், கத²ங் நங் மயங் தேன ஸமுதா³சரெய்யாம? ஸம்மன்னதி கோ² பன
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரேன – யங் துமோ கரிஸ்ஸதி,
துமோவ தேன பஞ்ஞாயிஸ்ஸதீ’தி . ஏவரூபங் கோ², பி⁴க்க²வே, ஸத்தா²ரங் ஸாவகா ஸீலதோ ரக்க²ந்தி; ஏவரூபோ ச பன ஸத்தா² ஸாவகேஹி ஸீலதோ ரக்க²ங் பச்சாஸீஸதி.

‘‘புன சபரங், பி⁴க்க²வே, இதே⁴கச்சோ ஸத்தா²
அபரிஸுத்³த⁴ஆஜீவோ ஸமானோ…பே॰… அபரிஸுத்³த⁴த⁴ம்மதே³ஸனோ ஸமானோ…பே॰…
அபரிஸுத்³த⁴வெய்யாகரணோ ஸமானோ…பே॰…
அபரிஸுத்³த⁴ஞாணத³ஸ்ஸனோ ஸமானோ ‘பரிஸுத்³த⁴ஞாணத³ஸ்ஸனொம்ஹீ’தி படிஜானாதி
‘பரிஸுத்³த⁴ங் மே ஞாணத³ஸ்ஸனங் பரியோதா³தங் அஸங்கிலிட்ட²’ந்தி ச. தமேனங்
ஸாவகா ஏவங் ஜானந்தி – ‘அயங் கோ² ப⁴வங் ஸத்தா² அபரிஸுத்³த⁴ஞாணத³ஸ்ஸனோ ஸமானோ
‘பரிஸுத்³த⁴ஞாணத³ஸ்ஸனொம்ஹீ’தி படிஜானாதி ‘பரிஸுத்³த⁴ங் மே ஞாணத³ஸ்ஸனங்
பரியோதா³தங் அஸங்கிலிட்ட²’ந்தி ச. மயஞ்சேவ கோ² பன கி³ஹீனங் ஆரோசெய்யாம,
நாஸ்ஸஸ்ஸ மனாபங். யங் கோ² பனஸ்ஸ அமனாபங், கத²ங் ந மயங் தேன ஸமுதா³சரெய்யாம?
ஸம்மன்னதி கோ² பன சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரேன –
யங் துமோ கரிஸ்ஸதி, துமோவ தேன பஞ்ஞாயிஸ்ஸதீ’தி. ஏவரூபங் கோ², பி⁴க்க²வே,
ஸத்தா²ரங் ஸாவகா ஞாணத³ஸ்ஸனதோ ரக்க²ந்தி; ஏவரூபோ ச பன ஸத்தா² ஸாவகேஹி
ஞாணத³ஸ்ஸனதோ ரக்க²ங் பச்சாஸீஸதி. இமே கோ², பி⁴க்க²வே, பஞ்ச ஸத்தா²ரோ ஸந்தோ
ஸங்விஜ்ஜமானா லோகஸ்மிங். ‘‘அஹங் கோ² பன, பி⁴க்க²வே, பரிஸுத்³த⁴ஸீலோ ஸமானோ
‘பரிஸுத்³த⁴ஸீலொம்ஹீ’தி படிஜானாமி ‘பரிஸுத்³த⁴ங் மே ஸீலங் பரியோதா³தங்
அஸங்கிலிட்ட²’ந்தி ச. ந ச மங் ஸாவகா ஸீலதோ ரக்க²ந்தி; ந சாஹங் ஸாவகேஹி
ஸீலதோ ரக்க²ங் பச்சாஸீஸாமி. அஹங் கோ² பன பி⁴க்க²வே பரிஸுத்³தா⁴ஜீவோ ஸமானோ…பே॰…
பரிஸுத்³த⁴த⁴ம்மதே³ஸனோ ஸமானோ…பே॰… பரிஸுத்³த⁴வெய்யாகரணோ ஸமானோ…பே॰…
பரிஸுத்³த⁴ஞாணத³ஸ்ஸனோ ஸமானோ ‘‘பரிஸுத்³த⁴ஞாணத³ஸ்ஸனொம்ஹீ’’தி படிஜானாமி
‘‘பரிஸுத்³த⁴ங் மே ஞாணத³ஸ்ஸனங் பரியோதா³தங் அஸங்கிலிட்ட²’’ந்தி ச, ந ச மங்
ஸாவகா ஞாணத³ஸ்ஸனதோ ரக்க²ந்தி, ந சாஹங் ஸாவகேஹி ஞாணத³ஸ்ஸனதோ ரக்க²ங்
பச்சாஸீஸாமி. ‘‘அட்டா²னமேதங், பி⁴க்க²வே, அனவகாஸோ, யங் பரூபக்கமேன
ததா²க³தங் ஜீவிதா வோரோபெய்ய. அனுபக்கமேன, பி⁴க்க²வே, ததா²க³தா
பரினிப்³பா³யந்தி. க³ச்ச²த² தும்ஹே, பி⁴க்க²வே, யதா²விஹாரங். அரக்கி²யா,
பி⁴க்க²வே, ததா²க³தா’’தி.

நாளாகி³ரிபேஸனங்

342.
தேன கோ² பன ஸமயேன ராஜக³ஹே நாளாகி³ரி நாம ஹத்தீ² சண்டோ³ ஹோதி,
மனுஸ்ஸகா⁴தகோ. அத² கோ² தே³வத³த்தோ ராஜக³ஹங் பவிஸித்வா ஹத்தி²ஸாலங் க³ந்த்வா
ஹத்தி²ப⁴ண்டே³ ஏதத³வோச – ‘‘மயங் கோ², ப⁴ணே, ராஜஞாதகா நாம படிப³லா
நீசட்டா²னியங் உச்சட்டா²னே ட²பேதுங், ப⁴த்தம்பி வேதனம்பி வட்³டா⁴பேதுங்.
தேன ஹி, ப⁴ணே, யதா³ ஸமணோ கோ³தமோ இமங் ரச்ச²ங் படிபன்னோ ஹோதி, ததா³ இமங்
நாளாகி³ரிங் ஹத்தி²ங் முஞ்செத்வா இமங் ரச்ச²ங் படிபாதே³தா²’’தி. ‘‘ஏவங்
ப⁴ந்தே’’தி கோ² தே ஹத்தி²ப⁴ண்டா³ தே³வத³த்தஸ்ஸ பச்சஸ்ஸோஸுங். அத² கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய ஸம்ப³ஹுலேஹி
பி⁴க்கூ²ஹி ஸத்³தி⁴ங் ராஜக³ஹங் பிண்டா³ய பாவிஸி. அத² கோ² ப⁴க³வா தங்
ரச்ச²ங் படிபஜ்ஜி. அத்³த³ஸாஸுங் கோ² தே ஹத்தி²ப⁴ண்டா³ ப⁴க³வந்தங் தங்
ரச்ச²ங் படிபன்னங். தி³ஸ்வான நாளாகி³ரிங் ஹத்தி²ங் முஞ்சித்வா தங் ரச்ச²ங்
படிபாதே³ஸுங். அத்³த³ஸா கோ² நாளாகி³ரி ஹத்தீ² ப⁴க³வந்தங் தூ³ரதோவ
ஆக³ச்ச²ந்தங். தி³ஸ்வான ஸொண்ட³ங் உஸ்ஸாபெத்வா பஹட்ட²கண்ணவாலோ யேன ப⁴க³வா
தேன அபி⁴தா⁴வி. அத்³த³ஸாஸுங் கோ² தே பி⁴க்கூ² நாளாகி³ரிங் ஹத்தி²ங் தூ³ரதோவ
ஆக³ச்ச²ந்தங். தி³ஸ்வான ப⁴க³வந்தங் ஏதத³வோசுங் – ‘‘அயங், ப⁴ந்தே,
நாளாகி³ரி ஹத்தீ² சண்டோ³ மனுஸ்ஸகா⁴தகோ இமங் ரச்ச²ங் படிபன்னோ. படிக்கமது,
ப⁴ந்தே, ப⁴க³வா; படிக்கமது ஸுக³தோ’’தி. ‘‘ஆக³ச்ச²த², பி⁴க்க²வே, மா
பா⁴யித்த². அட்டா²னமேதங், பி⁴க்க²வே, அனவகாஸோ, யங் பரூபக்கமேன ததா²க³தங்
ஜீவிதா வோரோபெய்ய. அனுபக்கமேன, பி⁴க்க²வே, ததா²க³தா பரினிப்³பா³யந்தீ’’தி.
து³தியம்பி கோ² தே பி⁴க்கூ²…பே॰… ததியம்பி கோ² தே பி⁴க்கூ² ப⁴க³வந்தங்
ஏதத³வோசுங் – ‘‘அயங், ப⁴ந்தே, நாளாகி³ரி ஹத்தீ² சண்டோ³ மனுஸ்ஸகா⁴தகோ இமங்
ரச்ச²ங் படிபன்னோ. படிக்கமது, ப⁴ந்தே, ப⁴க³வா; படிக்கமது ஸுக³தோ’’தி.
‘‘ஆக³ச்ச²த², பி⁴க்க²வே, மா பா⁴யித்த². அட்டா²னமேதங் , பி⁴க்க²வே, அனவகாஸோ, யங் பரூபக்கமேன ததா²க³தங் ஜீவிதா வோரோபெய்ய. அனுபக்கமேன, பி⁴க்க²வே, ததா²க³தா பரினிப்³பா³யந்தீ’’தி.

தேன கோ² பன ஸமயேன மனுஸ்ஸா பாஸாதே³ஸுபி ஹம்மியேஸுபி
ச²த³னேஸுபி ஆருள்ஹா அச்ச²ந்தி. தத்த² யே தே மனுஸ்ஸா அஸ்ஸத்³தா⁴ அப்பஸன்னா
து³ப்³பு³த்³தி⁴னோ, தே ஏவமாஹங்ஸு – ‘‘அபி⁴ரூபோ வத, போ⁴ [அபி⁴ரூபோ வத போ⁴ கோ³தமோ (ஸ்யா॰ கங்॰)], மஹாஸமணோ நாகே³ன விஹேடீ²யிஸ்ஸதீ’’தி. யே பன தே மனுஸ்ஸா
ஸத்³தா⁴ பஸன்னா பண்டி³தா ப்³யத்தா பு³த்³தி⁴மந்தோ, தே ஏவமாஹங்ஸு –
‘‘நசிரஸ்ஸங் வத, போ⁴, நாகோ³ நாகே³ன ஸங்கா³மெஸ்ஸதீ’’தி. அத² கோ² ப⁴க³வா
நாளாகி³ரிங் ஹத்தி²ங் மெத்தேன சித்தேன ப²ரி. அத² கோ² நாளாகி³ரி ஹத்தீ²
ப⁴க³வதோ [ப⁴க³வதா (ஸீ॰)] மெத்தேன சித்தேன பு²ட்டோ² [பு²டோ (க॰)]
ஸொண்ட³ங் ஓரோபெத்வா யேன ப⁴க³வா தேனுபஸங்கமி, உபஸங்கமித்வா ப⁴க³வதோ புரதோ
அட்டா²ஸி. அத² கோ² ப⁴க³வா த³க்கி²ணேன ஹத்தே²ன நாளாகி³ரிஸ்ஸ ஹத்தி²ஸ்ஸ
கும்ப⁴ங் பராமஸந்தோ நாளாகி³ரிங் ஹத்தி²ங் இமாஹி கா³தா²ஹி அஜ்ஜ²பா⁴ஸி –

‘‘மா குஞ்ஜர நாக³மாஸதோ³, து³க்க²ஞ்ஹி குஞ்ஜர நாக³மாஸதோ³;

ந ஹி நாக³ஹதஸ்ஸ குஞ்ஜர ஸுக³தி, ஹோதி இதோ பரங் யதோ.

‘‘மா ச மதோ³ மா ச பமாதோ³, ந ஹி பமத்தா ஸுக³திங் வஜந்தி தே;

த்வஞ்ஞேவ ததா² கரிஸ்ஸஸி, யேன த்வங் ஸுக³திங் க³மிஸ்ஸஸீ’’தி.

அத² கோ² நாளாகி³ரி ஹத்தீ² ஸொண்டா³ய ப⁴க³வதோ பாத³பங்ஸூனி க³ஹெத்வா உபரிமுத்³த⁴னி ஆகிரித்வா படிகுடியோவ [படிகுடிதோ படிஸக்கி (ஸீ॰ ஸ்யா॰)]
ஓஸக்கி, யாவ ப⁴க³வந்தங் அத்³த³க்கி². அத² கோ² நாளாகி³ரி ஹத்தீ²
ஹத்தி²ஸாலங் க³ந்த்வா ஸகே டா²னே அட்டா²ஸி. ததா² த³ந்தோ ச பன நாளாகி³ரி ஹத்தீ² அஹோஸி. தேன கோ² பன ஸமயேன மனுஸ்ஸா இமங் கா³த²ங் கா³யந்தி –

[ம॰ நி॰ 2.352; தே²ரகா³॰ 878] ‘‘த³ண்டே³னேகே த³மயந்தி, அங்குஸேஹி கஸாஹி ச;

அத³ண்டே³ன அஸத்தே²ன, நாகோ³ த³ந்தோ மஹேஸினா’’தி.

மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘யாவ
பாபோ அயங் தே³வத³த்தோ, அலக்கி²கோ, யத்ர ஹி நாம ஸமணஸ்ஸ கோ³தமஸ்ஸ
ஏவங்மஹித்³தி⁴கஸ்ஸ ஏவங் மஹானுபா⁴வஸ்ஸ வதா⁴ய பரக்கமிஸ்ஸதீ’’தி. தே³வத³த்தஸ்ஸ
லாப⁴ஸக்காரோ பரிஹாயி. ப⁴க³வதோ ச லாப⁴ஸக்காரோ அபி⁴வட்³டி⁴.

பஞ்சவத்து²யாசனகதா²

343. [பாசி॰ 209] தேன
கோ² பன ஸமயேன தே³வத³த்தோ பரிஹீனலாப⁴ஸக்காரோ ஸபரிஸோ குலேஸு விஞ்ஞாபெத்வா
விஞ்ஞாபெத்வா பு⁴ஞ்ஜதி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஸமணா ஸக்யபுத்தியா குலேஸு விஞ்ஞாபெத்வா விஞ்ஞாபெத்வா
பு⁴ஞ்ஜிஸ்ஸந்தி! கஸ்ஸ ஸம்பன்னங் ந மனாபங், கஸ்ஸ ஸாது³ங் ந ருச்சதீ’’தி!
அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – கத²ஞ்ஹி நாம தே³வத³த்தோ ஸபரிஸோ குலேஸு விஞ்ஞாபெத்வா
விஞ்ஞாபெத்வா பு⁴ஞ்ஜிஸ்ஸதீ’’தி! ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங்
கிர த்வங், தே³வத³த்த, ஸபரிஸோ குலேஸு விஞ்ஞாபெத்வா விஞ்ஞாபெத்வா
பு⁴ஞ்ஜஸீ’’தி? ‘‘ஸச்சங் ப⁴க³வா’’தி…பே॰… விக³ரஹித்வா…பே॰… த⁴ம்மிங் கத²ங்
கத்வா பி⁴க்கூ² ஆமந்தேஸி – ‘‘தேன ஹி, பி⁴க்க²வே, பி⁴க்கூ²னங் குலேஸு
திகபோ⁴ஜனங் பஞ்ஞபெஸ்ஸாமி தயோ அத்த²வஸே படிச்ச – து³ம்மங்கூனங் புக்³க³லான
நிக்³க³ஹாய ; பேஸலானங் பி⁴க்கூ²னங் பா²ஸுவிஹாராய, மா பாபிச்சா² பக்க²ங் நிஸ்ஸாய ஸங்க⁴ங் பி⁴ந்தெ³ய்யுந்தி; குலானுத்³த³யாய [குலானுத³யதாய (ஸீ॰ ஸ்யா॰)] ச. க³ணபோ⁴ஜனே யதா²த⁴ம்மோ காரேதப்³போ³’’தி.

[பாரா॰ 409] அத² கோ² தே³வத³த்தோ யேன கோகாலிகோ கடமோத³கதிஸ்ஸகோ [கடமோரகதிஸ்ஸகோ (ஸீ॰ ஸ்யா॰)]
க²ண்ட³தே³வியா புத்தோ ஸமுத்³த³த³த்தோ தேனுபஸங்கமி, உபஸங்கமித்வா கோகாலிகங்
கடமோத³கதிஸ்ஸகங் க²ண்ட³தே³வியா புத்தங் ஸமுத்³த³த³த்தங் ஏதத³வோச – ‘‘ஏத²,
மயங், ஆவுஸோ, ஸமணஸ்ஸ கோ³தமஸ்ஸ ஸங்க⁴பே⁴த³ங் கரிஸ்ஸாம சக்கபே⁴த³’’ந்தி. ஏவங்
வுத்தே கோகாலிகோ தே³வத³த்தங் ஏதத³வோச – ‘‘ஸமணோ
கோ², ஆவுஸோ, கோ³தமோ மஹித்³தி⁴கோ மஹானுபா⁴வோ. கத²ங் மயங் ஸமணஸ்ஸ கோ³தமஸ்ஸ
ஸங்க⁴பே⁴த³ங் கரிஸ்ஸாம சக்கபே⁴த³’’ந்தி? ‘‘ஏத², மயங், ஆவுஸோ, ஸமணங் கோ³தமங்
உபஸங்கமித்வா பஞ்ச வத்தூ²னி யாசிஸ்ஸாம – ‘ப⁴க³வா, ப⁴ந்தே, அனேகபரியாயேன
அப்பிச்ச²ஸ்ஸ ஸந்துட்ட²ஸ்ஸ ஸல்லேக²ஸ்ஸ து⁴தஸ்ஸ
பாஸாதி³கஸ்ஸ அபசயஸ்ஸ வீரியாரம்ப⁴ஸ்ஸ வண்ணவாதீ³. இமானி, ப⁴ந்தே, பஞ்ச
வத்தூ²னி அனேகபரியாயேன அப்பிச்ச²தாய ஸந்துட்டி²யா ஸல்லேகா²ய து⁴ததாய
பாஸாதி³கதாய அபசயாய வீரியாரம்பா⁴ய ஸங்வத்தந்தி. ஸாது⁴, ப⁴ந்தே, பி⁴க்கூ²
யாவஜீவங் ஆரஞ்ஞிகா அஸ்ஸு; யோ கா³மந்தங் ஓஸரெய்ய, வஜ்ஜங் நங் பு²ஸெய்ய. யாவஜீவங் பிண்ட³பாதிகா அஸ்ஸு; யோ நிமந்தனங் ஸாதி³யெய்ய, வஜ்ஜங் நங் பு²ஸெய்ய. யாவஜீவங் பங்ஸுகூலிகா
அஸ்ஸு; யோ க³ஹபதிசீவரங் ஸாதி³யெய்ய, வஜ்ஜங் நங் பு²ஸெய்ய. யாவஜீவங்
ருக்க²மூலிகா அஸ்ஸு; யோ ச²ன்னங் உபக³ச்செ²ய்ய, வஜ்ஜங் நங் பு²ஸெய்ய.
யாவஜீவங் மச்ச²மங்ஸங் ந கா²தெ³ய்யுங்; யோ மச்ச²மங்ஸங் கா²தெ³ய்ய, வஜ்ஜங்
நங் பு²ஸெய்யா’தி. இமானி பஞ்ச வத்தூ²னி ஸமணோ கோ³தமோ நானுஜானிஸ்ஸதி. தே மயங்
இமேஹி பஞ்சஹி வத்தூ²ஹி ஜனங் ஸஞ்ஞாபெஸ்ஸாமா’’தி. ‘‘ஸக்கா கோ², ஆவுஸோ, இமேஹி
பஞ்சஹி வத்தூ²ஹி ஸமணஸ்ஸ கோ³தமஸ்ஸ ஸங்க⁴பே⁴தோ³ காதுங் சக்கபே⁴தோ³.
லூக²ப்பஸன்னா ஹி, ஆவுஸோ, மனுஸ்ஸா’’தி.

அத² கோ² தே³வத³த்தோ ஸபரிஸோ யேன ப⁴க³வா தேனுபஸங்கமி,
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னோ கோ² தே³வத³த்தோ ப⁴க³வந்தங் ஏதத³வோச – ‘‘ப⁴க³வா, ப⁴ந்தே,
அனேகபரியாயேன அப்பிச்ச²ஸ்ஸ ஸந்துட்ட²ஸ்ஸ ஸல்லேக²ஸ்ஸ து⁴தஸ்ஸ பாஸாதி³கஸ்ஸ
அபசயஸ்ஸ வீரியாரம்ப⁴ஸ்ஸ வண்ணவாதீ³. இமானி, ப⁴ந்தே, பஞ்ச வத்தூ²னி
அனேகபரியாயேன அப்பிச்ச²தாய ஸந்துட்டி²யா ஸல்லேகா²ய து⁴ததாய பாஸாதி³கதாய
அபசயாய வீரியாரம்பா⁴ய ஸங்வத்தந்தி. ஸாது⁴, ப⁴ந்தே, பி⁴க்கூ² யாவஜீவங்
ஆரஞ்ஞிகா அஸ்ஸு; யோ கா³மந்தங் ஓஸரெய்ய, வஜ்ஜங் நங் பு²ஸெய்ய. யாவஜீவங்
பிண்ட³பாதிகா அஸ்ஸு; யோ நிமந்தனங் ஸாதி³யெய்ய, வஜ்ஜங் நங் பு²ஸெய்ய.
யாவஜீவங் பங்ஸுகூலிகா அஸ்ஸு; யோ க³ஹபதிசீவரங்
ஸாதி³யெய்ய, வஜ்ஜங் நங் பு²ஸெய்ய. யாவஜீவங் ருக்க²மூலிகா அஸ்ஸு; யோ ச²ன்னங்
உபக³ச்செ²ய்ய, வஜ்ஜங் நங் பு²ஸெய்ய. யாவஜீவங் மச்ச²மங்ஸங் ந கா²தெ³ய்யுங்;
யோ மச்ச²மங்ஸங் கா²தெ³ய்ய, வஜ்ஜங் நங் பு²ஸெய்யா’’தி. ‘‘அலங், தே³வத³த்த.
யோ இச்ச²தி, ஆரஞ்ஞிகோ ஹோது; யோ இச்ச²தி, கா³மந்தே விஹரது. யோ இச்ச²தி,
பிண்ட³பாதிகோ ஹோது; யோ இச்ச²தி, நிமந்தனங் ஸாதி³யது. யோ இச்ச²தி,
பங்ஸுகூலிகோ ஹோது; யோ இச்ச²தி, க³ஹபதிசீவரங் ஸாதி³யது. அட்ட²மாஸே கோ² மயா,
தே³வத³த்த, ருக்க²மூலஸேனாஸனங் அனுஞ்ஞாதங்; திகோடிபரிஸுத்³த⁴ங் மச்ச²மங்ஸங் –
அதி³ட்ட²ங், அஸ்ஸுதங், அபரிஸங்கித’’ந்தி. அத² கோ² தே³வத³த்தோ – ந ப⁴க³வா இமானி பஞ்ச வத்தூ²னி அனுஜானாதீதி – ஹட்டோ² உத³க்³கோ³ ஸபரிஸோ உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங் கத்வா பக்காமி.

அத² கோ² தே³வத³த்தோ ஸபரிஸோ ராஜக³ஹங் பவிஸித்வா பஞ்சஹி
வத்தூ²ஹி ஜனங் ஸஞ்ஞாபேஸி – ‘‘மயங், ஆவுஸோ, ஸமணங் கோ³தமங் உபஸங்கமித்வா பஞ்ச
வத்தூ²னி யாசிம்ஹா – ‘ப⁴க³வா, ப⁴ந்தே,
அனேகபரியாயேன அப்பிச்ச²ஸ்ஸ…பே॰… வீரியாரம்ப⁴ஸ்ஸ வண்ணவாதீ³. இமானி, ப⁴ந்தே,
பஞ்ச வத்தூ²னி அனேகபரியாயேன அப்பிச்ச²தாய…பே॰… வீரியாரம்பா⁴ய ஸங்வத்தந்தி.
ஸாது⁴, ப⁴ந்தே, பி⁴க்கூ² யாவஜீவங் ஆரஞ்ஞிகா அஸ்ஸு; யோ கா³மந்தங் ஓஸரெய்ய,
வஜ்ஜங் நங் பு²ஸெய்ய…பே॰… யாவஜீவங் மச்ச²மங்ஸங் ந கா²தெ³ய்யுங்; யோ
மச்ச²மங்ஸங் கா²தெ³ய்ய, வஜ்ஜங் நங் பு²ஸெய்யா’தி. இமானி பஞ்ச வத்தூ²னி ஸமணோ
கோ³தமோ நானுஜானாதி. தே மயங் இமேஹி பஞ்சஹி வத்தூ²ஹி ஸமாதா³ய வத்தாமா’’தி.

தத்த² யே தே மனுஸ்ஸா அஸ்ஸத்³தா⁴ அப்பஸன்னா
து³ப்³பு³த்³தி⁴னோ, தே ஏவமாஹங்ஸு – ‘‘இமே கோ² ஸமணா ஸக்யபுத்தியா து⁴தா
ஸல்லேக²வுத்தினோ. ஸமணோ பன கோ³தமோ பா³ஹுல்லிகோ பா³ஹுல்லாய சேதேதீ’’தி. யே பன
தே மனுஸ்ஸா ஸத்³தா⁴ பஸன்னா பண்டி³தா ப்³யத்தா
பு³த்³தி⁴மந்தோ, தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
தே³வத³த்தோ ப⁴க³வதோ ஸங்க⁴பே⁴தா³ய பரக்கமிஸ்ஸதி சக்கபே⁴தா³யா’’தி! அஸ்ஸோஸுங்
கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம தே³வத³த்தோ ஸங்க⁴பே⁴தா³ய பரக்கமிஸ்ஸதி
சக்கபே⁴தா³யா’’தி! அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰…
‘‘ஸச்சங் கிர த்வங், தே³வத³த்த, ஸங்க⁴பே⁴தா³ய பரக்கமஸி சக்கபே⁴தா³யா’’தி?
‘‘ஸச்சங் ப⁴க³வா’’தி. ‘‘அலங், தே³வத³த்த. மா தே ருச்சி ஸங்க⁴பே⁴தோ³. க³ருகோ
கோ², தே³வத³த்த, ஸங்க⁴பே⁴தோ³. யோ கோ², தே³வத³த்த, ஸமக்³க³ங் ஸங்க⁴ங்
பி⁴ந்த³தி, கப்பட்டி²கங் [கப்பட்டி²திகங் (ஸ்யா॰)]
கிப்³பி³ஸங் பஸவதி, கப்பங் நிரயம்ஹி பச்சதி. யோ ச கோ², தே³வத³த்த,
பி⁴ன்னங் ஸங்க⁴ங் ஸமக்³க³ங் கரோதி, ப்³ரஹ்மங் புஞ்ஞங் பஸவதி, கப்பங்
ஸக்³க³ம்ஹி மோத³தி. அலங், தே³வத³த்த. மா தே ருச்சி ஸங்க⁴பே⁴தோ³. க³ருகோ
கோ², தே³வத³த்த, ஸங்க⁴பே⁴தோ³’’தி.

[உதா³॰ 48] அத² கோ² ஆயஸ்மா ஆனந்தோ³ புப்³ப³ண்ஹஸமயங் நிவாஸெத்வா பத்தசீவரமாதா³ய ராஜக³ஹங் பிண்டா³ய பாவிஸி. அத்³த³ஸா கோ² தே³வத³த்தோ ஆயஸ்மந்தங்
ஆனந்த³ங் ராஜக³ஹே பிண்டா³ய சரந்தங். தி³ஸ்வான யேனாயஸ்மா ஆனந்தோ³
தேனுபஸங்கமி, உபஸங்கமித்வா ஆயஸ்மந்தங் ஆனந்த³ங் ஏதத³வோச –
‘‘அஜ்ஜதக்³கே³தா³னாஹங் , ஆவுஸோ ஆனந்த³, அஞ்ஞத்ரேவ ப⁴க³வதா, அஞ்ஞத்ரேவ பி⁴க்கு²ஸங்கா⁴, உபோஸத²ங் கரிஸ்ஸாமி ஸங்க⁴கம்மங் கரிஸ்ஸாமீ’’தி.

அத² கோ² ஆயஸ்மா ஆனந்தோ³
ராஜக³ஹே பிண்டா³ய சரித்வா பச்சா²ப⁴த்தங் பிண்ட³பாதப்படிக்கந்தோ யேன ப⁴க³வா
தேனுபஸங்கமி, உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³.
ஏகமந்தங் நிஸின்னோ கோ² ஆயஸ்மா ஆனந்தோ³ ப⁴க³வந்தங் ஏதத³வோச – ‘‘இதா⁴ஹங்,
ப⁴ந்தே, புப்³ப³ண்ஹஸமயங் நிவாஸெத்வா பத்தசீவரமாதா³ய ராஜக³ஹங் பிண்டா³ய
பாவிஸிங். அத்³த³ஸா கோ² மங், ப⁴ந்தே, தே³வத³த்தோ ராஜக³ஹே பிண்டா³ய சரந்தங்.
தி³ஸ்வான யேனாஹங் தேனுபஸங்கமி, உபஸங்கமித்வா மங் ஏதத³வோச –
‘அஜ்ஜதக்³கே³தா³னாஹங், ஆவுஸோ ஆனந்த³, அஞ்ஞத்ரேவ ப⁴க³வதா, அஞ்ஞத்ரேவ
பி⁴க்கு²ஸங்கா⁴, உபோஸத²ங் கரிஸ்ஸாமி ஸங்க⁴கம்மங் கரிஸ்ஸாமீ’தி.
அஜ்ஜதக்³கே³, ப⁴ந்தே, தே³வத³த்தோ ஸங்க⁴ங் பி⁴ந்தி³ஸ்ஸதீ’’தி. அத² கோ²
ப⁴க³வா ஏதமத்த²ங் விதி³த்வா தாயங் வேலாயங் இமங் உதா³னங் உதா³னேஸி –

[உதா³॰ 48] ‘‘ஸுகரங் ஸாது⁴னா ஸாது⁴ங், ஸாது⁴ங் பாபேன து³க்கரங்;

பாபங் பாபேன ஸுகரங், பாபமரியேஹி து³க்கர’’ந்தி.

து³தியபா⁴ணவாரோ நிட்டி²தோ.

3. ததியபா⁴ணவாரோ

ஸங்க⁴பே⁴த³கதா²

344. அத² கோ² தே³வத³த்தோ தத³ஹுபோஸதே² உட்டா²யாஸனா ஸலாகங் கா³ஹேஸி – ‘‘மயங், ஆவுஸோ, ஸமணங் கோ³தமங் உபஸங்கமித்வா பஞ்ச வத்தூ²னி யாசிம்ஹா
– ‘ப⁴க³வா, ப⁴ந்தே, அனேகபரியாயேன அப்பிச்ச²ஸ்ஸ…பே॰… வீரியாரம்ப⁴ஸ்ஸ
வண்ணவாதீ³. இமானி, ப⁴ந்தே, பஞ்ச வத்தூ²னி அனேகபரியாயேன அப்பிச்ச²தாய…பே॰…
வீரியாரம்பா⁴ய ஸங்வத்தந்தி. ஸாது⁴, ப⁴ந்தே, பி⁴க்கூ² யாவஜீவங் ஆரஞ்ஞிகா
அஸ்ஸு; யோ கா³மந்தங் ஓஸரெய்ய, வஜ்ஜங் நங் பு²ஸெய்ய…பே॰… யாவஜீவங்
மச்ச²மங்ஸங் ந கா²தெ³ய்யுங்; யோ மச்ச²மங்ஸங் கா²தெ³ய்ய, வஜ்ஜங் நங்
பு²ஸெய்யா’தி. இமானி பஞ்ச வத்தூ²னி ஸமணோ கோ³தமோ நானுஜானாதி. தே மயங் இமேஹி
பஞ்சஹி வத்தூ²ஹி ஸமாதா³ய வத்தாம. யஸ்ஸாயஸ்மதோ இமானி பஞ்ச வத்தூ²னி க²மந்தி,
ஸோ ஸலாகங் க³ண்ஹாதூ’’தி.

தேன கோ² பன ஸமயேன வேஸாலிகா வஜ்ஜிபுத்தகா பஞ்சமத்தானி பி⁴க்கு²ஸதானி நவகா சேவ ஹொந்தி அப்பகதஞ்ஞுனோ ச. தே – ‘அயங் த⁴ம்மோ ,
அயங் வினயோ, இத³ங் ஸத்து²ஸாஸன’ந்தி – ஸலாகங் க³ண்ஹிங்ஸு. அத² கோ²
தே³வத³த்தோ ஸங்க⁴ங் பி⁴ந்தி³த்வா பஞ்சமத்தானி பி⁴க்கு²ஸதானி ஆதா³ய யேன
க³யாஸீஸங் தேன பக்காமி. அத² கோ² ஸாரிபுத்தமொக்³க³ல்லானா யேன ப⁴க³வா
தேனுபஸங்கமிங்ஸு, உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³ங்ஸு. ஏகமந்தங் நிஸின்னோ கோ² ஆயஸ்மா ஸாரிபுத்தோ ப⁴க³வந்தங் ஏதத³வோச –
‘‘தே³வத³த்தோ, ப⁴ந்தே, ஸங்க⁴ங் பி⁴ந்தி³த்வா பஞ்சமத்தானி பி⁴க்கு²ஸதானி
ஆதா³ய யேன க³யாஸீஸங் தேன பக்கந்தோ’’தி. ‘‘ந ஹி நாம தும்ஹாகங், ஸாரிபுத்தா,
தேஸு நவகேஸு பி⁴க்கூ²ஸு காருஞ்ஞம்பி ப⁴விஸ்ஸதி?
க³ச்ச²த² தும்ஹே, ஸாரிபுத்தா, புரா தே பி⁴க்கூ² அனயப்³யஸனங் ஆபஜ்ஜந்தீ’’தி.
‘‘ஏவங் ப⁴ந்தே’’தி கோ² ஸாரிபுத்தமொக்³க³ல்லானா ப⁴க³வதோ படிஸ்ஸுத்வா
உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங் கத்வா யேன க³யாஸீஸங்
தேனுபஸங்கமிங்ஸு.

தேன கோ² பன ஸமயேன அஞ்ஞதரோ பி⁴க்கு² ப⁴க³வதோ அவிதூ³ரே
ரோத³மானோ டி²தோ ஹோதி. அத² கோ² ப⁴க³வா தங் பி⁴க்கு²ங் ஏதத³வோச – ‘‘கிஸ்ஸ
த்வங், பி⁴க்கு², ரோத³ஸீ’’தி? ‘‘யேபி தே, ப⁴ந்தே, ப⁴க³வதோ அக்³க³ஸாவகா
ஸாரிபுத்தமொக்³க³ல்லானா தேபி தே³வத³த்தஸ்ஸ ஸந்திகே க³ச்ச²ந்தி தே³வத³த்தஸ்ஸ
த⁴ம்மங் ரோசெந்தா’’தி. ‘‘அட்டா²னமேதங், பி⁴க்கு², அனவகாஸோ, யங்
ஸாரிபுத்தமொக்³க³ல்லானா தே³வத³த்தஸ்ஸ த⁴ம்மங் ரோசெய்யுங், அபி ச தே க³தா
பி⁴க்கூ²னங் ஸஞ்ஞத்தியா’’தி [பி⁴க்கு²ஸஞ்ஞத்தியாதி (ஸீ॰ ஸ்யா॰), பி⁴க்கூ² ஸஞ்ஞத்தியா (க॰)].

345.
தேன கோ² பன ஸமயேன தே³வத³த்தோ மஹதியா பரிஸாய பரிவுத்தோ த⁴ம்மங் தே³ஸெந்தோ
நிஸின்னோ ஹோதி. அத்³த³ஸா கோ² தே³வத³த்தோ ஸாரிபுத்தமொக்³க³ல்லானே தூ³ரதோவ
ஆக³ச்ச²ந்தே. தி³ஸ்வான பி⁴க்கூ² ஆமந்தேஸி – ‘‘பஸ்ஸத², பி⁴க்க²வே, யாவ
ஸ்வாக்கா²தோ மயா த⁴ம்மோ, யேபி தே ஸமணஸ்ஸ கோ³தமஸ்ஸ அக்³க³ஸாவகா
ஸாரிபுத்தமொக்³க³ல்லானா தேபி மம ஸந்திகே ஆக³ச்ச²ந்தி. மம த⁴ம்மங்
ரோசெந்தா’’தி. ஏவங் வுத்தே கோகாலிகோ தே³வத³த்தங் ஏதத³வோச – ‘‘மா, ஆவுஸோ
தே³வத³த்த, ஸாரிபுத்தமொக்³க³ல்லானே விஸ்ஸஸி . பாபிச்சா² ஸாரிபுத்தமொக்³க³ல்லானா , பாபிகானங் இச்சா²னங் வஸங் க³தா’’தி. ‘‘அலங், ஆவுஸோ. ஸ்வாக³தங் தேஸங் யதோ மே த⁴ம்மங் ரோசெந்தீ’’தி.

அத² கோ² தே³வத³த்தோ ஆயஸ்மந்தங் ஸாரிபுத்தங்
உபட்³டா⁴ஸனேன நிமந்தேஸி – ‘‘ஏஹாவுஸோ ஸாரிபுத்த, இத⁴ நிஸீதா³ஹீ’’தி. ‘‘அலங்
ஆவுஸோ’’தி கோ² ஆயஸ்மா ஸாரிபுத்தோ அஞ்ஞதரங் ஆஸனங்
க³ஹெத்வா ஏகமந்தங் நிஸீதி³. ஆயஸ்மாபி கோ² மஹாமொக்³க³ல்லானோ அஞ்ஞதரங் ஆஸனங்
க³ஹெத்வா ஏகமந்தங் நிஸீதி³. அத² கோ² தே³வத³த்தோ ப³ஹுதே³வ ரத்திங் பி⁴க்கூ²
த⁴ம்மியா கதா²ய ஸந்த³ஸ்ஸெத்வா ஸமாத³பெத்வா ஸமுத்தேஜெத்வா ஸம்பஹங்ஸெத்வா
ஆயஸ்மந்தங் ஸாரிபுத்தங் அஜ்ஜே²ஸி – ‘‘விக³ததி²னமித்³தோ⁴
கோ², ஆவுஸோ ஸாரிபுத்த, பி⁴க்கு²ஸங்கோ⁴. படிபா⁴து தங், ஆவுஸோ ஸாரிபுத்த,
பி⁴க்கூ²னங் த⁴ம்மீ கதா², பிட்டி² மே ஆகி³லாயதி, தமஹங் ஆயமிஸ்ஸாமீ’’தி.
‘‘ஏவமாவுஸோ’’தி கோ² ஆயஸ்மா ஸாரிபுத்தோ தே³வத³த்தஸ்ஸ பச்சஸ்ஸோஸி. அத² கோ²
தே³வத³த்தோ சதுக்³கு³ணங் ஸங்கா⁴டிங் பஞ்ஞாபெத்வா த³க்கி²ணேன பஸ்ஸேன ஸெய்யங்
கப்பேஸி. தஸ்ஸ கிலமந்தஸ்ஸ முட்ட²ஸ்ஸதிஸ்ஸ அஸம்பஜானஸ்ஸ முஹுத்தகேனேவ
நித்³தா³ ஓக்கமி.

அத² கோ² ஆயஸ்மா ஸாரிபுத்தோ ஆதே³ஸனாபாடிஹாரியானுஸாஸனியா
பி⁴க்கூ² த⁴ம்மியா கதா²ய ஓவதி³ அனுஸாஸி. ஆயஸ்மா மஹாமொக்³க³ல்லானோ
இத்³தி⁴பாடிஹாரியானுஸாஸனியா பி⁴க்கூ² த⁴ம்மியா கதா²ய ஓவதி³ அனுஸாஸி. அத²
கோ² தேஸங் பி⁴க்கூ²னங் ஆயஸ்மதா ஸாரிபுத்தேன ஆதே³ஸனாபாடிஹாரியானுஸாஸனியா
ஆயஸ்மதா ச மஹாமொக்³க³ல்லானேன இத்³தி⁴பாடிஹாரியானுஸாஸனியா ஓவதி³யமானானங் அனுஸாஸியமானானங் விரஜங் வீதமலங் த⁴ம்மசக்கு²ங் உத³பாதி³ – யங் கிஞ்சி ஸமுத³யத⁴ம்மங், ஸப்³ப³ங் தங் நிரோத⁴த⁴ம்மந்தி.

அத² கோ² ஆயஸ்மா ஸாரிபுத்தோ பி⁴க்கூ² ஆமந்தேஸி –
‘‘க³ச்சா²ம மயங், ஆவுஸோ, ப⁴க³வதோ ஸந்திகே. யோ தஸ்ஸ ப⁴க³வதோ த⁴ம்மங் ரோசேஸி
ஸோ ஆக³ச்ச²தூ’’தி. அத² கோ² ஸாரிபுத்தமொக்³க³ல்லானா தானி பஞ்சபி⁴க்கு²ஸதானி
ஆதா³ய யேன வேளுவனங் தேனுபஸங்கமிங்ஸு. அத² கோ² கோகாலிகோ தே³வத³த்தங்
உட்டா²பேஸி – ‘‘உட்டே²ஹி, ஆவுஸோ தே³வத³த்த, நீதா தே பி⁴க்கூ²
ஸாரிபுத்தமொக்³க³ல்லானேஹி. நனு த்வங், ஆவுஸோ தே³வத³த்த, மயா வுத்தோ – ‘மா,
ஆவுஸோ தே³வத³த்த, ஸாரிபுத்தமொக்³க³ல்லானே விஸ்ஸாஸி. பாபிச்சா²
ஸாரிபுத்தமொக்³க³ல்லானா, பாபிகானங் இச்சா²னங் வஸங் க³தா’’’தி? அத² கோ²
தே³வத³த்தஸ்ஸ தத்தே²வ உண்ஹங் லோஹிதங் முக²தோ உக்³க³ஞ்சி².

அத² கோ² ஸாரிபுத்தமொக்³க³ல்லானா யேன ப⁴க³வா
தேனுபஸங்கமிங்ஸு, உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³ஸுங். ஏகமந்தங் நிஸின்னோ கோ² ஆயஸ்மா ஸாரிபுத்தோ ப⁴க³வந்தங் ஏதத³வோச – ‘‘ஸாது⁴, ப⁴ந்தே ,
பே⁴த³கானுவத்தகா பி⁴க்கூ² புன உபஸம்பஜ்ஜெய்யு’’ந்தி. ‘‘அலங், ஸாரிபுத்த.
மா தே ருச்சி பே⁴த³கானுவத்தகானங் பி⁴க்கூ²னங் புன உபஸம்பதா³. தேன ஹி த்வங்,
ஸாரிபுத்த, பே⁴த³கானுவத்தகே பி⁴க்கூ² து²ல்லச்சயங் தே³ஸாபேஹி. கத²ங் பன
தே, ஸாரிபுத்த, தே³வத³த்தோ படிபஜ்ஜீ’’தி? ‘‘யதே²வ, ப⁴ந்தே, ப⁴க³வா ப³ஹுதே³வ
ரத்திங் பி⁴க்கூ² த⁴ம்மியா கதா²ய ஸந்த³ஸ்ஸெத்வா ஸமாத³பெத்வா ஸமுத்தேஜெத்வா
ஸம்பஹங்ஸெத்வா மங் அஜ்ஜே²ஸதி – ‘விக³ததி²னமித்³தோ⁴ கோ² ,
ஸாரிபுத்த, பி⁴க்கு²ஸங்கோ⁴; படிபா⁴து தங், ஸாரிபுத்த, பி⁴க்கூ²னங் த⁴ம்மீ
கதா², பிட்டி² மே ஆகி³லாயதி, தமஹங் ஆயமிஸ்ஸாமீ’தி, ஏவமேவ கோ², ப⁴ந்தே,
தே³வத³த்தோ படிபஜ்ஜீ’’தி.

346. அத²
கோ² ப⁴க³வா பி⁴க்கூ² ஆமந்தேஸி – ‘‘பூ⁴தபுப்³ப³ங், பி⁴க்க²வே, அரஞ்ஞாயதனே
மஹாஸரஸீ. தங் நாகா³ உபனிஸ்ஸாய விஹரிங்ஸு. தே தங் ஸரஸிங் ஓகா³ஹெத்வா,
ஸொண்டா³ய பி⁴ஸமுளாலங் அப்³பு³ஹித்வா, ஸுவிக்கா²லிதங் விக்கா²லெத்வா,
அகத்³த³மங் ஸங்கா²தி³த்வா, அஜ்ஜோ²ஹரந்தி. தேஸங் தங் வண்ணாய சேவ ஹோதி, ப³லாய
ச. ந ச ததோனிதா³னங் மரணங் வா நிக³ச்ச²ந்தி, மரணமத்தங் வா து³க்க²ங்.
தேஸங்யேவ கோ² பன, பி⁴க்க²வே, மஹானாகா³னங் அனுஸிக்க²மானா தருணா
பி⁴ங்கச்சா²பா. தே தங் ஸரஸிங் ஓகா³ஹெத்வா, ஸொண்டா³ய பி⁴ஸமுளாலங்
அப்³பு³ஹித்வா, ந ஸுவிக்கா²லிதங் விக்கா²லெத்வா, ஸகத்³த³மங் ஸங்கா²தி³த்வா,
அஜ்ஜோ²ஹரந்தி. தேஸங் தங் நேவ வண்ணாய ஹோதி, ந ப³லாய. ததோனிதா³னஞ்ச மரணங் வா
நிக³ச்ச²ந்தி, மரணமத்தங் வா து³க்க²ங். ஏவமேவ கோ², பி⁴க்க²வே, தே³வத³த்தோ
மமானுக்ருப்³ப³ங் [மமானுகுப்³ப³ங் (ஸீ॰ ஸ்யா॰)] கபணோ மரிஸ்ஸதீதி.

‘‘மஹாவராஹஸ்ஸ மஹிங் விக்ருப்³ப³தோ [விகுப்³ப³தோ (ஸீ॰ ஸ்யா॰)], பி⁴ஸங் க⁴ஸானஸ்ஸ [க⁴ஸமானஸ்ஸ (க॰)] நதீ³ஸு ஜக்³க³தோ;

பி⁴ங்கோவ பங்கங் அபி⁴ப⁴க்க²யித்வா, மமானுக்ருப்³ப³ங் கபணோ மரிஸ்ஸதீ’’தி.

347. [அ॰ நி॰ 8.16]
‘‘அட்ட²ஹி, பி⁴க்க²வே, அங்கே³ஹி ஸமன்னாக³தோ பி⁴க்கு² தூ³தெய்யங்
க³ந்துமரஹதி. கதமேஹி அட்ட²ஹி? இத⁴, பி⁴க்க²வே, பி⁴க்கு² ஸோதா ச ஹோதி,
ஸாவேதா ச, உக்³க³ஹேதா ச, தா⁴ரேதா ச, விஞ்ஞாதா ச, விஞ்ஞாபேதா ச, குஸலோ ச
ஸஹிதாஸஹிதஸ்ஸ, நோ ச கலஹகாரகோ – இமேஹி கோ², பி⁴க்க²வே, அட்ட²ஹங்கே³ஹி
ஸமன்னாக³தோ பி⁴க்கு² தூ³தெய்யங் க³ந்துமரஹதி.

[அ॰ நி॰ 8.16] ‘‘அட்ட²ஹி ,
பி⁴க்க²வே, அங்கே³ஹி ஸமன்னாக³தோ ஸாரிபுத்தோ தூ³தெய்யங் க³ந்துமரஹதி.
கதமேஹி அட்ட²ஹி? இத⁴, பி⁴க்க²வே, ஸாரிபுத்தோ ஸோதா ச ஹோதி, ஸாவேதா ச,
உக்³க³ஹேதா ச, தா⁴ரேதா ச, விஞ்ஞாதா ச, விஞ்ஞாபேதா ச, குஸலோ ச ஸஹிதாஸஹிதஸ்ஸ,
நோ ச கலஹகாரகோ – இமேஹி கோ², பி⁴க்க²வே, அட்ட²ஹங்கே³ஹி ஸமன்னாக³தோ ஸாரிபுத்தோ தூ³தெய்யங் க³ந்துமரஹதீதி.

[அ॰ நி॰ 8.16] ‘‘யோ வே ந ப்³யத²தி [ப்³யாத⁴தி (ஸீ॰ ஸ்யா॰)] பத்வா, பரிஸங் உக்³க³வாதி³னிங்;

ந ச ஹாபேதி வசனங், ந ச சா²தே³தி ஸாஸனங்.

‘‘அஸந்தி³த்³தோ⁴ ச அக்கா²தி [அக்கா²தா (க॰)], புச்சி²தோ ச ந குப்பதி;

ஸ வே தாதி³ஸகோ பி⁴க்கு², தூ³தெய்யங் க³ந்துமரஹதீ’’தி.

348. [அ॰ நி॰ 8.7] ‘‘அட்ட²ஹி, பி⁴க்க²வே, அஸத்³த⁴ம்மேஹி அபி⁴பூ⁴தோ பரியாதி³ன்னசித்தோ தே³வத³த்தோ ஆபாயிகோ நேரயிகோ கப்பட்டோ² அதேகிச்சோ². கதமேஹி அட்ட²ஹி ?
லாபே⁴ன, பி⁴க்க²வே, அபி⁴பூ⁴தோ பரியாதி³ன்னசித்தோ தே³வத³த்தோ ஆபாயிகோ
நேரயிகோ கப்பட்டோ² அதேகிச்சோ²; அலாபே⁴ன, பி⁴க்க²வே…பே॰… யஸேன,
பி⁴க்க²வே…பே॰… அயஸேன, பி⁴க்க²வே…பே॰… ஸக்காரேன, பி⁴க்க²வே…பே॰… அஸக்காரேன,
பி⁴க்க²வே…பே॰… பாபிச்ச²தாய, பி⁴க்க²வே…பே॰… பாபமித்ததாய பி⁴க்க²வே,
அபி⁴பூ⁴தோ பரியாதி³ன்னசித்தோ தே³வத³த்தோ ஆபாயிகோ நேரயிகோ கப்பட்டோ²
அதேகிச்சோ² – இமேஹி கோ², பி⁴க்க²வே, அட்ட²ஹி அஸத்³த⁴ம்மேஹி அபி⁴பூ⁴தோ
பரியாதி³ன்னசித்தோ தே³வத³த்தோ ஆபாயிகோ நேரயிகோ கப்பட்டோ² அதேகிச்சோ².

349.
‘‘ஸாது⁴, பி⁴க்க²வே, பி⁴க்கு² உப்பன்னங் லாப⁴ங் அபி⁴பு⁴ய்ய அபி⁴பு⁴ய்ய
விஹரெய்ய, உப்பன்னங் அலாப⁴ங்…பே॰… உப்பன்னங் யஸங்… உப்பன்னங் அயஸங்…
உப்பன்னங் ஸக்காரங்… உப்பன்னங் அஸக்காரங்… உப்பன்னங் பாபிச்ச²தங்…
உப்பன்னங் பாபமித்ததங் அபி⁴பு⁴ய்ய அபி⁴பு⁴ய்ய விஹரெய்ய. கத²ஞ்ச, பி⁴க்க²வே,
பி⁴க்கு² அத்த²வஸங் படிச்ச உப்பன்னங் லாப⁴ங் அபி⁴பு⁴ய்ய அபி⁴பு⁴ய்ய
விஹரெய்ய, உப்பன்னங் அலாப⁴ங்…பே॰… உப்பன்னங் யஸங்… உப்பன்னங் அயஸங்…
உப்பன்னங் ஸக்காரங்… உப்பன்னங் அஸக்காரங்… உப்பன்னங் பாபிச்ச²தங்…
உப்பன்னங் பாபமித்ததங் அபி⁴பு⁴ய்ய அபி⁴பு⁴ய்ய விஹரெய்ய? யங் ஹிஸ்ஸ,
பி⁴க்க²வே, உப்பன்னங் லாப⁴ங் அனபி⁴பு⁴ய்ய விஹரதோ உப்பஜ்ஜெய்யுங் ஆஸவா
விகா⁴தபரிளாஹா, உப்பன்னங் லாப⁴ங் அபி⁴பு⁴ய்ய அபி⁴பு⁴ய்ய
விஹரதோ ஏவங்ஸதே ஆஸவா விகா⁴தபரிளாஹா ந ஹொந்தி. யங் ஹிஸ்ஸ, பி⁴க்க²வே,
உப்பன்னங் அலாப⁴ங்…பே॰… உப்பன்னங் யஸங்… உப்பன்னங் அயஸங்… உப்பன்னங்
ஸக்காரங்… உப்பன்னங் அஸக்காரங்… உப்பன்னங் பாபிச்ச²தங்… உப்பன்னங்
பாபமித்ததங் அனபி⁴பு⁴ய்ய விஹரதோ உப்பஜ்ஜெய்யுங் ஆஸவா விகா⁴தபரிளாஹா,
உப்பன்னங் பாபமித்ததங் அபி⁴பு⁴ய்ய அபி⁴பு⁴ய்ய விஹரதோ ஏவங்ஸதே ஆஸவா
விகா⁴தபரிளாஹா ந ஹொந்தி. இத³ங் கோ², பி⁴க்க²வே, அத்த²வஸங் படிச்ச உப்பன்னங்
லாப⁴ங் அபி⁴பு⁴ய்ய அபி⁴பு⁴ய்ய விஹரெய்ய, உப்பன்னங் அலாப⁴ங்…பே॰… உப்பன்னங்
யஸங்… உப்பன்னங் அயஸங்… உப்பன்னங் ஸக்காரங்… உப்பன்னங் அஸக்காரங்…
உப்பன்னங் பாபிச்ச²தங்… உப்பன்னங் பாபமித்ததங் அபி⁴பு⁴ய்ய அபி⁴பு⁴ய்ய
விஹரெய்ய. தஸ்மாதிஹ, பி⁴க்க²வே, உப்பன்னங் லாப⁴ங் அபி⁴பு⁴ய்ய அபி⁴பு⁴ய்ய
விஹரிஸ்ஸாம, உப்பன்னங் அலாப⁴ங்…பே॰… உப்பன்னங் யஸங்… உப்பன்னங் அயஸங்…
உப்பன்னங் ஸக்காரங்… உப்பன்னங் அஸக்காரங்… உப்பன்னங் பாபிச்ச²தங்…
உப்பன்னங் பாபமித்ததங் அபி⁴பு⁴ய்ய அபி⁴பு⁴ய்ய விஹரிஸ்ஸாமாதி; ஏவஞ்ஹி வோ,
பி⁴க்க²வே, ஸிக்கி²தப்³ப³ந்தி.

350. ‘‘தீஹி, பி⁴க்க²வே, அஸத்³த⁴ம்மேஹி
அபி⁴பூ⁴தோ பரியாதி³ன்னசித்தோ தே³வத³த்தோ ஆபாயிகோ நேரயிகோ கப்பட்டோ²
அதேகிச்சோ². கதமேஹி தீஹி? பாபிச்ச²தா, பாபமித்ததா, ஓரமத்தகேன
விஸேஸாதி⁴க³மேன அந்தரா வோஸானங் ஆபாதி³ – இமேஹி கோ², பி⁴க்க²வே, தீஹி
அஸத்³த⁴ம்மேஹி அபி⁴பூ⁴தோ பரியாதி³ன்னசித்தோ தே³வத³த்தோ ஆபாயிகோ நேரயிகோ கப்பட்டோ² அதேகிச்சோ²தி.

‘‘மா ஜாது கோசி லோகஸ்மிங், பாபிச்சோ² உத³பஜ்ஜத²;

தத³மினாபி ஜானாத², பாபிச்சா²னங் யதா²க³தி.

‘‘பண்டி³தோதி ஸமஞ்ஞாதோ, பா⁴விதத்தோதி ஸம்மதோ;

ஜலங்வ யஸஸா அட்டா², தே³வத³த்தோதி மே ஸுதங்.

‘‘ஸோ பமாத³ங் அனுசிண்ணோ, ஆஸஜ்ஜ நங் ததா²க³தங்;

அவீசினிரயங் பத்தோ, சதுத்³வாரங் ப⁴யானகங்.

‘‘அது³ட்ட²ஸ்ஸ ஹி யோ து³ப்³பே⁴, பாபகம்மங் அக்ருப்³ப³தோ;

தமேவ பாபங் பு²ஸதி, து³ட்ட²சித்தங் அனாத³ரங்.

‘‘ஸமுத்³த³ங் விஸகும்பே⁴ன, யோ மஞ்ஞெய்ய பதூ³ஸிதுங் [பது³ஸ்ஸிதுங் (க॰)];

ந ஸோ தேன பதூ³ஸெய்ய, பெ⁴ஸ்மா ஹி உத³தீ⁴ மஹா.

‘‘ஏவமேவ ததா²க³தங், யோ வாதே³னுபஹிங்ஸதி;

ஸமக்³க³தங் [ஸம்மாக³தங் (ஸீ॰), ஸமக³தங் (ஸ்யா॰)] ஸந்தசித்தங், வாதோ³ தம்ஹி ந ரூஹதி.

‘‘தாதி³ஸங் மித்தங் க்ருப்³பே³த² [குப்³பே³த² (ஸீ॰ ஸ்யா॰)], தஞ்ச ஸேவேத² பண்டி³தோ;

யஸ்ஸ மக்³கா³னுகோ³ பி⁴க்கு², க²யங் து³க்க²ஸ்ஸ பாபுணே’’தி.

உபாலிபஞ்ஹா

351.
அத² கோ² ஆயஸ்மா உபாலி யேன ப⁴க³வா தேனுபஸங்கமி, உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா உபாலி
ப⁴க³வந்தங் ஏதத³வோச – ‘‘ஸங்க⁴ராஜி ஸங்க⁴ராஜீதி, ப⁴ந்தே, வுச்சதி. கித்தாவதா
நு கோ², ப⁴ந்தே, ஸங்க⁴ராஜி ஹோதி, நோ ச ஸங்க⁴பே⁴தோ³? கித்தாவதா ச பன
ஸங்க⁴ராஜி சேவ ஹோதி ஸங்க⁴பே⁴தோ³ சா’’தி?

‘‘ஏகதோ , உபாலி, ஏகோ ஹோதி, ஏகதோ
த்³வே, சதுத்தோ² அனுஸ்ஸாவேதி, ஸலாகங் கா³ஹேதி – ‘அயங் த⁴ம்மோ, அயங் வினயோ,
இத³ங் ஸத்து²ஸாஸனங், இமங் க³ண்ஹத², இமங் ரோசேதா²’தி. ஏவம்பி கோ², உபாலி,
ஸங்க⁴ராஜி ஹோதி, நோ ச ஸங்க⁴பே⁴தோ³. ஏகதோ, உபாலி, த்³வே ஹொந்தி, ஏகதோ த்³வே,
பஞ்சமோ அனுஸ்ஸாவேதி, ஸலாகங் கா³ஹேதி – ‘அயங் த⁴ம்மோ, அயங் வினயோ, இத³ங்
ஸத்து²ஸாஸனங், இமங் க³ண்ஹத², இமங் ரோசேதா²’தி. ஏவம்பி கோ², உபாலி,
ஸங்க⁴ராஜி ஹோதி, நோ ச ஸங்க⁴பே⁴தோ³. ஏகதோ, உபாலி, த்³வே ஹொந்தி, ஏகதோ தயோ,
ச²ட்டோ² அனுஸ்ஸாவேதி, ஸலாகங் கா³ஹேதி – ‘அயங் த⁴ம்மோ, அயங் வினயோ, இத³ங்
ஸத்து²ஸாஸனங், இமங் க³ண்ஹத², இமங் ரோசேதா²’தி. ஏவம்பி கோ², உபாலி,
ஸங்க⁴ராஜி ஹோதி, நோ ச ஸங்க⁴பே⁴தோ³ . ஏகதோ, உபாலி,
தயோ ஹொந்தி, ஏகதோ தயோ, ஸத்தமோ அனுஸ்ஸாவேதி, ஸலாகங் கா³ஹேதி – ‘அயங் த⁴ம்மோ,
அயங் வினயோ, இத³ங் ஸத்து²ஸாஸனங், இமங் க³ண்ஹத², இமங் ரோசேதா²’தி. ஏவம்பி
கோ², உபாலி, ஸங்க⁴ராஜி ஹோதி, நோ ச ஸங்க⁴பே⁴தோ³. ஏகதோ, உபாலி, தயோ ஹொந்தி,
ஏகதோ சத்தாரோ, அட்ட²மோ அனுஸ்ஸாவேதி, ஸலாகங் கா³ஹேதி – ‘அயங் த⁴ம்மோ, அயங்
வினயோ, இத³ங் ஸத்து²ஸாஸனங், இமங் க³ண்ஹத², இமங் ரோசேதா²’தி. ஏவம்பி கோ²,
உபாலி, ஸங்க⁴ராஜி ஹோதி, நோ ச ஸங்க⁴பே⁴தோ³. ஏகதோ, உபாலி, சத்தாரோ ஹொந்தி,
ஏகதோ சத்தாரோ, நவமோ அனுஸ்ஸாவேதி, ஸலாகங் கா³ஹேதி – ‘அயங் த⁴ம்மோ, அயங்
வினயோ, இத³ங் ஸத்து²ஸாஸனங், இமங் க³ண்ஹத², இமங் ரோசேதா²’தி . ஏவங்
கோ², உபாலி, ஸங்க⁴ராஜி சேவ ஹோதி ஸங்க⁴பே⁴தோ³ ச. நவன்னங் வா, உபாலி,
அதிரேகனவன்னங் வா ஸங்க⁴ராஜி சேவ ஹோதி ஸங்க⁴பே⁴தோ³ ச. ந கோ², உபாலி,
பி⁴க்கு²னீ ஸங்க⁴ங் பி⁴ந்த³தி, அபி ச பே⁴தா³ய பரக்கமதி, ந ஸிக்க²மானா
ஸங்க⁴ங் பி⁴ந்த³தி…பே॰… ந ஸாமணேரோ ஸங்க⁴ங் பி⁴ந்த³தி, ந ஸாமணேரீ ஸங்க⁴ங்
பி⁴ந்த³தி, ந உபாஸகோ ஸங்க⁴ங் பி⁴ந்த³தி, ந உபாஸிகா ஸங்க⁴ங் பி⁴ந்த³தி, அபி ச
பே⁴தா³ய பரக்கமதி. பி⁴க்கு² கோ², உபாலி, பகதத்தோ, ஸமானஸங்வாஸகோ,
ஸமானஸீமாயங் டி²தோ, ஸங்க⁴ங் பி⁴ந்த³தீ’’தி.

352. [அ॰ நி॰ 10.37] ‘‘ஸங்க⁴பே⁴தோ³ ஸங்க⁴பே⁴தோ³தி, ப⁴ந்தே, வுச்சதி. கித்தாவதா நு கோ², ப⁴ந்தே, ஸங்கோ⁴ பி⁴ன்னோ ஹோதீ’’தி?

‘‘இது⁴பாலி, பி⁴க்கூ² அத⁴ம்மங் த⁴ம்மோதி தீ³பெந்தி,
த⁴ம்மங் அத⁴ம்மோதி தீ³பெந்தி, அவினயங் வினயோதி தீ³பெந்தி, வினயங் அவினயோதி
தீ³பெந்தி, அபா⁴ஸிதங் அலபிதங் ததா²க³தேன பா⁴ஸிதங் லபிதங் ததா²க³தேனாதி
தீ³பெந்தி, பா⁴ஸிதங் லபிதங் ததா²க³தேன அபா⁴ஸிதங் அலபிதங் ததா²க³தேனாதி
தீ³பெந்தி, அனாசிண்ணங் ததா²க³தேன ஆசிண்ணங் ததா²க³தேனாதி தீ³பெந்தி,
ஆசிண்ணங் ததா²க³தேன அனாசிண்ணங் ததா²க³தேனாதி தீ³பெந்தி, அபஞ்ஞத்தங்
ததா²க³தேன பஞ்ஞத்தங் ததா²க³தேனாதி தீ³பெந்தி, பஞ்ஞத்தங் ததா²க³தேன
அபஞ்ஞத்தங் ததா²க³தேனாதி தீ³பெந்தி, அனாபத்திங் ஆபத்தீதி தீ³பெந்தி,
ஆபத்திங் அனாபத்தீதி தீ³பெந்தி, லஹுகங் ஆபத்திங் க³ருகா ஆபத்தீதி தீ³பெந்தி, க³ருகங் ஆபத்திங் லஹுகா ஆபத்தீதி தீ³பெந்தி, ஸாவஸேஸங் ஆபத்திங் அனவஸேஸா
ஆபத்தீதி தீ³பெந்தி, அனவஸேஸங் ஆபத்திங் ஸாவஸேஸா ஆபத்தீதி தீ³பெந்தி,
து³ட்டு²ல்லங் ஆபத்திங் அது³ட்டு²லா ஆபத்தீதி தீ³பெந்தி, அது³ட்டு²ல்லங்
ஆபத்திங் து³ட்டு²ல்லா ஆபத்தீதி தீ³பெந்தி. தே இமேஹி அட்டா²ரஸஹி வத்தூ²ஹி
அபகஸ்ஸந்தி, அவபகஸ்ஸந்தி, ஆவேனிங் [ஆவேணி (ஸீ॰), ஆவேணிகங் (ஸ்யா॰)] உபோஸத²ங் கரொந்தி, ஆவேனிங் பவாரணங் கரொந்தி, ஆவேனிங் ஸங்க⁴கம்மங் கரொந்தி. எத்தாவதா கோ², உபாலி, ஸங்கோ⁴ பி⁴ன்னோ ஹோதீ’’தி.

353. [ அ॰ நி॰ 10.37]
‘‘ஸங்க⁴ஸாமக்³கீ³ ஸங்க⁴ஸாமக்³கீ³தி, ப⁴ந்தே, வுச்சதி. கித்தாவதா நு கோ²,
ப⁴ந்தே, ஸங்கோ⁴ ஸமக்³கோ³ ஹோதீ’’தி? ‘‘இது⁴பாலி, பி⁴க்கூ² அத⁴ம்மங்
அத⁴ம்மோதி தீ³பெந்தி, த⁴ம்மங் த⁴ம்மோதி தீ³பெந்தி, அவினயங் அவினயோதி
தீ³பெந்தி, வினயங் வினயோதி தீ³பெந்தி, அபா⁴ஸிதங்
அலபிதங் ததா²க³தேன அபா⁴ஸிதங் அலபிதங் ததா²க³தேனாதி தீ³பெந்தி, பா⁴ஸிதங்
லபிதங் ததா²க³தேன பா⁴ஸிதங் லபிதங் ததா²க³தேனாதி தீ³பெந்தி, அனாசிண்ணங்
ததா²க³தேன அனாசிண்ணங் ததா²க³தேனாதி தீ³பெந்தி, ஆசிண்ணங் ததா²க³தேன ஆசிண்ணங்
ததா²க³தேனாதி தீ³பெந்தி, அபஞ்ஞத்தங் ததா²க³தேன அபஞ்ஞத்தங் ததா²க³தேனாதி
தீ³பெந்தி, பஞ்ஞத்தங் ததா²க³தேன பஞ்ஞத்தங் ததா²க³தேனாதி தீ³பெந்தி,
அனாபத்திங் அனாபத்தீதி தீ³பெந்தி, ஆபத்திங் ஆபத்தீதி தீ³பெந்தி, லஹுகங்
ஆபத்திங் லஹுகா ஆபத்தீதி தீ³பெந்தி, க³ருகங் ஆபத்திங் க³ருகா ஆபத்தீதி
தீ³பெந்தி, ஸாவஸேஸங் ஆபத்திங் ஸாவஸேஸா ஆபத்தீதி தீ³பெந்தி, அனவஸேஸங்
ஆபத்திங் அனவஸேஸா ஆபத்தீதி தீ³பெந்தி ,
து³ட்டு²ல்லங் ஆபத்திங் து³ட்டு²ல்லா ஆபத்தீதி தீ³பெந்தி, அது³ட்டு²ல்லங்
ஆபத்திங் அது³ட்டு²ல்லா ஆபத்தீதி தீ³பெந்தி. தே இமேஹி அட்டா²ரஸஹி வத்தூ²ஹி ந
அபகஸ்ஸந்தி, ந அவபகஸ்ஸந்தி, ந ஆவேனிங் உபோஸத²ங் கரொந்தி, ந ஆவேனிங்
பவாரணங் கரொந்தி, ந ஆவேனிங் ஸங்க⁴கம்மங் கரொந்தி. எத்தாவதா கோ², உபாலி,
ஸங்கோ⁴ ஸமக்³கோ³ ஹோதீ’’தி.

354.
‘‘ஸமக்³க³ங் பன, ப⁴ந்தே, ஸங்க⁴ங் பி⁴ந்தி³த்வா கிங் ஸோ பஸவதீ’’தி?
‘‘ஸமக்³க³ங் கோ², உபாலி, ஸங்க⁴ங் பி⁴ந்தி³த்வா கப்பட்டி²கங் கிப்³பி³ஸங்
பஸவதி, கப்பங் நிரயம்ஹி பச்சதீ’’தி.

[இதிவு॰ 18; அ॰ நி॰ 10.39] ‘‘ஆபாயிகோ நேரயிகோ, கப்பட்டோ² ஸங்க⁴பே⁴த³கோ;

வக்³க³ரதோ அத⁴ம்மட்டோ², யோக³க்கே²மா பத⁴ங்ஸதி;

ஸங்க⁴ங் ஸமக்³க³ங் பி⁴ந்தி³த்வா, கப்பங் நிரயம்ஹி பச்சதீ’’தி.

‘‘பி⁴ன்னங் பன, ப⁴ந்தே,
ஸங்க⁴ங் ஸமக்³க³ங் கத்வா கிங் ஸோ பஸவதீ’’தி? ‘‘பி⁴ன்னங் கோ², உபாலி,
ஸங்க⁴ங் ஸமக்³க³ங் கத்வா ப்³ரஹ்மங் புஞ்ஞங் பஸவதி, கப்பங் ஸக்³க³ம்ஹி
மோத³தீ’’தி.

[இத்திவு॰ 18; அ॰ நி॰ 10.40] ‘‘ஸுகா² ஸங்க⁴ஸ்ஸ ஸாமக்³கீ³, ஸமக்³கா³னஞ்ச அனுக்³க³ஹோ;

ஸமக்³க³ரதோ த⁴ம்மட்டோ², யோக³க்கே²மா ந த⁴ங்ஸதி;

ஸங்க⁴ங் ஸமக்³க³ங் கத்வான, கப்பங் ஸக்³க³ம்ஹி மோத³தீ’’தி.

355. [பரி॰ 459]
‘‘ஸியா நு கோ², ப⁴ந்தே, ஸங்க⁴பே⁴த³கோ ஆபாயிகோ, நேரயிகோ, கப்பட்டோ²,
அதேகிச்சோ²’’தி? ‘‘ஸியா, உபாலி, ஸங்க⁴பே⁴த³கோ ஆபாயிகோ, நேரயிகோ, கப்பட்டோ²,
அதேகிச்சோ²’’தி.

[பரி॰ 459] ‘‘ஸியா [ஸியா நு கோ² (ஸ்யா॰ கங்॰)] பன, ப⁴ந்தே, ஸங்க⁴பே⁴த³கோ
ந ஆபாயிகோ, ந நேரயிகோ, ந கப்பட்டோ², ந அதேகிச்சோ²’’தி? ‘‘ஸியா, உபாலி,
ஸங்க⁴பே⁴த³கோ ந ஆபாயிகோ, ந நேரயிகோ, ந கப்பட்டோ², ந அதேகிச்சோ²’’தி.

‘‘கதமோ பன, ப⁴ந்தே, ஸங்க⁴பே⁴த³கோ ஆபாயிகோ, நேரயிகோ,
கப்பட்டோ², அதேகிச்சோ²’’தி? ‘‘இது⁴பாலி, பி⁴க்கு² அத⁴ம்மங் த⁴ம்மோதி
தீ³பேதி. தஸ்மிங் அத⁴ம்மதி³ட்டி², பே⁴தே³ அத⁴ம்மதி³ட்டி², வினிதா⁴ய
தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்,
அனுஸ்ஸாவேதி, ஸலாகங் கா³ஹேதி – ‘அயங் த⁴ம்மோ, அயங் வினயோ, இத³ங்
ஸத்து²ஸாஸனங், இமங் க³ண்ஹத², இமங் ரோசேதா²’தி. அயம்பி கோ², உபாலி,
ஸங்க⁴பே⁴த³கோ ஆபாயிகோ, நேரயிகோ, கப்பட்டோ², அதேகிச்சோ².

‘‘புன சபரங், உபாலி, பி⁴க்கு² அத⁴ம்மங் த⁴ம்மோதி
தீ³பேதி. தஸ்மிங் அத⁴ம்மதி³ட்டி², பே⁴தே³ த⁴ம்மதி³ட்டி², வினிதா⁴ய
தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்,
அனுஸ்ஸாவேதி, ஸலாகங் கா³ஹேதி – ‘அயங் த⁴ம்மோ, அயங் வினயோ, இத³ங்
ஸத்து²ஸாஸனங், இமங் க³ண்ஹத², இமங் ரோசேதா²’தி. அயம்பி கோ², உபாலி,
ஸங்க⁴பே⁴த³கோ ஆபாயிகோ, நேரயிகோ, கப்பட்டோ², அதேகிச்சோ².

‘‘புன சபரங், உபாலி, பி⁴க்கு² அத⁴ம்மங் த⁴ம்மோதி
தீ³பேதி. தஸ்மிங் அத⁴ம்மதி³ட்டி², பே⁴தே³ வேமதிகோ, வினிதா⁴ய தி³ட்டி²ங்,
வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங், அனுஸ்ஸாவேதி, ஸலாகங்
கா³ஹேதி – ‘அயங் த⁴ம்மோ, அயங் வினயோ, இத³ங் ஸத்து²ஸாஸனங், இமங் க³ண்ஹத²,
இமங் ரோசேதா²’தி. அயம்பி கோ², உபாலி, ஸங்க⁴பே⁴த³கோ ஆபாயிகோ, நேரயிகோ, கப்பட்டோ², அதேகிச்சோ².

‘‘புன சபரங், உபாலி, பி⁴க்கு² அத⁴ம்மங் த⁴ம்மோதி தீ³பேதி. தஸ்மிங் த⁴ம்மதி³ட்டி², பே⁴தே³ அத⁴ம்மதி³ட்டி²…பே॰… (தஸ்மிங் த⁴ம்மதி³ட்டி² பே⁴தே³ த⁴ம்மதி³ட்டி²) [( ) ஸ்யாமபொத்த²கே நத்தி², விமதிவினோத³னீடீகாய ஸமேதி].
தஸ்மிங் த⁴ம்மதி³ட்டி² பே⁴தே³ வேமதிகோ. தஸ்மிங் வேமதிகோ பே⁴தே³
அத⁴ம்மதி³ட்டி². தஸ்மிங் வேமதிகோ பே⁴தே³ த⁴ம்மதி³ட்டி². தஸ்மிங் வேமதிகோ
பே⁴தே³ வேமதிகோ வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங்,
வினிதா⁴ய பா⁴வங், அனுஸ்ஸாவேதி, ஸலாகங் கா³ஹேதி – ‘அயங் த⁴ம்மோ, அயங் வினயோ,
இத³ங் ஸத்து²ஸாஸனங், இமங் க³ண்ஹத², இமங் ரோசேதா²’தி. அயம்பி கோ², உபாலி,
ஸங்க⁴பே⁴த³கோ ஆபாயிகோ, நேரயிகோ, கப்பட்டோ², அதேகிச்சோ².

‘‘புன சபரங், உபாலி, பி⁴க்கு²
த⁴ம்மங் அத⁴ம்மோதி தீ³பேதி…பே॰… அவினயங் வினயோதி தீ³பேதி… வினயங் அவினயோதி
தீ³பேதி… அபா⁴ஸிதங் அலபிதங் ததா²க³தேன பா⁴ஸிதங் லபிதங் ததா²க³தேனாதி
தீ³பேதி… பா⁴ஸிதங் லபிதங் ததா²க³தேன அபா⁴ஸிதங் அலபிதங் ததா²க³தேனாதி
தீ³பேதி… அனாசிண்ணங் ததா²க³தேன ஆசிண்ணங் ததா²க³தேனாதி தீ³பேதி… ஆசிண்ணங்
ததா²க³தேன அனாசிண்ணங் ததா²க³தேனாதி தீ³பேதி… அபஞ்ஞத்தங் ததா²க³தேன
பஞ்ஞத்தங் ததா²க³தேனாதி தீ³பேதி… பஞ்ஞத்தங் ததா²க³தேன அபஞ்ஞத்தங்
ததா²க³தேனாதி தீ³பேதி… அனாபத்திங் ஆபத்தீதி தீ³பேதி… ஆபத்திங் அனாபத்தீதி
தீ³பேதி… லஹுகங் ஆபத்திங் க³ருகா ஆபத்தீதி தீ³பேதி… க³ருகங் ஆபத்திங் லஹுகா
ஆபத்தீதி தீ³பேதி… ஸாவஸேஸங் ஆபத்திங் அனவஸேஸா ஆபத்தீதி தீ³பேதி… அனவஸேஸங்
ஆபத்திங் ஸாவஸேஸா ஆபத்தீதி தீ³பேதி… து³ட்டு²ல்லங் ஆபத்திங் அது³ட்டு²ல்லா
ஆபத்தீதி தீ³பேதி… அது³ட்டு²ல்லங் ஆபத்திங் து³ட்டு²ல்லா ஆபத்தீதி தீ³பேதி…
தஸ்மிங் அத⁴ம்மதி³ட்டி², பே⁴தே³ அத⁴ம்மதி³ட்டி²…பே॰… தஸ்மிங்
அத⁴ம்மதி³ட்டி², பே⁴தே³ த⁴ம்மதி³ட்டி² … தஸ்மிங்
அத⁴ம்மதி³ட்டி², பே⁴தே³ வேமதிகோ… தஸ்மிங் த⁴ம்மதி³ட்டி², பே⁴தே³
அத⁴ம்மதி³ட்டி²… (தஸ்மிங் த⁴ம்மதி³ட்டி², பே⁴தே³ த⁴ம்மதி³ட்டி²) [( ) ஸ்யாமபொத்த²கே நத்தி²]
… தஸ்மிங் த⁴ம்மதி³ட்டி², பே⁴தே³ வேமதிகோ… தஸ்மிங் வேமதிகோ, பே⁴தே³
அத⁴ம்மதி³ட்டி²… தஸ்மிங் வேமதிகோ, பே⁴தே³ த⁴ம்மதி³ட்டி²… தஸ்மிங் வேமதிகோ,
பே⁴தே³ வேமதிகோ, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங்,
வினிதா⁴ய பா⁴வங், அனுஸ்ஸாவேதி, ஸலாகங் கா³ஹேதி – ‘அயங் த⁴ம்மோ, அயங்
வினயோ, இத³ங் ஸத்து²ஸாஸனங், இமங் க³ண்ஹத², இமங் ரோசேதா²’தி. அயம்பி கோ²,
உபாலி, ஸங்க⁴பே⁴த³கோ ஆபாயிகோ, நேரயிகோ, கப்பட்டோ², அதேகிச்சோ²’’தி.

‘‘கதமோ பன, ப⁴ந்தே, ஸங்க⁴பே⁴த³கோ ந ஆபாயிகோ, ந நேரயிகோ, ந கப்பட்டோ² , ந அதேகிச்சோ²’’தி? ‘‘இது⁴பாலி, பி⁴க்கு² அத⁴ம்மங் த⁴ம்மோதி தீ³பேதி. தஸ்மிங் த⁴ம்மதி³ட்டி², பே⁴தே³ த⁴ம்மதி³ட்டி² ,
அவினிதா⁴ய தி³ட்டி²ங், அவினிதா⁴ய க²ந்திங், அவினிதா⁴ய ருசிங், அவினிதா⁴ய
பா⁴வங், அனுஸ்ஸாவேதி, ஸலாகங் கா³ஹேதி – ‘அயங் த⁴ம்மோ, அயங் வினயோ, இத³ங்
ஸத்து²ஸாஸனங், இமங் க³ண்ஹத², இமங் ரோசேதா²’தி. அயம்பி கோ², உபாலி,
ஸங்க⁴பே⁴த³கோ ந ஆபாயிகோ, ந நேரயிகோ, ந கப்பட்டோ², ந அதேகிச்சோ².

‘‘புன சபரங், உபாலி, பி⁴க்கு²
த⁴ம்மங் அத⁴ம்மோதி தீ³பேதி…பே॰… து³ட்டு²ல்லங் ஆபத்திங் அது³ட்டு²ல்லா
ஆபத்தீதி தீ³பேதி. தஸ்மிங் த⁴ம்மதி³ட்டி², பே⁴தே³ த⁴ம்மதி³ட்டி², அவினிதா⁴ய
தி³ட்டி²ங், அவினிதா⁴ய க²ந்திங், அவினிதா⁴ய ருசிங், அவினிதா⁴ய பா⁴வங்,
அனுஸ்ஸாவேதி, ஸலாகங் கா³ஹேதி – ‘அயங் த⁴ம்மோ, அயங் வினயோ, இத³ங்
ஸத்து²ஸாஸனங், இமங் க³ண்ஹத², இமங் ரோசேதா²’தி. அயம்பி கோ² , உபாலி, ஸங்க⁴பே⁴த³கோ ந ஆபாயிகோ, ந நேரயிகோ, ந கப்பட்டோ², ந அதேகிச்சோ²’’தி.

ததியபா⁴ணவாரோ நிட்டி²தோ.

ஸங்க⁴பே⁴த³கக்க²ந்த⁴கோ ஸத்தமோ.

தஸ்ஸுத்³தா³னங் –

அனுபியே அபி⁴ஞ்ஞாதா, ஸுகு²மாலோ ந இச்ச²தி;

கஸா வபா அபி⁴ நின்னே, நித்³தா⁴ லாவே ச உப்³ப³ஹே.

புஞ்ஜமத்³த³பலாலஞ்ச, பு⁴ஸஓபு²ணனீஹரே;

ஆயதிம்பி ந கீ²யந்தி, பிதரோ ச பிதாமஹா.

ப⁴த்³தி³யோ அனுருத்³தோ⁴ ச, ஆனந்தோ³ ப⁴கு³ கிமிலோ;

ஸக்யமானோ ச கோஸம்பி³ங், பரிஹாயி ககுதே⁴ன ச.

பகாஸேஸி பிதுனோ ச, புரிஸே ஸிலங் நாளாகி³ரிங்;

திகபஞ்சக³ருகோ கோ², பி⁴ந்தி³ து²ல்லச்சயேன ச;

தயோ அட்ட² புன தீணி, ராஜி பே⁴தா³ ஸியா நு கோ²தி.

ஸங்க⁴பே⁴த³கக்க²ந்த⁴கங் நிட்டி²தங்.

comments (0)
30-LESSON- வினயபிடகே சூளவக்கபாளி 6. ஸேனாஸனக்கந்தகங் 1. படமபாணவாரோ விஹாரானுஜானநங்-PALI-வினயபிடகே-Part-30-தமிழில் திரபிடக மூன்று தொகுப்புகள்TIPITAKA- from FREE ONLINE eNālāndā Research and Practice UNIVERSITY through http://sarvajan.ambedkar.org நமோ தஸ்ஸ பகவதோ அரஹதோ ஸம்மாஸம்புத்தஸ்ஸ வினயபிடகே சூளவக்கபாளி 6. ஸேனாஸனக்கந்தகங் 1. படமபாணவாரோ விஹாரானுஜானநங்
Filed under: General
Posted by: site admin @ 5:35 pm

30-LESSON-

வினயபிடகே

சூளவக்கபாளி

6. ஸேனாஸனக்கந்தகங்

1. படமபாணவாரோ

விஹாரானுஜானநங்-PALI-

up a level
மிழில் திபி  மூன்று தொகுப்புள்TIPITAKA-வினயபிடகே-Part-30-
from FREE ONLINE  eNālāndā Research and
Practice UNIVERSITY through http://sarvajan.ambedkar.org

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

வினயபிடகே

சூளவக்கபாளி

6. ஸேனாஸனக்கந்தகங்

1. படமபாணவாரோ

விஹாரானுஜானநங்

294. தேன
ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன
ஸமயேன ப⁴க³வதா பி⁴க்கூ²னங் ஸேனாஸனங் அபஞ்ஞத்தங் ஹோதி. தே ச பி⁴க்கூ² தஹங்
தஹங் விஹரந்தி – அரஞ்ஞே, ருக்க²மூலே, பப்³ப³தே, கந்த³ராயங், கி³ரிகு³ஹாயங்,
ஸுஸானே, வனபத்தே², அஜ்ஜோ²காஸே, பலாலபுஞ்ஜே. தே காலஸ்ஸேவ ததோ ததோ
உபனிக்க²மந்தி – அரஞ்ஞா ருக்க²மூலா பப்³ப³தா கந்த³ரா கி³ரிகு³ஹா ஸுஸானா
வனபத்தா² அஜ்ஜோ²காஸா பலாலபுஞ்ஜா, பாஸாதி³கேன அபி⁴க்கந்தேன படிக்கந்தேன,
ஆலோகிதேன விலோகிதேன, ஸமிஞ்ஜிதேன பஸாரிதேன, ஒக்கி²த்தசக்கூ²,
இரியாபத²ஸம்பன்னா. தேன கோ² பன ஸமயேன ராஜக³ஹகோ ஸெட்டீ² [ஸெட்டி² (க॰)]
காலஸ்ஸேவ உய்யானங் அக³மாஸி. அத்³த³ஸா கோ² ராஜக³ஹகோ ஸெட்டீ² தே பி⁴க்கூ²
காலஸ்ஸேவ ததோ ததோ உபனிக்க²மந்தே – அரஞ்ஞா ருக்க²மூலா பப்³ப³தா கந்த³ரா
கி³ரிகு³ஹா ஸுஸானா வனபத்தா² அஜ்ஜோ²காஸா பலாலபுஞ்ஜா, பாஸாதி³கேன
அபி⁴க்கந்தேன படிக்கந்தேன, ஆலோகிதேன விலோகிதேன, ஸமிஞ்ஜிதேன பஸாரிதேன,
ஒக்கி²த்தசக்கூ², இரியாபத²ஸம்பன்னே. தி³ஸ்வானஸ்ஸ சித்தங் பஸீதி³. அத² கோ²
ராஜக³ஹகோ ஸெட்டீ² யேன தே பி⁴க்கூ² தேனுபஸங்கமி, உபஸங்கமித்வா தே பி⁴க்கூ²
ஏதத³வோச – ‘‘ஸசாஹங், ப⁴ந்தே, விஹாரே காராபெய்யங், வஸெய்யாத² மே
விஹாரேஸூ’’தி? ‘‘ந கோ², க³ஹபதி, ப⁴க³வதா விஹாரா
அனுஞ்ஞாதா’’தி. ‘‘தேன ஹி, ப⁴ந்தே, ப⁴க³வந்தங் படிபுச்சி²த்வா மம
ஆரோசெய்யாதா²’’தி. ‘‘ஏவங் க³ஹபதீ’’தி கோ² தே பி⁴க்கூ² ராஜக³ஹகஸ்ஸ
ஸெட்டி²ஸ்ஸ படிஸ்ஸுத்வா யேன ப⁴க³வா தேனுபஸங்கமிங்ஸு, உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங் நிஸின்னா கோ² தே
பி⁴க்கூ² ப⁴க³வந்தங் ஏதத³வோசுங் – ‘‘ராஜக³ஹகோ, ப⁴ந்தே, ஸெட்டீ² விஹாரே
காராபேதுகாமோ. கத²ங் நு கோ², ப⁴ந்தே, அம்ஹேஹி [ப⁴ந்தே (ஸீ॰ க॰)] படிபஜ்ஜிதப்³ப³’’ந்தி? அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, பஞ்ச லேணானி [பஞ்ச ஸேனாஸனானி (ஸ்யா॰)] – விஹாரங், அட்³ட⁴யோக³ங், பாஸாத³ங், ஹம்மியங், கு³ஹ’’ந்தி.

அத² கோ² தே
பி⁴க்கூ² யேன ராஜக³ஹகோ ஸெட்டீ² தேனுபஸங்கமிங்ஸு, உபஸங்கமித்வா ராஜக³ஹகங்
ஸெட்டி²ங் ஏதத³வோசுங் – ‘‘அனுஞ்ஞாதா கோ², க³ஹபதி, ப⁴க³வதா விஹாரா;
யஸ்ஸதா³னி காலங் மஞ்ஞஸீ’’தி. அத² கோ² ராஜக³ஹகோ ஸெட்டீ² ஏகாஹேனேவ
ஸட்டி²விஹாரே பதிட்டா²பேஸி. அத² கோ² ராஜக³ஹகோ ஸெட்டீ² தே ஸட்டி²விஹாரே
பரியோஸாபெத்வா யேன ப⁴க³வா தேனுபஸங்கமி, உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ராஜக³ஹகோ ஸெட்டீ²
ப⁴க³வந்தங் ஏதத³வோச – ‘‘அதி⁴வாஸேது மே, ப⁴ந்தே, ப⁴க³வா ஸ்வாதனாய ப⁴த்தங்
ஸத்³தி⁴ங் பி⁴க்கு²ஸங்கே⁴னா’’தி. அதி⁴வாஸேஸி ப⁴க³வா துண்ஹீபா⁴வேன. அத² கோ² ராஜக³ஹகோ ஸெட்டீ² ப⁴க³வதோ அதி⁴வாஸனங் விதி³த்வா உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங் கத்வா பக்காமி.

அத² கோ² ராஜக³ஹகோ ஸெட்டீ² தஸ்ஸா ரத்தியா அச்சயேன
பணீதங் கா²த³னீயங் போ⁴ஜனீயங் படியாதா³பெத்வா ப⁴க³வதோ காலங் ஆரோசாபேஸி –
‘‘காலோ, ப⁴ந்தே, நிட்டி²தங் ப⁴த்த’’ந்தி. அத² கோ² ப⁴க³வா புப்³ப³ண்ஹஸமயங்
நிவாஸெத்வா பத்தசீவரமாதா³ய யேன ராஜக³ஹகஸ்ஸ ஸெட்டி²ஸ்ஸ நிவேஸனங்
தேனுபஸங்கமி, உபஸங்கமித்வா பஞ்ஞத்தே ஆஸனே நிஸீதி³ ஸத்³தி⁴ங்
பி⁴க்கு²ஸங்கே⁴ன. அத² கோ² ராஜக³ஹகோ ஸெட்டீ² பு³த்³த⁴ப்பமுக²ங்
பி⁴க்கு²ஸங்க⁴ங் பணீதேன கா²த³னீயேன போ⁴ஜனீயேன ஸஹத்தா² ஸந்தப்பெத்வா
ஸம்பவாரெத்வா, ப⁴க³வந்தங் பு⁴த்தாவிங் ஓனீதபத்தபாணிங், ஏகமந்தங் நிஸீதி³.
ஏகமந்தங் நிஸின்னோ கோ² ராஜக³ஹகோ ஸெட்டீ² ப⁴க³வந்தங் ஏதத³வோச – ‘‘ஏதே மே,
ப⁴ந்தே, ஸட்டி²விஹாரா புஞ்ஞத்தி²கேன ஸக்³க³த்தி²கேன காராபிதா. கதா²ஹங்,
ப⁴ந்தே, தேஸு விஹாரேஸு படிபஜ்ஜாமீ’’தி? ‘‘தேன ஹி த்வங், க³ஹபதி, தே
ஸட்டி²விஹாரே ஆக³தானாக³தஸ்ஸ சாதுத்³தி³ஸஸ்ஸ ஸங்க⁴ஸ்ஸ பதிட்டா²பேஹீ’’தி.
‘‘ஏவங் ப⁴ந்தே’’தி கோ² ராஜக³ஹகோ ஸெட்டீ² ப⁴க³வதோ படிஸ்ஸுத்வா தே
ஸட்டி²விஹாரே ஆக³தானாக³தஸ்ஸ சாதுத்³தி³ஸஸ்ஸ ஸங்க⁴ஸ்ஸ பதிட்டா²பேஸி.

295. அத² கோ² ப⁴க³வா ராஜக³ஹகங் ஸெட்டி²ங் இமாஹி கா³தா²ஹி அனுமோதி³ –

‘‘ஸீதங் உண்ஹங் படிஹந்தி [படிஹனதி (க॰)], ததோ வாளமிகா³னி ச;

ஸரீஸபே ச மகஸே, ஸிஸிரே சாபி வுட்டி²யோ.

‘‘ததோ வாதாதபோ கோ⁴ரே, ஸஞ்ஜாதோ [வாதாதபே கோ⁴ரே, ஸஞ்ஜாதே (க॰ ஸத்³த³னீதி)] படிஹஞ்ஞதி;

லேணத்த²ஞ்ச ஸுக²த்த²ஞ்ச, ஜா²யிதுஞ்ச விபஸ்ஸிதுங்.

‘‘விஹாரதா³னங் ஸங்க⁴ஸ்ஸ, அக்³க³ங் பு³த்³தே⁴ன [பு³த்³தே⁴ஹி (ஸ்யா॰)] வண்ணிதங்;

தஸ்மா ஹி பண்டி³தோ, போஸோ ஸம்பஸ்ஸங் அத்த²மத்தனோ.

‘‘விஹாரே காரயே ரம்மே, வாஸயெத்த² ப³ஹுஸ்ஸுதே;

தேஸங் அன்னஞ்ச பானஞ்ச, வத்த²ஸேனாஸனானி ச;

த³தெ³ய்ய உஜுபூ⁴தேஸு, விப்பஸன்னேன சேதஸா.

‘‘தே தஸ்ஸ த⁴ம்மங் தே³ஸெந்தி, ஸப்³ப³து³க்கா²பனூத³னங்;

யங் ஸோ த⁴ம்மங் இத⁴ஞ்ஞாய, பரினிப்³பா³தி அனாஸவோ’’தி.

அத² கோ² ப⁴க³வா ராஜக³ஹகங் ஸெட்டி²ங் இமாஹி கா³தா²ஹி அனுமோதி³த்வா உட்டா²யாஸனா பக்காமி.

296. அஸ்ஸோஸுங் கோ² மனுஸ்ஸா – ‘‘ப⁴க³வதா கிர விஹாரா அனுஞ்ஞாதா’’தி ஸக்கச்சங் [தே ஸக்கச்சங் (ஸ்யா॰ கங்॰)]
விஹாரே காராபெந்தி. தே விஹாரா அகவாடகா ஹொந்தி; அஹீபி விச்சி²காபி
ஸதபதி³யோபி பவிஸந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, கவாட’’ந்தி. பி⁴த்திசி²த்³த³ங் கரித்வா வல்லியாபி ரஜ்ஜுயாபி
கவாடங் ப³ந்த⁴ந்தி. உந்தூ³ரேஹிபி உபசிகாஹிபி க²ஜ்ஜந்தி. க²யிதப³ந்த⁴னானி
கவாடானி பதந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
பிட்ட²ஸங்கா⁴டங் உது³க்க²லிகங் உத்தரபாஸக’’ந்தி .
கவாடா ந பு²ஸீயந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
ஆவிஞ்ச²னச்சி²த்³த³ங் ஆவிஞ்ச²னரஜ்ஜு’’ந்தி. கவாடா ந த²கியந்தி. ப⁴க³வதோ
ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, அக்³க³ளவட்டிங் கபிஸீஸகங்
ஸூசிகங் க⁴டிக’’ந்தி.

தேன கோ² பன ஸமயேன பி⁴க்கூ² ந ஸக்கொந்தி கவாடங்
அபாபுரிதுங். ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
தாளச்சி²த்³த³ங். தீணி தாளானி – லோஹதாளங், கட்ட²தாளங், விஸாணதாள’’ந்தி.
யேஹி [யேபி (ஸீ॰ ஸ்யா॰)] தே உக்³கா⁴டெத்வா பவிஸந்தி [விஸாணதாளங், யேஹி தே உக்³கா⁴டெத்வா பவிஸந்தீதி (க॰)], விஹாரா அகு³த்தா ஹொந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, யந்தகங் ஸூசிக’’ந்தி.

தேன
கோ² பன ஸமயேன விஹாரா திணச்ச²த³னா ஹொந்தி; ஸீதகாலே ஸீதா, உண்ஹகாலே உண்ஹா.
ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, ஓகு³ம்பெ²த்வா
உல்லித்தாவலித்தங் காது’’ந்தி.

தேன கோ² பன ஸமயேன விஹாரா அவாதபானகா ஹொந்தி அசக்கு²ஸ்ஸா
து³க்³க³ந்தா⁴. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
தீணி வாதபானானி – வேதி³காவாதபானங், ஜாலவாதபானங், ஸலாகவாதபான’’ந்தி.
வாதபானந்தரிகாய காளகாபி வக்³கு³லியோபி பவிஸந்தி. ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, வாதபானசக்கலிக’’ந்தி.
சக்கலிகந்தரிகாயபி காளகாபி வக்³கு³லியோபி பவிஸந்தி. ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, வாதபானகவாடகங் வாதபானபி⁴ஸிக’’ந்தி.

தேன கோ² பன ஸமயேன பி⁴க்கூ² ச²மாயங் ஸயந்தி. க³த்தானிபி
சீவரானிபி பங்ஸுகிதானி ஹொந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, திணஸந்தா²ரக’’ந்தி. திணஸந்தா²ரகோ உந்தூ³ரேஹிபி உபசிகாஹிபி க²ஜ்ஜதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, மிட்³டி⁴’’ந்தி [மீட⁴ந்தி (ஸீ॰), மிடி⁴ந்தி (ஸ்யா॰)]. மிட்³டி⁴யா க³த்தானி து³க்கா² ஹொந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, பி³த³லமஞ்சக’’ந்தி.

மஞ்சபீடா²தி³அனுஜானநங்

297.
தேன கோ² பன ஸமயேன ஸங்க⁴ஸ்ஸ ஸோஸானிகோ மஸாரகோ மஞ்சோ உப்பன்னோ ஹோதி. ப⁴க³வதோ
ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, மஸாரகங் மஞ்ச’’ந்தி. மஸாரகங்
பீட²ங் உப்பன்னங் ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, மஸாரகங் பீட²’’ந்தி.

தேன கோ² பன ஸமயேன ஸங்க⁴ஸ்ஸ ஸோஸானிகோ
பு³ந்தி³காப³த்³தோ⁴ மஞ்சோ உப்பன்னோ ஹோதி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, பு³ந்தி³காப³த்³த⁴ங் மஞ்ச’’ந்தி.
பு³ந்தி³காப³த்³த⁴ங் பீட²ங் உப்பன்னங் ஹோதி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, பு³ந்தி³காப³த்³த⁴ங் பீட²’’ந்தி.

தேன கோ² பன ஸமயேன ஸங்க⁴ஸ்ஸ ஸோஸானிகோ குளீரபாத³கோ மஞ்சோ உப்பன்னோ ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே , குளீரபாத³கங் மஞ்ச’’ந்தி. குளீரபாத³கங் பீட²ங் உப்பன்னங் ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே , குளீரபாத³கங் பீட²’’ந்தி.

தேன கோ² பன ஸமயேன ஸங்க⁴ஸ்ஸ ஸோஸானிகோ ஆஹச்சபாத³கோ மஞ்சோ
உப்பன்னோ ஹோதி. ப⁴க³வதோ ஏதமத்த²ங் ஓராசேஸுங். ‘‘அனுஜானாமி, பி⁴க்க²வே,
ஆஹச்சபாத³கங் மஞ்ச’’ந்தி. ஆஹச்சபாத³கங் பீட²ங் உப்பன்னங் ஹோதி. ப⁴க³வதோ
ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, ஆஹச்சபாத³கங் பீட²’’ந்தி.

தேன கோ² பன ஸமயேன ஸங்க⁴ஸ்ஸ ஆஸந்தி³கோ உப்பன்னோ ஹோதி.
ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, ஆஸந்தி³க’’ந்தி.
உச்சகோ ஆஸந்தி³கோ உப்பன்னோ ஹோதி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, உச்சகம்பி ஆஸந்தி³க’’ந்தி. ஸத்தங்கோ³ உப்பன்னோ
ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
ஸத்தங்க³’’ந்தி. உச்சகோ ஸத்தங்கோ³ உப்பன்னோ ஹோதி. ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, உச்சகம்பி ஸத்தங்க³’’ந்தி.
ப⁴த்³த³பீட²ங் உப்பன்னங் ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, ப⁴த்³த³பீட²’’ந்தி. பீடி²கா உப்பன்னா ஹோதி. ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, பீடி²க’’ந்தி. ஏளகபாத³கங் பீட²ங்
உப்பன்னங் ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
ஏளகபாத³கங் பீட²’’ந்தி. ஆமலகவட்டிகங் [ஆமலகவண்டிகங் (ஸ்யா॰)]
பீட²ங் உப்பன்னங் ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, ஆமலகவட்டிகங் பீட²’’ந்தி. ப²லகங் உப்பன்னங் ஹோதி. ப⁴க³வதோ
ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, ப²லக’’ந்தி. கொச்ச²ங்
உப்பன்னங் ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
கொச்ச²’’ந்தி. பலாலபீட²ங் உப்பன்னங் ஹோதி. ப⁴க³வதோ ஏதமத்த²ங் ஆரோசேஸுங் . ‘‘அனுஜானாமி, பி⁴க்க²வே, பலாலபீட²’’ந்தி.

தேன கோ² பன ஸமயேன ச²ப்³ப³க்³கி³யா பி⁴க்கூ² உச்சே
மஞ்சே ஸயந்தி. மனுஸ்ஸா விஹாரசாரிகங் ஆஹிண்ட³ந்தா பஸ்ஸித்வா உஜ்ஜா²யந்தி
கி²ய்யந்தி விபாசெந்தி – ஸெய்யதா²பி கி³ஹீ காமபோ⁴கி³னோதி. ப⁴க³வதோ
ஏதமத்த²ங் ஆரோசேஸுங். ‘‘ந, பி⁴க்க²வே, உச்சே மஞ்சே ஸயிதப்³ப³ங். யோ ஸயெய்ய,
ஆபத்தி து³க்கடஸ்ஸா’’தி.

தேன கோ² பன ஸமயேன அஞ்ஞதரோ
பி⁴க்கு² நீசே மஞ்சே ஸயந்தோ அஹினா த³ட்டோ² ஹோதி. ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, மஞ்சபடிபாத³க’’ந்தி.

தேன கோ² பன ஸமயேன
ச²ப்³ப³க்³கி³யா பி⁴க்கூ² உச்சே மஞ்சபடிபாத³கே தா⁴ரெந்தி, ஸஹ
மஞ்சபடிபாத³கேஹி பவேதெ⁴ந்தி. மனுஸ்ஸா விஹாரசாரிகங் ஆஹிண்ட³ந்தா பஸ்ஸித்வா
உஜ்ஜா²யந்தி கி²ய்யந்தி விபாசெந்தி – ஸெய்யதா²பி கி³ஹீ காமபோ⁴கி³னோதி.
ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, உச்சா மஞ்சபடிபாத³கா
தா⁴ரேதப்³பா³. யோ தா⁴ரெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே,
அட்ட²ங்கு³லபரமங் மஞ்சபடிபாத³க’’ந்தி.

தேன கோ² பன ஸமயேன ஸங்க⁴ஸ்ஸ ஸுத்தங் உப்பன்னங் ஹோதி . ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, ஸுத்தங் மஞ்சங் வேடே²து’’ந்தி [வேதுந்தி (ஸீ॰)].
அங்கா³னி ப³ஹுஸுத்தங் பரியாதி³யந்தி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, அங்கே³ விஜ்ஜி²த்வா அட்ட²பத³கங் வேடே²து’’ந்தி.
சோளகங் உப்பன்னங் ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, சிமிலிகங் காது’’ந்தி. தூலிகா உப்பன்னா ஹோதி. ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, விஜடெத்வா பி³ப்³போ³ஹனங் [பி³ம்போ³ஹனங் (ஸீ॰ ஸ்யா॰ பி³ம்ப³ + ஓஹனங்)] காதுங். தீணி தூலானி – ருக்க²தூலங், லதாதூலங், போடகிதூல’’ந்தி.

தேன கோ² பன ஸமயேன ச²ப்³ப³க்³கி³யா பி⁴க்கூ² அத்³த⁴காயிகானி [அட்³ட⁴காயிகானி (க॰)]
பி³ப்³போ³ஹனானி தா⁴ரெந்தி. மனுஸ்ஸா விஹாரசாரிகங் ஆஹிண்ட³ந்தா பஸ்ஸித்வா
உஜ்ஜா²யந்தி கி²ய்யந்தி விபாசெந்தி – ஸெய்யதா²பி கி³ஹீ காமபோ⁴கி³னோதி.
ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, அட்³ட⁴காயிகானி
பி³ப்³போ³ஹனானி தா⁴ரேதப்³பா³னி. யோ தா⁴ரெய்ய, ஆபத்தி து³க்கடஸ்ஸ.
அனுஜானாமி, பி⁴க்க²வே, ஸீஸப்பமாணங் பி³ப்³போ³ஹனங் காது’’ந்தி.

தேன கோ² பன ஸமயேன ராஜக³ஹே கி³ரக்³க³ஸமஜ்ஜோ ஹோதி.
மனுஸ்ஸா மஹாமத்தானங் அத்தா²ய பி⁴ஸியோ படியாதெ³ந்தி – உண்ணபி⁴ஸிங்,
சோளபி⁴ஸிங், வாகபி⁴ஸிங், திணபி⁴ஸிங், பண்ணபி⁴ஸிங். தே வீதிவத்தே ஸமஜ்ஜே
ச²விங் உப்பாடெத்வா ஹரந்தி. அத்³த³ஸாஸுங் கோ² பி⁴க்கூ² ஸமஜ்ஜட்டா²னே ப³ஹுங்
உண்ணம்பி சோளகம்பி வாகம்பி திணம்பி பண்ணம்பி ச²ட்டிதங். தி³ஸ்வான ப⁴க³வதோ ஏதமத்த²ங் ஆரோசேஸுங் . ‘‘அனுஜானாமி, பி⁴க்க²வே, பஞ்ச பி⁴ஸியோ – உண்ணபி⁴ஸிங், சோளபி⁴ஸிங், வாகபி⁴ஸிங், திணபி⁴ஸிங், பண்ணபி⁴ஸி’’ந்தி.

தேன கோ² பன ஸமயேன ஸங்க⁴ஸ்ஸ ஸேனாஸனபரிக்கா²ரிகங்
து³ஸ்ஸங் உப்பன்னங் ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, பி⁴ஸிங் ஓனந்தி⁴து’’ந்தி [ஓனத்³தி⁴துங் (ஸ்யா॰)].

தேன கோ² பன ஸமயேன பி⁴க்கூ²
மஞ்சபி⁴ஸிங் பீடே² ஸந்த²ரந்தி, பீட²பி⁴ஸிங் மஞ்சே ஸந்த²ரந்தி. பி⁴ஸியோ
பரிபி⁴ஜ்ஜந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
ஓனத்³த⁴மஞ்சங் [ஓனத்³த⁴மஞ்சங் (க॰) ஏவமுபரிபி] ஓனத்³த⁴பீட²’’ந்தி. உல்லோகங் அகரித்வா ஸந்த²ரந்தி, ஹெட்ட²தோ நிபதந்தி [நிபடந்தி (க॰), நிப்ப²டந்தி (ஸீ॰), நிப்பாடெந்தி (ஸ்யா॰)]
…பே॰… ‘‘அனுஜானாமி, பி⁴க்க²வே, உல்லோகங் கரித்வா ஸந்த²ரித்வா பி⁴ஸிங்
ஓனந்தி⁴து’’ந்தி. ச²விங் உப்பாடெத்வா ஹரந்தி…பே॰… ‘‘அனுஜானாமி, பி⁴க்க²வே,
போ²ஸிது’’ந்தி. ஹரந்தியேவ…பே॰… ‘‘அனுஜானாமி, பி⁴க்க²வே, ப⁴த்திகம்ம’’ந்தி.
ஹரந்தியேவ…பே॰… ‘‘அனுஜானாமி, பி⁴க்க²வே, ஹத்த²ப⁴த்திகம்ம’’ந்தி.
ஹரந்தியேவ…பே॰… ‘‘அனுஜானாமி, பி⁴க்க²வே, ஹத்த²ப⁴த்தி’’ந்தி.

ஸேதவண்ணாதி³அனுஜானநங்

298.
தேன கோ² பன ஸமயேன தித்தி²யானங் ஸெய்யாயோ ஸேதவண்ணா ஹொந்தி, காளவண்ணகதா
பூ⁴மி, கே³ருகபரிகம்மகதா பி⁴த்தி. ப³ஹூ மனுஸ்ஸா ஸெய்யாபெக்க²கா க³ச்ச²ந்தி.
ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, விஹாரே ஸேதவண்ணங்
காளவண்ணங் கே³ருகபரிகம்ம’’ந்தி .

தேன கோ² பன ஸமயேன ப²ருஸாய பி⁴த்தியா ஸேதவண்ணோ ந
நிபததி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
து²ஸபிண்ட³ங் த³த்வா பாணிகாய படிபா³ஹெத்வா ஸேதவண்ணங் நிபாதேது’’ந்தி.
ஸேதவண்ணோ அனிப³ந்த⁴னீயோ ஹோதி…பே॰… ‘‘அனுஜானாமி, பி⁴க்க²வே, ஸண்ஹமத்திகங்
த³த்வா பாணிகாய படிபா³ஹெத்வா ஸேதவண்ணங் நிபாதேது’’ந்தி. ஸேதவண்ணோ
அனிப³ந்த⁴னீயோ ஹோதி…பே॰… ‘‘அனுஜானாமி, பி⁴க்க²வே, இக்காஸங்
பிட்ட²மத்³த³’’ந்தி.

தேன கோ² பன ஸமயேன ப²ருஸாய பி⁴த்தியா கே³ருகா ந நிபததி.
ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, து²ஸபிண்ட³ங்
த³த்வா பாணிகாய படிபா³ஹெத்வா கே³ருகங் நிபாதேது’’ந்தி. கே³ருகா
அனிப³ந்த⁴னீயா ஹோதி …பே॰… ‘‘அனுஜானாமி, பி⁴க்க²வே,
குண்ட³கமத்திகங் த³த்வா பாணிகாய படிபா³ஹெத்வா கே³ருகங் நிபாதேது’’ந்தி.
கே³ருகா அனிப³ந்த⁴னீயா ஹோதி…பே॰… ‘‘அனுஜானாமி, பி⁴க்க²வே, ஸாஸபகுட்டங்
ஸித்த²தேலக’’ந்தி. அச்சுஸ்ஸன்னங் ஹோதி…பே॰… ‘‘அனுஜானாமி, பி⁴க்க²வே, சோளகேன
பச்சுத்³த⁴ரிது’’ந்தி.

தேன கோ² பன ஸமயேன ப²ருஸாய பூ⁴மியா காளவண்ணோ ந நிபததி.
ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, து²ஸபிண்ட³ங் த³த்வா
பாணிகாய படிபா³ஹெத்வா காளவண்ணங் நிபாதேது’’ந்தி. காளவண்ணோ அனிப³ந்த⁴னீயோ
ஹோதி…பே॰… ‘‘அனுஜானாமி, பி⁴க்க²வே, க³ண்டு³மத்திகங்
த³த்வா பாணிகாய படிபா³ஹெத்வா காளவண்ணங் நிபாதேது’’ந்தி. காளவண்ணோ
அனிப³ந்த⁴னீயோ ஹோதி…பே॰… ‘‘அனுஜானாமி, பி⁴க்க²வே, இக்காஸங் கஸாவ’’ந்தி.

படிபா⁴னசித்தபடிக்கே²பங்

299.
தேன கோ² பன ஸமயேன ச²ப்³ப³க்³கி³யா பி⁴க்கூ² விஹாரே படிபா⁴னசித்தங்
காராபெந்தி – இத்தி²ரூபகங் புரிஸரூபகங். மனுஸ்ஸா விஹாரசாரிகங் ஆஹிண்ட³ந்தா
பஸ்ஸித்வா உஜ்ஜா²யந்தி கி²ய்யந்தி விபாசெந்தி – ஸெய்யதா²பி கி³ஹீ
காமபோ⁴கி³னோதி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
படிபா⁴னசித்தங் காராபேதப்³ப³ங் – இத்தி²ரூபகங் புரிஸரூபகங். யோ காராபெய்ய,
ஆபத்தி து³க்கடஸ்ஸ. அனுஜானாமி, பி⁴க்க²வே, மாலாகம்மங் லதாகம்மங்
மகரத³ந்தகங் பஞ்சபடிக’’ந்தி.

இட்ட²காசயாதி³அனுஜானநங்

300.
தேன கோ² பன ஸமயேன விஹாரா நீசவத்து²கா ஹொந்தி, உத³கேன ஒத்த²ரிய்யந்தி.
ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, உச்சவத்து²கங்
காது’’ந்தி. சயோ பரிபததி…பே॰… ‘‘அனுஜானாமி, பி⁴க்க²வே, சினிதுங் தயோ சயே –
இட்ட²காசயங், ஸிலாசயங், தா³ருசய’’ந்தி. ஆரோஹந்தா விஹஞ்ஞந்தி…பே॰…
‘‘அனுஜானாமி, பி⁴க்க²வே, தயோ ஸோபானே – இட்ட²காஸோபானங், ஸிலாஸோபானங்,
தா³ருஸோபான’’ந்தி. ஆரோஹந்தா பரிபதந்தி…பே॰… ‘‘அனுஜானாமி, பி⁴க்க²வே,
ஆலம்ப³னபா³ஹ’’ந்தி.

தேன கோ² பன ஸமயேன விஹாரா ஆளகமந்தா³ ஹொந்தி .
பி⁴க்கூ² ஹிரியந்தி நிபஜ்ஜிதுங். ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, திரோகரணி’’ந்தி. திரோகரணிங் உக்கி²பித்வா
ஓலோகெந்தி…பே॰… ‘‘அனுஜானாமி, பி⁴க்க²வே ,
அட்³ட⁴குட்டக’’ந்தி. அட்³ட⁴குட்டகா உபரிதோ ஓலோகெந்தி…பே॰… ‘‘அனுஜானாமி,
பி⁴க்க²வே, தயோ க³ப்³பே⁴ – ஸிவிகாக³ப்³ப⁴ங், நாளிகாக³ப்³ப⁴ங்,
ஹம்மியக³ப்³ப⁴’’ந்தி.

தேன கோ² பன ஸமயேன பி⁴க்கூ² கு²த்³த³கே விஹாரே மஜ்ஜே²
க³ப்³ப⁴ங் கரொந்தி. உபசாரோ ந ஹோதி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, கு²த்³த³கே விஹாரே ஏகமந்தங் க³ப்³ப⁴ங் காதுங்,
மஹல்லகே மஜ்ஜே²’’தி.

தேன கோ² பன ஸமயேன விஹாரஸ்ஸ குட்டபாதோ³ ஜீரதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி , பி⁴க்க²வே, குலங்கபாத³க’’ந்தி [குளுங்கபாத³கந்தி (ஸீ॰)]. விஹாரஸ்ஸ குட்டோ ஓவஸ்ஸதி…பே॰…‘‘அனுஜானாமி, பி⁴க்க²வே, பரித்தாணகிடிகங் உத்³த³ஸுத⁴’’ந்தி [உத்³தா⁴ஸுத⁴ந்தி (ஸ்யா॰)].

தேன கோ² பன ஸமயேன அஞ்ஞதரஸ்ஸ பி⁴க்கு²னோ திணச்ச²த³னா
அஹி க²ந்தே⁴ பததி. ஸோ பீ⁴தோ விஸ்ஸரமகாஸி. பி⁴க்கூ² உபதா⁴வித்வா தங்
பி⁴க்கு²ங் ஏதத³வோசுங் – ‘‘கிஸ்ஸ த்வங், ஆவுஸோ, விஸ்ஸரமகாஸீ’’தி? அத² கோ²
ஸோ பி⁴க்கூ²னங் ஏதமத்த²ங் ஆரோசேஸி. பி⁴க்கூ² ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, விதான’’ந்தி.

தேன கோ² பன ஸமயேன பி⁴க்கூ²
மஞ்சபாதே³பி பீட²பாதே³பி த²விகாயோ லக்³கெ³ந்தி. உந்தூ³ரேஹிபி உபசிகாஹிபி
க²ஜ்ஜந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
பி⁴த்திகி²லங் நாக³த³ந்தக’’ந்தி.

தேன கோ² பன ஸமயேன பி⁴க்கூ² மஞ்சேபி பீடே²பி சீவரங்
நிக்கி²பந்தி. சீவரங் பரிபி⁴ஜ்ஜிதி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, விஹாரே சீவரவங்ஸங் சீவரரஜ்ஜு’’ந்தி .

தேன கோ² பன ஸமயேன விஹாரா அனாளிந்த³கா ஹொந்தி
அப்படிஸ்ஸரணா. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
ஆளிந்த³ங் பக⁴னங் பகுட்டங் [பகுட்³ட³ங் (ஸீ॰)]
ஓஸாரக’’ந்தி. ஆளிந்தா³ பாகடா ஹொந்தி. பி⁴க்கூ² ஹிரியந்தி நிபஜ்ஜிதுங்…பே॰…
‘‘அனுஜானாமி, பி⁴க்க²வே, ஸங்ஸரணகிடிகங் உக்³கா⁴டனகிடிக’’ந்தி.

உபட்டா²னஸாலாஅனுஜானநங்

301.
தேன கோ² பன ஸமயேன பி⁴க்கூ² அஜ்ஜோ²காஸே ப⁴த்தவிஸ்ஸக்³க³ங் கரொந்தா ஸீதேனபி
உண்ஹேனபி கிலமந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
உபட்டா²னஸால’’ந்தி. உபட்டா²னஸாலா நீசவத்து²கா ஹோதி ,
உத³கேன ஒத்த²ரிய்யதி…பே॰… ‘‘அனுஜானாமி, பி⁴க்க²வே, உச்சவத்து²கங்
காது’’ந்தி. சயோ பரிபததி…பே॰… ‘‘அனுஜானாமி, பி⁴க்க²வே, சினிதுங் தயோ சயே –
இட்ட²காசயங், ஸிலாசயங், தா³ருசய’’ந்தி. ஆரோஹந்தா விஹஞ்ஞந்தி…பே॰…
‘‘அனுஜானாமி, பி⁴க்க²வே, தயோ ஸோபானே – இட்ட²காஸோபானங், ஸிலாஸோபானங்,
தா³ருஸோபான’’ந்தி. ஆரோஹந்தா பரிபதந்தி…பே॰… ‘‘அனுஜானாமி, பி⁴க்க²வே, ஆலம்ப³னபா³ஹ’’ந்தி. உபட்டா²னஸாலாய திணசுண்ணங் பரிபததி…பே॰… ‘‘அனுஜானாமி, பி⁴க்க²வே, ஓகு³ம்பெ²த்வா
உல்லித்தாவலித்தங் காதுங் – ஸேதவண்ணங் காளவண்ணங் கே³ருகபரிகம்மங்
மாலாகம்மங் லதாகம்மங் மகரத³ந்தகங் பஞ்சபடிகங் சீவரவங்ஸங் சீவரரஜ்ஜு’’ந்தி.

தேன கோ² பன ஸமயேன பி⁴க்கூ² அஜ்ஜோ²காஸே ச²மாய சீவரங்
பத்த²ரந்தி. சீவரங் பங்ஸுகிதங் ஹோதி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, அஜ்ஜோ²காஸே சீவரவங்ஸங் சீவரரஜ்ஜு’’ந்தி. பானீயங்
ஓதப்பதி…பே॰… ‘‘அனுஜானாமி, பி⁴க்க²வே, பானீயஸாலங் பானீயமண்ட³ப’’ந்தி.
பானீயஸாலா நீசவத்து²கா ஹோதி, உத³கேன ஒத்த²ரிய்யதி…பே॰… ‘‘அனுஜானாமி,
பி⁴க்க²வே, உச்சவத்து²கங் காது’’ந்தி. சயோ பரிபததி…பே॰… ‘‘அனுஜானாமி,
பி⁴க்க²வே, சினிதுங் தயோ சயே – இட்ட²காசயங், ஸிலாசயங், தா³ருசய’’ந்தி.
ஆரோஹந்தா விஹஞ்ஞந்தி…பே॰… ‘‘அனுஜானாமி, பி⁴க்க²வே, தயோ ஸோபானே –
இட்ட²காஸோபானங், ஸிலாஸோபானங், தா³ருஸோபான’’ந்தி. ஆரோஹந்தா பரிபதந்தி…பே॰…
‘‘அனுஜானாமி, பி⁴க்க²வே, ஆலம்ப³னபா³ஹ’’ந்தி. பானீயஸாலாய திணசுண்ணங்
பரிபததி…பே॰… ‘‘அனுஜானாமி, பி⁴க்க²வே, ஓகு³ம்பெ²த்வா உல்லித்தாவலித்தங்
காதுங் – ஸேதவண்ணங் காளவண்ணங் கே³ருகபரிகம்மங் மாலாகம்மங் லதாகம்மங்
மகரத³ந்தகங் பஞ்சபடிகங் சீவரவங்ஸங் சீவரரஜ்ஜு’’ந்தி. பானீயபா⁴ஜனங் ந
ஸங்விஜ்ஜதி…பே॰… ‘‘அனுஜானாமி, பி⁴க்க²வே, பானீயஸங்க²ங் பானீயஸராவக’’ந்தி.

பாகாராதி³அனுஜானநங்

302. தேன
கோ² பன ஸமயேன விஹாரா அபரிக்கி²த்தா ஹொந்தி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, பரிக்கி²பிதுங் தயோ பாகாரே – இட்ட²காபாகாரங்,
ஸிலாபாகாரங், தா³ருபாகார’’ந்தி. கொட்ட²கோ ந ஹோதி…பே॰… ‘‘அனுஜானாமி,
பி⁴க்க²வே, கொட்ட²க’’ந்தி. கொட்ட²கோ நீசவத்து²கோ ஹோதி, உத³கேன
ஒத்த²ரிய்யதி…பே॰… ‘‘அனுஜானாமி, பி⁴க்க²வே, உச்சவத்து²கங் காது’’ந்தி.
கொட்ட²கஸ்ஸ கவாடங் ந ஹோதி…பே॰… ‘‘அனுஜானாமி, பி⁴க்க²வே, கவாடங்
பிட்ட²ஸங்கா⁴டங் உது³க்க²லிகங் உத்தரபாஸகங் அக்³க³ளவட்டிங் கபிஸீஸகங்
ஸூசிகங் க⁴டிகங் தாளச்சி²த்³த³ங்
ஆவிஞ்ச²னச்சி²த்³த³ங் ஆவிஞ்ச²னரஜ்ஜு’’ந்தி. கொட்ட²கே திணசுண்ணங்
பரிபததி…பே॰… ‘‘அனுஜானாமி, பி⁴க்க²வே, ஓகு³ம்பெ²த்வா உல்லித்தாவலித்தங்
காதுங் – ஸேதவண்ணங் காளவண்ணங் கே³ருகபரிகம்மங் மாலாகம்மங் லதாகம்மங்
மகரத³ந்தகங் பஞ்சபடிக’’ந்தி.

தேன கோ² பன ஸமயேன பரிவேணங் சிக்க²ல்லங் ஹோதி. ப⁴க³வதோ
ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, மரும்ப³ங் உபகிரிது’’ந்தி. ந
பரியாபுணந்தி…பே॰… ‘‘அனுஜானாமி, பி⁴க்க²வே , பத³ரஸிலங் நிக்கி²பிது’’ந்தி. உத³கங் ஸந்திட்ட²தி…பே॰… ‘‘அனுஜானாமி, பி⁴க்க²வே, உத³கனித்³த⁴மன’’ந்தி.

தேன கோ² பன ஸமயேன பி⁴க்கூ² பரிவேணே தஹங் தஹங்
அக்³கி³ட்டா²னங் கரொந்தி. பரிவேணங் உக்லாபங் ஹோதி. ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, ஏகமந்தங் அக்³கி³ஸாலங் காது’’ந்தி .
அக்³கி³ஸாலா நீசவத்து²கா ஹோதி, உத³கேன ஒத்த²ரிய்யதி…பே॰… ‘‘அனுஜானாமி,
பி⁴க்க²வே, உச்சவத்து²கங் காது’’ந்தி. சயோ பரிபததி…பே॰… ‘‘அனுஜானாமி,
பி⁴க்க²வே, சினிதுங் தயோ சயே – இட்ட²காசயங், ஸிலாசயங், தா³ருசய’’ந்தி.
ஆரோஹந்தா விஹஞ்ஞந்தி…பே॰… ‘‘அனுஜானாமி, பி⁴க்க²வே, தயோ ஸோபானே –
இட்ட²காஸோபானங், ஸிலாஸோபானங், தா³ருஸோபான’’ந்தி. ஆரோஹந்தா பரிபதந்தி…பே॰…
‘‘அனுஜானாமி, பி⁴க்க²வே, ஆலம்ப³னபா³ஹ’’ந்தி. அக்³கி³ஸாலாய கவாடங் ந
ஹோதி…பே॰… ‘‘அனுஜானாமி, பி⁴க்க²வே, கவாடங் பிட்ட²ஸங்கா⁴டங் உது³க்க²லிகங்
உத்தரபாஸகங் அக்³க³ளவட்டிங் கபிஸீஸகங் ஸூசிகங் க⁴டிகங் தாளச்சி²த்³த³ங்
ஆவிஞ்ச²னச்சி²த்³த³ங் ஆவிஞ்ச²னரஜ்ஜு’’ந்தி. அக்³கி³ஸாலாய திணசுண்ணங்
பரிபததி…பே॰… ‘‘அனுஜானாமி, பி⁴க்க²வே, ஓகு³ம்பெ²த்வா உல்லித்தாவலித்தங்
காதுங் – ஸேதவண்ணங் காளவண்ணங் கே³ருகபரிகம்மங் மாலாகம்மங் லதாகம்மங்
மகரத³ந்தகங் பஞ்சபடிகங் சீவரவங்ஸங் சீவரரஜ்ஜு’’ந்தி.

ஆராமபரிக்கே²பஅனுஜானநங்

303.
தேன கோ² பன ஸமயேன ஆராமோ அபரிக்கி²த்தோ ஹோதி. அஜகாபி பஸுகாபி உபரோபே
விஹேடெ²ந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
பரிக்கி²பிதுங் தயோ வாடே – வேளுவாடங், கண்ட³கவாடங் [வடே வேளுவடங் கண்ட³கவடங் (ஸ்யா॰)],
பரிக²’’ந்தி. கொட்ட²கோ ந ஹோதி. ததே²வ அஜகாபி பஸுகாபி உபரோபே
விஹேடெ²ந்தி…பே॰… ‘‘அனுஜானாமி, பி⁴க்க²வே, கொட்ட²கங் அபேஸிங் யமககவாடங்
தோரணங் பலிக⁴’’ந்தி. கொட்ட²கே திணசுண்ணங் பரிபததி…பே॰… ‘‘அனுஜானாமி , பி⁴க்க²வே, ஓகு³ம்பெ²த்வா உல்லித்தாவலித்தங் காதுங் – ஸேதவண்ணங் காளவண்ணங் கே³ருகபரிகம்மங் மாலாகம்மங்
லதாகம்மங் மகரத³ந்தகங் பஞ்சபடிக’’ந்தி. ஆராமோ சிக்க²ல்லோ ஹோதி…பே॰…
‘‘அனுஜானாமி, பி⁴க்க²வே, மரும்ப³ங் உபகிரிது’’ந்தி. ந பரியாபுணந்தி…பே॰…
‘‘அனுஜானாமி, பி⁴க்க²வே, பத³ரஸிலங் நிக்கி²பிது’’ந்தி. உத³கங்
ஸந்திட்ட²தி…பே॰… ‘‘அனுஜானாமி, பி⁴க்க²வே, உத³கனித்³த⁴மன’’ந்தி.

தேன கோ² பன ஸமயேன ராஜா மாக³தோ⁴ ஸேனியோ பி³ம்பி³ஸாரோ
ஸங்க⁴ஸ்ஸ அத்தா²ய ஸுதா⁴மத்திகாலேபனங் பாஸாத³ங் காரேதுகாமோ ஹோதி. அத² கோ²
பி⁴க்கூ²னங் ஏதத³ஹோஸி – ‘‘கிங் நு கோ² ப⁴க³வதா
ச²த³னங் அனுஞ்ஞாதங், கிங் அனநுஞ்ஞாத’’ந்தி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, பஞ்ச ச²த³னானி – இட்ட²காச²த³னங், ஸிலாச²த³னங்,
ஸுதா⁴ச²த³னங், திணச்ச²த³னங், பண்ணச்ச²த³ன’’ந்தி.

பட²மபா⁴ணவாரோ நிட்டி²தோ.

2. து³தியபா⁴ணவாரோ

அனாத²பிண்டி³கவத்து²

304.
தேன கோ² பன ஸமயேன அனாத²பிண்டி³கோ க³ஹபதி ராஜக³ஹகஸ்ஸ ஸெட்டி²ஸ்ஸ
ப⁴கி³னிபதிகோ ஹோதி. அத² கோ² அனாத²பிண்டி³கோ க³ஹபதி ராஜக³ஹங் அக³மாஸி
கேனசிதே³வ கரணீயேன. தேன கோ² பன ஸமயேன ராஜக³ஹகேன ஸெட்டி²னா ஸ்வாதனாய
பு³த்³த⁴ப்பமுகோ² ஸங்கோ⁴ நிமந்திதோ ஹோதி. அத² கோ² ராஜக³ஹகோ ஸெட்டீ² தா³ஸே ச
கம்மகாரே [கம்மகரே (ஸீ॰ ஸ்யா॰)] ச ஆணாபேஸி –
‘‘தேன ஹி, ப⁴ணே, காலஸ்ஸேவ உட்டா²ய யாகு³யோ பசத², ப⁴த்தானி பசத², ஸூபானி
ஸம்பாதே³த², உத்தரிப⁴ங்கா³னி ஸம்பாதே³தா²’’தி. அத² கோ² அனாத²பிண்டி³கஸ்ஸ
க³ஹபதிஸ்ஸ ஏதத³ஹோஸி – ‘‘புப்³பே³ க்²வாயங் க³ஹபதி
மயி ஆக³தே ஸப்³ப³கிச்சானி நிக்கி²பித்வா மமஞ்ஞேவ ஸத்³தி⁴ங் படிஸம்மோத³தி.
ஸோதா³னாயங் விக்கி²த்தரூபோ தா³ஸே ச கம்மகாரே ச ஆணாபேஸி – ‘தேன ஹி, ப⁴ணே,
காலஸ்ஸேவ உட்டா²ய யாகு³யோ பசத², ப⁴த்தானி பசத², ஸூபானி ஸம்பாதே³த²,
உத்தரிப⁴ங்கா³னி ஸம்பாதே³தா²’தி. கிங் நு கோ² இமஸ்ஸ க³ஹபதிஸ்ஸ ஆவாஹோ வா ப⁴விஸ்ஸதி, விவாஹோ வா ப⁴விஸ்ஸதி, மஹாயஞ்ஞோ வா பச்சுபட்டி²தோ , ராஜா வா மாக³தோ⁴ ஸேனியோ பி³ம்பி³ஸாரோ நிமந்திதோ ஸ்வாதனாய ஸத்³தி⁴ங் ப³லகாயேனா’’தி?

அத² கோ² ராஜக³ஹகோ ஸெட்டீ² தா³ஸே ச கம்மகாரே ச
ஆணாபெத்வா யேன அனாத²பிண்டி³கோ க³ஹபதி தேனுபஸங்கமி, உபஸங்கமித்வா
அனாத²பிண்டி³கேன க³ஹபதினா ஸத்³தி⁴ங் படிஸம்மோதி³த்வா ஏகமந்தங் நிஸீதி³.
ஏகமந்தங் நிஸின்னங் கோ² ராஜக³ஹகங் ஸெட்டி²ங் அனாத²பிண்டி³கோ க³ஹபதி ஏதத³வோச
– ‘‘புப்³பே³ கோ² த்வங், க³ஹபதி, மயி ஆக³தே ஸப்³ப³கிச்சானி நிக்கி²பித்வா
மமஞ்ஞேவ ஸத்³தி⁴ங் படிஸம்மோத³ஸி. ஸோதா³னி த்வங் விக்கி²த்தரூபோ தா³ஸே ச
கம்மகாரே ச ஆணாபேஸி – ‘தேன ஹி, ப⁴ணே, காலஸ்ஸேவ உட்டா²ய யாகு³யோ பசத²,
ப⁴த்தானி பசத², ஸூபானி ஸம்பாதே³த², உத்தரிப⁴ங்கா³னி ஸம்பாதே³தா²’தி. கிங்
நு கோ² தே, க³ஹபதி, ஆவாஹோ வா ப⁴விஸ்ஸதி, விவாஹோ வா ப⁴விஸ்ஸதி, மஹாயஞ்ஞோ வா
பச்சுபட்டி²தோ, ராஜா வா மாக³தோ⁴ ஸேனியோ பி³ம்பி³ஸாரோ நிமந்திதோ ஸ்வாதனாய
ஸத்³தி⁴ங் ப³லகாயேனா’’தி? ‘‘ந மே, க³ஹபதி, ஆவாஹோ
வா ப⁴விஸ்ஸதி, நாபி விவாஹோ வா ப⁴விஸ்ஸதி, நாபி ராஜா வா மாக³தோ⁴ ஸேனியோ
பி³ம்பி³ஸாரோ நிமந்திதோ ஸ்வாதனாய ஸத்³தி⁴ங் ப³லகாயேன; அபி ச மே மஹாயஞ்ஞோ
பச்சுபட்டி²தோ; ஸ்வாதனாய பு³த்³த⁴ப்பமுகோ² ஸங்கோ⁴ நிமந்திதோ’’தி.
‘‘பு³த்³தோ⁴தி த்வங், க³ஹபதி, வதே³ஸீ’’தி? ‘‘பு³த்³தோ⁴ த்யாஹங், க³ஹபதி,
வதா³மீ’’தி. ‘‘பு³த்³தோ⁴தி த்வங், க³ஹபதி, வதே³ஸீ’’தி? ‘‘பு³த்³தோ⁴
த்யாஹங், க³ஹபதி, வதா³மீ’’தி. ‘‘பு³த்³தோ⁴தி த்வங், க³ஹபதி, வதே³ஸீ’’தி?
‘‘பு³த்³தோ⁴ த்யாஹங், க³ஹபதி, வதா³மீ’’தி. ‘‘கோ⁴ஸோபி கோ² ஏஸோ, க³ஹபதி,
து³ல்லபோ⁴ லோகஸ்மிங் யதி³த³ங் – பு³த்³தோ⁴ பு³த்³தோ⁴தி. ஸக்கா நு கோ²,
க³ஹபதி, இமங் காலங் தங் ப⁴க³வந்தங் த³ஸ்ஸனாய உபஸங்கமிதுங் அரஹந்தங்
ஸம்மாஸம்பு³த்³த⁴’’ந்தி? ‘‘அகாலோ கோ², க³ஹபதி, இமங் காலங் தங் ப⁴க³வந்தங்
த³ஸ்ஸனாய உபஸங்கமிதுங் அரஹந்தங் ஸம்மாஸம்பு³த்³த⁴ங். ஸ்வேதா³னி த்வங் காலேன
தங் ப⁴க³வந்தங் த³ஸ்ஸனாய உபஸங்கமிஸ்ஸஸி அரஹந்தங் ஸம்மாஸம்பு³த்³த⁴’’ந்தி.
அத² கோ² அனாத²பிண்டி³கோ க³ஹபதி – ஸ்வேதா³னாஹங் காலேன தங் ப⁴க³வந்தங்
த³ஸ்ஸனாய உபஸங்கமிஸ்ஸாமி அரஹந்தங் ஸம்மாஸம்பு³த்³த⁴ந்தி – பு³த்³த⁴க³தாய
ஸதியா நிபஜ்ஜித்வா ரத்தியா ஸுத³ங் திக்க²த்துங் வுட்டா²ஸி பபா⁴தங்
மஞ்ஞமானோ.

305. [ஸங்॰ நி॰ 1.242] அத² கோ² அனாத²பிண்டி³கோ க³ஹபதி யேன ஸிவகத்³வாரங் [ஸீவத்³வாரங் (ஸீ॰), ஸீதவனத்³வாரங் (ஸ்யா॰)] தேனுபஸங்கமி. அமனுஸ்ஸா த்³வாரங் விவரிங்ஸு. அத² கோ² அனாத²பிண்டி³கஸ்ஸ க³ஹபதிஸ்ஸ நக³ரம்ஹா நிக்க²ந்தஸ்ஸ ஆலோகோ அந்தரதா⁴யி, அந்த⁴காரோ பாதுரஹோஸி, ப⁴யங் ச²ம்பி⁴தத்தங் லோமஹங்ஸோ உத³பாதி³; ததோவ புன நிவத்திதுகாமோ அஹோஸி. அத² கோ² ஸிவகோ [ஸீவகோ (ஸீ॰ ஸ்யா॰)] யக்கோ² அந்தரஹிதோ ஸத்³த³மனுஸ்ஸாவேஸி –

‘‘ஸதங் ஹத்தீ² ஸதங் அஸ்ஸா, ஸதங் அஸ்ஸதரீரதா²;

ஸதங் கஞ்ஞாஸஹஸ்ஸானி, ஆமுக்கமணிகுண்ட³லா;

ஏகஸ்ஸ பத³வீதிஹாரஸ்ஸ, கலங் நாக்³க⁴ந்தி ஸோளஸிங் [ஸோளஸிந்தி (ஸீ॰ க॰)].

‘‘அபி⁴க்கம க³ஹபதி அபி⁴க்கம க³ஹபதி;

அபி⁴க்கந்தங் தே ஸெய்யோ நோ படிக்கந்த’’ந்தி.

அத² கோ² அனாத²பிண்டி³கஸ்ஸ க³ஹபதிஸ்ஸ அந்த⁴காரோ
அந்தரதா⁴யி, ஆலோகோ பாதுரஹோஸி. யங் அஹோஸி ப⁴யங் ச²ம்பி⁴தத்தங் லோமஹங்ஸோ ஸோ
படிப்பஸ்ஸம்பி⁴. து³தியம்பி கோ²…பே॰… ததியம்பி கோ²…பே॰… அனாத²பிண்டி³கஸ்ஸ
க³ஹபதிஸ்ஸ ஆலோகோ அந்தரதா⁴யி, அந்த⁴காரோ பாதுரஹோஸி, ப⁴யங் ச²ம்பி⁴தத்தங் லோமஹங்ஸோ உத³பாதி³, ததோவ புன நிவத்திதுகாமோ அஹோஸி. ததியம்பி கோ² ஸிவகோ யக்கோ² அந்தரஹிதோ ஸத்³த³மனுஸ்ஸாவேஸி –

‘‘ஸதங் ஹத்தீ² ஸதங் அஸ்ஸா, ஸதங் அஸ்ஸதரீரதா²;

ஸதங் கஞ்ஞாஸஹஸ்ஸானி, ஆமுக்கமணிகுண்ட³லா;

ஏகஸ்ஸ பத³வீதிஹாரஸ்ஸ, கலங் நாக்³க⁴ந்தி ஸோளஸிங்.

‘‘அபி⁴க்கம க³ஹபதி அபி⁴க்கம க³ஹபதி,

அபி⁴க்கந்தங் தே ஸெய்யோ நோ படிக்கந்த’’ந்தி.

ததியம்பி கோ² அனாத²பிண்டி³கஸ்ஸ க³ஹபதிஸ்ஸ அந்த⁴காரோ அந்தரதா⁴யி ,
ஆலோகோ பாதுரஹோஸி, யங் அஹோஸி ப⁴யங் ச²ம்பி⁴தத்தங் லோமஹங்ஸோ, ஸோ
படிப்பஸ்ஸம்பி⁴. அத² கோ² அனாத²பிண்டி³கோ க³ஹபதி யேன ஸீதவனங் தேனுபஸங்கமி.
தேன கோ² பன ஸமயேன ப⁴க³வா ரத்தியா பச்சூஸஸமயங் பச்சுட்டா²ய அஜ்ஜோ²காஸே
சங்கமதி. அத்³த³ஸா கோ² ப⁴க³வா அனாத²பிண்டி³கங் க³ஹபதிங் தூ³ரதோவ
ஆக³ச்ச²ந்தங். தி³ஸ்வான சங்கமா ஓரோஹித்வா பஞ்ஞத்தே ஆஸனே நிஸீதி³. நிஸஜ்ஜ
கோ² ப⁴க³வா அனாத²பிண்டி³கங் க³ஹபதிங் ஏதத³வோச –
‘‘ஏஹி ஸுத³த்தா’’தி. அத² கோ² அனாத²பிண்டி³கோ க³ஹபதி – நாமேன மங் ப⁴க³வா
ஆலபதீதி – ஹட்டோ² உத³க்³கோ³ யேன ப⁴க³வா தேனுபஸங்கமி, உபஸங்கமித்வா ப⁴க³வதோ
பாதே³ஸு ஸிரஸா நிபதித்வா ப⁴க³வந்தங் ஏதத³வோச – ‘‘கச்சி, ப⁴ந்தே, ப⁴க³வா
ஸுக²ங் ஸயித்தா²’’தி?

[ஸங்॰ நி॰ 1.242] ‘‘ஸப்³ப³தா³ வே ஸுக²ங் ஸேதி, ப்³ராஹ்மணோ பரினிப்³பு³தோ;

யோ ந லிம்பதி காமேஸு, ஸீதிபூ⁴தோ நிரூபதி⁴.

‘‘ஸப்³பா³ ஆஸத்தியோ செ²த்வா, வினெய்ய ஹத³யே த³ரங்;

உபஸந்தோ ஸுக²ங் ஸேதி, ஸந்திங் பப்புய்ய சேதஸா’’தி [சேதஸோதி (ஸீ॰ ஸ்யா॰)].

அத² கோ² ப⁴க³வா அனாத²பிண்டி³கஸ்ஸ க³ஹபதிஸ்ஸ அனுபுப்³பி³ங் கத²ங் [ஆனுபுப்³பி³கத²ங் (ஸீ॰)] கதே²ஸி, ஸெய்யதி²த³ங் – தா³னகத²ங் ஸீலகத²ங் ஸக்³க³கத²ங், காமானங் ஆதீ³னவங் ஓகாரங் ஸங்கிலேஸங், நெக்க²ம்மே ஆனிஸங்ஸங் பகாஸேஸி. யதா³
ப⁴க³வா அஞ்ஞாஸி அனாத²பிண்டி³கங் க³ஹபதிங் கல்லசித்தங் முது³சித்தங்
வினீவரணசித்தங் உத³க்³க³சித்தங் பஸன்னசித்தங், அத² யா பு³த்³தா⁴னங்
ஸாமுக்கங்ஸிகா த⁴ம்மதே³ஸனா தங் பகாஸேஸி – து³க்க²ங், ஸமுத³யங், நிரோத⁴ங், மக்³க³ங். ஸெய்யதா²பி நாம ஸுத்³த⁴ங் வத்த²ங்
அபக³தகாளகங் ஸம்மதே³வ ரஜனங் படிக்³க³ண்ஹெய்ய, ஏவமேவ அனாத²பிண்டி³கஸ்ஸ
க³ஹபதிஸ்ஸ தஸ்மிங்யேவ ஆஸனே விரஜங் வீதமலங் த⁴ம்மசக்கு²ங் உத³பாதி³ – யங்
கிஞ்சி ஸமுத³யத⁴ம்மங், ஸப்³ப³ங் தங் நிரோத⁴த⁴ம்மந்தி. அத² கோ²
அனாத²பிண்டி³கோ க³ஹபதி தி³ட்ட²த⁴ம்மோ பத்தத⁴ம்மோ விதி³தத⁴ம்மோ
பரியோகா³ள்ஹத⁴ம்மோ திண்ணவிசிகிச்சோ² விக³தகத²ங்கதோ² வேஸாரஜ்ஜப்பத்தோ
அபரப்பச்சயோ ஸத்து²ஸாஸனே ப⁴க³வந்தங் ஏதத³வோச – ‘‘அபி⁴க்கந்தங் ப⁴ந்தே,
அபி⁴க்கந்தங் ப⁴ந்தே! ஸெய்யதா²பி, ப⁴ந்தே, நிக்குஜ்ஜிதங் வா உக்குஜ்ஜெய்ய,
படிச்ச²ன்னங் வா விவரெய்ய, மூள்ஹஸ்ஸ வா மக்³க³ங் ஆசிக்கெ²ய்ய, அந்த⁴காரே வா
தேலபஜ்ஜோதங் தா⁴ரெய்ய – சக்கு²மந்தோ ரூபானி த³க்க²ந்தீதி – ஏவமேவங்
ப⁴க³வதா அனேகபரியாயேன த⁴ம்மோ பகாஸிதோ. ஏஸாஹங், ப⁴ந்தே, ப⁴க³வந்தங் ஸரணங்
க³ச்சா²மி, த⁴ம்மஞ்ச, பி⁴க்கு²ஸங்க⁴ஞ்ச. உபாஸகங் மங் ப⁴க³வா தா⁴ரேது
அஜ்ஜதக்³கே³ பாணுபேதங் ஸரணங் க³தங். அதி⁴வாஸேது ச மே, ப⁴ந்தே, ப⁴க³வா
ஸ்வாதனாய ப⁴த்தங் ஸத்³தி⁴ங் பி⁴க்கு²ஸங்கே⁴னா’’தி. அதி⁴வாஸேஸி ப⁴க³வா
துண்ஹீபா⁴வேன.

அத² கோ² அனாத²பிண்டி³கோ க³ஹபதி ப⁴க³வதோ அதி⁴வாஸனங்
விதி³த்வா உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங் கத்வா
பக்காமி. அஸ்ஸோஸி கோ² ராஜக³ஹகோ ஸெட்டீ² – ‘‘அனாத²பிண்டி³கேன கிர க³ஹபதினா ஸ்வாதனாய பு³த்³த⁴ப்பமுகோ² ஸங்கோ⁴ நிமந்திதோ’’தி.

306.
அத² கோ² ராஜக³ஹகோ ஸெட்டீ² அனாத²பிண்டி³கங் க³ஹபதிங் ஏதத³வோச – ‘‘தயா கிர,
க³ஹபதி, ஸ்வாதனாய பு³த்³த⁴ப்பமுகோ² ஸங்கோ⁴ நிமந்திதோ. த்வஞ்சாஸி ஆக³ந்துகோ.
தே³மி தே, க³ஹபதி, வெய்யாயிகங் யேன த்வங் பு³த்³த⁴ப்பமுக²ஸ்ஸ ஸங்க⁴ஸ்ஸ
ப⁴த்தங் கரெய்யாஸீ’’தி. ‘‘அலங், க³ஹபதி அத்தி² மே வெய்யாயிகங் யேனாஹங்
பு³த்³த⁴ப்பமுக²ஸ்ஸ ஸங்க⁴ஸ்ஸ ப⁴த்தங் கரிஸ்ஸாமீ’’தி.

அஸ்ஸோஸி கோ² ராஜக³ஹகோ நேக³மோ – ‘‘அனாத²பிண்டி³கேன கிர
க³ஹபதினா ஸ்வாதனாய பு³த்³த⁴ப்பமுகோ² ஸங்கோ⁴ நிமந்திதோ’’தி. அத² கோ²
ராஜக³ஹகோ நேக³மோ அனாத²பிண்டி³கங் க³ஹபதிங் ஏதத³வோச – ‘‘தயா கிர, க³ஹபதி,
ஸ்வாதனாய பு³த்³த⁴ப்பமுகோ² ஸங்கோ⁴ நிமந்திதோ. த்வஞ்சாஸி ஆக³ந்துகோ. தே³மி
தே, க³ஹபதி, வெய்யாயிகங் யேன த்வங் பு³த்³த⁴ப்பமுக²ஸ்ஸ ஸங்க⁴ஸ்ஸ ப⁴த்தங்
கரெய்யாஸீ’’தி. ‘‘அலங் அய்ய; அத்தி² மே வெய்யாயிகங் யேனாஹங்
பு³த்³த⁴ப்பமுக²ஸ்ஸ ஸங்க⁴ஸ்ஸ ப⁴த்தங் கரிஸ்ஸாமீ’’தி.

அஸ்ஸோஸி கோ² ராஜா மாக³தோ⁴ ஸேனியோ பி³ம்பி³ஸாரோ –
‘‘அனாத²பிண்டி³கேன கிர க³ஹபதினா ஸ்வாதனாய பு³த்³த⁴ப்பமுகோ² ஸங்கோ⁴
நிமந்திதோ’’தி. அத² கோ² ராஜா மாக³தோ⁴ ஸேனியோ பி³ம்பி³ஸாரோ அனாத²பிண்டி³கங்
க³ஹபதிங் ஏதத³வோச – ‘‘தயா கிர, க³ஹபதி, ஸ்வாதனாய பு³த்³த⁴ப்பமுகோ² ஸங்கோ⁴
நிமந்திதோ. த்வஞ்சாஸி ஆக³ந்துகோ. தே³மி தே, க³ஹபதி, வெய்யாயிகங் யேன த்வங்
பு³த்³த⁴ப்பமுக²ஸ்ஸ ஸங்க⁴ஸ்ஸ ப⁴த்தங் கரெய்யாஸீ’’தி. ‘‘அலங் தே³வ; அத்தி² மே வெய்யாயிகங் யேனாஹங் பு³த்³த⁴ப்பமுக²ஸ்ஸ ஸங்க⁴ஸ்ஸ ப⁴த்தங் கரிஸ்ஸாமீ’’தி.

அத² கோ² அனாத²பிண்டி³கோ க³ஹபதி தஸ்ஸா ரத்தியா அச்சயேன ராஜக³ஹகஸ்ஸ ஸெட்டி²ஸ்ஸ நிவேஸனே பணீதங் கா²த³னீயங் போ⁴ஜனீயங் படியாதா³பெத்வா
ப⁴க³வதோ காலங் ஆரோசாபேஸி – ‘‘காலோ, ப⁴ந்தே, நிட்டி²தங் ப⁴த்த’’ந்தி. அத²
கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய யேன ராஜக³ஹகஸ்ஸ
ஸெட்டி²ஸ்ஸ நிவேஸனங் தேனுபஸங்கமி, உபஸங்கமித்வா பஞ்ஞத்தே ஆஸனே நிஸீதி³
ஸத்³தி⁴ங் பி⁴க்கு²ஸங்கே⁴ன. அத² கோ² அனாத²பிண்டி³கோ க³ஹபதி
பு³த்³த⁴ப்பமுக²ங் பி⁴க்கு²ஸங்க⁴ங் பணீதேன கா²த³னீயேன போ⁴ஜனீயேன ஸஹத்தா²
ஸந்தப்பெத்வா ஸம்பவாரெத்வா, ப⁴க³வந்தங் பு⁴த்தாவிங் ஓனீதபத்தபாணிங்,
ஏகமந்தங் நிஸீதி³ . ஏகமந்தங் நிஸின்னோ கோ²
அனாத²பிண்டி³கோ க³ஹபதி ப⁴க³வந்தங் ஏதத³வோச – ‘‘அதி⁴வாஸேது மே, ப⁴ந்தே,
ப⁴க³வா ஸாவத்தி²யங் வஸ்ஸாவாஸங் ஸத்³தி⁴ங் பி⁴க்கு²ஸங்கே⁴னா’’தி.
‘‘ஸுஞ்ஞாகா³ரே கோ², க³ஹபதி, ததா²க³தா அபி⁴ரமந்தீ’’தி. ‘‘அஞ்ஞாதங் ப⁴க³வா,
அஞ்ஞாதங் ஸுக³தா’’தி. அத² கோ² ப⁴க³வா அனாத²பிண்டி³கங் க³ஹபதிங் த⁴ம்மியா
கதா²ய ஸந்த³ஸ்ஸெத்வா ஸமாத³பெத்வா ஸமுத்தேஜெத்வா ஸம்பஹங்ஸெத்வா உட்டா²யாஸனா
பக்காமி.

307.
தேன கோ² பன ஸமயேன அனாத²பிண்டி³கோ க³ஹபதி ப³ஹுமித்தோ ஹோதி ப³ஹுஸஹாயோ
ஆதெ³ய்யவாசோ. அத² கோ² அனாத²பிண்டி³கோ க³ஹபதி ராஜக³ஹே தங் கரணீயங் தீரெத்வா
யேன ஸாவத்தி² தேன பக்காமி. அத² கோ² அனாத²பிண்டி³கோ க³ஹபதி அந்தராமக்³கே³
மனுஸ்ஸே ஆணாபேஸி – ‘‘ஆராமே , அய்யா, கரோத², விஹாரே
பதிட்டா²பேத², தா³னானி பட்ட²பேத². பு³த்³தோ⁴ லோகே உப்பன்னோ. ஸோ ச மயா
ப⁴க³வா நிமந்திதோ இமினா மக்³கே³ன ஆக³ச்சி²ஸ்ஸதீ’’தி. அத² கோ² தே மனுஸ்ஸா
அனாத²பிண்டி³கேன க³ஹபதினா உய்யோஜிதா ஆராமே அகங்ஸு, விஹாரே பதிட்டா²பேஸுங்,
தா³னானி பட்ட²பேஸுங்.

அத² கோ² அனாத²பிண்டி³கோ க³ஹபதி ஸாவத்தி²ங் க³ந்த்வா
ஸமந்தா ஸாவத்தி²ங் அனுவிலோகேஸி – ‘‘கத்த² நு கோ² ப⁴க³வா விஹரெய்ய? யங் அஸ்ஸ
கா³மதோ நேவ அதிதூ³ரே ந அச்சாஸன்னே, க³மனாக³மனஸம்பன்னங், அத்தி²கானங்
அத்தி²கானங் மனுஸ்ஸானங் அபி⁴க்கமனீயங், தி³வா அப்பாகிண்ணங், ரத்திங்
அப்பஸத்³த³ங், அப்பனிக்³கோ⁴ஸங், விஜனவாதங், மனுஸ்ஸராஹஸ்ஸெய்யகங்,
படிஸல்லானஸாருப்ப’’ந்தி.

அத்³த³ஸா கோ² அனாத²பிண்டி³கோ க³ஹபதி ஜேதஸ்ஸ குமாரஸ்ஸ [ராஜகுமாரஸ்ஸ (ஸீ॰ ஸ்யா॰ கங்॰)]
உய்யானங் – கா³மதோ நேவ அதிதூ³ரே ந அச்சாஸன்னே, க³மனாக³மனஸம்பன்னங்,
அத்தி²கானங் அத்தி²கானங் மனுஸ்ஸானங் அபி⁴க்கமனீயங், தி³வா அப்பாகிண்ணங்,
ரத்திங் அப்பஸத்³த³ங், அப்பனிக்³கோ⁴ஸங், விஜனவாதங், மனுஸ்ஸராஹஸ்ஸெய்யகங்,
படிஸல்லானஸாருப்பங். தி³ஸ்வான யேன ஜேதோ குமாரோ தேனுபஸங்கமி, உபஸங்கமித்வா
ஜேதங் குமாரங் ஏதத³வோச – ‘‘தே³ஹி மே, அய்யபுத்த, உய்யானங் ஆராமங்
காது’’ந்தி [கேதுங் (வஜீரபு³த்³தி⁴டீகாயங்)].
‘‘அதெ³ய்யோ, க³ஹபதி, ஆராமோ அபி கோடிஸந்த²ரேனா’’தி. ‘‘க³ஹிதோ, அய்யபுத்த,
ஆராமோ’’தி. ‘‘ந, க³ஹபதி, க³ஹிதோ ஆராமோ’’தி. க³ஹிதோ ந க³ஹிதோதி வோஹாரிகே
மஹாமத்தே புச்சி²ங்ஸு. மஹாமத்தா ஏவமாஹங்ஸு – ‘‘யதோ தயா , அய்யபுத்த, அக்³கோ⁴ கதோ, க³ஹிதோ ஆராமோ’’தி. அத² கோ² அனாத²பிண்டி³கோ
க³ஹபதி ஸகடேஹி ஹிரஞ்ஞங் நிப்³பா³ஹாபெத்வா ஜேதவனங் கோடிஸந்த²ரங்
ஸந்த²ராபேஸி. ஸகிங் நீஹடங் ஹிரஞ்ஞங் தோ²கஸ்ஸ ஓகாஸஸ்ஸ கொட்ட²கஸாமந்தா
நப்பஹோதி. அத² கோ² அனாத²பிண்டி³கோ க³ஹபதி மனுஸ்ஸே ஆணாபேஸி – ‘‘க³ச்ச²த²,
ப⁴ணே, ஹிரஞ்ஞங் ஆஹரத²; இமங் ஓகாஸங் ஸந்த²ரிஸ்ஸாமா’’தி.

அத² கோ² ஜேதஸ்ஸ குமாரஸ்ஸ ஏதத³ஹோஸி – ‘‘ந கோ² இத³ங்
ஓரகங் ப⁴விஸ்ஸதி, யதா²யங் க³ஹபதி தாவ ப³ஹுங் ஹிரஞ்ஞங் பரிச்சஜதீ’’தி.
அனாத²பிண்டி³கங் க³ஹபதிங் ஏதத³வோச – ‘‘அலங், க³ஹபதி; மா தங் ஓகாஸங்
ஸந்த²ராபேஸி. தே³ஹி மே ஏதங் ஓகாஸங். மமேதங் தா³னங் ப⁴விஸ்ஸதீ’’தி. அத² கோ²
அனாத²பிண்டி³கோ க³ஹபதி – அயங் கோ² ஜேதோ குமாரோ அபி⁴ஞ்ஞாதோ ஞாதமனுஸ்ஸோ;
மஹத்தி²கோ கோ² பன ஏவரூபானங் ஞாதமனுஸ்ஸானங் இமஸ்மிங் த⁴ம்மவினயே பஸாதோ³தி –
தங் ஓகாஸங் ஜேதஸ்ஸ குமாரஸ்ஸ பாதா³ஸி [அதா³ஸி (ஸ்யா॰)]. அத² கோ² ஜேதோ குமாரோ தஸ்மிங் ஓகாஸே கொட்ட²கங் மாபேஸி.

அத² கோ² அனாத²பிண்டி³கோ க³ஹபதி ஜேதவனே விஹாரே
காராபேஸி, பரிவேணானி காராபேஸி, கொட்ட²கே காராபேஸி, உபட்டா²னஸாலாயோ
காராபேஸி, அக்³கி³ஸாலாயோ காராபேஸி, கப்பியகுடியோ காராபேஸி, வச்சகுடியோ
காராபேஸி, சங்கமே காராபேஸி, சங்கமனஸாலாயோ காராபேஸி, உத³பானே காராபேஸி,
உத³பானஸாலாயோ காராபேஸி, ஜந்தாக⁴ரே காராபேஸி, ஜந்தாக⁴ரஸாலாயோ காராபேஸி,
பொக்க²ரணியோ காராபேஸி, மண்ட³பே காராபேஸி.

நவகம்மதா³னங்

308.
அத² கோ² ப⁴க³வா ராஜக³ஹே யதா²பி⁴ரந்தங் விஹரித்வா யேன வேஸாலீ தேன சாரிகங்
பக்காமி. அனுபுப்³பே³ன சாரிகங் சரமானோ யேன வேஸாலீ தத³வஸரி. தத்ர ஸுத³ங்
ப⁴க³வா வேஸாலியங் விஹரதி மஹாவனே கூடாகா³ரஸாலாயங். தேன கோ² பன ஸமயேன மனுஸ்ஸா
ஸக்கச்சங் நவகம்மங் கரொந்தி. யேபி பி⁴க்கூ² நவகம்மங் அதி⁴ட்டெ²ந்தி தேபி ஸக்கச்சங் உபட்டெ²ந்தி சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரேன .
அத² கோ² அஞ்ஞதரஸ்ஸ த³லித்³த³ஸ்ஸ துன்னவாயஸ்ஸ ஏதத³ஹோஸி – ‘‘ந கோ² இத³ங்
ஓரகங் ப⁴விஸ்ஸதி, யத²யிமே மனுஸ்ஸா ஸக்கச்சங் நவகம்மங் கரொந்தி;
யங்னூனாஹம்பி நவகம்மங் கரெய்ய’’ந்தி. அத² கோ² ஸோ த³லித்³தோ³ துன்னவாயோ
ஸாமங் சிக்க²ல்லங் மத்³தி³த்வா இட்ட²காயோ சினித்வா குட்டங் உட்டா²பேஸி. தேன
அகுஸலகேன சிதா வங்கா பி⁴த்தி பரிபதி. து³தியம்பி கோ²…பே॰… ததியம்பி கோ² ஸோ
த³லித்³தோ³ துன்னவாயோ ஸாமங் சிக்க²ல்லங் மத்³தி³த்வா இட்ட²காயோ சினித்வா
குட்டங் உட்டா²பேஸி. தேன அகுஸலகேன சிதா வங்கா பி⁴த்தி பரிபதி. அத² கோ² ஸோ
த³லித்³தோ³ துன்னவாயோ உஜ்ஜா²யதி கி²ய்யதி விபாசேதி – ‘‘யே இமேஸங் ஸமணானங்
ஸக்யபுத்தியானங் தெ³ந்தி சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரங், தே இமே ஓவத³ந்தி அனுஸாஸந்தி, தேஸஞ்ச நவகம்மங் அதி⁴ட்டெ²ந்தி. அஹங்
பனம்ஹி த³லித்³தோ³. ந மங் கோசி ஓவத³தி வா அனுஸாஸதி வா நவகம்மங் வா
அதி⁴ட்டே²தீ’’தி. அஸ்ஸோஸுங் கோ² பி⁴க்கூ² தஸ்ஸ த³லித்³த³ஸ்ஸ துன்னவாயஸ்ஸ
உஜ்ஜா²யந்தஸ்ஸ கி²ய்யந்தஸ்ஸ விபாசெந்தஸ்ஸ. அத² கோ² தே பி⁴க்கூ² ப⁴க³வதோ
ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே
த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே,
நவகம்மங் தா³துங். நவகம்மிகோ, பி⁴க்க²வே, பி⁴க்கு² உஸ்ஸுக்கங் ஆபஜ்ஜிஸ்ஸதி –
‘கிந்தி நு கோ² விஹாரோ கி²ப்பங் பரியோஸானங் க³ச்செ²ய்யா’தி; க²ண்ட³ங்
பு²ல்லங் படிஸங்க²ரிஸ்ஸதி. ஏவஞ்ச பன, பி⁴க்க²வே, தா³தப்³ப³ங். பட²மங்
பி⁴க்கு² யாசிதப்³போ³, யாசித்வா ப்³யத்தேன பி⁴க்கு²னா படிப³லேன ஸங்கோ⁴
ஞாபேதப்³போ³ –

309.
‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், ஸங்கோ⁴
இத்த²ன்னாமஸ்ஸ க³ஹபதினோ விஹாரங் இத்த²ன்னாமஸ்ஸ பி⁴க்கு²னோ நவகம்மங்
த³தெ³ய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. ஸங்கோ⁴ இத்த²ன்னாமஸ்ஸ
க³ஹபதினோ விஹாரங் இத்த²ன்னாமஸ்ஸ பி⁴க்கு²னோ நவகம்மங் தே³தி. யஸ்ஸாயஸ்மதோ
க²மதி இத்த²ன்னாமஸ்ஸ க³ஹபதினோ விஹாரங் இத்த²ன்னாமஸ்ஸ பி⁴க்கு²னோ நவகம்மஸ்ஸ
தா³னங், ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

‘‘தி³ன்னோ ஸங்கே⁴ன இத்த²ன்னாமஸ்ஸ க³ஹபதினோ விஹாரோ
இத்த²ன்னாமஸ்ஸ பி⁴க்கு²னோ நவகம்மங். க²மதி ஸங்க⁴ஸ்ஸ, தஸ்மா துண்ஹீ, ஏவமேதங்
தா⁴ரயாமீ’’தி.

அக்³கா³ஸனாதி³அனுஜானநங்

310. அத² கோ² ப⁴க³வா வேஸாலியங் யதா²பி⁴ரந்தங் விஹரித்வா யேன ஸாவத்தி² தேன சாரிகங் பக்காமி . தேன கோ² பன ஸமயேன ச²ப்³ப³க்³கி³யானங் பி⁴க்கூ²னங்
அந்தேவாஸிகா பி⁴க்கூ² பு³த்³த⁴ப்பமுக²ஸ்ஸ ஸங்க⁴ஸ்ஸ புரதோ புரதோ க³ந்த்வா
விஹாரே பரிக்³க³ண்ஹந்தி, ஸெய்யாயோ பரிக்³க³ண்ஹந்தி – இத³ங் அம்ஹாகங்
உபஜ்ஜா²யானங் ப⁴விஸ்ஸதி, இத³ங் அம்ஹாகங் ஆசரியானங் ப⁴விஸ்ஸதி, இத³ங்
அம்ஹாகங் ப⁴விஸ்ஸதீ’’தி.

அத² கோ² ஆயஸ்மா ஸாரிபுத்தோ பு³த்³த⁴ப்பமுக²ஸ்ஸ
ஸங்க⁴ஸ்ஸ பிட்டி²தோ பிட்டி²தோ க³ந்த்வா விஹாரேஸு பரிக்³க³ஹிதேஸு, ஸெய்யாஸு
பரிக்³க³ஹிதாஸு, ஸெய்யங் அலப⁴மானோ அஞ்ஞதரஸ்மிங் ருக்க²மூலே நிஸீதி³. அத²
கோ² ப⁴க³வா ரத்தியா பச்சூஸஸமயங் பச்சுட்டா²ய உக்காஸி. ஆயஸ்மாபி ஸாரிபுத்தோ
உக்காஸி. ‘‘கோ எத்தா²’’தி? ‘‘அஹங், ப⁴க³வா, ஸாரிபுத்தோ’’தி. ‘‘கிஸ்ஸ த்வங்,
ஸாரிபுத்தங், இத⁴ நிஸின்னோ’’தி? அத² கோ² ஆயஸ்மா ஸாரிபுத்தோ ப⁴க³வதோ
ஏதமத்த²ங் ஆரோசேஸி. அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே
பி⁴க்கு²ஸங்க⁴ங் ஸன்னிபாதாபெத்வா பி⁴க்கூ² படிபுச்சி² – ‘‘ஸச்சங் கிர,
பி⁴க்க²வே, ச²ப்³ப³க்³கி³யானங் பி⁴க்கூ²னங்
அந்தேவாஸிகா பி⁴க்கூ² பு³த்³த⁴ப்பமுக²ஸ்ஸ ஸங்க⁴ஸ்ஸ புரதோ புரதோ க³ந்த்வா
விஹாரே பரிக்³க³ண்ஹந்தி, ஸெய்யாயோ பரிக்³க³ண்ஹந்தி – இத³ங் அம்ஹாகங்
உபஜ்ஜா²யானங் ப⁴விஸ்ஸதி, இத³ங் அம்ஹாகங் ஆசரியானங் ப⁴விஸ்ஸதி, இத³ங்
அம்ஹாகங் ப⁴விஸ்ஸதீ’’தி? ‘‘ஸச்சங் ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… ‘‘கத²ஞ்ஹி நாம தே, பி⁴க்க²வே, மோக⁴புரிஸா பு³த்³த⁴ப்பமுக²ஸ்ஸ
ஸங்க⁴ஸ்ஸ புரதோ புரதோ க³ந்த்வா விஹாரே பரிக்³க³ஹெஸ்ஸந்தி, ஸெய்யாயோ
பரிக்³க³ஹெஸ்ஸந்தி – இத³ங் அம்ஹாகங் உபஜ்ஜா²யானங் ப⁴விஸ்ஸதி, இத³ங்
அம்ஹாகங் ஆசரியானங் ப⁴விஸ்ஸதி, இத³ங் அம்ஹாகங் ப⁴விஸ்ஸதீதி! நேதங்,
பி⁴க்க²வே, அப்பஸன்னானங் வா பஸாதா³ய…பே॰…
விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘கோ,
பி⁴க்க²வே, அரஹதி அக்³கா³ஸனங் அக்³கோ³த³கங் அக்³க³பிண்ட³’’ந்தி?

ஏகச்சே பி⁴க்கூ² ஏவமாஹங்ஸு – ‘‘யோ, ப⁴க³வா,
க²த்தியகுலா பப்³ப³ஜிதோ ஸோ அரஹதி அக்³கா³ஸனங் அக்³கோ³த³கங்
அக்³க³பிண்ட³’’ந்தி. ஏகச்சே பி⁴க்கூ² ஏவமாஹங்ஸு – ‘‘யோ, ப⁴க³வா,
ப்³ராஹ்மணகுலா பப்³ப³ஜிதோ ஸோ அரஹதி அக்³கா³ஸனங் அக்³கோ³த³கங்
அக்³க³பிண்ட³’’ந்தி. ஏகச்சே பி⁴க்கூ² ஏவமாஹங்ஸு – ‘‘யோ, ப⁴க³வா, க³ஹபதிகுலா
பப்³ப³ஜிதோ ஸோ அரஹதி அக்³கா³ஸனங் அக்³கோ³த³கங் அக்³க³பிண்ட³’’ந்தி. ஏகச்சே
பி⁴க்கூ² ஏவமாஹங்ஸு – ‘‘யோ, ப⁴க³வா, ஸுத்தந்திகோ
ஸோ அரஹதி அக்³கா³ஸனங் அக்³கோ³த³கங் அக்³க³பிண்ட³’’ந்தி. ஏகச்சே பி⁴க்கூ²
ஏவமாஹங்ஸு – ‘‘யோ, ப⁴க³வா, வினயத⁴ரோ ஸோ அரஹதி அக்³கா³ஸனங் அக்³கோ³த³கங்
அக்³க³பிண்ட³’’ந்தி. ஏகச்சே பி⁴க்கூ² ஏவமாஹங்ஸு – ‘‘யோ, ப⁴க³வா,
த⁴ம்மகதி²கோ ஸோ அரஹதி அக்³கா³ஸனங் அக்³கோ³த³கங் அக்³க³பிண்ட³’’ந்தி. ஏகச்சே
பி⁴க்கூ² ஏவமாஹங்ஸு – ‘‘யோ, ப⁴க³வா, பட²மஸ்ஸ ஜா²னஸ்ஸ லாபீ⁴ ஸோ அரஹதி
அக்³கா³ஸனங் அக்³கோ³த³கங் அக்³க³பிண்ட³’’ந்தி. ஏகச்சே பி⁴க்கூ² ஏவமாஹங்ஸு –
‘‘யோ, ப⁴க³வா, து³தியஸ்ஸ ஜா²னஸ்ஸ லாபீ⁴ ஸோ அரஹதி அக்³கா³ஸனங் அக்³கோ³த³கங்
அக்³க³பிண்ட³’’ந்தி. ஏகச்சே பி⁴க்கூ² ஏவமாஹங்ஸு – ‘‘யோ, ப⁴க³வா, ததியஸ்ஸ
ஜா²னஸ்ஸ லாபீ⁴ ஸோ அரஹதி அக்³கா³ஸனங் அக்³கோ³த³கங் அக்³க³பிண்ட³’’ந்தி.
ஏகச்சே பி⁴க்கூ² ஏவமாஹங்ஸு – ‘‘யோ, ப⁴க³வா, சதுத்த²ஸ்ஸ ஜா²னஸ்ஸ லாபீ⁴ ஸோ
அரஹதி அக்³கா³ஸனங் அக்³கோ³த³கங் அக்³க³பிண்ட³’’ந்தி. ஏகச்சே பி⁴க்கூ²
ஏவமாஹங்ஸு – ‘‘யோ, ப⁴க³வா, ஸோதாபன்னோ ஸோ அரஹதி அக்³கா³ஸனங் அக்³கோ³த³கங்
அக்³க³பிண்ட³’’ந்தி. ஏகச்சே பி⁴க்கூ² ஏவமாஹங்ஸு – ‘‘யோ, ப⁴க³வா,
ஸகதா³கா³மீ…பே॰… யோ, ப⁴க³வா, அனாகா³மீ…பே॰… யோ, ப⁴க³வா ,
அரஹா ஸோ அரஹதி அக்³கா³ஸனங் அக்³கோ³த³கங் அக்³க³பிண்ட³’’ந்தி. ஏகச்சே
பி⁴க்கூ² ஏவமாஹங்ஸு – ‘‘யோ, ப⁴க³வா, தேவிஜ்ஜோ ஸோ அரஹதி அக்³கா³ஸனங்
அக்³கோ³த³கங் அக்³க³பிண்ட³’’ந்தி. ஏகச்சே பி⁴க்கூ² ஏவமாஹங்ஸு – ‘‘யோ,
ப⁴க³வா, ச²ளபி⁴ஞ்ஞோ ஸோ அரஹதி அக்³கா³ஸனங் அக்³கோ³த³கங் அக்³க³பிண்ட³’’ந்தி.

311. அத² கோ² ப⁴க³வா பி⁴க்கூ² ஆமந்தேஸி – ‘‘பூ⁴தபுப்³ப³ங், பி⁴க்க²வே, ஹிமவந்தபதே³ஸே [ஹிமவந்தபஸ்ஸே (ஸீ॰ ஸ்யா॰)]
மஹானிக்³ரோதோ⁴ அஹோஸி. தங் தயோ ஸஹாயா உபனிஸ்ஸாய விஹரிங்ஸு – தித்திரோ ச,
மக்கடோ ச, ஹத்தி²னாகோ³ ச. தே அஞ்ஞமஞ்ஞங் அகா³ரவா அப்பதிஸ்ஸா
அஸபா⁴க³வுத்திகா விஹரந்தி. அத² கோ², பி⁴க்க²வே, தேஸங் ஸஹாயானங் ஏதத³ஹோஸி –
‘அஹோ நூன மயங் ஜானெய்யாம யங் அம்ஹாகங் ஜாதியா மஹந்ததரங் தங் மயங்
ஸக்கரெய்யாம க³ருங் கரெய்யாம மானெய்யாம பூஜெய்யாம, தஸ்ஸ ச மயங் ஓவாதே³
திட்டெ²ய்யாமா’தி.

‘‘அத² கோ², பி⁴க்க²வே, தித்திரோ ச மக்கடோ ச
ஹத்தி²னாக³ங் புச்சி²ங்ஸு – ‘த்வங், ஸம்ம, கிங் போராணங் ஸரஸீ’தி? ‘யதா³ஹங்,
ஸம்மா, போதோ ஹோமி, இமங் நிக்³ரோத⁴ங் அந்தரா ஸத்தீ²னங் [அந்தராஸத்தி²கங் (ஸீ॰)] கரித்வா அதிக்கமாமி, அக்³க³ங்குரகங் மே உத³ரங் சு²பதி. இமாஹங், ஸம்மா, போராணங் ஸராமீ’தி.

‘‘அத² கோ², பி⁴க்க²வே, தித்திரோ ச ஹத்தி²னாகோ³ ச
மக்கடங் புச்சி²ங்ஸு – ‘த்வங், ஸம்ம, கிங் போராணங் ஸரஸீ’தி? ‘யதா³ஹங்,
ஸம்மா, சா²போ ஹோமி, ச²மாயங் நிஸீதி³த்வா இமஸ்ஸ நிக்³ரோத⁴ஸ்ஸ அக்³க³ங்குரகங்
கா²தா³மி. இமாஹங், ஸம்மா, போராணங் ஸராமீ’தி.

‘‘அத² கோ², பி⁴க்க²வே, மக்கடோ ச
ஹத்தி²னாகோ³ ச தித்திரங் புச்சி²ங்ஸு – ‘த்வங், ஸம்ம, கிங் போராணங்
ஸரஸீ’தி? ‘அமுகஸ்மிங், ஸம்மா, ஓகாஸே மஹானிக்³ரோதோ⁴ அஹோஸி. ததோ அஹங் ப²லங்
ப⁴க்கி²த்வா இமஸ்மிங் ஓகாஸே வச்சங் அகாஸிங்; தஸ்ஸாயங் நிக்³ரோதோ⁴ ஜாதோ.
ததா³ஹங், ஸம்மா, ஜாதியா மஹந்ததரோ’தி .

‘‘அத² கோ², பி⁴க்க²வே, மக்கடோ ச
ஹத்தி²னாகோ³ ச தித்திரங் ஏதத³வோசுங் – ‘த்வங், ஸம்ம, அம்ஹாகங் ஜாதியா
மஹந்ததரோ. தங் மயங் ஸக்கரிஸ்ஸாம க³ருங் கரிஸ்ஸாம மானெஸ்ஸாம பூஜெஸ்ஸாம,
துய்ஹஞ்ச மயங் ஓவாதே³ பதிட்டி²ஸ்ஸாமா’தி. அத² கோ², பி⁴க்க²வே, தித்திரோ
மக்கடஞ்ச ஹத்தி²னாக³ஞ்ச பஞ்சஸு ஸீலேஸு ஸமாத³பேஸி, அத்தனா ச பஞ்சஸு ஸீலேஸு
ஸமாதா³ய வத்ததி. தே அஞ்ஞமஞ்ஞங் ஸகா³ரவா ஸப்பதிஸ்ஸா ஸபா⁴க³வுத்திகா
விஹரித்வா காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜிங்ஸு.
ஏவங் கோ² தங், பி⁴க்க²வே, தித்திரியங் நாம ப்³ரஹ்மசரியங் அஹோஸி.

[ஜா॰ 1.1.37] ‘‘யே வுட்³ட⁴மபசாயந்தி, நரா த⁴ம்மஸ்ஸ கோவிதா³;

தி³ட்டே² த⁴ம்மே ச பாஸங்ஸா, ஸம்பராயே ச ஸுக்³க³தீ’’தி.

‘‘தே ஹி நாம, பி⁴க்க²வே, திரச்சா²னக³தா பாணா
அஞ்ஞமஞ்ஞங் ஸகா³ரவா ஸப்பதிஸ்ஸா ஸபா⁴க³வுத்திகா விஹரிஸ்ஸந்தி. இத⁴ கோ² தங்,
பி⁴க்க²வே, ஸோபே⁴த² யங் தும்ஹே ஏவங் ஸ்வாக்கா²தே த⁴ம்மவினயே பப்³ப³ஜிதா
ஸமானா அஞ்ஞமஞ்ஞங் அகா³ரவா அப்பதிஸ்ஸா அஸபா⁴க³வுத்திகா விஹரெய்யாத²? நேதங்,
பி⁴க்க²வே , அப்பஸன்னானங் வா பஸாதா³ய…பே॰…
விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி,
பி⁴க்க²வே, யதா²வுட்³ட⁴ங் அபி⁴வாத³னங், பச்சுட்டா²னங், அஞ்ஜலிகம்மங்,
ஸாமீசிகம்மங், அக்³கா³ஸனங், அக்³கோ³த³கங், அக்³க³பிண்ட³ங். ந ச, பி⁴க்க²வே,
ஸங்கி⁴கங் யதா²வுட்³ட⁴ங் படிபா³ஹிதப்³ப³ங். யோ படிபா³ஹெய்ய, ஆபத்தி
து³க்கடஸ்ஸா’’தி.

அவந்தி³யாதி³புக்³க³லா

312. ‘‘த³ஸயிமே ,
பி⁴க்க²வே, அவந்தி³யா – புரே உபஸம்பன்னேன பச்சா² உபஸம்பன்னோ அவந்தி³யோ,
அனுபஸம்பன்னோ அவந்தி³யோ, நானாஸங்வாஸகோ வுட்³ட⁴தரோ அத⁴ம்மவாதீ³ அவந்தி³யோ,
மாதுகா³மோ அவந்தி³யோ, பண்ட³கோ அவந்தி³யோ, பாரிவாஸிகோ அவந்தி³யோ,
மூலாயபடிகஸ்ஸனாரஹோ அவந்தி³யோ, மானத்தாரஹோ அவந்தி³யோ, மானத்தசாரிகோ
அவந்தி³யோ, அப்³பா⁴னாரஹோ அவந்தி³யோ. இமே கோ², பி⁴க்க²வே, த³ஸ அவந்தி³யா.

‘‘தயோமே, பி⁴க்க²வே, வந்தி³யா – பச்சா² உபஸம்பன்னேன
புரே உபஸம்பன்னோ வந்தி³யோ, நானாஸங்வாஸகோ வுட்³ட⁴தரோ த⁴ம்மவாதீ³ வந்தி³யோ,
ஸதே³வகே பி⁴க்க²வே லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய
ஸதே³வமனுஸ்ஸாய ததா²க³தோ அரஹங் ஸம்மாஸம்பு³த்³தோ⁴ வந்தி³யோ. இமே கோ²,
பி⁴க்க²வே, தயோ வந்தி³யா’’தி.

ஆஸனப்படிபா³ஹனபடிக்கே²பங்

313. தேன கோ² பன ஸமயேன மனுஸ்ஸா ஸங்க⁴ங் உத்³தி³ஸ்ஸ மண்ட³பே படியாதெ³ந்தி, ஸந்த²ரே படியாதெ³ந்தி, ஓகாஸே படியாதெ³ந்தி. ச²ப்³ப³க்³கி³யானங் பி⁴க்கூ²னங் அந்தேவாஸிகா பி⁴க்கூ² – ‘ஸங்கி⁴கஞ்ஞேவ ப⁴க³வதா யதா²வுட்³ட⁴ங் அனுஞ்ஞாதங் ,
நோ உத்³தி³ஸ்ஸகத’ந்தி பு³த்³த⁴ப்பமுக²ஸ்ஸ ஸங்க⁴ஸ்ஸ புரதோ புரதோ க³ந்த்வா
மண்ட³பேபி பரிக்³க³ண்ஹந்தி, ஸந்த²ரேபி பரிக்³க³ண்ஹந்தி, ஓகாஸேபி
பரிக்³க³ண்ஹந்தி – இத³ங் அம்ஹாகங் உபஜ்ஜா²யானங் ப⁴விஸ்ஸதி, இத³ங் அம்ஹாகங்
ஆசரியானங் ப⁴விஸ்ஸதி, இத³ங் அம்ஹாகங் ப⁴விஸ்ஸதீதி. அத² கோ² ஆயஸ்மா
ஸாரிபுத்தோ பு³த்³த⁴ப்பமுக²ஸ்ஸ ஸங்க⁴ஸ்ஸ பிட்டி²தோ பிட்டி²தோ க³ந்த்வா
மண்ட³பேஸு பரிக்³க³ஹிதேஸு, ஸந்த²ரேஸு பரிக்³க³ஹிதேஸு, ஓகாஸேஸு
பரிக்³க³ஹிதேஸு, ஓகாஸங் அலப⁴மானோ அஞ்ஞதரஸ்மிங் ருக்க²மூலே நிஸீதி³. அத² கோ²
ப⁴க³வா ரத்தியா பச்சூஸஸமயங் பச்சுட்டா²ய உக்காஸி. ஆயஸ்மாபி ஸாரிபுத்தோ
உக்காஸி. ‘‘கோ எத்தா²’’தி? ‘‘அஹங், ப⁴க³வா, ஸாரிபுத்தோ’’தி. ‘‘கிஸ்ஸ த்வங்,
ஸாரிபுத்த, இத⁴ நிஸின்னோ’’தி? அத² கோ² ஆயஸ்மா ஸாரிபுத்தோ ப⁴க³வதோ
ஏதமத்த²ங் ஆரோசேஸி. அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே
பி⁴க்கு²ஸங்க⁴ங் ஸன்னிபாதாபெத்வா பி⁴க்கூ² படிபுச்சி² – ‘‘ஸச்சங் கிர,
பி⁴க்க²வே, ச²ப்³ப³க்³கி³யானங் பி⁴க்கூ²னங் அந்தேவாஸிகா பி⁴க்கூ² –
‘ஸங்கி⁴கஞ்ஞேவ ப⁴க³வதா யதா²வுட்³ட⁴ங் அனுஞ்ஞாதங், நோ உத்³தி³ஸ்ஸகத’ந்தி
பு³த்³த⁴ப்பமுக²ஸ்ஸ ஸங்க⁴ஸ்ஸ புரதோ புரதோ க³ந்த்வா
மண்ட³பே பரிக்³க³ண்ஹந்தி, ஸந்த²ரே பரிக்³க³ண்ஹந்தி, ஓகாஸே பரிக்³க³ண்ஹந்தி –
இத³ங் அம்ஹாகங் உபஜ்ஜா²யானங் ப⁴விஸ்ஸதி, இத³ங் அம்ஹாகங் ஆசரியானங்
ப⁴விஸ்ஸதி, இத³ங் அம்ஹாகங் ப⁴விஸ்ஸதீ’’தி? ‘‘ஸச்சங் ப⁴க³வா’’தி…பே॰…
விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘ந,
பி⁴க்க²வே, உத்³தி³ஸ்ஸகதம்பி யதா²வுட்³ட⁴ங் படிபா³ஹேதப்³ப³ங். யோ படிபா³ஹெய்ய, ஆபத்தி து³க்கடஸ்ஸா’’தி.

கி³ஹிவிகதஅனுஜானநங்

314.
தேன கோ² பன ஸமயேன மனுஸ்ஸா ப⁴த்தக்³கே³ அந்தரக⁴ரே உச்சாஸயனமஹாஸயனானி
பஞ்ஞபெந்தி, ஸெய்யதி²த³ங் – ஆஸந்தி³ங், பல்லங்கங், கோ³னகங், சித்தகங்,
படிகங், படலிகங், தூலிகங், விகதிகங், உத்³த³லோமிங், ஏகந்தலோமிங்,
கட்டிஸ்ஸங், கோஸெய்யங் [கோஸெய்யங் கம்ப³லங் (ஸீ॰ ஸ்யா॰)],
குத்தகங், ஹத்த²த்த²ரங், அஸ்ஸத்த²ரங், ரத²த்த²ரங், அஜினபவேணிங்,
கத³லிமிக³பவரபச்சத்த²ரணங், ஸஉத்தரச்ச²த³ங், உப⁴தோலோஹிதகூபதா⁴னங். பி⁴க்கூ²
குக்குச்சாயந்தா நாபி⁴னிஸீத³ந்தி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, ட²பெத்வா தீணி – ஆஸந்தி³ங், பல்லங்கங், தூலிகங் –
கி³ஹிவிகதங் [கி³ஹிவிகடங் (ஸீ॰ க॰), அவஸேஸங் கி³ஹிவிகடங் (ஸ்யா॰)] அபி⁴னிஸீதி³துங், நத்வேவ அபி⁴னிபஜ்ஜிது’’ந்தி.

தேன கோ² பன ஸமயேன மனுஸ்ஸா ப⁴த்தக்³கே³ அந்தரக⁴ரே தூலோனத்³த⁴ங் மஞ்சம்பி பீட²ம்பி பஞ்ஞபெந்தி .
பி⁴க்கூ² குக்குச்சாயந்தா நாபி⁴னிஸீத³ந்தி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, கி³ஹிவிகதங் அபி⁴னிஸீதி³துங், நத்வேவ
அபி⁴னிபஜ்ஜிது’’ந்தி.

ஜேதவனவிஹாரானுமோத³னா

315. அத² கோ² ப⁴க³வா அனுபுப்³பே³ன சாரிகங் சரமானோ யேன ஸாவத்தி² தத³வஸரி. தத்ர ஸுத³ங் ப⁴க³வா ஸாவத்தி²யங் விஹரதி
ஜேதவனே அனாத²பிண்டி³கஸ்ஸ ஆராமே. அத² கோ² அனாத²பிண்டி³கோ க³ஹபதி யேன ப⁴க³வா
தேனுபஸங்கமி, உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³.
ஏகமந்தங் நிஸின்னோ கோ² அனாத²பிண்டி³கோ க³ஹபதி ப⁴க³வந்தங்
ஏதத³வோச – ‘‘அதி⁴வாஸேது மே, ப⁴ந்தே, ப⁴க³வா ஸ்வாதனாய ப⁴த்தங் ஸத்³தி⁴ங்
பி⁴க்கு²ஸங்கே⁴னா’’தி. அதி⁴வாஸேஸி ப⁴க³வா துண்ஹீபா⁴வேன. அத² கோ²
அனாத²பிண்டி³கோ க³ஹபதி ப⁴க³வதோ அதி⁴வாஸனங் விதி³த்வா உட்டா²யாஸனா
ப⁴க³வந்தங் அபி⁴வாதெ³த்வா பத³க்கி²ணங் கத்வா
பக்காமி. அத² கோ² அனாத²பிண்டி³கோ க³ஹபதி தஸ்ஸா ரத்தியா அச்சயேன பணீதங்
கா²த³னீயங் போ⁴ஜனீயங் படியாதா³பெத்வா ப⁴க³வதோ காலங் ஆரோசாபேஸி – ‘‘காலோ,
ப⁴ந்தே, நிட்டி²தங் ப⁴த்த’’ந்தி. அத² கோ² ப⁴க³வா புப்³ப³ண்ஹஸமயங்
நிவாஸெத்வா பத்தசீவரமாதா³ய யேன அனாத²பிண்டி³கஸ்ஸ க³ஹபதிஸ்ஸ நிவேஸனங்
தேனுபஸங்கமி, உபஸங்கமித்வா பஞ்ஞத்தே ஆஸனே நிஸீதி³ ஸத்³தி⁴ங்
பி⁴க்கு²ஸங்கே⁴ன. அத² கோ² அனாத²பிண்டி³கோ க³ஹபதி பு³த்³த⁴ப்பமுக²ங்
பி⁴க்கு²ஸங்க⁴ங் பணீதேன கா²த³னீயேன போ⁴ஜனீயேன ஸஹத்தா² ஸந்தப்பெத்வா
ஸம்பவாரெத்வா, ப⁴க³வந்தங் பு⁴த்தாவிங் ஓனீதபத்தபாணிங், ஏகமந்தங் நிஸீதி³.
ஏகமந்தங் நிஸின்னோ கோ² அனாத²பிண்டி³கோ க³ஹபதி ப⁴க³வந்தங் ஏதத³வோச –
‘‘கதா²ஹங், ப⁴ந்தே, ஜேதவனே படிபஜ்ஜாமீ’’தி? ‘‘தேன ஹி த்வங், க³ஹபதி,
ஜேதவனங் ஆக³தானாக³தஸ்ஸ சாதுத்³தி³ஸஸ்ஸ ஸங்க⁴ஸ்ஸ பதிட்ட²பேஹீ’’தி. ‘‘ஏவங்
ப⁴ந்தே’’தி கோ² அனாத²பிண்டி³கோ க³ஹபதி ப⁴க³வதோ படிஸ்ஸுத்வா ஜேதவனங்
ஆக³தானாக³தஸ்ஸ சாதுத்³தி³ஸஸ்ஸ ஸங்க⁴ஸ்ஸ பதிட்டா²பேஸி.

அத² கோ² ப⁴க³வா அனாத²பிண்டி³கங் க³ஹபதிங் இமாஹி கா³தா²ஹி அனுமோதி³ –

‘‘ஸீதங் உண்ஹங் படிஹந்தி, ததோ வாளமிகா³னி ச;

ஸரீஸபே ச மகஸே, ஸிஸிரே சாபி வுட்டி²யோ.

‘‘ததோ வாதாதபோ கோ⁴ரோ, ஸஞ்ஜாதோ படிஹஞ்ஞதி;

லேணத்த²ஞ்ச ஸுக²த்த²ஞ்ச, ஜா²யிதுஞ்ச விபஸ்ஸிதுங்.

‘‘விஹாரதா³னங் ஸங்க⁴ஸ்ஸ, அக்³க³ங் பு³த்³தே⁴ன வண்ணிதங்;

தஸ்மா ஹி பண்டி³தோ போஸோ, ஸம்பஸ்ஸங் அத்த²மத்தனோ.

‘‘விஹாரே காரயே ரம்மே, வாஸயெத்த² ப³ஹுஸ்ஸுதே;

தேஸங் அன்னஞ்ச பானஞ்ச, வத்த²ஸேனாஸனானி ச;

த³தெ³ய்ய உஜுபூ⁴தேஸு, விப்பஸன்னேன சேதஸா.

‘‘தே தஸ்ஸ த⁴ம்மங் தே³ஸெந்தி, ஸப்³ப³து³க்கா²பனூத³னங்;

யங் ஸோ த⁴ம்மங் இத⁴ஞ்ஞாய, பரினிப்³பா³தி அனாஸவோ’’தி.

அத² கோ² ப⁴க³வா அனாத²பிண்டி³கங் க³ஹபதிங் இமாஹி கா³தா²ஹி அனுமோதி³த்வா உட்டா²யாஸனா பக்காமி.

ஆஸனப்படிபா³ஹனாதி³

316. தேன
கோ² பன ஸமயேன அஞ்ஞதரஸ்ஸ ஆஜீவகஸாவகஸ்ஸ மஹாமத்தஸ்ஸ ஸங்க⁴ப⁴த்தங் ஹோதி.
ஆயஸ்மா உபனந்தோ³ ஸக்யபுத்தோ பச்சா² ஆக³ந்த்வா விப்பகதபோ⁴ஜனங் ஆனந்தரிகங்
பி⁴க்கு²ங் வுட்டா²பேஸி. ப⁴த்தக்³க³ங் கோலாஹலங் அஹோஸி. அத² கோ² ஸோ மஹாமத்தோ
உஜ்ஜா²யதி கி²ய்யதி விபாசேதி – ‘‘கத²ஞ்ஹி நாம ஸமணா ஸக்யபுத்தியா பச்சா²
ஆக³ந்த்வா விப்பகதபோ⁴ஜனங் ஆனந்தரிகங் பி⁴க்கு²ங் வுட்டா²பெஸ்ஸந்தி!
ப⁴த்தக்³க³ங் கோலாஹலங் அஹோஸி. நனு நாம லப்³பா⁴ அஞ்ஞத்ராபி நிஸின்னேன
யாவத³த்த²ங் பு⁴ஞ்ஜிது’’ந்தி? அஸ்ஸோஸுங் கோ²
பி⁴க்கூ² தஸ்ஸ மஹாமத்தஸ்ஸ உஜ்ஜா²யந்தஸ்ஸ கி²ய்யந்தஸ்ஸ விபாசெந்தஸ்ஸ. யே தே
பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஆயஸ்மா உபனந்தோ³ ஸக்யபுத்தோ பச்சா² ஆக³ந்த்வா விப்பகதபோ⁴ஜனங்
ஆனந்தரிகங் பி⁴க்கு²ங் வுட்டா²பெஸ்ஸதி! ப⁴த்தக்³க³ங் கோலாஹலங் அஹோஸீ’’தி.
அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங். ‘‘ஸச்சங் கிர த்வங்,
உபனந்த³, பச்சா² ஆக³ந்த்வா விப்பகதபோ⁴ஜனங் ஆனந்தரிகங் பி⁴க்கு²ங்
வுட்டா²பேஸி, ப⁴த்தக்³க³ங் கோலாஹலங் அஹோஸீ’’தி? ‘‘ஸச்சங் ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… ‘‘கத²ஞ்ஹி நாம த்வங், மோக⁴புரிஸ, பச்சா²
ஆக³ந்த்வா விப்பகதபோ⁴ஜனங் ஆனந்தரிகங் பி⁴க்கு²ங் வுட்டா²பெஸ்ஸஸி?
ப⁴த்தக்³க³ங் கோலாஹலங் அஹோஸி. நேதங், மோக⁴புரிஸ, அப்பஸன்னானங் வா
பஸாதா³ய…பே॰… விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி –
‘‘ந, பி⁴க்க²வே, விப்பகதபோ⁴ஜனோ [போ⁴ஜனோ ஆனந்தரிகோ (ஸ்யா॰)]
பி⁴க்கு² வுட்டா²பேதப்³போ³. யோ வுட்டா²பெய்ய, ஆபத்தி து³க்கடஸ்ஸ. ஸசே
வுட்டா²பேதி, பவாரிதோ ச ஹோதி, ‘க³ச்ச² உத³கங் ஆஹரா’தி வத்தப்³போ³.
ஏவஞ்சேதங் லபே⁴த², இச்சேதங் குஸலங். நோ சே லபே⁴த²,
ஸாது⁴கங் ஸித்தா²னி கி³லித்வா வுட்³ட⁴தரஸ்ஸ பி⁴க்கு²னோ ஆஸனங் தா³தப்³ப³ங். ந
த்வேவாஹங், பி⁴க்க²வே, கேனசி பரியாயேன வுட்³ட⁴தரஸ்ஸ பி⁴க்கு²னோ ஆஸனங்
படிபா³ஹிதப்³ப³ந்தி வதா³மி. யோ படிபா³ஹெய்ய, ஆபத்தி து³க்கடஸ்ஸாதி’’.

தேன கோ² பன ஸமயேன
ச²ப்³ப³க்³கி³யா பி⁴க்கூ² கி³லானே பி⁴க்கூ² வுட்டா²பெந்தி. கி³லானா ஏவங்
வதெ³ந்தி – ‘‘ந மயங், ஆவுஸோ, ஸக்கோம வுட்டா²துங், கி³லானாம்ஹா’’தி. ‘‘மயங்
ஆயஸ்மந்தே வுட்டா²பெஸ்ஸாமா’’தி பரிக்³க³ஹெத்வா வுட்டா²பெத்வா டி²தகே
முஞ்சந்தி. கி³லானா முச்சி²தா பபதந்தி. ப⁴க³வதோ ஏதமத்த²ங் ஆரோசேஸுங் . ‘‘ந, பி⁴க்க²வே, கி³லானோ வுட்டா²பேதப்³போ³. யோ வுட்டா²பெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன ச²ப்³ப³க்³கி³யா பி⁴க்கூ² ‘கி³லானா மயம்ஹா அவுட்டா²பனீயா’தி வரஸெய்யாயோ பலிபு³த்³தெ⁴ந்தி [பலிபு³ந்த⁴ந்தி (க॰)]. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, கி³லானஸ்ஸ பதிரூபங் ஸெய்யங் தா³து’’ந்தி.

தேன கோ² பன ஸமயேன ச²ப்³ப³க்³கி³யா பி⁴க்கூ² லேஸகப்பேன
ஸேனாஸனங் படிபா³ஹந்தி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
லேஸகப்பேன ஸேனாஸனங் படிபா³ஹிதப்³ப³ங். யோ படிபா³ஹெய்ய, ஆபத்தி
து³க்கடஸ்ஸா’’தி.

[பாசி॰ 122] தேன கோ² பன
ஸமயேன ஸத்தரஸவக்³கி³யா பி⁴க்கூ² அஞ்ஞதரங் பச்சந்திமங் மஹாவிஹாரங்
படிஸங்க²ரொந்தி – ‘இத⁴ மயங் வஸ்ஸங் வஸிஸ்ஸாமா’தி. அத்³த³ஸங்ஸு [அத்³த³ஸாஸுங் (க॰)] கோ² ச²ப்³ப³க்³கி³யா பி⁴க்கூ² ஸத்தரஸவக்³கி³யே பி⁴க்கூ² விஹாரங் [அஞ்ஞதரங் விஹாரங் (க॰)]
படிஸங்க²ரொந்தே. தி³ஸ்வான ஏவமாஹங்ஸு – ‘‘இமே, ஆவுஸோ, ஸத்தரஸவக்³கி³யா
பி⁴க்கூ² விஹாரங் படிஸங்க²ரொந்தி. ஹந்த³ நே வுட்டா²பெஸ்ஸாமா’’தி. ஏகச்சே
ஏவமாஹங்ஸு – ‘‘ஆக³மேதா²வுஸோ, யாவ படிஸங்க²ரொந்தி, படிஸங்க²தே
வுட்டா²பெஸ்ஸாமா’’தி. அத² கோ² ச²ப்³ப³க்³கி³யா பி⁴க்கூ² ஸத்தரஸவக்³கி³யே
பி⁴க்கூ² ஏதத³வோசுங் – ‘‘உட்டே²தா²வுஸோ, அம்ஹாகங் விஹாரோ பாபுணாதீ’’தி.
‘‘நனு, ஆவுஸோ, படிகச்சேவ ஆசிக்கி²தப்³ப³ங்? மயஞ்சஞ்ஞங்
படிஸங்க²ரெய்யாமா’’தி. ‘‘நனு, ஆவுஸோ, ஸங்கி⁴கோ விஹாரோ’’தி? ‘‘ஆமாவுஸோ,
ஸங்கி⁴கோ விஹாரோ’’தி. ‘‘உட்டே²தா²வுஸோ, அம்ஹாகங் விஹாரோ பாபுணாதீ’’தி.
‘‘மஹல்லகோ, ஆவுஸோ, விஹாரோ; தும்ஹேபி வஸத², மயம்பி வஸிஸ்ஸாமா’’தி.
‘‘உட்டே²தா²வுஸோ, அம்ஹாகங் விஹாரோ பாபுணாதீ’’தி குபிதா அனத்தமனா கீ³வாயங்
க³ஹெத்வா நிக்கட்³ட⁴ந்தி. தே நிக்கட்³டி⁴யமானா ரோத³ந்தி. பி⁴க்கூ²
ஏவமாஹங்ஸு – ‘‘கிஸ்ஸ தும்ஹே, ஆவுஸோ, ரோத³தா²’’தி? ‘‘இமே, ஆவுஸோ,
ச²ப்³ப³க்³கி³யா பி⁴க்கூ² குபிதா அனத்தமனா அம்ஹே
ஸங்கி⁴கா விஹாரா நிக்கட்³ட⁴ந்தீ’’தி. யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா
பி⁴க்கூ² குபிதா அனத்தமனா பி⁴க்கூ² ஸங்கி⁴கா விஹாரா
நிக்கட்³டி⁴ஸ்ஸந்தீ’’தி! அத² கோ² தே பி⁴க்கூ² ப⁴க³வதோ ஏதமத்த²ங்
ஆரோசேஸுங்…பே॰… ‘‘ஸச்சங் கிர, தும்ஹே பி⁴க்க²வே, குபிதா அனத்தமனா ஸங்கி⁴கா
விஹாரா பி⁴க்கூ² நிக்கட்³ட⁴தா²’’தி? ‘‘ஸச்சங் ப⁴க³வா’’தி…பே॰…
விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘ந,
பி⁴க்க²வே, குபிதேன
அனத்தமனேன பி⁴க்கு² ஸங்கி⁴கா விஹாரா நிக்கட்³டி⁴தப்³போ³. யோ
நிக்கட்³டெ⁴ய்ய, யதா²த⁴ம்மோ காரேதப்³போ³. அனுஜானாமி, பி⁴க்க²வே, ஸேனாஸனங்
கா³ஹேது’’ந்தி.

ஸேனாஸனக்³கா³ஹாபகஸம்முதி

317. அத² கோ² பி⁴க்கூ²னங் ஏதத³ஹோஸி – ‘கேன நு கோ² ஸேனாஸனங் கா³ஹேதப்³ப³’’ந்தி? ப⁴க³வதோ ஏதமத்த²ங் ஆரோசேஸுங் …பே॰…
‘‘அனுஜானாமி, பி⁴க்க²வே, பஞ்சஹங்கே³ஹி ஸமன்னாக³தங் பி⁴க்கு²ங்
ஸேனாஸனக்³கா³ஹாபகங் ஸம்மன்னிதுங் – யோ ந ச²ந்தா³க³திங் க³ச்செ²ய்ய, ந
தோ³ஸாக³திங் க³ச்செ²ய்ய, ந மோஹாக³திங் க³ச்செ²ய்ய, ந ப⁴யாக³திங்
க³ச்செ²ய்ய, க³ஹிதாக³ஹிதஞ்ச ஜானெய்ய. ஏவஞ்ச பன, பி⁴க்க²வே, ஸம்மன்னிதப்³போ³

‘‘பட²மங் பி⁴க்கு² யாசிதப்³போ³, யாசித்வா ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் பி⁴க்கு²ங் ஸேனாஸனக்³கா³ஹாபகங் ஸம்மன்னெய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. ஸங்கோ⁴ இத்த²ன்னாமங்
பி⁴க்கு²ங் ஸேனாஸனக்³கா³ஹாபகங் ஸம்மன்னதி. யஸ்ஸாயஸ்மதோ க²மதி இத்த²ன்னாமஸ்ஸ
பி⁴க்கு²னோ ஸேனாஸனக்³கா³ஹாபகஸ்ஸ ஸம்முதி, ஸோ துண்ஹஸ்ஸ; யஸ்ஸ நக்க²மதி, ஸோ
பா⁴ஸெய்ய.

‘‘ஸம்மதோ ஸங்கே⁴ன இத்த²ன்னாமோ பி⁴க்கு² ஸேனாஸனக்³கா³ஹாபகோ. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி .

318.
அத² கோ² ஸேனாஸனக்³கா³ஹாபகானங் பி⁴க்கூ²னங் ஏதத³ஹோஸி – ‘‘கத²ங் நு கோ²
ஸேனாஸனங் கா³ஹேதப்³ப³’’ந்தி? ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, பட²மங் பி⁴க்கூ² க³ணேதுங் , பி⁴க்கூ²
க³ணெத்வா ஸெய்யா க³ணேதுங், ஸெய்யா க³ணெத்வா ஸெய்யக்³கே³ன கா³ஹேது’’ந்தி.
ஸெய்யக்³கே³ன கா³ஹெந்தா ஸெய்யா உஸ்ஸாரயிங்ஸு…பே॰… ‘‘அனுஜானாமி, பி⁴க்க²வே,
விஹாரக்³கே³ன கா³ஹேது’’ந்தி. விஹாரக்³கே³ன கா³ஹெந்தா விஹாரா
உஸ்ஸாரயிங்ஸு…பே॰… ‘‘அனுஜானாமி, பி⁴க்க²வே, பரிவேணக்³கே³ன கா³ஹேது’’ந்தி.
பரிவேணக்³கே³ன கா³ஹெந்தா பரிவேணா உஸ்ஸாரயிங்ஸு…பே॰… ‘‘அனுஜானாமி,
பி⁴க்க²வே, அனுபா⁴க³ம்பி தா³துங். க³ஹிதே அனுபா⁴கே³ அஞ்ஞோ பி⁴க்கு²
ஆக³ச்ச²தி, ந அகாமா தா³தப்³போ³’’தி.

தேன கோ² பன ஸமயேன பி⁴க்கூ²
நிஸ்ஸீமே டி²தஸ்ஸ ஸேனாஸனங் கா³ஹெந்தி. ப⁴க³வதோ ஏதமத்த²ங் ஆரோசேஸுங். ‘‘ந,
பி⁴க்க²வே, நிஸ்ஸீமே டி²தஸ்ஸ ஸேனாஸனங் கா³ஹேதப்³ப³ங். யோ கா³ஹெய்ய, ஆபத்தி
து³க்கடஸ்ஸா’’தி.

தேன கோ² பன ஸமயேன பி⁴க்கூ² ஸேனாஸனங் க³ஹெத்வா
ஸப்³ப³காலங் படிபா³ஹந்தி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
ஸேனாஸனங் க³ஹெத்வா ஸப்³ப³காலங் படிபா³ஹேதப்³ப³ங். யோ படிபா³ஹெய்ய, ஆபத்தி
து³க்கடஸ்ஸ. அனுஜானாமி, பி⁴க்க²வே, வஸ்ஸானங் தேமாஸங் படிபா³ஹிதுங், உதுகாலங் பன ந படிபா³ஹிது’’ந்தி.

அத² கோ² பி⁴க்கூ²னங் ஏதத³ஹோஸி – ‘‘கதி நு கோ²
ஸேனாஸனக்³கா³ஹா’’தி? ப⁴க³வதோ ஏதமத்த²ங் ஆரோசேஸுங். ‘‘தயோ மே, பி⁴க்க²வே,
ஸேனாஸனக்³கா³ஹா – புரிமகோ, பச்சி²மகோ, அந்தராமுத்தகோ. அபரஜ்ஜுக³தாய
ஆஸாள்ஹியா புரிமகோ கா³ஹேதப்³போ³. மாஸக³தாய ஆஸாள்ஹியா பச்சி²மகோ
கா³ஹேதப்³போ³. அபரஜ்ஜுக³தாய பவாரணாய ஆயதிங் வஸ்ஸாவாஸத்தா²ய அந்தராமுத்தகோ
கா³ஹேதப்³போ³. இமே கோ², பி⁴க்க²வே, தயோ ஸேனாஸனக்³கா³ஹா’’தி.

து³தியபா⁴ணவாரோ நிட்டி²தோ.

3. ததியபா⁴ணவாரோ

319. தேன
கோ² பன ஸமயேன ஆயஸ்மா உபனந்தோ³ ஸக்யபுத்தோ ஸாவத்தி²யங் ஸேனாஸனங் க³ஹெத்வா
அஞ்ஞதரங் கா³மகாவாஸங் அக³மாஸி. தத்த²பி ஸேனாஸனங் அக்³க³ஹேஸி. அத² கோ² தேஸங்
பி⁴க்கூ²னங் ஏதத³ஹோஸி – ‘‘அயங், ஆவுஸோ, ஆயஸ்மா உபனந்தோ³ ஸக்யபுத்தோ
ப⁴ண்ட³னகாரகோ கலஹகாரகோ விவாத³காரகோ ப⁴ஸ்ஸகாரகோ ஸங்கே⁴ அதி⁴கரணகாரகோ. ஸசாயங்
இத⁴ வஸ்ஸங் வஸிஸ்ஸதி, ஸப்³பே³வ மயங் ந பா²ஸு ப⁴விஸ்ஸாம. ஹந்த³ நங்
புச்சா²மா’’தி. அத² கோ² தே பி⁴க்கூ² ஆயஸ்மந்தங்
உபனந்த³ங் ஸக்யபுத்தங் ஏதத³வோசுங் – ‘‘நனு தயா, ஆவுஸோ உபனந்த³, ஸாவத்தி²யங்
ஸேனாஸனங் க³ஹித’’ந்தி? ‘‘ஏவமாவுஸோ’’தி. ‘‘கிங் பன த்வங், ஆவுஸோ உபனந்த³,
ஏகோ த்³வே படிபா³ஹஸீ’’தி? ‘‘இத⁴தா³னாஹங் ஆவுஸோ, முஞ்சாமி; தத்த²
க³ண்ஹாமீ’’தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா உபனந்தோ³ ஸக்யபுத்தோ
ஏகோ த்³வே படிபா³ஹெஸ்ஸதீ’’தி! ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங்
கிர த்வங், உபனந்த³, ஏகோ த்³வே படிபா³ஹஸீ’’தி? ‘‘ஸச்சங் ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… ‘‘கத²ஞ்ஹி நாம த்வங், மோக⁴புரிஸ, ஏகோ த்³வே
படிபா³ஹிஸ்ஸஸி? தத்த² தயா, மோக⁴புரிஸ, க³ஹிதங் இத⁴ முத்தங், இத⁴ தயா
க³ஹிதங் தத்ர முத்தங். ஏவங் கோ² த்வங், மோக⁴புரிஸ, உப⁴யத்த² பரிபா³ஹிரோ.
நேதங், மோக⁴புரிஸ, அப்பஸன்னானங் வா பஸாதா³ய…பே॰… விக³ரஹித்வா…பே॰… த⁴ம்மிங்
கத²ங் கத்வா பி⁴க்கூ² ஆமந்தேஸி – ‘‘ந, பி⁴க்க²வே, ஏகேன த்³வே
படிபா³ஹேதப்³பா³. யோ படிபா³ஹெய்ய, ஆபத்தி து³க்கடஸ்ஸா’’தி.

320. [பாசி॰ 438]
தேன கோ² பன ஸமயேன ப⁴க³வா பி⁴க்கூ²னங் அனேகபரியாயேன வினயகத²ங் கதே²தி,
வினயஸ்ஸ வண்ணங் பா⁴ஸதி, வினயபரியத்தியா வண்ணங் பா⁴ஸதி, ஆதி³ஸ்ஸ ஆதி³ஸ்ஸ
ஆயஸ்மதோ உபாலிஸ்ஸ வண்ணங் பா⁴ஸதி. பி⁴க்கூ²னங் ஏதத³ஹோஸி – ‘‘ப⁴க³வா கோ²
அனேகபரியாயேன வினயகத²ங் கதே²தி, வினயஸ்ஸ வண்ணங் பா⁴ஸதி, வினயபரியத்தியா
வண்ணங் பா⁴ஸதி, ஆதி³ஸ்ஸ ஆதி³ஸ்ஸ ஆயஸ்மதோ உபாலிஸ்ஸ வண்ணங் பா⁴ஸதி. ஹந்த³
மயங், ஆவுஸோ, ஆயஸ்மதோ உபாலிஸ்ஸ ஸந்திகே வினயங் பரியாபுணாமா’’தி. தேத⁴ [தே ச (ஸ்யா॰ க॰)] ப³ஹூ பி⁴க்கூ² தே²ரா ச நவா ச மஜ்ஜி²மா ச ஆயஸ்மதோ உபாலிஸ்ஸ
ஸந்திகே வினயங் பரியாபுணந்தி. ஆயஸ்மா உபாலி டி²தகோவ உத்³தி³ஸதி தே²ரானங்
பி⁴க்கூ²னங் கா³ரவேன. தே²ராபி பி⁴க்கூ² டி²தகாவ உத்³தி³ஸாபெந்தி
த⁴ம்மகா³ரவேன. தத்த² தே²ரா சேவ பி⁴க்கூ² கிலமந்தி, ஆயஸ்மா ச உபாலி கிலமதி.
ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, நவகேன பி⁴க்கு²னா
உத்³தி³ஸந்தேன ஸமகே வா ஆஸனே நிஸீதி³துங், உச்சதரே வா த⁴ம்மகா³ரவேன; தே²ரேன
பி⁴க்கு²னா உத்³தி³ஸாபெந்தேன ஸமகே வா ஆஸனே நிஸீதி³துங், நீசதரே வா
த⁴ம்மகா³ரவேனா’’தி.

தேன கோ² பன ஸமயேன ப³ஹூ பி⁴க்கூ² ஆயஸ்மதோ உபாலிஸ்ஸ
ஸந்திகே டி²தகா உத்³தே³ஸங் படிமானெந்தா கிலமந்தி. ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, ஸமானாஸனிகேஹி ஸஹ நிஸீதி³து’’ந்தி. அத²
கோ² பி⁴க்கூ²னங் ஏதத³ஹோஸி – ‘‘கித்தாவதா நு கோ² ஸமானாஸனிகோ ஹோதீ’’தி?
ப⁴க³வதோ ஏதமத்த²ங் ஆரோசேஸுங் – ‘‘அனுஜானாமி, பி⁴க்க²வே, திவஸ்ஸந்தரேன ஸஹ
நிஸீதி³து’’ந்தி.

தேன கோ² பன ஸமயேன ஸம்ப³ஹுலா பி⁴க்கூ² ஸமானாஸனிகா மஞ்சே [ஏகமஞ்சே (ஸ்யா॰)] நிஸீதி³த்வா மஞ்சங் பி⁴ந்தி³ங்ஸு, பீடே² [ஏகபீடே² (ஸ்யா॰)] நிஸீதி³த்வா பீட²ங் பி⁴ந்தி³ங்ஸு. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, திவக்³க³ஸ்ஸ
மஞ்சங், திவக்³க³ஸ்ஸ பீட²’’ந்தி. திவக்³கோ³பி மஞ்சே நிஸீதி³த்வா மஞ்சங்
பி⁴ந்தி³, பீடே² நிஸீதி³த்வா பீட²ங் பி⁴ந்தி³…பே॰… ‘‘அனுஜானாமி, பி⁴க்க²வே,
து³வக்³க³ஸ்ஸ மஞ்சங், து³வக்³க³ஸ்ஸ பீட²’’ந்தி.

தேன கோ² பன ஸமயேன பி⁴க்கூ² அஸமானாஸனிகேஹி ஸஹ தீ³கா⁴ஸனே
நிஸீதி³துங் குக்குச்சாயந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, ட²பெத்வா பண்ட³கங், மாதுகா³மங், உப⁴தொப்³யஞ்ஜனகங்,
அஸமானாஸனிகேஹி ஸஹ தீ³கா⁴ஸனே நிஸீதி³து’’ந்தி. அத² கோ² பி⁴க்கூ²னங் ஏதத³ஹோஸி
– ‘‘கித்தகங் பச்சி²மங் நு கோ² தீ³கா⁴ஸனங் ஹோதீ’’தி? ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, யங் திண்ணங் பஹோதி, எத்தகங் பச்சி²மங்
தீ³கா⁴ஸன’’ந்தி.

தேன கோ² பன ஸமயேன விஸாகா² மிகா³ரமாதா ஸங்க⁴ஸ்ஸ அத்தா²ய
ஸாளிந்த³ங் பாஸாத³ங் காராபேதுகாமா ஹோதி ஹத்தி²னக²கங். அத² கோ² பி⁴க்கூ²னங்
ஏதத³ஹோஸி – ‘‘கிங் நு கோ² ப⁴க³வதா பாஸாத³பரிபோ⁴கோ³ அனுஞ்ஞாதோ கிங்
அனநுஞ்ஞாதோ’’தி? ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
ஸப்³ப³ங் பாஸாத³பரிபோ⁴க³’’ந்தி.

தேன கோ² பன ஸமயேன ரஞ்ஞோ பஸேனதி³ஸ்ஸ கோஸலஸ்ஸ அய்யிகா
காலங்கதா ஹோதி. தஸ்ஸ காலங்கிரியாய ஸங்க⁴ஸ்ஸ ப³ஹுங் அகப்பியப⁴ண்ட³ங்
உப்பன்னங் ஹோதி, ஸெய்யதி²த³ங் – ஆஸந்தி³, பல்லங்கோ, கோ³னகோ ,
சித்தகோ, படிகா, படலிகா, தூலிகா, விகதிகா, உத்³த³லோமீ, ஏகந்தலோமீ,
கட்டிஸ்ஸங், கோஸெய்யங், குத்தகங், ஹத்த²த்த²ரங், அஸ்ஸத்த²ரங், ரத²த்த²ரங்,
அஜினப்பவேணி, கத³லிமிக³ப்பவரபச்சத்த²ரணங், ஸஉத்தரச்ச²த³ங்,
உப⁴தோலோஹிதகூபதா⁴னங். ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, ஆஸந்தி³யா பாதே³ சி²ந்தி³த்வா பரிபு⁴ஞ்ஜிதுங், பல்லங்கஸ்ஸ வாளே பி⁴ந்தி³த்வா பரிபு⁴ஞ்ஜிதுங், தூலிகங் விஜடெத்வா பி³ப்³போ³ஹனங் காதுங், அவஸேஸங் பூ⁴மத்த²ரணங் [ஸும்மத்த²ரணங் (ஸீ॰ ஸ்யா॰)] காது’’ந்தி.

அவிஸ்ஸஜ்ஜியவத்து²

321. தேன
கோ² பன ஸமயேன ஸாவத்தி²யா அவிதூ³ரே அஞ்ஞதரஸ்மிங் கா³மகாவாஸே ஆவாஸிகா
பி⁴க்கூ² உபத்³து³தா ஹொந்தி ஆக³ந்துகக³மிகானங் பி⁴க்கூ²னங் ஸேனாஸனங்
பஞ்ஞபெந்தா. அத² கோ² தேஸங் பி⁴க்கூ²னங் ஏதத³ஹோஸி – ‘‘ஏதரஹி கோ² மயங்,
ஆவுஸோ, உபத்³து³தா ஆக³ந்துகக³மிகானங் பி⁴க்கூ²னங் ஸேனாஸனங் பஞ்ஞபெந்தா.
ஹந்த³ மயங், ஆவுஸோ, ஸப்³ப³ங் ஸங்கி⁴கங் ஸேனாஸனங் ஏகஸ்ஸ தே³ம. தஸ்ஸ
ஸந்தகங் பரிபு⁴ஞ்ஜிஸ்ஸாமா’’தி. தே ஸப்³ப³ங் ஸங்கி⁴கங் ஸேனாஸனங் ஏகஸ்ஸ
அத³ங்ஸு. ஆக³ந்துகா பி⁴க்கூ² தே பி⁴க்கூ² ஏதத³வோசுங் – ‘‘அம்ஹாகங், ஆவுஸோ,
ஸேனாஸனங் பஞ்ஞாபேதா²’’தி. ‘‘நத்தா²வுஸோ, ஸங்கி⁴கங் ஸேனாஸனங்; ஸப்³ப³ங்
அம்ஹேஹி ஏகஸ்ஸ தி³ன்ன’’ந்தி. ‘‘கிங் பன தும்ஹே, ஆவுஸோ, ஸங்கி⁴கங் ஸேனாஸனங்
விஸ்ஸஜ்ஜேதா²’’தி? ‘‘ஏவமாவுஸோ’’தி. யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கூ² ஸங்கி⁴கங்
ஸேனாஸனங் விஸ்ஸஜ்ஜெஸ்ஸந்தீ’’தி [விஸ்ஸஜ்ஜிஸ்ஸந்தீதி (க॰)]! அத² கோ² தே பி⁴க்கூ² ப⁴க³வதோ ஏதமத்த²ங்
ஆரோசேஸுங்…பே॰… ‘‘ஸச்சங் கிர, பி⁴க்க²வே, பி⁴க்கூ² ஸங்கி⁴கங் ஸேனாஸனங்
விஸ்ஸஜ்ஜெந்தீ’’தி? ‘‘ஸச்சங் ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
‘‘கத²ஞ்ஹி நாம தே, பி⁴க்க²வே, மோக⁴புரிஸா ஸங்கி⁴கங் ஸேனாஸனங்
விஸ்ஸஜ்ஜெஸ்ஸந்தி? நேதங், பி⁴க்க²வே, அப்பஸன்னானங் வா பஸாதா³ய…பே॰…
விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி –

‘‘பஞ்சிமானி, பி⁴க்க²வே, அவிஸ்ஸஜ்ஜியானி, ந விஸ்ஸஜ்ஜேதப்³பா³னி [ந விஸ்ஸஜ்ஜிதப்³பா³னி (க॰)],
ஸங்கே⁴ன வா க³ணேன வா புக்³க³லேன வா. விஸ்ஸஜ்ஜிதானிபி அவிஸ்ஸஜ்ஜிதானி
ஹொந்தி. யோ விஸ்ஸஜ்ஜெய்ய, ஆபத்தி து²ல்லச்சயஸ்ஸ. கதமானி பஞ்ச? ஆராமோ,
ஆராமவத்து² – இத³ங் பட²மங் அவிஸ்ஸஜ்ஜியங், ந விஸ்ஸஜ்ஜேதப்³ப³ங், ஸங்கே⁴ன வா
க³ணேன வா புக்³க³லேன வா. விஸ்ஸஜ்ஜிதம்பி அவிஸ்ஸஜ்ஜிதங் ஹோதி. யோ
விஸ்ஸஜ்ஜெய்ய, ஆபத்தி து²ல்லச்சயஸ்ஸ.

‘‘விஹாரோ, விஹாரவத்து² – இத³ங் து³தியங்
அவிஸ்ஸஜ்ஜியங், ந விஸ்ஸஜ்ஜேதப்³ப³ங், ஸங்கே⁴ன வா க³ணேன வா புக்³க³ல்லேன வா.
விஸ்ஸஜ்ஜிதம்பி அவிஸ்ஸஜ்ஜிதங் ஹோதி. யோ விஸ்ஸஜ்ஜெய்ய, ஆபத்தி
து²ல்லச்சயஸ்ஸ.

‘‘மஞ்சோ, பீட²ங், பி⁴ஸி, பி³ப்³போ³ஹனங் – இத³ங் ததியங்
அவிஸ்ஸஜ்ஜியங், ந விஸ்ஸஜ்ஜேதப்³ப³ங், ஸங்கே⁴ன வா க³ணேன வா புக்³க³லேன வா.
விஸ்ஸஜ்ஜிதம்பி அவிஸ்ஸஜ்ஜிதங் ஹோதி. யோ விஸ்ஸஜ்ஜெய்ய, ஆபத்தி
து²ல்லச்சயஸ்ஸ.

‘‘லோஹகும்பீ⁴ , லோஹபா⁴ணகங், லோஹவாரகோ, லோஹகடாஹங், வாஸி, பரஸு [ப²ரஸு (ஸீ॰ ஸ்யா॰ க॰)], குடா²ரீ [குதா⁴ரீ (க॰)],
குதா³லோ, நிகா²த³னங் – இத³ங் சதுத்த²ங் அவிஸ்ஸஜ்ஜியங், ந
விஸ்ஸஜ்ஜேதப்³ப³ங், ஸங்கே⁴ன வா க³ணேன வா புக்³க³லேன வா. விஸ்ஸஜ்ஜிதம்பி
அவிஸ்ஸஜ்ஜிதங் ஹோதி. யோ விஸ்ஸஜ்ஜெய்ய, ஆபத்தி து²ல்லச்சயஸ்ஸ.

‘‘வல்லி, வேளு, முஞ்ஜங், பப்³ப³ஜங் [ப³ப்³ப³ஜங் (ஸீ॰)], திணங், மத்திகா, தா³ருப⁴ண்ட³ங், மத்திகாப⁴ண்ட³ங் – இத³ங் பஞ்சமங்
அவிஸ்ஸஜ்ஜியங், ந விஸ்ஸஜ்ஜேதப்³ப³ங், ஸங்கே⁴ன வா க³ணேன வா புக்³க³லேன வா.
விஸ்ஸஜ்ஜிதம்பி அவிஸ்ஸஜ்ஜிதங் ஹோதி. யோ விஸ்ஸஜ்ஜெய்ய, ஆபத்தி
து²ல்லச்சயஸ்ஸ. இமானி கோ², பி⁴க்க²வே, பஞ்ச அவிஸ்ஸஜ்ஜியானி, ந
விஸ்ஸஜ்ஜேதப்³பா³னி, ஸங்கே⁴ன வா க³ணேன வா புக்³க³லேன வா. விஸ்ஸஜ்ஜிதானிபி
அவிஸ்ஸஜ்ஜிதானி ஹொந்தி. யோ விஸ்ஸஜ்ஜெய்ய, ஆபத்தி து²ல்லச்சயஸ்ஸா’’தி.

அவேப⁴ங்கி³யவத்து²

322. அத² கோ² ப⁴க³வா ஸாவத்தி²யங் யதா²பி⁴ரந்தங் விஹரித்வா
யேன கீடாகி³ரி தேன சாரிகங் பக்காமி மஹதா பி⁴க்கு²ஸங்கே⁴ன ஸத்³தி⁴ங்
பஞ்சமத்தேஹி பி⁴க்கு²ஸதேஹி ஸாரிபுத்தமொக்³க³ல்லானேஹி ச. அஸ்ஸோஸுங் கோ²
அஸ்ஸஜிபுனப்³ப³ஸுகா பி⁴க்கூ² – ‘‘ப⁴க³வா கிர கீடாகி³ரிங் ஆக³ச்ச²தி மஹதா
பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி பி⁴க்கு²ஸதேஹி
ஸாரிபுத்தமொக்³க³ல்லானேஹி ச’’. ‘‘ஹந்த³ மயங், ஆவுஸோ, ஸப்³ப³ங் ஸங்கி⁴கங்
ஸேனாஸனங் பா⁴ஜேம. பாபிச்சா² ஸாரிபுத்தமொக்³க³ல்லானா, பாபிகானங் இச்சா²னங்
வஸங் க³தா; ந மயங் தேஸங் ஸேனாஸனங் பஞ்ஞபெஸ்ஸாமா’’தி, தே ஸப்³ப³ங் ஸங்கி⁴கங்
ஸேனாஸனங் பா⁴ஜேஸுங். அத² கோ² ப⁴க³வா அனுபுப்³பே³ன சாரிகங் சரமானோ யேன
கீடாகி³ரி தத³வஸரி. அத² கோ² ப⁴க³வா ஸம்ப³ஹுலே பி⁴க்கூ² ஆமந்தேஸி –
‘‘க³ச்ச²த² தும்ஹே, பி⁴க்க²வே; அஸ்ஸஜிபுனப்³ப³ஸுகே பி⁴க்கூ² உபஸங்கமித்வா
ஏவங் வதே³த² – ‘ப⁴க³வா, ஆவுஸோ, ஆக³ச்ச²தி மஹதா பி⁴க்கு²ஸங்கே⁴ன ஸத்³தி⁴ங்
பஞ்சமத்தேஹி பி⁴க்கு²ஸதேஹி ஸாரிபுத்தமொக்³க³ல்லானேஹி ச. ப⁴க³வதோ ச, ஆவுஸோ,
ஸேனாஸனங் பஞ்ஞபேத², பி⁴க்கு²ஸங்க⁴ஸ்ஸ ச, ஸாரிபுத்தமொக்³க³ல்லானானஞ்சா’’’தி.
‘‘ஏவங் ப⁴ந்தே’’தி கோ² தே பி⁴க்கூ² ப⁴க³வதோ படிஸ்ஸுத்வா யேன
அஸ்ஸஜிபுனப்³ப³ஸுகா பி⁴க்கூ² தேனுபஸங்கமிங்ஸு, உபஸங்கமித்வா
அஸ்ஸஜிபுனப்³ப³ஸுகே பி⁴க்கூ² ஏதத³வோசுங் – ‘‘ப⁴க³வா, ஆவுஸோ, ஆக³ச்ச²தி மஹதா
பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி பி⁴க்கு²ஸதேஹி
ஸாரிபுத்தமொக்³க³ல்லானேஹி ச . ப⁴க³வதோ ச, ஆவுஸோ, ஸேனாஸனங்
பஞ்ஞபேத², பி⁴க்கு²ஸங்க⁴ஸ்ஸ ச, ஸாரிபுத்தமொக்³க³ல்லானானஞ்சா’’தி.
‘‘நத்தா²வுஸோ, ஸங்கி⁴கங் ஸேனாஸனங். ஸப்³ப³ங் அம்ஹேஹி பா⁴ஜிதங். ஸ்வாக³தங்,
ஆவுஸோ, ப⁴க³வதோ. யஸ்மிங் விஹாரே ப⁴க³வா இச்சி²ஸ்ஸதி தஸ்மிங் விஹாரே
வஸிஸ்ஸதி. பாபிச்சா² ஸாரிபுத்தமொக்³க³ல்லானா, பாபிகானங் இச்சா²னங் வஸங்
க³தா. ந மயங் தேஸங் ஸேனாஸனங் பஞ்ஞபெஸ்ஸாமா’’தி. ‘‘கிங் பன தும்ஹே, ஆவுஸோ,
ஸங்கி⁴கங் ஸேனாஸனங் பா⁴ஜித்தா²’’தி? ‘‘ஏவமாவுஸோ’’தி. யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
அஸ்ஸஜிபுனப்³ப³ஸுகா பி⁴க்கூ² ஸங்கி⁴கங் ஸேனாஸனங் பா⁴ஜெஸ்ஸந்தீ’’தி! அத² கோ²
தே பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰… ஸச்சங் கிர, பி⁴க்க²வே…பே॰…
‘‘ஸச்சங் ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… ‘‘கத²ஞ்ஹி நாம
தே, பி⁴க்க²வே, மோக⁴புரிஸா ஸங்கி⁴கங் ஸேனாஸனங் பா⁴ஜெஸ்ஸந்தி? நேதங்,
பி⁴க்க²வே, அப்பஸன்னானங் வா பஸாதா³ய…பே॰… விக³ரஹித்வா…பே॰… த⁴ம்மிங் கத²ங்
கத்வா பி⁴க்கூ² ஆமந்தேஸி –

‘‘பஞ்சிமானி, பி⁴க்க²வே, அவேப⁴ங்கி³யானி [அவேப⁴ங்கி³கானி (க॰)], ந விப⁴ஜிதப்³பா³னி, ஸங்கே⁴ன வா க³ணேன வா புக்³க³லேன
வா. விப⁴த்தானிபி அவிப⁴த்தானி ஹொந்தி. யோ விப⁴ஜெய்ய, ஆபத்தி
து²ல்லச்சயஸ்ஸ. கதமானி பஞ்ச? ஆராமோ, ஆராமவத்து² – இத³ங் பட²மங்
அவேப⁴ங்கி³யங், ந விப⁴ஜிதப்³ப³ங், ஸங்கே⁴ன வா க³ணேன வா புக்³க³லேன வா.
விப⁴த்தம்பி அவிப⁴த்தங் ஹோதி. யோ விப⁴ஜெய்ய, ஆபத்தி து²ல்லச்சயஸ்ஸ.

‘‘விஹாரோ, விஹாரவத்து² – இத³ங் து³தியங்
அவேப⁴ங்கி³யங், ந விப⁴ஜிதப்³ப³ங், ஸங்கே⁴ன வா க³ணேன வா புக்³க³லேன வா.
விப⁴த்தம்பி அவிப⁴த்தங் ஹோதி. யோ விப⁴ஜெய்ய, ஆபத்தி து²ல்லச்சயஸ்ஸ.

‘‘மஞ்சோ, பீட²ங், பி⁴ஸி, பி³ப்³போ³ஹனங் – இத³ங் ததியங்
அவேப⁴ங்கி³யங், ந விப⁴ஜிதப்³ப³ங், ஸங்கே⁴ன வா க³ணேன வா புக்³க³லேன வா.
விப⁴த்தம்பி அவிப⁴த்தங் ஹோதி. யோ விப⁴ஜெய்ய, ஆபத்தி து²ல்லச்சயஸ்ஸ.

‘‘லோஹகும்பீ⁴, லோஹபா⁴ணகங், லோஹவாரகோ, லோஹகடாஹங், வாஸீ,
பரஸு, குடா²ரீ, குதா³லோ, நிகா²த³னங் – இத³ங் சதுத்த²ங் அவேப⁴ங்கி³யங், ந
விப⁴ஜிதப்³ப³ங், ஸங்கே⁴ன வா க³ணேன வா புக்³க³லேன வா. விப⁴த்தம்பி
அவிப⁴த்தங் ஹோதி. யோ விப⁴ஜெய்ய, ஆபத்தி து²ல்லச்சயஸ்ஸ.

‘‘வல்லீ, வேளு, முஞ்ஜங், பப்³ப³ஜங், திணங், மத்திகா,
தா³ருப⁴ண்ட³ங், மத்திகாப⁴ண்ட³ங் – இத³ங் பஞ்சமங் அவேப⁴ங்கி³யங், ந
விப⁴ஜிதப்³ப³ங், ஸங்கே⁴ன வா க³ணேன வா புக்³க³லேன வா. விப⁴த்தம்பி
அவிப⁴த்தங் ஹோதி. யோ விப⁴ஜெய்ய, ஆபத்தி து²ல்லச்சயஸ்ஸ. இமானி கோ²,
பி⁴க்க²வே, பஞ்ச அவேப⁴ங்கி³யானி, ந விப⁴ஜிதப்³பா³னி, ஸங்கே⁴ன வா க³ணேன வா
புக்³க³லேன வா. விப⁴த்தானிபி அவிப⁴த்தானி ஹொந்தி. யோ விப⁴ஜெய்ய, ஆபத்தி
து²ல்லச்சயஸ்ஸா’’தி.

நவகம்மதா³னகதா²

323. அத²
கோ² ப⁴க³வா கீடாகி³ரிஸ்மிங் யதா²பி⁴ரந்தங் விஹரித்வா யேன ஆளவீ தேன சாரிகங்
பக்காமி. அனுபுப்³பே³ன சாரிகங் சரமானோ யேன ஆளவீ தத³வஸரி. தத்ர ஸுத³ங்
ப⁴க³வா ஆளவியங் விஹரதி அக்³கா³ளவே சேதியே. தேன கோ² பன ஸமயேன ஆளவகா [ஆளவிகா (ஸ்யா॰ க॰)] பி⁴க்கூ² ஏவரூபானி நவகம்மானி
தெ³ந்தி – பிண்ட³னிக்கே²பனமத்தேனபி நவகம்மங் தெ³ந்தி; குட்டலேபனமத்தேனபி
நவகம்மங் தெ³ந்தி; த்³வாரட்ட²பனமத்தேனபி நவகம்மங் தெ³ந்தி;
அக்³க³ளவட்டிகரணமத்தேனபி நவகம்மங் தெ³ந்தி; ஆலோகஸந்தி⁴கரணமத்தேனபி நவகம்மங்
தெ³ந்தி; ஸேதவண்ணகரணமத்தேனபி நவகம்மங் தெ³ந்தி; காளவண்ணகரணமத்தேனபி
நவகம்மங் தெ³ந்தி; கே³ருகபரிகம்மகரணமத்தேனபி நவகம்மங் தெ³ந்தி;
சா²த³னமத்தேனபி நவகம்மங் தெ³ந்தி; ப³ந்த⁴னமத்தேனபி நவகம்மங் தெ³ந்தி;
ப⁴ண்டி³காட்ட²பனமத்தேனபி நவகம்மங் தெ³ந்தி; க²ண்ட³பு²ல்லபடிஸங்க²ரணமத்தேனபி
நவகம்மங் தெ³ந்தி; பரிப⁴ண்ட³கரணமத்தேனபி நவகம்மங் தெ³ந்தி;
வீஸதிவஸ்ஸிகம்பி நவகம்மங் தெ³ந்தி; திங்ஸவஸ்ஸிகம்பி நவகம்மங் தெ³ந்தி;
யாவஜீவிகம்பி நவகம்மங் தெ³ந்தி; தூ⁴மகாலிகம்பி பரியோஸிதங் விஹாரங் நவகம்மங்
தெ³ந்தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஆளவகா பி⁴க்கூ² ஏவரூபானி நவகம்மானி த³ஸ்ஸந்தி –
பிண்ட³னிக்கே²பனமத்தேனபி நவகம்மங் த³ஸ்ஸந்தி; குட்டலேபனமத்தேனபி…
த்³வாரட்ட²பனமத்தேனபி … அக்³க³ளவட்டிகரணமத்தேனபி…
ஆலோகஸந்தி⁴கரணமத்தேனபி… ஸேதவண்ணகரணமத்தேனபி… காளவண்ணகரணமத்தேனபி…
கே³ருகபரிகம்மகரணமத்தேனபி… சா²தே³னமத்தேனபி… ப³ந்த⁴னமத்தேனபி…
ப⁴ண்டி³காளபனமத்தேனபி… க²ண்ட³பு²ல்லபடிஸங்க²ரணமத்தேனபி…
பரிப⁴ண்ட³கரணமத்தேனபி… விஸதிவஸ்ஸிகம்பி… திங்ஸவஸ்ஸிகம்பி… யாவஜீவிகம்பி…
தூ⁴மகாலிகம்பி பரியோஸிதங் விஹாரங் நவகம்மங் த³ஸ்ஸந்தீ’’தி! ப⁴க³வதோ
ஏதமத்த²ங் ஆரோசேஸுங்…பே॰… ஸச்சங் கிர, பி⁴க்க²வே…பே॰… ‘‘ஸச்சங்
ப⁴க³வா’’தி…பே॰… விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி –
‘‘ந, பி⁴க்க²வே, பிண்ட³னிக்கே²பனமத்தேன நவகம்மங் தா³தப்³ப³ங்; ந
குட்டலேபனமத்தேன நவகம்மங் தா³தப்³ப³ங். ந
த்³வாரட்ட²பனமத்தேன நவகம்மங் தா³தப்³ப³ங். ந அக்³க³ளவட்டிகரணமத்தேன
நவகம்மங் தா³தப்³ப³ங். ந ஆலோகஸந்தி⁴கரணமத்தேன நவகம்மங் தா³தப்³ப³ங். ந
ஸேதவண்ணகரணமத்தேன நவகம்மங் தா³தப்³ப³ங். ந காளவண்ணகரணமத்தேன நவகம்மங்
தா³தப்³ப³ங். ந கே³ருகபரிகம்மகரணமத்தேன நவகம்மங் தா³தப்³ப³ங். ந
சா²தே³னமத்தேன நவகம்மங் தா³தப்³ப³ங். ந ப³ந்த⁴னமத்தேன நவகம்மங்
தா³தப்³ப³ங். ந ப⁴ண்டி³காளபனமத்தேன நவகம்மங் தா³தப்³ப³ங். ந
க²ண்ட³பு²ல்லபடிஸங்க²ரணமத்தேன நவகம்மங் தா³தப்³ப³ங். ந பரிப⁴ண்ட³கரணமத்தேன
நவகம்மங் தா³தப்³ப³ங். ந விஸதிவஸ்ஸிகங் நவகம்மங் தா³தப்³ப³ங். ந
திங்ஸவஸ்ஸிகங் நவகம்மங் தா³தப்³ப³ங். ந யாவஜீவிகங் நவகம்மங் தா³தப்³ப³ங். ந
தூ⁴மகாலிகம்பி பரியோஸிதங் விஹாரங் நவகம்மங் தா³தப்³ப³ங். யோ த³தெ³ய்ய,
ஆபத்தி து³க்கடஸ்ஸ. அனுஜானாமி, பி⁴க்க²வே, அகதங் வா விப்பகதங் வா நவகம்மங்
தா³துங், கு²த்³த³கே விஹாரே கம்மங் ஓலோகெத்வா ச²ப்பஞ்சவஸ்ஸிகங் நவகம்மங்
தா³துங், அட்³ட⁴யோகே³ கம்மங் ஓலோகெத்வா ஸத்தட்ட²வஸ்ஸிகங் நவகம்மங் தா³துங்,
மஹல்லகே விஹாரே பாஸாதே³ வா கம்மங் ஓலோகெத்வா த³ஸத்³வாத³ஸவஸ்ஸிகங் நவகம்மங்
தா³து’’ந்தி.

தேன கோ² பன ஸமயேன பி⁴க்கூ²
ஸப்³பே³ விஹாரே நவகம்மங் தெ³ந்தி. ப⁴க³வதோ ஏதமத்த²ங் ஆரோசேஸுங். ‘‘ந,
பி⁴க்க²வே, ஸப்³பே³ விஹாரே நவகம்மங் தா³தப்³ப³ங். யோ த³தெ³ய்ய, ஆபத்தி
து³க்கடஸ்ஸா’’தி.

தேன கோ² பன ஸமயேன பி⁴க்கூ² ஏகஸ்ஸ த்³வே தெ³ந்தி.
ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, ஏகஸ்ஸ த்³வே தா³தப்³பா³. யோ
த³தெ³ய்ய, ஆபத்தி து³க்கடஸ்ஸா’’தி.

தேன கோ² பன ஸமயேன பி⁴க்கூ² நவகம்மங் க³ஹெத்வா அஞ்ஞங் வாஸெந்தி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, நவகம்மங் க³ஹெத்வா அஞ்ஞோ வாஸேதப்³போ³. யோ வாஸெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன பி⁴க்கூ² நவகம்மங் க³ஹெத்வா ஸங்கி⁴கங்
படிபா³ஹெந்தி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, நவகம்மங்
க³ஹெத்வா ஸங்கி⁴கங் படிபா³ஹிதப்³ப³ங். யோ படிபா³ஹெய்ய, ஆபத்தி து³க்கடஸ்ஸ.
அனுஜானாமி, பி⁴க்க²வே, ஏகங் வரஸெய்யங் க³ஹேது’’ந்தி.

தேன கோ² பன ஸமயேன பி⁴க்கூ² நிஸ்ஸீமே டி²தஸ்ஸ நவகம்மங்
தெ³ந்தி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, நிஸ்ஸீமே டி²தஸ்ஸ
நவகம்மங் தா³தப்³ப³ங். யோ த³தெ³ய்ய, ஆபத்தி து³க்கடஸ்ஸா’’தி.

தேன கோ² பன ஸமயேன பி⁴க்கூ²
நவகம்மங் க³ஹெத்வா ஸப்³ப³காலங் படிபா³ஹந்தி. ப⁴க³வதோ ஏதமத்த²ங் ஆரோசேஸுங்.
‘‘ந, பி⁴க்க²வே, நவகம்மங் க³ஹெத்வா ஸப்³ப³காலங் படிபா³ஹிதப்³ப³ங். யோ
படிபா³ஹெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, வஸ்ஸானங் தேமாஸங்
படிபா³ஹிதுங், உதுகாலங் பன ந படிபா³ஹிது’’ந்தி.

தேன கோ² பன ஸமயேன பி⁴க்கூ² நவகம்மங் க³ஹெத்வா
பக்கமந்திபி, விப்³ப⁴மந்திபி, காலம்பி கரொந்தி; ஸாமணேராபி படிஜானந்தி;
ஸிக்க²ங் பச்சக்கா²தகாபி படிஜானந்தி; அந்திமவத்து²ங் அஜ்ஜா²பன்னகாபி
படிஜானந்தி; உம்மத்தகாபி படிஜானந்தி; கி²த்தசித்தாபி படிஜானந்தி;
வேத³னாட்டாபி படிஜானந்தி; ஆபத்தியா அத³ஸ்ஸனே உக்கி²த்தகாபி படிஜானந்தி;
ஆபத்தியா அப்படிகம்மே உக்கி²த்தகாபி படிஜானந்தி; பாபிகாய தி³ட்டி²யா
அப்படினிஸ்ஸக்³கே³ உக்கி²த்தகாபி படிஜானந்தி; பண்ட³காபி படிஜானந்தி;
தெ²ய்யஸங்வாஸகாபி படிஜானந்தி; தித்தி²யபக்கந்தகாபி

படிஜானந்தி; திரச்சா²னக³தாபி படிஜானந்தி; மாதுகா⁴தகாபி படிஜானந்தி; பிதுகா⁴தகாபி படிஜானந்தி ;
அரஹந்தகா⁴தகாபி படிஜானந்தி; பி⁴க்கு²னிதூ³ஸகாபி படிஜானந்தி;
ஸங்க⁴பே⁴த³காபி படிஜானந்தி; லோஹிதுப்பாத³காபி படிஜானந்தி;
உப⁴தொப்³யஞ்ஜனகாபி படிஜானந்தி. ப⁴க³வதோ ஏதமத்த²ங் ஆரோசேஸுங்.

‘‘இத⁴ பன, பி⁴க்க²வே, பி⁴க்கு² நவகம்மங் க³ஹெத்வா பக்கமதி – மா ஸங்க⁴ஸ்ஸ ஹாயீதி அஞ்ஞஸ்ஸ தா³தப்³ப³ங்.

‘‘இத⁴ பன, பி⁴க்க²வே, பி⁴க்கு² நவகம்மங் க³ஹெத்வா
விப்³ப⁴மதி…பே॰… காலங்கரோதி, ஸாமணேரோ படிஜானாதி, ஸிக்க²ங் பச்சக்கா²தகோ
படிஜானாதி, அந்திமவத்து²ங் அஜ்ஜா²பன்னகோ படிஜானாதி, உம்மத்தகோ படிஜானாதி,
கி²த்தசித்தோ படிஜானாதி, வேத³னாட்டோ படிஜானாதி, ஆபத்தியா அத³ஸ்ஸனே
உக்கி²த்தகோ படிஜானாதி, ஆபத்தியா அப்படிகம்மே உக்கி²த்தகோ படிஜானாதி,
பாபிகாய தி³ட்டி²யா அப்படினிஸ்ஸக்³கே³ உக்கி²த்தகோ படிஜானாதி, பண்ட³கோ
படிஜானாதி, தெ²ய்யஸங்வாஸகோ படிஜானாதி, தித்தி²யபக்கந்தகோ படிஜானாதி,
திரச்சா²னக³தோ படிஜானாதி, மாதுகா⁴தகோ படிஜானாதி, பிதுகா⁴தகோ படிஜானாதி,
அரஹந்தகா⁴தகோ படிஜானாதி, பி⁴க்கு²னீதூ³ஸகோ படிஜானாதி, ஸங்க⁴பே⁴த³கோ
படிஜானாதி, லோஹிதுப்பாத³கோ படிஜானாதி, உப⁴தொப்³யஞ்ஜனகோ படிஜானாதி – மா
ஸங்க⁴ஸ்ஸ ஹாயீதி அஞ்ஞஸ்ஸ தா³தப்³ப³ங்.

‘‘இத⁴ பன, பி⁴க்க²வே, பி⁴க்கு² நவகம்மங் க³ஹெத்வா விப்பகதே பக்கமதி – மா ஸங்க⁴ஸ்ஸ ஹாயீதி அஞ்ஞஸ்ஸ தா³தப்³ப³ங்.

‘‘இத⁴ பன, பி⁴க்க²வே, பி⁴க்கு² நவகம்மங் க³ஹெத்வா விப்பகதே விப்³ப⁴மதி…பே॰… உப⁴தொப்³யஞ்ஜனகோ படிஜானாதி – மா ஸங்க⁴ஸ்ஸ ஹாயீதி அஞ்ஞஸ்ஸ தா³தப்³ப³ங்.

‘‘இத⁴ பன, பி⁴க்க²வே, பி⁴க்கு² நவகம்மங் க³ஹெத்வா பரியோஸிதே பக்கமதி – தஸ்ஸேவேதங்.

‘‘இத⁴ பன, பி⁴க்க²வே, பி⁴க்கு² நவகம்மங் க³ஹெத்வா
பரியோஸிதே விப்³ப⁴மதி…பே॰… காலங்கரோதி, ஸாமணேரோ படிஜானாதி, ஸிக்க²ங்
பச்சக்கா²தகோ படிஜானாதி, அந்திமவத்து²ங் அஜ்ஜா²பன்னகோ படிஜானாதி – ஸங்கோ⁴
ஸாமீ.

‘‘இத⁴ பன, பி⁴க்க²வே, பி⁴க்கு²
நவகம்மங் க³ஹெத்வா பரியோஸிதே உம்மத்தகோ படிஜானாதி, கி²த்தசித்தோ
படிஜானாதி, வேத³னாட்டோ படிஜானாதி, ஆபத்தியா அத³ஸ்ஸனே உக்கி²த்தகோ
படிஜானாதி, ஆபத்தியா அப்படிகம்மே உக்கி²த்தகோ படிஜானாதி, பாபிகாய
தி³ட்டி²யா அப்படினிஸ்ஸக்³கே³ உக்கி²த்தகோ படிஜானாதி – தஸ்ஸேவேதங்.

‘‘இத⁴ பன, பி⁴க்க²வே, பி⁴க்கு² நவகம்மங் க³ஹெத்வா
பரியோஸிதே பண்ட³கோ படிஜானாதி, தெ²ய்யஸங்வாஸகோ படிஜானாதி, தித்தி²யபக்கந்தகோ
படிஜானாதி, திரச்சா²னக³தோ படிஜானாதி, மாதுகா⁴தகோ படிஜானாதி, பிதுகா⁴தகோ
படிஜானாதி, அரஹந்தகா⁴தகோ படிஜானாதி, பி⁴க்கு²னீதூ³ஸகோ படிஜானாதி,
ஸங்க⁴பே⁴த³கோ படிஜானாதி, லோஹிதுப்பாத³கோ படிஜானாதி, உப⁴தொப்³யஞ்ஜனகோ
படிஜானாதி – ஸங்கோ⁴ ஸாமீ’’தி.

அஞ்ஞத்ரபரிபோ⁴க³படிக்கே²பாதி³

324. [பாரா॰ 157]
தேன கோ² பன ஸமயேன பி⁴க்கூ² அஞ்ஞதரஸ்ஸ உபாஸகஸ்ஸ விஹாரபரிபோ⁴க³ங் ஸேனாஸனங்
அஞ்ஞத்ர பரிபு⁴ஞ்ஜந்தி. அத² கோ² ஸோ உபாஸகோ உஜ்ஜா²யதி கி²ய்யதி விபாசேதி –
‘‘கத²ஞ்ஹி நாம ப⁴த³ந்தா அஞ்ஞத்ர பரிபோ⁴க³ங் அஞ்ஞத்ர
பரிபு⁴ஞ்ஜிஸ்ஸந்தீ’’தி! ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
அஞ்ஞத்ர பரிபோ⁴கோ³ அஞ்ஞத்ர பரிபு⁴ஞ்ஜிதப்³போ³. யோ பரிபு⁴ஞ்ஜெய்ய, ஆபத்தி
து³க்கடஸ்ஸா’’தி.

[பாரா॰ 157] தேன
கோ² பன ஸமயேன பி⁴க்கூ² உபோஸத²க்³க³ம்பி ஸன்னிஸஜ்ஜம்பி ஹரிதுங்
குக்குச்சாயந்தா ச²மாய நிஸீத³ந்தி. க³த்தானிபி சீவரானிபி பங்ஸுகிதானி
ஹொந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, தாவகாலிகங்
ஹரிது’’ந்தி.

தேன கோ² பன ஸமயேன ஸங்க⁴ஸ்ஸ மஹாவிஹாரோ உந்த்³ரியதி. பி⁴க்கூ² குக்குச்சாயந்தா ஸேனாஸனங் நாதிஹரந்தி [நாபி⁴ஹரந்தி (க॰)]. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, கு³த்தத்தா²ய ஹரிது’’ந்தி.

தேன கோ² பன ஸமயேன ஸங்க⁴ஸ்ஸ ஸேனாஸனபரிக்கா²ரிகோ
மஹக்³கோ⁴ கம்ப³லோ உப்பன்னோ ஹோதி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, பா²திகம்மத்தா²ய பரிவத்தேது’’ந்தி.

தேன கோ² பன ஸமயேன ஸங்க⁴ஸ்ஸ
ஸேனாஸனபரிக்கா²ரிகங் மஹக்³க⁴ங் து³ஸ்ஸங் உப்பன்னங் ஹோதி. ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, பா²திகம்மத்தா²ய பரிவத்தேது’’ந்தி.

தேன கோ² பன ஸமயேன ஸங்க⁴ஸ்ஸ அச்ச²சம்மங் உப்பன்னங்
ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
பாத³புஞ்ச²னிங் காது’’ந்தி.

தேன கோ² பன ஸமயேன ஸங்க⁴ஸ்ஸ சக்கலிகங் உப்பன்னங் ஹோதி . ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, பாத³புஞ்ச²னிங் காது’’ந்தி.

தேன கோ² பன ஸமயேன ஸங்க⁴ஸ்ஸ சோளகங் உப்பன்னங் ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, பாத³புஞ்ச²னிங் காது’’ந்தி.

தேன கோ² பன ஸமயேன பி⁴க்கூ² அதோ⁴தேஹி பாதே³ஹி ஸேனாஸனங்
அக்கமந்தி. ஸேனாஸனங் து³ஸ்ஸதி. ப⁴க³வதோ ஏதமத்த²ங் ஆரோசேஸுங். ‘‘ந,
பி⁴க்க²வே, அதோ⁴தேஹி பாதே³ஹி ஸேனாஸனங் அக்கமிதப்³ப³ங். யோ அக்கமெய்ய,
ஆபத்தி து³க்கடஸ்ஸா’’தி.

தேன கோ² பன ஸமயேன பி⁴க்கூ² அல்லேஹி பாதே³ஹி ஸேனாஸனங் அக்கமந்தி. ஸேனாஸனங் து³ஸ்ஸதி. ப⁴க³வதோ ஏதமத்த²ங் ஆரோசேஸுங் . ‘‘ந, பி⁴க்க²வே, அல்லேஹி பாதே³ஹி ஸேனாஸனங் அக்கமிதப்³ப³ங். யோ அக்கமெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன பி⁴க்கூ²
ஸஉபாஹனா ஸேனாஸனங் அக்கமந்தி. ஸேனாஸனங் து³ஸ்ஸதி. ப⁴க³வதோ ஏதமத்த²ங்
ஆரோசேஸுங். ‘‘ந, பி⁴க்க²வே, ஸஉபாஹனேன ஸேனாஸனங் அக்கமிதப்³ப³ங். யோ
அக்கமெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன பி⁴க்கூ² பரிகம்மகதாய பூ⁴மியா நிட்டு²ப⁴ந்தி. வண்ணோ து³ஸ்ஸதி. ப⁴க³வதோ ஏதமத்த²ங் ஆரோசேஸுங். ‘‘ந , பி⁴க்க²வே, பரிகம்மகதாய பூ⁴மியா நிட்டு²பி⁴தப்³ப³ங். யோ நிட்டு²பெ⁴ய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, கே²ளமல்லக’’ந்தி.

தேன கோ² பன ஸமயேன மஞ்சபாதா³பி பீட²பாதா³பி பரிகம்மகதங்
பூ⁴மிங் விலிக²ந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, சோளகேன பலிவேடே²து’’ந்தி.

தேன கோ² பன ஸமயேன பி⁴க்கூ²
பரிகம்மகதங் பி⁴த்திங் அபஸ்ஸெந்தி. வண்ணோ து³ஸ்ஸதி. ப⁴க³வதோ ஏதமத்த²ங்
ஆரோசேஸுங். ‘‘ந, பி⁴க்க²வே, பரிகம்மகதா பி⁴த்தி அபஸ்ஸேதப்³பா³. யோ
அபஸ்ஸெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, அபஸ்ஸேனப²லக’’ந்தி.
அபஸ்ஸேனப²லகங் ஹெட்ட²தோ பூ⁴மிங் விலிக²தி, உபரிதோ பி⁴த்திஞ்ச. ப⁴க³வதோ
ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, ஹெட்ட²தோ ச உபரிதோ ச சோளகேன
பலிவேடே²து’’ந்தி.

தேன கோ² பன ஸமயேன பி⁴க்கூ² தோ⁴தபாத³கா நிபஜ்ஜிதுங்
குக்குச்சாயந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
பச்சத்த²ரித்வா நிபஜ்ஜிது’’ந்தி.

ஸங்க⁴ப⁴த்தாதி³அனுஜானநங்

325.
அத² கோ² ப⁴க³வா ஆளவியங் யதா²பி⁴ரந்தங் விஹரித்வா யேன ராஜக³ஹங் தேன சாரிகங்
பக்காமி. அனுபுப்³பே³ன சாரிகங் சரமானோ யேன ராஜக³ஹங் தத³வஸரி. தத்ர ஸுத³ங்
ப⁴க³வா ராஜக³ஹே விஹரதி வேளுவனே கலந்த³கனிவாபே. தேன
கோ² பன ஸமயேன ராஜக³ஹங் து³ப்³பி⁴க்க²ங் ஹோதி. மனுஸ்ஸா ந ஸக்கொந்தி
ஸங்க⁴ப⁴த்தங் காதுங்; இச்ச²ந்தி உத்³தே³ஸப⁴த்தங் நிமந்தனங் ஸலாகப⁴த்தங்
பக்கி²கங் உபோஸதி²கங் பாடிபதி³கங் காதுங். ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, ஸங்க⁴ப⁴த்தங் உத்³தே³ஸப⁴த்தங் நிமந்தனங்
ஸலாகப⁴த்தங் பக்கி²கங் உபோஸதி²கங் பாடிபதி³க’’ந்தி.

ப⁴த்துத்³தே³ஸகஸம்முதி

326. தேன
கோ² பன ஸமயேன ச²ப்³ப³க்³கி³யா பி⁴க்கூ² அத்தனோ வரப⁴த்தானி க³ஹெத்வா
லாமகானி ப⁴த்தானி பி⁴க்கூ²னங் தெ³ந்தி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, பஞ்சஹங்கே³ஹி ஸமன்னாக³தங் பி⁴க்கு²ங்
ப⁴த்துத்³தே³ஸகங் ஸம்மன்னிதுங் – யோ ந
ச²ந்தா³க³திங் க³ச்செ²ய்ய, ந தோ³ஸாக³திங் க³ச்செ²ய்ய, ந மோஹாக³திங்
க³ச்செ²ய்ய, ந ப⁴யாக³திங் க³ச்செ²ய்ய, உத்³தி³ட்டா²னுத்³தி³ட்ட²ஞ்ச
ஜானெய்ய. ஏவஞ்ச பன, பி⁴க்க²வே, ஸம்மன்னிதப்³போ³. பட²மங் பி⁴க்கு²
யாசிதப்³போ³, யாசித்வா ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் பி⁴க்கு²ங் ப⁴த்துத்³தே³ஸகங் ஸம்மன்னெய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. ஸங்கோ⁴ இத்த²ன்னாமங் பி⁴க்கு²ங் ப⁴த்துத்³தே³ஸகங் ஸம்மன்னதி. யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ ப⁴த்துத்³தே³ஸகஸ்ஸ ஸம்முதி, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

‘‘ஸம்மதோ ஸங்கே⁴ன இத்த²ன்னாமோ பி⁴க்கு² ப⁴த்துத்³தே³ஸகோ. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

அத² கோ² ப⁴த்துத்³தே³ஸகானங் பி⁴க்கூ²னங் ஏதத³ஹோஸி –
‘‘கத²ங் நு கோ² ப⁴த்தங் உத்³தி³ஸிதப்³ப³’’ந்தி? ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, ஸலாகாய வா பட்டிகாய வா [படிகாய வா (ஸ்யா॰)] உபனிப³ந்தி⁴த்வா ஓபுஞ்ஜித்வா ப⁴த்தங் உத்³தி³ஸிது’’ந்தி.

ஸேனாஸனபஞ்ஞாபகாதி³ஸம்முதி

327.
தேன கோ² பன ஸமயேன ஸங்க⁴ஸ்ஸ ஸேனாஸனபஞ்ஞாபகோ ந ஹோதி…பே॰… ப⁴ண்டா³கா³ரிகோ ந
ஹோதி…பே॰… சீவரப்படிக்³கா³ஹகோ ந ஹோதி…பே॰… சீவரபா⁴ஜகோ ந ஹோதி…பே॰…
யாகு³பா⁴ஜகோ ந ஹோதி…பே॰… ப²லபா⁴ஜகோ ந ஹோதி…பே॰… க²ஜ்ஜகபா⁴ஜகோ ந ஹோதி.
க²ஜ்ஜகங் அபா⁴ஜியமானங் நஸ்ஸதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, பஞ்சஹங்கே³ஹி ஸமன்னாக³தங் பி⁴க்கு²ங் க²ஜ்ஜகபா⁴ஜகங்
ஸம்மன்னிதுங் – யோ ந ச²ந்தா³க³திங் க³ச்செ²ய்ய, ந தோ³ஸாக³திங் க³ச்செ²ய்ய, ந
மோஹாக³திங் க³ச்செ²ய்ய, ந ப⁴யாக³திங் க³ச்செ²ய்ய ,
பா⁴ஜிதாபா⁴ஜிதஞ்ச ஜானெய்ய. ஏவஞ்ச பன, பி⁴க்க²வே, ஸம்மன்னிதப்³போ³. பட²மங்
பி⁴க்கு² யாசிதப்³போ³, யாசித்வா ப்³யத்தேன பி⁴க்கு²னா படிப³லேன ஸங்கோ⁴
ஞாபேதப்³போ³ –

‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் பி⁴க்கு²ங் க²ஜ்ஜகபா⁴ஜகங் ஸம்மன்னெய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. ஸங்கோ⁴ இத்த²ன்னாமங் பி⁴க்கு²ங் க²ஜ்ஜகபா⁴ஜகங் ஸம்மன்னதி . யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ க²ஜ்ஜகபா⁴ஜகஸ்ஸ ஸம்முதி, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

‘‘ஸம்மதோ ஸங்கே⁴ன இத்த²ன்னாமோ பி⁴க்கு² க²ஜ்ஜகபா⁴ஜகோ. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

அப்பமத்தகவிஸ்ஸஜ்ஜகஸம்முதி

328. தேன கோ² பன ஸமயேன ஸங்க⁴ஸ்ஸ ப⁴ண்டா³கா³ரே அப்பமத்தகோ பரிக்கா²ரோ உப்பன்னோ [உஸ்ஸன்னோ (ஸ்யா॰)] ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, பஞ்சஹங்கே³ஹி ஸமன்னாக³தங்
பி⁴க்கு²ங் அப்பமத்தகவிஸ்ஸஜ்ஜகங் ஸம்மன்னிதுங் – யோ ந ச²ந்தா³க³திங்
க³ச்செ²ய்ய, ந தோ³ஸாக³திங் க³ச்செ²ய்ய, ந மோஹாக³திங் க³ச்செ²ய்ய, ந
ப⁴யாக³திங் க³ச்செ²ய்ய, விஸ்ஸஜ்ஜிதாவிஸ்ஸஜ்ஜிதஞ்ச ஜானெய்ய. ஏவஞ்ச பன,
பி⁴க்க²வே, ஸம்மன்னிதப்³போ³. பட²மங் பி⁴க்கு² யாசிதப்³போ³, யாசித்வா
ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ
பத்தகல்லங், ஸங்கோ⁴ இத்த²ன்னாமங் பி⁴க்கு²ங் அப்பமத்தகவிஸ்ஸஜ்ஜகங்
ஸம்மன்னெய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. ஸங்கோ⁴ இத்த²ன்னாமங்
பி⁴க்கு²ங் அப்பமத்தகவிஸ்ஸஜ்ஜகங் ஸம்மன்னதி. யஸ்ஸாயஸ்மதோ க²மதி
இத்த²ன்னாமஸ்ஸ பி⁴க்கு²னோ அப்பமத்தகவிஸ்ஸஜ்ஜகஸ்ஸ ஸம்முதி, ஸோ துண்ஹஸ்ஸ;
யஸ்ஸ நக்க²மதி, ஸோ பா⁴ஸெய்ய.

‘‘ஸம்மதோ ஸங்கே⁴ன இத்த²ன்னாமோ பி⁴க்கு² அப்பமத்தகவிஸ்ஸஜ்ஜகோ. க²மதி ஸங்க⁴ஸ்ஸ, தஸ்மா துண்ஹீ , ஏவமேதங் தா⁴ரயாமீ’’தி.

தேன அப்பமத்தகவிஸ்ஸஜ்ஜகேன பி⁴க்கு²னா ஏகா [ஏகேகா (ஸீ॰)]
ஸூசி தா³தப்³பா³, ஸத்த²கங் தா³தப்³ப³ங், உபாஹனா தா³தப்³பா³, காயப³ந்த⁴னங்
தா³தப்³ப³ங், அங்ஸப³ந்த⁴கோ தா³தப்³போ³, பரிஸ்ஸாவனங் தா³தப்³ப³ங், த⁴ம்மகரணோ
தா³தப்³போ³, குஸி தா³தப்³பா³, அட்³ட⁴குஸி தா³தப்³பா³, மண்ட³லங்
தா³தப்³ப³ங், அட்³ட⁴மண்ட³லங் தா³தப்³ப³ங், அனுவாதோ தா³தப்³போ³, பரிப⁴ண்ட³ங்
தா³தப்³ப³ங். ஸசே ஹோதி ஸங்க⁴ஸ்ஸ ஸப்பி வா தேலங் வா மது⁴ வா பா²ணிதங் வா,
ஸகிங் படிஸாயிதுங் தா³தப்³ப³ங். ஸசே புனபி அத்தோ² ஹோதி, புனபி தா³தப்³ப³ங்.

ஸாடியக்³கா³ஹாபகாதி³ஸம்முதி

329.
தேன கோ² பன ஸமயேன ஸங்க⁴ஸ்ஸ ஸாடியக்³கா³ஹாபகோ ந ஹோதி…பே॰… பத்தக்³கா³ஹாபகோ ந
ஹோதி…பே॰… ஆராமிகபேஸகோ ந ஹோதி…பே॰… ஸாமணேரபேஸகோ ந ஹோதி. ஸாமணேரா
அபேஸியமானா கம்மங் ந கரொந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, பஞ்சஹங்கே³ஹி ஸமன்னாக³தங் பி⁴க்கு²ங் ஸாமணேரபேஸகங் ஸம்மன்னிதுங்
– யோ ந ச²ந்தா³க³திங் க³ச்செ²ய்ய, ந தோ³ஸாக³திங் க³ச்செ²ய்ய, ந மோஹாக³திங்
க³ச்செ²ய்ய, ந ப⁴யாக³திங் க³ச்செ²ய்ய, பேஸிதாபேஸிதஞ்ச
ஜானெய்ய. ஏவஞ்ச பன, பி⁴க்க²வே, ஸம்மன்னிதப்³போ³. பட²மங் பி⁴க்கு²
யாசிதப்³போ³, யாசித்வா ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் பி⁴க்கு²ங் ஸாமணேரபேஸகங் ஸம்மன்னெய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. ஸங்கோ⁴ இத்த²ன்னாமங்
பி⁴க்கு²ங் ஸாமணேரபேஸகங் ஸம்மன்னதி. யஸ்ஸாயஸ்மதோ க²மதி இத்த²ன்னாமஸ்ஸ
பி⁴க்கு²னோ ஸாமணேரபேஸகஸ்ஸ ஸம்முதி, ஸோ துண்ஹஸ்ஸ; யஸ்ஸ நக்க²மதி, ஸோ
பா⁴ஸெய்ய.

‘‘ஸம்மதோ ஸங்கே⁴ன இத்த²ன்னாமோ பி⁴க்கு² ஸாமணேரபேஸகோ. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

ததியபா⁴ணவாரோ நிட்டி²தோ.

ஸேனாஸனக்க²ந்த⁴கோ ச²ட்டோ².

தஸ்ஸுத்³தா³னங் –

விஹாரங் பு³த்³த⁴ஸெட்டே²ன, அபஞ்ஞத்தங் ததா³ அஹு;

தஹங் தஹங் நிக்க²மந்தி, வாஸா தே ஜினஸாவகா.

ஸெட்டீ² க³ஹபதி தி³ஸ்வா, பி⁴க்கூ²னங் இத³மப்³ர்வி;

காராபெய்யங் வஸெய்யாத², படிபுச்சி²ங்ஸு நாயகங்.

விஹாரங் அட்³ட⁴யோக³ஞ்ச, பாஸாத³ங் ஹம்மியங் கு³ஹங்;

பஞ்சலேணங் அனுஞ்ஞாஸி, விஹாரே ஸெட்டி² காரயி.

ஜனோ விஹாரங் காரேதி, அகவாடங் அஸங்வுதங்;

கவாடங் பிட்ட²ஸங்கா⁴டங், உது³க்க²லஞ்ச உத்தரி.

ஆவிஞ்ச²னச்சி²த்³த³ங் ரஜ்ஜுங், வட்டிஞ்ச கபிஸீஸகங்;

ஸூசிக⁴டிதாளச்சி²த்³த³ங் , லோஹகட்ட²விஸாணகங்.

யந்தகங் ஸூசிகஞ்சேவ, ச²த³னங் உல்லித்தாவலித்தங்;

வேதி³ஜாலஸலாகஞ்ச, சக்கலி ஸந்த²ரேன ச.

மிட்³டி⁴ பி³த³லமஞ்சஞ்ச, ஸோஸானிகமஸாரகோ;

பு³ந்தி³குளிரபாத³ஞ்ச, ஆஹச்சாஸந்தி³ உச்சகே.

ஸத்தங்கோ³ ச ப⁴த்³த³பீட²ங், பீட²கேளகபாத³கங்;

ஆமலாப²லகா கொச்சா², பலாலபீட²மேவ ச.

உச்சாஹிபடிபாத³கா, அட்ட²ங்கு³லி ச பாத³கா;

ஸுத்தங் அட்ட²பத³ங் சோளங், தூலிகங் அட்³ட⁴காயிகங்.

கி³ரக்³கோ³ பி⁴ஸியோ சாபி, து³ஸ்ஸங் ஸேனாஸனம்பி ச;

ஓனத்³த⁴ங் ஹெட்டா² பததி, உப்பாடெத்வா ஹரந்தி ச.

ப⁴த்திஞ்ச ஹத்த²ப⁴த்திஞ்ச, அனுஞ்ஞாஸி ததா²க³தோ;

தித்தி²யா விஹாரே சாபி, து²ஸங் ஸண்ஹஞ்ச மத்திகா.

இக்காஸங் பாணிகங் குண்ட³ங், ஸாஸபங் ஸித்த²தேலகங்;

உஸ்ஸன்னே பச்சுத்³த⁴ரிதுங், ப²ருஸங் க³ண்டு³மத்திகங்.

இக்காஸங் படிபா⁴னஞ்ச, நீசா சயோ ச ஆருஹங்;

பரிபதந்தி ஆளகா, அட்³ட⁴குட்டங் தயோ புன.

கு²த்³த³கே குட்டபாதோ³ ச, ஓவஸ்ஸதி ஸரங் கி²லங்;

சீவரவங்ஸங் ரஜ்ஜுஞ்ச, ஆளிந்த³ங் கிடிகேன ச.

ஆலம்ப³னங் திணசுண்ணங், ஹெட்டா²மக்³கே³ நயங் கரே;

அஜ்ஜோ²காஸே ஓதப்பதி, ஸாலங் ஹெட்டா² ச பா⁴ஜனங்.

விஹாரோ கொட்ட²கோ சேவ, பரிவேணக்³கி³ஸாலகங்;

ஆராமே ச புன கொட்டே², ஹெட்ட²ஞ்ஞேவ நயங் கரே.

ஸுத⁴ங் அனாத²பிண்டி³ ச, ஸத்³தோ⁴ ஸீதவனங் அகா³;

தி³ட்ட²த⁴ம்மோ நிமந்தேஸி, ஸஹ ஸங்கே⁴ன நாயகங்.

ஆணாபேஸந்தராமக்³கே³, ஆராமங் காரயீ க³ணோ;

வேஸாலியங் நவகம்மங், புரதோ ச பரிக்³க³ஹி.

கோ அரஹதி ப⁴த்தக்³கே³, தித்திரஞ்ச அவந்தி³யா;

பரிக்³க³ஹிதந்தரக⁴ரா, தூலோ ஸாவத்தி² ஓஸரி.

பதிட்டா²பேஸி ஆராமங், ப⁴த்தக்³கே³ ச கோலாஹலங்;

கி³லானா வரஸெய்யா ச, லேஸா ஸத்தரஸா தஹிங்.

கேன நு கோ² கத²ங் நு கோ², விஹாரக்³கே³ன பா⁴ஜயி;

பரிவேணங் அனுபா⁴க³ஞ்ச, அகாமா பா⁴க³ங் நோ த³தே³.

நிஸ்ஸீமங் ஸப்³ப³காலஞ்ச, கா³ஹா ஸேனாஸனே தயோ;

உபனந்தோ³ ச வண்ணேஸி, டி²தகா ஸமகாஸனா.

ஸமானாஸனிகா பி⁴ந்தி³ங்ஸு, திவக்³கா³ ச து³வக்³கி³கங்;

அஸமானாஸனிகா தீ³க⁴ங், ஸாளிந்த³ங் பரிபு⁴ஞ்ஜிதுங்.

அய்யிகா ச அவிதூ³ரே, பா⁴ஜிதஞ்ச கீடாகி³ரே;

ஆளவீ பிண்ட³ககுட்டேஹி, த்³வாரஅக்³க³ளவட்டிகா.

ஆலோகஸேதகாளஞ்ச , கே³ருசா²த³னப³ந்த⁴னா;

ப⁴ண்டி³க²ண்ட³பரிப⁴ண்ட³ங், வீஸ திங்ஸா ச காலிகா.

ஓஸிதே அகதங் விப்பங், கு²த்³தே³ ச²ப்பஞ்சவஸ்ஸிகங்;

அட்³ட⁴யோகே³ ச ஸத்தட்ட², மஹல்லே த³ஸ த்³வாத³ஸ.

ஸப்³ப³ங் விஹாரங் ஏகஸ்ஸ, அஞ்ஞங் வாஸெந்தி ஸங்கி⁴கங்;

நிஸ்ஸீமங் ஸப்³ப³காலஞ்ச, பக்கமி விப்³ப⁴மந்தி ச.

காலஞ்ச ஸாமணேரஞ்ச, ஸிக்கா²பச்சக்க²அந்திமங்;

உம்மத்தகி²த்தசித்தா ச, வேத³னாபத்தித³ஸ்ஸனா.

அப்படிகம்மதி³ட்டி²யா, பண்ட³கா தெ²ய்யதித்தி²யா;

திரச்சா²னமாதுபிது, அரஹந்தா ச தூ³ஸகா.

பே⁴த³கா லோஹிதுப்பாதா³, உப⁴தோ சாபி ப்³யஞ்ஜனகா;

மா ஸங்க⁴ஸ்ஸ பரிஹாயி, கம்மங் அஞ்ஞஸ்ஸ தா³தவே.

விப்பகதே ச அஞ்ஞஸ்ஸ, கதே தஸ்ஸேவ பக்கமே;

விப்³ப⁴மதி காலங்கதோ, ஸாமணேரோ ச ஜாயதி.

பச்சக்கா²தோ ச ஸிக்கா²ய, அந்திமஜ்ஜா²பன்னகோ யதி³;

ஸங்கோ⁴வ ஸாமிகோ ஹோதி, உம்மத்தகி²த்தவேத³னா.

அத³ஸ்ஸனாப்படிகம்மே, தி³ட்டி² தஸ்ஸேவ ஹோதி தங்;

பண்ட³கோ தெ²ய்யதித்தீ² ச, திரச்சா²னமாதுபெத்திகங்.

கா⁴தகோ தூ³ஸகோ சாபி, பே⁴த³லோஹிதப்³யஞ்ஜனா;

படிஜானாதி யதி³ ஸோ, ஸங்கோ⁴வ ஹோதி ஸாமிகோ.

ஹரந்தஞ்ஞத்ர குக்குச்சங், உந்த்³ரியதி ச கம்ப³லங்;

து³ஸ்ஸஞ்ச சம்மசக்கலீ, சோளகங் அக்கமந்தி ச.

அல்லா உபாஹனானிட்டு², லிக²ந்தி அபஸ்ஸெந்தி ச;

அபஸ்ஸேனங் லிக²தேவ, தோ⁴தபச்சத்த²ரேன ச.

ராஜக³ஹே ந ஸக்கொந்தி, லாமகங் ப⁴த்துத்³தே³ஸகங்;

கத²ங் நு கோ² பஞ்ஞாபகங், ப⁴ண்டா³கா³ரிகஸம்முதி.

படிக்³கா³ஹபா⁴ஜகோ சாபி, யாகு³ ச ப²லபா⁴ஜகோ;

க²ஜ்ஜகபா⁴ஜகோ சேவ, அப்பமத்தகவிஸ்ஸஜ்ஜே.

ஸாடியக்³கா³ஹாபகோ சேவ, ததே²வ பத்தக்³கா³ஹகோ;

ஆராமிகஸாமணேர, பேஸகஸ்ஸ ச ஸம்முதி.

ஸப்³பா³பி⁴பூ⁴ லோகவிதூ³, ஹிதசித்தோ வினாயகோ;

லேணத்த²ஞ்ச ஸுக²த்த²ஞ்ச, ஜா²யிதுஞ்ச விபஸ்ஸிதுந்தி.

ஸேனாஸனக்க²ந்த⁴கங் நிட்டி²தங்.

comments (0)
29-LESSON- வினயபிடகே சூளவக்கபாளி 5. குத்தகவத்துக்கந்தகங் குத்தகவத்தூனி-PALI-வினயபிடகே-Part-29-தமிழில் திரபிடக மூன்று தொகுப்புகள்TIPITAKA- from FREE ONLINE eNālāndā Research and Practice UNIVERSITY through http://sarvajan.ambedkar.org நமோ தஸ்ஸ பகவதோ அரஹதோ ஸம்மாஸம்புத்தஸ்ஸ வினயபிடகே சூளவக்கபாளி 5. குத்தகவத்துக்கந்தகங் குத்தகவத்தூனி
Filed under: General
Posted by: site admin @ 5:25 pm

29-LESSON-

வினயபிடகே

சூளவக்கபாளி

5. குத்தகவத்துக்கந்தகங்

குத்தகவத்தூனி-PALI-

up a level
மிழில் திபி  மூன்று தொகுப்புள்TIPITAKA-வினயபிடகே-Part-29-
from FREE ONLINE  eNālāndā Research and
Practice UNIVERSITY through http://sarvajan.ambedkar.org

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

வினயபிடகே

சூளவக்கபாளி

5. குத்தகவத்துக்கந்தகங்

குத்தகவத்தூனி

243. தேன
ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன
ஸமயேன ச²ப்³ப³க்³கி³யா பி⁴க்கூ² நஹாயமானா ருக்கே² காயங் உக்³க⁴ங்ஸெந்தி,
ஊரும்பி பா³ஹும்பி உரம்பி பிட்டி²ம்பி. மனுஸ்ஸா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஸமணா ஸக்யபுத்தியா நஹாயமானா ருக்கே² காயங்
உக்³க⁴ங்ஸெஸ்ஸந்தி, ஊரும்பி பா³ஹும்பி உரம்பி பிட்டி²ம்பி, ஸெய்யதா²பி
மல்லமுட்டி²கா கா³மமொத்³த³வா’’தி [கா³மபொத்³த³வா (ஸீ॰), கா³மபூதவா (ஸ்யா॰)]!
அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங். அத² கோ²
ப⁴க³வா ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங் ஸன்னிபாதாபெத்வா
பி⁴க்கூ² படிபுச்சி² – ‘‘ஸச்சங் கிர, பி⁴க்க²வே, ச²ப்³ப³க்³கி³யா பி⁴க்கூ²
நஹாயமானா ருக்கே² காயங் உக்³க⁴ங்ஸெந்தி, ஊரும்பி பா³ஹும்பி உரம்பி
பிட்டி²ம்பீ’’தி? ‘‘ஸச்சங் ப⁴க³வா’’தி. விக³ரஹி பு³த்³தோ⁴ ப⁴க³வா –
‘‘அனநுச்ச²விகங், பி⁴க்க²வே , தேஸங் மோக⁴புரிஸானங்
அனநுலோமிகங் அப்பதிரூபங் அஸ்ஸாமணகங் அகப்பியங் அகரணீயங். கத²ஞ்ஹி நாம தே,
பி⁴க்க²வே, மோக⁴புரிஸா நஹாயமானா ருக்கே² காயங் உக்³க⁴ங்ஸெஸ்ஸந்தி, ஊரும்பி
பா³ஹும்பி உரம்பி பிட்டி²ம்பி? நேதங், பி⁴க்க²வே, அப்பஸன்னானங் வா
பஸாதா³ய…பே॰… விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி –
‘‘ந, பி⁴க்க²வே, நஹாயமானேன பி⁴க்கு²னா ருக்கே² காயோ உக்³க⁴ங்ஸேதப்³போ³. யோ
உக்³க⁴ங்ஸெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன ச²ப்³ப³க்³கி³யா பி⁴க்கூ² நஹாயமானா
த²ம்பே⁴ காயங் உக்³க⁴ங்ஸெந்தி, ஊரும்பி பா³ஹும்பி உரம்பி பிட்டி²ம்பி.
மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஸமணா
ஸக்யபுத்தியா நஹாயமானா த²ம்பே⁴ காயங் உக்³க⁴ங்ஸெஸ்ஸந்தி, ஊரும்பி பா³ஹும்பி
உரம்பி பிட்டி²ம்பி, ஸெய்யதா²பி மல்லமுட்டி²கா கா³மமொத்³த³வா’’தி!
அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங்
கி²ய்யந்தானங் விபாசெந்தானங். அத² கோ² தே பி⁴க்கூ² ப⁴க³வதோ ஏதமத்த²ங்
ஆரோசேஸுங்…பே॰… ‘‘ஸச்சங் ப⁴க³வா’’தி…பே॰… விக³ரஹித்வா…பே॰… த⁴ம்மிங் கத²ங்
கத்வா பி⁴க்கூ² ஆமந்தேஸி – ‘‘ந, பி⁴க்க²வே, நஹாயமானேன பி⁴க்கு²னா த²ம்பே⁴
காயோ உக்³க⁴ங்ஸேதப்³போ³. யோ உக்³க⁴ங்ஸெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன ச²ப்³ப³க்³கி³யா பி⁴க்கூ² நஹாயமானா குட்டே [குட்³டே³ (ஸீ॰ ஸ்யா॰)]
காயங் உக்³க⁴ங்ஸெந்தி, ஊரும்பி பா³ஹும்பி உரம்பி பிட்டி²ம்பி. மனுஸ்ஸா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா
நஹாயமானா குட்டே காயங் உக்³க⁴ங்ஸெஸ்ஸந்தி, ஊரும்பி பா³ஹும்பி உரம்பி
பிட்டி²ம்பி, ஸெய்யதா²பி மல்லமுட்டி²கா கா³மமொத்³த³வா’’தி…பே॰… ‘‘ந,
பி⁴க்க²வே, நஹாயமானேன பி⁴க்கு²னா குட்டே காயோ உக்³க⁴ங்ஸேதப்³போ³. யோ
உக்³க⁴ங்ஸெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன ச²ப்³ப³க்³கி³யா பி⁴க்கூ² அட்டானே [அட்டா²னே (ஸீ॰ ஸ்யா॰)] நஹாயந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி…பே॰… ஸெய்யதா²பி கி³ஹீ காமபோ⁴கி³னோதி !
அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²யந்தானங்
விபாசெந்தானங். அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰…
‘‘ஸச்சங் ப⁴க³வா’’தி…பே॰… விக³ரஹித்வா…பே॰… த⁴ம்மிங் கத²ங் கத்வா பி⁴க்கூ²
ஆமந்தேஸி – ‘‘ந, பி⁴க்க²வே, அட்டானே நஹாயிதப்³ப³ங். யோ நஹாயெய்ய, ஆபத்தி
து³க்கடஸ்ஸா’’தி.

தேன கோ² பன ஸமயேன ச²ப்³ப³க்³கி³யா பி⁴க்கூ²
க³ந்த⁴ப்³ப³ஹத்த²கேன நஹாயந்தி. மனுஸ்ஸா உஜ்ஜா²யந்தி கி²ய்யந்தி
விபாசெந்தி…பே॰… ஸெய்யதா²பி கி³ஹீ காமபோ⁴கி³னோதி! அஸ்ஸோஸுங் கோ² பி⁴க்கூ²
தேஸங் மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். அத² கோ² தே
பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰… ‘‘ந, பி⁴க்க²வே,
க³ந்த⁴ப்³ப³ஹத்த²கேன நஹாயிதப்³ப³ங். யோ நஹாயெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன ச²ப்³ப³க்³கி³யா பி⁴க்கூ² குருவிந்த³கஸுத்தியா நஹாயந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி…பே॰… ஸெய்யதா²பி
கி³ஹீ காமபோ⁴கி³னோதி! ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
குருவிந்த³கஸுத்தியா நஹாயிதப்³ப³ங். யோ நஹாயெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன ச²ப்³ப³க்³கி³யா பி⁴க்கூ² விக்³க³ய்ஹ
பரிகம்மங் காராபெந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி…பே॰…
ஸெய்யதா²பி கி³ஹீ காமபோ⁴கி³னோதி! ப⁴க³வதோ ஏதமத்த²ங் ஆரோசேஸுங். ‘‘ந,
பி⁴க்க²வே, விக்³க³ய்ஹ பரிகம்மங் காராபேதப்³ப³ங். யோ காராபெய்ய, ஆபத்தி
து³க்கடஸ்ஸா’’தி.

தேன கோ² பன ஸமயேன
ச²ப்³ப³க்³கி³யா பி⁴க்கூ² மல்லகேன நஹாயந்தி. மனுஸ்ஸா உஜ்ஜா²யந்தி
கி²ய்யந்தி விபாசெந்தி…பே॰… ஸெய்யதா²பி கி³ஹீ காமபோ⁴கி³னோதி! ப⁴க³வதோ
ஏதமத்த²ங் ஆரோசேஸுங். ‘‘ந, பி⁴க்க²வே, மல்லகேன நஹாயிதப்³ப³ங். யோ நஹாயெய்ய,
ஆபத்தி து³க்கடஸ்ஸா’’தி.

244.
தேன கோ² பன ஸமயேன அஞ்ஞதரஸ்ஸ பி⁴க்கு²னோ கச்சு²ரோகா³பா³தோ⁴ ஹோதி. ந தஸ்ஸ
வினா மல்லகேன பா²ஸு ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, கி³லானஸ்ஸ அகதமல்லக’’ந்தி.

தேன கோ² பன ஸமயேன அஞ்ஞதரோ பி⁴க்கு² ஜராது³ப்³ப³லோ நஹாயமானோ ந ஸக்கோதி அத்தனோ காயங் உக்³க⁴ங்ஸேதுங். ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, உக்காஸிக’’ந்தி.

தேன கோ² பன ஸமயேன பி⁴க்கூ² பிட்டி²பரிகம்மங் காதுங்
குக்குச்சாயந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
புது²பாணிக’’ந்தி.

245.
தேன கோ² பன ஸமயேன ச²ப்³ப³க்³கி³யா பி⁴க்கூ² வல்லிகங் தா⁴ரெந்தி…பே॰…
பாமங்க³ங் தா⁴ரெந்தி…பே॰… கண்ட²ஸுத்தகங் தா⁴ரெந்தி…பே॰… கடிஸுத்தகங்
தா⁴ரெந்தி…பே॰… ஓவட்டிகங் தா⁴ரெந்தி…பே॰… காயுரங் தா⁴ரெந்தி…பே॰…
ஹத்தா²ப⁴ரணங் தா⁴ரெந்தி…பே॰… அங்கு³லிமுத்³தி³கங் தா⁴ரெந்தி. மனுஸ்ஸா
உஜ்ஜா²யந்தி கி²ய்யந்தி விபாசெந்தி…பே॰… ஸெய்யதா²பி கி³ஹீ காமபோ⁴கி³னோதி!
அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங். ‘‘ஸச்சங்
கிர, பி⁴க்க²வே, ச²ப்³ப³க்³கி³யா பி⁴க்கூ² வல்லிகங் தா⁴ரெந்தி…பே॰…
பாமங்க³ங் தா⁴ரெந்தி, கண்ட²ஸுத்தகங் தா⁴ரெந்தி, கடிஸுத்தகங் தா⁴ரெந்தி,
ஓவட்டிகங் தா⁴ரெந்தி, காயுரங் தா⁴ரெந்தி, ஹத்தா²ப⁴ரணங் தா⁴ரெந்தி,
அங்கு³லிமுத்³தி³கங் தா⁴ரெந்தீ’’தி? ‘‘ஸச்சங் ப⁴க³வா’’தி…பே॰…
விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘ந,
பி⁴க்க²வே, வல்லிகா தா⁴ரேதப்³பா³…பே॰… ந பாமங்கோ³ தா⁴ரேதப்³போ³… ந
கண்ட²ஸுத்தகங் தா⁴ரேதப்³ப³ங்… ந கடிஸுத்தகங்
தா⁴ரேதப்³ப³ங்… ந ஓவட்டிகங் தா⁴ரேதப்³ப³ங்… ந காயுரங் தா⁴ரேதப்³ப³ங்… ந
ஹத்தா²ப⁴ரணங் தா⁴ரேதப்³ப³ங்… ந அங்கு³லிமுத்³தி³கா தா⁴ரேதப்³பா³. யோ தா⁴ரெய்ய, ஆபத்தி து³க்கடஸ்ஸா’’தி.

246. தேன கோ² பன ஸமயேன ச²ப்³ப³க்³கி³யா
பி⁴க்கூ² தீ³கே⁴ கேஸே தா⁴ரெந்தி. மனுஸ்ஸா உஜ்ஜா²யந்தி கி²ய்யந்தி
விபாசெந்தி – ஸெய்யதா²பி கி³ஹீ காமபோ⁴கி³னோதி. ப⁴க³வதோ ஏதமத்த²ங்
ஆரோசேஸுங். ‘‘ந, பி⁴க்க²வே, தீ³கா⁴ கேஸா தா⁴ரேதப்³பா³. யோ தா⁴ரெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, து³மாஸிகங் வா து³வங்கு³லங் வா’’தி.

தேன கோ² பன ஸமயேன ச²ப்³ப³க்³கி³யா பி⁴க்கூ² கொச்சே²ன கேஸே ஓஸண்டெ²ந்தி [ஓஸண்ஹெந்தி (ஸீ॰ ஸ்யா॰)]
…பே॰… ப²ணகேன கேஸே ஓஸண்டெ²ந்தி, ஹத்த²ப²ணகேன கேஸே ஓஸண்டெ²ந்தி,
ஸித்த²தேலகேன கேஸே ஓஸண்டெ²ந்தி, உத³கதேலகேன கேஸே ஓஸண்டெ²ந்தி. மனுஸ்ஸா
உஜ்ஜா²யந்தி கி²ய்யந்தி விபாசெந்தி – ஸெய்யதா²பி கி³ஹீ காமபோ⁴கி³னோதி.
ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, கொச்சே²ன கேஸா
ஓஸண்டே²தப்³பா³…பே॰… ந ஸித்த²தேலகேன கேஸா ஓஸண்டே²தப்³பா³… ந உத³கதேலகேன
கேஸா ஓஸண்டே²தப்³பா³. யோ ஓஸண்டெ²ய்ய, ஆபத்தி து³க்கடஸ்ஸா’’தி.

247.
தேன கோ² பன ஸமயேன ச²ப்³ப³க்³கி³யா பி⁴க்கூ² ஆதா³ஸேபி உத³கபத்தேபி
முக²னிமித்தங் ஓலோகெந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
ஸெய்யதா²பி கி³ஹீ காமபோ⁴கி³னோதி. ப⁴க³வதோ ஏதமத்த²ங் ஆரோசேஸுங். ‘‘ந,
பி⁴க்க²வே, ஆதா³ஸே வா உத³கபத்தே வா முக²னிமித்தங் ஓலோகேதப்³ப³ங். யோ
ஓலோகெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன அஞ்ஞதரஸ்ஸ
பி⁴க்கு²னோ முகே² வணோ ஹோதி. ஸோ பி⁴க்கூ² புச்சி² – ‘‘கீதி³ஸோ மே, ஆவுஸோ,
வணோ’’தி? பி⁴க்கூ² ஏவமாஹங்ஸு – ‘‘ஏதி³ஸோ தே, ஆவுஸோ வணோ’’தி. ஸோ ந
ஸத்³த³ஹதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
ஆபா³த⁴ப்பச்சயா ஆதா³ஸே வா உத³கபத்தே வா முக²னிமித்தங் ஓலோகேது’’ந்தி.

தேன கோ² பன ஸமயேன ச²ப்³ப³க்³கி³யா பி⁴க்கூ² முக²ங்
ஆலிம்பந்தி…பே॰… முக²ங் உம்மத்³தெ³ந்தி, முக²ங் சுண்ணெந்தி, மனோஸிலிகாய
முக²ங் லஞ்செ²ந்தி, அங்க³ராக³ங் கரொந்தி, முக²ராக³ங் கரொந்தி,
அங்க³ராக³முக²ராக³ங் கரொந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
ஸெய்யதா²பி கி³ஹீ காமபோ⁴கி³னோதி. ப⁴க³வதோ ஏதமத்த²ங் ஆரோசேஸுங். ‘‘ந,
பி⁴க்க²வே, முக²ங் ஆலிம்பிதப்³ப³ங்…பே॰… ந முக²ங் உம்மத்³தி³தப்³ப³ங், ந
முக²ங் சுண்ணேதப்³ப³ங், ந மனோஸிலிகாய முக²ங் லஞ்சே²தப்³ப³ங், ந அங்க³ராகோ³
காதப்³போ³, ந முக²ராகோ³ காதப்³போ³ , ந அங்க³ராக³முக²ராகோ³ காதப்³போ³. யோ கரெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன அஞ்ஞதரஸ்ஸ
பி⁴க்கு²னோ சக்கு²ரோகா³பா³தோ⁴ ஹோதி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, ஆபா³த⁴ப்பச்சயா முக²ங் ஆலிம்பிது’’ந்தி.

248. தேன கோ² பன ஸமயேன ராஜக³ஹே கி³ரக்³க³ஸமஜ்ஜோ [ஸமஜ்ஜா (அபி⁴தா⁴னக³ந்தே²ஸு)]
ஹோதி. ச²ப்³ப³க்³கி³யா பி⁴க்கூ² கி³ரக்³க³ஸமஜ்ஜங் த³ஸ்ஸனாய அக³மங்ஸு.
மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஸமணா
ஸக்யபுத்தியா நச்சம்பி கீ³தம்பி வாதி³தம்பி த³ஸ்ஸனாய
க³ச்சி²ஸ்ஸந்தி, ஸெய்யதா²பி கி³ஹீ காமபோ⁴கி³னோ’’தி! ப⁴க³வதோ ஏதமத்த²ங்
ஆரோசேஸுங். ‘‘ந, பி⁴க்க²வே, நச்சங் வா கீ³தங் வா வாதி³தங் வா த³ஸ்ஸனாய
க³ந்தப்³ப³ங். யோ க³ச்செ²ய்ய, ஆபத்தி து³க்கடஸ்ஸா’’தி.

249.
தேன கோ² பன ஸமயேன ச²ப்³ப³க்³கி³யா பி⁴க்கூ² ஆயதகேன கீ³தஸ்ஸரேன த⁴ம்மங்
கா³யந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘யதே²வ [யதா² ச (க॰)]
மயங் கா³யாம, ஏவமேவிமே ஸமணா ஸக்யபுத்தியா ஆயதகேன கீ³தஸ்ஸரேன த⁴ம்மங்
கா³யந்தீ’’தி! அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங்
கி²ய்யந்தானங் விபாசெந்தானங். யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா
பி⁴க்கூ² ஆயதகேன கீ³தஸ்ஸரேன த⁴ம்மங் கா³யிஸ்ஸந்தீ’’தி! அத² கோ² தே பி⁴க்கூ²
ப⁴க³வதோ ஏதமத்த²ங் ஆரோசேஸுங். ‘‘ஸச்சங் கிர, பி⁴க்க²வே…பே॰… ‘‘ஸச்சங்
ப⁴க³வா’’தி…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘பஞ்சிமே,
பி⁴க்க²வே, ஆதீ³னவா ஆயதகேன கீ³தஸ்ஸரேன த⁴ம்மங் கா³யந்தஸ்ஸ. அத்தனாபி
தஸ்மிங் ஸரே ஸாரஜ்ஜதி, பரேபி தஸ்மிங் ஸரே ஸாரஜ்ஜந்தி, க³ஹபதிகாபி
உஜ்ஜா²யந்தி, ஸரகுத்திம்பி நிகாமயமானஸ்ஸ ஸமாதி⁴ஸ்ஸ
ப⁴ங்கோ³ ஹோதி, பச்சி²மா ஜனதா தி³ட்டா²னுக³திங் ஆபஜ்ஜதி – இமே கோ²,
பி⁴க்க²வே, பஞ்ச ஆதீ³னவா ஆயதகேன கீ³தஸ்ஸரேன த⁴ம்மங் கா³யந்தஸ்ஸ. ந,
பி⁴க்க²வே, ஆயதகேன கீ³தஸ்ஸரேன த⁴ம்மோ கா³யிதப்³போ³. யோ கா³யெய்ய, ஆபத்தி
து³க்கடஸ்ஸா’’தி.

தேன கோ² பன ஸமயேன பி⁴க்கூ² ஸரப⁴ஞ்ஞே குக்குச்சாயந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, ஸரப⁴ஞ்ஞ’’ந்தி.

‘‘தேன கோ² பன ஸமயேன ச²ப்³ப³க்³கி³யா பி⁴க்கூ² பா³ஹிரலோமிங் [பா³ஹியலோமிங் (க॰)] உண்ணிங் தா⁴ரெந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ஸெய்யதா²பி கி³ஹீ காமபோ⁴கி³னோதி . ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, பா³ஹியலோமி உண்ணி தா⁴ரேதப்³பா³. யோ தா⁴ரெய்ய, ஆபத்தி து³க்கடஸ்ஸா’’தி.

250.
தேன கோ² பன ஸமயேன ரஞ்ஞோ மாக³த⁴ஸ்ஸ ஸேனியஸ்ஸ பி³ம்பி³ஸாரஸ்ஸ ஆராமே அம்பா³
ப²லினோ ஹொந்தி. ரஞ்ஞா மாக³தே⁴ன ஸேனியேன பி³ம்பி³ஸாரேன அனுஞ்ஞாதங் ஹோதி –
‘‘யதா²ஸுக²ங் அய்யா அம்ப³ங் பரிபு⁴ஞ்ஜந்தூ’’தி. ச²ப்³ப³க்³கி³யா பி⁴க்கூ²
தருணஞ்ஞேவ அம்ப³ங் பாதாபெத்வா பரிபு⁴ஞ்ஜிங்ஸு. ரஞ்ஞோ ச மாக³த⁴ஸ்ஸ
ஸேனியஸ்ஸ பி³ம்பி³ஸாரஸ்ஸ அம்பே³ன அத்தோ² ஹோதி. அத² கோ² ராஜா மாக³தோ⁴
ஸேனியோ பி³ம்பி³ஸாரோ மனுஸ்ஸே ஆணாபேஸி – ‘‘க³ச்ச²த², ப⁴ணே, ஆராமங் க³ந்த்வா
அம்ப³ங் ஆஹரதா²’’தி . ‘‘ஏவங் தே³வா’’தி கோ² தே
மனுஸ்ஸா ரஞ்ஞோ மாக³த⁴ஸ்ஸ ஸேனியஸ்ஸ பி³ம்பி³ஸாரஸ்ஸ படிஸ்ஸுத்வா ஆராமங்
க³ந்த்வா ஆராமபாலங் ஏதத³வோசுங் – ‘‘தே³வஸ்ஸ, ப⁴ணே, அம்பே³ன அத்தோ², அம்ப³ங்
தே³தா²’’தி. ‘‘நத்தா²ய்யா அம்ப³ங். தருணஞ்ஞேவ அம்ப³ங் பாதாபெத்வா பி⁴க்கூ²
பரிபு⁴ஞ்ஜிங்ஸூ’’தி. அத² கோ² தே மனுஸ்ஸா ரஞ்ஞோ மாக³த⁴ஸ்ஸ ஸேனியஸ்ஸ
பி³ம்பி³ஸாரஸ்ஸ ஏதமத்த²ங் ஆரோசேஸுங். ‘‘ஸுபரிபு⁴த்தங், ப⁴ணே, அய்யேஹி
அம்ப³ங், அபி ச ப⁴க³வதா மத்தா வண்ணிதா’’தி. மனுஸ்ஸா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஸமணா ஸக்யபுத்தியா ந மத்தங் ஜானித்வா ரஞ்ஞோ
அம்ப³ங் பரிபு⁴ஞ்ஜிஸ்ஸந்தீ’’தி! அஸ்ஸோஸுங் கோ² பி⁴க்கூ² தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். அத² கோ² தே பி⁴க்கூ² ப⁴க³வதோ
ஏதமத்த²ங் ஆரோசேஸுங். ‘‘ந, பி⁴க்க²வே, அம்ப³ங் பரிபு⁴ஞ்ஜிதப்³ப³ங். யோ
பரிபு⁴ஞ்ஜெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன அஞ்ஞதரஸ்ஸ பூக³ஸ்ஸ ஸங்க⁴ப⁴த்தங்
ஹோதி. ஸூபே அம்ப³பேஸிகாயோ பக்கி²த்தா ஹொந்தி. பி⁴க்கூ² குக்குச்சாயந்தா
நப்படிக்³க³ண்ஹந்தி. ‘‘படிக்³க³ண்ஹத², பி⁴க்க²வே, பரிபு⁴ஞ்ஜத². அனுஜானாமி,
பி⁴க்க²வே, அம்ப³பேஸிக’’ந்தி.

தேன கோ² பன ஸமயேன அஞ்ஞதரஸ்ஸ பூக³ஸ்ஸ ஸங்க⁴ப⁴த்தங்
ஹோதி. தே ந பரியாபுணிங்ஸு அம்ப³பேஸிகங் காதுங், ப⁴த்தக்³கே³ ஸகலேஹேவ
அம்பே³ஹி தெ³ந்தி. பி⁴க்கூ² குக்குச்சாயந்தா நப்படிக்³க³ண்ஹந்தி.
‘‘படிக்³க³ண்ஹத² , பி⁴க்க²வே, பரிபு⁴ஞ்ஜத². அனுஜானாமி, பி⁴க்க²வே, பஞ்சஹி ஸமணகப்பேஹி ப²லங் பரிபு⁴ஞ்ஜிதுங் – அக்³கி³பரிசிதங் , ஸத்த²பரிசிதங், நக²பரிசிதங், அபீ³ஜங், நிப்³ப³த்தபீ³ஜஞ்ஞேவ [நிப்³ப³ட்டபீ³ஜங் (ஸீ॰ ஸ்யா॰)] பஞ்சமங். அனுஜானாமி, பி⁴க்க²வே, இமேஹி பஞ்சஹி ஸமணகப்பேஹி ப²லங் பரிபு⁴ஞ்ஜிது’’ந்தி.

251. தேன
கோ² பன ஸமயேன அஞ்ஞதரோ பி⁴க்கு² அஹினா த³ட்டோ² காலங்கதோ ஹோதி. ப⁴க³வதோ
ஏதமத்த²ங் ஆரோசேஸுங். ‘‘ந ஹி நூன ஸோ, பி⁴க்க²வே, பி⁴க்கு² இமானி சத்தாரி
அஹிராஜகுலானி மெத்தேன சித்தேன ப²ரி. ஸசே ஹி ஸோ, பி⁴க்க²வே, பி⁴க்கு² இமானி
சத்தாரி அஹிராஜகுலானி மெத்தேன சித்தேன ப²ரெய்ய, ந ஹி ஸோ, பி⁴க்க²வே,
பி⁴க்கு² அஹினா த³ட்டோ² காலங்கரெய்ய. கதமானி சத்தாரி அஹிராஜகுலானி?
விரூபக்க²ங் அஹிராஜகுலங், ஏராபத²ங் அஹிராஜகுலங், ச²ப்³யாபுத்தங்
அஹிராஜகுலங், கண்ஹாகோ³தமங் அஹிராஜகுலங் . ந ஹி நூன
ஸோ, பி⁴க்க²வே, பி⁴க்கு² இமானி சத்தாரி அஹிராஜகுலானி மெத்தேன சித்தேன ப²ரி.
ஸசே ஹி ஸோ, பி⁴க்க²வே, பி⁴க்கு² இமானி சத்தாரி அஹிராஜகுலானி மெத்தேன
சித்தேன ப²ரெய்ய, ந ஹி ஸோ, பி⁴க்க²வே, பி⁴க்கு² அஹினா த³ட்டோ² காலங்கரெய்ய.
அனுஜானாமி, பி⁴க்க²வே, இமானி சத்தாரி அஹிராஜகுலானி மெத்தேன சித்தேன
ப²ரிதுங், அத்தகு³த்தியா அத்தரக்கா²ய அத்தபரித்தங் காதுங். ஏவஞ்ச பன,
பி⁴க்க²வே, காதப்³ப³ங் –

[ஜா॰ 1.2.105-106; அ॰ நி॰ 4.67 இத³ங் வத்து² ஆக³தங்] ‘‘விரூபக்கே²ஹி மே மெத்தங், மெத்தங் ஏராபதே²ஹி மே;

ச²ப்³யாபுத்தேஹி மே மெத்தங், மெத்தங் கண்ஹாகோ³தமகேஹி ச.

‘‘அபாத³கேஹி மே மெத்தங், மெத்தங் த்³விபாத³கேஹி மே;

சதுப்பதே³ஹி மே மெத்தங், மெத்தங் ப³ஹுப்பதே³ஹி மே.

‘‘மா மங் அபாத³கோ ஹிங்ஸி, மா மங் ஹிங்ஸி த்³விபாத³கோ;

மா மங் சதுப்பதோ³ ஹிங்ஸி, மா மங் ஹிங்ஸி ப³ஹுப்பதோ³.

‘‘ஸப்³பே³ ஸத்தா ஸப்³பே³ பாணா, ஸப்³பே³ பூ⁴தா ச கேவலா;

ஸப்³பே³ ப⁴த்³ரானி பஸ்ஸந்து, மா கிஞ்சி பாபமாக³மா.

‘‘அப்பமாணோ பு³த்³தோ⁴, அப்பமாணோ த⁴ம்மோ,

அப்பமாணோ ஸங்கோ⁴, பமாணவந்தானி ஸரீஸபானி [ஸிரிங்ஸபானி (ஸீ॰ ஸ்யா॰)].

‘‘அஹி விச்சி²கா ஸதபதீ³, உண்ணனாபி⁴ ஸரபூ³ மூஸிகா;

கதா மே ரக்கா² கதங் மே பரித்தங், படிக்கமந்து பூ⁴தானி.

‘‘ஸோஹங் நமோ ப⁴க³வதோ, நமோ ஸத்தன்னங் ஸம்மாஸம்பு³த்³தா⁴ன’’ந்தி.

தேன கோ² பன ஸமயேன அஞ்ஞதரோ
பி⁴க்கு² அனபி⁴ரதியா பீளிதோ அத்தனோ அங்க³ஜாதங் சி²ந்தி³. ப⁴க³வதோ ஏதமத்த²ங்
ஆரோசேஸுங். ‘‘அஞ்ஞம்ஹி ஸோ, பி⁴க்க²வே, மோக⁴புரிஸோ சே²தப்³ப³ம்ஹி, அஞ்ஞங்
சி²ந்தி³. ந, பி⁴க்க²வே, அத்தனோ அங்க³ஜாதங் சே²தப்³ப³ங். யோ சி²ந்தெ³ய்ய,
ஆபத்தி து²ல்லச்சயஸ்ஸா’’தி.

252. தேன கோ² பன ஸமயேன ராஜக³ஹகஸ்ஸ ஸெட்டி²ஸ்ஸ மஹக்³க⁴ஸ்ஸ சந்த³னஸ்ஸ [சந்த³னஸாரஸ்ஸ (ஸீ॰ ஸ்யா॰)] சந்த³னக³ண்டி² உப்பன்னா ஹோதி. அத² கோ² ராஜக³ஹகஸ்ஸ ஸெட்டி²ஸ்ஸ
ஏதத³ஹோஸி – ‘‘யங்னூனாஹங் இமாய சந்த³னக³ண்டி²யா பத்தங் லேகா²பெய்யங்.
லேக²ஞ்ச மே பரிபோ⁴க³ங் ப⁴விஸ்ஸதி, பத்தஞ்ச தா³னங் த³ஸ்ஸாமீ’’தி. அத² கோ²
ராஜக³ஹகோ ஸெட்டி² தாய சந்த³னக³ண்டி²யா பத்தங் லேகா²பெத்வா ஸிக்காய
உட்³டி³த்வா [வாஹித்வா (ஸீ॰)] வேளக்³கே³ ஆலக்³கெ³த்வா வேளுபரம்பராய ப³ந்தி⁴த்வா [வாஹித்வா (ஸ்யா॰)] ஏவமாஹ – ‘‘யோ ஸமணோ வா ப்³ராஹ்மணோ வா அரஹா சேவ இத்³தி⁴மா ச தி³ன்னங்யேவ பத்தங் ஓஹரதூ’’தி. அத² கோ² பூரணோ
கஸ்ஸபோ யேன ராஜக³ஹகோ ஸெட்டி² தேனுபஸங்கமி, உபஸங்கமித்வா ராஜக³ஹகங்
ஸெட்டி²ங் ஏதத³வோச – ‘‘அஹஞ்ஹி, க³ஹபதி, அரஹா சேவ இத்³தி⁴மா ச, தே³ஹி மே
பத்த’’ந்தி. ‘‘ஸசே, ப⁴ந்தே, ஆயஸ்மா அரஹா சேவ இத்³தி⁴மா ச தி³ன்னங்யேவ
பத்தங் ஓஹரதூ’’தி. அத² கோ² மக்க²லி கோ³ஸாலோ… அஜிதோ கேஸகம்ப³லோ… பகுதோ⁴
கச்சாயனோ… ஸஞ்சயோ பே³லட்ட²புத்தோ [ஸஞ்ஜயோ பே³ல்லட்டி²புத்தோ (ஸீ॰)] … நிக³ண்டோ² நாடபுத்தோ [நாத²புத்தோ (ஸீ॰)]
யேன ராஜக³ஹகோ ஸெட்டி² தேனுபஸங்கமி, உபஸங்கமித்வா ராஜக³ஹகங் ஸெட்டி²ங்
ஏதத³வோச – ‘‘அஹஞ்ஹி, க³ஹபதி, அரஹா சேவ இத்³தி⁴மா ச, தே³ஹி மே பத்த’’ந்தி.
‘‘ஸசே, ப⁴ந்தே, ஆயஸ்மா அரஹா சேவ இத்³தி⁴மா ச, தி³ன்னங்யேவ பத்தங்
ஓஹரதூ’’தி.

தேன கோ² பன ஸமயேன ஆயஸ்மா ச மஹாமொக்³க³ல்லானோ ஆயஸ்மா
ச பிண்டோ³லபா⁴ரத்³வாஜோ புப்³ப³ண்ஹஸமயங் நிவாஸெத்வா பத்தசீவரமாதா³ய
ராஜக³ஹங் பிண்டா³ய பவிஸிங்ஸு. அத² கோ² ஆயஸ்மா பிண்டோ³லபா⁴ரத்³வாஜோ
ஆயஸ்மந்தங் மஹாமொக்³க³ல்லானங் ஏதத³வோச – ‘‘ஆயஸ்மா கோ² மஹாமொக்³க³ல்லானோ
அரஹா சேவ இத்³தி⁴மா ச. க³ச்சா²வுஸோ, மொக்³க³ல்லான, ஏதங் பத்தங் ஓஹர.
துய்ஹேஸோ பத்தோ’’தி. ‘‘ஆயஸ்மா கோ² பா⁴ரத்³வாஜோ அரஹா சேவ இத்³தி⁴மா ச.
க³ச்சா²வுஸோ, பா⁴ரத்³வாஜ, ஏதங் பத்தங் ஓஹர. துய்ஹேஸோ பத்தோ’’தி. அத² கோ²
ஆயஸ்மா பிண்டோ³லபா⁴ரத்³வாஜோ வேஹாஸங் அப்³பு⁴க்³க³ந்த்வா தங் பத்தங்
க³ஹெத்வா திக்க²த்துங் ராஜக³ஹங் அனுபரியாயி.

தேன கோ² பன ஸமயேன ராஜக³ஹகோ ஸெட்டி² ஸபுத்ததா³ரோ ஸகே நிவேஸனே டி²தோ ஹோதி பஞ்ஜலிகோ
நமஸ்ஸமானோ – இதே⁴வ, ப⁴ந்தே, அய்யோ பா⁴ரத்³வாஜோ அம்ஹாகங் நிவேஸனே
பதிட்டா²தூதி. அத² கோ² ஆயஸ்மா பிண்டோ³லபா⁴ரத்³வாஜோ ராஜக³ஹகஸ்ஸ ஸெட்டி²ஸ்ஸ
நிவேஸனே பதிட்டா²ஸி. அத² கோ² ராஜக³ஹகோ ஸெட்டி²
ஆயஸ்மதோ பிண்டோ³லபா⁴ரத்³வாஜஸ்ஸ ஹத்த²தோ பத்தங் க³ஹெத்வா மஹக்³க⁴ஸ்ஸ
கா²த³னீயஸ்ஸ பூரெத்வா ஆயஸ்மதோ பிண்டோ³லபா⁴ரத்³வாஜஸ்ஸ அதா³ஸி. அத² கோ²
ஆயஸ்மா பிண்டோ³லபா⁴ரத்³வாஜோ தங் பத்தங் க³ஹெத்வா ஆராமங் அக³மாஸி. அஸ்ஸோஸுங்
கோ² மனுஸ்ஸா – அய்யேன கிர பிண்டோ³லபா⁴ரத்³வாஜேன ராஜக³ஹகஸ்ஸ ஸெட்டி²ஸ்ஸ
பத்தோ ஓஹாரிதோதி. தே ச மனுஸ்ஸா உச்சாஸத்³தா³ மஹாஸத்³தா³ ஆயஸ்மந்தங்
பிண்டோ³லபா⁴ரத்³வாஜங் பிட்டி²தோ பிட்டி²தோ அனுப³ந்தி⁴ங்ஸு.

அஸ்ஸேஸி கோ² ப⁴க³வா உச்சாஸத்³த³ங் மஹாஸத்³த³ங்;
ஸுத்வான ஆயஸ்மந்தங் ஆனந்த³ங் ஆமந்தேஸி – ‘‘கிங் நு கோ² ஸோ, ஆனந்த³,
உச்சாஸத்³தோ³ மஹாஸத்³தோ³’’தி? ‘‘ஆயஸ்மதா, ப⁴ந்தே, பிண்டோ³லபா⁴ரத்³வாஜேன
ராஜக³ஹகஸ்ஸ ஸெட்டி²ஸ்ஸ பத்தோ ஓஹாரிதோ. அஸ்ஸோஸுங் கோ², ப⁴ந்தே, மனுஸ்ஸா –
அய்யேன கிர பிண்டோ³லபா⁴ரத்³வாஜேன ராஜக³ஹகஸ்ஸ ஸெட்டி²ஸ்ஸ பத்தோ ஓஹாரிதோதி.
தே ச, ப⁴ந்தே, மனுஸ்ஸா உச்சாஸத்³தா³ மஹாஸத்³தா³ ஆயஸ்மந்தங்
பிண்டோ³லபா⁴ரத்³வாஜங் பிட்டி²தோ பிட்டி²தோ அனுப³ந்தா⁴. ஸோ ஏஸோ, ப⁴ந்தே,
ப⁴க³வா உச்சாஸத்³தோ³ மஹாஸத்³தோ³’’தி. அத² கோ² ப⁴க³வா ஏதஸ்மிங் நிதா³னே
ஏதஸ்மிங் பகரணே பி⁴க்கு²ஸங்க⁴ங் ஸன்னிபாதாபெத்வா ஆயஸ்மந்தங் பிண்டோ³லபா⁴ரத்³வாஜங் படிபுச்சி² – ‘‘ஸச்சங் கிர தயா, பா⁴ரத்³வாஜ, ராஜக³ஹகஸ்ஸ ஸெட்டி²ஸ்ஸ பத்தோ ஓஹாரிதோ’’தி? ‘‘ஸச்சங்
ப⁴க³வா’’தி. விக³ரஹி பு³த்³தோ⁴ ப⁴க³வா – ‘‘அனநுச்ச²விகங், பா⁴ரத்³வாஜ,
அனநுலோமிகங் அப்பதிரூபங் அஸ்ஸாமணகங் அகப்பியங் அகரணீயங். கத²ஞ்ஹி நாம
த்வங், பா⁴ரத்³வாஜ, ச²வஸ்ஸ தா³ருபத்தஸ்ஸ காரணா கி³ஹீனங்
உத்தரிமனுஸ்ஸத⁴ம்மங் இத்³தி⁴பாடிஹாரியங் த³ஸ்ஸெஸ்ஸஸி! ஸெய்யதா²பி,
பா⁴ரத்³வாஜ, மாதுகா³மோ ச²வஸ்ஸ மாஸகரூபஸ்ஸ காரணா கோபினங் த³ஸ்ஸேதி, ஏவமேவ
கோ² தயா, பா⁴ரத்³வாஜ, ச²வஸ்ஸ தா³ருபத்தஸ்ஸ காரணா கி³ஹீனங்
உத்தரிமனுஸ்ஸத⁴ம்மங் இத்³தி⁴பாடிஹாரியங் த³ஸ்ஸிதங். நேதங், பா⁴ரத்³வாஜ,
அப்பஸன்னானங் வா பஸாதா³ய…பே॰… விக³ரஹித்வா…பே॰… த⁴ம்மிங் கத²ங் கத்வா
பி⁴க்கூ² ஆமந்தேஸி – ‘‘ந, பி⁴க்க²வே, கி³ஹீனங் உத்தரிமனுஸ்ஸத⁴ம்மங்
இத்³தி⁴பாடிஹாரியங் த³ஸ்ஸேதப்³ப³ங். யோ த³ஸ்ஸெய்ய, ஆபத்தி து³க்கடஸ்ஸ.
பி⁴ந்த³தே²தங், பி⁴க்க²வே, தா³ருபத்தங் ஸகலிகங் ஸகலிகங் கத்வா , பி⁴க்கூ²னங் அஞ்ஜனுபபிஸனங் தே³த². ந ச, பி⁴க்க²வே, தா³ருபத்தோ தா⁴ரேதப்³போ³. யோ தா⁴ரெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன ச²ப்³ப³க்³கி³யா பி⁴க்கூ² உச்சாவசே
பத்தே தா⁴ரெந்தி ஸோவண்ணமயங் ரூபியமயங். மனுஸ்ஸா உஜ்ஜா²யந்தி கி²ய்யந்தி
விபாசெந்தி – ஸெய்யதா²பி கி³ஹீ காமபோ⁴கி³னோதி. ப⁴க³வதோ ஏதமத்த²ங்
ஆரோசேஸுங். ‘‘ந, பி⁴க்க²வே, ஸோவண்ணமயோ பத்தோ தா⁴ரேதப்³போ³…பே॰… ந ரூபியமயோ
பத்தோ தா⁴ரேதப்³போ³… ந மணிமயோ பத்தோ தா⁴ரேதப்³போ³… ந வேளுரியமயோ பத்தோ
தா⁴ரேதப்³போ³… ந ப²லிகமயோ பத்தோ தா⁴ரேதப்³போ³… ந கங்ஸமயோ பத்தோ
தா⁴ரேதப்³போ³… ந காசமயோ பத்தோ தா⁴ரேதப்³போ³… ந
திபுமயோ பத்தோ தா⁴ரேதப்³போ³… ந ஸீஸமயோ பத்தோ தா⁴ரேதப்³போ³… ந தம்ப³லோஹமயோ
பத்தோ தா⁴ரேதப்³போ³. யோ தா⁴ரெய்ய, ஆபத்தி து³க்கடஸ்ஸ. அனுஜானாமி,
பி⁴க்க²வே, த்³வே பத்தே – அயோபத்தங், மத்திகாபத்த’’ந்தி.

253. தேன கோ² பன ஸமயேன பத்தமூலங் க⁴ங்ஸியதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, பத்தமண்ட³ல’’ந்தி.

தேன கோ² பன ஸமயேன ச²ப்³ப³க்³கி³யா பி⁴க்கூ² உச்சாவசானி
பத்தமண்ட³லானி தா⁴ரெந்தி ஸோவண்ணமயங் ரூபியமயங். மனுஸ்ஸா உஜ்ஜா²யந்தி
கி²ய்யந்தி விபாசெந்தி – ஸெய்யதா²பி கி³ஹீ காமபோ⁴கி³னோதி. ப⁴க³வதோ
ஏதமத்த²ங் ஆரோசேஸுங். ‘‘ந, பி⁴க்க²வே, உச்சாவசானி பத்தமண்ட³லானி
தா⁴ரேதப்³பா³னி. யோ தா⁴ரெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே,
த்³வே பத்தமண்ட³லானி – திபுமயங், ஸீஸமய’’ந்தி. ப³ஹலானி மண்ட³லானி ந
அச்சு²பியந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
லிகி²து’’ந்தி. வலீ [சலீ (க॰)] ஹொந்தி . ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, மகரத³ந்தகங் சி²ந்தி³து’’ந்தி.

தேன கோ² பன ஸமயேன ச²ப்³ப³க்³கி³யா பி⁴க்கூ² சித்ரானி
பத்தமண்ட³லானி தா⁴ரெந்தி ரூபகாகிண்ணானி பி⁴த்திகம்மகதானி. தானி ரதி²காயபி
த³ஸ்ஸெந்தா ஆஹிண்ட³ந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
ஸெய்யதா²பி கி³ஹீ காமபோ⁴கி³னோதி. ப⁴க³வதோ ஏதமத்த²ங்
ஆரோசேஸுங். ‘‘ந, பி⁴க்க²வே, சித்ரானி பத்தமண்ட³லானி தா⁴ரேதப்³பா³னி
ரூபகாகிண்ணானி பி⁴த்திகம்மகதானி. யோ தா⁴ரெய்ய, ஆபத்தி து³க்கடஸ்ஸ.
‘‘அனுஜானாமி, பி⁴க்க²வே, பகதிமண்ட³ல’’ந்தி.

254. தேன
கோ² பன ஸமயேன பி⁴க்கூ² ஸோத³கங் பத்தங் படிஸாமெந்தி. பத்தோ து³ஸ்ஸதி.
ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, ஸோத³கோ பத்தோ
படிஸாமேதப்³போ³. யோ படிஸாமெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே,
ஓதாபெத்வா பத்தங் படிஸாமேது’’ந்தி.

தேன கோ² பன ஸமயேன பி⁴க்கூ² ஸோத³கங் [ஸஉத³கங் (க॰)] பத்தங் ஓதாபெந்தி. பத்தோ து³க்³க³ந்தோ⁴ ஹோதி. ப⁴க³வதோ
ஏதமத்த²ங் ஆரோசேஸுங். ‘‘ந, பி⁴க்க²வே, ஸோத³கோ பத்தோ ஓதாபேதப்³போ³. யோ
ஓதாபெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, வோத³கங் கத்வா
ஓதாபெத்வா பத்தங் படிஸாமேது’’ந்தி.

தேன கோ² பன ஸமயேன பி⁴க்கூ² உண்ஹே பத்தங் நித³ஹந்தி.
பத்தஸ்ஸ வண்ணோ து³ஸ்ஸதி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
உண்ஹே பத்தோ நித³ஹிதப்³போ³. யோ நித³ஹெய்ய, ஆபத்தி து³க்கடஸ்ஸ. அனுஜானாமி,
பி⁴க்க²வே, முஹுத்தங் உண்ஹே ஓதாபெத்வா பத்தங் படிஸாமேது’’ந்தி.

தேன கோ² பன ஸமயேன ஸம்ப³ஹுலா பத்தா அஜ்ஜோ²காஸே அனாதா⁴ரா நிக்கி²த்தா ஹொந்தி. வாதமண்ட³லிகாய ஆவட்டெத்வா பத்தா பி⁴ஜ்ஜிங்ஸு . ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, பத்தாதா⁴ரக’’ந்தி.

தேன கோ² பன ஸமயேன பி⁴க்கூ² மிட்³ட⁴ந்தே பத்தங் நிக்கி²பந்தி. பரிபதித்வா [பரிவட்டித்வா (ஸ்யா॰)]
பத்தோ பி⁴ஜ்ஜதி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
மிட்³ட⁴ந்தே பத்தோ நிக்கி²பிதப்³போ³. யோ நிக்கி²பெய்ய, ஆபத்தி
து³க்கடஸ்ஸா’’தி.

தேன கோ² பன ஸமயேன பி⁴க்கூ² பரிப⁴ண்ட³ந்தே பத்தங்
நிக்கி²பந்தி. பரிபதித்வா பத்தோ பி⁴ஜ்ஜதி. ப⁴க³வதோ ஏதமத்த²ங் ஆரோசேஸுங்.
‘‘ந, பி⁴க்க²வே, பரிப⁴ண்ட³ந்தே பத்தோ நிக்கி²பிதப்³போ³. யோ நிக்கி²பெய்ய,
ஆபத்தி து³க்கடஸ்ஸா’’தி.

தேன கோ² பன ஸமயேன பி⁴க்கூ² ச²மாய பத்தங்
நிக்குஜ்ஜந்தி. ஒட்டோ² க⁴ங்ஸியதி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, திணஸந்தா²ரக’’ந்தி. திணஸந்தா²ரகோ உபசிகாஹி
க²ஜ்ஜதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
சோளக’’ந்தி. சோளகங் உபசிகாஹி க²ஜ்ஜதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, பத்தமாளக’’ந்தி. பத்தமாளகோ பரிபதித்வா பத்தோ பி⁴ஜ்ஜதி. ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, பத்தகுண்டோ³லிக’’ந்தி.
பத்தகுண்டோ³லிகாய பத்தோ க⁴ங்ஸியதி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, பத்தத²விக’’ந்தி . அங்ஸப³த்³த⁴கோ ந ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, அங்ஸப³த்³த⁴கங் ப³ந்த⁴னஸுத்தக’’ந்தி.

தேன கோ² பன ஸமயேன பி⁴க்கூ²
பி⁴த்திகி²லேபி நாக³த³ந்தகேபி பத்தங் லக்³கெ³ந்தி. பரிபதித்வா பத்தோ
பி⁴ஜ்ஜதி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, பத்தோ
லக்³கே³தப்³போ³. யோ லக்³கெ³ய்ய, ஆபத்தி து³க்கடஸ்ஸா’’தி.

தேன கோ² பன ஸமயேன பி⁴க்கூ² மஞ்சே பத்தங் நிக்கி²பந்தி,
ஸதிஸம்மோஸா நிஸீத³ந்தா ஒத்த²ரித்வா பத்தங் பி⁴ந்தெ³ந்தி. ப⁴க³வதோ
ஏதமத்த²ங் ஆரோசேஸுங். ‘‘ந, பி⁴க்க²வே, மஞ்சே பத்தோ நிக்கி²பிதப்³போ³. யோ
நிக்கி²பெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன பி⁴க்கூ² பீடே² பத்தங் நிக்கி²பந்தி,
ஸதிஸம்மோஸா நிஸீத³ந்தா ஒத்த²ரித்வா பத்தங் பி⁴ந்தெ³ந்தி. ப⁴க³வதோ
ஏதமத்த²ங் ஆரோசேஸுங். ‘‘ந, பி⁴க்க²வே, பீடே² பத்தோ நிக்கி²பிதப்³போ³. யோ
நிக்கி²பெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன பி⁴க்கூ² அங்கே பத்தங் நிக்கி²பந்தி,
ஸதிஸம்மோஸா உட்ட²ஹந்தி. பரிபதித்வா பத்தோ பி⁴ஜ்ஜதி. ப⁴க³வதோ ஏதமத்த²ங்
ஆரோசேஸுங். ‘‘ந, பி⁴க்க²வே, அங்கே பத்தோ நிக்கி²பிதப்³போ³. யோ
நிக்கி²பெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன பி⁴க்கூ² ச²த்தே பத்தங் நிக்கி²பந்தி. வாதமண்ட³லிகாய ச²த்தங் உக்கி²பியதி பரிபதித்வா பத்தோ பி⁴ஜ்ஜதி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, ச²த்தே பத்தோ நிக்கி²பிதப்³போ³. யோ நிக்கி²பெய்ய, ஆபத்தி து³க்கடஸ்ஸா’’தி.

255.
தேன கோ² பன ஸமயேன பி⁴க்கூ² பத்தஹத்தா² கவாடங் பணாமெந்தி. கவாடோ ஆவட்டித்வா
பத்தோ பி⁴ஜ்ஜதி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
பத்தஹத்தே²ன கவாடங் பணாமேதப்³ப³ங் [கவாடோ பணாமேதப்³போ³ (க॰)]. யோ பணாமெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன பி⁴க்கூ²
தும்ப³கடாஹே பிண்டா³ய சரந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
ஸெய்யதா²பி தித்தி²யாதி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
தும்ப³கடாஹே பிண்டா³ய சரிதப்³ப³ங். யோ சரெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன பி⁴க்கூ² க⁴டிகடாஹே [க⁴டிகடாஹேன (ஸ்யா॰)] பிண்டா³ய சரந்தி. மனுஸ்ஸா உஜ்ஜா²யந்தி கி²ய்யந்தி
விபாசெந்தி – ஸெய்யதா²பி தித்தி²யாதி. ப⁴க³வதோ ஏதமத்த²ங் ஆரோசேஸுங். ‘‘ந,
பி⁴க்க²வே, க⁴டிகடாஹே பிண்டா³ய சரிதப்³ப³ங். யோ சரெய்ய, ஆபத்தி
து³க்கடஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² ஸப்³ப³பங்ஸுகூலிகோ ஹோதி. ஸோ ச²வஸீஸஸ்ஸ பத்தங் தா⁴ரேதி. அஞ்ஞதரா இத்தீ² பஸ்ஸித்வா
பீ⁴தா விஸ்ஸரமகாஸி – ‘‘அபு⁴ங் மே பிஸாசோ வதாய’’ந்தி. மனுஸ்ஸா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா ச²வஸீஸஸ்ஸ பத்தங்
தா⁴ரெஸ்ஸந்தி, ஸெய்யதா²பி பிஸாசில்லிகா’’தி! ப⁴க³வதோ ஏதமத்த²ங் ஆரோசேஸுங்.
‘‘ந, பி⁴க்க²வே, ச²வஸீஸஸ்ஸ பத்தோ தா⁴ரேதப்³போ³. யோ தா⁴ரெய்ய, ஆபத்தி
து³க்கடஸ்ஸ. ந ச, பி⁴க்க²வே, ஸப்³ப³பங்ஸுகூலிகேன ப⁴விதப்³ப³ங். யோ ப⁴வெய்ய,
ஆபத்தி து³க்கடஸ்ஸா’’தி.

தேன கோ² பன ஸமயேன பி⁴க்கூ² சலகானிபி அட்டி²கானிபி
உச்சி²ட்டோ²த³கம்பி பத்தேன நீஹரந்தி. மனுஸ்ஸா உஜ்ஜா²யந்தி கி²ய்யந்தி
விபாசெந்தி – ‘‘யஸ்மிங் யேவிமே ஸமணா ஸக்யபுத்தியா பு⁴ஞ்ஜந்தி ஸோவ நேஸங்
படிக்³க³ஹோ’’தி. ப⁴க³வதோ ஏதமத்த²ங் ஆரோசேஸுங். ‘‘ந பி⁴க்க²வே, சலகானி வா
அட்டி²கானி வா உச்சி²ட்டோ²த³கங் வா பத்தேன நீஹரிதப்³ப³ங். யோ நீஹரெய்ய,
ஆபத்தி து³க்கடஸ்ஸ. அனுஜானாமி, பி⁴க்க²வே, படிக்³க³ஹ’’ந்தி.

256.
தேன கோ² பன ஸமயேன பி⁴க்கூ² ஹத்தே²ன விப்பா²ளெத்வா சீவரங் ஸிப்³பெ³ந்தி.
சீவரங் விலோமிகங் ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, ஸத்த²கங் நமதக’’ந்தி.

தேன கோ² பன ஸமயேன ஸங்க⁴ஸ்ஸ த³ண்ட³ஸத்த²கங் உப்பன்னங்
ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
த³ண்ட³ஸத்த²க’’ந்தி .

தேன கோ² பன ஸமயேன
ச²ப்³ப³க்³கி³யா பி⁴க்கூ² உச்சாவசே ஸத்த²கத³ண்டே³ தா⁴ரெந்தி ஸோவண்ணமயங்
ரூபியமயங். மனுஸ்ஸா உஜ்ஜா²யந்தி கி²ய்யந்தி விபாசெந்தி – ஸெய்யதா²பி கி³ஹீ
காமபோ⁴கி³னோதி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, உச்சாவசா
ஸத்த²கத³ண்டா³ தா⁴ரேதப்³பா³. யோ தா⁴ரெய்ய, ஆபத்தி து³க்கடஸ்ஸ. அனுஜானாமி,
பி⁴க்க²வே, அட்டி²மயங் த³ந்தமயங் விஸாணமயங் நளமயங் வேளுமயங் கட்ட²மயங்
ஜதுமயங் ப²லமயங் லோஹமயங் ஸங்க²னாபி⁴மய’’ந்தி.

தேன கோ² பன ஸமயேன பி⁴க்கூ² குக்குடபத்தேனபி வேளுபேஸிகாயபி சீவரங் ஸிப்³பெ³ந்தி. சீவரங்
து³ஸ்ஸிப்³பி³தங் ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, ஸூசி’’ந்தி. ஸூசியோ கண்ணகிதாயோ ஹொந்தி…பே॰… ‘‘அனுஜானாமி,
பி⁴க்க²வே , ஸூசினாளிக’’ந்தி. ஸூசினாளிகாயபி
கண்ணகிதாயோ ஹொந்தி…பே॰… ‘‘அனுஜானாமி, பி⁴க்க²வே, கிண்ணேன பூரேது’’ந்தி.
கிண்ணேபி கண்ணகிதாயோ ஹொந்தி…பே॰… ‘‘அனுஜானாமி, பி⁴க்க²வே, ஸத்துயா
பூரேது’’ந்தி. ஸத்துயாபி கண்ணகிதாயோ ஹொந்தி…பே॰… ‘‘அனுஜானாமி, பி⁴க்க²வே,
ஸரிதக’’ந்தி. ஸரிதகேபி கண்ணகிதாயோ ஹொந்தி…பே॰… ‘‘அனுஜானாமி, பி⁴க்க²வே,
மது⁴ஸித்த²கேன ஸாரேது’’ந்தி. ஸரிதகங் பரிபி⁴ஜ்ஜதி. ‘‘அனுஜானாமி, பி⁴க்க²வே,
ஸரிதகஸிபாடிக’’ந்தி.

தேன கோ² பன ஸமயேன பி⁴க்கூ² தத்த² தத்த² கி²லங் நிக்க²ணித்வா ஸம்ப³ந்தி⁴த்வா சீவரங் ஸிப்³பெ³ந்தி. சீவரங் விகண்ணங் ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, கதி²னங் கதி²னரஜ்ஜுங் [கடி²னங் கடி²னரஜ்ஜுங் (ஸீ॰ ஸ்யா॰)]
தத்த² தத்த² ஓப³ந்தி⁴த்வா சீவரங் ஸிப்³பே³து’’ந்தி. விஸமே கதி²னங்
பத்த²ரந்தி. கதி²னங் பரிபி⁴ஜ்ஜதி…பே॰… ‘‘ந, பி⁴க்க²வே, விஸமே கதி²னங்
பத்த²ரிதப்³ப³ங். யோ பத்த²ரெய்ய, ஆபத்தி து³க்கடஸ்ஸா’’தி.

ச²மாய கதி²னங் பத்த²ரந்தி. கதி²னங் பங்ஸுகிதங்
ஹோதி…பே॰… ‘‘அனுஜானாமி, பி⁴க்க²வே, திணஸந்தா²ரக’’ந்தி. கதி²னஸ்ஸ அந்தோ
ஜீரதி…பே॰… ‘‘அனுஜானாமி, பி⁴க்க²வே, அனுவாதங் பரிப⁴ண்ட³ங் ஆரோபேது’’ந்தி.
கதி²னங் நப்பஹோதி…பே॰… ‘‘அனுஜானாமி, பி⁴க்க²வே, த³ண்ட³கதி²னங் பி³த³லகங்
ஸலாகங் வினந்த⁴னரஜ்ஜுங் வினந்த⁴னஸுத்தங் வினந்தி⁴த்வா சீவரங்
ஸிப்³பே³து’’ந்தி. ஸுத்தந்தரிகாயோ விஸமா ஹொந்தி…பே॰… ‘‘அனுஜானாமி , பி⁴க்க²வே, களிம்ப⁴க’’ந்தி. ஸுத்தா வங்கா ஹொந்தி…பே॰… ‘‘அனுஜானாமி, பி⁴க்க²வே, மோக⁴ஸுத்தக’’ந்தி.

தேன கோ² பன ஸமயேன பி⁴க்கூ² அதோ⁴தேஹி பாதே³ஹி கதி²னங்
அக்கமந்தி. கதி²னங் து³ஸ்ஸதி. ப⁴க³வதோ ஏதமத்த²ங் ஆரோசேஸுங். ‘‘ந,
பி⁴க்க²வே, அதோ⁴தேஹி பாதே³ஹி கதி²னங் அக்கமிதப்³ப³ங். யோ அக்கமெய்ய, ஆபத்தி
து³க்கடஸ்ஸா’’தி.

தேன கோ² பன ஸமயேன பி⁴க்கூ² அல்லேஹி பாதே³ஹி கதி²னங் அக்கமந்தி. கதி²னங் து³ஸ்ஸதி. ப⁴க³வதோ ஏதமத்த²ங் ஆரோசேஸுங். ‘‘ந , பி⁴க்க²வே, அல்லேஹி பாதே³ஹி கதி²னங் அக்கமிதப்³ப³ங். யோ அக்கமெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன பி⁴க்கூ²
ஸஉபாஹனா கதி²னங் அக்கமந்தி. கதி²னங் து³ஸ்ஸதி. ப⁴க³வதோ ஏதமத்த²ங்
ஆரோசேஸுங். ‘‘ந, பி⁴க்க²வே, ஸஉபாஹனேன கதி²னங் அக்கமிதப்³ப³ங். யோ
அக்கமெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன பி⁴க்கூ² சீவரங் ஸிப்³ப³ந்தா
அங்கு³லியா படிக்³க³ண்ஹந்தி. அங்கு³லியோ து³க்கா² ஹொந்தி. ப⁴க³வதோ
ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, படிக்³க³ஹ’’ந்தி.

257. தேன கோ² பன ஸமயேன ச²ப்³ப³க்³கி³யா பி⁴க்கூ² உச்சாவசே படிக்³க³ஹே தா⁴ரெந்தி ஸோவண்ணமயங் ரூபியமயங். மனுஸ்ஸா
உஜ்ஜா²யந்தி கி²ய்யந்தி விபாசெந்தி – ஸெய்யதா²பி கி³ஹீ காமபோ⁴கி³னோதி.
ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, உச்சாவசா படிக்³க³ஹா
தா⁴ரேதப்³பா³. யோ தா⁴ரெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே,
அட்டி²மயங்…பே॰… ஸங்க²னாபி⁴மய’’ந்தி.

தேன கோ² பன ஸமயேன ஸூசியோபி ஸத்த²காபி படிக்³க³ஹாபி
நஸ்ஸந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
ஆவேஸனவித்த²க’’ந்தி. ஆவேஸனவித்த²கே ஸமாகுலா ஹொந்தி. ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, படிக்³க³ஹத²விக’’ந்தி. அங்ஸப³த்³த⁴கோ ந
ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
அங்ஸப³த்³த⁴கங் ப³ந்த⁴னஸுத்தக’’ந்தி.

தேன கோ² பன ஸமயேன பி⁴க்கூ²
அப்³போ⁴காஸே சீவரங் ஸிப்³ப³ந்தா ஸீதேனபி உண்ஹேனபி கிலமந்தி. ப⁴க³வதோ
ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, கதி²னஸாலங்
கதி²னமண்ட³ப’’ந்தி. கதி²னஸாலா நீசவத்து²கா ஹோதி,
உத³கேன ஒத்த²ரிய்யதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே
உச்சவத்து²கங் காது’’ந்தி. சயோ பரிபததி…பே॰… ‘‘அனுஜானாமி, பி⁴க்க²வே,
சினிதுங் தயோ சயே – இட்ட²காசயங், ஸிலாசயங், தா³ருசய’’ந்தி. ஆரோஹந்தா
விஹஞ்ஞந்தி…பே॰… ‘‘அனுஜானாமி, பி⁴க்க²வே, தயோ ஸோபானே – இட்ட²காஸோபானங்,
ஸிலாஸோபானங், தா³ருஸோபான’’ந்தி. ஆரோஹந்தா பரிபதந்தி…பே॰… ‘‘அனுஜானாமி,
பி⁴க்க²வே, ஆலம்ப³னபா³ஹ’’ந்தி. கதி²னஸாலாய திணசுண்ணங் பரிபததி…பே॰…
‘‘அனுஜானாமி, பி⁴க்க²வே, ஓகு³ம்பெ²த்வா [ஓகு³ம்பெ³த்வா (ஸீ॰ ஸ்யா॰)]
உல்லித்தாவலித்தங் காதுங் – ஸேதவண்ணங் காளவண்ணங் கே³ருகபரிகம்மங்
மாலாகம்மங் லதாகம்மங் மகரத³ந்தகங் பஞ்சபடிகங் சீவரவங்ஸங் சீவரரஜ்ஜுக’’ந்தி.

தேன கோ² பன ஸமயேன பி⁴க்கூ²
சீவரங் ஸிப்³பெ³த்வா தத்தே²வ கதி²னங் உஜ்ஜி²த்வா பக்கமந்தி, உந்தூ³ரேஹிபி
உபசிகாஹிபி க²ஜ்ஜதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
கதி²னங் ஸங்க⁴ரிது’’ந்தி. கதி²னங் பரிபி⁴ஜ்ஜதி…பே॰… ‘‘அனுஜானாமி,
பி⁴க்க²வே, கோ³க⁴ங்ஸிகாய கதி²னங் ஸங்க⁴ரிது’’ந்தி. கதி²னங்
வினிவேடி²யதி…பே॰… ‘‘அனுஜானாமி, பி⁴க்க²வே, ப³ந்த⁴னரஜ்ஜு’’ந்தி .

தேன கோ² பன ஸமயேன பி⁴க்கூ² குட்டேபி த²ம்பே⁴பி கதி²னங்
உஸ்ஸாபெத்வா பக்கமந்தி. பரிபதித்வா கதி²னங் பி⁴ஜ்ஜதி. ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, பி⁴த்திகி²லே வா நாக³த³ந்தே வா
லக்³கே³து’’ந்தி.

258. அத² கோ² ப⁴க³வா ராஜக³ஹே யதா²பி⁴ரந்தங் விஹரித்வா யேன வேஸாலீ தேன சாரிகங் பக்காமி. தேன கோ² பன ஸமயேன
பி⁴க்கூ² ஸூசிகம்பி ஸத்த²கம்பி பே⁴ஸஜ்ஜம்பி பத்தேன ஆதா³ய க³ச்ச²ந்தி.
ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
பே⁴ஸஜ்ஜத்த²விக’’ந்தி. அங்ஸப³த்³த⁴கோ ந ஹோதி…பே॰… ‘‘அனுஜானாமி, பி⁴க்க²வே,
அங்ஸப³த்³த⁴கங் ப³ந்த⁴னஸுத்தக’’ந்தி.

தேன கோ² பன ஸமயேன அஞ்ஞதரோ பி⁴க்கு² உபாஹனாயோ
காயப³ந்த⁴னேன ப³ந்தி⁴த்வா கா³மங் பிண்டா³ய பாவிஸி. அஞ்ஞதரோ உபாஸகோ தங்
பி⁴க்கு²ங் அபி⁴வாதெ³ந்தோ உபாஹனாயோ ஸீஸேன க⁴ட்டேதி. ஸோ பி⁴க்கு² மங்கு
அஹோஸி. அத² கோ² ஸோ பி⁴க்கு² ஆராமங் க³ந்த்வா பி⁴க்கூ²னங் ஏதமத்த²ங்
ஆரோசேஸி. பி⁴க்கூ² ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
உபாஹனத்த²விக’’ந்தி. அங்ஸப³த்³த⁴கோ ந ஹோதி…பே॰… ‘‘அனுஜானாமி, பி⁴க்க²வே,
அங்ஸப³த்³த⁴கங் ப³ந்த⁴னஸுத்தக’’ந்தி.

தேன கோ² பன ஸமயேன அந்தராமக்³கே³ உத³கங் அகப்பியங் ஹோதி. பரிஸ்ஸாவனங் ந ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி ,
பி⁴க்க²வே, பரிஸ்ஸாவன’’ந்தி. சோளகங் நப்பஹோதி…பே॰… ‘‘அனுஜானாமி,
பி⁴க்க²வே, கடச்சு²பரிஸ்ஸாவன’’ந்தி. சோளகங் நப்பஹோதி…பே॰… ‘‘அனுஜானாமி,
பி⁴க்க²வே, த⁴ம்மகரண’’ந்தி [த⁴ம்மகரணங் (ஸீ॰ ஸ்யா॰), த⁴மகரணங் (க॰)].

259.
தேன கோ² பன ஸமயேன த்³வே பி⁴க்கூ² கோஸலேஸு ஜனபதே³ அத்³தா⁴னமக்³க³ப்படிபன்னா
ஹொந்தி. ஏகோ பி⁴க்கு² அனாசாரங் ஆசரதி. து³தியோ பி⁴க்கு² தங் பி⁴க்கு²ங்
ஏதத³வோச – ‘‘மா, ஆவுஸோ, ஏவரூபங் அகாஸி. நேதங் கப்பதீ’’தி. ஸோ தஸ்மிங்
உபனந்தி⁴. அத² கோ² ஸோ பி⁴க்கு² பிபாஸாய பீளிதோ
உபனத்³த⁴ங் பி⁴க்கு²ங் ஏதத³வோச – ‘‘தே³ஹி மே, ஆவுஸோ, பரிஸ்ஸாவனங், பானீயங்
பிவிஸ்ஸாமீ’’தி. உபனத்³தோ⁴ பி⁴க்கு² ந அதா³ஸி. ஸோ பி⁴க்கு² பிபாஸாய பீளிதோ
காலமகாஸி. அத² கோ² ஸோ பி⁴க்கு² ஆராமங் க³ந்த்வா பி⁴க்கூ²னங் ஏதமத்த²ங்
ஆரோசேஸி. ‘‘கிங் பன த்வங், ஆவுஸோ, பரிஸ்ஸாவனங் யாசியமானோ ந அதா³ஸீ’’தி?
‘‘ஏவமாவுஸோ’’தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பி⁴க்கு² பரிஸ்ஸாவனங் யாசியமானோ ந
த³ஸ்ஸதீ’’தி! அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங். அத² கோ²
ப⁴க³வா ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங் ஸன்னிபாதாபெத்வா
தங் பி⁴க்கு²ங் படிபுச்சி² – ‘‘ஸச்சங் கிர த்வங், பி⁴க்கு², பரிஸ்ஸாவனங்
யாசியமானோ ந அதா³ஸீ’’தி? ‘‘ஸச்சங் ப⁴க³வா’’தி. விக³ரஹி பு³த்³தோ⁴ ப⁴க³வா –
‘‘அனநுச்ச²விகங், மோக⁴புரிஸ, அனநுலோமிகங் அப்பதிரூபங் அஸ்ஸாமணகங் அகப்பியங் அகரணீயங். கத²ஞ்ஹி நாம த்வங், மோக⁴புரிஸ, பரிஸ்ஸாவனங் யாசியமானோ ந த³ஸ்ஸஸி. நேதங், மோக⁴புரிஸ ,
அப்பஸன்னானங் வா பஸாதா³ய…பே॰… விக³ரஹித்வா…பே॰… த⁴ம்மிங் கத²ங் கத்வா
பி⁴க்கூ² ஆமந்தேஸி – ‘‘ந பி⁴க்க²வே, அத்³தா⁴னமக்³க³ப்படிபன்னேன பி⁴க்கு²னா
பரிஸ்ஸாவனங் யாசியமானேன ந தா³தப்³ப³ங். யோ ந த³தெ³ய்ய, ஆபத்தி து³க்கடஸ்ஸ. ந
ச, பி⁴க்க²வே, அபரிஸ்ஸாவனகேன அத்³தா⁴னோ படிபஜ்ஜிதப்³போ³. யோ படிபஜ்ஜெய்ய,
ஆபத்தி து³க்கடஸ்ஸ. ஸசே ந ஹோதி பரிஸ்ஸாவனங் வா த⁴ம்மகரணோ வா,
ஸங்கா⁴டிகண்ணோபி அதி⁴ட்டா²தப்³போ³ – இமினா பரிஸ்ஸாவெத்வா பிவிஸ்ஸாமீ’’தி.
அத² கோ² ப⁴க³வா அனுபுப்³பே³ன சாரிகங் சரமானோ யேன வேஸாலீ தத³வஸரி. தத்ர
ஸுத³ங் ப⁴க³வா வேஸாலியங் விஹரதி மஹாவனே கூடாகா³ரஸாலாயங் .
தேன கோ² பன ஸமயேன பி⁴க்கூ² நவகம்மங் கரொந்தி. பரிஸ்ஸாவனங் ந ஸம்மதி.
ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
த³ண்ட³பரிஸ்ஸாவன’’ந்தி. த³ண்ட³பரிஸ்ஸாவனங் ந ஸம்மதி. ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, ஒத்த²ரக’’ந்தி.

தேன கோ² பன ஸமயேன பி⁴க்கூ² மகஸேஹி உப்³பா³ள்ஹா ஹொந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, மகஸகுடிக’’ந்தி.

260. தேன கோ² பன ஸமயேன வேஸாலியங் பணீதானங் ப⁴த்தானங் ப⁴த்தபடிபாடி அட்டி²தா ஹோதி. பி⁴க்கூ² பணீதானி போ⁴ஜனானி பு⁴ஞ்ஜித்வா அபி⁴ஸன்னகாயா ஹொந்தி ப³ஹ்வாபா³தா⁴ [ப³வ்ஹாபா³தா⁴ (ஸீ॰)].
அத² கோ² ஜீவகோ கோமாரப⁴ச்சோ வேஸாலிங் அக³மாஸி கேனசிதே³வ கரணீயேன. அத்³த³ஸா
கோ² ஜீவகோ கோமாரப⁴ச்சோ பி⁴க்கூ² அபி⁴ஸன்னகாயே ப³ஹ்வாபா³தே⁴. தி³ஸ்வான யேன
ப⁴க³வா தேனுபஸங்கமி, உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³. ஏகமந்தங் நிஸின்னோ கோ² ஜீவகோ கோமாரப⁴ச்சோ
ப⁴க³வந்தங் ஏதத³வோச – ‘‘ஏதரஹி, ப⁴ந்தே, பி⁴க்கூ² அபி⁴ஸன்னகாயா
ப³ஹ்வாபா³தா⁴. ஸாது⁴, ப⁴ந்தே, ப⁴க³வா பி⁴க்கூ²னங் சங்கமஞ்ச ஜந்தாக⁴ரஞ்ச
அனுஜானாது. ஏவங் பி⁴க்கூ² அப்பாபா³தா⁴ ப⁴விஸ்ஸந்தீ’’தி. அத² கோ² ப⁴க³வா
ஜீவகங் கோமாரப⁴ச்சங் த⁴ம்மியா கதா²ய ஸந்த³ஸ்ஸேஸி ஸமாத³பேஸி ஸமுத்தேஜேஸி
ஸம்பஹங்ஸேஸி. அத² கோ² ஜீவகோ கோமாரப⁴ச்சோ ப⁴க³வதா த⁴ம்மியா கதா²ய
ஸந்த³ஸ்ஸிதோ ஸமாத³பிதோ ஸமுத்தேஜிதோ ஸம்பஹங்ஸிதோ உட்டா²யாஸனா ப⁴க³வந்தங்
அபி⁴வாதெ³த்வா பத³க்கி²ணங் கத்வா பக்காமி. அத² கோ² ப⁴க³வா ஏதஸ்மிங் நிதா³னே
ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி,
பி⁴க்க²வே, சங்கமஞ்ச ஜந்தாக⁴ரஞ்சா’’தி.

தேன கோ² பன ஸமயேன பி⁴க்கூ²
விஸமே சங்கமே சங்கமந்தி. பாதா³ து³க்கா² ஹொந்தி. ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, ஸமங் காது’’ந்தி. சங்கமோ நீசவத்து²கோ
ஹோதி. உத³கேன ஒத்த²ரிய்யதி…பே॰… ‘‘அனுஜானாமி, பி⁴க்க²வே, உச்சவத்து²கங்
காது’’ந்தி. சயோ பரிபததி…பே॰… ‘‘அனுஜானாமி,
பி⁴க்க²வே, சினிதுங் தயோ சயே – இட்ட²காசயங், ஸிலாசயங், தா³ருசய’’ந்தி.
ஆரோஹந்தா விஹஞ்ஞந்தி…பே॰… ‘‘அனுஜானாமி, பி⁴க்க²வே, தயோ ஸோபானே –
இட்ட²காஸோபானங், ஸிலாஸோபானங், தா³ருஸோபான’’ந்தி. ஆரோஹந்தா பரிபதந்தி…பே॰…
‘‘அனுஜானாமி, பி⁴க்க²வே, ஆலம்ப³னபா³ஹ’’ந்தி.

தேன கோ² பன ஸமயேன பி⁴க்கூ² சங்கமே சங்கமந்தா பரிபதந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, சங்கமனவேதி³க’’ந்தி.

தேன கோ² பன ஸமயேன பி⁴க்கூ² அஜ்ஜோ²காஸே சங்கமந்தா
ஸீதேனபி உண்ஹேனபி கிலமந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, சங்கமனஸால’’ந்தி. சங்கமனஸாலாயங் திணசுண்ணங் பரிபததி…பே॰…
‘‘அனுஜானாமி, பி⁴க்க²வே, ஓகு³ம்பெ²த்வா உல்லித்தாவலித்தங் காதுங் –
ஸேதவண்ணங் காளவண்ணங் கே³ருகபரிகம்மங் மாலாகம்மங் லதாகம்மங் மகரத³ந்தகங்
பஞ்சபடிகங் சீவரவங்ஸங் சீவரரஜ்ஜு’’ந்தி. ஜந்தாக⁴ரங் நீசவத்து²கங் ஹோதி,
உத³கேன ஒத்த²ரிய்யதி…பே॰… ‘‘அனுஜானாமி, பி⁴க்க²வே, உச்சவத்து²கங்
காது’’ந்தி. சயோ பரிபததி…பே॰… ‘‘அனுஜானாமி, பி⁴க்க²வே, சினிதுங் தயோ சயே –
இட்ட²காசயங், ஸிலாசயங், தா³ருசய’’ந்தி. ஆரோஹந்தா விஹஞ்ஞந்தி…பே॰…
‘‘அனுஜானாமி, பி⁴க்க²வே, தயோ ஸோபானே – இட்ட²காஸோபானங், ஸிலாஸோபானங்,
தா³ருஸோபான’’ந்தி. ஆரோஹந்தா பரிபதந்தி…பே॰… ‘‘அனுஜானாமி, பி⁴க்க²வே,
ஆலம்ப³னபா³ஹ’’ந்தி . ஜந்தாக⁴ரஸ்ஸ கவாடங் ந ஹோதி…பே॰… ‘‘அனுஜானாமி, பி⁴க்க²வே, கவாடங் பிட்ட²ஸங்கா⁴டங் [பீட²ஸங்கா⁴டங் (க॰)] உது³க்க²லிகங் உத்தரபாஸகங் அக்³க³ளவட்டிகங் கபிஸீஸகங் ஸூசிகங் க⁴டிகங் தாளச்சி²த்³த³ங் ஆவிஞ்ச²னசி²த்³த³ங் ஆவிஞ்ச²னரஜ்ஜு’’ந்தி .
ஜந்தாக⁴ரஸ்ஸ குட்டபாதோ³ ஜீரதி…பே॰… ‘‘அனுஜானாமி, பி⁴க்க²வே, மண்ட³லிகங்
காது’’ந்தி. ஜந்தாக⁴ரஸ்ஸ தூ⁴மனெத்தங் ந ஹோதி…பே॰… ‘‘அனுஜானாமி, பி⁴க்க²வே,
தூ⁴மனெத்த’’ந்தி.

தேன கோ² பன ஸமயேன பி⁴க்கூ² கு²த்³த³கே ஜந்தாக⁴ரே
மஜ்ஜே² அக்³கி³ட்டா²னங் கரொந்தி. உபசாரோ ந ஹோதி. ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, கு²த்³த³கே ஜந்தாக⁴ரே ஏகமந்தங்
அக்³கி³ட்டா²னங் காதுங், மஹல்லகே மஜ்ஜே²’’தி. ஜந்தாக⁴ரே அக்³கி³ முக²ங்
ட³ஹதி…பே॰… ‘‘அனுஜானாமி, பி⁴க்க²வே, முக²மத்திக’’ந்தி. ஹத்தே² மத்திகங்
தேமெந்தி…பே॰… ‘‘அனுஜானாமி, பி⁴க்க²வே, மத்திகாதோ³ணிக’’ந்தி. மத்திகா
து³க்³க³ந்தா⁴ ஹோதி…பே॰… ‘‘அனுஜானாமி, பி⁴க்க²வே, வாஸேது’’ந்தி. ஜந்தாக⁴ரே
அக்³கி³ காயங் ட³ஹதி…பே॰… ‘‘அனுஜானாமி, பி⁴க்க²வே, உத³கங் அதிஹரிது’’ந்தி.
பாதியாபி பத்தேனபி உத³கங் அதிஹரந்தி…பே॰… ‘‘அனுஜானாமி, பி⁴க்க²வே,
உத³கட்டா²னங், உத³கஸராவக’’ந்தி. ஜந்தாக⁴ரங் திணச்ச²த³னங் ந ஸேதே³தி [திணச்சா²த³னேன சா²தே³தி (க॰)] …பே॰… ‘‘அனுஜானாமி, பி⁴க்க²வே, ஓகு³ம்பெ²த்வா உல்லித்தாவலித்தங் காது’’ந்தி. ஜந்தாக⁴ரங் சிக்க²ல்லங் ஹோதி…பே॰… ‘‘அனுஜானாமி, பி⁴க்க²வே, ஸந்த²ரிதுங் தயோ ஸந்த²ரே – இட்ட²காஸந்த²ரங், ஸிலாஸந்த²ரங் ,
தா³ருஸந்த²ர’’ந்தி. சிக்க²ல்லங்யேவ ஹோதி…பே॰… ‘‘அனுஜானாமி, பி⁴க்க²வே,
தோ⁴விது’’ந்தி. உத³கங் ஸந்திட்ட²தி…பே॰… ‘‘அனுஜானாமி, பி⁴க்க²வே,
உத³கனித்³த⁴மன’’ந்தி.

தேன கோ² பன ஸமயேன பி⁴க்கூ² ஜந்தாக⁴ரே ச²மாய
நிஸீத³ந்தி, க³த்தானி கண்டூ³வந்தி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, ஜந்தாக⁴ரபீட²’’ந்தி. தேன கோ² பன ஸமயேன ஜந்தாக⁴ரங்
அபரிக்கி²த்தங் ஹோதி…பே॰… ‘‘அனுஜானாமி, பி⁴க்க²வே, பரிக்கி²பிதுங் தயோ
பாகாரே – இட்ட²காபாகாரங், ஸிலாபாகாரங், தா³ருபாகார’’ந்தி. கொட்ட²கோ ந
ஹோதி…பே॰… ‘‘அனுஜானாமி, பி⁴க்க²வே, கொட்ட²க’’ந்தி. கொட்ட²கோ நீசவத்து²கோ
ஹோதி, உத³கேன ஒத்த²ரிய்யதி…பே॰… ‘‘அனுஜானாமி, பி⁴க்க²வே, உச்சவத்து²கங்
காது’’ந்தி. சயோ பரிபததி…பே॰… ‘‘அனுஜானாமி, பி⁴க்க²வே, சினிதுங் தயோ சயே –
இட்ட²காசயங், ஸிலாசயங், தா³ருசய’’ந்தி. ஆரோஹந்தா விஹஞ்ஞந்தி…பே॰…
‘‘அனுஜானாமி, பி⁴க்க²வே, தயோ ஸோபானே – இட்ட²காஸோபானங், ஸிலாஸோபானங்,
தா³ருஸோபான’’ந்தி. ஆரோஹந்தா பரிபதந்தி…பே॰… ‘‘அனுஜானாமி, பி⁴க்க²வே,
ஆலம்ப³னபா³ஹ’’ந்தி. கொட்ட²கஸ்ஸ கவாடங் ந ஹோதி…பே॰… ‘‘அனுஜானாமி, பி⁴க்க²வே,
கவாடங் பிட்ட²ஸங்கா⁴டங் உது³க்க²லிகங் உத்தரபாஸகங் அக்³க³ளவட்டிங்
கபிஸீஸகங் ஸூசிகங் க⁴டிகங் தாளச்சி²த்³த³ங் ஆவிஞ்ச²னசி²த்³த³ங்
ஆவிஞ்ச²னரஜ்ஜு’’ந்தி. கொட்ட²கே திணசுண்ணங் பரிபததி…பே॰… ‘‘அனுஜானாமி,
பி⁴க்க²வே, ஓகு³ம்பெ²த்வா உல்லித்தாவலித்தங் காதுங் – ஸேதவண்ணங்
காளவண்ணங் கே³ருகபரிகம்மங் மாலாகம்மங் லதாகம்மங் மகரத³ந்தகங்
பஞ்சபடிகந்தி. பரிவேணங் சிக்க²ல்லங் ஹோதி…பே॰… ‘‘அனுஜானாமி, பி⁴க்க²வே,
மரும்ப³ங் உபகிரிது’’ந்தி. ந பரியாபுணந்தி…பே॰… ‘‘அனுஜானாமி, பி⁴க்க²வே,
பத³ரஸிலங் நிக்கி²பிது’’ந்தி. உத³கங் ஸந்திட்ட²தி…பே॰… ‘‘அனுஜானாமி,
பி⁴க்க²வே, உத³கனித்³த⁴மன’’ந்தி.

261.
தேன கோ² பன ஸமயேன பி⁴க்கூ² நக்³கா³ நக்³க³ங் அபி⁴வாதெ³ந்தி…பே॰… நக்³கா³
நக்³க³ங் அபி⁴வாதா³பெந்தி, நக்³கா³ நக்³க³ஸ்ஸ பரிகம்மங் கரொந்தி, நக்³கா³
நக்³க³ஸ்ஸ பரிகம்மங் காராபெந்தி, நக்³கா³ நக்³க³ஸ்ஸ தெ³ந்தி, நக்³கா³
படிக்³க³ண்ஹந்தி, நக்³கா³ கா²த³ந்தி, நக்³கா³ பு⁴ஞ்ஜந்தி, நக்³கா³ ஸாயந்தி,
நக்³கா³ பிவந்தி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, நக்³கே³ன [இத³ங் பத³ங் கத்த²சி நத்தி²] நக்³கோ³ அபி⁴வாதே³தப்³போ³…பே॰… ந நக்³கே³ன அபி⁴வாதே³தப்³ப³ங்… ந நக்³கே³ன [இத³ங் பத³ங் கத்த²சி நத்தி²] நக்³கோ³ அபி⁴வாதா³பேதப்³போ³… ந நக்³கே³ன அபி⁴வாதா³பேதப்³ப³ங்… ந நக்³கே³ன நக்³க³ஸ்ஸ பரிகம்மங்
காதப்³ப³ங்… ந நக்³கே³ன நக்³க³ஸ்ஸ பரிகம்மங் காராபேதப்³ப³ங்… ந நக்³கே³ன
நக்³க³ஸ்ஸ தா³தப்³ப³ங்… ந நக்³கே³ன படிக்³க³ஹேதப்³ப³ங்… ந நக்³கே³ன
கா²தி³தப்³ப³ங்… ந நக்³கே³ன பு⁴ஞ்ஜிதப்³ப³ங்… ந நக்³கே³ன ஸாயிதப்³ப³ங்… ந நக்³கே³ன பாதப்³ப³ங். யோ பிவெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன பி⁴க்கூ² ஜந்தாக⁴ரே ச²மாய சீவரங்
நிக்கி²பந்தி. சீவரங் பங்ஸுகிதங் ஹோதி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, சீவரவங்ஸங் சீவரரஜ்ஜு’’ந்தி. தே³வே வஸ்ஸந்தே
சீவரங் ஓவஸ்ஸதி…பே॰… ‘‘அனுஜானாமி, பி⁴க்க²வே ,
ஜந்தாக⁴ரஸால’’ந்தி. ஜந்தாக⁴ரஸாலா நீசவத்து²கா ஹோதி, உத³கேன
ஒத்த²ரிய்யதி…பே॰… ‘‘அனுஜானாமி, பி⁴க்க²வே, உச்சவத்து²கங் காது’’ந்தி. சயோ
பரிபததி…பே॰… ‘‘அனுஜானாமி, பி⁴க்க²வே, சினிதுங்…பே॰… ஆரோஹந்தா
விஹஞ்ஞந்தி…பே॰… ஆரோஹந்தா பரிபதந்தி…பே॰… ‘‘அனுஜானாமி, பி⁴க்க²வே,
ஆலம்ப³னபா³ஹ’’ந்தி. ஜந்தாக⁴ரஸாலாய திணசுண்ணங் பரிபததி…பே॰… ‘‘அனுஜானாமி,
பி⁴க்க²வே, ஓகு³ம்பெ²த்வா உல்லித்தாவலித்தங் காதுங்…பே॰… சீவரவங்ஸங்
சீவரரஜ்ஜு’’ந்தி.

தேன கோ² பன ஸமயேன பி⁴க்கூ² ஜந்தாக⁴ரேபி உத³கேபி
பரிகம்மங் காதுங் குக்குச்சாயந்தி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, திஸ்ஸோ படிச்சா²தி³யோ – ஜந்தாக⁴ரபடிச்சா²தி³ங்,
உத³கபடிச்சா²தி³ங், வத்த²படிச்சா²தி³’’ந்தி.

தேன கோ² பன ஸமயேன ஜந்தாக⁴ரே உத³கங் ந ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி ,
பி⁴க்க²வே, உத³பான’’ந்தி. உத³பானஸ்ஸ கூலங் லுஜ்ஜதி…பே॰… ‘‘அனுஜானாமி,
பி⁴க்க²வே, சினிதுங் தயோ சயே – இட்ட²காசயங், ஸிலாசயங், தா³ருசய’’ந்தி.
உத³பானோ நீசவத்து²கோ ஹோதி, உத³கேன ஒத்த²ரிய்யதி…பே॰… ‘‘அனுஜானாமி,
பி⁴க்க²வே, உச்சவத்து²கங் காது’’ந்தி. சயோ பரிபததி…பே॰… ஆரோஹந்தா
விஹஞ்ஞந்தி…பே॰… ஆரோஹந்தா பரிபதந்தி…பே॰… ‘‘அனுஜானாமி, பி⁴க்க²வே,
ஆலம்ப³னபா³ஹ’’ந்தி.

262. தேன கோ² பன ஸமயேன பி⁴க்கூ² வல்லிகாயபி காயப³ந்த⁴னேனபி உத³கங் வாஹெந்தி [வாஹந்தி (க॰)].
ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
உத³கவாஹனரஜ்ஜு’’ந்தி. ஹத்தா² து³க்கா² ஹொந்தி…பே॰… ‘‘அனுஜானாமி, பி⁴க்க²வே,
துலங் கரகடகங் சக்கவட்டக’’ந்தி. பா⁴ஜனா ப³ஹூ பி⁴ஜ்ஜந்தி…பே॰… ‘‘அனுஜானாமி,
பி⁴க்க²வே, தயோ வாரகே – லோஹவாரகங், தா³ருவாரகங், சம்மக்க²ண்ட³’’ந்தி.

தேன கோ² பன ஸமயேன பி⁴க்கூ²
அஜ்ஜோ²காஸே உத³கங் வாஹெந்தா ஸீதேனபி உண்ஹேனபி கிலமந்தி. ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, உத³பானஸால’’ந்தி. உத³பானஸாலாய
திணசுண்ணங் பரிபததி…பே॰… ‘‘அனுஜானாமி, பி⁴க்க²வே, ஓகு³ம்பெ²த்வா
உல்லித்தாவலித்தங் காதுங் – ஸேதவண்ணங் காளவண்ணங் கே³ருகபரிகம்மங்
மாலாகம்மங் லதாகம்மங் மகரத³ந்தகங் பஞ்சபடிகங் சீவரவங்ஸங் சீவரரஜ்ஜு’’ந்தி.
உத³பானோ அபாருதோ ஹோதி, திணசுண்ணேஹிபி பங்ஸுகேஹிபி
ஓகிரிய்யதி…பே॰… ‘‘அனுஜானாமி, பி⁴க்க²வே, அபிதா⁴ன’’ந்தி. உத³கபா⁴ஜனங் ந
ஸங்விஜ்ஜதி…பே॰… ‘‘அனுஜானாமி, பி⁴க்க²வே, உத³கதோ³ணிங் உத³ககடாஹ’’ந்தி.

தேன கோ² பன ஸமயேன பி⁴க்கூ² ஆராமே தஹங் தஹங் நஹாயந்தி.
ஆராமோ சிக்க²ல்லோ ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, சந்த³னிக’’ந்தி. சந்த³னிகா பாகடா ஹோதி. பி⁴க்கூ² ஹிரியந்தி
நஹாயிதுங்…பே॰… ‘‘அனுஜானாமி, பி⁴க்க²வே, பரிக்கி²பிதுங் தயோ பாகாரே –
இட்ட²காபாகாரங், ஸிலாபாகாரங், தா³ருபாகார’’ந்தி. சந்த³னிகா சிக்க²ல்லா
ஹோதி…பே॰… ‘‘அனுஜானாமி, பி⁴க்க²வே, ஸந்த²ரிதுங் தயோ ஸந்த²ரே –
இட்ட²காஸந்த²ரங், ஸிலாஸந்த²ரங், தா³ருஸந்த²ர’’ந்தி. உத³கங்
ஸந்திட்ட²தி…பே॰… ‘‘அனுஜானாமி, பி⁴க்க²வே, உத³கனித்³த⁴மன’’ந்தி.

தேன கோ² பன ஸமயேன பி⁴க்கூ²னங் க³த்தானி ஸீதிக³தானி
ஹொந்தி. ப⁴க³வதோ ஏதமத்த²ங் ஆரோசேஸுங்…பே॰… ‘‘அனுஜானாமி, பி⁴க்க²வே,
உத³கபுஞ்ச²னிங் சோளகேனபி பச்சுத்³த⁴ரிது’’ந்தி.

263. தேன கோ² பன ஸமயேன
அஞ்ஞதரோ உபாஸகோ ஸங்க⁴ஸ்ஸ அத்தா²ய பொக்க²ரணிங் காரேதுகாமோ ஹோதி. ப⁴க³வதோ
ஏதமத்த²ங் ஆரோசேஸுங்…பே॰… ‘‘அனுஜானாமி, பி⁴க்க²வே, பொக்க²ரணி’’ந்தி.
பொக்க²ரணியா கூலங் லுஜ்ஜதி…பே॰… ‘‘அனுஜானாமி,
பி⁴க்க²வே, சினிதுங் தயோ சயே – இட்ட²காசயங், ஸிலாசயங், தா³ருசய’’ந்தி.
ஆரோஹந்தா விஹஞ்ஞந்தி…பே॰… ‘‘அனுஜானாமி, பி⁴க்க²வே, தயோ ஸோபானே –
இட்ட²காஸோபானங், ஸிலாஸோபானங், தா³ருஸோபான’’ந்தி. ஆரோஹந்தா பரிபதந்தி…பே॰…
‘‘அனுஜானாமி, பி⁴க்க²வே, ஆலம்ப³னபா³ஹ’’ந்தி. பொக்க²ரணியா உத³கங் புராணங்
ஹோதி…பே॰… ‘‘அனுஜானாமி, பி⁴க்க²வே, உத³கமாதிகங் உத³கனித்³த⁴மன’’ந்தி.

தேன கோ² பன ஸமயேன அஞ்ஞதரோ
பி⁴க்கு² ஸங்க⁴ஸ்ஸ அத்தா²ய நில்லேக²ங் ஜந்தாக⁴ரங் கத்துகாமோ ஹோதி. ப⁴க³வதோ
ஏதமத்த²ங் ஆரோசேஸுங்…பே॰… ‘‘அனுஜானாமி, பி⁴க்க²வே, நில்லேக²ங்
ஜந்தாக⁴ர’’ந்தி.

தேன கோ² பன ஸமயேன ச²ப்³ப³க்³கி³யா பி⁴க்கூ² சாதுமாஸங்
நிஸீத³னேன விப்பவஸந்தி. ப⁴க³வதோ ஏதமத்த²ங் ஆரோசேஸுங்…பே॰… ‘‘ந, பி⁴க்க²வே,
சாதுமாஸங் நிஸீத³னேன விப்பவஸிதப்³ப³ங். யோ விப்பவஸெய்ய, ஆபத்தி
து³க்கடஸ்ஸா’’தி.

264.
தேன கோ² பன ஸமயேன ச²ப்³ப³க்³கி³யா பி⁴க்கூ² புப்பா²பி⁴கிண்ணேஸு ஸயனேஸு
ஸயந்தி. மனுஸ்ஸா விஹாரசாரிகங் ஆஹிண்ட³ந்தா பஸ்ஸித்வா உஜ்ஜா²யந்தி
கி²ய்யந்தி விபாசெந்தி – ஸெய்யதா²பி கி³ஹீ காமபோ⁴கி³னோதி. ப⁴க³வதோ
ஏதமத்த²ங் ஆரோசேஸுங். ‘‘ந, பி⁴க்க²வே, புப்பா²பி⁴கிண்ணேஸு ஸயனேஸு
ஸயிதப்³ப³ங். யோ ஸயெய்ய, ஆபத்தி து³க்கடஸ்ஸா’’தி .

தேன கோ² பன ஸமயேன மனுஸ்ஸா க³ந்த⁴ம்பி மாலம்பி ஆதா³ய
ஆராமங் ஆக³ச்ச²ந்தி. பி⁴க்கூ² குக்குச்சாயந்தா ந படிக்³க³ண்ஹந்தி. ப⁴க³வதோ
ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, க³ந்த⁴ங் க³ஹெத்வா கவாடே
பஞ்சங்கு³லிகங் தா³துங், புப்ப²ங் க³ஹெத்வா விஹாரே ஏகமந்தங்
நிக்கி²பிது’’ந்தி.

தேன கோ² பன ஸமயேன ஸங்க⁴ஸ்ஸ நமதகங் உப்பன்னங் ஹோதி.
ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, நமதக’’ந்தி. அத² கோ²
பி⁴க்கூ²னங் ஏதத³ஹோஸி – ‘‘நமதகங் அதி⁴ட்டா²தப்³ப³ங் நு கோ² உதா³ஹு
விகப்பேதப்³ப³’’ந்தி…பே॰… ‘‘ந, பி⁴க்க²வே, நமதகங் அதி⁴ட்டா²தப்³ப³ங், ந
விகப்பேதப்³ப³’’ந்தி.

தேன கோ² பன ஸமயேன
ச²ப்³ப³க்³கி³யா பி⁴க்கூ² ஆஸித்தகூபதா⁴னே பு⁴ஞ்ஜந்தி. மனுஸ்ஸா உஜ்ஜா²யந்தி
கி²ய்யந்தி விபாசெந்தி – ஸெய்யதா²பி கி³ஹீ காமபோ⁴கி³னோதி. ப⁴க³வதோ
ஏதமத்த²ங் ஆரோசேஸுங்…பே॰… ‘‘ந, பி⁴க்க²வே, ஆஸித்தகூபதா⁴னே பு⁴ஞ்ஜிதப்³ப³ங்.
யோ பு⁴ஞ்ஜெய்ய, ஆபத்தி து³க்கடஸ்ஸா’’தி .

தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. ஸோ
பு⁴ஞ்ஜமானோ ந ஸக்கோதி ஹத்தே²ன பத்தங் ஸந்தா⁴ரேதுங். ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, மளோரிக’’ந்தி.

தேன கோ² பன ஸமயேன ச²ப்³ப³க்³கி³யா பி⁴க்கூ² ஏகபா⁴ஜனேபி பு⁴ஞ்ஜந்தி…பே॰…
ஏகதா²லகேபி பிவந்தி, ஏகமஞ்சேபி துவட்டெந்தி, ஏகத்த²ரணாபி துவட்டெந்தி,
ஏகபாவுரணாபி துவட்டெந்தி, ஏகத்த²ரணபாவுரணாபி துவட்டெந்தி. மனுஸ்ஸா
உஜ்ஜா²யந்தி கி²ய்யந்தி விபாசெந்தி – ஸெய்யதா²பி
கி³ஹீ காமபோ⁴கி³னோதி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
ஏகபா⁴ஜனே பு⁴ஞ்ஜிதப்³ப³ங்…பே॰… ந ஏகதா²லகே பாதப்³ப³ங்… ந ஏகமஞ்சே
துவட்டிதப்³ப³ங்… ந ஏகத்த²ரணா [ந ஏகத்த²ரணே] துவட்டிதப்³ப³ங்… ந ஏகபாவுரணா [ந ஏகபாவுரணே] துவட்டிதப்³ப³ங்… ந ஏகத்த²ரணபாவுரணா [ந ஏகத்த²ரணபாவுரணே (ஸ்யா॰)] துவட்டிதப்³ப³ங். யோ துவட்டெய்ய, ஆபத்தி து³க்கடஸ்ஸா’’தி.

265.
தேன கோ² பன ஸமயேன வட்³டோ⁴ லிச்ச²வீ மெத்தியபூ⁴மஜகானங் பி⁴க்கூ²னங் ஸஹாயோ
ஹோதி. அத² கோ² வட்³டோ⁴ லிச்ச²வீ யேன மெத்தியபூ⁴மஜகா பி⁴க்கூ² தேனுபஸங்கமி,
உபஸங்கமித்வா மெத்தியபூ⁴மஜகே பி⁴க்கூ² ஏதத³வோச – ‘‘வந்தா³மி அய்யா’’தி.
ஏவங் வுத்தே மெத்தியபூ⁴மஜகா பி⁴க்கூ² நாலபிங்ஸு. து³தியம்பி கோ² வட்³டோ⁴
லிச்ச²வீ மெத்தியபூ⁴மஜகே பி⁴க்கூ² ஏதத³வோச – ‘‘வந்தா³மி அய்யா’’தி.
து³தியம்பி கோ² மெத்தியபூ⁴மஜகா பி⁴க்கூ² நாலபிங்ஸு. ததியம்பி கோ² வட்³டோ⁴
லிச்ச²வீ மெத்தியபூ⁴மஜகே பி⁴க்கூ² ஏதத³வோச – ‘‘வந்தா³மி அய்யா’’தி.
ததியம்பி கோ² மெத்தியபூ⁴மஜகா பி⁴க்கூ² நாலபிங்ஸு.
‘‘க்யாஹங் அய்யானங் அபரஜ்ஜா²மி, கிஸ்ஸ மங் அய்யா நாலபந்தீ’’தி? ‘‘ததா² ஹி
பன த்வங், ஆவுஸோ வட்³ட⁴, அம்ஹே த³ப்³பே³ன மல்லபுத்தேன விஹேடி²யமானே
அஜ்ஜு²பெக்க²ஸீ’’தி. ‘‘க்யாஹங் அய்யா கரோமீ’’தி? ‘‘ஸசே கோ² த்வங், ஆவுஸோ
வட்³ட⁴, இச்செ²ய்யாஸி, அஜ்ஜேவ ப⁴க³வா ஆயஸ்மந்தங் த³ப்³ப³ங் மல்லபுத்தங்
நாஸாபெய்யா’’தி. ‘‘க்யாஹங் அய்யா கரோமி, கிங் மயா ஸக்கா காது’’ந்தி? ‘‘ஏஹி
த்வங், ஆவுஸோ வட்³ட⁴, யேன ப⁴க³வா தேனுபஸங்கம, உபஸங்கமித்வா ப⁴க³வந்தங் ஏவங்
வதே³ஹி – ‘இத³ங், ப⁴ந்தே, நச்ச²ன்னங் நப்பதிரூபங். யாயங், ப⁴ந்தே, தி³ஸா
அப⁴யா அனீதிகா அனுபத்³த³வா ஸாயங் தி³ஸா ஸப⁴யா ஸஈதிகா ஸஉபத்³த³வா; யதோ
நிவாதங் ததோ ஸவாதங் ; உத³கங் மஞ்ஞே ஆதி³த்தங்;
அய்யேன மே த³ப்³பே³ன மல்லபுத்தேன பஜாபதி தூ³ஸிதா’’’தி. ‘‘ஏவங் அய்யா’’தி
கோ² வட்³டோ⁴ லிச்ச²வீ மெத்தியபூ⁴மஜகானங் பி⁴க்கூ²னங் படிஸ்ஸுத்வா யேன
ப⁴க³வா தேனுபஸங்கமி, உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³. ஏகமந்தங் நிஸின்னோ கோ² வட்³டோ⁴ லிச்ச²வீ
ப⁴க³வந்தங் ஏதத³வோச – ‘‘இத³ங், ப⁴ந்தே, நச்ச²ன்னங் நப்பதிரூபங். யாயங்,
ப⁴ந்தே, தி³ஸா அப⁴யா அனீதிகா அனுபத்³த³வா ஸாயங் தி³ஸா ஸப⁴யா ஸஈதிகா
ஸஉபத்³த³வா; யதோ நிவாதங் ததோ ஸவாதங்; உத³கங் மஞ்ஞே ஆதி³த்தங்; அய்யேன மே
த³ப்³பே³ன மல்லபுத்தேன பஜாபதி தூ³ஸிதா’’தி.

அத² கோ² ப⁴க³வா ஏதஸ்மிங்
நிதா³னே ஏதஸ்மிங் பகரணே பி⁴க்கு²ஸங்க⁴ங் ஸன்னிபாதாபெத்வா ஆயஸ்மந்தங்
த³ப்³ப³ங் மல்லபுத்தங் படிபுச்சி² – ‘‘ஸரஸி த்வங்,
த³ப்³ப³, ஏவரூபங் கத்தா யதா²யங் வட்³டோ⁴ ஆஹா’’தி? ‘‘யதா² மங், ப⁴ந்தே,
ப⁴க³வா ஜானாதீ’’தி. து³தியம்பி கோ² ப⁴க³வா…பே॰… ததியம்பி கோ² ப⁴க³வா
ஆயஸ்மந்தங் த³ப்³ப³ங் மல்லபுத்தங் ஏதத³வோச – ‘‘ஸரஸி த்வங், த³ப்³ப³,
ஏவரூபங் கத்தா யதா²யங் வட்³டோ⁴ ஆஹா’’தி? ‘‘யதா² மங், ப⁴ந்தே, ப⁴க³வா
ஜானாதீ’’தி. ‘‘ந கோ², த³ப்³ப³, த³ப்³பா³ ஏவங் நிப்³பே³டெ²ந்தி. ஸசே தயா
கதங், கதந்தி வதே³ஹி; ஸசே அகதங், அகதந்தி வதே³ஹீ’’தி. ‘‘யதோ அஹங், ப⁴ந்தே,
ஜாதோ நாபி⁴ஜானாமி ஸுபினந்தேனபி மேது²னங் த⁴ம்மங் படிஸேவிதா, பகே³வ
ஜாக³ரோ’’தி. அத² கோ² ப⁴க³வா பி⁴க்கூ² ஆமந்தேஸி – ‘‘தேன ஹி, பி⁴க்க²வே,
ஸங்கோ⁴ வட்³ட⁴ஸ்ஸ லிச்ச²விஸ்ஸ பத்தங் நிக்குஜ்ஜது, அஸம்போ⁴க³ங் ஸங்கே⁴ன
கரோது.

‘‘அட்ட²ஹி, பி⁴க்க²வே, அங்கே³ஹி ஸமன்னாக³தஸ்ஸ உபாஸகஸ்ஸ
பத்தோ நிக்குஜ்ஜிதப்³போ³ – பி⁴க்கூ²னங் அலாபா⁴ய பரிஸக்கதி, பி⁴க்கூ²னங்
அனத்தா²ய பரிஸக்கதி, பி⁴க்கூ²னங் அவாஸாய [அனாவாஸாய (ஸ்யா॰)]
பரிஸக்கதி, பி⁴க்கூ² அக்கோஸதி பரிபா⁴ஸதி, பி⁴க்கூ² பி⁴க்கூ²ஹி பே⁴தே³தி,
பு³த்³த⁴ஸ்ஸ அவண்ணங் பா⁴ஸதி, த⁴ம்மஸ்ஸ அவண்ணங் பா⁴ஸதி, ஸங்க⁴ஸ்ஸ அவண்ணங்
பா⁴ஸதி. அனுஜானாமி, பி⁴க்க²வே, இமேஹி அட்ட²ஹங்கே³ஹி ஸமன்னாக³தஸ்ஸ உபாஸகஸ்ஸ
பத்தங் நிக்குஜ்ஜிதுங். ஏவஞ்ச பன, பி⁴க்க²வே, நிக்குஜ்ஜிதப்³போ³. ப்³யத்தேன
பி⁴க்கு²னா படிப³லேன ஸங்கோ⁴ ஞாபேதப்³போ³ –

266.
‘‘ஸுணாது மே, ப⁴ந்தே, ஸங்கோ⁴. வட்³டோ⁴ லிச்ச²வீ ஆயஸ்மந்தங் த³ப்³ப³ங்
மல்லபுத்தங் அமூலிகாய ஸீலவிபத்தியா அனுத்³த⁴ங்ஸேதி. யதி³ ஸங்க⁴ஸ்ஸ
பத்தகல்லங், ஸங்கோ⁴ வட்³ட⁴ஸ்ஸ லிச்ச²விஸ்ஸ பத்தங் நிக்குஜ்ஜெய்ய,
அஸம்போ⁴க³ங் ஸங்கே⁴ன கரெய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. வட்³டோ⁴ லிச்ச²வீ
ஆயஸ்மந்தங் த³ப்³ப³ங் மல்லபுத்தங் அமூலிகாய ஸீலவிபத்தியா அனுத்³த⁴ங்ஸேதி.
ஸங்கோ⁴ வட்³ட⁴ஸ்ஸ லிச்ச²விஸ்ஸ பத்தங் நிக்குஜ்ஜதி, அஸம்போ⁴க³ங் ஸங்கே⁴ன
கரோதி . யஸ்ஸாயஸ்மதோ க²மதி வட்³ட⁴ஸ்ஸ லிச்ச²விஸ்ஸ
பத்தஸ்ஸ நிக்குஜ்ஜனா, அஸம்போ⁴க³ங் ஸங்கே⁴ன கரணங், ஸோ துண்ஹஸ்ஸ; யஸ்ஸ
நக்க²மதி, ஸோ பா⁴ஸெய்ய.

‘‘நிக்குஜ்ஜிதோ ஸங்கே⁴ன வட்³ட⁴ஸ்ஸ லிச்ச²விஸ்ஸ பத்தோ, அஸம்போ⁴கோ³ ஸங்கே⁴ன. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

அத² கோ² ஆயஸ்மா ஆனந்தோ³
புப்³ப³ண்ஹஸமயங் நிவாஸெத்வா பத்தசீவரமாதா³ய யேன வட்³ட⁴ஸ்ஸ லிச்ச²விஸ்ஸ
நிவேஸனங் தேனுபஸங்கமி, உபஸங்கமித்வா வட்³ட⁴ங் லிச்ச²விங் ஏதத³வோச –
‘‘ஸங்கே⁴ன தே, ஆவுஸோ வட்³ட⁴, பத்தோ நிக்குஜ்ஜிதோ. அஸம்போ⁴கோ³ஸி
ஸங்கே⁴னா’’தி. அத² கோ² வட்³டோ⁴ லிச்ச²வீ – ஸங்கே⁴ன
கிர மே பத்தோ நிக்குஜ்ஜிதோ, அஸம்போ⁴கொ³ம்ஹி கிர ஸங்கே⁴னாதி – தத்தே²வ
முச்சி²தோ பபதோ. அத² கோ² வட்³ட⁴ஸ்ஸ லிச்ச²விஸ்ஸ
மித்தாமச்சா ஞாதிஸாலோஹிதா வட்³ட⁴ங் லிச்ச²விங் ஏதத³வோசுங் – ‘‘அலங், ஆவுஸோ
வட்³ட⁴, மா ஸோசி, மா பரிதே³வி. மயங் ப⁴க³வந்தங் பஸாதெ³ஸ்ஸாம
பி⁴க்கு²ஸங்க⁴ஞ்சா’’தி.

அத² கோ² வட்³டோ⁴ லிச்ச²வீ ஸபுத்ததா³ரோ ஸமித்தாமச்சோ
ஸஞாதிஸாலோஹிதோ அல்லவத்தோ² அல்லகேஸோ யேன ப⁴க³வா தேனுபஸங்கமி, உபஸங்கமித்வா
ப⁴க³வதோ பாதே³ஸு ஸிரஸா நிபதித்வா ப⁴க³வந்தங் ஏதத³வோச – ‘‘அச்சயோ மங்,
ப⁴ந்தே, அச்சக³மா யதா²பா³லங் யதா²மூள்ஹங் யதா²அகுஸலங், யோஹங் அய்யங்
த³ப்³ப³ங் மல்லபுத்தங் அமூலிகாய ஸீலவிபத்தியா அனுத்³த⁴ங்ஸேஸிங். தஸ்ஸ மே,
ப⁴ந்தே, ப⁴க³வா அச்சயங் அச்சயதோ படிக்³க³ண்ஹாது ஆயதிங் ஸங்வராயா’’தி.
‘‘தக்³க⁴ த்வங், ஆவுஸோ வட்³ட⁴, அச்சயோ அச்சக³மா யதா²பா³லங் யதா²மூள்ஹங்
யதா²அகுஸலங், யங் த்வங் த³ப்³ப³ங் மல்லபுத்தங் அமூலிகாய ஸீலவிபத்தியா
அனுத்³த⁴ங்ஸேஸி. யதோ ச கோ² த்வங், ஆவுஸோ வட்³ட⁴, அச்சயங் அச்சயதோ தி³ஸ்வா
யதா²த⁴ம்மங் படிகரோஸி, தங் தே மயங் படிக்³க³ண்ஹாம. வுட்³டி⁴ஹேஸா, ஆவுஸோ
வட்³ட⁴, அரியஸ்ஸ வினயே யோ அச்சயங் அச்சயதோ தி³ஸ்வா யதா²த⁴ம்மங் படிகரோதி,
ஆயதிங் ஸங்வரங் ஆபஜ்ஜதீ’’தி. அத² கோ² ப⁴க³வா பி⁴க்கூ² ஆமந்தேஸி – ‘‘தேன ஹி,
பி⁴க்க²வே, ஸங்கோ⁴ வட்³ட⁴ஸ்ஸ லிச்ச²விஸ்ஸ பத்தங் உக்குஜ்ஜது, ஸம்போ⁴க³ங்
ஸங்கே⁴ன கரோது.

‘‘அட்ட²ஹி, பி⁴க்க²வே, அங்கே³ஹி ஸமன்னாக³தஸ்ஸ உபாஸகஸ்ஸ பத்தோ உக்குஜ்ஜிதப்³போ³ – ந பி⁴க்கூ²னங் அலாபா⁴ய பரிஸக்கதி, ந பி⁴க்கூ²னங்
அனத்தா²ய பரிஸக்கதி, ந பி⁴க்கூ²னங் அவாஸாய பரிஸக்கதி, ந பி⁴க்கூ² அக்கோஸதி
பரிபா⁴ஸதி, ந பி⁴க்கூ² பி⁴க்கூ²ஹி பே⁴தே³தி, ந பு³த்³த⁴ஸ்ஸ அவண்ணங்
பா⁴ஸதி, ந த⁴ம்மஸ்ஸ அவண்ணங் பா⁴ஸதி, ந ஸங்க⁴ஸ்ஸ அவண்ணங் பா⁴ஸதி. அனுஜானாமி ,
பி⁴க்க²வே, இமேஹி அட்ட²ஹங்கே³ஹி ஸமன்னாக³தஸ்ஸ உபாஸகஸ்ஸ பத்தங்
உக்குஜ்ஜிதுங். ஏவஞ்ச பன, பி⁴க்க²வே, உக்குஜ்ஜிதப்³போ³. தேன, பி⁴க்க²வே,
வட்³டே⁴ன லிச்ச²வினா ஸங்க⁴ங் உபஸங்கமித்வா ஏகங்ஸங் உத்தராஸங்க³ங் கரித்வா
பி⁴க்கூ²னங் பாதே³ வந்தி³த்வா உக்குடிகங் நிஸீதி³த்வா அஞ்ஜலிங்
பக்³க³ஹெத்வா ஏவமஸ்ஸ வசனீயோ – ‘ஸங்கே⁴ன மே, ப⁴ந்தே, பத்தோ
நிக்குஜ்ஜிதோ, அஸம்போ⁴கொ³ம்ஹி ஸங்கே⁴ன. ஸோஹங், ப⁴ந்தே, ஸம்மா வத்தாமி,
லோமங் பாதேமி, நெத்தா²ரங் வத்தாமி, ஸங்க⁴ங் பத்துக்குஜ்ஜனங் யாசாமீ’தி.
து³தியம்பி யாசிதப்³போ³. ததியம்பி யாசிதப்³போ³. ப்³யத்தேன பி⁴க்கு²னா
படிப³லேன ஸங்கோ⁴ ஞாபேதப்³போ³ –

267.
‘‘ஸுணாது மே, ப⁴ந்தே, ஸங்கோ⁴. ஸங்கே⁴ன வட்³ட⁴ஸ்ஸ லிச்ச²விஸ்ஸ பத்தோ
நிக்குஜ்ஜிதோ, அஸம்போ⁴கோ³ ஸங்கே⁴ன. ஸோ ஸம்மா வத்ததி, லோமங் பாதேதி,
நெத்தா²ரங் வத்ததி, ஸங்க⁴ங் பத்துக்குஜ்ஜனங் யாசதி. யதி³ ஸங்க⁴ஸ்ஸ
பத்தகல்லங், ஸங்கோ⁴ வட்³ட⁴ஸ்ஸ லிச்ச²விஸ்ஸ பத்தங் உக்குஜ்ஜெய்ய, ஸம்போ⁴க³ங்
ஸங்கே⁴ன கரெய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. ஸங்கே⁴ன வட்³ட⁴ஸ்ஸ
லிச்ச²விஸ்ஸ பத்தோ நிக்குஜ்ஜிதோ, அஸம்போ⁴கோ³ ஸங்கே⁴ன. ஸோ ஸம்மா வத்ததி,
லோமங் பாதேதி, நெத்தா²ரங் வத்ததி , ஸங்க⁴ங்
பத்துக்குஜ்ஜனங் யாசதி. ஸங்கோ⁴ வட்³ட⁴ஸ்ஸ லிச்ச²விஸ்ஸ பத்தங் உக்குஜ்ஜதி,
ஸம்போ⁴க³ங் ஸங்கே⁴ன கரோதி. யஸ்ஸாயஸ்மதோ க²மதி வட்³ட⁴ஸ்ஸ லிச்ச²விஸ்ஸ
பத்தஸ்ஸ உக்குஜ்ஜனா, ஸம்போ⁴க³ங் ஸங்கே⁴ன கரணங், ஸோ துண்ஹஸ்ஸ; யஸ்ஸ
நக்க²மதி, ஸோ பா⁴ஸெய்ய.

‘‘உக்குஜ்ஜிதோ ஸங்கே⁴ன வட்³ட⁴ஸ்ஸ லிச்ச²விஸ்ஸ பத்தோ, ஸம்போ⁴கோ³ ஸங்கே⁴ன. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

268.
அத² கோ² ப⁴க³வா வேஸாலியங் யதா²பி⁴ரந்தங் விஹரித்வா யேன ப⁴க்³கா³ தேன
சாரிகங் பக்காமி. அனுபுப்³பே³ன சாரிகங் சரமானோ யேன ப⁴க்³கா³ தத³வஸரி. தத்ர
ஸுத³ங் ப⁴க³வா ப⁴க்³கே³ஸு விஹரதி ஸுஸுமாரகி³ரே [ஸுங்ஸுமாரகி³ரே (ஸீ॰ ஸ்யா॰), ஸங்ஸுமாரகி³ரே (க॰)] பே⁴ஸகளாவனே மிக³தா³யே. தேன கோ² பன ஸமயேன போ³தி⁴ஸ்ஸ ராஜகுமாரஸ்ஸ கோகனதோ³ [கோகனுதோ³ (க॰)]
நாம பாஸாதோ³ அசிரகாரிதோ ஹோதி, அனஜ்ஜா²வுத்தோ² ஸமணேன வா ப்³ராஹ்மணேன வா
கேனசி வா மனுஸ்ஸபூ⁴தேன. அத² கோ² போ³தி⁴ ராஜகுமாரோ ஸஞ்ஜிகாபுத்தங் மாணவங்
ஆமந்தேஸி – ‘‘ஏஹி த்வங், ஸம்ம ஸஞ்சிகாபுத்த, யேன ப⁴க³வா தேனுபஸங்கம,
உபஸங்கமித்வா மம வசனேன ப⁴க³வதோ பாதே³ ஸிரஸா வந்த³; அப்பாபா³த⁴ங்
அப்பாதங்கங் லஹுட்டா²னங் ப³லங் பா²ஸுவிஹாரங் புச்ச² – ‘போ³தி⁴, ப⁴ந்தே,
ராஜகுமாரோ ப⁴க³வதோ பாதே³ ஸிரஸா வந்த³தி, அப்பாபா³த⁴ங் அப்பாதங்கங் லஹுட்டா²னங் ப³லங் பா²ஸுவிஹாரங் புச்ச²தீ’தி. ஏவஞ்ச வதே³ஹி – ‘அதி⁴வாஸேது கிர, ப⁴ந்தே ,
ப⁴க³வா போ³தி⁴ஸ்ஸ ராஜகுமாரஸ்ஸ ஸ்வாதனாய ப⁴த்தங் ஸத்³தி⁴ங்
பி⁴க்கு²ஸங்கே⁴னா’’’தி. ‘‘ஏவங் போ⁴’’தி கோ² ஸஞ்சிகாபுத்தோ மாணவோ போ³தி⁴ஸ்ஸ
ராஜகுமாரஸ்ஸ படிஸ்ஸுத்வா யேன ப⁴க³வா தேனுபஸங்கமி, உபஸங்கமித்வா ப⁴க³வதா
ஸத்³தி⁴ங் ஸம்மோதி³, ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங்
நிஸீதி³. ஏகமந்தங் நிஸின்னோ கோ² ஸஞ்சிகாபுத்தோ மாணவோ ப⁴க³வந்தங் ஏதத³வோச –
‘‘போ³தி⁴ கோ² ராஜகுமாரோ போ⁴தோ கோ³தமஸ்ஸ பாதே³ ஸிரஸா வந்த³தி, அப்பாபா³த⁴ங்
அப்பாதங்கங் லஹுட்டா²னங் ப³லங் பா²ஸுவிஹாரங் புச்ச²தி. ஏவஞ்ச வதே³தி –
‘அதி⁴வாஸேது கிர ப⁴வங் கோ³தமோ போ³தி⁴ஸ்ஸ ராஜகுமாரஸ்ஸ ஸ்வாதனாய ப⁴த்தங்
ஸத்³தி⁴ங் பி⁴க்கு²ஸங்கே⁴னா’’’தி. அதி⁴வாஸேஸி ப⁴க³வா துண்ஹீபா⁴வேன. அத² கோ²
ஸஞ்சிகாபுத்தோ மாணவோ ப⁴க³வதோ அதி⁴வாஸனங் விதி³த்வா உட்டா²யாஸனா யேன போ³தி⁴
ராஜகுமாரோ தேனுபஸங்கமி, உபஸங்கமித்வா போ³தி⁴ங்
ராஜகுமாரங் ஏதத³வோச – ‘‘அவோசும்ஹ கோ² மயங் போ⁴தோ வசனேன தங் ப⁴வந்தங்
கோ³தமங் – ‘போ³தி⁴ கோ² ராஜகுமாரோ போ⁴தோ கோ³தமஸ்ஸ பாதே³ ஸிரஸா வந்த³தி,
அப்பாபா³த⁴ங் அப்பாதங்கங் லஹுட்டா²னங் ப³லங் பா²ஸுவிஹாரங் புச்ச²தி. ஏவஞ்ச
வதே³தி – அதி⁴வாஸேது கிர ப⁴வங் கோ³தமோ போ³தி⁴ஸ்ஸ ராஜகுமாரஸ்ஸ ஸ்வாதனாய
ப⁴த்தங் ஸத்³தி⁴ங் பி⁴க்கு²ஸங்கே⁴னா’தி. அதி⁴வுத்த²ஞ்ச பன ஸமணேன
கோ³தமேனா’’தி.

அத² கோ² போ³தி⁴ ராஜகுமாரோ தஸ்ஸா ரத்தியா அச்சயேன பணீதங்
கா²த³னீயங் போ⁴ஜனீயங் படியாதா³பெத்வா, கோகனத³ஞ்ச பாஸாத³ங் ஓதா³தேஹி
து³ஸ்ஸேஹி ஸந்த²ராபெத்வா யாவ பச்சி²மஸோபானகளேவரா, ஸஞ்சிகாபுத்தங் மாணவங்
ஆமந்தேஸி – ‘‘ஏஹி த்வங், ஸம்ம ஸஞ்சிகாபுத்த, யேன ப⁴க³வா தேனுபஸங்கம,
உபஸங்கமித்வா ப⁴க³வதோ காலங் ஆரோசேஹி – ‘காலோ, ப⁴ந்தே நிட்டி²தங்
ப⁴த்த’’’ந்தி. ‘‘ஏவங் போ⁴’’தி கோ² ஸஞ்சிகாபுத்தோ மாணவோ போ³தி⁴ஸ்ஸ
ராஜகுமாரஸ்ஸ படிஸ்ஸுத்வா யேன ப⁴க³வா தேனுபஸங்கமி, உபஸங்கமித்வா ப⁴க³வதோ
காலங் ஆரோசேஸி – ‘‘காலோ, போ⁴ கோ³தம, நிட்டி²தங் ப⁴த்த’’ந்தி.

அத² கோ² ப⁴க³வா புப்³ப³ண்ஹஸமயங் நிவாஸெத்வா
பத்தசீவரமாதா³ய யேன போ³தி⁴ஸ்ஸ ராஜகுமாரஸ்ஸ நிவேஸனங் தேனுபஸங்கமி. தேன கோ²
பன ஸமயேன போ³தி⁴ ராஜகுமாரோ ப³ஹித்³வாரகொட்ட²கே டி²தோ ஹோதி, ப⁴க³வந்தங்
ஆக³மயமானோ. அத்³த³ஸா கோ² போ³தி⁴ ராஜகுமாரோ ப⁴க³வந்தங் தூ³ரதோவ
ஆக³ச்ச²ந்தங். தி³ஸ்வான ததோ பச்சுக்³க³ந்த்வா ப⁴க³வந்தங் அபி⁴வாதெ³த்வா
புரெக்க²த்வா யேன கோகனதோ³ பாஸாதோ³ தேனுபஸங்கமி. அத² கோ² ப⁴க³வா
பச்சி²மஸோபானகளேவரங் நிஸ்ஸாய அட்டா²ஸி. அத² கோ² போ³தி⁴ ராஜகுமாரோ
ப⁴க³வந்தங் ஏதத³வோச – ‘‘அக்கமது, ப⁴ந்தே, ப⁴க³வா து³ஸ்ஸானி, அக்கமது ஸுக³தோ
து³ஸ்ஸானி, யங் மம அஸ்ஸ தீ³க⁴ரத்தங் ஹிதாய ஸுகா²யா’’தி. ஏவங் வுத்தே
ப⁴க³வா துண்ஹீ அஹோஸி. து³தியம்பி கோ²…பே॰… ததியம்பி கோ² போ³தி⁴ ராஜகுமாரோ
ப⁴க³வந்தங் ஏதத³வோச – ‘‘அக்கமது, ப⁴ந்தே, ப⁴க³வா து³ஸ்ஸானி, அக்கமது
ஸுக³தோ து³ஸ்ஸானி, யங் மம அஸ்ஸ தீ³க⁴ரத்தங் ஹிதாய ஸுகா²யா’’தி. அத² கோ²
ப⁴க³வா ஆயஸ்மந்தங் ஆனந்த³ங் அபலோகேஸி. அத² கோ² ஆயஸ்மா ஆனந்தோ³ போ³தி⁴ங்
ராஜகுமாரங் ஏதத³வோச – ‘‘ஸங்ஹரந்து, ராஜகுமார, து³ஸ்ஸானி. ந ப⁴க³வா
சேலபடிகங் [சேலபத்திகங் (ஸீ॰)] அக்கமிஸ்ஸதி பச்சி²மங் ஜனதங் ததா²க³தோ அனுகம்பதீ’’தி.

அத² கோ² போ³தி⁴ ராஜகுமாரோ து³ஸ்ஸானி ஸங்ஹராபெத்வா
உபரிகோகனதே³ பாஸாதே³ ஆஸனங் பஞ்ஞபேஸி. அத² கோ² ப⁴க³வா கோகனத³ங் பாஸாத³ங்
அபி⁴ருஹித்வா பஞ்ஞத்தே ஆஸனே நிஸீதி³ ஸத்³தி⁴ங் பி⁴க்கு²ஸங்கே⁴ன. அத² கோ²
போ³தி⁴ ராஜகுமாரோ பு³த்³த⁴ப்பமுக²ங் பி⁴க்கு²ஸங்க⁴ங் பணீதேன கா²த³னீயேன
போ⁴ஜனீயேன ஸஹத்தா² ஸந்தப்பெத்வா ஸம்பவாரெத்வா, ப⁴க³வந்தங் பு⁴த்தாவிங்
ஓனீதபத்தபாணிங், ஏகமந்தங் நிஸீதி³. ஏகமந்தங் நிஸின்னங் கோ² போ³தி⁴ங்
ராஜகுமாரங் ப⁴க³வா த⁴ம்மியா கதா²ய ஸந்த³ஸ்ஸெத்வா
ஸமாத³பெத்வா ஸமுத்தேஜெத்வா ஸம்பஹங்ஸெத்வா உட்டா²யாஸனா பக்காமி. அத² கோ²
ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ²
ஆமந்தேஸி – ‘‘ந, பி⁴க்க²வே, சேலபடிகா அக்கமிதப்³பா³. யோ அக்கமெய்ய, ஆபத்தி
து³க்கடஸ்ஸா’’தி.

தேன கோ² பன ஸமயேன அஞ்ஞதரா இத்தீ² அபக³தக³ப்³பா⁴ பி⁴க்கூ² நிமந்தெத்வா து³ஸ்ஸங் பஞ்ஞபெத்வா ஏதத³வோச – ‘‘அக்கமத², ப⁴ந்தே ,
து³ஸ்ஸ’’ந்தி. பி⁴க்கூ² குக்குச்சாயந்தா ந அக்கமந்தி. ‘‘அக்கமத², ப⁴ந்தே,
து³ஸ்ஸங் மங்க³லத்தா²யா’’தி. பி⁴க்கூ² குக்குச்சாயந்தா ந அக்கமிங்ஸு. அத²
கோ² ஸா இத்தீ² உஜ்ஜா²யதி கி²ய்யதி விபாசேதி – ‘‘கத²ஞ்ஹி நாம அய்யா
மங்க³லத்தா²ய யாசியமானா சேலப்படிகங் ந அக்கமிஸ்ஸந்தீ’’தி! அஸ்ஸோஸுங் கோ²
பி⁴க்கூ² தஸ்ஸா இத்தி²யா உஜ்ஜா²யந்தியா கி²ய்யந்தியா விபாசெந்தியா. அத² கோ²
தே பி⁴க்கூ² ப⁴க³வதோ ஏதமத்த²ங் ஆரோசேஸுங். ‘‘கி³ஹீ, பி⁴க்க²வே, மங்க³லிகா. அனுஜானாமி, பி⁴க்க²வே, கி³ஹீனங் மங்க³லத்தா²ய யாசியமானேன சேலப்படிகங் அக்கமிது’’ந்தி.

தேன கோ² பன ஸமயேன பி⁴க்கூ² தோ⁴தபாத³கங் அக்கமிதுங்
குக்குச்சாயந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
தோ⁴தபாத³கங் அக்கமிது’’ந்தி.

து³தியபா⁴ணவாரோ நிட்டி²தோ.

269. அத²
கோ² ப⁴க³வா ப⁴க்³கே³ஸு யதா²பி⁴ரந்தங் விஹரித்வா யேன ஸாவத்தி² தேன சாரிகங்
பக்காமி. அனுபுப்³பே³ன சாரிகங் சரமானோ யேன ஸாவத்தி² தத³வஸரி. தத்ர ஸுத³ங்
ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. அத² கோ² விஸாகா²
மிகா³ரமாதா க⁴டகஞ்ச கதகஞ்ச ஸம்மஜ்ஜனிஞ்ச ஆதா³ய யேன ப⁴க³வா தேனுபஸங்கமி,
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னா கோ² விஸாகா² மிகா³ரமாதா ப⁴க³வந்தங் ஏதத³வோச – ‘‘படிக்³க³ண்ஹாது
மே, ப⁴ந்தே, ப⁴க³வா க⁴டகஞ்ச கதகஞ்ச ஸம்மஜ்ஜனிஞ்ச, யங்
மம அஸ்ஸ தீ³க⁴ரத்தங் ஹிதாய ஸுகா²யா’’தி. படிக்³க³ஹேஸி ப⁴க³வா க⁴டகஞ்ச
ஸம்மஜ்ஜனிஞ்ச. ந ப⁴க³வா கதகங் படிக்³க³ஹேஸி. அத² கோ² ப⁴க³வா விஸாக²ங்
மிகா³ரமாதரங் த⁴ம்மியா கதா²ய ஸந்த³ஸ்ஸேஸி ஸமாத³பேஸி ஸமுத்தேஜேஸி
ஸம்பஹங்ஸேஸி. அத² கோ² விஸாகா² மிகா³ரமாதா ப⁴க³வதா த⁴ம்மியா கதா²ய
ஸந்த³ஸ்ஸிதா ஸமாத³பிதா ஸமுத்தேஜிதா ஸம்பஹங்ஸிதா உட்டா²யாஸனா ப⁴க³வந்தங்
அபி⁴வாதெ³த்வா பத³க்கி²ணங் கத்வா பக்காமி.

அத² கோ² ப⁴க³வா ஏதஸ்மிங்
நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி –
‘‘அனுஜானாமி, பி⁴க்க²வே, க⁴டகஞ்ச ஸம்மஜ்ஜனிஞ்ச. ந, பி⁴க்க²வே, கதகங்
பரிபு⁴ஞ்ஜிதப்³ப³ங். யோ பரிபு⁴ஞ்ஜெய்ய, ஆபத்தி து³க்கடஸ்ஸ. அனுஜானாமி,
பி⁴க்க²வே, திஸ்ஸோ பாத³க⁴ங்ஸனியோ – ஸக்க²ரங், கத²லங், ஸமுத்³த³பே²ணக’’ந்தி.

அத² கோ² விஸாகா² மிகா³ரமாதா விதூ⁴பனஞ்ச தாலவண்டஞ்ச [தாலவண்ட³ஞ்ச (க॰)]
ஆதா³ய யேன ப⁴க³வா தேனுபஸங்கமி, உபஸங்கமித்வா ப⁴க³வந்தங் அபி⁴வாதெ³த்வா
ஏகமந்தங் நிஸீதி³. ஏகமந்தங் நிஸின்னா கோ² விஸாகா² மிகா³ரமாதா ப⁴க³வந்தங்
ஏதத³வோச – ‘‘படிக்³க³ண்ஹாது மே, ப⁴ந்தே, ப⁴க³வா விதூ⁴பனஞ்ச தாலவண்டஞ்ச, யங்
மம அஸ்ஸ தீ³க⁴ரத்தங் ஹிதாய ஸுகா²யா’’தி. படிக்³க³ஹேஸி ப⁴க³வா விதூ⁴பனஞ்ச
தாலவண்டஞ்ச.

அத² கோ² ப⁴க³வா விஸாக²ங்
மிகா³ரமாதரங் த⁴ம்மியா கதா²ய ஸந்த³ஸ்ஸேஸி ஸமாத³பேஸி ஸமுத்தேஜேஸி
ஸம்பஹங்ஸேஸி…பே॰… பத³க்கி²ணங் கத்வா பக்காமி. அத² கோ² ப⁴க³வா ஏதஸ்மிங்
நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, விதூ⁴பனஞ்ச தாலவண்டஞ்சா’’தி.

தேன கோ² பன ஸமயேன ஸங்க⁴ஸ்ஸ மகஸபீ³ஜனீ உப்பன்னா ஹோதி.
ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, மகஸபீ³ஜனி’’ந்தி.
சாமரிபீ³ஜனீ உப்பன்னா ஹோதி. ப⁴க³வதோ ஏதமத்த²ங்
ஆரோசேஸுங். ‘‘ந, பி⁴க்க²வே, சாமரிபீ³ஜனீ தா⁴ரேதப்³பா³. யோ தா⁴ரெய்ய, ஆபத்தி
து³க்கடஸ்ஸ. அனுஜானாமி, பி⁴க்க²வே, திஸ்ஸோ பீ³ஜனியோ – வாகமயங், உஸீரமயங்,
மோரபிஞ்ச²மய’’ந்தி.

270. தேன கோ² பன ஸமயேன ஸங்க⁴ஸ்ஸ ச²த்தங் உப்பன்னங் ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, ச²த்த’’ந்தி.

தேன கோ² பன ஸமயேன ச²ப்³ப³க்³கி³யா பி⁴க்கூ² ச²த்தப்பக்³க³ஹிதா [ச²த்தங் பக்³க³ஹெத்வா (க॰)]
ஆஹிண்ட³ந்தி. தேன கோ² பன ஸமயேன அஞ்ஞதரோ உபாஸகோ ஸம்ப³ஹுலேஹி ஆஜீவகஸாவகேஹி
ஸத்³தி⁴ங் உய்யானங் அக³மாஸி. அத்³த³ஸாஸுங் கோ² தே ஆஜீவகஸாவகா
ச²ப்³ப³க்³கி³யே பி⁴க்கூ² தூ³ரதோவ ச²த்தப்பக்³க³ஹிதே ஆக³ச்ச²ந்தே. தி³ஸ்வான
தங் உபாஸகங் ஏதத³வோசுங் – ‘‘ஏதே கோ², அய்யா [அய்யோ (க॰)],
தும்ஹாகங் ப⁴த³ந்தா ச²த்தப்பக்³க³ஹிதா ஆக³ச்ச²ந்தி, ஸெய்யதா²பி
க³ணகமஹாமத்தா’’தி. ‘‘நாய்யா ஏதே பி⁴க்கூ², பரிப்³பா³ஜகா’’தி. ‘பி⁴க்கூ² ந
பி⁴க்கூ²’தி அப்³பு⁴தங் அகங்ஸு. அத² கோ² ஸோ உபாஸகோ உபக³தே ஸஞ்ஜானித்வா
உஜ்ஜா²யதி கி²ய்யதி விபாசேதி – ‘‘கத²ஞ்ஹி நாம ப⁴த³ந்தா ச²த்தப்பக்³க³ஹிதா
ஆஹிண்டி³ஸ்ஸந்தீ’’தி! அஸ்ஸோஸுங் கோ² பி⁴க்கூ² தஸ்ஸ உபாஸகஸ்ஸ உஜ்ஜா²யந்தஸ்ஸ
கி²ய்யந்தஸ்ஸ விபாசெந்தஸ்ஸ. அத² கோ² தே பி⁴க்கூ² ப⁴க³வதோ ஏதமத்த²ங்
ஆரோசேஸுங். ‘‘ஸச்சங் கிர, பி⁴க்க²வே…பே॰… ‘‘ஸச்சங் ப⁴க³வா’’தி…பே॰…
விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘ந,
பி⁴க்க²வே, ச²த்தங் தா⁴ரேதப்³ப³ங். யோ தா⁴ரெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தஸ்ஸ
பி⁴க்கு²னோ வினா ச²த்தங் ந பா²ஸு ஹோதி. ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, கி³லானஸ்ஸ ச²த்தங் தா⁴ரேது’’ந்தி.

தேன கோ² பன ஸமயேன பி⁴க்கூ² –
கி³லானஸ்ஸேவ ப⁴க³வதா ச²த்தங் அனுஞ்ஞாதங் நோ அகி³லானஸ்ஸாதி – ஆராமே
ஆராமூபசாரே ச²த்தங் தா⁴ரேதுங் குக்குச்சாயந்தி. ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, அகி³லானேனபி ஆராமே ஆராமூபசாரே ச²த்தங்
தா⁴ரேது’’ந்தி.

தேன கோ² பன ஸமயேன அஞ்ஞதரோ பி⁴க்கு² ஸிக்காய பத்தங்
உட்டித்வா த³ண்டே³ ஆலக்³கி³த்வா விகாலே அஞ்ஞதரேன கா³மத்³வாரேன அதிக்கமதி.
மனுஸ்ஸா – ‘ஏஸய்யோ சோரோ க³ச்ச²தி, அஸிஸ்ஸ விஜ்ஜோதலதீ’தி அனுபதித்வா க³ஹெத்வா ஸஞ்ஜானித்வா முஞ்சிங்ஸு. அத² கோ² ஸோ பி⁴க்கு² ஆராமங் க³ந்த்வா
பி⁴க்கூ²னங் ஏதமத்த²ங் ஆரோசேஸி. ‘‘கிங் பன த்வங், ஆவுஸோ, த³ண்ட³ஸிக்கங்
தா⁴ரேஸீ’’தி? ‘‘ஏவமாவுஸோ’’தி. யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு² த³ண்ட³ஸிக்கங்
தா⁴ரெஸ்ஸஸீ’’தி! அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰…
‘‘ஸச்சங் ப⁴க³வா’’தி…பே॰… விக³ரஹித்வா…பே॰… த⁴ம்மிங் கத²ங் கத்வா பி⁴க்கூ²
ஆமந்தேஸி – ‘‘ந, பி⁴க்க²வே, த³ண்ட³ஸிக்கா தா⁴ரேதப்³பா³. யோ தா⁴ரெய்ய,
ஆபத்தி து³க்கடஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி, ந
ஸக்கோதி வினா த³ண்டே³ன ஆஹிண்டி³துங். ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, கி³லானஸ்ஸ பி⁴க்கு²னோ த³ண்ட³ஸம்முதிங் தா³துங்.
ஏவஞ்ச பன, பி⁴க்க²வே, தா³தப்³பா³. தேன கி³லானேன பி⁴க்கு²னா ஸங்க⁴ங்
உபஸங்கமித்வா ஏகங்ஸங் உத்தராஸங்க³ங் கரித்வா வுட்³டா⁴னங் பி⁴க்கூ²னங் பாதே³
வந்தி³த்வா உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ –
‘அஹங், ப⁴ந்தே, கி³லானோ; ந ஸக்கோமி வினா த³ண்டே³ன ஆஹிண்டி³துங். ஸோஹங்,
ப⁴ந்தே, ஸங்க⁴ங் த³ண்ட³ஸம்முதிங் யாசாமீ’தி. து³தியம்பி யாசிதப்³பா³.
ததியம்பி யாசிதப்³பா³. ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ பி⁴க்கு² கி³லானோ, ந ஸக்கோதி
வினா த³ண்டே³ன ஆஹிண்டி³துங். ஸோ ஸங்க⁴ங் த³ண்ட³ஸம்முதிங் யாசதி. யதி³
ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமஸ்ஸ பி⁴க்கு²னோ த³ண்ட³ஸம்முதிங்
த³தெ³ய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ
பி⁴க்கு² கி³லானோ, ந ஸக்கோதி வினா த³ண்டே³ன ஆஹிண்டி³துங். ஸோ ஸங்க⁴ங்
த³ண்ட³ஸம்முதிங் யாசதி. ஸங்கோ⁴ இத்த²ன்னாமஸ்ஸ
பி⁴க்கு²னோ த³ண்ட³ஸம்முதிங் தே³தி. யஸ்ஸாயஸ்மதோ க²மதி இத்த²ன்னாமஸ்ஸ
பி⁴க்கு²னோ த³ண்ட³ஸம்முதியா தா³னங், ஸோ துண்ஹஸ்ஸ; யஸ்ஸ நக்க²மதி, ஸோ
பா⁴ஸெய்ய.

‘‘தி³ன்னா ஸங்கே⁴ன இத்த²ன்னாமஸ்ஸ பி⁴க்கு²னோ த³ண்ட³ஸம்முதி. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

271.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி, ந ஸக்கோதி வினா ஸிக்காய
பத்தங் பரிஹரிதுங். ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
கி³லானஸ்ஸ பி⁴க்கு²னோ ஸிக்காஸம்முதிங் தா³துங். ஏவஞ்ச பன, பி⁴க்க²வே,
தா³தப்³பா³. தேன கி³லானேன பி⁴க்கு²னா ஸங்க⁴ங்
உபஸங்கமித்வா ஏகங்ஸங் உத்தராஸங்க³ங் கரித்வா வுட்³டா⁴னங் பி⁴க்கூ²னங் பாதே³
வந்தி³த்வா உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ –
‘அஹங், ப⁴ந்தே, கி³லானோ; ந ஸக்கோமி வினா ஸிக்காய பத்தங் பரிஹரிதுங்.
ஸோஹங், ப⁴ந்தே, ஸங்க⁴ங் ஸிக்காஸம்முதிங் யாசாமீ’தி. து³தியம்பி
யாசிதப்³பா³. ததியம்பி யாசிதப்³பா³. ப்³யத்தேன பி⁴க்கு²னா படிப³லேன ஸங்கோ⁴
ஞாபேதப்³போ³ –

‘‘ஸுணாது மே, ப⁴ந்தே, ஸங்கோ⁴.
அயங் இத்த²ன்னாமோ பி⁴க்கு² கி³லானோ, ந ஸக்கோதி வினா ஸிக்காய பத்தங்
பரிஹரிதுங். ஸோ ஸங்க⁴ங் ஸிக்காஸம்முதிங் யாசதி. யதி³ ஸங்க⁴ஸ்ஸ பத்தகல்லங்,
ஸங்கோ⁴ இத்த²ன்னாமஸ்ஸ பி⁴க்கு²னோ ஸிக்காஸம்முதிங் த³தெ³ய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ
பி⁴க்கு² கி³லானோ, ந ஸக்கோதி வினா ஸிக்காய பத்தங் பரிஹரிதுங். ஸோ ஸங்க⁴ங்
ஸிக்காஸம்முதிங் யாசதி. ஸங்கோ⁴ இத்த²ன்னாமஸ்ஸ பி⁴க்கு²னோ ஸிக்காஸம்முதிங்
தே³தி. யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ ஸிக்காஸம்முதியா
தா³னங், ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

‘‘தி³ன்னா ஸங்கே⁴ன இத்த²ன்னாமஸ்ஸ பி⁴க்கு²னோ ஸிக்காஸம்முதி. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

272.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி, ந ஸக்கோதி வினா த³ண்டே³ன
ஆஹிண்டி³துங், ந ஸக்கோதி வினா ஸிக்காய பத்தங் பரிஹரிதுங். ப⁴க³வதோ
ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, கி³லானஸ்ஸ பி⁴க்கு²னோ
த³ண்ட³ஸிக்காஸம்முதிங் தா³துங். ஏவஞ்ச பன, பி⁴க்க²வே, தா³தப்³பா³ .
தேன கி³லானேன பி⁴க்கு²னா ஸங்க⁴ங் உபஸங்கமித்வா ஏகங்ஸங் உத்தராஸங்க³ங்
கரித்வா வுட்³டா⁴னங் பி⁴க்கூ²னங் பாதே³ வந்தி³த்வா உக்குடிகங் நிஸீதி³த்வா
அஞ்ஜலிங் பக்³க³ஹெத்வா ஏவமஸ்ஸ வசனீயோ – ‘அஹங், ப⁴ந்தே, கி³லானோ; ந ஸக்கோமி
வினா த³ண்டே³ன ஆஹிண்டி³துங்; ந ஸக்கோமி வினா ஸிக்காய பத்தங் பரிஹரிதுங்.
ஸோஹங், ப⁴ந்தே, ஸங்க⁴ங் த³ண்ட³ஸிக்காஸம்முதிங் யாசாமீ’தி. து³தியம்பி யாசிதப்³பா³. ததியம்பி யாசிதப்³பா³. ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ
பி⁴க்கு² கி³லானோ, ந ஸக்கோதி வினா த³ண்டே³ன ஆஹிண்டி³துங், ந ஸக்கோதி வினா
ஸிக்காய பத்தங் பரிஹரிதுங். ஸோ ஸங்க⁴ங் த³ண்ட³ஸிக்காஸம்முதிங் யாசதி. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமஸ்ஸ பி⁴க்கு²னோ த³ண்ட³ஸிக்காஸம்முதிங் த³தெ³ய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ
பி⁴க்கு² கி³லானோ ந ஸக்கோதி வினா த³ண்டே³ன ஆஹிண்டி³துங், ந ஸக்கோதி வினா
ஸிக்காய பத்தங் பரிஹரிதுங். ஸோ ஸங்க⁴ங் த³ண்ட³ஸிக்காஸம்முதிங் யாசதி.
ஸங்கோ⁴ இத்த²ன்னாமஸ்ஸ பி⁴க்கு²னோ த³ண்ட³ஸிக்காஸம்முதிங் தே³தி. யஸ்ஸாயஸ்மதோ
க²மதி இத்த²ன்னாமஸ்ஸ பி⁴க்கு²னோ த³ண்ட³ஸிக்காஸம்முதியா தா³னங், ஸோ
துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

‘‘தி³ன்னா ஸங்கே⁴ன இத்த²ன்னாமஸ்ஸ பி⁴க்கு²னோ த³ண்ட³ஸிக்காஸம்முதி. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

273. தேன கோ² பன ஸமயேன அஞ்ஞதரோ பி⁴க்கு² ரோமந்த²கோ [ரோமட்ட²கோ (க॰)] ஹோதி. ஸோ ரோமந்தி²த்வா ரோமந்தி²த்வா அஜ்ஜோ²ஹரதி. பி⁴க்கூ² உஜ்ஜா²யந்தி கி²ய்யந்தி விபாசெந்தி – ‘‘விகாலாயங் [கத²ங் ஹி நாம விகாலாயங்(க॰)] பி⁴க்கு² போ⁴ஜனங் பு⁴ஞ்ஜதீ’’தி. ப⁴க³வதோ ஏதமத்த²ங் ஆரோசேஸுங். ‘‘ஏஸோ, பி⁴க்க²வே, பி⁴க்கு² அசிரங்கோ³யோனியா
சுதோ. அனுஜானாமி, பி⁴க்க²வே, ரோமந்த²கஸ்ஸ ரோமந்த²னங். ந ச, பி⁴க்க²வே,
ப³ஹிமுக²த்³வாரங் நீஹரித்வா அஜ்ஜோ²ஹரிதப்³ப³ங். யோ அஜ்ஜோ²ஹரெய்ய,
யதா²த⁴ம்மோ காரேதப்³போ³’’தி.

தேன கோ² பன ஸமயேன அஞ்ஞதரஸ்ஸ பூக³ஸ்ஸ ஸங்க⁴ப⁴த்தங் ஹோதி. ப⁴த்தக்³கே³ ப³ஹுஸித்தா²னி பகிரியிங்ஸு [விப்பகிரீயிங்ஸு (ஸீ॰), பரிகிரிங்ஸு (ஸ்யா॰)].
மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஸமணா
ஸக்யபுத்தியா ஓத³னே தி³ய்யமானே ந ஸக்கச்சங் படிக்³க³ஹெஸ்ஸந்தி, ஏகமேகங்
ஸித்த²ங் கம்மஸதேன நிட்டா²யதீ’’தி! அஸ்ஸோஸுங் கோ² பி⁴க்கூ²
தேஸங் மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். அத² கோ² தே
பி⁴க்கூ² ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, யங்
தி³ய்யமானங் பததி, தங் ஸாமங் க³ஹெத்வா பரிபு⁴ஞ்ஜிதுங். பரிச்சத்தங் தங்,
பி⁴க்க²வே, தா³யகேஹீ’’தி.

274.
தேன கோ² பன ஸமயேன அஞ்ஞதரோ பி⁴க்கு² தீ³கே⁴ஹி நகே²ஹி பிண்டா³ய சரதி.
அஞ்ஞதரா இத்தீ² பஸ்ஸித்வா தங் பி⁴க்கு²ங் ஏதத³வோச – ‘‘ஏஹி, ப⁴ந்தே,
மேது²னங் த⁴ம்மங் படிஸேவா’’தி. ‘‘அலங், ப⁴கி³னி, நேதங் கப்பதீ’’தி. ‘‘ஸசே
கோ² த்வங், ப⁴ந்தே, நப்படிஸேவிஸ்ஸஸி, இதா³னாஹங் அத்தனோ நகே²ஹி க³த்தானி
விலிகி²த்வா குப்பங் கரிஸ்ஸாமி – அயங் மங் பி⁴க்கு² விப்பகரோதீ’’தி.
‘‘பஜானாஹி த்வங், ப⁴கி³னீ’’தி. அத² கோ² ஸா இத்தீ²
அத்தனோ நகே²ஹி க³த்தானி விலிகி²த்வா குப்பங் அகாஸி – அயங் மங் பி⁴க்கு²
விப்பகரோதீதி. மனுஸ்ஸா உபதா⁴வித்வா தங் பி⁴க்கு²ங் அக்³க³ஹேஸுங்.
அத்³த³ஸாஸுங் கோ² தே மனுஸ்ஸா தஸ்ஸா இத்தி²யா நகே² ச²விம்பி லோஹிதம்பி.
தி³ஸ்வான – இமிஸ்ஸாயேவ இத்தி²யா இத³ங் கம்மங், அகாரகோ பி⁴க்கூ²தி – தங்
பி⁴க்கு²ங் முஞ்சிங்ஸு. அத² கோ² ஸோ பி⁴க்கு² ஆராமங் க³ந்த்வா பி⁴க்கூ²னங்
ஏதமத்த²ங் ஆரோசேஸி. ‘‘கிங் பன த்வங், ஆவுஸோ, தீ³கே⁴ நகே² தா⁴ரேஸீ’’தி?
‘‘ஏவமாவுஸோ’’தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பி⁴க்கு² தீ³கே⁴ நகே² தா⁴ரெஸ்ஸஸீ’’தி! அத² கோ²
தே பி⁴க்கூ² ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, தீ³கா⁴ நகா²
தா⁴ரேதப்³பா³. யோ தா⁴ரெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன பி⁴க்கூ² நகே²னபி நக²ங் சி²ந்த³ந்தி,
முகே²னபி நக²ங் சி²ந்த³ந்தி, குட்டேபி க⁴ங்ஸந்தி. அங்கு³லியோ து³க்கா²
ஹொந்தி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
நக²ச்சே²த³ன’’ந்தி. ஸலோஹிதங் நக²ங் சி²ந்த³ந்தி. அங்கு³லியோ து³க்கா²
ஹொந்தி…பே॰… ‘‘அனுஜானாமி, பி⁴க்க²வே, மங்ஸப்பமாணேன நக²ங் சி²ந்தி³து’’ந்தி.

தேன கோ² பன ஸமயேன ச²ப்³ப³க்³கி³யா பி⁴க்கூ² வீஸதிமட்ட²ங் [வீஸதிமட்டங் (ஸீ॰)] காராபெந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ஸெய்யதா²பி கி³ஹீ காமபோ⁴கி³னோதி. ப⁴க³வதோ ஏதமத்த²ங் ஆரோசேஸுங். ‘‘ந , பி⁴க்க²வே, வீஸதிமட்ட²ங் காராபேதப்³ப³ங். யோ காராபெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, மலமத்தங் அபகட்³டி⁴து’’ந்தி.

275.
தேன கோ² பன ஸமயேன பி⁴க்கூ²னங் கேஸா தீ³கா⁴ ஹொந்தி. ப⁴க³வதோ ஏதமத்த²ங்
ஆரோசேஸுங். ‘‘உஸ்ஸஹந்தி பன, பி⁴க்க²வே, பி⁴க்கூ² அஞ்ஞமஞ்ஞங் கேஸே
ஓரோபேது’’ந்தி? ‘‘உஸ்ஸஹந்தி ப⁴க³வா’’தி . அத² கோ²
ப⁴க³வா ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங்
ஸன்னிபாதாபெத்வா…பே॰… பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, கு²ரங்
கு²ரஸிலங் கு²ரஸிபாடிகங் நமதகங் ஸப்³ப³ங் கு²ரப⁴ண்ட³’’ந்தி.

தேன கோ² பன ஸமயேன ச²ப்³ப³க்³கி³யா பி⁴க்கூ² மஸ்ஸுங்
கப்பாபெந்தி…பே॰… மஸ்ஸுங் வட்³டா⁴பெந்தி… கோ³லோமிகங் காராபெந்தி…
சதுரஸ்ஸகங் காராபெந்தி… பரிமுக²ங் காராபெந்தி… அட்³ட⁴து³கங் [அட்³டு⁴ரகங் (ஸீ॰), அட்³ட⁴ருகங் (ஸ்யா॰)]
காராபெந்தி… தா³டி²கங் ட²பெந்தி… ஸம்பா³தே⁴ லோமங் ஸங்ஹராபெந்தி. மனுஸ்ஸா
உஜ்ஜா²யந்தி கி²ய்யந்தி விபாசெந்தி – ஸெய்யதா²பி கி³ஹீ காமபோ⁴கி³னோதி.
ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே ,
மஸ்ஸு கப்பாபேதப்³ப³ங்…பே॰… ந மஸ்ஸு வட்³டா⁴பேதப்³ப³ங்… ந கோ³லோமிகங்
காராபேதப்³ப³ங்… ந சதுரஸ்ஸகங் காராபேதப்³ப³ங்… ந பரிமுக²ங் காராபேதப்³ப³ங்…
ந அட்³ட⁴து³கங் காராபேதப்³ப³ங்… ந தா³டி²கா ட²பேதப்³பா³… ந ஸம்பா³தே⁴
லோமங் ஸங்ஹராபேதப்³ப³ங். யோ ஸங்ஹராபெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ ஸம்பா³தே⁴ வணோ ஹோதி. பே⁴ஸஜ்ஜங் ந ஸந்திட்ட²தி. ப⁴க³வதோ ஏதமத்த²ங் ஆரோசேஸுங் . ‘‘அனுஜானாமி, பி⁴க்க²வே, ஆபா³த⁴ப்பச்சயா ஸம்பா³தே⁴ லோமங் ஸங்ஹராபேது’’ந்தி.

தேன கோ² பன ஸமயேன ச²ப்³ப³க்³கி³யா பி⁴க்கூ² கத்தரிகாய
கேஸே சே²தா³பெந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
ஸெய்யதா²பி கி³ஹீ காமபோ⁴கி³னோதி. ப⁴க³வதோ ஏதமத்த²ங் ஆரோசேஸுங். ‘‘ந,
பி⁴க்க²வே, கத்தரிகாய கேஸா சே²தா³பேதப்³பா³. யோ சே²தா³பெய்ய, ஆபத்தி
து³க்கடஸ்ஸா’’தி.

தேன கோ² பன ஸமயேன அஞ்ஞதரஸ்ஸ
பி⁴க்கு²னோ ஸீஸே வணோ ஹோதி, ந ஸக்கோதி கு²ரேன கேஸே ஓரோபேதுங். ப⁴க³வதோ
ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, ஆபா³த⁴ப்பச்சயா கத்தரிகாய
கேஸே சே²தா³பேது’’ந்தி.

தேன கோ² பன ஸமயேன பி⁴க்கூ² தீ³கா⁴னி நாஸிகாலோமானி
தா⁴ரெந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ஸெய்யதா²பி
பிஸாசில்லிகாதி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, தீ³க⁴ங்
நாஸிகாலோமங் தா⁴ரேதப்³ப³ங். யோ தா⁴ரெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன பி⁴க்கூ² ஸக்க²ரிகாயபி
மது⁴ஸித்த²கேனபி நாஸிகாலோமங் கா³ஹாபெந்தி. நாஸிகா து³க்கா² ஹொந்தி. ப⁴க³வதோ
ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, ஸண்டா³ஸ’’ந்தி.

தேன கோ² பன ஸமயேன ச²ப்³ப³க்³கி³யா பி⁴க்கூ² பலிதங் கா³ஹாபெந்தி .
மனுஸ்ஸா உஜ்ஜா²யந்தி கி²ய்யந்தி விபாசெந்தி – ஸெய்யதா²பி கி³ஹீ
காமபோ⁴கி³னோதி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, பலிதங்
கா³ஹாபேதப்³ப³ங். யோ கா³ஹாபெய்ய, ஆபத்தி து³க்கடஸ்ஸா’’தி.

276. தேன கோ² பன ஸமயேன அஞ்ஞதரஸ்ஸ பி⁴க்கு²னோ கண்ணகூ³த²கேஹி கண்ணா த²கிதா ஹொந்தி . ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, கண்ணமலஹரணி’’ந்தி.

தேன கோ² பன ஸமயேன ச²ப்³ப³க்³கி³யா பி⁴க்கூ² உச்சாவசா
கண்ணமலஹரணியோ தா⁴ரெந்தி ஸோவண்ணமயங் ரூபியமயங். மனுஸ்ஸா உஜ்ஜா²யந்தி
கி²ய்யந்தி விபாசெந்தி – ஸெய்யதா²பி கி³ஹீ காமபோ⁴கி³னோதி. ப⁴க³வதோ
ஏதமத்த²ங் ஆரோசேஸுங். ‘‘ந, பி⁴க்க²வே, உச்சாவசா கண்ணமலஹரணியோ தா⁴ரேதப்³பா³.
யோ தா⁴ரெய்ய, ஆபத்தி து³க்கடஸ்ஸாதி. அனுஜானாமி, பி⁴க்க²வே, அட்டி²மயங்
த³ந்தமயங் விஸாணமயங் நளமயங் வேளுமயங் கட்ட²மயங் ஜதுமயங் ப²லமயங் லோஹமயங்
ஸங்க²னாபி⁴மய’’ந்தி.

277.
தேன கோ² பன ஸமயேன ச²ப்³ப³க்³கி³யா பி⁴க்கூ² ப³ஹுங் லோஹப⁴ண்ட³ங்
கங்ஸப⁴ண்ட³ங் ஸன்னிசயங் கரொந்தி. மனுஸ்ஸா விஹாரசாரிகங் ஆஹிண்ட³ந்தா
பஸ்ஸித்வா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஸமணா
ஸக்யபுத்தியா ப³ஹுங் லோஹப⁴ண்ட³ங் கங்ஸப⁴ண்ட³ங் ஸன்னிசயங் கரிஸ்ஸந்தி , ஸெய்யதா²பி
கங்ஸபத்த²ரிகா’’தி! ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, ப³ஹுங்
லோஹப⁴ண்ட³ங் கங்ஸப⁴ண்ட³ங் ஸன்னிசயோ காதப்³போ³. யோ கரெய்ய, ஆபத்தி
து³க்கடஸ்ஸா’’தி.

தேன கோ² பன ஸமயேன பி⁴க்கூ² அஞ்ஜனிம்பி அஞ்ஜனிஸலாகம்பி
கண்ணமலஹரணிம்பி ப³ந்த⁴னமத்தம்பி குக்குச்சாயந்தி. ப⁴க³வதோ ஏதமத்த²ங்
ஆரோசேஸுங். ‘‘அனுஜானாமி, பி⁴க்க²வே, அஞ்ஜனிங் அஞ்ஜனிஸலாகங் கண்ணமலஹரணிங்
ப³ந்த⁴னமத்த’’ந்தி.

தேன கோ² பன ஸமயேன ச²ப்³ப³க்³கி³யா பி⁴க்கூ²
ஸங்கா⁴டிபல்லத்தி²காய நிஸீத³ந்தி. ஸங்கா⁴டியா பத்தா லுஜ்ஜந்தி. ப⁴க³வதோ
ஏதமத்த²ங் ஆரோசேஸுங். ‘‘ந, பி⁴க்க²வே, ஸங்கா⁴டிபல்லத்தி²காய
நிஸீதி³தப்³ப³ங். யோ நிஸீதெ³ய்ய, ஆபத்தி து³க்கடஸ்ஸா’’தி.

தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தஸ்ஸ வினா ஆயோகே³ன [ஆயோகா³ (ஸீ॰ ஸ்யா॰)]
ந பா²ஸு ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
ஆயோக³’’ந்தி. அத² கோ² பி⁴க்கூ²னங் ஏதத³ஹோஸி – ‘‘கத²ங் நு கோ² ஆயோகோ³
காதப்³போ³’’தி? ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
தந்தகங் வேமங் கவடங் [வேமகங் வட்டங் (ஸீ॰), வேமகங் வடங் (ஸ்யா॰)] ஸலாகங் ஸப்³ப³ங் தந்தப⁴ண்ட³க’’ந்தி.

278.
தேன கோ² பன ஸமயேன அஞ்ஞதரோ பி⁴க்கு² அகாயப³ந்த⁴னோ கா³மங் பிண்டா³ய பாவிஸி.
தஸ்ஸ ரதி²காய அந்தரவாஸகோ பப⁴ஸ்ஸித்த². மனுஸ்ஸா உக்குட்டி²மகங்ஸு . ஸோ பி⁴க்கு² மங்கு அஹோஸி .
அத² கோ² ஸோ பி⁴க்கு² ஆராமங் க³ந்த்வா பி⁴க்கூ²னங் ஏதமத்த²ங் ஆரோசேஸி.
பி⁴க்கூ² ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, அகாயப³ந்த⁴னேன
கா³மோ பவிஸிதப்³போ³. யோ பவிஸெய்ய, ஆபத்தி து³க்கடஸ்ஸ. அனுஜானாமி,
பி⁴க்க²வே, காயப³ந்த⁴ன’’ந்தி.

தேன கோ² பன ஸமயேன ச²ப்³ப³க்³கி³யா பி⁴க்கூ² உச்சாவசானி
காயப³ந்த⁴னானி தா⁴ரெந்தி – கலாபு³கங், தெ³ட்³டு³ப⁴கங், முரஜங்,
மத்³த³வீணங். மனுஸ்ஸா உஜ்ஜா²யந்தி கி²ய்யந்தி விபாசெந்தி – ஸெய்யதா²பி
கி³ஹீ காமபோ⁴கி³னோதி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
உச்சாவசானி காயப³ந்த⁴னானி தா⁴ரேதப்³பா³னி – கலாபு³கங், தெ³ட்³டு³ப⁴கங்,
முரஜங், மத்³த³வீணங். யோ தா⁴ரெய்ய, ஆபத்தி து³க்கடஸ்ஸ. அனுஜானாமி,
பி⁴க்க²வே, த்³வே காயப³ந்த⁴னானி – பட்டிகங், ஸூகரந்தக’’ந்தி. காயப³ந்த⁴னஸ்ஸ
த³ஸா ஜீரந்தி…பே॰… ‘‘அனுஜானாமி, பி⁴க்க²வே, முரஜங்
மத்³த³வீண’’ந்தி. காயப³ந்த⁴னஸ்ஸ அந்தோ ஜீரதி…பே॰… ‘‘அனுஜானாமி, பி⁴க்க²வே,
ஸோப⁴ணங் கு³ணக’’ந்தி. காயப³ந்த⁴னஸ்ஸ பவனந்தோ ஜீரதி…பே॰… ‘‘அனுஜானாமி,
பி⁴க்க²வே, வித⁴’’ந்தி [வீத²ந்தி (ஸீ॰ ஸ்யா॰)].

தேன கோ² பன ஸமயேன ச²ப்³ப³க்³கி³யா பி⁴க்கூ² உச்சாவசே விதே⁴ தா⁴ரெந்தி ஸோவண்ணமயங் ரூபியமயங். மனுஸ்ஸா உஜ்ஜா²யந்தி கி²ய்யந்தி
விபாசெந்தி – ஸெய்யதா²பி கி³ஹீ காமபோ⁴கி³னோதி. ப⁴க³வதோ ஏதமத்த²ங்
ஆரோசேஸுங். ‘‘ந, பி⁴க்க²வே, உச்சாவசா விதா⁴ தா⁴ரேதப்³பா³. யோ தா⁴ரெய்ய,
ஆபத்தி து³க்கடஸ்ஸ. அனுஜானாமி, பி⁴க்க²வே, அட்டி²மயங்…பே॰… ஸங்க²னாபி⁴மயங்
ஸுத்தமய’’ந்தி.

279.
தேன கோ² பன ஸமயேன ஆயஸ்மா ஆனந்தோ³ லஹுகா ஸங்கா⁴டியோ பாருபித்வா கா³மங்
பிண்டா³ய பாவிஸி. வாதமண்ட³லிகாய ஸங்கா⁴டியோ உக்கி²பியிங்ஸு. அத² கோ² ஆயஸ்மா
ஆனந்தோ³ ஆராமங் க³ந்த்வா பி⁴க்கூ²னங் ஏதமத்த²ங் ஆரோசேஸி. பி⁴க்கூ² ப⁴க³வதோ
ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, க³ண்டி²கங் பாஸக’’ந்தி.

தேன கோ² பன ஸமயேன ச²ப்³ப³க்³கி³யா பி⁴க்கூ² உச்சாவசா
க³ண்டி²காயோ தா⁴ரெந்தி ஸோவண்ணமயங் ரூபியமயங். மனுஸ்ஸா உஜ்ஜா²யந்தி
கி²ய்யந்தி விபாசெந்தி – ஸெய்யதா²பி கி³ஹீ காமபோ⁴கி³னோதி. ப⁴க³வதோ
ஏதமத்த²ங் ஆரோசேஸுங். ‘‘ந, பி⁴க்க²வே, உச்சாவசா க³ண்டி²கா தா⁴ரேதப்³பா³. யோ
தா⁴ரெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, அட்டி²மயங் த³ந்தமயங்
விஸாணமயங் நளமயங் வேளுமயங் கட்ட²மயங் ஜதுமயங் ப²லமயங் லோஹமயங்
ஸங்க²னாபி⁴மயங் ஸுத்தமய’’ந்தி.

தேன கோ² பன ஸமயேன பி⁴க்கூ² க³ண்டி²கம்பி பாஸகம்பி சீவரே அப்பெந்தி. சீவரங் ஜீரதி . ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, க³ண்டி²கப²லகங் பாஸகப²லக’’ந்தி. க³ண்டி²கப²லகம்பி பாஸகப²லகம்பி அந்தே அப்பெந்தி. கொட்டோ [கோணோ (ஸீ॰ ஸ்யா॰)]
விவரியதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
க³ண்டி²கப²லகங் அந்தே அப்பேதுங்; பாஸகப²லகங் ஸத்தங்கு³லங் வா அட்ட²ங்கு³லங்
வா ஓகா³ஹெத்வா அப்பேது’’ந்தி.

280.
தேன கோ² பன ஸமயேன ச²ப்³ப³க்³கி³யா பி⁴க்கூ² கி³ஹினிவத்த²ங் நிவாஸெந்தி –
ஹத்தி²ஸொண்ட³கங், மச்ச²வாளகங், சதுகண்ணகங், தாலவண்டகங், ஸதவலிகங். மனுஸ்ஸா
உஜ்ஜா²யந்தி கி²ய்யந்தி விபாசெந்தி – ஸெய்யதா²பி
கி³ஹீ காமபோ⁴கி³னோதி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
கி³ஹினிவத்த²ங் நிவாஸேதப்³ப³ங் – ஹத்தி²ஸொண்ட³கங், மச்ச²வாளகங்,
சதுகண்ணகங், தாலவண்டகங், ஸதவலிகங். யோ நிவாஸெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன ச²ப்³ப³க்³கி³யா பி⁴க்கூ²
கி³ஹிபாருதங் பாருபந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
ஸெய்யதா²பி கி³ஹீ காமபோ⁴கி³னோதி. ப⁴க³வதோ ஏதமத்த²ங் ஆரோசேஸுங். ‘‘ந,
பி⁴க்க²வே, கி³ஹிபாருதங் பாருபிதப்³ப³ங். யோ பாருபெய்ய, ஆபத்தி
து³க்கடஸ்ஸா’’தி.

தேன கோ² பன ஸமயேன ச²ப்³ப³க்³கி³யா பி⁴க்கூ² ஸங்வேல்லியங் நிவாஸெந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ஸெய்யதா²பி
ரஞ்ஞோ முண்ட³வட்டீதி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
ஸங்வேல்லியங் நிவாஸேதப்³ப³ங். யோ நிவாஸெய்ய, ஆபத்தி து³க்கடஸ்ஸா’’தி.

281.
தேன கோ² பன ஸமயேன ச²ப்³ப³க்³கி³யா பி⁴க்கூ² உப⁴தோகாஜங் ஹரந்தி. மனுஸ்ஸா
உஜ்ஜா²யந்தி கி²ய்யந்தி விபாசெந்தி – ஸெய்யதா²பி ரஞ்ஞோ முண்ட³வட்டீதி.
ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, உப⁴தோகாஜங் ஹரிதப்³ப³ங். யோ
ஹரெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, ஏகதோகாஜங் அந்தராகாஜங்
ஸீஸபா⁴ரங் க²ந்த⁴பா⁴ரங் கடிபா⁴ரங் ஓலம்ப³க’’ந்தி.

282. தேன கோ² பன ஸமயேன பி⁴க்கூ² த³ந்தகட்ட²ங் ந கா²த³ந்தி. முக²ங் து³க்³க³ந்த⁴ங் ஹோதி. ப⁴க³வதோ ஏதமத்த²ங் ஆரோசேஸுங்.

‘‘பஞ்சிமே , பி⁴க்க²வே, ஆதீ³னவா
த³ந்தகட்ட²ஸ்ஸ அகா²த³னே. அசக்கு²ஸ்ஸங், முக²ங் து³க்³க³ந்த⁴ங் ஹோதி,
ரஸஹரணியோ ந விஸுஜ்ஜ²ந்தி, பித்தங் ஸெம்ஹங் ப⁴த்தங் பரியோனந்த⁴தி, ப⁴த்தமஸ்ஸ
நச்சா²தே³தி – இமே கோ², பி⁴க்க²வே, பஞ்ச ஆதீ³னவா த³ந்தகட்ட²ஸ்ஸ அகா²த³னே.

‘‘பஞ்சிமே, பி⁴க்க²வே, ஆனிஸங்ஸா த³ந்தகட்ட²ஸ்ஸ
கா²த³னே. சக்கு²ஸ்ஸங், முக²ங் ந து³க்³க³ந்த⁴ங் ஹோதி, ரஸஹரணியோ
விஸுஜ்ஜ²ந்தி, பித்தங் ஸெம்ஹங் ப⁴த்தங் ந பரியோனந்த⁴தி, ப⁴த்தமஸ்ஸ சா²தே³தி
– இமே கோ², பி⁴க்க²வே, பஞ்ச ஆனிஸங்ஸா த³ந்தகட்ட²ஸ்ஸ கா²த³னே. அனுஜானாமி, பி⁴க்க²வே, த³ந்தகட்ட²’’ந்தி.

தேன கோ² பன ஸமயேன
ச²ப்³ப³க்³கி³யா பி⁴க்கூ² தீ³கா⁴னி த³ந்தகட்டா²னி கா²த³ந்தி, தேஹேவ
ஸாமணேரங் ஆகோடெந்தி. ப⁴க³வதோ ஏதமத்த²ங் ஆரோசேஸுங். ‘‘ந ,
பி⁴க்க²வே, தீ³க⁴ங் த³ந்தகட்ட²ங் கா²தி³தப்³ப³ங். யோ கா²தெ³ய்ய, ஆபத்தி
து³க்கடஸ்ஸ. அனுஜானாமி, பி⁴க்க²வே, அட்ட²ங்கு³லபரமங் த³ந்தகட்ட²ங், ந ச தேன
ஸாமணேரோ ஆகோடேதப்³போ³. யோ ஆகோடெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ அதிமடாஹகங்
த³ந்தகட்ட²ங் கா²த³ந்தஸ்ஸ கண்டே² விலக்³க³ங் ஹோதி. ப⁴க³வதோ ஏதமத்த²ங்
ஆரோசேஸுங். ‘‘ந, பி⁴க்க²வே, அதிமடாஹகங் த³ந்தகட்ட²ங் கா²தி³தப்³ப³ங். யோ
கா²தெ³ய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, சதுரங்கு³லபச்சி²மங் [சதுரங்கு³லங் பச்சி²மங் (க॰)] த³ந்தகட்ட²’’ந்தி.

283.
தேன கோ² பன ஸமயேன ச²ப்³ப³க்³கி³யா பி⁴க்கூ² தா³யங் ஆலிம்பெந்தி. மனுஸ்ஸா
உஜ்ஜா²யந்தி கி²ய்யந்தி விபாசெந்தி – ஸெய்யதா²பி த³வடா³ஹகாதி. ப⁴க³வதோ
ஏதமத்த²ங் ஆரோசேஸுங். ‘‘ந, பி⁴க்க²வே, தா³யோ ஆலிம்பிதப்³போ³. யோ
ஆலிம்பெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன விஹாரா திணக³ஹனா ஹொந்தி, த³வடா³ஹே ட³ய்ஹமானே விஹாரா ட³ய்ஹந்தி. பி⁴க்கூ² குக்குச்சாயந்தி படக்³கி³ங்
தா³துங், பரித்தங் காதுங். ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, த³வடா³ஹே ட³ய்ஹமானே படக்³கி³ங் தா³துங், பரித்தங் காது’’ந்தி.

284.
தேன கோ² பன ஸமயேன ச²ப்³ப³க்³கி³யா பி⁴க்கூ² ருக்க²ங் அபி⁴ருஹந்தி, ருக்கா²
ருக்க²ங் ஸங்கமந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
ஸெய்யதா²பி மக்கடாதி. ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, ருக்கோ² அபி⁴ருஹிதப்³போ³. யோ அபி⁴ருஹெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன அஞ்ஞதரஸ்ஸ பி⁴க்கு²னோ கோஸலேஸு ஜனபதே³
ஸாவத்தி²ங் க³ச்ச²ந்தஸ்ஸ அந்தராமக்³கே³ ஹத்தீ² பரியுட்டா²தி. அத² கோ² ஸோ
பி⁴க்கு² ருக்க²மூலங் உபதா⁴வித்வா குக்குச்சாயந்தோ ருக்க²ங் ந அபி⁴ருஹி. ஸோ
ஹத்தீ² அஞ்ஞேன அக³மாஸி. அத² கோ² ஸோ பி⁴க்கு² ஸாவத்தி²ங் க³ந்த்வா
பி⁴க்கூ²னங் ஏதமத்த²ங் ஆரோசேஸி. பி⁴க்கூ² ப⁴க³வதோ ஏதமத்த²ங் ஆரோசேஸுங்.
‘‘அனுஜானாமி, பி⁴க்க²வே, ஸதி கரணீயே போரிஸங் ருக்க²ங் அபி⁴ருஹிதுங் ஆபதா³ஸு
யாவத³த்த²’’ந்தி.

285. தேன கோ² பன ஸமயேன யமேளகேகுடா நாம [யமேளுதேகுலா நாம (ஸீ॰), மெட்ட²கோகுட்டா² நாம (ஸ்யா॰)]
பி⁴க்கூ² த்³வே பா⁴திகா ஹொந்தி ப்³ராஹ்மணஜாதிகா கல்யாணவாசா
கல்யாணவாக்கரணா. தே யேன ப⁴க³வா தேனுபஸங்கமிங்ஸு, உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங் நிஸின்னா கோ²
தே பி⁴க்கூ² ப⁴க³வந்தங் ஏதத³வோசுங் – ‘‘ஏதரஹி, ப⁴ந்தே, பி⁴க்கூ² நானானாமா
நானாகொ³த்தா நானாஜச்சா நானாகுலா பப்³ப³ஜிதா. தே ஸகாய நிருத்தியா
பு³த்³த⁴வசனங் தூ³ஸெந்தி. ஹந்த³ மயங், ப⁴ந்தே, பு³த்³த⁴வசனங் ச²ந்த³ஸோ
ஆரோபேமா’’தி. விக³ரஹி பு³த்³தோ⁴ ப⁴க³வா…பே॰… ‘‘கத²ஞ்ஹி நாம தும்ஹே,
மோக⁴புரிஸா, ஏவங் வக்க²த² – ‘ஹந்த³ மயங், ப⁴ந்தே, பு³த்³த⁴வசனங் ச²ந்த³ஸோ
ஆரோபேமா’தி. நேதங், மோக⁴புரிஸா, அப்பஸன்னானங் வா பஸாதா³ய…பே॰…
விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘ந,
பி⁴க்க²வே, பு³த்³த⁴வசனங் ச²ந்த³ஸோ ஆரோபேதப்³ப³ங். யோ ஆரோபெய்ய, ஆபத்தி
து³க்கடஸ்ஸ. அனுஜானாமி, பி⁴க்க²வே, ஸகாய நிருத்தியா பு³த்³த⁴வசனங்
பரியாபுணிது’’ந்தி.

286.
தேன கோ² பன ஸமயேன ச²ப்³ப³க்³கி³யா பி⁴க்கூ² லோகாயதங் பரியாபுணந்தி.
மனுஸ்ஸா உஜ்ஜா²யந்தி கி²ய்யந்தி விபாசெந்தி – ஸெய்யதா²பி கி³ஹீ
காமபோ⁴கி³னோதி. அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங்
கி²ய்யந்தானங் விபாசெந்தானங். அத² கோ² தே பி⁴க்கூ² ப⁴க³வதோ ஏதமத்த²ங்
ஆரோசேஸுங். ‘‘அபி நு கோ², பி⁴க்க²வே, லோகாயதே ஸாரத³ஸ்ஸாவீ இமஸ்மிங்
த⁴ம்மவினயே வுத்³தி⁴ங் விருள்ஹிங் வேபுல்லங் ஆபஜ்ஜெய்யா’’தி? ‘‘நோஹேதங்
ப⁴ந்தே’’. ‘‘இமஸ்மிங் வா பன த⁴ம்மவினயே ஸாரத³ஸ்ஸாவீ லோகாயதங்
பரியாபுணெய்யா’’தி? ‘‘நோஹேதங் ப⁴ந்தே’’. ‘‘ந, பி⁴க்க²வே, லோகாயதங்
பரியாபுணிதப்³ப³ங். யோ பரியாபுணெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன ச²ப்³ப³க்³கி³யா பி⁴க்கூ² லோகாயதங் வாசெந்தி. மனுஸ்ஸா உஜ்ஜா²யந்தி கி²ய்யந்தி
விபாசெந்தி – ஸெய்யதா²பி கி³ஹீ காமபோ⁴கி³னோதி. ப⁴க³வதோ ஏதமத்த²ங்
ஆரோசேஸுங். ‘‘ந, பி⁴க்க²வே, லோகாயதங் வாசேதப்³ப³ங். யோ வாசெய்ய, ஆபத்தி
து³க்கடஸ்ஸா’’தி.

287.
தேன கோ² பன ஸமயேன ச²ப்³ப³க்³கி³யா பி⁴க்கூ² திரச்சா²னவிஜ்ஜங்
பரியாபுணந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ஸெய்யதா²பி
கி³ஹீ காமபோ⁴கி³னோதி . ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே, திரச்சா²னவிஜ்ஜா பரியாபுணிதப்³பா³. யோ பரியாபுணெய்ய, ஆபத்தி து³க்கடஸ்ஸா’’தி.

தேன கோ² பன ஸமயேன ச²ப்³ப³க்³கி³யா பி⁴க்கூ²
திரச்சா²னவிஜ்ஜங் வாசெந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
ஸெய்யதா²பி கி³ஹீ காமபோ⁴கி³னோதி. ப⁴க³வதோ ஏதமத்த²ங் ஆரோசேஸுங். ‘‘ந,
பி⁴க்க²வே, திரச்சா²னவிஜ்ஜா வாசேதப்³பா³. யோ வாசெய்ய, ஆபத்தி
து³க்கடஸ்ஸா’’தி.

288. தேன கோ² பன
ஸமயேன ப⁴க³வா மஹதியா பரிஸாய பரிவுதோ த⁴ம்மங் தே³ஸெந்தோ கி²பி. பி⁴க்கூ² –
‘ஜீவது, ப⁴ந்தே, ப⁴க³வா; ஜீவது ஸுக³தோ’தி – உச்சாஸத்³த³ங் மஹாஸத்³த³ங்
அகங்ஸு. தேன ஸத்³தே³ன த⁴ம்மகதா² அந்தரா அஹோஸி. அத² கோ² ப⁴க³வா பி⁴க்கூ²
ஆமந்தேஸி – ‘‘அபி நு கோ², பி⁴க்க²வே, கி²பிதே ‘ஜீவா’தி வுத்தோ [வுத்தே (க॰)] தப்பச்சயா ஜீவெய்ய வா மரெய்ய வா’’தி? ‘‘நோஹேதங் ப⁴ந்தே’’. ‘‘ந, பி⁴க்க²வே, கி²பிதே ‘ஜீவா’தி வத்தப்³போ³. யோ வதெ³ய்ய, ஆபத்தி து³க்கடஸ்ஸா’’தி.

தேன கோ² பன ஸமயேன மனுஸ்ஸா பி⁴க்கூ²னங் கி²பிதே ‘ஜீவத²
ப⁴ந்தே’தி வத³ந்தி. பி⁴க்கூ² குக்குச்சாயந்தா நாலபந்தி. மனுஸ்ஸா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா
‘ஜீவத² ப⁴ந்தே’தி வுச்சமானா நாலபிஸ்ஸந்தீ’’தி! ப⁴க³வதோ ஏதமத்த²ங்
ஆரோசேஸுங். ‘‘கி³ஹீ, பி⁴க்க²வே, மங்க³லிகா. அனுஜானாமி, பி⁴க்க²வே, கி³ஹீனங்
‘ஜீவத² ப⁴ந்தே’தி வுச்சமானேன ‘சிரங் ஜீவா’தி வத்து’’ந்தி.

289.
தேன கோ² பன ஸமயேன ப⁴க³வா மஹதியா பரிஸாய பரிவுதோ த⁴ம்மங் தே³ஸெந்தோ
நிஸின்னோ ஹோதி. அஞ்ஞதரேன பி⁴க்கு²னா லஸுணங் கா²யிதங் ஹோதி. ஸோ – மா
பி⁴க்கூ² ப்³யாபா³தி⁴ங்ஸூதி – ஏகமந்தங் நிஸீதி³. அத்³த³ஸா கோ² ப⁴க³வா தங்
பி⁴க்கு²ங் ஏகமந்தங் நிஸின்னங். தி³ஸ்வான பி⁴க்கூ² ஆமந்தேஸி – ‘‘கிங் நு
கோ² ஸோ, பி⁴க்க²வே, பி⁴க்கு² ஏகமந்தங் நிஸின்னோ’’தி ?
‘‘ஏதேன, ப⁴ந்தே, பி⁴க்கு²னா லஸுணங் கா²யிதங். ஸோ – மா பி⁴க்கூ²
ப்³யாபா³தி⁴ங்ஸூதி – ஏகமந்தங் நிஸின்னோ’’தி. ‘‘அபி நு கோ², பி⁴க்க²வே [பி⁴க்க²வே பி⁴க்கு²னா (ஸ்யா॰)],
தங் கா²தி³தப்³ப³ங், யங் கா²தி³த்வா ஏவரூபாய த⁴ம்மகதா²ய பரிபா³ஹியோ
அஸ்ஸா’’தி? ‘‘நோஹேதங் ப⁴ந்தே’’. ‘‘ந, பி⁴க்க²வே, லஸுணங் கா²தி³தப்³ப³ங். யோ
கா²தெ³ய்ய, ஆபத்தி து³க்கடஸ்ஸா’’தி.

தேன
கோ² பன ஸமயேன ஆயஸ்மதோ ஸாரிபுத்தஸ்ஸ உத³ரவாதாபா³தோ⁴ ஹோதி. அத² கோ² ஆயஸ்மா
மஹாமொக்³க³ல்லானோ யேனாயஸ்மா ஸாரிபுத்தோ தேனுபஸங்கமி, உபஸங்கமித்வா
ஆயஸ்மந்தங் ஸாரிபுத்தங் ஏதத³வோச – ‘‘புப்³பே³ தே, ஆவுஸோ ஸாரிபுத்த,
உத³ரவாதாபா³தோ⁴ கேன பா²ஸு ஹோதீ’’தி? ‘‘லஸுணேன மே, ஆவுஸோ’’தி [அத²
கோ² ஆயஸ்மா ஸாரிபுத்தோ ஆயஸ்மந்தங் மஹாமொக்³க³ல்லானங் ஏதத³வோச ‘‘புப்³பே³
கோ² மே ஆவுஸோ மொக்³க³ல்லான உத³ரவாதாபா³தோ⁴ லஸுணேன பா²ஸு ஹோதீ’’தி (க॰)]
. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, ஆபா³த⁴ப்பச்சயா லஸுணங் கா²தி³து’’ந்தி.

290.
தேன கோ² பன ஸமயேன பி⁴க்கூ² ஆராமே தஹங் தஹங் பஸ்ஸாவங் கரொந்தி. ஆராமோ
து³ஸ்ஸதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, ஏகமந்தங்
பஸ்ஸாவங் காது’’ந்தி . ஆராமோ து³க்³க³ந்தோ⁴
ஹோதி…பே॰… ‘‘அனுஜானாமி, பி⁴க்க²வே, பஸ்ஸாவகும்பி⁴’’ந்தி. து³க்க²ங்
நிஸின்னா பஸ்ஸாவங் கரொந்தி…பே॰… ‘‘அனுஜானாமி, பி⁴க்க²வே,
பஸ்ஸாவபாது³க’’ந்தி. பஸ்ஸாவபாது³கா பாகடா ஹொந்தி. பி⁴க்கூ² ஹிரியந்தி
பஸ்ஸாவங் காதுங்…பே॰… ‘‘அனுஜானாமி, பி⁴க்க²வே, பரிக்கி²பிதுங் தயோ பாகாரே –
இட்ட²காபாகாரங், ஸிலாபாகாரங், தா³ருபாகார’’ந்தி. பஸ்ஸாவகும்பீ⁴ அபாருதா
து³க்³க³ந்தா⁴ ஹோதி…பே॰… ‘‘அனுஜானாமி, பி⁴க்க²வே, அபிதா⁴ன’’ந்தி.

291. தேன கோ² பன ஸமயேன பி⁴க்கூ² ஆராமே தஹங் தஹங் வச்சங் கரொந்தி. ஆராமோ து³ஸ்ஸதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி ,
பி⁴க்க²வே, ஏகமந்தங் வச்சங் காது’’ந்தி. ஆராமோ து³க்³க³ந்தோ⁴ ஹோதி…பே॰…
‘‘அனுஜானாமி, பி⁴க்க²வே, வச்சகூப’’ந்தி. வச்சகூபஸ்ஸ கூலங் லுஜ்ஜதி…பே॰…
‘‘அனுஜானாமி, பி⁴க்க²வே, சினிதுங் தயோ சயே – இட்ட²காசயங், ஸிலாசயங்,
தா³ருசய’’ந்தி. வச்சகூபோ நீசவத்து²கோ ஹோதி, உத³கேன ஒத்த²ரிய்யதி…பே॰…
‘‘அனுஜானாமி, பி⁴க்க²வே, உச்சவத்து²கங் காது’’ந்தி. சயோ பரிபததி…பே॰…
‘‘அனுஜானாமி, பி⁴க்க²வே, சினிதுங் தயோ சயே – இட்ட²காசயங், ஸிலாசயங்,
தா³ருசய’’ந்தி. ஆரோஹந்தா விஹஞ்ஞந்தி…பே॰… ‘‘அனுஜானாமி, பி⁴க்க²வே, தயோ
ஸோபானே – இட்ட²காஸோபானங், ஸிலாஸோபானங், தா³ருஸோபான’’ந்தி. ஆரோஹந்தா
பரிபதந்தி…பே॰… ‘‘அனுஜானாமி, பி⁴க்க²வே, ஆலம்ப³னபா³ஹ’’ந்தி. அந்தே நிஸின்னா
வச்சங் கரொந்தா பரிபதந்தி…பே॰… ‘‘அனுஜானாமி, பி⁴க்க²வே, ஸந்த²ரித்வா
மஜ்ஜே² சி²த்³த³ங் கத்வா வச்சங் காது’’ந்தி . து³க்க²ங் நிஸின்னா வச்சங் கரொந்தி…பே॰… ‘‘அனுஜானாமி, பி⁴க்க²வே, வச்சபாது³க’’ந்தி. ப³ஹித்³தா⁴ பஸ்ஸாவங்
கரொந்தி…பே॰… ‘‘அனுஜானாமி, பி⁴க்க²வே, பஸ்ஸாவதோ³ணிக’’ந்தி. அவலேக²னகட்ட²ங்
ந ஹோதி…பே॰… ‘‘அனுஜானாமி, பி⁴க்க²வே, அவலேக²னகட்ட²’’ந்தி. அவலேக²னபிட²ரோ ந
ஹோதி…பே॰… ‘‘அனுஜானாமி, பி⁴க்க²வே, அவலேக²னபிட²ர’’ந்தி. வச்சகூபோ அபாருதோ
து³க்³க³ந்தோ⁴ ஹோதி…பே॰… ‘‘அனுஜானாமி, பி⁴க்க²வே, அபிதா⁴ன’’ந்தி.
அஜ்ஜோ²காஸே வச்சங் கரொந்தா ஸீதேனபி உண்ஹேனபி கிலமந்தி…பே॰…
‘‘அனுஜானாமி, பி⁴க்க²வே, வச்சகுடி’’ந்தி. வச்சகுடியா கவாடங் ந ஹோதி…பே॰…
‘‘அனுஜானாமி, பி⁴க்க²வே, கவாடங் பிட்ட²ஸங்கா⁴டங் உது³க்க²லிகங் உத்தரபாஸகங்
அக்³க³ளவட்டிங் கபிஸீஸகங் ஸூசிகங் க⁴டிகங் தாளச்சி²த்³த³ங்
ஆவிஞ்ச²னச்சி²த்³த³ங் ஆவிஞ்ச²னரஜ்ஜு’’ந்தி. வச்சகுடியா திணசுண்ணங்
பரிபததி…பே॰… ‘‘அனுஜானாமி, பி⁴க்க²வே, ஓகு³ம்பெ²த்வா உல்லித்தாவலித்தங்
காதுங் – ஸேதவண்ணங் காளவண்ணங் கே³ருகபரிகம்மங் மாலாகம்மங் லதாகம்மங்
மகரத³ந்தகங் பஞ்சபடிகங் சீவரவங்ஸங் சீவரரஜ்ஜு’’ந்தி.

292. தேன கோ² பன ஸமயேன அஞ்ஞதரோ பி⁴க்கு² ஜராது³ப்³ப³லோ வச்சங் கத்வா வுட்ட²ஹந்தோ
பரிபததி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே,
ஓலம்ப³க’’ந்தி. வச்சகுடி அபரிக்கி²த்தா ஹோதி…பே॰… ‘‘அனுஜானாமி, பி⁴க்க²வே,
பரிக்கி²பிதுங் தயோ பாகாரே – இட்ட²காபாகாரங், ஸிலாபாகாரங்,
தா³ருபாகார’’ந்தி. கொட்ட²கோ ந ஹோதி…பே॰… (‘‘அனுஜானாமி, பி⁴க்க²வே,
கொட்ட²க’’ந்தி. கொட்ட²கஸ்ஸ கவாடங் ந ஹோதி) [(அனுஜானாமி
பி⁴க்க²வே கொட்ட²கந்தி. கொட்ட²கோ நீசவத்து²கோ ஹோதி…பே॰… அனுஜானாமி
பி⁴க்க²வே உச்சவத்து²கங் காதுந்தி. சயோ பரிபததி…பே॰… அனுஜானாமி பி⁴க்க²வே
சினிதுங் தயோ சயே இட்ட²காசயங் ஸிலாசயங் தா³ருசயந்தி. ஆரோஹந்தா
விஹஞ்ஞந்தி…பே॰… அனுஜானாமி பி⁴க்க²வே தயோ ஸோபானே இட்ட²காஸோபானங்
ஸிலாஸோபானங் தா³ருஸோபானந்தி. ஆரோஹந்தா பரிபதந்தி…பே॰… அனுஜானாமி பி⁴க்க²வே
ஆலம்ப³னபா³ஹந்தி. கொட்ட²கஸ்ஸ கவாடங் ந ஹோதி.) (ஸ்யா॰ கங்॰)]
…பே॰…
‘‘அனுஜானாமி, பி⁴க்க²வே, கவாடங் பிட்ட²ஸங்கா⁴டங் உது³க்க²லிகங் உத்தரபாஸகங்
அக்³க³ளவட்டிங் கபிஸீஸகங் ஸூசிகங் க⁴டிகங் தாளச்சி²த்³த³ங்
ஆவிஞ்ச²னச்சி²த்³த³ங் ஆவிஞ்ச²னரஜ்ஜு’’ந்தி. கொட்ட²கே திணசுண்ணங்
பரிபததி…பே॰… ‘‘அனுஜானாமி, பி⁴க்க²வே, ஓகு³ம்பெ²த்வா உல்லித்தாவலித்தங்
காதுங் – ஸேதவண்ணங் காளவண்ணங் கே³ருகபரிகம்மங் மாலாகம்மங் லதாகம்மங்
மகரத³ந்தகங் பஞ்சபடிக’’ந்தி. பரிவேணங் சிக்க²ல்லங் ஹோதி…பே॰… ‘‘அனுஜானாமி,
பி⁴க்க²வே, மரும்ப³ங் பகிரிது’’ந்தி. ந பரியாபுணந்தி…பே॰… ‘‘அனுஜானாமி,
பி⁴க்க²வே, பத³ரஸிலங் [பட்டஸிலங் (க॰)]
நிக்கி²பிது’’ந்தி. உத³கங் ஸந்திட்ட²தி…பே॰… ‘‘அனுஜானாமி, பி⁴க்க²வே,
உத³கனித்³த⁴மன’’ந்தி. ஆசமனகும்பீ⁴ ந ஹோதி…பே॰… ‘‘அனுஜானாமி, பி⁴க்க²வே,
ஆசமனகும்பி⁴’’ந்தி. ஆசமனஸராவகோ ந ஹோதி…பே॰…
‘‘அனுஜானாமி, பி⁴க்க²வே, ஆசமனஸராவக’’ந்தி. து³க்க²ங் நிஸின்னா
ஆசமெந்தி…பே॰… ‘‘அனுஜானாமி, பி⁴க்க²வே, ஆசமனபாது³க’’ந்தி. ஆசமனபாது³கா
பாகடா ஹொந்தி, பி⁴க்கூ² ஹிரியந்தி ஆசமேதுங்…பே॰… ‘‘அனுஜானாமி, பி⁴க்க²வே,
பரிக்கி²பிதுங் தயோ பாகாரே – இட்ட²காபாகாரங்,
ஸிலாபாகாரங், தா³ருபாகார’’ந்தி. ஆசமனகும்பீ⁴ அபாருதா ஹோதி, திணசுண்ணேஹிபி
பங்ஸுகேஹிபி ஓகிரிய்யதி…பே॰… ‘‘அனுஜானாமி, பி⁴க்க²வே, அபிதா⁴ன’’ந்தி.

293.
தேன கோ² பன ஸமயேன ச²ப்³ப³க்³கி³யா பி⁴க்கூ² ஏவரூபங் அனாசாரங் ஆசரந்தி –
மாலாவச்ச²ங் ரோபெந்திபி ரோபாபெந்திபி, ஸிஞ்சந்திபி ஸிஞ்சாபெந்திபி,
ஓசினந்திபி ஓசினாபெந்திபி, க³ந்தெ²ந்திபி க³ந்தா²பெந்திபி, ஏகதோவண்டிகமாலங்
கரொந்திபி காராபெந்திபி, உப⁴தோவண்டிகமாலங் கரொந்திபி
காராபெந்திபி, மஞ்ஜரிகங் கரொந்திபி காராபெந்திபி, விதூ⁴திகங் கரொந்திபி
காராபெந்திபி, வடங்ஸகங் கரொந்திபி காராபெந்திபி, ஆவேளங் கரொந்திபி
காராபெந்திபி, உரச்ச²த³ங் கரொந்திபி காராபெந்திபி. தே குலித்தீ²னங்
குலதீ⁴தானங் குலகுமாரீனங் குலஸுண்ஹானங் குலதா³ஸீனங் ஏகதோவண்டிகமாலங்
ஹரந்திபி ஹராபெந்திபி, உப⁴தோவண்டிகமாலங் ஹரந்திபி ஹராபெந்திபி, மஞ்ஜரிகங்
ஹரந்திபி ஹராபெந்திபி, விதூ⁴திகங் ஹரந்திபி ஹராபெந்திபி, வடங்ஸகங் ஹரந்திபி
ஹராபெந்திபி, ஆவேளங் ஹரந்திபி ஹராபெந்திபி, உரச்ச²த³ங் ஹரந்திபி
ஹராபெந்திபி. தே குலித்தீ²ஹி குலதீ⁴தாஹி குலகுமாரீஹி குலஸுண்ஹாஹி
குலதா³ஸீஹி ஸத்³தி⁴ங் ஏகபா⁴ஜனேபி பு⁴ஞ்ஜந்தி, ஏகதா²லகேபி பிவந்தி, ஏகாஸனேபி
நிஸீத³ந்தி, ஏகமஞ்சேபி துவட்டெந்தி, ஏகத்த²ரணாபி துவட்டெந்தி, ஏகபாவுரணாபி
துவட்டெந்தி, ஏகத்த²ரணபாவுரணாபி துவட்டெந்தி, விகாலேபி பு⁴ஞ்ஜந்தி,
மஜ்ஜம்பி பிவந்தி, மாலாக³ந்த⁴விலேபனம்பி தா⁴ரெந்தி, நச்சந்திபி,
கா³யந்திபி, வாதெ³ந்திபி, லாஸெந்திபி; நச்சந்தியாபி நச்சந்தி, நச்சந்தியாபி
கா³யந்தி, நச்சந்தியாபி வாதெ³ந்தி, நச்சந்தியாபி லாஸெந்தி…பே॰…
லாஸெந்தியாபி நச்சந்தி, லாஸெந்தியாபி கா³யந்தி, லாஸெந்தியாபி வாதெ³ந்தி,
லாஸெந்தியாபி லாஸெந்தி; அட்ட²பதே³பி கீளந்தி, த³ஸபதே³பி கீளந்தி, ஆகாஸேபி
கீளந்தி, பரிஹாரபதே²பி கீளந்தி, ஸந்திகாயபி கீளந்தி, க²லிகாயபி கீளந்தி,
க⁴டிகாயபி கீளந்தி, ஸலாகஹத்தே²னபி கீளந்தி, அக்கே²னபி கீளந்தி,
பங்க³சீரேனபி கீளந்தி, வங்ககேனபி கீளந்தி, மொக்க²சிகாயபி கீளந்தி,
சிங்கு³லகேனபி கீளந்தி, பத்தாள்ஹகேனபி கீளந்தி, ரத²கேனபி கீளந்தி,
த⁴னுகேனபி கீளந்தி , அக்க²ரிகாயபி கீளந்தி,
மனேஸிகாயபி கீளந்தி, யதா²வஜ்ஜேனபி கீளந்தி; ஹத்தி²ஸ்மிம்பி ஸிக்க²ந்தி,
அஸ்ஸஸ்மிம்பி ஸிக்க²ந்தி, ரத²ஸ்மிம்பி ஸிக்க²ந்தி, த⁴னுஸ்மிம்பி
ஸிக்க²ந்தி; த²ருஸ்மிம்பி ஸிக்க²ந்தி; ஹத்தி²ஸ்ஸபி புரதோ தா⁴வந்தி,
அஸ்ஸஸ்ஸபி புரதோ தா⁴வந்தி, ரத²ஸ்ஸபி புரதோ தா⁴வந்திபி ஆதா⁴வந்திபி;
உஸ்ஸேளெந்திபி, அப்போ²டெந்திபி, நிப்³பு³ஜ்ஜ²ந்திபி, முட்டீ²ஹிபி
யுஜ்ஜ²ந்தி; ரங்க³மஜ்ஜே²பி ஸங்கா⁴டிங் பத்த²ரித்வா நச்சகிங் ஏவங் வத³ந்தி –
‘‘இத⁴, ப⁴கி³னி, நச்சஸ்ஸூ’’தி; நலாடிகம்பி தெ³ந்தி; விவித⁴ம்பி அனாசாரங்
ஆசரந்தி. ப⁴க³வதோ ஏதமத்த²ங் ஆரோசேஸுங்…பே॰… ‘‘ந, பி⁴க்க²வே, விவித⁴ங்
அனாசாரங் ஆசரிதப்³ப³ங். யோ ஆசரெய்ய, யதா²த⁴ம்மோ காரேதப்³போ³’’தி.

தேன கோ² பன ஸமயேன ஆயஸ்மந்தே
உருவேலகஸ்ஸபே பப்³ப³ஜிதே ஸங்க⁴ஸ்ஸ ப³ஹுங் லோஹப⁴ண்ட³ங் தா³ருப⁴ண்ட³ங்
மத்திகாப⁴ண்ட³ங் உப்பன்னங் ஹோதி. அத² கோ² பி⁴க்கூ²னங் ஏதத³ஹோஸி – ‘‘கிங் நு
கோ² ப⁴க³வதா லோஹப⁴ண்ட³ங் அனுஞ்ஞாதங், கிங் அனநுஞ்ஞாதங்; கிங்
தா³ருப⁴ண்ட³ங் அனுஞ்ஞாதங், கிங் அனநுஞ்ஞாதங்; கிங் மத்திகாப⁴ண்ட³ங்
அனுஞ்ஞாதங், கிங் அனநுஞ்ஞாத’’ந்தி? ப⁴க³வதோ ஏதமத்த²ங் ஆரோசேஸுங். அத² கோ²
ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ²
ஆமந்தேஸி – ‘‘அனுஜானாமி, பி⁴க்க²வே, ட²பெத்வா பஹரணிங் ஸப்³ப³ங்
லோஹப⁴ண்ட³ங், ட²பெத்வா ஆஸந்தி³ங் பல்லங்கங் தா³ருபத்தங் தா³ருபாது³கங் ஸப்³ப³ங் தா³ருப⁴ண்ட³ங், ட²பெத்வா கதகஞ்ச கும்ப⁴காரிகஞ்ச ஸப்³ப³ங் மத்திகாப⁴ண்ட³’’ந்தி.

கு²த்³த³கவத்து²க்க²ந்த⁴கோ பஞ்சமோ.

தஸ்ஸுத்³தா³னங் –

ருக்கே² த²ம்பே⁴ ச குட்டே ச, அட்டானே க³ந்த⁴ஸுத்தியா;

விக³ய்ஹ மல்லகோ கச்சு², ஜரா ச புது²பாணிகா.

வல்லிகாபி ச பாமங்கோ³, கண்ட²ஸுத்தங் ந தா⁴ரயே;

கடி ஓவட்டி காயுரங், ஹத்தா²ப⁴ரணமுத்³தி³கா.

தீ³கே⁴ கொச்சே² ப²ணே ஹத்தே², ஸித்தா² உத³கதேலகே;

ஆதா³ஸுத³பத்தவணா, ஆலேபொம்மத்³த³சுண்ணனா.

லஞ்செ²ந்தி அங்க³ராக³ஞ்ச, முக²ராக³ங் ததூ³ப⁴யங்;

சக்கு²ரோக³ங் கி³ரக்³க³ஞ்ச, ஆயதங் ஸரபா³ஹிரங்.

அம்ப³பேஸிஸகலேஹி, அஹிச்சி²ந்தி³ ச சந்த³னங்;

உச்சாவசா பத்தமூலா, ஸுவண்ணோ ப³ஹலா வலீ.

சித்ரா து³ஸ்ஸதி து³க்³க³ந்தோ⁴, உண்ஹே பி⁴ஜ்ஜிங்ஸு மிட்³டி⁴யா;

பரிப⁴ண்ட³ங் திணங் சோளங், மாலங் குண்டோ³லிகாய ச.

த²விகா அங்ஸப³த்³த⁴ஞ்ச, ததா² ப³ந்த⁴னஸுத்தகா;

கி²லே மஞ்சே ச பீடே² ச, அங்கே ச²த்தே பணாமனா.

தும்ப³க⁴டிச²வஸீஸங், சலகானி படிக்³க³ஹோ;

விப்பா²லித³ண்ட³ஸோவண்ணங், பத்தே பேஸி ச நாளிகா.

கிண்ணஸத்து ஸரிதஞ்ச, மது⁴ஸித்த²ங் ஸிபாடிகங்;

விகண்ணங் ப³ந்தி⁴விஸமங், ச²மாஜிரபஹோதி ச.

களிம்ப⁴ங் மோக⁴ஸுத்தஞ்ச, அதோ⁴தல்லங் உபாஹனா;

அங்கு³லே படிக்³க³ஹஞ்ச, வித்த²கங் த²விகப³த்³த⁴கா.

அஜ்ஜோ²காஸே நீசவத்து², சயோ சாபி விஹஞ்ஞரே;

பரிபதி திணசுண்ணங், உல்லித்தஅவலித்தகங்.

ஸேதங் காளகவண்ணஞ்ச, பரிகம்மஞ்ச கே³ருகங்;

மாலாகம்மங் லதாகம்மங், மகரத³ந்தகபாடிகங்.

சீவரவங்ஸங் ரஜ்ஜுஞ்ச, அனுஞ்ஞாஸி வினாயகோ;

உஜ்ஜி²த்வா பக்கமந்தி ச, கதி²னங் பரிபி⁴ஜ்ஜதி.

வினிவேடி²யதி குட்டேபி, பத்தேனாதா³ய க³ச்ச²ரே;

த²விகா ப³ந்த⁴ஸுத்தஞ்ச, ப³ந்தி⁴த்வா ச உபாஹனா.

உபாஹனத்த²விகஞ்ச, அங்ஸப³த்³த⁴ஞ்ச ஸுத்தகங்;

உத³காகப்பியங் மக்³கே³, பரிஸ்ஸாவனசோளகங்.

த⁴ம்மகரணங் த்³வே பி⁴க்கூ², வேஸாலிங் அக³மா முனி;

த³ண்ட³ங் ஒத்த²ரகங் தத்த², அனுஞ்ஞாஸி பரிஸ்ஸாவனங்.

மகஸேஹி பணீதேன, ப³ஹ்வாபா³தா⁴ ச ஜீவகோ;

சங்கமனஜந்தாக⁴ரங் , விஸமே நீசவத்து²கோ.

தயோ சயே விஹஞ்ஞந்தி, ஸோபானாலம்ப³வேதி³கங்;

அஜ்ஜோ²காஸே திணசுண்ணங், உல்லித்தஅவலித்தகங்.

ஸேதகங் காளவண்ணஞ்ச, பரிகம்மஞ்ச கே³ருகங்;

மாலாகம்மங் லதாகம்மங், மகரத³ந்தகபாடிகங்.

வங்ஸங் சீவரரஜ்ஜுஞ்ச, உச்சஞ்ச வத்து²கங் கரே;

சயோ ஸோபானபா³ஹஞ்ச, கவாடங் பிட்ட²ஸங்கா⁴டங்.

உது³க்க²லுத்தரபாஸகங், வட்டிஞ்ச கபிஸீஸகங்;

ஸூசிக⁴டிதாளச்சி²த்³த³ங், ஆவிஞ்ச²னஞ்ச ரஜ்ஜுகங்.

மண்ட³லங் தூ⁴மனெத்தஞ்ச, மஜ்ஜே² ச முக²மத்திகா;

தோ³ணி து³க்³க³ந்தா⁴ த³ஹதி, உத³கட்டா²னங் ஸராவகங்.

ந ஸேதே³தி ச சிக்க²ல்லங், தோ⁴வி நித்³த⁴மனங் கரே;

பீட²ஞ்ச கொட்ட²கே கம்மங், மரும்பா³ ஸிலா நித்³த⁴மனங்.

நக்³கா³ ச²மாய வஸ்ஸந்தே, படிச்சா²தீ³ தயோ தஹிங்;

உத³பானங் லுஜ்ஜதி நீசங், வல்லியா காயப³ந்த⁴னே.

துலங் கடகடங் சக்கங், ப³ஹூ பி⁴ஜ்ஜந்தி பா⁴ஜனா;

லோஹதா³ருசம்மக²ண்ட³ங், ஸாலாதிணாபிதா⁴னி ச.

தோ³ணிசந்த³னி பாகாரங், சிக்க²ல்லங் நித்³த⁴மனேன ச;

ஸீதிக³தங் பொக்க²ரணிங், புராணஞ்ச நில்லேக²ணங்.

சாதுமாஸங் ஸயந்தி ச, நமதகஞ்ச [க³ந்த⁴புப்ப²ங் (ஸ்யா॰)] நதி⁴ட்ட²ஹே;

ஆஸித்தகங் மளோரிகங், பு⁴ஞ்ஜந்தேகங் துவட்டெய்யுங்.

வட்³டோ⁴ போ³தி⁴ ந அக்கமி, க⁴டங் கதகஸம்மஜ்ஜனி;

ஸக்க²ரங் கத²லஞ்சேவ, பே²ணகங் பாத³க⁴ங்ஸனீ.

விதூ⁴பனங் தாலவண்டங், மகஸஞ்சாபி சாமரீ;

ச²த்தங் வினா ச ஆராமே, தயோ ஸிக்காய ஸம்முதி.

ரோமஸித்தா² நகா² தீ³கா⁴, சி²ந்த³ந்தங்கு³லிகா து³க்கா²;

ஸலோஹிதங் பமாணஞ்ச, வீஸதி தீ³க⁴கேஸதா.

கு²ரங் ஸிலங் ஸிபாடிகங், நமதகங் கு²ரப⁴ண்ட³கங்;

மஸ்ஸுங் கப்பெந்தி வட்³டெ⁴ந்தி, கோ³லோமிசதுரஸ்ஸகங்.

பரிமுக²ங் அட்³ட⁴து³கஞ்ச, தா³டி²ஸம்பா³த⁴ஸங்ஹரே;

ஆபா³தா⁴ கத்தரிவணோ, தீ³க⁴ங் ஸக்க²ரிகாய ச.

பலிதங் த²கிதங் உச்சா, லோஹப⁴ண்ட³ஞ்ஜனீ ஸஹ;

பல்லத்தி²கஞ்ச ஆயோகோ³, வடங் ஸலாகப³ந்த⁴னங்.

கலாபு³கங் தெ³ட்³டு³ப⁴கங், முரஜங் மத்³த³வீணகங்;

பட்டிகா ஸூகரந்தஞ்ச, த³ஸா முரஜவேணிகா;

அந்தோ ஸோப⁴ங் கு³ணகஞ்ச, பவனந்தோபி ஜீரதி.

க³ண்டி²கா உச்சாவசஞ்ச, ப²லகந்தேபி ஓகா³ஹே;

கி³ஹிவத்த²ங் ஹத்தி²ஸொண்ட³ங், மச்ச²கங் சதுகண்ணகங்.

தாலவண்டங் ஸதவலி, கி³ஹிபாருதபாருபங்;

ஸங்வேல்லி உப⁴தோகாஜங், த³ந்தகட்ட²ங் ஆகோடனே.

கண்டே² விலக்³க³ங் தா³யஞ்ச, படக்³கி³ ருக்க²ஹத்தி²னா;

யமேளே லோகாயதகங், பரியாபுணிங்ஸு வாசயுங்.

திரச்சா²னகதா² விஜ்ஜா, கி²பி மங்க³லங் கா²தி³ ச;

வாதாபா³தோ⁴ து³ஸ்ஸதி ச, து³க்³க³ந்தோ⁴ து³க்க²பாது³கா.

ஹிரியந்தி பாருது³க்³க³ந்தோ⁴, தஹங் தஹங் கரொந்தி ச;

து³க்³க³ந்தோ⁴ கூபங் லுஜ்ஜந்தி, உச்சவத்து² சயேன ச.

ஸோபானாலம்ப³னபா³ஹா அந்தே, து³க்க²ஞ்ச பாது³கா;

ப³ஹித்³தா⁴ தோ³ணி கட்ட²ஞ்ச, பிட²ரோ ச அபாருதோ.

வச்சகுடிங் கவாடஞ்ச, பிட்ட²ஸங்கா⁴டமேவ ச;

உது³க்க²லுத்தரபாஸோ, வட்டிஞ்ச கபிஸீஸகங்.

ஸூசிக⁴டிதாளச்சி²த்³த³ங், ஆவிஞ்ச²னச்சி²த்³த³மேவ ச;

ரஜ்ஜு உல்லித்தாவலித்தங், ஸேதவண்ணஞ்ச காளகங்.

மாலாகம்மங் லதாகம்மங், மகரங் பஞ்சபடிகங்;

சீவரவங்ஸங் ரஜ்ஜுஞ்ச, ஜராது³ப்³ப³லபாகாரங்.

கொட்ட²கே சாபி ததே²வ, மரும்ப³ங் பத³ரஸிலா;

ஸந்திட்ட²தி நித்³த⁴மனங், கும்பி⁴ஞ்சாபி ஸராவகங்.

து³க்க²ங் ஹிரி அபிதா⁴னங், அனாசாரஞ்ச ஆசருங்;

லோஹப⁴ண்ட³ங் அனுஞ்ஞாஸி, ட²பயித்வா பஹரணிங்.

ட²பயித்வா ஸந்தி³பல்லங்கங், தா³ருபத்தஞ்ச பாது³கங்;

ஸப்³ப³ங் தா³ருமயங் ப⁴ண்ட³ங், அனுஞ்ஞாஸி மஹாமுனி.

கதகங் கும்ப⁴காரஞ்ச, ட²பயித்வா ததா²க³தோ;

ஸப்³ப³ம்பி மத்திகாப⁴ண்ட³ங், அனுஞ்ஞாஸி அனுகம்பகோ.

யஸ்ஸ வத்து²ஸ்ஸ நித்³தே³ஸோ, புரிமேன யதி³ ஸமங்;

தம்பி ஸங்கி²த்தங் உத்³தா³னே, நயதோ தங் விஜானியா.

ஏவங் த³ஸஸதா வத்தூ², வினயே கு²த்³த³கவத்து²கே;

ஸத்³த⁴ம்மட்டி²திகோ சேவ, பேஸலானஞ்சனுக்³க³ஹோ.

ஸுஸிக்கி²தோ வினயத⁴ரோ, ஹிதசித்தோ ஸுபேஸலோ;

பதீ³பகரணோ தீ⁴ரோ, பூஜாரஹோ ப³ஹுஸ்ஸுதோதி.

கு²த்³த³கவத்து²க்க²ந்த⁴கங் நிட்டி²தங்.

comments (0)
28-LESSON- வினயபிடகே சூளவக்கபாளி 4. ஸமதக்கந்தகங் 1. ஸம்முகாவினயோ-PALI-வினயபிடகே-Part-28-தமிழில் திரபிடக மூன்று தொகுப்புகள்TIPITAKA- from FREE ONLINE eNālāndā Research and Practice UNIVERSITY through http://sarvajan.ambedkar.org நமோ தஸ்ஸ பகவதோ அரஹதோ ஸம்மாஸம்புத்தஸ்ஸ வினயபிடகே சூளவக்கபாளி 4. ஸமதக்கந்தகங் 1. ஸம்முகாவினயோ
Filed under: General
Posted by: site admin @ 5:03 pm
28-LESSON-

வினயபிடகே

சூளவக்கபாளி

4. ஸமதக்கந்தகங்

1. ஸம்முகாவினயோ-PALI-

up a level
மிழில் திபி  மூன்று தொகுப்புள்TIPITAKA-வினயபிடகே-Part-28-
from FREE ONLINE  eNālāndā Research and
Practice UNIVERSITY through http://sarvajan.ambedkar.org

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

வினயபிடகே

சூளவக்கபாளி

4. ஸமதக்கந்தகங்

1. ஸம்முகாவினயோ

185. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² அஸம்முகீ²பூ⁴தானங்
பி⁴க்கூ²னங் கம்மானி கரொந்தி – தஜ்ஜனீயம்பி, நியஸ்ஸம்பி, பப்³பா³ஜனீயம்பி,
படிஸாரணீயம்பி, உக்கே²பனீயம்பி. யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா
பி⁴க்கூ² அஸம்முகீ²பூ⁴தானங் பி⁴க்கூ²னங் கம்மானி கரிஸ்ஸந்தி – தஜ்ஜனீயம்பி,
நியஸ்ஸம்பி, பப்³பா³ஜனீயம்பி, படிஸாரணீயம்பி, உக்கே²பனீயம்பீ’’தி! அத² கோ²
தே பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர, பி⁴க்க²வே,
ச²ப்³ப³க்³கி³யா பி⁴க்கூ² அஸம்முகீ²பூ⁴தானங் பி⁴க்கூ²னங் கம்மானி கரொந்தி –
தஜ்ஜனீயம்பி, நியஸ்ஸம்பி, பப்³பா³ஜனீயம்பி, படிஸாரணீயம்பி,
உக்கே²பனீயம்பீ’’தி? ‘‘ஸச்சங் ப⁴க³வா’’தி. விக³ரஹி பு³த்³தோ⁴ ப⁴க³வா –
‘‘அனநுச்ச²விகங், பி⁴க்க²வே, தேஸங் மோக⁴புரிஸானங் அனநுலோமிகங் அப்பதிரூபங்
அஸ்ஸாமணகங் அகப்பியங் அகரணீயங். கத²ஞ்ஹி நாம தே, பி⁴க்க²வே, மோக⁴புரிஸா
அஸம்முகீ²பூ⁴தானங் பி⁴க்கூ²னங் கம்மானி கரிஸ்ஸந்தி – தஜ்ஜனீயம்பி,
நியஸ்ஸம்பி, பப்³பா³ஜனீயம்பி, படிஸாரணீயம்பி, உக்கே²பனீயம்பி! நேதங்,
பி⁴க்க²வே, அப்பஸன்னானங் வா பஸாதா³ய…பே॰… விக³ரஹித்வா…பே॰… த⁴ம்மிங் கத²ங்
கத்வா பி⁴க்கூ² ஆமந்தேஸி – ந, பி⁴க்க²வே, அஸம்முகீ²பூ⁴தானங் பி⁴க்கூ²னங்
கம்மங் காதப்³ப³ங் – தஜ்ஜனீயங் வா, நியஸ்ஸங் வா, பப்³பா³ஜனீயங் வா,
படிஸாரணீயங் வா, உக்கே²பனீயங் வா. யோ கரெய்ய , ஆபத்தி து³க்கடஸ்ஸ.

186. ‘‘அத⁴ம்மவாதீ³ புக்³க³லோ அத⁴ம்மவாதீ³ ஸம்ப³ஹுலா அத⁴ம்மவாதீ³ ஸங்கோ⁴. த⁴ம்மவாதீ³ புக்³க³லோ த⁴ம்மவாதீ³ ஸம்ப³ஹுலா த⁴ம்மவாதீ³ ஸங்கோ⁴.

கண்ஹபக்க²னவகங்

187. ‘‘அத⁴ம்மவாதீ³
புக்³க³லோ த⁴ம்மவாதி³ங் புக்³க³லங் ஸஞ்ஞாபேதி நிஜ்ஜா²பேதி பெக்கே²தி
அனுபெக்கே²தி த³ஸ்ஸேதி அனுத³ஸ்ஸேதி – அயங் த⁴ம்மோ, அயங் வினயோ, இத³ங்
ஸத்து²ஸாஸனங், இமங் க³ண்ஹாஹி, இமங் ரோசேஹீதி. ஏவஞ்சேதங் அதி⁴கரணங் வூபஸம்மதி, அத⁴ம்மேன வூபஸம்மதி ஸம்முகா²வினயபதிரூபகேன.

‘‘அத⁴ம்மவாதீ³ புக்³க³லோ த⁴ம்மவாதீ³ ஸம்ப³ஹுலே
ஸஞ்ஞாபேதி நிஜ்ஜா²பேதி பெக்கே²தி அனுபெக்கே²தி த³ஸ்ஸேதி அனுத³ஸ்ஸேதி – அயங்
த⁴ம்மோ, அயங் வினயோ , இத³ங் ஸத்து²ஸாஸனங், இமங் க³ண்ஹத², இமங் ரோசேதா²தி. ஏவஞ்சேதங் அதி⁴கரணங் வூபஸம்மதி, அத⁴ம்மேன வூபஸம்மதி ஸம்முகா²வினயபதிரூபகேன.

‘‘அத⁴ம்மவாதீ³ புக்³க³லோ த⁴ம்மவாதி³ங் ஸங்க⁴ங்
ஸஞ்ஞாபேதி நிஜ்ஜா²பேதி பெக்கே²தி அனுபெக்கே²தி த³ஸ்ஸேதி அனுத³ஸ்ஸேதி – அயங்
த⁴ம்மோ, அயங் வினயோ, இத³ங் ஸத்து²ஸாஸனங், இமங் க³ண்ஹாஹி, இமங் ரோசேஹீதி [இமங் க³ண்ஹத², இமங் ரோசேதா²தி (க॰)]. ஏவஞ்சேதங் அதி⁴கரணங் வூபஸம்மதி, அத⁴ம்மேன வூபஸம்மதி ஸம்முகா²வினயபதிரூபகேன.

‘‘அத⁴ம்மவாதீ³ ஸம்ப³ஹுலா த⁴ம்மவாதி³ங் புக்³க³லங்
ஸஞ்ஞாபெந்தி நிஜ்ஜா²பெந்தி பெக்கெ²ந்தி அனுபெக்கெ²ந்தி த³ஸ்ஸெந்தி
அனுத³ஸ்ஸெந்தி – அயங் த⁴ம்மோ, அயங் வினயோ, இத³ங் ஸத்து²ஸாஸனங், இமங்
க³ண்ஹாஹி, இமங் ரோசேஹீதி. ஏவஞ்சேதங் அதி⁴கரணங் வூபஸம்மதி, அத⁴ம்மேன
வூபஸம்மதி ஸம்முகா²வினயபதிரூபகேன.

‘‘அத⁴ம்மவாதீ³ ஸம்ப³ஹுலா
த⁴ம்மவாதீ³ ஸம்ப³ஹுலே ஸஞ்ஞாபெந்தி நிஜ்ஜா²பெந்தி பெக்கெ²ந்தி
அனுபெக்கெ²ந்தி த³ஸ்ஸெந்தி அனுத³ஸ்ஸெந்தி – அயங் த⁴ம்மோ, அயங் வினயோ, இத³ங்
ஸத்து²ஸாஸனங், இமங் க³ண்ஹத², இமங் ரோசேதா²தி. ஏவஞ்சேதங் அதி⁴கரணங்
வூபஸம்மதி, அத⁴ம்மேன வூபஸம்மதி ஸம்முகா²வினயபதிரூபகேன.

‘‘அத⁴ம்மவாதீ³ ஸம்ப³ஹுலா த⁴ம்மவாதி³ங் ஸங்க⁴ங்
ஸஞ்ஞாபெந்தி நிஜ்ஜா²பெந்தி பெக்கெ²ந்தி அனுபெக்கெ²ந்தி த³ஸ்ஸெந்தி
அனுத³ஸ்ஸெந்தி – அயங் த⁴ம்மோ, அயங் வினயோ, இத³ங் ஸத்து²ஸாஸனங், இமங்
க³ண்ஹாஹி, இமங் ரோசேஹீதி. ஏவஞ்சேதங் அதி⁴கரணங் வூபஸம்மதி, அத⁴ம்மேன
வூபஸம்மதி ஸம்முகா²வினயபதிரூபகேன.

‘‘அத⁴ம்மவாதீ³ ஸங்கோ⁴ த⁴ம்மவாதி³ங் புக்³க³லங் ஸஞ்ஞாபேதி நிஜ்ஜா²பேதி பெக்கே²தி அனுபெக்கே²தி த³ஸ்ஸேதி
அனுத³ஸ்ஸேதி – அயங் த⁴ம்மோ, அயங் வினயோ, இத³ங் ஸத்து²ஸாஸனங், இமங்
க³ண்ஹாஹி, இமங் ரோசேஹீதி. ஏவஞ்சேதங் அதி⁴கரணங் வூபஸம்மதி, அத⁴ம்மேன
வூபஸம்மதி ஸம்முகா²வினயபதிரூபகேன.

‘‘அத⁴ம்மவாதீ³ ஸங்கோ⁴ த⁴ம்மவாதீ³ ஸம்ப³ஹுலே ஸஞ்ஞாபேதி
நிஜ்ஜா²பேதி பெக்கே²தி அனுபெக்கே²தி த³ஸ்ஸேதி அனுத³ஸ்ஸேதி – அயங் த⁴ம்மோ,
அயங் வினயோ, இத³ங் ஸத்து²ஸாஸனங், இமங் க³ண்ஹத², இமங் ரோசேதா²தி. ஏவஞ்சேதங்
அதி⁴கரணங் வூபஸம்மதி, அத⁴ம்மேன வூபஸம்மதி ஸம்முகா²வினயபதிரூபகேன.

‘‘அத⁴ம்மவாதீ³ ஸங்கோ⁴ த⁴ம்மவாதி³ங் ஸங்க⁴ங் ஸஞ்ஞாபேதி
நிஜ்ஜா²பேதி பெக்கே²தி அனுபெக்கே²தி த³ஸ்ஸேதி அனுத³ஸ்ஸேதி – அயங் த⁴ம்மோ,
அயங் வினயோ, இத³ங் ஸத்து²ஸாஸனங், இமங் க³ண்ஹாஹி, இமங் ரோசேஹீதி. ஏவஞ்சேதங் அதி⁴கரணங் வூபஸம்மதி, அத⁴ம்மேன வூபஸம்மதி ஸம்முகா²வினயபதிரூபகேன.

கண்ஹபக்க²னவகங் நிட்டி²தங்.

ஸுக்கபக்க²னவகங்

188.
‘‘த⁴ம்மவாதீ³ புக்³க³லோ அத⁴ம்மவாதி³ங் புக்³க³லங் ஸஞ்ஞாபேதி நிஜ்ஜா²பேதி
பெக்கே²தி அனுபெக்கே²தி த³ஸ்ஸேதி அனுத³ஸ்ஸேதி – அயங் த⁴ம்மோ, அயங் வினயோ,
இத³ங் ஸத்து²ஸாஸனங், இமங் க³ண்ஹாஹி, இமங் ரோசேஹீதி. ஏவஞ்சேதங் அதி⁴கரணங்
வூபஸம்மதி, த⁴ம்மேன வூபஸம்மதி ஸம்முகா²வினயேன.

‘‘த⁴ம்மவாதீ³ புக்³க³லோ அத⁴ம்மவாதீ³ ஸம்ப³ஹுலே
ஸஞ்ஞாபேதி நிஜ்ஜா²பேதி பெக்கே²தி அனுபெக்கே²தி த³ஸ்ஸேதி அனுத³ஸ்ஸேதி – அயங்
த⁴ம்மோ, அயங் வினயோ, இத³ங் ஸத்து²ஸாஸனங், இமங் க³ண்ஹத², இமங் ரோசேதா²தி.
ஏவஞ்சேதங் அதி⁴கரணங் வூபஸம்மதி, த⁴ம்மேன வூபஸம்மதி ஸம்முகா²வினயேன.

‘‘த⁴ம்மவாதீ³ புக்³க³லோ அத⁴ம்மவாதி³ங் ஸங்க⁴ங்
ஸஞ்ஞாபேதி நிஜ்ஜா²பேதி பெக்கே²தி அனுபெக்கே²தி த³ஸ்ஸேதி அனுத³ஸ்ஸேதி – அயங்
த⁴ம்மோ, அயங் வினயோ, இத³ங் ஸத்து²ஸாஸனங், இமங் க³ண்ஹாஹி, இமங் ரோசேஹீதி.
ஏவஞ்சேதங் அதி⁴கரணங் வூபஸம்மதி, த⁴ம்மேன வூபஸம்மதி ஸம்முகா²வினயேன.

‘‘த⁴ம்மவாதீ³ ஸம்ப³ஹுலா அத⁴ம்மவாதி³ங் புக்³க³லங்
ஸஞ்ஞாபெந்தி நிஜ்ஜா²பெந்தி பெக்கெ²ந்தி அனுபெக்கெ²ந்தி த³ஸ்ஸெந்தி
அனுத³ஸ்ஸெந்தி – அயங் த⁴ம்மோ, அயங் வினயோ, இத³ங் ஸத்து²ஸாஸனங், இமங்
க³ண்ஹாஹி , இமங் ரோசேஹீதி. ஏவஞ்சேதங் அதி⁴கரணங் வூபஸம்மதி, த⁴ம்மேன வூபஸம்மதி ஸம்முகா²வினயேன.

‘‘த⁴ம்மவாதீ³ ஸம்ப³ஹுலா அத⁴ம்மவாதீ³ ஸம்ப³ஹுலே ஸஞ்ஞாபெந்தி நிஜ்ஜா²பெந்தி பெக்கெ²ந்தி அனுபெக்கெ²ந்தி த³ஸ்ஸெந்தி
அனுத³ஸ்ஸெந்தி – அயங் த⁴ம்மோ, அயங் வினயோ, இத³ங் ஸத்து²ஸாஸனங், இமங்
க³ண்ஹத², இமங் ரோசேதா²தி. ஏவஞ்சேதங் அதி⁴கரணங் வூபஸம்மதி, த⁴ம்மேன
வூபஸம்மதி ஸம்முகா²வினயேன.

‘‘த⁴ம்மவாதீ³ ஸம்ப³ஹுலா அத⁴ம்மவாதி³ங் ஸங்க⁴ங்
ஸஞ்ஞாபெந்தி நிஜ்ஜா²பெந்தி பெக்கெ²ந்தி அனுபெக்கெ²ந்தி த³ஸ்ஸெந்தி
அனுத³ஸ்ஸெந்தி – அயங் த⁴ம்மோ, அயங் வினயோ, இத³ங் ஸத்து²ஸாஸனங் , இமங் க³ண்ஹாஹி, இமங் ரோசேஹீதி. ஏவஞ்சேதங் அதி⁴கரணங் வூபஸம்மதி, த⁴ம்மேன வூபஸம்மதி ஸம்முகா²வினயேன.

‘‘த⁴ம்மவாதீ³ ஸங்கோ⁴ அத⁴ம்மவாதி³ங் புக்³க³லங்
ஸஞ்ஞாபேதி நிஜ்ஜா²பேதி பெக்கே²தி அனுபெக்கே²தி த³ஸ்ஸேதி அனுத³ஸ்ஸேதி – அயங்
த⁴ம்மோ, அயங் வினயோ, இத³ங் ஸத்து²ஸாஸனங், இமங் க³ண்ஹாஹி, இமங் ரோசேஹீதி.
ஏவஞ்சேதங் அதி⁴கரணங் வூபஸம்மதி, த⁴ம்மேன வூபஸம்மதி ஸம்முகா²வினயேன.

‘‘த⁴ம்மவாதீ³ ஸங்கோ⁴ அத⁴ம்மவாதீ³ ஸம்ப³ஹுலே ஸஞ்ஞாபேதி
நிஜ்ஜா²பேதி பெக்கே²தி அனுபெக்கே²தி த³ஸ்ஸேதி அனுத³ஸ்ஸேதி – அயங் த⁴ம்மோ,
அயங் வினயோ, இத³ங் ஸத்து²ஸாஸனங், இமங் க³ண்ஹத², இமங் ரோசேதா²தி. ஏவஞ்சேதங்
அதி⁴கரணங் வூபஸம்மதி, த⁴ம்மேன வூபஸம்மதி ஸம்முகா²வினயேன.

‘‘த⁴ம்மவாதீ³ ஸங்கோ⁴ அத⁴ம்மவாதி³ங் ஸங்க⁴ங் ஸஞ்ஞாபேதி
நிஜ்ஜா²பேதி பெக்கே²தி அனுபெக்கே²தி த³ஸ்ஸேதி அனுத³ஸ்ஸேதி – அயங் த⁴ம்மோ,
அயங் வினயோ, இத³ங் ஸத்து²ஸாஸனங், இமங் க³ண்ஹாஹி, இமங் ரோசேஹீதி. ஏவஞ்சேதங்
அதி⁴கரணங் வூபஸம்மதி, த⁴ம்மேன வூபஸம்மதி ஸம்முகா²வினயேனா’’தி.

ஸுக்கபக்க²னவகங் நிட்டி²தங்.

2. ஸதிவினயோ

189. [இத³ங் வத்து² பாரா॰ 380 ஆத³யோ] தேன
ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன
ஸமயேன ஆயஸ்மதா த³ப்³பே³ன மல்லபுத்தேன ஜாதியா ஸத்தவஸ்ஸேன அரஹத்தங்
ஸச்சி²கதங் ஹோதி . யங் கிஞ்சி ஸாவகேன பத்தப்³ப³ங் ஸப்³ப³ங் தேன அனுப்பத்தங் ஹோதி. நத்தி² சஸ்ஸ கிஞ்சி உத்தரி [உத்தரிங் (ஸீ॰)]
கரணீயங், கதஸ்ஸ வா பதிசயோ. அத² கோ² ஆயஸ்மதோ த³ப்³ப³ஸ்ஸ மல்லபுத்தஸ்ஸ
ரஹோக³தஸ்ஸ படிஸல்லீனஸ்ஸ ஏவங் சேதஸோ பரிவிதக்கோ உத³பாதி³ – ‘‘மயா கோ² ஜாதியா
ஸத்தவஸ்ஸேன அரஹத்தங் ஸச்சி²கதங். யங் கிஞ்சி ஸாவகேன பத்தப்³ப³ங் ஸப்³ப³ங்
மயா அனுப்பத்தங். நத்தி² ச மே கிஞ்சி உத்தரிகரணீயங், கதஸ்ஸ வா பதிசயோ. கிங்
நு கோ² அஹங் ஸங்க⁴ஸ்ஸ வெய்யாவச்சங் கரெய்ய’’ந்தி?

அத² கோ² ஆயஸ்மதோ த³ப்³ப³ஸ்ஸ மல்லபுத்தஸ்ஸ ஏதத³ஹோஸி – ‘‘யங்னூனாஹங் ஸங்க⁴ஸ்ஸ ஸேனாஸனஞ்ச
பஞ்ஞபெய்யங் ப⁴த்தானி ச உத்³தி³ஸெய்ய’’ந்தி. அத² கோ² ஆயஸ்மா த³ப்³போ³
மல்லபுத்தோ ஸாயன்ஹஸமயங் படிஸல்லானா வுட்டி²தோ யேன ப⁴க³வா தேனுபஸங்கமி,
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னோ கோ² ஆயஸ்மா த³ப்³போ³ மல்லபுத்தோ ப⁴க³வந்தங் ஏதத³வோச – ‘‘இத⁴
மய்ஹங், ப⁴ந்தே, ரஹோக³தஸ்ஸ படிஸல்லீனஸ்ஸ ஏவங் சேதஸோ பரிவிதக்கோ உத³பாதி³ –
‘மயா கோ² ஜாதியா ஸத்தவஸ்ஸேன அரஹத்தங் ஸச்சி²கதங். யங் கிஞ்சி ஸாவகேன
பத்தப்³ப³ங், ஸப்³ப³ங் மயா அனுப்பத்தங். நத்தி² ச மே கிஞ்சி உத்தரிகரணீயங்,
கதஸ்ஸ வா பதிசயோ. கிங் நு கோ² அஹங் ஸங்க⁴ஸ்ஸ வெய்யாவச்சங் கரெய்ய’ந்தி ?
தஸ்ஸ மய்ஹங், ப⁴ந்தே, ஏதத³ஹோஸி – ‘யங்னூனாஹங் ஸங்க⁴ஸ்ஸ ஸேனாஸனஞ்ச
பஞ்ஞபெய்யங் ப⁴த்தானி ச உத்³தி³ஸெய்ய’ந்தி. இச்சா²மஹங், ப⁴ந்தே, ஸங்க⁴ஸ்ஸ
ஸேனாஸனஞ்ச பஞ்ஞாபேதுங் ப⁴த்தானி ச உத்³தி³ஸிது’’ந்தி. ‘‘ஸாது⁴ ஸாது⁴,
த³ப்³ப³. தேன ஹி த்வங், த³ப்³ப³, ஸங்க⁴ஸ்ஸ ஸேனாஸனஞ்ச பஞ்ஞபேஹி ப⁴த்தானி ச
உத்³தி³ஸாஹீ’’தி [உத்³தி³ஸாதி (பாரா॰ 380)].
‘‘ஏவங், ப⁴ந்தே’’தி கோ² ஆயஸ்மா த³ப்³போ³ மல்லபுத்தோ ப⁴க³வதோ பச்சஸ்ஸோஸி.
அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா
பி⁴க்கூ² ஆமந்தேஸி – ‘‘தேன ஹி, பி⁴க்க²வே, ஸங்கோ⁴ த³ப்³ப³ங் மல்லபுத்தங்
ஸேனாஸனபஞ்ஞாபகஞ்ச ப⁴த்துத்³தே³ஸகஞ்ச ஸம்மன்னது. ஏவஞ்ச பன, பி⁴க்க²வே,
ஸம்மன்னிதப்³போ³. பட²மங் த³ப்³போ³ மல்லபுத்தோ யாசிதப்³போ³ [த³ப்³போ³ யாசிதப்³போ³ (ஸ்யா॰ க॰)]. யாசித்வா ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

190.
‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், ஸங்கோ⁴
ஆயஸ்மந்தங் த³ப்³ப³ங் மல்லபுத்தங் ஸேனாஸனபஞ்ஞாபகஞ்ச ப⁴த்துத்³தே³ஸகஞ்ச
ஸம்மன்னெய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. ஸங்கோ⁴ ஆயஸ்மந்தங்
த³ப்³ப³ங் மல்லபுத்தங் ஸேனாஸனபஞ்ஞாபகஞ்ச ப⁴த்துத்³தே³ஸகஞ்ச ஸம்மன்னதி.
யஸ்ஸாயஸ்மதோ க²மதி ஆயஸ்மதோ த³ப்³ப³ஸ்ஸ மல்லபுத்தஸ்ஸ ஸேனாஸனபஞ்ஞாபகஸ்ஸ ச
ப⁴த்துத்³தே³ஸகஸ்ஸ ச ஸம்முதி, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

‘‘ஸம்மதோ ஸங்கே⁴ன ஆயஸ்மா த³ப்³போ³ மல்லபுத்தோ ஸேனாஸனபஞ்ஞாபகோ ச ப⁴த்துத்³தே³ஸகோ ச. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி .

191. ஸம்மதோ
ச பனாயஸ்மா த³ப்³போ³ மல்லபுத்தோ ஸபா⁴கா³னங் பி⁴க்கூ²னங் ஏகஜ்ஜ²ங் ஸேனாஸனங்
பஞ்ஞபேதி. யே தே பி⁴க்கூ² ஸுத்தந்திகா தேஸங் ஏகஜ்ஜ²ங் ஸேனாஸனங் பஞ்ஞபேதி –
தே அஞ்ஞமஞ்ஞங் ஸுத்தந்தங் ஸங்கா³யிஸ்ஸந்தீதி. யே தே பி⁴க்கூ² வினயத⁴ரா
தேஸங் ஏகஜ்ஜ²ங் ஸேனாஸனங் பஞ்ஞபேதி – தே அஞ்ஞமஞ்ஞங் வினயங்
வினிச்சி²னிஸ்ஸந்தீதி. யே தே பி⁴க்கூ² த⁴ம்மகதி²கா தேஸங் ஏகஜ்ஜ²ங் ஸேனாஸனங்
பஞ்ஞபேதி – தே அஞ்ஞமஞ்ஞங் த⁴ம்மங் ஸாகச்சி²ஸ்ஸந்தீதி. யே தே பி⁴க்கூ²
ஜா²யினோ தேஸங் ஏகஜ்ஜ²ங் ஸேனாஸனங் பஞ்ஞபேதி – தே அஞ்ஞமஞ்ஞங் ந
ப்³யாபா³தி⁴ஸ்ஸந்தீதி . யே தே பி⁴க்கூ² திரச்சா²னகதி²கா காயத³ள்ஹிப³ஹுலா [காயத³ட்³டி⁴ப³ஹுலா (ஸீ॰)]
விஹரந்தி தேஸம்பி ஏகஜ்ஜ²ங் ஸேனாஸனங் பஞ்ஞபேதி – இமாயபிமே ஆயஸ்மந்தோ ரதியா
அச்சி²ஸ்ஸந்தீதி. யேபி தே பி⁴க்கூ² விகாலே ஆக³ச்ச²ந்தி தேஸம்பி தேஜோதா⁴துங்
ஸமாபஜ்ஜித்வா தேனேவ ஆலோகேன ஸேனாஸனங் பஞ்ஞபேதி; அபிஸு பி⁴க்கூ² ஸஞ்சிச்ச
விகாலே ஆக³ச்ச²ந்தி – மயங் ஆயஸ்மதோ த³ப்³ப³ஸ்ஸ மல்லபுத்தஸ்ஸ
இத்³தி⁴பாடிஹாரியங் பஸ்ஸிஸ்ஸாமாதி.

தே ஆயஸ்மந்தங் த³ப்³ப³ங் மல்லபுத்தங் உபஸங்கமித்வா
ஏவங் வத³ந்தி – ‘‘அம்ஹாகங், ஆவுஸோ த³ப்³ப³, ஸேனாஸனங் பஞ்ஞபேஹீ’’தி. தே
ஆயஸ்மா த³ப்³போ³ மல்லபுத்தோ ஏவங் வதே³தி – ‘‘கத்த² ஆயஸ்மந்தா இச்ச²ந்தி
கத்த² பஞ்ஞபேமீ’’தி? தே ஸஞ்சிச்ச தூ³ரே அபதி³ஸந்தி – ‘‘அம்ஹாகங், ஆவுஸோ
த³ப்³ப³, கி³ஜ்ஜ²கூடே பப்³ப³தே ஸேனாஸனங் பஞ்ஞபேஹி.
அம்ஹாகங், ஆவுஸோ, சோரபபாதே ஸேனாஸனங் பஞ்ஞபேஹி. அம்ஹாகங், ஆவுஸோ,
இஸிகி³லிபஸ்ஸே காளஸிலாயங் ஸேனாஸனங் பஞ்ஞபேஹி. அம்ஹாகங், ஆவுஸோ, வேபா⁴ரபஸ்ஸே
ஸத்தபண்ணிகு³ஹாயங் ஸேனாஸனங் பஞ்ஞபேஹி. அம்ஹாகங், ஆவுஸோ, ஸீதவனே
ஸப்பஸொண்டி³கபப்³பா⁴ரே ஸேனாஸனங் பஞ்ஞபேஹி. அம்ஹாகங், ஆவுஸோ,
கோ³தமககந்த³ராயங் [கோ³மடகந்த³ராயங் (ஸ்யா॰ கங்॰)] ஸேனாஸனங் பஞ்ஞபேஹி. அம்ஹாகங், ஆவுஸோ, திந்து³ககந்த³ராயங் ஸேனாஸனங் பஞ்ஞபேஹி. அம்ஹாகங், ஆவுஸோ, தபோத³கந்த³ராயங் [கபோதகந்த³ராயங் (க॰)]
ஸேனாஸனங் பஞ்ஞபேஹி. அம்ஹாகங், ஆவுஸோ, தபோதா³ராமே ஸேனாஸனங் பஞ்ஞபேஹி.
அம்ஹாகங், ஆவுஸோ, ஜீவகம்ப³வனே ஸேனாஸனங் பஞ்ஞபேஹி. அம்ஹாகங், ஆவுஸோ,
மத்³த³குச்சி²ம்ஹி மிக³தா³யே ஸேனாஸனங் பஞ்ஞபேஹீ’’தி.

தேஸங் ஆயஸ்மா த³ப்³போ³
மல்லபுத்தோ தேஜோதா⁴துங் ஸமாபஜ்ஜித்வா அங்கு³லியா ஜலமானாய புரதோ புரதோ
க³ச்ச²தி. தேபி தேனேவ ஆலோகேன ஆயஸ்மதோ த³ப்³ப³ஸ்ஸ மல்லபுத்தஸ்ஸ பிட்டி²தோ
பிட்டி²தோ க³ச்ச²ந்தி. தேஸங் ஆயஸ்மா த³ப்³போ³ மல்லபுத்தோ ஏவங் ஸேனாஸனங்
பஞ்ஞபேதி – அயங் மஞ்சோ, இத³ங் பீட²ங் , அயங் பி⁴ஸி, இத³ங் பி³ப்³போ³ஹனங் [பி³ம்போ³ஹனங் (ஸீ॰ ஸ்யா॰ கங்॰)],
இத³ங் வச்சட்டா²னங், இத³ங் பஸ்ஸாவட்டா²னங், இத³ங் பானீயங், இத³ங்
பரிபோ⁴ஜனீயங், அயங் கத்தரத³ண்டோ³, இத³ங் ஸங்க⁴ஸ்ஸ கதிகஸண்டா²னங், இமங்
காலங் பவிஸிதப்³ப³ங் , இமங் காலங் நிக்க²மிதப்³ப³ந்தி. தேஸங் ஆயஸ்மா த³ப்³போ³ மல்லபுத்தோ ஏவங் ஸேனாஸனங் பஞ்ஞபெத்வா புனதே³வ வேளுவனங் பச்சாக³ச்ச²தி.

192. தேன கோ² பன ஸமயேன மெத்தியபூ⁴மஜகா [மெத்தியபு⁴ம்மஜகா (ஸீ॰ ஸ்யா॰ கங்॰)]
பி⁴க்கூ² நவகா சேவ ஹொந்தி அப்பபுஞ்ஞா ச. யானி ஸங்க⁴ஸ்ஸ லாமகானி ஸேனாஸனானி
தானி தேஸங் பாபுணந்தி லாமகானி ச ப⁴த்தானி. தேன கோ² பன ஸமயேன ராஜக³ஹே
மனுஸ்ஸா இச்ச²ந்தி தே²ரானங் பி⁴க்கூ²னங்
அபி⁴ஸங்கா²ரிகங் பிண்ட³பாதங் தா³துங் – ஸப்பிம்பி, தேலம்பி,
உத்தரிப⁴ங்க³ம்பி. மெத்தியபூ⁴மஜகானங் பன பி⁴க்கூ²னங் பாகதிகங் தெ³ந்தி –
யதா²ரந்த⁴ங் [யதா²ரத்³த⁴ங் (ஸ்யா॰)] கணாஜகங்
பி³லங்க³து³தியங். தே பச்சா²ப⁴த்தங் பிண்ட³பாதப்படிக்கந்தா தே²ரே பி⁴க்கூ²
புச்ச²ந்தி – ‘‘தும்ஹாகங், ஆவுஸோ, ப⁴த்தக்³கே³ கிங் அஹோஸி, தும்ஹாகங் கிங்
அஹோஸீ’’தி [கிங் நாஹோஸி (ஸ்யா॰ கங்॰)]? ஏகச்சே
தே²ரா ஏவங் வத³ந்தி – ‘‘அம்ஹாகங், ஆவுஸோ, ஸப்பி அஹோஸி, தேலங் அஹோஸி,
உத்தரிப⁴ங்க³ங் அஹோஸீ’’தி. மெத்தியபூ⁴மஜகா பன பி⁴க்கூ² ஏவங் வத³ந்தி –
‘‘அம்ஹாகங், ஆவுஸோ, ந கிஞ்சி அஹோஸி – பாகதிகங் யதா²ரந்த⁴ங் கணாஜகங்
பி³லங்க³து³திய’’ந்தி.

தேன கோ² பன ஸமயேன கல்யாணப⁴த்திகோ க³ஹபதி ஸங்க⁴ஸ்ஸ
சதுக்கப⁴த்தங் தே³தி நிச்சப⁴த்தங். ஸோ ப⁴த்தக்³கே³ ஸபுத்ததா³ரோ
உபதிட்டி²த்வா பரிவிஸதி – அஞ்ஞே ஓத³னேன புச்ச²ந்தி, அஞ்ஞே ஸூபேன
புச்ச²ந்தி, அஞ்ஞே தேலேன புச்ச²ந்தி, அஞ்ஞே உத்தரிப⁴ங்கே³ன புச்ச²ந்தி. தேன
கோ² பன ஸமயேன கல்யாணப⁴த்திகஸ்ஸ க³ஹபதினோ ப⁴த்தங் ஸ்வாதனாய
மெத்தியபூ⁴மஜகானங் பி⁴க்கூ²னங் உத்³தி³ட்ட²ங் ஹோதி. அத²
கோ² கல்யாணப⁴த்திகோ க³ஹபதி ஆராமங் அக³மாஸி கேனசிதே³வ கரணீயேன. ஸோ
யேனாயஸ்மா த³ப்³போ³ மல்லபுத்தோ தேனுபஸங்கமி, உபஸங்கமித்வா ஆயஸ்மந்தங்
த³ப்³ப³ங் மல்லபுத்தங் அபி⁴வாதெ³த்வா ஏகமந்தங்
நிஸீதி³. ஏகமந்தங் நிஸின்னங் கோ² கல்யாணப⁴த்திகங் க³ஹபதிங் ஆயஸ்மா த³ப்³போ³
மல்லபுத்தோ த⁴ம்மியா கதா²ய ஸந்த³ஸ்ஸேஸி ஸமாத³பேஸி ஸமுத்தேஜேஸி
ஸம்பஹங்ஸேஸி. அத² கோ² கல்யாணப⁴த்திகோ க³ஹபதி ஆயஸ்மதா த³ப்³பே³ன மல்லபுத்தேன
த⁴ம்மியா கதா²ய ஸந்த³ஸ்ஸிதோ ஸமாத³பிதோ ஸமுத்தேஜிதோ ஸம்பஹங்ஸிதோ ஆயஸ்மந்தங்
த³ப்³ப³ங் மல்லபுத்தங் ஏதத³வோச – ‘‘கஸ்ஸ, ப⁴ந்தே, அம்ஹாகங் க⁴ரே ஸ்வாதனாய
ப⁴த்தங் உத்³தி³ட்ட²’’ந்தி? ‘‘மெத்தியபூ⁴மஜகானங் கோ², க³ஹபதி, பி⁴க்கூ²னங்
தும்ஹாகங் க⁴ரே ஸ்வாதனாய ப⁴த்தங் உத்³தி³ட்ட²’’ந்தி. அத² கோ²
கல்யாணப⁴த்திகோ க³ஹபதி அனத்தமனோ அஹோஸி. கத²ஞ்ஹி நாம பாபபி⁴க்கூ² அம்ஹாகங்
க⁴ரே பு⁴ஞ்ஜிஸ்ஸந்தீதி க⁴ரங் க³ந்த்வா தா³ஸிங் ஆணாபேஸி – ‘‘யே, ஜே, ஸ்வே
ப⁴த்திகா ஆக³ச்ச²ந்தி தே கொட்ட²கே ஆஸனங் பஞ்ஞபெத்வா கணாஜகேன
பி³லங்க³து³தியேன பரிவிஸா’’தி. ‘‘ஏவங் அய்யா’’தி கோ² ஸா தா³ஸீ கல்யாணப⁴த்திகஸ்ஸ க³ஹபதினோ பச்சஸ்ஸோஸி.

அத² கோ² மெத்தியபூ⁴மஜகா பி⁴க்கூ² – ஹிய்யோ கோ², ஆவுஸோ,
அம்ஹாகங் கல்யாணப⁴த்திகஸ்ஸ க³ஹபதினோ ப⁴த்தங் உத்³தி³ட்ட²ங்; ஸ்வே அம்ஹே
கல்யாணப⁴த்திகோ க³ஹபதி ஸபுத்ததா³ரோ உபதிட்டி²த்வா பரிவிஸிஸ்ஸதி; அஞ்ஞே
ஓத³னேன புச்சி²ஸ்ஸந்தி, அஞ்ஞே ஸூபேன புச்சி²ஸ்ஸந்தி, அஞ்ஞே தேலேன புச்சி²ஸ்ஸந்தி, அஞ்ஞே உத்தரிப⁴ங்கே³ன புச்சி²ஸ்ஸந்தீதி. தே தேனேவ ஸோமனஸ்ஸேன
ந சித்தரூபங் ரத்தியா ஸுபிங்ஸு. அத² கோ² மெத்தியபூ⁴மஜகா பி⁴க்கூ²
புப்³ப³ண்ஹஸமயங் நிவாஸெத்வா பத்தசீவரமாதா³ய யேன கல்யாணப⁴த்திகஸ்ஸ க³ஹபதினோ
நிவேஸனங் தேனுபஸங்கமிங்ஸு. அத்³த³ஸா கோ² ஸா தா³ஸீ மெத்தியபூ⁴மஜகே பி⁴க்கூ²
தூ³ரதோவ ஆக³ச்ச²ந்தே; தி³ஸ்வான கொட்ட²கே ஆஸனங் பஞ்ஞாபெத்வா மெத்தியபூ⁴மஜகே
பி⁴க்கூ² ஏதத³வோச – ‘‘நிஸீத³த², ப⁴ந்தே’’தி. அத² கோ² மெத்தியபூ⁴மஜகானங்
பி⁴க்கூ²னங் ஏதத³ஹோஸி – ‘‘நிஸ்ஸங்ஸயங் கோ² ந தாவ ப⁴த்தங் ஸித்³த⁴ங்
ப⁴விஸ்ஸதி யதா² மயங் கொட்ட²கே நிஸீதா³பியாமா’’தி [நிஸீதா³பெய்யாமாதி (க॰)]. அத² கோ² ஸா தா³ஸீ கணாஜகேன [காணாஜகேன (ஸ்யா॰ கங்॰)]
பி³லங்க³து³தியேன உபக³ஞ்சி² – பு⁴ஞ்ஜத², ப⁴ந்தேதி. ‘‘மயங் கோ², ப⁴கி³னி,
நிச்சப⁴த்திகா’’தி. ‘‘ஜானாமி அய்யா நிச்சப⁴த்திகாதி. அபி சாஹங் ஹிய்யோவ
க³ஹபதினா ஆணத்தா – ‘யே, ஜே, ஸ்வே ப⁴த்திகா ஆக³ச்ச²ந்தி, தே கொட்ட²கே ஆஸனங்
பஞ்ஞாபெத்வா கணாஜகேன பி³லங்க³து³தியேன பரிவிஸா’தி. பு⁴ஞ்ஜத², ப⁴ந்தே’’தி.
அத² கோ² மெத்தியபூ⁴மஜகா பி⁴க்கூ² – ஹிய்யோ கோ², ஆவுஸோ, கல்யாணப⁴த்திகோ
க³ஹபதி ஆராமங் அக³மாஸி த³ப்³ப³ஸ்ஸ மல்லபுத்தஸ்ஸ ஸந்திகே. நிஸ்ஸங்ஸயங் கோ² மயங் த³ப்³பே³ன மல்லபுத்தேன க³ஹபதினோ அந்தரே பரிபி⁴ன்னாதி [ஸந்திகே பரிபி⁴ன்னாதி (ஸ்யா॰ கங்॰)].
தே தேனேவ தோ³மனஸ்ஸேன ந சித்தரூபங் பு⁴ஞ்ஜிங்ஸு. அத² கோ² மெத்தியபூ⁴மஜகா
பி⁴க்கூ² பச்சா²ப⁴த்தங் பிண்ட³பாதப்படிக்கந்தா ஆராமங் க³ந்த்வா பத்தசீவரங்
படிஸாமெத்வா ப³ஹாராமகொட்ட²கே ஸங்கா⁴டிபல்லத்தி²காய நிஸீதி³ங்ஸு துண்ஹீபூ⁴தா
மங்குபூ⁴தா பத்தக்க²ந்தா⁴ அதோ⁴முகா² பஜ்ஜா²யந்தா அப்படிபா⁴னா.

அத² கோ² மெத்தியா பி⁴க்கு²னீ யேன மெத்தியபூ⁴மஜகா
பி⁴க்கூ² தேனுபஸங்கமி, உபஸங்கமித்வா மெத்தியபூ⁴மஜகே பி⁴க்கூ² ஏதத³வோச –
‘‘வந்தா³மி அய்யா’’தி. ஏவங் வுத்தே மெத்தியபூ⁴மஜகா பி⁴க்கூ² நாலபிங்ஸு.
து³தியம்பி கோ²…பே॰… ததியம்பி கோ² மெத்தியா பி⁴க்கு²னீ மெத்தியபூ⁴மஜகே
பி⁴க்கூ² ஏதத³வோச – ‘‘வந்தா³மி அய்யா’’தி. ததியம்பி கோ² மெத்தியபூ⁴மஜகா
பி⁴க்கூ² நாலபிங்ஸு. ‘‘க்யாஹங் அய்யானங் அபரஜ்ஜா²மி? கிஸ்ஸ மங் அய்யா
நாலபந்தீ’’தி? ‘‘ததா² ஹி பன த்வங், ப⁴கி³னி, அம்ஹே த³ப்³பே³ன மல்லபுத்தேன
விஹேடி²யமானே அஜ்ஜு²பெக்க²ஸீ’’தி? ‘‘க்யாஹங், அய்யா, கரோமீ’’தி? ‘‘ஸசே கோ²
த்வங், ப⁴கி³னி, இச்செ²ய்யாஸி, அஜ்ஜேவ ப⁴க³வா ஆயஸ்மந்தங் த³ப்³ப³ங்
மல்லபுத்தங் நாஸாபெய்யா’’தி. ‘‘க்யாஹங், அய்யா, கரோமி? கிங் மயா ஸக்கா
காது’’ந்தி? ‘‘ஏஹி த்வங், ப⁴கி³னி, யேன ப⁴க³வா தேனுபஸங்கமி, உபஸங்கமித்வா
ப⁴க³வந்தங் ஏவங் வதே³ஹி – ‘இத³ங் , ப⁴ந்தே,
நச்ச²ன்னங் நப்பதிரூபங், யாயங், ப⁴ந்தே, தி³ஸா அப⁴யா அனீதிகா அனுபத்³த³வா
ஸாயங் தி³ஸா ஸப⁴யா ஸஈதிகா ஸஉபத்³த³வா; யதோ நிவாதங் ததோ ஸவாதங் [ததோ பவாதங் (ஸீ॰ ஸ்யா॰ கங்॰)];
உத³கங் மஞ்ஞே ஆதி³த்தங்; அய்யேனம்ஹி த³ப்³பே³ன மல்லபுத்தேன தூ³ஸிதா’’’தி.
‘‘ஏவங் அய்யா’’தி கோ² மெத்தியா பி⁴க்கு²னீ மெத்தியபூ⁴மஜகானங் பி⁴க்கூ²னங்
படிஸ்ஸுத்வா [படிஸ்ஸுணித்வா (ஸ்யா॰ கங்॰)] யேன ப⁴க³வா தேனுபஸங்கமி, உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தா கோ² மெத்தியா [ஸா மெத்தியா (ஸ்யா॰ க॰)] பி⁴க்கு²னீ ப⁴க³வந்தங் ஏதத³வோச
– ‘‘இத³ங், ப⁴ந்தே, நச்ச²ன்னங் நப்பதிரூபங், யாயங், ப⁴ந்தே, தி³ஸா அப⁴யா
அனீதிகா அனுபத்³த³வா ஸாயங் தி³ஸா ஸப⁴யா ஸஈதிகா ஸஉபத்³த³வா; யதோ நிவாதங் ததோ
ஸவாதங்; உத³கங் மஞ்ஞே ஆதி³த்தங்; அய்யேனம்ஹி த³ப்³பே³ன மல்லபுத்தேன
தூ³ஸிதா’’தி.

193.
அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங்
ஸன்னிபாதாபெத்வா ஆயஸ்மந்தங் த³ப்³ப³ங் மல்லபுத்தங் படிபுச்சி² – ‘‘ஸரஸி
த்வங், த³ப்³ப³, ஏவரூபங் கத்தா யதா²யங் பி⁴க்கு²னீ
ஆஹா’’தி? ‘‘யதா² மங், ப⁴ந்தே, ப⁴க³வா ஜானாதீ’’தி. து³தியம்பி கோ² ப⁴க³வா
ஆயஸ்மந்தங் த³ப்³ப³ங் மல்லபுத்தங் ஏதத³வோச – ‘‘ஸரஸி த்வங், த³ப்³ப³,
ஏவரூபங் கத்தா யதா²யங் பி⁴க்கு²னீ ஆஹா’’தி? ‘‘யதா² மங், ப⁴ந்தே, ப⁴க³வா
ஜானாதீ’’தி. ததியம்பி கோ² ப⁴க³வா ஆயஸ்மந்தங் த³ப்³ப³ங் மல்லபுத்தங் ஏதத³வோச
– ‘‘ஸரஸி த்வங், த³ப்³ப³, ஏவரூபங் கத்தா யதா²யங் பி⁴க்கு²னீ ஆஹா’’தி?
‘‘யதா² மங், ப⁴ந்தே, ப⁴க³வா ஜானாதீ’’தி. ‘‘ந கோ², த³ப்³ப³, த³ப்³பா³ ஏவங்
நிப்³பே³டெ²ந்தி. ஸசே தயா கதங் கதந்தி வதே³ஹி. ஸசே அகதங் அகதந்தி
வதே³ஹீ’’தி. ‘‘யதோஹங், ப⁴ந்தே, ஜாதோ நாபி⁴ஜானாமி ஸுபினந்தேனபி மேது²னங்
த⁴ம்மங் படிஸேவிதா, பகே³வ ஜாக³ரோ’’தி. அத² கோ² ப⁴க³வா பி⁴க்கூ² ஆமந்தேஸி –
‘‘தேன ஹி, பி⁴க்க²வே, மெத்தியங் பி⁴க்கு²னிங் நாஸேத². இமே ச பி⁴க்கூ²
அனுயுஞ்ஜதா²’’தி. இத³ங் வத்வா ப⁴க³வா உட்டா²யாஸனா விஹாரங் பாவிஸி.

அத² கோ² தே பி⁴க்கூ² மெத்தியங் பி⁴க்கு²னிங் நாஸேஸுங்.
அத² கோ² மெத்தியபூ⁴மஜகா பி⁴க்கூ² தே பி⁴க்கூ² ஏதத³வோசுங் – ‘‘மாவுஸோ,
மெத்தியங் பி⁴க்கு²னிங் நாஸேத², ந ஸா கிஞ்சி அபரஜ்ஜ²தி; அம்ஹேஹி ஸா
உஸ்ஸாஹிதா குபிதேஹி அனத்தமனேஹி சாவனாதி⁴ப்பாயேஹீ’’தி. ‘‘கிங் பன தும்ஹே,
ஆவுஸோ, ஆயஸ்மந்தங் த³ப்³ப³ங் மல்லபுத்தங் அமூலிகாய
ஸீலவிபத்தியா அனுத்³த⁴ங்ஸேதா²’’தி? ‘‘ஏவமாவுஸோ’’தி. யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
மெத்தியபூ⁴மஜகா பி⁴க்கூ² ஆயஸ்மந்தங் த³ப்³ப³ங் மல்லபுத்தங் அமூலிகாய
ஸீலவிபத்தியா அனுத்³த⁴ங்ஸெஸ்ஸந்தீ’’தி! அத² கோ² தே பி⁴க்கூ² ப⁴க³வதோ
ஏதமத்த²ங் ஆரோசேஸுங் …பே॰… ‘‘ஸச்சங் கிர,
பி⁴க்க²வே, மெத்தியபூ⁴மஜகா பி⁴க்கூ² த³ப்³ப³ங் மல்லபுத்தங் அமூலிகாய
ஸீலவிபத்தியா அனுத்³த⁴ங்ஸெந்தீ’’தி? ‘‘ஸச்சங் ப⁴க³வா’’தி…பே॰…
விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி –

‘‘தேன ஹி, பி⁴க்க²வே, ஸங்கோ⁴ த³ப்³ப³ஸ்ஸ மல்லபுத்தஸ்ஸ ஸதிவேபுல்லப்பத்தஸ்ஸ ஸதிவினயங் தே³து. ஏவஞ்ச
பன, பி⁴க்க²வே, தா³தப்³போ³ – ‘‘தேன, பி⁴க்க²வே, த³ப்³பே³ன மல்லபுத்தேன
ஸங்க⁴ங் உபஸங்கமித்வா, ஏகங்ஸங் உத்தராஸங்க³ங் கரித்வா, வுட்³டா⁴னங்
பி⁴க்கூ²னங் பாதே³ வந்தி³த்வா, உக்குடிகங் நிஸீதி³த்வா, அஞ்ஜலிங்
பக்³க³ஹெத்வா, ஏவமஸ்ஸ வசனீயோ – ‘இமே மங், ப⁴ந்தே, மெத்தியபூ⁴மஜகா பி⁴க்கூ²
அமூலிகாய ஸீலவிபத்தியா அனுத்³த⁴ங்ஸெந்தி. ஸோஹங், ப⁴ந்தே, ஸதிவேபுல்லப்பத்தோ
ஸங்க⁴ங் ஸதிவினயங் யாசாமீ’தி. து³தியம்பி யாசிதப்³போ³. ததியம்பி
யாசிதப்³போ³ – ‘இமே மங், ப⁴ந்தே மெத்தியபூ⁴மஜகா பி⁴க்கூ² அமூலிகாய
ஸீலவிபத்தியா அனுத்³த⁴ங்ஸெந்தி. ஸோஹங் [ஸோஹங் ப⁴ந்தே (க॰)] ஸதிவேபுல்லப்பத்தோ ததியம்பி, ப⁴ந்தே, ஸங்க⁴ங் ஸதிவினயங் யாசாமீ’தி. ‘‘ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

194. ஸுணாது
மே, ப⁴ந்தே, ஸங்கோ⁴. இமே மெத்தியபூ⁴மஜகா பி⁴க்கூ² ஆயஸ்மந்தங் த³ப்³ப³ங்
மல்லபுத்தங் அமூலிகாய ஸீலவிபத்தியா அனுத்³த⁴ங்ஸெந்தி. ஆயஸ்மா த³ப்³போ³
மல்லபுத்தோ ஸதிவேபுல்லப்பத்தோ ஸங்க⁴ங் ஸதிவினயங் யாசதி. யதி³ ஸங்க⁴ஸ்ஸ
பத்தகல்லங், ஸங்கோ⁴ ஆயஸ்மதோ த³ப்³ப³ஸ்ஸ மல்லபுத்தஸ்ஸ ஸதிவேபுல்லப்பத்தஸ்ஸ
ஸதிவினயங் த³தெ³ய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. இமே மெத்தியபூ⁴மஜகா
பி⁴க்கூ² ஆயஸ்மந்தங் த³ப்³ப³ங் மல்லபுத்தங் அமூலிகாய ஸீலவிபத்தியா
அனுத்³த⁴ங்ஸெந்தி. ஆயஸ்மா த³ப்³போ³ மல்லபுத்தோ ஸதிவேபுல்லப்பத்தோ ஸங்க⁴ங்
ஸதிவினயங் யாசதி. ஸங்கோ⁴ ஆயஸ்மதோ த³ப்³ப³ஸ்ஸ மல்லபுத்தஸ்ஸ
ஸதிவேபுல்லப்பத்தஸ்ஸ ஸதிவினயங் தே³தி. யஸ்ஸாயஸ்மதோ க²மதி ஆயஸ்மதோ
த³ப்³ப³ஸ்ஸ மல்லபுத்தஸ்ஸ ஸதிவேபுல்லப்பத்தஸ்ஸ ஸதிவினயஸ்ஸ தா³னங், ஸோ
துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

‘‘து³தியம்பி ஏதமத்த²ங் வதா³மி…பே॰… ததியம்பி
ஏதமத்த²ங் வதா³மி – ஸுணாது மே, ப⁴ந்தே, ஸங்கோ⁴. இமே மெத்தியபூ⁴மஜகா
பி⁴க்கூ² ஆயஸ்மந்தங் த³ப்³ப³ங் மல்லபுத்தங் அமூலிகாய ஸீலவிபத்தியா
அனுத்³த⁴ங்ஸெந்தி. ஆயஸ்மா த³ப்³போ³ மல்லபுத்தோ ஸதிவேபுல்லப்பத்தோ ஸங்க⁴ங்
ஸதிவினயங் யாசதி. ஸங்கோ⁴ ஆயஸ்மதோ த³ப்³ப³ஸ்ஸ மல்லபுத்தஸ்ஸ
ஸதிவேபுல்லப்பத்தஸ்ஸ ஸதிவினயங் தே³தி. யஸ்ஸாயஸ்மதோ க²மதி ஆயஸ்மதோ த³ப்³ப³ஸ்ஸ மல்லபுத்தஸ்ஸ ஸதிவேபுல்லப்பத்தஸ்ஸ ஸதிவினயஸ்ஸ தா³னங், ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

‘‘தி³ன்னோ ஸங்கே⁴ன ஆயஸ்மதோ த³ப்³ப³ஸ்ஸ மல்லபுத்தஸ்ஸ ஸதிவேபுல்லப்பத்தஸ்ஸ ஸதிவினயோ. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

195.
‘‘பஞ்சிமானி, பி⁴க்க²வே, த⁴ம்மிகானி ஸதிவினயஸ்ஸ தா³னானி. ஸுத்³தோ⁴ ஹோதி
பி⁴க்கு² அனாபத்திகோ, அனுவத³ந்தி ச நங், யாசதி ச, தஸ்ஸ ஸங்கோ⁴ ஸதிவினயங்
தே³தி த⁴ம்மேன ஸமக்³கே³ன – இமானி கோ², பி⁴க்க²வே, பஞ்ச த⁴ம்மிகானி
ஸதிவினயஸ்ஸ தா³னானீ’’தி.

3. அமூள்ஹவினயோ

196. தேன
கோ² பன ஸமயேன க³க்³கோ³ பி⁴க்கு² உம்மத்தகோ ஹோதி, சித்தவிபரியாஸகதோ. தேன
உம்மத்தகேன சித்தவிபரியாஸகதேன ப³ஹுங் அஸ்ஸாமணகங் அஜ்ஜா²சிண்ணங் ஹோதி
பா⁴ஸிதபரிக்கந்தங். பி⁴க்கூ² க³க்³க³ங் பி⁴க்கு²ங் உம்மத்தகேன
சித்தவிபரியாஸகதேன அஜ்ஜா²சிண்ணேன ஆபத்தியா சோதெ³ந்தி – ‘‘ஸரதாயஸ்மா
ஏவரூபிங் ஆபத்திங் ஆபஜ்ஜிதா’’தி? ஸோ ஏவங் வதே³தி – ‘‘அஹங் கோ², ஆவுஸோ ,
உம்மத்தகோ அஹோஸிங் சித்தவிபரியாஸகதோ. தேன மே உம்மத்தகேன சித்தவிபரியாஸகதேன
ப³ஹுங் அஸ்ஸாமணகங் அஜ்ஜா²சிண்ணங் பா⁴ஸிதபரிக்கந்தங். நாஹங் தங் ஸராமி.
மூள்ஹேன மே ஏதங் கத’’ந்தி. ஏவம்பி நங் வுச்சமானா சோதெ³ந்தேவ – ‘‘ஸரதாயஸ்மா
ஏவரூபிங் ஆபத்திங் ஆபஜ்ஜிதா’’தி? யே தே பி⁴க்கூ² அப்பிச்சா²..பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கூ² க³க்³க³ங்
பி⁴க்கு²ங் உம்மத்தகேன சித்தவிபரியாஸகதேன அஜ்ஜா²சிண்ணேன ஆபத்தியா
சோதெ³ஸ்ஸந்தி – ‘‘ஸரதாயஸ்மா ஏவரூபிங் ஆபத்திங் ஆபஜ்ஜிதா’தி! ஸோ ஏவங் வதே³தி
– ‘அஹங் கோ², ஆவுஸோ, உம்மத்தகோ அஹோஸிங்
சித்தவிபரியாஸகதோ. தேன மே உம்மத்தகேன சித்தவிபரியாஸகதேன ப³ஹுங் அஸ்ஸாமணகங்
அஜ்ஜா²சிண்ணங் பா⁴ஸிதபரிக்கந்தங். நாஹங் தங் ஸராமி. மூள்ஹேன மே ஏதங்
கத’ந்தி. ஏவம்பி நங் வுச்சமானா சோதெ³ந்தேவ – ‘‘ஸரதாயஸ்மா ஏவரூபிங் ஆபத்திங்
ஆபஜ்ஜிதா’’தி? அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰…
‘‘ஸச்சங் கிர, பி⁴க்க²வே…பே॰… ஸச்சங் ப⁴க³வா’’தி…பே॰… விக³ரஹித்வா…பே॰…
த⁴ம்மிங் கத²ங் கத்வா பி⁴க்கூ² ஆமந்தேஸி –

‘‘தேன ஹி, பி⁴க்க²வே, ஸங்கோ⁴ க³க்³க³ஸ்ஸ பி⁴க்கு²னோ அமூள்ஹஸ்ஸ அமூள்ஹவினயங் தே³து. ஏவஞ்ச
பன, பி⁴க்க²வே, தா³தப்³போ³ – ‘‘தேன, பி⁴க்க²வே, க³க்³கே³ன பி⁴க்கு²னா
ஸங்க⁴ங் உபஸங்கமித்வா, ஏகங்ஸங் உத்தராஸங்க³ங் கரித்வா, வுட்³டா⁴னங்
பி⁴க்கூ²னங் பாதே³ வந்தி³த்வா, உக்குடிகங் நிஸீதி³த்வா, அஞ்ஜலிங்
பக்³க³ஹெத்வா, ஏவமஸ்ஸ வசனீயோ – ‘அஹங், ப⁴ந்தே, உம்மத்தகோ அஹோஸிங்
சித்தவிபரியாஸகதோ. தேன மே உம்மத்தகேன சித்தவிபரியாஸகதேன ப³ஹுங் அஸ்ஸாமணகங்
அஜ்ஜா²சிண்ணங் பா⁴ஸிதபரிக்கந்தங். மங் பி⁴க்கூ² உம்மத்தகேன
சித்தவிபரியாஸகதேன அஜ்ஜா²சிண்ணேன ஆபத்தியா சோதெ³ந்தி – ‘ஸரதாயஸ்மா ஏவரூபிங்
ஆபத்திங் ஆபஜ்ஜிதா’தி? த்யாஹங் ஏவங் வதா³மி – ‘அஹங் கோ², ஆவுஸோ, உம்மத்தகோ
அஹோஸிங் சித்தவிபரியாஸகதோ. தேன மே உம்மத்தகேன சித்தவிபரியாஸகதேன ப³ஹுங்
அஸ்ஸாமணகங் அஜ்ஜா²சிண்ணங் பா⁴ஸிதபரிக்கந்தங். நாஹங் தங் ஸராமி. மூள்ஹேன மே
ஏதங் கத’ந்தி. ஏவம்பி மங் வுச்சமானா சோதெ³ந்தேவ – ‘ஸரதாயஸ்மா ஏவரூபிங் ஆபத்திங் ஆபஜ்ஜிதா’தி? ஸோஹங் ,
ப⁴ந்தே, அமூள்ஹோ ஸங்க⁴ங் அமூள்ஹவினயங் யாசாமீ’தி. து³தியம்பி யாசிதப்³போ³.
ததியம்பி யாசிதப்³போ³ – ‘அஹங், ப⁴ந்தே, உம்மத்தகோ அஹோஸிங்
சித்தவிபரியாஸகதோ. தேன மே உம்மத்தகேன சித்தவிபரியாஸகதேன ப³ஹுங் அஸ்ஸாமணகங்
அஜ்ஜா²சிண்ணங் பா⁴ஸிதபரிக்கந்தங். மங் பி⁴க்கூ² உம்மத்தகேன
சித்தவிபரியாஸகதேன அஜ்ஜா²சிண்ணேன ஆபத்தியா சோதெ³ந்தி – ‘ஸரதாயஸ்மா ஏவரூபிங்
ஆபத்திங் ஆபஜ்ஜிதா’தி? த்யாஹங் ஏவங் வதா³மி – ‘அஹங் கோ², ஆவுஸோ, உம்மத்தகோ
அஹோஸிங் சித்தவிபரியாஸகதோ. தேன மே உம்மத்தகேன சித்தவிபரியாஸகதேன ப³ஹுங்
அஸ்ஸாமணகங் அஜ்ஜா²சிண்ணங் பா⁴ஸிதபரிக்கந்தங். நாஹங் தங் ஸராமி மூள்ஹேன மே
ஏதங் கத’ந்தி. ஏவம்பி மங் வுச்சமானா சோதெ³ந்தேவ – ‘ஸரதாயஸ்மா ஏவரூபிங்
ஆபத்திங் ஆபஜ்ஜிதா’தி? ஸோஹங் அமூள்ஹோ [ஸோஹங் ப⁴ந்தே அமூள்ஹோ (க॰)] ததியம்பி, ப⁴ந்தே, ஸங்க⁴ங் அமூள்ஹவினயங் யாசாமீ’தி. ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

197.
‘‘ஸுணாது மே, ப⁴ந்தே, ஸங்கோ⁴. அயங் க³க்³கோ³ பி⁴க்கு² உம்மத்தகோ அஹோஸி
சித்தவிபரியாஸகதோ. தேன உம்மத்தகேன சித்தவிபரியாஸகதேன ப³ஹுங் அஸ்ஸாமணகங்
அஜ்ஜா²சிண்ணங் பா⁴ஸிதபரிக்கந்தங். பி⁴க்கூ² க³க்³க³ங் பி⁴க்கு²ங்
உம்மத்தகேன சித்தவிபரியாஸகதேன அஜ்ஜா²சிண்ணேன ஆபத்தியா சோதெ³ந்தி –
‘ஸரதாயஸ்மா ஏவரூபிங் ஆபத்திங் ஆபஜ்ஜிதா’தி? ஸோ ஏவங் வதே³தி – ‘அஹங் கோ²,
ஆவுஸோ, உம்மத்தகோ அஹோஸிங் சித்தவிபரியாஸகதோ. தேன மே உம்மத்தகேன
சித்தவிபரியாஸகதேன ப³ஹுங் அஸ்ஸாமணகங் அஜ்ஜா²சிண்ணங் பா⁴ஸிதபரிக்கந்தங். நாஹங் தங் ஸராமி, மூள்ஹேன
மே ஏதங் கத’ந்தி. ஏவம்பி நங் வுச்சமானா சோதெ³ந்தேவ – ‘ஸரதாயஸ்மா ஏவரூபிங்
ஆபத்திங் ஆபஜ்ஜிதா’தி? ஸோ அமூள்ஹோ ஸங்க⁴ங் அமூள்ஹவினயங் யாசதி. யதி³
ஸங்க⁴ஸ்ஸ பத்தகல்லங், ஸங்கோ⁴ க³க்³க³ஸ்ஸ பி⁴க்கு²னோ அமூள்ஹஸ்ஸ அமூள்ஹவினயங்
த³தெ³ய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴.
அயங் க³க்³கோ³ பி⁴க்கு² உம்மத்தகோ அஹோஸி சித்தவிபரியாஸகதோ. தேன உம்மத்தகேன
சித்தவிபரியாஸகதேன ப³ஹுங் அஸ்ஸாமணகங் அஜ்ஜா²சிண்ணங் பா⁴ஸிதபரிக்கந்தங்.
பி⁴க்கூ² க³க்³க³ங் பி⁴க்கு²ங் உம்மத்தகேன சித்தவிபரியாஸகதேன அஜ்ஜா²சிண்ணேன
ஆபத்தியா சோதெ³ந்தி – ‘ஸரதாயஸ்மா ஏவரூபிங் ஆபத்திங் ஆபஜ்ஜிதா’தி? ஸோ ஏவங்
வதே³தி – ‘அஹங் கோ², ஆவுஸோ, உம்மத்தகோ அஹோஸிங் சித்தவிபரியாஸகதோ. தேன மே
உம்மத்தகேன சித்தவிபரியாஸகதேன ப³ஹுங் அஸ்ஸாமணகங் அஜ்ஜா²சிண்ணங்
பா⁴ஸிதபரிக்கந்தங். நாஹங் தங் ஸராமி மூள்ஹேன மே ஏதங் கத’ந்தி. ஏவம்பி நங்
வுச்சமானா சோதெ³ந்தேவ – ‘ஸரதாயஸ்மா ஏவரூபிங் ஆபத்திங் ஆபஜ்ஜிதா’தி? ஸோ
அமூள்ஹோ ஸங்க⁴ங் அமூள்ஹவினயங் யாசதி. ஸங்கோ⁴ க³க்³க³ஸ்ஸ பி⁴க்கு²னோ
அமூள்ஹஸ்ஸ அமூள்ஹவினயங் தே³தி. யஸ்ஸாயஸ்மதோ க²மதி க³க்³க³ஸ்ஸ பி⁴க்கு²னோ
அமூள்ஹஸ்ஸ அமூள்ஹவினயஸ்ஸ தா³னங், ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

‘‘து³தியம்பி ஏதமத்த²ங் வதா³மி…பே॰… ததியம்பி ஏதமத்த²ங் வதா³மி…பே॰….

‘‘தி³ன்னோ ஸங்கே⁴ன க³க்³க³ஸ்ஸ பி⁴க்கு²னோ அமூள்ஹஸ்ஸ அமூள்ஹவினயோ. க²மதி ஸங்க⁴ஸ்ஸ, தஸ்மா துண்ஹீ , ஏவமேதங் தா⁴ரயாமீ’’தி.

198. ‘‘தீணிமானி, பி⁴க்க²வே, அத⁴ம்மிகானி அமூள்ஹவினயஸ்ஸ தா³னானி, தீணி த⁴ம்மிகானி. கம்மானி தீணி அத⁴ம்மிகானி அமூள்ஹவினயஸ்ஸ தா³னானி?

‘‘இத⁴ பன, பி⁴க்க²வே, பி⁴க்கு² ஆபத்திங் ஆபன்னோ ஹோதி.
தமேனங் சோதே³தி ஸங்கோ⁴ வா, ஸம்ப³ஹுலா வா, ஏகபுக்³க³லோ வா – ‘ஸரதாயஸ்மா
ஏவரூபிங் ஆபத்திங் ஆபஜ்ஜிதா’தி? ஸோ ஸரமானோவ ஏவங் வதே³தி – ‘ந கோ² அஹங்,
ஆவுஸோ, ஸராமி ஏவரூபிங் ஆபத்திங் ஆபஜ்ஜிதா’தி. தஸ்ஸ ஸங்கோ⁴ அமூள்ஹவினயங்
தே³தி. அத⁴ம்மிகங் அமூள்ஹவினயஸ்ஸ தா³னங்.

‘‘இத⁴ பன, பி⁴க்க²வே, பி⁴க்கு² ஆபத்திங் ஆபன்னோ ஹோதி.
தமேனங் சோதே³தி ஸங்கோ⁴ வா, ஸம்ப³ஹுலா வா, ஏகபுக்³க³லோ வா – ‘ஸரதாயஸ்மா
ஏவரூபிங் ஆபத்திங் ஆபஜ்ஜிதா’தி? ஸோ ஸரமானோவ ஏவங் வதே³தி – ‘ஸராமி கோ² அஹங்,
ஆவுஸோ, யதா²ஸுபினந்தேனா’தி. தஸ்ஸ ஸங்கோ⁴ அமூள்ஹவினயங் தே³தி. அத⁴ம்மிகங்
அமூள்ஹவினயஸ்ஸ தா³னங்.

‘‘இத⁴ பன, பி⁴க்க²வே, பி⁴க்கு² ஆபத்திங் ஆபன்னோ ஹோதி. தமேனங் சோதே³தி ஸங்கோ⁴ வா, ஸம்ப³ஹுலா
வா, ஏகபுக்³க³லோ வா – ‘ஸரதாயஸ்மா ஏவரூபிங் ஆபத்திங் ஆபஜ்ஜிதா’தி? ஸோ
அனும்மத்தகோ உம்மத்தகாலயங் கரோதி – ‘அஹம்பி கோ² ஏவங் கரோமி. தும்ஹேபி ஏவங்
கரோத². மய்ஹம்பி ஏதங் கப்பதி. தும்ஹாகம்பேதங் கப்பதீ’தி. தஸ்ஸ ஸங்கோ⁴
அமூள்ஹவினயங் தே³தி. அத⁴ம்மிகங் அமூள்ஹவினயஸ்ஸ தா³னங். இமானி தீணி
அத⁴ம்மிகானி அமூள்ஹவினயஸ்ஸ தா³னானி.

199. ‘‘கதமானி தீணி த⁴ம்மிகானி அமூள்ஹவினயஸ்ஸ தா³னானி?

‘‘இத⁴ பன, பி⁴க்க²வே, பி⁴க்கு² உம்மத்தகோ ஹோதி
சித்தவிபரியாஸகதோ. தேன உம்மத்தகேன சித்தவிபரியாஸகதேன ப³ஹுங் அஸ்ஸாமணகங்
அஜ்ஜா²சிண்ணங் ஹோதி பா⁴ஸிதபரிக்கந்தங். தமேனங் சோதே³தி ஸங்கோ⁴ வா,
ஸம்ப³ஹுலா வா, ஏகபுக்³க³லோ வா – ‘ஸரதாயஸ்மா ஏவரூபிங் ஆபத்திங் ஆபஜ்ஜிதா’தி?
ஸோ அஸ்ஸரமானோவ ஏவங் வதே³தி – ‘ந கோ² அஹங், ஆவுஸோ, ஸராமி ஏவரூபிங் ஆபத்திங்
ஆபஜ்ஜிதா’தி. தஸ்ஸ ஸங்கோ⁴ அமூள்ஹவினயங் தே³தி. த⁴ம்மிகங் அமூள்ஹவினயஸ்ஸ
தா³னங்.

‘‘இத⁴ பன, பி⁴க்க²வே, பி⁴க்கு² உம்மத்தகோ ஹோதி
சித்தவிபரியாஸகதோ. தேன உம்மத்தகேன சித்தவிபரியாஸகதேன ப³ஹுங் அஸ்ஸாமணகங்
அஜ்ஜா²சிண்ணங் ஹோதி பா⁴ஸிதபரிக்கந்தங். தமேனங் சோதே³தி ஸங்கோ⁴ வா,
ஸம்ப³ஹுலா வா, ஏகபுக்³க³லோ வா – ‘ஸரதாயஸ்மா ஏவரூபிங் ஆபத்திங் ஆபஜ்ஜிதா’தி ?
ஸோ அஸ்ஸரமானோவ ஏவங் வதே³தி – ‘ஸராமி கோ² அஹங், ஆவுஸோ, யதா²
ஸுபினந்தேனா’தி. தஸ்ஸ ஸங்கோ⁴ அமூள்ஹவினயங் தே³தி. த⁴ம்மிகங் அமூள்ஹவினயஸ்ஸ
தா³னங்.

‘‘இத⁴ பன, பி⁴க்க²வே, பி⁴க்கு² உம்மத்தகோ ஹோதி
சித்தவிபரியாஸகதோ. தேன உம்மத்தகேன சித்தவிபரியாஸகதேன ப³ஹுங் அஸ்ஸாமணகங்
அஜ்ஜா²சிண்ணங் ஹோதி பா⁴ஸிதபரிக்கந்தங். தமேனங் சோதே³தி ஸங்கோ⁴ வா,
ஸம்ப³ஹுலா வா, ஏகபுக்³க³லோ வா – ‘ஸரதாயஸ்மா ஏவரூபிங் ஆபத்திங் ஆபஜ்ஜிதா’தி?
ஸோ உம்மத்தகோ உம்மத்தகாலயங் கரோதி – ‘அஹம்பி ஏவங்
கரோமி. தும்ஹேபி ஏவங் கரோத². மய்ஹம்பி ஏதங் கப்பதி. தும்ஹாகம்பேதங்
கப்பதீ’தி. தஸ்ஸ ஸங்கோ⁴ அமூள்ஹவினயங் தே³தி. த⁴ம்மிகங் அமூள்ஹவினயஸ்ஸ
தா³னங். ‘‘இமானி தீணி த⁴ம்மிகானி அமூள்ஹவினயஸ்ஸ தா³னானீ’’தி.

4. படிஞ்ஞாதகரணங்

200. தேன கோ² பன ஸமயேன ச²ப்³ப³க்³கி³யா பி⁴க்கூ² அப்படிஞ்ஞாய பி⁴க்கூ²னங் கம்மானி கரொந்தி
– தஜ்ஜனீயம்பி, நியஸ்ஸம்பி, பப்³பா³ஜனீயம்பி, படிஸாரணீயம்பி,
உக்கே²பனீயம்பி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² அப்படிஞ்ஞாய
பி⁴க்கூ²னங் கம்மானி கரிஸ்ஸந்தி – தஜ்ஜனீயம்பி, நியஸ்ஸம்பி,
பப்³பா³ஜனீயம்பி, படிஸாரணீயம்பி, உக்கே²பனீயம்பீ’’தி! அத² கோ²
தே பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர,
பி⁴க்க²வே…பே॰… ‘‘ஸச்சங் ப⁴க³வா’’தி…பே॰… விக³ரஹித்வா…பே॰… த⁴ம்மிங் கத²ங்
கத்வா பி⁴க்கூ² ஆமந்தேஸி – ‘‘ந, பி⁴க்க²வே, அப்படிஞ்ஞாய பி⁴க்கூ²னங் கம்மங்
காதப்³ப³ங் – தஜ்ஜனீயங் வா, நியஸ்ஸங் வா, பப்³பா³ஜனீயங் வா, படிஸாரணீயங்
வா, உக்கே²பனீயங் வா. யோ கரெய்ய, ஆபத்தி து³க்கடஸ்ஸ.

201. ‘‘ஏவங் கோ², பி⁴க்க²வே, அத⁴ம்மிகங் ஹோதி படிஞ்ஞாதகரணங், ஏவங் த⁴ம்மிகங். கத²ஞ்ச, பி⁴க்க²வே, அத⁴ம்மிகங் ஹோதி படிஞ்ஞாதகரணங்?

‘‘பி⁴க்கு² பாராஜிகங் அஜ்ஜா²பன்னோ ஹோதி. தமேனங்
சோதே³தி ஸங்கோ⁴ வா, ஸம்ப³ஹுலா வா, ஏகபுக்³க³லோ வா – ‘பாராஜிகங் ஆயஸ்மா
அஜ்ஜா²பன்னோ’தி? ஸோ ஏவங் வதே³தி – ‘ந கோ² அஹங், ஆவுஸோ, பாராஜிகங்
அஜ்ஜா²பன்னோ , ஸங்கா⁴தி³ஸேஸங் அஜ்ஜா²பன்னோ’தி. தங் ஸங்கோ⁴ ஸங்கா⁴தி³ஸேஸேன காரேதி. அத⁴ம்மிகங் படிஞ்ஞாதகரணங்.

‘‘பி⁴க்கு² பாராஜிகங் அஜ்ஜா²பன்னோ ஹோதி. தமேனங்
சோதே³தி ஸங்கோ⁴ வா, ஸம்ப³ஹுலா வா, ஏகபுக்³க³லோ வா – ‘பாராஜிகங் ஆயஸ்மா
அஜ்ஜா²பன்னோ’தி? ஸோ ஏவங் வதே³தி – ‘ந கோ² அஹங், ஆவுஸோ, பாராஜிகங்
அஜ்ஜா²பன்னோ, து²ல்லச்சயங்…பே॰… பாசித்தியங்…பே॰… பாடிதே³ஸனீயங்…பே॰…
து³க்கடங்…பே॰… து³ப்³பா⁴ஸிதங் அஜ்ஜா²பன்னோ’தி. தங் ஸங்கோ⁴ து³ப்³பா⁴ஸிதேன காரேதி. அத⁴ம்மிகங் படிஞ்ஞாதகரணங்.

‘‘பி⁴க்கு² ஸங்கா⁴தி³ஸேஸங்…பே॰… து²ல்லச்சயங்…பே॰…
பாசித்தியங்…பே॰… பாடிதே³ஸனீயங்…பே॰… து³க்கடங்…பே॰… து³ப்³பா⁴ஸிதங்
அஜ்ஜா²பன்னோ ஹோதி. தமேனங் சோதே³தி ஸங்கோ⁴ வா, ஸம்ப³ஹுலா வா, ஏகபுக்³க³லோ வா
– ‘து³ப்³பா⁴ஸிதங் ஆயஸ்மா அஜ்ஜா²பன்னோ’தி ? ஸோ ஏவங்
வதே³தி – ‘ந கோ² அஹங், ஆவுஸோ, து³ப்³பா⁴ஸிதங் அஜ்ஜா²பன்னோ, பாராஜிகங்
அஜ்ஜா²பன்னோ’தி. தங் ஸங்கோ⁴ பாராஜிகேன காரேதி. அத⁴ம்மிகங் படிஞ்ஞாதகரணங்.

‘‘பி⁴க்கு² து³ப்³பா⁴ஸிதங் அஜ்ஜா²பன்னோ ஹோதி. தமேனங் சோதே³தி ஸங்கோ⁴ வா, ஸம்ப³ஹுலா வா, ஏகபுக்³க³லோ
வா – ‘து³ப்³பா⁴ஸிதங் ஆயஸ்மா அஜ்ஜா²பன்னோ’தி? ஸோ ஏவங் வதே³தி – ‘ந கோ²
அஹங், ஆவுஸோ, து³ப்³பா⁴ஸிதங் அஜ்ஜா²பன்னோ, ஸங்கா⁴தி³ஸேஸங்…பே॰…
து²ல்லச்சயங்…பே॰… பாசித்தியங்…பே॰… பாடிதே³ஸனீயங்…பே॰… து³க்கடங்
அஜ்ஜா²பன்னோ’தி. தங் ஸங்கோ⁴ து³க்கடேன காரேதி. அத⁴ம்மிகங் படிஞ்ஞாதகரணங்.
‘‘ஏவங் கோ², பி⁴க்க²வே, அத⁴ம்மிகங் ஹோதி படிஞ்ஞாதகரணங்.

‘‘கத²ஞ்ச , பி⁴க்க²வே,
த⁴ம்மிகங் ஹோதி படிஞ்ஞாதகரணங்? பி⁴க்கு² பாராஜிகங் அஜ்ஜா²பன்னோ ஹோதி.
தமேனங் சோதே³தி ஸங்கோ⁴ வா, ஸம்ப³ஹுலா வா, ஏகபுக்³க³லோ வா – ‘பாராஜிகங்
ஆயஸ்மா அஜ்ஜா²பன்னோ’தி? ஸோ ஏவங் வதே³தி – ‘ஆம, ஆவுஸோ, பாராஜிகங் அஜ்ஜா²பன்னோ’தி. தங் ஸங்கோ⁴ பாராஜிகேன காரேதி. த⁴ம்மிகங் படிஞ்ஞாதகரணங்.

‘‘பி⁴க்கு² ஸங்கா⁴தி³ஸேஸங்…பே॰… து²ல்லச்சயங்…பே॰…
பாசித்தியங்…பே॰… பாடிதே³ஸனீயங்…பே॰… து³க்கடங்…பே॰… து³ப்³பா⁴ஸிதங்
அஜ்ஜா²பன்னோ ஹோதி. தமேனங் சோதே³தி ஸங்கோ⁴ வா, ஸம்ப³ஹுலா வா, ஏகபுக்³க³லோ வா
– ‘து³ப்³பா⁴ஸிதங் ஆயஸ்மா அஜ்ஜா²பன்னோ’தி? ஸோ ஏவங் வதே³தி – ‘ஆம, ஆவுஸோ,
து³ப்³பா⁴ஸிதங் அஜ்ஜா²பன்னோ’தி. தங் ஸங்கோ⁴ து³ப்³பா⁴ஸிதேன காரேதி.
த⁴ம்மிகங் படிஞ்ஞாதகரணங். ஏவங் கோ², பி⁴க்க²வே, த⁴ம்மிகங் ஹோதி
படிஞ்ஞாதகரண’’ந்தி.

5. யேபு⁴ய்யஸிகா

202.
தேன கோ² பன ஸமயேன பி⁴க்கூ² ஸங்க⁴மஜ்ஜே² ப⁴ண்ட³னஜாதா கலஹஜாதா விவாதா³பன்னா
அஞ்ஞமஞ்ஞங் முக²ஸத்தீஹி விதுத³ந்தா விஹரந்தி, ந ஸக்கொந்தி தங் அதி⁴கரணங்
வூபஸமேதுங். ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, ஏவரூபங்
அதி⁴கரணங் யேபு⁴ய்யஸிகாய வூபஸமேதுங். பஞ்சஹங்கே³ஹி ஸமன்னாக³தோ பி⁴க்கு²
ஸலாகக்³கா³ஹாபகோ ஸம்மன்னிதப்³போ³ – யோ ந ச²ந்தா³க³திங் க³ச்செ²ய்ய, ந
தோ³ஸாக³திங் க³ச்செ²ய்ய, ந மோஹாக³திங் க³ச்செ²ய்ய, ந ப⁴யாக³திங்
க³ச்செ²ய்ய, க³ஹிதாக³ஹிதுஞ்ச ஜானெய்ய. ஏவஞ்ச பன, பி⁴க்க²வே,
ஸம்மன்னிதப்³போ³. பட²மங் பி⁴க்கு² யாசிதப்³போ³, யாசித்வா ப்³யத்தேன
பி⁴க்கு²னா படிப³லேன ஸங்கோ⁴ ஞாபேதப்³போ³ –

203. ‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் பி⁴க்கு²ங் ஸலாகக்³கா³ஹாபகங் ஸம்மன்னெய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. ஸங்கோ⁴ இத்த²ன்னாமங் பி⁴க்கு²ங் ஸலாகக்³கா³ஹாபகங் ஸம்மன்னதி. யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ ஸலாகக்³கா³ஹாபகஸ்ஸ ஸம்முதி, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.

‘‘ஸம்மதோ ஸங்கே⁴ன இத்த²ன்னாமோ பி⁴க்கு² ஸலாகக்³கா³ஹாபகோ. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

204. ‘‘த³ஸயிமே , பி⁴க்க²வே, அத⁴ம்மிகா ஸலாகக்³கா³ஹா, த³ஸ த⁴ம்மிகா [த³ஸ த⁴ம்மிகா ஸலாகக்³கா³ஹா (க॰)].
கதமே த³ஸ அத⁴ம்மிகா ஸலாகக்³கா³ஹா? ஓரமத்தகஞ்ச அதி⁴கரணங் ஹோதி, ந ச
க³திக³தங் ஹோதி, ந ச ஸரிதஸாரிதங் ஹோதி, ஜானாதி அத⁴ம்மவாதீ³ ப³ஹுதராதி,
அப்பேவ நாம அத⁴ம்மவாதீ³ ப³ஹுதரா அஸ்ஸூதி, ஜானாதி ஸங்கோ⁴ பி⁴ஜ்ஜிஸ்ஸதீதி,
அப்பேவ நாம ஸங்கோ⁴ பி⁴ஜ்ஜெய்யாதி, அத⁴ம்மேன க³ண்ஹந்தி, வக்³கா³ க³ண்ஹந்தி, ந
ச யதா²தி³ட்டி²யா க³ண்ஹந்தி – இமே த³ஸ அத⁴ம்மிகா ஸலாகக்³கா³ஹா.

‘‘கதமே த³ஸ த⁴ம்மிகா ஸலாகக்³கா³ஹா? ந ச ஓரமத்தகங்
அதி⁴கரணங் ஹோதி, க³திக³தஞ்ச ஹோதி, ஸரிதஸாரிதஞ்ச ஹோதி, ஜானாதி த⁴ம்மவாதீ³
ப³ஹுதராதி, அப்பேவ நாம த⁴ம்மவாதீ³ ப³ஹுதரா அஸ்ஸூதி, ஜானாதி ஸங்கோ⁴ ந
பி⁴ஜ்ஜிஸ்ஸதீதி, அப்பேவ நாம ஸங்கோ⁴ ந பி⁴ஜ்ஜெய்யாதி, த⁴ம்மேன க³ண்ஹந்தி,
ஸமக்³கா³ க³ண்ஹந்தி, யதா²தி³ட்டி²யா ச க³ண்ஹந்தி – இமே த³ஸ த⁴ம்மிகா
ஸலாகக்³கா³ஹா’’தி.

6. தஸ்ஸபாபியஸிகா

205. தேன கோ² பன ஸமயேன உபவாளோ பி⁴க்கு² ஸங்க⁴மஜ்ஜே² ஆபத்தியா
அனுயுஞ்ஜியமானோ அவஜானித்வா படிஜானாதி, படிஜானித்வா அவஜானாதி, அஞ்ஞேனஞ்ஞங்
படிசரதி, ஸம்பஜானமுஸா பா⁴ஸதி. யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம உபவாளோ பி⁴க்கு²
ஸங்க⁴மஜ்ஜே² ஆபத்தியா அனுயுஞ்ஜியமானோ அவஜானித்வா படிஜானிஸ்ஸதி, படிஜானித்வா
அவஜானிஸ்ஸதி, அஞ்ஞேனஞ்ஞங் படிசரிஸ்ஸதி, ஸம்பஜானமுஸா பா⁴ஸிஸ்ஸதீ’’தி! அத²
கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர,
பி⁴க்க²வே…பே॰… ‘‘ஸச்சங் ப⁴க³வா’’தி…பே॰… விக³ரஹித்வா…பே॰… த⁴ம்மிங் கத²ங்
கத்வா பி⁴க்கூ² ஆமந்தேஸி – தேன ஹி, பி⁴க்க²வே, ஸங்கோ⁴ உபவாளஸ்ஸ பி⁴க்கு²னோ
தஸ்ஸபாபியஸிகாகம்மங் கரோது. ஏவஞ்ச பன, பி⁴க்க²வே, காதப்³ப³ங். பட²மங்
உபவாளோ பி⁴க்கு² சோதே³தப்³போ³, சோதெ³த்வா ஸாரேதப்³போ³, ஸாரெத்வா ஆபத்திங்
ஆரோபேதப்³போ³, ஆபத்திங் ஆரோபெத்வா ப்³யத்தேன பி⁴க்கு²னா படிப³லேன ஸங்கோ⁴
ஞாபேதப்³போ³ –

206.
‘‘ஸுணாது மே, ப⁴ந்தே, ஸங்கோ⁴. அயங் உபவாளோ பி⁴க்கு² ஸங்க⁴மஜ்ஜே² ஆபத்தியா
அனுயுஞ்ஜியமானோ அவஜானித்வா படிஜானாதி, படிஜானித்வா அவஜானாதி, அஞ்ஞேனஞ்ஞங்
படிசரதி, ஸம்பஜானமுஸா ‘பா⁴ஸதி. யதி³ ஸங்க⁴ஸ்ஸ பத்தகல்லங், ஸங்கோ⁴ உபவாளஸ்ஸ பி⁴க்கு²னோ தஸ்ஸபாபியஸிகாகம்மங் கரெய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. அயங் உபவாளோ பி⁴க்கு² ஸங்க⁴மஜ்ஜே² ஆபத்தியா அனுயுஞ்ஜியமானோ அவஜானித்வா படிஜானாதி, படிஜானித்வா
அவஜானாதி, அஞ்ஞேனஞ்ஞங் படிசரதி, ஸம்பஜானமுஸா பா⁴ஸதி. ஸங்கோ⁴ உபவாளஸ்ஸ
பி⁴க்கு²னோ தஸ்ஸபாபியஸிகாகம்மங் கரோதி. யஸ்ஸாயஸ்மதோ க²மதி உபவாளஸ்ஸ
பி⁴க்கு²னோ தஸ்ஸபாபியஸிகாகம்மஸ்ஸ கரணங், ஸோ துண்ஹஸ்ஸ; யஸ்ஸ நக்க²மதி, ஸோ
பா⁴ஸெய்ய.

‘‘து³தியம்பி ஏதமத்த²ங் வதா³மி…பே॰… ததியம்பி ஏதமத்த²ங் வதா³மி…பே॰….

‘‘கதங் ஸங்கே⁴ன உபவாளஸ்ஸ பி⁴க்கு²னோ தஸ்ஸபாபியஸிகாகம்மங். க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

207. ‘‘பஞ்சிமானி ,
பி⁴க்க²வே, த⁴ம்மிகானி தஸ்ஸபாபியஸிகாகம்மஸ்ஸ கரணானி. அஸுசி ச ஹோதி, அலஜ்ஜீ
ச, ஸானுவாதோ³ ச, தஸ்ஸ ஸங்கோ⁴ தஸ்ஸபாபியஸிகாகம்மங் கரோதி த⁴ம்மேன,
ஸமக்³கே³ன – இமானி கோ², பி⁴க்க²வே, பஞ்ச த⁴ம்மிகானி தஸ்ஸபாபியஸிகாகம்மஸ்ஸ
கரணானி.

அத⁴ம்மகம்மத்³வாத³ஸகங்

208.
‘‘தீஹி, பி⁴க்க²வே, அங்கே³ஹி ஸமன்னாக³தங் தஸ்ஸபாபியஸிகாகம்மங்
அத⁴ம்மகம்மஞ்ச ஹோதி, அவினயகம்மஞ்ச, து³வூபஸந்தஞ்ச. அஸம்முகா² கதங் ஹோதி,
அப்படிபுச்சா²கதங் ஹோதி, அப்படிஞ்ஞாய கதங் ஹோதி…பே॰… அத⁴ம்மேன கதங் ஹோதி,
வக்³கே³ன கதங் ஹோதி – இமேஹி கோ², பி⁴க்க²வே, தீஹங்கே³ஹி ஸமன்னாக³தங்
தஸ்ஸபாபியஸிகாகம்மங் அத⁴ம்மகம்மஞ்ச ஹோதி, அவினயகம்மஞ்ச, து³வூபஸந்தஞ்ச.

த⁴ம்மகம்மத்³வாத³ஸகங்

209. ‘‘தீஹி ,
பி⁴க்க²வே, அங்கே³ஹி ஸமன்னாக³தங் தஸ்ஸபாபியஸிகாகம்மங் த⁴ம்மகம்மஞ்ச ஹோதி,
வினயகம்மஞ்ச, ஸுவூபஸந்தஞ்ச. ஸம்முகா² கதங் ஹோதி, படிபுச்சா²கதங் ஹோதி,
படிஞ்ஞாய கதங் ஹோதி…பே॰… த⁴ம்மேன கதங் ஹோதி,
ஸமக்³கே³ன கதங் ஹோதி – இமேஹி கோ², பி⁴க்க²வே, தீஹங்கே³ஹி ஸமன்னாக³தங்
தஸ்ஸபாபியஸிகாகம்மங் த⁴ம்மகம்மஞ்ச ஹோதி, வினயகம்மஞ்ச, ஸுவூபஸந்தஞ்ச.

ஆகங்க²மானச²க்கங்

210. ‘‘தீஹி ,
பி⁴க்க²வே, அங்கே³ஹி ஸமன்னாக³தஸ்ஸ பி⁴க்கு²னோ ஆகங்க²மானோ ஸங்கோ⁴
தஸ்ஸபாபியஸிகாகம்மங் கரெய்ய. ப⁴ண்ட³னகாரகோ ஹோதி கலஹகாரகோ விவாத³காரகோ
ப⁴ஸ்ஸகாரகோ ஸங்கே⁴ அதி⁴கரணகாரகோ; பா³லோ ஹோதி அப்³யத்தோ ஆபத்திப³ஹுலோ
அனபதா³னோ; கி³ஹிஸங்ஸட்டோ² விஹரதி அனநுலோமிகேஹி கி³ஹிஸங்ஸக்³கே³ஹி – இமேஹி
கோ², பி⁴க்க²வே, தீஹங்கே³ஹி ஸமன்னாக³தஸ்ஸ பி⁴க்கு²னோ ஆகங்க²மானோ ஸங்கோ⁴
தஸ்ஸபாபியஸிகாகம்மங் கரெய்ய.

‘‘அபரேஹிபி, பி⁴க்க²வே, தீஹங்கே³ஹி ஸமன்னாக³தஸ்ஸ பி⁴க்கு²னோ ஆகங்க²மானோ
ஸங்கோ⁴ தஸ்ஸபாபியஸிகாகம்மங் கரெய்ய. அதி⁴ஸீலே ஸீலவிபன்னோ ஹோதி, அஜ்ஜா²சாரே
ஆசாரவிபன்னோ ஹோதி, அதிதி³ட்டி²யா தி³ட்டி²விபன்னோ ஹோதி – இமேஹி கோ²,
பி⁴க்க²வே…பே॰….

‘‘அபரேஹிபி, பி⁴க்க²வே…பே॰… பு³த்³த⁴ஸ்ஸ அவண்ணங்
பா⁴ஸதி, த⁴ம்மஸ்ஸ அவண்ணங் பா⁴ஸதி, ஸங்க⁴ஸ்ஸ அவண்ணங் பா⁴ஸதி – இமேஹி கோ²,
பி⁴க்க²வே, தீஹங்கே³ஹி ஸமன்னாக³தஸ்ஸ பி⁴க்கு²னோ ஆகங்க²மானோ ஸங்கோ⁴
தஸ்ஸபாபியஸிகாகம்மங் கரெய்ய.

‘‘திண்ணங், பி⁴க்க²வே, பி⁴க்கூ²னங் ஆகங்க²மானோ ஸங்கோ⁴
தஸ்ஸபாபியஸிகாகம்மங் கரெய்ய. ஏகோ ப⁴ண்ட³னகாரகோ ஹோதி…பே॰… ஸங்கே⁴
அதி⁴கரணகாரகோ; ஏகோ பா³லோ ஹோதி அப்³யத்தோ ஆபத்திப³ஹுலோ அனபதா³னோ; ஏகோ
கி³ஹிஸங்ஸட்டோ² விஹரதி அனநுலோமிகேஹி கி³ஹிஸங்ஸக்³கே³ஹி – இமேஸங் கோ²,
பி⁴க்க²வே, திண்ணங் பி⁴க்கூ²னங் ஆகங்க²மானோ ஸங்கோ⁴ தஸ்ஸபாபியஸிகாகம்மங்
கரெய்ய.

‘‘அபரேஸம்பி, பி⁴க்க²வே, திண்ணங் பி⁴க்கூ²னங்
ஆகங்க²மானோ ஸங்கோ⁴ தஸ்ஸபாபியஸிகாகம்மங் கரெய்ய. ஏகோ அதி⁴ஸீலே ஸீலவிபன்னோ
ஹோதி, ஏகோ அஜ்ஜா²சாரே ஆசாரவிபன்னோ ஹோதி, ஏகோ அதிதி³ட்டி²யா தி³ட்டி²விபன்னோ
ஹோதி – இமேஸங் கோ², பி⁴க்க²வே…பே॰….

‘‘அபரேஸம்பி , பி⁴க்க²வே…பே॰…
ஏகோ பு³த்³த⁴ஸ்ஸ அவண்ணங் பா⁴ஸதி, ஏகோ த⁴ம்மஸ்ஸ அவண்ணங் பா⁴ஸதி, ஏகோ
ஸங்க⁴ஸ்ஸ அவண்ணங் பா⁴ஸதி – இமேஸங் கோ², பி⁴க்க²வே, திண்ணங் பி⁴க்கூ²னங்
ஆகங்க²மானோ ஸங்கோ⁴ தஸ்ஸபாபியஸிகாகம்மங் கரெய்ய.

அட்டா²ரஸவத்தங்

211. ‘‘தஸ்ஸபாபியஸிகாகம்மகதேன , பி⁴க்க²வே, பி⁴க்கு²னா ஸம்மா வத்திதப்³ப³ங். தத்ராயங் ஸம்மாவத்தனா –

ந உபஸம்பாதே³தப்³ப³ங், ந நிஸ்ஸயோ தா³தப்³போ³, ந
ஸாமணேரோ உபட்டா²பேதப்³போ³, ந பி⁴க்கு²னோவாத³கஸம்முதி ஸாதி³தப்³பா³,
ஸம்மதேனபி பி⁴க்கு²னியோ ந ஓவதி³தப்³பா³…பே॰… ந பி⁴க்கூ²ஹி
ஸம்பயோஜேதப்³ப³’’ந்தி. அத² கோ² ஸங்கோ⁴ உபவாளஸ்ஸ பி⁴க்கு²னோ
தஸ்ஸபாபியஸிகாகம்மங் அகாஸி.

7. திணவத்தா²ரகங்

212.
தேன கோ² பன ஸமயேன பி⁴க்கூ²னங் ப⁴ண்ட³னஜாதானங் கலஹஜாதானங் விவாதா³பன்னானங்
விஹரதங் ப³ஹுங் அஸ்ஸாமணகங் அஜ்ஜா²சிண்ணங் ஹோதி பா⁴ஸிதபரிக்கந்தங். அத² கோ²
தேஸங் பி⁴க்கூ²னங் ஏதத³ஹோஸி – ‘‘அம்ஹாகங் கோ² ப⁴ண்ட³னஜாதானங் கலஹஜாதானங்
விவாதா³பன்னானங் விஹரதங் ப³ஹுங் அஸ்ஸாமணகங் அஜ்ஜா²சிண்ணங்
பா⁴ஸிதபரிக்கந்தங். ஸசே மயங் இமாஹி ஆபத்தீஹி அஞ்ஞமஞ்ஞங் காரெஸ்ஸாம, ஸியாபி
தங் அதி⁴கரணங் கக்க²ளத்தாய வாளத்தாய [கக்க²ளதாய வாளதாய (ஸ்யா॰ கங்॰)] பே⁴தா³ய ஸங்வத்தெய்ய. கத²ங் நு கோ² அம்ஹேஹி படிபஜ்ஜிதப்³ப³’’ந்தி? ப⁴க³வதோ ஏதமத்த²ங் ஆரோசேஸுங்.

‘‘இத⁴ பன, பி⁴க்க²வே, பி⁴க்கூ²னங் ப⁴ண்ட³னஜாதானங்
கலஹஜாதானங் விவாதா³பன்னானங் விஹரதங் ப³ஹுங் அஸ்ஸாமணகங் அஜ்ஜா²சிண்ணங் ஹோதி
பா⁴ஸிதபரிக்கந்தங் . தத்ர சே பி⁴க்கூ²னங் [தத்ர சே பி⁴க்க²வே பி⁴க்கூ²னங் (ஸ்யா॰)]
ஏவங் ஹோதி – ‘அம்ஹாகங் கோ² ப⁴ண்ட³னஜாதானங் கலஹஜாதானங் விவாதா³பன்னானங்
விஹரதங் ப³ஹுங் அஸ்ஸாமணகங் அஜ்ஜா²சிண்ணங் பா⁴ஸிதபரிக்கந்தங்; ஸசே மயங்
இமாஹி ஆபத்தீஹி அஞ்ஞமஞ்ஞங் காரெஸ்ஸாம, ஸியாபி தங் அதி⁴கரணங் கக்க²ளத்தாய
வாளத்தாய பே⁴தா³ய ஸங்வத்தெய்யா’தி, அனுஜானாமி, பி⁴க்க²வே, ஏவரூபங்
அதி⁴கரணங் திணவத்தா²ரகேன வூபஸமேதுங். ஏவஞ்ச பன, பி⁴க்க²வே, வூபஸமேதப்³ப³ங்.
ஸப்³பே³ஹேவ ஏகஜ்ஜ²ங் ஸன்னிபதிதப்³ப³ங், ஸன்னிபதித்வா ப்³யத்தேன பி⁴க்கு²னா
படிப³லேன ஸங்கோ⁴ ஞாபேதப்³போ³ –

‘‘ஸுணாது மே, ப⁴ந்தே, ஸங்கோ⁴.
அம்ஹாகங் ப⁴ண்ட³னஜாதானங் கலஹஜாதானங் விவாதா³பன்னானங் விஹரதங் ப³ஹுங்
அஸ்ஸாமணகங் அஜ்ஜா²சிண்ணங் பா⁴ஸிதபரிக்கந்தங். ஸசே மயங் இமாஹி ஆபத்தீஹி
அஞ்ஞமஞ்ஞங் காரெஸ்ஸாம, ஸியாபி தங் அதி⁴கரணங்
கக்க²ளத்தாய வாளத்தாய பே⁴தா³ய ஸங்வத்தெய்ய. யதி³ ஸங்க⁴ஸ்ஸ பத்தகல்லங்,
ஸங்கோ⁴ இமங் அதி⁴கரணங் திணவத்தா²ரகேன வூபஸமெய்ய, ட²பெத்வா து²ல்லவஜ்ஜங்,
ட²பெத்வா கி³ஹிப்படிஸங்யுத்த’’ந்தி. ‘‘ஏகதோபக்கி²கானங் பி⁴க்கூ²னங்
ப்³யத்தேன பி⁴க்கு²னா படிப³லேன ஸகோ பக்கோ² ஞாபேதப்³போ³ –

‘‘ஸுணந்து மே ஆயஸ்மந்தா. அம்ஹாகங் ப⁴ண்ட³னஜாதானங்
கலஹஜாதானங் விவாதா³பன்னானங் விஹரதங் ப³ஹுங் அஸ்ஸாமணகங் அஜ்ஜா²சிண்ணங்
பா⁴ஸிதபரிக்கந்தங். ஸசே மயங் இமாஹி ஆபத்தீஹி அஞ்ஞமஞ்ஞங் காரெஸ்ஸாம, ஸியாபி
தங் அதி⁴கரணங் கக்க²ளத்தாய வாளத்தாய பே⁴தா³ய
ஸங்வத்தெய்ய. யதா³யஸ்மந்தானங் பத்தகல்லங், அஹங் யா சேவ ஆயஸ்மந்தானங்
ஆபத்தி, யா ச அத்தனோ ஆபத்தி, ஆயஸ்மந்தானஞ்சேவ அத்தா²ய, அத்தனோ ச அத்தா²ய,
ஸங்க⁴மஜ்ஜே² திணவத்தா²ரகேன தே³ஸெய்யங், ட²பெத்வா து²ல்லவஜ்ஜங், ட²பெத்வா
கி³ஹிப்படிஸங்யுத்த’’ந்தி.

‘‘அதா²பரேஸங் ஏகதோபக்கி²கானங் பி⁴க்கூ²னங் ப்³யத்தேன பி⁴க்கு²னா படிப³லேன ஸகோ பக்கோ² ஞாபேதப்³போ³ –

‘‘ஸுணந்து மே ஆயஸ்மந்தா. அம்ஹாகங் ப⁴ண்ட³னஜாதானங்
கலஹஜாதானங் விவாதா³பன்னானங் விஹரதங் ப³ஹுங் அஸ்ஸாமணகங் அஜ்ஜா²சிண்ணங்
பா⁴ஸிதபரிக்கந்தங். ஸசே மயங் இமாஹி ஆபத்தீஹி அஞ்ஞமஞ்ஞங் காரெஸ்ஸாம, ஸியாபி
தங் அதி⁴கரணங் கக்க²ளத்தாய வாளத்தாய பே⁴தா³ய ஸங்வத்தெய்ய. யதா³யஸ்மந்தானங்
பத்தகல்லங், அஹங் யா சேவ ஆயஸ்மந்தானங் ஆபத்தி, யா ச அத்தனோ ஆபத்தி,
ஆயஸ்மந்தானஞ்சேவ அத்தா²ய, அத்தனோ ச அத்தா²ய, ஸங்க⁴மஜ்ஜே² திணவத்தா²ரகேன
தே³ஸெய்யங், ட²பெத்வா து²ல்லவஜ்ஜங், ட²பெத்வா கி³ஹிப்படிஸங்யுத்த’’ந்தி.

213. ‘‘அதா²பரேஸங் ஏகதோபக்கி²கானங் பி⁴க்கூ²னங் ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

‘‘ஸுணாது மே, ப⁴ந்தே, ஸங்கோ⁴. அம்ஹாகங் ப⁴ண்ட³னஜாதானங்
கலஹஜாதானங் விவாதா³பன்னானங் விஹரதங் ப³ஹுங் அஸ்ஸாமணகங் அஜ்ஜா²சிண்ணங்
பா⁴ஸிதபரிக்கந்தங். ஸசே மயங் இமாஹி ஆபத்தீஹி அஞ்ஞமஞ்ஞங் காரெஸ்ஸாம, ஸியாபி
தங் அதி⁴கரணங் கக்க²ளத்தாய வாளத்தாய பே⁴தா³ய ஸங்வத்தெய்ய. யதி³ ஸங்க⁴ஸ்ஸ பத்தகல்லங், அஹங் யா சேவ இமேஸங் ஆயஸ்மந்தானங் ஆபத்தி, யா ச அத்தனோ ஆபத்தி, இமேஸஞ்சேவ ஆயஸ்மந்தானங் அத்தா²ய, அத்தனோ ச அத்தா²ய, ஸங்க⁴மஜ்ஜே² திணவத்தா²ரகேன தே³ஸெய்யங், ட²பெத்வா து²ல்லவஜ்ஜங், ட²பெத்வா கி³ஹிப்படிஸங்யுத்தங். ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. அம்ஹாகங் ப⁴ண்ட³னஜாதானங்
கலஹஜாதானங் விவாதா³பன்னானங் விஹரதங் ப³ஹுங் அஸ்ஸாமணகங் அஜ்ஜா²சிண்ணங்
பா⁴ஸிதபரிக்கந்தங். ஸசே மயங் இமாஹி ஆபத்தீஹி அஞ்ஞமஞ்ஞங் காரெஸ்ஸாம, ஸியாபி
தங் அதி⁴கரணங் கக்க²ளத்தாய வாளத்தாய பே⁴தா³ய ஸங்வத்தெய்ய. அஹங் யா சேவ
இமேஸங் ஆயஸ்மந்தானங் ஆபத்தி, யா ச அத்தனோ ஆபத்தி, இமேஸஞ்சேவ ஆயஸ்மந்தானங்
அத்தா²ய, அத்தனோ ச அத்தா²ய, ஸங்க⁴மஜ்ஜே² திணவத்தா²ரகேன தே³ஸேமி, ட²பெத்வா
து²ல்லவஜ்ஜங், ட²பெத்வா கி³ஹிப்படிஸங்யுத்தங். யஸ்ஸாயஸ்மதோ க²மதி அம்ஹாகங்
இமாஸங் ஆபத்தீனங் ஸங்க⁴மஜ்ஜே² திணவத்தா²ரகேன தே³ஸனா, ட²பெத்வா
து²ல்லவஜ்ஜங், ட²பெத்வா கி³ஹிப்படிஸங்யுத்தங், ஸோ துண்ஹஸ்ஸ; யஸ்ஸ நக்க²மதி,
ஸோ பா⁴ஸெய்ய.

‘‘தே³ஸிதா அம்ஹாகங் இமா ஆபத்தியோ ஸங்க⁴மஜ்ஜே² திணவத்தா²ரகேன, ட²பெத்வா து²ல்லவஜ்ஜங், ட²பெத்வா கி³ஹிப்படிஸங்யுத்தங். க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

214. ‘‘அதா²பரேஸங் ஏகதோபக்கி²கானங் பி⁴க்கூ²னங் ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

‘‘ஸுணாது மே, ப⁴ந்தே, ஸங்கோ⁴. அம்ஹாகங் ப⁴ண்ட³னஜாதானங்
கலஹஜாதானங் விவாதா³பன்னானங் விஹரதங் ப³ஹுங் அஸ்ஸாமணகங் அஜ்ஜா²சிண்ணங்
பா⁴ஸிதபரிக்கந்தங். ஸசே மயங் இமாஹி ஆபத்தீஹி அஞ்ஞமஞ்ஞங்
காரெஸ்ஸாம, ஸியாபி தங் அதி⁴கரணங் கக்க²ளத்தாய வாளத்தாய பே⁴தா³ய
ஸங்வத்தெய்ய. யதி³ ஸங்க⁴ஸ்ஸ பத்தகல்லங், அஹங் யா சேவ இமேஸங் ஆயஸ்மந்தானங்
ஆபத்தி, யா ச அத்தனோ ஆபத்தி, இமேஸஞ்சேவ ஆயஸ்மந்தானங் அத்தா²ய, அத்தனோ ச
அத்தா²ய, ஸங்க⁴மஜ்ஜே² திணவத்தா²ரகேன தே³ஸெய்யங், ட²பெத்வா து²ல்லவஜ்ஜங்,
ட²பெத்வா கி³ஹிப்படிஸங்யுத்தங். ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. அம்ஹாகங் ப⁴ண்ட³னஜாதானங்
கலஹஜாதானங் விவாதா³பன்னானங் விஹரதங் ப³ஹுங் அஸ்ஸாமணகங் அஜ்ஜா²சிண்ணங்
பா⁴ஸிதபரிக்கந்தங். ஸசே மயங் இமாஹி ஆபத்தீஹி அஞ்ஞமஞ்ஞங் காரெஸ்ஸாம, ஸியாபி
தங் அதி⁴கரணங் கக்க²ளத்தாய வாளத்தாய பே⁴தா³ய ஸங்வத்தெய்ய. அஹங் யா சேவ
இமேஸங் ஆயஸ்மந்தானங் ஆபத்தி, யா ச அத்தனோ ஆபத்தி, இமேஸஞ்சேவ ஆயஸ்மந்தானங்
அத்தா²ய, அத்தனோ ச அத்தா²ய, ஸங்க⁴மஜ்ஜே² திணவத்தா²ரகேன தே³ஸேமி, ட²பெத்வா
து²ல்லவஜ்ஜங், ட²பெத்வா கி³ஹிப்படிஸங்யுத்தங். யஸ்ஸாயஸ்மதோ க²மதி அம்ஹாகங்
இமாஸங் ஆபத்தீனங் ஸங்க⁴மஜ்ஜே² திணவத்தா²ரகேன தே³ஸனா, ட²பெத்வா
து²ல்லவஜ்ஜங், ட²பெத்வா கி³ஹிப்படிஸங்யுத்தங், ஸோ துண்ஹஸ்ஸ; யஸ்ஸ நக்க²மதி,
ஸோ பா⁴ஸெய்ய.

‘‘தே³ஸிதா அம்ஹாகங் இமா ஆபத்தியோ ஸங்க⁴மஜ்ஜே²
திணவத்தா²ரகேன, ட²பெத்வா து²ல்லவஜ்ஜங், ட²பெத்வா கி³ஹிப்படிஸங்யுத்தங்.
க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

‘‘ஏவஞ்ச பன, பி⁴க்க²வே, தே பி⁴க்கூ² தாஹி ஆபத்தீஹி
வுட்டி²தா ஹொந்தி, ட²பெத்வா து²ல்லவஜ்ஜங், ட²பெத்வா கி³ஹிப்படிஸங்யுத்தங்,
ட²பெத்வா தி³ட்டா²விகம்மங் , ட²பெத்வா யே ந தத்த² ஹொந்தீ’’தி.

8. அதி⁴கரணங்

215. தேன கோ² பன ஸமயேன (பி⁴க்கூ²பி பி⁴க்கூ²ஹி விவத³ந்தி,) [( ) நத்தி² (ஸீ॰ ஸ்யா॰ கங்॰)]
பி⁴க்கூ²பி பி⁴க்கு²னீஹி விவத³ந்தி, பி⁴க்கு²னியோபி பி⁴க்கூ²ஹி விவத³ந்தி,
ச²ன்னோபி பி⁴க்கு² பி⁴க்கு²னீனங் அனுபக²ஜ்ஜ பி⁴க்கூ²ஹி ஸத்³தி⁴ங் விவத³தி,
பி⁴க்கு²னீனங் பக்க²ங் கா³ஹேதி. யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ச²ன்னோ பி⁴க்கு²
பி⁴க்கு²னீனங் அனுபக²ஜ்ஜ பி⁴க்கூ²ஹி ஸத்³தி⁴ங் விவதி³ஸ்ஸதி, பி⁴க்கு²னீனங்
பக்க²ங் கா³ஹெஸ்ஸதீதி! அத² கோ² தே பி⁴க்கூ² ப⁴க³வதோ ஏதமத்த²ங்
ஆரோசேஸுங்…பே॰… ஸச்சங் கிர, பி⁴க்க²வே…பே॰… ஸச்சங் ப⁴க³வா’’தி…பே॰…
விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி –

[பரி॰ 275] ‘‘சத்தாரிமானி, பி⁴க்க²வே, அதி⁴கரணானி – விவாதா³தி⁴கரணங், அனுவாதா³தி⁴கரணங், ஆபத்தாதி⁴கரணங், கிச்சாதி⁴கரணங் [கிச்சாதி⁴கரணஞ்ச (க॰)].

‘‘தத்த² கதமங் விவாதா³தி⁴கரணங் [பரி॰ 314]? இத⁴ பன, பி⁴க்க²வே, பி⁴க்கூ² [பி⁴க்கூ² பி⁴க்கு²ங் (க॰)]
விவத³ந்தி – த⁴ம்மோதி வா அத⁴ம்மோதி வா, வினயோதி வா அவினயோதி வா, பா⁴ஸிதங்
லபிதங் ததா²க³தேனாதி வா அபா⁴ஸிதங் அலபிதங் ததா²க³தேனாதி வா, ஆசிண்ணங்
ததா²க³தேனாதி வா அனாசிண்ணங் ததா²க³தேனாதி வா, பஞ்ஞத்தங் ததா²க³தேனாதி வா
அப்பஞ்ஞத்தங் ததா²க³தேனாதி வா, ஆபத்தீதி வா அனாபத்தீதி வா ,
லஹுகா ஆபத்தீதி வா க³ருகா ஆபத்தீதி வா, ஸாவஸேஸா ஆபத்தீதி வா அனவஸேஸா
ஆபத்தீதி வா, து³ட்டு²ல்லா ஆபத்தீதி வா அது³ட்டு²ல்லா ஆபத்தீதி வா? யங்
தத்த² ப⁴ண்ட³னங் கலஹோ விக்³க³ஹோ விவாதோ³ நானாவாதோ³ அஞ்ஞதா²வாதோ³ விபச்சதாய வோஹாரோ மேத⁴க³ங் – இத³ங் வுச்சதி விவாதா³தி⁴கரணங்.

‘‘தத்த² கதமங் அனுவாதா³தி⁴கரணங்? [பரி॰ 315]
இத⁴ பன, பி⁴க்க²வே, பி⁴க்கூ² பி⁴க்கு²ங் அனுவத³ந்தி ஸீலவிபத்தியா வா
ஆசாரவிபத்தியா வா தி³ட்டி²விபத்தியா வா ஆஜீவவிபத்தியா வா. யோ தத்த²
அனுவாதோ³ அனுவத³னா அனுல்லபனா அனுப⁴ணனா அனுஸம்பவங்கதா அப்³பு⁴ஸ்ஸஹனதா
அனுப³லப்பதா³னங் – இத³ங் வுச்சதி அனுவாதா³தி⁴கரணங்.

‘‘தத்த² கதமங் ஆபத்தாதி⁴கரணங்? பஞ்சபி ஆபத்திக்க²ந்தா⁴
ஆபத்தாதி⁴கரணங், ஸத்தபி ஆபத்திக்க²ந்தா⁴ ஆபத்தாதி⁴கரணங் – இத³ங் வுச்சதி
ஆபத்தாதி⁴கரணங் .

‘‘தத்த² கதமங் கிச்சாதி⁴கரணங்? [பரி॰ 317] யா ஸங்க⁴ஸ்ஸ கிச்சயதா, கரணீயதா, அபலோகனகம்மங், ஞத்திகம்மங், ஞத்திது³தியகம்மங், ஞத்திசதுத்த²கம்மங் – இத³ங் வுச்சதி கிச்சாதி⁴கரணங்.

216.
‘‘விவாதா³தி⁴கரணஸ்ஸ கிங் மூலங்? ச² விவாத³மூலானி விவாதா³தி⁴கரணஸ்ஸ மூலங்.
தீணிபி அகுஸலமூலானி விவாதா³தி⁴கரணஸ்ஸ மூலங், தீணிபி குஸலமூலானி
விவாதா³தி⁴கரணஸ்ஸ மூலங். [பரி॰ 272; அ॰ நி॰ 2.35-36; ம॰ நி॰ 3.44]
கதமானி ச² விவாத³மூலானி விவாதா³தி⁴கரணஸ்ஸ மூலங்? இத⁴ பன, பி⁴க்க²வே,
பி⁴க்கு² கோத⁴னோ ஹோதி உபனாஹீ. யோ ஸோ, பி⁴க்க²வே, பி⁴க்கு² கோத⁴னோ ஹோதி
உபனாஹீ, ஸோ ஸத்த²ரிபி அகா³ரவோ விஹரதி அப்பதிஸ்ஸோ, த⁴ம்மேபி அகா³ரவோ விஹரதி
அப்பதிஸ்ஸோ , ஸங்கே⁴பி அகா³ரவோ விஹரதி அப்பதிஸ்ஸோ,
ஸிக்கா²யபி ந பரிபூரகாரீ ஹோதி. யோ ஸோ, பி⁴க்க²வே, பி⁴க்கு² ஸத்த²ரிபி
அகா³ரவோ விஹரதி அப்பதிஸ்ஸோ, த⁴ம்மேபி…பே॰… ஸங்கே⁴பி…பே॰… ஸிக்கா²யபி ந
பரிபூரகாரீ, ஸோ ஸங்கே⁴ விவாத³ங் ஜனேதி. யோ ஹோதி விவாதோ³ ப³ஹுஜனாஹிதாய
ப³ஹுஜனாஸுகா²ய ப³ஹுனோ ஜனஸ்ஸ அனத்தா²ய அஹிதாய து³க்கா²ய தே³வமனுஸ்ஸானங்.
ஏவரூபஞ்சே தும்ஹே, பி⁴க்க²வே, விவாத³மூலங் அஜ்ஜ²த்தங் வா ப³ஹித்³தா⁴ வா
ஸமனுபஸ்ஸெய்யாத², தத்ர தும்ஹே, பி⁴க்க²வே, தஸ்ஸேவ பாபகஸ்ஸ விவாத³மூலஸ்ஸ
பஹானாய வாயமெய்யாத². ஏவரூபஞ்சே தும்ஹே, பி⁴க்க²வே, விவாத³மூலங் அஜ்ஜ²த்தங்
வா ப³ஹித்³தா⁴ வா ந ஸமனுபஸ்ஸெய்யாத², தத்ர தும்ஹே, பி⁴க்க²வே, தஸ்ஸேவ
பாபகஸ்ஸ விவாத³மூலஸ்ஸ ஆயதிங் அனவஸ்ஸவாய படிபஜ்ஜெய்யாத². ஏவமேதஸ்ஸ பாபகஸ்ஸ விவாத³மூலஸ்ஸ பஹானங் ஹோதி. ஏவமேதஸ்ஸ பாபகஸ்ஸ விவாத³மூலஸ்ஸ ஆயதிங் அனவஸ்ஸவோ ஹோதி.

[பரி॰272] ‘‘புன சபரங், பி⁴க்க²வே, பி⁴க்கு² மக்கீ² ஹோதி பளாஸீ…பே॰… இஸ்ஸுகீ ஹோதி மச்ச²ரீ ,
ஸடோ² ஹோதி மாயாவீ, பாபிச்சோ² ஹோதி மிச்சா²தி³ட்டீ², ஸந்தி³ட்டி²பராமாஸீ
ஹோதி ஆதா⁴னக்³கா³ஹீ து³ப்படினிஸ்ஸக்³கீ³. யோ ஸோ, பி⁴க்க²வே, பி⁴க்கு²
ஸந்தி³ட்டி²பராமாஸீ ஹோதி ஆதா⁴னக்³கா³ஹீ
து³ப்படினிஸ்ஸக்³கீ³, ஸோ ஸத்த²ரிபி அகா³ரவோ விஹரதி அப்பதிஸ்ஸோ, த⁴ம்மேபி
அகா³ரவோ விஹரதி அப்பதிஸ்ஸோ, ஸங்கே⁴பி அகா³ரவோ விஹரதி அப்பதிஸ்ஸோ,
ஸிக்கா²யபி ந பரிபூரகாரீ ஹோதி. யோ ஸோ, பி⁴க்க²வே, பி⁴க்கு² ஸத்த²ரிபி
அகா³ரவோ விஹரதி அப்பதிஸ்ஸோ, த⁴ம்மேபி…பே॰… ஸங்கே⁴பி…பே॰… ஸிக்கா²யபி ந
பரிபூரகாரீ, ஸோ ஸங்கே⁴ விவாத³ங் ஜனேதி. யோ ஹோதி விவாதோ³ ப³ஹுஜனாஹிதாய
ப³ஹுஜனாஸுகா²ய ப³ஹுனோ ஜனஸ்ஸ அனத்தா²ய அஹிதாய து³க்கா²ய தே³வமனுஸ்ஸானங்.
ஏவரூபஞ்சே தும்ஹே, பி⁴க்க²வே, விவாத³மூலங் அஜ்ஜ²த்தங் வா ப³ஹித்³தா⁴ வா
ஸமனுபஸ்ஸெய்யாத², தத்ர தும்ஹே, பி⁴க்க²வே, தஸ்ஸேவ பாபகஸ்ஸ விவாத³மூலஸ்ஸ
பஹானாய வாயமெய்யாத². ஏவரூபஞ்சே தும்ஹே, பி⁴க்க²வே, விவாத³மூலங் அஜ்ஜ²த்தங்
வா ப³ஹித்³தா⁴ வா ந ஸமனுபஸ்ஸெய்யாத², தத்ர தும்ஹே, பி⁴க்க²வே, தஸ்ஸேவ
பாபகஸ்ஸ விவாத³மூலஸ்ஸ ஆயதிங் அனவஸ்ஸவாய படிபஜ்ஜெய்யாத². ஏவமேதஸ்ஸ பாபகஸ்ஸ
விவாத³மூலஸ்ஸ பஹானங் ஹோதி. ஏவமேதஸ்ஸ பாபகஸ்ஸ விவாத³மூலஸ்ஸ ஆயதிங் அனவஸ்ஸவோ
ஹோதி. இமானி ச² விவாத³மூலானி விவாதா³தி⁴கரணஸ்ஸ மூலங்.

‘‘கதமானி தீணி அகுஸலமூலானி விவாதா³தி⁴கரணஸ்ஸ மூலங்?
இத⁴ பன, பி⁴க்க²வே, பி⁴க்கூ² லுத்³த⁴சித்தா விவத³ந்தி, து³ட்ட²சித்தா
விவத³ந்தி, மூள்ஹசித்தா விவத³ந்தி – த⁴ம்மோதி வா அத⁴ம்மோதி வா, வினயோதி வா
அவினயோதி வா, பா⁴ஸிதங் லபிதங் ததா²க³தேனாதி வா அபா⁴ஸிதங் அலபிதங்
ததா²க³தேனாதி வா, ஆசிண்ணங் ததா²க³தேனாதி வா
அனாசிண்ணங் ததா²க³தேனாதி வா, பஞ்ஞத்தங் ததா²க³தேனாதி வா அப்பஞ்ஞத்தங்
ததா²க³தேனாதி வா, ஆபத்தீதி வா அனாபத்தீதி வா, லஹுகா ஆபத்தீதி வா க³ருகா
ஆபத்தீதி வா, ஸாவஸேஸா ஆபத்தீதி வா அனவஸேஸா ஆபத்தீதி வா, து³ட்டு²ல்லா
ஆபத்தீதி வா அது³ட்டு²ல்லா ஆபத்தீதி வா. இமானி தீணி அகுஸலமூலானி
விவாதா³தி⁴கரணஸ்ஸ மூலங்.

‘‘கதமானி தீணி குஸலமூலானி
விவாதா³தி⁴கரணஸ்ஸ மூலங்? இத⁴ பன, பி⁴க்க²வே, பி⁴க்கூ² அலுத்³த⁴சித்தா
விவத³ந்தி, அது³ட்ட²சித்தா விவத³ந்தி, அமூள்ஹசித்தா விவத³ந்தி
– த⁴ம்மோதி வா அத⁴ம்மோதி வா…பே॰… து³ட்டு²ல்லா ஆபத்தீதி வா அது³ட்டு²ல்லா
ஆபத்தீதி வா. இமானி தீணி குஸலமூலானி விவாதா³தி⁴கரணஸ்ஸ மூலங்.

217. [பரி॰ 272]
‘‘அனுவாதா³தி⁴கரணஸ்ஸ கிங் மூலங்? ச² அனுவாத³மூலானி அனுவாதா³தி⁴கரணஸ்ஸ
மூலங். தீணிபி அகுஸலமூலானி அனுவாதா³தி⁴கரணஸ்ஸ மூலங், தீணிபி குஸலமூலானி
அனுவாதா³தி⁴கரணஸ்ஸ மூலங், காயோபி அனுவாதா³தி⁴கரணஸ்ஸ
மூலங், வாசாபி அனுவாதா³தி⁴கரணஸ்ஸ மூலங். ‘‘கதமானி ச² அனுவாத³மூலானி
அனுவாதா³தி⁴கரணஸ்ஸ மூலங்? இத⁴ பன, பி⁴க்க²வே, பி⁴க்கு² கோத⁴னோ ஹோதி உபனாஹீ.
யோ ஸோ, பி⁴க்க²வே, பி⁴க்கு² கோத⁴னோ ஹோதி உபனாஹீ, ஸோ ஸத்த²ரிபி அகா³ரவோ
விஹரதி அப்பதிஸ்ஸோ, த⁴ம்மேபி அகா³ரவோ விஹரதி அப்பதிஸ்ஸோ, ஸங்கே⁴பி அகா³ரவோ
விஹரதி அப்பதிஸ்ஸோ, ஸிக்கா²யபி ந பரிபூரகாரீ ஹோதி.
யோ ஸோ, பி⁴க்க²வே, பி⁴க்கு² ஸத்த²ரிபி அகா³ரவோ விஹரதி அப்பதிஸ்ஸோ,
த⁴ம்மேபி…பே॰… ஸங்கே⁴பி…பே॰… ஸிக்கா²யபி ந பரிபூரகாரீ, ஸோ ஸங்கே⁴ அனுவாத³ங்
ஜனேதி. யோ ஹோதி அனுவாதோ³ ப³ஹுஜனாஹிதாய ப³ஹுஜனாஸுகா²ய ப³ஹுனோ ஜனஸ்ஸ
அனத்தா²ய அஹிதாய து³க்கா²ய தே³வமனுஸ்ஸானங். ஏவரூபஞ்சே தும்ஹே, பி⁴க்க²வே,
அனுவாத³மூலங் அஜ்ஜ²த்தங் வா ப³ஹித்³தா⁴ வா ஸமனுபஸ்ஸெய்யாத², தத்ர தும்ஹே,
பி⁴க்க²வே, தஸ்ஸேவ பாபகஸ்ஸ அனுவாத³மூலஸ்ஸ பஹானாய வாயமெய்யாத². ஏவரூபஞ்சே
தும்ஹே, பி⁴க்க²வே, அனுவாத³மூலங் அஜ்ஜ²த்தங் வா ப³ஹித்³தா⁴ வா ந
ஸமனுபஸ்ஸெய்யாத², தத்ர தும்ஹே, பி⁴க்க²வே, தஸ்ஸேவ பாபகஸ்ஸ அனுவாத³மூலஸ்ஸ
ஆயதிங் அனவஸ்ஸவாய படிபஜ்ஜெய்யாத². ஏவமேதஸ்ஸ பாபகஸ்ஸ அனுவாத³மூலஸ்ஸ பஹானங்
ஹோதி. ஏவமேதஸ்ஸ பாபகஸ்ஸ அனுவாத³மூலஸ்ஸ ஆயதிங் அனவஸ்ஸவோ ஹோதி.

‘‘புன சபரங், பி⁴க்க²வே, பி⁴க்கு² மக்கீ² ஹோதி
பளாஸீ…பே॰… இஸ்ஸுகீ ஹோதி மச்ச²ரீ, ஸடோ² ஹோதி மாயாவீ, பாபிச்சோ² ஹோதி
மிச்சா²தி³ட்டீ², ஸந்தி³ட்டி²பராமாஸீ ஹோதி ஆதா⁴னக்³கா³ஹீ
து³ப்படினிஸ்ஸக்³கீ³. யோ ஸோ, பி⁴க்க²வே, பி⁴க்கு² ஸந்தி³ட்டி²பராமாஸீ ஹோதி
ஆதா⁴னக்³கா³ஹீ து³ப்படினிஸ்ஸக்³கீ³, ஸோ ஸத்த²ரிபி அகா³ரவோ விஹரதி
அப்பதிஸ்ஸோ, த⁴ம்மேபி அகா³ரவோ விஹரதி அப்பதிஸ்ஸோ, ஸங்கே⁴பி அகா³ரவோ விஹரதி
அப்பதிஸ்ஸோ, ஸிக்கா²யபி ந பரிபூரகாரீ ஹோதி. யோ ஸோ, பி⁴க்க²வே, பி⁴க்கு²
ஸத்த²ரிபி அகா³ரவோ விஹரதி அப்பதிஸ்ஸோ ,
த⁴ம்மேபி…பே॰… ஸங்கே⁴பி…பே॰… ஸிக்கா²யபி ந பரிபூரகாரீ, ஸோ ஸங்கே⁴
அனுவாத³ங் ஜனேதி. யோ ஹோதி அனுவாதோ³ ப³ஹுஜனாஹிதாய ப³ஹுஜனாஸுகா²ய ப³ஹுனோ
ஜனஸ்ஸ அனத்தா²ய அஹிதாய து³க்கா²ய தே³வமனுஸ்ஸானங். ஏவரூபஞ்சே தும்ஹே,
பி⁴க்க²வே, அனுவாத³மூலங் அஜ்ஜ²த்தங் வா ப³ஹித்³தா⁴ வா ஸமனுபஸ்ஸெய்யாத²,
தத்ர தும்ஹே, பி⁴க்க²வே, தஸ்ஸேவ பாபகஸ்ஸ அனுவாத³மூலஸ்ஸ பஹானாய வாயமெய்யாத².
ஏவரூபஞ்சே தும்ஹே, பி⁴க்க²வே, அனுவாத³மூலங் அஜ்ஜ²த்தங் வா ப³ஹித்³தா⁴ வா ந
ஸமனுபஸ்ஸெய்யாத², தத்ர தும்ஹே, பி⁴க்க²வே, தஸ்ஸேவ பாபகஸ்ஸ அனுவாத³மூலஸ்ஸ
ஆயத்திங் அனவஸ்ஸவாய படிபஜ்ஜெய்யாத². ஏவமேதஸ்ஸ பாபகஸ்ஸ அனுவாத³மூலஸ்ஸ பஹானங்
ஹோதி. ஏவமேதஸ்ஸ பாபகஸ்ஸ அனுவாத³மூலஸ்ஸ ஆயதிங் அனவஸ்ஸவோ ஹோதி. இமானி ச²
அனுவாத³மூலானி அனுவாதா³தி⁴கரணஸ்ஸ மூலங்.

‘‘கதமானி தீணி அகுஸலமூலானி
அனுவாதா³தி⁴கரணஸ்ஸ மூலங்? இத⁴ பன, பி⁴க்க²வே, பி⁴க்கூ² பி⁴க்கு²ங்
லுத்³த⁴சித்தா அனுவத³ந்தி, து³ட்ட²சித்தா அனுவத³ந்தி, மூள்ஹசித்தா
அனுவத³ந்தி – ஸீலவிபத்தியா வா, ஆசாரவிபத்தியா வா, தி³ட்டி²விபத்தியா வா,
ஆஜீவவிபத்தியா வா. இமானி தீணி அகுஸலமூலானி அனுவாதா³தி⁴கரணஸ்ஸ மூலங்.

‘‘கதமானி தீணி குஸலமூலானி அனுவாதா³தி⁴கரணஸ்ஸ மூலங்?
இத⁴ பன, பி⁴க்க²வே, பி⁴க்கூ² பி⁴க்கு²ங் அலுத்³த⁴சித்தா அனுவத³ந்தி,
அது³ட்ட²சித்தா அனுவத³ந்தி, அமூள்ஹசித்தா அனுவத³ந்தி – ஸீலவிபத்தியா வா,
ஆசரவிபத்தியா வா, தி³ட்டி²விபத்தியா வா, ஆஜீவவிபத்தியா வா. இமானி தீணி குஸலமூலானி அனுவாதா³தி⁴கரணஸ்ஸ மூலங்.

‘‘கதமோ காயோ [கதமோ ச காயோ (ஸ்யா॰ கங்॰)]
அனுவாதா³தி⁴கரணஸ்ஸ மூலங்? இதே⁴கச்சோ து³ப்³ப³ண்ணோ ஹோதி, து³த்³த³ஸ்ஸிகோ,
ஓகோடிமகோ, ப³ஹ்வாபா³தோ⁴, காணோ வா, குணீ வா, க²ஞ்ஜோ வா, பக்க²ஹதோ வா, யேன
நங் அனுவத³ந்தி. அயங் காயோ அனுவாதா³தி⁴கரணஸ்ஸ மூலங்.

‘‘கதமா வாசா அனுவாதா³தி⁴கரணஸ்ஸ மூலங்? இதே⁴கச்சோ
து³ப்³ப³சோ ஹோதி, மம்மனோ, ஏளக³லவாசோ, யாய நங் அனுவத³ந்தி. அயங் வாசா
அனுவாதா³தி⁴கரணஸ்ஸ மூலங்.

218. ‘‘ஆபத்தாதி⁴கரணஸ்ஸ கிங் மூலங்? ச² ஆபத்திஸமுட்டா²னா ஆபத்தாதி⁴கரணஸ்ஸ மூலங். அத்தா²பத்தி காயதோ ஸமுட்டா²தி, ந வாசதோ, ந
சித்ததோ. அத்தா²பத்தி வாசதோ ஸமுட்டா²தி, ந காயதோ, ந சித்ததோ. அத்தா²பத்தி
காயதோ ச வாசதோ ச ஸமுட்டா²தி, ந சித்ததோ. அத்தா²பத்தி காயதோ ச சித்ததோ ச
ஸமுட்டா²தி, ந வாசதோ. அத்தா²பத்தி வாசதோ ச சித்ததோ ச ஸமுட்டா²தி, ந காயதோ.
அத்தா²பத்தி காயதோ ச வாசதோ ச சித்ததோ ச ஸமுட்டா²தி. இமே ச²
ஆபத்திஸமுட்டா²னா ஆபத்தாதி⁴கரணஸ்ஸ மூலங்.

219. ‘‘கிச்சாதி⁴கரணஸ்ஸ கிங் மூலங்? கிச்சாதி⁴கரணஸ்ஸ ஏகங் மூலங் – ஸங்கோ⁴.

220. ‘‘விவாதா³தி⁴கரணங்
குஸலங், அகுஸலங், அப்³யாகதங். விவாதா³தி⁴கரணங் ஸியா குஸலங், ஸியா அகுஸலங்,
ஸியா அப்³யாகதங். தத்த² கதமங் விவாதா³தி⁴கரணங் குஸலங்? இத⁴ பன, பி⁴க்க²வே,
பி⁴க்கூ² குஸலசித்தா விவத³ந்தி – த⁴ம்மோதி வா அத⁴ம்மோதி வா…பே॰…
து³ட்டு²ல்லா ஆபத்தீதி வா அது³ட்டு²ல்லா ஆபத்தீதி
வா. யங் தத்த² ப⁴ண்ட³னங் கலஹோ விக்³க³ஹோ விவாதோ³ நானாவாதோ³ அஞ்ஞதா²வாதோ³
விபச்சதாய வோஹாரோ மேத⁴க³ங் – இத³ங் வுச்சதி விவாதா³தி⁴கரணங் குஸலங்.

‘‘தத்த² கதமங் விவாதா³தி⁴கரணங் அகுஸலங்? இத⁴ பன,
பி⁴க்க²வே, பி⁴க்கூ² அகுஸலசித்தா விவத³ந்தி – த⁴ம்மோதி வா அத⁴ம்மோதி
வா…பே॰… து³ட்டு²ல்லா ஆபத்தீதி வா அது³ட்டு²ல்லா ஆபத்தீதி வா. யங் தத்த²
ப⁴ண்ட³னங் கலஹோ விக்³க³ஹோ விவாதோ³ நானாவாதோ³ அஞ்ஞதா²வாதோ³ விபச்சதாய வோஹாரோ
மேத⁴க³ங் – இத³ங் வுச்சதி விவாதா³தி⁴கரணங் அகுஸலங்.

‘‘தத்த² கதமங் விவாதா³தி⁴கரணங் அப்³யாகதங்? இத⁴ பன,
பி⁴க்க²வே, பி⁴க்கூ² அப்³யாகதசித்தா விவத³ந்தி – த⁴ம்மோதி வா அத⁴ம்மோதி
வா…பே॰… து³ட்டு²ல்லா ஆபத்தீதி வா அது³ட்டு²ல்லா ஆபத்தீதி வா. யங் தத்த²
ப⁴ண்ட³னங் கலஹோ விக்³க³ஹோ விவாதோ³ நானாவாதோ³ அஞ்ஞதா²வாதோ³ விபச்சதாய வோஹாரோ
மேத⁴க³ங் – இத³ங் வுச்சதி விவாதா³தி⁴கரணங் அப்³யாகதங்.

221. ‘‘அனுவாதா³தி⁴கரணங்
குஸலங், அகுஸலங், அப்³யாகதங். அனுவாதா³தி⁴கரணங் ஸியா குஸலங், ஸியா
அகுஸலங், ஸியா அப்³யாகதங். தத்த² கதமங் அனுவாதா³தி⁴கரணங் குஸலங்? இத⁴,
பி⁴க்க²வே, பி⁴க்கூ² பி⁴க்கு²ங் குஸலசித்தா அனுவத³ந்தி – ஸீலவிபத்தியா வா,
ஆசாரவிபத்தியா வா, தி³ட்டி²விபத்தியா வா, ஆஜீவவிபத்தியா வா. யோ தத்த²
அனுவாதோ³ அனுவத³னா அனுல்லபனா அனுப⁴ணனா அனுஸம்பவங்கதா அப்³பு⁴ஸ்ஸஹனதா அனுப³லப்பதா³னங் – இத³ங் வுச்சதி அனுவாதா³தி⁴கரணங் குஸலங்.

‘‘தத்த² கதமங் அனுவாதா³தி⁴கரணங் அகுஸலங்? இத⁴ பன,
பி⁴க்க²வே, பி⁴க்கூ² பி⁴க்கு²ங் அகுஸலசித்தா அனுவத³ந்தி – ஸீலவிபத்தியா வா,
ஆசாரவிபத்தியா வா, தி³ட்டி²விபத்தியா வா, ஆஜீவவிபத்தியா வா. யோ தத்த²
அனுவாதோ³ அனுவத³னா அனுல்லபனா அனுப⁴ணனா அனுஸம்பவங்கதா அப்³பு⁴ஸ்ஸஹனதா
அனுப³லப்பதா³னங் – இத³ங் வுச்சதி அனுவாதா³தி⁴கரணங் அகுஸலங்.

‘‘தத்த² கதமங் அனுவாதா³தி⁴கரணங் அப்³யாகதங்? இத⁴ பன,
பி⁴க்க²வே, பி⁴க்கூ² பி⁴க்கு²ங் அப்³யாகதசித்தா அனுவத³ந்தி – ஸீலவிபத்தியா
வா, ஆசாரவிபத்தியா வா, தி³ட்டி²விபத்தியா வா, ஆஜீவவிபத்தியா வா. யோ தத்த²
அனுவாதோ³ அனுவத³னா அனுல்லபனா அனுப⁴ணனா அனுஸம்பவங்கதா அப்³பு⁴ஸ்ஸஹனதா
அனுப³லப்பதா³னங் – இத³ங் வுச்சதி அனுவாதா³தி⁴கரணங் அப்³யாகதங்.

222. ‘‘ஆபத்தாதி⁴கரணங் குஸலங் [இத³ங் பத³ங் கேஸுசி நத்தி²], அகுஸலங், அப்³யாகதங்? ஆபத்தாதி⁴கரணங் ஸியா அகுஸலங், ஸியா அப்³யாகதங்; நத்தி² ஆபத்தாதி⁴கரணங் குஸலங். தத்த² கதமங் ஆபத்தாதி⁴கரணங் அகுஸலங்? யங் ஜானந்தோ ஸஞ்ஜானந்தோ சேச்ச அபி⁴விதரித்வா வீதிக்கமோ – இத³ங் வுச்சதி ஆபத்தாதி⁴கரணங் அகுஸலங்.

‘‘தத்த² கதமங் ஆபத்தாதி⁴கரணங் அப்³யாகதங்? யங்
அஜானந்தோ அஸஞ்ஜானந்தோ அசேச்ச அனபி⁴விதரித்வா வீதிக்கமோ – இத³ங் வுச்சதி
ஆபத்தாதி⁴கரணங் அப்³யாகதங்.

223.
‘‘கிச்சாதி⁴கரணங் குஸலங், அகுஸலங், அப்³யாகதங்? கிச்சாதி⁴கரணங் ஸியா
குஸலங், ஸியா அகுஸலங், ஸியா அப்³யாகதங். தத்த² கதமங் கிச்சாதி⁴கரணங்
குஸலங்? யங் ஸங்கோ⁴ குஸலசித்தோ கம்மங் கரோதி – அபலோகனகம்மங், ஞத்திகம்மங்,
ஞத்திது³தியகம்மங், ஞத்திசதுத்த²கம்மங் – இத³ங் வுச்சதி கிச்சாதி⁴கரணங்
குஸலங்.

‘‘தத்த² கதமங் கிச்சாதி⁴கரணங்
அகுஸலங்? யங் ஸங்கோ⁴ அகுஸலசித்தோ கம்மங் கரோதி – அபலோகனகம்மங்,
ஞத்திகம்மங், ஞத்திது³தியகம்மங், ஞத்திசதுத்த²கம்மங் – இத³ங் வுச்சதி
கிச்சாதி⁴கரணங் அகுஸலங்.

‘‘தத்த² கதமங் கிச்சாதி⁴கரணங்
அப்³யாகதங்? யங் ஸங்கோ⁴ அப்³யாகதசித்தோ கம்மங் கரோதி – அபலோகனகம்மங்,
ஞத்திகம்மங், ஞத்திது³தியகம்மங், ஞத்திசதுத்த²கம்மங் – இத³ங் வுச்சதி
கிச்சாதி⁴கரணங் அப்³யாகதங்.

224. [பரி॰ 355]
‘‘விவாதோ³ விவாதா³தி⁴கரணங், விவாதோ³ நோ அதி⁴கரணங், அதி⁴கரணங் நோ விவாதோ³,
அதி⁴கரணஞ்சேவ விவாதோ³ ச. ஸியா விவாதோ³ விவாதா³தி⁴கரணங், ஸியா விவாதோ³ நோ
அதி⁴கரணங், ஸியா அதி⁴கரணங் நோ விவாதோ³, ஸியா அதி⁴கரணஞ்சேவ விவாதோ³ ச.

‘‘தத்த² கதமோ விவாதோ³ விவாதா³தி⁴கரணங்? இத⁴ பன,
பி⁴க்க²வே, பி⁴க்கூ² விவத³ந்தி – த⁴ம்மோதி வா அத⁴ம்மோதி வா…பே॰…
து³ட்டு²ல்லா ஆபத்தீதி வா அது³ட்டு²ல்லா ஆபத்தீதி வா. யங் தத்த² ப⁴ண்ட³னங்
கலஹோ விக்³க³ஹோ விவாதோ³ நானாவாதோ³ அஞ்ஞதா²வாதோ³ விபச்சதாய வோஹாரோ மேத⁴க³ங் –
அயங் விவாதோ³ விவாதா³தி⁴கரணங்.

‘‘தத்த² கதமோ விவாதோ³ நோ
அதி⁴கரணங்? மாதாபி புத்தேன விவத³தி, புத்தோபி மாதரா விவத³தி, பிதாபி
புத்தேன விவத³தி, புத்தோபி பிதரா விவத³தி, பா⁴தாபி பா⁴தரா விவத³தி, பா⁴தாபி
ப⁴கி³னியா விவத³தி, ப⁴கி³னீபி பா⁴தரா விவத³தி, ஸஹாயோபி ஸஹாயேன விவத³தி –
அயங் விவாதோ³ நோ அதி⁴கரணங்.

‘‘தத்த² கதமங் அதி⁴கரணங் நோ விவாதோ³? அனுவாதா³தி⁴கரணங், ஆபத்தாதி⁴கரணங், கிச்சாதி⁴கரணங் – இத³ங் அதி⁴கரணங் நோ விவாதோ³.

‘‘தத்த² கதமங் அதி⁴கரணஞ்சேவ விவாதோ³ ச? விவாதா³தி⁴கரணங் அதி⁴கரணஞ்சேவ விவாதோ³ ச.

225. [பரி॰ 356]
‘‘அனுவாதோ³ அனுவாதா³தி⁴கரணங், அனுவாதோ³ நோ அதி⁴கரணங், அதி⁴கரணங் நோ
அனுவாதோ³, அதி⁴கரணஞ்சேவ அனுவாதோ³ ச. ஸியா அனுவாதோ³ அனுவாதா³தி⁴கரணங், ஸியா
அனுவாதோ³ நோ அதி⁴கரணங், ஸியா அதி⁴கரணங் நோ அனுவாதோ³, ஸியா அதி⁴கரணஞ்சேவ
அனுவாதோ³ ச.

‘‘தத்த² கதமோ அனுவாதோ³ அனுவாதா³தி⁴கரணங்? இத⁴ பன, பி⁴க்க²வே, பி⁴க்கூ² பி⁴க்கு²ங் அனுவத³ந்தி – ஸீலவிபத்தியா வா, ஆசாரவிபத்தியா வா , தி³ட்டி²விபத்தியா வா, ஆஜீவவிபத்தியா வா. யோ தத்த² அனுவாதோ³ அனுவத³னா அனுல்லபனா அனுப⁴ணனா அனுஸம்பவங்கதா அப்³பு⁴ஸ்ஸஹனதா அனுப³லப்பதா³னங் – அயங் அனுவாதோ³ அனுவாதா³தி⁴கரணங்.

‘‘தத்த² கதமோ அனுவாதோ³ நோ அதி⁴கரணங்? மாதாபி புத்தங்
அனுவத³தி, புத்தோபி மாதரங் அனுவத³தி, பிதாபி புத்தங் அனுவத³தி, புத்தோபி
பிதரங் அனுவத³தி, பா⁴தாபி பா⁴தரங் அனுவத³தி, பா⁴தாபி ப⁴கி³னிங் அனுவத³தி,
ப⁴கி³னீபி பா⁴தரங் அனுவத³தி, ஸஹாயோபி ஸஹாயங் அனுவத³தி – அயங் அனுவாதோ³ நோ
அதி⁴கரணங்.

‘‘தத்த² கதமங் அதி⁴கரணங் நோ அனுவாதோ³? ஆபத்தாதி⁴கரணங், கிச்சாதி⁴கரணங், விவாதா³தி⁴கரணங் – இத³ங் அதி⁴கரணங் நோ அனுவாதோ³.

‘‘தத்த² கதமங் அதி⁴கரணஞ்சேவ அனுவாதோ³ ச? அனுவாதா³தி⁴கரணங் அதி⁴கரணஞ்சேவ அனுவாதோ³ ச.

226. [பரி॰ 357]
‘‘ஆபத்தி ஆபத்தாதி⁴கரணங், ஆபத்தி நோ அதி⁴கரணங், அதி⁴கரணங் நோ ஆபத்தி,
அதி⁴கரணஞ்சேவ ஆபத்தி ச. ஸியா ஆபத்தி ஆபத்தாதி⁴கரணங், ஸியா ஆபத்தி நோ
அதி⁴கரணங், ஸியா அதி⁴கரணங் நோ ஆபத்தி, ஸியா அதி⁴கரணஞ்சேவ ஆபத்தி ச. ‘‘தத்த²
கதமங் ஆபத்தி ஆபத்தாதி⁴கரணங்? பஞ்சபி
ஆபத்திக்க²ந்தா⁴ ஆபத்தாதி⁴கரணங், ஸத்தபி ஆபத்திக்க²ந்தா⁴ ஆபத்தாதி⁴கரணங் –
அயங் ஆபத்தி ஆபத்தாதி⁴கரணங்.

‘‘தத்த² கதமங் ஆபத்தி நோ அதி⁴கரணங்? ஸோதாபத்தி ஸமாபத்தி – அயங் ஆபத்தி நோ அதி⁴கரணங் .

‘‘தத்த² கதமங் அதி⁴கரணங் நோ ஆபத்தி? கிச்சாதி⁴கரணங், விவாதா³தி⁴கரணங், அனுவாதா³தி⁴கரணங் – இத³ங் அதி⁴கரணங் நோ ஆபத்தி.

‘‘தத்த² கதமங் அதி⁴கரணஞ்சேவ ஆபத்தி ச? ஆபத்தாதி⁴கரணங் அதி⁴கரணஞ்சேவ ஆபத்தி ச.

227. [பரி॰ 358]
‘‘கிச்சங் கிச்சாதி⁴கரணங், கிச்சங் நோ அதி⁴கரணங், அதி⁴கரணங் நோ கிச்சங்,
அதி⁴கரணஞ்சேவ கிச்சஞ்ச. ஸியா கிச்சங் கிச்சாதி⁴கரணங், ஸியா கிச்சங் நோ
அதி⁴கரணங், ஸியா அதி⁴கரணங் நோ கிச்சங், ஸியா அதி⁴கரணஞ்சேவ கிச்சஞ்ச.

‘‘தத்த² கதமங் கிச்சங்
கிச்சாதி⁴கரணங்? யா ஸங்க⁴ஸ்ஸ கிச்சயதா, கரணீயதா, அபலோகனகம்மங்,
ஞத்திகம்மங், ஞத்திது³தியகம்மங், ஞத்திசதுத்த²கம்மங் – இத³ங் கிச்சங்
கிச்சாதி⁴கரணங்.

‘‘தத்த² கதமங் கிச்சங் நோ அதி⁴கரணங்? ஆசரியகிச்சங்,
உபஜ்ஜா²யகிச்சங், ஸமானுபஜ்ஜா²யகிச்சங், ஸமானாசரியகிச்சங் – இத³ங் கிச்சங்
நோ அதி⁴கரணங்.

‘‘தத்த² கதமங் அதி⁴கரணங் நோ கிச்சங்? விவாதா³தி⁴கரணங், அனுவாதா³தி⁴கரணங், ஆபத்தாதி⁴கரணங் – இத³ங் அதி⁴கரணங் நோ கிச்சங்.

‘‘தத்த² கதமங் அதி⁴கரணஞ்சேவ கிச்சஞ்ச? கிச்சாதி⁴கரணங் அதி⁴கரணஞ்சேவ கிச்சஞ்ச.

9. அதி⁴கரணவூபஸமனஸமதோ²

ஸம்முகா²வினயோ

228. [பரி॰ 292-293, 307 ஆத³யோ]
‘‘விவாதா³தி⁴கரணங் கதிஹி ஸமதே²ஹி ஸம்மதி? விவாதா³தி⁴கரணங் த்³வீஹி ஸமதே²ஹி
ஸம்மதி – ஸம்முகா²வினயேன ச, யேபு⁴ய்யஸிகாய ச. ஸியா விவாதா³தி⁴கரணங் ஏகங்
ஸமத²ங் அனாக³ம்ம யேபு⁴ய்யஸிகங், ஏகேன ஸமதே²ன ஸமெய்ய – ஸம்முகா²வினயேனாதி?
ஸியாதிஸ்ஸ வசனீயங். யதா² கத²ங் விய? இத⁴ பன,
பி⁴க்க²வே, பி⁴க்கூ² விவத³ந்தி – த⁴ம்மோதி வா அத⁴ம்மோதி வா, வினயோதி வா
அவினயோதி வா, பா⁴ஸிதங் லபிதங் ததா²க³தேனாதி வா அபா⁴ஸிதங் அலபிதங்
ததா²க³தேனாதி வா, ஆசிண்ணங் ததா²க³தேனாதி வா அனாசிண்ணங் ததா²க³தேனாதி வா,
பஞ்ஞத்தங் ததா²க³தேனாதி வா அபஞ்ஞத்தங் ததா²க³தேனாதி வா, ஆபத்தீதி வா
அனாபத்தீதி வா, லஹுகா ஆபத்தீதி வா க³ருகா ஆபத்தீதி வா, ஸாவஸேஸா ஆபத்தீதி வா
அனவஸேஸா ஆபத்தீதி வா, து³ட்டு²ல்லா ஆபத்தீதி வா அது³ட்டு²ல்லா ஆபத்தீதி
வா.

‘‘தே சே, பி⁴க்க²வே, பி⁴க்கூ² ஸக்கொந்தி தங் அதி⁴கரணங்
வூபஸமேதுங், இத³ங் வுச்சதி, பி⁴க்க²வே, அதி⁴கரணங் வூபஸந்தங். கேன
வூபஸந்தங்? ஸம்முகா²வினயேன. கிஞ்ச தத்த² ஸம்முகா²வினயஸ்மிங்?
ஸங்க⁴ஸம்முக²தா, த⁴ம்மஸம்முக²தா, வினயஸம்முக²தா, புக்³க³லஸம்முக²தா. கா ச
தத்த² ஸங்க⁴ஸம்முக²தா? யாவதிகா பி⁴க்கூ² கம்மப்பத்தா தே ஆக³தா ஹொந்தி,
ச²ந்தா³ரஹானங் ச²ந்தோ³ ஆஹடோ ஹோதி, ஸம்முகீ²பூ⁴தா ந படிக்கோஸந்தி – அயங்
தத்த² ஸங்க⁴ஸம்முக²தா. கா ச தத்த² த⁴ம்மஸம்முக²தா, வினயஸம்முக²தா ?
யேன த⁴ம்மேன யேன வினயேன யேன ஸத்து²ஸாஸனேன தங் அதி⁴கரணங் வூபஸம்மதி – அயங்
தத்த² த⁴ம்மஸம்முக²தா, வினயஸம்முக²தா. கா ச தத்த² புக்³க³லஸம்முக²தா? யோ ச
விவத³தி, யேன ச விவத³தி, உபோ⁴ அத்த²பச்சத்தி²கா ஸம்முகீ²பூ⁴தா ஹொந்தி –
அயங் தத்த² புக்³க³லஸம்முக²தா. ஏவங் வூபஸந்தங் சே, பி⁴க்க²வே, அதி⁴கரணங்
காரகோ உக்கோடேதி, உக்கோடனகங் பாசித்தியங்; ச²ந்த³தா³யகோ கீ²யதி, கீ²யனகங் பாசித்தியங்.

229.
‘‘தே சே, பி⁴க்க²வே, பி⁴க்கூ² ந ஸக்கொந்தி தங் அதி⁴கரணங் தஸ்மிங் ஆவாஸே
வூபஸமேதுங், தேஹி, பி⁴க்க²வே, பி⁴க்கூ²ஹி, யஸ்மிங் ஆவாஸே ஸம்ப³ஹுலா [ப³ஹுதரா (ஸீ॰ ஸ்யா॰)]
பி⁴க்கூ², ஸோ ஆவாஸோ க³ந்தப்³போ³. தே சே, பி⁴க்க²வே, பி⁴க்கூ² தங் ஆவாஸங்
க³ச்ச²ந்தா அந்தராமக்³கே³ ஸக்கொந்தி தங் அதி⁴கரணங் வூபஸமேதுங், இத³ங்
வுச்சதி, பி⁴க்க²வே, அதி⁴கரணங் வூபஸந்தங். கேன வூபஸந்தங்? ஸம்முகா²வினயேன .
கிஞ்ச தத்த² ஸம்முகா²வினயஸ்மிங்? ஸங்க⁴ஸம்முக²தா, த⁴ம்மஸம்முக²தா,
வினயஸம்முக²தா, புக்³க³லஸம்முக²தா. கா ச தத்த² ஸங்க⁴ஸம்முக²தா? யாவதிகா
பி⁴க்கூ² கம்மப்பத்தா தே ஆக³தா ஹொந்தி, ச²ந்தா³ரஹானங் ச²ந்தோ³ ஆஹடோ ஹோதி,
ஸம்முகீ²பூ⁴தா ந படிக்கோஸந்தி – அயங் தத்த² ஸங்க⁴ஸம்முக²தா. கா ச தத்த²
த⁴ம்மஸம்முக²தா, வினயஸம்முக²தா? யேன த⁴ம்மேன யேன வினயேன யேன ஸத்து²ஸாஸனேன
தங் அதி⁴கரணங் வூபஸம்மதி – அயங் தத்த² த⁴ம்மஸம்முக²தா, வினயஸம்முக²தா. கா ச
தத்த² புக்³க³லஸம்முக²தா? யோ ச விவத³தி, யேன ச விவத³தி, உபோ⁴
அத்த²பச்சத்தி²கா ஸம்முகீ²பூ⁴தா ஹொந்தி – அயங் தத்த² புக்³க³லஸம்முக²தா.
ஏவங் வூபஸந்தங் சே, பி⁴க்க²வே, அதி⁴கரணங் காரகோ உக்கோடேதி, உக்கோடனகங்
பாசித்தியங்; ச²ந்த³தா³யகோ கீ²யதி, கீ²யனகங் பாசித்தியங்.

230. ‘‘தே
சே, பி⁴க்க²வே, பி⁴க்கூ² தங் ஆவாஸங் ஆக³ச்ச²ந்தா அந்தராமக்³கே³ ந
ஸக்கொந்தி தங் அதி⁴கரணங் வூபஸமேதுங், தேஹி, பி⁴க்க²வே, பி⁴க்கூ²ஹி, தங்
ஆவாஸங் க³ந்த்வா ஆவாஸிகா பி⁴க்கூ² ஏவமஸ்ஸு வசனீயா – ‘இத³ங் கோ², ஆவுஸோ,
அதி⁴கரணங் ஏவங் ஜாதங், ஏவங் ஸமுப்பன்னங்; ஸாதா⁴யஸ்மந்தா இமங் அதி⁴கரணங்
வூபஸமெந்து த⁴ம்மேன வினயேன ஸத்து²ஸாஸனேன, யத²யித³ங் அதி⁴கரணங் ஸுவூபஸந்தங்
அஸ்ஸா’தி.

‘‘ஸசே , பி⁴க்க²வே, ஆவாஸிகா
பி⁴க்கூ² வுட்³ட⁴தரா ஹொந்தி, ஆக³ந்துகா பி⁴க்கூ² நவகதரா, தேஹி, பி⁴க்க²வே,
ஆவாஸிகேஹி பி⁴க்கூ²ஹி ஆக³ந்துகா பி⁴க்கூ² ஏவமஸ்ஸு வசனீயா – ‘இங்க⁴ தும்ஹே,
ஆயஸ்மந்தோ, முஹுத்தங் ஏகமந்தங் ஹோத², யாவ மயங் மந்தேமா’தி. ஸசே பன,
பி⁴க்க²வே, ஆவாஸிகா பி⁴க்கூ² நவகதரா ஹொந்தி, ஆக³ந்துகா பி⁴க்கூ²
வுட்³ட⁴தரா, தேஹி, பி⁴க்க²வே, ஆவாஸிகேஹி பி⁴க்கூ²ஹி ஆக³ந்துகா பி⁴க்கூ²
ஏவமஸ்ஸு வசனீயா – ‘தேன ஹி தும்ஹே, ஆயஸ்மந்தோ, முஹுத்தங் இதே⁴வ தாவ ஹோத²,
யாவ மயங் மந்தேமா’தி.

‘‘ஸசே பன, பி⁴க்க²வே, ஆவாஸிகானங் பி⁴க்கூ²னங்
மந்தயமானானங் ஏவங் ஹோதி – ‘ந மயங் ஸக்கோம இமங் அதி⁴கரணங் வூபஸமேதுங்
த⁴ம்மேன வினயேன ஸத்து²ஸாஸனேனா’தி, ந தங் அதி⁴கரணங் ஆவாஸிகேஹி பி⁴க்கூ²ஹி
ஸம்படிச்சி²தப்³ப³ங். ஸசே பன, பி⁴க்க²வே, ஆவாஸிகானங் பி⁴க்கூ²னங்
மந்தயமானானங் ஏவங் ஹோதி – ‘ஸக்கோம மயங் இமங் அதி⁴கரணங் வூபஸமேதுங் த⁴ம்மேன
வினயேன ஸத்து²ஸாஸனேனா’தி, தேஹி, பி⁴க்க²வே, ஆவாஸிகேஹி பி⁴க்கூ²ஹி ஆக³ந்துகா பி⁴க்கூ² ஏவமஸ்ஸு வசனீயா – ‘ஸசே தும்ஹே, ஆயஸ்மந்தோ, அம்ஹாகங்
இமங் அதி⁴கரணங் யதா²ஜாதங் யதா²ஸமுப்பன்னங் ஆரோசெஸ்ஸத², யதா² ச மயங் இமங்
அதி⁴கரணங் வூபஸமெஸ்ஸாம த⁴ம்மேன வினயேன ஸத்து²ஸாஸனேன ததா² ஸுவூபஸந்தங்
ப⁴விஸ்ஸதி. ஏவங் மயங் இமங் அதி⁴கரணங் ஸம்படிச்சி²ஸ்ஸாம. நோ சே தும்ஹே,
ஆயஸ்மந்தோ, அம்ஹாகங் இமங் அதி⁴கரணங் யதா²ஜாதங் யதா²ஸமுப்பன்னங் ஆரோசெஸ்ஸத²,
யதா² ச மயங் இமங் அதி⁴கரணங் வூபஸமெஸ்ஸாம த⁴ம்மேன வினயேன ஸத்து²ஸாஸனேன ததா²
ந ஸுவூபஸந்தங் ப⁴விஸ்ஸதி, ந மயங் இமங் அதி⁴கரணங் ஸம்படிச்சி²ஸ்ஸாமா’தி.
ஏவங் ஸுபரிக்³க³ஹிதங் கோ², பி⁴க்க²வே, கத்வா ஆவாஸிகேஹி பி⁴க்கூ²ஹி தங்
அதி⁴கரணங் ஸம்படிச்சி²தப்³ப³ங்.

‘‘தேஹி, பி⁴க்க²வே, ஆக³ந்துகேஹி பி⁴க்கூ²ஹி ஆவாஸிகா
பி⁴க்கூ² ஏவமஸ்ஸு வசனீயா – ‘யதா²ஜாதங் யதா²ஸமுப்பன்னங் மயங் இமங் அதி⁴கரணங்
ஆயஸ்மந்தானங் ஆரோசெஸ்ஸாம. ஸசே ஆயஸ்மந்தா ஸக்கொந்தி எத்தகேன வா எத்தகேன வா
அந்தரேன இமங் அதி⁴கரணங் வூபஸமேதுங் த⁴ம்மேன வினயேன ஸத்து²ஸாஸனேன ததா²
ஸுவூபஸந்தங் ப⁴விஸ்ஸதி. ஏவங் மயங் இமங் அதி⁴கரணங் ஆயஸ்மந்தானங்
நிய்யாதெ³ஸ்ஸாம. நோ சே ஆயஸ்மந்தா ஸக்கொந்தி எத்தகேன வா எத்தகேன வா அந்தரேன
இமங் அதி⁴கரணங் வூபஸமேதுங் த⁴ம்மேன வினயேன ஸத்து²ஸாஸனேன ததா² ந ஸுவூபஸந்தங்
ப⁴விஸ்ஸதி, ந மயங் இமங் அதி⁴கரணங் ஆயஸ்மந்தானங் நிய்யாதெ³ஸ்ஸாம . மயமேவ
இமஸ்ஸ அதி⁴கரணஸ்ஸ ஸாமினோ ப⁴விஸ்ஸாமா’தி. ஏவங் ஸுபரிக்³க³ஹிதங் கோ²,
பி⁴க்க²வே, கத்வா ஆக³ந்துகேஹி பி⁴க்கூ²ஹி தங் அதி⁴கரணங் ஆவாஸிகானங்
பி⁴க்கூ²னங் நிய்யாதே³தப்³ப³ங்.

‘‘தே சே, பி⁴க்க²வே, பி⁴க்கூ² ஸக்கொந்தி தங் அதி⁴கரணங்
வூபஸமேதுங், இத³ங் வுச்சதி, பி⁴க்க²வே, அதி⁴கரணங் வூபஸந்தங். கேன
வூபஸந்தங்? ஸம்முகா²வினயேன. கிஞ்ச தத்த² ஸம்முகா²வினயஸ்மிங்?
ஸங்க⁴ஸம்முக²தா, த⁴ம்மஸம்முக²தா, வினயஸம்முக²தா, புக்³க³லஸம்முக²தா…பே॰…
ஏவங் வூபஸந்தங் சே, பி⁴க்க²வே, அதி⁴கரணங் காரகோ உக்கோடேதி, உக்கோடனகங்
பாசித்தியங்; ச²ந்த³தா³யகோ கீ²யதி, கீ²யனகங் பாசித்தியங்.

உப்³பா³ஹிகாயவூபஸமனங்

231. ‘‘தேஹி சே, பி⁴க்க²வே, பி⁴க்கூ²ஹி தஸ்மிங் அதி⁴கரணே வினிச்சி²யமானே அனந்தானி [அனக்³கா³னி (ஸீ॰)] சேவ ப⁴ஸ்ஸானி ஜாயந்தி, ந சேகஸ்ஸ [ந சேதஸ்ஸ (க॰)]
பா⁴ஸிதஸ்ஸ அத்தோ² விஞ்ஞாயதி, அனுஜானாமி, பி⁴க்க²வே, ஏவரூபங் அதி⁴கரணங்
உப்³பா³ஹிகாய வூபஸமேதுங். ‘‘த³ஸஹங்கே³ஹி ஸமன்னாக³தோ பி⁴க்கு² உப்³பா³ஹிகாய
ஸம்மன்னிதப்³போ³ – ஸீலவா ஹோதி, பாதிமொக்க²ஸங்வரஸங்வுதோ விஹரதி
ஆசாரகோ³சரஸம்பன்னோ அணுமத்தேஸு வஜ்ஜேஸு ப⁴யத³ஸ்ஸாவீ, ஸமாதா³ய ஸிக்க²தி
ஸிக்கா²பதே³ஸு; ப³ஹுஸ்ஸுதோ ஹோதி ஸுதத⁴ரோ ஸுதஸன்னிசயோ, யே தே த⁴ம்மா
ஆதி³கல்யாணா மஜ்ஜே²கல்யாணா பரியோஸானகல்யாணா ஸாத்த²ங் ஸப்³யஞ்ஜனங்
கேவலபரிபுண்ணங் பரிஸுத்³த⁴ங் ப்³ரஹ்மசரியங் அபி⁴வத³ந்தி, ததா²ரூபஸ்ஸ த⁴ம்மா
ப³ஹுஸ்ஸுதா ஹொந்தி, தா⁴தா [த⁴தா (ஸீ॰ ஸ்யா॰)] வசஸா பரிசிதா மனஸானுபெக்கி²தா
தி³ட்டி²யா ஸுப்படிவித்³தா⁴; உப⁴யானி கோ² பனஸ்ஸ பாதிமொக்கா²னி வித்தா²ரேன
ஸ்வாக³தானி ஹொந்தி ஸுவிப⁴த்தானி ஸுப்பவத்தீனி ஸுவினிச்சி²தானி ஸுத்தஸோ
அனுப்³யஞ்ஜனஸோ ; வினயே கோ² பன டி²தோ [சே²கோ (க॰)]
ஹோதி அஸங்ஹீரோ; படிப³லோ ஹோதி உபோ⁴ அத்த²பச்சத்தி²கே அஸ்ஸாஸேதுங்
ஸஞ்ஞாபேதுங் நிஜ்ஜா²பேதுங் பெக்கே²துங் பஸாதே³துங்;
அதி⁴கரணஸமுப்பாத³வூபஸமனகுஸலோ ஹோதி; அதி⁴கரணங் ஜானாதி; அதி⁴கரணஸமுத³யங்
ஜானாதி; அதி⁴கரணனிரோத⁴ங் ஜானாதி; அதி⁴கரணனிரோத⁴கா³மினிபடிபத³ங் ஜானாதி.
அனுஜானாமி, பி⁴க்க²வே, இமேஹி த³ஸஹங்கே³ஹி ஸமன்னாக³தங் பி⁴க்கு²ங்
உப்³பா³ஹிகாய ஸம்மன்னிதுங். ஏவஞ்ச பன, பி⁴க்க²வே, ஸம்மன்னிதப்³போ³. பட²மங் பி⁴க்கு² யாசிதப்³போ³, யாசித்வா ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

232.
‘‘ஸுணாது மே, ப⁴ந்தே, ஸங்கோ⁴. அம்ஹாகங் இமஸ்மிங் அதி⁴கரணே வினிச்சி²யமானே
அனந்தானி சேவ ப⁴ஸ்ஸானி ஜாயந்தி, ந சேகஸ்ஸ பா⁴ஸிதஸ்ஸ அத்தோ² விஞ்ஞாயதி. யதி³
ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமஞ்ச இத்த²ன்னாமஞ்ச பி⁴க்கு²ங்
ஸம்மன்னெய்ய உப்³பா³ஹிகாய இமங் அதி⁴கரணங் வூபஸமேதுங். ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. அம்ஹாகங் இமஸ்மிங்
அதி⁴கரணே வினிச்சி²யமானே அனந்தானி சேவ ப⁴ஸ்ஸானி ஜாயந்தி, ந சேகஸ்ஸ
பா⁴ஸிதஸ்ஸ அத்தோ² விஞ்ஞாயதி. ஸங்கோ⁴ இத்த²ன்னாமஞ்ச இத்த²ன்னாமஞ்ச
பி⁴க்கு²ங் ஸம்மன்னதி உப்³பா³ஹிகாய இமங் அதி⁴கரணங்
வூபஸமேதுங். யஸ்ஸாயஸ்மதோ க²மதி இத்த²ன்னாமஸ்ஸ ச இத்த²ன்னாமஸ்ஸ ச பி⁴க்கு²னோ
ஸம்முதி உப்³பா³ஹிகாய இமங் அதி⁴கரணங் வூபஸமேதுங், ஸோ துண்ஹஸ்ஸ; யஸ்ஸ
நக்க²மதி, ஸோ பா⁴ஸெய்ய.

‘‘ஸம்மதோ ஸங்கே⁴ன இத்த²ன்னாமோ ச இத்த²ன்னாமோ ச
பி⁴க்கு² உப்³பா³ஹிகாய இமங் அதி⁴கரணங் வூபஸமேதுங். க²மதி ஸங்க⁴ஸ்ஸ, தஸ்மா
துண்ஹீ, ஏவமேதங் தா⁴ரயாமீ’’தி.

‘‘தே சே, பி⁴க்க²வே, பி⁴க்கூ² ஸக்கொந்தி தங் அதி⁴கரணங்
உப்³பா³ஹிகாய வூபஸமேதுங், இத³ங் வுச்சதி, பி⁴க்க²வே, அதி⁴கரணங் வூபஸந்தங்.
கேன வூபஸந்தங்? ஸம்முகா²வினயேன. கிஞ்ச தத்த² ஸம்முகா²வினயஸ்மிங்?
த⁴ம்மஸம்முக²தா, வினயஸம்முக²தா, புக்³க³லஸம்முக²தா…பே॰… ஏவங் வூபஸந்தங் சே,
பி⁴க்க²வே, அதி⁴கரணங் காரகோ உக்கோடேதி, உக்கோடனகங் பாசித்தியங்.

233.
‘‘தேஹி சே, பி⁴க்க²வே, பி⁴க்கூ²ஹி தஸ்மிங் அதி⁴கரணே வினிச்சி²யமானே
தத்ராஸ்ஸ பி⁴க்கு² த⁴ம்மகதி²கோ, தஸ்ஸ நேவ ஸுத்தங் ஆக³தங் ஹோதி, நோ
ஸுத்தவிப⁴ங்கோ³, ஸோ அத்த²ங் அஸல்லக்கெ²ந்தோ ப்³யஞ்ஜனச்சா²யாய அத்த²ங் படிபா³ஹதி, ப்³யத்தேன பி⁴க்கு²னா படிப³லேன தே பி⁴க்கூ² ஞாபேதப்³பா³ –

‘‘ஸுணந்து மே ஆயஸ்மந்தா. அயங் இத்த²ன்னாமோ பி⁴க்கு²
த⁴ம்மகதி²கோ. இமஸ்ஸ நேவ ஸுத்தங் ஆக³தங் ஹோதி, நோ ஸுத்தவிப⁴ங்கோ³. ஸோ
அத்த²ங் அஸல்லக்கெ²ந்தோ ப்³யஞ்ஜனச்சா²யாய அத்த²ங் படிபா³ஹதி.
யதா³யஸ்மந்தானங் பத்தகல்லங் , இத்த²ன்னாமங் பி⁴க்கு²ங் வுட்டா²பெத்வா அவஸேஸா இமங் அதி⁴கரணங் வூபஸமெய்யாமாதி.

‘‘தே சே, பி⁴க்க²வே, பி⁴க்கூ² தங் பி⁴க்கு²ங்
வுட்டா²பெத்வா ஸக்கொந்தி தங் அதி⁴கரணங் வூபஸமேதுங், இத³ங் வுச்சதி,
பி⁴க்க²வே, அதி⁴கரணங் வூபஸந்தங். கேன வூபஸந்தங்? ஸம்முகா²வினயேன. கிஞ்ச
தத்த² ஸம்முகா²வினயஸ்மிங்? த⁴ம்மஸம்முக²தா, வினயஸம்முக²தா,
புக்³க³லஸம்முக²தா…பே॰… ஏவங் வூபஸந்தங் சே, பி⁴க்க²வே, அதி⁴கரணங் காரகோ
உக்கோடேதி, உக்கோடனகங் பாசித்தியங்.

‘‘தேஹி சே, பி⁴க்க²வே, பி⁴க்கூ²ஹி தஸ்மிங் அதி⁴கரணே
வினிச்சி²யமானே தத்ராஸ்ஸ பி⁴க்கு² த⁴ம்மகதி²கோ, தஸ்ஸ ஸுத்தஞ்ஹி கோ² ஆக³தங்
ஹோதி, நோ ஸுத்தவிப⁴ங்கோ³, ஸோ அத்த²ங் அஸல்லக்கெ²ந்தோ ப்³யஞ்ஜனச்சா²யாய
அத்த²ங் படிபா³ஹதி, ப்³யத்தேன பி⁴க்கு²னா படிப³லேன தே பி⁴க்கூ² ஞாபேதப்³பா³

‘‘ஸுணந்து மே ஆயஸ்மந்தா. அயங் இத்த²ன்னாமோ பி⁴க்கு²
த⁴ம்மகதி²கோ. இமஸ்ஸ ஸுத்தஞ்ஹி கோ² ஆக³தங் ஹோதி, நோ ஸுத்தவிப⁴ங்கோ³. ஸோ
அத்த²ங் அஸல்லக்கெ²ந்தோ ப்³யஞ்ஜனச்சா²யாய அத்த²ங் படிபா³ஹதி.
யதா³யஸ்மந்தானங் பத்தகல்லங், இத்த²ன்னாமங் பி⁴க்கு²ங் வுட்டா²பெத்வா அவஸேஸா
இமங் அதி⁴கரணங் வூபஸமெய்யாமாதி.

‘‘தே சே, பி⁴க்க²வே, பி⁴க்கூ² தங் பி⁴க்கு²ங்
வுட்டா²பெத்வா ஸக்கொந்தி தங் அதி⁴கரணங் வூபஸமேதுங், இத³ங் வுச்சதி,
பி⁴க்க²வே, அதி⁴கரணங் வூபஸந்தங். கேன வூபஸந்தங்? ஸம்முகா²வினயேன. கிஞ்ச
தத்த² ஸம்முகா²வினயஸ்மிங்? த⁴ம்மஸம்முக²தா, வினயஸம்முக²தா,
புக்³க³லஸம்முக²தா…பே॰… ஏவங் வூபஸந்தங் சே, பி⁴க்க²வே, அதி⁴கரணங் காரகோ
உக்கோடேதி, உக்கோடனகங் பாசித்தியங்.

யேபு⁴ய்யஸிகாவினயோ

234. ‘‘தே சே, பி⁴க்க²வே, பி⁴க்கூ² ந ஸக்கொந்தி தங் அதி⁴கரணங் உப்³பா³ஹிகாய வூபஸமேதுங், தேஹி, பி⁴க்க²வே, பி⁴க்கூ²ஹி தங் அதி⁴கரணங் ஸங்க⁴ஸ்ஸ நிய்யாதே³தப்³ப³ங் – ‘ந மயங் [ந ச மயங் (க॰)], ப⁴ந்தே, ஸக்கோம
இமங் அதி⁴கரணங் உப்³பா³ஹிகாய வூபஸமேதுங், ஸங்கோ⁴வ இமங் அதி⁴கரணங்
வூபஸமேதூ’தி. அனுஜானாமி, பி⁴க்க²வே, ஏவரூபங் அதி⁴கரணங் யேபு⁴ய்யஸிகாய
வூபஸமேதுங். பஞ்சஹங்கே³ஹி ஸமன்னாக³தோ பி⁴க்கு² ஸலாகக்³கா³ஹாபகோ
ஸம்மன்னிதப்³போ³ – யோ ந ச²ந்தா³க³திங் க³ச்செ²ய்ய, ந
தோ³ஸாக³திங் க³ச்செ²ய்ய, ந மோஹாக³திங் க³ச்செ²ய்ய, ந ப⁴யாக³திங்
க³ச்செ²ய்ய, க³ஹிதாக³ஹிதஞ்ச ஜானெய்ய…பே॰… ஏவஞ்ச பன, பி⁴க்க²வே,
ஸம்மன்னிதப்³போ³. பட²மங் பி⁴க்கு² யாசிதப்³போ³, யாசித்வா ப்³யத்தேன
பி⁴க்கு²னா படிப³லேன ஸங்கோ⁴ ஞாபேதப்³போ³ –

‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் பி⁴க்கு²ங் ஸலாகக்³கா³ஹாபகங் ஸம்மன்னெய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. ஸங்கோ⁴ இத்த²ன்னாமங்
பி⁴க்கு²ங் ஸலாகக்³கா³ஹாபகங் ஸம்மன்னதி. யஸ்ஸாயஸ்மதோ க²மதி இத்த²ன்னாமஸ்ஸ
பி⁴க்கு²னோ ஸலாகக்³கா³ஹாபகஸ்ஸ ஸம்முதி, ஸோ துண்ஹஸ்ஸ; யஸ்ஸ நக்க²மதி, ஸோ
பா⁴ஸெய்ய.

‘‘ஸம்மதோ ஸங்கே⁴ன இத்த²ன்னாமோ பி⁴க்கு² ஸலாகக்³கா³ஹாபகோ. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

‘‘தேன ஸலாகக்³கா³ஹாபகேன பி⁴க்கு²னா ஸலாகா
கா³ஹேதப்³பா³. யதா² ப³ஹுதரா பி⁴க்கூ² த⁴ம்மவாதி³னோ வத³ந்தி ததா² தங்
அதி⁴கரணங் வூபஸமேதப்³ப³ங். இத³ங் வுச்சதி, பி⁴க்க²வே, அதி⁴கரணங் வூபஸந்தங்.
கேன வூபஸந்தங்? ஸம்முகா²வினயேன ச, யேபு⁴ய்யஸிகாய ச. கிஞ்ச தத்த²
ஸம்முகா²வினயஸ்மிங்? ஸங்க⁴ஸம்முக²தா, த⁴ம்மஸம்முக²தா, வினயஸம்முக²தா,
புக்³க³லஸம்முக²தா. கா ச தத்த² ஸங்க⁴ஸம்முக²தா? யாவதிகா பி⁴க்கூ²
கம்மப்பத்தா தே ஆக³தா ஹொந்தி, ச²ந்தா³ரஹானங் ச²ந்தோ³ ஆஹடோ ஹோதி,
ஸம்முகீ²பூ⁴தா ந படிக்கோஸந்தி – அயங் தத்த² ஸங்க⁴ஸம்முக²தா. கா ச தத்த²
த⁴ம்மஸம்முக²தா, வினயஸம்முக²தா? யேன த⁴ம்மேன யேன வினயேன யேன ஸத்து²ஸாஸனேன
தங் அதி⁴கரணங் வூபஸம்மதி – அயங் தத்த² த⁴ம்மஸம்முக²தா, வினயஸம்முக²தா .
கா ச தத்த² புக்³க³லஸம்முக²தா? யோ ச விவத³தி, யேன ச விவத³தி, உபோ⁴
அத்த²பச்சத்தி²கா ஸம்முகீ²பூ⁴தா ஹொந்தி – அயங் தத்த² புக்³க³லஸம்முக²தா. கா
ச தத்த² யேபு⁴ய்யஸிகாய? யா யேபு⁴ய்யஸிகாகம்மஸ்ஸ கிரியா கரணங் உபக³மனங்
அஜ்ஜு²பக³மனங் அதி⁴வாஸனா அப்படிக்கோஸனா – அயங் தத்த² யேபு⁴ய்யஸிகாய. ஏவங்
வூபஸந்தங் சே, பி⁴க்க²வே, அதி⁴கரணங் காரகோ உக்கோடேதி, உக்கோடனகங்
பாசித்தியங்; ச²ந்த³தா³யகோ கீ²யதி, கீ²யனகங் பாசித்திய’’ந்தி.

திவித⁴ஸலாகக்³கா³ஹோ

235. தேன
கோ² பன ஸமயேன ஸாவத்தி²யா ஏவங் ஜாதங் ஏவங் ஸமுப்பன்னங் அதி⁴கரணங் ஹோதி. அத²
கோ² தே பி⁴க்கூ² – அஸந்துட்டா² ஸாவத்தி²யா ஸங்க⁴ஸ்ஸ அதி⁴கரணவூபஸமனேன –
அஸ்ஸோஸுங் கோ² அமுகஸ்மிங் கிர ஆவாஸே ஸம்ப³ஹுலா தே²ரா விஹரந்தி ப³ஹுஸ்ஸுதா
ஆக³தாக³மா த⁴ம்மத⁴ரா வினயத⁴ரா மாதிகாத⁴ரா பண்டி³தா வியத்தா மேதா⁴வினோ
லஜ்ஜினோ குக்குச்சகா ஸிக்கா²காமா. தே சே தே²ரா இமங் அதி⁴கரணங் வூபஸமெய்யுங்
த⁴ம்மேன வினயேன ஸத்து²ஸாஸனேன, ஏவமித³ங் அதி⁴கரணங் ஸுவூபஸந்தங் அஸ்ஸாதி.
அத² கோ² தே பி⁴க்கூ² தங் ஆவாஸங் க³ந்த்வா தே தே²ரே ஏதத³வோசுங் – ‘‘இத³ங்,
ப⁴ந்தே, அதி⁴கரணங் ஏவங் ஜாதங், ஏவங் ஸமுப்பன்னங். ஸாது⁴, ப⁴ந்தே, தே²ரா
இமங் அதி⁴கரணங் வூபஸமெந்து த⁴ம்மேன வினயேன ஸத்து²ஸாஸனேன, யத²யித³ங்
அதி⁴கரணங் ஸுவூபஸந்தங் அஸ்ஸா’’தி. அத² கோ² தே தே²ரா – யதா² ஸாவத்தி²யா
ஸங்கே⁴ன அதி⁴கரணங் வூபஸமிதங் ததா² ஸுவூபஸந்தந்தி [யதா² ஸுவூபஸந்தங் (ஸீ॰ ஸ்யா॰)] – ததா² தங் அதி⁴கரணங் வூபஸமேஸுங் .

அத² கோ² தே பி⁴க்கூ² – அஸந்துட்டா² ஸாவத்தி²யா
ஸங்க⁴ஸ்ஸ அதி⁴கரணவூபஸமனேன, அஸந்துட்டா² ஸம்ப³ஹுலானங் தே²ரானங்
அதி⁴கரணவூபஸமனேன – அஸ்ஸோஸுங் கோ² அமுகஸ்மிங் கிர ஆவாஸே தயோ தே²ரா
விஹரந்தி…பே॰… த்³வே தே²ரா விஹரந்தி…பே॰… ஏகோ தே²ரோ விஹரதி ப³ஹுஸ்ஸுதோ
ஆக³தாக³மோ த⁴ம்மத⁴ரோ வினயத⁴ரோ மாதிகாத⁴ரோ பண்டி³தோ வியத்தோ மேதா⁴வீ லஜ்ஜீ
குக்குச்சகோ ஸிக்கா²காமோ. ஸோ சே தே²ரோ இமங் அதி⁴கரணங் வூபஸமெய்ய த⁴ம்மேன
வினயேன ஸத்து²ஸாஸனேன, ஏவமித³ங் அதி⁴கரணங் ஸுவூபஸந்தங் அஸ்ஸாதி. அத² கோ² தே
பி⁴க்கூ² தங் ஆவாஸங் க³ந்த்வா தங் தே²ரங் ஏதத³வோசுங் – ‘‘இத³ங், ப⁴ந்தே,
அதி⁴கரணங் ஏவங் ஜாதங், ஏவங் ஸமுப்பன்னங். ஸாது⁴, ப⁴ந்தே, தே²ரோ இமங்
அதி⁴கரணங் வூபஸமேது த⁴ம்மேன வினயேன ஸத்து²ஸாஸனேன, யத²யித³ங் அதி⁴கரணங்
ஸுவூபஸந்தங் அஸ்ஸா’’தி. அத² கோ² ஸோ தே²ரோ – யதா² ஸாவத்தி²யா ஸங்கே⁴ன
அதி⁴கரணங் வூபஸமிதங், யதா² ஸம்ப³ஹுலேஹி தே²ரேஹி அதி⁴கரணங் வூபஸமிதங், யதா²
தீஹி தே²ரேஹி அதி⁴கரணங் வூபஸமிதங், யதா² த்³வீஹி தே²ரேஹி அதி⁴கரணங்
வூபஸமிதங், ததா² ஸுவூபஸந்தந்தி – ததா² தங் அதி⁴கரணங் வூபஸமேஸி.

அத² கோ² தே பி⁴க்கூ²
அஸந்துட்டா² ஸாவத்தி²யா ஸங்க⁴ஸ்ஸ அதி⁴கரணவூபஸமனேன, அஸந்துட்டா²
ஸம்ப³ஹுலானங் தே²ரானங் அதி⁴கரணவூபஸமனேன, அஸந்துட்டா² திண்ணங் தே²ரானங்
அதி⁴கரணவூபஸமனேன, அஸந்துட்டா² த்³வின்னங் தே²ரானங் அதி⁴கரணவூபஸமனேன,
அஸந்துட்டா² ஏகஸ்ஸ தே²ரஸ்ஸ அதி⁴கரணவூபஸமனேன, யேன ப⁴க³வா தேனுபஸங்கமிங்ஸு,
உபஸங்கமித்வா ப⁴க³வதோ ஏதமத்த²ங் ஆரோசேஸுங்…பே॰…
‘‘நிஹதமேதங், பி⁴க்க²வே, அதி⁴கரணங் ஸந்தங் வூபஸந்தங் ஸுவூபஸந்தங்.
அனுஜானாமி, பி⁴க்க²வே, தேஸங் பி⁴க்கூ²னங் ஸஞ்ஞத்தியா தயோ ஸலாகக்³கா³ஹே –
கூ³ள்ஹகங், ஸகண்ணஜப்பகங், விவடகங்.

‘‘கத²ஞ்ச , பி⁴க்க²வே, கூ³ள்ஹகோ ஸலாகக்³கா³ஹோ ஹோதி? தேன ஸலாகக்³கா³ஹாபகேன பி⁴க்கு²னா
ஸலாகாயோ வண்ணாவண்ணாயோ கத்வா ஏகமேகோ பி⁴க்கு² உபஸங்கமித்வா ஏவமஸ்ஸ வசனீயோ –
‘அயங் ஏவங்வாதி³ஸ்ஸ ஸலாகா, அயங் ஏவங்வாதி³ஸ்ஸ ஸலாகா. யங் இச்ச²ஸி தங்
க³ண்ஹாஹீ’தி. க³ஹிதே வத்தப்³போ³ – ‘மா ச கஸ்ஸசி த³ஸ்ஸேஹீ’தி. ஸசே ஜானாதி –
அத⁴ம்மவாதீ³ ப³ஹுதராதி, து³க்³க³ஹோதி, பச்சுக்கட்³டி⁴தப்³ப³ங். ஸசே ஜானாதி –
த⁴ம்மவாதீ³ ப³ஹுதராதி, ஸுக்³க³ஹோதி, ஸாவேதப்³ப³ங். ஏவங் கோ², பி⁴க்க²வே,
கூ³ள்ஹகோ ஸலாகக்³கா³ஹோ ஹோதி.

‘‘கத²ஞ்ச, பி⁴க்க²வே, ஸகண்ணஜப்பகோ ஸலாகக்³கா³ஹோ ஹோதி?
தேன ஸலாகக்³கா³ஹாபகேன பி⁴க்கு²னா ஏகமேகஸ்ஸ பி⁴க்கு²னோ உபகண்ணகே
ஆரோசேதப்³ப³ங் – ‘அயங் ஏவங்வாதி³ஸ்ஸ ஸலாகா, அயங் ஏவங்வாதி³ஸ்ஸ ஸலாகா. யங்
இச்ச²ஸி தங் க³ண்ஹாஹீ’தி. க³ஹிதே வத்தப்³போ³ – ‘மா ச கஸ்ஸசி ஆரோசேஹீ’தி.
ஸசே ஜானாதி – அத⁴ம்மவாதீ³ ப³ஹுதராதி, து³க்³க³ஹோதி,
பச்சுக்கட்³டி⁴தப்³ப³ங். ஸசே ஜானாதி – த⁴ம்மவாதீ³ ப³ஹுதராதி, ஸுக்³க³ஹோதி,
ஸாவேதப்³ப³ங். ஏவங் கோ², பி⁴க்க²வே, ஸகண்ணஜப்பகோ ஸலாகக்³கா³ஹோ ஹோதி.

‘‘கத²ஞ்ச, பி⁴க்க²வே, விவடகோ ஸலாகக்³கா³ஹோ ஹோதி? ஸசே ஜானாதி – த⁴ம்மவாதீ³ ப³ஹுதராதி, விஸ்ஸட்டே²னேவ விவடேன கா³ஹேதப்³போ³ . ஏவங் கோ², பி⁴க்க²வே, விவடகோ ஸலாகக்³கா³ஹோ ஹோதி. இமே கோ², பி⁴க்க²வே, தயோ ஸலாகக்³கா³ஹா’’தி.

ஸதிவினயோ

236. [பரி॰ 292-293, 307 ஆத³யோ] ‘‘அனுவாதா³தி⁴கரணங்
கதிஹி ஸமதே²ஹி ஸம்மதி? அனுவாதா³தி⁴கரணங் சதூஹி ஸமதே²ஹி ஸம்மதி –
ஸம்முகா²வினயேன ச, ஸதிவினயேன ச, அமூள்ஹவினயேன ச, தஸ்ஸபாபியஸிகாய ச. ஸியா
அனுவாதா³தி⁴கரணங் த்³வே ஸமதே² அனாக³ம்ம – அமூள்ஹவினயஞ்ச, தஸ்ஸபாபியஸிகஞ்ச;
த்³வீஹி ஸமதே²ஹி ஸம்மெய்ய – ஸம்முகா²வினயேன ச, ஸதிவினயேன சாதி? ஸியாதிஸ்ஸ
வசனீயங். யதா² கத²ங் விய? இத⁴ பன, பி⁴க்க²வே, பி⁴க்கூ² பி⁴க்கு²ங் அமூலிகாய
ஸீலவிபத்தியா அனுத்³த⁴ங்ஸெந்தி. தஸ்ஸ கோ², பி⁴க்க²வே [தஸ்ஸ கோ² தங் பி⁴க்க²வே (ஸ்யா॰ க॰)], பி⁴க்கு²னோ ஸதிவேபுல்லப்பத்தஸ்ஸ ஸதிவினயோ தா³தப்³போ³. ஏவஞ்ச பன, பி⁴க்க²வே, தா³தப்³போ³ –

‘‘தேன, பி⁴க்க²வே, பி⁴க்கு²னா ஸங்க⁴ங் உபஸங்கமித்வா
ஏகங்ஸங் உத்தராஸங்க³ கரித்வா…பே॰… ஏவமஸ்ஸ வசனீயோ – ‘மங், ப⁴ந்தே, பி⁴க்கூ²
அமூலிகாய ஸீலவிபத்தியா அனுத்³த⁴ங்ஸெந்தி. ஸோஹங், ப⁴ந்தே ,
ஸதிவேபுல்லப்பத்தோ ஸங்க⁴ங் ஸதிவினயங் யாசாமீ’தி. து³தியம்பி யாசிதப்³போ³.
ததியம்பி யாசிதப்³போ³. ப்³யத்தேனங் பி⁴க்கு²னா படிப³லேன ஸங்கோ⁴ ஞாபேதப்³போ³

‘‘ஸுணாது மே, ப⁴ந்தே, ஸங்கோ⁴. பி⁴க்கூ² இத்த²ன்னாமங்
பி⁴க்கு²ங் அமூலிகாய ஸீலவிபத்தியா அனுத்³த⁴ங்ஸெந்தி. ஸோ ஸதிவேபுல்லப்பத்தோ
ஸங்க⁴ங் ஸதிவினயங் யாசதி . யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமஸ்ஸ பி⁴க்கு²னோ ஸதிவேபுல்லப்பத்தஸ்ஸ ஸதிவினயங் த³தெ³ய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴. பி⁴க்கூ² இத்த²ன்னாமங்
பி⁴க்கு²ங் அமூலிகாய ஸீலவிபத்தியா அனுத்³த⁴ங்ஸெந்தி. ஸோ ஸதிவேபுல்லப்பத்தோ
ஸங்க⁴ங் ஸதிவினயங் யாசதி. ஸங்கோ⁴ இத்த²ன்னாமஸ்ஸ பி⁴க்கு²னோ
ஸதிவேபுல்லப்பத்தஸ்ஸ ஸதிவினயங் தே³தி. யஸ்ஸாயஸ்மதோ க²மதி இத்த²ன்னாமஸ்ஸ
பி⁴க்கு²னோ ஸதிவேபுல்லப்பத்தஸ்ஸ ஸதிவினயஸ்ஸ தா³னங், ஸோ துண்ஹஸ்ஸ; யஸ்ஸ
நக்க²மதி, ஸோ பா⁴ஸெய்ய.

‘‘து³தியம்பி ஏதமத்த²ங் வதா³மி…பே॰… ததியம்பி ஏதமத்த²ங் வதா³மி…பே॰….

‘‘தி³ன்னோ ஸங்கே⁴ன இத்த²ன்னாமஸ்ஸ பி⁴க்கு²னோ ஸதிவேபுல்லப்பத்தஸ்ஸ ஸதிவினயோ. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.

‘‘இத³ங் வுச்சதி, பி⁴க்க²வே, அதி⁴கரணங் வூபஸந்தங். கேன
வூபஸந்தங்? ஸம்முகா²வினயேன ச ஸதிவினயேன ச. கிஞ்ச தத்த²
ஸம்முகா²வினயஸ்மிங்? ஸங்க⁴ஸம்முக²தா, த⁴ம்மஸம்முக²தா ,
வினயஸம்முக²தா, புக்³க³லஸம்முக²தா…பே॰… கா ச தத்த² புக்³க³லஸம்முக²தா? யோ ச
அனுவத³தி, யஞ்ச அனுவத³தி, உபோ⁴ ஸம்முகீ²பூ⁴தா ஹொந்தி – அயங் தத்த²
புக்³க³லஸம்முக²தா. கிஞ்ச தத்த² ஸதிவினயஸ்மிங்? யா ஸதிவினயஸ்ஸ கம்மஸ்ஸ
கிரியா கரணங் உபக³மனங் அஜ்ஜு²பக³மனங் அதி⁴வாஸனா அப்படிக்கோஸனா – இத³ங்
தத்த² ஸதிவினயஸ்மிங். ஏவங் வூபஸந்தங் சே, பி⁴க்க²வே, அதி⁴கரணங் காரகோ
உக்கோடேதி, உக்கோடனகங் பாசித்தியங்; ச²ந்த³தா³யகோ கீ²யதி, கீ²யனகங்
பாசித்தியங்.

அமூள்ஹவினயோ

237.
‘‘ஸியா அனுவாதா³தி⁴கரணங் த்³வே ஸமதே² அனாக³ம்ம – ஸதிவினயஞ்ச,
தஸ்ஸபாபியஸிகஞ்ச; த்³வீஹி ஸமதே²ஹி ஸம்மெய்ய – ஸம்முகா²வினயேன ச,
அமூள்ஹவினயேன சாதி? ஸியாதிஸ்ஸ வசனீயங். யதா² கத²ங் விய? இத⁴ பன, பி⁴க்க²வே, பி⁴க்கு² உம்மத்தகோ ஹோதி சித்தவிபரியாஸகதோ .
தேன உம்மத்தகேன சித்தவிபரியாஸகதேன ப³ஹுங் அஸ்ஸாமணகங் அஜ்ஜா²சிண்ணங் ஹோதி
பா⁴ஸிதபரிக்கந்தங். தங் பி⁴க்கூ² உம்மத்தகேன சித்தவிபரியாஸகதேன
அஜ்ஜா²சிண்ணேன ஆபத்தியா சோதெ³ந்தி – ‘ஸரதாயஸ்மா ஏவரூபிங் ஆபத்திங்
ஆபஜ்ஜிதா’தி. ஸோ ஏவங் வதே³தி – ‘அஹங் கோ², ஆவுஸோ, உம்மத்தகோ அஹோஸிங்
சித்தவிபரியாஸகதோ. தேன மே உம்மத்தகேன சித்தவிபரியாஸகதேன ப³ஹுங் அஸ்ஸாமணகங்
அஜ்ஜா²சிண்ணங் பா⁴ஸிதபரிக்கந்தங். நாஹங் தங் ஸராமி. மூள்ஹேன மே ஏதங்
கத’ந்தி. ஏவம்பி நங் வுச்சமானா சோதெ³ந்தேவ – ‘ஸரதாயஸ்மா ஏவரூபிங் ஆபத்திங்
ஆபஜ்ஜிதா’தி. ‘‘தஸ்ஸ கோ², பி⁴க்க²வே, பி⁴க்கு²னோ அமூள்ஹஸ்ஸ அமூள்ஹவினயோ
தா³தப்³போ³. ஏவஞ்ச பன, பி⁴க்க²வே, தா³தப்³போ³ –

‘‘தேன, பி⁴க்க²வே, பி⁴க்கு²னா ஸங்க⁴ங் உபஸங்கமித்வா
ஏகங்ஸங் உத்தராஸங்க³ங் கரித்வா…பே॰… ஏவமஸ்ஸ வசனீயோ – ‘அஹங், ப⁴ந்தே,
உம்மத்தகோ அஹோஸிங் சித்தவிபரியாஸகதோ. தேன மே உம்மத்தகேன சித்தவிபரியாஸகதேன
ப³ஹுங் அஸ்ஸாமணகங் அஜ்ஜா²சிண்ணங் பா⁴ஸிதபரிக்கந்தங். மங் பி⁴க்கூ²
உம்மத்தகேன சித்தவிபரியாஸகதேன அஜ்ஜா²சிண்ணேன ஆபத்தியா சோதெ³ந்தி –
‘ஸரதாயஸ்மா ஏவரூபிங் ஆபத்திங் ஆபஜ்ஜிதா’தி. த்யாஹங் ஏவங் வதா³மி – ‘அஹங்
கோ², ஆவுஸோ, உம்மத்தகோ அஹோஸிங் சித்தவிபரியாஸகதோ. தேன மே உம்மத்தகேன
சித்தவிபரியாஸகதேன ப³ஹுங் அஸ்ஸாமணகங் அஜ்ஜா²சிண்ணங் பா⁴ஸிதபரிக்கந்தங்.
நாஹங் தங் ஸராமி. மூள்ஹேன மே ஏதங் கத’ந்தி . ஏவம்பி மங் வுச்சமானா சோதெ³ந்தேவ – ‘ஸரதாயஸ்மா
ஏவரூபிங் ஆபத்திங் ஆபஜ்ஜிதா’தி. ‘ஸோஹங், ப⁴ந்தே, அமூள்ஹோ ஸங்க⁴ங்
அமூள்ஹவினயங் யாசாமீ’தி. து³தியம்பி யாசிதப்³போ³. ததியம்பி யாசிதப்³போ³.
ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ
பி⁴க்கு² உம்மத்தகோ அஹோஸி சித்தவிபரியாஸகதோ. தேன உம்மத்தகேன
சித்தவிபரியாஸகதேன ப³ஹுங் அஸ்ஸாமணகங் அஜ்ஜா²சிண்ணங் பா⁴ஸிதபரிக்கந்தங். தங்
பி⁴க்கூ² உம்மத்தகேன சித்தவிபரியாஸகதேன அஜ்ஜா²சிண்ணேன ஆபத்தியா சோதெ³ந்தி –
‘ஸரதாயஸ்மா ஏவரூபிங் ஆபத்திங் ஆபஜ்ஜிதா’தி. ஸோ ஏவங் வதே³தி – ‘அஹங் கோ²,
ஆவுஸோ, உம்மத்தகோ அஹோஸிங் சித்தவிபரியாஸகதோ. தேன மே உம்மத்தகேன
சித்தவிபரியாஸகதேன ப³ஹுங் அஸ்ஸாமணகங் அஜ்ஜா²சிண்ணங் பா⁴ஸிதபரிக்கந்தங்.
நாஹங் தங் ஸராமி. மூள்ஹேன மே ஏதங் கத’ந்தி. ஏவம்பி நங் வுச்சமானா
சோதெ³ந்தேவ – ‘ஸரதாயஸ்மா ஏவரூபிங் ஆபத்திங் ஆபஜ்ஜிதா’தி. ஸோ அமூள்ஹோ
ஸங்க⁴ங் அமூள்ஹவினயங் யாசதி. யதி³ ஸங்க⁴ஸ்ஸ பத்தகல்லங், ஸங்கோ⁴
இத்த²ன்னாமஸ்ஸ பி⁴க்கு²னோ அமூள்ஹஸ்ஸ அமூள்ஹவினயங் த³தெ³ய்ய. ஏஸா ஞத்தி.

‘‘ஸுணாது மே, ப⁴ந்தே, ஸங்கோ⁴.
அயங் இத்த²ன்னாமோ பி⁴க்கு² உம்மத்தகோ அஹோஸி சித்தவிபரியாஸகதோ. தேன
உம்மத்தகேன சித்தவிபரியாஸகதேன ப³ஹுங் அஸ்ஸாமணகங் அஜ்ஜா²சிண்ணங்
பா⁴ஸிதபரிக்கந்தங். தங் பி⁴க்கூ² உம்மத்தகேன சித்தவிபரியாஸகதேன
அஜ்ஜா²சிண்ணேன ஆபத்தியா சோதெ³ந்தி – ‘ஸரதாயஸ்மா ஏவரூபிங் ஆபத்திங்
ஆபஜ்ஜிதா’தி . ஸோ ஏவங் வதே³தி – ‘அஹங் கோ², ஆவுஸோ,
உம்மத்தகோ அஹோஸிங் சித்தவிபரியாஸகதோ. தேன மே உம்மத்தகேன சித்தவிபரியாஸகதேன
ப³ஹுங் அஸ்ஸாமணகங் அஜ்ஜா²சிண்ணங் பா⁴ஸிதபரிக்கந்தங். நாஹங் தங் ஸராமி.
மூள்ஹேன மே ஏதங் கத’ந்தி. ஏவம்பி நங் வுச்சமானா சோதெ³ந்தேவ – ‘ஸரதாயஸ்மா
ஏவரூபிங் ஆபத்திங் ஆபஜ்ஜிதா’தி. ஸோ அமூள்ஹோ ஸங்க⁴ங் அமூள்ஹவினயங் யாசதி.
ஸங்கோ⁴ இத்த²ன்னாமஸ்ஸ பி⁴க்கு²னோ அமூள்ஹஸ்ஸ அமூள்ஹவினயங் தே³தி.
யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ அமூள்ஹஸ்ஸ அமூள்ஹவினயஸ்ஸ
தா³னங், ஸோ