Free Online FOOD for MIND & HUNGER - DO GOOD 😊 PURIFY MIND.To live like free birds 🐦 🦢 🦅 grow fruits 🍍 🍊 🥑 🥭 🍇 🍌 🍎 🍉 🍒 🍑 🥝 vegetables 🥦 🥕 🥗 🥬 🥔 🍆 🥜 🎃 🫑 🍅🍜 🧅 🍄 🍝 🥗 🥒 🌽 🍏 🫑 🌳 🍓 🍊 🥥 🌵 🍈 🌰 🇧🇧 🫐 🍅 🍐 🫒Plants 🌱in pots 🪴 along with Meditative Mindful Swimming 🏊‍♂️ to Attain NIBBĀNA the Eternal Bliss.

Kushinara NIBBĀNA Bhumi Pagoda White Home, Puniya Bhumi Bengaluru, Prabuddha Bharat International.

Categories:

Search:

Archives:

Meta:

December 2012

M	T	W	T	F	S	S
« Nov		Jan »
	1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31

12/04/12

51212 WEDNESDAY LESSON 771-வினயபிடகே-Parts-38,39 & 40- தமிழில் திரபிடக மூன்று தொகுப்புகள்TIPITAKA from FREE ONLINE eNālāndā Research and Practice UNIVERSITY through http://sarvajan.ambedkar.org-56th Parinibbana Day of Dr Babasaheb Ambedkar, on Thursday 6th December 2012

Filed under: General
Posted by: site admin @ 5:55 pm

51212 WEDNESDAY LESSON 771-வினயபிடகே-Parts-38,39 & 40- தமிழில் திரபிடக மூன்று தொகுப்புகள்TIPITAKA
from FREE ONLINE eNālāndā Research and
Practice UNIVERSITY through http://sarvajan.ambedkar.org

56th Parinibbana Day of Dr Babasaheb Ambedkar, on Thursday 6th December 2012

P N Rajbhoj IAS Institute Nagpur_ The lecture will be organized on the eve of
Dr Ambedkar Maha Parinirwan Din on 6th December 2012 at 11.30 AM at their
Gorewada center premises.
               IAS coaching students of P N Rajbhoj IAS Institute Nagpur (India)
are going to organize the “Lecture” on the following subjects on the eve of Maha
Nirwan day of Bodhisatva Dr Ambedkar on 6th December 2012 at 11.30 AM at
their center premises.
Subjects : 1. Dr Ambedkar & Buddhism
                2. Social philosophy of Dr Ambedkar & the Indian Constitution
                3.
Nationalism and the perspective of Dr Ambedkar
              On that occasion, the following dignitaries will be present.
* Hon. Dr. Munshilal Gautam (IAS)
* Dr. Milind Jiwane (President of Ashwaghosh Buddhists Foundation)
              You are invited to attend the said function.
With regards.
* Rajratan Nandeshwar
Management Trustee
Mob. 09422106679

As every year, to mark 56th Parinibbana Day of Dr Babasaheb Ambedkar, on Thursday 6th December 2012 at 13.00 hour, we wish to make floral tribute at Ambedkar Bust statue, Ambedkar Hall, at India House. FYI, This
Ambedkar Bust was unveiled on 14th April 1992 by Chief Emeka Anyaoku,
then Secretary General of Commonwealth in presence of late Michael Foot
MP, leader of the Labour Party and late Dr L.M.Singhvi then High Commissioner of India.

For further details, please contact: H. L. Virdee : 07956 217808 C. Gautam 07956 918053

With kindest regards,

C.Gautam
General Secretary
Federation of Ambedkarite and Buddhist Organisations,UK
Buddha Vihara,12, Featherstone Road, Southall, Middx. UB2 5AA
E: fabo@ambedkar.org.uk

W: www.ambedkar.org.uk
Tel : 0044 7956 918053

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

வினயபிடகே

பரிவாரபாளி

ஸமுட்டானஸீஸஸங்கேபோ

ஸமுட்டானஸ்ஸுத்தானங்

257.

அனிச்சா ஸப்³பே³ ஸங்கா²ரா, து³க்கா²னத்தா ச ஸங்க²தா;

நிப்³பா³னஞ்சேவ பஞ்ஞத்தி, அனத்தா இதி நிச்ச²யா.

பு³த்³த⁴சந்தே³ அனுப்பன்னே, பு³த்³தா⁴தி³ச்சே அனுக்³க³தே;

தேஸங் ஸபா⁴க³த⁴ம்மானங், நாமமத்தங் ந நாயதி.

து³க்கரங் விவித⁴ங் கத்வா, பூரயித்வான பாரமீ;

உப்பஜ்ஜந்தி மஹாவீரா, சக்கு²பூ⁴தா ஸப்³ரஹ்மகே.

தே தே³ஸயந்தி ஸத்³த⁴ம்மங், து³க்க²ஹானிங் ஸுகா²வஹங்;

அங்கீ³ரஸோ ஸக்யமுனி, ஸப்³ப³பூ⁴தானுகம்பகோ.

ஸப்³ப³ஸத்துத்தமோ ஸீஹோ, பிடகே தீணி தே³ஸயி;

ஸுத்தந்தமபி⁴த⁴ம்மஞ்ச, வினயஞ்ச மஹாகு³ணங்.

ஏவங் நீயதி ஸத்³த⁴ம்மோ, வினயோ யதி³ திட்ட²தி;

உப⁴தோ ச விப⁴ங்கா³னி, க²ந்த⁴கா யா ச மாதிகா.

மாலா ஸுத்தகு³ணேனேவ, பரிவாரேன க³ந்தி²தா;

தஸ்ஸேவ பரிவாரஸ்ஸ, ஸமுட்டா²னங் நியதோ கதங்.

ஸம்பே⁴த³ங் நிதா³னங் சஞ்ஞங், ஸுத்தே தி³ஸ்ஸந்தி உபரி;

தஸ்மா ஸிக்கே² பரிவாரங், த⁴ம்மகாமோ ஸுபேஸலோதி.

தேரஸஸமுட்டா²னங்

விப⁴ங்கே³ த்³வீஸு பஞ்ஞத்தங், உத்³தி³ஸந்தி உபோஸதே²;

பவக்கா²மி ஸமுட்டா²னங், யதா²ஞாயங் ஸுணாத² மே.

பாராஜிகங் யங் பட²மங், து³தியஞ்ச ததோ பரங்;

ஸஞ்சரித்தானுபா⁴ஸனஞ்ச, அதிரேகஞ்ச சீவரங்.

லோமானி பத³ஸோத⁴ம்மோ, பூ⁴தங் ஸங்விதா⁴னேன ச;

தெ²ய்யதே³ஸனசோரீ ச, அனநுஞ்ஞாதாய தேரஸ.

தேரஸேதே ஸமுட்டா²ன நயா, விஞ்ஞூஹி சிந்திதா.

ஏகேகஸ்மிங் ஸமுட்டா²னே, ஸதி³ஸா இத⁴ தி³ஸ்ஸரே.

1. பட²மபாராஜிகஸமுட்டா²னங்

258.

மேது²னங் ஸுக்கஸங்ஸக்³கோ³, அனியதா பட²மிகா;

புப்³பூ³பபரிபாசிதா, ரஹோ பி⁴க்கு²னியா ஸஹ.

ஸபோ⁴ஜனே ரஹோ த்³வே ச, அங்கு³லி உத³கே ஹஸங்;

பஹாரே உக்³கி³ரே சேவ, தேபஞ்ஞாஸா ச ஸேகி²யா.

அத⁴க்க²கா³மாவஸ்ஸுதா, தலமட்ட²ஞ்ச ஸுத்³தி⁴கா;

வஸ்ஸங்வுட்டா² ச ஓவாத³ங், நானுப³ந்தே⁴ பவத்தினிங்.

ச²ஸத்ததி இமே ஸிக்கா², காயமானஸிகா கதா;

ஸப்³பே³ ஏகஸமுட்டா²னா, பட²மங் பாராஜிகங் யதா².

பட²மபாராஜிகஸமுட்டா²னங் நிட்டி²தங்.

2. து³தியபாராஜிகஸமுட்டா²னங்

259.

அதி³ன்னங் விக்³க³ஹுத்தரி, து³ட்டு²ல்லா அத்தகாமினங்;

அமூலா அஞ்ஞபா⁴கி³யா, அனியதா து³தியிகா.

அச்சி²ந்தே³ பரிணாமனே, முஸா ஓமஸபேஸுணா;

து³ட்டு²ல்லா பத²வீக²ணே, பூ⁴தங் அஞ்ஞாய உஜ்ஜா²பே.

நிக்கட்³ட⁴னங் ஸிஞ்சனஞ்ச, ஆமிஸஹேது பு⁴த்தாவீ;

ஏஹி அனாத³ரி பி⁴ங்ஸா, அபனிதே⁴ ச ஜீவிதங்.

ஜானங் ஸப்பாணகங் கம்மங், ஊனஸங்வாஸனாஸனா;

ஸஹத⁴ம்மிகவிலேகா², மோஹோ அமூலகேன ச.

குக்குச்சங் த⁴ம்மிகங் சீவரங், த³த்வா [குக்குச்சங் த⁴ம்மிகங் சீவரங் (ஸீ॰), குக்குச்சங் த⁴ம்மிகங் த³த்வா (ஸ்யா॰)] பரிணாமெய்ய புக்³க³லே;

கிங் தே அகாலங் அச்சி²ந்தே³, து³க்³க³ஹீ நிரயேன ச.

க³ணங் விப⁴ங்க³ங் து³ப்³ப³லங், கதி²னாபா²ஸுபஸ்ஸயங்;

அக்கோஸசண்டீ³ மச்ச²ரீ, க³ப்³பி⁴னீ ச பாயந்தியா.

த்³வேவஸ்ஸங் ஸிக்கா² ஸங்கே⁴ன, தயோ சேவ கி³ஹீக³தா;

குமாரிபூ⁴தா திஸ்ஸோ ச, ஊனத்³வாத³ஸஸம்மதா.

அலங் தாவ ஸோகாவாஸங், ச²ந்தா³ அனுவஸ்ஸா ச த்³வே;

ஸிக்கா²பதா³ ஸத்ததிமே, ஸமுட்டா²னா திகா கதா.

காயசித்தேன ந வாசா, வாசாசித்தங் ந காயிகங்;

தீஹி த்³வாரேஹி ஜாயந்தி, பாராஜிகங் து³தியங் யதா².

து³தியபாராஜிகஸமுட்டா²னங் நிட்டி²தங்.

3. ஸஞ்சரித்தஸமுட்டா²னங்

260.

ஸஞ்சரீ குடி விஹாரோ, தோ⁴வனஞ்ச படிக்³க³ஹோ;

விஞ்ஞத்துத்தரி அபி⁴ஹட்டு²ங், உபி⁴ன்னங் தூ³தகேன ச.

கோஸியா ஸுத்³த⁴த்³வேபா⁴கா³, ச²ப்³ப³ஸ்ஸானி நிஸீத³னங்;

ரிஞ்சந்தி ரூபிகா சேவ, உபோ⁴ நானப்பகாரகா.

ஊனப³ந்த⁴னவஸ்ஸிகா, ஸுத்தங் விகப்பனேன ச;

த்³வாரதா³னஸிப்³பா³னி [த்³வாரதா³னஸிப்³பி³னீ (ஸீ॰ ஸ்யா॰)] ச, பூவபச்சயஜோதி ச.

ரதனங் ஸூசி மஞ்சோ ச, தூலங் நிஸீத³னகண்டு³ ச;

வஸ்ஸிகா ச ஸுக³தேன, விஞ்ஞத்தி அஞ்ஞங் சேதாபனா.

த்³வே ஸங்கி⁴கா மஹாஜனிகா, த்³வே புக்³க³லலஹுகா க³ரு;

த்³வே விகா⁴ஸா ஸாடிகா ச, ஸமணசீவரேன ச.

ஸமபஞ்ஞாஸிமே த⁴ம்மா, ச²ஹி டா²னேஹி ஜாயரே;

காயதோ ந வாசாசித்தா, வாசதோ ந காயமனா.

காயவாசா ந ச சித்தா [ந சித்ததோ (ஸீ॰ ஸ்யா॰)], காயசித்தா ந வாசிகா [ந வாசதோ (ஸீ॰ ஸ்யா॰)];

வாசாசித்தா ந காயேன, தீஹி த்³வாரேஹி [தீஹி டா²னேஹி (ஸ்யா॰)] ஜாயரே.

ச²ஸமுட்டா²னிகா ஏதே, ஸஞ்சரித்தேன ஸாதி³ஸா.

ஸஞ்சரித்தஸமுட்டா²னங் நிட்டி²தங்.

4. ஸமனுபா⁴ஸனாஸமுட்டா²னங்

261.

பே⁴தா³னுவத்தது³ப்³ப³ச , தூ³ஸது³ட்டு²ல்லதி³ட்டி² ச;

ச²ந்த³ங் உஜ்ஜக்³கி⁴கா த்³வே ச, த்³வே ச ஸத்³தா³ ந ப்³யாஹரே.

ச²மா நீசாஸனே டா²னங், பச்ச²தோ உப்பதே²ன ச;

வஜ்ஜானுவத்திக³ஹணா, ஓஸாரே பச்சாசிக்க²னா.

கிஸ்மிங் ஸங்ஸட்டா² த்³வே வதி⁴, விஸிப்³பே³ து³க்கி²தாய ச;

புன ஸங்ஸட்டா² ந வூபஸமே, ஆராமஞ்ச பவாரணா.

அன்வத்³த⁴ங் [அன்வத்³த⁴மாஸங் (ஸீ॰ ஸ்யா॰)] ஸஹ ஜீவினிங், த்³வே சீவரங் அனுப³ந்த⁴னா;

ஸத்ததிங்ஸ இமே த⁴ம்மா, காயவாசாய சித்ததோ.

ஸப்³பே³ ஏகஸமுட்டா²னா, ஸமனுபா⁴ஸனா யதா².

ஸமனுபா⁴ஸனாஸமுட்டா²னங் நிட்டி²தங்.

5. கதி²னஸமுட்டா²னங்

262.

உப்³ப⁴தங் கதி²னங் தீணி, பட²மங் பத்தபே⁴ஸஜ்ஜங்;

அச்சேகங் சாபி ஸாஸங்கங், பக்கமந்தேன வா து³வே.

உபஸ்ஸயங் பரம்பரா, அனதிரித்தங் நிமந்தனா;

விகப்பங் ரஞ்ஞோ விகாலே, வோஸாஸாரஞ்ஞகேன ச.

உஸ்ஸயாஸன்னிசயஞ்ச, புரே பச்சா² விகாலே ச;

பஞ்சாஹிகா ஸங்கமனீ, த்³வேபி ஆவஸதே²ன ச.

பஸாகே² ஆஸனே சேவ, திங்ஸ ஏகூனகா இமே;

காயவாசா ந ச சித்தா [ந சித்ததோ (ஸ்யா॰)], தீஹி த்³வாரேஹி ஜாயரே.

த்³விஸமுட்டா²னிகா ஸப்³பே³, கதி²னேன ஸஹாஸமா.

கதி²னஸமுட்டா²னங் நிட்டி²தங்.

6. ஏளகலோமஸமுட்டா²னங்

263.

ஏளகலோமா த்³வே ஸெய்யா, ஆஹச்ச பிண்ட³போ⁴ஜனங்;

க³ணவிகாலஸன்னிதி⁴, த³ந்தபோனேன சேலகா.

உய்யுத்தங் ஸேனங் [உய்யுத்தங் வஸே (ஸ்யா॰)] உய்யோதி⁴, ஸுரா ஓரேன ந்ஹாயனா;

து³ப்³ப³ண்ணே த்³வே தே³ஸனிகா, லஸுணுபதிட்டே² நச்சனா.

ந்ஹானமத்த²ரணங் ஸெய்யா, அந்தோரட்டே² ததா² ப³ஹி;

அந்தோவஸ்ஸங் சித்தாகா³ரங், ஆஸந்தி³ ஸுத்தகந்தனா.

வெய்யாவச்சங் ஸஹத்தா² ச, அபி⁴க்கு²காவாஸேன ச;

ச²த்தங் யானஞ்ச ஸங்கா⁴ணிங், அலங்காரங் க³ந்த⁴வாஸிதங்.

பி⁴க்கு²னீ ஸிக்க²மானா ச, ஸாமணேரீ கி³ஹினியா;

அஸங்கச்சிகா ஆபத்தி, சத்தாரீஸா சதுத்தரி.

காயேன ந வாசாசித்தேன, காயசித்தேன ந வாசதோ;

த்³விஸமுட்டா²னிகா ஸப்³பே³, ஸமா ஏளகலோமிகாதி.

ஏளகலோமஸமுட்டா²னங் நிட்டி²தங்.

7. பத³ஸோத⁴ம்மஸமுட்டா²னங்

264.

பத³ஞ்ஞத்ர அஸம்மதா, ததா² அத்த²ங்க³தேன ச;

திரச்சா²னவிஜ்ஜா த்³வே வுத்தா, அனோகாஸோ [அனோகாஸே (ஸீ॰ ஸ்யா॰)] ச புச்ச²னா.

ஸத்த ஸிக்கா²பதா³ ஏதே, வாசா ந காயசித்ததோ [காயசித்தகா (க॰)];

வாசாசித்தேன ஜாயந்தி, ந து காயேன ஜாயரே.

த்³விஸமுட்டா²னிகா ஸப்³பே³, பத³ஸோத⁴ம்மஸதி³ஸா.

பத³ஸோத⁴ம்மஸமுட்டா²னங் நிட்டி²தங்.

8. அத்³தா⁴னஸமுட்டா²னங்

265.

அத்³தா⁴னநாவங் பணீதங், மாதுகா³மேன ஸங்ஹரே;

த⁴ஞ்ஞங் நிமந்திதா சேவ, அட்ட² ச பாடிதே³ஸனீ.

ஸிக்கா² பன்னரஸ ஏதே, காயா ந வாசா ந மனா;

காயவாசாஹி ஜாயந்தி, ந தே சித்தேன ஜாயரே.

காயசித்தேன ஜாயந்தி, ந தே ஜாயந்தி வாசதோ;

காயவாசாஹி சித்தேன, ஸமுட்டா²னா சதுப்³பி³தா⁴.

பஞ்ஞத்தா பு³த்³த⁴ஞாணேன, அத்³தா⁴னேன ஸஹா ஸமா [ஸமானயா (ஸ்யா॰)].

அத்³தா⁴னஸமுட்டா²னங் நிட்டி²தங்.

9. தெ²ய்யஸத்த²ஸமுட்டா²னங்

266.

தெ²ய்யஸத்த²ங் உபஸ்ஸுதி, ஸூபவிஞ்ஞாபனேன ச;

ரத்திச²ன்னஞ்ச ஓகாஸங், ஏதே ப்³யூஹேன ஸத்தமா.

காயசித்தேன ஜாயந்தி, ந தே ஜாயந்தி வாசதோ;

தீஹி த்³வாரேஹி ஜாயந்தி, த்³விஸமுட்டா²னிகா இமே.

தெ²ய்யஸத்த²ஸமுட்டா²னா, தே³ஸிதாதி³ச்சப³ந்து⁴னா.

தெ²ய்யஸத்த²ஸமுட்டா²னங் நிட்டி²தங்.

10. த⁴ம்மதே³ஸனாஸமுட்டா²னங்

267.

ச²த்தபாணிஸ்ஸ ஸத்³த⁴ம்மங், ந தே³ஸெந்தி ததா²க³தா;

ஏவமேவ [ததே²வ (ஸீ॰ ஸ்யா॰)] த³ண்ட³பாணிஸ்ஸ, ஸத்த²ஆவுத⁴பாணினங்.

பாது³குபாஹனா யானங், ஸெய்யபல்லத்தி²காய ச;

வேடி²தோகு³ண்டி²தோ சேவ, ஏகாத³ஸமனூனகா.

வாசாசித்தேன ஜாயந்தி, ந தே ஜாயந்தி காயதோ;

ஸப்³பே³ ஏகஸமுட்டா²னா, ஸமகா த⁴ம்மதே³ஸனே.

த⁴ம்மதே³ஸனாஸமுட்டா²னங் நிட்டி²தங்.

11. பூ⁴தாரோசனஸமுட்டா²னங்

268.

பூ⁴தங் காயேன ஜாயதி, ந வாசா ந ச சித்ததோ;

வாசதோ ச ஸமுட்டா²தி, ந காயா ந ச சித்ததோ.

காயவாசாய ஜாயதி, ந து ஜாயதி சித்ததோ;

பூ⁴தாரோசனகா நாம, தீஹி டா²னேஹி ஜாயதி.

பூ⁴தாரோசனஸமுட்டா²னங் நிட்டி²தங்.

12. சோரிவுட்டா²பனஸமுட்டா²னங்

269.

சோரீ வாசாய சித்தேன, ந தங் ஜாயதி காயதோ;

ஜாயதி தீஹி த்³வாரேஹி, சோரிவுட்டா²பனங் இத³ங்;

அகதங் த்³விஸமுட்டா²னங், த⁴ம்மராஜேன பா⁴ஸிதங் [ட²பிதங் (ஸ்யா॰)].

சோரிவுட்டா²பனஸமுட்டா²னங் நிட்டி²தங்.

13. அனநுஞ்ஞாதஸமுட்டா²னங்

270.

அனநுஞ்ஞாதங் வாசாய, ந காயா ந ச சித்ததோ;

ஜாயதி காயவாசாய, ந தங் ஜாயதி சித்ததோ.

ஜாயதி வாசாசித்தேன, ந தங் ஜாயதி காயதோ;

ஜாயதி தீஹி த்³வாரேஹி, அகதங் சதுடா²னிகங்.

அனநுஞ்ஞாதஸமுட்டா²னங் நிட்டி²தங்.

ஸமுட்டா²னஞ்ஹி ஸங்கே²பங், த³ஸ தீணி ஸுதே³ஸிதங்;

அஸம்மோஹகரங் டா²னங், நெத்தித⁴ம்மானுலோமிகங்;

தா⁴ரயந்தோ இமங் விஞ்ஞூ, ஸமுட்டா²னே ந முய்ஹதீதி.

ஸமுட்டா²னஸீஸஸங்கே²போ நிட்டி²தோ.

____________________________________________________________________________________________________________

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

வினயபிடகே

பரிவாரபாளி

அந்தரபெய்யாலங்

கதிபுச்சாவாரோ

271. கதி
ஆபத்தியோ? கதி ஆபத்திக்க²ந்தா⁴? கதி வினீதவத்தூ²னி? கதி அகா³ரவா? கதி
கா³ரவா? கதி வினீதவத்தூ²னி? கதி விபத்தியோ? கதி ஆபத்திஸமுட்டா²னா? கதி
விவாத³மூலானி? கதி அனுவாத³மூலானி? கதி ஸாரணீயா த⁴ம்மா? கதி
பே⁴த³கரவத்தூ²னி? கதி அதி⁴கரணானி? கதி ஸமதா²?

பஞ்ச ஆபத்தியோ. பஞ்ச ஆபத்திக்க²ந்தா⁴. பஞ்ச
வினீதவத்தூ²னி. ஸத்த ஆபத்தியோ. ஸத்த ஆபத்திக்க²ந்தா⁴. ஸத்த வினீதவத்தூ²னி.
ச² அகா³ரவா. ச² கா³ரவா. ச² வினீதவத்தூ²னி. சதஸ்ஸோ விபத்தியோ. ச²
ஆபத்திஸமுட்டா²னா. ச² விவாத³மூலானி. ச² அனுவாத³மூலானி. ச² ஸாரணீயா த⁴ம்மா.
அட்டா²ரஸ பே⁴த³கரவத்தூ²னி. சத்தாரி அதி⁴கரணானி. ஸத்த ஸமதா².

தத்த² கதமா பஞ்ச ஆபத்தியோ? பாராஜிகாபத்தி,
ஸங்கா⁴தி³ஸேஸாபத்தி, பாசித்தியாபத்தி, பாடிதே³ஸனீயாபத்தி, து³க்கடாபத்தி –
இமா பஞ்ச ஆபத்தியோ.

தத்த² கதமே பஞ்ச ஆபத்திக்க²ந்தா⁴?
பாராஜிகாபத்திக்க²ந்தோ⁴, ஸங்கா⁴தி³ஸேஸாபத்திக்க²ந்தோ⁴,
பாசித்தியாபத்திக்க²ந்தோ⁴, பாடிதே³ஸனீயாபத்திக்க²ந்தோ⁴,
து³க்கடாபத்திக்க²ந்தோ⁴ – இமே பஞ்ச ஆபத்திக்க²ந்தா⁴.

தத்த² கதமானி பஞ்ச
வினீதவத்தூ²னி? பஞ்சஹி ஆபத்திக்க²ந்தே⁴ஹி ஆரதி விரதி படிவிரதி வேரமணீ
அகிரியா அகரணங் அனஜ்ஜா²பத்தி வேலாஅனதிக்கமோ ஸேதுகா⁴தோ – இமானி பஞ்ச
வினீதவத்தூ²னி.

தத்த² கதமா ஸத்த ஆபத்தியோ?
பாராஜிகாபத்தி, ஸங்கா⁴தி³ஸேஸாபத்தி, து²ல்லச்சயாபத்தி, பாசித்தியாபத்தி,
பாடிதே³ஸனீயாபத்தி, து³க்கடாபத்தி, து³ப்³பா⁴ஸிதாபத்தி – இமா ஸத்த
ஆபத்தியோ.

தத்த² கதமே ஸத்த ஆபத்திக்க²ந்தா⁴?
பாராஜிகாபத்திக்க²ந்தோ⁴, ஸங்கா⁴தி³ஸேஸாபத்திக்க²ந்தோ⁴,
து²ல்லச்சயாபத்திக்க²ந்தோ⁴, பாசித்தியாபத்திக்க²ந்தோ⁴,
பாடிதே³ஸனீயாபத்திக்க²ந்தோ⁴, து³க்கடாபத்திக்க²ந்தோ⁴,
து³ப்³பா⁴ஸிதாபத்திக்க²ந்தோ⁴ – இமே ஸத்த ஆபத்திக்க²ந்தா⁴.

தத்த² கதமானி ஸத்த
வினீதவத்தூ²னி? ஸத்தஹி ஆபத்திக்க²ந்தே⁴ஹி ஆரதி விரதி படிவிரதி வேரமணீ
அகிரியா அகரணங் அனஜ்ஜா²பத்தி வேலாஅனதிக்கமோ ஸேதுகா⁴தோ – இமானி ஸத்த
வினீதவத்தூ²னி.

தத்த² கதமே ச² அகா³ரவா?
பு³த்³தே⁴ அகா³ரவோ, த⁴ம்மே அகா³ரவோ, ஸங்கே⁴ அகா³ரவோ, ஸிக்கா²ய அகா³ரவோ,
அப்பமாதே³ அகா³ரவோ, படிஸந்தா⁴ரே அகா³ரவோ – இமே ச² அகா³ரவா.

தத்த² கதமே ச² கா³ரவா? பு³த்³தே⁴ கா³ரவோ, த⁴ம்மே
கா³ரவோ, ஸங்கே⁴ கா³ரவோ, ஸிக்கா²ய கா³ரவோ, அப்பமாதே³ கா³ரவோ, படிஸந்தா⁴ரே
கா³ரவோ – இமே ச² கா³ரவா.

தத்த² கதமானி ச² வினீதவத்தூ²னி? ச²ஹி அகா³ரவேஹி ஆரதி விரதி படிவிரதி வேரமணீ அகிரியா அகரணங் அனஜ்ஜா²பத்தி வேலாஅனதிக்கமோ ஸேதுகா⁴தோ – இமானி ச² வினீதவத்தூ²னி.

தத்த² கதமா சதஸ்ஸோ விபத்தியோ? ஸீலவிபத்தி, ஆசாரவிபத்தி, தி³ட்டி²விபத்தி, ஆஜீவவிபத்தி – இமா சதஸ்ஸோ விபத்தியோ.

தத்த² கதமே ச² ஆபத்திஸமுட்டா²னா? அத்தா²பத்தி காயதோ
ஸமுட்டா²தி, ந வாசதோ ந சித்ததோ; அத்தா²பத்தி வாசதோ ஸமுட்டா²தி, ந காயதோ ந
சித்ததோ; அத்தா²பத்தி காயதோ ச வாசதோ ச ஸமுட்டா²தி, ந சித்ததோ; அத்தா²பத்தி
காயதோ ச சித்ததோ ச ஸமுட்டா²தி, ந வாசதோ; அத்தா²பத்தி வாசதோ ச சித்ததோ ச
ஸமுட்டா²தி, ந காயதோ; அத்தா²பத்தி காயதோ ச வாசதோ ச சித்ததோ ச ஸமுட்டா²தி –
இமே ச² ஆபத்திஸமுட்டா²னா.

272. தத்த² [சூளவ॰ 216; அ॰ நி॰ 6.36; ம॰ நி॰ 3.44; தீ³॰ நி॰ 3.325]
கதமானி ச² விவாத³மூலானி? இத⁴ பி⁴க்கு² கோத⁴னோ ஹோதி உபனாஹீ. யோ ஸோ பி⁴க்கு²
கோத⁴னோ ஹோதி உபனாஹீ ஸோ ஸத்த²ரிபி அகா³ரவோ விஹரதி அப்பதிஸ்ஸோ, த⁴ம்மேபி
அகா³ரவோ விஹரதி அப்பதிஸ்ஸோ, ஸங்கே⁴பி அகா³ரவோ விஹரதி அப்பதிஸ்ஸோ,
ஸிக்கா²யபி ந பரிபூரகாரீ ஹோதி. யோ ஸோ பி⁴க்கு² ஸத்த²ரி அகா³ரவோ விஹரதி
அப்பதிஸ்ஸோ, த⁴ம்மே…பே॰… ஸங்கே⁴…பே॰… ஸிக்கா²ய ந பரிபூரகாரீ, ஸோ ஸங்கே⁴
விவாத³ங் ஜனேதி. யோ ஹோதி விவாதோ³ ப³ஹுஜனாஹிதாய ப³ஹுஜனாஸுகா²ய ப³ஹுனோ ஜனஸ்ஸ
அனத்தா²ய அஹிதாய து³க்கா²ய தே³வமனுஸ்ஸானங். ஏவரூபங் சே தும்ஹே விவாத³மூலங்
அஜ்ஜ²த்தங் வா ப³ஹித்³தா⁴ வா ஸமனுபஸ்ஸெய்யாத² தத்ர தும்ஹே
தஸ்ஸேவ பாபகஸ்ஸ விவாத³மூலஸ்ஸ பஹானாய வாயமெய்யாத². ஏவரூபங் சே தும்ஹே
விவாத³மூலங் அஜ்ஜ²த்தங் வா ப³ஹித்³தா⁴ வா ந ஸமனுபஸ்ஸெய்யாத² தத்ர தும்ஹே
தஸ்ஸேவ பாபகஸ்ஸ விவாத³மூலஸ்ஸ ஆயதிங் அனவஸ்ஸவாய படிபஜ்ஜெய்யாத². ஏவமேதஸ்ஸ
பாபகஸ்ஸ விவாத³மூலஸ்ஸ பஹானங் ஹோதி. ஏவமேதஸ்ஸ பாபகஸ்ஸ விவாத³மூலஸ்ஸ ஆயதிங்
அனவஸ்ஸவோ ஹோதி.

[சூளவ॰ 216] புன சபரங்
பி⁴க்கு² மக்கீ² ஹோதி பளாஸீ…பே॰… இஸ்ஸுகீ ஹோதி மச்ச²ரீ, ஸடோ² ஹோதி மாயாவீ,
பாபிச்சோ² ஹோதி மிச்சா²தி³ட்டி², ஸந்தி³ட்டி²பராமாஸீ ஹோதி ஆதா⁴னக்³கா³ஹீ
து³ப்படினிஸ்ஸக்³கீ³. யோ ஸோ பி⁴க்கு² ஸந்தி³ட்டி²பராமாஸீ ஹோதி
ஆதா⁴னக்³கா³ஹீ து³ப்படினிஸ்ஸக்³கீ³ ஸோ ஸத்த²ரிபி அகா³ரவோ விஹரதி
அப்பதிஸ்ஸோ, த⁴ம்மேபி அகா³ரவோ விஹரதி அப்பதிஸ்ஸோ, ஸங்கே⁴பி அகா³ரவோ விஹரதி
அப்பதிஸ்ஸோ, ஸிக்கா²யபி ந பரிபூரகாரீ ஹோதி. யோ ஸோ பி⁴க்கு² ஸத்த²ரி அகா³ரவோ
விஹரதி அப்பதிஸ்ஸோ த⁴ம்மே…பே॰… ஸங்கே⁴…பே॰… ஸிக்கா²ய ந பரிபூரகாரீ, ஸோ
ஸங்கே⁴ விவாத³ங் ஜனேதி. யோ ஸோ ஹோதி விவாதோ³ ப³ஹுஜனாஹிதாய ப³ஹுஜனாஸுகா²ய
ப³ஹுனோ ஜனஸ்ஸ அனத்தா²ய அஹிதாய து³க்கா²ய தே³வமனுஸ்ஸானங். ஏவரூபங் சே தும்ஹே
விவாத³மூலங் அஜ்ஜ²த்தங் வா ப³ஹித்³தா⁴ வா ஸமனுபஸ்ஸெய்யாத² தத்ர தும்ஹே
தஸ்ஸேவ பாபகஸ்ஸ விவாத³மூலஸ்ஸ பஹானாய வாயமெய்யாத².
ஏவரூபங் சே தும்ஹே விவாத³மூலங் அஜ்ஜ²த்தங் வா ப³ஹித்³தா⁴ வா ந
ஸமனுபஸ்ஸெய்யாத² தத்ர தும்ஹே தஸ்ஸேவ பாபகஸ்ஸ விவாத³மூலஸ்ஸ ஆயதிங் அனவஸ்ஸவாய
படிபஜ்ஜெய்யாத². ஏவமேதஸ்ஸ பாபகஸ்ஸ விவாத³மூலஸ்ஸ பஹானங் ஹோதி. ஏவமேதஸ்ஸ
பாபகஸ்ஸ விவாத³மூலஸ்ஸ ஆயதிங் அனவஸ்ஸவோ ஹோதி. இமானி ச² விவாத³மூலானி.

273. [சூளவ॰ 217]
தத்த² கதமானி ச² அனுவாத³மூலானி? இத⁴ பி⁴க்கு² கோத⁴னோ ஹோதி உபனாஹீ. யோ ஸோ
பி⁴க்கு² கோத⁴னோ ஹோதி உபனாஹீ ஸோ ஸத்த²ரிபி அகா³ரவோ விஹரதி அப்பதிஸ்ஸோ,
த⁴ம்மேபி அகா³ரவோ விஹரதி அப்பதிஸ்ஸோ, ஸங்கே⁴பி அகா³ரவோ விஹரதி அப்பதிஸ்ஸோ,
ஸிக்கா²யபி ந பரிபூரகாரீ ஹோதி. யோ ஸோ பி⁴க்கு² ஸத்த²ரி அகா³ரவோ விஹரதி
அப்பதிஸ்ஸோ த⁴ம்மே…பே॰… ஸங்கே⁴ …பே॰… ஸிக்கா²ய ந
பரிபூரகாரீ ஸோ ஸங்கே⁴ அனுவாத³ங் ஜனேதி. யோ ஹோதி அனுவாதோ³ ப³ஹுஜனாஹிதாய
ப³ஹுஜனாஸுகா²ய ப³ஹுனோ ஜனஸ்ஸ அனத்தா²ய அஹிதாய து³க்கா²ய தே³வமனுஸ்ஸானங்.
ஏவரூபங் சே தும்ஹே அனுவாத³மூலங் அஜ்ஜ²த்தங் வா
ப³ஹித்³தா⁴ வா ஸமனுபஸ்ஸெய்யாத² தத்ர தும்ஹே தஸ்ஸேவ பாபகஸ்ஸ அனுவாத³மூலஸ்ஸ
பஹானாய வாயமெய்யாத². ஏவரூபங் சே தும்ஹே அனுவாத³மூலங் அஜ்ஜ²த்தங் வா
ப³ஹித்³தா⁴ வா ந ஸமனுபஸ்ஸெய்யாத² தத்ர தும்ஹே தஸ்ஸேவ பாபகஸ்ஸ அனுவாத³மூலஸ்ஸ
ஆயதிங் அனவஸ்ஸவாய படிபஜ்ஜெய்யாத². ஏவமேதஸ்ஸ பாபகஸ்ஸ அனுவாத³மூலஸ்ஸ பஹானங்
ஹோதி. ஏவமேதஸ்ஸ பாபகஸ்ஸ அனுவாத³மூலஸ்ஸ ஆயதிங் அனவஸ்ஸவோ ஹோதி.

புன சபரங் பி⁴க்கு² மக்கீ² ஹோதி பலாஸீ…பே॰… இஸ்ஸுகீ
ஹோதி மச்ச²ரீ, ஸடோ² ஹோதி மாயாவீ, பாபிச்சோ² ஹோதி மிச்சா²தி³ட்டி²,
ஸந்தி³ட்டி²பராமாஸீ ஹோதி ஆதா⁴னக்³கா³ஹீ
து³ப்படினிஸ்ஸக்³கீ³. யோ ஸோ பி⁴க்கு² ஸந்தி³ட்டி²பராமாஸீ ஹோதி
ஆதா⁴னக்³கா³ஹீ து³ப்படினிஸ்ஸக்³கீ³ ஸோ ஸத்த²ரிபி அகா³ரவோ விஹரதி
அப்பதிஸ்ஸோ, த⁴ம்மேபி அகா³ரவோ விஹரதி அப்பதிஸ்ஸோ, ஸங்கே⁴பி அகா³ரவோ விஹரதி
அப்பதிஸ்ஸோ, ஸிக்கா²யபி ந பரிபூரகாரீ ஹோதி. யோ பி⁴க்கு² ஸத்த²ரி அகா³ரவோ
விஹரதி அப்பதிஸ்ஸோ த⁴ம்மே…பே॰… ஸங்கே⁴…பே॰… ஸிக்கா²ய ந பரிபூரகாரீ ஸோ
ஸங்கே⁴ அனுவாத³ங் ஜனேதி. யோஏ ஹோதி அனுவாதோ³ ப³ஹுஜனாஹிதாய ப³ஹுஜனாஸுகா²ய
ப³ஹுனோ ஜனஸ்ஸ அனத்தா²ய அஹிதாய து³க்கா²ய தே³வமனுஸ்ஸானங். ஏவரூபங் சே தும்ஹே
அனுவாத³மூலங் அஜ்ஜ²த்தங் வா ப³ஹித்³தா⁴ வா ஸமனுபஸ்ஸெய்யாத² தத்ர தும்ஹே
தஸ்ஸேவ பாபகஸ்ஸ அனுவாத³மூலஸ்ஸ பஹானாய வாயமெய்யாத². ஏவரூபங் சே தும்ஹே
அனுவாத³மூலங் அஜ்ஜ²த்தங் வா ப³ஹித்³தா⁴ வா ந ஸமனுபஸ்ஸெய்யாத² தத்ர தும்ஹே
தஸ்ஸேவ பாபகஸ்ஸ அனுவாத³மூலஸ்ஸ ஆயதிங் அனவஸ்ஸவாய படிபஜ்ஜெய்யாத². ஏவமேதஸ்ஸ
பாபகஸ்ஸ அனுவாத³மூலஸ்ஸ பஹானங் ஹோதி. ஏவமேதஸ்ஸ பாபகஸ்ஸ அனுவாத³மூலஸ்ஸ ஆயதிங்
அனவஸ்ஸவோ ஹோதி. இமானி ச² அனுவாத³மூலானி.

274. [தீ³॰ நி॰ 3.324; அ॰ நி॰ 6.11]
தத்த² கதமே ச² ஸாரணீயா த⁴ம்மா? இத⁴ பி⁴க்கு²னோ மெத்தங் காயகம்மங்
பச்சுபட்டி²தங் ஹோதி ஸப்³ரஹ்மசாரீஸு ஆவி சேவ ரஹோ ச. அயம்பி த⁴ம்மோ ஸாரணீயோ
பியகரணோ க³ருகரணோ ஸங்க³ஹாய அவிவாதா³ய ஸாமக்³கி³யா ஏகீபா⁴வாய ஸங்வத்ததி.

புன சபரங் பி⁴க்கு²னோ மெத்தங்
வசீகம்மங் பச்சுபட்டி²தங் ஹோதி ஸப்³ரஹ்மசாரீஸு ஆவி சேவ ரஹோ ச. அயம்பி
த⁴ம்மோ ஸாரணீயோ பியகரணோ க³ருகரணோ ஸங்க³ஹாய அவிவாதா³ய ஸாமக்³கி³யா ஏகீபா⁴வாய
ஸங்வத்ததி.

புன
சபரங் பி⁴க்கு²னோ மெத்தங் மனோகம்மங் பச்சுபட்டி²தங் ஹோதி ஸப்³ரஹ்மசாரீஸு
ஆவி சேவ ரஹோ ச. அயம்பி த⁴ம்மோ ஸாரணீயோ பியகரணோ க³ருகரணோ ஸங்க³ஹாய அவிவாதா³ய
ஸாமக்³கி³யா ஏகீபா⁴வாய ஸங்வத்ததி.

புன சபரங் பி⁴க்கு² யே தே லாபா⁴ த⁴ம்மிகா த⁴ம்மலத்³தா⁴
அந்தமஸோ பத்தபரியாபன்னமத்தம்பி ததா²ரூபேஹி லாபே⁴ஹி அப்படிவிப⁴த்தபோ⁴கீ³
ஹோதி ஸீலவந்தேஹி ஸப்³ரஹ்மசாரீஹி ஸாதா⁴ரணபோ⁴கீ³. அயம்பி த⁴ம்மோ ஸாரணீயோ
பியகரணோ க³ருகரணோ ஸங்க³ஹாய அவிவாதா³ய ஸாமக்³கி³யா ஏகீபா⁴வாய ஸங்வத்ததி.

புன சபரங் பி⁴க்கு² யானி தானி ஸீலானி அக²ண்டா³னி
அச்சி²த்³தா³னி அஸப³லானி அகம்மாஸானி பு⁴ஜிஸ்ஸானி விஞ்ஞுபஸத்தா²னி
அபராமட்டா²னி ஸமாதி⁴ஸங்வத்தனிகானி , ததா²ரூபேஸு
ஸீலேஸு ஸீலஸாமஞ்ஞக³தோ விஹரதி ஸப்³ரஹ்மசாரீஹி ஆவி சேவ ரஹோ ச. அயம்பி த⁴ம்மோ
ஸாரணீயோ பியகரணோ க³ருகரணோ ஸங்க³ஹாய அவிவாதா³ய ஸாமக்³கி³யா ஏகீபா⁴வாய
ஸங்வத்ததி.

புன சபரங் பி⁴க்கு² யாயங் தி³ட்டி² அரியா நிய்யானிகா
நிய்யாதி தக்கரஸ்ஸ ஸம்மா து³க்க²க்க²யாய ததா²ரூபாய தி³ட்டி²யா
தி³ட்டி²ஸாமஞ்ஞக³தோ விஹரதி ஸப்³ரஹ்மசாரீஹி ஆவி சேவ ரஹோ ச. அயம்பி த⁴ம்மோ
ஸாரணீயோ பியகரணோ க³ருகரணோ ஸங்க³ஹாய அவிவாதா³ய ஸாமக்³கி³யா ஏகீபா⁴வாய
ஸங்வத்ததி. இமே ச² ஸாரணீயா த⁴ம்மா.

275. தத்த²
கதமானி அட்டா²ரஸ பே⁴த³கரவத்தூ²னி? இத⁴ பி⁴க்கு² அத⁴ம்மங் ‘‘த⁴ம்மோ’’தி
தீ³பேதி, த⁴ம்மங் ‘‘அத⁴ம்மோ’’தி தீ³பேதி, அவினயங் ‘‘வினயோ’’தி தீ³பேதி,
வினயங் ‘‘அவினயோ’’தி தீ³பேதி, அபா⁴ஸிதங் அலபிதங் ததா²க³தேன ‘‘பா⁴ஸிதங்
லபிதங் ததா²க³தேனா’’தி தீ³பேதி, பா⁴ஸிதங் லபிதங் ததா²க³தேன ‘‘அபா⁴ஸிதங்
அலபிதங் ததா²க³தேனா’’தி தீ³பேதி, அனாசிண்ணங் ததா²க³தேன ‘‘ஆசிண்ணங்
ததா²க³தேனா’’தி தீ³பேதி, ஆசிண்ணங் ததா²க³தேன ‘‘அனாசிண்ணங் ததா²க³தேனா’’தி
தீ³பேதி, அபஞ்ஞத்தங் ததா²க³தேன ‘‘பஞ்ஞத்தங் ததா²க³தேனா’’தி தீ³பேதி,
பஞ்ஞத்தங் ததா²க³தேன ‘‘அபஞ்ஞத்தங் ததா²க³தேனா’’தி தீ³பேதி, ஆபத்திங்
‘‘அனாபத்தீ’’தி தீ³பேதி, அனாபத்திங் ‘‘ஆபத்தீ’’தி தீ³பேதி, லஹுகங் ஆபத்திங்
‘‘க³ருகா ஆபத்தீ’’தி தீ³பேதி, க³ருகங் ஆபத்திங் ‘‘லஹுகா ஆபத்தீ’’தி
தீ³பேதி, ஸாவஸேஸங் ஆபத்திங் ‘‘அனவஸேஸா ஆபத்தீ’’தி தீ³பேதி, அனவஸேஸங் ஆபத்திங் ‘‘ஸாவஸேஸா ஆபத்தீ’’தி
தீ³பேதி, து³ட்டு²ல்லங் ஆபத்திங் ‘‘அது³ட்டு²ல்லா ஆபத்தீ’’தி தீ³பேதி,
அது³ட்டு²ல்லங் ஆபத்திங் ‘‘து³ட்டு²ல்லா ஆபத்தீ’’தி தீ³பேதி. இமானி
அட்டா²ரஸ பே⁴த³கரவத்தூ²னி.

[சூளவ॰ 215; பரி॰ 340] தத்த² கதமானி சத்தாரி அதி⁴கரணானி? விவாதா³தி⁴கரணங், அனுவாதா³தி⁴கரணங், ஆபத்தாதி⁴கரணங், கிச்சாதி⁴கரணங் – இமானி சத்தாரி அதி⁴கரணானி.

தத்த² கதமே ஸத்த ஸமதா²? ஸம்முகா²வினயோ, ஸதிவினயோ, அமூள்ஹவினயோ, படிஞ்ஞாதகரணங், யேபு⁴ய்யஸிகா, தஸ்ஸபாபியஸிகா, திணவத்தா²ரகோ – இமே ஸத்த ஸமதா².

கதிபுச்சா²வாரோ நிட்டி²தோ.

தஸ்ஸுத்³தா³னங் –

ஆபத்தி ஆபத்திக்க²ந்தா⁴, வினீதா ஸத்ததா⁴ புன;

வினீதாகா³ரவா சேவ, கா³ரவா மூலமேவ ச.

புன வினீதா விபத்தி, ஸமுட்டா²னா விவாத³னா;

அனுவாதா³ ஸாரணீயங், பே⁴தா³தி⁴கரணேன ச.

ஸத்தேவ ஸமதா² வுத்தா, பதா³ ஸத்தரஸா இமேதி.

1. ச²ஆபத்திஸமுட்டா²னவாரோ

276. பட²மேன
ஆபத்திஸமுட்டா²னேன பாராஜிகங் ஆபஜ்ஜெய்யாதி? ந ஹீதி வத்தப்³ப³ங்.
ஸங்கா⁴தி³ஸேஸங் ஆபஜ்ஜெய்யாதி? ஸியாதி வத்தப்³ப³ங். து²ல்லச்சயங்
ஆபஜ்ஜெய்யாதி? ஸியாதி வத்தப்³ப³ங். பாசித்தியங் ஆபஜ்ஜெய்யாதி? ஸியாதி
வத்தப்³ப³ங். பாடிதே³ஸனீயங் ஆபஜ்ஜெய்யாதி? ஸியாதி வத்தப்³ப³ங். து³க்கடங்
ஆபஜ்ஜெய்யாதி? ஸியாதி வத்தப்³ப³ங். து³ப்³பா⁴ஸிதங் ஆபஜ்ஜெய்யாதி? ந ஹீதி
வத்தப்³ப³ங்.

து³தியேன ஆபத்திஸமுட்டா²னேன பாராஜிகங் ஆபஜ்ஜெய்யாதி? ந
ஹீதி வத்தப்³ப³ங். ஸங்கா⁴தி³ஸேஸங் ஆபஜ்ஜெய்யாதி? ஸியாதி வத்தப்³ப³ங்.
து²ல்லச்சயங் ஆபஜ்ஜெய்யாதி? ஸியாதி வத்தப்³ப³ங். பாசித்தியங் ஆபஜ்ஜெய்யாதி?
ஸியாதி வத்தப்³ப³ங். பாடிதே³ஸனீயங் ஆபஜ்ஜெய்யாதி? ந ஹீதி வத்தப்³ப³ங்.
து³க்கடங் ஆபஜ்ஜெய்யாதி? ஸியாதி வத்தப்³ப³ங். து³ப்³பா⁴ஸிதங் ஆபஜ்ஜெய்யாதி?
ந ஹீதி வத்தப்³ப³ங்.

ததியேன
ஆபத்திஸமுட்டா²னேன பாராஜிகங் ஆபஜ்ஜெய்யாதி? ந ஹீதி வத்தப்³ப³ங்.
ஸங்கா⁴தி³ஸேஸங் ஆபஜ்ஜெய்யாதி? ஸியாதி வத்தப்³ப³ங். து²ல்லச்சயங்
ஆபஜ்ஜெய்யாதி? ஸியாதி வத்தப்³ப³ங். பாசித்தியங் ஆபஜ்ஜெய்யாதி? ஸியாதி
வத்தப்³ப³ங். பாடிதே³ஸனீயங் ஆபஜ்ஜெய்யாதி? ஸியாதி வத்தப்³ப³ங். து³க்கடங்
ஆபஜ்ஜெய்யாதி? ஸியாதி வத்தப்³ப³ங். து³ப்³பா⁴ஸிதங் ஆபஜ்ஜெய்யாதி? ந ஹீதி
வத்தப்³ப³ங்.

சதுத்தே²
ஆபத்திஸமுட்டா²னேன பாராஜிகங் ஆபஜ்ஜெய்யாதி? ஸியாதி வத்தப்³ப³ங்.
ஸங்கா⁴தி³ஸேஸங் ஆபஜ்ஜெய்யாதி? ஸியாதி வத்தப்³ப³ங். து²ல்லச்சயங்
ஆபஜ்ஜெய்யாதி? ஸியாதி வத்தப்³ப³ங். பாசித்தியங் ஆபஜ்ஜெய்யாதி? ஸியாதி
வத்தப்³ப³ங். பாடிதே³ஸனீயங் ஆபஜ்ஜெய்யாதி? ஸியாதி வத்தப்³ப³ங். து³க்கடங்
ஆபஜ்ஜெய்யாதி? ஸியாதி வத்தப்³ப³ங். து³ப்³பா⁴ஸிதங் ஆபஜ்ஜெய்யாதி? ந ஹீதி
வத்தப்³ப³ங்.

பஞ்சமேன ஆபத்திஸமுட்டா²னேன பாராஜிகங் ஆபஜ்ஜெய்யாதி?
ஸியாதி வத்தப்³ப³ங். ஸங்கா⁴தி³ஸேஸங் ஆபஜ்ஜெய்யாதி? ஸியாதி வத்தப்³ப³ங்.
து²ல்லச்சயங் ஆபஜ்ஜெய்யாதி? ஸியாதி வத்தப்³ப³ங். பாசித்தியங் ஆபஜ்ஜெய்யாதி?
ஸியாதி வத்தப்³ப³ங். பாடிதே³ஸனீயங் ஆபஜ்ஜெய்யாதி? ந ஹீதி வத்தப்³ப³ங்.
து³க்கடங் ஆபஜ்ஜெய்யாதி? ஸியாதி வத்தப்³ப³ங். து³ப்³பா⁴ஸிதங் ஆபஜ்ஜெய்யாதி?
ஸியாதி வத்தப்³ப³ங்.

ச²ட்டே²ன ஆபத்திஸமுட்டா²னேன பாராஜிகங் ஆபஜ்ஜெய்யாதி?
ஸியாதி வத்தப்³ப³ங். ஸங்கா⁴தி³ஸேஸங் ஆபஜ்ஜெய்யாதி? ஸியாதி வத்தப்³ப³ங்.
து²ல்லச்சயங் ஆபஜ்ஜெய்யாதி? ஸியாதி வத்தப்³ப³ங். பாசித்தியங் ஆபஜ்ஜெய்யாதி?
ஸியாதி வத்தப்³ப³ங். பாடிதே³ஸனீயங் ஆபஜ்ஜெய்யாதி? ஸியாதி வத்தப்³ப³ங்.
து³க்கடங் ஆபஜ்ஜெய்யாதி? ஸியாதி வத்தப்³ப³ங். து³ப்³பா⁴ஸிதங் ஆபஜ்ஜெய்யாதி?
ந ஹீதி வத்தப்³ப³ங்.

ச²ஆபத்திஸமுட்டா²னவாரோ நிட்டி²தோ பட²மோ.

2. கதாபத்திவாரோ

277. பட²மேன ஆபத்திஸமுட்டா²னேன கதி ஆபத்தியோ ஆபஜ்ஜதி? பட²மேன
ஆபத்திஸமுட்டா²னேன பஞ்ச ஆபத்தியோ ஆபஜ்ஜதி. பி⁴க்கு² கப்பியஸஞ்ஞீ
ஸஞ்ஞாசிகாய குடிங் கரோதி அதே³ஸிதவத்து²கங் பமாணாதிக்கந்தங் ஸாரம்ப⁴ங்
அபரிக்கமனங், பயோகே³ து³க்கடங்; ஏகங் பிண்ட³ங் அனாக³தே ஆபத்தி
து²ல்லச்சயஸ்ஸ; தஸ்மிங் பிண்டே³ ஆக³தே ஆபத்தி ஸங்கா⁴தி³ஸேஸஸ்ஸ; பி⁴க்கு²
கப்பியஸஞ்ஞீ விகாலே போ⁴ஜனங் பு⁴ஞ்ஜதி, ஆபத்தி பாசித்தியஸ்ஸ; பி⁴க்கு²
கப்பியஸஞ்ஞீ அஞ்ஞாதிகாய பி⁴க்கு²னியா அந்தரக⁴ரங்
பவிட்டா²ய ஹத்த²தோ கா²த³னீயங் வா போ⁴ஜனீயங் வா ஸஹத்தா² படிக்³க³ஹெத்வா
பு⁴ஞ்ஜதி, ஆபத்தி பாடிதே³ஸனீயஸ்ஸ – பட²மேன ஆபத்திஸமுட்டா²னேன இமா பஞ்ச
ஆபத்தியோ ஆபஜ்ஜதி.

தா ஆபத்தியோ சதுன்னங் விபத்தீனங் கதி விபத்தியோ
ப⁴ஜந்தி? ஸத்தன்னங் ஆபத்திக்க²ந்தா⁴னங் கதிஹி ஆபத்திக்க²ந்தே⁴ஹி ஸங்க³ஹிதா?
ச²ன்னங் ஆபத்திஸமுட்டா²னானங் கதிஹி ஸமுட்டா²னேஹி ஸமுட்ட²ந்தி? சதுன்னங்
அதி⁴கரணானங் கதமங் அதி⁴கரணங்? ஸத்தன்னங் ஸமதா²னங் கதிஹி ஸமதே²ஹி ஸம்மந்தி?
தா ஆபத்தியோ சதுன்னங் விபத்தீனங் த்³வே விபத்தியோ ப⁴ஜந்தி – ஸியா
ஸீலவிபத்திங், ஸியா ஆசாரவிபத்திங். ஸத்தன்னங் ஆபத்திக்க²ந்தா⁴னங் பஞ்சஹி
ஆபத்திக்க²ந்தே⁴ஹி ஸங்க³ஹிதா – ஸியா ஸங்கா⁴தி³ஸேஸாபத்திக்க²ந்தே⁴ன, ஸியா
து²ல்லச்சயாபத்திக்க²ந்தே⁴ன, ஸியா பாசித்தியாபத்திக்க²ந்தே⁴ன, ஸியா
பாடிதே³ஸனீயாபத்திக்க²ந்தே⁴ன, ஸியா து³க்கடாபத்திக்க²ந்தே⁴ன. ச²ன்னங்
ஆபத்திஸமுட்டா²னானங் ஏகேன ஸமுட்டா²னேன ஸமுட்ட²ந்தி – காயதோ ஸமுட்ட²ந்தி, ந
வாசதோ ந சித்ததோ. சதுன்னங் அதி⁴கரணானங் ஆபத்தாதி⁴கரணங் . ஸத்தன்னங் ஸமதா²னங் தீஹி ஸமதே²ஹி ஸம்மந்தி – ஸியா ஸம்முகா²வினயேன ச படிஞ்ஞாதகரணேன ச, ஸியா ஸம்முகா²வினயேன ச திணவத்தா²ரகேன ச.

278.
து³தியேன ஆபத்திஸமுட்டா²னேன கதி ஆபத்தியோ ஆபஜ்ஜதி? து³தியேன
ஆபத்திஸமுட்டா²னேன சதஸ்ஸோ ஆபத்தியோ ஆபஜ்ஜதி – பி⁴க்கு² கப்பியஸஞ்ஞீ
ஸமாதி³ஸதி – ‘‘குடிங் மே கரோதா²’’தி. தஸ்ஸ குடிங்
கரொந்தி அதே³ஸிதவத்து²கங் பமாணாதிக்கந்தங் ஸாரம்ப⁴ங் அபரிக்கமனங். பயோகே³
து³க்கடங்; ஏகங் பிண்ட³ங் அனாக³தே ஆபத்தி து²ல்லச்சயஸ்ஸ; தஸ்மிங் பிண்டே³
ஆக³தே ஆபத்தி ஸங்கா⁴தி³ஸேஸஸ்ஸ. பி⁴க்கு² கப்பியஸஞ்ஞீ அனுபஸம்பன்னங் பத³ஸோ
த⁴ம்மங் வாசேதி, ஆபத்தி பாசித்தியஸ்ஸ – து³தியேன ஆபத்திஸமுட்டா²னேன இமா
சதஸ்ஸோ ஆபத்தியோ ஆபஜ்ஜதி.

தா ஆபத்தியோ சதுன்னங் விபத்தீனங் கதி விபத்தியோ
ப⁴ஜந்தி…பே॰… ஸத்தன்னங் ஸமதா²னங் கதிஹி ஸமதே²ஹி ஸம்மந்தி? தா ஆபத்தியோ
சதுன்னங் விபத்தீனங் த்³வே விபத்தியோ ப⁴ஜந்தி – ஸியா ஸீலவிபத்திங், ஸியா
ஆசாரவிபத்திங். ஸத்தன்னங் ஆபத்திக்க²ந்தா⁴னங் சதூஹி
ஆபத்திக்க²ந்தே⁴ஹி ஸங்க³ஹிதா – ஸியா ஸங்கா⁴தி³ஸேஸாபத்திக்க²ந்தே⁴ன, ஸியா
து²ல்லச்சயாபத்திக்க²ந்தே⁴ன, ஸியா பாசித்தியாபத்திக்க²ந்தே⁴ன, ஸியா
து³க்கடாபத்திக்க²ந்தே⁴ன. ச²ன்னங் ஆபத்திஸமுட்டா²னானங் ஏகேன ஸமுட்டா²னேன
ஸமுட்ட²ந்தி – வாசதோ ஸமுட்ட²ந்தி, ந காயதோ ந சித்ததோ. சதுன்னங்
அதி⁴கரணானங், ஆபத்தாதி⁴கரணங். ஸத்தன்னங் ஸமதா²னங் தீஹி ஸமதே²ஹி ஸம்மந்தி –
ஸியா ஸம்முகா²வினயேன ச படிஞ்ஞாதகரணேன ச, ஸியா ஸம்முகா²வினயேன ச திணவத்தா²ரகேன ச.

279. ததியேன
ஆபத்திஸமுட்டா²னேன கதி ஆபத்தியோ ஆபஜ்ஜதி? ததியேன ஆபத்திஸமுட்டா²னேன பஞ்ச
ஆபத்தியோ ஆபஜ்ஜதி. பி⁴க்கு² கப்பியஸஞ்ஞீ ஸங்வித³ஹித்வா குடிங் கரோதி
அதே³ஸிதவத்து²கங் பமாணாதிக்கந்தங் ஸாரம்ப⁴ங் அபரிக்கமனங். பயோகே³
து³க்கடங்; ஏகங் பிண்ட³ங் அனாக³தே ஆபத்தி து²ல்லச்சயஸ்ஸ; தஸ்மிங் பிண்டே³
ஆக³தே ஆபத்தி ஸங்கா⁴தி³ஸேஸஸ்ஸ. பி⁴க்கு² கப்பியஸஞ்ஞீ பணீதபோ⁴ஜனானி அத்தனோ
அத்தா²ய விஞ்ஞாபெத்வா பு⁴ஞ்ஜதி, ஆபத்தி பாசித்தியஸ்ஸ. பி⁴க்கு² கப்பியஸஞ்ஞீ
பி⁴க்கு²னியா வோஸாஸந்தியா ந நிவாரெத்வா பு⁴ஞ்ஜதி, ஆபத்தி பாடிதே³ஸனீயஸ்ஸ –
ததியேன ஆபத்திஸமுட்டா²னேன இமா பஞ்ச ஆபத்தியோ ஆபஜ்ஜதி.

தா ஆபத்தியோ சதுன்னங் விபத்தீனங் கதி விபத்தியோ
ப⁴ஜந்தி…பே॰… ஸத்தன்னங் ஸமதா²னங் கதிஹி ஸமதே²ஹி ஸம்மந்தி? தா ஆபத்தியோ
சதுன்னங் விபத்தீனங் த்³வே விபத்தியோ ப⁴ஜந்தி – ஸியா ஸீலவிபத்திங், ஸியா
ஆசாரவிபத்திங். ஸத்தன்னங் ஆபத்திக்க²ந்தா⁴னங் பஞ்சஹி ஆபத்திக்க²ந்தே⁴ஹி
ஸங்க³ஹிதா – ஸியா ஸங்கா⁴தி³ஸேஸாபத்திக்க²ந்தே⁴ன, ஸியா
து²ல்லச்சயாபத்திக்க²ந்தே⁴ன, ஸியா பாசித்தியாபத்திக்க²ந்தே⁴ன, ஸியா
பாடிதே³ஸனீயாபத்திக்க²ந்தே⁴ன, ஸியா து³க்கடாபத்திக்க²ந்தே⁴ன. ச²ன்னங்
ஆபத்திஸமுட்டா²னானங் ஏகேன ஸமுட்டா²னேன ஸமுட்ட²ந்தி – காயதோ ச வாசதோ ச
ஸமுட்ட²ந்தி, ந சித்ததோ. சதுன்னங் அதி⁴கரணானங், ஆபத்தாதி⁴கரணங் . ஸத்தன்னங் ஸமதா²னங் தீஹி ஸமதே²ஹி ஸம்மந்தி – ஸியா ஸம்முகா²வினயேன ச படிஞ்ஞாதகரணேன ச, ஸியா ஸம்முகா²வினயேன ச திணவத்தா²ரகேன ச.

280.
சதுத்தே²ன ஆபத்திஸமுட்டா²னேன கதி ஆபத்தியோ ஆபஜ்ஜதி? சதுத்தே²ன
ஆபத்திஸமுட்டா²னேன ச² ஆபத்தியோ ஆபஜ்ஜதி – பி⁴க்கு² மேது²னங் த⁴ம்மங்
படிஸேவதி, ஆபத்தி பாராஜிகஸ்ஸ; பி⁴க்கு² அகப்பியஸஞ்ஞீ ஸஞ்ஞாசிகாய குடிங்
கரோதி அதே³ஸிதவத்து²கங் பமாணாதிக்கந்தங் ஸாரம்ப⁴ங் அபரிக்கமனங், பயோகே³
து³க்கடங்; ஏகங் பிண்ட³ங் அனாக³தே ஆபத்தி து²ல்லச்சயஸ்ஸ; தஸ்மிங் பிண்டே³
ஆக³தே ஆபத்தி ஸங்கா⁴தி³ஸேஸஸ்ஸ. பி⁴க்கு² அகப்பியஸஞ்ஞீ விகாலே போ⁴ஜனங்
பு⁴ஞ்ஜதி, ஆபத்தி பாசித்தியஸ்ஸ. பி⁴க்கு² அகப்பியஸஞ்ஞீ அஞ்ஞாதிகாய
பி⁴க்கு²னியா அந்தரக⁴ரங் பவிட்டா²ய ஹத்த²தோ கா²த³னீயங் வா போ⁴ஜனீயங் வா
ஸஹத்தா² படிக்³க³ஹெத்வா பு⁴ஞ்ஜதி, ஆபத்தி பாடிதே³ஸனீயஸ்ஸ. சதுத்தே²ன
ஆபத்திஸமுட்டா²னேன இமா ச² ஆபத்தியோ ஆபஜ்ஜதி.

தா ஆபத்தியோ சதுன்னங் விபத்தீனங் கதி விபத்தியோ
ப⁴ஜந்தி…பே॰… ஸத்தன்னங் ஸமதா²னங் கதிஹி ஸமதே²ஹி ஸம்மந்தி? தா ஆபத்தியோ
சதுன்னங் விபத்தீனங் த்³வே விபத்தியோ ப⁴ஜந்தி – ஸியா ஸீலவிபத்திங் ,
ஸியா ஆசாரவிபத்திங். ஸத்தன்னங் ஆபத்திக்க²ந்தா⁴னங் ச²ஹி ஆபத்திக்க²ந்தே⁴ஹி
ஸங்க³ஹிதா – ஸியா பாராஜிகாபத்திக்க²ந்தே⁴ன, ஸியா
ஸங்கா⁴தி³ஸேஸாபத்திக்க²ந்தே⁴ன, ஸியா து²ல்லச்சயாபத்திக்க²ந்தே⁴ன, ஸியா
பாசித்தியாபத்திக்க²ந்தே⁴ன, ஸியா பாடிதே³ஸனீயாபத்திக்க²ந்தே⁴ன ,
ஸியா து³க்கடாபத்திக்க²ந்தே⁴ன. ச²ன்னங் ஆபத்திஸமுட்டா²னானங் ஏகேன
ஸமுட்டா²னேன ஸமுட்ட²ந்தி – காயதோ ச சித்ததோ ச ஸமுட்ட²ந்தி, ந வாசதோ.
சதுன்னங் அதி⁴கரணானங், ஆபத்தாதி⁴கரணங். ஸத்தன்னங் ஸமதா²னங் தீஹி ஸமதே²ஹி
ஸம்மந்தி – ஸியா ஸம்முகா²வினயேன ச படிஞ்ஞாதகரணேன ச, ஸியா ஸம்முகா²வினயேன ச
திணவத்தா²ரகேன ச.

281.
பஞ்சமேன ஆபத்திஸமுட்டா²னேன கதி ஆபத்தியோ ஆபஜ்ஜதி? பஞ்சமேன
ஆபத்திஸமுட்டா²னேன ச² ஆபத்தியோ ஆபஜ்ஜதி. பி⁴க்கு² பாபிச்சோ² இச்சா²பகதோ
அஸந்தங் அபூ⁴தங் உத்தரிமனுஸ்ஸத⁴ம்மங் உல்லபதி, ஆபத்தி பாராஜிகஸ்ஸ; பி⁴க்கு²
அகப்பியஸஞ்ஞீ ஸமாதி³ஸதி – ‘‘குடிங் மே கரோதா²’’தி. தஸ்ஸ குடிங் கரொந்தி
அதே³ஸிதவத்து²கங் பமாணாதிக்கந்தங் ஸாரம்ப⁴ங் அபரிக்கமனங். பயோகே³
து³க்கடங்; ஏகங் பிண்ட³ங் அனாக³தே ஆபத்தி து²ல்லச்சயஸ்ஸ; தஸ்மிங் பிண்டே³
ஆக³தே ஆபத்தி ஸங்கா⁴தி³ஸேஸஸ்ஸ. பி⁴க்கு² அகப்பியஸஞ்ஞீ அனுபஸம்பன்னங் பத³ஸோ
த⁴ம்மங் வாசேதி, ஆபத்தி பாசித்தியஸ்ஸ. ந கு²ங்ஸேதுகாமோ ந வம்பே⁴துகாமோ ந
மங்குகத்துகாமோ த³வகம்யதா ஹீனேன ஹீனங் வதே³தி, ஆபத்தி து³ப்³பா⁴ஸிதஸ்ஸ –
பஞ்சமேன ஆபத்திஸமுட்டா²னேன இமா ச² ஆபத்தியோ ஆபஜ்ஜதி.

தா ஆபத்தியோ சதுன்னங் விபத்தீனங் கதி விபத்தியோ
ப⁴ஜந்தி…பே॰… ஸத்தன்னங் ஸமதா²னங் கதிஹி ஸமதே²ஹி ஸம்மந்தி? தா ஆபத்தியோ
சதுன்னங் விபத்தீனங் த்³வே விபத்தியோ ப⁴ஜந்தி – ஸியா ஸீலவிபத்திங், ஸியா ஆசாரவிபத்திங். ஸத்தன்னங் ஆபத்திக்க²ந்தா⁴னங் ச²ஹி ஆபத்திக்க²ந்தே⁴ஹி
ஸங்க³ஹிதா – ஸியா பாராஜிகாபத்திக்க²ந்தே⁴ன, ஸியா
ஸங்கா⁴தி³ஸேஸாபத்திக்க²ந்தே⁴ன, ஸியா து²ல்லச்சயாபத்திக்க²ந்தே⁴ன, ஸியா
பாசித்தியாபத்திக்க²ந்தே⁴ன, ஸியா து³க்கடாபத்திக்க²ந்தே⁴ன, ஸியா
து³ப்³பா⁴ஸிதாபத்திக்க²ந்தே⁴ன. ச²ன்னங் ஆபத்திஸமுட்டா²னானங் ஏகேன
ஸமுட்டா²னேன ஸமுட்ட²ந்தி – வாசதோ ச சித்ததோ ச ஸமுட்ட²ந்தி, ந காயதோ.
சதுன்னங் அதி⁴கரணானங், ஆபத்தாதி⁴கரணங். ஸத்தன்னங் ஸமதா²னங் தீஹி ஸமதே²ஹி
ஸம்மந்தி – ஸியா ஸம்முகா²வினயேன ச படிஞ்ஞாதகரணேன ச, ஸியா ஸம்முகா²வினயேன ச
திணவத்தா²ரகேன ச.

282.
ச²ட்டே²ன ஆபத்திஸமுட்டா²னேன கதி ஆபத்தியோ ஆபஜ்ஜதி? ச²ட்டே²ன
ஆபத்திஸமுட்டா²னேன ச² ஆபத்தியோ ஆபஜ்ஜதி – பி⁴க்கு² ஸங்வித³ஹித்வா ப⁴ண்ட³ங்
அவஹரதி, ஆபத்தி பாராஜிகஸ்ஸ ;
பி⁴க்கு² அகப்பியஸஞ்ஞீ ஸங்வித³ஹித்வா குடிங் கரோதி அதே³ஸிதவத்து²கங்
பமாணாதிக்கந்தங் ஸாரம்ப⁴ங் அபரிக்கமனங், பயோகே³ து³க்கடங்; ஏகங் பிண்ட³ங்
அனாக³தே ஆபத்தி து²ல்லச்சயஸ்ஸ; தஸ்மிங் பிண்டே³ ஆக³தே, ஆபத்தி
ஸங்கா⁴தி³ஸேஸஸ்ஸ. பி⁴க்கு² அகப்பியஸஞ்ஞீ பணீதபோ⁴ஜனானி அத்தனோ அத்தா²ய
விஞ்ஞாபெத்வா பு⁴ஞ்ஜதி, ஆபத்தி பாசித்தியஸ்ஸ. பி⁴க்கு² அகப்பியஸஞ்ஞீ
பி⁴க்கு²னியா வோஸாஸந்தியா ந நிவாரெத்வா பு⁴ஞ்ஜதி, ஆபத்தி பாடிதே³ஸனீயஸ்ஸ –
ச²ட்டே²ன ஆபத்திஸமுட்டா²னேன இமா ச² ஆபத்தியோ ஆபஜ்ஜதி.

தா ஆபத்தியோ சதுன்னங் விபத்தீனங் கதி விபத்தியோ ப⁴ஜந்தி? ஸத்தன்னங் ஆபத்திக்க²ந்தா⁴னங் கதிஹி ஆபத்திக்க²ந்தே⁴ஹி ஸங்க³ஹிதா ?
ச²ன்னங் ஆபத்திஸமுட்டா²னானங் கதிஹி ஆபத்திஸமுட்டா²னேஹி ஸமுட்ட²ந்தி?
சதுன்னங் அதி⁴கரணானங் கதமங் அதி⁴கரணங்? ஸத்தன்னங் ஸமதா²னங் கதிஹி ஸமதே²ஹி
ஸம்மந்தி? தா ஆபத்தியோ சதுன்னங் விபத்தீனங் த்³வே விபத்தியோ ப⁴ஜந்தி – ஸியா
ஸீலவிபத்திங், ஸியா ஆசாரவிபத்திங். ஸத்தன்னங் ஆபத்திக்க²ந்தா⁴னங் ச²ஹி
ஆபத்திக்க²ந்தே⁴ஹி ஸங்க³ஹிதா – ஸியா பாராஜிகாபத்திக்க²ந்தே⁴ன, ஸியா
ஸங்கா⁴தி³ஸேஸாபத்திக்க²ந்தே⁴ன, ஸியா து²ல்லச்சயாபத்திக்க²ந்தே⁴ன, ஸியா
பாசித்தியாபத்திக்க²ந்தே⁴ன, ஸியா பாடிதே³ஸனீயாபத்திக்க²ந்தே⁴ன, ஸியா
து³க்கடாபத்திக்க²ந்தே⁴ன. ச²ன்னங் ஆபத்திஸமுட்டா²னானங் ஏகேன ஸமுட்டா²னேன
ஸமுட்ட²ந்தி – காயதோ ச வாசதோ ச சித்ததோ ச ஸமுட்ட²ந்தி. சதுன்னங்
அதி⁴கரணானங், ஆபத்தாதி⁴கரணங். ஸத்தன்னங் ஸமதா²னங் தீஹி ஸமதே²ஹி ஸம்மந்தி – ஸியா ஸம்முகா²வினயேன ச படிஞ்ஞாதகரணேன ச, ஸியா ஸம்முகா²வினயேன ச திணவத்தா²ரகேன சாதி.

ச²ன்னங் ஆபத்திஸமுட்டா²னானங்

கதாபத்திவாரோ நிட்டி²தோ து³தியோ.

3. ஆபத்திஸமுட்டா²னகா³தா²

283.

ஸமுட்டா²னா காயிகா அனந்தத³ஸ்ஸினா;

அக்கா²தா லோகஹிதேன விவேகத³ஸ்ஸினா;

ஆபத்தியோ தேன ஸமுட்டி²தா கதி;

புச்சா²மி தங் ப்³ரூஹி விப⁴ங்க³கோவித³.

ஸமுட்டா²னா காயிகா அனந்தத³ஸ்ஸினா;

அக்கா²தா லோகஹிதேன விவேகத³ஸ்ஸினா;

ஆபத்தியோ தேன ஸமுட்டி²தா பஞ்ச;

ஏதங் தே அக்கா²மி விப⁴ங்க³கோவித³.

ஸமுட்டா²னா வாசஸிகா அனந்தத³ஸ்ஸினா;

அக்கா²தா லோகஹிதேன விவேகத³ஸ்ஸினா;

ஆபத்தியோ தேன ஸமுட்டி²தா கதி;

புச்சா²மி தங் ப்³ரூஹி விப⁴ங்க³கோவித³.

ஸமுட்டா²னா வாசஸிகா அனந்தத³ஸ்ஸினா;

அக்கா²தா லோகஹிதேன விவேகத³ஸ்ஸினா;

ஆபத்தியோ தேன ஸமுட்டி²தா சதஸ்ஸோ;

ஏதங் தே அக்கா²மி விப⁴ங்க³கோவித³.

ஸமுட்டா²னா காயிகா வாசஸிகா அனந்தத³ஸ்ஸினா;

அக்கா²தா லோகஹிதேன விவேகத³ஸ்ஸினா;

ஆபத்தியோ தேன ஸமுட்டி²தா கதி;

புச்சா²மி தங் ப்³ரூஹி விப⁴ங்க³கோவித³.

ஸமுட்டா²னா காயிகா வாசஸிகா அனந்தத³ஸ்ஸினா;

அக்கா²தா லோகஹிதேன விவேகத³ஸ்ஸினா;

ஆபத்தியோ தேன ஸமுட்டி²தா பஞ்ச;

ஏதங் தே அக்கா²மி விப⁴ங்க³கோவித³.

ஸமுட்டா²னா காயிகா மானஸிகா அனந்தத³ஸ்ஸினா;

அக்கா²தா லோகஹிதேன விவேகத³ஸ்ஸினா;

ஆபத்தியோ தேன ஸமுட்டி²தா கதி;

புச்சா²மி தங் ப்³ரூஹி விப⁴ங்க³கோவித³.

ஸமுட்டா²னா காயிகா மானஸிகா அனந்தத³ஸ்ஸினா;

அக்கா²தா லோகஹிதேன விவேகத³ஸ்ஸினா;

ஆபத்தியோ தேன ஸமுட்டி²தா ச²;

ஏதங் தே அக்கா²மி விப⁴ங்க³கோவித³.

ஸமுட்டா²னா வாசஸிகா மானஸிகா அனந்தத³ஸ்ஸினா;

அக்கா²தா லோகஹிதேன விவேகத³ஸ்ஸினா;

ஆபத்தியோ தேன ஸமுட்டி²தா கதி;

புச்சா²மி தங் ப்³ரூஹி விப⁴ங்க³கோவித³.

ஸமுட்டா²னா வாசஸிகா மானஸிகா அனந்தத³ஸ்ஸினா;

அக்கா²தா லோகஹிதேன விவேகத³ஸ்ஸினா;

ஆபத்தியோ தேன ஸமுட்டி²தா ச²;

ஏதங் தே அக்கா²மி விப⁴ங்க³கோவித³.

ஸமுட்டா²னா காயிகா வாசஸிகா மானஸிகா அனந்தத³ஸ்ஸினா;

அக்கா²தா லோகஹிதேன விவேகத³ஸ்ஸினா;

ஆபத்தியோ தேன ஸமுட்டி²தா கதி;

புச்சா²மி தங் ப்³ரூஹி விப⁴ங்க³கோவித³.

ஸமுட்டா²னா காயிகா வாசஸிகா மானஸிகா அனந்தத³ஸ்ஸினா;

அக்கா²தா லோகஹிதேன விவேகத³ஸ்ஸினா;

ஆபத்தியோ தேன ஸமுட்டி²தா ச²;

ஏதங் தே அக்கா²மி விப⁴ங்க³கோவிதா³தி.

ஆபத்திஸமுட்டா²னகா³தா² நிட்டி²தா ததியா.

4. விபத்திபச்சயவாரோ

284. ஸீலவிபத்திபச்சயா கதி ஆபத்தியோ ஆபஜ்ஜதி? ஸீலவிபத்திபச்சயா சதஸ்ஸோ
ஆபத்தியோ ஆபஜ்ஜதி – பி⁴க்கு²னீ ஜானங் பாராஜிகங் த⁴ம்மங் படிச்சா²தே³தி,
ஆபத்தி பாராஜிகஸ்ஸ; வேமதிகா படிச்சா²தே³தி, ஆபத்தி து²ல்லச்சயஸ்ஸ; பி⁴க்கு²
ஸங்கா⁴தி³ஸேஸங் படிச்சா²தே³தி, ஆபத்தி பாசித்தியஸ்ஸ; அத்தனோ து³ட்டு²ல்லங்
ஆபத்திங் படிச்சா²தே³தி, ஆபத்தி து³க்கடஸ்ஸ – ஸீலவிபத்திபச்சயா இமா சதஸ்ஸோ
ஆபத்தியோ ஆபஜ்ஜதி.

தா ஆபத்தியோ சதுன்னங் விபத்தீனங் கதி விபத்தியோ
ப⁴ஜந்தி…பே॰… ஸத்தன்னங் ஸமதா²னங் கதிஹி ஸமதே²ஹி ஸம்மந்தி? தா ஆபத்தியோ
சதுன்னங் விபத்தீனங் த்³வே விபத்தியோ ப⁴ஜந்தி – ஸியா ஸீலவிபத்திங், ஸியா
ஆசாரவிபத்திங். ஸத்தன்னங் ஆபத்திக்க²ந்தா⁴னங் சதூஹி ஆபத்திக்க²ந்தே⁴ஹி
ஸங்க³ஹிதா – ஸியா பாராஜிகாபத்திக்க²ந்தே⁴ன, ஸியா
து²ல்லச்சயாபத்திக்க²ந்தே⁴ன, ஸியா பாசித்தியாபத்திக்க²ந்தே⁴ன, ஸியா
து³க்கடாபத்திக்க²ந்தே⁴ன. ச²ன்னங் ஆபத்திஸமுட்டா²னானங் ஏகேன ஸமுட்டா²னேன
ஸமுட்ட²ந்தி – காயதோ ச வாசதோ ச சித்ததோ ச ஸமுட்ட²ந்தி. சதுன்னங்
அதி⁴கரணானங், ஆபத்தாதி⁴கரணங். ஸத்தன்னங் ஸமதா²னங் தீஹி ஸமதே²ஹி ஸம்மந்தி –
ஸியா ஸம்முகா²வினயேன ச படிஞ்ஞாதகரணேன ச, ஸியா ஸம்முகா²வினயேன ச
திணவத்தா²ரகேன ச.

285. ஆசாரவிபத்திபச்சயா கதி ஆபத்தியோ ஆபஜ்ஜதி? ஆசாரவிபத்திபச்சயா ஏகங் ஆபத்திங் ஆபஜ்ஜதி. ஆசாரவிபத்திங் படிச்சா²தே³தி, ஆபத்தி து³க்கடஸ்ஸ – ஆசாரவிபத்திபச்சயா இமங் ஏகங் ஆபத்திங் ஆபஜ்ஜதி.

ஸா ஆபத்தி சதுன்னங் விபத்தீனங் கதி விபத்தியோ ப⁴ஜதி
…பே॰… ஸத்தன்னங் ஸமதா²னங் கதிஹி ஸமதே²ஹி ஸம்மதி? ஸா ஆபத்தி சதுன்னங்
விபத்தீனங் ஏகங் விபத்திங் ப⁴ஜதி – ஆசாரவிபத்திங். ஸத்தன்னங்
ஆபத்திக்க²ந்தா⁴னங் ஏகேன ஆபத்திக்க²ந்தே⁴ன ஸங்க³ஹிதா –
து³க்கடாபத்திக்க²ந்தே⁴ன. ச²ன்னங் ஆபத்திஸமுட்டா²னானங் ஏகேன ஸமுட்டா²னேன
ஸமுட்டா²தி – காயதோ ச வாசதோ ச சித்ததோ ச ஸமுட்டா²தி. சதுன்னங் அதி⁴கரணானங்
ஆபத்தாதி⁴கரணங். ஸத்தன்னங் ஸமதா²னங் தீஹி ஸமதே²ஹி ஸம்மதி – ஸியா
ஸம்முகா²வினயேன ச படிஞ்ஞாதகரணேன ச, ஸியா ஸம்முகா²வினயேன ச திணவத்தா²ரகேன ச.

286. தி³ட்டி²விபத்திபச்சயா
கதி ஆபத்தியோ ஆபஜ்ஜதி? தி³ட்டி²விபத்திபச்சயா த்³வே ஆபத்தியோ ஆபஜ்ஜதி.
பாபிகாய தி³ட்டி²யா யாவததியங் ஸமனுபா⁴ஸனாய ந படினிஸ்ஸஜ்ஜதி, ஞத்தியா
து³க்கடங் [ஞத்தியா து³க்கடங், த்³வீஹி கம்மவாசாஹி து³க்கடா (ஸ்யா॰ க॰)]; கம்மவாசாபரியோஸானே ஆபத்தி பாசித்தியஸ்ஸ – தி³ட்டி²விபத்திபச்சயா இமா த்³வே ஆபத்தியோ ஆபஜ்ஜதி.

தா ஆபத்தியோ சதுன்னங்
விபத்தீனங் கதி விபத்தியோ ப⁴ஜந்தி…பே॰… ஸத்தன்னங் ஸமதா²னங் கதிஹி ஸமதே²ஹி
ஸம்மந்தி? தா ஆபத்தியோ சதுன்னங் விபத்தீனங் ஏகங் விபத்திங் ப⁴ஜந்தி –
ஆசாரவிபத்திங். ஸத்தன்னங் ஆபத்திக்க²ந்தா⁴னங் த்³வீஹி ஆபத்திக்க²ந்தே⁴ஹி
ஸங்க³ஹிதா – ஸியா பாசித்தியாபத்திக்க²ந்தே⁴ன ,
ஸியா து³க்கடாபத்திக்க²ந்தே⁴ன. ச²ன்னங் ஆபத்திஸமுட்டா²னானங் ஏகேன
ஸமுட்டா²னேன ஸமுட்ட²ந்தி – காயதோ ச வாசதோ ச சித்ததோ ச ஸமுட்ட²ந்தி.
சதுன்னங் அதி⁴கரணானங், ஆபத்தாதி⁴கரணங். ஸத்தன்னங் ஸமதா²னங் தீஹி ஸமதே²ஹி
ஸம்மந்தி – ஸியா ஸம்முகா²வினயேன ச படிஞ்ஞாதகரணேன ச, ஸியா ஸம்முகா²வினயேன ச
திணவத்தா²ரகேன ச.

287.
ஆஜீவவிபத்திபச்சயா கதி ஆபத்தியோ ஆபஜ்ஜதி? ஆஜீவவிபத்திபச்சயா ச² ஆபத்தியோ
ஆபஜ்ஜதி – ஆஜீவஹேது ஆஜீவகாரணா பாபிச்சோ² இச்சா²பகதோ அஸந்தங் அபூ⁴தங்
உத்தரிமனுஸ்ஸத⁴ம்மங் உல்லபதி, ஆபத்தி பாராஜிகஸ்ஸ; ஆஜீவஹேது ஆஜீவகாரணா
ஸஞ்சரித்தங் ஸமாபஜ்ஜதி, ஆபத்தி ஸங்கா⁴தி³ஸேஸஸ்ஸ; ஆஜீவஹேது ஆஜீவகாரணா ‘‘யோ
தே விஹாரே வஸதி, ஸோ பி⁴க்கு² அரஹா’’தி ப⁴ணதி, படிவிஜானந்தஸ்ஸ ஆபத்தி
து²ல்லச்சயஸ்ஸ; ஆஜீவஹேது ஆஜீவகாரணா பி⁴க்கு² பணீதபோ⁴ஜனானி அத்தனோ அத்தா²ய
விஞ்ஞாபெத்வா பு⁴ஞ்ஜதி, ஆபத்தி பாசித்தியஸ்ஸ; ஆஜீவஹேது ஆஜீவகாரணா
பி⁴க்கு²னீ பணீதபோ⁴ஜனானி அத்தனோ அத்தா²ய விஞ்ஞாபெத்வா பு⁴ஞ்ஜதி, ஆபத்தி
பாடிதே³ஸனீயஸ்ஸ; ஆஜீவஹேது ஆஜீவகாரணா ஸூபங் வா ஓத³னங் வா அகி³லானோ அத்தனோ
அத்தா²ய விஞ்ஞாபெத்வா பு⁴ஞ்ஜதி, ஆபத்தி து³க்கடஸ்ஸ – ஆஜீவவிபத்திபச்சயா இமா
ச² ஆபத்தியோ ஆபஜ்ஜதி.

தா ஆபத்தியோ சதுன்னங் விபத்தீனங் கதி விபத்தியோ
ப⁴ஜந்தி…பே॰… ஸத்தன்னங் ஸமதா²னங் கதிஹி ஸமதே²ஹி ஸம்மந்தி. தா ஆபத்தியோ
சதுன்னங் விபத்தீனங் த்³வே விபத்தியோ
ப⁴ஜந்தி – ஸியா ஸீலவிபத்திங், ஸியா ஆசாரவிபத்திங். ஸத்தன்னங்
ஆபத்திக்க²ந்தா⁴னங் ச²ஹி ஆபத்திக்க²ந்தே⁴ஹி ஸங்க³ஹிதா – ஸியா
பாராஜிகாபத்திக்க²ந்தே⁴ன, ஸியா ஸங்கா⁴தி³ஸேஸாபத்திக்க²ந்தே⁴ன, ஸியா
து²ல்லச்சயாபத்திக்க²ந்தே⁴ன, ஸியா பாசித்தியாபத்திக்க²ந்தே⁴ன, ஸியா
பாடிதே³ஸனீயாபத்திக்க²ந்தே⁴ன, ஸியா து³க்கடாபத்திக்க²ந்தே⁴ன. ச²ன்னங்
ஆபத்திஸமுட்டா²னானங் ச²ஹி ஸமுட்டா²னேஹி ஸமுட்ட²ந்தி – ஸியா காயதோ
ஸமுட்ட²ந்தி, ந வாசதோ ந சித்ததோ; ஸியா வாசதோ ஸமுட்ட²ந்தி, ந காயதோ ந
சித்ததோ; ஸியா காயதோ ச வாசதோ ச ஸமுட்ட²ந்தி, ந சித்ததோ; ஸியா காயதோ ச
சித்ததோ ச ஸமுட்ட²ந்தி, ந வாசதோ; ஸியா வாசதோ ச சித்ததோ ச ஸமுட்ட²ந்தி, ந
காயதோ; ஸியா காயதோ ச வாசதோ ச சித்ததோ ச ஸமுட்ட²ந்தி. சதுன்னங் அதி⁴கரணானங்,
ஆபத்தாதி⁴கரணங். ஸத்தன்னங் ஸமதா²னங் தீஹி ஸமதே²ஹி ஸம்மந்தி – ஸியா ஸம்முகா²வினயேன ச படிஞ்ஞாதகரணேன ச, ஸியா ஸம்முகா²வினயேன ச திணவத்தா²ரகேன ச.

விபத்திபச்சயவாரோ நிட்டி²தோ சதுத்தோ².

5. அதி⁴கரணபச்சயவாரோ

288.
விவாதா³தி⁴கரணபச்சயா கதி ஆபத்தியோ ஆபஜ்ஜதி? விவாதா³தி⁴கரணபச்சயா த்³வே
ஆபத்தியோ ஆபஜ்ஜதி – உபஸம்பன்னங் ஓமஸதி, ஆபத்தி பாசித்தியஸ்ஸ; அனுபஸம்பன்னங்
ஓமஸதி, ஆபத்தி து³க்கடஸ்ஸ – விவாதா³தி⁴கரணபச்சயா இமா த்³வே ஆபத்தியோ
ஆபஜ்ஜதி.

தா ஆபத்தியோ சதுன்னங்
விபத்தீனங் கதி விபத்தியோ ப⁴ஜந்தி…பே॰… ஸத்தன்னங் ஸமதா²னங் கதிஹி ஸமதே²ஹி
ஸம்மந்தி? தா ஆபத்தியோ சதுன்னங் விபத்தீனங் ஏகங் விபத்திங் ப⁴ஜந்தி –
ஆசாரவிபத்திங். ஸத்தன்னங் ஆபத்திக்க²ந்தா⁴னங் த்³வீஹி ஆபத்திக்க²ந்தே⁴ஹி
ஸங்க³ஹிதா – ஸியா பாசித்தியாபத்திக்க²ந்தே⁴ன, ஸியா
து³க்கடாபத்திக்க²ந்தே⁴ன. ச²ன்னங் ஆபத்திஸமுட்டா²னானங் தீஹி ஸமுட்டா²னேஹி
ஸமுட்ட²ந்தி – ஸியா காயதோ ச சித்ததோ ச ஸமுட்ட²ந்தி, ந வாசதோ; ஸியா வாசதோ ச சித்ததோ ச ஸமுட்ட²ந்தி, ந காயதோ; ஸியா காயதோ ச வாசதோ ச சித்ததோ
ச ஸமுட்ட²ந்தி. சதுன்னங் அதி⁴கரணானங், ஆபத்தாதி⁴கரணங். ஸத்தன்னங் ஸமதா²னங்
தீஹி ஸமதே²ஹி ஸம்மந்தி – ஸியா ஸம்முகா²வினயேன ச படிஞ்ஞாதகரணேன ச, ஸியா
ஸம்முகா²வினயேன ச திணவத்தா²ரகேன ச.

289.
அனுவாதா³தி⁴கரணபச்சயா கதி ஆபத்தியோ ஆபஜ்ஜதி? அனுவாதா³தி⁴கரணபச்சயா திஸ்ஸோ
ஆபத்தியோ ஆபஜ்ஜதி. பி⁴க்கு²ங் அமூலகேன பாராஜிகேன த⁴ம்மேன அனுத்³த⁴ங்ஸேதி,
ஆபத்தி ஸங்கா⁴தி³ஸேஸஸ்ஸ; அமூலகேன ஸங்கா⁴தி³ஸேஸேன அனுத்³த⁴ங்ஸேதி, ஆபத்தி
பாசித்தியஸ்ஸ; அமூலிகாய ஆசாரவிபத்தியா அனுத்³த⁴ங்ஸேதி, ஆபத்தி து³க்கடஸ்ஸ –
அனுவாதா³தி⁴கரணபச்சயா இமா திஸ்ஸோ ஆபத்தியோ ஆபஜ்ஜதி.

தா ஆபத்தியோ சதுன்னங் விபத்தீனங் கதி விபத்தியோ
ப⁴ஜந்தி…பே॰… ஸத்தன்னங் ஸமதா²னங் கதிஹி ஸமதே²ஹி ஸம்மந்தி? தா ஆபத்தியோ
சதுன்னங் விபத்தீனங் த்³வே விபத்தியோ ப⁴ஜந்தி – ஸியா ஸீலவிபத்திங், ஸியா
ஆசாரவிபத்திங். ஸத்தன்னங் ஆபத்திக்க²ந்தா⁴னங் தீஹி ஆபத்திக்க²ந்தே⁴ஹி
ஸங்க³ஹிதா – ஸியா ஸங்கா⁴தி³ஸேஸாபத்திக்க²ந்தே⁴ன, ஸியா
பாசித்தியாபத்திக்க²ந்தே⁴ன, ஸியா து³க்கடாபத்திக்க²ந்தே⁴ன .
ச²ன்னங் ஆபத்திஸமுட்டா²னானங் தீஹி ஸமுட்டா²னேஹி ஸமுட்ட²ந்தி – ஸியா காயதோ ச
சித்ததோ ச ஸமுட்ட²ந்தி, ந வாசதோ; ஸியா வாசதோ ச சித்ததோ ச ஸமுட்ட²ந்தி, ந
காயதோ; ஸியா காயதோ ச வாசதோ ச சித்ததோ ச ஸமுட்ட²ந்தி. சதுன்னங் அதி⁴கரணானங்,
ஆபத்தாதி⁴கரணங். ஸத்தன்னங் ஸமதா²னங் தீஹி ஸமதே²ஹி ஸம்மந்தி – ஸியா
ஸம்முகா²வினயேன ச படிஞ்ஞாதகரணேன ச, ஸியா ஸம்முகா²வினயேன ச திணவத்தா²ரகேன ச.

290.
ஆபத்தாதி⁴கரணபச்சயா கதி ஆபத்தியோ ஆபஜ்ஜதி? ஆபத்தாதி⁴கரணபச்சயா சதஸ்ஸோ
ஆபத்தியோ ஆபஜ்ஜதி. பி⁴க்கு²னீ ஜானங் பாராஜிகங் த⁴ம்மங் படிச்சா²தே³தி,
ஆபத்தி பாராஜிகஸ்ஸ; வேமதிகா படிச்சா²தே³தி, ஆபத்தி து²ல்லச்சயஸ்ஸ; பி⁴க்கு²
ஸங்கா⁴தி³ஸேஸங் படிச்சா²தே³தி; ஆபத்தி பாசித்தியஸ்ஸ; ஆசாரவிபத்திங்
படிச்சா²தே³தி, ஆபத்தி து³க்கடஸ்ஸ – ஆபத்தாதி⁴கரணபச்சயா இமா சதஸ்ஸோ
ஆபத்தியோ ஆபஜ்ஜதி.

தா ஆபத்தியோ சதுன்னங் விபத்தீனங் கதி விபத்தியோ
ப⁴ஜந்தி…பே॰… ஸத்தன்னங் ஸமதா²னங் கதிஹி ஸமதே²ஹி ஸம்மந்தி? தா ஆபத்தியோ
சதுன்னங் விபத்தீனங் த்³வே விபத்தியோ ப⁴ஜந்தி – ஸியா ஸீலவிபத்திங், ஸியா
ஆசாரவிபத்திங். ஸத்தன்னங் ஆபத்திக்க²ந்தா⁴னங் சதூஹி
ஆபத்திக்க²ந்தே⁴ஹி ஸங்க³ஹிதா – ஸியா பாராஜிகாபத்திக்க²ந்தே⁴ன, ஸியா
து²ல்லச்சயாபத்திக்க²ந்தே⁴ன, ஸியா பாசித்தியாபத்திக்க²ந்தே⁴ன, ஸியா
து³க்கடாபத்திக்க²ந்தே⁴ன. ச²ன்னங் ஆபத்திஸமுட்டா²னானங் ஏகேன ஸமுட்டா²னேன
ஸமுட்ட²ந்தி – காயதோ ச வாசதோ ச சித்ததோ ச ஸமுட்ட²ந்தி. சதுன்னங்
அதி⁴கரணானங், ஆபத்தாதி⁴கரணங். ஸத்தன்னங் ஸமதா²னங் தீஹி ஸமதே²ஹி ஸம்மந்தி –
ஸியா ஸம்முகா²வினயேன ச படிஞ்ஞாதகரணேன ச, ஸியா ஸம்முகா²வினயேன ச
திணவத்தா²ரகேன ச.

291.
கிச்சாதி⁴கரணபச்சயா கதி ஆபத்தியோ ஆபஜ்ஜதி? கிச்சாதி⁴கரணபச்சயா பஞ்ச
ஆபத்தியோ ஆபஜ்ஜதி. உக்கி²த்தானுவத்திகா பி⁴க்கு²னீ யாவததியங் ஸமனுபா⁴ஸனாய ந
படினிஸ்ஸஜ்ஜதி, ஞத்தியா து³க்கடங்; த்³வீஹி கம்மவாசாஹி து²ல்லச்சயா;
கம்மவாசாபரியோஸானே ஆபத்தி பாராஜிகஸ்ஸ. பே⁴த³கானுவத்தகா பி⁴க்கூ² யாவததியங்
ஸமனுபா⁴ஸனாய ந படினிஸ்ஸஜ்ஜந்தி, ஆபத்தி ஸங்கா⁴தி³ஸேஸஸ்ஸ; பாபிகாய
தி³ட்டி²யா யாவததியங் ஸமனுபா⁴ஸனாய ந படினிஸ்ஸஜ்ஜதி, ஆபத்தி பாசித்தியஸ்ஸ – கிச்சாதி⁴கரணபச்சயா இமா பஞ்ச ஆபத்தியோ ஆபஜ்ஜதி.

தா ஆபத்தியோ சதுன்னங் விபத்தீனங் கதி விபத்தியோ ப⁴ஜந்தி…பே॰… ஸத்தன்னங் ஸமதா²னங் கதிஹி
ஸமதே²ஹி ஸம்மந்தி? தா ஆபத்தியோ சதுன்னங் விபத்தீனங் த்³வே விபத்தியோ
ப⁴ஜந்தி – ஸியா ஸீலவிபத்திங், ஸியா ஆசாரவிபத்திங். ஸத்தன்னங்
ஆபத்திக்க²ந்தா⁴னங் பஞ்சஹி ஆபத்திக்க²ந்தே⁴ஹி ஸங்க³ஹிதா – ஸியா
பாராஜிகாபத்திக்க²ந்தே⁴ன, ஸியா ஸங்கா⁴தி³ஸேஸாபத்திக்க²ந்தே⁴ன, ஸியா
து²ல்லச்சயாபத்திக்க²ந்தே⁴ன, ஸியா பாசித்தியாபத்திக்க²ந்தே⁴ன, ஸியா
து³க்கடாபத்திக்க²ந்தே⁴ன. ச²ன்னங் ஆபத்திஸமுட்டா²னானங் ஏகேன ஸமுட்டா²னேன
ஸமுட்ட²ந்தி – காயதோ ச வாசதோ ச சித்ததோ ச ஸமுட்ட²ந்தி .
சதுன்னங் அதி⁴கரணானங், ஆபத்தாதி⁴கரணங். ஸத்தன்னங் ஸமதா²னங் தீஹி ஸமதே²ஹி
ஸம்மந்தி – ஸியா ஸம்முகா²வினயேன ச படிஞ்ஞாதகரணேன ச, ஸியா ஸம்முகா²வினயேன ச
திணவத்தா²ரகேன ச.

ட²பெத்வா ஸத்த ஆபத்தியோ ஸத்த ஆபத்திக்க²ந்தே⁴, அவஸேஸா
ஆபத்தியோ சதுன்னங் விபத்தீனங் கதி விபத்தியோ ப⁴ஜந்தி? ஸத்தன்னங்
ஆபத்திக்க²ந்தா⁴னங் கதிஹி ஆபத்திக்க²ந்தே⁴ஹி ஸங்க³ஹிதா? ச²ன்னங்
ஆபத்திஸமுட்டா²னானங் கதிஹி ஸமுட்டா²னேஹி ஸமுட்ட²ந்தி? சதுன்னங் அதி⁴கரணானங்
கதமங் அதி⁴கரணங்? ஸத்தன்னங் ஸமதா²னங் கதிஹி ஸமதே²ஹி ஸம்மந்தி? ட²பெத்வா
ஸத்த ஆபத்தியோ ஸத்த ஆபத்திக்க²ந்தே⁴ அவஸேஸா
ஆபத்தியோ சதுன்னங் விபத்தீனங் ந கதமங் விபத்திங் ப⁴ஜந்தி? ஸத்தன்னங்
ஆபத்திக்க²ந்தா⁴னங் ந கதமேன ஆபத்திக்க²ந்தே⁴ன ஸங்க³ஹிதா. ச²ன்னங்
ஆபத்திஸமுட்டா²னானங் ந கதமேன ஆபத்திஸமுட்டா²னேன ஸமுட்ட²ந்தி. சதுன்னங்
அதி⁴கரணானங் ந கதமங் அதி⁴கரணங். ஸத்தன்னங் ஸமதா²னங் ந கதமேன ஸமதே²ன
ஸம்மந்தி. தங் கிஸ்ஸ ஹேது? ட²பெத்வா ஸத்த ஆபத்தியோ ஸத்த ஆபத்திக்க²ந்தே⁴,
நத்த²ஞ்ஞா ஆபத்தியோதி.

அதி⁴கரணபச்சயவாரோ நிட்டி²தோ பஞ்சமோ.

அந்தரபெய்யாலங் [அனந்தரபெய்யாலங் (ஸீ॰ ஸ்யா॰)] நிட்டி²தங்.

தஸ்ஸுத்³தா³னங் –

கதிபுச்சா² ஸமுட்டா²னா, கதாபத்தி ததே²வ ச;

ஸமுட்டா²னா விபத்தி ச, ததா²தி⁴கரணேன சாதி.

ஸமத²பே⁴தோ³

6. அதி⁴கரணபரியாயவாரோ

292. விவாதா³தி⁴கரணஸ்ஸ
– கிங் புப்³ப³ங்க³மங்? கதி டா²னானி? கதி வத்தூ²னி? கதி பூ⁴மியோ? கதி
ஹேதூ? கதி மூலானி? கதிஹாகாரேஹி விவத³தி? விவாதா³தி⁴கரணங் கதிஹி ஸமதே²ஹி
ஸம்மதி?

அனுவாதா³தி⁴கரணஸ்ஸ – கிங் புப்³ப³ங்க³மங்? கதி
டா²னானி? கதி வத்தூ²னி? கதி பூ⁴மியோ? கதி ஹேதூ? கதி மூலானி? கதிஹாகாரேஹி
அனுவத³தி? அனுவாதா³தி⁴கரணங் கதிஹி ஸமதே²ஹி ஸம்மதி?

ஆபத்தாதி⁴கரணஸ்ஸ – கிங் புப்³ப³ங்க³மங்? கதி டா²னானி?
கதி வத்தூ²னி? கதி பூ⁴மியோ? கதி ஹேதூ? கதி மூலானி? கதிஹாகாரேஹி ஆபத்திங்
ஆபஜ்ஜதி? ஆபத்தாதி⁴கரணங் கதிஹி ஸமதே²ஹி ஸம்மதி?

கிச்சாதி⁴கரணஸ்ஸ – கிங் புப்³ப³ங்க³மங்? கதி டா²னானி?
கதி வத்தூ²னி? கதி பூ⁴மியோ? கதி ஹேதூ? கதி மூலானி? கதிஹாகாரேஹி கிச்சங்
ஜாயதி? கிச்சாதி⁴கரணங் கதிஹி ஸமதே²ஹி ஸம்மதி?

293. விவாதா³தி⁴கரணஸ்ஸ
கிங் புப்³ப³ங்க³மந்தி? லோபோ⁴ புப்³ப³ங்க³மோ, தோ³ஸோ புப்³ப³ங்க³மோ, மோஹோ
புப்³ப³ங்க³மோ, அலோபோ⁴ புப்³ப³ங்க³மோ, அதோ³ஸோ புப்³ப³ங்க³மோ, அமோஹோ
புப்³ப³ங்க³மோ. கதி டா²னானீதி? அட்டா²ரஸ பே⁴த³கரவத்தூ²னி டா²னானி. கதி
வத்தூ²னீதி? அட்டா²ரஸ பே⁴த³கரவத்தூ²னி. கதி பூ⁴மியோதி? அட்டா²ரஸ
பே⁴த³கரவத்தூ²னி பூ⁴மியோ. கதி ஹேதூதி? நவ ஹேதூ – தயோ குஸலஹேதூ ,
தயோ அகுஸலஹேதூ, தயோ அப்³யாகதஹேதூ. கதி மூலானீதி? த்³வாத³ஸ மூலானி.
கதிஹாகாரேஹி விவத³தீதி? த்³வீஹாகாரேஹி விவத³தி – த⁴ம்மதி³ட்டி² வா
அத⁴ம்மதி³ட்டி² வா. [சூளவ॰ 228] விவாதா³தி⁴கரணங் கதிஹி ஸமதே²ஹி ஸம்மதீதி? விவாதா³தி⁴கரணங் த்³வீஹி ஸமதே²ஹி ஸம்மதி – ஸம்முகா²வினயேன ச யேபு⁴ய்யஸிகாய ச.

294.
அனுவாதா³தி⁴கரணஸ்ஸ கிங் புப்³ப³ங்க³மந்தி? லோபோ⁴ புப்³ப³ங்க³மோ, தோ³ஸோ
புப்³ப³ங்க³மோ, மோஹோ புப்³ப³ங்க³மோ, அலோபோ⁴ புப்³ப³ங்க³மோ, அதோ³ஸோ
புப்³ப³ங்க³மோ, அமோஹோ புப்³ப³ங்க³மோ. கதி டா²னானீதி? சதஸ்ஸோ விபத்தியோ
டா²னானி. கதி வத்தூ²னீதி? சதஸ்ஸோ விபத்தியோ வத்தூ²னி. கதி பூ⁴மியோதி?
சதஸ்ஸோ விபத்தியோ பூ⁴மியோ. கதி ஹேதூதி? நவ ஹேதூ – தயோ குஸலஹேதூ, தயோ
அகுஸலஹேதூ, தயோ அப்³யாகதஹேதூ. கதி மூலானீதி? சுத்³த³ஸ மூலானி. கதிஹாகாரேஹி
அனுவத³தீதி? த்³வீஹாகாரேஹி அனுவத³தி – வத்து²தோ வா ஆபத்திதோ வா. [சூளவ॰ 236]
அனுவாதா³தி⁴கரணங் கதிஹி ஸமதே²ஹி ஸம்மதீதி? அனுவாதா³தி⁴கரணங் சதூஹி ஸமதே²ஹி
ஸம்மதி – ஸம்முகா²வினயேன ச ஸதிவினயேன ச அமூள்ஹவினயேன ச தஸ்ஸபாபியஸிகாய ச.

295.
ஆபத்தாதி⁴கரணஸ்ஸ கிங் புப்³ப³ங்க³மந்தி? லோபோ⁴ புப்³ப³ங்க³மோ, தோ³ஸோ
புப்³ப³ங்க³மோ, மோஹோ புப்³ப³ங்க³மோ, அலோபோ⁴ புப்³ப³ங்க³மோ, அதோ³ஸோ
புப்³ப³ங்க³மோ, அமோஹோ புப்³ப³ங்க³மோ. கதி டா²னானீதி? ஸத்த ஆபத்திக்க²ந்தா⁴
டா²னானி. கதி வத்தூ²னீதி? ஸத்த ஆபத்திக்க²ந்தா⁴ வத்தூ²னி. கதி பூ⁴மியோதி?
ஸத்த ஆபத்திக்க²ந்தா⁴ பூ⁴மியோ. கதி ஹேதூதி? ச² ஹேதூ [கதி ஹேதூதி நவ ஹேதூ, தயோ குஸலஹேதூ (ஸீ॰ ஸ்யா॰)] – தயோ அகுஸலஹேதூ, தயோ அப்³யாகதஹேதூ. கதி மூலானீதி? ச² ஆபத்திஸமுட்டா²னானி மூலானி .
கதிஹாகாரேஹி ஆபத்திங் ஆபஜ்ஜதீதி? ச²ஹாகாரேஹி ஆபத்திங் ஆபஜ்ஜதி – அலஜ்ஜிதா,
அஞ்ஞாணதா, குக்குச்சபகததா, அகப்பியே கப்பியஸஞ்ஞிதா, கப்பியே
அகப்பியஸஞ்ஞிதா, ஸதிஸம்மோஸா. [சூளவ॰ 239]
ஆபத்தாதி⁴கரணங் கதிஹி ஸமதே²ஹி ஸம்மதீதி? ஆபத்தாதி⁴கரணங் தீஹி ஸமதே²ஹி
ஸம்மதி – ஸம்முகா²வினயேன ச படிஞ்ஞாதகரணேன ச, ஸம்முகா²வினயேன ச
திணவத்தா²ரகேன ச.

296.
கிச்சாதி⁴கரணஸ்ஸ கிங் புப்³ப³ங்க³மந்தி? லோபோ⁴ புப்³ப³ங்க³மோ, தோ³ஸோ
புப்³ப³ங்க³மோ, மோஹோ புப்³ப³ங்க³மோ, அலோபோ⁴ புப்³ப³ங்க³மோ, அதோ³ஸோ
புப்³ப³ங்க³மோ, அமோஹோ புப்³ப³ங்க³மோ. கதி டா²னானீதி? சத்தாரி கம்மானி
டா²னானி. கதி வத்தூ²னீதி? சத்தாரி கம்மானி வத்தூ²னி. கதி பூ⁴மியோதி?
சத்தாரி கம்மானி பூ⁴மியோ. கதி ஹேதூதி? நவ ஹேதூ – தயோ குஸலஹேதூ, தயோ
அகுஸலஹேதூ, தயோ அப்³யாகதஹேதூ. கதி மூலானீதி? ஏகங் மூலங் – ஸங்கோ⁴.
கதிஹாகாரேஹி கிச்சங் ஜாயதீதி ? த்³வீஹாகாரேஹி கிச்சங் ஜாயதி – ஞத்திதோ வா அபலோகனதோ வா. [சூளவ॰ 242] கிச்சாதி⁴கரணங் கதிஹி ஸமதே²ஹி ஸம்மதீதி? கிச்சாதி⁴கரணங் ஏகேன ஸமதே²ன ஸம்மதி – ஸம்முகா²வினயேன.

கதி ஸமதா²? ஸத்த ஸமதா².
ஸம்முகா²வினயோ, ஸதிவினயோ, அமூள்ஹவினயோ, படிஞ்ஞாதகரணங், யேபு⁴ய்யஸிகா,
தஸ்ஸபாபியஸிகா, திணவத்தா²ரகோ – இமே ஸத்த ஸமதா².

ஸியா இமே ஸத்த ஸமதா² த³ஸ ஸமதா² ஹொந்தி, த³ஸ ஸமதா² ஸத்த ஸமதா² ஹொந்தி வத்து²வஸேன பரியாயேன ஸியாதி.

கத²ஞ்ச ஸியா? விவாதா³தி⁴கரணஸ்ஸ த்³வே ஸமதா² ,
அனுவாதா³தி⁴கரணஸ்ஸ சத்தாரோ ஸமதா², ஆபத்தாதி⁴கரணஸ்ஸ தயோ ஸமதா²,
கிச்சாதி⁴கரணஸ்ஸ ஏகோ ஸமதோ². ஏவங் இமே ஸத்த ஸமதா² த³ஸ ஸமதா² ஹொந்தி, த³ஸ
ஸமதா² ஸத்த ஸமதா² ஹொந்தி வத்து²வஸேன பரியாயேன.

பரியாயவாரோ நிட்டி²தோ ச²ட்டோ².

7. ஸாதா⁴ரணவாரோ

297.
கதி ஸமதா² விவாதா³தி⁴கரணஸ்ஸ ஸாதா⁴ரணா? கதி ஸமதா² விவாதா³தி⁴கரணஸ்ஸ
அஸாதா⁴ரணா? கதி ஸமதா² அனுவாதா³தி⁴கரணஸ்ஸ ஸாதா⁴ரணா? கதி ஸமதா²
அனுவாதா³தி⁴கரணஸ்ஸ அஸாதா⁴ரணா? கதி ஸமதா² ஆபத்தாதி⁴கரணஸ்ஸ ஸாதா⁴ரணா? கதி
ஸமதா² ஆபத்தாதி⁴கரணஸ்ஸ அஸாதா⁴ரணா? கதி ஸமதா² கிச்சாதி⁴கரணஸ்ஸ ஸாதா⁴ரணா? கதி
ஸமதா² கிச்சாதி⁴கரணஸ்ஸ அஸாதா⁴ரணா?

த்³வே ஸமதா² விவாதா³தி⁴கரணஸ்ஸ ஸாதா⁴ரணா –
ஸம்முகா²வினயோ, யேபு⁴ய்யஸிகா. பஞ்ச ஸமதா² விவாதா³தி⁴கரணஸ்ஸ அஸாதா⁴ரணா –
ஸதிவினயோ, அமூள்ஹவினயோ, படிஞ்ஞாதகரணங், தஸ்ஸபாபியஸிகா, திணவத்தா²ரகோ.

சத்தாரோ ஸமதா² அனுவாதா³தி⁴கரணஸ்ஸ ஸாதா⁴ரணா –
ஸம்முகா²வினயோ; ஸதிவினயோ, அமூள்ஹவினயோ, தஸ்ஸபாபியஸிகா. தயோ ஸமதா²
அனுவாதா³தி⁴கரணஸ்ஸ அஸாதா⁴ரணா – யேபு⁴ய்யஸிகா, படிஞ்ஞாதகரணங், திணவத்தா²ரகோ.

தயோ
ஸமதா² ஆபத்தாதி⁴கரணஸ்ஸ ஸாதா⁴ரணா – ஸம்முகா²வினயோ, படிஞ்ஞாதகரணங்,
திணவத்தா²ரகோ. சத்தாரோ ஸமதா² ஆபத்தாதி⁴கரணஸ்ஸ அஸாதா⁴ரணா – யேபு⁴ய்யஸிகா,
ஸதிவினயோ, அமூள்ஹவினயோ, தஸ்ஸபாபியஸிகா .

ஏகோ ஸமதோ² கிச்சாதி⁴கரணஸ்ஸ ஸாதா⁴ரணோ – ஸம்முகா²வினயோ.
ச² ஸமதா² கிச்சாதி⁴கரணஸ்ஸ அஸாதா⁴ரணா – யேபு⁴ய்யஸிகா, ஸதிவினயோ,
அமூள்ஹவினயோ, படிஞ்ஞாதகரணங், தஸ்ஸபாபியஸிகா, திணவத்தா²ரகோ.

ஸாதா⁴ரணவாரோ நிட்டி²தோ ஸத்தமோ.

8. தப்³பா⁴கி³யவாரோ

298.
கதி ஸமதா² விவாதா³தி⁴கரணஸ்ஸ தப்³பா⁴கி³யா? கதி ஸமதா² விவாதா³தி⁴கரணஸ்ஸ
அஞ்ஞபா⁴கி³யா? கதி ஸமதா² அனுவாதா³தி⁴கரணஸ்ஸ தப்³பா⁴கி³யா? கதி ஸமதா²
அனுவாதா³தி⁴கரணஸ்ஸ அஞ்ஞபா⁴கி³யா? கதி ஸமதா² ஆபத்தாதி⁴கரணஸ்ஸ தப்³பா⁴கி³யா?
கதி ஸமதா² ஆபத்தாதி⁴கரணஸ்ஸ அஞ்ஞபா⁴கி³யா? கதி ஸமதா² கிச்சாதி⁴கரணஸ்ஸ
தப்³பா⁴கி³யா? கதி ஸமதா² கிச்சாதி⁴கரணஸ்ஸ அஞ்ஞபா⁴கி³யா?

த்³வே ஸமதா² விவாதா³தி⁴கரணஸ்ஸ
தப்³பா⁴கி³யா – ஸம்முகா²வினயோ, யேபு⁴ய்யஸிகா. பஞ்ச ஸமதா² விவாதா³தி⁴கரணஸ்ஸ
அஞ்ஞபா⁴கி³யா – ஸதிவினயோ, அமூள்ஹவினயோ, படிஞ்ஞாதகரணங், தஸ்ஸபாபியஸிகா,
திணவத்தா²ரகோ.

சத்தாரோ ஸமதா² அனுவாதா³தி⁴கரணஸ்ஸ தப்³பா⁴கி³யா –
ஸம்முகா²வினயோ, ஸதிவினயோ, அமூள்ஹவினயோ, தஸ்ஸபாபியஸிகா. தயோ ஸமதா²
அனுவாதா³தி⁴கரணஸ்ஸ அஞ்ஞபா⁴கி³யா – யேபு⁴ய்யஸிகா, படிஞ்ஞாதகரணங்,
திணவத்தா²ரகோ.

தயோ ஸமதா² ஆபத்தாதி⁴கரணஸ்ஸ தப்³பா⁴கி³யா –
ஸம்முகா²வினயோ, படிஞ்ஞாதகரணங், திணவத்தா²ரகோ. சத்தாரோ ஸமதா²
ஆபத்தாதி⁴கரணஸ்ஸ அஞ்ஞபா⁴கி³யா – யேபு⁴ய்யஸிகா, ஸதிவினயோ, அமூள்ஹவினயோ,
தஸ்ஸபாபியஸிகா.

ஏகோ
ஸமதோ² கிச்சாதி⁴கரணஸ்ஸ தப்³பா⁴கி³யோ – ஸம்முகா²வினயோ. ச² ஸமதா²
கிச்சாதி⁴கரணஸ்ஸ அஞ்ஞபா⁴கி³யா – யேபு⁴ய்யஸிகா, ஸதிவினயோ, அமூள்ஹவினயோ,
படிஞ்ஞாதகரணங், தஸ்ஸபாபியஸிகா, திணவத்தா²ரகோ.

தப்³பா⁴கி³யவாரோ நிட்டி²தோ அட்ட²மோ.

9. ஸமதா² ஸமத²ஸ்ஸ ஸாதா⁴ரணவாரோ

299. ஸமதா² ஸமத²ஸ்ஸ ஸாதா⁴ரணா, ஸமதா² ஸமத²ஸ்ஸ அஸாதா⁴ரணா. ஸியா ஸமதா² ஸமத²ஸ்ஸ ஸாதா⁴ரணா, ஸியா ஸமதா² ஸமத²ஸ்ஸ அஸாதா⁴ரணா.

கத²ங் ஸியா ஸமதா² ஸமத²ஸ்ஸ ஸாதா⁴ரணா? கத²ங் ஸியா ஸமதா²
ஸமத²ஸ்ஸ அஸாதா⁴ரணா? யேபு⁴ய்யஸிகா ஸம்முகா²வினயஸ்ஸ ஸாதா⁴ரணா, ஸதிவினயஸ்ஸ
அமூள்ஹவினயஸ்ஸ படிஞ்ஞாதகரணஸ்ஸ தஸ்ஸபாபியஸிகாய திணவத்தா²ரகஸ்ஸ அஸாதா⁴ரணா.

ஸதிவினயோ ஸம்முகா²வினயஸ்ஸ ஸாதா⁴ரணோ, அமூள்ஹவினயஸ்ஸ படிஞ்ஞாதகரணஸ்ஸ தஸ்ஸபாபியஸிகாய திணவத்தா²ரகஸ்ஸ யேபு⁴ய்யஸிகாய அஸாதா⁴ரணோ.

அமூள்ஹவினயோ ஸம்முகா²வினயஸ்ஸ ஸாதா⁴ரணோ, படிஞ்ஞாதகரணஸ்ஸ தஸ்ஸபாபியஸிகாய திணவத்தா²ரகஸ்ஸ யேபு⁴ய்யஸிகாய ஸதிவினயஸ்ஸ அஸாதா⁴ரணோ.

படிஞ்ஞாதகரணங் ஸம்முகா²வினயஸ்ஸ ஸாதா⁴ரணங், தஸ்ஸபாபியஸிகாய திணவத்தா²ரகஸ்ஸ யேபு⁴ய்யஸிகாய ஸதிவினயஸ்ஸ அமூள்ஹவினயஸ்ஸ அஸாதா⁴ரணங்.

தஸ்ஸபாபியஸிகா ஸம்முகா²வினயஸ்ஸ ஸாதா⁴ரணா, திணவத்தா²ரகஸ்ஸ யேபு⁴ய்யஸிகாய ஸதிவினயஸ்ஸ அமூள்ஹவினயஸ்ஸ படிஞ்ஞாதகரணஸ்ஸ அஸாதா⁴ரணா.

திணவத்தா²ரகோ ஸம்முகா²வினயஸ்ஸ ஸாதா⁴ரணோ, யேபு⁴ய்யஸிகாய ஸதிவினயஸ்ஸ அமூள்ஹவினயஸ்ஸ படிஞ்ஞாதகரணஸ்ஸ தஸ்ஸபாபியஸிகாய அஸாதா⁴ரணோ . ஏவங் ஸியா ஸமதா² ஸமத²ஸ்ஸ ஸாதா⁴ரணா; ஏவங் ஸியா ஸமதா² ஸமத²ஸ்ஸ அஸாதா⁴ரணா.

ஸமதா² ஸமத²ஸ்ஸ ஸாதா⁴ரணவாரோ நிட்டி²தோ நவமோ.

10. ஸமதா² ஸமத²ஸ்ஸ தப்³பா⁴கி³யவாரோ

300. ஸமதா² ஸமத²ஸ்ஸ தப்³பா⁴கி³யா, ஸமதா² ஸமத²ஸ்ஸ அஞ்ஞபா⁴கி³யா. ஸியா ஸமதா² ஸமத²ஸ்ஸ தப்³பா⁴கி³யா, ஸியா ஸமதா² ஸமத²ஸ்ஸ அஞ்ஞபா⁴கி³யா.

கத²ங் ஸியா ஸமதா² ஸமத²ஸ்ஸ தப்³பா⁴கி³யா? கத²ங் ஸியா
ஸமதா² ஸமத²ஸ்ஸ அஞ்ஞபா⁴கி³யா? யேபு⁴ய்யஸிகா ஸம்முகா²வினயஸ்ஸ தப்³பா⁴கி³யா,
ஸதிவினயஸ்ஸ அமூள்ஹவினயஸ்ஸ படிஞ்ஞாதகரணஸ்ஸ தஸ்ஸபாபியஸிகாய திணவத்தா²ரகஸ்ஸ
அஞ்ஞபா⁴கி³யா.

ஸதிவினயோ ஸம்முகா²வினயஸ்ஸ தப்³பா⁴கி³யோ, அமூள்ஹவினயஸ்ஸ படிஞ்ஞாதகரணஸ்ஸ தஸ்ஸபாபியஸிகாய திணவத்தா²ரகஸ்ஸ யேபு⁴ய்யஸிகாய அஞ்ஞபா⁴கி³யோ.

அமூள்ஹவினயோ ஸம்முகா²வினயஸ்ஸ தப்³பா⁴கி³யோ, படிஞ்ஞாதகரணஸ்ஸ தஸ்ஸபாபியஸிகாய திணவத்தா²ரகஸ்ஸ யேபு⁴ய்யஸிகாய ஸதிவினயஸ்ஸ அஞ்ஞபா⁴கி³யோ.

படிஞ்ஞாதகரணங் ஸம்முகா²வினயஸ்ஸ தப்³பா⁴கி³யங், தஸ்ஸபாபியஸிகாய திணவத்தா²ரகஸ்ஸ யேபு⁴ய்யஸிகாய ஸதிவினயஸ்ஸ அமூள்ஹவினயஸ்ஸ அஞ்ஞபா⁴கி³யங்.

தஸ்ஸபாபியஸிகா ஸம்முகா²வினயஸ்ஸ தப்³பா⁴கி³யா, திணவத்தா²ரகஸ்ஸ யேபு⁴ய்யஸிகாய ஸதிவினயஸ்ஸ அமூள்ஹவினயஸ்ஸ படிஞ்ஞாதகரணஸ்ஸ அஞ்ஞபா⁴கி³யா.

திணவத்தா²ரகோ ஸம்முகா²வினயஸ்ஸ தப்³பா⁴கி³யோ,
யேபு⁴ய்யஸிகாய ஸதிவினயஸ்ஸ அமூள்ஹவினயஸ்ஸ படிஞ்ஞாதகரணஸ்ஸ தஸ்ஸபாபியஸிகாய
அஞ்ஞபா⁴கி³யோ. ஏவங் ஸியா ஸமதா² ஸமத²ஸ்ஸ தப்³பா⁴கி³யா, ஏவங் ஸியா ஸமதா² ஸமத²ஸ்ஸ அஞ்ஞபா⁴கி³யா.

ஸமதா² ஸமத²ஸ்ஸ தப்³பா⁴கி³யவாரோ நிட்டி²தோ த³ஸமோ.

11. ஸமத²ஸம்முகா²வினயவாரோ

301. ஸமதோ² ஸம்முகா²வினயோ, ஸம்முகா²வினயோ ஸமதோ²? ஸமதோ² யேபு⁴ய்யஸிகா, யேபு⁴ய்யஸிகா ஸமதோ²? ஸமதோ² ஸதிவினயோ ,
ஸதிவினயோ ஸமதோ²? ஸமதோ² அமூள்ஹவினயோ, அமூள்ஹவினயோ ஸமதோ²? ஸமதோ²
படிஞ்ஞாதகரணங், படிஞ்ஞாதகரணங் ஸமதோ²? ஸமதோ² தஸ்ஸபாபியஸிகா, தஸ்ஸபாபியஸிகா
ஸமதோ²? ஸமதோ² திணவத்தா²ரகோ, திணவத்தா²ரகோ ஸமதோ²?

யேபு⁴ய்யஸிகா ஸதிவினயோ அமூள்ஹவினயோ படிஞ்ஞாதகரணங்
தஸ்ஸபாபியஸிகா திணவத்தா²ரகோ – இமே ஸமதா² ஸமதா², நோ ஸம்முகா²வினயோ.
ஸம்முகா²வினயோ ஸமதோ² சேவ ஸம்முகா²வினயோ ச.

ஸதிவினயோ அமூள்ஹவினயோ படிஞ்ஞாதகரணங் தஸ்ஸபாபியஸிகா
திணவத்தா²ரகோ ஸம்முகா²வினயோ – இமே ஸமதா² ஸமதா², நோ யேபு⁴ய்யஸிகா.
யேபு⁴ய்யஸிகா ஸமதோ² சேவ யேபு⁴ய்யஸிகா ச.

அமூள்ஹவினயோ படிஞ்ஞாதகரணங் தஸ்ஸபாபியஸிகா திணவத்தா²ரகோ
ஸம்முகா²வினயோ யேபு⁴ய்யஸிகா – இமே ஸமதா² ஸமதா², நோ ஸதிவினயோ. ஸதிவினயோ
ஸமதோ² சேவ ஸதிவினயோ ச.

படிஞ்ஞாதகரணங் தஸ்ஸபாபியஸிகா திணவத்தா²ரகோ
ஸம்முகா²வினயோ யேபு⁴ய்யஸிகா ஸதிவினயோ – இமே ஸமதா² ஸமதா², நோ அமூள்ஹவினயோ.
அமூள்ஹவினயோ ஸமதோ² சேவ அமூள்ஹவினயோ ச.

தஸ்ஸபாபியஸிகா திணவத்தா²ரகோ ஸம்முகா²வினயோ யேபு⁴ய்யஸிகா ஸதிவினயோ அமூள்ஹவினயோ – இமே ஸமதா² ஸமதா², நோ படிஞ்ஞாதகரணங். படிஞ்ஞாதகரணங் ஸமதோ² சேவ படிஞ்ஞாதகரணஞ்ச.

திணவத்தா²ரகோ ஸம்முகா²வினயோ யேபு⁴ய்யஸிகா ஸதிவினயோ
அமூள்ஹவினயோ படிஞ்ஞாதகரணங் – இமே ஸமதா² ஸமதா², நோ தஸ்ஸபாபியஸிகா.
தஸ்ஸபாபியஸிகா ஸமதோ² சேவ தஸ்ஸபாபியஸிகா ச.

ஸம்முகா²வினயோ யேபு⁴ய்யஸிகா
ஸதிவினயோ அமூள்ஹவினயோ படிஞ்ஞாதகரணங் தஸ்ஸபாபியஸிகா – இமே ஸமதா² ஸமதா², நோ
திணவத்தா²ரகோ. திணவத்தா²ரகோ ஸமதோ² சேவ திணவத்தா²ரகோ ச.

ஸமத²ஸம்முகா²வினயவாரோ நிட்டி²தோ ஏகாத³ஸமோ.

12. வினயவாரோ

302. வினயோ
ஸம்முகா²வினயோ, ஸம்முகா²வினயோ வினயோ? வினயோ யேபு⁴ய்யஸிகா, யேபு⁴ய்யஸிகா
வினயோ? வினயோ ஸதிவினயோ, ஸதிவினயோ வினயோ? வினயோ அமூள்ஹவினயோ, அமூள்ஹவினயோ
வினயோ? வினயோ படிஞ்ஞாதகரணங், படிஞ்ஞாதகரணங் வினயோ? வினயோ தஸ்ஸபாபியஸிகா,
தஸ்ஸபாபியஸிகா வினயோ? வினயோ திணவத்தா²ரகோ, திணவத்தா²ரகோ வினயோ?

வினயோ ஸியா ஸம்முகா²வினயோ ஸியா ந ஸம்முகா²வினயோ. ஸம்முகா²வினயோ வினயோ சேவ ஸம்முகா²வினயோ ச.

வினயோ ஸியா யேபு⁴ய்யஸிகா, ஸியா ந யேபு⁴ய்யஸிகா. யேபு⁴ய்யஸிகா வினயோ சேவ யேபு⁴ய்யஸிகா ச.

வினயோ ஸியா ஸதிவினயோ, ஸியா ந ஸதிவினயோ. ஸதிவினயோ வினயோ சேவ ஸதிவினயோ ச.

வினயோ ஸியா அமூள்ஹவினயோ, ஸியா ந அமூள்ஹவினயோ. அமூள்ஹவினயோ வினயோ சேவ அமூள்ஹவினயோ ச .

வினயோ ஸியா படிஞ்ஞாதகரணங், ஸியா ந படிஞ்ஞாதகரணங். படிஞ்ஞாதகரணங் வினயோ சேவ படிஞ்ஞாதகரணஞ்ச.

வினயோ ஸியா தஸ்ஸபாபியஸிகா, ஸியா ந தஸ்ஸபாபியஸிகா. தஸ்ஸபாபியஸிகா வினயோ சேவ தஸ்ஸபாபியஸிகா ச.

வினயோ ஸியா திணவத்தா²ரகோ, ஸியா ந திணவத்தா²ரகோ. திணவத்தா²ரகோ வினயோ சேவ திணவத்தா²ரகோ ச.

வினயவாரோ நிட்டி²தோ த்³வாத³ஸமோ.

13. குஸலவாரோ

303.
ஸம்முகா²வினயோ குஸலோ அகுஸலோ அப்³யாகதோ? யேபு⁴ய்யஸிகா குஸலா அகுஸலா
அப்³யாகதா? ஸதிவினயோ குஸலோ அகுஸலோ அப்³யாகதோ? அமூள்ஹவினயோ குஸலோ அகுஸலோ அப்³யாகதோ? படிஞ்ஞாதகரணங் குஸலங் அகுஸலங் அப்³யாகதங்? தஸ்ஸபாபியஸிகா குஸலா அகுஸலா அப்³யாகதா? திணவத்தா²ரகோ குஸலோ அகுஸலோ அப்³யாகதோ?

ஸம்முகா²வினயோ ஸியா குஸலோ, ஸியா அப்³யாகதோ. நத்தி² ஸம்முகா²வினயோ அகுஸலோ.

யேபு⁴ய்யஸிகா ஸியா குஸலா, ஸியா அகுஸலா, ஸியா அப்³யாகதா.

ஸதிவினயோ ஸியா குஸலோ, ஸியா அகுஸலோ, ஸியா அப்³யாகதோ.

அமூள்ஹவினயோ ஸியா குஸலோ, ஸியா அகுஸலோ, ஸியா அப்³யாகதோ.

படிஞ்ஞாதகரணங் ஸியா குஸலங், ஸியா அகுஸலங், ஸியா அப்³யாகதங்.

தஸ்ஸபாபியஸிகா ஸியா குஸலா, ஸியா அகுஸலா ஸியா அப்³யாகதா.

திணவத்தா²ரகோ ஸியா குஸலோ, ஸியா அகுஸலோ, ஸியா அப்³யாகதோ.

விவாதா³தி⁴கரணங் குஸலங் அகுஸலங் அப்³யாகதங். அனுவாதா³தி⁴கரணங் குஸலங் அகுஸலங் அப்³யாகதங். ஆபத்தாதி⁴கரணங் குஸலங் அகுஸலங் அப்³யாகதங். கிச்சாதி⁴கரணங் குஸலங் அகுஸலங் அப்³யாகதங்.

விவாதா³தி⁴கரணங் ஸியா குஸலங், ஸியா அகுஸலங், ஸியா அப்³யாகதங்.

அனுவாதா³தி⁴கரணங் ஸியா குஸலங், ஸியா அகுஸலங், ஸியா அப்³யாகதங்.

ஆபத்தாதி⁴கரணங் ஸியா அகுஸலங், ஸியா அப்³யாகதங். நத்தி² ஆபத்தாதி⁴கரணங் குஸலங்.

கிச்சாதி⁴கரணங் ஸியா குஸலங், ஸியா அகுஸலங், ஸியா அப்³யாகதங்.

குஸலவாரோ நிட்டி²தோ தேரஸமோ.

14. யத்த²வாரோ, புச்சா²வாரோ

304. யத்த²
யேபு⁴ய்யஸிகா லப்³ப⁴தி, தத்த² ஸம்முகா²வினயோ லப்³ப⁴தி; யத்த²
ஸம்முகா²வினயோ லப்³ப⁴தி, தத்த² யேபு⁴ய்யஸிகா லப்³ப⁴தி. ந தத்த² ஸதிவினயோ
லப்³ப⁴தி, ந தத்த² அமூள்ஹவினயோ லப்³ப⁴தி, ந தத்த² படிஞ்ஞாதகரணங் லப்³ப⁴தி, ந
தத்த² தஸ்ஸபாபியஸிகா லப்³ப⁴தி, ந தத்த² திணவத்தா²ரகோ லப்³ப⁴தி.

யத்த² ஸதிவினயோ லப்³ப⁴தி, தத்த² ஸம்முகா²வினயோ
லப்³ப⁴தி; யத்த² ஸம்முகா²வினயோ லப்³ப⁴தி, தத்த² ஸதிவினயோ லப்³ப⁴தி. ந தத்த²
அமூள்ஹவினயோ லப்³ப⁴தி, ந தத்த² படிஞ்ஞாதகரணங் லப்³ப⁴தி, ந தத்த²
தஸ்ஸபாபியஸிகா லப்³ப⁴தி, ந தத்த² திணவத்தா²ரகோ லப்³ப⁴தி, ந தத்த²
யேபு⁴ய்யஸிகா லப்³ப⁴தி.

யத்த² அமூள்ஹவினயோ லப்³ப⁴தி, தத்த² ஸம்முகா²வினயோ
லப்³ப⁴தி; யத்த² ஸம்முகா²வினயோ லப்³ப⁴தி, தத்த² அமூள்ஹவினயோ லப்³ப⁴தி. ந
தத்த² படிஞ்ஞாதகரணங் லப்³ப⁴தி, ந தத்த² தஸ்ஸபாபியஸிகா லப்³ப⁴தி, ந தத்த²
திணவத்தா²ரகோ லப்³ப⁴தி, ந தத்த² யேபு⁴ய்யஸிகா லப்³ப⁴தி, ந தத்த² ஸதிவினயோ
லப்³ப⁴தி.

யத்த² படிஞ்ஞாதகரணங் லப்³ப⁴தி, தத்த² ஸம்முகா²வினயோ
லப்³ப⁴தி; யத்த² ஸம்முகா²வினயோ லப்³ப⁴தி, தத்த² படிஞ்ஞாதகரணங் லப்³ப⁴தி. ந
தத்த² தஸ்ஸபாபியஸிகா லப்³ப⁴தி, ந தத்த² திணவத்தா²ரகோ லப்³ப⁴தி, ந தத்த²
யேபு⁴ய்யஸிகா லப்³ப⁴தி, ந தத்த² ஸதிவினயோ லப்³ப⁴தி, ந தத்த² அமூள்ஹவினயோ
லப்³ப⁴தி.

யத்த² தஸ்ஸபாபியஸிகா லப்³ப⁴தி, தத்த² ஸம்முகா²வினயோ
லப்³ப⁴தி; யத்த² ஸம்முகா²வினயோ லப்³ப⁴தி, தத்த² தஸ்ஸபாபியஸிகா லப்³ப⁴தி. ந
தத்த² திணவத்தா²ரகோ லப்³ப⁴தி, ந தத்த² யேபு⁴ய்யஸிகா லப்³ப⁴தி, ந தத்த²
ஸதிவினயோ லப்³ப⁴தி, ந தத்த² அமூள்ஹவினயோ லப்³ப⁴தி, ந தத்த² படிஞ்ஞாதகரணங்
லப்³ப⁴தி.

யத்த² திணவத்தா²ரகோ லப்³ப⁴தி, தத்த² ஸம்முகா²வினயோ
லப்³ப⁴தி; யத்த² ஸம்முகா²வினயோ லப்³ப⁴தி, தத்த² திணவத்தா²ரகோ லப்³ப⁴தி. ந
தத்த² யேபு⁴ய்யஸிகா லப்³ப⁴தி, ந தத்த² ஸதிவினயோ லப்³ப⁴தி, ந தத்த²
அமூள்ஹவினயோ லப்³ப⁴தி, ந தத்த² படிஞ்ஞாதகரணங் லப்³ப⁴தி, ந தத்த² தஸ்ஸபாபியஸிகா லப்³ப⁴தி.

யத்த² யேபு⁴ய்யஸிகா தத்த² ஸம்முகா²வினயோ; யத்த²
ஸம்முகா²வினயோ தத்த² யேபு⁴ய்யஸிகா. ந தத்த² ஸதிவினயோ, ந தத்த² அமூள்ஹவினயோ,
ந தத்த² படிஞ்ஞாதகரணங், ந தத்த² தஸ்ஸபாபியஸிகா, ந தத்த² திணவத்தா²ரகோ.

யத்த² ஸதிவினயோ தத்த² ஸம்முகா²வினயோ; யத்த²
ஸம்முகா²வினயோ தத்த² ஸதிவினயோ. ந தத்த² அமூள்ஹவினயோ, ந தத்த²
படிஞ்ஞாதகரணங், ந தத்த² தஸ்ஸபாபியஸிகா, ந தத்த² திணவத்தா²ரகோ, ந தத்த²
யேபு⁴ய்யஸிகா. ஸம்முகா²வினயங் காதுன மூலங்…பே॰….

யத்த² திணவத்தா²ரகோ தத்த² ஸம்முகா²வினயோ; யத்த²
ஸம்முகா²வினயோ தத்த² திணவத்தா²ரகோ. ந தத்த² யேபு⁴ய்யஸிகா, ந தத்த²
ஸதிவினயோ, ந தத்த² அமூள்ஹவினயோ, ந தத்த² படிஞ்ஞாதகரணங், ந தத்த²
தஸ்ஸபாபியஸிகா.

சக்கபெய்யாலங்.

யத்த²வாரோ நிட்டி²தோ சுத்³த³ஸமோ.

15. ஸமத²வாரோ, விஸ்ஸஜ்ஜனாவாரோ

305. யஸ்மிங்
ஸமயே ஸம்முகா²வினயேன ச யேபு⁴ய்யஸிகாய ச அதி⁴கரணங் வூபஸம்மதி, யத்த²
யேபு⁴ய்யஸிகா லப்³ப⁴தி தத்த² ஸம்முகா²வினயோ லப்³ப⁴தி, யத்த² ஸம்முகா²வினயோ
லப்³ப⁴தி தத்த² யேபு⁴ய்யஸிகா லப்³ப⁴தி. ந தத்த² ஸதிவினயோ லப்³ப⁴தி, ந தத்த²
அமூள்ஹவினயோ லப்³ப⁴தி, ந தத்த² படிஞ்ஞாதகரணங் லப்³ப⁴தி, ந தத்த²
தஸ்ஸபாபியஸிகா லப்³ப⁴தி, ந தத்த² திணவத்தா²ரகோ லப்³ப⁴தி.

யஸ்மிங் ஸமயே ஸம்முகா²வினயேன ச
ஸதிவினயேன ச அதி⁴கரணங் வூபஸம்மதி, யத்த² ஸதிவினயோ லப்³ப⁴தி தத்த²
ஸம்முகா²வினயோ லப்³ப⁴தி, யத்த² ஸம்முகா²வினயோ லப்³ப⁴தி தத்த² ஸதிவினயோ
லப்³ப⁴தி. ந தத்த² அமூள்ஹவினயோ லப்³ப⁴தி, ந தத்த² படிஞ்ஞாதகரணங் லப்³ப⁴தி, ந
தத்த² தஸ்ஸபாபியஸிகா லப்³ப⁴தி, ந தத்த² திணவத்தா²ரகோ லப்³ப⁴தி, ந தத்த² யேபு⁴ய்யஸிகா லப்³ப⁴தி.

யஸ்மிங் ஸமயே ஸம்முகா²வினயேன ச அமூள்ஹவினயேன ச
அதி⁴கரணங் வூபஸம்மதி, யத்த² அமூள்ஹவினயோ லப்³ப⁴தி தத்த² ஸம்முகா²வினயோ
லப்³ப⁴தி, யத்த² ஸம்முகா²வினயோ லப்³ப⁴தி தத்த² அமூள்ஹவினயோ லப்³ப⁴தி. ந
தத்த² படிஞ்ஞாதகரணங் லப்³ப⁴தி, ந தத்த² தஸ்ஸபாபியஸிகா லப்³ப⁴தி, ந தத்த² திணவத்தா²ரகோ லப்³ப⁴தி, ந தத்த² யேபு⁴ய்யஸிகா லப்³ப⁴தி, ந தத்த² ஸதிவினயோ லப்³ப⁴தி.

யஸ்மிங் ஸமயே ஸம்முகா²வினயேன ச படிஞ்ஞாதகரணேன ச
அதி⁴கரணங் வூபஸம்மதி, யத்த² படிஞ்ஞாதகரணங் லப்³ப⁴தி தத்த² ஸம்முகா²வினயோ
லப்³ப⁴தி, யத்த² ஸம்முகா²வினயோ லப்³ப⁴தி தத்த² படிஞ்ஞாதகரணங் லப்³ப⁴தி. ந
தத்த² தஸ்ஸபாபியஸிகா லப்³ப⁴தி, ந தத்த² திணவத்தா²ரகோ லப்³ப⁴தி, ந தத்த²
யேபு⁴ய்யஸிகா லப்³ப⁴தி, ந தத்த² ஸதிவினயோ லப்³ப⁴தி, ந தத்த² அமூள்ஹவினயோ
லப்³ப⁴தி.

யஸ்மிங் ஸமயே ஸம்முகா²வினயேன ச தஸ்ஸபாபியஸிகாய ச
அதி⁴கரணங் வூபஸம்மதி, யத்த² தஸ்ஸபாபியஸிகா லப்³ப⁴தி தத்த² ஸம்முகா²வினயோ
லப்³ப⁴தி, யத்த² ஸம்முகா²வினயோ லப்³ப⁴தி தத்த² தஸ்ஸபாபியஸிகா லப்³ப⁴தி. ந
தத்த² திணவத்தா²ரகோ லப்³ப⁴தி, ந தத்த² யேபு⁴ய்யஸிகா லப்³ப⁴தி, ந தத்த² ஸதிவினயோ லப்³ப⁴தி, ந தத்த² அமூள்ஹவினயோ லப்³ப⁴தி, ந தத்த² படிஞ்ஞாதகரணங் லப்³ப⁴தி.

யஸ்மிங் ஸமயே ஸம்முகா²வினயேன ச திணவத்தா²ரகேன ச
அதி⁴கரணங் வூபஸம்மதி, யத்த² திணவத்தா²ரகோ லப்³ப⁴தி தத்த² ஸம்முகா²வினயோ
லப்³ப⁴தி, யத்த² ஸம்முகா²வினயோ லப்³ப⁴தி தத்த² திணவத்தா²ரகோ லப்³ப⁴தி. ந
தத்த² யேபு⁴ய்யஸிகா லப்³ப⁴தி, ந தத்த² ஸதிவினயோ லப்³ப⁴தி, ந தத்த²
அமூள்ஹவினயோ லப்³ப⁴தி, ந தத்த² படிஞ்ஞாதகரணங் லப்³ப⁴தி, ந தத்த²
தஸ்ஸபாபியஸிகா லப்³ப⁴தி.

ஸமத²வாரோ நிட்டி²தோ பன்னரஸமோ.

16. ஸங்ஸட்ட²வாரோ

306. அதி⁴கரணந்தி வா ஸமதா²தி வா இமே த⁴ம்மா ஸங்ஸட்டா² உதா³ஹு விஸங்ஸட்டா²? லப்³பா⁴ ச பனிமேஸங் த⁴ம்மானங் வினிப்³பு⁴ஜித்வா வினிப்³பு⁴ஜித்வா [வினிப்³பு⁴ஜ்ஜித்வா வினிப்³பு⁴ஜ்ஜித்வா (க॰), டீகாயங் ஏகபத³மேவ தி³ஸ்ஸதி] நானாகரணங் பஞ்ஞாபேதுந்தி?

அதி⁴கரணந்தி வா ஸமதா²தி வா இமே த⁴ம்மா விஸங்ஸட்டா², நோ
ஸங்ஸட்டா². லப்³பா⁴ ச பனிமேஸங் த⁴ம்மானங் வினிப்³பு⁴ஜித்வா
வினிப்³பு⁴ஜித்வா நானாகரணங் பஞ்ஞாபேதுந்தி. ஸோ – ‘‘மா ஹேவ’’ந்திஸ்ஸ வசனீயோ.
அதி⁴கரணந்தி வா ஸமதா²தி வா இமே த⁴ம்மா ஸங்ஸட்டா², நோ விஸங்ஸட்டா². நோ ச
லப்³பா⁴ [ந ச லப்³பா⁴ (க॰)] இமேஸங் த⁴ம்மானங்
வினிப்³பு⁴ஜித்வா வினிப்³பு⁴ஜித்வா நானாகரணங் பஞ்ஞாபேதுங். தங் கிஸ்ஸ ஹேது?
நனு வுத்தங் ப⁴க³வதா – ‘‘சத்தாரிமானி, பி⁴க்க²வே, அதி⁴கரணானி, ஸத்த ஸமதா².
அதி⁴கரணா ஸமதே²ஹி ஸம்மந்தி, ஸமதா² அதி⁴கரணேஹி ஸம்மந்தி. ஏவங், இமே த⁴ம்மா
ஸங்ஸட்டா² நோ விஸங்ஸட்டா²; நோ ச லப்³பா⁴ இமேஸங் த⁴ம்மானங் வினிப்³பு⁴ஜித்வா
வினிப்³பு⁴ஜித்வா நானாகரணங் பஞ்ஞாபேது’’ந்தி.

ஸங்ஸட்ட²வாரோ நிட்டி²தோ ஸோளஸமோ.

17. ஸம்மதிவாரோ

307.
விவாதா³தி⁴கரணங் கதிஹி ஸமதே²ஹி ஸம்மதி? அனுவாதா³தி⁴கரணங் கதிஹி ஸமதே²ஹி
ஸம்மதி? ஆபத்தாதி⁴கரணங் கதிஹி ஸமதே²ஹி ஸம்மதி? கிச்சாதி⁴கரணங் கதிஹி
ஸமதே²ஹி ஸம்மதி?

[சூளவ॰ 228, 236 ஆத³யோ] விவாதா³தி⁴கரணங் த்³வீஹி ஸமதே²ஹி ஸம்மதி – ஸம்முகா²வினயேன ச யேபு⁴ய்யஸிகாய ச.

[சூளவ॰ 228, 236 ஆத³யோ] அனுவாதா³தி⁴கரணங் சதூஹி ஸமதே²ஹி ஸம்மதி – ஸம்முகா²வினயேன ச ஸதிவினயேன ச அமூள்ஹவினயேன ச தஸ்ஸபாபியஸிகாய ச.

[சூளவ॰ 239, 242 ஆத³யோ] ஆபத்தாதி⁴கரணங் தீஹி ஸமதே²ஹி ஸம்மதி – ஸம்முகா²வினயேன ச படிஞ்ஞாதகரணேன ச திணவத்தா²ரகேன ச.

[சூளவ॰ 239, 242 ஆத³யோ] கிச்சாதி⁴கரணங் ஏகேன ஸமதே²ன ஸம்மதி – ஸம்முகா²வினயேன.

விவாதா³தி⁴கரணஞ்ச
அனுவாதா³தி⁴கரணஞ்ச கதிஹி ஸமதே²ஹி ஸம்மந்தி? விவாதா³தி⁴கரணஞ்ச
அனுவாதா³தி⁴கரணஞ்ச பஞ்சஹி ஸமதே²ஹி ஸம்மந்தி – ஸம்முகா²வினயேன ச
யேபு⁴ய்யஸிகாய ச ஸதிவினயேன ச அமூள்ஹவினயேன ச தஸ்ஸபாபியஸிகாய ச.

விவாதா³தி⁴கரணஞ்ச
ஆபத்தாதி⁴கரணஞ்ச கதிஹி ஸமதே²ஹி ஸம்மந்தி? விவாதா³தி⁴கரணஞ்ச ஆபத்தாதி⁴கரணஞ்ச
சதூஹி ஸமதே²ஹி ஸம்மந்தி – ஸம்முகா²வினயேன ச யேபு⁴ய்யஸிகாய ச படிஞ்ஞாதகரணேன
ச திணவத்தா²ரகேன ச.

விவாதா³தி⁴கரணஞ்ச கிச்சாதி⁴கரணஞ்ச கதிஹி ஸமதே²ஹி
ஸம்மந்தி? விவாதா³தி⁴கரணஞ்ச கிச்சாதி⁴கரணஞ்ச த்³வீஹி ஸமதே²ஹி ஸம்மந்தி –
ஸம்முகா²வினயேன ச யேபு⁴ய்யஸிகாய ச.

அனுவாதா³தி⁴கரணஞ்ச ஆபத்தாதி⁴கரணஞ்ச கதிஹி ஸமதே²ஹி
ஸம்மந்தி? அனுவாதா³தி⁴கரணஞ்ச ஆபத்தாதி⁴கரணஞ்ச ச²ஹி ஸமதே²ஹி ஸம்மந்தி –
ஸம்முகா²வினயேன ச ஸதிவினயேன ச அமூள்ஹவினயேன ச படிஞ்ஞாதகரணேன ச
தஸ்ஸபாபியஸிகாய ச திணவத்தா²ரகேன ச.

அனுவாதா³தி⁴கரணஞ்ச கிச்சாதி⁴கரணஞ்ச கதிஹி ஸமதே²ஹி
ஸம்மந்தி? அனுவாதா³தி⁴கரணஞ்ச கிச்சாதி⁴கரணஞ்ச சதூஹி ஸமதே²ஹி ஸம்மந்தி –
ஸம்முகா²வினயேன ச ஸதிவினயேன ச அமூள்ஹவினயேன ச தஸ்ஸபாபியஸிகாய ச.

ஆபத்தாதி⁴கரணஞ்ச கிச்சாதி⁴கரணஞ்ச கதிஹி ஸமதே²ஹி ஸம்மந்தி? ஆபத்தாதி⁴கரணஞ்ச கிச்சாதி⁴கரணஞ்ச தீஹி ஸமதே²ஹி ஸம்மந்தி – ஸம்முகா²வினயேன ச படிஞ்ஞாதகரணேன ச திணவத்தா²ரகேன ச.

விவாதா³தி⁴கரணஞ்ச அனுவாதா³தி⁴கரணஞ்ச ஆபத்தாதி⁴கரணஞ்ச
கதிஹி ஸமதே²ஹி ஸம்மந்தி? விவாதா³தி⁴கரணஞ்ச அனுவாதா³தி⁴கரணஞ்ச
ஆபத்தாதி⁴கரணஞ்ச ஸத்தஹி ஸமதே²ஹி ஸம்மந்தி – ஸம்முகா²வினயேன ச யேபு⁴ய்யஸிகாய
ச ஸதிவினயேன ச அமூள்ஹவினயேன ச படிஞ்ஞாதகரணேன ச தஸ்ஸபாபியஸிகாய ச
திணவத்தா²ரகேன ச.

விவாதா³தி⁴கரணஞ்ச அனுவாதா³தி⁴கரணஞ்ச கிச்சாதி⁴கரணஞ்ச
கதிஹி ஸமதே²ஹி ஸம்மந்தி? விவாதா³தி⁴கரணஞ்ச அனுவாதா³தி⁴கரணஞ்ச
கிச்சாதி⁴கரணஞ்ச பஞ்சஹி ஸமதே²ஹி ஸம்மந்தி – ஸம்முகா²வினயேன ச யேபு⁴ய்யஸிகாய ச ஸதிவினயேன ச அமூள்ஹவினயேன ச தஸ்ஸபாபியஸிகாய ச.

அனுவாதா³தி⁴கரணஞ்ச ஆபத்தாதி⁴கரணஞ்ச கிச்சாதி⁴கரணஞ்ச
கதிஹி ஸமதே²ஹி ஸம்மந்தி? அனுவாதா³தி⁴கரணஞ்ச ஆபத்தாதி⁴கரணஞ்ச
கிச்சாதி⁴கரணஞ்ச ச²ஹி ஸமதே²ஹி ஸம்மந்தி – ஸம்முகா²வினயேன ச ஸதிவினயேன ச
அமூள்ஹவினயேன ச படிஞ்ஞாதகரணேன ச தஸ்ஸபாபியஸிகாய ச திணவத்தா²ரகேன ச.

விவாதா³தி⁴கரணஞ்ச அனுவாதா³தி⁴கரணஞ்ச ஆபத்தாதி⁴கரணஞ்ச
கிச்சாதி⁴கரணஞ்ச கதிஹி ஸமதே²ஹி ஸம்மந்தி? விவாதா³தி⁴கரணஞ்ச
அனுவாதா³தி⁴கரணஞ்ச ஆபத்தாதி⁴கரணஞ்ச கிச்சாதி⁴கரணஞ்ச ஸத்தஹி ஸமதே²ஹி
ஸம்மந்தி – ஸம்முகா²வினயேன ச யேபு⁴ய்யஸிகாய ச ஸதிவினயேன ச அமூள்ஹவினயேன ச
படிஞ்ஞாதகரணேன ச தஸ்ஸபாபியஸிகாய ச திணவத்தா²ரகேன ச.

ஸம்மதிவாரோ நிட்டி²தோ ஸத்தரஸமோ.

18. ஸம்மந்தி ந ஸம்மந்திவாரோ

308.
விவாதா³தி⁴கரணங் கதிஹி ஸமதே²ஹி ஸம்மதி, கதிஹி ஸமதே²ஹி ந ஸம்மதி?
அனுவாதா³தி⁴கரணங் கதிஹி ஸமதே²ஹி ஸம்மதி, கதிஹி ஸமதே²ஹி ந ஸம்மதி?
ஆபத்தாதி⁴கரணங் கதிஹி ஸமதே²ஹி ஸம்மதி, கதிஹி ஸமதே²ஹி ந ஸம்மதி? கிச்சாதி⁴கரணங் கதிஹி ஸமதே²ஹி ஸம்மதி, கதிஹி ஸமதே²ஹி ந ஸம்மதி?

விவாதா³தி⁴கரணங் த்³வீஹி ஸமதே²ஹி ஸம்மதி – ஸம்முகா²வினயேன ச யேபு⁴ய்யஸிகாய ச. பஞ்சஹி ஸமதே²ஹி ந ஸம்மதி – ஸதிவினயேன ச அமூள்ஹவினயேன ச படிஞ்ஞாதகரணேன ச தஸ்ஸபாபியஸிகாய ச திணவத்தா²ரகேன ச.

அனுவாதா³தி⁴கரணங் சதூஹி ஸமதே²ஹி ஸம்மதி –
ஸம்முகா²வினயேன ச ஸதிவினயேன ச அமூள்ஹவினயேன ச தஸ்ஸபாபியஸிகாய ச. தீஹி
ஸமதே²ஹி ந ஸம்மதி – யேபு⁴ய்யஸிகாய ச படிஞ்ஞாதகரணேன ச திணவத்தா²ரகேன ச.

[சூளவ॰ 239] ஆபத்தாதி⁴கரணங்
தீஹி ஸமதே²ஹி ஸம்மதி – ஸம்முகா²வினயேன ச படிஞ்ஞாதகரணேன ச திணவத்தா²ரகேன ச.
சதூஹி ஸமதே²ஹி ந ஸம்மதி – யேபு⁴ய்யஸிகாய ச ஸதிவினயேன ச அமூள்ஹவினயேன ச
தஸ்ஸபாபியஸிகாய ச.

கிச்சாதி⁴கரணங் ஏகேன ஸமதே²ன
ஸம்மதி – ஸம்முகா²வினயேன. ச²ஹி ஸமதே²ஹி ந ஸம்மதி – யேபு⁴ய்யஸிகாய ச
ஸதிவினயேன ச அமூள்ஹவினயேன ச படிஞ்ஞாதகரணேன ச தஸ்ஸபாபியஸிகாய ச
திணவத்தா²ரகேன ச.

விவாதா³தி⁴கரணஞ்ச அனுவாதா³தி⁴கரணஞ்ச கதிஹி ஸமதே²ஹி
ஸம்மந்தி? கதிஹி ஸமதே²ஹி ந ஸம்மந்தி? விவாதா³தி⁴கரணஞ்ச அனுவாதா³தி⁴கரணஞ்ச
பஞ்சஹி ஸமதே²ஹி ஸம்மந்தி – ஸம்முகா²வினயேன ச யேபு⁴ய்யஸிகாய ச ஸதிவினயேன ச
அமூள்ஹவினயேன ச தஸ்ஸபாபியஸிகாய ச. த்³வீஹி ஸமதே²ஹி ந ஸம்மந்தி –
படிஞ்ஞாதகரணேன ச திணவத்தா²ரகேன ச.

விவாதா³தி⁴கரணஞ்ச ஆபத்தாதி⁴கரணஞ்ச கதிஹி ஸமதே²ஹி
ஸம்மந்தி? கதிஹி ஸமதே²ஹி ந ஸம்மந்தி? விவாதா³தி⁴கரணஞ்ச ஆபத்தாதி⁴கரணஞ்ச
சதூஹி ஸமதே²ஹி ஸம்மந்தி – ஸம்முகா²வினயேன ச யேபு⁴ய்யஸிகாய ச படிஞ்ஞாதகரணேன ச
திணவத்தா²ரகேன ச. தீஹி ஸமதே²ஹி ந ஸம்மந்தி – ஸதிவினயேன ச அமூள்ஹவினயேன ச தஸ்ஸபாபியஸிகாய ச.

விவாதா³தி⁴கரணஞ்ச
கிச்சாதி⁴கரணஞ்ச கதிஹி ஸமதே²ஹி ஸம்மந்தி? கதிஹி ஸமதே²ஹி ந ஸம்மந்தி?
விவாதா³தி⁴கரணஞ்ச கிச்சாதி⁴கரணஞ்ச த்³வீஹி ஸமதே²ஹி ஸம்மந்தி –
ஸம்முகா²வினயேன ச யேபு⁴ய்யஸிகாய ச. பஞ்சஹி ஸமதே²ஹி ந ஸம்மந்தி – ஸதிவினயேன ச
அமூள்ஹவினயேன ச படிஞ்ஞாதகரணேன ச தஸ்ஸபாபியஸிகாய ச திணவத்தா²ரகேன ச.

அனுவாதா³தி⁴கரணஞ்ச ஆபத்தாதி⁴கரணஞ்ச கதிஹி ஸமதே²ஹி
ஸம்மந்தி? கதிஹி ஸமதே²ஹி ந ஸம்மந்தி? அனுவாதா³தி⁴கரணஞ்ச ஆபத்தாதி⁴கரணஞ்ச
ச²ஹி ஸமதே²ஹி ஸம்மந்தி – ஸம்முகா²வினயேன ச ஸதிவினயேன ச அமூள்ஹவினயேன ச
படிஞ்ஞாதகரணேன ச தஸ்ஸபாபியஸிகாய ச திணவத்தா²ரகேன ச. ஏகேன ஸமதே²ன ந ஸம்மந்தி
– யேபு⁴ய்யஸிகாய.

அனுவாதா³தி⁴கரணஞ்ச கிச்சாதி⁴கரணஞ்ச கதிஹி ஸமதே²ஹி
ஸம்மந்தி? கதிஹி ஸமதே²ஹி ந ஸம்மந்தி? அனுவாதா³தி⁴கரணஞ்ச கிச்சாதி⁴கரணஞ்ச
சதூஹி ஸமதே²ஹி ஸம்மந்தி – ஸம்முகா²வினயேன ச ஸதிவினயேன ச அமூள்ஹவினயேன ச
தஸ்ஸபாபியஸிகா ச. தீஹி ஸமதே²ஹி ந ஸம்மந்தி – யேபு⁴ய்யஸிகாய ச படிஞ்ஞாதகரணேன ச திணவத்தா²ரகேன ச.

ஆபத்தாதி⁴கரணஞ்ச கிச்சாதி⁴கரணஞ்ச கதிஹி ஸமதே²ஹி
ஸம்மந்தி? கதிஹி ஸமதே²ஹி ந ஸம்மந்தி? ஆபத்தாதி⁴கரணஞ்ச கிச்சாதி⁴கரணஞ்ச தீஹி
ஸமதே²ஹி ஸம்மந்தி – ஸம்முகா²வினயேன ச படிஞ்ஞாதகரணேன ச திணவத்தா²ரகேன ச . சதூஹி ஸமதே²ஹி ந ஸம்மந்தி – யேபு⁴ய்யஸிகாய ச ஸதிவினயேன ச அமூள்ஹவினயேன ச தஸ்ஸபாபியஸிகாய ச.

விவாதா³தி⁴கரணஞ்ச அனுவாதா³தி⁴கரணஞ்ச ஆபத்தாதி⁴கரணஞ்ச
கதிஹி ஸமதே²ஹி ஸம்மந்தி? கதிஹி ஸமதே²ஹி ந ஸம்மந்தி? விவாதா³தி⁴கரணஞ்ச
அனுவாதா³தி⁴கரணஞ்ச ஆபத்தாதி⁴கரணஞ்ச ஸத்தஹி ஸமதே²ஹி ஸம்மந்தி –
ஸம்முகா²வினயேன ச யேபு⁴ய்யஸிகாய ச ஸதிவினயேன ச அமூள்ஹவினயேன ச
படிஞ்ஞாதகரணேன ச தஸ்ஸபாபியஸிகாய ச திணவத்தா²ரகேன ச.

விவாதா³தி⁴கரணஞ்ச அனுவாதா³தி⁴கரணஞ்ச கிச்சாதி⁴கரணஞ்ச
கதிஹி ஸமதே²ஹி ஸம்மந்தி? கதிஹி ஸமதே²ஹி ந ஸம்மந்தி? விவாதா³தி⁴கரணஞ்ச
அனுவாதா³தி⁴கரணஞ்ச கிச்சாதி⁴கரணஞ்ச பஞ்சஹி ஸமதே²ஹி ஸம்மந்தி –
ஸம்முகா²வினயேன ச யேபு⁴ய்யஸிகாய ச ஸதிவினயேன ச அமூள்ஹவினயேன ச
தஸ்ஸபாபியஸிகாய ச. த்³வீஹி ஸமதே²ஹி ந ஸம்மந்தி – படிஞ்ஞாதகரணேன ச
திணவத்தா²ரகேன ச.

அனுவாதா³தி⁴கரணஞ்ச
ஆபத்தாதி⁴கரணஞ்ச கிச்சாதி⁴கரணஞ்ச கதிஹி ஸமதே²ஹி ஸம்மந்தி? கதிஹி ஸமதே²ஹி ந
ஸம்மந்தி? அனுவாதா³தி⁴கரணஞ்ச ஆபத்தாதி⁴கரணஞ்ச கிச்சாதி⁴கரணஞ்ச ச²ஹி ஸமதே²ஹி
ஸம்மந்தி – ஸம்முகா²வினயேன ச ஸதிவினயேன ச அமூள்ஹவினயேன ச படிஞ்ஞாதகரணேன ச
தஸ்ஸபாபியஸிகாய ச திணவத்தா²ரகேன ச. ஏகேன ஸமதே²ன ந ஸம்மந்தி –
யேபு⁴ய்யஸிகாய.

விவாதா³தி⁴கரணஞ்ச அனுவாதா³தி⁴கரணஞ்ச ஆபத்தாதி⁴கரணஞ்ச
கிச்சாதி⁴கரணஞ்ச கதிஹி ஸமதே²ஹி ஸம்மந்தி? கதிஹி ஸமதே²ஹி ந ஸம்மந்தி?
விவாதா³தி⁴கரணஞ்ச அனுவாதா³தி⁴கரணஞ்ச
ஆபத்தாதி⁴கரணஞ்ச கிச்சாதி⁴கரணஞ்ச ஸத்தஹி ஸமதே²ஹி ஸம்மந்தி – ஸம்முகா²வினயேன
ச யேபு⁴ய்யஸிகாய ச ஸதிவினயேன ச அமூள்ஹவினயேன ச படிஞ்ஞாதகரணேன ச
தஸ்ஸபாபியஸிகாய ச திணவத்தா²ரகேன ச.

ஸம்மந்தி ந ஸம்மந்திவாரோ நிட்டி²தோ அட்டா²ரஸமோ.

19. ஸமதா²தி⁴கரணவாரோ

309. ஸமதா² ஸமதே²ஹி ஸம்மந்தி? ஸமதா² அதி⁴கரணேஹி ஸம்மந்தி? அதி⁴கரணா ஸமதே²ஹி ஸம்மந்தி? அதி⁴கரணா அதி⁴கரணேஹி ஸம்மந்தி?

ஸியா ஸமதா² ஸமதே²ஹி ஸம்மந்தி,
ஸியா ஸமதா² ஸமதே²ஹி ந ஸம்மந்தி. ஸியா ஸமதா² அதி⁴கரணேஹி ஸம்மந்தி, ஸியா
ஸமதா² அதி⁴கரணேஹி ந ஸம்மந்தி. ஸியா அதி⁴கரணா ஸமதே²ஹி ஸம்மந்தி, ஸியா
அதி⁴கரணா ஸமதே²ஹி ந ஸம்மந்தி. ஸியா அதி⁴கரணா அதி⁴கரணேஹி ஸம்மந்தி, ஸியா
அதி⁴கரணா அதி⁴கரணேஹி ந ஸம்மந்தி.

310.
கத²ங் ஸியா ஸமதா² ஸமதே²ஹி ஸம்மந்தி, கத²ங் ஸியா ஸமதா² ஸமதே²ஹி ந ஸம்மந்தி?
யேபு⁴ய்யஸிகா ஸம்முகா²வினயேன ஸம்மதி; ஸதிவினயேன ந ஸம்மதி, அமூள்ஹவினயேன ந
ஸம்மதி, படிஞ்ஞாதகரணேன ந ஸம்மதி, தஸ்ஸபாபியஸிகாய ந ஸம்மதி, திணவத்தா²ரகேன ந
ஸம்மதி.

ஸதிவினயோ ஸம்முகா²வினயேன ஸம்மதி; அமூள்ஹவினயேன ந ஸம்மதி, படிஞ்ஞாதகரணேன ந ஸம்மாதி, தஸ்ஸபாபியஸிகாய ந ஸம்மதி, திணவத்தா²ரகேன ந ஸம்மதி, யேபு⁴ய்யஸிகாய ந ஸம்மதி.

அமூள்ஹவினயோ ஸம்முகா²வினயேன ஸம்மதி; படிஞ்ஞாதகரணேன ந ஸம்மதி, தஸ்ஸபாபியஸிகாய ந ஸம்மதி, திணவத்தா²ரகேன ந ஸம்மதி, யேபு⁴ய்யஸிகாய ந ஸம்மதி, ஸதிவினயேன ந ஸம்மதி.

படிஞ்ஞாதகரணங் ஸம்முகா²வினயேன ஸம்மதி; தஸ்ஸபாபியஸிகாய ந
ஸம்மதி, திணவத்தா²ரகேன ந ஸம்மதி, யேபு⁴ய்யஸிகாய ந ஸம்மதி, ஸதிவினயேன ந
ஸம்மதி, அமூள்ஹவினயேன ந ஸம்மதி.

தஸ்ஸபாபியஸிகா ஸம்முகா²வினயேன ஸம்மதி; திணவத்தா²ரகேன ந
ஸம்மதி, யேபு⁴ய்யஸிகாய ந ஸம்மதி, ஸதிவினயேன ந ஸம்மதி, அமூள்ஹவினயேன ந
ஸம்மதி, படிஞ்ஞாதகரணேன ந ஸம்மதி.

திணவத்தா²ரகோ ஸம்முகா²வினயேன ஸம்மதி; யேபு⁴ய்யஸிகாய ந
ஸம்மதி, ஸதிவினயேன ந ஸம்மதி, அமூள்ஹவினயேன ந ஸம்மதி, படிஞ்ஞாதகரணேன ந
ஸம்மதி, தஸ்ஸபாபியஸிகாய ந ஸம்மதி. ஏவங் ஸியா ஸமதா² ஸமதே²ஹி ஸம்மந்தி. ஏவங்
ஸியா ஸமதா² ஸமதே²ஹி ந ஸம்மந்தி.

311. கத²ங்
ஸியா ஸமதா² அதி⁴கரணேஹி ஸம்மந்தி, கத²ங் ஸியா ஸமதா² அதி⁴கரணேஹி ந ஸம்மந்தி?
ஸம்முகா²வினயோ விவாதா³தி⁴கரணேன ந ஸம்மதி, அனுவாதா³தி⁴கரணேன ந ஸம்மதி,
ஆபத்தாதி⁴கரணேன ந ஸம்மதி; கிச்சாதி⁴கரணேன ஸம்மதி.

யேபு⁴ய்யஸிகா விவாதா³தி⁴கரணேன ந ஸம்மதி, அனுவாதா³தி⁴கரணேன ந ஸம்மதி, ஆபத்தாதி⁴கரணேன ந ஸம்மதி; கிச்சாதி⁴கரணேன ஸம்மதி.

ஸதிவினயோ விவாதா³தி⁴கரணேன ந ஸம்மதி, அனுவாதா³தி⁴கரணேன ந ஸம்மதி, ஆபத்தாதி⁴கரணேன ந ஸம்மதி; கிச்சாதி⁴கரணேன ஸம்மதி.

அமூள்ஹவினயோ விவாதா³தி⁴கரணேன ந ஸம்மதி, அனுவாதா³தி⁴கரணேன ந ஸம்மதி, ஆபத்தாதி⁴கரணேன ந ஸம்மதி; கிச்சாதி⁴கரணேன ஸம்மதி.

படிஞ்ஞாதகரணங் விவாதா³தி⁴கரணேன ந ஸம்மதி, அனுவாதா³தி⁴கரணேன ந ஸம்மதி, ஆபத்தாதி⁴கரணேன ந ஸம்மதி; கிச்சாதி⁴கரணேன ஸம்மதி.

தஸ்ஸபாபியஸிகா விவாதா³தி⁴கரணேன ந ஸம்மதி, அனுவாதா³தி⁴கரணேன ந ஸம்மதி, ஆபத்தாதி⁴கரணேன ந ஸம்மதி; கிச்சாதி⁴கரணேன ஸம்மதி.

திணவத்தா²ரகோ விவாதா³தி⁴கரணேன ந ஸம்மதி,
அனுவாதா³தி⁴கரணேன ந ஸம்மதி, ஆபத்தாதி⁴கரணேன ந ஸம்மதி; கிச்சாதி⁴கரணேன
ஸம்மதி. ஏவங் ஸியா ஸமதா² அதி⁴கரணேஹி ஸம்மந்தி. ஏவங் ஸியா ஸமதா² அதி⁴கரணேஹி ந
ஸம்மந்தி.

312.
கத²ங் ஸியா அதி⁴கரணா ஸமதே²ஹி ஸம்மந்தி, கத²ங் ஸியா அதி⁴கரணா ஸமதே²ஹி ந
ஸம்மந்தி? விவாதா³தி⁴கரணங் ஸம்முகா²வினயேன ச யேபு⁴ய்யஸிகாய ச ஸம்மதி;
ஸதிவினயேன ச அமூள்ஹவினயேன ச படிஞ்ஞாதகரணேன ச தஸ்ஸபாபியஸிகாய ச
திணவத்தா²ரகேன ச ந ஸம்மதி.

அனுவாதா³தி⁴கரணங் ஸம்முகா²வினயேன ச ஸதிவினயேன ச
அமூள்ஹவினயேன ச தஸ்ஸபாபியஸிகாய ச ஸம்மதி; யேபு⁴ய்யஸிகாய ச படிஞ்ஞாதகரணேன ச
திணவத்தா²ரகேன ச ந ஸம்மதி.

ஆபத்தாதி⁴கரணங் ஸம்முகா²வினயேன ச படிஞ்ஞாதகரணேன ச
திணவத்தா²ரகேன ச ஸம்மதி; யேபு⁴ய்யஸிகாய ச ஸதிவினயேன ச அமூள்ஹவினயேன ச
தஸ்ஸபாபியஸிகாய ச ந ஸம்மதி.

கிச்சாதி⁴கரணங் ஸம்முகா²வினயேன ஸம்மதி ; யேபு⁴ய்யஸிகாய ச ஸதிவினயேன ச அமூள்ஹவினயேன ச படிஞ்ஞாதகரணேன ச தஸ்ஸபாபியஸிகாய திணவத்தா²ரகேன ச ந ஸம்மதி. ஏவங் ஸியா அதி⁴கரணா ஸமதே²ஹி ஸம்மந்தி. ஏவங் ஸியா அதி⁴கரணா ஸமதே²ஹி ந ஸம்மந்தி.

313. கத²ங்
ஸியா அதி⁴கரணா அதி⁴கரணேஹி ஸம்மந்தி? கத²ங் ஸியா அதி⁴கரணா அதி⁴கரணேஹி ந
ஸம்மந்தி? விவாதா³தி⁴கரணங் விவாதா³தி⁴கரணேன ந ஸம்மதி, அனுவாதா³தி⁴கரணேன ந
ஸம்மதி, ஆபத்தாதி⁴கரணேன ந ஸம்மதி; கிச்சாதி⁴கரணேன ஸம்மதி.

அனுவாதா³தி⁴கரணங் விவாதா³தி⁴கரணேன ந ஸம்மதி, அனுவாதா³தி⁴கரணேன ந ஸம்மதி, ஆபத்தாதி⁴கரணேன ந ஸம்மதி; கிச்சாதி⁴கரணேன ஸம்மதி.

ஆபத்தாதி⁴கரணங் விவாதா³தி⁴கரணேன ந ஸம்மதி, அனுவாதா³தி⁴கரணேன ந ஸம்மதி, ஆபத்தாதி⁴கரணேன ந ஸம்மதி; கிச்சாதி⁴கரணேன ஸம்மதி.

கிச்சாதி⁴கரணங் விவாதா³தி⁴கரணேன ந ஸம்மதி,
அனுவாதா³தி⁴கரணேன ந ஸம்மதி, ஆபத்தாதி⁴கரணேன ந ஸம்மதி; கிச்சாதி⁴கரணேன
ஸம்மதி. ஏவங் ஸியா அதி⁴கரணா அதி⁴கரணேஹி ஸம்மந்தி. ஏவங் ஸியா அதி⁴கரணா
அதி⁴கரணேஹி ந ஸம்மந்தி.

சா²பி ஸமதா² சத்தாரோபி அதி⁴கரணா ஸம்முகா²வினயேன ஸம்மந்தி; ஸம்முகா²வினயோ ந கேனசி ஸம்மதி.

ஸமதா²தி⁴கரணவாரோ நிட்டி²தோ ஏகூனவீஸதிமோ.

20. ஸமுட்டா²பனவாரோ

314. விவாதா³தி⁴கரணங்
சதுன்னங் அதி⁴கரணானங் கதமங் அதி⁴கரணங் ஸமுட்டா²பேதி? விவாதா³தி⁴கரணங்
சதுன்னங் அதி⁴கரணானங் ந கதமங் அதி⁴கரணங் ஸமுட்டா²பேதி; அபிச,
விவாதா³தி⁴கரணபச்சயா சத்தாரோ அதி⁴கரணா ஜாயந்தி. யதா² கத²ங் விய? [சூளவ॰ 215; பரி॰ 348 ஆத³யோ]
இத⁴ பி⁴க்கூ² விவத³ந்தி – ‘‘த⁴ம்மோதி வா, அத⁴ம்மோதி வா, வினயோதி வா,
அவினயோதி வா, அபா⁴ஸிதங் அலபிதங் ததா²க³தேனாதி வா, பா⁴ஸிதங் லபிதங்
ததா²க³தேனாதி வா, அனாசிண்ணங் ததா²க³தேனாதி வா, ஆசிண்ணங் ததா²க³தேனாதி
வா, அபஞ்ஞத்தங் ததா²க³தேனாதி வா, பஞ்ஞத்தங் ததா²க³தேனாதி வா, ஆபத்தீதி வா,
அனாபத்தீதி வா, லஹுகா ஆபத்தீதி வா, க³ருகா ஆபத்தீதி வா, ஸாவஸேஸா ஆபத்தீதி
வா, அனவஸேஸா ஆபத்தீதி வா, து³ட்டு²ல்லா ஆபத்தீதி வா அது³ட்டு²ல்லா ஆபத்தீதி
வா’’. யங் தத்த² ப⁴ண்ட³னங் கலஹோ விக்³க³ஹோ விவாதோ³ நானாவாதோ³ அஞ்ஞதா²வாதோ³
விபச்சதாய வோஹாரோ மேத⁴கங் [மேத⁴க³ங் (க॰)], இத³ங் வுச்சதி விவாதா³தி⁴கரணங். விவாதா³தி⁴கரணே ஸங்கோ⁴ விவத³தி. விவாதா³தி⁴கரணங்
விவத³மானோ அனுவத³தி. அனுவாதா³தி⁴கரணங் அனுவத³மானோ ஆபத்திங் ஆபஜ்ஜதி
ஆபத்தாதி⁴கரணங். தாய ஆபத்தியா ஸங்கோ⁴ கம்மங் கரோதி கிச்சாதி⁴கரணங். ஏவங்
விவாதா³தி⁴கரணபச்சயா சத்தாரோ அதி⁴கரணா ஜாயந்தி.

315.
அனுவாதா³தி⁴கரணங் சதுன்னங் அதி⁴கரணானங் கதமங் அதி⁴கரணங் ஸமுட்டா²பேதி?
அனுவாதா³தி⁴கரணங் சதுன்னங் அதி⁴கரணானங் ந கதமங் அதி⁴கரணங் ஸமுட்டா²பேதி;
அபிச, அனுவாதா³தி⁴கரணபச்சயா சத்தாரோ அதி⁴கரணா ஜாயந்தி. யதா² கத²ங் விய? [சூளவ॰ 215; பரி॰ 348 ஆத³யோ]
இத⁴ பி⁴க்கூ² பி⁴க்கு²ங் அனுவத³ந்தி ஸீலவிபத்தியா வா ஆசாரவிபத்தியா வா
தி³ட்டி²விபத்தியா வா ஆஜீவவிபத்தியா வா. யோ தத்த² அனுவாதோ³ அனுவத³னா
அனுல்லபனா அனுப⁴ணனா அனுஸம்பவங்கதா அப்³பு⁴ஸ்ஸஹனதா அனுப³லப்பதா³னங், இத³ங்
வுச்சதி அனுவாதா³தி⁴கரணங். அனுவாதா³தி⁴கரணே ஸங்கோ⁴ விவத³தி.
விவாதா³தி⁴கரணங் விவத³மானோ அனுவத³தி. அனுவாதா³தி⁴கரணங் அனுவத³மானோ ஆபத்திங்
ஆபஜ்ஜதி ஆபத்தாதி⁴கரணங். தாய ஆபத்தியா ஸங்கோ⁴ கம்மங் கரோதி
கிச்சாதி⁴கரணங். ஏவங் அனுவாதா³தி⁴கரணபச்சயா சத்தாரோ அதி⁴கரணா ஜாயந்தி.

316.
ஆபத்தாதி⁴கரணங் சதுன்னங் அதி⁴கரணானங் கதமங் அதி⁴கரணங் ஸமுட்டா²பேதி?
ஆபத்தாதி⁴கரணங் சதுன்னங் அதி⁴கரணானங் ந கதமங் அதி⁴கரணங் ஸமுட்டா²பேதி;
அபிச, ஆபத்தாதி⁴கரணபச்சயா சத்தாரோ அதி⁴கரணா ஜாயந்தி. யதா² கத²ங் விய?
பஞ்சபி ஆபத்திக்க²ந்தா⁴ ஆபத்தாதி⁴கரணங், ஸத்தபி ஆபத்திக்க²ந்தா⁴
ஆபத்தாதி⁴கரணங், இத³ங் வுச்சதி ஆபத்தாதி⁴கரணங். ஆபத்தாதி⁴கரணே ஸங்கோ⁴
விவத³தி. விவாதா³தி⁴கரணங் விவத³மானோ அனுவத³தி. அனுவாதா³தி⁴கரணங் அனுவத³மானோ ஆபத்திங் ஆபஜ்ஜதி ஆபத்தாதி⁴கரணங். தாய ஆபத்தியா ஸங்கோ⁴ கம்மங் கரோதி கிச்சாதி⁴கரணங். ஏவங் ஆபத்தாதி⁴கரணபச்சயா சத்தாரோ அதி⁴கரணா ஜாயந்தி.

317. கிச்சாதி⁴கரணங் சதுன்னங் அதி⁴கரணானங் கதமங் அதி⁴கரணங் ஸமுட்டா²பேதி ?
கிச்சாதி⁴கரணங் சதுன்னங் அதி⁴கரணானங் ந கதமங் அதி⁴கரணங் ஸமுட்டா²பேதி,
அபிச கிச்சாதி⁴கரணபச்சயா சத்தாரோ அதி⁴கரணா ஜாயந்தி. யதா² கத²ங் விய? யா
ஸங்க⁴ஸ்ஸ கிச்சயதா கரணீயதா அபலோகனகம்மங் ஞத்திகம்மங் ஞத்திது³தியகம்மங்
ஞத்திசதுத்த²கம்மங், இத³ங் வுச்சதி கிச்சாதி⁴கரணங். கிச்சாதி⁴கரணே ஸங்கோ⁴
விவத³தி. விவாதா³தி⁴கரணங் விவத³மானோ அனுவத³தி. அனுவாதா³தி⁴கரணங் அனுவத³மானோ
ஆபத்திங் ஆபஜ்ஜதி ஆபத்தாதி⁴கரணங். தாய ஆபத்தியா ஸங்கோ⁴ கம்மங் கரோதி கிச்சாதி⁴கரணங். ஏவங் கிச்சாதி⁴கரணபச்சயா சத்தாரோ அதி⁴கரணா ஜாயந்தி.

ஸமுட்டா²பனவாரோ நிட்டி²தோ வீஸதிமோ.

21. ப⁴ஜதிவாரோ

318.
விவாதா³தி⁴கரணங் சதுன்னங் அதி⁴கரணானங் கதமங் அதி⁴கரணங் ப⁴ஜதி? கதமங்
அதி⁴கரணங் உபனிஸ்ஸிதங்? கதமங் அதி⁴கரணங் பரியாபன்னங்? கதமேன அதி⁴கரணேன
ஸங்க³ஹிதங்?

அனுவாதா³தி⁴கரணங் சதுன்னங் அதி⁴கரணானங் கதமங்
அதி⁴கரணங் ப⁴ஜதி? கதமங் அதி⁴கரணங் உபனிஸ்ஸிதங்? கதமங் அதி⁴கரணங்
பரியாபன்னங்? கதமேன அதி⁴கரணேன ஸங்க³ஹிதங்?

ஆபத்தாதி⁴கரணங் சதுன்னங் அதி⁴கரணானங் கதமங் அதி⁴கரணங்
ப⁴ஜதி? கதமங் அதி⁴கரணங் உபனிஸ்ஸிதங்? கதமங் அதி⁴கரணங் பரியாபன்னங்? கதமேன
அதி⁴கரணேன ஸங்க³ஹிதங்?

கிச்சாதி⁴கரணங் சதுன்னங் அதி⁴கரணானங் கதமங் அதி⁴கரணங்
ப⁴ஜதி? கதமங் அதி⁴கரணங் உபனிஸ்ஸிதங்? கதமங் அதி⁴கரணங் பரியாபன்னங்? கதமேன
அதி⁴கரணேன ஸங்க³ஹிதங்?

விவாதா³தி⁴கரணங் சதுன்னங் அதி⁴கரணானங் விவாதா³தி⁴கரணங்
ப⁴ஜதி, விவாதா³தி⁴கரணங் உபனிஸ்ஸிதங், விவாதா³தி⁴கரணங் பரியாபன்னங்,
விவாதா³தி⁴கரணேன ஸங்க³ஹிதங்.

அனுவாதா³தி⁴கரணங் சதுன்னங்
அதி⁴கரணானங் அனுவாதா³தி⁴கரணங் ப⁴ஜதி, அனுவாதா³தி⁴கரணங் உபனிஸ்ஸிதங்,
அனுவாதா³தி⁴கரணங் பரியாபன்னங், அனுவாதா³தி⁴கரணேன ஸங்க³ஹிதங்.

ஆபத்தாதி⁴கரணங் சதுன்னங் அதி⁴கரணானங் ஆபத்தாதி⁴கரணங்
ப⁴ஜதி, ஆபத்தாதி⁴கரணங் உபனிஸ்ஸிதங், ஆபத்தாதி⁴கரணங் பரியாபன்னங்,
ஆபத்தாதி⁴கரணேன ஸங்க³ஹிதங்.

கிச்சாதி⁴கரணங் சதுன்னங் அதி⁴கரணானங் கிச்சாதி⁴கரணங்
ப⁴ஜதி, கிச்சாதி⁴கரணங் உபனிஸ்ஸிதங், கிச்சாதி⁴கரணங் பரியாபன்னங்,
கிச்சாதி⁴கரணேன ஸங்க³ஹிதங்.

319. விவாதா³தி⁴கரணங்
ஸத்தன்னங் ஸமதா²னங் கதி ஸமதே² ப⁴ஜதி, கதி ஸமதே² உபனிஸ்ஸிதங், கதி ஸமதே²
பரியாபன்னங், கதிஹி ஸமதே²ஹி ஸங்க³ஹிதங், கதிஹி ஸமதே²ஹி ஸம்மதி?

அனுவாதா³தி⁴கரணங் ஸத்தன்னங் ஸமதா²னங் கதி ஸமதே² ப⁴ஜதி,
கதி ஸமதே² உபனிஸ்ஸிதங், கதி ஸமதே² பரியாபன்னங், கதிஹி ஸமதே²ஹி ஸங்க³ஹிதங்,
கதிஹி ஸமதே²ஹி ஸம்மதி?

ஆபத்தாதி⁴கரணங் ஸத்தன்னங் ஸமதா²னங் கதி ஸமதே² ப⁴ஜதி,
கதி ஸமதே² உபனிஸ்ஸிதங், கதி ஸமதே² பரியாபன்னங், கதிஹி ஸமதே²ஹி ஸங்க³ஹிதங்,
கதிஹி ஸமதே²ஹி ஸம்மதி?

கிச்சாதி⁴கரணங் ஸத்தன்னங் ஸமதா²னங் கதி ஸமதே² ப⁴ஜதி,
கதி ஸமதே² உபனிஸ்ஸிதங், கதி ஸமதே² பரியாபன்னங், கதிஹி ஸமதே²ஹி ஸங்க³ஹிதங்,
கதிஹி ஸமதே²ஹி ஸம்மதி?

விவாதா³தி⁴கரணங் ஸத்தன்னங் ஸமதா²னங் த்³வே ஸமதே²
ப⁴ஜதி, த்³வே ஸமதே² உபனிஸ்ஸிதங், த்³வே ஸமதே² பரியாபன்னங், த்³வீஹி ஸமதே²ஹி
ஸங்க³ஹிதங், த்³வீஹி ஸமதே²ஹி ஸம்மதி – ஸம்முகா²வினயேன ச யேபு⁴ய்யஸிகாய ச.

அனுவாதா³தி⁴கரணங் ஸத்தன்னங் ஸமதா²னங் சத்தாரோ ஸமதே²
ப⁴ஜதி, சத்தாரோ ஸமதே² உபனிஸ்ஸிதங், சத்தாரோ ஸமதே² பரியாபன்னங், சதூஹி
ஸமதே²ஹி ஸங்க³ஹிதங், சதூஹி ஸமதே²ஹி ஸம்மதி – ஸம்முகா²வினயேன ச ஸதிவினயேன ச அமூள்ஹவினயேன ச தஸ்ஸபாபியஸிகாய ச.

ஆபத்தாதி⁴கரணங் ஸத்தன்னங்
ஸமதா²னங் தயோ ஸமதே² ப⁴ஜதி, தயோ ஸமதே² உபனிஸ்ஸிதங், தயோ ஸமதே² பரியாபன்னங்,
தீஹி ஸமதே²ஹி ஸங்க³ஹிதங் தீஹி ஸமதே²ஹி ஸம்மதி – ஸம்முகா²வினயேன ச
படிஞ்ஞாதகரணேன திணவத்தா²ரகேன ச.

கிச்சாதி⁴கரணங் ஸத்தன்னங் ஸமதா²னங் ஏகங் ஸமத²ங் ப⁴ஜதி,
ஏகங் ஸமத²ங் உபனிஸ்ஸிதங், ஏகங் ஸமத²ங் பரியாபன்னங், ஏகேன ஸமதே²ன
ஸங்க³ஹிதங், ஏகேன ஸமதே²ன ஸம்மதி – ஸம்முகா²வினயேனாதி.

ப⁴ஜதிவாரோ நிட்டி²தோ ஏகவீஸதிமோ.

ஸமத²பே⁴தோ³ நிட்டி²தோ.

தஸ்ஸுத்³தா³னங் –

அதி⁴கரணங் பரியாயங், ஸாதா⁴ரணா ச பா⁴கி³யா;

ஸமதா² ஸாதா⁴ரணிகா, ஸமத²ஸ்ஸ தப்³பா⁴கி³யா.

ஸமதா² ஸம்முகா² சேவ, வினயேன குஸலேன ச;

யத்த² ஸமத²ஸங்ஸட்டா², ஸம்மந்தி ந ஸம்மந்தி ச.

ஸமதா²தி⁴கரணஞ்சேவ, ஸமுட்டா²னங் ப⁴ஜந்தி சாதி.

__________________________________________________________________________________________________________

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

வினயபிடகே

பரிவாரபாளி

கந்தகபுச்சா²வாரோ

320.

உபஸம்பத³ங் புச்சி²ஸ்ஸங் ஸனிதா³னங் ஸனித்³தே³ஸங்;