Analytic Insight Net - FREE Online Tipiṭaka Research & Practice Universitu 
in
 112 CLASSICAL LANGUAGES
Paṭisambhidā Jāla-Abaddha Paripanti Tipiṭaka Anvesanā ca Paricaya Nikhilavijjālaya ca ñātibhūta Pavatti Nissāya 
http://sarvajan.ambedkar.org anto 105 Seṭṭhaganthāyatta Bhāsā
Categories:

Archives:
Meta:
December 2012
M T W T F S S
« Nov   Jan »
 12
3456789
10111213141516
17181920212223
24252627282930
31  
12/08/12
91212 SUNDAY LESSON 775 -வினயபிடகே-Parts-47,48,49,50- தமிழில் திரபிடக மூன்று தொகுப்புகள்TIPITAKA from FREE ONLINE eNālāndā Research and Practice UNIVERSITY through http://sarvajan.ambedkar.org-The deepest swimming pool in the world located in Brussels. It is called Nemo33. Its maximum depth is 34.5 meters (113 ft). It was built in2004 specifically to train divers.
Filed under: General
Posted by: site admin @ 4:23 pm

up a level
91212 SUNDAY LESSON 775 -வினயபிடகே-Parts-47,48,49,50- மிழில் திபி  மூன்று தொகுப்புள்TIPITAKA
from FREE ONLINE  eNālāndā Research and
Practice UNIVERSITY through http://sarvajan.ambedkar.org
-The deepest swimming pool in the world located in Brussels. It is
called Nemo33. Its maximum depth is 34.5 meters (113 ft). It was built
in2004 specifically to train divers.

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

வினயபிடகே

பரிவாரபாளி

சூளஸங்காமோ

1. அனுவிஜ்ஜகஸ்ஸபடிபத்தி

365. [பரி॰ 421] ஸங்கா³மாவசரே
பி⁴க்கு²னா ஸங்க⁴ங் உபஸங்கமந்தேன நீசசித்தேன ஸங்கோ⁴ உபஸங்கமிதப்³போ³
ரஜோஹரணஸமேன சித்தேன; ஆஸனகுஸலேன ப⁴விதப்³ப³ங் நிஸஜ்ஜகுஸலேன; தே²ரே பி⁴க்கூ²
அனுபக²ஜ்ஜந்தேன, நவே பி⁴க்கூ² ஆஸனேன அப்படிபா³ஹந்தேன, யதா²பதிரூபே ஆஸனே
நிஸீதி³தப்³ப³ங்; அனானாகதி²கேன ப⁴விதப்³ப³ங் அதிரச்சா²னகதி²கேன; ஸாமங் வா
த⁴ம்மோ பா⁴ஸிதப்³போ³ பரோ வா அஜ்ஜே²ஸிதப்³போ³ அரியோ வா துண்ஹீபா⁴வோ
நாதிமஞ்ஞிதப்³போ³.

ஸங்கே⁴ன அனுமதேன புக்³க³லேன அனுவிஜ்ஜகேன
அனுவிஜ்ஜிதுகாமேன ந உபஜ்ஜா²யோ புச்சி²தப்³போ³, ந ஆசரியோ புச்சி²தப்³போ³, ந
ஸத்³தி⁴விஹாரிகோ புச்சி²தப்³போ³, ந அந்தேவாஸிகோ புச்சி²தப்³போ³, ந
ஸமானுபஜ்ஜா²யகோ புச்சி²தப்³போ³, ந ஸமானாசரியகோ புச்சி²தப்³போ³, ந ஜாதி
புச்சி²தப்³பா³, ந நாமங் புச்சி²தப்³ப³ங், ந கொ³த்தங் புச்சி²தப்³ப³ங், ந
ஆக³மோ புச்சி²தப்³போ³, ந குலபதே³ஸோ புச்சி²தப்³போ³, ந ஜாதிபூ⁴மி
புச்சி²தப்³பா³. தங் கிங் காரணா? அத்ரஸ்ஸ பேமங் வா தோ³ஸோ வா. பேமே வா ஸதி
தோ³ஸே வா, ச²ந்தா³பி க³ச்செ²ய்ய தோ³ஸாபி க³ச்செ²ய்ய மோஹாபி க³ச்செ²ய்ய
ப⁴யாபி க³ச்செ²ய்ய.

ஸங்கே⁴ன அனுமதேன புக்³க³லேன அனுவிஜ்ஜகேன
அனுவிஜ்ஜிதுகாமேன ஸங்க⁴க³ருகேன ப⁴விதப்³ப³ங் நோ புக்³க³லக³ருகேன,
ஸத்³த⁴ம்மக³ருகேன ப⁴விதப்³ப³ங் நோ ஆமிஸக³ருகேன, அத்த²வஸிகேன ப⁴விதப்³ப³ங்
நோ பரிஸகப்பிகேன, காலேன அனுவிஜ்ஜிதப்³ப³ங் நோ அகாலேன, பூ⁴தேன
அனுவிஜ்ஜிதப்³ப³ங் நோ அபூ⁴தேன, ஸண்ஹேன
அனுவிஜ்ஜிதப்³ப³ங் நோ ப²ருஸேன, அத்த²ஸங்ஹிதேன அனுவிஜ்ஜிதப்³ப³ங் நோ
அனத்த²ஸங்ஹிதேன, மெத்தாசித்தேன அனுவிஜ்ஜிதப்³ப³ங் நோ தோ³ஸந்தரேன, ந
உபகண்ணகஜப்பினா ப⁴விதப்³ப³ங், ந ஜிம்ஹங்
பெக்கி²தப்³ப³ங், ந அக்கி² நிக²ணிதப்³ப³ங், ந ப⁴முகங் உக்கி²பிதப்³ப³ங், ந
ஸீஸங் உக்கி²பிதப்³ப³ங், ந ஹத்த²விகாரோ காதப்³போ³, ந ஹத்த²முத்³தா³
த³ஸ்ஸேதப்³பா³.

ஆஸனகுஸலேன ப⁴விதப்³ப³ங் நிஸஜ்ஜகுஸலேன, யுக³மத்தங்
பெக்க²ந்தேன அத்த²ங் அனுவிதி⁴யந்தேன ஸகே ஆஸனே நிஸீதி³தப்³ப³ங், ந ச ஆஸனா
வுட்டா²தப்³ப³ங் , ந வீதிஹாதப்³ப³ங், ந கும்மக்³கோ³ ஸேவிதப்³போ³, ந பா³ஹாவிக்கே²பகங் [ந வாசா விக்கே²பகங் (ஸ்யா॰)] ப⁴ணிதப்³ப³ங், அதுரிதேன ப⁴விதப்³ப³ங் அஸாஹஸிகேன, அசண்டி³கதேன ப⁴விதப்³ப³ங் வசனக்க²மே ,
மெத்தாசித்தேன ப⁴விதப்³ப³ங் ஹிதானுகம்பினா, காருணிகேன ப⁴விதப்³ப³ங்
ஹிதபரிஸக்கினா, அஸம்ப²ப்பலாபினா ப⁴விதப்³ப³ங் பரியந்தபா⁴ணினா, அவேரவஸிகேன
ப⁴விதப்³ப³ங் அனஸுருத்தேன, அத்தா பரிக்³க³ஹேதப்³போ³, பரோ
பரிக்³க³ஹேதப்³போ³, சோத³கோ பரிக்³க³ஹேதப்³போ³, சுதி³தகோ பரிக்³க³ஹேதப்³போ³,
அத⁴ம்மசோத³கோ பரிக்³க³ஹேதப்³போ³, அத⁴ம்மசுதி³தகோ பரிக்³க³ஹேதப்³போ³,
த⁴ம்மசோத³கோ பரிக்³க³ஹேதப்³போ³, த⁴ம்மசுதி³தகோ பரிக்³க³ஹேதப்³போ³, வுத்தங்
அஹாபெந்தேன அவுத்தங் அபகாஸெந்தேன ஓதிண்ணானி பத³ப்³யஞ்ஜனானி ஸாது⁴கங்
பரிக்³க³ஹெத்வா பரோ படிபுச்சி²த்வா யதா² படிஞ்ஞாய காரேதப்³போ³, மந்தோ³
ஹாஸேதப்³போ³ [வேபோ பஹாஸேதப்³போ³ (ஸ்யா॰)], பீ⁴ரூ
அஸ்ஸாஸேதப்³போ³, சண்டோ³ நிஸேதே⁴தப்³போ³, அஸுசி விபா⁴வேதப்³போ³,
உஜுமத்³த³வேன ந ச²ந்தா³க³திங் க³ந்தப்³ப³ங், ந தோ³ஸாக³திங் க³ந்தப்³ப³ங், ந
மோஹாக³திங் க³ந்தப்³ப³ங், ந ப⁴யாக³திங் க³ந்தப்³ப³ங், மஜ்ஜ²த்தேன
ப⁴விதப்³ப³ங் த⁴ம்மேஸு ச புக்³க³லேஸு ச. ஏவஞ்ச பன அனுவிஜ்ஜகோ அனுவிஜ்ஜமானோ
ஸத்து² சேவ ஸாஸனகரோ ஹோதி, விஞ்ஞூனஞ்ச ஸப்³ரஹ்மசாரீனங் பியோ ச ஹோதி மனாபோ ச
க³ரு ச பா⁴வனீயோ ச.

366.
ஸுத்தங் ஸங்ஸந்த³னத்தா²ய, ஓபம்மங் நித³ஸ்ஸனத்தா²ய, அத்தோ² விஞ்ஞாபனத்தா²ய,
படிபுச்சா² ட²பனத்தா²ய, ஓகாஸகம்மங் சோத³னத்தா²ய, சோத³னா ஸாரணத்தா²ய, ஸாரணா
ஸவசனீயத்தா²ய, ஸவசனீயங் பலிபோ³த⁴த்தா²ய, பலிபோ³தோ⁴ வினிச்ச²யத்தா²ய,
வினிச்ச²யோ ஸந்தீரணத்தா²ய, ஸந்தீரணங் டா²னாடா²னக³மனத்தா²ய, டா²னாடா²னக³மனங்
து³ம்மங்கூனங் புக்³க³லானங் நிக்³க³ஹத்தா²ய, பேஸலானங் பி⁴க்கூ²னங்
ஸம்பக்³க³ஹத்தா²ய, ஸங்கோ⁴ ஸம்பரிக்³க³ஹஸம்படிச்ச²னத்தா²ய, ஸங்கே⁴ன அனுமதா
புக்³க³லா பச்சேகட்டா²யினோ அவிஸங்வாத³கட்டா²யினோ.

வினயோ ஸங்வரத்தா²ய, ஸங்வரோ அவிப்படிஸாரத்தா²ய,
அவிப்படிஸாரோ பாமுஜ்ஜத்தா²ய, பாமுஜ்ஜங் பீதத்தா²ய, பீதி பஸ்ஸத்³த⁴த்தா²ய,
பஸ்ஸத்³தி⁴ ஸுக²த்தா²ய, ஸுக²ங் ஸமாத⁴த்தா²ய, ஸமாதி⁴
யதா²பூ⁴தஞாணத³ஸ்ஸனத்தா²ய, யதா²பூ⁴தஞாணத³ஸ்ஸனங் நிப்³பி³த³த்தா²ய,
நிப்³பி³தா³ விராக³த்தா²ய, விராகோ³ விமுத்தத்தா²ய, விமுத்தி
விமுத்திஞாணத³ஸ்ஸனத்தா²ய, விமுத்திஞாணத³ஸ்ஸனங் அனுபாதா³பரினிப்³பா³னத்தா²ய.
ஏதத³த்தா² கதா², ஏதத³த்தா² மந்தனா, ஏதத³த்தா² உபனிஸா, ஏதத³த்த²ங் ஸோதாவதா⁴னங் – யதி³த³ங் அனுபாதா³சித்தஸ்ஸ விமொக்கோ²தி.

367.

அனுயோக³வத்தங் நிஸாமய, குஸலேன பு³த்³தி⁴மதா கதங்;

ஸுவுத்தங் ஸிக்கா²பதா³னுலோமிகங், க³திங் ந நாஸெந்தோ ஸம்பராயிகங்.

வத்து²ங் விபத்திங் ஆபத்திங், நிதா³னங் ஆகாரஅகோவிதோ³;

புப்³பா³பரங் ந ஜானாதி, கதாகதங் ஸமேன ச.

கம்மஞ்ச அதி⁴கரணஞ்ச, ஸமதே² சாபி அகோவிதோ³;

ரத்தோ து³ட்டோ² ச மூள்ஹோ ச, ப⁴யா மோஹா ச க³ச்ச²தி.

ந ச ஸஞ்ஞத்திகுஸலோ, நிஜ்ஜ²த்தியா ச அகோவிதோ³;

லத்³த⁴பக்கோ² அஹிரிகோ, கண்ஹகம்மோ அனாத³ரோ;

ஸ வே [ஸசே (க॰)] தாதி³ஸகோ பி⁴க்கு², அப்படிக்கோ²தி வுச்சதி.

வத்து²ங் விபத்திங் ஆபத்திங், நிதா³னங் ஆகாரகோவிதோ³;

புப்³பா³பரஞ்ச ஜானாதி, கதாகதங் ஸமேன ச.

கம்மஞ்ச அதி⁴கரணஞ்ச, ஸமதே² சாபி கோவிதோ³;

அரத்தோ அது³ட்டோ² அமூள்ஹோ, ப⁴யா மோஹா ந க³ச்ச²தி.

ஸஞ்ஞத்தியா ச குஸலோ, நிஜ்ஜ²த்தியா ச கோவிதோ³;

லத்³த⁴பக்கோ² ஹிரிமனோ, ஸுக்ககம்மோ ஸகா³ரவோ;

ஸ வே தாதி³ஸகோ பி⁴க்கு², ஸப்படிக்கோ²தி வுச்சதீதி.

சூளஸங்கா³மோ நிட்டி²தோ.

தஸ்ஸுத்³தா³னங் –

நீசசித்தேன புச்செ²ய்ய, க³ரு ஸங்கே⁴ ந புக்³க³லே;

ஸுத்தங் ஸங்ஸந்த³னத்தா²ய, வினயானுக்³க³ஹேன ச;

உத்³தா³னங் சூளஸங்கா³மே, ஏகுத்³தே³ஸோ [ஏகுத்³தே³ஸங் (ஸீ॰ ஸ்யா॰)] இத³ங் கதந்தி.

_________________________________________________________________________________________________________

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

வினயபிடகே

பரிவாரபாளி

மஹாஸங்காமோ

1. வோஹரந்தேன ஜானிதப்பாதி

368. ஸங்கா³மாவசரே
பி⁴க்கு²னா ஸங்கே⁴ வோஹரந்தேன வத்து² ஜானிதப்³ப³ங், விபத்தி ஜானிதப்³பா³,
ஆபத்தி ஜானிதப்³பா³, நிதா³னங் ஜானிதப்³ப³ங், ஆகாரோ ஜானிதப்³போ³,
புப்³பா³பரங் ஜானிதப்³ப³ங், கதாகதங் ஜானிதப்³ப³ங், கம்மங் ஜானிதப்³ப³ங்,
அதி⁴கரணங் ஜானிதப்³ப³ங், ஸமதோ² ஜானிதப்³போ³, ந ச²ந்தா³க³தி க³ந்தப்³பா³, ந
தோ³ஸாக³தி க³ந்தப்³பா³, ந மோஹாக³தி க³ந்தப்³பா³, ந ப⁴யாக³தி க³ந்தப்³பா³,
ஸஞ்ஞாபனீயே டா²னே ஸஞ்ஞாபேதப்³ப³ங், நிஜ்ஜா²பனீயே டா²னே நிஜ்ஜா²பேதப்³ப³ங்,
பெக்க²னீயே டா²னே பெக்கி²தப்³ப³ங், பஸாத³னீயே டா²னே பஸாதே³தப்³ப³ங்,
லத்³த⁴பக்கொ²ம்ஹீதி பரபக்கோ² நாவஜானிதப்³போ³, ப³ஹுஸ்ஸுதொம்ஹீதி அப்பஸ்ஸுதோ
நாவஜானிதப்³போ³, தே²ரதரொம்ஹீதி நவகதரோ நாவஜானிதப்³போ³, அஸம்பத்தங் ந
ப்³யாஹாதப்³ப³ங், ஸம்பத்தங் த⁴ம்மதோ வினயதோ ந பரிஹாபேதப்³ப³ங், யேன த⁴ம்மேன
யேன வினயேன யேன ஸத்து²ஸாஸனேன தங் அதி⁴கரணங் வூபஸம்மதி, ததா² தங் அதி⁴கரணங்
வூபஸமேதப்³ப³ங்.

369. வத்து² ஜானிதப்³ப³ந்தி அட்ட²பாராஜிகானங் [அட்ட²ன்னங் பாராஜிகானங் (ஸீ॰ க॰)]
வத்து² ஜானிதப்³ப³ங், தேவீஸஸங்கா⁴தி³ஸேஸானங் வத்து² ஜானிதப்³ப³ங்,
த்³வேஅனியதானங் வத்து² ஜானிதப்³ப³ங், த்³வேசத்தாரீஸனிஸ்ஸக்³கி³யானங் வத்து²
ஜானிதப்³ப³ங், அட்டா²ஸீதிஸதபாசித்தியானங் வத்து² ஜானிதப்³ப³ங்,
த்³வாத³ஸபாடிதே³ஸனீயானங் வத்து² ஜானிதப்³ப³ங், து³க்கடானங் வத்து² ஜானிதப்³ப³ங், து³ப்³பா⁴ஸிதானங் வத்து² ஜானிதப்³ப³ங்.

370. விபத்தி ஜானிதப்³பா³தி ஸீலவிபத்தி ஜானிதப்³பா³, ஆசாரவிபத்தி ஜானிதப்³பா³, தி³ட்டி²விபத்தி ஜானிதப்³பா³, ஆஜீவவிபத்தி ஜானிதப்³பா³.

371. ஆபத்தி ஜானிதப்³பா³தி பாராஜிகாபத்தி ஜானிதப்³பா³, ஸங்கா⁴தி³ஸேஸாபத்தி ஜானிதப்³பா³, து²ல்லச்சயாபத்தி
ஜானிதப்³பா³, பாசித்தியாபத்தி ஜானிதப்³பா³, பாடிதே³ஸனீயாபத்தி
ஜானிதப்³பா³, து³க்கடாபத்தி ஜானிதப்³பா³, து³ப்³பா⁴ஸிதாபத்தி ஜானிதப்³பா³.

372. நிதா³னங் ஜானிதப்³ப³ந்தி
அட்ட²பாராஜிகானங் நிதா³னங் ஜானிதப்³ப³ங், தேவீஸஸங்கா⁴தி³ஸேஸானங் நிதா³னங்
ஜானிதப்³ப³ங், த்³வேஅனியதானங் நிதா³னங் ஜானிதப்³ப³ங்,
த்³வேசத்தாரீஸனிஸ்ஸக்³கி³யானங் நிதா³னங் ஜானிதப்³ப³ங்,
அட்டா²ஸீதிஸதபாசித்தியானங் நிதா³னங் ஜானிதப்³ப³ங், த்³வாத³ஸபாடிதே³ஸனீயானங்
நிதா³னங் ஜானிதப்³ப³ங், து³க்கடானங் நிதா³னங் ஜானிதப்³ப³ங்,
து³ப்³பா⁴ஸிதானங் நிதா³னங் ஜானிதப்³ப³ங்.

373. ஆகாரோ ஜானிதப்³போ³தி
ஸங்கோ⁴ ஆகாரதோ ஜானிதப்³போ³, க³ணோ ஆகாரதோ ஜானிதப்³போ³, புக்³க³லோ ஆகாரதோ
ஜானிதப்³போ³, சோத³கோ ஆகாரதோ ஜானிதப்³போ³, சுதி³தகோ ஆகாரதோ ஜானிதப்³போ³ . ஸங்கோ⁴ ஆகாரதோ ஜானிதப்³போ³தி
படிப³லோ நு கோ² அயங் ஸங்கோ⁴ இமங் அதி⁴கரணங் வூபஸமேதுங் த⁴ம்மேன வினயேன
ஸத்து²ஸாஸனேன உதா³ஹு நோதி, ஏவங் ஸங்கோ⁴ ஆகாரதோ ஜானிதப்³போ³. க³ணோ ஆகாரதோ ஜானிதப்³போ³தி படிப³லோ நு கோ² அயங் க³ணோ இமங் அதி⁴கரணங் வூபஸமேதுங் த⁴ம்மேன வினயேன ஸத்து²ஸாஸனேன உதா³ஹு நோதி, ஏவங் க³ணோ ஆகாரதோ ஜானிதப்³போ³ . புக்³க³லோ ஆகாரதோ ஜானிதப்³போ³தி
படிப³லோ நு கோ² அயங் புக்³க³லோ இமங் அதி⁴கரணங் வூபஸமேதுங் த⁴ம்மேன வினயேன
ஸத்து²ஸாஸனேன உதா³ஹு நோதி, ஏவங் புக்³க³லோ ஆகாரதோ ஜானிதப்³போ³. சோத³கோ ஆகாரதோ ஜானிதப்³போ³தி கச்சி நு கோ² அயமாயஸ்மா பஞ்சஸு த⁴ம்மேஸு பதிட்டா²ய பரங் சோதே³தி உதா³ஹு நோதி, ஏவங் சோத³கோ ஆகாரதோ ஜானிதப்³போ³. சுதி³தகோ ஆகாரதோ ஜானிதப்³போ³தி கச்சி நு கோ² அயமாயஸ்மா த்³வீஸு த⁴ம்மேஸு பதிட்டி²தோ ஸச்சே ச அகுப்பே ச உதா³ஹு நோதி, ஏவங் சுதி³தகோ ஆகாரதோ ஜானிதப்³போ³.

374. புப்³பா³பரங் ஜானிதப்³ப³ந்தி
கச்சி நு கோ² அயமாயஸ்மா வத்து²தோ வா வத்து²ங் ஸங்கமதி, விபத்திதோ வா
விபத்திங் ஸங்கமதி, ஆபத்திதோ வா ஆபத்திங் ஸங்கமதி, அவஜானித்வா வா
படிஜானாதி, படிஜானித்வா வா அவஜானாதி, அஞ்ஞேன வா அஞ்ஞங் படிசரதி, உதா³ஹு
நோதி, ஏவங் புப்³பா³பரங் ஜானிதப்³ப³ங்.

375. கதாகதங் ஜானிதப்³ப³ந்தி மேது²னத⁴ம்மோ ஜானிதப்³போ³, மேது²னத⁴ம்மஸ்ஸ அனுலோமங் ஜானிதப்³ப³ங், மேது²னத⁴ம்மஸ்ஸ புப்³ப³பா⁴கோ³ ஜானிதப்³போ³. மேது²னத⁴ம்மோ ஜானிதப்³போ³தி த்³வயங்த்³வயஸமாபத்தி ஜானிதப்³பா³. மேது²னத⁴ம்மஸ்ஸ அனுலோமங் ஜானிதப்³ப³ந்தி பி⁴க்கு² அத்தனோ முகே²ன பரஸ்ஸ அங்க³ஜாதங் க³ண்ஹாதி . மேது²னத⁴ம்மஸ்ஸ புப்³ப³பா⁴கோ³ ஜானிதப்³போ³தி வண்ணாவண்ணோ [வண்ணோ அவண்ணோ (ஸ்யா॰)], காயஸங்ஸக்³கோ³, து³ட்டு²ல்லவாசா, அத்தகாமபாரிசரியா, வசனமனுப்பதா³னங் [த⁴னமனுப்பதா³னங் (க॰)].

376. கம்மங் ஜானிதப்³ப³ந்தி
ஸோளஸகம்மானி ஜானிதப்³பா³னி – சத்தாரி அபலோகனகம்மானி ஜானிதப்³பா³னி,
சத்தாரி ஞத்திகம்மானி ஜானிதப்³பா³னி, சத்தாரி ஞத்திது³தியகம்மானி
ஜானிதப்³பா³னி, சத்தாரி ஞத்திசதுத்த²கம்மானி ஜானிதப்³பா³னி.

377. அதி⁴கரணங் ஜானிதப்³ப³ந்தி
சத்தாரி அதி⁴கரணானி ஜானிதப்³பா³னி – விவாதா³தி⁴கரணங் ஜானிதப்³ப³ங்,
அனுவாதா³தி⁴கரணங் ஜானிதப்³ப³ங், ஆபத்தாதி⁴கரணங் ஜானிதப்³ப³ங்,
கிச்சாதி⁴கரணங் ஜானிதப்³ப³ங்.

378. ஸமதோ² ஜானிதப்³போ³தி
ஸத்த ஸமதா² ஜானிதப்³பா³ – ஸம்முகா²வினயோ ஜானிதப்³போ³, ஸதிவினயோ
ஜானிதப்³போ³, அமூள்ஹவினயோ ஜானிதப்³போ³, படிஞ்ஞாதகரணங் ஜானிதப்³ப³ங்,
யேபு⁴ய்யஸிகா ஜானிதப்³பா³, தஸ்ஸபாபியஸிகா ஜானிதப்³பா³, திணவத்தா²ரகோ
ஜானிதப்³போ³.

2. அக³திஅக³ந்தப்³போ³

379. ந ச²ந்தா³க³தி க³ந்தப்³பா³தி
ச²ந்தா³க³திங் க³ச்ச²ந்தோ கத²ங் ச²ந்தா³க³திங் க³ச்ச²தி? இதே⁴கச்சோ –
‘‘அயங் மே உபஜ்ஜா²யோ வா ஆசரியோ வா ஸத்³தி⁴விஹாரிகோ வா அந்தேவாஸிகோ வா
ஸமானுபஜ்ஜா²யகோ வா ஸமானாசரியகோ வா ஸந்தி³ட்டோ² வா ஸம்ப⁴த்தோ வா
ஞாதிஸாலோஹிதோ வா’’தி, தஸ்ஸானுகம்பாய தஸ்ஸானுரக்கா²ய அத⁴ம்மங் த⁴ம்மோதி
தீ³பேதி, த⁴ம்மங் அத⁴ம்மோதி தீ³பேதி, அவினயங் வினயோதி தீ³பேதி, வினயங்
அவினயோதி தீ³பேதி, அபா⁴ஸிதங் அலபிதங் ததா²க³தேன பா⁴ஸிதங் லபிதங்
ததா²க³தேனாதி தீ³பேதி, பா⁴ஸிதங் லபிதங் ததா²க³தேன
அபா⁴ஸிதங் அலபிதங் ததா²க³தேனாதி தீ³பேதி, அனாசிண்ணங் ததா²க³தேன ஆசிண்ணங்
ததா²க³தேனாதி தீ³பேதி, ஆசிண்ணங் ததா²க³தேன அனாசிண்ணங் ததா²க³தேனாதி
தீ³பேதி, அபஞ்ஞத்தங் ததா²க³தேன பஞ்ஞத்தங் ததா²க³தேனாதி தீ³பேதி, பஞ்ஞத்தங்
ததா²க³தேன அபஞ்ஞத்தங் ததா²க³தேனாதி தீ³பேதி, அனாபத்திங்
ஆபத்தீதி தீ³பேதி, ஆபத்திங் அனாபத்தீதி தீ³பேதி, லஹுகங் ஆபத்திங் க³ருகா
ஆபத்தீதி தீ³பேதி, க³ருகங் ஆபத்திங் லஹுகா ஆபத்தீதி தீ³பேதி, ஸாவஸேஸங்
ஆபத்திங் அனவஸேஸா ஆபத்தீதி தீ³பேதி, அனவஸேஸங் ஆபத்திங் ஸாவஸேஸா ஆபத்தீதி
தீ³பேதி, து³ட்டு²ல்லங் ஆபத்திங் அது³ட்டு²ல்லா ஆபத்தீதி தீ³பேதி,
அது³ட்டு²ல்லங் ஆபத்திங் து³ட்டு²ல்லா ஆபத்தீதி தீ³பேதி. இமேஹி அட்டா²ரஸஹி வத்தூ²ஹி ச²ந்தா³க³திங் க³ச்ச²ந்தோ ப³ஹுஜனாஹிதாய
படிபன்னோ ஹோதி ப³ஹுஜனாஸுகா²ய ப³ஹுனோ ஜனஸ்ஸ அனத்தா²ய அஹிதாய து³க்கா²ய
தே³வமனுஸ்ஸானங். இமேஹி அட்டா²ரஸஹி வத்தூ²ஹி ச²ந்தா³க³திங் க³ச்ச²ந்தோ க²தங்
உபஹதங் அத்தானங் பரிஹரதி, ஸாவஜ்ஜோ ச ஹோதி ஸானுவஜ்ஜோ ச விஞ்ஞூனங், ப³ஹுஞ்ச
அபுஞ்ஞங் பஸவதி. ச²ந்தா³க³திங் க³ச்ச²ந்தோ ஏவங் ச²ந்தா³க³திங் க³ச்ச²தி.

380. ந தோ³ஸாக³தி க³ந்தப்³பா³தி
தோ³ஸாக³திங் க³ச்ச²ந்தோ கத²ங் தோ³ஸாக³திங் க³ச்ச²தி? இதே⁴கச்சோ அனத்த²ங்
மே அசரீதி ஆகா⁴தங் ப³ந்த⁴தி, அனத்த²ங் மே சரதீதி ஆகா⁴தங் ப³ந்த⁴தி,
அனத்த²ங் மே சரிஸ்ஸதீதி ஆகா⁴தங் ப³ந்த⁴தி, பியஸ்ஸ
மே மனாபஸ்ஸ அனத்த²ங் அசரி… அனத்த²ங் சரதி… அனத்த²ங் சரிஸ்ஸதீதி ஆகா⁴தங்
ப³ந்த⁴தி, அப்பியஸ்ஸ மே அமனாபஸ்ஸ அத்த²ங் அசரி… அத்த²ங் சரதி… அத்த²ங்
சரிஸ்ஸதீதி ஆகா⁴தங் ப³ந்த⁴தி. இமேஹி நவஹி ஆகா⁴தவத்தூ²ஹி ஆகா⁴தோ படிகா⁴தோ
குத்³தோ⁴ கோதா⁴பி⁴பூ⁴தோ அத⁴ம்மங் த⁴ம்மோதி தீ³பேதி, த⁴ம்மங் அத⁴ம்மோதி
தீ³பேதி…பே॰… து³ட்டு²ல்லங் ஆபத்திங் அது³ட்டு²ல்லா ஆபத்தீதி தீ³பேதி,
அது³ட்டு²ல்லங் ஆபத்திங் து³ட்டு²ல்லா ஆபத்தீதி தீ³பேதி. இமேஹி அட்டா²ரஸஹி
வத்தூ²ஹி தோ³ஸாக³திங் க³ச்ச²ந்தோ ப³ஹுஜனாஹிதாய படிபன்னோ ஹோதி ப³ஹுஜனாஸுகா²ய
ப³ஹுனோ ஜனஸ்ஸ அனத்தா²ய அஹிதாய து³க்கா²ய தே³வமனுஸ்ஸானங். இமேஹி அட்டா²ரஸஹி
வத்தூ²ஹி தோ³ஸாக³திங் க³ச்ச²ந்தோ க²தங் உபஹதங் அத்தானங் பரிஹரதி, ஸாவஜ்ஜோ ச
ஹோதி ஸானுவஜ்ஜோ ச விஞ்ஞூனங் ப³ஹுஞ்ச அபுஞ்ஞங் பஸவதி. தோ³ஸாக³திங்
க³ச்ச²ந்தோ ஏவங் தோ³ஸாக³திங் க³ச்ச²தி.

381. ந மோஹாக³தி க³ந்தப்³பா³தி
மோஹாக³திங் க³ச்ச²ந்தோ கத²ங் மோஹாக³திங் க³ச்ச²தி? ரத்தோ ராக³வஸேன
க³ச்ச²தி, து³ட்டோ² தோ³ஸவஸேன க³ச்ச²தி, மூள்ஹோ மோஹவஸேன க³ச்ச²தி, பராமட்டோ²
தி³ட்டி²வஸேன க³ச்ச²தி, மூள்ஹோ ஸங்மூள்ஹோ மோஹாபி⁴பூ⁴தோ அத⁴ம்மங் த⁴ம்மோதி
தீ³பேதி, த⁴ம்மங் அத⁴ம்மோதி தீ³பேதி…பே॰…
து³ட்டு²ல்லங் ஆபத்திங் அது³ட்டு²ல்லா ஆபத்தீதி தீ³பேதி, அது³ட்டு²ல்லங்
ஆபத்திங் து³ட்டு²ல்லா ஆபத்தீதி தீ³பேதி. இமேஹி அட்டா²ரஸஹி வத்தூ²ஹி
மோஹாக³திங் க³ச்ச²ந்தோ ப³ஹுஜனாஹிதாய படிபன்னோ ஹோதி ப³ஹுஜனாஸுகா²ய ப³ஹுனோ
ஜனஸ்ஸ அனத்தா²ய அஹிதாய து³க்கா²ய தே³வமனுஸ்ஸானங்.
இமேஹி அட்டா²ரஸஹி வத்தூ²ஹி மோஹாக³திங் க³ச்ச²ந்தோ க²தங் உபஹதங் அத்தானங்
பரிஹரதி, ஸாவஜ்ஜோ ச ஹோதி ஸானுவஜ்ஜோ ச விஞ்ஞூனங், ப³ஹுஞ்ச அபுஞ்ஞங் பஸவதி.
மோஹாக³திங் க³ச்ச²ந்தோ ஏவங் மோஹாக³திங் க³ச்ச²தி.

382. ந ப⁴யாக³தி க³ந்தப்³பா³தி
ப⁴யாக³திங் க³ச்ச²ந்தோ கத²ங் ப⁴யாக³திங் க³ச்ச²தி? இதே⁴கச்சோ – ‘‘அயங்
விஸமனிஸ்ஸிதோ வா க³ஹனநிஸ்ஸிதோ வா ப³லவனிஸ்ஸிதோ வா கக்க²ளோ ப²ருஸோ
ஜீவிதந்தராயங் வா ப்³ரஹ்மசரியந்தராயங் வா கரிஸ்ஸதீ’’தி, தஸ்ஸ ப⁴யா பீ⁴தோ
அத⁴ம்மங் த⁴ம்மோதி தீ³பேதி, த⁴ம்மங் அத⁴ம்மோதி
தீ³பேதி, அவினயங் வினயோதி தீ³பேதி, வினயங் அவினயோதி தீ³பேதி, அபா⁴ஸிதங்
அலபிதங் ததா²க³தேன பா⁴ஸிதங் லபிதங் ததா²க³தேனாதி தீ³பேதி, பா⁴ஸிதங் லபிதங்
ததா²க³தேன அபா⁴ஸிதங் அலபிதங் ததா²க³தேனாதி தீ³பேதி, அனாசிண்ணங் ததா²க³தேன
ஆசிண்ணங் ததா²க³தேனாதி தீ³பேதி, ஆசிண்ணங் ததா²க³தேன அனாசிண்ணங்
ததா²க³தேனாதி தீ³பேதி, அபஞ்ஞத்தங் ததா²க³தேன பஞ்ஞத்தங் ததா²க³தேனாதி
தீ³பேதி, பஞ்ஞத்தங் ததா²க³தேன அபஞ்ஞத்தங் ததா²க³தேனாதி தீ³பேதி, அனாபத்திங்
ஆபத்தீதி தீ³பேதி, ஆபத்திங் அனாபத்தீதி தீ³பேதி, லஹுகங் ஆபத்திங் க³ருகா
ஆபத்தீதி தீ³பேதி, க³ருகங் ஆபத்திங் லஹுகா ஆபத்தீதி தீ³பேதி, ஸாவஸேஸங்
ஆபத்திங் அனவஸேஸா ஆபத்தீதி தீ³பேதி, அனவஸேஸங் ஆபத்திங் ஸாவஸேஸா ஆபத்தீதி
தீ³பேதி, து³ட்டு²ல்லங் ஆபத்திங் அது³ட்டு²ல்லா ஆபத்தீதி தீ³பேதி,
அது³ட்டு²ல்லங் ஆபத்திங் து³ட்டு²ல்லா ஆபத்தீதி தீ³பேதி. இமேஹி அட்டா²ரஸஹி
வத்தூ²ஹி ப⁴யாக³திங் க³ச்ச²ந்தோ ப³ஹுஜனாஹிதாய படிபன்னோ ஹோதி ப³ஹுஜனாஸுகா²ய
ப³ஹுனோ ஜனஸ்ஸ அனத்தா²ய அஹிதாய து³க்கா²ய தே³வமனுஸ்ஸானங். இமேஹி அட்டா²ரஸஹி
வத்தூ²ஹி ப⁴யாக³திங் க³ச்ச²ந்தோ க²தங் உபஹதங் அத்தானங் பரிஹரதி, ஸாவஜ்ஜோ ச
ஹோதி ஸானுவஜ்ஜோ ச விஞ்ஞூனங், ப³ஹுஞ்ச அபுஞ்ஞங் பஸவதி. ப⁴யாக³திங்
க³ச்ச²ந்தோ ஏவங் ப⁴யாக³திங் க³ச்ச²தி.

ச²ந்தா³ தோ³ஸா ப⁴யா மோஹா, யோ த⁴ம்மங் அதிவத்ததி;

நிஹீயதி தஸ்ஸ யஸோ, காளபக்கே²வ சந்தி³மாதி.

3. அக³திஅக³மனங்

383. கத²ங் ந ச²ந்தா³க³திங் க³ச்ச²தி? அத⁴ம்மங் அத⁴ம்மோதி தீ³பெந்தோ ந ச²ந்தா³க³திங் க³ச்ச²தி, த⁴ம்மங் த⁴ம்மோதி தீ³பெந்தோ ந ச²ந்தா³க³திங்
க³ச்ச²தி, அவினயங் அவினயோதி தீ³பெந்தோ ந ச²ந்தா³க³திங் க³ச்ச²தி, வினயங்
வினயோதி தீ³பெந்தோ ந ச²ந்தா³க³திங் க³ச்ச²தி, அபா⁴ஸிதங் அலபிதங் ததா²க³தேன
அபா⁴ஸிதங் அலபிதங் ததா²க³தேனாதி தீ³பெந்தோ ந ச²ந்தா³க³திங் க³ச்ச²தி,
பா⁴ஸிதங் லபிதங் ததா²க³தேன பா⁴ஸிதங் லபிதங் ததா²க³தேனாதி தீ³பெந்தோ ந
ச²ந்தா³க³திங் க³ச்ச²தி, அனாசிண்ணங் ததா²க³தேன அனாசிண்ணங் ததா²க³தேனாதி
தீ³பெந்தோ ந ச²ந்தா³க³திங் க³ச்ச²தி, ஆசிண்ணங் ததா²க³தேன ஆசிண்ணங்
ததா²க³தேனாதி தீ³பெந்தோ ந ச²ந்தா³க³திங் க³ச்ச²தி, அபஞ்ஞத்தங் ததா²க³தேன
அபஞ்ஞத்தங் ததா²க³தேனாதி தீ³பெந்தோ ந ச²ந்தா³க³திங் க³ச்ச²தி, பஞ்ஞத்தங்
ததா²க³தேன பஞ்ஞத்தங் ததா²க³தேனாதி தீ³பெந்தோ ந ச²ந்தா³க³திங் க³ச்ச²தி,
அனாபத்திங் அனாபத்தீதி தீ³பெந்தோ ந ச²ந்தா³க³திங் க³ச்ச²தி, ஆபத்திங்
ஆபத்தீதி தீ³பெந்தோ ந ச²ந்தா³க³திங் க³ச்ச²தி, லஹுகங் ஆபத்திங் லஹுகா
ஆபத்தீதி தீ³பெந்தோ ந ச²ந்தா³க³திங் க³ச்ச²தி, க³ருகங் ஆபத்திங் க³ருகா
ஆபத்தீதி தீ³பெந்தோ ந ச²ந்தா³க³திங் க³ச்ச²தி, ஸாவஸேஸங் ஆபத்திங் ஸாவஸேஸா
ஆபத்தீதி தீ³பெந்தோ ந ச²ந்தா³க³திங் க³ச்ச²தி, அனவஸேஸங்
ஆபத்திங் அனவஸேஸா ஆபத்தீதி தீ³பெந்தோ ந ச²ந்தா³க³திங் க³ச்ச²தி,
து³ட்டு²ல்லங் ஆபத்திங் து³ட்டு²ல்லா ஆபத்தீதி தீ³பெந்தோ ந ச²ந்தா³க³திங்
க³ச்ச²தி, அது³ட்டு²ல்லங் ஆபத்திங் அது³ட்டு²ல்லா ஆபத்தீதி தீ³பெந்தோ ந
ச²ந்தா³க³திங் க³ச்ச²தி. ஏவங் ந ச²ந்தா³க³திங் க³ச்ச²தி.

384. கத²ங் ந தோ³ஸாக³திங் க³ச்ச²தி? அத⁴ம்மங் அத⁴ம்மோதி தீ³பெந்தோ
ந தோ³ஸாக³திங் க³ச்ச²தி, த⁴ம்மங் த⁴ம்மோதி தீ³பெந்தோ ந தோ³ஸாக³திங்
க³ச்ச²தி…பே॰… து³ட்டு²ல்லங் ஆபத்திங் து³ட்டு²ல்லா ஆபத்தீதி தீ³பெந்தோ ந
தோ³ஸாக³திங் க³ச்ச²தி, அது³ட்டு²ல்லங் ஆபத்திங் அது³ட்டு²ல்லா ஆபத்தீதி
தீ³பெந்தோ ந தோ³ஸாக³திங் க³ச்ச²தி. ஏவங் ந தோ³ஸாக³திங் க³ச்ச²தி.

385. கத²ங் ந மோஹாக³திங் க³ச்ச²தி?
அத⁴ம்மங் அத⁴ம்மோதி தீ³பெந்தோ ந மோஹாக³திங் க³ச்ச²தி, த⁴ம்மங் த⁴ம்மோதி
தீ³பெந்தோ ந மோஹாக³திங் க³ச்ச²தி…பே॰… து³ட்டு²ல்லங் ஆபத்திங் து³ட்டு²ல்லா
ஆபத்தீதி தீ³பெந்தோ ந மோஹாக³திங் க³ச்ச²தி, அது³ட்டு²ல்லங் ஆபத்திங் அது³ட்டு²ல்லா ஆபத்தீதி தீ³பெந்தோ ந மோஹாக³திங் க³ச்ச²தி. ஏவங் ந மோஹாக³திங் க³ச்ச²தி.

386. கத²ங் ந ப⁴யாக³திங் க³ச்ச²தி?
அத⁴ம்மங் அத⁴ம்மோதி தீ³பெந்தோ ந ப⁴யாக³திங் க³ச்ச²தி, த⁴ம்மங் த⁴ம்மோதி
தீ³பெந்தோ ந ப⁴யாக³திங் க³ச்ச²தி, அவினயங் அவினயோதி தீ³பெந்தோ ந ப⁴யாக³திங்
க³ச்ச²தி, வினயங் வினயோதி தீ³பெந்தோ ந ப⁴யாக³திங் க³ச்ச²தி, அபா⁴ஸிதங்
அலபிதங் ததா²க³தேன அபா⁴ஸிதங் அலபிதங் ததா²க³தேனாதி தீ³பெந்தோ ந ப⁴யாக³திங்
க³ச்ச²தி, பா⁴ஸிதங் லபிதங் ததா²க³தேன பா⁴ஸிதங் லபிதங் ததா²க³தேனாதி
தீ³பெந்தோ ந ப⁴யாக³திங் க³ச்ச²தி, அனாசிண்ணங் ததா²க³தேன அனாசிண்ணங்
ததா²க³தேனாதி தீ³பெந்தோ ந ப⁴யாக³திங் க³ச்ச²தி, ஆசிண்ணங் ததா²க³தேன
ஆசிண்ணங் ததா²க³தேனாதி தீ³பெந்தோ ந ப⁴யாக³திங் க³ச்ச²தி, அபஞ்ஞத்தங்
ததா²க³தேன அபஞ்ஞத்தங் ததா²க³தேனாதி தீ³பெந்தோ ந ப⁴யாக³திங் க³ச்ச²தி,
பஞ்ஞத்தங் ததா²க³தேன பஞ்ஞத்தங் ததா²க³தேனாதி தீ³பெந்தோ ந ப⁴யாக³திங்
க³ச்ச²தி, அனாபத்திங் அனாபத்தீதி தீ³பெந்தோ ந ப⁴யாக³திங் க³ச்ச²தி,
ஆபத்திங் ஆபத்தீதி தீ³பெந்தோ ந ப⁴யாக³திங் க³ச்ச²தி, லஹுகங் ஆபத்திங் லஹுகா
ஆபத்தீதி தீ³பெந்தோ ந ப⁴யாக³திங் க³ச்ச²தி, க³ருகங் ஆபத்திங் க³ருகா
ஆபத்தீதி தீ³பெந்தோ ந ப⁴யாக³திங் க³ச்ச²தி, ஸாவஸேஸங் ஆபத்திங் ஸாவஸேஸா
ஆபத்தீதி தீ³பெந்தோ ந ப⁴யாக³திங் க³ச்ச²தி, அனவஸேஸங் ஆபத்திங் அனவஸேஸா
ஆபத்தீதி தீ³பெந்தோ ந ப⁴யாக³திங் க³ச்ச²தி, து³ட்டு²ல்லங் ஆபத்திங்
து³ட்டு²ல்லா ஆபத்தீதி தீ³பெந்தோ ந ப⁴யாக³திங் க³ச்ச²தி, அது³ட்டு²ல்லங்
ஆபத்திங் அது³ட்டு²ல்லா ஆபத்தீதி தீ³பெந்தோ ந ப⁴யாக³திங் க³ச்ச²தி. ஏவங் ந
ப⁴யாக³திங் க³ச்ச²தி.

ச²ந்தா³ தோ³ஸா ப⁴யா மோஹா, யோ த⁴ம்மங் நாதிவத்ததி;

ஆபூரதி தஸ்ஸ யஸோ, ஸுக்கபக்கே²வ சந்தி³மாதி.

4. ஸஞ்ஞாபனீயாதி³

387. கத²ங் ஸஞ்ஞாபனீயே டா²னே ஸஞ்ஞாபேதி? அத⁴ம்மங் அத⁴ம்மோதி தீ³பெந்தோ ஸஞ்ஞாபனீயே டா²னே ஸஞ்ஞாபேதி, த⁴ம்மங் த⁴ம்மோதி தீ³பெந்தோ
ஸஞ்ஞாபனீயே டா²னே ஸஞ்ஞாபேதி…பே॰… து³ட்டு²ல்லங் ஆபத்திங் து³ட்டு²ல்லா
ஆபத்தீதி தீ³பெந்தோ ஸஞ்ஞாபனீயே டா²னே ஸஞ்ஞாபேதி, அது³ட்டு²ல்லங் ஆபத்திங்
அது³ட்டு²ல்லா ஆபத்தீதி தீ³பெந்தோ ஸஞ்ஞாபனீயே டா²னே ஸஞ்ஞாபேதி. ஏவங் ஸஞ்ஞாபனீயே டா²னே ஸஞ்ஞாபேதி.

388. கத²ங் நிஜ்ஜா²பனீயே டா²னே நிஜ்ஜா²பேதி?
அத⁴ம்மங் அத⁴ம்மோதி தீ³பெந்தோ நிஜ்ஜா²பனீயே டா²னே நிஜ்ஜா²பேதி, த⁴ம்மங்
த⁴ம்மோதி தீ³பெந்தோ நிஜ்ஜா²பனீயே டா²னே நிஜ்ஜா²பேதி…பே॰… து³ட்டு²ல்லங்
ஆபத்திங் து³ட்டு²ல்லா ஆபத்தீதி தீ³பெந்தோ நிஜ்ஜா²பனீயே டா²னே நிஜ்ஜா²பேதி,
அது³ட்டு²ல்லங் ஆபத்திங் அது³ட்டு²ல்லா ஆபத்தீதி தீ³பெந்தோ நிஜ்ஜா²பனீயே
டா²னே நிஜ்ஜா²பேதி. ஏவங் நிஜ்ஜா²பனீயே டா²னே நிஜ்ஜா²பேதி.

389. கத²ங் பெக்க²னீயே டா²னே பெக்க²தி?
அத⁴ம்மங் அத⁴ம்மோதி தீ³பெந்தோ பெக்க²னீயே டா²னே பெக்க²தி, த⁴ம்மங்
த⁴ம்மோதி தீ³பெந்தோ பெக்க²னீயே டா²னே பெக்க²தி…பே॰… து³ட்டு²ல்லங் ஆபத்திங்
து³ட்டு²ல்லா ஆபத்தீதி தீ³பெந்தோ பெக்க²னீயே டா²னே பெக்க²தி,
அது³ட்டு²ல்லங் ஆபத்திங் அது³ட்டு²ல்லா ஆபத்தீதி தீ³பெந்தோ பெக்க²னீயே
டா²னே பெக்க²தி. ஏவங் பெக்க²னீயே டா²னே பெக்க²தி.

390. கத²ங் பஸாத³னீயே டா²னே பஸாதே³தி?
அத⁴ம்மங் அத⁴ம்மோதி தீ³பெந்தோ பஸாத³னீயே டா²னே பஸாதே³தி, த⁴ம்மங் த⁴ம்மோதி
தீ³பெந்தோ பஸாத³னீயே டா²னே பஸாதே³தி…பே॰… து³ட்டு²ல்லங் ஆபத்திங்
து³ட்டு²ல்லா ஆபத்தீதி தீ³பெந்தோ பஸாத³னீயே டா²னே பஸாதே³தி, அது³ட்டு²ல்லங்
ஆபத்திங் அது³ட்டு²ல்லா ஆபத்தீதி தீ³பெந்தோ பஸாத³னீயே டா²னே பஸாதே³தி. ஏவங் பஸாத³னீயே டா²னே பஸாதே³தி.

5. பரபக்கா²தி³அவஜானநங்

391. கத²ங் லத்³த⁴பக்கொ²ம்ஹீதி பரபக்க²ங் அவஜானாதி? இதே⁴கச்சோ லத்³த⁴பக்கோ² ஹோதி லத்³த⁴பரிவாரோ
பக்க²வா ஞாதிமா. ‘‘அயங் அலத்³த⁴பக்கோ² அலத்³த⁴பரிவாரோ ந பக்க²வா ந
ஞாதிமா’’தி தஸ்ஸ அவஜானந்தோ அத⁴ம்மங் த⁴ம்மோதி தீ³பேதி, த⁴ம்மங் அத⁴ம்மோதி
தீ³பேதி…பே॰… து³ட்டு²ல்லங் ஆபத்திங் அது³ட்டு²ல்லா ஆபத்தீதி தீ³பேதி,
அது³ட்டு²ல்லங் ஆபத்திங் து³ட்டு²ல்லா ஆபத்தீதி தீ³பேதி. ஏவங்
லத்³த⁴பக்கொ²ம்ஹீதி பரபக்க²ங் அவஜானாதி.

392. கத²ங் ப³ஹுஸ்ஸுதொம்ஹீதி அப்பஸ்ஸுதங் அவஜானாதி? இதே⁴கச்சோ ப³ஹுஸ்ஸுதோ ஹோதி ஸுதத⁴ரோ ஸுதஸன்னிசயோ. ‘‘அயங் அப்பஸ்ஸுதோ அப்பாக³மோ
அப்பத⁴ரோ’’தி தஸ்ஸ அவஜானந்தோ அத⁴ம்மங் த⁴ம்மோதி தீ³பேதி, த⁴ம்மங்
அத⁴ம்மோதி தீ³பேதி…பே॰… து³ட்டு²ல்லங் ஆபத்திங் அது³ட்டு²ல்லா ஆபத்தீதி
தீ³பேதி, அது³ட்டு²ல்லங் ஆபத்திங் து³ட்டு²ல்லா ஆபத்தீதி தீ³பேதி. ஏவங்
ப³ஹுஸ்ஸுதொம்ஹீதி அப்பஸ்ஸுதங் அவஜானாதி.

393. கத²ங் தே²ரதரொம்ஹீதி நவகதரங் அவஜானாதி?
இதே⁴கச்சோ தே²ரோ ஹோதி ரத்தஞ்ஞூ சிரபப்³ப³ஜிதோ அயங் நவகோ அப்பஞ்ஞாதோ
அப்பகதஞ்ஞூ இமஸ்ஸ வசனங் அகதங் ப⁴விஸ்ஸதீ’’தி தஸ்ஸ அவஜானந்தோ அத⁴ம்மங்
த⁴ம்மோதி தீ³பேதி, த⁴ம்மங் அத⁴ம்மோதி தீ³பேதி …பே॰… து³ட்டு²ல்லங் ஆபத்திங் அது³ட்டு²ல்லா ஆபத்தீதி தீ³பேதி, அது³ட்டு²ல்லங் ஆபத்திங் து³ட்டு²ல்லா ஆபத்தீதி தீ³பேதி. ஏவங் தே²ரதரொம்ஹீதி நவகதரங் அவஜானாதி.

394. அஸம்பத்தங் ந ப்³யாஹரிதப்³ப³ந்தி அனோதிண்ணங் பா⁴ரங் [பா⁴ஸங் (ஸ்யா॰)] ந ஓதாரேதப்³ப³ங். ஸம்பத்தங் த⁴ம்மதோ வினயதோ ந பரிஹாபேதப்³ப³ந்தி யங்அத்தா²ய ஸங்கோ⁴ ஸன்னிபதிதோ ஹோதி தங் அத்த²ங் த⁴ம்மதோ வினயதோ ந பரிஹாபேதப்³ப³ங்.

395. யேன த⁴ம்மேனாதி பூ⁴தேன வத்து²னா. யேன வினயேனாதி சோதெ³த்வா ஸாரெத்வா. யேன ஸத்து²ஸாஸனேனாதி
ஞத்திஸம்பதா³ய அனுஸ்ஸாவனஸம்பதா³ய, யேன த⁴ம்மேன யேன வினயேன யேன
ஸத்து²ஸாஸனேன தங் அதி⁴கரணங் வூபஸம்மதி, ததா² தங் அதி⁴கரணங்
வூபஸமேதப்³ப³ந்தி.

6. அனுவிஜ்ஜகஸ்ஸ அனுயோக³ங்

396.
அனுவிஜ்ஜகேன சோத³கோ புச்சி²தப்³போ³ – ‘‘யங் கோ² த்வங், ஆவுஸோ, இமஸ்ஸ
பி⁴க்கு²னோ பவாரணங் ட²பேஸி, கிம்ஹி நங் ட²பேஸி, ஸீலவிபத்தியா வா ட²பேஸி,
ஆசாரவிபத்தியா வா ட²பேஸி, தி³ட்டி²விபத்தியா வா ட²பேஸீ’’தி? ஸோ சே ஏவங்
வதெ³ய்ய – ‘‘ஸீலவிபத்தியா வா ட²பேமி ஆசாரவிபத்தியா
வா ட²பேமி தி³ட்டி²விபத்தியா வா ட²பேமீ’’தி, ஸோ ஏவமஸ்ஸ வசனீயோ – ‘‘ஜானாதி
பனாயஸ்மா ஸீலவிபத்திங், ஜானாதி ஆசாரவிபத்திங், ஜானாதி
தி³ட்டி²விபத்தி’’ந்தி? ஸோ சே ஏவங் வதெ³ய்ய – ‘‘ஜானாமி கோ² அஹங், ஆவுஸோ,
ஸீலவிபத்திங், ஜானாமி ஆசாரவிபத்திங், ஜானாமி தி³ட்டி²விபத்தி’’ந்தி , ஸோ ஏவமஸ்ஸ வசனீயோ – ‘‘கதமா
பனாவுஸோ, ஸீலவிபத்தி கதமா ஆசாரவிபத்தி கதமா தி³ட்டி²விபத்தீ’’தி? ஸோ சே
ஏவங் வதெ³ய்ய – ‘‘சத்தாரி பாராஜிகானி தேரஸ ஸங்கா⁴தி³ஸேஸா – அயங்
ஸீலவிபத்தி. து²ல்லச்சயங் பாசித்தியங் பாடிதே³ஸனீயங் து³க்கடங்
து³ப்³பா⁴ஸிதங் – அயங் ஆசாரவிபத்தி. மிச்சா²தி³ட்டி²
அந்தக்³கா³ஹிகாதி³ட்டி² – அயங் தி³ட்டி²விபத்தீ’’தி, ஸோ ஏவமஸ்ஸ வசனீயோ –
‘‘யங் கோ² த்வங், ஆவுஸோ, இமஸ்ஸ பி⁴க்கு²னோ பவாரணங் ட²பேஸி, தி³ட்டே²ன வா
ட²பேஸி, ஸுதேன வா ட²பேஸி, பரிஸங்காய வா ட²பேஸீ’’தி? ஸோ சே ஏவங் வதெ³ய்ய –
‘‘தி³ட்டே²ன வா ட²பேமி, ஸுதேன வா ட²பேமி, பரிஸங்காய வா ட²பேமீ’’தி, ஸோ
ஏவமஸ்ஸ வசனீயோ – ‘‘யங் கோ² த்வங், ஆவுஸோ, இமஸ்ஸ பி⁴க்கு²னோ தி³ட்டே²ன
பவாரணங் ட²பேஸி, கிங் தே தி³ட்ட²ங், கிந்தி தே தி³ட்ட²ங், கதா³ தே
தி³ட்ட²ங், கத்த² தே தி³ட்ட²ங், பாராஜிகங் அஜ்ஜா²பஜ்ஜந்தோ தி³ட்டோ²,
ஸங்கா⁴தி³ஸேஸங் அஜ்ஜா²பஜ்ஜந்தோ தி³ட்டோ², து²ல்லச்சயங்… பாசித்தியங்…
பாடிதே³ஸனீயங்… து³க்கடங்… து³ப்³பா⁴ஸிதங் அஜ்ஜா²பஜ்ஜந்தோ தி³ட்டோ², கத்த² ச
த்வங் அஹோஸி, கத்த² சாயங் பி⁴க்கு² அஹோஸி, கிஞ்ச த்வங் கரோஸி, கிங் சாயங்
பி⁴க்கு² கரோதீ’’தி? ஸோ சே ஏவங் வதெ³ய்ய – ‘‘ந கோ² அஹங், ஆவுஸோ, இமஸ்ஸ
பி⁴க்கு²னோ தி³ட்டே²ன பவாரணங் ட²பேமி, அபி ச ஸுதேன பவாரணங் ட²பேமீ’’தி, ஸோ
ஏவமஸ்ஸ வசனீயோ – ‘‘யங் கோ² த்வங், ஆவுஸோ, இமஸ்ஸ பி⁴க்கு²னோ ஸுதேன பவாரணங்
ட²பேஸி கிங் தே ஸுதங், கிந்தி தே ஸுதங், கதா³ தே
ஸுதங், கத்த² தே ஸுதங், பாராஜிகங் அஜ்ஜா²பன்னோதி ஸுதங், ஸங்கா⁴தி³ஸேஸங்
அஜ்ஜா²பன்னோதி ஸுதங், து²ல்லச்சயங்… பாசித்தியங்… பாடிதே³ஸனீயங்…
து³க்கடங்… து³ப்³பா⁴ஸிதங் அஜ்ஜா²பன்னோதி ஸுதங், பி⁴க்கு²ஸ்ஸ ஸுதங்,
பி⁴க்கு²னியா ஸுதங், ஸிக்க²மானாய ஸுதங், ஸாமணேரஸ்ஸ ஸுதங், ஸாமணேரியா ஸுதங்,
உபாஸகஸ்ஸ ஸுதங், உபாஸிகாய ஸுதங், ராஜூனங் ஸுதங், ராஜமஹாமத்தானங் ஸுதங்,
தித்தி²யானங் ஸுதங், தித்தி²யஸாவகானங் ஸுத’’ந்தி? ஸோ சே ஏவங் வதெ³ய்ய – ‘‘ந
கோ² அஹங், ஆவுஸோ, இமஸ்ஸ பி⁴க்கு²னோ ஸுதேன பவாரணங் ட²பேமி, அபி ச பரிஸங்காய
பவாரணங் ட²பேமீ’’தி, ஸோ ஏவமஸ்ஸ வசனீயோ – ‘‘யங் கோ² த்வங், ஆவுஸோ, இமஸ்ஸ
பி⁴க்கு²னோ பரிஸங்காய பவாரணங் ட²பேஸி, கிங் பரிஸங்கஸி, கிந்தி பரிஸங்கஸி,
கதா³ பரிஸங்கஸி, கத்த² பரிஸங்கஸி, பாராஜிகங் அஜ்ஜா²பன்னோதி பரிஸங்கஸி,
ஸங்கா⁴தி³ஸேஸங் அஜ்ஜா²பன்னோதி பரிஸங்கஸி, து²ல்லச்சயங்… பாசித்தியங்…
பாடிதே³ஸனீயங்… து³க்கடங்… து³ப்³பா⁴ஸிதங் அஜ்ஜா²பன்னோதி பரிஸங்கஸி,
பி⁴க்கு²ஸ்ஸ ஸுத்வா பரிஸங்கஸி, பி⁴க்கு²னியா ஸுத்வா பரிஸங்கஸி, ஸிக்க²மானாய
ஸுத்வா பரிஸங்கஸி, ஸாமணேரஸ்ஸ ஸுத்வா பரிஸங்கஸி, ஸாமணேரியா ஸுத்வா
பரிஸங்கஸி, உபாஸகஸ்ஸ ஸுத்வா பரிஸங்கஸி, உபாஸிகாய ஸுத்வா பரிஸங்கஸி, ராஜூனங் ஸுத்வா பரிஸங்கஸி ராஜமஹாமத்தானங் ஸுத்வா பரிஸங்கஸி, தித்தி²யானங் ஸுத்வா பரிஸங்கஸி, தித்தி²யஸாவகானங் ஸுத்வா பரிஸங்கஸீ’’தி?

397.

தி³ட்ட²ங் தி³ட்டே²ன ஸமேதி, தி³ட்டே²ன ஸங்ஸந்த³தே தி³ட்ட²ங்;

தி³ட்ட²ங் படிச்ச ந உபேதி, அஸுத்³த⁴பரிஸங்கிதோ;

ஸோ புக்³க³லோ படிஞ்ஞாய, காதப்³பா³ தேன பவாரணா.

ஸுதங் ஸுதேன ஸமேதி, ஸுதேன ஸங்ஸந்த³தே ஸுதங்;

ஸுதங் படிச்ச ந உபேதி, அஸுத்³த⁴பரிஸங்கிதோ;

ஸோ புக்³க³லோ படிஞ்ஞாய, காதப்³பா³ தேன பவாரணா.

முதங் முதேன ஸமேதி, முதேன ஸங்ஸந்த³தே முதங்;

முதங் படிச்ச ந உபேதி, அஸுத்³த⁴பரிஸங்கிதோ;

ஸோ புக்³க³லோ படிஞ்ஞாய, காதப்³பா³ தேன பவாரணாதி.

7. புச்சா²விபா⁴கோ³

398.
கிங் தே தி³ட்ட²ந்தி கதமா புச்சா²? கிந்தி தே தி³ட்ட²ந்தி கதமா புச்சா²?
கதா³ தே தி³ட்ட²ந்தி கதமா புச்சா²? கத்த² தே தி³ட்ட²ந்தி கதமா புச்சா²?

399. கிங் தே தி³ட்ட²ந்தி
வத்து²புச்சா², விபத்திபுச்சா², ஆபத்திபுச்சா², அஜ்ஜா²சாரபுச்சா².
வத்து²புச்சா²தி – அட்ட²பாராஜிகானங் வத்து²புச்சா², தேவீஸஸங்கா⁴தி³ஸேஸானங்
வத்து²புச்சா², த்³வேஅனியதானங் வத்து²புச்சா²,
த்³வேசத்தாரீஸனிஸ்ஸக்³கி³யானங் வத்து²புச்சா², அட்டா²ஸீதிஸதபாசித்தியானங்
வத்து²புச்சா², த்³வாத³ஸபாடிதே³ஸனீயானங் வத்து²புச்சா², து³க்கடானங்
வத்து²புச்சா², து³ப்³பா⁴ஸிதானங் வத்து²புச்சா². விபத்திபுச்சா²தி –
ஸீலவிபத்திபுச்சா², ஆசாரவிபத்திபுச்சா², தி³ட்டி²விபத்திபுச்சா² ,
ஆஜீவவிபத்திபுச்சா². ஆபத்திபுச்சா²தி – பாராஜிகாபத்திபுச்சா²,
ஸங்கா⁴தி³ஸேஸாபத்திபுச்சா², து²ல்லச்சயாபத்திபுச்சா²,
பாசித்தியாபத்திபுச்சா², பாடிதே³ஸனீயாபத்திபுச்சா², து³க்கடாபத்திபுச்சா²,
து³ப்³பா⁴ஸிதாபத்திபுச்சா². அஜ்ஜா²சாரபுச்சா²தி –
த்³வயங்த்³வயஸமாபத்திபுச்சா².

400. கிந்தி தே தி³ட்ட²ந்தி
லிங்க³புச்சா², இரியாபத²புச்சா², ஆகாரபுச்சா², விப்பகாரபுச்சா².
லிங்க³புச்சா²தி – தீ³க⁴ங் வா ரஸ்ஸங் வா கண்ஹங் வா ஓதா³தங் வா.
இரியாபத²புச்சா²தி க³ச்ச²ந்தங் வா டி²தங் வா நிஸின்னங் வா நிபன்னங் வா. ஆகாரபுச்சா²தி கி³ஹிலிங்கே³ வா தித்தி²யலிங்கே³ வா பப்³ப³ஜிதலிங்கே³ வா. விப்பகாரபுச்சா²தி க³ச்ச²ந்தங் வா டி²தங் வா நிஸின்னங் வா நிபன்னங் வா.

401. கதா³ தே தி³ட்ட²ந்தி
காலபுச்சா², ஸமயபுச்சா², தி³வஸபுச்சா², உதுபுச்சா². காலபுச்சா²தி
புப்³ப³ண்ஹகாலே வா மஜ்ஜ²ன்ஹிககாலே வா ஸாயன்ஹகாலே வா. ஸமயபுச்சா²தி
புப்³ப³ண்ஹஸமயே வா மஜ்ஜ²ன்ஹிகஸமயே வா ஸாயன்ஹஸமயே வா. தி³வஸபுச்சா²தி
புரேப⁴த்தங் வா பச்சா²ப⁴த்தங் வா ரத்திங் வா தி³வா வா காளே வா ஜுண்ஹே வா.
உதுபுச்சா²தி ஹேமந்தே வா கி³ம்ஹே வா வஸ்ஸே வா [வஸ்ஸானே வா (ஸீ॰)].

402. கத்த² தே தி³ட்ட²ந்தி
டா²னபுச்சா², பூ⁴மிபுச்சா², ஓகாஸபுச்சா², பதே³ஸபுச்சா². டா²னபுச்சா²தி
பூ⁴மியா வா பத²வியா வா த⁴ரணியா வா ஜக³தியா வா. பூ⁴மிபுச்சா²தி பூ⁴மியா வா
பத²வியா வா பப்³ப³தே வா பாஸாணே வா பாஸாதே³ வா. ஓகாஸபுச்சா²தி புரத்தி²மே வா
ஓகாஸே பச்சி²மே வா ஓகாஸே உத்தரே வா ஓகாஸே
த³க்கி²ணே வா ஓகாஸே. பதே³ஸபுச்சா²தி புரத்தி²மே வா பதே³ஸே பச்சி²மே வா
பதே³ஸே உத்தரே வா பதே³ஸே த³க்கி²ணே வா பதே³ஸேதி.

மஹாஸங்கா³மோ நிட்டி²தோ.

தஸ்ஸுத்³தா³னங் –

வத்து² நிதா³னங் ஆகாரோ, புப்³பா³பரங் கதாகதங்;

கம்மாதி⁴கரணஞ்சேவ, ஸமதோ² ச²ந்த³கா³மி ச.

தோ³ஸா மோஹா ப⁴யா சேவ, ஸஞ்ஞா நிஜ்ஜா²பனேன ச;

பெக்கா² பஸாதே³ பக்கொ²ம்ஹி, ஸுததே²ரதரேன ச.

அஸம்பத்தஞ்ச ஸம்பத்தங், த⁴ம்மேன வினயேன ச;

ஸத்து²ஸ்ஸ ஸாஸனேனாபி, மஹாஸங்கா³மஞாபனாதி.

____________________________________________________________________________________________________________

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

வினயபிடகே

பரிவாரபாளி

கதினபேதோ

1. கதினஅத்ததாதி

403. கஸ்ஸ கதி²னங் [கடி²னங் (ஸீ॰ ஸ்யா॰)] அனத்த²தங்? கஸ்ஸ கதி²னங் அத்த²தங்? கிந்தி கதி²னங் அனத்த²தங்? கிந்தி கதி²னங் அத்த²தங்?

கஸ்ஸ கதி²னங் அனத்த²தந்தி?
த்³வின்னங் புக்³க³லானங் அனத்த²தங் ஹோதி கதி²னங் – அனத்தா²ரகஸ்ஸ ச
அனநுமோத³கஸ்ஸ ச. இமேஸங் த்³வின்னங் புக்³க³லானங் அனத்த²தங் ஹோதி கதி²னங்.

கஸ்ஸ கதி²னங் அத்த²தந்தி?
த்³வின்னங் புக்³க³லானங் அத்த²தங் ஹோதி கதி²னங் – அத்தா²ரகஸ்ஸ ச
அனுமோத³கஸ்ஸ ச. இமேஸங் த்³வின்னங் புக்³க³லானங் அத்த²தங் ஹோதி கதி²னங்.

கிந்தி கதி²னங் அனத்த²தந்தி?
சதுவீஸதியா ஆகாரேஹி அனத்த²தங் ஹோதி கதி²னங், ந உல்லிகி²தமத்தேன அத்த²தங்
ஹோதி கதி²னங், ந தோ⁴வனமத்தேன அத்த²தங் ஹோதி கதி²னங், ந சீவரவிசாரணமத்தேன
அத்த²தங் ஹோதி கதி²னங், ந சே²த³னமத்தேன அத்த²தங் ஹோதி கதி²னங், ந
ப³ந்த⁴னமத்தேன அத்த²தங் ஹோதி கதி²னங், ந ஓவட்டியகரணமத்தேன அத்த²தங் ஹோதி
கதி²னங், ந கண்டு³ஸகரணமத்தேன [ந க³ண்டு³ஸகரணமத்தேன (க॰)]
அத்த²தங் ஹோதி கதி²னங், ந த³ள்ஹீகம்மகரணமத்தேன அத்த²தங் ஹோதி கதி²னங், ந
அனுவாதகரணமத்தேன அத்த²தங் ஹோதி கதி²னங், ந பரிப⁴ண்ட³கரணமத்தேன அத்த²தங்
ஹோதி கதி²னங், ந ஓவத்³தெ⁴ய்யகரணமத்தேன [ந ஓவட்டெய்யகரணமத்தேன (ஸீ॰ ஸ்யா॰), ந ஓவதெ³ய்யகரணமத்தேன (க॰)] அத்த²தங் ஹோதி கதி²னங், ந கம்ப³லமத்³த³னமத்தேன அத்த²தங் ஹோதி கதி²னங், ந நிமித்தகதேன அத்த²தங் ஹோதி கதி²னங், ந
பரிகதா²கதேன அத்த²தங் ஹோதி கதி²னங், ந குக்குகதேன அத்த²தங் ஹோதி கதி²னங், ந
ஸன்னிதி⁴கதேன அத்த²தங் ஹோதி கதி²னங், ந நிஸ்ஸக்³கி³யேன அத்த²தங் ஹோதி
கதி²னங், ந அகப்பகதேன அத்த²தங் ஹோதி கதி²னங், ந அஞ்ஞத்ர ஸங்கா⁴டியா
அத்த²தங் ஹோதி கதி²னங், ந அஞ்ஞத்ர உத்தராஸங்கே³ன அத்த²தங் ஹோதி கதி²னங், ந
அஞ்ஞத்ர அந்தரவாஸகேன அத்த²தங் ஹோதி கதி²னங் , ந
அஞ்ஞத்ர பஞ்சகேன வா அதிரேகபஞ்சகேன வா தத³ஹேவ ஸஞ்சி²ன்னேன ஸமண்ட³லீகதேன
அத்த²தங் ஹோதி கதி²னங், ந அஞ்ஞத்ர புக்³க³லஸ்ஸ அத்தா²ரா அத்த²தங் ஹோதி கதி²னங், ஸம்மா சே அத்த²தங் ஹோதி கதி²னங் தங் சே நிஸ்ஸீமட்டோ² அனுமோத³தி. ஏவம்பி அனத்த²தங் ஹோதி கதி²னங்.

நிமித்தகம்மங் நாம நிமித்தங் கரோதி – ‘‘இமினா து³ஸ்ஸேன
கதி²னங் அத்த²ரிஸ்ஸாமீ’’தி. பரிகதா² நாம பரிகத²ங் கரோதி – ‘‘இமாய பரிகதா²ய
கதி²னது³ஸ்ஸங் நிப்³ப³த்தெஸ்ஸாமீ’’தி. குக்குகதங் நாம அனாதி³யதா³னங்
வுச்சதி. ஸன்னிதி⁴ நாம த்³வே ஸன்னிதி⁴யோ – கரணஸன்னிதி⁴ வா நிசயஸன்னிதி⁴ வா.
நிஸ்ஸக்³கி³யங் நாம கயிரமானே அருணங் உட்ட²ஹதி [உத்³ரியதி (ஸீ॰ ஸ்யா॰)]. இமேஹி சதுவீஸதியா ஆகாரேஹி அனத்த²தங் ஹோதி கதி²னங்.

கிந்தி கதி²னங் அத்த²தந்தி?
ஸத்தரஸஹி ஆகாரேஹி அத்த²தங் ஹோதி கதி²னங். அஹதேன அத்த²தங் ஹோதி கதி²னங்,
அஹதகப்பேன அத்த²தங் ஹோதி கதி²னங், பிலோதிகாய அத்த²தங் ஹோதி கதி²னங்,
பங்ஸுகூலேன அத்த²தங் ஹோதி கதி²னங், பாபணிகேன அத்த²தங் ஹோதி கதி²னங்,
அனிமித்தகதேன அத்த²தங் ஹோதி கதி²னங், அபரிகதா²கதேன
அத்த²தங் ஹோதி கதி²னங், அகுக்குகதேன அத்த²தங் ஹோதி கதி²னங், அஸன்னிதி⁴கதேன
அத்த²தங் ஹோதி கதி²னங், அனிஸ்ஸக்³கி³யேன அத்த²தங் ஹோதி கதி²னங், கப்பகதேன
அத்த²தங் ஹோதி கதி²னங், ஸங்கா⁴டியா அத்த²தங் ஹோதி கதி²னங், உத்தராஸங்கே³ன
அத்த²தங் ஹோதி கதி²னங், அந்தரவாஸகேன அத்த²தங் ஹோதி கதி²னங், பஞ்சகேன வா
அதிரேகபஞ்சகேன வா தத³ஹேவ ஸஞ்சி²ன்னேன ஸமண்ட³லீகதேன அத்த²தங் ஹோதி கதி²னங்,
புக்³க³லஸ்ஸ அத்தா²ரா அத்த²தங் ஹோதி கதி²னங், ஸம்மா சே அத்த²தங் ஹோதி
கதி²னங், தங் சே ஸீமட்டோ² அனுமோத³தி, ஏவம்பி அத்த²தங் ஹோதி கதி²னங். இமேஹி
ஸத்தரஸஹி ஆகாரேஹி அத்த²தங் ஹோதி கதி²னங்.

ஸஹ கதி²னஸ்ஸ அத்தா²ரா கதி த⁴ம்மா ஜாயந்தி? ஸஹ கதி²னஸ்ஸ
அத்தா²ரா பன்னரஸ த⁴ம்மா ஜாயந்தி – அட்ட² மாதிகா, த்³வே பலிபோ³தா⁴,
பஞ்சானிஸங்ஸா. ஸஹ கதி²னஸ்ஸ அத்தா²ரா இமே பன்னரஸ த⁴ம்மா ஜாயந்தி.

2. கதி²னஅனந்தரபச்சயாதி³

404. பயோக³ஸ்ஸ கதமே த⁴ம்மா அனந்தரபச்சயேன பச்சயோ, ஸமனந்தரபச்சயேன பச்சயோ, நிஸ்ஸயபச்சயேன பச்சயோ, உபனிஸ்ஸயபச்சயேன பச்சயோ , புரேஜாதபச்சயேன பச்சயோ, பச்சா²ஜாதபச்சயேன பச்சயோ, ஸஹஜாதபச்சயேன பச்சயோ? புப்³ப³கரணஸ்ஸ கதமே த⁴ம்மா அனந்தரபச்சயேன
பச்சயோ…பே॰… பச்சுத்³தா⁴ரஸ்ஸ கதமே த⁴ம்மா… அதி⁴ட்டா²னஸ்ஸ கதமே த⁴ம்மா…
அத்தா²ரஸ்ஸ கதமே த⁴ம்மா… மாதிகானஞ்ச பலிபோ³தா⁴னஞ்ச கதமே த⁴ம்மா… வத்து²ஸ்ஸ
கதமே த⁴ம்மா அனந்தரபச்சயேன பச்சயோ, ஸமனந்தரபச்சயேன பச்சயோ, நிஸ்ஸயபச்சயேன
பச்சயோ, உபனிஸ்ஸயபச்சயேன பச்சயோ, புரேஜாதபச்சயேன பச்சயோ, பச்சா²ஜாதபச்சயேன பச்சயோ, ஸஹஜாதபச்சயேன பச்சயோ?

புப்³ப³கரணங் பயோக³ஸ்ஸ அனந்தரபச்சயேன பச்சயோ,
ஸமனந்தரபச்சயேன பச்சயோ, நிஸ்ஸயபச்சயேன பச்சயோ, உபனிஸ்ஸயபச்சயேன பச்சயோ.
பயோகோ³ புப்³ப³கரணஸ்ஸ புரேஜாதபச்சயேன பச்சயோ. புப்³ப³கரணங் பயோக³ஸ்ஸ
பச்சா²ஜாதபச்சயேன பச்சயோ. பன்னரஸ த⁴ம்மா ஸஹஜாதபச்சயேன பச்சயோ.
பச்சுத்³தா⁴ரோ புப்³ப³கரணஸ்ஸ அனந்தரபச்சயேன பச்சயோ, ஸமனந்தரபச்சயேன பச்சயோ,
நிஸ்ஸயபச்சயேன பச்சயோ, உபனிஸ்ஸயபச்சயேன பச்சயோ. புப்³ப³கரணங்
பச்சுத்³தா⁴ரஸ்ஸ புரேஜாதபச்சயேன பச்சயோ. பச்சுத்³தா⁴ரோ புப்³ப³கரணஸ்ஸ
பச்சா²ஜாதபச்சயேன பச்சயோ. பன்னரஸ த⁴ம்மா ஸஹஜாதபச்சயேன பச்சயோ. அதி⁴ட்டா²னங்
பச்சுத்³தா⁴ரஸ்ஸ அனந்தரபச்சயேன பச்சயோ, ஸமனந்தரபச்சயேன பச்சயோ,
நிஸ்ஸயபச்சயேன பச்சயோ, உபனிஸ்ஸயபச்சயேன பச்சயோ. பச்சுத்³தா⁴ரோ
அதி⁴ட்டா²னஸ்ஸ புரேஜாதபச்சயேன பச்சயோ. அதி⁴ட்டா²னங் பச்சுத்³தா⁴ரஸ்ஸ
பச்சா²ஜாதபச்சயேன பச்சயோ. பன்னரஸ த⁴ம்மா ஸஹஜாதபச்சயேன பச்சயோ. அத்தா²ரோ
அதி⁴ட்டா²னஸ்ஸ அனந்தரபச்சயேன பச்சயோ, ஸமனந்தரபச்சயேன பச்சயோ, நிஸ்ஸயபச்சயேன
பச்சயோ, உபனிஸ்ஸயபச்சயேன பச்சயோ. அதி⁴ட்டா²னங் அத்தா²ரஸ்ஸ புரேஜாதபச்சயேன
பச்சயோ. அத்தா²ரோ அதி⁴ட்டா²னஸ்ஸ பச்சா²ஜாதபச்சயேன பச்சயோ. பன்னரஸ த⁴ம்மா
ஸஹஜாதபச்சயேன பச்சயோ. மாதிகா ச பலிபோ³தா⁴ ச அத்தா²ரஸ்ஸ அனந்தரபச்சயேன
பச்சயோ, ஸமனந்தரபச்சயேன பச்சயோ, நிஸ்ஸயபச்சயேன பச்சயோ, உபனிஸ்ஸயபச்சயேன
பச்சயோ. அத்தா²ரோ மாதிகானஞ்ச பலிபோ³தா⁴னஞ்ச புரேஜாதபச்சயேன பச்சயோ. மாதிகா ச
பலிபோ³தா⁴ ச அத்தா²ரஸ்ஸ பச்சா²ஜாதபச்சயேன பச்சயோ. பன்னரஸ த⁴ம்மா
ஸஹஜாதபச்சயேன பச்சயோ. ஆஸா ச அனாஸா ச வத்து²ஸ்ஸ அனந்தரபச்சயேன பச்சயோ, ஸமனந்தரபச்சயேன பச்சயோ, நிஸ்ஸயபச்சயேன பச்சயோ ,
உபனிஸ்ஸயபச்சயேன பச்சயோ. வத்து² ஆஸானஞ்ச அனாஸானஞ்ச புரேஜாதபச்சயேன பச்சயோ.
ஆஸா ச அனாஸா ச வத்து²ஸ்ஸ பச்சா²ஜாதபச்சயேன பச்சயோ. பன்னரஸ த⁴ம்மா
ஸஹஜாதபச்சயேன பச்சயோ.

3. புப்³ப³கரணனிதா³னாதி³விபா⁴கோ³

405. புப்³ப³கரணங் கிங்னிதா³னங், கிங்ஸமுத³யங், கிங்ஜாதிகங், கிங்பப⁴வங், கிங்ஸம்பா⁴ரங், கிங்ஸமுட்டா²னங் ?
பச்சுத்³தா⁴ரோ கிங்னிதா³னோ, கிங்ஸமுத³யோ, கிங்ஜாதிகோ, கிங்பப⁴வோ,
கிங்ஸம்பா⁴ரோ, கிங்ஸமுட்டா²னோ? அதி⁴ட்டா²னங் கிங்னிதா³னங், கிங்ஸமுத³யங்,
கிங்ஜாதிகங், கிங்பப⁴வங், கிங்ஸம்பா⁴ரங், கிங்ஸமுட்டா²னங்? அத்தா²ரோ
கிங்னிதா³னோ, கிங்ஸமுத³யோ, கிங்ஜாதிகோ, கிங்பப⁴வோ, கிங்ஸம்பா⁴ரோ,
கிங்ஸமுட்டா²னோ? மாதிகா ச பலிபோ³தா⁴ ச கிங்னிதா³னா, கிங்ஸமுத³யா,
கிங்ஜாதிகா, கிங்பப⁴வா, கிங்ஸம்பா⁴ரா கிங்ஸமுட்டா²னா? ஆஸா ச அனாஸா ச கிங்னிதா³னா, கிங்ஸமுத³யா, கிங்ஜாதிகா, கிங்பப⁴வா, கிங்ஸம்பா⁴ரா, கிங்ஸமுட்டா²னா?

புப்³ப³கரணங் பயோக³னிதா³னங், பயோக³ஸமுத³யங்,
பயோக³ஜாதிகங், பயோக³பப⁴வங், பயோக³ஸம்பா⁴ரங், பயோக³ஸமுட்டா²னங்.
பச்சுத்³தா⁴ரோ புப்³ப³கரணனிதா³னோ, புப்³ப³கரணஸமுத³யோ, புப்³ப³கரணஜாதிகோ,
புப்³ப³கரணபப⁴வோ, புப்³ப³கரணஸம்பா⁴ரோ, புப்³ப³கரணஸமுட்டா²னோ. அதி⁴ட்டா²னங்
பச்சுத்³தா⁴ரனிதா³னங், பச்சுத்³தா⁴ரஸமுத³யங், பச்சுத்³தா⁴ரஜாதிகங்,
பச்சுத்³தா⁴ரபப⁴வங், பச்சுத்³தா⁴ரஸம்பா⁴ரங், பச்சுத்³தா⁴ரஸமுட்டா²னங்.
அத்தா²ரோ அதி⁴ட்டா²னநிதா³னோ, அதி⁴ட்டா²னஸமுத³யோ, அதி⁴ட்டா²னஜாதிகோ,
அதி⁴ட்டா²னபப⁴வோ, அதி⁴ட்டா²னஸம்பா⁴ரோ, அதி⁴ட்டா²னஸமுட்டா²னோ. மாதிகா ச
பலிபோ³தா⁴ ச அத்தா²ரனிதா³னா, அத்தா²ரஸமுத³யா, அத்தா²ரஜாதிகா, அத்தா²ரபப⁴வா,
அத்தா²ரஸம்பா⁴ரா, அத்தா²ரஸமுட்டா²னா. ஆஸா ச அனாஸா ச வத்து²னிதா³னா,
வத்து²ஸமுத³யா, வத்து²ஜாதிகா, வத்து²பப⁴வா, வத்து²ஸம்பா⁴ரா,
வத்து²ஸமுட்டா²னா.

406.
பயோகோ³ கிங்னிதா³னோ, கிங்ஸமுத³யோ, கிங்ஜாதிகோ, கிங்பப⁴வோ, கிங்ஸம்பா⁴ரோ,
கிங்ஸமுட்டா²னோ, புப்³ப³கரணங்…பே॰… பச்சுத்³தா⁴ரோ… அதி⁴ட்டா²னங்… அத்தா²ரோ…
மாதிகா ச பலிபோ³தா⁴ ச… வத்து²… ஆஸா ச அனாஸா ச கிங்னிதா³னா, கிங்ஸமுத³யா,
கிங்ஜாதிகா, கிங்பப⁴வா, கிங்ஸம்பா⁴ரா, கிங்ஸமுட்டா²னா?

பயோகோ³ ஹேதுனிதா³னோ,
ஹேதுஸமுத³யோ, ஹேதுஜாதிகோ, ஹேதுபப⁴வோ, ஹேதுஸம்பா⁴ரோ, ஹேதுஸமுட்டா²னோ.
புப்³ப³கரணங்…பே॰… பச்சுத்³தா⁴ரோ… அதி⁴ட்டா²னங்… அத்தா²ரோ … மாதிகா ச பலிபோ³தா⁴ ச… வத்து²… ஆஸா ச அனாஸா ச ஹேதுனிதா³னா, ஹேதுஸமுத³யா, ஹேதுஜாதிகா, ஹேதுபப⁴வா, ஹேதுஸம்பா⁴ரா, ஹேதுஸமுட்டா²னா.

407.
பயோகோ³ கிங்னிதா³னோ, கிங்ஸமுத³யோ, கிங்ஜாதிகோ, கிங்பப⁴வோ, கிங்ஸம்பா⁴ரோ,
கிங்ஸமுட்டா²னோ? புப்³ப³கரணங்…பே॰… பச்சுத்³தா⁴ரோ… அதி⁴ட்டா²னங்… அத்தா²ரோ…
மாதிகா ச பலிபோ³தா⁴ ச… வத்து²… ஆஸா ச அனாஸா ச கிங்னிதா³னா, கிங்ஸமுத³யா,
கிங்ஜாதிகா, கிங்பப⁴வா, கிங்ஸம்பா⁴ரா, கிங்ஸமுட்டா²னா?

பயோகோ³ பச்சயனிதா³னோ,
பச்சயஸமுத³யோ, பச்சயஜாதிகோ, பச்சயபப⁴வோ, பச்சயஸம்பா⁴ரோ, பச்சயஸமுட்டா²னோ.
புப்³ப³கரணங்…பே॰… பச்சுத்³தா⁴ரோ… அதி⁴ட்டா²னங்… அத்தா²ரோ… மாதிகா ச
பலிபோ³தா⁴ ச… வத்து²… ஆஸா ச அனாஸா ச பச்சயனிதா³னா, பச்சயஸமுத³யா,
பச்சயஜாதிகா, பச்சயபப⁴வா, பச்சயஸம்பா⁴ரா, பச்சயஸமுட்டா²னா.

408.
புப்³ப³கரணங் கதிஹி த⁴ம்மேஹி ஸங்க³ஹிதங்? புப்³ப³கரணங் ஸத்தஹி த⁴ம்மேஹி
ஸங்க³ஹிதங். தோ⁴வனேன, விசாரணேன, சே²த³னேன, ப³ந்த⁴னேன, ஸிப்³ப³னேன, ரஜனேன,
கப்பகரணேன – புப்³ப³கரணங் இமேஹி ஸத்தஹி த⁴ம்மேஹி ஸங்க³ஹிதங்.

பச்சுத்³தா⁴ரோ கதிஹி த⁴ம்மேஹி ஸங்க³ஹிதோ? பச்சுத்³தா⁴ரோ தீஹி த⁴ம்மேஹி ஸங்க³ஹிதோ – ஸங்கா⁴டியா, உத்தராஸங்கே³ன, அந்தரவாஸகேன.

அதி⁴ட்டா²னங் கதிஹி த⁴ம்மேஹி ஸங்க³ஹிதங்? அதி⁴ட்டா²னங் தீஹி த⁴ம்மேஹி ஸங்க³ஹிதங் – ஸங்கா⁴டியா, உத்தராஸங்கே³ன, அந்தரவாஸகேன.

அத்தா²ரோ கதிஹி த⁴ம்மேஹி ஸங்க³ஹிதோ? அத்தா²ரோ ஏகேன த⁴ம்மேன ஸங்க³ஹிதோ – வசீபே⁴தே³ன.

கதி²னஸ்ஸ கதி மூலானி, கதி வத்தூ²னி, கதி பூ⁴மியோ? கதி²னஸ்ஸ
ஏகங் மூலங் – ஸங்கோ⁴; தீணி வத்தூ²னி – ஸங்கா⁴டி, உத்தராஸங்கோ³,
அந்தரவாஸகோ, ச² பூ⁴மியோ – கோ²மங், கப்பாஸிகங், கோஸெய்யங், கம்ப³லங், ஸாணங்,
ப⁴ங்க³ங்.

கதி²னஸ்ஸ கோ ஆதி³, கிங் மஜ்ஜே², கிங் பரியோஸானங்? கதி²னஸ்ஸ புப்³ப³கரணங் ஆதி³, க்ரியா மஜ்ஜே², அத்தா²ரோ பரியோஸானங்.

409.
கதிஹங்கே³ஹி ஸமன்னாக³தோ புக்³க³லோ அப⁴ப்³போ³ கதி²னங் அத்த²ரிதுங்?
கதிஹங்கே³ஹி ஸமன்னாக³தோ புக்³க³லோ ப⁴ப்³போ³ கதி²னங் அத்த²ரிதுங்?
அட்ட²ஹங்கே³ஹி ஸமன்னாக³தோ புக்³க³லோ அப⁴ப்³போ³ கதி²னங் அத்த²ரிதுங்.
அட்ட²ஹங்கே³ஹி ஸமன்னாக³தோ புக்³க³லோ ப⁴ப்³போ³ கதி²னங் அத்த²ரிதுங். கதமேஹி
அட்ட²ஹங்கே³ஹி ஸமன்னாக³தோ புக்³க³லோ அப⁴ப்³போ³ கதி²னங் அத்த²ரிதுங்?
புப்³ப³கரணங் ந ஜானாதி, பச்சுத்³தா⁴ரங் ந ஜானாதி, அதி⁴ட்டா²னங் ந ஜானாதி,
அத்தா²ரங் ந ஜானாதி, மாதிகங் ந ஜானாதி, பலிபோ³த⁴ங் ந ஜானாதி, உத்³தா⁴ரங் ந
ஜானாதி, ஆனிஸங்ஸங் ந ஜானாதி – இமேஹி அட்ட²ஹங்கே³ஹி ஸமன்னாக³தோ புக்³க³லோ
அப⁴ப்³போ³ கதி²னங் அத்த²ரிதுங். கதமேஹி அட்ட²ஹங்கே³ஹி ஸமன்னாக³தோ
புக்³க³லோ ப⁴ப்³போ³ கதி²னங் அத்த²ரிதுங்? புப்³ப³கரணங் ஜானாதி,
பச்சுத்³தா⁴ரங் ஜானாதி, அதி⁴ட்டா²னங் ஜானாதி, அத்தா²ரங் ஜானாதி, மாதிகங்
ஜானாதி, பலிபோ³த⁴ங் ஜானாதி, உத்³தா⁴ரங் ஜானாதி, ஆனிஸங்ஸங் ஜானாதி – இமேஹி
அட்ட²ஹங்கே³ஹி ஸமன்னாக³தோ புக்³க³லோ ப⁴ப்³போ³ கதி²னங் அத்த²ரிதுங்.

410. கதினங்
புக்³க³லானங் கதி²னத்தா²ரா ந ருஹந்தி? கதினங் புக்³க³லானங் கதி²னத்தா²ரா
ருஹந்தி? திண்ணங் புக்³க³லானங் கதி²னத்தா²ரா ந ருஹந்தி. திண்ணங்
புக்³க³லானங் கதி²னத்தா²ரா ருஹந்தி. கதமேஸங் திண்ணங் புக்³க³லானங்
கதி²னத்தா²ரா ந ருஹந்தி? நிஸ்ஸீமட்டோ² அனுமோத³தி, அனுமோதெ³ந்தோ ந வாசங்
பி⁴ந்த³தி, வாசங் பி⁴ந்த³ந்தோ ந பரங் விஞ்ஞாபேதி – இமேஸங் திண்ணங்
புக்³க³லானங் கதி²னத்தா²ரா ந ருஹந்தி. கதமேஸங் திண்ணங் புக்³க³லானங்
கதி²னத்தா²ரா ருஹந்தி? ஸீமட்டோ² அனுமோத³தி, அனுமோதெ³ந்தோ வாசங் பி⁴ந்த³தி,
வாசங் பி⁴ந்த³ந்தோ பரங் விஞ்ஞாபேதி – இமேஸங் திண்ணங் புக்³க³லானங்
கதி²னத்தா²ரா ருஹந்தி.

411.
கதி கதி²னத்தா²ரா ந ருஹந்தி? கதி கதி²னத்தா²ரா ருஹந்தி? தயோ கதி²னத்தா²ரா ந
ருஹந்தி. தயோ கதி²னத்தா²ரா ருஹந்தி. கதமே தயோ கதி²னத்தா²ரா ந ருஹந்தி?
வத்து²விபன்னஞ்சேவ ஹோதி, காலவிபன்னஞ்ச, கரணவிபன்னஞ்ச – இமே தயோ
கதி²னத்தா²ரா ந ருஹந்தி. கதமே தயோ கதி²னத்தா²ரா ருஹந்தி?
வத்து²ஸம்பன்னஞ்சேவ ஹோதி, காலஸம்பன்னஞ்ச, கரணஸம்பன்னஞ்ச – இமே தயோ
கதி²னத்தா²ரா ருஹந்தி.

4. கதி²னாதி³ஜானிதப்³ப³விபா⁴கோ³

412. கதி²னங்
ஜானிதப்³ப³ங், கதி²னத்தா²ரோ ஜானிதப்³போ³, கதி²னஸ்ஸ அத்தா²ரமாஸோ
ஜானிதப்³போ³, கதி²னஸ்ஸ அத்தா²ரவிபத்தி ஜானிதப்³பா³, கதி²னஸ்ஸ
அத்தா²ரஸம்பத்தி ஜானிதப்³பா³, நிமித்தகம்மங் ஜானிதப்³ப³ங், பரிகதா²
ஜானிதப்³பா³, குக்குகதங் ஜானிதப்³ப³ங், ஸன்னிதி⁴ ஜானிதப்³பா³,
நிஸ்ஸக்³கி³யங் ஜானிதப்³ப³ங்.

கதி²னங் ஜானிதப்³ப³ந்தி தேஸஞ்ஞேவ த⁴ம்மானங் ஸங்க³ஹோ ஸமவாயோ நாமங் நாமகம்மங் நாமதெ⁴ய்யங் நிருத்தி ப்³யஞ்ஜனங் அபி⁴லாபோ யதி³த³ங் கதி²னந்தி.

கதி²னஸ்ஸ அத்தா²ரமாஸோ ஜானிதப்³போ³தி வஸ்ஸானஸ்ஸ பச்சி²மோ மாஸோ ஜானிதப்³போ³.

கதி²னஸ்ஸ அத்தா²ரவிபத்தி ஜானிதப்³பா³தி சதுவீஸதியா ஆகாரேஹி கதி²னஸ்ஸ அத்தா²ரவிபத்தி ஜானிதப்³பா³.

கதி²னஸ்ஸ அத்தா²ரஸம்பத்தி ஜானிதப்³பா³தி ஸத்தரஸஹி ஆகாரேஹி கதி²னஸ்ஸ அத்தா²ரஸம்பத்தி ஜானிதப்³பா³.

நிமித்தகம்மங் ஜானிதப்³ப³ந்தி நிமித்தங் கரோதி இமினா து³ஸ்ஸேன கதி²னங் அத்த²ரிஸ்ஸாமீதி.

பரிகதா² ஜானிதப்³பா³தி பரிகத²ங் கரோதி இமாய பரிகதா²ய கதி²னது³ஸ்ஸங் நிப்³ப³த்தெஸ்ஸாமீதி.

குக்குகதங் ஜானிதப்³ப³ந்தி அனாதி³யதா³னங் ஜானிதப்³ப³ங்.

ஸன்னிதி⁴ ஜானிதப்³பா³தி த்³வே ஸன்னிதி⁴யோ ஜானிதப்³பா³ – கரணஸன்னிதி⁴ வா நிசயஸன்னிதி⁴ வா.

நிஸ்ஸக்³கி³யங் ஜானிதப்³ப³ந்தி கரியமானே அருணங் உட்ட²ஹதி.

கதி²னத்தா²ரோ ஜானிதப்³போ³தி
ஸசே ஸங்க⁴ஸ்ஸ கதி²னது³ஸ்ஸங் உப்பன்னங் ஹோதி, ஸங்கே⁴ன கத²ங்
படிபஜ்ஜிதப்³ப³ங், அத்தா²ரகேன கத²ங் படிபஜ்ஜிதப்³ப³ங், அனுமோத³கேன கத²ங்
படிபஜ்ஜிதப்³ப³ங்.

413.
ஸங்கே⁴ன ஞத்திது³தியேன கம்மேன கதி²னத்தா²ரகஸ்ஸ பி⁴க்கு²னோ தா³தப்³ப³ங்,
தேன கதி²னத்தா²ரகேன பி⁴க்கு²னா தத³ஹேவ தோ⁴வித்வா விமஜ்ஜித்வா விசாரெத்வா
சி²ந்தி³த்வா ஸிப்³பெ³த்வா ரஜித்வா கப்பங் கத்வா கதி²னங் அத்த²ரிதப்³ப³ங்.
ஸசே ஸங்கா⁴டியா கதி²னங் அத்த²ரிதுகாமோ ஹோதி, போராணிகா ஸங்கா⁴டி பச்சுத்³த⁴ரிதப்³பா³ ,
நவா ஸங்கா⁴டி அதி⁴ட்டா²தப்³பா³. இமாய ஸங்கா⁴டியா கதி²னங் அத்த²ராமீதி வாசா
பி⁴ந்தி³தப்³பா³. ஸசே உத்தராஸங்கே³ன கதி²னங் அத்த²ரிதுகாமோ ஹோதி, போராணகோ
உத்தராஸங்கோ³ பச்சுத்³த⁴ரிதப்³போ³, நவோ உத்தராஸங்கோ³ அதி⁴ட்டா²தப்³போ³.
இமினா உத்தராஸங்கே³ன கதி²னங் அத்த²ராமீதி வாசா பி⁴ந்தி³தப்³பா³. ஸசே
அந்தரவாஸகேன கதி²னங் அத்த²ரிதுகாமோ ஹோதி, போராணகோ அந்தரவாஸகோ
பச்சுத்³த⁴ரிதப்³போ³, நவோ அந்தரவாஸகோ அதி⁴ட்டா²தப்³போ³. இமினா அந்தரவாஸகேன
கதி²னங் அத்த²ராமீதி வாசா பி⁴ந்தி³தப்³பா³. தேன கதி²னத்தா²ரகேன பி⁴க்கு²னா
ஸங்க⁴ங் உபஸங்கமித்வா ஏகங்ஸங் உத்தராஸங்க³ங்
கரித்வா அஞ்ஜலிங் பக்³க³ஹெத்வா ஏவமஸ்ஸ வசனீயோ – ‘‘அத்த²தங், ப⁴ந்தே,
ஸங்க⁴ஸ்ஸ கதி²னங், த⁴ம்மிகோ கதி²னத்தா²ரோ, அனுமோத³தா²’’தி. தேஹி
அனுமோத³கேஹி பி⁴க்கூ²ஹி ஏகங்ஸங் உத்தராஸங்க³ங் கரித்வா அஞ்ஜலிங்
பக்³க³ஹெத்வா ஏவமஸ்ஸ வசனீயோ – ‘‘அத்த²தங், ஆவுஸோ, ஸங்க⁴ஸ்ஸ கதி²னங்,
த⁴ம்மிகோ கதி²னத்தா²ரோ, அனுமோதா³மா’’தி. தேன கதி²னத்தா²ரகேன பி⁴க்கு²னா
ஸம்ப³ஹுலே பி⁴க்கூ² உபஸங்கமித்வா ஏகங்ஸங் உத்தராஸங்க³ங் கரித்வா அஞ்ஜலிங்
பக்³க³ஹெத்வா ஏவமஸ்ஸு வசனீயா – ‘‘அத்த²தங், ப⁴ந்தே, ஸங்க⁴ஸ்ஸ கதி²னங்,
த⁴ம்மிகோ கதி²னத்தா²ரோ, அனுமோத³தா²’’தி. தேஹி அனுமோத³கேஹி பி⁴க்கூ²ஹி
ஏகங்ஸங் உத்தராஸங்க³ங் கரித்வா அஞ்ஜலிங் பக்³க³ஹெத்வா ஏவமஸ்ஸ வசனீயோ –
‘‘அத்த²தங், ஆவுஸோ, ஸங்க⁴ஸ்ஸ கதி²னங், த⁴ம்மிகோ கதி²னத்தா²ரோ
அனுமோதா³மா’’தி. தேன கதி²னத்தா²ரகேன பி⁴க்கு²னா ஏகங் பி⁴க்கு²ங்
உபஸங்கமித்வா ஏகங்ஸங் உத்தராஸங்க³ங் கரித்வா அஞ்ஜலிங் பக்³க³ஹெத்வா ஏவமஸ்ஸ
வசனீயோ – ‘‘அத்த²தங், ஆவுஸோ, ஸங்க⁴ஸ்ஸ கதி²னங், த⁴ம்மிகோ கதி²னத்தா²ரோ,
அனுமோதா³ஹீ’’தி. தேன அனுமோத³கேன பி⁴க்கு²னா ஏகங்ஸங் உத்தராஸங்க³ங் கரித்வா
அஞ்ஜலிங் பக்³க³ஹெத்வா ஏவமஸ்ஸ வசனீயோ – ‘‘அத்த²தங், ஆவுஸோ, ஸங்க⁴ஸ்ஸ
கதி²னங், த⁴ம்மிகோ கதி²னத்தா²ரோ, அனுமோதா³மீ’’தி.

5. புக்³க³லஸ்ஸேவகதி²னத்தா²ரோ

414.
ஸங்கோ⁴ கதி²னங் அத்த²ரதி, க³ணோ கதி²னங் அத்த²ரதி, புக்³க³லோ கதி²னங்
அத்த²ரதீதி. ந ஸங்கோ⁴ கதி²னங் அத்த²ரதி, ந க³ணோ கதி²னங் அத்த²ரதி,
புக்³க³லோ கதி²னங் அத்த²ரதீதி. ஹஞ்சி ந ஸங்கோ⁴ கதி²னங் அத்த²ரதி, ந க³ணோ
கதி²னங் அத்த²ரதி, புக்³க³லோ கதி²னங் அத்த²ரதி. ஸங்க⁴ஸ்ஸ அனத்த²தங்
ஹோதி கதி²னங், க³ணஸ்ஸ அனத்த²தங் ஹோதி கதி²னங், புக்³க³லஸ்ஸ அத்த²தங் ஹோதி
கதி²னங். ஸங்கோ⁴ பாதிமொக்க²ங் உத்³தி³ஸதி க³ணோ பாதிமொக்க²ங் உத்³தி³ஸதி
புக்³க³லோ பாதிமொக்க²ங் உத்³தி³ஸதீதி ந ஸங்கோ⁴ பாதிமொக்க²ங் உத்³தி³ஸதி, ந
க³ணோ பாதிமொக்க²ங் உத்³தி³ஸதி, புக்³க³லோ பாதிமொக்க²ங் உத்³தி³ஸதீதி. ஹஞ்சி
ந ஸங்கோ⁴ பாதிமொக்க²ங் உத்³தி³ஸதி, ந க³ணோ பாதிமொக்க²ங் உத்³தி³ஸதி,
புக்³க³லோ பாதிமொக்க²ங் உத்³தி³ஸதி. ஸங்க⁴ஸ்ஸ அனுத்³தி³ட்ட²ங் ஹோதி
பாதிமொக்க²ங், க³ணஸ்ஸ அனுத்³தி³ட்ட²ங் ஹோதி பாதிமொக்க²ங், புக்³க³லஸ்ஸ
உத்³தி³ட்ட²ங் ஹோதி பாதிமொக்க²ங். ஸங்க⁴ஸ்ஸ ஸாமக்³கி³யா க³ணஸ்ஸ ஸாமக்³கி³யா
புக்³க³லஸ்ஸ உத்³தே³ஸா ஸங்க⁴ஸ்ஸ உத்³தி³ட்ட²ங் ஹோதி பாதிமொக்க²ங், க³ணஸ்ஸ
உத்³தி³ட்ட²ங் ஹோதி பாதிமொக்க²ங், புக்³க³லஸ்ஸ உத்³தி³ட்ட²ங் ஹோதி
பாதிமொக்க²ங். ஏவமேவ ந ஸங்கோ⁴ கதி²னங் அத்த²ரதி, ந
க³ணோ கதி²னங் அத்த²ரதி, புக்³க³லோ கதி²னங் அத்த²ரதி. ஸங்க⁴ஸ்ஸ அனுமோத³னாய
க³ணஸ்ஸ அனுமோத³னாய புக்³க³லஸ்ஸ அத்தா²ரா ஸங்க⁴ஸ்ஸ அத்த²தங் ஹோதி கதி²னங்,
க³ணஸ்ஸ அத்த²தங் ஹோதி கதி²னங், புக்³க³லஸ்ஸ அத்த²தங் ஹோதி கதி²னந்தி.

6. பலிபோ³த⁴பஞ்ஹாப்³யாகரணங்

415.

பக்கமனந்திகோ கதி²னுத்³தா⁴ரோ, வுத்தோ ஆதி³ச்சப³ந்து⁴னா;

ஏதஞ்ச தாஹங் புச்சா²மி, கதமோ பலிபோ³தோ⁴ பட²மங் சி²ஜ்ஜதி.

பக்கமனந்திகோ கதி²னுத்³தா⁴ரோ, வுத்தோ ஆதி³ச்சப³ந்து⁴னா;

ஏதஞ்ச தாஹங் விஸ்ஸஜ்ஜிஸ்ஸங், சீவரபலிபோ³தோ⁴ பட²மங் சி²ஜ்ஜதி;

தஸ்ஸ ஸஹ ப³ஹிஸீமக³மனா, ஆவாஸபலிபோ³தோ⁴ சி²ஜ்ஜதி.

நிட்டா²னந்திகோ கதி²னுத்³தா⁴ரோ, வுத்தோ ஆதி³ச்சப³ந்து⁴னா;

ஏதஞ்ச தாஹங் புச்சா²மி, கதமோ பலிபோ³தோ⁴ பட²மங் சி²ஜ்ஜதி.

நிட்டா²னந்திகோ கதி²னுத்³தா⁴ரோ, வுத்தோ ஆதி³ச்சப³ந்து⁴னா;

ஏதஞ்ச தாஹங் விஸ்ஸஜ்ஜிஸ்ஸங், ஆவாஸபலிபோ³தோ⁴ பட²மங் சி²ஜ்ஜதி;

சீவரே நிட்டி²தே சீவரபலிபோ³தோ⁴ சி²ஜ்ஜதி.

ஸன்னிட்டா²னந்திகோ கதி²னுத்³தா⁴ரோ, வுத்தோ ஆதி³ச்சப³ந்து⁴னா;

ஏதஞ்ச தாஹங் புச்சா²மி, கதமோ பலிபோ³தோ⁴ பட²மங் சி²ஜ்ஜதி.

ஸன்னிட்டா²னந்திகோ கதி²னுத்³தா⁴ரோ, வுத்தோ ஆதி³ச்சப³ந்து⁴னா;

ஏதஞ்ச தாஹங் விஸ்ஸஜ்ஜிஸ்ஸங், த்³வே பலிபோ³தா⁴ அபுப்³ப³ங் அசரிமங் சி²ஜ்ஜந்தி.

நாஸனந்திகோ கதி²னுத்³தா⁴ரோ, வுத்தோ ஆதி³ச்சப³ந்து⁴னா;

ஏதஞ்ச தாஹங் புச்சா²மி, கதமோ பலிபோ³தோ⁴ பட²மங் சி²ஜ்ஜதி.

நாஸனந்திகோ கதி²னுத்³தா⁴ரோ, வுத்தோ ஆதி³ச்சப³ந்து⁴னா;

ஏதஞ்ச தாஹங் விஸ்ஸஜ்ஜிஸ்ஸங், ஆவாஸபலிபோ³தோ⁴ பட²மங் சி²ஜ்ஜதி;

சீவரே நட்டே² சீவரபலிபோ³தோ⁴ சி²ஜ்ஜதி.

ஸவனந்திகோ கதி²னுத்³தா⁴ரோ, வுத்தோ ஆதி³ச்சப³ந்து⁴னா;

ஏதஞ்ச தாஹங் புச்சா²மி, கதமோ பலிபோ³தோ⁴ பட²மங் சி²ஜ்ஜதி.

ஸவனந்திகோ கதி²னுத்³தா⁴ரோ, வுத்தோ ஆதி³ச்சப³ந்து⁴னா;

ஏதஞ்ச தாஹங் விஸ்ஸஜ்ஜிஸ்ஸங், சீவரபலிபோ³தோ⁴ பட²மங் சி²ஜ்ஜதி;

தஸ்ஸ ஸஹ ஸவனேன, ஆவாஸபலிபோ³தோ⁴ சி²ஜ்ஜதி.

ஆஸாவச்சே²தி³கோ கதி²னுத்³தா⁴ரோ, வுத்தோ ஆதி³ச்சப³ந்து⁴னா;

ஏதஞ்ச தாஹங் புச்சா²மி, கதமோ பலிபோ³தோ⁴ பட²மங் சி²ஜ்ஜதி.

ஆஸாவச்சே²தி³கோ கதி²னுத்³தா⁴ரோ, வுத்தோ ஆதி³ச்சப³ந்து⁴னா;

ஏதஞ்ச தாஹங் விஸ்ஸஜ்ஜிஸ்ஸங், ஆவாஸபலிபோ³தோ⁴ பட²மங் சி²ஜ்ஜதி;

சீவராஸாய உபச்சி²ன்னாய சீவரபலிபோ³தோ⁴ சி²ஜ்ஜதி.

ஸீமாதிக்கமனந்திகோ கதி²னுத்³தா⁴ரோ, வுத்தோ ஆதி³ச்சப³ந்து⁴னா;

ஏதஞ்ச தாஹங் புச்சா²மி, கதமோ பலிபோ³தோ⁴ பட²மங் சி²ஜ்ஜதி.

ஸீமாதிக்கமனந்திகோ கதி²னுத்³தா⁴ரோ, வுத்தோ ஆதி³ச்சப³ந்து⁴னா;

ஏதஞ்ச தாஹங் விஸ்ஸஜ்ஜிஸ்ஸங், சீவரபலிபோ³தோ⁴ பட²மங் சி²ஜ்ஜதி;

தஸ்ஸ ப³ஹிஸீமே [ப³ஹிஸீமக³தஸ்ஸ (ஸீ॰ ஸ்யா॰)] ஆவாஸபலிபோ³தோ⁴ சி²ஜ்ஜதி.

ஸஹுப்³பா⁴ரோ கதி²னுத்³தா⁴ரோ [ஸஉப்³பா⁴ரோ (க॰)], வுத்தோ ஆதி³ச்சப³ந்து⁴னா;

ஏதஞ்ச தாஹங் புச்சா²மி, கதமோ பலிபோ³தோ⁴ பட²மங் சி²ஜ்ஜதி.

ஸஹுப்³பா⁴ரோ கதி²னுத்³தா⁴ரோ, வுத்தோ ஆதி³ச்சப³ந்து⁴னா;

ஏதஞ்ச தாஹங் விஸ்ஸஜ்ஜிஸ்ஸங், த்³வே பலிபோ³தா⁴ அபுப்³ப³ங் அசரிமங் சி²ஜ்ஜந்தீதி.

416.
கதி கதி²னுத்³தா⁴ரா ஸங்கா⁴தீ⁴னா? கதி கதி²னுத்³தா⁴ரா புக்³க³லாதீ⁴னா? கதி
கதி²னுத்³தா⁴ரா நேவ ஸங்கா⁴தீ⁴னா ந புக்³க³லாதீ⁴னா? ஏகோ கதி²னுத்³தா⁴ரோ
ஸங்கா⁴தீ⁴னோ – அந்தருப்³பா⁴ரோ. சத்தாரோ கதி²னுத்³தா⁴ரா புக்³க³லாதீ⁴னா – பக்கமனந்திகோ, நிட்டா²னந்திகோ, ஸன்னிட்டா²னந்திகோ, ஸீமாதிக்கமனந்திகோ . சத்தாரோ கதி²னுத்³தா⁴ரா நேவ ஸங்கா⁴தீ⁴னா ந புக்³க³லாதீ⁴னா – நாஸனந்திகோ, ஸவனந்திகோ, ஆஸாவச்சே²தி³கோ, ஸஹுப்³பா⁴ரோ. கதி
கதி²னுத்³தா⁴ரா அந்தோஸீமாய உத்³த⁴ரிய்யந்தி? கதி கதி²னுத்³தா⁴ரா ப³ஹிஸீமாய
உத்³த⁴ரிய்யந்தி? கதி கதி²னுத்³தா⁴ரா ஸியா அந்தோஸீமாய உத்³த⁴ரிய்யந்தி
ஸியா ப³ஹிஸீமாய உத்³த⁴ரிய்யந்தி? த்³வே கதி²னுத்³தா⁴ரா அந்தோஸீமாய
உத்³த⁴ரிய்யந்தி – அந்தருப்³பா⁴ரோ, ஸஹுப்³பா⁴ரோ. தயோ கதி²னுத்³தா⁴ரா
ப³ஹிஸீமாய உத்³த⁴ரிய்யந்தி – பக்கமனந்திகோ, ஸவனந்திகோ, ஸீமாதிக்கமனந்திகோ.
சத்தாரோ கதி²னுத்³தா⁴ரா ஸியா அந்தோஸீமாய உத்³த⁴ரிய்யந்தி ஸியா ப³ஹிஸீமாய
உத்³த⁴ரிய்யந்தி – நிட்டா²னந்திகோ, ஸன்னிட்டா²னந்திகோ, நாஸனந்திகோ,
ஆஸாவச்சே²தி³கோ.

கதி கதி²னுத்³தா⁴ரா ஏகுப்பாதா³ ஏகனிரோதா⁴? கதி
கதி²னுத்³தா⁴ரா ஏகுப்பாதா³ நானானிரோதா⁴? த்³வே கதி²னுத்³தா⁴ரா ஏகுப்பாதா³
ஏகனிரோதா⁴ – அந்தருப்³பா⁴ரோ, ஸஹுப்³பா⁴ரோ. அவஸேஸா கதி²னுத்³தா⁴ரா
ஏகுப்பாதா³ நானானிரோதா⁴தி.

கதி²னபே⁴தோ³ நிட்டி²தோ.

தஸ்ஸுத்³தா³னங் –

கஸ்ஸ கிந்தி பன்னரஸ, த⁴ம்மா நிதா³னஹேது ச;

பச்சயஸங்க³ஹமூலா, ஆதி³ ச அத்தா²ரபுக்³க³லா [அட்ட²புக்³க³லா (ஸீ॰)].

திண்ணங் [பே⁴த³தோ திண்ணங் (க॰)] தயோ ஜானிதப்³ப³ங், அத்தா²ரங் உத்³தே³ஸேன ச;

பலிபோ³தா⁴தி⁴னா, ஸீமாய உப்பாத³னிரோதே⁴ன சாதி [இதோ பரங் ‘‘பரிவாரங் நிட்டி²தங்’’ இதிபாடோ² கேஸுசி பொத்த²கேஸு தி³ஸ்ஸதி].

__________________________________________________________________________________________________________

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

வினயபிடகே

பரிவாரபாளி

உபாலிபஞ்சகங்

1. அனிஸ்ஸிதவக்கோ

417. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. அத² கோ² ஆயஸ்மா உபாலி யேன ப⁴க³வா தேனுபஸங்கமி; உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா
உபாலி ப⁴க³வந்தங் ஏதத³வோச – ‘‘கதிஹி நு கோ², ப⁴ந்தே, அங்கே³ஹி ஸமன்னாக³தேன
பி⁴க்கு²னா யாவஜீவங் நானிஸ்ஸிதேன வத்த²ப்³ப³’’ந்தி?

‘‘பஞ்சஹுபாலி, அங்கே³ஹி ஸமன்னாக³தேன பி⁴க்கு²னா யாவஜீவங் நானிஸ்ஸிதேன வத்த²ப்³ப³ங். [பரி॰ 325]
கதமேஹி பஞ்சஹி? உபோஸத²ங் ந ஜானாதி, உபோஸத²கம்மங் ந ஜானாதி, பாதிமொக்க²ங் ந
ஜானாதி, பாதிமொக்கு²த்³தே³ஸங் ந ஜானாதி, ஊனபஞ்சவஸ்ஸோ ஹோதி – இமேஹி கோ²,
உபாலி, பஞ்சஹங்கே³ஹி ஸமன்னாக³தேன பி⁴க்கு²னா யாவஜீவங் நானிஸ்ஸிதேன
வத்த²ப்³ப³ங். பஞ்சஹுபாலி, அங்கே³ஹி ஸமன்னாக³தேன பி⁴க்கு²னா யாவஜீவங்
அனிஸ்ஸிதேன வத்த²ப்³ப³ங். கதமேஹி பஞ்சஹி? உபோஸத²ங் ஜானாதி, உபோஸத²கம்மங்
ஜானாதி, பாதிமொக்க²ங் ஜானாதி, பாதிமொக்கு²த்³தே³ஸங் ஜானாதி, பஞ்சவஸ்ஸோ வா
ஹோதி அதிரேகபஞ்சவஸ்ஸோ வா – இமேஹி கோ², உபாலி, பஞ்சஹங்கே³ஹி ஸமன்னாக³தேன
பி⁴க்கு²னா யாவஜீவங் அனிஸ்ஸிதேன வத்த²ப்³ப³ங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தேன
பி⁴க்கு²னா யாவஜீவங் நானிஸ்ஸிதேன வத்த²ப்³ப³ங். கதமேஹி பஞ்சஹி? பவாரணங் ந
ஜானாதி, பவாரணாகம்மங் ந ஜானாதி, பாதிமொக்க²ங்
ஜானாதி, பாதிமொக்கு²த்³தே³ஸங் ந ஜானாதி, ஊனபஞ்சவஸ்ஸோ ஹோதி – இமேஹி கோ²,
உபாலி, பஞ்சஹங்கே³ஹி ஸமன்னாக³தேன பி⁴க்கு²னா யாவஜீவங் நானிஸ்ஸிதேன
வத்த²ப்³ப³ங். பஞ்சஹுபாலி, அங்கே³ஹி ஸமன்னாக³தேன பி⁴க்கு²னா யாவஜீவங்
அனிஸ்ஸிதேன வத்த²ப்³ப³ங். கதமேஹி பஞ்சஹி? பவாரணங் ஜானாதி ,
பவாரணாகம்மங் ஜானாதி, பாதிமொக்க²ங் ஜானாதி, பாதிமொக்கு²த்³தே³ஸங் ஜானாதி,
பஞ்சவஸ்ஸோ வா ஹோதி அதிரேகபஞ்சவஸ்ஸோ வா – இமேஹி கோ², உபாலி, பஞ்சஹங்கே³ஹி
ஸமன்னாக³தேன பி⁴க்கு²னா யாவஜீவங் அனிஸ்ஸிதேன வத்த²ப்³ப³ங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தேன
பி⁴க்கு²னா யாவஜீவங் நானிஸ்ஸிதேன வத்த²ப்³ப³ங். கதமேஹி பஞ்சஹி?
ஆபத்தானாபத்திங் ந ஜானாதி, லஹுகக³ருகங் ஆபத்திங் ந
ஜானாதி, ஸாவஸேஸானவஸேஸங் ஆபத்திங் ந ஜானாதி, து³ட்டு²ல்லாது³ட்டு²ல்லங்
ஆபத்திங் ந ஜானாதி, ஊனபஞ்சவஸ்ஸோ ஹோதி – இமேஹி கோ², உபாலி, பஞ்சஹங்கே³ஹி
ஸமன்னாக³தேன பி⁴க்கு²னா யாவஜீவங் நானிஸ்ஸிதேன வத்த²ப்³ப³ங். பஞ்சஹுபாலி,
அங்கே³ஹி ஸமன்னாக³தேன பி⁴க்கு²னா யாவஜீவங் அனிஸ்ஸிதேன வத்த²ப்³ப³ங். கதமேஹி
பஞ்சஹி? ஆபத்தானாபத்திங் ஜானாதி, லஹுகக³ருகங் ஆபத்திங் ஜானாதி,
ஸாவஸேஸானவஸேஸங் ஆபத்திங் ஜானாதி, து³ட்டு²ல்லாது³ட்டு²ல்லங் ஆபத்திங்
ஜானாதி, பஞ்சவஸ்ஸோ வா ஹோதி அதிரேகபஞ்சவஸ்ஸோ வா – இமேஹி கோ², உபாலி,
பஞ்சஹங்கே³ஹி ஸமன்னாக³தேன பி⁴க்கு²னா யாவஜீவங் அனிஸ்ஸிதேன வத்த²ப்³ப³ங்’’.

418. ‘‘கதிஹி நு கோ², ப⁴ந்தே, அங்கே³ஹி ஸமன்னாக³தேன பி⁴க்கு²னா ந உபஸம்பாதே³தப்³ப³ங், ந நிஸ்ஸயோ தா³தப்³போ³, ந ஸாமணேரோ உபட்டா²பேதப்³போ³’’தி?

[மஹாவ॰ 84] ‘‘பஞ்சஹுபாலி,
அங்கே³ஹி ஸமன்னாக³தேன பி⁴க்கு²னா ந உபஸம்பாதே³தப்³ப³ங், ந நிஸ்ஸயோ
தா³தப்³போ³, ந ஸாமணேரோ உபட்டா²பேதப்³போ³. கதமேஹி பஞ்சஹி? ந படிப³லோ ஹோதி
அந்தேவாஸிங் வா ஸத்³தி⁴விஹாரிங் வா கி³லானங் உபட்டா²துங் வா உபட்டா²பேதுங்
வா, அனபி⁴ரதங் வூபகாஸேதுங் வா வூபகாஸாபேதுங் வா, உப்பன்னங் குக்குச்சங்
த⁴ம்மதோ வினோதே³துங் [இமஸ்மிங் டா²னே ஸப்³ப³த்த²
‘‘வினோதே³துங் வா வினோதா³பேதுங் வா’’தி பாடோ² தி³ஸ்ஸதி, விமதிவினோத³னீடீகாய
மஹாவக்³க³வண்ணனா ஓலோகேதப்³பா³]
, அபி⁴த⁴ம்மே வினேதுங், அபி⁴வினயே
வினேதுங் – இமேஹி கோ², உபாலி, பஞ்சஹங்கே³ஹி ஸமன்னாக³தேன பி⁴க்கு²னா ந
உபஸம்பாதே³தப்³ப³ங், ந நிஸ்ஸயோ தா³தப்³போ³, ந ஸாமணேரோ உபட்டா²பேதப்³போ³.
பஞ்சஹுபாலி, அங்கே³ஹி ஸமன்னாக³தேன பி⁴க்கு²னா உபஸம்பாதே³தப்³ப³ங், நிஸ்ஸயோ
தா³தப்³போ³, ஸாமணேரோ உபட்டா²பேதப்³போ³. கதமேஹி பஞ்சஹி? படிப³லோ ஹோதி
அந்தேவாஸிங் வா ஸத்³தி⁴விஹாரிங் வா கி³லானங் உபட்டா²துங் வா உபட்டா²பேதுங்
வா, அனபி⁴ரதங் வூபகாஸேதுங் வா வூபகாஸாபேதுங் வா, உப்பன்னங் குக்குச்சங்
த⁴ம்மதோ வினோதே³துங், அபி⁴த⁴ம்மே வினேதுங், அபி⁴வினயே வினேதுங் – இமேஹி
கோ², உபாலி, பஞ்சஹங்கே³ஹி ஸமன்னாக³தேன பி⁴க்கு²னா உபஸம்பாதே³தப்³ப³ங்,
நிஸ்ஸயோ தா³தப்³போ³, ஸாமணேரோ உபட்டா²பேதப்³போ³.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தேன பி⁴க்கு²னா ந உபஸம்பாதே³தப்³ப³ங், ந நிஸ்ஸயோ தா³தப்³போ³, ந ஸாமணேரோ உபட்டா²பேதப்³போ³. கதமேஹி பஞ்சஹி ? ந படிப³லோ ஹோதி
அந்தேவாஸிங் வா ஸத்³தி⁴விஹாரிங் வா அபி⁴ஸமாசாரிகாய ஸிக்கா²ய
ஸிக்கா²பேதுங், ஆதி³ப்³ரஹ்மசாரியகாய ஸிக்கா²ய வினேதுங், அதி⁴ஸீலே வினேதுங்,
அதி⁴சித்தே வினேதுங், அதி⁴பஞ்ஞாய வினேதுங் – இமேஹி கோ², உபாலி,
பஞ்சஹங்கே³ஹி ஸமன்னாக³தேன பி⁴க்கு²னா ந உபஸம்பாதே³தப்³ப³ங், ந நிஸ்ஸயோ
தா³தப்³போ³, ந ஸாமணேரோ உபட்டா²பேதப்³போ³. பஞ்சஹுபாலி, அங்கே³ஹி ஸமன்னாக³தேன
பி⁴க்கு²னா உபஸம்பாதே³தப்³ப³ங், நிஸ்ஸயோ தா³தப்³போ³, ஸாமணேரோ
உபட்டா²பேதப்³போ³. கதமேஹி பஞ்சஹி? படிப³லோ ஹோதி அந்தேவாஸிங் வா
ஸத்³தி⁴விஹாரிங் வா அபி⁴ஸமாசாரிகாய ஸிக்கா²ய ஸிக்கா²பேதுங்,
ஆதி³ப்³ரஹ்மசாரியகாய ஸிக்கா²ய வினேதுங், அதி⁴ஸீலே வினேதுங், அதி⁴சித்தே
வினேதுங், அதி⁴பஞ்ஞாய வினேதுங் – இமேஹி கோ², உபாலி, பஞ்சஹங்கே³ஹி
ஸமன்னாக³தேன பி⁴க்கு²னா உபஸம்பாதே³தப்³ப³ங், நிஸ்ஸயோ தா³தப்³போ³, ஸாமணேரோ
உபட்டா²பேதப்³போ³’’தி.

419. ‘‘கதிஹி நு கோ², ப⁴ந்தே, அங்கே³ஹி ஸமன்னாக³தஸ்ஸ பி⁴க்கு²னோ கம்மங் காதப்³ப³’’ந்தி?

பஞ்சஹுபாலி, அங்கே³ஹி ஸமன்னாக³தஸ்ஸ பி⁴க்கு²னோ கம்மங்
காதப்³ப³ங். கதமேஹி பஞ்சஹி? அலஜ்ஜீ ச ஹோதி, பா³லோ ச, அபகதத்தோ ச,
மிச்சா²தி³ட்டி²கோ ச ஹோதி, ஆஜீவவிபன்னோ ச – இமேஹி கோ², உபாலி, பஞ்சஹங்கே³ஹி
ஸமன்னாக³தஸ்ஸ பி⁴க்கு²னோ கம்மங் காதப்³ப³ங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ கம்மங் காதப்³ப³ங். கதமேஹி பஞ்சஹி? அதி⁴ஸீலே ஸீலவிபன்னோ ஹோதி,
அஜ்ஜா²சாரே ஆசாரவிபன்னோ ஹோதி, அதிதி³ட்டி²யா தி³ட்டி²விபன்னோ ஹோதி , மிச்சா²தி³ட்டி²கோ ச ஹோதி, ஆஜீவவிபன்னோ ச – இமேஹி கோ², உபாலி, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ கம்மங் காதப்³ப³ங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ கம்மங் காதப்³ப³ங். கதமேஹி பஞ்சஹி? காயிகேன த³வேன ஸமன்னாக³தோ
ஹோதி, வாசஸிகேன த³வேன ஸமன்னாக³தோ ஹோதி, காயிகவாசஸிகேன த³வேன ஸமன்னாக³தோ
ஹோதி, மிச்சா²தி³ட்டி²கோ ச ஹோதி, ஆஜீவவிபன்னோ ச – இமேஹி கோ², உபாலி, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ கம்மங் காதப்³ப³ங்.

‘‘அபரேஹிபி , உபாலி, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ கம்மங் காதப்³ப³ங். கதமேஹி பஞ்சஹி? காயிகேன அனாசாரேன ஸமன்னாக³தோ ஹோதி ,
வாசஸிகேன அனாசாரேன ஸமன்னாக³தோ ஹோதி, காயிகவாசஸிகேன அனாசாரேன ஸமன்னாக³தோ
ஹோதி, மிச்சா²தி³ட்டி²கோ ச ஹோதி, ஆஜீவவிபன்னோ ச – இமேஹி கோ², உபாலி,
பஞ்சஹங்கே³ஹி ஸமன்னாக³தஸ்ஸ பி⁴க்கு²னோ கம்மங் காதப்³ப³ங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ கம்மங் காதப்³ப³ங். கதமேஹி பஞ்சஹி? காயிகேன உபகா⁴திகேன
ஸமன்னாக³தோ ஹோதி, வாசஸிகேன உபகா⁴திகேன ஸமன்னாக³தோ ஹோதி, காயிகவாசஸிகேன
உபகா⁴திகேன ஸமன்னாக³தோ ஹோதி, மிச்சா²தி³ட்டி²கோ ச ஹோதி, ஆஜீவவிபன்னோ ச –
இமேஹி கோ², உபாலி, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ கம்மங்
காதப்³ப³ங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ கம்மங் காதப்³ப³ங். கதமேஹி பஞ்சஹி? காயிகேன மிச்சா²ஜீவேன ஸமன்னாக³தோ
ஹோதி, வாசஸிகேன மிச்சா²ஜீவேன ஸமன்னாக³தோ ஹோதி, காயிகவாசஸிகேன மிச்சா²ஜீவேன
ஸமன்னாக³தோ ஹோதி, மிச்சா²தி³ட்டி²கோ ச ஹோதி, ஆஜீவவிபன்னோ ச – இமேஹி கோ²,
உபாலி, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ கம்மங் காதப்³ப³ங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ கம்மங் காதப்³ப³ங். கதமேஹி பஞ்சஹி? ஆபத்திங் ஆபன்னோ கம்மகதோ
உபஸம்பாதே³தி, நிஸ்ஸயங் தே³தி, ஸாமணேரங் உபட்டா²பேதி,
பி⁴க்கு²னோவாத³கஸம்முதிங் ஸாதி³யதி, ஸம்மதோபி பி⁴க்கு²னியோ ஓவத³தி – இமேஹி
கோ², உபாலி, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ கம்மங் காதப்³ப³ங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ கம்மங் காதப்³ப³ங். கதமேஹி பஞ்சஹி? யாய ஆபத்தியா ஸங்கே⁴ன கம்மங்
கதங் ஹோதி தங் ஆபத்திங் ஆபஜ்ஜதி, அஞ்ஞங் வா தாதி³ஸிகங், ததோ வா
பாபிட்ட²தரங், கம்மங் க³ரஹதி, கம்மிகே க³ரஹதி – இமேஹி கோ², உபாலி,
பஞ்சஹங்கே³ஹி ஸமன்னாக³தஸ்ஸ பி⁴க்கு²னோ கம்மங் காதப்³ப³ங்.

‘‘அபரேஹிபி , உபாலி,
பஞ்சஹங்கே³ஹி ஸமன்னாக³தஸ்ஸ பி⁴க்கு²னோ கம்மங் காதப்³ப³ங். கதமேஹி பஞ்சஹி?
பு³த்³த⁴ஸ்ஸ அவண்ணங் பா⁴ஸதி, த⁴ம்மஸ்ஸ அவண்ணங் பா⁴ஸதி, ஸங்க⁴ஸ்ஸ அவண்ணங்
பா⁴ஸதி, மிச்சா²தி³ட்டி²கோ ச ஹோதி, ஆஜீவவிபன்னோ ச – இமேஹி கோ², உபாலி,
பஞ்சஹங்கே³ஹி ஸமன்னாக³தஸ்ஸ பி⁴க்கு²னோ கம்மங் காதப்³ப³’’ந்தி.

அனிஸ்ஸிதவக்³கோ³ நிட்டி²தோ பட²மோ.

தஸ்ஸுத்³தா³னங் –

உபோஸத²ங் பவாரணங், ஆபத்தி ச கி³லானகங்;

அபி⁴ஸமாசாரலஜ்ஜீ ச, அதி⁴ஸீலே த³வேன ச.

அனாசாரங் உபகா⁴தி, மிச்சா² ஆபத்திமேவ ச;

யாயாபத்தியா பு³த்³த⁴ஸ்ஸ, பட²மோ வக்³க³ஸங்க³ஹோதி.

2. நப்படிப்பஸ்ஸம்ப⁴னவக்³கோ³

420. ‘‘கதிஹி நு கோ², ப⁴ந்தே, அங்கே³ஹி ஸமன்னாக³தஸ்ஸ பி⁴க்கு²னோ கம்மங் நப்படிப்பஸ்ஸம்பே⁴தப்³ப³’’ந்தி?

‘‘பஞ்சஹுபாலி, அங்கே³ஹி ஸமன்னாக³தஸ்ஸ பி⁴க்கு²னோ கம்மங் நப்படிப்பஸ்ஸம்பே⁴தப்³ப³ங். கதமேஹி பஞ்சஹி ?
ஆபத்திங் ஆபன்னோ கம்மகதோ உபஸம்பாதே³தி, நிஸ்ஸயங் தே³தி, ஸாமணேரங்
உபட்டா²பேதி, பி⁴க்கு²னோவாத³கஸம்முதிங் ஸாதி³யதி, ஸம்மதோபி பி⁴க்கு²னியோ
ஓவத³தி – இமேஹி கோ², உபாலி, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ கம்மங்
நப்படிப்பஸ்ஸம்பே⁴தப்³ப³ங்.

[சூளவ॰ 8-9, 18, 30-31, 43, 53, 62, 72]
‘‘அபரேஹிபி, உபாலி, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ கம்மங்
நப்படிப்பஸ்ஸம்பே⁴தப்³ப³ங். கதமேஹி பஞ்சஹி? யாய ஆபத்தியா ஸங்கே⁴ன கம்மங்
கதங் ஹோதி தங் ஆபத்திங் ஆபஜ்ஜதி, அஞ்ஞங் வா தாதி³ஸிகங், ததோ வா
பாபிட்ட²தரங், கம்மங் க³ரஹதி, கம்மிகே க³ரஹதி – இமேஹி கோ², உபாலி,
பஞ்சஹங்கே³ஹி ஸமன்னாக³தஸ்ஸ பி⁴க்கு²னோ கம்மங் நப்படிப்பஸ்ஸம்பே⁴தப்³ப³ங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ கம்மங் நப்படிப்பஸ்ஸம்பே⁴தப்³ப³ங். கதமேஹி பஞ்சஹி? பு³த்³த⁴ஸ்ஸ
அவண்ணங் பா⁴ஸதி, த⁴ம்மஸ்ஸ அவண்ணங் பா⁴ஸதி, ஸங்க⁴ஸ்ஸ அவண்ணங் பா⁴ஸதி,
மிச்சா²தி³ட்டி²கோ ச ஹோதி, ஆஜீவவிபன்னோ ச – இமேஹி கோ², உபாலி, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ கம்மங் நப்படிப்பஸ்ஸம்பே⁴தப்³ப³ங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ கம்மங் நப்படிப்பஸ்ஸம்பே⁴தப்³ப³ங். கதமேஹி பஞ்சஹி? அலஜ்ஜீ ச
ஹோதி, பா³லோ ச, அபகதத்தோ ச, ஓமத்³த³காரகோ ச ஹோதி, வத்தேஸு ஸிக்கா²ய ச ந பரிபூரகாரீ – இமேஹி கோ², உபாலி, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ கம்மங் நப்படிப்பஸ்ஸம்பே⁴தப்³ப³’’ந்தி.

421. ‘‘ஸங்கா³மாவசரேன, ப⁴ந்தே, பி⁴க்கு²னா ஸங்க⁴ங் உபஸங்கமந்தேன கதி த⁴ம்மே அஜ்ஜ²த்தங் உபட்டா²பெத்வா ஸங்கோ⁴ உபஸங்கமிதப்³போ³’’தி?

[பரி॰ 365]
‘‘ஸங்கா³மாவசரேன, உபாலி, பி⁴க்கு²னா ஸங்க⁴ங் உபஸங்கமந்தேன பஞ்ச த⁴ம்மே
அஜ்ஜ²த்தங் உபட்டா²பெத்வா ஸங்கோ⁴ உபஸங்கமிதப்³போ³. கதமே பஞ்ச?
ஸங்கா³மாவசரேன, உபாலி, பி⁴க்கு²னா ஸங்க⁴ங் உபஸங்கமந்தேன நீசசித்தேன ஸங்கோ⁴
உபஸங்கமிதப்³போ³, ரஜோஹரணஸமேன சித்தேன, ஆஸனகுஸலேன ப⁴விதப்³ப³ங்
நிஸ்ஸஜ்ஜகுஸலேன, தே²ரே பி⁴க்கூ² அனுபக²ஜ்ஜந்தேன, நவே பி⁴க்கூ² ஆஸனேன
அப்படிபா³ஹந்தேன யதா²பதிரூபே ஆஸனே நிஸீதி³தப்³ப³ங், அனானாகதி²கேன
ப⁴விதப்³ப³ங் அதிரச்சா²னகதி²கேன, ஸாமங் வா த⁴ம்மோ பா⁴ஸிதப்³போ³, பரோ வா
அஜ்ஜே²ஸிதப்³போ³, அரியோ வா துண்ஹிபா⁴வோ நாதிமஞ்ஞிதப்³போ³, ஸசே, உபாலி,
ஸங்கோ⁴ ஸமக்³க³கரணீயானி கம்மானி கரோதி தத்ர சே, உபாலி, பி⁴க்கு²னோ
நக்க²மதி, அபி தி³ட்டா²விகம்மங் கத்வா ஞாபேதப்³பா³ ஸாமக்³கீ³. தங்
கிஸ்ஸஹேது? மாஹங் ஸங்கே⁴ன நானத்தோ அஸ்ஸந்தி. ஸங்கா³மாவசரேனுபாலி , பி⁴க்கு²னா ஸங்க⁴ங் உபஸங்கமந்தேன இமே பஞ்ச த⁴ம்மே அஜ்ஜ²த்தங் உபட்டா²பெத்வா ஸங்கோ⁴ உபஸங்கமிதப்³போ³’’தி.

422. ‘‘கதிஹி நு கோ², ப⁴ந்தே, அங்கே³ஹி ஸமன்னாக³தோ பி⁴க்கு² ஸங்கே⁴ வோஹரந்தோ ப³ஹுஜனஅகந்தோ ச ஹோதி ப³ஹுஜனஅமனாபோ ச ப³ஹுஜனஅருசிதோ சா’’தி?

‘‘பஞ்சஹுபாலி, அங்கே³ஹி ஸமன்னாக³தோ பி⁴க்கு² ஸங்கே⁴
வோஹரந்தோ ப³ஹுஜனஅகந்தோ ச ஹோதி ப³ஹுஜனஅமனாபோ ச ப³ஹுஜனஅருசிதோ ச. கதமேஹி
பஞ்சஹி? உஸ்ஸிதமந்தீ ச ஹோதி, நிஸ்ஸிதஜப்பீ ச, ந ச பா⁴ஸானுஸந்தி⁴குஸலோ
ஹோதி, ந யதா²த⁴ம்மே யதா²வினயே யதா²பத்தியா சோதே³தா ஹோதி, ந யதா²த⁴ம்மே
யதா²வினயே யதா²பத்தியா காரேதா ஹோதி – இமேஹி கோ², உபாலி, பஞ்சஹங்கே³ஹி
ஸமன்னாக³தோ பி⁴க்கு² ஸங்கே⁴ வோஹரந்தோ ப³ஹுஜனஅகந்தோ ச ஹோதி ப³ஹுஜனஅமனாபோ ச
ப³ஹுஜனஅருசிதோ ச. பஞ்சஹுபாலி, அங்கே³ஹி ஸமன்னாக³தோ பி⁴க்கு² ஸங்கே⁴
வோஹரந்தோ ப³ஹுஜனகந்தோ ச ஹோதி ப³ஹுஜனமனாபோ ச ப³ஹுஜனஅருசிதோ ச. கதமேஹி
பஞ்சஹி? ந உஸ்ஸிதமந்தீ ச ஹோதி, ந நிஸ்ஸிதஜப்பீ ச, பா⁴ஸானுஸந்தி⁴குஸலோ ச
ஹோதி, யதா²த⁴ம்மே யதா²வினயே யதா²பத்தியா சோதே³தா ஹோதி, யதா²த⁴ம்மே
யதா²வினயே யதா²பத்தியா காரேதா ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு² ஸங்கே⁴ வோஹரந்தோ ப³ஹுஜனகந்தோ ச ஹோதி ப³ஹுஜனமனாபோ ச ப³ஹுஜனருசிதோ ச.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ பி⁴க்கு² ஸங்கே⁴ வோஹரந்தோ ப³ஹுஜனஅகந்தோ ச ஹோதி ப³ஹுஜனஅமனாபோ ச
ப³ஹுஜனஅருசிதோ ச. கதமேஹி பஞ்சஹி? உஸ்ஸாதே³தா ச ஹோதி, அபஸாதே³தா ச,
அத⁴ம்மங் க³ண்ஹாதி, த⁴ம்மங் படிபா³ஹதி, ஸம்ப²ஞ்ச ப³ஹுங் பா⁴ஸதி – இமேஹி
கோ², உபாலி, பஞ்சஹங்கே³ஹி ஸமன்னாக³தோ பி⁴க்கு² ஸங்கே⁴ வோஹரந்தோ
ப³ஹுஜனஅகந்தோ ச ஹோதி ப³ஹுஜனஅமனாபோ ச ப³ஹுஜனஅருசிதோ ச. பஞ்சஹுபாலி, அங்கே³ஹி
ஸமன்னாக³தோ பி⁴க்கு² ஸங்கே⁴ வோஹரந்தோ ப³ஹுஜனகந்தோ ச ஹோதி ப³ஹுஜனமனாபோ ச
ப³ஹுஜனருசிதோ ச. கதமேஹி பஞ்சஹி? ந உஸ்ஸாதே³தா ச
ஹோதி, ந அபஸாதே³தா ச, த⁴ம்மங் க³ண்ஹாதி, அத⁴ம்மங் படிபா³ஹதி, ஸம்ப²ஞ்ச ந
ப³ஹுங் பா⁴ஸதி – இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு²
ஸங்கே⁴ வோஹரந்தோ ப³ஹுஜனகந்தோ ச ஹோதி ப³ஹுஜனமனாபோ ச ப³ஹுஜனருசிதோ ச.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ பி⁴க்கு²
ஸங்கே⁴ வோஹரந்தோ ப³ஹுஜனஅகந்தோ ச ஹோதி ப³ஹுஜனஅமனாபோ ச ப³ஹுஜனஅருசிதோ ச.
கதமேஹி பஞ்சஹி? பஸய்ஹபவத்தா ஹோதி, அனோகாஸகம்மங் காரெத்வா பவத்தா ஹோதி, ந
யதா²த⁴ம்மே யதா²வினயே யதா²பத்தியா சோதே³தா ஹோதி, ந யதா²த⁴ம்மே யதா²வினயே
யதா²பத்தியா காரேதா ஹோதி, ந யதா²தி³ட்டி²யா ப்³யாகதா ஹோதி – இமேஹி கோ²,
உபாலி, பஞ்சஹங்கே³ஹி ஸமன்னாக³தோ பி⁴க்கு² ஸங்கே⁴ வோஹரந்தோ ப³ஹுஜனஅகந்தோ ச
ஹோதி ப³ஹுஜனஅமனாபோ ச ப³ஹுஜனஅருசிதோ ச. பஞ்சஹுபாலி,
அங்கே³ஹி ஸமன்னாக³தோ பி⁴க்கு² ஸங்கே⁴ வோஹரந்தோ ப³ஹுஜனகந்தோ ச ஹோதி
ப³ஹுஜனமனாபோ ச ப³ஹுஜனருசிதோ ச. கதமேஹி பஞ்சஹி? ந
பஸய்ஹபவத்தா ஹோதி, ஓகாஸகம்மங் காரெத்வா பவத்தா ஹோதி, யதா²த⁴ம்மே யதா²வினயே
யதா²பத்தியா சோதே³தா ஹோதி, யதா²த⁴ம்மே யதா²வினயே யதா²பத்தியா காரேதா ஹோதி,
யதா²தி³ட்டி²யா ப்³யாகதா ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தோ
பி⁴க்கு² ஸங்கே⁴ வோஹரந்தோ ப³ஹுஜனகந்தோ ச ஹோதி ப³ஹுஜனமனாபோ ச ப³ஹுஜனருசிதோ
சா’’தி.

423. ‘‘கதி நு கோ², ப⁴ந்தே, ஆனிஸங்ஸா வினயபரியத்தியா’’தி?

‘‘பஞ்சிமே, உபாலி, ஆனிஸங்ஸா வினயபரியத்தியா. கதமே
பஞ்ச? அத்தனோ ஸீலக்க²ந்தோ⁴ ஸுகு³த்தோ ஹோதி ஸுரக்கி²தோ, குக்குச்சபகதானங்
படிஸரணங் ஹோதி, விஸாரதோ³ ஸங்க⁴மஜ்ஜே² வோஹரதி,
பச்சத்தி²கே ஸஹத⁴ம்மேன ஸுனிக்³க³ஹிதங் நிக்³க³ண்ஹாதி, ஸத்³த⁴ம்மட்டி²தியா
படிபன்னோ ஹோதி – இமேஹி கோ², உபாலி, பஞ்சானிஸங்ஸா வினயபரியத்தியா’’.

நப்படிப்பஸ்ஸம்ப⁴னவக்³கோ³ நிட்டி²தோ து³தியோ.

தஸ்ஸுத்³தா³னங் –

ஆபன்னோ யாயவண்ணஞ்ச, அலஜ்ஜீ ஸங்கா³மேன ச;

உஸ்ஸிதா உஸ்ஸாதே³தா ச, பஸய்ஹ பரியத்தியாதி.

பட²மயமகபஞ்ஞத்தி.

3. வோஹாரவக்³கோ³

424. ‘‘கதிஹி நு கோ², ப⁴ந்தே, அங்கே³ஹி ஸமன்னாக³தேன பி⁴க்கு²னா ஸங்கே⁴ ந வோஹரிதப்³ப³’’ந்தி?

‘‘பஞ்சஹுபாலி, அங்கே³ஹி ஸமன்னாக³தேன பி⁴க்கு²னா ஸங்கே⁴
ந வோஹரிதப்³ப³ங். கதமேஹி பஞ்சஹி? ஆபத்திங் ந ஜானாதி, ஆபத்திஸமுட்டா²னங் ந
ஜானாதி, ஆபத்தியா பயோக³ங் ந ஜானாதி, ஆபத்தியா வூபஸமங் ந ஜானாதி, ஆபத்தியா ந வினிச்ச²யகுஸலோ ஹோதி – இமேஹி கோ², உபாலி, பஞ்சஹங்கே³ஹி
ஸமன்னாக³தேன பி⁴க்கு²னா ஸங்கே⁴ ந வோஹரிதப்³ப³ங். பஞ்சஹுபாலி, அங்கே³ஹி
ஸமன்னாக³தேன பி⁴க்கு²னா ஸங்கே⁴ வோஹரிதப்³ப³ங். கதமேஹி பஞ்சஹி? ஆபத்திங்
ஜானாதி, ஆபத்திஸமுட்டா²னங் ஜானாதி, ஆபத்தியா பயோக³ங் ஜானாதி, ஆபத்தியா
வூபஸமங் ஜானாதி, ஆபத்தியா வினிச்ச²யகுஸலோ ஹோதி – இமேஹி கோ², உபாலி,
பஞ்சஹங்கே³ஹி ஸமன்னாக³தேன பி⁴க்கு²னா ஸங்கே⁴ வோஹரிதப்³ப³ங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தேன
பி⁴க்கு²னா ஸங்கே⁴ ந வோஹரிதப்³ப³ங். கதமேஹி பஞ்சஹி? அதி⁴கரணங் ந ஜானாதி,
அதி⁴கரணஸமுட்டா²னங் ந ஜானாதி, அதி⁴கரணஸ்ஸ பயோக³ங் ந ஜானாதி, அதி⁴கரணஸ்ஸ
வூபஸமங் ந ஜானாதி, அதி⁴கரணஸ்ஸ ந வினிச்ச²யகுஸலோ ஹோதி – இமேஹி கோ², உபாலி,
பஞ்சஹங்கே³ஹி ஸமன்னாக³தேன பி⁴க்கு²னா ஸங்கே⁴ ந வோஹரிதப்³ப³ங். பஞ்சஹுபாலி,
அங்கே³ஹி ஸமன்னாக³தேன பி⁴க்கு²னா ஸங்கே⁴ வோஹரிதப்³ப³ங். கதமேஹி பஞ்சஹி?
அதி⁴கரணங் ஜானாதி , அதி⁴கரணஸமுட்டா²னங் ஜானாதி,
அதி⁴கரணஸ்ஸ பயோக³ங் ஜானாதி, அதி⁴கரணஸ்ஸ வூபஸமங் ஜானாதி, அதி⁴கரணஸ்ஸ
வினிச்ச²யகுஸலோ ஹோதி – இமேஹி கோ², உபாலி பஞ்சஹங்கே³ஹி ஸமன்னாக³தேன
பி⁴க்கு²னா ஸங்கே⁴ வோஹரிதப்³ப³ங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தேன
பி⁴க்கு²னா ஸங்கே⁴ ந வோஹரிதப்³ப³ங். கதமேஹி பஞ்சஹி? பஸய்ஹபவத்தா ஹோதி,
அனோகாஸகம்மங் காரெத்வா பவத்தா ஹோதி, ந யதா²த⁴ம்மே யதா²வினயே யதா²பத்தியா
சோதே³தா ஹோதி, ந யதா²த⁴ம்மே யதா²வினயே யதா²பத்தியா காரேதா ஹோதி, ந
யதா²தி³ட்டி²யா ப்³யாகதா ஹோதி – இமேஹி கோ², உபாலி, பஞ்சஹங்கே³ஹி
ஸமன்னாக³தேன பி⁴க்கு²னா ஸங்கே⁴ ந வோஹரிதப்³ப³ங். பஞ்சஹுபாலி, அங்கே³ஹி
ஸமன்னாக³தேன பி⁴க்கு²னா ஸங்கே⁴ வோஹரிதப்³ப³ங். கதமேஹி பஞ்சஹி? ந
பஸய்ஹபவத்தா ஹோதி, ஓகாஸகம்மங் காரெத்வா பவத்தா ஹோதி, யதா²த⁴ம்மே யதா²வினயே
யதா²பத்தியா சோதே³தா ஹோதி, யதா²த⁴ம்மே யதா²வினயே யதா²பத்தியா காரேதா ஹோதி,
யதா²தி³ட்டி²யா ப்³யாகதா ஹோதி – இமேஹி கோ², உபாலி, பஞ்சஹங்கே³ஹி
ஸமன்னாக³தேன பி⁴க்கு²னா ஸங்கே⁴ வோஹரிதப்³ப³ங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தேன
பி⁴க்கு²னா ஸங்கே⁴ ந வோஹரிதப்³ப³ங். கதமேஹி பஞ்சஹி? ஆபத்தானாபத்திங் ந
ஜானாதி, லஹுகக³ருகங் ஆபத்திங் ந ஜானாதி, ஸாவஸேஸானவஸேஸங் ஆபத்திங் ந ஜானாதி,
து³ட்டு²ல்லாது³ட்டு²ல்லங் ஆபத்திங் ந ஜானாதி, ஸப்படிகம்மங் அப்படிகம்மங் ஆபத்திங் ந ஜானாதி – இமேஹி
கோ², உபாலி, பஞ்சஹங்கே³ஹி ஸமன்னாக³தேன பி⁴க்கு²னா ஸங்கே⁴ ந வோஹரிதப்³ப³ங்.
பஞ்சஹுபாலி, அங்கே³ஹி ஸமன்னாக³தேன பி⁴க்கு²னா ஸங்கே⁴ வோஹரிதப்³ப³ங்.
கதமேஹி பஞ்சஹி? ஆபத்தானாபத்திங் ஜானாதி, லஹுகக³ருகங் ஆபத்திங் ஜானாதி,
ஸாவஸேஸானவஸேஸங் ஆபத்திங் ஜானாதி, து³ட்டு²ல்லாது³ட்டு²ல்லங் ஆபத்திங்
ஜானாதி, ஸப்படிகம்மங் அப்படிகம்மங் ஆபத்திங் ஜானாதி – இமேஹி கோ², உபாலி,
பஞ்சஹங்கே³ஹி ஸமன்னாக³தேன பி⁴க்கு²னா ஸங்கே⁴ வோஹரிதப்³ப³ங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தேன
பி⁴க்கு²னா ஸங்கே⁴ ந வோஹரிதப்³ப³ங். கதமேஹி பஞ்சஹி? கம்மங் ந ஜானாதி,
கம்மஸ்ஸ கரணங் ந ஜானாதி, கம்மஸ்ஸ வத்து²ங் ந ஜானாதி, கம்மஸ்ஸ வத்தங் ந
ஜானாதி, கம்மஸ்ஸ வூபஸமங் ந ஜானாதி – இமேஹி கோ², உபாலி, பஞ்சஹங்கே³ஹி
ஸமன்னாக³தேன பி⁴க்கு²னா ஸங்கே⁴ ந வோஹரிதப்³ப³ங். பஞ்சஹுபாலி ,
அங்கே³ஹி ஸமன்னாக³தேன பி⁴க்கு²னா ஸங்கே⁴ வோஹரிதப்³ப³ங். கதமேஹி பஞ்சஹி?
கம்மங் ஜானாதி, கம்மஸ்ஸ கரணங் ஜானாதி, கம்மஸ்ஸ வத்து²ங் ஜானாதி, கம்மஸ்ஸ
வத்தங் ஜானாதி, கம்மஸ்ஸ வூபஸமங் ஜானாதி – இமேஹி கோ², உபாலி, பஞ்சஹங்கே³ஹி
ஸமன்னாக³தேன பி⁴க்கு²னா ஸங்கே⁴ வோஹரிதப்³ப³ங்.

‘‘அபரேஹிபி , உபாலி,
பஞ்சஹங்கே³ஹி ஸமன்னாக³தேன பி⁴க்கு²னா ஸங்கே⁴ ந வோஹரிதப்³ப³ங். கதமேஹி
பஞ்சஹி? வத்து²ங் ந ஜானாதி, நிதா³னங் ந ஜானாதி, பஞ்ஞத்திங் ந ஜானாதி,
பத³பச்சாப⁴ட்ட²ங் ந ஜானாதி, அனுஸந்தி⁴வசனபத²ங் ந ஜானாதி – இமேஹி கோ²,
உபாலி, பஞ்சஹங்கே³ஹி ஸமன்னாக³தேன பி⁴க்கு²னா ஸங்கே⁴ ந வோஹரிதப்³ப³ங்.
பஞ்சஹுபாலி, அங்கே³ஹி ஸமன்னாக³தேன பி⁴க்கு²னா ஸங்கே⁴ வோஹரிதப்³ப³ங். கதமேஹி
பஞ்சஹி? வத்து²ங் ஜானாதி, நிதா³னங் ஜானாதி, பஞ்ஞத்திங் ஜானாதி,
பத³பச்சாப⁴ட்ட²ங் ஜானாதி, அனுஸந்தி⁴வசனபத²ங் ஜானாதி – இமேஹி கோ², உபாலி,
பஞ்சஹங்கே³ஹி ஸமன்னாக³தேன பி⁴க்கு²னா ஸங்கே⁴ வோஹரிதப்³ப³ங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தேன பி⁴க்கு²னா ஸங்கே⁴ ந வோஹரிதப்³ப³ங் .
கதமேஹி பஞ்சஹி? ச²ந்தா³க³திங் க³ச்ச²தி, தோ³ஸாக³திங் க³ச்ச²தி, மோஹாக³திங்
க³ச்ச²தி, ப⁴யாக³திங் க³ச்ச²தி, அலஜ்ஜீ ச ஹோதி – இமேஹி கோ², உபாலி,
பஞ்சஹங்கே³ஹி ஸமன்னாக³தேன பி⁴க்கு²னா ஸங்கே⁴ ந வோஹரிதப்³ப³ங். பஞ்சஹுபாலி,
அங்கே³ஹி ஸமன்னாக³தேன பி⁴க்கு²னா ஸங்கே⁴ வோஹரிதப்³ப³ங். கதமேஹி பஞ்சஹி? ந
ச²ந்தா³க³திங் க³ச்ச²தி, ந தோ³ஸாக³திங் க³ச்ச²தி, ந மோஹாக³திங் க³ச்ச²தி, ந ப⁴யாக³திங் க³ச்ச²தி, லஜ்ஜீ ச ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தேன பி⁴க்கு²னா ஸங்கே⁴ வோஹரிதப்³ப³ங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தேன
பி⁴க்கு²னா ஸங்கே⁴ ந வோஹரிதப்³ப³ங். கதமேஹி பஞ்சஹி? ச²ந்தா³க³திங்
க³ச்ச²தி, தோ³ஸாக³திங் க³ச்ச²தி, மோஹாக³திங் க³ச்ச²தி, ப⁴யாக³திங்
க³ச்ச²தி, அகுஸலோ ச ஹோதி வினயே – இமேஹி கோ², உபாலி, பஞ்சஹங்கே³ஹி
ஸமன்னாக³தேன பி⁴க்கு²னா ஸங்கே⁴ ந வோஹரிதப்³ப³ங். பஞ்சஹுபாலி, அங்கே³ஹி
ஸமன்னாக³தேன பி⁴க்கு²னா ஸங்கே⁴ வோஹரிதப்³ப³ங். கதமேஹி பஞ்சஹி? ந
ச²ந்தா³க³திங் க³ச்ச²தி, ந தோ³ஸாக³திங் க³ச்ச²தி, ந மோஹாக³திங் க³ச்ச²தி, ந
ப⁴யாக³திங் க³ச்ச²தி, குஸலோ ச ஹோதி வினயே – இமேஹி கோ², உபாலி,
பஞ்சஹங்கே³ஹி ஸமன்னாக³தேன பி⁴க்கு²னா ஸங்கே⁴ வோஹரிதப்³ப³ங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தேன
பி⁴க்கு²னா ஸங்கே⁴ ந வோஹரிதப்³ப³ங். கதமேஹி பஞ்சஹி? ஞத்திங் ந ஜானாதி,
ஞத்தியா கரணங் ந ஜானாதி, ஞத்தியா அனுஸ்ஸாவனங் ந ஜானாதி, ஞத்தியா ஸமத²ங் ந
ஜானாதி, ஞத்தியா வூபஸமங் ந ஜானாதி – இமேஹி கோ², உபாலி ,
பஞ்சஹங்கே³ஹி ஸமன்னாக³தேன பி⁴க்கு²னா ஸங்கே⁴ ந வோஹரிதப்³ப³ங். பஞ்சஹுபாலி,
அங்கே³ஹி ஸமன்னாக³தேன பி⁴க்கு²னா ஸங்கே⁴ வோஹரிதப்³ப³ங். கதமேஹி பஞ்சஹி?
ஞத்திங் ஜானாதி, ஞத்தியா கரணங் ஜானாதி, ஞத்தியா
அனுஸ்ஸாவனங் ஜானாதி, ஞத்தியா ஸமத²ங் ஜானாதி, ஞத்தியா வூபஸமங் ஜானாதி –
இமேஹி கோ², உபாலி, பஞ்சஹங்கே³ஹி ஸமன்னாக³தேன பி⁴க்கு²னா ஸங்கே⁴
வோஹரிதப்³ப³ங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தேன
பி⁴க்கு²னா ஸங்கே⁴ ந வோஹரிதப்³ப³ங். கதமேஹி பஞ்சஹி? ஸுத்தங் ந ஜானாதி,
ஸுத்தானுலோமங் ந ஜானாதி, வினயங் ந ஜானாதி, வினயானுலோமங் ந ஜானாதி, ந ச
டா²னாடா²னகுஸலோ ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தேன
பி⁴க்கு²னா ஸங்கே⁴ ந வோஹரிதப்³ப³ங். பஞ்சஹுபாலி, அங்கே³ஹி ஸமன்னாக³தேன
பி⁴க்கு²னா ஸங்கே⁴ வோஹரிதப்³ப³ங். கதமேஹி பஞ்சஹி? ஸுத்தங் ஜானாதி,
ஸுத்தானுலோமங் ஜானாதி, வினயங் ஜானாதி, வினயானுலோமங் ஜானாதி, டா²னாடா²னகுஸலோ
ச ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தேன பி⁴க்கு²னா ஸங்கே⁴
வோஹரிதப்³ப³ங்.

‘‘அபரேஹிபி , உபாலி,
பஞ்சஹங்கே³ஹி ஸமன்னாக³தேன பி⁴க்கு²னா ஸங்கே⁴ ந வோஹரிதப்³ப³ங். கதமேஹி
பஞ்சஹி? த⁴ம்மங் ந ஜானாதி, த⁴ம்மானுலோமங் ந ஜானாதி, வினயங் ந ஜானாதி,
வினயானுலோமங் ந ஜானாதி, ந ச புப்³பா³பரகுஸலோ ஹோதி – இமேஹி கோ², உபாலி,
பஞ்சஹங்கே³ஹி ஸமன்னாக³தேன பி⁴க்கு²னா ஸங்கே⁴ ந வோஹரிதப்³ப³ங். பஞ்சஹுபாலி,
அங்கே³ஹி ஸமன்னாக³தேன பி⁴க்கு²னா ஸங்கே⁴ வோஹரிதப்³ப³ங். கதமேஹி பஞ்சஹி? த⁴ம்மங் ஜானாதி, த⁴ம்மானுலோமங் ஜானாதி, வினயங் ஜானாதி, வினயானுலோமங் ஜானாதி, புப்³பா³பரகுஸலோ ச ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தேன பி⁴க்கு²னா ஸங்கே⁴ வோஹரிதப்³ப³’’ந்தி.

வோஹாரவக்³கோ³ நிட்டி²தோ ததியோ.

தஸ்ஸுத்³தா³னங் –

ஆபத்தி அதி⁴கரணங், பஸய்ஹாபத்தி ஜானநா;

கம்மங் வத்து²ங் அலஜ்ஜீ ச, அகுஸலோ ச ஞத்தியா;

ஸுத்தங் ந ஜானாதி த⁴ம்மங், ததியோ வக்³க³ஸங்க³ஹோதி.

4. தி³ட்டா²விகம்மவக்³கோ³

425.
‘‘கதி நு கோ², ப⁴ந்தே, அத⁴ம்மிகா தி³ட்டா²விகம்மா’’தி? ‘‘பஞ்சிமே, உபாலி,
அத⁴ம்மிகா தி³ட்டா²விகம்மா. கதமே பஞ்ச? அனாபத்தியா தி³ட்டி²ங் ஆவி கரோதி,
அதே³ஸனாகா³மினியா ஆபத்தியா தி³ட்டி²ங் ஆவி கரோதி,
தே³ஸிதாய ஆபத்தியா தி³ட்டி²ங் ஆவி கரோதி, சதூஹி பஞ்சஹி தி³ட்டி²ங் ஆவி
கரோதி, மனோ மானஸேன தி³ட்டி²ங் ஆவி கரோதி – இமே கோ², உபாலி, பஞ்ச அத⁴ம்மிகா
தி³ட்டா²விகம்மா.

‘‘பஞ்சிமே, உபாலி, த⁴ம்மிகா தி³ட்டா²விகம்மா. கதமே
பஞ்ச? ஆபத்தியா தி³ட்டி²ங் ஆவி கரோதி, தே³ஸனாகா³மினியா ஆபத்தியா தி³ட்டி²ங்
ஆவி கரோதி, அதே³ஸிதாய ஆபத்தியா தி³ட்டி²ங் ஆவி கரோதி, ந சதூஹி பஞ்சஹி
தி³ட்டி²ங் ஆவி கரோதி, ந மனோ மானஸேன தி³ட்டி²ங் ஆவி கரோதி – இமே கோ²,
உபாலி, பஞ்ச த⁴ம்மிகா தி³ட்டா²விகம்மா.

‘‘அபரேபி , உபாலி, பஞ்ச அத⁴ம்மிகா தி³ட்டா²விகம்மா. கதமே
பஞ்ச? நானாஸங்வாஸகஸ்ஸ ஸந்திகே தி³ட்டி²ங் ஆவி கரோதி, நானாஸீமாய டி²தஸ்ஸ
ஸந்திகே தி³ட்டி²ங் ஆவி கரோதி, அபகதத்தஸ்ஸ ஸந்திகே தி³ட்டி²ங் ஆவி கரோதி,
சதூஹி பஞ்சஹி தி³ட்டி²ங் ஆவி கரோதி, மனோ மானஸேன தி³ட்டி²ங் ஆவி கரோதி – இமே
கோ², உபாலி, பஞ்ச அத⁴ம்மிகா தி³ட்டா²விகம்மா.

‘‘பஞ்சிமே, உபாலி, த⁴ம்மிகா தி³ட்டா²விகம்மா. கதமே
பஞ்ச? ஸமானஸங்வாஸகஸ்ஸ ஸந்திகே தி³ட்டி²ங் ஆவி கரோதி, ஸமானஸீமாய டி²தஸ்ஸ
ஸந்திகே தி³ட்டி²ங் ஆவி கரோதி, பகதத்தஸ்ஸ ஸந்திகே தி³ட்டி²ங் ஆவி கரோதி, ந
சதூஹி பஞ்சஹி தி³ட்டி²ங் ஆவி கரோதி, ந மனோ மானஸேன தி³ட்டி²ங் ஆவி கரோதி –
இமே கோ², உபாலி, பஞ்ச த⁴ம்மிகா தி³ட்டா²விகம்மாதி.

426.
‘‘கதி நு கோ², ப⁴ந்தே, அத⁴ம்மிகா படிக்³க³ஹா’’தி? ‘‘பஞ்சிமே, உபாலி,
அத⁴ம்மிகா படிக்³க³ஹா. கதமே பஞ்ச? காயேன தி³ய்யமானங் காயேன
அப்படிக்³க³ஹிதங், காயேன தி³ய்யமானங் காயப்படிப³த்³தே⁴ன அப்படிக்³க³ஹிதங்,
காயப்படிப³த்³தே⁴ன தி³ய்யமானங் காயேன அப்படிக்³க³ஹிதங், காயப்படிப³த்³தே⁴ன
தி³ய்யமானங் காயப்படிப³த்³தே⁴ன அப்படிக்³க³ஹிதங், நிஸ்ஸக்³கி³யேன
தி³ய்யமானங் காயேன வா காயப்படிப³த்³தே⁴ன வா அப்படிக்³க³ஹிதங் – இமே கோ²,
உபாலி, பஞ்ச அத⁴ம்மிகா படிக்³க³ஹா.

‘‘பஞ்சிமே, உபாலி, த⁴ம்மிகா படிக்³க³ஹா. கதமே பஞ்ச?
காயேன தி³ய்யமானங் காயேன படிக்³க³ஹிதங், காயேன தி³ய்யமானங்
காயப்படிப³த்³தே⁴ன படிக்³க³ஹிதங், காயப்படிப³த்³தே⁴ன தி³ய்யமானங் காயேன
படிக்³க³ஹிதங், காயப்படிப³த்³தே⁴ன தி³ய்யமானங் காயப்படிப³த்³தே⁴ன
படிக்³க³ஹிதங், நிஸ்ஸக்³கி³யேன தி³ய்யமானங் காயேன வா காயப்படிப³த்³தே⁴ன வா
படிக்³க³ஹிதங் – இமே கோ², உபாலி, பஞ்ச த⁴ம்மிகா படிக்³க³ஹா’’தி.

427. ‘‘கதி நு கோ², ப⁴ந்தே, அனதிரித்தா’’தி? ‘‘பஞ்சிமே, உபாலி, அனதிரித்தா. கதமே பஞ்ச? [பாசி॰ 239]
அகப்பியகதங் ஹோதி, அப்படிக்³க³ஹிதகதங் ஹோதி அனுச்சாரிதகதங் ஹோதி,
அஹத்த²பாஸே கதங் ஹோதி, அலமேதங் ஸப்³ப³ந்தி அவுத்தங் ஹோதி – இமே கோ², உபாலி,
பஞ்ச அனதிரித்தா.

‘‘பஞ்சிமே, உபாலி, அதிரித்தா. கதமே பஞ்ச? [பாசி॰ 239]
கப்பியகதங் ஹோதி, படிக்³க³ஹிதகதங் ஹோதி, உச்சாரிதகதங் ஹோதி, ஹத்த²பாஸே
கதங் ஹோதி, அலமேதங் ஸப்³ப³ந்தி வுத்தங் ஹோதி – இமே கோ², உபாலி, பஞ்ச
அதிரித்தா’’தி.

428. ‘‘கதிஹி நு கோ², ப⁴ந்தே, ஆகாரேஹி பவாரணா பஞ்ஞாயதீ’’தி? ‘‘பஞ்சஹுபாலி, ஆகாரேஹி பவாரணா பஞ்ஞாயதி. கதமேஹி பஞ்சஹி? [பாசி॰ 239]
அஸனங் பஞ்ஞாயதி, போ⁴ஜனங் பஞ்ஞாயதி, ஹத்த²பாஸே டி²தோ அபி⁴ஹரதி, படிக்கே²போ
பஞ்ஞாயதி – இமேஹி கோ², உபாலி, பஞ்சஹாகாரேஹி பவாரணா பஞ்ஞாயதீ’’தி.

429.
‘‘கதி நு கோ², ப⁴ந்தே, அத⁴ம்மிகா படிஞ்ஞாதகரணா’’தி? ‘‘பஞ்சிமே, உபாலி,
அத⁴ம்மிகா படிஞ்ஞாதகரணா. கதமே பஞ்ச? பி⁴க்கு² பாராஜிகங் அஜ்ஜா²பன்னோ ஹோதி,
பாராஜிகேன சோதி³யமானோ ஸங்கா⁴தி³ஸேஸங் அஜ்ஜா²பன்னோ படிஜானாதி, தங் ஸங்கோ⁴
ஸங்கா⁴தி³ஸேஸேன காரேதி, அத⁴ம்மிகங் படிஞ்ஞாதகரணங் .
பி⁴க்கு² பாராஜிகங் அஜ்ஜா²பன்னோ ஹோதி, பாராஜிகேன சோதி³யமானோ
பாசித்தியங்…பே॰… பாடிதே³ஸனீயங்… து³க்கடங் அஜ்ஜா²பன்னோ படிஜானாதி, தங்
ஸங்கோ⁴ து³க்கடேன காரேதி, அத⁴ம்மிகங் படிஞ்ஞாதகரணங். பி⁴க்கு²
ஸங்கா⁴தி³ஸேஸங்…பே॰… பாசித்தியங்… பாடிதே³ஸனீயங்… து³க்கடங் அஜ்ஜா²பன்னோ
ஹோதி. து³க்கடேன சோதி³யமானோ பாராஜிகங் அஜ்ஜா²பன்னோ படிஜானாதி, தங் ஸங்கோ⁴
பாராஜிகேன காரேதி, அத⁴ம்மிகங் படிஞ்ஞாதகரணங். பி⁴க்கு² து³க்கடங்
அஜ்ஜா²பன்னோ ஹோதி, து³க்கடேன சோதி³யமானோ ஸங்கா⁴தி³ஸேஸங்…பே॰… பாசித்தியங்…
பாடிதே³ஸனீயங் அஜ்ஜா²பன்னோ படிஜானாதி, தங் ஸங்கோ⁴ பாடிதே³ஸனீயேன காரேதி –
அத⁴ம்மிகங் படிஞ்ஞாதகரணங். இமே கோ², உபாலி, பஞ்ச அத⁴ம்மிகா படிஞ்ஞாதகரணா.

‘‘பஞ்சிமே, உபாலி, த⁴ம்மிகா படிஞ்ஞாதகரணா. கதமே பஞ்ச?
பி⁴க்கு² பாராஜிகங் அஜ்ஜா²பன்னோ ஹோதி, பாராஜிகேன சோதி³யமானோ பாராஜிகங்
அஜ்ஜா²பன்னோ படிஜானாதி, தங் ஸங்கோ⁴ பாராஜிகேன காரேதி, த⁴ம்மிகங்
படிஞ்ஞாதகரணங். பி⁴க்கு² ஸங்கா⁴தி³ஸேஸங்…பே॰… பாசித்தியங்… பாடிதே³ஸனீயங்…
து³க்கடங் அஜ்ஜா²பன்னோ ஹோதி, து³க்கடேன சோதி³யமானோ து³க்கடங் அஜ்ஜா²பன்னோ
படிஜானாதி , தங் ஸங்கோ⁴ து³க்கடேன காரேதி, த⁴ம்மிகங் படிஞ்ஞாதகரணங். இமே கோ², உபாலி, பஞ்ச த⁴ம்மிகா படிஞ்ஞாதகரணா’’தி.

430. ‘‘கதிஹி
நு கோ², ப⁴ந்தே, அங்கே³ஹி ஸமன்னாக³தஸ்ஸ பி⁴க்கு²னோ ஓகாஸகம்மங்
காராபெந்தஸ்ஸ நாலங் ஓகாஸகம்மங் காது’’ந்தி? ‘‘பஞ்சஹுபாலி, அங்கே³ஹி
ஸமன்னாக³தஸ்ஸ பி⁴க்கு²னோ ஓகாஸகம்மங் காராபெந்தஸ்ஸ நாலங் ஓகாஸகம்மங்
காதுங். கதமேஹி பஞ்சஹி? அலஜ்ஜீ ச ஹோதி, பா³லோ ச, அபகதத்தோ ச,
சாவனாதி⁴ப்பாயோ வத்தா ஹோதி, நோ வுட்டா²னாதி⁴ப்பாயோ – இமேஹி கோ², உபாலி,
பஞ்சஹங்கே³ஹி ஸமன்னாக³தஸ்ஸ பி⁴க்கு²னோ ஓகாஸகம்மங் காராபெந்தஸ்ஸ நாலங் ஓகாஸகம்மங் காதுங்.

‘‘பஞ்சஹுபாலி, அங்கே³ஹி ஸமன்னாக³தஸ்ஸ பி⁴க்கு²னோ
ஓகாஸகம்மங் காராபெந்தஸ்ஸ அலங் ஓகாஸகம்மங் காதுங். கதமேஹி பஞ்சஹி? லஜ்ஜீ ச
ஹோதி, பண்டி³தோ ச, பகதத்தோ ச, வுட்டா²னாதி⁴ப்பாயோ வத்தா ஹோதி, நோ
சாவனாதி⁴ப்பாயோ – இமேஹி கோ², உபாலி, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ
ஓகாஸகம்மங் காராபெந்தஸ்ஸ அலங் ஓகாஸகம்மங் காது’’ந்தி.

431.
‘‘கதிஹி நு கோ², ப⁴ந்தே, அங்கே³ஹி ஸமன்னாக³தேன பி⁴க்கு²னா ஸத்³தி⁴ங் வினயோ
ந ஸாகச்சி²தப்³போ³’’தி? ‘‘பஞ்சஹுபாலி, அங்கே³ஹி ஸமன்னாக³தேன பி⁴க்கு²னா
ஸத்³தி⁴ங் வினயோ ந ஸாகச்சி²தப்³போ³. கதமேஹி பஞ்சஹி? வத்து²ங் ந ஜானாதி,
நிதா³னங் ந ஜானாதி, பஞ்ஞத்திங் ந ஜானாதி, பத³பச்சாப⁴ட்ட²ங் ந ஜானாதி,
அனுஸந்தி⁴வசனபத²ங் ந ஜானாதி – இமேஹி கோ², உபாலி, பஞ்சஹங்கே³ஹி ஸமன்னாக³தேன
பி⁴க்கு²னா ஸத்³தி⁴ங் வினயோ ந ஸாகச்சி²தப்³போ³.

‘‘பஞ்சஹுபாலி, அங்கே³ஹி ஸமன்னாக³தேன பி⁴க்கு²னா
ஸத்³தி⁴ங் வினயோ ஸாகச்சி²தப்³போ³. கதமேஹி பஞ்சஹி? வத்து²ங் ஜானாதி,
நிதா³னங் ஜானாதி, பஞ்ஞத்திங் ஜானாதி, பத³பச்சாப⁴ட்ட²ங் ஜானாதி,
அனுஸந்தி⁴வசனபத²ங் ஜானாதி – இமேஹி கோ², உபாலி, பஞ்சஹங்கே³ஹி ஸமன்னாக³தேன
பி⁴க்கு²னா ஸத்³தி⁴ங் வினயோ ஸாகச்சி²தப்³போ³’’தி.

432.
‘‘கதி நு கோ², ப⁴ந்தே, பஞ்ஹாபுச்சா²’’தி? ‘‘பஞ்சிமா, உபாலி, பஞ்ஹாபுச்சா².
கதமா பஞ்ச? மந்த³த்தா மோமூஹத்தா பஞ்ஹங் புச்ச²தி, பாபிச்சோ² இச்சா²பகதோ
பஞ்ஹங் புச்ச²தி, பரிப⁴வா பஞ்ஹங் புச்ச²தி , அஞ்ஞாதுகாமோ பஞ்ஹங் புச்ச²தி, ஸசே மே பஞ்ஹங் புட்டோ² ஸம்மதே³வ ப்³யாகரிஸ்ஸதி
இச்சேதங் குஸலங் நோ சே பஞ்ஹங் புட்டோ² ஸம்மதே³வ ப்³யாகரிஸ்ஸதி அஹமஸ்ஸ
ஸம்மதே³வ ப்³யாகரிஸ்ஸாமீதி பஞ்ஹங் புச்ச²தி – இமா கோ², உபாலி, பஞ்ச
பஞ்ஹாபுச்சா²’’தி.

433.
‘‘கதி நு கோ², ப⁴ந்தே, அஞ்ஞப்³யாகரணா’’தி? ‘‘பஞ்சிமே, உபாலி,
அஞ்ஞப்³யாகரணா. கதமே பஞ்ச? மந்த³த்தா மோமூஹத்தா அஞ்ஞங் ப்³யாகரோதி,
பாபிச்சோ² இச்சா²பகதோ அஞ்ஞங் ப்³யாகரோதி, உம்மாதா³ சித்தக்கே²பா அஞ்ஞங்
ப்³யாகரோதி , அதி⁴மானேன அஞ்ஞங் ப்³யாகரோதி, பூ⁴தங் அஞ்ஞங் ப்³யாகரோதி – இமே கோ², உபாலி, பஞ்ச அஞ்ஞப்³யாகரணா’’தி.

434.
‘‘கதி நு கோ², ப⁴ந்தே, விஸுத்³தி⁴யோ’’தி? ‘‘பஞ்சிமா, உபாலி, விஸுத்³தி⁴யோ.
கதமா பஞ்ச? நிதா³னங் உத்³தி³ஸித்வா அவஸேஸங் ஸுதேன ஸாவேதப்³ப³ங் அயங் பட²மா
விஸுத்³தி⁴, நிதா³னங் உத்³தி³ஸித்வா சத்தாரி பாராஜிகானி உத்³தி³ஸித்வா
அவஸேஸங் ஸுதேன ஸாவேதப்³ப³ங் அயங் து³தியா விஸுத்³தி⁴, நிதா³னங்
உத்³தி³ஸித்வா சத்தாரி பாராஜிகானி உத்³தி³ஸித்வா தேரஸ ஸங்கா⁴தி³ஸேஸே
உத்³தி³ஸித்வா அவஸேஸங் ஸுதேன ஸாவேதப்³ப³ங் அயங் ததியா விஸுத்³தி⁴, நிதா³னங்
உத்³தி³ஸித்வா சத்தாரி பாராஜிகானி உத்³தி³ஸித்வா தேரஸ ஸங்கா⁴தி³ஸேஸே
உத்³தி³ஸித்வா த்³வே அனியதே உத்³தி³ஸித்வா அவஸேஸங் ஸுதேன ஸாவேதப்³ப³ங் அயங்
சதுத்தா² விஸுத்³தி⁴, வித்தா²ரேனேவ பஞ்சமீ – இமா கோ², உபாலி, பஞ்ச
விஸுத்³தி⁴யோ’’தி.

435. ‘‘கதி நு கோ², ப⁴ந்தே, போ⁴ஜனா’’தி? ‘‘பஞ்சிமே, உபாலி, போ⁴ஜனா . கதமே பஞ்ச? ஓத³னோ, கும்மாஸோ, ஸத்து, மச்சோ², மங்ஸங் – இமே கோ², உபாலி, பஞ்ச போ⁴ஜனா’’தி.

தி³ட்டா²விகம்மவக்³கோ³ நிட்டி²தோ சதுத்தோ².

தஸ்ஸுத்³தா³னங் –

தி³ட்டா²விகம்மா அபரே, படிக்³க³ஹானதிரித்தா;

பவாரணா படிஞ்ஞாதங், ஓகாஸங் ஸாகச்சே²ன ச;

பஞ்ஹங் அஞ்ஞப்³யாகரணா, விஸுத்³தி⁴ சாபி போ⁴ஜனாதி.

5. அத்தாதா³னவக்³கோ³

436. [சூளவ॰ 399; அ॰ நி॰ 10.44]
‘‘சோத³கேன, ப⁴ந்தே, பி⁴க்கு²னா பரங் சோதே³துகாமேன கதி த⁴ம்மே அஜ்ஜ²த்தங்
பச்சவெக்கி²த்வா பரோ சோதே³தப்³போ³’’தி? ‘‘சோத³கேனுபாலி, பி⁴க்கு²னா பரங்
சோதே³துகாமேன பஞ்ச த⁴ம்மே அஜ்ஜ²த்தங்
பச்சவெக்கி²த்வா பரோ சோதே³தப்³போ³. கதமே பஞ்ச? சோத³கேனுபாலி, பி⁴க்கு²னா
பரங் சோதே³துகாமேன ஏவங் பச்சவெக்கி²தப்³ப³ங் – பரிஸுத்³த⁴காயஸமாசாரோ நு
கொ²ம்ஹி, பரிஸுத்³தே⁴னம்ஹி காயஸமாசாரேன ஸமன்னாக³தோ அச்சி²த்³தே³ன
அப்படிமங்ஸேன, ஸங்விஜ்ஜதி நு கோ² மே ஏஸோ த⁴ம்மோ
உதா³ஹு நோ’’தி. நோ சே, உபாலி, பி⁴க்கு² பரிஸுத்³த⁴காயஸமாசாரோ ஹோதி,
பரிஸுத்³தே⁴ன காயஸமாசாரேன ஸமன்னாக³தோ அச்சி²த்³தே³ன அப்படிமங்ஸேன, தஸ்ஸ
ப⁴வந்தி வத்தாரோ – ‘இங்க⁴, தாவ ஆயஸ்மா காயிகங் ஸிக்க²ஸ்ஸூ’தி இதிஸ்ஸ
ப⁴வந்தி வத்தாரோ.

‘‘புன சபரங், உபாலி, சோத³கேன பி⁴க்கு²னா பரங்
சோதே³துகாமேன ஏவங் பச்சவெக்கி²தப்³ப³ங் – ‘பரிஸுத்³த⁴வசீஸமாசாரோ நு
கொ²ம்ஹி, பரிஸுத்³தே⁴னம்ஹி வசீஸமாசாரேன ஸமன்னாக³தோ
அச்சி²த்³தே³ன அப்படிமங்ஸேன, ஸங்விஜ்ஜதி நு கோ² மே ஏஸோ த⁴ம்மோ உதா³ஹு
நோ’தி. நோ சே, உபாலி, பி⁴க்கு² பரிஸுத்³த⁴வசீஸமாசாரோ ஹோதி, பரிஸுத்³தே⁴ன
வசீஸமாசாரேன ஸமன்னாக³தோ அச்சி²த்³தே³ன அப்படிமங்ஸேன, தஸ்ஸ ப⁴வந்தி வத்தாரோ –
‘இங்க⁴, தாவ ஆயஸ்மா வாசஸிகங் ஸிக்க²ஸ்ஸூ’தி இதிஸ்ஸ ப⁴வந்தி வத்தாரோ.

‘‘புன சபரங், உபாலி, சோத³கேன பி⁴க்கு²னா பரங்
சோதே³துகாமேன ஏவங் பச்சவெக்கி²தப்³ப³ங் – ‘மெத்தங் நு கோ² மே சித்தங்
பச்சுபட்டி²தங் ஸப்³ரஹ்மசாரீஸு அனாகா⁴தங், ஸங்விஜ்ஜதி நு கோ² மே ஏஸோ த⁴ம்மோ
உதா³ஹு நோ’தி. நோ சே, உபாலி, பி⁴க்கு²னோ மெத்தங் சித்தங் பச்சுபட்டி²தங்
ஹோதி ஸப்³ரஹ்மசாரீஸு அனாகா⁴தங், தஸ்ஸ ப⁴வந்தி வத்தாரோ – ‘இங்க⁴, தாவ ஆயஸ்மா
ஸப்³ரஹ்மசாரீஸு மெத்தங் சித்தங் உபட்டா²பேஹீ’தி இதிஸ்ஸ ப⁴வந்தி வத்தாரோ.

‘‘புன சபரங், உபாலி, சோத³கேன பி⁴க்கு²னா பரங்
சோதே³துகாமேன ஏவங் பச்சவெக்கி²தப்³ப³ங் – ‘ப³ஹுஸ்ஸுதோ நு கொ²ம்ஹி ஸுதத⁴ரோ
ஸுதஸன்னிசயோ, யே தே த⁴ம்மா ஆதி³கல்யாணா மஜ்ஜே²கல்யாணா பரியோஸானகல்யாணா
ஸாத்த²ங் ஸப்³யஞ்ஜனங் கேவலபரிபுண்ணங் பரிஸுத்³த⁴ங் ப்³ரஹ்மசரியங்
அபி⁴வத³ந்தி, ததா²ரூபா மே த⁴ம்மா ப³ஹுஸ்ஸுதா ஹொந்தி தா⁴தா வசஸா பரிசிதா
மனஸானுபெக்கி²தா தி³ட்டி²யா ஸுப்படிவித்³தா⁴, ஸங்விஜ்ஜதி நு கோ² மே ஏஸோ
த⁴ம்மோ உதா³ஹு நோ’தி. நோ சே, உபாலி, பி⁴க்கு² ப³ஹுஸ்ஸுதோ ஹோதி ஸுதத⁴ரோ
ஸுதஸன்னிசயோ, யே தே த⁴ம்மா ஆதி³கல்யாணா மஜ்ஜே²கல்யாணா பரியோஸானகல்யாணா
ஸாத்த²ங் ஸப்³யஞ்ஜனங் கேவலபரிபுண்ணங் பரிஸுத்³த⁴ங்
ப்³ரஹ்மசரியங் அபி⁴வத³ந்தி, ததா²ரூபஸ்ஸ த⁴ம்மா ந ப³ஹுஸ்ஸுதா ஹொந்தி தா⁴தா
வசஸா பரிசிதா மனஸானுபெக்கி²தா தி³ட்டி²யா ஸுப்படிவித்³தா⁴, தஸ்ஸ ப⁴வந்தி
வத்தாரோ – ‘இங்க⁴, தாவ ஆயஸ்மா ஆக³மங் பரியாபுணஸ்ஸூ’தி இதிஸ்ஸ ப⁴வந்தி
வத்தாரோ.

‘‘புன
சபரங், உபாலி, சோத³கேன பி⁴க்கு²னா பரங் சோதே³துகாமேன ஏவங்
பச்சவெக்கி²தப்³ப³ங் – ‘உப⁴யானி கோ² மே பாதிமொக்கா²னி வித்தா²ரேன
ஸ்வாக³தானி ஹொந்தி ஸுவிப⁴த்தானி ஸுப்பவத்தீனி ஸுவினிச்சி²தானி ஸுத்தஸோ
அனுப்³யஞ்ஜனஸோ, ஸங்விஜ்ஜதி நு கோ² மே ஏஸோ த⁴ம்மோ உதா³ஹு நோ’தி. நோ சே,
உபாலி, பி⁴க்கு²னோ உப⁴யானி பாதிமொக்கா²னி வித்தா²ரேன ஸ்வாக³தானி ஹொந்தி
ஸுவிப⁴த்தானி ஸுப்பவத்தீனி ஸுவினிச்சி²தானி ஸுத்தஸோ அனுப்³யஞ்ஜனஸோ, ‘இத³ங்
பனாவுஸோ கத்த² வுத்தங் ப⁴க³வதா’தி இதி புட்டோ² ந ஸம்பாயதி [ந ஸம்பாத³யதி (க॰), ந ஸம்பாதே³தி (ஸ்யா॰)],
தஸ்ஸ ப⁴வந்தி வத்தாரோ – ‘இங்க⁴, தாவ ஆயஸ்மா வினயங் பரியாபுணஸ்ஸூ’தி இதிஸ்ஸ
ப⁴வந்தி வத்தாரோ. சோத³கேனுபாலி, பி⁴க்கு²னா பரங் சோதே³துகாமேன இமே பஞ்ச
த⁴ம்மே அஜ்ஜ²த்தங் பச்சவெக்கி²த்வா பரோ சோதே³தப்³போ³’’தி.

437.
‘‘சோத³கேன, ப⁴ந்தே, பி⁴க்கு²னா பரங் சோதே³துகாமேன கதி த⁴ம்மே அஜ்ஜ²த்தங்
உபட்டா²பெத்வா பரோ சோதே³தப்³போ³’’தி? ‘‘சோத³கேனுபாலி, பி⁴க்கு²னா பரங்
சோதே³துகாமேன பஞ்ச த⁴ம்மே அஜ்ஜ²த்தங் உபட்டா²பெத்வா பரோ சோதே³தப்³போ³. கதமே
பஞ்ச? காலேன வக்கா²மி நோ அகாலேன , பூ⁴தேன வக்கா²மி
நோ அபூ⁴தேன, ஸண்ஹேன வக்கா²மி நோ ப²ருஸேன, அத்த²ஸங்ஹிதேன வக்கா²மி நோ
அனத்த²ஸங்ஹிதேன, மெத்தாசித்தோ வக்கா²மி நோ தோ³ஸந்தரோதி – சோத³கேனுபாலி,
பி⁴க்கு²னா பரங் சோதே³துகாமேன இமே பஞ்ச த⁴ம்மே அஜ்ஜ²த்தங் உபட்டா²பெத்வா
பரோ சோதே³தப்³போ³’’தி.

438. [சூளவ॰ 400]
‘‘சோத³கேன, ப⁴ந்தே, பி⁴க்கு²னா பரங் சோதே³துகாமேன கதி த⁴ம்மே அஜ்ஜ²த்தங்
மனஸி கரித்வா பரோ சோதே³தப்³போ³’’தி? ‘‘சோத³கேனுபாலி, பி⁴க்கு²னா பரங்
சோதே³துகாமேன பஞ்ச த⁴ம்மே அஜ்ஜ²த்தங் மனஸி கரித்வா பரோ சோதே³தப்³போ³. கதமே
பஞ்ச? காருஞ்ஞதா, ஹிதேஸிதா, அனுகம்பதா, ஆபத்திவுட்டா²னதா, வினயபுரெக்கா²ரதா
– சோத³கேனுபாலி, பி⁴க்கு²னா பரங் சோதே³துகாமேன இமே பஞ்ச த⁴ம்மே அஜ்ஜ²த்தங்
மனஸி கரித்வா பரோ சோதே³தப்³போ³’’தி.

439.
‘‘கதிஹி நு கோ², ப⁴ந்தே, அங்கே³ஹி ஸமன்னாக³தஸ்ஸ பி⁴க்கு²னோ ஓகாஸகம்மங்
காராபெந்தஸ்ஸ நாலங் ஓகாஸகம்மங் காது’’ந்தி? ‘‘பஞ்சஹுபாலி, அங்கே³ஹி
ஸமன்னாக³தஸ்ஸ பி⁴க்கு²னோ ஓகாஸகம்மங் காராபெந்தஸ்ஸ நாலங் ஓகாஸகம்மங் காதுங்.
கதமேஹி பஞ்சஹி? அபரிஸுத்³த⁴காயஸமாசாரோ ஹோதி , அபரிஸுத்³த⁴வசீஸமாசாரோ ஹோதி, அபரிஸுத்³தா⁴ஜீவோ ஹோதி, பா³லோ ஹோதி அப்³யத்தோ, ந படிப³லோ அனுயுஞ்ஜியமானோ அனுயோக³ங் தா³துங் – இமேஹி கோ², உபாலி, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ ஓகாஸகம்மங் காராபெந்தஸ்ஸ நாலங் ஓகாஸகம்மங் காதுங்.

‘‘பஞ்சஹுபாலி , அங்கே³ஹி
ஸமன்னாக³தஸ்ஸ பி⁴க்கு²னோ ஓகாஸகம்மங் காராபெந்தஸ்ஸ அலங் ஓகாஸகம்மங் காதுங்.
கதமேஹி பஞ்சஹி? பரிஸுத்³த⁴காயஸமாசாரோ ஹோதி, பரிஸுத்³த⁴வசீஸமாசாரோ ஹோதி,
பரிஸுத்³தா⁴ஜீவோ ஹோதி, பண்டி³தோ ஹோதி ப்³யத்தோ படிப³லோ அனுயுஞ்ஜியமானோ
அனுயோக³ங் தா³துங் – இமேஹி கோ², உபாலி, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ ஓகாஸகம்மங் காராபெந்தஸ்ஸ அலங் ஓகாஸகம்மங் காது’’ந்தி.

440. [சூளவ॰ 398]
‘‘அத்தாதா³னங் ஆதா³துகாமேன, ப⁴ந்தே, பி⁴க்கு²னா கதிஹங்கே³ஹி ஸமன்னாக³தங்
அத்தாதா³னங் ஆதா³தப்³ப³’’ந்தி? ‘‘அத்தாதா³னங் ஆதா³துகாமேனுபாலி, பி⁴க்கு²னா
பஞ்சங்க³ஸமன்னாக³தங் [பஞ்சஹங்கே³ஹி ஸமன்னாக³தங் (ஸீ॰ ஸ்யா॰)] அத்தாதா³னங் ஆதா³தப்³ப³ங். கதமே பஞ்ச [கதமேஹி பஞ்சஹி (ஸ்யா॰)]?
அத்தாதா³னங் ஆதா³துகாமேன, உபாலி, பி⁴க்கு²னா ஏவங் பச்சவெக்கி²தப்³ப³ங் –
‘யங் கோ² அஹங் இமங் அத்தாதா³னங் ஆதா³துகாமோ, காலோ நு கோ² இமங் அத்தாதா³னங்
ஆதா³துங் உதா³ஹு நோ’தி. ஸசே, உபாலி, பி⁴க்கு² பச்சவெக்க²மானோ ஏவங் ஜானாதி –
‘அகாலோ இமங் அத்தாதா³னங் ஆதா³துங் நோ காலோ’தி, ந தங், உபாலி, அத்தாதா³னங்
ஆதா³தப்³ப³ங்.

‘‘ஸசே பனுபாலி, பி⁴க்கு² பச்சவெக்க²மானோ ஏவங் ஜானாதி –
‘காலோ இமங் அத்தாதா³னங் ஆதா³துங் நோ அகாலோ’தி, தேனுபாலி பி⁴க்கு²னா உத்தரி
பச்சவெக்கி²தப்³ப³ங் – ‘யங் கோ² அஹங் இமங் அத்தாதா³னங் ஆதா³துகாமோ பூ⁴தங்
நு கோ² இத³ங் அத்தாதா³னங் உதா³ஹு நோ’தி. ஸசே, உபாலி, பி⁴க்கு²
பச்சவெக்க²மானோ ஏவங் ஜானாதி – ‘அபூ⁴தங் இத³ங் அத்தாதா³னங் நோ பூ⁴த’ந்தி, ந
தங், உபாலி, அத்தாதா³னங் ஆதா³தப்³ப³ங்.

‘‘ஸசே பனுபாலி பி⁴க்கு² பச்சவெக்க²மானோ
ஏவங் ஜானாதி – ‘பூ⁴தங் இத³ங் அத்தாதா³னங் நோ அபூ⁴த’ந்தி, தேனுபாலி
பி⁴க்கு²னா உத்தரி பச்சவெக்கி²தப்³ப³ங் – ‘யங் கோ² அஹங் இமங் அத்தாதா³னங்
ஆதா³துகாமோ, அத்த²ஸங்ஹிதங் நு கோ² இத³ங் அத்தாதா³னங் உதா³ஹு நோ’தி. ஸசே,
உபாலி, பி⁴க்கு² பச்சவெக்க²மானோ ஏவங் ஜானாதி –’ அனத்த²ஸங்ஹிதங் இத³ங் அத்தாதா³னங் நோ அத்த²ஸங்ஹித’ந்தி, ந தங், உபாலி, அத்தாதா³னங் ஆதா³தப்³ப³ங்.

‘‘ஸசே பனுபாலி பி⁴க்கு² பச்சவெக்க²மானோ ஏவங் ஜானாதி –
‘அத்த²ஸங்ஹிதங் இத³ங் அத்தாதா³னங் நோ அனத்த²ஸங்ஹித’ந்தி, தேனுபாலி
பி⁴க்கு²னா உத்தரி பச்சவெக்கி²தப்³ப³ங் – ‘இமங் கோ² அஹங் அத்தாதா³னங்
ஆதி³யமானோ லபி⁴ஸ்ஸாமி ஸந்தி³ட்டே² ஸம்ப⁴த்தே பி⁴க்கூ² த⁴ம்மதோ வினயதோ
பக்கே² உதா³ஹு நோ’தி. ஸசே, உபாலி, பி⁴க்கு² பச்சவெக்க²மானோ ஏவங் ஜானாதி –
‘இமங் கோ² அஹங் அத்தாதா³னங் ஆதி³யமானோ ந லபி⁴ஸ்ஸாமி ஸந்தி³ட்டே² ஸம்ப⁴த்தே பி⁴க்கூ² த⁴ம்மதோ வினயதோ பக்கே²’தி, ந தங், உபாலி, அத்தாதா³னங் ஆதா³தப்³ப³ங்.

‘‘ஸசே பனுபாலி பி⁴க்கு² பச்சவெக்க²மானோ ஏவங் ஜானாதி –
‘இத³ங் கோ² அஹங் அத்தாதா³னங் ஆதி³யமானோ லபி⁴ஸ்ஸாமி ஸந்தி³ட்டே² ஸம்ப⁴த்தே
பி⁴க்கூ² த⁴ம்மதோ வினயதோ பக்கே²’தி, தேனுபாலி பி⁴க்கு²னா உத்தரி
பச்சவெக்கி²தப்³ப³ங் – ‘இமங் கோ² மே அத்தாதா³னங் ஆதி³யதோ ப⁴விஸ்ஸதி
ஸங்க⁴ஸ்ஸ ததோனிதா³னங் ப⁴ண்ட³னங் கலஹோ விக்³க³ஹோ விவாதோ³ ஸங்க⁴பே⁴தோ³
ஸங்க⁴ராஜி ஸங்க⁴வவத்தா²னங் ஸங்க⁴னானாகரணங் உதா³ஹு நோ’தி. ஸசே, உபாலி,
பி⁴க்கு² பச்சவெக்க²மானோ ஏவங் ஜானாதி – ‘இமங் கோ² மே அத்தாதா³னங் ஆதி³யதோ
ப⁴விஸ்ஸதி ஸங்க⁴ஸ்ஸ ததோனிதா³னங் ப⁴ண்ட³னங் கலஹோ விக்³க³ஹோ விவாதோ³ ஸங்க⁴பே⁴தோ³ ஸங்க⁴ராஜி ஸங்க⁴வவத்தா²னங் ஸங்க⁴னானாகரண’ந்தி, ந தங், உபாலி, அத்தாதா³னங் ஆதா³தப்³ப³ங்.

‘‘ஸசே பனுபாலி பி⁴க்கு² பச்சவெக்க²மானோ ஏவங் ஜானாதி –
‘இமங் கோ² மே அத்தாதா³னங் ஆதி³யதோ ந ப⁴விஸ்ஸதி ஸங்க⁴ஸ்ஸ ததோனிதா³னங்
ப⁴ண்ட³னங் கலஹோ விக்³க³ஹோ விவாதோ³ ஸங்க⁴பே⁴தோ³ ஸங்க⁴ராஜி ஸங்க⁴வவத்தா²னங்
ஸங்க⁴னானாகரண’ந்தி, தங் ஆதா³தப்³ப³ங், உபாலி, அத்தாதா³னங். ஏவங்
பஞ்சங்க³ஸமன்னாக³தங் கோ², உபாலி, அத்தாதா³னங் ஆதி³ன்னங் பச்சா²பி
அவிப்படிஸாரகரங் ப⁴விஸ்ஸதீ’’தி.

441.
‘‘கதிஹி நு கோ², ப⁴ந்தே, அங்கே³ஹி ஸமன்னாக³தோ பி⁴க்கு² அதி⁴கரணஜாதானங்
பி⁴க்கூ²னங் ப³ஹூபகாரோ ஹோதீ’’தி? ‘‘பஞ்சஹுபாலி, அங்கே³ஹி ஸமன்னாக³தோ
பி⁴க்கு² அதி⁴கரணஜாதானங் பி⁴க்கூ²னங் ப³ஹூபகாரோ ஹோதி. கதமேஹி பஞ்சஹி? ஸீலவா
ஹோதி, பாதிமொக்க²ஸங்வரஸங்வுதோ விஹரதி ஆசாரகோ³சரஸம்பன்னோ அணுமத்தேஸு
வஜ்ஜேஸு ப⁴யத³ஸ்ஸாவீ, ஸமாதா³ய ஸிக்க²தி
ஸிக்கா²பதே³ஸு; ப³ஹுஸ்ஸுதோ ஹோதி ஸுதத⁴ரோ ஸுதஸன்னிசயோ; யே தே த⁴ம்மா
ஆதி³கல்யாணா மஜ்ஜே²கல்யாணா பரியோஸானகல்யாணா ஸாத்த²ங் ஸப்³யஞ்ஜனங்
கேவலபரிபுண்ணங் பரிஸுத்³த⁴ங் ப்³ரஹ்மசரியங் அபி⁴வத³ந்தி ததா²ரூபஸ்ஸ த⁴ம்மா
ப³ஹுஸ்ஸுதா ஹொந்தி தா⁴தா வசஸா பரிசிதா மனஸானுபெக்கி²தா தி³ட்டி²யா
ஸுப்படிவித்³தா⁴, உப⁴யானி கோ² பனஸ்ஸ பாதிமொக்கா²னி வித்தா²ரேன ஸ்வாக³தானி
ஹொந்தி ஸுவிப⁴த்தானி ஸுப்பவத்தீனி ஸுவினிச்சி²தானி ஸுத்தஸோ அனுப்³யஞ்ஜனஸோ;
வினயே கோ² பன டி²தோ ஹோதி அஸங்ஹீரோ; படிப³லோ ஹோதி
உபோ⁴ அத்த²பச்சத்தி²கே அஸ்ஸாஸேதுங் ஸஞ்ஞாபேதுங் நிஜ்ஜா²பேதுங் பெக்கே²துங்
பஸாதே³துங் – இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு²
அதி⁴கரணஜாதானங் பி⁴க்கூ²னங் ப³ஹூபகாரோ ஹோதி.

‘‘அபரேஹிபி , உபாலி,
பஞ்சஹங்கே³ஹி ஸமன்னாக³தோ பி⁴க்கு² அதி⁴கரணஜாதானங் பி⁴க்கூ²னங் ப³ஹூபகாரோ
ஹோதி. கதமேஹி பஞ்சஹி? பரிஸுத்³த⁴காயஸமாசாரோ ஹோதி, பரிஸுத்³த⁴வசீஸமாசாரோ
ஹோதி, பரிஸுத்³தா⁴ஜீவோ ஹோதி, பண்டி³தோ ஹோதி ப்³யத்தோ, படிப³லோ
அனுயுஞ்ஜியமானோ அனுயோக³ங் தா³துங் – இமேஹி கோ², உபாலி, பஞ்சஹங்கே³ஹி
ஸமன்னாக³தோ பி⁴க்கு² அதி⁴கரணஜாதானங் பி⁴க்கூ²னங் ப³ஹூபகாரோ ஹோதி.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ பி⁴க்கு²
அதி⁴கரணஜாதானங் பி⁴க்கூ²னங் ப³ஹூபகாரோ ஹோதி. கதமேஹி பஞ்சஹி? வத்து²ங்
ஜானாதி, நிதா³னங் ஜானாதி, பஞ்ஞத்திங் ஜானாதி ,
பத³பச்சாப⁴ட்ட²ங் ஜானாதி, அனுஸந்தி⁴வசனபத²ங் ஜானாதி – இமேஹி கோ², உபாலி,
பஞ்சஹங்கே³ஹி ஸமன்னாக³தோ பி⁴க்கு² அதி⁴கரணஜாதானங் பி⁴க்கூ²னங் ப³ஹூபகாரோ
ஹோதீ’’தி.

442.
‘‘கதிஹி நு கோ², ப⁴ந்தே, அங்கே³ஹி ஸமன்னாக³தேன பி⁴க்கு²னா
நானுயுஞ்ஜிதப்³ப³’’ந்தி? ‘‘பஞ்சஹுபாலி, அங்கே³ஹி ஸமன்னாக³தேன பி⁴க்கு²னா
நானுயுஞ்ஜிதப்³ப³ங். கதமேஹி பஞ்சஹி? ஸுத்தங் ந ஜானாதி, ஸுத்தானுலோமங் ந
ஜானாதி, வினயங் ந ஜானாதி, வினயானுலோமங் ந ஜானாதி, ந ச டா²னாடா²னகுஸலோ ஹோதி –
இமேஹி கோ², உபாலி, பஞ்சஹங்கே³ஹி ஸமன்னாக³தேன பி⁴க்கு²னா
நானுயுஞ்ஜிதப்³ப³ங்.

‘‘பஞ்சஹுபாலி, அங்கே³ஹி ஸமன்னாக³தேன பி⁴க்கு²னா அனுயுஞ்ஜிதப்³ப³ங். கதமேஹி பஞ்சஹி? ஸுத்தங் ஜானாதி, ஸுத்தானுலோமங் ஜானாதி, வினயங் ஜானாதி, வினயானுலோமங் ஜானாதி, டா²னாடா²னகுஸலோ ச ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தேன பி⁴க்கு²னா அனுயுஞ்ஜிதப்³ப³ங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தேன
பி⁴க்கு²னா நானுயுஞ்ஜிதப்³ப³ங். கதமேஹி பஞ்சஹி? த⁴ம்மங் ந ஜானாதி,
த⁴ம்மானுலோமங் ந ஜானாதி, வினயங் ந ஜானாதி, வினயானுலோமங் ந ஜானாதி, ந ச
புப்³பா³பரகுஸலோ ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தேன
பி⁴க்கு²னா நானுயுஞ்ஜிதப்³ப³ங்.

‘‘பஞ்சஹுபாலி, அங்கே³ஹி ஸமன்னாக³தேன பி⁴க்கு²னா
அனுயுஞ்ஜிதப்³ப³ங். கதமேஹி பஞ்சஹி? த⁴ம்மங் ஜானாதி, த⁴ம்மானுலோமங் ஜானாதி,
வினயங் ஜானாதி, வினயானுலோமங் ஜானாதி, புப்³பா³பரகுஸலோ ச ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தேன பி⁴க்கு²னா அனுயுஞ்ஜிதப்³ப³ங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தேன
பி⁴க்கு²னா நானுயுஞ்ஜிதப்³ப³ங். கதமேஹி பஞ்சஹி? வத்து²ங் ந ஜானாதி,
நிதா³னங் ந ஜானாதி, பஞ்ஞத்திங் ந ஜானாதி, பத³பச்சாப⁴ட்ட²ங் ந ஜானாதி,
அனுஸந்தி⁴வசனபத²ங் ந ஜானாதி – இமேஹி கோ², உபாலி, பஞ்சஹங்கே³ஹி ஸமன்னாக³தேன
பி⁴க்கு²னா நானுயுஞ்ஜிதப்³ப³ங்.

‘‘பஞ்சஹுபாலி, அங்கே³ஹி ஸமன்னாக³தேன பி⁴க்கு²னா
அனுயுஞ்ஜிதப்³ப³ங். கதமேஹி பஞ்சஹி? வத்து²ங் ஜானாதி, நிதா³னங் ஜானாதி,
பஞ்ஞத்திங் ஜானாதி, பத³பச்சாப⁴ட்ட²ங் ஜானாதி, அனுஸந்தி⁴வசனபத²ங் ஜானாதி –
இமேஹி கோ², உபாலி, பஞ்சஹங்கே³ஹி ஸமன்னாக³தேன பி⁴க்கு²னா அனுயுஞ்ஜிதப்³ப³ங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தேன
பி⁴க்கு²னா நானுயுஞ்ஜிதப்³ப³ங். கதமேஹி பஞ்சஹி? ஆபத்திங் ந ஜானாதி,
ஆபத்திஸமுட்டா²னங் ந ஜானாதி, ஆபத்தியா பயோக³ங் ந ஜானாதி, ஆபத்தியா வூபஸமங் ந
ஜானாதி, ஆபத்தியா ந வினிச்ச²யகுஸலோ ஹோதி – இமேஹி கோ², உபாலி, பஞ்சஹங்கே³ஹி
ஸமன்னாக³தேன பி⁴க்கு²னா நானுயுஞ்ஜிதப்³ப³ங்.

‘‘பஞ்சஹுபாலி, அங்கே³ஹி ஸமன்னாக³தேன பி⁴க்கு²னா
அனுயுஞ்ஜிதப்³ப³ங். கதமேஹி பஞ்சஹி? ஆபத்திங் ஜானாதி, ஆபத்திஸமுட்டா²னங்
ஜானாதி, ஆபத்தியா பயோக³ங் ஜானாதி, ஆபத்தியா வூபஸமங் ஜானாதி, ஆபத்தியா
வினிச்ச²யகுஸலோ ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தேன
பி⁴க்கு²னா அனுயுஞ்ஜிதப்³ப³ங்.

‘‘அபரேஹிபி , உபாலி,
பஞ்சஹங்கே³ஹி ஸமன்னாக³தேன பி⁴க்கு²னா நானுயுஞ்ஜிதப்³ப³ங். கதமேஹி பஞ்சஹி?
அதி⁴கரணங் ந ஜானாதி, அதி⁴கரணஸமுட்டா²னங் ந ஜானாதி, அதி⁴கரணஸ்ஸ பயோக³ங் ந
ஜானாதி, அதி⁴கரணஸ்ஸ வூபஸமங் ந ஜானாதி, அதி⁴கரணஸ்ஸ ந வினிச்ச²யகுஸலோ ஹோதி –
இமேஹி கோ², உபாலி, பஞ்சஹங்கே³ஹி ஸமன்னாக³தேன பி⁴க்கு²னா
நானுயுஞ்ஜிதப்³ப³ங்.

‘‘பஞ்சஹுபாலி, அங்கே³ஹி ஸமன்னாக³தேன பி⁴க்கு²னா
அனுயுஞ்ஜிதப்³ப³ங். கதமேஹி பஞ்சஹி? அதி⁴கரணங் ஜானாதி, அதி⁴கரணஸமுட்டா²னங்
ஜானாதி, அதி⁴கரணஸ்ஸ பயோக³ங் ஜானாதி, அதி⁴கரணஸ்ஸ வூபஸமங் ஜானாதி, அதி⁴கரணஸ்ஸ வினிச்ச²யகுஸலோ ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தேன பி⁴க்கு²னா அனுயுஞ்ஜிதப்³ப³’’ந்தி.

அத்தாதா³னவக்³கோ³ நிட்டி²தோ பஞ்சமோ.

தஸ்ஸுத்³தா³னங் –

பரிஸுத்³த⁴ஞ்ச காலேன, காருஞ்ஞங் ஓகாஸேன ச;

அத்தாதா³னங் அதி⁴கரணங், அபரேஹிபி வத்து²ஞ்ச;

ஸுத்தங் த⁴ம்மங் புன வத்து²ஞ்ச, ஆபத்தி அதி⁴கரணேன சாதி.

6. து⁴தங்க³வக்³கோ³

443. ‘‘கதி நு கோ², ப⁴ந்தே, ஆரஞ்ஞிகா’’தி? ‘‘பஞ்சிமே, உபாலி, ஆரஞ்ஞிகா [அ॰ நி॰ 5.181; பரி॰ 325].
கதமே பஞ்ச? மந்த³த்தா மோமூஹத்தா ஆரஞ்ஞிகோ ஹோதி, பாபிச்சோ² இச்சா²பகதோ
ஆரஞ்ஞிகோ ஹோதி, உம்மாதா³ சித்தக்கே²பா ஆரஞ்ஞிகோ ஹோதி, வண்ணிதங் பு³த்³தே⁴ஹி
பு³த்³த⁴ஸாவகேஹீதி ஆரஞ்ஞிகோ ஹோதி, அபி ச அப்பிச்ச²ஞ்ஞேவ நிஸ்ஸாய
ஸந்துட்டி²ஞ்ஞேவ நிஸ்ஸாய – ஸல்லேக²ஞ்ஞேவ நிஸ்ஸாய பவிவேகஞ்ஞேவ நிஸ்ஸாய இத³மத்தி²தஞ்ஞேவ நிஸ்ஸாய ஆரஞ்ஞிகோ ஹோதி – இமே கோ², உபாலி, பஞ்ச ஆரஞ்ஞிகா’’தி.

‘‘கதி நு கோ², ப⁴ந்தே, பிண்ட³பாதிகாதி…பே॰… கதி நு
கோ², ப⁴ந்தே, பங்ஸுகூலிகாதி…பே॰… கதி நு கோ², ப⁴ந்தே, ருக்க²மூலிகாதி…பே॰…
கதி நு கோ², ப⁴ந்தே, ஸோஸானிகாதி…பே॰… கதி நு கோ², ப⁴ந்தே,
அப்³போ⁴காஸிகாதி…பே॰… கதி நு கோ², ப⁴ந்தே,
தேசீவரிகாதி…பே॰… கதி நு கோ², ப⁴ந்தே, ஸபதா³னசாரிகாதி…பே॰… கதி நு கோ²,
ப⁴ந்தே, நேஸஜ்ஜிகாதி…பே॰… கதி நு கோ², ப⁴ந்தே, யதா²ஸந்த²திகாதி…பே॰… கதி நு
கோ², ப⁴ந்தே, ஏகாஸனிகாதி…பே॰… கதி நு கோ², ப⁴ந்தே,
க²லுபச்சா²ப⁴த்திகாதி…பே॰… கதி நு கோ², ப⁴ந்தே,
பத்தபிண்டி³காதி? பஞ்சிமே, உபாலி, பத்தபிண்டி³கா. கதமே பஞ்ச? மந்த³த்தா
மோமூஹத்தா பத்தபிண்டி³கோ ஹோதி, பாபிச்சோ² இச்சா²பகதோ பத்தபிண்டி³கோ ஹோதி,
உம்மாதா³ சித்தக்கே²பா பத்தபிண்டி³கோ ஹோதி, வண்ணிதங் பு³த்³தே⁴ஹி
பு³த்³த⁴ஸாவகேஹீதி பத்தபிண்டி³கோ ஹோதி, அபி ச அப்பிச்ச²ஞ்ஞேவ நிஸ்ஸாய
ஸந்துட்டி²ஞ்ஞேவ நிஸ்ஸாய ஸல்லேக²ஞ்ஞேவ நிஸ்ஸாய பவிவேகஞ்ஞேவ நிஸ்ஸாய
இத³மத்தி²தஞ்ஞேவ நிஸ்ஸாய பத்தபிண்டி³கோ ஹோதி – இமே கோ², உபாலி, பஞ்ச
பத்தபிண்டி³கா’’தி.

து⁴தங்க³வக்³கோ³ நிட்டி²தோ ச²ட்டோ².

தஸ்ஸுத்³தா³னங் –

ஆரஞ்ஞிகோ பிண்டி³பங்ஸு, ருக்க²ஸுஸானபஞ்சமங்;

அப்³போ⁴ தேசீவரஞ்சேவ, ஸபதா³னநேஸஜ்ஜிகா;

ஸந்த²தேகாஸனஞ்சேவ, க²லுபச்சா² பத்தபிண்டி³காதி.

7. முஸாவாத³வக்³கோ³

444.
‘‘கதி நு கோ², ப⁴ந்தே, முஸாவாதா³’’தி? ‘‘பஞ்சிமே, உபாலி, முஸாவாதா³. கதமே
பஞ்ச? அத்தி² முஸாவாதோ³ பாராஜிககா³மீ, அத்தி² முஸாவாதோ³ ஸங்கா⁴தி³ஸேஸகா³மீ,
அத்தி² முஸாவாதோ³ து²ல்லச்சயகா³மீ, அத்தி² முஸாவாதோ³ பாசித்தியகா³மீ,
அத்தி² முஸாவாதோ³ து³க்கடகா³மீ – இமே கோ², உபாலி, பஞ்ச முஸாவாதா³’’தி.

445. ‘‘கதிஹி நு கோ², ப⁴ந்தே, அங்கே³ஹி ஸமன்னாக³தஸ்ஸ பி⁴க்கு²னோ ஸங்க⁴மஜ்ஜே² உபோஸத²ங் வா பவாரணங் வா ட²பெந்தஸ்ஸ – ‘அலங், பி⁴க்கு², மா ப⁴ண்ட³னங், மா கலஹங், மா விக்³க³ஹங், மா விவாத³’ந்தி ஓமத்³தி³த்வா ஸங்கே⁴ன உபோஸதோ² வா பவாரணா வா காதப்³பா³’’தி? ‘‘பஞ்சஹுபாலி, அங்கே³ஹி ஸமன்னாக³தஸ்ஸ பி⁴க்கு²னோ ஸங்க⁴மஜ்ஜே²
உபோஸத²ங் வா பவாரணங் வா ட²பெந்தஸ்ஸ – ‘அலங், பி⁴க்கு², மா ப⁴ண்ட³னங், மா
கலஹங், மா விக்³க³ஹங், மா விவாத³’ந்தி ஓமத்³தி³த்வா ஸங்கே⁴ன உபோஸதோ² வா
பவாரணா வா காதப்³பா³. கதமேஹி பஞ்சஹி? அலஜ்ஜீ ச ஹோதி, பா³லோ ச, அபகதத்தோ ச,
சாவனாதி⁴ப்பாயோ வத்தா ஹோதி, நோ வுட்டா²னாதி⁴ப்பாயோ – இமேஹி கோ², உபாலி,
பஞ்சஹங்கே³ஹி ஸமன்னாக³தஸ்ஸ பி⁴க்கு²னோ ஸங்க⁴மஜ்ஜே² உபோஸத²ங் வா பவாரணங் வா
ட²பெந்தஸ்ஸ – ‘அலங், பி⁴க்கு², மா ப⁴ண்ட³னங், மா கலஹங், மா விக்³க³ஹங், மா
விவாத³’ந்தி ஓமத்³தி³த்வா ஸங்கே⁴ன உபோஸதோ² வா பவாரணா வா காதப்³பா³.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ ஸங்க⁴மஜ்ஜே² உபோஸத²ங் வா பவாரணங் வா ட²பெந்தஸ்ஸ – ‘அலங்,
பி⁴க்கு², மா ப⁴ண்ட³னங், மா கலஹங், மா விக்³க³ஹங், மா விவாத³’ந்தி
ஓமத்³தி³த்வா ஸங்கே⁴ன உபோஸதோ² வா பவாரணா வா காதப்³பா³. கதமேஹி பஞ்சஹி?
அபரிஸுத்³த⁴காயஸமாசாரோ ஹோதி, அபரிஸுத்³த⁴வசீஸமாசாரோ
ஹோதி, அபரிஸுத்³தா⁴ஜீவோ ஹோதி, பா³லோ ஹோதி அப்³யத்தோ, ப⁴ண்ட³னகாரகோ ஹோதி
கலஹகாரகோ – இமேஹி கோ², உபாலி, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ
ஸங்க⁴மஜ்ஜே² உபோஸத²ங் வா பவாரணங் வா ட²பெந்தஸ்ஸ – ‘அலங், பி⁴க்கு², மா
ப⁴ண்ட³னங், மா கலஹங், மா விக்³க³ஹங், மா விவாத³’ந்தி ஓமத்³தி³த்வா ஸங்கே⁴ன
உபோஸதோ² வா பவாரணா வா காதப்³பா³’’தி.

446.
‘‘கதிஹி நு கோ², ப⁴ந்தே, அங்கே³ஹி ஸமன்னாக³தஸ்ஸ பி⁴க்கு²னோ அனுயோகோ³ ந
தா³தப்³போ³’’தி? ‘‘பஞ்சஹுபாலி, அங்கே³ஹி ஸமன்னாக³தஸ்ஸ பி⁴க்கு²னோ அனுயோகோ³ ந
தா³தப்³போ³. கதமேஹி பஞ்சஹி? ஆபத்தானாபத்திங் ந ஜானாதி, லஹுகக³ருகங்
ஆபத்திங் ந ஜானாதி, ஸாவஸேஸானவஸேஸங் ஆபத்திங் ந ஜானாதி,
து³ட்டு²ல்லாது³ட்டு²ல்லங் ஆபத்திங் ந ஜானாதி, ஸப்படிகம்மாபடிகம்மங்
ஆபத்திங் ந ஜானாதி – இமேஹி கோ², உபாலி, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ அனுயோகோ³ ந தா³தப்³போ³.

‘‘பஞ்சஹுபாலி, அங்கே³ஹி ஸமன்னாக³தஸ்ஸ பி⁴க்கு²னோ
அனுயோகோ³ தா³தப்³போ³. கதமேஹி பஞ்சஹி? ஆபத்தானாபத்திங் ஜானாதி, லஹுகக³ருகங்
ஆபத்திங் ஜானாதி, ஸாவஸேஸானவஸேஸங் ஆபத்திங் ஜானாதி,
து³ட்டு²ல்லாது³ட்டு²ல்லங் ஆபத்திங் ஜானாதி, ஸப்படிகம்மாபடிகம்மங் ஆபத்திங்
ஜானாதி – இமேஹி கோ², உபாலி, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ
அனுயோகோ³ தா³தப்³போ³’’தி.

447. ‘‘கதிஹி
நு கோ², ப⁴ந்தே, ஆகாரேஹி பி⁴க்கு² ஆபத்திங் ஆபஜ்ஜதீ’’தி? ‘‘பஞ்சஹுபாலி,
ஆகாரேஹி பி⁴க்கு² ஆபத்திங் ஆபஜ்ஜதி. கதமேஹி பஞ்சஹி? அலஜ்ஜிதா, அஞ்ஞாணதா,
குக்குச்சபகததா, அகப்பியே கப்பியஸஞ்ஞிதா, கப்பியே அகப்பியஸஞ்ஞிதா – இமேஹி
கோ², உபாலி, பஞ்சஹாகாரேஹி பி⁴க்கு² ஆபத்திங் ஆபஜ்ஜதி.

‘‘அபரேஹிபி, உபாலி, பஞ்சஹாகாரேஹி பி⁴க்கு² ஆபத்திங் ஆபஜ்ஜதி. கதமேஹி பஞ்சஹி ? அத³ஸ்ஸனேன, அஸ்ஸவனேன, பஸுத்தகதா, ததா²ஸஞ்ஞீ, ஸதிஸம்மோஸா – இமேஹி கோ², உபாலி, பஞ்சஹாகாரேஹி பி⁴க்கு² ஆபத்திங் ஆபஜ்ஜதீ’’தி.

448. ‘‘கதி நு கோ², ப⁴ந்தே, வேரா’’தி? ‘‘பஞ்சிமே, உபாலி, வேரா. கதமே பஞ்ச? பாணாதிபாதோ , அதி³ன்னாதா³னங், காமேஸுமிச்சா²சாரோ, முஸாவாதோ³, ஸுராமேரயமஜ்ஜப்பமாத³ட்டா²னங் – இமே கோ², உபாலி, பஞ்ச வேரா’’தி.

‘‘கதி நு கோ², ப⁴ந்தே, வேரமணியோ’’தி? ‘‘பஞ்சிமா, உபாலி, வேரமணியோ. கதமா பஞ்ச? பாணாதிபாதா வேரமணீ [வேரமணி (க॰)],
அதி³ன்னாதா³னா வேரமணீ, காமேஸுமிச்சா²சாரா வேரமணீ, முஸாவாதா³ வேரமணீ,
ஸுராமேரயமஜ்ஜப்பமாத³ட்டா²னா வேரமணீ – இமா கோ², உபாலி, பஞ்ச வேரமணியோ’’தி.

449. ‘‘கதி நு கோ², ப⁴ந்தே, ப்³யஸனானீ’’தி? ‘‘பஞ்சிமானி, உபாலி, ப்³யஸனானி. [பரி॰ 325; அ॰ நி॰ 5.130] கதமானி பஞ்ச? ஞாதிப்³யஸனங், போ⁴க³ப்³யஸனங், ரோக³ப்³யஸனங், ஸீலப்³யஸனங், தி³ட்டி²ப்³யஸனங் – இமானி கோ², உபாலி, பஞ்ச ப்³யஸனானீ’’தி.

‘‘கதி நு கோ², ப⁴ந்தே, ஸம்பதா³’’தி? ‘‘பஞ்சிமா, உபாலி, ஸம்பதா³. [பரி॰ 325; அ॰ நி॰ 5.130] கதமா பஞ்ச? ஞாதிஸம்பதா³, போ⁴க³ஸம்பதா³, ஆரொக்³யஸம்பதா³, ஸீலஸம்பதா³, தி³ட்டி²ஸம்பதா³ – இமா கோ², உபாலி, பஞ்ச ஸம்பதா³’’தி.

முஸாவாத³வக்³கோ³ நிட்டி²தோ ஸத்தமோ.

தஸ்ஸுத்³தா³னங் –

முஸாவாதோ³ ச ஓமத்³தி³, அபரேஹி அனுயோகோ³;

ஆபத்திஞ்ச அபரேஹி, வேரா வேரமணீபி ச;

ப்³யஸனங் ஸம்பதா³ சேவ, ஸத்தமோ வக்³க³ஸங்க³ஹோதி.

8. பி⁴க்கு²னோவாத³வக்³கோ³

450. ‘‘கதிஹி
நு கோ², ப⁴ந்தே, அங்கே³ஹி ஸமன்னாக³தஸ்ஸ பி⁴க்கு²னோ பி⁴க்கு²னிஸங்கே⁴னேவ
கம்மங் காதப்³ப³’’ந்தி? ‘‘பஞ்சஹுபாலி, அங்கே³ஹி ஸமன்னாக³தஸ்ஸ பி⁴க்கு²னோ
பி⁴க்கு²னிஸங்கே⁴னேவ கம்மங் காதப்³ப³ங், அவந்தி³யோ ஸோ பி⁴க்கு²
பி⁴க்கு²னிஸங்கே⁴ன. கதமேஹி பஞ்சஹி? விவரித்வா காயங் பி⁴க்கு²னீனங்
த³ஸ்ஸேதி, ஊருங் த³ஸ்ஸேதி, அங்க³ஜாதங் த³ஸ்ஸேதி, உபோ⁴ அங்ஸகூடே த³ஸ்ஸேதி,
ஓபா⁴ஸதி, கி³ஹீ ஸம்பயோஜேதி – இமேஹி கோ², உபாலி,
பஞ்சஹங்கே³ஹி ஸமன்னாக³தஸ்ஸ பி⁴க்கு²னோ பி⁴க்கு²னிஸங்கே⁴னேவ கம்மங்
காதப்³ப³ங். அவந்தி³யோ ஸோ பி⁴க்கு² பி⁴க்கு²னிஸங்கே⁴ன.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ பி⁴க்கு²னிஸங்கே⁴னேவ கம்மங் காதப்³ப³ங், அவந்தி³யோ ஸோ பி⁴க்கு²
பி⁴க்கு²னிஸங்கே⁴ன. கதமேஹி பஞ்சஹி? பி⁴க்கு²னீனங் அலாபா⁴ய பரிஸக்கதி,
பி⁴க்கு²னீனங் அனத்தா²ய பரிஸக்கதி, பி⁴க்கு²னீனங் அவாஸாய பரிஸக்கதி,
பி⁴க்கு²னியோ அக்கோஸதி பரிபா⁴ஸதி, பி⁴க்கூ² பி⁴க்கு²னீஹி பே⁴தே³தி – இமேஹி
கோ², உபாலி, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ பி⁴க்கு²னிஸங்கே⁴னேவ
கம்மங் காதப்³ப³ங், அவந்தி³யோ ஸோ பி⁴க்கு² பி⁴க்கு²னிஸங்கே⁴ன.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ பி⁴க்கு²னிஸங்கே⁴னேவ கம்மங் காதப்³ப³ங், அவந்தி³யோ ஸோ
பி⁴க்கு² பி⁴க்கு²னிஸங்கே⁴ன. கதமேஹி பஞ்சஹி? பி⁴க்கு²னீனங் அலாபா⁴ய
பரிஸக்கதி, பி⁴க்கு²னீனங் அனத்தா²ய பரிஸக்கதி, பி⁴க்கு²னீனங் அவாஸாய
பரிஸக்கதி, பி⁴க்கு²னியோ அக்கோஸதி பரிபா⁴ஸதி, பி⁴க்கூ² பி⁴க்கு²னீஹி
ஸம்பயோஜேதி – இமேஹி கோ², உபாலி, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ
பி⁴க்கு²னிஸங்கே⁴னேவ கம்மங் காதப்³ப³ங், அவந்தி³யோ ஸோ பி⁴க்கு²
பி⁴க்கு²னிஸங்கே⁴னா’’தி.

451.
‘‘கதிஹி நு கோ², ப⁴ந்தே, அங்கே³ஹி ஸமன்னாக³தாய பி⁴க்கு²னியா கம்மங்
காதப்³ப³’’ந்தி? பஞ்சஹுபாலி, அங்கே³ஹி ஸமன்னாக³தாய பி⁴க்கு²னியா கம்மங்
காதப்³ப³ங். கதமேஹி பஞ்சஹி? விவரித்வா காயங் பி⁴க்கூ²னங் த³ஸ்ஸேதி, ஊருங்
த³ஸ்ஸேதி, அங்க³ஜாதங் த³ஸ்ஸேதி, உபோ⁴ அங்ஸகூடே த³ஸ்ஸேதி, ஓபா⁴ஸதி, கி³ஹீ
ஸம்பயோஜேதி – இமேஹி கோ², உபாலி, பஞ்சஹங்கே³ஹி ஸமன்னாக³தாய பி⁴க்கு²னியா
கம்மங் காதப்³ப³ங்.

‘‘அபரேஹிபி , உபாலி,
பஞ்சஹங்கே³ஹி ஸமன்னாக³தாய பி⁴க்கு²னியா கம்மங் காதப்³ப³ங். கதமேஹி பஞ்சஹி?
பி⁴க்கூ²னங் அலாபா⁴ய பரிஸக்கதி, பி⁴க்கூ²னங் அனத்தா²ய பரிஸக்கதி,
பி⁴க்கூ²னங் அவாஸாய பரிஸக்கதி, பி⁴க்கூ² அக்கோஸதி பரிபா⁴ஸதி, பி⁴க்கு²னியோ
பி⁴க்கூ²ஹி பே⁴தே³தி – இமேஹி கோ², உபாலி, பஞ்சஹங்கே³ஹி ஸமன்னாக³தாய
பி⁴க்கு²னியா கம்மங் காதப்³ப³ங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தாய
பி⁴க்கு²னியா கம்மங் காதப்³ப³ங். கதமேஹி பஞ்சஹி? பி⁴க்கூ²னங் அலாபா⁴ய
பரிஸக்கதி, பி⁴க்கூ²னங் அனத்தா²ய பரிஸக்கதி, பி⁴க்கூ²னங் அவாஸாய பரிஸக்கதி, பி⁴க்கூ² அக்கோஸதி பரிபா⁴ஸதி, பி⁴க்கு²னியோ பி⁴க்கூ²ஹி ஸம்பயோஜேதி – இமேஹி கோ², உபாலி, பஞ்சஹங்கே³ஹி ஸமன்னாக³தாய பி⁴க்கு²னியா கம்மங் காதப்³ப³’’ந்தி.

452.
‘‘கதிஹி நு கோ², ப⁴ந்தே, அங்கே³ஹி ஸமன்னாக³தேன பி⁴க்கு²னா பி⁴க்கு²னீனங்
ஓவாதோ³ ந ட²பேதப்³போ³’’தி? ‘‘பஞ்சஹுபாலி, அங்கே³ஹி ஸமன்னாக³தேன பி⁴க்கு²னா
பி⁴க்கு²னீனங் ஓவாதோ³ ந ட²பேதப்³போ³. கதமேஹி பஞ்சஹி? அலஜ்ஜீ ச ஹோதி, பா³லோ
ச, அபகதத்தோ ச, சாவனாதி⁴ப்பாயோ வத்தா ஹோதி, நோ வுட்டா²னாதி⁴ப்பாயோ – இமேஹி
கோ², உபாலி, பஞ்சஹங்கே³ஹி ஸமன்னாக³தேன பி⁴க்கு²னா பி⁴க்கு²னீனங் ஓவாதோ³ ந
ட²பேதப்³போ³.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தேன
பி⁴க்கு²னா பி⁴க்கு²னீனங் ஓவாதோ³ ந ட²பேதப்³போ³. கதமேஹி பஞ்சஹி?
அபரிஸுத்³த⁴காயஸமாசாரோ ஹோதி, அபரிஸுத்³த⁴வசீஸமாசாரோ ஹோதி, அபரிஸுத்³தா⁴ஜீவோ
ஹோதி, பா³லோ ஹோதி, அப்³யத்தோ, ந படிப³லோ அனுயுஞ்ஜியமானோ அனுயோக³ங் தா³துங்
– இமேஹி கோ², உபாலி, பஞ்சஹங்கே³ஹி ஸமன்னாக³தேன பி⁴க்கு²னா பி⁴க்கு²னீனங்
ஓவாதோ³ ந ட²பேதப்³போ³.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தேன
பி⁴க்கு²னா பி⁴க்கு²னீனங் ஓவாதோ³ ந ட²பேதப்³போ³. கதமேஹி பஞ்சஹி? காயிகேன
அனாசாரேன ஸமன்னாக³தோ ஹோதி, வாசஸிகேன அனாசாரேன ஸமன்னாக³தோ ஹோதி,
காயிகவாசஸிகேன அனாசாரேன ஸமன்னாக³தோ ஹோதி, பி⁴க்கு²னீனங் அக்கோஸகபரிபா⁴ஸகோ
ஹோதி, பி⁴க்கு²னீஹி ஸத்³தி⁴ங் ஸங்ஸட்டோ² விஹரதி அனநுலோமிகேன ஸங்ஸக்³கே³ன –
இமேஹி கோ², உபாலி, பஞ்சஹங்கே³ஹி ஸமன்னாக³தேன பி⁴க்கு²னா பி⁴க்கு²னீனங் ஓவாதோ³ ந ட²பேதப்³போ³.

‘‘அபரேஹிபி , உபாலி,
பஞ்சஹங்கே³ஹி ஸமன்னாக³தேன பி⁴க்கு²னா பி⁴க்கு²னீனங் ஓவாதோ³ ந ட²பேதப்³போ³.
கதமேஹி பஞ்சஹி? அலஜ்ஜீ ச ஹோதி, பா³லோ ச, அபகதத்தோ ச, ப⁴ண்ட³னகாரகோ ச ஹோதி
கலஹகாரகோ, ஸிக்கா²ய ச ந பரிபூரிகாரீ – இமேஹி கோ², உபாலி, பஞ்சஹங்கே³ஹி
ஸமன்னாக³தேன பி⁴க்கு²னா பி⁴க்கு²னீனங் ஓவாதோ³ ந ட²பேதப்³போ³’’தி.

453.
‘‘கதிஹி நு கோ², ப⁴ந்தே, அங்கே³ஹி ஸமன்னாக³தேன பி⁴க்கு²னா பி⁴க்கு²னீனங்
ஓவாதோ³ ந க³ஹேதப்³போ³’’தி? ‘‘பஞ்சஹுபாலி, அங்கே³ஹி ஸமன்னாக³தேன பி⁴க்கு²னா
பி⁴க்கு²னீனங் ஓவாதோ³ ந க³ஹேதப்³போ³. கதமேஹி பஞ்சஹி? காயிகேன அனாசாரேன
ஸமன்னாக³தோ ஹோதி, வாசஸிகேன அனாசாரேன ஸமன்னாக³தோ ஹோதி, காயிகவாசஸிகேன
அனாசாரேன ஸமன்னாக³தோ ஹோதி, பி⁴க்கு²னீனங் அக்கோஸகபரிபா⁴ஸகோ
ஹோதி, பி⁴க்கு²னீஹி ஸத்³தி⁴ங் ஸங்ஸட்டோ² விஹரதி அனநுலோமிகேன ஸங்ஸக்³கே³ன –
இமேஹி கோ², உபாலி, பஞ்சஹங்கே³ஹி ஸமன்னாக³தேன பி⁴க்கு²னா பி⁴க்கு²னீனங்
ஓவாதோ³ ந க³ஹேதப்³போ³.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தேன
பி⁴க்கு²னா பி⁴க்கு²னீனங் ஓவாதோ³ ந க³ஹேதப்³போ³. கதமேஹி பஞ்சஹி? அலஜ்ஜீ ச
ஹோதி, பா³லோ ச, அபகதத்தோ ச, க³மிகோ வா ஹோதி, கி³லானோ வா – இமேஹி கோ²,
உபாலி, பஞ்சஹங்கே³ஹி ஸமன்னாக³தேன பி⁴க்கு²னா பி⁴க்கு²னீனங் ஓவாதோ³ ந
க³ஹேதப்³போ³’’தி.

454. ‘‘கதிஹி
நு கோ², ப⁴ந்தே, அங்கே³ஹி ஸமன்னாக³தேன பி⁴க்கு²னா ஸத்³தி⁴ங் ந
ஸாகச்சி²தப்³போ³’’தி? ‘‘பஞ்சஹுபாலி, அங்கே³ஹி ஸமன்னாக³தேன பி⁴க்கு²னா
ஸத்³தி⁴ங் ந ஸாகச்சி²தப்³போ³. கதமேஹி பஞ்சஹி? ந அஸெக்கே²ன ஸீலக்க²ந்தே⁴ன
ஸமன்னாக³தோ ஹோதி, ந அஸெக்கே²ன ஸமாதி⁴க்க²ந்தே⁴ன ஸமன்னாக³தோ ஹோதி, ந
அஸெக்கே²ன பஞ்ஞாக்க²ந்தே⁴ன ஸமன்னாக³தோ ஹோதி, ந அஸெக்கே²ன
விமுத்திக்க²ந்தே⁴ன ஸமன்னாக³தோ ஹோதி, ந அஸெக்கே²ன
விமுத்திஞாணத³ஸ்ஸனக்க²ந்தே⁴ன ஸமன்னாக³தோ ஹோதி – இமேஹி கோ², உபாலி,
பஞ்சஹங்கே³ஹி ஸமன்னாக³தேன பி⁴க்கு²னா ஸத்³தி⁴ங் ந ஸாகச்சி²தப்³போ³.
பஞ்சஹுபாலி, அங்கே³ஹி ஸமன்னாக³தேன பி⁴க்கு²னா ஸத்³தி⁴ங் ஸாகச்சி²தப்³போ³.
கதமேஹி பஞ்சஹி? அஸெக்கே²ன ஸீலக்க²ந்தே⁴ன ஸமன்னாக³தோ ஹோதி, அஸெக்கே²ன
ஸமாதி⁴க்க²ந்தே⁴ன ஸமன்னாக³தோ ஹோதி, அஸெக்கே²ன பஞ்ஞாக்க²ந்தே⁴ன ஸமன்னாக³தோ
ஹோதி , அஸெக்கே²ன விமுத்திக்க²ந்தே⁴ன ஸமன்னாக³தோ ஹோதி, அஸெக்கே²ன விமுத்திஞாணத³ஸ்ஸனக்க²ந்தே⁴ன ஸமன்னாக³தோ ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தேன பி⁴க்கு²னா ஸத்³தி⁴ங் ஸாகச்சி²தப்³போ³.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தேன
பி⁴க்கு²னா ஸத்³தி⁴ங் ந ஸாகச்சி²தப்³போ³. கதமேஹி பஞ்சஹி? ந
அத்த²படிஸம்பி⁴தா³பத்தோ ஹோதி, ந த⁴ம்மபடிஸம்பி⁴தா³பத்தோ ஹோதி, ந
நிருத்திபடிஸம்பி⁴தா³பத்தோ ஹோதி, ந படிபா⁴னபடிஸம்பி⁴தா³பத்தோ ஹோதி,
யதா²விமுத்தங் சித்தங் ந பச்சவெக்கி²தா – இமேஹி கோ², உபாலி, பஞ்சஹங்கே³ஹி
ஸமன்னாக³தேன பி⁴க்கு²னா ஸத்³தி⁴ங் ந ஸாகச்சி²தப்³போ³. பஞ்சஹுபாலி ,
அங்கே³ஹி ஸமன்னாக³தேன பி⁴க்கு²னா ஸத்³தி⁴ங் ஸாகச்சி²தப்³போ³. கதமேஹி
பஞ்சஹி? அத்த²படிஸம்பி⁴தா³பத்தோ ஹோதி, த⁴ம்மபடிஸம்பி⁴தா³பத்தோ ஹோதி,
நிருத்திபடிஸம்பி⁴தா³பத்தோ ஹோதி, படிபா⁴னபடிஸம்பி⁴தா³பத்தோ ஹோதி,
யதா²விமுத்தங் சித்தங் பச்சவெக்கி²தா – இமேஹி கோ², உபாலி, பஞ்சஹங்கே³ஹி
ஸமன்னாக³தேன பி⁴க்கு²னா ஸத்³தி⁴ங் ஸாகச்சி²தப்³போ³’’தி.

பி⁴க்கு²னோவாத³வக்³கோ³ நிட்டி²தோ அட்ட²மோ.

தஸ்ஸுத்³தா³னங் –

பி⁴க்கு²னீஹேவ காதப்³ப³ங், அபரேஹி ததா² து³வே;

பி⁴க்கு²னீனங் தயோ கம்மா, ந ட²பேதப்³பா³ த்³வே து³கா;

ந க³ஹேதப்³பா³ த்³வே வுத்தா, ஸாகச்சா²ஸு ச த்³வே து³காதி.

9. உப்³பா³ஹிகவக்³கோ³

455.
‘‘கதிஹி நு கோ², ப⁴ந்தே, அங்கே³ஹி ஸமன்னாக³தோ பி⁴க்கு² உப்³பா³ஹிகாய ந
ஸம்மன்னிதப்³போ³’’தி? ‘‘பஞ்சஹுபாலி, அங்கே³ஹி ஸமன்னாக³தோ பி⁴க்கு²
உப்³பா³ஹிகாய ந ஸம்மன்னிதப்³போ³. கதமேஹி பஞ்சஹி? ந அத்த²குஸலோ ஹோதி, ந
த⁴ம்மகுஸலோ ஹோதி, ந நிருத்திகுஸலோ ஹோதி, ந ப்³யஞ்ஜனகுஸலோ ஹோதி, ந
புப்³பா³பரகுஸலோ ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தோ
பி⁴க்கு² உப்³பா³ஹிகாய ந ஸம்மன்னிதப்³போ³. பஞ்சஹுபாலி, அங்கே³ஹி ஸமன்னாக³தோ
பி⁴க்கு² உப்³பா³ஹிகாய ஸம்மன்னிதப்³போ³. கதமேஹி பஞ்சஹி? அத்த²குஸலோ ஹோதி,
த⁴ம்மகுஸலோ ஹோதி, நிருத்திகுஸலோ ஹோதி, ப்³யஞ்ஜனகுஸலோ ஹோதி, புப்³பா³பரகுஸலோ ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு² உப்³பா³ஹிகாய ஸம்மன்னிதப்³போ³.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ பி⁴க்கு²
உப்³பா³ஹிகாய ந ஸம்மன்னிதப்³போ³. கதமேஹி பஞ்சஹி? கோத⁴னோ ஹோதி
கோதா⁴பி⁴பூ⁴தோ, மக்கீ² ஹோதி மக்கா²பி⁴பூ⁴தோ, பளாஸீ ஹோதி பளாஸாபி⁴பூ⁴தோ,
இஸ்ஸுகீ ஹோதி இஸ்ஸாபி⁴பூ⁴தோ, ஸந்தி³ட்டி²பராமாஸீ ஹோதி ஆதா⁴னக்³கா³ஹீ
து³ப்படினிஸ்ஸக்³கீ³ – இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு²
உப்³பா³ஹிகாய ந ஸம்மன்னிதப்³போ³. பஞ்சஹுபாலி, அங்கே³ஹி ஸமன்னாக³தோ
பி⁴க்கு² உப்³பா³ஹிகாய ஸம்மன்னிதப்³போ³. கதமேஹி பஞ்சஹி? ந கோத⁴னோ ஹோதி ந
கோதா⁴பி⁴பூ⁴தோ, ந மக்கீ² ஹோதி ந மக்கா²பி⁴பூ⁴தோ, ந பளாஸீ ஹோதி ந
பளாஸாபி⁴பூ⁴தோ, ந இஸ்ஸுகீ ஹோதி ந இஸ்ஸாபி⁴பூ⁴தோ, அஸந்தி³ட்டி²பராமாஸீ ஹோதி
அனாதா⁴னக்³கா³ஹீ ஸுப்படினிஸ்ஸக்³கீ³ – இமேஹி கோ², உபாலி, பஞ்சஹங்கே³ஹி
ஸமன்னாக³தோ பி⁴க்கு² உப்³பா³ஹிகாய ஸம்மன்னிதப்³போ³.

‘‘அபரேஹிபி , உபாலி,
பஞ்சஹங்கே³ஹி ஸமன்னாக³தோ பி⁴க்கு² உப்³பா³ஹிகாய ந ஸம்மன்னிதப்³போ³. கதமேஹி
பஞ்சஹி? குப்பதி, ப்³யாபஜ்ஜதி, பதிட்டி²யதி, கோபங் ஜனேதி, அக²மோ ஹோதி
அபத³க்கி²ணக்³கா³ஹீ அனுஸாஸனிங் – இமேஹி கோ², உபாலி, பஞ்சஹங்கே³ஹி
ஸமன்னாக³தோ பி⁴க்கு² உப்³பா³ஹிகாய ந ஸம்மன்னிதப்³போ³. பஞ்சஹுபாலி, அங்கே³ஹி
ஸமன்னாக³தோ பி⁴க்கு² உப்³பா³ஹிகாய ஸம்மன்னிதப்³போ³ .
கதமேஹி பஞ்சஹி? ந குப்பதி, ந ப்³யாபஜ்ஜதி, ந பதிட்டி²யதி, ந கோபங் ஜனேதி,
க²மோ ஹோதி பத³க்கி²ணக்³கா³ஹீ அனுஸாஸனிங் – இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு² உப்³பா³ஹிகாய ஸம்மன்னிதப்³போ³.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ பி⁴க்கு²
உப்³பா³ஹிகாய ந ஸம்மன்னிதப்³போ³. கதமேஹி பஞ்சஹி? பஸாரேதா ஹோதி நோ ஸாரேதா,
அனோகாஸகம்மங் காரெத்வா பவத்தா ஹோதி, ந யதா²த⁴ம்மே யதா²வினயே யதா²பத்தியா
சோதே³தா ஹோதி, ந யதா²த⁴ம்மே யதா²வினயே யதா²பத்தியா காரேதா ஹோதி, ந
யதா²தி³ட்டி²யா ப்³யாகதா ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தோ
பி⁴க்கு² உப்³பா³ஹிகாய ந ஸம்மன்னிதப்³போ³. பஞ்சஹுபாலி, அங்கே³ஹி
ஸமன்னாக³தோ பி⁴க்கு² உப்³பா³ஹிகாய ஸம்மன்னிதப்³போ³. கதமேஹி பஞ்சஹி? ஸாரேதா
ஹோதி நோ பஸாரேதா, ஓகாஸகம்மங் காரெத்வா பவத்தா ஹோதி,
யதா²த⁴ம்மங் யதா²வினயே யதா²பத்தியா சோதே³தா ஹோதி, யதா²த⁴ம்மே யதா²வினயே
யதா²பத்தியா காரேதா ஹோதி, யதா²தி³ட்டி²யா ப்³யாகதா ஹோதி – இமேஹி கோ²,
உபாலி, பஞ்சஹங்கே³ஹி ஸமன்னாக³தோ பி⁴க்கு² உப்³பா³ஹிகாய ஸம்மன்னிதப்³போ³.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ பி⁴க்கு²
உப்³பா³ஹிகாய ந ஸம்மன்னிதப்³போ³. கதமேஹி பஞ்சஹி? ச²ந்தா³க³திங் க³ச்ச²தி,
தோ³ஸாக³திங் க³ச்ச²தி, மோஹாக³திங் க³ச்ச²தி, ப⁴யாக³திங் க³ச்ச²தி, அலஜ்ஜீ ச
ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு² உப்³பா³ஹிகாய ந
ஸம்மன்னிதப்³போ³. பஞ்சஹுபாலி, அங்கே³ஹி ஸமன்னாக³தோ பி⁴க்கு² உப்³பா³ஹிகாய
ஸம்மன்னிதப்³போ³. கதமேஹி பஞ்சஹி? ந ச²ந்தா³க³திங் க³ச்ச²தி, ந தோ³ஸாக³திங்
க³ச்ச²தி, ந மோஹாக³திங் க³ச்ச²தி, ந ப⁴யாக³திங் க³ச்ச²தி, லஜ்ஜீ ச ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு² உப்³பா³ஹிகாய ஸம்மன்னிதப்³போ³.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ பி⁴க்கு²
உப்³பா³ஹிகாய ந ஸம்மன்னிதப்³போ³. கதமேஹி பஞ்சஹி? ச²ந்தா³க³திங் க³ச்ச²தி,
தோ³ஸாக³திங் க³ச்ச²தி, மோஹாக³திங் க³ச்ச²தி, ப⁴யாக³திங் க³ச்ச²தி, அகுஸலோ ச
ஹோதி வினயே – இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு²
உப்³பா³ஹிகாய ந ஸம்மன்னிதப்³போ³. பஞ்சஹுபாலி, அங்கே³ஹி ஸமன்னாக³தோ பி⁴க்கு²
உப்³பா³ஹிகாய ஸம்மன்னிதப்³போ³. கதமேஹி பஞ்சஹி? ந ச²ந்தா³க³திங் க³ச்ச²தி, ந
தோ³ஸாக³திங் க³ச்ச²தி, ந மோஹாக³திங் க³ச்ச²தி, ந ப⁴யாக³திங் க³ச்ச²தி,
குஸலோ ச ஹோதி வினயே – இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு²
உப்³பா³ஹிகாய ஸம்மன்னிதப்³போ³’’தி.

456. ‘‘கதிஹி
நு கோ², ப⁴ந்தே, அங்கே³ஹி ஸமன்னாக³தோ பி⁴க்கு² பா³லொத்வேவ ஸங்க²ங்
க³ச்ச²தீ’’தி? ‘‘பஞ்சஹுபாலி, அங்கே³ஹி ஸமன்னாக³தோ பி⁴க்கு² பா³லொத்வேவ
ஸங்க²ங் க³ச்ச²தி. கதமேஹி பஞ்சஹி? ஸுத்தங் ந ஜானாதி, ஸுத்தானுலோமங் ந
ஜானாதி, வினயங் ந ஜானாதி, வினயானுலோமங் ந ஜானாதி, ந ச டா²னடா²னகுஸலோ ஹோதி –
இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு² பா³லொத்வேவ ஸங்க²ங்
க³ச்ச²தி. பஞ்சஹுபாலி, அங்கே³ஹி ஸமன்னாக³தோ பி⁴க்கு² பண்டி³தொத்வேவ ஸங்க²ங்
க³ச்ச²தி. கதமேஹி பஞ்சஹி? ஸுத்தங் ஜானாதி, ஸுத்தானுலோமங் ஜானாதி, வினயங்
ஜானாதி, வினயானுலோமங் ஜானாதி, டா²னாடா²னகுஸலோ ச ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு² பண்டி³தொத்வேவ ஸங்க²ங் க³ச்ச²தி.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ பி⁴க்கு² பா³லொத்வேவ ஸங்க²ங் க³ச்ச²தி. கதமேஹி பஞ்சஹி? த⁴ம்மங் ந ஜானாதி, த⁴ம்மானுலோமங்
ஜானாதி, வினயங் ந ஜானாதி, வினயானுலோமங் ந ஜானாதி, ந ச புப்³பா³பரகுஸலோ
ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு² பா³லொத்வேவ
ஸங்க²ங் க³ச்ச²தி. பஞ்சஹுபாலி, அங்கே³ஹி ஸமன்னாக³தோ பி⁴க்கு² பண்டி³தொத்வேவ
ஸங்க²ங் க³ச்ச²தி. கதமேஹி பஞ்சஹி? த⁴ம்மங் ஜானாதி, த⁴ம்மானுலோமங் ஜானாதி,
வினயங் ஜானாதி, வினயானுலோமங் ஜானாதி, புப்³பா³பரகுஸலோ ச ஹோதி – இமேஹி கோ²,
உபாலி, பஞ்சஹங்கே³ஹி ஸமன்னாக³தோ பி⁴க்கு² பண்டி³தொத்வேவ ஸங்க²ங் க³ச்ச²தி.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ பி⁴க்கு²
பா³லொத்வேவ ஸங்க²ங் க³ச்ச²தி. கதமேஹி பஞ்சஹி? வத்து²ங் ந ஜானாதி, நிதா³னங் ந
ஜானாதி, பஞ்ஞத்திங் ந ஜானாதி, பத³பச்சாப⁴ட்ட²ங் ந ஜானாதி,
அனுஸந்தி⁴வசனபத²ங் ந ஜானாதி – இமேஹி கோ², உபாலி, பஞ்சஹங்கே³ஹி ஸமன்னாக³தோ
பி⁴க்கு² பா³லொத்வேவ ஸங்க²ங் க³ச்ச²தி. பஞ்சஹுபாலி, அங்கே³ஹி ஸமன்னாக³தோ
பி⁴க்கு² பண்டி³தொத்வேவ ஸங்க²ங் க³ச்ச²தி. கதமேஹி பஞ்சஹி? வத்து²ங் ஜானாதி,
நிதா³னங் ஜானாதி, பஞ்ஞத்திங் ஜானாதி, பத³பச்சாப⁴ட்ட²ங் ஜானாதி,
அனுஸந்தி⁴வசனபத²ங் ஜானாதி – இமேஹி கோ², உபாலி, பஞ்சஹங்கே³ஹி ஸமன்னாக³தோ
பி⁴க்கு² பண்டி³தொத்வேவ ஸங்க²ங் க³ச்ச²தி.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ
பி⁴க்கு² பா³லொத்வேவ ஸங்க²ங் க³ச்ச²தி. கதமேஹி பஞ்சஹி? ஆபத்திங் ந ஜானாதி,
ஆபத்திஸமுட்டா²னங் ந ஜானாதி, ஆபத்தியா பயோக³ங் ந ஜானாதி, ஆபத்தியா வூபஸமங்
ந ஜானாதி, ஆபத்தியா ந வினிச்ச²யகுஸலோ ஹோதி – இமேஹி கோ², உபாலி,
பஞ்சஹங்கே³ஹி ஸமன்னாக³தோ பி⁴க்கு² பா³லொத்வேவ ஸங்க²ங் க³ச்ச²தி.
பஞ்சஹுபாலி, அங்கே³ஹி ஸமன்னாக³தோ பி⁴க்கு² பண்டி³தொத்வேவ ஸங்க²ங் க³ச்ச²தி.
கதமேஹி பஞ்சஹி? ஆபத்திங் ஜானாதி ,
ஆபத்திஸமுட்டா²னங் ஜானாதி, ஆபத்தியா பயோக³ங் ஜானாதி, ஆபத்தியா வூபஸமங்
ஜானாதி, ஆபத்தியா வினிச்ச²யகுஸலோ ஹோதி – இமேஹி கோ², உபாலி, பஞ்சஹங்கே³ஹி
ஸமன்னாக³தோ பி⁴க்கு² பண்டி³தொத்வேவ ஸங்க²ங் க³ச்ச²தி.

‘‘அபரேஹிபி , உபாலி,
பஞ்சஹங்கே³ஹி ஸமன்னாக³தோ பி⁴க்கு² பா³லொத்வேவ ஸங்க²ங் க³ச்ச²தி. கதமேஹி
பஞ்சஹி? அதி⁴கரணங் ந ஜானாதி, அதி⁴கரணஸமுட்டா²னங் ந ஜானாதி, அதி⁴கரணஸ்ஸ
பயோக³ங் ந ஜானாதி, அதி⁴கரணஸ்ஸ வூபஸமங் ந ஜானாதி, அதி⁴கரணஸ்ஸ ந
வினிச்ச²யகுஸலோ ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு²
பா³லொத்வேவ ஸங்க²ங் க³ச்ச²தி. பஞ்சஹுபாலி, அங்கே³ஹி ஸமன்னாக³தோ பி⁴க்கு²
பண்டி³தொத்வேவ ஸங்க²ங் க³ச்ச²தி. கதமேஹி பஞ்சஹி? அதி⁴கரணங் ஜானாதி,
அதி⁴கரணஸமுட்டா²னங் ஜானாதி, அதி⁴கரணஸ்ஸ பயோக³ங் ஜானாதி, அதி⁴கரணஸ்ஸ வூபஸமங்
ஜானாதி, அதி⁴கரணஸ்ஸ வினிச்ச²யகுஸலோ ஹோதி – இமேஹி கோ², உபாலி, பஞ்சஹங்கே³ஹி
ஸமன்னாக³தோ பி⁴க்கு² பண்டி³தொத்வேவ ஸங்க²ங் க³ச்ச²தீ’’தி.

உப்³பா³ஹிகவக்³கோ³ நிட்டி²தோ நவமோ.

தஸ்ஸுத்³தா³னங் –

அத்த²குஸலோ சேவ, கோத⁴னோ குப்பதீ ச யோ;

பஸாரேதா ச²ந்தா³க³திங், அகுஸலோ ததே²வ ச.

ஸுத்தங் த⁴ம்மஞ்ச வத்து²ஞ்ச, ஆபத்தி அதி⁴கரணங்;

த்³வே த்³வே பகாஸிதா ஸப்³பே³, கண்ஹஸுக்கங் விஜானதா²தி.

10. அதி⁴கரணவூபஸமவக்³கோ³

457.
‘‘கதிஹி நு கோ², ப⁴ந்தே, அங்கே³ஹி ஸமன்னாக³தோ பி⁴க்கு² நாலங் அதி⁴கரணங்
வூபஸமேது’’ந்தி? ‘‘பஞ்சஹுபாலி, அங்கே³ஹி ஸமன்னாக³தோ பி⁴க்கு² நாலங்
அதி⁴கரணங் வூபஸமேதுங். கதமேஹி பஞ்சஹி? ஆபத்திங்
ஜானாதி, ஆபத்திஸமுட்டா²னங் ந ஜானாதி, ஆபத்தியா பயோக³ங் ந ஜானாதி, ஆபத்தியா
வூபஸமங் ந ஜானாதி, ஆபத்தியா ந வினிச்ச²யகுஸலோ ஹோதி – இமேஹி கோ², உபாலி,
பஞ்சஹங்கே³ஹி ஸமன்னாக³தோ பி⁴க்கு² நாலங் அதி⁴கரணங் வூபஸமேதுங். பஞ்சஹுபாலி,
அங்கே³ஹி ஸமன்னாக³தோ பி⁴க்கு² அலங் அதி⁴கரணங் வூபஸமேதுங். கதமேஹி பஞ்சஹி?
ஆபத்திங் ஜானாதி, ஆபத்திஸமுட்டா²னங் ஜானாதி, ஆபத்தியா பயோக³ங் ஜானாதி, ஆபத்தியா வூபஸமங் ஜானாதி, ஆபத்தியா வினிச்ச²யகுஸலோ ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு² அலங் அதி⁴கரணங் வூபஸமேதுங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ பி⁴க்கு² நாலங்
அதி⁴கரணங் வூபஸமேதுங். கதமேஹி பஞ்சஹி? அதி⁴கரணங் ந ஜானாதி,
அதி⁴கரணஸமுட்டா²னங் ந ஜானாதி, அதி⁴கரணஸ்ஸ பயோக³ங் ந ஜானாதி, அதி⁴கரணஸ்ஸ
வூபஸமங் ந ஜானாதி, அதி⁴கரணஸ்ஸ ந வினிச்ச²யகுஸலோ ஹோதி – இமேஹி கோ², உபாலி,
பஞ்சஹங்கே³ஹி ஸமன்னாக³தோ பி⁴க்கு² நாலங் அதி⁴கரணங் வூபஸமேதுங்.

‘‘பஞ்சஹுபாலி, அங்கே³ஹி ஸமன்னாக³தோ பி⁴க்கு² அலங்
அதி⁴கரணங் வூபஸமேதுங். கதமேஹி பஞ்சஹி? அதி⁴கரணங் ஜானாதி,
அதி⁴கரணஸமுட்டா²னங் ஜானாதி, அதி⁴கரணஸ்ஸ பயோக³ங் ஜானாதி, அதி⁴கரணஸ்ஸ வூபஸமங்
ஜானாதி, அதி⁴கரணஸ்ஸ வினிச்ச²யகுஸலோ ஹோதி – இமேஹி கோ², உபாலி, பஞ்சஹங்கே³ஹி
ஸமன்னாக³தோ பி⁴க்கு² அலங் அதி⁴கரணங் வூபஸமேதுங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ பி⁴க்கு²
நாலங் அதி⁴கரணங் வூபஸமேதுங். கதமேஹி பஞ்சஹி? ச²ந்தா³க³திங் க³ச்ச²தி,
தோ³ஸாக³திங் க³ச்ச²தி, மோஹாக³திங் க³ச்ச²தி, ப⁴யாக³திங் க³ச்ச²தி, அலஜ்ஜீ ச
ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு² நாலங்
அதி⁴கரணங் வூபஸமேதுங். பஞ்சஹுபாலி, அங்கே³ஹி ஸமன்னாக³தோ பி⁴க்கு² அலங்
அதி⁴கரணங் வூபஸமேதுங். கதமேஹி பஞ்சஹி? ந ச²ந்தா³க³திங் க³ச்ச²தி, ந
தோ³ஸாக³திங் க³ச்ச²தி, ந மோஹாக³திங் க³ச்ச²தி, ந ப⁴யாக³திங் க³ச்ச²தி,
லஜ்ஜீ ச ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு² அலங்
அதி⁴கரணங் வூபஸமேதுங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ பி⁴க்கு²
நாலங் அதி⁴கரணங் வூபஸமேதுங். கதமேஹி பஞ்சஹி? ச²ந்தா³க³திங் க³ச்ச²தி,
தோ³ஸாக³திங் க³ச்ச²தி, மோஹாக³திங் க³ச்ச²தி, ப⁴யாக³திங் க³ச்ச²தி ,
அப்பஸ்ஸுதோ ச ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு²
நாலங் அதி⁴கரணங் வூபஸமேதுங். பஞ்சஹுபாலி, அங்கே³ஹி ஸமன்னாக³தோ பி⁴க்கு²
அலங் அதி⁴கரணங் வூபஸமேதுங். கதமேஹி பஞ்சஹி? ந ச²ந்தா³க³திங் க³ச்ச²தி, ந
தோ³ஸாக³திங் க³ச்ச²தி, ந மோஹாக³திங் க³ச்ச²தி, ந ப⁴யாக³திங் க³ச்ச²தி,
ப³ஹுஸ்ஸுதோ ச ஹோதி – இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு²
அலங் அதி⁴கரணங் வூபஸமேதுங்.

‘‘அபரேஹிபி ,
உபாலி, பஞ்சஹங்கே³ஹி ஸமன்னாக³தோ பி⁴க்கு² நாலங் அதி⁴கரணங் வூபஸமேதுங்.
கதமேஹி பஞ்சஹி? வத்து²ங் ந ஜானாதி, நிதா³னங் ந ஜானாதி, பஞ்ஞத்திங் ந
ஜானாதி, பத³பச்சாப⁴ட்ட²ங் ந ஜானாதி, அனுஸந்தி⁴வசனபத²ங் ந ஜானாதி – இமேஹி
கோ², உபாலி, பஞ்சஹங்கே³ஹி ஸமன்னாக³தோ பி⁴க்கு² நாலங் அதி⁴கரணங் வூபஸமேதுங்.
பஞ்சஹுபாலி, அங்கே³ஹி ஸமன்னாக³தோ பி⁴க்கு² அலங் அதி⁴கரணங் வூபஸமேதுங்.
கதமேஹி பஞ்சஹி? வத்து²ங் ஜானாதி, நிதா³னங் ஜானாதி, பஞ்ஞத்திங் ஜானாதி,
பத³பச்சாப⁴ட்ட²ங் ஜானாதி, அனுஸந்தி⁴வசனபத²ங் ஜானாதி – இமேஹி கோ², உபாலி,
பஞ்சஹங்கே³ஹி ஸமன்னாக³தோ பி⁴க்கு² அலங் அதி⁴கரணங் வூபஸமேதுங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ பி⁴க்கு²
நாலங் அதி⁴கரணங் வூபஸமேதுங். கதமேஹி பஞ்சஹி? ச²ந்தா³க³திங் க³ச்ச²தி,
தோ³ஸாக³திங் க³ச்ச²தி, மோஹாக³திங் க³ச்ச²தி, ப⁴யாக³திங் க³ச்ச²தி, அகுஸலோ ச
ஹோதி வினயே – இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு² நாலங்
அதி⁴கரணங் வூபஸமேதுங். பஞ்சஹுபாலி, அங்கே³ஹி ஸமன்னாக³தோ பி⁴க்கு² அலங்
அதி⁴கரணங் வூபஸமேதுங். கதமேஹி பஞ்சஹி? ந ச²ந்தா³க³திங் க³ச்ச²தி, ந
தோ³ஸாக³திங் க³ச்ச²தி, ந மோஹாக³திங் க³ச்ச²தி, ந ப⁴யாக³திங் க³ச்ச²தி,
குஸலோ ச ஹோதி வினயே – இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு²
அலங் அதி⁴கரணங் வூபஸமேதுங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ பி⁴க்கு²
நாலங் அதி⁴கரணங் வூபஸமேதுங். கதமேஹி பஞ்சஹி? ச²ந்தா³க³திங் க³ச்ச²தி,
தோ³ஸாக³திங் க³ச்ச²தி, மோஹாக³திங் க³ச்ச²தி, ப⁴யாக³திங் க³ச்ச²தி,
புக்³க³லக³ரு ஹோதி நோ ஸங்க⁴க³ரு – இமேஹி கோ², உபாலி, பஞ்சஹங்கே³ஹி
ஸமன்னாக³தோ பி⁴க்கு² நாலங் அதி⁴கரணங் வூபஸமேதுங். பஞ்சஹுபாலி , அங்கே³ஹி ஸமன்னாக³தோ பி⁴க்கு² அலங் அதி⁴கரணங் வூபஸமேதுங் .
கதமேஹி பஞ்சஹி? ந ச²ந்தா³க³திங் க³ச்ச²தி, ந தோ³ஸாக³திங் க³ச்ச²தி, ந
மோஹாக³திங் க³ச்ச²தி, ந ப⁴யாக³திங் க³ச்ச²தி, ஸங்க⁴க³ரு ஹோதி நோ
புக்³க³லக³ரு – இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு² அலங்
அதி⁴கரணங் வூபஸமேதுங்.

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ பி⁴க்கு²
நாலங் அதி⁴கரணங் வூபஸமேதுங். கதமேஹி பஞ்சஹி? ச²ந்தா³க³திங் க³ச்ச²தி,
தோ³ஸாக³திங் க³ச்ச²தி, மோஹாக³திங் க³ச்ச²தி, ப⁴யாக³திங் க³ச்ச²தி, ஆமிஸக³ரு
ஹோதி நோ ஸத்³த⁴ம்மக³ரு – இமேஹி கோ², உபாலி, பஞ்சஹங்கே³ஹி ஸமன்னாக³தோ
பி⁴க்கு² நாலங் அதி⁴கரணங் வூபஸமேதுங். பஞ்சஹுபாலி,
அங்கே³ஹி ஸமன்னாக³தோ பி⁴க்கு² அலங் அதி⁴கரணங் வூபஸமேதுங். கதமேஹி பஞ்சஹி? ந
ச²ந்தா³க³திங் க³ச்ச²தி, ந தோ³ஸாக³திங் க³ச்ச²தி, ந மோஹாக³திங் க³ச்ச²தி, ந ப⁴யாக³திங் க³ச்ச²தி, ஸத்³த⁴ம்மக³ரு ஹோதி நோ ஆமிஸக³ரு – இமேஹி கோ², உபாலி, பஞ்சஹங்கே³ஹி ஸமன்னாக³தோ பி⁴க்கு² அலங் அதி⁴கரணங் வூபஸமேது’’ந்தி.

458.
‘‘கதிஹி நு கோ², ப⁴ந்தே, ஆகாரேஹி ஸங்கோ⁴ பி⁴ஜ்ஜதீ’’தி? ‘‘பஞ்சஹுபாலி,
ஆகாரேஹி ஸங்கோ⁴ பி⁴ஜ்ஜதி. கதமேஹி பஞ்சஹி? கம்மேன, உத்³தே³ஸேன, வோஹரந்தோ,
அனுஸ்ஸாவனேன, ஸலாகக்³கா³ஹேன – இமேஹி கோ², உபாலி, பஞ்சஹாகாரேஹி ஸங்கோ⁴
பி⁴ஜ்ஜதீ’’தி.

‘‘ஸங்க⁴ராஜி ஸங்க⁴ராஜீதி, ப⁴ந்தே, வுச்சதி. கித்தாவதா
நு கோ², ப⁴ந்தே, ஸங்க⁴ராஜி ஹோதி நோ ச ஸங்க⁴பே⁴தோ³? கித்தாவதா ச பன
ஸங்க⁴ராஜி சேவ ஹோதி ஸங்க⁴பே⁴தோ³ சா’’தி? ‘‘பஞ்ஞத்தேதங், உபாலி, மயா
ஆக³ந்துகானங் பி⁴க்கூ²னங் ஆக³ந்துகவத்தங். ஏவங் ஸுபஞ்ஞத்தே கோ², உபாலி, மயா
ஸிக்கா²பதே³ ஆக³ந்துகா பி⁴க்கூ² ஆக³ந்துகவத்தே ந வத்தந்தி. ஏவம்பி கோ²,
உபாலி, ஸங்க⁴ராஜி ஹோதி நோ ச ஸங்க⁴பே⁴தோ³. பஞ்ஞத்தேதங், உபாலி, மயா
ஆவாஸிகானங் பி⁴க்கூ²னங் ஆவாஸிகவத்தங். ஏவங் ஸுபஞ்ஞத்தே கோ², உபாலி, மயா
ஸிக்கா²பதே³ ஆவாஸிகா பி⁴க்கூ² ஆவாஸிகவத்தே ந வத்தந்தி. ஏவம்பி கோ², உபாலி,
ஸங்க⁴ராஜி ஹோதி நோ ச ஸங்க⁴பே⁴தோ³. பஞ்ஞத்தேதங் உபாலி மயா பி⁴க்கூ²னங்
ப⁴த்தக்³கே³ ப⁴த்தக்³க³வத்தங் – யதா²வுட்³ட⁴ங் யதா²ரத்தங் யதா²பதிரூபங்
அக்³கா³ஸனங் அக்³கோ³த³கங் அக்³க³பிண்ட³ங். ஏவங் ஸுபஞ்ஞத்தே கோ², உபாலி, மயா
ஸிக்கா²பதே³ நவா பி⁴க்கூ² ப⁴த்தக்³கே³ தே²ரானங் பி⁴க்கூ²னங் ஆஸனங்
படிபா³ஹந்தி. ஏவம்பி கோ², உபாலி, ஸங்க⁴ராஜி ஹோதி நோ ச ஸங்க⁴பே⁴தோ³.
பஞ்ஞத்தேதங், உபாலி, மயா பி⁴க்கூ²னங் ஸேனாஸனே
ஸேனாஸனவத்தங் – யதா²வுட்³ட⁴ங் யதா²ரத்தங் யதா²பதிரூபங். ஏவங் ஸுபஞ்ஞத்தே
கோ², உபாலி, மயா ஸிக்கா²பதே³ நவா பி⁴க்கூ² தே²ரானங் பி⁴க்கூ²னங் ஸேனாஸனங்
படிபா³ஹந்தி. ஏவம்பி கோ², உபாலி, ஸங்க⁴ராஜி ஹோதி நோ ச ஸங்க⁴பே⁴தோ³.
பஞ்ஞத்தேதங், உபாலி, மயா பி⁴க்கூ²னங் அந்தோஸீமாய ஏகங் உபோஸத²ங் ஏகங்
பவாரணங் ஏகங் ஸங்க⁴கம்மங் ஏகங் கம்மாகம்மங். ஏவங் ஸுபஞ்ஞத்தே கோ², உபாலி,
மயா ஸிக்கா²பதே³ தத்தே²வ அந்தோஸீமாய ஆவேனிபா⁴வங் [ஆவேணிபா⁴வங் (ஸீ॰ ஸ்யா॰)] கரித்வா க³ணங் ப³ந்தி⁴த்வா ஆவேனிங் [ஆவேணி (ஸீ॰ ஸ்யா॰)] உபோஸத²ங் கரொந்தி ஆவேனிங் பவாரணங் கரொந்தி ஆவேனிங் ஸங்க⁴கம்மங் கரொந்தி ஆவேனிங் கம்மாகம்மானி கரொந்தி. ஏவங் கோ², உபாலி, ஸங்க⁴ராஜி சேவ ஹோதி ஸங்க⁴பே⁴தோ³ சா’’தி.

அதி⁴கரணவூபஸமவக்³கோ³ நிட்டி²தோ த³ஸமோ.

தஸ்ஸுத்³தா³னங் –

ஆபத்திங் அதி⁴கரணங், ச²ந்தா³ அப்பஸ்ஸுதேன ச;

வத்து²ஞ்ச அகுஸலோ ச, புக்³க³லோ ஆமிஸேன ச;

பி⁴ஜ்ஜதி ஸங்க⁴ராஜி ச, ஸங்க⁴பே⁴தோ³ ததே²வ சாதி.

11. ஸங்க⁴பே⁴த³கவக்³கோ³

459. [சூளவ॰ 354-355; அ॰ நி॰ 10.38 ஆத³யோ]
‘‘கதிஹி நு கோ², ப⁴ந்தே, அங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ
நேரயிகோ கப்பட்டோ² அதேகிச்சோ²’’தி? ‘‘பஞ்சஹுபாலி, அங்கே³ஹி ஸமன்னாக³தோ
ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ². கதமேஹி பஞ்சஹி?
இது⁴பாலி, பி⁴க்கு² அத⁴ம்மங் த⁴ம்மோதி தீ³பேதி, த⁴ம்மங் அத⁴ம்மோதி தீ³பேதி,
அவினயங் வினயோதி தீ³பேதி, வினயங் அவினயோதி
தீ³பேதி, வினிதா⁴ய தி³ட்டி²ங் கம்மேன – இமேஹி கோ², உபாலி, பஞ்சஹங்கே³ஹி
ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ².

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ
ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ². கதமேஹி பஞ்சஹி?
இது⁴பாலி, பி⁴க்கு² அத⁴ம்மங் த⁴ம்மோதி தீ³பேதி, த⁴ம்மங் அத⁴ம்மோதி தீ³பேதி,
அவினயங் வினயோதி தீ³பேதி, வினயங் அவினயோதி தீ³பேதி, வினிதா⁴ய தி³ட்டி²ங்
உத்³தே³ஸேன – இமேஹி கோ², உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ
ஆபாயிகோ நேரயிகோ கப்பட்டோ² அதேகிச்சோ².

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ
ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ². கதமேஹி பஞ்சஹி?
இது⁴பாலி, பி⁴க்கு² அத⁴ம்மங் த⁴ம்மோதி தீ³பேதி, த⁴ம்மங் அத⁴ம்மோதி தீ³பேதி,
அவினயங் வினயோதி தீ³பேதி, வினயங் அவினயோதி
தீ³பேதி, வினிதா⁴ய தி³ட்டி² வோஹரந்தோ – இமேஹி கோ², உபாலி, பஞ்சஹங்கே³ஹி
ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ².

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ
ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ². கதமேஹி பஞ்சஹி?
இது⁴பாலி, பி⁴க்கு² அத⁴ம்மங் த⁴ம்மோதி தீ³பேதி, த⁴ம்மங் அத⁴ம்மோதி தீ³பேதி,
அவினயங் வினயோதி தீ³பேதி, வினயங் அவினயோதி தீ³பேதி, வினிதா⁴ய தி³ட்டி²ங் அனுஸ்ஸாவனேன – இமேஹி கோ², உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ².

‘‘அபரேஹிபி, உபாலி ,
பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ²
அதேகிச்சோ². கதமேஹி பஞ்சஹி? இது⁴பாலி, பி⁴க்கு² அத⁴ம்மங் த⁴ம்மோதி தீ³பேதி,
த⁴ம்மங் அத⁴ம்மோதி தீ³பேதி, அவினயங் வினயோதி தீ³பேதி, வினயங் அவினயோதி
தீ³பேதி, வினிதா⁴ய தி³ட்டி²ங் ஸலாகக்³கா³ஹேன – இமேஹி கோ², உபாலி,
பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ²
அதேகிச்சோ².

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ
ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ². கதமேஹி பஞ்சஹி?
இது⁴பாலி, பி⁴க்கு² அத⁴ம்மங் த⁴ம்மோதி தீ³பேதி, த⁴ம்மங் அத⁴ம்மோதி தீ³பேதி,
அவினயங் வினயோதி தீ³பேதி, வினயங் அவினயோதி தீ³பேதி, வினிதா⁴ய க²ந்திங்
கம்மேன…பே॰… வினிதா⁴ய க²ந்திங் உத்³தே³ஸேன…பே॰… வினிதா⁴ய க²ந்திங்
வோஹரந்தோ…பே॰… வினிதா⁴ய க²ந்திங் அனுஸ்ஸாவனேன…பே॰… வினிதா⁴ய க²ந்திங்
ஸலாகக்³கா³ஹேன – இமேஹி கோ², உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ
ஆபாயிகோ நேரயிகோ கப்பட்டோ² அதேகிச்சோ².

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ
ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ². கதமேஹி பஞ்சஹி?
இது⁴பாலி, பி⁴க்கு² அத⁴ம்மங் த⁴ம்மோதி தீ³பேதி, த⁴ம்மங் அத⁴ம்மோதி தீ³பேதி
அவினயங் வினயோதி தீ³பேதி, வினயங் அவினயோதி தீ³பேதி, வினிதா⁴ய ருசிங்
கம்மேன…பே॰… வினிதா⁴ய ருசிங் உத்³தே³ஸேன…பே॰… வினிதா⁴ய ருசிங்
வோஹரந்தோ…பே॰… வினிதா⁴ய ருசிங் அனுஸ்ஸாவனேன…பே॰… வினிதா⁴ய ருசிங்
ஸலாகக்³கா³ஹேன – இமேஹி கோ² , உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ².

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ². கதமேஹி பஞ்சஹி? இது⁴பாலி ,
பி⁴க்கு² அத⁴ம்மங் த⁴ம்மோதி தீ³பேதி, த⁴ம்மங் அத⁴ம்மோதி தீ³பேதி, அவினயங்
வினயோதி தீ³பேதி, வினயங் அவினயோதி தீ³பேதி, வினிதா⁴ய ஸஞ்ஞங் கம்மேன…பே॰…
வினிதா⁴ய ஸஞ்ஞங் உத்³தே³ஸேன…பே॰… வினிதா⁴ய ஸஞ்ஞங் வோஹரந்தோ…பே॰… வினிதா⁴ய
ஸஞ்ஞங் அனுஸ்ஸாவனேன…பே॰… வினிதா⁴ய ஸஞ்ஞங் ஸலாகக்³கா³ஹேன – இமேஹி கோ²,
உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ²
அதேகிச்சோ²’’தி.

ஸங்க⁴பே⁴த³கவக்³கோ³ நிட்டி²தோ ஏகாத³ஸமோ.

தஸ்ஸுத்³தா³னங் –

வினிதா⁴ய தி³ட்டி²ங் கம்மேன, உத்³தே³ஸே வோஹரேன ச;

அனுஸ்ஸாவனே ஸலாகேன, பஞ்சேதே தி³ட்டி²னிஸ்ஸிதா;

க²ந்திங் ருசிஞ்ச ஸஞ்ஞஞ்ச, தயோ தே பஞ்சதா⁴ நயாதி.

12. து³தியஸங்க⁴பே⁴த³கவக்³கோ³

460.
‘‘கதிஹி நு கோ², ப⁴ந்தே, அங்கே³ஹி ஸமன்னாக³தோ ஸங்க⁴பே⁴த³கோ ந ஆபாயிகோ ந
நேரயிகோ ந கப்பட்டோ² ந அதேகிச்சோ²’’தி? ‘‘பஞ்சஹுபாலி, அங்கே³ஹி ஸமன்னாக³தோ
ஸங்க⁴பே⁴த³கோ ந ஆபாயிகோ ந நேரயிகோ ந கப்பட்டோ² ந அதேகிச்சோ². கதமேஹி
பஞ்சஹி? இது⁴பாலி, பி⁴க்கு² அத⁴ம்மங் த⁴ம்மோதி தீ³பேதி, த⁴ம்மங் அத⁴ம்மோதி
தீ³பேதி , அவினயங் வினயோதி தீ³பேதி, வினயங் அவினயோதி
தீ³பேதி, அவினிதா⁴ய தி³ட்டி²ங் கம்மேன – இமேஹி கோ², உபாலி, பஞ்சஹங்கே³ஹி
ஸமன்னாக³தோ ஸங்க⁴பே⁴த³கோ ந ஆபாயிகோ ந நேரயிகோ ந கப்பட்டோ² ந அதேகிச்சோ².

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ
ஸங்க⁴பே⁴த³கோ ந ஆபாயிகோ ந நேரயிகோ ந கப்பட்டோ² ந அதேகிச்சோ². கதமேஹி
பஞ்சஹி? இது⁴பாலி, பி⁴க்கு² அத⁴ம்மங் த⁴ம்மோதி தீ³பேதி, த⁴ம்மங் அத⁴ம்மோதி
தீ³பேதி, அவினயங் வினயோதி தீ³பேதி, வினயங் அவினயோதி
தீ³பேதி, அவினிதா⁴ய தி³ட்டி²ங் உத்³தே³ஸேன – இமேஹி கோ², உபாலி,
பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ந ஆபாயிகோ ந நேரயிகோ ந கப்பட்டோ² ந
அதேகிச்சோ².

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ
ஸங்க⁴பே⁴த³கோ ந ஆபாயிகோ ந நேரயிகோ ந கப்பட்டோ² ந அதேகிச்சோ². கதமேஹி
பஞ்சஹி? இது⁴பாலி, பி⁴க்கு² அத⁴ம்மங் த⁴ம்மோதி தீ³பேதி, த⁴ம்மங் அத⁴ம்மோதி
தீ³பேதி, அவினயங் வினயோதி தீ³பேதி, வினயங் அவினயோதி தீ³பேதி, அவினிதா⁴ய
தி³ட்டி²ங் வோஹரந்தோ. இமேஹி கோ², உபாலி, பஞ்சஹங்கே³ஹி ஸமன்னாக³தோ
ஸங்க⁴பே⁴த³கோ ந ஆபாயிகோ ந நேரயிகோ ந கப்பட்டோ² ந அதேகிச்சோ².

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ
ஸங்க⁴பே⁴த³கோ ந ஆபாயிகோ ந நேரயிகோ ந கப்பட்டோ² ந அதேகிச்சோ². கதமேஹி
பஞ்சஹி? இது⁴பாலி, பி⁴க்கு² அத⁴ம்மங் த⁴ம்மோதி தீ³பேதி, த⁴ம்மங் அத⁴ம்மோதி
தீ³பேதி, அவினயங் வினயோதி தீ³பேதி, வினயங் அவினயோதி தீ³பேதி, அவினிதா⁴ய தி³ட்டி²ங் அனுஸ்ஸாவனேன – இமேஹி கோ², உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ந ஆபாயிகோ ந நேரயிகோ ந கப்பட்டோ² ந அதேகிச்சோ².

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ
ஸங்க⁴பே⁴த³கோ ந ஆபாயிகோ ந நேரயிகோ ந கப்பட்டோ² ந அதேகிச்சோ². கதமேஹி
பஞ்சஹி? இது⁴பாலி, பி⁴க்கு² அத⁴ம்மங் த⁴ம்மோதி தீ³பேதி, த⁴ம்மங் அத⁴ம்மோதி
தீ³பேதி, அவினயங் வினயோதி தீ³பேதி, வினயங் அவினயோதி தீ³பேதி, அவினிதா⁴ய
தி³ட்டி²ங் ஸலாகக்³கா³ஹேன – இமேஹி கோ², உபாலி, பஞ்சஹங்கே³ஹி ஸமன்னாக³தோ
ஸங்க⁴பே⁴த³கோ ந ஆபாயிகோ ந நேரயிகோ ந கப்பட்டோ² ந அதேகிச்சோ².

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ
ஸங்க⁴பே⁴த³கோ ந ஆபாயிகோ ந நேரயிகோ ந கப்பட்டோ² ந அதேகிச்சோ². கதமேஹி
பஞ்சஹி? இது⁴பாலி, பி⁴க்கு² அத⁴ம்மங் த⁴ம்மோதி தீ³பேதி, த⁴ம்மங் அத⁴ம்மோதி
தீ³பேதி, அவினயங் வினயோதி தீ³பேதி, வினயங் அவினயோதி தீ³பேதி, அவினிதா⁴ய
க²ந்திங் கம்மேன…பே॰… அவினிதா⁴ய க²ந்திங் உத்³தே³ஸேன…பே॰… அவினிதா⁴ய
க²ந்திங் வோஹரந்தோ…பே॰… அவினிதா⁴ய க²ந்திங் அனுஸ்ஸாவனேன…பே॰… அவினிதா⁴ய
க²ந்திங் ஸலாகக்³கா³ஹேன – இமேஹி கோ², உபாலி, பஞ்சஹங்கே³ஹி ஸமன்னாக³தோ
ஸங்க⁴பே⁴த³கோ ந ஆபாயிகோ ந நேரயிகோ ந கப்பட்டோ² ந அதேகிச்சோ².

‘‘அபரேஹிபி , உபாலி,
பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ந ஆபாயிகோ ந நேரயிகோ ந கப்பட்டோ² ந
அதேகிச்சோ². கதமேஹி பஞ்சஹி? இது⁴பாலி, பி⁴க்கு² அத⁴ம்மங் த⁴ம்மோதி தீ³பேதி,
த⁴ம்மங் அத⁴ம்மோதி தீ³பேதி, அவினயங் வினயோதி
தீ³பேதி, வினயங் அவினயோதி தீ³பேதி, அவினிதா⁴ய ருசிங் கம்மேன…பே॰… அவினிதா⁴ய
ருசிங் உத்³தே³ஸேன…பே॰… அவினிதா⁴ய ருசிங் வோஹரந்தோ…பே॰… அவினிதா⁴ய ருசிங்
அனுஸ்ஸாவனேன…பே॰… அவினிதா⁴ய ருசிங் ஸலாகக்³கா³ஹேன – இமேஹி கோ², உபாலி,
பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ந ஆபாயிகோ ந நேரயிகோ ந கப்பட்டோ² ந
அதேகிச்சோ².

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ
ஸங்க⁴பே⁴த³கோ ந ஆபாயிகோ ந நேரயிகோ ந கப்பட்டோ² ந அதேகிச்சோ². கதமேஹி
பஞ்சஹி? இது⁴பாலி, பி⁴க்கு² அத⁴ம்மங் த⁴ம்மோதி தீ³பேதி, த⁴ம்மங் அத⁴ம்மோதி
தீ³பேதி, அவினயங் வினயோதி தீ³பேதி, வினயங் அவினயோதி தீ³பேதி, அவினிதா⁴ய
ஸஞ்ஞங் கம்மேன…பே॰… அவினிதா⁴ய ஸஞ்ஞங் உத்³தே³ஸேன…பே॰… அவினிதா⁴ய ஸஞ்ஞங்
வோஹரந்தோ…பே॰… அவினிதா⁴ய ஸஞ்ஞங் அனுஸ்ஸாவனேன…பே॰… அவினிதா⁴ய ஸஞ்ஞங்
ஸலாகக்³கா³ஹேன – இமேஹி கோ², உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ந ஆபாயிகோ ந நேரயிகோ ந கப்பட்டோ² ந அதேகிச்சோ²’’தி.

து³தியஸங்க⁴பே⁴த³கவக்³கோ³ நிட்டி²தோ த்³வாத³ஸமோ.

தஸ்ஸுத்³தா³னங் –

அவினிதா⁴ய தி³ட்டி²ங் கம்மேன, உத்³தே³ஸே வோஹரேன ச;

அனுஸ்ஸாவனே ஸலாகேன, பஞ்சேதே தி³ட்டி²னிஸ்ஸிதா.

க²ந்திங் ருசிஞ்ச ஸஞ்ஞஞ்ச, தயோ தே பஞ்சதா⁴ நயா.

ஹெட்டி²மே கண்ஹபக்க²ம்ஹி, ஸமவீஸதி விதீ⁴ யதா²;

ததே²வ ஸுக்கபக்க²ம்ஹி, ஸமவீஸதி ஜானதா²தி.

13. ஆவாஸிகவக்³கோ³

461. ‘‘கதிஹி
நு கோ², ப⁴ந்தே, அங்கே³ஹி ஸமன்னாக³தோ ஆவாஸிகோ பி⁴க்கு² யதா²ப⁴தங்
நிக்கி²த்தோ ஏவங் நிரயே’’தி? ‘‘பஞ்சஹுபாலி, அங்கே³ஹி ஸமன்னாக³தோ ஆவாஸிகோ
பி⁴க்கு² யதா²ப⁴தங் நிக்கி²த்தோ ஏவங் நிரயே . கதமேஹி பஞ்சஹி? ச²ந்தா³க³திங் க³ச்ச²தி, தோ³ஸாக³திங்
க³ச்ச²தி, மோஹாக³திங் க³ச்ச²தி, ப⁴யாக³திங் க³ச்ச²தி, ஸங்கி⁴கங்
புக்³க³லிகபரிபோ⁴கே³ன பரிபு⁴ஞ்ஜதி – இமேஹி கோ², உபாலி, பஞ்சஹங்கே³ஹி
ஸமன்னாக³தோ ஆவாஸிகோ பி⁴க்கு² யதா²ப⁴தங் நிக்கி²த்தோ ஏவங் நிரயே.

‘‘பஞ்சஹுபாலி, அங்கே³ஹி ஸமன்னாக³தோ ஆவாஸிகோ பி⁴க்கு²
யதா²ப⁴தங் நிக்கி²த்தோ ஏவங் ஸக்³கே³. கதமேஹி பஞ்சஹி? ந ச²ந்தா³க³திங்
க³ச்ச²தி, ந தோ³ஸாக³திங் க³ச்ச²தி, ந மோஹாக³திங் க³ச்ச²தி, ந ப⁴யாக³திங்
க³ச்ச²தி, ஸங்கி⁴கங் ந புக்³க³லிகபரிபோ⁴கே³ன பரிபு⁴ஞ்ஜதி – இமேஹி கோ²,
உபாலி, பஞ்சஹங்கே³ஹி ஸமன்னாக³தோ ஆவாஸிகோ பி⁴க்கு² யதா²ப⁴தங் நிக்கி²த்தோ
ஏவங் ஸக்³கே³’’தி.

462.
‘‘கதி நு கோ², ப⁴ந்தே, அத⁴ம்மிகா வினயப்³யாகரணா’’தி? ‘‘பஞ்சிமே, உபாலி,
அத⁴ம்மிகா வினயப்³யாகரணா. கதமே பஞ்ச? இது⁴பாலி, பி⁴க்கு² அத⁴ம்மங் த⁴ம்மோதி
பரிணாமேதி, த⁴ம்மங் அத⁴ம்மோதி பரிணாமேதி, அவினயங் வினயோதி பரிணாமேதி,
வினயங் அவினயோதி பரிணாமேதி , அபஞ்ஞத்தங் பஞ்ஞாபேதி,
பஞ்ஞத்தங் ஸமுச்சி²ந்த³தி – இமே கோ², உபாலி, பஞ்ச அத⁴ம்மிகா வினயப்³யாகரணா.
பஞ்சிமே, உபாலி, த⁴ம்மிகா வினயப்³யாகரணா. கதமே பஞ்ச? இது⁴பாலி, பி⁴க்கு²
அத⁴ம்மங் அத⁴ம்மோதி பரிணாமேதி, த⁴ம்மங் த⁴ம்மோதி பரிணாமேதி, அவினயங்
அவினயோதி பரிணாமேதி, வினயங் வினயோதி பரிணாமேதி, அபஞ்ஞத்தங் ந பஞ்ஞபேதி,
பஞ்ஞத்தங் ந ஸமுச்சி²ந்த³தி – இமே கோ², உபாலி, பஞ்ச த⁴ம்மிகா
வினயப்³யாகரணா’’தி.

463. [அ॰ நி॰ 5.272-285]
‘‘கதிஹி நு கோ², ப⁴ந்தே, அங்கே³ஹி ஸமன்னாக³தோ ப⁴த்துத்³தே³ஸகோ யதா²ப⁴தங்
நிக்கி²த்தோ ஏவங் நிரயே’’தி? ‘‘பஞ்சஹுபாலி, அங்கே³ஹி ஸமன்னாக³தோ
ப⁴த்துத்³தே³ஸகோ யதா²ப⁴தங் நிக்கி²த்தோ ஏவங் நிரயே. கதமேஹி பஞ்சஹி?
ச²ந்தா³க³திங் க³ச்ச²தி, தோ³ஸாக³திங் க³ச்ச²தி, மோஹாக³திங் க³ச்ச²தி,
ப⁴யாக³திங் க³ச்ச²தி, உத்³தி³ட்டா²னுத்³தி³ட்ட²ங் ந ஜானாதி – இமேஹி கோ²,
உபாலி, பஞ்சஹங்கே³ஹி ஸமன்னாக³தோ ப⁴த்துத்³தே³ஸகோ யதா²ப⁴தங் நிக்கி²த்தோ
ஏவங் நிரயே.

[அ॰ நி॰ 5.272-285]
‘‘பஞ்சஹுபாலி, அங்கே³ஹி ஸமன்னாக³தோ ப⁴த்துத்³தே³ஸகோ யதா²ப⁴தங் நிக்கி²த்தோ
ஏவங் ஸக்³கே³. கதமேஹி பஞ்சஹி? ந ச²ந்தா³க³திங் க³ச்ச²தி, ந தோ³ஸாக³திங்
க³ச்ச²தி, ந மோஹாக³திங் க³ச்ச²தி, ந ப⁴யாக³திங் க³ச்ச²தி,
உத்³தி³ட்டா²னுத்³தி³ட்ட²ங் ஜானாதி – இமேஹி கோ², உபாலி, பஞ்சஹங்கே³ஹி ஸமன்னாக³தோ ப⁴த்துத்³தே³ஸகோ யதா²ப⁴தங் நிக்கி²த்தோ ஏவங் ஸக்³கே³’’தி.

464.
‘‘கதிஹி நு கோ², ப⁴ந்தே, அங்கே³ஹி ஸமன்னாக³தோ ஸேனாஸனபஞ்ஞாபகோ…பே॰…
ப⁴ண்டா³கா³ரிகோ…பே॰… சீவரபடிக்³கா³ஹகோ…பே॰… சீவரபா⁴ஜகோ…பே॰…
யாகு³பா⁴ஜகோ…பே॰… ப²லபா⁴ஜகோ…பே॰… க²ஜ்ஜபா⁴ஜகோ…பே॰…
அப்பமத்தகவிஸ்ஸஜ்ஜகோ…பே॰… ஸாடியக்³கா³ஹாபகோ…பே॰… பத்தக்³கா³ஹாபகோ…பே॰…
ஆராமிகபேஸகோ…பே॰… ஸாமணேரபேஸகோ யதா²ப⁴தங் நிக்கி²த்தோ ஏவங் நிரயே’’தி?
‘‘பஞ்சஹுபாலி, அங்கே³ஹி ஸமன்னாக³தோ ஸாமணேரபேஸகோ யதா²ப⁴தங் நிக்கி²த்தோ ஏவங்
நிரயே. கதமேஹி பஞ்சஹி? ச²ந்தா³க³திங் க³ச்ச²தி,
தோ³ஸாக³திங் க³ச்ச²தி, மோஹாக³திங் க³ச்ச²தி, ப⁴யாக³திங் க³ச்ச²தி,
பேஸிதாபேஸிதங் ந ஜானாதி – இமேஹி கோ², உபாலி, பஞ்சஹங்கே³ஹி ஸமன்னாக³தோ
ஸாமணேரபேஸகோ யதா²ப⁴தங் நிக்கி²த்தோ ஏவங் நிரயே. பஞ்சஹுபாலி, அங்கே³ஹி
ஸமன்னாக³தோ ஸாமணேரபேஸகோ யதா²ப⁴தங் நிக்கி²த்தோ ஏவங் ஸக்³கே³. கதமேஹி
பஞ்சஹி? ந ச²ந்தா³க³திங் க³ச்ச²தி, ந தோ³ஸாக³திங் க³ச்ச²தி, ந மோஹாக³திங்
க³ச்ச²தி, ந ப⁴யாக³திங் க³ச்ச²தி, பேஸிதாபேஸிதங் ஜானாதி – இமேஹி கோ²,
உபாலி, பஞ்சஹங்கே³ஹி ஸமன்னாக³தோ ஸாமணேரபேஸகோ யதா²ப⁴தங் நிக்கி²த்தோ ஏவங்
ஸக்³கே³’’தி.

ஆவாஸிகவக்³கோ³ நிட்டி²தோ தேரஸமோ.

தஸ்ஸுத்³தா³னங் –

ஆவாஸிகப்³யாகரணா , ப⁴த்துஸேனாஸனானி ச;

ப⁴ண்ட³சீவரக்³கா³ஹோ ச, சீவரஸ்ஸ ச பா⁴ஜகோ.

யாகு³ ப²லங் க²ஜ்ஜகஞ்ச, அப்பஸாடியகா³ஹகோ;

பத்தோ ஆராமிகோ சேவ, ஸாமணேரேன பேஸகோதி.

14. கதி²னத்தா²ரவக்³கோ³

465.
‘‘கதி நு கோ², ப⁴ந்தே, ஆனிஸங்ஸா கதி²னத்தா²ரே’’தி? ‘‘பஞ்சிமே, உபாலி,
ஆனிஸங்ஸா கதி²னத்தா²ரே. கதமே பஞ்ச? அனாமந்தசாரோ, அஸமாதா³னசாரோ, க³ணபோ⁴ஜனங்,
யாவத³த்த²சீவரங், யோ ச தத்த² சீவருப்பாதோ³ ஸோ நேஸங் ப⁴விஸ்ஸதி – இமே கோ², உபாலி, பஞ்ச ஆனிஸங்ஸா கதி²னத்தா²ரே’’தி.

466. ‘‘கதி நு கோ², ப⁴ந்தே, ஆதீ³னவா முட்ட²ஸ்ஸதிஸ்ஸ அஸம்பஜானஸ்ஸ நித்³த³ங்
ஓக்கமதோ’’தி? ‘‘பஞ்சிமே, உபாலி, ஆதீ³னவா முட்ட²ஸ்ஸதிஸ்ஸ அஸம்பஜானஸ்ஸ
நித்³த³ங் ஓக்கமதோ. கதமே பஞ்ச? து³க்க²ங் ஸுபதி, து³க்க²ங் படிபு³ஜ்ஜ²தி,
பாபகங் ஸுபினங் பஸ்ஸதி, தே³வதா ந ரக்க²ந்தி, அஸுசி முச்சதி – இமே கோ²,
உபாலி, பஞ்ச ஆதீ³னவா முட்ட²ஸ்ஸதிஸ்ஸ அஸம்பஜானஸ்ஸ நித்³த³ங் ஓக்கமதோ.
பஞ்சிமே, உபாலி, ஆனிஸங்ஸா உபட்டி²தஸ்ஸதிஸ்ஸ ஸம்பஜானஸ்ஸ நித்³த³ங் ஓக்கமதோ.
கதமே பஞ்ச? ஸுக²ங் ஸுபதி, ஸுக²ங் படிபு³ஜ்ஜ²தி, ந பாபகங் ஸுபினங் பஸ்ஸதி,
தே³வதா ரக்க²ந்தி, அஸுசி ந முச்சதி – இமே கோ², உபாலி, பஞ்ச ஆனிஸங்ஸா
உபட்டி²தஸ்ஸதிஸ்ஸ ஸம்பஜானஸ்ஸ நித்³த³ங் ஓக்கமதோ’’தி.

467.
‘‘கதி நு கோ², ப⁴ந்தே, அவந்தி³யா’’தி? ‘‘பஞ்சிமே, உபாலி, அவந்தி³யா. கதமே
பஞ்ச? அந்தரக⁴ரங் பவிட்டோ² அவந்தி³யோ, ரச்ச²க³தோ அவந்தி³யோ, ஓதமஸிகோ
அவந்தி³யோ, அஸமன்னாஹரந்தோ அவந்தி³யோ, ஸுத்தோ அவந்தி³யோ – இமே கோ², உபாலி,
பஞ்ச அவந்தி³யா.

‘‘அபரேபி, உபாலி, பஞ்ச அவந்தி³யா. கதமே பஞ்ச?
யாகு³பானே அவந்தி³யோ, ப⁴த்தக்³கே³ அவந்தி³யோ, ஏகாவத்தோ அவந்தி³யோ,
அஞ்ஞவிஹிதோ அவந்தி³யோ, நக்³கோ³ அவந்தி³யோ – இமே கோ², உபாலி, பஞ்ச
அவந்தி³யா.

‘‘அபரேபி , உபாலி, பஞ்ச
அவந்தி³யா. கதமே பஞ்ச? கா²த³ந்தோ அவந்தி³யோ, பு⁴ஞ்ஜந்தோ அவந்தி³யோ,
உச்சாரங் கரொந்தோ அவந்தி³யோ, பஸ்ஸாவங் கரொந்தோ அவந்தி³யோ, உக்கி²த்தகோ
அவந்தி³யோ – இமே கோ², உபாலி, பஞ்ச அவந்தி³யா.

‘‘அபரேபி, உபாலி, பஞ்ச அவந்தி³யா .
கதமே பஞ்ச? புரே உபஸம்பன்னேன பச்சா² உபஸம்பன்னோ அவந்தி³யோ, அனுபஸம்பன்னோ
அவந்தி³யோ, நானாஸங்வாஸகோ வுட்³ட⁴தரோ அத⁴ம்மவாதீ³ அவந்தி³யோ, மாதுகா³மோ
அவந்தி³யோ, பண்ட³கோ அவந்தி³யோ – இமே கோ², உபாலி, பஞ்ச அவந்தி³யா.

‘‘அபரேபி, உபாலி, பஞ்ச அவந்தி³யா. கதமே பஞ்ச?
பாரிவாஸிகோ அவந்தி³யோ, மூலாயபடிகஸ்ஸனாரஹோ அவந்தி³யோ, மானத்தாரஹோ அவந்தி³யோ,
மானத்தசாரிகோ அவந்தி³யோ, அப்³பா⁴னாரஹோ அவந்தி³யோ – இமே கோ², உபாலி, பஞ்ச
அவந்தி³யா’’தி.

468. ‘‘கதி
நு கோ², ப⁴ந்தே, வந்தி³யா’’தி? ‘‘பஞ்சிமே, உபாலி, வந்தி³யா. கதமே பஞ்ச?
பச்சா² உபஸம்பன்னேன புரே உபஸம்பன்னோ வந்தி³யோ, நானாஸங்வாஸகோ வுட்³ட⁴தரோ
த⁴ம்மவாதீ³ வந்தி³யோ, ஆசரியோ வந்தி³யோ, உபஜ்ஜா²யோ வந்தி³யோ, ஸதே³வகே லோகே
ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய ததா²க³தோ அரஹங்
ஸம்மாஸம்பு³த்³தோ⁴ வந்தி³யோ – இமே கோ², உபாலி, பஞ்ச வந்தி³யா’’தி.

469.
‘‘நவகதரேன, ப⁴ந்தே, பி⁴க்கு²னா வுட்³ட⁴தரஸ்ஸ பி⁴க்கு²னோ பாதே³ வந்த³ந்தேன
கதி த⁴ம்மே அஜ்ஜ²த்தங் உபட்டா²பெத்வா பாதா³ வந்தி³தப்³பா³’’தி?
‘‘நவகதரேனுபாலி, பி⁴க்கு²னா வுட்³ட⁴தரஸ்ஸ பி⁴க்கு²னோ பாதே³ வந்த³ந்தேன பஞ்ச
த⁴ம்மே அஜ்ஜ²த்தங் உபட்டா²பெத்வா பாதா³ வந்தி³தப்³பா³. கதமே பஞ்ச?
நவகதரேனுபாலி, பி⁴க்கு²னா வுட்³ட⁴தரஸ்ஸ பி⁴க்கு²னோ பாதே³ வந்த³ந்தேன
ஏகங்ஸங் உத்தராஸங்க³ங் கரித்வா, அஞ்ஜலிங் பக்³க³ஹெத்வா ,
உபோ⁴ஹி பாணிதலேஹி பாதா³னி பரிஸம்பா³ஹந்தேன, பேமஞ்ச கா³ரவஞ்ச உபட்டா²பெத்வா
பாதா³ வந்தி³தப்³பா³ – நவகதரேனுபாலி பி⁴க்கு²னா வுட்³ட⁴தரஸ்ஸ பி⁴க்கு²னோ
பாதே³ வந்த³ந்தேன இமே பஞ்ச த⁴ம்மே அஜ்ஜ²த்தங் உபட்டா²பெத்வா பாதா³
வந்தி³தப்³பா³’’தி.

கதி²னத்தா²ரவக்³கோ³ நிட்டி²தோ சுத்³த³ஸமோ.

தஸ்ஸுத்³தா³னங் –

கதி²னத்தா²ரனித்³தா³ ச, அந்தரா யாகு³கா²த³னே;

புரே ச பாரிவாஸி ச, வந்தி³யோ வந்தி³தப்³ப³கந்தி.

உபாலிபஞ்சகங் நிட்டி²தங்.

தேஸங் வக்³கா³னங் உத்³தா³னங்

அனிஸ்ஸிதேன கம்மஞ்ச, வோஹாராவிகம்மேன ச;

சோத³னா ச து⁴தங்கா³ ச, முஸா பி⁴க்கு²னிமேவ ச.

உப்³பா³ஹிகாதி⁴கரணங், பே⁴த³கா பஞ்சமா புரே;

ஆவாஸிகா கதி²னஞ்ச, சுத்³த³ஸா ஸுப்பகாஸிதாதி.

____________________________________________________________________________________________________________

The deepest swimming pool in the world located in Brussels. It is called Nemo33. Its maximum depth is 34.5 meters (113 ft). It was built in2004 specifically to train divers.
Nemo 33 - The Most Deep Pool In The World (10 Photos)Nemo 33 - The Most Deep Pool In The World (10 Photos)Nemo 33 - The Most Deep Pool In The World (10 Photos)Nemo 33 - The Most Deep Pool In The World (10 Photos)Nemo 33 - The Most Deep Pool In The World (10 Photos)Nemo 33 - The Most Deep Pool In The World (10 Photos)Nemo 33 - The Most Deep Pool In The World (10 Photos)Nemo 33 - The Most Deep Pool In The World (10 Photos)Nemo 33 - The Most Deep Pool In The World (10 Photos)Nemo 33 - The Most Deep Pool In The World (10 Photos)

comments (0)