211.
தேன கோ² பன ஸமயேன மனுஸ்ஸா சீவரதா³னஸமயே ஸசீவரப⁴த்தங் படியாதெ³த்வா
பி⁴க்கூ² நிமந்தெந்தி – ‘‘போ⁴ஜெத்வா சீவரேன அச்சா²தெ³ஸ்ஸாமா’’தி. பி⁴க்கூ²
குக்குச்சாயந்தா நாதி⁴வாஸெந்தி – ‘‘படிக்கி²த்தங் ப⁴க³வதா க³ணபோ⁴ஜன’’ந்தி.
சீவரங் பரித்தங் உப்பஜ்ஜதி. பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰…
அனுஜானாமி, பி⁴க்க²வே, சீவரதா³னஸமயே க³ணபோ⁴ஜனங் பு⁴ஞ்ஜிதுங். ஏவஞ்ச பன,
பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
‘‘க³ணபோ⁴ஜனே, அஞ்ஞத்ர ஸமயா, பாசித்தியங். தத்தா²யங் ஸமயோ. கி³லானஸமயோ, சீவரதா³னஸமயோ – அயங் தத்த² ஸமயோ’’தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
212.
தேன கோ² பன ஸமயேன மனுஸ்ஸா சீவரகாரகே பி⁴க்கூ² ப⁴த்தேன நிமந்தெந்தி.
பி⁴க்கூ² குக்குச்சாயந்தா நாதி⁴வாஸெந்தி – ‘‘படிக்கி²த்தங் ப⁴க³வதா க³ணபோ⁴ஜன’’ந்தி .
ப⁴க³வதோ ஏதமத்த²ங் ஆரோசேஸுங்…பே॰… அனுஜானாமி, பி⁴க்க²வே, சீவரகாரஸமயே
க³ணபோ⁴ஜனங் பு⁴ஞ்ஜிதுங். ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –
‘‘க³ணபோ⁴ஜனே, அஞ்ஞத்ர ஸமயா, பாசித்தியங். தத்தா²யங் ஸமயோ. கி³லானஸமயோ, சீவரதா³னஸமயோ, சீவரகாரஸமயோ – அயங் தத்த² ஸமயோ’’தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
213. தேன கோ² பன ஸமயேன பி⁴க்கூ² மனுஸ்ஸேஹி ஸத்³தி⁴ங் அத்³தா⁴னங் க³ச்ச²ந்தி. அத² கோ²
தே பி⁴க்கூ² தே மனுஸ்ஸே ஏதத³வோசுங் – ‘‘முஹுத்தங், ஆவுஸோ, ஆக³மேத²;
பிண்டா³ய சரிஸ்ஸாமா’’தி. தே ஏவமாஹங்ஸு – ‘‘இதே⁴வ, ப⁴ந்தே, பு⁴ஞ்ஜதா²’’தி.
பி⁴க்கூ² குக்குச்சாயந்தா ந படிக்³க³ண்ஹந்தி – ‘‘படிக்கி²த்தங் ப⁴க³வதா
க³ணபோ⁴ஜன’’ந்தி. ப⁴க³வதோ ஏதமத்த²ங் ஆரோசேஸுங்…பே॰… அனுஜானாமி, பி⁴க்க²வே,
அத்³தா⁴னக³மனஸமயே க³ணபோ⁴ஜனங் பு⁴ஞ்ஜிதுங். ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –
‘‘க³ணபோ⁴ஜனே, அஞ்ஞத்ர ஸமயா,
பாசித்தியங். தத்தா²யங் ஸமயோ. கி³லானஸமயோ, சீவரதா³னஸமயோ, சீவரகாரஸமயோ,
அத்³தா⁴னக³மனஸமயோ – அயங் தத்த² ஸமயோ’’தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
214.
தேன கோ² பன ஸமயேன பி⁴க்கூ² மனுஸ்ஸேஹி ஸத்³தி⁴ங் நாவாய க³ச்ச²ந்தி. அத² கோ²
தே பி⁴க்கூ² தே மனுஸ்ஸே ஏதத³வோசுங் – ‘‘முஹுத்தங், ஆவுஸோ, தீரங் உபனேத²;
பிண்டா³ய சரிஸ்ஸாமா’’தி. தே ஏவமாஹங்ஸு – ‘‘இதே⁴வ,
ப⁴ந்தே, பு⁴ஞ்ஜதா²’’தி. பி⁴க்கூ² குக்குச்சாயந்தா ந படிக்³க³ண்ஹந்தி –
‘‘படிக்கி²த்தங் ப⁴க³வதா க³ணபோ⁴ஜன’’ந்தி. ப⁴க³வதோ ஏதமத்த²ங் ஆரோசேஸுங்…பே॰…
அனுஜானாமி, பி⁴க்க²வே, நாவாபி⁴ருஹனஸமயே க³ணபோ⁴ஜனங் பு⁴ஞ்ஜிதுங். ஏவஞ்ச பன,
பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
‘‘க³ணபோ⁴ஜனே, அஞ்ஞத்ர ஸமயா,
பாசித்தியங். தத்தா²யங் ஸமயோ. கி³லானஸமயோ, சீவரதா³னஸமயோ, சீவரகாரஸமயோ,
அத்³தா⁴னக³மனஸமயோ, நாவாபி⁴ருஹனஸமயோ – அயங் தத்த² ஸமயோ’’தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
215. தேன 0
கோ² பன ஸமயேன தி³ஸாஸு வஸ்ஸங்வுட்டா² பி⁴க்கூ² ராஜக³ஹங் ஆக³ச்ச²ந்தி
ப⁴க³வந்தங் த³ஸ்ஸனாய. மனுஸ்ஸா நானாவேரஜ்ஜகே பி⁴க்கூ² பஸ்ஸித்வா ப⁴த்தேன
நிமந்தெந்தி. பி⁴க்கூ² குக்குச்சாயந்தா நாதி⁴வாஸெந்தி – ‘‘படிக்கி²த்தங்
ப⁴க³வதா க³ணபோ⁴ஜன’’ந்தி. ப⁴க³வதோ ஏதமத்த²ங் ஆரோசேஸுங்…பே॰… அனுஜானாமி,
பி⁴க்க²வே, மஹாஸமயே க³ணபோ⁴ஜனங் பு⁴ஞ்ஜிதுங். ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –
‘‘க³ணபோ⁴ஜனே ,
அஞ்ஞத்ர ஸமயா, பாசித்தியங். தத்தா²யங் ஸமயோ. கி³லானஸமயோ, சீவரதா³னஸமயோ,
சீவரகாரஸமயோ, அத்³தா⁴னக³மனஸமயோ, நாவாபி⁴ருஹனஸமயோ, மஹாஸமயோ – அயங் தத்த²
ஸமயோ’’தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
216. தேன கோ² பன ஸமயேன ரஞ்ஞோ மாக³த⁴ஸ்ஸ ஸேனியஸ்ஸ பி³ம்பி³ஸாரஸ்ஸ ஞாதிஸாலோஹிதோ ஆஜீவகேஸு பப்³ப³ஜிதோ ஹோதி. அத² கோ² ஸோ
ஆஜீவகோ யேன ராஜா மாக³தோ⁴ ஸேனியோ பி³ம்பி³ஸாரோ தேனுபஸங்கமி; உபஸங்கமித்வா
ராஜானங் மாக³த⁴ங் ஸேனியங் பி³ம்பி³ஸாரங் ஏதத³வோச – ‘‘இச்சா²மஹங், மஹாராஜ,
ஸப்³ப³பாஸண்டி³கப⁴த்தங் காது’’ந்தி. ‘‘ஸசே த்வங், ப⁴ந்தே,
பு³த்³த⁴ப்பமுக²ங் பி⁴க்கு²ஸங்க⁴ங் பட²மங் போ⁴ஜெய்யாஸி’’. ‘‘ஏவங்
கரெய்யாமீ’’தி. அத² கோ² ஸோ ஆஜீவகோ பி⁴க்கூ²னங் ஸந்திகே தூ³தங் பாஹேஸி –
‘‘அதி⁴வாஸெந்து மே பி⁴க்கூ² ஸ்வாதனாய ப⁴த்த’’ந்தி. பி⁴க்கூ²
குக்குச்சாயந்தா நாதி⁴வாஸெந்தி – ‘‘படிக்கி²த்தங் ப⁴க³வதா க³ணபோ⁴ஜன’’ந்தி.
அத² கோ² ஸோ ஆஜீவகோ யேன ப⁴க³வா தேனுபஸங்கமி; உபஸங்கமித்வா ப⁴க³வதா ஸத்³தி⁴ங்
ஸம்மோதி³, ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் அட்டா²ஸி.
ஏகமந்தங் டி²தோ கோ² ஸோ ஆஜீவகோ ப⁴க³வந்தங் ஏதத³வோச – ‘‘ப⁴வம்பி கோ³தமோ
பப்³ப³ஜிதோ, அஹம்பி பப்³ப³ஜிதோ; அரஹதி பப்³ப³ஜிதோ பப்³ப³ஜிதஸ்ஸ பிண்ட³ங்
படிக்³க³ஹேதுங். அதி⁴வாஸேது மே ப⁴வங் கோ³தமோ ஸ்வாதனாய ப⁴த்தங் ஸத்³தி⁴ங்
பி⁴க்கு²ஸங்கே⁴னா’’தி. அதி⁴வாஸேஸி ப⁴க³வா துண்ஹீபா⁴வேன. அத² கோ² ஸோ ஆஜீவகோ
ப⁴க³வதோ அதி⁴வாஸனங் விதி³த்வா பக்காமி. அத² கோ² ப⁴க³வா ஏதஸ்மிங் நிதா³னே
ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி,
பி⁴க்க²வே, ஸமணப⁴த்தஸமயே க³ணபோ⁴ஜனங் பு⁴ஞ்ஜிதுங். ஏவஞ்ச பன, பி⁴க்க²வே,
இமங் ஸிக்கா²பத³ங் உத்³தி³ஸெய்யாத² –
217. க³ணபோ⁴ஜனே ,
அஞ்ஞத்ர ஸமயா, பாசித்தியங். தத்தா²யங் ஸமயோ. கி³லானஸமயோ, சீவரதா³னஸமயோ,
சீவரகாரஸமயோ, அத்³தா⁴னக³மனஸமயோ, நாவாபி⁴ருஹனஸமயோ, மஹாஸமயோ, ஸமணப⁴த்தஸமயோ –
அயங் தத்த² ஸமயோ’’தி.
218. க³ணபோ⁴ஜனங் நாம யத்த² சத்தாரோ பி⁴க்கூ² பஞ்சன்னங் போ⁴ஜனானங் அஞ்ஞதரேன போ⁴ஜனேன நிமந்திதா பு⁴ஞ்ஜந்தி. ஏதங் க³ணபோ⁴ஜனங் நாம.
அஞ்ஞத்ர ஸமயாதி ட²பெத்வா ஸமயங்.
கி³லானஸமயோ நாம அந்தமஸோ பாதா³பி ப²லிதா [பா²லிதா (ஸ்யா॰ க॰)] ஹொந்தி. ‘‘கி³லானஸமயோ’’தி பு⁴ஞ்ஜிதப்³ப³ங்.
சீவரதா³னஸமயோ நாம அனத்த²தே கதி²னே வஸ்ஸானஸ்ஸ பச்சி²மோ மாஸோ, அத்த²தே கதி²னே பஞ்சமாஸா. ‘‘சீவரதா³னஸமயோ’’தி பு⁴ஞ்ஜிதப்³ப³ங்.
சீவரகாரஸமயோ நாம சீவரே கயிரமானே. ‘‘சீவரகாரஸமயோ’’தி பு⁴ஞ்ஜிதப்³ப³ங்.
அத்³தா⁴னக³மனஸமயோ நாம ‘‘அத்³த⁴யோஜனங் க³ச்சி²ஸ்ஸாமீ’’தி பு⁴ஞ்ஜிதப்³ப³ங், க³ச்ச²ந்தேன பு⁴ஞ்ஜிதப்³ப³ங், க³தேன பு⁴ஞ்ஜிதப்³ப³ங்.
நாவாபி⁴ருஹனஸமயோ நாம ‘‘நாவங் அபி⁴ருஹிஸ்ஸாமீ’’தி பு⁴ஞ்ஜிதப்³ப³ங், ஆருள்ஹேன பு⁴ஞ்ஜிதப்³ப³ங், ஓருள்ஹேன பு⁴ஞ்ஜிதப்³ப³ங்.
மஹாஸமயோ நாம யத்த² த்³வே தயோ பி⁴க்கூ² பிண்டா³ய சரித்வா யாபெந்தி, சதுத்தே² ஆக³தே ந யாபெந்தி. ‘‘மஹாஸமயோ’’தி பு⁴ஞ்ஜிதப்³ப³ங்.
ஸமணப⁴த்தஸமயோ நாம யோ கோசி பரிப்³பா³ஜகஸமாபன்னோ ப⁴த்தங் கரோதி. ‘‘ஸமணப⁴த்தஸமயோ’’தி பு⁴ஞ்ஜிதப்³ப³ங்.
‘‘அஞ்ஞத்ர ஸமயா பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி பாசித்தியஸ்ஸ.
219.
க³ணபோ⁴ஜனே க³ணபோ⁴ஜனஸஞ்ஞீ, அஞ்ஞத்ர ஸமயா, பு⁴ஞ்ஜதி, ஆபத்தி பாசித்தியஸ்ஸ.
க³ணபோ⁴ஜனே வேமதிகோ, அஞ்ஞத்ர ஸமயா, பு⁴ஞ்ஜதி, ஆபத்தி பாசித்தியஸ்ஸ.
க³ணபோ⁴ஜனே நக³ணபோ⁴ஜனஸஞ்ஞீ, அஞ்ஞத்ர ஸமயா, பு⁴ஞ்ஜதி, ஆபத்தி பாசித்தியஸ்ஸ.
நக³ணபோ⁴ஜனே க³ணபோ⁴ஜனஸஞ்ஞீ , ஆபத்தி து³க்கடஸ்ஸ. நக³ணபோ⁴ஜனே வேமதிகோ, ஆபத்தி து³க்கடஸ்ஸ. நக³ணபோ⁴ஜனே நக³ணபோ⁴ஜனஸஞ்ஞீ, அனாபத்தி.
220. அனாபத்தி
ஸமயே, த்³வே தயோ ஏகதோ பு⁴ஞ்ஜந்தி, பிண்டா³ய சரித்வா ஏகதோ ஸன்னிபதித்வா
பு⁴ஞ்ஜந்தி, நிச்சப⁴த்தங், ஸலாகப⁴த்தங், பக்கி²கங், உபோஸதி²கங்,
பாடிபதி³கங், பஞ்ச போ⁴ஜனானி ட²பெத்வா ஸப்³ப³த்த² அனாபத்தி, உம்மத்தகஸ்ஸ,
ஆதி³கம்மிகஸ்ஸாதி.
க³ணபோ⁴ஜனஸிக்கா²பத³ங் நிட்டி²தங் து³தியங்.
3. பரம்பரபோ⁴ஜனஸிக்கா²பத³ங்
221. தேன
ஸமயேன பு³த்³தோ⁴ ப⁴க³வா வேஸாலியங் விஹரதி மஹாவனே கூடாகா³ரஸாலாயங். தேன கோ²
பன ஸமயேன வேஸாலியங் பணீதானங் ப⁴த்தானங் ப⁴த்தபடிபாடி அதி⁴ட்டி²தா ஹோதி.
அத² கோ² அஞ்ஞதரஸ்ஸ த³லித்³த³ஸ்ஸ கம்மகாரஸ்ஸ [கம்மகரஸ்ஸ (ஸீ॰)]
ஏதத³ஹோஸி – ‘‘ந கோ² இத³ங் ஓரகங் ப⁴விஸ்ஸதி யத²யிமே மனுஸ்ஸா ஸக்கச்சங்
ப⁴த்தங் கரொந்தி; யங்னூனாஹம்பி ப⁴த்தங் கரெய்ய’’ந்தி. அத² கோ² ஸோ
த³லித்³தோ³ கம்மகாரோ யேன கிரபதிகோ தேனுபஸங்கமி; உபஸங்கமித்வா தங் கிரபதிகங்
ஏதத³வோச – ‘‘இச்சா²மஹங், அய்யபுத்த, பு³த்³த⁴ப்பமுக²ஸ்ஸ
பி⁴க்கு²ஸங்க⁴ஸ்ஸ ப⁴த்தங் காதுங். தே³ஹி மே வேதன’’ந்தி. ஸோபி கோ² கிரபதிகோ
ஸத்³தோ⁴ ஹோதி பஸன்னோ. அத² கோ² ஸோ கிரபதிகோ தஸ்ஸ த³லித்³த³ஸ்ஸ கம்மகாரஸ்ஸ
அப்³பா⁴திரேகங் [அதிரேகங் (ஸ்யா॰)] வேதனங்
அதா³ஸி. அத² கோ² ஸோ த³லித்³தோ³ கம்மகாரோ யேன ப⁴க³வா தேனுபஸங்கமி;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னோ கோ² ஸோ த³லித்³தோ³ கம்மகாரோ ப⁴க³வந்தங் ஏதத³வோச – ‘‘அதி⁴வாஸேது
மே, ப⁴ந்தே, ப⁴க³வா ஸ்வாதனாய ப⁴த்தங் ஸத்³தி⁴ங் பி⁴க்கு²ஸங்கே⁴னா’’தி.
‘‘மஹா கோ², ஆவுஸோ, பி⁴க்கு²ஸங்கோ⁴. ஜானாஹீ’’தி. ‘‘ஹோது [ஹோது மே (க॰)] ப⁴ந்தே, மஹா பி⁴க்கு²ஸங்கோ⁴. ப³ஹூ மே ப³த³ரா படியத்தா ப³த³ரமிஸ்ஸேன பெய்யா பரிபூரிஸ்ஸந்தீ’’தி. அதி⁴வாஸேஸி ப⁴க³வா துண்ஹீபா⁴வேன.
அத² கோ² ஸோ த³லித்³தோ³ கம்மகாரோ ப⁴க³வதோ
அதி⁴வாஸனங் விதி³த்வா உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங்
கத்வா பக்காமி. அஸ்ஸோஸுங் கோ² பி⁴க்கூ² – ‘‘த³லித்³தே³ன கிர கம்மகாரேன
ஸ்வாதனாய பு³த்³த⁴ப்பமுகோ² பி⁴க்கு²ஸங்கோ⁴ நிமந்திதோ, ப³த³ரமிஸ்ஸேன பெய்யா
பரிபூரிஸ்ஸந்தீ’’தி. தே காலஸ்ஸேவ பிண்டா³ய சரித்வா பு⁴ஞ்ஜிங்ஸு. அஸ்ஸோஸுங்
கோ² மனுஸ்ஸா – ‘‘த³லித்³தே³ன கிர கம்மகாரேன பு³த்³த⁴ப்பமுகோ²
பி⁴க்கு²ஸங்கோ⁴ நிமந்திதோ’’தி. தே த³லித்³த³ஸ்ஸ கம்மகாரஸ்ஸ பஹூதங்
கா²த³னீயங் போ⁴ஜனீயங் அபி⁴ஹரிங்ஸு. அத² கோ² ஸோ த³லித்³தோ³ கம்மகாரோ தஸ்ஸா
ரத்தியா அச்சயேன பணீதங் கா²த³னீயங் போ⁴ஜனீயங் படியாதா³பெத்வா ப⁴க³வதோ காலங்
ஆரோசாபேஸி – ‘‘காலோ, ப⁴ந்தே, நிட்டி²தங் ப⁴த்த’’ந்தி.
அத² கோ² ப⁴க³வா
புப்³ப³ண்ஹஸமயங் நிவாஸெத்வா பத்தசீவரமாதா³ய யேன தஸ்ஸ த³லித்³த³ஸ்ஸ
கம்மகாரஸ்ஸ நிவேஸனங் தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³
ஸத்³தி⁴ங் பி⁴க்கு²ஸங்கே⁴ன. அத² கோ² ஸோ த³லித்³தோ³ கம்மகாரோ ப⁴த்தக்³கே³
பி⁴க்கூ² பரிவிஸதி. பி⁴க்கூ² ஏவமாஹங்ஸு – ‘‘தோ²கங், ஆவுஸோ, தே³ஹி. தோ²கங்,
ஆவுஸோ, தே³ஹீ’’தி. ‘‘மா கோ² தும்ஹே, ப⁴ந்தே, ‘அயங் த³லித்³தோ³ கம்மகாரோ’தி
தோ²கங் தோ²கங் படிக்³க³ண்ஹித்த². பஹூதங் மே கா²த³னீயங் போ⁴ஜனீயங்
படியத்தங்.
படிக்³க³ண்ஹத², ப⁴ந்தே, யாவத³த்த²’’ந்தி. ‘‘ந கோ²
மயங், ஆவுஸோ, ஏதங்காரணா தோ²கங் தோ²கங் படிக்³க³ண்ஹாம. அபிச, மயங் காலஸ்ஸேவ
பிண்டா³ய சரித்வா பு⁴ஞ்ஜிம்ஹா; தேன மயங் தோ²கங் தோ²கங் படிக்³க³ண்ஹாமா’’தி.
அத² கோ² ஸோ த³லித்³தோ³ கம்மகாரோ உஜ்ஜா²யதி கி²ய்யதி விபாசேதி – ‘‘கத²ஞ்ஹி நாம
ப⁴த³ந்தா மயா நிமந்திதா அஞ்ஞத்ர பு⁴ஞ்ஜிஸ்ஸந்தி! ந சாஹங் படிப³லோ
யாவத³த்த²ங் தா³து’’ந்தி? அஸ்ஸோஸுங் கோ² பி⁴க்கூ² தஸ்ஸ த³லித்³த³ஸ்ஸ
கம்மகாரஸ்ஸ உஜ்ஜா²யந்தஸ்ஸ கி²ய்யந்தஸ்ஸ
விபாசெந்தஸ்ஸ. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பி⁴க்கூ² அஞ்ஞத்ர நிமந்திதா அஞ்ஞத்ர
பு⁴ஞ்ஜிஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கூ² அஞ்ஞத்ர
நிமந்திதா அஞ்ஞத்ர பு⁴ஞ்ஜந்தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம தே, பி⁴க்க²வே, மோக⁴புரிஸா அஞ்ஞத்ர நிமந்திதா
அஞ்ஞத்ர பு⁴ஞ்ஜிஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰…
ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
‘‘பரம்பரபோ⁴ஜனே பாசித்திய’’ந்தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
222.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. அஞ்ஞதரோ பி⁴க்கு²
பிண்ட³பாதங் ஆதா³ய யேன ஸோ பி⁴க்கு² தேனுபஸங்கமி; உபஸங்கமித்வா தங்
பி⁴க்கு²ங் ஏதத³வோச – ‘‘பு⁴ஞ்ஜாஹி, ஆவுஸோ’’தி. ‘‘அலங், ஆவுஸோ, அத்தி² மே
ப⁴த்தபச்சாஸா’’தி. தஸ்ஸ பி⁴க்கு²னோ பிண்ட³பாதோ உஸ்ஸூரே [உஸ்ஸூரேன (க॰)]
ஆஹரீயித்த². ஸோ பி⁴க்கு² ந சித்தரூபங் பு⁴ஞ்ஜி. ப⁴க³வதோ ஏதமத்த²ங்
ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங்
கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, கி³லானேன பி⁴க்கு²னா
பரம்பரபோ⁴ஜனங் பு⁴ஞ்ஜிதுங். ஏவஞ்ச பன , பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
‘‘பரம்பரபோ⁴ஜனே, அஞ்ஞத்ர ஸமயா, பாசித்தியங். தத்தா²யங் ஸமயோ. கி³லானஸமயோ – அயங் தத்த² ஸமயோ’’தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
223. தேன கோ² பன ஸமயேன மனுஸ்ஸா சீவரதா³னஸமயே ஸசீவரப⁴த்தங் படியாதெ³த்வா [படியாதா³பெத்வா (இதிபி)]
பி⁴க்கூ² நிமந்தெந்தி – ‘‘போ⁴ஜெத்வா சீவரேன அச்சா²தெ³ஸ்ஸாமா’’தி. பி⁴க்கூ²
குக்குச்சாயந்தா நாதி⁴வாஸெந்தி – ‘‘படிக்கி²த்தங் ப⁴க³வதா
பரம்பரபோ⁴ஜன’’ந்தி. சீவரங் பரித்தங் உப்பஜ்ஜதி. ப⁴க³வதோ ஏதமத்த²ங்
ஆரோசேஸுங்…பே॰… அனுஜானாமி, பி⁴க்க²வே, சீவரதா³னஸமயே பரம்பரபோ⁴ஜனங்
பு⁴ஞ்ஜிதுங். ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
‘‘பரம்பரபோ⁴ஜனே, அஞ்ஞத்ர ஸமயா, பாசித்தியங். தத்தா²யங் ஸமயோ. கி³லானஸமயோ, சீவரதா³னஸமயோ – அயங் தத்த² ஸமயோ’’தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
224.
தேன கோ² பன ஸமயேன மனுஸ்ஸா சீவரகாரகே பி⁴க்கூ² ப⁴த்தேன நிமந்தெந்தி.
பி⁴க்கூ² குக்குச்சாயந்தா நாதி⁴வாஸெந்தி – ‘‘படிக்கி²த்தங் ப⁴க³வதா
பரம்பரபோ⁴ஜன’’ந்தி. ப⁴க³வதோ ஏதமத்த²ங் ஆரோசேஸுங்…பே॰… அனுஜானாமி,
பி⁴க்க²வே, சீவரகாரஸமயே பரம்பரபோ⁴ஜனங் பு⁴ஞ்ஜிதுங். ஏவஞ்ச பன, பி⁴க்க²வே,
இமங் ஸிக்கா²பத³ங் உத்³தி³ஸெய்யாத² –
225. ‘‘பரம்பரபோ⁴ஜனே, அஞ்ஞத்ர ஸமயா, பாசித்தியங். தத்தா²யங் ஸமயோ. கி³லானஸமயோ, சீவரதா³னஸமயோ, சீவரகாரஸமயோ – அயங் தத்த² ஸமயோ’’தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
226. அத² கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய
ஆயஸ்மதா ஆனந்தே³ன பச்சா²ஸமணேன யேன அஞ்ஞதரங் குலங் தேனுபஸங்கமி;
உபஸங்கமித்வா பஞ்ஞத்தே ஆஸனே நிஸீதி³. அத² கோ² தே மனுஸ்ஸா ப⁴க³வதோ ச ஆயஸ்மதோ
ச ஆனந்த³ஸ்ஸ போ⁴ஜனங் அத³ங்ஸு. ஆயஸ்மா ஆனந்தோ³ குக்குச்சாயந்தோ ந
படிக்³க³ண்ஹாதி. ‘‘க³ண்ஹாஹி [பதிக³ண்ஹாஹி (ஸீ॰)], ஆனந்தா³’’தி. ‘‘அலங், ப⁴க³வா ,
அத்தி² மே ப⁴த்தபச்சாஸா’’தி. ‘‘தேனஹானந்த³, விகப்பெத்வா க³ண்ஹாஹீ’’தி. அத²
கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா
பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, விகப்பெத்வா [ப⁴த்தபச்சாஸங் விகப்பெத்வா (ஸ்யா॰)] பரம்பரபோ⁴ஜனங் பு⁴ஞ்ஜிதுங். ஏவஞ்ச பன, பி⁴க்க²வே, விகப்பேதப்³ப³ங் – ‘மய்ஹங் ப⁴த்தபச்சாஸங் இத்த²ன்னாமஸ்ஸ த³ம்மீ’’’தி.
227. பரம்பரபோ⁴ஜனங்
நாம பஞ்சன்னங் போ⁴ஜனானங் அஞ்ஞதரேன போ⁴ஜனேன நிமந்திதோ, தங் ட²பெத்வா அஞ்ஞங்
பஞ்சன்னங் போ⁴ஜனானங் அஞ்ஞதரங் போ⁴ஜனங் பு⁴ஞ்ஜதி, ஏதங் பரம்பரபோ⁴ஜனங் நாம.
அஞ்ஞத்ர ஸமயாதி ட²பெத்வா ஸமயங்.
கி³லானஸமயோ நாம ந ஸக்கோதி ஏகாஸனே நிஸின்னோ யாவத³த்த²ங் பு⁴ஞ்ஜிதுங். ‘‘கி³லானஸமயோ’’தி பு⁴ஞ்ஜிதப்³ப³ங்.
சீவரதா³னஸமயோ நாம அனத்த²தே கதி²னே வஸ்ஸானஸ்ஸ பச்சி²மோ மாஸோ, அத்த²தே கதி²னே பஞ்ச மாஸா. ‘‘சீவரதா³னஸமயோ’’தி பு⁴ஞ்ஜிதப்³ப³ங்.
சீவரகாரஸமயோ நாம சீவரே கயிரமானே. ‘‘சீவரகாரஸமயோ’’தி பு⁴ஞ்ஜிதப்³ப³ங்.
‘‘அஞ்ஞத்ர ஸமயா பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி பாசித்தியஸ்ஸ.
228. பரம்பரபோ⁴ஜனே
பரம்பரபோ⁴ஜனஸஞ்ஞீ, அஞ்ஞத்ர ஸமயா, பு⁴ஞ்ஜதி, ஆபத்தி பாசித்தியஸ்ஸ.
பரம்பரபோ⁴ஜனே வேமதிகோ, அஞ்ஞத்ர ஸமயா, பு⁴ஞ்ஜதி, ஆபத்தி பாசித்தியஸ்ஸ.
பரம்பரபோ⁴ஜனே நபரம்பரபோ⁴ஜனஸஞ்ஞீ, அஞ்ஞத்ர ஸமயா, பு⁴ஞ்ஜதி, ஆபத்தி
பாசித்தியஸ்ஸ.
நபரம்பரபோ⁴ஜனே பரம்பரபோ⁴ஜனஸஞ்ஞீ, ஆபத்தி து³க்கடஸ்ஸ.
நபரம்பரபோ⁴ஜனே வேமதிகோ, ஆபத்தி து³க்கடஸ்ஸ. நபரம்பரபோ⁴ஜனே
நபரம்பரபோ⁴ஜனஸஞ்ஞீ, அனாபத்தி.
229.
அனாபத்தி ஸமயே, விகப்பெத்வா பு⁴ஞ்ஜதி, த்³வே தயோ நிமந்தனே ஏகதோ பு⁴ஞ்ஜதி,
நிமந்தனபடிபாடியா பு⁴ஞ்ஜதி, ஸகலேன கா³மேன நிமந்திதோ தஸ்மிங் கா³மே யத்த²
கத்த²சி பு⁴ஞ்ஜதி , ஸகலேன பூகே³ன நிமந்திதோ தஸ்மிங்
பூகே³ யத்த² கத்த²சி பு⁴ஞ்ஜதி, நிமந்தியமானோ பி⁴க்க²ங் க³ஹெஸ்ஸாமீதி ப⁴ணதி,
நிச்சப⁴த்தே, ஸலாகப⁴த்தே, பக்கி²கே, உபோஸதி²கே, பாடிபதி³கே, பஞ்ச போ⁴ஜனானி
ட²பெத்வா ஸப்³ப³த்த² அனாபத்தி, உம்மத்தகஸ்ஸ, ஆதி³கம்மிகஸ்ஸாதி.
பரம்பரபோ⁴ஜனஸிக்கா²பத³ங் நிட்டி²தங் ததியங்.
4. காணமாதுஸிக்கா²பத³ங்
230. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன
காணமாதா உபாஸிகா ஸத்³தா⁴ ஹோதி பஸன்னா. காணா கா³மகே அஞ்ஞதரஸ்ஸ புரிஸஸ்ஸ
தி³ன்னா ஹோதி. அத² கோ² காணா மாதுக⁴ரங் அக³மாஸி கேனசிதே³வ கரணீயேன. அத² கோ²
காணாய ஸாமிகோ காணாய ஸந்திகே தூ³தங் பாஹேஸி – ‘‘ஆக³ச்ச²து காணா, இச்சா²மி
காணாய ஆக³த’’ந்தி. அத² கோ² காணமாதா உபாஸிகா ‘‘கிஸ்மிங் விய ரித்தஹத்த²ங்
க³ந்து’’ந்தி பூவங் [பூபங் (ண்வாதி³மொக்³க³ல்லானே)]
பசி. பக்கே பூவே அஞ்ஞதரோ பிண்ட³சாரிகோ பி⁴க்கு² காணமாதாய உபாஸிகாய
நிவேஸனங் பாவிஸி. அத² கோ² காணமாதா உபாஸிகா தஸ்ஸ பி⁴க்கு²னோ பூவங் தா³பேஸி.
ஸோ நிக்க²மித்வா அஞ்ஞஸ்ஸ ஆசிக்கி². தஸ்ஸபி பூவங் தா³பேஸி. ஸோபி
நிக்க²மித்வா அஞ்ஞஸ்ஸ ஆசிக்கி². தஸ்ஸபி பூவங்
தா³பேஸி. யதா²படியத்தங் பூவங் பரிக்க²யங் அக³மாஸி. து³தியம்பி கோ² காணாய
ஸாமிகோ காணாய ஸந்திகே தூ³தங் பாஹேஸி – ‘‘ஆக³ச்ச²து காணா, இச்சா²மி காணாய
ஆக³த’’ந்தி. து³தியம்பி கோ² காணமாதா உபாஸிகா ‘‘கிஸ்மிங் விய ரித்தஹத்தங்
க³ந்து’’ந்தி பூவங் பசி. பக்கே பூவே அஞ்ஞதரோ பிண்ட³சாரிகோ பி⁴க்கு²
காணமாதாய உபாஸிகாய நிவேஸனங் பாவிஸி. அத² கோ² காணமாதா உபாஸிகா தஸ்ஸ
பி⁴க்கு²னோ பூவங் தா³பேஸி. ஸோ நிக்க²மித்வா அஞ்ஞஸ்ஸ ஆசிக்கி². தஸ்ஸபி பூவங்
தா³பேஸி. ஸோபி நிக்க²மித்வா அஞ்ஞஸ்ஸ ஆசிக்கி².
தஸ்ஸபி பூவங் தா³பேஸி. யதா²படியத்தங் பூவங் பரிக்க²யங் அக³மாஸி. ததியம்பி
கோ² காணாய ஸாமிகோ காணாய ஸந்திகே தூ³தங் பாஹேஸி – ‘‘ஆக³ச்ச²து காணா,
இச்சா²மி காணாய ஆக³தங். ஸசே காணா நாக³ச்சி²ஸ்ஸதி, அஹங் அஞ்ஞங் பஜாபதிங்
ஆனெஸ்ஸாமீ’’தி. ததியம்பி கோ² காணமாதா உபாஸிகா கிஸ்மிங் விய ரித்தஹத்த²ங்
க³ந்துந்தி பூவங் பசி. பக்கே பூவே அஞ்ஞதரோ பிண்ட³சாரிகோ பி⁴க்கு² காணமாதாய
உபாஸிகாய நிவேஸனங் பாவிஸி. அத² கோ² காணமாதா உபாஸிகா தஸ்ஸ பி⁴க்கு²னோ பூவங்
தா³பேஸி. ஸோ நிக்க²மித்வா அஞ்ஞஸ்ஸ ஆசிக்கி². தஸ்ஸபி பூவங் தா³பேஸி. ஸோபி
நிக்க²மித்வா அஞ்ஞஸ்ஸ ஆசிக்கி². தஸ்ஸபி பூவங் தா³பேஸி. யதா²படியத்தங் பூவங் பரிக்க²யங் அக³மாஸி. அத² கோ² காணாய ஸாமிகோ அஞ்ஞங் பஜாபதிங் ஆனேஸி.
அஸ்ஸோஸி கோ² காணா – ‘‘தேன கிர புரிஸேன அஞ்ஞா பஜாபதி
ஆனீதா’’தி. ஸா ரோத³ந்தீ அட்டா²ஸி. அத² கோ² ப⁴க³வா புப்³ப³ண்ஹஸமயங்
நிவாஸெத்வா பத்தசீவரமாதா³ய யேன காணமாதாய உபாஸிகாய நிவேஸனங் தேனுபஸங்கமி;
உபஸங்கமித்வா பஞ்ஞத்தே ஆஸனே நிஸீதி³. அத² கோ² காணமாதா உபாஸிகா யேன ப⁴க³வா
தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³.
ஏகமந்தங் நிஸின்னங் கோ² காணமாதரங் உபாஸிகங் ப⁴க³வா ஏதத³வோச – ‘‘கிஸ்ஸாயங்
காணா ரோத³தீ’’தி? அத² கோ² காணமாதா உபாஸிகா ப⁴க³வதோ ஏதமத்த²ங் ஆரோசேஸி. அத²
கோ² ப⁴க³வா காணமாதரங் உபாஸிகங் த⁴ம்மியா கதா²ய ஸந்த³ஸ்ஸெத்வா ஸமாத³பெத்வா ஸமுத்தேஜெத்வா ஸம்பஹங்ஸெத்வா உட்டா²யாஸனா பக்காமி.
231.
தேன கோ² பன ஸமயேன அஞ்ஞதரோ ஸத்தோ² ராஜக³ஹா படியாலோகங் க³ந்துகாமோ ஹோதி.
அஞ்ஞதரோ பிண்ட³சாரிகோ பி⁴க்கு² தங் ஸத்த²ங் பிண்டா³ய பாவிஸி. அஞ்ஞதரோ
உபாஸகோ தஸ்ஸ பி⁴க்கு²னோ ஸத்துங் தா³பேஸி. ஸோ
நிக்க²மித்வா அஞ்ஞஸ்ஸ ஆசிக்கி². தஸ்ஸபி ஸத்துங் தா³பேஸி. ஸோ நிக்க²மித்வா
அஞ்ஞஸ்ஸ ஆசிக்கி². தஸ்ஸபி ஸத்துங் தா³பேஸி. யதா²படியத்தங் பாதெ²ய்யங்
பரிக்க²யங் அக³மாஸி . அத² கோ² ஸோ உபாஸகோ தே மனுஸ்ஸே
ஏதத³வோச – ‘‘அஜ்ஜண்ஹோ, அய்யா, ஆக³மேத², யதா²படியத்தங் பாதெ²ய்யங் அய்யானங்
தி³ன்னங். பாதெ²ய்யங் படியாதெ³ஸ்ஸாமீ’’தி. ‘‘நாய்யோ [நாய்ய (ஸ்யா॰)]
ஸக்கா ஆக³மேதுங், பயாதோ ஸத்தோ²’’தி அக³மங்ஸு. அத² கோ² தஸ்ஸ உபாஸகஸ்ஸ
பாதெ²ய்யங் படியாதெ³த்வா பச்சா² க³ச்ச²ந்தஸ்ஸ சோரா அச்சி²ந்தி³ங்ஸு.
மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஸமணா
ஸக்யபுத்தியா ந மத்தங் ஜானித்வா படிக்³க³ஹெஸ்ஸந்தி! அயங் இமேஸங் த³த்வா
பச்சா² க³ச்ச²ந்தோ சோரேஹி அச்சி²ன்னோ’’தி. அஸ்ஸோஸுங் கோ² பி⁴க்கூ² தேஸங்
மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். அத² கோ² தே
பி⁴க்கூ² ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே
ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘தேன ஹி,
பி⁴க்க²வே, பி⁴க்கூ²னங் ஸிக்கா²பத³ங் பஞ்ஞபெஸ்ஸாமி
த³ஸ அத்த²வஸே படிச்ச – ஸங்க⁴ஸுட்டு²தாய, ஸங்க⁴பா²ஸுதாய…பே॰…
வினயானுக்³க³ஹாய. ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
232. ‘‘பி⁴க்கு²ங்
பனேவ குலங் உபக³தங் பூவேஹி வா மந்தே²ஹி வா அபி⁴ஹட்டு²ங் பவாரெய்ய,
ஆகங்க²மானேன பி⁴க்கு²னா த்³வத்திபத்தபூரா படிக்³க³ஹேதப்³பா³ ததோ சே உத்தரி
படிக்³க³ண்ஹெய்ய பாசித்தியங். த்³வத்திபத்தபூரே படிக்³க³ஹெத்வா ததோ நீஹரித்வா பி⁴க்கூ²ஹி ஸத்³தி⁴ங் ஸங்விப⁴ஜிதப்³ப³ங். அயங் தத்த² ஸாமீசீ’’தி.
233. பி⁴க்கு²ங் பனேவ குலங் உபக³தந்தி குலங் நாம சத்தாரி குலானி – க²த்தியகுலங், ப்³ராஹ்மணகுலங், வெஸ்ஸகுலங், ஸுத்³த³குலங்.
உபக³தந்தி தத்த² க³தங்.
பூவங் நாம யங்கிஞ்சி பஹேணகத்தா²ய படியத்தங்.
மந்த²ங் நாம யங்கிஞ்சி பாதெ²ய்யத்தா²ய படியத்தங்.
அபி⁴ஹட்டு²ங் பவாரெய்யாதி யாவதகங் இச்ச²ஸி தாவதகங் க³ண்ஹாஹீதி.
ஆகங்க²மானேனாதி இச்ச²மானேன.
த்³வத்திபத்தபூரா படிக்³க³ஹேதப்³பா³தி த்³வேதயோ பத்தபூரா படிக்³க³ஹேதப்³பா³.
ததோ சே உத்தரி படிக³ண்ஹெய்யாதி ததுத்தரி படிக்³க³ண்ஹாதி, ஆபத்தி பாசித்தியஸ்ஸ.
த்³வத்திபத்தபூரே படிக்³க³ஹெத்வா
ததோ நிக்க²மந்தேன பி⁴க்கு²ங் பஸ்ஸித்வா ஆசிக்கி²தப்³ப³ங் – ‘‘அமுத்ர மயா
த்³வத்திபத்தபூரா படிக்³க³ஹிதா, மா கோ² தத்த² படிக்³க³ண்ஹீ’’தி. ஸசே
பஸ்ஸித்வா ந ஆசிக்க²தி, ஆபத்தி து³க்கடஸ்ஸ. ஸசே ஆசிக்கி²தே படிக்³க³ண்ஹாதி,
ஆபத்தி து³க்கடஸ்ஸ.
ததோ நீஹரித்வா பி⁴க்கூ²ஹி ஸத்³தி⁴ங் ஸங்விப⁴ஜிதப்³ப³ந்தி படிக்கமனங் நீஹரித்வா ஸங்விப⁴ஜிதப்³ப³ங்.
அயங் தத்த² ஸாமீசீதி அயங் தத்த² அனுத⁴ம்மதா.
234. அதிரேகத்³வத்திபத்தபூரே அதிரேகஸஞ்ஞீ படிக்³க³ண்ஹாதி, ஆபத்தி பாசித்தியஸ்ஸ. அதிரேகத்³வத்திபத்தபூரே வேமதிகோ படிக்³க³ண்ஹாதி, ஆபத்தி பாசித்தியஸ்ஸ. அதிரேகத்³வத்திபத்தபூரே ஊனகஸஞ்ஞீ படிக்³க³ண்ஹாதி, ஆபத்தி பாசித்தியஸ்ஸ.
ஊனகத்³வத்திபத்தபூரே அதிரேகஸஞ்ஞீ, ஆபத்தி து³க்கடஸ்ஸ.
ஊனகத்³வத்திபத்தபூரே வேமதிகோ, ஆபத்தி து³க்கடஸ்ஸ. ஊனகத்³வத்திபத்தபூரே
ஊனகஸஞ்ஞீ, அனாபத்தி.
235.
அனாபத்தி த்³வத்திபத்தபூரே படிக்³க³ண்ஹாதி, ஊனகத்³வத்திபத்தபூரே
படிக்³க³ண்ஹாதி, ந பஹேணகத்தா²ய ந பாதெ²ய்யத்தா²ய படியத்தங் தெ³ந்தி,
பஹேணகத்தா²ய வா பாதெ²ய்யத்தா²ய வா படியத்தஸேஸகங் தெ³ந்தி, க³மனே
படிப்பஸ்ஸத்³தே⁴ தெ³ந்தி, ஞாதகானங் பவாரிதானங், அஞ்ஞஸ்ஸத்தா²ய, அத்தனோ
த⁴னேன, உம்மத்தகஸ்ஸ, ஆதி³கம்மிகஸ்ஸாதி.
காணமாதுஸிக்கா²பத³ங் நிட்டி²தங் சதுத்த²ங்.
5. பட²மபவாரணாஸிக்கா²பத³ங்
236. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரோ ப்³ராஹ்மணோ பி⁴க்கூ² நிமந்தெத்வா போ⁴ஜேஸி.
பி⁴க்கூ² பு⁴த்தாவீ பவாரிதா ஞாதிகுலானி க³ந்த்வா ஏகச்சே பு⁴ஞ்ஜிங்ஸு ஏகச்சே பிண்ட³பாதங் ஆதா³ய அக³மங்ஸு. அத² கோ² ஸோ ப்³ராஹ்மணோ படிவிஸ்ஸகே [படிவிஸகே (யோஜனா)] ஏதத³வோச – ‘‘பி⁴க்கூ² மயா அய்யா ஸந்தப்பிதா. ஏத², தும்ஹேபி ஸந்தப்பெஸ்ஸாமீ’’தி. தே ஏவமாஹங்ஸு – ‘‘கிங் த்வங், அய்யோ [அய்ய (ஸ்யா॰)],
அம்ஹே ஸந்தப்பெஸ்ஸஸி? யேபி தயா நிமந்திதா தேபி அம்ஹாகங் க⁴ரானி ஆக³ந்த்வா
ஏகச்சே பு⁴ஞ்ஜிங்ஸு ஏகச்சே பிண்ட³பாதங் ஆதா³ய அக³மங்ஸூ’’தி!
அத² கோ² ஸோ ப்³ராஹ்மணோ உஜ்ஜா²யதி கி²ய்யதி விபாசேதி –
‘‘கத²ஞ்ஹி நாம ப⁴த³ந்தா அம்ஹாகங் க⁴ரே பு⁴ஞ்ஜித்வா அஞ்ஞத்ர பு⁴ஞ்ஜிஸ்ஸந்தி!
ந சாஹங் படிப³லோ யாவத³த்த²ங் தா³து’’ந்தி! அஸ்ஸோஸுங் கோ² பி⁴க்கூ² தஸ்ஸ
ப்³ராஹ்மணஸ்ஸ உஜ்ஜா²யந்தஸ்ஸ கி²ய்யந்தஸ்ஸ விபாசெந்தஸ்ஸ. யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கூ² பு⁴த்தாவீ பவாரிதா அஞ்ஞத்ர பு⁴ஞ்ஜிஸ்ஸந்தீ’’தி…பே॰… ஸச்சங் கிர,
பி⁴க்க²வே, பி⁴க்கூ² பு⁴த்தாவீ பவாரிதா அஞ்ஞத்ர பு⁴ஞ்ஜந்தீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தே, பி⁴க்க²வே,
மோக⁴புரிஸா பு⁴த்தாவீ பவாரிதா அஞ்ஞத்ர பு⁴ஞ்ஜிஸ்ஸந்தி ! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
‘‘யோ பன பி⁴க்கு² பு⁴த்தாவீ பவாரிதோ கா²த³னீயங் வா போ⁴ஜனீயங் வா கா²தெ³ய்ய வா பு⁴ஞ்ஜெய்ய வா, பாசித்திய’’ந்தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
237.
தேன கோ² பன ஸமயேன பி⁴க்கூ² கி³லானானங் பி⁴க்கூ²னங் பணீதே பிண்ட³பாதே
நீஹரந்தி. கி³லானா ந சித்தரூபங் பு⁴ஞ்ஜந்தி. தானி பி⁴க்கூ² ச²ட்டெந்தி.
அஸ்ஸோஸி கோ² ப⁴க³வா உச்சாஸத்³த³ங் மஹாஸத்³த³ங் காகோரவஸத்³த³ங். ஸுத்வான
ஆயஸ்மந்தங் ஆனந்த³ங் ஆமந்தேஸி – ‘‘கிங் நு கோ² ஸோ, ஆனந்த³, உச்சாஸத்³தோ³
மஹாஸத்³தோ³ காகோரவஸத்³தோ³’’தி? அத² கோ² ஆயஸ்மா ஆனந்தோ³ ப⁴க³வதோ ஏதமத்த²ங்
ஆரோசேஸி. ‘‘பு⁴ஞ்ஜெய்யுங் பனானந்த³, பி⁴க்கூ² கி³லானாதிரித்த’’ந்தி. ‘‘ந
பு⁴ஞ்ஜெய்யுங், ப⁴க³வா’’தி. அத² கோ² ப⁴க³வா ஏதஸ்மிங் நிதா³னே ஏதஸ்மிங்
பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி பி⁴க்க²வே,
கி³லானஸ்ஸ ச அகி³லானஸ்ஸ ச அதிரித்தங் பு⁴ஞ்ஜிதுங். ஏவஞ்ச பன, பி⁴க்க²வே,
அதிரித்தங் காதப்³ப³ங் – ‘‘அலமேதங் ஸப்³ப³’’ந்தி. ஏவஞ்ச பன, பி⁴க்க²வே,
இமங் ஸிக்கா²பத³ங் உத்³தி³ஸெய்யாத² –
238. ‘‘யோ பன பி⁴க்கு² பு⁴த்தாவீ பவாரிதோ அனதிரித்தங் கா²த³னீயங் வா போ⁴ஜனீயங் வா கா²தெ³ய்ய வா பு⁴ஞ்ஜெய்ய வா, பாசித்திய’’ந்தி.
239. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
பு⁴த்தாவீ நாம பஞ்சன்னங் போ⁴ஜனானங் அஞ்ஞதரங் போ⁴ஜனங் அந்தமஸோ குஸக்³கே³னபி பு⁴த்தங் ஹோதி.
பவாரிதோ நாம அஸனங் பஞ்ஞாயதி, போ⁴ஜனங் பஞ்ஞாயதி, ஹத்த²பாஸே டி²தோ அபி⁴ஹரதி, படிக்கே²போ பஞ்ஞாயதி.
அனதிரித்தங் நாம அகப்பியகதங் ஹோதி, அப்படிக்³க³ஹிதகதங் ஹோதி, அனுச்சாரிதகதங் ஹோதி ,
அஹத்த²பாஸே கதங் ஹோதி, அபு⁴த்தாவினா கதங் ஹோதி, பு⁴த்தாவினா பவாரிதேன ஆஸனா
வுட்டி²தேன கதங் ஹோதி, ‘‘அலமேதங் ஸப்³ப³ந்தி அவுத்தங் ஹோதி, ந
கி³லானாதிரித்தங் ஹோதி’’ – ஏதங் அனதிரித்தங் நாம.
அதிரித்தங் நாம கப்பியகதங்
ஹோதி, படிக்³க³ஹிதகதங் ஹோதி, உச்சாரிதகதங் ஹோதி, ஹத்த²பாஸே கதங் ஹோதி,
பு⁴த்தாவினா கதங் ஹோதி, பு⁴த்தாவினா பவாரிதேன ஆஸனா அவுட்டி²தேன கதங் ஹோதி,
‘‘அலமேதங் ஸப்³ப³’’ந்தி வுத்தங் ஹோதி, கி³லானாதிரித்தங் ஹோதி – ஏதங்
அதிரித்தங் நாம.
கா²த³னீயங் நாம பஞ்ச போ⁴ஜனானி – யாமகாலிகங் ஸத்தாஹகாலிகங் யாவஜீவிகங் ட²பெத்வா அவஸேஸங் கா²த³னீயங் நாம.
போ⁴ஜனீயங் நாம பஞ்ச போ⁴ஜனானி – ஓத³னோ, கும்மாஸோ, ஸத்து, மச்சோ², மங்ஸங்.
‘‘கா²தி³ஸ்ஸாமி பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி து³க்கடஸ்ஸ அஜ்ஜோ²ஹாரே அஜ்ஜோ²ஹாரே ஆபத்தி பாசித்தியஸ்ஸ.
240.
அனதிரித்தே அனதிரித்தஸஞ்ஞீ கா²த³னீயங் வா போ⁴ஜனீயங் வா கா²த³தி வா
பு⁴ஞ்ஜதி வா, ஆபத்தி பாசித்தியஸ்ஸ. அனதிரித்தே வேமதிகோ கா²த³னீயங் வா
போ⁴ஜனீயங் வா கா²த³தி வா பு⁴ஞ்ஜதி வா, ஆபத்தி பாசித்தியஸ்ஸ. அனதிரித்தே
அதிரித்தஸஞ்ஞீ கா²த³னீயங் வா போ⁴ஜனீயங் வா கா²த³தி வா பு⁴ஞ்ஜதி வா, ஆபத்தி
பாசித்தியஸ்ஸ.
யாமகாலிகங்
ஸத்தாஹகாலிகங் யாவஜீவிகங் ஆஹாரத்தா²ய படிக்³க³ண்ஹாதி, ஆபத்தி து³க்கடஸ்ஸ.
அஜ்ஜோ²ஹாரே அஜ்ஜோ²ஹாரே ஆபத்தி து³க்கடஸ்ஸ. அதிரித்தே அனதிரித்தஸஞ்ஞீ,
ஆபத்தி து³க்கடஸ்ஸ. அதிரித்தே வேமதிகோ, ஆபத்தி து³க்கடஸ்ஸ. அதிரித்தே
அதிரித்தஸஞ்ஞீ, அனாபத்தி.
241.
அனாபத்தி அதிரித்தங் காராபெத்வா பு⁴ஞ்ஜதி, ‘‘அதிரித்தங் காராபெத்வா
பு⁴ஞ்ஜிஸ்ஸாமீ’’தி படிக்³க³ண்ஹாதி, அஞ்ஞஸ்ஸத்தா²ய ஹரந்தோ க³ச்ச²தி,
கி³லானஸ்ஸ ஸேஸகங் பு⁴ஞ்ஜதி, யாமகாலிகங் ஸத்தாஹகாலிகங் யாவஜீவிகங் ஸதி
பச்சயே பரிபு⁴ஞ்ஜதி, உம்மத்தகஸ்ஸ, ஆதி³கம்மிகஸ்ஸாதி.
பட²மபவாரணாஸிக்கா²பத³ங் நிட்டி²தங் பஞ்சமங்.
6. து³தியபவாரணாஸிக்கா²பத³ங்
242. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன த்³வே பி⁴க்கூ² கோஸலேஸு ஜனபதே³ ஸாவத்தி²ங்
அத்³தா⁴னமக்³க³ப்படிபன்னா ஹொந்தி. ஏகோ பி⁴க்கு² அனாசாரங் ஆசரதி. து³தியோ
பி⁴க்கு² தங் பி⁴க்கு²ங் ஏதத³வோச – ‘‘மாவுஸோ, ஏவரூபமகாஸி, நேதங்
கப்பதீ’’தி. ஸோ தஸ்மிங் உபனந்தி⁴. அத² கோ² தே பி⁴க்கூ² ஸாவத்தி²ங்
அக³மங்ஸு. தேன கோ² பன ஸமயேன ஸாவத்தி²யங் அஞ்ஞதரஸ்ஸ பூக³ஸ்ஸ ஸங்க⁴ப⁴த்தங்
ஹோதி. து³தியோ பி⁴க்கு² பு⁴த்தாவீ பவாரிதோ ஹோதி. உபனத்³தோ⁴ [உபனந்தோ⁴ (க॰)]
பி⁴க்கு² ஞாதிகுலங் க³ந்த்வா பிண்ட³பாதங் ஆதா³ய யேன ஸோ பி⁴க்கு²
தேனுபஸங்கமி; உபஸங்கமித்வா தங் பி⁴க்கு²ங் ஏதத³வோச – ‘‘பு⁴ஞ்ஜாஹி,
ஆவுஸோ’’தி. ‘‘அலங், ஆவுஸோ, பரிபுண்ணொம்ஹீ’’தி. ‘‘ஸுந்த³ரோ, ஆவுஸோ,
பிண்ட³பாதோ, பு⁴ஞ்ஜாஹீ’’தி. அத² கோ² ஸோ பி⁴க்கு² தேன பி⁴க்கு²னா
நிப்பீளியமானோ தங் பிண்ட³பாதங் பு⁴ஞ்ஜி. உபனத்³தோ⁴ பி⁴க்கு² தங் பி⁴க்கு²ங் ஏதத³வோச – ‘‘த்வம்பி [த்வங் ஹி (ஸ்யா॰)]
நாம, ஆவுஸோ, மங் வத்தப்³ப³ங் மஞ்ஞஸி யங் த்வங் பு⁴த்தாவீ பவாரிதோ
அனதிரித்தங் போ⁴ஜனங் பு⁴ஞ்ஜஸீ’’தி. ‘‘நனு, ஆவுஸோ, ஆசிக்கி²தப்³ப³’’ந்தி.
‘‘நனு, ஆவுஸோ, புச்சி²தப்³ப³’’ந்தி.
அத² கோ² ஸோ பி⁴க்கு² பி⁴க்கூ²னங் ஏதமத்த²ங் ஆரோசேஸி.
யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு² பி⁴க்கு²ங் பு⁴த்தாவிங் பவாரிதங் அனதிரித்தேன போ⁴ஜனேன அபி⁴ஹட்டு²ங்
பவாரெஸ்ஸதீ’’ தி…பே॰… ஸச்சங் கிர த்வங், பி⁴க்கு², பி⁴க்கு²ங் பு⁴த்தாவிங்
பவாரிதங் அனதிரித்தேன போ⁴ஜனேன அபி⁴ஹட்டு²ங் பவாரேஸீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம த்வங், மோக⁴புரிஸ,
பி⁴க்கு²ங் பு⁴த்தாவிங் பவாரிதங் அனதிரித்தேன போ⁴ஜனேன அபி⁴ஹட்டு²ங்
பவாரெஸ்ஸஸி! நேதங், மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன
பி⁴க்க²வே இமங் ஸிக்கா²பத³ங் உத்³தி³ஸெய்யாத² –
243. ‘‘யோ
பன பி⁴க்கு² பி⁴க்கு²ங் பு⁴த்தாவிங் பவாரிதங் அனதிரித்தேன கா²த³னீயேன வா
போ⁴ஜனீயேன வா அபி⁴ஹட்டு²ங் பவாரெய்ய – ‘ஹந்த³, பி⁴க்கு², கா²த³ வா பு⁴ஞ்ஜ
வா’தி, ஜானங் ஆஸாத³னாபெக்கோ², பு⁴த்தஸ்மிங், பாசித்திய’’ந்தி.
244. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
பி⁴க்கு²ந்தி அஞ்ஞங் பி⁴க்கு²ங்.
பு⁴த்தாவீ நாம பஞ்சன்னங் போ⁴ஜனானங் அஞ்ஞதரங் போ⁴ஜனங், அந்தமஸோ குஸக்³கே³னபி பு⁴த்தங் ஹோதி.
பவாரிதோ நாம அஸனங் பஞ்ஞாயதி, போ⁴ஜனங் பஞ்ஞாயதி, ஹத்த²பாஸே டி²தோ அபி⁴ஹரதி, படிக்கே²போ பஞ்ஞாயதி.
அனதிரித்தங் நாம அகப்பியகதங்
ஹோதி, அப்படிக்³க³ஹிதகதங் ஹோதி, அனுச்சாரிதகதங் ஹோதி, அஹத்த²பாஸே கதங்
ஹோதி, அபு⁴த்தாவினா கதங் ஹோதி, பு⁴த்தாவினா பவாரிதேன ஆஸனா வுட்டி²தேன கதங்
ஹோதி, ‘‘அலமேதங் ஸப்³ப³’’ந்தி அவுத்தங் ஹோதி, ந கி³லானாதிரித்தங் ஹோதி –
ஏதங் அனதிரித்தங் நாம.
கா²த³னீயங் நாம பஞ்ச போ⁴ஜனானி – யாமகாலிகங் ஸத்தாஹகாலிகங் யாவஜீவிகங் ட²பெத்வா அவஸேஸங் கா²த³னீயங் நாம.
போ⁴ஜனீயங் நாம பஞ்ச போ⁴ஜனானி – ஓத³னோ, கும்மாஸோ, ஸத்து, மச்சோ², மங்ஸங்.
அபி⁴ஹட்டு²ங் பவாரெய்யாதி யாவதகங் இச்ச²ஸி தாவதகங் க³ண்ஹாஹீதி.
ஜானாதி நாம ஸாமங் வா ஜானாதி, அஞ்ஞே வா தஸ்ஸ ஆரோசெந்தி, ஸோ வா ஆரோசேதி.
ஆஸாத³னாபெக்கோ²தி ‘‘இமினா
இமங் சோதெ³ஸ்ஸாமி ஸாரெஸ்ஸாமி படிசோதெ³ஸ்ஸாமி படிஸாரெஸ்ஸாமி மங்கு
கரிஸ்ஸாமீ’’தி அபி⁴ஹரதி, ஆபத்தி து³க்கடஸ்ஸ. தஸ்ஸ வசனேன ‘‘கா²தி³ஸ்ஸாமி
பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே
அஜ்ஜோ²ஹாரே ஆபத்தி து³க்கடஸ்ஸ. போ⁴ஜனபரியோஸானே ஆபத்தி பாசித்தியஸ்ஸ.
245.
பவாரிதே பவாரிதஸஞ்ஞீ அனதிரித்தேன கா²த³னீயேன வா போ⁴ஜனீயேன வா அபி⁴ஹட்டு²ங்
பவாரேதி, ஆபத்தி பாசித்தியஸ்ஸ. பவாரிதே வேமதிகோ அனதிரித்தேன கா²த³னீயேன வா
போ⁴ஜனீயேன வா அபி⁴ஹட்டு²ங் பவாரேதி, ஆபத்தி து³க்கடஸ்ஸ. பவாரிதே
அப்பவாரிதஸஞ்ஞீ அனதிரித்தேன கா²த³னீயேன வா
போ⁴ஜனீயேன வா அபி⁴ஹட்டு²ங் பவாரேதி, அனாபத்தி. யாமகாலிகங் ஸத்தாஹகாலிகங்
யாவஜீவிகங் ஆஹாரத்தா²ய அபி⁴ஹரதி, ஆபத்தி து³க்கடஸ்ஸ. தஸ்ஸ வசனேன
‘‘கா²தி³ஸ்ஸாமி பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி து³க்கடஸ்ஸ.
அஜ்ஜோ²ஹாரே அஜ்ஜோ²ஹாரே ஆபத்தி து³க்கடஸ்ஸ. அப்பவாரிதே பவாரிதஸஞ்ஞீ , ஆபத்தி து³க்கடஸ்ஸ. அப்பவாரிதே வேமதிகோ, ஆபத்தி து³க்கடஸ்ஸ. அப்பவாரிதே அப்பவாரிதஸஞ்ஞீ, அனாபத்தி.
246. அனாபத்தி அதிரித்தங் காராபெத்வா தே³தி, ‘‘அதிரித்தங் காராபெத்வா
பு⁴ஞ்ஜாஹீ’’தி தே³தி, அஞ்ஞஸ்ஸத்தா²ய ஹரந்தோ க³ச்சா²ஹீதி தே³தி, கி³லானஸ்ஸ
ஸேஸகங் தே³தி, ‘‘யாமகாலிகங் ஸத்தாஹகாலிகங் யாவஜீவிகங் ஸதி பச்சயே
பரிபு⁴ஞ்ஜா’’தி தே³தி, உம்மத்தகஸ்ஸ, ஆதி³கம்மிகஸ்ஸாதி.
து³தியபவாரணாஸிக்கா²பத³ங் நிட்டி²தங் ச²ட்ட²ங்.
7. விகாலபோ⁴ஜனஸிக்கா²பத³ங்
247. தேன
ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன
ஸமயேன ராஜக³ஹே கி³ரக்³க³ஸமஜ்ஜோ ஹோதி. ஸத்தரஸவக்³கி³யா பி⁴க்கூ²
கி³ரக்³க³ஸமஜ்ஜங் த³ஸ்ஸனாய அக³மங்ஸு. மனுஸ்ஸா ஸத்தரஸவக்³கி³யே பி⁴க்கூ²
பஸ்ஸித்வா நஹாபெத்வா விலிம்பெத்வா போ⁴ஜெத்வா கா²த³னீயங்
அத³ங்ஸு. ஸத்தரஸவக்³கி³யா பி⁴க்கூ² கா²த³னீயங் ஆதா³ய ஆராமங் க³ந்த்வா
ச²ப்³ப³க்³கி³யே பி⁴க்கூ² ஏதத³வோசுங் – ‘‘க³ண்ஹாதா²வுஸோ, கா²த³னீயங்
கா²த³தா²’’தி. ‘‘குதோ தும்ஹேஹி, ஆவுஸோ, கா²த³னீயங் லத்³த⁴’’ந்தி?
ஸத்தரஸவக்³கி³யா பி⁴க்கூ² ச²ப்³ப³க்³கி³யானங் பி⁴க்கூ²னங் ஏதமத்த²ங்
ஆரோசேஸுங். ‘‘கிங் பன தும்ஹே, ஆவுஸோ, விகாலே போ⁴ஜனங் பு⁴ஞ்ஜதா²’’தி?
‘‘ஏவமாவுஸோ’’தி. ச²ப்³ப³க்³கி³யா பி⁴க்கூ² உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஸத்தரஸவக்³கி³யா பி⁴க்கூ² விகாலே போ⁴ஜனங்
பு⁴ஞ்ஜிஸ்ஸந்தீ’’தி! அத² கோ² ச²ப்³ப³க்³கி³யா பி⁴க்கூ² பி⁴க்கூ²னங்
ஏதமத்த²ங் ஆரோசேஸுங். யே தே பி⁴க்கூ² அப்பிச்சா²…பே॰… தே உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ஸத்தரஸவக்³கி³யா பி⁴க்கூ² விகாலே
போ⁴ஜனங் பு⁴ஞ்ஜிஸ்ஸந்தீ’’தி…பே॰… ஸச்சங் கிர தும்ஹே, பி⁴க்க²வே, விகாலே
போ⁴ஜனங் பு⁴ஞ்ஜதா²தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம தும்ஹே, மோக⁴புரிஸா, விகாலே போ⁴ஜனங் பு⁴ஞ்ஜிஸ்ஸத²! நேதங்,
மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –
248. யோ பன பி⁴க்கு² விகாலே கா²த³னீயங் வா போ⁴ஜனீயங் வா கா²தெ³ய்ய வா பு⁴ஞ்ஜெய்ய வா, பாசித்திய’’ந்தி.
249. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
விகாலோ நாம மஜ்ஜ²ன்ஹிகே வீதிவத்தே யாவ அருணுக்³க³மனா.
கா²த³னீயங் நாம பஞ்ச போ⁴ஜனானி – யாமகாலிகங் ஸத்தாஹகாலிகங் யாவஜீவிகங் ட²பெத்வா அவஸேஸங் கா²த³னீயங் நாம.
போ⁴ஜனீயங் நாம பஞ்ச போ⁴ஜனானி – ஓத³னோ, கும்மாஸோ, ஸத்து, மச்சோ², மங்ஸங்.
‘‘கா²தி³ஸ்ஸாமி பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி பாசித்தியஸ்ஸ.
250.
விகாலே விகாலஸஞ்ஞீ கா²த³னீயங் வா போ⁴ஜனீயங் வா கா²த³தி வா பு⁴ஞ்ஜதி வா,
ஆபத்தி பாசித்தியஸ்ஸ. விகாலே வேமதிகோ கா²த³னீயங் வா போ⁴ஜனீயங் வா கா²த³தி
வா பு⁴ஞ்ஜதி வா, ஆபத்தி பாசித்தியஸ்ஸ. விகாலே காலஸஞ்ஞீ கா²த³னீயங் வா போ⁴ஜனீயங் வா கா²த³தி வா பு⁴ஞ்ஜதி வா, ஆபத்தி பாசித்தியஸ்ஸ.
யாமகாலிகங் ஸத்தாஹகாலிகங் யாவஜீவிகங் ஆஹாரத்தா²ய
படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி
து³க்கடஸ்ஸ. காலே விகாலஸஞ்ஞீ, ஆபத்தி து³க்கடஸ்ஸ. காலே வேமதிகோ, ஆபத்தி
து³க்கடஸ்ஸ. காலே காலஸஞ்ஞீ, அனாபத்தி.
251. அனாபத்தி யாமகாலிகங் ஸத்தாஹகாலிகங் யாவஜீவிகங் ஸதி பச்சயே பரிபு⁴ஞ்ஜதி, உம்மத்தகஸ்ஸ, ஆதி³கம்மிகஸ்ஸாதி.
விகாலபோ⁴ஜனஸிக்கா²பத³ங் நிட்டி²தங் ஸத்தமங்.
8. ஸன்னிதி⁴காரகஸிக்கா²பத³ங்
252. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மதோ ஆனந்த³ஸ்ஸ உபஜ்ஜா²யோ ஆயஸ்மா பே³லட்ட²ஸீஸோ [பே³லட்டி²ஸீஸோ (ஸீ॰) வேளட்ட²ஸீஸோ (ஸ்யா॰)]
அரஞ்ஞே விஹரதி. ஸோ பிண்டா³ய சரித்வா ஸுக்க²குரங் ஆராமங் ஹரித்வா
ஸுக்கா²பெத்வா நிக்கி²பதி. யதா³ ஆஹாரேன அத்தோ² ஹோதி, ததா³ உத³கேன தேமெத்வா
தேமெத்வா பு⁴ஞ்ஜதி, சிரேன கா³மங் பிண்டா³ய பவிஸதி. பி⁴க்கூ² ஆயஸ்மந்தங்
பே³லட்ட²ஸீஸங் ஏதத³வோசுங் – ‘‘கிஸ்ஸ த்வங், ஆவுஸோ, சிரேன கா³மங் பிண்டா³ய
பவிஸஸீ’’தி? அத² கோ² ஆயஸ்மா பே³லட்ட²ஸீஸோ பி⁴க்கூ²னங் ஏதமத்த²ங் ஆரோசேஸி.
‘‘கிங் பன த்வங், ஆவுஸோ, ஸன்னிதி⁴காரகங் போ⁴ஜனங் பு⁴ஞ்ஜஸீ’’தி?
‘‘ஏவமாவுஸோ’’தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஆயஸ்மா பே³லட்ட²ஸீஸோ ஸன்னிதி⁴காரகங் போ⁴ஜனங்
பு⁴ஞ்ஜிஸ்ஸதீ’’தி…பே॰… ஸச்சங் கிர த்வங், பே³லட்ட²ஸீஸ, ஸன்னிதி⁴காரகங்
போ⁴ஜனங் பு⁴ஞ்ஜஸீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம த்வங், பே³லட்ட²ஸீஸ, ஸன்னிதி⁴காரகங் போ⁴ஜனங் பு⁴ஞ்ஜிஸ்ஸஸி!
நேதங், பே³லட்ட²ஸீஸ, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
இமங் ஸிக்கா²பத³ங் உத்³தி³ஸெய்யாத² –
253. ‘‘யோ பன பி⁴க்கு² ஸன்னிதி⁴காரகங் கா²த³னீயங் வா போ⁴ஜனீயங் வா கா²தெ³ய்ய வா பு⁴ஞ்ஜெய்ய வா, பாசித்திய’’ந்தி.
254. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ஸன்னிதி⁴காரகங் நாம அஜ்ஜ படிக்³க³ஹிதங் அபரஜ்ஜு கா²தி³தங் ஹோதி.
கா²த³னீயங் நாம பஞ்ச போ⁴ஜனானி – யாமகாலிகங் ஸத்தாஹகாலிகங் யாவஜீவிகங் ட²பெத்வா அவஸேஸங் கா²த³னீயங் நாம.
போ⁴ஜனீயங் நாம பஞ்ச போ⁴ஜனானி – ஓத³னோ, கும்மாஸோ, ஸத்து, மச்சோ², மங்ஸங்.
‘‘கா²தி³ஸ்ஸாமி பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி பாசித்தியஸ்ஸ.
255.
ஸன்னிதி⁴காரகே ஸன்னிதி⁴காரகஸஞ்ஞீ கா²த³னீயங் வா போ⁴ஜனீயங் வா கா²த³தி வா
பு⁴ஞ்ஜதி வா, ஆபத்தி பாசித்தியஸ்ஸ. ஸன்னிதி⁴காரகே வேமதிகோ கா²த³னீயங் வா
போ⁴ஜனீயங் வா கா²த³தி வா பு⁴ஞ்ஜதி வா, ஆபத்தி பாசித்தியஸ்ஸ. ஸன்னிதி⁴காரகே
அஸன்னிதி⁴காரகஸஞ்ஞீ கா²த³னீயங் வா போ⁴ஜனீயங் வா கா²த³தி வா பு⁴ஞ்ஜதி வா,
ஆபத்தி பாசித்தியஸ்ஸ.
யாமகாலிகங் ஸத்தாஹகாலிகங் யாவஜீவிகங் ஆஹாரத்தா²ய
படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி
து³க்கடஸ்ஸ. அஸன்னிதி⁴காரகே ஸன்னிதி⁴காரகஸஞ்ஞீ, ஆபத்தி து³க்கடஸ்ஸ.
அஸன்னிதி⁴காரகே வேமதிகோ, ஆபத்தி து³க்கடஸ்ஸ. அஸன்னிதி⁴காரகே
அஸன்னிதி⁴காரகஸஞ்ஞீ, அனாபத்தி.
256. அனாபத்தி யாவகாலிகங் யாவகாலே நித³ஹித்வா பு⁴ஞ்ஜதி, யாமகாலிகங் யாமே நித³ஹித்வா பு⁴ஞ்ஜதி, ஸத்தாஹகாலிகங் ஸத்தாஹங் நித³ஹித்வா பு⁴ஞ்ஜதி, யாவஜீவிகங் ஸதி பச்சயே பரிபு⁴ஞ்ஜதி, உம்மத்தகஸ்ஸ, ஆதி³கம்மிகஸ்ஸாதி.
ஸன்னிதி⁴காரகஸிக்கா²பத³ங் நிட்டி²தங் அட்ட²மங்.
9. பணீதபோ⁴ஜனஸிக்கா²பத³ங்
257. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² பணீதபோ⁴ஜனானி அத்தனோ
அத்தா²ய விஞ்ஞாபெத்வா பு⁴ஞ்ஜந்தி. மனுஸ்ஸா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஸமணா ஸக்யபுத்தியா பணீதபோ⁴ஜனானி அத்தனோ அத்தா²ய
விஞ்ஞாபெத்வா பு⁴ஞ்ஜிஸ்ஸந்தி! கஸ்ஸ ஸம்பன்னங் ந மனாபங், கஸ்ஸ ஸாது³ங் ந
ருச்சதீ’’தி!! அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங்
கி²ய்யந்தானங் விபாசெந்தானங். யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா
பி⁴க்கூ² பணீதபோ⁴ஜனானி அத்தனோ அத்தா²ய விஞ்ஞாபெத்வா பு⁴ஞ்ஜிஸ்ஸந்தீ’’தி …பே॰…
ஸச்சங் கிர தும்ஹே, பி⁴க்க²வே, பணீதபோ⁴ஜனானி அத்தனோ அத்தா²ய விஞ்ஞாபெத்வா
பு⁴ஞ்ஜதா²தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா
…பே॰… கத²ஞ்ஹி நாம தும்ஹே, மோக⁴புரிஸா, பணீதபோ⁴ஜனானி அத்தனோ அத்தா²ய
விஞ்ஞாபெத்வா பு⁴ஞ்ஜிஸ்ஸத²! நேதங், மோக⁴புரிஸா, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
‘‘யானி கோ² பன தானி பணீதபோ⁴ஜனானி,
ஸெய்யதி²த³ங் – ஸப்பி நவனீதங் தேலங் மது⁴ பா²ணிதங் மச்சோ² மங்ஸங் கீ²ரங்
த³தி⁴. யோ பன பி⁴க்கு² ஏவரூபானி பணீதபோ⁴ஜனானி அத்தனோ அத்தா²ய விஞ்ஞாபெத்வா பு⁴ஞ்ஜெய்ய, பாசித்திய’’ந்தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
258.
தேன கோ² பன ஸமயேன பி⁴க்கூ² கி³லானா ஹொந்தி. கி³லானபுச்ச²கா பி⁴க்கூ²
கி³லானே பி⁴க்கூ² ஏதத³வோசுங் – ‘‘கச்சாவுஸோ க²மனீயங், கச்சி யாபனீய’’ந்தி?
‘‘புப்³பே³ மயங், ஆவுஸோ, பணீதபோ⁴ஜனானி அத்தனோ அத்தா²ய விஞ்ஞாபெத்வா
பு⁴ஞ்ஜாம, தேன நோ பா²ஸு ஹோதி; இதா³னி பன ‘‘ப⁴க³வதா படிக்கி²த்த’’ந்தி
குக்குச்சாயந்தா ந விஞ்ஞாபேம, தேன நோ ந பா²ஸு ஹோதீ’’தி. ப⁴க³வதோ ஏதமத்த²ங்
ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங்
கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, கி³லானேன பி⁴க்கு²னா
பணீதபோ⁴ஜனானி அத்தனோ அத்தா²ய விஞ்ஞாபெத்வா பு⁴ஞ்ஜிதுங். ஏவஞ்ச பன,
பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
259. ‘‘யானி கோ²
பன தானி பணீதபோ⁴ஜனானி, ஸெய்யதி²த³ங் – ஸப்பி நவனீதங் தேலங் மது⁴ பா²ணிதங்
மச்சோ² மங்ஸங் கீ²ரங் த³தி⁴. யோ பன பி⁴க்கு² ஏவரூபானி பணீதபோ⁴ஜனானி
அகி³லானோ அத்தனோ அத்தா²ய விஞ்ஞாபெத்வா பு⁴ஞ்ஜெய்ய, பாசித்திய’’ந்தி.
260. யானி கோ² பன தானி பணீதபோ⁴ஜனானீதி ஸப்பி நாம கோ³ஸப்பி வா அஜிகாஸப்பி வா மஹிங்ஸஸப்பி வா, யேஸங் மங்ஸங் கப்பதி தேஸங் ஸப்பி.
நவனீதங் நாம தேஸஞ்ஞேவ நவனீதங்.
தேலங் நாம திலதேலங் ஸாஸபதேலங் மது⁴கதேலங் ஏரண்ட³தேலங் வஸாதேலங்.
பா²ணிதங் நாம உச்சு²ம்ஹா நிப்³ப³த்தங்.
மச்சோ² நாம உத³கோ [உத³கசரோ (ஸ்யா॰ க॰)] வுச்சதி.
மங்ஸங் நாம யேஸங் மங்ஸங் கப்பதி, தேஸங் மங்ஸங்.
கீ²ரங் நாம கோ³கீ²ரங் வா அஜிகாகீ²ரங் வா மஹிங்ஸகீ²ரங் வா, யேஸங் மங்ஸங் கப்பதி, தேஸங் கீ²ரங்.
த³தி⁴ நாம தேஸஞ்ஞேவ த³தி⁴.
யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ஏவரூபானி பணீதபோ⁴ஜனானீதி ததா²ரூபானி பணீதபோ⁴ஜனானி.
அகி³லானோ நாம யஸ்ஸ வினா பணீதபோ⁴ஜனானி பா²ஸு ஹோதி.
கி³லானோ நாம யஸ்ஸ வினா பணீதபோ⁴ஜனானி ந பா²ஸு ஹோதி.
அகி³லானோ அத்தனோ அத்தா²ய விஞ்ஞாபேதி, பயோகே³ [பயோகே³ பயோகே³ (க॰)] து³க்கடங். படிலாபே⁴ன ‘‘பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி பாசித்தியஸ்ஸ.
261. அகி³லானோ அகி³லானஸஞ்ஞீ பணீதபோ⁴ஜனானி அத்தனோ அத்தா²ய விஞ்ஞாபெத்வா பு⁴ஞ்ஜதி, ஆபத்தி பாசித்தியஸ்ஸ. அகி³லானோ வேமதிகோ
பணீதபோ⁴ஜனானி அத்தனோ அத்தா²ய விஞ்ஞாபெத்வா பு⁴ஞ்ஜதி, ஆபத்தி பாசித்தியஸ்ஸ.
அகி³லானோ கி³லானஸஞ்ஞீ பணீதபோ⁴ஜனானி அத்தனோ அத்தா²ய விஞ்ஞாபெத்வா பு⁴ஞ்ஜதி,
ஆபத்தி பாசித்தியஸ்ஸ.
கி³லானோ அகி³லானஸஞ்ஞீ, ஆபத்தி து³க்கடஸ்ஸ. கி³லானோ வேமதிகோ, ஆபத்தி து³க்கடஸ்ஸ. கி³லானோ கி³லானஸஞ்ஞீ அனாபத்தி.
262. அனாபத்தி
கி³லானஸ்ஸ, கி³லானோ ஹுத்வா விஞ்ஞாபெத்வா அகி³லானோ பு⁴ஞ்ஜதி, கி³லானஸ்ஸ
ஸேஸகங் பு⁴ஞ்ஜதி, ஞாதகானங் பவாரிதானங் அஞ்ஞஸ்ஸத்தா²ய அத்தனோ த⁴னேன,
உம்மத்தகஸ்ஸ, ஆதி³கம்மிகஸ்ஸாதி.
பணீதபோ⁴ஜனஸிக்கா²பத³ங் நிட்டி²தங் நவமங்.
10. த³ந்தபோனஸிக்கா²பத³ங்
263. தேன
ஸமயேன பு³த்³தோ⁴ ப⁴க³வா வேஸாலியங் விஹரதி மஹாவனே கூடாகா³ரஸாலாயங். தேன கோ²
பன ஸமயேன அஞ்ஞதரோ பி⁴க்கு² ஸப்³ப³பங்ஸுகூலிகோ ஸுஸானே விஹரதி. ஸோ மனுஸ்ஸேஹி
தி³ய்யமானங் ந இச்ச²தி படிக்³க³ஹேதுங், ஸுஸானேபி ருக்க²மூலேபி உம்மாரேபி
அய்யவோஸாடிதகானி ஸாமங் க³ஹெத்வா பரிபு⁴ஞ்ஜதி [பு⁴ஞ்ஜதி (ஸ்யா॰)].
மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம அயங் பி⁴க்கு²
அம்ஹாகங் அய்யவோஸாடிதகானி ஸாமங் க³ஹெத்வா பரிபு⁴ஞ்ஜிஸ்ஸதி! தே²ரோயங்
பி⁴க்கு² வட²ரோ மனுஸ்ஸமங்ஸங் மஞ்ஞே கா²த³தீ’’தி! அஸ்ஸோஸுங் கோ² பி⁴க்கூ²
தேஸங் மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். யே தே
பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு² அதி³ன்னங் முக²த்³வாரங் ஆஹாரங் ஆஹரிஸ்ஸதீ’’தி…பே॰…
ஸச்சங் கிர த்வங், பி⁴க்கு², அதி³ன்னங் முக²த்³வாரங் ஆஹாரங் ஆஹரஸீதி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம த்வங்,
மோக⁴புரிஸ, அதி³ன்னங் முக²த்³வாரங் ஆஹாரங் ஆஹரிஸ்ஸஸி! நேதங், மோக⁴புரிஸ,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –
‘‘யோ பன பி⁴க்கு² அதி³ன்னங் முக²த்³வாரங் ஆஹாரங் ஆஹரெய்ய, பாசித்திய’’ந்தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
264. தேன கோ² பன ஸமயேன பி⁴க்கூ² உத³கத³ந்தபோனே [உத³கத³ந்தபோணே (ஸ்யா॰ க॰)] குக்குச்சாயந்தி . ப⁴க³வதோ ஏதமத்த²ங்
ஆரோசேஸுங்…பே॰… ‘‘அனுஜானாமி, பி⁴க்க²வே, உத³கத³ந்தபோனங் ஸாமங் க³ஹெத்வா
பரிபு⁴ஞ்ஜிதுங். ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
265. ‘‘யோ பன பி⁴க்கு² அதி³ன்னங் முக²த்³வாரங் ஆஹாரங் ஆஹரெய்ய, அஞ்ஞத்ர உத³கத³ந்தபோனா, பாசித்திய’’ந்தி.
266. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
அதி³ன்னங் நாம அப்படிக்³க³ஹிதகங் வுச்சதி.
தி³ன்னங் நாம காயேன வா
காயபடிப³த்³தே⁴ன வா நிஸ்ஸக்³கி³யேன வா தெ³ந்தே ஹத்த²பாஸே டி²தோ காயேன வா
காயபடிப³த்³தே⁴ன வா படிக்³க³ண்ஹாதி, ஏதங் தி³ன்னங் நாம.
ஆஹாரோ நாம உத³கத³ந்தபோனங் ட²பெத்வா யங்கிஞ்சி அஜ்ஜோ²ஹரணீயங், ஏஸோ ஆஹாரோ நாம.
அஞ்ஞத்ர உத³கத³ந்தபோனாதி ட²பெத்வா உத³கத³ந்தபோனங்.
‘‘கா²தி³ஸ்ஸாமி பு⁴ஞ்ஜிஸ்ஸாமீ’’தி க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி பாசித்தியஸ்ஸ.
267.
அப்படிக்³க³ஹிதகே அப்படிக்³க³ஹிதகஸஞ்ஞீ அதி³ன்னங் முக²த்³வாரங் ஆஹாரங்
ஆஹாரேதி, அஞ்ஞத்ர உத³கத³ந்தபோனா, ஆபத்தி பாசித்தியஸ்ஸ. அப்படிக்³க³ஹிதகே
வேமதிகோ அதி³ன்னங் முக²த்³வாரங் ஆஹாரங் ஆஹாரேதி, அஞ்ஞத்ர உத³கத³ந்தபோனா,
ஆபத்தி பாசித்தியஸ்ஸ. அப்படிக்³க³ஹிதகே படிக்³க³ஹிதகஸஞ்ஞீ அதி³ன்னங்
முக²த்³வாரங் ஆஹாரங் ஆஹாரேதி, அஞ்ஞத்ர உத³கத³ந்தபோனா, ஆபத்தி பாசித்தியஸ்ஸ.
படிக்³க³ஹிதகே அப்படிக்³க³ஹிதகஸஞ்ஞீ, ஆபத்தி து³க்கடஸ்ஸ. படிக்³க³ஹிதகே வேமதிகோ, ஆபத்தி து³க்கடஸ்ஸ. படிக்³க³ஹிதகே படிக்³க³ஹிதகஸஞ்ஞீ, அனாபத்தி.
268. அனாபத்தி உத³கத³ந்தபோனே, சத்தாரி மஹாவிகதானி ஸதி பச்சயே அஸதி கப்பியகாரகே ஸாமங் க³ஹெத்வா பரிபு⁴ஞ்ஜதி, உம்மத்தகஸ்ஸ, ஆதி³கம்மிகஸ்ஸாதி.
த³ந்தபோனஸிக்கா²பத³ங் நிட்டி²தங் த³ஸமங்.
போ⁴ஜனவக்³கோ³ சதுத்தோ².
தஸ்ஸுத்³தா³னங் –
பிண்டோ³ க³ணங் பரங் பூவங், த்³வே ச வுத்தா பவாரணா;
விகாலே ஸன்னிதீ⁴ கீ²ரங், த³ந்தபோனேன தே த³ஸாதி.
5. அசேலகவக்³கோ³
1. அசேலகஸிக்கா²பத³ங்
269. தேன
ஸமயேன பு³த்³தோ⁴ ப⁴க³வா வேஸாலியங் விஹரதி மஹாவனே கூடாகா³ரஸாலாயங். தேன கோ²
பன ஸமயேன ஸங்க⁴ஸ்ஸ கா²த³னீயங் உஸ்ஸன்னங் ஹோதி. அத² கோ² ஆயஸ்மா ஆனந்தோ³
ப⁴க³வதோ ஏதமத்த²ங் ஆரோசேஸி. ‘‘தேனஹானந்த³, விகா⁴ஸாதா³னங் பூவங் தே³ஹீ’’தி.
‘‘ஏவங் ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ படிஸ்ஸுணித்வா விகா⁴ஸாதே³
படிபாடியா நிஸீதா³பெத்வா ஏகேகங் பூவங் தெ³ந்தோ அஞ்ஞதரிஸ்ஸா பரிப்³பா³ஜிகாய
ஏகங் மஞ்ஞமானோ த்³வே பூவே அதா³ஸி. ஸாமந்தா பரிப்³பா³ஜிகாயோ தங்
பரிப்³பா³ஜிகங் ஏதத³வோசுங் – ‘‘ஜாரோ தே ஏஸோ ஸமணோ’’தி. ‘‘ந மே ஸோ ஸமணோ ஜாரோ,
ஏகங் மஞ்ஞமானோ த்³வே பூவே அதா³ஸீ’’தி. து³தியம்பி கோ²…பே॰… ததியம்பி கோ²
ஆயஸ்மா ஆனந்தோ³ ஏகேகங் பூவங் தெ³ந்தோ தஸ்ஸாயேவ பரிப்³பா³ஜிகாய ஏகங்
மஞ்ஞமானோ த்³வே பூவே அதா³ஸி. ஸாமந்தா பரிப்³பா³ஜிகாயோ தங் பரிப்³பா³ஜிகங்
ஏதத³வோசுங் – ‘‘ஜாரோ தே ஏஸோ ஸமணோ’’தி. ‘‘ந மே ஸோ ஸமணோ ஜாரோ, ஏகங் மஞ்ஞமானோ
த்³வே பூவே அதா³ஸீ’’தி. ‘‘ஜாரோ ந ஜாரோ’’தி ப⁴ண்டி³ங்ஸு. அஞ்ஞதரோபி ஆஜீவகோ
பரிவேஸனங் அக³மாஸி. அஞ்ஞதரோ பி⁴க்கு² பஹூதேன ஸப்பினா ஓத³னங் மத்³தி³த்வா
தஸ்ஸ ஆஜீவகஸ்ஸ மஹந்தங் பிண்ட³ங் அதா³ஸி. அத² கோ² ஸோ ஆஜீவகோ தங் பிண்ட³ங் ஆதா³ய அக³மாஸி. அஞ்ஞதரோ ஆஜீவகோ தங் ஆஜீவகங் ஏதத³வோச – ‘‘குதோ தயா, ஆவுஸோ, பிண்டோ³ லத்³தோ⁴’’தி? ‘‘தஸ்ஸாவுஸோ, ஸமணஸ்ஸ கோ³தமஸ்ஸ முண்ட³க³ஹபதிகஸ்ஸ பரிவேஸனாய லத்³தோ⁴’’தி.
அஸ்ஸோஸுங் கோ² உபாஸகா தேஸங் ஆஜீவகானங் இமங்
கதா²ஸல்லாபங். அத² கோ² தே உபாஸகா யேன ப⁴க³வா தேனுபஸங்கமிங்ஸு; உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங் நிஸின்னா கோ² தே
உபாஸகா ப⁴க³வந்தங் ஏதத³வோசுங் – ‘‘இமே, ப⁴ந்தே, தித்தி²யா அவண்ணகாமா
பு³த்³த⁴ஸ்ஸ அவண்ணகாமா த⁴ம்மஸ்ஸ அவண்ணகாமா ஸங்க⁴ஸ்ஸ. ஸாது⁴, ப⁴ந்தே, அய்யா
தித்தி²யானங் ஸஹத்தா² ந த³தெ³ய்யு’’ந்தி. அத² கோ² ப⁴க³வா தே உபாஸகே
த⁴ம்மியா கதா²ய ஸந்த³ஸ்ஸேஸி ஸமாத³பேஸி ஸமுத்தேஜேஸி ஸம்பஹங்ஸேஸி. அத² கோ² தே
உபாஸகா ப⁴க³வதா த⁴ம்மியா கதா²ய ஸந்த³ஸ்ஸிதா ஸமாத³பிதா ஸமுத்தேஜிதா
ஸம்பஹங்ஸிதா உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங் கத்வா
பக்கமிங்ஸு. அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங்
கத²ங் கத்வா பி⁴க்கூ² ஆமந்தேஸி – ‘‘தேன ஹி, பி⁴க்க²வே, பி⁴க்கூ²னங்
ஸிக்கா²பத³ங் பஞ்ஞபெஸ்ஸாமி த³ஸ அத்த²வஸே படிச்ச – ஸங்க⁴ஸுட்டு²தாய,
ஸங்க⁴பா²ஸுதாய …பே॰… ஸத்³த⁴ம்மட்டி²தியா, வினயானுக்³க³ஹாய. ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
270. ‘‘யோ பன பி⁴க்கு² அசேலகஸ்ஸ வா பரிப்³பா³ஜகஸ்ஸ வா பரிப்³பா³ஜிகாய வா ஸஹத்தா² கா²த³னீயங் வா போ⁴ஜனீயங் வா த³தெ³ய்ய, பாசித்திய’’ந்தி.
271. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
அசேலகோ நாம யோ கோசி பரிப்³பா³ஜகஸமாபன்னோ நக்³கோ³.
பரிப்³பா³ஜகோ நாம பி⁴க்கு²ஞ்ச ஸாமணேரஞ்ச ட²பெத்வா யோ கோசி பரிப்³பா³ஜகஸமாபன்னோ.
பரிப்³பா³ஜிகா நாம பி⁴க்கு²னிஞ்ச ஸிக்க²மானஞ்ச ஸாமணேரிஞ்ச ட²பெத்வா யா காசி பரிப்³பா³ஜிகஸமாபன்னா.
கா²த³னீயங் நாம பஞ்ச போ⁴ஜனானி – உத³கத³ந்தபோனங் ட²பெத்வா அவஸேஸங் கா²த³னீயங் நாம.
போ⁴ஜனீயங் நாம பஞ்ச போ⁴ஜனானி – ஓத³னோ, கும்மாஸோ, ஸத்து, மச்சோ², மங்ஸங்.
த³தெ³ய்யாதி காயேன வா காயபடிப³த்³தே⁴ன வா நிஸ்ஸக்³கி³யேன வா தே³தி, ஆபத்தி பாசித்தியஸ்ஸ.
272.
தித்தி²யே தித்தி²யஸஞ்ஞீ ஸஹத்தா² கா²த³னீயங் வா போ⁴ஜனீயங் வா தே³தி,
ஆபத்தி பாசித்தியஸ்ஸ. தித்தி²யே வேமதிகோ ஸஹத்தா² கா²த³னீயங் வா போ⁴ஜனீயங்
வா தே³தி, ஆபத்தி பாசித்தியஸ்ஸ. தித்தி²யே அதித்தி²யஸஞ்ஞீ ஸஹத்தா²
கா²த³னீயங் வா போ⁴ஜனீயங் வா தே³தி, ஆபத்தி பாசித்தியஸ்ஸ.
உத³கத³ந்தபோனங் தே³தி, ஆபத்தி து³க்கடஸ்ஸ. அதித்தி²யே
தித்தி²யஸஞ்ஞீ, ஆபத்தி து³க்கடஸ்ஸ. அதித்தி²யே வேமதிகோ, ஆபத்தி து³க்கடஸ்ஸ.
அதித்தி²யே அதித்தி²யஸஞ்ஞீ, அனாபத்தி.
273. அனாபத்தி தா³பேதி ந தே³தி, உபனிக்கி²பித்வா தே³தி, பா³ஹிராலேபங் தே³தி, உம்மத்தகஸ்ஸ, ஆதி³கம்மிகஸ்ஸாதி.
அசேலகஸிக்கா²பத³ங் நிட்டி²தங் பட²மங்.
2. உய்யோஜனஸிக்கா²பத³ங்
274. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா உபனந்தோ³ ஸக்யபுத்தோ பா⁴துனோ
ஸத்³தி⁴விஹாரிகங் பி⁴க்கு²ங் ஏதத³வோச – ‘‘ஏஹாவுஸோ, கா³மங் பிண்டா³ய
பவிஸிஸ்ஸாமா’’தி. தஸ்ஸ அதா³பெத்வா உய்யோஜேஸி – ‘‘க³ச்சா²வுஸோ, ந மே தயா
ஸத்³தி⁴ங் கதா² வா நிஸஜ்ஜா வா பா²ஸு ஹோதி, ஏககஸ்ஸ மே கதா²
வா நிஸஜ்ஜா வா பா²ஸு ஹோதீ’’தி. அத² கோ² ஸோ பி⁴க்கு² உபகட்டே² காலே
நாஸக்கி² பிண்டா³ய சரிதுங், படிக்கமனேபி ப⁴த்தவிஸ்ஸக்³க³ங் ந ஸம்பா⁴வேஸி,
சி²ன்னப⁴த்தோ அஹோஸி. அத² கோ² ஸோ பி⁴க்கு² ஆராமங் க³ந்த்வா பி⁴க்கூ²னங்
ஏதமத்த²ங் ஆரோசேஸி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா உபனந்தோ³ ஸக்யபுத்தோ
பி⁴க்கு²ங் – ‘ஏஹாவுஸோ, கா³மங் பிண்டா³ய பவிஸிஸ்ஸாமா’தி தஸ்ஸ அதா³பெத்வா உய்யோஜெஸ்ஸதீ’’தி
…பே॰… ஸச்சங் கிர த்வங், உபனந்த³, பி⁴க்கு²ங் – ‘‘ஏஹாவுஸோ, கா³மங்
பிண்டா³ய பவிஸிஸ்ஸாமா’’தி தஸ்ஸ அதா³பெத்வா உய்யோஜேஸீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம த்வங், மோக⁴புரிஸ,
பி⁴க்கு²ங் – ‘‘ஏஹாவுஸோ, கா³மங் பிண்டா³ய பவிஸிஸ்ஸாமா’’தி தஸ்ஸ அதா³பெத்வா
உய்யோஜெஸ்ஸஸி! நேதங், மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே , இமங் ஸிக்கா²பத³ங் உத்³தி³ஸெய்யாத² –
275. ‘‘யோ
பன பி⁴க்கு² பி⁴க்கு²ங் – ‘‘ஏஹாவுஸோ, கா³மங் வா நிக³மங் வா பிண்டா³ய
பவிஸிஸ்ஸாமா’தி தஸ்ஸ தா³பெத்வா வா அதா³பெத்வா வா உய்யோஜெய்ய –
‘க³ச்சா²வுஸோ, ந மே தயா ஸத்³தி⁴ங் கதா² வா நிஸஜ்ஜா வா பா²ஸு ஹோதி, ஏககஸ்ஸ
மே கதா² வா நிஸஜ்ஜா வா பா²ஸு ஹோதீ’தி, ஏததே³வ பச்சயங் கரித்வா அனஞ்ஞங்,
பாசித்திய’’ந்தி.
276. யோ பனாதி யோ, யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
பி⁴க்கு²ந்தி அஞ்ஞங் பி⁴க்கு²ங்.
ஏஹாவுஸோ, கா³மங் வா நிக³மங் வாதி கா³மோபி நிக³மோபி நக³ரம்பி, கா³மோ சேவ நிக³மோ ச.
தஸ்ஸ தா³பெத்வாதி யாகு³ங் வா ப⁴த்தங் வா கா²த³னீயங் வா போ⁴ஜனீயங் வா தா³பெத்வா.
அதா³பெத்வாதி ந கிஞ்சி தா³பெத்வா.
உய்யோஜெய்யாதி மாதுகா³மேன
ஸத்³தி⁴ங் ஹஸிதுகாமோ கீளிதுகாமோ ரஹோ நிஸீதி³துகாமோ அனாசாரங் ஆசரிதுகாமோ
ஏவங் வதே³தி – ‘‘க³ச்சா²வுஸோ, ந மே தயா ஸத்³தி⁴ங் கதா² வா நிஸஜ்ஜா வா பா²ஸு
ஹோதி, ஏககஸ்ஸ மே கதா² வா நிஸஜ்ஜா வா பா²ஸு ஹோதீ’’தி உய்யோஜேதி, ஆபத்தி
து³க்கடஸ்ஸ. த³ஸ்ஸனூபசாரங் வா ஸவனூபசாரங் வா விஜஹந்தஸ்ஸ ஆபத்தி து³க்கடஸ்ஸ.
விஜஹிதே, ஆபத்தி பாசித்தியஸ்ஸ.
ஏததே³வ பச்சயங் கரித்வா அனஞ்ஞந்தி ந அஞ்ஞோ கோசி பச்சயோ ஹோதி உய்யோஜேதுங்.
277. உபஸம்பன்னே உபஸம்பன்னஸஞ்ஞீ உய்யோஜேதி, ஆபத்தி பாசித்தியஸ்ஸ . உபஸம்பன்னே வேமதிகோ உய்யோஜேதி, ஆபத்தி பாசித்தியஸ்ஸ. உபஸம்பன்னே அனுபஸம்பன்னஸஞ்ஞீ உய்யோஜேதி, ஆபத்தி பாசித்தியஸ்ஸ.
கலிஸாஸனங் ஆரோபேதி, ஆபத்தி து³க்கடஸ்ஸ. அனுபஸம்பன்னங்
உய்யோஜேதி, ஆபத்தி து³க்கடஸ்ஸ. கலிஸாஸனங் ஆரோபேதி, ஆபத்தி து³க்கடஸ்ஸ.
அனுபஸம்பன்னே உபஸம்பன்னஸஞ்ஞீ, ஆபத்தி து³க்கடஸ்ஸ. அனுபஸம்பன்னே வேமதிகோ, ஆபத்தி து³க்கடஸ்ஸ. அனுபஸம்பன்னே அனுபஸம்பன்னஸஞ்ஞீ, ஆபத்தி து³க்கடஸ்ஸ.
278.
அனாபத்தி ‘‘உபோ⁴ ஏகதோ ந யாபெஸ்ஸாமா’’தி உய்யோஜேதி, ‘‘மஹக்³க⁴ங் ப⁴ண்ட³ங்
பஸ்ஸித்வா லோப⁴த⁴ம்மங் உப்பாதெ³ஸ்ஸதீ’’தி உய்யோஜேதி, ‘‘மாதுகா³மங்
பஸ்ஸித்வா அனபி⁴ரதிங் உப்பாதெ³ஸ்ஸதீ’’தி உய்யோஜேதி, ‘‘கி³லானஸ்ஸ வா
ஓஹிய்யகஸ்ஸ வா விஹாரபாலஸ்ஸ வா யாகு³ங் வா ப⁴த்தங் வா கா²த³னீயங் வா
போ⁴ஜனீயங் வா நீஹரா’’தி உய்யோஜேதி, ந அனாசாரங் ஆசரிதுகாமோ, ஸதி கரணீயே
உய்யோஜேதி, உம்மத்தகஸ்ஸ, ஆதி³கம்மிகஸ்ஸாதி.
உய்யோஜனஸிக்கா²பத³ங் நிட்டி²தங் து³தியங்.
3. ஸபோ⁴ஜனஸிக்கா²பத³ங்
279. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா உபனந்தோ³ ஸக்யபுத்தோ ஸஹாயகஸ்ஸ க⁴ரங்
க³ந்த்வா தஸ்ஸ பஜாபதியா ஸத்³தி⁴ங் ஸயனிக⁴ரே [ஸயனீக⁴ரே (ஸ்யா॰)]
நிஸஜ்ஜங் கப்பேஸி. அத² கோ² ஸோ புரிஸோ யேனாயஸ்மா உபனந்தோ³ ஸக்யபுத்தோ
தேனுபஸங்கமி; உபஸங்கமித்வா ஆயஸ்மந்தங் உபனந்த³ங் ஸக்யபுத்தங் அபி⁴வாதெ³த்வா
ஏகமந்தங் நிஸீதி³. ஏகமந்தங் நிஸின்னோ கோ² ஸோ புரிஸோ பஜாபதிங் ஏதத³வோச –
‘‘த³தே³ஹாய்யஸ்ஸ பி⁴க்க²’’ந்தி. அத² கோ² ஸா இத்தீ² ஆயஸ்மதோ உபனந்த³ஸ்ஸ
ஸக்யபுத்தஸ்ஸ பி⁴க்க²ங் அதா³ஸி. அத² கோ² ஸோ புரிஸோ ஆயஸ்மந்தங் உபனந்த³ங்
ஸக்யபுத்தங் ஏதத³வோச – ‘‘க³ச்ச²த², ப⁴ந்தே, யதோ அய்யஸ்ஸ பி⁴க்கா²
தி³ன்னா’’தி. அத² கோ² ஸா இத்தீ² ஸல்லக்கெ²த்வா – ‘‘பரியுட்டி²தோ அயங்
புரிஸோ’’தி, ஆயஸ்மந்தங் உபனந்த³ங் ஸக்யபுத்தங் ஏதத³வோச
– ‘‘நிஸீத³த², ப⁴ந்தே, மா அக³மித்தா²’’தி. து³தியம்பி கோ² ஸோ புரிஸோ…பே॰…
ததியம்பி கோ² ஸோ புரிஸோ ஆயஸ்மந்தங் உபனந்த³ங் ஸக்யபுத்தங் ஏதத³வோச
– ‘‘க³ச்ச²த², ப⁴ந்தே, யதோ அய்யஸ்ஸ பி⁴க்கா² தி³ன்னா’’தி. ததியம்பி கோ² ஸா
இத்தீ² ஆயஸ்மந்தங் உபனந்த³ங் ஸக்யபுத்தங் ஏதத³வோச – ‘‘நிஸீத³த², ப⁴ந்தே,
மா அக³மித்தா²’’தி.
அத² கோ² ஸோ புரிஸோ நிக்க²மித்வா பி⁴க்கூ² உஜ்ஜா²பேஸி –
‘‘அயங், ப⁴ந்தே, அய்யோ உபனந்தோ³ மய்ஹங் பஜாபதியா ஸத்³தி⁴ங் ஸயனிக⁴ரே
நிஸின்னோ. ஸோ மயா உய்யோஜீயமானோ ந இச்ச²தி க³ந்துங்.
ப³ஹுகிச்சா மயங் ப³ஹுகரணீயா’’தி. யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா உபனந்தோ³
ஸக்யபுத்தோ ஸபோ⁴ஜனே குலே அனுபக²ஜ்ஜ நிஸஜ்ஜங்
கப்பெஸ்ஸதீ’’தி…பே॰… ஸச்சங் கிர த்வங், உபனந்த³, ஸபோ⁴ஜனே குலே அனுபக²ஜ்ஜ
நிஸஜ்ஜங் கப்பேஸீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம த்வங், மோக⁴புரிஸ, ஸபோ⁴ஜனே குலே அனுபக²ஜ்ஜ நிஸஜ்ஜங்
கப்பெஸ்ஸஸி! நேதங், மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
280. ‘‘யோ பன பி⁴க்கு² ஸபோ⁴ஜனே குலே அனுபக²ஜ்ஜ நிஸஜ்ஜங் கப்பெய்ய, பாசித்திய’’ந்தி.
281. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ஸபோ⁴ஜனங் நாம குலங் இத்தீ² சேவ ஹோதி புரிஸோ ச, இத்தீ² ச புரிஸோ ச உபோ⁴ அனிக்க²ந்தா ஹொந்தி, உபோ⁴ அவீதராகா³.
அனுபக²ஜ்ஜாதி அனுபவிஸித்வா.
நிஸஜ்ஜங் கப்பெய்யாதி மஹல்லகே க⁴ரே பிட்ட²ஸங்கா⁴டஸ்ஸ [பிட்டி²ஸங்கா⁴டஸ்ஸ (ஸ்யா॰)] ஹத்த²பாஸங் விஜஹித்வா நிஸீத³தி, ஆபத்தி பாசித்தியஸ்ஸ. கு²த்³த³கே க⁴ரே பிட்டி²வங்ஸங் அதிக்கமித்வா நிஸீத³தி, ஆபத்தி பாசித்தியஸ்ஸ.
282. ஸயனிக⁴ரே ஸயனிக⁴ரஸஞ்ஞீ ஸபோ⁴ஜனே குலே அனுபக²ஜ்ஜ நிஸஜ்ஜங் கப்பேதி, ஆபத்தி பாசித்தியஸ்ஸ. ஸயனிக⁴ரே வேமதிகோ ஸபோ⁴ஜனே குலே அனுபக²ஜ்ஜ நிஸஜ்ஜங் கப்பேதி, ஆபத்தி பாசித்தியஸ்ஸ. ஸயனிக⁴ரே நஸயனிக⁴ரஸஞ்ஞீ ஸபோ⁴ஜனே குலே அனுபக²ஜ்ஜ நிஸஜ்ஜங் கப்பேதி, ஆபத்தி பாசித்தியஸ்ஸ.
நஸயனிக⁴ரே ஸயனிக⁴ரஸஞ்ஞீ, ஆபத்தி து³க்கடஸ்ஸ. நஸயனிக⁴ரே வேமதிகோ, ஆபத்தி து³க்கடஸ்ஸ. நஸயனிக⁴ரே நஸயனிக⁴ரஸஞ்ஞீ, அனாபத்தி.
283.
அனாபத்தி மஹல்லகே க⁴ரே பிட்ட²ஸங்கா⁴டஸ்ஸ ஹத்த²பாஸங் அவிஜஹித்வா நிஸீத³தி,
கு²த்³த³கே க⁴ரே பிட்டி²வங்ஸங் அனதிக்கமித்வா நிஸீத³தி, பி⁴க்கு² து³தியோ
ஹோதி, உபோ⁴ நிக்க²ந்தா ஹொந்தி, உபோ⁴ வீதராகா³, நஸயனிக⁴ரே, உம்மத்தகஸ்ஸ,
ஆதி³கம்மிகஸ்ஸாதி.
ஸபோ⁴ஜனஸிக்கா²பத³ங் நிட்டி²தங் ததியங்.
4. ரஹோபடிச்ச²ன்னஸிக்கா²பத³ங்
284. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா உபனந்தோ³ ஸக்யபுத்தோ ஸஹாயகஸ்ஸ க⁴ரங்
க³ந்த்வா தஸ்ஸ பஜாபதியா ஸத்³தி⁴ங் ரஹோ படிச்ச²ன்னே ஆஸனே
நிஸஜ்ஜங் கப்பேஸி. அத² கோ² ஸோ புரிஸோ உஜ்ஜா²யதி கி²ய்யதி விபாசேதி –
‘‘கத²ஞ்ஹி நாம அய்யோ உபனந்தோ³ மய்ஹங் பஜாபதியா ஸத்³தி⁴ங் ரஹோ படிச்ச²ன்னே
ஆஸனே நிஸஜ்ஜங் கப்பெஸ்ஸதீ’’தி! அஸ்ஸோஸுங் கோ² பி⁴க்கூ² தஸ்ஸ புரிஸஸ்ஸ
உஜ்ஜா²யந்தஸ்ஸ கி²ய்யந்தஸ்ஸ விபாசெந்தஸ்ஸ. யே தே பி⁴க்கூ² அப்பிச்சா²…பே॰…
தே உஜ்ஜா²யந்தி கி²ய்யந்தி விபாசெந்தி – கத²ஞ்ஹி நாம ஆயஸ்மா உபனந்தோ³
ஸக்யபுத்தோ மாதுகா³மேன ஸத்³தி⁴ங் ரஹோ படிச்ச²ன்னே ஆஸனே நிஸஜ்ஜங்
கப்பெஸ்ஸதீதி…பே॰… ஸச்சங் கிர த்வங், உபனந்த³, மாதுகா³மேன ஸத்³தி⁴ங் ரஹோ
படிச்ச²ன்னே ஆஸனே நிஸஜ்ஜங் கப்பேஸீதி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம த்வங், மோக⁴புரிஸ, மாதுகா³மேன ஸத்³தி⁴ங்
ரஹோ படிச்ச²ன்னே ஆஸனே நிஸஜ்ஜங் கப்பெஸ்ஸஸி! நேதங், மோக⁴புரிஸ,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –
285. ‘‘யோ பன பி⁴க்கு² மாதுகா³மேன ஸத்³தி⁴ங் ரஹோ படிச்ச²ன்னே ஆஸனே நிஸஜ்ஜங் கப்பெய்ய, பாசித்திய’’ந்தி.
286. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
மாதுகா³மோ நாம மனுஸ்ஸித்தீ², ந யக்கீ² ந பேதீ ந திரச்சா²னக³தா, அந்தமஸோ தத³ஹுஜாதாபி தா³ரிகா, பகே³வ மஹத்தரீ.
ஸத்³தி⁴ந்தி ஏகதோ.
[பாசி॰ 200,291; பாரா॰ 445,454] ரஹோ
நாம சக்கு²ஸ்ஸ ரஹோ ஸோதஸ்ஸ ரஹோ. சக்கு²ஸ்ஸ ரஹோ நாம ந ஸக்கா ஹோதி அக்கி²ங்
வா நிக²ணீயமானே ப⁴முகங் வா உக்கி²பீயமானே ஸீஸங் வா உக்கி²பீயமானே
பஸ்ஸிதுங். ஸோதஸ்ஸ ரஹோ நாம ந ஸக்கா ஹோதி பகதிகதா² ஸோதுங்.
[பாரா॰ 445] படிச்ச²ன்னங் நாம ஆஸனங் குட்டேன [குட்³டே³ன (ஸீ॰ ஸ்யா॰)] வா கவாடேன வா கிலஞ்ஜேன வா ஸாணிபாகாரேன வா ருக்கே²ன வா த²ம்பே⁴ன வா கொத்த²ளியா [கொட்ட²ளியா (ஸீ॰ ஸ்யா॰) கொத்த²ளிகாய (க॰)] வா, யேன கேனசி படிச்ச²ன்னங் ஹோதி.
நிஸஜ்ஜங் கப்பெய்யாதி
மாதுகா³மே நிஸின்னே பி⁴க்கு² உபனிஸின்னோ வா ஹோதி உபனிபன்னோ வா, ஆபத்தி
பாசித்தியஸ்ஸ. பி⁴க்கு² நிஸின்னே மாதுகா³மோ உபனிஸின்னோ வா ஹோதி உபனிபன்னோ
வா, ஆபத்தி பாசித்தியஸ்ஸ. உபோ⁴ வா நிஸின்னா ஹொந்தி உபோ⁴ வா நிபன்னா, ஆபத்தி
பாசித்தியஸ்ஸ.
287.
மாதுகா³மே மாதுகா³மஸஞ்ஞீ ரஹோ படிச்ச²ன்னே ஆஸனே நிஸஜ்ஜங் கப்பேதி, ஆபத்தி
பாசித்தியஸ்ஸ. மாதுகா³மே வேமதிகோ ரஹோ படிச்ச²ன்னே ஆஸனே நிஸஜ்ஜங் கப்பேதி,
ஆபத்தி பாசித்தியஸ்ஸ. மாதுகா³மே அமாதுகா³மஸஞ்ஞீ ரஹோ படிச்ச²ன்னே ஆஸனே
நிஸஜ்ஜங் கப்பேதி, ஆபத்தி பாசித்தியஸ்ஸ.
யக்கி²யா வா பேதியா வா பண்ட³கேன வா
திரச்சா²னக³தாய வா மனுஸ்ஸவிக்³க³ஹித்தி²யா வா ஸத்³தி⁴ங் ரஹோ படிச்ச²ன்னே
ஆஸனே நிஸஜ்ஜங் கப்பேதி, ஆபத்தி து³க்கடஸ்ஸ. அமாதுகா³மே மாதுகா³மஸஞ்ஞீ,
ஆபத்தி து³க்கடஸ்ஸ. அமாதுகா³மே வேமதிகோ, ஆபத்தி து³க்கடஸ்ஸ. அமாதுகா³மே அமாதுகா³மஸஞ்ஞீ, அனாபத்தி.
288. அனாபத்தி யோ கோசி விஞ்ஞூ புரிஸோ து³தியோ ஹோதி, திட்ட²தி ந நிஸீத³தி, அரஹோபெக்கோ², அஞ்ஞவிஹிதோ நிஸீத³தி, உம்மத்தகஸ்ஸ, ஆதி³கம்மிகஸ்ஸாதி.
ரஹோபடிச்ச²ன்னஸிக்கா²பத³ங் நிட்டி²தங் சதுத்த²ங்.
5. ரஹோனிஸஜ்ஜஸிக்கா²பத³ங்
289.
தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா உபனந்தோ³ ஸக்யபுத்தோ ஸஹாயகஸ்ஸ க⁴ரங்
க³ந்த்வா தஸ்ஸ பஜாபதியா ஸத்³தி⁴ங் ஏகோ ஏகாய ரஹோ நிஸஜ்ஜங் கப்பேஸி. அத² கோ²
ஸோ புரிஸோ உஜ்ஜா²யதி கி²ய்யதி விபாசேதி – ‘‘கத²ஞ்ஹி நாம அய்யோ உபனந்தோ³
மய்ஹங் பஜாபதியா ஸத்³தி⁴ங் ஏகோ ஏகாய ரஹோ நிஸஜ்ஜங் கப்பெஸ்ஸதீ’’தி!
அஸ்ஸோஸுங் கோ² பி⁴க்கூ² தஸ்ஸ புரிஸஸ்ஸ உஜ்ஜா²யந்தஸ்ஸ கி²ய்யந்தஸ்ஸ
விபாசெந்தஸ்ஸ. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஆயஸ்மா உபனந்தோ³ ஸக்யபுத்தோ மாதுகா³மேன
ஸத்³தி⁴ங் ஏகோ ஏகாய ரஹோ நிஸஜ்ஜங் கப்பெஸ்ஸதீ’’தி…பே॰… ஸச்சங் கிர த்வங்,
உபனந்த³, மாதுகா³மேன ஸத்³தி⁴ங் ஏகோ ஏகாய ரஹோ நிஸஜ்ஜங் கப்பேஸீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம த்வங், மோக⁴புரிஸ,
மாதுகா³மேன ஸத்³தி⁴ங் ஏகோ ஏகாய ரஹோ நிஸஜ்ஜங் கப்பெஸ்ஸஸி! நேதங்,
மோக⁴புரிஸ, அப்பஸன்னானங் வா பாஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –
290. ‘‘யோ பன பி⁴க்கு² மாதுகா³மேன ஸத்³தி⁴ங் ஏகோ ஏகாய ரஹோ நிஸஜ்ஜங் கப்பெய்ய, பாசித்திய’’ந்தி.
291. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
மாதுகா³மோ நாம மனுஸ்ஸித்தீ², ந யக்கீ² ந பேதீ ந திரச்சா²னக³தா, விஞ்ஞூ படிப³லா ஸுபா⁴ஸிதது³ப்³பா⁴ஸிதங் து³ட்டு²ல்லாது³ட்டு²ல்லங் ஆஜானிதுங்.
ஸத்³தி⁴ந்தி ஏகதோ.
ஏகோ ஏகாயாதி பி⁴க்கு² சேவ ஹோதி மாதுகா³மோ ச.
[பாசி॰ 200,286; பாரா॰ 445,454] ரஹோ நாம சக்கு²ஸ்ஸ ரஹோ, ஸோதஸ்ஸ ரஹோ. சக்கு²ஸ்ஸ ரஹோ நாம ந ஸக்கா ஹோதி அக்கி²ங் வா நிக²ணீயமானே ப⁴முகங் வா உக்கி²பீயமானே ஸீஸங் வா உக்கி²பீயமானே பஸ்ஸிதுங். ஸோதஸ்ஸ ரஹோ நாம ந ஸக்கா ஹோதி பகதிகதா² ஸோதுங்.
நிஸஜ்ஜங் கப்பெய்யாதி
மாதுகா³மே நிஸின்னே பி⁴க்கு² உபனிஸின்னோ வா ஹோதி உபனிபன்னோ வா, ஆபத்தி
பாசித்தியஸ்ஸ. பி⁴க்கு² நிஸின்னே மாதுகா³மோ உபனிஸின்னோ வா ஹோதி உபனிபன்னோ
வா, ஆபத்தி பாசித்தியஸ்ஸ. உபோ⁴ வா நிஸின்னா ஹொந்தி உபோ⁴ வா நிபன்னா, ஆபத்தி
பாசித்தியஸ்ஸ.
292.
மாதுகா³மே மாதுகா³மஸஞ்ஞீ ஏகோ ஏகாய ரஹோ நிஸஜ்ஜங் கப்பேதி, ஆபத்தி
பாசித்தியஸ்ஸ. மாதுகா³மே வேமதிகோ ஏகோ ஏகாய ரஹோ நிஸஜ்ஜங் கப்பேதி, ஆபத்தி
பாசித்தியஸ்ஸ. மாதுகா³மே அமாதுகா³மஸஞ்ஞீ ஏகோ ஏகாய ரஹோ நிஸஜ்ஜங் கப்பேதி,
ஆபத்தி பாசித்தியஸ்ஸ.
யக்கி²யா வா பேதியா வா பண்ட³கேன வா திரச்சா²னக³தமனுஸ்ஸவிக்³க³ஹித்தி²யா வா [திரச்சா²னக³தாய வா மனுஸ்ஸவிக்³க³ஹித்தி²யா வா (க॰)]
ஸத்³தி⁴ங் ஏகோ ஏகாய ரஹோ நிஸஜ்ஜங் கப்பேதி, ஆபத்தி து³க்கடஸ்ஸ. அமாதுகா³மே
மாதுகா³மஸஞ்ஞீ, ஆபத்தி து³க்கடஸ்ஸ. அமாதுகா³மே வேமதிகோ, ஆபத்தி து³க்கடஸ்ஸ.
அமாதுகா³மே அமாதுகா³மஸஞ்ஞீ, அனாபத்தி.
293.
அனாபத்தி யோ கோசி விஞ்ஞூ புரிஸோ து³தியோ ஹோதி, திட்ட²தி ந நிஸீத³தி,
அரஹோபெக்கோ² அஞ்ஞவிஹிதோ நிஸீத³தி, உம்மத்தகஸ்ஸ, ஆதி³கம்மிகஸ்ஸாதி.
ரஹோனிஸஜ்ஜஸிக்கா²பத³ங் நிட்டி²தங் பஞ்சமங்.
6. சாரித்தஸிக்கா²பத³ங்
294. தேன ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன ஸமயேன ஆயஸ்மதோ உபனந்த³ஸ்ஸ ஸக்யபுத்தஸ்ஸ
உபட்டா²ககுலங் ஆயஸ்மந்தங் உபனந்த³ங் ஸக்யபுத்தங் ப⁴த்தேன நிமந்தேஸி.
அஞ்ஞேபி பி⁴க்கூ² ப⁴த்தேன நிமந்தேஸி. தேன கோ² பன ஸமயேன ஆயஸ்மா உபனந்தோ³
ஸக்யபுத்தோ புரேப⁴த்தங், குலானி பயிருபாஸதி. அத² கோ² தே பி⁴க்கூ² தே
மனுஸ்ஸே ஏதத³வோசுங் – ‘‘தே³தா²வுஸோ ப⁴த்த’’ந்தி. ‘‘ஆக³மேத², ப⁴ந்தே,
யாவாய்யோ உபனந்தோ³ ஆக³ச்ச²தீ’’தி. து³தியம்பி கோ² தே பி⁴க்கூ²…பே॰…
ததியம்பி கோ² தே பி⁴க்கூ² தே மனுஸ்ஸே ஏதத³வோசுங் – ‘‘தே³தா²வுஸோ, ப⁴த்தங்;
புரே காலோ அதிக்கமதீ’’தி. ‘‘யம்பி மயங், ப⁴ந்தே, ப⁴த்தங் கரிம்ஹா அய்யஸ்ஸ
உபனந்த³ஸ்ஸ காரணா. ஆக³மேத², ப⁴ந்தே, யாவாய்யோ உபனந்தோ³ ஆக³ச்ச²தீ’’தி.
அத² கோ² ஆயஸ்மா உபனந்தோ³ ஸக்யபுத்தோ புரேப⁴த்தங்
குலானி பயிருபாஸித்வா தி³வா ஆக³ச்ச²தி. பி⁴க்கூ² ந சித்தரூபங் பு⁴ஞ்ஜிங்ஸு.
யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஆயஸ்மா உபனந்தோ³ ஸக்யபுத்தோ நிமந்திதோ ஸப⁴த்தோ ஸமானோ
புரேப⁴த்தங் குலேஸு சாரித்தங் ஆபஜ்ஜிஸ்ஸதீ’’தி…பே॰… ஸச்சங் கிர த்வங்,
உபனந்த³, நிமந்திதோ ஸப⁴த்தோ ஸமானோ புரேப⁴த்தங் குலேஸு சாரித்தங்
ஆபஜ்ஜஸீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி
நாம த்வங், மோக⁴புரிஸ, நிமந்திதோ ஸப⁴த்தோ ஸமானோ புரேப⁴த்தங் குலேஸு
சாரித்தங் ஆபஜ்ஜிஸ்ஸஸி! நேதங், மோக⁴புரிஸ, அப்பஸன்னானங் வா பஸாதா³ய…பே॰…
ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
‘‘யோ பன பி⁴க்கு² நிமந்திதோ ஸப⁴த்தோ ஸமானோ புரேப⁴த்தங் குலேஸு சாரித்தங் ஆபஜ்ஜெய்ய, பாசித்திய’’ந்தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
295. [மஹாவ॰ 277]
தேன கோ² பன ஸமயேன ஆயஸ்மதோ உபனந்த³ஸ்ஸ ஸக்யபுத்தஸ்ஸ உபட்டா²ககுலங்
ஸங்க⁴ஸ்ஸத்தா²ய கா²த³னீயங் பாஹேஸி – ‘‘அய்யஸ்ஸ உபனந்த³ஸ்ஸ த³ஸ்ஸெத்வா
ஸங்க⁴ஸ்ஸ தா³தப்³ப³’’ந்தி. தேன கோ² பன ஸமயேன ஆயஸ்மா உபனந்தோ³ ஸக்யபுத்தோ
கா³மங் பிண்டா³ய பவிட்டோ² ஹோதி. அத² கோ² தே மனுஸ்ஸா ஆராமங் க³ந்த்வா
பி⁴க்கூ² புச்சி²ங்ஸு – ‘‘கஹங், ப⁴ந்தே, அய்யோ உபனந்தோ³’’தி ?
‘‘ஏஸாவுஸோ, ஆயஸ்மா உபனந்தோ³ ஸக்யபுத்தோ கா³மங் பிண்டா³ய பவிட்டோ²’’தி.
‘‘இத³ங், ப⁴ந்தே, கா²த³னீயங் அய்யஸ்ஸ உபனந்த³ஸ்ஸ த³ஸ்ஸெத்வா ஸங்க⁴ஸ்ஸ
தா³தப்³ப³’’ந்தி. ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங்
நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘தேன ஹி, பி⁴க்க²வே, படிக்³க³ஹெத்வா நிக்கி²பத² யாவ உபனந்தோ³ ஆக³ச்ச²தீ’’தி.
அத² கோ² ஆயஸ்மா உபனந்தோ³ ஸக்யபுத்தோ – ‘‘ப⁴க³வதா படிக்கி²த்தங் புரேப⁴த்தங் குலேஸு சாரித்தங் ஆபஜ்ஜிது’’ந்தி பச்சா²ப⁴த்தங் குலானி
பயிருபாஸித்வா தி³வா படிக்கமி, கா²த³னீயங் உஸ்ஸாரியித்த². யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ஆயஸ்மா உபனந்தோ³ ஸக்யபுத்தோ பச்சா²ப⁴த்தங் குலேஸு சாரித்தங்
ஆபஜ்ஜிஸ்ஸதீ’’தி…பே॰… ஸச்சங் கிர த்வங், உபனந்த³, பச்சா²ப⁴த்தங் குலேஸு
சாரித்தங் ஆபஜ்ஜஸீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம த்வங், மோக⁴புரிஸ, பச்சா²ப⁴த்தங் குலேஸு சாரித்தங்
ஆபஜ்ஜிஸ்ஸஸி! நேதங், மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன
பி⁴க்க²வே இமங் ஸிக்கா²பத³ங் உத்³தி³ஸெய்யாத² –
‘‘யோ பன பி⁴க்கு² நிமந்திதோ ஸப⁴த்தோ ஸமானோ புரேப⁴த்தங் வா பச்சா²ப⁴த்தங் வா குலேஸு சாரித்தங் ஆபஜ்ஜெய்ய, பாசித்திய’’ந்தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
296.
தேன கோ² பன ஸமயேன பி⁴க்கூ² சீவரதா³னஸமயே குக்குச்சாயந்தா குலானி ந
பயிருபாஸந்தி. சீவரங் பரித்தங் உப்பஜ்ஜதி. ப⁴க³வதோ ஏதமத்த²ங்
ஆரோசேஸுங்…பே॰… அனுஜானாமி, பி⁴க்க²வே, சீவரதா³னஸமயே குலானி பயிருபாஸிதுங்.
ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
‘‘யோ பன பி⁴க்கு² நிமந்திதோ ஸப⁴த்தோ
ஸமானோ புரேப⁴த்தங் வா பச்சா²ப⁴த்தங் வா குலேஸு சாரித்தங் ஆபஜ்ஜெய்ய,
அஞ்ஞத்ர ஸமயா, பாசித்தியங். தத்தா²யங் ஸமயோ. சீவரதா³னஸமயோ – அயங் தத்த²
ஸமயோ’’தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
297. தேன
கோ² பன ஸமயேன பி⁴க்கூ² சீவரகம்மங் கரொந்தி, அத்தோ² ச ஹோதி ஸூசியாபி
ஸுத்தேனபி ஸத்த²கேனபி. பி⁴க்கூ² குக்குச்சாயந்தா குலானி ந பயிருபாஸந்தி.
ப⁴க³வதோ ஏதமத்த²ங் ஆரோசேஸுங்…பே॰… அனுஜானாமி, பி⁴க்க²வே, சீவரகாரஸமயே
குலானி பயிருபாஸிதுங். ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –
‘‘யோ பன பி⁴க்கு² நிமந்திதோ ஸப⁴த்தோ ஸமானோ புரேப⁴த்தங் வா பச்சா²ப⁴த்தங் வா குலேஸு சாரித்தங் ஆபஜ்ஜெய்ய , அஞ்ஞத்ர ஸமயா, பாசித்தியங் . தத்தா²யங் ஸமயோ. சீவரதா³னஸமயோ, சீவரகாரஸமயோ – அயங் தத்த² ஸமயோ’’தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
298.
தேன கோ² பன ஸமயேன பி⁴க்கூ² கி³லானா ஹொந்தி, அத்தோ² ச ஹோதி பே⁴ஸஜ்ஜேஹி.
பி⁴க்கூ² குக்குச்சாயந்தா குலானி ந பயிருபாஸந்தி. ப⁴க³வதோ ஏதமத்த²ங்
ஆரோசேஸுங்…பே॰… அனுஜானாமி, பி⁴க்க²வே, ஸந்தங் பி⁴க்கு²ங் ஆபுச்சா² குலானி
பயிருபாஸிதுங். ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
299. ‘‘யோ
பன பி⁴க்கு² நிமந்திதோ ஸப⁴த்தோ ஸமானோ ஸந்தங் பி⁴க்கு²ங் அனாபுச்சா²
புரேப⁴த்தங் வா பச்சா²ப⁴த்தங் வா குலேஸு சாரித்தங் ஆபஜ்ஜெய்ய, அஞ்ஞத்ர
ஸமயா, பாசித்தியங். தத்தா²யங் ஸமயோ. சீவரதா³னஸமயோ, சீவரகாரஸமயோ – அயங்
தத்த² ஸமயோ’’தி.
300. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
நிமந்திதோ நாம பஞ்சன்னங் போ⁴ஜனானங் அஞ்ஞதரேன போ⁴ஜனேன நிமந்திதோ.
ஸப⁴த்தோ நாம யேன நிமந்திதோ தேன ஸப⁴த்தோ.
ஸந்தங் நாம பி⁴க்கு²ங் ஸக்கா ஹோதி ஆபுச்சா² பவிஸிதுங்.
அஸந்தங் நாம பி⁴க்கு²ங் ந ஸக்கா ஹோதி ஆபுச்சா² பவிஸிதுங்.
புரேப⁴த்தங் நாம யேன நிமந்திதோ தங் அபு⁴த்தாவீ.
பச்சா²ப⁴த்தங் நாம யேன நிமந்திதோ தங் அந்தமஸோ குஸக்³கே³னபி [அருணுக்³க³மனேபி (ஸீ॰)] பு⁴த்தங் ஹோதி.
குலங் நாம சத்தாரி குலானி – க²த்தியகுலங், ப்³ராஹ்மணகுலங், வெஸ்ஸகுலங், ஸுத்³த³குலங்.
குலேஸு சாரித்தங் ஆபஜ்ஜெய்யாதி
அஞ்ஞஸ்ஸ க⁴ரூபசாரங் ஓக்கமந்தஸ்ஸ ஆபத்தி து³க்கடஸ்ஸ. பட²மங் பாத³ங்
உம்மாரங் அதிக்காமேதி, ஆபத்தி து³க்கடஸ்ஸ. து³தியங் பாத³ங் அதிக்காமேதி,
ஆபத்தி பாசித்தியஸ்ஸ.
அஞ்ஞத்ர ஸமயாதி ட²பெத்வா ஸமயங்.
சீவரதா³னஸமயோ நாம அனத்த²தே கதி²னே வஸ்ஸானஸ்ஸ பச்சி²மோ மாஸோ, அத்த²தே கதி²னே பஞ்ச மாஸா.
சீவரகாரஸமயோ நாம சீவரே கயிரமானே.
301.
நிமந்திதே நிமந்திதஸஞ்ஞீ ஸந்தங் பி⁴க்கு²ங் அனாபுச்சா² புரேப⁴த்தங் வா
பச்சா²ப⁴த்தங் வா குலேஸு சாரித்தங் ஆபஜ்ஜதி, அஞ்ஞத்ர ஸமயா, ஆபத்தி
பாசித்தியஸ்ஸ. நிமந்திதே வேமதிகோ ஸந்தங் பி⁴க்கு²ங் அனாபுச்சா² புரேப⁴த்தங்
வா பச்சா²ப⁴த்தங் வா குலேஸு சாரித்தங் ஆபஜ்ஜதி, அஞ்ஞத்ர ஸமயா, ஆபத்தி
பாசித்தியஸ்ஸ. நிமந்திதே அனிமந்திதஸஞ்ஞீ ஸந்தங் பி⁴க்கு²ங் அனாபுச்சா²
புரேப⁴த்தங் வா பச்சா²ப⁴த்தங் வா குலேஸு சாரித்தங் ஆபஜ்ஜதி, அஞ்ஞத்ர ஸமயா,
ஆபத்தி பாசித்தியஸ்ஸ.
அனிமந்திதே நிமந்திதஸஞ்ஞீ, ஆபத்தி து³க்கடஸ்ஸ. அனிமந்திதே வேமதிகோ , ஆபத்தி து³க்கடஸ்ஸ. அனிமந்திதே அனிமந்திதஸஞ்ஞீ, அனாபத்தி.
302. அனாபத்தி
ஸமயே, ஸந்தங் பி⁴க்கு²ங் ஆபுச்சா² பவிஸதி, அஸந்தங் பி⁴க்கு²ங் அனாபுச்சா²
பவிஸதி, அஞ்ஞஸ்ஸ க⁴ரேன மக்³கோ³ ஹோதி, க⁴ரூபசாரேன மக்³கோ³ ஹோதி, அந்தராராமங்
க³ச்ச²தி, பி⁴க்கு²னுபஸ்ஸயங் க³ச்ச²தி, தித்தி²யஸெய்யங் க³ச்ச²தி,
படிக்கமனங் க³ச்ச²தி, ப⁴த்தியக⁴ரங் க³ச்ச²தி, ஆபதா³ஸு, உம்மத்தகஸ்ஸ,
ஆதி³கம்மிகஸ்ஸாதி.
சாரித்தஸிக்கா²பத³ங் நிட்டி²தங் ச²ட்ட²ங்.
7. மஹானாமஸிக்கா²பத³ங்
303. தேன
ஸமயேன பு³த்³தோ⁴ ப⁴க³வா ஸக்கேஸு விஹரதி கபிலவத்து²ஸ்மிங் நிக்³ரோதா⁴ராமே.
தேன கோ² பன ஸமயேன மஹானாமஸ்ஸ ஸக்கஸ்ஸ பே⁴ஸஜ்ஜங் உஸ்ஸன்னங் ஹோதி. அத² கோ²
மஹானாமோ ஸக்கோ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² மஹானாமோ ஸக்கோ
ப⁴க³வந்தங் ஏதத³வோச – ‘‘இச்சா²மஹங், ப⁴ந்தே, ஸங்க⁴ங் சதுமாஸங் [சதும்மாஸங் (ஸீ॰) சாதுமாஸங் (ஸ்யா॰)] பே⁴ஸஜ்ஜேன பவாரேது’’ந்தி. ‘‘ஸாது⁴ ஸாது⁴ ,
மஹானாம! தேன ஹி த்வங், மஹானாம, ஸங்க⁴ங் சதுமாஸங் பே⁴ஸஜ்ஜேன பவாரேஹீ’’தி.
பி⁴க்கூ² குக்குச்சாயந்தா நாதி⁴வாஸெந்தி. ப⁴க³வதோ ஏதமத்த²ங் ஆரோசேஸுங்…பே॰…
அனுஜானாமி, பி⁴க்க²வே, சதுமாஸங் பே⁴ஸஜ்ஜப்பச்சயபவாரணங் ஸாதி³துந்தி.
304.
தேன கோ² பன ஸமயேன பி⁴க்கூ² மஹானாமங் ஸக்கங் பரித்தங் பே⁴ஸஜ்ஜங்
விஞ்ஞாபெந்தி. ததே²வ மஹானாமஸ்ஸ ஸக்கஸ்ஸ பே⁴ஸஜ்ஜங் உஸ்ஸன்னங் ஹோதி.
து³தியம்பி கோ² மஹானாமோ ஸக்கோ யேன ப⁴க³வா தேனுபஸங்கமி; உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² மஹானாமோ
ஸக்கோ ப⁴க³வந்தங் ஏதத³வோச – ‘‘இச்சா²மஹங், ப⁴ந்தே, ஸங்க⁴ங் அபரம்பி
சதுமாஸங் பே⁴ஸஜ்ஜேன பவாரேது’’ந்தி. ‘‘ஸாது⁴ ஸாது⁴, மஹானாம! தேன ஹி த்வங்,
மஹானாம, ஸங்க⁴ங் அபரம்பி சதுமாஸங் பே⁴ஸஜ்ஜேன பவாரேஹீ’’தி. பி⁴க்கூ²
குக்குச்சாயந்தா நாதி⁴வாஸெந்தி. ப⁴க³வதோ ஏதமத்த²ங் ஆரோசேஸுங்…பே॰…
அனுஜானாமி, பி⁴க்க²வே, புன பவாரணம்பி ஸாதி³துந்தி.
305. தேன
கோ² பன ஸமயேன பி⁴க்கூ² மஹானாமங் ஸக்கங் பரித்தங்யேவ பே⁴ஸஜ்ஜங்
விஞ்ஞாபெந்தி. ததே²வ மஹானாமஸ்ஸ ஸக்கஸ்ஸ பே⁴ஸஜ்ஜங் உஸ்ஸன்னங் ஹோதி. ததியம்பி
கோ² மஹானாமோ ஸக்கோ யேன ப⁴க³வா தேனுபஸங்கமி;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னோ கோ² மஹானாமோ ஸக்கோ ப⁴க³வந்தங் ஏதத³வோச – ‘‘இச்சா²மஹங், ப⁴ந்தே,
ஸங்க⁴ங் யாவஜீவங் பே⁴ஸஜ்ஜேன பவாரேது’’ந்தி. ‘‘ஸாது⁴ ஸாது⁴, மஹானாம! தேன ஹி
த்வங், மஹானாம, ஸங்க⁴ங் யாவஜீவங் பே⁴ஸஜ்ஜேன பவாரேஹீ’’தி. பி⁴க்கூ²
குக்குச்சாயந்தா நாதி⁴வாஸெந்தி. ப⁴க³வதோ ஏதமத்த²ங் ஆரோசேஸுங்…பே॰…
அனுஜானாமி, பி⁴க்க²வே, நிச்சபவாரணம்பி ஸாதி³துந்தி.
தேன கோ² பன ஸமயேன ச²ப்³ப³க்³கி³யா பி⁴க்கூ²
து³ன்னிவத்தா² ஹொந்தி து³ப்பாருதா அனாகப்பஸம்பன்னா. மஹானாமோ ஸக்கோ வத்தா
ஹோதி – ‘‘கிஸ்ஸ தும்ஹே, ப⁴ந்தே, து³ன்னிவத்தா² து³ப்பாருதா
அனாகப்பஸம்பன்னா? நனு நாம பப்³ப³ஜிதேன ஸுனிவத்தே²ன ப⁴விதப்³ப³ங் ஸுபாருதேன
ஆகப்பஸம்பன்னேனா’’தி? ச²ப்³ப³க்³கி³யா பி⁴க்கூ² மஹானாமே ஸக்கே
உபனந்தி⁴ங்ஸு. அத² கோ² ச²ப்³ப³க்³கி³யானங்
பி⁴க்கூ²னங் ஏதத³ஹோஸி – ‘‘கேன நு கோ² மயங் உபாயேன மஹானாமங் ஸக்கங் மங்கு
கரெய்யாமா’’தி? அத² கோ² ச²ப்³ப³க்³கி³யானங் பி⁴க்கூ²னங் ஏதத³ஹோஸி –
‘‘மஹானாமேன கோ², ஆவுஸோ, ஸக்கேன ஸங்கோ⁴ பே⁴ஸஜ்ஜேன பவாரிதோ. ஹந்த³ மயங்,
ஆவுஸோ, மஹானாமங் ஸக்கங் ஸப்பிங்
விஞ்ஞாபேமா’’தி. அத² கோ² ச²ப்³ப³க்³கி³யா பி⁴க்கூ² யேன மஹானாமோ ஸக்கோ
தேனுபஸங்கமிங்ஸு; உபஸங்கமித்வா மஹானாமங் ஸக்கங் ஏதத³வோசுங் – ‘‘தோ³ணேன,
ஆவுஸோ, ஸப்பினா அத்தோ²’’தி. ‘‘அஜ்ஜண்ஹோ, ப⁴ந்தே, ஆக³மேத². மனுஸ்ஸா வஜங்
க³தா ஸப்பிங் ஆஹரிதுங். காலங் ஆஹரிஸ்ஸதா²’’தி [காலே ஹரிஸ்ஸதா²தி (ஸ்யா॰)].
து³தியம்பி கோ²…பே॰… ததியம்பி கோ² ச²ப்³ப³க்³கி³யா
பி⁴க்கூ² மஹானாமங் ஸக்கங் ஏதத³வோசுங் – ‘‘தோ³ணேன, ஆவுஸோ, ஸப்பினா
அத்தோ²’’தி. ‘‘அஜ்ஜண்ஹோ, ப⁴ந்தே, ஆக³மேத². மனுஸ்ஸா வஜங் க³தா ஸப்பிங்
ஆஹரிதுங். காலங் ஆஹரிஸ்ஸதா²’’தி. ‘‘கிங் பன தயா, ஆவுஸோ, அதா³துகாமேன
பவாரிதேன, யங் த்வங் பவாரெத்வா ந தே³ஸீ’’தி! அத² கோ² மஹானாமோ ஸக்கோ
உஜ்ஜா²யதி கி²ய்யதி விபாசேதி – ‘‘கத²ஞ்ஹி நாம ப⁴த³ந்தா – ‘அஜ்ஜண்ஹோ,
ப⁴ந்தே, ஆக³மேதா²’தி வுச்சமானா நாக³மெஸ்ஸந்தீ’’தி! அஸ்ஸோஸுங் கோ² பி⁴க்கூ²
மஹானாமஸ்ஸ ஸக்கஸ்ஸ உஜ்ஜா²யந்தஸ்ஸ கி²ய்யந்தஸ்ஸ விபாசெந்தஸ்ஸ. யே தே
பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ச²ப்³ப³க்³கி³யா பி⁴க்கூ² மஹானாமேன ஸக்கேன – ‘அஜ்ஜண்ஹோ,
ப⁴ந்தே, ஆக³மேதா²’தி வுச்சமானா நாக³மெஸ்ஸந்தீ’’தி…பே॰… ஸச்சங் கிர தும்ஹே,
பி⁴க்க²வே, மஹானாமேன ஸக்கேன – ‘‘அஜ்ஜண்ஹோ, ப⁴ந்தே, ஆக³மேதா²’’தி வுச்சமானா
நாக³மேதா²தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி
நாம தும்ஹே, மோக⁴புரிஸா, மஹானாமேன ஸக்கேன – ‘‘அஜ்ஜண்ஹோ, ப⁴ந்தே
ஆக³மேதா²’’தி வுச்சமானா நாக³மெஸ்ஸத²! நேதங், மோக⁴புரிஸா, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே இமங் ஸிக்கா²பத³ங் உத்³தி³ஸெய்யாத² –
306. ‘‘அகி³லானேன பி⁴க்கு²னா சதுமாஸப்பச்சயபவாரணா ஸாதி³தப்³பா³ , அஞ்ஞத்ர புனபவாரணாய, அஞ்ஞத்ர நிச்சபவாரணாய; ததோ சே உத்தரி ஸாதி³யெய்ய, பாசித்திய’’ந்தி.
307. அகி³லானேன பி⁴க்கு²னா சதுமாஸப்பச்சயபவாரணா ஸாதி³தப்³பா³தி கி³லானப்பச்சயபவாரணா ஸாதி³தப்³பா³.
புனபவாரணாபி ஸாதி³தப்³பா³தி யதா³ கி³லானோ ப⁴விஸ்ஸாமி ததா³ விஞ்ஞாபெஸ்ஸாமீதி.
நிச்சபவாரணாபி ஸாதி³தப்³பா³தி யதா³ கி³லானோ ப⁴விஸ்ஸாமி ததா³ விஞ்ஞாபெஸ்ஸாமீதி.
ததோ சே உத்தரி ஸாதி³யெய்யாதி
அத்தி² பவாரணா பே⁴ஸஜ்ஜபரியந்தா ந ரத்திபரியந்தா, அத்தி² பவாரணா
ரத்திபரியந்தா ந பே⁴ஸஜ்ஜபரியந்தா, அத்தி² பவாரணா பே⁴ஸஜ்ஜபரியந்தா ச
ரத்திபரியந்தா ச, அத்தி² பவாரணா நேவ பே⁴ஸஜ்ஜபரியந்தா ந ரத்திபரியந்தா.
பே⁴ஸஜ்ஜபரியந்தா நாம பே⁴ஸஜ்ஜானி பரிக்³க³ஹிதானி ஹொந்தி – ‘‘எத்தகேஹி பே⁴ஸஜ்ஜேஹி பவாரேமீ’’தி. ரத்திபரியந்தா நாம ரத்தியோ பரிக்³க³ஹிதாயோ ஹொந்தி – ‘‘எத்தகாஸு ரத்தீஸு பவாரேமீ’’தி. பே⁴ஸஜ்ஜபரியந்தா ச ரத்திபரியந்தா ச நாம பே⁴ஸஜ்ஜானி ச பரிக்³க³ஹிதானி ஹொந்தி ரத்தியோ ச பரிக்³க³ஹிதாயோ ஹொந்தி – ‘‘எத்தகேஹி பே⁴ஸஜ்ஜேஹி எத்தகாஸு ரத்தீஸு பவாரேமீ’’தி. நேவ பே⁴ஸஜ்ஜபரியந்தா ந ரத்திபரியந்தா நாம பே⁴ஸஜ்ஜானி ச அபரிக்³க³ஹிதானி ஹொந்தி ரத்தியோ ச அபரிக்³க³ஹிதாயோ ஹொந்தி.
308. பே⁴ஸஜ்ஜபரியந்தே
– யேஹி பே⁴ஸஜ்ஜேஹி பவாரிதோ ஹோதி தானி பே⁴ஸஜ்ஜானி ட²பெத்வா அஞ்ஞானி
பே⁴ஸஜ்ஜானி விஞ்ஞாபேதி, ஆபத்தி பாசித்தியஸ்ஸ. ரத்திபரியந்தே – யாஸு ரத்தீஸு
பவாரிதோ ஹோதி, தா ரத்தியோ ட²பெத்வா அஞ்ஞாஸு ரத்தீஸு விஞ்ஞாபேதி, ஆபத்தி
பாசித்தியஸ்ஸ. பே⁴ஸஜ்ஜபரியந்தே ச ரத்திபரியந்தே ச – யேஹி பே⁴ஸஜ்ஜேஹி
பவாரிதோ ஹோதி, தானி பே⁴ஸஜ்ஜானி ட²பெத்வா யாஸு ரத்தீஸு பவாரிதோ ஹோதி, தா
ரத்தியோ ட²பெத்வா அஞ்ஞானி பே⁴ஸஜ்ஜானி அஞ்ஞாஸு ரத்தீஸு விஞ்ஞாபேதி, ஆபத்தி
பாசித்தியஸ்ஸ. நேவ பே⁴ஸஜ்ஜபரியந்தே ந ரத்திபரியந்தே, அனாபத்தி.
309. ந பே⁴ஸஜ்ஜேன கரணீயேன [கரணீயே (ஸீ॰ ஸ்யா॰)]
பே⁴ஸஜ்ஜங் விஞ்ஞாபேதி, ஆபத்தி பாசித்தியஸ்ஸ. அஞ்ஞேன பே⁴ஸஜ்ஜேன கரணீயேன
அஞ்ஞங் பே⁴ஸஜ்ஜங் விஞ்ஞாபேதி, ஆபத்தி பாசித்தியஸ்ஸ. ததுத்தரி ததுத்தரிஸஞ்ஞீ
பே⁴ஸஜ்ஜங் விஞ்ஞாபேதி, ஆபத்தி பாசித்தியஸ்ஸ. ததுத்தரி வேமதிகோ பே⁴ஸஜ்ஜங்
விஞ்ஞாபேதி, ஆபத்தி பாசித்தியஸ்ஸ. ததுத்தரி நததுத்தரிஸஞ்ஞீ பே⁴ஸஜ்ஜங்
விஞ்ஞாபேதி, ஆபத்தி பாசித்தியஸ்ஸ.
நததுத்தரி ததுத்தரிஸஞ்ஞீ, ஆபத்தி து³க்கடஸ்ஸ. நததுத்தரி வேமதிகோ, ஆபத்தி து³க்கடஸ்ஸ. நததுத்தரி நததுத்தரிஸஞ்ஞீ, அனாபத்தி.
310. அனாபத்தி யேஹி பே⁴ஸஜ்ஜேஹி பவாரிதோ ஹோதி தானி பே⁴ஸஜ்ஜானி விஞ்ஞாபேதி, யாஸு ரத்தீஸு பவாரிதோ ஹோதி தாஸு ரத்தீஸு விஞ்ஞாபேதி , ‘‘இமேஹி தயா பே⁴ஸஜ்ஜேஹி பவாரிதாம்ஹ ,
அம்ஹாகஞ்ச இமினா ச இமினா ச பே⁴ஸஜ்ஜேன அத்தோ²’’தி ஆசிக்கி²த்வா விஞ்ஞாபேதி,
‘‘யாஸு தயா ரத்தீஸு பவாரிதாம்ஹ தாயோ ச ரத்தியோ வீதிவத்தா அம்ஹாகஞ்ச
பே⁴ஸஜ்ஜேன அத்தோ²’’தி ஆசிக்கி²த்வா விஞ்ஞாபேதி, ஞாதகானங் பவாரிதானங்,
அஞ்ஞஸ்ஸத்தா²ய, அத்தனோ த⁴னேன, உம்மத்தகஸ்ஸ, ஆதி³கம்மிகஸ்ஸாதி.
மஹானாமஸிக்கா²பத³ங் நிட்டி²தங் ஸத்தமங்.
8. உய்யுத்தஸேனாஸிக்கா²பத³ங்
311. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ராஜா பஸேனதி³ கோஸலோ ஸேனாய அப்³பு⁴ய்யாதோ ஹோதி.
ச²ப்³ப³க்³கி³யா பி⁴க்கூ² உய்யுத்தங் ஸேனங் த³ஸ்ஸனாய அக³மங்ஸு. அத்³த³ஸா
கோ² ராஜா பஸேனதி³ கோஸலோ ச²ப்³ப³க்³கி³யே பி⁴க்கூ² தூ³ரதோவ ஆக³ச்ச²ந்தே.
தி³ஸ்வான பக்கோஸாபெத்வா ஏதத³வோச – ‘‘கிஸ்ஸ தும்ஹே, ப⁴ந்தே, ஆக³தத்தா²’’தி?
‘‘மஹாராஜானங் மயங் த³ட்டு²காமா’’ [மஹாராஜ மஹாராஜானங் மயங் த³ட்டு²காமா (க॰)] தி. ‘‘கிங், ப⁴ந்தே, மங் தி³ட்டே²ன யுத்³தா⁴பி⁴னந்தி³னங் [யுத்³தா⁴பி⁴னந்தி³னா (க॰)];
நனு ப⁴க³வா பஸ்ஸிதப்³போ³’’தி? மனுஸ்ஸா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஸமணா ஸக்யபுத்தியா உய்யுத்தங் ஸேனங் த³ஸ்ஸனாய
ஆக³ச்சி²ஸ்ஸந்தி! அம்ஹாகம்பி அலாபா⁴, அம்ஹாகம்பி து³ல்லத்³த⁴ங், யே மயங்
ஆஜீவஸ்ஸ ஹேது புத்ததா³ரஸ்ஸ காரணா ஸேனாய ஆக³ச்சா²மா’’தி! அஸ்ஸோஸுங் கோ²
பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். யே
தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ச²ப்³ப³க்³கி³யா பி⁴க்கூ² உய்யுத்தங் ஸேனங் த³ஸ்ஸனாய
க³ச்சி²ஸ்ஸந்தீ’’தி…பே॰… ஸச்சங் கிர தும்ஹே, பி⁴க்க²வே, உய்யுத்தங் ஸேனங்
த³ஸ்ஸனாய க³ச்ச²தா²தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, உய்யுத்தங் ஸேனங் த³ஸ்ஸனாய
க³ச்சி²ஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
‘‘யோ பன பி⁴க்கு² உய்யுத்தங் ஸேனங் த³ஸ்ஸனாய க³ச்செ²ய்ய, பாசித்திய’’ந்தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
312. தேன கோ² பன ஸமயேன அஞ்ஞதரஸ்ஸ பி⁴க்கு²னோ மாதுலோ ஸேனாய கி³லானோ ஹோதி .
ஸோ தஸ்ஸ பி⁴க்கு²னோ ஸந்திகே தூ³தங் பாஹேஸி – ‘‘அஹஞ்ஹி ஸேனாய கி³லானோ.
ஆக³ச்ச²து ப⁴த³ந்தோ. இச்சா²மி ப⁴த³ந்தஸ்ஸ ஆக³த’’ந்தி. அத² கோ² தஸ்ஸ
பி⁴க்கு²னோ ஏதத³ஹோஸி – ‘‘ப⁴க³வதா ஸிக்கா²பத³ங் பஞ்ஞத்தங் – ‘ந உய்யுத்தங்
ஸேனங் த³ஸ்ஸனாய க³ந்தப்³ப³’ந்தி. அயஞ்ச மே மாதுலோ ஸேனாய கி³லானோ. கத²ங் நு
கோ² மயா படிபஜ்ஜிதப்³ப³’’ந்தி? ப⁴க³வதோ ஏதமத்த²ங் ஆரோசேஸி. அத² கோ² ப⁴க³வா
ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி –
‘‘அனுஜானாமி, பி⁴க்க²வே, ததா²ரூபப்பச்சயா ஸேனாய க³ந்துங். ஏவஞ்ச பன,
பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
313. ‘‘யோ பன பி⁴க்கு² உய்யுத்தங் ஸேனங் த³ஸ்ஸனாய க³ச்செ²ய்ய, அஞ்ஞத்ர ததா²ரூபப்பச்சயா, பாசித்திய’’ந்தி.
314. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
உய்யுத்தா நாம ஸேனா கா³மதோ நிக்க²மித்வா நிவிட்டா² வா ஹோதி பயாதா வா.
ஸேனா நாம ஹத்தீ² அஸ்ஸா ரதா²
பத்தீ. த்³வாத³ஸபுரிஸோ ஹத்தீ², திபுரிஸோ அஸ்ஸோ, சதுபுரிஸோ ரதோ², சத்தாரோ
புரிஸா ஸரஹத்தா² பத்தி. த³ஸ்ஸனாய க³ச்ச²தி, ஆபத்தி து³க்கடஸ்ஸ. யத்த² டி²தோ
பஸ்ஸதி, ஆபத்தி பாசித்தியஸ்ஸ. த³ஸ்ஸனூபசாரங் விஜஹித்வா புனப்புனங் பஸ்ஸதி, ஆபத்தி பாசித்தியஸ்ஸ.
அஞ்ஞத்ர ததா²ரூபப்பச்சயாதி ட²பெத்வா ததா²ரூபப்பச்சயங்.
315.
உய்யுத்தே உய்யுத்தஸஞ்ஞீ த³ஸ்ஸனாய க³ச்ச²தி, அஞ்ஞத்ர ததா²ரூபப்பச்சயா,
ஆபத்தி பாசித்தியஸ்ஸ. உய்யுத்தே வேமதிகோ த³ஸ்ஸனாய க³ச்ச²தி, அஞ்ஞத்ர
ததா²ரூபப்பச்சயா, ஆபத்தி பாசித்தியஸ்ஸ. உய்யுத்தே அனுய்யுத்தஸஞ்ஞீ த³ஸ்ஸனாய
க³ச்ச²தி, அஞ்ஞத்ர ததா²ரூபப்பச்சயா, ஆபத்தி பாசித்தியஸ்ஸ.
ஏகமேகங் த³ஸ்ஸனாய க³ச்ச²தி,
ஆபத்தி து³க்கடஸ்ஸ. யத்த² டி²தோ பஸ்ஸதி, ஆபத்தி து³க்கடஸ்ஸ. த³ஸ்ஸனூபசாரங்
விஜஹித்வா புனப்புனங் பஸ்ஸதி, ஆபத்தி து³க்கடஸ்ஸ. அனுய்யுத்தே
உய்யுத்தஸஞ்ஞீ , ஆபத்தி து³க்கடஸ்ஸ. அனுய்யுத்தே வேமதிகோ, ஆபத்தி து³க்கடஸ்ஸ. அனுய்யுத்தே அனுய்யுத்தஸஞ்ஞீ, அனாபத்தி.
316.
அனாபத்தி ஆராமே டி²தோ பஸ்ஸதி, பி⁴க்கு²ஸ்ஸ டி²தோகாஸங் வா நிஸின்னோகாஸங் வா
நிபன்னோகாஸங் வா ஆக³ச்ச²தி, படிபத²ங் க³ச்ச²ந்தோ பஸ்ஸதி, ததா²ரூபப்பச்சயா,
ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.
உய்யுத்தஸேனாஸிக்கா²பத³ங் நிட்டி²தங் அட்ட²மங்.
9. ஸேனாவாஸஸிக்கா²பத³ங்
317. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஸதி கரணீயே ஸேனங்
க³ந்த்வா அதிரேகதிரத்தங் ஸேனாய வஸந்தி. மனுஸ்ஸா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஸமணா ஸக்யபுத்தியா ஸேனாய வஸிஸ்ஸந்தி!
அம்ஹாகம்பி அலாபா⁴, அம்ஹாகம்பி து³ல்லத்³த⁴ங், யே மயங் ஆஜீவஸ்ஸ ஹேது
புத்ததா³ரஸ்ஸ காரணா ஸேனாய படிவஸாமா’’தி. அஸ்ஸோஸுங் கோ² பி⁴க்கூ² தேஸங்
மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கூ² அதிரேகதிரத்தங் ஸேனாய வஸிஸ்ஸந்தீ’’தி…பே॰… ஸச்சங்
கிர தும்ஹே, பி⁴க்க²வே, அதிரேகதிரத்தங் ஸேனாய வஸதா²தி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே,
மோக⁴புரிஸா, அதிரேகதிரத்தங் ஸேனாய வஸிஸ்ஸத²! நேதங், மோக⁴புரிஸா,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –
318. ‘‘ஸியா
ச தஸ்ஸ பி⁴க்கு²னோ கோசிதே³வ பச்சயோ ஸேனங் க³மனாய, தி³ரத்ததிரத்தங் தேன
பி⁴க்கு²னா ஸேனாய வஸிதப்³ப³ங். ததோ சே உத்தரிங் வஸெய்ய, பாசித்திய’’ந்தி.
319. ஸியா ச தஸ்ஸ பி⁴க்கு²னோ கோசிதே³வ பச்சயோ ஸேனங் க³மனாயாதி ஸியா பச்சயோ ஸியா கரணீயங்.
தி³ரத்ததிரத்தங் தேன பி⁴க்கு²னா ஸேனாய வஸிதப்³ப³ந்தி த்³வேதிஸ்ஸோ ரத்தியோ வஸிதப்³ப³ங்.
ததோ சே உத்தரி வஸெய்யாதி சதுத்தே² தி³வஸே அத்த²ங்க³தே ஸூரியே ஸேனாய வஸதி, ஆபத்தி பாசித்தியஸ்ஸ.
320.
அதிரேகதிரத்தே அதிரேகஸஞ்ஞீ ஸேனாய வஸதி, ஆபத்தி பாசித்தியஸ்ஸ.
அதிரேகதிரத்தே வேமதிகோ ஸேனாய வஸதி, ஆபத்தி பாசித்தியஸ்ஸ. அதிரேகதிரத்தே
ஊனகஸஞ்ஞீ ஸேனாய வஸதி, ஆபத்தி பாசித்தியஸ்ஸ.
ஊனகதிரத்தே அதிரேகஸஞ்ஞீ, ஆபத்தி து³க்கடஸ்ஸ. ஊனகதிரத்தே வேமதிகோ, ஆபத்தி து³க்கடஸ்ஸ. ஊனகதிரத்தே ஊனகஸஞ்ஞீ, அனாபத்தி.
321.
அனாபத்தி த்³வேதிஸ்ஸோ ரத்தியோ வஸதி, ஊனகத்³வேதிஸ்ஸோ ரத்தியோ வஸதி, த்³வே
ரத்தியோ வஸித்வா ததியாய ரத்தியா புராருணா நிக்க²மித்வா புன வஸதி, கி³லானோ
வஸதி, கி³லானஸ்ஸ கரணீயேன வஸதி, ஸேனா வா படிஸேனாய ருத்³தா⁴ ஹோதி, கேனசி பலிபு³த்³தோ⁴ ஹோதி, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.
ஸேனாவாஸஸிக்கா²பத³ங் நிட்டி²தங் நவமங்.
10. உய்யோதி⁴கஸிக்கா²பத³ங்
322. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² தி³ரத்ததிரத்தங் ஸேனாய
வஸமானா உய்யோதி⁴கம்பி ப³லக்³க³ம்பி ஸேனாப்³யூஹம்பி அனீகத³ஸ்ஸனம்பி
க³ச்ச²ந்தி. அஞ்ஞதரோபி ச²ப்³ப³க்³கி³யோ பி⁴க்கு² உய்யோதி⁴கங் க³ந்த்வா
கண்டே³ன படிவித்³தோ⁴ ஹோதி. மனுஸ்ஸா தங் பி⁴க்கு²ங் உப்பண்டே³ஸுங் –
‘‘கச்சி, ப⁴ந்தே, ஸுயுத்³த⁴ங் அஹோஸி, கதி தே லக்கா²னி லத்³தா⁴னீ’’தி? ஸோ
பி⁴க்கு² தேஹி மனுஸ்ஸேஹி உப்பண்டீ³யமானோ மங்கு அஹோஸி. மனுஸ்ஸா உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா உய்யோதி⁴கங்
த³ஸ்ஸனாய ஆக³ச்சி²ஸ்ஸந்தி! அம்ஹாகம்பி அலாபா⁴, அம்ஹாகம்பி து³ல்லத்³த⁴ங்,
யே மயங் ஆஜீவஸ்ஸ ஹேது புத்ததா³ரஸ்ஸ காரணா
உய்யோதி⁴கங் ஆக³ச்சா²மா’’தி. அஸ்ஸோஸுங் கோ² பி⁴க்கூ² தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங் . யே தே
பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ச²ப்³ப³க்³கி³யா பி⁴க்கூ² உய்யோதி⁴கங் த³ஸ்ஸனாய
க³ச்சி²ஸ்ஸந்தீ’’தி…பே॰… ஸச்சங் கிர தும்ஹே, பி⁴க்க²வே, உய்யோதி⁴கங்
த³ஸ்ஸனாய க³ச்ச²தா²தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, உய்யோதி⁴கங் த³ஸ்ஸனாய
க³ச்சி²ஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே , இமங் ஸிக்கா²பத³ங் உத்³தி³ஸெய்யாத² –
323. ‘‘தி³ரத்ததிரத்தங் சே பி⁴க்கு² ஸேனாய வஸமானோ உய்யோதி⁴கங் வா ப³லக்³க³ங் வா ஸேனாப்³யூஹங் வா அனீகத³ஸ்ஸனங் வா க³ச்செ²ய்ய, பாசித்திய’’ந்தி.
324. தி³ரத்ததிரத்தங் சே பி⁴க்கு² ஸேனாய வஸமானோதி த்³வேதிஸ்ஸோ ரத்தியோ வஸமானோ.
உய்யோதி⁴கங் நாம யத்த² ஸம்பஹாரோ தி³ஸ்ஸதி.
ப³லக்³க³ங் நாம எத்தகா ஹத்தீ², எத்தகா அஸ்ஸா, எத்தகா ரதா², எத்தகா பத்தீ.
ஸேனாப்³யூஹங் நாம இதோ ஹத்தீ² ஹொந்து, இதோ அஸ்ஸா ஹொந்து, இதோ ரதா² ஹொந்து, இதோ பத்திகா ஹொந்து.
அனீகங் நாம ஹத்தா²னீகங், அஸ்ஸானீகங் ,
ரதா²னீகங், பத்தானீகங். தயோ ஹத்தீ² பச்சி²மங் ஹத்தா²னீகங், தயோ அஸ்ஸா
பச்சி²மங் அஸ்ஸானீகங், தயோ ரதா² பச்சி²மங் ரதா²னீகங், சத்தாரோ புரிஸா
ஸரஹத்தா² பத்தீ பச்சி²மங் பத்தானீகங். த³ஸ்ஸனாய க³ச்ச²தி, ஆபத்தி
து³க்கடஸ்ஸ. யத்த² டி²தோ பஸ்ஸதி, ஆபத்தி பாசித்தியஸ்ஸ. த³ஸ்ஸனூபசாரங்
விஜஹித்வா புனப்புனங் பஸ்ஸதி, ஆபத்தி பாசித்தியஸ்ஸ.
ஏகமேகங் த³ஸ்ஸனாய க³ச்ச²தி, ஆபத்தி து³க்கடஸ்ஸ. யத்த²
டி²தோ பஸ்ஸதி, ஆபத்தி து³க்கடஸ்ஸ. த³ஸ்ஸனூபசாரங் விஜஹித்வா புனப்புனங்
பஸ்ஸதி, ஆபத்தி து³க்கடஸ்ஸ.
325. அனாபத்தி ஆராமே டி²தோ பஸ்ஸதி, பி⁴க்கு²ஸ்ஸ டி²தோகாஸங் வா நிஸின்னோகாஸங் வா நிபன்னோகாஸங் வா ஆக³ந்த்வா ஸம்பஹாரோ தி³ஸ்ஸதி, படிபத²ங் க³ச்ச²ந்தோ பஸ்ஸதி, ஸதி கரணீயே க³ந்த்வா பஸ்ஸதி , ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.
உய்யோதி⁴கஸிக்கா²பத³ங் நிட்டி²தங் த³ஸமங்.
அசேலகவக்³கோ³ பஞ்சமோ.
தஸ்ஸுத்³தா³னங் –
பூவங் கதோ²பனந்த³ஸ்ஸ, தயங்பட்டா²கமேவ ச;
மஹானாமோ பஸேனதி³, ஸேனாவித்³தோ⁴ இமே த³ஸாதி [அசேலகங் உய்யோஜஞ்ச, ஸபோ⁴ஜனங் து³வே ரஹோ; ஸப⁴த்தகஞ்ச பே⁴ஸஜ்ஜங், உய்யுத்தங் ஸேனுய்யோதி⁴கங்].
6. ஸுராபானவக்³கோ³
1. ஸுராபானஸிக்கா²பத³ங்
326. தேன
ஸமயேன பு³த்³தோ⁴ ப⁴க³வா சேதியேஸு சாரிகங் சரமானோ யேன ப⁴த்³த³வதிகா தேன
பாயாஸி. அத்³த³ஸங்ஸு கோ² கோ³பாலகா பஸுபாலகா கஸ்ஸகா பதா²வினோ ப⁴க³வந்தங்
தூ³ரதோவ ஆக³ச்ச²ந்தங். தி³ஸ்வான ப⁴க³வந்தங் ஏதத³வோசுங் – ‘‘மா கோ², ப⁴ந்தே,
ப⁴க³வா அம்ப³தித்த²ங் அக³மாஸி. அம்ப³தித்தே², ப⁴ந்தே, ஜடிலஸ்ஸ அஸ்ஸமே
நாகோ³ படிவஸதி இத்³தி⁴மா ஆஸிவிஸோ [ஆஸீவிஸோ (ஸீ॰ ஸ்யா॰)]
கோ⁴ரவிஸோ. ஸோ ப⁴க³வந்தங் மா விஹேடே²ஸீ’’தி. ஏவங் வுத்தே ப⁴க³வா துண்ஹீ
அஹோஸி. து³தியம்பி கோ²…பே॰… ததியம்பி கோ² கோ³பாலகா பஸுபாலகா கஸ்ஸகா
பதா²வினோ ப⁴க³வந்தங் ஏதத³வோசுங் – ‘‘மா கோ², ப⁴ந்தே, ப⁴க³வா அம்ப³தித்த²ங்
அக³மாஸி. அம்ப³தித்தே², ப⁴ந்தே, ஜடிலஸ்ஸ அஸ்ஸமே நாகோ³ படிவஸதி இத்³தி⁴மா
ஆஸிவிஸோ கோ⁴ரவிஸோ. ஸோ ப⁴க³வந்தங் மா விஹேடே²ஸீ’’தி. ததியம்பி கோ² ப⁴க³வா
துண்ஹீ அஹோஸி.
அத² கோ² ப⁴க³வா அனுபுப்³பே³ன சாரிகங் சரமானோ யேன ப⁴த்³த³வதிகா தத³வஸரி. தத்ர ஸுத³ங் ப⁴க³வா ப⁴த்³த³வதிகாயங் விஹரதி . அத² கோ² ஆயஸ்மா ஸாக³தோ யேன அம்ப³தித்த²ஸ்ஸ [அம்ப³தித்த²கஸ்ஸ (ஸீ॰), அம்ப³தித்த²ங் (ஸ்யா॰)] ஜடிலஸ்ஸ அஸ்ஸமோ தேனுபஸங்கமி ;
உபஸங்கமித்வா அக்³யாகா³ரங் பவிஸித்வா திணஸந்தா²ரகங் பஞ்ஞபெத்வா நிஸீதி³
பல்லங்கங் ஆபு⁴ஜித்வா உஜுங் காயங் பணிதா⁴ய பரிமுக²ங் ஸதிங் உபட்ட²பெத்வா.
அத்³த³ஸா கோ² ஸோ நாகோ³ ஆயஸ்மந்தங் ஸாக³தங் பவிட்ட²ங் . தி³ஸ்வான து³ம்மனோ [து³க்கீ² து³ம்மனோ (ஸீ॰ ஸ்யா॰)] பதூ⁴பாயி [பதூ⁴பாஸி (ஸ்யா॰ க॰)]. ஆயஸ்மாபி ஸாக³தோ பதூ⁴பாயி [பதூ⁴பாஸி (ஸ்யா॰ க॰)].
அத² கோ² ஸோ நாகோ³ மக்க²ங் அஸஹமானோ பஜ்ஜலி. ஆயஸ்மாபி ஸாக³தோ தேஜோதா⁴துங்
ஸமாபஜ்ஜித்வா பஜ்ஜலி. அத² கோ² ஆயஸ்மா ஸாக³தோ தஸ்ஸ நாக³ஸ்ஸ தேஜஸா தேஜங்
பரியாதி³யித்வா யேன ப⁴த்³த³வதிகா தேனுபஸங்கமி. அத² கோ² ப⁴க³வா
ப⁴த்³த³வதிகாயங் யதா²பி⁴ரந்தங் விஹரித்வா யேன கோஸம்பீ³ தேன சாரிகங்
பக்காமி. அஸ்ஸோஸுங் கோ² கோஸம்பி³கா உபாஸகா – ‘‘அய்யோ கிர ஸாக³தோ
அம்ப³தித்தி²கேன நாகே³ன ஸத்³தி⁴ங் ஸங்கா³மேஸீ’’தி.
அத² கோ² ப⁴க³வா அனுபுப்³பே³ன சாரிகங் சரமானோ யேன
கோஸம்பீ³ தத³வஸரி. அத² கோ² கோஸம்பி³கா உபாஸகா ப⁴க³வதோ பச்சுக்³க³மனங்
கரித்வா யேனாயஸ்மா ஸாக³தோ தேனுபஸங்கமிங்ஸு; உபஸங்கமித்வா ஆயஸ்மந்தங்
ஸாக³தங் அபி⁴வாதெ³த்வா ஏகமந்தங் அட்ட²ங்ஸு. ஏகமந்தங் டி²தா கோ² கோஸம்பி³கா
உபாஸகா ஆயஸ்மந்தங் ஸாக³தங் ஏதத³வோசுங் – ‘‘கிங், ப⁴ந்தே, அய்யானங்
து³ல்லப⁴ஞ்ச மனாபஞ்ச, கிங் படியாதே³மா’’தி? ஏவங் வுத்தே ச²ப்³ப³க்³கி³யா
பி⁴க்கூ² கோஸம்பி³கே உபாஸகே ஏதத³வோசுங் – ‘‘அத்தா²வுஸோ, காபோதிகா நாம
பஸன்னா பி⁴க்கூ²னங் து³ல்லபா⁴ ச மனாபா ச, தங் படியாதே³தா²’’தி. அத² கோ²
கோஸம்பி³கா உபாஸகா க⁴ரே க⁴ரே காபோதிகங் பஸன்னங் படியாதெ³த்வா ஆயஸ்மந்தங்
ஸாக³தங் பிண்டா³ய பவிட்ட²ங் தி³ஸ்வான ஆயஸ்மந்தங் ஸாக³தங் ஏதத³வோசுங் –
‘‘பிவது, ப⁴ந்தே, அய்யோ ஸாக³தோ காபோதிகங் பஸன்னங், பிவது ,
ப⁴ந்தே, அய்யோ ஸாக³தோ காபோதிகங் பஸன்ன’’ந்தி. அத² கோ² ஆயஸ்மா ஸாக³தோ க⁴ரே
க⁴ரே காபோதிகங் பஸன்னங் பிவித்வா நக³ரம்ஹா நிக்க²மந்தோ நக³ரத்³வாரே பரிபதி.
அத² கோ² ப⁴க³வா ஸம்ப³ஹுலேஹி பி⁴க்கூ²ஹி ஸத்³தி⁴ங்
நக³ரம்ஹா நிக்க²மந்தோ அத்³த³ஸ ஆயஸ்மந்தங் ஸாக³தங் நக³ரத்³வாரே பரிபதந்தங்.
தி³ஸ்வான பி⁴க்கூ² ஆமந்தேஸி – ‘‘க³ண்ஹத², பி⁴க்க²வே, ஸாக³த’’ந்தி. ‘‘ஏவங்,
ப⁴ந்தே’’தி கோ² தே பி⁴க்கூ² ப⁴க³வதோ படிஸ்ஸுணித்வா ஆயஸ்மந்தங் ஸாக³தங்
ஆராமங் நெத்வா யேன ப⁴க³வா தேன ஸீஸங் கத்வா நிபாதேஸுங். அத² கோ² ஆயஸ்மா
ஸாக³தோ பரிவத்தித்வா யேன ப⁴க³வா தேன பாதே³ கரித்வா ஸெய்யங் கப்பேஸி . அத² கோ² ப⁴க³வா பி⁴க்கூ² ஆமந்தேஸி – ‘‘நனு, பி⁴க்க²வே, புப்³பே³ ஸாக³தோ ததா²க³தே ஸகா³ரவோ அஹோஸி ஸப்பதிஸ்ஸோ’’தி ?
‘‘ஏவங், ப⁴ந்தே’’. ‘‘அபி நு கோ², பி⁴க்க²வே, ஸாக³தோ ஏதரஹி ததா²க³தே
ஸகா³ரவோ ஸப்பதிஸ்ஸோ’’தி? ‘‘நோ ஹேதங், ப⁴ந்தே’’. ‘‘நனு, பி⁴க்க²வே, ஸாக³தோ
அம்ப³தித்தி²கேன நாகே³ன [டெ³ட்³டு³பே⁴னாபி (ஸீ॰ ஸ்யா॰)]
ஸத்³தி⁴ங் ஸங்கா³மேஸீ’’தி? ‘‘ஏவங், ப⁴ந்தே’’. ‘‘அபி நு கோ², பி⁴க்க²வே,
ஸாக³தோ ஏதரஹி பஹோதி நாகே³ன ஸத்³தி⁴ங் ஸங்கா³மேது’’ந்தி? ‘‘நோ ஹேதங்,
ப⁴ந்தே’’. ‘‘அபி நு கோ², பி⁴க்க²வே, தங் பாதப்³ப³ங் யங் பிவித்வா விஸஞ்ஞீ
அஸ்ஸா’’தி? ‘‘நோ ஹேதங், ப⁴ந்தே’’. ‘‘அனநுச்ச²விகங், பி⁴க்க²வே, ஸாக³தஸ்ஸ
அனநுலோமிகங் அப்பதிரூபங் அஸ்ஸாமணகங் அகப்பியங் அகரணீயங். கத²ஞ்ஹி நாம,
பி⁴க்க²வே, ஸாக³தோ மஜ்ஜங் பிவிஸ்ஸதி! நேதங், பி⁴க்க²வே, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
327. ‘‘ஸுராமேரயபானே பாசித்திய’’ந்தி.
328. ஸுரா நாம பிட்ட²ஸுரா பூவஸுரா ஓத³னஸுரா கிண்ணபக்கி²த்தா ஸம்பா⁴ரஸங்யுத்தா.
மேரயோ நாம புப்பா²ஸவோ ப²லாஸவோ மத்⁴வாஸவோ கு³ளாஸவோ ஸம்பா⁴ரஸங்யுத்தோ.
பிவெய்யாதி அந்தமஸோ குஸக்³கே³னபி பிவதி, ஆபத்தி பாசித்தியஸ்ஸ.
மஜ்ஜே மஜ்ஜஸஞ்ஞீ பிவதி, ஆபத்தி பாசித்தியஸ்ஸ. மஜ்ஜே
வேமதிகோ பிவதி, ஆபத்தி பாசித்தியஸ்ஸ. மஜ்ஜே அமஜ்ஜஸஞ்ஞீ பிவதி, ஆபத்தி
பாசித்தியஸ்ஸ.
அமஜ்ஜே மஜ்ஜஸஞ்ஞீ, ஆபத்தி து³க்கடஸ்ஸ. அமஜ்ஜே வேமதிகோ, ஆபத்தி து³க்கடஸ்ஸ. அமஜ்ஜே அமஜ்ஜஸஞ்ஞீ, அனாபத்தி.
329.
அனாபத்தி அமஜ்ஜஞ்ச ஹோதி மஜ்ஜவண்ணங் மஜ்ஜக³ந்த⁴ங் மஜ்ஜரஸங் தங் பிவதி,
ஸூபஸம்பாகே, மங்ஸஸம்பாகே, தேலஸம்பாகே, ஆமலகபா²ணிதே, அமஜ்ஜங் அரிட்ட²ங்
பிவதி, உம்மத்தகஸ்ஸ, ஆதி³கம்மிகஸ்ஸாதி.
ஸுராபானஸிக்கா²பத³ங் நிட்டி²தங் பட²மங்.
2. அங்கு³லிபதோத³கஸிக்கா²பத³ங்
330. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஸத்தரஸவக்³கி³யங்
பி⁴க்கு²ங் அங்கு³லிபதோத³கேன ஹாஸேஸுங். ஸோ பி⁴க்கு² உத்தந்தோ அனஸ்ஸாஸகோ
காலமகாஸி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² பி⁴க்கு²ங்
அங்கு³லிபதோத³கேன ஹாஸெஸ்ஸந்தீ’’தி…பே॰… ஸச்சங் கிர
தும்ஹே, பி⁴க்க²வே, பி⁴க்கு²ங் அங்கு³லிபதோத³கேன ஹாஸேதா²தி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே,
மோக⁴புரிஸா, பி⁴க்கு²ங் அங்கு³லிபதோத³கேன ஹாஸெஸ்ஸத²! நேதங், மோக⁴புரிஸா,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –
331. ‘‘அங்கு³லிபதோத³கே பாசித்திய’’ந்தி.
332. அங்கு³லிபதோத³கோ நாம [அங்கு³லிபதோத³கோ நாம அங்கு³லியாபி துத³ந்தி (ஸ்யா॰)] உபஸம்பன்னோ உபஸம்பன்னங் ஹஸாதி⁴ப்பாயோ [ஹஸ்ஸாதி⁴ப்பாயோ (ஸீ॰ ஸ்யா॰)]
காயேன காயங் ஆமஸதி, ஆபத்தி பாசித்தியஸ்ஸ. உபஸம்பன்னே உபஸம்பன்னஸஞ்ஞீ
அங்கு³லிபதோத³கேன ஹாஸேதி, ஆபத்தி பாசித்தியஸ்ஸ. உபஸம்பன்னே வேமதிகோ
அங்கு³லிபதோத³கேன ஹாஸேதி, ஆபத்தி பாசித்தியஸ்ஸ . உபஸம்பன்னே அனுபஸம்பன்னஸஞ்ஞீ அங்கு³லிபதோத³கேன ஹாஸேதி, ஆபத்தி பாசித்தியஸ்ஸ.
காயேன காயபடிப³த்³த⁴ங் ஆமஸதி, ஆபத்தி து³க்கடஸ்ஸ.
காயபடிப³த்³தே⁴ன காயங் ஆமஸதி, ஆபத்தி து³க்கடஸ்ஸ. காயபடிப³த்³தே⁴ன
காயபடிப³த்³த⁴ங் ஆமஸதி, ஆபத்தி து³க்கடஸ்ஸ. நிஸ்ஸக்³கி³யேன காயங் ஆமஸதி,
ஆபத்தி து³க்கடஸ்ஸ. நிஸ்ஸக்³கி³யேன காயபடிப³த்³த⁴ங் ஆமஸதி, ஆபத்தி
து³க்கடஸ்ஸ. நிஸ்ஸக்³கி³யேன நிஸ்ஸக்³கி³யங் ஆமஸதி, ஆபத்தி து³க்கடஸ்ஸ.
333.
அனுபஸம்பன்னங் காயேன காயங் ஆமஸதி, ஆபத்தி து³க்கடஸ்ஸ. காயேன
காயபடிப³த்³த⁴ங் ஆமஸதி, ஆபத்தி து³க்கடஸ்ஸ. காயபடிப³த்³தே⁴ன காயங் ஆமஸதி,
ஆபத்தி து³க்கடஸ்ஸ. காயபடிப³த்³தே⁴ன காயபடிப³த்³த⁴ங் ஆமஸதி, ஆபத்தி
து³க்கடஸ்ஸ. நிஸ்ஸக்³கி³யேன காயங் ஆமஸதி, ஆபத்தி து³க்கடஸ்ஸ .
நிஸ்ஸக்³கி³யேன காயபடிப³த்³த⁴ங் ஆமஸதி, ஆபத்தி து³க்கடஸ்ஸ. நிஸ்ஸக்³கி³யேன
நிஸ்ஸக்³கி³யங் ஆமஸதி, ஆபத்தி து³க்கடஸ்ஸ. அனுபஸம்பன்னே உபஸம்பன்னஸஞ்ஞீ,
ஆபத்தி து³க்கடஸ்ஸ. அனுபஸம்பன்னே வேமதிகோ, ஆபத்தி து³க்கடஸ்ஸ. அனுபஸம்பன்னே
அனுபஸம்பன்னஸஞ்ஞீ, ஆபத்தி து³க்கடஸ்ஸ.
334. அனாபத்தி ந ஹஸாதி⁴ப்பாயோ, ஸதி கரணீயே ஆமஸதி, உம்மத்தகஸ்ஸ, ஆதி³கம்மிகஸ்ஸாதி.
அங்கு³லிபதோத³கஸிக்கா²பத³ங் நிட்டி²தங் து³தியங்.
3. ஹஸத⁴ம்மஸிக்கா²பத³ங்
335. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஸத்தரஸவக்³கி³யா பி⁴க்கூ² அசிரவதியா நதி³யா
உத³கே கீளந்தி. தேன கோ² பன ஸமயேன ராஜா பஸேனதி³ கோஸலோ மல்லிகாய தே³வியா
ஸத்³தி⁴ங் உபரிபாஸாத³வரக³தோ ஹோதி. அத்³த³ஸா கோ² ராஜா பஸேனதி³ கோஸலோ
ஸத்தரஸவக்³கி³யே பி⁴க்கூ² அசிரவதியா நதி³யா உத³கே கீளந்தே. தி³ஸ்வான
மல்லிகங் தே³விங் ஏதத³வோச – ‘‘ஏதே தே, மல்லிகே, அரஹந்தோ உத³கே கீளந்தீ’’தி.
‘‘நிஸ்ஸங்ஸயங் கோ², மஹாராஜ, ப⁴க³வதா ஸிக்கா²பத³ங் அபஞ்ஞத்தங். தே வா
பி⁴க்கூ² அப்பகதஞ்ஞுனோ’’தி. அத² கோ² ரஞ்ஞோ பஸேனதி³ஸ்ஸ கோஸலஸ்ஸ ஏதத³ஹோஸி –
‘‘கேன நு கோ² அஹங் உபாயேன ப⁴க³வதோ ச ந ஆரோசெய்யங், ப⁴க³வா ச ஜானெய்ய இமே
பி⁴க்கூ² உத³கே கீளிதா’’தி? அத² கோ² ராஜா பஸேனதி³ கோஸலோ ஸத்தரஸவக்³கி³யே
பி⁴க்கூ² பக்கோஸாபெத்வா மஹந்தங் கு³ளபிண்ட³ங் அதா³ஸி – ‘‘இமங், ப⁴ந்தே,
கு³ளபிண்ட³ங் ப⁴க³வதோ தே³தா²’’தி. ஸத்தரஸவக்³கி³யா பி⁴க்கூ² தங்
கு³ளபிண்ட³ங் ஆதா³ய யேன ப⁴க³வா தேனுபஸங்கமிங்ஸு; உபஸங்கமித்வா ப⁴க³வந்தங்
ஏதத³வோசுங் – ‘‘இமங், ப⁴ந்தே, கு³ளபிண்ட³ங் ராஜா பஸேனதி³ கோஸலோ ப⁴க³வதோ
தே³தீ’’தி. ‘‘கஹங் பன தும்ஹே, பி⁴க்க²வே, ராஜா அத்³த³ஸா’’தி. ‘‘அசிரவதியா
நதி³யா, ப⁴க³வா, உத³கே கீளந்தே’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி
நாம தும்ஹே, மோக⁴புரிஸா, உத³கே கீளிஸ்ஸத²! நேதங் , மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
336. ‘‘உத³கே ஹஸத⁴ம்மே [ஹஸ்ஸத⁴ம்மே (ஸீ॰ ஸ்யா॰)] பாசித்திய’’ந்தி.
337. உத³கே ஹஸத⁴ம்மோ நாம உபரிகொ³ப்ப²கே உத³கே ஹஸாதி⁴ப்பாயோ நிமுஜ்ஜதி வா உம்முஜ்ஜதி வா பலவதி வா, ஆபத்தி பாசித்தியஸ்ஸ.
338.
உத³கே ஹஸத⁴ம்மே ஹஸத⁴ம்மஸஞ்ஞீ, ஆபத்தி பாசித்தியஸ்ஸ. உத³கே ஹஸத⁴ம்மே
வேமதிகோ, ஆபத்தி பாசித்தியஸ்ஸ. உத³கே ஹஸத⁴ம்மே அஹஸத⁴ம்மஸஞ்ஞீ, ஆபத்தி
பாசித்தியஸ்ஸ.
ஹெட்டா²கொ³ப்ப²கே உத³கே கீளதி, ஆபத்தி து³க்கடஸ்ஸ.
உத³கே நாவாய கீளதி, ஆபத்தி து³க்கடஸ்ஸ. ஹத்தே²ன வா பாதே³ன வா கட்டே²ன வா
கட²லாய வா உத³கங் பஹரதி, ஆபத்தி து³க்கடஸ்ஸ. பா⁴ஜனக³தங் உத³கங் வா கஞ்ஜிகங்
வா கீ²ரங் வா தக்கங் வா ரஜனங் வா பஸ்ஸாவங் வா சிக்க²ல்லங் வா கீளதி,
ஆபத்தி து³க்கடஸ்ஸ.
உத³கே அஹஸத⁴ம்மே ஹஸத⁴ம்மஸஞ்ஞீ, ஆபத்தி து³க்கடஸ்ஸ.
உத³கே அஹஸத⁴ம்மே வேமதிகோ, ஆபத்தி து³க்கடஸ்ஸ. உத³கே அஹஸத⁴ம்மே
அஹஸத⁴ம்மஸஞ்ஞீ, அனாபத்தி.
339. அனாபத்தி ந ஹஸாதி⁴ப்பாயோ, ஸதி கரணீயே உத³கங் ஓதரித்வா நிமுஜ்ஜதி வா உம்முஜ்ஜதி வா பலவதி வா, பாரங் க³ச்ச²ந்தோ நிமுஜ்ஜதி வா உம்முஜ்ஜதி வா பலவதி வா, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.
ஹஸத⁴ம்மஸிக்கா²பத³ங் நிட்டி²தங் ததியங்.
4. அனாத³ரியஸிக்கா²பத³ங்
340. தேன
ஸமயேன பு³த்³தோ⁴ ப⁴க³வா கோஸம்பி³யங் விஹரதி கோ⁴ஸிதாராமே. தேன கோ² பன ஸமயேன
ஆயஸ்மா ச²ன்னோ அனாசாரங் ஆசரதி. பி⁴க்கூ² ஏவமாஹங்ஸு – ‘‘மாவுஸோ ச²ன்ன,
ஏவரூபங் அகாஸி. நேதங் கப்பதீ’’தி. ஸோ அனாத³ரியங் படிச்ச கரோதியேவ. யே தே
பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஆயஸ்மா ச²ன்னோ அனாத³ரியங் கரிஸ்ஸதீ’’தி…பே॰… ஸச்சங் கிர
த்வங், ச²ன்ன, அனாத³ரியங் கரோஸீதி ? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம த்வங், மோக⁴புரிஸ,
அனாத³ரியங் கரிஸ்ஸஸி! நேதங், மோக⁴புரிஸ, அப்பஸன்னானங் வா பஸாதா³ய…பே॰…
ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
341. ‘‘அனாத³ரியே பாசித்திய’’ந்தி.
342. அனாத³ரியங் நாம த்³வே அனாத³ரியானி – புக்³க³லானாத³ரியஞ்ச த⁴ம்மானாத³ரியஞ்ச.
புக்³க³லானாத³ரியங் நாம
உபஸம்பன்னேன பஞ்ஞத்தேன வுச்சமானோ – ‘‘அயங் உக்கி²த்தகோ வா வம்பி⁴தோ வா
க³ரஹிதோ வா, இமஸ்ஸ வசனங் அகதங் ப⁴விஸ்ஸதீ’’தி அனாத³ரியங் கரோதி, ஆபத்தி
பாசித்தியஸ்ஸ.
த⁴ம்மானாத³ரியங் நாம
உபஸம்பன்னேன பஞ்ஞத்தேன வுச்சமானோ ‘‘கதா²யங் நஸ்ஸெய்ய வா வினஸ்ஸெய்ய வா
அந்தரதா⁴யெய்ய வா’’, தங் வா ந ஸிக்கி²துகாமோ அனாத³ரியங் கரோதி, ஆபத்தி
பாசித்தியஸ்ஸ.
343. உபஸம்பன்னே
உபஸம்பன்னஸஞ்ஞீ அனாத³ரியங் கரோதி, ஆபத்தி பாசித்தியஸ்ஸ. உபஸம்பன்னே
வேமதிகோ அனாத³ரியங் கரோதி, ஆபத்தி பாசித்தியஸ்ஸ. உபஸம்பன்னே
அனுபஸம்பன்னஸஞ்ஞீ அனாத³ரியங் கரோதி, ஆபத்தி பாசித்தியஸ்ஸ.
அபஞ்ஞத்தேன வுச்சமானோ – ‘‘இத³ங் ந ஸல்லேகா²ய ந
து⁴தத்தா²ய ந பாஸாதி³கதாய ந அபசயாய ந வீரியாரம்பா⁴ய ஸங்வத்ததீ’’தி
அனாத³ரியங் கரோதி, ஆபத்தி து³க்கடஸ்ஸ. அனுபஸம்பன்னேன பஞ்ஞத்தேன வா
அபஞ்ஞத்தேன வா வுச்சமானோ – ‘‘இத³ங் ந ஸல்லேகா²ய ந து⁴தத்தா²ய ந பாஸாதி³கதாய ந அபசயாய ந வீரியாரம்பா⁴ய ஸங்வத்ததீ’’தி அனாத³ரியங் கரோதி, ஆபத்தி து³க்கடஸ்ஸ.
அனுபஸம்பன்னே உபஸம்பன்னஸஞ்ஞீ ஆபத்தி து³க்கடஸ்ஸ.
அனுபஸம்பன்னே வேமதிகோ, ஆபத்தி து³க்கடஸ்ஸ. அனுபஸம்பன்னே அனுபஸம்பன்னஸஞ்ஞீ,
ஆபத்தி து³க்கடஸ்ஸ.
344. அனாபத்தி – ‘‘ஏவங் அம்ஹாகங் ஆசரியானங் உக்³க³ஹோ பரிபுச்சா²’’தி ப⁴ணதி, உம்மத்தகஸ்ஸ, ஆதி³கம்மிகஸ்ஸாதி.
அனாத³ரியஸிக்கா²பத³ங் நிட்டி²தங் சதுத்த²ங்.
5. பி⁴ங்ஸாபனஸிக்கா²பத³ங்
345. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஸத்தரஸவக்³கி³யே
பி⁴க்கூ² பி⁴ங்ஸாபெந்தி. தே பி⁴ங்ஸாபீயமானா ரோத³ந்தி. பி⁴க்கூ² ஏவமாஹங்ஸு –
‘‘கிஸ்ஸ தும்ஹே, ஆவுஸோ, ரோத³தா²’’தி? ‘‘இமே, ஆவுஸோ, ச²ப்³ப³க்³கி³யா
பி⁴க்கூ² அம்ஹே பி⁴ங்ஸாபெந்தீ’’தி. யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா
பி⁴க்கூ² பி⁴க்கு²ங் பி⁴ங்ஸாபெஸ்ஸந்தீ’’தி…பே॰… ஸச்சங் கிர தும்ஹே,
பி⁴க்க²வே, பி⁴க்கு²ங் பி⁴ங்ஸாபேதா²தி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, பி⁴க்கு²ங்
பி⁴ங்ஸாபெஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச
பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
346. ‘‘யோ பன பி⁴க்கு² பி⁴க்கு²ங் பி⁴ங்ஸாபெய்ய, பாசித்திய’’ந்தி.
347. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
பி⁴க்கு²ந்தி அஞ்ஞங் பி⁴க்கு²ங்.
பி⁴ங்ஸாபெய்யாதி
உபஸம்பன்னோ உபஸம்பன்னங் பி⁴ங்ஸாபேதுகாமோ ரூபங் வா ஸத்³த³ங் வா க³ந்த⁴ங் வா
ரஸங் வா பொ²ட்ட²ப்³ப³ங் வா உபஸங்ஹரதி. பா⁴யெய்ய வா ஸோ ந வா பா⁴யெய்ய,
ஆபத்தி பாசித்தியஸ்ஸ. சோரகந்தாரங் வா வாளகந்தாரங் வா பிஸாசகந்தாரங் வா
ஆசிக்க²தி. பா⁴யெய்ய வா ஸோ ந வா பா⁴யெய்ய, ஆபத்தி பாசித்தியஸ்ஸ.
348.
உபஸம்பன்னே உபஸம்பன்னஸஞ்ஞீ பி⁴ங்ஸாபேதி, ஆபத்தி பாசித்தியஸ்ஸ. உபஸம்பன்னே
வேமதிகோ பி⁴ங்ஸாபேதி, ஆபத்தி பாசித்தியஸ்ஸ. ‘உபஸம்பன்னே அனுபஸம்பன்னஸஞ்ஞீ
பி⁴ங்ஸாபேதி, ஆபத்தி பாசித்தியஸ்ஸ.
அனுபஸம்பன்னங் பி⁴ங்ஸாபேதுகாமோ ரூபங் வா ஸத்³த³ங் வா
க³ந்த⁴ங் வா ரஸங் வா பொ²ட்ட²ப்³ப³ங் வா உபஸங்ஹரதி. பா⁴யெய்ய வா ஸோ ந வா
பா⁴யெய்ய, ஆபத்தி து³க்கடஸ்ஸ. சோரகந்தாரங் வா வாளகந்தாரங் வா பிஸாசகந்தாரங்
வா ஆசிக்க²தி. பா⁴யெய்ய வா ஸோ ந வா பா⁴யெய்ய, ஆபத்தி து³க்கடஸ்ஸ . அனுபஸம்பன்னே உபஸம்பன்னஸஞ்ஞீ, ஆபத்தி து³க்கடஸ்ஸ. அனுபஸம்பன்னே வேமதிகோ, ஆபத்தி து³க்கடஸ்ஸ. அனுபஸம்பன்னே அனுபஸம்பன்னஸஞ்ஞீ, ஆபத்தி து³க்கடஸ்ஸ.
349.
அனாபத்தி ந பி⁴ங்ஸாபேதுகாமோ ரூபங் வா ஸத்³த³ங் வா க³ந்த⁴ங் வா ரஸங் வா
பொ²ட்ட²ப்³ப³ங் வா உபஸங்ஹரதி, சோரகந்தாரங் வா வாளகந்தாரங் வா பிஸாசகந்தாரங்
வா ஆசிக்க²தி, உம்மத்தகஸ்ஸ, ஆதி³கம்மிகஸ்ஸாதி.
பி⁴ங்ஸாபனஸிக்கா²பத³ங் நிட்டி²தங் பஞ்சமங்.
6. ஜோதிகஸிக்கா²பத³ங்
350. தேன ஸமயேன பு³த்³தோ⁴ ப⁴க³வா ப⁴க்³கே³ஸு விஹரதி ஸுங்ஸுமாரகி³ரே [ஸுங்ஸுமாரகி³ரே (ஸீ॰ ஸ்யா॰) ஸங்ஸுமாரகி³ரே (க॰)]
பே⁴ஸகளாவனே மிக³தா³யே. தேன கோ² பன ஸமயேன பி⁴க்கூ² ஹேமந்திகே காலே அஞ்ஞதரங்
மஹந்தங் ஸுஸிரகட்ட²ங் ஜோதிங் ஸமாத³ஹித்வா விஸிப்³பே³ஸுங். தஸ்மிஞ்ச ஸுஸிரே
கண்ஹஸப்போ அக்³கி³னா ஸந்தத்தோ நிக்க²மித்வா பி⁴க்கூ² பரிபாதேஸி. பி⁴க்கூ²
தஹங் தஹங் உபதா⁴விங்ஸு. யே தே பி⁴க்கூ² அப்பிச்சா²…பே॰… தே உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம பி⁴க்கூ² ஜோதிங் ஸமாத³ஹித்வா
விஸிப்³பெ³ஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கூ² ஜோதிங்
ஸமாத³ஹித்வா விஸிப்³பெ³ந்தீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம தே, பி⁴க்க²வே , மோக⁴புரிஸா
ஜோதிங் ஸமாத³ஹித்வா விஸிப்³பெ³ஸ்ஸந்தி! நேதங், பி⁴க்க²வே, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
‘‘யோ பன பி⁴க்கு² விஸிப்³ப³னாபெக்கோ² ஜோதிங் ஸமாத³ஹெய்ய வா ஸமாத³ஹாபெய்ய வா, பாசித்திய’’ந்தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
351.
தேன கோ² பன ஸமயேன பி⁴க்கூ² கி³லானா ஹொந்தி. கி³லானபுச்ச²கா பி⁴க்கூ²
கி³லானே பி⁴க்கூ² ஏதத³வோசுங் – ‘‘கச்சாவுஸோ, க²மனீயங், கச்சி யாபனீய’’ந்தி?
‘‘புப்³பே³ மயங், ஆவுஸோ, ஜோதிங் ஸமாத³ஹித்வா விஸிப்³பே³ம; தேன நோ பா²ஸு ஹோதி. இதா³னி பன ‘‘ப⁴க³வதா படிக்கி²த்த’’ந்தி குக்குச்சாயந்தா
ந விஸிப்³பே³ம, தேன நோ ந பா²ஸு ஹோதீ’’தி. ப⁴க³வதோ ஏதமத்த²ங்
ஆரோசேஸுங்…பே॰… அனுஜானாமி, பி⁴க்க²வே, கி³லானேன பி⁴க்கு²னா ஜோதிங்
ஸமாத³ஹித்வா வா ஸமாத³ஹாபெத்வா வா விஸிப்³பே³துங். ஏவஞ்ச பன, பி⁴க்க²வே,
இமங் ஸிக்கா²பத³ங் உத்³தி³ஸெய்யாத² –
‘‘யோ பன பி⁴க்கு² அகி³லானோ விஸிப்³ப³னாபெக்கோ² ஜோதிங் ஸமாத³ஹெய்ய வா ஸமாத³ஹாபெய்ய வா, பாசித்திய’’ந்தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
352.
தேன கோ² பன ஸமயேன பி⁴க்கூ² பதீ³பேபி ஜோதிகேபி ஜந்தாக⁴ரேபி
குக்குச்சாயந்தி. ப⁴க³வதோ ஏதமத்த²ங் ஆரோசேஸுங்…பே॰… அனுஜானாமி, பி⁴க்க²வே,
ததா²ரூபப்பச்சயா ஜோதிங் ஸமாத³ஹிதுங் ஸமாத³ஹாபேதுங். ஏவஞ்ச பன, பி⁴க்க²வே,
இமங் ஸிக்கா²பத³ங் உத்³தி³ஸெய்யாத² –
353. ‘‘யோ பன பி⁴க்கு² அகி³லானோ விஸிப்³ப³னாபெக்கோ² ஜோதிங் ஸமாத³ஹெய்ய வா ஸமாத³ஹாபெய்ய வா, அஞ்ஞத்ர ததா²ரூபப்பச்சயா, பாசித்திய’’ந்தி.
354. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
அகி³லானோ நாம யஸ்ஸ வினா அக்³கி³னா பா²ஸு ஹோதி.
கி³லானோ நாம யஸ்ஸ வினா அக்³கி³னா ந பா²ஸு ஹோதி.
விஸிப்³ப³னாபெக்கோ²தி தப்பிதுகாமோ.
ஜோதி நாம அக்³கி³ வுச்சதி.
ஸமாத³ஹெய்யாதி ஸயங் ஸமாத³ஹதி, ஆபத்தி பாசித்தியஸ்ஸ.
ஸமாத³ஹாபெய்யாதி அஞ்ஞங் ஆணாபேதி, ஆபத்தி பாசித்தியஸ்ஸ. ஸகிங் ஆணத்தோ ப³ஹுகம்பி ஸமாத³ஹதி, ஆபத்தி பாசித்தியஸ்ஸ.
அஞ்ஞத்ர ததா² ரூபப்பச்சயாதி ட²பெத்வா ததா²ரூபப்பச்சயங்.
355.
அகி³லானோ அகி³லானஸஞ்ஞீ விஸிப்³ப³னாபெக்கோ² ஜோதிங் ஸமாத³ஹதி வா ஸமாத³ஹாபேதி
வா, அஞ்ஞத்ர ததா²ரூபப்பச்சயா, ஆபத்தி பாசித்தியஸ்ஸ. அகி³லானோ வேமதிகோ
விஸிப்³ப³னாபெக்கோ² ஜோதிங் ஸமாத³ஹதி வா ஸமாத³ஹாபேதி
வா, அஞ்ஞத்ர ததா²ரூபப்பச்சயா, ஆபத்தி பாசித்தியஸ்ஸ. அகி³லானோ கி³லானஸஞ்ஞீ
விஸிப்³ப³னாபெக்கோ² ஜோதிங் ஸமாத³ஹதி வா ஸமாத³ஹாபேதி வா, அஞ்ஞத்ர
ததா²ரூபப்பச்சயா, ஆபத்தி பாசித்தியஸ்ஸ.
படிலாதங் உக்கி²பதி, ஆபத்தி து³க்கடஸ்ஸ. கி³லானோ
அகி³லானஸஞ்ஞீ, ஆபத்தி து³க்கடஸ்ஸ. கி³லானோ வேமதிகோ, ஆபத்தி து³க்கடஸ்ஸ.
கி³லானோ கி³லானஸஞ்ஞீ, அனாபத்தி.
356.
அனாபத்தி கி³லானஸ்ஸ, அஞ்ஞேன கதங் விஸிப்³பே³தி, வீதச்சிதங்கா³ரங்
விஸிப்³பே³தி, பதீ³பே ஜோதிகே ஜந்தாக⁴ரே ததா²ரூபப்பச்சயா, ஆபதா³ஸு,
உம்மத்தகஸ்ஸ, ஆதி³கம்மிகஸ்ஸாதி.
ஜோதிகஸிக்கா²பத³ங் நிட்டி²தங் ச²ட்ட²ங்.
7. நஹானஸிக்கா²பத³ங்
357. தேன ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன ஸமயேன பி⁴க்கூ² தபோதே³ நஹாயந்தி. தேன கோ² பன ஸமயேன [அத² கோ² (ஸீ॰ ஸ்யா॰)] ராஜா மாக³தோ⁴ ஸேனியோ பி³ம்பி³ஸாரோ ‘‘ஸீஸங் நஹாயிஸ்ஸாமீ’’தி தபோத³ங்
க³ந்த்வா – ‘‘யாவாய்யா நஹாயந்தீ’’தி ஏகமந்தங் படிமானேஸி. பி⁴க்கூ² யாவ
ஸமந்த⁴காரா நஹாயிங்ஸு. அத² கோ² ராஜா மாக³தோ⁴ ஸேனியோ பி³ம்பி³ஸாரோ விகாலே
ஸீஸங் நஹாயித்வா, நக³ரத்³வாரே த²கிதே ப³ஹினக³ரே வஸித்வா, காலஸ்ஸேவ
அஸம்பி⁴ன்னேன விலேபனேன யேன ப⁴க³வா தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னங் கோ² ராஜானங் மாக³த⁴ங்
ஸேனியங் பி³ம்பி³ஸாரங் ப⁴க³வா ஏதத³வோச – ‘‘கிஸ்ஸ த்வங், மஹாராஜ, காலஸ்ஸேவ
ஆக³தோ அஸம்பி⁴ன்னேன விலேபனேனா’’தி? அத² கோ² ராஜா மாக³தோ⁴ ஸேனியோ
பி³ம்பி³ஸாரோ ப⁴க³வதோ ஏதமத்த²ங் ஆரோசேஸி. அத² கோ² ப⁴க³வா ராஜானங் மாக³த⁴ங்
ஸேனியங் பி³ம்பி³ஸாரங் த⁴ம்மியா கதா²ய ஸந்த³ஸ்ஸேஸி ஸமாத³பேஸி ஸமுத்தேஜேஸி
ஸம்பஹங்ஸேஸி. அத² கோ² ராஜா மாக³தோ⁴ ஸேனியோ பி³ம்பி³ஸாரோ ப⁴க³வதா த⁴ம்மியா
கதா²ய ஸந்த³ஸ்ஸிதோ ஸமாத³பிதோ ஸமுத்தேஜிதோ ஸம்பஹங்ஸிதோ உட்டா²யாஸனா
ப⁴க³வந்தங் அபி⁴வாதெ³த்வா பத³க்கி²ணங் கத்வா பக்காமி. அத² கோ² ப⁴க³வா
ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங் ஸன்னிபாதாபெத்வா பி⁴க்கூ²
படிபுச்சி² – ‘‘ஸச்சங் கிர, பி⁴க்க²வே, பி⁴க்கூ² ராஜானம்பி பஸ்ஸித்வா ந
மத்தங் ஜானித்வா நஹாயந்தீ’’தி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தே, பி⁴க்க²வே,
மோக⁴புரிஸா ராஜானம்பி பஸ்ஸித்வா ந மத்தங் ஜானித்வா நஹாயிஸ்ஸந்தி! நேதங்,
பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –
‘‘யோ பன பி⁴க்கு² ஓரேனத்³த⁴மாஸங் நஹாயெய்ய, பாசித்திய’’ந்தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
358.
தேன கோ² பன ஸமயேன பி⁴க்கூ² உண்ஹஸமயே பரிளாஹஸமயே குக்குச்சாயந்தா ந
நஹாயந்தி, ஸேத³க³தேன க³த்தேன ஸயந்தி. சீவரம்பி ஸேனாஸனம்பி து³ஸ்ஸதி.
ப⁴க³வதோ ஏதமத்த²ங் ஆரோசேஸுங்…பே॰… அனுஜானாமி, பி⁴க்க²வே, உண்ஹஸமயே
பரிளாஹஸமயே ஓரேனத்³த⁴மாஸங் நஹாயிதுங். ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –
‘‘யோ பன பி⁴க்கு² ஓரேனத்³த⁴மாஸங் நஹாயெய்ய, அஞ்ஞத்ர ஸமயா, பாசித்தியங். தத்தா²யங் ஸமயோ. தி³யட்³டோ⁴ மாஸோ ஸேஸோ கி³ம்ஹானந்தி [கி³ம்ஹானங் (இதிபி)] வஸ்ஸானஸ்ஸ பட²மோ மாஸோ இச்சேதே அட்³ட⁴தெய்யமாஸா உண்ஹஸமயோ பரிளாஹஸமயோ – அயங் தத்த² ஸமயோ’’தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
359. தேன கோ² பன ஸமயேன பி⁴க்கூ² கி³லானா ஹொந்தி. கி³லானபுச்ச²கா பி⁴க்கூ² கி³லானே பி⁴க்கூ² ஏதத³வோசுங் – ‘‘கச்சாவுஸோ, க²மனீயங், கச்சி
யாபனீய’’ந்தி? ‘‘புப்³பே³ மயங், ஆவுஸோ, ஓரேனத்³த⁴மாஸங் நஹாயாம, தேன நோ
பா²ஸு ஹோதி; இதா³னி பன ‘‘ப⁴க³வதா படிக்கி²த்த’’ந்தி குக்குச்சாயந்தா ந
நஹாயாம, தேன நோ ந பா²ஸு ஹோதீ’’தி. ப⁴க³வதோ ஏதமத்த²ங் ஆரோசேஸுங்…பே॰…
அனுஜானாமி, பி⁴க்க²வே, கி³லானேன பி⁴க்கு²னா ஓரேனத்³த⁴மாஸங் நஹாயிதுங்.
ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
‘‘யோ பன பி⁴க்கு² ஓரேனத்³த⁴மாஸங் நஹாயெய்ய, அஞ்ஞத்ர ஸமயா, பாசித்தியங். தத்தா²யங் ஸமயோ. தி³யட்³டோ⁴ மாஸோ ஸேஸோ கி³ம்ஹானந்தி [கி³ம்ஹானங் (இதிபி)] வஸ்ஸானஸ்ஸ பட²மோ மாஸோ இச்சேதே அட்³ட⁴தெய்யமாஸா உண்ஹஸமயோ, பரிளாஹஸமயோ, கி³லானஸமயோ – அயங் தத்த² ஸமயோ’’தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
360.
தேன கோ² பன ஸமயேன பி⁴க்கூ² நவகம்மங் கத்வா குக்குச்சாயந்தா ந நஹாயந்தி. தே
ஸேத³க³தேன க³த்தேன ஸயந்தி. சீவரம்பி ஸேனாஸனம்பி து³ஸ்ஸதி. ப⁴க³வதோ
ஏதமத்த²ங் ஆரோசேஸுங்…பே॰… அனுஜானாமி, பி⁴க்க²வே, கம்மஸமயே ஓரேனத்³த⁴மாஸங்
நஹாயிதுங். ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
‘‘யோ பன பி⁴க்கு² ஓரேனத்³த⁴மாஸங்
நஹாயெய்ய, அஞ்ஞத்ர ஸமயா, பாசித்தியங். தத்தா²யங் ஸமயோ. தி³யட்³டோ⁴ மாஸோ
ஸேஸோ கி³ம்ஹானந்தி வஸ்ஸானஸ்ஸ பட²மோ மாஸோ இச்சேதே அட்³ட⁴தெய்யமாஸா உண்ஹஸமயோ,
பரிளாஹஸமயோ, கி³லானஸமயோ, கம்மஸமயோ – அயங் தத்த² ஸமயோ’’தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
361. தேன
கோ² பன ஸமயேன பி⁴க்கூ² அத்³தா⁴னங் க³ந்த்வா குக்குச்சாயந்தா ந நஹாயந்தி.
தே ஸேத³க³தேன க³த்தேன ஸயந்தி. சீவரம்பி ஸேனாஸனம்பி து³ஸ்ஸதி. ப⁴க³வதோ
ஏதமத்த²ங் ஆரோசேஸுங்…பே॰… அனுஜானாமி, பி⁴க்க²வே, அத்³தா⁴னக³மனஸமயே
ஓரேனத்³த⁴மாஸங் நஹாயிதுங். ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –
‘‘யோ பன பி⁴க்கு² ஓரேனத்³த⁴மாஸங்
நஹாயெய்ய, அஞ்ஞத்ர ஸமயா, பாசித்தியங். தத்தா²யங் ஸமயோ. தி³யட்³டோ⁴ மாஸோ
ஸேஸோ கி³ம்ஹானந்தி வஸ்ஸானஸ்ஸ பட²மோ மாஸோ இச்சேதே அட்³ட⁴தெய்யமாஸா உண்ஹஸமயோ,
பரிளாஹஸமயோ, கி³லானஸமயோ, கம்மஸமயோ, அத்³தா⁴னக³மனஸமயோ – அயங் தத்த² ஸமயோ’’தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
362.
தேன கோ² பன ஸமயேன ஸம்ப³ஹுலா பி⁴க்கூ² அஜ்ஜோ²காஸே சீவரகம்மங் கரொந்தா ஸரஜேன
வாதேன ஓகிண்ணா ஹொந்தி. தே³வோ ச தோ²கங் தோ²கங் பு²ஸாயதி. பி⁴க்கூ²
குக்குச்சாயந்தா ந நஹாயந்தி, கிலின்னேன க³த்தேன ஸயந்தி. சீவரம்பி ஸேனாஸனம்பி
து³ஸ்ஸதி. ப⁴க³வதோ ஏதமத்த²ங் ஆரோசேஸுங்…பே॰… அனுஜானாமி, பி⁴க்க²வே,
வாதவுட்டி²ஸமயே ஓரேனத்³த⁴மாஸங் நஹாயிதுங். ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –
363. ‘‘யோ
பன பி⁴க்கு² ஓரேனத்³த⁴மாஸங் நஹாயெய்ய, அஞ்ஞத்ர ஸமயா, பாசித்தியங்.
தத்தா²யங் ஸமயோ. தி³யட்³டோ⁴ மாஸோ ஸேஸோ கி³ம்ஹானந்தி வஸ்ஸானஸ்ஸ பட²மோ மாஸோ
இச்சேதே அட்³ட⁴தெய்யமாஸா உண்ஹஸமயோ, பரிளாஹஸமயோ, கி³லானஸமயோ, கம்மஸமயோ,
அத்³தா⁴னக³மனஸமயோ, வாதவுட்டி²ஸமயோ – அயங் தத்த² ஸமயோ’’தி.
364. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ஓரேனத்³த⁴மாஸந்தி ஊனகத்³த⁴மாஸங்.
நஹாயெய்யாதி சுண்ணேன வா மத்திகாய வா நஹாயதி, பயோகே³ பயோகே³ து³க்கடங். நஹானபரியோஸானே, ஆபத்தி பாசித்தியஸ்ஸ.
அஞ்ஞத்ர ஸமயாதி ட²பெத்வா ஸமயங்.
உண்ஹஸமயோ நாம தி³யட்³டோ⁴ மாஸோ ஸேஸோ கி³ம்ஹானங். பரிளாஹஸமயோ நாம வஸ்ஸானஸ்ஸ பட²மோ மாஸோ ‘‘இச்சேதே அட்³ட⁴தெய்யமாஸா உண்ஹஸமயோ பரிளாஹஸமயோ’’தி நஹாயிதப்³ப³ங்.
கி³லானஸமயோ நாம யஸ்ஸ வினா நஹானேன ந பா²ஸு ஹோதி. கி³லானஸமயோதி நஹாயிதப்³ப³ங்.
கம்மஸமயோ நாம அந்தமஸோ பரிவேணம்பி ஸம்மட்ட²ங் ஹோதி. ‘‘கம்மஸமயோ’’தி நஹாயிதப்³ப³ங்.
அத்³தா⁴னக³மனஸமயோ நாம ‘‘அத்³த⁴யோஜனங் க³ச்சி²ஸ்ஸாமீ’’தி நஹாயிதப்³ப³ங், க³ச்ச²ந்தேன நஹாயிதப்³ப³ங், க³தேன நஹாயிதப்³ப³ங்.
வாதவுட்டி²ஸமயோ நாம பி⁴க்கூ²
ஸரஜேன வாதேன ஓகிண்ணா ஹொந்தி, த்³வே வா தீணி வா உத³கபு²ஸிதானி காயே பதிதானி
ஹொந்தி. ‘‘வாதவுட்டி²ஸமயோ’’தி நஹாயிதப்³ப³ங்.
365. ஊனகத்³த⁴மாஸே ஊனகஸஞ்ஞீ, அஞ்ஞத்ர ஸமயா, நஹாயதி, ஆபத்தி பாசித்தியஸ்ஸ. ஊனகத்³த⁴மாஸே வேமதிகோ, அஞ்ஞத்ர ஸமயா, நஹாயதி, ஆபத்தி பாசித்தியஸ்ஸ. ஊனகத்³த⁴மாஸே அதிரேகஸஞ்ஞீ, அஞ்ஞத்ர ஸமயா, நஹாயதி, ஆபத்தி பாசித்தியஸ்ஸ.
அதிரேகத்³த⁴மாஸே ஊனகஸஞ்ஞீ, ஆபத்தி து³க்கடஸ்ஸ. அதிரேகத்³த⁴மாஸே வேமதிகோ , ஆபத்தி து³க்கடஸ்ஸ. அதிரேகத்³த⁴மாஸே அதிரேகஸஞ்ஞீ, அனாபத்தி.
366.
அனாபத்தி ஸமயே, அத்³த⁴மாஸங் நஹாயதி, அதிரேகத்³த⁴மாஸங் நஹாயதி, பாரங்
க³ச்ச²ந்தோ நஹாயதி, ஸப்³ப³பச்சந்திமேஸு ஜனபதே³ஸு, ஆபதா³ஸு, உம்மத்தகஸ்ஸ,
ஆதி³கம்மிகஸ்ஸாதி.
நஹானஸிக்கா²பத³ங் நிட்டி²தங் ஸத்தமங்.
8. து³ப்³ப³ண்ணகரணஸிக்கா²பத³ங்
367. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஸம்ப³ஹுலா பி⁴க்கூ² ச பரிப்³பா³ஜகா ச ஸாகேதா
ஸாவத்தி²ங் அத்³தா⁴னமக்³க³ப்படிபன்னா ஹொந்தி. அந்தராமக்³கே³ சோரா
நிக்க²மித்வா தே அச்சி²ந்தி³ங்ஸு. ஸாவத்தி²யா ராஜப⁴டா நிக்க²மித்வா தே சோரே
ஸப⁴ண்டே³ க³ஹெத்வா பி⁴க்கூ²னங் ஸந்திகே தூ³தங் பாஹேஸுங் – ‘‘ஆக³ச்ச²ந்து,
ப⁴த³ந்தா, ஸகங் ஸகங் சீவரங் ஸஞ்ஜானித்வா க³ண்ஹந்தூ’’தி. பி⁴க்கூ² ந
ஸஞ்ஜானந்தி. தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ப⁴த³ந்தா அத்தனோ அத்தனோ சீவரங் ந ஸஞ்ஜானிஸ்ஸந்தீ’’தி! அஸ்ஸோஸுங் கோ²
பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங்.
அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங்
நிதா³னே ஏதஸ்மிங் பகரணே பி⁴க்கு²ஸங்க⁴ங் ஸன்னிபாதாபெத்வா பி⁴க்கூ²னங்
தத³னுச்ச²விகங் தத³னுலோமிகங் த⁴ம்மிங் கத²ங் கத்வா பி⁴க்கூ² ஆமந்தேஸி –
‘‘தேன ஹி, பி⁴க்க²வே, பி⁴க்கூ²னங் ஸிக்கா²பத³ங் பஞ்ஞபெஸ்ஸாமி த³ஸ அத்த²வஸே
படிச்ச – ஸங்க⁴ஸுட்டு²தாய, ஸங்க⁴பா²ஸுதாய…பே॰… ஸத்³த⁴ம்மட்டி²தியா,
வினயானுக்³க³ஹாய. ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
368. ‘‘நவங்
பன பி⁴க்கு²னா சீவரலாபே⁴ன திண்ணங் து³ப்³ப³ண்ணகரணானங் அஞ்ஞதரங்
து³ப்³ப³ண்ணகரணங் ஆதா³தப்³ப³ங் – நீலங் வா கத்³த³மங் வா காளஸாமங் வா.
அனாதா³ சே பி⁴க்கு² திண்ணங் து³ப்³ப³ண்ணகரணானங் அஞ்ஞதரங் து³ப்³ப³ண்ணகரணங் நவங் சீவரங் பரிபு⁴ஞ்ஜெய்ய, பாசித்திய’’ந்தி.
369. நவங் நாம அகதகப்பங் வுச்சதி.
சீவரங் நாம ச²ன்னங் சீவரானங் அஞ்ஞதரங் சீவரங்.
திண்ணங் து³ப்³ப³ண்ணகரணானங் அஞ்ஞதரங் து³ப்³ப³ண்ணகரணங் ஆதா³தப்³ப³ந்தி அந்தமஸோ குஸக்³கே³னபி ஆதா³தப்³ப³ங்.
நீலங் நாம த்³வே நீலானி – கங்ஸனீலங், பலாஸனீலங்.
கத்³த³மோ நாம ஓத³கோ வுச்சதி.
காளஸாமங் நாம யங்கிஞ்சி காளஸாமகங் [காளகங் (ஸீ॰ ஸ்யா॰)].
அனாதா³ சே பி⁴க்கு² திண்ணங் து³ப்³ப³ண்ணகரணானங் அஞ்ஞதரங் து³ப்³ப³ண்ணகரணந்தி அந்தமஸோ குஸக்³கே³னபி அனாதி³யித்வா திண்ணங் து³ப்³ப³ண்ணகரணானங் அஞ்ஞதரங் து³ப்³ப³ண்ணகரணங் நவங் சீவரங் பரிபு⁴ஞ்ஜதி, ஆபத்தி பாசித்தியஸ்ஸ.
370.
அனாதி³ன்னே அனாதி³ன்னஸஞ்ஞீ பரிபு⁴ஞ்ஜதி, ஆபத்தி பாசித்தியஸ்ஸ. அனாதி³ன்னே
வேமதிகோ பரிபு⁴ஞ்ஜதி, ஆபத்தி பாசித்தியஸ்ஸ. அனாதி³ன்னே ஆதி³ன்னஸஞ்ஞீ
பரிபு⁴ஞ்ஜதி, ஆபத்தி பாசித்தியஸ்ஸ.
ஆதி³ன்னே அனாதி³ன்னஸஞ்ஞீ, ஆபத்தி து³க்கடஸ்ஸ. ஆதி³ன்னே வேமதிகோ, ஆபத்தி து³க்கடஸ்ஸ. ஆதி³ன்னே ஆதி³ன்னஸஞ்ஞீ, அனாபத்தி.
371.
அனாபத்திஆதி³யித்வா பரிபு⁴ஞ்ஜதி, கப்போ நட்டோ² ஹோதி, கப்பகதோகாஸோ ஜிண்ணோ
ஹோதி, கப்பகதேன அகப்பகதங் ஸங்ஸிப்³பி³தங் ஹோதி, அக்³க³ளே அனுவாதே
பரிப⁴ண்டே³, உம்மத்தகஸ்ஸ, ஆதி³கம்மிகஸ்ஸாதி.
து³ப்³ப³ண்ணகரணஸிக்கா²பத³ங் நிட்டி²தங் அட்ட²மங்.
9. விகப்பனஸிக்கா²பத³ங்
372. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ஆயஸ்மா உபனந்தோ³ ஸக்யபுத்தோ பா⁴துனோ ஸத்³தி⁴விஹாரிகஸ்ஸ பி⁴க்கு²னோ ஸாமங் சீவரங் விகப்பெத்வா அப்பச்சுத்³தா⁴ரணங் [அபச்சுத்³தா⁴ரகங் (ஸீ॰ ஸ்யா॰)]
பரிபு⁴ஞ்ஜதி. அத² கோ² ஸோ பி⁴க்கு² பி⁴க்கூ²னங் ஏதமத்த²ங் ஆரோசேஸி –
‘‘அயங், ஆவுஸோ, ஆயஸ்மா உபனந்தோ³ ஸக்யபுத்தோ மய்ஹங் சீவரங் ஸாமங்
விகப்பெத்வா அப்பச்சுத்³தா⁴ரணங் பரிபு⁴ஞ்ஜதீ’’தி. யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ஆயஸ்மா உபனந்தோ³ ஸக்யபுத்தோ பி⁴க்கு²ஸ்ஸ ஸாமங் சீவரங் விகப்பெத்வா
அப்பச்சுத்³தா⁴ரணங் பரிபு⁴ஞ்ஜிஸ்ஸதீ’’தி…பே॰… ஸச்சங் கிர த்வங், உபனந்த³,
பி⁴க்கு²ஸ்ஸ ஸாமங் சீவரங் விகப்பெத்வா அப்பச்சுத்³தா⁴ரணங் பரிபு⁴ஞ்ஜஸீதி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம த்வங்,
மோக⁴புரிஸ, பி⁴க்கு²ஸ்ஸ ஸாமங் சீவரங் விகப்பெத்வா
அப்பச்சுத்³தா⁴ரணங் பரிபு⁴ஞ்ஜிஸ்ஸஸி! நேதங், மோக⁴புரிஸ, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
373. ‘‘யோ
பன பி⁴க்கு² பி⁴க்கு²ஸ்ஸ வா பி⁴க்கு²னியா வா ஸிக்க²மானாய வா ஸாமணேரஸ்ஸ வா
ஸாமணேரியா வா ஸாமங் சீவரங் விகப்பெத்வா அப்பச்சுத்³தா⁴ரணங் [அபச்சுத்³தா⁴ரகங் (ஸீ॰ ஸ்யா॰)] பரிபு⁴ஞ்ஜெய்ய, பாசித்திய’’ந்தி.
374. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
பி⁴க்கு²ஸ்ஸாதி அஞ்ஞஸ்ஸ பி⁴க்கு²ஸ்ஸ.
பி⁴க்கு²னீ நாம உப⁴தோஸங்கே⁴ உபஸம்பன்னா.
ஸிக்க²மானா நாம த்³வே வஸ்ஸானி ச²ஸு த⁴ம்மேஸு ஸிக்கி²தஸிக்கா².
ஸாமணேரோ நாம த³ஸஸிக்கா²பதி³கோ.
ஸாமணேரீ நாம த³ஸஸிக்கா²பதி³கா.
ஸாமந்தி ஸயங் விகப்பெத்வா.
சீவரங் நாம ச²ன்னங் சீவரானங் அஞ்ஞதரங் சீவரங் விகப்பனுபக³ங் பச்சி²மங்.
விகப்பனா நாம த்³வே விகப்பனா – ஸம்முகா²விகப்பனா ச பரம்முகா²விகப்பனா ச.
ஸம்முகா²விகப்பனா நாம ‘‘இமங் சீவரங் துய்ஹங் விகப்பேமி இத்த²ன்னாமஸ்ஸ வா’’தி.
பரம்முகா²விகப்பனா
நாம ‘‘இமங் சீவரங் விகப்பனத்தா²ய துய்ஹங் த³ம்மீ’’தி. தேன வத்தப்³போ³ –
‘‘கோ தே மித்தோ வா ஸந்தி³ட்டோ² வா’’தி? ‘‘இத்த²ன்னாமோ ச இத்த²ன்னாமோ
சா’’தி. தேன வத்தப்³போ³ – ‘‘அஹங் தேஸங் த³ம்மி, தேஸங் ஸந்தகங் பரிபு⁴ஞ்ஜ வா
விஸ்ஸஜ்ஜேஹி வா யதா²பச்சயங் வா கரோஹீ’’தி.
அப்பச்சுத்³தா⁴ரணங் நாம தஸ்ஸ வா அதி³ன்னங், தஸ்ஸ வா அவிஸ்ஸஸந்தோ பரிபு⁴ஞ்ஜதி, ஆபத்தி பாசித்தியஸ்ஸ.
375.
அப்பச்சுத்³தா⁴ரணே அப்பச்சுத்³தா⁴ரணஸஞ்ஞீ பரிபு⁴ஞ்ஜதி, ஆபத்தி
பாசித்தியஸ்ஸ. அப்பச்சுத்³தா⁴ரணே வேமதிகோ பரிபு⁴ஞ்ஜதி, ஆபத்தி
பாசித்தியஸ்ஸ. அப்பச்சுத்³தா⁴ரணே அப்பச்சுத்³தா⁴ரணஸஞ்ஞீ பரிபு⁴ஞ்ஜதி,
ஆபத்தி பாசித்தியஸ்ஸ.
அதி⁴ட்டே²தி வா விஸ்ஸஜ்ஜேதி வா, ஆபத்தி து³க்கடஸ்ஸ. பச்சுத்³தா⁴ரணே அப்பச்சுத்³தா⁴ரணஸஞ்ஞீ, ஆபத்தி து³க்கடஸ்ஸ . பச்சுத்³தா⁴ரணே வேமதிகோ, ஆபத்தி து³க்கடஸ்ஸ. பச்சுத்³தா⁴ரணே பச்சுத்³தா⁴ரணஸஞ்ஞீ, அனாபத்தி.
376. அனாபத்தி ஸோ வா தே³தி, தஸ்ஸ வா விஸ்ஸஸந்தோ பரிபு⁴ஞ்ஜதி, உம்மத்தகஸ்ஸ, ஆதி³கம்மிகஸ்ஸாதி.
விகப்பனஸிக்கா²பத³ங் நிட்டி²தங் நவமங்.
10. சீவரஅபனிதா⁴னஸிக்கா²பத³ங்
377. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஸத்தரஸவக்³கி³யா பி⁴க்கூ² அஸன்னிஹிதபரிக்கா²ரா
ஹொந்தி. ச²ப்³ப³க்³கி³யா பி⁴க்கூ² ஸத்தரஸவக்³கி³யானங் பி⁴க்கூ²னங் பத்தம்பி
சீவரம்பி அபனிதெ⁴ந்தி. ஸத்தரஸவக்³கி³யா பி⁴க்கூ² ச²ப்³ப³க்³கி³யே பி⁴க்கூ²
ஏதத³வோசுங் – ‘‘தே³தா²வுஸோ, அம்ஹாகங் பத்தம்பி
சீவரம்பீ’’தி. ச²ப்³ப³க்³கி³யா பி⁴க்கூ² ஹஸந்தி, தே ரோத³ந்தி. பி⁴க்கூ²
ஏவமாஹங்ஸு – ‘‘கிஸ்ஸ தும்ஹே, ஆவுஸோ, ரோத³தா²’’தி? ‘‘இமே, ஆவுஸோ,
ச²ப்³ப³க்³கி³யா பி⁴க்கூ² அம்ஹாகங் பத்தம்பி சீவரம்பி அபனிதெ⁴ந்தீ’’தி. யே
தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ச²ப்³ப³க்³கி³யா பி⁴க்கூ² பி⁴க்கூ²னங் பத்தம்பி
சீவரம்பி அபனிதெ⁴ஸ்ஸந்தீ’’தி…பே॰… ஸச்சங் கிர தும்ஹே, பி⁴க்க²வே,
பி⁴க்கூ²னங் பத்தம்பி சீவரம்பி அபனிதே⁴தா²தி? ‘‘ஸச்சங், ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா,
பி⁴க்கூ²னங் பத்தம்பி சீவரம்பி அபனிதெ⁴ஸ்ஸத²! நேதங், மோக⁴புரிஸா,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –
378. ‘‘யோ பன
பி⁴க்கு² பி⁴க்கு²ஸ்ஸ பத்தங் வா சீவரங் வா நிஸீத³னங் வா ஸூசிக⁴ரங் வா
காயப³ந்த⁴னங் வா அபனிதெ⁴ய்ய வா அபனிதா⁴பெய்ய வா, அந்தமஸோ ஹஸாபெக்கோ²பி,
பாசித்திய’’ந்தி.
379. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
பி⁴க்கு²ஸ்ஸாதி அஞ்ஞஸ்ஸ பி⁴க்கு²ஸ்ஸ.
பத்தோ நாம த்³வே பத்தா – அயோபத்தோ, மத்திகாபத்தோ.
சீவரங் நாம ச²ன்னங் சீவரானங் அஞ்ஞதரங் சீவரங், விகப்பனுபக³ங் பச்சி²மங்.
நிஸீத³னங் நாம ஸத³ஸங் வுச்சதி.
ஸூசிக⁴ரங் நாம ஸஸூசிகங் வா அஸூசிகங் வா.
காயப³ந்த⁴னங் நாம த்³வே காயப³ந்த⁴னானி – பட்டிகா, ஸூகரந்தகங்.
அபனிதெ⁴ய்ய வாதி ஸயங் அபனிதே⁴தி, ஆபத்தி பாசித்தியஸ்ஸ.
அபனிதா⁴பெய்ய வாதி அஞ்ஞங் ஆணாபேஸி, ஆபத்தி பாசித்தியஸ்ஸ. அபனிதா⁴பெய்ய வா தி அய்யங் ஆணாபேதி, ஆபத்தி பாசித்தியஸ்ஸ. ஸகிங் ஆணத்தோ ப³ஹுகம்பி அபனிதே⁴தி, ஆபத்தி பாசித்தியஸ்ஸ.
அந்தமஸோ ஹஸாபெக்கோ²பீதி கீளாதி⁴ப்பாயோ.
380.
உபஸம்பன்னே உபஸம்பன்னஸஞ்ஞீ பத்தங் வா சீவரங் வா நிஸீத³னங் வா ஸூசிக⁴ரங் வா
காயப³ந்த⁴னங் வா அபனிதே⁴தி வா அபனிதா⁴பேதி வா, அந்தமஸோ ஹஸாபெக்கோ²பி,
ஆபத்தி பாசித்தியஸ்ஸ. உபஸம்பன்னே வேமதிகோ…பே॰… உபஸம்பன்னே அனுபஸம்பன்னஸஞ்ஞீ
பத்தங் வா சீவரங் வா நிஸீத³னங் வா ஸூசிக⁴ரங் வா காயப³ந்த⁴னங் வா அபனிதே⁴தி
வா அபனிதா⁴பேதி வா, அந்தமஸோ ஹஸாபெக்கோ²பி, ஆபத்தி பாசித்தியஸ்ஸ.
அஞ்ஞங் பரிக்கா²ரங் அபனிதே⁴தி வா அபனிதா⁴பேதி வா, அந்தமஸோ ஹஸாபெக்கோ²பி, ஆபத்தி து³க்கடஸ்ஸ. அனுபஸம்பன்னஸ்ஸ பத்தங் வா சீவரங்
வா அஞ்ஞங் வா பரிக்கா²ரங் அபனிதே⁴தி வா அபனிதா⁴பேதி வா, அந்தமஸோ
ஹஸாபெக்கோ²பி, ஆபத்தி து³க்கடஸ்ஸ. அனுபஸம்பன்னே உபஸம்பன்னஸஞ்ஞீ, ஆபத்தி
து³க்கடஸ்ஸ . அனுபஸம்பன்னே வேமதிகோ, ஆபத்தி து³க்கடஸ்ஸ. அனுபஸம்பன்னே அனுபஸம்பன்னஸஞ்ஞீ, ஆபத்தி து³க்கடஸ்ஸ.
381.
அனாபத்தி நஹஸாதி⁴ப்பாயோ, து³ன்னிக்கி²த்தங் படிஸாமேதி, ‘‘த⁴ம்மிங் கத²ங்
கத்வா த³ஸ்ஸாமீ’’தி படிஸாமேதி, உம்மத்தகஸ்ஸ, ஆதி³கம்மிகஸ்ஸாதி.
சீவரஅபனிதா⁴னஸிக்கா²பத³ங் நிட்டி²தங் த³ஸமங்.
ஸுராபானவக்³கோ³ ச²ட்டோ².
தஸ்ஸுத்³தா³னங் –
ஸுரா அங்கு³லி ஹாஸோ ச [தோயஞ்ச (இதிபி)], அனாத³ரியஞ்ச பி⁴ங்ஸனங்;
ஜோதினஹானது³ப்³ப³ண்ணங், ஸாமங் அபனிதே⁴ன சாதி.
7. ஸப்பாணகவக்³கோ³
1. ஸஞ்சிச்சஸிக்கா²பத³ங்
382. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா உதா³யீ இஸ்ஸாஸோ ஹோதி, காகா சஸ்ஸ அமனாபா
ஹொந்தி. ஸோ காகே விஜ்ஜி²த்வா விஜ்ஜி²த்வா ஸீஸங் சி²ந்தி³த்வா ஸூலே
படிபாடியா ட²பேஸி. பி⁴க்கூ² ஏவமாஹங்ஸு – ‘‘கேனிமே, ஆவுஸோ, காகா ஜீவிதா
வோரோபிதா’’தி? ‘‘மயா, ஆவுஸோ. அமனாபா மே காகா’’தி. யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ஆயஸ்மா உதா³யீ ஸஞ்சிச்ச பாணங் ஜீவிதா வோரோபெஸ்ஸதீ’’தி…பே॰… ஸச்சங் கிர
த்வங், உதா³யி, ஸஞ்சிச்ச பாணங் ஜீவிதா வோரோபேஸீதி? ‘‘ஸச்சங் ,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம த்வங், மோக⁴புரிஸ,
ஸஞ்சிச்ச பாணங் ஜீவிதா வோரோபெஸ்ஸஸி! நேதங், மோக⁴புரிஸ, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
383. ‘‘யோ பன பி⁴க்கு² ஸஞ்சிச்ச பாணங் ஜீவிதா வோரோபெய்ய, பாசித்திய’’ந்தி.
384. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ஸஞ்சிச்சாதி ஜானந்தோ ஸஞ்ஜானந்தோ சேச்ச அபி⁴விதரித்வா வீதிக்கமோ.
பாணோ நாம திரச்சா²னக³தபாணோ வுச்சதி.
ஜீவிதா வோரோபெய்யாதி ஜீவிதிந்த்³ரியங் உபச்சி²ந்த³தி உபரோதே⁴தி ஸந்ததிங் விகோபேதி, ஆபத்தி பாசித்தியஸ்ஸ.
385. பாணே
பாணஸஞ்ஞீ ஜீவிதா வோரோபேதி, ஆபத்தி பாசித்தியஸ்ஸ. பாணே வேமதிகோ ஜீவிதா
வோரோபேதி, ஆபத்தி து³க்கடஸ்ஸ. பாணே அப்பாணஸஞ்ஞீ ஜீவிதா வோரோபேதி, அனாபத்தி.
அப்பாணே பாணஸஞ்ஞீ, ஆபத்தி து³க்கடஸ்ஸ. அப்பாணே வேமிதகோ, ஆபத்தி
து³க்கடஸ்ஸ. அப்பாணே அப்பாணஸஞ்ஞீ, அனாபத்தி.
386. அனாபத்தி அஸஞ்சிச்ச, அஸ்ஸதியா, அஜானந்தஸ்ஸ, நமரணாதி⁴ப்பாயஸ்ஸ, உம்மத்தகஸ்ஸ, ஆதி³கம்மிகஸ்ஸாதி.
ஸஞ்சிச்சஸிக்கா²பத³ங் நிட்டி²தங் பட²மங்.
2. ஸப்பாணகஸிக்கா²பத³ங்
387. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஜானங் ஸப்பாணகங் உத³கங்
பரிபு⁴ஞ்ஜந்தி. யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா
பி⁴க்கூ² ஜானங் ஸப்பாணகங் உத³கங் பரிபு⁴ஞ்ஜிஸ்ஸந்தீ’’தி…பே॰… ஸச்சங் கிர
தும்ஹே, பி⁴க்க²வே, ஜானங் ஸப்பாணகங் உத³கங் பரிபு⁴ஞ்ஜதா²தி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே,
மோக⁴புரிஸா, ஜானங் ஸப்பாணகங் உத³கங் பரிபு⁴ஞ்ஜிஸ்ஸத²! நேதங் , மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
388. ‘‘யோ பன பி⁴க்கு² ஜானங் ஸப்பாணகங் உத³கங் பரிபு⁴ஞ்ஜெய்ய, பாசித்திய’’ந்தி.
389. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ஜானாதி நாம ஸாமங் வா ஜானாதி,
அஞ்ஞே வா தஸ்ஸ ஆரோசெந்தி. ‘‘ஸப்பாணக’’ந்தி ஜானந்தோ, ‘‘பரிபோ⁴கே³ன
மரிஸ்ஸந்தீ’’தி ஜானந்தோ பரிபு⁴ஞ்ஜதி, ஆபத்தி பாசித்தியஸ்ஸ.
390. ஸப்பாணகே ஸப்பாணகஸஞ்ஞீ பரிபு⁴ஞ்ஜதி, ஆபத்தி பாசித்தியஸ்ஸ. ஸப்பாணகே வேமதிகோ பரிபு⁴ஞ்ஜதி, ஆபத்தி து³க்கடஸ்ஸ .
ஸப்பாணகே அப்பாணகஸஞ்ஞீ பரிபு⁴ஞ்ஜதி, அனாபத்தி. அப்பாணகே ஸப்பாணகஸஞ்ஞீ,
ஆபத்தி து³க்கடஸ்ஸ. அப்பாணகே வேமதிகோ, ஆபத்தி து³க்கடஸ்ஸ. அப்பாணகே
அப்பாணகஸஞ்ஞீ, அனாபத்தி.
391.
அனாபத்தி ‘‘ஸப்பாணக’’ந்தி அஜானந்தோ, ‘‘அப்பாணக’’ந்தி ஜானந்தோ,
‘‘பரிபோ⁴கே³ன ந மரிஸ்ஸந்தீ’’தி ஜானந்தோ பரிபு⁴ஞ்ஜதி, உம்மத்தகஸ்ஸ,
ஆதி³கம்மிகஸ்ஸாதி.
ஸப்பாணகஸிக்கா²பத³ங் நிட்டி²தங் து³தியங்.
3. உக்கோடனஸிக்கா²பத³ங்
392. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஜானங் யதா²த⁴ம்மங்
நிஹதாதி⁴கரணங் புனகம்மாய உக்கோடெந்தி – ‘‘அகதங் கம்மங் து³க்கடங் கம்மங்
புன காதப்³ப³ங் கம்மங் அனிஹதங் து³ன்னிஹதங் புன
நிஹனிதப்³ப³’’ந்தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² ஜானங்
யதா²த⁴ம்மங் நிஹதாதி⁴கரணங் புனகம்மாய உக்கோடெஸ்ஸந்தீ’’தி
…பே॰… ஸச்சங் கிர தும்ஹே, பி⁴க்க²வே, ஜானங் யதா²த⁴ம்மங் நிஹதாதி⁴கரணங்
புனகம்மாய உக்கோடேதா²’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, ஜானங் யதா²த⁴ம்மங்
நிஹதாதி⁴கரணங் புனகம்மாய உக்கோடெஸ்ஸத²! நேதங், மோக⁴புரிஸா, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
393. ‘‘யோ பன பி⁴க்கு² ஜானங் யதா²த⁴ம்மங் நிஹதாதி⁴கரணங் புனகம்மாய உக்கோடெய்ய, பாசித்திய’’ந்தி.
394. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ஜானாதி நாம ஸாமங் வா ஜானாதி, அஞ்ஞே வா தஸ்ஸ ஆரோசெந்தி, ஸோ வா ஆரோசேதி.
யதா²த⁴ம்மங் நாம த⁴ம்மேன வினயேன ஸத்து²ஸாஸனேன கதங், ஏதங் யதா²த⁴ம்மங் நாம.
அதி⁴கரணங் நாம சத்தாரி அதி⁴கரணானி – விவாதா³தி⁴கரணங், அனுவாதா³தி⁴கரணங், ஆபத்தாதி⁴கரணங், கிச்சாதி⁴கரணங்.
புனகம்மாய உக்கோடெய்யாதி
‘‘அகதங் கம்மங் து³க்கடங் கம்மங் புனகாதப்³ப³ங் கம்மங் அனிஹதங் து³ன்னிஹதங்
புன நிஹனிதப்³ப³ங்’’தி உக்கோடேதி, ஆபத்தி பாசித்தியஸ்ஸ.
395.
த⁴ம்மகம்மே த⁴ம்மகம்மஸஞ்ஞீ உக்கோடேதி, ஆபத்தி பாசித்தியஸ்ஸ. த⁴ம்மகம்மே
வேமதிகோ உக்கோடேதி, ஆபத்தி து³க்கடஸ்ஸ. த⁴ம்மகம்மே அத⁴ம்மகம்மஸஞ்ஞீ
உக்கோடேதி, அனாபத்தி. அத⁴ம்மகம்மே த⁴ம்மகம்மஸஞ்ஞீ, ஆபத்தி து³க்கடஸ்ஸ.
அத⁴ம்மகம்மே வேமதிகோ, ஆபத்தி து³க்கடஸ்ஸ. அத⁴ம்மகம்மே அத⁴ம்மகம்மஸஞ்ஞீ,
அனாபத்தி.
396. அனாபத்தி ‘‘அத⁴ம்மேன வா வக்³கே³ன வா ந கம்மாரஹஸ்ஸ வா கம்மங் கத’’ந்தி ஜானந்தோ உக்கோடேதி, உம்மத்தகஸ்ஸ, ஆதி³கம்மிகஸ்ஸாதி.
உக்கோடனஸிக்கா²பத³ங் நிட்டி²தங் ததியங்.
4. து³ட்டு²ல்லஸிக்கா²பத³ங்
397. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா உபனந்தோ³ ஸக்யபுத்தோ ஸஞ்சேதனிகங்
ஸுக்கவிஸ்ஸட்டி²ங் ஆபத்திங் ஆபஜ்ஜித்வா பா⁴துனோ ஸத்³தி⁴விஹாரிகஸ்ஸ
பி⁴க்கு²னோ ஆரோசேஸி – ‘‘அஹங், ஆவுஸோ, ஸஞ்சேதனிகங் ஸுக்கவிஸ்ஸட்டி²ங்
ஆபத்திங் ஆபன்னோ. மா கஸ்ஸசி ஆரோசேஹீ’’தி. தேன கோ² பன ஸமயேன அஞ்ஞதரோ
பி⁴க்கு² ஸஞ்சேதனிகங் ஸுக்கவிஸ்ஸட்டி²ங் ஆபத்திங் ஆபஜ்ஜித்வா ஸங்க⁴ங் தஸ்ஸா
ஆபத்தியா பரிவாஸங் யாசி. தஸ்ஸ ஸங்கோ⁴ தஸ்ஸா ஆபத்தியா பரிவாஸங் அதா³ஸி. ஸோ
பரிவஸந்தோ தங் பி⁴க்கு²ங் பஸ்ஸித்வா ஏதத³வோச – ‘‘அஹங், ஆவுஸோ, ஸஞ்சேதனிகங்
ஸுக்கவிஸ்ஸட்டி²ங் ஆபத்திங் ஆபஜ்ஜித்வா ஸங்க⁴ங் தஸ்ஸா ஆபத்தியா பரிவாஸங்
யாசிங், தஸ்ஸ மே ஸங்கோ⁴ தஸ்ஸா ஆபத்தியா பரிவாஸங் அதா³ஸி, ஸோஹங் பரிவஸாமி,
வேதி³யாமஹங் [வேத³யாமஹங் (ஸ்யா॰)], ஆவுஸோ, வேதி³யதீ’’தி மங் ஆயஸ்மா தா⁴ரேதூ’’தி.
‘‘கிங் நு கோ², ஆவுஸோ, யோ அஞ்ஞோபி இமங் ஆபத்திங்
ஆபஜ்ஜதி ஸோபி ஏவங் கரோதீ’’தி? ‘‘ஏவமாவுஸோ’’தி. ‘‘அயங், ஆவுஸோ, ஆயஸ்மா
உபனந்தோ³ ஸக்யபுத்தோ ஸஞ்சேதனிகங் ஸுக்கவிஸ்ஸட்டி²ங் ஆபத்திங் ஆபஜ்ஜித்வா [ஆபஜ்ஜி (?)] ஸோ மே ஆரோசேதி மா கஸ்ஸசி ஆரோசேஹீ’’தி. ‘‘கிங் பன
த்வங், ஆவுஸோ, படிச்சா²தே³ஸீ’’தி? ‘‘ஏவமாவுஸோ’’தி. அத² கோ² ஸோ பி⁴க்கு²
பி⁴க்கூ²னங் ஏதமத்த²ங் ஆரோசேஸி. யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு² பி⁴க்கு²ஸ்ஸ
ஜானங் து³ட்டு²ல்லங் ஆபத்திங் படிச்சா²தெ³ஸ்ஸதீ’’தி…பே॰… ஸச்சங் கிர த்வங்,
பி⁴க்கு², பி⁴க்கு²ஸ்ஸ ஜானங் து³ட்டு²ல்லங் ஆபத்திங் படிச்சா²தே³ஸீதி.
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம த்வங்,
மோக⁴புரிஸ, பி⁴க்கு²ஸ்ஸ ஜானங் து³ட்டு²ல்லங் ஆபத்திங் படிச்சா²தெ³ஸ்ஸஸி!
நேதங், மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –
398. ‘‘யோ பன பி⁴க்கு² பி⁴க்கு²ஸ்ஸ ஜானங் து³ட்டு²ல்லங் ஆபத்திங் படிச்சா²தெ³ய்ய, பாசித்திய’’ந்தி.
399. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
பி⁴க்கு²ஸ்ஸாதி அஞ்ஞஸ்ஸ பி⁴க்கு²ஸ்ஸ.
ஜானாதி நாம ஸாமங் வா ஜானாதி அஞ்ஞே வா தஸ்ஸ ஆரோசெந்தி, ஸோ வா ஆரோசேதி.
து³ட்டு²ல்லா நாம ஆபத்தி சத்தாரி ச பாராஜிகானி தேரஸ ச ஸங்கா⁴தி³ஸேஸா.
படிச்சா²தெ³ய்யாதி ‘‘இமங்
ஜானித்வா சோதெ³ஸ்ஸந்தி, ஸாரெஸ்ஸந்தி கு²ங்ஸெஸ்ஸந்தி, வம்பெ⁴ஸ்ஸந்தி,
மங்குங் கரிஸ்ஸந்தி நாரோசெஸ்ஸாமீ’’தி து⁴ரங் நிக்கி²த்தமத்தே, ஆபத்தி
பாசித்தியஸ்ஸ.
400.
து³ட்டு²ல்லாய ஆபத்தியா து³ட்டு²ல்லாபத்திஸஞ்ஞீ படிச்சா²தே³தி, ஆபத்தி
பாசித்தியஸ்ஸ. து³ட்டு²ல்லாய ஆபத்தியா வேமதிகோ படிச்சா²தே³தி ,
ஆபத்தி து³க்கடஸ்ஸ. து³ட்டு²ல்லாய ஆபத்தியா அது³ட்டு²ல்லாபத்திஸஞ்ஞீ
படிச்சா²தே³தி, ஆபத்தி து³க்கடஸ்ஸ. அது³ட்டு²ல்லங் ஆபத்திங் படிச்சா²தே³தி,
ஆபத்தி து³க்கடஸ்ஸ. அனுபஸம்பன்னஸ்ஸ து³ட்டு²ல்லங் வா அது³ட்டு²ல்லங் வா
அஜ்ஜா²சாரங் படிச்சா²தே³தி, ஆபத்தி து³க்கடஸ்ஸ. அது³ட்டு²ல்லாய ஆபத்தியா
து³ட்டு²ல்லாபத்திஸஞ்ஞீ, ஆபத்தி து³க்கடஸ்ஸ. அது³ட்டு²ல்லாய ஆபத்தியா
வேமதிகோ, ஆபத்தி து³க்கடஸ்ஸ. அது³ட்டு²ல்லாய ஆபத்தியா
அது³ட்டு²ல்லாபத்திஸஞ்ஞீ, ஆபத்தி து³க்கடஸ்ஸ.
401.
அனாபத்தி – ‘‘ஸங்க⁴ஸ்ஸ ப⁴ண்ட³னங் வா கலஹோ வா விக்³க³ஹோ வா விவாதோ³ வா
ப⁴விஸ்ஸதீ’’தி நாரோசேதி, ‘‘ஸங்க⁴பே⁴தோ³ வா ஸங்க⁴ராஜி வா ப⁴விஸ்ஸதீ’’தி
நாரோசேதி, ‘‘அயங் கக்க²ளோ ப²ருஸோ ஜீவிதந்தராயங் வா ப்³ரஹ்மசரியந்தராயங் வா
கரிஸ்ஸதீ’’தி நாரோசேதி, அஞ்ஞே பதிரூபே பி⁴க்கூ² அபஸ்ஸந்தோ நாரோசேதி,
நசா²தே³துகாமோ நாரோசேதி, ‘‘பஞ்ஞாயிஸ்ஸதி ஸகேன கம்மேனா’’தி நாரோசேதி,
உம்மத்தகஸ்ஸ, ஆதி³கம்மிகஸ்ஸாதி.
து³ட்டு²ல்லஸிக்கா²பத³ங் நிட்டி²தங் சதுத்த²ங்.
5. ஊனவீஸதிவஸ்ஸஸிக்கா²பத³ங்
402. தேன ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. [இத³ங் வத்து² மஹாவ॰ 99]
தேன கோ² பன ஸமயேன ராஜக³ஹே ஸத்தரஸவக்³கி³யா தா³ரகா ஸஹாயகா ஹொந்தி.
உபாலிதா³ரகோ தேஸங் பாமொக்கோ² ஹோதி. அத² கோ² உபாலிஸ்ஸ மாதாபிதூனங் ஏதத³ஹோஸி –
‘‘கேன நு கோ² உபாயேன உபாலி அம்ஹாகங் அச்சயேன ஸுக²ஞ்ச ஜீவெய்ய ந ச
கிலமெய்யா’’தி? அத² கோ² உபாலிஸ்ஸ மாதாபிதூனங் ஏதத³ஹோஸி – ‘‘ஸசே கோ² உபாலி
லேக²ங் ஸிக்கெ²ய்ய, ஏவங் கோ² உபாலி அம்ஹாகங் அச்சயேன ஸுக²ஞ்ச ஜீவெய்ய, ந ச
கிலமெய்யா’’தி. அத² கோ² உபாலிஸ்ஸ மாதாபிதூனங் ஏதத³ஹோஸி – ‘‘ஸசே கோ² உபாலி
லேக²ங் ஸிக்கி²ஸ்ஸதி, அங்கு³லியோ து³க்கா²
ப⁴விஸ்ஸந்தி. ஸசே கோ² உபாலி க³ணனங் ஸிக்கெ²ய்ய, ஏவங் கோ² உபாலி அம்ஹாகங்
அச்சயேன ஸுக²ஞ்ச ஜீவெய்ய ந ச கிலமெய்யா’’தி. அத² கோ² உபாலிஸ்ஸ மாதாபிதூனங்
ஏதத³ஹோஸி – ‘‘ஸசே கோ² உபாலி க³ணனங் ஸிக்கி²ஸ்ஸதி, உரஸ்ஸ து³க்கோ²
ப⁴விஸ்ஸதி. ஸசே கோ² உபாலி ரூபங் ஸிக்கெ²ய்ய, ஏவங் கோ² உபாலி அம்ஹாகங்
அச்சயேன ஸுக²ஞ்ச ஜீவெய்ய ந ச கிலமெய்யா’’தி. அத² கோ² உபாலிஸ்ஸ மாதாபிதூனங்
ஏதத³ஹோஸி – ‘‘ஸசே கோ² உபாலி ரூபங் ஸிக்கி²ஸ்ஸதி, அக்கீ²னி து³க்கா²
ப⁴விஸ்ஸந்தி. இமே கோ² ஸமணா ஸக்யபுத்தியா ஸுக²ஸீலா ஸுக²ஸமாசாரா ஸுபோ⁴ஜனானி
பு⁴ஞ்ஜித்வா நிவாதேஸு ஸயனேஸு ஸயந்தி. ஸசே கோ² உபாலி ஸமணேஸு ஸக்யபுத்தியேஸு பப்³ப³ஜெய்ய, ஏவங் கோ² உபாலி அம்ஹாகங் அச்சயேன ஸுக²ஞ்ச ஜீவெய்ய, ந ச கிலமெய்யா’’தி.
அஸ்ஸோஸி கோ² உபாலிதா³ரகோ மாதாபிதூனங் இமங்
கதா²ஸல்லாபங். அத² கோ² உபாலிதா³ரகோ யேன தே தா³ரகா தேனுபஸங்கமி;
உபஸங்கமித்வா தே தா³ரகே ஏதத³வோச – ‘‘ஏத² மயங், அய்யா, ஸமணேஸு
ஸக்யபுத்தியேஸு பப்³ப³ஜிஸ்ஸாமா’’தி. ‘‘ஸசே கோ² த்வங், அய்ய, பப்³ப³ஜிஸ்ஸஸி,
ஏவங் மயம்பி பப்³ப³ஜிஸ்ஸாமா’’தி. அத² கோ² தே தா³ரகா ஏகமேகஸ்ஸ மாதாபிதரோ
உபஸங்கமித்வா ஏதத³வோசுங் – ‘‘அனுஜானாத² மங் அகா³ரஸ்மா அனகா³ரியங்
பப்³ப³ஜ்ஜாயா’’தி. அத² கோ² தேஸங் தா³ரகானங் மாதாபிதரோ – ‘‘ஸப்³பே³பிமே
தா³ரகா ஸமானச்ச²ந்தா³ கல்யாணாதி⁴ப்பாயா’’தி அனுஜானிங்ஸு. தே பி⁴க்கூ²
உபஸங்கமித்வா பப்³ப³ஜ்ஜங் யாசிங்ஸு. தே பி⁴க்கூ² பப்³பா³ஜேஸுங்
உபஸம்பாதே³ஸுங். தே ரத்தியா பச்சூஸஸமயங் பச்சுட்டா²ய ரோத³ந்தி – ‘‘யாகு³ங்
தே³த² , ப⁴த்தங் தே³த², கா²த³னீயங் தே³தா²’’தி.
பி⁴க்கூ² ஏவமாஹங்ஸு – ‘‘ஆக³மேத², ஆவுஸோ, யாவ ரத்தி விபா⁴யதி. ஸசே யாகு³
ப⁴விஸ்ஸதி, பிவிஸ்ஸத². ஸசே ப⁴த்தங் ப⁴விஸ்ஸதி, பு⁴ஞ்ஜிஸ்ஸத². ஸசே
கா²த³னீயங் ப⁴விஸ்ஸதி, கா²தி³ஸ்ஸத². நோ சே ப⁴விஸ்ஸதி யாகு³ வா ப⁴த்தங் வா
கா²த³னீயங் வா, பிண்டா³ய சரித்வா பு⁴ஞ்ஜிஸ்ஸதா²’’தி. ஏவம்பி கோ²
தே பி⁴க்கூ² பி⁴க்கூ²ஹி வுச்சமானா ரோத³ந்தியேவ – ‘‘யாகு³ங் தே³த², ப⁴த்தங்
தே³த², கா²த³னீயங் தே³தா²’’தி. ஸேனாஸனங் ஊஹத³ந்திபி உம்மிஹந்திபி.
அஸ்ஸோஸி கோ² ப⁴க³வா ரத்தியா
பச்சூஸஸமயங் பச்சுட்டா²ய தா³ரகஸத்³த³ங். ஸுத்வான ஆயஸ்மந்தங் ஆனந்த³ங்
ஆமந்தேஸி – ‘‘கிங் நு கோ² ஸோ, ஆனந்த³, தா³ரகஸத்³தோ³’’தி? அத² கோ² ஆயஸ்மா
ஆனந்தோ³ ப⁴க³வதோ ஏதமத்த²ங் ஆரோசேஸி. அத² கோ² ப⁴க³வா ஏதஸ்மிங் நிதா³னே
ஏதஸ்மிங் பகரணே பி⁴க்கு²ஸங்க⁴ங் ஸன்னிபாதாபெத்வா பி⁴க்கூ² படிபுச்சி² –
‘‘ஸச்சங் கிர, பி⁴க்க²வே, பி⁴க்கூ² ஜானங்
ஊனவீஸதிவஸ்ஸங் புக்³க³லங் உபஸம்பாதெ³ந்தீ’’தி? ‘‘ஸச்சங், ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தே, பி⁴க்க²வே, மோக⁴புரிஸா
ஜானங் ஊனவீஸதிவஸ்ஸங் புக்³க³லங் உபஸம்பாதெ³ஸ்ஸந்தி! ஊனகவீஸதிவஸ்ஸோ,
பி⁴க்க²வே, புக்³க³லோ அக்க²மோ ஹோதி ஸீதஸ்ஸ உண்ஹஸ்ஸ ஜிக⁴ச்சா²ய பிபாஸாய
ட³ங்ஸமகஸவாதாதபஸரீஸபஸம்ப²ஸ்ஸானங் து³ருத்தானங் து³ராக³தானங் வசனபதா²னங்
உப்பன்னானங் ஸாரீரிகானங் வேத³னானங் து³க்கா²னங் திப்³பா³னங் க²ரானங்
கடுகானங் அஸாதானங் அமனாபானங் பாணஹரானங் அனதி⁴வாஸகஜாதிகோ ஹோதி. வீஸதிவஸ்ஸோவ
கோ², பி⁴க்க²வே, புக்³க³லோ க²மோ ஹோதி ஸீதஸ்ஸ உண்ஹஸ்ஸ…பே॰… பாணஹரானங்
அதி⁴வாஸகஜாதிகோ ஹோதி. நேதங், பி⁴க்க²வே, அப்பஸன்னானங் வா பஸாதா³ய…பே॰…
ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
403. ‘‘யோ பன பி⁴க்கு² ஜானங் ஊனவீஸதிவஸ்ஸங் புக்³க³லங் உபஸம்பாதெ³ய்ய, ஸோ ச புக்³க³லோ அனுபஸம்பன்னோ , தே ச பி⁴க்கூ² கா³ரய்ஹா, இத³ங் தஸ்மிங் பாசித்திய’’ந்தி.
404. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ஜானாதி நாம ஸாமங் வா ஜானாதி, அஞ்ஞே வா தஸ்ஸ ஆரோசெந்தி, ஸோ வா ஆரோசேதி.
ஊனவீஸதிவஸ்ஸோ நாம அப்பத்தவீஸதிவஸ்ஸோ.
‘‘உபஸம்பாதெ³ஸ்ஸாமீ’’தி க³ணங் வா ஆசரியங் வா பத்தங் வா சீவரங் வா பரியேஸதி, ஸீமங் வா ஸம்மன்னதி [ஸம்மனதி (க॰)],
ஆபத்தி து³க்கடஸ்ஸ. ஞத்தியா து³க்கடங். த்³வீஹி கம்மவாசாஹி து³க்கடா.
கம்மவாசாபரியோஸானே உபஜ்ஜா²யஸ்ஸ ஆபத்தி பாசித்தியஸ்ஸ. க³ணஸ்ஸ ச ஆசரியஸ்ஸ ச
ஆபத்தி து³க்கடஸ்ஸ.
405. ஊனவீஸதிவஸ்ஸே
ஊனவீஸதிவஸ்ஸஸஞ்ஞீ உபஸம்பாதே³தி, ஆபத்தி பாசித்தியஸ்ஸ. ஊனவீஸதிவஸ்ஸே
வேமதிகோ உபஸம்பாதே³தி, ஆபத்தி து³க்கடஸ்ஸ. ஊனவீஸதிவஸ்ஸே
பரிபுண்ணவீஸதிவஸ்ஸஸஞ்ஞீ உபஸம்பாதே³தி, அனாபத்தி. பரிபுண்ணவீஸதிவஸ்ஸே
ஊனவீஸதிவஸ்ஸஸஞ்ஞீ, ஆபத்தி து³க்கடஸ்ஸ. பரிபுண்ணவீஸதிவஸ்ஸே வேமதிகோ, ஆபத்தி
து³க்கடஸ்ஸ. பரிபுண்ணவீஸதிவஸ்ஸே பரிபுண்ணவீஸதிவஸ்ஸஸஞ்ஞீ, அனாபத்தி.
406.
அனாபத்தி ஊனவீஸதிவஸ்ஸங் பரிபுண்ணவீஸதிவஸ்ஸஸஞ்ஞீ உபஸம்பாதே³தி,
பரிபுண்ணவீஸதிவஸ்ஸங் பரிபுண்ணவீஸதிவஸ்ஸஸஞ்ஞீ உபஸம்பாதே³தி, உம்மத்தகஸ்ஸ,
ஆதி³கம்மிகஸ்ஸாதி.
ஊனவீஸதிவஸ்ஸஸிக்கா²பத³ங் நிட்டி²தங் பஞ்சமங்.
6. தெ²ய்யஸத்த²ஸிக்கா²பத³ங்
407. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரோ ஸத்தோ² ராஜக³ஹா படியாலோகங் க³ந்துகாமோ
ஹோதி. அஞ்ஞதரோ பி⁴க்கு² தே மனுஸ்ஸே ஏதத³வோச – ‘‘அஹம்பாயஸ்மந்தேஹி ஸத்³தி⁴ங்
க³மிஸ்ஸாமீ’’தி. ‘‘மயங் கோ², ப⁴ந்தே, ஸுங்கங் பரிஹரிஸ்ஸாமா’’தி.
‘‘பஜானாதா²வுஸோ’’தி. அஸ்ஸோஸுங் கோ² கம்மியா [கம்மிகா (ஸீ॰ ஸ்யா॰)]
– ‘‘ஸத்தோ² கிர ஸுங்கங் பரிஹரிஸ்ஸதீ’’தி. தே மக்³கே³ பரியுட்டி²ங்ஸு. அத²
கோ² தே கம்மிகா தங் ஸத்த²ங் க³ஹெத்வா அச்சி²ந்தி³த்வா தங் பி⁴க்கு²ங்
ஏதத³வோசுங் – ‘‘கிஸ்ஸ த்வங், ப⁴ந்தே, ஜானங் தெ²ய்யஸத்தே²ன ஸத்³தி⁴ங்
க³ச்ச²ஸீ’’தி? பலிபு³ந்தெ⁴த்வா முஞ்சிங்ஸு. அத² கோ² ஸோ பி⁴க்கு² ஸாவத்தி²ங்
க³ந்த்வா பி⁴க்கூ²னங் ஏதமத்த²ங் ஆரோசேஸி. யே தே
பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு² ஜானங் தெ²ய்யஸத்தே²ன ஸத்³தி⁴ங் ஸங்விதா⁴ய
ஏகத்³தா⁴னமக்³க³ங் படிபஜ்ஜிஸ்ஸதீ’’தி…பே॰… ஸச்சங் கிர த்வங், பி⁴க்கு²,
ஜானங் தெ²ய்யஸத்தே²ன ஸத்³தி⁴ங் ஸங்விதா⁴ய ஏகத்³தா⁴னமக்³க³ங் படிபஜ்ஜஸீதி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம த்வங்,
மோக⁴புரிஸ, ஜானங் தெ²ய்யஸத்தே²ன ஸத்³தி⁴ங் ஸங்விதா⁴ய ஏகத்³தா⁴னமக்³க³ங்
படிபஜ்ஜிஸ்ஸஸி! நேதங், மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
408. ‘‘யோ பன பி⁴க்கு² ஜானங் தெ²ய்யஸத்தே²ன ஸத்³தி⁴ங் ஸங்விதா⁴ய ஏகத்³தா⁴னமக்³க³ங் படிபஜ்ஜெய்ய, அந்தமஸோ கா³மந்தரம்பி, பாசித்திய’’ந்தி.
409. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ஜானாதி நாம ஸாமங் வா ஜானாதி, அஞ்ஞே வா தஸ்ஸ ஆரோசெந்தி, ஸோ வா ஆரோசேதி.
தெ²ய்யஸத்தோ² நாம சோரா கதகம்மா வா ஹொந்தி அகதகம்மா வா, ராஜானங் வா தெ²ய்யங் க³ச்ச²ந்தி ஸுங்கங் வா பரிஹரந்தி.
ஸத்³தி⁴ந்தி ஏகதோ.
ஸங்விதா⁴யாதி –
‘‘க³ச்சா²மாவுஸோ, க³ச்சா²ம ப⁴ந்தே; க³ச்சா²ம ப⁴ந்தே, க³ச்சா²மாவுஸோ, அஜ்ஜ
வா ஹிய்யோ வா பரே வா க³ச்சா²மா’’தி ஸங்வித³ஹதி, ஆபத்தி து³க்கடஸ்ஸ.
அந்தமஸோ கா³மந்தரம்பீதி குக்குடஸம்பாதே கா³மே கா³மந்தரே கா³மந்தரே ஆபத்தி பாசித்தியஸ்ஸ. அகா³மகே அரஞ்ஞே அத்³த⁴யோஜனே அத்³த⁴யோஜனே ஆபத்தி பாசித்தியஸ்ஸ.
410. தெ²ய்யஸத்தே²
தெ²ய்யஸத்த²ஸஞ்ஞீ ஸங்விதா⁴ய ஏகத்³தா⁴னமக்³க³ங் படிபஜ்ஜதி, அந்தமஸோ
கா³மந்தரம்பி, ஆபத்தி பாசித்தியஸ்ஸ. தெ²ய்யஸத்தே² வேமதிகோ ஸங்விதா⁴ய
ஏகத்³தா⁴னமக்³க³ங் படிபஜ்ஜதி, அந்தமஸோ கா³மந்தரம்பி, ஆபத்தி து³க்கடஸ்ஸ.
தெ²ய்யஸத்தே² அதெ²ய்யஸத்த²ஸஞ்ஞீ ஸங்விதா⁴ய ஏகத்³தா⁴னமக்³க³ங் படிபஜ்ஜதி,
அந்தமஸோ கா³மந்தரம்பி, அனாபத்தி. பி⁴க்கு² ஸங்வித³ஹதி, மனுஸ்ஸா ந
ஸங்வித³ஹந்தி, ஆபத்தி து³க்கடஸ்ஸ. அதெ²ய்யஸத்தே²
தெ²ய்யஸத்த²ஸஞ்ஞீ, ஆபத்தி து³க்கடஸ்ஸ. அதெ²ய்யஸத்தே² வேமதிகோ, ஆபத்தி
து³க்கடஸ்ஸ. அதெ²ய்யஸத்தே² அதெ²ய்யஸத்த²ஸஞ்ஞீ அனாபத்தி.
411.
அனாபத்தி அஸங்வித³ஹித்வா க³ச்ச²தி, மனுஸ்ஸா ஸங்வித³ஹந்தி பி⁴க்கு² ந
ஸங்வித³ஹதி, விஸங்கேதேன க³ச்ச²தி, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.
தெ²ய்யஸத்த²ஸிக்கா²பத³ங் நிட்டி²தங் ச²ட்ட²ங்.
7. ஸங்விதா⁴னஸிக்கா²பத³ங்
412. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரோ பி⁴க்கு² கோஸலேஸு ஜனபதே³ ஸாவத்தி²ங்
க³ச்ச²ந்தோ அஞ்ஞதரேன கா³மத்³வாரேன அதிக்கமதி. அஞ்ஞதரா இத்தீ² ஸாமிகேன ஸஹ
ப⁴ண்டி³த்வா கா³மதோ நிக்க²மித்வா தங் பி⁴க்கு²ங் பஸ்ஸித்வா ஏதத³வோச –
‘‘கஹங், ப⁴ந்தே, அய்யோ க³மிஸ்ஸதீ’’தி? ‘‘ஸாவத்தி²ங் கோ² அஹங், ப⁴கி³னி,
க³மிஸ்ஸாமீ’’தி. ‘‘அஹங் அய்யேன ஸத்³தி⁴ங் க³மிஸ்ஸாமீ’’தி. ‘‘எய்யாஸி,
ப⁴கி³னீ’’தி. அத² கோ² தஸ்ஸா இத்தி²யா ஸாமிகோ கா³மதோ நிக்க²மித்வா மனுஸ்ஸே
புச்சி² – ‘‘அபாய்யோ [அபய்யா (ஸீ॰ ஸ்யா॰)]
ஏவரூபிங் இத்தி²ங் பஸ்ஸெய்யாதா²’’தி? ‘‘ஏஸாய்யோ, பப்³ப³ஜிதேன ஸஹ
க³ச்ச²தீ’’தி. அத² கோ² ஸோ புரிஸோ அனுப³ந்தி⁴த்வா தங் பி⁴க்கு²ங் க³ஹெத்வா
ஆகோடெத்வா முஞ்சி. அத² கோ² ஸோ பி⁴க்கு² அஞ்ஞதரஸ்மிங் ருக்க²மூலே பதூ⁴பெந்தோ
நிஸீதி³. அத² கோ² ஸா இத்தீ² தங் புரிஸங் ஏதத³வோச – ‘‘நாய்யோ ஸோ பி⁴க்கு²
மங் நிப்பாதேஸி; அபிச, அஹமேவ தேன பி⁴க்கு²னா ஸத்³தி⁴ங் க³ச்சா²மி; அகாரகோ
ஸோ பி⁴க்கு²; க³ச்ச², நங் க²மாபேஹீ’’தி. அத² கோ² ஸோ புரிஸோ தங் பி⁴க்கு²ங்
க²மாபேஸி. அத² கோ² ஸோ பி⁴க்கு² ஸாவத்தி²ங் க³ந்த்வா பி⁴க்கூ²னங் ஏதமத்த²ங்
ஆரோசேஸி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம பி⁴க்கு² மாதுகா³மேன ஸத்³தி⁴ங் ஸங்விதா⁴ய
ஏகத்³தா⁴னமக்³க³ங் படிபஜ்ஜிஸ்ஸதீ’’தி…பே॰… ஸச்சங் கிர த்வங், பி⁴க்கு²,
மாதுகா³மேன ஸத்³தி⁴ங்
ஸங்விதா⁴ய ஏகத்³தா⁴னமக்³க³ங் படிபஜ்ஜஸீதி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம த்வங், மோக⁴புரிஸ, மாதுகா³மேன
ஸத்³தி⁴ங் ஸங்விதா⁴ய ஏகத்³தா⁴னமக்³க³ங் படிபஜ்ஜிஸ்ஸஸி! நேதங், மோக⁴புரிஸ,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்,
உத்³தி³ஸெய்யாத² –
413. ‘‘யோ பன பி⁴க்கு² மாதுகா³மேன ஸத்³தி⁴ங் ஸங்விதா⁴ய ஏகத்³தா⁴னமக்³க³ங் படிபஜ்ஜெய்ய, அந்தமஸோ கா³மந்தரம்பி, பாசித்திய’’ந்தி.
414. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
மாதுகா³மோ நாம மனுஸ்ஸித்தீ², ந யக்கீ² ந பேதீ ந திரச்சா²னக³தா விஞ்ஞூ படிப³லா ஸுபா⁴ஸிதது³ப்³பா⁴ஸிதங் து³ட்டு²ல்லாது³ட்டு²ல்லங் ஆஜானிதுங்.
ஸங்விதா⁴யாதி – ‘‘க³ச்சா²ம
ப⁴கி³னி, க³ச்சா²மாய்ய, க³ச்சா²மாய்ய, க³ச்சா²ம ப⁴கி³னி, அஜ்ஜ வா ஹிய்யோ வா
பரே வா க³ச்சா²மா’’தி ஸங்வித³ஹதி, ஆபத்தி து³க்கடஸ்ஸ.
அந்தமஸோ கா³மந்தரம்பீதி குக்குடஸம்பாதே கா³மே கா³மந்தரே கா³மந்தரே ஆபத்தி பாசித்தியஸ்ஸ. அகா³மகே அரஞ்ஞே அத்³த⁴யோஜனே அத்³த⁴யோஜனே ஆபத்தி பாசித்தியஸ்ஸ.
415.
மாதுகா³மே மாதுகா³மஸஞ்ஞீ ஸங்விதா⁴ய ஏகத்³தா⁴னமக்³க³ங் படிபஜ்ஜதி, அந்தமஸோ
கா³மந்தரம்பி, ஆபத்தி பாசித்தியஸ்ஸ. மாதுகா³மே வேமதிகோ ஸங்விதா⁴ய
ஏகத்³தா⁴னமக்³க³ங் படிபஜ்ஜதி, அந்தமஸோ கா³மந்தரம்பி, ஆபத்தி பாசித்தியஸ்ஸ.
மாதுகா³மே அமாதுகா³மஸஞ்ஞீ ஸங்விதா⁴ய ஏகத்³தா⁴னமக்³க³ங் படிபஜ்ஜதி, அந்தமஸோ கா³மந்தரம்பி, ஆபத்தி பாசித்தியஸ்ஸ.
பி⁴க்கு² ஸங்வித³ஹதி மாதுகா³மோ ந ஸங்வித³ஹதி, ஆபத்தி
து³க்கடஸ்ஸ. யக்கி²யா வா பேதியா பண்ட³கேன வா
திரச்சா²னக³தமனுஸ்ஸவிக்³க³ஹித்தி²யா வா ஸத்³தி⁴ங் ஸங்விதா⁴ய
ஏகத்³தா⁴னமக்³க³ங் படிபஜ்ஜதி, அந்தமஸோ கா³மந்தரம்பி, ஆபத்தி து³க்கடஸ்ஸ.
அமாதுகா³மே மாதுகா³மஸஞ்ஞீ, ஆபத்தி து³க்கடஸ்ஸ. அமாதுகா³மே வேமதிகோ, ஆபத்தி
து³க்கடஸ்ஸ. அமாதுகா³மே அமாதுகா³மஸஞ்ஞீ, அனாபத்தி.
416. அனாபத்தி
அஸங்வித³ஹித்வா க³ச்ச²தி, மாதுகா³மோ ஸங்வித³ஹதி பி⁴க்கு² ந ஸங்வித³ஹதி,
விஸங்கேதேன க³ச்ச²தி, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.
ஸங்விதா⁴னஸிக்கா²பத³ங் நிட்டி²தங் ஸத்தமங்.
8. அரிட்ட²ஸிக்கா²பத³ங்
417. [இத³ங் வத்து² சூளவ॰ 65; ம॰ நி॰ 1.234] தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அரிட்ட²ஸ்ஸ நாம பி⁴க்கு²னோ
க³த்³த⁴பா³தி⁴புப்³ப³ஸ்ஸ [க³ந்த⁴பா³தி⁴புப்³ப³ஸ்ஸ (ஸ்யா॰ க॰)]
ஏவரூபங் பாபகங் தி³ட்டி²க³தங் உப்பன்னங் ஹோதி – ‘‘ததா²ஹங் ப⁴க³வதா த⁴ம்மங்
தே³ஸிதங் ஆஜானாமி யதா² யேமே அந்தராயிகா த⁴ம்மா வுத்தா ப⁴க³வதா தே படிஸேவதோ
நாலங் அந்தராயாயா’’தி. அஸ்ஸோஸுங் கோ² ஸம்ப³ஹுலா பி⁴க்கூ²
– ‘‘அரிட்ட²ஸ்ஸ கிர நாம பி⁴க்கு²னோ க³த்³த⁴பா³தி⁴புப்³ப³ஸ்ஸ ஏவரூபங்
பாபகங் தி³ட்டி²க³தங் உப்பன்னங் – ‘ததா²ஹங் ப⁴க³வதா த⁴ம்மங் தே³ஸிதங்
ஆஜானாமி, யதா² யேமே அந்தராயிகா த⁴ம்மா வுத்தா ப⁴க³வதா, தே படிஸேவதோ நாலங்
அந்தராயாயா’’’தி. அத² கோ² தே பி⁴க்கூ² யேன அரிட்டோ² பி⁴க்கு²
க³த்³த⁴பா³தி⁴புப்³போ³ தேனுபஸங்கமிங்ஸு; உபஸங்கமித்வா அரிட்ட²ங் பி⁴க்கு²ங்
க³த்³த⁴பா³தி⁴புப்³ப³ங் ஏதத³வோசுங் – ‘‘ஸச்சங் கிர தே, ஆவுஸோ அரிட்ட²,
ஏவரூபங் பாபகங் தி³ட்டி²க³தங் உப்பன்னங் – ‘ததா²ஹங் ப⁴க³வதா த⁴ம்மங்
தே³ஸிதங் ஆஜானாமி, யதா² யேமே அந்தராயிகா த⁴ம்மா வுத்தா ப⁴க³வதா, தே
படிஸேவதோ நாலங் அந்தராயாயா’’தி? ‘‘ஏவங்ப்³யாகோ² அஹங், ஆவுஸோ, ப⁴க³வதா
த⁴ம்மங் தே³ஸிதங் ஆஜானாமி – ‘யதா² யேமே அந்தராயிகா த⁴ம்மா வுத்தா ப⁴க³வதா
தே படிஸேவதோ நாலங் அந்தராயாயா’’’தி.
‘‘மா, ஆவுஸோ அரிட்ட², ஏவங் அவச. மா ப⁴க³வந்தங் அப்³பா⁴சிக்கி². ந ஹி ஸாது⁴ ப⁴க³வதோ அப்³ப⁴க்கா²னங் [அப்³பா⁴சிக்க²னங் (இதிபி)]. ந ஹி ப⁴க³வா ஏவங் வதெ³ய்ய .
அனேகபரியாயேனாவுஸோ அரிட்ட², அந்தராயிகா த⁴ம்மா அந்தராயிகா வுத்தா ப⁴க³வதா.
அலஞ்ச பன தே படிஸேவதோ அந்தராயாய. அப்பஸ்ஸாதா³ காமா வுத்தா ப⁴க³வதா
ப³ஹுது³க்கா² ப³ஹுபாயாஸா, ஆதீ³னவோ எத்த² பி⁴ய்யோ. அட்டி²கங்கலூபமா காமா
வுத்தா ப⁴க³வதா ப³ஹுது³க்கா² ப³ஹுபாயாஸா, ஆதீ³னவோ
எத்த² பி⁴ய்யோ. மங்ஸபேஸூபமா காமா வுத்தா ப⁴க³வதா…பே॰… திணுக்கூபமா காமா
வுத்தா ப⁴க³வதா… அங்கா³ரகாஸூபமா காமா வுத்தா ப⁴க³வதா… ஸுபினகூபமா காமா
வுத்தா ப⁴க³வதா… யாசிதகூபமா காமா வுத்தா ப⁴க³வதா… ருக்க²ப²லூபமா காமா
வுத்தா ப⁴க³வதா… அஸிஸூனூபமா காமா வுத்தா ப⁴க³வதா… ஸத்திஸூலூபமா காமா வுத்தா
ப⁴க³வதா… ஸப்பஸிரூபமா காமா வுத்தா ப⁴க³வதா ப³ஹுது³க்கா² ப³ஹுபாயாஸா,
ஆதீ³னவோ எத்த² பி⁴ய்யோ’’தி.
ஏவம்பி கோ² அரிட்டோ² பி⁴க்கு² க³த்³த⁴பா³தி⁴புப்³போ³
தேஹி பி⁴க்கூ²ஹி வுச்சமானோ ததே²வ தங் பாபகங் தி³ட்டி²க³தங் தா²மஸா பராமாஸா
அபி⁴னிவிஸ்ஸ வோஹரதி – ‘‘ஏவங்ப்³யாகோ² அஹங், ஆவுஸோ, ப⁴க³வதா த⁴ம்மங்
தே³ஸிதங் ஆஜானாமி, – ‘யதா² யேமே அந்தராயிகா த⁴ம்மா வுத்தா ப⁴க³வதா, தே
படிஸேவதோ நாலங் அந்தராயாயா’’’தி. யதோ ச கோ² தே பி⁴க்கூ² நாஸக்கி²ங்ஸு
அரிட்ட²ங் பி⁴க்கு²ங் க³த்³த⁴பா³தி⁴புப்³ப³ங் ஏதஸ்மா பாபகா தி³ட்டி²க³தா
விவேசேதுங், அத² கோ² தே பி⁴க்கூ² யேன ப⁴க³வா தேனுபஸங்கமிங்ஸு; உபஸங்கமித்வா
ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே
ஏதஸ்மிங் பகரணே பி⁴க்கு²ஸங்க⁴ங் ஸன்னிபாதாபெத்வா அரிட்ட²ங் பி⁴க்கு²ங்
க³த்³த⁴பா³தி⁴புப்³ப³ங் படிபுச்சி² – ‘‘ஸச்சங் கிர தே, அரிட்ட², ஏவரூபங்
பாபகங் தி³ட்டி²க³தங் உப்பன்னங் – ‘ததா²ஹங் ப⁴க³வதா த⁴ம்மங் தே³ஸிதங்
ஆஜானாமி யதா² யேமே அந்தராயிகா த⁴ம்மா வுத்தா ப⁴க³வதா தே படிஸேவதோ நாலங்
அந்தராயாயா’’’தி ? ‘‘ஏவங்ப்³யாகோ² அஹங், ப⁴ந்தே,
ப⁴க³வதா த⁴ம்மங் தே³ஸிதங் ஆஜானாமி – ‘யதா² யேமே அந்தராயிகா த⁴ம்மா வுத்தா
ப⁴க³வதா தே படிஸேவதோ நாலங் அந்தராயாயா’’’தி.
கஸ்ஸ நு கோ² நாம த்வங், மோக⁴புரிஸ, மயா ஏவங் த⁴ம்மங்
தே³ஸிதங் ஆஜானாஸி? நனு மயா, மோக⁴புரிஸ, அனேகபரியாயேன அந்தராயிகா த⁴ம்மா
அந்தராயிகா வுத்தா. அலஞ்ச பன தே படிஸேவதோ அந்தராயாய. அப்பஸ்ஸாதா³ காமா
வுத்தா மயா ப³ஹுது³க்கா² ப³ஹுபாயாஸா, ஆதீ³னவோ எத்த² பி⁴ய்யோ.
அட்டி²கங்கலூபமா காமா வுத்தா மயா…பே॰… மங்ஸபேஸூபமா காமா வுத்தா மயா…
திணுக்கூபமா காமா வுத்தா மயா… அங்கா³ரகாஸூபமா காமா வுத்தா மயா… ஸுபினகூபமா
காமா வுத்தா மயா… யாசிதகூபமா காமா வுத்தா மயா… ருக்க²ப²லூபமா காமா வுத்தா
மயா… அஸிஸூனூபமா காமா வுத்தா மயா… ஸத்திஸூலூபமா காமா வுத்தா மயா…
ஸப்பஸிரூபமா காமா வுத்தா மயா ப³ஹுது³க்கா² ப³ஹுபாயாஸா, ஆதீ³னவோ எத்த² பி⁴ய்யோ. அத² ச பன த்வங், மோக⁴புரிஸ, அத்தனா து³க்³க³ஹிதேன அம்ஹே
சேவ அப்³பா⁴சிக்க²ஸி, அத்தானஞ்ச க²ணஸி, ப³ஹுஞ்ச அபுஞ்ஞங் பஸவஸி. தஞ்ஹி தே,
மோக⁴புரிஸ, ப⁴விஸ்ஸதி தீ³க⁴ரத்தங் அஹிதாய து³க்கா²ய. நேதங், மோக⁴புரிஸ,
அப்பஸன்னானங் வா பஸாதா³ய…பே॰…. ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –
418. ‘‘யோ
பன பி⁴க்கு² ஏவங் வதெ³ய்ய – ‘ததா²ஹங் ப⁴க³வதா த⁴ம்மங் தே³ஸிதங் ஆஜானாமி,
யதா² யேமே அந்தராயிகா த⁴ம்மா வுத்தா ப⁴க³வதா, தே படிஸேவதோ நாலங்
அந்தராயாயா’தி ஸோ பி⁴க்கு² பி⁴க்கூ²ஹி ஏவமஸ்ஸ வசனீயோ – ‘மாயஸ்மா ஏவங் அவச,
மா ப⁴க³வந்தங் அப்³பா⁴சிக்கி², ந ஹி ஸாது⁴ ப⁴க³வதோ அப்³ப⁴க்கா²னங், ந ஹி
ப⁴க³வா ஏவங் வதெ³ய்ய, அனேகபரியாயேனாவுஸோ, அந்தராயிகா த⁴ம்மா அந்தராயிகா
வுத்தா ப⁴க³வதா, அலஞ்ச பன தே படிஸேவதோ அந்தராயாயா’தி. ஏவஞ்ச [ஏவஞ்ச பன (க॰)]
ஸோ பி⁴க்கு² பி⁴க்கூ²ஹி வுச்சமானோ ததே²வ பக்³க³ண்ஹெய்ய, ஸோ பி⁴க்கு²
பி⁴க்கூ²ஹி யாவததியங் ஸமனுபா⁴ஸிதப்³போ³ தஸ்ஸ படினிஸ்ஸக்³கா³ய. யாவததியஞ்சே
ஸமனுபா⁴ஸியமானோ தங் படினிஸ்ஸஜ்ஜெய்ய, இச்சேதங் குஸலங், நோ சே
படினிஸ்ஸஜ்ஜெய்ய, பாசித்திய’’ந்தி.
419. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ஏவங் வதெ³ய்யாதி – ‘‘ததா²ஹங் ப⁴க³வதா த⁴ம்மங் தே³ஸிதங் ஆஜானாமி, யதா² யேமே அந்தராயிகா த⁴ம்மா வுத்தா ப⁴க³வதா தே படிஸேவதோ நாலங் அந்தராயாயா’’தி.
ஸோ பி⁴க்கூ²தி யோ ஸோ ஏவங்வாதீ³ பி⁴க்கு².
பி⁴க்கூ²ஹீதி அஞ்ஞேஹி
பி⁴க்கூ²ஹி. யே பஸ்ஸந்தி யே ஸுணந்தி தேஹி வத்தப்³போ³ – ‘‘மாயஸ்மா ஏவங்
அவச, மா ப⁴க³வந்தங் அப்³பா⁴சிக்கி², ந ஹி ஸாது⁴ ப⁴க³வதோ அப்³ப⁴க்கா²னங், ந
ஹி ப⁴க³வா ஏவங் வதெ³ய்ய, அனேகபரியாயேனாவுஸோ அந்தராயிகா த⁴ம்மா அந்தராயிகா
வுத்தா ப⁴க³வதா. அலஞ்ச பன தே படிஸேவதோ அந்தராயாயா’’தி. து³தியம்பி
வத்தப்³போ³. ததியம்பி வத்தப்³போ³. ஸசே படினிஸ்ஸஜ்ஜதி , இச்சேதங் குஸலங்; நோ சே படினிஸ்ஸஜ்ஜதி, ஆபத்தி து³க்கடஸ்ஸ. ஸுத்வா ந வத³ந்தி, ஆபத்தி து³க்கடஸ்ஸ. ஸோ பி⁴க்கு² ஸங்க⁴மஜ்ஜ²ம்பி
ஆகட்³டி⁴த்வா வத்தப்³போ³ – ‘‘மாயஸ்மா ஏவங் அவச, மா ப⁴க³வந்தங்
அப்³பா⁴சிக்கி², ந ஹி ஸாது⁴ ப⁴க³வதோ அப்³ப⁴க்கா²னங், ந ஹி ப⁴க³வா ஏவங்
வதெ³ய்ய, அனேகபரியாயேனாவுஸோ அந்தராயிகா த⁴ம்மா அந்தராயிகா வுத்தா ப⁴க³வதா.
அலஞ்ச பன தே படிஸேவதோ அந்தராயாயா’’தி. து³தியம்பி வத்தப்³போ³. ததியம்பி
வத்தப்³போ³. ஸசே படினிஸ்ஸஜ்ஜதி, இச்சேதங் குஸலங். நோ சே படினிஸ்ஸஜ்ஜதி,
ஆபத்தி து³க்கடஸ்ஸ. ஸோ பி⁴க்கு² ஸமனுபா⁴ஸிதப்³போ³. ஏவஞ்ச பன, பி⁴க்க²வே,
ஸமனுபா⁴ஸிதப்³போ³. ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
420.
‘‘ஸுணாது மே, ப⁴ந்தே, ஸங்கோ⁴. இத்த²ன்னாமஸ்ஸ பி⁴க்கு²னோ ஏவரூபங் பாபகங்
தி³ட்டி²க³தங் உப்பன்னங் – ‘ததா²ஹங் ப⁴க³வதா த⁴ம்மங் தே³ஸிதங் ஆஜானாமி,
யதா² யேமே அந்தராயிகா த⁴ம்மா வுத்தா ப⁴க³வதா, தே படிஸேவதோ நாலங்
அந்தராயாயா’தி. ஸோ தங் தி³ட்டி²ங் ந படினிஸ்ஸஜ்ஜதி. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் பி⁴க்கு²ங் ஸமனுபா⁴ஸெய்ய – தஸ்ஸா தி³ட்டி²யா படினிஸ்ஸக்³கா³ய. ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴. இத்த²ன்னாமஸ்ஸ
பி⁴க்கு²னோ ஏவரூபங் பாபகங் தி³ட்டி²க³தங் உப்பன்னங் – ‘ததா²ஹங் ப⁴க³வதா
த⁴ம்மங் தே³ஸிதங் ஆஜானாமி, யதா² யேமே அந்தராயிகா த⁴ம்மா வுத்தா ப⁴க³வதா, தே
படிஸேவதோ நாலங் அந்தராயாயா’தி. ஸோ தங் தி³ட்டி²ங் ந படினிஸ்ஸஜ்ஜதி. ஸங்கோ⁴
இத்த²ன்னாமங் பி⁴க்கு²ங் ஸமனுபா⁴ஸதி தஸ்ஸா தி³ட்டி²யா படினிஸ்ஸக்³கா³ய.
யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ ஸமனுபா⁴ஸனா, தஸ்ஸா தி³ட்டி²யா
படினிஸ்ஸக்³கா³ய, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.
‘‘து³தியம்பி ஏதமத்த²ங் வதா³மி…பே॰… ததியம்பி
ஏதமத்த²ங் வதா³மி – ‘‘ஸுணாது மே, ப⁴ந்தே, ஸங்கோ⁴. இத்த²ன்னாமஸ்ஸ பி⁴க்கு²னோ
ஏவரூபங் பாபகங் தி³ட்டி²க³தங் உப்பன்னங் – ‘ததா²ஹங் ப⁴க³வதா த⁴ம்மங்
தே³ஸிதங் ஆஜானாமி யதா² யேமே அந்தராயிகா த⁴ம்மா வுத்தா ப⁴க³வதா தே படிஸேவதோ
நாலங் அந்தராயாயா’தி . ஸோ தங் தி³ட்டி²ங் ந
படினிஸ்ஸஜ்ஜதி. ஸங்கோ⁴ இத்த²ன்னாமங் பி⁴க்கு²ங் ஸமனுபா⁴ஸதி தஸ்ஸா
தி³ட்டி²யா படினிஸ்ஸக்³கா³ய. யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ
ஸமனுபா⁴ஸனா, தஸ்ஸா தி³ட்டி²யா படினிஸ்ஸக்³கா³ய, ஸோ துண்ஹஸ்ஸ; யஸ்ஸ
நக்க²மதி, ஸோ பா⁴ஸெய்ய.
‘‘ஸமனுப⁴ட்டோ² ஸங்கே⁴ன இத்த²ன்னாமோ பி⁴க்கு², தஸ்ஸா தி³ட்டி²யா படினிஸ்ஸக்³கா³ய. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
ஞத்தியா து³க்கடங். த்³வீஹி கம்மவாசாஹி து³க்கடா. கம்மவாசாபரியோஸானே ஆபத்தி பாசித்தியஸ்ஸ.
421.
த⁴ம்மகம்மே த⁴ம்மகம்மஸஞ்ஞீ ந படினிஸ்ஸஜ்ஜதி, ஆபத்தி பாசித்தியஸ்ஸ.
த⁴ம்மகம்மே வேமதிகோ ந படினிஸ்ஸஜ்ஜதி, ஆபத்தி பாசித்தியஸ்ஸ த⁴ம்மகம்மே
அத⁴ம்மகம்மஸஞ்ஞீ ந படினிஸ்ஸஜ்ஜதி, ஆபத்தி பாசித்தியஸ்ஸ.
அத⁴ம்மகம்மே த⁴ம்மகம்மஸஞ்ஞீ, ஆபத்தி து³க்கடஸ்ஸ.
அத⁴ம்மகம்மே வேமதிகோ, ஆபத்தி து³க்கடஸ்ஸ. அத⁴ம்மகம்மே அத⁴ம்மகம்மஸஞ்ஞீ,
ஆபத்தி து³க்கடஸ்ஸ.
422. அனாபத்தி அஸமனுபா⁴ஸந்தஸ்ஸ, படினிஸ்ஸஜ்ஜந்தஸ்ஸ, உம்மத்தகஸ்ஸாதி.
அரிட்ட²ஸிக்கா²பத³ங் நிட்டி²தங் அட்ட²மங்.
9. உக்கி²த்தஸம்போ⁴க³ஸிக்கா²பத³ங்
423. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஜானங் ததா²வாதி³னா
அரிட்டே²ன பி⁴க்கு²னா [பி⁴க்கு²னா க³த்³த⁴பா³தி⁴புப்³பே³ன (?)]
அகடானுத⁴ம்மேன தங் தி³ட்டி²ங் அப்படினிஸ்ஸட்டே²ன ஸத்³தி⁴ங்
ஸம்பு⁴ஞ்ஜந்திபி ஸங்வஸந்திபி ஸஹாபி ஸெய்யங் கப்பெந்தி. யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – கத²ஞ்ஹி நாம
ச²ப்³ப³க்³கி³யா பி⁴க்கூ² ஜானங் ததா²வாதி³னா அரிட்டே²ன பி⁴க்கு²னா [பி⁴க்கு²னா க³த்³த⁴பா³தி⁴புப்³பே³ன (?)]
அகடானுத⁴ம்மேன தங் தி³ட்டி²ங் அப்படினிஸ்ஸட்டே²ன ஸத்³தி⁴ங்
ஸம்பு⁴ஞ்ஜிஸ்ஸந்திபி ஸங்வஸிஸ்ஸந்திபி ஸஹாபி ஸெய்யங் கப்பெஸ்ஸந்தீதி…பே॰…
ஸச்சங் கிர தும்ஹே, பி⁴க்க²வே, ஜானங் ததா²வாதி³னா அரிட்டே²ன பி⁴க்கு²னா [பி⁴க்கு²னா க³த்³த⁴பா³தி⁴புப்³பே³ன (?)] அகடானுத⁴ம்மேன
தங் தி³ட்டி²ங் அப்படினிஸ்ஸட்டே²ன ஸத்³தி⁴ங் ஸம்பு⁴ஞ்ஜதா²பி ஸங்வஸதா²பி
ஸஹாபி ஸெய்யங் கப்பேதா²தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, ஜானங் ததா²வாதி³னா அரிட்டே²ன
பி⁴க்கு²னா [பி⁴க்கு²னா க³த்³த⁴பா³தி⁴புப்³ப³னே (?)]
அகடானுத⁴ம்மேன தங் தி³ட்டி²ங் அப்படினிஸ்ஸட்டே²ன ஸத்³தி⁴ங்
ஸம்பு⁴ஞ்ஜிஸ்ஸதா²பி ஸங்வஸிஸ்ஸதா²பி ஸஹாபி ஸெய்யங் கப்பெஸ்ஸத²! நேதங்,
மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –
424. ‘‘யோ பன
பி⁴க்கு² ஜானங் ததா²வாதி³னா பி⁴க்கு²னா அகடானுத⁴ம்மேன தங் தி³ட்டி²ங்
அப்படினிஸ்ஸட்டே²ன ஸத்³தி⁴ங் ஸம்பு⁴ஞ்ஜெய்ய வா ஸங்வஸெய்ய வா ஸஹ வா ஸெய்யங் கப்பெய்ய, பாசித்திய’’ந்தி.
425. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ஜானாதி நாம ஸாமங் வா ஜானாதி, அஞ்ஞே வா தஸ்ஸ ஆரோசெந்தி, ஸோ வா ஆரோசேதி.
ததா²வாதி³னாதி – ‘‘ததா²ஹங்
ப⁴க³வதா த⁴ம்மங் தே³ஸிதங் ஆஜானாமி, யதா² யேமே அந்தராயிகா த⁴ம்மா வுத்தா
ப⁴க³வதா, தே படிஸேவதோ நாலங் அந்தராயாயா’’தி ஏவங் வாதி³னா.
அகடானுத⁴ம்மோ நாம உக்கி²த்தோ அனோஸாரிதோ.
தங் தி³ட்டி²ங் அப்படினிஸ்ஸட்டே²ன ஸத்³தி⁴ந்தி ஏதங் தி³ட்டி²ங் அப்படினிஸ்ஸட்டே²ன ஸத்³தி⁴ங்.
ஸம்பு⁴ஞ்ஜெய்ய வாதி ஸம்போ⁴கோ³ நாம த்³வே ஸம்போ⁴கா³ – ஆமிஸஸம்போ⁴கோ³ ச த⁴ம்மஸம்போ⁴கோ³ ச. ஆமிஸஸம்போ⁴கோ³ நாம ஆமிஸங் தே³தி வா படிக்³க³ண்ஹாதி வா, ஆபத்தி பாசித்தியஸ்ஸ. த⁴ம்மஸம்போ⁴கோ³
நாம உத்³தி³ஸதி வா உத்³தி³ஸாபேதி வா, பதே³ன உத்³தி³ஸதி வா உத்³தி³ஸாபேதி
வா, பதே³ பதே³ ஆபத்தி பாசித்தியஸ்ஸ. அக்க²ராய உத்³தி³ஸதி வா உத்³தி³ஸாபேதி
வா, அக்க²ரக்க²ராய ஆபத்தி பாசித்தியஸ்ஸ.
ஸங்வஸெய்ய வாதி உக்கி²த்தகேன ஸத்³தி⁴ங் உபோஸத²ங் வா பவாரணங் வா ஸங்க⁴கம்மங் வா கரோதி, ஆபத்தி பாசித்தியஸ்ஸ.
ஸஹ வா ஸெய்யங் கப்பெய்யாதி
ஏகச்ச²ன்னே உக்கி²த்தகே நிபன்னே பி⁴க்கு² நிபஜ்ஜதி, ஆபத்தி பாசித்தியஸ்ஸ.
பி⁴க்கு² நிபன்னே உக்கி²த்தகோ நிபஜ்ஜதி, ஆபத்தி பாசித்தியஸ்ஸ. உபோ⁴ வா
நிபஜ்ஜந்தி, ஆபத்தி பாசித்தியஸ்ஸ. உட்ட²ஹித்வா புனப்புனங் நிபஜ்ஜந்தி,
ஆபத்தி பாசித்தியஸ்ஸ.
426. உக்கி²த்தகே
உக்கி²த்தகஸஞ்ஞீ ஸம்பு⁴ஞ்ஜதி வா ஸங்வஸதி வா ஸஹ வா ஸெய்யங் கப்பேதி, ஆபத்தி
பாசித்தியஸ்ஸ. உக்கி²த்தகே வேமதிகோ ஸம்பு⁴ஞ்ஜதி வா ஸங்வஸதி வா ஸஹ வா
ஸெய்யங் கப்பேதி, ஆபத்தி து³க்கடஸ்ஸ. உக்கி²த்தகே அனுக்கி²த்தகஸஞ்ஞீ
ஸம்பு⁴ஞ்ஜதி வா ஸங்வஸதி வா ஸஹ வா ஸெய்யங் கப்பேதி, அனாபத்தி .
அனுக்கி²த்தகே உக்கி²த்தகஸஞ்ஞீ, ஆபத்தி து³க்கடஸ்ஸ. அனுக்கி²த்தகே
வேமதிகோ, ஆபத்தி து³க்கடஸ்ஸ. அனுக்கி²த்தகே அனுக்கி²த்தகஸஞ்ஞீ, அனாபத்தி.
427.
அனாபத்தி அனுக்கி²த்தோதி ஜானாதி, உக்கி²த்தோ ஓஸாரிதோதி ஜானாதி, உக்கி²த்தோ
தங் தி³ட்டி²ங் படினிஸ்ஸட்டோ²தி ஜானாதி, உம்மத்தகஸ்ஸ, ஆதி³கம்மிகஸ்ஸாதி.
உக்கி²த்தஸம்போ⁴க³ஸிக்கா²பத³ங் நிட்டி²தங் நவமங்.
10. கண்டகஸிக்கா²பத³ங்
428. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன கண்டகஸ்ஸ [கண்ட³கஸ்ஸ (ஸ்யா॰ க॰)]
நாம ஸமணுத்³தே³ஸஸ்ஸ ஏவரூபங் பாபகங் தி³ட்டி²க³தங் உப்பன்னங் ஹோதி –
‘‘ததா²ஹங் ப⁴க³வதா த⁴ம்மங் தே³ஸிதங் ஆஜானாமி, யதா² யேமே அந்தராயிகா த⁴ம்மா
வுத்தா ப⁴க³வதா தே படிஸேவதோ நாலங் அந்தராயாயா’’தி. அஸ்ஸோஸுங் கோ² ஸம்ப³ஹுலா
பி⁴க்கூ² கண்டகஸ்ஸ நாம கிர ஸமணுத்³தே³ஸஸ்ஸ ஏவரூபங் பாபகங் தி³ட்டி²க³தங்
உப்பன்னங் – ‘‘ததா²ஹங் ப⁴க³வதா த⁴ம்மங் தே³ஸிதங் ஆஜானாமி, யதா² யேமே
அந்தராயிகா த⁴ம்மா வுத்தா ப⁴க³வதா, தே படிஸேவதோ நாலங் அந்தராயாயா’’தி. அத²
கோ² தே பி⁴க்கூ² யேன கண்டகோ ஸமணுத்³தே³ஸோ தேனுபஸங்கமிங்ஸு; உபஸங்கமித்வா
கண்டகங் ஸமணுத்³தே³ஸங் ஏதத³வோசுங் – ‘‘ஸச்சங் கிர தே, ஆவுஸோ கண்டக, ஏவரூபங்
பாபகங் தி³ட்டி²க³தங் உப்பன்னங் – ‘ததா²ஹங் ப⁴க³வதா த⁴ம்மங் தே³ஸிதங்
ஆஜானாமி, யதா² யே’மே அந்தராயிகா த⁴ம்மா வுத்தா ப⁴க³வதா தே படிஸேவதோ நாலங்
அந்தராயாயா’’’தி? ‘‘ஏவங்ப்³யாகோ² அஹங், ப⁴ந்தே, ப⁴க³வதா த⁴ம்மங் தே³ஸிதங்
ஆஜானாமி – ‘யதா² யேமே அந்தராயிகா த⁴ம்மா வுத்தா ப⁴க³வதா தே படிஸேவதோ நாலங்
அந்தராயாயா’’’தி.
மா , ஆவுஸோ கண்டக, ஏவங் அவச. மா
ப⁴க³வந்தங் அப்³பா⁴சிக்கி². ந ஹி ஸாது⁴ ப⁴க³வதோ அப்³ப⁴க்கா²னங். ந ஹி
ப⁴க³வா ஏவங் வதெ³ய்ய. அனேகபரியாயேன, ஆவுஸோ கண்டக, அந்தராயிகா த⁴ம்மா அந்தராயிகா வுத்தா ப⁴க³வதா. அலஞ்ச
பன தே படிஸேவதோ அந்தராயாய. அப்பஸ்ஸாதா³ காமா வுத்தா ப⁴க³வதா ப³ஹுது³க்கா²
ப³ஹுபாயாஸா, ஆதீ³னவோ எத்த² பி⁴ய்யோ…பே॰… ஏவம்பி கோ² கண்டகோ ஸமணுத்³தே³ஸோ
தேஹி பி⁴க்கூ²ஹி வுச்சமானோ ததே²வ தங் பாபகங் தி³ட்டி²க³தங் தா²மஸா பராமாஸா
அபி⁴னிவிஸ்ஸ வோஹரதி – ‘‘ஏவங்ப்³யாகோ² அஹங், ப⁴ந்தே, ப⁴க³வதா த⁴ம்மங்
தே³ஸிதங் ஆஜானாமி – ‘யதா² யேமே அந்தராயிகா த⁴ம்மா வுத்தா ப⁴க³வதா தே
படிஸேவதோ நாலங் அந்தராயாயா’’’தி.
யதோ ச கோ² தே பி⁴க்கூ² நாஸக்கி²ங்ஸு கண்டகங்
ஸமணுத்³தே³ஸங் ஏதஸ்மா பாபகா தி³ட்டி²க³தா விவேசேதுங், அத² கோ² தே பி⁴க்கூ²
யேன ப⁴க³வா தேனுபஸங்கமிங்ஸு; உபஸங்கமித்வா ப⁴க³வதோ ஏதமத்த²ங் ஆரோசேஸுங்.
அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங்
ஸன்னிபாதாபெத்வா கண்டகங் ஸமணுத்³தே³ஸங் படிபுச்சி² – ‘‘ஸச்சங் கிர தே,
கண்டக, ஏவரூபங் பாபகங் தி³ட்டி²க³தங் உப்பன்னங் – ‘ததா²ஹங் ப⁴க³வதா
த⁴ம்மங் தே³ஸிதங் ஆஜானாமி, யதா² யேமே அந்தராயிகா த⁴ம்மா வுத்தா ப⁴க³வதா தே
படிஸேவதோ நாலங் அந்தராயாயா’’’தி? ‘‘ஏவங்ப்³யாகோ² அஹங், ப⁴ந்தே, ப⁴க³வதா
த⁴ம்மங் தே³ஸிதங் ஆஜானாமி – ‘யதா² யேமே அந்தராயிகா த⁴ம்மா வுத்தா ப⁴க³வதா
தே படிஸேவதோ நாலங் அந்தராயாயா’’’தி.
‘‘கஸ்ஸ நு கோ² நாம த்வங், மோக⁴புரிஸ, மயா ஏவங் த⁴ம்மங்
தே³ஸிதங் ஆஜானாஸி? நனு மயா, மோக⁴புரிஸ, அனேகபரியாயேன அந்தராயிகா த⁴ம்மா
அந்தராயிகா வுத்தா, அலஞ்ச பன தே படிஸேவதோ அந்தராயாய? அப்பஸ்ஸாதா³ காமா
வுத்தா மயா ப³ஹுது³க்கா² ப³ஹுபாயாஸா, ஆதீ³னவோ எத்த² பி⁴ய்யோ.
அட்டி²கங்கலூபமா காமா வுத்தா மயா…பே॰… ஸப்பஸிரூபமா காமா வுத்தா மயா
ப³ஹுது³க்கா² ப³ஹுபாயாஸா, ஆதீ³னவோ எத்த² பி⁴ய்யோ. அத² ச பன த்வங்,
மோக⁴புரிஸ, அத்தனா து³க்³க³ஹிதேன அம்ஹே சேவ அப்³பா⁴சிக்க²ஸி அத்தானஞ்ச
க²ணஸி ப³ஹுஞ்ச அபுஞ்ஞங் பஸவஸி. தஞ்ஹி தே, மோக⁴புரிஸ, ப⁴விஸ்ஸதி தீ³க⁴ரத்தங்
அஹிதாய து³க்கா²ய. நேதங், மோக⁴புரிஸ, அப்பஸன்னானங் வா பஸாதா³ய…பே॰…
பஸன்னானஞ்ச ஏகச்சானங் அஞ்ஞத²த்தாயா’’தி. விக³ரஹித்வா…பே॰… த⁴ம்மிங் கத²ங்
கத்வா பி⁴க்கூ² ஆமந்தேஸி – ‘‘தேன ஹி, பி⁴க்க²வே, ஸங்கோ⁴ கண்டகங்
ஸமணுத்³தே³ஸங் நாஸேது. ஏவஞ்ச பன, பி⁴க்க²வே, நாஸேதப்³போ³ – அஜ்ஜதக்³கே³ தே,
ஆவுஸோ கண்டக, ந சேவ ஸோ ப⁴க³வா ஸத்தா² அபதி³ஸிதப்³போ³. யம்பி சஞ்ஞே ஸமணுத்³தே³ஸா லப⁴ந்தி பி⁴க்கூ²ஹி ஸத்³தி⁴ங் தி³ரத்ததிரத்தங் ஸஹஸெய்யங் ஸாபி தே நத்தி². சர பிரே வினஸ்ஸா’’தி. அத² கோ² ஸங்கோ⁴ கண்டகங் ஸமணுத்³தே³ஸங் நாஸேஸி.
தேன கோ² பன ஸமயேன
ச²ப்³ப³க்³கி³யா பி⁴க்கூ² ஜானங் ததா²னாஸிதங் கண்டகங் ஸமணுத்³தே³ஸங்
உபலாபெந்திபி உபட்டா²பெந்திபி ஸம்பு⁴ஞ்ஜந்திபி ஸஹாபி ஸெய்யங் கப்பெந்தி. யே
தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ச²ப்³ப³க்³கி³யா பி⁴க்கூ² ஜானங் ததா²னாஸிதங் கண்டகங்
ஸமணுத்³தே³ஸங் உபலாபெஸ்ஸந்திபி உபட்டா²பெஸ்ஸந்திபி ஸம்பு⁴ஞ்ஜிஸ்ஸந்திபி
ஸஹாபி ஸெய்யங் கப்பெஸ்ஸந்தீ’’தி…பே॰… ஸச்சங் கிர தும்ஹே, பி⁴க்க²வே, ஜானங்
ததா²னாஸிதங் கண்டகங் ஸமணுத்³தே³ஸங் உபலாபேதா²பி உபட்டா²பேதா²பி
ஸம்பு⁴ஞ்ஜதா²பி ஸஹாபி ஸெய்யங் கப்பேதா²தி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, ஜானங் ததா²னாஸிதங்
கண்டகங் ஸமணுத்³தே³ஸங் உபலாபெஸ்ஸதா²பி உபட்டா²பெஸ்ஸதா²பி
ஸம்பு⁴ஞ்ஜிஸ்ஸதா²பி ஸஹாபி ஸெய்யங் கப்பெஸ்ஸத² ! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
429. ‘‘ஸமணுத்³தே³ஸோபி
சே ஏவங் வதெ³ய்ய – ‘ததா²ஹங் ப⁴க³வதா த⁴ம்மங் தே³ஸிதங் ஆஜானாமி, யதா² யேமே
அந்தராயிகா த⁴ம்மா வுத்தா ப⁴க³வதா தே படிஸேவதோ நாலங் அந்தராயாயா’தி, ஸோ
ஸமணுத்³தே³ஸோ பி⁴க்கூ²ஹி ஏவமஸ்ஸ வசனீயோ – ‘மாவுஸோ ஸமணுத்³தே³ஸ, ஏவங் அவச,
மா ப⁴க³வந்தங் அப்³பா⁴சிக்கி², ந ஹி ஸாது⁴ ப⁴க³வதோ அப்³ப⁴க்கா²னங், ந ஹி
ப⁴க³வா ஏவங் வதெ³ய்ய. அனேகபரியாயேனாவுஸோ ஸமணுத்³தே³ஸ, அந்தராயிகா த⁴ம்மா
அந்தராயிகா வுத்தா ப⁴க³வதா. அலஞ்ச பன தே படிஸேவதோ அந்தராயாயா’தி. ஏவஞ்ச [ஏவஞ்ச பன (க॰)]
ஸோ ஸமணுத்³தே³ஸோ பி⁴க்கூ²ஹி வுச்சமானோ ததே²வ பக்³க³ண்ஹெய்ய, ஸோ
ஸமணுத்³தே³ஸோ பி⁴க்கூ²ஹி ஏவமஸ்ஸ வசனீயோ – ‘அஜ்ஜதக்³கே³ தே, ஆவுஸோ
ஸமணுத்³தே³ஸ, ந சேவ ஸோ ப⁴க³வா ஸத்தா² அபதி³ஸிதப்³போ³. யம்பி சஞ்ஞே
ஸமணுத்³தே³ஸா லப⁴ந்தி பி⁴க்கூ²ஹி ஸத்³தி⁴ங் தி³ரத்ததிரத்தங் ஸஹஸெய்யங் ஸாபி
தே நத்தி². சர பிரே வினஸ்ஸா’தி. யோ பன பி⁴க்கு² ஜானங் ததா²னாஸிதங்
ஸமணுத்³தே³ஸங் உபலாபெய்ய வா உபட்டா²பெய்ய வா ஸம்பு⁴ஞ்ஜெய்ய வா ஸஹ வா
ஸெய்யங் கப்பெய்ய, பாசித்திய’’ந்தி.
430. ஸமணுத்³தே³ஸோ நாம ஸாமணேரோ வுச்சதி.
ஏவங் வதெ³ய்யாதி – ‘‘ததா²ஹங் ப⁴க³வதா த⁴ம்மங் தே³ஸிதங் ஆஜானாமி, யதா² யேமே அந்தராயிகா த⁴ம்மா வுத்தா ப⁴க³வதா, தே படிஸேவதோ நாலங் அந்தராயாயா’’தி.
ஸோ ஸமணுத்³தே³ஸோதி யோ ஸோ ஏவங்வாதீ³ ஸமணுத்³தே³ஸோ.
பி⁴க்கூ²ஹீதி
அஞ்ஞேஹி பி⁴க்கூ²ஹி, யே பஸ்ஸந்தி யே ஸுணந்தி தேஹி வத்தப்³போ³ – ‘‘மா,
ஆவுஸோ ஸமணுத்³தே³ஸ, ஏவங் அவச. மா ப⁴க³வந்தங் அப்³பா⁴சிக்கி². ந ஹி ஸாது⁴
ப⁴க³வதோ அப்³ப⁴க்கா²னங். ந ஹி ப⁴க³வா ஏவங் வதெ³ய்ய. அனேகபரியாயேனாவுஸோ
ஸமணுத்³தே³ஸ, அந்தராயிகா த⁴ம்மா அந்தராயிகா வுத்தா ப⁴க³வதா. அலஞ்ச பன தே
படிஸேவதோ அந்தராயாயா’’தி. து³தியம்பி வத்தப்³போ³… ததியம்பி வத்தப்³போ³…பே॰…
ஸசே படினிஸ்ஸஜ்ஜதி இச்சேதங் குஸலங், நோ சே படினிஸ்ஸஜ்ஜதி ஸோ ஸமணுத்³தே³ஸோ
பி⁴க்கூ²ஹி ஏவமஸ்ஸ வசனீயோ – ‘‘அஜ்ஜதக்³கே³ தே, ஆவுஸோ ஸமணுத்³தே³ஸ, ந சேவ ஸோ
ப⁴க³வா ஸத்தா² அபதி³ஸிதப்³போ³. யம்பி சஞ்ஞே ஸமணுத்³தே³ஸா லப⁴ந்தி
பி⁴க்கூ²ஹி ஸத்³தி⁴ங் தி³ரத்ததிரத்தங் ஸஹஸெய்யங் ஸாபி தே நத்தி². சர பிரே
வினஸ்ஸா’’தி.
யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ஜானாதி நாம ஸாமங் வா ஜானாதி, அஞ்ஞே வா தஸ்ஸ ஆரோசெந்தி, ஸோ வா ஆரோசேதி.
ததா²னாஸிதந்தி ஏவங் நாஸிதங்.
ஸமணுத்³தே³ஸோ நாம ஸாமணேரோ வுச்சதி.
உபலாபெய்ய வாதி தஸ்ஸ பத்தங் வா சீவரங் வா உத்³தே³ஸங் வா பரிபுச்ச²ங் வா த³ஸ்ஸாமீதி உபலாபேதி, ஆபத்தி பாசித்தியஸ்ஸ.
உபட்டா²பெய்ய வாதி தஸ்ஸ சுண்ணங் வா மத்திகங் வா த³ந்தகட்ட²ங் வா முகோ²த³கங் வா ஸாதி³யதி, ஆபத்தி பாசித்தியஸ்ஸ.
ஸம்பு⁴ஞ்ஜெய்ய வாதி ஸம்போ⁴கோ³ நாம த்³வே ஸம்போ⁴கா³ – ஆமிஸஸம்போ⁴கோ³ ச த⁴ம்மஸம்போ⁴கோ³ ச. ஆமிஸஸம்போ⁴கோ³ நாம ஆமிஸங் தே³தி வா படிக்³க³ண்ஹாதி வா, ஆபத்தி பாசித்தியஸ்ஸ. த⁴ம்மஸம்போ⁴கோ³ நாம உத்³தி³ஸதி வா உத்³தி³ஸாபேதி வா, பதே³ன உத்³தி³ஸதி வா உத்³தி³ஸாபேதி வா, பதே³ பதே³ ஆபத்தி பாசித்தியஸ்ஸ. அக்க²ராய உத்³தி³ஸதி வா உத்³தி³ஸாபேதி வா, அக்க²ரக்க²ராய ஆபத்தி பாசித்தியஸ்ஸ.
ஸஹ வா ஸெய்யங் கப்பெய்யாதி
ஏகச்ச²ன்னே நாஸிதகே ஸமணுத்³தே³ஸே நிபன்னே பி⁴க்கு² நிபஜ்ஜதி, ஆபத்தி
பாசித்தியஸ்ஸ. பி⁴க்கு² நிபன்னே நாஸிதகோ ஸமணுத்³தே³ஸோ நிபஜ்ஜதி, ஆபத்தி
பாசித்தியஸ்ஸ. உபோ⁴ வா நிபஜ்ஜந்தி, ஆபத்தி பாசித்தியஸ்ஸ. உட்ட²ஹித்வா
புனப்புனங் நிபஜ்ஜந்தி, ஆபத்தி பாசித்தியஸ்ஸ.
431.
நாஸிதகே நாஸிதகஸஞ்ஞீ உபலாபேதி வா உபட்டா²பேதி வா ஸம்பு⁴ஞ்ஜதி வா ஸஹ வா
ஸெய்யங் கப்பேதி, ஆபத்தி பாசித்தியஸ்ஸ. நாஸிதகே வேமதிகோ உபலாபேதி வா
உபட்டா²பேதி வா ஸம்பு⁴ஞ்ஜதி வா ஸஹ வா ஸெய்யங் கப்பேதி, ஆபத்தி து³க்கடஸ்ஸ.
நாஸிதகே அனாஸிதகஸஞ்ஞீ உபலாபேதி வா உபட்டா²பேதி வா ஸம்பு⁴ஞ்ஜதி வா ஸஹ வா
ஸெய்யங் கப்பேதி, அனாபத்தி. அனாஸிதகே நாஸிதகஸஞ்ஞீ, ஆபத்தி து³க்கடஸ்ஸ.
அனாஸிதகே வேமதிகோ, ஆபத்தி து³க்கடஸ்ஸ. அனாஸிதகே அனாஸிதகஸஞ்ஞீ, அனாபத்தி.
432. அனாபத்தி அனாஸிதகோதி ஜானாதி, தங் தி³ட்டி²ங் படினிஸ்ஸட்டோ²தி ஜானாதி, உம்மத்தகஸ்ஸ, ஆதி³கம்மிகஸ்ஸாதி.
கண்டகஸிக்கா²பத³ங் நிட்டி²தங் த³ஸமங்.
ஸப்பாணகவக்³கோ³ ஸத்தமோ.
தஸ்ஸுத்³தா³னங் –
ஸஞ்சிச்சவத⁴ஸப்பாணங், உக்கோடங் து³ட்டு²ல்லசா²த³னங்;
ஊனவீஸதி ஸத்த²ஞ்ச, ஸங்விதா⁴னங் அரிட்ட²கங்;
உக்கி²த்தங் கண்டகஞ்சேவ, த³ஸ ஸிக்கா²பதா³ இமேதி.
8. ஸஹத⁴ம்மிகவக்³கோ³
1. ஸஹத⁴ம்மிகஸிக்கா²பத³ங்
433. தேன ஸமயேன பு³த்³தோ⁴ ப⁴க³வா கோஸம்பி³யங் விஹரதி கோ⁴ஸிதாராமே. தேன கோ² பன ஸமயேன ஆயஸ்மா ச²ன்னோ அனாசாரங்
ஆசரதி. பி⁴க்கூ² ஏவமாஹங்ஸு – ‘‘மாவுஸோ ச²ன்ன, ஏவரூபங் அகாஸி. நேதங்
கப்பதீ’’தி. ஸோ ஏவங் வதே³தி – ‘‘ந தாவாஹங், ஆவுஸோ, ஏதஸ்மிங் ஸிக்கா²பதே³
ஸிக்கி²ஸ்ஸாமி யாவ ந அஞ்ஞங் பி⁴க்கு²ங் ப்³யத்தங் வினயத⁴ரங்
பரிபுச்சா²மீ’’தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா ச²ன்னோ பி⁴க்கூ²ஹி
ஸஹத⁴ம்மிகங் வுச்சமானோ ஏவங் வக்க²தி – ந தாவாஹங், ஆவுஸோ, ஏதஸ்மிங்
ஸிக்கா²பதே³ ஸிக்கி²ஸ்ஸாமி யாவ ந அஞ்ஞங் பி⁴க்கு²ங் ப்³யத்தங் வினயத⁴ரங்
பரிபுச்சா²மீ’’தி…பே॰… ஸச்சங் கிர த்வங், ச²ன்ன, பி⁴க்கூ²ஹி ஸஹத⁴ம்மிகங்
வுச்சமானோ ஏவங் வதே³ஸி – ‘‘ந தாவாஹங், ஆவுஸோ, ஏதஸ்மிங் ஸிக்கா²பதே³
ஸிக்கி²ஸ்ஸாமி யாவ ந அஞ்ஞங் பி⁴க்கு²ங் ப்³யத்தங் வினயத⁴ரங்
பரிபுச்சா²மீ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰…
கத²ஞ்ஹி நாம த்வங், மோக⁴புரிஸ, பி⁴க்கூ²ஹி ஸஹத⁴ம்மிகங் வுச்சமானோ ஏவங்
வக்க²ஸி – ‘‘ந தாவாஹங், ஆவுஸோ, ஏதஸ்மிங் ஸிக்கா²பதே³ ஸிக்கி²ஸ்ஸாமி யாவ ந
அஞ்ஞங் பி⁴க்கு²ங் ப்³யத்தங் வினயத⁴ரங் பரிபுச்சா²மீ’’தி. நேதங்,
மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –
434. ‘‘யோ பன பி⁴க்கு² பி⁴க்கூ²ஹி ஸஹத⁴ம்மிகங் வுச்சமானோ ஏவங் வதெ³ய்ய
– ‘ந தாவாஹங், ஆவுஸோ, ஏதஸ்மிங் ஸிக்கா²பதே³ ஸிக்கி²ஸ்ஸாமி யாவ ந அஞ்ஞங்
பி⁴க்கு²ங் ப்³யத்தங் வினயத⁴ரங் பரிபுச்சா²மீ’தி, பாசித்தியங்.
ஸிக்க²மானேன, பி⁴க்க²வே, பி⁴க்கு²னா அஞ்ஞாதப்³ப³ங் பரிபுச்சி²தப்³ப³ங்
பரிபஞ்ஹிதப்³ப³ங். அயங் தத்த² ஸாமீசீ’’தி.
435. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
பி⁴க்கூ²ஹீதி அஞ்ஞேஹி பி⁴க்கூ²ஹி.
ஸஹத⁴ம்மிகங் நாம யங் ப⁴க³வதா பஞ்ஞத்தங் ஸிக்கா²பத³ங் ஏதங் ஸஹத⁴ம்மிகங் நாம. தேன வுச்சமானோ ஏவங் வதே³தி [வதெ³ய்ய (க॰)] – ‘‘ந தாவாஹங், ஆவுஸோ, ஏதஸ்மிங் ஸிக்கா²பதே³ ஸிக்கி²ஸ்ஸாமி யாவ ந அஞ்ஞங் பி⁴க்கு²ங் ப்³யத்தங் வினயத⁴ரங் பரிபுச்சா²மீ’’தி [இமானி பதா³னி ஸ்யா॰ பொத்த²கே ந தி³ஸ்ஸந்தி]. பண்டி³தங் ப்³யத்தங் [இமானி பதா³னி ஸ்யா॰ பொத்த²கே ந தி³ஸ்ஸந்தி] மேதா⁴விங் ப³ஹுஸ்ஸுதங் த⁴ம்மகதி²கங் பரிபுச்சா²மீதி ப⁴ணதி, ஆபத்தி பாசித்தியஸ்ஸ.
436. உபஸம்பன்னே
உபஸம்பன்னஸஞ்ஞீ ஏவங் வதே³தி, ஆபத்தி பாசித்தியஸ்ஸ. உபஸம்பன்னே வேமதிகோ
ஏவங் வதே³தி, ஆபத்தி பாசித்தியஸ்ஸ. உபஸம்பன்னே அனுபஸம்பன்னஸஞ்ஞீ ஏவங் வதே³தி, ஆபத்தி பாசித்தியஸ்ஸ.
அபஞ்ஞத்தேன வுச்சமானோ – ‘‘இத³ங் ந ஸல்லேகா²ய ந
து⁴தத்தா²ய ந பாஸாதி³கதாய ந அபசயாய ந வீரியாரம்பா⁴ய ஸங்வத்ததீ’’தி ஏவங்
வதே³தி, ‘‘ந தாவாஹங், ஆவுஸோ, ஏதஸ்மிங் ஸிக்கா²பதே³ ஸிக்கி²ஸ்ஸாமி யாவ ந
அஞ்ஞங் பி⁴க்கு²ங் ப்³யத்தங் வினயத⁴ரங் பண்டி³தங் மேதா⁴விங் ப³ஹுஸ்ஸுதங்
த⁴ம்மகதி²கங் பரிபுச்சா²மீ’’தி ப⁴ணதி, ஆபத்தி து³க்கடஸ்ஸ.
அனுபஸம்பன்னேன பஞ்ஞத்தேன வா அபஞ்ஞத்தேன வா வுச்சமானோ
– ‘‘இத³ங் ந ஸல்லேகா²ய ந து⁴தத்தா²ய ந பாஸாதி³கதாய ந அபசயாய ந
வீரியாரம்பா⁴ய ஸங்வத்ததீ’’தி ஏவங் வதே³தி, ‘‘ந தாவாஹங், ஆவுஸோ, ஏதஸ்மிங்
ஸிக்கா²பதே³ ஸிக்கி²ஸ்ஸாமி யாவ ந அஞ்ஞங் பி⁴க்கு²ங் ப்³யத்தங் வினயத⁴ரங்
பண்டி³தங் மேதா⁴விங் ப³ஹுஸ்ஸுதங் த⁴ம்மகதி²கங் பரிபுச்சா²மீ’’தி ப⁴ணதி,
ஆபத்தி து³க்கடஸ்ஸ. அனுபஸம்பன்னே உபஸம்பன்னஸஞ்ஞீ, ஆபத்தி து³க்கடஸ்ஸ.
அனுபஸம்பன்னே வேமதிகோ, ஆபத்தி து³க்கடஸ்ஸ. அனுபஸம்பன்னே அனுபஸம்பன்னஸஞ்ஞீ,
ஆபத்தி து³க்கடஸ்ஸ.
ஸிக்க²மானேனாதி ஸிக்கி²துகாமேன.
அஞ்ஞாதப்³ப³ந்தி ஜானிதப்³ப³ங்.
பரிபுச்சி²தப்³ப³ந்தி ‘‘இத³ங், ப⁴ந்தே, கத²ங்; இமஸ்ஸ வா க்வத்தோ²’’தி?
பரிபஞ்ஹிதப்³ப³ந்தி சிந்தேதப்³ப³ங் துலயிதப்³ப³ங்.
அயங் தத்த² ஸாமீசீதி அயங் தத்த² அனுத⁴ம்மதா.
437. அனாபத்தி ‘‘ஜானிஸ்ஸாமி ஸிக்கி²ஸ்ஸாமீ’’தி ப⁴ணதி, உம்மத்தகஸ்ஸ, ஆதி³கம்மிகஸ்ஸாதி.
ஸஹத⁴ம்மிகஸிக்கா²பத³ங் நிட்டி²தங் பட²மங்.
2. விலேக²னஸிக்கா²பத³ங்
438. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. [இத³ங் வத்து² சூளவ॰ 320] தேன கோ² பன ஸமயேன ப⁴க³வா பி⁴க்கூ²னங் அனேகபரியாயேன வினயகத²ங் கதே²தி, வினயஸ்ஸ வண்ணங் பா⁴ஸதி, வினயபரியத்தியா வண்ணங் பா⁴ஸதி, ஆதி³ஸ்ஸ ஆதி³ஸ்ஸ ஆயஸ்மதோ உபாலிஸ்ஸ வண்ணங் பா⁴ஸதி. பி⁴க்கூ²னங் ஏதத³ஹோஸி [பி⁴க்கூ² ப⁴க³வா (ஸ்யா॰ க॰)]
– ‘‘ப⁴க³வா கோ² அனேகபரியாயேன வினயகத²ங் கதே²தி, வினயஸ்ஸ வண்ணங் பா⁴ஸதி,
வினயபரியத்தியா வண்ணங் பா⁴ஸதி, ஆதி³ஸ்ஸ ஆதி³ஸ்ஸ ஆயஸ்மதோ உபாலிஸ்ஸ வண்ணங்
பா⁴ஸதி. ஹந்த³ மயங், ஆவுஸோ, ஆயஸ்மதோ உபாலிஸ்ஸ ஸந்திகே வினயங்
பரியாபுணாமா’’தி, தே ச ப³ஹூ பி⁴க்கூ² தே²ரா ச நவா ச மஜ்ஜி²மா ச ஆயஸ்மதோ
உபாலிஸ்ஸ ஸந்திகே வினயங் பரியாபுணந்தி.
அத² கோ² ச²ப்³ப³க்³கி³யானங் பி⁴க்கூ²னங் ஏதத³ஹோஸி
– ‘‘ஏதரஹி கோ², ஆவுஸோ, ப³ஹூ பி⁴க்கூ² தே²ரா ச நவா ச மஜ்ஜி²மா ச ஆயஸ்மதோ
உபாலிஸ்ஸ ஸந்திகே வினயங் பரியாபுணந்தி. ஸசே இமே வினயே பகதஞ்ஞுனோ
ப⁴விஸ்ஸந்தி அம்ஹே யேனிச்ச²கங் யதி³ச்ச²கங் யாவதி³ச்ச²கங் ஆகட்³டி⁴ஸ்ஸந்தி
பரிகட்³டி⁴ஸ்ஸந்தி. ஹந்த³ மயங், ஆவுஸோ, வினயங் விவண்ணேமா’’தி. அத² கோ²
ச²ப்³ப³க்³கி³யா பி⁴க்கூ² பி⁴க்கூ² உபஸங்கமித்வா ஏவங் வத³ந்தி – ‘‘கிங்
பனிமேஹி கு²த்³தா³னுகு²த்³த³கேஹி ஸிக்கா²பதே³ஹி உத்³தி³ட்டே²ஹி, யாவதே³வ
குக்குச்சாய விஹேஸாய விலேகா²ய ஸங்வத்தந்தீ’’தி! யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – கத²ஞ்ஹி
நாம ச²ப்³ப³க்³கி³யா பி⁴க்கூ² வினயங் விவண்ணெஸ்ஸந்தீதி…பே॰… ஸச்சங் கிர
தும்ஹே, பி⁴க்க²வே, வினயங் விவண்ணேதா²தி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, வினயங்
விவண்ணெஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
439. ‘‘யோ பன பி⁴க்கு² பாதிமொக்கே² உத்³தி³ஸ்ஸமானே ஏவங் வதெ³ய்ய – ‘கிங் பனிமேஹி கு²த்³தா³னுகு²த்³த³கேஹி ஸிக்கா²பதே³ஹி உத்³தி³ட்டே²ஹி, யாவதே³வ குக்குச்சாய விஹேஸாய விலேகா²ய ஸங்வத்தந்தீ’தி, ஸிக்கா²பத³விவண்ணகே பாசித்திய’’ந்தி.
440. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
பாதிமொக்கே² உத்³தி³ஸ்ஸமானேதி உத்³தி³ஸந்தே வா உத்³தி³ஸாபெந்தே வா ஸஜ்ஜா²யங் வா கரொந்தே.
ஏவங் வதெ³ய்யாதி
– ‘‘கிங் பனிமேஹி கு²த்³தா³னுகு²த்³த³கேஹி ஸிக்கா²பதே³ஹி உத்³தி³ட்டே²ஹி,
யாவதே³வ குக்குச்சாய விஹேஸாய விலேகா²ய ஸங்வத்தந்தீதி. ‘‘யே இமங்
பரியாபுணந்தி தேஸங் குக்குச்சங் ஹோதி, விஹேஸா ஹோதி, விலேகா² ஹோதி, யே இமங் ந
பரியாபுணந்தி தேஸங் குக்குச்சங் ந ஹோதி விஹேஸா ந ஹோதி விலேகா² ந ஹோதி.
அனுத்³தி³ட்ட²ங் இத³ங் வரங், அனுக்³க³ஹிதங் இத³ங் வரங், அபரியாபுடங் இத³ங்
வரங், அதா⁴ரிதங் இத³ங் வரங், வினயோ வா அந்தரதா⁴யது, இமே வா பி⁴க்கூ²
அபகதஞ்ஞுனோ ஹொந்தூ’’தி உபஸம்பன்னஸ்ஸ வினயங் விவண்ணேதி, ஆபத்தி
பாசித்தியஸ்ஸ.
441. உபஸம்பன்னே உபஸம்பன்னஸஞ்ஞீ வினயங் விவண்ணேதி, ஆபத்தி பாசித்தியஸ்ஸ . உபஸம்பன்னே வேமதிகோ வினயங் விவண்ணேதி, ஆபத்தி பாசித்தியஸ்ஸ. உபஸம்பன்னே அனுபஸம்பன்னஸஞ்ஞீ வினயங் விவண்ணேதி, ஆபத்தி பாசித்தியஸ்ஸ.
அஞ்ஞங் த⁴ம்மங் விவண்ணேதி, ஆபத்தி து³க்கடஸ்ஸ.
அனுபஸம்பன்னஸ்ஸ வினயங் வா அஞ்ஞங் வா த⁴ம்மங் விவண்ணேதி, ஆபத்தி து³க்கடஸ்ஸ.
அனுபஸம்பன்னே உபஸம்பன்னஸஞ்ஞீ, ஆபத்தி து³க்கடஸ்ஸ. அனுபஸம்பன்னே வேமதிகோ, ஆபத்தி து³க்கடஸ்ஸ. அனுபஸம்பன்னே அனுபஸம்பன்னஸஞ்ஞீ, ஆபத்தி து³க்கடஸ்ஸ.
442.
அனாபத்தி ந விவண்ணேதுகாமோ, ‘‘இங்க⁴ த்வங் ஸுத்தந்தே வா கா³தா²யோ வா
அபி⁴த⁴ம்மங் வா பரியாபுணஸ்ஸு, பச்சா² வினயங் பரியாபுணிஸ்ஸஸீ’’தி ப⁴ணதி,
உம்மத்தகஸ்ஸ, ஆதி³கம்மிகஸ்ஸாதி.
விலேக²னஸிக்கா²பத³ங் நிட்டி²தங் து³தியங்.
3. மோஹனஸிக்கா²பத³ங்
443. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² அனாசாரங் ஆசரித்வா
‘‘அஞ்ஞாணகேன ஆபன்னாதி ஜானந்தூ’’தி பாதிமொக்கே² உத்³தி³ஸ்ஸமானே ஏவங் வத³ந்தி
– ‘‘இதா³னேவ கோ² மயங் ஜானாம, அயம்பி கிர த⁴ம்மோ ஸுத்தாக³தோ
ஸுத்தபரியாபன்னோ அன்வத்³த⁴மாஸங் உத்³தே³ஸங் ஆக³ச்ச²தீ’’தி. யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கூ² பாதிமொக்கே² உத்³தி³ஸ்ஸமானே ஏவங் வக்க²ந்தி –
இதா³னேவ கோ² மயங் ஜானாம , அயம்பி கிர த⁴ம்மோ
ஸுத்தாக³தோ ஸுத்தபரியாபன்னோ அன்வத்³த⁴மாஸங் உத்³தே³ஸங் ஆக³ச்ச²தீ’’தி…பே॰…
ஸச்சங் கிர தும்ஹே, பி⁴க்க²வே, பாதிமொக்கே² உத்³தி³ஸ்ஸமானே ஏவங் வதே³த² –
‘‘இதா³னேவ கோ² மயங் ஜானாம, அயம்பி கிர த⁴ம்மோ ஸுத்தாக³தோ ஸுத்தபரியாபன்னோ
அன்வத்³த⁴மாஸங் உத்³தே³ஸங் ஆக³ச்ச²தீ’’தி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, பாதிமொக்கே²
உத்³தி³ஸ்ஸமானே ஏவங் வக்க²த² – ‘‘இதா³னேவ கோ² மயங் ஜானாம, அயம்பி கிர
த⁴ம்மோ ஸுத்தாக³தோ ஸுத்தபரியாபன்னோ அன்வத்³த⁴மாஸங் உத்³தே³ஸங்
ஆக³ச்ச²தீ’’தி! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
444. ‘‘யோ பன பி⁴க்கு² அன்வத்³த⁴மாஸங் பாதிமொக்கே²
உத்³தி³ஸ்ஸமானே ஏவங் வதெ³ய்ய – ‘இதா³னேவ கோ² அஹங் ஜானாமி, அயம்பி கிர
த⁴ம்மோ ஸுத்தாக³தோ ஸுத்தபரியாபன்னோ அன்வத்³த⁴மாஸங் உத்³தே³ஸங்
ஆக³ச்ச²தீ’தி. தஞ்சே பி⁴க்கு²ங் அஞ்ஞே பி⁴க்கூ² ஜானெய்யுங்
நிஸின்னபுப்³ப³ங் இமினா பி⁴க்கு²னா த்³வத்திக்க²த்துங் பாதிமொக்கே²
உத்³தி³ஸ்ஸமானே, கோ பன வாதோ³ பி⁴ய்யோ [பி⁴ய்யோதி (ஸ்யா॰)],
ந ச தஸ்ஸ பி⁴க்கு²னோ அஞ்ஞாணகேன முத்தி அத்தி², யஞ்ச தத்த² ஆபத்திங் ஆபன்னோ
தஞ்ச யதா²த⁴ம்மோ காரேதப்³போ³, உத்தரி சஸ்ஸ மோஹோ ஆரோபேதப்³போ³ – ‘தஸ்ஸ தே,
ஆவுஸோ, அலாபா⁴, தஸ்ஸ தே து³ல்லத்³த⁴ங், யங் த்வங் பாதிமொக்கே²
உத்³தி³ஸ்ஸமானே ந ஸாது⁴கங் அட்டி²ங் கத்வா [அட்டி²கத்வா (ஸ்யா॰ க॰)] மனஸி கரோஸீ’தி. இத³ங் தஸ்மிங் மோஹனகே பாசித்திய’’ந்தி.
445. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
அன்வத்³த⁴மாஸந்தி அனுபோஸதி²கங்.
பாதிமொக்கே² உத்³தி³ஸ்ஸமானேதி உத்³தி³ஸந்தே.
ஏவங் வதெ³ய்யாதி
அனாசாரங் ஆசரித்வா – ‘‘அஞ்ஞாணகேன ஆபன்னோதி ஜானந்தூ’’தி பாதிமொக்கே²
உத்³தி³ஸ்ஸமானே ஏவங் வதே³தி – ‘‘இதா³னேவ கோ² அஹங் ஜானாமி, அயம்பி கிர
த⁴ம்மோ ஸுத்தாக³தோ ஸுத்தபரியாபன்னோ அன்வத்³த⁴மாஸங் உத்³தே³ஸங்
ஆக³ச்ச²தீ’’தி, ஆபத்தி து³க்கடஸ்ஸ.
தஞ்சே மோஹேதுகாமங் பி⁴க்கு²ங்
அஞ்ஞே பி⁴க்கூ² ஜானெய்யுங் நிஸின்னபுப்³ப³ங் இமினா பி⁴க்கு²னா
த்³வத்திக்க²த்துங் பாதிமொக்கே² உத்³தி³ஸ்ஸமானே, கோ
பன வாதோ³ பி⁴ய்யோ, ந ச தஸ்ஸ பி⁴க்கு²னோ அஞ்ஞாணகேன முத்தி அத்தி², யஞ்ச
தத்த² ஆபத்திங் ஆபன்னோ, தஞ்ச யதா²த⁴ம்மோ காரேதப்³போ³, உத்தரி சஸ்ஸ மோஹோ
ஆரோபேதப்³போ³. ஏவஞ்ச பன, பி⁴க்க²வே, ஆரோபேதப்³போ³. ப்³யத்தேன பி⁴க்கு²னா
படிப³லேன ஸங்கோ⁴ ஞாபேதப்³போ³ –
446.
‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ பி⁴க்கு² பாதிமொக்கே²
உத்³தி³ஸ்ஸமானே ந ஸாது⁴கங் அட்டி²ங் கத்வா மனஸி கரோதி. யதி³ ஸங்க⁴ஸ்ஸ
பத்தகல்லங், ஸங்கோ⁴ இத்த²ன்னாமஸ்ஸ பி⁴க்கு²னோ மோஹங் ஆரோபெய்ய. ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ
பி⁴க்கு² பாதிமொக்கே² உத்³தி³ஸ்ஸமானே ந ஸாது⁴கங் அட்டி²ங் கத்வா மனஸி
கரோதி. ஸங்கோ⁴ இத்த²ன்னாமஸ்ஸ பி⁴க்கு²னோ மோஹங் ஆரோபேதி. யஸ்ஸாயஸ்மதோ க²மதி
இத்த²ன்னாமஸ்ஸ பி⁴க்கு²னோ மோஹஸ்ஸ ஆரோபனா, ஸோ துண்ஹஸ்ஸ; யஸ்ஸ நக்க²மதி, ஸோ
பா⁴ஸெய்ய.
‘‘ஆரோபிதோ ஸங்கே⁴ன இத்த²ன்னாமஸ்ஸ பி⁴க்கு²னோ மோஹோ. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
அனாரோபிதே மோஹே மோஹேதி, ஆபத்தி து³க்கடஸ்ஸ. ஆரோபிதே மோஹே மோஹேதி, ஆபத்தி பாசித்தியஸ்ஸ.
447.
த⁴ம்மகம்மே த⁴ம்மகம்மஸஞ்ஞீ, ஆபத்தி பாசித்தியஸ்ஸ. த⁴ம்மகம்மே வேமதிகோ,
ஆபத்தி பாசித்தியஸ்ஸ. த⁴ம்மகம்மே அத⁴ம்மகம்மஸஞ்ஞீ மோஹேதி, ஆபத்தி
பாசித்தியஸ்ஸ.
அத⁴ம்மகம்மே த⁴ம்மகம்மஸஞ்ஞீ, ஆபத்தி து³க்கடஸ்ஸ. அத⁴ம்மகம்மே வேமதிகோ , ஆபத்தி து³க்கடஸ்ஸ. அத⁴ம்மகம்மே அத⁴ம்மகம்மஸஞ்ஞீ, ஆபத்தி து³க்கடஸ்ஸ.
448. அனாபத்தி ந வித்தா²ரேன ஸுதங் ஹோதி, ஊனகத்³வத்திக்க²த்துங் வித்தா²ரேன ஸுதங் ஹோதி, ந மோஹேதுகாமஸ்ஸ, உம்மத்தகஸ்ஸ, ஆதி³கம்மிகஸ்ஸாதி.
மோஹனஸிக்கா²பத³ங் நிட்டி²தங் ததியங்.
4. பஹாரஸிக்கா²பத³ங்
449. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன
ச²ப்³ப³க்³கி³யா பி⁴க்கூ² குபிதா அனத்தமனா ஸத்தரஸவக்³கி³யானங் பி⁴க்கூ²னங்
பஹாரங் தெ³ந்தி. தே ரோத³ந்தி. பி⁴க்கூ² ஏவமாஹங்ஸு – ‘‘கிஸ்ஸ தும்ஹே,
ஆவுஸோ, ரோத³தா²’’தி? ‘‘இமே, ஆவுஸோ, ச²ப்³ப³க்³கி³யா பி⁴க்கூ² குபிதா
அனத்தமனா அம்ஹாகங் பஹாரங் தெ³ந்தீ’’தி. யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா
பி⁴க்கூ² குபிதா அனத்தமனா பி⁴க்கூ²னங் பஹாரங் த³ஸ்ஸந்தீ’’தி…பே॰… ஸச்சங்
கிர தும்ஹே, பி⁴க்க²வே, குபிதா அனத்தமனா பி⁴க்கூ²னங் பஹாரங் தே³தா²தி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே,
மோக⁴புரிஸா, குபிதா அனத்தமனா பி⁴க்கூ²னங் பஹாரங் த³ஸ்ஸத²! நேதங்,
மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –
450. ‘‘யோ பன பி⁴க்கு² பி⁴க்கு²ஸ்ஸ குபிதோ அனத்தமனோ பஹாரங் த³தெ³ய்ய, பாசித்திய’’ந்தி.
451. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
பி⁴க்கு²ஸ்ஸாதி அஞ்ஞஸ்ஸ பி⁴க்கு²ஸ்ஸ.
குபிதோ அனத்தமனோதி அனபி⁴ரத்³தோ⁴ ஆஹதசித்தோ கி²லஜாதோ.
பஹாரங் த³தெ³ய்யாதி காயேன வா காயபடிப³த்³தே⁴ன வா நிஸ்ஸக்³கி³யேன வா அந்தமஸோ உப்பலபத்தேனபி பஹாரங் தே³தி, ஆபத்தி பாசித்தியஸ்ஸ.
452. உபஸம்பன்னே
உபஸம்பன்னஸஞ்ஞீ குபிதோ அனத்தமனோ பஹாரங் தே³தி, ஆபத்தி பாசித்தியஸ்ஸ.
உபஸம்பன்னே வேமதிகோ குபிதோ அனத்தமனோ பஹாரங் தே³தி, ஆபத்தி பாசித்தியஸ்ஸ.
உபஸம்பன்னே அனுபஸம்பன்னஸஞ்ஞீ குபிதோ அனத்தமனோ பஹாரங் தே³தி, ஆபத்தி
பாசித்தியஸ்ஸ.
அனுபஸம்பன்னஸ்ஸ குபிதோ அனத்தமனோ பஹாரங் தே³தி, ஆபத்தி
து³க்கடஸ்ஸ. அனுபஸம்பன்னே உபஸம்பன்னஸஞ்ஞீ, ஆபத்தி து³க்கடஸ்ஸ. அனுபஸம்பன்னே
வேமதிகோ , ஆபத்தி து³க்கடஸ்ஸ. அனுபஸம்பன்னே அனுபஸம்பன்னஸஞ்ஞீ, ஆபத்தி து³க்கடஸ்ஸ.
453. அனாபத்தி கேனசி விஹேடீ²யமானோ மொக்கா²தி⁴ப்பாயோ பஹாரங் தே³தி, உம்மத்தகஸ்ஸ, ஆதி³கம்மிகஸ்ஸாதி.
பஹாரஸிக்கா²பத³ங் நிட்டி²தங் சதுத்த²ங்.
5. தலஸத்திகஸிக்கா²பத³ங்
454. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² குபிதா அனத்தமனா
ஸத்தரஸவக்³கி³யானங் பி⁴க்கூ²னங் தலஸத்திகங்
உக்³கி³ரந்தி. தே பஹாரஸமுச்சிதா ரோத³ந்தி. பி⁴க்கூ² ஏவமாஹங்ஸு – ‘‘கிஸ்ஸ
தும்ஹே, ஆவுஸோ, ரோத³தா²’’தி? ‘‘இமே, ஆவுஸோ, ச²ப்³ப³க்³கி³யா பி⁴க்கூ²
குபிதா அனத்தமனா அம்ஹாகங் தலஸத்திகங் உக்³கி³ரந்தீ’’தி. யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கூ² குபிதா அனத்தமனா ஸத்தரஸவக்³கி³யானங் பி⁴க்கூ²னங்
தலஸத்திகங் உக்³கி³ரிஸ்ஸந்தீ’’தி…பே॰… ஸச்சங் கிர தும்ஹே, பி⁴க்க²வே,
குபிதா அனத்தமனா ஸத்தரஸவக்³கி³யானங் பி⁴க்கூ²னங் தலஸத்திகங் உக்³கி³ரதா²தி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே,
மோக⁴புரிஸா, குபிதா அனத்தமனா ஸத்தரஸவக்³கி³யானங் பி⁴க்கூ²னங் தலஸத்திகங்
உக்³கி³ரிஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச
பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
455. ‘‘யோ பன பி⁴க்கு² பி⁴க்கு²ஸ்ஸ குபிதோ அனத்தமனோ தலஸத்திகங் உக்³கி³ரெய்ய, பாசித்திய’’ந்தி.
456. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
பி⁴க்கு²ஸ்ஸாதி அஞ்ஞஸ்ஸ பி⁴க்கு²ஸ்ஸ.
குபிதோ அனத்தமனோதி அனபி⁴ரத்³தோ⁴ ஆஹதசித்தோ கி²லஜாதோ.
தலஸத்திகங் உக்³கி³ரெய்யாதி காயங் வா காயபடிப³த்³த⁴ங் வா அந்தமஸோ உப்பலபத்தம்பி உச்சாரேதி, ஆபத்தி பாசித்தியஸ்ஸ.
457.
உபஸம்பன்னே உபஸம்பன்னஸஞ்ஞீ குபிதோ அனத்தமனோ தலஸத்திகங் உக்³கி³ரதி, ஆபத்தி
பாசித்தியஸ்ஸ. உபஸம்பன்னே வேமதிகோ குபிதோ அனத்தமனோ தலஸத்திகங் உக்³கி³ரதி,
ஆபத்தி பாசித்தியஸ்ஸ. உபஸம்பன்னே அனுபஸம்பன்னஸஞ்ஞீ குபிதோ அனத்தமனோ
தலஸத்திகங் உக்³கி³ரதி, ஆபத்தி பாசித்தியஸ்ஸ.
அனுபஸம்பன்னஸ்ஸ குபிதோ அனத்தமனோ தலஸத்திகங்
உக்³கி³ரதி, ஆபத்தி து³க்கடஸ்ஸ. அனுபஸம்பன்னே உபஸம்பன்னஸஞ்ஞீ, ஆபத்தி
து³க்கடஸ்ஸ. அனுபஸம்பன்னே வேமதிகோ, ஆபத்தி து³க்கடஸ்ஸ. அனுபஸம்பன்னே
அனுபஸம்பன்னஸஞ்ஞீ, ஆபத்தி து³க்கடஸ்ஸ.
458. அனாபத்தி கேனசி விஹேடீ²யமானோ மொக்கா²தி⁴ப்பாயோ தலஸத்திகங் உக்³கி³ரதி, உம்மத்தகஸ்ஸ, ஆதி³கம்மிகஸ்ஸாதி.
தலஸத்திகஸிக்கா²பத³ங் நிட்டி²தங் பஞ்சமங்.
6. அமூலகஸிக்கா²பத³ங்
459. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² பி⁴க்கு²ங் அமூலகேன
ஸங்கா⁴தி³ஸேஸேன அனுத்³த⁴ங்ஸெந்தி. யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா
பி⁴க்கூ² பி⁴க்கு²ங் அமூலகேன ஸங்கா⁴தி³ஸேஸேன அனுத்³த⁴ங்ஸெஸ்ஸந்தீ’’தி…பே॰…
ஸச்சங் கிர தும்ஹே, பி⁴க்க²வே, பி⁴க்கு²ங் அமூலகேன ஸங்கா⁴தி³ஸேஸேன
அனுத்³த⁴ங்ஸேதா²தி ? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, பி⁴க்கு²ங்
அமூலகேன ஸங்கா⁴தி³ஸேஸேன அனுத்³த⁴ங்ஸெஸ்ஸத²! நேதங், மோக⁴புரிஸா,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –
460. ‘‘யோ பன பி⁴க்கு² பி⁴க்கு²ங் அமூலகேன ஸங்கா⁴தி³ஸேஸேன அனுத்³த⁴ங்ஸெய்ய, பாசித்திய’’ந்தி.
461. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
பி⁴க்கு²ந்தி அஞ்ஞங் பி⁴க்கு²ங்.
அமூலகங் நாம அதி³ட்ட²ங் அஸ்ஸுதங் அபரிஸங்கிதங்.
ஸங்கா⁴தி³ஸேஸேனாதி தேரஸன்னங் அஞ்ஞதரேன.
அனுத்³த⁴ங்ஸெய்யாதி சோதே³தி வா சோதா³பேதி வா, ஆபத்தி பாசித்தியஸ்ஸ.
462. உபஸம்பன்னே உபஸம்பன்னஸஞ்ஞீ அமூலகேன ஸங்கா⁴தி³ஸேஸேன அனுத்³த⁴ங்ஸேதி ,
ஆபத்தி பாசித்தியஸ்ஸ. உபஸம்பன்னே வேமதிகோ அமூலகேன ஸங்கா⁴தி³ஸேஸேன
அனுத்³த⁴ங்ஸேதி, ஆபத்தி பாசித்தியஸ்ஸ. உபஸம்பன்னே அனுபஸம்பன்னஸஞ்ஞீ அமூலகேன
ஸங்கா⁴தி³ஸேஸேன அனுத்³த⁴ங்ஸேதி, ஆபத்தி பாசித்தியஸ்ஸ.
ஆசாரவிபத்தியா வா தி³ட்டி²விபத்தியா வா
அனுத்³த⁴ங்ஸேதி, ஆபத்தி து³க்கடஸ்ஸ. அனுபஸம்பன்னங் அனுத்³த⁴ங்ஸேதி, ஆபத்தி
து³க்கடஸ்ஸ. அனுபஸம்பன்னே உபஸம்பன்னஸஞ்ஞீ, ஆபத்தி து³க்கடஸ்ஸ. அனுபஸம்பன்னே
வேமதிகோ, ஆபத்தி து³க்கடஸ்ஸ. அனுபஸம்பன்னே அனுபஸம்பன்னஸஞ்ஞீ, ஆபத்தி
து³க்கடஸ்ஸ.
463. அனாபத்தி ததா²ஸஞ்ஞீ சோதே³தி, வா சோதா³பேதி வா, உம்மத்தகஸ்ஸ, ஆதி³கம்மிகஸ்ஸாதி.
அமூலகஸிக்கா²பத³ங் நிட்டி²தங் ச²ட்ட²ங்.
7. ஸஞ்சிச்சஸிக்கா²பத³ங்
464. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² ஸத்தரஸவக்³கி³யானங்
பி⁴க்கூ²னங் ஸஞ்சிச்ச குக்குச்சங் உபத³ஹந்தி – ‘‘ப⁴க³வதா, ஆவுஸோ,
ஸிக்கா²பத³ங் பஞ்ஞத்தங் – ‘ந ஊனவீஸதிவஸ்ஸோ புக்³க³லோ உபஸம்பாதே³தப்³போ³’தி.
தும்ஹே ச ஊனவீஸதிவஸ்ஸா உபஸம்பன்னா. கச்சி நோ தும்ஹே அனுபஸம்பன்னா’’தி? தே
ரோத³ந்தி. பி⁴க்கூ² ஏவமாஹங்ஸு – ‘‘கிஸ்ஸ தும்ஹே, ஆவுஸோ, ரோத³தா²’’தி? ‘‘இமே
, ஆவுஸோ, ச²ப்³ப³க்³கி³யா பி⁴க்கூ² அம்ஹாகங் ஸஞ்சிச்ச குக்குச்சங் உபத³ஹந்தீ’’தி .
யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ச²ப்³ப³க்³கி³யா பி⁴க்கூ² பி⁴க்கூ²னங் ஸஞ்சிச்ச குக்குச்சங்
உபத³ஹிஸ்ஸந்தீ’’தி…பே॰… ஸச்சங் கிர தும்ஹே, பி⁴க்க²வே, பி⁴க்கூ²னங்
ஸஞ்சிச்ச குக்குச்சங் உபத³ஹதா²தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, பி⁴க்கூ²னங் ஸஞ்சிச்ச
குக்குச்சங் உபத³ஹிஸ்ஸத²! நேதங், மோக⁴புரிஸா அப்பஸன்னானங் வா பஸாதா³ய…பே॰…
ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
465. ‘‘யோ பன பி⁴க்கு² பி⁴க்கு²ஸ்ஸ ஸஞ்சிச்ச குக்குச்சங் உபத³ஹெய்ய [உப்பாதெ³ய்ய (இதிபி)] – ‘இதிஸ்ஸ முஹுத்தம்பி அபா²ஸு ப⁴விஸ்ஸதீ’தி ஏததே³வ பச்சயங் கரித்வா அனஞ்ஞங், பாசித்திய’’ந்தி.
466. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
பி⁴க்கு²ஸ்ஸாதி அஞ்ஞஸ்ஸ பி⁴க்கு²ஸ்ஸ.
ஸஞ்சிச்சாதி ஜானந்தோ ஸஞ்ஜானந்தோ சேச்ச அபி⁴விதரித்வா வீதிக்கமோ.
குக்குச்சங் உபத³ஹெய்யாதி
‘‘ஊனவீஸதிவஸ்ஸோ மஞ்ஞே த்வங் உபஸம்பன்னோ, விகாலே மஞ்ஞே தயா பு⁴த்தங், மஜ்ஜங்
மஞ்ஞே தயா பீதங், மாதுகா³மேன ஸத்³தி⁴ங் ரஹோ மஞ்ஞே தயா நிஸின்ன’’ந்தி
குக்குச்சங் உபத³ஹதி, ஆபத்தி பாசித்தியஸ்ஸ.
ஏததே³வ பச்சயங் கரித்வா, அனஞ்ஞந்தி ந அஞ்ஞோ கோசி பச்சயோ ஹோதி குக்குச்சங் உபத³ஹிதுங்.
467.
உபஸம்பன்னே உபஸம்பன்னஸஞ்ஞீ ஸஞ்சிச்ச குக்குச்சங் உபத³ஹதி, ஆபத்தி
பாசித்தியஸ்ஸ. உபஸம்பன்னே வேமதிகோ ஸஞ்சிச்ச குக்குச்சங் உபத³ஹதி, ஆபத்தி
பாசித்தியஸ்ஸ. உபஸம்பன்னே அனுபஸம்பன்னஸஞ்ஞீ ஸஞ்சிச்ச குக்குச்சங் உபத³ஹதி,
ஆபத்தி பாசித்தியஸ்ஸ.
அனுபஸம்பன்னஸ்ஸ ஸஞ்சிச்ச குக்குச்சங் உபத³ஹதி, ஆபத்தி
து³க்கடஸ்ஸ. அனுபஸம்பன்னே உபஸம்பன்னஸஞ்ஞீ, ஆபத்தி து³க்கடஸ்ஸ. அனுபஸம்பன்னே
வேமதிகோ, ஆபத்தி து³க்கடஸ்ஸ. அனுபஸம்பன்னே அனுபஸம்பன்னஸஞ்ஞீ, ஆபத்தி
து³க்கடஸ்ஸ.
468. அனாபத்தி
ந குக்குச்சங் உபத³ஹிதுகாமோ ‘‘ஊனவீஸதிவஸ்ஸோ மஞ்ஞே த்வங் உபஸம்பன்னோ,
விகாலே மஞ்ஞே தயா பு⁴த்தங், மஜ்ஜங் மஞ்ஞே தயா பீதங், மாதுகா³மேன ஸத்³தி⁴ங்
ரஹோ மஞ்ஞே தயா நிஸின்னங், இங்க⁴ ஜானாஹி, மா தே பச்சா² குக்குச்சங்
அஹோஸீ’’தி ப⁴ணதி, உம்மத்தகஸ்ஸ, ஆதி³கம்மிகஸ்ஸாதி.
ஸஞ்சிச்சஸிக்கா²பத³ங் நிட்டி²தங் ஸத்தமங்.
8. உபஸ்ஸுதிஸிக்கா²பத³ங்
469. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² பேஸலேஹி பி⁴க்கூ²ஹி
ஸத்³தி⁴ங் ப⁴ண்ட³ந்தி. பேஸலா பி⁴க்கூ² ஏவங் வத³ந்தி – ‘‘அலஜ்ஜினோ இமே,
ஆவுஸோ, ச²ப்³ப³க்³கி³யா பி⁴க்கூ². ந ஸக்கா இமேஹி ஸஹ ப⁴ண்டி³து’’ந்தி.
ச²ப்³ப³க்³கி³யா பி⁴க்கூ² ஏவங் வத³ந்தி – ‘‘கிஸ்ஸ தும்ஹே, ஆவுஸோ, அம்ஹே
அலஜ்ஜிவாதே³ன பாபேதா²’’தி? ‘‘கஹங் பன தும்ஹே, ஆவுஸோ, அஸ்ஸுத்தா²’’தி?
‘‘மயங் ஆயஸ்மந்தானங் உபஸ்ஸுதிங் [உபஸ்ஸுதி (?)]
திட்ட²ம்ஹா’’தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² பி⁴க்கூ²னங்
ப⁴ண்ட³னஜாதானங் கலஹஜாதானங் விவாதா³பன்னானங் உபஸ்ஸுதிங் [உபஸ்ஸுதி (?)] திட்டி²ஸ்ஸந்தீ’’தி…பே॰… ஸச்சங் கிர தும்ஹே, பி⁴க்க²வே, பி⁴க்கூ²னங் ப⁴ண்ட³னஜாதானங் கலஹஜாதானங் விவாதா³பன்னானங் உபஸ்ஸுதிங் [உபஸ்ஸுதி (?)] திட்ட²தா²தி? ‘‘ஸச்ச, ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, பி⁴க்கூ²னங் ப⁴ண்ட³னஜாதானங் கலஹஜாதானங் விவாதா³பன்னானங் உபஸ்ஸுதிங் [உபஸ்ஸுதி (?)] திட்டி²ஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
470. ‘‘யோ
பன பி⁴க்கு² பி⁴க்கூ²னங் ப⁴ண்ட³னஜாதானங் கலஹஜாதானங் விவாதா³பன்னானங்
உபஸ்ஸுதிங் திட்டெ²ய்ய – ‘யங் இமே ப⁴ணிஸ்ஸந்தி தங் ஸொஸ்ஸாமீ’தி ஏததே³வ
பச்சயங் கரித்வா அனஞ்ஞங், பாசித்திய’’ந்தி.
471. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
பி⁴க்கூ²னந்தி அஞ்ஞேஸங் பி⁴க்கூ²னங்.
ப⁴ண்ட³னஜாதானங் கலஹஜாதானங் விவாதா³பன்னானந்தி அதி⁴கரணஜாதானங்.
உபஸ்ஸுதிங் திட்டெ²ய்யாதி
‘‘இமேஸங் ஸுத்வா சோதெ³ஸ்ஸாமி ஸாரெஸ்ஸாமி படிசோதெ³ஸ்ஸாமி படிஸாரெஸ்ஸாமி
மங்கூ கரிஸ்ஸாமீ’’தி க³ச்ச²தி, ஆபத்தி து³க்கடஸ்ஸ. யத்த² டி²தோ ஸுணாதி,
ஆபத்தி பாசித்தியஸ்ஸ. பச்ச²தோ க³ச்ச²ந்தோ துரிதோ க³ச்ச²தி ஸொஸ்ஸாமீதி,
ஆபத்தி து³க்கடஸ்ஸ. யத்த² டி²தோ ஸுணாதி, ஆபத்தி பாசித்தியஸ்ஸ. புரதோ
க³ச்ச²ந்தோ ஓஹிய்யதி ஸொஸ்ஸாமீதி, ஆபத்தி து³க்கடஸ்ஸ. யத்த² டி²தோ ஸுணாதி,
ஆபத்தி பாசித்தியஸ்ஸ. பி⁴க்கு²ஸ்ஸ டி²தோகாஸங் வா நிஸின்னோகாஸங் வா
நிபன்னோகாஸங் வா ஆக³ந்த்வா மந்தெந்தங் உக்காஸிதப்³ப³ங் , விஜானாபேதப்³ப³ங், நோ சே உக்காஸெய்ய வா விஜானாபெய்ய வா, ஆபத்தி பாசித்தியஸ்ஸ.
ஏததே³வ பச்சயங் கரித்வா அனஞ்ஞந்தி ந அஞ்ஞோ கோசி பச்சயோ ஹோதி உபஸ்ஸுதிங் திட்டி²துங்.
472.
உபஸம்பன்னே உபஸம்பன்னஸஞ்ஞீ உபஸ்ஸுதிங் திட்ட²தி, ஆபத்தி பாசித்தியஸ்ஸ.
உபஸம்பன்னே வேமதிகோ உபஸ்ஸுதிங் திட்ட²தி, ஆபத்தி பாசித்தியஸ்ஸ. உபஸம்பன்னே
அனுபஸம்பன்னஸஞ்ஞீ உபஸ்ஸுதிங் திட்ட²தி, ஆபத்தி பாசித்தியஸ்ஸ.
அனுபஸம்பன்னஸ்ஸ உபஸ்ஸுதிங் திட்ட²தி, ஆபத்தி
து³க்கடஸ்ஸ. அனுபஸம்பன்னே உபஸம்பன்னஸஞ்ஞீ, ஆபத்தி து³க்கடஸ்ஸ. அனுபஸம்பன்னே
வேமதிகோ, ஆபத்தி து³க்கடஸ்ஸ. அனுபஸம்பன்னே அனுபஸம்பன்னஸஞ்ஞீ, ஆபத்தி து³க்கடஸ்ஸ.
473. அனாபத்தி – ‘‘இமேஸங் ஸுத்வா ஓரமிஸ்ஸாமி விரமிஸ்ஸாமி வூபஸமிஸ்ஸாமி [வூபஸமெஸ்ஸாமி (ஸீ॰)] அத்தானங் பரிமோசெஸ்ஸாமீ’’தி க³ச்ச²தி, உம்மத்தகஸ்ஸ, ஆதி³கம்மிகஸ்ஸாதி.
உபஸ்ஸுதிஸிக்கா²பத³ங் நிட்டி²தங் அட்ட²மங்.
9. கம்மபடிபா³ஹனஸிக்கா²பத³ங்
474. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² அனாசாரங் ஆசரித்வா
ஏகமேகஸ்ஸ கம்மே கயிரமானே படிக்கோஸந்தி. தேன கோ² பன ஸமயேன ஸங்கோ⁴ ஸன்னிபதிதோ
ஹோதி கேனசிதே³வ கரணீயேன. ச²ப்³ப³க்³கி³யா பி⁴க்கூ² சீவரகம்மங் கரொந்தா
ஏகஸ்ஸ ச²ந்த³ங் அத³ங்ஸு. அத² கோ² ஸங்கோ⁴ – ‘‘அயங், ஆவுஸோ, ச²ப்³ப³க்³கி³யோ
பி⁴க்கு² ஏககோ ஆக³தோ, ஹந்த³ஸ்ஸ மயங் கம்மங் கரோமா’’தி தஸ்ஸ கம்மங் அகாஸி.
அத² கோ² ஸோ பி⁴க்கு² யேன ச²ப்³ப³க்³கி³யா பி⁴க்கூ² தேனுபஸங்கமி.
ச²ப்³ப³க்³கி³யா பி⁴க்கூ² தங் பி⁴க்கு²ங் ஏதத³வோசுங் – ‘‘கிங், ஆவுஸோ,
ஸங்கோ⁴ அகாஸீ’’தி? ‘‘ஸங்கோ⁴ மே, ஆவுஸோ, கம்மங் அகாஸீ’’தி. ‘‘ந மயங், ஆவுஸோ,
ஏதத³த்தா²ய ச²ந்த³ங் அத³ம்ஹா – ‘‘துய்ஹங் கம்மங் கரிஸ்ஸதீ’’தி. ஸசே ச மயங்
ஜானெய்யாம ‘‘துய்ஹங் கம்மங் கரிஸ்ஸதீ’’தி, ந மயங் ச²ந்த³ங்
த³தெ³ய்யாமா’’தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ²
த⁴ம்மிகானங் கம்மானங் ச²ந்த³ங் த³த்வா பச்சா² கீ²யனத⁴ம்மங் [கி²ய்யத⁴ம்மங் (இதிபி)] ஆபஜ்ஜிஸ்ஸந்தீ’’தி…பே॰… ஸச்சங் கிர தும்ஹே, பி⁴க்க²வே, த⁴ம்மிகானங் கம்மானங் ச²ந்த³ங் த³த்வா பச்சா² கீ²யனத⁴ம்மங் [கி²ய்யத⁴ம்மங் (இதிபி)]
ஆபஜ்ஜதா²தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி
நாம தும்ஹே, மோக⁴புரிஸா, த⁴ம்மிகானங் கம்மானங் ச²ந்த³ங் த³த்வா பச்சா²
கீ²யனத⁴ம்மங் [கி²ய்யத⁴ம்மங் (இதிபி)] ஆபஜ்ஜிஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
475. ‘‘யோ பன பி⁴க்கு² த⁴ம்மிகானங் கம்மானங் ச²ந்த³ங் த³த்வா பச்சா² கீ²யனத⁴ம்மங் ஆபஜ்ஜெய்ய, பாசித்திய’’ந்தி.
476. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
த⁴ம்மிகங் நாம கம்மங்
அபலோகனகம்மங் ஞத்திகம்மங் ஞத்திது³தியகம்மங் ஞத்திசதுத்த²கம்மங் த⁴ம்மேன
வினயேன ஸத்து²ஸாஸனேன கதங், ஏதங் த⁴ம்மிகங் நாம கம்மங். ச²ந்த³ங் த³த்வா
கி²ய்யதி ஆபத்தி பாசித்தியஸ்ஸ.
477. த⁴ம்மகம்மே
த⁴ம்மகம்மஸஞ்ஞீ ச²ந்த³ங் த³த்வா கி²ய்யதி, ஆபத்தி பாசித்தியஸ்ஸ.
த⁴ம்மகம்மே வேமதிகோ ச²ந்த³ங் த³த்வா கி²ய்யதி, ஆபத்தி து³க்கடஸ்ஸ.
த⁴ம்மகம்மே அத⁴ம்மகம்மஸஞ்ஞீ ச²ந்த³ங் த³த்வா கி²ய்யதி, அனாபத்தி.
அத⁴ம்மகம்மே த⁴ம்மகம்மஸஞ்ஞீ, ஆபத்தி து³க்கடஸ்ஸ. அத⁴ம்மகம்மே வேமதிகோ,
ஆபத்தி து³க்கடஸ்ஸ. அத⁴ம்மகம்மே அத⁴ம்மகம்மஸஞ்ஞீ, அனாபத்தி.
478. அனாபத்தி – ‘‘அத⁴ம்மேன வா வக்³கே³ன வா ந கம்மாரஹஸ்ஸ வா கம்மங் கத’’ந்தி ஜானந்தோ கி²ய்யதி, உம்மத்தகஸ்ஸ, ஆதி³கம்மிகஸ்ஸாதி.
கம்மபடிபா³ஹனஸிக்கா²பத³ங் நிட்டி²தங் நவமங்.
10. ச²ந்த³ங்அத³த்வாக³மனஸிக்கா²பத³ங்
479. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஸங்கோ⁴ ஸன்னிபதிதோ ஹோதி கேனசிதே³வ கரணீயேன.
ச²ப்³ப³க்³கி³யா பி⁴க்கூ² சீவரகம்மங் கரொந்தா ஏகஸ்ஸ ச²ந்த³ங் அத³ங்ஸு. அத²
கோ² ஸங்கோ⁴ ‘‘யஸ்ஸத்தா²ய ஸன்னிபதிதோ தங் கம்மங் கரிஸ்ஸாமீ’’தி ஞத்திங்
ட²பேஸி. அத² கோ² ஸோ பி⁴க்கு² – ‘‘ஏவமேவிமே ஏகமேகஸ்ஸ கம்மங் கரொந்தி, கஸ்ஸ
தும்ஹே கம்மங் கரிஸ்ஸதா²’’தி ச²ந்த³ங் அத³த்வா உட்டா²யாஸனா பக்காமி. யே தே
பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம பி⁴க்கு² ஸங்கே⁴ வினிச்ச²யகதா²ய வத்தமானாய
ச²ந்த³ங் அத³த்வா உட்டா²யாஸனா பக்கமிஸ்ஸதீ’’தி…பே॰… ஸச்சங் கிர த்வங்,
பி⁴க்கு², ஸங்கே⁴ வினிச்ச²யகதா²ய வத்தமானாய ச²ந்த³ங் அத³த்வா உட்டா²யாஸனா
பக்கமஸீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி
நாம த்வங், மோக⁴புரிஸ, ஸங்கே⁴ வினிச்ச²யகதா²ய வத்தமானாய ச²ந்த³ங் அத³த்வா
உட்டா²யாஸனா பக்கமிஸ்ஸஸி ! நேதங், மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
480. ‘‘யோ பன பி⁴க்கு² ஸங்கே⁴ வினிச்ச²யகதா²ய வத்தமானாய ச²ந்த³ங் அத³த்வா உட்டா²யாஸனா பக்கமெய்ய, பாசித்திய’’ந்தி.
481. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ஸங்கே⁴ வினிச்ச²யகதா² நாம வத்து² வா ஆரோசிதங் ஹோதி அவினிச்சி²தங், ஞத்தி வா ட²பிதா ஹோதி, கம்மவாசா வா விப்பகதா ஹோதி.
ச²ந்த³ங் அத³த்வா உட்டா²யாஸனா பக்கமெய்யாதி
– ‘‘கத²ங் இத³ங் கம்மங் குப்பங் அஸ்ஸ வக்³க³ங் அஸ்ஸ ந கரெய்யா’’தி
க³ச்ச²தி, ஆபத்தி து³க்கடஸ்ஸ. பரிஸாய ஹத்த²பாஸங் விஜஹந்தஸ்ஸ ஆபத்தி
து³க்கடஸ்ஸ. விஜஹிதே ஆபத்தி பாசித்தியஸ்ஸ.
482.
த⁴ம்மகம்மே த⁴ம்மகம்மஸஞ்ஞீ ச²ந்த³ங் அத³த்வா உட்டா²யாஸனா பக்கமதி, ஆபத்தி
பாசித்தியஸ்ஸ. த⁴ம்மகம்மே வேமதிகோ ச²ந்த³ங் அத³த்வா உட்டா²யாஸனா பக்கமதி,
ஆபத்தி து³க்கடஸ்ஸ. த⁴ம்மகம்மே அத⁴ம்மகம்மஸஞ்ஞீ ச²ந்த³ங் அத³த்வா
உட்டா²யாஸனா பக்கமதி, அனாபத்தி. அத⁴ம்மகம்மே த⁴ம்மகம்மஸஞ்ஞீ, ஆபத்தி
து³க்கடஸ்ஸ. அத⁴ம்மகம்மே வேமதிகோ, ஆபத்தி து³க்கடஸ்ஸ. அத⁴ம்மகம்மே
அத⁴ம்மகம்மஸஞ்ஞீ, அனாபத்தி.
483.
அனாபத்தி – ‘‘ஸங்க⁴ஸ்ஸ ப⁴ண்ட³னங் வா கலஹோ வா விக்³க³ஹோ வா விவாதோ³ வா
ப⁴விஸ்ஸதீ’’தி க³ச்ச²தி, ‘‘ஸங்க⁴பே⁴தோ³ வா ஸங்க⁴ராஜி வா ப⁴விஸ்ஸதீ’’தி
க³ச்ச²தி, ‘‘அத⁴ம்மேன வா வக்³கே³ன வா ந கம்மாரஹஸ்ஸ வா கம்மங் கரிஸ்ஸதீ’’தி
க³ச்ச²தி, கி³லானோ க³ச்ச²தி, கி³லானஸ்ஸ கரணீயேன க³ச்ச²தி, உச்சாரேன வா
பஸ்ஸாவேன வா பீளிதோ க³ச்ச²தி, ‘‘ந கம்மங் கோபேதுகாமோ புன பச்சாக³மிஸ்ஸாமீ’’தி க³ச்ச²தி, உம்மத்தகஸ்ஸ, ஆதி³கம்மிகஸ்ஸாதி.
ச²ந்த³ங் அத³த்வா க³மனஸிக்கா²பத³ங் நிட்டி²தங் த³ஸமங்.
11. து³ப்³ப³லஸிக்கா²பத³ங்
484. தேன
ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன
ஸமயேன ஆயஸ்மா த³ப்³போ³ மல்லபுத்தோ ஸங்க⁴ஸ்ஸ ஸேனாஸனஞ்ச பஞ்ஞபேதி ப⁴த்தானி ச
உத்³தி³ஸதி. ஸோ சாயஸ்மா து³ப்³ப³லசீவரோ ஹோதி. தேன கோ² பன ஸமயேன ஸங்க⁴ஸ்ஸ
ஏகங் சீவரங் உப்பன்னங் ஹோதி. அத² கோ² ஸங்கோ⁴ தங் சீவரங் ஆயஸ்மதோ த³ப்³ப³ஸ்ஸ
மல்லபுத்தஸ்ஸ அதா³ஸி . ச²ப்³ப³க்³கி³யா பி⁴க்கூ²
உஜ்ஜா²யந்தி கி²ய்யந்தி விபாசெந்தி – ‘‘யதா²ஸந்து²தங் பி⁴க்கூ² ஸங்கி⁴கங்
லாப⁴ங் பரிணாமெந்தீ’’தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² ஸமக்³கே³ன
ஸங்கே⁴ன சீவரங் த³த்வா பச்சா² கீ²யனத⁴ம்மங் ஆபஜ்ஜிஸ்ஸந்தீ’’தி…பே॰… ஸச்சங்
கிர தும்ஹே, பி⁴க்க²வே, ஸமக்³கே³ன ஸங்கே⁴ன சீவரங் த³த்வா பச்சா²
கீ²யனத⁴ம்மங் ஆபஜ்ஜதா²தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, ஸமக்³கே³ன ஸங்கே⁴ன சீவரங்
த³த்வா பச்சா² கீ²யனத⁴ம்மங் ஆபஜ்ஜிஸ்ஸத²! நேதங், மோக⁴புரிஸா, அப்பஸன்னானங்,
வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
485. ‘‘யோ
பன பி⁴க்கு² ஸமக்³கே³ன ஸங்கே⁴ன சீவரங் த³த்வா பச்சா² கீ²யனத⁴ம்மங்
ஆபஜ்ஜெய்ய ‘யதா²ஸந்து²தங் பி⁴க்கூ² ஸங்கி⁴கங் லாப⁴ங் பரிணாமெந்தீ’தி,
பாசித்திய’’ந்தி.
486. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ஸமக்³கோ³ நாம ஸங்கோ⁴ ஸமானஸங்வாஸகோ ஸமானஸீமாயங் டி²தோ.
சீவரங் நாம ச²ன்னங் சீவரானங் அஞ்ஞதரங் சீவரங் விகப்பனுபக³ங் பச்சி²மங்.
த³த்வாதி ஸயங் த³த்வா.
யதா²ஸந்து²தங் நாம யதா²மித்ததா யதா²ஸந்தி³ட்ட²தா யதா²ஸம்ப⁴த்ததா யதா²ஸமானுபஜ்ஜா²யகதா யதா²ஸமானாசரியகதா.
ஸங்கி⁴கங் நாம ஸங்க⁴ஸ்ஸ தி³ன்னங் ஹோதி பரிச்சத்தங்.
லாபோ⁴ நாம சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா, அந்தமஸோ சுண்ணபிண்டோ³பி, த³ந்தகட்ட²ம்பி, த³ஸிகஸுத்தம்பி.
பச்சா² கீ²யனத⁴ம்மங் ஆபஜ்ஜெய்யாதி
உபஸம்பன்னஸ்ஸ ஸங்கே⁴ன ஸம்மதஸ்ஸ ஸேனாஸனபஞ்ஞாபகஸ்ஸ வா ப⁴த்துத்³தே³ஸகஸ்ஸ வா
யாகு³பா⁴ஜகஸ்ஸ வா ப²லபா⁴ஜகஸ்ஸ வா க²ஜ்ஜபா⁴ஜகஸ்ஸ வா அப்பமத்தகவிஸ்ஸஜ்ஜகஸ்ஸ
வா சீவரங் தி³ன்னே கி²ய்யதி, ஆபத்தி பாசித்தியஸ்ஸ.
487.
த⁴ம்மகம்மே த⁴ம்மகம்மஸஞ்ஞீ சீவரங் தி³ன்னே கி²ய்யதி, ஆபத்தி பாசித்தியஸ்ஸ.
த⁴ம்மகம்மே வேமதிகோ சீவரங் தி³ன்னே கி²ய்யதி, ஆபத்தி பாசித்தியஸ்ஸ.
த⁴ம்மகம்மே அத⁴ம்மகம்மஸஞ்ஞீ சீவரங் தி³ன்னே கி²ய்யதி, ஆபத்தி பாசித்தியஸ்ஸ.
அஞ்ஞங் பரிக்கா²ரங் தி³ன்னே
கி²ய்யதி, ஆபத்தி து³க்கடஸ்ஸ. உபஸம்பன்னஸ்ஸ ஸங்கே⁴ன அஸம்மதஸ்ஸ
ஸேனாஸனபஞ்ஞாபகஸ்ஸ வா ப⁴த்துத்³தே³ஸகஸ்ஸ வா யாகு³பா⁴ஜகஸ்ஸ வா ப²லபா⁴ஜகஸ்ஸ வா
க²ஜ்ஜபா⁴ஜகஸ்ஸ வா அப்பமத்தகவிஸ்ஸஜ்ஜகஸ்ஸ வா சீவரங் வா அஞ்ஞங் வா
பரிக்கா²ரங் தி³ன்னே கி²ய்யதி, ஆபத்தி து³க்கடஸ்ஸ. அனுபஸம்பன்னஸ்ஸ ஸங்கே⁴ன
ஸம்மதஸ்ஸ வா அஸம்மதஸ்ஸ வா ஸேனாஸனபஞ்ஞாபகஸ்ஸ வா ப⁴த்துத்³தே³ஸகஸ்ஸ வா
யாகு³பா⁴ஜகஸ்ஸ வா ப²லபா⁴ஜகஸ்ஸ வா க²ஜ்ஜபா⁴ஜகஸ்ஸ வா அப்பமத்தகவிஸ்ஸஜ்ஜகஸ்ஸ
வா சீவரங் வா அஞ்ஞங் வா பரிக்கா²ரங் தி³ன்னே கி²ய்யதி, ஆபத்தி து³க்கடஸ்ஸ.
அத⁴ம்மகம்மே த⁴ம்மகம்மஸஞ்ஞீ, ஆபத்தி து³க்கடஸ்ஸ. அத⁴ம்மகம்மே வேமதிகோ,
ஆபத்தி து³க்கடஸ்ஸ. அத⁴ம்மகம்மே அத⁴ம்மகம்மஸஞ்ஞீ, அனாபத்தி.
488.
அனாபத்தி – பகதியா ச²ந்தா³ தோ³ஸா மோஹா ப⁴யா கரொந்தங் ‘‘க்வத்தோ² தஸ்ஸ
தி³ன்னேன லத்³தா⁴பி வினிபாதெஸ்ஸதி ந ஸம்மா உபனெஸ்ஸதீ’’தி கி²ய்யதி,
உம்மத்தகஸ்ஸ, ஆதி³கம்மிகஸ்ஸாதி.
து³ப்³ப³லஸிக்கா²பத³ங் நிட்டி²தங் ஏகாத³ஸமங்.
12. பரிணாமனஸிக்கா²பத³ங்
489. [இத³ங் வத்து² பாரா॰ 657] தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஸாவத்தி²யங் அஞ்ஞதரஸ்ஸ பூக³ஸ்ஸ ஸங்க⁴ஸ்ஸ
ஸசீவரப⁴த்தங் படியத்தங் ஹோதி – ‘‘போ⁴ஜெத்வா சீவரேன அச்சா²தெ³ஸ்ஸாமா’’தி.
அத² கோ² ச²ப்³ப³க்³கி³யா பி⁴க்கூ² யேன ஸோ பூகோ³ தேனுபஸங்கமிங்ஸு;
உபஸங்கமித்வா தங் பூக³ங் ஏதத³வோசுங் – ‘‘தே³தா²வுஸோ, இமானி சீவரானி இமேஸங்
பி⁴க்கூ²ன’’ந்தி. ‘‘ந மயங், ப⁴ந்தே, த³ஸ்ஸாம. அம்ஹாகங் ஸங்க⁴ஸ்ஸ அனுவஸ்ஸங்
ஸசீவரபி⁴க்கா² பஞ்ஞத்தா’’தி. ‘‘ப³ஹூ, ஆவுஸோ, ஸங்க⁴ஸ்ஸ தா³யகா, ப³ஹூ
ஸங்க⁴ஸ்ஸ ப⁴த்தா [ப⁴த்³தா³ (க॰)]. இமே தும்ஹே நிஸ்ஸாய தும்ஹே ஸம்பஸ்ஸந்தா இத⁴ விஹரந்தி. தும்ஹே சே இமேஸங் ந த³ஸ்ஸத², அத² கோ
சரஹி இமேஸங் த³ஸ்ஸதி? தே³தா²வுஸோ, இமானி சீவரானி இமேஸங் பி⁴க்கூ²ன’’ந்தி.
அத² கோ² ஸோ பூகோ³ ச²ப்³ப³க்³கி³யேஹி பி⁴க்கூ²ஹி நிப்பீளியமானோ
யதா²படியத்தங் சீவரங் ச²ப்³ப³க்³கி³யானங் பி⁴க்கூ²னங் த³த்வா ஸங்க⁴ங்
ப⁴த்தேன பரிவிஸி. யே தே பி⁴க்கூ² ஜானந்தி ஸங்க⁴ஸ்ஸ
ஸசீவரப⁴த்தங் படியத்தங் ‘‘ந ச ஜானந்தி ச²ப்³ப³க்³கி³யானங் பி⁴க்கூ²னங்
தி³ன்ன’’ந்தி தே ஏவமாஹங்ஸு – ‘‘ஓணோஜேதா²வுஸோ, ஸங்க⁴ஸ்ஸ சீவர’’ந்தி.
‘‘நத்தி², ப⁴ந்தே. யதா²படியத்தங் சீவரங் அய்யா ச²ப்³ப³க்³கி³யா அய்யானங்
ச²ப்³ப³க்³கி³யானங் பரிணாமேஸு’’ந்தி. யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா
பி⁴க்கூ² ஜானங் ஸங்கி⁴கங் லாப⁴ங் பரிணதங் புக்³க³லஸ்ஸ
பரிணாமெஸ்ஸந்தீ’’தி…பே॰… ஸச்சங் கிர தும்ஹே,
பி⁴க்க²வே, ஜானங் ஸங்கி⁴கங் லாப⁴ங் பரிணதங் புக்³க³லஸ்ஸ பரிணாமேதா²தி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே,
மோக⁴புரிஸா, ஜானங் ஸங்கி⁴கங் லாப⁴ங் பரிணதங் புக்³க³லஸ்ஸ பரிணாமெஸ்ஸத²!
நேதங், மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே,
இமங் ஸிக்கா²பத³ங் உத்³தி³ஸெய்யாத² –
490. ‘‘யோ பன பி⁴க்கு² ஜானங் ஸங்கி⁴கங் லாப⁴ங் பரிணதங் புக்³க³லஸ்ஸ பரிணாமெய்ய, பாசித்திய’’ந்தி.
491. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ஜானாதி நாம ஸாமங் வா ஜானாதி, அஞ்ஞே வா தஸ்ஸ ஆரோசெந்தி, ஸோ வா ஆரோசேதி.
ஸங்கி⁴கங் நாம ஸங்க⁴ஸ்ஸ தி³ன்னங் ஹோதி பரிச்சத்தங்.
லாபோ⁴ நாம சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா, அந்தமஸோ சுண்ணபிண்டோ³பி, த³ந்தகட்ட²ம்பி, த³ஸிகஸுத்தம்பி.
பரிணதங் நாம ‘‘த³ஸ்ஸாம கரிஸ்ஸாமா’’தி வாசா பி⁴ன்னா ஹோதி, தங் புக்³க³லஸ்ஸ பரிணாமேதி, ஆபத்தி பாசித்தியஸ்ஸ.
492.
பரிணதே பரிணதஸஞ்ஞீ புக்³க³லஸ்ஸ பரிணாமேதி, ஆபத்தி பாசித்தியஸ்ஸ. பரிணதே
வேமதிகோ புக்³க³லஸ்ஸ பரிணாமேதி, ஆபத்தி து³க்கடஸ்ஸ. பரிணதே அபரிணதஸஞ்ஞீ
புக்³க³லஸ்ஸ பரிணாமேதி, அனாபத்தி. ஸங்க⁴ஸ்ஸ பரிணதங் அஞ்ஞஸங்க⁴ஸ்ஸ வா
சேதியஸ்ஸ வா பரிணாமேதி, ஆபத்தி து³க்கடஸ்ஸ. சேதியஸ்ஸ பரிணதங் அஞ்ஞசேதியஸ்ஸ
வா ஸங்க⁴ஸ்ஸ வா புக்³க³லஸ்ஸ வா பரிணாமேதி, ஆபத்தி து³க்கடஸ்ஸ. புக்³க³லஸ்ஸ
பரிணதங் அஞ்ஞபுக்³க³லஸ்ஸ வா ஸங்க⁴ஸ்ஸ வா சேதியஸ்ஸ வா பரிணாமேதி, ஆபத்தி
து³க்கடஸ்ஸ . அபரிணதே பரிணதஸஞ்ஞீ, ஆபத்தி து³க்கடஸ்ஸ. அபரிணதே வேமதிகோ , ஆபத்தி து³க்கடஸ்ஸ. அபரிணதே அபரிணதஸஞ்ஞீ, அனாபத்தி.
493.
அனாபத்தி – ‘‘கத்த² தே³மா’’தி புச்சீ²யமானோ – ‘‘யத்த² தும்ஹாகங்
தெ³ய்யத⁴ம்மோ பரிபோ⁴க³ங் வா லபெ⁴ய்ய படிஸங்கா²ரங் வா லபெ⁴ய்ய சிரட்டி²திகோ
வா அஸ்ஸ யத்த² வா பன தும்ஹாகங் சித்தங் பஸீத³தி தத்த² தே³தா²’’தி ப⁴ணதி,
உம்மத்தகஸ்ஸ, ஆதி³கம்மிகஸ்ஸாதி.
பரிணாமனஸிக்கா²பத³ங் நிட்டி²தங் த்³வாத³ஸமங்.
ஸஹத⁴ம்மிகவக்³கோ³ அட்ட²மோ.
தஸ்ஸுத்³தா³னங் –
ஸஹத⁴ம்ம-விவண்ணஞ்ச, மோஹாபனங் பஹாரகங்;
தலஸத்தி அமூலஞ்ச, ஸஞ்சிச்ச ச உபஸ்ஸுதி;
படிபா³ஹனச²ந்த³ஞ்ச, த³ப்³ப³ஞ்ச பரிணாமனந்தி.
9. ரதனவக்³கோ³
1. அந்தேபுரஸிக்கா²பத³ங்
494. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ராஜா பஸேனதி³ கோஸலோ உய்யானபாலங் ஆணாபேஸி –
‘‘க³ச்ச², ப⁴ணே, உய்யானங் ஸோதே⁴ஹி. உய்யானங் க³மிஸ்ஸாமா’’தி. ‘‘ஏவங்,
தே³வா’’தி கோ² ஸோ உய்யானபாலோ ரஞ்ஞோ பஸேனதி³ஸ்ஸ கோஸலஸ்ஸ படிஸ்ஸுத்வா
உய்யானங் ஸோதெ⁴ந்தோ அத்³த³ஸ ப⁴க³வந்தங் அஞ்ஞதரஸ்மிங் ருக்க²மூலே நிஸின்னங்.
தி³ஸ்வான யேன ராஜா பஸேனதி³ கோஸலோ தேனுபஸங்கமி; உபஸங்கமித்வா ராஜானங்
பஸேனதி³ங் கோஸலங் ஏதத³வோச – ‘‘ஸுத்³த⁴ங், தே³வ, உய்யானங். அபிச, ப⁴க³வா
தத்த² நிஸின்னோ’’தி. ‘‘ஹோது, ப⁴ணே! மயங் ப⁴க³வந்தங் பயிருபாஸிஸ்ஸாமா’’தி.
அத² கோ² ராஜா பஸேனதி³ கோஸலோ உய்யானங் க³ந்த்வா யேன ப⁴க³வா தேனுபஸங்கமி. தேன
கோ² பன ஸமயேன அஞ்ஞதரோ உபாஸகோ ப⁴க³வந்தங் பயிருபாஸந்தோ நிஸின்னோ ஹோதி.
அத்³த³ஸா கோ² ராஜா பஸேனதி³ கோஸலோ தங் உபாஸகங் ப⁴க³வந்தங் பயிருபாஸந்தங்
நிஸின்னங். தி³ஸ்வான பீ⁴தோ அட்டா²ஸி. அத² கோ² ரஞ்ஞோ பஸேனதி³ஸ்ஸ கோஸலஸ்ஸ
ஏதத³ஹோஸி – ‘‘நாரஹதாயங் புரிஸோ பாபோ ஹோதுங் , யதா²
ப⁴க³வந்தங் பயிருபாஸதீ’’தி. யேன ப⁴க³வா தேனுபஸங்கமி; உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் நிஸீதி³. அத² கோ² ஸோ உபாஸகோ ப⁴க³வதோ
கா³ரவேன ராஜானங் பஸேனதி³ங் கோஸலங் நேவ அபி⁴வாதே³ஸி ந பச்சுட்டா²ஸி. அத² கோ² ராஜா பஸேனதி³
கோஸலோ அனத்தமனோ அஹோஸி – ‘‘கத²ஞ்ஹி நாமாயங் புரிஸோ மயி ஆக³தே நேவ
அபி⁴வாதெ³ஸ்ஸதி ந பச்சுட்டெ²ஸ்ஸதீ’’தி! அத² கோ² ப⁴க³வா ராஜானங் பஸேனதி³ங்
கோஸலங் அனத்தமனங் விதி³த்வா ராஜானங் பஸேனதி³ங் கோஸலங் ஏதத³வோச – ‘‘ஏஸோ கோ²,
மஹாராஜ, உபாஸகோ ப³ஹுஸ்ஸுதோ ஆக³தாக³மோ காமேஸு வீதராகோ³’’தி. அத² கோ² ரஞ்ஞோ
பஸேனதி³ஸ்ஸ கோஸலஸ்ஸ ஏதத³ஹோஸி – ‘‘நாரஹதாயங் உபாஸகோ ஓரகோ ஹோதுங், ப⁴க³வாபி
இமஸ்ஸ வண்ணங் பா⁴ஸதீ’’தி. தங் உபாஸகங் ஏதத³வோச – ‘‘வதெ³ய்யாஸி, உபாஸக, யேன
அத்தோ²’’தி. ‘‘ஸுட்டு², தே³வா’’தி. அத² கோ² ப⁴க³வா ராஜானங் பஸேனதி³ங்
கோஸலங் த⁴ம்மியா கதா²ய ஸந்த³ஸ்ஸேஸி ஸமாத³பேஸி ஸமுத்தேஜேஸி ஸம்பஹங்ஸேஸி. அத²
கோ² ராஜா பஸேனதி³ கோஸலோ ப⁴க³வதா த⁴ம்மியா கதா²ய ஸந்த³ஸ்ஸிதோ ஸமாத³பிதோ
ஸமுத்தேஜிதோ ஸம்பஹங்ஸிதோ உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங்
கத்வா பக்காமி.
495. தேன கோ² பன ஸமயேன ராஜா பஸேனதி³ கோஸலோ உபரிபாஸாத³வரக³தோ ஹோதி. அத்³த³ஸா கோ² ராஜா பஸேனதி³ கோஸலோ தங் உபாஸகங் ரதி²காய [ரதி²யாய (இதிபி)]
ச²த்தபாணிங் க³ச்ச²ந்தங். தி³ஸ்வான பக்கோஸாபெத்வா ஏதத³வோச – ‘‘த்வங் கிர,
உபாஸக, ப³ஹுஸ்ஸுதோ ஆக³தாக³மோ. ஸாது⁴, உபாஸக, அம்ஹாகங் இத்தா²கா³ரங் த⁴ம்மங்
வாசேஹீ’’தி. ‘‘யமஹங் [யம்பாஹங் (ஸீ॰)], தே³வ,
ஜானாமி அய்யானங் வாஹஸா, அய்யாவ தே³வஸ்ஸ இத்தா²கா³ரங் த⁴ம்மங்
வாசெஸ்ஸந்தீ’’தி. அத² கோ² ராஜா பஸேனதி³ கோஸலோ – ‘‘ஸச்சங் கோ² உபாஸகோ
ஆஹா’’தி யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா
ஏகமந்தங் நிஸீதி³. ஏகமந்தங் நிஸின்னோ கோ² ராஜா பஸேனதி³ கோஸலோ ப⁴க³வந்தங்
ஏதத³வோச – ‘‘ஸாது⁴, ப⁴ந்தே, ப⁴க³வா ஏகங் பி⁴க்கு²ங் ஆணாபேது யோ அம்ஹாகங்
இத்தா²கா³ரங் த⁴ம்மங் வாசெஸ்ஸதீ’’தி. அத² கோ² ப⁴க³வா ராஜானங் பஸேனதி³ங்
கோஸலங் த⁴ம்மியா கதா²ய ஸந்த³ஸ்ஸேஸி…பே॰… பத³க்கி²ணங் கத்வா பக்காமி. அத²
கோ² ப⁴க³வா ஆயஸ்மந்தங் ஆனந்த³ங் ஆமந்தேஸி – ‘‘தேனஹானந்த³, ரஞ்ஞோ
இத்தா²கா³ரங் த⁴ம்மங் வாசேஹீ’’தி. ‘‘ஏவங், ப⁴ந்தே’’தி கோ² ஆயஸ்மா ஆனந்தோ³
ப⁴க³வதோ படிஸ்ஸுத்வா காலேன காலங் பவிஸித்வா ரஞ்ஞோ
இத்தா²கா³ரங் த⁴ம்மங் வாசேதி. அத² கோ² ஆயஸ்மா ஆனந்தோ³ புப்³ப³ண்ஹஸமயங்
நிவாஸெத்வா பத்தசீவரமாதா³ய யேன ரஞ்ஞோ பஸேனதி³ஸ்ஸ கோஸலஸ்ஸ நிவேஸனங்
தேனுபஸங்கமி.
496.
தேன கோ² பன ஸமயேன ராஜா பஸேனதி³ கோஸலோ மல்லிகாய தே³வியா ஸத்³தி⁴ங் ஸயனக³தோ
ஹோதி. அத்³த³ஸா கோ² மல்லிகா தே³வீ ஆயஸ்மந்தங் ஆனந்த³ங் தூ³ரதோவ
ஆக³ச்ச²ந்தங். தி³ஸ்வான ஸஹஸா வுட்டா²ஸி; பீதகமட்ட²ங்
து³ஸ்ஸங் பப⁴ஸ்ஸித்த². அத² கோ² ஆயஸ்மா ஆனந்தோ³ ததோவ படினிவத்தித்வா ஆராமங்
க³ந்த்வா பி⁴க்கூ²னங் ஏதமத்த²ங் ஆரோசேஸி. யே தே பி⁴க்கூ² அப்பிச்சா²…பே॰…
தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா ஆனந்தோ³
புப்³பே³ அப்படிஸங்விதி³தோ ரஞ்ஞோ அந்தேபுரங் பவிஸிஸ்ஸதீ’’தி…பே॰… ஸச்சங்
கிர த்வங், ஆனந்த³, புப்³பே³ அப்படிஸங்விதி³தோ ரஞ்ஞோ அந்தேபுரங் பவிஸஸீதி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம த்வங்,
ஆனந்த³, புப்³பே³ அப்படிஸங்விதி³தோ ரஞ்ஞோ அந்தேபுரங் பவிஸிஸ்ஸஸி! நேதங்,
ஆனந்த³, அப்பஸன்னானங் வா பஸாதா³ய…பே॰… விக³ரஹித்வா…பே॰… த⁴ம்மிங் கத²ங்
கத்வா பி⁴க்கூ² ஆமந்தேஸி –
497. [அ॰ நி॰ 10.45]
‘‘த³ஸயிமே, பி⁴க்க²வே, ஆதீ³னவா ராஜந்தேபுரப்பவேஸனே. கதமே த³ஸ? இத⁴,
பி⁴க்க²வே, ராஜா மஹேஸியா ஸத்³தி⁴ங் நிஸின்னோ ஹோதி, தத்த² பி⁴க்கு² பவிஸதி.
மஹேஸீ வா பி⁴க்கு²ங் தி³ஸ்வா ஸிதங் பாதுகரோதி. பி⁴க்கு² வா மஹேஸிங் தி³ஸ்வா
ஸிதங் பாதுகரோதி. தத்த² ரஞ்ஞோ ஏவங் ஹோதி – ‘‘அத்³தா⁴ இமேஸங் கதங் வா
கரிஸ்ஸந்தி வா’’தி. அயங், பி⁴க்க²வே, பட²மோ ஆதீ³னவோ ராஜந்தேபுரப்பவேஸனே.
‘‘புன சபரங், பி⁴க்க²வே, ராஜா
ப³ஹுகிச்சோ ப³ஹுகரணீயோ. அஞ்ஞதரங் இத்தி²ங் க³ந்த்வா நஸ்ஸரதி. ஸா தேன
க³ப்³ப⁴ங் க³ண்ஹி. தத்த² ரஞ்ஞோ ஏவங் ஹோதி – ‘‘ந கோ² இத⁴ அஞ்ஞோ கோசி பவிஸதி
அஞ்ஞத்ர பப்³ப³ஜிதேன. ஸியா நு கோ² பப்³ப³ஜிதஸ்ஸ கம்ம’’ந்தி. அயங்,
பி⁴க்க²வே, து³தியோ ஆதீ³னவோ ராஜந்தேபுரப்பவேஸனே.
‘‘புன சபரங், பி⁴க்க²வே, ரஞ்ஞோ அந்தேபுரே அஞ்ஞதரங்
ரதனங் நஸ்ஸதி. தத்த² ரஞ்ஞோ ஏவங் ஹோதி – ‘‘ந கோ² இத⁴ அஞ்ஞோ கோசி பவிஸதி
அஞ்ஞத்ர பப்³ப³ஜிதேன. ஸியா நு கோ² பப்³ப³ஜிதஸ்ஸ கம்ம’’ந்தி. அயங்,
பி⁴க்க²வே, ததியோ ஆதீ³னவோ ராஜந்தேபுரப்பவேஸனே.
‘‘புன
சபரங், பி⁴க்க²வே, ரஞ்ஞோ அந்தேபுரே அப்³ப⁴ந்தரா கு³ய்ஹமந்தா ப³ஹித்³தா⁴
ஸம்பே⁴த³ங் க³ச்ச²ந்தி. தத்த² ரஞ்ஞோ ஏவங் ஹோதி – ‘‘ந கோ² இத⁴ அஞ்ஞோ கோசி
பவிஸதி அஞ்ஞத்ர பப்³ப³ஜிதேன. ஸியா நு கோ² பப்³ப³ஜிதஸ்ஸ கம்ம’’ந்தி. அயங்,
பி⁴க்க²வே, சதுத்தோ² ஆதீ³னவோ ராஜந்தேபுரப்பவேஸனே.
‘‘புன சபரங், பி⁴க்க²வே, ரஞ்ஞோ அந்தேபுரே புத்தோ வா
பிதரங் பத்தே²தி பிதா வா புத்தங் பத்தே²தி. தேஸங் ஏவங் ஹோதி – ‘‘ந கோ² இத⁴
அஞ்ஞோ கோசி பவிஸதி அஞ்ஞத்ர பப்³ப³ஜிதேன. ஸியா நு கோ² பப்³ப³ஜிதஸ்ஸ
கம்ம’’ந்தி. அயங், பி⁴க்க²வே, பஞ்சமோ ஆதீ³னவோ ராஜந்தேபுரப்பவேஸனே.
‘‘புன சபரங், பி⁴க்க²வே, ராஜா நீசட்டா²னியங் உச்சே
டா²னே ட²பேதி. யேஸங் தங் அமனாபங் தேஸங் ஏவங் ஹோதி – ‘‘ராஜா கோ² பப்³ப³ஜிதேன
ஸங்ஸட்டோ². ஸியா நு கோ² பப்³ப³ஜிதஸ்ஸ கம்ம’’ந்தி. அயங், பி⁴க்க²வே,
ச²ட்டோ² ஆதீ³னவோ, ராஜந்தேபுரப்பவேஸனே.
‘‘புன சபரங், பி⁴க்க²வே, ராஜா உச்சட்டா²னியங் நீசே
டா²னே ட²பேதி. யேஸங் தங் அமனாபங் தேஸங் ஏவங் ஹோதி – ‘‘ராஜா கோ² பப்³ப³ஜிதேன
ஸங்ஸட்டோ². ஸியா நு கோ² பப்³ப³ஜிதஸ்ஸ கம்ம’’ந்தி. அயங் , பி⁴க்க²வே, ஸத்தமோ ஆதீ³னவோ ராஜந்தேபுரப்பவேஸனே.
‘‘புன சபரங், பி⁴க்க²வே, ராஜா அகாலே ஸேனங் உய்யோஜேதி.
யேஸங் தங் அமனாபங் தேஸங் ஏவங் ஹோதி – ‘‘ராஜா கோ² பப்³ப³ஜிதேன ஸங்ஸட்டோ².
ஸியா நு கோ² பப்³ப³ஜிதஸ்ஸ கம்ம’’ந்தி. அயங், பி⁴க்க²வே, அட்ட²மோ ஆதீ³னவோ
ராஜந்தேபுரப்பவேஸனே.
‘‘புன
சபரங், பி⁴க்க²வே, ராஜா காலே ஸேனங் உய்யோஜெத்வா அந்தராமக்³க³தோ
நிவத்தாபேதி. யேஸங் தங் அமனாபங் தேஸங் ஏவங் ஹோதி – ‘‘‘ராஜா கோ² பப்³ப³ஜிதேன
ஸங்ஸட்டோ². ஸியா நு கோ² பப்³ப³ஜிதஸ்ஸ கம்ம’’ந்தி. அயங், பி⁴க்க²வே, நவமோ
ஆதீ³னவோ ராஜந்தேபுரப்பவேஸனே.
‘‘புன சபரங், பி⁴க்க²வே, ரஞ்ஞோ ராஜந்தேபுரங் ஹத்தி²ஸம்மத்³த³ங் அஸ்ஸஸம்மத்³த³ங் ரத²ஸம்மத்³த³ங் ரஜ்ஜனீயானி [ரஜ்ஜனீயானி (க॰)]
ரூபஸத்³த³க³ந்த⁴ரஸபொ²ட்ட²ப்³பா³னி, யானி ந பப்³ப³ஜிதஸ்ஸ ஸாருப்பானி. அயங்,
பி⁴க்க²வே, த³ஸமோ ஆதீ³னவோ ராஜந்தேபுரப்பவேஸனே. இமே கோ², பி⁴க்க²வே, த³ஸ
ஆதீ³னவா ராஜந்தேபுரப்பவேஸனே’’தி. அத² கோ² ப⁴க³வா ஆயஸ்மந்தங் ஆனந்த³ங் அனேகபரியாயேன விக³ரஹித்வா து³ப்³ப⁴ரதாய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
498. ‘‘யோ பன பி⁴க்கு² ரஞ்ஞோ க²த்தியஸ்ஸ முத்³தா⁴வஸித்தஸ்ஸ [முத்³தா⁴பி⁴ஸித்தஸ்ஸ (ஸ்யா॰)] அனிக்க²ந்தராஜகே அனிக்³க³தரதனகே புப்³பே³ அப்படிஸங்விதி³தோ இந்த³கீ²லங் அதிக்காமெய்ய, பாசித்திய’’ந்தி.
499. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
க²த்தியோ நாம உப⁴தோ ஸுஜாதோ ஹோதி, மாதிதோ ச பிதிதோ ச ஸங்ஸுத்³த⁴க³ஹணிகோ, யாவ ஸத்தமா பிதாமஹயுகா³ அக்கி²த்தோ அனுபகுட்டோ² ஜாதிவாதே³ன.
முத்³தா⁴வஸித்தோ நாம க²த்தியாபி⁴ஸேகேன அபி⁴ஸித்தோ ஹோதி.
அனிக்க²ந்தராஜகேதி ராஜா ஸயனிக⁴ரா அனிக்க²ந்தோ ஹோதி.
அனிக்³க³தரதனகேதி மஹேஸீ ஸயனிக⁴ரா அனிக்க²ந்தா ஹோதி, உபோ⁴ வா அனிக்க²ந்தா ஹொந்தி.
புப்³பே³ அப்படிஸங்விதி³தோதி புப்³பே³ அனாமந்தெத்வா.
இந்த³கீ²லோ நாம ஸயனிக⁴ரஸ்ஸ உம்மாரோ வுச்சதி.
ஸயனிக⁴ரங் நாம யத்த² கத்த²சி ரஞ்ஞோ ஸயனங் பஞ்ஞத்தங் ஹோதி, அந்தமஸோ ஸாணிபாகாரபரிக்கி²த்தம்பி.
இந்த³கீ²லங் அதிக்காமெய்யாதி பட²மங் பாத³ங் உம்மாரங் அதிக்காமேதி, ஆபத்தி து³க்கடஸ்ஸ. து³தியங் பாத³ங் அதிக்காமேதி, ஆபத்தி பாசித்தியஸ்ஸ.
500.
அப்படிஸங்விதி³தே அப்படிஸங்விதி³தஸஞ்ஞீ இந்த³கீ²லங் அதிக்காமேதி, ஆபத்தி
பாசித்தியஸ்ஸ. அப்படிஸங்விதி³தே வேமதிகோ இந்த³கீ²லங் அதிக்காமேதி, ஆபத்தி
பாசித்தியஸ்ஸ. அப்படிஸங்விதி³தே படிஸங்விதி³தஸஞ்ஞீ இந்த³கீ²லங்
அதிக்காமேதி, ஆபத்தி பாசித்தியஸ்ஸ.
படிஸங்விதி³தே அப்படிஸங்விதி³தஸஞ்ஞீ, ஆபத்தி
து³க்கடஸ்ஸ. படிஸங்விதி³தே வேமதிகோ, ஆபத்தி து³க்கடஸ்ஸ. படிஸங்விதி³தே
படிஸங்விதி³தஸஞ்ஞீ, அனாபத்தி.
501. அனாபத்தி
படிஸங்விதி³தே, ந க²த்தியோ ஹோதி, ந க²த்தியாபி⁴ஸேகேன அபி⁴ஸித்தோ ஹோதி,
ராஜா ஸயனிக⁴ரா நிக்க²ந்தோ ஹோதி, மஹேஸீ ஸயனிக⁴ரா நிக்க²ந்தா ஹோதி, உபோ⁴ வா
நிக்க²ந்தா ஹொந்தி, ந ஸயனிக⁴ரே, உம்மத்தகஸ்ஸ, ஆதி³கம்மிகஸ்ஸாதி.
அந்தேபுரஸிக்கா²பத³ங் நிட்டி²தங் பட²மங்.
2. ரதனஸிக்கா²பத³ங்
502. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அஞ்ஞதரோ பி⁴க்கு² அசிரவதியா நதி³யா நஹாயதி.
அஞ்ஞதரோபி ப்³ராஹ்மணோ பஞ்சஸதானங் த²விகங் த²லே நிக்கி²பித்வா அசிரவதியா
நதி³யா நஹாயந்தோ விஸ்ஸரித்வா அக³மாஸி. அத² கோ² ஸோ பி⁴க்கு² – ‘‘தஸ்ஸாயங்
ப்³ராஹ்மணஸ்ஸ த²விகா, மா இத⁴ நஸ்ஸீ’’தி அக்³க³ஹேஸி. அத² கோ² ஸோ ப்³ராஹ்மணோ
ஸரித்வா துரிதோ ஆதா⁴வித்வா தங் பி⁴க்கு²ங் ஏதத³வோச – ‘‘அபி மே, போ⁴,
த²விகங் பஸ்ஸெய்யாஸீ’’தி? ‘‘ஹந்த³, ப்³ராஹ்மணா’’தி அதா³ஸி. அத² கோ² தஸ்ஸ
ப்³ராஹ்மணஸ்ஸ ஏதத³ஹோஸி – ‘‘கேன நு கோ² அஹங் உபாயேன இமஸ்ஸ பி⁴க்கு²னோ
புண்ணபத்தங் ந த³தெ³ய்ய’’ந்தி! ‘‘ந மே, போ⁴, பஞ்சஸதானி, ஸஹஸ்ஸங் மே’’தி
பலிபு³ந்தெ⁴த்வா முஞ்சி. அத² கோ² ஸோ பி⁴க்கு² ஆராமங் க³ந்த்வா பி⁴க்கூ²னங்
ஏதமத்த²ங் ஆரோசேஸி. யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு² ரதனங்
உக்³க³ஹெஸ்ஸதீ’’தி…பே॰… ஸச்சங் கிர த்வங், பி⁴க்கு², ரதனங் உக்³க³ஹேஸீதி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம த்வங்,
மோக⁴புரிஸ, ரதனங் உக்³க³ஹெஸ்ஸஸி! நேதங், மோக⁴புரிஸ, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
‘‘யோ பன பி⁴க்கு² ரதனங் வா ரதனஸம்மதங் வா உக்³க³ண்ஹெய்ய வா உக்³க³ண்ஹாபெய்ய வா, பாசித்திய’’ந்தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
503. தேன கோ² பன ஸமயேன ஸாவத்தி²யா உஸ்ஸவோ ஹோதி. மனுஸ்ஸா அலங்கதப்படியத்தா உய்யானங் க³ச்ச²ந்தி. விஸாகா²பி மிகா³ரமாதா அலங்கதப்படியத்தா ‘‘உய்யானங் க³மிஸ்ஸாமீ’’தி கா³மதோ
நிக்க²மித்வா – ‘‘க்யாஹங் கரிஸ்ஸாமி உய்யானங் க³ந்த்வா, யங்னூனாஹங்
ப⁴க³வந்தங் பயிருபாஸெய்ய’’ந்தி ஆப⁴ரணங் ஓமுஞ்சித்வா உத்தராஸங்கே³ன
ப⁴ண்டி³கங் ப³ந்தி⁴த்வா தா³ஸியா அதா³ஸி – ‘‘ஹந்த³, ஜே, இமங் ப⁴ண்டி³கங்
க³ண்ஹாஹீ’’தி. அத² கோ² விஸாகா² மிகா³ரமாதா யேன ப⁴க³வா தேனுபஸங்கமி;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னங் கோ² விஸாக²ங் மிகா³ரமாதரங் ப⁴க³வா த⁴ம்மியா கதா²ய ஸந்த³ஸ்ஸேஸி
ஸமாத³பேஸி ஸமுத்தேஜேஸி ஸம்பஹங்ஸேஸி. அத² கோ² விஸாகா² மிகா³ரமாதா ப⁴க³வதா
த⁴ம்மியா கதா²ய ஸந்த³ஸ்ஸிதா ஸமாத³பிதா ஸமுத்தேஜிதா ஸம்பஹங்ஸிதா உட்டா²யாஸனா
ப⁴க³வந்தங் அபி⁴வாதெ³த்வா பத³க்கி²ணங் கத்வா பக்காமி. அத² கோ² ஸா தா³ஸீ
தங் ப⁴ண்டி³கங் விஸ்ஸரித்வா அக³மாஸி. பி⁴க்கூ² பஸ்ஸித்வா ப⁴க³வதோ ஏதமத்த²ங்
ஆரோசேஸுங். ‘‘தேன ஹி, பி⁴க்க²வே, உக்³க³ஹெத்வா நிக்கி²பதா²’’தி. அத² கோ²
ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ²
ஆமந்தேஸி – ‘‘அனுஜானாமி, பி⁴க்க²வே, ரதனங் வா ரதனஸம்மதங் வா அஜ்ஜா²ராமே
உக்³க³ஹெத்வா வா உக்³க³ஹாபெத்வா வா நிக்கி²பிதுங் – ‘‘யஸ்ஸ ப⁴விஸ்ஸதி ஸோ ஹரிஸ்ஸதீ’’தி. ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
‘‘யோ பன பி⁴க்கு² ரதனங் வா ரதனஸம்மதங் வா, அஞ்ஞத்ர அஜ்ஜா²ராமா, உக்³க³ண்ஹெய்ய வா உக்³க³ண்ஹாபெய்ய வா, பாசித்திய’’ந்தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
504. தேன
கோ² பன ஸமயேன காஸீஸு ஜனபதே³ அனாத²பிண்டி³கஸ்ஸ க³ஹபதிஸ்ஸ கம்மந்தகா³மோ
ஹோதி. தேன ச க³ஹபதினா அந்தேவாஸீ ஆணத்தோ ஹோதி – ‘‘ஸசே ப⁴த³ந்தா ஆக³ச்ச²ந்தி
ப⁴த்தங் கரெய்யாஸீ’’தி. தேன கோ² பன ஸமயேன ஸம்ப³ஹுலா பி⁴க்கூ² காஸீஸு ஜனபதே³
சாரிகங் சரமானா யேன அனாத²பிண்டி³கஸ்ஸ க³ஹபதிஸ்ஸ கம்மந்தகா³மோ
தேனுபஸங்கமிங்ஸு. அத்³த³ஸா கோ² ஸோ புரிஸோ தே பி⁴க்கூ² தூ³ரதோவ ஆக³ச்ச²ந்தே.
தி³ஸ்வான யேன தே பி⁴க்கூ² தேனுபஸங்கமி; உபஸங்கமித்வா தே பி⁴க்கூ²
அபி⁴வாதெ³த்வா ஏதத³வோச – ‘‘அதி⁴வாஸெந்து, ப⁴ந்தே, அய்யா ஸ்வாதனாய க³ஹபதினோ
ப⁴த்த’’ந்தி. அதி⁴வாஸேஸுங் கோ² தே பி⁴க்கூ² துண்ஹீபா⁴வேன. அத² கோ² ஸோ
புரிஸோ தஸ்ஸா ரத்தியா அச்சயேன பணீதங் கா²த³னீயங் போ⁴ஜனீயங் படியாதா³பெத்வா
காலங் ஆரோசாபெத்வா அங்கு³லிமுத்³தி³கங் ஓமுஞ்சித்வா தே பி⁴க்கூ² ப⁴த்தேன
பரிவிஸித்வா – ‘‘அய்யா பு⁴ஞ்ஜித்வா க³ச்ச²ந்து, அஹம்பி கம்மந்தங்
க³மிஸ்ஸாமீ’’தி அங்கு³லிமுத்³தி³கங் விஸ்ஸரித்வா அக³மாஸி. பி⁴க்கூ² பஸ்ஸித்வா
– ‘‘ஸசே மயங் க³மிஸ்ஸாம நஸ்ஸிஸ்ஸதாயங் அங்கு³லிமுத்³தி³கா’’தி தத்தே²வ
அச்சி²ங்ஸு. அத² கோ² ஸோ புரிஸோ கம்மந்தா ஆக³ச்ச²ந்தோ தே பி⁴க்கூ² பஸ்ஸித்வா
ஏதத³வோச – ‘‘கிஸ்ஸ, ப⁴ந்தே, அய்யா இதே⁴வ
அச்ச²ந்தீ’’தி? அத² கோ² தே பி⁴க்கூ² தஸ்ஸ புரிஸஸ்ஸ ஏதமத்த²ங் ஆரோசெத்வா
ஸாவத்தி²ங் க³ந்த்வா பி⁴க்கூ²னங் ஏதமத்த²ங் ஆரோசேஸுங். பி⁴க்கூ² ப⁴க³வதோ
ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே
த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, ரதனங்
வா ரதனஸம்மதங் வா அஜ்ஜா²ராமே வா அஜ்ஜா²வஸதே² வா உக்³க³ஹெத்வா வா
உக்³க³ஹாபெத்வா வா நிக்கி²பிதுங் – யஸ்ஸ ப⁴விஸ்ஸதி ஸோ ஹரிஸ்ஸதீ’’தி. ஏவஞ்ச
பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
505. ‘‘யோ
பன பி⁴க்கு² ரதனங் வா ரதனஸம்மதங் வா, அஞ்ஞத்ர அஜ்ஜா²ராமா வா அஜ்ஜா²வஸதா²
வா, உக்³க³ண்ஹெய்ய வா உக்³க³ண்ஹாபெய்ய வா, பாசித்தியங். ரதனங் வா பன
பி⁴க்கு²னா ரதனஸம்மதங் வா அஜ்ஜா²ராமே வா அஜ்ஜா²வஸதே² வா உக்³க³ஹெத்வா வா
உக்³க³ஹாபெத்வா வா நிக்கி²பிதப்³ப³ங் – ‘யஸ்ஸ ப⁴விஸ்ஸதி ஸோ ஹரிஸ்ஸதீ’தி.
அயங் தத்த² ஸாமீசீ’’தி.
506. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ரதனங் நாம முத்தா மணி வேளுரியோ ஸங்கோ² ஸிலா பவாலங் ரஜதங் ஜாதரூபங் லோஹிதங்கோ [லோஹிதகோ (?)] மஸாரக³ல்லங்.
ரதனஸம்மதங் நாம யங் மனுஸ்ஸானங் உபபோ⁴க³பரிபோ⁴க³ங், ஏதங் ரதனஸம்மதங் நாம.
அஞ்ஞத்ர அஜ்ஜா²ராமா வா அஜ்ஜா²வஸதா² வாதி ட²பெத்வா அஜ்ஜா²ராமங் அஜ்ஜா²வஸத²ங்.
அஜ்ஜா²ராமோ நாம பரிக்கி²த்தஸ்ஸ ஆராமஸ்ஸ அந்தோ ஆராமோ, அபரிக்கி²த்தஸ்ஸ உபசாரோ.
அஜ்ஜா²வஸதோ² நாம பரிக்கி²த்தஸ்ஸ ஆவஸத²ஸ்ஸ அந்தோ ஆவஸதோ², அபரிக்கி²த்தஸ்ஸ உபசாரோ.
உக்³க³ண்ஹெய்யாதி ஸயங் க³ண்ஹாதி, ஆபத்தி பாசித்தியஸ்ஸ.
உக்³க³ண்ஹாபெய்யாதி அஞ்ஞங் கா³ஹாபேதி, ஆபத்தி பாசித்தியஸ்ஸ.
ரதனங் வா பன பி⁴க்கு²னா ரதனஸம்மதங் வா அஜ்ஜா²ராமே வா அஜ்ஜா²வஸதே² வா உக்³க³ஹெத்வா வா உக்³க³ஹாபெத்வா வா நிக்கி²பிதப்³ப³ந்தி
ரூபேன வா நிமித்தேன வா ஸஞ்ஞாணங் கத்வா நிக்கி²பித்வா ஆசிக்கி²தப்³ப³ங் –
‘‘யஸ்ஸ ப⁴ண்ட³ங் நட்ட²ங் ஸோ ஆக³ச்ச²தூ’’தி. ஸசே தத்த² ஆக³ச்ச²தி ஸோ
வத்தப்³போ³ – ‘‘ஆவுஸோ, கீதி³ஸங் தே ப⁴ண்ட³’’ந்தி? ஸசே ரூபேன வா நிமித்தேன
வா ஸம்பாதே³தி தா³தப்³ப³ங், நோ சே ஸம்பாதே³தி ‘‘விசினாஹி ஆவுஸோ’’தி
வத்தப்³போ³. தம்ஹா ஆவாஸா பக்கமந்தேன யே தத்த² ஹொந்தி பி⁴க்கூ² பதிரூபா,
தேஸங் ஹத்தே² நிக்கி²பித்வா பக்கமிதப்³ப³ங். நோ சே ஹொந்தி பி⁴க்கூ² பதிரூபா, யே தத்த² ஹொந்தி க³ஹபதிகா பதிரூபா, தேஸங் ஹத்தே² நிக்கி²பித்வா பக்கமிதப்³ப³ங்.
அயங் தத்த² ஸாமீசீதி அயங் தத்த² அனுத⁴ம்மதா.
507. அனாபத்தி ரதனங் வா ரதனஸம்மதங் வா அஜ்ஜா²ராமே வா அஜ்ஜா²வஸதே² வா உக்³க³ஹெத்வா வா உக்³க³ஹாபெத்வா வா நிக்கி²பதி – ‘‘யஸ்ஸ ப⁴விஸ்ஸதி ஸோ ஹரிஸ்ஸதீ’’தி, ரதனஸம்மதங் விஸ்ஸாஸங் க³ண்ஹாதி, தாவகாலிகங் க³ண்ஹாதி, பங்ஸுகூலஸஞ்ஞிஸ்ஸ, உம்மத்தகஸ்ஸ, ஆதி³கம்மிகஸ்ஸாதி.
ரதனஸிக்கா²பத³ங் நிட்டி²தங் து³தியங்.
3. விகாலகா³மப்பவிஸனஸிக்கா²பத³ங்
508. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² விகாலே கா³மங் பவிஸித்வா
ஸபா⁴யங் நிஸீதி³த்வா அனேகவிஹிதங் திரச்சா²னகத²ங் கதெ²ந்தி, ஸெய்யதி²த³ங் –
[இமா திரச்சா²னகதா²யோ தீ³॰ 1.17; ம॰ நி॰ 2.223; ஸங்॰ நி॰ ; அ॰ நி॰ 10.69]
ராஜகத²ங் சோரகத²ங் மஹாமத்தகத²ங் ஸேனாகத²ங் ப⁴யகத²ங் யுத்³த⁴கத²ங்
அன்னகத²ங் பானகத²ங் வத்த²கத²ங் ஸயனகத²ங் மாலாகத²ங் க³ந்த⁴கத²ங் ஞாதிகத²ங்
யானகத²ங் கா³மகத²ங் நிக³மகத²ங் நக³ரகத²ங் ஜனபத³கத²ங் இத்தி²கத²ங் [இத்தி²கத²ங் புரிஸகத²ங் (க॰) மஜ்ஜி²மபண்ணாஸட்ட²கதா² 156 பிட்டே² ஓலோகேதப்³பா³] ஸூரகத²ங் விஸிகா²கத²ங் கும்ப⁴ட்டா²னகத²ங் புப்³ப³பேதகத²ங் நானத்தகத²ங்
லோகக்கா²யிகங் ஸமுத்³த³க்கா²யிகங் இதிப⁴வாப⁴வகத²ங் இதி வா. மனுஸ்ஸா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா
விகாலே கா³மங் பவிஸித்வா ஸபா⁴யங் நிஸீதி³த்வா அனேகவிஹிதங் திரச்சா²னகத²ங்
கதெ²ஸ்ஸந்தி, ஸெய்யதி²த³ங் – ராஜகத²ங் சோரகத²ங்…பே॰… இதிப⁴வாப⁴வகத²ங் இதி
வா, ஸெய்யதா²பி கி³ஹீ காமபோ⁴கி³னோ’’தி!
அஸ்ஸோஸுங் கோ² பி⁴க்கூ² தேஸங் மனுஸ்ஸானங்
உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கூ² விகாலே கா³மங் பவிஸித்வா
ஸபா⁴யங் நிஸீதி³த்வா அனேகவிஹிதங் திரச்சா²னகத²ங் கதெ²ஸ்ஸந்தி, ஸெய்யதி²த³ங்
– ராஜகத²ங் சோரகத²ங்…பே॰… இதிப⁴வாப⁴வகத²ங் இதி வா’’தி…பே॰… ஸச்சங் கிர
தும்ஹே, பி⁴க்க²வே, விகாலே கா³மங் பவிஸித்வா ஸபா⁴யங் நிஸீதி³த்வா
அனேகவிஹிதங் திரச்சா²னகத²ங் கதே²த², ஸெய்யதி²த³ங் – ராஜகத²ங் சோரகத²ங்…பே॰…
இதிப⁴வாப⁴வகத²ங் இதி வாதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, விகாலே கா³மங் பவிஸித்வா
ஸபா⁴யங் நிஸீதி³த்வா அனேகவிஹிதங் திரச்சா²னகத²ங் கதெ²ஸ்ஸத², ஸெய்யதி²த³ங் –
ராஜகத²ங் சோரகத²ங்…பே॰… இதிப⁴வாப⁴வகத²ங் இதி வா! நேதங், மோக⁴புரிஸா,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –
‘‘யோ பன பி⁴க்கு² விகாலே கா³மங் பவிஸெய்ய, பாசித்திய’’ந்தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
509.
தேன கோ² பன ஸமயேன ஸம்ப³ஹுலா பி⁴க்கூ² கோஸலேஸு ஜனபதே³ ஸாவத்தி²ங்
க³ச்ச²ந்தா ஸாயங் அஞ்ஞதரங் கா³மங் உபக³ச்சி²ங்ஸு. மனுஸ்ஸா தே பி⁴க்கூ²
பஸ்ஸித்வா ஏதத³வோசுங் – ‘‘பவிஸத², ப⁴ந்தே’’தி . அத²
கோ² தே பி⁴க்கூ² – ‘‘ப⁴க³வதா படிக்கி²த்தங் விகாலே கா³மங் பவிஸிது’’ந்தி
குக்குச்சாயந்தா ந பவிஸிங்ஸு. சோரா தே பி⁴க்கூ² அச்சி²ந்தி³ங்ஸு. அத² கோ²
தே பி⁴க்கூ² ஸாவத்தி²ங் க³ந்த்வா பி⁴க்கூ²னங் ஏதமத்த²ங் ஆரோசேஸுங்.
பி⁴க்கூ² ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே
ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி,
பி⁴க்க²வே, ஆபுச்சா² விகாலே கா³மங் பவிஸிதுங். ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
‘‘யோ பன பி⁴க்கு² அனாபுச்சா² விகாலே கா³மங் பவிஸெய்ய, பாசித்திய’’ந்தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
510.
தேன கோ² பன ஸமயேன அஞ்ஞதரோ பி⁴க்கு² கோஸலேஸு ஜனபதே³ ஸாவத்தி²ங் க³ச்ச²ந்தோ
ஸாயங் அஞ்ஞதரங் கா³மங் உபக³ச்சி². மனுஸ்ஸா தங் பி⁴க்கு²ங் பஸ்ஸித்வா
ஏதத³வோசுங் – ‘‘பவிஸத², ப⁴ந்தே’’தி. அத² கோ² ஸோ பி⁴க்கு² – ‘‘ப⁴க³வதா
படிக்கி²த்தங் அனாபுச்சா² விகாலே கா³மங் பவிஸிது’’ந்தி குக்குச்சாயந்தோ ந
பாவிஸி. சோரா தங் பி⁴க்கு²ங் அச்சி²ந்தி³ங்ஸு. அத² கோ² ஸோ பி⁴க்கு²
ஸாவத்தி²ங் க³ந்த்வா பி⁴க்கூ²னங் ஏதமத்த²ங் ஆரோசேஸி. பி⁴க்கூ² ப⁴க³வதோ
ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே
த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, ஸந்தங்
பி⁴க்கு²ங் ஆபுச்சா² விகாலே கா³மங் பவிஸிதுங். ஏவஞ்ச பன, பி⁴க்க²வே, இமங்
ஸிக்கா²பத³ங் உத்³தி³ஸெய்யாத² –
‘‘யோ பன பி⁴க்கு² ஸந்தங் பி⁴க்கு²ங் அனாபுச்சா² விகாலே கா³மங் பவிஸெய்ய, பாசித்திய’’ந்தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
511. தேன
கோ² பன ஸமயேன அஞ்ஞதரோ பி⁴க்கு² அஹினா த³ட்டோ² ஹோதி. அஞ்ஞதரோ பி⁴க்கு²
‘‘அக்³கி³ங் ஆஹரிஸ்ஸாமீ’’தி கா³மங் க³ச்ச²தி. அத² கோ² ஸோ பி⁴க்கு² –
‘‘ப⁴க³வதா படிக்கி²த்தங் ஸந்தங் பி⁴க்கு²ங் அனாபுச்சா² விகாலே கா³மங்
பவிஸிது’’ந்தி குக்குச்சாயந்தோ ந பாவிஸி…பே॰… ப⁴க³வதோ ஏதமத்த²ங் ஆரோசேஸுங் .
அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா
பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, ததா²ரூபே அச்சாயிகே கரணீயே ஸந்தங் பி⁴க்கு²ங் அனாபுச்சா² விகாலே கா³மங் பவிஸிதுங். ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
512. ‘‘யோ பன பி⁴க்கு² ஸந்தங் பி⁴க்கு²ங் அனாபுச்சா² விகாலே கா³மங் பவிஸெய்ய, அஞ்ஞத்ர ததா²ரூபா அச்சாயிகா கரணீயா, பாசித்திய’’ந்தி.
513. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ஸந்தோ நாம பி⁴க்கு² ஸக்கா ஹோதி ஆபுச்சா² பவிஸிதுங்.
அஸந்தோ நாம பி⁴க்கு² ந ஸக்கா ஹோதி ஆபுச்சா² பவிஸிதுங்.
விகாலோ நாம மஜ்ஜ²ன்ஹிகே வீதிவத்தே யாவ அருணுக்³க³மனா.
கா³மங் பவிஸெய்யாதி
பரிக்கி²த்தஸ்ஸ கா³மஸ்ஸ பரிக்கே²பங் அதிக்கமந்தஸ்ஸ ஆபத்தி பாசித்தியஸ்ஸ.
அபரிக்கி²த்தஸ்ஸ கா³மஸ்ஸ உபசாரங் ஓக்கமந்தஸ்ஸ ஆபத்தி பாசித்தியஸ்ஸ.
அஞ்ஞத்ர ததா²ரூபா அச்சாயிகா கரணீயாதி ட²பெத்வா ததா²ரூபங் அச்சாயிகங் கரணீயங்.
514.
விகாலே விகாலஸஞ்ஞீ ஸந்தங் பி⁴க்கு²ங் அனாபுச்சா² கா³மங் பவிஸதி, அஞ்ஞத்ர
ததா²ரூபா அச்சாயிகா கரணீயா, ஆபத்தி பாசித்தியஸ்ஸ. விகாலே வேமதிகோ ஸந்தங்
பி⁴க்கு²ங் அனாபுச்சா² கா³மங் பவிஸதி, அஞ்ஞத்ர ததா²ரூபா அச்சாயிகா கரணீயா,
ஆபத்தி பாசித்தியஸ்ஸ. விகாலே காலஸஞ்ஞீ ஸந்தங் பி⁴க்கு²ங் அனாபுச்சா² கா³மங்
பவிஸதி, அஞ்ஞத்ர ததா²ரூபா அச்சாயிகா கரணீயா, ஆபத்தி பாசித்தியஸ்ஸ.
காலே விகாலஸஞ்ஞீ , ஆபத்தி து³க்கடஸ்ஸ. காலே வேமதிகோ, ஆபத்தி து³க்கடஸ்ஸ. காலே காலஸஞ்ஞீ, அனாபத்தி.
515. அனாபத்தி ததா²ரூபே அச்சாயிகே கரணீயே, ஸந்தங் பி⁴க்கு²ங் ஆபுச்சா² பவிஸதி, அஸந்தங்
பி⁴க்கு²ங் அனாபுச்சா² பவிஸதி, அந்தராராமங் க³ச்ச²தி, பி⁴க்கு²னுபஸ்ஸயங்
க³ச்ச²தி, தித்தி²யஸெய்யங் க³ச்ச²தி, படிக்கமனங் க³ச்ச²தி, கா³மேன மக்³கோ³
ஹோதி, ஆபதா³ஸு, உம்மத்தகஸ்ஸ, ஆதி³கம்மிகஸ்ஸாதி.
விகாலகா³மப்பவிஸனஸிக்கா²பத³ங் நிட்டி²தங் ததியங்.
4. ஸூசிக⁴ரஸிக்கா²பத³ங்
516. தேன
ஸமயேன பு³த்³தோ⁴ ப⁴க³வா ஸக்கேஸு விஹரதி கபிலவத்து²ஸ்மிங் நிக்³ரோதா⁴ராமே.
தேன கோ² பன ஸமயேன அஞ்ஞதரேன த³ந்தகாரேன பி⁴க்கூ² பவாரிதா ஹொந்தி – ‘‘யேஸங்
அய்யானங் ஸூசிக⁴ரேன அத்தோ² அஹங் ஸூசிக⁴ரேனா’’தி.
தேன கோ² பன ஸமயேன பி⁴க்கூ² ப³ஹூ ஸூசிக⁴ரே விஞ்ஞாபெந்தி. யேஸங் கு²த்³த³கா
ஸூசிக⁴ரா தே மஹந்தே ஸூசிக⁴ரே விஞ்ஞாபெந்தி. யேஸங் மஹந்தா ஸூசிக⁴ரா தே
கு²த்³த³கே ஸூசிக⁴ரே விஞ்ஞாபெந்தி. அத² கோ² ஸோ த³ந்தகாரோ பி⁴க்கூ²னங் ப³ஹூ
ஸூசிக⁴ரே கரொந்தோ ந ஸக்கோதி அஞ்ஞங் விக்காயிகங் ப⁴ண்ட³ங் காதுங், அத்தனாபி ந
யாபேதி, புத்ததா³ரோபிஸ்ஸ கிலமதி. மனுஸ்ஸா உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ஸமணா ஸக்யபுத்தியா ந மத்தங் ஜானித்வா ப³ஹூ
ஸூசிக⁴ரே விஞ்ஞாபெஸ்ஸந்தி! அயங் இமேஸங் ப³ஹூ ஸூசிக⁴ரே கரொந்தோ ந ஸக்கோதி
அஞ்ஞங் விக்காயிகங் ப⁴ண்ட³ங் காதுங், அத்தனாபி ந யாபேதி, புத்ததா³ரோபிஸ்ஸ
கிலமதீ’’தி. அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங்
கி²ய்யந்தானங் விபாசெந்தானங். யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கூ² ந மத்தங்
ஜானித்வா ப³ஹூ ஸூசிக⁴ரே விஞ்ஞாபெஸ்ஸந்தீ’’தி…பே॰… ஸச்சங் கிர, பி⁴க்க²வே,
பி⁴க்கூ² ந மத்தங் ஜானித்வா ப³ஹூ ஸூசிக⁴ரே விஞ்ஞாபெந்தீதி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தே, பி⁴க்க²வே,
மோக⁴புரிஸா ந மத்தங் ஜானித்வா ப³ஹூ ஸூசிக⁴ரே
விஞ்ஞாபெஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச
பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
517. ‘‘யோ பன பி⁴க்கு² அட்டி²மயங் வா த³ந்தமயங் வா விஸாணமயங் வா ஸூசிக⁴ரங் காராபெய்ய பே⁴த³னகங், பாசித்திய’’ந்தி.
518. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
த³ந்தோ நாம ஹத்தி²த³ந்தோ வுச்சதி.
விஸாணங் நாம யங் கிஞ்சி விஸாணங்.
காராபெய்யாதி கரோதி வா காராபேதி வா, பயோகே³ து³க்கடங். படிலாபே⁴ன பி⁴ந்தி³த்வா பாசித்தியங் தே³ஸேதப்³ப³ங்.
519. அத்தனா விப்பகதங் அத்தனா பரியோஸாபேதி, ஆபத்தி பாசித்தியஸ்ஸ. அத்தனா விப்பகதங் பரேஹி பரியோஸாபேதி [பரியோஸாவாபேதி (க॰)], ஆபத்தி பாசித்தியஸ்ஸ . பரேஹி விப்பகதங் அத்தனா பரியோஸாபேதி, ஆபத்தி பாசித்தியஸ்ஸ. பரேஹி விப்பகதங் பரேஹி பரியோஸாபேதி [பரியோஸாவாபேதி (க॰)], ஆபத்தி பாசித்தியஸ்ஸ.
அஞ்ஞஸ்ஸத்தா²ய கரோதி வா காராபேதி வா, ஆபத்தி து³க்கடஸ்ஸ. அஞ்ஞேன கதங் படிலபி⁴த்வா பரிபு⁴ஞ்ஜதி, ஆபத்தி து³க்கடஸ்ஸ.
520. அனாபத்தி க³ண்டி²காய [க³ண்டி³காய (ஸ்யா॰)], அரணிகே, விதே⁴ [வீடே² (ஸீ॰), வீதே² (ஸ்யா॰)], அஞ்ஜனியா, அஞ்ஜனிஸலாகாய, வாஸிஜடே, உத³கபுஞ்ச²னியா, உம்மத்தகஸ்ஸ, ஆதி³கம்மிகஸ்ஸாதி.
ஸூசிக⁴ரஸிக்கா²பத³ங் நிட்டி²தங் சதுத்த²ங்.
5. மஞ்சபீட²ஸிக்கா²பத³ங்
521. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா உபனந்தோ³ ஸக்யபுத்தோ உச்சே மஞ்சே ஸயதி. அத²
கோ² ப⁴க³வா ஸம்ப³ஹுலேஹி பி⁴க்கூ²ஹி ஸத்³தி⁴ங் ஸேனாஸனசாரிகங் ஆஹிண்ட³ந்தோ
யேனாயஸ்மதோ உபனந்த³ஸ்ஸ ஸக்யபுத்தஸ்ஸ விஹாரோ தேனுபஸங்கமி. அத்³த³ஸா கோ²
ஆயஸ்மா உபனந்தோ³ ஸக்யபுத்தோ ப⁴க³வந்தங் தூ³ரதோவ ஆக³ச்ச²ந்தங். தி³ஸ்வான
ப⁴க³வந்தங் ஏதத³வோச – ‘‘ஆக³ச்ச²து மே, ப⁴ந்தே, ப⁴க³வா ஸயனங் பஸ்ஸதூ’’தி.
அத² கோ² ப⁴க³வா ததோவ படினிவத்தித்வா பி⁴க்கூ² ஆமந்தேஸி – ‘‘ஆஸயதோ,
பி⁴க்க²வே, மோக⁴புரிஸோ வேதி³தப்³போ³’’தி. அத² கோ²
ப⁴க³வா ஆயஸ்மந்தங் உபனந்த³ங் ஸக்யபுத்தங் அனேகபரியாயேன விக³ரஹித்வா
து³ப்³ப⁴ரதாய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத²
–
522. ‘‘நவங்
பன பி⁴க்கு²னா மஞ்சங் வா பீட²ங் வா காரயமானேன அட்ட²ங்கு³லபாத³கங்
காரேதப்³ப³ங் ஸுக³தங்கு³லேன, அஞ்ஞத்ர ஹெட்டி²மாய அடனியா; தங் அதிக்காமயதோ
சே²த³னகங் பாசித்திய’’ந்தி.
523. நவங் நாம கரணங் உபாதா³ய வுச்சதி.
மஞ்சோ நாம சத்தாரோ மஞ்சா – மஸாரகோ, பு³ந்தி³காப³த்³தோ⁴, குளீரபாத³கோ, ஆஹச்சபாத³கோ.
பீட²ங் நாம சத்தாரி பீடா²னி – மஸாரகங், பு³ந்தி³காப³த்³த⁴ங், குளீரபாத³கங், ஆஹச்சபாத³கங்.
காரயமானேனாதி கரொந்தோ வா காராபெந்தோ வா.
அட்ட²ங்கு³லபாத³கங் காரேதப்³ப³ங் ஸுக³தங்கு³லேன, அஞ்ஞத்ர ஹெட்டி²மாய அடனியாதி
ட²பெத்வா ஹெட்டி²மங் அடனிங்; தங் அதிக்காமெத்வா கரோதி வா காராபேதி வா,
பயோகே³ து³க்கடங், படிலாபே⁴ன சி²ந்தி³த்வா பாசித்தியங் தே³ஸேதப்³ப³ங்.
524.
அத்தனா விப்பகதங் அத்தனா பரியோஸாபேதி, ஆபத்தி பாசித்தியஸ்ஸ. அத்தனா
விப்பகதங் பரேஹி பரியோஸாபேதி, ஆபத்தி பாசித்தியஸ்ஸ. பரேஹி விப்பகதங் அத்தனா
பரியோஸாபேதி, ஆபத்தி பாசித்தியஸ்ஸ. பரேஹி விப்பகதங் பரேஹி பரியோஸாபேதி,
ஆபத்தி பாசித்தியஸ்ஸ.
அஞ்ஞஸ்ஸத்தா²ய கரோதி வா காராபேதி வா, ஆபத்தி து³க்கடஸ்ஸ. அஞ்ஞேன கதங் படிலபி⁴த்வா பரிபு⁴ஞ்ஜதி, ஆபத்தி து³க்கடஸ்ஸ.
525.
அனாபத்தி பமாணிகங் கரோதி, ஊனகங் கரோதி, அஞ்ஞேன கதங் பமாணாதிக்கந்தங்
படிலபி⁴த்வா சி²ந்தி³த்வா பரிபு⁴ஞ்ஜதி, உம்மத்தகஸ்ஸ, ஆதி³கம்மிகஸ்ஸாதி.
மஞ்சபீட²ஸிக்கா²பத³ங் நிட்டி²தங் பஞ்சமங்.
6. தூலோனத்³த⁴ஸிக்கா²பத³ங்
526. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ச²ப்³ப³க்³கி³யா பி⁴க்கூ² மஞ்சம்பி பீட²ம்பி
தூலோனத்³த⁴ங் காராபெந்தி. மனுஸ்ஸா விஹாரசாரிகங் ஆஹிண்ட³ந்தா பஸ்ஸித்வா
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா
மஞ்சம்பி பீட²ம்பி தூலோனத்³த⁴ங் காராபெஸ்ஸந்தி, ஸெய்யதா²பி கி³ஹீ
காமபோ⁴கி³னோ’’தி ! அஸ்ஸோஸுங் கோ² பி⁴க்கூ² தேஸங்
மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ²
அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
ச²ப்³ப³க்³கி³யா பி⁴க்கூ² மஞ்சம்பி பீட²ம்பி தூலோனத்³த⁴ங்
காராபெஸ்ஸந்தீ’’தி…பே॰… ஸச்சங் கிர தும்ஹே, பி⁴க்க²வே, மஞ்சம்பி பீட²ம்பி
தூலோனத்³த⁴ங் காராபேதா²தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, மஞ்சம்பி பீட²ம்பி
தூலோனத்³த⁴ங் காராபெஸ்ஸத²! நேதங், மோக⁴புரிஸா, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
527. ‘‘யோ பன பி⁴க்கு² மஞ்சங் வா பீட²ங் வா தூலோனத்³த⁴ங் காராபெய்ய, உத்³தா³லனகங் பாசித்திய’’ந்தி.
528. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
மஞ்சோ நாம சத்தாரோ மஞ்சா – மஸாரகோ, பு³ந்தி³காப³த்³தோ⁴, குளீரபாத³கோ, ஆஹச்சபாத³கோ.
பீட²ங் நாம சத்தாரி பீடா²னி – மஸாரகங், பு³ந்தி³காப³த்³த⁴ங், குளீரபாத³கங், ஆஹச்சபாத³கங்.
தூலங் நாம தீணி தூலானி – ருக்க²தூலங், லதாதூலங், போடகிதூலங்.
காராபெய்யாதி கரோதி வா காராபேதி வா, பயோகே³ து³க்கடங். படிலாபே⁴ன உத்³தா³லெத்வா பாசித்தியங் தே³ஸேதப்³ப³ங்.
529. அத்தனா
விப்பகதங் அத்தனா பரியோஸாபேதி, ஆபத்தி பாசித்தியஸ்ஸ. அத்தனா விப்பகதங்
பரேஹி பரியோஸாபேதி, ஆபத்தி பாசித்தியஸ்ஸ. பரேஹி விப்பகதங் அத்தனா
பரியோஸாபேதி, ஆபத்தி பாசித்தியஸ்ஸ. பரேஹி விப்பகதங் பரேஹி பரியோஸாபேதி,
ஆபத்தி பாசித்தியஸ்ஸ.
அஞ்ஞஸ்ஸத்தா²ய கரோதி வா காராபேதி வா, ஆபத்தி து³க்கடஸ்ஸ. அஞ்ஞேன கதங் படிலபி⁴த்வா பரிபு⁴ஞ்ஜதி, ஆபத்தி து³க்கடஸ்ஸ.
530.
அனாபத்தி ஆயோகே³, காயப³ந்த⁴னே, அங்ஸப³த்³த⁴கே, பத்தத²விகாய, பரிஸ்ஸாவனே,
பி³ப்³போ³ஹனங் கரோதி, அஞ்ஞேன கதங் படிலபி⁴த்வா உத்³தா³லெத்வா பரிபு⁴ஞ்ஜதி,
உம்மத்தகஸ்ஸ, ஆதி³கம்மிகஸ்ஸாதி.
தூலோனத்³த⁴ஸிக்கா²பத³ங் நிட்டி²தங் ச²ட்ட²ங்.
7. நிஸீத³னஸிக்கா²பத³ங்
531. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ப⁴க³வதா பி⁴க்கூ²னங் நிஸீத³னங் அனுஞ்ஞாதங் ஹோதி.
ச²ப்³ப³க்³கி³யா பி⁴க்கூ² – ‘‘ப⁴க³வதா நிஸீத³னங் அனுஞ்ஞாத’’ந்தி
அப்பமாணிகானி நிஸீத³னானி தா⁴ரெந்தி. மஞ்சஸ்ஸபி பீட²ஸ்ஸபி புரதோபி பச்ச²தோபி
ஓலம்பெ³ந்தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² அப்பமாணிகானி
நிஸீத³னானி தா⁴ரெஸ்ஸந்தீ’’தி…பே॰… ஸச்சங் கிர தும்ஹே, பி⁴க்க²வே,
அப்பமாணிகானி நிஸீத³னானி தா⁴ரேதா²தி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, அப்பமாணிகானி
நிஸீத³னானி தா⁴ரெஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய…பே॰…
ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
‘‘நிஸீத³னங் பன பி⁴க்கு²னா
காரயமானேன பமாணிகங் காரேதப்³ப³ங். தத்ரித³ங் பமாணங் – தீ³க⁴ஸோ த்³வே
வித³த்தி²யோ, ஸுக³தவித³த்தி²யா; திரியங் தி³யட்³ட⁴ங். தங் அதிக்காமயதோ
சே²த³னகங் பாசித்திய’’ந்தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
532. தேன
கோ² பன ஸமயேன ஆயஸ்மா உதா³யீ மஹாகாயோ ஹோதி. ஸோ ப⁴க³வதோ புரதோ நிஸீத³னங்
பஞ்ஞபெத்வா ஸமந்ததோ ஸமஞ்ச²மானோ நிஸீத³தி. அத² கோ² ப⁴க³வா ஆயஸ்மந்தங்
உதா³யிங் ஏதத³வோச – ‘‘கிஸ்ஸ த்வங், உதா³யி,
நிஸீத³னங் ஸமந்ததோ ஸமஞ்ச²ஸி; ஸெய்யதா²பி புராணாஸிகொட்டோ²’’தி? ‘‘ததா² ஹி
பன, ப⁴ந்தே, ப⁴க³வதா பி⁴க்கூ²னங் அதிகு²த்³த³கங் நிஸீத³னங் அனுஞ்ஞாத’’ந்தி.
அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா
பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, நிஸீத³னஸ்ஸ த³ஸங்
வித³த்தி²ங். ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
533. ‘‘நிஸீத³னங்
பன பி⁴க்கு²னா காரயமானேன பமாணிகங் காரேதப்³ப³ங். தத்ரித³ங் பமாணங் –
தீ³க⁴ஸோ த்³வே வித³த்தி²யோ, ஸுக³தவித³த்தி²யா; திரியங் தி³யட்³ட⁴ங். த³ஸா
வித³த்தி². தங் அதிக்காமயதோ சே²த³னகங் பாசித்திய’’ந்தி.
534. நிஸீத³னங் நாம ஸத³ஸங் வுச்சதி.
காரயமானேனாதி
கரொந்தோ வா காராபெந்தோ வா பமாணிகங் காரேதப்³ப³ங். தத்ரித³ங் பமாணங் –
தீ³க⁴ஸோ த்³வே வித³த்தி²யோ, ஸுக³தவித³த்தி²யா; திரியங் தி³யட்³ட⁴ங். த³ஸா
வித³த்தி². தங் அதிக்காமெத்வா கரோதி வா காராபேதி வா, பயோகே³ து³க்கடங்.
படிலாபே⁴ன சி²ந்தி³த்வா பாசித்தியங் தே³ஸேதப்³ப³ங்.
535.
அத்தனா விப்பகதங் அத்தனா பரியோஸாபேதி, ஆபத்தி பாசித்தியஸ்ஸ. அத்தனா
விப்பகதங் பரேஹி பரியோஸாபேதி, ஆபத்தி பாசித்தியஸ்ஸ. பரேஹி விப்பகதங் அத்தனா
பரியோஸாபேதி, ஆபத்தி பாசித்தியஸ்ஸ. பரேஹி விப்பகதங் பரேஹி பரியோஸாபேதி,
ஆபத்தி பாசித்தியஸ்ஸ.
அஞ்ஞஸ்ஸத்தா²ய கரோதி வா காராபேதி வா, ஆபத்தி து³க்கடஸ்ஸ. அஞ்ஞேன கதங் படிலபி⁴த்வா பரிபு⁴ஞ்ஜதி, ஆபத்தி து³க்கடஸ்ஸ.
536. அனாபத்தி
பமாணிகங் கரோதி, ஊனகங் கரோதி, அஞ்ஞேன கதங் பமாணாதிக்கந்தங் படிலபி⁴த்வா
சி²ந்தி³த்வா பரிபு⁴ஞ்ஜதி, விதானங் வா பூ⁴மத்த²ரணங் வா ஸாணிபாகாரங் வா
பி⁴ஸிங் வா பி³ப்³போ³ஹனங் வா கரோதி, உம்மத்தகஸ்ஸ, ஆதி³கம்மிகஸ்ஸாதி.
நிஸீத³னஸிக்கா²பத³ங் நிட்டி²தங் ஸத்தமங்.
8. கண்டு³ப்படிச்சா²தி³ஸிக்கா²பத³ங்
537. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ப⁴க³வதா பி⁴க்கூ²னங் கண்டு³ப்படிச்சா²தி³
அனுஞ்ஞாதா ஹோதி . ச²ப்³ப³க்³கி³யா பி⁴க்கூ² –
‘‘ப⁴க³வதா கண்டு³ப்படிச்சா²தி³ அனுஞ்ஞாதா’’தி அப்பமாணிகாயோ
கண்டு³ப்படிச்சா²தி³யோ தா⁴ரெந்தி; புரதோபி பச்ச²தோபி ஆகட்³ட⁴ந்தா
ஆஹிண்ட³ந்தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² அப்பமாணிகாயோ
கண்டு³ப்படிச்சா²தி³யோ தா⁴ரெஸ்ஸந்தீ’’தி…பே॰… ஸச்சங் கிர தும்ஹே,
பி⁴க்க²வே, அப்பமாணிகாயோ கண்டு³ப்படிச்சா²தி³யோ தா⁴ரேதா²தி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே,
மோக⁴புரிஸா, அப்பமாணிகாயோ கண்டு³ப்படிச்சா²தி³யோ தா⁴ரெஸ்ஸத²! நேதங்,
மோக⁴புரிஸா, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
538. ‘‘கண்டு³ப்படிச்சா²தி³ங்
பன பி⁴க்கு²னா காரயமானேன பமாணிகா காரேதப்³பா³. தத்ரித³ங் பமாணங் – தீ³க⁴ஸோ
சதஸ்ஸோ வித³த்தி²யோ, ஸுக³தவித³த்தி²யா; திரியங் த்³வே வித³த்தி²யோ. தங்
அதிக்காமயதோ சே²த³னகங் பாசித்திய’’ந்தி.
539. கண்டு³ப்படிச்சா²தி³ நாம யஸ்ஸ அதோ⁴னாபி⁴ உப்³ப⁴ஜாணுமண்ட³லங் கண்டு³ வா பீளகா வா அஸ்ஸாவோ வா து²ல்லகச்சு² வா ஆபா³தோ⁴, தஸ்ஸ படிச்சா²த³னத்தா²ய.
காரயமானேனாதி கரொந்தோ வா காராபெந்தோ வா .
பமாணிகா காரேதப்³பா³. தத்ரித³ங் பமாணங் – தீ³க⁴ஸோ சதஸ்ஸோ வித³த்தி²யோ,
ஸுக³தவித³த்தி²யா; திரியங் த்³வே வித³த்தி²யோ. தங் அதிக்காமெத்வா கரோதி வா
காராபேதி வா, பயோகே³ து³க்கடங். படிலாபே⁴ன சி²ந்தி³த்வா பாசித்தியங்
தே³ஸேதப்³ப³ங்.
540.
அத்தனா விப்பகதங் அத்தனா பரியோஸாபேதி, ஆபத்தி பாசித்தியஸ்ஸ. அத்தனா
விப்பகதங் பரேஹி பரியோஸாபேதி, ஆபத்தி பாசித்தியஸ்ஸ. பரேஹி விப்பகதங் அத்தனா
பரியோஸாபேதி, ஆபத்தி பாசித்தியஸ்ஸ. பரேஹி விப்பகதங் பரேஹி பரியோஸாபேதி,
ஆபத்தி பாசித்தியஸ்ஸ.
அஞ்ஞஸ்ஸத்தா²ய கரோதி வா காராபேதி வா, ஆபத்தி து³க்கடஸ்ஸ. அஞ்ஞேன கதங் படிலபி⁴த்வா பரிபு⁴ஞ்ஜதி, ஆபத்தி து³க்கடஸ்ஸ.
541.
அனாபத்தி பமாணிகங் கரோதி, ஊனகங் கரோதி, அஞ்ஞேன கதங் பமாணாதிக்கந்தங்
படிலபி⁴த்வா சி²ந்தி³த்வா பரிபு⁴ஞ்ஜதி, விதானங் வா பூ⁴மத்த²ரணங் வா
ஸாணிபாகாரங் வா பி⁴ஸிங் வா பி³ப்³போ³ஹனங் வா கரோதி, உம்மத்தகஸ்ஸ,
ஆதி³கம்மிகஸ்ஸாதி.
கண்டு³ப்படிச்சா²தி³ஸிக்கா²பத³ங் நிட்டி²தங் அட்ட²மங்.
9. வஸ்ஸிகஸாடிகாஸிக்கா²பத³ங்
542. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ப⁴க³வதா பி⁴க்கூ²னங் வஸ்ஸிகஸாடிகா அனுஞ்ஞாதா ஹோதி.
ச²ப்³ப³க்³கி³யா பி⁴க்கூ² – ‘‘ப⁴க³வதா வஸ்ஸிகஸாடிகா அனுஞ்ஞாதா’’தி
அப்பமாணிகாயோ வஸ்ஸிகஸாடிகாயோ தா⁴ரெந்தி. புரதோபி பச்ச²தோபி ஆகட்³ட⁴ந்தா
ஆஹிண்ட³ந்தி. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி
விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² அப்பமாணிகாயோ
வஸ்ஸிகஸாடிகாயோ தா⁴ரெஸ்ஸந்தீ’’தி…பே॰… ஸச்சங் கிர தும்ஹே, பி⁴க்க²வே,
அப்பமாணிகாயோ வஸ்ஸிகஸாடிகாயோ தா⁴ரேதா²தி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம தும்ஹே, மோக⁴புரிஸா, அப்பமாணிகாயோ
வஸ்ஸிகஸாடிகாயோ தா⁴ரெஸ்ஸத²! நேதங், மோக⁴புரிஸா, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
543. ‘‘வஸ்ஸிகஸாடிகங்
பன பி⁴க்கு²னா காரயமானேன பமாணிகா காரேதப்³பா³. தத்ரித³ங் பமாணங் – தீ³க⁴ஸோ
ச² வித³த்தி²யோ, ஸுக³தவித³த்தி²யா; திரியங் அட்³ட⁴தெய்யா. தங் அதிக்காமயதோ
சே²த³னகங் பாசித்திய’’ந்தி.
544. வஸ்ஸிகஸாடிகா நாம வஸ்ஸானஸ்ஸ சதுமாஸத்தா²ய.
காரயமானேனாதி கரொந்தோ வா காராபெந்தோ வா. பமாணிகா காரேதப்³பா³ . தத்ரித³ங் பமாணங் – தீ³க⁴ஸோ
ச² வித³த்தி²யோ, ஸுக³தவித³த்தி²யா; திரியங் அட்³ட⁴தெய்யா. தங்
அதிக்காமெத்வா கரோதி வா காராபேதி வா, பயோகே³ து³க்கடங். படிலாபே⁴ன
சி²ந்தி³த்வா பாசித்தியங் தே³ஸேதப்³ப³ங்.
545.
அத்தனா விப்பகதங் அத்தனா பரியோஸாபேதி, ஆபத்தி பாசித்தியஸ்ஸ. அத்தனா
விப்பகதங் பரேஹி பரியோஸாபேதி, ஆபத்தி பாசித்தியஸ்ஸ. பரேஹி விப்பகதங் அத்தனா
பரியோஸாபேதி, ஆபத்தி பாசித்தியஸ்ஸ. பரேஹி விப்பகதங் பரேஹி பரியோஸாபேதி,
ஆபத்தி பாசித்தியஸ்ஸ.
அஞ்ஞஸ்ஸத்தா²ய கரோதி வா காராபேதி வா, ஆபத்தி து³க்கடஸ்ஸ. அஞ்ஞேன கதங் படிலபி⁴த்வா பரிபு⁴ஞ்ஜதி, ஆபத்தி து³க்கடஸ்ஸ.
546. அனாபத்தி
பமாணிகங் கரோதி, ஊனகங் கரோதி, அஞ்ஞேன கதங் பமாணாதிக்கந்தங் படிலபி⁴த்வா
சி²ந்தி³த்வா பரிபு⁴ஞ்ஜதி, விதானங் வா பூ⁴மத்த²ரணங் வா ஸாணிபாகாரங் வா
பி⁴ஸிங் வா பி³ப்³போ³ஹனங் வா கரோதி, உம்மத்தகஸ்ஸ, ஆதி³கம்மிகஸ்ஸாதி.
வஸ்ஸிகஸாடிகாஸிக்கா²பத³ங் நிட்டி²தங் நவமங்.
10. நந்த³ஸிக்கா²பத³ங்
547. தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா நந்தோ³ ப⁴க³வதோ மாதுச்சா²புத்தோ அபி⁴ரூபோ
ஹோதி த³ஸ்ஸனீயோ பாஸாதி³கோ சதுரங்கு³லோமகோ ப⁴க³வதா [ப⁴க³வதோ (க॰)].
ஸோ ஸுக³தசீவரப்பமாணங் சீவரங் தா⁴ரேதி. அத்³த³ஸங்ஸு கோ² தே²ரா பி⁴க்கூ²
ஆயஸ்மந்தங் நந்த³ங் தூ³ரதோவ ஆக³ச்ச²ந்தங். தி³ஸ்வான – ‘‘ப⁴க³வா
ஆக³ச்ச²தீ’’தி ஆஸனா வுட்ட²ஹந்தி. தே உபக³தே ஜானித்வா [உபக³தங் ஸஞ்ஜானித்வா (ஸ்யா॰), உபக³தே ஸஞ்ஜானித்வா (ஸீ॰)]
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா நந்தோ³
ஸுக³தசீவரப்பமாணங் சீவரங் தா⁴ரெஸ்ஸதீ’’தி…பே॰… ஸச்சங் கிர த்வங், நந்த³,
ஸுக³தசீவரப்பமாணங் சீவரங் தா⁴ரேஸீதி? ‘‘ஸச்சங், ப⁴க³வா’’தி. விக³ரஹி
பு³த்³தோ⁴ ப⁴க³வா…பே॰… கத²ஞ்ஹி நாம த்வங், நந்த³, ஸுக³தசீவரப்பமாணங் சீவரங்
தா⁴ரெஸ்ஸஸி! நேதங், நந்த³, அப்பஸன்னானங் வா பஸாதா³ய…பே॰… ஏவஞ்ச பன,
பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
548. ‘‘யோ பன பி⁴க்கு² ஸுக³தசீவரப்பமாணங் சீவரங் காராபெய்ய அதிரேகங் வா, சே²த³னகங் பாசித்தியங் .
தத்ரித³ங் ஸுக³தஸ்ஸ ஸுக³தசீவரப்பமாணங் – தீ³க⁴ஸோ நவ வித³த்தி²யோ,
ஸுக³தவித³த்தி²யா; திரியங் ச² வித³த்தி²யோ. இத³ங் ஸுக³தஸ்ஸ
ஸுக³தசீவரப்பமாண’’ந்தி.
549. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ஸுக³தசீவரப்பமாணங் [ஸுக³தசீவரங் (க॰)] நாம தீ³க⁴ஸோ நவ வித³த்தி²யோ, ஸுக³தவித³த்தி²யா; திரியங் ச² வித³த்தி²யோ.
காராபெய்யாதி கரோதி வா காராபேதி வா, பயோகே³ து³க்கடங். படிலாபே⁴ன சி²ந்தி³த்வா பாசித்தியங் தே³ஸேதப்³ப³ங்.
550.
அத்தனா விப்பகதங் அத்தனா பரியோஸாபேதி, ஆபத்தி பாசித்தியஸ்ஸ. அத்தனா
விப்பகதங் பரேஹி பரியோஸாபேதி, ஆபத்தி பாசித்தியஸ்ஸ. பரேஹி விப்பகதங் அத்தனா
பரியோஸாபேதி, ஆபத்தி பாசித்தியஸ்ஸ. பரேஹி விப்பகதங் பரேஹி பரியோஸாபேதி,
ஆபத்தி பாசித்தியஸ்ஸ.
அஞ்ஞஸ்ஸத்தா²ய கரோதி வா காராபேதி வா, ஆபத்தி து³க்கடஸ்ஸ. அஞ்ஞேன கதங் படிலபி⁴த்வா பரிபு⁴ஞ்ஜதி, ஆபத்தி து³க்கடஸ்ஸ.
551. அனாபத்தி ஊனகங் கரோதி, அஞ்ஞேன கதங் படிலபி⁴த்வா சி²ந்தி³த்வா பரிபு⁴ஞ்ஜதி, விதானங் வா பூ⁴மத்த²ரணங் வா ஸாணிபாகாரங் வா பி⁴ஸிங் வா பி³ப்³போ³ஹனங் வா கரோதி, உம்மத்தகஸ்ஸ, ஆதி³கம்மிகஸ்ஸாதி.
நந்த³ஸிக்கா²பத³ங் நிட்டி²தங் த³ஸமங்.
ரதனவக்³கோ³ [ராஜவக்³கோ³ (ஸீ॰)] நவமோ.
தஸ்ஸுத்³தா³னங் –
ரஞ்ஞோ ச ரதனங் ஸந்தங், ஸூசி மஞ்சஞ்ச தூலிகங்;
நிஸீத³னஞ்ச கண்டு³ஞ்ச, வஸ்ஸிகா ஸுக³தேன சாதி.
உத்³தி³ட்டா²
கோ², ஆயஸ்மந்தோ, த்³வேனவுதி பாசித்தியா த⁴ம்மா. தத்தா²யஸ்மந்தே புச்சா²மி –
‘‘கச்சித்த² பரிஸுத்³தா⁴’’? து³தியம்பி புச்சா²மி – ‘‘கச்சித்த²
பரிஸுத்³தா⁴’’? ததியம்பி புச்சா²மி – ‘‘கச்சித்த² பரிஸுத்³தா⁴’’?
பரிஸுத்³தெ⁴த்தா²யஸ்மந்தோ, தஸ்மா துண்ஹீ, ஏவமேதங் தா⁴ரயாமீதி.
கு²த்³த³கங் ஸமத்தங்.
பாசித்தியகண்ட³ங் நிட்டி²தங்.