Analytic Insight Net - FREE Online Tipiṭaka Law Research & Practice University
in
 112 CLASSICAL LANGUAGES
Paṭisambhidā Jāla-Abaddha Paripanti Tipiṭaka nīti Anvesanā ca Paricaya Nikhilavijjālaya ca ñātibhūta Pavatti Nissāya 
http://sarvajan.ambedkar.org anto 112 Seṭṭhaganthāyatta Bhāsā
Categories:

Archives:
Meta:
January 2019
M T W T F S S
« Dec   Feb »
 123456
78910111213
14151617181920
21222324252627
28293031  
01/19/19
LESSON 2877 Sat 19 Jan 2019 https://www.tipitaka.org/taml/ Tipiṭaka (Tamil) திபிடக (மூல) வினயபிடக பாராஜிகபாளி வேரஞ்ஜகண்ட³ங் 1. பாராஜிககண்ட³ங் 2. ஸங்கா⁴தி³ஸேஸகண்ட³ங் 3. அனியதகண்ட³ங் 4. நிஸ்ஸக்³கி³யகண்ட³ங் பாசித்தியபாளி 5. பாசித்தியகண்ட³ங் 6. பாடிதே³ஸனீயகண்ட³ங் 7. ஸேகி²யகண்ட³ங் 8. அதி⁴கரணஸமதா² 1. பாராஜிககண்ட³ங் (பி⁴க்கு²னீவிப⁴ங்கோ³) 2. ஸங்கா⁴தி³ஸேஸகண்ட³ங் (பி⁴க்கு²னீவிப⁴ங்கோ³) 3. நிஸ்ஸக்³கி³யகண்ட³ங் (பி⁴க்கு²னீவிப⁴ங்கோ³) 4. பாசித்தியகண்ட³ங் (பி⁴க்கு²னீவிப⁴ங்கோ³) 5. பாடிதே³ஸனீயகண்ட³ங் (பி⁴க்கு²னீவிப⁴ங்கோ³) 6. ஸேகி²யகண்ட³ங் (பி⁴க்கு²னீவிப⁴ங்கோ³) 7. அதி⁴கரணஸமதா² (பி⁴க்கு²னீவிப⁴ங்கோ³) மஹாவக்³க³பாளி 1. மஹாக²ந்த⁴கோ 2. உபோஸத²க்க²ந்த⁴கோ 3. வஸ்ஸூபனாயிகக்க²ந்த⁴கோ 4. பவாரணாக்க²ந்த⁴கோ 5. சம்மக்க²ந்த⁴கோ 6. பே⁴ஸஜ்ஜக்க²ந்த⁴கோ 7. கதி²னக்க²ந்த⁴கோ 8. சீவரக்க²ந்த⁴கோ 9. சம்பெய்யக்க²ந்த⁴கோ 10. கோஸம்ப³கக்க²ந்த⁴கோ
Filed under: Vinaya Pitaka, ವಿನಯಪಿಟಕ
Posted by: site admin @ 9:03 am

LESSON 2877 Sat 19 Jan 2019


128. anāpattipannarasakaṁ (Mv.IV.7.1)



The Set of Fifteen Non-Offenses [Mv.II.28.1]



[233] tena kho pana samayena aññatarasmiṁ āvāse tadahupavāraṇāya sambahulā āvāsikā bhikkhū sannipatiṁsu pañca vā atirekā vā.

Now on that occasion, in a certain residence, on the day of the Invitation several resident monks gathered—five or more.

te na jāniṁsu atthaññe āvāsikā bhikkhū anāgatāti.

They didn’t know that there were other resident monks who hadn’t come.

te dhammasaññino vinayasaññino vaggā samaggasaññino pavāresuṁ.

Perceiving it to be Dhamma, perceiving it to be Vinaya—factional, but perceiving it to be united—they invited.

tehi pavāriyamāne athaññe āvāsikā bhikkhū āgacchiṁsu bahutarā.

As they were inviting, a greater number of other resident monks came.

bhagavato etamatthaṁ ārocesuṁ.

They reported the matter to the Blessed One.

(Mv.IV.7.2) idha pana bhikkhave aññatarasmiṁ āvāse tadahupavāraṇāya sambahulā āvāsikā bhikkhū sannipatanti pañca vā atirekā vā.

“Monks, there is the case where, in a certain
residence, on the day of the Invitation, several resident monks
gather—five or more.

te na jānanti atthaññe āvāsikā bhikkhū anāgatāti.

“They don’t know that there are other resident monks who haven’t come.

te dhammasaññino vinayasaññino vaggā samaggasaññino pavārenti.

“Perceiving it to be Dhamma, perceiving it to be Vinaya—factional, but perceiving it to be united—they invite.

tehi pavāriyamāne athaññe āvāsikā bhikkhū āgacchanti bahutarā.

“As they are inviting, a greater number of other resident monks comes.

tehi bhikkhave bhikkhūhi puna pavāretabbaṁ

“The monks should invite again.

pavāritānaṁ anāpatti.

“There is no offense for those who have invited.

(Mv.IV.7.3) idha pana bhikkhave aññatarasmiṁ āvāse tadahupavāraṇāya sambahulā āvāsikā bhikkhū sannipatanti pañca vā atirekā vā.

“Monks, there is the case where, in a certain
residence, on the day of the Invitation, several resident monks
gather—five or more.

te na jānanti atthaññe āvāsikā bhikkhū anāgatāti.

“They don’t know that there are other resident monks who haven’t come.

te dhammasaññino vinayasaññino vaggā samaggasaññino pavārenti.

“Perceiving it to be Dhamma, perceiving it to be Vinaya—factional, but perceiving it to be united—they invite.

tehi pavāriyamāne athaññe āvāsikā bhikkhū āgacchanti samasamā.

“As they are inviting, an equal number of other resident monks comes.

pavāritā suppavāritā avasesehi pavāretabbaṁ

“Those who have invited have invited well. The remainder should invite.

pavāritānaṁ anāpatti.

“There is no offense for those who have invited.

idha pana bhikkhave aññatarasmiṁ āvāse tadahupavāraṇāya sambahulā āvāsikā bhikkhū sannipatanti pañca vā atirekā vā.

“Monks, there is the case where, in a certain
residence, on the day of the Invitation, several resident monks
gather—five or more.

te na jānanti atthaññe āvāsikā bhikkhū anāgatāti.

“They don’t know that there are other resident monks who haven’t come.

te dhammasaññino vinayasaññino vaggā samaggasaññino pavārenti.

“Perceiving it to be Dhamma, perceiving it to be Vinaya—factional, but perceiving it to be united—they invite.

tehi pavāriyamāne athaññe āvāsikā bhikkhū āgacchanti thokatarā.

“As they are inviting, a smaller number of other resident monks comes.

pavāritā suppavāritā avasesehi pavāretabbaṁ

“Those who have invited have invited well. The remainder should invite.

pavāritānaṁ anāpatti.

“There is no offense for those who have invited.

(Mv.IV.7.4) idha pana bhikkhave aññatarasmiṁ āvāse tadahupavāraṇāya sambahulā āvāsikā bhikkhū sannipatanti pañca vā atirekā vā.

“Monks, there is the case where, in a certain
residence, on the day of the Invitation, several resident monks
gather—five or more.

te na jānanti atthaññe āvāsikā bhikkhū anāgatāti.

“They don’t know that there are other resident monks who haven’t come.

te dhammasaññino vinayasaññino vaggā samaggasaññino pavārenti.

“Perceiving it to be Dhamma, perceiving it to be Vinaya—factional, but perceiving it to be united—they invite.

tehi pavāritamatte athaññe āvāsikā bhikkhū āgacchanti bahutarā.

“When the Invitation has just been performed by them, a greater number of other resident monks comes.

tehi bhikkhave bhikkhūhi puna pavāretabbaṁ

“The monks should invite again.

pavāritānaṁ anāpatti .pe.

“There is no offense for those who have invited. …

athaññe āvāsikā bhikkhū āgacchanti samasamā.

“an equal number of other resident monks comes.

pavāritā suppavāritā tesaṁ santike pavāretabbaṁ

“Those who have invited have invited well. They (the newcomers) should invite in their presence.

pavāritānaṁ anāpatti .pe.

“There is no offense for those who have invited. …

athaññe āvāsikā bhikkhū āgacchanti thokatarā.

“a smaller number of other resident monks comes.

pavāritā suppavāritā tesaṁ santike pavāretabbaṁ

“Those who have invited have invited well. They (the newcomers) should invite in their presence.

pavāritānaṁ anāpatti.

“There is no offense for those who have invited.

(Mv.IV.7.5) idha pana bhikkhave aññatarasmiṁ āvāse tadahupavāraṇāya sambahulā āvāsikā bhikkhū sannipatanti pañca vā atirekā vā.

“Monks, there is the case where, in a certain
residence, on the day of the Invitation, several resident monks
gather—five or more.

te na jānanti atthaññe āvāsikā bhikkhū anāgatāti.

“They don’t know that there are other resident monks who haven’t come.

te dhammasaññino vinayasaññino vaggā samaggasaññino pavārenti.

“Perceiving it to be Dhamma, perceiving it to be Vinaya—factional, but perceiving it to be united—they invite.

tehi pavāritamatte avuṭṭhitāya parisāya athaññe āvāsikā bhikkhū āgacchanti bahutarā.

“When the Invitation has just been performed by
them and the assembly hasn’t gotten up, a greater number of other
resident monks comes.

tehi bhikkhave bhikkhūhi puna pavāretabbaṁ

“The monks should invite again.

pavāritānaṁ anāpatti .pe.

“There is no offense for those who have invited. …

athaññe āvāsikā bhikkhū āgacchanti samasamā .pe.

“an equal number of other resident monks comes.

thokatarā.

“smaller.

pavāritā suppavāritā tesaṁ santike pavāretabbaṁ

“Those who have invited have invited well. They (the newcomers) should invite in their presence.

pavāritānaṁ anāpatti.

“There is no offense for those who have invited.

idha pana bhikkhave aññatarasmiṁ āvāse tadahupavāraṇāya sambahulā āvāsikā bhikkhū sannipatanti pañca vā atirekā vā.

“Monks, there is the case where, in a certain
residence, on the day of the Invitation, several resident monks
gather—five or more.

te na jānanti atthaññe āvāsikā bhikkhū anāgatāti.

“They don’t know that there are other resident monks who haven’t come.

te dhammasaññino vinayasaññino vaggā samaggasaññino pavārenti.

“Perceiving it to be Dhamma, perceiving it to be Vinaya—factional, but perceiving it to be united—they invite.

tehi pavāritamatte ekaccāya vuṭṭhitāya parisāya athaññe āvāsikā bhikkhū āgacchanti bahutarā.

“When the Invitation has just been performed by
them and the some of the assembly has gotten up, a greater number of
other resident monks comes.

tehi bhikkhave bhikkhūhi puna pavāretabbaṁ

“The monks should invite again.

pavāritānaṁ anāpatti .pe.

“There is no offense for those who have invited. …

athaññe āvāsikā bhikkhū āgacchanti samasamā .pe.

“an equal number of other resident monks comes.

thokatarā.

“smaller.

pavāritā suppavāritā tesaṁ santike pavāretabbaṁ

“Those who have invited have invited well. They (the newcomers) should invite in their presence.

pavāritānaṁ anāpatti.

“There is no offense for those who have invited.

idha pana bhikkhave aññatarasmiṁ āvāse tadahupavāraṇāya sambahulā āvāsikā bhikkhū sannipatanti pañca vā atirekā vā.

“Monks, there is the case where, in a certain
residence, on the day of the Invitation, several resident monks
gather—five or more.

te na jānanti atthaññe āvāsikā bhikkhū anāgatāti.

“They don’t know that there are other resident monks who haven’t come.

te dhammasaññino vinayasaññino vaggā samaggasaññino pavārenti.

“Perceiving it to be Dhamma, perceiving it to be Vinaya—factional, but perceiving it to be united—they invite.

tehi pavāritamatte sabbāya vuṭṭhitāya parisāya athaññe āvāsikā bhikkhū āgacchanti bahutarā.

“When the Invitation has just been performed by
them and all of the assembly has gotten up, a greater number of other
resident monks comes.

tehi bhikkhave bhikkhūhi puna pavāretabbaṁ

“The monks should invite again.

pavāritānaṁ anāpatti .pe.

“There is no offense for those who have invited. …

athaññe āvāsikā bhikkhū āgacchanti samasamā .pe.

“an equal number of other resident monks comes.

thokatarā.

“smaller.

pavāritā suppavāritā tesaṁ santike pavāretabbaṁ

“Those who have invited have invited well. They (the newcomers) should invite in their presence.

pavāritānaṁ anāpatti.

“There is no offense for those who have invited.

anāpattipaṇṇarasakaṁ niṭṭhitaṁ.

The Set of Fifteen Non-offenses is finished.




https://www.tipitaka.org/taml/

5. சம்மக்க²ந்த⁴கோ
8. சீவரக்க²ந்த⁴கோ


10. கோஸம்ப³கக்க²ந்த⁴கோ


271. கோஸம்ப³கவிவாத³கதா²


451. தேன
ஸமயேன பு³த்³தோ⁴ ப⁴க³வா கோஸம்பி³யங் விஹரதி கோ⁴ஸிதாராமே. தேன கோ² பன ஸமயேன
அஞ்ஞதரோ பி⁴க்கு² ஆபத்திங் ஆபன்னோ ஹோதி. ஸோ தஸ்ஸா ஆபத்தியா ஆபத்திதி³ட்டி²
[ஆபத்திதி³ட்டீ² (ஸீ॰)] ஹோதி; அஞ்ஞே பி⁴க்கூ²
தஸ்ஸா ஆபத்தியா அனாபத்திதி³ட்டி²னோ ஹொந்தி. ஸோ அபரேன ஸமயேன தஸ்ஸா ஆபத்தியா
அனா பத்திதி³ட்டி² ஹோதி; அஞ்ஞே பி⁴க்கூ² தஸ்ஸா ஆபத்தியா ஆபத்திதி³ட்டி²னோ
ஹொந்தி. அத² கோ² தே பி⁴க்கூ² தங் பி⁴க்கு²ங் ஏதத³வோசுங் – ‘‘ஆபத்திங்
த்வங், ஆவுஸோ, ஆபன்னோ, பஸ்ஸஸேதங் ஆபத்தி’’ந்தி? ‘‘நத்தி² மே, ஆவுஸோ, ஆபத்தி
யமஹங் பஸ்ஸெய்ய’’ந்தி. அத² கோ² தே பி⁴க்கூ² ஸாமக்³கி³ங் லபி⁴த்வா தங்
பி⁴க்கு²ங் ஆபத்தியா அத³ஸ்ஸனே உக்கி²பிங்ஸு. ஸோ ச பி⁴க்கு² ப³ஹுஸ்ஸுதோ ஹோதி
ஆக³தாக³மோ த⁴ம்மத⁴ரோ வினயத⁴ரோ மாதிகாத⁴ரோ பண்டி³தோ ப்³யத்தோ மேதா⁴வீ லஜ்ஜீ
குக்குச்சகோ ஸிக்கா²காமோ. அத² கோ² ஸோ பி⁴க்கு² ஸந்தி³ட்டே² ஸம்ப⁴த்தே
பி⁴க்கூ² உபஸங்கமித்வா ஏதத³வோச – ‘‘அனாபத்தி ஏஸா, ஆவுஸோ, நேஸா ஆபத்தி.
அனாபன்னொம்ஹி, நம்ஹி ஆபன்னோ. அனுக்கி²த்தொம்ஹி, நம்ஹி உக்கி²த்தோ.
அத⁴ம்மிகேனம்ஹி கம்மேன உக்கி²த்தோ குப்பேன அட்டா²னாரஹேன. ஹோத² மே ஆயஸ்மந்தோ
த⁴ம்மதோ வினயதோ பக்கா²’’தி. அலபி⁴ கோ² ஸோ பி⁴க்கு² ஸந்தி³ட்டே² ஸம்ப⁴த்தே
பி⁴க்கூ² பக்கே². ஜானபதா³னம்பி ஸந்தி³ட்டா²னங் ஸம்ப⁴த்தானங் பி⁴க்கூ²னங்
ஸந்திகே தூ³தங் பாஹேஸி – அனாபத்தி ஏஸா, ஆவுஸோ, நேஸா
ஆபத்தி. அனாபன்னொம்ஹி, நம்ஹி ஆபன்னோ. அனுக்கி²த்தொம்ஹி, நம்ஹி உக்கி²த்தோ.
அத⁴ம்மிகேனம்ஹி கம்மேன உக்கி²த்தோ குப்பேன அட்டா²னாரஹேன. ஹொந்து மே
ஆயஸ்மந்தோ த⁴ம்மதோ வினயதோ பக்கா²’’தி. அலபி⁴ கோ² ஸோ பி⁴க்கு² ஜானபதே³பி
ஸந்தி³ட்டே² ஸம்ப⁴த்தே பி⁴க்கூ² பக்கே². அத² கோ² தே உக்கி²த்தானுவத்தகா
பி⁴க்கூ² யேன உக்கே²பகா பி⁴க்கூ² தேனுபஸங்கமிங்ஸு, உபஸங்கமித்வா உக்கே²பகே
பி⁴க்கூ² ஏதத³வோசுங் – ‘‘அனாபத்தி ஏஸா, ஆவுஸோ, நேஸா ஆபத்தி. அனாபன்னோ ஏஸோ
பி⁴க்கு², நேஸோ பி⁴க்கு² ஆபன்னோ. அனுக்கி²த்தோ ஏஸோ பி⁴க்கு², நேஸோ பி⁴க்கு²
உக்கி²த்தோ . அத⁴ம்மிகேன கம்மேன உக்கி²த்தோ குப்பேன அட்டா²னாரஹேனா’’தி. ஏவங் வுத்தே
உக்கே²பகா பி⁴க்கூ² உக்கி²த்தானுவத்தகே பி⁴க்கூ² ஏதத³வோசுங் – ‘‘ஆபத்தி
ஏஸா ஆவுஸோ, நேஸா அனாபத்தி. ஆபன்னோ ஏஸோ பி⁴க்கு², நேஸோ பி⁴க்கு² அனாபன்னோ.
உக்கி²த்தோ ஏஸோ பி⁴க்கு², நேஸோ பி⁴க்கு² அனுக்கி²த்தோ. த⁴ம்மிகேன கம்மேன
உக்கி²த்தோ அகுப்பேன டா²னாரஹேன. மா கோ² தும்ஹே ஆயஸ்மந்தோ ஏதங் உக்கி²த்தகங்
பி⁴க்கு²ங் அனுவத்தித்த² அனுபரிவாரேதா²’’தி. ஏவம்பி கோ² தே
உக்கி²த்தானுவத்தகா பி⁴க்கூ² உக்கே²பகேஹி பி⁴க்கூ²ஹி வுச்சமானா ததே²வ தங்
உக்கி²த்தகங் பி⁴க்கு²ங் அனுவத்திங்ஸு அனுபரிவாரேஸுங்.


452.
அத² கோ² அஞ்ஞதரோ பி⁴க்கு² யேன ப⁴க³வா தேனுபஸங்கமி, உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஸோ
பி⁴க்கு² ப⁴க³வந்தங் ஏதத³வோச – ‘‘இத⁴, ப⁴ந்தே, அஞ்ஞதரோ பி⁴க்கு² ஆபத்திங்
ஆபன்னோ அஹோஸி. ஸோ தஸ்ஸா ஆபத்தியா ஆபத்திதி³ட்டி²
அஹோஸி, அஞ்ஞே பி⁴க்கூ² தஸ்ஸா ஆபத்தியா அனாபத்திதி³ட்டி²னோ அஹேஸுங். ஸோ
அபரேன ஸமயேன தஸ்ஸா ஆபத்தியா அனாபத்திதி³ட்டி² அஹோஸி, அஞ்ஞே பி⁴க்கூ² தஸ்ஸா
ஆபத்தியா ஆபத்திதி³ட்டி²னோ அஹேஸுங். அத² கோ² தே, ப⁴ந்தே, பி⁴க்கூ² தங்
பி⁴க்கு²ங் ஏதத³வோசுங் – ‘ஆபத்திங் த்வங், ஆவுஸோ, ஆபன்னோ, பஸ்ஸஸேதங்
ஆபத்தி’ந்தி? ‘‘நத்தி² மே, ஆவுஸோ, ஆபத்தி யமஹங் பஸ்ஸெய்ய’’ந்தி. அத² கோ²
தே, ப⁴ந்தே, பி⁴க்கூ² ஸாமக்³கி³ங் லபி⁴த்வா தங் பி⁴க்கு²ங் ஆபத்தியா
அத³ஸ்ஸனே உக்கி²பிங்ஸு. ஸோ ச, ப⁴ந்தே, பி⁴க்கு² ப³ஹுஸ்ஸுதோ ஆக³தாக³மோ
த⁴ம்மத⁴ரோ வினயத⁴ரோ மாதிகாத⁴ரோ பண்டி³தோ ப்³யத்தோ மேதா⁴வீ லஜ்ஜீ
குக்குச்சகோ ஸிக்கா²காமோ. அத² கோ² ஸோ, ப⁴ந்தே, பி⁴க்கு² ஸந்தி³ட்டே²
ஸம்ப⁴த்தே பி⁴க்கூ² உபஸங்கமித்வா ஏதத³வோச – ‘அனாபத்தி ஏஸா, ஆவுஸோ; நேஸா
ஆபத்தி. அனாபன்னொம்ஹி, நம்ஹி ஆபன்னோ. அனுக்கி²த்தொம்ஹி, நம்ஹி உக்கி²த்தோ.
அத⁴ம்மிகேனம்ஹி கம்மேன உக்கி²த்தோ குப்பேன அட்டா²னாரஹேன. ஹோத² மே ஆயஸ்மந்தோ
த⁴ம்மதோ வினயதோ பக்கா²’தி. அலபி⁴ கோ² ஸோ, ப⁴ந்தே, பி⁴க்கு² ஸந்தி³ட்டே²
ஸம்ப⁴த்தே பி⁴க்கூ² பக்கே². ஜானபதா³னம்பி ஸந்தி³ட்டா²னங் ஸம்ப⁴த்தானங்
பி⁴க்கூ²னங் ஸந்திகே தூ³தங் பாஹேஸி – ‘அனாபத்தி ஏஸா, ஆவுஸோ; நேஸா ஆபத்தி.
அனாபன்னொம்ஹி, நம்ஹி ஆபன்னோ. அனுக்கி²த்தொம்ஹி, நம்ஹி உக்கி²த்தோ.
அத⁴ம்மிகேனம்ஹி கம்மேன உக்கி²த்தோ குப்பேன அட்டா²னாரஹேன. ஹொந்து மே
ஆயஸ்மந்தோ த⁴ம்மதோ வினயதோ பக்கா²’தி. அலபி⁴ கோ² ஸோ, ப⁴ந்தே, பி⁴க்கு²
ஜானபதே³பி ஸந்தி³ட்டே² ஸம்ப⁴த்தே
பி⁴க்கூ² பக்கே². அத² கோ² தே, ப⁴ந்தே, உக்கி²த்தானுவத்தகா பி⁴க்கூ² யேன
உக்கே²பகா பி⁴க்கூ² தேனுபஸங்கமிங்ஸு, உபஸங்கமித்வா உக்கே²பகே பி⁴க்கூ²
ஏதத³வோசுங் – ‘அனாபத்தி ஏஸா, ஆவுஸோ; நேஸா ஆபத்தி. அனாபன்னோ ஏஸோ பி⁴க்கு²,
நேஸோ பி⁴க்கு² ஆபன்னோ. அனுக்கி²த்தோ ஏஸோ பி⁴க்கு², நேஸோ பி⁴க்கு²
உக்கி²த்தோ. அத⁴ம்மிகேன கம்மேன உக்கி²த்தோ குப்பேன அட்டா²னாரஹேனா’தி. ஏவங்
வுத்தே தே, ப⁴ந்தே, உக்கே²பகா பி⁴க்கூ² உக்கி²த்தானுவத்தகே பி⁴க்கூ²
ஏதத³வோசுங் – ‘ஆபத்தி ஏஸா, ஆவுஸோ; நேஸா அனாபத்தி. ஆபன்னோ
ஏஸோ பி⁴க்கு², நேஸோ பி⁴க்கு² அனாபன்னோ. உக்கி²த்தோ ஏஸோ பி⁴க்கு², நேஸோ
பி⁴க்கு² அனுக்கி²த்தோ. த⁴ம்மிகேன கம்மேன உக்கி²த்தோ அகுப்பேன டா²னாரஹேன.
மா கோ² தும்ஹே ஆயஸ்மந்தோ ஏதங் உக்கி²த்தகங் பி⁴க்கு²ங் அனுவத்தித்த²
அனுபரிவாரேதா²’தி. ஏவம்பி கோ² தே, ப⁴ந்தே, உக்கி²த்தானுவத்தகா பி⁴க்கூ²
உக்கே²பகேஹி பி⁴க்கூ²ஹி வுச்சமானா ததே²வ தங் உக்கி²த்தகங் பி⁴க்கு²ங்
அனுவத்தந்தி அனுபரிவாரெந்தீ’’தி.


453.
அத² கோ² ப⁴க³வா ‘பி⁴ன்னோ பி⁴க்கு²ஸங்கோ⁴, பி⁴ன்னோ பி⁴க்கு²ஸங்கோ⁴’தி –
உட்டா²யாஸனா யேன உக்கே²பகா பி⁴க்கூ² தேனுபஸங்கமி, உபஸங்கமித்வா பஞ்ஞத்தே
ஆஸனே நிஸீதி³, நிஸஜ்ஜ கோ² ப⁴க³வா உக்கே²பகே பி⁴க்கூ² ஏதத³வோச – ‘‘மா கோ²
தும்ஹே, பி⁴க்க²வே, ‘படிபா⁴தி நோ, படிபா⁴தி நோ’தி யஸ்மிங் வா தஸ்மிங் வா
பி⁴க்கு²ங் உக்கி²பிதப்³ப³ங் மஞ்ஞித்த²’’.


‘‘இத⁴ பன, பி⁴க்க²வே, பி⁴க்கு² ஆபத்திங் ஆபன்னோ ஹோதி.
ஸோ தஸ்ஸா ஆபத்தியா அனாபத்திதி³ட்டி² ஹோதி, அஞ்ஞே பி⁴க்கூ² தஸ்ஸா ஆபத்தியா
ஆபத்திதி³ட்டி²னோ ஹொந்தி . தே சே, பி⁴க்க²வே,
பி⁴க்கூ² தங் பி⁴க்கு²ங் ஏவங் ஜானந்தி – ‘அயங் கோ² ஆயஸ்மா ப³ஹுஸ்ஸுதோ
ஆக³தாக³மோ த⁴ம்மத⁴ரோ வினயத⁴ரோ மாதிகாத⁴ரோ பண்டி³தோ ப்³யத்தோ மேதா⁴வீ லஜ்ஜீ
குக்குச்சகோ ஸிக்கா²காமோ. ஸசே மயங் இமங் பி⁴க்கு²ங் ஆபத்தியா அத³ஸ்ஸனே
உக்கி²பிஸ்ஸாம, ந மயங் இமினா பி⁴க்கு²னா ஸத்³தி⁴ங்
உபோஸத²ங் கரிஸ்ஸாம, வினா இமினா பி⁴க்கு²னா உபோஸத²ங் கரிஸ்ஸாம, ப⁴விஸ்ஸதி
ஸங்க⁴ஸ்ஸ ததோனிதா³னங் ப⁴ண்ட³னங் கலஹோ விக்³க³ஹோ விவாதோ³ ஸங்க⁴பே⁴தோ³
ஸங்க⁴ராஜி ஸங்க⁴வவத்தா²னங் ஸங்க⁴னானாகரண’ந்தி, பே⁴த³க³ருகேஹி, பி⁴க்க²வே,
பி⁴க்கூ²ஹி ந ஸோ பி⁴க்கு² ஆபத்தியா அத³ஸ்ஸனே உக்கி²பிதப்³போ³.


‘‘இத⁴ பன, பி⁴க்க²வே, பி⁴க்கு² ஆபத்திங் ஆபன்னோ ஹோதி.
ஸோ தஸ்ஸா ஆபத்தியா அனாபத்திதி³ட்டி² ஹோதி, அஞ்ஞே பி⁴க்கூ² தஸ்ஸா ஆபத்தியா
ஆபத்திதி³ட்டி²னோ ஹொந்தி. தே சே, பி⁴க்க²வே,
பி⁴க்கூ² தங் பி⁴க்கு²ங் ஏவங் ஜானந்தி – ‘அயங் கோ² ஆயஸ்மா ப³ஹுஸ்ஸுதோ
ஆக³தாக³மோ த⁴ம்மத⁴ரோ வினயத⁴ரோ மாதிகாத⁴ரோ பண்டி³தோ ப்³யத்தோ மேதா⁴வீ லஜ்ஜீ
குக்குச்சகோ ஸிக்கா²காமோ. ஸசே மயங் இமங் பி⁴க்கு²ங் ஆபத்தியா அத³ஸ்ஸனே
உக்கி²பிஸ்ஸாம, ந மயங் இமினா பி⁴க்கு²னா ஸத்³தி⁴ங் பவாரெஸ்ஸாம, வினா இமினா
பி⁴க்கு²னா பவாரெஸ்ஸாம. ந மயங் இமினா பி⁴க்கு²னா ஸத்³தி⁴ங் ஸங்க⁴கம்மங்
கரிஸ்ஸாம, வினா இமினா பி⁴க்கு²னா ஸங்க⁴கம்மங் கரிஸ்ஸாம. ந மயங் இமினா
பி⁴க்கு²னா ஸத்³தி⁴ங் ஆஸனே நிஸீதி³ஸ்ஸாம, வினா இமினா பி⁴க்கு²னா ஆஸனே
நிஸீதி³ஸ்ஸாம. ந மயங் இமினா பி⁴க்கு²னா ஸத்³தி⁴ங் யாகு³பானே நிஸீதி³ஸ்ஸாம,
வினா இமினா பி⁴க்கு²னா யாகு³பானே நிஸீதி³ஸ்ஸாம . ந
மயங் இமினா பி⁴க்கு²னா ஸத்³தி⁴ங் ப⁴த்தக்³கே³ நிஸீதி³ஸ்ஸாம, வினா இமினா
பி⁴க்கு²னா ப⁴த்தக்³கே³ நிஸீதி³ஸ்ஸாம. ந மயங் இமினா பி⁴க்கு²னா ஸத்³தி⁴ங்
ஏகச்ச²ன்னே வஸிஸ்ஸாம, வினா இமினா பி⁴க்கு²னா
ஏகச்ச²ன்னே வஸிஸ்ஸாம. ந மயங் இமினா பி⁴க்கு²னா ஸத்³தி⁴ங் யதா²வுட்³ட⁴ங்
அபி⁴வாத³னங் பச்சுட்டா²னங் அஞ்ஜலிகம்மங் ஸாமீசிகம்மங் கரிஸ்ஸாம, வினா இமினா
பி⁴க்கு²னா யதா²வுட்³ட⁴ங் அபி⁴வாத³னங் பச்சுட்டா²னங் அஞ்ஜலிகம்மங்
ஸாமீசிகம்மங் கரிஸ்ஸாம. ப⁴விஸ்ஸதி ஸங்க⁴ஸ்ஸ ததோனிதா³னங் ப⁴ண்ட³னங் கலஹோ
விக்³க³ஹோ விவாதோ³ ஸங்க⁴பே⁴தோ³ ஸங்க⁴ராஜி ஸங்க⁴வவத்தா²னங்
ஸங்க⁴னானாகரண’ந்தி, பே⁴த³க³ருகேஹி, பி⁴க்க²வே, பி⁴க்கூ²ஹி ந ஸோ பி⁴க்கு²
ஆபத்தியா அத³ஸ்ஸனே உக்கி²பிதப்³போ³’’தி.


454.
அத² கோ² ப⁴க³வா உக்கே²பகானங் பி⁴க்கூ²னங் ஏதமத்த²ங் பா⁴ஸித்வா உட்டா²யாஸனா
யேன உக்கி²த்தானுவத்தகா பி⁴க்கூ² தேனுபஸங்கமி, உபஸங்கமித்வா பஞ்ஞத்தே ஆஸனே
நிஸீதி³, நிஸஜ்ஜ கோ² ப⁴க³வா உக்கி²த்தானுவத்தகே பி⁴க்கூ² ஏதத³வோச – ‘‘மா
கோ² தும்ஹே, பி⁴க்க²வே, ஆபத்திங் ஆபஜ்ஜித்வா ‘நாம்ஹ ஆபன்னா, நாம்ஹ
ஆபன்னா’தி ஆபத்திங் ந படிகாதப்³ப³ங் மஞ்ஞித்த²’’.


‘‘இத⁴ பன, பி⁴க்க²வே, பி⁴க்கு² ஆபத்திங் ஆபன்னோ ஹோதி.
ஸோ தஸ்ஸா ஆபத்தியா அனாபத்திதி³ட்டி² ஹோதி, அஞ்ஞே பி⁴க்கூ² தஸ்ஸா ஆபத்தியா
ஆபத்திதி³ட்டி²னோ ஹொந்தி. ஸோ சே, பி⁴க்க²வே, பி⁴க்கு² தே பி⁴க்கூ² ஏவங்
ஜானாதி – ‘இமே கோ² ஆயஸ்மந்தோ [ஆயஸ்மந்தா (க॰)]
ப³ஹுஸ்ஸுதா ஆக³தாக³மா த⁴ம்மத⁴ரா வினயத⁴ரா மாதிகாத⁴ரா பண்டி³தா ப்³யத்தா
மேதா⁴வினோ லஜ்ஜினோ குக்குச்சகா ஸிக்கா²காமா, நாலங் மமங் வா காரணா அஞ்ஞேஸங்
வா காரணா ச²ந்தா³ தோ³ஸா மோஹா ப⁴யா அக³திங் க³ந்துங். ஸசே மங் இமே பி⁴க்கூ² ஆபத்தியா அத³ஸ்ஸனே உக்கி²பிஸ்ஸந்தி , ந மயா ஸத்³தி⁴ங் உபோஸத²ங் கரிஸ்ஸந்தி, வினா மயா உபோஸத²ங் கரிஸ்ஸந்தி, ப⁴விஸ்ஸதி
ஸங்க⁴ஸ்ஸ ததோனிதா³னங் ப⁴ண்ட³னங் கலஹோ விக்³க³ஹோ விவாதோ³ ஸங்க⁴பே⁴தோ³
ஸங்க⁴ராஜி ஸங்க⁴வவத்தா²னங் ஸங்க⁴னானாகரண’ந்தி, பே⁴த³க³ருகேன, பி⁴க்க²வே,
பி⁴க்கு²னா பரேஸம்பி ஸத்³தா⁴ய ஸா ஆபத்தி தே³ஸேதப்³பா³.


‘‘இத⁴ பன, பி⁴க்க²வே, பி⁴க்கு² ஆபத்திங் ஆபன்னோ ஹோதி.
ஸோ தஸ்ஸா ஆபத்தியா அனாபத்திதி³ட்டி² ஹோதி, அஞ்ஞே பி⁴க்கூ² தஸ்ஸா ஆபத்தியா
ஆபத்திதி³ட்டி²னோ ஹொந்தி. ஸோ சே, பி⁴க்க²வே, பி⁴க்கு² தே பி⁴க்கூ² ஏவங்
ஜானாதி – ‘இமே கோ² ஆயஸ்மந்தோ ப³ஹுஸ்ஸுதா ஆக³தாக³மா த⁴ம்மத⁴ரா வினயத⁴ரா
மாதிகாத⁴ரா பண்டி³தா ப்³யத்தா மேதா⁴வினோ லஜ்ஜினோ குக்குச்சகா ஸிக்கா²காமா,
நாலங் மமங் வா காரணா அஞ்ஞேஸங் வா காரணா ச²ந்தா³ தோ³ஸா மோஹா ப⁴யா அக³திங்
க³ந்துங். ஸசே மங் இமே பி⁴க்கூ² ஆபத்தியா அத³ஸ்ஸனே உக்கி²பிஸ்ஸந்தி, ந மயா
ஸத்³தி⁴ங் பவாரெஸ்ஸந்தி , வினா மயா பவாரெஸ்ஸந்தி. ந
மயா ஸத்³தி⁴ங் ஸங்க⁴கம்மங் கரிஸ்ஸந்தி, வினா மயா ஸங்க⁴கம்மங் கரிஸ்ஸந்தி. ந
மயா ஸத்³தி⁴ங் ஆஸனே நிஸீதி³ஸ்ஸந்தி, வினா மயா ஆஸனே நிஸீதி³ஸ்ஸந்தி. ந மயா
ஸத்³தி⁴ங் யாகு³பானே நிஸீதி³ஸ்ஸந்தி, வினா மயா யாகு³பானே நிஸீதி³ஸ்ஸந்தி. ந
மயா ஸத்³தி⁴ங் ப⁴த்தக்³கே³ நிஸீதி³ஸ்ஸந்தி வினா மயா ப⁴த்தக்³கே³
நிஸீதி³ஸ்ஸந்தி. ந மயா ஸத்³தி⁴ங் ஏகச்ச²ன்னே வஸிஸ்ஸந்தி, வினா மயா
ஏகச்ச²ன்னே வஸிஸ்ஸந்தி. ந மயா ஸத்³தி⁴ங் யதா²வுட்³ட⁴ங் அபி⁴வாத³னங்
பச்சுட்டா²னங் அஞ்ஜலிகம்மங் ஸாமீசிகம்மங் கரிஸ்ஸந்தி, வினா மயா
யதா²வுட்³ட⁴ங் அபி⁴வாத³னங் பச்சுட்டா²னங் அஞ்ஜலிகம்மங் ஸாமீசிகம்மங்
கரிஸ்ஸந்தி, ப⁴விஸ்ஸதி ஸங்க⁴ஸ்ஸ ததோனிதா³னங் ப⁴ண்ட³னங் கலஹோ விக்³க³ஹோ
விவாதோ³ ஸங்க⁴பே⁴தோ³ ஸங்க⁴ராஜி ஸங்க⁴வவத்தா²னங் ஸங்க⁴னானாகரண’ந்தி ,
பே⁴த³க³ருகேன, பி⁴க்க²வே, பி⁴க்கு²னா பரேஸம்பி ஸத்³தா⁴ய ஸா ஆபத்தி
தே³ஸேதப்³பா³’’தி. அத² கோ² ப⁴க³வா உக்கி²த்தானுவத்தகானங் பி⁴க்கூ²னங்
ஏதமத்த²ங் பா⁴ஸித்வா உட்டா²யாஸனா பக்காமி.


455.
தேன கோ² பன ஸமயேன உக்கி²த்தானுவத்தகா பி⁴க்கூ² தத்தே²வ அந்தோஸீமாய
உபோஸத²ங் கரொந்தி, ஸங்க⁴கம்மங் கரொந்தி. உக்கே²பகா பன பி⁴க்கூ² நிஸ்ஸீமங்
க³ந்த்வா உபோஸத²ங் கரொந்தி, ஸங்க⁴கம்மங் கரொந்தி. அத² கோ² அஞ்ஞதரோ
உக்கே²பகோ பி⁴க்கு² யேன ப⁴க³வா தேனுபஸங்கமி, உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ²
ஸோ பி⁴க்கு² ப⁴க³வந்தங் ஏதத³வோச – ‘‘தே, ப⁴ந்தே, உக்கி²த்தானுவத்தகா
பி⁴க்கூ² தத்தே²வ அந்தோஸீமாய உபோஸத²ங் கரொந்தி, ஸங்க⁴கம்மங் கரொந்தி. மயங்
பன உக்கே²பகா பி⁴க்கூ² நிஸ்ஸீமங் க³ந்த்வா உபோஸத²ங் கரோம, ஸங்க⁴கம்மங்
கரோமா’’தி. ‘‘தே சே, பி⁴க்கு², உக்கி²த்தானுவத்தகா பி⁴க்கூ² தத்தே²வ
அந்தோஸீமாய உபோஸத²ங் கரிஸ்ஸந்தி, ஸங்க⁴கம்மங் கரிஸ்ஸந்தி, யதா² மயா ஞத்தி ச
அனுஸ்ஸாவனா ச பஞ்ஞத்தா, தேஸங் தானி கம்மானி த⁴ம்மிகானி கம்மானி
ப⁴விஸ்ஸ’’ந்தி அகுப்பானி டா²னாரஹானி. தும்ஹே சே, பி⁴க்கு², உக்கே²பகா
பி⁴க்கூ² தத்தே²வ அந்தோஸீமாய உபோஸத²ங் கரிஸ்ஸத², ஸங்க⁴கம்மங் கரிஸ்ஸத²,
யதா² மயா ஞத்தி ச அனுஸ்ஸாவனா ச பஞ்ஞத்தா, தும்ஹாகம்பி தானி கம்மானி
த⁴ம்மிகானி கம்மானி ப⁴விஸ்ஸந்தி அகுப்பானி டா²னாரஹானி. தங் கிஸ்ஸ ஹேது?
நானாஸங்வாஸகா ஏதே [தே (ஸ்யா॰)] பி⁴க்கூ² [பி⁴க்கு² (ஸீ॰ ஸ்யா॰)] தும்ஹேஹி, தும்ஹே ச தேஹி நானாஸங்வாஸகா.


‘‘த்³வேமா, பி⁴க்கு², நானாஸங்வாஸகபூ⁴மியோ – அத்தனா
வா அத்தானங் நானாஸங்வாஸகங் கரோதி, ஸமக்³கோ³ வா நங் ஸங்கோ⁴ உக்கி²பதி
அத³ஸ்ஸனே வா அப்படிகம்மே வா அப்படினிஸ்ஸக்³கே³ வா. இமா கோ², பி⁴க்கு²,
த்³வே நானாஸங்வாஸகபூ⁴மியோ. த்³வேமா, பி⁴க்கு², ஸமானஸங்வாஸகபூ⁴மியோ – அத்தனா
வா அத்தானங் ஸமானஸங்வாஸங் கரோதி, ஸமக்³கோ³ வா நங் ஸங்கோ⁴ உக்கி²த்தங்
ஓஸாரேதி அத³ஸ்ஸனே வா அப்படிகம்மே வா அப்படினிஸ்ஸக்³கே³ வா. இமா கோ²,
பி⁴க்கு², த்³வே ஸமானஸங்வாஸகபூ⁴மியோ’’தி.


456. தேன
கோ² பன ஸமயேன பி⁴க்கூ² ப⁴த்தக்³கே³ அந்தரக⁴ரே ப⁴ண்ட³னஜாதா கலஹஜாதா
விவாதா³பன்னா அஞ்ஞமஞ்ஞங் அனநுலோமிகங் காயகம்மங் வசீகம்மங் உபத³ங்ஸெந்தி,
ஹத்த²பராமாஸங் கரொந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ஸமணா ஸக்யபுத்தியா ப⁴த்தக்³கே³ அந்தரக⁴ரே ப⁴ண்ட³னஜாதா
கலஹஜாதா விவாதா³பன்னா அஞ்ஞமஞ்ஞங் அனநுலோமிகங் காயகம்மங் வசீகம்மங்
உபத³ங்ஸெஸ்ஸந்தி, ஹத்த²பராமாஸங் கரிஸ்ஸந்தீ’’தி. அஸ்ஸோஸுங் கோ² பி⁴க்கூ²
தேஸங் மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். யே தே
பி⁴க்கூ² அப்பிச்சா² தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம
பி⁴க்கூ² ப⁴த்தக்³கே³ அந்தரக⁴ரே ப⁴ண்ட³னஜாதா கலஹஜாதா விவாதா³பன்னா
அஞ்ஞமஞ்ஞங் அனநுலோமிகங் காயகம்மங் வசீகம்மங் உபத³ங்ஸெஸ்ஸந்தி ,
ஹத்த²பராமாஸங் கரிஸ்ஸந்தீ’’தி. அத² கோ² தே பி⁴க்கூ² ப⁴க³வதோ ஏதமத்த²ங்
ஆரோசேஸுங்…பே॰… ‘‘ஸச்சங் கிர, பி⁴க்க²வே, பி⁴க்கூ² ப⁴த்தக்³கே³ அந்தரக⁴ரே
ப⁴ண்ட³னஜாதா…பே॰… ஹத்த²பராமாஸங் கரொந்தீ’’தி? ‘‘ஸச்சங், ப⁴க³வா’’தி.
விக³ரஹி பு³த்³தோ⁴ ப⁴க³வா…பே॰… விக³ரஹித்வா த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘பி⁴ன்னே, பி⁴க்க²வே, ஸங்கே⁴ அத⁴ம்மியாயமானே [அத⁴ம்மியமானே (ஸீ॰ ஸ்யா॰ கத்த²சி) அத⁴ம்மீயமானே (க॰)] அஸம்மோதி³காய வத்தமானாய [-‘‘அஸம்மோதி³காவத்தமானாய’’ இதி அட்ட²கதா²யங் ஸங்வண்ணேதப்³ப³பாடோ²]
‘எத்தாவதா ந அஞ்ஞமஞ்ஞங் அனநுலோமிகங் காயகம்மங் வசீகம்மங் உபத³ங்ஸெஸ்ஸாம,
ஹத்த²பராமாஸங் கரிஸ்ஸாமா’தி ஆஸனே நிஸீதி³தப்³ப³ங். பி⁴ன்னே, பி⁴க்க²வே,
ஸங்கே⁴ த⁴ம்மியாயமானே ஸம்மோதி³காய வத்தமானாய ஆஸனந்தரிகாய
நிஸீதி³தப்³ப³’’ந்தி.


457. [ம॰ நி॰ 3.236 தோ²கங் விஸதி³ஸங்]
தேன கோ² பன ஸமயேன பி⁴க்கூ² ஸங்க⁴மஜ்ஜே² ப⁴ண்ட³னஜாதா கலஹஜாதா விவாதா³பன்னா
அஞ்ஞமஞ்ஞங் முக²ஸத்தீஹி விதுத³ந்தா விஹரந்தி. தே ந ஸக்கொந்தி தங் அதி⁴கரணங்
வூபஸமேதுங். அத² கோ² அஞ்ஞதரோ பி⁴க்கு² யேன ப⁴க³வா தேனுபஸங்கமி,
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தோ
கோ² ஸோ பி⁴க்கு² ப⁴க³வந்தங் ஏதத³வோச – ‘‘இத⁴, ப⁴ந்தே, பி⁴க்கூ² ஸங்க⁴மஜ்ஜே²
ப⁴ண்ட³னஜாதா கலஹஜாதா விவாதா³பன்னா அஞ்ஞமஞ்ஞங் முக²ஸத்தீஹி விதுத³ந்தா
விஹரந்தி. தே ந ஸக்கொந்தி தங் அதி⁴கரணங் வூபஸமேதுங். ஸாது⁴, ப⁴ந்தே, ப⁴க³வா
யேன தே பி⁴க்கூ² தேனுபஸங்கமது அனுகம்பங் உபாதா³யா’’தி. அதி⁴வாஸேஸி ப⁴க³வா
துண்ஹீபா⁴வேன. அத² கோ² ப⁴க³வா யேன தே பி⁴க்கூ² தேனுபஸங்கமி, உபஸங்கமித்வா
பஞ்ஞத்தே ஆஸனே நிஸீதி³, நிஸஜ்ஜ கோ² ப⁴க³வா தே பி⁴க்கூ² ஏதத³வோச – ‘‘அலங்,
பி⁴க்க²வே, மா ப⁴ண்ட³னங் மா கலஹங் மா விக்³க³ஹங் மா விவாத³’’ந்தி. ஏவங்
வுத்தே அஞ்ஞதரோ அத⁴ம்மவாதீ³ பி⁴க்கு² ப⁴க³வந்தங் ஏதத³வோச – ‘‘ஆக³மேது,
ப⁴ந்தே, ப⁴க³வா த⁴ம்மஸ்ஸாமீ; அப்பொஸ்ஸுக்கோ, ப⁴ந்தே, ப⁴க³வா
தி³ட்ட²த⁴ம்மஸுக²விஹாரமனுயுத்தோ விஹரது. மயமேதேன ப⁴ண்ட³னேன
கலஹேன விக்³க³ஹேன விவாதே³ன பஞ்ஞாயிஸ்ஸாமா’’தி. து³தியம்பி கோ² ப⁴க³வா தே
பி⁴க்கூ² ஏதத³வோச – ‘‘அலங், பி⁴க்க²வே, மா ப⁴ண்ட³னங் மா கலஹங் மா
விக்³க³ஹங் மா விவாத³’’ந்தி. து³தியம்பி கோ² ஸோ அத⁴ம்மவாதீ³ பி⁴க்கு²
ப⁴க³வந்தங் ஏதத³வோச – ‘‘ஆக³மேது , ப⁴ந்தே, ப⁴க³வா த⁴ம்மஸ்ஸாமீ; அப்பொஸ்ஸுக்கோ, ப⁴ந்தே , ப⁴க³வா தி³ட்ட²த⁴ம்மஸுக²விஹாரமனுயுத்தோ விஹரது. மயமேதேன ப⁴ண்ட³னேன கலஹேன விக்³க³ஹேன விவாதே³ன பஞ்ஞாயிஸ்ஸாமா’’தி.


கோஸம்ப³கவிவாத³கதா² நிட்டி²தா.


272. தீ³கா⁴வுவத்து²


458. அத² கோ² ப⁴க³வா பி⁴க்கூ² ஆமந்தேஸி – ‘‘பூ⁴தபுப்³ப³ங், பி⁴க்க²வே, பா³ராணஸியங் [வஜிரபு³த்³தி⁴டீகா ஓலோகேதப்³பா³]
ப்³ரஹ்மத³த்தோ நாம காஸிராஜா அஹோஸி அட்³டோ⁴ மஹத்³த⁴னோ மஹாபோ⁴கோ³ மஹப்³ப³லோ
மஹாவாஹனோ மஹாவிஜிதோ பரிபுண்ணகோஸகொட்டா²கா³ரோ. தீ³கீ⁴தி நாம கோஸலராஜா அஹோஸி
த³லித்³தோ³ அப்பத⁴னோ அப்பபோ⁴கோ³ அப்பப³லோ அப்பவாஹனோ அப்பவிஜிதோ
அபரிபுண்ணகோஸகொட்டா²கா³ரோ. அத² கோ², பி⁴க்க²வே, ப்³ரஹ்மத³த்தோ காஸிராஜா
சதுரங்கி³னிங் ஸேனங் ஸன்னய்ஹித்வா தீ³கீ⁴திங் கோஸலராஜானங் அப்³பு⁴ய்யாஸி.
அஸ்ஸோஸி கோ², பி⁴க்க²வே, தீ³கீ⁴தி கோஸலராஜா – ‘‘ப்³ரஹ்மத³த்தோ கிர காஸிராஜா
சதுரங்கி³னிங் ஸேனங் ஸன்னய்ஹித்வா மமங் அப்³பு⁴ய்யாதோ’’தி. அத² கோ²,
பி⁴க்க²வே, தீ³கீ⁴திஸ்ஸ கோஸலரஞ்ஞோ ஏதத³ஹோஸி – ‘‘ப்³ரஹ்மத³த்தோ கோ² காஸிராஜா
அட்³டோ⁴ மஹத்³த⁴னோ மஹாபோ⁴கோ³ மஹப்³ப³லோ மஹாவாஹனோ மஹாவிஜிதோ
பரிபுண்ணகோஸகொட்டா²கா³ரோ, அஹங் பனம்ஹி த³லித்³தோ³ அப்பத⁴னோ அப்பபோ⁴கோ³
அப்பப³லோ அப்பவாஹனோ அப்பவிஜிதோ அபரிபுண்ணகோஸகொட்டா²கா³ரோ, நாஹங் படிப³லோ ப்³ரஹ்மத³த்தேன காஸிரஞ்ஞா ஏகஸங்கா⁴தம்பி ஸஹிதுங். யங்னூனாஹங் படிகச்சேவ நக³ரம்ஹா நிப்பதெய்ய’’ந்தி.


அத² கோ², பி⁴க்க²வே, தீ³கீ⁴தி கோஸலராஜா மஹேஸிங் ஆதா³ய
படிகச்சேவ நக³ரம்ஹா நிப்பதி. அத² கோ², பி⁴க்க²வே, ப்³ரஹ்மத³த்தோ காஸிராஜா
தீ³கீ⁴திஸ்ஸ கோஸலரஞ்ஞோ ப³லஞ்ச வாஹனஞ்ச ஜனபத³ஞ்ச கோஸஞ்ச கொட்டா²கா³ரஞ்ச
அபி⁴விஜிய அஜ்ஜா²வஸதி. அத² கோ², பி⁴க்க²வே, தீ³கீ⁴தி கோஸலராஜா ஸபஜாபதிகோ
யேன வாராணஸீ தேன பக்காமி. அனுபுப்³பே³ன யேன பா³ராணஸீ தத³வஸரி. தத்ர ஸுத³ங்,
பி⁴க்க²வே, தீ³கீ⁴தி கோஸலராஜா ஸபஜாபதிகோ பா³ராணஸியங் அஞ்ஞதரஸ்மிங்
பச்சந்திமே ஓகாஸே கும்ப⁴காரனிவேஸனே அஞ்ஞாதகவேஸேன பரிப்³பா³ஜகச்ச²ன்னேன
படிவஸதி. அத² கோ², பி⁴க்க²வே, தீ³கீ⁴திஸ்ஸ கோஸலரஞ்ஞோ மஹேஸீ நசிரஸ்ஸேவ
க³ப்³பி⁴னீ அஹோஸி. தஸ்ஸா ஏவரூபோ தோ³ஹளோ உப்பன்னோ ஹோதி – ‘‘இச்ச²தி ஸூரியஸ்ஸ
உக்³க³மனகாலே சதுரங்கி³னிங் ஸேனங் ஸன்னத்³த⁴ங் வம்மிகங் ஸுபூ⁴மே டி²தங்
பஸ்ஸிதுங் , க²க்³கா³னஞ்ச தோ⁴வனங் பாதுங்’’. அத²
கோ², பி⁴க்க²வே, தீ³கீ⁴திஸ்ஸ கோஸலரஞ்ஞோ மஹேஸீ தீ³கீ⁴திங் கோஸலராஜானங்
ஏதத³வோச – ‘‘க³ப்³பி⁴னீம்ஹி, தே³வ. தஸ்ஸா மே ஏவரூபோ தோ³ஹளோ உப்பன்னோ –
இச்சா²மி ஸூரியஸ்ஸ உக்³க³மனகாலே சதுரங்கி³னிங் ஸேனங் ஸன்னத்³த⁴ங் வம்மிகங் [வம்மிதங் (ஸீ॰)]
ஸுபூ⁴மே டி²தங் பஸ்ஸிதுங், க²க்³கா³னஞ்ச தோ⁴வனங் பாது’’ந்தி. ‘‘குதோ,
தே³வி, அம்ஹாகங் து³க்³க³தானங் சதுரங்கி³னீ ஸேனா ஸன்னத்³தா⁴ வம்மிகா
ஸுபூ⁴மே டி²தா, க²க்³கா³னஞ்ச தோ⁴வனங் பாது’’ந்தி [க²க்³கா³னஞ்ச தோ⁴வனந்தி (ஸீ॰ ஸ்யா॰)] ‘‘ஸசாஹங், தே³வ, ந லபி⁴ஸ்ஸாமி, மரிஸ்ஸாமீ’’தி.


459. தேன கோ² பன ஸமயேன, ப்³ரஹ்மத³த்தஸ்ஸ காஸிரஞ்ஞோ புரோஹிதோ ப்³ராஹ்மணோ தீ³கீ⁴திஸ்ஸ கோஸலரஞ்ஞோ ஸஹாயோ ஹோதி .
அத² கோ², பி⁴க்க²வே, தீ³கீ⁴தி கோஸலராஜா யேன ப்³ரஹ்மத³த்தஸ்ஸ காஸிரஞ்ஞோ
புரோஹிதோ ப்³ராஹ்மணோ தேனுபஸங்கமி, உபஸங்கமித்வா ப்³ரஹ்மத³த்தஸ்ஸ காஸிரஞ்ஞோ
புரோஹிதங் ப்³ராஹ்மணங் ஏதத³வோச – ‘‘ஸகீ² தே, ஸம்ம, க³ப்³பி⁴னீ. தஸ்ஸா
ஏவரூபோ தோ³ஹளோ உப்பன்னோ – இச்ச²தி ஸூரியஸ்ஸ உக்³க³மனகாலே சதுரங்கி³னிங்
ஸேனங் ஸன்னத்³த⁴ங் வம்மிகங் ஸுபூ⁴மே டி²தங் பஸ்ஸிதுங், க²க்³கா³னஞ்ச
தோ⁴வனங் பாது’’ந்தி. ‘‘தேன ஹி, தே³வ, மயம்பி தே³விங் பஸ்ஸாமா’’தி. அத² கோ²,
பி⁴க்க²வே, தீ³கீ⁴திஸ்ஸ கோஸலரஞ்ஞோ மஹேஸீ யேன ப்³ரஹ்மத³த்தஸ்ஸ காஸிரஞ்ஞோ
புரோஹிதோ ப்³ராஹ்மணோ தேனுபஸங்கமி. அத்³த³ஸா கோ², பி⁴க்க²வே,
ப்³ரஹ்மத³த்தஸ்ஸ காஸிரஞ்ஞோ புரோஹிதோ ப்³ராஹ்மணோ தீ³கீ⁴திஸ்ஸ கோஸலரஞ்ஞோ
மஹேஸிங் தூ³ரதோவ ஆக³ச்ச²ந்திங், தி³ஸ்வான உட்டா²யாஸனா ஏகங்ஸங்
உத்தராஸங்க³ங் கரித்வா யேன தீ³கீ⁴திஸ்ஸ கோஸலரஞ்ஞோ மஹேஸீ தேனஞ்ஜலிங்
பணாமெத்வா திக்க²த்துங் உதா³னங் உதா³னேஸி – ‘‘கோஸலராஜா வத போ⁴ குச்சி²க³தோ,
கோஸலராஜா வத போ⁴ குச்சி²க³தோ’’தி. அத்தமனா [அவிமனா (ஸீ॰ ஸ்யா॰ கத்த²சி],
தே³வி, ஹோஹி. லச்ச²ஸி ஸூரியஸ்ஸ உக்³க³மனகாலே சதுரங்கி³னிங் ஸேனங்
ஸன்னத்³த⁴ங் வம்மிகங் ஸுபூ⁴மே டி²தங் பஸ்ஸிதுங், க²க்³கா³னஞ்ச தோ⁴வனங்
பாதுந்தி.


அத² கோ², பி⁴க்க²வே, ப்³ரஹ்மத³த்தஸ்ஸ காஸிரஞ்ஞோ
புரோஹிதோ ப்³ராஹ்மணோ யேன ப்³ரஹ்மத³த்தோ காஸிராஜா தேனுபஸங்கமி, உபஸங்கமித்வா
ப்³ரஹ்மத³த்தங் காஸிராஜானங் ஏதத³வோச – ‘‘ததா², தே³வ, நிமித்தானி
தி³ஸ்ஸந்தி, ஸ்வே ஸூரியுக்³க³மனகாலே சதுரங்கி³னீ
ஸேனா ஸன்னத்³தா⁴ வம்மிகா ஸுபூ⁴மே திட்ட²து, க²க்³கா³ ச தோ⁴வியந்தூ’’தி. அத²
கோ², பி⁴க்க²வே, ப்³ரஹ்மத³த்தோ காஸிராஜா மனுஸ்ஸே ஆணாபேஸி
– ‘‘யதா², ப⁴ணே, புரோஹிதோ ப்³ராஹ்மணோ ஆஹ ததா² கரோதா²’’தி. அலபி⁴ கோ²,
பி⁴க்க²வே, தீ³கீ⁴திஸ்ஸ கோஸலரஞ்ஞோ மஹேஸீ ஸூரியஸ்ஸ உக்³க³மனகாலே
சதுரங்கி³னிங் ஸேனங் ஸன்னத்³த⁴ங் வம்மிகங் ஸுபூ⁴மே டி²தங் பஸ்ஸிதுங்,
க²க்³கா³னஞ்ச தோ⁴வனங் பாதுங். அத² கோ², பி⁴க்க²வே, தீ³கீ⁴திஸ்ஸ கோஸலரஞ்ஞோ
மஹேஸீ தஸ்ஸ க³ப்³ப⁴ஸ்ஸ பரிபாகமன்வாய புத்தங் விஜாயி. தஸ்ஸ தீ³கா⁴வூதி நாமங்
அகங்ஸு. அத² கோ², பி⁴க்க²வே, தீ³கா⁴வு குமாரோ நசிரஸ்ஸேவ விஞ்ஞுதங் பாபுணி.
அத² கோ², பி⁴க்க²வே, தீ³கீ⁴திஸ்ஸ கோஸலரஞ்ஞோ ஏதத³ஹோஸி – ‘‘அயங் கோ²
ப்³ரஹ்மத³த்தோ காஸிராஜா ப³ஹுனோ அம்ஹாகங் அனத்த²ஸ்ஸ காரகோ, இமினா அம்ஹாகங்
ப³லஞ்ச வாஹனஞ்ச ஜனபதோ³ ச கோஸோ ச கொட்டா²கா³ரஞ்ச அச்சி²ன்னங், ஸசாயங் அம்ஹே
ஜானிஸ்ஸதி, ஸப்³பே³வ தயோ கா⁴தாபெஸ்ஸதி, யங்னூனாஹங் தீ³கா⁴வுங்
குமாரங் ப³ஹினக³ரே வாஸெய்ய’’ந்தி. அத² கோ² பி⁴க்க²வே தீ³கீ⁴தி கோஸலராஜா
தீ³கா⁴வுங் குமாரங் ப³ஹினக³ரே வாஸேஸி. அத² கோ² பி⁴க்க²வே தீ³கா⁴வு குமாரோ ப³ஹினக³ரே படிவஸந்தோ நசிரஸ்ஸேவ ஸப்³ப³ஸிப்பானி ஸிக்கி².


460.
தேன கோ² பன ஸமயேன தீ³கீ⁴திஸ்ஸ கோஸலரஞ்ஞோ கப்பகோ ப்³ரஹ்மத³த்தே காஸிரஞ்ஞே
படிவஸதி. அத்³த³ஸா கோ², பி⁴க்க²வே, தீ³கீ⁴திஸ்ஸ கோஸலரஞ்ஞோ கப்பகோ
தீ³கீ⁴திங் கோஸலராஜானங் ஸபஜாபதிகங் பா³ராணஸியங் அஞ்ஞதரஸ்மிங் பச்சந்திமே
ஓகாஸே கும்ப⁴காரனிவேஸனே அஞ்ஞாதகவேஸேன
பரிப்³பா³ஜகச்ச²ன்னேன படிவஸந்தங், தி³ஸ்வான யேன ப்³ரஹ்மத³த்தோ காஸிராஜா
தேனுபஸங்கமி, உபஸங்கமித்வா ப்³ரஹ்மத³த்தங் காஸிராஜானங் ஏதத³வோச –
‘‘தீ³கீ⁴தி, தே³வ, கோஸலராஜா ஸபஜாபதிகோ பா³ராணஸியங் அஞ்ஞதரஸ்மிங் பச்சந்திமே
ஓகாஸே கும்ப⁴காரனிவேஸனே அஞ்ஞாதகவேஸேன பரிப்³பா³ஜகச்ச²ன்னேன படிவஸதீ’’தி.
அத² கோ², பி⁴க்க²வே, ப்³ரஹ்மத³த்தோ காஸிராஜா மனுஸ்ஸே ஆணாபேஸி – ‘‘தேன ஹி,
ப⁴ணே, தீ³கீ⁴திங் கோஸலராஜானங் ஸபஜாபதிகங் ஆனேதா²’’தி. ‘‘ஏவங், தே³வா’’தி
கோ², பி⁴க்க²வே, தே மனுஸ்ஸா ப்³ரஹ்மத³த்தஸ்ஸ காஸிரஞ்ஞோ படிஸ்ஸுத்வா
தீ³கீ⁴திங் கோஸலராஜானங் ஸபஜாபதிகங் ஆனேஸுங். அத² கோ², பி⁴க்க²வே,
ப்³ரஹ்மத³த்தோ காஸிராஜா மனுஸ்ஸே ஆணாபேஸி – ‘‘தேன ஹி, ப⁴ணே, தீ³கீ⁴திங்
கோஸலராஜானங் ஸபஜாபதிகங் த³ள்ஹாய ரஜ்ஜுயா பச்சா²பா³ஹங் கா³ள்ஹப³ந்த⁴னங்
ப³ந்தி⁴த்வா கு²ரமுண்ட³ங் கரித்வா க²ரஸ்ஸரேன பணவேன ரதி²காய ரதி²கங்
ஸிங்கா⁴டகேன ஸிங்கா⁴டகங் பரினெத்வா த³க்கி²ணேன த்³வாரேன நிக்கா²மெத்வா
த³க்கி²ணதோ நக³ரஸ்ஸ சதுதா⁴ சி²ந்தி³த்வா
சதுத்³தி³ஸா பி³லானி நிக்கி²பதா²’’தி. ‘‘ஏவங், தே³வா’’தி கோ², பி⁴க்க²வே,
தே மனுஸ்ஸா ப்³ரஹ்மத³த்தஸ்ஸ காஸிரஞ்ஞோ படிஸ்ஸுத்வா தீ³கீ⁴திங் கோஸலராஜானங்
ஸபஜாபதிகங் த³ள்ஹாய ரஜ்ஜுயா பச்சா²பா³ஹங் கா³ள்ஹப³ந்த⁴னங் ப³ந்தி⁴த்வா
கு²ரமுண்ட³ங் கரித்வா க²ரஸ்ஸரேன பணவேன ரதி²காய ரதி²கங் ஸிங்கா⁴டகேன
ஸிங்கா⁴டகங் பரினெந்தி.


அத² கோ², பி⁴க்க²வே, தீ³கா⁴வுஸ்ஸ குமாரஸ்ஸ ஏதத³ஹோஸி – ‘‘சிரங்தி³ட்டா² கோ² மே மாதாபிதரோ. யங்னூனாஹங்
மாதாபிதரோ பஸ்ஸெய்ய’’ந்தி. அத² கோ², பி⁴க்க²வே, தீ³கா⁴வு குமாரோ
பா³ராணஸிங் பவிஸித்வா அத்³த³ஸ மாதாபிதரோ த³ள்ஹாய ரஜ்ஜுயா பச்சா²பா³ஹங்
கா³ள்ஹப³ந்த⁴னங் ப³ந்தி⁴த்வா கு²ரமுண்ட³ங் கரித்வா க²ரஸ்ஸரேன பணவேன ரதி²காய
ரதி²கங் ஸிங்கா⁴டகேன ஸிங்கா⁴டகங் பரினெந்தே, தி³ஸ்வான யேன மாதாபிதரோ
தேனுபஸங்கமி. அத்³த³ஸா கோ², பி⁴க்க²வே, தீ³கீ⁴தி கோஸலராஜா தீ³கா⁴வுங்
குமாரங் தூ³ரதோவ ஆக³ச்ச²ந்தங்; தி³ஸ்வான தீ³கா⁴வுங் குமாரங் ஏதத³வோச – ‘‘மா
கோ² த்வங், தாத தீ³கா⁴வு, தீ³க⁴ங் பஸ்ஸ, மா ரஸ்ஸங். ந ஹி, தாத தீ³கா⁴வு,
வேரேன வேரா ஸம்மந்தி; அவேரேன ஹி, தாத தீ³கா⁴வு,
வேரா ஸம்மந்தீ’’தி. ஏவங் வுத்தே, பி⁴க்க²வே, தே மனுஸ்ஸா தீ³கீ⁴திங்
கோஸலராஜானங் ஏதத³வோசுங் – ‘‘உம்மத்தகோ அயங்
தீ³கீ⁴தி கோஸலராஜா விப்பலபதி. கோ இமஸ்ஸ தீ³கா⁴வு? கங் அயங் ஏவமாஹ – ‘மா கோ²
த்வங், தாத தீ³கா⁴வு, தீ³க⁴ங் பஸ்ஸ, மா ரஸ்ஸங். ந ஹி, தாத தீ³கா⁴வு, வேரேன
வேரா ஸம்மந்தி; அவேரேன ஹி, தாத தீ³கா⁴வு, வேரா ஸம்மந்தீ’’தி. ‘‘நாஹங்,
ப⁴ணே, உம்மத்தகோ விப்பலபாமி, அபி ச யோ விஞ்ஞூ ஸோ விபா⁴வெஸ்ஸதீ’’தி.
து³தியம்பி கோ², பி⁴க்க²வே…பே॰… ததியம்பி கோ², பி⁴க்க²வே, தீ³கீ⁴தி
கோஸலராஜா தீ³கா⁴வுங் குமாரங் ஏதத³வோச – ‘‘மா கோ² த்வங், தாத தீ³கா⁴வு,
தீ³க⁴ங் பஸ்ஸ, மா ரஸ்ஸங். ந ஹி, தாத தீ³கா⁴வு, வேரேன வேரா ஸம்மந்தி; அவேரேன
ஹி, தாத தீ³கா⁴வு, வேரா ஸம்மந்தீ’’தி. ததியம்பி கோ², பி⁴க்க²வே, தே
மனுஸ்ஸா தீ³கீ⁴திங் கோஸலராஜானங் ஏதத³வோசுங் – ‘‘உம்மத்தகோ அயங் தீ³கீ⁴தி
கோஸலராஜா விப்பலபதி. கோ இமஸ்ஸ தீ³கா⁴வு ? கங் அயங்
ஏவமாஹ – மா கோ² த்வங், தாத தீ³கா⁴வு, தீ³க⁴ங் பஸ்ஸ, மா ரஸ்ஸங். ந ஹி, தாத
தீ³கா⁴வு, வேரேன வேரா ஸம்மந்தி; அவேரேன ஹி, தாத தீ³கா⁴வு, வேரா
ஸம்மந்தீ’’தி. ‘‘நாஹங், ப⁴ணே, உம்மத்தகோ விப்பலபாமி, அபி ச யோ விஞ்ஞூ ஸோ
விபா⁴வெஸ்ஸதீ’’தி. அத² கோ², பி⁴க்க²வே, தே மனுஸ்ஸா தீ³கீ⁴திங் கோஸலராஜானங்
ஸபஜாபதிகங் ரதி²காய ரதி²கங் ஸிங்கா⁴டகேன ஸிங்கா⁴டகங் பரினெத்வா
த³க்கி²ணேன த்³வாரேன நிக்கா²மெத்வா த³க்கி²ணதோ நக³ரஸ்ஸ சதுதா⁴
சி²ந்தி³த்வா சதுத்³தி³ஸா பி³லானி நிக்கி²பித்வா கு³ம்ப³ங் ட²பெத்வா
பக்கமிங்ஸு. அத² கோ², பி⁴க்க²வே, தீ³கா⁴வு குமாரோ பா³ராணஸிங் பவிஸித்வா
ஸுரங் நீஹரித்வா கு³ம்பி³யே பாயேஸி. யதா³ தே மத்தா அஹேஸுங் பதிதா, அத²
கட்டா²னி ஸங்கட்³டி⁴த்வா சிதகங் கரித்வா மாதாபிதூனங் ஸரீரங் சிதகங்
ஆரோபெத்வா அக்³கி³ங் த³த்வா பஞ்ஜலிகோ திக்க²த்துங் சிதகங் பத³க்கி²ணங்
அகாஸி.


461.
தேன கோ² பன ஸமயேன ப்³ரஹ்மத³த்தோ காஸிராஜா உபரிபாஸாத³வரக³தோ ஹோதி. அத்³த³ஸா
கோ², பி⁴க்க²வே, ப்³ரஹ்மத³த்தோ காஸிராஜா தீ³கா⁴வுங் குமாரங் பஞ்ஜலிகங்
திக்க²த்துங் சிதகங் பத³க்கி²ணங் கரொந்தங், தி³ஸ்வானஸ்ஸ ஏதத³ஹோஸி –
‘‘நிஸ்ஸங்ஸயங் கோ² ஸோ மனுஸ்ஸோ தீ³கீ⁴திஸ்ஸ கோஸலரஞ்ஞோ ஞாதி வா ஸாலோஹிதோ வா,
அஹோ மே அனத்த²தோ, ந ஹி நாம மே கோசி ஆரோசெஸ்ஸதீ’’தி. அத² கோ², பி⁴க்க²வே,
தீ³கா⁴வு குமாரோ அரஞ்ஞங் க³ந்த்வா யாவத³த்த²ங் கந்தி³த்வா ரோதி³த்வா
க²ப்பங் [ப³ப்பங் (ஸீ॰ ஸ்யா॰)] புஞ்சி²த்வா பா³ராணஸிங் பவிஸித்வா அந்தேபுரஸ்ஸ ஸாமந்தா ஹத்தி²ஸாலங் க³ந்த்வா ஹத்தா²சரியங் ஏதத³வோச – ‘‘இச்சா²மஹங், ஆசரிய, ஸிப்பங்
ஸிக்கி²து’’ந்தி. ‘‘தேன ஹி, ப⁴ணே மாணவக, ஸிக்க²ஸ்ஸூ’’தி. அத² கோ²,
பி⁴க்க²வே, தீ³கா⁴வு குமாரோ ரத்தியா பச்சூஸஸமயங் பச்சுட்டா²ய ஹத்தி²ஸாலாயங்
மஞ்ஜுனா ஸரேன கா³யி, வீணஞ்ச வாதே³ஸி. அஸ்ஸோஸி கோ², பி⁴க்க²வே,
ப்³ரஹ்மத³த்தோ காஸிராஜா ரத்தியா பச்சூஸஸமயங் பச்சுட்டா²ய ஹத்தி²ஸாலாயங்
மஞ்ஜுனா ஸரேன கீ³தங் வீணஞ்ச வாதி³தங், ஸுத்வான மனுஸ்ஸே புச்சி² – ‘‘கோ,
ப⁴ணே, ரத்தியா பச்சூஸஸமயங் பச்சுட்டா²ய ஹத்தி²ஸாலாயங்
மஞ்ஜுனா ஸரேன கா³யி, வீணஞ்ச வாதே³ஸீ’’தி? ‘‘அமுகஸ்ஸ, தே³வ, ஹத்தா²சரியஸ்ஸ
அந்தேவாஸீ மாணவகோ ரத்தியா பச்சூஸஸமயங் பச்சுட்டா²ய ஹத்தி²ஸாலாயங் மஞ்ஜுனா
ஸரேன கா³யி, வீணஞ்ச வாதே³ஸீ’’தி. ‘‘தேன ஹி, ப⁴ணே, தங் மாணவகங் ஆனேதா²’’தி.
‘‘ஏவங், தே³வா’’தி கோ², பி⁴க்க²வே, தே மனுஸ்ஸா ப்³ரஹ்மத³த்தஸ்ஸ காஸிரஞ்ஞோ
படிஸ்ஸுத்வா தீ³கா⁴வுங் குமாரங் ஆனேஸுங். ‘‘த்வங் ப⁴ணே மாணவக, ரத்தியா
பச்சூஸஸமயங் பச்சுட்டா²ய ஹத்தி²ஸாலாயங் மஞ்ஜுனா ஸரேன கா³யி, வீணஞ்ச
வாதே³ஸீ’’தி? ‘‘ஏவங், தே³வா’’தி. ‘‘தேன ஹி த்வங், ப⁴ணே மாணவக, கா³யஸ்ஸு,
வீணஞ்ச வாதே³ஹீ’’தி. ‘‘ஏவங், தே³வா’’தி கோ², பி⁴க்க²வே, தீ³கா⁴வு குமாரோ
ப்³ரஹ்மத³த்தஸ்ஸ காஸிரஞ்ஞோ படிஸ்ஸுத்வா ஆராதா⁴பெக்கோ² மஞ்ஜுனா ஸரேன கா³யி ,
வீணஞ்ச வாதே³ஸி. ‘‘த்வங், ப⁴ணே மாணவக, மங் உபட்ட²ஹா’’தி. ‘‘ஏவங்,
தே³வா’’தி கோ², பி⁴க்க²வே, தீ³கா⁴வு குமாரோ ப்³ரஹ்மத³த்தஸ்ஸ காஸிரஞ்ஞோ
பச்சஸ்ஸோஸி. அத² கோ², பி⁴க்க²வே, தீ³கா⁴வு குமாரோ
ப்³ரஹ்மத³த்தஸ்ஸ காஸிரஞ்ஞோ புப்³பு³ட்டா²யீ அஹோஸி பச்சா²னிபாதீ
கிங்காரபடிஸ்ஸாவீ மனாபசாரீ பியவாதீ³. அத² கோ², பி⁴க்க²வே, ப்³ரஹ்மத³த்தோ
காஸிராஜா தீ³கா⁴வுங் குமாரங் நசிரஸ்ஸேவ அப்³ப⁴ந்தரிமே விஸ்ஸாஸிகட்டா²னே
ட²பேஸி.


462.
அத² கோ², பி⁴க்க²வே, ப்³ரஹ்மத³த்தோ காஸிராஜா தீ³கா⁴வுங் குமாரங் ஏதத³வோச –
‘‘தேன ஹி, ப⁴ணே மாணவக, ரத²ங் யோஜேஹி, மிக³வங் க³மிஸ்ஸாமா’’தி. ‘‘ஏவங்,
தே³வா’’தி கோ², பி⁴க்க²வே, தீ³கா⁴வு குமாரோ ப்³ரஹ்மத³த்தஸ்ஸ காஸிரஞ்ஞோ
படிஸ்ஸுத்வா ரத²ங் யோஜெத்வா ப்³ரஹ்மத³த்தங் காஸிராஜானங் ஏதத³வோச – ‘‘யுத்தோ
கோ² தே, தே³வ, ரதோ², யஸ்ஸ தா³னி காலங் மஞ்ஞஸீ’’தி. அத² கோ², பி⁴க்க²வே,
ப்³ரஹ்மத³த்தோ காஸிராஜா ரத²ங் அபி⁴ருஹி. தீ³கா⁴வு குமாரோ ரத²ங் பேஸேஸி.
ததா² ததா² ரத²ங் பேஸேஸி யதா² யதா² அஞ்ஞேனேவ ஸேனா அக³மாஸி அஞ்ஞேனேவ ரதோ².
அத² கோ², பி⁴க்க²வே, ப்³ரஹ்மத³த்தோ காஸிராஜா தூ³ரங் க³ந்த்வா தீ³கா⁴வுங்
குமாரங் ஏதத³வோச – ‘‘தேன ஹி, ப⁴ணே மாணவக, ரத²ங் முஞ்சஸ்ஸு, கிலந்தொம்ஹி,
நிபஜ்ஜிஸ்ஸாமீ’’தி. ‘‘ஏவங், தே³வா’’தி கோ², பி⁴க்க²வே, தீ³கா⁴வு குமாரோ
ப்³ரஹ்மத³த்தஸ்ஸ காஸிரஞ்ஞோ படிஸ்ஸுத்வா ரத²ங் முஞ்சித்வா பத²வியங்
பல்லங்கேன நிஸீதி³. அத² கோ², பி⁴க்க²வே, ப்³ரஹ்மத³த்தோ காஸிராஜா
தீ³கா⁴வுஸ்ஸ குமாரஸ்ஸ உச்ச²ங்கே³ ஸீஸங் கத்வா ஸெய்யங் கப்பேஸி. தஸ்ஸ
கிலந்தஸ்ஸ முஹுத்தகேனேவ நித்³தா³ ஓக்கமி. அத² கோ², பி⁴க்க²வே, தீ³கா⁴வுஸ்ஸ
குமாரஸ்ஸ ஏதத³ஹோஸி – ‘‘அயங் கோ² ப்³ரஹ்மத³த்தோ காஸிராஜா ப³ஹுனோ அம்ஹாகங்
அனத்த²ஸ்ஸ காரகோ. இமினா அம்ஹாகங் ப³லஞ்ச வாஹனஞ்ச ஜனபதோ³ ச கோஸோ ச கொட்டா²கா³ரஞ்ச
அச்சி²ன்னங். இமினா ச மே மாதாபிதரோ ஹதா. அயங் க்²வஸ்ஸ காலோ யோஹங் வேரங்
அப்பெய்ய’’ந்தி கோஸியா க²க்³க³ங் நிப்³பா³ஹி. அத² கோ², பி⁴க்க²வே,
தீ³கா⁴வுஸ்ஸ குமாரஸ்ஸ ஏதத³ஹோஸி – ‘‘பிதா கோ² மங் மரணகாலே அவச ‘மா கோ²
த்வங், தாத தீ³கா⁴வு, தீ³க⁴ங் பஸ்ஸ, மா ரஸ்ஸங். ந ஹி, தாத தீ³கா⁴வு, வேரேன
வேரா ஸம்மந்தி; அவேரேன ஹி, தாத தீ³கா⁴வு, வேரா ஸம்மந்தீ’தி. ந கோ² மேதங்
பதிரூபங் , ய்வாஹங் பிதுவசனங் அதிக்கமெய்ய’’ந்தி
கோஸியா க²க்³க³ங் பவேஸேஸி. து³தியம்பி கோ², பி⁴க்க²வே, தீ³கா⁴வுஸ்ஸ
குமாரஸ்ஸ ஏதத³ஹோஸி – ‘‘அயங் கோ² ப்³ரஹ்மத³த்தோ காஸிராஜா ப³ஹுனோ அம்ஹாகங்
அனத்த²ஸ்ஸ காரகோ, இமினோ அம்ஹாகங் ப³லஞ்ச வாஹனஞ்ச
ஜனபதோ³ ச கோஸோ ச கொட்டா²கா³ரஞ்ச அச்சி²ன்னங், இமினா ச மே மாதாபிதரோ ஹதா,
அயங் க்²வஸ்ஸ காலோ யோஹங் வேரங் அப்பெய்ய’’ந்தி கோஸியா க²க்³க³ங்
நிப்³பா³ஹி. து³தியம்பி கோ², பி⁴க்க²வே, தீ³கா⁴வுஸ்ஸ குமாரஸ்ஸ ஏதத³ஹோஸி –
‘‘பிதா கோ² மங் மரணகாலே அவச ‘மா கோ² த்வங் தாத தீ³கா⁴வு, தீ³க⁴ங் பஸ்ஸ, மா
ரஸ்ஸங், ந ஹி தாத தீ³கா⁴வு வேரேன வேரா ஸம்மந்தி; அவேரேன ஹி, தாத தீ³கா⁴வு,
வேரா ஸம்மந்தீ’தி. ந கோ² மேதங் பதிரூபங், ய்வாஹங் பிதுவசனங்
அதிக்கமெய்ய’’ந்தி. புனதே³வ கோஸியா க²க்³க³ங் பவேஸேஸி. ததியம்பி கோ²,
பி⁴க்க²வே, தீ³கா⁴வுஸ்ஸ குமாரஸ்ஸ ஏதத³ஹோஸி – ‘‘அயங் கோ² ப்³ரஹ்மத³த்தோ
காஸிராஜா ப³ஹுனோ அம்ஹாகங் அனத்த²ஸ்ஸ காரகோ. இமினா அம்ஹாகங் ப³லஞ்ச வாஹனஞ்ச
ஜனபதோ³ ச கோஸோ ச கொட்டா²கா³ரஞ்ச அச்சி²ன்னங். இமினா ச மே மாதாபிதரோ ஹதா.
அயங் க்²வஸ்ஸ காலோ யோஹங் வேரங் அப்பெய்ய’’ந்தி கோஸியா க²க்³க³ங்
நிப்³பா³ஹி. ததியம்பி கோ², பி⁴க்க²வே, தீ³கா⁴வுஸ்ஸ குமாரஸ்ஸ ஏதத³ஹோஸி –
‘‘பிதா கோ² மங் மரணகாலே அவச ‘மா கோ² த்வங், தாத தீ³கா⁴வு, தீ³க⁴ங் பஸ்ஸ, மா
ரஸ்ஸங். ந ஹி, தாத தீ³கா⁴வு, வேரேன வேரா ஸம்மந்தி; அவேரேன ஹி, தாத
தீ³கா⁴வு, வேரா ஸம்மந்தீ’தி. ந கோ² மேதங் பதிரூபங், ய்வாஹங் பிதுவசனங்
அதிக்கமெய்ய’’’ந்தி புனதே³வ கோஸியா க²க்³க³ங் பவேஸேஸி. அத² கோ², பி⁴க்க²வே,
ப்³ரஹ்மத³த்தோ காஸிராஜா பீ⁴தோ உப்³பி³க்³கோ³ உஸ்ஸங்கீ உத்ரஸ்தோ ஸஹஸா
வுட்டா²ஸி. அத² கோ², பி⁴க்க²வே, தீ³கா⁴வு குமாரோ ப்³ரஹ்மத³த்தங்
காஸிராஜானங் ஏதத³வோச – ‘‘கிஸ்ஸ த்வங் , தே³வ, பீ⁴தோ
உப்³பி³க்³கோ³ உஸ்ஸங்கீ உத்ரஸ்தோ ஸஹஸா வுட்டா²ஸீ’’தி? இத⁴ மங், ப⁴ணே மாணவக,
தீ³கீ⁴திஸ்ஸ கோஸலரஞ்ஞோ புத்தோ தீ³கா⁴வு குமாரோ ஸுபினந்தேன க²க்³கே³ன
பரிபாதேஸி. தேனாஹங் பீ⁴தோ உப்³பி³க்³கோ³ உஸ்ஸங்கீ உத்ரஸ்தோ ஸஹஸா
வுட்டா²ஸிந்தி. அத² கோ², பி⁴க்க²வே, தீ³கா⁴வு குமாரோ வாமேன ஹத்தே²ன
ப்³ரஹ்மத³த்தஸ்ஸ காஸிரஞ்ஞோ ஸீஸங் பராமஸித்வா த³க்கி²ணேன ஹத்தே²ன க²க்³க³ங்
நிப்³பா³ஹெத்வா ப்³ரஹ்மத³த்தங் காஸிராஜானங் ஏதத³வோச – ‘‘அஹங் கோ² ஸோ, தே³வ,
தீ³கீ⁴திஸ்ஸ கோஸலரஞ்ஞோ புத்தோ தீ³கா⁴வு குமாரோ. ப³ஹுனோ த்வங் அம்ஹாகங்
அனத்த²ஸ்ஸ காரகோ. தயா அம்ஹாகங் ப³லஞ்ச வாஹனஞ்ச ஜனபதோ³ ச கோஸோ ச
கொட்டா²கா³ரஞ்ச அச்சி²ன்னங். தயா ச மே மாதாபிதரோ ஹதா. அயங் க்²வஸ்ஸ காலோ
ய்வாஹங் வேரங் அப்பெய்ய’’ந்தி. அத² கோ², பி⁴க்க²வே, ப்³ரஹ்மத³த்தோ காஸிராஜா
தீ³கா⁴வுஸ்ஸ குமாரஸ்ஸ பாதே³ஸு ஸிரஸா நிபதித்வா தீ³கா⁴வுங் குமாரங் ஏதத³வோச
– ‘‘ஜீவிதங் மே, தாத தீ³கா⁴வு, தே³ஹி. ஜீவிதங் மே, தாத தீ³கா⁴வு,
தே³ஹீ’’தி. ‘‘க்யாஹங் உஸ்ஸஹாமி தே³வஸ்ஸ ஜீவிதங் தா³துங் ? தே³வோ கோ² மே ஜீவிதங் த³தெ³ய்யா’’தி. ‘‘தேன ஹி, தாத தீ³கா⁴வு, த்வஞ்சேவ மே ஜீவிதங் தே³ஹி, அஹஞ்ச தே ஜீவிதங்
த³ம்மீ’’தி. அத² கோ², பி⁴க்க²வே, ப்³ரஹ்மத³த்தோ ச காஸிராஜா தீ³கா⁴வு ச
குமாரோ அஞ்ஞமஞ்ஞஸ்ஸ ஜீவிதங் அத³ங்ஸு, பாணிஞ்ச அக்³க³ஹேஸுங், ஸபத²ஞ்ச அகங்ஸு
அத்³தூ³பா⁴ய [அத்³ரூபா⁴ய, அது³ப்³பா⁴ய (க॰)].


அத² கோ², பி⁴க்க²வே, ப்³ரஹ்மத³த்தோ காஸிராஜா தீ³கா⁴வுங் குமாரங் ஏதத³வோச – ‘‘தேன ஹி, தாத தீ³கா⁴வு, ரத²ங் யோஜேஹி ,
க³மிஸ்ஸாமா’’தி. ‘‘ஏவங், தே³வா’’தி கோ², பி⁴க்க²வே, தீ³கா⁴வு குமாரோ
ப்³ரஹ்மத³த்தஸ்ஸ காஸிரஞ்ஞோ படிஸ்ஸுத்வா ரத²ங் யோஜெத்வா ப்³ரஹ்மத³த்தங்
காஸிராஜானங் ஏதத³வோச – ‘‘யுத்தோ கோ² தே, தே³வ, ரதோ², யஸ்ஸ தா³னி காலங்
மஞ்ஞஸீ’’தி. அத² கோ², பி⁴க்க²வே, ப்³ரஹ்மத³த்தோ காஸிராஜா ரத²ங் அபி⁴ருஹி.
தீ³கா⁴வு குமாரோ ரத²ங் பேஸேஸி. ததா² ததா² ரத²ங் பேஸேஸி யதா² யதா² நசிரஸ்ஸேவ
ஸேனாய ஸமாக³ஞ்சி². அத² கோ², பி⁴க்க²வே, ப்³ரஹ்மத³த்தோ காஸிராஜா பா³ராணஸிங்
பவிஸித்வா அமச்சே பாரிஸஜ்ஜே ஸன்னிபாதாபெத்வா ஏதத³வோச – ‘‘ஸசே, ப⁴ணே,
தீ³கீ⁴திஸ்ஸ கோஸலரஞ்ஞோ புத்தங் தீ³கா⁴வுங் குமாரங் பஸ்ஸெய்யாத², கிந்தி நங்
கரெய்யாதா²’’தி? ஏகச்சே ஏவமாஹங்ஸு – ‘‘மயங், தே³வ, ஹத்தே² சி²ந்தெ³ய்யாம.
மயங், தே³வ, பாதே³ சி²ந்தெ³ய்யாம. மயங், தே³வ, ஹத்த²பாதே³ சி²ந்தெ³ய்யாம.
மயங், தே³வ, கண்ணே சி²ந்தெ³ய்யாம. மயங், தே³வ, நாஸங் சி²ந்தெ³ய்யாம. மயங்,
தே³வ, கண்ணனாஸங் சி²ந்தெ³ய்யாம. மயங், தே³வ, ஸீஸங் சி²ந்தெ³ய்யாமா’’தி.
‘‘அயங் கோ², ப⁴ணே, தீ³கீ⁴திஸ்ஸ கோஸலரஞ்ஞோ புத்தோ தீ³கா⁴வு குமாரோ. நாயங்
லப்³பா⁴ கிஞ்சி காதுங். இமினா ச மே ஜீவிதங் தி³ன்னங், மயா ச இமஸ்ஸ ஜீவிதங்
தி³ன்ன’’ந்தி.


463.
அத² கோ², பி⁴க்க²வே, ப்³ரஹ்மத³த்தோ காஸிராஜா தீ³கா⁴வுங் குமாரங் ஏதத³வோச –
‘‘யங் கோ² தே, தாத தீ³கா⁴வு, பிதா மரணகாலே அவச ‘மா கோ² த்வங், தாத
தீ³கா⁴வு, தீ³க⁴ங் பஸ்ஸ, மா ரஸ்ஸங். ந ஹி, தாத தீ³கா⁴வு, வேரேன வேரா
ஸம்மந்தி; அவேரேன ஹி, தாத தீ³கா⁴வு, வேரா ஸம்மந்தீ’தி, கிங் தே பிதா
ஸந்தா⁴ய அவசா’’தி? ‘‘யங் கோ² மே , தே³வ, பிதா
மரணகாலே அவச ‘மா தீ³க⁴’ந்தி மா சிரங் வேரங் அகாஸீதி. இமங் கோ² மே, தே³வ,
பிதா மரணகாலே அவச மா தீ³க⁴ந்தி. யங் கோ² மே, தே³வ, பிதா மரணகாலே அவச ‘மா
ரஸ்ஸ’ந்தி மா கி²ப்பங் மித்தேஹி பி⁴ஜ்ஜித்தா²’’தி. இமங் கோ² மே, தே³வ, பிதா
மரணகாலே அவச மா ரஸ்ஸந்தி. யங் கோ² மே, தே³வ, பிதா
மரணகாலே அவச ‘‘ந ஹி, தாத தீ³கா⁴வு, வேரேன வேரா ஸம்மந்தி, அவேரேன ஹி, தாத
தீ³கா⁴வு, வேரா ஸம்மந்தீ’’தி தே³வேன மே மாதாபிதரோ ஹதாதி. ஸசாஹங் தே³வங்
ஜீவிதா வோரோபெய்யங், யே தே³வஸ்ஸ அத்த²காமா தே மங் ஜீவிதா வோரோபெய்யுங், யே
மே அத்த²காமா தே தே ஜீவிதா வோரோபெய்யுங் – ஏவங் தங் வேரங் வேரேன ந
வூபஸமெய்ய. இதா³னி ச பன மே தே³வேன ஜீவிதங் தி³ன்னங், மயா ச தே³வஸ்ஸ ஜீவிதங்
தி³ன்னங். ஏவங் தங் வேரங் அவேரேன வூபஸந்தங். இமங் கோ² மே, தே³வ, பிதா
மரணகாலே அவச – ந ஹி, தாத தீ³கா⁴வு, வேரேன வேரா ஸம்மந்தி; அவேரேன ஹி , தாத தீ³கா⁴வு, வேரா ஸம்மந்தீ’’தி. அத² கோ², பி⁴க்க²வே, ப்³ரஹ்மத³த்தோ காஸிராஜா – ‘‘அச்ச²ரியங்
வத போ⁴! அப்³பு⁴தங் வத போ⁴! யாவ பண்டி³தோ அயங் தீ³கா⁴வு குமாரோ, யத்ர ஹி
நாம பிதுனோ ஸங்கி²த்தேன பா⁴ஸிதஸ்ஸ வித்தா²ரேன அத்த²ங் ஆஜானிஸ்ஸதீ’’தி
பெத்திகங் ப³லஞ்ச வாஹனஞ்ச ஜனபத³ஞ்ச கோஸஞ்ச கொட்டா²கா³ரஞ்ச படிபாதே³ஸி,
தீ⁴தரஞ்ச அதா³ஸி. தேஸஞ்ஹி நாம, பி⁴க்க²வே, ராஜூனங் ஆதி³ன்னத³ண்டா³னங்
ஆதி³ன்னஸத்தா²னங் ஏவரூபங் க²ந்திஸோரச்சங் ப⁴விஸ்ஸதி. இத⁴ கோ² பன தங்,
பி⁴க்க²வே , ஸோபே⁴த² யங் தும்ஹே ஏவங் ஸ்வாக்கா²தே
த⁴ம்மவினயே பப்³ப³ஜிதா ஸமானா க²மா ச ப⁴வெய்யாத² ஸோரதா சாதி? ததியம்பி கோ²
ப⁴க³வா தே பி⁴க்கூ² ஏதத³வோச – ‘‘அலங், பி⁴க்க²வே, மா ப⁴ண்ட³னங் மா கலஹங் மா
விக்³க³ஹங் மா விவாத³’’ந்தி. ததியம்பி கோ² ஸோ அத⁴ம்மவாதீ³ பி⁴க்கு²
ப⁴க³வந்தங் ஏதத³வோச – ‘‘ஆக³மேது, ப⁴ந்தே, ப⁴க³வா த⁴ம்மஸ்ஸாமீ;
அப்பொஸ்ஸுக்கோ, ப⁴ந்தே, ப⁴க³வா தி³ட்ட²த⁴ம்மஸுக²விஹாரமனுயுத்தோ விஹரது.
மயமேதேன ப⁴ண்ட³னேன கலஹேன விக்³க³ஹேன விவாதே³ன பஞ்ஞாயிஸ்ஸாமா’’தி. அத² கோ²
ப⁴க³வா – பரியாதி³ன்னரூபா கோ² இமே மோக⁴புரிஸா, நயிமே ஸுகரா ஸஞ்ஞாபேதுந்தி –
உட்டா²யாஸனா பக்காமி.


தீ³கா⁴வுபா⁴ணவாரோ நிட்டி²தோ பட²மோ.


464. [ம॰ நி॰ 3.236]
அத² கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய கோஸம்பி³ங்
பிண்டா³ய பாவிஸி. கோஸம்பி³யங் பிண்டா³ய சரித்வா பச்சா²ப⁴த்தங்
பிண்ட³பாதபடிக்கந்தோ ஸேனாஸனங் ஸங்ஸாமெத்வா பத்தசீவரமாதா³ய ஸங்க⁴மஜ்ஜே²
டி²தகோவ இமா கா³தா²யோ அபா⁴ஸி –


[ம॰ நி॰ 3.237] ‘‘புது²ஸத்³தோ³ ஸமஜனோ, ந பா³லோ கோசி மஞ்ஞத²;


ஸங்க⁴ஸ்மிங் பி⁴ஜ்ஜமானஸ்மிங், நாஞ்ஞங் பி⁴ய்யோ அமஞ்ஞருங்.


[ம॰ நி॰ 3.237] ‘‘பரிமுட்டா² பண்டி³தாபா⁴ஸா, வாசாகோ³சரபா⁴ணினோ;


யாவிச்ச²ந்தி முகா²யாமங், யேன நீதா ந தங் விதூ³.


[ம॰ நி॰ 3.237] ‘‘அக்கொச்சி² மங் அவதி⁴ மங், அஜினி மங் அஹாஸி மே;


யே ச தங் உபனய்ஹந்தி, வேரங் தேஸங் ந ஸம்மதி.


[ம॰ நி॰ 3.237] ‘‘அக்கொச்சி² மங் அவதி⁴ மங், அஜினி மங் அஹாஸி மே;


யே ச தங் நுபனய்ஹந்தி, வேரங் தேஸூபஸம்மதி.


[ம॰ நி॰ 3.237] ‘‘ந ஹி வேரேன வேரானி, ஸம்மந்தீத⁴ குதா³சனங்;


அவேரேன ச ஸம்மந்தி, ஏஸத⁴ம்மோ ஸனந்தனோ.


[ம॰ நி॰ 3.237] ‘‘பரே ச ந விஜானந்தி, மயமெத்த² யமாமஸே;


யே ச தத்த² விஜானந்தி, ததோ ஸம்மந்தி மேத⁴கா³.


[ம॰ நி॰ 3.237] ‘‘அட்டி²ச்சி²ன்னா பாணஹரா, க³வாஸ்ஸத⁴னஹாரினோ;


ரட்ட²ங் விலும்பமானானங், தேஸம்பி ஹோதி ஸங்க³தி.


‘‘கஸ்மா தும்ஹாக நோ ஸியா;


[ம॰ நி॰ 3.237] ‘‘ஸசே லபே⁴த² நிபகங் ஸஹாயங்;


ஸத்³தி⁴ங்சரங் ஸாது⁴விஹாரி தீ⁴ரங்;


அபி⁴பு⁴ய்ய ஸப்³பா³னி பரிஸ்ஸயானி;


சரெய்ய தேனத்தமனோ ஸதீமா.


[ம॰ நி॰ 3.237] ‘‘நோ சே லபே⁴த² நிபகங் ஸஹாயங்;


ஸத்³தி⁴ங் சரங் ஸாது⁴விஹாரி தீ⁴ரங்;


ராஜாவ ரட்ட²ங் விஜிதங் பஹாய;


ஏகோ சரே மாதங்க³ரஞ்ஞேவ நாகோ³.


[ம॰ நி॰ 3.237] ‘‘ஏகஸ்ஸ சரிதங் ஸெய்யோ;


நத்தி² பா³லே ஸஹாயதா;


ஏகோ சரே ந ச பாபானி கயிரா;


அப்பொஸ்ஸுக்கோ மாதங்க³ரஞ்ஞேவ நாகோ³’’தி.


தீ³கா⁴வுவத்து² நிட்டி²தங்.


273. பா³லகலோணகக³மனகதா²


465. அத² கோ² ப⁴க³வா ஸங்க⁴மஜ்ஜே² டி²தகோவ இமா கா³தா²யோ பா⁴ஸித்வா யேன பா³லகலோணககா³மோ [பா³லகலோணகாரகா³மோ (ஸீ॰ ஸ்யா॰)]
தேனுபஸங்கமி. தேன கோ² பன ஸமயேன ஆயஸ்மா ப⁴கு³ பா³லகலோணககா³மே விஹரதி.
அத்³த³ஸா கோ² ஆயஸ்மா ப⁴கு³ ப⁴க³வந்தங் தூ³ரதோவ ஆக³ச்ச²ந்தங், தி³ஸ்வான
ஆஸனங் பஞ்ஞபேஸி, பாதோ³த³கங் பாத³பீட²ங் பாத³கத²லிகங் உபனிக்கி²பி,
பச்சுக்³க³ந்த்வா பத்தசீவரங் படிக்³க³ஹேஸி. நிஸீதி³ ப⁴க³வா பஞ்ஞத்தே ஆஸனே,
நிஸஜ்ஜ கோ² ப⁴க³வா பாதே³ பக்கா²லேஸி. ஆயஸ்மாபி கோ² ப⁴கு³ ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னங் கோ² ஆயஸ்மந்தங்
ப⁴கு³ங் ப⁴க³வா ஏதத³வோச – ‘‘கச்சி, பி⁴க்கு², க²மனீயங்; கச்சி யாபனீயங்,
கச்சி பிண்ட³கேன ந கிலமஸீ’’தி? ‘‘க²மனீயங், ப⁴க³வா, யாபனீயங், ப⁴க³வா; ந
சாஹங், ப⁴ந்தே, பிண்ட³கேன கிலமாமீ’’தி. அத² கோ² ப⁴க³வா ஆயஸ்மந்தங் ப⁴கு³ங்
த⁴ம்மியா கதா²ய ஸந்த³ஸ்ஸெத்வா ஸமாத³பெத்வா ஸமுத்தேஜெத்வா ஸம்பஹங்ஸெத்வா
உட்டா²யாஸனா யேன பாசீனவங்ஸதா³யோ தேனுபஸங்கமி.


பா³லகலோணகக³மனகதா² நிட்டி²தா.


274. பாசீனவங்ஸதா³யக³மனகதா²


466. [ம॰ நி॰ 1.325 ஆத³யோ பஸ்ஸிதப்³ப³ங்] தேன கோ² பன ஸமயேன ஆயஸ்மா ச அனுருத்³தோ⁴ ஆயஸ்மா ச நந்தி³யோ ஆயஸ்மா ச கிமிலோ [கிம்பி³லோ (ஸீ॰ ஸ்யா॰)]
பாசீனவங்ஸதா³யே விஹரந்தி. அத்³த³ஸா கோ² தா³யபாலோ ப⁴க³வந்தங் தூ³ரதோவ
ஆக³ச்ச²ந்தங், தி³ஸ்வான ப⁴க³வந்தங் ஏதத³வோச – ‘‘மா, ஸமண, ஏதங் தா³யங்
பாவிஸி. ஸந்தெத்த² தயோ குலபுத்தா அத்தகாமரூபா
விஹரந்தி. மா தேஸங் அபா²ஸுமகாஸீ’’தி. அஸ்ஸோஸி கோ² ஆயஸ்மா அனுருத்³தோ⁴
தா³யபாலஸ்ஸ ப⁴க³வதா ஸத்³தி⁴ங் மந்தயமானஸ்ஸ, ஸுத்வான தா³யபாலங் ஏதத³வோச –
‘‘மாவுஸோ, தா³யபால, ப⁴க³வந்தங் வாரேஸி . ஸத்தா² நோ
ப⁴க³வா அனுப்பத்தோ’’தி. அத² கோ² ஆயஸ்மா அனுருத்³தோ⁴ யேனாயஸ்மா ச நந்தி³யோ
ஆயஸ்மா ச கிமிலோ தேனுபஸங்கமி, உபஸங்கமித்வா ஆயஸ்மந்தஞ்ச நந்தி³யங்
ஆயஸ்மந்தஞ்ச கிமிலங் ஏதத³வோச – ‘‘அபி⁴க்கமதா²யஸ்மந்தோ அபி⁴க்கமதா²யஸ்மந்தோ,
ஸத்தா² நோ ப⁴க³வா அனுப்பத்தோ’’தி. அத² கோ² ஆயஸ்மா ச அனுருத்³தோ⁴ ஆயஸ்மா ச
நந்தி³யோ ஆயஸ்மா ச கிமிலோ ப⁴க³வந்தங் பச்சுக்³க³ந்த்வா ஏகோ ப⁴க³வதோ
பத்தசீவரங் படிக்³க³ஹேஸி, ஏகோ ஆஸனங் பஞ்ஞபேஸி, ஏகோ பாதோ³த³கங் பாத³பீட²ங்
பாத³கத²லிகங் உபனிக்கி²பி. நிஸீதி³ ப⁴க³வா பஞ்ஞத்தே ஆஸனே ,
நிஸஜ்ஜ கோ² ப⁴க³வா பாதே³ பக்கா²லேஸி. தேபி கோ² ஆயஸ்மந்தோ ப⁴க³வந்தங்
அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங் நிஸின்னங் கோ² ஆயஸ்மந்தங்
அனுருத்³த⁴ங் ப⁴க³வா ஏதத³வோச – ‘‘கச்சி வோ, அனுருத்³தா⁴, க²மனீயங், கச்சி
யாபனீயங்; கச்சி பிண்ட³கேன ந கிலமதா²’’தி? ‘‘க²மனீயங் ப⁴க³வா, யாபனீயங்
ப⁴க³வா; ந ச மயங், ப⁴ந்தே, பிண்ட³கேன கிலமாமா’’தி.


‘‘கச்சி பன வோ அனுருத்³தா⁴
ஸமக்³கா³ ஸம்மோத³மானா அவிவத³மானா கீ²ரோத³கீபூ⁴தா அஞ்ஞமஞ்ஞங் பியசக்கூ²ஹி
ஸம்பஸ்ஸந்தா விஹரதா²’’தி? ‘‘தக்³க⁴ மயங், ப⁴ந்தே, ஸமக்³கா³ ஸம்மோத³மானா
அவிவத³மானா கீ²ரோத³கீபூ⁴தா அஞ்ஞமஞ்ஞங் பியசக்கூ²ஹி
ஸம்பஸ்ஸந்தா விஹராமா’’தி. ‘‘யதா² கத²ங் பன தும்ஹே, அனுருத்³தா⁴, ஸமக்³கா³
ஸம்மோத³மானா அவிவத³மானா கீ²ரோத³கீபூ⁴தா அஞ்ஞமஞ்ஞங் பியசக்கூ²ஹி ஸம்பஸ்ஸந்தா
விஹரதா²’’தி? ‘‘இத⁴ மய்ஹங், ப⁴ந்தே, ஏவங் ஹோதி – ‘லாபா⁴ வத மே, ஸுலத்³த⁴ங்
வத மே, யோஹங் ஏவரூபேஹி ஸப்³ரஹ்மசாரீஹி ஸத்³தி⁴ங் விஹராமீ’’’தி. தஸ்ஸ
மய்ஹங், ப⁴ந்தே, இமேஸு ஆயஸ்மந்தேஸு மெத்தங் காயகம்மங் பச்சுபட்டி²தங் ஆவி
சேவ ரஹோ ச; மெத்தங் வசீகம்மங்… மெத்தங் மனோகம்மங் பச்சுபட்டி²தங் ஆவி சேவ
ரஹோ ச. தஸ்ஸ மய்ஹங், ப⁴ந்தே, ஏவங் ஹோதி – ‘‘‘யங்னூனாஹங் ஸகங் சித்தங்
நிக்கி²பித்வா இமேஸங்யேவ ஆயஸ்மந்தானங் சித்தஸ்ஸ வஸேன வத்தெய்ய’ந்தி. ஸோ கோ²
அஹங், ப⁴ந்தே, ஸகங் சித்தங் நிக்கி²பித்வா இமேஸங்யேவ ஆயஸ்மந்தானங்
சித்தஸ்ஸ வஸேன வத்தாமி. நானா ஹி கோ² நோ, ப⁴ந்தே, காயா, ஏகஞ்ச பன மஞ்ஞே
சித்த’’ந்தி.


ஆயஸ்மாபி கோ² நந்தி³யோ…பே॰… ஆயஸ்மாபி கோ² கிமிலோ
ப⁴க³வந்தங் ஏதத³வோச – ‘‘மய்ஹம்பி கோ², ப⁴ந்தே, ஏவங் ஹோதி – ‘லாபா⁴ வத மே,
ஸுலத்³த⁴ங் வத மே, யோஹங் ஏவரூபேஹி ஸப்³ரஹ்மசாரீஹி ஸத்³தி⁴ங் விஹராமீ’தி.
தஸ்ஸ மய்ஹங், ப⁴ந்தே, இமேஸு ஆயஸ்மந்தேஸு மெத்தங் காயகம்மங் பச்சுபட்டி²தங்
ஆவி சேவ ரஹோ ச; மெத்தங் வசீகம்மங் மெத்தங் மனோகம்மங் பச்சுபட்டி²தங் ஆவி
சேவ ரஹோ ச. தஸ்ஸ மய்ஹங், ப⁴ந்தே, ஏவங் ஹோதி ‘யங்னூனாஹங் ஸகங் சித்தங்
நிக்கி²பித்வா இமேஸங்யேவ ஆயஸ்மந்தானங் சித்தஸ்ஸ வஸேன வத்தெய்ய’ந்தி. ஸோ கோ²
அஹங், ப⁴ந்தே, ஸகங் சித்தங் நிக்கி²பித்வா இமேஸங்யேவ ஆயஸ்மந்தானங்
சித்தஸ்ஸ வஸேன வத்தாமி. நானா ஹி கோ² நோ, ப⁴ந்தே,
காயா, ஏகஞ்ச பன மஞ்ஞே சித்தந்தி. ஏவங் கோ² மயங், ப⁴ந்தே, ஸமக்³கா³
ஸம்மோத³மானா அவிவத³மானா கீ²ரோத³கீபூ⁴தா அஞ்ஞமஞ்ஞங் பியசக்கூ²ஹி ஸம்பஸ்ஸந்தா
விஹராமா’’தி.


‘‘கச்சி பன வோ, அனுருத்³தா⁴, அப்பமத்தா
ஆதாபினோ பஹிதத்தா விஹரதா²’’தி? ‘‘தக்³க⁴ மயங், ப⁴ந்தே, அப்பமத்தா ஆதாபினோ
பஹிதத்தா விஹராமா’’தி. ‘‘யதா² கத²ங் பன தும்ஹே, அனுருத்³தா⁴, அப்பமத்தா
ஆதாபினோ பஹிதத்தா விஹரதா²’’தி? ‘‘இத⁴, ப⁴ந்தே, அம்ஹாகங் யோ பட²மங் கா³மதோ
பிண்டா³ய படிக்கமதி ஸோ ஆஸனங் பஞ்ஞபேதி, பாதோ³த³கங் பாத³பீட²ங் பாத³கத²லிகங்
உபனிக்கி²பதி, அவக்காரபாதிங் தோ⁴வித்வா உபட்டா²பேதி, பானீயங் பரிபோ⁴ஜனீயங்
உபட்டா²பேதி. யோ பச்சா² கா³மதோ பிண்டா³ய படிக்கமதி, ஸசே ஹோதி
பு⁴த்தாவஸேஸோ, ஸசே ஆகங்க²தி பு⁴ஞ்ஜதி, நோ சே ஆகங்க²தி அப்பஹரிதே வா
ச²ட்³டே³தி. அப்பாணகே வா உத³கே ஓபிலாபேதி. ஸோ ஆஸனங் உத்³த⁴ரதி ,
பாதோ³த³கங் பாத³பீட²ங் பாத³கத²லிகங் படிஸாமேதி, அவக்காரபாதிங் தோ⁴வித்வா
படிஸாமேதி, பானீயங் பரிபோ⁴ஜனீயங் படிஸாமேதி, ப⁴த்தக்³க³ங் ஸம்மஜ்ஜதி. யோ
பஸ்ஸதி பானீயக⁴டங் வா பரிபோ⁴ஜனீயக⁴டங் வா வச்சக⁴டங் வா ரித்தங் துச்ச²ங் ஸோ
உபட்டா²பேதி. ஸசஸ்ஸ ஹோதி அவிஸய்ஹங், ஹத்த²விகாரேன து³தியங் ஆமந்தெத்வா
ஹத்த²விலங்க⁴கேன உபட்டா²பேம, ந த்வேவ மயங், ப⁴ந்தே, தப்பச்சயா வாசங்
பி⁴ந்தா³ம. பஞ்சாஹிகங் கோ² பன மயங், ப⁴ந்தே, ஸப்³ப³ரத்திங் த⁴ம்மியா கதா²ய
ஸன்னிஸீதா³ம. ஏவங் கோ² மயங், ப⁴ந்தே, அப்பமத்தா ஆதாபினோ பஹிதத்தா
விஹராமா’’தி.


பாசினவங்ஸதா³யக³மனகதா² நிட்டி²தா.


275. பாலிலெய்யகக³மனகதா²


467. [உதா³॰ 35 ஆத³யோ தோ²கங் விஸதி³ஸங்] அத²
கோ² ப⁴க³வா ஆயஸ்மந்தஞ்ச அனுருத்³த⁴ங் ஆயஸ்மந்தஞ்ச நந்தி³யங் ஆயஸ்மந்தஞ்ச
கிமிலங் த⁴ம்மியா கதா²ய ஸந்த³ஸ்ஸெத்வா ஸமாத³பெத்வா ஸமுத்தேஜெத்வா
ஸம்பஹங்ஸெத்வா உட்டா²யாஸனா யேன பாலிலெய்யகங் [பாரிலெய்யகங் (ஸீ॰ ஸ்யா॰)]
தேன சாரிகங் பக்காமி. அனுபுப்³பே³ன சாரிகங் சரமானோ யேன பாலிலெய்யகங்
தத³வஸரி. தத்ர ஸுத³ங் ப⁴க³வா பாலிலெய்யகே விஹரதி ரக்கி²தவனஸண்டே³
ப⁴த்³த³ஸாலமூலே. அத² கோ² ப⁴க³வதோ ரஹோக³தஸ்ஸ படிஸல்லீனஸ்ஸ ஏவங் சேதஸோ
பரிவிதக்கோ உத³பாதி³ – ‘‘அஹங் கோ² புப்³பே³ ஆகிண்ணோ ந பா²ஸு விஹாஸிங் தேஹி
கோஸம்ப³கேஹி [கோஸப்³பி⁴கேஹி (ஸ்யா॰)] பி⁴க்கூ²ஹி
ப⁴ண்ட³னகாரகேஹி கலஹகாரகேஹி விவாத³காரகேஹி ப⁴ஸ்ஸகாரகேஹி ஸங்கே⁴
அதி⁴கரணகாரகேஹி. ஸொம்ஹி ஏதரஹி ஏகோ அது³தியோ ஸுக²ங் பா²ஸு விஹராமி அஞ்ஞத்ரேவ
தேஹி கோஸம்ப³கேஹி பி⁴க்கூ²ஹி ப⁴ண்ட³னகாரகேஹி கலஹகாரகேஹி விவாத³காரகேஹி
ப⁴ஸ்ஸகாரகேஹி ஸங்கே⁴ அதி⁴கரணகாரகேஹீ’’தி.


அஞ்ஞதரோபி கோ² ஹத்தி²னாகோ³
ஆகிண்ணோ விஹரதி ஹத்தீ²ஹி ஹத்தி²னீஹி ஹத்தி²களபே⁴ஹி ஹத்தி²ச்சா²பேஹி,
சி²ன்னக்³கா³னி சேவ திணானி கா²த³தி, ஓப⁴க்³கோ³ப⁴க்³க³ஞ்சஸ்ஸ ஸாகா²ப⁴ங்க³ங்
கா²த³ந்தி, ஆவிலானி ச பானீயானி பிவதி, ஓகா³ஹா சஸ்ஸ ஓதிண்ணஸ்ஸ ஹத்தி²னியோ
காயங் உபனிக⁴ங்ஸந்தியோ க³ச்ச²ந்தி. அத² கோ² தஸ்ஸ
ஹத்தி²னாக³ஸ்ஸ ஏதத³ஹோஸி – ‘‘அஹங் கோ² ஆகிண்ணோ விஹராமி ஹத்தீ²ஹி ஹத்தி²னீஹி
ஹத்தி²களபே⁴ஹி ஹத்தி²ச்சா²பேஹி, சி²ன்னக்³கா³னி சேவ திணானி கா²தா³மி,
ஓப⁴க்³கோ³ப⁴க்³க³ஞ்ச மே ஸாகா²ப⁴ங்க³ங் கா²த³ந்தி,
ஆவிலானி ச பானீயானி பிவாமி, ஓகா³ஹா ச மே ஓதிண்ணஸ்ஸ ஹத்தி²னியோ காயங்
உபனிக⁴ங்ஸந்தியோ க³ச்ச²ந்தி. யங்னூனாஹங் ஏகோவ க³ணஸ்மா வூபகட்டோ²
விஹரெய்ய’’ந்தி. அத² கோ² ஸோ ஹத்தி²னாகோ³ யூதா² அபக்கம்ம யேன பாலிலெய்யகங்
ரக்கி²தவனஸண்டோ³ ப⁴த்³த³ஸாலமூலங் யேன ப⁴க³வா தேனுபஸங்கமி, உபஸங்கமித்வா
ஸொண்டா³ய ப⁴க³வதோ பானீயங் பரிபோ⁴ஜனீயங்
உபட்டா²பேதி, அப்பஹரிதஞ்ச கரோதி. அத² கோ² தஸ்ஸ ஹத்தி²னாக³ஸ்ஸ ஏதத³ஹோஸி –
‘‘அஹங் கோ² புப்³பே³ ஆகிண்ணோ ந பா²ஸு விஹாஸிங் ஹத்தீ²ஹி ஹத்தி²னீஹி
ஹத்தி²களபே⁴ஹி ஹத்தி²ச்சா²பேஹி, சி²ன்னக்³கா³னி சேவ திணானி கா²தி³ங்,
ஓப⁴க்³கோ³ப⁴க்³க³ஞ்ச மே ஸாகா²ப⁴ங்க³ங் கா²தி³ங்ஸு, ஆவிலானி ச பானீயானி
அபாயிங் ஓகா³ஹா ச மே ஓதிண்ணஸ்ஸ [ஓகா³ஹஞ்சஸ்ஸ ஓதிண்ணஸ்ஸ (ஸ்யா॰), ஓகா³ஹா சஸ்ஸ உத்திண்ணஸ்ஸ (ஸீ॰)]
ஹத்தி²னியோ காயங் உபனிக⁴ங்ஸந்தியோ அக³மங்ஸு. ஸொம்ஹி ஏதரஹி ஏகோ அது³தியோ
ஸுக²ங் பா²ஸு விஹராமி அஞ்ஞத்ரேவ ஹத்தீ²ஹி ஹத்தி²னீஹி ஹத்தி²களபே⁴ஹி
ஹத்தி²ச்சா²பேஹீ’’தி.


அத² கோ² ப⁴க³வா அத்தனோ ச பவிவேகங் விதி³த்வா தஸ்ஸ ச ஹத்தி²னாக³ஸ்ஸ சேதஸா சேதோபரிவிதக்கமஞ்ஞாய தாயங் வேலாயங் இமங் உதா³னங் உதா³னேஸி –


[உதா³॰ 35] ‘‘ஏதங் [ஏவங் (க॰)] நாக³ஸ்ஸ நாகே³ன, ஈஸாத³ந்தஸ்ஸ ஹத்தி²னோ;


ஸமேதி சித்தங் சித்தேன, யதே³கோ ரமதீ வனே’’தி.


அத² கோ² ப⁴க³வா பாலிலெய்யகே யதா²பி⁴ரந்தங் விஹரித்வா யேன ஸாவத்தி² தேன சாரிகங் பக்காமி. அனுபுப்³பே³ன சாரிகங் சரமானோ யேன
ஸாவத்தி² தத³வஸரி. தத்ர ஸுத³ங் ப⁴க³வா ஸாவத்தி²யங் விஹரதி ஜேதவனே
அனாத²பிண்டி³கஸ்ஸ ஆராமே. அத² கோ² கோஸம்ப³கா உபாஸகா – ‘‘இமே கோ² அய்யா
கோஸம்ப³கா பி⁴க்கூ² ப³ஹுனோ அம்ஹாகங் அனத்த²ஸ்ஸ காரகா .
இமேஹி உப்³பா³ள்ஹோ ப⁴க³வா பக்கந்தோ. ஹந்த³ மயங் அய்யே கோஸம்ப³கே பி⁴க்கூ²
நேவ அபி⁴வாதெ³ய்யாம, ந பச்சுட்டெ²ய்யாம, ந அஞ்ஜலிகம்மங் ஸாமீசிகம்மங்
கரெய்யாம, ந ஸக்கரெய்யாம, ந க³ருங் கரெய்யாம, ந மானெய்யாம, ந ப⁴ஜெய்யாம, ந
பூஜெய்யாம, உபக³தானம்பி பிண்ட³கங் ந த³ஜ்ஜெய்யாம – ஏவங் இமே அம்ஹேஹி
அஸக்கரியமானா அக³ருகரியமானா அமானியமானா அப⁴ஜியமானா அபூஜியமானா அஸக்காரபகதா
பக்கமிஸ்ஸந்தி வா விப்³ப⁴மிஸ்ஸந்தி வா ப⁴க³வந்தங் வா பஸாதெ³ஸ்ஸந்தீ’’தி.
அத² கோ² கோஸம்ப³கா உபாஸகா கோஸம்ப³கே பி⁴க்கூ² நேவ அபி⁴வாதே³ஸுங், ந
பச்சுட்டே²ஸுங், ந அஞ்ஜலிகம்மங் ஸாமீசிகம்மங்
அகங்ஸு, ந ஸக்கரிங்ஸு, ந க³ருங் கரிங்ஸு, ந மானேஸுங், ந ப⁴ஜேஸுங் ந
பூஜேஸுங், உபக³தானம்பி பிண்ட³கங் ந அத³ங்ஸு. அத² கோ² கோஸம்ப³கா பி⁴க்கூ²
கோஸம்ப³கேஹி உபாஸகேஹி அஸக்கரியமானா அக³ருகரியமானா அமானியமானா அப⁴ஜியமானா
அபூஜியமானா அஸக்காரபகதா ஏவமாஹங்ஸு – ‘‘ஹந்த³ மயங், ஆவுஸோ, ஸாவத்தி²ங்
க³ந்த்வா ப⁴க³வதோ ஸந்திகே இமங் அதி⁴கரணங் வூபஸமெய்யாமா’’தி.


பாலிலெய்யகக³மனகதா² நிட்டி²தா.


276. அட்டா²ரஸவத்து²கதா²


468. அத²
கோ² கோஸம்ப³கா பி⁴க்கூ² ஸேனாஸனங் ஸங்ஸாமெத்வா பத்தசீவரமாதா³ய யேன ஸாவத்தி²
தேனுபஸங்கமிங்ஸு. அஸ்ஸோஸி கோ² ஆயஸ்மா ஸாரிபுத்தோ – ‘‘தே கிர கோஸம்ப³கா
பி⁴க்கூ² ப⁴ண்ட³னகாரகா கலஹகாரகா விவாத³காரகா
ப⁴ஸ்ஸகாரகா ஸங்கே⁴ அதி⁴கரணகாரகா ஸாவத்தி²ங் ஆக³ச்ச²ந்தீ’’தி. அத² கோ²
ஆயஸ்மா ஸாரிபுத்தோ யேன ப⁴க³வா தேனுபஸங்கமி, உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா ஸாரிபுத்தோ
ப⁴க³வந்தங் ஏதத³வோச – ‘‘தே கிர, ப⁴ந்தே, கோஸம்ப³கா பி⁴க்கூ² ப⁴ண்ட³னகாரகா
கலஹகாரகா விவாத³காரகா ப⁴ஸ்ஸகாரகா ஸங்கே⁴ அதி⁴கரணகாரகா ஸாவத்தி²ங்
ஆக³ச்ச²ந்தி. கதா²ஹங், ப⁴ந்தே, தேஸு பி⁴க்கூ²ஸு படிபஜ்ஜாமீ’’தி? ‘‘தேன ஹி
த்வங், ஸாரிபுத்த, யதா² த⁴ம்மோ ததா² திட்டா²ஹீ’’தி. ‘‘கதா²ஹங், ப⁴ந்தே,
ஜானெய்யங் த⁴ம்மங் வா அத⁴ம்மங் வா’’தி?


அட்டா²ரஸஹி கோ², ஸாரிபுத்த, வத்தூ²ஹி அத⁴ம்மவாதீ³
ஜானிதப்³போ³. இத⁴, ஸாரிபுத்த, பி⁴க்கு² அத⁴ம்மங் த⁴ம்மோதி தீ³பேதி, த⁴ம்மங்
அத⁴ம்மோதி தீ³பேதி; அவினயங் வினயோதி தீ³பேதி, வினயங் அவினயோதி தீ³பேதி;
அபா⁴ஸிதங் அலபிதங் ததா²க³தேன பா⁴ஸிதங் லபிதங்
ததா²க³தேனாதி தீ³பேதி, பா⁴ஸிதங் லபிதங் ததா²க³தேன அபா⁴ஸிதங் அலபிதங்
ததா²க³தேனாதி தீ³பேதி; அனாசிண்ணங் ததா²க³தேன ஆசிண்ணங் ததா²க³தேனாதி
தீ³பேதி, ஆசிண்ணங் ததா²க³தேன அனாசிண்ணங் ததா²க³தேனாதி தீ³பேதி; அபஞ்ஞத்தங்
ததா²க³தேன பஞ்ஞத்தங் ததா²க³தேனாதி தீ³பேதி, பஞ்ஞத்தங் ததா²க³தேன அபஞ்ஞத்தங்
ததா²க³தேனாதி தீ³பேதி; அனாபத்திங் ஆபத்தீதி தீ³பேதி, ஆபத்திங் அனாபத்தீதி
தீ³பேதி; லஹுகங் ஆபத்திங் க³ருகா ஆபத்தீதி தீ³பேதி, க³ருகங் ஆபத்திங் லஹுகா
ஆபத்தீதி தீ³பேதி; ஸாவஸேஸங் ஆபத்திங் அனவஸேஸா
ஆபத்தீதி தீ³பேதி, அனவஸேஸங் ஆபத்திங் ஸாவஸேஸா ஆபத்தீதி தீ³பேதி;
து³ட்டு²ல்லங் ஆபத்திங் அது³ட்டு²ல்லா ஆபத்தீதி தீ³பேதி, அது³ட்டு²ல்லங்
ஆபத்திங் து³ட்டு²ல்லா ஆபத்தீதி தீ³பேதி – இமேஹி கோ², ஸாரிபுத்த,
அட்டா²ரஸஹி வத்தூ²ஹி அத⁴ம்மவாதீ³ ஜானிதப்³போ³.


அட்டா²ரஸஹி ச கோ², ஸாரிபுத்த, வத்தூ²ஹி த⁴ம்மவாதீ³
ஜானிதப்³போ³. இத⁴, ஸாரிபுத்த, பி⁴க்கு² அத⁴ம்மங் அத⁴ம்மோதி தீ³பேதி,
த⁴ம்மங் த⁴ம்மோதி தீ³பேதி; அவினயங் அவினயோதி தீ³பேதி, வினயங் வினயோதி
தீ³பேதி; அபா⁴ஸிதங் அலபிதங் ததா²க³தேன அபா⁴ஸிதங்
அலபிதங் ததா²க³தேனாதி தீ³பேதி, பா⁴ஸிதங் லபிதங் ததா²க³தேன பா⁴ஸிதங் லபிதங்
ததா²க³தேனாதி தீ³பேதி; அனாசிண்ணங் ததா²க³தேன அனாசிண்ணங் ததா²க³தேனாதி
தீ³பேதி, ஆசிண்ணங் ததா²க³தேன ஆசிண்ணங் ததா²க³தேனாதி தீ³பேதி; அபஞ்ஞத்தங்
ததா²க³தேன அபஞ்ஞத்தங் ததா²க³தேனாதி தீ³பேதி, பஞ்ஞத்தங் ததா²க³தேன பஞ்ஞத்தங்
ததா²க³தேனாதி தீ³பேதி ; அனாபத்திங் அனாபத்தீதி
தீ³பேதி, ஆபத்திங் ஆபத்தீதி தீ³பேதி; லஹுகங் ஆபத்திங் லஹுகா ஆபத்தீதி
தீ³பேதி, க³ருகங் ஆபத்திங் க³ருகா ஆபத்தீதி தீ³பேதி; ஸாவஸேஸங் ஆபத்திங்
ஸாவஸேஸா ஆபத்தீதி தீ³பேதி, அனவஸேஸங் ஆபத்திங் அனவஸேஸா ஆபத்தீதி தீ³பேதி;
து³ட்டு²ல்லங் ஆபத்திங் து³ட்டு²ல்லா ஆபத்தீதி தீ³பேதி, அது³ட்டு²ல்லங்
ஆபத்திங் அது³ட்டு²ல்லா ஆபத்தீதி தீ³பேதி – இமேஹி கோ², ஸாரிபுத்த,
அட்டா²ரஸஹி வத்தூ²ஹி த⁴ம்மவாதீ³ ஜானிதப்³போ³தி.


469.
அஸ்ஸோஸி கோ² ஆயஸ்மா மஹாமொக்³க³ல்லானோ…பே॰… அஸ்ஸோஸி கோ² ஆயஸ்மா மஹாகஸ்ஸபோ…
அஸ்ஸோஸி கோ² ஆயஸ்மா மஹாகச்சானோ… அஸ்ஸோஸி கோ² ஆயஸ்மா மஹாகொட்டி²கோ … அஸ்ஸோஸி கோ² ஆயஸ்மா மஹாகப்பினோ… அஸ்ஸோஸி கோ² ஆயஸ்மா மஹாசுந்தோ³… அஸ்ஸோஸி கோ² ஆயஸ்மா அனுருத்³தோ⁴… அஸ்ஸோஸி கோ² ஆயஸ்மா ரேவதோ
… அஸ்ஸோஸி கோ² ஆயஸ்மா உபாலி… அஸ்ஸோஸி கோ² ஆயஸ்மா ஆனந்தோ³… அஸ்ஸோஸி கோ²
ஆயஸ்மா ராஹுலோ – ‘‘தே கிர கோஸம்ப³கா பி⁴க்கூ² ப⁴ண்ட³னகாரகா கலஹகாரகா
விவாத³காரகா ப⁴ஸ்ஸகாரகா ஸங்கே⁴ அதி⁴கரணகாரகா ஸாவத்தி²ங் ஆக³ச்ச²ந்தீ’’தி.
அத² கோ² ஆயஸ்மா ராஹுலோ யேன ப⁴க³வா தேனுபஸங்கமி, உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா ராஹுலோ
ப⁴க³வந்தங் ஏதத³வோச – ‘‘தே கிர, ப⁴ந்தே, கோஸம்ப³கா பி⁴க்கூ² ப⁴ண்ட³னகாரகா
கலஹகாரகா விவாத³காரகா ப⁴ஸ்ஸகாரகா ஸங்கே⁴ அதி⁴கரணகாரகா ஸாவத்தி²ங்
ஆக³ச்ச²ந்தி. கதா²ஹங், ப⁴ந்தே, தேஸு பி⁴க்கூ²ஸு படிபஜ்ஜாமீ’’தி? ‘‘தேன ஹி
த்வங், ராஹுல, யதா² த⁴ம்மோ ததா² திட்டா²ஹீ’’தி. ‘‘கதா²ஹங், ப⁴ந்தே,
ஜானெய்யங் த⁴ம்மங் வா அத⁴ம்மங் வா’’தி?


அட்டா²ரஸஹி கோ², ராஹுல, வத்தூ²ஹி அத⁴ம்மவாதீ³
ஜானிதப்³போ³. இத⁴, ராஹுல, பி⁴க்கு² அத⁴ம்மங் த⁴ம்மோதி தீ³பேதி, த⁴ம்மங்
அத⁴ம்மோதி தீ³பேதி; அவினயங் வினயோதி தீ³பேதி, வினயங் அவினயோதி தீ³பேதி;
அபா⁴ஸிதங் அலபிதங் ததா²க³தேன பா⁴ஸிதங் லபிதங் ததா²க³தேனாதி தீ³பேதி,
பா⁴ஸிதங் லபிதங் ததா²க³தேன அபா⁴ஸிதங் அலபிதங் ததா²க³தேனாதி தீ³பேதி;
அனாசிண்ணங் ததா²க³தேன ஆசிண்ணங் ததா²க³தேனாதி தீ³பேதி, ஆசிண்ணங் ததா²க³தேன
அனாசிண்ணங் ததா²க³தேனாதி தீ³பேதி; அபஞ்ஞத்தங் ததா²க³தேன பஞ்ஞத்தங்
ததா²க³தேனாதி தீ³பேதி, பஞ்ஞத்தங் ததா²க³தேன அபஞ்ஞத்தங் ததா²க³தேனாதி
தீ³பேதி; அனாபத்திங் ஆபத்தீதி தீ³பேதி, ஆபத்திங் அனாபத்தீதி தீ³பேதி;
லஹுகங் ஆபத்திங் க³ருகா ஆபத்தீதி தீ³பேதி, க³ருகங் ஆபத்திங் லஹுகா ஆபத்தீதி
தீ³பேதி; ஸாவஸேஸங் ஆபத்திங் அனவஸேஸா ஆபத்தீதி தீ³பேதி, அனவஸேஸங் ஆபத்திங்
ஸாவஸேஸா ஆபத்தீதி தீ³பேதி; து³ட்டு²ல்லங் ஆபத்திங் அது³ட்டு²ல்லா ஆபத்தீதி
தீ³பேதி, அது³ட்டு²ல்லங் ஆபத்திங் து³ட்டு²ல்லா ஆபத்தீதி தீ³பேதி – இமேஹி
கோ², ராஹுல, அட்டா²ரஸஹி வத்தூ²ஹி அத⁴ம்மவாதீ³ ஜானிதப்³போ³.


அட்டா²ரஸஹி ச கோ², ராஹுல,
வத்தூ²ஹி த⁴ம்மவாதீ³ ஜானிதப்³போ³. இத⁴, ராஹுல, பி⁴க்கு² அத⁴ம்மங் அத⁴ம்மோதி
தீ³பேதி, த⁴ம்மங் த⁴ம்மோதி தீ³பேதி; அவினயங் அவினயோதி தீ³பேதி, வினயங்
வினயோதி தீ³பேதி; அபா⁴ஸிதங் அலபிதங் ததா²க³தேன அபா⁴ஸிதங் அலபிதங்
ததா²க³தேனாதி தீ³பேதி, பா⁴ஸிதங் லபிதங் ததா²க³தேன பா⁴ஸிதங் லபிதங்
ததா²க³தேனாதி தீ³பேதி; அனாசிண்ணங் ததா²க³தேன
அனாசிண்ணங் ததா²க³தேனாதி தீ³பேதி, ஆசிண்ணங் ததா²க³தேன ஆசிண்ணங்
ததா²க³தேனாதி தீ³பேதி; அபஞ்ஞத்தங் ததா²க³தேன அபஞ்ஞத்தங் ததா²க³தேனாதி
தீ³பேதி, பஞ்ஞத்தங் ததா²க³தேன பஞ்ஞத்தங் ததா²க³தேனாதி தீ³பேதி; அனாபத்திங்
அனாபத்தீதி தீ³பேதி, ஆபத்திங் ஆபத்தீதி தீ³பேதி; லஹுகங் ஆபத்திங் லஹுகா
ஆபத்தீதி தீ³பேதி, க³ருகங் ஆபத்திங் க³ருகா ஆபத்தீதி தீ³பேதி; ஸாவஸேஸங்
ஆபத்திங் ஸாவஸேஸா ஆபத்தீதி தீ³பேதி, அனவஸேஸங் ஆபத்திங் அனவஸேஸா ஆபத்தீதி
தீ³பேதி; து³ட்டு²ல்லங் ஆபத்திங் து³ட்டு²ல்லா ஆபத்தீதி தீ³பேதி,
அது³ட்டு²ல்லங் ஆபத்திங் அது³ட்டு²ல்லா ஆபத்தீதி தீ³பேதி – இமேஹி கோ²,
ராஹுல, அட்டா²ரஸஹி வத்தூ²ஹி த⁴ம்மவாதீ³ ஜானிதப்³போ³தி.


470. அஸ்ஸோஸி கோ² மஹாபஜாபதி [மஹாபஜாபதீ (ஸீ॰ ஸ்யா॰)] கோ³தமீ – ‘‘தே கிர கோஸம்ப³கா பி⁴க்கூ² ப⁴ண்ட³னகாரகா கலஹகாரகா விவாத³காரகா ப⁴ஸ்ஸகாரகா ஸங்கே⁴ அதி⁴கரணகாரகா
ஸாவத்தி²ங் ஆக³ச்ச²ந்தீ’’தி. அத² கோ² மஹாபஜாபதி கோ³தமீ யேன ப⁴க³வா
தேனுபஸங்கமி, உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் அட்டா²ஸி.
ஏகமந்தங் டி²தா கோ² மஹாபஜாபதி கோ³தமீ ப⁴க³வந்தங் ஏதத³வோச – ‘‘தே கிர,
ப⁴ந்தே, கோஸம்ப³கா பி⁴க்கூ² ப⁴ண்ட³னகாரகா கலஹகாரகா விவாத³காரகா ப⁴ஸ்ஸகாரகா
ஸங்கே⁴ அதி⁴கரணகாரகா ஸாவத்தி²ங் ஆக³ச்ச²ந்தி. கதா²ஹங், ப⁴ந்தே, தேஸு
பி⁴க்கூ²ஸு படிபஜ்ஜாமீ’’தி? ‘‘தேன ஹி த்வங், கோ³தமி, உப⁴யத்த² த⁴ம்மங் ஸுண.
உப⁴யத்த² த⁴ம்மங் ஸுத்வா யே தத்த² பி⁴க்கூ² த⁴ம்மவாதி³னோ தேஸங்
தி³ட்டி²ஞ்ச க²ந்திஞ்ச ருசிஞ்ச ஆதா³யஞ்ச ரோசேஹி. யஞ்ச கிஞ்சி
பி⁴க்கு²னிஸங்கே⁴ன பி⁴க்கு²ஸங்க⁴தோ பச்சாஸீஸிதப்³ப³ங் ஸப்³ப³ங் தங்
த⁴ம்மவாதி³தோவ பச்சாஸீஸிதப்³ப³’’ந்தி.


471.
அஸ்ஸோஸி கோ² அனாத²பிண்டி³கோ க³ஹபதி – ‘‘தே கிர கோஸம்ப³கா பி⁴க்கூ²
ப⁴ண்ட³னகாரகா கலஹகாரகா விவாத³காரகா ப⁴ஸ்ஸகாரகா ஸங்கே⁴ அதி⁴கரணகாரகா
ஸாவத்தி²ங் ஆக³ச்ச²ந்தீ’’தி. அத² கோ² அனாத²பிண்டி³கோ க³ஹபதி யேன ப⁴க³வா
தேனுபஸங்கமி, உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³.
ஏகமந்தங் நிஸின்னோ கோ² அனாத²பிண்டி³கோ க³ஹபதி ப⁴க³வந்தங் ஏதத³வோச – ‘‘தே
கிர, ப⁴ந்தே, கோஸம்ப³கா பி⁴க்கூ² ப⁴ண்ட³னகாரகா கலஹகாரகா விவாத³காரகா
ப⁴ஸ்ஸகாரகா ஸங்கே⁴ அதி⁴கரணகாரகா ஸாவத்தி²ங்
ஆக³ச்ச²ந்தி. கதா²ஹங், ப⁴ந்தே, தேஸு பி⁴க்கூ²ஸு படிபஜ்ஜாமீ’’தி? ‘‘தேன ஹி
த்வங், க³ஹபதி, உப⁴யத்த² தா³னங் தே³ஹி. உப⁴யத்த² தா³னங் த³த்வா உப⁴யத்த² த⁴ம்மங் ஸுண. உப⁴யத்த² த⁴ம்மங் ஸுத்வா யே தத்த² பி⁴க்கூ² த⁴ம்மவாதி³னோ தேஸங் தி³ட்டி²ஞ்ச க²ந்திஞ்ச ருசிஞ்ச ஆதா³யஞ்ச ரோசேஹீ’’தி.


472.
அஸ்ஸோஸி கோ² விஸாகா² மிகா³ரமாதா – ‘‘தே கிர கோஸம்ப³கா பி⁴க்கூ²
ப⁴ண்ட³னகாரகா கலஹகாரகா விவாத³காரகா ப⁴ஸ்ஸகாரகா ஸங்கே⁴ அதி⁴கரணகாரகா
ஸாவத்தி²ங் ஆக³ச்ச²ந்தீ’’தி . அத² கோ² விஸாகா²
மிகா³ரமாதா யேன ப⁴க³வா தேனுபஸங்கமி, உபஸங்கமித்வா ப⁴க³வந்தங் அபி⁴வாதெ³த்வா
ஏகமந்தங் நிஸீதி³. ஏகமந்தங் நிஸின்னா கோ² விஸாகா² மிகா³ரமாதா ப⁴க³வந்தங்
ஏதத³வோச – ‘‘தே கிர, ப⁴ந்தே, கோஸம்ப³கா பி⁴க்கூ² ப⁴ண்ட³னகாரகா கலஹகாரகா
விவாத³காரகா ப⁴ஸ்ஸகாரகா ஸங்கே⁴ அதி⁴கரணகாரகா ஸாவத்தி²ங் ஆக³ச்ச²ந்தி.
கதா²ஹங், ப⁴ந்தே, தேஸு பி⁴க்கூ²ஸு படிபஜ்ஜாமீ’’தி? ‘‘தேன ஹி த்வங்,
விஸாகே², உப⁴யத்த² தா³னங் தே³ஹி. உப⁴யத்த² தா³னங் த³த்வா உப⁴யத்த² த⁴ம்மங்
ஸுண. உப⁴யத்த² த⁴ம்மங் ஸுத்வா யே தத்த² பி⁴க்கூ² த⁴ம்மவாதி³னோ தேஸங்
தி³ட்டி²ஞ்ச க²ந்திஞ்ச ருசிஞ்ச ஆதா³யஞ்ச ரோசேஹீ’’தி.


473.
அத² கோ² கோஸம்ப³கா பி⁴க்கூ² அனுபுப்³பே³ன யேன ஸாவத்தி² தத³வஸருங். அத² கோ²
ஆயஸ்மா ஸாரிபுத்தோ யேன ப⁴க³வா தேனுபஸங்கமி, உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா ஸாரிபுத்தோ
ப⁴க³வந்தங் ஏதத³வோச – ‘‘தே கிர, ப⁴ந்தே, கோஸம்ப³கா பி⁴க்கூ² ப⁴ண்ட³னகாரகா
கலஹகாரகா விவாத³காரகா ப⁴ஸ்ஸகாரகா ஸங்கே⁴ அதி⁴கரணகாரகா ஸாவத்தி²ங்
அனுப்பத்தா. கத²ங் நு கோ², ப⁴ந்தே, தேஸு பி⁴க்கூ²ஸு ஸேனாஸனே [ஸேனாஸனேஸு (க॰), ஸேனாஸனங் (ஸ்யா॰)]
படிபஜ்ஜிதப்³ப³’’ந்தி? ‘‘தேன ஹி, ஸாரிபுத்த, விவித்தங் ஸேனாஸனங்
தா³தப்³ப³’’ந்தி. ‘‘ஸசே பன, ப⁴ந்தே, விவித்தங் ந ஹோதி, கத²ங்
படிபஜ்ஜிதப்³ப³’’ந்தி? ‘‘தேன ஹி, ஸாரிபுத்த, விவித்தங் கத்வாபி
தா³தப்³ப³ங், ந த்வேவாஹங், ஸாரிபுத்த, கேனசி பரியாயேன வுட்³ட⁴தரஸ்ஸ
பி⁴க்கு²னோ ஸேனாஸனங் படிபா³ஹிதப்³ப³ந்தி வதா³மி. யோ படிபா³ஹெய்ய, ஆபத்தி
து³க்கடஸ்ஸா’’தி.


‘‘ஆமிஸே பன, ப⁴ந்தே, கத²ங் படிபஜ்ஜிதப்³ப³’’ந்தி? ‘‘ஆமிஸங் கோ², ஸாரிபுத்த, ஸப்³பே³ஸங் ஸமகங் பா⁴ஜேதப்³ப³’’ந்தி.


அட்டா²ரஸவத்து²கதா² நிட்டி²தா.


277. ஓஸாரணானுஜானநா


474. அத²
கோ² தஸ்ஸ உக்கி²த்தகஸ்ஸ பி⁴க்கு²னோ த⁴ம்மஞ்ச வினயஞ்ச பச்சவெக்க²ந்தஸ்ஸ
ஏதத³ஹோஸி – ‘‘ஆபத்தி ஏஸா, நேஸா அனாபத்தி. ஆபன்னொம்ஹி, நம்ஹி அனாபன்னோ.
உக்கி²த்தொம்ஹி, நம்ஹி அனுக்கி²த்தோ. த⁴ம்மிகேனம்ஹி கம்மேன உக்கி²த்தோ
அகுப்பேன டா²னாரஹேனா’’தி. அத² கோ² ஸோ உக்கி²த்தகோ பி⁴க்கு² யேன
உக்கி²த்தானுவத்தகா பி⁴க்கூ² தேனுபஸங்கமி, உபஸங்கமித்வா உக்கி²த்தானுவத்தகே
பி⁴க்கூ² ஏதத³வோச – ‘‘ஆபத்தி ஏஸா, ஆவுஸோ; நேஸா அனாபத்தி. ஆபன்னொம்ஹி,
நம்ஹி அனாபன்னோ. உக்கி²த்தொம்ஹி, நம்ஹி அனுக்கி²த்தோ. த⁴ம்மிகேனம்ஹி கம்மேன
உக்கி²த்தோ அகுப்பேன டா²னாரஹேன. ஏத² மங் ஆயஸ்மந்தோ ஓஸாரேதா²’’தி. அத² கோ²
தே உக்கி²த்தானுவத்தகா பி⁴க்கூ² தங் உக்கி²த்தகங் பி⁴க்கு²ங் ஆதா³ய யேன
ப⁴க³வா தேனுபஸங்கமிங்ஸு, உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³ங்ஸு. ஏகமந்தங் நிஸின்னா கோ² தே பி⁴க்கூ² ப⁴க³வந்தங் ஏதத³வோசுங் –
‘‘அயங், ப⁴ந்தே, உக்கி²த்தகோ பி⁴க்கு² ஏவமாஹ – ‘ஆபத்தி ஏஸா ,
ஆவுஸோ; நேஸா அனாபத்தி. ஆபன்னொம்ஹி, நம்ஹி அனாபன்னோ. உக்கி²த்தொம்ஹி, நம்ஹி
அனுக்கி²த்தோ. த⁴ம்மிகேனம்ஹி கம்மேன உக்கி²த்தோ அகுப்பேன டா²னாரஹேன. ஏத²
மங் ஆயஸ்மந்தோ ஓஸாரேதா²’தி. கத²ங் நு கோ², ப⁴ந்தே, படிபஜ்ஜிதப்³ப³’’ந்தி?
‘‘ஆபத்தி ஏஸா, பி⁴க்க²வே; நேஸா அனாபத்தி. ஆபன்னோ ஏஸோ பி⁴க்கு², நேஸோ
பி⁴க்கு² அனாபன்னோ. உக்கி²த்தோ ஏஸோ பி⁴க்கு², நேஸோ பி⁴க்கு² அனுக்கி²த்தோ .
த⁴ம்மிகேன கம்மேன உக்கி²த்தோ அகுப்பேன டா²னாரஹேன. யதோ ச கோ² ஸோ,
பி⁴க்க²வே, பி⁴க்கு² ஆபன்னோ ச உக்கி²த்தோ ச பஸ்ஸதி ச, தேன ஹி, பி⁴க்க²வே,
தங் பி⁴க்கு²ங் ஓஸாரேதா²’’தி.


ஓஸாரணானுஜானநா நிட்டி²தா.


278. ஸங்க⁴ஸாமக்³கீ³கதா²


475.
அத² கோ² தே உக்கி²த்தானுவத்தகா பி⁴க்கூ² தங் உக்கி²த்தகங் பி⁴க்கு²ங்
ஓஸாரெத்வா யேன உக்கே²பகா பி⁴க்கூ² தேனுபஸங்கமிங்ஸு, உபஸங்கமித்வா உக்கே²பகே
பி⁴க்கூ² ஏதத³வோசுங் – ‘‘யஸ்மிங், ஆவுஸோ, வத்து²ஸ்மிங் அஹோஸி ஸங்க⁴ஸ்ஸ
ப⁴ண்ட³னங் கலஹோ விக்³க³ஹோ விவாதோ³ ஸங்க⁴பே⁴தோ³ ஸங்க⁴ராஜி ஸங்க⁴வவத்தா²னங்
ஸங்க⁴னானாகரணங் , ஸோ ஏஸோ பி⁴க்கு² ஆபன்னோ ச உக்கி²த்தோ ச பஸ்ஸி [பஸ்ஸீ (இதிபி)] ச ஓஸாரிதோ ச. ஹந்த³ மயங், ஆவுஸோ, தஸ்ஸ வத்து²ஸ்ஸ வூபஸமாய ஸங்க⁴ஸாமக்³கி³ங் கரோமா’’தி.


அத²
கோ² தே உக்கே²பகா பி⁴க்கூ² யேன ப⁴க³வா தேனுபஸங்கமிங்ஸு, உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங் நிஸின்னா கோ² தே
பி⁴க்கூ² ப⁴க³வந்தங் ஏதத³வோசுங் – ‘‘தே, ப⁴ந்தே, உக்கி²த்தானுவத்தகா
பி⁴க்கூ² ஏவமாஹங்ஸு – ‘யஸ்மிங், ஆவுஸோ, வத்து²ஸ்மிங் அஹோஸி ஸங்க⁴ஸ்ஸ
ப⁴ண்ட³னங் கலஹோ விக்³க³ஹோ விவாதோ³ ஸங்க⁴பே⁴தோ³ ஸங்க⁴ராஜி ஸங்க⁴வவத்தா²னங்
ஸங்க⁴னானாகரணங், ஸோ ஏஸோ பி⁴க்கு² ஆபன்னோ ச உக்கி²த்தோ ச பஸ்ஸி ச ஓஸாரிதோ ச.
ஹந்த³ மயங், ஆவுஸோ, தஸ்ஸ வத்து²ஸ்ஸ வூபஸமாய ஸங்க⁴ஸாமக்³கி³ங் கரோமா’தி.
கத²ங் நு கோ², ப⁴ந்தே, படிபஜ்ஜிதப்³ப³’’ந்தி? யதோ ச கோ² ஸோ, பி⁴க்க²வே,
பி⁴க்கு² ஆபன்னோ ச உக்கி²த்தோ ச பஸ்ஸி ச ஓஸாரிதோ ச, தேன ஹி, பி⁴க்க²வே,
ஸங்கோ⁴ தஸ்ஸ வத்து²ஸ்ஸ வூபஸமாய ஸங்க⁴ஸாமக்³கி³ங் கரோது. ஏவஞ்ச பன,
பி⁴க்க²வே, காதப்³பா³. ஸப்³பே³ஹேவ ஏகஜ்ஜ²ங் ஸன்னிபதிதப்³ப³ங் கி³லானேஹி ச
அகி³லானேஹி ச. ந கேஹிசி ச²ந்தோ³ தா³தப்³போ³. ஸன்னிபதித்வா ப்³யத்தேன
பி⁴க்கு²னா படிப³லேன ஸங்கோ⁴ ஞாபேதப்³போ³ –


‘‘ஸுணாது மே, ப⁴ந்தே, ஸங்கோ⁴. யஸ்மிங் வத்து²ஸ்மிங்
அஹோஸி ஸங்க⁴ஸ்ஸ ப⁴ண்ட³னங் கலஹோ விக்³க³ஹோ விவாதோ³ ஸங்க⁴பே⁴தோ³ ஸங்க⁴ராஜி
ஸங்க⁴வவத்தா²னங் ஸங்க⁴னானாகரணங், ஸோ ஏஸோ பி⁴க்கு² ஆபன்னோ ச உக்கி²த்தோ ச
பஸ்ஸி ச ஓஸாரிதோ ச. யதி³ ஸங்க⁴ஸ்ஸ பத்தகல்லங், ஸங்கோ⁴ தஸ்ஸ வத்து²ஸ்ஸ
வூபஸமாய ஸங்க⁴ஸாமக்³கி³ங் கரெய்ய. ஏஸா ஞத்தி.


‘‘ஸுணாது மே, ப⁴ந்தே, ஸங்கோ⁴. யஸ்மிங் வத்து²ஸ்மிங்
அஹோஸி ஸங்க⁴ஸ்ஸ ப⁴ண்ட³னங் கலஹோ விக்³க³ஹோ விவாதோ³ ஸங்க⁴பே⁴தோ³ ஸங்க⁴ராஜி
ஸங்க⁴வவத்தா²னங் ஸங்க⁴னானாகரணங், ஸோ ஏஸோ பி⁴க்கு² ஆபன்னோ ச உக்கி²த்தோ ச
பஸ்ஸி ச ஓஸாரிதோ ச. ஸங்கோ⁴ தஸ்ஸ வத்து²ஸ்ஸ வூபஸமாய ஸங்க⁴ஸாமக்³கி³ங் கரோதி.
யஸ்ஸாயஸ்மதோ க²மதி தஸ்ஸ வத்து²ஸ்ஸ வூபஸமாய ஸங்க⁴ஸாமக்³கி³யா கரணங், ஸோ
துண்ஹஸ்ஸ, யஸ்ஸ நக்க²மதி ஸோ பா⁴ஸெய்ய.


‘‘கதா ஸங்கே⁴ன தஸ்ஸ வத்து²ஸ்ஸ வூபஸமாய ஸங்க⁴ஸாமக்³கீ³. நிஹதோ
ஸங்க⁴பே⁴தோ³, நிஹதா ஸங்க⁴ராஜி, நிஹதங் ஸங்க⁴வவத்தா²னங், நிஹதங்
ஸங்க⁴னானாகரணங். க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.


தாவதே³வ உபோஸதோ² காதப்³போ³, பாதிமொக்க²ங் உத்³தி³ஸிதப்³ப³ந்தி.


ஸங்க⁴ஸாமக்³கீ³கதா² நிட்டி²தா.


279. உபாலிஸங்க⁴ஸாமக்³கீ³புச்சா²


476. அத²
கோ² ஆயஸ்மா உபாலி யேன ப⁴க³வா தேனுபஸங்கமி, உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா உபாலி
ப⁴க³வந்தங் ஏதத³வோச – ‘‘யஸ்மிங், ப⁴ந்தே, வத்து²ஸ்மிங் ஹோதி ஸங்க⁴ஸ்ஸ
ப⁴ண்ட³னங் கலஹோ விக்³க³ஹோ விவாதோ³ ஸங்க⁴பே⁴தோ³ ஸங்க⁴ராஜி ஸங்க⁴வவத்தா²னங்
ஸங்க⁴னானாகரணங், ஸங்கோ⁴ தங் வத்து²ங் அவினிச்சி²னித்வா அமூலா மூலங்
க³ந்த்வா ஸங்க⁴ஸாமக்³கி³ங் கரோதி, த⁴ம்மிகா நு கோ² ஸா, ப⁴ந்தே,
ஸங்க⁴ஸாமக்³கீ³’’தி? ‘‘யஸ்மிங் , உபாலி,
வத்து²ஸ்மிங் ஹோதி ஸங்க⁴ஸ்ஸ ப⁴ண்ட³னங் கலஹோ விக்³க³ஹோ விவாதோ³ ஸங்க⁴பே⁴தோ³
ஸங்க⁴ராஜி ஸங்க⁴வவத்தா²னங் ஸங்க⁴னானாகரணங், ஸங்கோ⁴ தங் வத்து²ங்
அவினிச்சி²னித்வா அமூலா மூலங் க³ந்த்வா ஸங்க⁴ஸாமக்³கி³ங் கரோதி, அத⁴ம்மிகா
ஸா, உபாலி, ஸங்க⁴ஸாமக்³கீ³’’தி.


‘‘யஸ்மிங் பன, ப⁴ந்தே, வத்து²ஸ்மிங் ஹோதி ஸங்க⁴ஸ்ஸ
ப⁴ண்ட³னங் கலஹோ விக்³க³ஹோ விவாதோ³ ஸங்க⁴பே⁴தோ³ ஸங்க⁴ராஜி ஸங்க⁴வவத்தா²னங்
ஸங்க⁴னானாகரணங், ஸங்கோ⁴ தங் வத்து²ங் வினிச்சி²னித்வா மூலா மூலங் க³ந்த்வா
ஸங்க⁴ஸாமக்³கி³ங் கரோதி, த⁴ம்மிகா நு கோ² ஸா, ப⁴ந்தே, ஸங்க⁴ஸாமக்³கீ³’’தி?
‘‘யஸ்மிங், உபாலி, வத்து²ஸ்மிங் ஹோதி ஸங்க⁴ஸ்ஸ ப⁴ண்ட³னங் கலஹோ விக்³க³ஹோ
விவாதோ³ ஸங்க⁴பே⁴தோ³ ஸங்க⁴ராஜி ஸங்க⁴வவத்தா²னங் ஸங்க⁴னானாகரணங், ஸங்கோ⁴ தங்
வத்து²ங் வினிச்சி²னித்வா மூலா மூலங் க³ந்த்வா ஸங்க⁴ஸாமக்³கி³ங் கரோதி,
த⁴ம்மிகா ஸா, உபாலி, ஸங்க⁴ஸாமக்³கீ³’’தி.


‘‘கதி நு கோ², ப⁴ந்தே, ஸங்க⁴ஸாமக்³கி³யோ’’தி?
‘‘த்³வேமா, உபாலி, ஸங்க⁴ஸாமக்³கி³யோ – அத்து²பாலி, ஸங்க⁴ஸாமக்³கீ³
அத்தா²பேதா ப்³யஞ்ஜனுபேதா; அத்து²பாலி, ஸங்க⁴ஸாமக்³கீ³ அத்து²பேதா ச
ப்³யஞ்ஜனுபேதா ச. கதமா ச, உபாலி, ஸங்க⁴ஸாமக்³கீ³ அத்தா²பேதா ப்³யஞ்ஜனுபேதா?
யஸ்மிங், உபாலி, வத்து²ஸ்மிங் ஹோதி ஸங்க⁴ஸ்ஸ ப⁴ண்ட³னங் கலஹோ விக்³க³ஹோ
விவாதோ³ ஸங்க⁴பே⁴தோ³ ஸங்க⁴ராஜி ஸங்க⁴வவத்தா²னங் ஸங்க⁴னானாகரணங், ஸங்கோ⁴ தங்
வத்து²ங் அவினிச்சி²னித்வா அமூலா மூலங் க³ந்த்வா ஸங்க⁴ஸாமக்³கி³ங் கரோதி,
அயங் வுச்சதி, உபாலி, ஸங்க⁴ஸாமக்³கீ³ அத்தா²பேதா ப்³யஞ்ஜனுபேதா. கதமா ச,
உபாலி, ஸங்க⁴ஸாமக்³கீ³ அத்து²பேதா ச ப்³யஞ்ஜனுபேதா ச? யஸ்மிங், உபாலி,
வத்து²ஸ்மிங் ஹோதி ஸங்க⁴ஸ்ஸ ப⁴ண்ட³னங் கலஹோ விக்³க³ஹோ விவாதோ³ ஸங்க⁴பே⁴தோ³
ஸங்க⁴ராஜி ஸங்க⁴வவத்தா²னங் ஸங்க⁴னானாகரணங், ஸங்கோ⁴ தங் வத்து²ங்
வினிச்சி²னித்வா மூலா மூலங் க³ந்த்வா ஸங்க⁴ஸாமக்³கி³ங் கரோதி, அயங்
வுச்சதி, உபாலி, ஸங்க⁴ஸாமக்³கீ³ அத்து²பேதா ச ப்³யஞ்ஜனுபேதா ச. இமா கோ²,
உபாலி, த்³வே ஸங்க⁴ஸாமக்³கி³யோ’’தி.


477. அத² கோ² ஆயஸ்மா உபாலி உட்டா²யாஸனா ஏகங்ஸங் உத்தராஸங்க³ங் கரித்வா யேன ப⁴க³வா தேனஞ்ஜலிங் பணாமெத்வா ப⁴க³வந்தங் கா³தா²ய அஜ்ஜ²பா⁴ஸி –


‘‘ஸங்க⁴ஸ்ஸ கிச்சேஸு ச மந்தனாஸு ச;


அத்தே²ஸு ஜாதேஸு வினிச்ச²யேஸு ச;


கத²ங்பகாரோத⁴ நரோ மஹத்தி²கோ;


பி⁴க்கு² கத²ங் ஹோதித⁴ பக்³க³ஹாரஹோதி.


‘‘அனானுவஜ்ஜோ பட²மேன ஸீலதோ;


அவெக்கி²தாசாரோ ஸுஸங்வுதிந்த்³ரியோ;


பச்சத்தி²கா நூபவத³ந்தி த⁴ம்மதோ;


ந ஹிஸ்ஸ தங் ஹோதி வதெ³ய்யு யேன நங்.


‘‘ஸோ தாதி³ஸோ ஸீலவிஸுத்³தி⁴யா டி²தோ;


விஸாரதோ³ ஹோதி விஸய்ஹ பா⁴ஸதி;


நச்ச²ம்ப⁴தி பரிஸக³தோ ந வேத⁴தி;


அத்த²ங் ந ஹாபேதி அனுய்யுதங் ப⁴ணங்.


‘‘ததே²வ பஞ்ஹங் பரிஸாஸு புச்சி²தோ;


ந சேவ பஜ்ஜா²யதி ந மங்கு ஹோதி;


ஸோ காலாக³தங் ப்³யாகரணாரஹங் வசோ;


ரஞ்ஜேதி விஞ்ஞூபரிஸங் விசக்க²ணோ.


‘‘ஸகா³ரவோ வுட்³ட⁴தரேஸு பி⁴க்கு²ஸு;


ஆசேரகம்ஹி ச ஸகே விஸாரதோ³;


அலங் பமேதுங் பகு³ணோ கதே²தவே;


பச்சத்தி²கானஞ்ச விரத்³தி⁴கோவிதோ³.


‘‘பச்சத்தி²கா யேன வஜந்தி நிக்³க³ஹங்;


மஹாஜனோ ஸஞ்ஞபனஞ்ச க³ச்ச²தி;


ஸகஞ்ச ஆதா³யமயங் ந ரிஞ்சதி;


வியாகரங் [ஸோ ப்³யாகரங் (ஸீ॰), வெய்யாகரங் (ஸ்யா॰)] பஞ்ஹமனூபகா⁴திகங்.


‘‘தூ³தெய்யகம்மேஸு அலங் ஸமுக்³க³ஹோ;


ஸங்க⁴ஸ்ஸ கிச்சேஸு ச ஆஹு நங் யதா²;


கரங் வசோ பி⁴க்கு²க³ணேன பேஸிதோ;


அஹங் கரோமீதி ந தேன மஞ்ஞதி.


‘‘ஆபஜ்ஜதி யாவதகேஸு வத்து²ஸு;


ஆபத்தியா ஹோதி யதா² ச வுட்டி²தி;


ஏதே விப⁴ங்கா³ உப⁴யஸ்ஸ ஸ்வாக³தா;


ஆபத்தி வுட்டா²னபத³ஸ்ஸ கோவிதோ³.


‘‘நிஸ்ஸாரணங் க³ச்ச²தி யானி சாசரங்;


நிஸ்ஸாரிதோ ஹோதி யதா² ச வத்தனா [வத்து²னா (ஸீ॰ ஸ்யா॰)];


ஓஸாரணங் தங்வுஸிதஸ்ஸ ஜந்துனோ;


ஏதம்பி ஜானாதி விப⁴ங்க³கோவிதோ³.


‘‘ஸகா³ரவோ வுட்³ட⁴தரேஸு பி⁴க்கு²ஸு;


நவேஸு தே²ரேஸு ச மஜ்ஜி²மேஸு ச;


மஹாஜனஸ்ஸத்த²சரோத⁴ பண்டி³தோ;


ஸோ தாதி³ஸோ பி⁴க்கு² இத⁴ பக்³க³ஹாரஹோ’’தி.


உபாலிஸங்க⁴ஸாமக்³கீ³புச்சா² நிட்டி²தா.


கோஸம்ப³கக்க²ந்த⁴கோ த³ஸமோ.


280. தஸ்ஸுத்³தா³னங்


கோஸம்பி³யங் ஜினவரோ, விவாதா³பத்தித³ஸ்ஸனே;


நுக்கி²பெய்ய யஸ்மிங் தஸ்மிங், ஸத்³தா⁴யாபத்தி தே³ஸயே.


அந்தோஸீமாயங் தத்தே²வ, பா³லகஞ்சேவ வங்ஸதா³;


பாலிலெய்யா ச ஸாவத்தி², ஸாரிபுத்தோ ச கோலிதோ.


மஹாகஸ்ஸபகச்சானா, கொட்டி²கோ கப்பினேன ச;


மஹாசுந்தோ³ ச அனுருத்³தோ⁴, ரேவதோ உபாலி சுபோ⁴.


ஆனந்தோ³ ராஹுலோ சேவ, கோ³தமீனாத²பிண்டி³கோ;


ஸேனாஸனங் விவித்தஞ்ச, ஆமிஸங் ஸமகம்பி ச.


ந கேஹி ச²ந்தோ³ தா³தப்³போ³, உபாலிபரிபுச்சி²தோ;


அனானுவஜ்ஜோ ஸீலேன, ஸாமக்³கீ³ ஜினஸாஸனேதி.


கோஸம்ப³கக்க²ந்த⁴கோ நிட்டி²தோ.


மஹாவக்³க³பாளி நிட்டி²தா.

comments (0)