2859 Tue 1 Jan 2019
https://www.youtube.com/watch…
Vinaya Piṭaka: Mahāvagga (~1st-2nd century) [Excerpt: The Evolution of Ordination]
Jade Vine
Published on Jan 12, 2016
An excerpt of writing from an early Buddhist canon, specifically about the development of monastic communities.
Category
People & Blogs
LESSON 2859 Tue 1 Jan 2019
Do Good Be Mindful - Awakened One with Awareness (AOA)
வினயபிடகே-Part-11,12,13,14-தமிழில் திரபிடக மூன்று தொகுப்புகள் TIPITAKA
நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ
வினயபிடகே
பாராஜிகபாளி
வேரஞ்ஜகண்ட³ங்
1. தேன
ஸமயேன பு³த்³தோ⁴ ப⁴க³வா வேரஞ்ஜாயங் விஹரதி நளேருபுசிமந்த³மூலே மஹதா
பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி பி⁴க்கு²ஸதேஹி. அஸ்ஸோஸி கோ² வேரஞ்ஜோ
ப்³ராஹ்மணோ – ‘‘ஸமணோ க²லு, போ⁴, கோ³தமோ ஸக்யபுத்தோ ஸக்யகுலா பப்³ப³ஜிதோ
வேரஞ்ஜாயங் விஹரதி நளேருபுசிமந்த³மூலே மஹதா பி⁴க்கு²ஸங்கே⁴ன ஸத்³தி⁴ங்
பஞ்சமத்தேஹி பி⁴க்கு²ஸதேஹி. தங் கோ² பன ப⁴வந்தங் கோ³தமங் ஏவங் கல்யாணோ
கித்திஸத்³தோ³ அப்³பு⁴க்³க³தோ – ‘இதிபி ஸோ ப⁴க³வா அரஹங் ஸம்மாஸம்பு³த்³தோ⁴
விஜ்ஜாசரணஸம்பன்னோ ஸுக³தோ லோகவிதூ³ அனுத்தரோ புரிஸத³ம்மஸாரதி² ஸத்தா²
தே³வமனுஸ்ஸானங் பு³த்³தோ⁴ ப⁴க³வா [ப⁴க³வாதி (ஸ்யா॰), தீ³॰ நி॰ 1.157, அப்³பு⁴க்³க³தாகாரேன பன ஸமேதி].
ஸோ இமங் லோகங் ஸதே³வகங் ஸமாரகங் ஸப்³ரஹ்மகங் ஸஸ்ஸமணப்³ராஹ்மணிங் பஜங்
ஸதே³வமனுஸ்ஸங் ஸயங் அபி⁴ஞ்ஞா ஸச்சி²கத்வா பவேதே³தி. ஸோ த⁴ம்மங் தே³ஸேதி
ஆதி³கல்யாணங் மஜ்ஜே²கல்யாணங் பரியோஸானகல்யாணங் ஸாத்த²ங் ஸப்³யஞ்ஜனங்; கேவலபரிபுண்ணங் பரிஸுத்³த⁴ங் ப்³ரஹ்மசரியங் பகாஸேதி; ஸாது⁴ கோ² பன ததா²ரூபானங் அரஹதங் த³ஸ்ஸனங் ஹோதீ’’’தி.
2. [இதோ பரங் யாவ பாரா॰ 15-16 பத³க்கி²ணங் கத்வா பக்காமீதி பாடோ² அ॰ நி॰ 8.11] அத²
கோ² வேரஞ்ஜோ ப்³ராஹ்மணோ யேன ப⁴க³வா தேனுபஸங்கமி; உபஸங்கமித்வா ப⁴க³வதா
ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங்
நிஸீதி³ . ஏகமந்தங் நிஸின்னோ கோ² வேரஞ்ஜோ ப்³ராஹ்மணோ ப⁴க³வந்தங் ஏதத³வோச – ‘‘ஸுதங் மேதங், போ⁴ கோ³தம – ‘ந ஸமணோ கோ³தமோ
ப்³ராஹ்மணே ஜிண்ணே வுட்³டே⁴ மஹல்லகே அத்³த⁴க³தே வயோஅனுப்பத்தே அபி⁴வாதே³தி
வா பச்சுட்டே²தி வா ஆஸனேன வா நிமந்தேதீ’தி. தயித³ங், போ⁴ கோ³தம, ததே²வ? ந
ஹி ப⁴வங் கோ³தமோ ப்³ராஹ்மணே ஜிண்ணே வுட்³டே⁴ மஹல்லகே அத்³த⁴க³தே
வயோஅனுப்பத்தே அபி⁴வாதே³தி வா பச்சுட்டே²தி வா ஆஸனேன வா நிமந்தேதி?
தயித³ங், போ⁴ கோ³தம, ந ஸம்பன்னமேவா’’தி.
‘‘நாஹங் தங், ப்³ராஹ்மண, பஸ்ஸாமி ஸதே³வகே லோகே ஸமாரகே
ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய யமஹங் அபி⁴வாதெ³ய்யங் வா
பச்சுட்டெ²ய்யங் வா ஆஸனேன வா நிமந்தெய்யங். யஞ்ஹி, ப்³ராஹ்மண, ததா²க³தோ
அபி⁴வாதெ³ய்ய வா பச்சுட்டெ²ய்ய வா ஆஸனேன வா நிமந்தெய்ய, முத்³தா⁴பி தஸ்ஸ
விபதெய்யா’’தி.
3. ‘‘அரஸரூபோ ப⁴வங் கோ³தமோ’’தி? ‘‘அத்தி² க்²வேஸ, ப்³ராஹ்மண, பரியாயோ யேன மங் பரியாயேன ஸம்மா வத³மானோ வதெ³ய்ய
– ‘அரஸரூபோ ஸமணோ கோ³தமோ’தி. யே தே, ப்³ராஹ்மண, ரூபரஸா ஸத்³த³ரஸா க³ந்த⁴ரஸா
ரஸரஸா பொ²ட்ட²ப்³ப³ரஸா தே ததா²க³தஸ்ஸ பஹீனா உச்சி²ன்னமூலா தாலாவத்து²கதா
அனபா⁴வங்கதா [அனபா⁴வகதா (ஸீ॰) அனபா⁴வங்க³தா (ஸ்யா॰)]
ஆயதிங் அனுப்பாத³த⁴ம்மா. அயங் கோ², ப்³ராஹ்மண, பரியாயோ யேன மங் பரியாயேன
ஸம்மா வத³மானோ வதெ³ய்ய – ‘அரஸரூபோ ஸமணோ கோ³தமோ’தி, நோ ச கோ² யங் த்வங்
ஸந்தா⁴ய வதே³ஸீ’’தி.
4.
‘‘நிப்³போ⁴கோ³ ப⁴வங் கோ³தமோ’’தி? ‘‘அத்தி² க்²வேஸ, ப்³ராஹ்மண, பரியாயோ யேன
மங் பரியாயேன ஸம்மா வத³மானோ வதெ³ய்ய – ‘நிப்³போ⁴கோ³ ஸமணோ கோ³தமோ’தி. யே தே,
ப்³ராஹ்மண, ரூபபோ⁴கா³ ஸத்³த³போ⁴கா³ க³ந்த⁴போ⁴கா³ ரஸபோ⁴கா³
பொ²ட்ட²ப்³ப³போ⁴கா³ தே ததா²க³தஸ்ஸ பஹீனா உச்சி²ன்னமூலா தாலாவத்து²கதா
அனபா⁴வங்கதா ஆயதிங் அனுப்பாத³த⁴ம்மா. அயங் கோ², ப்³ராஹ்மண, பரியாயோ யேன மங்
பரியாயேன ஸம்மா வத³மானோ வதெ³ய்ய – ‘நிப்³போ⁴கோ³ ஸமணோ கோ³தமோ’தி, நோ ச கோ²
யங் த்வங் ஸந்தா⁴ய வதே³ஸீ’’தி.
5. ‘‘அகிரியவாதோ³
ப⁴வங் கோ³தமோ’’தி? ‘‘அத்தி² க்²வேஸ, ப்³ராஹ்மண, பரியாயோ யேன மங் பரியாயேன
ஸம்மா வத³மானோ வதெ³ய்ய – ‘அகிரியவாதோ³ ஸமணோ கோ³தமோ’தி. அஹஞ்ஹி, ப்³ராஹ்மண,
அகிரியங் வதா³மி காயது³ச்சரிதஸ்ஸ வசீது³ச்சரிதஸ்ஸ
மனோது³ச்சரிதஸ்ஸ. அனேகவிஹிதானங் பாபகானங் அகுஸலானங் த⁴ம்மானங் அகிரியங்
வதா³மி. அயங் கோ², ப்³ராஹ்மண, பரியாயோ யேன மங் பரியாயேன ஸம்மா வத³மானோ
வதெ³ய்ய – ‘அகிரியவாதோ³ ஸமணோ கோ³தமோ’தி, நோ ச கோ² யங் த்வங் ஸந்தா⁴ய
வதே³ஸீ’’தி.
6.
‘‘உச்சே²த³வாதோ³ ப⁴வங் கோ³தமோ’’தி? ‘‘அத்தி² க்²வேஸ, ப்³ராஹ்மண, பரியாயோ
யேன மங் பரியாயேன ஸம்மா வத³மானோ வதெ³ய்ய – ‘உச்சே²த³வாதோ³ ஸமணோ கோ³தமோ’தி.
அஹஞ்ஹி, ப்³ராஹ்மண, உச்சே²த³ங் வதா³மி ராக³ஸ்ஸ தோ³ஸஸ்ஸ மோஹஸ்ஸ.
அனேகவிஹிதானங் பாபகானங் அகுஸலானங் த⁴ம்மானங் உச்சே²த³ங் வதா³மி. அயங் கோ²,
ப்³ராஹ்மண, பரியாயோ யேன மங் பரியாயேன ஸம்மா வத³மானோ வதெ³ய்ய – ‘உச்சே²த³வாதோ³ ஸமணோ கோ³தமோ’தி, நோ ச கோ² யங் த்வங் ஸந்தா⁴ய வதே³ஸீ’’தி.
7.
‘‘ஜேகு³ச்சீ² ப⁴வங் கோ³தமோ’’தி? ‘‘அத்தி² க்²வேஸ, ப்³ராஹ்மண, பரியாயோ யேன
மங் பரியாயேன ஸம்மா வத³மானோ வதெ³ய்ய – ‘ஜேகு³ச்சீ² ஸமணோ கோ³தமோ’தி. அஹஞ்ஹி,
ப்³ராஹ்மண, ஜிகு³ச்சா²மி காயது³ச்சரிதேன வசீது³ச்சரிதேன மனோது³ச்சரிதேன.
அனேகவிஹிதானங் பாபகானங் அகுஸலானங் த⁴ம்மானங் ஸமாபத்தியா ஜிகு³ச்சா²மி. அயங்
கோ², ப்³ராஹ்மண, பரியாயோ யேன மங் பரியாயேன ஸம்மா வத³மானோ வதெ³ய்ய –
‘ஜேகு³ச்சீ² ஸமணோ கோ³தமோ’தி, நோ ச கோ² யங் த்வங் ஸந்தா⁴ய வதே³ஸீ’’தி.
8.
‘‘வேனயிகோ ப⁴வங் கோ³தமோ’’தி? ‘‘அத்தி² க்²வேஸ, ப்³ராஹ்மண, பரியாயோ யேன மங்
பரியாயேன ஸம்மா வத³மானோ வதெ³ய்ய – ‘வேனயிகோ ஸமணோ கோ³தமோ’தி. அஹஞ்ஹி,
ப்³ராஹ்மண, வினயாய த⁴ம்மங் தே³ஸேமி ராக³ஸ்ஸ தோ³ஸஸ்ஸ மோஹஸ்ஸ. அனேகவிஹிதானங்
பாபகானங் அகுஸலானங் த⁴ம்மானங் வினயாய த⁴ம்மங் தே³ஸேமி. அயங் கோ²,
ப்³ராஹ்மண, பரியாயோ யேன மங் பரியாயேன ஸம்மா வத³மானோ வதெ³ய்ய – ‘வேனயிகோ
ஸமணோ கோ³தமோ’தி, நோ ச கோ² யங் த்வங் ஸந்தா⁴ய வதே³ஸீ’’தி.
9.
‘‘தபஸ்ஸீ ப⁴வங் கோ³தமோ’’தி? ‘‘அத்தி² க்²வேஸ, ப்³ராஹ்மண, பரியாயோ யேன மங்
பரியாயேன ஸம்மா வத³மானோ வதெ³ய்ய – ‘தபஸ்ஸீ ஸமணோ கோ³தமோ’தி . தபனீயாஹங், ப்³ராஹ்மண, பாபகே அகுஸலே த⁴ம்மே வதா³மி, காயது³ச்சரிதங் வசீது³ச்சரிதங் மனோது³ச்சரிதங். யஸ்ஸ கோ², ப்³ராஹ்மண , தபனீயா பாபகா அகுஸலா த⁴ம்மா பஹீனா உச்சி²ன்னமூலா தாலாவத்து²கதா அனபா⁴வங்கதா
ஆயதிங் அனுப்பாத³த⁴ம்மா தமஹங் தபஸ்ஸீதி வதா³மி. ததா²க³தஸ்ஸ கோ²,
ப்³ராஹ்மண, தபனீயா பாபகா அகுஸலா த⁴ம்மா பஹீனா உச்சி²ன்னமூலா தாலாவத்து²கதா
அனபா⁴வங்கதா ஆயதிங் அனுப்பாத³த⁴ம்மா. அயங் கோ², ப்³ராஹ்மண, பரியாயோ யேன மங்
பரியாயேன ஸம்மா வத³மானோ வதெ³ய்ய – ‘தபஸ்ஸீ ஸமணோ கோ³தமோ’தி, நோ ச கோ² யங்
த்வங் ஸந்தா⁴ய வதே³ஸீ’’தி.
10.
‘‘அபக³ப்³போ⁴ ப⁴வங் கோ³தமோ’’தி? ‘‘அத்தி² க்²வேஸ, ப்³ராஹ்மண, பரியாயோ யேன
மங் பரியாயேன ஸம்மா வத³மானோ வதெ³ய்ய – ‘அபக³ப்³போ⁴ ஸமணோ கோ³தமோ’தி. யஸ்ஸ
கோ², ப்³ராஹ்மண, ஆயதிங் க³ப்³ப⁴ஸெய்யா புனப்³ப⁴வாபி⁴னிப்³ப³த்தி பஹீனா
உச்சி²ன்னமூலா தாலாவத்து²கதா அனபா⁴வங்கதா ஆயதிங் அனுப்பாத³த⁴ம்மா தமஹங்
அபக³ப்³போ⁴தி வதா³மி. ததா²க³தஸ்ஸ கோ², ப்³ராஹ்மண, ஆயதிங் க³ப்³ப⁴ஸெய்யா
புனப்³ப⁴வாபி⁴னிப்³ப³த்தி பஹீனா உச்சி²ன்னமூலா தாலாவத்து²கதா அனபா⁴வங்கதா
ஆயதிங் அனுப்பாத³த⁴ம்மா. அயங் கோ², ப்³ராஹ்மண, பரியாயோ யேன மங் பரியாயேன
ஸம்மா வத³மானோ வதெ³ய்ய – ‘அபக³ப்³போ⁴ ஸமணோ கோ³தமோ’தி, நோ ச கோ² யங் த்வங்
ஸந்தா⁴ய வதே³ஸி’’.
11.
‘‘ஸெய்யதா²பி, ப்³ராஹ்மண, குக்குடியா அண்டா³னி அட்ட² வா த³ஸ வா த்³வாத³ஸ
வா. தானஸ்ஸு குக்குடியா ஸம்மா அதி⁴ஸயிதானி ஸம்மா பரிஸேதி³தானி ஸம்மா
பரிபா⁴விதானி. யோ நு கோ² தேஸங் குக்குடச்சா²பகானங் பட²மதரங் பாத³னக²ஸிகா²ய
வா முக²துண்ட³கேன வா அண்ட³கோஸங் பதா³லெத்வா ஸொத்தி²னா அபி⁴னிப்³பி⁴ஜ்ஜெய்ய,
கிந்தி ஸ்வாஸ்ஸ வசனீயோ – ‘‘ஜெட்டோ² வா கனிட்டோ²
வா’’தி? ‘‘ஜெட்டோ²திஸ்ஸ, போ⁴ கோ³தம, வசனீயோ. ஸோ ஹி நேஸங் ஜெட்டோ² ஹோதீ’’தி.
‘‘ஏவமேவ கோ² அஹங், ப்³ராஹ்மண, அவிஜ்ஜாக³தாய பஜாய அண்ட³பூ⁴தாய
பரியோனத்³தா⁴ய அவிஜ்ஜண்ட³கோஸங் பதா³லெத்வா ஏகோவ லோகே அனுத்தரங் ஸம்மாஸம்போ³தி⁴ங் அபி⁴ஸம்பு³த்³தோ⁴. ஸ்வாஹங், ப்³ராஹ்மண, ஜெட்டோ² ஸெட்டோ² லோகஸ்ஸ’’.
‘‘ஆரத்³த⁴ங் கோ² பன மே, ப்³ராஹ்மண, வீரியங் [விரியங் (ஸீ॰ ஸ்யா॰)] அஹோஸி அஸல்லீனங், உபட்டி²தா ஸதி அஸம்முட்டா² [அப்பமுட்டா² (ஸீ॰ ஸ்யா॰)], பஸ்ஸத்³தோ⁴ காயோ அஸாரத்³தோ⁴, ஸமாஹிதங் சித்தங் ஏகக்³க³ங். ஸோ
கோ² அஹங், ப்³ராஹ்மண, விவிச்சேவ காமேஹி விவிச்ச அகுஸலேஹி த⁴ம்மேஹி
ஸவிதக்கங் ஸவிசாரங் விவேகஜங் பீதிஸுக²ங் பட²மங் ஜா²னங் உபஸம்பஜ்ஜ விஹாஸிங்.
விதக்கவிசாரானங் வூபஸமா அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங்
அவிதக்கங் அவிசாரங் ஸமாதி⁴ஜங் பீதிஸுக²ங் து³தியங் ஜா²னங் உபஸம்பஜ்ஜ
விஹாஸிங். பீதியா ச விராகா³ உபெக்க²கோ ச விஹாஸிங் ஸதோ ச ஸம்பஜானோ, ஸுக²ஞ்ச
காயேன படிஸங்வேதே³ஸிங் , யங் தங் அரியா ஆசிக்க²ந்தி –
‘உபெக்க²கோ ஸதிமா ஸுக²விஹாரீ’தி ததியங் ஜா²னங் உபஸம்பஜ்ஜ விஹாஸிங்.
ஸுக²ஸ்ஸ ச பஹானா து³க்க²ஸ்ஸ ச பஹானா புப்³பே³வ ஸோமனஸ்ஸதோ³மனஸ்ஸானங்
அத்த²ங்க³மா அது³க்க²மஸுக²ங் உபெக்கா²ஸதிபாரிஸுத்³தி⁴ங் சதுத்த²ங் ஜா²னங்
உபஸம்பஜ்ஜ விஹாஸிங்.
12.
‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே
விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே
புப்³பே³னிவாஸானுஸ்ஸதிஞாணாய சித்தங் அபி⁴னின்னாமேஸிங். ஸோ அனேகவிஹிதங்
புப்³பே³னிவாஸங் அனுஸ்ஸராமி , ஸெய்யதி²த³ங் – ஏகம்பி
ஜாதிங் த்³வேபி ஜாதியோ திஸ்ஸோபி ஜாதியோ சதஸ்ஸோபி ஜாதியோ பஞ்சபி ஜாதியோ
த³ஸபி ஜாதியோ வீஸம்பி ஜாதியோ திங்ஸம்பி ஜாதியோ சத்தாலீஸம்பி ஜாதியோ
பஞ்ஞாஸம்பி ஜாதியோ ஜாதிஸதம்பி, ஜாதிஸஹஸ்ஸம்பி ஜாதிஸதஸஹஸ்ஸம்பி, அனேகேபி
ஸங்வட்டகப்பே அனேகேபி விவட்டகப்பே அனேகேபி ஸங்வட்டவிவட்டகப்பே –
‘அமுத்ராஸிங் ஏவங்னாமோ ஏவங்கொ³த்தோ ஏவங்வண்ணோ ஏவமாஹாரோ
ஏவங்ஸுக²து³க்க²ப்படிஸங்வேதீ³ ஏவமாயுபரியந்தோ; ஸோ ததோ சுதோ அமுத்ர
உத³பாதி³ங்; தத்ராபாஸிங் ஏவங்னாமோ ஏவங்கொ³த்தோ ஏவங்வண்ணோ ஏவமாஹாரோ
ஏவங்ஸுக²து³க்க²ப்படிஸங்வேதீ³ ஏவமாயுபரியந்தோ; ஸோ ததோ சுதோ இதூ⁴பபன்னோதி.
இதி ஸாகாரங் ஸஉத்³தே³ஸங் அனேகவிஹிதங் புப்³பே³னிவாஸங் அனுஸ்ஸராமி. அயங் கோ²
மே, ப்³ராஹ்மண, ரத்தியா பட²மே யாமே பட²மா விஜ்ஜா அதி⁴க³தா, அவிஜ்ஜா விஹதா,
விஜ்ஜா உப்பன்னா, தமோ விஹதோ, ஆலோகோ உப்பன்னோ – யதா² தங் அப்பமத்தஸ்ஸ
ஆதாபினோ பஹிதத்தஸ்ஸ விஹரதோ. அயங் கோ² மே, ப்³ராஹ்மண, பட²மாபி⁴னிப்³பி⁴தா³
அஹோஸி குக்குடச்சா²பகஸ்ஸேவ அண்ட³கோஸம்ஹா.
13.
‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே
விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே ஸத்தானங்
சுதூபபாதஞாணாய சித்தங் அபி⁴னின்னாமேஸிங் . ஸோ தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன [அதிக்கந்தமானுஸ்ஸகேன (க॰)] ஸத்தே பஸ்ஸாமி சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே. ஸுக³தே து³க்³க³தே யதா²கம்மூபகே³ ஸத்தே பஜானாமி – ‘இமே வத பொ⁴ந்தோ ஸத்தா காயது³ச்சரிதேன
ஸமன்னாக³தா வசீது³ச்சரிதேன ஸமன்னாக³தா மனோது³ச்சரிதேன ஸமன்னாக³தா அரியானங்
உபவாத³கா மிச்சா²தி³ட்டி²கா மிச்சா²தி³ட்டி²கம்மஸமாதா³னா; தே காயஸ்ஸ
பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபன்னா. இமே வா பன
பொ⁴ந்தோ ஸத்தா காயஸுசரிதேன ஸமன்னாக³தா வசீஸுசரிதேன ஸமன்னாக³தா மனோஸுசரிதேன
ஸமன்னாக³தா அரியானங் அனுபவாத³கா ஸம்மாதி³ட்டி²கா
ஸம்மாதி³ட்டி²கம்மஸமாதா³னா; தே காயஸ்ஸ பே⁴தா³ பரங் மரணா ஸுக³திங் ஸக்³க³ங்
லோகங் உபபன்னா’தி. இதி தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன
ஸத்தே பஸ்ஸாமி சவமானே உபபஜ்ஜமானே ஹீனே பணீதே
ஸுவண்ணே து³ப்³ப³ண்ணே. ஸுக³தே து³க்³க³தே யதா²கம்மூபகே³ ஸத்தே பஜானாமி.
அயங் கோ² மே, ப்³ராஹ்மண, ரத்தியா மஜ்ஜி²மே யாமே து³தியா விஜ்ஜா அதி⁴க³தா,
அவிஜ்ஜா விஹதா, விஜ்ஜா உப்பன்னா, தமோ விஹதோ, ஆலோகோ உப்பன்னோ – யதா² தங்
அப்பமத்தஸ்ஸ ஆதாபினோ பஹிதத்தஸ்ஸ விஹரதோ. அயங் கோ² மே, ப்³ராஹ்மண,
து³தியாபி⁴னிப்³பி⁴தா³ அஹோஸி குக்குடச்சா²பகஸ்ஸேவ அண்ட³கோஸம்ஹா.
14.
‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே
விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே ஆஸவானங் க²யஞாணாய
சித்தங் அபி⁴னின்னாமேஸிங். ஸோ ‘இத³ங் து³க்க²’ந்தி யதா²பூ⁴தங்
அப்³ப⁴ஞ்ஞாஸிங், ‘அயங் து³க்க²ஸமுத³யோ’தி யதா²பூ⁴தங் அப்³ப⁴ஞ்ஞாஸிங், ‘அயங்
து³க்க²னிரோதோ⁴’தி யதா²பூ⁴தங் அப்³ப⁴ஞ்ஞாஸிங், ‘அயங் து³க்க²னிரோத⁴கா³மினீ
படிபதா³’தி யதா²பூ⁴தங் அப்³ப⁴ஞ்ஞாஸிங்; ‘இமே
ஆஸவா’தி யதா²பூ⁴தங் அப்³ப⁴ஞ்ஞாஸிங், ‘அயங் ஆஸவஸமுத³யோ’தி யதா²பூ⁴தங்
அப்³ப⁴ஞ்ஞாஸிங், ‘அயங் ஆஸவனிரோதோ⁴’தி யதா²பூ⁴தங் அப்³ப⁴ஞ்ஞாஸிங், ‘அயங்
ஆஸவனிரோத⁴கா³மினீ படிபதா³’தி யதா²பூ⁴தங் அப்³ப⁴ஞ்ஞாஸிங். தஸ்ஸ மே ஏவங்
ஜானதோ ஏவங் பஸ்ஸதோ காமாஸவாபி சித்தங் விமுச்சித்த² ப⁴வாஸவாபி சித்தங்
விமுச்சித்த² அவிஜ்ஜாஸவாபி சித்தங் விமுச்சித்த². விமுத்தஸ்மிங்
விமுத்தமிதி ஞாணங் அஹோஸி. ‘கீ²ணா ஜாதி, வுஸிதங் ப்³ரஹ்மசரியங், கதங்
கரணீயங், நாபரங் இத்த²த்தாயா’தி அப்³ப⁴ஞ்ஞாஸிங். அயங் கோ² மே, ப்³ராஹ்மண,
ரத்தியா பச்சி²மே யாமே ததியா விஜ்ஜா அதி⁴க³தா, அவிஜ்ஜா விஹதா, விஜ்ஜா
உப்பன்னா, தமோ விஹதோ, ஆலோகோ உப்பன்னோ – யதா² தங் அப்பமத்தஸ்ஸ ஆதாபினோ
பஹிதத்தஸ்ஸ விஹரதோ. அயங் கோ² மே, ப்³ராஹ்மண, ததியாபி⁴னிப்³பி⁴தா³ அஹோஸி – குக்குடச்சா²பகஸ்ஸேவ அண்ட³கோஸம்ஹா’’தி.
15. ஏவங்
வுத்தே, வேரஞ்ஜோ ப்³ராஹ்மணோ ப⁴க³வந்தங் ஏதத³வோச – ‘‘ஜெட்டோ² ப⁴வங் கோ³தமோ,
ஸெட்டோ² ப⁴வங் கோ³தமோ! அபி⁴க்கந்தங், போ⁴ கோ³தம, அபி⁴க்கந்தங், போ⁴
கோ³தம!! ஸெய்யதா²பி, போ⁴ கோ³தம, நிக்குஜ்ஜிதங் வா உக்குஜ்ஜெய்ய,
படிச்ச²ன்னங் வா விவரெய்ய, மூள்ஹஸ்ஸ வா மக்³க³ங் ஆசிக்கெ²ய்ய, அந்த⁴காரே வா
தேலபஜ்ஜோதங் தா⁴ரெய்ய – சக்கு²மந்தோ ரூபானி த³க்க²ந்தீதி, ஏவமேவங் போ⁴தா
கோ³தமேன அனேகபரியாயேன த⁴ம்மோ பகாஸிதோ . ஏஸாஹங்
ப⁴வந்தங் கோ³தமங் ஸரணங் க³ச்சா²மி த⁴ம்மஞ்ச பி⁴க்கு²ஸங்க⁴ஞ்ச. உபாஸகங் மங்
ப⁴வங் கோ³தமோ தா⁴ரேது அஜ்ஜதக்³கே³ பாணுபேதங் ஸரணங் க³தங். அதி⁴வாஸேது ச மே
ப⁴வங் கோ³தமோ வேரஞ்ஜாயங் வஸ்ஸாவாஸங் ஸத்³தி⁴ங் பி⁴க்கு²ஸங்கே⁴னா’’தி.
அதி⁴வாஸேஸி ப⁴க³வா துண்ஹீபா⁴வேன. அத² கோ² வேரஞ்ஜோ ப்³ராஹ்மணோ ப⁴க³வதோ
அதி⁴வாஸனங் விதி³த்வா உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங்
கத்வா பக்காமி.
16. தேன
கோ² பன ஸமயேன வேரஞ்ஜா து³ப்³பி⁴க்கா² ஹோதி த்³வீஹிதிகா ஸேதட்டி²கா
ஸலாகாவுத்தா ந ஸுகரா உஞ்சே²ன பக்³க³ஹேன யாபேதுங். தேன கோ² பன ஸமயேன
உத்தராபத²கா [உத்தராஹகா (ஸீ॰)] அஸ்ஸவாணிஜா [அஸ்ஸவணிஜா (க॰)] பஞ்சமத்தேஹி அஸ்ஸஸதேஹி வேரஞ்ஜங் வஸ்ஸாவாஸங் உபக³தா ஹொந்தி. தேஹி அஸ்ஸமண்ட³லிகாஸு பி⁴க்கூ²னங் பத்த²பத்த²புலகங் [பத்த²பத்த²மூலகங் (க॰)]
பஞ்ஞத்தங் ஹோதி. பி⁴க்கூ² புப்³ப³ண்ஹஸமயங் நிவாஸெத்வா பத்தசீவரமாதா³ய
வேரஞ்ஜங் பிண்டா³ய பவிஸித்வா பிண்ட³ங் அலப⁴மானா அஸ்ஸமண்ட³லிகாஸு பிண்டா³ய
சரித்வா பத்த²பத்த²புலகங் ஆராமங் ஆஹரித்வா உது³க்க²லே கொட்டெத்வா
கொட்டெத்வா பரிபு⁴ஞ்ஜந்தி. ஆயஸ்மா பனானந்தோ³ பத்த²புலகங் ஸிலாயங் பிஸித்வா
ப⁴க³வதோ உபனாமேதி. தங் ப⁴க³வா பரிபு⁴ஞ்ஜதி.
அஸ்ஸோஸி கோ² ப⁴க³வா உது³க்க²லஸத்³த³ங். ஜானந்தாபி
ததா²க³தா புச்ச²ந்தி, ஜானந்தாபி ந புச்ச²ந்தி; காலங் விதி³த்வா புச்ச²ந்தி,
காலங் விதி³த்வா ந புச்ச²ந்தி; அத்த²ஸங்ஹிதங்
ததா²க³தா புச்ச²ந்தி, நோ அனத்த²ஸங்ஹிதங். அனத்த²ஸங்ஹிதே ஸேதுகா⁴தோ
ததா²க³தானங். த்³வீஹி ஆகாரேஹி பு³த்³தா⁴ ப⁴க³வந்தோ பி⁴க்கூ² படிபுச்ச²ந்தி –
த⁴ம்மங் வா தே³ஸெஸ்ஸாம, ஸாவகானங் வா ஸிக்கா²பத³ங் பஞ்ஞபெஸ்ஸாமாதி [பஞ்ஞாபெஸ்ஸாமாதி (ஸீ॰ ஸ்யா॰)].
அத² கோ² ப⁴க³வா ஆயஸ்மந்தங் ஆனந்த³ங் ஆமந்தேஸி – ‘‘கிங் நு கோ² ஸோ, ஆனந்த³,
உது³க்க²லஸத்³தோ³’’தி? அத² கோ² ஆயஸ்மா ஆனந்தோ³ ப⁴க³வதோ ஏதமத்த²ங் ஆரோசேஸி . ‘‘ஸாது⁴ ஸாது⁴, ஆனந்த³! தும்ஹேஹி, ஆனந்த³ ஸப்புரிஸேஹி விஜிதங். பச்சி²மா ஜனதா ஸாலிமங்ஸோத³னங் அதிமஞ்ஞிஸ்ஸதீ’’தி.
17. அத² கோ² ஆயஸ்மா மஹாமொக்³க³ல்லானோ [மஹாமொக்³க³லானோ (க॰)]
யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³. ஏகமந்தங் நிஸின்னோ கோ² ஆயஸ்மா மஹாமொக்³க³ல்லானோ ப⁴க³வந்தங்
ஏதத³வோச – ‘‘ஏதரஹி, ப⁴ந்தே, வேரஞ்ஜா து³ப்³பி⁴க்கா² த்³வீஹிதிகா ஸேதட்டி²கா
ஸலாகாவுத்தா. ந ஸுகரா உஞ்சே²ன பக்³க³ஹேன யாபேதுங். இமிஸ்ஸா, ப⁴ந்தே,
மஹாபத²வியா ஹெட்டி²மதலங் ஸம்பன்னங் – ஸெய்யதா²பி கு²த்³த³மது⁴ங் அனீலகங்
ஏவமஸ்ஸாத³ங். ஸாதா⁴ஹங், ப⁴ந்தே, பத²விங் பரிவத்தெய்யங். பி⁴க்கூ²
பப்படகோஜங் பரிபு⁴ஞ்ஜிஸ்ஸந்தீ’’தி. ‘‘யே பன தே, மொக்³க³ல்லான,
பத²வினிஸ்ஸிதா பாணா தே கத²ங் கரிஸ்ஸஸீ’’தி? ‘‘ஏகாஹங், ப⁴ந்தே, பாணிங்
அபி⁴னிம்மினிஸ்ஸாமி – ஸெய்யதா²பி மஹாபத²வீ. யே பத²வினிஸ்ஸிதா பாணா தே தத்த²
ஸங்காமெஸ்ஸாமி. ஏகேன ஹத்தே²ன பத²விங் பரிவத்தெஸ்ஸாமீ’’தி. ‘‘அலங்,
மொக்³க³ல்லான, மா தே ருச்சி பத²விங் பரிவத்தேதுங்.
விபல்லாஸம்பி ஸத்தா படிலபெ⁴ய்யு’’ந்தி. ‘‘ஸாது⁴, ப⁴ந்தே, ஸப்³போ³
பி⁴க்கு²ஸங்கோ⁴ உத்தரகுருங் பிண்டா³ய க³ச்செ²ய்யா’’தி. ‘‘அலங்,
மொக்³க³ல்லான, மா தே ருச்சி ஸப்³ப³ஸ்ஸ பி⁴க்கு²ஸங்க⁴ஸ்ஸ உத்தரகுருங்
பிண்டா³ய க³மன’’ந்தி.
18. அத²
கோ² ஆயஸ்மதோ ஸாரிபுத்தஸ்ஸ ரஹோக³தஸ்ஸ படிஸல்லீனஸ்ஸ ஏவங் சேதஸோ பரிவிதக்கோ
உத³பாதி³ – ‘‘கதமேஸானங் கோ² பு³த்³தா⁴னங் ப⁴க³வந்தானங் ப்³ரஹ்மசரியங் ந
சிரட்டி²திகங் அஹோஸி; கதமேஸானங் பு³த்³தா⁴னங் ப⁴க³வந்தானங் ப்³ரஹ்மசரியங்
சிரட்டி²திகங் அஹோஸீ’’தி? அத² கோ² ஆயஸ்மா ஸாரிபுத்தோ ஸாயன்ஹஸமயங் [ஸாயண்ஹஸமயங் (ஸீ॰)]
படிஸல்லானா வுட்டி²தோ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா ஸாரிபுத்தோ
ப⁴க³வந்தங் ஏதத³வோச – ‘‘இத⁴ மய்ஹங், ப⁴ந்தே, ரஹோக³தஸ்ஸ படிஸல்லீனஸ்ஸ ஏவங்
சேதஸோ பரிவிதக்கோ உத³பாதி³ – ‘கதமேஸானங் கோ² பு³த்³தா⁴னங் ப⁴க³வந்தானங்
ப்³ரஹ்மசரியங் ந சிரட்டி²திகங் அஹோஸி, கதமேஸானங் பு³த்³தா⁴னங் ப⁴க³வந்தானங்
ப்³ரஹ்மசரியங் சிரட்டி²திகங் அஹோஸீ’தி. ‘கதமேஸானங் நு கோ², ப⁴ந்தே,
பு³த்³தா⁴னங் ப⁴க³வந்தானங் ப்³ரஹ்மசரியங் ந சிரட்டி²திகங் அஹோஸி, கதமேஸானங்
பு³த்³தா⁴னங் ப⁴க³வந்தானங் ப்³ரஹ்மசரியங் சிரட்டி²திகங் அஹோஸீ’’’தி?
‘‘ப⁴க³வதோ ச, ஸாரிபுத்த, விபஸ்ஸிஸ்ஸ ப⁴க³வதோ ச
ஸிகி²ஸ்ஸ ப⁴க³வதோ ச வெஸ்ஸபு⁴ஸ்ஸ ப்³ரஹ்மசரியங் ந சிரட்டி²திகங் அஹோஸி.
ப⁴க³வதோ ச, ஸாரிபுத்த, ககுஸந்த⁴ஸ்ஸ ப⁴க³வதோ ச கோணாக³மனஸ்ஸ ப⁴க³வதோ ச
கஸ்ஸபஸ்ஸ ப்³ரஹ்மசரியங் சிரட்டி²திகங் அஹோஸீ’’தி.
19. ‘‘கோ நு கோ² ,
ப⁴ந்தே, ஹேது கோ பச்சயோ, யேன ப⁴க³வதோ ச விபஸ்ஸிஸ்ஸ ப⁴க³வதோ ச ஸிகி²ஸ்ஸ
ப⁴க³வதோ ச வெஸ்ஸபு⁴ஸ்ஸ ப்³ரஹ்மசரியங் ந சிரட்டி²திகங் அஹோஸீ’’தி? ‘‘ப⁴க³வா
ச, ஸாரிபுத்த, விபஸ்ஸீ ப⁴க³வா ச ஸிகீ² ப⁴க³வா ச வெஸ்ஸபூ⁴ கிலாஸுனோ அஹேஸுங்
ஸாவகானங் வித்தா²ரேன த⁴ம்மங் தே³ஸேதுங். அப்பகஞ்ச நேஸங் அஹோஸி ஸுத்தங்
கெ³ய்யங் வெய்யாகரணங் கா³தா² உதா³னங் இதிவுத்தகங் ஜாதகங் அப்³பு⁴தத⁴ம்மங்
வேத³ல்லங். அபஞ்ஞத்தங் ஸாவகானங் ஸிக்கா²பத³ங். அனுத்³தி³ட்ட²ங்
பாதிமொக்க²ங். தேஸங் பு³த்³தா⁴னங் ப⁴க³வந்தானங் அந்தரதா⁴னேன
பு³த்³தா⁴னுபு³த்³தா⁴னங் ஸாவகானங் அந்தரதா⁴னேன யே தே பச்சி²மா ஸாவகா
நானானாமா நானாகொ³த்தா நானாஜச்சா நானாகுலா பப்³ப³ஜிதா தே தங் ப்³ரஹ்மசரியங்
கி²ப்பஞ்ஞேவ அந்தரதா⁴பேஸுங். ஸெய்யதா²பி, ஸாரிபுத்த, நானாபுப்பா²னி ப²லகே
நிக்கி²த்தானி ஸுத்தேன அஸங்க³ஹிதானி தானி வாதோ விகிரதி வித⁴மதி
வித்³த⁴ங்ஸேதி. தங் கிஸ்ஸ ஹேது? யதா² தங் ஸுத்தேன அஸங்க³ஹிதத்தா. ஏவமேவ
கோ², ஸாரிபுத்த, தேஸங் பு³த்³தா⁴னங் ப⁴க³வந்தானங் அந்தரதா⁴னேன
பு³த்³தா⁴னுபு³த்³தா⁴னங் ஸாவகானங் அந்தரதா⁴னேன யே தே பச்சி²மா ஸாவகா
நானானாமா நானாகொ³த்தா நானாஜச்சா நானாகுலா பப்³ப³ஜிதா தே தங் ப்³ரஹ்மசரியங்
கி²ப்பஞ்ஞேவ அந்தரதா⁴பேஸுங்.
‘‘அகிலாஸுனோ ச தே ப⁴க³வந்தோ அஹேஸுங் ஸாவகே சேதஸா சேதோ பரிச்ச ஓவதி³துங். பூ⁴தபுப்³ப³ங், ஸாரிபுத்த, வெஸ்ஸபூ⁴ ப⁴க³வா அரஹங் ஸம்மாஸம்பு³த்³தோ⁴ அஞ்ஞதரஸ்மிங் பி⁴ங்ஸனகே [பீ⁴ஸனகே (க॰)] வனஸண்டே³ ஸஹஸ்ஸங் பி⁴க்கு²ஸங்க⁴ங் சேதஸா சேதோ பரிச்ச ஓவத³தி அனுஸாஸதி – ‘ஏவங் விதக்கேத², மா ஏவங் விதக்கயித்த²; ஏவங் மனஸிகரோத², மா ஏவங் மனஸாகத்த² [மனஸாகரித்த² (க॰)];
இத³ங் பஜஹத², இத³ங் உபஸம்பஜ்ஜ விஹரதா²’தி. அத² கோ², ஸாரிபுத்த, தஸ்ஸ
பி⁴க்கு²ஸஹஸ்ஸஸ்ஸ வெஸ்ஸபு⁴னா ப⁴க³வதா அரஹதா ஸம்மாஸம்பு³த்³தே⁴ன ஏவங்
ஓவதி³யமானானங் ஏவங் அனுஸாஸியமானானங் அனுபாதா³ய ஆஸவேஹி சித்தானி
விமுச்சிங்ஸு. தத்ர ஸுத³ங், ஸாரிபுத்த, பி⁴ங்ஸனகஸ்ஸ வனஸண்ட³ஸ்ஸ
பி⁴ங்ஸனகதஸ்மிங் ஹோதி – யோ கோசி அவீதராகோ³ தங் வனஸண்ட³ங் பவிஸதி,
யேபு⁴ய்யேன லோமானி ஹங்ஸந்தி. அயங் கோ², ஸாரிபுத்த, ஹேது அயங் பச்சயோ யேன
ப⁴க³வதோ ச விபஸ்ஸிஸ்ஸ ப⁴க³வதோ ச ஸிகி²ஸ்ஸ ப⁴க³வதோ ச வெஸ்ஸபு⁴ஸ்ஸ
ப்³ரஹ்மசரியங் ந சிரட்டி²திகங் அஹோஸீ’’தி.
20. ‘‘கோ
பன, ப⁴ந்தே, ஹேது கோ பச்சயோ யேன ப⁴க³வதோ ச ககுஸந்த⁴ஸ்ஸ ப⁴க³வதோ ச
கோணாக³மனஸ்ஸ ப⁴க³வதோ ச கஸ்ஸபஸ்ஸ ப்³ரஹ்மசரியங் சிரட்டி²திகங் அஹோஸீ’’தி?
‘‘ப⁴க³வா ச, ஸாரிபுத்த, ககுஸந்தோ⁴ ப⁴க³வா ச
கோணாக³மனோ ப⁴க³வா ச கஸ்ஸபோ அகிலாஸுனோ அஹேஸுங் ஸாவகானங் வித்தா²ரேன த⁴ம்மங்
தே³ஸேதுங். ப³ஹுஞ்ச நேஸங் அஹோஸி ஸுத்தங் கெ³ய்யங் வெய்யாகரணங் கா³தா²
உதா³னங் இதிவுத்தகங் ஜாதகங் அப்³பு⁴தத⁴ம்மங் வேத³ல்லங், பஞ்ஞத்தங் ஸாவகானங்
ஸிக்கா²பத³ங், உத்³தி³ட்ட²ங் பாதிமொக்க²ங். தேஸங் பு³த்³தா⁴னங்
ப⁴க³வந்தானங் அந்தரதா⁴னேன பு³த்³தா⁴னுபு³த்³தா⁴னங் ஸாவகானங் அந்தரதா⁴னேன யே
தே பச்சி²மா ஸாவகா நானானாமா நானாகொ³த்தா நானாஜச்சா நானாகுலா பப்³ப³ஜிதா தே
தங் ப்³ரஹ்மசரியங் சிரங் தீ³க⁴மத்³தா⁴னங்
ட²பேஸுங். ஸெய்யதா²பி, ஸாரிபுத்த, நானாபுப்பா²னி ப²லகே நிக்கி²த்தானி
ஸுத்தேன ஸுஸங்க³ஹிதானி தானி வாதோ ந விகிரதி ந வித⁴மதி ந வித்³த⁴ங்ஸேதி. தங்
கிஸ்ஸ ஹேது? யதா² தங் ஸுத்தேன ஸுஸங்க³ஹிதத்தா. ஏவமேவ கோ², ஸாரிபுத்த,
தேஸங் பு³த்³தா⁴னங் ப⁴க³வந்தானங் அந்தரதா⁴னேன பு³த்³தா⁴னுபு³த்³தா⁴னங்
ஸாவகானங் அந்தரதா⁴னேன யே தே பச்சி²மா ஸாவகா நானானாமா நானாகொ³த்தா நானாஜச்சா
நானாகுலா பப்³ப³ஜிதா தே தங் ப்³ரஹ்மசரியங் சிரங் தீ³க⁴மத்³தா⁴னங்
ட²பேஸுங். அயங் கோ², ஸாரிபுத்த, ஹேது அயங் பச்சயோ யேன ப⁴க³வதோ ச
ககுஸந்த⁴ஸ்ஸ ப⁴க³வதோ ச கோணாக³மனஸ்ஸ ப⁴க³வதோ ச கஸ்ஸபஸ்ஸ ப்³ரஹ்மசரியங்
சிரட்டி²திகங் அஹோஸீ’’தி.
21.
அத² கோ² ஆயஸ்மா ஸாரிபுத்தோ உட்டா²யாஸனா ஏகங்ஸங் உத்தராஸங்க³ங் கரித்வா யேன
ப⁴க³வா தேனஞ்ஜலிங் பணாமெத்வா ப⁴க³வந்தங் ஏதத³வோச – ‘‘ஏதஸ்ஸ, ப⁴க³வா, காலோ!
ஏதஸ்ஸ, ஸுக³த, காலோ! யங் ப⁴க³வா ஸாவகானங் ஸிக்கா²பத³ங் பஞ்ஞபெய்ய [பஞ்ஞாபெய்ய (ஸீ॰ ஸ்யா॰)], உத்³தி³ஸெய்ய பாதிமொக்க²ங், யத²யித³ங் ப்³ரஹ்மசரியங் அத்³த⁴னியங் அஸ்ஸ சிரட்டி²திக’’ந்தி. ‘‘ஆக³மேஹி த்வங், ஸாரிபுத்த ! ஆக³மேஹி த்வங், ஸாரிபுத்த! ததா²க³தோவ தத்த² காலங் ஜானிஸ்ஸதி. ந தாவ, ஸாரிபுத்த, ஸத்தா² ஸாவகானங் ஸிக்கா²பத³ங் பஞ்ஞபேதி உத்³தி³ஸதி [ந உத்³தி³ஸதி (ஸீ॰)]
பாதிமொக்க²ங் யாவ ந இதே⁴கச்சே ஆஸவட்டா²னீயா த⁴ம்மா ஸங்கே⁴ பாதுப⁴வந்தி.
யதோ ச கோ², ஸாரிபுத்த, இதே⁴கச்சே ஆஸவட்டா²னீயா த⁴ம்மா ஸங்கே⁴ பாதுப⁴வந்தி,
அத² ஸத்தா² ஸாவகானங் ஸிக்கா²பத³ங் பஞ்ஞபேதி
உத்³தி³ஸ்ஸதி பாதிமொக்க²ங் தேஸங்யேவ ஆஸவட்டா²னீயானங் த⁴ம்மானங் படிகா⁴தாய. ந
தாவ, ஸாரிபுத்த, இதே⁴கச்சே ஆஸவட்டா²னீயா த⁴ம்மா ஸங்கே⁴ பாதுப⁴வந்தி யாவ ந
ஸங்கோ⁴ ரத்தஞ்ஞுமஹத்தங் பத்தோ ஹோதி. யதோ ச கோ², ஸாரிபுத்த, ஸங்கோ⁴
ரத்தஞ்ஞுமஹத்தங் பத்தோ ஹோதி அத² இதே⁴கச்சே ஆஸவட்டா²னீயா த⁴ம்மா ஸங்கே⁴ பாதுப⁴வந்தி, அத², ஸத்தா² ஸாவகானங் ஸிக்கா²பத³ங் பஞ்ஞபேதி
உத்³தி³ஸதி பாதிமொக்க²ங் தேஸங்யேவ ஆஸவட்டா²னீயானங் த⁴ம்மானங் படிகா⁴தாய. ந
தாவ, ஸாரிபுத்த, இதே⁴கச்சே ஆஸவட்டா²னீயா த⁴ம்மா ஸங்கே⁴ பாதுப⁴வந்தி, யாவ ந
ஸங்கோ⁴ வேபுல்லமஹத்தங் பத்தோ ஹோதி. யதோ ச கோ², ஸாரிபுத்த, ஸங்கோ⁴
வேபுல்லமஹத்தங் பத்தோ ஹோதி, அத² இதே⁴கச்சே ஆஸவட்டா²னீயா த⁴ம்மா ஸங்கே⁴
பாதுப⁴வந்தி, அத² ஸத்தா² ஸாவகானங் ஸிக்கா²பத³ங் பஞ்ஞபேதி உத்³தி³ஸதி
பாதிமொக்க²ங் தேஸங்யேவ ஆஸவட்டா²னீயானங் த⁴ம்மானங் படிகா⁴தாய. ந தாவ,
ஸாரிபுத்த, இதே⁴கச்சே ஆஸவட்டா²னீயா த⁴ம்மா ஸங்கே⁴ பாதுப⁴வந்தி, யாவ ந
ஸங்கோ⁴ லாப⁴க்³க³மஹத்தங் பத்தோ ஹோதி. யதோ ச கோ², ஸாரிபுத்த, ஸங்கோ⁴
லாப⁴க்³க³மஹத்தங் பத்தோ ஹோதி, அத² இதே⁴கச்சே ஆஸவட்டா²னீயா த⁴ம்மா ஸங்கே⁴
பாதுப⁴வந்தி, அத² ஸத்தா² ஸாவகானங் ஸிக்கா²பத³ங் பஞ்ஞபேதி உத்³தி³ஸதி
பாதிமொக்க²ங் தேஸங்யேவ ஆஸவட்டா²னீயானங் த⁴ம்மானங் படிகா⁴தாய. ந தாவ,
ஸாரிபுத்த, இதே⁴கச்சே ஆஸவட்டா²னீயா த⁴ம்மா ஸங்கே⁴ பாதுப⁴வந்தி, யாவ ந
ஸங்கோ⁴ பா³ஹுஸச்சமஹத்தங் பத்தோ ஹோதி. யதோ ச கோ², ஸாரிபுத்த, ஸங்கோ⁴
பா³ஹுஸச்சமஹத்தங் பத்தோ ஹோதி, அத² இதே⁴கச்சே ஆஸவட்டா²னீயா த⁴ம்மா ஸங்கே⁴
பாதுப⁴வந்தி, அத² ஸத்தா² ஸாவகானங் ஸிக்கா²பத³ங் பஞ்ஞபேதி உத்³தி³ஸதி
பாதிமொக்க²ங் தேஸங்யேவ ஆஸவட்டா²னீயானங் த⁴ம்மானங் படிகா⁴தாய. நிரப்³பு³தோ³
ஹி, ஸாரிபுத்த, பி⁴க்கு²ஸங்கோ⁴ நிராதீ³னவோ அபக³தகாளகோ ஸுத்³தோ⁴ ஸாரே
பதிட்டி²தோ. இமேஸஞ்ஹி, ஸாரிபுத்த, பஞ்சன்னங் பி⁴க்கு²ஸதானங் யோ பச்சி²மகோ
பி⁴க்கு² ஸோ ஸோதாபன்னோ அவினிபாதத⁴ம்மோ நியதோ ஸம்போ³தி⁴பராயணோ’’தி.
22.
அத² கோ² ப⁴க³வா ஆயஸ்மந்தங் ஆனந்த³ங் ஆமந்தேஸி – ‘‘ஆசிண்ணங் கோ² பனேதங்,
ஆனந்த³, ததா²க³தானங் யேஹி நிமந்திதா வஸ்ஸங் வஸந்தி, ந தே அனபலோகெத்வா
ஜனபத³சாரிகங் பக்கமந்தி. ஆயாமானந்த³, வேரஞ்ஜங் ப்³ராஹ்மணங்
அபலோகெஸ்ஸாமா’’தி. ‘‘ஏவங் ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ
பச்சஸ்ஸோஸி. அத² கோ² ப⁴க³வா நிவாஸெத்வா பத்தசீவரமாதா³ய ஆயஸ்மதா ஆனந்தே³ன
பச்சா²ஸமணேன யேன வேரஞ்ஜஸ்ஸ ப்³ராஹ்மணஸ்ஸ நிவேஸனங் தேனுபஸங்கமி;
உபஸங்கமித்வா பஞ்ஞத்தே ஆஸனே நிஸீதி³. அத² கோ² வேரஞ்ஜோ ப்³ராஹ்மணோ யேன ப⁴க³வா தேனுபஸங்கமி ;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னங் கோ² வேரஞ்ஜங் ப்³ராஹ்மணங் ப⁴க³வா ஏதத³வோச – ‘‘நிமந்திதம்ஹ தயா,
ப்³ராஹ்மண , வஸ்ஸங்வுட்டா² [வஸ்ஸங்வுத்தா² (ஸீ॰ ஸ்யா॰ க॰)],
அபலோகேம தங், இச்சா²ம மயங் ஜனபத³சாரிகங் பக்கமிது’’ந்தி. ‘‘ஸச்சங், போ⁴
கோ³தம, நிமந்திதத்த² மயா வஸ்ஸங்வுட்டா²; அபி ச, யோ தெ³ய்யத⁴ம்மோ ஸோ ந
தி³ன்னோ. தஞ்ச கோ² நோ அஸந்தங், நோபி அதா³துகம்யதா, தங் குதெத்த² லப்³பா⁴
ப³ஹுகிச்சா க⁴ராவாஸா ப³ஹுகரணீயா. அதி⁴வாஸேது மே ப⁴வங் கோ³தமோ ஸ்வாதனாய
ப⁴த்தங் ஸத்³தி⁴ங் பி⁴க்கு²ஸங்கே⁴னா’’தி. அதி⁴வாஸேஸி ப⁴க³வா துண்ஹீபா⁴வேன.
அத² கோ² ப⁴க³வா வேரஞ்ஜங் ப்³ராஹ்மணங் த⁴ம்மியா கதா²ய ஸந்த³ஸ்ஸெத்வா
ஸமாத³பெத்வா ஸமுத்தேஜெத்வா ஸம்பஹங்ஸெத்வா உட்டா²யாஸனா
பக்காமி. அத² கோ² வேரஞ்ஜோ ப்³ராஹ்மணோ தஸ்ஸா ரத்தியா அச்சயேன ஸகே நிவேஸனே
பணீதங் கா²த³னீயங் போ⁴ஜனீயங் படியாதா³பெத்வா ப⁴க³வதோ காலங் ஆரோசாபேஸி –
‘‘காலோ, போ⁴ கோ³தம, நிட்டி²தங் ப⁴த்த’’ந்தி.
23.
அத² கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய யேன வேரஞ்ஜஸ்ஸ
ப்³ராஹ்மணஸ்ஸ நிவேஸனங் தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³
ஸத்³தி⁴ங் பி⁴க்கு²ஸங்கே⁴ன. அத² கோ² வேரஞ்ஜோ ப்³ராஹ்மணோ பு³த்³த⁴ப்பமுக²ங்
பி⁴க்கு²ஸங்க⁴ங் பணீதேன கா²த³னீயேன போ⁴ஜனீயேன ஸஹத்தா² ஸந்தப்பெத்வா
ஸம்பவாரெத்வா ப⁴க³வந்தங் பு⁴த்தாவிங் ஓனீதபத்தபாணிங் [ஓணீதபத்தபாணிங் (க॰)]
திசீவரேன அச்சா²தே³ஸி, ஏகமேகஞ்ச பி⁴க்கு²ங் ஏகமேகேன து³ஸ்ஸயுகே³ன
அச்சா²தே³ஸி. அத² கோ² ப⁴க³வா வேரஞ்ஜங் ப்³ராஹ்மணங் த⁴ம்மியா கதா²ய
ஸந்த³ஸ்ஸெத்வா ஸமாத³பெத்வா ஸமுத்தேஜெத்வா ஸம்பஹங்ஸெத்வா உட்டா²யாஸனா
பக்காமி. அத² கோ² ப⁴க³வா வேரஞ்ஜாயங் யதா²பி⁴ரந்தங் விஹரித்வா அனுபக³ம்ம
ஸோரெய்யங் ஸங்கஸ்ஸங் கண்ணகுஜ்ஜங் யேன பயாக³பதிட்டா²னங் தேனுபஸங்கமி;
உபஸங்கமித்வா பயாக³பதிட்டா²னே க³ங்க³ங் நதி³ங் உத்தரித்வா யேன பா³ராணஸீ
தத³வஸரி. அத² கோ² ப⁴க³வா பா³ராணஸியங் யதா²பி⁴ரந்தங் விஹரித்வா யேன வேஸாலீ
தேன சாரிகங் பக்காமி. அனுபுப்³பே³ன சாரிகங் சரமானோ யேன வேஸாலீ தத³வஸரி.
தத்ர ஸுத³ங் ப⁴க³வா வேஸாலியங் விஹரதி மஹாவனே கூடாகா³ரஸாலாயந்தி.
வேரஞ்ஜபா⁴ணவாரோ நிட்டி²தோ.
நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ
வினயபிடகே
பாராஜிகபாளி
வேரஞ்ஜகண்ட³ங்
1. தேன
ஸமயேன பு³த்³தோ⁴ ப⁴க³வா வேரஞ்ஜாயங் விஹரதி நளேருபுசிமந்த³மூலே மஹதா
பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி பி⁴க்கு²ஸதேஹி. அஸ்ஸோஸி கோ² வேரஞ்ஜோ
ப்³ராஹ்மணோ – ‘‘ஸமணோ க²லு, போ⁴, கோ³தமோ ஸக்யபுத்தோ ஸக்யகுலா பப்³ப³ஜிதோ
வேரஞ்ஜாயங் விஹரதி நளேருபுசிமந்த³மூலே மஹதா பி⁴க்கு²ஸங்கே⁴ன ஸத்³தி⁴ங்
பஞ்சமத்தேஹி பி⁴க்கு²ஸதேஹி. தங் கோ² பன ப⁴வந்தங் கோ³தமங் ஏவங் கல்யாணோ
கித்திஸத்³தோ³ அப்³பு⁴க்³க³தோ – ‘இதிபி ஸோ ப⁴க³வா அரஹங் ஸம்மாஸம்பு³த்³தோ⁴
விஜ்ஜாசரணஸம்பன்னோ ஸுக³தோ லோகவிதூ³ அனுத்தரோ புரிஸத³ம்மஸாரதி² ஸத்தா²
தே³வமனுஸ்ஸானங் பு³த்³தோ⁴ ப⁴க³வா [ப⁴க³வாதி (ஸ்யா॰), தீ³॰ நி॰ 1.157, அப்³பு⁴க்³க³தாகாரேன பன ஸமேதி].
ஸோ இமங் லோகங் ஸதே³வகங் ஸமாரகங் ஸப்³ரஹ்மகங் ஸஸ்ஸமணப்³ராஹ்மணிங் பஜங்
ஸதே³வமனுஸ்ஸங் ஸயங் அபி⁴ஞ்ஞா ஸச்சி²கத்வா பவேதே³தி. ஸோ த⁴ம்மங் தே³ஸேதி
ஆதி³கல்யாணங் மஜ்ஜே²கல்யாணங் பரியோஸானகல்யாணங் ஸாத்த²ங் ஸப்³யஞ்ஜனங்; கேவலபரிபுண்ணங் பரிஸுத்³த⁴ங் ப்³ரஹ்மசரியங் பகாஸேதி; ஸாது⁴ கோ² பன ததா²ரூபானங் அரஹதங் த³ஸ்ஸனங் ஹோதீ’’’தி.
2. [இதோ பரங் யாவ பாரா॰ 15-16 பத³க்கி²ணங் கத்வா பக்காமீதி பாடோ² அ॰ நி॰ 8.11] அத²
கோ² வேரஞ்ஜோ ப்³ராஹ்மணோ யேன ப⁴க³வா தேனுபஸங்கமி; உபஸங்கமித்வா ப⁴க³வதா
ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங்
நிஸீதி³ . ஏகமந்தங் நிஸின்னோ கோ² வேரஞ்ஜோ ப்³ராஹ்மணோ ப⁴க³வந்தங் ஏதத³வோச – ‘‘ஸுதங் மேதங், போ⁴ கோ³தம – ‘ந ஸமணோ கோ³தமோ
ப்³ராஹ்மணே ஜிண்ணே வுட்³டே⁴ மஹல்லகே அத்³த⁴க³தே வயோஅனுப்பத்தே அபி⁴வாதே³தி
வா பச்சுட்டே²தி வா ஆஸனேன வா நிமந்தேதீ’தி. தயித³ங், போ⁴ கோ³தம, ததே²வ? ந
ஹி ப⁴வங் கோ³தமோ ப்³ராஹ்மணே ஜிண்ணே வுட்³டே⁴ மஹல்லகே அத்³த⁴க³தே
வயோஅனுப்பத்தே அபி⁴வாதே³தி வா பச்சுட்டே²தி வா ஆஸனேன வா நிமந்தேதி?
தயித³ங், போ⁴ கோ³தம, ந ஸம்பன்னமேவா’’தி.
‘‘நாஹங் தங், ப்³ராஹ்மண, பஸ்ஸாமி ஸதே³வகே லோகே ஸமாரகே
ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய யமஹங் அபி⁴வாதெ³ய்யங் வா
பச்சுட்டெ²ய்யங் வா ஆஸனேன வா நிமந்தெய்யங். யஞ்ஹி, ப்³ராஹ்மண, ததா²க³தோ
அபி⁴வாதெ³ய்ய வா பச்சுட்டெ²ய்ய வா ஆஸனேன வா நிமந்தெய்ய, முத்³தா⁴பி தஸ்ஸ
விபதெய்யா’’தி.
3. ‘‘அரஸரூபோ ப⁴வங் கோ³தமோ’’தி? ‘‘அத்தி² க்²வேஸ, ப்³ராஹ்மண, பரியாயோ யேன மங் பரியாயேன ஸம்மா வத³மானோ வதெ³ய்ய
– ‘அரஸரூபோ ஸமணோ கோ³தமோ’தி. யே தே, ப்³ராஹ்மண, ரூபரஸா ஸத்³த³ரஸா க³ந்த⁴ரஸா
ரஸரஸா பொ²ட்ட²ப்³ப³ரஸா தே ததா²க³தஸ்ஸ பஹீனா உச்சி²ன்னமூலா தாலாவத்து²கதா
அனபா⁴வங்கதா [அனபா⁴வகதா (ஸீ॰) அனபா⁴வங்க³தா (ஸ்யா॰)]
ஆயதிங் அனுப்பாத³த⁴ம்மா. அயங் கோ², ப்³ராஹ்மண, பரியாயோ யேன மங் பரியாயேன
ஸம்மா வத³மானோ வதெ³ய்ய – ‘அரஸரூபோ ஸமணோ கோ³தமோ’தி, நோ ச கோ² யங் த்வங்
ஸந்தா⁴ய வதே³ஸீ’’தி.
4.
‘‘நிப்³போ⁴கோ³ ப⁴வங் கோ³தமோ’’தி? ‘‘அத்தி² க்²வேஸ, ப்³ராஹ்மண, பரியாயோ யேன
மங் பரியாயேன ஸம்மா வத³மானோ வதெ³ய்ய – ‘நிப்³போ⁴கோ³ ஸமணோ கோ³தமோ’தி. யே தே,
ப்³ராஹ்மண, ரூபபோ⁴கா³ ஸத்³த³போ⁴கா³ க³ந்த⁴போ⁴கா³ ரஸபோ⁴கா³
பொ²ட்ட²ப்³ப³போ⁴கா³ தே ததா²க³தஸ்ஸ பஹீனா உச்சி²ன்னமூலா தாலாவத்து²கதா
அனபா⁴வங்கதா ஆயதிங் அனுப்பாத³த⁴ம்மா. அயங் கோ², ப்³ராஹ்மண, பரியாயோ யேன மங்
பரியாயேன ஸம்மா வத³மானோ வதெ³ய்ய – ‘நிப்³போ⁴கோ³ ஸமணோ கோ³தமோ’தி, நோ ச கோ²
யங் த்வங் ஸந்தா⁴ய வதே³ஸீ’’தி.
5. ‘‘அகிரியவாதோ³
ப⁴வங் கோ³தமோ’’தி? ‘‘அத்தி² க்²வேஸ, ப்³ராஹ்மண, பரியாயோ யேன மங் பரியாயேன
ஸம்மா வத³மானோ வதெ³ய்ய – ‘அகிரியவாதோ³ ஸமணோ கோ³தமோ’தி. அஹஞ்ஹி, ப்³ராஹ்மண,
அகிரியங் வதா³மி காயது³ச்சரிதஸ்ஸ வசீது³ச்சரிதஸ்ஸ
மனோது³ச்சரிதஸ்ஸ. அனேகவிஹிதானங் பாபகானங் அகுஸலானங் த⁴ம்மானங் அகிரியங்
வதா³மி. அயங் கோ², ப்³ராஹ்மண, பரியாயோ யேன மங் பரியாயேன ஸம்மா வத³மானோ
வதெ³ய்ய – ‘அகிரியவாதோ³ ஸமணோ கோ³தமோ’தி, நோ ச கோ² யங் த்வங் ஸந்தா⁴ய
வதே³ஸீ’’தி.
6.
‘‘உச்சே²த³வாதோ³ ப⁴வங் கோ³தமோ’’தி? ‘‘அத்தி² க்²வேஸ, ப்³ராஹ்மண, பரியாயோ
யேன மங் பரியாயேன ஸம்மா வத³மானோ வதெ³ய்ய – ‘உச்சே²த³வாதோ³ ஸமணோ கோ³தமோ’தி.
அஹஞ்ஹி, ப்³ராஹ்மண, உச்சே²த³ங் வதா³மி ராக³ஸ்ஸ தோ³ஸஸ்ஸ மோஹஸ்ஸ.
அனேகவிஹிதானங் பாபகானங் அகுஸலானங் த⁴ம்மானங் உச்சே²த³ங் வதா³மி. அயங் கோ²,
ப்³ராஹ்மண, பரியாயோ யேன மங் பரியாயேன ஸம்மா வத³மானோ வதெ³ய்ய – ‘உச்சே²த³வாதோ³ ஸமணோ கோ³தமோ’தி, நோ ச கோ² யங் த்வங் ஸந்தா⁴ய வதே³ஸீ’’தி.
7.
‘‘ஜேகு³ச்சீ² ப⁴வங் கோ³தமோ’’தி? ‘‘அத்தி² க்²வேஸ, ப்³ராஹ்மண, பரியாயோ யேன
மங் பரியாயேன ஸம்மா வத³மானோ வதெ³ய்ய – ‘ஜேகு³ச்சீ² ஸமணோ கோ³தமோ’தி. அஹஞ்ஹி,
ப்³ராஹ்மண, ஜிகு³ச்சா²மி காயது³ச்சரிதேன வசீது³ச்சரிதேன மனோது³ச்சரிதேன.
அனேகவிஹிதானங் பாபகானங் அகுஸலானங் த⁴ம்மானங் ஸமாபத்தியா ஜிகு³ச்சா²மி. அயங்
கோ², ப்³ராஹ்மண, பரியாயோ யேன மங் பரியாயேன ஸம்மா வத³மானோ வதெ³ய்ய –
‘ஜேகு³ச்சீ² ஸமணோ கோ³தமோ’தி, நோ ச கோ² யங் த்வங் ஸந்தா⁴ய வதே³ஸீ’’தி.
8.
‘‘வேனயிகோ ப⁴வங் கோ³தமோ’’தி? ‘‘அத்தி² க்²வேஸ, ப்³ராஹ்மண, பரியாயோ யேன மங்
பரியாயேன ஸம்மா வத³மானோ வதெ³ய்ய – ‘வேனயிகோ ஸமணோ கோ³தமோ’தி. அஹஞ்ஹி,
ப்³ராஹ்மண, வினயாய த⁴ம்மங் தே³ஸேமி ராக³ஸ்ஸ தோ³ஸஸ்ஸ மோஹஸ்ஸ. அனேகவிஹிதானங்
பாபகானங் அகுஸலானங் த⁴ம்மானங் வினயாய த⁴ம்மங் தே³ஸேமி. அயங் கோ²,
ப்³ராஹ்மண, பரியாயோ யேன மங் பரியாயேன ஸம்மா வத³மானோ வதெ³ய்ய – ‘வேனயிகோ
ஸமணோ கோ³தமோ’தி, நோ ச கோ² யங் த்வங் ஸந்தா⁴ய வதே³ஸீ’’தி.
9.
‘‘தபஸ்ஸீ ப⁴வங் கோ³தமோ’’தி? ‘‘அத்தி² க்²வேஸ, ப்³ராஹ்மண, பரியாயோ யேன மங்
பரியாயேன ஸம்மா வத³மானோ வதெ³ய்ய – ‘தபஸ்ஸீ ஸமணோ கோ³தமோ’தி . தபனீயாஹங், ப்³ராஹ்மண, பாபகே அகுஸலே த⁴ம்மே வதா³மி, காயது³ச்சரிதங் வசீது³ச்சரிதங் மனோது³ச்சரிதங். யஸ்ஸ கோ², ப்³ராஹ்மண , தபனீயா பாபகா அகுஸலா த⁴ம்மா பஹீனா உச்சி²ன்னமூலா தாலாவத்து²கதா அனபா⁴வங்கதா
ஆயதிங் அனுப்பாத³த⁴ம்மா தமஹங் தபஸ்ஸீதி வதா³மி. ததா²க³தஸ்ஸ கோ²,
ப்³ராஹ்மண, தபனீயா பாபகா அகுஸலா த⁴ம்மா பஹீனா உச்சி²ன்னமூலா தாலாவத்து²கதா
அனபா⁴வங்கதா ஆயதிங் அனுப்பாத³த⁴ம்மா. அயங் கோ², ப்³ராஹ்மண, பரியாயோ யேன மங்
பரியாயேன ஸம்மா வத³மானோ வதெ³ய்ய – ‘தபஸ்ஸீ ஸமணோ கோ³தமோ’தி, நோ ச கோ² யங்
த்வங் ஸந்தா⁴ய வதே³ஸீ’’தி.
10.
‘‘அபக³ப்³போ⁴ ப⁴வங் கோ³தமோ’’தி? ‘‘அத்தி² க்²வேஸ, ப்³ராஹ்மண, பரியாயோ யேன
மங் பரியாயேன ஸம்மா வத³மானோ வதெ³ய்ய – ‘அபக³ப்³போ⁴ ஸமணோ கோ³தமோ’தி. யஸ்ஸ
கோ², ப்³ராஹ்மண, ஆயதிங் க³ப்³ப⁴ஸெய்யா புனப்³ப⁴வாபி⁴னிப்³ப³த்தி பஹீனா
உச்சி²ன்னமூலா தாலாவத்து²கதா அனபா⁴வங்கதா ஆயதிங் அனுப்பாத³த⁴ம்மா தமஹங்
அபக³ப்³போ⁴தி வதா³மி. ததா²க³தஸ்ஸ கோ², ப்³ராஹ்மண, ஆயதிங் க³ப்³ப⁴ஸெய்யா
புனப்³ப⁴வாபி⁴னிப்³ப³த்தி பஹீனா உச்சி²ன்னமூலா தாலாவத்து²கதா அனபா⁴வங்கதா
ஆயதிங் அனுப்பாத³த⁴ம்மா. அயங் கோ², ப்³ராஹ்மண, பரியாயோ யேன மங் பரியாயேன
ஸம்மா வத³மானோ வதெ³ய்ய – ‘அபக³ப்³போ⁴ ஸமணோ கோ³தமோ’தி, நோ ச கோ² யங் த்வங்
ஸந்தா⁴ய வதே³ஸி’’.
11.
‘‘ஸெய்யதா²பி, ப்³ராஹ்மண, குக்குடியா அண்டா³னி அட்ட² வா த³ஸ வா த்³வாத³ஸ
வா. தானஸ்ஸு குக்குடியா ஸம்மா அதி⁴ஸயிதானி ஸம்மா பரிஸேதி³தானி ஸம்மா
பரிபா⁴விதானி. யோ நு கோ² தேஸங் குக்குடச்சா²பகானங் பட²மதரங் பாத³னக²ஸிகா²ய
வா முக²துண்ட³கேன வா அண்ட³கோஸங் பதா³லெத்வா ஸொத்தி²னா அபி⁴னிப்³பி⁴ஜ்ஜெய்ய,
கிந்தி ஸ்வாஸ்ஸ வசனீயோ – ‘‘ஜெட்டோ² வா கனிட்டோ²
வா’’தி? ‘‘ஜெட்டோ²திஸ்ஸ, போ⁴ கோ³தம, வசனீயோ. ஸோ ஹி நேஸங் ஜெட்டோ² ஹோதீ’’தி.
‘‘ஏவமேவ கோ² அஹங், ப்³ராஹ்மண, அவிஜ்ஜாக³தாய பஜாய அண்ட³பூ⁴தாய
பரியோனத்³தா⁴ய அவிஜ்ஜண்ட³கோஸங் பதா³லெத்வா ஏகோவ லோகே அனுத்தரங் ஸம்மாஸம்போ³தி⁴ங் அபி⁴ஸம்பு³த்³தோ⁴. ஸ்வாஹங், ப்³ராஹ்மண, ஜெட்டோ² ஸெட்டோ² லோகஸ்ஸ’’.
‘‘ஆரத்³த⁴ங் கோ² பன மே, ப்³ராஹ்மண, வீரியங் [விரியங் (ஸீ॰ ஸ்யா॰)] அஹோஸி அஸல்லீனங், உபட்டி²தா ஸதி அஸம்முட்டா² [அப்பமுட்டா² (ஸீ॰ ஸ்யா॰)], பஸ்ஸத்³தோ⁴ காயோ அஸாரத்³தோ⁴, ஸமாஹிதங் சித்தங் ஏகக்³க³ங். ஸோ
கோ² அஹங், ப்³ராஹ்மண, விவிச்சேவ காமேஹி விவிச்ச அகுஸலேஹி த⁴ம்மேஹி
ஸவிதக்கங் ஸவிசாரங் விவேகஜங் பீதிஸுக²ங் பட²மங் ஜா²னங் உபஸம்பஜ்ஜ விஹாஸிங்.
விதக்கவிசாரானங் வூபஸமா அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங்
அவிதக்கங் அவிசாரங் ஸமாதி⁴ஜங் பீதிஸுக²ங் து³தியங் ஜா²னங் உபஸம்பஜ்ஜ
விஹாஸிங். பீதியா ச விராகா³ உபெக்க²கோ ச விஹாஸிங் ஸதோ ச ஸம்பஜானோ, ஸுக²ஞ்ச
காயேன படிஸங்வேதே³ஸிங் , யங் தங் அரியா ஆசிக்க²ந்தி –
‘உபெக்க²கோ ஸதிமா ஸுக²விஹாரீ’தி ததியங் ஜா²னங் உபஸம்பஜ்ஜ விஹாஸிங்.
ஸுக²ஸ்ஸ ச பஹானா து³க்க²ஸ்ஸ ச பஹானா புப்³பே³வ ஸோமனஸ்ஸதோ³மனஸ்ஸானங்
அத்த²ங்க³மா அது³க்க²மஸுக²ங் உபெக்கா²ஸதிபாரிஸுத்³தி⁴ங் சதுத்த²ங் ஜா²னங்
உபஸம்பஜ்ஜ விஹாஸிங்.
12.
‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே
விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே
புப்³பே³னிவாஸானுஸ்ஸதிஞாணாய சித்தங் அபி⁴னின்னாமேஸிங். ஸோ அனேகவிஹிதங்
புப்³பே³னிவாஸங் அனுஸ்ஸராமி , ஸெய்யதி²த³ங் – ஏகம்பி
ஜாதிங் த்³வேபி ஜாதியோ திஸ்ஸோபி ஜாதியோ சதஸ்ஸோபி ஜாதியோ பஞ்சபி ஜாதியோ
த³ஸபி ஜாதியோ வீஸம்பி ஜாதியோ திங்ஸம்பி ஜாதியோ சத்தாலீஸம்பி ஜாதியோ
பஞ்ஞாஸம்பி ஜாதியோ ஜாதிஸதம்பி, ஜாதிஸஹஸ்ஸம்பி ஜாதிஸதஸஹஸ்ஸம்பி, அனேகேபி
ஸங்வட்டகப்பே அனேகேபி விவட்டகப்பே அனேகேபி ஸங்வட்டவிவட்டகப்பே –
‘அமுத்ராஸிங் ஏவங்னாமோ ஏவங்கொ³த்தோ ஏவங்வண்ணோ ஏவமாஹாரோ
ஏவங்ஸுக²து³க்க²ப்படிஸங்வேதீ³ ஏவமாயுபரியந்தோ; ஸோ ததோ சுதோ அமுத்ர
உத³பாதி³ங்; தத்ராபாஸிங் ஏவங்னாமோ ஏவங்கொ³த்தோ ஏவங்வண்ணோ ஏவமாஹாரோ
ஏவங்ஸுக²து³க்க²ப்படிஸங்வேதீ³ ஏவமாயுபரியந்தோ; ஸோ ததோ சுதோ இதூ⁴பபன்னோதி.
இதி ஸாகாரங் ஸஉத்³தே³ஸங் அனேகவிஹிதங் புப்³பே³னிவாஸங் அனுஸ்ஸராமி. அயங் கோ²
மே, ப்³ராஹ்மண, ரத்தியா பட²மே யாமே பட²மா விஜ்ஜா அதி⁴க³தா, அவிஜ்ஜா விஹதா,
விஜ்ஜா உப்பன்னா, தமோ விஹதோ, ஆலோகோ உப்பன்னோ – யதா² தங் அப்பமத்தஸ்ஸ
ஆதாபினோ பஹிதத்தஸ்ஸ விஹரதோ. அயங் கோ² மே, ப்³ராஹ்மண, பட²மாபி⁴னிப்³பி⁴தா³
அஹோஸி குக்குடச்சா²பகஸ்ஸேவ அண்ட³கோஸம்ஹா.
13.
‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே
விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே ஸத்தானங்
சுதூபபாதஞாணாய சித்தங் அபி⁴னின்னாமேஸிங் . ஸோ தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன [அதிக்கந்தமானுஸ்ஸகேன (க॰)] ஸத்தே பஸ்ஸாமி சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே. ஸுக³தே து³க்³க³தே யதா²கம்மூபகே³ ஸத்தே பஜானாமி – ‘இமே வத பொ⁴ந்தோ ஸத்தா காயது³ச்சரிதேன
ஸமன்னாக³தா வசீது³ச்சரிதேன ஸமன்னாக³தா மனோது³ச்சரிதேன ஸமன்னாக³தா அரியானங்
உபவாத³கா மிச்சா²தி³ட்டி²கா மிச்சா²தி³ட்டி²கம்மஸமாதா³னா; தே காயஸ்ஸ
பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபன்னா. இமே வா பன
பொ⁴ந்தோ ஸத்தா காயஸுசரிதேன ஸமன்னாக³தா வசீஸுசரிதேன ஸமன்னாக³தா மனோஸுசரிதேன
ஸமன்னாக³தா அரியானங் அனுபவாத³கா ஸம்மாதி³ட்டி²கா
ஸம்மாதி³ட்டி²கம்மஸமாதா³னா; தே காயஸ்ஸ பே⁴தா³ பரங் மரணா ஸுக³திங் ஸக்³க³ங்
லோகங் உபபன்னா’தி. இதி தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன
ஸத்தே பஸ்ஸாமி சவமானே உபபஜ்ஜமானே ஹீனே பணீதே
ஸுவண்ணே து³ப்³ப³ண்ணே. ஸுக³தே து³க்³க³தே யதா²கம்மூபகே³ ஸத்தே பஜானாமி.
அயங் கோ² மே, ப்³ராஹ்மண, ரத்தியா மஜ்ஜி²மே யாமே து³தியா விஜ்ஜா அதி⁴க³தா,
அவிஜ்ஜா விஹதா, விஜ்ஜா உப்பன்னா, தமோ விஹதோ, ஆலோகோ உப்பன்னோ – யதா² தங்
அப்பமத்தஸ்ஸ ஆதாபினோ பஹிதத்தஸ்ஸ விஹரதோ. அயங் கோ² மே, ப்³ராஹ்மண,
து³தியாபி⁴னிப்³பி⁴தா³ அஹோஸி குக்குடச்சா²பகஸ்ஸேவ அண்ட³கோஸம்ஹா.
14.
‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே
விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே ஆஸவானங் க²யஞாணாய
சித்தங் அபி⁴னின்னாமேஸிங். ஸோ ‘இத³ங் து³க்க²’ந்தி யதா²பூ⁴தங்
அப்³ப⁴ஞ்ஞாஸிங், ‘அயங் து³க்க²ஸமுத³யோ’தி யதா²பூ⁴தங் அப்³ப⁴ஞ்ஞாஸிங், ‘அயங்
து³க்க²னிரோதோ⁴’தி யதா²பூ⁴தங் அப்³ப⁴ஞ்ஞாஸிங், ‘அயங் து³க்க²னிரோத⁴கா³மினீ
படிபதா³’தி யதா²பூ⁴தங் அப்³ப⁴ஞ்ஞாஸிங்; ‘இமே
ஆஸவா’தி யதா²பூ⁴தங் அப்³ப⁴ஞ்ஞாஸிங், ‘அயங் ஆஸவஸமுத³யோ’தி யதா²பூ⁴தங்
அப்³ப⁴ஞ்ஞாஸிங், ‘அயங் ஆஸவனிரோதோ⁴’தி யதா²பூ⁴தங் அப்³ப⁴ஞ்ஞாஸிங், ‘அயங்
ஆஸவனிரோத⁴கா³மினீ படிபதா³’தி யதா²பூ⁴தங் அப்³ப⁴ஞ்ஞாஸிங். தஸ்ஸ மே ஏவங்
ஜானதோ ஏவங் பஸ்ஸதோ காமாஸவாபி சித்தங் விமுச்சித்த² ப⁴வாஸவாபி சித்தங்
விமுச்சித்த² அவிஜ்ஜாஸவாபி சித்தங் விமுச்சித்த². விமுத்தஸ்மிங்
விமுத்தமிதி ஞாணங் அஹோஸி. ‘கீ²ணா ஜாதி, வுஸிதங் ப்³ரஹ்மசரியங், கதங்
கரணீயங், நாபரங் இத்த²த்தாயா’தி அப்³ப⁴ஞ்ஞாஸிங். அயங் கோ² மே, ப்³ராஹ்மண,
ரத்தியா பச்சி²மே யாமே ததியா விஜ்ஜா அதி⁴க³தா, அவிஜ்ஜா விஹதா, விஜ்ஜா
உப்பன்னா, தமோ விஹதோ, ஆலோகோ உப்பன்னோ – யதா² தங் அப்பமத்தஸ்ஸ ஆதாபினோ
பஹிதத்தஸ்ஸ விஹரதோ. அயங் கோ² மே, ப்³ராஹ்மண, ததியாபி⁴னிப்³பி⁴தா³ அஹோஸி – குக்குடச்சா²பகஸ்ஸேவ அண்ட³கோஸம்ஹா’’தி.
15. ஏவங்
வுத்தே, வேரஞ்ஜோ ப்³ராஹ்மணோ ப⁴க³வந்தங் ஏதத³வோச – ‘‘ஜெட்டோ² ப⁴வங் கோ³தமோ,
ஸெட்டோ² ப⁴வங் கோ³தமோ! அபி⁴க்கந்தங், போ⁴ கோ³தம, அபி⁴க்கந்தங், போ⁴
கோ³தம!! ஸெய்யதா²பி, போ⁴ கோ³தம, நிக்குஜ்ஜிதங் வா உக்குஜ்ஜெய்ய,
படிச்ச²ன்னங் வா விவரெய்ய, மூள்ஹஸ்ஸ வா மக்³க³ங் ஆசிக்கெ²ய்ய, அந்த⁴காரே வா
தேலபஜ்ஜோதங் தா⁴ரெய்ய – சக்கு²மந்தோ ரூபானி த³க்க²ந்தீதி, ஏவமேவங் போ⁴தா
கோ³தமேன அனேகபரியாயேன த⁴ம்மோ பகாஸிதோ . ஏஸாஹங்
ப⁴வந்தங் கோ³தமங் ஸரணங் க³ச்சா²மி த⁴ம்மஞ்ச பி⁴க்கு²ஸங்க⁴ஞ்ச. உபாஸகங் மங்
ப⁴வங் கோ³தமோ தா⁴ரேது அஜ்ஜதக்³கே³ பாணுபேதங் ஸரணங் க³தங். அதி⁴வாஸேது ச மே
ப⁴வங் கோ³தமோ வேரஞ்ஜாயங் வஸ்ஸாவாஸங் ஸத்³தி⁴ங் பி⁴க்கு²ஸங்கே⁴னா’’தி.
அதி⁴வாஸேஸி ப⁴க³வா துண்ஹீபா⁴வேன. அத² கோ² வேரஞ்ஜோ ப்³ராஹ்மணோ ப⁴க³வதோ
அதி⁴வாஸனங் விதி³த்வா உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங்
கத்வா பக்காமி.
16. தேன
கோ² பன ஸமயேன வேரஞ்ஜா து³ப்³பி⁴க்கா² ஹோதி த்³வீஹிதிகா ஸேதட்டி²கா
ஸலாகாவுத்தா ந ஸுகரா உஞ்சே²ன பக்³க³ஹேன யாபேதுங். தேன கோ² பன ஸமயேன
உத்தராபத²கா [உத்தராஹகா (ஸீ॰)] அஸ்ஸவாணிஜா [அஸ்ஸவணிஜா (க॰)] பஞ்சமத்தேஹி அஸ்ஸஸதேஹி வேரஞ்ஜங் வஸ்ஸாவாஸங் உபக³தா ஹொந்தி. தேஹி அஸ்ஸமண்ட³லிகாஸு பி⁴க்கூ²னங் பத்த²பத்த²புலகங் [பத்த²பத்த²மூலகங் (க॰)]
பஞ்ஞத்தங் ஹோதி. பி⁴க்கூ² புப்³ப³ண்ஹஸமயங் நிவாஸெத்வா பத்தசீவரமாதா³ய
வேரஞ்ஜங் பிண்டா³ய பவிஸித்வா பிண்ட³ங் அலப⁴மானா அஸ்ஸமண்ட³லிகாஸு பிண்டா³ய
சரித்வா பத்த²பத்த²புலகங் ஆராமங் ஆஹரித்வா உது³க்க²லே கொட்டெத்வா
கொட்டெத்வா பரிபு⁴ஞ்ஜந்தி. ஆயஸ்மா பனானந்தோ³ பத்த²புலகங் ஸிலாயங் பிஸித்வா
ப⁴க³வதோ உபனாமேதி. தங் ப⁴க³வா பரிபு⁴ஞ்ஜதி.
அஸ்ஸோஸி கோ² ப⁴க³வா உது³க்க²லஸத்³த³ங். ஜானந்தாபி
ததா²க³தா புச்ச²ந்தி, ஜானந்தாபி ந புச்ச²ந்தி; காலங் விதி³த்வா புச்ச²ந்தி,
காலங் விதி³த்வா ந புச்ச²ந்தி; அத்த²ஸங்ஹிதங்
ததா²க³தா புச்ச²ந்தி, நோ அனத்த²ஸங்ஹிதங். அனத்த²ஸங்ஹிதே ஸேதுகா⁴தோ
ததா²க³தானங். த்³வீஹி ஆகாரேஹி பு³த்³தா⁴ ப⁴க³வந்தோ பி⁴க்கூ² படிபுச்ச²ந்தி –
த⁴ம்மங் வா தே³ஸெஸ்ஸாம, ஸாவகானங் வா ஸிக்கா²பத³ங் பஞ்ஞபெஸ்ஸாமாதி [பஞ்ஞாபெஸ்ஸாமாதி (ஸீ॰ ஸ்யா॰)].
அத² கோ² ப⁴க³வா ஆயஸ்மந்தங் ஆனந்த³ங் ஆமந்தேஸி – ‘‘கிங் நு கோ² ஸோ, ஆனந்த³,
உது³க்க²லஸத்³தோ³’’தி? அத² கோ² ஆயஸ்மா ஆனந்தோ³ ப⁴க³வதோ ஏதமத்த²ங் ஆரோசேஸி . ‘‘ஸாது⁴ ஸாது⁴, ஆனந்த³! தும்ஹேஹி, ஆனந்த³ ஸப்புரிஸேஹி விஜிதங். பச்சி²மா ஜனதா ஸாலிமங்ஸோத³னங் அதிமஞ்ஞிஸ்ஸதீ’’தி.
17. அத² கோ² ஆயஸ்மா மஹாமொக்³க³ல்லானோ [மஹாமொக்³க³லானோ (க॰)]
யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³. ஏகமந்தங் நிஸின்னோ கோ² ஆயஸ்மா மஹாமொக்³க³ல்லானோ ப⁴க³வந்தங்
ஏதத³வோச – ‘‘ஏதரஹி, ப⁴ந்தே, வேரஞ்ஜா து³ப்³பி⁴க்கா² த்³வீஹிதிகா ஸேதட்டி²கா
ஸலாகாவுத்தா. ந ஸுகரா உஞ்சே²ன பக்³க³ஹேன யாபேதுங். இமிஸ்ஸா, ப⁴ந்தே,
மஹாபத²வியா ஹெட்டி²மதலங் ஸம்பன்னங் – ஸெய்யதா²பி கு²த்³த³மது⁴ங் அனீலகங்
ஏவமஸ்ஸாத³ங். ஸாதா⁴ஹங், ப⁴ந்தே, பத²விங் பரிவத்தெய்யங். பி⁴க்கூ²
பப்படகோஜங் பரிபு⁴ஞ்ஜிஸ்ஸந்தீ’’தி. ‘‘யே பன தே, மொக்³க³ல்லான,
பத²வினிஸ்ஸிதா பாணா தே கத²ங் கரிஸ்ஸஸீ’’தி? ‘‘ஏகாஹங், ப⁴ந்தே, பாணிங்
அபி⁴னிம்மினிஸ்ஸாமி – ஸெய்யதா²பி மஹாபத²வீ. யே பத²வினிஸ்ஸிதா பாணா தே தத்த²
ஸங்காமெஸ்ஸாமி. ஏகேன ஹத்தே²ன பத²விங் பரிவத்தெஸ்ஸாமீ’’தி. ‘‘அலங்,
மொக்³க³ல்லான, மா தே ருச்சி பத²விங் பரிவத்தேதுங்.
விபல்லாஸம்பி ஸத்தா படிலபெ⁴ய்யு’’ந்தி. ‘‘ஸாது⁴, ப⁴ந்தே, ஸப்³போ³
பி⁴க்கு²ஸங்கோ⁴ உத்தரகுருங் பிண்டா³ய க³ச்செ²ய்யா’’தி. ‘‘அலங்,
மொக்³க³ல்லான, மா தே ருச்சி ஸப்³ப³ஸ்ஸ பி⁴க்கு²ஸங்க⁴ஸ்ஸ உத்தரகுருங்
பிண்டா³ய க³மன’’ந்தி.
18. அத²
கோ² ஆயஸ்மதோ ஸாரிபுத்தஸ்ஸ ரஹோக³தஸ்ஸ படிஸல்லீனஸ்ஸ ஏவங் சேதஸோ பரிவிதக்கோ
உத³பாதி³ – ‘‘கதமேஸானங் கோ² பு³த்³தா⁴னங் ப⁴க³வந்தானங் ப்³ரஹ்மசரியங் ந
சிரட்டி²திகங் அஹோஸி; கதமேஸானங் பு³த்³தா⁴னங் ப⁴க³வந்தானங் ப்³ரஹ்மசரியங்
சிரட்டி²திகங் அஹோஸீ’’தி? அத² கோ² ஆயஸ்மா ஸாரிபுத்தோ ஸாயன்ஹஸமயங் [ஸாயண்ஹஸமயங் (ஸீ॰)]
படிஸல்லானா வுட்டி²தோ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா ஸாரிபுத்தோ
ப⁴க³வந்தங் ஏதத³வோச – ‘‘இத⁴ மய்ஹங், ப⁴ந்தே, ரஹோக³தஸ்ஸ படிஸல்லீனஸ்ஸ ஏவங்
சேதஸோ பரிவிதக்கோ உத³பாதி³ – ‘கதமேஸானங் கோ² பு³த்³தா⁴னங் ப⁴க³வந்தானங்
ப்³ரஹ்மசரியங் ந சிரட்டி²திகங் அஹோஸி, கதமேஸானங் பு³த்³தா⁴னங் ப⁴க³வந்தானங்
ப்³ரஹ்மசரியங் சிரட்டி²திகங் அஹோஸீ’தி. ‘கதமேஸானங் நு கோ², ப⁴ந்தே,
பு³த்³தா⁴னங் ப⁴க³வந்தானங் ப்³ரஹ்மசரியங் ந சிரட்டி²திகங் அஹோஸி, கதமேஸானங்
பு³த்³தா⁴னங் ப⁴க³வந்தானங் ப்³ரஹ்மசரியங் சிரட்டி²திகங் அஹோஸீ’’’தி?
‘‘ப⁴க³வதோ ச, ஸாரிபுத்த, விபஸ்ஸிஸ்ஸ ப⁴க³வதோ ச
ஸிகி²ஸ்ஸ ப⁴க³வதோ ச வெஸ்ஸபு⁴ஸ்ஸ ப்³ரஹ்மசரியங் ந சிரட்டி²திகங் அஹோஸி.
ப⁴க³வதோ ச, ஸாரிபுத்த, ககுஸந்த⁴ஸ்ஸ ப⁴க³வதோ ச கோணாக³மனஸ்ஸ ப⁴க³வதோ ச
கஸ்ஸபஸ்ஸ ப்³ரஹ்மசரியங் சிரட்டி²திகங் அஹோஸீ’’தி.
19. ‘‘கோ நு கோ² ,
ப⁴ந்தே, ஹேது கோ பச்சயோ, யேன ப⁴க³வதோ ச விபஸ்ஸிஸ்ஸ ப⁴க³வதோ ச ஸிகி²ஸ்ஸ
ப⁴க³வதோ ச வெஸ்ஸபு⁴ஸ்ஸ ப்³ரஹ்மசரியங் ந சிரட்டி²திகங் அஹோஸீ’’தி? ‘‘ப⁴க³வா
ச, ஸாரிபுத்த, விபஸ்ஸீ ப⁴க³வா ச ஸிகீ² ப⁴க³வா ச வெஸ்ஸபூ⁴ கிலாஸுனோ அஹேஸுங்
ஸாவகானங் வித்தா²ரேன த⁴ம்மங் தே³ஸேதுங். அப்பகஞ்ச நேஸங் அஹோஸி ஸுத்தங்
கெ³ய்யங் வெய்யாகரணங் கா³தா² உதா³னங் இதிவுத்தகங் ஜாதகங் அப்³பு⁴தத⁴ம்மங்
வேத³ல்லங். அபஞ்ஞத்தங் ஸாவகானங் ஸிக்கா²பத³ங். அனுத்³தி³ட்ட²ங்
பாதிமொக்க²ங். தேஸங் பு³த்³தா⁴னங் ப⁴க³வந்தானங் அந்தரதா⁴னேன
பு³த்³தா⁴னுபு³த்³தா⁴னங் ஸாவகானங் அந்தரதா⁴னேன யே தே பச்சி²மா ஸாவகா
நானானாமா நானாகொ³த்தா நானாஜச்சா நானாகுலா பப்³ப³ஜிதா தே தங் ப்³ரஹ்மசரியங்
கி²ப்பஞ்ஞேவ அந்தரதா⁴பேஸுங். ஸெய்யதா²பி, ஸாரிபுத்த, நானாபுப்பா²னி ப²லகே
நிக்கி²த்தானி ஸுத்தேன அஸங்க³ஹிதானி தானி வாதோ விகிரதி வித⁴மதி
வித்³த⁴ங்ஸேதி. தங் கிஸ்ஸ ஹேது? யதா² தங் ஸுத்தேன அஸங்க³ஹிதத்தா. ஏவமேவ
கோ², ஸாரிபுத்த, தேஸங் பு³த்³தா⁴னங் ப⁴க³வந்தானங் அந்தரதா⁴னேன
பு³த்³தா⁴னுபு³த்³தா⁴னங் ஸாவகானங் அந்தரதா⁴னேன யே தே பச்சி²மா ஸாவகா
நானானாமா நானாகொ³த்தா நானாஜச்சா நானாகுலா பப்³ப³ஜிதா தே தங் ப்³ரஹ்மசரியங்
கி²ப்பஞ்ஞேவ அந்தரதா⁴பேஸுங்.
‘‘அகிலாஸுனோ ச தே ப⁴க³வந்தோ அஹேஸுங் ஸாவகே சேதஸா சேதோ பரிச்ச ஓவதி³துங். பூ⁴தபுப்³ப³ங், ஸாரிபுத்த, வெஸ்ஸபூ⁴ ப⁴க³வா அரஹங் ஸம்மாஸம்பு³த்³தோ⁴ அஞ்ஞதரஸ்மிங் பி⁴ங்ஸனகே [பீ⁴ஸனகே (க॰)] வனஸண்டே³ ஸஹஸ்ஸங் பி⁴க்கு²ஸங்க⁴ங் சேதஸா சேதோ பரிச்ச ஓவத³தி அனுஸாஸதி – ‘ஏவங் விதக்கேத², மா ஏவங் விதக்கயித்த²; ஏவங் மனஸிகரோத², மா ஏவங் மனஸாகத்த² [மனஸாகரித்த² (க॰)];
இத³ங் பஜஹத², இத³ங் உபஸம்பஜ்ஜ விஹரதா²’தி. அத² கோ², ஸாரிபுத்த, தஸ்ஸ
பி⁴க்கு²ஸஹஸ்ஸஸ்ஸ வெஸ்ஸபு⁴னா ப⁴க³வதா அரஹதா ஸம்மாஸம்பு³த்³தே⁴ன ஏவங்
ஓவதி³யமானானங் ஏவங் அனுஸாஸியமானானங் அனுபாதா³ய ஆஸவேஹி சித்தானி
விமுச்சிங்ஸு. தத்ர ஸுத³ங், ஸாரிபுத்த, பி⁴ங்ஸனகஸ்ஸ வனஸண்ட³ஸ்ஸ
பி⁴ங்ஸனகதஸ்மிங் ஹோதி – யோ கோசி அவீதராகோ³ தங் வனஸண்ட³ங் பவிஸதி,
யேபு⁴ய்யேன லோமானி ஹங்ஸந்தி. அயங் கோ², ஸாரிபுத்த, ஹேது அயங் பச்சயோ யேன
ப⁴க³வதோ ச விபஸ்ஸிஸ்ஸ ப⁴க³வதோ ச ஸிகி²ஸ்ஸ ப⁴க³வதோ ச வெஸ்ஸபு⁴ஸ்ஸ
ப்³ரஹ்மசரியங் ந சிரட்டி²திகங் அஹோஸீ’’தி.
20. ‘‘கோ
பன, ப⁴ந்தே, ஹேது கோ பச்சயோ யேன ப⁴க³வதோ ச ககுஸந்த⁴ஸ்ஸ ப⁴க³வதோ ச
கோணாக³மனஸ்ஸ ப⁴க³வதோ ச கஸ்ஸபஸ்ஸ ப்³ரஹ்மசரியங் சிரட்டி²திகங் அஹோஸீ’’தி?
‘‘ப⁴க³வா ச, ஸாரிபுத்த, ககுஸந்தோ⁴ ப⁴க³வா ச
கோணாக³மனோ ப⁴க³வா ச கஸ்ஸபோ அகிலாஸுனோ அஹேஸுங் ஸாவகானங் வித்தா²ரேன த⁴ம்மங்
தே³ஸேதுங். ப³ஹுஞ்ச நேஸங் அஹோஸி ஸுத்தங் கெ³ய்யங் வெய்யாகரணங் கா³தா²
உதா³னங் இதிவுத்தகங் ஜாதகங் அப்³பு⁴தத⁴ம்மங் வேத³ல்லங், பஞ்ஞத்தங் ஸாவகானங்
ஸிக்கா²பத³ங், உத்³தி³ட்ட²ங் பாதிமொக்க²ங். தேஸங் பு³த்³தா⁴னங்
ப⁴க³வந்தானங் அந்தரதா⁴னேன பு³த்³தா⁴னுபு³த்³தா⁴னங் ஸாவகானங் அந்தரதா⁴னேன யே
தே பச்சி²மா ஸாவகா நானானாமா நானாகொ³த்தா நானாஜச்சா நானாகுலா பப்³ப³ஜிதா தே
தங் ப்³ரஹ்மசரியங் சிரங் தீ³க⁴மத்³தா⁴னங்
ட²பேஸுங். ஸெய்யதா²பி, ஸாரிபுத்த, நானாபுப்பா²னி ப²லகே நிக்கி²த்தானி
ஸுத்தேன ஸுஸங்க³ஹிதானி தானி வாதோ ந விகிரதி ந வித⁴மதி ந வித்³த⁴ங்ஸேதி. தங்
கிஸ்ஸ ஹேது? யதா² தங் ஸுத்தேன ஸுஸங்க³ஹிதத்தா. ஏவமேவ கோ², ஸாரிபுத்த,
தேஸங் பு³த்³தா⁴னங் ப⁴க³வந்தானங் அந்தரதா⁴னேன பு³த்³தா⁴னுபு³த்³தா⁴னங்
ஸாவகானங் அந்தரதா⁴னேன யே தே பச்சி²மா ஸாவகா நானானாமா நானாகொ³த்தா நானாஜச்சா
நானாகுலா பப்³ப³ஜிதா தே தங் ப்³ரஹ்மசரியங் சிரங் தீ³க⁴மத்³தா⁴னங்
ட²பேஸுங். அயங் கோ², ஸாரிபுத்த, ஹேது அயங் பச்சயோ யேன ப⁴க³வதோ ச
ககுஸந்த⁴ஸ்ஸ ப⁴க³வதோ ச கோணாக³மனஸ்ஸ ப⁴க³வதோ ச கஸ்ஸபஸ்ஸ ப்³ரஹ்மசரியங்
சிரட்டி²திகங் அஹோஸீ’’தி.
21.
அத² கோ² ஆயஸ்மா ஸாரிபுத்தோ உட்டா²யாஸனா ஏகங்ஸங் உத்தராஸங்க³ங் கரித்வா யேன
ப⁴க³வா தேனஞ்ஜலிங் பணாமெத்வா ப⁴க³வந்தங் ஏதத³வோச – ‘‘ஏதஸ்ஸ, ப⁴க³வா, காலோ!
ஏதஸ்ஸ, ஸுக³த, காலோ! யங் ப⁴க³வா ஸாவகானங் ஸிக்கா²பத³ங் பஞ்ஞபெய்ய [பஞ்ஞாபெய்ய (ஸீ॰ ஸ்யா॰)], உத்³தி³ஸெய்ய பாதிமொக்க²ங், யத²யித³ங் ப்³ரஹ்மசரியங் அத்³த⁴னியங் அஸ்ஸ சிரட்டி²திக’’ந்தி. ‘‘ஆக³மேஹி த்வங், ஸாரிபுத்த ! ஆக³மேஹி த்வங், ஸாரிபுத்த! ததா²க³தோவ தத்த² காலங் ஜானிஸ்ஸதி. ந தாவ, ஸாரிபுத்த, ஸத்தா² ஸாவகானங் ஸிக்கா²பத³ங் பஞ்ஞபேதி உத்³தி³ஸதி [ந உத்³தி³ஸதி (ஸீ॰)]
பாதிமொக்க²ங் யாவ ந இதே⁴கச்சே ஆஸவட்டா²னீயா த⁴ம்மா ஸங்கே⁴ பாதுப⁴வந்தி.
யதோ ச கோ², ஸாரிபுத்த, இதே⁴கச்சே ஆஸவட்டா²னீயா த⁴ம்மா ஸங்கே⁴ பாதுப⁴வந்தி,
அத² ஸத்தா² ஸாவகானங் ஸிக்கா²பத³ங் பஞ்ஞபேதி
உத்³தி³ஸ்ஸதி பாதிமொக்க²ங் தேஸங்யேவ ஆஸவட்டா²னீயானங் த⁴ம்மானங் படிகா⁴தாய. ந
தாவ, ஸாரிபுத்த, இதே⁴கச்சே ஆஸவட்டா²னீயா த⁴ம்மா ஸங்கே⁴ பாதுப⁴வந்தி யாவ ந
ஸங்கோ⁴ ரத்தஞ்ஞுமஹத்தங் பத்தோ ஹோதி. யதோ ச கோ², ஸாரிபுத்த, ஸங்கோ⁴
ரத்தஞ்ஞுமஹத்தங் பத்தோ ஹோதி அத² இதே⁴கச்சே ஆஸவட்டா²னீயா த⁴ம்மா ஸங்கே⁴ பாதுப⁴வந்தி, அத², ஸத்தா² ஸாவகானங் ஸிக்கா²பத³ங் பஞ்ஞபேதி
உத்³தி³ஸதி பாதிமொக்க²ங் தேஸங்யேவ ஆஸவட்டா²னீயானங் த⁴ம்மானங் படிகா⁴தாய. ந
தாவ, ஸாரிபுத்த, இதே⁴கச்சே ஆஸவட்டா²னீயா த⁴ம்மா ஸங்கே⁴ பாதுப⁴வந்தி, யாவ ந
ஸங்கோ⁴ வேபுல்லமஹத்தங் பத்தோ ஹோதி. யதோ ச கோ², ஸாரிபுத்த, ஸங்கோ⁴
வேபுல்லமஹத்தங் பத்தோ ஹோதி, அத² இதே⁴கச்சே ஆஸவட்டா²னீயா த⁴ம்மா ஸங்கே⁴
பாதுப⁴வந்தி, அத² ஸத்தா² ஸாவகானங் ஸிக்கா²பத³ங் பஞ்ஞபேதி உத்³தி³ஸதி
பாதிமொக்க²ங் தேஸங்யேவ ஆஸவட்டா²னீயானங் த⁴ம்மானங் படிகா⁴தாய. ந தாவ,
ஸாரிபுத்த, இதே⁴கச்சே ஆஸவட்டா²னீயா த⁴ம்மா ஸங்கே⁴ பாதுப⁴வந்தி, யாவ ந
ஸங்கோ⁴ லாப⁴க்³க³மஹத்தங் பத்தோ ஹோதி. யதோ ச கோ², ஸாரிபுத்த, ஸங்கோ⁴
லாப⁴க்³க³மஹத்தங் பத்தோ ஹோதி, அத² இதே⁴கச்சே ஆஸவட்டா²னீயா த⁴ம்மா ஸங்கே⁴
பாதுப⁴வந்தி, அத² ஸத்தா² ஸாவகானங் ஸிக்கா²பத³ங் பஞ்ஞபேதி உத்³தி³ஸதி
பாதிமொக்க²ங் தேஸங்யேவ ஆஸவட்டா²னீயானங் த⁴ம்மானங் படிகா⁴தாய. ந தாவ,
ஸாரிபுத்த, இதே⁴கச்சே ஆஸவட்டா²னீயா த⁴ம்மா ஸங்கே⁴ பாதுப⁴வந்தி, யாவ ந
ஸங்கோ⁴ பா³ஹுஸச்சமஹத்தங் பத்தோ ஹோதி. யதோ ச கோ², ஸாரிபுத்த, ஸங்கோ⁴
பா³ஹுஸச்சமஹத்தங் பத்தோ ஹோதி, அத² இதே⁴கச்சே ஆஸவட்டா²னீயா த⁴ம்மா ஸங்கே⁴
பாதுப⁴வந்தி, அத² ஸத்தா² ஸாவகானங் ஸிக்கா²பத³ங் பஞ்ஞபேதி உத்³தி³ஸதி
பாதிமொக்க²ங் தேஸங்யேவ ஆஸவட்டா²னீயானங் த⁴ம்மானங் படிகா⁴தாய. நிரப்³பு³தோ³
ஹி, ஸாரிபுத்த, பி⁴க்கு²ஸங்கோ⁴ நிராதீ³னவோ அபக³தகாளகோ ஸுத்³தோ⁴ ஸாரே
பதிட்டி²தோ. இமேஸஞ்ஹி, ஸாரிபுத்த, பஞ்சன்னங் பி⁴க்கு²ஸதானங் யோ பச்சி²மகோ
பி⁴க்கு² ஸோ ஸோதாபன்னோ அவினிபாதத⁴ம்மோ நியதோ ஸம்போ³தி⁴பராயணோ’’தி.
22.
அத² கோ² ப⁴க³வா ஆயஸ்மந்தங் ஆனந்த³ங் ஆமந்தேஸி – ‘‘ஆசிண்ணங் கோ² பனேதங்,
ஆனந்த³, ததா²க³தானங் யேஹி நிமந்திதா வஸ்ஸங் வஸந்தி, ந தே அனபலோகெத்வா
ஜனபத³சாரிகங் பக்கமந்தி. ஆயாமானந்த³, வேரஞ்ஜங் ப்³ராஹ்மணங்
அபலோகெஸ்ஸாமா’’தி. ‘‘ஏவங் ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ
பச்சஸ்ஸோஸி. அத² கோ² ப⁴க³வா நிவாஸெத்வா பத்தசீவரமாதா³ய ஆயஸ்மதா ஆனந்தே³ன
பச்சா²ஸமணேன யேன வேரஞ்ஜஸ்ஸ ப்³ராஹ்மணஸ்ஸ நிவேஸனங் தேனுபஸங்கமி;
உபஸங்கமித்வா பஞ்ஞத்தே ஆஸனே நிஸீதி³. அத² கோ² வேரஞ்ஜோ ப்³ராஹ்மணோ யேன ப⁴க³வா தேனுபஸங்கமி ;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னங் கோ² வேரஞ்ஜங் ப்³ராஹ்மணங் ப⁴க³வா ஏதத³வோச – ‘‘நிமந்திதம்ஹ தயா,
ப்³ராஹ்மண , வஸ்ஸங்வுட்டா² [வஸ்ஸங்வுத்தா² (ஸீ॰ ஸ்யா॰ க॰)],
அபலோகேம தங், இச்சா²ம மயங் ஜனபத³சாரிகங் பக்கமிது’’ந்தி. ‘‘ஸச்சங், போ⁴
கோ³தம, நிமந்திதத்த² மயா வஸ்ஸங்வுட்டா²; அபி ச, யோ தெ³ய்யத⁴ம்மோ ஸோ ந
தி³ன்னோ. தஞ்ச கோ² நோ அஸந்தங், நோபி அதா³துகம்யதா, தங் குதெத்த² லப்³பா⁴
ப³ஹுகிச்சா க⁴ராவாஸா ப³ஹுகரணீயா. அதி⁴வாஸேது மே ப⁴வங் கோ³தமோ ஸ்வாதனாய
ப⁴த்தங் ஸத்³தி⁴ங் பி⁴க்கு²ஸங்கே⁴னா’’தி. அதி⁴வாஸேஸி ப⁴க³வா துண்ஹீபா⁴வேன.
அத² கோ² ப⁴க³வா வேரஞ்ஜங் ப்³ராஹ்மணங் த⁴ம்மியா கதா²ய ஸந்த³ஸ்ஸெத்வா
ஸமாத³பெத்வா ஸமுத்தேஜெத்வா ஸம்பஹங்ஸெத்வா உட்டா²யாஸனா
பக்காமி. அத² கோ² வேரஞ்ஜோ ப்³ராஹ்மணோ தஸ்ஸா ரத்தியா அச்சயேன ஸகே நிவேஸனே
பணீதங் கா²த³னீயங் போ⁴ஜனீயங் படியாதா³பெத்வா ப⁴க³வதோ காலங் ஆரோசாபேஸி –
‘‘காலோ, போ⁴ கோ³தம, நிட்டி²தங் ப⁴த்த’’ந்தி.
23.
அத² கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய யேன வேரஞ்ஜஸ்ஸ
ப்³ராஹ்மணஸ்ஸ நிவேஸனங் தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³
ஸத்³தி⁴ங் பி⁴க்கு²ஸங்கே⁴ன. அத² கோ² வேரஞ்ஜோ ப்³ராஹ்மணோ பு³த்³த⁴ப்பமுக²ங்
பி⁴க்கு²ஸங்க⁴ங் பணீதேன கா²த³னீயேன போ⁴ஜனீயேன ஸஹத்தா² ஸந்தப்பெத்வா
ஸம்பவாரெத்வா ப⁴க³வந்தங் பு⁴த்தாவிங் ஓனீதபத்தபாணிங் [ஓணீதபத்தபாணிங் (க॰)]
திசீவரேன அச்சா²தே³ஸி, ஏகமேகஞ்ச பி⁴க்கு²ங் ஏகமேகேன து³ஸ்ஸயுகே³ன
அச்சா²தே³ஸி. அத² கோ² ப⁴க³வா வேரஞ்ஜங் ப்³ராஹ்மணங் த⁴ம்மியா கதா²ய
ஸந்த³ஸ்ஸெத்வா ஸமாத³பெத்வா ஸமுத்தேஜெத்வா ஸம்பஹங்ஸெத்வா உட்டா²யாஸனா
பக்காமி. அத² கோ² ப⁴க³வா வேரஞ்ஜாயங் யதா²பி⁴ரந்தங் விஹரித்வா அனுபக³ம்ம
ஸோரெய்யங் ஸங்கஸ்ஸங் கண்ணகுஜ்ஜங் யேன பயாக³பதிட்டா²னங் தேனுபஸங்கமி;
உபஸங்கமித்வா பயாக³பதிட்டா²னே க³ங்க³ங் நதி³ங் உத்தரித்வா யேன பா³ராணஸீ
தத³வஸரி. அத² கோ² ப⁴க³வா பா³ராணஸியங் யதா²பி⁴ரந்தங் விஹரித்வா யேன வேஸாலீ
தேன சாரிகங் பக்காமி. அனுபுப்³பே³ன சாரிகங் சரமானோ யேன வேஸாலீ தத³வஸரி.
தத்ர ஸுத³ங் ப⁴க³வா வேஸாலியங் விஹரதி மஹாவனே கூடாகா³ரஸாலாயந்தி.
வேரஞ்ஜபா⁴ணவாரோ நிட்டி²தோ.
1. பாராஜிககண்ட³ங்
1. பட²மபாராஜிகங்
ஸுதி³ன்னபா⁴ணவாரோ
24. தேன கோ² பன ஸமயேன வேஸாலியா அவிதூ³ரே கலந்த³கா³மோ நாம அத்தி² [கலந்த³கா³மோ நாம ஹோதி (ஸீ॰), கலந்த³கா³மோ ஹோதி (ஸ்யா॰)]. தத்த² ஸுதி³ன்னோ நாம கலந்த³புத்தோ ஸெட்டி²புத்தோ ஹோதி. அத² கோ² ஸுதி³ன்னோ கலந்த³புத்தோ ஸம்ப³ஹுலேஹி [ஸம்பஹூலேஹி (ஸீ॰)] ஸஹாயகேஹி ஸத்³தி⁴ங் வேஸாலிங் அக³மாஸி கேனசிதே³வ கரணீயேன .
தேன கோ² பன ஸமயேன ப⁴க³வா மஹதியா பரிஸாய பரிவுதோ த⁴ம்மங் தே³ஸெந்தோ
நிஸின்னோ ஹோதி. அத்³த³ஸ கோ² ஸுதி³ன்னோ கலந்த³புத்தோ ப⁴க³வந்தங் மஹதியா
பரிஸாய பரிவுதங் த⁴ம்மங் தே³ஸெந்தங் நிஸின்னங். தி³ஸ்வானஸ்ஸ ஏதத³ஹோஸி –
‘‘யங்னூனாஹம்பி த⁴ம்மங் ஸுணெய்ய’’ந்தி. அத² கோ² ஸுதி³ன்னோ கலந்த³புத்தோ யேன
ஸா பரிஸா தேனுபஸங்கமி; உபஸங்கமித்வா ஏகமந்தங் நிஸீதி³. ஏகமந்தங்
நிஸின்னஸ்ஸ கோ² ஸுதி³ன்னஸ்ஸ கலந்த³புத்தஸ்ஸ ஏதத³ஹோஸி – ‘‘யதா² யதா² கோ²
அஹங் ப⁴க³வதா த⁴ம்மங் தே³ஸிதங் ஆஜானாமி, நயித³ங் ஸுகரங் அகா³ரங் அஜ்ஜா²வஸதா
ஏகந்தபரிபுண்ணங் ஏகந்தபரிஸுத்³த⁴ங் ஸங்க²லிகி²தங் ப்³ரஹ்மசரியங் சரிதுங்;
யங்னூனாஹங் கேஸமஸ்ஸுங் ஓஹாரெத்வா காஸாயானி வத்தா²னி அச்சா²தெ³த்வா
அகா³ரஸ்மா அனகா³ரியங் பப்³ப³ஜெய்ய’’ந்தி. அத² கோ² ஸா பரிஸா ப⁴க³வதா
த⁴ம்மியா கதா²ய ஸந்த³ஸ்ஸிதா ஸமாத³பிதா ஸமுத்தேஜிதா ஸம்பஹங்ஸிதா உட்டா²யாஸனா
ப⁴க³வந்தங் அபி⁴வாதெ³த்வா பத³க்கி²ணங் கத்வா பக்காமி.
25. அத²
கோ² ஸுதி³ன்னோ கலந்த³புத்தோ அசிரவுட்டி²தாய பரிஸாய யேன ப⁴க³வா
தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³.
ஏகமந்தங் நிஸின்னோ கோ² ஸுதி³ன்னோ கலந்த³புத்தோ ப⁴க³வந்தங் ஏதத³வோச – ‘‘யதா²
யதா²ஹங், ப⁴ந்தே, ப⁴க³வதா த⁴ம்மங் தே³ஸிதங் ஆஜானாமி ,
நயித³ங் ஸுகரங் அகா³ரங் அஜ்ஜா²வஸதா ஏகந்தபரிபுண்ணங் ஏகந்தபரிஸுத்³த⁴ங்
ஸங்க²லிகி²தங் ப்³ரஹ்மசரியங் சரிதுங்; இச்சா²மஹங், ப⁴ந்தே, கேஸமஸ்ஸுங்
ஓஹாரெத்வா காஸாயானி வத்தா²னி அச்சா²தெ³த்வா அகா³ரஸ்மா அனகா³ரியங்
பப்³ப³ஜிதுங். பப்³பா³ஜேது மங் ப⁴க³வா’’தி. ‘‘அனுஞ்ஞாதோஸி பன த்வங்,
ஸுத்³தி³ன்ன, மாதாபிதூஹி அகா³ரஸ்மா அனகா³ரியங் பப்³ப³ஜ்ஜாயா’’தி? ‘‘ந கோ²
அஹங், ப⁴ந்தே, அனுஞ்ஞாதோ மாதாபிதூஹி அகா³ரஸ்மா அனகா³ரியங்
பப்³ப³ஜ்ஜாயா’’தி. ‘‘ந கோ², ஸுதி³ன்ன, ததா²க³தா அனநுஞ்ஞாதங் மாதாபிதூஹி
புத்தங் பப்³பா³ஜெந்தீ’’தி. ‘‘ஸோஹங், ப⁴ந்தே, ததா² கரிஸ்ஸாமி யதா² மங்
மாதாபிதரோ அனுஜானிஸ்ஸந்தி அகா³ரஸ்மா அனகா³ரியங் பப்³ப³ஜ்ஜாயா’’தி.
26.
அத² கோ² ஸுதி³ன்னோ கலந்த³புத்தோ வேஸாலியங் தங் கரணீயங் தீரெத்வா யேன
கலந்த³கா³மோ யேன மாதாபிதரோ தேனுபஸங்கமி; உபஸங்கமித்வா மாதாபிதரோ ஏதத³வோச –
‘‘அம்மதாதா, யதா² யதா²ஹங் ப⁴க³வதா த⁴ம்மங் தே³ஸிதங் ஆஜானாமி, நயித³ங்
ஸுகரங் அகா³ரங் அஜ்ஜா²வஸதா ஏகந்தபரிபுண்ணங் ஏகந்தபரிஸுத்³த⁴ங் ஸங்க²லிகி²தங் ப்³ரஹ்மசரியங் சரிதுங்; இச்சா²மஹங் கேஸமஸ்ஸுங் ஓஹாரெத்வா காஸாயானி வத்தா²னி அச்சா²தெ³த்வா அகா³ரஸ்மா அனகா³ரியங்
பப்³ப³ஜிதுங். அனுஜானாத² மங் அகா³ரஸ்மா அனகா³ரியங் பப்³ப³ஜ்ஜாயா’’தி. ஏவங்
வுத்தே ஸுதி³ன்னஸ்ஸ கலந்த³புத்தஸ்ஸ மாதாபிதரோ ஸுதி³ன்னங் கலந்த³புத்தங்
ஏதத³வோசுங் – ‘‘த்வங் கோ²ஸி, தாத ஸுதி³ன்ன, அம்ஹாகங் ஏகபுத்தகோ பியோ மனாபோ
ஸுகே²தி⁴தோ ஸுக²பரிஹதோ. ந த்வங், தாத ஸுதி³ன்ன, கிஞ்சி து³க்க²ஸ்ஸ ஜானாஸி.
மரணேனபி மயங் தே அகாமகா வினா ப⁴விஸ்ஸாம, கிங் பன மயங் தங் ஜீவந்தங்
அனுஜானிஸ்ஸாம அகா³ரஸ்மா அனகா³ரியங் பப்³ப³ஜ்ஜாயா’’தி. து³தியம்பி கோ²
ஸுதி³ன்னோ கலந்த³புத்தோ மாதாபிதரோ ஏதத³வோச – ‘‘அம்மதாதா, யதா² யதா²ஹங்
ப⁴க³வதா த⁴ம்மங் தே³ஸிதங் ஆஜானாமி, நயித³ங் ஸுகரங் அகா³ரங் அஜ்ஜா²வஸதா
ஏகந்தபரிபுண்ணங் ஏகந்தபரிஸுத்³த⁴ங் ஸங்க²லிகி²தங் ப்³ரஹ்மசரியங் சரிதுங்;
இச்சா²மஹங் கேஸமஸ்ஸுங் ஓஹாரெத்வா காஸாயானி வத்தா²னி அச்சா²தெ³த்வா
அகா³ரஸ்மா அனகா³ரியங் பப்³ப³ஜிதுங். அனுஜானாத² மங் அகா³ரஸ்மா அனகா³ரியங்
பப்³ப³ஜ்ஜாயா’’தி. து³தியம்பி கோ² ஸுதி³ன்னஸ்ஸ கலந்த³புத்தஸ்ஸ மாதாபிதரோ
ஸுதி³ன்னங் கலந்த³புத்தங் ஏதத³வோசுங் – ‘‘த்வங் கோ²ஸி, தாத ஸுதி³ன்ன,
அம்ஹாகங் ஏகபுத்தகோ பியோ மனாபோ ஸுகே²தி⁴தோ ஸுக²பரிஹதோ. ந த்வங், தாத
ஸுதி³ன்ன, கிஞ்சி து³க்க²ஸ்ஸ ஜானாஸி. மரணேனபி மயங் தே அகாமகா வினா
ப⁴விஸ்ஸாம, கிங் பன மயங் தங் ஜீவந்தங் அனுஜானிஸ்ஸாம அகா³ரஸ்மா அனகா³ரியங்
பப்³ப³ஜ்ஜாயா’’தி! ததியம்பி கோ² ஸுதி³ன்னோ கலந்த³புத்தோ மாதாபிதரோ ஏதத³வோச –
‘‘அம்மதாதா , யதா² யதா²ஹங் ப⁴க³வதா த⁴ம்மங்
தே³ஸிதங் ஆஜானாமி, நயித³ங் ஸுகரங் அகா³ரங் அஜ்ஜா²வஸதா ஏகந்தபரிபுண்ணங்
ஏகந்தபரிஸுத்³த⁴ங் ஸங்க²லிகி²தங் ப்³ரஹ்மசரியங் சரிதுங்; இச்சா²மஹங்
கேஸமஸ்ஸுங் ஓஹாரெத்வா காஸாயானி வத்தா²னி அச்சா²தெ³த்வா அகா³ரஸ்மா
அனகா³ரியங் பப்³ப³ஜிதுங் . அனுஜானாத² மங் அகா³ரஸ்மா அனகா³ரியங் பப்³ப³ஜ்ஜாயா’’தி. ததியம்பி
கோ² ஸுதி³ன்னஸ்ஸ கலந்த³புத்தஸ்ஸ மாதாபிதரோ ஸுதி³ன்னங் கலந்த³புத்தங்
ஏதத³வோசுங் – ‘‘த்வங் கோ²ஸி, தாத ஸுதி³ன்ன, அம்ஹாகங் ஏகபுத்தகோ பியோ மனாபோ
ஸுகே²தி⁴தோ ஸுக²பரிஹதோ. ந த்வங், தாத ஸுதி³ன்ன, கிஞ்சி து³க்க²ஸ்ஸ ஜானாஸி.
மரணேனபி மயங் தே அகாமகா வினா ப⁴விஸ்ஸாம, கிங் பன மயங் தங் ஜீவந்தங்
அனுஜானிஸ்ஸாம அகா³ரஸ்மா அனகா³ரியங் பப்³ப³ஜ்ஜாயா’’தி!
27.
அத² கோ² ஸுதி³ன்னோ கலந்த³புத்தோ – ‘‘ந மங் மாதாபிதரோ அனுஜானந்தி அகா³ரஸ்மா
அனகா³ரியங் பப்³ப³ஜ்ஜாயா’’தி, தத்தே²வ அனந்தரஹிதாய பூ⁴மியா நிபஜ்ஜி –
இதே⁴வ மே மரணங் ப⁴விஸ்ஸதி பப்³ப³ஜ்ஜா வாதி. அத² கோ² ஸுதி³ன்னோ கலந்த³புத்தோ
ஏகம்பி ப⁴த்தங் ந பு⁴ஞ்ஜி, த்³வேபி ப⁴த்தானி ந பு⁴ஞ்ஜி, தீணிபி ப⁴த்தானி ந
பு⁴ஞ்ஜி, சத்தாரிபி ப⁴த்தானி ந பு⁴ஞ்ஜி, பஞ்சபி ப⁴த்தானி ந பு⁴ஞ்ஜி, ச²பி
ப⁴த்தானி ந பு⁴ஞ்ஜி, ஸத்தபி ப⁴த்தானி ந பு⁴ஞ்ஜி.
28.
அத² கோ² ஸுதி³ன்னஸ்ஸ கலந்த³புத்தஸ்ஸ மாதாபிதரோ ஸுதி³ன்னங் கலந்த³புத்தங்
ஏதத³வோசுங் – ‘‘த்வங் கோ²ஸி, தாத ஸுதி³ன்ன, அம்ஹாகங் ஏகபுத்தகோ
பியோ மனாபோ ஸுகே²தி⁴தோ ஸுக²பரிஹதோ. ந த்வங், தாத ஸுதி³ன்ன, கிஞ்சி
து³க்க²ஸ்ஸ ஜானாஸி. மரணேனபி மயங் தே அகாமகா வினா ப⁴விஸ்ஸாம, கிங் பன மயங்
தங் ஜீவந்தங் அனுஜானிஸ்ஸாம அகா³ரஸ்மா அனகா³ரியங் பப்³ப³ஜ்ஜாய? உட்டே²ஹி,
தாத ஸுதி³ன்ன, பு⁴ஞ்ஜ ச பிவ ச பரிசாரேஹி ச, பு⁴ஞ்ஜந்தோ பிவந்தோ பரிசாரெந்தோ
காமே பரிபு⁴ஞ்ஜந்தோ புஞ்ஞானி கரொந்தோ அபி⁴ரமஸ்ஸு. ந தங் மயங் அனுஜானாம
அகா³ரஸ்மா அனகா³ரியங் பப்³ப³ஜ்ஜாயா’’தி. ஏவங் வுத்தே ஸுதி³ன்னோ
கலந்த³புத்தோ துண்ஹீ அஹோஸி. து³தியம்பி கோ²…பே॰… ததியம்பி கோ² ஸுதி³ன்னஸ்ஸ
கலந்த³புத்தஸ்ஸ மாதாபிதரோ ஸுதி³ன்னங் கலந்த³புத்தங் ஏதத³வோசுங் – ‘‘த்வங்
கோ²ஸி, தாத ஸுதி³ன்ன, அம்ஹாகங் ஏகபுத்தகோ பியோ மனாபோ ஸுகே²தி⁴தோ
ஸுக²பரிஹதோ. ந த்வங், தாத ஸுதி³ன்ன, கிஞ்சி து³க்க²ஸ்ஸ ஜானாஸி. மரணேனபி
மயங் தே அகாமகா வினா ப⁴விஸ்ஸாம, கிங் பன மயங் தங் ஜீவந்தங் அனுஜானிஸ்ஸாம
அகா³ரஸ்மா அனகா³ரியங் பப்³ப³ஜ்ஜாய! உட்டே²ஹி, தாத ஸுதி³ன்ன, பு⁴ஞ்ஜ ச பிவ ச
பரிசாரேஹி ச, பு⁴ஞ்ஜந்தோ பிவந்தோ பரிசாரெந்தோ காமே பரிபு⁴ஞ்ஜந்தோ புஞ்ஞானி
கரொந்தோ அபி⁴ரமஸ்ஸு. ந தங் மயங் அனுஜானாம அகா³ரஸ்மா அனகா³ரியங்
பப்³ப³ஜ்ஜாயா’’தி. ததியம்பி கோ² ஸுதி³ன்னோ கலந்த³புத்தோ துண்ஹீ அஹோஸி.
அத² கோ² ஸுதி³ன்னஸ்ஸ கலந்த³புத்தஸ்ஸ ஸஹாயகா யேன ஸுதி³ன்னோ கலந்த³புத்தோ தேனுபஸங்கமிங்ஸு; உபஸங்கமித்வா ஸுதி³ன்னங் கலந்த³புத்தங் ஏதத³வோசுங் – ‘‘த்வங் கோ²ஸி, ஸம்ம ஸுதி³ன்ன, மாதாபிதூனங் ஏகபுத்தகோ பியோ மனாபோ
ஸுகே²தி⁴தோ ஸுக²பரிஹதோ. ந த்வங், ஸம்ம ஸுதி³ன்ன, கிஞ்சி து³க்க²ஸ்ஸ
ஜானாஸி. மரணேனபி தே மாதாபிதரோ அகாமகா வினா ப⁴விஸ்ஸந்தி, கிங் பன தங்
ஜீவந்தங் அனுஜானிஸ்ஸந்தி அகா³ரஸ்மா அனகா³ரியங் பப்³ப³ஜாய! உட்டே²ஹி, ஸம்ம
ஸுதி³ன்ன, பு⁴ஞ்ஜ ச பிவ ச பரிசாரேஹி ச, பு⁴ஞ்ஜந்தோ பிவந்தோ பரிசாரெந்தோ
காமே பரிபு⁴ஞ்ஜந்தோ புஞ்ஞானி கரொந்தோ அபி⁴ரமஸ்ஸு, ந தங் மாதாபிதரோ
அனுஜானிஸ்ஸந்தி அகா³ரஸ்மா அனகா³ரியங் பப்³ப³ஜ்ஜாயா’’தி. ஏவங் வுத்தே,
ஸுதி³ன்னோ கலந்த³புத்தோ துண்ஹீ அஹோஸி. து³தியம்பி கோ²…பே॰… ததியம்பி கோ²
ஸுதி³ன்னஸ்ஸ கலந்த³புத்தஸ்ஸ ஸஹாயகா ஸுதி³ன்னங் கலந்த³புத்தங் ஏதத³வோசுங் –
‘‘த்வங் கோ²ஸி, ஸம்ம ஸுதி³ன்ன…பே॰… ததியம்பி கோ² ஸுதி³ன்னோ கலந்த³புத்தோ
துண்ஹீ அஹோஸி.
29.
அத² கோ² ஸுதி³ன்னஸ்ஸ கலந்த³புத்தஸ்ஸ ஸஹாயகா யேன ஸுதி³ன்னஸ்ஸ
கலந்த³புத்தஸ்ஸ மாதாபிதரோ தேனுபஸங்கமிங்ஸு; உபஸங்கமித்வா ஸுதி³ன்னஸ்ஸ
கலந்த³புத்தஸ்ஸ மாதாபிதரோ ஏதத³வோசுங் – ‘‘அம்மதாதா, ஏஸோ ஸுதி³ன்னோ
அனந்தரஹிதாய பூ⁴மியா நிபன்னோ – ‘இதே⁴வ மே மரணங் ப⁴விஸ்ஸதி பப்³ப³ஜ்ஜா
வா’தி. ஸசே தும்ஹே ஸுதி³ன்னங் நானுஜானிஸ்ஸத² அகா³ரஸ்மா அனகா³ரியங்
பப்³ப³ஜ்ஜாய, தத்தே²வ மரணங் ஆக³மிஸ்ஸதி. ஸசே பன தும்ஹே ஸுதி³ன்னங்
அனுஜானிஸ்ஸத² அகா³ரஸ்மா அனகா³ரியங் பப்³ப³ஜ்ஜாய, பப்³ப³ஜிதம்பி நங்
த³க்கி²ஸ்ஸத². ஸசே ஸுதி³ன்னோ நாபி⁴ரமிஸ்ஸதி அகா³ரஸ்மா அனகா³ரியங்
பப்³ப³ஜ்ஜாய, கா தஸ்ஸ அஞ்ஞா க³தி ப⁴விஸ்ஸதி, இதே⁴வ பச்சாக³மிஸ்ஸதி.
அனுஜானாத² ஸுதி³ன்னங் அகா³ரஸ்மா அனகா³ரியங் பப்³ப³ஜ்ஜாயா’’தி. ‘‘அனுஜானாம ,
தாதா, ஸுதி³ன்னங் அகா³ரஸ்மா அனகா³ரியங் பப்³ப³ஜ்ஜாயா’’தி. அத² கோ²
ஸுதி³ன்னஸ்ஸ கலந்த³புத்தஸ்ஸ ஸஹாயகா யேன ஸுதி³ன்னோ கலந்த³புத்தோ
தேனுபஸங்கமிங்ஸு; உபஸங்கமித்வா ஸுதி³ன்னங் கலந்த³புத்தங் ஏதத³வோசுங் –
‘‘உட்டே²ஹி, ஸம்ம ஸுதி³ன்ன, அனுஞ்ஞாதோஸி மாதாபிதூஹி அகா³ரஸ்மா அனகா³ரியங்
பப்³ப³ஜ்ஜாயா’’தி.
30.
அத² கோ² ஸுதி³ன்னோ கலந்த³புத்தோ – ‘‘அனுஞ்ஞாதொம்ஹி கிர மாதாபிதூஹி
அகா³ரஸ்மா அனகா³ரியங் பப்³ப³ஜ்ஜாயா’’தி, ஹட்டோ² உத³க்³கோ³ பாணினா க³த்தானி
பரிபுஞ்ச²ந்தோ வுட்டா²ஸி. அத² கோ² ஸுதி³ன்னோ கலந்த³புத்தோ கதிபாஹங் ப³லங்
கா³ஹெத்வா யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா
ஏகமந்தங் நிஸீதி³. ஏகமந்தங் நிஸன்னோ கோ² ஸுதி³ன்னோ கலந்த³புத்தோ ப⁴க³வந்தங் ஏதத³வோச – ‘‘அனுஞ்ஞாதோ [அனுஞ்ஞாதொம்ஹி (ஸீ॰ ஸ்யா॰)] அஹங், ப⁴ந்தே, மாதாபிதூஹி அகா³ரஸ்மா அனகா³ரியங் பப்³ப³ஜ்ஜாய. பப்³பா³ஜேது மங் ப⁴க³வா’’தி .
அலத்த² கோ² ஸுதி³ன்னோ கலந்த³புத்தோ ப⁴க³வதோ ஸந்திகே பப்³ப³ஜ்ஜங், அலத்த²
உபஸம்பத³ங். அசிரூபஸம்பன்னோ ச பனாயஸ்மா ஸுதி³ன்னோ ஏவரூபே து⁴தகு³ணே ஸமாதா³ய
வத்ததி, ஆரஞ்ஞிகோ ஹோதி பிண்ட³பாதிகோ பங்ஸுகூலிகோ ஸபதா³னசாரிகோ, அஞ்ஞதரங் வஜ்ஜிகா³மங் உபனிஸ்ஸாய விஹரதி.
தேன கோ² பன ஸமயேன வஜ்ஜீ து³ப்³பி⁴க்கா² ஹோதி
த்³வீஹிதிகா ஸேதட்டி²கா ஸலாகாவுத்தா, ந ஸுகரா உஞ்சே²ன பக்³க³ஹேன யாபேதுங்.
அத² கோ² ஆயஸ்மதோ ஸுதி³ன்னஸ்ஸ ஏதத³ஹோஸி – ‘‘ஏதரஹி கோ² வஜ்ஜீ து³ப்³பி⁴க்கா²
த்³வீஹிதிகா ஸேதட்டி²கா ஸலாகாவுத்தா, ந ஸுகரா உஞ்சே²ன பக்³க³ஹேன யாபேதுங்.
ப³ஹூ கோ² பன மே வேஸாலியங் ஞாதீ அட்³டா⁴ மஹத்³த⁴னா மஹாபோ⁴கா³
பஹூதஜாதரூபரஜதா பஹூதவித்தூபகரணா பஹூதத⁴னத⁴ஞ்ஞா. யங்னூனாஹங் ஞாதீ உபனிஸ்ஸாய
விஹரெய்யங்! ஞாதீ மங் [ஞாதகாபி மங் (ஸ்யா॰)]
நிஸ்ஸாய தா³னானி த³ஸ்ஸந்தி புஞ்ஞானி கரிஸ்ஸந்தி, பி⁴க்கூ² ச லாப⁴ங்
லச்ச²ந்தி, அஹஞ்ச பிண்ட³கேன ந கிலமிஸ்ஸாமீ’’தி. அத² கோ² ஆயஸ்மா ஸுதி³ன்னோ
ஸேனாஸனங் ஸங்ஸாமெத்வா பத்தசீவரமாதா³ய யேன வேஸாலீ தேன பக்காமி. அனுபுப்³பே³ன
யேன வேஸாலீ தத³வஸரி. தத்ர ஸுத³ங் ஆயஸ்மா ஸுதி³ன்னோ வேஸாலியங் விஹரதி
மஹாவனே கூடாகா³ரஸாலாயங். அஸ்ஸோஸுங் கோ² ஆயஸ்மதோ ஸுதி³ன்னஸ்ஸ ஞாதகா –
‘‘ஸுதி³ன்னோ கிர கலந்த³புத்தோ வேஸாலிங் அனுப்பத்தோ’’தி. தே ஆயஸ்மதோ
ஸுதி³ன்னஸ்ஸ ஸட்டி²மத்தே தா²லிபாகே ப⁴த்தாபி⁴ஹாரங் அபி⁴ஹரிங்ஸு. அத² கோ²
ஆயஸ்மா ஸுதி³ன்னோ தே ஸட்டி²மத்தே தா²லிபாகே பி⁴க்கூ²னங் விஸ்ஸஜ்ஜெத்வா
புப்³ப³ண்ஹஸமயங் நிவாஸெத்வா பத்தசீவரமாதா³ய கலந்த³கா³மங் பிண்டா³ய பாவிஸி.
கலந்த³கா³மே ஸபதா³னங் பிண்டா³ய சரமானோ யேன ஸகபிது நிவேஸனங் தேனுபஸங்கமி.
31. தேன கோ² பன ஸமயேன ஆயஸ்மதோ ஸுதி³ன்னஸ்ஸ ஞாதிதா³ஸீ ஆபி⁴தோ³ஸிகங் கும்மாஸங் ச²ட்³டே³துகாமா [ச²ட்டேதுகாமா (க॰)] ஹோதி. அத² கோ² ஆயஸ்மா ஸுதி³ன்னோ தங் ஞாதிதா³ஸிங் ஏதத³வோச – ‘‘ஸசே தங், ப⁴கி³னி, ச²ட்³ட³னீயத⁴ம்மங் , இத⁴ மே பத்தே ஆகிரா’’தி. அத² கோ² ஆயஸ்மதோ ஸுதி³ன்னஸ்ஸ ஞாதிதா³ஸீ தங் ஆபி⁴தோ³ஸிகங்
கும்மாஸங் ஆயஸ்மதோ ஸுதி³ன்னஸ்ஸ பத்தே ஆகிரந்தீ ஹத்தா²னஞ்ச பாதா³னஞ்ச ஸரஸ்ஸ
ச நிமித்தங் அக்³க³ஹேஸி. அத² கோ² ஆயஸ்மதோ ஸுதி³ன்னஸ்ஸ ஞாதிதா³ஸீ
யேனாயஸ்மதோ ஸுதி³ன்னஸ்ஸ மாதா தேனுபஸங்கமி; உபஸங்கமித்வா ஆயஸ்மதோ
ஸுதி³ன்னஸ்ஸ மாதரங் ஏதத³வோச – ‘‘யக்³கெ⁴ய்யே, ஜானெய்யாஸி, அய்யபுத்தோ
ஸுதி³ன்னோ அனுப்பத்தோ’’தி. ‘‘ஸசே, ஜே, த்வங் ஸச்சங் ப⁴ணஸி, அதா³ஸிங் தங்
கரோமீ’’தி.
32. தேன கோ² பன ஸமயேன ஆயஸ்மா ஸுதி³ன்னோ தங் ஆபி⁴தோ³ஸிகங் கும்மாஸங் அஞ்ஞதரங் குட்டமூலங் [குட்³ட³மூலங் (ஸீ॰ ஸ்யா॰)] நிஸ்ஸாய பரிபு⁴ஞ்ஜதி. பிதாபி கோ² ஆயஸ்மதோ
ஸுதி³ன்னஸ்ஸ கம்மந்தா ஆக³ச்ச²ந்தோ அத்³த³ஸ ஆயஸ்மந்தங் ஸுதி³ன்னங் தங்
ஆபி⁴தோ³ஸிகங் கும்மாஸங் அஞ்ஞதரங் குட்டமூலங் நிஸ்ஸாய பரிபு⁴ஞ்ஜந்தங் .
தி³ஸ்வான யேனாயஸ்மா ஸுதி³ன்னோ தேனுபஸங்கமி; உபஸங்கமித்வா ஆயஸ்மந்தங்
ஸுதி³ன்னங் ஏதத³வோச – ‘‘அத்தி² நாம, தாத ஸுதி³ன்ன, ஆபி⁴தோ³ஸிகங் கும்மாஸங்
பரிபு⁴ஞ்ஜிஸ்ஸஸி! நனு நாம, தாத ஸுதி³ன்ன, ஸகங் கே³ஹங் க³ந்தப்³ப³’’ந்தி?
‘‘அக³மிம்ஹ [அக³மம்ஹா (க॰)] கோ² தே க³ஹபதி,
கே³ஹங். ததோயங் ஆபி⁴தோ³ஸிகோ கும்மாஸோ’’தி. அத² கோ² ஆயஸ்மதோ ஸுதி³ன்னஸ்ஸ
பிதா ஆயஸ்மதோ ஸுதி³ன்னஸ்ஸ பா³ஹாயங் க³ஹெத்வா ஆயஸ்மந்தங் ஸுதி³ன்னங் ஏதத³வோச
– ‘‘ஏஹி, தாத ஸுதி³ன்ன, க⁴ரங் க³மிஸ்ஸாமா’’தி. அத² கோ² ஆயஸ்மா ஸுதி³ன்னோ
யேன ஸகபிது நிவேஸனங் தேனுபஸங்கமி ; உபஸங்கமித்வா
பஞ்ஞத்தே ஆஸனே நிஸீதி³. அத² கோ² ஆயஸ்மதோ ஸுதி³ன்னஸ்ஸ பிதா ஆயஸ்மந்தங்
ஸுதி³ன்னங் ஏதத³வோச – ‘‘பு⁴ஞ்ஜ, தாத ஸுதி³ன்னா’’தி. ‘‘அலங், க³ஹபதி, கதங்
மே அஜ்ஜ ப⁴த்தகிச்ச’’ந்தி. ‘‘அதி⁴வாஸேஹி, தாத ஸுதி³ன்ன, ஸ்வாதனாய
ப⁴த்த’’ந்தி. அதி⁴வாஸேஸி கோ² ஆயஸ்மா ஸுதி³ன்னோ துண்ஹீபா⁴வேன. அத² கோ²
ஆயஸ்மா ஸுதி³ன்னோ உட்டா²யாஸனா பக்காமி.
33. அத² கோ² ஆயஸ்மதோ ஸுதி³ன்னஸ்ஸ மாதா தஸ்ஸா ரத்தியா அச்சயேன ஹரிதேன கோ³மயேன பத²விங் ஓபுஞ்ஜாபெத்வா [ஓபுச்சா²பெத்வா (ஸீ॰ ஸ்யா॰)]
த்³வே புஞ்ஜே காராபேஸி – ஏகங் ஹிரஞ்ஞஸ்ஸ, ஏகங் ஸுவண்ணஸ்ஸ. தாவ மஹந்தா
புஞ்ஜா அஹேஸுங், ஓரதோ டி²தோ புரிஸோ பாரதோ டி²தங் புரிஸங் ந பஸ்ஸதி; பாரதோ
டி²தோ புரிஸோ ஓரதோ டி²தங் புரிஸங் ந பஸ்ஸதி. தே புஞ்ஜே கிலஞ்ஜேஹி
படிச்சா²தா³பெத்வா மஜ்ஜே² ஆஸனங் பஞ்ஞாபெத்வா திரோகரணீயங் பரிக்கி²பித்வா
ஆயஸ்மதோ ஸுதி³ன்னஸ்ஸ புராணது³தியிகங் ஆமந்தேஸி –
‘‘தேன ஹி, வது⁴, யேன அலங்காரேன அலங்கதா புத்தஸ்ஸ மே ஸுதி³ன்னஸ்ஸ பியா அஹோஸி
மனாபா தேன அலங்காரேன அலங்கரா’’தி. ‘‘ஏவங், அய்யே’’தி, கோ² ஆயஸ்மதோ
ஸுதி³ன்னஸ்ஸ புராணது³தியிகா ஆயஸ்மதோ ஸுதி³ன்னஸ்ஸ மாதுயா பச்சஸ்ஸோஸி.
34.
அத² கோ² ஆயஸ்மா ஸுதி³ன்னோ புப்³ப³ண்ஹஸமயங் நிவாஸெத்வா பத்தசீவரமாதா³ய யேன
ஸகபிது நிவேஸனங் தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³. அத² கோ²
ஆயஸ்மதோ ஸுதி³ன்னஸ்ஸ பிதா யேனாயஸ்மா ஸுதி³ன்னோ
தேனுபஸங்கமி; உபஸங்கமித்வா தே புஞ்ஜே விவராபெத்வா ஆயஸ்மந்தங் ஸுதி³ன்னங்
ஏதத³வோச – ‘‘இத³ங் தே, தாத ஸுதி³ன்ன, மாது மத்திகங் இத்தி²காய இத்தி²த⁴னங்,
அஞ்ஞங் பெத்திகங் அஞ்ஞங் பிதாமஹங். லப்³பா⁴, தாத ஸுதி³ன்ன,
ஹீனாயாவத்தித்வா போ⁴கா³ ச பு⁴ஞ்ஜிதுங் புஞ்ஞானி ச காதுங். ஏஹி த்வங், தாத
ஸுதி³ன்ன, ஹீனாயாவத்தித்வா போ⁴கே³ ச பு⁴ஞ்ஜஸ்ஸு புஞ்ஞானி ச கரோஹீ’’தி .
‘‘தாத, ந உஸ்ஸஹாமி ந விஸஹாமி, அபி⁴ரதோ அஹங் ப்³ரஹ்மசரியங் சராமீ’’தி.
து³தியம்பி கோ²…பே॰… ததியம்பி கோ² ஆயஸ்மதோ ஸுதி³ன்னஸ்ஸ பிதா ஆயஸ்மந்தங்
ஸுதி³ன்னங் ஏதத³வோச – ‘‘இத³ங் தே, தாத ஸுதி³ன்ன, மாது மத்திகங், இத்தி²காய
இத்தி²த⁴னங், அஞ்ஞங் பெத்திகங் , அஞ்ஞங் பிதாமஹங்.
லப்³பா⁴, தாத ஸுதி³ன்ன, ஹீனாயாவத்தித்வா போ⁴கா³ ச பு⁴ஞ்ஜிதுங் புஞ்ஞானி ச
காதுங். ஏஹி த்வங், தாத ஸுதி³ன்ன, ஹீனாயாவத்தித்வா போ⁴கே³ ச பு⁴ஞ்ஜஸ்ஸு
புஞ்ஞானி ச கரோஹீ’’தி. ‘‘வதெ³ய்யாம கோ² தங், க³ஹபதி, ஸசே த்வங்
நாதிகட்³டெ⁴ய்யாஸீ’’தி. ‘‘வதே³ஹி, தாத ஸுதி³ன்னா’’தி. தேன ஹி த்வங்,
க³ஹபதி, மஹந்தே மஹந்தே ஸாணிபஸிப்³ப³கே காராபெத்வா ஹிரஞ்ஞஸுவண்ணஸ்ஸ
பூராபெத்வா ஸகடேஹி நிப்³பா³ஹாபெத்வா மஜ்ஜே² க³ங்கா³ய ஸோதே ஓபாதேஹி [ஓஸாதே³ஹி (ஸீ॰ ஸ்யா॰)].
தங் கிஸ்ஸ ஹேது? யஞ்ஹி தே, க³ஹபதி, ப⁴விஸ்ஸதி ததோனிதா³னங் ப⁴யங் வா
ச²ம்பி⁴தத்தங் வா லோமஹங்ஸோ வா ஆரக்கோ² வா ஸோ தே ந ப⁴விஸ்ஸதீ’’தி. ஏவங்
வுத்தே, ஆயஸ்மதோ ஸுதி³ன்னஸ்ஸ பிதா அனத்தமனோ அஹோஸி – ‘‘கத²ஞ்ஹி நாம புத்தோ ஸுதி³ன்னோ ஏவங் வக்க²தீ’’தி!
35. அத² கோ² ஆயஸ்மதோ ஸுதி³ன்னஸ்ஸ பிதா ஆயஸ்மதோ ஸுதி³ன்னஸ்ஸ புராணது³தியிகங் ஆமந்தேஸி – ‘‘தேன ஹி, வது⁴, த்வங் பியா ச மனாபா ச [த்வம்பி யாச (ஸீ॰)]. அப்பேவ
நாம புத்தோ ஸுதி³ன்னோ துய்ஹம்பி வசனங் கரெய்யா’’தி! அத² கோ² ஆயஸ்மதோ
ஸுதி³ன்னஸ்ஸ புராணது³தியிகா ஆயஸ்மதோ ஸுதி³ன்னஸ்ஸ பாதே³ஸு க³ஹெத்வா
ஆயஸ்மந்தங் ஸுதி³ன்னங் ஏதத³வோச – ‘‘கீதி³ஸா நாம தா, அய்யபுத்த, அச்ச²ராயோ
யாஸங் த்வங் ஹேது ப்³ரஹ்மசரியங் சரஸீ’’தி? ‘‘ந கோ² அஹங், ப⁴கி³னி,
அச்ச²ரானங் ஹேது ப்³ரஹ்மசரியங் சராமீ’’தி. அத² கோ² ஆயஸ்மதோ ஸுதி³ன்னஸ்ஸ
புராணது³தியிகா – ‘‘அஜ்ஜதக்³கே³ மங் அய்யபுத்தோ ஸுதி³ன்னோ ப⁴கி³னிவாதே³ன
ஸமுதா³சரதீ’’தி, தத்தே²வ முச்சி²தா பபதா.
அத² கோ² ஆயஸ்மா ஸுதி³ன்னோ பிதரங் ஏதத³வோச – ‘‘ஸசே,
க³ஹபதி, போ⁴ஜனங் தா³தப்³ப³ங் தே³த², மா நோ விஹேட²யித்தா²’’தி. ‘‘பு⁴ஞ்ஜ,
தாத ஸுதி³ன்னா’’தி. அத² கோ² ஆயஸ்மதோ ஸுதி³ன்னஸ்ஸ மாதா ச பிதா ச ஆயஸ்மந்தங்
ஸுதி³ன்னங் பணீதேன கா²த³னீயேன போ⁴ஜனீயேன ஸஹத்தா² ஸந்தப்பேஸுங்
ஸம்பவாரேஸுங். அத² கோ² ஆயஸ்மதோ ஸுதி³ன்னஸ்ஸ மாதா ஆயஸ்மந்தங் ஸுதி³ன்னங்
பு⁴த்தாவிங் ஓனீதபத்தபாணிங் ஏதத³வோச – ‘‘இத³ங், தாத ஸுதி³ன்ன, குலங்
அட்³ட⁴ங் மஹத்³த⁴னங் மஹாபோ⁴க³ங் பஹூதஜாதரூபரஜதங் பஹூதவித்தூபகரணங்
பஹூதத⁴னத⁴ஞ்ஞங். லப்³பா⁴, தாத ஸுதி³ன்ன, ஹீனாயாவத்தித்வா போ⁴கா³ ச
பு⁴ஞ்ஜிதுங் புஞ்ஞானி ச காதுங். ஏஹி த்வங், தாத ஸுதி³ன்ன, ஹீனாயாவத்தித்வா
போ⁴கே³ ச பு⁴ஞ்ஜஸ்ஸு புஞ்ஞானி ச கரோஹீ’’தி. ‘‘அம்ம, ந உஸ்ஸஹாமி ந விஸஹாமி , அபி⁴ரதோ
அஹங் ப்³ரஹ்மசரியங் சராமீ’’தி. து³தியம்பி கோ²…பே॰… ததியம்பி கோ² ஆயஸ்மதோ
ஸுதி³ன்னஸ்ஸ மாதா ஆயஸ்மந்தங் ஸுதி³ன்னங் ஏதத³வோச – ‘‘இத³ங், தாத ஸுதி³ன்ன,
குலங் அட்³ட⁴ங் மஹத்³த⁴னங் மஹாபோ⁴க³ங் பஹூதஜாதரூபரஜதங் பஹூதவித்தூபகரணங்
பஹூதத⁴னத⁴ஞ்ஞங் [பஹூதத⁴னத⁴ஞ்ஞங் (ப॰ சராமீதி) இதிபாடோ² ஸப்³ப³த்த² நத்தி², ஊனோ மஞ்ஞே]. தேன ஹி, தாத ஸுதி³ன்ன, பீ³ஜகம்பி தே³ஹி – மா நோ அபுத்தகங் ஸாபதெய்யங் லிச்ச²வயோ அதிஹராபேஸு’’ந்தி. ‘‘ஏதங் கோ² மே, அம்ம, ஸக்கா காது’’ந்தி. ‘‘கஹங் பன, தாத ஸுதி³ன்ன, ஏதரஹி விஹரஸீ’’தி? ‘‘மஹாவனே, அம்மா’’தி. அத² கோ² ஆயஸ்மா ஸுதி³ன்னோ உட்டா²யாஸனா பக்காமி.
36.
அத² கோ² ஆயஸ்மதோ ஸுதி³ன்னஸ்ஸ மாதா ஆயஸ்மதோ ஸுதி³ன்னஸ்ஸ புராணது³தியிகங்
ஆமந்தேஸி – ‘‘தேன ஹி, வது⁴, யதா³ உதுனீ ஹோஸி, புப்ப²ங் தே உப்பன்னங் ஹோதி,
அத² மே ஆரோசெய்யாஸீ’’தி. ‘‘ஏவங் அய்யே’’தி கோ² ஆயஸ்மதோ ஸுதி³ன்னஸ்ஸ
புராணது³தியிகா ஆயஸ்மதோ ஸுதி³ன்னஸ்ஸ மாதுயா பச்சஸ்ஸோஸி. அத² கோ² ஆயஸ்மதோ
ஸுதி³ன்னஸ்ஸ புராணது³தியிகா நசிரஸ்ஸேவ உதுனீ அஹோஸி,
புப்ப²ங்ஸா உப்பஜ்ஜி. அத² கோ² ஆயஸ்மதோ ஸுதி³ன்னஸ்ஸ புராணது³தியிகா ஆயஸ்மதோ
ஸுதி³ன்னஸ்ஸ மாதரங் ஏதத³வோச – ‘‘உதுனீம்ஹி, அய்யே, புப்ப²ங் மே
உப்பன்ன’’ந்தி. ‘‘தேன ஹி, வது⁴, யேன அலங்காரேன அலங்கதா புத்தஸ்ஸ
ஸுதி³ன்னஸ்ஸ பியா அஹோஸி மனாபா தேன அலங்காரேன அலங்கரா’’தி. ‘‘ஏவங் அய்யே’’தி
கோ² ஆயஸ்மதோ ஸுதி³ன்னஸ்ஸ புராணது³தியிகா ஆயஸ்மதோ ஸுதி³ன்னஸ்ஸ மாதுயா
பச்சஸ்ஸோஸி. அத² கோ² ஆயஸ்மதோ ஸுதி³ன்னஸ்ஸ மாதா
ஆயஸ்மதோ ஸுதி³ன்னஸ்ஸ புராணது³தியிகங் ஆதா³ய யேன மஹாவனங் யேனாயஸ்மா
ஸுதி³ன்னோ தேனுபஸங்கமி; உபஸங்கமித்வா ஆயஸ்மந்தங் ஸுதி³ன்னங் ஏதத³வோச –
‘‘இத³ங், தாத ஸுதி³ன்ன, குலங் அட்³ட⁴ங் மஹத்³த⁴னங் மஹாபோ⁴க³ங்
பஹூதஜாதரூபரஜதங் பஹூதவித்தூபகரணங் பஹூதத⁴னத⁴ஞ்ஞங். லப்³பா⁴, தாத ஸுதி³ன்ன,
ஹீனாயாவத்தித்வா போ⁴கா³ ச பு⁴ஞ்ஜிதுங் புஞ்ஞானி ச காதுங். ஏஹி த்வங், தாத
ஸுதி³ன்ன, ஹீனாயாவத்தித்வா போ⁴கே³ ச பு⁴ஞ்ஜஸ்ஸு புஞ்ஞானி ச கரோஹீ’’தி.
‘‘அம்ம, ந உஸ்ஸஹாமி ந விஸஹாமி, அபி⁴ரதோ அஹங் ப்³ரஹ்மசரியங் சராமீ’’தி.
து³தியம்பி கோ²…பே॰… ததியம்பி கோ² ஆயஸ்மதோ ஸுதி³ன்னஸ்ஸ மாதா ஆயஸ்மந்தங்
ஸுதி³ன்னங் ஏதத³வோச – ‘‘இத³ங், தாத ஸுதி³ன்ன, குலங் அட்³ட⁴ங் மஹத்³த⁴னங்
மஹாபோ⁴க³ங் பஹூதஜாதரூபரஜதங் பஹூதவித்தூபகரணங் பஹூதத⁴னத⁴ஞ்ஞங். தேன ஹி, தாத
ஸுதி³ன்ன, பீ³ஜகம்பி தே³ஹி – மா நோ அபுத்தகங் ஸாபதெய்யங் லிச்ச²வயோ
அதிஹராபேஸு’’ந்தி. ‘‘ஏதங் கோ² மே, அம்ம, ஸக்கா காது’’ந்தி, புராணது³தியிகாய
பா³ஹாயங் க³ஹெத்வா மஹாவனங் அஜ்ஜோ²கா³ஹெத்வா அபஞ்ஞத்தே ஸிக்கா²பதே³
அனாதீ³னவத³ஸ்ஸோ புராணது³தியிகாய திக்க²த்துங் மேது²னங் த⁴ம்மங்
அபி⁴விஞ்ஞாபேஸி. ஸா தேன க³ப்³ப⁴ங் க³ண்ஹி. பு⁴ம்மா தே³வா
ஸத்³த³மனுஸ்ஸாவேஸுங் – ‘‘நிரப்³பு³தோ³ வத, போ⁴, பி⁴க்கு²ஸங்கோ⁴ நிராதீ³னவோ;
ஸுதி³ன்னேன கலந்த³புத்தேன அப்³பு³த³ங் உப்பாதி³தங், ஆதீ³னவோ
உப்பாதி³தோ’’தி. பு⁴ம்மானங் தே³வானங் ஸத்³த³ங் ஸுத்வா சாதுமஹாராஜிகா [சாதும்மஹாராஜிகா (ஸீ॰ ஸ்யா॰)] தே³வா ஸத்³த³மனுஸ்ஸாவேஸுங்…பே॰… தாவதிங்ஸா தே³வா… யாமா தே³வா … துஸிதா தே³வா… நிம்மானரதீ தே³வா… பரனிம்மிதவஸவத்தீ
தே³வா… ப்³ரஹ்மகாயிகா தே³வா ஸத்³த³மனுஸ்ஸாவேஸுங் – ‘‘நிரப்³பு³தோ³ வத,
போ⁴, பி⁴க்கு²ஸங்கோ⁴ நிராதீ³னவோ; ஸுதி³ன்னேன கலந்த³புத்தேன அப்³பு³த³ங் உப்பாதி³தங், ஆதீ³னவோ உப்பாதி³தோ’’தி. இதிஹ தேன க²ணேன தேன முஹுத்தேன யாவ ப்³ரஹ்மலோகா ஸத்³தோ³ அப்³பு⁴க்³க³ச்சி².
அத² கோ² ஆயஸ்மதோ ஸுதி³ன்னஸ்ஸ
புராணது³தியிகா தஸ்ஸ க³ப்³ப⁴ஸ்ஸ பரிபாகமன்வாய புத்தங் விஜாயி. அத² கோ²
ஆயஸ்மதோ ஸுதி³ன்னஸ்ஸ ஸஹாயகா தஸ்ஸ தா³ரகஸ்ஸ ‘பீ³ஜகோ’தி நாமங் அகங்ஸு.
ஆயஸ்மதோ ஸுதி³ன்னஸ்ஸ புராணது³தியிகாய பீ³ஜகமாதாதி நாமங் அகங்ஸு. ஆயஸ்மதோ
ஸுதி³ன்னஸ்ஸ பீ³ஜகபிதாதி நாமங் அகங்ஸு. தே அபரேன ஸமயேன உபோ⁴ அகா³ரஸ்மா
அனகா³ரியங் பப்³ப³ஜித்வா அரஹத்தங் ஸச்சா²கங்ஸு.
37.
அத² கோ² ஆயஸ்மதோ ஸுதி³ன்னஸ்ஸ அஹுதே³வ குக்குச்சங், அஹு விப்படிஸாரோ –
‘‘அலாபா⁴ வத மே, ந வத மே லாபா⁴! து³ல்லத்³த⁴ங் வத மே, ந வத மே ஸுலத்³த⁴ங்!
யோஹங் ஏவங் ஸ்வாக்கா²தே த⁴ம்மவினயே பப்³ப³ஜித்வா நாஸக்கி²ங் யாவஜீவங்
பரிபுண்ணங் பரிஸுத்³த⁴ங் ப்³ரஹ்மசரியங் சரிது’’ந்தி. ஸோ தேனேவ குக்குச்சேன
தேன விப்படிஸாரேன கிஸோ அஹோஸி லூகோ² து³ப்³ப³ண்ணோ உப்பண்டு³ப்பண்டு³கஜாதோ
த⁴மனிஸந்த²தக³த்தோ அந்தோமனோ லீனமனோ து³க்கீ² து³ம்மனோ விப்படிஸாரீ
பஜ்ஜா²யி.
38.
அத² கோ² ஆயஸ்மதோ ஸுதி³ன்னஸ்ஸ ஸஹாயகா பி⁴க்கூ² ஆயஸ்மந்தங் ஸுதி³ன்னங்
ஏதத³வோசுங் – ‘‘புப்³பே³ கோ² த்வங், ஆவுஸோ ஸுதி³ன்ன, வண்ணவா அஹோஸி
பீணிந்த்³ரியோ பஸன்னமுக²வண்ணோ விப்பஸன்னச²விவண்ணோ; ஸோ தா³னி த்வங் ஏதரஹி
கிஸோ லூகோ² து³ப்³ப³ண்ணோ உப்பண்டு³ப்பண்டு³கஜாதோ
த⁴மனிஸந்த²தக³த்தோ அந்தோமனோ லீனமனோ து³க்கீ² து³ம்மனோ விப்படிஸாரீ
பஜ்ஜா²யஸி. கச்சி நோ த்வங், ஆவுஸோ ஸுதி³ன்ன, அனபி⁴ரதோ ப்³ரஹ்மசரியங்
சரஸீ’’தி? ‘‘ந கோ² அஹங், ஆவுஸோ, அனபி⁴ரதோ ப்³ரஹ்மசரியங் சராமி. அத்தி² மே
பாபகம்மங் கதங்; புராணது³தியிகாய மேது²னோ த⁴ம்மோ படிஸேவிதோ; தஸ்ஸ மய்ஹங்,
ஆவுஸோ, அஹுதே³வ குக்குச்சங் அஹு விப்படிஸாரோ – ‘அலாபா⁴ வத மே, ந வத மே
லாபா⁴; து³ல்லத்³த⁴ங் வத மே, ந வத மே ஸுலத்³த⁴ங்; யோஹங் ஏவங் ஸ்வாக்கா²தே
த⁴ம்மவினயே பப்³ப³ஜித்வா நாஸக்கி²ங் யாவஜீவங் பரிபுண்ணங் பரிஸுத்³த⁴ங்
ப்³ரஹ்மசரியங் சரிது’’ந்தி. ‘‘அலஞ்ஹி தே, ஆவுஸோ ஸுதி³ன்ன, குக்குச்சாய அலங்
விப்படிஸாராய யங் த்வங் ஏவங் ஸ்வாக்கா²தே த⁴ம்மவினயே பப்³ப³ஜித்வா ந
ஸக்கி²ஸ்ஸஸி யாவஜீவங் பரிபுண்ணங் பரிஸுத்³த⁴ங் ப்³ரஹ்மசரியங் சரிதுங். நனு,
ஆவுஸோ, ப⁴க³வதா அனேகபரியாயேன விராகா³ய த⁴ம்மோ தே³ஸிதோ, நோ ஸராகா³ய;
விஸங்யோகா³ய த⁴ம்மோ தே³ஸிதோ, நோ ஸங்யோகா³ய; அனுபாதா³னாய த⁴ம்மோ தே³ஸிதோ, நோ
ஸஉபாதா³னாய. தத்த² நாம த்வங், ஆவுஸோ, ப⁴க³வதா விராகா³ய த⁴ம்மே தே³ஸிதே ஸராகா³ய சேதெஸ்ஸஸி, விஸங்யோகா³ய த⁴ம்மே தே³ஸிதே
ஸங்யோகா³ய சேதெஸ்ஸஸி, அனுபாதா³னாய த⁴ம்மே தே³ஸிதே ஸஉபாதா³னாய சேதெஸ்ஸஸி!
நனு, ஆவுஸோ, ப⁴க³வதா அனேகபரியாயேன ராக³விராகா³ய த⁴ம்மோ தே³ஸிதோ,
மத³னிம்மத³னாய பிபாஸவினயாய ஆலயஸமுக்³கா⁴தாய வட்டுபச்சே²தா³ய தண்ஹாக்க²யாய
விராகா³ய நிரோதா⁴ய நிப்³பா³னாய த⁴ம்மோ தே³ஸிதோ! நனு, ஆவுஸோ, ப⁴க³வதா
அனேகபரியாயேன காமானங் பஹானங் அக்கா²தங், காமஸஞ்ஞானங் பரிஞ்ஞா அக்கா²தா,
காமபிபாஸானங் படிவினயோ அக்கா²தோ, காமவிதக்கானங் ஸமுக்³கா⁴தோ அக்கா²தோ,
காமபரிளாஹானங் வூபஸமோ அக்கா²தோ! நேதங், ஆவுஸோ, அப்பஸன்னானங் வா பஸாதா³ய,
பஸன்னானங் வா பி⁴ய்யோபா⁴வாய. அத² க்²வேதங், ஆவுஸோ, அப்பஸன்னானஞ்சேவ
அப்பஸாதா³ய பஸன்னானஞ்ச ஏகச்சானங் அஞ்ஞத²த்தாயா’’தி.
39.
அத² கோ² தே பி⁴க்கூ² ஆயஸ்மந்தங் ஸுதி³ன்னங் அனேகபரியாயேன விக³ரஹித்வா
ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங்
பகரணே பி⁴க்கு²ஸங்க⁴ங் ஸன்னிபாதாபெத்வா ஆயஸ்மந்தங் ஸுதி³ன்னங் படிபுச்சி² –
‘‘ஸச்சங் கிர த்வங், ஸுதி³ன்ன, புராணது³தியிகாய மேது²னங் த⁴ம்மங்
படிஸேவீ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா –
‘‘அனநுச்ச²விகங் [அனநுச்ச²வியங் (ஸீ॰)],
மோக⁴புரிஸ, அனநுலோமிகங் அப்படிரூபங் அஸ்ஸாமணகங் அகப்பியங் அகரணீயங்.
கத²ஞ்ஹி நாம த்வங், மோக⁴புரிஸ, ஏவங் ஸ்வாக்கா²தே த⁴ம்மவினயே பப்³ப³ஜித்வா ந
ஸக்கி²ஸ்ஸஸி யாவஜீவங் பரிபுண்ணங் பரிஸுத்³த⁴ங் ப்³ரஹ்மசரியங் சரிதுங்! நனு
மயா, மோக⁴புரிஸ, அனேகபரியாயேன விராகா³ய த⁴ம்மோ தே³ஸிதோ, நோ ஸராகா³ய;
விஸங்யோகா³ய த⁴ம்மோ தே³ஸிதோ, நோ ஸங்யோகா³ய; அனுபாதா³னாய த⁴ம்மோ தே³ஸிதோ, நோ
ஸஉபாதா³னாய! தத்த² நாம த்வங், மோக⁴புரிஸ, மயா விராகா³ய த⁴ம்மே தே³ஸிதே
ஸராகா³ய சேதெஸ்ஸஸி , விஸங்யோகா³ய த⁴ம்மே தே³ஸிதே
ஸங்யோகா³ய சேதெஸ்ஸஸி, அனுபாதா³னாய த⁴ம்மே தே³ஸிதே ஸஉபாதா³னாய சேதெஸ்ஸஸி!
நனு மயா, மோக⁴புரிஸ, அனேகபரியாயேன ராக³விராகா³ய த⁴ம்மோ தே³ஸிதோ!
மத³னிம்மத³னாய பிபாஸவினயாய ஆலயஸமுக்³கா⁴தாய வட்டுபச்சே²தா³ய தண்ஹாக்க²யாய
விராகா³ய நிரோதா⁴ய நிப்³பா³னாய த⁴ம்மோ தே³ஸிதோ! நனு மயா, மோக⁴புரிஸ,
அனேகபரியாயேன காமானங் பஹானங் அக்கா²தங்,
காமஸஞ்ஞானங் பரிஞ்ஞா அக்கா²தா, காமபிபாஸானங் படிவினயோ அக்கா²தோ,
காமவிதக்கானங் ஸமுக்³கா⁴தோ அக்கா²தோ, காமபரிளாஹானங் வூபஸமோ அக்கா²தோ! வரங்
தே, மோக⁴புரிஸ, ஆஸிவிஸஸ்ஸ [ஆஸீவிஸஸ்ஸ (ஸீ॰ ஸ்யா॰)]
கோ⁴ரவிஸஸ்ஸ முகே² அங்க³ஜாதங் பக்கி²த்தங், ந த்வேவ மாதுகா³மஸ்ஸ அங்க³ஜாதே
அங்க³ஜாதங் பக்கி²த்தங். வரங் தே, மோக⁴புரிஸ, கண்ஹஸப்பஸ்ஸ முகே² அங்க³ஜாதங்
பக்கி²த்தங், ந த்வேவ மாதுகா³மஸ்ஸ அங்க³ஜாதே அங்க³ஜாதங் பக்கி²த்தங். வரங்
தே, மோக⁴புரிஸ, அங்கா³ரகாஸுயா ஆதி³த்தாய ஸம்பஜ்ஜலிதாய ஸஜோதிபூ⁴தாய
அங்க³ஜாதங் பக்கி²த்தங், ந த்வேவ மாதுகா³மஸ்ஸ
அங்க³ஜாதே அங்க³ஜாதங் பக்கி²த்தங். தங் கிஸ்ஸ ஹேது? ததோனிதா³னஞ்ஹி,
மோக⁴புரிஸ, மரணங் வா நிக³ச்செ²ய்ய மரணமத்தங் வா து³க்க²ங், ந த்வேவ
தப்பச்சயா காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங்
உபபஜ்ஜெய்ய. இதோனிதா³னஞ்ச கோ², மோக⁴புரிஸ, காயஸ்ஸ பே⁴தா³ பரங் மரணா அபாயங்
து³க்³க³திங் வினிபாதங் நிரயங் உபபஜ்ஜெய்ய. தத்த² நாம த்வங், மோக⁴புரிஸ, யங் த்வங் அஸத்³த⁴ம்மங் கா³மத⁴ம்மங்
வஸலத⁴ம்மங் து³ட்டு²ல்லங் ஓத³கந்திகங் ரஹஸ்ஸங் த்³வயங்த்³வயஸமாபத்திங்
ஸமாபஜ்ஜிஸ்ஸஸி, ப³ஹூனங் கோ² த்வங், மோக⁴புரிஸ, அகுஸலானங் த⁴ம்மானங்
ஆதி³கத்தா புப்³ப³ங்க³மோ. நேதங், மோக⁴புரிஸ, அப்பஸன்னானங் வா பஸாதா³ய,
பஸன்னானங் வா பி⁴ய்யோபா⁴வாய; அத² க்²வேதங், மோக⁴புரிஸ, அப்பஸன்னானஞ்சேவ
அப்பஸாதா³ய, பஸன்னானஞ்ச ஏகச்சானங் அஞ்ஞத²த்தாயா’’தி.
அத² கோ² ப⁴க³வா ஆயஸ்மந்தங் ஸுதி³ன்னங் அனேகபரியாயேன விக³ரஹித்வா து³ப்³ப⁴ரதாய து³ப்போஸதாய மஹிச்ச²தாய அஸந்துட்டி²தாய [அஸந்துட்ட²தாய (ஸ்யா॰)]
ஸங்க³ணிகாய கோஸஜ்ஜஸ்ஸ அவண்ணங் பா⁴ஸித்வா அனேகபரியாயேன ஸுப⁴ரதாய ஸுபோஸதாய
அப்பிச்ச²ஸ்ஸ ஸந்துட்ட²ஸ்ஸ ஸல்லேக²ஸ்ஸ து⁴தஸ்ஸ பாஸாதி³கஸ்ஸ அபசயஸ்ஸ
வீரியாரம்ப⁴ஸ்ஸ [வீரியாரப்³ப⁴ஸ்ஸ (க॰)] வண்ணங்
பா⁴ஸித்வா பி⁴க்கூ²னங் தத³னுச்ச²விகங் தத³னுலோமிகங் த⁴ம்மிங் கத²ங் கத்வா
பி⁴க்கூ² ஆமந்தேஸி – ‘‘தேன ஹி, பி⁴க்க²வே, பி⁴க்கூ²னங் ஸிக்கா²பத³ங்
பஞ்ஞபெஸ்ஸாமி [பஞ்ஞாபெஸ்ஸாமி (ஸீ॰ ஸ்யா॰)] த³ஸ
அத்த²வஸே படிச்ச – ஸங்க⁴ஸுட்டு²தாய, ஸங்க⁴பா²ஸுதாய, து³ம்மங்கூனங்
புக்³க³லானங் நிக்³க³ஹாய, பேஸலானங் பி⁴க்கூ²னங் பா²ஸுவிஹாராய,
தி³ட்ட²த⁴ம்மிகானங் ஆஸவானங் ஸங்வராய, ஸம்பராயிகானங் ஆஸவானங் படிகா⁴தாய,
அப்பஸன்னானங் பஸாதா³ய, பஸன்னானங் பி⁴ய்யோபா⁴வாய, ஸத்³த⁴ம்மட்டி²தியா,
வினயானுக்³க³ஹாய. ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
‘‘யோ பன பி⁴க்கு² மேது²னங் த⁴ம்மங் படிஸேவெய்ய, பாராஜிகோ ஹோதி அஸங்வாஸோ’’தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
ஸுதி³ன்னபா⁴ணவாரோ நிட்டி²தோ.
மக்கடீவத்து²
40. தேன
கோ² பன ஸமயேன அஞ்ஞதரோ பி⁴க்கு² வேஸாலியங் மஹாவனே மக்கடிங் ஆமிஸேன
உபலாபெத்வா தஸ்ஸா மேது²னங் த⁴ம்மங் படிஸேவதி. அத² கோ² ஸோ பி⁴க்கு²
புப்³ப³ண்ஹஸமயங் நிவாஸெத்வா பத்தசீவரங் ஆதா³ய
வேஸாலிங் பிண்டா³ய பாவிஸி. தேன கோ² பன ஸமயேன ஸம்ப³ஹுலா பி⁴க்கூ²
ஸேனாஸனசாரிகங் ஆஹிண்ட³ந்தா யேன தஸ்ஸ பி⁴க்கு²னோ விஹாரோ தேனுபஸங்கமிங்ஸு.
அத்³த³ஸ கோ² ஸா மக்கடீ தே பி⁴க்கூ² தூ³ரதோவ ஆக³ச்ச²ந்தே. தி³ஸ்வான யேன தே
பி⁴க்கூ² தேனுபஸங்கமி; உபஸங்கமித்வா தேஸங் பி⁴க்கூ²னங் புரதோ கடிம்பி
சாலேஸி செ²ப்பம்பி சாலேஸி, கடிம்பி ஒட்³டி³,
நிமித்தம்பி அகாஸி. அத² கோ² தேஸங் பி⁴க்கூ²னங் ஏதத³ஹோஸி – ‘‘நிஸ்ஸங்ஸயங்
கோ² ஸோ பி⁴க்கு² இமிஸ்ஸா மக்கடியா மேது²னங் த⁴ம்மங் படிஸேவதீ’’தி. ஏகமந்தங்
நிலீயிங்ஸு. அத² கோ² ஸோ பி⁴க்கு² வேஸாலியங் பிண்டா³ய சரித்வா பிண்ட³பாதங்
ஆதா³ய படிக்கமி.
41.
அத² கோ² ஸா மக்கடீ யேன ஸோ பி⁴க்கு² தேனுபஸங்கமி. அத² கோ² ஸோ பி⁴க்கு² தங்
பிண்ட³பாதங் ஏகதே³ஸங் பு⁴ஞ்ஜித்வா ஏகதே³ஸங் தஸ்ஸா மக்கடியா அதா³ஸி. அத² கோ²
ஸா மக்கடீ தங் பிண்ட³பாதங் பு⁴ஞ்ஜித்வா தஸ்ஸ பி⁴க்கு²னோ கடிங் ஒட்³டி³.
அத² கோ² ஸோ பி⁴க்கு² தஸ்ஸா மக்கடியா மேது²னங் த⁴ம்மங் படிஸேவதி. அத² கோ² தே
பி⁴க்கூ² தங் பி⁴க்கு²ங் ஏதத³வோசுங் – ‘‘நனு, ஆவுஸோ, ப⁴க³வதா ஸிக்கா²பத³ங்
பஞ்ஞத்தங்; கிஸ்ஸ த்வங், ஆவுஸோ, மக்கடியா மேது²னங் த⁴ம்மங் படிஸேவஸீ’’தி?
‘‘ஸச்சங், ஆவுஸோ, ப⁴க³வதா ஸிக்கா²பத³ங் பஞ்ஞத்தங்; தஞ்ச கோ² மனுஸ்ஸித்தி²யா ,
நோ திரச்சா²னக³தாயா’’தி. ‘‘நனு, ஆவுஸோ, ததே²வ தங் ஹோதி. அனநுச்ச²விகங்,
ஆவுஸோ, அனநுலோமிகங் அப்படிரூபங் அஸ்ஸாமணகங் அகப்பியங் அகரணீயங். கத²ஞ்ஹி
நாம த்வங், ஆவுஸோ, ஏவங் ஸ்வாக்கா²தே த⁴ம்மவினயே பப்³ப³ஜித்வா ந ஸக்கி²ஸ்ஸஸி
யாவஜீவங் பரிபுண்ணங் பரிஸுத்³த⁴ங் ப்³ரஹ்மசரியங் சரிதுங்! நனு, ஆவுஸோ,
ப⁴க³வதா அனேகபரியாயேன விராகா³ய த⁴ம்மோ தே³ஸிதோ, நோ ஸராகா³ய…பே॰…
காமபரிளாஹானங் வூபஸமோ அக்கா²தோ! நேதங், ஆவுஸோ, அப்பஸன்னானங் வா பஸாதா³ய
பஸன்னானங் வா பி⁴ய்யோபா⁴வாய. அத² க்²வேதங், ஆவுஸோ, அப்பஸன்னானஞ்சேவ
அப்பஸாதா³ய, பஸன்னானஞ்ச ஏகச்சானங் அஞ்ஞத²த்தாயா’’தி. அத² கோ² தே பி⁴க்கூ²
தங் பி⁴க்கு²ங் அனேகபரியாயேன விக³ரஹித்வா ப⁴க³வதோ ஏதமத்த²ங் அரோசேஸுங்.
42.
அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங்
ஸன்னிபாதாபெத்வா தங் பி⁴க்கு²ங் படிபுச்சி² – ‘‘ஸச்சங் கிர த்வங்,
பி⁴க்கு², மக்கடியா மேது²னங் த⁴ம்மங் படிஸேவீ’’தி? ‘‘ஸச்சங், ப⁴க³வா’’தி.
விக³ரஹி பு³த்³தோ⁴ ப⁴க³வா – ‘‘அனநுச்ச²விகங், மோக⁴புரிஸ, அனநுலோமிகங்
அப்பதிரூபங் அஸ்ஸாமணகங் அகப்பியங் அகரணீயங். கத²ஞ்ஹி நாம த்வங், மோக⁴புரிஸ,
ஏவங் ஸ்வாக்கா²தே த⁴ம்மவினயே பப்³ப³ஜித்வா ந ஸக்கி²ஸ்ஸஸி யாவஜீவங்
பரிபுண்ணங் பரிஸுத்³த⁴ங் ப்³ரஹ்மசரியங் சரிதுங்! நனு மயா, மோக⁴புரிஸ,
அனேகபரியாயேன விராகா³ய த⁴ம்மோ தே³ஸிதோ, நோ ஸராகா³ய
…பே॰… காமபரிளாஹானங் வூபஸமோ அக்கா²தோ! வரங் தே, மோக⁴புரிஸ, ஆஸீவிஸஸ்ஸ
கோ⁴ரவிஸஸ்ஸ முகே² அங்க³ஜாதங் பக்கி²த்தங், ந த்வேவ மக்கடியா அங்க³ஜாதே
அங்க³ஜாதங் பக்கி²த்தங். வரங் தே, மோக⁴புரிஸ, கண்ஹஸப்பஸ்ஸ முகே² அங்க³ஜாதங்
பக்கி²த்தங், ந த்வேவ மக்கடியா அங்க³ஜாதே அங்க³ஜாதங் பக்கி²த்தங். வரங்
தே, மோக⁴புரிஸ, அங்கா³ரகாஸுயா ஆதி³த்தாய ஸம்பஜ்ஜலிதாய ஸஜோதிபூ⁴தாய
அங்க³ஜாதங் பக்கி²த்தங், ந த்வேவ மக்கடியா அங்க³ஜாதே அங்க³ஜாதங்
பக்கி²த்தங். தங் கிஸ்ஸ ஹேது? ததோனிதா³னஞ்ஹி, மோக⁴புரிஸ, மரணங் வா
நிக³ச்செ²ய்ய மரணமத்தங் வா து³க்க²ங்; ந த்வேவ தப்பச்சயா காயஸ்ஸ பே⁴தா³
பரங் மரணா அபாயங் து³க்³க³திங் வினிபாதங் நிரயங் உபபஜ்ஜெய்ய. இதோனிதா³னஞ்ச
கோ², மோக⁴புரிஸ, காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங்
நிரயங் உபபஜ்ஜெய்ய. தத்த² நாம த்வங், மோக⁴புரிஸ, யங் த்வங் அஸத்³த⁴ம்மங்
கா³மத⁴ம்மங் வஸலத⁴ம்மங் து³ட்டு²ல்லங் ஓத³கந்திகங் ரஹஸ்ஸங்
த்³வயங்த்³வயஸமாபத்திங் ஸமாபஜ்ஜிஸ்ஸஸி! நேதங், மோக⁴புரிஸ, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
‘‘யோ பன பி⁴க்கு² மேது²னங் த⁴ம்மங் படிஸேவெய்ய அந்தமஸோ திரச்சா²னக³தாயபி, பாராஜிகோ ஹோதி அஸங்வாஸோ’’தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
மக்கடீவத்து² நிட்டி²தங்.
ஸந்த²தபா⁴ணவாரோ
43. தேன
கோ² பன ஸமயேன ஸம்ப³ஹுலா வேஸாலிகா வஜ்ஜிபுத்தகா பி⁴க்கூ² யாவத³த்த²ங்
பு⁴ஞ்ஜிங்ஸு, யாவத³த்த²ங் ஸுபிங்ஸு, யாவத³த்த²ங் ந்ஹாயிங்ஸு. யாவத³த்த²ங்
பு⁴ஞ்ஜித்வா யாவத³த்த²ங் ஸுபித்வா யாவத³த்த²ங் ந்ஹாயித்வா அயோனிஸோ மனஸி
கரித்வா ஸிக்க²ங் அபச்சக்கா²ய து³ப்³ப³ல்யங் அனாவிகத்வா மேது²னங்
த⁴ம்மங் படிஸேவிங்ஸு. தே அபரேன ஸமயேன ஞாதிப்³யஸனேனபி பு²ட்டா²
போ⁴க³ப்³யஸனேனபி பு²ட்டா² ரோக³ப்³யஸனேனபி பு²ட்டா² ஆயஸ்மந்தங் ஆனந்த³ங்
உபஸங்கமித்வா ஏவங் வத³ந்தி – ‘‘ந மயங், ப⁴ந்தே ஆனந்த³, பு³த்³த⁴க³ரஹினோ ந
த⁴ம்மக³ரஹினோ ந ஸங்க⁴க³ரஹினோ; அத்தக³ரஹினோ மயங், ப⁴ந்தே ஆனந்த³,
அனஞ்ஞக³ரஹினோ. மயமேவம்ஹா அலக்கி²கா மயங் அப்பபுஞ்ஞா, யே மயங் ஏவங்
ஸ்வாக்கா²தே த⁴ம்மவினயே பப்³ப³ஜித்வா நாஸக்கி²ம்ஹா யாவஜீவங் பரிபுண்ணங்
பரிஸுத்³த⁴ங் ப்³ரஹ்மசரியங் சரிதுங். இதா³னி சேபி [இதா³னிபி சே (ஸ்யா॰)]
மயங், ப⁴ந்தே ஆனந்த³, லபெ⁴ய்யாம ப⁴க³வதோ ஸந்திகே பப்³ப³ஜ்ஜங் லபெ⁴ய்யாம
உபஸம்பத³ங், இதா³னிபி மயங் விபஸ்ஸகா குஸலானங் த⁴ம்மானங்
புப்³ப³ரத்தாபரரத்தங் போ³தி⁴பக்கி²கானங் த⁴ம்மானங் பா⁴வனானுயோக³மனுயுத்தா
விஹரெய்யாம. ஸாது⁴, ப⁴ந்தே ஆனந்த³, ப⁴க³வதோ ஏதமத்த²ங் ஆரோசேஹீ’’தி.
‘‘ஏவமாவுஸோ’’தி கோ² ஆயஸ்மா ஆனந்தோ³ வேஸாலிகானங் வஜ்ஜிபுத்தகானங்
படிஸ்ஸுணித்வா யேன ப⁴க³வா தேனுபஸங்கமி; உபஸங்கமித்வா ப⁴க³வதோ ஏதமத்த²ங்
ஆரோசேஸி.
‘‘அட்டா²னமேதங், ஆனந்த³, அனவகாஸோ யங் ததா²க³தோ
வஜ்ஜீனங் வா வஜ்ஜிபுத்தகானங் வா காரணா ஸாவகானங் பாராஜிகங் ஸிக்கா²பத³ங்
பஞ்ஞத்தங் ஸமூஹனெய்யா’’தி.
அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘யோ, பி⁴க்க²வே [யோ பன பி⁴க்க²வே பி⁴க்கு² (ஸீ॰) யோ கோ² பி⁴க்க²வே பி⁴க்கு² (ஸ்யா॰)], ஸிக்க²ங் அபச்சக்கா²ய து³ப்³ப³ல்யங் அனாவிகத்வா மேது²னங் த⁴ம்மங் படிஸேவதி ஸோ ஆக³தோ ந உபஸம்பாதே³தப்³போ³ ; யோ ச கோ², பி⁴க்க²வே [யோ ச கோ² பி⁴க்க²வே பி⁴க்கு² (ஸீ॰ ஸ்யா॰)],
ஸிக்க²ங் பச்சக்கா²ய து³ப்³ப³ல்யங் ஆவிகத்வா மேது²னங் த⁴ம்மங் படிஸேவதி ஸோ
ஆக³தோ உபஸம்பாதே³தப்³போ³. ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –
44. ‘‘யோ
பன பி⁴க்கு² பி⁴க்கூ²னங் ஸிக்கா²ஸாஜீவஸமாபன்னோ ஸிக்க²ங் அபச்சக்கா²ய
து³ப்³ப³ல்யங் அனாவிகத்வா மேது²னங் த⁴ம்மங் படிஸேவெய்ய அந்தமஸோ
திரச்சா²னக³தாயபி, பாராஜிகோ ஹோதி அஸங்வாஸோ’’தி.
45. யோ பனாதி யோ யாதி³ஸோ யதா²யுத்தோ யதா²ஜச்சோ யதா²னாமோ யதா²கொ³த்தோ யதா²ஸீலோ யதா²விஹாரீ யதா²கோ³சரோ தே²ரோ வா நவோ வா மஜ்ஜி²மோ வா. ஏஸோ வுச்சதி ‘யோ பனா’தி.
[விப⁴॰ 510, ஜா²னவிப⁴ங்கே³பி] பி⁴க்கூ²தி
பி⁴க்க²கோதி பி⁴க்கு², பி⁴க்கா²சரியங் அஜ்ஜு²பக³தோதி பி⁴க்கு²,
பி⁴ன்னபடத⁴ரோதி பி⁴க்கு², ஸமஞ்ஞாய பி⁴க்கு², படிஞ்ஞாய பி⁴க்கு², ஏஹி
பி⁴க்கூ²தி பி⁴க்கு², தீஹி ஸரணக³மனேஹி உபஸம்பன்னோதி பி⁴க்கு², ப⁴த்³ரோ
பி⁴க்கு², ஸாரோ பி⁴க்கு², ஸேகோ² பி⁴க்கு², அஸேகோ² பி⁴க்கு², ஸமக்³கே³ன
ஸங்கே⁴ன ஞத்திசதுத்தே²ன கம்மேன அகுப்பேன டா²னாரஹேன உபஸம்பன்னோதி பி⁴க்கு².
தத்ர ய்வாயங் பி⁴க்கு² ஸமக்³கே³ன ஸங்கே⁴ன ஞத்திசதுத்தே²ன கம்மேன அகுப்பேன
டா²னாரஹேன உபஸம்பன்னோ, அயங் இமஸ்மிங் அத்தே² அதி⁴ப்பேதோ பி⁴க்கூ²தி.
[தீ³॰ நி॰ 3.305] ஸிக்கா²தி திஸ்ஸோ ஸிக்கா² – அதி⁴ஸீலஸிக்கா², அதி⁴சித்தஸிக்கா², அதி⁴பஞ்ஞாஸிக்கா² . தத்ர யாயங் அதி⁴ஸீலஸிக்கா², அயங் இமஸ்மிங் அத்தே² அதி⁴ப்பேதா ஸிக்கா²தி.
ஸாஜீவங் நாம யங் ப⁴க³வதா பஞ்ஞத்தங் ஸிக்கா²பத³ங், ஏதங் ஸாஜீவங் நாம. தஸ்மிங் ஸிக்க²தி, தேன வுச்சதி ஸாஜீவஸமாபன்னோதி.
ஸிக்க²ங் அபச்சக்கா²ய து³ப்³ப³ல்யங் அனாவிகத்வாதி
அத்தி², பி⁴க்க²வே, து³ப்³ப³ல்யாவிகம்மஞ்சேவ ஹோதி ஸிக்கா² ச அபச்சக்கா²தா;
அத்தி², பி⁴க்க²வே, து³ப்³ப³ல்யாவிகம்மஞ்சேவ ஹோதி ஸிக்கா² ச பச்சக்கா²தா.
‘‘கத²ஞ்ச, பி⁴க்க²வே, து³ப்³ப³ல்யாவிகம்மஞ்சேவ ஹோதி
ஸிக்கா² ச அபச்சக்கா²தா. இத⁴, பி⁴க்க²வே, பி⁴க்கு² உக்கண்டி²தோ அனபி⁴ரதோ
ஸாமஞ்ஞா சவிதுகாமோ பி⁴க்கு²பா⁴வங் அட்டீயமானோ ஹராயமானோ ஜிகு³ச்ச²மானோ
கி³ஹிபா⁴வங் பத்த²யமானோ உபாஸகபா⁴வங் பத்த²யமானோ ஆராமிகபா⁴வங் பத்த²யமானோ
ஸாமணேரபா⁴வங் பத்த²யமானோ தித்தி²யபா⁴வங் பத்த²யமானோ தித்தி²யஸாவகபா⁴வங்
பத்த²யமானோ அஸ்ஸமணபா⁴வங் பத்த²யமானோ அஸக்யபுத்தியபா⁴வங் பத்த²யமானோ –
‘யங்னூனாஹங் பு³த்³த⁴ங் பச்சக்கெ²ய்ய’ந்தி வத³தி விஞ்ஞாபேதி. ஏவம்பி,
பி⁴க்க²வே, து³ப்³ப³ல்யாவிகம்மஞ்சேவ ஹோதி ஸிக்கா² ச அபச்சக்கா²தா.
‘‘அத² வா பன உக்கண்டி²தோ அனபி⁴ரதோ ஸாமஞ்ஞா சவிதுகாமோ
பி⁴க்கு²பா⁴வங் அட்டீயமானோ ஹராயமானோ ஜிகு³ச்ச²மானோ கி³ஹிபா⁴வங்
பத்த²யமானோ…பே॰… அஸக்யபுத்தியபா⁴வங் பத்த²யமானோ – ‘யங்னூனாஹங் த⁴ம்மங்
பச்சக்கெ²ய்ய’ந்தி வத³தி விஞ்ஞாபேதி…பே॰… யங்னூனாஹங் ஸங்க⁴ங்… யங்னூனாஹங்
ஸிக்க²ங்… யங்னூனாஹங் வினயங்… யங்னூனாஹங் பாதிமொக்க²ங்… யங்னூனாஹங் உத்³தே³ஸங்… யங்னூனாஹங்
உபஜ்ஜா²யங்… யங்னூனாஹங் ஆசரியங்… யங்னூனாஹங் ஸத்³தி⁴விஹாரிகங்… யங்னூனாஹங்
அந்தேவாஸிகங்… யங்னூனாஹங் ஸமானுபஜ்ஜா²யகங்… யங்னூனாஹங் ஸமானாசரியகங்
யங்னூனாஹங் ஸப்³ரஹ்மசாரிங் பச்சக்கெ²ய்ய’ந்தி வத³தி விஞ்ஞாபேதி.
‘யங்னூனாஹங் கி³ஹீ அஸ்ஸ’ந்தி வத³தி விஞ்ஞாபேதி. ‘யங்னூனாஹங் உபாஸகோ
அஸ்ஸ’ந்தி… ‘யங்னூனாஹங் ஆராமிகோ அஸ்ஸ’ந்தி… ‘யங்னூனாஹங் ஸாமணேரோ அஸ்ஸ’ந்தி…
‘யங்னூனாஹங் தித்தி²யோ அஸ்ஸ’ந்தி… ‘யங்னூனாஹங் தித்தி²யஸாவகோ அஸ்ஸ’ந்தி…
‘யங்னூனாஹங் அஸ்ஸமணோ அஸ்ஸ’ந்தி… ‘யங்னூனாஹங் அஸக்யபுத்தியோ அஸ்ஸ’ந்தி வத³தி
விஞ்ஞாபேதி. ஏவம்பி, பி⁴க்க²வே, து³ப்³ப³ல்யாவிகம்மஞ்சேவ ஹோதி ஸிக்கா² ச
அபச்சக்கா²தா.
46. ‘‘அத²
வா பன உக்கண்டி²தோ அனபி⁴ரதோ ஸாமஞ்ஞா சவிதுகாமோ பி⁴க்கு²பா⁴வங் அட்டீயமானோ
ஹராயமானோ ஜிகு³ச்ச²மானோ கி³ஹிபா⁴வங் பத்த²யமானோ…பே॰… அஸக்யபுத்தியபா⁴வங்
பத்த²யமானோ – ‘யதி³ பனாஹங் பு³த்³த⁴ங் பச்சக்கெ²ய்ய’ந்தி வத³தி விஞ்ஞாபேதி…பே॰… ‘யதி³ பனாஹங் அஸக்யபுத்தியோ அஸ்ஸ’ந்தி
வத³தி விஞ்ஞாபேதி…பே॰… ‘அபாஹங் பு³த்³த⁴ங் பச்சக்கெ²ய்ய’ந்தி வத³தி
விஞ்ஞாபேதி…பே॰… ‘அபாஹங் அஸக்யபுத்தியோ அஸ்ஸ’ந்தி வத³தி விஞ்ஞாபேதி…பே॰…
‘ஹந்தா³ஹங் பு³த்³த⁴ங் பச்சக்கெ²ய்ய’ந்தி வத³தி விஞ்ஞாபேதி…பே॰… ‘ஹந்தா³ஹங்
அஸக்யபுத்தியோ அஸ்ஸ’ந்தி வத³தி விஞ்ஞாபேதி…பே॰… ‘ஹோதி மே பு³த்³த⁴ங்
பச்சக்கெ²ய்ய’ந்தி வத³தி விஞ்ஞாபேதி…பே॰… ‘ஹோதி மே அஸக்யபுத்தியோ அஸ்ஸ’ந்தி
வத³தி விஞ்ஞாபேதி. ஏவம்பி, பி⁴க்க²வே, து³ப்³ப³ல்யாவிகம்மஞ்சேவ ஹோதி
ஸிக்கா² ச அபச்சக்கா²தா.
47.
‘‘அத² வா பன உக்கண்டி²தோ அனபி⁴ரதோ ஸாமஞ்ஞா சவிதுகாமோ பி⁴க்கு²பா⁴வங்
அட்டீயமானோ ஹராயமானோ ஜிகு³ச்ச²மானோ கி³ஹிபா⁴வங் பத்த²யமானோ…பே॰…
அஸக்யபுத்தியபா⁴வங் பத்த²யமானோ ‘மாதரங் ஸராமீ’தி வத³தி விஞ்ஞாபேதி… ‘பிதரங்
ஸராமீ’தி வத³தி விஞ்ஞாபேதி… ‘பா⁴தரங் ஸராமீ’தி வத³தி விஞ்ஞாபேதி…
‘ப⁴கி³னிங் ஸராமீ’தி வத³தி விஞ்ஞாபேதி… ‘புத்தங் ஸராமீ’தி வத³தி
விஞ்ஞாபேதி… ‘தீ⁴தரங் ஸராமீ’தி வத³தி விஞ்ஞாபேதி… ‘பஜாபதிங் ஸராமீ’தி வத³தி
விஞ்ஞாபேதி… ‘ஞாதகே ஸராமீ’தி வத³தி விஞ்ஞாபேதி… ‘மித்தே ஸராமீ’தி வத³தி
விஞ்ஞாபேதி… ‘கா³மங் ஸராமீ’தி வத³தி விஞ்ஞாபேதி… ‘நிக³மங் ஸராமீ’தி வத³தி
விஞ்ஞாபேதி… ‘கெ²த்தங் ஸராமீ’தி வத³தி விஞ்ஞாபேதி… ‘வத்து²ங் ஸராமி’தி
வத³தி விஞ்ஞாபேதி… ‘ஹிரஞ்ஞங் ஸராமீ’தி வத³தி விஞ்ஞாபேதி… ‘ஸுவண்ணங்
ஸராமீ’தி வத³தி விஞ்ஞாபேதி… ‘ஸிப்பங் ஸராமீ’தி வத³தி விஞ்ஞாபேதி… ‘புப்³பே³
ஹஸிதங் லபிதங் கீளிதங் ஸமனுஸ்ஸராமீ’தி வத³தி விஞ்ஞாபேதி. ஏவம்பி, பி⁴க்க²வே, து³ப்³ப³ல்யாவிகம்மஞ்சேவ ஹோதி ஸிக்கா² ச அபச்சக்கா²தா.
48.
‘‘அத² வா பன உக்கண்டி²தோ அனபி⁴ரதோ ஸாமஞ்ஞா சவிதுகாமோ பி⁴க்கு²பா⁴வங்
அட்டீயமானோ ஹராயமானோ ஜிகு³ச்ச²மானோ கி³ஹிபா⁴வங் பத்த²யமானோ…பே॰…
அஸக்யபுத்தியபா⁴வங் பத்த²யமானோ – ‘மாதா மே அத்தி², ஸா மயா போஸேதப்³பா³’தி
வத³தி விஞ்ஞாபேதி… ‘பிதா மே அத்தி², ஸோ மயா போஸேதப்³போ³’தி வத³தி
விஞ்ஞாபேதி… ‘பா⁴தா மே அத்தி², ஸோ மயா போஸேதப்³போ³’தி வத³தி விஞ்ஞாபேதி…
‘ப⁴கி³னீ மே அத்தி², ஸா மயா போஸேதப்³பா³’தி வத³தி விஞ்ஞாபேதி… ‘புத்தோ மே
அத்தி², ஸோ மயா போஸேதப்³போ³’தி வத³தி விஞ்ஞாபேதி… ‘தீ⁴தா மே அத்தி², ஸா மயா
போஸேதப்³பா³’தி வத³தி விஞ்ஞாபேதி… ‘பஜாபதி மே அத்தி², ஸா மயா
போஸேதப்³பா³’தி வத³தி விஞ்ஞாபேதி …
‘ஞாதகா மே அத்தி², தே மயா போஸேதப்³பா³’தி வத³தி விஞ்ஞாபேதி… ‘மித்தா மே
அத்தி², தே மயா போஸேதப்³பா³’தி வத³தி விஞ்ஞாபேதி. ஏவம்பி, பி⁴க்க²வே,
து³ப்³ப³ல்யாவிகம்மஞ்சேவ ஹோதி ஸிக்கா² ச அபச்சக்கா²தா.
49.
‘‘அத² வா பன உக்கண்டி²தோ அனபி⁴ரதோ ஸாமஞ்ஞா சவிதுகாமோ பி⁴க்கு²பா⁴வங்
அட்டீயமானோ ஹராயமானோ ஜிகு³ச்ச²மானோ கி³ஹிபா⁴வங் பத்த²யமானோ…பே॰…
அஸக்யபுத்தியபா⁴வங் பத்த²யமானோ – ‘மாதா மே அத்தி², ஸா மங் போஸெஸ்ஸதீ’தி
வத³தி விஞ்ஞாபேதி… ‘பிதா மே அத்தி², ஸோ மங் போஸெஸ்ஸதீ’தி வத³தி விஞ்ஞாபேதி…
‘பா⁴தா மே அத்தி², ஸோ மங் போஸெஸ்ஸதீ’தி வத³தி விஞ்ஞாபேதி… ‘ப⁴கி³னீ மே
அத்தி², ஸா மங் போஸெஸ்ஸதீ’தி வத³தி விஞ்ஞாபேதி…
‘புத்தோ மே அத்தி², ஸோ மங் போஸெஸ்ஸதீ’தி வத³தி விஞ்ஞாபேதி… ‘தீ⁴தா மே
அத்தி², ஸா மங் போஸெஸ்ஸதீ’தி வத³தி விஞ்ஞாபேதி… ‘பஜாபதி மே அத்தி², ஸா மங்
போஸெஸ்ஸதீ’தி வத³தி விஞ்ஞாபேதி… ‘ஞாதகா மே அத்தி², தே மங் போஸெஸ்ஸந்தீ’தி
வத³தி விஞ்ஞாபேதி… ‘மித்தா மே அத்தி², தே மங் போஸெஸ்ஸந்தீ’தி வத³தி
விஞ்ஞாபேதி… ‘கா³மோ மே அத்தி², தேனாஹங் ஜீவிஸ்ஸாமீ’தி வத³தி விஞ்ஞாபேதி…
‘நிக³மோ மே அத்தி², தேனாஹங் ஜீவிஸ்ஸாமீ’தி வத³தி விஞ்ஞாபேதி… ‘கெ²த்தங் மே
அத்தி², தேனாஹங் ஜீவிஸ்ஸாமீ’தி வத³தி விஞ்ஞாபேதி… ‘வத்து² மே அத்தி²,
தேனாஹங் ஜீவிஸ்ஸாமீ’தி வத³தி விஞ்ஞாபேதி… ‘ஹிரஞ்ஞங் மே அத்தி², தேனாஹங்
ஜீவிஸ்ஸாமீ’தி வத³தி விஞ்ஞாபேதி… ‘ஸுவண்ணங் மே அத்தி², தேனாஹங்
ஜீவிஸ்ஸாமீ’தி வத³தி விஞ்ஞாபேதி… ‘ஸிப்பங் மே அத்தி², தேனாஹங்
ஜீவிஸ்ஸாமீ’தி வத³தி விஞ்ஞாபேதி. ஏவம்பி, பி⁴க்க²வே,
து³ப்³ப³ல்யாவிகம்மஞ்சேவ ஹோதி ஸிக்கா² ச அபச்சக்கா²தா.
50.
‘‘அத² வா பன உக்கண்டி²தோ அனபி⁴ரதோ ஸாமஞ்ஞா சவிதுகாமோ பி⁴க்கு²பா⁴வங்
அட்டீயமானோ ஹராயமானோ ஜிகு³ச்ச²மானோ கி³ஹிபா⁴வங் பத்த²யமானோ…பே॰…
அஸக்யபுத்தியபா⁴வங் பத்த²யமானோ ‘து³க்கர’ந்தி வத³தி விஞ்ஞாபேதி… ‘ந
ஸுகர’ந்தி வத³தி விஞ்ஞாபேதி… ‘து³ச்சர’ந்தி வத³தி விஞ்ஞாபேதி… ‘ந ஸுசர’ந்தி
வத³தி விஞ்ஞாபேதி… ‘ந உஸ்ஸஹாமீ’தி வத³தி விஞ்ஞாபேதி… ‘ந விஸஹாமீ’தி வத³தி
விஞ்ஞாபேதி… ‘ந ரமாமீ’தி வத³தி விஞ்ஞாபேதி… ‘நாபி⁴ரமாமீ’தி வத³தி விஞ்ஞாபேதி. ஏவம்பி கோ², பி⁴க்க²வே, து³ப்³ப³ல்யாவிகம்மஞ்சேவ ஹோதி ஸிக்கா² ச அபச்சக்கா²தா.
51. ‘‘கத²ஞ்ச , பி⁴க்க²வே, து³ப்³ப³ல்யாவிகம்மஞ்சேவ ஹோதி ஸிக்கா² ச பச்சக்கா²தா? இத⁴ ,
பி⁴க்க²வே, பி⁴க்கு² உக்கண்டி²தோ அனபி⁴ரதோ ஸாமஞ்ஞா சவிதுகாமோ
பி⁴க்கு²பா⁴வங் அட்டீயமானோ ஹராயமானோ ஜிகு³ச்ச²மானோ கி³ஹிபா⁴வங்
பத்த²யமானோ…பே॰… அஸக்யபுத்தியபா⁴வங் பத்த²யமானோ – ‘பு³த்³த⁴ங்
பச்சக்கா²மீ’தி வத³தி விஞ்ஞாபேதி. ஏவம்பி, பி⁴க்க²வே,
து³ப்³ப³ல்யாவிகம்மஞ்சேவ ஹோதி ஸிக்கா² ச பச்சக்கா²தா.
‘‘அத² வா பன உக்கண்டி²தோ அனபி⁴ரதோ ஸாமஞ்ஞா சவிதுகாமோ
பி⁴க்கு²பா⁴வங் அட்டீயமானோ ஹராயமானோ ஜிகு³ச்ச²மானோ கி³ஹிபா⁴வங்
பத்த²யமானோ…பே॰… அஸக்யபுத்தியபா⁴வங் பத்த²யமானோ – ‘த⁴ம்மங் பச்சக்கா²மீ’தி
வத³தி விஞ்ஞாபேதி… ‘ஸங்க⁴ங் பச்சக்கா²மீ’தி வத³தி
விஞ்ஞாபேதி… ‘ஸிக்க²ங் பச்சக்கா²மீ’தி வத³தி விஞ்ஞாபேதி… ‘வினயங்
பச்சக்கா²மீ’தி வத³தி விஞ்ஞாபேதி… ‘பாதிமொக்க²ங் பச்சக்கா²மீ’தி வத³தி
விஞ்ஞாபேதி… ‘உத்³தே³ஸங் பச்சக்கா²மீ’தி வத³தி விஞ்ஞாபேதி… ‘உபஜ்ஜா²யங்
பச்சக்கா²மீ’தி வத³தி விஞ்ஞாபேதி… ‘ஆசரியங் பச்சக்கா²மீ’தி வத³தி
விஞ்ஞாபேதி… ‘ஸத்³தி⁴விஹாரிகங் பச்சக்கா²மீ’தி வத³தி விஞ்ஞாபேதி…
‘அந்தேவாஸிகங் பச்சக்கா²மீ’தி வத³தி விஞ்ஞாபேதி… ‘ஸமானுபஜ்ஜா²யகங்
பச்சக்கா²மீ’தி வத³தி விஞ்ஞாபேதி… ‘ஸமானாசரியகங் பச்சக்கா²மீ’தி வத³தி
விஞ்ஞாபேதி… ‘ஸப்³ரஹ்மசாரிங் பச்சக்கா²மீ’தி வத³தி விஞ்ஞாபேதி… ‘கி³ஹீதி
மங் தா⁴ரேஹீ’தி வத³தி விஞ்ஞாபேதி… ‘உபாஸகோதி மங் தா⁴ரேஹீ’தி
வத³தி விஞ்ஞாபேதி… ‘ஆராமிகோதி மங் தா⁴ரேஹீ’தி வத³தி விஞ்ஞாபேதி…
‘ஸாமணேரோதி மங் தா⁴ரேஹீ’தி வத³தி விஞ்ஞாபேதி… ‘தித்தி²யோதி மங் தா⁴ரேஹீ’தி
வத³தி விஞ்ஞாபேதி… ‘தித்தி²யஸாவகோதி மங் தா⁴ரேஹீ’தி வத³தி விஞ்ஞாபேதி…
‘அஸ்ஸமணோதி மங் தா⁴ரேஹீ’தி வத³தி விஞ்ஞாபேதி… ‘அஸக்யபுத்தியோதி மங்
தா⁴ரேஹீ’தி வத³தி விஞ்ஞாபேதி. ஏவம்பி, பி⁴க்க²வே, து³ப்³ப³ல்யாவிகம்மஞ்சேவ
ஹோதி ஸிக்கா² ச பச்சக்கா²தா.
52.
‘‘அத² வா பன உக்கண்டி²தோ அனபி⁴ரதோ ஸாமஞ்ஞா சவிதுகாமோ பி⁴க்கு²பா⁴வங்
அட்டீயமானோ ஹராயமானோ ஜிகு³ச்ச²மானோ கி³ஹிபா⁴வங் பத்த²யமானோ…பே॰…
அஸக்யபுத்தியபா⁴வங் பத்த²யமானோ – ‘அலங் மே பு³த்³தே⁴னா’தி வத³தி
விஞ்ஞாபேதி…பே॰… ‘அலங் மே ஸப்³ரஹ்மசாரீஹீ’தி வத³தி விஞ்ஞாபேதி. ஏவம்பி…பே॰…
அத² வா பன…பே॰… ‘கிங் நு மே பு³த்³தே⁴னா’தி வத³தி விஞ்ஞாபேதி…பே॰… ‘கிங்
நு மே ஸப்³ரஹ்மசாரீஹீ’தி வத³தி விஞ்ஞாபேதி… ‘ந மமத்தோ² பு³த்³தே⁴னா’தி
வத³தி விஞ்ஞாபேதி…பே॰… ‘ந மமத்தோ² ஸப்³ரஹ்மசாரீஹீ’தி வத³தி விஞ்ஞாபேதி…
‘ஸுமுத்தாஹங் பு³த்³தே⁴னா’தி வத³தி விஞ்ஞாபேதி…பே॰…
‘ஸுமுத்தாஹங் ஸப்³ரஹ்மசாரீஹீ’தி வத³தி விஞ்ஞாபேதி. ஏவம்பி, பி⁴க்க²வே,
து³ப்³ப³ல்யாவிகம்மஞ்சேவ ஹோதி ஸிக்கா² ச பச்சக்கா²தா.
53. ‘‘யானி
வா பனஞ்ஞானிபி அத்தி² பு³த்³த⁴வேவசனானி வா த⁴ம்மவேவசனானி வா ஸங்க⁴வேவசனானி
வா ஸிக்கா²வேவசனானி வா வினயவேவசனானி வா பாதிமொக்க²வேவசனானி வா
உத்³தே³ஸவேவசனானி வா உபஜ்ஜா²யவேவசனானி வா
ஆசரியவேவசனானி வா ஸத்³தி⁴விஹாரிகவேவசனானி வா அந்தேவாஸிகவேவசனானி வா
ஸமானுபஜ்ஜா²யகவேவசனானி வா ஸமானாசரியகவேவசனானி வா ஸப்³ரஹ்மசாரிவேவசனானி வா
கி³ஹிவேவசனானி வா உபாஸகவேவசனானி வா ஆராமிகவேவசனானி வா ஸாமணேரவேவசனானி வா
தித்தி²யவேவசனானி வா தித்தி²யஸாவகவேவசனானி வா அஸ்ஸமணவேவசனானி வா
அஸக்யபுத்தியவேவசனானி வா, தேஹி ஆகாரேஹி தேஹி லிங்கே³ஹி தேஹி நிமித்தேஹி
வத³தி விஞ்ஞாபேதி. ஏவங் கோ², பி⁴க்க²வே, து³ப்³ப³ல்யாவிகம்மஞ்சேவ ஹோதி
ஸிக்கா² ச பச்சக்கா²தா.
54.
‘‘கத²ஞ்ச, பி⁴க்க²வே, அபச்சக்கா²தா ஹோதி ஸிக்கா²? இத⁴, பி⁴க்க²வே, யேஹி
ஆகாரேஹி யேஹி லிங்கே³ஹி யேஹி நிமித்தேஹி ஸிக்கா² பச்சக்கா²தா ஹோதி தேஹி
ஆகாரேஹி தேஹி லிங்கே³ஹி தேஹி நிமித்தேஹி உம்மத்தகோ ஸிக்க²ங் பச்சக்கா²தி,
அபச்சக்கா²தா ஹோதி ஸிக்கா². உம்மத்தகஸ்ஸ ஸந்திகே ஸிக்க²ங் பச்சக்கா²தி,
அபச்சக்கா²தா ஹோதி ஸிக்கா². கி²த்தசித்தோ ஸிக்க²ங் பச்சக்கா²தி,
அபச்சக்கா²தா ஹோதி ஸிக்கா². கி²த்தசித்தஸ்ஸ ஸந்திகே ஸிக்க²ங் பச்சக்கா²தி,
அபச்சக்கா²தா ஹோதி ஸிக்கா². வேத³னாட்டோ ஸிக்க²ங் பச்சக்கா²தி, அபச்சக்கா²தா
ஹோதி ஸிக்கா². வேத³னாட்டஸ்ஸ ஸந்திகே ஸிக்க²ங் பச்சக்கா²தி, அபச்சக்கா²தா
ஹோதி ஸிக்கா². தே³வதாய ஸந்திகே ஸிக்க²ங் பச்சக்கா²தி, அபச்சக்கா²தா ஹோதி
ஸிக்கா². திரச்சா²னக³தஸ்ஸ ஸந்திகே ஸிக்க²ங் பச்சக்கா²தி, அபச்சக்கா²தா ஹோதி ஸிக்கா². அரியகேன மிலக்க²ஸ்ஸ [மிலக்க²கஸ்ஸ (ஸீ॰ ஸ்யா॰) மிலக்கு²ஸ்ஸ (க॰)]
ஸந்திகே ஸிக்க²ங் பச்சக்கா²தி, ஸோ ச ந படிவிஜானாதி, அபச்சக்கா²தா ஹோதி
ஸிக்கா². மிலக்க²கேன அரியகஸ்ஸ ஸந்திகே ஸிக்க²ங் பச்சக்கா²தி, ஸோ ச ந
படிவிஜானாதி, அபச்சக்கா²தா ஹோதி ஸிக்கா². அரியகேன அரியஸ்ஸ ஸந்திகே ஸிக்க²ங்
பச்சக்கா²தி, ஸோ ச ந படிவிஜானாதி , அபச்சக்கா²தா ஹோதி ஸிக்கா². மிலக்க²கேன மிலக்க²ஸ்ஸ
ஸந்திகே ஸிக்க²ங் பச்சக்கா²தி, ஸோ ச ந படிவிஜானாதி, அபச்சக்கா²தா ஹோதி
ஸிக்கா². த³வாய ஸிக்க²ங் பச்சக்கா²தி, அபச்சக்கா²தா ஹோதி ஸிக்கா². ரவாய
ஸிக்க²ங் பச்சக்கா²தி, அபச்சக்கா²தா ஹோதி ஸிக்கா². அஸாவேதுகாமோ ஸாவேதி,
அபச்சக்கா²தா ஹோதி ஸிக்கா². ஸாவேதுகாமோ ந ஸாவேதி, அபச்சக்கா²தா ஹோதி
ஸிக்கா². அவிஞ்ஞுஸ்ஸ ஸாவேதி, அபச்சக்கா²தா ஹோதி ஸிக்கா². விஞ்ஞுஸ்ஸ ந
ஸாவேதி, அபச்சக்கா²தா ஹோதி ஸிக்கா². ஸப்³ப³ஸோ வா பன ந ஸாவேதி, அபச்சக்கா²தா ஹோதி ஸிக்கா². ஏவங் கோ², பி⁴க்க²வே, அபச்சக்கா²தா ஹோதி ஸிக்கா²’’.
55. [மஹானி॰ 49, 50, 51] மேது²னத⁴ம்மோ நாம யோ ஸோ அஸத்³த⁴ம்மோ கா³மத⁴ம்மோ வஸலத⁴ம்மோ து³ட்டு²ல்லங் ஓத³கந்திகங் ரஹஸ்ஸங் த்³வயங்த்³வயஸமாபத்தி, ஏஸோ மேது²னத⁴ம்மோ நாம.
படிஸேவதி நாம யோ நிமித்தேன நிமித்தங் அங்க³ஜாதேன அங்க³ஜாதங் அந்தமஸோ திலப²லமத்தம்பி பவேஸேதி, ஏஸோ படிஸேவதி நாம.
அந்தமஸோ திரச்சா²னக³தாயபீதி
திரச்சா²னக³தித்தி²யாபி மேது²னங் த⁴ம்மங் படிஸேவித்வா அஸ்ஸமணோ ஹோதி
அஸக்யபுத்தியோ, பகே³வ மனுஸ்ஸித்தி²யா. தேன வுச்சதி – ‘அந்தமஸோ
திரச்சா²னக³தாயபீ’தி.
பாராஜிகோ ஹோதீதி ஸெய்யதா²பி
நாம புரிஸோ ஸீஸச்சி²ன்னோ அப⁴ப்³போ³ தேன ஸரீரப³ந்த⁴னேன ஜீவிதுங், ஏவமேவ
பி⁴க்கு² மேது²னங் த⁴ம்மங் படிஸேவித்வா அஸ்ஸமணோ ஹோதி அஸக்யபுத்தியோ. தேன
வுச்சதி – ‘பாராஜிகோ ஹோதீ’தி.
அஸங்வாஸோதி ஸங்வாஸோ நாம ஏககம்மங் ஏகுத்³தே³ஸோ ஸமஸிக்க²தா – ஏஸோ ஸங்வாஸோ நாம. ஸோ தேன ஸத்³தி⁴ங் நத்தி². தேன வுச்சதி – ‘அஸங்வாஸோ’தி.
56.
திஸ்ஸோ இத்தி²யோ – மனுஸ்ஸித்தீ², அமனுஸ்ஸித்தீ², திரச்சா²னக³தித்தீ². தயோ
உப⁴தொப்³யஞ்ஜனகா – மனுஸ்ஸுப⁴தொப்³யஞ்ஜனகோ, அமனுஸ்ஸுப⁴தொப்³யஞ்ஜனகோ,
திரச்சா²னக³துப⁴தொப்³யஞ்ஜனகோ. தயோ பண்ட³கா – மனுஸ்ஸபண்ட³கோ, அமனுஸ்ஸபண்ட³கோ
, திரச்சா²னக³தபண்ட³கோ. தயோ புரிஸா – மனுஸ்ஸபுரிஸோ, அமனுஸ்ஸபுரிஸோ, திரச்சா²னக³தபுரிஸோ.
மனுஸ்ஸித்தி²யா தயோ மக்³கே³ மேது²னங் த⁴ம்மங்
படிஸேவந்தஸ்ஸ ஆபத்தி பாராஜிகஸ்ஸ – வச்சமக்³கே³, பஸ்ஸாவமக்³கே³, முகே².
அமனுஸ்ஸித்தி²யா…பே॰… திரச்சா²னக³தித்தி²யா தயோ மக்³கே³ மேது²னங் த⁴ம்மங்
படிஸேவந்தஸ்ஸ ஆபத்தி பாராஜிகஸ்ஸ – வச்சமக்³கே³, பஸ்ஸாவமக்³கே³, முகே².
மனுஸ்ஸுப⁴தொப்³யஞ்ஜனகஸ்ஸ… அமனுஸ்ஸுப⁴தொப்³யஞ்ஜனகஸ்ஸ…
திரச்சா²னக³துப⁴தொப்³யஞ்ஜனகஸ்ஸ தயோ மக்³கே³ மேது²னங் த⁴ம்மங் படிஸேவந்தஸ்ஸ ஆபத்தி பாராஜிகஸ்ஸ – வச்சமக்³கே³, பஸ்ஸாவமக்³கே³, முகே². மனுஸ்ஸபண்ட³கஸ்ஸ த்³வே மக்³கே³
மேது²னங் த⁴ம்மங் படிஸேவந்தஸ்ஸ ஆபத்தி பாராஜிகஸ்ஸ – வச்சமக்³கே³, முகே².
அமனுஸ்ஸபண்ட³கஸ்ஸ… திரச்சா²னக³தபண்ட³கஸ்ஸ… மனுஸ்ஸபுரிஸஸ்ஸ…
அமனுஸ்ஸபுரிஸஸ்ஸ… திரச்சா²னக³தபுரிஸஸ்ஸ த்³வே மக்³கே³ மேது²னங் த⁴ம்மங்
படிஸேவந்தஸ்ஸ ஆபத்தி பாராஜிகஸ்ஸ – வச்சமக்³கே³, முகே².
57. பி⁴க்கு²ஸ்ஸ
ஸேவனசித்தங் உபட்டி²தே மனுஸ்ஸித்தி²யா வச்சமக்³க³ங் அங்க³ஜாதங்
பவேஸெந்தஸ்ஸ ஆபத்தி பாராஜிகஸ்ஸ. பி⁴க்கு²ஸ்ஸ ஸேவனசித்தங் உபட்டி²தே
மனுஸ்ஸித்தி²யா பஸ்ஸாவமக்³க³ங்… முக²ங் அங்க³ஜாதங் பவேஸெந்தஸ்ஸ ஆபத்தி
பாராஜிகஸ்ஸ. பி⁴க்கு²ஸ்ஸ ஸேவனசித்தங் உபட்டி²தே அமனுஸ்ஸித்தி²யா…
திரச்சா²னக³தித்தி²யா… மனுஸ்ஸுப⁴தொப்³யஞ்ஜனகஸ்ஸ… அமனுஸ்ஸுப⁴தொப்³யஞ்ஜனகஸ்ஸ…
திரச்சா²னக³துப⁴தொப்³யஞ்ஜனகஸ்ஸ… வச்சமக்³க³ங் பஸ்ஸாவமக்³க³ங் முக²ங்
அங்க³ஜாதங் பவேஸெந்தஸ்ஸ ஆபத்தி பாராஜிகஸ்ஸ. பி⁴க்கு²ஸ்ஸ ஸேவனசித்தங்
உபட்டி²தே மனுஸ்ஸபண்ட³கஸ்ஸ வச்சமக்³க³ங் முக²ங் அங்க³ஜாதங் பவேஸெந்தஸ்ஸ
ஆபத்தி பாராஜிகஸ்ஸ. பி⁴க்கு²ஸ்ஸ ஸேவனசித்தங் உபட்டி²தே அமனுஸ்ஸபண்ட³கஸ்ஸ…
திரச்சா²னக³தபண்ட³கஸ்ஸ… மனுஸ்ஸபுரிஸஸ்ஸ… அமனுஸ்ஸபுரிஸஸ்ஸ…
திரச்சா²னக³தபுரிஸஸ்ஸ வச்சமக்³க³ங் முக²ங் அங்க³ஜாதங் பவேஸெந்தஸ்ஸ ஆபத்தி
பாராஜிகஸ்ஸ.
58. பி⁴க்கு²பச்சத்தி²கா மனுஸ்ஸித்தி²ங் பி⁴க்கு²ஸ்ஸ ஸந்திகே ஆனெத்வா வச்சமக்³கே³ன அங்க³ஜாதங் அபி⁴னிஸீதெ³ந்தி. ஸோ சே பவேஸனங் ஸாதி³யதி [பவிஸனங் ஸாத³யதி (க॰)],
பவிட்ட²ங் ஸாதி³யதி, டி²தங் ஸாதி³யதி, உத்³த⁴ரணங் ஸாதி³யதி, ஆபத்தி
பாராஜிகஸ்ஸ. பி⁴க்கு²பச்சத்தி²கா மனுஸ்ஸித்தி²ங் பி⁴க்கு²ஸ்ஸ ஸந்திகே
ஆனெத்வா வச்சமக்³கே³ன அங்க³ஜாதங் அபி⁴னிஸீதெ³ந்தி. ஸோ சே பவேஸனங் ந
ஸாதி³யதி, பவிட்ட²ங் ஸாதி³யதி, டி²தங் ஸாதி³யதி, உத்³த⁴ரணங் ஸாதி³யதி,
ஆபத்தி பாராஜிகஸ்ஸ. பி⁴க்கு²பச்சத்தி²கா மனுஸ்ஸித்தி²ங் பி⁴க்கு²ஸ்ஸ
ஸந்திகே ஆனெத்வா வச்சமக்³கே³ன அங்க³ஜாதங்
அபி⁴னிஸீதெ³ந்தி. ஸோ சே பவேஸனங் ந ஸாதி³யதி, பவிட்ட²ங் ந ஸாதி³யதி, டி²தங்
ஸாதி³யதி, உத்³த⁴ரணங் ஸாதி³யதி, ஆபத்தி பாராஜிகஸ்ஸ. பி⁴க்கு²பச்சத்தி²கா
மனுஸ்ஸித்தி²ங் பி⁴க்கு²ஸ்ஸ ஸந்திகே ஆனெத்வா வச்சமக்³கே³ன அங்க³ஜாதங்
அபி⁴னிஸீதெ³ந்தி. ஸோ சே பவேஸனங் ந ஸாதி³யதி, பவிட்ட²ங் ந ஸாதி³யதி, டி²தங் ந
ஸாதி³யதி, உத்³த⁴ரணங் ஸாதி³யதி ஆபத்தி பாராஜிகஸ்ஸ. பி⁴க்கு²பச்சத்தி²கா
மனுஸ்ஸித்தி²ங் பி⁴க்கு²ஸ்ஸ ஸந்திகே ஆனெத்வா வச்சமக்³கே³ன அங்க³ஜாதங்
அபி⁴னிஸீதெ³ந்தி. ஸோ சே பவேஸனங் ந ஸாதி³யதி, பவிட்ட²ங் ந ஸாதி³யதி, டி²தங் ந
ஸாதி³யதி, உத்³த⁴ரணங் ந ஸாதி³யதி, அனாபத்தி.
பி⁴க்கு²பச்சத்தி²கா மனுஸ்ஸித்தி²ங் பி⁴க்கு²ஸ்ஸ
ஸந்திகே ஆனெத்வா பஸ்ஸாவமக்³கே³ன… முகே²ன அங்க³ஜாதங் அபி⁴னிஸீதெ³ந்தி. ஸோ சே
பவேஸனங் ஸாதி³யதி, பவிட்ட²ங் ஸாதி³யதி, டி²தங் ஸாதி³யதி, உத்³த⁴ரணங்
ஸாதி³யதி, ஆபத்தி பாராஜிகஸ்ஸ…பே॰… ந ஸாதி³யதி, அனாபத்தி.
59. பி⁴க்கு²பச்சத்தி²கா
மனுஸ்ஸித்தி²ங் ஜாக³ரந்திங்… ஸுத்தங்… மத்தங்… உம்மத்தங்… பமத்தங்… மதங்
அக்கா²யிதங்… மதங் யேபு⁴ய்யேன அக்கா²யிதங்…பே॰… ஆபத்தி பாராஜிகஸ்ஸ. மதங்
யேபு⁴ய்யேன கா²யிதங் பி⁴க்கு²ஸ்ஸ ஸந்திகே ஆனெத்வா வச்சமக்³கே³ன… பஸ்ஸாவமக்³கே³ன… முகே²ன அங்க³ஜாதங் அபி⁴னிஸீதெ³ந்தி. ஸோ சே பவேஸனங் ஸாதி³யதி, பவிட்ட²ங் ஸாதி³யதி, டி²தங் ஸாதி³யதி, உத்³த⁴ரணங் ஸாதி³யதி, ஆபத்தி து²ல்லச்சயஸ்ஸ…பே॰… ந ஸாதி³யதி, அனாபத்தி.
பி⁴க்கு²பச்சத்தி²கா அமனுஸ்ஸித்தி²ங்…
திரச்சா²னக³தித்தி²ங்… மனுஸ்ஸுப⁴தொப்³யஞ்ஜனகங்… அமனுஸ்ஸுப⁴தொப்³யஞ்ஜனகங்…
திரச்சா²னக³துப⁴தொப்³யஞ்ஜனகங் பி⁴க்கு²ஸ்ஸ ஸந்திகே ஆனெத்வா வச்சமக்³கே³ன…
பஸ்ஸாவமக்³கே³ன… முகே²ன அங்க³ஜாதங் அபி⁴னிஸீதெ³ந்தி. ஸோ சே பவேஸனங்
ஸாதி³யதி, பவிட்ட²ங் ஸாதி³யதி, டி²தங் ஸாதி³யதி, உத்³த⁴ரணங் ஸாதி³யதி,
ஆபத்தி பாராஜிகஸ்ஸ…பே॰… ந ஸாதி³யதி, அனாபத்தி.
பி⁴க்கு²பச்சத்தி²கா திரச்சா²னக³துப⁴தொப்³யஞ்ஜனகங்
ஜாக³ரந்தங்… ஸுத்தங்… மத்தங்… உம்மத்தங்… பமத்தங்… மதங் அக்கா²யிதங்… மதங்
யேபு⁴ய்யேன அக்கா²யிதங்…பே॰… ஆபத்தி பாராஜிகஸ்ஸ. மதங் யேபு⁴ய்யேன கா²யிதங்
பி⁴க்கு²ஸ்ஸ ஸந்திகே ஆனெத்வா வச்சமக்³கே³ன… பஸ்ஸாவமக்³கே³ன… முகே²ன
அங்க³ஜாதங் அபி⁴னிஸீதெ³ந்தி. ஸோ சே பவேஸனங் ஸாதி³யதி , பவிட்ட²ங் ஸாதி³யதி, டி²தங் ஸாதி³யதி, உத்³த⁴ரணங் ஸாதி³யதி, ஆபத்தி து²ல்லச்சயஸ்ஸ…பே॰… ந ஸாதி³யதி, அனாபத்தி.
பி⁴க்கு²பச்சத்தி²கா மனுஸ்ஸபண்ட³கங்… அமனுஸ்ஸபண்ட³கங்…
திரச்சா²னக³தபண்ட³கங் பி⁴க்கு²ஸ்ஸ ஸந்திகே ஆனெத்வா வச்சமக்³கே³ன… முகே²ன
அங்க³ஜாதங் அபி⁴னிஸீதெ³ந்தி. ஸோ சே பவேஸனங் ஸாதி³யதி, பவிட்ட²ங் ஸாதி³யதி,
டி²தங் ஸாதி³யதி, உத்³த⁴ரணங் ஸாதி³யதி, ஆபத்தி பாராஜிகஸ்ஸ…பே॰… ந ஸாதி³யதி,
அனாபத்தி.
பி⁴க்கு²பச்சத்தி²கா திரச்சா²னக³தபண்ட³கங் ஜாக³ரந்தங்… ஸுத்தங்… மத்தங்… உம்மத்தங்… பமத்தங்… மதங் அக்கா²யிதங் … மதங் யேபு⁴ய்யேன அக்கா²யிதங்…பே॰… ஆபத்தி பாராஜிகஸ்ஸ. மதங் யேபு⁴ய்யேன
கா²யிதங் பி⁴க்கு²ஸ்ஸ ஸந்திகே ஆனெத்வா வச்சமக்³கே³ன… முகே²ன அங்க³ஜாதங்
அபி⁴னிஸீதெ³ந்தி. ஸோ சே பவேஸனங் ஸாதி³யதி, பவிட்ட²ங் ஸாதி³யதி, டி²தங்
ஸாதி³யதி, உத்³த⁴ரணங் ஸாதி³யதி, ஆபத்தி து²ல்லச்சயஸ்ஸ…பே॰… ந ஸாதி³யதி,
அனாபத்தி.
60.
பி⁴க்கு²பச்சத்தி²கா மனுஸ்ஸபுரிஸங்… அமனுஸ்ஸபுரிஸங்… திரச்சா²னக³தபுரிஸங்
பி⁴க்கு²ஸ்ஸ ஸந்திகே ஆனெத்வா வச்சமக்³கே³ன… முகே²ன அங்க³ஜாதங்
அபி⁴னிஸீதெ³ந்தி. ஸோ சே பவேஸனங் ஸாதி³யதி, பவிட்ட²ங் ஸாதி³யதி, டி²தங்
ஸாதி³யதி, உத்³த⁴ரணங் ஸாதி³யதி, ஆபத்தி பாராஜிகஸ்ஸ…பே॰… ந ஸாதி³யதி,
அனாபத்தி.
பி⁴க்கு²பச்சத்தி²கா திரச்சா²னக³தபுரிஸங் ஜாக³ரந்தங்…
ஸுத்தங்… மத்தங்… உம்மத்தங்… பமத்தங்… மதங் அக்கா²யிதங்… மதங் யேபு⁴ய்யேன
அக்கா²யிதங்…பே॰… ஆபத்தி பாராஜிகஸ்ஸ. மதங் யேபு⁴ய்யேன கா²யிதங் பி⁴க்கு²ஸ்ஸ
ஸந்திகே ஆனெத்வா வச்சமக்³கே³ன… முகே²ன அங்க³ஜாதங் அபி⁴னிஸீதெ³ந்தி. ஸோ சே
பவேஸனங் ஸாதி³யதி, பவிட்ட²ங் ஸாதி³யதி, டி²தங் ஸாதி³யதி, உத்³த⁴ரணங்
ஸாதி³யதி, ஆபத்தி து²ல்லச்சயஸ்ஸ…பே॰… ந ஸாதி³யதி, அனாபத்தி.
61. பி⁴க்கு²பச்சத்தி²கா மனுஸ்ஸித்தி²ங் பி⁴க்கு²ஸ்ஸ
ஸந்திகே ஆனெத்வா வச்சமக்³கே³ன… பஸ்ஸாவமக்³கே³ன… முகே²ன அங்க³ஜாதங்
அபி⁴னிஸீதெ³ந்தி ஸந்த²தாய அஸந்த²தஸ்ஸ, அஸந்த²தாய ஸந்த²தஸ்ஸ, ஸந்த²தாய
ஸந்த²தஸ்ஸ, அஸந்த²தாய அஸந்த²தஸ்ஸ. ஸோ சே பவேஸனங் ஸாதி³யதி, பவிட்ட²ங்
ஸாதி³யதி, டி²தங் ஸாதி³யதி, உத்³த⁴ரணங் ஸாதி³யதி, ஆபத்தி பாராஜிகஸ்ஸ…பே॰… ந
ஸாதி³யதி, அனாபத்தி .
பி⁴க்கு²பச்சத்தி²கா
மனுஸ்ஸித்தி²ங் ஜாக³ரந்திங்… ஸுத்தங்… மத்தங்… உம்மத்தங்… பமத்தங்… மதங்
அக்கா²யிதங்… மதங் யேபு⁴ய்யேன அக்கா²யிதங்…பே॰… ஆபத்தி பாராஜிகஸ்ஸ. மதங்
யேபு⁴ய்யேன கா²யிதங் பி⁴க்கு²ஸ்ஸ ஸந்திகே ஆனெத்வா வச்சமக்³கே³ன…
பஸ்ஸாவமக்³கே³ன… முகே²ன அங்க³ஜாதங் அபி⁴னிஸீதெ³ந்தி, ஸந்த²தாய அஸந்த²தஸ்ஸ,
அஸந்த²தாய ஸந்த²தஸ்ஸ, ஸந்த²தாய ஸந்த²தஸ்ஸ, அஸந்த²தாய அஸந்த²தஸ்ஸ. ஸோ சே
பவேஸனங் ஸாதி³யதி, பவிட்ட²ங் ஸாதி³யதி, டி²தங் ஸாதி³யதி, உத்³த⁴ரணங்
ஸாதி³யதி, ஆபத்தி து²ல்லச்சயஸ்ஸ…பே॰… ந ஸாதி³யதி, அனாபத்தி.
பி⁴க்கு²பச்சத்தி²கா அமனுஸ்ஸித்தி²ங்… திரச்சா²னக³தித்தி²ங்… மனுஸ்ஸுப⁴தொப்³யஞ்ஜனகங்… அமனஸ்ஸுப⁴தொப்³யஞ்ஜனகங்
… திரச்சா²னக³துப⁴தொப்³யஞ்ஜனகங் பி⁴க்கு²ஸ்ஸ ஸந்திகே ஆனெத்வா
வச்சமக்³கே³ன… பஸ்ஸாவமக்³கே³ன… முகே²ன அங்க³ஜாதங் அபி⁴னிஸீதெ³ந்தி
ஸந்த²தஸ்ஸ அஸந்த²தஸ்ஸ, அஸந்த²தஸ்ஸ ஸந்த²தஸ்ஸ, ஸந்த²தஸ்ஸ ஸந்த²தஸ்ஸ,
அஸந்த²தஸ்ஸ அஸந்த²தஸ்ஸ. ஸோ சே பவேஸனங் ஸாதி³யதி, பவிட்ட²ங் ஸாதி³யதி,
டி²தங் ஸாதி³யதி, உத்³த⁴ரணங் ஸாதி³யதி, ஆபத்தி பாராஜிகஸ்ஸ…பே॰… ந ஸாதி³யதி,
அனாபத்தி.
பி⁴க்கு²பச்சத்தி²கா திரச்சா²னக³துப⁴தொப்³யஞ்ஜனகங்
ஜாக³ரந்தங்… ஸுத்தங்… மத்தங்… உம்மத்தங்… பமத்தங்… மதங் அக்கா²யிதங்… மதங்
யேபு⁴ய்யேன அக்கா²யிதங்…பே॰… ஆபத்தி பாராஜிகஸ்ஸ. மதங் யேபு⁴ய்யேன கா²யிதங்
பி⁴க்கு²ஸ்ஸ ஸந்திகே ஆனெத்வா வச்சமக்³கே³ன… பஸ்ஸாவமக்³கே³ன… முகே²ன
அங்க³ஜாதங் அபி⁴னிஸீதெ³ந்தி, ஸந்த²தஸ்ஸ அஸந்த²தஸ்ஸ, அஸந்த²தஸ்ஸ ஸந்த²தஸ்ஸ,
ஸந்த²தஸ்ஸ ஸந்த²தஸ்ஸ, அஸந்த²தஸ்ஸ அஸந்த²தஸ்ஸ. ஸோ சே பவேஸனங் ஸாதி³யதி,
பவிட்ட²ங் ஸாதி³யதி, டி²தங் ஸாதி³யதி , உத்³த⁴ரணங் ஸாதி³யதி, ஆபத்தி து²ல்லச்சயஸ்ஸ…பே॰… ந ஸாதி³யதி, அனாபத்தி.
62.
பி⁴க்கு²பச்சத்தி²கா மனுஸ்ஸபண்ட³கங்… அமனுஸ்ஸபண்ட³கங்…
திரச்சா²னக³தபண்ட³கங்… மனுஸ்ஸபுரிஸங்… அமனுஸ்ஸபுரிஸங்… திரச்சா²னக³தபுரிஸங்
பி⁴க்கு²ஸ்ஸ ஸந்திகே ஆனெத்வா வச்சமக்³கே³ன… முகே²ன அங்க³ஜாதங்
அபி⁴னிஸீதெ³ந்தி ஸந்த²தஸ்ஸ அஸந்த²தஸ்ஸ, அஸந்த²தஸ்ஸ ஸந்த²தஸ்ஸ, ஸந்த²தஸ்ஸ
ஸந்த²தஸ்ஸ, அஸந்த²தஸ்ஸ அஸந்த²தஸ்ஸ. ஸோ சே பவேஸனங் ஸாதி³யதி, பவிட்ட²ங்
ஸாதி³யதி, டி²தங் ஸாதி³யதி, உத்³த⁴ரணங் ஸாதி³யதி, ஆபத்தி பாராஜிகஸ்ஸ…பே॰… ந
ஸாதி³யதி, அனாபத்தி.
பி⁴க்கு²பச்சத்தி²கா
திரச்சா²னக³தபுரிஸங் ஜாக³ரந்தங்… ஸுத்தங்… மத்தங்… உம்மத்தங்… பமத்தங்…
மதங் அக்கா²யிதங்… மதங் யேபு⁴ய்யேன அக்கா²யிதங்…பே॰… ஆபத்தி பாராஜிகஸ்ஸ.
மதங் யேபு⁴ய்யேன கா²யிதங் பி⁴க்கு²ஸ்ஸ ஸந்திகே ஆனெத்வா வச்சமக்³கே³ன…
முகே²ன அங்க³ஜாதங் அபி⁴னிஸீதெ³ந்தி, ஸந்த²தஸ்ஸ அஸந்த²தஸ்ஸ, அஸந்த²தஸ்ஸ
ஸந்த²தஸ்ஸ, ஸந்த²தஸ்ஸ ஸந்த²தஸ்ஸ, அஸந்த²தஸ்ஸ அஸந்த²தஸ்ஸ. ஸோ ச பவேஸனங்
ஸாதி³யதி, பவிட்ட²ங் ஸாதி³யதி, டி²தங் ஸாதி³யதி, உத்³த⁴ரணங் ஸாதி³யதி , ஆபத்தி து²ல்லச்சயஸ்ஸ…பே॰… ந ஸாதி³யதி, அனாபத்தி.
63.
பி⁴க்கு²பச்சத்தி²கா பி⁴க்கு²ங் மனுஸ்ஸித்தி²யா ஸந்திகே ஆனெத்வா
அங்க³ஜாதேன வச்சமக்³க³ங்… பஸ்ஸாவமக்³க³ங்… முக²ங் அபி⁴னிஸீதெ³ந்தி. ஸோ சே
பவேஸனங் ஸாதி³யதி, பவிட்ட²ங் ஸாதி³யதி , டி²தங் ஸாதி³யதி, உத்³த⁴ரணங் ஸாதி³யதி, ஆபத்தி பாராஜிகஸ்ஸ…பே॰… ந ஸாதி³யதி, அனாபத்தி.
பி⁴க்கு²பச்சத்தி²கா பி⁴க்கு²ங் மனுஸ்ஸித்தி²யா ஜாக³ரந்தியா… ஸுத்தாய… மத்தாய… உம்மத்தாய… பமத்தாய …
மதாய அக்கா²யிதாய… மதாய யேபு⁴ய்யேன அக்கா²யிதாய…பே॰… ஆபத்தி பாராஜிகஸ்ஸ.
மதாய யேபு⁴ய்யேன கா²யிதாய ஸந்திகே ஆனெத்வா அங்க³ஜாதேன வச்சமக்³க³ங்…
பஸ்ஸாவமக்³க³ங்… முக²ங் அபி⁴னிஸீதெ³ந்தி. ஸோ சே பவேஸனங் ஸாதி³யதி,
பவிட்ட²ங் ஸாதி³யதி, டி²தங் ஸாதி³யதி, உத்³த⁴ரணங் ஸாதி³யதி, ஆபத்தி
து²ல்லச்சயஸ்ஸ…பே॰… ந ஸாதி³யதி, அனாபத்தி.
பி⁴க்கு²பச்சத்தி²கா பி⁴க்கு²ங் அமனுஸ்ஸித்தி²யா…
திரச்சா²னக³தித்தி²யா… மனுஸ்ஸுப⁴தொப்³யஞ்ஜனகஸ்ஸ… அமனுஸ்ஸுப⁴தொப்³யஞ்ஜனகஸ்ஸ…
திரச்சா²னக³துப⁴தொப்³யஞ்ஜனகஸ்ஸ… மனுஸ்ஸபண்ட³கஸ்ஸ… அமனுஸ்ஸபண்ட³கஸ்ஸ…
திரச்சா²னக³தபண்ட³கஸ்ஸ… மனுஸ்ஸபுரிஸஸ்ஸ… அமனுஸ்ஸபுரிஸஸ்ஸ…
திரச்சா²னக³தபுரிஸஸ்ஸ ஸந்திகே ஆனெத்வா அங்க³ஜாதேன வச்சமக்³க³ங்… முக²ங்
அபி⁴னிஸீதெ³ந்தி. ஸோ சே பவேஸனங் ஸாதி³யதி, பவிட்ட²ங் ஸாதி³யதி, டி²தங்
ஸாதி³யதி, உத்³த⁴ரணங் ஸாதி³யதி, ஆபத்தி பாராஜிகஸ்ஸ…பே॰… ந ஸாதி³யதி,
அனாபத்தி.
பி⁴க்கு²பச்சத்தி²கா பி⁴க்கு²ங் திரச்சா²னக³தபுரிஸஸ்ஸ
ஜாக³ரந்தஸ்ஸ… ஸுத்தஸ்ஸ… மத்தஸ்ஸ… உம்மத்தஸ்ஸ… பமத்தஸ்ஸ… மதஸ்ஸ
அக்கா²யிதஸ்ஸ… மதஸ்ஸ யேபு⁴ய்யேன அக்கா²யிதஸ்ஸ…பே॰… ஆபத்தி பாராஜிகஸ்ஸ.
மதஸ்ஸ யேபு⁴ய்யேன கா²யிதஸ்ஸ ஸந்திகே ஆனெத்வா அங்க³ஜாதேன வச்சமக்³க³ங்…
முக²ங் அபி⁴னிஸீதெ³ந்தி. ஸோ சே பவேஸனங் ஸாதி³யதி, பவிட்ட²ங் ஸாதி³யதி, டி²தங் ஸாதி³யதி, உத்³த⁴ரணங் ஸாதி³யதி, ஆபத்தி து²ல்லச்சயஸ்ஸ…பே॰… ந ஸாதி³யதி, அனாபத்தி.
64. பி⁴க்கு²பச்சத்தி²கா பி⁴க்கு²ங் மனுஸ்ஸித்தி²யா ஸந்திகே ஆனெத்வா அங்க³ஜாதேன
வச்சமக்³க³ங்… பஸ்ஸாவமக்³க³ங்… முக²ங் அபி⁴னிஸீதெ³ந்தி ஸந்த²தஸ்ஸ
அஸந்த²தாய, அஸந்த²தஸ்ஸ ஸந்த²தாய, ஸந்த²தஸ்ஸ ஸந்த²தாய, அஸந்த²தஸ்ஸ
அஸந்த²தாய. ஸோ சே பவேஸனங் ஸாதி³யதி, பவிட்ட²ங் ஸாதி³யதி, டி²தங் ஸாதி³யதி,
உத்³த⁴ரணங் ஸாதி³யதி, ஆபத்தி பாராஜிகஸ்ஸ…பே॰… ந ஸாதி³யதி, அனாபத்தி.
பி⁴க்கு²பச்சத்தி²கா
பி⁴க்கு²ங் மனுஸ்ஸித்தி²யா ஜாக³ரந்தியா… ஸுத்தாய… மத்தாய… உம்மத்தாய…
பமத்தாய… மதாய அக்கா²யிதாய… மதாய யேபு⁴ய்யேன அக்கா²யிதாய…பே॰… ஆபத்தி
பாராஜிகஸ்ஸ. மதாய யேபு⁴ய்யேன கா²யிதாய ஸந்திகே ஆனெத்வா அங்க³ஜாதேன
வச்சமக்³க³ங்… பஸ்ஸாவமக்³க³ங்… முக²ங் அபி⁴னிஸீதெ³ந்தி ஸந்த²தஸ்ஸ
அஸந்த²தாய, அஸந்த²தஸ்ஸ ஸந்த²தாய, ஸந்த²தஸ்ஸ ஸந்த²தாய, அஸந்த²தஸ்ஸ
அஸந்த²தாய. ஸோ சே பவேஸனங் ஸாதி³யதி, பவிட்ட²ங் ஸாதி³யதி, டி²தங் ஸாதி³யதி,
உத்³த⁴ரணங் ஸாதி³யதி, ஆபத்தி து²ல்லச்சயஸ்ஸ…பே॰… ந ஸாதி³யதி, அனாபத்தி.
பி⁴க்கு²பச்சத்தி²கா பி⁴க்கு²ங் அமனுஸ்ஸித்தி²யா…
திரச்சா²னக³தித்தி²யா… மனுஸ்ஸுப⁴தொப்³யஞ்ஜனகஸ்ஸ… அமனுஸ்ஸுப⁴தொப்³யஞ்ஜனகஸ்ஸ…
திரச்சா²னக³துப⁴தொப்³யஞ்ஜனகஸ்ஸ… மனுஸ்ஸபண்ட³கஸ்ஸ… அமனுஸ்ஸபண்ட³கஸ்ஸ…
திரச்சா²னக³தபண்ட³கஸ்ஸ… மனுஸ்ஸபுரிஸஸ்ஸ… அமனுஸ்ஸபுரிஸஸ்ஸ…
திரச்சா²னக³தபுரிஸஸ்ஸ ஸந்திகே ஆனெத்வா அங்க³ஜாதேன வச்சமக்³க³ங்… முக²ங்
அபி⁴னிஸீதெ³ந்தி ஸந்த²தஸ்ஸ அஸந்த²தஸ்ஸ, அஸந்த²தஸ்ஸ ஸந்த²தஸ்ஸ, ஸந்த²தஸ்ஸ
ஸந்த²தஸ்ஸ, அஸந்த²தஸ்ஸ அஸந்த²தஸ்ஸ. ஸோ சே பவேஸனங் ஸாதி³யதி, பவிட்ட²ங்
ஸாதி³யதி, டி²தங் ஸாதி³யதி, உத்³த⁴ரணங் ஸாதி³யதி, ஆபத்தி பாராஜிகஸ்ஸ…பே॰… ந
ஸாதி³யதி, அனாபத்தி.
65. பி⁴க்கு²பச்சத்தி²கா
பி⁴க்கு²ங் திரச்சா²னக³தபுரிஸஸ்ஸ ஜாக³ரந்தஸ்ஸ… ஸுத்தஸ்ஸ… மத்தஸ்ஸ…
உம்மத்தஸ்ஸ… பமத்தஸ்ஸ… மதஸ்ஸ அக்கா²யிதஸ்ஸ… மதஸ்ஸ யேபு⁴ய்யேன
அக்கா²யிதஸ்ஸ…பே॰… ஆபத்தி பாராஜிகஸ்ஸ. மதஸ்ஸ யேபு⁴ய்யேன கா²யிதஸ்ஸ ஸந்திகே
ஆனெத்வா அங்க³ஜாதேன வச்சமக்³க³ங்… முக²ங் அபி⁴னிஸீதெ³ந்தி ஸந்த²தஸ்ஸ
அஸந்த²தஸ்ஸ, அஸந்த²தஸ்ஸ ஸந்த²தஸ்ஸ, ஸந்த²தஸ்ஸ
ஸந்த²தஸ்ஸ, அஸந்த²தஸ்ஸ அஸந்த²தஸ்ஸ. ஸோ சே பவேஸனங் ஸாதி³யதி, பவிட்ட²ங்
ஸாதி³யதி, டி²தங் ஸாதி³யதி, உத்³த⁴ரணங் ஸாதி³யதி, ஆபத்தி
து²ல்லச்சயஸ்ஸ…பே॰… ந ஸாதி³யதி, அனாபத்தி.
யதா² பி⁴க்கு²பச்சத்தி²கா வித்தா²ரிதா, ஏவங் வித்தா²ரேதப்³பா³.
ராஜபச்சத்தி²கா… சோரபச்சத்தி²கா… து⁴த்தபச்சத்தி²கா… உப்பளக³ந்த⁴பச்சத்தி²கா. ஸங்கி²த்தங்.
66.
மக்³கே³ன மக்³க³ங் பவேஸேதி, ஆபத்தி பாராஜிகஸ்ஸ. மக்³கே³ன அமக்³க³ங்
பவேஸேதி, ஆபத்தி பாராஜிகஸ்ஸ. அமக்³கே³ன மக்³க³ங் பவேஸேதி, ஆபத்தி பாராஜிகஸ்ஸ. அமக்³கே³ன அமக்³க³ங் பவேஸேதி, ஆபத்தி து²ல்லச்சயஸ்ஸ.
பி⁴க்கு² ஸுத்தபி⁴க்கு²ம்ஹி விப்படிபஜ்ஜதி;
படிபு³த்³தோ⁴ ஸாதி³யதி, உபோ⁴ நாஸேதப்³பா³. படிபு³த்³தோ⁴ ந ஸாதி³யதி, தூ³ஸகோ
நாஸேதப்³போ³. பி⁴க்கு² ஸுத்தஸாமணேரம்ஹி விப்படிபஜ்ஜதி; படிபு³த்³தோ⁴
ஸாதி³யதி, உபோ⁴ நாஸேதப்³பா³. படிபு³த்³தோ⁴ ந ஸாதி³யதி, தூ³ஸகோ நாஸேதப்³போ³.
ஸாமணேரோ ஸுத்தபி⁴க்கு²ம்ஹி விப்படிபஜ்ஜதி; படிபு³த்³தோ⁴ ஸாதி³யதி, உபோ⁴
நாஸேதப்³பா³. படிபு³த்³தோ⁴ ந ஸாதி³யதி, தூ³ஸகோ நாஸேதப்³போ³. ஸாமணேரோ
ஸுத்தஸாமணேரம்ஹி விப்படிபஜ்ஜதி; படிபு³த்³தோ⁴ ஸாதி³யதி, உபோ⁴ நாஸேதப்³பா³ . படிபு³த்³தோ⁴ ந ஸாதி³யதி, தூ³ஸகோ நாஸேதப்³போ³.
அனாபத்தி அஜானந்தஸ்ஸ, அஸாதி³யந்தஸ்ஸ, உம்மத்தகஸ்ஸ, கி²த்தசித்தஸ்ஸ, வேத³னாட்டஸ்ஸ, ஆதி³கம்மிகஸ்ஸாதி.
ஸந்த²தபா⁴ணவாரோ நிட்டி²தோ.
வினீதவத்து²உத்³தா³னகா³தா²
மக்கடீ வஜ்ஜிபுத்தா ச, கி³ஹீ நக்³கோ³ ச தித்தி²யா;
தா³ரிகுப்பலவண்ணா ச, ப்³யஞ்ஜனேஹிபரே து³வே.
மாதா தீ⁴தா ப⁴கி³னீ ச, ஜாயா ச முது³ லம்பி³னா;
த்³வே வணா லேபசித்தஞ்ச, தா³ருதீ⁴தலிகாய ச.
ஸுந்த³ரேன ஸஹ பஞ்ச, பஞ்ச ஸிவதி²கட்டி²கா;
நாகீ³ யக்கீ² ச பேதீ ச, பண்ட³கோபஹதோ சு²பே.
ப⁴த்³தி³யே அரஹங் ஸுத்தோ, ஸாவத்தி²யா சதுரோ பரே;
வேஸாலியா தயோ மாலா, ஸுபினே பா⁴ருகச்ச²கோ.
ஸுபப்³பா³ ஸத்³தா⁴ பி⁴க்கு²னீ, ஸிக்க²மானா ஸாமணேரீ ச;
வேஸியா பண்ட³கோ கி³ஹீ, அஞ்ஞமஞ்ஞங் வுட்³ட⁴பப்³ப³ஜிதோ மிகோ³தி.
வினீதவத்து²
67.
தேன கோ² பன ஸமயேன அஞ்ஞதரோ பி⁴க்கு² மக்கடியா மேது²னங் த⁴ம்மங் படிஸேவி.
தஸ்ஸ குக்குச்சங் அஹோஸி – ‘‘ப⁴க³வதா ஸிக்கா²பத³ங் பஞ்ஞத்தங், கச்சி நு கோ²
அஹங் பாராஜிகங் ஆபத்திங் ஆபன்னோ’’தி? ப⁴க³வதோ ஏதமத்த²ங் ஆரோசேஸி.
‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன ஸம்ப³ஹுலா
வேஸாலிகா வஜ்ஜிபுத்தகா பி⁴க்கூ² ஸிக்க²ங் அபச்சக்கா²ய து³ப்³ப³ல்யங்
அனாவிகத்வா மேது²னங் த⁴ம்மங் படிஸேவிங்ஸு. தேஸங் குக்குச்சங் அஹோஸி –
‘‘ப⁴க³வதா ஸிக்கா²பத³ங் பஞ்ஞத்தங், கச்சி நு கோ² மயங் பாராஜிகங் ஆபத்திங்
ஆபன்னா’’தி? ப⁴க³வதோ ஏதமத்த²ங் ஆரோசேஸுங். ‘‘ஆபத்திங் தும்ஹே, பி⁴க்க²வே,
ஆபன்னா பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² – ‘ஏவங் மே
அனாபத்தி ப⁴விஸ்ஸதீ’தி, கி³ஹிலிங்கே³ன மேது²னங் த⁴ம்மங் படிஸேவி. தஸ்ஸ
குக்குச்சங் அஹோஸி ‘‘ப⁴க³வதா ஸிக்கா²பத³ங் பஞ்ஞத்தங், கச்சி நு கோ² அஹங்
பாராஜிகங் ஆபத்திங் ஆபன்னோ’’தி? ப⁴க³வதோ ஏதமத்த²ங் ஆரோசேஸி. ‘‘ஆபத்திங்
த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² – ‘ஏவங் மே
அனாபத்தி ப⁴விஸ்ஸதீ’தி, நக்³கோ³ ஹுத்வா மேது²னங் த⁴ம்மங் படிஸேவி. தஸ்ஸ
குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ
பி⁴க்கு² – ‘ஏவங் மே அனாபத்தி ப⁴விஸ்ஸதீ’தி, குஸசீரங் நிவாஸெத்வா… வாகசீரங்
நிவாஸெத்வா… ப²லகசீரங் நிவாஸெத்வா… கேஸகம்ப³லங் நிவாஸெத்வா… வாலகம்ப³லங்
நிவாஸெத்வா… உலூகபக்கி²கங் நிவாஸெத்வா… அஜினக்கி²பங் நிவாஸெத்வா மேது²னங்
த⁴ம்மங் படிஸேவி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு²,
ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ
பிண்ட³சாரிகோ பி⁴க்கு² பீட²கே நிபன்னங் தா³ரிகங் பஸ்ஸித்வா ஸாரத்தோ
அங்கு³ட்ட²ங் அங்க³ஜாதங் பவேஸேஸி. ஸா காலமகாஸி. தஸ்ஸ குக்குச்சங்
அஹோஸி…பே॰… ‘‘அனாபத்தி , பி⁴க்கு², பாராஜிகஸ்ஸ. ஆபத்தி ஸங்கா⁴தி³ஸேஸஸ்ஸா’’தி.
68. தேன
கோ² பன ஸமயேன அஞ்ஞதரோ மாணவகோ உப்பலவண்ணாய பி⁴க்கு²னியா படிப³த்³த⁴சித்தோ
ஹோதி. அத² கோ² ஸோ மாணவகோ உப்பலவண்ணாய பி⁴க்கு²னியா கா³மங் பிண்டா³ய
பவிட்டா²ய குடிகங் பவிஸித்வா நிலீனோ அச்சி². உப்பலவண்ணா பி⁴க்கு²னீ
பச்சா²ப⁴த்தங் பிண்ட³பாதபடிக்கந்தா பாதே³ பக்கா²லெத்வா குடிகங் பவிஸித்வா
மஞ்சகே நிஸீதி³. அத² கோ² ஸோ மாணவகோ உப்பலவண்ணங் பி⁴க்கு²னிங் உக்³க³ஹெத்வா
தூ³ஸேஸி. உப்பலவண்ணா பி⁴க்கு²னீ பி⁴க்கு²னீனங் ஏதமத்த²ங் ஆரோசேஸி.
பி⁴க்கு²னியோ பி⁴க்கூ²னங் ஏதமத்த²ங் ஆரோசேஸுங். பி⁴க்கூ² ப⁴க³வதோ ஏதமத்த²ங்
ஆரோசேஸுங். ‘‘அனாபத்தி, பி⁴க்க²வே, அஸாதி³யந்தியா’’தி.
69.
தேன கோ² பன ஸமயேன அஞ்ஞதரஸ்ஸ பி⁴க்கு²னோ இத்தி²லிங்க³ங் பாதுபூ⁴தங் ஹோதி.
ப⁴க³வதோ ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, தங்யேவ உபஜ்ஜ²ங்
தமேவ உபஸம்பத³ங் தானியேவ [தானி (ஸீ॰ ஸ்யா॰)] வஸ்ஸானி பி⁴க்கு²னீஹி ஸங்க³மிதுங் [ஸங்கமிதுங் (ஸீ॰ ஸ்யா॰)].
யா ஆபத்தியோ பி⁴க்கூ²னங் பி⁴க்கு²னீஹி ஸாதா⁴ரணா தா ஆபத்தியோ பி⁴க்கு²னீனங்
ஸந்திகே வுட்டா²துங். யா ஆபத்தியோ பி⁴க்கூ²னங் பி⁴க்கு²னீஹி அஸாதா⁴ரணா
தாஹி ஆபத்தீஹி அனாபத்தீ’’தி.
தேன கோ² பன ஸமயேன அஞ்ஞதரிஸ்ஸா பி⁴க்கு²னியா
புரிஸலிங்க³ங் பாதுபூ⁴தங் ஹோதி. ப⁴க³வதோ ஏதமத்த²ங் ஆரோசேஸுங். ‘‘அனுஜானாமி,
பி⁴க்க²வே, தங்யேவ உபஜ்ஜ²ங் தமேவ உபஸம்பத³ங் தானியேவ [தானி (ஸீ॰ ஸ்யா॰)] வஸ்ஸானி பி⁴க்கூ²ஹி ஸங்க³மிதுங் [ஸங்கமிதுங் (ஸீ॰ ஸ்யா॰)]. யா ஆபத்தியோ பி⁴க்கு²னீனங் பி⁴க்கூ²ஹி ஸாதா⁴ரணா தா ஆபத்தியோ பி⁴க்கூ²னங் ஸந்திகே வுட்டா²துங். யா ஆபத்தியோ பி⁴க்கு²னீனங் பி⁴க்கூ²ஹி அஸாதா⁴ரணா தாஹி ஆபத்தீஹி அனாபத்தீ’’தி.
70.
தேன கோ² பன ஸமயேன அஞ்ஞதரோ பி⁴க்கு² – ‘ஏவங் மே அனாபத்தி ப⁴விஸ்ஸதீ’தி,
மாதுயா மேது²னங் த⁴ம்மங் படிஸேவி… தீ⁴துயா மேது²னங் த⁴ம்மங் படிஸேவி…
ப⁴கி³னியா மேது²னங் த⁴ம்மங் படிஸேவி… தஸ்ஸ குக்குச்சங் அஹோஸி…பே॰…
‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ
பி⁴க்கு² புராணது³தியிகாய மேது²னங் த⁴ம்மங் படிஸேவி. தஸ்ஸ குக்குச்சங்
அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
71.
தேன கோ² பன ஸமயேன அஞ்ஞதரோ பி⁴க்கு² முது³பிட்டி²கோ ஹோதி. ஸோ அனபி⁴ரதியா
பீளிதோ அத்தனோ அங்க³ஜாதங் முகே²ன அக்³க³ஹேஸி. தஸ்ஸ குக்குச்சங் அஹோஸி…பே॰…
‘‘ஆபத்திங் த்வங், பி⁴க்கு², ஆபன்னோ பராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² லம்பீ³ ஹோதி. ஸோ
அனபி⁴ரதியா பீளிதோ அத்தனோ அங்க³ஜாதங் அத்தனோ வச்சமக்³க³ங் பவேஸேஸி. தஸ்ஸ
குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ
பி⁴க்கு² மதஸரீரங் பஸ்ஸி. தஸ்மிஞ்ச ஸரீரே அங்க³ஜாதஸாமந்தா வணோ ஹோதி. ஸோ –
‘ஏவங் மே அனாபத்தி ப⁴விஸ்ஸதீ’தி, அங்க³ஜாதே அங்க³ஜாதங் பவேஸெத்வா வணேன
நீஹரி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ
பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² மதஸரீரங் பஸ்ஸி. தஸ்மிஞ்ச ஸரீரே அங்க³ஜாதஸாமந்தா வணோ ஹோதி. ஸோ – ‘ஏவங்
மே அனாபத்தி ப⁴விஸ்ஸதீ’தி, வணே அங்க³ஜாதங் பவேஸெத்வா அங்க³ஜாதேன நீஹரி.
தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ
பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² ஸாரத்தோ
லேபசித்தஸ்ஸ நிமித்தங் அங்க³ஜாதேன சு²பி. தஸ்ஸ குக்குச்சங் அஹோஸி…பே॰…
‘‘அனாபத்தி, பி⁴க்கு², பாராஜிகஸ்ஸ. ஆபத்தி து³க்கடஸ்ஸா’’தி.
தேன கோ² பன ஸமயேன அஞ்ஞதரோ
பி⁴க்கு² ஸாரத்தோ தா³ருதீ⁴தலிகாய நிமித்தங் அங்க³ஜாதேன சு²பி. தஸ்ஸ
குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ. ஆபத்தி
து³க்கடஸ்ஸா’’தி.
72. தேன கோ² பன ஸமயேன ஸுந்த³ரோ நாம பி⁴க்கு² ராஜக³ஹா பப்³ப³ஜிதோ ரதி²காய [ரதி²யாய (க॰)] க³ச்ச²தி. அஞ்ஞதரா இத்தீ² – ‘முஹுத்தங் [இத்தீ² தங் பஸ்ஸித்வா ஏதத³வோச முஹுத்தங் (ஸ்யா॰)],
ப⁴ந்தே, ஆக³மேஹி, வந்தி³ஸ்ஸாமீ’தி ஸா வந்த³ந்தீ அந்தரவாஸகங் உக்கி²பித்வா
முகே²ன அங்க³ஜாதங் அக்³க³ஹேஸி. தஸ்ஸ குக்குச்சங் அஹோஸி…பே॰… ‘‘ஸாதி³யி
த்வங், பி⁴க்கூ²’’தி? ‘‘நாஹங், ப⁴க³வா, ஸாதி³யி’’ந்தி. ‘‘அனாபத்தி,
பி⁴க்கு², அஸாதி³யந்தஸ்ஸா’’தி.
தேன கோ² பன ஸமயேன அஞ்ஞதரா இத்தீ² பி⁴க்கு²ங் பஸ்ஸித்வா
ஏதத³வோச – ‘‘ஏஹி, ப⁴ந்தே, மேது²னங் த⁴ம்மங் படிஸேவா’’தி. ‘‘அலங், ப⁴கி³னி,
நேதங் கப்பதீ’’தி. ‘‘ஏஹி, ப⁴ந்தே, அஹங் வாயமிஸ்ஸாமி, த்வங் மா வாயமி, ஏவங்
தே அனாபத்தி ப⁴விஸ்ஸதீ’’தி. ஸோ பி⁴க்கு² ததா² அகாஸி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரா இத்தீ² பி⁴க்கு²ங் பஸ்ஸித்வா
ஏதத³வோச – ‘‘ஏஹி, ப⁴ந்தே, மேது²னங் த⁴ம்மங் படிஸேவா’’தி. ‘‘அலங், ப⁴கி³னி,
நேதங் கப்பதீ’’தி. ‘‘ஏஹி ப⁴ந்தே, த்வங் வாயம, அஹங் ந வாயமிஸ்ஸாமி, ஏவங் தே
அனாபத்தி ப⁴விஸ்ஸதீ’’தி. ஸோ பி⁴க்கு² ததா² அகாஸி. தஸ்ஸ குக்குச்சங்
அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரா இத்தீ² பி⁴க்கு²ங் பஸ்ஸித்வா
ஏதத³வோச – ‘‘ஏஹி, ப⁴ந்தே, மேது²னங் த⁴ம்மங் படிஸேவா’’தி. ‘‘அலங், ப⁴கி³னி,
நேதங் கப்பதீ’’தி. ‘‘ஏஹி, ப⁴ந்தே, அப்³ப⁴ந்தரங் க⁴ட்டெத்வா ப³ஹி
மோசேஹி…பே॰… ப³ஹி க⁴ட்டெத்வா அப்³ப⁴ந்தரங் மோசேஹி, ஏவங் தே அனாபத்தி
ப⁴விஸ்ஸதீ’’தி. ஸோ பி⁴க்கு² ததா² அகாஸி. தஸ்ஸ குக்குச்சங் அஹோஸி…பே॰…
‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
73. தேன கோ² பன ஸமயேன அஞ்ஞதரோ பி⁴க்கு² ஸிவதி²கங் க³ந்த்வா அக்கா²யிதங் ஸரீரங் பஸ்ஸித்வா தஸ்மிங் மேது²னங் த⁴ம்மங் படிஸேவி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² ஸிவதி²கங் க³ந்த்வா யேபு⁴ய்யேன அக்கா²யிதங் ஸரீரங் பஸ்ஸித்வா தஸ்மிங் மேது²னங் த⁴ம்மங் படிஸேவி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² ஸிவதி²கங் க³ந்த்வா யேபு⁴ய்யேன கா²யிதங்
ஸரீரங் பஸ்ஸித்வா தஸ்மிங் மேது²னங் த⁴ம்மங் படிஸேவி. தஸ்ஸ குக்குச்சங்
அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ. ஆபத்தி து²ல்லச்சயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² ஸிவதி²கங் க³ந்த்வா
சி²ன்னஸீஸங் பஸ்ஸித்வா வட்டகதே முகே² சு²பந்தங் அங்க³ஜாதங் பவேஸேஸி. தஸ்ஸ
குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² ஸிவதி²கங் க³ந்த்வா
சி²ன்னஸீஸங் பஸ்ஸித்வா வட்டகதே முகே² அச்சு²பந்தங் அங்க³ஜாதங் பவேஸேஸி.
தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ. ஆபத்தி
து³க்கடஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² அஞ்ஞதரிஸ்ஸா இத்தி²யா படிப³த்³த⁴சித்தோ ஹோதி. ஸா காலங்கதா [காலகதா (ஸீ॰ ஸ்யா॰)]
ஸுஸானே ச²ட்³டி³தா. அட்டி²கானி விப்பகிண்ணானி ஹொந்தி. அத² கோ² ஸோ பி⁴க்கு²
ஸிவதி²கங் க³ந்த்வா அட்டி²கானி ஸங்கட்³டி⁴த்வா நிமித்தே அங்க³ஜாதங்
படிபாதே³ஸி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
பாராஜிகஸ்ஸ. ஆபத்தி து³க்கடஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² நாகி³யா மேது²னங்
த⁴ம்மங் படிஸேவி… யக்கி²னியா மேது²னங் த⁴ம்மங் படிஸேவி… பேதியா மேது²னங்
த⁴ம்மங் படிஸேவி … பண்ட³கஸ்ஸ மேது²னங் த⁴ம்மங் படிஸேவி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² உபஹதிந்த்³ரியோ ஹோதி. ஸோ – ‘நாஹங் வேதி³யாமி [வேத³யாமி (க॰)]
ஸுக²ங் வா து³க்க²ங் வா, அனாபத்தி மே ப⁴விஸ்ஸதீ’தி, மேது²னங் த⁴ம்மங்
படிஸேவி. ப⁴க³வதோ ஏதமத்த²ங் ஆரோசேஸுங். ‘‘வேத³யி வா ஸோ, பி⁴க்க²வே,
மோக⁴புரிஸோ ந வா வேத³யி, ஆபத்தி பாராஜிகஸ்ஸா’’தி.
தேன
கோ² பன ஸமயேன அஞ்ஞதரோ பி⁴க்கு² – ‘இத்தி²யா மேது²னங் த⁴ம்மங்
படிஸேவிஸ்ஸாமீ’தி, சு²பிதமத்தே விப்படிஸாரீ அஹோஸி. தஸ்ஸ குக்குச்சங்
அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ. ஆபத்தி
ஸங்கா⁴தி³ஸேஸஸ்ஸா’’தி.
74.
தேன கோ² பன ஸமயேன அஞ்ஞதரோ பி⁴க்கு² ப⁴த்³தி³யே ஜாதியாவனே தி³வாவிஹாரக³தோ
நிபன்னோ ஹோதி. தஸ்ஸ அங்க³மங்கா³னி வாதூபத்த²த்³தா⁴னி ஹொந்தி. அஞ்ஞதரா
இத்தீ² பஸ்ஸித்வா அங்க³ஜாதே அபி⁴னிஸீதி³த்வா யாவத³த்த²ங் கத்வா பக்காமி.
பி⁴க்கூ² கிலின்னங் பஸ்ஸித்வா ப⁴க³வதோ ஏதமத்த²ங் ஆரோசேஸுங். ‘‘பஞ்சஹி ,
பி⁴க்க²வே, ஆகாரேஹி அங்க³ஜாதங் கம்மனியங் ஹோதி – ராகே³ன, வச்சேன,
பஸ்ஸாவேன, வாதேன, உச்சாலிங்க³பாணகத³ட்டே²ன. இமேஹி கோ², பி⁴க்க²வே,
பஞ்சஹாகாரேஹி அங்க³ஜாதங் கம்மனியங் ஹோதி .
அட்டா²னமேதங், பி⁴க்க²வே, அனவகாஸோ யங் தஸ்ஸ பி⁴க்கு²னோ ராகே³ன அங்க³ஜாதங்
கம்மனியங் அஸ்ஸ. அரஹங் ஸோ, பி⁴க்க²வே, பி⁴க்கு². அனாபத்தி, பி⁴க்க²வே, தஸ்ஸ
பி⁴க்கு²னோ’’தி.
தேன கோ² பன ஸமயேன அஞ்ஞதரோ பி⁴க்கு² ஸாவத்தி²யா
அந்த⁴வனே தி³வாவிஹாரக³தோ நிபன்னோ ஹோதி. அஞ்ஞதரா கோ³பாலிகா பஸ்ஸித்வா
அங்க³ஜாதே அபி⁴னிஸீதி³. ஸோ பி⁴க்கு² பவேஸனங் ஸாதி³யி, பவிட்ட²ங் ஸாதி³யி,
டி²தங் ஸாதி³யி, உத்³த⁴ரணங் ஸாதி³யி. தஸ்ஸ குக்குச்சங் அஹோஸி…பே॰…
‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² ஸாவத்தி²யா
அந்த⁴வனே தி³வாவிஹாரக³தோ நிபன்னோ ஹோதி. அஞ்ஞதரா அஜபாலிகா பஸ்ஸித்வா…
அஞ்ஞதரா கட்ட²ஹாரிகா பஸ்ஸித்வா… அஞ்ஞதரா கோ³மயஹாரிகா பஸ்ஸித்வா அங்க³ஜாதே
அபி⁴னிஸீதி³. ஸோ பி⁴க்கு² பவேஸனங் ஸாதி³யி, பவிட்ட²ங் ஸாதி³யி, டி²தங்
ஸாதி³யி, உத்³த⁴ரணங் ஸாதி³யி. தஸ்ஸ குக்குச்சங் அஹோஸி…பே॰… ‘‘ஆபத்திங்
த்வங், பி⁴க்கு², ஆபன்னோ பாராஜிக’’ந்தி.
75.
தேன கோ² பன ஸமயேன அஞ்ஞதரோ பி⁴க்கு² வேஸாலியங் மஹாவனே தி³வாவிஹாரக³தோ
நிபன்னோ ஹோதி. அஞ்ஞதரா இத்தீ² பஸ்ஸித்வா அங்க³ஜாதே அபி⁴னிஸீதி³த்வா
யாவத³த்த²ங் கத்வா ஸாமந்தா ஹஸமானா டி²தா ஹோதி . ஸோ
பி⁴க்கு² படிபு³ஜ்ஜி²த்வா தங் இத்தி²ங் ஏதத³வோச – ‘‘துய்ஹித³ங் கம்ம’’ந்தி?
‘‘ஆம, மய்ஹங் கம்ம’’ந்தி. தஸ்ஸ குக்குச்சங் அஹோஸி…பே॰… ‘‘ஸாதி³யி த்வங்,
பி⁴க்கூ²’’தி? ‘‘நாஹங், ப⁴க³வா, ஜானாமீ’’தி. ‘‘அனாபத்தி, பி⁴க்கு²,
அஜானந்தஸ்ஸா’’தி.
76. தேன
கோ² பன ஸமயேன அஞ்ஞதரோ பி⁴க்கு² வேஸாலியங் மஹாவனே தி³வாவிஹாரக³தோ ருக்க²ங்
அபஸ்ஸாய நிபன்னோ ஹோதி. அஞ்ஞதரா இத்தீ² பஸ்ஸித்வா அங்க³ஜாதே அபி⁴னிஸீதி³. ஸோ
பி⁴க்கு² ஸஹஸா வுட்டா²ஸி. தஸ்ஸ குக்குச்சங் அஹோஸி…பே॰… ‘‘ஸாதி³யி த்வங்,
பி⁴க்கூ²’’தி? ‘‘நாஹங், ப⁴க³வா, ஸாதி³யி’’ந்தி. ‘‘அனாபத்தி, பி⁴க்கு²,
அஸாதி³யந்தஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² வேஸாலியங் மஹாவனே
தி³வாவிஹாரக³தோ ருக்க²ங் அபஸ்ஸாய நிபன்னோ ஹோதி. அஞ்ஞதரா இத்தீ² பஸ்ஸித்வா
அங்க³ஜாதே அபி⁴னிஸீதி³. ஸோ பி⁴க்கு² அக்கமித்வா பவத்தேஸி [பவட்டேஸி (ஸீ॰ ஸ்யா॰)].
தஸ்ஸ குக்குச்சங் அஹோஸி…பே॰… ‘‘ஸாதி³யி த்வங், பி⁴க்கூ²’’தி? ‘‘நாஹங்,
ப⁴க³வா, ஸாதி³யி’’ந்தி. ‘‘அனாபத்தி, பி⁴க்கு², அஸாதி³யந்தஸ்ஸா’’தி.
77.
தேன கோ² பன ஸமயேன அஞ்ஞதரோ பி⁴க்கு² வேஸாலியங் மஹாவனே கூடாகா³ரஸாலாயங்
தி³வாவிஹாரக³தோ த்³வாரங் விவரித்வா நிபன்னோ ஹோதி. தஸ்ஸ அங்க³மங்கா³னி
வாதூபத்த²த்³தா⁴னி ஹொந்தி. தேன கோ² பன ஸமயேன ஸம்ப³ஹுலா இத்தி²யோ க³ந்த⁴ஞ்ச
மாலஞ்ச ஆதா³ய ஆராமங் ஆக³மங்ஸு விஹாரபெக்கி²காயோ.
அத² கோ² தா இத்தி²யோ தங் பி⁴க்கு²ங் பஸ்ஸித்வா அங்க³ஜாதே அபி⁴னிஸீதி³த்வா
யாவத³த்த²ங் கத்வா, புரிஸூஸபோ⁴ வதாயந்தி வத்வா க³ந்த⁴ஞ்ச மாலஞ்ச ஆரோபெத்வா
பக்கமிங்ஸு. பி⁴க்கூ² கிலின்னங் பஸ்ஸித்வா ப⁴க³வதோ ஏதமத்த²ங் ஆரோசேஸுங்.
‘‘பஞ்சஹி, பி⁴க்க²வே, ஆகாரேஹி அங்க³ஜாதங் கம்மனியங் ஹோதி – ராகே³ன, வச்சேன,
பஸ்ஸாவேன, வாதேன, உச்சாலிங்க³பாணகத³ட்டே²ன. இமேஹி
கோ², பி⁴க்க²வே, பஞ்சஹாகாரேஹி அங்க³ஜாதங் கம்மனியங் ஹோதி. அட்டா²னமேதங்,
பி⁴க்க²வே, அனவகாஸோ, யங் தஸ்ஸ பி⁴க்கு²னோ ராகே³ன அங்க³ஜாதங் கம்மனியங்
அஸ்ஸ. அரஹங் ஸோ, பி⁴க்க²வே, பி⁴க்கு². அனாபத்தி, பி⁴க்க²வே, தஸ்ஸ
பி⁴க்கு²னோ. அனுஜானாமி, பி⁴க்க²வே, தி³வா படிஸல்லீயந்தேன த்³வாரங்
ஸங்வரித்வா படிஸல்லீயிது’’ந்தி.
78. தேன கோ² பன ஸமயேன அஞ்ஞதரோ பா⁴ருகச்ச²கோ பி⁴க்கு² ஸுபினந்தே [ஸுபினந்தேன (ஸீ॰ ஸ்யா॰)]
புராணது³தியிகாய மேது²னங் த⁴ம்மங் படிஸேவித்வா – ‘அஸ்ஸமணோ அஹங்,
விப்³ப⁴மிஸ்ஸாமீ’தி, பா⁴ருகச்ச²ங் க³ச்ச²ந்தோ அந்தராமக்³கே³ ஆயஸ்மந்தங்
உபாலிங் பஸ்ஸித்வா ஏதமத்த²ங் ஆரோசேஸி. ஆயஸ்மா உபாலி ஏவமாஹ – ‘‘அனாபத்தி,
ஆவுஸோ, ஸுபினந்தேனா’’தி.
தேன கோ² பன ஸமயேன ராஜக³ஹே ஸுபப்³பா³ நாம உபாஸிகா முத⁴ப்பஸன்னா [முத்³த⁴ப்பஸன்னா (ஸீ॰)] ஹோதி. ஸா ஏவங்தி³ட்டி²கா ஹோதி – ‘‘யா மேது²னங் த⁴ம்மங் தே³தி ஸா அக்³க³தா³னங் தே³தீ’’தி. ஸா பி⁴க்கு²ங் பஸ்ஸித்வா ஏதத³வோச – ‘‘ஏஹி, ப⁴ந்தே, மேது²னங் த⁴ம்மங் படிஸேவா’’தி. ‘‘அலங், ப⁴கி³னி, நேதங் கப்பதீ’’தி. ‘‘ஏஹி, ப⁴ந்தே, ஊருந்தரிகாய [ஊரந்தரிகாய (ஸீ॰)] க⁴ட்டேஹி, ஏவங் தே அனாபத்தி ப⁴விஸ்ஸதீ’’தி…பே॰…
ஏஹி, ப⁴ந்தே, நாபி⁴யங் க⁴ட்டேஹி… ஏஹி, ப⁴ந்தே, உத³ரவட்டியங் க⁴ட்டேஹி…
ஏஹி, ப⁴ந்தே, உபகச்ச²கே க⁴ட்டேஹி… ஏஹி, ப⁴ந்தே, கீ³வாயங் க⁴ட்டேஹி… ஏஹி,
ப⁴ந்தே, கண்ணச்சி²த்³தே³ க⁴ட்டேஹி… ஏஹி, ப⁴ந்தே, கேஸவட்டியங் க⁴ட்டேஹி…
ஏஹி, ப⁴ந்தே, அங்கு³லந்தரிகாய க⁴ட்டேஹி… ‘‘ஏஹி, ப⁴ந்தே, ஹத்தே²ன
உபக்கமித்வா மோசெஸ்ஸாமி, ஏவங் தே அனாபத்தி ப⁴விஸ்ஸதீ’’தி. ஸோ பி⁴க்கு² ததா²
அகாஸி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ.
ஆபத்தி ஸங்கா⁴தி³ஸேஸஸ்ஸா’’தி.
79.
தேன கோ² பன ஸமயேன ஸாவத்தி²யங் ஸத்³தா⁴ நாம உபாஸிகா முத⁴ப்பஸன்னா ஹோதி. ஸா
ஏவங்தி³ட்டி²கா ஹோதி – ‘‘யா மேது²னங் த⁴ம்மங் தே³தி ஸா அக்³க³தா³னங்
தே³தீ’’தி. ஸா பி⁴க்கு²ங் பஸ்ஸித்வா ஏதத³வோச – ‘‘ஏஹி, ப⁴ந்தே, மேது²னங்
த⁴ம்மங் படிஸேவா’’தி. ‘‘அலங், ப⁴கி³னி, நேதங் கப்பதீ’’தி. ‘‘ஏஹி, ப⁴ந்தே,
ஊருந்தரிகாய க⁴ட்டேஹி…பே॰… ஏஹி, ப⁴ந்தே, ஹத்தே²ன
உபக்கமித்வா மோசெஸ்ஸாமி, ஏவங் தே அனாபத்தி ப⁴விஸ்ஸதீ’’தி. ஸோ பி⁴க்கு² ததா²
அகாஸி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ.
ஆபத்தி ஸங்கா⁴தி³ஸேஸஸ்ஸா’’தி.
80.
தேன கோ² பன ஸமயேன வேஸாலியங் லிச்ச²விகுமாரகா பி⁴க்கு²ங் க³ஹெத்வா
பி⁴க்கு²னியா விப்படிபாதே³ஸுங்… ஸிக்க²மானாய விப்படிபாதே³ஸுங்… ஸாமணேரியா
விப்படிபாதே³ஸுங். உபோ⁴ ஸாதி³யிங்ஸு. உபோ⁴ நாஸேதப்³பா³. உபோ⁴ ந ஸாதி³யிங்ஸு. உபி⁴ன்னங் அனாபத்தி.
81. தேன கோ² பன ஸமயேன வேஸாலியங் லிச்ச²விகுமாரகா பி⁴க்கு²ங் க³ஹெத்வா வேஸியா விப்படிபாதே³ஸுங்… பண்ட³கே விப்படிபாதே³ஸுங்… கி³ஹினியா விப்படிபாதே³ஸுங். பி⁴க்கு² ஸாதி³யி. பி⁴க்கு² நாஸேதப்³போ³. பி⁴க்கு² ந ஸாதி³யி. பி⁴க்கு²ஸ்ஸ அனாபத்தி.
தேன கோ² பன ஸமயேன வேஸாலியங் லிச்ச²விகுமாரகா பி⁴க்கூ²
க³ஹெத்வா அஞ்ஞமஞ்ஞங் விப்படிபாதே³ஸுங். உபோ⁴ ஸாதி³யிங்ஸு. உபோ⁴
நாஸேதப்³பா³. உபோ⁴ ந ஸாதி³யிங்ஸு. உபி⁴ன்னங் அனாபத்தி.
82.
தேன கோ² பன ஸமயேன அஞ்ஞதரோ வுட்³ட⁴பப்³ப³ஜிதோ பி⁴க்கு² புராணது³தியிகாய
த³ஸ்ஸனங் அக³மாஸி. ஸா – ‘ஏஹி, ப⁴ந்தே, விப்³ப⁴மா’தி அக்³க³ஹேஸி. ஸோ
பி⁴க்கு² படிக்கமந்தோ உத்தானோ பரிபதி. ஸா உப்³ப⁴ஜித்வா [உப்³பு⁴ஜித்வா (ஸீ॰ ஸ்யா॰)] அங்க³ஜாதே [அங்க³ஜாதேன (ஸீ॰)] அபி⁴னிஸீதி³. தஸ்ஸ குக்குச்சங் அஹோஸி …பே॰… ‘‘ஸாதி³யி த்வங், பி⁴க்கூ²’’தி? ‘‘நாஹங், ப⁴க³வா, ஸாதி³யி’’ந்தி. ‘‘அனாபத்தி, பி⁴க்கு², அஸாதி³யந்தஸ்ஸா’’தி.
83.
தேன கோ² பன ஸமயேன அஞ்ஞதரோ பி⁴க்கு² அரஞ்ஞே விஹரதி. மிக³போதகோ தஸ்ஸ
பஸ்ஸாவட்டா²னங் ஆக³ந்த்வா பஸ்ஸாவங் பிவந்தோ முகே²ன அங்க³ஜாதங் அக்³க³ஹேஸி.
ஸோ பி⁴க்கு² ஸாதி³யி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங்,
பி⁴க்கு², ஆபன்னோ பாராஜிக’’ந்தி.
பட²மபாராஜிகங் ஸமத்தங்.
2. து³தியபாராஜிகங்
84. தேன
ஸமயேன பு³த்³தோ⁴ ப⁴க³வா ராஜக³ஹே விஹரதி கி³ஜ்ஜ²கூடே பப்³ப³தே. தேன கோ² பன
ஸமயேன ஸம்ப³ஹுலா ஸந்தி³ட்டா² ஸம்ப⁴த்தா பி⁴க்கூ² இஸிகி³லிபஸ்ஸே திணகுடியோ
கரித்வா வஸ்ஸங் உபக³ச்சி²ங்ஸு. ஆயஸ்மாபி த⁴னியோ கும்ப⁴காரபுத்தோ திணகுடிகங்
கரித்வா வஸ்ஸங் உபக³ச்சி². அத² கோ² தே பி⁴க்கூ²
வஸ்ஸங்வுட்டா² தேமாஸச்சயேன திணகுடியோ பி⁴ந்தி³த்வா திணஞ்ச கட்ட²ஞ்ச
படிஸாமெத்வா ஜனபத³சாரிகங் பக்கமிங்ஸு. ஆயஸ்மா பன த⁴னியோ கும்ப⁴காரபுத்தோ
தத்தே²வ வஸ்ஸங் வஸி, தத்த² ஹேமந்தங், தத்த² கி³ம்ஹங். அத² கோ² ஆயஸ்மதோ
த⁴னியஸ்ஸ கும்ப⁴காரபுத்தஸ்ஸ கா³மங் பிண்டா³ய பவிட்ட²ஸ்ஸ திணஹாரியோ
கட்ட²ஹாரியோ திணகுடிகங் பி⁴ந்தி³த்வா திணஞ்ச கட்ட²ஞ்ச ஆதா³ய அக³மங்ஸு.
து³தியம்பி கோ² ஆயஸ்மா த⁴னியோ கும்ப⁴காரபுத்தோ திணஞ்ச கட்ட²ஞ்ச
ஸங்கட்³டி⁴த்வா திணகுடிகங் அகாஸி. து³தியம்பி கோ² ஆயஸ்மதோ த⁴னியஸ்ஸ
கும்ப⁴காரபுத்தஸ்ஸ கா³மங் பிண்டா³ய பவிட்ட²ஸ்ஸ திணஹாரியோ கட்ட²ஹாரியோ
திணகுடிகங் பி⁴ந்தி³த்வா திணஞ்ச கட்ட²ஞ்ச ஆதா³ய அக³மங்ஸு. ததியம்பி கோ²
ஆயஸ்மா த⁴னியோ கும்ப⁴காரபுத்தோ திணஞ்ச கட்ட²ஞ்ச ஸங்கட்³டி⁴த்வா திணகுடிகங்
அகாஸி. ததியம்பி கோ² ஆயஸ்மதோ த⁴னியஸ்ஸ கும்ப⁴காரபுத்தஸ்ஸ கா³மங் பிண்டா³ய
பவிட்ட²ஸ்ஸ திணஹாரியோ கட்ட²ஹாரியோ திணகுடிகங் பி⁴ந்தி³த்வா திணஞ்ச கட்ட²ஞ்ச
ஆதா³ய அக³மங்ஸு.
அத² கோ² ஆயஸ்மதோ த⁴னியஸ்ஸ கும்ப⁴காரபுத்தஸ்ஸ
ஏதத³ஹோஸி – ‘‘யாவததியகங் கோ² மே கா³மங் பிண்டா³ய பவிட்ட²ஸ்ஸ திணஹாரியோ
கட்ட²ஹாரியோ திணகுடிகங் பி⁴ந்தி³த்வா திணஞ்ச கட்ட²ஞ்ச ஆதா³ய அக³மங்ஸு. அஹங்
கோ² பன ஸுஸிக்கி²தோ அனவயோ ஸகே ஆசரியகே கும்ப⁴காரகம்மே பரியோதா³தஸிப்போ .
யங்னூனாஹங் ஸாமங் சிக்க²ல்லங் மத்³தி³த்வா ஸப்³ப³மத்திகாமயங் குடிகங்
கரெய்ய’’ந்தி! அத² கோ² ஆயஸ்மா த⁴னியோ கும்ப⁴காரபுத்தோ ஸாமங் சிக்க²ல்லங்
மத்³தி³த்வா ஸப்³ப³மத்திகாமயங் குடிகங் கரித்வா திணஞ்ச கட்ட²ஞ்ச கோ³மயஞ்ச ஸங்கட்³டி⁴த்வா தங் குடிகங் பசி. ஸா அஹோஸி குடிகா அபி⁴ரூபா த³ஸ்ஸனீயா பாஸாதி³கா லோஹிதிகா [லோஹிதகா (ஸ்யா॰)], ஸெய்யதா²பி இந்த³கோ³பகோ. ஸெய்யதா²பி நாம கிங்கணிகஸத்³தோ³ [கிங்கிணிகஸத்³தோ³ (ஸீ॰ ஸ்யா॰)] ஏவமேவங் தஸ்ஸா குடிகாய ஸத்³தோ³ அஹோஸி.
85.
அத² கோ² ப⁴க³வா ஸம்ப³ஹுலேஹி பி⁴க்கூ²ஹி ஸத்³தி⁴ங் கி³ஜ்ஜ²கூடா பப்³ப³தா
ஓரோஹந்தோ அத்³த³ஸ தங் குடிகங் அபி⁴ரூபங் த³ஸ்ஸனீயங் பாஸாதி³கங் லோஹிதிகங்.
தி³ஸ்வான பி⁴க்கூ² ஆமந்தேஸி – ‘‘கிங் ஏதங், பி⁴க்க²வே, அபி⁴ரூபங்
த³ஸ்ஸனீயங் பாஸாதி³கங் லோஹிதிகங், ஸெய்யதா²பி இந்த³கோ³பகோ’’தி? அத² கோ² தே
பி⁴க்கூ² ப⁴க³வதோ ஏதமத்த²ங் ஆரோசேஸுங். விக³ரஹி பு³த்³தோ⁴ ப⁴க³வா –
‘‘அனநுச்ச²விகங், பி⁴க்க²வே, தஸ்ஸ மோக⁴புரிஸஸ்ஸ அனநுலோமிகங் அப்பதிரூபங்
அஸ்ஸாமணகங் அகப்பியங் அகரணீயங். கத²ஞ்ஹி நாம ஸோ,
பி⁴க்க²வே, மோக⁴புரிஸோ ஸப்³ப³மத்திகாமயங் குடிகங் கரிஸ்ஸதி! ந ஹி நாம,
பி⁴க்க²வே, தஸ்ஸ மோக⁴புரிஸஸ்ஸ பாணேஸு அனுத்³த³யா அனுகம்பா அவிஹேஸா
ப⁴விஸ்ஸதி! க³ச்ச²தே²தங், பி⁴க்க²வே, குடிகங்
பி⁴ந்த³த². மா பச்சி²மா ஜனதா பாணேஸு பாதப்³யதங் ஆபஜ்ஜி. ந ச, பி⁴க்க²வே,
ஸப்³ப³மத்திகாமயா குடிகா காதப்³பா³. யோ கரெய்ய, ஆபத்தி து³க்கடஸ்ஸா’’தி.
‘‘ஏவங், ப⁴ந்தே’’தி, கோ² தே பி⁴க்கூ² ப⁴க³வதோ படிஸ்ஸுணித்வா யேன ஸா குடிகா
தேனுபஸங்கமிங்ஸு; உபஸங்கமித்வா தங் குடிகங் பி⁴ந்தி³ங்ஸு. அத² கோ² ஆயஸ்மா
த⁴னியோ கும்ப⁴காரபுத்தோ தே பி⁴க்கூ² ஏதத³வோச – ‘‘கிஸ்ஸ மே தும்ஹே, ஆவுஸோ,
குடிகங் பி⁴ந்த³தா²’’தி? ‘‘ப⁴க³வா, ஆவுஸோ, பே⁴தா³பேதீ’’தி.
‘‘பி⁴ந்த³தா²வுஸோ, ஸசே த⁴ம்மஸ்ஸாமீ பே⁴தா³பேதீ’’தி.
86.
அத² கோ² ஆயஸ்மதோ த⁴னியஸ்ஸ கும்ப⁴காரபுத்தஸ்ஸ ஏதத³ஹோஸி – ‘‘யாவததியகங் கோ²
மே கா³மங் பிண்டா³ய பவிட்ட²ஸ்ஸ திணஹாரியோ கட்ட²ஹாரியோ திணகுடிகங்
பி⁴ந்தி³த்வா திணஞ்ச கட்ட²ஞ்ச ஆதா³ய அக³மங்ஸு. யாபி மயா ஸப்³ப³மத்திகாமயா
குடிகா கதா ஸாபி ப⁴க³வதா பே⁴தா³பிதா. அத்தி² ச மே தா³ருக³ஹே க³ணகோ
ஸந்தி³ட்டோ². யங்னூனாஹங் தா³ருக³ஹே க³ணகங் தா³ரூனி யாசித்வா தா³ருகுடிகங்
கரெய்ய’’ந்தி. அத² கோ² ஆயஸ்மா த⁴னியோ கும்ப⁴காரபுத்தோ யேன தா³ருக³ஹே க³ணகோ
தேனுபஸங்கமி; உபஸங்கமித்வா தா³ருக³ஹே க³ணகங் ஏதத³வோச – ‘‘யாவததியகங் கோ²
மே, ஆவுஸோ, கா³மங் பிண்டா³ய பவிட்ட²ஸ்ஸ திணஹாரியோ கட்ட²ஹாரியோ திணகுடிகங்
பி⁴ந்தி³த்வா திணஞ்ச கட்ட²ஞ்ச ஆதா³ய அக³மங்ஸு. யாபி மயா ஸப்³ப³மத்திகாமயா
குடிகா கதா ஸாபி ப⁴க³வதா பே⁴தா³பிதா . தே³ஹி மே, ஆவுஸோ, தா³ரூனி. இச்சா²மி தா³ருகுடிகங் [தா³ருகுட்³டி³கங் குடிகங் (ஸீ॰)] காது’’ந்தி. ‘‘நத்தி², ப⁴ந்தே, தாதி³ஸானி தா³ரூனி யானாஹங் அய்யஸ்ஸ த³தெ³ய்யங். அத்தி² ,
ப⁴ந்தே, தே³வக³ஹதா³ரூனி நக³ரபடிஸங்கா²ரிகானி ஆபத³த்தா²ய நிக்கி²த்தானி.
ஸசே தானி தா³ரூனி ராஜா தா³பேதி ஹராபேத², ப⁴ந்தே’’தி. ‘‘தி³ன்னானி, ஆவுஸோ,
ரஞ்ஞா’’தி. அத² கோ² தா³ருக³ஹே க³ணகஸ்ஸ ஏதத³ஹோஸி – ‘‘இமே கோ² ஸமணா
ஸக்யபுத்தியா த⁴ம்மசாரினோ ஸமசாரினோ [ஸம்மசாரினோ (க॰)]
ப்³ரஹ்மசாரினோ ஸச்சவாதி³னோ ஸீலவந்தோ கல்யாணத⁴ம்மா. ராஜாபிமேஸங்
அபி⁴ப்பஸன்னோ. நாரஹதி அதி³ன்னங் தி³ன்னந்தி வத்து’’ந்தி. அத² கோ² தா³ருக³ஹே
க³ணகோ ஆயஸ்மந்தங் த⁴னியங் கும்ப⁴காரபுத்தங்
ஏதத³வோச – ‘‘ஹராபேத², ப⁴ந்தே’’தி. அத² கோ² ஆயஸ்மா த⁴னியோ கும்ப⁴காரபுத்தோ
தானி தா³ரூனி க²ண்டா³க²ண்டி³கங் சே²தா³பெத்வா ஸகடேஹி நிப்³பா³ஹாபெத்வா
தா³ருகுடிகங் அகாஸி.
87.
அத² கோ² வஸ்ஸகாரோ ப்³ராஹ்மணோ மக³த⁴மஹாமத்தோ ராஜக³ஹே கம்மந்தே
அனுஸஞ்ஞாயமானோ யேன தா³ருக³ஹே க³ணகோ தேனுபஸங்கமி; உபஸங்கமித்வா தா³ருக³ஹே
க³ணகங் ஏதத³வோச – ‘‘யானி தானி, ப⁴ணே, தே³வக³ஹதா³ரூனி நக³ரபடிஸங்கா²ரிகானி
ஆபத³த்தா²ய நிக்கி²த்தானி கஹங் தானி தா³ரூனீ’’தி? ‘‘தானி, ஸாமி, தா³ரூனி
தே³வேன அய்யஸ்ஸ த⁴னியஸ்ஸ கும்ப⁴காரபுத்தஸ்ஸ தி³ன்னானீ’’தி. அத² கோ²
வஸ்ஸகாரோ ப்³ராஹ்மணோ மக³த⁴மஹாமத்தோ அனத்தமனோ அஹோஸி –
‘‘கத²ஞ்ஹி நாம தே³வோ தே³வக³ஹதா³ரூனி நக³ரபடிஸங்கா²ரிகானி ஆபத³த்தா²ய
நிக்கி²த்தானி த⁴னியஸ்ஸ கும்ப⁴காரபுத்தஸ்ஸ த³ஸ்ஸதீ’’தி! அத² கோ² வஸ்ஸகாரோ
ப்³ராஹ்மணோ மக³த⁴மஹாமத்தோ யேன ராஜா மாக³தோ⁴ ஸேனியோ பி³ம்பி³ஸாரோ
தேனுபஸங்கமி; உபஸங்கமித்வா ராஜானங் மாக³த⁴ங் ஸேனியங் பி³ம்பி³ஸாரங் ஏதத³வோச
– ‘‘ஸச்சங் கிர, தே³வேன [ஸச்சங் கிர தே³வ தே³வேன (ஸீ॰)]
தே³வக³ஹதா³ரூனி நக³ரபடிஸங்கா²ரிகானி ஆபத³த்தா²ய நிக்கி²த்தானி த⁴னியஸ்ஸ
கும்ப⁴காரபுத்தஸ்ஸ தி³ன்னானீ’’தி? ‘‘கோ ஏவமாஹா’’தி? ‘‘தா³ருக³ஹே க³ணகோ,
தே³வா’’தி. ‘‘தேன ஹி, ப்³ராஹ்மண, தா³ருக³ஹே க³ணகங் ஆணாபேஹீ’’தி. அத² கோ²
வஸ்ஸகாரோ ப்³ராஹ்மணோ மக³த⁴மஹாமத்தோ தா³ருக³ஹே க³ணகங் ப³ந்த⁴ங் [ப³த்³த⁴ங் (ஸீ॰)]
ஆணாபேஸி. அத்³த³ஸ கோ² ஆயஸ்மா த⁴னியோ கும்ப⁴காரபுத்தோ தா³ருக³ஹே க³ணகங்
ப³ந்த⁴ங் நிய்யமானங். தி³ஸ்வான தா³ருக³ஹே க³ணகங் ஏதத³வோச – ‘‘கிஸ்ஸ த்வங்,
ஆவுஸோ, ப³ந்தோ⁴ நிய்யாஸீ’’தி? ‘‘தேஸங், ப⁴ந்தே, தா³ரூனங் கிச்சா’’தி.
‘‘க³ச்சா²வுஸோ, அஹம்பி ஆக³ச்சா²மீ’’தி. ‘‘எய்யாஸி, ப⁴ந்தே, புராஹங்
ஹஞ்ஞாமீ’’தி.
88.
அத² கோ² ஆயஸ்மா த⁴னியோ கும்ப⁴காரபுத்தோ யேன ரஞ்ஞோ மாக³த⁴ஸ்ஸ ஸேனியஸ்ஸ
பி³ம்பி³ஸாரஸ்ஸ நிவேஸனங் தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³.
அத² கோ² ராஜா மாக³தோ⁴ ஸேனியோ பி³ம்பி³ஸாரோ யேனாயஸ்மா த⁴னியோ கும்ப⁴காரபுத்தோ தேனுபஸங்கமி; உபஸங்கமித்வா ஆயஸ்மந்தங்
த⁴னியங் கும்ப⁴காரபுத்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னோ கோ² ராஜா மாக³தோ⁴ ஸேனியோ பி³ம்பி³ஸாரோ ஆயஸ்மந்தங் த⁴னியங்
கும்ப⁴காரபுத்தங் ஏதத³வோச – ‘‘ஸச்சங் கிர மயா,
ப⁴ந்தே, தே³வக³ஹதா³ரூனி நக³ரபடிஸங்கா²ரிகானி ஆபத³த்தா²ய நிக்கி²த்தானி
அய்யஸ்ஸ தி³ன்னானீ’’தி? ‘‘ஏவங், மஹாராஜா’’தி. ‘‘மயங் கோ², ப⁴ந்தே, ராஜானோ
நாம ப³ஹுகிச்சா ப³ஹுகரணீயா, த³த்வாபி ந ஸரெய்யாம; இங்க⁴, ப⁴ந்தே,
ஸராபேஹீ’’தி. ‘‘ஸரஸி த்வங், மஹாராஜ, பட²மாபி⁴ஸித்தோ ஏவரூபிங் வாசங் பா⁴ஸிதா
– ‘‘தி³ன்னஞ்ஞேவ ஸமணப்³ராஹ்மணானங் திணகட்டோ²த³கங் பரிபு⁴ஞ்ஜந்தூ’’தி.
‘‘ஸராமஹங், ப⁴ந்தே. ஸந்தி, ப⁴ந்தே, ஸமணப்³ராஹ்மணா லஜ்ஜினோ குக்குச்சகா
ஸிக்கா²காமா. தேஸங் அப்பமத்தகேபி குக்குச்சங் உப்பஜ்ஜதி. தேஸங் மயா ஸந்தா⁴ய
பா⁴ஸிதங், தஞ்ச கோ² அரஞ்ஞே அபரிக்³க³ஹிதங். ஸோ த்வங், ப⁴ந்தே, தேன லேஸேன
தா³ரூனி அதி³ன்னங் ஹரிதுங் மஞ்ஞஸி! கத²ஞ்ஹி நாம மாதி³ஸோ ஸமணங் வா
ப்³ராஹ்மணங் வா விஜிதே வஸந்தங் ஹனெய்ய வா ப³ந்தெ⁴ய்ய வா பப்³பா³ஜெய்ய வா!
க³ச்ச², ப⁴ந்தே, லோமேன த்வங் முத்தோஸி. மாஸ்ஸு புனபி ஏவரூபங் அகாஸீ’’தி.
மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘அலஜ்ஜினோ இமே ஸமணா
ஸக்யபுத்தியா து³ஸ்ஸீலா முஸாவாதி³னோ. இமே ஹி நாம த⁴ம்மசாரினோ
ஸமசாரினோ ப்³ராஹ்மசாரினோ ஸச்சவாதி³னோ ஸீலவந்தோ கல்யாணத⁴ம்மா
படிஜானிஸ்ஸந்தி! நத்தி² இமேஸங் ஸாமஞ்ஞங், நத்தி² இமேஸங் ப்³ரஹ்மஞ்ஞங்.
நட்ட²ங் இமேஸங் ஸாமஞ்ஞங், நட்ட²ங் இமேஸங் ப்³ரஹ்மஞ்ஞங். குதோ இமேஸங்
ஸாமஞ்ஞங், குதோ இமேஸங் ப்³ரஹ்மஞ்ஞங்! அபக³தா இமே ஸாமஞ்ஞா, அபக³தா இமே
ப்³ரஹ்மஞ்ஞா. ராஜானம்பி இமே வஞ்செந்தி, கிங் பனஞ்ஞே மனுஸ்ஸே’’தி! அஸ்ஸோஸுங்
கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங்
விபாசெந்தானங். யே தே பி⁴க்கூ² அப்பிச்சா² ஸந்துட்டா² லஜ்ஜினோ குக்குச்சகா
ஸிக்கா²காமா தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா
த⁴னியோ கும்ப⁴காரபுத்தோ ரஞ்ஞோ தா³ரூனி அதி³ன்னங் ஆதி³யிஸ்ஸதீ’’தி! அத² கோ²
தே பி⁴க்கூ² ஆயஸ்மந்தங் த⁴னியங் கும்ப⁴காரபுத்தங் அனேகபரியாயேன விக³ரஹித்வா
ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங்
பகரணே பி⁴க்கு²ஸங்க⁴ங் ஸன்னிபாதாபெத்வா ஆயஸ்மந்தங் த⁴னியங்
கும்ப⁴காரபுத்தங் படிபுச்சி² – ‘‘ஸச்சங் கிர த்வங், த⁴னிய, ரஞ்ஞோ தா³ரூனி
அதி³ன்னங் ஆதி³யீ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா –
‘‘அனநுச்ச²விகங், மோக⁴புரிஸ, அனநுலோமிகங் அப்பதிரூபங் அஸ்ஸாமணகங் அகப்பியங்
அகரணீயங். கத²ஞ்ஹி நாம த்வங், மோக⁴புரிஸ , ரஞ்ஞோ
தா³ரூனி அதி³ன்னங் ஆதி³யிஸ்ஸஸி! நேதங், மோக⁴புரிஸ, அப்பஸன்னானங் வா பஸாதா³ய
பஸன்னானங் வா பி⁴ய்யோபா⁴வாய; அத²க்²வேதங், மோக⁴புரிஸ, அப்பஸன்னானஞ்சேவ
அப்பஸாதா³ய பஸன்னானஞ்ச ஏகச்சானங் அஞ்ஞத²த்தாயா’’தி.
தேன கோ² பன ஸமயேன அஞ்ஞதரோ புராணவோஹாரிகோ
மஹாமத்தோ பி⁴க்கூ²ஸு பப்³ப³ஜிதோ ப⁴க³வதோ அவிதூ³ரே நிஸின்னோ ஹோதி. அத² கோ²
ப⁴க³வா தங் பி⁴க்கு²ங் ஏதத³வோச – ‘‘கித்தகேன கோ² பி⁴க்கு² ராஜா மாக³தோ⁴
ஸேனியோ பி³ம்பி³ஸாரோ சோரங் க³ஹெத்வா ஹனதி வா ப³ந்த⁴தி வா பப்³பா³ஜேதி
வா’’தி? ‘‘பாதே³ன வா, ப⁴க³வா, பாதா³ரஹேன வா’’தி [பாதா³ரஹேனவா அதிரேகபாதே³னவாதி (ஸ்யா॰)].
தேன கோ² பன ஸமயேன ராஜக³ஹே பஞ்சமாஸகோ பாதோ³ ஹோதி. அத² கோ² ப⁴க³வா
ஆயஸ்மந்தங் த⁴னியங் கும்ப⁴காரபுத்தங் அனேகபரியாயேன விக³ரஹித்வா
து³ப்³ப⁴ரதாய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத²
–
89. ‘‘யோ
பன பி⁴க்கு² அதி³ன்னங் தெ²ய்யஸங்கா²தங் ஆதி³யெய்ய, யதா²ரூபே அதி³ன்னாதா³னே
ராஜானோ சோரங் க³ஹெத்வா ஹனெய்யுங் வா ப³ந்தெ⁴ய்யுங் வா பப்³பா³ஜெய்யுங் வா –
‘சோரோஸி பா³லோஸி மூள்ஹோஸி தே²னோஸீ’தி, ததா²ரூபங் பி⁴க்கு² அதி³ன்னங்
ஆதி³யமானோ அயம்பி பாராஜிகோ ஹோதி அஸங்வாஸோ’’தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
90.
தேன கோ² பன ஸமயேன ச²ப்³ப³க்³கி³யா பி⁴க்கூ² ரஜகத்த²ரணங் க³ந்த்வா
ரஜகப⁴ண்டி³கங் அவஹரித்வா ஆராமங் ஹரித்வா பா⁴ஜேஸுங். பி⁴க்கூ² ஏவமாஹங்ஸு –
‘‘மஹாபுஞ்ஞத்த² தும்ஹே, ஆவுஸோ. ப³ஹுங் தும்ஹாகங் சீவரங் உப்பன்ன’’ந்தி.
‘‘குதோ ஆவுஸோ, அம்ஹாகங் புஞ்ஞங், இதா³னி மயங் ரஜகத்த²ரணங் க³ந்த்வா
ரஜகப⁴ண்டி³கங் அவஹரிம்ஹா’’தி. ‘‘நனு, ஆவுஸோ, ப⁴க³வதா ஸிக்கா²பத³ங்
பஞ்ஞத்தங். கிஸ்ஸ தும்ஹே, ஆவுஸோ, ரஜகப⁴ண்டி³கங் அவஹரித்தா²’’தி ?
‘‘ஸச்சங், ஆவுஸோ, ப⁴க³வதா ஸிக்கா²பத³ங் பஞ்ஞத்தங். தஞ்ச கோ² கா³மே, நோ
அரஞ்ஞே’’தி. ‘‘நனு, ஆவுஸோ, ததே²வேதங் ஹோதி. அனநுச்ச²விகங், ஆவுஸோ,
அனநுலோமிகங் அப்பதிரூபங் அஸ்ஸாமணகங் அகப்பியங் அகரணீயங். கத²ஞ்ஹி நாம
தும்ஹே, ஆவுஸோ, ரஜகப⁴ண்டி³கங் அவஹரிஸ்ஸத²! நேதங், ஆவுஸோ, அப்பஸன்னானங் வா
பஸாதா³ய பஸன்னானங் வா பி⁴ய்யோபா⁴வாய; அத²க்²வேதங், ஆவுஸோ, அப்பஸன்னானஞ்சேவ
அப்பஸாதா³ய பஸன்னானஞ்ச ஏகச்சானங் அஞ்ஞத²த்தாயா’’தி. அத² கோ² தே பி⁴க்கூ²
ச²ப்³ப³க்³கி³யே பி⁴க்கூ² அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங். அத²
கோ² ப⁴க³வா ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங்
ஸன்னிபாதாபெத்வா ச²ப்³ப³க்³கி³யே பி⁴க்கூ² படிபுச்சி² – ‘‘ஸச்சங் கிர
தும்ஹே, பி⁴க்க²வே, ரஜகத்த²ரணங் க³ந்த்வா ரஜகப⁴ண்டி³கங் அவஹரித்தா²’’தி?
‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா – ‘‘அனநுச்ச²விகங்,
மோக⁴புரிஸா, அனநுலோமிகங் அப்படிரூபங் அஸ்ஸாமணகங் அகப்பியங் அகரணீயங்.
கத²ஞ்ஹி நாம தும்ஹே, மோக⁴புரிஸா, ரஜகப⁴ண்டி³கங்
அவஹரிஸ்ஸத²! நேதங், மோக⁴புரிஸா, அப்பஸன்னானங் வா பஸாதா³ய பஸன்னானங் வா
பி⁴ய்யோபா⁴வாய; அத² க்²வேதங், மோக⁴புரிஸா, அப்பஸன்னானஞ்சேவ அப்பஸாதா³ய
பஸன்னானஞ்ச ஏகச்சானங் அஞ்ஞத²த்தாயா’’தி. அத² கோ² ப⁴க³வா ச²ப்³ப³க்³கி³யே
பி⁴க்கூ² அனேகபரியாயேன விக³ரஹித்வா து³ப்³ப⁴ரதாய…பே॰… வீரியாரம்ப⁴ஸ்ஸ
வண்ணங் பா⁴ஸித்வா பி⁴க்கூ²னங் தத³னுச்ச²விகங் தத³னுலோமிகங் த⁴ம்மிங் கத²ங்
கத்வா பி⁴க்கூ² ஆமந்தேஸி…பே॰… ‘‘ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –
91. ‘‘யோ பன பி⁴க்கு² கா³மா வா அரஞ்ஞா வா அதி³ன்னங் தெ²ய்யஸங்கா²தங் ஆதி³யெய்ய, யதா²ரூபே அதி³ன்னாதா³னே
ராஜானோ சோரங் க³ஹெத்வா ஹனெய்யுங் வா ப³ந்தெ⁴ய்யுங் வா பப்³பா³ஜெய்யுங் வா –
‘சோரோஸி பா³லோஸி மூள்ஹோஸி தே²னோஸீ’தி, ததா²ரூபங் பி⁴க்கு² அதி³ன்னங்
ஆதி³யமானோ அயம்பி பாராஜிகோ ஹோதி அஸங்வாஸோ’’தி.
92. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
கா³மோ நாம ஏககுடிகோபி கா³மோ,
த்³விகுடிகோபி கா³மோ, திகுடிகோபி கா³மோ, சதுகுடிகோபி கா³மோ, ஸமனுஸ்ஸோபி
கா³மோ, அமனுஸ்ஸோபி கா³மோ, பரிக்கி²த்தோபி கா³மோ, அபரிக்கி²த்தோபி கா³மோ,
கோ³னிஸாதி³னிவிட்டோ²பி கா³மோ, யோபி ஸத்தோ² அதிரேகசதுமாஸனிவிட்டோ² ஸோபி
வுச்சதி கா³மோ.
கா³மூபசாரோ நாம பரிக்கி²த்தஸ்ஸ கா³மஸ்ஸ இந்த³கீ²லே [இந்த³கி²லே (க॰)] டி²தஸ்ஸ மஜ்ஜி²மஸ்ஸ புரிஸஸ்ஸ லெட்³டு³பாதோ, அபரிக்கி²த்தஸ்ஸ கா³மஸ்ஸ க⁴ரூபசாரே டி²தஸ்ஸ மஜ்ஜி²மஸ்ஸ புரிஸஸ்ஸ லெட்³டு³பாதோ.
அரஞ்ஞங் நாம ட²பெத்வா கா³மஞ்ச கா³மூபசாரஞ்ச அவஸேஸங் அரஞ்ஞங் நாம.
அதி³ன்னங் நாமங் யங் அதி³ன்னங் அனிஸ்ஸட்ட²ங் அபரிச்சத்தங் ரக்கி²தங் கோ³பிதங் மமாயிதங் பரபரிக்³க³ஹிதங். ஏதங் அதி³ன்னங் நாம.
தெ²ய்யஸங்கா²தந்தி தெ²ய்யசித்தோ அவஹரணசித்தோ.
ஆதி³யெய்யாதி ஆதி³யெய்ய ஹரெய்ய அவஹரெய்ய இரியாபத²ங் விகோபெய்ய டா²னா சாவெய்ய ஸங்கேதங் வீதினாமெய்ய.
யதா²ரூபங் நாம பாத³ங் வா பாதா³ரஹங் வா அதிரேகபாத³ங் வா.
ராஜானோ நாம பத²ப்³யாராஜா பதே³ஸராஜா மண்ட³லிகா அந்தரபோ⁴கி³கா அக்க²த³ஸ்ஸா மஹாமத்தா, யே வா பன சே²ஜ்ஜபே⁴ஜ்ஜங் கரொந்தா அனுஸாஸந்தி. ஏதே ராஜானோ நாம.
சோரோ நாம யோ பஞ்சமாஸகங் வா அதிரேகபஞ்சமாஸகங் வா அக்³க⁴னகங் அதி³ன்னங் தெ²ய்யஸங்கா²தங் ஆதி³யதி. ஏஸோ சோரோ நாம.
ஹனெய்யுங் வாதி ஹத்தே²ன வா பாதே³ன வா கஸாய வா வெத்தேன வா அட்³ட⁴த³ண்ட³கேன வா சே²ஜ்ஜாய வா ஹனெய்யுங்.
ப³ந்தெ⁴ய்யுங் வாதி
ரஜ்ஜுப³ந்த⁴னேன வா அந்து³ப³ந்த⁴னேன வா ஸங்க²லிகப³ந்த⁴னேன வா க⁴ரப³ந்த⁴னேன
வா நக³ரப³ந்த⁴னேன வா கா³மப³ந்த⁴னேன வா நிக³மப³ந்த⁴னேன வா ப³ந்தெ⁴ய்யுங்,
புரிஸகு³த்திங் வா கரெய்யுங்.
பப்³பா³ஜெய்யுங் வாதி கா³மா வா நிக³மா வா நக³ரா வா ஜனபதா³ வா ஜனபத³பதே³ஸா வா பப்³பா³ஜெய்யுங்.
சோரோஸி பா³லோஸி மூள்ஹோஸி தே²னோஸீதி பரிபா⁴ஸோ ஏஸோ.
ததா²ரூபங் நாம பாத³ங் வா பாதா³ரஹங் வா அதிரேகபாத³ங் வா.
ஆதி³யமானோதி ஆதி³யமானோ ஹரமானோ அவஹரமானோ இரியாபத²ங் விகோபயமானோ டா²னா சாவயமானோ ஸங்கேதங் வீதினாமயமானோ.
அயம்பீதி புரிமங் உபாதா³ய வுச்சதி.
பாராஜிகோ ஹோதீதி ஸெய்யதா²பி நாம பண்டு³பலாஸோ ப³ந்த⁴னா பவுத்தோ [ஹரிதத்தாய (ஸீ॰ ஸ்யா॰)] அப⁴ப்³போ³ ஹரிதத்தா²ய [ஹரிதத்தாய (ஸீ॰ ஸ்யா॰)],
ஏவமேவ பி⁴க்கு² பாத³ங் வா பாதா³ரஹங் வா அதிரேகபாத³ங் வா அதி³ன்னங்
தெ²ய்யஸங்கா²தங் ஆதி³யித்வா அஸ்ஸமணோ ஹோதி அஸக்யபுத்தியோ. தேன வுச்சதி –
‘பாராஜிகோ ஹோதீ’தி.
அஸங்வாஸோதி ஸங்வாஸோ நாம ஏககம்மங் ஏகுத்³தே³ஸோ ஸமஸிக்க²தா. ஏஸோ ஸங்வாஸோ நாம. ஸோ தேன ஸத்³தி⁴ங் நத்தி². தேன வுச்சதி – ‘அஸங்வாஸோ’தி.
93.
பூ⁴மட்ட²ங் த²லட்ட²ங் ஆகாஸட்ட²ங் வேஹாஸட்ட²ங் உத³கட்ட²ங் நாவட்ட²ங்
யானட்ட²ங் பா⁴ரட்ட²ங் ஆராமட்ட²ங் விஹாரட்ட²ங் கெ²த்தட்ட²ங் வத்து²ட்ட²ங்
கா³மட்ட²ங் அரஞ்ஞட்ட²ங் உத³கங் த³ந்தபோணங் [த³ந்தபோனங் (ஸீ॰ க॰)]
வனப்பதி ஹரணகங் உபனிதி⁴ ஸுங்ககா⁴தங் பாணோ அபத³ங் த்³விபத³ங் சதுப்பத³ங்
ப³ஹுப்பத³ங் ஓசரகோ ஓணிரக்கோ² ஸங்விதா³வஹாரோ ஸங்கேதகம்மங் நிமித்தகம்மந்தி.
94. பூ⁴மட்ட²ங்
நாம ப⁴ண்ட³ங் பூ⁴மியங் நிக்கி²த்தங் ஹோதி நிகா²தங் படிச்ச²ன்னங்.
பூ⁴மட்ட²ங் ப⁴ண்ட³ங் அவஹரிஸ்ஸாமீதி தெ²ய்யசித்தோ து³தியங் வா பரியேஸதி
குதா³லங் வா பிடகங் வா பரியேஸதி க³ச்ச²தி வா, ஆபத்தி து³க்கடஸ்ஸ. தத்த²
ஜாதகங் கட்ட²ங் வா லதங் வா சி²ந்த³தி, ஆபத்தி து³க்கடஸ்ஸ. தத்த² பங்ஸுங் க²ணதி வா ப்³யூஹதி [வியூஹதி (ஸ்யா॰)]
வா உத்³த⁴ரதி வா, ஆபத்தி து³க்கடஸ்ஸ. கும்பி⁴ங் ஆமஸதி, ஆபத்தி து³க்கடஸ்ஸ.
ப²ந்தா³பேதி, ஆபத்தி து²ல்லச்சயஸ்ஸ. டா²னா சாவேதி, ஆபத்தி பாராஜிகஸ்ஸ.
அத்தனோ பா⁴ஜனங் பவேஸெத்வா பஞ்சமாஸகங் வா அதிரேகபஞ்சமாஸகங் வா அக்³க⁴னகங்
தெ²ய்யசித்தோ ஆமஸதி, ஆபத்தி து³க்கடஸ்ஸ. ப²ந்தா³பேதி, ஆபத்தி
து²ல்லச்சயஸ்ஸ. அத்தனோ பா⁴ஜனக³தங் வா கரோதி முட்டி²ங் வா சி²ந்த³தி, ஆபத்தி
பாராஜிகஸ்ஸ. ஸுத்தாருள்ஹங் ப⁴ண்ட³ங் பாமங்க³ங் வா கண்ட²ஸுத்தகங்
வா கடிஸுத்தகங் வா ஸாடகங் வா வேட²னங் வா தெ²ய்யசித்தோ ஆமஸதி, ஆபத்தி
து³க்கடஸ்ஸ. ப²ந்தா³பேதி, ஆபத்தி து²ல்லச்சயஸ்ஸ. கோடியங் க³ஹெத்வா
உச்சாரேதி, ஆபத்தி து²ல்லச்சயஸ்ஸ. க⁴ங்ஸந்தோ நீஹரதி, ஆபத்தி
து²ல்லச்சயஸ்ஸ. அந்தமஸோ கேஸக்³க³மத்தம்பி கும்பி⁴முகா² மோசேதி, ஆபத்தி
பாராஜிகஸ்ஸ. ஸப்பிங் வா தேலங் வா மது⁴ங் வா பா²ணிதங் வா பஞ்சமாஸகங் வா
அதிரேகபஞ்சமாஸகங் வா அக்³க⁴னகங் தெ²ய்யசித்தோ ஏகேன பயோகே³ன பிவதி, ஆபத்தி
பாராஜிகஸ்ஸ. தத்தே²வ பி⁴ந்த³தி வா ச²ட்³டே³தி வா ஜா²பேதி வா அபரிபோ⁴க³ங் வா
கரோதி, ஆபத்தி து³க்கடஸ்ஸ.
95. த²லட்ட²ங் நாம ப⁴ண்ட³ங் த²லே நிக்கி²த்தங் ஹோதி. த²லட்ட²ங் ப⁴ண்ட³ங் அவஹரிஸ்ஸாமீதி தெ²ய்யசித்தோ
து³தியங் வா பரியேஸதி க³ச்ச²தி வா, ஆபத்தி து³க்கடஸ்ஸ. ஆமஸதி, ஆபத்தி
து³க்கடஸ்ஸ. ப²ந்தா³பேதி, ஆபத்தி து²ல்லச்சயஸ்ஸ. டா²னா சாவேதி, ஆபத்தி
பாராஜிகஸ்ஸ.
96. ஆகாஸட்ட²ங்
நாம ப⁴ண்ட³ங் ஆகாஸக³தங் ஹோதி. மோரோ வா கபிஞ்ஜரோ வா தித்திரோ வா வட்டகோ வா,
ஸாடகங் வா வேட²னங் வா ஹிரஞ்ஞங் வா ஸுவண்ணங் வா சி²ஜ்ஜமானங் பததி.
ஆகாஸட்ட²ங் ப⁴ண்ட³ங் அவஹரிஸ்ஸாமீதி தெ²ய்யசித்தோ து³தியங் வா பரியேஸதி
க³ச்ச²தி வா, ஆபத்தி து³க்கடஸ்ஸ . க³மனங்
உபச்சி²ந்த³தி, ஆபத்தி து³க்கடஸ்ஸ. ஆமஸதி, ஆபத்தி து³க்கடஸ்ஸ. ப²ந்தா³பேதி,
ஆபத்தி து²ல்லச்சயஸ்ஸ. டா²னா சாவேதி, ஆபத்தி பாராஜிகஸ்ஸ.
97. வேஹாஸட்ட²ங்
நாம ப⁴ண்ட³ங் வேஹாஸக³தங் ஹோதி. மஞ்சே வா பீடே² வா சீவரவங்ஸே வா
சீவரரஜ்ஜுயா வா பி⁴த்திகி²லே வா நாக³த³ந்தே வா ருக்கே² வா லக்³கி³தங் ஹோதி,
அந்தமஸோ பத்தாதா⁴ரகேபி. வேஹாஸட்ட²ங் ப⁴ண்ட³ங் அவஹரிஸ்ஸாமீதி தெ²ய்யசித்தோ
து³தியங் வா பரியேஸதி க³ச்ச²தி வா, ஆபத்தி து³க்கடஸ்ஸ. ஆமஸதி, ஆபத்தி
து³க்கடஸ்ஸ. ப²ந்தா³பேதி, ஆபத்தி து²ல்லச்சயஸ்ஸ. டா²னா சாவேதி, ஆபத்தி
பாராஜிகஸ்ஸ.
98. உத³கட்ட²ங்
நாம ப⁴ண்ட³ங் உத³கே நிக்கி²த்தங் ஹோதி. உத³கட்ட²ங் ப⁴ண்ட³ங் அவஹரிஸ்ஸாமீதி
தெ²ய்யசித்தோ து³தியங் வா பரியேஸதி க³ச்ச²தி வா, ஆபத்தி து³க்கடஸ்ஸ.
நிமுஜ்ஜதி வா உம்முஜ்ஜதி வா, ஆபத்தி து³க்கடஸ்ஸ. ஆமஸதி, ஆபத்தி து³க்கடஸ்ஸ.
ப²ந்தா³பேதி, ஆபத்தி து²ல்லச்சயஸ்ஸ. டா²னா சாவேதி, ஆபத்தி பாராஜிகஸ்ஸ.
தத்த² ஜாதகங் உப்பலங் வா பது³மங் வா புண்ட³ரீகங் வா பி⁴ஸங் வா மச்ச²ங் வா
கச்ச²பங் வா பஞ்சமாஸகங் வா அதிரேகபஞ்சமாஸகங் வா அக்³க⁴னகங் தெ²ய்யசித்தோ
ஆமஸதி, ஆபத்தி து³க்கடஸ்ஸ. ப²ந்தா³பேதி, ஆபத்தி து²ல்லச்சயஸ்ஸ. டா²னா
சாவேதி, ஆபத்தி பாராஜிகஸ்ஸ.
99. நாவா நாம யாய தரதி. நாவட்ட²ங் நாம ப⁴ண்ட³ங் நாவாய நிக்கி²த்தங் ஹோதி. ‘‘நாவட்ட²ங் ப⁴ண்ட³ங் அவஹரிஸ்ஸாமீ’’தி தெ²ய்யசித்தோ து³தியங்
வா பரியேஸதி க³ச்ச²தி வா, ஆபத்தி து³க்கடஸ்ஸ. ஆமஸதி, ஆபத்தி து³க்கடஸ்ஸ.
ப²ந்தா³பேதி, ஆபத்தி து²ல்லச்சயஸ்ஸ. டா²னா சாவேதி, ஆபத்தி பாராஜிகஸ்ஸ.
நாவங் அவஹரிஸ்ஸாமீதி தெ²ய்யசித்தோ து³தியங் வா பரியேஸதி க³ச்ச²தி வா,
ஆபத்தி து³க்கடஸ்ஸ. ஆமஸதி, ஆபத்தி து³க்கடஸ்ஸ. ப²ந்தா³பேதி, ஆபத்தி
து²ல்லச்சயஸ்ஸ. ப³ந்த⁴னங் மோசேதி, ஆபத்தி து³க்கடஸ்ஸ. ப³ந்த⁴னங் மோசெத்வா
ஆமஸதி, ஆபத்தி து³க்கடஸ்ஸ. ப²ந்தா³பேதி, ஆபத்தி து²ல்லச்சயஸ்ஸ. உத்³த⁴ங் வா
அதோ⁴ வா திரியங் வா அந்தமஸோ கேஸக்³க³மத்தம்பி ஸங்காமேதி, ஆபத்தி
பாராஜிகஸ்ஸ.
100. யானங் நாம வய்ஹங் ரதோ² ஸகடங் ஸந்த³மானிகா. யானட்ட²ங்
நாம ப⁴ண்ட³ங் யானே நிக்கி²த்தங் ஹோதி. யானட்ட²ங் ப⁴ண்ட³ங் அவஹரிஸ்ஸாமீதி
தெ²ய்யசித்தோ து³தியங் வா பரியேஸதி க³ச்ச²தி வா, ஆபத்தி து³க்கடஸ்ஸ. ஆமஸதி,
ஆபத்தி து³க்கடஸ்ஸ. ப²ந்தா³பேதி, ஆபத்தி து²ல்லச்சயஸ்ஸ. டா²னா சாவேதி,
ஆபத்தி பாராஜிகஸ்ஸ. யானங் அவஹரிஸ்ஸாமீதி தெ²ய்யசித்தோ து³தியங் வா பரியேஸதி
க³ச்ச²தி வா, ஆபத்தி து³க்கடஸ்ஸ. ஆமஸதி, ஆபத்தி து³க்கடஸ்ஸ. ப²ந்தா³பேதி,
ஆபத்தி து²ல்லச்சயஸ்ஸ. டா²னா சாவேதி, ஆபத்தி பாராஜிகஸ்ஸ.
101. பா⁴ரோ
நாம ஸீஸபா⁴ரோ க²ந்த⁴பா⁴ரோ கடிபா⁴ரோ ஓலம்ப³கோ. ஸீஸே பா⁴ரங் தெ²ய்யசித்தோ
ஆமஸதி, ஆபத்தி து³க்கடஸ்ஸ. ப²ந்தா³பேதி, ஆபத்தி து²ல்லச்சயஸ்ஸ. க²ந்த⁴ங்
ஓரோபேதி, ஆபத்தி பாராஜிகஸ்ஸ. க²ந்தே⁴ பா⁴ரங்
தெ²ய்யசித்தோ ஆமஸதி, ஆபத்தி து³க்கடஸ்ஸ. ப²ந்தா³பேதி, ஆபத்தி
து²ல்லச்சயஸ்ஸ. கடிங் ஓரோபேதி, ஆபத்தி பாராஜிகஸ்ஸ. கடியா பா⁴ரங்
தெ²ய்யசித்தோ ஆமஸதி, ஆபத்தி து³க்கடஸ்ஸ. ப²ந்தா³பேதி, ஆபத்தி
து²ல்லச்சயஸ்ஸ. ஹத்தே²ன க³ண்ஹாதி, ஆபத்தி பாராஜிகஸ்ஸ. ஹத்தே² பா⁴ரங்
தெ²ய்யசித்தோ பூ⁴மியங் நிக்கி²பதி, ஆபத்தி பாராஜிகஸ்ஸ. தெ²ய்யசித்தோ
பூ⁴மிதோ க³ண்ஹாதி, ஆபத்தி பாராஜிகஸ்ஸ.
102. ஆராமோ நாம புப்பா²ராமோ ப²லாராமோ. ஆராமட்ட²ங்
நாம ப⁴ண்ட³ங் ஆராமே சதூஹி டா²னேஹி நிக்கி²த்தங் ஹோதி – பூ⁴மட்ட²ங்
த²லட்ட²ங், ஆகாஸட்ட²ங், வேஹாஸட்ட²ங். ஆராமட்ட²ங் ப⁴ண்ட³ங் அவஹரிஸ்ஸாமீதி தெ²ய்யசித்தோ து³தியங் வா பரியேஸதி
க³ச்ச²தி வா, ஆபத்தி து³க்கடஸ்ஸ. ஆமஸதி, ஆபத்தி து³க்கடஸ்ஸ. ப²ந்தா³பேதி,
ஆபத்தி து²ல்லச்சயஸ்ஸ. டா²னா சாவேதி, ஆபத்தி பாராஜிகஸ்ஸ. தத்த² ஜாதகங்
மூலங் வா தசங் வா பத்தங் வா புப்ப²ங் வா ப²லங் வா பஞ்சமாஸகங் வா
அதிரேகபஞ்சமாஸகங் வா அக்³க⁴னகங் தெ²ய்யசித்தோ ஆமஸதி, ஆபத்தி து³க்கடஸ்ஸ.
ப²ந்தா³பேதி, ஆபத்தி து²ல்லச்சயஸ்ஸ. டா²னா சாவேதி, ஆபத்தி பாராஜிகஸ்ஸ.
ஆராமங் அபி⁴யுஞ்ஜதி, ஆபத்தி து³க்கடஸ்ஸ. ஸாமிகஸ்ஸ விமதிங் உப்பாதே³தி,
ஆபத்தி து²ல்லச்சயஸ்ஸ. ஸாமிகோ ந மய்ஹங் ப⁴விஸ்ஸதீதி து⁴ரங் நிக்கி²பதி,
ஆபத்தி பாராஜிகஸ்ஸ. த⁴ம்மங் சரந்தோ ஸாமிகங் பராஜேதி, ஆபத்தி பாராஜிகஸ்ஸ.
த⁴ம்மங் சரந்தோ பரஜ்ஜதி, ஆபத்தி து²ல்லச்சயஸ்ஸ.
103. விஹாரட்ட²ங்
நாம ப⁴ண்ட³ங் விஹாரே சதூஹி டா²னேஹி நிக்கி²த்தங் ஹோதி – பூ⁴மட்ட²ங்,
த²லட்ட²ங், ஆகாஸட்ட²ங், வேஹாஸட்ட²ங். விஹாரட்ட²ங் ப⁴ண்ட³ங் அவஹரிஸ்ஸாமீதி
தெ²ய்யசித்தோ து³தியங் வா பரியேஸதி க³ச்ச²தி வா, ஆபத்தி து³க்கடஸ்ஸ. ஆமஸதி,
ஆபத்தி து³க்கடஸ்ஸ. ப²ந்தா³பேதி, ஆபத்தி து²ல்லச்சயஸ்ஸ. டா²னா சாவேதி,
ஆபத்தி பாராஜிகஸ்ஸ. விஹாரங் அபி⁴யுஞ்ஜதி, ஆபத்தி து³க்கடஸ்ஸ. ஸாமிகஸ்ஸ
விமதிங் உப்பாதே³தி, ஆபத்தி து²ல்லச்சயஸ்ஸ. ஸாமிகோ ந மய்ஹங் ப⁴விஸ்ஸதீதி
து⁴ரங் நிக்கி²பதி, ஆபத்தி பாராஜிகஸ்ஸ. த⁴ம்மங் சரந்தோ ஸாமிகங் பராஜேதி,
ஆபத்தி பாராஜிகஸ்ஸ. த⁴ம்மங் சரந்தோ பரஜ்ஜதி, ஆபத்தி து²ல்லச்சயஸ்ஸ.
104. கெ²த்தங் நாம யத்த² புப்³ப³ண்ணங் வா அபரண்ணங் வா ஜாயதி. கெ²த்தட்ட²ங்
நாம ப⁴ண்ட³ங் கெ²த்தே சதூஹி டா²னேஹி நிக்கி²த்தங் ஹோதி – பூ⁴மட்ட²ங்,
த²லட்ட²ங், ஆகாஸட்ட²ங், வேஹாஸட்ட²ங். கெ²த்தட்ட²ங் ப⁴ண்ட³ங் அவஹரிஸ்ஸாமீதி
தெ²ய்யசித்தோ து³தியங் வா பரியேஸதி க³ச்ச²தி வா, ஆபத்தி, து³க்கடஸ்ஸ.
ஆமஸதி, ஆபத்தி து³க்கடஸ்ஸ. ப²ந்தா³பேதி, ஆபத்தி து²ல்லச்சயஸ்ஸ. டா²னா
சாவேதி, ஆபத்தி பாராஜிகஸ்ஸ. தத்த² ஜாதகங் புப்³ப³ண்ணங் வா அபரண்ணங் வா
பஞ்சமாஸகங் வா அதிரேகபஞ்சமாஸகங் வா அக்³க⁴னகங் தெ²ய்யசித்தோ ஆமஸதி, ஆபத்தி
து³க்கடஸ்ஸ. ப²ந்தா³பேதி, ஆபத்தி து²ல்லச்சயஸ்ஸ. டா²னா சாவேதி, ஆபத்தி
பாராஜிகஸ்ஸ. கெ²த்தங் அபி⁴யுஞ்ஜதி, ஆபத்தி து³க்கடஸ்ஸ. ஸாமிகஸ்ஸ விமதிங்
உப்பாதே³தி, ஆபத்தி து²ல்லச்சயஸ்ஸ. ஸாமிகோ ந மய்ஹங்
ப⁴விஸ்ஸதீதி து⁴ரங் நிக்கி²பதி, ஆபத்தி பாராஜிகஸ்ஸ. த⁴ம்மங் சரந்தோ
ஸாமிகங் பராஜேதி, ஆபத்தி பாராஜிகஸ்ஸ. த⁴ம்மங் சரந்தோ பரஜ்ஜதி, ஆபத்தி
து²ல்லச்சயஸ்ஸ. கி²லங் வா ரஜ்ஜுங் வா வதிங் வா
மரியாத³ங் வா ஸங்காமேதி, ஆபத்தி து³க்கடஸ்ஸ. ஏகங் பயோக³ங் அனாக³தே, ஆபத்தி
து²ல்லச்சயஸ்ஸ. தஸ்மிங் பயோகே³ ஆக³தே, ஆபத்தி பாராஜிகஸ்ஸ.
105. வத்து² நாம ஆராமவத்து² விஹாரவத்து². வத்து²ட்ட²ங்
நாம ப⁴ண்ட³ங் வத்து²ஸ்மிங் சதூஹி டா²னேஹி நிக்கி²த்தங் ஹோதி – பூ⁴மட்ட²ங்,
த²லட்ட²ங், ஆகாஸட்ட²ங், வேஹாஸட்ட²ங். வத்து²ட்ட²ங் ப⁴ண்ட³ங் அவஹரிஸ்ஸாமீதி
தெ²ய்யசித்தோ து³தியங் வா பரியேஸதி க³ச்ச²தி வா, ஆபத்தி து³க்கடஸ்ஸ.
ஆமஸதி, ஆபத்தி து³க்கடஸ்ஸ. ப²ந்தா³பேதி, ஆபத்தி து²ல்லச்சயஸ்ஸ. டா²னா
சாவேதி, ஆபத்தி பாராஜிகஸ்ஸ. வத்து²ங் அபி⁴யுஞ்ஜதி, ஆபத்தி து³க்கடஸ்ஸ.
ஸாமிகஸ்ஸ விமதிங் உப்பாதே³தி, ஆபத்தி து²ல்லச்சயஸ்ஸ. ஸாமிகோ ந மய்ஹங்
ப⁴விஸ்ஸதீதி து⁴ரங் நிக்கி²பதி, ஆபத்தி பாராஜிகஸ்ஸ. த⁴ம்மங் சரந்தோ ஸாமிகங்
பராஜேதி, ஆபத்தி பாராஜிகஸ்ஸ. த⁴ம்மங் சரந்தோ பரஜ்ஜதி, ஆபத்தி
து²ல்லச்சயஸ்ஸ. கீ²லங் வா ரஜ்ஜுங் வா வதிங் வா
பாகாரங் வா ஸங்காமேதி, ஆபத்தி து³க்கடஸ்ஸ. ஏகங் பயோக³ங் அனாக³தே ஆபத்தி
து²ல்லச்சயஸ்ஸ. தஸ்மிங் பயோகே³ ஆக³தே ஆபத்தி பாராஜிகஸ்ஸ.
106. கா³மட்ட²ங் நாம ப⁴ண்ட³ங் கா³மே சதூஹி டா²னேஹி நிக்கி²த்தங் ஹோதி
– பூ⁴மட்ட²ங், த²லட்ட²ங், ஆகாஸட்ட²ங், வேஹாஸட்ட²ங். கா³மட்ட²ங் ப⁴ண்ட³ங்
அவஹரிஸ்ஸாமீதி தெ²ய்யசித்தோ து³தியங் வா பரியேஸதி க³ச்ச²தி வா, ஆபத்தி
து³க்கடஸ்ஸ. ஆமஸதி, ஆபத்தி து³க்கடஸ்ஸ. ப²ந்தா³பேதி, ஆபத்தி து²ல்லச்சயஸ்ஸ.
டா²னா சாவேதி, ஆபத்தி பாராஜிகஸ்ஸ.
107. அரஞ்ஞங் நாம யங் மனுஸ்ஸானங் பரிக்³க³ஹிதங் ஹோதி, தங் அரஞ்ஞங். அரஞ்ஞட்ட²ங்
நாம ப⁴ண்ட³ங் அரஞ்ஞே சதூஹி டா²னேஹி நிக்கி²த்தங் ஹோதி – பூ⁴மட்ட²ங்,
த²லட்ட²ங், ஆகாஸட்ட²ங், வேஹாஸட்ட²ங். அரஞ்ஞட்ட²ங் ப⁴ண்ட³ங் அவஹரிஸ்ஸாமீதி
தெ²ய்யசித்தோ து³தியங் வா பரியேஸதி க³ச்ச²தி வா, ஆபத்தி து³க்கடஸ்ஸ. ஆமஸதி,
ஆபத்தி து³க்கடஸ்ஸ. ப²ந்தா³பேதி, ஆபத்தி து²ல்லச்சயஸ்ஸ. டா²னா சாவேதி,
ஆபத்தி பாராஜிகஸ்ஸ. தத்த² ஜாதகங் கட்ட²ங் வா லதங் வா திணங் வா பஞ்சமாஸகங்
வா அதிரேகபஞ்சமாஸகங் வா அக்³க⁴னகங் தெ²ய்யசித்தோ ஆமஸதி, ஆபத்தி து³க்கடஸ்ஸ.
ப²ந்தா³பேதி, ஆபத்தி து²ல்லச்சயஸ்ஸ. டா²னா சாவேதி, ஆபத்தி பாராஜிகஸ்ஸ.
108. உத³கங்
நாம பா⁴ஜனக³தங் வா ஹோதி பொக்க²ரணியா வா தளாகே வா. தெ²ய்யசித்தோ ஆமஸதி,
ஆபத்தி து³க்கடஸ்ஸ. ப²ந்தா³பேதி, ஆபத்தி து²ல்லச்சயஸ்ஸ. டா²னா சாவேதி,
ஆபத்தி பாராஜிகஸ்ஸ . அத்தனோ பா⁴ஜனங் பவேஸெத்வா
பஞ்சமாஸகங் வா அதிரேகபஞ்சமாஸகங் வா அக்³க⁴னகங் உத³கங் தெ²ய்யசித்தோ ஆமஸதி,
ஆபத்தி து³க்கடஸ்ஸ. ப²ந்தா³பேதி, ஆபத்தி து²ல்லச்சயஸ்ஸ. அத்தனோ பா⁴ஜனக³தங்
கரோதி, ஆபத்தி பாராஜிகஸ்ஸ. மரியாத³ங் பி⁴ந்த³தி, ஆபத்தி து³க்கடஸ்ஸ.
மரியாத³ங் பி⁴ந்தி³த்வா பஞ்சமாஸகங் வா அதிரேகபஞ்சமாஸகங் வா அக்³க⁴னகங்
உத³கங் நிக்கா²மேதி, ஆபத்தி பாராஜிகஸ்ஸ. அதிரேகமாஸகங் வா ஊனபஞ்சமாஸகங் வா
அக்³க⁴னகங் உத³கங் நிக்கா²மேதி, ஆபத்தி து²ல்லச்சயஸ்ஸ. மாஸகங் வா ஊனமாஸகங்
வா அக்³க⁴னகங் உத³கங் நிக்கா²மேதி, ஆபத்தி து³க்கடஸ்ஸ.
109. த³ந்தபோணங்
நாம சி²ன்னங் வா அச்சி²ன்னங் வா. பஞ்சமாஸகங் வா அதிரேகபஞ்சமாஸகங் வா
அக்³க⁴னகங் தெ²ய்யசித்தோ ஆமஸதி, ஆபத்தி து³க்கடஸ்ஸ. ப²ந்தா³பேதி, ஆபத்தி
து²ல்லச்சயஸ்ஸ. டா²னா சாவேதி, ஆபத்தி பாராஜிகஸ்ஸ.
110. வனப்பதி
நாம யோ மனுஸ்ஸானங் பரிக்³க³ஹிதோ ஹோதி ருக்கோ² பரிபோ⁴கோ³. தெ²ய்யசித்தோ
சி²ந்த³தி, பஹாரே பஹாரே ஆபத்தி து³க்கடஸ்ஸ. ஏகங் பஹாரங் அனாக³தே, ஆபத்தி
து²ல்லச்சயஸ்ஸ. தஸ்மிங் பஹாரே ஆக³தே, ஆபத்தி பாராஜிகஸ்ஸ.
111. ஹரணகங்
நாம அஞ்ஞஸ்ஸ ஹரணகங் ப⁴ண்ட³ங். தெ²ய்யசித்தோ ஆமஸதி, ஆபத்தி து³க்கடஸ்ஸ.
ப²ந்தா³பேதி, ஆபத்தி து²ல்லச்சயஸ்ஸ. டா²னா சாவேதி, ஆபத்தி பாராஜிகஸ்ஸ.
ஸஹப⁴ண்ட³ஹாரகங் பத³ஸா நெஸ்ஸாமீதி பட²மங் பாத³ங்
ஸங்காமேதி, ஆபத்தி து²ல்லச்சயஸ்ஸ. து³தியங் பாத³ங் ஸங்காமேதி, ஆபத்தி
பாராஜிகஸ்ஸ. பதிதங் ப⁴ண்ட³ங் க³ஹெஸ்ஸாமீதி பாதாபேதி, ஆபத்தி து³க்கடஸ்ஸ.
பதிதங் ப⁴ண்ட³ங் பஞ்சமாஸகங் வா அதிரேகபஞ்சமாஸகங் வா அக்³க⁴னகங்
தெ²ய்யசித்தோ ஆமஸதி, ஆபத்தி து³க்கடஸ்ஸ. ப²ந்தா³பேதி, ஆபத்தி
து²ல்லச்சயஸ்ஸ. டா²னா சாவேதி, ஆபத்தி பாராஜிகஸ்ஸ.
112. உபனிதி⁴
நாம உபனிக்கி²த்தங் ப⁴ண்ட³ங். தே³ஹி மே ப⁴ண்ட³ந்தி வுச்சமானோ நாஹங்
க³ண்ஹாமீதி ப⁴ணதி, ஆபத்தி து³க்கடஸ்ஸ. ஸாமிகஸ்ஸ விமதிங் உப்பாதே³தி , ஆபத்தி து²ல்லச்சயஸ்ஸ .
ஸாமிகோ ந மய்ஹங் த³ஸ்ஸதீதி து⁴ரங் நிக்கி²பதி, ஆபத்தி பாராஜிகஸ்ஸ. த⁴ம்மங்
சரந்தோ ஸாமிகங் பராஜேதி, ஆபத்தி பாராஜிகஸ்ஸ. த⁴ம்மங் சரந்தோ பரஜ்ஜதி,
ஆபத்தி து²ல்லச்சயஸ்ஸ.
113. ஸுங்ககா⁴தங்
நாம ரஞ்ஞா ட²பிதங் ஹோதி பப்³ப³தக²ண்டே³ வா நதீ³தித்தே² வா கா³மத்³வாரே வா –
‘அத்ர பவிட்ட²ஸ்ஸ ஸுங்கங் க³ண்ஹந்தூ’தி. தத்ர பவிஸித்வா ராஜக்³க³ங் [ராஜக்³க⁴ங் (ஸீ॰ ஸ்யா॰)]
ப⁴ண்ட³ங் பஞ்சமாஸகங் வா அதிரேகபஞ்சமாஸகங் வா அக்³க⁴னகங் தெ²ய்யசித்தோ
ஆமஸதி, ஆபத்தி து³க்கடஸ்ஸ. ப²ந்தா³பேதி, ஆபத்தி து²ல்லச்சயஸ்ஸ. பட²மங்
பாத³ங் ஸுங்ககா⁴தங் அதிக்காமேதி, ஆபத்தி து²ல்லச்சயஸ்ஸ. து³தியங் பாத³ங்
அதிக்காமேதி, ஆபத்தி பாராஜிகஸ்ஸ. அந்தோஸுங்ககா⁴தே டி²தோ ப³ஹிஸுங்ககா⁴தங்
பாதேதி, ஆபத்தி பாராஜிகஸ்ஸ. ஸுங்கங் பரிஹரதி, ஆபத்தி து³க்கடஸ்ஸ.
114. பாணோ
நாம மனுஸ்ஸபாணோ வுச்சதி. தெ²ய்யசித்தோ ஆமஸதி, ஆபத்தி து³க்கடஸ்ஸ.
ப²ந்தா³பேதி, ஆபத்தி து²ல்லச்சயஸ்ஸ. டா²னா சாவேதி, ஆபத்தி பாராஜிகஸ்ஸ.
பத³ஸா நெஸ்ஸாமீதி பட²மங் பாத³ங் ஸங்காமேதி, ஆபத்தி து²ல்லச்சயஸ்ஸ. து³தியங்
பாத³ங் ஸங்காமேதி, ஆபத்தி பாராஜிகஸ்ஸ.
அபத³ங்
நாம அஹி மச்சா². பஞ்சமாஸகங் வா அதிரேகபஞ்சமாஸகங் வா அக்³க⁴னகங்
தெ²ய்யசித்தோ ஆமஸதி, ஆபத்தி து³க்கடஸ்ஸ. ப²ந்தா³பேதி, ஆபத்தி
து²ல்லச்சயஸ்ஸ. டா²னா சாவேதி, ஆபத்தி பாராஜிகஸ்ஸ.
115. த்³விபத³ங்
நாம மனுஸ்ஸா, பக்க²ஜாதா. தெ²ய்யசித்தோ ஆமஸதி, ஆபத்தி து³க்கடஸ்ஸ.
ப²ந்தா³பேதி, ஆபத்தி து²ல்லச்சயஸ்ஸ. டா²னா சாவேதி, ஆபத்தி பாராஜிகஸ்ஸ.
பத³ஸா நெஸ்ஸாமீதி பட²மங் பாத³ங் ஸங்காமேதி, ஆபத்தி து²ல்லச்சயஸ்ஸ. து³தியங்
பாத³ங் ஸங்காமேதி, ஆபத்தி பாராஜிகஸ்ஸ.
116. சதுப்பத³ங்
நாம – ஹத்தீ² அஸ்ஸா ஒட்டா² கோ³ணா க³த்³ரபா⁴ பஸுகா. தெ²ய்யசித்தோ ஆமஸதி,
ஆபத்தி து³க்கடஸ்ஸ. ப²ந்தா³பேதி, ஆபத்தி து²ல்லச்சயஸ்ஸ. டா²னா சாவேதி,
ஆபத்தி பாராஜிகஸ்ஸ. பத³ஸா நெஸ்ஸாமீதி பட²மங் பாத³ங் ஸங்காமேதி, ஆபத்தி
து²ல்லச்சயஸ்ஸ. து³தியங் பாத³ங் ஸங்காமேதி, ஆபத்தி து²ல்லச்சயஸ்ஸ. ததியங் பாத³ங் ஸங்காமேதி, ஆபத்தி து²ல்லச்சயஸ்ஸ. சதுத்த²ங் பாத³ங் ஸங்காமேதி, ஆபத்தி பாராஜிகஸ்ஸ.
117. ப³ஹுப்பத³ங்
நாம – விச்சி²கா ஸதபதீ³ உச்சாலிங்க³பாணகா. பஞ்சமாஸகங் வா அதிரேகபஞ்சமாஸகங்
வா அக்³க⁴னகங் தெ²ய்யசித்தோ ஆமஸதி, ஆபத்தி து³க்கடஸ்ஸ. ப²ந்தா³பேதி,
ஆபத்தி து²ல்லச்சயஸ்ஸ. டா²னா சாவேதி, ஆபத்தி பாராஜிகஸ்ஸ. பத³ஸா நெஸ்ஸாமீதி
ஸங்காமேதி, பதே³ பதே³ ஆபத்தி து²ல்லச்சயஸ்ஸ. பச்சி²மங் பாத³ங் ஸங்காமேதி,
ஆபத்தி பாராஜிகஸ்ஸ.
118. ஓசரகோ
நாம ப⁴ண்ட³ங் ஓசரித்வா ஆசிக்க²தி – ‘‘இத்த²ன்னாமங் ப⁴ண்ட³ங் அவஹரா’’தி,
ஆபத்தி து³க்கடஸ்ஸ. ஸோ தங் ப⁴ண்ட³ங் அவஹரதி, ஆபத்தி உபி⁴ன்னங் பாராஜிகஸ்ஸ.
ஓணிரக்கோ²
நாம ஆஹடங் ப⁴ண்ட³ங் கோ³பெந்தோ பஞ்சமாஸகங் வா அதிரேகபஞ்சமாஸகங் வா
அக்³க⁴னகங் தெ²ய்யசித்தோ ஆமஸதி, ஆபத்தி து³க்கடஸ்ஸ. ப²ந்தா³பேதி, ஆபத்தி
து²ல்லச்சயஸ்ஸ. டா²னா சாவேதி, ஆபத்தி பாராஜிகஸ்ஸ.
ஸங்விதா³வஹாரோ நாம ஸம்ப³ஹுலா ஸங்வித³ஹித்வா ஏகோ ப⁴ண்ட³ங் அவஹரதி, ஆபத்தி ஸப்³பே³ஸங் பாராஜிகஸ்ஸ.
119. ஸங்கேதகம்மங்
நாம ஸங்கேதங் கரோதி – ‘‘புரேப⁴த்தங் வா பச்சா²ப⁴த்தங் வா ரத்திங் வா தி³வா
வா தேன ஸங்கேதேன தங் ப⁴ண்ட³ங் அவஹரா’’தி, ஆபத்தி து³க்கடஸ்ஸ. தேன ஸங்கேதேன
தங் ப⁴ண்ட³ங் அவஹரதி, ஆபத்தி உபி⁴ன்னங் பாராஜிகஸ்ஸ. தங் ஸங்கேதங் புரே வா
பச்சா² வா தங் ப⁴ண்ட³ங் அவஹரதி, மூலட்ட²ஸ்ஸ அனாபத்தி. அவஹாரகஸ்ஸ ஆபத்தி பாராஜிகஸ்ஸ.
120. நிமித்தகம்மங்
நாம நிமித்தங் கரோதி. அக்கி²ங் வா நிக²ணிஸ்ஸாமி ப⁴முகங் வா உக்கி²பிஸ்ஸாமி
ஸீஸங் வா உக்கி²பிஸ்ஸாமி, தேன நிமித்தேன தங் ப⁴ண்ட³ங் அவஹராதி, ஆபத்தி
து³க்கடஸ்ஸ. தேன நிமித்தேன தங் ப⁴ண்ட³ங் அவஹரதி, ஆபத்தி உபி⁴ன்னங்
பாராஜிகஸ்ஸ. தங் நிமித்தங் புரே வா பச்சா² வா தங் ப⁴ண்ட³ங் அவஹரதி,
மூலட்ட²ஸ்ஸ அனாபத்தி. அவஹாரகஸ்ஸ ஆபத்தி பாராஜிகஸ்ஸ.
121. பி⁴க்கு²
பி⁴க்கு²ங் ஆணாபேதி – ‘‘இத்த²ன்னாமங் ப⁴ண்ட³ங் அவஹரா’’தி, ஆபத்தி
து³க்கடஸ்ஸ. ஸோ தங் மஞ்ஞமானோ தங் அவஹரதி, ஆபத்தி உபி⁴ன்னங் பாராஜிகஸ்ஸ.
பி⁴க்கு² பி⁴க்கு²ங் ஆணாபேதி – ‘‘இத்த²ன்னாமங்
ப⁴ண்ட³ங் அவஹரா’’தி, ஆபத்தி து³க்கடஸ்ஸ. ஸோ தங் மஞ்ஞமானோ அஞ்ஞங் அவஹரதி,
மூலட்ட²ஸ்ஸ அனாபத்தி. அவஹாரகஸ்ஸ ஆபத்தி பாராஜிகஸ்ஸ.
பி⁴க்கு² பி⁴க்கு²ங் ஆணாபேதி – ‘‘இத்த²ன்னாமங்
ப⁴ண்ட³ங் அவஹரா’’தி, ஆபத்தி து³க்கடஸ்ஸ. ஸோ அஞ்ஞங் மஞ்ஞமானோ தங் அவஹரதி,
ஆபத்தி உபி⁴ன்னங் பாராஜிகஸ்ஸ.
பி⁴க்கு² பி⁴க்கு²ங் ஆணாபேதி – ‘‘இத்த²ன்னாமங்
ப⁴ண்ட³ங் அவஹரா’’தி, ஆபத்தி து³க்கடஸ்ஸ. ஸோ அஞ்ஞங் மஞ்ஞமானோ அஞ்ஞங் அவஹரதி,
மூலட்ட²ஸ்ஸ அனாபத்தி. அவஹாரகஸ்ஸ ஆபத்தி பாராஜிகஸ்ஸ.
பி⁴க்கு² பி⁴க்கு²ங் ஆணாபேதி – ‘‘இத்த²ன்னாமஸ்ஸ பாவத³ – ‘இத்த²ன்னாமோ இத்த²ன்னாமஸ்ஸ பாவத³து – இத்த²ன்னாமோ இத்த²ன்னாமங்
ப⁴ண்ட³ங் அவஹரதூ’’’தி, ஆபத்தி து³க்கடஸ்ஸ. ஸோ இதரஸ்ஸ ஆரோசேதி, ஆபத்தி
து³க்கடஸ்ஸ. அவஹாரகோ படிக்³க³ண்ஹாதி, மூலட்ட²ஸ்ஸ ஆபத்தி து²ல்லச்சயஸ்ஸ. ஸோ
தங் ப⁴ண்ட³ங் அவஹரதி, ஆபத்தி ஸப்³பே³ஸங் பாராஜிகஸ்ஸ.
பி⁴க்கு² பி⁴க்கு²ங் ஆணாபேதி –
‘‘இத்த²ன்னாமஸ்ஸ பாவத³ – ‘இத்த²ன்னாமோ இத்த²ன்னாமஸ்ஸ பாவத³து –
இத்த²ன்னாமோ இத்த²ன்னாமங் ப⁴ண்ட³ங் அவஹரதூ’’’தி, ஆபத்தி து³க்கடஸ்ஸ. ஸோ
அஞ்ஞங் ஆணாபேதி, ஆபத்தி து³க்கடஸ்ஸ. அவஹாரகோ படிக்³க³ண்ஹாதி, ஆபத்தி
து³க்கடஸ்ஸ. ஸோ தங் ப⁴ண்ட³ங் அவஹரதி, மூலட்ட²ஸ்ஸ அனாபத்தி. ஆணாபகஸ்ஸ ச
அவஹாரகஸ்ஸ ச ஆபத்தி பாராஜிகஸ்ஸ.
பி⁴க்கு² பி⁴க்கு²ங் ஆணாபேதி – ‘‘இத்த²ன்னாமங்
ப⁴ண்ட³ங் அவஹரா’’தி, ஆபத்தி து³க்கடஸ்ஸ. ஸோ க³ந்த்வா புன பச்சாக³ச்ச²தி –
‘‘நாஹங் ஸக்கோமி தங் ப⁴ண்ட³ங் அவஹரிது’’ந்தி. ஸோ புன ஆணாபேதி – ‘‘யதா³
ஸக்கோஸி ததா³ தங் ப⁴ண்ட³ங் அவஹரா’’தி, ஆபத்தி து³க்கடஸ்ஸ. ஸோ தங் ப⁴ண்ட³ங்
அவஹரதி, ஆபத்தி உபி⁴ன்னங் பாராஜிகஸ்ஸ.
பி⁴க்கு² பி⁴க்கு²ங் ஆணாபேதி –
‘‘இத்த²ன்னாமங் ப⁴ண்ட³ங் அவஹரா’’தி, ஆபத்தி து³க்கடஸ்ஸ. ஸோ ஆணாபெத்வா
விப்படிஸாரீ ந ஸாவேதி – ‘‘மா அவஹரீ’’தி. ஸோ தங் ப⁴ண்ட³ங் அவஹரதி, ஆபத்தி
உபி⁴ன்னங் பாராஜிகஸ்ஸ.
பி⁴க்கு² பி⁴க்கு²ங் ஆணாபேதி – ‘‘இத்த²ன்னாமங்
ப⁴ண்ட³ங் அவஹரா’’தி, ஆபத்தி து³க்கடஸ்ஸ. ஸோ ஆணாபெத்வா விப்படிஸாரீ ஸாவேதி –
‘‘மா அவஹரீ’’தி. ஸோ ‘‘ஆணத்தோ அஹங் தயா’’தி, தங் ப⁴ண்ட³ங் அவஹரதி,
மூலட்ட²ஸ்ஸ அனாபத்தி. அவஹாரகஸ்ஸ ஆபத்தி பாராஜிகஸ்ஸ.
பி⁴க்கு² பி⁴க்கு²ங் ஆணாபேதி – ‘‘இத்த²ன்னாமங்
ப⁴ண்ட³ங் அவஹரா’’தி, ஆபத்தி து³க்கடஸ்ஸ. ஸோ ஆணாபெத்வா விப்படிஸாரீ ஸாவேதி –
‘‘மா அவஹரீ’’தி. ஸோ ‘‘ஸாதூ⁴’’தி [ஸுட்டூ²தி (க॰)]? ஓரமதி, உபி⁴ன்னங் அனாபத்தி.
122.
பஞ்சஹி ஆகாரேஹி அதி³ன்னங் ஆதி³யந்தஸ்ஸ ஆபத்தி பாராஜிகஸ்ஸ –
பரபரிக்³க³ஹிதஞ்ச ஹோதி, பரபரிக்³க³ஹிதஸஞ்ஞீ ச, க³ருகோ ச ஹோதி பரிக்கா²ரோ,
பஞ்சமாஸகோ வா அதிரேகபஞ்சமாஸகோ வா, தெ²ய்யசித்தஞ்ச பச்சுபட்டி²தங் ஹோதி.
ஆமஸதி, ஆபத்தி து³க்கடஸ்ஸ. ப²ந்தா³பேதி, ஆபத்தி து²ல்லச்சயஸ்ஸ. டா²னா
சாவேதி, ஆபத்தி பாராஜிகஸ்ஸ.
123.
பஞ்சஹி ஆகாரேஹி அதி³ன்னங் ஆதி³யந்தஸ்ஸ ஆபத்தி து²ல்லச்சயஸ்ஸ –
பரபரிக்³க³ஹிதஞ்ச ஹோதி, பரபரிக்³க³ஹிதஸஞ்ஞீ ச, லஹுகோ ச ஹோதி பரிக்கா²ரோ,
அதிரேகமாஸகோ வா ஊனபஞ்சமாஸகோ வா, தெ²ய்யசித்தஞ்ச
பச்சுபட்டி²தங் ஹோதி. ஆமஸதி, ஆபத்தி து³க்கடஸ்ஸ. ப²ந்தா³பேதி, ஆபத்தி
து³க்கடஸ்ஸ. டா²னா சாவேதி, ஆபத்தி து²ல்லச்சயஸ்ஸ.
124.
பஞ்சஹி ஆகாரேஹி அதி³ன்னங் ஆதி³யந்தஸ்ஸ ஆபத்தி து³க்கடஸ்ஸ.
பரபரிக்³க³ஹிதஞ்ச ஹோதி, பரபரிக்³க³ஹிதஸஞ்ஞீ ச, லஹுகோ ச ஹோதி பரிக்கா²ரோ,
மாஸகோ வா ஊனமாஸகோ வா, தெ²ய்யசித்தஞ்ச பச்சுபட்டி²தங் ஹோதி. ஆமஸதி, ஆபத்தி
து³க்கடஸ்ஸ. ப²ந்தா³பேதி, ஆபத்தி து³க்கடஸ்ஸ. டா²னா சாவேதி, ஆபத்தி
து³க்கடஸ்ஸ.
125. ச²ஹி ஆகாரேஹி அதி³ன்னங் ஆதி³யந்தஸ்ஸ ஆபத்தி பாராஜிகஸ்ஸ. ந ச ஸகஸஞ்ஞீ, ந ச விஸ்ஸாஸக்³கா³ஹீ, ந ச தாவகாலிகங், க³ருகோ ச ஹோதி
பரிக்கா²ரோ, பஞ்சமாஸகோ வா அதிரேகபஞ்சமாஸகோ வா, தெ²ய்யசித்தஞ்ச
பச்சுபட்டி²தங் ஹோதி. ஆமஸதி, ஆபத்தி து³க்கடஸ. ப²ந்தா³பேதி, ஆபத்தி
து²ல்லச்சயஸ்ஸ. டா²னா சாவேதி, ஆபத்தி பாராஜிகஸ்ஸ.
126.
ச²ஹி ஆகாரேஹி அதி³ன்னங் ஆதி³யந்தஸ்ஸ ஆபத்தி து²ல்லச்சயஸ்ஸ. ந ச ஸகஸஞ்ஞீ, ந
ச விஸ்ஸாஸக்³கா³ஹீ, ந ச தாவகாலிகங், லஹுகோ ச ஹோதி பரிக்கா²ரோ அதிரேகமாஸகோ
வா ஊனபஞ்சமாஸகோ வா, தெ²ய்யசித்தஞ்ச பச்சுபட்டி²தங் ஹோதி. ஆமஸதி, ஆபத்தி
து³க்கடஸ்ஸ. ப²ந்தா³பேதி, ஆபத்தி து³க்கடஸ்ஸ. டா²னா சாவேதி, ஆபத்தி
து²ல்லச்சயஸ்ஸ.
127.
ச²ஹி ஆகாரேஹி அதி³ன்னங் ஆதி³யந்தஸ்ஸ ஆபத்தி து³க்கடஸ்ஸ. ந ச ஸகஸஞ்ஞீ, ந ச
விஸ்ஸாஸக்³கா³ஹீ, ந ச தாவகாலிகங், லஹுகோ ச ஹோதி பரிக்கா²ரோ, மாஸகோ வா
ஊனமாஸகோ வா, தெ²ய்யசித்தஞ்ச பச்சுபட்டி²தங் ஹோதி. ஆமஸதி, ஆபத்தி
து³க்கடஸ்ஸ. ப²ந்தா³பேதி, ஆபத்தி து³க்கடஸ்ஸ. டா²னா சாவேதி, ஆபத்தி
து³க்கடஸ்ஸ.
128.
பஞ்சஹி ஆகாரேஹி அதி³ன்னங் ஆதி³யந்தஸ்ஸ ஆபத்தி து³க்கடஸ்ஸ. ந ச
பரபரிக்³க³ஹிதங் ஹோதி, பரபரிக்³க³ஹிதஸஞ்ஞீ ச, க³ருகோ ச ஹோதி பரிக்கா²ரோ,
பஞ்சமாஸகோ வா அதிரேகபஞ்சமாஸகோ வா, தெ²ய்யசித்தஞ்ச பச்சுபட்டி²தங் ஹோதி.
ஆமஸதி, ஆபத்தி து³க்கடஸ்ஸ. ப²ந்தா³பேதி, ஆபத்தி து³க்கடஸ்ஸ. டா²னா சாவேதி,
ஆபத்தி து³க்கடஸ்ஸ.
129. பஞ்சஹி ஆகாரேஹி அதி³ன்னங் ஆதி³யந்தஸ்ஸ ஆபத்தி து³க்கடஸ்ஸ. ந
ச பரபரிக்³க³ஹிதங் ஹோதி, பரபரிக்³க³ஹிதஸஞ்ஞீ ச, லஹுகோ ச ஹோதி பரிக்கா²ரோ,
அதிரேகமாஸகோ வா ஊனபஞ்சமாஸகோ வா, தெ²ய்யசித்தஞ்ச பச்சுபட்டி²தங் ஹோதி.
ஆமஸதி, ஆபத்தி து³க்கடஸ்ஸ. ப²ந்தா³பேதி, ஆபத்தி து³க்கடஸ்ஸ. டா²னா சாவேதி,
ஆபத்தி து³க்கடஸ்ஸ.
130.
பஞ்சஹி ஆகாரேஹி அதி³ன்னங் ஆதி³யந்தஸ்ஸ ஆபத்தி து³க்கடஸ்ஸ. ந ச
பரபரிக்³க³ஹிதங் ஹோதி, பரபரிக்³க³ஹிதஸஞ்ஞீ ச, லஹுகோ ச ஹோதி பரிக்கா²ரோ,
மாஸகோ வா ஊனமாஸகோ வா, தெ²ய்யசித்தஞ்ச பச்சுபட்டி²தங் ஹோதி. ஆமஸதி, ஆபத்தி
து³க்கடஸ்ஸ. ப²ந்தா³பேதி, ஆபத்தி து³க்கடஸ்ஸ. டா²னா சாவேதி, ஆபத்தி
து³க்கடஸ்ஸ.
131. அனாபத்தி
ஸஸஞ்ஞிஸ்ஸ, விஸ்ஸாஸக்³கா³ஹே, தாவகாலிகே, பேதபரிக்³க³ஹே,
திரச்சா²னக³தபரிக்³க³ஹே, பங்ஸுகூலஸஞ்ஞிஸ்ஸ, உம்மத்தகஸ்ஸ, (கி²த்தசித்தஸ்ஸ
வேத³னாட்டஸ்ஸ) [(கி²த்தசித்தஸ்ஸ வேத³னாட்டஸ்ஸ) கத்த²சி நத்தி²] ஆதி³கம்மிகஸ்ஸாதி.
அதி³ன்னாதா³னம்ஹி பட²மபா⁴ணவாரோ நிட்டி²தோ.
வினீதவத்து²உத்³தா³னகா³தா²
ரஜகேஹி பஞ்ச அக்கா²தா, சதுரோ அத்த²ரணேஹி ச;
அந்த⁴காரேன வே பஞ்ச, பஞ்ச ஹாரணகேன ச.
நிருத்தியா பஞ்ச அக்கா²தா, வாதேஹி அபரே து³வே;
அஸம்பி⁴ன்னே குஸாபாதோ, ஜந்தக்³கே³ன [ஜந்தாக⁴ரேன (ஸ்யா॰)] ஸஹா த³ஸ.
விகா⁴ஸேஹி பஞ்ச அக்கா²தா, பஞ்ச சேவ அமூலகா;
து³ப்³பி⁴க்கே² குரமங்ஸஞ்ச [கூரமங்ஸஞ்ச (ஸ்யா॰)], பூவஸக்க²லிமோத³கா.
ச²பரிக்கா²ரத²விகா , பி⁴ஸிவங்ஸா ந நிக்க²மே;
கா²த³னீயஞ்ச விஸ்ஸாஸங், ஸஸஞ்ஞாயபரே து³வே.
ஸத்த நாவஹராமாதி, ஸத்த சேவ அவாஹருங்;
ஸங்க⁴ஸ்ஸ அவஹருங் ஸத்த, புப்பே²ஹி அபரே து³வே.
தயோ ச வுத்தவாதி³னோ, மணி தீணி அதிக்கமே;
ஸூகரா ச மிகா³ மச்சா², யானஞ்சாபி பவத்தயி.
து³வே பேஸீ து³வே தா³ரூ, பங்ஸுகூலங் து³வே த³கா;
அனுபுப்³ப³விதா⁴னேன , தத³ஞ்ஞோ ந பரிபூரயி.
ஸாவத்தி²யா சதுரோ முட்டீ², த்³வே விகா⁴ஸா து³வே திணா;
ஸங்க⁴ஸ்ஸ பா⁴ஜயுங் ஸத்த, ஸத்த சேவ அஸ்ஸாமிகா.
தா³ருத³கா மத்திகா த்³வே திணானி;
ஸங்க⁴ஸ்ஸ ஸத்த அவஹாஸி ஸெய்யங்;
ஸஸ்ஸாமிகங் ந சாபி நீஹரெய்ய;
ஹரெய்ய ஸஸ்ஸாமிகங் தாவகாலிகங்.
சம்பா ராஜக³ஹே சேவ, வேஸாலியா ச அஜ்ஜுகோ;
பா³ராணஸீ ச கோஸம்பீ³, ஸாக³லா த³ள்ஹிகேன சாதி.
வினீதவத்து²
132.
தேன கோ² பன ஸமயேன ச²ப்³ப³க்³கி³யா பி⁴க்கூ² ரஜகத்த²ரணங் க³ந்த்வா
ரஜகப⁴ண்டி³கங் அவஹரிங்ஸு. தேஸங் குக்குச்சங் அஹோஸி – ‘‘ப⁴க³வதா
ஸிக்கா²பத³ங் பஞ்ஞத்தங். கச்சி நு கோ² மயங் பாராஜிகங் ஆபத்திங் ஆபன்னா’’தி . ப⁴க³வதோ ஏதமத்த²ங் ஆரோசேஸுங். ‘‘ஆபத்திங் தும்ஹே, பி⁴க்க²வே, ஆபன்னா பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² ரஜகத்த²ரணங்
க³ந்த்வா மஹக்³க⁴ங் து³ஸ்ஸங் பஸ்ஸித்வா தெ²ய்யசித்தங் உப்பாதே³ஸி. தஸ்ஸ
குக்குச்சங் அஹோஸி – ‘‘ப⁴க³வதா ஸிக்கா²பத³ங் பஞ்ஞத்தங், கச்சி நு கோ² அஹங் பாராஜிகங் ஆபத்திங் ஆபன்னோ’’தி? ப⁴க³வதோ ஏதமத்த²ங் ஆரோசேஸி. ‘‘அனாபத்தி, பி⁴க்கு², சித்துப்பாதே³’’தி.
தேன கோ² பன ஸமயேன அஞ்ஞதரோ பி⁴க்கு² ரஜகத்த²ரணங்
க³ந்த்வா மஹக்³க⁴ங் து³ஸ்ஸங் பஸ்ஸித்வா தெ²ய்யசித்தோ ஆமஸி. தஸ்ஸ
குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ. ஆபத்தி
து³க்கடஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² ரஜகத்த²ரணங்
க³ந்த்வா மஹக்³க⁴ங் து³ஸ்ஸங் பஸ்ஸித்வா தெ²ய்யசித்தோ ப²ந்தா³பேஸி. தஸ்ஸ
குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ. ஆபத்தி
து²ல்லச்சயஸ்ஸா’’தி.
தேன கோ² பன ஸமயேன அஞ்ஞதரோ
பி⁴க்கு² ரஜகத்த²ரணங் க³ந்த்வா மஹக்³க⁴ங் து³ஸ்ஸங் பஸ்ஸித்வா தெ²ய்யசித்தோ
டா²னா சாவேஸி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு²,
ஆபன்னோ பாராஜிக’’ந்தி.
133.
தேன கோ² பன ஸமயேன அஞ்ஞதரோ பிண்ட³சாரிகோ பி⁴க்கு² மஹக்³க⁴ங் உத்தரத்த²ரணங்
பஸ்ஸித்வா தெ²ய்யசித்தங் உப்பாதே³ஸி…பே॰… தெ²ய்யசித்தோ ஆமஸி…பே॰…
தெ²ய்யசித்தோ ப²ந்தா³பேஸி…பே॰… தெ²ய்யசித்தோ டா²னா சாவேஸி. தஸ்ஸ
குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
134.
தேன கோ² பன ஸமயேன அஞ்ஞதரோ பி⁴க்கு² தி³வா ப⁴ண்ட³ங் பஸ்ஸித்வா நிமித்தங்
அகாஸி – ‘ரத்திங் அவஹரிஸ்ஸாமீ’தி. ஸோ தங் மஞ்ஞமானோ தங் அவஹரி…பே॰… தங்
மஞ்ஞமானோ அஞ்ஞங் அவஹரி…பே॰… அஞ்ஞங் மஞ்ஞமானோ தங் அவஹரி…பே॰… அஞ்ஞங்
மஞ்ஞமானோ அஞ்ஞங் அவஹரி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங்,
பி⁴க்கு², ஆபன்னோ பாராஜிக’’ந்தி .
தேன கோ² பன ஸமயேன அஞ்ஞதரோ பி⁴க்கு² தி³வா ப⁴ண்ட³ங்
பஸ்ஸித்வா நிமித்தங் அகாஸி – ‘‘ரத்திங் அவஹரிஸ்ஸாமீ’’தி. ஸோ தங் மஞ்ஞமானோ
அத்தனோ ப⁴ண்ட³ங் அவஹரி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
பாராஜிகஸ்ஸ. ஆபத்தி து³க்கடஸ்ஸா’’தி.
தேன கோ² பன ஸமயேன அஞ்ஞதரோ
பி⁴க்கு² அஞ்ஞஸ்ஸ ப⁴ண்ட³ங் ஹரந்தோ ஸீஸே பா⁴ரங் தெ²ய்யசித்தோ ஆமஸி…பே॰…
தெ²ய்யசித்தோ ப²ந்தா³பேஸி…பே॰… தெ²ய்யசித்தோ க²ந்த⁴ங் ஓரோபேஸி…பே॰…
க²ந்தே⁴ பா⁴ரங் தெ²ய்யசித்தோ ஆமஸி…பே॰… தெ²ய்யசித்தோ ப²ந்தா³பேஸி…பே॰…
தெ²ய்யசித்தோ கடிங் ஓரோபேஸி…பே॰… கடியா பா⁴ரங் தெ²ய்யசித்தோ ஆமஸி…பே॰…
தெ²ய்யசித்தோ ப²ந்தா³பேஸி…பே॰… தெ²ய்யசித்தோ ஹத்தே²ன அக்³க³ஹேஸி…பே॰…
ஹத்தே² பா⁴ரங் தெ²ய்யசித்தோ பூ⁴மியங் நிக்கி²பி…பே॰… தெ²ய்யசித்தோ பூ⁴மிதோ
அக்³க³ஹேஸி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு²,
ஆபன்னோ பாராஜிக’’ந்தி.
135.
தேன கோ² பன ஸமயேன அஞ்ஞதரோ பி⁴க்கு² அஜ்ஜோ²காஸே சீவரங் பத்த²ரித்வா விஹாரங்
பாவிஸி. அஞ்ஞதரோ பி⁴க்கு² – ‘மாயித³ங் சீவரங் நஸ்ஸீ’தி, படிஸாமேஸி. ஸோ
நிக்க²மித்வா தங் பி⁴க்கு²ங் புச்சி² – ‘‘ஆவுஸோ, மய்ஹங் சீவரங் கேன
அவஹட’’ந்தி ? ஸோ ஏவமாஹ – ‘‘மயா அவஹட’’ந்தி. ‘‘ஸோ தங்
ஆதி³யி, அஸ்ஸமணோஸி த்வ’’ந்தி. தஸ்ஸ குக்குச்சங் அஹோஸி…பே॰…. ப⁴க³வதோ
ஏதமத்த²ங் ஆரோசேஸி. ‘‘கிங்சித்தோ த்வங், பி⁴க்கூ²’’தி? ‘‘நிருத்திபதோ²
அஹங், ப⁴க³வா’’தி. ‘‘அனாபத்தி, பி⁴க்கு², நிருத்திபதே²’’தி.
தேன கோ² பன ஸமயேன அஞ்ஞதரோ பி⁴க்கு² பீடே² சீவரங்
நிக்கி²பித்வா. பீடே² நிஸீத³னங் நிக்கி²பித்வா… ஹெட்டா²பீடே² பத்தங்
நிக்கி²பித்வா விஹாரங் பாவிஸி. அஞ்ஞதரோ பி⁴க்கு² – ‘‘மாயங் பத்தோ நஸ்ஸீ’’தி
படிஸாமேஸி. ஸோ நிக்க²மித்வா தங் பி⁴க்கு²ங் புச்சி² – ‘‘ஆவுஸோ, மய்ஹங்
பத்தோ கேன அவஹடோ’’தி? ஸோ ஏவமாஹ – ‘‘மயா அவஹடோ’’தி. ‘‘ஸோ தங் ஆதி³யி,
அஸ்ஸமணோஸி த்வ’’ந்தி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
நிருத்திபதே²’’தி.
தேன கோ² பன ஸமயேன அஞ்ஞதரா பி⁴க்கு²னீ வதியா சீவரங் பத்த²ரித்வா விஹாரங் பாவிஸி. அஞ்ஞதரா பி⁴க்கு²னீ – ‘மாயித³ங்
சீவரங் நஸ்ஸீ’தி படிஸாமேஸி. ஸா நிக்க²மித்வா தங் பி⁴க்கு²னிங் புச்சி² –
‘‘அய்யே, மய்ஹங் சீவரங் கேன அவஹட’’ந்தி? ஸா ஏவமாஹ – ‘‘மயா அவஹட’’ந்தி. ‘‘ஸா
தங் ஆதி³யி, அஸ்ஸமணீஸி த்வ’’ந்தி. தஸ்ஸா குக்குச்சங் அஹோஸி. அத² கோ² ஸா
பி⁴க்கு²னீ பி⁴க்கு²னீனங் ஏதமத்த²ங் ஆரோசேஸி. பி⁴க்கு²னியோ பி⁴க்கூ²னங்
ஏதமத்த²ங் ஆரோசேஸுங். பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰…
‘‘அனாபத்தி, பி⁴க்க²வே, நிருத்திபதே²’’தி.
136. தேன
கோ² பன ஸமயேன அஞ்ஞதரோ பி⁴க்கு² வாதமண்ட³லிகாய உக்கி²த்தங் ஸாடகங்
பஸ்ஸித்வா ஸாமிகானங் த³ஸ்ஸாமீதி, அக்³க³ஹேஸி. ஸாமிகா தங் பி⁴க்கு²ங்
சோதே³ஸுங் – ‘‘அஸ்ஸமணோஸி த்வ’’ந்தி. தஸ்ஸ குக்குச்சங் அஹோஸி…பே॰…
‘‘கிங்சித்தோ த்வங் பி⁴க்கூ²’’தி? ‘‘அதெ²ய்யசித்தோ அஹங், ப⁴க³வா’’தி.
அனாபத்தி, பி⁴க்கு², அதெ²ய்யசித்தஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² வாதமண்ட³லிகாய
உக்கி²த்தங் வேட²னங் பஸ்ஸித்வா ‘புரே ஸாமிகா பஸ்ஸந்தீ’தி தெ²ய்யசித்தோ
அக்³க³ஹேஸி. ஸாமிகா தங் பி⁴க்கு²ங் சோதே³ஸுங் – ‘‘அஸ்ஸமணோஸி த்வ’’ந்தி.
தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ
பாராஜிக’’ந்தி.
137. தேன கோ² பன ஸமயேன அஞ்ஞதரோ பி⁴க்கு² ஸுஸானங் க³ந்த்வா அபி⁴ன்னே ஸரீரே பங்ஸுகூலங் அக்³க³ஹேஸி. தஸ்மிஞ்ச ஸரீரே பேதோ அதி⁴வத்தோ² ஹோதி . அத² கோ² ஸோ பேதோ தங் பி⁴க்கு²ங் ஏதத³வோச – ‘‘மா, ப⁴ந்தே, மய்ஹங் ஸாடகங் அக்³க³ஹேஸீ’’தி. ஸோ பி⁴க்கு² அனாதி³யந்தோ அக³மாஸி .
அத² கோ² தங் ஸரீரங் உட்ட²ஹித்வா தஸ்ஸ பி⁴க்கு²னோ பிட்டி²தோ பிட்டி²தோ
அனுப³ந்தி⁴. அத² கோ² ஸோ பி⁴க்கு² விஹாரங் பவிஸித்வா த்³வாரங் த²கேஸி. அத²
கோ² தங் ஸரீரங் தத்தே²வ பரிபதி. தஸ்ஸ குக்குச்சங் அஹோஸி…பே॰… ‘‘அனாபத்தி,
பி⁴க்கு², பாராஜிகஸ்ஸ. ந ச, பி⁴க்க²வே, அபி⁴ன்னே ஸரீரே பங்ஸுகூலங்
க³ஹேதப்³ப³ங். ஸோ க³ண்ஹெய்ய, ஆபத்தி து³க்கடஸ்ஸா’’தி.
138.
தேன கோ² பன ஸமயேன அஞ்ஞதரோ பி⁴க்கு² ஸங்க⁴ஸ்ஸ சீவரே பா⁴ஜீயமானே
தெ²ய்யசித்தோ குஸங் ஸங்காமெத்வா சீவரங் அக்³க³ஹேஸி. தஸ்ஸ குக்குச்சங்
அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
139.
தேன கோ² பன ஸமயேன ஆயஸ்மா ஆனந்தோ³ ஜந்தாக⁴ரே அஞ்ஞதரஸ்ஸ பி⁴க்கு²னோ
அந்தரவாஸகங் அத்தனோ மஞ்ஞமானோ நிவாஸேஸி. அத² கோ² ஸோ பி⁴க்கு² ஆயஸ்மந்தங்
ஆனந்த³ங் ஏதத³வோச – ‘‘கிஸ்ஸ மே த்வங், ஆவுஸோ ஆனந்த³, அந்தரவாஸகங்
நிவாஸேஸீ’’தி? ‘‘ஸகஸஞ்ஞீ அஹங், ஆவுஸோ’’தி. ப⁴க³வதோ ஏதமத்த²ங் ஆரோசேஸுங்.
‘‘அனாபத்தி, பி⁴க்க²வே, ஸகஸஞ்ஞிஸ்ஸா’’தி.
140. தேன கோ² பன ஸமயேன ஸம்ப³ஹுலா பி⁴க்கூ² கி³ஜ்ஜ²கூடா பப்³ப³தா ஓரோஹந்தா ஸீஹவிகா⁴ஸங் பஸ்ஸித்வா பசாபெத்வா பரிபு⁴ஞ்ஜிங்ஸு. தேஸங் குக்குச்சங் அஹோஸி…பே॰… ‘‘அனாபத்தி, பி⁴க்க²வே, ஸீஹவிகா⁴ஸே’’தி.
தேன கோ² பன ஸமயேன ஸம்ப³ஹுலா பி⁴க்கூ² கி³ஜ்ஜ²கூடா பப்³ப³தா ஓரோஹந்தா ப்³யக்³க⁴விகா⁴ஸங் பஸ்ஸித்வா… தீ³பிவிகா⁴ஸங்
பஸ்ஸித்வா… தரச்ச²விகா⁴ஸங் பஸ்ஸித்வா… கோகவிகா⁴ஸங் பஸ்ஸித்வா பசாபெத்வா
பரிபு⁴ஞ்ஜிங்ஸு. தேஸங் குக்குச்சங் அஹோஸி…பே॰… ‘‘அனாபத்தி, பி⁴க்க²வே,
திரச்சா²னக³தபரிக்³க³ஹே’’தி.
141. தேன
கோ² பன ஸமயேன அஞ்ஞதரோ பி⁴க்கு² ஸங்க⁴ஸ்ஸ ஓத³னே பா⁴ஜீயமானே – ‘அபரஸ்ஸ
பா⁴க³ங் தே³ஹீ’தி அமூலகங் அக்³க³ஹேஸி. தஸ்ஸ குக்குச்சங் அஹோஸி…பே॰…
‘‘அனாபத்தி, பி⁴க்கு², பாராஜிகஸ்ஸ. ஆபத்தி ஸம்பஜானமுஸாவாதே³
பாசித்தியஸ்ஸா’’தி.
தேன கோ² பன ஸமயேன அஞ்ஞதரோ
பி⁴க்கு² ஸங்க⁴ஸ்ஸ கா²த³னீயே பா⁴ஜியமானே… ஸங்க⁴ஸ்ஸ பூவே பா⁴ஜியமானே…
ஸங்க⁴ஸ்ஸ உச்சு²ம்ஹி பா⁴ஜியமானே… ஸங்க⁴ஸ்ஸ திம்ப³ரூஸகே பா⁴ஜியமானே –
‘அபரஸ்ஸ பா⁴க³ங் தே³ஹீ’தி அமூலகங் அக்³க³ஹேஸி. தஸ்ஸ குக்குச்சங்
அஹோஸி…பே॰…. ‘‘அனாபத்தி, பி⁴க்கு², பாராஜிகஸ்ஸ. ஆபத்தி ஸம்பஜானமுஸாவாதே³
பாசித்தியஸ்ஸா’’தி.
142.
தேன கோ² பன ஸமயேன அஞ்ஞதரோ பி⁴க்கு² து³ப்³பி⁴க்கே² ஓத³னீயக⁴ரங் பவிஸித்வா
பத்தபூரங் ஓத³னங் தெ²ய்யசித்தோ அவஹரி. தஸ்ஸ குக்குச்சங் அஹோஸி…பே॰…
‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² து³ப்³பி⁴க்கே² ஸூனக⁴ரங் [ஸூனாக⁴ரங் (ஸீ॰ ஸ்யா)] பவிஸித்வா பத்தபூரங் மங்ஸங் தெ²ய்யசித்தோ அவஹரி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² து³ப்³பி⁴க்கே²
பூவக⁴ரங் பவிஸித்வா பத்தபூரங் பூவங் தெ²ய்யசித்தோ அவஹரி…பே॰… பத்தபூரா
ஸக்க²லியோ தெ²ய்யசித்தோ அவஹரி…பே॰… பத்தபூரே மோத³கே தெ²ய்யசித்தோ அவஹரி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
143. தேன
கோ² பன ஸமயேன அஞ்ஞதரோ பி⁴க்கு² தி³வா பரிக்கா²ரங் பஸ்ஸித்வா நிமித்தங்
அகாஸி – ‘‘ரத்திங் அவஹரிஸ்ஸாமீ’’தி. ஸோ தங் மஞ்ஞமானோ தங் அவஹரி…பே॰… தங்
மஞ்ஞமானோ அஞ்ஞங் அவஹரி…பே॰… அஞ்ஞங் மஞ்ஞமானோ தங் அவஹரி…பே॰… அஞ்ஞங்
மஞ்ஞமானோ அஞ்ஞங் அவஹரி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங்,
பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² தி³வா பரிக்கா²ரங்
பஸ்ஸித்வா நிமித்தங் அகாஸி – ‘‘ரத்திங் அவஹரிஸ்ஸாமீ’’தி. ஸோ தங் மஞ்ஞமானோ
அத்தனோ பரிக்கா²ரங் அவஹரி. தஸ்ஸ குக்குச்சங் அஹோஸி…பே॰… ‘‘அனாபத்தி,
பி⁴க்கு², பாராஜிகஸ்ஸ. ஆபத்தி து³க்கடஸ்ஸா’’தி.
144. தேன கோ² பன ஸமயேன அஞ்ஞதரோ பி⁴க்கு² பீடே² த²விகங் பஸ்ஸித்வா – ‘‘இதோ க³ண்ஹந்தோ பாராஜிகோ ப⁴விஸ்ஸாமீ’’தி ஸஹ பீட²கேன ஸங்காமெத்வா அக்³க³ஹேஸி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² ஸங்க⁴ஸ்ஸ பி⁴ஸிங்
தெ²ய்யசித்தோ அவஹரி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங்,
பி⁴க்கு², ஆபன்னோ பாராஜிக’’ந்தி.
145. தேன கோ² பன ஸமயேன அஞ்ஞதரோ பி⁴க்கு² சீவரவங்ஸே சீவரங் தெ²ய்யசித்தோ அவஹரி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² விஹாரே சீவரங்
அவஹரித்வா – ‘‘இதோ நிக்க²மந்தோ பாராஜிகோ ப⁴விஸ்ஸாமீ’’தி விஹாரா ந
நிக்க²மி…பே॰… ப⁴க³வதோ ஏதமத்த²ங் ஆரோசேஸுங். ‘‘நிக்க²மி [நிக்க²மெய்ய (ஸீ॰ ஸ்யா॰)] வா ஸோ, பி⁴க்க²வே, மோக⁴புரிஸோ ந வா நிக்க²மி [நிக்க²மெய்ய (ஸீ॰ ஸ்யா॰)], ஆபத்தி பாராஜிகஸ்ஸா’’தி.
146.
தேன கோ² பன ஸமயேன த்³வே பி⁴க்கூ² ஸஹாயகா ஹொந்தி. ஏகோ பி⁴க்கு² கா³மங்
பிண்டா³ய பாவிஸி. து³தியோ பி⁴க்கு² ஸங்க⁴ஸ்ஸ கா²த³னீயே பா⁴ஜீயமானே ஸஹாயகஸ்ஸ
பா⁴க³ங் க³ஹெத்வா தஸ்ஸ விஸ்ஸஸந்தோ பரிபு⁴ஞ்ஜி. ஸோ
ஜானித்வா தங் சோதே³ஸி – ‘‘அஸ்ஸமணோஸி த்வ’’ந்தி. தஸ்ஸ குக்குச்சங்
அஹோஸி…பே॰… ‘‘கிங் சித்தோ த்வங், பி⁴க்கூ²’’தி? ‘‘விஸ்ஸாஸக்³கா³ஹோ அஹங்,
ப⁴க³வா’’தி. ‘‘அனாபத்தி, பி⁴க்கு², விஸ்ஸாஸக்³கா³ஹே’’தி.
147.
தேன கோ² பன ஸமயேன ஸம்ப³ஹுலா பி⁴க்கூ² சீவரகம்மங் கரொந்தி. ஸங்க⁴ஸ்ஸ
கா²த³னீயே பா⁴ஜீயமானே ஸப்³பே³ஸங் படிவிஸா ஆஹரித்வா உபனிக்கி²த்தா ஹொந்தி.
அஞ்ஞதரோ பி⁴க்கு² அஞ்ஞதரஸ்ஸ பி⁴க்கு²னோ படிவிஸங் அத்தனோ மஞ்ஞமானோ
பரிபு⁴ஞ்ஜி. ஸோ ஜானித்வா தங் சோதே³ஸி – ‘‘அஸ்ஸமணோஸி த்வ’’ந்தி. தஸ்ஸ
குக்குச்சங் அஹோஸி…பே॰… ‘‘கிங்சித்தோ த்வங், பி⁴க்கூ²’’தி? ‘‘ஸகஸஞ்ஞீ அஹங்,
ப⁴க³வா’’தி. ‘‘அனாபத்தி, பி⁴க்கு², ஸகஸஞ்ஞிஸ்ஸா’’தி.
தேன கோ² பன ஸமயேன ஸம்ப³ஹுலா பி⁴க்கூ² சீவரகம்மங் கரொந்தி. ஸங்க⁴ஸ்ஸ கா²த³னீயே பா⁴ஜியமானே அஞ்ஞதரஸ்ஸ பி⁴க்கு²னோ பத்தேன அஞ்ஞதரஸ்ஸ பி⁴க்கு²னோ
படிவிஸோ ஆஹரித்வா உபனிக்கி²த்தோ ஹோதி. பத்தஸாமிகோ பி⁴க்கு² அத்தனோ
மஞ்ஞமானோ பரிபு⁴ஞ்ஜி. ஸோ ஜானித்வா தங் சோதே³ஸி – ‘‘அஸ்ஸமணோஸி த்வ’’ந்தி.
தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸகஸஞ்ஞிஸ்ஸா’’தி.
148.
தேன கோ² பன ஸமயேன அம்ப³சோரகா அம்ப³ங் பாதெத்வா ப⁴ண்டி³கங் ஆதா³ய அக³மங்ஸு.
ஸாமிகா தே சோரகே அனுப³ந்தி⁴ங்ஸு. சோரகா ஸாமிகே பஸ்ஸித்வா ப⁴ண்டி³கங்
பாதெத்வா பலாயிங்ஸு. பி⁴க்கூ² பங்ஸுகூலஸஞ்ஞினோ படிக்³க³ஹாபெத்வா
பரிபு⁴ஞ்ஜிங்ஸு. ஸாமிகா தே பி⁴க்கூ² சோதே³ஸுங் – ‘‘அஸ்ஸமணாத்த² தும்ஹே’’தி.
தேஸங் குக்குச்சங் அஹோஸி…பே॰… ப⁴க³வதோ ஏதமத்த²ங் ஆரோசேஸுங். ‘‘கிங்சித்தா
தும்ஹே, பி⁴க்க²வே’’தி? ‘‘பங்ஸுகூலஸஞ்ஞினோ மயங், ப⁴க³வா’’தி. ‘‘அனாபத்தி,
பி⁴க்க²வே, பங்ஸுகூலஸஞ்ஞிஸ்ஸா’’தி.
தேன கோ² பன ஸமயேன ஜம்பு³சோரகா… லபு³ஜசோரகா… பனஸசோரகா… தாலபக்கசோரகா… உச்சு²சோரகா… திம்ப³ரூஸகசோரகா திம்ப³ரூஸகே
உச்சினித்வா ப⁴ண்டி³கங் ஆதா³ய அக³மங்ஸு. ஸாமிகா தே சோரகே அனுப³ந்தி⁴ங்ஸு.
சோரகா ஸாமிகே பஸ்ஸித்வா ப⁴ண்டி³கங் பாதெத்வா பலாயிங்ஸு. பி⁴க்கூ²
பங்ஸுகூலஸஞ்ஞினோ படிக்³க³ஹாபெத்வா பரிபு⁴ஞ்ஜிங்ஸு. ஸாமிகா தே பி⁴க்கூ²
சோதே³ஸுங் – ‘‘அஸ்ஸமணாத்த² தும்ஹே’’தி. தேஸங் குக்குச்சங் அஹோஸி…பே॰…
‘‘அனாபத்தி, பி⁴க்க²வே, பங்ஸுகூலஸஞ்ஞிஸ்ஸா’’தி.
தேன கோ² பன ஸமயேன அம்ப³சோரகா அம்ப³ங் பாதெத்வா ப⁴ண்டி³கங்
ஆதா³ய அக³மங்ஸு. ஸாமிகா தே சோரகே அனுப³ந்தி⁴ங்ஸு. சோரகா ஸாமிகே பஸ்ஸித்வா
ப⁴ண்டி³கங் பாதெத்வா பலாயிங்ஸு. பி⁴க்கூ² – ‘புரே ஸாமிகா பஸ்ஸந்தீ’தி,
தெ²ய்யசித்தா பரிபு⁴ஞ்ஜிங்ஸு. ஸாமிகா தே பி⁴க்கூ² சோதே³ஸுங் –
‘‘அஸ்ஸமணாத்த² தும்ஹே’’தி. தேஸங் குக்குச்சங் அஹோஸி…பே॰… ‘‘ஆபத்திங்
தும்ஹே, பி⁴க்க²வே, ஆபன்னா பாராஜிக’’ந்தி.
தேன கோ² பன ஸமயேன ஜம்பு³சோரகா… லபு³ஜசோரகா… பனஸசோரகா…
தாலபக்கசோரகா… உச்சு²சோரகா… திம்ப³ரூஸகசோரகா திம்ப³ரூஸகே உச்சினித்வா
ப⁴ண்டி³கங் ஆதா³ய அக³மங்ஸு. ஸாமிகா தே சோரகே அனுப³ந்தி⁴ங்ஸு. சோரகா ஸாமிகே
பஸ்ஸித்வா ப⁴ண்டி³கங் பாதெத்வா பலாயிங்ஸு. பி⁴க்கூ²
– ‘புரே ஸாமிகா பஸ்ஸந்தீ’தி, தெ²ய்யசித்தா பரிபு⁴ஞ்ஜிங்ஸு. ஸாமிகா தே
பி⁴க்கூ² சோதே³ஸுங் – ‘‘அஸ்ஸமணாத்த² தும்ஹே’’தி. தேஸங் குக்குச்சங்
அஹோஸி…பே॰… ‘‘ஆபத்திங் தும்ஹே, பி⁴க்க²வே, ஆபன்னா பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² ஸங்க⁴ஸ்ஸ அம்ப³ங்
தெ²ய்யசித்தோ அவஹரி… ஸங்க⁴ஸ்ஸ ஜம்பு³ங்… ஸங்க⁴ஸ்ஸ லபு³ஜங்… ஸங்க⁴ஸ்ஸ பனஸங்…
ஸங்க⁴ஸ்ஸ தாலபக்கங்… ஸங்க⁴ஸ்ஸ உச்சு²ங்… ஸங்க⁴ஸ்ஸ திம்ப³ரூஸகங்
தெ²ய்யசித்தோ அவஹரி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங்,
பி⁴க்கு², ஆபன்னோ பாராஜிக’’ந்தி.
149.
தேன கோ² பன ஸமயேன அஞ்ஞதரோ பி⁴க்கு² புப்பா²ராமங் க³ந்த்வா ஓசிதங் புப்ப²ங்
பஞ்சமாஸக்³க⁴னகங் தெ²ய்யசித்தோ அவஹரி. தஸ்ஸ குக்குச்சங் அஹோஸி…பே॰…
‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ
பி⁴க்கு² புப்பா²ராமங் க³ந்த்வா புப்ப²ங் ஓசினித்வா பஞ்சமாஸக்³க⁴னகங்
தெ²ய்யசித்தோ அவஹரி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங்,
பி⁴க்கு² ஆபன்னோ பாராஜிக’’ந்தி.
150.
தேன கோ² பன ஸமயேன அஞ்ஞதரோ பி⁴க்கு² கா³மகங் க³ச்ச²ந்தோ அஞ்ஞதரங்
பி⁴க்கு²ங் ஏதத³வோச – ‘‘ஆவுஸோ, துய்ஹங் உபட்டா²ககுலங் வுத்தோ வஜ்ஜேமீ’’தி.
ஸோ க³ந்த்வா ஏகங் ஸாடகங் ஆஹராபெத்வா அத்தனா பரிபு⁴ஞ்ஜி. ஸோ ஜானித்வா தங்
சோதே³ஸி – ‘‘அஸ்ஸமணோஸி த்வ’’ந்தி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ. ந ச, பி⁴க்க²வே, வுத்தோ வஜ்ஜேமீதி வத்தப்³போ³. யோ வதெ³ய்ய, ஆபத்தி து³க்கடஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² கா³மகங் க³ச்ச²தி.
அஞ்ஞதரோ பி⁴க்கு² தங் பி⁴க்கு²ங் ஏதத³வோச – ‘‘ஆவுஸோ, மய்ஹங் உபட்டா²ககுலங்
வுத்தோ வஜ்ஜேஹீ’’தி. ஸோ க³ந்த்வா யுக³ஸாடகங் ஆஹராபெத்வா ஏகங் அத்தனா
பரிபு⁴ஞ்ஜி, ஏகங் தஸ்ஸ பி⁴க்கு²னோ அதா³ஸி. ஸோ ஜானித்வா தங் சோதே³ஸி –
‘‘அஸ்ஸமணோஸி த்வ’’ந்தி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
பாராஜிகஸ்ஸ. ந ச, பி⁴க்க²வே, வுத்தோ வஜ்ஜேஹீதி வத்தப்³போ³. யோ வதெ³ய்ய,
ஆபத்தி து³க்கடஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² கா³மகங் க³ச்ச²ந்தோ
அஞ்ஞதரங் பி⁴க்கு²ங் ஏதத³வோச – ‘‘ஆவுஸோ, துய்ஹங் உபட்டா²ககுலங் வுத்தோ
வஜ்ஜேமீ’’தி. ஸோபி ஏவமாஹ – ‘‘வுத்தோ வஜ்ஜேஹீ’’தி. ஸோ க³ந்த்வா ஆள்ஹகங்
ஸப்பிங் துலங் கு³ளங் தோ³ணங் தண்டு³லங் ஆஹராபெத்வா அத்தனா பரிபு⁴ஞ்ஜி. ஸோ
ஜானித்வா தங் சோதே³ஸி – ‘‘அஸ்ஸமணோஸி த்வ’’ந்தி.
தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ. ந ச,
பி⁴க்க²வே, வுத்தோ வஜ்ஜேமீதி வத்தப்³போ³, ந ச வுத்தோ வஜ்ஜேஹீதி வத்தப்³போ³.
யோ வதெ³ய்ய, ஆபத்தி து³க்கடஸ்ஸா’’தி.
151.
தேன கோ² பன ஸமயேன அஞ்ஞதரோ புரிஸோ மஹக்³க⁴ங் மணிங் ஆதா³ய அஞ்ஞதரேன
பி⁴க்கு²னா ஸத்³தி⁴ங் அத்³தா⁴னமக்³க³ப்படிபன்னோ ஹோதி. அத² கோ² ஸோ புரிஸோ
ஸுங்கட்டா²னங் பஸ்ஸித்வா தஸ்ஸ பி⁴க்கு²னோ அஜானந்தஸ்ஸ த²விகாய மணிங்
பக்கி²பித்வா ஸுங்கட்டா²னங் அதிக்கமித்வா அக்³க³ஹேஸி. தஸ்ஸ குக்குச்சங்
அஹோஸி…பே॰… ‘‘கிங்சித்தோ த்வங், பி⁴க்கூ²’’தி? ‘‘நாஹங், ப⁴க³வா,
ஜானாமீ’’தி. ‘‘அனாபத்தி, பி⁴க்கு², அஜானந்தஸ்ஸா’’தி.
தேன கோ² பன ஸமயேன அஞ்ஞதரோ புரிஸோ மஹக்³க⁴ங் மணிங்
ஆதா³ய அஞ்ஞதரேன பி⁴க்கு²னா ஸத்³தி⁴ங் அத்³தா⁴னமக்³க³ப்படிபன்னோ ஹோதி. அத²
கோ² ஸோ புரிஸோ ஸுங்கட்டா²னங் பஸ்ஸித்வா கி³லானாலயங் கரித்வா அத்தனோ
ப⁴ண்டி³கங் தஸ்ஸ பி⁴க்கு²னோ அதா³ஸி. அத² கோ² ஸோ புரிஸோ ஸுங்கட்டா²னங்
அதிக்கமித்வா தங் பி⁴க்கு²ங் ஏதத³வோச – ‘‘ஆஹர மே, ப⁴ந்தே, ப⁴ண்டி³கங்;
நாஹங் அகல்லகோ’’தி. ‘‘கிஸ்ஸ பன த்வங், ஆவுஸோ, ஏவரூபங் அகாஸீ’’தி? அத² கோ²
ஸோ புரிஸோ தஸ்ஸ பி⁴க்கு²னோ ஏதமத்த²ங் ஆரோசேஸி. தஸ்ஸ
குக்குச்சங் அஹோஸி…பே॰… ‘‘கிங்சித்தோ த்வங், பி⁴க்கூ²’’தி? ‘‘நாஹங்,
ப⁴க³வா, ஜானாமீ’’தி. ‘‘அனாபத்தி, பி⁴க்கு², அஜானந்தஸ்ஸா’’தி.
152. தேன கோ² பன ஸமயேன அஞ்ஞதரோ பி⁴க்கு² ஸத்தே²ன ஸத்³தி⁴ங் அத்³தா⁴னமக்³க³ப்படிபன்னோ ஹோதி. அஞ்ஞதரோ புரிஸோ
தங் பி⁴க்கு²ங் ஆமிஸேன உபலாபெத்வா ஸுங்கட்டா²னங் பஸ்ஸித்வா மஹக்³க⁴ங்
மணிங் தஸ்ஸ பி⁴க்கு²னோ அதா³ஸி – ‘‘இமங், ப⁴ந்தே, மணிங் ஸுங்கட்டா²னங்
அதிக்காமேஹீ’’தி. அத² கோ² ஸோ பி⁴க்கு² தங் மணிங் ஸுங்கட்டா²னங்
அதிக்காமேஸி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு²,
ஆபன்னோ பாராஜிக’’ந்தி.
153. தேன
கோ² பன ஸமயேன அஞ்ஞதரோ பி⁴க்கு² பாஸே ப³ந்த⁴ங் ஸூகரங் காருஞ்ஞேன முஞ்சி.
தஸ்ஸ குக்குச்சங் அஹோஸி…பே॰… ‘‘கிங்சித்தோ த்வங், பி⁴க்கூ²’’தி?
‘‘காருஞ்ஞாதி⁴ப்பாயோ அஹங், ப⁴க³வா’’தி. ‘‘அனாபத்தி, பி⁴க்கு²,
காருஞ்ஞாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² பாஸே ப³ந்த⁴ங்
ஸூகரங் – ‘‘புரே ஸாமிகா பஸ்ஸந்தீ’’தி, தெ²ய்யசித்தோ முஞ்சி. தஸ்ஸ
குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² பாஸே ப³ந்த⁴ங்
மிக³ங் காருஞ்ஞேன முஞ்சி… பாஸே ப³ந்த⁴ங் மிக³ங் – ‘‘புரே ஸாமிகா
பஸ்ஸந்தீ’’தி, தெ²ய்யசித்தோ முஞ்சி … குமினே ப³ந்தே⁴
மச்சே² காருஞ்ஞேன முஞ்சி… குமினே ப³ந்தே⁴ மச்சே² – ‘‘புரே ஸாமிகா
பஸ்ஸந்தீ’’தி தெ²ய்யசித்தோ முஞ்சி. தஸ்ஸ குக்குச்சங் அஹோஸி…பே॰… ‘‘ஆபத்திங்
த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² யானே ப⁴ண்ட³ங் பஸ்ஸித்வா – ‘‘இதோ க³ண்ஹந்தோ பாராஜிகோ ப⁴விஸ்ஸாமீ’’தி, அதிக்கமித்வா பவட்டெத்வா [பவத்தெத்வா (க॰)] அக்³க³ஹேஸி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங் , பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² குலலேன உக்கி²த்தங்
மங்ஸபேஸிங் – ‘‘ஸாமிகானங் த³ஸ்ஸாமீ’’தி அக்³க³ஹேஸி. ஸாமிகா தங் பி⁴க்கு²ங்
சோதே³ஸுங் – ‘‘அஸ்ஸமணோஸி த்வ’’ந்தி. தஸ்ஸ குக்குச்சங் அஹோஸி…பே॰…
‘‘அனாபத்தி, பி⁴க்கு², அதெ²ய்யசித்தஸ்ஸா’’தி.
தேன கோ² பன ஸமயேன அஞ்ஞதரோ
பி⁴க்கு² குலலேன உக்கி²த்தங் மங்ஸபேஸிங் – ‘‘புரே ஸாமிகா பஸ்ஸந்தீ’’தி,
தெ²ய்யசித்தோ அக்³க³ஹேஸி. ஸாமிகா தங் பி⁴க்கு²ங் சோதே³ஸுங் – ‘‘அஸ்ஸமணோஸி
த்வ’’ந்தி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு²,
ஆபன்னோ பாராஜிக’’ந்தி.
154.
தேன கோ² பன ஸமயேன மனுஸ்ஸா உளும்பங் ப³ந்தி⁴த்வா அசிரவதியா நதி³யா
ஓஸாரெந்தி. ப³ந்த⁴னே சி²ன்னே கட்டா²னி விப்பகிண்ணானி அக³மங்ஸு. பி⁴க்கூ²
பங்ஸுகூலஸஞ்ஞினோ உத்தாரேஸுங். ஸாமிகா தே பி⁴க்கூ² சோதே³ஸுங் –
‘‘அஸ்ஸமணாத்த² தும்ஹே’’தி. தேஸங் குக்குச்சங் அஹோஸி…பே॰… ‘‘அனாபத்தி, பி⁴க்க²வே, பங்ஸுகூலஸஞ்ஞிஸ்ஸா’’தி.
தேன கோ² பன ஸமயேன மனுஸ்ஸா உளும்பங் ப³ந்தி⁴த்வா
அசிரவதியா நதி³யா ஓஸாரெந்தி. ப³ந்த⁴னே சி²ன்னே கட்டா²னி விப்பகிண்ணானி
அக³மங்ஸு. பி⁴க்கூ² – ‘‘புரே ஸாமிகா பஸ்ஸந்தீ’’தி, தெ²ய்யசித்தா
உத்தாரேஸுங். ஸாமிகா தே பி⁴க்கூ² சோதே³ஸுங் – ‘‘அஸ்ஸமணாத்த² தும்ஹே’’தி.
தேஸங் குக்குச்சங் அஹோஸி…பே॰… ‘‘ஆபத்திங் தும்ஹே, பி⁴க்க²வே, ஆபன்னா
பாராஜிக’’ந்தி.
தேன கோ² பன ஸமயேன அஞ்ஞதரோ கோ³பாலகோ ருக்கே² ஸாடகங் ஆலக்³கெ³த்வா உச்சாரங் அக³மாஸி. அஞ்ஞதரோ பி⁴க்கு² பங்ஸுகூலஸஞ்ஞீ அக்³க³ஹேஸி .
அத² கோ² ஸோ கோ³பாலகோ தங் பி⁴க்கு²ங் சோதே³ஸி – ‘‘அஸ்ஸமணோஸி த்வ’’ந்தி.
தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², பங்ஸுகூலஸஞ்ஞிஸ்ஸா’’தி.
தேன கோ² பன ஸமயேன அஞ்ஞதரஸ்ஸ பி⁴க்கு²னோ நதி³ங்
தரந்தஸ்ஸ ரஜகானங் ஹத்த²தோ முத்தங் ஸாடகங் பாதே³ லக்³க³ங் ஹோதி. ஸோ பி⁴க்கு²
– ‘‘ஸாமிகானங் த³ஸ்ஸாமீ’’தி அக்³க³ஹேஸி. ஸாமிகா தங் பி⁴க்கு²ங் சோதே³ஸுங் –
‘‘அஸ்ஸமணோஸி த்வ’’ந்தி. தஸ்ஸ குக்குச்சங் அஹோஸி…பே॰… ‘‘அனாபத்தி,
பி⁴க்கு², அதெ²ய்யசித்தஸ்ஸா’’தி.
தேன கோ² பன ஸமயேன அஞ்ஞதரஸ்ஸ பி⁴க்கு²னோ நதி³ங் தரந்தஸ்ஸ ரஜகானங் ஹத்த²தோ முத்தங் ஸாடகங் பாதே³ லக்³க³ங் ஹோதி .
ஸோ பி⁴க்கு² – ‘‘புரே ஸாமிகா பஸ்ஸந்தீ’’தி, தெ²ய்யசித்தோ அக்³க³ஹேஸி.
ஸாமிகா தங் பி⁴க்கு²ங் சோதே³ஸுங் – ‘‘அஸ்ஸமணோஸி த்வ’’ந்தி. தஸ்ஸ
குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
155. தேன
கோ² பன ஸமயேன அஞ்ஞதரோ பி⁴க்கு² ஸப்பிகும்பி⁴ங் பஸ்ஸித்வா தோ²கங் தோ²கங்
பரிபு⁴ஞ்ஜி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
பாராஜிகஸ்ஸ; ஆபத்தி து³க்கடஸ்ஸா’’தி.
தேன கோ² பன ஸமயேன ஸம்ப³ஹுலா பி⁴க்கூ² ஸங்வித³ஹித்வா அக³மங்ஸு – ‘‘ப⁴ண்ட³ங் அவஹரிஸ்ஸாமா’’தி. ஏகோ ப⁴ண்ட³ங் அவஹரி. தே ஏவமாஹங்ஸு – ‘‘ந மயங் பாராஜிகா. யோ அவஹடோ ஸோ பாராஜிகோ’’தி. ப⁴க³வதோ ஏதமத்த²ங் ஆரோசேஸுங்… ‘‘ஆபத்திங் தும்ஹே, பி⁴க்க²வே, ஆபன்னா பாராஜிக’’ந்தி.
தேன கோ² பன ஸமயேன ஸம்ப³ஹுலா பி⁴க்கூ² ஸங்வித³ஹித்வா ப⁴ண்ட³ங் அவஹரித்வா பா⁴ஜேஸுங் .
தேஹி பா⁴ஜீயமானே ஏகமேகஸ்ஸ படிவிஸோ ந பஞ்சமாஸகோ பூரி. தே ஏவமாஹங்ஸு – ‘‘ந
மயங் பாராஜிகா’’தி. ப⁴க³வதோ ஏதமத்த²ங் ஆரோசேஸுங். ‘‘ஆபத்திங் தும்ஹே,
பி⁴க்க²வே, ஆபன்னா பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² ஸாவத்தி²யங்
து³ப்³பி⁴க்கே² ஆபணிகஸ்ஸ தண்டு³லமுட்டி²ங் தெ²ய்யசித்தோ அவஹரி. தஸ்ஸ
குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² ஸாவத்தி²யங்
து³ப்³பி⁴க்கே² ஆபணிகஸ்ஸ முக்³க³முட்டி²ங்… மாஸமுட்டி²ங்… திலமுட்டி²ங்
தெ²ய்யசித்தோ அவஹரி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங்,
பி⁴க்கு² ஆபன்னோ பாராஜிக’’ந்தி.
தேன கோ² பன ஸமயேன ஸாவத்தி²யங் அந்த⁴வனே சோரகா கா³விங்
ஹந்த்வா மங்ஸங் கா²தி³த்வா ஸேஸகங் படிஸாமெத்வா அக³மங்ஸு. பி⁴க்கூ²
பங்ஸுகூலஸஞ்ஞினோ படிக்³க³ஹாபெத்வா பரிபு⁴ஞ்ஜிங்ஸு. சோரகா தே பி⁴க்கூ²
சோதே³ஸுங் – ‘‘அஸ்ஸமணாத்த² தும்ஹே’’தி. தேஸங் குக்குச்சங் அஹோஸி…பே॰…
‘‘அனாபத்தி, பி⁴க்க²வே, பங்ஸுகூலஸஞ்ஞிஸ்ஸா’’தி.
தேன கோ² பன ஸமயேன ஸாவத்தி²யங் அந்த⁴வனே சோரகா ஸூகரங்
ஹந்த்வா மங்ஸங் கா²தி³த்வா ஸேஸகங் படிஸாமெத்வா அக³மங்ஸு. பி⁴க்கூ²
பங்ஸுகூலஸஞ்ஞினோ படிக்³க³ஹாபெத்வா பரிபு⁴ஞ்ஜிங்ஸு. சோரகா தே பி⁴க்கூ² சோதே³ஸுங் – ‘‘அஸ்ஸமணாத்த² தும்ஹே’’தி. தேஸங் குக்குச்சங் அஹோஸி…பே॰… ‘‘அனாபத்தி, பி⁴க்க²வே, பங்ஸுகூலஸஞ்ஞிஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² திணக்கெ²த்தங்
க³ந்த்வா லூதங் திணங் பஞ்சமாஸக்³க⁴னகங் தெ²ய்யசித்தோ அவஹரி. தஸ்ஸ
குக்குச்சங் அஹோஸி …பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ
பி⁴க்கு² திணக்கெ²த்தங் க³ந்த்வா திணங் லாயித்வா பஞ்சமாஸக்³க⁴னகங்
தெ²ய்யசித்தோ அவஹரி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங்,
பி⁴க்கு², ஆபன்னோ பாராஜிக’’ந்தி.
156. தேன
கோ² பன ஸமயேன ஆக³ந்துகா பி⁴க்கூ² ஸங்க⁴ஸ்ஸ அம்ப³ங் பா⁴ஜாபெத்வா
பரிபு⁴ஞ்ஜிங்ஸு. ஆவாஸிகா பி⁴க்கூ² தே பி⁴க்கூ² சோதே³ஸுங் – ‘‘அஸ்ஸமணாத்த²
தும்ஹே’’தி. தேஸங் குக்குச்சங் அஹோஸி…பே॰… ப⁴க³வதோ ஏதமத்த²ங் ஆரோசேஸுங்.
‘‘கிங்சித்தா தும்ஹே, பி⁴க்க²வே’’தி? ‘‘பரிபோ⁴க³த்தா²ய [பரிபோ⁴க³த்தா² (ஸீ॰)] மயங் ப⁴க³வா’’தி. ‘‘அனாபத்தி, பி⁴க்க²வே, பரிபோ⁴க³த்தா²யா’’தி.
தேன கோ² பன ஸமயேன ஆக³ந்துகா பி⁴க்கூ² ஸங்க⁴ஸ்ஸ
ஜம்பு³ங்… ஸங்க⁴ஸ்ஸ லபு³ஜங்… ஸங்க⁴ஸ்ஸ பனஸங்… ஸங்க⁴ஸ்ஸ தாலபக்கங்… ஸங்க⁴ஸ்ஸ
உச்சு²ங்… ஸங்க⁴ஸ்ஸ திம்ப³ரூஸகங் பா⁴ஜாபெத்வா பரிபு⁴ஞ்ஜிங்ஸு. ஆவாஸிகா
பி⁴க்கூ² தே பி⁴க்கூ² சோதே³ஸுங் – ‘‘அஸ்ஸமணாத்த², தும்ஹே’’தி. தேஸங்
குக்குச்சங் அஹோஸி…பே॰… ‘‘அனாபத்தி, பி⁴க்க²வே, பரிபோ⁴க³த்தா²யா’’தி.
தேன கோ² பன ஸமயேன அம்ப³பாலகா பி⁴க்கூ²னங் அம்ப³ப²லங்
தெ³ந்தி. பி⁴க்கூ² – ‘‘கோ³பேதுங் இமே இஸ்ஸரா, நயிமே தா³து’’ந்தி,
குக்குச்சாயந்தா ந படிக்³க³ண்ஹந்தி. ப⁴க³வதோ ஏதமத்த²ங் ஆரோசேஸுங்.
‘‘அனாபத்தி, பி⁴க்க²வே, கோ³பகஸ்ஸ தா³னே’’தி.
தேன கோ² பன ஸமயேன ஜம்பு³பாலகா… லபு³ஜபாலகா… பனஸபாலகா…
தாலபக்கபாலகா… உச்சு²பாலகா… திம்ப³ரூஸகபாலகா பி⁴க்கூ²னங் திம்ப³ரூஸகங்
தெ³ந்தி. பி⁴க்கூ² – ‘‘கோ³பேதுங் இமே இஸ்ஸரா, நயிமே
தா³து’’ந்தி, குக்குச்சாயந்தா ந படிக்³க³ண்ஹந்தி. ப⁴க³வதோ ஏதமத்த²ங்
ஆரோசேஸுங். ‘‘அனாபத்தி, பி⁴க்க²வே, கோ³பகஸ்ஸ தா³னே’’தி.
தேன கோ² பன ஸமயேன அஞ்ஞதரோ
பி⁴க்கு² ஸங்க⁴ஸ்ஸ தா³ருங் தாவகாலிகங் ஹரித்வா அத்தனோ விஹாரஸ்ஸ குட்டங்
உபத்த²ம்பே⁴ஸி. பி⁴க்கூ² தங் பி⁴க்கு²ங் சோதே³ஸுங் – ‘‘அஸ்ஸமணோஸி
த்வ’’ந்தி. தஸ்ஸ குக்குச்சங் அஹோஸி. ப⁴க³வதோ ஏதமத்த²ங் ஆரோசேஸி.
‘‘கிங்சித்தோ த்வங், பி⁴க்கூ²’’தி? ‘‘தாவகாலிகோ அஹங், ப⁴க³வா’’தி.
‘‘அனாபத்தி, பி⁴க்கு², தாவகாலிகே’’தி.
தேன கோ² பன ஸமயேன அஞ்ஞதரோ
பி⁴க்கு² ஸங்க⁴ஸ்ஸ உத³கங் தெ²ய்யசித்தோ அவஹரி… ஸங்க⁴ஸ்ஸ மத்திகங்
தெ²ய்யசித்தோ அவஹரி… ஸங்க⁴ஸ்ஸ புஞ்ஜகிதங் திணங் தெ²ய்யசித்தோ அவஹரி… தஸ்ஸ
குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² ஸங்க⁴ஸ்ஸ
புஞ்ஜகிதங் திணங் தெ²ய்யசித்தோ ஜா²பேஸி. தஸ்ஸ குக்குச்சங் அஹோஸி…பே॰…
‘‘அனாபத்தி, பி⁴க்கு², பாராஜிகஸ்ஸ. ஆபத்தி து³க்கடஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² ஸங்க⁴ஸ்ஸ மஞ்சங்
தெ²ய்யசித்தோ அவஹரி… தஸ்ஸ குக்குச்சங் அஹோஸி…பே॰… ‘‘ஆபத்திங் த்வங்,
பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² ஸங்க⁴ஸ்ஸ பீட²ங்… ஸங்க⁴ஸ்ஸ பி⁴ஸிங்… ஸங்க⁴ஸ்ஸ பி³ப்³போ³ஹனங் [பி³ம்போ³ஹனங் (ஸீ॰ ஸ்யா॰)] … ஸங்க⁴ஸ்ஸ
கவாடங்… ஸங்க⁴ஸ்ஸ ஆலோகஸந்தி⁴ங்… ஸங்க⁴ஸ்ஸ கோ³பானஸிங் தெ²ய்யசித்தோ அவஹரி…
தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ
பாராஜிக’’ந்தி.
157. [சூளவ॰ 324] தேன கோ² பன ஸமயேன பி⁴க்கூ² அஞ்ஞதரஸ்ஸ உபாஸகஸ்ஸ விஹாரபரிபோ⁴க³ங்
ஸேனாஸனங் அஞ்ஞத்ர பரிபு⁴ஞ்ஜந்தி. அத² கோ² ஸோ உபாஸகோ உஜ்ஜா²யதி கி²ய்யதி
விபாசேதி – ‘‘கத²ஞ்ஹி நாம ப⁴த³ந்தா அஞ்ஞத்ர பரிபோ⁴க³ங் அஞ்ஞத்ர
பரிபு⁴ஞ்ஜிஸ்ஸந்தீ’’தி! ப⁴க³வதோ ஏதமத்த²ங் ஆரோசேஸுங். ‘‘ந, பி⁴க்க²வே,
அஞ்ஞத்ர பரிபோ⁴கோ³ அஞ்ஞத்ர பரிபு⁴ஞ்ஜிதப்³போ³. யோ பரிபு⁴ஞ்ஜெய்ய, ஆபத்தி
து³க்கடஸ்ஸா’’தி.
[சூளவ॰ 324] தேன கோ² பன
ஸமயேன பி⁴க்கூ² உபோஸத²க்³க³ம்பி ஸன்னிஸஜ்ஜம்பி ஹரிதுங் குக்குச்சாயந்தா
ச²மாயங் நிஸீத³ந்தி. க³த்தானிபி சீவரானிபி பங்ஸுகிதானி ஹொந்தி. ப⁴க³வதோ
ஏதமத்த²ங் ஆரோசேஸுங். ‘‘அனுஜானாமி, பி⁴க்க²வே, தாவகாலிகங் ஹரிது’’ந்தி.
தேன கோ² பன ஸமயேன சம்பாயங்
து²ல்லனந்தா³ய பி⁴க்கு²னியா அந்தேவாஸினீ பி⁴க்கு²னீ து²ல்லனந்தா³ய
பி⁴க்கு²னியா உபட்டா²ககுலங் க³ந்த்வா – ‘‘அய்யா இச்ச²தி
தேகடுலயாகு³ங் பாது’’ந்தி, பசாபெத்வா ஹரித்வா அத்தனா பரிபு⁴ஞ்ஜி. ஸா
ஜானித்வா தங் சோதே³ஸி – ‘‘அஸ்ஸமணீஸி த்வ’’ந்தி. தஸ்ஸா குக்குச்சங் அஹோஸி.
அத² கோ² ஸா பி⁴க்கு²னீ பி⁴க்கு²னீனங் ஏதமத்த²ங் ஆரோசேஸி. பி⁴க்கு²னியோ
பி⁴க்கூ²னங் ஏதமத்த²ங் ஆரோசேஸுங். பி⁴க்கூ² ப⁴க³வதோ ஏதமத்த²ங் ஆரோசேஸுங்.
‘‘அனாபத்தி, பி⁴க்க²வே, பாராஜிகஸ்ஸ; ஆபத்தி ஸம்பஜானமுஸாவாதே³ பாசித்தியஸ்ஸா’’தி.
தேன கோ² பன ஸமயேன ராஜக³ஹே து²ல்லனந்தா³ய பி⁴க்கு²னியா
அந்தேவாஸினீ பி⁴க்கு²னீ து²ல்லனந்தா³ய பி⁴க்கு²னியா உபட்டா²ககுலங் க³ந்த்வா
– ‘‘அய்யா இச்ச²தி மது⁴கோ³ளகங் கா²தி³து’’ந்தி, பசாபெத்வா ஹரித்வா அத்தனா
பரிபு⁴ஞ்ஜி. ஸா ஜானித்வா தங் சோதே³ஸி – ‘‘அஸ்ஸமணீஸி த்வ’’ந்தி. தஸ்ஸா
குக்குச்சங் அஹோஸி…பே॰… ‘‘அனாபத்தி, பி⁴க்க²வே, பாராஜிகஸ்ஸ; ஆபத்தி
ஸம்பஜானமுஸாவாதே³ பாசித்தியஸ்ஸா’’தி.
158.
தேன கோ² பன ஸமயேன வேஸாலியங் ஆயஸ்மதோ அஜ்ஜுகஸ்ஸ உபட்டா²கஸ்ஸ க³ஹபதினோ த்³வே
தா³ரகா ஹொந்தி – புத்தோ ச பா⁴கி³னெய்யோ ச. அத² கோ² ஸோ க³ஹபதி ஆயஸ்மந்தங்
அஜ்ஜுகங் ஏதத³வோச – ‘‘இமங், ப⁴ந்தே, ஓகாஸங் யோ இமேஸங் த்³வின்னங் தா³ரகானங்
ஸத்³தோ⁴ ஹோதி பஸன்னோ தஸ்ஸ ஆசிக்கெ²ய்யாஸீ’’தி [ஆசிக்கெ²ய்யாஸீதி ஸோ காலமகாஸி (ஸ்யா॰)].
தேன கோ² பன ஸமயேன தஸ்ஸ க³ஹபதினோ பா⁴கி³னெய்யோ ஸத்³தோ⁴ ஹோதி பஸன்னோ. அத²
கோ² ஆயஸ்மா அஜ்ஜுகோ தங் ஓகாஸங் தஸ்ஸ தா³ரகஸ்ஸ ஆசிக்கி². ஸோ தேன ஸாபதெய்யேன
குடும்ப³ஞ்ச ஸண்ட²பேஸி தா³னஞ்ச பட்ட²பேஸி. அத² கோ² தஸ்ஸ க³ஹபதினோ புத்தோ
ஆயஸ்மந்தங் ஆனந்த³ங் ஏதத³வோச – ‘‘கோ நு கோ², ப⁴ந்தே ஆனந்த³, பிதுனோ
தா³யஜ்ஜோ – புத்தோ வா பா⁴கி³னெய்யோ வா’’தி? ‘‘புத்தோ கோ², ஆவுஸோ, பிதுனோ
தா³யஜ்ஜோ’’தி. ‘‘அயங், ப⁴ந்தே, அய்யோ அஜ்ஜுகோ அம்ஹாகங் ஸாபதெய்யங்
அம்ஹாகங் மேது²னகஸ்ஸ ஆசிக்கீ²’’தி. ‘‘அஸ்ஸமணோ, ஆவுஸோ, ஆயஸ்மா அஜ்ஜுகோ’’தி.
அத² கோ² ஆயஸ்மா அஜ்ஜுகோ ஆயஸ்மந்தங் ஆனந்த³ங் ஏதத³வோச – ‘‘தே³ஹி மே, ஆவுஸோ
ஆனந்த³, வினிச்ச²ய’’ந்தி. தேன கோ² பன ஸமயேன ஆயஸ்மா உபாலி ஆயஸ்மதோ அஜ்ஜுகஸ்ஸ பக்கோ² ஹோதி. அத² கோ² ஆயஸ்மா உபாலி ஆயஸ்மந்தங் ஆனந்த³ங் ஏதத³வோச – ‘‘யோ
நு கோ², ஆவுஸோ ஆனந்த³, ஸாமிகேன ‘இமங் ஓகாஸங் இத்த²ன்னாமஸ்ஸ
ஆசிக்கெ²ய்யாஸீ’தி வுத்தோ தஸ்ஸ ஆசிக்க²தி, கிங் ஸோ ஆபஜ்ஜதீ’’தி? ‘‘ந,
ப⁴ந்தே, கிஞ்சி ஆபஜ்ஜதி, அந்தமஸோ து³க்கடமத்தம்பீ’’தி. ‘‘அயங், ஆவுஸோ,
ஆயஸ்மா அஜ்ஜுகோ ஸாமிகேன – ‘இமங் ஓகாஸங் இத்த²ன்னாமஸ்ஸ ஆசிக்கா²’தி வுத்தோ தஸ்ஸ ஆசிக்க²தி; அனாபத்தி, ஆவுஸோ, ஆயஸ்மதோ அஜ்ஜுகஸ்ஸா’’தி.
159.
தேன கோ² பன ஸமயேன பா³ராணஸியங் ஆயஸ்மதோ பிலிந்த³வச்ச²ஸ்ஸ உபட்டா²ககுலங்
சோரேஹி உபத்³து³தங் ஹோதி. த்³வே ச தா³ரகா நீதா ஹொந்தி. அத² கோ² ஆயஸ்மா
பிலிந்த³வச்சோ² தே தா³ரகே இத்³தி⁴யா ஆனெத்வா பாஸாதே³ ட²பேஸி. மனுஸ்ஸா தே
தா³ரகே பஸ்ஸித்வா – ‘‘அய்யஸ்ஸாயங் பிலிந்த³வச்ச²ஸ்ஸ இத்³தா⁴னுபா⁴வோ’’தி,
ஆயஸ்மந்தே பிலிந்த³வச்சே² அபி⁴ப்பஸீதி³ங்ஸு. பி⁴க்கூ² உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா பிலிந்த³வச்சோ² சோரேஹி நீதே
தா³ரகே ஆனெஸ்ஸதீ’’தி! ப⁴க³வதோ ஏதமத்த²ங் ஆரோசேஸுங். ‘‘அனாபத்தி, பி⁴க்க²வே [இத்³தி⁴மதோ (ஸீ॰), இத்³தி⁴மந்தஸ்ஸ (ஸ்யா॰)], இத்³தி⁴மஸ்ஸ இத்³தி⁴விஸயே’’தி.
160. தேன
கோ² பன ஸமயேன த்³வே பி⁴க்கூ² ஸஹாயகா ஹொந்தி – பண்டு³கோ ச கபிலோ ச. ஏகோ
கா³மகே விஹரதி, ஏகோ கோஸம்பி³யங். அத² கோ² தஸ்ஸ பி⁴க்கு²னோ கா³மகா
கோஸம்பி³ங் க³ச்ச²ந்தஸ்ஸ அந்தராமக்³கே³ நதி³ங் தரந்தஸ்ஸ ஸூகரிகானங் ஹத்த²தோ
முத்தா மேத³வட்டி பாதே³ லக்³கா³ ஹோதி. ஸோ பி⁴க்கு² – ‘‘ஸாமிகானங்
த³ஸ்ஸாமீ’’தி அக்³க³ஹேஸி. ஸாமிகா தங் பி⁴க்கு²ங் சோதே³ஸுங் – ‘‘அஸ்ஸமணோஸி
த்வ’’ந்தி. தங் உத்திண்ணங் கோ³பாலிகா [அஞ்ஞதரா கோ³பாலிகா (ஸீ॰ ஸ்யா॰)]
பஸ்ஸித்வா ஏதத³வோச – ‘‘ஏஹி, ப⁴ந்தே, மேது²னங் த⁴ம்மங் படிஸேவா’’தி. ஸோ –
‘‘பகதியாபாஹங் அஸ்ஸமணோ’’தி தஸ்ஸா மேது²னங் த⁴ம்மங் படிஸேவித்வா கோஸம்பி³ங்
க³ந்த்வா பி⁴க்கூ²னங் ஏதமத்த²ங் ஆரோசேஸி. பி⁴க்கூ² ப⁴க³வதோ ஏதமத்த²ங்
ஓரோசேஸுங். ‘‘அனாபத்தி, பி⁴க்க²வே, அதி³ன்னாதா³னே பாராஜிகஸ்ஸ; ஆபத்தி
மேது²னத⁴ம்மஸமாயோகே³ பாராஜிகஸ்ஸா’’தி.
161. தேன கோ² பன ஸமயேன ஸாக³லாயங் ஆயஸ்மதோ த³ள்ஹிகஸ்ஸ ஸத்³தி⁴விஹாரிகோ பி⁴க்கு² அனபி⁴ரதியா பீளிதோ ஆபணிகஸ்ஸ வேட²னங் அவஹரித்வா
ஆயஸ்மந்தங் த³ள்ஹிகங் ஏதத³வோச – ‘‘அஸ்ஸமணோ அஹங், ப⁴ந்தே,
விப்³ப⁴மிஸ்ஸாமீ’’தி. ‘‘கிங் தயா, ஆவுஸோ, கத’’ந்தி? ஸோ தமத்த²ங் ஆரோசேஸி.
ஆஹராபெத்வா அக்³கா⁴பேஸி. தங் அக்³கா⁴பெந்தங் ந பஞ்சமாஸகே அக்³க⁴தி . ‘‘அனாபத்தி, ஆவுஸோ, பாராஜிகஸ்ஸா’’தி. த⁴ம்மகத²ங் அகாஸி. ஸோ பி⁴க்கு² அபி⁴ரமதீதி [அபி⁴ரமீதி (ஸீ॰ ஸ்யா॰)].
து³தியபாராஜிகங் ஸமத்தங்.
3. ததியபாராஜிகங்
162. [இத³ங் வத்து² ஸங்॰ நி॰ 5.985] தேன
ஸமயேன பு³த்³தோ⁴ ப⁴க³வா வேஸாலியங் விஹரதி மஹாவனே கூடாகா³ரஸாலாயங். தேன கோ²
பன ஸமயேன ப⁴க³வா பி⁴க்கூ²னங் அனேகபரியாயேன அஸுப⁴கத²ங் கதே²தி, அஸுபா⁴ய
வண்ணங் பா⁴ஸதி, அஸுப⁴பா⁴வனாய வண்ணங் பா⁴ஸதி, ஆதி³ஸ்ஸ ஆதி³ஸ்ஸ
அஸுப⁴ஸமாபத்தியா வண்ணங் பா⁴ஸதி. அத² கோ² ப⁴க³வா பி⁴க்கூ² ஆமந்தேஸி –
‘‘இச்சா²மஹங், பி⁴க்க²வே, அத்³த⁴மாஸங் படிஸல்லீயிதுங். நம்ஹி கேனசி
உபஸங்கமிதப்³போ³, அஞ்ஞத்ர ஏகேன பிண்ட³பாதனீஹாரகேனா’’தி. ‘‘ஏவங்,
ப⁴ந்தே’’தி, கோ² தே பி⁴க்கூ² ப⁴க³வதோ படிஸ்ஸுணித்வா நாஸ்ஸுத⁴ கோசி
ப⁴க³வந்தங் உபஸங்கமதி, அஞ்ஞத்ர ஏகேன பிண்ட³பாதனீஹாரகேன. பி⁴க்கூ² –
‘‘ப⁴க³வா கோ² அனேகபரியாயேன அஸுப⁴கத²ங் கதே²தி, அஸுபா⁴ய வண்ணங் பா⁴ஸதி,
அஸுப⁴பா⁴வனாய வண்ணங் பா⁴ஸதி, ஆதி³ஸ்ஸ ஆதி³ஸ்ஸ அஸுப⁴ஸமாபத்தியா வண்ணங்
பா⁴ஸதீ’’தி (தே) [( ) (?) ஏவமுபரிபி ஈதி³ஸேஸு டா²னேஸு]
அனேகாகாரவோகாரங் அஸுப⁴பா⁴வனானுயோக³மனுயுத்தா விஹரந்தி. தே ஸகேன காயேன
அட்டீயந்தி ஹராயந்தி ஜிகு³ச்ச²ந்தி. ஸெய்யதா²பி நாம இத்தீ² வா புரிஸோ வா
த³ஹரோ யுவா மண்ட³னகஜாதிகோ ஸீஸங்ன்ஹாதோ அஹிகுணபேன வா குக்குரகுணபேன வா
மனுஸ்ஸகுணபேன வா கண்டே² ஆஸத்தேன அட்டீயெய்ய ஹராயெய்ய ஜிகு³ச்செ²ய்ய, ஏவமேவ
தே பி⁴க்கூ² ஸகேன காயேன அட்டீயந்தா ஹராயந்தா ஜிகு³ச்ச²ந்தா அத்தனாபி
அத்தானங் ஜீவிதா வோரோபெந்தி, அஞ்ஞமஞ்ஞம்பி ஜீவிதா வோரோபெந்தி,
மிக³லண்டி³கம்பி ஸமணகுத்தகங் உபஸங்கமித்வா ஏவங் வத³ந்தி – ‘‘ஸாது⁴ நோ, ஆவுஸோ, ஜீவிதா வோரோபேஹி .
இத³ங் தே பத்தசீவரங் ப⁴விஸ்ஸதீ’’தி. அத² கோ² மிக³லண்டி³கோ ஸமணகுத்தகோ
பத்தசீவரேஹி ப⁴டோ ஸம்ப³ஹுலே பி⁴க்கூ² ஜீவிதா வோரோபெத்வா லோஹிதகங் [லோஹிதக³தங் (க॰)] அஸிங் ஆதா³ய யேன வக்³க³முதா³ நதீ³ தேனுபஸங்கமி.
163.
அத² கோ² மிக³லண்டி³கஸ்ஸ ஸமணகுத்தகஸ்ஸ லோஹிதகங் தங் அஸிங் தோ⁴வந்தஸ்ஸ
அஹுதே³வ குக்குச்சங் அஹு விப்படிஸாரோ – ‘‘அலாபா⁴ வத மே, ந வத மே லாபா⁴;
து³ல்லத்³த⁴ங் வத மே, ந வத மே ஸுலத்³த⁴ங் . ப³ஹுங்
வத மயா அபுஞ்ஞங் பஸுதங், யோஹங் பி⁴க்கூ² ஸீலவந்தே கல்யாணத⁴ம்மே ஜீவிதா
வோரோபேஸி’’ந்தி. அத² கோ² அஞ்ஞதரா மாரகாயிகா தே³வதா அபி⁴ஜ்ஜமானே உத³கே
ஆக³ந்த்வா மிக³லண்டி³கங் ஸமணகுத்தகங் ஏதத³வோச – ‘‘ஸாது⁴ ஸாது⁴ ஸப்புரிஸ,
லாபா⁴ தே ஸப்புரிஸ, ஸுலத்³த⁴ங் தே ஸப்புரிஸ. ப³ஹுங் தயா ஸப்புரிஸ புஞ்ஞங்
பஸுதங், யங் த்வங் அதிண்ணே தாரேஸீ’’தி. அத² கோ² மிக³லண்டி³கோ ஸமணகுத்தகோ –
‘‘லாபா⁴ கிர மே, ஸுலத்³த⁴ங் கிர மே, ப³ஹுங் கிர மயா
புஞ்ஞங் பஸுதங், அதிண்ணோ கிராஹங் தாரேமீ’’தி திண்ஹங் அஸிங் ஆதா³ய விஹாரேன
விஹாரங் பரிவேணேன பரிவேணங் உபஸங்கமித்வா ஏவங் வதே³தி – ‘‘கோ அதிண்ணோ, கங்
தாரேமீ’’தி? தத்த² யே தே பி⁴க்கூ² அவீதராகா³ தேஸங் தஸ்மிங் ஸமயே ஹோதியேவ
ப⁴யங் ஹோதி ச²ம்பி⁴தத்தங் ஹோதி லோமஹங்ஸோ. யே பன தே பி⁴க்கூ² வீதராகா³ தேஸங்
தஸ்மிங் ஸமயே ந ஹோதி ப⁴யங் ந ஹோதி ச²ம்பி⁴தத்தங் ந
ஹோதி லோமஹங்ஸோ. அத² கோ² மிக³லண்டி³கோ ஸமணகுத்தகோ ஏகம்பி பி⁴க்கு²ங் ஏகாஹேன
ஜீவிதா வோரோபேஸி, த்³வேபி பி⁴க்கூ² ஏகாஹேன ஜீவிதா வோரோபேஸி, தயோபி
பி⁴க்கூ² ஏகாஹேன ஜீவிதா வோரோபேஸி, சத்தாரோபி பி⁴க்கூ² ஏகாஹேன ஜீவிதா
வோரோபேஸி, பஞ்சபி பி⁴க்கூ² ஏகாஹேன ஜீவிதா வோரோபேஸி, த³ஸபி பி⁴க்கூ² ஏகாஹேன
ஜீவிதா வோரோபேஸி, வீஸம்பி பி⁴க்கூ² ஏகாஹேன ஜீவிதா வோரோபேஸி, திங்ஸம்பி
பி⁴க்கூ² ஏகாஹேன ஜீவிதா வோரோபேஸி, சத்தாலீஸம்பி பி⁴க்கூ² ஏகாஹேன ஜீவிதா
வோரோபேஸி, பஞ்ஞாஸம்பி பி⁴க்கூ² ஏகாஹேன ஜீவிதா வோரோபேஸி, ஸட்டி²ம்பி
பி⁴க்கூ² ஏகாஹேன ஜீவிதா வோரோபேஸி.
164.
அத² கோ² ப⁴க³வா தஸ்ஸ அத்³த⁴மாஸஸ்ஸ அச்சயேன படிஸல்லானா வுட்டி²தோ
ஆயஸ்மந்தங் ஆனந்த³ங் ஆமந்தேஸி – ‘‘கிங் நு கோ², ஆனந்த³, தனுபூ⁴தோ விய
பி⁴க்கு²ஸங்கோ⁴’’தி? ‘‘ததா² ஹி பன, ப⁴ந்தே, ப⁴க³வா பி⁴க்கூ²னங்
அனேகபரியாயேன அஸுப⁴கத²ங் கதே²தி, அஸுபா⁴ய வண்ணங்
பா⁴ஸதி, அஸுப⁴பா⁴வனாய வண்ணங் பா⁴ஸதி, ஆதி³ஸ்ஸ ஆதி³ஸ்ஸ அஸுப⁴ஸமாபத்தியா
வண்ணங் பா⁴ஸதி. தே ச, ப⁴ந்தே, பி⁴க்கூ² – ‘ப⁴க³வா கோ² அனேகபரியாயேன
அஸுப⁴கத²ங் கதே²தி, அஸுபா⁴ய வண்ணங் பா⁴ஸதி, அஸுப⁴பா⁴வனாய வண்ணங் பா⁴ஸதி,
ஆதி³ஸ்ஸ ஆதி³ஸ்ஸ அஸுப⁴ஸமாபத்தியா வண்ணங் பா⁴ஸதீ’தி, தே அனேகாகாரவோகாரங்
அஸுப⁴பா⁴வனானுயோக³மனுயுத்தா விஹரந்தி. தே ஸகேன காயேன அட்டீயந்தி ஹராயந்தி
ஜிகு³ச்ச²ந்தி. ஸெய்யதா²பி நாம இத்தீ² வா புரிஸோ வா த³ஹரோ யுவா
மண்ட³னகஜாதிகோ ஸீஸங்ன்ஹாதோ அஹிகுணபேன வா
குக்குரகுணபேன வா மனுஸ்ஸகுணபேன வா கண்டே² ஆஸத்தேன அட்டீயெய்ய ஹராயெய்ய
ஜிகு³ச்செ²ய்ய, ஏவமேவ தே பி⁴க்கூ² ஸகேன காயேன அட்டீயந்தா
ஹராயந்தா ஜிகு³ச்ச²ந்தா அத்தனாபி அத்தானங் ஜீவிதா வோரோபெந்தி,
அஞ்ஞமஞ்ஞம்பி ஜீவிதா வோரோபெந்தி, மிக³லண்டி³கம்பி ஸமணகுத்தகங் உபஸங்கமித்வா
ஏவங் வத³ந்தி – ‘ஸாது⁴ நோ, ஆவுஸோ, ஜீவிதா வோரோபேஹி. இத³ங் தே பத்தசீவரங்
ப⁴விஸ்ஸதீ’தி. அத² கோ², ப⁴ந்தே, மிக³லண்டி³கோ ஸமணகுத்தகோ பத்தசீவரேஹி ப⁴டோ
ஏகம்பி பி⁴க்கு²ங் ஏகாஹேன ஜீவிதா வோரோபேஸி…பே॰… ஸட்டி²ம்பி பி⁴க்கூ² ஏகாஹேன
ஜீவிதா வோரோபேஸி. ஸாது⁴, ப⁴ந்தே, ப⁴க³வா அஞ்ஞங் பரியாயங் ஆசிக்க²து
யதா²யங் பி⁴க்கு²ஸங்கோ⁴ அஞ்ஞாய ஸண்ட²ஹெய்யா’’தி. ‘‘தேனஹானந்த³, யாவதிகா
பி⁴க்கூ² வேஸாலிங் உபனிஸ்ஸாய விஹரந்தி தே ஸப்³பே³ உபட்டா²னஸாலாயங்
ஸன்னிபாதேஹீ’’தி . ‘‘ஏவங், ப⁴ந்தே’’தி, கோ² ஆயஸ்மா
ஆனந்தோ³ ப⁴க³வதோ படிஸ்ஸுணித்வா யாவதிகா பி⁴க்கூ² வேஸாலிங் உபனிஸ்ஸாய
விஹரந்தி தே ஸப்³பே³ உபட்டா²னஸாலாயங் ஸன்னிபாதெத்வா யேன ப⁴க³வா
தேனுபஸங்கமி; உபஸங்கமித்வா ப⁴க³வந்தங் ஏதத³வோச – ‘‘ஸன்னிபதிதோ, ப⁴ந்தே
பி⁴க்கு²ஸங்கோ⁴; யஸ்ஸ தா³னி, ப⁴ந்தே, ப⁴க³வா காலங் மஞ்ஞதீ’’தி.
165.
அத² கோ² ப⁴க³வா யேன உபட்டா²னஸாலா தேனுபஸங்கமி; உபஸங்கமித்வா பஞ்ஞத்தே ஆஸனே
நிஸீதி³. நிஸஜ்ஜ கோ² ப⁴க³வா பி⁴க்கூ² ஆமந்தேஸி – ‘‘அயம்பி கோ², பி⁴க்க²வே,
ஆனாபானஸ்ஸதிஸமாதி⁴ பா⁴விதோ ப³ஹுலீகதோ ஸந்தோ சேவ பணீதோ ச அஸேசனகோ ச ஸுகோ² ச
விஹாரோ உப்பன்னுப்பன்னே ச பாபகே அகுஸலே த⁴ம்மே டா²னஸோ அந்தரதா⁴பேதி வூபஸமேதி. ஸெய்யதா²பி, பி⁴க்க²வே, கி³ம்ஹானங் பச்சி²மே மாஸே உஹதங் [ஊஹதங் (க॰)] ரஜோஜல்லங் தமேனங்
மஹா அகாலமேகோ⁴ டா²னஸோ அந்தரதா⁴பேதி வூபஸமேதி, ஏவமேவ கோ², பி⁴க்க²வே,
ஆனாபானஸ்ஸதிஸமாதி⁴ பா⁴விதோ ப³ஹுலீகதோ ஸந்தோ சேவ பணீதோ ச அஸேசனகோ ச ஸுகோ² ச
விஹாரோ உப்பன்னுப்பன்னே ச பாபகே அகுஸலே த⁴ம்மே டா²னஸோ அந்தரதா⁴பேதி
வூபஸமேதி. கத²ங் பா⁴விதோ ச, பி⁴க்க²வே, ஆனாபானஸ்ஸதிஸமாதி⁴ கத²ங் ப³ஹுலீகதோ
ஸந்தோ சேவ பணீதோ ச அஸேசனகோ ச ஸுகோ² ச விஹாரோ உப்பன்னுப்பன்னே ச பாபகே
அகுஸலே த⁴ம்மே டா²னஸோ அந்தரதா⁴பேதி வூபஸமேதி? இத⁴, பி⁴க்க²வே, பி⁴க்கு²
அரஞ்ஞக³தோ வா ருக்க²மூலக³தோ வா ஸுஞ்ஞாகா³ரக³தோ வா நிஸீத³தி பல்லங்கங்
ஆபு⁴ஜித்வா உஜுங் காயங் பணிதா⁴ய பரிமுக²ங் ஸதிங் உபட்ட²பெத்வா. ஸோ ஸதோவ
அஸ்ஸஸதி ஸதோ பஸ்ஸஸதி. தீ³க⁴ங் வா அஸ்ஸஸந்தோ தீ³க⁴ங் அஸ்ஸஸாமீதி பஜானாதி,
தீ³க⁴ங் வா பஸ்ஸஸந்தோ தீ³க⁴ங் பஸ்ஸஸாமீதி பஜானாதி. ரஸ்ஸங் வா அஸ்ஸஸந்தோ
ரஸ்ஸங் அஸ்ஸஸாமீதி பஜானாதி, ரஸ்ஸங் வா பஸ்ஸஸந்தோ ரஸ்ஸங் பஸ்ஸஸாமீதி
பஜானாதி. ஸப்³ப³காயப்படிஸங்வேதீ³ அஸ்ஸஸிஸ்ஸாமீதி ஸிக்க²தி.
ஸப்³ப³காயப்படிஸங்வேதீ³ பஸ்ஸஸிஸ்ஸாமீதி ஸிக்க²தி.
பஸ்ஸம்ப⁴யங் காயஸங்கா²ரங் அஸ்ஸஸிஸ்ஸாமீதி ஸிக்க²தி. பஸ்ஸம்ப⁴யங்
காயஸங்கா²ரங் பஸ்ஸஸிஸ்ஸாமீதி ஸிக்க²தி. பீதிப்படிஸங்வேதீ³ அஸ்ஸஸிஸ்ஸாமீதி
ஸிக்க²தி. பீதிப்படிஸங்வேதீ³ பஸ்ஸஸிஸ்ஸாமீதி ஸிக்க²தி. ஸுக²ப்படிஸங்வேதீ³
அஸ்ஸஸிஸ்ஸாமீதி ஸிக்க²தி. ஸுக²ப்படிஸங்வேதீ³ பஸ்ஸஸிஸ்ஸாமீதி ஸிக்க²தி.
சித்தஸங்கா²ரப்படிஸங்வேதீ³ அஸ்ஸஸிஸ்ஸாமீதி
ஸிக்க²தி. சித்தஸங்கா²ரப்படிஸங்வேதீ³ பஸ்ஸஸிஸ்ஸாமீதி ஸிக்க²தி. பஸ்ஸம்ப⁴யங்
சித்தஸங்கா²ரங் அஸ்ஸஸிஸ்ஸாமீதி ஸிக்க²தி. பஸ்ஸம்ப⁴யங் சித்தஸங்கா²ரங்
பஸ்ஸஸிஸ்ஸாமீதி ஸிக்க²தி. சித்தப்படிஸங்வேதீ³ அஸ்ஸஸிஸ்ஸாமீதி ஸிக்க²தி.
சித்தப்படிஸங்வேதீ³ பஸ்ஸஸிஸ்ஸாமீதி ஸிக்க²தி. அபி⁴ப்பமோத³யங் சித்தங்…பே॰…
ஸமாத³ஹங் சித்தங்…பே॰… விமோசயங் சித்தங்…பே॰… அனிச்சானுபஸ்ஸீ…பே॰…
விராகா³னுபஸ்ஸீ…பே॰… நிரோதா⁴னுபஸ்ஸீ…பே॰… படினிஸ்ஸக்³கா³னுபஸ்ஸீ
அஸ்ஸஸிஸ்ஸாமீதி ஸிக்க²தி. படினிஸ்ஸக்³கா³னுபஸ்ஸீ பஸ்ஸஸிஸ்ஸாமீதி ஸிக்க²தி.
ஏவங் பா⁴விதோ கோ², பி⁴க்க²வே, ஆனாபானஸ்ஸதிஸமாதி⁴ ஏவங் ப³ஹுலீகதோ ஸந்தோ சேவ
பணீதோ ச அஸேசனகோ ச ஸுகோ² ச விஹாரோ உப்பன்னுப்பன்னே ச பாபகே அகுஸலே த⁴ம்மே
டா²னஸோ அந்தரதா⁴பேதி வூபஸமேதீ’’தி.
166.
அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங்
ஸன்னிபாதாபெத்வா பி⁴க்கூ² படிபுச்சி² – ‘‘ஸச்சங் கிர, பி⁴க்க²வே, பி⁴க்கூ²
அத்தனாபி அத்தானங் ஜீவிதா வோரோபெந்தி, அஞ்ஞமஞ்ஞம்பி ஜீவிதா வோரோபெந்தி
மிக³லண்டி³கம்பி ஸமணகுத்தகங் உபஸங்கமித்வா ஏவங் வத³ந்தி – ‘ஸாது⁴ நோ, ஆவுஸோ ,
ஜீவிதா வோரோபேஹி, இத³ங் தே பத்தசீவரங் ப⁴விஸ்ஸதீ’’’தி? ‘‘ஸச்சங்,
ப⁴க³வா’’தி. விக³ரஹி பு³த்³தோ⁴ ப⁴க³வா – ‘‘அனநுச்ச²விகங், பி⁴க்க²வே, தேஸங்
பி⁴க்கூ²னங் அனநுலோமிகங் அப்படிரூபங் அஸ்ஸாமணகங் அகப்பியங் அகரணீயங்.
கத²ஞ்ஹி நாம தே, பி⁴க்க²வே, பி⁴க்கூ² அத்தனாபி அத்தானங் ஜீவிதா
வோரோபெஸ்ஸந்தி, அஞ்ஞமஞ்ஞம்பி ஜீவிதா வோரோபெஸ்ஸந்தி, மிக³லண்டி³கம்பி
ஸமணகுத்தகங் உபஸங்கமித்வா ஏவங் வக்க²ந்தி – ‘ஸாது⁴ நோ, ஆவுஸோ, ஜீவிதா
வோரோபேஹி, இத³ங் தே பத்தசீவரங் ப⁴விஸ்ஸதீ’தி. நேதங், பி⁴க்க²வே,
அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங்
உத்³தி³ஸெய்யாத² –
167. ‘‘யோ பன பி⁴க்கு² ஸஞ்சிச்ச மனுஸ்ஸவிக்³க³ஹங் ஜீவிதா வோரோபெய்ய ஸத்த²ஹாரகங் வாஸ்ஸ பரியேஸெய்ய, அயம்பி பாராஜிகோ ஹோதி அஸங்வாஸோ’’தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
168.
தேன கோ² பன ஸமயேன அஞ்ஞதரோ உபாஸகோ கி³லானோ ஹோதி. தஸ்ஸ பஜாபதி அபி⁴ரூபா ஹோதி
த³ஸ்ஸனீயா பாஸாதி³கா. ச²ப்³ப³க்³கி³யா பி⁴க்கூ² தஸ்ஸா இத்தி²யா
படிப³த்³த⁴சித்தா ஹொந்தி. அத² கோ² ச²ப்³ப³க்³கி³யானங் பி⁴க்கூ²னங் ஏதத³ஹோஸி
– ‘‘ஸசே கோ² ஸோ, ஆவுஸோ , உபாஸகோ ஜீவிஸ்ஸதி ந மயங்
தங் இத்தி²ங் லபி⁴ஸ்ஸாம. ஹந்த³ மயங், ஆவுஸோ, தஸ்ஸ உபாஸகஸ்ஸ மரணவண்ணங்
ஸங்வண்ணேமா’’தி. அத² கோ² ச²ப்³ப³க்³கி³யா பி⁴க்கூ² யேன ஸோ உபாஸகோ
தேனுபஸங்கமிங்ஸு; உபஸங்கமித்வா தங் உபாஸகங் ஏதத³வோசுங் – ‘‘த்வங் கோ²ஸி,
உபாஸக, கதகல்யாணோ கதகுஸலோ கதபீ⁴ருத்தாணோ அகதபாபோ அகதலுத்³தோ³
அகதகிப்³பி³ஸோ. கதங் தயா கல்யாணங், அகதங் தயா பாபங் .
கிங் துய்ஹிமினா பாபகேன து³ஜ்ஜீவிதேன! மதங் தே ஜீவிதா ஸெய்யோ. இதோ த்வங்
காலங்கதோ காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜிஸ்ஸஸி.
தத்த² தி³ப்³பே³ஹி பஞ்சஹி காமகு³ணேஹி ஸமப்பிதோ ஸமங்கீ³பூ⁴தோ
பரிசாரெஸ்ஸஸீ’’தி.
169.
அத² கோ² ஸோ உபாஸகோ – ‘‘ஸச்சங் கோ² அய்யா ஆஹங்ஸு. அஹஞ்ஹி கதகல்யாணோ கதகுஸலோ
கதபீ⁴ருத்தாணோ அகதபாபோ அகதலுத்³தோ³ அகதகிப்³பி³ஸோ. கதங் மயா கல்யாணங்,
அகதங் மயா பாபங் . கிங் மய்ஹிமினா பாபகேன
து³ஜ்ஜீவிதேன! மதங் மே ஜீவிதா ஸெய்யோ. இதோ அஹங் காலங்கதோ காயஸ்ஸ பே⁴தா³
பரங் மரணா ஸுக³திங் ஸக்³க³ங் லோகங் உபபஜ்ஜிஸ்ஸாமி. தத்த² தி³ப்³பே³ஹி
பஞ்சஹி காமகு³ணேஹி ஸமப்பிதோ ஸமங்கீ³பூ⁴தோ பரிசாரெஸ்ஸாமீ’’தி, ஸோ அஸப்பாயானி
சேவ போ⁴ஜனானி பு⁴ஞ்ஜி அஸப்பாயானி ச கா²த³னீயானி கா²தி³ அஸப்பாயானி ச
ஸாயனீயானி ஸாயி அஸப்பாயானி ச பானானி பிவி. தஸ்ஸ அஸப்பாயானி சேவ போ⁴ஜனானி
பு⁴ஞ்ஜதோ அஸப்பாயானி ச கா²த³னீயானி கா²த³தோ அஸப்பாயானி ச ஸாயனீயானி ஸாயதோ
அஸப்பாயானி ச பானானி பிவதோ க²ரோ ஆபா³தோ⁴ உப்பஜ்ஜி. ஸோ தேனேவ ஆபா³தே⁴ன
காலமகாஸி. தஸ்ஸ பஜாபதி உஜ்ஜா²யதி கி²ய்யதி விபாசேதி – ‘‘அலஜ்ஜினோ இமே ஸமணா
ஸக்யபுத்தியா து³ஸ்ஸீலா முஸாவாதி³னோ. இமே ஹி நாம த⁴ம்மசாரினோ ஸமசாரினோ
ப்³ரஹ்மசாரினோ ஸச்சவாதி³னோ ஸீலவந்தோ கல்யாணத⁴ம்மா படிஜானிஸ்ஸந்தி! நத்தி²
இமேஸங் ஸாமஞ்ஞங் நத்தி² இமேஸங் ப்³ரஹ்மஞ்ஞங், நட்ட²ங் இமேஸங் ஸாமஞ்ஞங்
நட்ட²ங் இமேஸங் ப்³ரஹ்மஞ்ஞங், குதோ இமேஸங் ஸாமஞ்ஞங்
குதோ இமேஸங் ப்³ரஹ்மஞ்ஞங், அபக³தா இமே ஸாமஞ்ஞா அபக³தா இமே ப்³ரஹ்மஞ்ஞா.
இமே மே ஸாமிகஸ்ஸ மரணவண்ணங் ஸங்வண்ணேஸுங். இமேஹி மே ஸாமிகோ மாரிதோ’’தி.
அஞ்ஞேபி மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘அலஜ்ஜினோ இமே ஸமணா
ஸக்யபுத்தியா து³ஸ்ஸீலா முஸாவாதி³னோ. இமே ஹி நாம த⁴ம்மசாரினோ ஸமசாரினோ
ப்³ரஹ்மசாரினோ ஸச்சவாதி³னோ ஸீலவந்தோ கல்யாணத⁴ம்மா படிஜானிஸ்ஸந்தி! நத்தி²
இமேஸங் ஸாமஞ்ஞங் நத்தி² இமேஸங் ப்³ரஹ்மஞ்ஞங், நட்ட²ங் இமேஸங் ஸாமஞ்ஞங்
நட்ட²ங் இமேஸங் ப்³ரஹ்மஞ்ஞங், குதோ இமேஸங் ஸாமஞ்ஞங் குதோ இமேஸங்
ப்³ரஹ்மஞ்ஞங், அபக³தா இமே ஸாமஞ்ஞா அபக³தா இமே ப்³ரஹ்மஞ்ஞா. இமே உபாஸகஸ்ஸ
மரணவண்ணங் ஸங்வண்ணேஸுங். இமேஹி உபாஸகோ மாரிதோ’’தி. அஸ்ஸோஸுங் கோ² பி⁴க்கூ²
தேஸங் மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். யே தே
பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி –
‘‘கத²ஞ்ஹி நாம ச²ப்³ப³க்³கி³யா பி⁴க்கூ² உபாஸகஸ்ஸ மரணவண்ணங்
ஸங்வண்ணிஸ்ஸந்தீ’’தி!
170. அத² கோ² தே பி⁴க்கூ² ச²ப்³ப³க்³கி³யே பி⁴க்கூ² அனேகபரியாயேன விக³ரஹித்வா ப⁴க³வதோ
ஏதமத்த²ங் ஆரோசேஸுங்…பே॰… ‘‘ஸச்சங் கிர தும்ஹே, பி⁴க்க²வே, உபாஸகஸ்ஸ
மரணவண்ணங் ஸங்வண்ணேதா²’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴
ப⁴க³வா – ‘‘அனநுச்ச²விகங், மோக⁴புரிஸா, அனநுலோமிகங் அப்படிரூபங் அஸ்ஸாமணகங்
அகப்பியங் அகரணீயங். கத²ஞ்ஹி நாம தும்ஹே, மோக⁴புரிஸா, உபாஸகஸ்ஸ
மரணவண்ணங் ஸங்வண்ணிஸ்ஸத²! நேதங், மோக⁴புரிஸா, அப்பஸன்னானங் வா
பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
171. ‘‘யோ
பன பி⁴க்கு² ஸஞ்சிச்ச மனுஸ்ஸவிக்³க³ஹங் ஜீவிதா வோரோபெய்ய ஸத்த²ஹாரகங்
வாஸ்ஸ பரியேஸெய்ய மரணவண்ணங் வா ஸங்வண்ணெய்ய மரணாய வா ஸமாத³பெய்ய – ‘அம்போ⁴
புரிஸ, கிங் துய்ஹிமினா பாபகேன து³ஜ்ஜீவிதேன, மதங் தே ஜீவிதா ஸெய்யோ’தி,
இதி சித்தமனோ சித்தஸங்கப்போ அனேகபரியாயேன மரணவண்ணங் வா ஸங்வண்ணெய்ய, மரணாய
வா ஸமாத³பெய்ய, அயம்பி பாராஜிகோ ஹோதி அஸங்வாஸோ’’தி.
172. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
ஸஞ்சிச்சாதி ஜானந்தோ ஸஞ்ஜானந்தோ சேச்ச அபி⁴விதரித்வா வீதிக்கமோ.
மனுஸ்ஸவிக்³க³ஹோ நாம யங் மாதுகுச்சி²ஸ்மிங் பட²மங் சித்தங் உப்பன்னங் பட²மங் விஞ்ஞாணங் பாதுபூ⁴தங், யாவ மரணகாலா எத்த²ந்தரே ஏஸோ மனுஸ்ஸவிக்³க³ஹோ நாம.
ஜீவிதா வோரோபெய்யாதி ஜீவிதிந்த்³ரியங் உபச்சி²ந்த³தி உபரோதே⁴தி ஸந்ததிங் விகோபேதி.
ஸத்த²ஹாரகங் வாஸ்ஸ பரியேஸெய்யாதி அஸிங் வா ஸத்திங் வா பெ⁴ண்டி³ங் வா [பெ⁴ந்தி³ங் வா (க॰)] லகு³ளங் வா [ஸூலங்வா லகு³ளங்வா (ஸ்யா॰)] பாஸாணங் வா ஸத்த²ங் வா விஸங் வா ரஜ்ஜுங் வா.
மரணவண்ணங் வா ஸங்வண்ணெய்யாதி ஜீவிதே ஆதீ³னவங் த³ஸ்ஸேதி, மரணே வண்ணங் ப⁴ணதி.
மரணாய வா ஸமாத³பெய்யாதி ஸத்த²ங் வா ஆஹர, விஸங் வா கா²த³, ரஜ்ஜுயா வா உப்³ப³ந்தி⁴த்வா காலங்கரோஹீதி.
அம்போ⁴ புரிஸாதி ஆலபனாதி⁴வசனமேதங்.
கிங் துய்ஹிமினா பாபகேன து³ஜ்ஜீவிதேனாதி
பாபகங் நாம ஜீவிதங் அட்³டா⁴னங் ஜீவிதங் உபாதா³ய த³லித்³தா³னங் ஜீவிதங்
பாபகங் லாமகங், ஸத⁴னானங் ஜீவிதங் உபாதா³ய அத⁴னானங் ஜீவிதங் பாபகங்,
தே³வானங் ஜீவிதங் உபாதா³ய மனுஸ்ஸானங் ஜீவிதங் பாபகங் .
து³ஜ்ஜீவிதங் நாம
ஹத்த²ச்சி²ன்னஸ்ஸ பாத³ச்சி²ன்னஸ்ஸ ஹத்த²பாத³ச்சி²ன்னஸ்ஸ கண்ணச்சி²ன்னஸ்ஸ
நாஸச்சி²ன்னஸ்ஸ கண்ணனாஸச்சி²ன்னஸ்ஸ, இமினா ச பாபகேன இமினா ச து³ஜ்ஜீவிதேன
மதங் தே ஜீவிதா ஸெய்யோதி.
இதி சித்தமனோதி யங் சித்தங் தங் மனோ, யங் மனோ தங் சித்தங்.
சித்தஸங்கப்போதி மரணஸஞ்ஞீ மரணசேதனோ மரணாதி⁴ப்பாயோ.
அனேகபரியாயேனாதி உச்சாவசேஹி ஆகாரேஹி.
மரணவண்ணங் வா ஸங்வண்ணெய்யாதி
ஜீவிதே ஆதீ³னவங் த³ஸ்ஸேதி, மரணே வண்ணங் ப⁴ணதி – ‘‘இதோ த்வங் காலங்கதோ
காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜிஸ்ஸஸி, தத்த²
தி³ப்³பே³ஹி பஞ்சஹி காமகு³ணேஹி ஸமப்பிதோ ஸமங்கீ³பூ⁴தோ பரிசாரெஸ்ஸஸீ’’தி.
மரணாய வா ஸமாத³பெய்யாதி ஸத்த²ங் வா ஆஹர, விஸங் வா கா²த³, ரஜ்ஜுயா வா உப்³ப³ந்தி⁴த்வா காலங்கரோஹி, ஸொப்³பே⁴ வா நரகே வா பபாதே வா பபதாதி.
அயம்பீதி புரிமே உபாதா³ய வுச்சதி.
பாராஜிகோ ஹோதீதி ஸெய்யதா²பி நாம புது²ஸிலா த்³விதா⁴ பி⁴ன்னா [த்³வேதா⁴ பி⁴ன்னா (ஸ்யா॰)]
அப்படிஸந்தி⁴கா ஹோதி, ஏவமேவ பி⁴க்கு² ஸஞ்சிச்ச மனுஸ்ஸவிக்³க³ஹங் ஜீவிதா
வோரோபெத்வா அஸ்ஸமணோ ஹோதி அஸக்யபுத்தியோ. தேன வுச்சதி – ‘பாராஜிகோ ஹோதீ’தி.
அஸங்வாஸோதி ஸங்வாஸோ நாம ஏககம்மங் ஏகுத்³தே³ஸோ ஸமஸிக்க²தா – ஏஸோ ஸங்வாஸோ நாம. ஸோ தேன ஸத்³தி⁴ங் நத்தி², தேன வுச்சதி அஸங்வாஸோதி.
173.
ஸாமங், அதி⁴ட்டா²ய, தூ³தேன, தூ³தபரங்பராய, விஸக்கியேன தூ³தேன,
க³தபச்சாக³தேன தூ³தேன, அரஹோ ரஹோஸஞ்ஞீ, ரஹோ அரஹோஸஞ்ஞீ, அரஹோ அரஹோஸஞ்ஞீ, ரஹோ
ரஹோஸஞ்ஞீ காயேன ஸங்வண்ணேதி, வாசாய ஸங்வண்ணேதி, காயேன வாசாய ஸங்வண்ணேதி,
தூ³தேன ஸங்வண்ணேதி, லேகா²ய ஸங்வண்ணேதி, ஓபாதங் அபஸ்ஸேனங், உபனிக்கி²பனங்,
பே⁴ஸஜ்ஜங், ரூபூபஹாரோ, ஸத்³தூ³பஹாரோ, க³ந்தூ⁴பஹாரோ, ரஸூபஹாரோ,
பொ²ட்ட²ப்³பூ³பஹாரோ, த⁴ம்மூபஹாரோ, ஆசிக்க²னா, அனுஸாஸனீ, ஸங்கேதகம்மங்,
நிமித்தகம்மந்தி.
174. ஸாமந்தி ஸயங் ஹனதி காயேன வா காயபடிப³த்³தே⁴ன வா நிஸ்ஸக்³கி³யேன வா.
அதி⁴ட்டா²யாதி அதி⁴ட்ட²ஹித்வா ஆணாபேதி – ‘‘ஏவங் விஜ்ஜ², ஏவங் பஹர, ஏவங் கா⁴தேஹீ’’தி.
பி⁴க்கு² பி⁴க்கு²ங் ஆணாபேதி –
‘‘இத்த²ன்னாமங் ஜீவிதா வோரோபேஹீ’’தி, ஆபத்தி து³க்கடஸ்ஸ. ஸோ தங் மஞ்ஞமானோ
தங் ஜீவிதா வோரோபேதி, ஆபத்தி உபி⁴ன்னங் பாராஜிகஸ்ஸ.
பி⁴க்கு² பி⁴க்கு²ங் ஆணாபேதி – ‘‘இத்த²ன்னாமங் ஜீவிதா
வோரோபேஹீ’’தி, ஆபத்தி து³க்கடஸ்ஸ. ஸோ தங் மஞ்ஞமானோ அஞ்ஞங் ஜீவிதா
வோரோபெத்தி, மூலட்ட²ஸ்ஸ அனாபத்தி. வத⁴கஸ்ஸ ஆபத்தி பாராஜிகஸ்ஸ.
பி⁴க்கு² பி⁴க்கு²ங் ஆணாபேதி – ‘‘இத்த²ன்னாமங் ஜீவிதா
வோரோபேஹீ’’தி, ஆபத்தி து³க்கடஸ்ஸ. ஸோ அஞ்ஞங் மஞ்ஞமானோ தங் ஜீவிதா வோரோபேதி,
ஆபத்தி உபி⁴ன்னங் பாராஜிகஸ்ஸ.
பி⁴க்கு² பி⁴க்கு²ங் ஆணாபேதி –
‘‘இத்த²ன்னாமங் ஜீவிதா வோரோபேஹீ’’தி, ஆபத்தி து³க்கடஸ்ஸ. ஸோ அஞ்ஞங்
மஞ்ஞமானோ அஞ்ஞங் ஜீவிதா வோரோபேதி; மூலட்ட²ஸ்ஸ அனாபத்தி, வத⁴கஸ்ஸ ஆபத்தி
பாராஜிகஸ்ஸ.
பி⁴க்கு² பி⁴க்கு²ங் ஆணாபேதி – ‘‘இத்த²ன்னாமஸ்ஸ பாவத³ – ‘இத்த²ன்னாமோ இத்த²ன்னாமஸ்ஸ பாவத³து
– இத்த²ன்னாமோ இத்த²ன்னாமங் ஜீவிதா வோரோபேதூ’’’தி, ஆபத்தி து³க்கடஸ்ஸ. ஸோ
இதரஸ்ஸ ஆரோசேதி, ஆபத்தி து³க்கடஸ்ஸ. வத⁴கோ படிக்³க³ண்ஹாதி, மூலட்ட²ஸ்ஸ
ஆபத்தி து²ல்லச்சயஸ்ஸ. ஸோ தங் ஜீவிதா வோரோபேதி, ஆபத்தி ஸப்³பே³ஸங்
பாராஜிகஸ்ஸ.
பி⁴க்கு² பி⁴க்கு²ங் ஆணாபேதி – ‘‘இத்த²ன்னாமஸ்ஸ பாவத³ –
‘இத்த²ன்னாமோ இத்த²ன்னாமஸ்ஸ பாவத³து – இத்த²ன்னாமோ இத்த²ன்னாமங் ஜீவிதா
வோரோபேதூ’’’தி, ஆபத்தி து³க்கடஸ்ஸ. ஸோ அஞ்ஞங் ஆணாபேதி, ஆபத்தி து³க்கடஸ்ஸ.
வத⁴கோ படிக்³க³ண்ஹாதி, ஆபத்தி து³க்கடஸ்ஸ. ஸோ தங் ஜீவிதா வோரோபேதி,
மூலட்ட²ஸ்ஸ அனாபத்தி; ஆணாபகஸ்ஸ ச வத⁴கஸ்ஸ ச ஆபத்தி பாராஜிகஸ்ஸ.
பி⁴க்கு² பி⁴க்கு²ங் ஆணாபேதி – ‘‘இத்த²ன்னாமங் ஜீவிதா
வோரோபேஹீ’’தி, ஆபத்தி து³க்கடஸ்ஸ. ஸோ க³ந்த்வா புன பச்சாக³ச்ச²தி – ‘‘நாஹங்
ஸக்கோமி தங் ஜீவிதா வோரோபேது’’ந்தி. ஸோ புன ஆணாபேதி – ‘‘யதா³ ஸக்கோஸி ததா³
தங் ஜீவிதா வோரோபேஹீ’’தி, ஆபத்தி து³க்கடஸ்ஸ. ஸோ தங் ஜீவிதா வோரோபேதி,
ஆபத்தி உபி⁴ன்னங் பாராஜிகஸ்ஸ.
பி⁴க்கு² பி⁴க்கு²ங் ஆணாபேதி – ‘‘இத்த²ன்னாமங் ஜீவிதா வோரோபேஹீ’’தி, ஆபத்தி து³க்கடஸ்ஸ. ஸோ ஆணாபெத்வா விப்படிஸாரீ ந ஸாவேதி – ‘‘மா கா⁴தேஹீ’’தி. ஸோ தங் ஜீவிதா வோரோபேதி, ஆபத்தி உபி⁴ன்னங் பாராஜிகஸ்ஸ.
பி⁴க்கு² பி⁴க்கு²ங் ஆணாபேதி – ‘‘இத்த²ன்னாமங் ஜீவிதா
வோரோபேஹீ’’தி, ஆபத்தி து³க்கடஸ்ஸ. ஸோ ஆணாபெத்வா விப்படிஸாரீ ஸாவேதி – ‘‘மா
கா⁴தேஹீ’’தி. ஸோ – ‘‘ஆணத்தோ அஹங் தயா’’தி தங் ஜீவிதா வோரோபேதி, மூலட்ட²ஸ்ஸ
அனாபத்தி. வத⁴கஸ்ஸ ஆபத்தி பாராஜிகஸ்ஸ.
பி⁴க்கு² பி⁴க்கு²ங் ஆணாபேதி – ‘‘இத்த²ன்னாமங் ஜீவிதா
வோரோபேஹீ’’தி, ஆபத்தி து³க்கடஸ்ஸ. ஸோ ஆணாபெத்வா விப்படிஸாரீ ஸாவேதி – ‘‘மா
கா⁴தேஹீ’’தி. ஸோ ஸாதூ⁴தி ஓரமதி, உபி⁴ன்னங் அனாபத்தி.
175. அரஹோ ரஹோஸஞ்ஞீ உல்லபதி – ‘‘அஹோ இத்த²ன்னாமோ ஹதோ அஸ்ஸா’’தி, ஆபத்தி து³க்கடஸ்ஸ. ரஹோ அரஹோஸஞ்ஞீ உல்லபதி – ‘‘அஹோ இத்த²ன்னாமோ ஹதோ அஸ்ஸா’’தி, ஆபத்தி து³க்கடஸ்ஸ. அரஹோ அரஹோஸஞ்ஞீ உல்லபதி – ‘‘அஹோ இத்த²ன்னாமோ ஹதோ அஸ்ஸா’’தி, ஆபத்தி து³க்கடஸ்ஸ . ரஹோ ரஹோஸஞ்ஞீ உல்லபதி – ‘‘அஹோ இத்த²ன்னாமோ ஹதோ அஸ்ஸா’’தி, ஆபத்தி து³க்கடஸ்ஸ.
காயேன ஸங்வண்ணேதி நாம காயேன
விகாரங் கரோதி – ‘‘யோ ஏவங் மரதி ஸோ த⁴னங் வா லப⁴தி யஸங் வா லப⁴தி ஸக்³க³ங்
வா க³ச்ச²தீ’’தி, ஆபத்தி து³க்கடஸ்ஸ. தாய ஸங்வண்ணனாய மரிஸ்ஸாமீதி து³க்க²ங்
வேத³னங் உப்பாதே³தி, ஆபத்தி து²ல்லச்சயஸ்ஸ. மரதி, ஆபத்தி பாராஜிகஸ்ஸ.
வாசாய ஸங்வண்ணேதி நாம வாசாய ப⁴ணதி – ‘‘யோ ஏவங் மரதி ஸோ த⁴னங்
வா லப⁴தி யஸங் வா லப⁴தி ஸக்³க³ங் வா க³ச்ச²தீ’’தி, ஆபத்தி து³க்கடஸ்ஸ. தாய
ஸங்வண்ணனாய மரிஸ்ஸாமீதி து³க்க²ங் வேத³னங் உப்பாதே³தி, ஆபத்தி
து²ல்லச்சயஸ்ஸ. மரதி, ஆபத்தி பாராஜிகஸ்ஸ.
காயேன வாசாய ஸங்வண்ணேதி நாம
காயேன ச விகாரங் கரோதி, வாசாய ச ப⁴ணதி – ‘‘யோ ஏவங் மரதி ஸோ த⁴னங் வா லப⁴தி
யஸங் வா லப⁴தி ஸக்³க³ங் வா க³ச்ச²தீ’’தி, ஆபத்தி து³க்கடஸ்ஸ. தாய
ஸங்வண்ணனாய மரிஸ்ஸாமீதி து³க்க²ங் வேத³னங் உப்பாதே³தி, ஆபத்தி
து²ல்லச்சயஸ்ஸ. மரதி, ஆபத்தி பாராஜிகஸ்ஸ.
தூ³தேன ஸங்வண்ணேதி நாம
தூ³தஸ்ஸ ஸாஸனங் ஆரோசேதி – ‘‘யோ ஏவங் மரதி ஸோ த⁴னங் வா லப⁴தி யஸங் வா லப⁴தி
ஸக்³க³ங் வா க³ச்ச²தீ’’தி, ஆபத்தி து³க்கடஸ்ஸ. தூ³தஸ்ஸ ஸாஸனங் ஸுத்வா
மரிஸ்ஸாமீதி து³க்க²ங் வேத³னங் உப்பாதே³தி, ஆபத்தி து²ல்லச்சயஸ்ஸ. மரதி,
ஆபத்தி பாராஜிகஸ்ஸ.
176. லேகா²ய ஸங்வண்ணேதி
நாம லேக²ங் சி²ந்த³தி – ‘‘யோ ஏவங் மரதி ஸோ த⁴னங் வா லப⁴தி யஸங் வா லப⁴தி
ஸக்³க³ங் வா க³ச்ச²தீ’’தி, அக்க²ரக்க²ராய ஆபத்தி து³க்கடஸ்ஸ. லேக²ங்
பஸ்ஸித்வா மரிஸ்ஸாமீதி து³க்க²ங் வேத³னங் உப்பாதே³தி, ஆபத்தி
து²ல்லச்சயஸ்ஸ. மரதி, ஆபத்தி பாராஜிகஸ்ஸ.
ஓபாதங் நாம மனுஸ்ஸங் உத்³தி³ஸ்ஸ ஓபாதங் க²னதி – ‘‘பபதித்வா மரிஸ்ஸதீ’’தி, ஆபத்தி து³க்கடஸ்ஸ. பபதிதே து³க்கா² வேத³னா உப்பஜ்ஜதி, ஆபத்தி து²ல்லச்சயஸ்ஸ. மரதி, ஆபத்தி பாராஜிகஸ்ஸ. அனோதி³ஸ்ஸ ஓபாதங் க²னதி – ‘‘யோ கோசி பபதித்வா மரிஸ்ஸதீ’’தி, ஆபத்தி து³க்கடஸ்ஸ. மனுஸ்ஸோ தஸ்மிங் பபததி, ஆபத்தி து³க்கடஸ்ஸ. பபதிதே து³க்கா² வேத³னா உப்பஜ்ஜதி ,
ஆபத்தி து²ல்லச்சயஸ்ஸ. மரதி, ஆபத்தி பாராஜிகஸ்ஸ. யக்கோ² வா பேதோ வா
திரச்சா²னக³தமனுஸ்ஸவிக்³க³ஹோ வா தஸ்மிங் பபததி, ஆபத்தி து³க்கடஸ்ஸ. பபதிதே
து³க்கா² வேத³னா உப்பஜ்ஜதி, ஆபத்தி து³க்கடஸ்ஸ. மரதி, ஆபத்தி
து²ல்லச்சயஸ்ஸ. திரச்சா²னக³தோ தஸ்மிங் பபததி, ஆபத்தி து³க்கடஸ்ஸ. பபதிதே
து³க்கா² வேத³னா உப்பஜ்ஜதி, ஆபத்தி து³க்கடஸ்ஸ. மரதி, ஆபத்தி பாசித்தியஸ்ஸ.
177. அபஸ்ஸேனங்
நாம அபஸ்ஸேனே ஸத்த²ங் வா ட²பேதி விஸேன வா மக்கே²தி து³ப்³ப³லங் வா கரோதி
ஸொப்³பே⁴ வா நரகே வா பபாதே வா ட²பேதி – ‘‘பபதித்வா மரிஸ்ஸதீ’’தி, ஆபத்தி
து³க்கடஸ்ஸ. ஸத்தே²ன வா விஸேன வா பபதிதேன வா து³க்கா² வேத³னா உப்பஜ்ஜதி,
ஆபத்தி து²ல்லச்சயஸ்ஸ. மரதி , ஆபத்தி பாராஜிகஸ்ஸ.
உபனிக்கி²பனங் நாம அஸிங் வா
ஸத்திங் வா பெ⁴ண்டி³ங் வா லகு³ளங் வா பாஸாணங் வா ஸத்த²ங் வா விஸங் வா
ரஜ்ஜுங் வா உபனிக்கி²பதி – ‘‘இமினா மரிஸ்ஸதீ’’தி, ஆபத்தி து³க்கடஸ்ஸ. ‘‘தேன
மரிஸ்ஸாமீ’’தி து³க்க²ங் வேத³னங் உப்பாதே³தி, ஆபத்தி து²ல்லச்சயஸ்ஸ. மரதி, ஆபத்தி பாராஜிகஸ்ஸ.
பே⁴ஸஜ்ஜங் நாம ஸப்பிங் வா
நவனீதங் வா தேலங் வா மது⁴ங் வா பா²ணிதங் வா தே³தி – ‘‘இமங் ஸாயித்வா
மரிஸ்ஸதீ’’தி, ஆபத்தி து³க்கடஸ்ஸ. தங் ஸாயிதே து³க்கா² வேத³னா உப்பஜ்ஜதி,
ஆபத்தி து²ல்லச்சயஸ்ஸ. மரதி, ஆபத்தி பாராஜிகஸ்ஸ.
178. ரூபூபஹாரோ
நாம அமனாபிகங் ரூபங் உபஸங்ஹரதி ப⁴யானகங் பே⁴ரவங் – ‘‘இமங் பஸ்ஸித்வா
உத்தஸித்வா மரிஸ்ஸதீ’’தி, ஆபத்தி து³க்கடஸ்ஸ. தங் பஸ்ஸித்வா உத்தஸதி,
ஆபத்தி து²ல்லச்சயஸ்ஸ. மரதி, ஆபத்தி பாராஜிகஸ்ஸ. மனாபிகங் ரூபங் உபஸங்ஹரதி [உபஸங்ஹரதி பேமனீயங் ஹத³யங்க³மங் (ஸ்யா॰)]
– ‘‘இமங் பஸ்ஸித்வா அலாப⁴கேன ஸுஸ்ஸித்வா மரிஸ்ஸதீ’’தி, ஆபத்தி து³க்கடஸ்ஸ.
தங் பஸ்ஸித்வா அலாப⁴கேன ஸுஸ்ஸதி, ஆபத்தி து²ல்லச்சயஸ்ஸ. மரதி, ஆபத்தி
பாராஜிகஸ்ஸ.
ஸத்³தூ³பஹாரோ நாம அமனாபிகங்
ஸத்³த³ங் உபஸங்ஹரதி ப⁴யானகங் பே⁴ரவங் – ‘‘இமங் ஸுத்வா உத்தஸித்வா
மரிஸ்ஸதீ’’தி, ஆபத்தி து³க்கடஸ்ஸ. தங் ஸுத்வா உத்தஸதி , ஆபத்தி து²ல்லச்சயஸ்ஸ. மரதி, ஆபத்தி பாராஜிகஸ்ஸ. மனாபிகங் ஸத்³த³ங் உபஸங்ஹரதி பேமனீயங் ஹத³யங்க³மங் – ‘‘இமங் ஸுத்வா அலாப⁴கேன ஸுஸ்ஸித்வா மரிஸ்ஸதீ’’தி, ஆபத்தி து³க்கடஸ்ஸ. தங் ஸுத்வா அலாப⁴கேன ஸுஸ்ஸதி, ஆபத்தி து²ல்லச்சயஸ்ஸ. மரதி , ஆபத்தி பாராஜிகஸ்ஸ.
க³ந்தூ⁴பஹாரோ நாம அமனாபிகங் க³ந்த⁴ங் உபஸங்ஹரதி ஜேகு³ச்ச²ங் பாடிகுல்யங் [படிகூலங் (?)]
– ‘‘இமங் கா⁴யித்வா ஜேகு³ச்ச²தா பாடிகுல்யதா மரிஸ்ஸதீ’’தி, ஆபத்தி
து³க்கடஸ்ஸ. தங் கா⁴யிதே ஜேகு³ச்ச²தா பாடிகுல்யதா து³க்கா² வேத³னா
உப்பஜ்ஜதி, ஆபத்தி து²ல்லச்சயஸ்ஸ. மரதி, ஆபத்தி பாராஜிகஸ்ஸ. மனாபிகங்
க³ந்த⁴ங் உபஸங்ஹரதி – ‘‘இமங் கா⁴யித்வா அலாப⁴கேன ஸுஸ்ஸித்வா மரிஸ்ஸதீ’’தி,
ஆபத்தி து³க்கடஸ்ஸ. தங் கா⁴யித்வா அலாப⁴கேன ஸுஸ்ஸதி, ஆபத்தி து²ல்லச்சயஸ்ஸ.
மரதி, ஆபத்தி பாராஜிகஸ்ஸ.
ரஸூபஹாரோ நாம அமனாபிகங் ரஸங் உபஸங்ஹரதி ஜேகு³ச்ச²ங் பாடிகுல்யங் [படிகூலங் (?)]
– ‘‘இமங் ஸாயித்வா ஜேகு³ச்ச²தா பாடிகுல்யதா மரிஸ்ஸதீ’’தி, ஆபத்தி
து³க்கடஸ்ஸ. தங் ஸாயிதே ஜேகு³ச்ச²தா பாடிகுல்யதா து³க்கா² வேத³னா
உப்பஜ்ஜதி, ஆபத்தி து²ல்லச்சயஸ்ஸ. மரதி, ஆபத்தி பாராஜிகஸ்ஸ. மனாபிகங் ரஸங்
உபஸங்ஹரதி – ‘‘இமங் ஸாயித்வா அலாப⁴கேன ஸுஸ்ஸித்வா மரிஸ்ஸதீ’’தி, ஆபத்தி
து³க்கடஸ்ஸ. தங் ஸாயித்வா அலாப⁴கேன ஸுஸ்ஸதி, ஆபத்தி து²ல்லச்சயஸ்ஸ. மரதி,
ஆபத்தி பாராஜிகஸ்ஸ.
பொ²ட்ட²ப்³பூ³பஹாரோ நாம அமனாபிகங்
பொ²ட்ட²ப்³ப³ங் உபஸங்ஹரதி து³க்க²ஸம்ப²ஸ்ஸங் க²ரஸம்ப²ஸ்ஸங் – ‘‘இமினா
பு²ட்டோ² மரிஸ்ஸதீ’’தி, ஆபத்தி து³க்கடஸ்ஸ. தேன பு²ட்ட²ஸ்ஸ து³க்கா² வேத³னா
உப்பஜ்ஜதி, ஆபத்தி து²ல்லச்சயஸ்ஸ. மரதி, ஆபத்தி பாராஜிகஸ்ஸ. மனாபிகங்
பொ²ட்ட²ப்³ப³ங் உபஸங்ஹரதி ஸுக²ஸம்ப²ஸ்ஸங் முது³ஸம்ப²ஸ்ஸங் – ‘‘இமினா
பு²ட்டோ² அலாப⁴கேன ஸுஸ்ஸித்வா மரிஸ்ஸதீ’’தி, ஆபத்தி து³க்கடஸ்ஸ. தேன
பு²ட்டோ² அலாப⁴கேன ஸுஸ்ஸதி, ஆபத்தி து²ல்லச்சயஸ்ஸ. மரதி, ஆபத்தி பாராஜிகஸ்ஸ.
த⁴ம்மூபஹாரோ நாம நேரயிகஸ்ஸ
நிரயகத²ங் கதே²தி – ‘‘இமங் ஸுத்வா உத்தஸித்வா மரிஸ்ஸதீ’’தி, ஆபத்தி
து³க்கடஸ்ஸ. தங் ஸுத்வா உத்தஸதி, ஆபத்தி து²ல்லச்சயஸ்ஸ. மரதி, ஆபத்தி
பாராஜிகஸ்ஸ. கல்யாணகம்மஸ்ஸ ஸக்³க³கத²ங் கதே²தி – ‘‘இமங் ஸுத்வா அதி⁴முத்தோ
மரிஸ்ஸதீ’’தி, ஆபத்தி து³க்கடஸ்ஸ. தங் ஸுத்வா அதி⁴முத்தோ மரிஸ்ஸாமீதி து³க்க²ங் வேத³னங் உப்பாதே³தி, ஆபத்தி து²ல்லச்சயஸ்ஸ. மரதி, ஆபத்தி பாராஜிகஸ்ஸ.
179. ஆசிக்க²னா
நாம புட்டோ² ப⁴ணதி – ‘‘ஏவங் மரஸ்ஸு. யோ ஏவங் மரதி ஸோ த⁴னங் வா லப⁴தி யஸங்
வா லப⁴தி ஸக்³க³ங் வா க³ச்ச²தீ’’தி, ஆபத்தி து³க்கடஸ்ஸ. தாய ஆசிக்க²னாய
மரிஸ்ஸாமீதி து³க்க²ங் வேத³னங் உப்பாதே³தி, ஆபத்தி து²ல்லச்சயஸ்ஸ. மரதி,
ஆபத்தி பாராஜிகஸ்ஸ.
அனுஸாஸனீ நாம அபுட்டோ² ப⁴ணதி
– ‘‘ஏவங் மரஸ்ஸு. யோ ஏவங் மரதி ஸோ த⁴னங் வா லப⁴தி யஸங் வா லப⁴தி ஸக்³க³ங்
வா க³ச்ச²தீ’’தி, ஆபத்தி து³க்கடஸ்ஸ. தாய அனுஸாஸனியா மரிஸ்ஸாமீதி து³க்க²ங்
வேத³னங் உப்பாதே³தி, ஆபத்தி து²ல்லச்சயஸ்ஸ. மரதி, ஆபத்தி பாராஜிகஸ்ஸ.
ஸங்கேதகம்மங் நாம ஸங்கேதங்
கரோதி புரேப⁴த்தங் வா பச்சா²ப⁴த்தங் வா ரத்திங் வா தி³வா வா – ‘‘தேன
ஸங்கேதேன தங் ஜீவிதா வோரோபேஹீ’’தி, ஆபத்தி து³க்கடஸ்ஸ. தேன ஸங்கேதேன தங்
ஜீவிதா வோரோபேதி, ஆபத்தி உபி⁴ன்னங் பாராஜிகஸ்ஸ. தங் ஸங்கேதங் புரே வா
பச்சா² வா தங் ஜீவிதா வோரோபேதி, மூலட்ட²ஸ்ஸ அனாபத்தி, வத⁴கஸ்ஸ ஆபத்தி பாராஜிகஸ்ஸ.
நிமித்தகம்மங் நாம நிமித்தங்
கரோதி – ‘‘அக்கி²ங் வா நிக²ணிஸ்ஸாமி ப⁴முகங் வா உக்கி²பிஸ்ஸாமி ஸீஸங் வா
உக்கி²பிஸ்ஸாமி, தேன நிமித்தேன தங் ஜீவிதா வோரோபேஹீ’’தி, ஆபத்தி
து³க்கடஸ்ஸ. தேன நிமித்தேன தங் ஜீவிதா வோரோபேதி, ஆபத்தி உபி⁴ன்னங்
பாராஜிகஸ்ஸ. தங் நிமித்தங் புரே வா பச்சா² வா தங் ஜீவிதா வோரோபேதி,
மூலட்ட²ஸ்ஸ அனாபத்தி, வத⁴கஸ்ஸ ஆபத்தி பாராஜிகஸ்ஸ.
அனாபத்தி அஸஞ்சிச்ச அஜானந்தஸ்ஸ நமரணாதி⁴ப்பாயஸ்ஸ உம்மத்தகஸ்ஸ [உம்மத்தகஸ்ஸ கி²த்தசித்தஸ்ஸ வேத³னாட்டஸ்ஸ (ஸ்யா॰)] ஆதி³கம்மிகஸ்ஸாதி.
மனுஸ்ஸவிக்³க³ஹபாராஜிகம்ஹி பட²மபா⁴ணவாரோ நிட்டி²தோ.
வினீதவத்து²உத்³தா³னகா³தா²
ஸங்வண்ணனா நிஸீத³ந்தோ, முஸலோது³க்க²லேன ச;
வுட்³ட⁴பப்³ப³ஜிதாபி⁴ஸன்னோ, அக்³க³வீமங்ஸனாவிஸங்.
தயோ ச வத்து²கம்மேஹி, இட்ட²காஹிபரே தயோ;
வாஸீ கோ³பானஸீ சேவ, அட்டகோதரணங் பதி.
ஸேத³ங் நத்து²ஞ்ச ஸம்பா³ஹோ, ந்ஹாபனப்³ப⁴ஞ்ஜனேன ச;
உட்டா²பெந்தோ நிபாதெந்தோ, அன்னபானேன மாரணங்.
ஜாரக³ப்³போ⁴ ஸபத்தீ ச, மாதா புத்தங் உபோ⁴ வதி⁴;
உபோ⁴ ந மிய்யரே மத்³தா³, தாபங் வஞ்ஜா² விஜாயினீ.
பதோத³ங் நிக்³க³ஹே யக்கோ², வாளயக்க²ஞ்ச பாஹிணி;
தங் மஞ்ஞமானோ பஹரி, ஸக்³க³ஞ்ச நிரயங் ப⁴ணே.
ஆளவியா தயோ ருக்கா², தா³யேஹி அபரே தயோ;
மா கிலமேஸி ந துய்ஹங், தக்கங் ஸோவீரகேன சாதி.
வினீதவத்து²
180.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தஸ்ஸ பி⁴க்கூ² காருஞ்ஞேன
மரணவண்ணங் ஸங்வண்ணேஸுங். ஸோ பி⁴க்கு² காலமகாஸி. தேஸங் குக்குச்சங் அஹோஸி
‘‘ப⁴க³வதா ஸிக்கா²பத³ங் பஞ்ஞத்தங், கச்சி நு கோ² மயங் பாராஜிகங் ஆபத்திங்
ஆபன்னா’’தி? ப⁴க³வதோ ஏதமத்த²ங் ஆரோசேஸுங். ‘‘ஆபத்திங் தும்ஹே, பி⁴க்க²வே,
ஆபன்னா பாராஜிக’’ந்தி.
தேன கோ² பன ஸமயேன அஞ்ஞதரோ பிண்ட³சாரிகோ பி⁴க்கு²
பீட²கே பிலோதிகாய படிச்ச²ன்னங் தா³ரகங் நிஸீத³ந்தோ ஒத்த²ரித்வா மாரேஸி.
தஸ்ஸ குக்குச்சங் அஹோஸி ‘‘ப⁴க³வதா ஸிக்கா²பத³ங் பஞ்ஞத்தங், கச்சி நு கோ²
அஹங் பாராஜிகங் ஆபத்திங் ஆபன்னோ’’தி? ப⁴க³வதோ ஏதமத்த²ங் ஆரோசேஸி.
‘‘அனாபத்தி, பி⁴க்கு², பாராஜிகஸ்ஸ. ந ச, பி⁴க்க²வே, அப்படிவெக்கி²த்வா ஆஸனே
நிஸீதி³தப்³ப³ங்; யோ நிஸீதெ³ய்ய, ஆபத்தி து³க்கடஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² ப⁴த்தக்³கே³ அந்தரக⁴ரே ஆஸனங் பஞ்ஞபெந்தோ முஸலே உஸ்ஸிதே ஏகங் முஸலங் அக்³க³ஹேஸி. து³தியோ முஸலோ பரிபதித்வா அஞ்ஞதரஸ்ஸ தா³ரகஸ்ஸ மத்த²கே அவத்தா²ஸி. ஸோ
காலமகாஸி. தஸ்ஸ குக்குச்சங் அஹோஸி…பே॰… ‘‘கிங்சித்தோ த்வங், பி⁴க்கூ²’’தி?
‘‘அஸஞ்சிச்ச அஹங், ப⁴க³வா’’தி. ‘‘அனாபத்தி, பி⁴க்கு², அஸஞ்சிச்சா’’தி.
தேன கோ² பன ஸமயேன அஞ்ஞதரோ பி⁴க்கு² ப⁴த்தக்³கே³
அந்தரக⁴ரே ஆஸனங் பஞ்ஞபெந்தோ உது³க்க²லப⁴ண்டி³கங் அக்கமித்வா பவட்டேஸி.
அஞ்ஞதரங் தா³ரகங் ஒத்த²ரித்வா மாரேஸி. தஸ்ஸ குக்குச்சங் அஹோஸி…பே॰…
‘‘அனாபத்தி, பி⁴க்கு², அஸஞ்சிச்சா’’தி.
தேன கோ² பன ஸமயேன பிதாபுத்தா பி⁴க்கூ²ஸு பப்³ப³ஜிதா
ஹொந்தி. காலே ஆரோசிதே புத்தோ பிதரங் ஏதத³வோச – ‘‘க³ச்ச², ப⁴ந்தே, ஸங்கோ⁴
தங் பதிமானேதீ’’தி பிட்டி²யங் க³ஹெத்வா பணாமேஸி. ஸோ பபதித்வா காலமகாஸி.
தஸ்ஸ குக்குச்சங் அஹோஸி…பே॰… ‘‘கிங்சித்தோ த்வங், பி⁴க்கூ²’’தி? ‘‘நாஹங், ப⁴க³வா, மரணாதி⁴ப்பாயோ’’தி. ‘‘அனாபத்தி, பி⁴க்கு², நமரணாதி⁴ப்பாயஸ்ஸா’’தி.
தேன கோ² பன ஸமயேன பிதாபுத்தா பி⁴க்கூ²ஸு பப்³ப³ஜிதா
ஹொந்தி. காலே ஆரோசிதே புத்தோ பிதரங் ஏதத³வோச – ‘‘க³ச்ச², ப⁴ந்தே, ஸங்கோ⁴
தங் பதிமானேதீ’’தி மரணாதி⁴ப்பாயோ பிட்டி²யங் க³ஹெத்வா பணாமேஸி. ஸோ பபதித்வா
காலமகாஸி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு²,
ஆபன்னோ பாராஜிக’’ந்தி.
தேன கோ² பன ஸமயேன பிதாபுத்தா பி⁴க்கூ²ஸு பப்³ப³ஜிதா
ஹொந்தி. காலே ஆரோசிதே புத்தோ பிதரங் ஏதத³வோச – ‘‘க³ச்ச², ப⁴ந்தே, ஸங்கோ⁴
தங் பதிமானேதீ’’தி மரணாதி⁴ப்பாயோ பிட்டி²யங் க³ஹெத்வா பணாமேஸி. ஸோ பபதித்வா
ந காலமகாஸி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
பாராஜிகஸ்ஸ ; ஆபத்தி து²ல்லச்சயஸ்ஸா’’தி.
181.
தேன கோ² பன ஸமயேன அஞ்ஞதரஸ்ஸ பி⁴க்கு²னோ பு⁴ஞ்ஜந்தஸ்ஸ மங்ஸங் கண்டே²
விலக்³க³ங் ஹோதி. அஞ்ஞதரோ பி⁴க்கு² தஸ்ஸ பி⁴க்கு²னோ கீ³வாயங் பஹாரங்
அதா³ஸி. ஸலோஹிதங் மங்ஸங் பதி. ஸோ பி⁴க்கு² காலமகாஸி. தஸ்ஸ குக்குச்சங்
அஹோஸி…பே॰… ‘‘அனாபத்தி, பி⁴க்கு², நமரணாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரஸ்ஸ பி⁴க்கு²னோ பு⁴ஞ்ஜந்தஸ்ஸ மங்ஸங் கண்டே² விலக்³க³ங் ஹோதி. அஞ்ஞதரோ பி⁴க்கு² மரணாதி⁴ப்பாயோ தஸ்ஸ பி⁴க்கு²னோ கீ³வாயங் பஹாரங் அதா³ஸி. ஸலோஹிதங் மங்ஸங் பதி. ஸோ பி⁴க்கு² காலமகாஸி . தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரஸ்ஸ பி⁴க்கு²னோ பு⁴ஞ்ஜந்தஸ்ஸ
மங்ஸங் கண்டே² விலக்³க³ங் ஹோதி. அஞ்ஞதரோ பி⁴க்கு² மரணாதி⁴ப்பாயோ தஸ்ஸ
பி⁴க்கு²னோ கீ³வாயங் பஹாரங் அதா³ஸி. ஸலோஹிதங் மங்ஸங் பதி. ஸோ பி⁴க்கு² ந
காலமகாஸி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ;
ஆபத்தி து²ல்லச்சயஸ்ஸா’’தி.
தேன கோ² பன ஸமயேன அஞ்ஞதரோ பிண்ட³சாரிகோ பி⁴க்கு²
விஸக³தங் பிண்ட³பாதங் லபி⁴த்வா படிக்கமனங் ஹரித்வா பி⁴க்கூ²னங்
அக்³க³காரிகங் அதா³ஸி. தே பி⁴க்கூ² காலமகங்ஸு. தஸ்ஸ குக்குச்சங் அஹோஸி…பே॰…
‘‘கிங்சித்தோ த்வங், பி⁴க்கூ²’’தி? ‘‘நாஹங், ப⁴க³வா, ஜானாமீ’’தி.
‘‘அனாபத்தி, பி⁴க்கு², அஜானந்தஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² வீமங்ஸாதி⁴ப்பாயோ
அஞ்ஞதரஸ்ஸ பி⁴க்கு²னோ விஸங் அதா³ஸி. ஸோ பி⁴க்கு² காலமகாஸி. தஸ்ஸ
குக்குச்சங் அஹோஸி…பே॰… ‘‘கிங்சித்தோ த்வங், பி⁴க்கூ²’’தி?
‘‘வீமங்ஸாதி⁴ப்பாயோ அஹங், ப⁴க³வா’’தி. ‘‘அனாபத்தி, பி⁴க்கு², பாராஜிகஸ்ஸ;
ஆபத்தி து²ல்லச்சயஸ்ஸா’’தி.
182. தேன கோ² பன ஸமயேன ஆளவகா [ஆளவிகா (ஸ்யா॰)] பி⁴க்கூ² விஹாரவத்து²ங் கரொந்தி .
அஞ்ஞதரோ பி⁴க்கு² ஹெட்டா² ஹுத்வா ஸிலங் உச்சாரேஸி. உபரிமேன பி⁴க்கு²னா
து³க்³க³ஹிதா ஸிலா ஹெட்டி²மஸ்ஸ பி⁴க்கு²னோ மத்த²கே அவத்தா²ஸி. ஸோ பி⁴க்கு²
காலமகாஸி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
அஸஞ்சிச்சா’’தி.
தேன கோ² பன ஸமயேன ஆளவகா பி⁴க்கூ² விஹாரவத்து²ங்
கரொந்தி. அஞ்ஞதரோ பி⁴க்கு² ஹெட்டா² ஹுத்வா ஸிலங் உச்சாரேஸி. உபரிமோ
பி⁴க்கு² மரணாதி⁴ப்பாயோ ஹெட்டி²மஸ்ஸ பி⁴க்கு²னோ மத்த²கே ஸிலங் முஞ்சி. ஸோ
பி⁴க்கு² காலமகாஸி…பே॰… ஸோ பி⁴க்கு² ந காலமகாஸி. தஸ்ஸ குக்குச்சங்
அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ; ஆபத்தி து²ல்லச்சயஸ்ஸா’’தி.
தேன
கோ² பன ஸமயேன ஆளவகா பி⁴க்கூ² விஹாரஸ்ஸ குட்டங் உட்டா²பெந்தி. அஞ்ஞதரோ
பி⁴க்கு² ஹெட்டா² ஹுத்வா இட்ட²கங் உச்சாரேஸி. உபரிமேன பி⁴க்கு²னா
து³க்³க³ஹிதா இட்ட²கா ஹெட்டி²மஸ்ஸ பி⁴க்கு²னோ மத்த²கே அவத்தா²ஸி. ஸோ
பி⁴க்கு² காலமகாஸி. தஸ்ஸ குக்குச்சங் அஹோஸி…பே॰… ‘‘அனாபதி, பி⁴க்கு²,
அஸஞ்சிச்சா’’தி.
தேன கோ² பன ஸமயேன ஆளவகா பி⁴க்கூ² விஹாரஸ்ஸ குட்டங் உட்டா²பெந்தி. அஞ்ஞதரோ பி⁴க்கு²
ஹெட்டா² ஹுத்வா இட்ட²கங் உச்சாரேஸி. உபரிமோ பி⁴க்கு² மரணாதி⁴ப்பாயோ
ஹெட்டி²மஸ்ஸ பி⁴க்கு²னோ மத்த²கே இட்ட²கங் முஞ்சி. ஸோ பி⁴க்கு²
காலமகாஸி…பே॰… ஸோ பி⁴க்கு² ந காலமகாஸி. தஸ்ஸ குக்குச்சங் அஹோஸி…பே॰…
‘‘அனாபத்தி, பி⁴க்கு², பாராஜிகஸ்ஸ; ஆபத்தி து²ல்லச்சயஸ்ஸா’’தி.
183.
தேன கோ² பன ஸமயேன ஆளவகா பி⁴க்கூ² நவகம்மங் கரொந்தி. அஞ்ஞதரோ பி⁴க்கு²
ஹெட்டா² ஹுத்வா வாஸிங் உச்சாரேஸி. உபரிமேன பி⁴க்கு²னா து³க்³க³ஹிதா வாஸீ
ஹெட்டி²மஸ்ஸ பி⁴க்கு²னோ மத்த²கே அவத்தா²ஸி. ஸோ பி⁴க்கு² காலமகாஸி. தஸ்ஸ
குக்குச்சங் அஹோஸி…பே॰… ‘‘அனாபத்தி, பி⁴க்கு², அஸஞ்சிச்சா’’தி.
தேன கோ² பன ஸமயேன ஆளவகா பி⁴க்கூ² நவகம்மங் கரொந்தி.
அஞ்ஞதரோ பி⁴க்கு² ஹெட்டா² ஹுத்வா வாஸிங் உச்சாரேஸி. உபரிமோ பி⁴க்கு²
மரணாதி⁴ப்பாயோ ஹெட்டி²மஸ்ஸ பி⁴க்கு²னோ மத்த²கே வாஸிங் முஞ்சி. ஸோ பி⁴க்கு²
காலமகாஸி…பே॰… ஸோ பி⁴க்கு² ந காலமகாஸி. தஸ்ஸ குக்குச்சங் அஹோஸி…பே॰…
‘‘அனாபத்தி, பி⁴க்கு², பாராஜிகஸ்ஸ; ஆபத்தி து²ல்லச்சயஸ்ஸா’’தி.
தேன கோ² பன ஸமயேன ஆளவகா பி⁴க்கூ² நவகம்மங் கரொந்தி.
அஞ்ஞதரோ பி⁴க்கு² ஹெட்டா² ஹுத்வா கோ³பானஸிங் உச்சாரேஸி. உபரிமேன பி⁴க்கு²னா
து³க்³க³ஹிதா கோ³பானஸீ ஹெட்டி²மஸ்ஸ பி⁴க்கு²னோ மத்த²கே அவத்தா²ஸி. ஸோ
பி⁴க்கு² காலமகாஸி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
அஸஞ்சிச்சா’’தி.
தேன கோ² பன ஸமயேன ஆளவகா பி⁴க்கூ² நவகம்மங் கரொந்தி. அஞ்ஞதரோ பி⁴க்கு² ஹெட்டா² ஹுத்வா கோ³பானஸிங் உச்சாரேஸி. உபரிமோ பி⁴க்கு² மரணாதி⁴ப்பாயோ ஹெட்டி²மஸ்ஸ பி⁴க்கு²னோ மத்த²கே கோ³பானஸிங் முஞ்சி. ஸோ
பி⁴க்கு² காலமகாஸி…பே॰… ஸோ பி⁴க்கு² ந காலமகாஸி. தஸ்ஸ குக்குச்சங்
அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ; ஆபத்தி து²ல்லச்சயஸ்ஸா’’தி.
தேன கோ² பன ஸமயேன ஆளவகா
பி⁴க்கூ² நவகம்மங் கரொந்தா அட்டகங் ப³ந்த⁴ந்தி. அஞ்ஞதரோ பி⁴க்கு² அஞ்ஞதரங்
பி⁴க்கு²ங் ஏதத³வோச – ‘‘ஆவுஸோ, அத்ரட்டி²தோ ப³ந்தா⁴ஹீ’’தி. ஸோ தத்ரட்டி²தோ
ப³ந்த⁴ந்தோ பரிபதித்வா காலமகாஸி . தஸ்ஸ குக்குச்சங்
அஹோஸி…பே॰… ‘‘கிங்சித்தோ த்வங், பி⁴க்கூ²’’தி? ‘‘நாஹங், ப⁴க³வா,
மரணாதி⁴ப்பாயோ’’தி. ‘‘அனாபத்தி, பி⁴க்கு², நமரணாதி⁴ப்பாயஸ்ஸா’’தி.
தேன கோ² பன ஸமயேன ஆளவகா பி⁴க்கூ² நவகம்மங் கரொந்தா
அட்டகங் ப³ந்த⁴ந்தி. அஞ்ஞதரோ பி⁴க்கு² மரணாதி⁴ப்பாயோ அஞ்ஞதரங் பி⁴க்கு²ங்
ஏதத³வோச – ‘‘ஆவுஸோ, அத்ரட்டி²தோ ப³ந்தா⁴ஹீ’’தி. ஸோ தத்ரட்டி²தோ ப³ந்த⁴ந்தோ
பரிபதித்வா காலமகாஸி…பே॰… பரிபதித்வா ந காலமகாஸி. தஸ்ஸ குக்குச்சங்
அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ; ஆபத்தி து²ல்லச்சயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² விஹாரங் சா²தெ³த்வா
ஓதரதி. அஞ்ஞதரோ பி⁴க்கு² தங் பி⁴க்கு²ங் ஏதத³வோச – ‘‘ஆவுஸோ, இதோ
ஓதராஹீ’’தி. ஸோ தேன ஓதரந்தோ பரிபதித்வா காலமகாஸி. தஸ்ஸ குக்குச்சங்
அஹோஸி…பே॰… ‘‘அனாபத்தி, பி⁴க்கு², நமரணாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² விஹாரங் சா²தெ³த்வா ஓதரதி .
அஞ்ஞதரோ பி⁴க்கு² மரணாதி⁴ப்பாயோ தங் பி⁴க்கு²ங் ஏதத³வோச – ‘‘ஆவுஸோ, இதோ
ஓதராஹீ’’தி. ஸோ தேன ஓதரந்தோ பரிபதித்வா காலமகாஸி…பே॰… பரிபதித்வா ந
காலமகாஸி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ;
ஆபத்தி து²ல்லச்சயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² அனபி⁴ரதியா பீளிதோ
கி³ஜ்ஜ²கூடங் பப்³ப³தங் அபி⁴ருஹித்வா பபாதே பபதந்தோ அஞ்ஞதரங் விலீவகாரங்
ஒத்த²ரித்வா மாரேஸி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
பாராஜிகஸ்ஸ. ந ச, பி⁴க்க²வே, அத்தானங் பாதேதப்³ப³ங். யோ பாதெய்ய, ஆபத்தி
து³க்கடஸ்ஸா’’தி.
தேன கோ² பன ஸமயேன
ச²ப்³ப³க்³கி³யா பி⁴க்கூ² கி³ஜ்ஜ²கூடங் பப்³ப³தங் அபி⁴ருஹித்வா த³வாய ஸிலங்
பவிஜ்ஜி²ங்ஸு. ஸா அஞ்ஞதரங் கோ³பாலகங் ஒத்த²ரித்வா மாரேஸி. தேஸங்
குக்குச்சங் அஹோஸி …பே॰… ‘‘அனாபத்தி, பி⁴க்க²வே, பாராஜிகஸ்ஸ. ந ச, பி⁴க்க²வே, த³வாய ஸிலா பவிஜ்ஜி²தப்³பா³. யோ பவிஜ்ஜெ²ய்ய, ஆபத்தி து³க்கடஸ்ஸா’’தி.
184.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங் பி⁴க்கூ² ஸேதே³ஸுங்.
ஸோ பி⁴க்கு² காலமகாஸி. தேஸங் குக்குச்சங் அஹோஸி…பே॰… ‘‘அனாபத்தி,
பி⁴க்க²வே, நமரணாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி .
தங் பி⁴க்கூ² மரணாதி⁴ப்பாயா ஸேதே³ஸுங். ஸோ பி⁴க்கு² காலமகாஸி.…பே॰… ஸோ
பி⁴க்கு² ந காலமகாஸி. தேஸங் குக்குச்சங் அஹோஸி…பே॰… ‘‘அனாபத்தி, பி⁴க்க²வே,
பாராஜிகஸ்ஸ; ஆபத்தி து²ல்லச்சயஸ்ஸா’’தி.
தேன கோ² பன ஸமயேன அஞ்ஞதரஸ்ஸ
பி⁴க்கு²னோ ஸீஸாபி⁴தாபோ ஹோதி. தஸ்ஸ பி⁴க்கூ² நத்து²ங் அத³ங்ஸு. ஸோ பி⁴க்கு²
காலமகாஸி. தேஸங் குக்குச்சங் அஹோஸி…பே॰… ‘‘அனாபத்தி, பி⁴க்க²வே,
நமரணாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரஸ்ஸ பி⁴க்கு²னோ ஸீஸாபி⁴தாபோ
ஹோதி. தஸ்ஸ பி⁴க்கூ² மரணாதி⁴ப்பாயா நத்து²ங் அத³ங்ஸு. ஸோ பி⁴க்கு²
காலமகாஸி…பே॰… ஸோ பி⁴க்கு² ந காலமகாஸி. தேஸங் குக்குச்சங் அஹோஸி…பே॰…
‘‘அனாபத்தி, பி⁴க்க²வே, பாராஜிகஸ்ஸ; ஆபத்தி து²ல்லச்சயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங்
பி⁴க்கூ² ஸம்பா³ஹேஸுங். ஸோ பி⁴க்கு² காலமகாஸி. தேஸங் குக்குச்சங்
அஹோஸி…பே॰… ‘‘அனாபத்தி, பி⁴க்க²வே, நமரணாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங்
பி⁴க்கூ² மரணாதி⁴ப்பாயா ஸம்பா³ஹேஸுங். ஸோ பி⁴க்கு² காலமகாஸி…பே॰… ஸோ
பி⁴க்கு² ந காலமகாஸி. தேஸங் குக்குச்சங் அஹோஸி…பே॰… ‘‘அனாபத்தி, பி⁴க்க²வே,
பாராஜிகஸ்ஸ; ஆபத்தி து²ல்லச்சயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங் பி⁴க்கு² ந்ஹாபேஸுங். ஸோ பி⁴க்கு² காலமகாஸி. தேஸங் குக்குச்சங் அஹோஸி…பே॰… ‘‘அனாபத்தி, பி⁴க்க²வே, நமரணாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரோ
பி⁴க்கு² கி³லானோ ஹோதி. தங் பி⁴க்கூ² மரணாதி⁴ப்பாயா ந்ஹாபேஸுங். ஸோ
பி⁴க்கு² காலமகாஸி…பே॰… ஸோ பி⁴க்கு² ந காலமகாஸி. தேஸங் குக்குச்சங்
அஹோஸி…பே॰… ‘‘அனாபத்தி, பி⁴க்க²வே, பாராஜிகஸ்ஸ; ஆபத்தி து²ல்லச்சயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங்
பி⁴க்கூ² தேலேன அப்³ப⁴ஞ்ஜிங்ஸு. ஸோ பி⁴க்கு² காலமகாஸி. தேஸங் குக்குச்சங்
அஹோஸி…பே॰… ‘‘அனாபத்தி, பி⁴க்க²வே, நமரணாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங்
பி⁴க்கூ² மரணாதி⁴ப்பாயா தேலேன அப்³ப⁴ஞ்ஜிங்ஸு. ஸோ பி⁴க்கு² காலமகாஸி…பே॰…
ஸோ பி⁴க்கு² ந காலமகாஸி. தேஸங் குக்குச்சங் அஹோஸி…பே॰… ‘‘அனாபத்தி,
பி⁴க்க²வே, பாராஜிகஸ்ஸ; ஆபத்தி து²ல்லச்சயஸ்ஸா’’தி.
185.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங் பி⁴க்கூ²
உட்டா²பேஸுங். ஸோ பி⁴க்கு² காலமகாஸி. தேஸங் குக்குச்சங் அஹோஸி…பே॰…
‘‘அனாபத்தி, பி⁴க்க²வே, நமரணாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங்
பி⁴க்கூ² மரணாதி⁴ப்பாயா உட்டா²பேஸுங். ஸோ பி⁴க்கு² காலமகாஸி…பே॰… ஸோ
பி⁴க்கு² ந காலமகாஸி. தேஸங் குக்குச்சங் அஹோஸி…பே॰… ‘‘அனாபத்தி, பி⁴க்க²வே,
பாராஜிகஸ்ஸ; ஆபத்தி து²ல்லச்சயஸ்ஸா’’தி .
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங்
பி⁴க்கூ² நிபாதேஸுங். ஸோ பி⁴க்கு² காலமகாஸி. தேஸங் குக்குச்சங் அஹோஸி…பே॰…
‘‘அனாபத்தி, பி⁴க்க²வே, நமரணாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங் பி⁴க்கூ² மரணாதி⁴ப்பாயா
நிபாதேஸுங். ஸோ பி⁴க்கு² காலமகாஸி…பே॰… ஸோ பி⁴க்கு² ந காலமகாஸி. தேஸங்
குக்குச்சங் அஹோஸி…பே॰… ‘‘அனாபத்தி, பி⁴க்க²வே, பாராஜிகஸ்ஸ; ஆபத்தி
து²ல்லச்சயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தஸ்ஸ
பி⁴க்கூ² அன்னங் அத³ங்ஸு. ஸோ பி⁴க்கு² காலமகாஸி. தேஸங் குக்குச்சங்
அஹோஸி…பே॰… ‘‘அனாபத்தி, பி⁴க்க²வே, நமரணாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரோ
பி⁴க்கு² கி³லானோ ஹோதி. தஸ்ஸ பி⁴க்கூ² மரணாதி⁴ப்பாயா அன்னங் அத³ங்ஸு. ஸோ
பி⁴க்கு² காலமகாஸி…பே॰… ஸோ பி⁴க்கு² ந காலமகாஸி. தேஸங் குக்குச்சங்
அஹோஸி…பே॰… ‘‘அனாபத்தி, பி⁴க்க²வே, பாராஜிகஸ்ஸ; ஆபத்தி து²ல்லச்சயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தஸ்ஸ
பி⁴க்கு² பானங் அத³ங்ஸு. ஸோ பி⁴க்கு² காலமகாஸி. தேஸங் குக்குச்சங்
அஹோஸி…பே॰… ‘‘அனாபத்தி, பி⁴க்க²வே, நமரணாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தஸ்ஸ
பி⁴க்கூ² மரணாதி⁴ப்பாயா பானங் அத³ங்ஸு. ஸோ பி⁴க்கு² காலமகாஸி…பே॰… ஸோ
பி⁴க்கு² ந காலமகாஸி. தேஸங் குக்குச்சங் அஹோஸி…பே॰… ‘‘அனாபத்தி, பி⁴க்க²வே , பாராஜிகஸ்ஸ; ஆபத்தி து²ல்லச்சயஸ்ஸா’’தி.
186.
தேன கோ² பன ஸமயேன அஞ்ஞதரா இத்தீ² பவுத்த²பதிகா ஜாரேன க³ப்³பி⁴னீ ஹோதி. ஸா
குலூபகங் பி⁴க்கு²ங் ஏதத³வோச – ‘‘இங்கா⁴ய்ய க³ப்³ப⁴பாதனங் ஜானாஹீ’’தி.
‘‘ஸுட்டு², ப⁴கி³னீ’’தி தஸ்ஸா க³ப்³ப⁴பாதனங் அதா³ஸி. தா³ரகோ காலமகாஸி. தஸ்ஸ
குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ
பாராஜிக’’ந்தி.
தேன கோ² பன ஸமயேன அஞ்ஞதரஸ்ஸ புரிஸஸ்ஸ த்³வே பஜாபதியோ
ஹொந்தி – ஏகா வஞ்ஜா², ஏகா விஜாயினீ. வஞ்ஜா² இத்தீ² குலூபகங் பி⁴க்கு²ங்
ஏதத³வோச – ‘‘ஸசே ஸா, ப⁴ந்தே, விஜாயிஸ்ஸதி ஸப்³ப³ஸ்ஸ குடும்ப³ஸ்ஸ இஸ்ஸரா
ப⁴விஸ்ஸதி. இங்கா⁴ய்ய, தஸ்ஸா க³ப்³ப⁴பாதனங் ஜானாஹீ’’தி .‘‘ஸுட்டு²,
ப⁴கி³னீ’’தி தஸ்ஸா க³ப்³ப⁴பாதனங் அதா³ஸி. தா³ரகோ காலமகாஸி, மாதா ந
காலமகாஸி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ
பாராஜிக’’ந்தி.
தேன கோ² பன ஸமயேன அஞ்ஞதரஸ்ஸ புரிஸஸ்ஸ த்³வே பஜாபதியோ
ஹொந்தி – ஏகா வஞ்ஜா², ஏகா விஜாயினீ. வஞ்ஜா² இத்தீ² குலூபகங் பி⁴க்கு²ங்
ஏதத³வோச – ‘‘ஸசே ஸா, ப⁴ந்தே, விஜாயிஸ்ஸதி ஸப்³ப³ஸ்ஸ குடும்ப³ஸ்ஸ இஸ்ஸரா
ப⁴விஸ்ஸதி. இங்கா⁴ய்ய, தஸ்ஸா க³ப்³ப⁴பாதனங் ஜானாஹீ’’தி. ‘‘ஸுட்டு²,
ப⁴கி³னீ’’தி தஸ்ஸா க³ப்³ப⁴பாதனங் அதா³ஸி. மாதா காலமகாஸி, தா³ரகோ ந
காலமகாஸி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ ; ஆபத்தி து²ல்லச்சயஸ்ஸா’’தி.
தேன கோ² பன ஸமயேன அஞ்ஞதரஸ்ஸ புரிஸஸ்ஸ த்³வே பஜாபதியோ ஹொந்தி – ஏகா வஞ்ஜா² ,
ஏகா விஜாயினீ. வஞ்ஜா² இத்தீ² குலூபகங் பி⁴க்கு²ங் ஏதத³வோச – ‘‘ஸசே ஸா,
ப⁴ந்தே, விஜாயிஸ்ஸதி ஸப்³ப³ஸ்ஸ குடும்ப³ஸ்ஸ இஸ்ஸரா ப⁴விஸ்ஸதி. இங்கா⁴ய்ய,
தஸ்ஸா க³ப்³ப⁴பாதனங் ஜானாஹீ’’தி. ‘‘ஸுட்டு², ப⁴கி³னீ’’தி தஸ்ஸா
க³ப்³ப⁴பாதனங் அதா³ஸி. உபோ⁴ காலமகங்ஸு…பே॰… உபோ⁴ ந காலமகங்ஸு. தஸ்ஸ
குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ; ஆபத்தி
து²ல்லச்சயஸ்ஸா’’தி.
187.
தேன கோ² பன ஸமயேன அஞ்ஞதரா க³ப்³பி⁴னீ இத்தீ² குலூபகங் பி⁴க்கு²ங் ஏதத³வோச –
‘‘இங்கா⁴ய்ய, க³ப்³ப⁴பாதனங் ஜானாஹீ’’தி. ‘‘தேன ஹி, ப⁴கி³னி,
மத்³த³ஸ்ஸூ’’தி. ஸா மத்³தா³பெத்வா க³ப்³ப⁴ங் பாதேஸி. தஸ்ஸ குக்குச்சங்
அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரா க³ப்³பி⁴னீ இத்தீ² குலூபகங்
பி⁴க்கு²ங் ஏதத³வோச – ‘‘இங்கா⁴ய்ய, க³ப்³ப⁴பாதனங் ஜானாஹீ’’தி. ‘‘தேன ஹி,
ப⁴கி³னி, தாபேஹீ’’தி. ஸா தாபெத்வா க³ப்³ப⁴ங் பாதேஸி. தஸ்ஸ குக்குச்சங்
அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரா வஞ்ஜா² இத்தீ² குலூபகங்
பி⁴க்கு²ங் ஏதத³வோச – ‘‘இங்கா⁴ய்ய, பே⁴ஸஜ்ஜங் ஜானாஹி யேனாஹங்
விஜாயெய்ய’’ந்தி. ‘‘ஸுட்டு², ப⁴கி³னீ’’தி தஸ்ஸா பே⁴ஸஜ்ஜங் அதா³ஸி . ஸா காலமகாஸி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ; ஆபத்தி து³க்கடஸ்ஸா’’தி.
தேன கோ² பன ஸமயேன அஞ்ஞதரா விஜாயினீ இத்தீ² குலூபகங்
பி⁴க்கு²ங் ஏதத³வோச – ‘‘இங்கா⁴ய்ய, பே⁴ஸஜ்ஜங் ஜானாஹி யேனாஹங் ந
விஜாயெய்ய’’ந்தி. ‘‘ஸுட்டு², ப⁴கி³னீ’’தி தஸ்ஸா பே⁴ஸஜ்ஜங் அதா³ஸி. ஸா
காலமகாஸி. தஸ்ஸ குக்குச்சங் அஹோஸி…பே॰… ‘‘அனாபத்தி , பி⁴க்கு², பாராஜிகஸ்ஸ; ஆபத்தி து³க்கடஸ்ஸா’’தி.
தேன கோ² பன ஸமயேன ச²ப்³ப³க்³கி³யா பி⁴க்கூ²
ஸத்தரஸவக்³கி³யங் பி⁴க்கு²ங் அங்கு³லிபதோத³கேன ஹாஸேஸுங். ஸோ பி⁴க்கு²
உத்தந்தோ அனஸ்ஸாஸகோ காலமகாஸி. தேஸங் குக்குச்சங் அஹோஸி…பே॰… ‘‘அனாபத்தி,
பி⁴க்க²வே, பாராஜிகஸ்ஸா’’தி [பாராஜிகஸ்ஸ, ஆபத்தி பாசித்தியஸ்ஸாதி (ஸ்யா॰)].
தேன கோ² பன ஸமயேன
ஸத்தரஸவக்³கி³யா பி⁴க்கூ² ச²ப்³ப³க்³கி³யங் பி⁴க்கு²ங் கம்மங் கரிஸ்ஸாமாதி
ஒத்த²ரித்வா மாரேஸுங். தேஸங் குக்குச்சங் அஹோஸி…பே॰… ‘‘அனாபத்தி,
பி⁴க்க²வே, பாராஜிகஸ்ஸா’’தி.
தேன கோ² பன ஸமயேன அஞ்ஞதரோ பூ⁴தவேஜ்ஜகோ பி⁴க்கு²
யக்க²ங் ஜீவிதா வோரோபேஸி. தஸ்ஸ குக்குச்சங் அஹோஸி…பே॰… ‘‘அனாபத்தி,
பி⁴க்கு², பாராஜிகஸ்ஸ; ஆபத்தி து²ல்லச்சயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² அஞ்ஞதரங்
பி⁴க்கு²ங் வாளயக்க²விஹாரங் பாஹேஸி. தங் யக்கா² ஜீவிதா வோரோபேஸுங். தஸ்ஸ
குக்குச்சங் அஹோஸி…பே॰… ‘‘அனாபத்தி, பி⁴க்கு², நமரணாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² மரணாதி⁴ப்பாயோ
அஞ்ஞதரங் பி⁴க்கு²ங் வாளயக்க²விஹாரங் பாஹேஸி. தங் யக்கா² ஜீவிதா
வோரோபேஸுங்…பே॰… தங் யக்கா² ஜீவிதா ந வோரோபேஸுங். தஸ்ஸ குக்குச்சங்
அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ; ஆபத்தி து²ல்லச்சயஸ்ஸா’’தி .
தேன கோ² பன ஸமயேன அஞ்ஞதரோ பி⁴க்கு² அஞ்ஞதரங் பி⁴க்கு²ங் வாளகந்தாரங் பாஹேஸி . தங் வாளா ஜீவிதா வோரோபேஸுங். தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², நமரணாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² மரணாதி⁴ப்பாயோ
அஞ்ஞதரங் பி⁴க்கு²ங் வாளகந்தாரங் பாஹேஸி. தங் வாளா ஜீவிதா வோரோபேஸுங்…பே॰…
தங் வாளா ஜீவிதா ந வோரோபேஸுங். தஸ்ஸ குக்குச்சங் அஹோஸி…பே॰… ‘‘அனாபத்தி,
பி⁴க்கு², பாராஜிகஸ்ஸ; ஆபத்தி து²ல்லச்சயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² அஞ்ஞதரங்
பி⁴க்கு²ங் சோரகந்தாரங் பாஹேஸி. தங் சோரா ஜீவிதா வோரோபேஸுங். தஸ்ஸ
குக்குச்சங் அஹோஸி…பே॰… ‘‘அனாபத்தி, பி⁴க்கு², நமரணாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² மரணாதி⁴ப்பாயோ
அஞ்ஞதரங் பி⁴க்கு²ங் சோரகந்தாரங் பாஹேஸி. தங் சோரா ஜீவிதா வோரோபேஸுங்…பே॰…
தங் சோரா ஜீவிதா ந வோரோபேஸுங். தஸ்ஸ குக்குச்சங் அஹோஸி…பே॰… ‘‘அனாபத்தி,
பி⁴க்கு², பாராஜிகஸ்ஸ; ஆபத்தி து²ல்லச்சயஸ்ஸா’’தி.
188.
தேன கோ² பன ஸமயேன அஞ்ஞதரோ பி⁴க்கு² தங் மஞ்ஞமானோ தங் ஜீவிதா வோரோபேஸி…பே॰…
தங் மஞ்ஞமானோ அஞ்ஞங் ஜீவிதா வோரோபேஸி…பே॰… அஞ்ஞங் மஞ்ஞமானோ தங் ஜீவிதா
வோரோபேஸி…பே॰… அஞ்ஞங் மஞ்ஞமானோ அஞ்ஞங் ஜீவிதா வோரோபேஸி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² அமனுஸ்ஸேன க³ஹிதோ
ஹோதி. அஞ்ஞதரோ பி⁴க்கு² தஸ்ஸ பி⁴க்கு²னோ பஹாரங் அதா³ஸி. ஸோ பி⁴க்கு²
காலமகாஸி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு² , நமரணாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² அமனுஸ்ஸேன க³ஹிதோ
ஹோதி. அஞ்ஞதரோ பி⁴க்கு² மரணாதி⁴ப்பாயோ தஸ்ஸ பி⁴க்கு²னோ பஹாரங் அதா³ஸி. ஸோ
பி⁴க்கு² காலமகாஸி…பே॰… ஸோ பி⁴க்கு² ந காலமகாஸி. தஸ்ஸ குக்குச்சங்
அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ; ஆபத்தி து²ல்லச்சயஸ்ஸா’’தி.
தேன கோ² பன ஸமயேன அஞ்ஞதரோ
பி⁴க்கு² கல்யாணகம்மஸ்ஸ ஸக்³க³கத²ங் கதே²ஸி. ஸோ அதி⁴முத்தோ காலமகாஸி. தஸ்ஸ
குக்குச்சங் அஹோஸி…பே॰… ‘‘அனாபத்தி, பி⁴க்கு², நமரணாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² மரணாதி⁴ப்பாயோ
கல்யாணகம்மஸ்ஸ ஸக்³க³கத²ங் கதே²ஸி. ஸோ அதி⁴முத்தோ காலமகாஸி…பே॰… ஸோ
அதி⁴முத்தோ ந காலமகாஸி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
பாராஜிகஸ்ஸ; ஆபத்தி து²ல்லச்சயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² நேரயிகஸ்ஸ
நிரயகத²ங் கதே²ஸி. ஸோ உத்தஸித்வா காலமகாஸி. தஸ்ஸ குக்குச்சங் அஹோஸி…பே॰…
‘‘அனாபத்தி, பி⁴க்கு², நமரணாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² மரணாதி⁴ப்பாயோ
நேரயிகஸ்ஸ நிரயகத²ங் கதே²ஸி. ஸோ உத்தஸித்வா காலமகாஸி…பே॰… ஸோ உத்தஸித்வா ந
காலமகாஸி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ;
ஆபத்தி து²ல்லச்சயஸ்ஸா’’தி.
189. தேன கோ² பன ஸமயேன ஆளவகா பி⁴க்கூ² நவகம்மங் கரொந்தா ருக்க²ங் சி²ந்த³ந்தி. அஞ்ஞதரோ பி⁴க்கு² அஞ்ஞதரங் பி⁴க்கு²ங் ஏதத³வோச – ‘‘ஆவுஸோ, அத்ரட்டி²தோ சி²ந்தா³ஹீ’’தி. தங் தத்ரட்டி²தங் சி²ந்த³ந்தங் ருக்கோ² ஒத்த²ரித்வா மாரேஸி . தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², நமரணாதி⁴ப்பாயஸ்ஸா’’தி.
தேன கோ² பன ஸமயேன ஆளவகா பி⁴க்கூ² நவகம்மங் கரொந்தா
ருக்க²ங் சி²ந்த³ந்தி. அஞ்ஞதரோ பி⁴க்கு² மரணாதி⁴ப்பாயோ அஞ்ஞதரங் பி⁴க்கு²ங்
ஏதத³வோச – ‘‘ஆவுஸோ, அத்ரட்டி²தோ சி²ந்தா³ஹீ’’தி. தங் தத்ரட்டி²தங்
சி²ந்த³ந்தங் ருக்கோ² ஒத்த²ரித்வா மாரேஸி…பே॰… ருக்கோ² ஒத்த²ரித்வா ந
மாரேஸி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ;
ஆபத்தி து²ல்லச்சயஸ்ஸா’’தி.
190. தேன கோ² பன ஸமயேன ச²ப்³ப³க்³கி³யா பி⁴க்கூ² தா³யங் ஆலிம்பேஸுங் [ஆளிம்பேஸுங் (ஸ்யா॰ க॰)]; மனுஸ்ஸா த³ட்³டா⁴ காலமகங்ஸு. தேஸங் குக்குச்சங் அஹோஸி…பே॰… ‘‘அனாபத்தி, பி⁴க்க²வே, நமரணாதி⁴ப்பாயஸ்ஸா’’தி.
தேன கோ² பன ஸமயேன ச²ப்³ப³க்³கி³யா பி⁴க்கூ²
மரணாதி⁴ப்பாயா தா³யங் ஆலிம்பேஸுங். மனுஸ்ஸா த³ட்³டா⁴ காலமகங்ஸு…பே॰…
மனுஸ்ஸா த³ட்³டா⁴ ந காலமகங்ஸு. தேஸங் குக்குச்சங் அஹோஸி…பே॰… ‘‘அனாபத்தி,
பி⁴க்க²வே, பாராஜிகஸ்ஸ; ஆபத்தி து²ல்லச்சயஸ்ஸா’’தி.
191. தேன
கோ² பன ஸமயேன அஞ்ஞதரோ பி⁴க்கு² ஆகா⁴தனங் க³ந்த்வா சோரகா⁴தங் ஏதத³வோச –
‘‘ஆவுஸோ, மாயிமங் கிலமேஸி. ஏகேன பஹாரேன ஜீவிதா வோரோபேஹீ’’தி. ‘‘ஸுட்டு²,
ப⁴ந்தே’’தி ஏகேன பஹாரேன ஜீவிதா வோரோபேஸி. தஸ்ஸ குக்குச்சங் அஹோஸி…பே॰…
‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² ஆகா⁴தனங் க³ந்த்வா சோரகா⁴தங் ஏதத³வோச – ‘‘ஆவுஸோ, மாயிமங் கிலமேஸி .
ஏகேன பஹாரேன ஜீவிதா வோரோபேஹீ’’தி. ஸோ – ‘‘நாஹங் துய்ஹங் வசனங்
கரிஸ்ஸாமீ’’தி தங் ஜீவிதா வோரோபேஸி. தஸ்ஸ குக்குச்சங் அஹோஸி…பே॰…
‘‘அனாபத்தி, பி⁴க்கு², பாராஜிகஸ்ஸ; ஆபத்தி து³க்கடஸ்ஸா’’தி.
192.
தேன கோ² பன ஸமயேன அஞ்ஞதரோ புரிஸோ ஞாதிக⁴ரே ஹத்த²பாத³ச்சி²ன்னோ ஞாதகேஹி
ஸம்பரிகிண்ணோ ஹோதி. அஞ்ஞதரோ பி⁴க்கு² தே மனுஸ்ஸே ஏதத³வோச – ‘‘ஆவுஸோ,
இச்ச²த² இமஸ்ஸ மரண’’ந்தி? ‘‘ஆம, ப⁴ந்தே, இச்சா²மா’’தி. ‘‘தேன ஹி தக்கங்
பாயேதா²’’தி. தே தங் தக்கங் பாயேஸுங். ஸோ காலமகாஸி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ புரிஸோ குலக⁴ரே
ஹத்த²பாத³ச்சி²ன்னோ ஞாதகேஹி ஸம்பரிகிண்ணோ ஹோதி. அஞ்ஞதரா பி⁴க்கு²னீ தே
மனுஸ்ஸே ஏதத³வோச – ‘‘ஆவுஸோ, இச்ச²த² இமஸ்ஸ மரண’’ந்தி? ‘‘ஆமய்யே,
இச்சா²மா’’தி. ‘‘தேன ஹி லோணஸோவீரகங் பாயேதா²’’தி. தே தங் லோணஸோவீரகங்
பாயேஸுங். ஸோ காலமகாஸி. தஸ்ஸா குக்குச்சங் அஹோஸி. அத² கோ² ஸா பி⁴க்கு²னீ
பி⁴க்கு²னீனங் ஏதமத்த²ங் ஆரோசேஸி. பி⁴க்கு²னியோ பி⁴க்கூ²னங் ஏதமத்த²ங்
ஆரோசேஸுங். பி⁴க்கூ² ப⁴க³வதோ ஏதமத்த²ங் ஆரோசேஸுங். ‘‘ஆபத்திங் ஸா, பி⁴க்க²வே, பி⁴க்கு²னீ ஆபன்னா பாராஜிக’’ந்தி.
ததியபாராஜிகங் ஸமத்தங்.
4. சதுத்த²பாராஜிகங்
193. [இத³ங் வத்து² பாசி॰ 67] தேன
ஸமயேன பு³த்³தோ⁴ ப⁴க³வா வேஸாலியங் விஹரதி மஹாவனே கூடாகா³ரஸாலாயங். தேன கோ²
பன ஸமயேன ஸம்ப³ஹுலா ஸந்தி³ட்டா² ஸம்ப⁴த்தா பி⁴க்கூ² வக்³கு³முதா³ய நதி³யா
தீரே வஸ்ஸங் உபக³ச்சி²ங்ஸு. தேன கோ² பன ஸமயேன வஜ்ஜீ து³ப்³பி⁴க்கா² ஹோதி
த்³வீஹிதிகா ஸேதட்டி²கா ஸலாகாவுத்தா, ந ஸுகரா உஞ்சே²ன பக்³க³ஹேன யாபேதுங்.
அத² கோ² தேஸங் பி⁴க்கூ²னங் ஏதத³ஹோஸி – ‘‘ஏதரஹி கோ² வஜ்ஜீ து³ப்³பி⁴க்கா²
த்³வீஹிதிகா ஸேதட்டி²கா ஸலாகாவுத்தா, ந ஸுகரா உஞ்சே²ன பக்³க³ஹேன யாபேதுங்.
கேன நு கோ² மயங் உபாயேன ஸமக்³கா³ ஸம்மோத³மானா அவிவத³மானா பா²ஸுகங் வஸ்ஸங்
வஸெய்யாம, ந ச பிண்ட³கேன கிலமெய்யாமா’’தி? ஏகச்சே ஏவமாஹங்ஸு – ‘‘ஹந்த³
மயங், ஆவுஸோ, கி³ஹீனங் கம்மந்தங் அதி⁴ட்டே²ம, ஏவங் தே அம்ஹாகங் தா³துங்
மஞ்ஞிஸ்ஸந்தி. ஏவங் மயங் ஸமக்³கா³ ஸம்மோத³மானா அவிவத³மானா பா²ஸுகங் வஸ்ஸங்
வஸிஸ்ஸாம, ந ச பிண்ட³கேன கிலமிஸ்ஸாமா’’தி. ஏகச்சே ஏவமாஹங்ஸு – ‘‘அலங்,
ஆவுஸோ, கிங் கி³ஹீனங் கம்மந்தங் அதி⁴ட்டி²தேன! ஹந்த³ மயங் ,
ஆவுஸோ, கி³ஹீனங் தூ³தெய்யங் ஹராம, ஏவங் தே அம்ஹாகங் தா³துங் மஞ்ஞிஸ்ஸந்தி.
ஏவங் மயங் ஸமக்³கா³ ஸம்மோத³மானா அவிவத³மானா பா²ஸுகங் வஸ்ஸங் வஸிஸ்ஸாம, ந ச
பிண்ட³கேன கிலமிஸ்ஸாமா’’தி. ஏகச்சே ஏவமாஹங்ஸு – ‘‘அலங், ஆவுஸோ, கிங்
கி³ஹீனங் கம்மந்தங் அதி⁴ட்டி²தேன! கிங் கி³ஹீனங் தூ³தெய்யங் ஹடேன! ஹந்த³
மயங், ஆவுஸோ, கி³ஹீனங் அஞ்ஞமஞ்ஞஸ்ஸ உத்தரிமனுஸ்ஸத⁴ம்மஸ்ஸ வண்ணங் பா⁴ஸிஸ்ஸாம
– ‘அஸுகோ பி⁴க்கு² பட²மஸ்ஸ ஜா²னஸ்ஸ லாபீ⁴, அஸுகோ பி⁴க்கு² து³தியஸ்ஸ
ஜா²னஸ்ஸ லாபீ⁴, அஸுகோ பி⁴க்கு² ததியஸ்ஸ ஜா²னஸ்ஸ லாபீ⁴, அஸுகோ பி⁴க்கு²
சதுத்த²ஸ்ஸ ஜா²னஸ்ஸ லாபீ⁴, அஸுகோ பி⁴க்கு² ஸோதாபன்னோ, அஸுகோ பி⁴க்கு²
ஸகதா³கா³மீ, அஸுகோ பி⁴க்கு² அனாகா³மீ, அஸுகோ பி⁴க்கு² அரஹா, அஸுகோ பி⁴க்கு²
தேவிஜ்ஜோ, அஸுகோ பி⁴க்கு² ச²ளபி⁴ஞ்ஞோ’தி. ஏவங் தே அம்ஹாகங் தா³துங்
மஞ்ஞிஸ்ஸந்தி. ஏவங் மயங் ஸமக்³கா³ ஸம்மோத³மானா
அவிவத³மானா பா²ஸுகங் வஸ்ஸங் வஸிஸ்ஸாம, ந ச பிண்ட³கேன கிலமிஸ்ஸாமா’’தி.
‘‘ஏஸோயேவ கோ², ஆவுஸோ, ஸெய்யோ யோ அம்ஹாகங் கி³ஹீனங் அஞ்ஞமஞ்ஞஸ்ஸ
உத்தரிமனுஸ்ஸத⁴ம்மஸ்ஸ வண்ணோ பா⁴ஸிதோ’’தி.
194.
அத² கோ² தே பி⁴க்கூ² கி³ஹீனங் அஞ்ஞமஞ்ஞஸ்ஸ உத்தரிமனுஸ்ஸத⁴ம்மஸ்ஸ வண்ணங்
பா⁴ஸிங்ஸு – ‘‘அஸுகோ பி⁴க்கு² பட²மஸ்ஸ ஜா²னஸ்ஸ லாபீ⁴…பே॰… அஸுகோ பி⁴க்கு²
ச²ளபி⁴ஞ்ஞோ’’தி. அத² கோ² தே மனுஸ்ஸா – ‘‘லாபா⁴ வத நோ, ஸுலத்³த⁴ங் வத நோ,
யேஸங் வத நோ ஏவரூபா பி⁴க்கூ² வஸ்ஸங் உபக³தா; ந வத நோ இதோ புப்³பே³ ஏவரூபா
பி⁴க்கூ² வஸ்ஸங் உபக³தா யத²யிமே பி⁴க்கூ² ஸீலவந்தோ கல்யாணத⁴ம்மா’’தி, தே ந
தாதி³ஸானி போ⁴ஜனானி அத்தனா பரிபு⁴ஞ்ஜந்தி மாதாபிதூனங் தெ³ந்தி புத்ததா³ரஸ்ஸ
தெ³ந்தி தா³ஸகம்மகரபோரிஸஸ்ஸ தெ³ந்தி மித்தாமச்சானங் தெ³ந்தி
ஞாதிஸாலோஹிதானங் தெ³ந்தி, யாதி³ஸானி பி⁴க்கூ²னங்
தெ³ந்தி. தே ந தாதி³ஸானி கா²த³னீயானி ஸாயனீயானி பானானி அத்தனா கா²த³ந்தி
ஸாயந்தி பிவந்தி மாதாபிதூனங் தெ³ந்தி புத்ததா³ரஸ்ஸ தெ³ந்தி
தா³ஸகம்மகரபோரிஸஸ்ஸ தெ³ந்தி மித்தாமச்சானங் தெ³ந்தி ஞாதிஸாலோஹிதானங்
தெ³ந்தி, யாதி³ஸானி பி⁴க்கூ²னங் தெ³ந்தி. அத² கோ² தே பி⁴க்கூ² வண்ணவா
அஹேஸுங் பீணிந்த்³ரியா பஸன்னமுக²வண்ணா விப்பஸன்னச²விவண்ணா.
ஆசிண்ணங் கோ² பனேதங் வஸ்ஸங்வுட்டா²னங் பி⁴க்கூ²னங்
ப⁴க³வந்தங் த³ஸ்ஸனாய உபஸங்கமிதுங். அத² கோ² தே பி⁴க்கூ² வஸ்ஸங்வுட்டா²
தேமாஸச்சயேன ஸேனாஸனங் ஸங்ஸாமெத்வா பத்தசீவரங் ஆதா³ய யேன வேஸாலீ தேன
பக்கமிங்ஸு. அனுபுப்³பே³ன யேன வேஸாலீ மஹாவனங் கூடாகா³ரஸாலா யேன ப⁴க³வா
தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³ங்ஸு.
தேன கோ² பன ஸமயேன தி³ஸாஸு
வஸ்ஸங்வுட்டா² பி⁴க்கூ² கிஸா ஹொந்தி லூகா² து³ப்³ப³ண்ணா
உப்பண்டு³ப்பண்டு³கஜாதா த⁴மனிஸந்த²தக³த்தா; வக்³கு³முதா³தீரியா பன பி⁴க்கூ²
வண்ணவா ஹொந்தி பீணிந்த்³ரியா பஸன்னமுக²வண்ணா
விப்பஸன்னச²விவண்ணா. ஆசிண்ணங் கோ² பனேதங் பு³த்³தா⁴னங் ப⁴க³வந்தானங்
ஆக³ந்துகேஹி பி⁴க்கூ²ஹி ஸத்³தி⁴ங் படிஸம்மோதி³துங். அத² கோ² ப⁴க³வா
வக்³கு³முதா³தீரியே பி⁴க்கூ² ஏதத³வோச – ‘‘கச்சி, பி⁴க்க²வே, க²மனீயங் கச்சி
யாபனீயங் கச்சி ஸமக்³கா³ ஸம்மோத³மானா அவிவத³மானா பா²ஸுகங் வஸ்ஸங் வஸித்த² ந
ச பிண்ட³கேன கிலமித்தா²’’தி? ‘‘க²மனீயங், ப⁴க³வா, யாபனீயங், ப⁴க³வா.
ஸமக்³கா³ ச மயங், ப⁴ந்தே, ஸம்மோத³மானா அவிவத³மானா பா²ஸுகங் வஸ்ஸங் வஸிம்ஹா,
ந ச பிண்ட³கேன கிலமிம்ஹா’’தி. ஜானந்தாபி ததா²க³தா புச்ச²ந்தி, ஜானந்தாபி
ந புச்ச²ந்தி…பே॰… த்³வீஹாகாரேஹி பு³த்³தா⁴ ப⁴க³வந்தோ பி⁴க்கூ²
படிபுச்ச²ந்தி – த⁴ம்மங் வா தே³ஸெஸ்ஸாம, ஸாவகானங் வா ஸிக்கா²பத³ங்
பஞ்ஞாபெஸ்ஸாமாதி. அத² கோ² ப⁴க³வா வக்³கு³முதா³தீரியே பி⁴க்கூ² ஏதத³வோச –
‘‘யதா² கத²ங் பன தும்ஹே, பி⁴க்க²வே, ஸமக்³கா³ ஸம்மோத³மானா அவிவத³மானா
பா²ஸுகங் வஸ்ஸங் வஸித்த² ந ச பிண்ட³கேன கிலமித்தா²’’தி? அத² கோ² தே
பி⁴க்கூ² ப⁴க³வதோ ஏதமத்த²ங் ஆரோசேஸுங் – ‘‘கச்சி பன
வோ, பி⁴க்க²வே, பூ⁴த’’ந்தி? ‘‘அபூ⁴தங், ப⁴க³வா’’தி. விக³ரஹி பு³த்³தோ⁴
ப⁴க³வா – ‘‘அனநுச்ச²விகங், மோக⁴புரிஸா, அனநுலோமிகங் அப்பதிரூபங் அஸ்ஸாமணகங்
அகப்பியங் அகரணீயங். கத²ஞ்ஹி நாம தும்ஹே, மோக⁴புரிஸா, உத³ரஸ்ஸ காரணா
கி³ஹீனங் அஞ்ஞமஞ்ஞஸ்ஸ உத்தரிமனுஸ்ஸத⁴ம்மஸ்ஸ வண்ணங் பா⁴ஸிஸ்ஸத²! வரங்
தும்ஹேஹி, மோக⁴புரிஸா, திண்ஹேன கோ³விகந்தனேன [கோ³விகத்தனேன (ஸீ॰ க॰)]
குச்சி²ங் பரிகந்தோ, ந த்வேவ உத³ரஸ்ஸ காரணா கி³ஹீனங் அஞ்ஞமஞ்ஞஸ்ஸ
உத்தரிமனுஸ்ஸத⁴ம்மஸ்ஸ வண்ணோ பா⁴ஸிதோ! தங் கிஸ்ஸ ஹேது? ததோ நிதா³னஞ்ஹி,
மோக⁴புரிஸா, மரணங் வா நிக³ச்செ²ய்ய மரணமத்தங் வா து³க்க²ங், ந த்வேவ
தப்பச்சயா காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங்
உபபஜ்ஜேய. இதோ நிதா³னஞ்ச கோ², மோக⁴புரிஸா, காயஸ்ஸ பே⁴தா³ பரங் மரணா அபாயங்
து³க்³க³திங் வினிபாதங் நிரயங் உபபஜ்ஜெய்ய. நேதங், மோக⁴புரிஸா,
அப்பஸன்னானங் வா பஸாதா³ய’’…பே॰… விக³ரஹித்வா த⁴ம்மிங் கத²ங் கத்வா பி⁴க்கூ²
ஆமந்தேஸி –
195.
‘‘பஞ்சிமே, பி⁴க்க²வே, மஹாசோரா ஸந்தோ ஸங்விஜ்ஜமானா லோகஸ்மிங். கதமே பஞ்ச?
இத⁴, பி⁴க்க²வே, ஏகச்சஸ்ஸ மஹாசோரஸ்ஸ ஏவங் ஹோதி – ‘குதா³ஸ்ஸு நாமாஹங் ஸதேன
வா ஸஹஸ்ஸேன வா பரிவுதோ கா³மனிக³மராஜதா⁴னீஸு
ஆஹிண்டி³ஸ்ஸாமி ஹனந்தோ கா⁴தெந்தோ சி²ந்த³ந்தோ சே²தா³பெந்தோ பசந்தோ
பாசெந்தோ’தி! ஸோ அபரேன ஸமயேன ஸதேன வா ஸஹஸ்ஸேன வா பரிவுதோ
கா³மனிக³மராஜதா⁴னீஸு ஆஹிண்ட³தி ஹனந்தோ கா⁴தெந்தோ சி²ந்த³ந்தோ சே²தா³பெந்தோ
பசந்தோ பாசெந்தோ. ஏவமேவ கோ², பி⁴க்க²வே, இதே⁴கச்சஸ்ஸ பாபபி⁴க்கு²னோ ஏவங்
ஹோதி – ‘குதா³ஸ்ஸு நாமாஹங் ஸதேன வா ஸஹஸ்ஸேன வா பரிவுதோ கா³மனிக³மராஜதா⁴னீஸு
சாரிகங் சரிஸ்ஸாமி ஸக்கதோ க³ருகதோ மானிதோ பூஜிதோ அபசிதோ க³ஹட்டா²னஞ்சேவ
பப்³ப³ஜிதானஞ்ச, லாபீ⁴
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரான’ந்தி ! ஸோ அபரேன ஸமயேன ஸதேன வா ஸஹஸ்ஸேன வா பரிவுதோ கா³மனிக³மராஜதா⁴னீஸு சாரிகங் சரதி ஸக்கதோ க³ருகதோ மானிதோ பூஜிதோ அபசிதோ
க³ஹட்டா²னஞ்சேவ பப்³ப³ஜிதானஞ்ச, லாபீ⁴
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரானங். அயங், பி⁴க்க²வே,
பட²மோ மஹாசோரோ ஸந்தோ ஸங்விஜ்ஜமானோ லோகஸ்மிங்.
‘‘புன சபரங், பி⁴க்க²வே, இதே⁴கச்சோ பாபபி⁴க்கு²
ததா²க³தப்பவேதி³தங் த⁴ம்மவினயங் பரியாபுணித்வா அத்தனோ த³ஹதி. அயங்,
பி⁴க்க²வே, து³தியோ மஹாசோரோ ஸந்தோ ஸங்விஜ்ஜமானோ லோகஸ்மிங்.
‘‘புன சபரங், பி⁴க்க²வே, இதே⁴கச்சோ பாபபி⁴க்கு² ஸுத்³த⁴ங் ப்³ரஹ்மசாரிங் பரிஸுத்³த⁴ங் ப்³ரஹ்மசரியங் சரந்தங் அமூலகேன அப்³ரஹ்மசரியேன அனுத்³த⁴ங்ஸேதி. அயங், பி⁴க்க²வே, ததியோ மஹாசோரோ ஸந்தோ ஸங்விஜ்ஜமானோ லோகஸ்மிங்.
‘‘புன சபரங், பி⁴க்க²வே, இதே⁴கச்சோ பாபபி⁴க்கு² யானி
தானி ஸங்க⁴ஸ்ஸ க³ருப⁴ண்டா³னி க³ருபரிக்கா²ரானி, ஸெய்யதி²த³ங் – ஆராமோ
ஆராமவத்து² விஹாரோ விஹாரவத்து² மஞ்சோ பீட²ங் பி⁴ஸி பி³ம்போ³ஹனங் [பி³ம்போ³ஹனங் (ஸீ॰ ஸ்யா॰)] லோஹகும்பீ⁴ லோஹபா⁴ணகங் லோஹவாரகோ லோஹகடாஹங் வாஸீ பரஸு [ப²ரஸு (ஸீ॰ ஸ்யா॰)]
குடா²ரீ குதா³லோ நிகா²த³னங் வல்லி வேளு முஞ்ஜங் பப்³ப³ஜங் திணங் மத்திகா
தா³ருப⁴ண்ட³ங் மத்திகாப⁴ண்ட³ங், தேஹி கி³ஹீங் ஸங்க³ண்ஹாதி உபலாபேதி. அயங்,
பி⁴க்க²வே, சதுத்தோ² மஹாசோரோ ஸந்தோ ஸங்விஜ்ஜமானோ லோகஸ்மிங்.
‘‘ஸதே³வகே, பி⁴க்க²வே, லோகே ஸமாரகே ஸப்³ரஹ்மகே
ஸஸ்ஸமணப்³ராஹ்மணியா பஜாய ஸதே³வமனுஸ்ஸாய அயங் அக்³கோ³ மஹாசோரோ யோ அஸந்தங்
அபூ⁴தங் உத்தரிமனுஸ்ஸத⁴ம்மங் உல்லபதி. தங் கிஸ்ஸ ஹேது? தெ²ய்யாய வோ, பி⁴க்க²வே, ரட்ட²பிண்டோ³ பு⁴த்தோ’’தி.
[ஸங்॰ நி॰ 1.35] அஞ்ஞதா² ஸந்தமத்தானங், அஞ்ஞதா² யோ பவேத³யே;
நிகச்ச கிதவஸ்ஸேவ, பு⁴த்தங் தெ²ய்யேன தஸ்ஸ தங்.
[த⁴॰ ப॰ 307 த⁴ம்மபதே³பி] காஸாவகண்டா² ப³ஹவோ, பாபத⁴ம்மா அஸஞ்ஞதா;
பாபா பாபேஹி கம்மேஹி, நிரயங் தே உபபஜ்ஜரே.
[த⁴॰ ப॰ 307 த⁴ம்மபதே³பி] ஸெய்யோ அயோகு³ளோ பு⁴த்தோ, தத்தோ அக்³கி³ஸிகூ²பமோ;
யஞ்சே பு⁴ஞ்ஜெய்ய து³ஸ்ஸீலோ, ரட்ட²பிண்ட³ங் அஸஞ்ஞதோதி.
அத² கோ² ப⁴க³வா தே வக்³கு³முதா³தீரியே பி⁴க்கூ²
அனேகபரியாயேன விக³ரஹித்வா து³ப்³ப⁴ரதாய து³ப்போஸதாய…பே॰… ஏவஞ்ச பன,
பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
‘‘யோ பன பி⁴க்கு² அனபி⁴ஜானங்
உத்தரிமனுஸ்ஸத⁴ம்மங் அத்துபனாயிகங் அலமரியஞாணத³ஸ்ஸனங் ஸமுதா³சரெய்ய – ‘இதி
ஜானாமி இதி பஸ்ஸாமீ’தி, ததோ அபரேன ஸமயேன ஸமனுக்³கா³ஹீயமானோ வா
அஸமனுக்³கா³ஹீயமானோ வா ஆபன்னோ விஸுத்³தா⁴பெக்கோ² ஏவங் வதெ³ய்ய –
‘அஜானமேவங், ஆவுஸோ, அவசங் ஜானாமி , அபஸ்ஸங் பஸ்ஸாமி. துச்ச²ங் முஸா விலபி’ந்தி, அயம்பி பாராஜிகோ ஹோதி அஸங்வாஸோ’’தி.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
196.
தேன கோ² பன ஸமயேன ஸம்ப³ஹுலா பி⁴க்கூ² அதி³ட்டே² தி³ட்ட²ஸஞ்ஞினோ அபத்தே
பத்தஸஞ்ஞினோ அனதி⁴க³தே அதி⁴க³தஸஞ்ஞினோ அஸச்சி²கதே ஸச்சி²கதஸஞ்ஞினோ
அதி⁴மானேன அஞ்ஞங் ப்³யாகரிங்ஸு. தேஸங் அபரேன ஸமயேன ராகா³யபி சித்தங் நமதி
தோ³ஸாயபி சித்தங் நமதி மோஹாயபி சித்தங் நமதி. தேஸங் குக்குச்சங் அஹோஸி –
‘‘ப⁴க³வதா ஸிக்கா²பத³ங் பஞ்ஞத்தங். மயஞ்சம்ஹ அதி³ட்டே² தி³ட்ட²ஸஞ்ஞினோ
அபத்தே பத்தஸஞ்ஞினோ அனதி⁴க³தே அதி⁴க³தஸஞ்ஞினோ அஸச்சி²கதே ஸச்சி²கதஸஞ்ஞினோ,
அதி⁴மானேன அஞ்ஞங் ப்³யாகரிம்ஹா. கச்சி நு கோ² மயங் பாராஜிகங் ஆபத்திங்
ஆபன்னா’’தி? தே ஆயஸ்மதோ ஆனந்த³ஸ்ஸ ஏதமத்த²ங் ஆரோசேஸுங். ஆயஸ்மா ஆனந்தோ³
ப⁴க³வதோ ஏதமத்த²ங் ஆரோசேஸி. ‘‘ஹொந்தி யே தே, ஆனந்த³ [ஹொந்தி யேவானந்த³ (ஸ்யா॰), ஹொந்தி தே ஆனந்த³ (ஸீ॰)],
பி⁴க்கூ² அதி³ட்டே² தி³ட்ட²ஸஞ்ஞினோ அபத்தே பத்தஸஞ்ஞினோ அனதி⁴க³தே
அதி⁴க³தஸஞ்ஞினோ அஸச்சி²கதே ஸச்சி²கதஸஞ்ஞினோ அதி⁴மானேன அஞ்ஞங் ப்³யாகரொந்தி.
தஞ்ச கோ² ஏதங் அப்³போ³ஹாரிக’’ந்தி.
‘‘ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
197. ‘‘யோ பன
பி⁴க்கு² அனபி⁴ஜானங் உத்தரிமனுஸ்ஸத⁴ம்மங் அத்துபனாயிகங் அலமரியஞாணத³ஸ்ஸனங்
ஸமுதா³சரெய்ய – ‘இதி ஜானாமி இதி பஸ்ஸாமீ’தி, ததோ அபரேன ஸமயேன
ஸமனுக்³கா³ஹீயமானோ வா அஸமனுக்³கா³ஹீயமானோ வா ஆபன்னோ விஸுத்³தா⁴பெக்கோ² ஏவங்
வதெ³ய்ய – ‘அஜானமேவங், ஆவுஸோ, அவசங் ஜானாமி, அபஸ்ஸங் பஸ்ஸாமி. துச்ச²ங்
முஸா விலபி’ந்தி, அஞ்ஞத்ர அதி⁴மானா, அயம்பி பாராஜிகோ ஹோதி அஸங்வாஸோ’’தி.
198. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
அனபி⁴ஜானந்தி அஸந்தங் அபூ⁴தங் அஸங்விஜ்ஜமானங் அஜானந்தோ அபஸ்ஸந்தோ அத்தனி குஸலங் த⁴ம்மங் – அத்தி² மே குஸலோ த⁴ம்மோதி.
[பாசி॰ 70] உத்தரிமனுஸ்ஸத⁴ம்மோ நாம ஜா²னங் விமொக்கோ² [விமொக்க²ங் (ஸீ॰ ஸ்யா॰)] ஸமாதி⁴ ஸமாபத்தி ஞாணத³ஸ்ஸனங் மக்³க³பா⁴வனா ப²லஸச்சி²கிரியா கிலேஸப்பஹானங் வினீவரணதா சித்தஸ்ஸ ஸுஞ்ஞாகா³ரே அபி⁴ரதி.
அத்துபனாயிகந்தி தே வா குஸலே த⁴ம்மே அத்தனி உபனேதி அத்தானங் வா தேஸு குஸலேஸு த⁴ம்மேஸு உபனேதி.
ஞாணந்தி திஸ்ஸோ விஜ்ஜா. த³ஸ்ஸனந்தி யங் ஞாணங் தங் த³ஸ்ஸனங். யங் த³ஸ்ஸனங் தங் ஞாணங்.
ஸமுதா³சரெய்யாதி ஆரோசெய்ய இத்தி²யா வா புரிஸஸ்ஸ வா க³ஹட்ட²ஸ்ஸ வா பப்³ப³ஜிதஸ்ஸ வா.
இதி ஜானாமி இதி பஸ்ஸாமீதி ஜானாமஹங் ஏதே த⁴ம்மே, பஸ்ஸாமஹங் ஏதே த⁴ம்மே அத்தி² ச ஏதே த⁴ம்மா மயி, அஹஞ்ச ஏதேஸு த⁴ம்மேஸு ஸந்தி³ஸ்ஸாமீதி.
ததோ அபரேன ஸமயேனாதி யஸ்மிங் க²ணே ஸமுதா³சிண்ணங் ஹோதி தங் க²ணங் தங் லயங் தங் முஹுத்தங் வீதிவத்தே.
ஸமனுக்³கா³ஹீயமானோதி யங்
வத்து² படிஞ்ஞாதங் ஹோதி தஸ்மிங் வத்து²ஸ்மிங் ஸமனுக்³கா³ஹீயமானோ – ‘‘கிந்தே
அதி⁴க³தங், கிந்தி தே அதி⁴க³தங், கதா³ தே அதி⁴க³தங், கத்த² தே அதி⁴க³தங்,
கதமே தே கிலேஸா பஹீனா, கதமேஸங் த்வங் த⁴ம்மானங் லாபீ⁴’’தி.
அஸமனுக்³கா³ஹீயமானோதி ந கேனசி வுச்சமானோ.
ஆபன்னோதி பாபிச்சோ² இச்சா²பகதோ அஸந்தங் அபூ⁴தங் உத்தரிமனுஸ்ஸத⁴ம்மங் உல்லபித்வா பாராஜிகங் ஆபத்திங் ஆபன்னோ ஹோதி.
விஸுத்³தா⁴பெக்கோ²தி கி³ஹீ வா ஹோதுகாமோ உபாஸகோ வா ஹோதுகாமோ ஆராமிகோ வா ஹோதுகாமோ ஸாமணேரோ வா ஹோதுகாமோ.
அஜானமேவங் , ஆவுஸோ, அவசங் – ஜானாமி, அபஸ்ஸங் பஸ்ஸாமீதி நாஹங் ஏதே த⁴ம்மே ஜானாமி, நாஹங் ஏதே த⁴ம்மே பஸ்ஸாமி, நத்தி² ச ஏதே த⁴ம்மா மயி, ந சாஹங் ஏதேஸு த⁴ம்மேஸு ஸந்தி³ஸ்ஸாமீதி.
துச்ச²ங் முஸா விலபிந்தி துச்ச²கங் மயா ப⁴ணிதங், முஸா மயா ப⁴ணிதங், அபூ⁴தங் மயா ப⁴ணிதங், அஜானந்தேன மயா ப⁴ணிதங்.
அஞ்ஞத்ர அதி⁴மானாதி ட²பெத்வா அதி⁴மானங்.
அயம்பீதி புரிமே உபாதா³ய வுச்சதி.
பாராஜிகோ ஹோதீதி ஸெய்யதா²பி
நாம தாலோ மத்த²கச்சி²ன்னோ அப⁴ப்³போ³ புன விரூள்ஹியா, ஏவமேவ பி⁴க்கு²
பாபிச்சோ² இச்சா²பகதோ அஸந்தங் அபூ⁴தங் உத்தரிமனுஸ்ஸத⁴ம்மங் உல்லபித்வா
அஸ்ஸமணோ ஹோதி அஸக்யபுத்தியோ. தேன வுச்சதி – ‘‘பாராஜிகோ ஹோதீ’’தி.
அஸங்வாஸோதி ஸங்வாஸோ நாம ஏககம்மங் ஏகுத்³தே³ஸோ ஸமஸிக்க²தா – ஏஸோ ஸங்வாஸோ நாம. ஸோ தேன ஸத்³தி⁴ங் நத்தி². தேன வுச்சதி – ‘‘அஸங்வாஸோ’’தி.
199. உத்தரிமனுஸ்ஸத⁴ம்மோ
நாம ஜா²னங் விமொக்கோ² ஸமாதி⁴ ஸமாபத்தி ஞாணத³ஸ்ஸனங் மக்³க³பா⁴வனா
ப²லஸச்சி²கிரியா கிலேஸப்பஹானங் வினீவரணதா சித்தஸ்ஸ ஸுஞ்ஞாகா³ரே அபி⁴ரதி.
[பாசி॰ 70] ஜா²னந்தி பட²மங் ஜா²னங் து³தியங் ஜா²னங் ததியங் ஜா²னங் சதுத்த²ங் ஜா²னங்.
[பாசி॰ 70] விமொக்கோ²தி ஸுஞ்ஞதோ விமொக்கோ² அனிமித்தோ விமொக்கோ² அப்பணிஹிதோ விமொக்கோ².
[பாசி॰ 70] ஸமாதீ⁴தி ஸுஞ்ஞதோ ஸமாதி⁴ அனிமித்தோ ஸமாதி⁴ அப்பணிஹிதோ ஸமாதி⁴.
[பாசி॰ 70] ஸமாபத்தீதி ஸுஞ்ஞதா ஸமாபத்தி அனிமித்தா ஸமாபத்தி அப்பணிஹிதா ஸமாபத்தி.
[பாசி॰ 70] ஞாணத³ஸ்ஸனந்தி திஸ்ஸோ விஜ்ஜா.
[பாசி॰ 70] மக்³க³பா⁴வனாதி
சத்தாரோ ஸதிபட்டா²னா, சத்தாரோ ஸம்மப்பதா⁴னா, சத்தாரோ இத்³தி⁴பாதா³,
பஞ்சிந்த்³ரியானி, பஞ்ச ப³லானி, ஸத்த பொ³ஜ்ஜ²ங்கா³, அரியோ அட்ட²ங்கி³கோ
மக்³கோ³.
[பாசி॰ 70] ப²லஸச்சி²கிரியாதி ஸோதாபத்திப²லஸ்ஸ ஸச்சி²கிரியா, ஸகதா³கா³மிப²லஸ்ஸ ஸச்சி²கிரியா, அனாகா³மிப²லஸ்ஸ ஸச்சி²கிரியா, அரஹத்தஸ்ஸ [அரஹத்தப²லஸ்ஸ (ஸ்யா॰)] ஸச்சி²கிரியா.
[பாசி॰ 70] கிலேஸப்பஹானந்தி ராக³ஸ்ஸ பஹானங் தோ³ஸஸ்ஸ பஹானங் மோஹஸ்ஸ பஹானங்.
[பாசி॰ 70] வினீவரணதா சித்தஸ்ஸாதி ராகா³ சித்தங் வினீவரணதா, தோ³ஸா சித்தங் வினீவரணதா, மோஹா சித்தங் வினீவரணதா.
[பாசி॰ 70] ஸுஞ்ஞாகா³ரே அபி⁴ரதீதி
பட²மேன ஜா²னேன ஸுஞ்ஞாகா³ரே அபி⁴ரதி, து³தியேன ஜா²னேன ஸுஞ்ஞாகா³ரே அபி⁴ரதி,
ததியேன ஜா²னேன ஸுஞ்ஞாகா³ரே அபி⁴ரதி, சதுத்தே²ன ஜா²னேன ஸுஞ்ஞாகா³ரே
அபி⁴ரதி.
200.
தீஹாகாரேஹி பட²மங் ஜா²னங் ஸமாபஜ்ஜிந்தி ஸம்பஜானமுஸா ப⁴ணந்தஸ்ஸ ஆபத்தி
பாராஜிகஸ்ஸ, புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா
ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி.
சதூஹாகாரேஹி பட²மங் ஜா²னங் ஸமாபஜ்ஜிந்தி ஸம்பஜானமுஸா
ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி,
ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங்.
பஞ்சஹாகாரேஹி பட²மங் ஜா²னங் ஸமாபஜ்ஜிந்தி ஸம்பஜானமுஸா
ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி,
ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய
தி³ட்டி²ங் வினிதா⁴ய க²ந்திங்.
ச²ஹாகாரேஹி பட²மங் ஜா²னங் ஸமாபஜ்ஜிந்தி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ
– புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி,
ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய
க²ந்திங், வினிதா⁴ய ருசிங்.
ஸத்தஹாகாரேஹி பட²மங் ஜா²னங் ஸமாபஜ்ஜிந்தி ஸம்பஜானமுஸா
ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி,
ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய
தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
201.
தீஹாகாரேஹி பட²மங் ஜா²னங் ஸமாபஜ்ஜாமீதி ஸம்பஜானமுஸா ப⁴ணந்தஸ்ஸ ஆபத்தி
பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா
ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி.
சதூஹாகாரேஹி பட²மங் ஜா²னங் ஸமாபஜ்ஜாமீதி ஸம்பஜானமுஸா
ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி,
ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய
தி³ட்டி²ங்.
பஞ்சஹாகாரேஹி பட²மங் ஜா²னங்
ஸமாபஜ்ஜாமீதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி
முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா
ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங்.
ச²ஹாகாரேஹி பட²மங் ஜா²னங் ஸமாபஜ்ஜாமீதி ஸம்பஜானமுஸா
ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி,
ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய
தி³ட்டி²ங், வினிதா⁴ய க²ந்திங், வினிதா⁴ய ருசிங்.
ஸத்தஹாகாரேஹி பட²மங் ஜா²னங் ஸமாபஜ்ஜாமீதி ஸம்பஜானமுஸா
ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி,
ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய
தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
202. தீஹாகாரேஹி
பட²மங் ஜா²னங் ஸமாபன்னோதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ –
புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி,
ப⁴ணிதஸ்ஸ ஹோதி முஸா மயா ப⁴ணிதந்தி.
சதூஹாகாரேஹி பட²மங் ஜா²னங் ஸமாபன்னோதி ஸம்பஜானமுஸா
ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி,
ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய
தி³ட்டி²ங்.
பஞ்சஹாகாரேஹி பட²மங் ஜா²னங் ஸமாபன்னோதி ஸம்பஜானமுஸா ப⁴ணந்தஸ்ஸ ஆபத்தி
பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா
ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங்,
வினிதா⁴ய க²ந்திங்.
ச²ஹாகாரேஹி பட²மங் ஜா²னங் ஸமாபன்னோதி ஸம்பஜானமுஸா
ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி,
ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய
தி³ட்டி²ங், வினிதா⁴ய க²ந்திங், வினிதா⁴ய ருசிங்.
ஸத்தஹாகாரேஹி பட²மங் ஜா²னங் ஸமாபன்னோதி ஸம்பஜானமுஸா
ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி,
ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய
தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
203.
தீஹாகாரேஹி பட²மஸ்ஸ ஜா²னஸ்ஸ லாபீ⁴ம்ஹீதி ஸம்பஜானமுஸா ப⁴ணந்தஸ்ஸ ஆபத்தி
பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா
ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி.
சதூஹாகாரேஹி பட²மஸ்ஸ ஜா²னஸ்ஸ லாபீ⁴ம்ஹீதி ஸம்பஜானமுஸா
ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி,
ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய
தி³ட்டி²ங்.
பஞ்சஹாகாரேஹி பட²மஸ்ஸ ஜா²னஸ்ஸ லாபீ⁴ம்ஹீதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி , ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங்.
ச²ஹாகாரேஹி பட²மஸ்ஸ ஜா²னஸ்ஸ லாபீ⁴ம்ஹீதி ஸம்பஜானமுஸா
ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி,
ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய
தி³ட்டி²ங், வினிதா⁴ய க²ந்திங், வினிதா⁴ய ருசிங்.
ஸத்தஹாகாரேஹி பட²மஸ்ஸ ஜா²னஸ்ஸ லாபீ⁴ம்ஹீதி ஸம்பஜானமுஸா
ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி,
ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய
தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
204.
தீஹாகாரேஹி பட²மஸ்ஸ ஜா²னஸ்ஸ வஸீம்ஹீதி ஸம்பஜானமுஸா ப⁴ணந்தஸ்ஸ ஆபத்தி
பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா
ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி.
சதூஹாகாரேஹி பட²மஸ்ஸ ஜா²னஸ்ஸ வஸீம்ஹீதி ஸம்பஜானமுஸா
ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி,
ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய
தி³ட்டி²ங்.
பஞ்சஹாகாரேஹி பட²மஸ்ஸ ஜா²னஸ்ஸ வஸீம்ஹீதி ஸம்பஜானமுஸா
ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி,
ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய
தி³ட்டி²ங், வினிதா⁴ய க²ந்திங்.
ச²ஹாகாரேஹி பட²மஸ்ஸ ஜா²னஸ்ஸ வஸீம்ஹீதி ஸம்பஜானமுஸா
ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி,
ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய
தி³ட்டி²ங், வினிதா⁴ய க²ந்திங், வினிதா⁴ய ருசிங்.
ஸத்தஹாகாரேஹி பட²மஸ்ஸ ஜா²னஸ்ஸ
வஸீம்ஹீதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி
முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா
ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங்,
வினிதா⁴ய பா⁴வங்.
205. தீஹாகாரேஹி
பட²மங் ஜா²னங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ –
புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி,
ப⁴ணிதஸ்ஸ ஹோதி முஸா மயா ப⁴ணிதந்தி.
சதூஹாகாரேஹி பட²மங் ஜா²னங் ஸச்சி²கதங் மயாதி
ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா
ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா
ப⁴ணிதந்தி, வினிதா⁴ய தி³ட்டி²ங்.
பஞ்சஹாகாரேஹி பட²மங் ஜா²னங் ஸச்சி²கதங் மயாதி
ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா
ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா
ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங்.
ச²ஹாகாரேஹி பட²மங் ஜா²னங்
ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ
ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா
மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங்.
ஸத்தஹாகாரேஹி பட²மங் ஜா²னங் ஸச்சி²கதங் மயாதி
ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா
ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா
ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங்,
வினிதா⁴ய பா⁴வங்.
யதா² இத³ங் பட²மங் ஜா²னங் வித்தா²ரிதங் தங் ஸப்³ப³ம்பி வித்தா²ரேதப்³ப³ங்.
206. தீஹாகாரேஹி…பே॰… ஸத்தஹாகாரேஹி து³தியங் ஜா²னங்…பே॰… ததியங் ஜா²னங்…பே॰… சதுத்த²ங் ஜா²னங் ஸமாபஜ்ஜிங்… ஸமாபஜ்ஜாமி… ஸமாபன்னோ… சதுத்த²ஸ்ஸ
ஜா²னஸ்ஸ லாபீ⁴ம்ஹி… வஸீம்ஹி… சதுத்த²ங் ஜா²னங் ஸச்சி²கதங் மயாதி
ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ. புப்³பே³வஸ்ஸ ஹோதி முஸா
ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா
ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங்,
வினிதா⁴ய பா⁴வங்.
207.
தீஹாகாரேஹி ஸுஞ்ஞதங் விமொக்க²ங்… அனிமித்தங் விமொக்க²ங்… அப்பணிஹிதங்
விமொக்க²ங்… ஸமாபஜ்ஜிங்… ஸமாபஜ்ஜாமி… ஸமாபன்னோ… அப்பணிஹிதஸ்ஸ விமொக்க²ஸ்ஸ
லாபீ⁴ம்ஹி… வஸீம்ஹி… அப்பணிஹிதோ விமொக்கோ² ஸச்சி²கதோ மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ…பே॰….
தீஹாகாரேஹி ஸுஞ்ஞதங் ஸமாதி⁴ங்… அனிமித்தங் ஸமாதி⁴ங்…
அப்பணிஹிதங் ஸமாதி⁴ங் ஸமாபஜ்ஜிங்… ஸமாபஜ்ஜாமி… ஸமாபன்னோ… அப்பணிஹிதஸ்ஸ
ஸமாதி⁴ஸ்ஸ லாபீ⁴ம்ஹி… வஸீம்ஹி… அப்பணிஹிதோ ஸமாதி⁴ ஸச்சி²கதோ மயாதி
ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி ஸுஞ்ஞதங் ஸமாபத்திங்… அனிமித்தங்
ஸமாபத்திங்… அப்பணிஹிதங் ஸமாபத்திங் ஸமாபஜ்ஜிங்… ஸமாபஜ்ஜாமி… ஸமாபன்னோ…
அப்பணிஹிதாய ஸமாபத்தியா லாபீ⁴ம்ஹி… வஸீம்ஹி… அப்பணிஹிதா ஸமாபத்தி ஸச்சி²கதா
மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி திஸ்ஸோ விஜ்ஜா ஸமாபஜ்ஜிங்… ஸமாபஜ்ஜாமி
ஸமாபன்னோ… திஸ்ஸன்னங் விஜ்ஜானங் லாபீ⁴ம்ஹி… வஸீம்ஹி… திஸ்ஸோ விஜ்ஜா
ஸச்சி²கதா மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி சத்தாரோ ஸதிபட்டா²னே… சத்தாரோ
ஸம்மப்பதா⁴னே… சத்தாரோ இத்³தி⁴பாதே³ ஸமாபஜ்ஜிங்… ஸமாபஜ்ஜாமி… ஸமாபன்னோ…
சதுன்னங் இத்³தி⁴பாதா³னங் லாபீ⁴ம்ஹி… வஸீம்ஹி… சத்தாரோ இத்³தி⁴பாதா³
ஸச்சி²கதா மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி பஞ்சிந்த்³ரியானி… பஞ்ச ப³லானி ஸமாபஜ்ஜிங்… ஸமாபஜ்ஜாமி… ஸமாபன்னோ … பஞ்சன்னங் ப³லானங் லாபீ⁴ம்ஹி… வஸீம்ஹி… பஞ்சப³லானி ஸச்சி²கதானி மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி ஸத்த பொ³ஜ்ஜ²ங்கே³
ஸமாபஜ்ஜிங்… ஸமாபஜ்ஜாமி… ஸமாபன்னோ… ஸத்தன்னங் பொ³ஜ்ஜ²ங்கா³னங் லாபீ⁴ம்ஹி…
வஸீம்ஹி… ஸத்த பொ³ஜ்ஜ²ங்கா³ ஸச்சி²கதா மயாதி ஸம்பஜானமுஸா ப⁴ணந்தஸ்ஸ ஆபத்தி
பாராஜிகஸ்ஸ.
தீஹாகாரேஹி அரியங்
அட்ட²ங்கி³கங் மக்³க³ங் ஸமாபஜ்ஜிங்… ஸமாபஜ்ஜாமி… ஸமாபன்னோ… அரியஸ்ஸ
அட்ட²ங்கி³கஸ்ஸ மக்³க³ஸ்ஸ லாபீ⁴ம்ஹி… வஸீம்ஹி… அரியோ அட்ட²ங்கி³கோ மக்³கோ³
ஸச்சி²கதோ மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி ஸோதாபத்திப²லங்… ஸகதா³கா³மிப²லங்…
அனாகா³மிப²லங்… அரஹத்தங் ஸமாபஜ்ஜிங்… ஸமாபஜ்ஜாமி… ஸமாபன்னோ… அரஹத்தஸ்ஸ
லாபீ⁴ம்ஹி வஸீம்ஹி அரஹத்தங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி
பாராஜிகஸ்ஸ .
தீஹாகாரேஹி ராகோ³ மே சத்தோ வந்தோ முத்தோ பஹீனோ படினிஸ்ஸட்டோ² உக்கே²டிதோ ஸமுக்கே²டிதோதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி தோ³ஸோ மே சத்தோ வந்தோ முத்தோ பஹீனோ படினிஸ்ஸட்டோ² உக்கே²டிதோ ஸமுக்கே²டிதோதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி மோஹோ மே சத்தோ வந்தோ முத்தோ பஹீனோ படினிஸ்ஸட்டோ² உக்கே²டிதோ ஸமுக்கே²டிதோதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி ராகா³ மே சித்தங் வினீவரணந்தி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி தோ³ஸா மே சித்தங் வினீவரணந்தி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி …பே॰… ஸத்தஹாகாரேஹி மோஹா மே சித்தங் வினீவரணந்தி ஸம்பஜானமுஸா ப⁴ணந்தஸ்ஸ ஆபத்தி
பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா
ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங்,
வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
ஸுத்³தி⁴கங் நிட்டி²தங்.
208. தீஹாகாரேஹி
பட²மஞ்ச ஜா²னங் து³தியஞ்ச ஜா²னங் ஸமாபஜ்ஜிங்… ஸமாபஜ்ஜாமி… ஸமாபன்னோ…
பட²மஸ்ஸ ச ஜா²னஸ்ஸ து³தியஸ்ஸ ச ஜா²னஸ்ஸ லாபீ⁴ம்ஹி… வஸீம்ஹி… பட²மஞ்ச ஜா²னங்
து³தியஞ்ச ஜா²னங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி
பாராஜிகஸ்ஸ…பே॰….
தீஹாகாரேஹி பட²மஞ்ச ஜா²னங் ததியஞ்ச ஜா²னங் ஸமாபஜ்ஜிங்…
ஸமாபஜ்ஜாமி… ஸமாபன்னோ… பட²மஸ்ஸ ச ஜா²னஸ்ஸ ததியஸ்ஸ ச ஜா²னஸ்ஸ லாபீ⁴ம்ஹி…
வஸீம்ஹி… பட²மஞ்ச ஜா²னங் ததியஞ்ச ஜா²னங் ஸச்சி²கதங் மயாதி ஸம்பஜானமுஸா
ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி பட²மஞ்ச ஜா²னங் சதுத்த²ஞ்ச ஜா²னங்
ஸமாபஜ்ஜிங்… ஸமாபஜ்ஜாமி… ஸமாபன்னோ… பட²மஸ்ஸ ச ஜா²னஸ்ஸ சதுத்த²ஸ்ஸ ச ஜா²னஸ்ஸ
லாபீ⁴ம்ஹி… வஸீம்ஹி… பட²மஞ்ச ஜா²னங் சதுத்த²ஞ்ச ஜா²னங் ஸச்சி²கதங் மயாதி
ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி பட²மஞ்ச ஜா²னங் ஸுஞ்ஞதஞ்ச விமொக்க²ங்…
பட²மஞ்ச ஜா²னங் அனிமித்தஞ்ச விமொக்க²ங்… பட²மஞ்ச ஜா²னங் அப்பணிஹிதஞ்ச
விமொக்க²ங் ஸமாபஜ்ஜிங்… ஸமாபஜ்ஜாமி… ஸமாபன்னோ… பட²மஸ்ஸ ச ஜா²னஸ்ஸ
அப்பணிஹிதஸ்ஸ ச விமொக்க²ஸ்ஸ லாபீ⁴ம்ஹி… வஸீம்ஹி… பட²மஞ்ச ஜா²னங் அப்பணிஹிதோ
ச விமொக்கோ² ஸச்சி²கதோ மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி பட²மஞ்ச ஜா²னங் ஸுஞ்ஞதஞ்ச ஸமாதி⁴ங்…
பட²மஞ்ச ஜா²னங் அனிமித்தஞ்ச ஸமாதி⁴ங்… பட²மஞ்ச ஜா²னங் அப்பணிஹிதஞ்ச
ஸமாதி⁴ங் ஸமாபஜ்ஜிங்… ஸமாபஜ்ஜாமி… ஸமாபன்னோ பட²மஸ்ஸ
ச ஜா²னஸ்ஸ அப்பணிஹிதஸ்ஸ ச ஸமாதி⁴ஸ்ஸ லாபீ⁴ம்ஹி… வஸீம்ஹி… பட²மஞ்ச ஜா²னங்
அப்பணிஹிதோ ச ஸமாதி⁴ ஸச்சி²கதோ மயாதி ஸம்பஜானமுஸா ப⁴ணந்தஸ்ஸ ஆபத்தி
பாராஜிகஸ்ஸ.
தீஹாகாரேஹி பட²மஞ்ச ஜா²னங் ஸுஞ்ஞதஞ்ச ஸமாபத்திங்…
பட²மஞ்ச ஜா²னங் அனிமித்தஞ்ச ஸமாபத்திங்… பட²மஞ்ச ஜா²னங் அப்பணிஹிதஞ்ச
ஸமாபத்திங் ஸமாபஜ்ஜிங்… ஸமாபஜ்ஜாமி… ஸமாபன்னோ பட²மஸ்ஸ ச ஜா²னஸ்ஸ
அப்பணிஹிதாய ச ஸமாபத்தியா லாபீ⁴ம்ஹி… வஸீம்ஹி… பட²மஞ்ச ஜா²னங் அப்பணிஹிதா ச
ஸமாபத்தி ஸச்சி²கதா மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி பட²மஞ்ச ஜா²னங் திஸ்ஸோ ச விஜ்ஜா
ஸமாபஜ்ஜிங்… ஸமாபஜ்ஜாமி… ஸமாபன்னோ… பட²மஸ்ஸ ச ஜா²னஸ்ஸ திஸ்ஸன்னஞ்ச
விஜ்ஜானங் லாபீ⁴ம்ஹி… வஸீம்ஹி… பட²மஞ்ச ஜா²னங் திஸ்ஸோ ச விஜ்ஜா ஸச்சி²கதா
மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி பட²மஞ்ச ஜா²னங்
சத்தாரோ ச ஸதிபட்டா²னே… பட²மஞ்ச ஜா²னங் சத்தாரோ ச ஸம்மப்பதா⁴னே… பட²மஞ்ச
ஜா²னங் சத்தாரோ ச இத்³தி⁴பாதே³ ஸமாபஜ்ஜிங்… ஸமாபஜ்ஜாமி… ஸமாபன்னோ… பட²மஸ்ஸ ச
ஜா²னஸ்ஸ சதுன்னஞ்ச இத்³தி⁴பாதா³னங் லாபீ⁴ம்ஹி…
வஸீம்ஹி… பட²மஞ்ச ஜா²னங் சத்தாரோ ச இத்³தி⁴பாதா³ ஸச்சி²கதா மயாதி
ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி பட²மஞ்ச ஜா²னங் பஞ்ச ச இந்த்³ரியானி… பட²மஞ்ச ஜா²னங் பஞ்ச ச ப³லானி
ஸமாபஜ்ஜிங்… ஸமாபஜ்ஜாமி… ஸமாபன்னோ… பட²மஸ்ஸ ச ஜா²னஸ்ஸ பஞ்சன்னஞ்ச ப³லானங்
லாபீ⁴ம்ஹி… வஸீம்ஹி… பட²மஞ்ச ஜா²னங் பஞ்ச ச ப³லானி ஸச்சி²கதானி மயாதி
ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
209.
தீஹாகாரேஹி பட²மஞ்ச ஜா²னங் ஸத்த ச பொ³ஜ்ஜ²ங்கே³ ஸமாபஜ்ஜிங்… ஸமாபஜ்ஜாமி…
ஸமாபன்னோ… பட²மஸ்ஸ ச ஜா²னஸ்ஸ ஸத்தன்னஞ்ச பொ³ஜ்ஜ²ங்கா³னங் லாபீ⁴ம்ஹி…
வஸீம்ஹி… பட²மஞ்ச ஜா²னங் ஸத்த ச பொ³ஜ்ஜ²ங்கா³ ஸச்சி²கதா மயாதி ஸம்பஜானமுஸா
ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி பட²மஞ்ச ஜா²னங்
அரியஞ்ச அட்ட²ங்கி³கங் மக்³க³ங் ஸமாபஜ்ஜிங்… ஸமாபஜ்ஜாமி… ஸமாபன்னோ… பட²மஸ்ஸ
ச ஜா²னஸ்ஸ அரியஸ்ஸ ச அட்ட²ங்கி³கஸ்ஸ மக்³க³ஸ்ஸ லாபீ⁴ம்ஹி வஸீம்ஹி… பட²மஞ்ச
ஜா²னங் அரியோ ச அட்ட²ங்கி³கோ மக்³கோ³ ஸச்சி²கதோ மயாதி ஸம்பஜானமுஸா
ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி பட²மஞ்ச ஜா²னங் ஸோதாபத்திப²லஞ்ச… பட²மஞ்ச ஜா²னங் ஸகதா³கா³மிப²லஞ்ச… பட²மஞ்ச ஜா²னங் அனாகா³மிப²லஞ்ச… பட²மஞ்ச ஜா²னங்
அரஹத்தஞ்ச ஸமாபஜ்ஜிங்… ஸமாபஜ்ஜாமி… ஸமாபன்னோ… பட²மஸ்ஸ ச ஜா²னஸ்ஸ அரஹத்தஸ்ஸ
ச லாபீ⁴ம்ஹி… வஸீம்ஹி… பட²மஞ்ச ஜா²னங் அரஹத்தஞ்ச ஸச்சி²கதங் மயாதி
ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி பட²மஞ்ச ஜா²னங் ஸமாபஜ்ஜிங்… ஸமாபஜ்ஜாமி…
ஸமாபன்னோ… பட²மஸ்ஸ ச ஜா²னஸ்ஸ லாபீ⁴ம்ஹி… வஸீம்ஹி… பட²மஞ்ச ஜா²னங்
ஸச்சி²கதங் மயா, ராகோ³ ச மே சத்தோ… தோ³ஸோ ச மே சத்தோ… மோஹோ ச மே சத்தோ
வந்தோ முத்தோ பஹீனோ படினிஸ்ஸட்டோ² உக்கே²டிதோ ஸமுக்கே²டிதோதி ஸம்பஜானமுஸா
ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி…பே॰… ஸத்தஹாகாரேஹி பட²மஞ்ச ஜா²னங்
ஸமாபஜ்ஜிங்… ஸமாபஜ்ஜாமி… ஸமாபன்னோ… பட²மஸ்ஸ ச ஜா²னஸ்ஸ லாபீ⁴ம்ஹி… வஸீம்ஹி…
பட²மஞ்ச ஜா²னங் ஸச்சி²கதங் மயா, ராகா³ ச மே சித்தங் வினீவரணங்… தோ³ஸா ச மே
சித்தங் வினீவரணங்… மோஹா ச மே சித்தங் வினீவரணந்தி
ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ. புப்³பே³வஸ்ஸ ஹோதி முஸா
ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா
ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங்,
வினிதா⁴ய பா⁴வங்.
க²ண்ட³சக்கங் நிட்டி²தங்.
210. தீஹாகாரேஹி
து³தியஞ்ச ஜா²னங் ததியஞ்ச ஜா²னங் ஸமாபஜ்ஜிங்… ஸமாபஜ்ஜாமி… ஸமாபன்னோ…
து³தியஸ்ஸ ச ஜா²னஸ்ஸ ததியஸ்ஸ ச ஜா²னஸ்ஸ லாபீ⁴ம்ஹி… வஸீம்ஹி… து³தியஞ்ச
ஜா²னங் ததியஞ்ச ஜா²னங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி
பாராஜிகஸ்ஸ.
தீஹாகாரேஹி து³தியஞ்ச ஜா²னங்
சதுத்த²ஞ்ச ஜா²னங் ஸமாபஜ்ஜிங்… ஸமாபஜ்ஜாமி… ஸமாபன்னோ… து³தியஸ்ஸ ச ஜா²னஸ்ஸ
சதுத்த²ஸ்ஸ ச ஜா²னஸ்ஸ லாபீ⁴ம்ஹி… வஸீம்ஹி… து³தியஞ்ச ஜா²னங் சதுத்த²ஞ்ச
ஜா²னங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி து³தியஞ்ச ஜா²னங் ஸுஞ்ஞதஞ்ச விமொக்க²ங்…
அனிமித்தஞ்ச விமொக்க²ங்… அப்பணிஹிதஞ்ச விமொக்க²ங்… ஸுஞ்ஞதஞ்ச ஸமாதி⁴ங்…
அனிமித்தஞ்ச ஸமாதி⁴ங்… அப்பணிஹிதஞ்ச ஸமாதி⁴ங்… ஸுஞ்ஞதஞ்ச ஸமாபத்திங்…
அனிமித்தஞ்ச ஸமாபத்திங்… அப்பணிஹிதஞ்ச ஸமாபத்திங்… திஸ்ஸோ ச விஜ்ஜா…
சத்தாரோ ச ஸதிபட்டா²னே… சத்தாரோ ச ஸம்மப்பதா⁴னே… சத்தாரோ ச இத்³தி⁴பாதே³…
பஞ்ச ச இந்த்³ரியானி… பஞ்ச ச ப³லானி… ஸத்த ச பொ³ஜ்ஜ²ங்கே³… அரியஞ்ச
அட்ட²ங்கி³கங் மக்³க³ங்… ஸோதாபத்திப²லஞ்ச… ஸகதா³கா³மிப²லஞ்ச…
அனாகா³மிப²லஞ்ச… அரஹத்தஞ்ச ஸமாபஜ்ஜிங்… ஸமாபஜ்ஜாமி… ஸமாபன்னோ… து³தியஸ்ஸ ச
ஜா²னஸ்ஸ அரஹத்தஸ்ஸ ச லாபீ⁴ம்ஹி… வஸீம்ஹி… து³தியஞ்ச ஜா²னங் அரஹத்தஞ்ச
ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி து³தியஞ்ச ஜா²னங் ஸமாபஜ்ஜிங்… ஸமாபஜ்ஜாமி…
ஸமாபன்னோ… து³தியஸ்ஸ ச ஜா²னஸ்ஸ லாபீ⁴ம்ஹி… வஸீம்ஹி… து³தியஞ்ச ஜா²னங்
ஸச்சி²கதங் மயா, ராகோ³ ச மே சத்தோ… தோ³ஸோ ச மே
சத்தோ… மோஹோ ச மே சத்தோ வந்தோ முத்தோ பஹீனோ படினிஸ்ஸட்டோ² உக்கே²டிதோ
ஸமுக்கே²டிதோ. ராகா³ ச மே சித்தங் வினீவரணங்… தோ³ஸா ச மே சித்தங்
வினீவரணங்… மோஹா ச மே சித்தங் வினீவரணந்தி ஸம்பஜானமுஸா ப⁴ணந்தஸ்ஸ ஆபத்தி
பாராஜிகஸ்ஸ.
தீஹாகாரேஹி …பே॰… ஸத்தஹாகாரேஹி
து³தியஞ்ச ஜா²னங் பட²மஞ்ச ஜா²னங் ஸமாபஜ்ஜிங்… ஸமாபஜ்ஜாமி… ஸமாபன்னோ…
து³தியஸ்ஸ ச ஜா²னஸ்ஸ பட²மஸ்ஸ ச ஜா²னஸ்ஸ லாபீ⁴ம்ஹி… வஸீம்ஹி… து³தியஞ்ச
ஜா²னங் பட²மஞ்ச ஜா²னங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி
பாராஜிகஸ்ஸ…பே॰… வினிதா⁴ய பா⁴வங்.
ப³த்³த⁴சக்கங்.
ஏவங் ஏகேகங் மூலங் காதுன ப³த்³த⁴சக்கங் பரிவத்தகங் கத்தப்³ப³ங்.
இத³ங் ஸங்கி²த்தங்.
211. தீஹாகாரேஹி
ததியஞ்ச ஜா²னங் சதுத்த²ஞ்ச ஜா²னங்…பே॰… ததியஞ்ச ஜா²னங் அரஹத்தஞ்ச
ஸமாபஜ்ஜிங்… ஸமாபஜ்ஜாமி… ஸமாபன்னோ… ததியஸ்ஸ ச ஜா²னஸ்ஸ அரஹத்தஸ்ஸ ச
லாபீ⁴ம்ஹி… வஸீம்ஹி… ததியஞ்ச ஜா²னங் அரஹத்தஞ்ச ஸச்சி²கதங் மயாதி
ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி ததியஞ்ச ஜா²னங் ஸமாபஜ்ஜிங்… ஸமாபஜ்ஜாமி…
ஸமாபன்னோ… ததியஸ்ஸ ச ஜா²னஸ்ஸ லாபீ⁴ம்ஹி… வஸீம்ஹி… ததியஞ்ச ஜா²னங்
ஸச்சி²கதங் மயா, ராகோ³ ச மே சத்தோ… தோ³ஸோ ச மே சத்தோ… மோஹோ ச மே சத்தோ
வந்தோ முத்தோ பஹீனோ படினிஸ்ஸட்டோ² உக்கே²டிதோ ஸமுக்கே²டிதோ. ராகா³ ச மே
சித்தங் வினீவரணங்… தோ³ஸா ச மே சித்தங் வினீவரணங்… மோஹா ச மே சித்தங்
வினீவரணந்தி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி ததியஞ்ச ஜா²னங் பட²மஞ்ச ஜா²னங்… ததியஞ்ச
ஜா²னங் து³தியஞ்ச ஜா²னங் ஸமாபஜ்ஜிங்… ஸமாபஜ்ஜாமி… ஸமாபன்னோ… ததியஸ்ஸ ச
ஜா²னஸ்ஸ து³தியஸ்ஸ ச ஜா²னஸ்ஸ லாபீ⁴ம்ஹி… வஸீம்ஹி… ததியஞ்ச ஜா²னங் து³தியஞ்ச
ஜா²னங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீகாரேஹி மோஹா ச மே சித்தங் வினீவரணங் பட²மஞ்ச ஜா²னங்…பே॰… து³தியஞ்ச ஜா²னங்… ததியஞ்ச ஜா²னங்… சதுத்த²ஞ்ச ஜா²னங்
ஸமாபஜ்ஜிங் ஸமாபஜ்ஜாமி… ஸமாபன்னோ… மோஹா ச மே சித்தங் வினீவரணங் சதுத்த²ஸ்ஸ
ச ஜா²னஸ்ஸ லாபீ⁴ம்ஹி… வஸீம்ஹி… மோஹா ச மே சித்தங் வினீவரணங் சதுத்த²ஞ்ச
ஜா²னங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
212.
தீஹாகாரேஹி மோஹா ச மே சித்தங் வினீவரணங் ஸுஞ்ஞதஞ்ச விமொக்க²ங்…
அனிமித்தஞ்ச விமொக்க²ங்… அப்பணிஹிதஞ்ச விமொக்க²ங் ஸமாபஜ்ஜிங்… ஸமாபஜ்ஜாமி…
ஸமாபன்னோ… மோஹா ச மே சித்தங் வினீவரணங் அப்பணிஹிதஸ்ஸ ச விமொக்க²ஸ்ஸ லாபீ⁴ம்ஹி… வஸீம்ஹி… மோஹா ச மே சித்தங் வினீவரணங் அப்பணிஹிதோ ச விமொக்கோ² ஸச்சி²கதோ மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி மோஹா ச மே சித்தங் வினீவரணங் ஸுஞ்ஞதஞ்ச ஸமாதி⁴ங்… அனிமித்தஞ்ச ஸமாதி⁴ங்…
அப்பணிஹிதஞ்ச ஸமாதி⁴ங் ஸமாபஜ்ஜிங்… ஸமாபஜ்ஜாமி… ஸமாபன்னோ… மோஹா ச மே
சித்தங் வினீவரணங் அப்பணிஹிதஸ்ஸ ச ஸமாதி⁴ஸ்ஸ லாபீ⁴ம்ஹி… வஸீம்ஹி… மோஹா ச மே
சித்தங் வினீவரணங் அப்பணிஹிதோ ச ஸமாதி⁴ ஸச்சி²கதோ மயாதி ஸம்பஜானமுஸா
ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி மோஹா ச மே சித்தங் வினீவரணங் ஸுஞ்ஞதஞ்ச
ஸமாபத்திங்… அனிமித்தஞ்ச ஸமாபத்திங்… அப்பணிஹிதஞ்ச ஸமாபத்திங் ஸமாபஜ்ஜிங்
ஸமாபஜ்ஜாமி… ஸமாபன்னோ… மோஹா ச மே சித்தங் வினீவரணங் அப்பணிஹிதாய ச
ஸமாபத்தியா லாபீ⁴ம்ஹி… வஸீம்ஹி… மோஹா ச மே சித்தங் வினீவரணங் அப்பணிஹிதா ச
ஸமாபத்தி ஸச்சி²கதா மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி மோஹா ச மே சித்தங் வினீவரணங் திஸ்ஸோ ச
விஜ்ஜா ஸமாபஜ்ஜிங்… ஸமாபஜ்ஜாமி… ஸமாபன்னோ… ‘மோஹா ச மே சித்தங் வினீவரணங்
திஸ்ஸன்னஞ்ச விஜ்ஜானங் லாபீ⁴ம்ஹி… வஸீம்ஹி… மோஹா ச மே சித்தங் வினீவரணங்
திஸ்ஸோ ச விஜ்ஜா ஸச்சி²கதா மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி மோஹா ச மே சித்தங் வினீவரணங் சத்தாரோ ச
ஸதிபட்டா²னே… சத்தாரோ ச ஸம்மப்பதா⁴னே… சத்தாரோ ச இத்³தி⁴பாதே³ ஸமாபஜ்ஜிங்…
ஸமாபஜ்ஜாமி… ஸமாபன்னோ… மோஹா ச மே சித்தங் வினீவரணங் சதுன்னஞ்ச
இத்³தி⁴பாதா³னங் லாபீ⁴ம்ஹி… வஸீம்ஹி… மோஹா ச மே சித்தங் வினீவரணங் சத்தாரோ ச
இத்³தி⁴பாதா³ ஸச்சி²கதா மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
213.
தீஹாகாரேஹி மோஹா ச மே சித்தங் வினீவரணங் பஞ்ச ச இந்த்³ரியானி… பஞ்ச ச
ப³லானி ஸமாபஜ்ஜிங்… ஸமாபஜ்ஜாமி… ஸமாபன்னோ… மோஹா ச மே சித்தங் வினீவரணங்
பஞ்சன்னஞ்ச ப³லானங் லாபீ⁴ம்ஹி… வஸீம்ஹி… மோஹா ச மே சித்தங் வினீவரணங் பஞ்ச ச
ப³லானி ஸச்சி²கதானி மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி மோஹா ச மே சித்தங்
வினீவரணங் ஸத்த ச பொ³ஜ்ஜ²ங்கே³ ஸமாபஜ்ஜிங்… ஸமாபஜ்ஜாமி… ஸமாபன்னோ… மோஹா ச
மே சித்தங் வினீவரணங் ஸத்தன்னஞ்ச பொ³ஜ்ஜ²ங்கா³னங் லாபீ⁴ம்ஹி … வஸீம்ஹி… மோஹா ச மே சித்தங் வினீவரணங் ஸத்த ச பொ³ஜ்ஜ²ங்கா³ ஸச்சி²கதா மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி மோஹா ச மே சித்தங் வினீவரணங் அரியஞ்ச
அட்ட²ங்கி³கங் மக்³க³ங் ஸமாபஜ்ஜிங்… ஸமாபஜ்ஜாமி… ஸமாபன்னோ… மோஹா ச மே
சித்தங் வினீவரணங் அரியஸ்ஸ ச அட்ட²ங்கி³கஸ்ஸ மக்³க³ஸ்ஸ லாபீ⁴ம்ஹி… வஸீம்ஹி…
மோஹா ச மே சித்தங் வினீவரணங் அரியோ ச அட்ட²ங்கி³கோ மக்³கோ³ ஸச்சி²கதோ
மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி மோஹா ச மே சித்தங் வினீவரணங்
ஸோதாபத்திப²லஞ்ச… ஸகதா³கா³மிப²லஞ்ச… அனாகா³மிப²லஞ்ச… அரஹத்தஞ்ச ஸமாபஜ்ஜிங்…
ஸமாபஜ்ஜாமி… ஸமாபன்னோ… மோஹா ச மே சித்தங் வினீவரணங் அரஹத்தஸ்ஸ ச
லாபீ⁴ம்ஹி… வஸீம்ஹி… மோஹா ச மே சித்தங் வினீவரணங் அரஹத்தஞ்ச ஸச்சி²கதங்
மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
தீஹாகாரேஹி மோஹா ச மே சித்தங் வினீவரணங், ராகோ³ ச மே
சத்தோ… தோ³ஸோ ச மே சத்தோ… மோஹோ ச மே சத்தோ வந்தோ முத்தோ பஹீனோ
படினிஸ்ஸட்டோ² உக்கே²டிதோ ஸமுக்கே²டிதோதி ஸம்பஜானமுஸா ப⁴ணந்தஸ்ஸ ஆபத்தி
பாராஜிகஸ்ஸ.
தீஹாகாரேஹி…பே॰… ஸத்தஹாகாரேஹி
மோஹா ச மே சித்தங் வினீவரணங் ராகா³ ச மே சித்தங் வினீவரணங்… தோ³ஸா ச மே
சித்தங் வினீவரணந்தி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ புப்³பே³வஸ்ஸ
ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா
மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங்,
வினிதா⁴ய பா⁴வங்.
ஏகமூலகங் நிட்டி²தங். [ஏகமூலகங் ஸங்கி²த்தங் நிட்டி²தங் (ஸ்யா॰)]
யதா² ஏகமூலகங் வித்தா²ரிதங் ஏவமேவ து³மூலகாதி³பி வித்தா²ரேதப்³ப³ங்.
இத³ங் ஸப்³ப³மூலகங்
214. தீஹாகாரேஹி …பே॰… ஸத்தஹாகாரேஹி பட²மஞ்ச ஜா²னங் து³தியஞ்ச ஜா²னங் ததியஞ்ச ஜா²னங் சதுத்த²ஞ்ச ஜா²னங் ஸுஞ்ஞதஞ்ச விமொக்க²ங்
அனிமித்தஞ்ச விமொக்க²ங் அப்பணிஹிதஞ்ச விமொக்க²ங் ஸுஞ்ஞதஞ்ச ஸமாதி⁴ங்
அனிமித்தஞ்ச ஸமாதி⁴ங் அப்பணிஹிதஞ்ச ஸமாதி⁴ங் ஸுஞ்ஞதஞ்ச ஸமாபத்திங்
அனிமித்தஞ்ச ஸமாபத்திங் அப்பணிஹிதஞ்ச ஸமாபத்திங் திஸ்ஸோ ச விஜ்ஜா சத்தாரோ ச
ஸதிபட்டா²னே சத்தாரோ ச ஸம்மப்பதா⁴னே சத்தாரோ ச இத்³தி⁴பாதே³ பஞ்ச ச
இந்த்³ரியானி பஞ்ச ச ப³லானி ஸத்த ச பொ³ஜ்ஜ²ங்கே³ அரியஞ்ச அட்ட²ங்கி³கங்
மக்³க³ங் ஸோதாபத்திப²லஞ்ச ஸகதா³கா³மிப²லஞ்ச அனாகா³மிப²லஞ்ச அரஹத்தஞ்ச
ஸமாபஜ்ஜிங்… ஸமாபஜ்ஜாமி… ஸமாபன்னோ…பே॰… ராகோ³ ச மே சத்தோ, தோ³ஸோ ச மே
சத்தோ, மோஹோ ச மே சத்தோ வந்தோ முத்தோ பஹீனோ படினிஸ்ஸட்டோ² உக்கே²டிதோ
ஸமுக்கே²டிதோ. ராகா³ ச மே சித்தங் வினீவரணங், தோ³ஸா ச மே சித்தங்
வினீவரணங், மோஹா ச மே சித்தங் வினீவரணந்தி ஸம்பஜானமுஸா ப⁴ணந்தஸ்ஸ ஆபத்தி
பாராஜிகஸ்ஸ. புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா
ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங்,
வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
ஸப்³ப³மூலகங் நிட்டி²தங்.
ஸுத்³தி⁴கவாரகதா² நிட்டி²தா.
215. தீஹாகாரேஹி
பட²மங் ஜா²னங் ஸமாபஜ்ஜிந்தி வத்துகாமோ து³தியங் ஜா²னங் ஸமாபஜ்ஜிந்தி
ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி பாராஜிகஸ்ஸ; ந படிவிஜானந்தஸ்ஸ
ஆபத்தி து²ல்லச்சயஸ்ஸ.
தீஹாகாரேஹி பட²மங் ஜா²னங் ஸமாபஜ்ஜிந்தி வத்துகாமோ
ததியங் ஜா²னங் ஸமாபஜ்ஜிந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி
பாராஜிகஸ்ஸ; ந படிவிஜானந்தஸ்ஸ ஆபத்தி து²ல்லச்சயஸ்ஸ.
தீஹாகாரேஹி பட²மங் ஜா²னங் ஸமாபஜ்ஜிந்தி வத்துகாமோ
சதுத்த²ங் ஜா²னங் ஸமாபஜ்ஜிந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ
ஆபத்தி பாராஜிகஸ்ஸ; ந படிவிஜானந்தஸ்ஸ ஆபத்தி து²ல்லச்சயஸ்ஸ.
தீஹாகாரேஹி …பே॰… ஸத்தஹாகாரேஹி பட²மங் ஜா²னங் ஸமாபஜ்ஜிந்தி வத்துகாமோ ஸுஞ்ஞதங்
விமொக்க²ங்… அனிமித்தங் விமொக்க²ங்… அப்பணிஹிதங் விமொக்க²ங்… ஸுஞ்ஞதங்
ஸமாதி⁴ங்… அனிமித்தங் ஸமாதி⁴ங்… அப்பணிஹிதங் ஸமாதி⁴ங்… ஸுஞ்ஞதங்
ஸமாபத்திங்… அனிமித்தங் ஸமாபத்திங்… அப்பணிஹிதங் ஸமாபத்திங்… திஸ்ஸோ
விஜ்ஜா… சத்தாரோ ஸதிபட்டா²னே… சத்தாரோ ஸம்மப்பதா⁴னே… சத்தாரோ இத்³தி⁴பாதே³…
பஞ்சிந்த்³ரியானி… பஞ்ச ப³லானி… ஸத்த பொ³ஜ்ஜ²ங்கே³… அரியங் அட்ட²ங்கி³கங்
மக்³க³ங்… ஸோதாபத்திப²லங்… ஸகதா³கா³மிப²லங்… அனாகா³மிப²லங்… அரஹத்தங்
ஸமாபஜ்ஜிங்…பே॰… ராகோ³ மே சத்தோ… தோ³ஸோ மே சத்தோ… மோஹோ மே சத்தோ வந்தோ
முத்தோ பஹீனோ படினிஸ்ஸட்டோ² உக்கே²டிதோ ஸமுக்கே²டிதோ. ராகா³ மே சித்தங்
வினீவரணங்… தோ³ஸா மே சித்தங் வினீவரணங்… மோஹா மே சித்தங் வினீவரணந்தி
ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி
பாராஜிகஸ்ஸ; ந படிவிஜானந்தஸ்ஸ ஆபத்தி து²ல்லச்சயஸ்ஸ. புப்³பே³வஸ்ஸ ஹோதி
முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா
ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங்,
வினிதா⁴ய பா⁴வங்.
வத்து²விஸாரகஸ்ஸ ஏகமூலகஸ்ஸ க²ண்ட³சக்கங் நிட்டி²தங்.
216. தீஹாகாரேஹி
து³தியங் ஜா²னங் ஸமாபஜ்ஜிந்தி வத்துகாமோ ததியங் ஜா²னங் ஸமாபஜ்ஜிந்தி
ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி பாராஜிகஸ்ஸ; ந படிவிஜானந்தஸ்ஸ
ஆபத்தி து²ல்லச்சயஸ்ஸ.
தீஹாகாரேஹி து³தியங் ஜா²னங் ஸமாபஜ்ஜிந்தி வத்துகாமோ
சதுத்த²ங் ஜா²னங் ஸமாபஜ்ஜிந்தி…பே॰… மோஹா ச மே சித்தங் வினீவரணந்தி
ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி பாராஜிகஸ்ஸ; ந படிவிஜானந்தஸ்ஸ
ஆபத்தி து²ல்லச்சயஸ்ஸ.
தீஹாகாரேஹி…பே॰… ஸத்தஹாகாரேஹி து³தியங் ஜா²னங்
ஸமாபஜ்ஜிந்தி வத்துகாமோ பட²மங் ஜா²னங் ஸமாபஜ்ஜிந்தி ஸம்பஜானமுஸா ப⁴ணந்தஸ்ஸ
படிவிஜானந்தஸ்ஸ ஆபத்தி பாராஜிகஸ்ஸ ; ந படிவிஜானந்தஸ்ஸ ஆபத்தி து²ல்லச்சயஸ்ஸ…பே॰… வினிதா⁴ய பா⁴வங்.
வத்து²விஸாரகஸ்ஸ ஏகமூலகஸ்ஸ ப³த்³த⁴சக்கங்.
மூலங் ஸங்கி²த்தங்.
217. தீஹாகாரேஹி
மோஹா மே சித்தங் வினீவரணந்தி வத்துகாமோ பட²மங் ஜா²னங் ஸமாபஜ்ஜிந்தி
ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி பாராஜிகஸ்ஸ; ந படிவிஜானந்தஸ்ஸ
ஆபத்தி து²ல்லச்சயஸ்ஸ.
தீஹாகாரேஹி…பே॰… ஸத்தஹாகாரேஹி மோஹா மே சித்தங்
வினீவரணந்தி வத்துகாமோ தோ³ஸா மே சித்தங் வினீவரணந்தி ஸம்பஜானமுஸா ப⁴ணந்தஸ்ஸ
படிவிஜானந்தஸ்ஸ ஆபத்தி பாராஜிகஸ்ஸ; ந படிவிஜானந்தஸ்ஸ ஆபத்தி
து²ல்லச்சயஸ்ஸ…பே॰… வினிதா⁴ய பா⁴வங்.
வத்து²விஸாரகஸ்ஸ ஏகமூலகங் நிட்டி²தங்.
யதா² ஏகமூலகங் வித்தா²ரிதங் ஏவமேவ து³மூலகாதி³பி வித்தா²ரேதப்³ப³ங்.
இத³ங் ஸப்³ப³மூலகங்
218.
தீஹாகாரேஹி…பே॰… ஸத்தஹாகாரேஹி பட²மஞ்ச ஜா²னங் து³தியஞ்ச ஜா²னங் ததியஞ்ச
ஜா²னங் சதுத்த²ஞ்ச ஜா²னங் ஸுஞ்ஞதஞ்ச விமொக்க²ங் அனிமித்தஞ்ச விமொக்க²ங்
அப்பணிஹிதஞ்ச விமொக்க²ங் ஸுஞ்ஞதஞ்ச ஸமாதி⁴ங் அனிமித்தஞ்ச ஸமாதி⁴ங்
அப்பணிஹிதஞ்ச ஸமாதி⁴ங் ஸுஞ்ஞதஞ்ச ஸமாபத்திங் அனிமித்தஞ்ச ஸமாபத்திங்
அப்பணிஹிதஞ்ச ஸமாபத்திங் திஸ்ஸோ ச விஜ்ஜா சத்தாரோ ச ஸதிபட்டா²னே சத்தாரோ ச
ஸம்மப்பதா⁴னே சத்தாரோ ச இத்³தி⁴பாதே³ பஞ்ச ச இந்த்³ரியானி பஞ்ச ச ப³லானி
ஸத்த ச பொ³ஜ்ஜ²ங்கே³ அரியஞ்ச அட்ட²ங்கி³கங் மக்³க³ங் ஸோதாபத்திப²லஞ்ச
ஸகதா³கா³மிப²லஞ்ச அனாகா³மிப²லஞ்ச அரஹத்தஞ்ச ஸமாபஜ்ஜிங்…பே॰… ராகோ³ ச மே
சத்தோ… தோ³ஸோ ச மே சத்தோ… மோஹோ ச மே சத்தோ வந்தோ முத்தோ பஹீனோ
படினிஸ்ஸட்டோ² உக்கே²டிதோ ஸமுக்கே²டிதோ. ராகா³ ச மே சித்தங் வினீவரணங்…
தோ³ஸா ச மே சித்தங் வினீவரணந்தி வத்துகாமோ மோஹா மே சித்தங் வினீவரணந்தி
ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி பாராஜிகஸ்ஸ; ந படிவிஜானந்தஸ்ஸ ஆபத்தி து²ல்லச்சயஸ்ஸ. [[ ] எத்த²ந்தரே பாடா² ஸ்யாமபொத்த²கே நத்தி²]
219.
தீஹாகாரேஹி து³தியஞ்ச ஜா²னங் ததியஞ்ச ஜா²னங் சதுத்த²ஞ்ச ஜா²னங் ஸுஞ்ஞதஞ்ச
விமொக்க²ங் அனிமித்தஞ்ச விமொக்க²ங் அப்பணிஹிதஞ்ச விமொக்க²ங் ஸுஞ்ஞதஞ்ச
ஸமாதி⁴ங் அனிமித்தஞ்ச ஸமாதி⁴ங் அப்பணிஹிதஞ்ச ஸமாதி⁴ங் ஸுஞ்ஞதஞ்ச ஸமாபத்திங்
அனிமித்தஞ்ச ஸமாபத்திங் அப்பணிஹிதஞ்ச ஸமாபத்திங் திஸ்ஸோ ச விஜ்ஜா சத்தாரோ ச
ஸதிபட்டா²னே சத்தாரோ ச ஸம்மப்பதா⁴னே சத்தாரோ ச இத்³தி⁴பாதே³ பஞ்ச ச இந்த்³ரியானி பஞ்ச ச ப³லானி ஸத்த ச பொ³ஜ்ஜ²ங்கே³ அரியஞ்ச அட்ட²ங்கி³கங் மக்³க³ங்
ஸோதாபத்திப²லஞ்ச ஸகதா³கா³மிப²லஞ்ச அனாகா³மிப²லஞ்ச அரஹத்தஞ்ச
ஸமாபஜ்ஜிங்…பே॰… ராகோ³ ச மே சத்தோ… தோ³ஸோ ச மே சத்தோ… மோஹோ ச மே சத்தோ
வந்தோ முத்தோ பஹீனோ படினிஸ்ஸட்டோ² உக்கே²டிதோ ஸமுக்கே²டிதோ. ராகா³ ச மே
சித்தங் வினீவரணங்… தோ³ஸா ச மே சித்தங் வினீவரணங்… மோஹா ச மே சித்தங்
வினீவரணந்தி வத்துகாமோ பட²மங் ஜா²னங் ஸமாபஜ்ஜிந்தி ஸம்பஜானமுஸா ப⁴ணந்தஸ்ஸ
படிவிஜானந்தஸ்ஸ ஆபத்தி பாராஜிகஸ்ஸ; ந படிவிஜானந்தஸ்ஸ ஆபத்தி து²ல்லச்சயஸ்ஸ.
தீஹாகாரேஹி ததியஞ்ச ஜா²னங் சதுத்த²ஞ்ச ஜா²னங்…பே॰…
மோஹா ச மே சித்தங் வினீவரணங் பட²மஞ்ச ஜா²னங் ஸமாபஜ்ஜிந்தி வத்துகாமோ
து³தியங் ஜா²னங் ஸமாபஜ்ஜிந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி
பாராஜிகஸ்ஸ; ந படிவிஜானந்தஸ்ஸ ஆபத்தி து²ல்லச்சயஸ்ஸ.
தீஹாகாரேஹி…பே॰… ஸத்தஹாகாரேஹி மோஹா ச மே சித்தங்
வினீவரணங் பட²மஞ்ச ஜா²னங் து³தியஞ்ச ஜா²னங் ததியஞ்ச ஜா²னங் சதுத்த²ஞ்ச
ஜா²னங்…பே॰… ராகா³ ச மே சித்தங் வினீவரணந்தி வத்துகாமோ தோ³ஸா மே சித்தங்
வினீவரணந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி பாராஜிகஸ்ஸ ;
ந படிவிஜானந்தஸ்ஸ ஆபத்தி து²ல்லச்சயஸ்ஸ. புப்³பே³வஸ்ஸ ஹோதி முஸா
ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா
ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங்,
வினிதா⁴ய பா⁴வங்.
வத்து²விஸாரகஸ்ஸ ஸப்³ப³மூலகங் நிட்டி²தங்.
வத்து²விஸாரகஸ்ஸ சக்கபெய்யாலங் நிட்டி²தங்.
வத்து²காமவாரகதா² நிட்டி²தா.
220. தீஹாகாரேஹி
யோ தே விஹாரே வஸி ஸோ பி⁴க்கு² பட²மங் ஜா²னங் ஸமாபஜ்ஜி… ஸமாபஜ்ஜதி…
ஸமாபன்னோ… ஸோ பி⁴க்கு² பட²மஸ்ஸ ஜா²னஸ்ஸ லாபீ⁴… வஸீ… தேன பி⁴க்கு²னா பட²மங்
ஜா²னங் ஸச்சி²கதந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி
து²ல்லச்சயஸ்ஸ; ந படிவிஜானந்தஸ்ஸ ஆபத்தி து³க்கடஸ்ஸ.
சதூஹாகாரேஹி … பஞ்சஹாகாரேஹி… ச²ஹாகாரேஹி… ஸத்தஹாகாரேஹி யோ தே விஹாரே வஸி ஸோ
பி⁴க்கு² பட²மங் ஜா²னங் ஸமாபஜ்ஜி… ஸமாபஜ்ஜதி… ஸமாபன்னோ… ஸோ பி⁴க்கு²
பட²மஸ்ஸ ஜா²னஸ்ஸ லாபீ⁴… வஸீ… தேன பி⁴க்கு²னா பட²மங் ஜா²னங் ஸச்சி²கதந்தி
ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி து²ல்லச்சயஸ்ஸ; ந
படிவிஜானந்தஸ்ஸ ஆபத்தி து³க்கடஸ்ஸ. புப்³பே³வஸ்ஸ ஹோதி முஸா ப⁴ணிஸ்ஸந்தி,
ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய
தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
தீஹாகாரேஹி யோ தே விஹாரே வஸி ஸோ பி⁴க்கு² து³தியங்
ஜா²னங்… ததியங் ஜா²னங்… சதுத்த²ங் ஜா²னங்… ஸுஞ்ஞதங் விமொக்க²ங்… அனிமித்தங்
விமொக்க²ங்… அப்பணிஹிதங் விமொக்க²ங்… ஸுஞ்ஞதங் ஸமாதி⁴ங்… அனிமித்தங்
ஸமாதி⁴ங்… அப்பணிஹிதங் ஸமாதி⁴ங்… ஸுஞ்ஞதங் ஸமாபத்திங்… அனிமித்தங்
ஸமாபத்திங்… அப்பணிஹிதங் ஸமாபத்திங்… திஸ்ஸோ விஜ்ஜா… சத்தாரோ ஸதிபட்டா²னே…
சத்தாரோ ஸம்மப்பதா⁴னே… சத்தாரோ இத்³தி⁴பாதே³… பஞ்ச இந்த்³ரியானி… பஞ்ச
ப³லானி… ஸத்த பொ³ஜ்ஜ²ங்கே³… அரியங் அட்ட²ங்கி³கங் மக்³க³ங்…
ஸோதாபத்திப²லங்… ஸகதா³கா³மிப²லங்… அனாகா³மிப²லங்… அரஹத்தங் ஸமாபஜ்ஜி…
ஸமாபஜ்ஜதி… ஸமாபன்னோ… ஸோ பி⁴க்கு² அரஹத்தஸ்ஸ லாபீ⁴… வஸீ… தேன பி⁴க்கு²னா
அரஹத்தங் ஸச்சி²கதந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி
து²ல்லச்சயஸ்ஸ; ந படிவிஜானந்தஸ்ஸ ஆபத்தி து³க்கடஸ்ஸ.
தீஹாகாரேஹி யோ தே விஹாரே வஸி, தஸ்ஸ பி⁴க்கு²னோ ராகோ³ சத்தோ… தோ³ஸோ சத்தோ… மோஹோ சத்தோ
வந்தோ முத்தோ பஹீனோ படினிஸ்ஸட்டோ² உக்கே²டிதோ ஸமுக்கே²டிதோதி ஸம்பஜானமுஸா
ப⁴ணந்தஸ்ஸ படிவிஜானந்தஸ்ஸ ஆபத்தி து²ல்லச்சயஸ்ஸ; ந படிவிஜானந்தஸ்ஸ ஆபத்தி
து³க்கடஸ்ஸ.
தீஹாகாரேஹி…பே॰… ஸத்தஹாகாரேஹி யோ தே விஹாரே வஸி, தஸ்ஸ
பி⁴க்கு²னோ ராகா³ சித்தங் வினீவரணங்… தோ³ஸா சித்தங் வினீவரணங்… மோஹா
சித்தங் வினீவரணந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி
து²ல்லச்சயஸ்ஸ; ந படிவிஜானந்தஸ்ஸ ஆபத்தி து³க்கடஸ்ஸ…பே॰… புப்³பே³வஸ்ஸ ஹோதி
முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா
ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங்,
வினிதா⁴ய பா⁴வங்.
தீஹாகாரேஹி…பே॰… ஸத்தஹாகாரேஹி யோ தே விஹாரே வஸி ஸோ
பி⁴க்கு² ஸுஞ்ஞாகா³ரே பட²மங் ஜா²னங்… து³தியங் ஜா²னங்… ததியங் ஜா²னங்…
சதுத்த²ங் ஜா²னங் ஸமாபஜ்ஜி … ஸமாபஜ்ஜதி… ஸமாபன்னோ… ஸோ பி⁴க்கு² ஸுஞ்ஞாகா³ரே சதுத்த²ஸ்ஸ ஜா²னஸ்ஸ லாபீ⁴… வஸீ… தேன பி⁴க்கு²னா ஸுஞ்ஞாகா³ரே சதுத்த²ங் ஜா²னங் ஸச்சி²கதந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ
ஆபத்தி து²ல்லச்சயஸ்ஸ; ந படிவிஜானந்தஸ்ஸ ஆபத்தி து³க்கடஸ்ஸ. புப்³பே³வஸ்ஸ
ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி ப⁴ணிதஸ்ஸ ஹோதி, முஸா
மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங்,
வினிதா⁴ய பா⁴வங்.
யதா² இத³ங் வித்தா²ரிதங் ஏவமேவ ஸேஸானிபி வித்தா²ரேதப்³பா³னி.
221.
தீஹாகாரேஹி…பே॰… ஸத்தஹாகாரேஹி யோ தே சீவரங் பரிபு⁴ஞ்ஜி… யோ தே பிண்ட³பாதங்
பரிபு⁴ஞ்ஜி… யோ தே ஸேனாஸனங் பரிபு⁴ஞ்ஜி… யோ தே
கி³லானப்பச்சயபே⁴ஸஜ்ஜபரிக்கா²ரங் பரிபு⁴ஞ்ஜி ஸோ பி⁴க்கு² ஸுஞ்ஞாகா³ரே
சதுத்த²ங் ஜா²னங் ஸமாபஜ்ஜி… ஸமாபஜ்ஜதி… ஸமாபன்னோ… ஸோ பி⁴க்கு² ஸுஞ்ஞாகா³ரே
சதுத்த²ஸ்ஸ ஜா²னஸ்ஸ லாபீ⁴… வஸீ… தேன பி⁴க்கு²னா ஸுஞ்ஞாகா³ரே சதுத்த²ங்
ஜா²னங் ஸச்சி²கதந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி து²ல்லச்சயஸ்ஸ; ந படிவிஜானந்தஸ்ஸ ஆபத்தி து³க்கடஸ்ஸ…பே॰… வினிதா⁴ய பா⁴வங்.
தீஹாகாரேஹி…பே॰… ஸத்தஹாகாரேஹி யேன தே விஹாரோ
பரிபு⁴த்தோ… யேன தே சீவரங் பரிபு⁴த்தங்… யேன தே பிண்ட³பாதோ பரிபு⁴த்தோ… யேன
தே ஸேனாஸனங் பரிபு⁴த்தங்… யேன தே கி³லானப்பச்சயபே⁴ஸஜ்ஜபரிக்கா²ரோ
பரிபு⁴த்தோ… ஸோ பி⁴க்கு² ஸுஞ்ஞாகா³ரே சதுத்த²ங் ஜா²னங் ஸமாபஜ்ஜி…
ஸமாபஜ்ஜதி… ஸமாபன்னோ… ஸோ பி⁴க்கு² ஸுஞ்ஞாகா³ரே சதுத்த²ஸ்ஸ ஜா²னஸ்ஸ லாபீ⁴…
வஸீ… தேன பி⁴க்கு²னா ஸுஞ்ஞாகா³ரே சதுத்த²ங் ஜா²னங் ஸச்சி²கதந்தி
ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி து²ல்லச்சயஸ்ஸ; ந
படிவிஜானந்தஸ்ஸ ஆபத்தி து³க்கடஸ்ஸ…பே॰… வினிதா⁴ய பா⁴வங்.
தீஹாகாரேஹி …பே॰… ஸத்தஹாகாரேஹி
யங் த்வங் ஆக³ம்ம விஹாரங் அதா³ஸி… சீவரங் அதா³ஸி… பிண்ட³பாதங் அதா³ஸி…
ஸேனாஸனங் அதா³ஸி… கி³லானப்பச்சயபே⁴ஸஜ்ஜபரிக்கா²ரங் அதா³ஸி ஸோ பி⁴க்கு²
ஸுஞ்ஞாகா³ரே சதுத்த²ங் ஜா²னங் ஸமாபஜ்ஜி… ஸமாபஜ்ஜதி… ஸமாபன்னோ… ஸோ பி⁴க்கு²
ஸுஞ்ஞாகா³ரே சதுத்த²ஸ்ஸ ஜா²னஸ்ஸ லாபீ⁴… வஸீ… தேன பி⁴க்கு²னா ஸுஞ்ஞாகா³ரே
சதுத்த²ங் ஜா²னங் ஸச்சி²கதந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ
ஆபத்தி து²ல்லச்சயஸ்ஸ; ந படிவிஜானந்தஸ்ஸ ஆபத்தி து³க்கடஸ்ஸ. புப்³பே³வஸ்ஸ ஹோதி முஸா ப⁴ணிஸ்ஸந்தி ,
ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி,
வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய
பா⁴வங்.
பெய்யாலபன்னரஸகங் நிட்டி²தங்.
பச்சயப்படிஸங்யுத்தவாரகதா² நிட்டி²தா.
உத்தரிமனுஸ்ஸத⁴ம்மசக்கபெய்யாலங் நிட்டி²தங்.
222. அனாபத்தி அதி⁴மானேன, அனுல்லபனாதி⁴ப்பாயஸ்ஸ, உம்மத்தகஸ்ஸ, கி²த்தசித்தஸ்ஸ, வேத³னாட்டஸ்ஸ, ஆதி³கம்மிகஸ்ஸாதி.
வினீதவத்து²உத்³தா³னகா³தா²
அதி⁴மானே [அதி⁴மானேன (பீ॰)] அரஞ்ஞம்ஹி, பிண்டோ³பஜ்ஜா²ரியாபதோ²;
ஸங்யோஜனா ரஹோத⁴ம்மா, விஹாரோ பச்சுபட்டி²தோ.
ந து³க்கரங் வீரியமதோ²பி மச்சுனோ;
பா⁴யாவுஸோ விப்படிஸாரி ஸம்மா;
விரியேன யோகே³ன ஆராத⁴னாய;
அத² வேத³னாய அதி⁴வாஸனா து³வே.
ப்³ராஹ்மணே பஞ்ச வத்தூ²னி, அஞ்ஞங் ப்³யாகரணா தயோ;
அகா³ராவரணா காமா, ரதி சாபி அபக்கமி.
அட்டி² பேஸி உபோ⁴ கா³வகா⁴தகா;
பிண்டோ³ ஸாகுணிகோ நிச்ச²வி ஓரப்³பி⁴;
அஸி ச ஸூகரிகோ ஸத்தி மாக³வி;
உஸு ச காரணிகோ ஸூசி ஸாரதி².
யோ ச ஸிப்³பீ³யதி ஸூசகோ ஹி ஸோ;
அண்ட³பா⁴ரி அஹு கா³மகூடகோ;
கூபே நிமுக்³கோ³ ஹி ஸோ பாரதா³ரிகோ;
கூ³த²கா²தீ³ அஹு து³ட்ட²ப்³ராஹ்மணோ.
மங்கு³லித்தீ² அஹு இக்க²ணித்தி²கா;
ஸீஸச்சி²ன்னோ அஹு சோரகா⁴தகோ.
பி⁴க்கு² பி⁴க்கு²னீ ஸிக்க²மானா;
ஸாமணேரோ அத² ஸாமணேரிகா;
கஸ்ஸபஸ்ஸ வினயஸ்மிங் பப்³ப³ஜங்;
பாபகம்மமகரிங்ஸு தாவதே³.
தபோதா³ ராஜக³ஹே யுத்³த⁴ங், நாகா³னோகா³ஹனேன ச;
ஸோபி⁴தோ அரஹங் பி⁴க்கு², பஞ்சகப்பஸதங் ஸரேதி.
வினீதவத்து²
223.
தேன கோ² பன ஸமயேன அஞ்ஞதரோ பி⁴க்கு² அதி⁴மானேன அஞ்ஞங் ப்³யாகாஸி. தஸ்ஸ
குக்குச்சங் அஹோஸி – ‘‘ப⁴க³வதா ஸிக்கா²பத³ங் பஞ்ஞத்தங். கச்சி நு கோ² அஹங்
பாராஜிகங் ஆபத்திங் ஆபன்னோ’’தி? ப⁴க³வதோ ஏதமத்த²ங் ஆரோசேஸி. ‘‘அனாபத்தி,
பி⁴க்கு², அதி⁴மானேனா’’தி.
தேன கோ² பன ஸமயேன அஞ்ஞதரோ பி⁴க்கு² பணிதா⁴ய அரஞ்ஞே
விஹரதி – ‘‘ஏவங் மங் ஜனோ ஸம்பா⁴வெஸ்ஸதீ’’தி. தங் ஜனோ ஸம்பா⁴வேஸி. தஸ்ஸ
குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ. ந ச, பி⁴க்க²வே,
பணிதா⁴ய அரஞ்ஞே வத்த²ப்³ப³ங். யோ வஸெய்ய, ஆபத்தி து³க்கடஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² பணிதா⁴ய பிண்டா³ய
சரதி – ‘‘ஏவங் மங் ஜனோ ஸம்பா⁴வெஸ்ஸதீ’’தி. தங் ஜனோ ஸம்பா⁴வேஸி. தஸ்ஸ
குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ. ந ச, பி⁴க்க²வே,
பணிதா⁴ய பிண்டா³ய சரிதப்³ப³ங். யோ சரெய்ய, ஆபத்தி து³க்கடஸ்ஸா’’தி.
தேன
கோ² பன ஸமயேன அஞ்ஞதரோ பி⁴க்கு² அஞ்ஞதரங் பி⁴க்கு²ங் ஏதத³வோச – ‘‘யே, ஆவுஸோ,
அம்ஹாகங் உபஜ்ஜா²யஸ்ஸ ஸத்³தி⁴விஹாரிகா ஸப்³பே³வ அரஹந்தோ’’தி. தஸ்ஸ
குக்குச்சங் அஹோஸி…பே॰… ‘‘கிங்சித்தோ த்வங், பி⁴க்கூ²’’தி?
‘‘உல்லபனாதி⁴ப்பாயோ அஹங், ப⁴க³வா’’தி. ‘‘அனாபத்தி, பி⁴க்கு², பாராஜிகஸ்ஸ; ஆபத்தி து²ல்லச்சயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² அஞ்ஞதரங்
பி⁴க்கு²ங் ஏதத³வோச – ‘‘யே, ஆவுஸோ, அம்ஹாகங் உபஜ்ஜா²யஸ்ஸ அந்தேவாஸிகா
ஸப்³பே³வ மஹித்³தி⁴கா மஹானுபா⁴வா’’தி. தஸ்ஸ குக்குச்சங் அஹோஸி…பே॰…
‘‘கிங்சித்தோ த்வங், பி⁴க்கூ²’’தி? ‘‘உல்லபனாதி⁴ப்பாயோ அஹங், ப⁴க³வா’’தி.
‘‘அனாபத்தி, பி⁴க்கு², பாராஜிகஸ்ஸ; ஆபத்தி து²ல்லச்சயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² பணிதா⁴ய சங்கமதி…
பணிதா⁴ய திட்ட²தி… பணிதா⁴ய நிஸீத³தி… பணிதா⁴ய ஸெய்யங் கப்பேதி – ‘‘ஏவங் மங்
ஜனோ ஸம்பா⁴வெஸ்ஸதீ’’தி. தங் ஜனோ ஸம்பா⁴வேஸி. தஸ்ஸ
குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ. ந ச, பி⁴க்க²வே,
பணிதா⁴ய ஸெய்யா கப்பேதப்³பா³. யோ கப்பெய்ய, ஆபத்தி து³க்கடஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² அஞ்ஞதரஸ்ஸ
பி⁴க்கு²னோ உத்தரிமனுஸ்ஸத⁴ம்மங் உல்லபதி. ஸோபி ஏவமாஹ – ‘‘மய்ஹம்பி, ஆவுஸோ,
ஸங்யோஜனா பஹீனா’’தி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங்,
பி⁴க்கு², ஆபன்னோ பாராஜிக’’ந்தி.
224.
தேன கோ² பன ஸமயேன அஞ்ஞதரோ பி⁴க்கு² ரஹோக³தோ உத்தரிமனுஸ்ஸத⁴ம்மங் உல்லபதி.
பரசித்தவிதூ³ பி⁴க்கு² தங் பி⁴க்கு²ங் அபஸாதே³ஸி – ‘‘மா, ஆவுஸோ, ஏவரூபங்
அப⁴ணி. நத்தே²ஸோ துய்ஹ’’ந்தி. தஸ்ஸ குக்குச்சங் அஹோஸி…பே॰… ‘‘அனாபத்தி,
பி⁴க்கு², பாராஜிகஸ்ஸ; ஆபத்தி து³க்கடஸ்ஸா’’தி.
தேன கோ² பன ஸமயேன அஞ்ஞதரோ
பி⁴க்கு² ரஹோக³தோ உத்தரிமனுஸ்ஸத⁴ம்மங் உல்லபதி. தே³வதா தங் பி⁴க்கு²ங்
அபஸாதே³ஸி – ‘‘மா, ப⁴ந்தே, ஏவரூபங் அப⁴ணி. நத்தே²ஸோ துய்ஹ’’ந்தி. தஸ்ஸ
குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ; ஆபத்தி
து³க்கடஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² அஞ்ஞதரங் உபாஸகங் ஏதத³வோச – ‘‘யோ, ஆவுஸோ , துய்ஹங் விஹாரே வஸதி ஸோ பி⁴க்கு² அரஹா’’தி .
ஸோ ச தஸ்ஸ விஹாரே வஸதி. தஸ்ஸ குக்குச்சங் அஹோஸி…பே॰… ‘‘கிங்சித்தோ த்வங்,
பி⁴க்கூ²’’தி? ‘‘உல்லபனாதி⁴ப்பாயோ அஹங், ப⁴க³வா’’தி. ‘‘அனாபத்தி, பி⁴க்கு²,
பாராஜிகஸ்ஸ; ஆபத்தி து²ல்லச்சயஸ்ஸா’’தி.
தேன கோ² பன ஸமயேன அஞ்ஞதரோ
பி⁴க்கு² அஞ்ஞதரங் உபாஸகங் ஏதத³வோச – ‘‘யங் த்வங், ஆவுஸோ, உபட்டே²ஸி
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரேன ஸோ பி⁴க்கு² அரஹா’’தி.
ஸோ ச தங் உபட்டே²தி சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரேன.
தஸ்ஸ குக்குச்சங் அஹோஸி…பே॰… ‘‘கிங்சித்தோ த்வங், பி⁴க்கூ²’’தி?
‘‘உல்லபனாதி⁴ப்பாயோ அஹங், ப⁴க³வா’’தி. ‘‘அனாபத்தி, பி⁴க்கு², பாராஜிகஸ்ஸ;
ஆபத்தி து²ல்லச்சயஸ்ஸா’’தி.
225.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங் பி⁴க்கூ² ஏதத³வோசுங்
– ‘‘அத்தா²யஸ்மதோ உத்தரிமனுஸ்ஸத⁴ம்மோ’’தி? ‘‘நாவுஸோ, து³க்கரங் அஞ்ஞங்
ப்³யாகாது’’ந்தி. தஸ்ஸ குக்குச்சங் அஹோஸி – ‘‘யே கோ² தே ப⁴க³வதோ ஸாவகா தே
ஏவங் வதெ³ய்யுங். அஹஞ்சம்ஹி ந ப⁴க³வதோ ஸாவகோ. கச்சி நு கோ² அஹங் பாராஜிகங்
ஆபத்திங் ஆபன்னோ’’தி? ப⁴க³வதோ ஏதமத்த²ங் ஆரோசேஸி. ‘‘கிங்சித்தோ த்வங்,
பி⁴க்கூ²’’தி? ‘‘அனுல்லபனாதி⁴ப்பாயோ அஹங், ப⁴க³வா’’தி. ‘‘அனாபத்தி,
பி⁴க்கு², அனுல்லபனாதி⁴ப்பாயஸ்ஸா’’தி .
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங்
பி⁴க்கூ² ஏதத³வோசுங் – ‘‘அத்தா²யஸ்மதோ உத்தரிமனுஸ்ஸத⁴ம்மோ’’தி? ‘‘ஆராத⁴னீயோ
கோ², ஆவுஸோ, த⁴ம்மோ ஆரத்³த⁴வீரியேனா’’தி. தஸ்ஸ குக்குச்சங் அஹோஸி…பே॰…
‘‘அனாபத்தி, பி⁴க்கு², அனுல்லபனாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங்
பி⁴க்கூ² ஏதத³வோசுங் – ‘‘மா கோ², ஆவுஸோ, பா⁴யீ’’தி. நாஹங், ஆவுஸோ, மச்சுனோ
பா⁴யாமீ’’தி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
அனுல்லபனாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங்
பி⁴க்கூ² ஏதத³வோசுங் – ‘‘மா கோ², ஆவுஸோ, பா⁴யீ’’தி. ‘‘யோ நூனாவுஸோ,
விப்படிஸாரீ அஸ்ஸ ஸோ பா⁴யெய்யா’’தி. தஸ்ஸ குக்குச்சங் அஹோஸி…பே॰…
‘‘அனாபத்தி, பி⁴க்கு², அனுல்லபனாதி⁴ப்பாயஸ்ஸா’’தி.
தேன கோ² பன ஸமயேன
அஞ்ஞதரோ பி⁴க்கு² கி³லானோ ஹோதி. தங் பி⁴க்கூ² ஏதத³வோசுங் – ‘‘அத்தா²யஸ்மதோ
உத்தரிமனுஸ்ஸத⁴ம்மோ’’தி? ‘‘ஆராத⁴னீயோ கோ², ஆவுஸோ, த⁴ம்மோ
ஸம்மாபயுத்தேனா’’தி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
அனுல்லபனாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு²
கி³லானோ ஹோதி. தங் பி⁴க்கூ² ஏதத³வோசுங் – ‘‘அத்தா²யஸ்மதோ
உத்தரிமனுஸ்ஸத⁴ம்மோ’’தி? ‘‘ஆராத⁴னீயோ கோ², ஆவுஸோ, த⁴ம்மோ
ஆரத்³த⁴வீரியேனா’’தி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு²,
அனுல்லபனாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங்
பி⁴க்கூ² ஏதத³வோசுங் – ‘‘அத்தா²யஸ்மதோ உத்தரிமனுஸ்ஸத⁴ம்மோ’’தி? ‘‘ஆராத⁴னீயோ
கோ², ஆவுஸோ, த⁴ம்மோ யுத்தயோகே³னா’’தி. தஸ்ஸ குக்குச்சங் அஹோஸி…பே॰…
‘‘அனாபத்தி, பி⁴க்கு², அனுல்லபனாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங்
பி⁴க்கூ² ஏதத³வோசுங் – ‘‘கச்சாவுஸோ, க²மனீயங், கச்சி யாபனீய’’ந்தி?
‘‘நாவுஸோ, ஸக்கா யேன வா தேன வா அதி⁴வாஸேது’’ந்தி. தஸ்ஸ குக்குச்சங்
அஹோஸி…பே॰… ‘‘அனாபத்தி, பி⁴க்கு², அனுல்லபனாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங்
பி⁴க்கூ² ஏதத³வோசுங் – ‘‘கச்சாவுஸோ க²மனீயங், கச்சி யாபனீய’’ந்தி?
‘‘நாவுஸோ, ஸக்கா புது²ஜ்ஜனேன அதி⁴வாஸேது’’ந்தி. தஸ்ஸ குக்குச்சங்
அஹோஸி…பே॰… ‘‘கிங்சித்தோ த்வங், பி⁴க்கூ²’’தி? ‘‘உல்லபனாதி⁴ப்பாயோ அஹங்,
ப⁴க³வா’’தி. ‘‘அனாபத்தி, பி⁴க்கு², பாராஜிகஸ்ஸ; ஆபத்தி து²ல்லச்சயஸ்ஸா’’தி.
226.
தேன கோ² பன ஸமயேன அஞ்ஞதரோ ப்³ராஹ்மணோ பி⁴க்கூ² நிமந்தெத்வா ஏதத³வோச –
‘‘ஆயந்து, பொ⁴ந்தோ அரஹந்தோ’’தி. தேஸங் குக்குச்சங் அஹோஸி – ‘‘மயஞ்சம்ஹ ந
அரஹந்தோ [அனரஹந்தோ (ஸீ॰)]. அயஞ்ச ப்³ராஹ்மணோ அம்ஹே
அரஹந்தவாதே³ன ஸமுதா³சரதி. கத²ங் நு கோ² அம்ஹேஹி படிபஜ்ஜிதப்³ப³’’ந்தி?
ப⁴க³வதோ ஏதமத்த²ங் ஆரோசேஸுங். ‘‘அனாபத்தி, பி⁴க்க²வே, பஸாத³ப⁴ஞ்ஞே’’தி.
தேன கோ² பன ஸமயேன அஞ்ஞதரோ
ப்³ராஹ்மணோ பி⁴க்கூ² நிமந்தெத்வா ஏதத³வோச – ‘‘நிஸீத³ந்து, பொ⁴ந்தோ
அரஹந்தோ’’தி… ‘‘பு⁴ஞ்ஜந்து, பொ⁴ந்தோ அரஹந்தோ’’தி… ‘‘தப்பெந்து, பொ⁴ந்தோ
அரஹந்தோ’’தி… ‘‘க³ச்ச²ந்து, பொ⁴ந்தோ அரஹந்தோ’’தி. தேஸங் குக்குச்சங் அஹோஸி –
‘‘மயஞ்சம்ஹ ந அரஹந்தோ . அயஞ்ச ப்³ராஹ்மணோ அம்ஹே
அரஹந்தவாதே³ன ஸமுதா³சரதி. கத²ங் நு கோ² அம்ஹேஹி படிபஜ்ஜிதப்³ப³’’ந்தி?
ப⁴க³வதோ ஏதமத்த²ங் ஆரோசேஸுங். ‘‘அனாபத்தி, பி⁴க்க²வே, பஸாத³ப⁴ஞ்ஞே’’தி.
தேன கோ² பன ஸமயேன அஞ்ஞதரோ பி⁴க்கு² அஞ்ஞதரஸ்ஸ
பி⁴க்கு²னோ உத்தரிமனுஸ்ஸத⁴ம்மங் உல்லபதி. ஸோபி ஏவமாஹ – ‘‘மய்ஹம்பி, ஆவுஸோ,
ஆஸவா பஹீனா’’தி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு²,
ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ
பி⁴க்கு² அஞ்ஞதரஸ்ஸ பி⁴க்கு²னோ உத்தரிமனுஸ்ஸத⁴ம்மங் உல்லபதி. ஸோபி ஏவமாஹ –
‘‘மய்ஹம்பி, ஆவுஸோ, ஏதே த⁴ம்மா ஸங்விஜ்ஜந்தீ’’தி. தஸ்ஸ குக்குச்சங்
அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரோ பி⁴க்கு² அஞ்ஞதரஸ்ஸ
பி⁴க்கு²னோ உத்தரிமனுஸ்ஸத⁴ம்மங் உல்லபதி. ஸோபி ஏவமாஹ – ‘‘அஹம்பாவுஸோ, தேஸு
த⁴ம்மேஸு ஸந்தி³ஸ்ஸாமீ’’தி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங் , பி⁴க்கு², ஆபன்னோ பாராஜிக’’ந்தி.
தேன கோ² பன ஸமயேன அஞ்ஞதரங் பி⁴க்கு²ங் ஞாதகா
ஏதத³வோசுங் – ‘‘ஏஹி, ப⁴ந்தே, அகா³ரங் அஜ்ஜா²வஸா’’தி. ‘‘அப⁴ப்³போ³ கோ²,
ஆவுஸோ, மாதி³ஸோ அகா³ரங் அஜ்ஜா²வஸிது’’ந்தி. தஸ்ஸ குக்குச்சங் அஹோஸி…பே॰…
‘‘அனாபத்தி, பி⁴க்கு², அனுல்லபனாதி⁴ப்பாயஸ்ஸா’’தி.
227.
தேன கோ² பன ஸமயேன அஞ்ஞதரங் பி⁴க்கு²ங் ஞாதகா ஏதத³வோசுங் – ‘‘ஏஹி, ப⁴ந்தே,
காமே பரிபு⁴ஞ்ஜா’’தி. ‘‘ஆவடா மே, ஆவுஸோ, காமா’’தி. தஸ்ஸ குக்குச்சங்
அஹோஸி…பே॰… ‘‘அனாபத்தி, பி⁴க்கு², அனுல்லபனாதி⁴ப்பாயஸ்ஸா’’தி.
தேன கோ² பன ஸமயேன அஞ்ஞதரங் பி⁴க்கு²ங் ஞாதகா
ஏதத³வோசுங் – ‘‘அபி⁴ரமஸி, ப⁴ந்தே’’தி? ‘‘அபி⁴ரதோ அஹங், ஆவுஸோ, பரமாய
அபி⁴ரதியா’’தி. தஸ்ஸ குக்குச்சங் அஹோஸி. ‘‘யே கோ² தே ப⁴க³வதோ ஸாவகா தே ஏவங்
வதெ³ய்யுங்! அஹஞ்சம்ஹி ந ப⁴க³வதோ ஸாவகோ. கச்சி நு
கோ² அஹங் பாராஜிகங் ஆபத்திங் ஆபன்னோ’’தி? ப⁴க³வதோ ஏதமத்த²ங் ஆரோசேஸி.
‘‘கிங்சித்தோ த்வங், பி⁴க்கூ²’’தி? ‘‘அனுல்லபனாதி⁴ப்பாயோ அஹங், ப⁴க³வா’’தி.
‘‘அனாபத்தி, பி⁴க்கு², அனுல்லபனாதி⁴ப்பாயஸ்ஸா’’தி.
தேன கோ² பன ஸமயேன ஸம்ப³ஹுலா
பி⁴க்கூ² கதிகங் கத்வா அஞ்ஞதரஸ்மிங் ஆவாஸே வஸ்ஸங் உபக³ச்சி²ங்ஸு – ‘‘யோ
இமம்ஹா ஆவாஸா பட²மங் பக்கமிஸ்ஸதி தங் மயங் அரஹாதி ஜானிஸ்ஸாமா’’தி. அஞ்ஞதரோ
பி⁴க்கு² – ‘‘மங் அரஹாதி ஜானந்தூ’’தி, தம்ஹா ஆவாஸா
பட²மங் பக்காமி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு²,
ஆபன்னோ பாராஜிக’’ந்தி.
228. [இமானி வத்து²னி ஸங்॰ நி॰ 2.202 ஆக³தானி]
தேன ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன
கோ² பன ஸமயேன ஆயஸ்மா ச லக்க²ணோ ஆயஸ்மா ச மஹாமொக்³க³ல்லானோ கி³ஜ்ஜ²கூடே
பப்³ப³தே விஹரந்தி. அத² கோ² ஆயஸ்மா மஹாமொக்³க³ல்லானோ புப்³ப³ண்ஹஸமயங்
நிவாஸெத்வா பத்தசீவரங் ஆதா³ய யேனாயஸ்மா லக்க²ணோ தேனுபஸங்கமி; உபஸங்கமித்வா
ஆயஸ்மந்தங் லக்க²ணங் ஏதத³வோச – ‘‘ஆயாமாவுஸோ லக்க²ண, ராஜக³ஹங் பிண்டா³ய
பவிஸிஸ்ஸாமா’’தி. ‘‘ஏவமாவுஸோ’’தி கோ² ஆயஸ்மா லக்க²ணோ ஆயஸ்மதோ
மஹாமொக்³க³ல்லானஸ்ஸ பச்சஸ்ஸோஸி. அத² கோ² ஆயஸ்மா மஹாமொக்³க³ல்லானோ
கி³ஜ்ஜ²கூடா பப்³ப³தா ஓரோஹந்தோ அஞ்ஞதரஸ்மிங் பதே³ஸே
ஸிதங் பாத்வாகாஸி. அத² கோ² ஆயஸ்மா லக்க²ணோ ஆயஸ்மந்தங் மஹாமொக்³க³ல்லானங்
ஏதத³வோச – ‘‘கோ நு கோ², ஆவுஸோ மொக்³க³ல்லான, ஹேது கோ பச்சயோ ஸிதஸ்ஸ
பாதுகம்மாயா’’தி? ‘‘அகாலோ கோ², ஆவுஸோ லக்க²ண, ஏதஸ்ஸ பஞ்ஹஸ்ஸ [பஞ்ஹஸ்ஸ ப்³யாகரணாய (ஸ்யா॰)]. ப⁴க³வதோ மங் ஸந்திகே ஏதங் பஞ்ஹங் புச்சா²தி. அத² கோ² ஆயஸ்மா ச லக்க²ணோ ஆயஸ்மா ச மஹாமொக்³க³ல்லானோ
ராஜக³ஹே பிண்டா³ய சரித்வா பச்சா²ப⁴த்தங் பிண்ட³பாதபடிக்கந்தா யேன ப⁴க³வா
தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³ங்ஸு. ஏகமந்தங் நிஸின்னோ கோ² ஆயஸ்மா லக்க²ணோ ஆயஸ்மந்தங்
மஹாமொக்³க³ல்லானங் ஏதத³வோச – ‘‘இதா⁴யஸ்மா மஹாமொக்³க³ல்லானோ கி³ஜ்ஜ²கூடா
பப்³ப³தா ஓரோஹந்தோ அஞ்ஞதரஸ்மிங் பதே³ஸே ஸிதங் பாத்வாகாஸி. கோ நு கோ², ஆவுஸோ
மொக்³க³ல்லான, ஹேது கோ பச்சயோ ஸிதஸ்ஸ பாதுகம்மாயா’’தி? ‘‘இதா⁴ஹங், ஆவுஸோ,
கி³ஜ்ஜ²கூடா பப்³ப³தா ஓரோஹந்தோ அத்³த³ஸங் அட்டி²கஸங்க²லிகங் வேஹாஸங்
க³ச்ச²ந்திங். தமேனங் கி³ஜ்ஜா²பி காகாபி குலலாபி அனுபதித்வா அனுபதித்வா
பா²ஸுளந்தரிகாஹி விதுடெ³ந்தி [விதுதெ³ந்தி விதச்செ²ந்தி விராஜெந்தி (ஸ்யா॰)].
ஸா ஸுத³ங் அட்டஸ்ஸரங் கரோதி. தஸ்ஸ மய்ஹங், ஆவுஸோ, ஏதத³ஹோஸி – ‘அச்ச²ரியங்
வத போ⁴, அப்³பு⁴தங் வத போ⁴, ஏவரூபோபி நாம ஸத்தோ ப⁴விஸ்ஸதி! ஏவரூபோபி நாம
யக்கோ² ப⁴விஸ்ஸதி! ஏவரூபோபி நாம அத்தபா⁴வப்படிலாபோ⁴ ப⁴விஸ்ஸதீ’’’தி!
பி⁴க்கூ² உஜ்ஜா²யந்தி கி²ய்யந்தி விபாசெந்தி – ‘‘உத்தரிமனுஸ்ஸத⁴ம்மங்
ஆயஸ்மா மஹாமொக்³க³ல்லானோ உல்லபதீ’’தி. அத² கோ² ப⁴க³வா பி⁴க்கூ² ஆமந்தேஸி
– ‘‘சக்கு²பூ⁴தா வத, பி⁴க்க²வே, ஸாவகா விஹரந்தி. ஞாணபூ⁴தா வத, பி⁴க்க²வே,
ஸாவகா விஹரந்தி. யத்ர ஹி நாம ஸாவகோ ஏவரூபங் ஞஸ்ஸதி வா த³க்க²தி வா ஸக்கி²ங்
வா கரிஸ்ஸதி. புப்³பே³வ மே ஸோ, பி⁴க்க²வே, ஸத்தோ தி³ட்டோ² அஹோஸி. அபி
சாஹங் ந ப்³யாகாஸிங். அஹஞ்சேதங் ப்³யாகரெய்யங் பரே ச மே ந ஸத்³த³ஹெய்யுங்.
யே மே ந ஸத்³த³ஹெய்யுங் தேஸங் தங் அஸ்ஸ தீ³க⁴ரத்தங் அஹிதாய து³க்கா²ய. ஏஸோ,
பி⁴க்க²வே, ஸத்தோ இமஸ்மிங்யேவ ராஜக³ஹே கோ³கா⁴தகோ அஹோஸி. ஸோ தஸ்ஸ கம்மஸ்ஸ
விபாகேன ப³ஹூனி வஸ்ஸானி ப³ஹூனி வஸ்ஸஸதானி ப³ஹூனி வஸ்ஸஸஹஸ்ஸானி ப³ஹூனி
வஸ்ஸஸதஸஹஸ்ஸானி நிரயே பச்சித்வா தஸ்ஸேவ கம்மஸ்ஸ விபாகாவஸேஸேன ஏவரூபங்
அத்தபா⁴வப்படிலாப⁴ங் படிஸங்வேதே³தி. ஸச்சங், பி⁴க்க²வே, மொக்³க³ல்லானோ ஆஹ.
அனாபத்தி, பி⁴க்க²வே, மொக்³க³ல்லானஸ்ஸா’’தி.
229.
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ அத்³த³ஸங் மங்ஸபேஸிங்
வேஹாஸங் க³ச்ச²ந்திங். தமேனங் கி³ஜ்ஜா²பி காகாபி குலலாபி அனுபதித்வா
அனுபதித்வா விதச்செ²ந்தி விப⁴ஜ்ஜெந்தி [விதுதெ³ந்தி விதச்செ²ந்தி விராஜெந்தி (ஸ்யா॰)]. ஸா ஸுத³ங் அட்டஸ்ஸரங் கரோதி…பே॰… ஏஸோ, பி⁴க்க²வே, ஸத்தோ இமஸ்மிங்யேவ ராஜக³ஹே கோ³கா⁴தகோ அஹோஸி…பே॰….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ
அத்³த³ஸங் மங்ஸபிண்ட³ங் வேஹாஸங் க³ச்ச²ந்தங். தமேனங் கி³ஜ்ஜா²பி காகாபி
குலலாபி அனுபதித்வா அனுபதித்வா விதச்செ²ந்தி விப⁴ஜ்ஜெந்தி. ஸோ ஸுத³ங்
அட்டஸ்ஸரங் கரோதி…பே॰… ஏஸோ, பி⁴க்க²வே, ஸத்தோ இமஸ்மிங்யேவ ராஜக³ஹே ஸாகுணிகோ
அஹோஸி…பே॰….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ
அத்³த³ஸங் நிச்ச²விங் புரிஸங் வேஹாஸங் க³ச்ச²ந்தங். தமேனங் கி³ஜ்ஜா²பி
காகாபி குலலாபி அனுபதித்வா அனுபதித்வா விதச்செ²ந்தி விப⁴ஜ்ஜெந்தி. ஸோ
ஸுத³ங் அட்டஸ்ஸரங் கரோதி…பே॰… ஏஸோ, பி⁴க்க²வே, ஸத்தோ இமஸ்மிங்யேவ ராஜக³ஹே ஓரப்³பி⁴கோ அஹோஸி…பே॰….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ அத்³த³ஸங் அஸிலோமங் புரிஸங் வேஹாஸங் க³ச்ச²ந்தங் .
தஸ்ஸ தே அஸீ உப்பதித்வா உப்பதித்வா தஸ்ஸேவ காயே நிபதந்தி. ஸோ ஸுத³ங்
அட்டஸ்ஸரங் கரோதி…பே॰… ஏஸோ, பி⁴க்க²வே, ஸத்தோ இமஸ்மிங்யேவ ராஜக³ஹே ஸூகரிகோ
அஹோஸி…பே॰….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ
அத்³த³ஸங் ஸத்திலோமங் புரிஸங் வேஹாஸங் க³ச்ச²ந்தங். தஸ்ஸ தா ஸத்தியோ
உப்பதித்வா உப்பதித்வா தஸ்ஸேவ காயே நிபதந்தி. ஸோ ஸுத³ங் அட்டஸ்ஸரங்
கரோதி…பே॰… ஏஸோ, பி⁴க்க²வே, ஸத்தோ இமஸ்மிங்யேவ ராஜக³ஹே மாக³விகோ
அஹோஸி…பே॰….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ
அத்³த³ஸங் உஸுலோமங் புரிஸங் வேஹாஸங் க³ச்ச²ந்தங். தஸ்ஸ தே உஸூ உப்பதித்வா
உப்பதித்வா தஸ்ஸேவ காயே நிபதந்தி. ஸோ ஸுத³ங் அட்டஸ்ஸரங் கரோதி…பே॰… ஏஸோ,
பி⁴க்க²வே, ஸத்தோ இமஸ்மிங்யேவ ராஜக³ஹே காரணிகோ அஹோஸி…பே॰….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ
அத்³த³ஸங் ஸூசிலோமங் புரிஸங் வேஹாஸங் க³ச்ச²ந்தங். தஸ்ஸ தா ஸூசியோ
உப்பதித்வா உப்பதித்வா தஸ்ஸேவ காயே நிபதந்தி. ஸோ ஸுத³ங் அட்டஸ்ஸரங் கரோதி…பே॰… ஏஸோ, பி⁴க்க²வே, ஸத்தோ இமஸ்மிங்யேவ ராஜக³ஹே ஸாரதி²கோ அஹோஸி…பே॰….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ
அத்³த³ஸங் ஸூசிலோமங் புரிஸங் வேஹாஸங் க³ச்ச²ந்தங். தஸ்ஸ தா ஸூசியோ ஸீஸே
பவிஸித்வா முக²தோ நிக்க²மந்தி; முகே² பவிஸித்வா உரதோ நிக்க²மந்தி; உரே
பவிஸித்வா உத³ரதோ நிக்க²மந்தி; உத³ரே பவிஸித்வா ஊரூஹி நிக்க²மந்தி; ஊரூஸு
பவிஸித்வா ஜங்கா⁴ஹி நிக்க²மந்தி; ஜங்கா⁴ஸு பவிஸித்வா பாதே³ஹி நிக்க²மந்தி.
ஸோ ஸுத³ங் அட்டஸ்ஸரங் கரோதி…பே॰… ஏஸோ, பி⁴க்க²வே, ஸத்தோ இமஸ்மிங்யேவ
ராஜக³ஹே ஸூசகோ அஹோஸி…பே॰….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ
அத்³த³ஸங் கும்ப⁴ண்ட³ங் புரிஸங் வேஹாஸங் க³ச்ச²ந்தங். ஸோ க³ச்ச²ந்தோபி தேவ
அண்டே³ க²ந்தே⁴ ஆரோபெத்வா க³ச்ச²தி, நிஸீத³ந்தோபி தெஸ்வேவ அண்டே³ஸு
நிஸீத³தி. தமேனங் கி³ஜ்ஜா²பி காகாபி குலலாபி
அனுபதித்வா அனுபதித்வா விதச்செ²ந்தி விப⁴ஜ்ஜெந்தி. ஸோ ஸுத³ங் அட்டஸ்ஸரங்
கரோதி…பே॰… ஏஸோ, பி⁴க்க²வே, ஸத்தோ இமஸ்மிங்யேவ ராஜக³ஹே கா³மகூடோ
அஹோஸி…பே॰….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ
அத்³த³ஸங் புரிஸங் கூ³த²கூபே ஸஸீஸகங் நிமுக்³க³ங்…பே॰… ஏஸோ, பி⁴க்க²வே,
ஸத்தோ இமஸ்மிங்யேவ ராஜக³ஹே பாரதா³ரிகோ அஹோஸி…பே॰….
‘‘இதா⁴ஹங் , ஆவுஸோ, கி³ஜ்ஜ²கூடா பப்³ப³தா ஓரோஹந்தோ அத்³த³ஸங்
புரிஸங் கூ³த²கூபே ஸஸீஸகங் நிமுக்³க³ங் உபோ⁴ஹி ஹத்தே²ஹி கூ³த²ங்
கா²த³ந்தங்…பே॰… ஏஸோ, பி⁴க்க²வே, ஸத்தோ இமஸ்மிங்யேவ ராஜக³ஹே
து³ட்ட²ப்³ராஹ்மணோ அஹோஸி. ஸோ கஸ்ஸபஸ்ஸ ஸம்மாஸம்பு³த்³த⁴ஸ்ஸ பாவசனே பி⁴க்கு²ஸங்க⁴ங் ப⁴த்தேன நிமந்தெத்வா தோ³ணியோ [தோ³ணியோ (இதிபி)] கூ³த²ஸ்ஸ பூராபெத்வா காலங் ஆரோசாபெத்வா ஏதத³வோச – ‘அதோ [இதோ (ஸ்யா॰) அஹோ (இதிபி)], பொ⁴ந்தோ, யாவத³த்த²ங் பு⁴ஞ்ஜந்து சேவ ஹரந்து சா’’’தி…பே॰….
230.
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ அத்³த³ஸங் நிச்ச²விங்
இத்தி²ங் வேஹாஸங் க³ச்ச²ந்திங். தமேனங் கி³ஜ்ஜா²பி காகாபி குலலாபி
அனுபதித்வா அனுபதித்வா விதச்செ²ந்தி விப⁴ஜ்ஜெந்தி. ஸா ஸுத³ங் அட்டஸ்ஸரங்
கரோதி…பே॰… ஏஸா, பி⁴க்க²வே, இத்தீ² இமஸ்மிங்யேவ ராஜக³ஹே அதிசாரினீ
அஹோஸி…பே॰….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ
அத்³த³ஸங் இத்தி²ங் து³க்³க³ந்த⁴ங் மங்கு³லிங் வேஹாஸங் க³ச்ச²ந்திங்.
தமேனங் கி³ஜ்ஜா²பி காகாபி குலலாபி அனுபதித்வா அனுபதித்வா விதச்செ²ந்தி
விப⁴ஜ்ஜெந்தி. ஸா ஸுத³ங் அட்டஸ்ஸரங் கரோதி…பே॰… ஏஸா, பி⁴க்க²வே, இத்தீ²
இமஸ்மிங்யேவ ராஜக³ஹே இக்க²ணிகா அஹோஸி…பே॰….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ
அத்³த³ஸங் இத்தி²ங் உப்பக்கங் ஓகிலினிங் ஓகிரினிங் வேஹாஸங் க³ச்ச²ந்திங்.
ஸா ஸுத³ங் அட்டஸ்ஸரங் கரோதி…பே॰… ஏஸா, பி⁴க்க²வே , இத்தீ² காலிங்க³ஸ்ஸ ரஞ்ஞோ அக்³க³மஹேஸீ அஹோஸி. ஸா இஸ்ஸாபகதா ஸபத்திங் அங்கா³ரகடாஹேன ஓகிரி…பே॰….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ
அத்³த³ஸங் அஸீஸகங் கப³ந்த⁴ங் வேஹாஸங் க³ச்ச²ந்தங். தஸ்ஸ உரே அக்கீ²னி சேவ
ஹொந்தி முக²ஞ்ச. தமேனங் கி³ஜ்ஜா²பி காகாபி குலலாபி அனுபதித்வா அனுபதித்வா
விதச்செ²ந்தி விப⁴ஜ்ஜெந்தி. ஸோ ஸுத³ங் அட்டஸ்ஸரங் கரோதி…பே॰… ஏஸோ, பி⁴க்க²வே, ஸத்தோ இமஸ்மிங்யேவ ராஜக³ஹே ஹாரிகோ நாம சோரகா⁴தகோ அஹோஸி…பே॰….
‘‘இதா⁴ஹங் , ஆவுஸோ, கி³ஜ்ஜ²கூடா
பப்³ப³தா ஓரோஹந்தோ அத்³த³ஸங் பி⁴க்கு²ங் வேஹாஸங் க³ச்ச²ந்தங். தஸ்ஸ
ஸங்கா⁴டிபி ஆதி³த்தா ஸம்பஜ்ஜலிதா ஸஜோதிபூ⁴தா, பத்தோபி ஆதி³த்தோ ஸம்பஜ்ஜலிதோ
ஸஜோதிபூ⁴தோ, காயப³ந்த⁴னம்பி ஆதி³த்தங் ஸம்பஜ்ஜலிதங் ஸஜோதிபூ⁴தங், காயோபி
ஆதி³த்தோ ஸம்பஜ்ஜலிதோ ஸஜோதிபூ⁴தோ. ஸோ ஸுத³ங் அட்டஸ்ஸரங் கரோதி…பே॰… ஏஸோ,
பி⁴க்க²வே, பி⁴க்கு² கஸ்ஸபஸ்ஸ ஸம்மாஸம்பு³த்³த⁴ஸ்ஸ பாவசனே பாபபி⁴க்கு²
அஹோஸி…பே॰….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ
அத்³த³ஸங் பி⁴க்கு²னிங்… அத்³த³ஸங் ஸிக்க²மானங்… அத்³த³ஸங் ஸாமணேரங்…
அத்³த³ஸங் ஸாமணேரிங் வேஹாஸங் க³ச்ச²ந்திங். தஸ்ஸா ஸங்கா⁴டிபி ஆதி³த்தா
ஸம்பஜ்ஜலிதா ஸஜோதிபூ⁴தா, பத்தோபி ஆதி³த்தோ ஸம்பஜ்ஜலிதோ ஸஜோதிபூ⁴தோ,
காயப³ந்த⁴னம்பி ஆதி³த்தங் ஸம்பஜ்ஜலிதங் ஸஜோதிபூ⁴தங், காயோபி ஆதி³த்தோ
ஸம்பஜ்ஜலிதோ ஸஜோதிபூ⁴தோ. ஸா ஸுத³ங் அட்டஸ்ஸரங் கரோதி. தஸ்ஸ மய்ஹங், ஆவுஸோ,
ஏதத³ஹோஸி – ‘அச்ச²ரியங் வத போ⁴, அப்³பு⁴தங் வத போ⁴, ஏவரூபோபி நாம ஸத்தோ
ப⁴விஸ்ஸதி! ஏவரூபோபி நாம யக்கோ² ப⁴விஸ்ஸதி! ஏவரூபோபி நாம
அத்தபா⁴வப்படிலாபோ⁴ ப⁴விஸ்ஸதீ’’’தி! பி⁴க்கூ² உஜ்ஜா²யந்தி கி²ய்யந்தி
விபாசெந்தி – ‘‘உத்தரிமனுஸ்ஸத⁴ம்மங் ஆயஸ்மா மஹாமொக்³க³ல்லானோ உல்லபதீ’’தி.
அத² கோ² ப⁴க³வா பி⁴க்கூ² ஆமந்தேஸி – ‘‘சக்கு²பூ⁴தா வத, பி⁴க்க²வே, ஸாவகா விஹரந்தி. ஞாணபூ⁴தா வத ,
பி⁴க்க²வே, ஸாவகா விஹரந்தி. யத்ர ஹி நாம ஸாவகோ ஏவரூபங் ஞஸ்ஸதி வா த³க்க²தி
வா ஸக்கி²ங் வா கரிஸ்ஸதி! புப்³பே³வ மே ஸா, பி⁴க்க²வே, ஸாமணேரீ தி³ட்டா²
அஹோஸி. அபி சாஹங் ந ப்³யாகாஸிங். அஹஞ்சேதங் ப்³யாகரெய்யங் பரே ச மே ந
ஸத்³த³ஹெய்யுங். யே மே ந ஸத்³த³ஹெய்யுங் தேஸங் தங் அஸ்ஸ தீ³க⁴ரத்தங் அஹிதாய
து³க்கா²ய. ஏஸா, பி⁴க்க²வே, ஸாமணேரீ கஸ்ஸபஸ்ஸ ஸம்மாஸம்பு³த்³த⁴ஸ்ஸ பாவசனே
பாபஸாமணேரீ அஹோஸி. ஸா தஸ்ஸ கம்மஸ்ஸ விபாகேன ப³ஹூனி வஸ்ஸானி ப³ஹூனி
வஸ்ஸஸதானி ப³ஹூனி வஸ்ஸஸஹஸ்ஸானி ப³ஹூனி வஸ்ஸஸதஸஹஸ்ஸானி நிரயே பச்சித்வா
தஸ்ஸேவ கம்மஸ்ஸ விபாகாவஸேஸேன ஏவரூபங் அத்தபா⁴வப்படிலாப⁴ங் படிஸங்வேதே³தி.
ஸச்சங், பி⁴க்க²வே, மொக்³க³ல்லானோ ஆஹ. அனாபத்தி, பி⁴க்க²வே,
மொக்³க³ல்லானஸ்ஸா’’தி.
231. அத²
கோ² ஆயஸ்மா மஹாமொக்³க³ல்லானோ பி⁴க்கூ² ஆமந்தேஸி – ‘‘யதாயங், ஆவுஸோ, தபோதா³
ஸந்த³தி ஸோ த³ஹோ அச்சோ²த³கோ ஸீதோத³கோ ஸாதோத³கோ ஸேதகோ ஸுப்பதித்தோ² ரமணீயோ
பஹூதமச்ச²கச்ச²போ சக்கமத்தானி ச பது³மானி புப்ப²ந்தீ’’தி. பி⁴க்கூ²
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா
மஹாமொக்³க³ல்லானோ ஏவங் வக்க²தி – ‘யதாயங், ஆவுஸோ , தபோதா³ ஸந்த³தி ஸோ த³ஹோ அச்சோ²த³கோ ஸீதோத³கோ ஸாதோத³கோ ஸேதகோ ஸுப்பதித்தோ² ரமணீயோ பஹூதமச்ச²கச்ச²போ சக்கமத்தானி
ச பது³மானி புப்ப²ந்தீ’தி. அத² ச பனாயங் தபோதா³ குதி²தா ஸந்த³தி.
உத்தரிமனுஸ்ஸத⁴ம்மங் ஆயஸ்மா மஹாமொக்³க³ல்லானோ உல்லபதீ’’தி. ப⁴க³வதோ
ஏதமத்த²ங் ஆரோசேஸுங். ‘‘யதாயங், பி⁴க்க²வே, தபோதா³ ஸந்த³தி ஸோ த³ஹோ
அச்சோ²த³கோ ஸீதோத³கோ ஸாதோத³கோ ஸேதகோ ஸுப்பதித்தோ² ரமணீயோ பஹூதமச்ச²கச்ச²போ
சக்கமத்தானி ச பது³மானி புப்ப²ந்தி. அபி சாயங், பி⁴க்க²வே, தபோதா³
த்³வின்னங் மஹானிரயானங் அந்தரிகாய ஆக³ச்ச²தி. தேனாயங் தபோதா³ குதி²தா
ஸந்த³தி. ஸச்சங், பி⁴க்க²வே, மொக்³க³ல்லானோ ஆஹ. அனாபத்தி, பி⁴க்க²வே,
மொக்³க³ல்லானஸ்ஸா’’தி.
தேன கோ² பன ஸமயேன ராஜா மாக³தோ⁴ ஸேனியோ பி³ம்பி³ஸாரோ
லிச்ச²வீஹி ஸத்³தி⁴ங் ஸங்கா³மெந்தோ பப⁴க்³கோ³ அஹோஸி. அத² ராஜா பச்சா² ஸேனங்
ஸங்கட்³டி⁴த்வா லிச்ச²வயோ பராஜேஸி. ஸங்கா³மே ச நந்தி³ சரதி – ‘‘ரஞ்ஞா
லிச்ச²வீ பப⁴க்³கா³’’தி. அத² கோ² ஆயஸ்மா மஹாமொக்³க³ல்லானோ பி⁴க்கூ²
ஆமந்தேஸி – ‘‘ராஜா, ஆவுஸோ, லிச்ச²வீஹி பப⁴க்³கோ³’’தி. பி⁴க்கூ² உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா மஹாமொக்³க³ல்லானோ ஏவங்
வக்க²தி – ‘ராஜா , ஆவுஸோ, லிச்ச²வீஹி பப⁴க்³கோ³’தி!
ஸங்கா³மே ச நந்தி³ங் சரதி – ‘ரஞ்ஞா லிச்ச²வீ பப⁴க்³கா³’தி!
உத்தரிமனுஸ்ஸத⁴ம்மங் ஆயஸ்மா மஹாமொக்³க³ல்லானோ உல்லபதீ’’தி. ப⁴க³வதோ
ஏதமத்த²ங் ஆரோசேஸுங். ‘‘பட²மங், பி⁴க்க²வே, ராஜா லிச்ச²வீஹி பப⁴க்³கோ³. அத²
ராஜா பச்சா² ஸேனங் ஸங்கட்³டி⁴த்வா லிச்ச²வயோ
பராஜேஸி. ஸச்சங், பி⁴க்க²வே, மொக்³க³ல்லானோ ஆஹ. அனாபத்தி, பி⁴க்க²வே,
மொக்³க³ல்லானஸ்ஸா’’தி.
232.
அத² கோ² ஆயஸ்மா மஹாமொக்³க³ல்லானோ பி⁴க்கூ² ஆமந்தேஸி – ‘‘இதா⁴ஹங், ஆவுஸோ,
ஸப்பினிகாய நதி³யா தீரே ஆனேஞ்ஜங் ஸமாதி⁴ங் ஸமாபன்னோ நாகா³னங் ஓக³ய்ஹ
உத்தரந்தானங் கோஞ்சங் கரொந்தானங் ஸத்³த³ங் அஸ்ஸோஸி’’ந்தி. பி⁴க்கூ²
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா
மஹாமொக்³க³ல்லானோ ஆனேஞ்ஜங் ஸமாதி⁴ங் ஸமாபன்னோ ஸத்³த³ங் ஸொஸ்ஸதி!
உத்தரிமனுஸ்ஸத⁴ம்மங் ஆயஸ்மா மஹாமொக்³க³ல்லானோ உல்லபதீ’’தி. ப⁴க³வதோ
ஏதமத்த²ங் ஆரோசேஸுங். ‘‘அத்தே²ஸோ, பி⁴க்க²வே, ஸமாதி⁴ ஸோ ச கோ²
அபரிஸுத்³தோ⁴. ஸச்சங், பி⁴க்க²வே, மொக்³க³ல்லானோ ஆஹ. அனாபத்தி, பி⁴க்க²வே,
மொக்³க³ல்லானஸ்ஸா’’தி.
அத² கோ² ஆயஸ்மா ஸோபி⁴தோ பி⁴க்கூ² ஆமந்தேஸி – ‘‘அஹங், ஆவுஸோ, பஞ்ச கப்பஸதானி அனுஸ்ஸராமீ’’தி. பி⁴க்கூ² உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா ஸோபி⁴தோ ஏவங் வக்க²தி – ‘அஹங், ஆவுஸோ ,
பஞ்ச கப்பஸதானி அனுஸ்ஸராமீ’தி! உத்தரிமனுஸ்ஸத⁴ம்மங் ஆயஸ்மா ஸோபி⁴தோ
உல்லபதீ’’தி. ப⁴க³வதோ ஏதமத்த²ங் ஆரோசேஸுங். ‘‘அத்தே²ஸா, பி⁴க்க²வே,
ஸோபி⁴தஸ்ஸ. ஸா ச கோ² ஏகாயேவ ஜாதி. ஸச்சங், பி⁴க்க²வே, ஸோபி⁴தோ ஆஹ.
அனாபத்தி, பி⁴க்க²வே, ஸோபி⁴தஸ்ஸாதி.
சதுத்த²பாராஜிகங் ஸமத்தங்.
233.
உத்³தி³ட்டா² கோ² ஆயஸ்மந்தோ சத்தாரோ பாராஜிகா த⁴ம்மா, யேஸங் பி⁴க்கு²
அஞ்ஞதரங் வா அஞ்ஞதரங் வா ஆபஜ்ஜித்வா ந லப⁴தி பி⁴க்கூ²ஹி ஸத்³தி⁴ங்
ஸங்வாஸங், யதா² புரே ததா² பச்சா², பாராஜிகோ ஹோதி அஸங்வாஸோ. தத்தா²யஸ்மந்தே
புச்சா²மி – ‘‘கச்சித்த² பரிஸுத்³தா⁴’’? து³தியம்பி புச்சா²மி –
‘‘கச்சித்த² பரிஸுத்³தா⁴’’? ததியம்பி புச்சா²மி – ‘‘கச்சித்த²
பரிஸுத்³தா⁴’’? பரிஸுத்³தெ⁴த்தா²யஸ்மந்தோ, தஸ்மா துண்ஹீ, ஏவமேதங்
தா⁴ரயாமீதி.
பாராஜிகங் நிட்டி²தங்.
தஸ்ஸுத்³தா³னங் –
மேது²னாதி³ன்னாதா³னஞ்ச, மனுஸ்ஸவிக்³க³ஹுத்தரி;
பாராஜிகானி சத்தாரி, சே²ஜ்ஜவத்தூ² அஸங்ஸயாதி.
பாராஜிககண்ட³ங் நிட்டி²தங்.