41. அத²
கோ² ஸங்கோ⁴ ஸுத⁴ம்மஸ்ஸ பி⁴க்கு²னோ படிஸாரணீயகம்மங் அகாஸி – ‘‘சித்தோ தே
க³ஹபதி க²மாபேதப்³போ³’’தி. ஸோ ஸங்கே⁴ன படிஸாரணீயகம்மகதோ மச்சி²காஸண்ட³ங்
க³ந்த்வா மங்குபூ⁴தோ நாஸக்கி² சித்தங் க³ஹபதிங் க²மாபேதுங். புனதே³வ
ஸாவத்தி²ங் பச்சாக³ஞ்சி². பி⁴க்கூ² ஏவமாஹங்ஸு – ‘‘க²மாபிதோ தயா, ஆவுஸோ
ஸுத⁴ம்ம, சித்தோ க³ஹபதீ’’தி? ‘‘இதா⁴ஹங், ஆவுஸோ, மச்சி²காஸண்ட³ங் க³ந்த்வா
மங்குபூ⁴தோ நாஸக்கி²ங் சித்தங் க³ஹபதிங் க²மாபேது’’ந்தி. பி⁴க்கூ² ப⁴க³வதோ
ஏதமத்த²ங் ஆரோசேஸுங்…பே॰…. ‘‘தேன ஹி, பி⁴க்க²வே, ஸங்கோ⁴ ஸுத⁴ம்மஸ்ஸ
பி⁴க்கு²னோ அனுதூ³தங் தே³து – சித்தங் க³ஹபதிங் க²மாபேதுங். ஏவஞ்ச பன
பி⁴க்க²வே தா³தப்³போ³ – பட²மங் பி⁴க்கு² யாசிதப்³போ³, யாசித்வா ப்³யத்தேன
பி⁴க்கு²னா படிப³லேன ஸங்கோ⁴ ஞாபேதப்³போ³ –
‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ
பத்தகல்லங், ஸங்கோ⁴ இத்த²ன்னாமங் பி⁴க்கு²ங் ஸுத⁴ம்மஸ்ஸ பி⁴க்கு²னோ
அனுதூ³தங் த³தெ³ய்ய சித்தங் க³ஹபதிங் க²மாபேதுங். ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴. ஸங்கோ⁴ இத்த²ன்னாமங் பி⁴க்கு²ங் ஸுத⁴ம்மஸ்ஸ
பி⁴க்கு²னோ அனுதூ³தங் தே³தி சித்தங் க³ஹபதிங் க²மாபேதுங். யஸ்ஸாயஸ்மதோ
க²மதி இத்த²ன்னாமஸ்ஸ பி⁴க்கு²னோ ஸுத⁴ம்மஸ்ஸ பி⁴க்கு²னோ அனுதூ³தஸ்ஸ தா³னங்
சித்தங் க³ஹபதிங் க²மாபேதுங், ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.
‘‘தி³ன்னோ ஸங்கே⁴ன இத்த²ன்னாமோ பி⁴க்கு² ஸுத⁴ம்மஸ்ஸ
பி⁴க்கு²னோ அனுதூ³தோ சித்தங் க³ஹபதிங் க²மாபேதுங். க²மதி ஸங்க⁴ஸ்ஸ, தஸ்மா
துண்ஹீ, ஏவமேதங் தா⁴ரயாமீ’’தி.
42.
‘‘தேன, பி⁴க்க²வே, ஸுத⁴ம்மேன பி⁴க்கு²னா அனுதூ³தேன பி⁴க்கு²னா ஸத்³தி⁴ங்
மச்சி²காஸண்ட³ங் க³ந்த்வா சித்தோ க³ஹபதி க²மாபேதப்³போ³ – ‘க²ம, க³ஹபதி,
பஸாதே³மி த’ந்தி. ஏவஞ்சே வுச்சமானோ க²மதி, இச்சேதங் குஸலங். நோ சே க²மதி,
அனுதூ³தேன பி⁴க்கு²னா வத்தப்³போ³ – ‘க²ம, க³ஹபதி, இமஸ்ஸ
பி⁴க்கு²னோ, பஸாதே³தி த’ந்தி. ஏவஞ்சே வுச்சமானோ க²மதி, இச்சேதங் குஸலங்.
நோ சே க²மதி, அனுதூ³தேன பி⁴க்கு²னா வத்தப்³போ³ – ‘க²ம, க³ஹபதி, இமஸ்ஸ
பி⁴க்கு²னோ, அஹங் தங் பஸாதே³மீ’தி. ஏவஞ்சே வுச்சமானோ க²மதி, இச்சேதங்
குஸலங். நோ சே க²மதி, அனுதூ³தேன பி⁴க்கு²னா வத்தப்³போ³ – ‘க²ம, க³ஹபதி,
இமஸ்ஸ பி⁴க்கு²னோ, ஸங்க⁴ஸ்ஸ வசனேனா’தி. ஏவஞ்சே வுச்சமானோ க²மதி, இச்சேதங்
குஸலங். நோ சே க²மதி, அனுதூ³தேன பி⁴க்கு²னா ஸுத⁴ம்மோ பி⁴க்கு² [ஸுத⁴ம்மங் பி⁴க்கு²ங்… ஸா ஆபத்தி தே³ஸாபேதப்³பா³தி (ஸீ॰ ஸ்யா॰)]
சித்தஸ்ஸ க³ஹபதினோ த³ஸ்ஸனூபசாரங் அவிஜஹாபெத்வா ஸவனூபசாரங் அவிஜஹாபெத்வா
ஏகங்ஸங் உத்தராஸங்க³ங் காராபெத்வா உக்குடிகங் நிஸீதா³பெத்வா அஞ்ஜலிங்
பக்³க³ண்ஹாபெத்வா தங் ஆபத்திங் தே³ஸாபேதப்³போ³’’தி [ஸுத⁴ம்மங் பி⁴க்கு²ங்… ஸா ஆபத்தி தே³ஸாபேதப்³பா³தி (ஸீ॰ ஸ்யா॰)].
அத² கோ² ஆயஸ்மா ஸுத⁴ம்மோ அனுதூ³தேன பி⁴க்கு²னா
ஸத்³தி⁴ங் மச்சி²காஸண்ட³ங் க³ந்த்வா சித்தங் க³ஹபதிங் க²மாபேஸி. ஸோ ஸம்மா
வத்ததி, லோமங் பாதேதி, நெத்தா²ரங் வத்ததி, பி⁴க்கூ² உபஸங்கமித்வா ஏவங்
வதே³தி – ‘‘அஹங், ஆவுஸோ, ஸங்கே⁴ன படிஸாரணீயகம்மகதோ
ஸம்மா வத்தாமி, லோமங் பாதேமி, நெத்தா²ரங் வத்தாமி. கத²ங் நு கோ² மயா
படிபஜ்ஜிதப்³ப³’’ந்தி? பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰… ‘‘தேன
ஹி, பி⁴க்க²வே, ஸங்கோ⁴ ஸுத⁴ம்மஸ்ஸ பி⁴க்கு²னோ படிஸாரணீயகம்மங்
படிப்பஸ்ஸம்பே⁴து.
நப்படிப்பஸ்ஸம்பே⁴தப்³ப³அட்டா²ரஸகங்
43.
‘‘பஞ்சஹி, பி⁴க்க²வே, அங்கே³ஹி ஸமன்னாக³தஸ்ஸ பி⁴க்கு²னோ படிஸாரணீயகம்மங்
நப்படிப்பஸ்ஸம்பே⁴தப்³ப³ங். உபஸம்பாதே³தி, நிஸ்ஸயங் தே³தி, ஸாமணேரங்
உபட்டா²பேதி, பி⁴க்கு²னோவாத³கஸம்முதிங் ஸாதி³யதி, ஸம்மதோபி பி⁴க்கு²னியோ
ஓவத³தி – இமேஹி கோ², பி⁴க்க²வே, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ
படிஸாரணீயகம்மங் நப்படிப்பஸ்ஸம்பே⁴தப்³ப³ங்.
[பரி॰ 420] ‘‘அபரேஹிபி,
பி⁴க்க²வே, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ படிஸாரணீயகம்மங்
நப்படிப்பஸ்ஸம்பே⁴தப்³ப³ங். யாய ஆபத்தியா ஸங்கே⁴ன படிஸாரணீயகம்மங் கதங்
ஹோதி தங் ஆபத்திங் ஆபஜ்ஜதி, அஞ்ஞங் வா தாதி³ஸிகங், ததோ வா பாபிட்ட²தரங்;
கம்மங் க³ரஹதி, கம்மிகே க³ரஹதி – இமேஹி கோ², பி⁴க்க²வே, பஞ்சஹங்கே³ஹி
ஸமன்னாக³தஸ்ஸ பி⁴க்கு²னோ படிஸாரணீயகம்மங் நப்படிப்பஸ்ஸம்பே⁴தப்³ப³ங்.
‘‘அட்ட²ஹி, பி⁴க்க²வே, அங்கே³ஹி ஸமன்னாக³தஸ்ஸ
பி⁴க்கு²னோ படிஸாரணீயகம்மங் நப்படிப்பஸ்ஸம்பே⁴தப்³ப³ங். பகதத்தஸ்ஸ
பி⁴க்கு²னோ உபோஸத²ங் ட²பேதி, பவாரணங் ட²பேதி, ஸவசனீயங் கரோதி, அனுவாத³ங்
பட்ட²பேதி, ஓகாஸங் காரேதி, சோதே³தி , ஸாரேதி, பி⁴க்கூ²ஹி ஸம்பயோஜேதி – இமேஹி கோ², பி⁴க்க²வே, அட்ட²ஹங்கே³ஹி ஸமன்னாக³தஸ்ஸ பி⁴க்கு²னோ படிஸாரணீயகம்மங் நப்படிப்பஸ்ஸம்பே⁴தப்³ப³ங்’’.
படிஸாரணீயகம்மே நப்படிப்பஸ்ஸம்பே⁴தப்³ப³அட்டா²ரஸகங் நிட்டி²தங்.
படிப்பஸ்ஸம்பே⁴தப்³ப³அட்டா²ரஸகங்
44.
‘‘பஞ்சஹி, பி⁴க்க²வே, அங்கே³ஹி ஸமன்னாக³தஸ்ஸ பி⁴க்கு²னோ படிஸாரணீயகம்மங்
படிப்பஸ்ஸம்பே⁴தப்³ப³ங். ந உபஸம்பாதே³தி, ந நிஸ்ஸயங் தே³தி, ந ஸாமணேரங்
உபட்டா²பேதி, ந பி⁴க்கு²னோவாத³கஸம்முதிங் ஸாதி³யதி, ஸம்மதோபி பி⁴க்கு²னியோ ந
ஓவத³தி – இமேஹி கோ², பி⁴க்க²வே, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ
படிஸாரணீயகம்மங் படிப்பஸ்ஸம்பே⁴தப்³ப³ங்.
‘‘அபரேஹிபி, பி⁴க்க²வே, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ படிஸாரணீயகம்மங் படிப்பஸ்ஸம்பே⁴தப்³ப³ங். யாய ஆபத்தியா ஸங்கே⁴ன
படிஸாரணீயகம்மங் கதங் ஹோதி தங் ஆபத்திங் ந ஆபஜ்ஜதி, அஞ்ஞங் வா தாதி³ஸிகங்,
ததோ வா பாபிட்ட²தரங்; கம்மங் ந க³ரஹதி, கம்மிகே ந க³ரஹதி – இமேஹி கோ²,
பி⁴க்க²வே, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ படிஸாரணீயகம்மங்
படிப்பஸ்ஸம்பே⁴தப்³ப³ங்.
‘‘அட்ட²ஹி, பி⁴க்க²வே, அங்கே³ஹி ஸமன்னாக³தஸ்ஸ
பி⁴க்கு²னோ படிஸாரணீயகம்மங் படிப்பஸ்ஸம்பே⁴தப்³ப³ங். ந பகதத்தஸ்ஸ
பி⁴க்கு²னோ உபோஸத²ங் ட²பேதி, ந பவாரணங் ட²பேதி, ந ஸவசனீயங் கரோதி, ந
அனுவாத³ங் பட்ட²பேதி, ந ஓகாஸங் காரேதி, ந சோதே³தி, ந ஸாரேதி, ந பி⁴க்கூ²ஹி
ஸம்பயோஜேதி – இமேஹி கோ², பி⁴க்க²வே, அட்ட²ஹங்கே³ஹி ஸமன்னாக³தஸ்ஸ பி⁴க்கு²னோ
படிஸாரணீயகம்மங் படிப்பஸ்ஸம்பே⁴தப்³ப³ங்.
படிஸாரணீயகம்மே படிப்பஸ்ஸம்பே⁴தப்³ப³அட்டா²ரஸகங் நிட்டி²தங்.
45. ‘‘ஏவஞ்ச பன, பி⁴க்க²வே, படிப்பஸ்ஸம்பே⁴தப்³ப³ங். தேன [தேன ஹி (ஸ்யா॰ க॰)],
பி⁴க்க²வே, ஸுத⁴ம்மேன பி⁴க்கு²னா ஸங்க⁴ங் உபஸங்கமித்வா ஏகங்ஸங்
உத்தராஸங்க³ங் கரித்வா வுட்³டா⁴னங் பி⁴க்கூ²னங் பாதே³ வந்தி³த்வா
உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ – ‘அஹங்,
ப⁴ந்தே, ஸங்கே⁴ன படிஸாரணீயகம்மகதோ ஸம்மா வத்தாமி, லோமங் பாதேமி, நெத்தா²ரங்
வத்தாமி, படிஸாரணீயஸ்ஸ கம்மஸ்ஸ படிப்பஸ்ஸத்³தி⁴ங் யாசாமீ’தி . து³தியம்பி யாசிதப்³பா³. ததியம்பி யாசிதப்³பா³. ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
‘‘ஸுணாது மே, ப⁴ந்தே, ஸங்கோ⁴. அயங் ஸுத⁴ம்மோ பி⁴க்கு²
ஸங்கே⁴ன படிஸாரணீயகம்மகதோ ஸம்மா வத்ததி, லோமங் பாதேதி, நெத்தா²ரங் வத்ததி,
படிஸாரணீயஸ்ஸ கம்மஸ்ஸ படிப்பஸ்ஸத்³தி⁴ங் யாசதி. யதி³ ஸங்க⁴ஸ்ஸ பத்தகல்லங்,
ஸங்கோ⁴ ஸுத⁴ம்மஸ்ஸ பி⁴க்கு²னோ படிஸாரணீயகம்மங் படிப்பஸ்ஸம்பெ⁴ய்ய. ஏஸா
ஞத்தி.
‘‘ஸுணாது மே, ப⁴ந்தே, ஸங்கோ⁴. அயங் ஸுத⁴ம்மோ பி⁴க்கு²
ஸங்கே⁴ன படிஸாரணீயகம்மகதோ ஸம்மா வத்ததி, லோமங் பாதேதி, நெத்தா²ரங் வத்ததி,
படிஸாரணீயஸ்ஸ கம்மஸ்ஸ படிப்பஸ்ஸத்³தி⁴ங் யாசதி. ஸங்கோ⁴ ஸுத⁴ம்மஸ்ஸ
பி⁴க்கு²னோ படிஸாரணீயகம்மங் படிப்பஸ்ஸம்பே⁴தி. யஸ்ஸாயஸ்மதோ க²மதி
ஸுத⁴ம்மஸ்ஸ பி⁴க்கு²னோ படிஸாரணீயஸ்ஸ கம்மஸ்ஸ படிப்பஸ்ஸத்³தி⁴, ஸோ துண்ஹஸ்ஸ;
யஸ்ஸ நக்க²மதி, ஸோ பா⁴ஸெய்ய.
‘‘து³தியம்பி ஏதமத்த²ங் வதா³மி…பே॰…
ததியம்பி ஏதமத்த²ங் வதா³மி – ஸுணாது மே, ப⁴ந்தே, ஸங்கோ⁴. அயங் ஸுத⁴ம்மோ
பி⁴க்கு² ஸங்கே⁴ன படிஸாரணீயகம்மகதோ ஸம்மா வத்ததி, லோமங் பாதேதி, நெத்தா²ரங்
வத்ததி, படிஸாரணீயஸ்ஸ கம்மஸ்ஸ படிப்பஸ்ஸத்³தி⁴ங் யாசதி. ஸங்கோ⁴ ஸுத⁴ம்மஸ்ஸ
பி⁴க்கு²னோ படிஸாரணீயகம்மங் படிப்பஸ்ஸம்பே⁴தி. யஸ்ஸாயஸ்மதோ க²மதி
ஸுத⁴ம்மஸ்ஸ பி⁴க்கு²னோ படிஸாரணீயஸ்ஸ கம்மஸ்ஸ படிப்பஸ்ஸத்³தி⁴, ஸோ துண்ஹஸ்ஸ;
யஸ்ஸ நக்க²மதி, ஸோ பா⁴ஸெய்ய.
‘‘படிப்பஸ்ஸத்³த⁴ங் ஸங்கே⁴ன ஸுத⁴ம்மஸ்ஸ பி⁴க்கு²னோ படிஸாரணீயகம்மங். க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
படிஸாரணீயகம்மங் நிட்டி²தங் சதுத்த²ங்.
5. ஆபத்தியா அத³ஸ்ஸனே உக்கே²பனீயகம்மங்
46.
தேன ஸமயேன பு³த்³தோ⁴ ப⁴க³வா கோஸம்பி³யங் விஹரதி கோ⁴ஸிதாராமே. தேன கோ² பன
ஸமயேன ஆயஸ்மா ச²ன்னோ ஆபத்திங் ஆபஜ்ஜித்வா ந இச்ச²தி ஆபத்திங் பஸ்ஸிதுங். யே
தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா ச²ன்னோ ஆபத்திங் ஆபஜ்ஜித்வா ந இச்சி²ஸ்ஸதி ஆபத்திங் பஸ்ஸிது’’ந்தி. அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங்.
அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங் ஸன்னிபாதாபெத்வா
பி⁴க்கூ² படிபுச்சி² – ‘‘ஸச்சங் கிர, பி⁴க்க²வே, ச²ன்னோ பி⁴க்கு² ஆபத்திங்
ஆபஜ்ஜித்வா ந இச்ச²தி ஆபத்திங் பஸ்ஸிது’’ந்தி? ‘‘ஸச்சங் ப⁴க³வா’’தி.
விக³ரஹி பு³த்³தோ⁴ ப⁴க³வா – ‘‘அனநுச்ச²விகங்…பே॰… கத²ஞ்ஹி நாம ஸோ,
பி⁴க்க²வே, மோக⁴புரிஸோ ஆபத்திங் ஆபஜ்ஜித்வா ந இச்சி²ஸ்ஸதி ஆபத்திங்
பஸ்ஸிதுங்? நேதங், பி⁴க்க²வே, அப்பஸன்னானங் வா பஸாதா³ய…பே॰…
விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி – தேன ஹி,
பி⁴க்க²வே, ஸங்கோ⁴ ச²ன்னஸ்ஸ பி⁴க்கு²னோ, ஆபத்தியா அத³ஸ்ஸனே,
உக்கே²பனீயகம்மங் கரோது – அஸம்போ⁴க³ங் ஸங்கே⁴ன. ஏவஞ்ச பன, பி⁴க்க²வே,
காதப்³ப³ங் – பட²மங் ச²ன்னோ பி⁴க்கு² சோதே³தப்³போ³, சோதெ³த்வா ஸாரேதப்³போ³,
ஸாரெத்வா ஆபத்திங் ஆரோபேதப்³போ³, ஆபத்திங் ஆரோபெத்வா ப்³யத்தேன பி⁴க்கு²னா
படிப³லேன ஸங்கோ⁴ ஞாபேதப்³போ³ –
47.
‘‘ஸுணாது மே, ப⁴ந்தே, ஸங்கோ⁴. அயங் ச²ன்னோ பி⁴க்கு² ஆபத்திங் ஆபஜ்ஜித்வா ந
இச்ச²தி ஆபத்திங் பஸ்ஸிதுங். யதி³ ஸங்க⁴ஸ்ஸ பத்தகல்லங், ஸங்கோ⁴ ச²ன்னஸ்ஸ
பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங் கரெய்ய – அஸம்போ⁴க³ங்
ஸங்கே⁴ன. ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴. அயங் ச²ன்னோ பி⁴க்கு²
ஆபத்திங் ஆபஜ்ஜித்வா ந இச்ச²தி ஆபத்திங் பஸ்ஸிதுங். ஸங்கோ⁴ ச²ன்னஸ்ஸ
பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங் கரோதி – அஸம்போ⁴க³ங்
ஸங்கே⁴ன. யஸ்ஸாயஸ்மதோ க²மதி ச²ன்னஸ்ஸ பி⁴க்கு²னோ, ஆபத்தியா அத³ஸ்ஸனே,
உக்கே²பனீயஸ்ஸ கம்மஸ்ஸ கரணங் – அஸம்போ⁴க³ங் ஸங்கே⁴ன, ஸோ துண்ஹஸ்ஸ; யஸ்ஸ
நக்க²மதி, ஸோ பா⁴ஸெய்ய.
‘‘து³தியம்பி ஏதமத்த²ங் வதா³மி…பே॰… ததியம்பி
ஏதமத்த²ங் வதா³மி – ஸுணாது மே, ப⁴ந்தே, ஸங்கோ⁴. அயங் ச²ன்னோ பி⁴க்கு²
ஆபத்திங் ஆபஜ்ஜித்வா ந இச்ச²தி ஆபத்திங் பஸ்ஸிதுங். ஸங்கோ⁴ ச²ன்னஸ்ஸ
பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங் கரோதி – அஸம்போ⁴க³ங்
ஸங்கே⁴ன. யஸ்ஸாயஸ்மதோ க²மதி ச²ன்னஸ்ஸ பி⁴க்கு²னோ, ஆபத்தியா அத³ஸ்ஸனே,
உக்கே²பனீயஸ்ஸ கம்மஸ்ஸ கரணங் – அஸம்போ⁴க³ங் ஸங்கே⁴ன, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.
‘‘கதங் ஸங்கே⁴ன ச²ன்னஸ்ஸ
பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங் – அஸம்போ⁴க³ங் ஸங்கே⁴ன.
க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீதி.
‘‘ஆவாஸபரம்பரஞ்ச, பி⁴க்க²வே, ஸங்ஸத² – ‘ச²ன்னோ பி⁴க்கு² ஸங்கே⁴ன ஆபத்தியா [ச²ன்னோ பி⁴க்கு² ஆபத்தியா (ஸீ॰ க॰)] அத³ஸ்ஸனே உக்கே²பனீயகம்மகதோ – அஸம்போ⁴க³ங் ஸங்கே⁴னா’தி.
அத⁴ம்மகம்மத்³வாத³ஸகங்
48.
‘‘தீஹி, பி⁴க்க²வே, அங்கே³ஹி ஸமன்னாக³தங், ஆபத்தியா அத³ஸ்ஸனே,
உக்கே²பனீயகம்மங் அத⁴ம்மகம்மஞ்ச ஹோதி, அவினயகம்மஞ்ச, து³வூபஸந்தஞ்ச.
அஸம்முகா² கதங் ஹோதி, அப்படிபுச்சா² கதங் ஹோதி, அப்படிஞ்ஞாய கதங் ஹோதி –
இமேஹி கோ², பி⁴க்க²வே, தீஹங்கே³ஹி ஸமன்னாக³தங், ஆபத்தியா அத³ஸ்ஸனே,
உக்கே²பனீயகம்மங் அத⁴ம்மகம்மஞ்ச ஹோதி, அவினயகம்மஞ்ச, து³வூபஸந்தஞ்ச.
‘‘அபரேஹிபி, பி⁴க்க²வே, தீஹங்கே³ஹி ஸமன்னாக³தங்,
ஆபத்தியா அத³ஸ்ஸனே, உக்கே²பனீயகம்மங் அத⁴ம்மகம்மஞ்ச ஹோதி, அவினயகம்மஞ்ச,
து³வூபஸந்தஞ்ச. அனாபத்தியா கதங் ஹோதி, அதே³ஸனாகா³மினியா ஆபத்தியா கதங்
ஹோதி, தே³ஸிதாய ஆபத்தியா கதங் ஹோதி…பே॰… அசோதெ³த்வா கதங் ஹோதி, அஸாரெத்வா
கதங் ஹோதி, ஆபத்திங் அனாரோபெத்வா கதங் ஹோதி…பே॰… அஸம்முகா² கதங் ஹோதி,
அத⁴ம்மேன கதங் ஹோதி, வக்³கே³ன கதங் ஹோதி…பே॰… அப்படிபுச்சா² கதங் ஹோதி,
அத⁴ம்மேன கதங் ஹோதி, வக்³கே³ன கதங் ஹோதி…பே॰… அப்படிஞ்ஞாய கதங் ஹோதி,
அத⁴ம்மேன கதங் ஹோதி, வக்³கே³ன கதங் ஹோதி…பே॰… அனாபத்தியா கதங் ஹோதி,
அத⁴ம்மேன கதங் ஹோதி, வக்³கே³ன கதங் ஹோதி…பே॰… அதே³ஸனாகா³மினியா ஆபத்தியா
கதங் ஹோதி, அத⁴ம்மேன கதங் ஹோதி, வக்³கே³ன கதங் ஹோதி…பே॰… தே³ஸிதாய ஆபத்தியா
கதங் ஹோதி, அத⁴ம்மேன கதங் ஹோதி, வக்³கே³ன கதங் ஹோதி…பே॰… அசோதெ³த்வா கதங்
ஹோதி, அத⁴ம்மேன கதங் ஹோதி, வக்³கே³ன கதங் ஹோதி…பே॰… அஸாரெத்வா கதங் ஹோதி,
அத⁴ம்மேன கதங் ஹோதி, வக்³கே³ன கதங் ஹோதி…பே॰… ஆபத்திங் அனாரோபெத்வா கதங் ஹோதி, அத⁴ம்மேன
கதங் ஹோதி, வக்³கே³ன கதங் ஹோதி – இமேஹி கோ², பி⁴க்க²வே, தீஹங்கே³ஹி
ஸமன்னாக³தங், ஆபத்தியா அத³ஸ்ஸனே, உக்கே²பனீயகம்மங் அத⁴ம்மகம்மஞ்ச ஹோதி,
அவினயகம்மஞ்ச, து³வூபஸந்தஞ்ச.
ஆபத்தியா அத³ஸ்ஸனே உக்கே²பனீயகம்மே அத⁴ம்மகம்மத்³வாத³ஸகங் நிட்டி²தங்.
த⁴ம்மகம்மத்³வாத³ஸகங்
49. ‘‘தீஹி ,
பி⁴க்க²வே, அங்கே³ஹி ஸமன்னாக³தங், ஆபத்தியா அத³ஸ்ஸனே, உக்கே²பனீயகம்மங்
த⁴ம்மகம்மஞ்ச ஹோதி, வினயகம்மஞ்ச, ஸுவூபஸந்தஞ்ச. ஸம்முகா² கதங் ஹோதி,
படிபுச்சா² கதங் ஹோதி, படிஞ்ஞாய கதங் ஹோதி – இமேஹி கோ², பி⁴க்க²வே,
தீஹங்கே³ஹி ஸமன்னாக³தங், ஆபத்தியா அத³ஸ்ஸனே, உக்கே²பனீயகம்மங் த⁴ம்மகம்மஞ்ச
ஹோதி, வினயகம்மஞ்ச, ஸுவூபஸந்தஞ்ச.
‘‘அபரேஹிபி, பி⁴க்க²வே, தீஹங்கே³ஹி ஸமன்னாக³தங்…பே॰….
ஆபத்தியா கதங் ஹோதி, தே³ஸனாகா³மினியா ஆபத்தியா கதங் ஹோதி, அதே³ஸிதாய
ஆபத்தியா கதங் ஹோதி…பே॰… சோதெ³த்வா கதங் ஹோதி, ஸாரெத்வா கதங் ஹோதி,
ஆபத்திங் ஆரோபெத்வா கதங் ஹோதி…பே॰… ஸம்முகா² கதங் ஹோதி, த⁴ம்மேன கதங் ஹோதி,
ஸமக்³கே³ன கதங் ஹோதி…பே॰… படிபுச்சா² கதங் ஹோதி, த⁴ம்மேன கதங் ஹோதி,
ஸமக்³கே³ன கதங் ஹோதி…பே॰… படிஞ்ஞாய கதங் ஹோதி,
த⁴ம்மேன கதங் ஹோதி, ஸமக்³கே³ன கதங் ஹோதி…பே॰… ஆபத்தியா கதங் ஹோதி, த⁴ம்மேன
கதங் ஹோதி, ஸமக்³கே³ன கதங் ஹோதி…பே॰… தே³ஸனாகா³மினியா ஆபத்தியா கதங் ஹோதி,
த⁴ம்மேன கதங் ஹோதி, ஸமக்³கே³ன கதங் ஹோதி…பே॰… அதே³ஸிதாய ஆபத்தியா கதங்
ஹோதி, த⁴ம்மேன கதங் ஹோதி, ஸமக்³கே³ன கதங் ஹோதி…பே॰… சோதெ³த்வா கதங் ஹோதி,
த⁴ம்மேன கதங் ஹோதி, ஸமக்³கே³ன கதங் ஹோதி…பே॰… ஸாரெத்வா கதங் ஹோதி, த⁴ம்மேன
கதங் ஹோதி, ஸமக்³கே³ன கதங் ஹோதி…பே॰… ஆபத்திங் ஆரோபெத்வா கதங் ஹோதி,
த⁴ம்மேன கதங் ஹோதி, ஸமக்³கே³ன கதங் ஹோதி – இமேஹி கோ², பி⁴க்க²வே,
தீஹங்கே³ஹி ஸமன்னாக³தங், ஆபத்தியா அத³ஸ்ஸனே, உக்கே²பனீயகம்மங் த⁴ம்மகம்மஞ்ச
ஹோதி, வினயகம்மஞ்ச, ஸுவூபஸந்தஞ்ச.
ஆபத்தியா அத³ஸ்ஸனே உக்கே²பனீயகம்மே த⁴ம்மகம்மத்³வாத³ஸகங் நிட்டி²தங்.
ஆகங்க²மானச²க்கங்
50. [பரி॰ 323] ‘‘தீஹி ,
பி⁴க்க²வே, அங்கே³ஹி ஸமன்னாக³தஸ்ஸ பி⁴க்கு²னோ, ஆகங்க²மானோ ஸங்கோ⁴,
ஆபத்தியா அத³ஸ்ஸனே, உக்கே²பனீயகம்மங் கரெய்ய. ப⁴ண்ட³னகாரகோ ஹோதி கலஹகாரகோ
விவாத³காரகோ ப⁴ஸ்ஸகாரகோ ஸங்கே⁴ அதி⁴கரணகாரகோ ; பா³லோ
ஹோதி அப்³யத்தோ ஆபத்திப³ஹுலோ அனபதா³னோ; கி³ஹிஸங்ஸட்டோ² விஹரதி
அனநுலோமிகேஹி கி³ஹிஸங்ஸக்³கே³ஹி – இமேஹி கோ², பி⁴க்க²வே, தீஹங்கே³ஹி
ஸமன்னாக³தஸ்ஸ பி⁴க்கு²னோ, ஆகங்க²மானோ ஸங்கோ⁴, ஆபத்தியா அத³ஸ்ஸனே,
உக்கே²பனீயகம்மங் கரெய்ய.
‘‘அபரேஹிபி, பி⁴க்க²வே, தீஹங்கே³ஹி ஸமன்னாக³தஸ்ஸ பி⁴க்கு²னோ, ஆகங்க²மானோ ஸங்கோ⁴, ஆபத்தியா
அத³ஸ்ஸனே, உக்கே²பனீயகம்மங் கரெய்ய. அதி⁴ஸீலே ஸீலவிபன்னோ ஹோதி, அஜ்ஜா²சாரே
ஆசாரவிபன்னோ ஹோதி, அதிதி³ட்டி²யா தி³ட்டி²விபன்னோ ஹோதி – இமேஹி கோ²,
பி⁴க்க²வே, தீஹங்கே³ஹி ஸமன்னாக³தஸ்ஸ பி⁴க்கு²னோ, ஆகங்க²மானோ ஸங்கோ⁴,
ஆபத்தியா அத³ஸ்ஸனே, உக்கே²பனீயகம்மங் கரெய்ய.
‘‘அபரேஹிபி, பி⁴க்க²வே, தீஹங்கே³ஹி ஸமன்னாக³தஸ்ஸ
பி⁴க்கு²னோ, ஆகங்க²மானோ ஸங்கோ⁴, ஆபத்தியா அத³ஸ்ஸனே, உக்கே²பனீயகம்மங்
கரெய்ய. பு³த்³த⁴ஸ்ஸ அவண்ணங் பா⁴ஸதி, த⁴ம்மஸ்ஸ அவண்ணங் பா⁴ஸதி, ஸங்க⁴ஸ்ஸ
அவண்ணங் பா⁴ஸதி – இமேஹி கோ², பி⁴க்க²வே, தீஹங்கே³ஹி ஸமன்னாக³தஸ்ஸ
பி⁴க்கு²னோ, ஆகங்க²மானோ ஸங்கோ⁴, ஆபத்தியா அத³ஸ்ஸனே, உக்கே²பனீயகம்மங்
கரெய்ய.
‘‘திண்ணங், பி⁴க்க²வே, பி⁴க்கூ²னங், ஆகங்க²மானோ
ஸங்கோ⁴, ஆபத்தியா அத³ஸ்ஸனே, உக்கே²பனீயகம்மங் கரெய்ய. ஏகோ ப⁴ண்ட³னகாரகோ
ஹோதி கலஹகாரகோ விவாத³காரகோ ப⁴ஸ்ஸகாரகோ ஸங்கே⁴ அதி⁴கரணகாரகோ; ஏகோ பா³லோ ஹோதி
அப்³யத்தோ ஆபத்திப³ஹுலோ அனபதா³னோ; ஏகோ கி³ஹிஸங்ஸட்டோ² விஹரதி அனநுலோமிகேஹி
கி³ஹிஸங்ஸக்³கே³ஹி – இமேஸங் கோ², பி⁴க்க²வே, திண்ணங் பி⁴க்கூ²னங், ஆகங்க²மானோ ஸங்கோ⁴, ஆபத்தியா அத³ஸ்ஸனே, உக்கே²பனீயகம்மங் கரெய்ய.
‘‘அபரேஸம்பி, பி⁴க்க²வே, திண்ணங் பி⁴க்கூ²னங்,
ஆகங்க²மானோ ஸங்கோ⁴, ஆபத்தியா அத³ஸ்ஸனே, உக்கே²பனீயகம்மங் கரெய்ய. ஏகோ
அதி⁴ஸீலே ஸீலவிபன்னோ ஹோதி , ஏகோ அஜ்ஜா²சாரே
ஆசாரவிபன்னோ ஹோதி, ஏகோ அதிதி³ட்டி²யா தி³ட்டி²விபன்னோ ஹோதி – இமேஸங் கோ²,
பி⁴க்க²வே, திண்ணங் பி⁴க்கூ²னங், ஆகங்க²மானோ ஸங்கோ⁴, ஆபத்தியா அத³ஸ்ஸனே,
உக்கே²பனீயகம்மங் கரெய்ய.
‘‘அபரேஸம்பி, பி⁴க்க²வே, திண்ணங் பி⁴க்கூ²னங்,
ஆகங்க²மானோ ஸங்கோ⁴, ஆபத்தியா அத³ஸ்ஸனே, உக்கே²பனீயகம்மங் கரெய்ய. ஏகோ
பு³த்³த⁴ஸ்ஸ அவண்ணங் பா⁴ஸதி, ஏகோ த⁴ம்மஸ்ஸ அவண்ணங் பா⁴ஸதி, ஏகோ ஸங்க⁴ஸ்ஸ
அவண்ணங் பா⁴ஸதி – இமேஸங் கோ², பி⁴க்க²வே, திண்ணங் பி⁴க்கூ²னங், ஆகங்க²மானோ
ஸங்கோ⁴, ஆபத்தியா அத³ஸ்ஸனே, உக்கே²பனீயகம்மங் கரெய்ய.
ஆபத்தியா அத³ஸ்ஸனே உக்கே²பனீயகம்மே
ஆகங்க²மானச²க்கங் நிட்டி²தங்.
தேசத்தாலீஸவத்தங்
51. ‘‘ஆபத்தியா அத³ஸ்ஸனே உக்கே²பனீயகம்மகதேன, பி⁴க்க²வே, பி⁴க்கு²னா ஸம்மா வத்திதப்³ப³ங் .
தத்ராயங் ஸம்மாவத்தனா – ந உபஸம்பாதே³தப்³ப³ங், ந நிஸ்ஸயோ தா³தப்³போ³, ந
ஸாமணேரோ உபட்டா²பேதப்³போ³, ந பி⁴க்கு²னோவாத³கஸம்முதி ஸாதி³தப்³பா³,
ஸம்மதேனபி பி⁴க்கு²னியோ ந ஓவதி³தப்³பா³. யாய ஆபத்தியா ஸங்கே⁴ன, ஆபத்தியா
அத³ஸ்ஸனே, உக்கே²பனீயகம்மங் கதங் ஹோதி ஸா ஆபத்தி ந ஆபஜ்ஜிதப்³பா³, அஞ்ஞா வா
தாதி³ஸிகா, ததோ வா பாபிட்ட²தரா; கம்மங் ந க³ரஹிதப்³ப³ங், கம்மிகா ந
க³ரஹிதப்³பா³ . ந பகதத்தஸ்ஸ பி⁴க்கு²னோ அபி⁴வாத³னங்,
பச்சுட்டா²னங், அஞ்ஜலிகம்மங், ஸாமீசிகம்மங், ஆஸனாபி⁴ஹாரோ, ஸெய்யாபி⁴ஹாரோ,
பாதோ³த³கங், பாத³பீட²ங் பாத³கத²லிகங், பத்தசீவரப்படிக்³க³ஹணங், நஹானே
பிட்டி²பரிகம்மங் ஸாதி³தப்³ப³ங். ந பகதத்தோ பி⁴க்கு² ஸீலவிபத்தியா
அனுத்³த⁴ங்ஸேதப்³போ³, ந ஆசாரவிபத்தியா அனுத்³த⁴ங்ஸேதப்³போ³, ந
தி³ட்டி²விபத்தியா அனுத்³த⁴ங்ஸேதப்³போ³, ந ஆஜீவவிபத்தியா
அனுத்³த⁴ங்ஸேதப்³போ³, ந பி⁴க்கு² பி⁴க்கூ²ஹி பே⁴தே³தப்³போ³ [ந பி⁴க்கூ² பி⁴க்கூ²ஹி பே⁴தே³தப்³பா³ (ஸ்யா॰)],
ந கி³ஹித்³த⁴ஜோ தா⁴ரேதப்³போ³, ந தித்தி²யத்³த⁴ஜோ தா⁴ரேதப்³போ³, ந
தித்தி²யா ஸேவிதப்³பா³; பி⁴க்கூ² ஸேவிதப்³பா³, பி⁴க்கு²ஸிக்கா²ய
ஸிக்கி²தப்³ப³ங் [பி⁴க்கு²ஸிக்கா² ஸிக்கி²தப்³பா³ (ஸ்யா॰)]. ந பகதத்தேன பி⁴க்கு²னா ஸத்³தி⁴ங் ஏகச்ச²ன்னே ஆவாஸே வத்த²ப்³ப³ங், ந ஏகச்ச²ன்னே அனாவாஸே
வத்த²ப்³ப³ங், ந ஏகச்ச²ன்னே ஆவாஸே வா அனாவாஸே வா வத்த²ப்³ப³ங், பகதத்தங்
பி⁴க்கு²ங் தி³ஸ்வா ஆஸனா வுட்டா²தப்³ப³ங், ந பகதத்தோ பி⁴க்கு²
ஆஸாதே³தப்³போ³ அந்தோ வா ப³ஹி வா. ந பகதத்தஸ்ஸ பி⁴க்கு²னோ உபோஸதோ²
ட²பேதப்³போ³, ந பவாரணா ட²பேதப்³பா³, ந ஸவசனீயங் காதப்³ப³ங், ந அனுவாதோ³ பட்ட²பேதப்³போ³, ந ஓகாஸோ காரேதப்³போ³, ந சோதே³தப்³போ³, ந ஸாரேதப்³போ³, ந பி⁴க்கூ²ஹி ஸம்பயோஜேதப்³ப³’’ந்தி.
ஆபத்தியா அத³ஸ்ஸனே உக்கே²பனீயகம்மே
தேசத்தாலீஸவத்தங் நிட்டி²தங்.
52.
அத² கோ² ஸங்கோ⁴ ச²ன்னஸ்ஸ பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங்
அகாஸி – அஸம்போ⁴க³ங் ஸங்கே⁴ன. ஸோ ஸங்கே⁴ன, ஆபத்தியா அத³ஸ்ஸனே,
உக்கே²பனீயகம்மகதோ தம்ஹா ஆவாஸா அஞ்ஞங் ஆவாஸங் அக³மாஸி. தத்த² பி⁴க்கூ² நேவ
அபி⁴வாதே³ஸுங், ந பச்சுட்டே²ஸுங், ந அஞ்ஜலிகம்மங் ந ஸாமீசிகம்மங் அகங்ஸு, ந ஸக்கரிங்ஸு, ந க³ரு கரிங்ஸு [ந க³ருகரிங்ஸு (க॰)],
ந மானேஸுங், ந பூஜேஸுங். ஸோ பி⁴க்கூ²ஹி அஸக்கரியமானோ அக³ருகரியமானோ
அமானியமானோ அபூஜியமானோ அஸக்காரபகதோ தம்ஹாபி ஆவாஸா அஞ்ஞங் ஆவாஸங் அக³மாஸி.
தத்த²பி பி⁴க்கூ² நேவ அபி⁴வாதே³ஸுங், ந பச்சுட்டே²ஸுங், ந அஞ்ஜலிகம்மங் ந
ஸாமீசிகம்மங் அகங்ஸு, ந ஸக்கரிங்ஸு, ந க³ருங்
கரிங்ஸு, ந மானேஸுங், ந பூஜேஸுங். ஸோ பி⁴க்கூ²ஹி அஸக்கரியமானோ
அக³ருகரியமானோ அமானியமானோ அபூஜியமானோ அஸக்காரபகதோ தம்ஹாபி ஆவாஸா அஞ்ஞங்
ஆவாஸங் அக³மாஸி. தத்த²பி பி⁴க்கூ² நேவ அபி⁴வாதே³ஸுங், ந பச்சுட்டே²ஸுங், ந
அஞ்ஜலிகம்மங் ந ஸாமீசிகம்மங் அகங்ஸு, ந ஸக்கரிங்ஸு, ந க³ருங் கரிங்ஸு, ந
மானேஸுங், ந பூஜேஸுங். ஸோ பி⁴க்கூ²ஹி அஸக்கரியமானோ அக³ருகரியமானோ
அமானியமானோ அபூஜியமானோ அஸக்காரபகதோ புனதே³வ கோஸம்பி³ங் பச்சாக³ஞ்சி². ஸோ
ஸம்மா வத்ததி, லோமங் பாதேதி, நெத்தா²ரங் வத்ததி, பி⁴க்கூ² உபஸங்கமித்வா
ஏவங் வதே³தி – ‘‘அஹங், ஆவுஸோ, ஸங்கே⁴ன, ஆபத்தியா அத³ஸ்ஸனே,
உக்கே²பனீயகம்மகதோ ஸம்மா வத்தாமி, லோமங் பாதேமி, நெத்தா²ரங் வத்தாமி. கத²ங்
நு கோ² மயா படிபஜ்ஜிதப்³ப³’’ந்தி? பி⁴க்கூ² ப⁴க³வதோ ஏதமத்த²ங்
ஆரோசேஸுங்…பே॰…. ‘‘தேன ஹி, பி⁴க்க²வே, ஸங்கோ⁴ ச²ன்னஸ்ஸ பி⁴க்கு²னோ,
ஆபத்தியா அத³ஸ்ஸனே, உக்கே²பனீயகம்மங் படிப்பஸ்ஸம்பே⁴து.
நப்படிப்பஸ்ஸம்பே⁴தப்³ப³-தேசத்தாலீஸகங்
53. ‘‘பஞ்சஹி ,
பி⁴க்க²வே, அங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா அத³ஸ்ஸனே,
உக்கே²பனீயகம்மங் நப்படிப்பஸ்ஸம்பே⁴தப்³ப³ங். உபஸம்பாதே³தி, நிஸ்ஸயங்
தே³தி, ஸாமணேரங் உபட்டா²பேதி, பி⁴க்கு²னோவாத³கஸம்முதிங் ஸாதி³யதி,
ஸம்மதோபி பி⁴க்கு²னியோ ஓவத³தி – இமேஹி கோ², பி⁴க்க²வே, பஞ்சஹங்கே³ஹி
ஸமன்னாக³தஸ்ஸ பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங்
நப்படிப்பஸ்ஸம்பே⁴தப்³ப³ங்.
[பரி॰ 420] ‘‘அபரேஹிபி,
பி⁴க்க²வே, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா அத³ஸ்ஸனே,
உக்கே²பனீயகம்மங் நப்படிப்பஸ்ஸம்பே⁴தப்³ப³ங். யாய ஆபத்தியா ஸங்கே⁴ன,
ஆபத்தியா அத³ஸ்ஸனே, உக்கே²பனீயகம்மங் கதங் ஹோதி தங் ஆபத்திங் ஆபஜ்ஜதி,
அஞ்ஞங் வா தாதி³ஸிகங், ததோ வா பாபிட்ட²தரங்; கம்மங் க³ரஹதி, கம்மிகே க³ரஹதி
– இமேஹி கோ², பி⁴க்க²வே, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா
அத³ஸ்ஸனே, உக்கே²பனீயகம்மங் நப்படிப்பஸ்ஸம்பே⁴தப்³ப³ங்.
‘‘அபரேஹிபி, பி⁴க்க²வே, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங்
நப்படிப்பஸ்ஸம்பே⁴தப்³ப³ங். பகதத்தஸ்ஸ பி⁴க்கு²னோ அபி⁴வாத³னங்,
பச்சுட்டா²னங், அஞ்ஜலிகம்மங், ஸாமீசிகம்மங், ஆஸனாபி⁴ஹாரங் ஸாதி³யதி – இமேஹி
கோ², பி⁴க்க²வே, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா
அத³ஸ்ஸனே, உக்கே²பனீயகம்மங் நப்படிப்பஸ்ஸம்பே⁴தப்³ப³ங்.
‘‘அபரேஹிபி, பி⁴க்க²வே, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங்
நப்படிப்பஸ்ஸம்பே⁴தப்³ப³ங். பகதத்தஸ்ஸ பி⁴க்கு²னோ ஸெய்யாபி⁴ஹாரங், பாதோ³த³கங் பாத³பீட²ங், பாத³கத²லிகங், பத்தசீவரப்படிக்³க³ஹணங் , நஹானே பிட்டி²பரிகம்மங் ஸாதி³யதி – இமேஹி கோ², பி⁴க்க²வே , பஞ்சஹங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங் நப்படிப்பஸ்ஸம்பே⁴தப்³ப³ங்.
‘‘அபரேஹிபி, பி⁴க்க²வே, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங்
நப்படிப்பஸ்ஸம்பே⁴தப்³ப³ங். பகதத்தங் பி⁴க்கு²ங் ஸீலவிபத்தியா
அனுத்³த⁴ங்ஸேதி, ஆசாரவிபத்தியா அனுத்³த⁴ங்ஸேதி, தி³ட்டி²விபத்தியா
அனுத்³த⁴ங்ஸேதி, ஆஜீவவிபத்தியா அனுத்³த⁴ங்ஸேதி, பி⁴க்கு²ங் [பி⁴க்கூ² (ஸீ॰ ஸ்யா॰)] பி⁴க்கூ²ஹி பே⁴தே³தி – இமேஹி கோ², பி⁴க்க²வே, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங் நப்படிப்பஸ்ஸம்பே⁴தப்³ப³ங்.
‘‘அபரேஹிபி, பி⁴க்க²வே, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங்
நப்படிப்பஸ்ஸம்பே⁴தப்³ப³ங். கி³ஹித்³த⁴ஜங் தா⁴ரேதி, தித்தி²யத்³த⁴ஜங்
தா⁴ரேதி, தித்தி²யே ஸேவதி; பி⁴க்கூ² ந ஸேவதி, பி⁴க்கு²ஸிக்கா²ய ந ஸிக்க²தி –
இமேஹி கோ², பி⁴க்க²வே, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா
அத³ஸ்ஸனே, உக்கே²பனீயகம்மங் நப்படிப்பஸ்ஸம்பே⁴தப்³ப³ங்.
‘‘அபரேஹிபி, பி⁴க்க²வே, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங்
நப்படிப்பஸ்ஸம்பே⁴தப்³ப³ங். பகதத்தேன பி⁴க்கு²னா ஸத்³தி⁴ங் ஏகச்ச²ன்னே
ஆவாஸே வஸதி, ஏகச்ச²ன்னே அனாவாஸே வஸதி, ஏகச்ச²ன்னே ஆவாஸே வா அனாவாஸே வா
வஸதி; பகதத்தங் பி⁴க்கு²ங் தி³ஸ்வா ஆஸனா ந வுட்டா²தி; பகதத்தங் பி⁴க்கு²ங்
ஆஸாதே³தி அந்தோ வா ப³ஹி வா – இமேஹி கோ², பி⁴க்க²வே,
பஞ்சஹங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா அத³ஸ்ஸனே,
உக்கே²பனீயகம்மங் நப்படிப்பஸ்ஸம்பே⁴தப்³ப³ங்.
‘‘அட்ட²ஹி, பி⁴க்க²வே, அங்கே³ஹி ஸமன்னாக³தஸ்ஸ
பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங்
நப்படிப்பஸ்ஸம்பே⁴தப்³ப³ங். பகதத்தஸ்ஸ பி⁴க்கு²னோ உபோஸத²ங் ட²பேதி, பவாரணங்
ட²பேதி, ஸவசனீயங் கரோதி, அனுவாத³ங் பட்ட²பேதி, ஓகாஸங் காரேதி, சோதே³தி,
ஸாரேதி, பி⁴க்கூ²ஹி ஸம்பயோஜேதி – இமேஹி கோ², பி⁴க்க²வே, அட்ட²ஹங்கே³ஹி
ஸமன்னாக³தஸ்ஸ பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங்
நப்படிப்பஸ்ஸம்பே⁴தப்³ப³ங்.
ஆபத்தியா அத³ஸ்ஸனே உக்கே²பனீயகம்மே
நப்படிப்பஸ்ஸம்பே⁴தப்³ப³-தேசத்தாலீஸகங் நிட்டி²தங்.
படிப்பஸ்ஸம்பே⁴தப்³ப³-தேசத்தாலீஸகங்
54. ‘‘பஞ்சஹி ,
பி⁴க்க²வே, அங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா அத³ஸ்ஸனே,
உக்கே²பனீயகம்மங் படிப்பஸ்ஸம்பே⁴தப்³ப³ங். ந உபஸம்பாதே³தி, ந நிஸ்ஸயங்
தே³தி, ந ஸாமணேரங் உபட்டா²பேதி, ந பி⁴க்கு²னோவாத³கஸம்முதிங் ஸாதி³யதி,
ஸம்மதோபி பி⁴க்கு²னியோ ந ஓவத³தி – இமேஹி கோ², பி⁴க்க²வே, பஞ்சஹங்கே³ஹி
ஸமன்னாக³தஸ்ஸ பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங் படிப்பஸ்ஸம்பே⁴தப்³ப³ங்.
‘‘அபரேஹிபி, பி⁴க்க²வே, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங் படிப்பஸ்ஸம்பே⁴தப்³ப³ங்.
யாய ஆபத்தியா ஸங்கே⁴ன ஆபத்தியா அத³ஸ்ஸனே உக்கே²பனீயகம்மங் கதங் ஹோதி தங்
ஆபத்திங் ந ஆபஜ்ஜதி, அஞ்ஞங் வா தாதி³ஸிகங், ததோ வா பாபிட்ட²தரங்; கம்மங் ந
க³ரஹதி, கம்மிகே ந க³ரஹதி – இமேஹி கோ², பி⁴க்க²வே, பஞ்சஹங்கே³ஹி
ஸமன்னாக³தஸ்ஸ பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங்
படிப்பஸ்ஸம்பே⁴தப்³ப³ங்.
‘‘அபரேஹிபி, பி⁴க்க²வே, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங் படிப்பஸ்ஸம்பே⁴தப்³ப³ங். ந
பகதத்தஸ்ஸ பி⁴க்கு²னோ அபி⁴வாத³னங், பச்சுட்டா²னங், அஞ்ஜலிகம்மங்,
ஸாமீசிகம்மங், ஆஸனாபி⁴ஹாரங் ஸாதி³யதி – இமேஹி கோ², பி⁴க்க²வே, பஞ்சஹங்கே³ஹி
ஸமன்னாக³தஸ்ஸ பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங்
படிப்பஸ்ஸம்பே⁴தப்³ப³ங்.
‘‘அபரேஹிபி, பி⁴க்க²வே, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங் படிப்பஸ்ஸம்பே⁴தப்³ப³ங். ந
பகதத்தஸ்ஸ பி⁴க்கு²னோ ஸெய்யாபி⁴ஹாரங், பாதோ³த³கங் பாத³பீட²ங்,
பாத³கத²லிகங், பத்தசீவரப்படிக்³க³ஹணங், நஹானே பிட்டி²பரிகம்மங் ஸாதி³யதி –
இமேஹி கோ², பி⁴க்க²வே, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா
அத³ஸ்ஸனே, உக்கே²பனீயகம்மங் படிப்பஸ்ஸம்பே⁴தப்³ப³ங்.
‘‘அபரேஹிபி, பி⁴க்க²வே, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங் படிப்பஸ்ஸம்பே⁴தப்³ப³ங். ந
பகதத்தங் பி⁴க்கு²ங் ஸீலவிபத்தியா அனுத்³த⁴ங்ஸேதி, ந ஆசாரவிபத்தியா
அனுத்³த⁴ங்ஸேதி, ந தி³ட்டி²விபத்தியா அனுத்³த⁴ங்ஸேதி, ந ஆஜீவவிபத்தியா
அனுத்³த⁴ங்ஸேதி, ந பி⁴க்கு²ங் பி⁴க்கூ²ஹி பே⁴தே³தி –
இமேஹி கோ², பி⁴க்க²வே, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா
அத³ஸ்ஸனே, உக்கே²பனீயகம்மங் படிப்பஸ்ஸம்பே⁴தப்³ப³ங்.
‘‘அபரேஹிபி , பி⁴க்க²வே,
பஞ்சஹங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா அத³ஸ்ஸனே,
உக்கே²பனீயகம்மங் படிப்பஸ்ஸம்பே⁴தப்³ப³ங். ந கி³ஹித்³த⁴ஜங் தா⁴ரேதி, ந
தித்தி²யத்³த⁴ஜங் தா⁴ரேதி, ந தித்தி²யே ஸேவதி, பி⁴க்கூ² ஸேவதி,
பி⁴க்கு²ஸிக்கா²ய ஸிக்க²தி – இமேஹி கோ², பி⁴க்க²வே,
பஞ்சஹங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா அத³ஸ்ஸனே,
உக்கே²பனீயகம்மங் படிப்பஸ்ஸம்பே⁴தப்³ப³ங்.
‘‘அபரேஹிபி, பி⁴க்க²வே, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங் படிப்பஸ்ஸம்பே⁴தப்³ப³ங். ந
பகதத்தேன பி⁴க்கு²னா ஸத்³தி⁴ங் ஏகச்ச²ன்னே ஆவாஸே வஸதி, ந ஏகச்ச²ன்னே
அனாவாஸே வஸதி, ந ஏகச்ச²ன்னே ஆவாஸே வா அனாவாஸே வா வஸதி, பகதத்தங் பி⁴க்கு²ங்
தி³ஸ்வா ஆஸனா வுட்டா²தி, ந பகதத்தங் பி⁴க்கு²ங் ஆஸாதே³தி அந்தோ வா ப³ஹி வா
– இமேஹி கோ², பி⁴க்க²வே, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா
அத³ஸ்ஸனே, உக்கே²பனீயகம்மங் படிப்பஸ்ஸம்பே⁴தப்³ப³ங்.
‘‘அட்ட²ஹி, பி⁴க்க²வே, அங்கே³ஹி ஸமன்னாக³தஸ்ஸ
பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங் படிப்பஸ்ஸம்பே⁴தப்³ப³ங். ந
பகதத்தஸ்ஸ பி⁴க்கு²னோ உபோஸத²ங் ட²பேதி, ந பவாரணங் ட²பேதி, ந ஸவசனீயங்
கரோதி, ந அனுவாத³ங் பட்ட²பேதி, ந ஓகாஸங் காரேதி, ந
சோதே³தி, ந ஸாரேதி, ந பி⁴க்கூ²ஹி ஸம்பயோஜேதி – இமேஹி கோ², பி⁴க்க²வே,
அட்ட²ஹங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா அத³ஸ்ஸனே,
உக்கே²பனீயகம்மங் படிப்பஸ்ஸம்பே⁴தப்³ப³ங்.
ஆபத்தியா அத³ஸ்ஸனே உக்கே²பனீயகம்மே
படிப்பஸ்ஸம்பே⁴தப்³ப³தேசத்தாலீஸகங் நிட்டி²தங்.
55.
‘‘ஏவஞ்ச பன, பி⁴க்க²வே, படிப்பஸ்ஸம்பே⁴தப்³ப³ங். தேன, பி⁴க்க²வே, ச²ன்னேன
பி⁴க்கு²னா ஸங்க⁴ங் உபஸங்கமித்வா ஏகங்ஸங் உத்தராஸங்க³ங் கரித்வா
வுட்³டா⁴னங் பி⁴க்கூ²னங் பாதே³ வந்தி³த்வா உக்குடிகங் நிஸீதி³த்வா அஞ்ஜலிங்
பக்³க³ஹெத்வா ஏவமஸ்ஸ வசனீயோ – ‘அஹங், ப⁴ந்தே, ஸங்கே⁴ன, ஆபத்தியா அத³ஸ்ஸனே,
உக்கே²பனீயகம்மகதோ ஸம்மா வத்தாமி, லோமங் பாதேமி, நெத்தா²ரங் வத்தாமி,
ஆபத்தியா அத³ஸ்ஸனே உக்கே²பனீயஸ்ஸ கம்மஸ்ஸ படிப்பஸ்ஸத்³தி⁴ங் யாசாமீ’தி.
து³தியம்பி யாசிதப்³பா³. ததியம்பி யாசிதப்³பா³. ப்³யத்தேன பி⁴க்கு²னா
படிப³லேன ஸங்கோ⁴ ஞாபேதப்³போ³ –
‘‘ஸுணாது மே, ப⁴ந்தே, ஸங்கோ⁴. அயங் ச²ன்னோ பி⁴க்கு²
ஸங்கே⁴ன, ஆபத்தியா அத³ஸ்ஸனே, உக்கே²பனீயகம்மகதோ ஸம்மா வத்ததி, லோமங்
பாதேதி, நெத்தா²ரங் வத்ததி, ஆபத்தியா அத³ஸ்ஸனே உக்கே²பனீயஸ்ஸ கம்மஸ்ஸ படிப்பஸ்ஸத்³தி⁴ங் யாசதி . யதி³ ஸங்க⁴ஸ்ஸ பத்தகல்லங், ஸங்கோ⁴ ச²ன்னஸ்ஸ பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங் படிப்பஸ்ஸம்பெ⁴ய்ய. ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴. அயங் ச²ன்னோ பி⁴க்கு² ஸங்கே⁴ன, ஆபத்தியா அத³ஸ்ஸனே, உக்கே²பனீயகம்மகதோ ஸம்மா
வத்ததி, லோமங் பாதேதி, நெத்தா²ரங் வத்ததி, ஆபத்தியா அத³ஸ்ஸனே,
உக்கே²பனீயஸ்ஸ கம்மஸ்ஸ படிப்பஸ்ஸத்³தி⁴ங் யாசதி. ஸங்கோ⁴ ச²ன்னஸ்ஸ
பி⁴க்கு²னோ, ஆபத்தியா அத³ஸ்ஸனே, உக்கே²பனீயகம்மங் படிப்பஸ்ஸம்பே⁴தி.
யஸ்ஸாயஸ்மதோ க²மதி ச²ன்னஸ்ஸ பி⁴க்கு²னோ, ஆபத்தியா அத³ஸ்ஸனே, உக்கே²பனீயஸ்ஸ
கம்மஸ்ஸ படிப்பஸ்ஸத்³தி⁴, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.
‘‘து³தியம்பி ஏதமத்த²ங் வதா³மி…பே॰… ததியம்பி
ஏதமத்த²ங் வதா³மி – ஸுணாது மே, ப⁴ந்தே, ஸங்கோ⁴. அயங் ச²ன்னோ பி⁴க்கு²
ஸங்கே⁴ன, ஆபத்தியா அத³ஸ்ஸனே, உக்கே²பனீயகம்மகதோ ஸம்மா வத்ததி, லோமங்
பாதேதி, நெத்தா²ரங் வத்ததி, ஆபத்தியா அத³ஸ்ஸனே, உக்கே²பனீயஸ்ஸ கம்மஸ்ஸ
படிப்பஸ்ஸத்³தி⁴ங் யாசதி. ஸங்கோ⁴ ச²ன்னஸ்ஸ பி⁴க்கு²னோ, ஆபத்தியா அத³ஸ்ஸனே,
உக்கே²பனீயகம்மங் படிப்பஸ்ஸம்பே⁴தி. யஸ்ஸாயஸ்மதோ க²மதி ச²ன்னஸ்ஸ
பி⁴க்கு²னோ, ஆபத்தியா அத³ஸ்ஸனே, உக்கே²பனீயஸ்ஸ கம்மஸ்ஸ படிப்பஸ்ஸத்³தி⁴, ஸோ
துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.
‘‘படிப்பஸ்ஸத்³த⁴ங் ஸங்கே⁴ன ச²ன்னஸ்ஸ பி⁴க்கு²னோ,
ஆபத்தியா அத³ஸ்ஸனே, உக்கே²பனீயகம்மங். க²மதி ஸங்க⁴ஸ்ஸ, தஸ்மா துண்ஹீ,
ஏவமேதங் தா⁴ரயாமீ’’தி.
ஆபத்தியா அத³ஸ்ஸனே உக்கே²பனீயகம்மங் நிட்டி²தங் பஞ்சமங்.
6. ஆபத்தியா அப்படிகம்மே உக்கே²பனீயகம்மங்
56. தேன
ஸமயேன பு³த்³தோ⁴ ப⁴க³வா கோஸம்பி³யங் விஹரதி கோ⁴ஸிதாராமே. தேன கோ² பன ஸமயேன
ஆயஸ்மா ச²ன்னோ ஆபத்திங் ஆபஜ்ஜித்வா ந இச்ச²தி ஆபத்திங் படிகாதுங். யே தே
பி⁴க்கூ² அப்பிச்சா²…பே॰… தே உஜ்ஜா²யந்தி
கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா ச²ன்னோ ஆபத்திங் ஆபஜ்ஜித்வா ந
இச்சி²ஸ்ஸதி ஆபத்திங் படிகாது’’ந்தி? அத² கோ² தே பி⁴க்கூ² ப⁴க³வதோ
ஏதமத்த²ங் ஆரோசேஸுங்.
அத²
கோ² ப⁴க³வா ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங்
ஸன்னிபாதாபெத்வா பி⁴க்கூ² படிபுச்சி² – ‘‘ஸச்சங் கிர, பி⁴க்க²வே, ச²ன்னோ
பி⁴க்கு² ஆபத்திங் ஆபஜ்ஜித்வா ந இச்ச²தி ஆபத்திங் படிகாது’’ந்தி? ‘‘ஸச்சங்
ப⁴க³வா’’தி. விக³ரஹி பு³த்³தோ⁴ ப⁴க³வா – ‘‘அனநுச்ச²விகங்…பே॰… கத²ஞ்ஹி நாம
ஸோ, பி⁴க்க²வே, மோக⁴புரிஸோ ஆபத்திங் ஆபஜ்ஜித்வா ந இச்சி²ஸ்ஸதி ஆபத்திங்
படிகாதுங். நேதங், பி⁴க்க²வே, அப்பஸன்னானங் வா பஸாதா³ய…பே॰…
விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி – தேன ஹி,
பி⁴க்க²வே, ஸங்கோ⁴ ச²ன்னஸ்ஸ பி⁴க்கு²னோ, ஆபத்தியா அப்படிகம்மே,
உக்கே²பனீயகம்மங் கரோது – அஸம்போ⁴க³ங் ஸங்கே⁴ன. ஏவஞ்ச பன, பி⁴க்க²வே,
காதப்³ப³ங் – பட²மங் ச²ன்னோ பி⁴க்கு² சோதே³தப்³போ³, சோதெ³த்வா ஸாரேதப்³போ³,
ஸாரெத்வா ஆபத்திங் ஆரோபேதப்³போ³, ஆபத்திங் ஆரோபெத்வா ப்³யத்தேன பி⁴க்கு²னா
படிப³லேன ஸங்கோ⁴ ஞாபேதப்³போ³ –
‘‘ஸுணாது மே, ப⁴ந்தே, ஸங்கோ⁴. அயங் ச²ன்னோ பி⁴க்கு² ஆபத்திங் ஆபஜ்ஜித்வா ந இச்ச²தி ஆபத்திங்
படிகாதுங். யதி³ ஸங்க⁴ஸ்ஸ பத்தகல்லங், ஸங்கோ⁴ ச²ன்னஸ்ஸ பி⁴க்கு²னோ,
ஆபத்தியா அப்படிகம்மே, உக்கே²பனீயகம்மங் கரெய்ய – அஸம்போ⁴க³ங் ஸங்கே⁴ன. ஏஸா
ஞத்தி.
‘‘ஸுணாது மே, ப⁴ந்தே, ஸங்கோ⁴. அயங் ச²ன்னோ பி⁴க்கு²
ஆபத்திங் ஆபஜ்ஜித்வா ந இச்ச²தி ஆபத்திங் படிகாதுங். ஸங்கோ⁴ ச²ன்னஸ்ஸ
பி⁴க்கு²னோ, ஆபத்தியா அப்படிகம்மே, உக்கே²பனீயகம்மங் கரோதி – அஸம்போ⁴க³ங்
ஸங்கே⁴ன. யஸ்ஸாயஸ்மதோ க²மதி ச²ன்னஸ்ஸ பி⁴க்கு²னோ, ஆபத்தியா அப்படிகம்மே,
உக்கே²பனீயஸ்ஸ கம்மஸ்ஸ கரணங் – அஸம்போ⁴க³ங் ஸங்கே⁴ன, ஸோ துண்ஹஸ்ஸ; யஸ்ஸ
நக்க²மதி, ஸோ பா⁴ஸெய்ய.
‘‘து³தியம்பி ஏதமத்த²ங் வதா³மி…பே॰… ததியம்பி
ஏதமத்த²ங் வதா³மி – ஸுணாது மே, ப⁴ந்தே, ஸங்கோ⁴. அயங் ச²ன்னோ பி⁴க்கு²
ஆபத்திங் ஆபஜ்ஜித்வா ந இச்ச²தி ஆபத்திங் படிகாதுங். ஸங்கோ⁴ ச²ன்னஸ்ஸ
பி⁴க்கு²னோ, ஆபத்தியா அப்படிகம்மே, உக்கே²பனீயகம்மங் கரோதி – அஸம்போ⁴க³ங்
ஸங்கே⁴ன. யஸ்ஸாயஸ்மதோ க²மதி ச²ன்னஸ்ஸ பி⁴க்கு²னோ, ஆபத்தியா அப்படிகம்மே,
உக்கே²பனீயஸ்ஸ கம்மஸ்ஸ கரணங் – அஸம்போ⁴க³ங் ஸங்கே⁴ன, ஸோ துண்ஹஸ்ஸ; யஸ்ஸ
நக்க²மதி, ஸோ பா⁴ஸெய்ய.
‘‘கதங் ஸங்கே⁴ன ச²ன்னஸ்ஸ பி⁴க்கு²னோ, ஆபத்தியா
அப்படிகம்மே, உக்கே²பனீயகம்மங் – அஸம்போ⁴க³ங் ஸங்கே⁴ன. க²மதி ஸங்க⁴ஸ்ஸ,
தஸ்மா துண்ஹீ, ஏவமேதங் தா⁴ரயாமீதி.
‘‘ஆவாஸபரம்பரஞ்ச , பி⁴க்க²வே, ஸங்ஸத² – ‘ச²ன்னோ பி⁴க்கு², ஸங்கே⁴ன ஆபத்தியா [ச²ன்னோ பி⁴க்கு² ஆபத்தியா (ஸீ॰ க॰)] அப்படிகம்மே, உக்கே²பனீயகம்மகதோ – அஸம்போ⁴க³ங் ஸங்கே⁴னா’தி.
அத⁴ம்மகம்மத்³வாத³ஸகங்
57.
‘‘தீஹி, பி⁴க்க²வே, அங்கே³ஹி ஸமன்னாக³தங், ஆபத்தியா அப்படிகம்மே,
உக்கே²பனீயகம்மங் அத⁴ம்மகம்மஞ்ச ஹோதி, அவினயகம்மஞ்ச, து³வூபஸந்தஞ்ச.
அஸம்முகா² கதங் ஹோதி, அப்படிபுச்சா² கதங் ஹோதி, அப்படிஞ்ஞாய கதங் ஹோதி –
இமேஹி கோ², பி⁴க்க²வே, தீஹங்கே³ஹி ஸமன்னாக³தங், ஆபத்தியா அப்படிகம்மே, உக்கே²பனீயகம்மங் அத⁴ம்மகம்மஞ்ச ஹோதி, அவினயகம்மஞ்ச, து³வூபஸந்தஞ்ச.
‘‘அபரேஹிபி, பி⁴க்க²வே, தீஹங்கே³ஹி ஸமன்னாக³தங்,
ஆபத்தியா அப்படிகம்மே, உக்கே²பனீயகம்மங் அத⁴ம்மகம்மஞ்ச ஹோதி, அவினயகம்மஞ்ச,
து³வூபஸந்தஞ்ச. அனாபத்தியா கதங் ஹோதி, அதே³ஸனாகா³மினியா ஆபத்தியா கதங்
ஹோதி, தே³ஸிதாய ஆபத்தியா கதங் ஹோதி…பே॰… அசோதெ³த்வா கதங் ஹோதி, அஸாரெத்வா
கதங் ஹோதி, ஆபத்திங் அனாரோபெத்வா கதங் ஹோதி…பே॰… அஸம்முகா² கதங் ஹோதி,
அத⁴ம்மேன கதங் ஹோதி, வக்³கே³ன கதங் ஹோதி…பே॰… அப்படிபுச்சா² கதங் ஹோதி,
அத⁴ம்மேன கதங் ஹோதி, வக்³கே³ன கதங் ஹோதி…பே॰… அப்படிஞ்ஞாய கதங் ஹோதி,
அத⁴ம்மேன கதங் ஹோதி, வக்³கே³ன கதங் ஹோதி…பே॰… அனாபத்தியா கதங் ஹோதி,
அத⁴ம்மேன கதங் ஹோதி, வக்³கே³ன கதங் ஹோதி…பே॰… அதே³ஸனாகா³மினியா ஆபத்தியா
கதங் ஹோதி, அத⁴ம்மேன கதங் ஹோதி, வக்³கே³ன கதங் ஹோதி…பே॰…
தே³ஸிதாய ஆபத்தியா கதங் ஹோதி, அத⁴ம்மேன கதங் ஹோதி, வக்³கே³ன கதங்
ஹோதி…பே॰… அசோதெ³த்வா கதங் ஹோதி, அத⁴ம்மேன கதங் ஹோதி, வக்³கே³ன கதங்
ஹோதி…பே॰… அஸாரெத்வா கதங் ஹோதி, அத⁴ம்மேன கதங் ஹோதி, வக்³கே³ன கதங்
ஹோதி…பே॰… ஆபத்திங் அனாரோபெத்வா கதங் ஹோதி, அத⁴ம்மேன கதங் ஹோதி, வக்³கே³ன
கதங் ஹோதி – இமேஹி கோ², பி⁴க்க²வே, தீஹங்கே³ஹி ஸமன்னாக³தங், ஆபத்தியா
அப்படிகம்மே, உக்கே²பனீயகம்மங் அத⁴ம்மகம்மஞ்ச ஹோதி, அவினயகம்மஞ்ச,
து³வூபஸந்தஞ்ச.
ஆபத்தியா அப்படிகம்மே உக்கே²பனீயகம்மே
அத⁴ம்மகம்மத்³வாத³ஸகங் நிட்டி²தங்.
த⁴ம்மகம்மத்³வாத³ஸகங்
58. ‘‘தீஹி , பி⁴க்க²வே, அங்கே³ஹி ஸமன்னாக³தங், ஆபத்தியா அப்படிகம்மே, உக்கே²பனீயகம்மங்
த⁴ம்மகம்மஞ்ச ஹோதி, வினயகம்மஞ்ச, ஸுவூபஸந்தஞ்ச. ஸம்முகா² கதங் ஹோதி,
படிபுச்சா² கதங் ஹோதி, படிஞ்ஞாய கதங் ஹோதி – இமேஹி கோ², பி⁴க்க²வே,
தீஹங்கே³ஹி ஸமன்னாக³தங், ஆபத்தியா அப்படிகம்மே, உக்கே²பனீயகம்மங்
த⁴ம்மகம்மஞ்ச ஹோதி, வினயகம்மஞ்ச, ஸுவூபஸந்தஞ்ச.
‘‘அபரேஹிபி, பி⁴க்க²வே, தீஹங்கே³ஹி ஸமன்னாக³தங்,
ஆபத்தியா அப்படிகம்மே, உக்கே²பனீயகம்மங் த⁴ம்மகம்மஞ்ச ஹோதி, வினயகம்மஞ்ச,
ஸுவூபஸந்தஞ்ச. ஆபத்தியா கதங் ஹோதி, தே³ஸனாகா³மினியா ஆபத்தியா கதங் ஹோதி,
அதே³ஸிதாய ஆபத்தியா கதங் ஹோதி…பே॰… சோதெ³த்வா கதங்
ஹோதி, ஸாரெத்வா கதங் ஹோதி, ஆபத்திங் ஆரோபெத்வா கதங் ஹோதி…பே॰… ஸம்முகா²
கதங் ஹோதி, த⁴ம்மேன கதங் ஹோதி, ஸமக்³கே³ன கதங் ஹோதி…பே॰… படிபுச்சா² கதங்
ஹோதி, த⁴ம்மேன கதங் ஹோதி, ஸமக்³கே³ன கதங் ஹோதி…பே॰… படிஞ்ஞாய கதங் ஹோதி,
த⁴ம்மேன கதங் ஹோதி, ஸமக்³கே³ன கதங் ஹோதி…பே॰… ஆபத்தியா கதங் ஹோதி, த⁴ம்மேன
கதங் ஹோதி, ஸமக்³கே³ன கதங் ஹோதி…பே॰… தே³ஸனாகா³மினியா ஆபத்தியா கதங் ஹோதி,
த⁴ம்மேன கதங் ஹோதி, ஸமக்³கே³ன கதங் ஹோதி…பே॰…
அதே³ஸிதாய ஆபத்தியா கதங் ஹோதி, த⁴ம்மேன கதங் ஹோதி, ஸமக்³கே³ன கதங்
ஹோதி…பே॰… சோதெ³த்வா கதங் ஹோதி, த⁴ம்மேன கதங் ஹோதி, ஸமக்³கே³ன கதங்
ஹோதி…பே॰… ஸாரெத்வா கதங் ஹோதி, த⁴ம்மேன கதங் ஹோதி, ஸமக்³கே³ன கதங்
ஹோதி…பே॰… ஆபத்திங் ஆரோபெத்வா கதங் ஹோதி, த⁴ம்மேன கதங் ஹோதி, ஸமக்³கே³ன
கதங் ஹோதி – இமேஹி கோ², பி⁴க்க²வே, தீஹங்கே³ஹி ஸமன்னாக³தங், ஆபத்தியா
அப்படிகம்மே, உக்கே²பனீயகம்மங் த⁴ம்மகம்மஞ்ச ஹோதி, வினயகம்மஞ்ச,
ஸுவூபஸந்தஞ்ச.
ஆபத்தியா அப்படிகம்மே உக்கே²பனீயகம்மே
த⁴ம்மகம்மத்³வாத³ஸகங் நிட்டி²தங்.
ஆகங்க²மானச²க்கங்
59. [பரி॰ 323] ‘‘தீஹி ,
பி⁴க்க²வே, அங்கே³ஹி ஸமன்னாக³தஸ்ஸ பி⁴க்கு²னோ, ஆகங்க²மானோ ஸங்கோ⁴,
ஆபத்தியா அப்படிகம்மே, உக்கே²பனீயகம்மங் கரெய்ய. ப⁴ண்ட³னகாரகோ ஹோதி
கலஹகாரகோ விவாத³காரகோ ப⁴ஸ்ஸகாரகோ ஸங்கே⁴ அதி⁴கரணகாரகோ; பா³லோ ஹோதி
அப்³யத்தோ ஆபத்திப³ஹுலோ அனபதா³னோ; கி³ஹிஸங்ஸட்டோ² விஹரதி அனநுலோமிகேஹி
கி³ஹிஸங்ஸக்³கே³ஹி – இமேஹி கோ², பி⁴க்க²வே, தீஹங்கே³ஹி ஸமன்னாக³தஸ்ஸ
பி⁴க்கு²னோ, ஆகங்க²மானோ ஸங்கோ⁴, ஆபத்தியா அப்படிகம்மே, உக்கே²பனீயகம்மங்
கரெய்ய.
‘‘அபரேஹிபி, பி⁴க்க²வே, தீஹங்கே³ஹி ஸமன்னாக³தஸ்ஸ பி⁴க்கு²னோ, ஆகங்க²மானோ ஸங்கோ⁴, ஆபத்தியா அப்படிகம்மே, உக்கே²பனீயகம்மங் கரெய்ய .
அதி⁴ஸீலே ஸீலவிபன்னோ ஹோதி, அஜ்ஜா²சாரே ஆசாரவிபன்னோ ஹோதி, அதிதி³ட்டி²யா
தி³ட்டி²விபன்னோ ஹோதி – இமேஹி கோ², பி⁴க்க²வே, தீஹங்கே³ஹி ஸமன்னாக³தஸ்ஸ
பி⁴க்கு²னோ, ஆகங்க²மானோ ஸங்கோ⁴, ஆபத்தியா அப்படிகம்மே, உக்கே²பனீயகம்மங்
கரெய்ய.
‘‘அபரேஹிபி, பி⁴க்க²வே, தீஹங்கே³ஹி ஸமன்னாக³தஸ்ஸ
பி⁴க்கு²னோ, ஆகங்க²மானோ ஸங்கோ⁴, ஆபத்தியா அப்படிகம்மே, உக்கே²பனீயகம்மங்
கரெய்ய. பு³த்³த⁴ஸ்ஸ அவண்ணங் பா⁴ஸதி, த⁴ம்மஸ்ஸ அவண்ணங் பா⁴ஸதி, ஸங்க⁴ஸ்ஸ
அவண்ணங் பா⁴ஸதி – இமேஹி கோ², பி⁴க்க²வே, தீஹங்கே³ஹி ஸமன்னாக³தஸ்ஸ
பி⁴க்கு²னோ, ஆகங்க²மானோ ஸங்கோ⁴, ஆபத்தியா அப்படிகம்மே, உக்கே²பனீயகம்மங்
கரெய்ய.
‘‘திண்ணங், பி⁴க்க²வே, பி⁴க்கூ²னங், ஆகங்க²மானோ
ஸங்கோ⁴, ஆபத்தியா அப்படிகம்மே, உக்கே²பனீயகம்மங் கரெய்ய. ஏகோ ப⁴ண்ட³னகாரகோ
ஹோதி கலஹகாரகோ விவாத³காரகோ ப⁴ஸ்ஸகாரகோ ஸங்கே⁴ அதி⁴கரணகாரகோ; ஏகோ பா³லோ ஹோதி
அப்³யத்தோ ஆபத்திப³ஹுலோ அனபதா³னோ; ஏகோ கி³ஹிஸங்ஸட்டோ² விஹரதி அனநுலோமிகேஹி
கி³ஹிஸங்ஸக்³கே³ஹி – இமேஸங் கோ², பி⁴க்க²வே, திண்ணங் பி⁴க்கூ²னங்,
ஆகங்க²மானோ ஸங்கோ⁴, ஆபத்தியா அப்படிகம்மே, உக்கே²பனீயகம்மங் கரெய்ய.
‘‘அபரேஸம்பி, பி⁴க்க²வே, திண்ணங் பி⁴க்கூ²னங்,
ஆகங்க²மானோ ஸங்கோ⁴, ஆபத்தியா அப்படிகம்மே, உக்கே²பனீயகம்மங் கரெய்ய. ஏகோ
அதி⁴ஸீலே ஸீலவிபன்னோ ஹோதி, ஏகோ அஜ்ஜா²சாரே ஆசாரவிபன்னோ ஹோதி, ஏகோ
அதிதி³ட்டி²யா தி³ட்டி²விபன்னோ ஹோதி – இமேஸங் கோ², பி⁴க்க²வே, திண்ணங்
பி⁴க்கூ²னங், ஆகங்க²மானோ ஸங்கோ⁴, ஆபத்தியா அப்படிகம்மே, உக்கே²பனீயகம்மங்
கரெய்ய.
‘‘அபரேஸம்பி, பி⁴க்க²வே, திண்ணங் பி⁴க்கூ²னங்,
ஆகங்க²மானோ ஸங்கோ⁴, ஆபத்தியா அப்படிகம்மே, உக்கே²பனீயகம்மங் கரெய்ய. ஏகோ
பு³த்³த⁴ஸ்ஸ அவண்ணங் பா⁴ஸதி, ஏகோ த⁴ம்மஸ்ஸ அவண்ணங் பா⁴ஸதி, ஏகோ ஸங்க⁴ஸ்ஸ
அவண்ணங் பா⁴ஸதி – இமேஸங் கோ², பி⁴க்க²வே, திண்ணங் பி⁴க்கூ²னங், ஆகங்க²மானோ
ஸங்கோ⁴, ஆபத்தியா அப்படிகம்மே, உக்கே²பனீயகம்மங் கரெய்ய.
ஆபத்தியா அப்படிகம்மே உக்கே²பனீயகம்மே
ஆகங்க²மானச²க்கங் நிட்டி²தங்.
தேசத்தாலீஸவத்தங்
60. ‘‘ஆபத்தியா
அப்படிகம்மே உக்கே²பனீயகம்மகதேன, பி⁴க்க²வே, பி⁴க்கு²னா ஸம்மா
வத்திதப்³ப³ங். தத்ராயங் ஸம்மாவத்தனா – ந உபஸம்பாதே³தப்³ப³ங், ந நிஸ்ஸயோ
தா³தப்³போ³, ந ஸாமணேரோ உபட்டா²பேதப்³போ³, ந பி⁴க்கு²னோவாத³கஸம்முதி
ஸாதி³தப்³பா³, ஸம்மதேனபி பி⁴க்கு²னியோ ந ஓவதி³தப்³பா³. யாய ஆபத்தியா
ஸங்கே⁴ன, ஆபத்தியா அப்படிகம்மே, உக்கே²பனீயகம்மங் கதங் ஹோதி ஸா ஆபத்தி ந
ஆபஜ்ஜிதப்³பா³, அஞ்ஞா வா தாதி³ஸிகா, ததோ வா பாபிட்ட²தரா; கம்மங் ந
க³ரஹிதப்³ப³ங், கம்மிகா ந க³ரஹிதப்³பா³. ந பகதத்தஸ்ஸ பி⁴க்கு²னோ
அபி⁴வாத³னங், பச்சுட்டா²னங், அஞ்ஜலிகம்மங், ஸாமீசிகம்மங், ஆஸனாபி⁴ஹாரோ,
ஸெய்யாபி⁴ஹாரோ, பாதோ³த³கங் பாத³பீட²ங், பாத³கத²லிகங்,
பத்தசீவரப்படிக்³க³ஹணங், நஹானே பிட்டி²பரிகம்மங் ஸாதி³தப்³ப³ங். ந பகதத்தோ
பி⁴க்கு² ஸீலவிபத்தியா அனுத்³த⁴ங்ஸேதப்³போ³ , ந
ஆசாரவிபத்தியா அனுத்³த⁴ங்ஸேதப்³போ³, ந தி³ட்டி²விபத்தியா
அனுத்³த⁴ங்ஸேதப்³போ³, ந ஆஜீவவிபத்தியா அனுத்³த⁴ங்ஸேதப்³போ³, ந பி⁴க்கு²
பி⁴க்கூ²ஹி பே⁴தே³தப்³போ³. ந கி³ஹித்³த⁴ஜோ தா⁴ரேதப்³போ³, ந தித்தி²யத்³த⁴ஜோ
தா⁴ரேதப்³போ³, ந தித்தி²யா ஸேவிதப்³பா³; பி⁴க்கூ² ஸேவிதப்³பா³,
பி⁴க்கு²ஸிக்கா²ய ஸிக்கி²தப்³ப³ங். ந பகதத்தேன பி⁴க்கு²னா ஸத்³தி⁴ங்
ஏகச்ச²ன்னே ஆவாஸே வத்த²ப்³ப³ங், ந ஏகச்ச²ன்னே அனாவாஸே வத்த²ப்³ப³ங், ந
ஏகச்ச²ன்னே ஆவாஸே வா அனாவாஸே வா வத்த²ப்³ப³ங்,
பகதத்தங் பி⁴க்கு²ங் தி³ஸ்வா ஆஸனா வுட்டா²தப்³ப³ங், ந பகதத்தோ பி⁴க்கு²
ஆஸாதே³தப்³போ³ அந்தோ வா ப³ஹி வா. ந பகதத்தஸ்ஸ பி⁴க்கு²னோ உபோஸதோ²
ட²பேதப்³போ³, ந பவாரணா ட²பேதப்³பா³, ந ஸவசனீயங் காதப்³ப³ங், ந அனுவாதோ³
பட்ட²பேதப்³போ³, ந ஓகாஸோ காரேதப்³போ³, ந சோதே³தப்³போ³, ந ஸாரேதப்³போ³, ந
பி⁴க்கூ²ஹி ஸம்பயோஜேதப்³ப³’’ந்தி.
ஆபத்தியா அப்படிகம்மே உக்கே²பனீயகம்மே
தேசத்தாலீஸவத்தங் நிட்டி²தங்.
61.
அத² கோ² ஸங்கோ⁴ ச²ன்னஸ்ஸ பி⁴க்கு²னோ, ஆபத்தியா அப்படிகம்மே,
உக்கே²பனீயகம்மங் அகாஸி – அஸம்போ⁴க³ங் ஸங்கே⁴ன. ஸோ ஸங்கே⁴ன, ஆபத்தியா
அப்படிகம்மே, உக்கே²பனீயகம்மகதோ தம்ஹா ஆவாஸா அஞ்ஞங் ஆவாஸங் அக³மாஸி. தத்த²
பி⁴க்கூ² நேவ அபி⁴வாதே³ஸுங், ந பச்சுட்டே²ஸுங், ந அஞ்ஜலிகம்மங் ந
ஸாமீசிகம்மங் அகங்ஸு, ந ஸக்கரிங்ஸு, ந க³ருங் கரிங்ஸு, ந மானேஸுங், ந
பூஜேஸுங். ஸோ பி⁴க்கூ²ஹி அஸக்கரியமானோ அக³ருகரியமானோ அமானியமானோ அபூஜியமானோ
அஸக்காரபகதோ தம்ஹாபி ஆவாஸா அஞ்ஞங் ஆவாஸங் அக³மாஸி.
தத்த²பி பி⁴க்கூ² நேவ அபி⁴வாதே³ஸுங், ந பச்சுட்டே²ஸுங், ந அஞ்ஜலிகம்மங் ந
ஸாமீசிகம்மங் அகங்ஸு, ந ஸக்கரிங்ஸு, ந க³ருங் கரிங்ஸு, ந மானேஸுங், ந
பூஜேஸுங். ஸோ பி⁴க்கூ²ஹி அஸக்கரியமானோ அக³ருகரியமானோ அமானியமானோ
அபூஜியமானோ அஸக்காரபகதோ தம்ஹாபி ஆவாஸா அஞ்ஞங் ஆவாஸங் அக³மாஸி. தத்த²பி
பி⁴க்கூ² நேவ அபி⁴வாதே³ஸுங், ந பச்சுட்டே²ஸுங், ந அஞ்ஜலிகம்மங் ந
ஸாமீசிகம்மங் அகங்ஸு, ந ஸக்கரிங்ஸு, ந க³ருங் கரிங்ஸு, ந மானேஸுங், ந
பூஜேஸுங். ஸோ பி⁴க்கூ²ஹி அஸக்கரியமானோ அக³ருகரியமானோ அமானியமானோ அபூஜியமானோ
அஸக்காரபகதோ புனதே³வ கோஸம்பி³ங் பச்சாக³ஞ்சி². ஸோ ஸம்மா வத்ததி, லோமங்
பாதேதி, நெத்தா²ரங் வத்ததி, பி⁴க்கூ² உபஸங்கமித்வா ஏவங் வதே³தி – ‘‘அஹங்,
ஆவுஸோ, ஸங்கே⁴ன, ஆபத்தியா அப்படிகம்மே, உக்கே²பனீயகம்மகதோ ஸம்மா வத்தாமி,
லோமங் பாதேமி, நெத்தா²ரங் வத்தாமி. கத²ங் நு கோ² மயா படிபஜ்ஜிதப்³ப³’’ந்தி?
பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰…. ‘‘தேன ஹி, பி⁴க்க²வே, ஸங்கோ⁴
ச²ன்னஸ்ஸ பி⁴க்கு²னோ, ஆபத்தியா அப்படிகம்மே, உக்கே²பனீயகம்மங்
படிப்பஸ்ஸம்பே⁴து.
நப்படிப்பஸ்ஸம்பே⁴தப்³ப³தேசத்தாலீஸகங்
62. ‘‘பஞ்சஹி ,
பி⁴க்க²வே, அங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா அப்படிகம்மே,
உக்கே²பனீயகம்மங் நப்படிப்பஸ்ஸம்பே⁴தப்³ப³ங். உபஸம்பாதே³தி, நிஸ்ஸயங்
தே³தி, ஸாமணேரங் உபட்டா²பேதி, பி⁴க்கு²னோவாத³கஸம்முதிங் ஸாதி³யதி, ஸம்மதோபி
பி⁴க்கு²னியோ ஓவத³தி – இமேஹி கோ², பி⁴க்க²வே, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ, ஆபத்தியா அப்படிகம்மே, உக்கே²பனீயகம்மங்
நப்படிப்பஸ்ஸம்பே⁴தப்³ப³ங்.
[பரி॰ 420] ‘‘அபரேஹிபி ,
பி⁴க்க²வே, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா அப்படிகம்மே,
உக்கே²பனீயகம்மங் நப்படிப்பஸ்ஸம்பே⁴தப்³ப³ங். யாய ஆபத்தியா ஸங்கே⁴ன,
ஆபத்தியா அப்படிகம்மே, உக்கே²பனீயகம்மங் கதங் ஹோதி தங் ஆபத்திங் ஆபஜ்ஜதி,
அஞ்ஞங் வா தாதி³ஸிகங், ததோ வா பாபிட்ட²தரங்; கம்மங் க³ரஹதி, கம்மிகே
க³ரஹதி…பே॰… பகதத்தஸ்ஸ பி⁴க்கு²னோ அபி⁴வாத³னங், பச்சுட்டா²னங்,
அஞ்ஜலிகம்மங், ஸாமீசிகம்மங், ஆஸனாபி⁴ஹாரங் ஸாதி³யதி…பே॰… பகதத்தஸ்ஸ
பி⁴க்கு²னோ ஸெய்யாபி⁴ஹாரங், பாதோ³த³கங் பாத³பீட²ங், பாத³கத²லிகங்,
பத்தசீவரப்படிக்³க³ஹணங், நஹானே பிட்டி²பரிகம்மங் ஸாதி³யதி…பே॰… பகதத்தங்
பி⁴க்கு²ங் ஸீலவிபத்தியா அனுத்³த⁴ங்ஸேதி, ஆசாரவிபத்தியா அனுத்³த⁴ங்ஸேதி,
தி³ட்டி²விபத்தியா அனுத்³த⁴ங்ஸேதி, ஆஜீவவிபத்தியா அனுத்³த⁴ங்ஸேதி,
பி⁴க்கு²ங் பி⁴க்கூ²ஹி பே⁴தே³தி…பே॰… கி³ஹித்³த⁴ஜங் தா⁴ரேதி,
தித்தி²யத்³த⁴ஜங் தா⁴ரேதி, தித்தி²யே ஸேவதி, பி⁴க்கூ² ந ஸேவதி,
பி⁴க்கு²ஸிக்கா²ய ந ஸிக்க²தி…பே॰… பகதத்தேன பி⁴க்கு²னா ஸத்³தி⁴ங்
ஏகச்ச²ன்னே ஆவாஸே வஸதி, ஏகச்ச²ன்னே அனாவாஸே வஸதி, ஏகச்ச²ன்னே ஆவாஸே வா
அனாவாஸே வா வஸதி, பகதத்தங் பி⁴க்கு²ங் தி³ஸ்வா ஆஸனா ந வுட்டா²தி, பகதத்தங்
பி⁴க்கு²ங் ஆஸாதே³தி அந்தோ வா ப³ஹி வா – இமேஹி கோ², பி⁴க்க²வே, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா அப்படிகம்மே , உக்கே²பனீயகம்மங் நப்படிப்பஸ்ஸம்பே⁴தப்³ப³ங்.
‘‘அட்ட²ஹி, பி⁴க்க²வே, அங்கே³ஹி ஸமன்னாக³தஸ்ஸ
பி⁴க்கு²னோ, ஆபத்தியா அப்படிகம்மே, உக்கே²பனீயகம்மங்
நப்படிப்பஸ்ஸம்பே⁴தப்³ப³ங். பகதத்தஸ்ஸ பி⁴க்கு²னோ உபோஸத²ங் ட²பேதி, பவாரணங்
ட²பேதி, ஸவசனீயங் கரோதி, அனுவாத³ங் பட்ட²பேதி, ஓகாஸங் காரேதி, சோதே³தி,
ஸாரேதி, பி⁴க்கூ²ஹி ஸம்பயோஜேதி – இமேஹி கோ²,
பி⁴க்க²வே, அட்ட²ஹங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா அப்படிகம்மே,
உக்கே²பனீயகம்மங் நப்படிப்பஸ்ஸம்பே⁴தப்³ப³ங்.
ஆபத்தியா அப்படிகம்மே உக்கே²பனீயகம்மே
நப்படிப்பஸ்ஸம்பே⁴தப்³ப³தேசத்தாலீஸகங் நிட்டி²தங்.
படிப்பஸ்ஸம்பே⁴தப்³ப³தேசத்தாலீஸகங்
63.
‘‘பஞ்சஹி, பி⁴க்க²வே, அங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா
அப்படிகம்மே, உக்கே²பனீயகம்மங் படிப்பஸ்ஸம்பே⁴தப்³ப³ங். ந உபஸம்பாதே³தி, ந
நிஸ்ஸயங் தே³தி, ந ஸாமணேரங் உபட்டா²பேதி, ந பி⁴க்கு²னோவாத³கஸம்முதிங்
ஸாதி³யதி, ஸம்மதோபி பி⁴க்கு²னியோ ந ஓவத³தி – இமேஹி கோ², பி⁴க்க²வே,
பஞ்சஹங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா அப்படிகம்மே,
உக்கே²பனீயகம்மங் படிப்பஸ்ஸம்பே⁴தப்³ப³ங்.
‘‘அபரேஹிபி, பி⁴க்க²வே, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ, ஆபத்தியா அப்படிகம்மே, உக்கே²பனீயகம்மங்
படிப்பஸ்ஸம்பே⁴தப்³ப³ங். யாய ஆபத்தியா ஸங்கே⁴ன, ஆபத்தியா அப்படிகம்மே,
உக்கே²பனீயகம்மங் கதங் ஹோதி தங் ஆபத்திங் ந ஆபஜ்ஜதி, அஞ்ஞங் வா தாதி³ஸிகங்,
ததோ வா பாபிட்ட²தரங் ; கம்மங் ந க³ரஹதி, கம்மிகே ந
க³ரஹதி…பே॰… ந பகதத்தஸ்ஸ பி⁴க்கு²னோ அபி⁴வாத³னங், பச்சுட்டா²னங்,
அஞ்ஜலிகம்மங், ஸாமீசிகம்மங், ஆஸனாபி⁴ஹாரங் ஸாதி³யதி…பே॰… ந பகதத்தஸ்ஸ
பி⁴க்கு²னோ ஸெய்யாபி⁴ஹாரங், பாதோ³த³கங் பாத³பீட²ங், பாத³கத²லிகங்,
பத்தசீவரப்படிக்³க³ஹணங், நஹானே பிட்டி²பரிகம்மங் ஸாதி³யதி…பே॰… ந பகதத்தங்
பி⁴க்கு²ங் ஸீலவிபத்தியா அனுத்³த⁴ங்ஸேதி, ந ஆசாரவிபத்தியா அனுத்³த⁴ங்ஸேதி, ந
தி³ட்டி²விபத்தியா அனுத்³த⁴ங்ஸேதி, ந ஆஜீவவிபத்தியா அனுத்³த⁴ங்ஸேதி, ந
பி⁴க்கு²ங் பி⁴க்கூ²ஹி பே⁴தே³தி…பே॰… ந கி³ஹித்³த⁴ஜங் தா⁴ரேதி, ந
தித்தி²யத்³த⁴ஜங் தா⁴ரேதி, ந தித்தி²யே ஸேவதி, பி⁴க்கூ² ஸேவதி,
பி⁴க்கு²ஸிக்கா²ய ஸிக்க²தி…பே॰… ந பகதத்தேன பி⁴க்கு²னா ஸத்³தி⁴ங்
ஏகச்ச²ன்னே ஆவாஸே வஸதி, ந ஏகச்ச²ன்னே அனாவாஸே வஸதி, ந ஏகச்ச²ன்னே
ஆவாஸே வா அனாவாஸே வா வஸதி, பகதத்தங் பி⁴க்கு²ங் தி³ஸ்வா ஆஸனா வுட்டா²தி, ந
பகதத்தங் பி⁴க்கு²ங் ஆஸாதே³தி அந்தோ வா ப³ஹி வா – இமேஹி கோ², பி⁴க்க²வே,
பஞ்சஹங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா அப்படிகம்மே,
உக்கே²பனீயகம்மங் படிப்பஸ்ஸம்பே⁴தப்³ப³ங்.
‘‘அட்ட²ஹி , பி⁴க்க²வே, அங்கே³ஹி ஸமன்னாக³தஸ்ஸ பி⁴க்கு²னோ, ஆபத்தியா
அப்படிகம்மே, உக்கே²பனீயகம்மங் படிப்பஸ்ஸம்பே⁴தப்³ப³ங். ந பகதத்தஸ்ஸ
பி⁴க்கு²னோ உபோஸத²ங் ட²பேதி, ந பவாரணங் ட²பேதி, ந ஸவசனீயங் கரோதி, ந
அனுவாத³ங் பட்ட²பேதி, ந ஓகாஸங் காரேதி, ந சோதே³தி, ந ஸாரேதி, ந பி⁴க்கூ²ஹி
ஸம்பயோஜேதி – இமேஹி கோ², பி⁴க்க²வே, அட்ட²ஹங்கே³ஹி ஸமன்னாக³தஸ்ஸ
பி⁴க்கு²னோ, ஆபத்தியா அப்படிகம்மே, உக்கே²பனீயகம்மங்
படிப்பஸ்ஸம்பே⁴தப்³ப³ங்.
ஆபத்தியா அப்படிகம்மே உக்கே²பனீயகம்மே
படிப்பஸ்ஸம்பே⁴தப்³ப³தேசத்தாலீஸகங் நிட்டி²தங்.
64.
‘‘ஏவஞ்ச பன, பி⁴க்க²வே, படிப்பஸ்ஸம்பே⁴தப்³ப³ங். தேன பி⁴க்க²வே, ச²ன்னேன
பி⁴க்கு²னா ஸங்க⁴ங் உபஸங்கமித்வா ஏகங்ஸங் உத்தராஸங்க³ங் கரித்வா
வுட்³டா⁴னங் பி⁴க்கூ²னங் பாதே³ வந்தி³த்வா உக்குடிகங் நிஸீதி³த்வா அஞ்ஜலிங்
பக்³க³ஹெத்வா ஏவமஸ்ஸ வசனீயோ – ‘அஹங், ப⁴ந்தே, ஸங்கே⁴ன, ஆபத்தியா
அப்படிகம்மே, உக்கே²பனீயகம்மகதோ ஸம்மா வத்தாமி, லோமங் பாதேமி, நெத்தா²ரங்
வத்தாமி, ஆபத்தியா அப்படிகம்மே உக்கே²பனீயஸ்ஸ கம்மஸ்ஸ படிப்பஸ்ஸத்³தி⁴ங்
யாசாமீ’தி. து³தியம்பி யாசிதப்³பா³. ததியம்பி யாசிதப்³பா³. ப்³யத்தேன
பி⁴க்கு²னா படிப³லேன ஸங்கோ⁴ ஞாபேதப்³போ³ –
‘‘ஸுணாது மே, ப⁴ந்தே, ஸங்கோ⁴. அயங் ச²ன்னோ பி⁴க்கு²
ஸங்கே⁴ன, ஆபத்தியா அப்படிகம்மே, உக்கே²பனீயகம்மகதோ ஸம்மா வத்ததி, லோமங்
பாதேதி, நெத்தா²ரங் வத்ததி, ஆபத்தியா அப்படிகம்மே உக்கே²பனீயஸ்ஸ கம்மஸ்ஸ
படிப்பஸ்ஸத்³தி⁴ங் யாசதி. யதி³ ஸங்க⁴ஸ்ஸ பத்தகல்லங், ஸங்கோ⁴ ச²ன்னஸ்ஸ
பி⁴க்கு²னோ , ஆபத்தியா அப்படிகம்மே, உக்கே²பனீயகம்மங் படிப்பஸ்ஸம்பெ⁴ய்ய. ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴. அயங் ச²ன்னோ பி⁴க்கு²
ஸங்கே⁴ன, ஆபத்தியா அப்படிகம்மே, உக்கே²பனீயகம்மகதோ ஸம்மா வத்ததி, லோமங்
பாதேதி, நெத்தா²ரங் வத்ததி, ஆபத்தியா அப்படிகம்மே உக்கே²பனீயஸ்ஸ கம்மஸ்ஸ
படிப்பஸ்ஸத்³தி⁴ங் யாசதி. ஸங்கோ⁴ ச²ன்னஸ்ஸ பி⁴க்கு²னோ, ஆபத்தியா
அப்படிகம்மே, உக்கே²பனீயகம்மங் படிப்பஸ்ஸம்பே⁴தி. யஸ்ஸாயஸ்மதோ க²மதி
ச²ன்னஸ்ஸ பி⁴க்கு²னோ, ஆபத்தியா அப்படிகம்மே, உக்கே²பனீயஸ்ஸ கம்மஸ்ஸ படிப்பஸ்ஸத்³தி⁴, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.
‘‘து³தியம்பி ஏதமத்த²ங்
வதா³மி…பே॰… ததியம்பி ஏதமத்த²ங் வதா³மி – ஸுணாது மே, ப⁴ந்தே, ஸங்கோ⁴. அயங்
ச²ன்னோ பி⁴க்கு² ஸங்கே⁴ன, ஆபத்தியா அப்படிகம்மே, உக்கே²பனீயகம்மகதோ ஸம்மா
வத்ததி, லோமங் பாதேதி, நெத்தா²ரங் வத்ததி, ஆபத்தியா அப்படிகம்மே,
உக்கே²பனீயஸ்ஸ கம்மஸ்ஸ படிப்பஸ்ஸத்³தி⁴ங் யாசதி. ஸங்கோ⁴ ச²ன்னஸ்ஸ
பி⁴க்கு²னோ, ஆபத்தியா அப்படிகம்மே, உக்கே²பனீயகம்மங் படிப்பஸ்ஸம்பே⁴தி.
யஸ்ஸாயஸ்மதோ க²மதி ச²ன்னஸ்ஸ பி⁴க்கு²னோ, ஆபத்தியா அப்படிகம்மே,
உக்கே²பனீயஸ்ஸ கம்மஸ்ஸ படிப்பஸ்ஸத்³தி⁴, ஸோ துண்ஹஸ்ஸ; யஸ்ஸ நக்க²மதி, ஸோ
பா⁴ஸெய்ய.
‘‘படிப்பஸ்ஸத்³த⁴ங் ஸங்கே⁴ன ச²ன்னஸ்ஸ பி⁴க்கு²னோ,
ஆபத்தியா அப்படிகம்மே, உக்கே²பனீயகம்மங். க²மதி ஸங்க⁴ஸ்ஸ, தஸ்மா துண்ஹீ,
ஏவமேதங் தா⁴ரயாமீ’’தி.
ஆபத்தியா அப்படிகம்மே உக்கே²பனீயகம்மங் நிட்டி²தங் ச²ட்ட²ங்.
7. பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மங்
65. [இத³ங் வத்து² பாசி॰ 417; ம॰ நி॰ 234 ஆத³யோ] தேன
ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அரிட்ட²ஸ்ஸ நாம பி⁴க்கு²னோ
க³த்³த⁴பா³தி⁴புப்³ப³ஸ்ஸ [க³ந்த⁴பா³தி⁴புப்³ப³ஸ்ஸ (க॰)]
ஏவரூபங் பாபகங் தி³ட்டி²க³தங் உப்பன்னங் ஹோதி – ‘‘ததா²ஹங் ப⁴க³வதா த⁴ம்மங்
தே³ஸிதங் ஆஜானாமி யதா² யேமே அந்தராயிகா த⁴ம்மா வுத்தா ப⁴க³வதா தே படிஸேவதோ
நாலங் அந்தராயாயா’’தி. அஸ்ஸோஸுங் கோ² ஸம்ப³ஹுலா பி⁴க்கூ² அரிட்ட²ஸ்ஸ நாம
கிர பி⁴க்கு²னோ க³த்³த⁴பா³தி⁴புப்³ப³ஸ்ஸ ஏவரூபங் பாபகங் தி³ட்டி²க³தங்
உப்பன்னங் – ‘‘ததா²ஹங் ப⁴க³வதா த⁴ம்மங் தே³ஸிதங் ஆஜானாமி யதா² யேமே
அந்தராயிகா த⁴ம்மா வுத்தா ப⁴க³வதா தே படிஸேவதோ நாலங் அந்தராயாயா’’தி. அத²
கோ² தே பி⁴க்கூ² யேன அரிட்டோ² பி⁴க்கு² க³த்³த⁴பா³தி⁴புப்³போ³
தேனுபஸங்கமிங்ஸு. உபஸங்கமித்வா அரிட்ட²ங் பி⁴க்கு²ங்
க³த்³த⁴பா³தி⁴புப்³ப³ங் ஏதத³வோசுங் – ‘‘ஸச்சங் கிர தே, ஆவுஸோ அரிட்ட²,
ஏவரூபங் பாபகங் தி³ட்டி²க³தங் உப்பன்னங் – ததா²ஹங் ப⁴க³வதா த⁴ம்மங்
தே³ஸிதங் ஆஜானாமி யதா² யேமே அந்தராயிகா த⁴ம்மா வுத்தா ப⁴க³வதா தே படிஸேவதோ
நாலங் அந்தராயாயா’’தி? ‘‘ஏவங்ப்³யா கோ² அஹங், ஆவுஸோ, ப⁴க³வதா த⁴ம்மங்
தே³ஸிதங் ஆஜானாமி, யதா² யேமே அந்தராயிகா த⁴ம்மா வுத்தா ப⁴க³வதா தே படிஸேவதோ நாலங் அந்தராயாயா’’தி.
‘‘மாவுஸோ அரிட்ட², ஏவங் அவச. மா ப⁴க³வந்தங் அப்³பா⁴சிக்கி². ந ஹி ஸாது⁴ ப⁴க³வதோ அப்³ப⁴க்கா²னங் [அப்³பா⁴சிக்க²னங் (க॰)].
ந ஹி ப⁴க³வா ஏவங் வதெ³ய்ய. அனேகபரியாயேனாவுஸோ அரிட்ட², அந்தராயிகா த⁴ம்மா
அந்தராயிகா வுத்தா ப⁴க³வதா. அலஞ்ச பன தே படிஸேவதோ அந்தராயாய. அப்பஸ்ஸாதா³
காமா வுத்தா ப⁴க³வதா, ப³ஹுது³க்கா² ப³ஹுபாயாஸா [ப³ஹூபாயாஸா (ஸீ॰ ஸ்யா॰)],
ஆதீ³னவோ எத்த² பி⁴ய்யோ. அட்டி²கங்கலூபமா காமா வுத்தா ப⁴க³வதா,
ப³ஹுது³க்கா² ப³ஹூபாயாஸா, ஆதீ³னவோ எத்த² பி⁴ய்யோ. மங்ஸபேஸூபமா காமா வுத்தா
ப⁴க³வதா…பே॰… திணுக்கூபமா காமா வுத்தா ப⁴க³வதா…பே॰… அங்கா³ரகாஸூபமா காமா
வுத்தா ப⁴க³வதா… ஸுபினகூபமா காமா வுத்தா ப⁴க³வதா… யாசிதகூபமா காமா வுத்தா
ப⁴க³வதா… ருக்க²ப²லூபமா காமா வுத்தா ப⁴க³வதா…
அஸிஸூனூபமா காமா வுத்தா ப⁴க³வதா… ஸத்திஸூலூபமா காமா வுத்தா ப⁴க³வதா…
ஸப்பஸிரூபமா காமா வுத்தா ப⁴க³வதா, ப³ஹுது³க்கா² ப³ஹூபாயாஸா, ஆதீ³னவோ எத்த²
பி⁴ய்யோ’’தி.
ஏவம்பி கோ² அரிட்டோ² பி⁴க்கு² க³த்³த⁴பா³தி⁴புப்³போ³
தேஹி பி⁴க்கூ²ஹி வுச்சமானோ ததே²வ தங் பாபகங் தி³ட்டி²க³தங் தா²மஸா பராமாஸா
அபி⁴னிவிஸ்ஸ வோஹரதி – ‘‘ஏவங்ப்³யா கோ² அஹங், ஆவுஸோ, ப⁴க³வதா த⁴ம்மங்
தே³ஸிதங் ஆஜானாமி, யதா² யேமே அந்தராயிகா த⁴ம்மா வுத்தா ப⁴க³வதா தே படிஸேவதோ
நாலங் அந்தராயாயா’’தி. யதோ ச கோ² தே பி⁴க்கூ² நாஸக்கி²ங்ஸு அரிட்ட²ங்
பி⁴க்கு²ங் க³த்³த⁴பா³தி⁴புப்³ப³ங் ஏதஸ்மா பாபகா தி³ட்டி²க³தா விவேசேதுங்,
அத² கோ² தே பி⁴க்கூ² யேன ப⁴க³வா தேனுபஸங்கமிங்ஸு, உபஸங்கமித்வா ப⁴க³வதோ
ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங்
நிதா³னே ஏதஸ்மிங் பகரணே பி⁴க்கு²ஸங்க⁴ங் ஸன்னிபாதாபெத்வா அரிட்ட²ங்
பி⁴க்கு²ங் க³த்³த⁴பா³தி⁴புப்³ப³ங் படிபுச்சி² – ‘‘ஸச்சங் கிர தே, அரிட்ட²,
ஏவரூபங் பாபகங் தி³ட்டி²க³தங் உப்பன்னங் – ததா²ஹங் ப⁴க³வதா த⁴ம்மங்
தே³ஸிதங் ஆஜானாமி யதா² யேமே அந்தராயிகா த⁴ம்மா வுத்தா ப⁴க³வதா தே படிஸேவதோ
நாலங் அந்தராயாயா’’தி? ‘‘ஏவங்ப்³யா கோ² அஹங், ப⁴ந்தே, ப⁴க³வதா த⁴ம்மங்
தே³ஸிதங் ஆஜானாமி, யதா² யேமே அந்தராயிகா த⁴ம்மா வுத்தா ப⁴க³வதா தே படிஸேவதோ
நாலங் அந்தராயாயா’’தி.
‘‘கஸ்ஸ நு கோ² நாம த்வங்,
மோக⁴புரிஸ, மயா ஏவங் த⁴ம்மங் தே³ஸிதங் ஆஜானாஸி? நனு மயா, மோக⁴புரிஸ,
அனேகபரியாயேன அந்தராயிகா த⁴ம்மா அந்தராயிகா வுத்தா? அலஞ்ச பன தே படிஸேவதோ
அந்தராயாய. அப்பஸ்ஸாதா³ காமா வுத்தா மயா, ப³ஹுது³க்கா² ப³ஹுபாயாஸா, ஆதீ³னவோ
எத்த² பி⁴ய்யோ. அட்டி²கங்கலூபமா காமா வுத்தா மயா, ப³ஹுது³க்கா²
ப³ஹுபாயாஸா, ஆதீ³னவோ எத்த² பி⁴ய்யோ. மங்ஸபேஸூபமா காமா வுத்தா மயா…பே॰…
திணுக்கூபமா காமா வுத்தா மயா… அங்கா³ரகாஸூபமா காமா வுத்தா மயா… ஸுபினகூபமா
காமா வுத்தா மயா…பே॰… யாசிதகூபமா காமா வுத்தா மயா… ருக்க²ப²லூபமா காமா
வுத்தா மயா… அஸிஸூனூபமா காமா வுத்தா மயா…
ஸத்திஸூலூபமா காமா வுத்தா மயா… ஸப்பஸிரூபமா காமா வுத்தா மயா, ப³ஹுது³க்கா²
ப³ஹுபாயாஸா, ஆதீ³னவோ எத்த² பி⁴ய்யோ. அத² ச பன த்வங், மோக⁴புரிஸ, அத்தனா
து³க்³க³ஹிதேன [து³க்³க³ஹிதேன தி³ட்டி²க³தேன (ஸ்யா॰)] அம்ஹே சேவ அப்³பா⁴சிக்க²ஸி, அத்தானஞ்ச க²ணஸி ,
ப³ஹுஞ்ச அபுஞ்ஞங் பஸவஸி. தஞ்ஹி தே, மோக⁴புரிஸ, ப⁴விஸ்ஸதி தீ³க⁴ரத்தங்
அஹிதாய து³க்கா²ய. நேதங், மோக⁴புரிஸ, அப்பஸன்னானங் வா பஸாதா³ய…பே॰…
விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி – தேன ஹி,
பி⁴க்க²வே, ஸங்கோ⁴ அரிட்ட²ஸ்ஸ பி⁴க்கு²னோ க³த்³த⁴பா³தி⁴புப்³ப³ஸ்ஸ, பாபிகாய
தி³ட்டி²யா அப்படினிஸ்ஸக்³கே³, உக்கே²பனீயகம்மங் கரோது – அஸம்போ⁴க³ங்
ஸங்கே⁴ன. ஏவஞ்ச பன பி⁴க்க²வே காதப்³ப³ங் – பட²மங் அரிட்டோ² பி⁴க்கு²
சோதே³தப்³போ³, சோதெ³த்வா ஸாரேதப்³போ³, ஸாரெத்வா ஆபத்திங் ஆரோபேதப்³போ³,
ஆபத்திங் ஆரோபெத்வா ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
66. ‘‘ஸுணாது மே, ப⁴ந்தே, ஸங்கோ⁴. அரிட்ட²ஸ்ஸ பி⁴க்கு²னோ க³த்³த⁴பா³தி⁴புப்³ப³ஸ்ஸ ஏவரூபங் பாபகங் தி³ட்டி²க³தங்
உப்பன்னங் – ததா²ஹங் ப⁴க³வதா த⁴ம்மங் தே³ஸிதங் ஆஜானாமி யதா² யேமே
அந்தராயிகா த⁴ம்மா வுத்தா ப⁴க³வதா தே படிஸேவதோ நாலங் அந்தராயாயாதி. ஸோ தங்
தி³ட்டி²ங் ந படினிஸ்ஸஜ்ஜதி. யதி³ ஸங்க⁴ஸ்ஸ பத்தகல்லங், ஸங்கோ⁴ அரிட்ட²ஸ்ஸ
பி⁴க்கு²னோ க³த்³த⁴பா³தி⁴புப்³ப³ஸ்ஸ, பாபிகாய தி³ட்டி²யா
அப்படினிஸ்ஸக்³கே³, உக்கே²பனீயகம்மங் கரெய்ய – அஸம்போ⁴க³ங் ஸங்கே⁴ன. ஏஸா
ஞத்தி.
‘‘ஸுணாது மே, ப⁴ந்தே, ஸங்கோ⁴. அரிட்ட²ஸ்ஸ பி⁴க்கு²னோ
க³த்³த⁴பா³தி⁴புப்³ப³ஸ்ஸ ஏவரூபங் பாபகங் தி³ட்டி²க³தங் உப்பன்னங் – ததா²ஹங்
ப⁴க³வதா த⁴ம்மங் தே³ஸிதங் ஆஜானாமி யதா² யேமே அந்தராயிகா த⁴ம்மா வுத்தா ப⁴க³வதா தே படிஸேவதோ நாலங் அந்தராயாயாதி. ஸோ தங் தி³ட்டி²ங் ந படினிஸ்ஸஜ்ஜதி .
ஸங்கோ⁴ அரிட்ட²ஸ்ஸ பி⁴க்கு²னோ க³த்³த⁴பா³தி⁴புப்³ப³ஸ்ஸ, பாபிகாய
தி³ட்டி²யா அப்படினிஸ்ஸக்³கே³, உக்கே²பனீயகம்மங் கரோதி – அஸம்போ⁴க³ங்
ஸங்கே⁴ன. யஸ்ஸாயஸ்மதோ க²மதி அரிட்ட²ஸ்ஸ பி⁴க்கு²னோ
க³த்³த⁴பா³தி⁴புப்³ப³ஸ்ஸ, பாபிகாய தி³ட்டி²யா அப்படினிஸ்ஸக்³கே³,
உக்கே²பனீயஸ்ஸ கம்மஸ்ஸ கரணங் – அஸம்போ⁴க³ங் ஸங்கே⁴ன, ஸோ துண்ஹஸ்ஸ; யஸ்ஸ
நக்க²மதி, ஸோ பா⁴ஸெய்ய.
‘‘து³தியம்பி ஏதமத்த²ங் வதா³மி…பே॰… ததியம்பி
ஏதமத்த²ங் வதா³மி – ஸுணாது மே, ப⁴ந்தே, ஸங்கோ⁴. அரிட்ட²ஸ்ஸ பி⁴க்கு²னோ
க³த்³த⁴பா³தி⁴புப்³ப³ஸ்ஸ ஏவரூபங் பாபகங் தி³ட்டி²க³தங் உப்பன்னங் – ததா²ஹங்
ப⁴க³வதா த⁴ம்மங் தே³ஸிதங் ஆஜானாமி யதா² யேமே அந்தராயிகா த⁴ம்மா வுத்தா
ப⁴க³வதா தே படிஸேவதோ நாலங் அந்தராயாயாதி. ஸோ தங் தி³ட்டி²ங் ந
படினிஸ்ஸஜ்ஜதி. ஸங்கோ⁴ அரிட்ட²ஸ்ஸ பி⁴க்கு²னோ க³த்³த⁴பா³தி⁴புப்³ப³ஸ்ஸ,
பாபிகாய தி³ட்டி²யா அப்படினிஸ்ஸக்³கே³, உக்கே²பனீயகம்மங் கரோதி –
அஸம்போ⁴க³ங் ஸங்கே⁴ன. யஸ்ஸாயஸ்மதோ க²மதி அரிட்ட²ஸ்ஸ
பி⁴க்கு²னோ க³த்³த⁴பா³தி⁴புப்³ப³ஸ்ஸ, பாபிகாய தி³ட்டி²யா
அப்படினிஸ்ஸக்³கே³, உக்கே²பனீயஸ்ஸ கம்மஸ்ஸ கரணங் – அஸம்போ⁴க³ங் ஸங்கே⁴ன, ஸோ
துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.
‘‘கதங் ஸங்கே⁴ன அரிட்ட²ஸ்ஸ பி⁴க்கு²னோ
க³த்³த⁴பா³தி⁴புப்³ப³ஸ்ஸ, பாபிகாய தி³ட்டி²யா அப்படினிஸ்ஸக்³கே³,
உக்கே²பனீயகம்மங் – அஸம்போ⁴க³ங் ஸங்கே⁴ன. க²மதி ஸங்க⁴ஸ்ஸ, தஸ்மா துண்ஹீ,
ஏவமேதங் தா⁴ரயாமீதி.
‘‘ஆவாஸபரம்பரஞ்ச, பி⁴க்க²வே, ஸங்ஸத² – ‘அரிட்டோ² பி⁴க்கு² க³த்³த⁴பா³தி⁴புப்³போ³, ஸங்கே⁴ன பாபிகாய [க³த்³த⁴பா³தி⁴புப்³போ³ பாபிகாய (ஸீ॰ க॰)] தி³ட்டி²யா அப்படினிஸ்ஸக்³கே³ , உக்கே²பனீயகம்மகதோ – அஸம்போ⁴க³ங் ஸங்கே⁴னா’’’தி.
அத⁴ம்மகம்மத்³வாத³ஸகங்
67.
‘‘தீஹி, பி⁴க்க²வே, அங்கே³ஹி ஸமன்னாக³தங், பாபிகாய தி³ட்டி²யா
அப்படினிஸ்ஸக்³கே³, உக்கே²பனீயகம்மங் அத⁴ம்மகம்மஞ்ச ஹோதி, அவினயகம்மஞ்ச,
து³வூபஸந்தஞ்ச. அஸம்முகா² கதங் ஹோதி, அப்படிபுச்சா² கதங் ஹோதி, அப்படிஞ்ஞாய
கதங் ஹோதி – இமேஹி கோ², பி⁴க்க²வே, தீஹங்கே³ஹி ஸமன்னாக³தங், பாபிகாய தி³ட்டி²யா அப்படினிஸ்ஸக்³கே³, உக்கே²பனீயகம்மங் அத⁴ம்மகம்மஞ்ச ஹோதி, அவினயகம்மஞ்ச, து³வூபஸந்தஞ்ச.
‘‘அபரேஹிபி, பி⁴க்க²வே, தீஹங்கே³ஹி ஸமன்னாக³தங்,
பாபிகாய தி³ட்டி²யா அப்படினிஸ்ஸக்³கே³, உக்கே²பனீயகம்மங் அத⁴ம்மகம்மஞ்ச
ஹோதி, அவினயகம்மஞ்ச, து³வூபஸந்தஞ்ச. அனாபத்தியா கதங் ஹோதி,
அதே³ஸனாகா³மினியா ஆபத்தியா கதங் ஹோதி, தே³ஸிதாய ஆபத்தியா கதங் ஹோதி…பே॰…
அசோதெ³த்வா கதங் ஹோதி, அஸாரெத்வா கதங் ஹோதி, ஆபத்திங் அனாரோபெத்வா கதங்
ஹோதி…பே॰… அஸம்முகா² கதங் ஹோதி, அத⁴ம்மேன கதங் ஹோதி, வக்³கே³ன கதங்
ஹோதி…பே॰… அப்படிபுச்சா² கதங் ஹோதி, அத⁴ம்மேன கதங் ஹோதி, வக்³கே³ன கதங்
ஹோதி…பே॰… அப்படிஞ்ஞாய கதங் ஹோதி, அத⁴ம்மேன கதங் ஹோதி, வக்³கே³ன கதங்
ஹோதி…பே॰… அனாபத்தியா கதங் ஹோதி, அத⁴ம்மேன கதங்
ஹோதி, வக்³கே³ன கதங் ஹோதி…பே॰… அதே³ஸனாகா³மினியா ஆபத்தியா கதங் ஹோதி,
அத⁴ம்மேன கதங் ஹோதி, வக்³கே³ன கதங் ஹோதி…பே॰… தே³ஸிதாய ஆபத்தியா கதங் ஹோதி,
அத⁴ம்மேன கதங் ஹோதி, வக்³கே³ன கதங் ஹோதி…பே॰… அசோதெ³த்வா கதங் ஹோதி,
அத⁴ம்மேன கதங் ஹோதி, வக்³கே³ன கதங் ஹோதி…பே॰… அஸாரெத்வா கதங் ஹோதி,
அத⁴ம்மேன கதங் ஹோதி, வக்³கே³ன கதங் ஹோதி…பே॰… ஆபத்திங் அனாரோபெத்வா கதங்
ஹோதி, அத⁴ம்மேன கதங் ஹோதி, வக்³கே³ன கதங் ஹோதி – இமேஹி கோ², பி⁴க்க²வே ,
தீஹங்கே³ஹி ஸமன்னாக³தங், பாபிகாய தி³ட்டி²யா அப்படினிஸ்ஸக்³கே³,
உக்கே²பனீயகம்மங் அத⁴ம்மகம்மஞ்ச ஹோதி, அவினயகம்மஞ்ச, து³வூபஸந்தஞ்ச.
பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மே
அத⁴ம்மகம்மத்³வாத³ஸகங் நிட்டி²தங்.
த⁴ம்மகம்மத்³வாத³ஸகங்
68. ‘‘தீஹி ,
பி⁴க்க²வே, அங்கே³ஹி ஸமன்னாக³தங், பாபிகாய தி³ட்டி²யா அப்படினிஸ்ஸக்³கே³,
உக்கே²பனீயகம்மங் த⁴ம்மகம்மஞ்ச ஹோதி, வினயகம்மஞ்ச, ஸுவூபஸந்தஞ்ச. ஸம்முகா²
கதங் ஹோதி, படிபுச்சா² கதங் ஹோதி, படிஞ்ஞாய கதங் ஹோதி – இமேஹி கோ²,
பி⁴க்க²வே, தீஹங்கே³ஹி ஸமன்னாக³தங், பாபிகாய தி³ட்டி²யா அப்படினிஸ்ஸக்³கே³,
உக்கே²பனீயகம்மங் த⁴ம்மகம்மஞ்ச ஹோதி, வினயகம்மஞ்ச, ஸுவூபஸந்தஞ்ச.
‘‘அபரேஹிபி , பி⁴க்க²வே,
தீஹங்கே³ஹி ஸமன்னாக³தங், பாபிகாய தி³ட்டி²யா அப்படினிஸ்ஸக்³கே³,
உக்கே²பனீயகம்மங் த⁴ம்மகம்மஞ்ச ஹோதி, வினயகம்மஞ்ச, ஸுவூபஸந்தஞ்ச. ஆபத்தியா
கதங் ஹோதி, தே³ஸனாகா³மினியா ஆபத்தியா கதங் ஹோதி, அதே³ஸிதாய ஆபத்தியா கதங்
ஹோதி…பே॰… சோதெ³த்வா கதங் ஹோதி, ஸாரெத்வா கதங் ஹோதி, ஆபத்திங் ஆரோபெத்வா
கதங் ஹோதி…பே॰… ஸம்முகா² கதங் ஹோதி, த⁴ம்மேன கதங் ஹோதி, ஸமக்³கே³ன கதங்
ஹோதி…பே॰… படிபுச்சா² கதங் ஹோதி, த⁴ம்மேன கதங் ஹோதி, ஸமக்³கே³ன கதங்
ஹோதி…பே॰… படிஞ்ஞாய கதங் ஹோதி, த⁴ம்மேன கதங் ஹோதி, ஸமக்³கே³ன கதங்
ஹோதி…பே॰… ஆபத்தியா கதங் ஹோதி, த⁴ம்மேன கதங் ஹோதி,
ஸமக்³கே³ன கதங் ஹோதி…பே॰… தே³ஸனாகா³மினியா ஆபத்தியா கதங் ஹோதி, த⁴ம்மேன
கதங் ஹோதி, ஸமக்³கே³ன கதங் ஹோதி…பே॰… அதே³ஸிதாய ஆபத்தியா கதங் ஹோதி,
த⁴ம்மேன கதங் ஹோதி, ஸமக்³கே³ன கதங் ஹோதி…பே॰… சோதெ³த்வா கதங் ஹோதி, த⁴ம்மேன
கதங் ஹோதி, ஸமக்³கே³ன கதங் ஹோதி…பே॰… ஸாரெத்வா கதங் ஹோதி, த⁴ம்மேன கதங்
ஹோதி, ஸமக்³கே³ன கதங் ஹோதி…பே॰… ஆபத்திங் ஆரோபெத்வா கதங் ஹோதி, த⁴ம்மேன
கதங் ஹோதி, ஸமக்³கே³ன கதங் ஹோதி – இமேஹி கோ², பி⁴க்க²வே, தீஹங்கே³ஹி
ஸமன்னாக³தங், பாபிகாய தி³ட்டி²யா அப்படினிஸ்ஸக்³கே³, உக்கே²பனீயகம்மங்
த⁴ம்மகம்மஞ்ச ஹோதி, வினயகம்மஞ்ச, ஸுவூபஸந்தஞ்ச.
பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மே
த⁴ம்மகம்மத்³வாத³ஸகங் நிட்டி²தங்.
ஆகங்க²மானச²க்கங்
69. [பரி॰ 323] ‘‘தீஹி ,
பி⁴க்க²வே, அங்கே³ஹி ஸமன்னாக³தஸ்ஸ பி⁴க்கு²னோ, ஆகங்க²மானோ ஸங்கோ⁴, பாபிகாய
தி³ட்டி²யா அப்படினிஸ்ஸக்³கே³, உக்கே²பனீயகம்மங் கரெய்ய. ப⁴ண்ட³னகாரகோ
ஹோதி கலஹகாரகோ விவாத³காரகோ ப⁴ஸ்ஸகாரகோ ஸங்கே⁴ அதி⁴கரணகாரகோ; பா³லோ ஹோதி
அப்³யத்தோ ஆபத்திப³ஹுலோ அனபதா³னோ ; கி³ஹிஸங்ஸட்டோ²
விஹரதி அனநுலோமிகேஹி கி³ஹிஸங்ஸக்³கே³ஹி – இமேஹி கோ², பி⁴க்க²வே, தீஹங்கே³ஹி
ஸமன்னாக³தஸ்ஸ பி⁴க்கு²னோ, ஆகங்க²மானோ ஸங்கோ⁴, பாபிகாய தி³ட்டி²யா
அப்படினிஸ்ஸக்³கே³, உக்கே²பனீயகம்மங் கரெய்ய.
‘‘அபரேஹிபி , பி⁴க்க²வே,
தீஹங்கே³ஹி ஸமன்னாக³தஸ்ஸ பி⁴க்கு²னோ, ஆகங்க²மானோ ஸங்கோ⁴, பாபிகாய
தி³ட்டி²யா அப்படினிஸ்ஸக்³கே³, உக்கே²பனீயகம்மங் கரெய்ய. அதி⁴ஸீலே
ஸீலவிபன்னோ ஹோதி, அஜ்ஜா²சாரே ஆசாரவிபன்னோ ஹோதி, அதிதி³ட்டி²யா
தி³ட்டி²விபன்னோ ஹோதி – இமேஹி கோ², பி⁴க்க²வே, தீஹங்கே³ஹி ஸமன்னாக³தஸ்ஸ
பி⁴க்கு²னோ, ஆகங்க²மானோ ஸங்கோ⁴, பாபிகாய தி³ட்டி²யா அப்படினிஸ்ஸக்³கே³,
உக்கே²பனீயகம்மங் கரெய்ய.
‘‘அபரேஹிபி, பி⁴க்க²வே, தீஹங்கே³ஹி ஸமன்னாக³தஸ்ஸ
பி⁴க்கு²னோ, ஆகங்க²மானோ ஸங்கோ⁴, பாபிகாய தி³ட்டி²யா அப்படினிஸ்ஸக்³கே³,
உக்கே²பனீயகம்மங் கரெய்ய. பு³த்³த⁴ஸ்ஸ அவண்ணங் பா⁴ஸதி, த⁴ம்மஸ்ஸ அவண்ணங்
பா⁴ஸதி, ஸங்க⁴ஸ்ஸ அவண்ணங் பா⁴ஸதி – இமேஹி கோ², பி⁴க்க²வே, தீஹங்கே³ஹி
ஸமன்னாக³தஸ்ஸ பி⁴க்கு²னோ, ஆகங்க²மானோ ஸங்கோ⁴, பாபிகாய தி³ட்டி²யா
அப்படினிஸ்ஸக்³கே³, உக்கே²பனீயகம்மங் கரெய்ய.
‘‘திண்ணங், பி⁴க்க²வே, பி⁴க்கூ²னங், ஆகங்க²மானோ
ஸங்கோ⁴, பாபிகாய தி³ட்டி²யா அப்படினிஸ்ஸக்³கே³, உக்கே²பனீயகம்மங் கரெய்ய.
ஏகோ ப⁴ண்ட³னகாரகோ ஹோதி கலஹகாரகோ விவாத³காரகோ ப⁴ஸ்ஸகாரகோ ஸங்கே⁴
அதி⁴கரணகாரகோ; ஏகோ பா³லோ ஹோதி அப்³யத்தோ ஆபத்திப³ஹுலோ அனபதா³னோ; ஏகோ
கி³ஹிஸங்ஸட்டோ² விஹரதி அனநுலோமிகேஹி கி³ஹிஸங்ஸக்³கே³ஹி – இமேஸங் கோ², பி⁴க்க²வே, திண்ணங் பி⁴க்கூ²னங், ஆகங்க²மானோ ஸங்கோ⁴, பாபிகாய தி³ட்டி²யா அப்படினிஸ்ஸக்³கே³, உக்கே²பனீயகம்மங் கரெய்ய.
‘‘அபரேஸம்பி, பி⁴க்க²வே, திண்ணங் பி⁴க்கூ²னங்,
ஆகங்கமானோ ஸங்கோ⁴, பாபிகாய தி³ட்டி²யா அப்படினிஸ்ஸக்³கே³, உக்கே²பனீயகம்மங்
கரெய்ய. ஏகோ அதி⁴ஸீலே ஸீலவிபன்னோ ஹோதி, ஏகோ அஜ்ஜா²சாரே ஆசாரவிபன்னோ ஹோதி,
ஏகோ அதிதி³ட்டி²யா தி³ட்டி²விபன்னோ ஹோதி – இமேஸங் கோ², பி⁴க்க²வே , திண்ணங் பி⁴க்கூ²னங், ஆகங்க²மானோ ஸங்கோ⁴, பாபிகாய தி³ட்டி²யா அப்படினிஸ்ஸக்³கே³, உக்கே²பனீயகம்மங் கரெய்ய.
‘‘அபரேஸம்பி, பி⁴க்க²வே, திண்ணங் பி⁴க்கூ²னங்,
ஆகங்க²மானோ ஸங்கோ⁴, பாபிகாய தி³ட்டி²யா அப்படினிஸ்ஸக்³கே³,
உக்கே²பனீயகம்மங் கரெய்ய. ஏகோ பு³த்³த⁴ஸ்ஸ அவண்ணங் பா⁴ஸதி, ஏகோ த⁴ம்மஸ்ஸ
அவண்ணங் பா⁴ஸதி, ஏகோ ஸங்க⁴ஸ்ஸ அவண்ணங் பா⁴ஸதி – இமேஸங் கோ², பி⁴க்க²வே, திண்ணங் பி⁴க்கூ²னங், ஆகங்க²மானோ ஸங்கோ⁴, பாபிகாய தி³ட்டி²யா அப்படினிஸ்ஸகே³, உக்கே²பனீயகம்மங் கரெய்ய.
பாபிகாய தி³ட்டி²யா அப்படினிஸ்ஸகே³ உக்கே²பனீயகம்மே
ஆகங்க²மானச²க்கங் நிட்டி²தங்.
தேசத்தாலீஸவத்தங்
70.
‘‘பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மகதேன, பி⁴க்க²வே,
பி⁴க்கு²னா ஸம்மா வத்திதப்³ப³ங். தத்ராயங் ஸம்மாவத்தனா – ந
உபஸம்பாதே³தப்³ப³ங், ந நிஸ்ஸயோ தா³தப்³போ³, ந ஸாமணேரோ உபட்டா²பேதப்³போ³, ந
பி⁴க்கு²னோவாத³கஸம்முதி ஸாதி³தப்³பா³, ஸம்மதேனபி பி⁴க்கு²னியோ
ந ஓவதி³தப்³பா³. யாய ஆபத்தியா ஸங்கே⁴ன, பாபிகாய தி³ட்டி²யா
அப்படினிஸ்ஸக்³கே³, உக்கே²பனீயகம்மங் கதங் ஹோதி ஸா ஆபத்தி ந ஆபஜ்ஜிதப்³பா³,
அஞ்ஞா வா தாதி³ஸிகா, ததோ வா பாபிட்ட²தரா; கம்மங் ந க³ரஹிதப்³ப³ங், கம்மிகா
ந க³ரஹிதப்³பா³…பே॰… ந பகதத்தஸ்ஸ பி⁴க்கு²னோ உபோஸதோ² ட²பேதப்³போ³, ந
பவாரணா ட²பேதப்³பா³, ந ஸவசனீயங் காதப்³ப³ங், ந அனுவாதோ³ பட்ட²பேதப்³போ³, ந
ஓகாஸோ காரேதப்³போ³, ந சோதே³தப்³போ³, ந ஸாரேதப்³போ³, ந பி⁴க்கூ²ஹி
ஸம்பயோஜேதப்³ப³’’ந்தி.
பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மே
தேசத்தாலீஸவத்தங் நிட்டி²தங்.
71.
அத² கோ² ஸங்கோ⁴ அரிட்ட²ஸ்ஸ பி⁴க்கு²னோ க³த்³த⁴பா³தி⁴புப்³ப³ஸ்ஸ, பாபிகாய
தி³ட்டி²யா அப்படினிஸ்ஸக்³கே³, உக்கே²பனீயகம்மங் அகாஸி – அஸம்போ⁴க³ங்
ஸங்கே⁴ன. ஸோ ஸங்கே⁴ன, பாபிகாய தி³ட்டி²யா அப்படினிஸ்ஸக்³கே³,
உக்கே²பனீயகம்மகதோ விப்³ப⁴மி. யே தே பி⁴க்கூ² அப்பிச்சா²…பே॰… தே
உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம அரிட்டோ² பி⁴க்கு²
க³த்³த⁴பா³தி⁴புப்³போ³ ஸங்கே⁴ன , பாபிகாய தி³ட்டி²யா அப்படினிஸ்ஸக்³கே³, உக்கே²பனீயகம்மகதோ விப்³ப⁴மிஸ்ஸதீ’’தி? அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங்.
அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே
பி⁴க்கு²ஸங்க⁴ங் ஸன்னிபாதாபெத்வா பி⁴க்கூ² படிபுச்சி² – ‘‘ஸச்சங் கிர,
பி⁴க்க²வே, அரிட்டோ² பி⁴க்கு² க³த்³த⁴பா³தி⁴புப்³போ³ ஸங்கே⁴ன, பாபிகாய தி³ட்டி²யா அப்படினிஸ்ஸக்³கே³, உக்கே²பனீயகம்மகதோ விப்³ப⁴மதீ’’தி [விப்³ப⁴மீதி (ஸீ॰ க॰)]? ‘‘ஸச்சங்
ப⁴க³வா’’தி. விக³ரஹி பு³த்³தோ⁴ ப⁴க³வா – ‘‘அனநுச்ச²விகங்…பே॰… கத²ஞ்ஹி நாம
ஸோ, பி⁴க்க²வே, மோக⁴புரிஸோ ஸங்கே⁴ன, பாபிகாய தி³ட்டி²யா
அப்படினிஸ்ஸக்³கே³, உக்கே²பனீயகம்மகதோ விப்³ப⁴மிஸ்ஸதி? நேதங், பி⁴க்க²வே,
அப்பஸன்னானங் வா பஸாதா³ய…பே॰… விக³ரஹித்வா…பே॰… த⁴ம்மிங் கத²ங் கத்வா
பி⁴க்கூ² ஆமந்தேஸி – ‘‘தேன ஹி, பி⁴க்க²வே, ஸங்கோ⁴, பாபிகாய தி³ட்டி²யா
அப்படினிஸ்ஸக்³கே³, உக்கே²பனீயகம்மங் படிப்பஸ்ஸம்பே⁴து.
நப்படிப்பஸ்ஸம்பே⁴தப்³ப³தேசத்தாலீஸகங்
72.
‘‘பஞ்சஹி, பி⁴க்க²வே, அங்கே³ஹி ஸமன்னாக³தஸ்ஸ பி⁴க்கு²னோ, பாபிகாய
தி³ட்டி²யா அப்படினிஸ்ஸக்³கே³, உக்கே²பனீயகம்மங்
நப்படிப்பஸ்ஸம்பே⁴தப்³ப³ங். உபஸம்பாதே³தி, நிஸ்ஸயங் தே³தி, ஸாமணேரங்
உபட்டா²பேதி, பி⁴க்கு²னோவாத³கஸம்முதிங் ஸாதி³யதி, ஸம்மதோபி பி⁴க்கு²னியோ
ஓவத³தி – இமேஹி கோ², பி⁴க்க²வே, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ,
பாபிகாய தி³ட்டி²யா அப்படினிஸ்ஸகே³, உக்கே²பனீயகம்மங்
நப்படிப்பஸ்ஸம்பே⁴தப்³ப³ங்.
[பரி॰ 420] ‘‘அபரேஹிபி,
பி⁴க்க²வே, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ, பாபிகாய தி³ட்டி²யா
அப்படினிஸ்ஸக்³கே³, உக்கே²பனீயகம்மங் நப்படிப்பஸ்ஸம்பே⁴தப்³ப³ங். யாய
ஆபத்தியா ஸங்கே⁴ன பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மங்
கதங் ஹோதி தங் ஆபத்திங் ஆபஜ்ஜதி, அஞ்ஞங் வா தாதி³ஸிகங், ததோ வா
பாபிட்ட²தரங்; கம்மங் க³ரஹதி, கம்மிகே க³ரஹதி – இமேஹி கோ², பி⁴க்க²வே,
பஞ்சஹங்கே³ஹி ஸமன்னாக³தஸ்ஸ பி⁴க்கு²னோ, பாபிகாய தி³ட்டி²யா
அப்படினிஸ்ஸக்³கே³, உக்கே²பனீயகம்மங் நப்படிப்பஸ்ஸம்பே⁴தப்³ப³ங்…பே॰… .
‘‘அட்ட²ஹி, பி⁴க்க²வே, அங்கே³ஹி ஸமன்னாக³தஸ்ஸ
பி⁴க்கு²னோ, பாபிகாய தி³ட்டி²யா அப்படினிஸ்ஸக்³கே³, உக்கே²பனீயகம்மங்
நப்படிப்பஸ்ஸம்பே⁴தப்³ப³ங். பகதத்தஸ்ஸ பி⁴க்கு²னோ உபோஸத²ங் ட²பேதி, பவாரணங்
ட²பேதி, ஸவசனீயங் கரோதி, அனுவாத³ங் பட்ட²பேதி, ஓகாஸங் காரேதி, சோதே³தி,
ஸாரேதி , பி⁴க்கூ²ஹி ஸம்பயோஜேதி – இமேஹி கோ²,
பி⁴க்க²வே, அட்ட²ஹங்கே³ஹி ஸமன்னாக³தஸ்ஸ பி⁴க்கு²னோ, பாபிகாய தி³ட்டி²யா
அப்படினிஸ்ஸக்³கே³, உக்கே²பனீயகம்மங் நப்படிப்பஸ்ஸம்பே⁴தப்³ப³ங்.
பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மே
நப்படிப்பஸ்ஸம்பே⁴தப்³ப³தேசத்தாலீஸகங் நிட்டி²தங்.
படிப்பஸ்ஸம்பே⁴தப்³ப³தேசத்தாலீஸகங்
73. ‘‘பஞ்சஹி ,
பி⁴க்க²வே, அங்கே³ஹி ஸமன்னாக³தஸ்ஸ பி⁴க்கு²னோ, பாபிகாய தி³ட்டி²யா
அப்படினிஸ்ஸக்³கே³, உக்கே²பனீயகம்மங் படிப்பஸ்ஸம்பே⁴தப்³ப³ங். ந
உபஸம்பாதே³தி, ந நிஸ்ஸயங் தே³தி, ந ஸாமணேரங் உபட்டா²பேதி, ந
பி⁴க்கு²னோவாத³கஸம்முதிங் ஸாதி³யதி, ஸம்மதோபி பி⁴க்கு²னியோ ந ஓவத³தி –
இமேஹி கோ², பி⁴க்க²வே, பஞ்சஹங்கே³ஹி ஸமன்னாக³தஸ்ஸ பி⁴க்கு²னோ, பாபிகாய
தி³ட்டி²யா அப்படினிஸ்ஸக்³கே³, உக்கே²பனீயகம்மங் படிப்பஸ்ஸம்பே⁴தப்³ப³ங்.
‘‘அபரேஹிபி, பி⁴க்க²வே, பஞ்சஹங்கே³ஹி ஸமன்னாக³தஸ்ஸ
பி⁴க்கு²னோ, பாபிகாய தி³ட்டி²யா அப்படினிஸ்ஸக்³கே³, உக்கே²பனீயகம்மங்
படிப்பஸ்ஸம்பே⁴தப்³ப³ங். யாய ஆபத்தியா ஸங்கே⁴ன, பாபிகாய தி³ட்டி²யா
அப்படினிஸ்ஸக்³கே³, உக்கே²பனீயகம்மங் கதங் ஹோதி தங் ஆபத்திங் ந ஆபஜ்ஜதி,
அஞ்ஞங் வா தாதி³ஸிகங் , ததோ வா பாபிட்ட²தரங்; கம்மங்
ந க³ரஹதி, கம்மிகே ந க³ரஹதி – இமேஹி கோ², பி⁴க்க²வே, பஞ்சஹங்கே³ஹி
ஸமன்னாக³தஸ்ஸ பி⁴க்கு²னோ, பாபிகாய தி³ட்டி²யா அப்படினிஸ்ஸக்³கே³,
உக்கே²பனீயகம்மங் படிப்பஸ்ஸம்பே⁴தப்³ப³ங்…பே॰….
‘‘அட்ட²ஹி, பி⁴க்க²வே, அங்கே³ஹி ஸமன்னாக³தஸ்ஸ
பி⁴க்கு²னோ, பாபிகாய தி³ட்டி²யா அப்படினிஸ்ஸக்³கே³, உக்கே²பனீயகம்மங்
படிப்பஸ்ஸம்பே⁴தப்³ப³ங். ந பகதத்தஸ்ஸ பி⁴க்கு²னோ உபோஸத²ங் ட²பேதி, ந
பவாரணங் ட²பேதி, ந ஸவசனீயங் கரோதி, ந அனுவாத³ங் பட்ட²பேதி, ந ஓகாஸங்
காரேதி, ந சோதே³தி, ந ஸாரேதி, ந பி⁴க்கூ²ஹி ஸம்பயோஜேதி – இமேஹி கோ²,
பி⁴க்க²வே, அட்ட²ஹங்கே³ஹி ஸமன்னாக³தஸ்ஸ பி⁴க்கு²னோ, பாபிகாய தி³ட்டி²யா
அப்படினிஸ்ஸக்³கே³, உக்கே²பனீயகம்மங் படிப்பஸ்ஸம்பே⁴தப்³ப³ங்’’.
பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மே
படிப்பஸ்ஸம்பே⁴தப்³ப³தேசத்தாலீஸகங் நிட்டி²தங்.
74. ‘‘ஏவஞ்ச
பன, பி⁴க்க²வே, படிப்பஸ்ஸம்பே⁴தப்³ப³ங். தேன, பி⁴க்க²வே, பாபிகாய
தி³ட்டி²யா அப்படினிஸ்ஸக்³கே³, உக்கே²பனீயகம்மகதேன பி⁴க்கு²னா ஸங்க⁴ங்
உபஸங்கமித்வா ஏகங்ஸங் உத்தராஸங்க³ங் கரித்வா வுட்³டா⁴னங் பி⁴க்கூ²னங் பாதே³
வந்தி³த்வா உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ –
‘அஹங், ப⁴ந்தே, ஸங்கே⁴ன, பாபிகாய தி³ட்டி²யா அப்படினிஸ்ஸக்³கே³,
உக்கே²பனீயகம்மகதோ ஸம்மா வத்தாமி, லோமங் பாதேமி, நெத்தா²ரங் வத்தாமி,
பாபிகாய தி³ட்டி²யா அப்படினிஸ்ஸக்³கே³, உக்கே²பனீயஸ்ஸ கம்மஸ்ஸ படிப்பஸ்ஸத்³தி⁴ங் யாசாமீ’தி. து³தியம்பி யாசிதப்³பா³. ததியம்பி யாசிதப்³பா³. ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ
பி⁴க்கு² ஸங்கே⁴ன, பாபிகாய தி³ட்டி²யா அப்படினிஸ்ஸக்³கே³,
உக்கே²பனீயகம்மகதோ ஸம்மா வத்ததி, லோமங் பாதேதி, நெத்தா²ரங் வத்ததி, பாபிகாய
தி³ட்டி²யா அப்படினிஸ்ஸக்³கே³, உக்கே²பனீயஸ்ஸ கம்மஸ்ஸ படிப்பஸ்ஸத்³தி⁴ங்
யாசதி. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமஸ்ஸ பி⁴க்கு²னோ,
பாபிகாய தி³ட்டி²யா அப்படினிஸ்ஸக்³கே³, உக்கே²பனீயகம்மங்
படிப்பஸ்ஸம்பெ⁴ய்ய. ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ
பி⁴க்கு² ஸங்கே⁴ன, பாபிகாய தி³ட்டி²யா அப்படினிஸ்ஸக்³கே³,
உக்கே²பனீயகம்மகதோ ஸம்மா வத்ததி, லோமங் பாதேதி, நெத்தா²ரங் வத்ததி, பாபிகாய
தி³ட்டி²யா அப்படினிஸ்ஸக்³கே³ , உக்கே²பனீயஸ்ஸ
கம்மஸ்ஸ படிப்பஸ்ஸத்³தி⁴ங் யாசதி. ஸங்கோ⁴ இத்த²ன்னாமஸ்ஸ பி⁴க்கு²னோ,
பாபிகாய தி³ட்டி²யா அப்படினிஸ்ஸக்³கே³, உக்கே²பனீயகம்மங் படிப்பஸ்ஸம்பே⁴தி.
யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ, பாபிகாய தி³ட்டி²யா
அப்படினிஸ்ஸக்³கே³, உக்கே²பனீயஸ்ஸ கம்மஸ்ஸ படிப்பஸ்ஸத்³தி⁴, ஸோ துண்ஹஸ்ஸ;
யஸ்ஸ நக்க²மதி, ஸோ பா⁴ஸெய்ய.
‘‘து³தியம்பி ஏதமத்த²ங் வதா³மி…பே॰… ததியம்பி
ஏதமத்த²ங் வதா³மி – ஸுணாது மே, ப⁴ந்தே, ஸங்கோ⁴. அயங் இத்த²ன்னாமோ பி⁴க்கு²
ஸங்கே⁴ன, பாபிகாய தி³ட்டி²யா அப்படினிஸ்ஸக்³கே³, உக்கே²பனீயகம்மகதோ ஸம்மா
வத்ததி, லோமங் பாதேதி, நெத்தா²ரங் வத்ததி, பாபிகாய தி³ட்டி²யா
அப்படினிஸ்ஸக்³கே³ உக்கே²பனீயஸ்ஸ கம்மஸ்ஸ படிப்பஸ்ஸத்³தி⁴ங் யாசதி. ஸங்கோ⁴
இத்த²ன்னாமஸ்ஸ பி⁴க்கு²னோ, பாபிகாய தி³ட்டி²யா அப்படினிஸ்ஸக்³கே³,
உக்கே²பனீயகம்மங் படிப்பஸ்ஸம்பே⁴தி. யஸ்ஸாயஸ்மதோ க²மதி இத்த²ன்னாமஸ்ஸ
பி⁴க்கு²னோ, பாபிகாய தி³ட்டி²யா அப்படினிஸ்ஸக்³கே³, உக்கே²பனீயஸ்ஸ கம்மஸ்ஸ
படிப்பஸ்ஸத்³தி⁴, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.
‘‘படிப்பஸ்ஸத்³த⁴ங் ஸங்கே⁴ன
இத்த²ன்னாமஸ்ஸ பி⁴க்கு²னோ, பாபிகாய தி³ட்டி²யா அப்படினிஸ்ஸக்³கே³,
உக்கே²பனீயகம்மங். க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மங் நிட்டி²தங் ஸத்தமங்.
கம்மக்க²ந்த⁴கோ பட²மோ.
இமம்ஹி க²ந்த⁴கே வத்தூ² ஸத்த.
தஸ்ஸுத்³தா³னங் –
பண்டு³லோஹிதகா பி⁴க்கூ², ஸயங் ப⁴ண்ட³னகாரகா;
தாதி³ஸே உபஸங்கம்ம, உஸ்ஸஹிங்ஸு ச ப⁴ண்ட³னே.
அனுப்பன்னாபி ஜாயந்தி [அனுப்பன்னானி ஜாயந்தி (ஸீ॰ ஸ்யா॰)], உப்பன்னானிபி வட்³ட⁴ரே [உப்பன்னானி பவட்³ட⁴ரே (ஸீ॰), உப்பன்னாபி பவட்³ட⁴ந்தி (க॰)];
அப்பிச்சா² பேஸலா பி⁴க்கூ², உஜ்ஜா²யந்தி பத³ஸ்ஸதோ [பரீஸதோ (ஸ்யா॰), பரஸ்ஸதோ (ஸீ॰)].
ஸத்³த⁴ம்மட்டி²திகோ பு³த்³தோ⁴, ஸயம்பூ⁴ அக்³க³புக்³க³லோ;
ஆணாபேஸி தஜ்ஜனீயகம்மங் ஸாவத்தி²யங் ஜினோ.
அஸம்முகா²ப்படிபுச்சா²ப்படிஞ்ஞாய கதஞ்ச யங்;
அனாபத்தி அதே³ஸனே, தே³ஸிதாய கதஞ்ச யங்.
அசோதெ³த்வா அஸாரெத்வா, அனாரோபெத்வா ச யங் கதங்;
அஸம்முகா² அத⁴ம்மேன, வக்³கே³ன சாபி [வக்³கே³னாபி ச (ஸீ॰ ஸ்யா॰)] யங் கதங்.
அப்படிபுச்சா² அத⁴ம்மேன, புன வக்³கே³ன [வக்³கே³னாபி ச (ஸீ॰ ஸ்யா॰)] யங் கதங்;
அப்படிஞ்ஞாய அத⁴ம்மேன, வக்³கே³ன சாபி [வக்³கே³னாபி ச (ஸீ॰ ஸ்யா॰)] யங் கதங்.
அனாபத்தி [அனாபத்தியா (ஸீ॰ ஸ்யா॰)] அத⁴ம்மேன, வக்³கே³ன
சாபி [வக்³கே³னாபி ச (ஸீ॰ ஸ்யா॰)] யங் கதங்.
அதே³ஸனாகா³மினியா, அத⁴ம்மவக்³க³மேவ ச.
தே³ஸிதாய அத⁴ம்மேன, வக்³கே³னாபி ததே²வ ச;
அசோதெ³த்வா அத⁴ம்மேன, வக்³கே³னாபி ததே²வ ச.
அஸாரெத்வா அத⁴ம்மேன, வக்³கே³னாபி ததே²வ ச;
அனாரோபெத்வா அத⁴ம்மேன, வக்³கே³னாபி ததே²வ ச.
கண்ஹவாரனயேனேவ, ஸுக்கவாரங் விஜானியா;
ஸங்கோ⁴ ஆகங்க²மானோ ச யஸ்ஸ தஜ்ஜனியங் கரே.
ப⁴ண்ட³னங் பா³லோ ஸங்ஸட்டோ², அதி⁴ஸீலே அஜ்ஜா²சாரே;
அதிதி³ட்டி²விபன்னஸ்ஸ, ஸங்கோ⁴ தஜ்ஜனியங் கரே.
பு³த்³த⁴த⁴ம்மஸ்ஸ ஸங்க⁴ஸ்ஸ, அவண்ணங் யோ ச பா⁴ஸதி;
திண்ணன்னம்பி ச பி⁴க்கூ²னங், ஸங்கோ⁴ தஜ்ஜனியங் கரே.
ப⁴ண்ட³னங் காரகோ ஏகோ, பா³லோ ஸங்ஸக்³க³னிஸ்ஸிதோ;
அதி⁴ஸீலே அஜ்ஜா²சாரே, ததே²வ அதிதி³ட்டி²யா.
பு³த்³த⁴த⁴ம்மஸ்ஸ ஸங்க⁴ஸ்ஸ, அவண்ணங் யோ ச பா⁴ஸதி;
தஜ்ஜனீயகம்மகதோ, ஏவங் ஸம்மானுவத்தனா.
உபஸம்பத³னிஸ்ஸயா, ஸாமணேரங் உபட்ட²னா;
ஓவாத³ஸம்மதேனாபி, ந கரே தஜ்ஜனீகதோ.
நாபஜ்ஜே தஞ்ச ஆபத்திங், தாதி³ஸஞ்ச ததோ பரங்;
கம்மஞ்ச கம்மிகே சாபி, ந க³ரஹே ததா²விதோ⁴.
உபோஸத²ங் பவாரணங், பகதத்தஸ்ஸ நட்ட²பே;
ஸவசனிங் [ந ஸவசனியங் (ஸீ॰ ஸ்யா॰)] அனுவாதோ³, ஓகாஸோ சோத³னேன ச.
ஸாரணங் ஸம்பயோக³ஞ்ச, ந கரெய்ய ததா²விதோ⁴;
உபஸம்பத³னிஸ்ஸயா, ஸாமணேரங் உபட்ட²னா.
ஓவாத³ஸம்மதேனாபி, பஞ்சஹங்கே³ஹி [பஞ்சஅங்கோ³ (க॰)] ந ஸம்மதி;
தஞ்சாபஜ்ஜதி ஆபத்திங், தாதி³ஸஞ்ச ததோ பரங்.
கம்மஞ்ச கம்மிகே சாபி, க³ரஹந்தோ ந ஸம்மதி;
உபோஸத²ங் பவாரணங், ஸவசனீயா ச நோவாதோ³.
ஓகாஸோ சோத³னஞ்சேவ, ஸாரணா ஸம்பயோஜனா;
இமேஹட்ட²ங்கே³ஹி யோ யுத்தோ, தஜ்ஜனானுபஸம்மதி.
கண்ஹவாரனயேனேவ, ஸுக்கவாரங் விஜானியா;
பா³லோ ஆபத்திப³ஹுலோ, ஸங்ஸட்டோ²பி ச ஸெய்யஸோ.
நியஸ்ஸகம்மங் ஸம்பு³த்³தோ⁴, ஆணாபேஸி மஹாமுனி;
கீடாகி³ரிஸ்மிங் த்³வே பி⁴க்கூ², அஸ்ஸஜிபுனப்³ப³ஸுகா.
அனாசாரஞ்ச விவித⁴ங், ஆசரிங்ஸு அஸஞ்ஞதா;
பப்³பா³ஜனீயங் ஸம்பு³த்³தோ⁴, கம்மங் ஸாவத்தி²யங் ஜினோ;
மச்சி²காஸண்டே³ ஸுத⁴ம்மோ, சித்தஸ்ஸாவாஸிகோ அஹு.
ஜாதிவாதே³ன கு²ங்ஸேதி, ஸுத⁴ம்மோ சித்துபாஸகங்;
படிஸாரணீயகம்மங், ஆணாபேஸி ததா²க³தோ.
கோஸம்பி³யங் ச²ன்னங் பி⁴க்கு²ங், நிச்ச²ந்தாபத்திங் பஸ்ஸிதுங்;
அத³ஸ்ஸனே உக்கி²பிதுங், ஆணாபேஸி ஜினுத்தமோ.
ச²ன்னோ தங்யேவ ஆபத்திங், படிகாதுங் ந இச்ச²தி;
உக்கே²பனாப்படிகம்மே, ஆணாபேஸி வினாயகோ.
பாபதி³ட்டி² அரிட்ட²ஸ்ஸ, ஆஸி அஞ்ஞாணனிஸ்ஸிதா;
தி³ட்டி²யாப்படினிஸ்ஸக்³கே³ [தி³ட்டி²அப்படினிஸ்ஸக்³கே³ (க॰)], உக்கே²பங் ஜினபா⁴ஸிதங்.
நியஸ்ஸகம்மங் பப்³ப³ஜ்ஜங் [பப்³பா³ஜங் (க॰)], ததே²வ படிஸாரணீ;
அத³ஸ்ஸனாப்படிகம்மே , அனிஸ்ஸக்³கே³ ச தி³ட்டி²யா.
த³வானாசாரூபகா⁴தி, மிச்சா²ஆஜீவமேவ ச;
பப்³பா³ஜனீயகம்மம்ஹி, அதிரேகபதா³ இமே.
அலாபா⁴வண்ணா த்³வே பஞ்ச, த்³வே பஞ்சகாதி நாமகா [த்³வே பஞ்சகோதி நாமகோ (க॰)];
படிஸாரணீயகம்மம்ஹி, அதிரேகபதா³ இமே.
தஜ்ஜனீயங் நியஸ்ஸஞ்ச, து³வே கம்மாபி ஸாதி³ஸா [கம்மேஸு ஸதி³ஸங் (க॰)];
பப்³ப³ஜ்ஜா [பப்³பா³ஜா (க॰)] படிஸாரீ ச, அத்தி² பதா³திரித்ததா.
தயோ உக்கே²பனா கம்மா, ஸதி³ஸா தே விப⁴த்திதோ;
தஜ்ஜனீயனயேனாபி, ஸேஸகம்மங் விஜானியாதி.
கம்மக்க²ந்த⁴கங் நிட்டி²தங்.