Free Online FOOD for MIND & HUNGER - DO GOOD 😊 PURIFY MIND.To live like free birds 🐦 🦢 🦅 grow fruits 🍍 🍊 🥑 🥭 🍇 🍌 🍎 🍉 🍒 🍑 🥝 vegetables 🥦 🥕 🥗 🥬 🥔 🍆 🥜 🎃 🫑 🍅🍜 🧅 🍄 🍝 🥗 🥒 🌽 🍏 🫑 🌳 🍓 🍊 🥥 🌵 🍈 🌰 🇧🇧 🫐 🍅 🍐 🫒Plants 🌱in pots 🪴 along with Meditative Mindful Swimming 🏊‍♂️ to Attain NIBBĀNA the Eternal Bliss.

Kushinara NIBBĀNA Bhumi Pagoda White Home, Puniya Bhumi Bengaluru, Prabuddha Bharat International.

Categories:

Search:

Archives:

Meta:

August 2007

M	T	W	T	F	S	S
« Jul		Sep »
	1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

08/12/07

ஸுத்தபிடக-Part-51-தமிழில் திரபிடக மூன்று தொகுப்புகள்TIPITAKA–51.2. தேவபுத்தஸங்யுத்தங்-1. படமவக்கோ-1. படமகஸ்ஸபஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 6:00 pm

ஸுத்தபிடக-Part-51-தமிழில் திரபிடக மூன்று தொகுப்புகள்TIPITAKA--51.2. தேவபுத்தஸங்யுத்தங்-1. படமவக்கோ-1. படமகஸ்ஸபஸுத்தங்-from FREE ONLINE eNālāndā Research and
Practice UNIVERSITY through http://sarvajan.ambedkar.org

2. தேவபுத்தஸங்யுத்தங்

1. படமவக்கோ

1. படமகஸ்ஸபஸுத்தங்

82. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. அத² கோ² கஸ்ஸபோ தே³வபுத்தோ அபி⁴க்கந்தாய ரத்தியா அபி⁴க்கந்தவண்ணோ
கேவலகப்பங் ஜேதவனங் ஓபா⁴ஸெத்வா யேன ப⁴க³வா தேனுபஸங்கமி; உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தோ கோ² கஸ்ஸபோ
தே³வபுத்தோ ப⁴க³வந்தங் ஏதத³வோச – ‘‘பி⁴க்கு²ங் ப⁴க³வா பகாஸேஸி, நோ ச
பி⁴க்கு²னோ அனுஸாஸ’’ந்தி. ‘‘தேன ஹி கஸ்ஸப, தஞ்ஞேவெத்த² படிபா⁴தூ’’தி.

‘‘ஸுபா⁴ஸிதஸ்ஸ ஸிக்கே²த², ஸமணூபாஸனஸ்ஸ ச;

ஏகாஸனஸ்ஸ ச ரஹோ, சித்தவூபஸமஸ்ஸ சா’’தி.

இத³மவோச கஸ்ஸபோ தே³வபுத்தோ; ஸமனுஞ்ஞோ ஸத்தா² அஹோஸி.
அத² கோ² கஸ்ஸபோ தே³வபுத்தோ ‘‘ஸமனுஞ்ஞோ மே ஸத்தா²’’தி ப⁴க³வந்தங்
அபி⁴வாதெ³த்வா பத³க்கி²ணங் கத்வா தத்தே²வந்தரதா⁴யீதி.

2. து³தியகஸ்ஸபஸுத்தங்

83. ஸாவத்தி²னிதா³னங். ஏகமந்தங் டி²தோ கோ² கஸ்ஸபோ தே³வபுத்தோ ப⁴க³வதோ ஸந்திகே இமங் கா³த²ங் அபா⁴ஸி –

‘‘பி⁴க்கு² ஸியா ஜா²யீ விமுத்தசித்தோ,

ஆகங்கே² சே ஹத³யஸ்ஸானுபத்திங்;

லோகஸ்ஸ ஞத்வா உத³யப்³ப³யஞ்ச,

ஸுசேதஸோ அனிஸ்ஸிதோ ததா³னிஸங்ஸோ’’தி.

3. மாக⁴ஸுத்தங்

84. ஸாவத்தி²னிதா³னங் .
அத² கோ² மாகோ⁴ தே³வபுத்தோ அபி⁴க்கந்தாய ரத்தியா அபி⁴க்கந்தவண்ணோ
கேவலகப்பங் ஜேதவனங் ஓபா⁴ஸெத்வா யேன ப⁴க³வா தேனுபஸங்கமி; உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் அட்டா²ஸி . ஏகமந்தங் டி²தோ கோ² மாகோ⁴ தே³வபுத்தோ ப⁴க³வந்தங் கா³தா²ய அஜ்ஜ²பா⁴ஸி –

‘‘கிங்ஸு செ²த்வா ஸுக²ங் ஸேதி, கிங்ஸு செ²த்வா ந ஸோசதி;

கிஸ்ஸஸ்ஸு ஏகத⁴ம்மஸ்ஸ, வத⁴ங் ரோசேஸி கோ³தமா’’தி.

‘‘கோத⁴ங் செ²த்வா ஸுக²ங் ஸேதி, கோத⁴ங் செ²த்வா ந ஸோசதி;

கோத⁴ஸ்ஸ விஸமூலஸ்ஸ, மது⁴ரக்³க³ஸ்ஸ வத்ரபூ⁴;

வத⁴ங் அரியா பஸங்ஸந்தி, தஞ்ஹி செ²த்வா ந ஸோசதீ’’தி.

4. மாக³த⁴ஸுத்தங்

85. ஸாவத்தி²னிதா³னங். ஏகமந்தங் டி²தோ கோ² மாக³தோ⁴ தே³வபுத்தோ ப⁴க³வந்தங் கா³தா²ய அஜ்ஜ²பா⁴ஸி –

‘‘கதி லோகஸ்மிங் பஜ்ஜோதா, யேஹி லோகோ பகாஸதி;

ப⁴வந்தங் புட்டு²மாக³ம்ம, கத²ங் ஜானேமு தங் மய’’ந்தி.

‘‘சத்தாரோ லோகே பஜ்ஜோதா, பஞ்சமெத்த² ந விஜ்ஜதி;

தி³வா தபதி ஆதி³ச்சோ, ரத்திமாபா⁴தி சந்தி³மா.

‘‘அத² அக்³கி³ தி³வாரத்திங், தத்த² தத்த² பகாஸதி;

ஸம்பு³த்³தோ⁴ தபதங் ஸெட்டோ², ஏஸா ஆபா⁴ அனுத்தரா’’தி.

5. தா³மலிஸுத்தங்

86.
ஸாவத்தி²னிதா³னங். அத² கோ² தா³மலி தே³வபுத்தோ அபி⁴க்கந்தாய ரத்தியா
அபி⁴க்கந்தவண்ணோ கேவலகப்பங் ஜேதவனங் ஓபா⁴ஸெத்வா யேன ப⁴க³வா தேனுபஸங்கமி;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தோ
கோ² தா³மலி தே³வபுத்தோ ப⁴க³வதோ ஸந்திகே இமங் கா³த²ங் அபா⁴ஸி –

‘‘கரணீயமேதங் ப்³ராஹ்மணேன, பதா⁴னங் அகிலாஸுனா;

காமானங் விப்பஹானேன, ந தேனாஸீஸதே ப⁴வ’’ந்தி.

‘‘நத்தி² கிச்சங் ப்³ராஹ்மணஸ்ஸ (தா³மலீதி ப⁴க³வா),

கதகிச்சோ ஹி ப்³ராஹ்மணோ.

‘‘யாவ ந கா³த⁴ங் லப⁴தி நதீ³ஸு,

ஆயூஹதி ஸப்³ப³க³த்தேபி⁴ ஜந்து;

கா³த⁴ஞ்ச லத்³தா⁴ன த²லே டி²தோ யோ,

நாயூஹதீ பாரக³தோ ஹி ஸோவ [ஸோதி (ஸீ॰ பீ॰ க॰), ஹோதி (ஸ்யா॰ கங்॰), ஸோ (?)].

‘‘ஏஸூபமா தா³மலி ப்³ராஹ்மணஸ்ஸ,

கீ²ணாஸவஸ்ஸ நிபகஸ்ஸ ஜா²யினோ;

பப்புய்ய ஜாதிமரணஸ்ஸ அந்தங்,

நாயூஹதீ பாரக³தோ ஹி ஸோ’’தி [ஹோதீதி (ஸ்யா॰ கங்॰)].

6. காமத³ஸுத்தங்

87. ஸாவத்தி²னிதா³னங் . ஏகமந்தங் டி²தோ கோ² காமதோ³ தே³வபுத்தோ ப⁴க³வந்தங் ஏதத³வோச – ‘‘து³க்கரங் ப⁴க³வா, ஸுது³க்கரங் ப⁴க³வா’’தி.

‘‘து³க்கரங் வாபி கரொந்தி (காமதா³தி ப⁴க³வா),

ஸேகா² ஸீலஸமாஹிதா;

டி²தத்தா அனகா³ரியுபேதஸ்ஸ,

துட்டி² ஹோதி ஸுகா²வஹா’’தி.

‘‘து³ல்லபா⁴ ப⁴க³வா யதி³த³ங் துட்டீ²’’தி.

‘‘து³ல்லப⁴ங் வாபி லப⁴ந்த்ந்த்தி (காமதா³தி ப⁴க³வா),

சித்தவூபஸமே ரதா;

யேஸங் தி³வா ச ரத்தோ ச,

பா⁴வனாய ரதோ மனோ’’தி.

‘‘து³ஸ்ஸமாத³ஹங் ப⁴க³வா யதி³த³ங் சித்த’’ந்தி.

‘‘து³ஸ்ஸமாத³ஹங் வாபி ஸமாத³ஹந்த்ந்த்தி (காமதா³தி ப⁴க³வா),

இந்த்³ரியூபஸமே ரதா;

தே செ²த்வா மச்சுனோ ஜாலங்,

அரியா க³ச்ச²ந்தி காமதா³’’தி.

‘‘து³க்³க³மோ ப⁴க³வா விஸமோ மக்³கோ³’’தி.

‘‘து³க்³க³மே விஸமே வாபி, அரியா க³ச்ச²ந்தி காமத³;

அனரியா விஸமே மக்³கே³, பபதந்தி அவங்ஸிரா;

அரியானங் ஸமோ மக்³கோ³, அரியா ஹி விஸமே ஸமா’’தி.

7. பஞ்சாலசண்ட³ஸுத்தங்

88. ஸாவத்தி²னிதா³னங் . ஏகமந்தங் டி²தோ கோ² பஞ்சாலசண்டோ³ தே³வபுத்தோ ப⁴க³வதோ ஸந்திகே இமங் கா³த²ங் அபா⁴ஸி –

‘‘ஸம்பா³தே⁴ வத ஓகாஸங், அவிந்தி³ பூ⁴ரிமேத⁴ஸோ;

யோ ஜா²னமபு³ஜ்ஜி² [ஜா²னமபு³தா⁴ (க॰ ஸீ॰), ஜா²னமபு³த்³தி⁴ (ஸ்யா॰ கங்॰ பீ॰ க॰)] பு³த்³தோ⁴, படிலீனநிஸபோ⁴ முனீ’’தி.

‘‘ஸம்பா³தே⁴ வாபி விந்த³ந்த்ந்த்தி (பஞ்சாலசண்டா³தி ப⁴க³வா),

த⁴ம்மங் நிப்³பா³னபத்தியா;

யே ஸதிங் பச்சலத்த²ங்ஸு,

ஸம்மா தே ஸுஸமாஹிதா’’தி.

8. தாயனஸுத்தங்

89. ஸாவத்தி²னிதா³னங். அத²
கோ² தாயனோ தே³வபுத்தோ புராணதித்த²கரோ அபி⁴க்கந்தாய ரத்தியா
அபி⁴க்கந்தவண்ணோ கேவலகப்பங் ஜேதவனங் ஓபா⁴ஸெத்வா யேன ப⁴க³வா தேனுபஸங்கமி;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தோ
கோ² தாயனோ தே³வபுத்தோ ப⁴க³வதோ ஸந்திகே இமா கா³தா²யோ அபா⁴ஸி –

‘‘சி²ந்த³ ஸோதங் பரக்கம்ம, காமே பனுத³ ப்³ராஹ்மண;

நப்பஹாய முனீ காமே, நேகத்தமுபபஜ்ஜதி.

‘‘கயிரா சே கயிராதே²னங், த³ள்ஹமேனங் பரக்கமே;

ஸிதி²லோ ஹி பரிப்³பா³ஜோ, பி⁴ய்யோ ஆகிரதே ரஜங்.

‘‘அகதங் து³க்கடங் [து³க்கதங் (ஸீ॰ பீ॰)] ஸெய்யோ, பச்சா² தபதி து³க்கடங்;

கதஞ்ச ஸுகதங் ஸெய்யோ, யங் கத்வா நானுதப்பதி.

‘‘குஸோ யதா² து³க்³க³ஹிதோ, ஹத்த²மேவானுகந்ததி;

ஸாமஞ்ஞங் து³ப்பராமட்ட²ங், நிரயாயூபகட்³ட⁴தி.

‘‘யங் கிஞ்சி ஸிதி²லங் கம்மங், ஸங்கிலிட்ட²ஞ்ச யங் வதங்;

ஸங்கஸ்ஸரங் ப்³ரஹ்மசரியங், ந தங் ஹோதி மஹப்ப²ல’’ந்தி.

இத³மவோச தாயனோ தே³வபுத்தோ; இத³ங் வத்வா ப⁴க³வந்தங் அபி⁴வாதெ³த்வா பத³க்கி²ணங் கத்வா தத்தே²வந்தரதா⁴யீதி.

அத² கோ² ப⁴க³வா தஸ்ஸா ரத்தியா அச்சயேன பி⁴க்கூ²
ஆமந்தேஸி – ‘‘இமங், பி⁴க்க²வே, ரத்திங் தாயனோ நாம தே³வபுத்தோ
புராணதித்த²கரோ அபி⁴க்கந்தாய ரத்தியா அபி⁴க்கந்தவண்ணோ கேவலகப்பங் ஜேதவனங்
ஓபா⁴ஸெத்வா யேனாஹங் தேனுபஸங்கமி; உபஸங்கமித்வா மங் அபி⁴வாதெ³த்வா ஏகமந்தங்
அட்டா²ஸி. ஏகமந்தங் டி²தோ கோ², பி⁴க்க²வே, தாயனோ தே³வபுத்தோ மம ஸந்திகே இமா
கா³தா²யோ அபா⁴ஸி –

‘‘சி²ந்த³ ஸோதங் பரக்கம்ம, காமே பனுத³ ப்³ராஹ்மண;

நப்பஹாய முனீ காமே, நேகத்தமுபபஜ்ஜதி.

‘‘கயிரா சே கயிராதே²னங், த³ள்ஹமேனங் பரக்கமே;

ஸிதி²லோ ஹி பரிப்³பா³ஜோ, பி⁴ய்யோ ஆகிரதே ரஜங்.

‘‘அகதங் து³க்கடங் ஸெய்யோ, பச்சா² தபதி து³க்கடங்;

கதஞ்ச ஸுகதங் ஸெய்யோ, யங் கத்வா நானுதப்பதி.

‘‘குஸோ யதா² து³க்³க³ஹிதோ, ஹத்த²மேவானுகந்ததி;

ஸாமஞ்ஞங் து³ப்பராமட்ட²ங், நிரயாயூபகட்³ட⁴தி.

‘‘யங் கிஞ்சி ஸிதி²லங் கம்மங், ஸங்கிலிட்ட²ஞ்ச யங் வதங்;

ஸங்கஸ்ஸரங் ப்³ரஹ்மசரியங், ந தங் ஹோதி மஹப்ப²ல’’ந்தி.

‘‘இத³மவோச, பி⁴க்க²வே, தாயனோ தே³வபுத்தோ, இத³ங் வத்வா
மங் அபி⁴வாதெ³த்வா பத³க்கி²ணங் கத்வா தத்தே²வந்தரதா⁴யி. உக்³க³ண்ஹாத²,
பி⁴க்க²வே, தாயனகா³தா²; பரியாபுணாத², பி⁴க்க²வே, தாயனகா³தா²; தா⁴ரேத²,
பி⁴க்க²வே, தாயனகா³தா². அத்த²ஸங்ஹிதா, பி⁴க்க²வே, தாயனகா³தா²
ஆதி³ப்³ரஹ்மசரியிகா’’தி.

9. சந்தி³மஸுத்தங்

90. ஸாவத்தி²னிதா³னங் .
தேன கோ² பன ஸமயேன சந்தி³மா தே³வபுத்தோ ராஹுனா அஸுரிந்தே³ன க³ஹிதோ ஹோதி.
அத² கோ² சந்தி³மா தே³வபுத்தோ ப⁴க³வந்தங் அனுஸ்ஸரமானோ தாயங் வேலாயங் இமங்
கா³த²ங் அபா⁴ஸி –

‘‘நமோ தே பு³த்³த⁴ வீரத்து², விப்பமுத்தோஸி ஸப்³ப³தி⁴;

ஸம்பா³த⁴படிபன்னொஸ்மி, தஸ்ஸ மே ஸரணங் ப⁴வா’’தி.

அத² கோ² ப⁴க³வா சந்தி³மங் தே³வபுத்தங் ஆரப்³ப⁴ ராஹுங் அஸுரிந்த³ங் கா³தா²ய அஜ்ஜ²பா⁴ஸி –

‘‘ததா²க³தங் அரஹந்தங், சந்தி³மா ஸரணங் க³தோ;

ராஹு சந்த³ங் பமுஞ்சஸ்ஸு, பு³த்³தா⁴ லோகானுகம்பகா’’தி.

அத² கோ² ராஹு அஸுரிந்தோ³ சந்தி³மங் தே³வபுத்தங்
முஞ்சித்வா தரமானரூபோ யேன வேபசித்தி அஸுரிந்தோ³ தேனுபஸங்கமி; உபஸங்கமித்வா
ஸங்விக்³கோ³ லோமஹட்ட²ஜாதோ ஏகமந்தங் அட்டா²ஸி. ஏகமந்தங் டி²தங் கோ² ராஹுங் அஸுரிந்த³ங் வேபசித்தி அஸுரிந்தோ³ கா³தா²ய அஜ்ஜ²பா⁴ஸி –

‘‘கிங் நு ஸந்தரமானோவ, ராஹு சந்த³ங் பமுஞ்சஸி;

ஸங்விக்³க³ரூபோ ஆக³ம்ம, கிங் நு பீ⁴தோவ திட்ட²ஸீ’’தி.

‘‘ஸத்ததா⁴ மே ப²லே முத்³தா⁴, ஜீவந்தோ ந ஸுக²ங் லபே⁴;

பு³த்³த⁴கா³தா²பி⁴கீ³தொம்ஹி, நோ சே முஞ்செய்ய சந்தி³ம’’ந்தி.

10. ஸூரியஸுத்தங்

91. ஸாவத்தி²னிதா³னங். தேன
கோ² பன ஸமயேன ஸூரியோ தே³வபுத்தோ ராஹுனா அஸுரிந்தே³ன க³ஹிதோ ஹோதி. அத² கோ²
ஸூரியோ தே³வபுத்தோ ப⁴க³வந்தங் அனுஸ்ஸரமானோ தாயங் வேலாயங் இமங் கா³த²ங்
அபா⁴ஸி –

‘‘நமோ தே பு³த்³த⁴ வீரத்து², விப்பமுத்தோஸி ஸப்³ப³தி⁴;

ஸம்பா³த⁴படிபன்னொஸ்மி, தஸ்ஸ மே ஸரணங் ப⁴வா’’தி.

அத² கோ² ப⁴க³வா ஸூரியங் தே³வபுத்தங் ஆரப்³ப⁴ ராஹுங் அஸுரிந்த³ங் கா³தா²ஹி அஜ்ஜ²பா⁴ஸி –

‘‘ததா²க³தங் அரஹந்தங், ஸூரியோ ஸரணங் க³தோ;

ராஹு ஸூரியங் [ஸுரியங் (ஸீ॰ ஸ்யா॰ கங்॰ பீ॰)] பமுஞ்சஸ்ஸு, பு³த்³தா⁴ லோகானுகம்பகா.

‘‘யோ அந்த⁴காரே தமஸி பப⁴ங்கரோ,

வேரோசனோ மண்ட³லீ உக்³க³தேஜோ;

மா ராஹு கி³லீ சரமந்தலிக்கே²,

பஜங் மமங் ராஹு பமுஞ்ச ஸூரிய’’ந்தி.

அத² கோ² ராஹு அஸுரிந்தோ³ ஸூரியங் தே³வபுத்தங்
முஞ்சித்வா தரமானரூபோ யேன வேபசித்தி அஸுரிந்தோ³ தேனுபஸங்கமி; உபஸங்கமித்வா
ஸங்விக்³கோ³ லோமஹட்ட²ஜாதோ ஏகமந்தங் அட்டா²ஸி. ஏகமந்தங் டி²தங் கோ² ராஹுங்
அஸுரிந்த³ங் வேபசித்தி அஸுரிந்தோ³ கா³தா²ய அஜ்ஜ²பா⁴ஸி –

‘‘கிங் நு ஸந்தரமானோவ, ராஹு ஸூரியங் பமுஞ்சஸி;

ஸங்விக்³க³ரூபோ ஆக³ம்ம, கிங் நு பீ⁴தோவ திட்ட²ஸீ’’தி.

‘‘ஸத்ததா⁴ மே ப²லே முத்³தா⁴, ஜீவந்தோ ந ஸுக²ங் லபே⁴;

பு³த்³த⁴கா³தா²பி⁴கீ³தொம்ஹி, நோ சே முஞ்செய்ய ஸூரிய’’ந்தி.

பட²மோ வக்³கோ³.

தஸ்ஸுத்³தா³னங் –

த்³வே கஸ்ஸபா ச மாகோ⁴ ச, மாக³தோ⁴ தா³மலி காமதோ³;

பஞ்சாலசண்டோ³ தாயனோ, சந்தி³மஸூரியேன தே த³ஸாதி.

2. அனாத²பிண்டி³கவக்³கோ³

1. சந்தி³மஸஸுத்தங்

92. ஸாவத்தி²னிதா³னங் . அத² கோ² சந்தி³மஸோ [சந்தி³மாஸோ (க॰)] தே³வபுத்தோ அபி⁴க்கந்தாய ரத்தியா அபி⁴க்கந்தவண்ணோ கேவலகப்பங் ஜேதவனங் ஓபா⁴ஸெத்வா யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் அட்டா²ஸி . ஏகமந்தங் டி²தோ கோ² சந்தி³மஸோ தே³வபுத்தோ ப⁴க³வதோ ஸந்திகே இமங் கா³த²ங் அபா⁴ஸி –

‘‘தே ஹி ஸொத்தி²ங் க³மிஸ்ஸந்தி, கச்சே² வாமகஸே மகா³;

ஜா²னானி உபஸம்பஜ்ஜ, ஏகோதி³ நிபகா ஸதா’’தி.

‘‘தே ஹி பாரங் க³மிஸ்ஸந்தி, செ²த்வா ஜாலங்வ அம்பு³ஜோ;

ஜா²னானி உபஸம்பஜ்ஜ, அப்பமத்தா ரணஞ்ஜஹா’’தி.

2. வெண்டு³ஸுத்தங்

93. ஏகமந்தங் டி²தோ கோ² வெண்டு³ [வெண்ஹு (ஸீ॰)] தே³வபுத்தோ ப⁴க³வதோ ஸந்திகே இமங் கா³த²ங் அபா⁴ஸி –

‘‘ஸுகி²தாவ தே [ஸுகி²தா வத தே (ஸீ॰ ஸ்யா॰ கங்॰)] மனுஜா, ஸுக³தங் பயிருபாஸிய;

யுஞ்ஜங் [யுஜ்ஜ (ஸீ॰), யுஞ்ஜ (ஸ்யா॰ கங்॰ பீ॰)] கோ³தமஸாஸனே, அப்பமத்தா நு ஸிக்க²ரே’’தி.

‘‘யே மே பவுத்தே ஸிட்டி²பதே³ [ஸத்தி²பதே³ (ஸீ॰ ஸ்யா॰ கங்॰ பீ॰)] (வெண்டூ³தி ப⁴க³வா),

அனுஸிக்க²ந்தி ஜா²யினோ;

காலே தே அப்பமஜ்ஜந்தா,

ந மச்சுவஸகா³ ஸியு’’ந்தி.

3. தீ³க⁴லட்டி²ஸுத்தங்

94.
ஏவங் மே ஸுதங் – ஏகங் ஸமயங் ப⁴க³வா ராஜக³ஹே விஹரதி வேளுவனே கலந்த³கனிவாபே.
அத² கோ² தீ³க⁴லட்டி² தே³வபுத்தோ அபி⁴க்கந்தாய ரத்தியா அபி⁴க்கந்தவண்ணோ
கேவலகப்பங் வேளுவனங் ஓபா⁴ஸெத்வா யேன ப⁴க³வா தேனுபஸங்கமி; உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தோ கோ²
தீ³க⁴லட்டி² தே³வபுத்தோ ப⁴க³வதோ ஸந்திகே இமங் கா³த²ங் அபா⁴ஸி –

‘‘பி⁴க்கு² ஸியா ஜா²யீ விமுத்தசித்தோ,

ஆகங்கே² சே ஹத³யஸ்ஸானுபத்திங்;

லோகஸ்ஸ ஞத்வா உத³யப்³ப³யஞ்ச,

ஸுசேதஸோ அனிஸ்ஸிதோ ததா³னிஸங்ஸோ’’தி.

4. நந்த³னஸுத்தங்

95. ஏகமந்தங் டி²தோ கோ² நந்த³னோ தே³வபுத்தோ ப⁴க³வந்தங் கா³தா²ய அஜ்ஜ²பா⁴ஸி –

‘‘புச்சா²மி தங் கோ³தம பூ⁴ரிபஞ்ஞ,

அனாவடங் ப⁴க³வதோ ஞாணத³ஸ்ஸனங்;

கத²ங்வித⁴ங் ஸீலவந்தங் வத³ந்தி,

கத²ங்வித⁴ங் பஞ்ஞவந்தங் வத³ந்தி;

கத²ங்விதோ⁴ து³க்க²மதிச்ச இரியதி,

கத²ங்வித⁴ங் தே³வதா பூஜயந்தீ’’தி.

‘‘யோ ஸீலவா பஞ்ஞவா பா⁴விதத்தோ,

ஸமாஹிதோ ஜா²னரதோ ஸதீமா;

ஸப்³ப³ஸ்ஸ ஸோகா விக³தா பஹீனா,

கீ²ணாஸவோ அந்திமதே³ஹதா⁴ரீ.

‘‘ததா²வித⁴ங் ஸீலவந்தங் வத³ந்தி,

ததா²வித⁴ங் பஞ்ஞவந்தங் வத³ந்தி;

ததா²விதோ⁴ து³க்க²மதிச்ச இரியதி,

ததா²வித⁴ங் தே³வதா பூஜயந்தீ’’தி.

5. சந்த³னஸுத்தங்

96. ஏகமந்தங் டி²தோ கோ² சந்த³னோ தே³வபுத்தோ ப⁴க³வந்தங் கா³தா²ய அஜ்ஜ²பா⁴ஸி –

‘‘கத²ங்ஸு [கோஸுத⁴ (ஸீ॰)] தரதி ஓக⁴ங், ரத்திந்தி³வமதந்தி³தோ;

அப்பதிட்டே² அனாலம்பே³, கோ க³ம்பீ⁴ரே ந ஸீத³தீ’’தி.

‘‘ஸப்³ப³தா³ ஸீலஸம்பன்னோ, பஞ்ஞவா ஸுஸமாஹிதோ;

ஆரத்³த⁴வீரியோ பஹிதத்தோ, ஓக⁴ங் தரதி து³த்தரங்.

‘‘விரதோ காமஸஞ்ஞாய, ரூபஸங்யோஜனாதிகோ³;

நந்தீ³ராக³பரிக்கீ²ணோ, ஸோ க³ம்பீ⁴ரே ந ஸீத³தீ’’தி.

6. வாஸுத³த்தஸுத்தங்

97. ஏகமந்தங் டி²தோ கோ² வாஸுத³த்தோ தே³வபுத்தோ ப⁴க³வதோ ஸந்திகே இமங் கா³த²ங் அபா⁴ஸி –

‘‘ஸத்தியா விய ஓமட்டோ², ட³ய்ஹமானோவ [ட³ய்ஹமானேவ (ஸப்³ப³த்த²)] மத்த²கே;

காமராக³ப்பஹானாய, ஸதோ பி⁴க்கு² பரிப்³ப³ஜே’’தி.

‘‘ஸத்தியா விய ஓமட்டோ², ட³ய்ஹமானோவ மத்த²கே;

ஸக்காயதி³ட்டி²ப்பஹானாய, ஸதோ பி⁴க்கு² பரிப்³ப³ஜே’’தி.

7. ஸுப்³ரஹ்மஸுத்தங்

98. ஏகமந்தங் டி²தோ கோ² ஸுப்³ரஹ்மா தே³வபுத்தோ ப⁴க³வந்தங் கா³தா²ய அஜ்ஜ²பா⁴ஸி –

‘‘நிச்சங் உத்ரஸ்தமித³ங் சித்தங், நிச்சங் உப்³பி³க்³க³மித³ங் [உப்³பி³க்³கி³த³ங் (மஹாஸதிபட்டா²னஸுத்தவண்ணனாயங்)] மனோ;

அனுப்பன்னேஸு கிச்சே²ஸு [கிச்சேஸு (ப³ஹூஸு)], அதோ² உப்பதிதேஸு ச;

ஸசே அத்தி² அனுத்ரஸ்தங், தங் மே அக்கா²ஹி புச்சி²தோ’’தி.

‘‘நாஞ்ஞத்ர பொ³ஜ்ஜா² தபஸா [பொ³ஜ்ஜ²ங்க³தபஸா (ஸீ॰ ஸ்யா॰ கங்॰ பீ॰)], நாஞ்ஞத்ரிந்த்³ரியஸங்வரா;

நாஞ்ஞத்ர ஸப்³ப³னிஸ்ஸக்³கா³, ஸொத்தி²ங் பஸ்ஸாமி பாணின’’ந்தி.

‘‘இத³மவோச…பே॰… தத்தே²வந்தரதா⁴யீ’’தி.

8. ககுத⁴ஸுத்தங்

99. ஏவங்
மே ஸுதங் – ஏகங் ஸமயங் ப⁴க³வா ஸாகேதே விஹரதி அஞ்ஜனவனே மிக³தா³யே. அத² கோ²
ககுதோ⁴ தே³வபுத்தோ அபி⁴க்கந்தாய ரத்தியா அபி⁴க்கந்தவண்ணோ கேவலகப்பங்
அஞ்ஜனவனங் ஓபா⁴ஸெத்வா யேன ப⁴க³வா தேனுபஸங்கமி;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தோ
கோ² ககுதோ⁴ தே³வபுத்தோ ப⁴க³வந்தங் ஏதத³வோச – ‘‘நந்த³ஸி, ஸமணா’’தி? ‘‘கிங்
லத்³தா⁴, ஆவுஸோ’’தி? ‘‘தேன ஹி, ஸமண, ஸோசஸீ’’தி? ‘‘கிங் ஜீயித்த²,
ஆவுஸோ’’தி? ‘‘தேன ஹி, ஸமண, நேவ நந்த³ஸி ந ச [நேவ (ஸீ॰ ஸ்யா॰ கங்॰)] ஸோசஸீ’’தி? ‘‘ஏவமாவுஸோ’’தி.

‘‘கச்சி த்வங் அனகோ⁴ [அனிகோ⁴ (ஸப்³ப³த்த²)] பி⁴க்கு², கச்சி நந்தீ³ [நந்தி³ (ஸீ॰ ஸ்யா॰ கங்॰)] ந விஜ்ஜதி;

கச்சி தங் ஏகமாஸீனங், அரதீ நாபி⁴கீரதீ’’தி.

‘‘அனகோ⁴ வே அஹங் யக்க², அதோ² நந்தீ³ ந விஜ்ஜதி;

அதோ² மங் ஏகமாஸீனங், அரதீ நாபி⁴கீரதீ’’தி.

‘‘கத²ங் த்வங் அனகோ⁴ பி⁴க்கு², கத²ங் நந்தீ³ ந விஜ்ஜதி;

கத²ங் தங் ஏகமாஸீனங், அரதீ நாபி⁴கீரதீ’’தி.

‘‘அக⁴ஜாதஸ்ஸ வே நந்தீ³, நந்தீ³ஜாதஸ்ஸ வே அக⁴ங்;

அனந்தீ³ அனகோ⁴ பி⁴க்கு², ஏவங் ஜானாஹி ஆவுஸோ’’தி.

‘‘சிரஸ்ஸங் வத பஸ்ஸாமி, ப்³ராஹ்மணங் பரினிப்³பு³தங்;

அனந்தி³ங் அனக⁴ங் பி⁴க்கு²ங், திண்ணங் லோகே விஸத்திக’’ந்த்ந்த்தி.

9. உத்தரஸுத்தங்

100. ராஜக³ஹனிதா³னங் . ஏகமந்தங் டி²தோ கோ² உத்தரோ தே³வபுத்தோ ப⁴க³வதோ ஸந்திகே இமங் கா³த²ங் அபா⁴ஸி –

‘‘உபனீயதி ஜீவிதமப்பமாயு,

ஜரூபனீதஸ்ஸ ந ஸந்தி தாணா;

ஏதங் ப⁴யங் மரணே பெக்க²மானோ,

புஞ்ஞானி கயிராத² ஸுகா²வஹானீ’’தி.

‘‘உபனீயதி ஜீவிதமப்பமாயு,

ஜரூபனீதஸ்ஸ ந ஸந்தி தாணா;

ஏதங் ப⁴யங் மரணே பெக்க²மானோ,

லோகாமிஸங் பஜஹே ஸந்திபெக்கோ²’’தி.

10. அனாத²பிண்டி³கஸுத்தங்

101. ஏகமந்தங் டி²தோ கோ² அனாத²பிண்டி³கோ தே³வபுத்தோ ப⁴க³வதோ ஸந்திகே இமா கா³தா²யோ அபா⁴ஸி –

‘‘இத³ஞ்ஹி தங் ஜேதவனங், இஸிஸங்க⁴னிஸேவிதங்;

ஆவுத்த²ங் த⁴ம்மராஜேன, பீதிஸஞ்ஜனநங் மம.

‘‘கம்மங் விஜ்ஜா ச த⁴ம்மோ ச, ஸீலங் ஜீவிதமுத்தமங்;

ஏதேன மச்சா ஸுஜ்ஜ²ந்தி, ந கொ³த்தேன த⁴னேன வா.

‘‘தஸ்மா ஹி பண்டி³தோ போஸோ, ஸம்பஸ்ஸங் அத்த²மத்தனோ;

யோனிஸோ விசினே த⁴ம்மங், ஏவங் தத்த² விஸுஜ்ஜ²தி.

‘‘ஸாரிபுத்தோவ பஞ்ஞாய, ஸீலேன உபஸமேன ச;

யோபி பாரங்க³தோ பி⁴க்கு², ஏதாவபரமோ ஸியா’’தி.

இத³மவோச அனாத²பிண்டி³கோ தே³வபுத்தோ. இத³ங் வத்வா ப⁴க³வந்தங் அபி⁴வாதெ³த்வா பத³க்கி²ணங் கத்வா தத்தே²வந்தரதா⁴யீதி.

அத² கோ² ப⁴க³வா தஸ்ஸா ரத்தியா
அச்சயேன பி⁴க்கூ² ஆமந்தேஸி – ‘‘இமங், பி⁴க்க²வே, ரத்திங் அஞ்ஞதரோ
தே³வபுத்தோ அபி⁴க்கந்தாய ரத்தியா அபி⁴க்கந்தவண்ணோ கேவலகப்பங் ஜேதவனங்
ஓபா⁴ஸெத்வா யேனாஹங் தேனுபஸங்கமி; உபஸங்கமித்வா மங் அபி⁴வாதெ³த்வா ஏகமந்தங்
அட்டா²ஸி. ஏகமந்தங் டி²தோ கோ², பி⁴க்க²வே, ஸோ தே³வபுத்தோ மம ஸந்திகே இமா
கா³தா²யோ அபா⁴ஸி –

‘‘இத³ஞ்ஹி தங் ஜேதவனங், இஸிஸங்க⁴னிஸேவிதங்;

ஆவுத்த²ங் த⁴ம்மராஜேன, பீதிஸஞ்ஜனநங் மம.

‘‘கம்மங் விஜ்ஜா ச த⁴ம்மோ ச, ஸீலங் ஜீவிதமுத்தமங்;

ஏதேன மச்சா ஸுஜ்ஜ²ந்தி, ந கொ³த்தேன த⁴னேன வா.

‘‘தஸ்மா ஹி பண்டி³தோ போஸோ, ஸம்பஸ்ஸங் அத்த²மத்தனோ;

யோனிஸோ விசினே த⁴ம்மங், ஏவங் தத்த² விஸுஜ்ஜ²தி.

‘‘ஸாரிபுத்தோவ பஞ்ஞாய, ஸீலேன உபஸமேன ச;

யோபி பாரங்க³தோ பி⁴க்கு², ஏதாவபரமோ ஸியா’’தி.

‘‘இத³மவோச, பி⁴க்க²வே, ஸோ தே³வபுத்தோ. இத³ங் வத்வா மங் அபி⁴வாதெ³த்வா பத³க்கி²ணங் கத்வா தத்தே²வந்தரதா⁴யீ’’தி.

ஏவங் வுத்தே, ஆயஸ்மா ஆனந்தோ³
ப⁴க³வந்தங் ஏதத³வோச – ‘‘ஸோ ஹி நூன, ப⁴ந்தே, அனாத²பிண்டி³கோ தே³வபுத்தோ
ப⁴விஸ்ஸதி. அனாத²பிண்டி³கோ க³ஹபதி ஆயஸ்மந்தே ஸாரிபுத்தே அபி⁴ப்பஸன்னோ
அஹோஸீ’’தி. ‘‘ஸாது⁴ ஸாது⁴, ஆனந்த³, யாவதகங் கோ², ஆனந்த³, தக்காய பத்தப்³ப³ங் அனுப்பத்தங் தங் தயா. அனாத²பிண்டி³கோ ஹி ஸோ, ஆனந்த³, தே³வபுத்தோ’’தி.

அனாத²பிண்டி³கவக்³கோ³ து³தியோ.

தஸ்ஸுத்³தா³னங் –

சந்தி³மஸோ [சந்தி³மாஸோ (பீ॰ க॰)] ச வெண்டு³ [வெண்ஹு (ஸீ॰ க॰)] ச, தீ³க⁴லட்டி² ச நந்த³னோ;

சந்த³னோ வாஸுத³த்தோ ச, ஸுப்³ரஹ்மா ககுதே⁴ன ச;

உத்தரோ நவமோ வுத்தோ, த³ஸமோ அனாத²பிண்டி³கோதி.

3. நானாதித்தி²யவக்³கோ³

1. ஸிவஸுத்தங்

102. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. அத² கோ² ஸிவோ தே³வபுத்தோ அபி⁴க்கந்தாய ரத்தியா அபி⁴க்கந்தவண்ணோ
கேவலகப்பங் ஜேதவனங் ஓபா⁴ஸெத்வா யேன ப⁴க³வா தேனுபஸங்கமி; உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தோ கோ² ஸிவோ
தே³வபுத்தோ ப⁴க³வதோ ஸந்திகே இமா கா³தா²யோ அபா⁴ஸி –

‘‘ஸப்³பி⁴ரேவ ஸமாஸேத², ஸப்³பி⁴ குப்³பே³த² ஸந்த²வங்;

ஸதங் ஸத்³த⁴ம்மமஞ்ஞாய, ஸெய்யோ ஹோதி ந பாபியோ.

‘‘ஸப்³பி⁴ரேவ ஸமாஸேத², ஸப்³பி⁴ குப்³பே³த² ஸந்த²வங்;

ஸதங் ஸத்³த⁴ம்மமஞ்ஞாய, பஞ்ஞா லப்³ப⁴தி நாஞ்ஞதோ.

‘‘ஸப்³பி⁴ரேவ ஸமாஸேத², ஸப்³பி⁴ குப்³பே³த² ஸந்த²வங்;

ஸதங் ஸத்³த⁴ம்மமஞ்ஞாய, ஸோகமஜ்ஜே² ந ஸோசதி.

‘‘ஸப்³பி⁴ரேவ ஸமாஸேத², ஸப்³பி⁴ குப்³பே³த² ஸந்த²வங்;

ஸதங் ஸத்³த⁴ம்மமஞ்ஞாய, ஞாதிமஜ்ஜே² விரோசதி.

‘‘ஸப்³பி⁴ரேவ ஸமாஸேத², ஸப்³பி⁴ குப்³பே³த² ஸந்த²வங்;

ஸதங் ஸத்³த⁴ம்மமஞ்ஞாய, ஸத்தா க³ச்ச²ந்தி ஸுக்³க³திங்.

‘‘ஸப்³பி⁴ரேவ ஸமாஸேத², ஸப்³பி⁴ குப்³பே³த² ஸந்த²வங்;

ஸதங் ஸத்³த⁴ம்மமஞ்ஞாய, ஸத்தா திட்ட²ந்தி ஸாதத’’ந்தி.

அத² கோ² ப⁴க³வா ஸிவங் தே³வபுத்தங் கா³தா²ய பச்சபா⁴ஸி –

‘‘ஸப்³பி⁴ரேவ ஸமாஸேத², ஸப்³பி⁴ குப்³பே³த² ஸந்த²வங்;

ஸதங் ஸத்³த⁴ம்மமஞ்ஞாய, ஸப்³ப³து³க்கா² பமுச்சதீ’’தி.

2. கே²மஸுத்தங்

103. ஏகமந்தங் டி²தோ கோ² கே²மோ தே³வபுத்தோ ப⁴க³வதோ ஸந்திகே இமா கா³தா²யோ அபா⁴ஸி –

‘‘சரந்தி பா³லா து³ம்மேதா⁴, அமித்தேனேவ அத்தனா;

கரொந்தா பாபகங் கம்மங், யங் ஹோதி கடுகப்ப²லங்.

‘‘ந தங் கம்மங் கதங் ஸாது⁴, யங் கத்வா அனுதப்பதி;

யஸ்ஸ அஸ்ஸுமுகோ² ரோத³ங், விபாகங் படிஸேவதி.

‘‘தஞ்ச கம்மங் கதங் ஸாது⁴, யங் கத்வா நானுதப்பதி;

யஸ்ஸ பதீதோ ஸுமனோ, விபாகங் படிஸேவதி.

‘‘படிகச்சேவ [படிக³ச்சேவ (ஸீ॰)] தங் கயிரா, யங் ஜஞ்ஞா ஹிதமத்தனோ;

ந ஸாகடிகசிந்தாய, மந்தா தீ⁴ரோ பரக்கமே.

‘‘யதா² ஸாகடிகோ மட்ட²ங் [பந்த²ங் (ஸீ॰), பஸத்த²ங் (ஸ்யா॰ கங்॰)], ஸமங் ஹித்வா மஹாபத²ங்;

விஸமங் மக்³க³மாருய்ஹ, அக்க²ச்சி²ன்னோவ ஜா²யதி.

‘‘ஏவங் த⁴ம்மா அபக்கம்ம, அத⁴ம்மமனுவத்திய;

மந்தோ³ மச்சுமுக²ங் பத்தோ, அக்க²ச்சி²ன்னோவ ஜா²யதீ’’தி.

3. ஸேரீஸுத்தங்

104. ஏகமந்தங் டி²தோ கோ² ஸேரீ தே³வபுத்தோ ப⁴க³வந்தங் கா³தா²ய அஜ்ஜ²பா⁴ஸி –

‘‘அன்னமேவாபி⁴னந்த³ந்தி , உப⁴யே தே³வமானுஸா;

அத² கோ நாம ஸோ யக்கோ², யங் அன்னங் நாபி⁴னந்த³தீ’’தி.

‘‘யே நங் த³த³ந்தி ஸத்³தா⁴ய, விப்பஸன்னேன சேதஸா;

தமேவ அன்னங் ப⁴ஜதி, அஸ்மிங் லோகே பரம்ஹி ச.

‘‘தஸ்மா வினெய்ய மச்சே²ரங், த³ஜ்ஜா தா³னங் மலாபி⁴பூ⁴;

புஞ்ஞானி பரலோகஸ்மிங், பதிட்டா² ஹொந்தி பாணின’’ந்தி.

‘‘அச்ச²ரியங் , ப⁴ந்தே, அப்³பு⁴தங், ப⁴ந்தே! யாவஸுபா⁴ஸிதமித³ங், ப⁴ந்தே, ப⁴க³வதா –

‘‘யே நங் த³த³ந்தி ஸத்³தா⁴ய, விப்பஸன்னேன சேதஸா;

தமேவ அன்னங் ப⁴ஜதி, அஸ்மிங் லோகே பரம்ஹி ச.

‘‘தஸ்மா வினெய்ய மச்சே²ரங், த³ஜ்ஜா தா³னங் மலாபி⁴பூ⁴;

புஞ்ஞானி பரலோகஸ்மிங், பதிட்டா² ஹொந்தி பாணின’’ந்தி.

‘‘பூ⁴தபுப்³பா³ஹங், ப⁴ந்தே, ஸிரீ [ஸேரீ (ஸீ॰ ஸ்யா॰ கங்॰ பீ॰)]
நாம ராஜா அஹோஸிங் தா³யகோ தா³னபதி தா³னஸ்ஸ வண்ணவாதீ³. தஸ்ஸ மய்ஹங், ப⁴ந்தே,
சதூஸு த்³வாரேஸு தா³னங் தீ³யித்த²
ஸமண-ப்³ராஹ்மண-கபணத்³தி⁴க-வனிப்³ப³கயாசகானங். அத² கோ² மங், ப⁴ந்தே, இத்தா²கா³ரங் உபஸங்கமித்வா ஏதத³வோச [இத்தா²கா³ரா உபஸங்கமித்வா ஏதத³வோசுங் (க॰)] – ‘தே³வஸ்ஸ கோ² [தே³வஸ்ஸேவ கோ² (க॰ ஸீ॰)]
தா³னங் தீ³யதி; அம்ஹாகங் தா³னங் ந தீ³யதி. ஸாது⁴ மயம்பி தே³வங் நிஸ்ஸாய
தா³னானி த³தெ³ய்யாம, புஞ்ஞானி கரெய்யாமா’தி. தஸ்ஸ மய்ஹங், ப⁴ந்தே, ஏதத³ஹோஸி
– ‘அஹங் கொ²ஸ்மி தா³யகோ தா³னபதி தா³னஸ்ஸ வண்ணவாதீ³. தா³னங் த³ஸ்ஸாமாதி
வத³ந்தே கிந்தி வதெ³ய்ய’ந்தி? ஸோ க்²வாஹங், ப⁴ந்தே, பட²மங் த்³வாரங்
இத்தா²கா³ரஸ்ஸ அதா³ஸிங். தத்த² இத்தா²கா³ரஸ்ஸ தா³னங் தீ³யித்த²; மம தா³னங்
படிக்கமி.

‘‘அத² கோ² மங், ப⁴ந்தே, க²த்தியா அனுயந்தா
உபஸங்கமித்வா ஏதத³வோசுங் – ‘தே³வஸ்ஸ கோ² தா³னங் தீ³யதி; இத்தா²கா³ரஸ்ஸ
தா³னங் தீ³யதி; அம்ஹாகங் தா³னங் ந தீ³யதி. ஸாது⁴ மயம்பி தே³வங் நிஸ்ஸாய
தா³னானி த³தெ³ய்யாம, புஞ்ஞானி கரெய்யாமா’தி . தஸ்ஸ மய்ஹங், ப⁴ந்தே, ஏதத³ஹோஸி – ‘அஹங் கொ²ஸ்மி தா³யகோ தா³னபதி தா³னஸ்ஸ வண்ணவாதீ³. தா³னங் த³ஸ்ஸாமாதி வத³ந்தே கிந்தி வதெ³ய்ய’ந்தி ?
ஸோ க்²வாஹங், ப⁴ந்தே, து³தியங் த்³வாரங் க²த்தியானங் அனுயந்தானங்
அதா³ஸிங். தத்த² க²த்தியானங் அனுயந்தானங் தா³னங் தீ³யித்த², மம தா³னங்
படிக்கமி.

‘‘அத² கோ² மங், ப⁴ந்தே, ப³லகாயோ உபஸங்கமித்வா ஏதத³வோச –
‘தே³வஸ்ஸ கோ² தா³னங் தீ³யதி; இத்தா²கா³ரஸ்ஸ தா³னங் தீ³யதி; க²த்தியானங்
அனுயந்தானங் தா³னங் தீ³யதி; அம்ஹாகங் தா³னங் ந தீ³யதி. ஸாது⁴ மயம்பி தே³வங்
நிஸ்ஸாய தா³னானி த³தெ³ய்யாம, புஞ்ஞானி கரெய்யாமா’தி. தஸ்ஸ மய்ஹங், ப⁴ந்தே, ஏதத³ஹோஸி – ‘அஹங் கொ²ஸ்மி தா³யகோ தா³னபதி தா³னஸ்ஸ வண்ணவாதீ³. தா³னங் த³ஸ்ஸாமாதி வத³ந்தே
கிந்தி வதெ³ய்ய’ந்தி? ஸோ க்²வாஹங் ப⁴ந்தே, ததியங் த்³வாரங் ப³லகாயஸ்ஸ
அதா³ஸிங். தத்த² ப³லகாயஸ்ஸ தா³னங் தீ³யித்த², மம தா³னங் படிக்கமி.

‘‘அத² கோ² மங், ப⁴ந்தே, ப்³ராஹ்மணக³ஹபதிகா
உபஸங்கமித்வா ஏதத³வோசுங் – ‘தே³வஸ்ஸ கோ² தா³னங் தீ³யதி; இத்தா²கா³ரஸ்ஸ
தா³னங் தீ³யதி; க²த்தியானங் அனுயந்தானங் தா³னங் தீ³யதி; ப³லகாயஸ்ஸ தா³னங்
தீ³யதி; அம்ஹாகங் தா³னங் ந தீ³யதி. ஸாது⁴ மயம்பி தே³வங் நிஸ்ஸாய தா³னானி
த³தெ³ய்யாம, புஞ்ஞானி கரெய்யாமா’தி. தஸ்ஸ மய்ஹங், ப⁴ந்தே, ஏதத³ஹோஸி – ‘அஹங்
கொ²ஸ்மி தா³யகோ தா³னபதி தா³னஸ்ஸ வண்ணவாதீ³. தா³னங் த³ஸ்ஸாமாதி வத³ந்தே
கிந்தி வதெ³ய்ய’ந்தி? ஸோ க்²வாஹங், ப⁴ந்தே, சதுத்த²ங் த்³வாரங்
ப்³ராஹ்மணக³ஹபதிகானங் அதா³ஸிங். தத்த² ப்³ராஹ்மணக³ஹபதிகானங் தா³னங்
தீ³யித்த², மம தா³னங் படிக்கமி.

‘‘அத² கோ² மங், ப⁴ந்தே, புரிஸா உபஸங்கமித்வா
ஏதத³வோசுங் – ‘ந கோ² தா³னி தே³வஸ்ஸ கோசி தா³னங் தீ³யதீ’தி. ஏவங் வுத்தாஹங்,
ப⁴ந்தே, தே புரிஸே ஏதத³வோசங் – ‘தேன ஹி, ப⁴ணே, யோ பா³ஹிரேஸு ஜனபதே³ஸு ஆயோ
ஸஞ்ஜாயதி ததோ உபட்³ட⁴ங் அந்தேபுரே பவேஸேத², உபட்³ட⁴ங் தத்தே²வ தா³னங் தே³த²
ஸமண-ப்³ராஹ்மண-கபணத்³தி⁴க-வனிப்³ப³க-யாசகான’ந்தி .
ஸோ க்²வாஹங், ப⁴ந்தே, ஏவங் தீ³க⁴ரத்தங் கதானங் புஞ்ஞானங் ஏவங் தீ³க⁴ரத்தங்
கதானங் குஸலானங் த⁴ம்மானங் பரியந்தங் நாதி⁴க³ச்சா²மி – எத்தகங் புஞ்ஞந்தி
வா எத்தகோ புஞ்ஞவிபாகோதி வா எத்தகங் ஸக்³கே³ டா²தப்³ப³ந்தி வாதி.
அச்ச²ரியங், ப⁴ந்தே, அப்³பு⁴தங், ப⁴ந்தே! யாவஸுபா⁴ஸிதமித³ங், ப⁴ந்தே,
ப⁴க³வதா –

‘‘யே நங் த³த³ந்தி ஸத்³தா⁴ய, விப்பஸன்னேன சேதஸா;

தமேவ அன்னங் ப⁴ஜதி, அஸ்மிங் லோகே பரம்ஹி ச.

‘‘தஸ்மா வினெய்ய மச்சே²ரங், த³ஜ்ஜா தா³னங் மலாபி⁴பூ⁴;

புஞ்ஞானி பரலோகஸ்மிங், பதிட்டா² ஹொந்தி பாணின’’ந்தி.

4. க⁴டீகாரஸுத்தங்

105. ஏகமந்தங் டி²தோ கோ² க⁴டீகாரோ தே³வபுத்தோ ப⁴க³வதோ ஸந்திகே இமங் கா³த²ங் அபா⁴ஸி –

‘‘அவிஹங் உபபன்னாஸே, விமுத்தா ஸத்த பி⁴க்க²வோ;

ராக³தோ³ஸபரிக்கீ²ணா, திண்ணா லோகே விஸத்திக’’ந்தி.

‘‘கே ச தே அதருங் பங்கங், மச்சுதெ⁴ய்யங் ஸுது³த்தரங்;

கே ஹித்வா மானுஸங் தே³ஹங், தி³ப்³ப³யோக³ங் உபச்சகு³’’ந்தி.

‘‘உபகோ பலக³ண்டோ³ [ப²லக³ண்டோ³ (க॰)] ச, புக்குஸாதி ச தே தயோ;

ப⁴த்³தி³யோ க²ண்ட³தே³வோ ச, பா³ஹுரக்³கி³ ச ஸங்கி³யோ [பா³ஹுத³ந்தீ ச பிங்கி³யோ (ஸீ॰ ஸ்யா॰)];

தே ஹித்வா மானுஸங் தே³ஹங், தி³ப்³ப³யோக³ங் உபச்சகு³’’ந்தி.

‘‘குஸலீ பா⁴ஸஸீ தேஸங், மாரபாஸப்பஹாயினங்;

கஸ்ஸ தே த⁴ம்மமஞ்ஞாய, அச்சி²து³ங் ப⁴வப³ந்த⁴ன’’ந்தி.

‘‘ந அஞ்ஞத்ர ப⁴க³வதா, நாஞ்ஞத்ர தவ ஸாஸனா;

யஸ்ஸ தே த⁴ம்மமஞ்ஞாய, அச்சி²து³ங் ப⁴வப³ந்த⁴னங்.

‘‘யத்த² நாமஞ்ச ரூபஞ்ச, அஸேஸங் உபருஜ்ஜ²தி;

தங் தே த⁴ம்மங் இத⁴ஞ்ஞாய, அச்சி²து³ங் ப⁴வப³ந்த⁴ன’’ந்தி.

‘‘க³ம்பீ⁴ரங் பா⁴ஸஸீ வாசங், து³ப்³பி³ஜானங் ஸுது³ப்³பு³த⁴ங்;

கஸ்ஸ த்வங் த⁴ம்மமஞ்ஞாய, வாசங் பா⁴ஸஸி ஈதி³ஸ’’ந்தி.

‘‘கும்ப⁴காரோ புரே ஆஸிங், வேகளிங்கே³ க⁴டீகரோ;

மாதாபெத்திப⁴ரோ ஆஸிங், கஸ்ஸபஸ்ஸ உபாஸகோ.

‘‘விரதோ மேது²னா த⁴ம்மா, ப்³ரஹ்மசாரீ நிராமிஸோ;

அஹுவா தே ஸகா³மெய்யோ, அஹுவா தே புரே ஸகா².

‘‘ஸோஹமேதே பஜானாமி, விமுத்தே ஸத்த பி⁴க்க²வோ;

ராக³தோ³ஸபரிக்கீ²ணே, திண்ணே லோகே விஸத்திக’’ந்தி.

‘‘ஏவமேதங் ததா³ ஆஸி, யதா² பா⁴ஸஸி ப⁴க்³க³வ;

கும்ப⁴காரோ புரே ஆஸி, வேகளிங்கே³ க⁴டீகரோ.

‘‘மாதாபெத்திப⁴ரோ ஆஸி, கஸ்ஸபஸ்ஸ உபாஸகோ;

விரதோ மேது²னா த⁴ம்மா, ப்³ரஹ்மசாரீ நிராமிஸோ;

அஹுவா மே ஸகா³மெய்யோ, அஹுவா மே புரே ஸகா²’’தி.

‘‘ஏவமேதங் புராணானங், ஸஹாயானங் அஹு ஸங்க³மோ;

உபி⁴ன்னங் பா⁴விதத்தானங், ஸரீரந்திமதா⁴ரின’’ந்தி.

5. ஜந்துஸுத்தங்

106. ஏவங்
மே ஸுதங் – ஏகங் ஸமயங் ஸம்ப³ஹுலா பி⁴க்கூ², கோஸலேஸு விஹரந்தி ஹிமவந்தபஸ்ஸே
அரஞ்ஞகுடிகாய உத்³த⁴தா உன்னளா சபலா முக²ரா விகிண்ணவாசா முட்ட²ஸ்ஸதினோ
அஸம்பஜானா அஸமாஹிதா விப்³ப⁴ந்தசித்தா பாகதிந்த்³ரியா.

அத² கோ² ஜந்து தே³வபுத்தோ தத³ஹுபோஸதே² பன்னரஸே யேன தே பி⁴க்கூ² தேனுபஸங்கமி; உபஸங்கமித்வா தே பி⁴க்கூ² கா³தா²ஹி அஜ்ஜ²பா⁴ஸி –

‘‘ஸுக²ஜீவினோ புரே ஆஸுங், பி⁴க்கூ² கோ³தமஸாவகா;

அனிச்சா² பிண்ட³மேஸனா [பிண்ட³மேஸானா (?)], அனிச்சா² ஸயனாஸனங்;

லோகே அனிச்சதங் ஞத்வா, து³க்க²ஸ்ஸந்தங் அகங்ஸு தே.

‘‘து³ப்போஸங் கத்வா அத்தானங், கா³மே கா³மணிகா விய;

பு⁴த்வா பு⁴த்வா நிபஜ்ஜந்தி, பராகா³ரேஸு முச்சி²தா.

‘‘ஸங்க⁴ஸ்ஸ அஞ்ஜலிங் கத்வா, இதே⁴கச்சே வதா³மஹங் [வந்தா³மஹங் (க॰)];

அபவித்³தா⁴ அனாதா² தே, யதா² பேதா ததே²வ தே [ததே²வ ச (ஸீ॰)].

‘‘யே கோ² பமத்தா விஹரந்தி, தே மே ஸந்தா⁴ய பா⁴ஸிதங்;

யே அப்பமத்தா விஹரந்தி, நமோ தேஸங் கரோமஹ’’ந்தி.

6. ரோஹிதஸ்ஸஸுத்தங்

107.
ஸாவத்தி²னிதா³னங். ஏகமந்தங் டி²தோ கோ² ரோஹிதஸ்ஸோ தே³வபுத்தோ ப⁴க³வந்தங்
ஏதத³வோச – ‘‘யத்த² நு கோ², ப⁴ந்தே, ந ஜாயதி ந ஜீயதி ந மீயதி [ந ஜிய்யதி ந மிய்யதி (ஸ்யா॰ கங்॰ க॰)] ந சவதி ந உபபஜ்ஜதி, ஸக்கா நு கோ² ஸோ, ப⁴ந்தே, க³மனேன லோகஸ்ஸ அந்தோ ஞாதுங் வா த³ட்டு²ங் வா பாபுணிதுங் வா’’தி? ‘‘யத்த² கோ², ஆவுஸோ, ந ஜாயதி ந ஜீயதி ந மீயதி ந சவதி ந உபபஜ்ஜதி, நாஹங் தங் க³மனேன லோகஸ்ஸ அந்தங் ஞாதெய்யங் த³ட்டெ²ய்யங் பத்தெய்யந்தி வதா³மீ’’தி.

‘‘அச்ச²ரியங், ப⁴ந்தே, அப்³பு⁴தங், ப⁴ந்தே!
யாவஸுபா⁴ஸிதமித³ங், ப⁴ந்தே, ப⁴க³வதா – ‘யத்த² கோ², ஆவுஸோ, ந ஜாயதி ந ஜீயதி ந
மீயதி ந சவதி ந உபபஜ்ஜதி, நாஹங் தங் க³மனேன லோகஸ்ஸ அந்தங் ஞாதெய்யங்
த³ட்டெ²ய்யங் பத்தெய்யந்தி வதா³மீ’தி.

‘‘பூ⁴தபுப்³பா³ஹங், ப⁴ந்தே, ரோஹிதஸ்ஸோ நாம இஸி அஹோஸிங் போ⁴ஜபுத்தோ இத்³தி⁴மா வேஹாஸங்க³மோ. தஸ்ஸ மய்ஹங், ப⁴ந்தே, ஏவரூபோ ஜவோ அஹோஸி; ஸெய்யதா²பி நாம த³ள்ஹத⁴ம்மா [த³ள்ஹத⁴ம்மோ (ஸப்³ப³த்த²) டீகா ச மொக்³க³ல்லானப்³யாகரணங் ச ஓலோகேதப்³ப³ங்]
த⁴னுக்³க³ஹோ ஸுஸிக்கி²தோ கதஹத்தோ² கதயொக்³கோ³ கதூபாஸனோ லஹுகேன அஸனேன
அப்பகஸிரேனேவ திரியங் தாலச்சா²யங் அதிபாதெய்ய. தஸ்ஸ மய்ஹங், ப⁴ந்தே, ஏவரூபோ
பத³வீதிஹாரோ அஹோஸி; ஸெய்யதா²பி நாம புரத்தி²மா ஸமுத்³தா³ பச்சி²மோ
ஸமுத்³தோ³. தஸ்ஸ மய்ஹங், ப⁴ந்தே, ஏவரூபங் இச்சா²க³தங் உப்பஜ்ஜி – ‘அஹங்
க³மனேன லோகஸ்ஸ அந்தங் பாபுணிஸ்ஸாமீ’தி. ஸோ க்²வாஹங், ப⁴ந்தே, ஏவரூபேன ஜவேன
ஸமன்னாக³தோ ஏவரூபேன ச பத³வீதிஹாரேன அஞ்ஞத்ரேவ அஸித-பீத-கா²யித-ஸாயிதா
அஞ்ஞத்ர உச்சார-பஸ்ஸாவகம்மா அஞ்ஞத்ர நித்³தா³கிலமத²படிவினோத³னா வஸ்ஸஸதாயுகோ
வஸ்ஸஸதஜீவீ வஸ்ஸஸதங் க³ந்த்வா அப்பத்வாவ லோகஸ்ஸ அந்தங் அந்தராவ காலங்கதோ.

‘‘ந கோ² பனாஹங், ஆவுஸோ,
அப்பத்வா லோகஸ்ஸ அந்தங் து³க்க²ஸ்ஸ அந்தகிரியங் வதா³மி. அபி ச க்²வாஹங்,
ஆவுஸோ, இமஸ்மிங்யேவ ப்³யாமமத்தே களேவரே ஸஸஞ்ஞிம்ஹி ஸமனகே லோகஞ்ச பஞ்ஞபேமி
லோகஸமுத³யஞ்ச லோகனிரோத⁴ஞ்ச லோகனிரோத⁴கா³மினிஞ்ச படிபத³ந்தி.

‘‘க³மனேன ந பத்தப்³போ³, லோகஸ்ஸந்தோ குதா³சனங்;

ந ச அப்பத்வா லோகந்தங், து³க்கா² அத்தி² பமோசனங்.

‘‘தஸ்மா ஹவே லோகவிதூ³ ஸுமேதோ⁴,

லோகந்தகூ³ வுஸிதப்³ரஹ்மசரியோ;

லோகஸ்ஸ அந்தங் ஸமிதாவி ஞத்வா,

நாஸீஸதி லோகமிமங் பரஞ்சா’’தி.

7. நந்த³ஸுத்தங்

108. ஏகமந்தங் டி²தோ கோ² நந்தோ³ தே³வபுத்தோ ப⁴க³வதோ ஸந்திகே இமங் கா³த²ங் அபா⁴ஸி –

‘‘அச்செந்தி காலா தரயந்தி ரத்தியோ,

வயோகு³ணா அனுபுப்³ப³ங் ஜஹந்தி;

ஏதங் ப⁴யங் மரணே பெக்க²மானோ,

புஞ்ஞானி கயிராத² ஸுகா²வஹானீ’’தி.

‘‘அச்செந்தி காலா தரயந்தி ரத்தியோ,

வயோகு³ணா அனுபுப்³ப³ங் ஜஹந்தி;

ஏதங் ப⁴யங் மரணே பெக்க²மானோ,

லோகாமிஸங் பஜஹே ஸந்திபெக்கோ²’’தி.

8. நந்தி³விஸாலஸுத்தங்

109. ஏகமந்தங் டி²தோ கோ² நந்தி³விஸாலோ தே³வபுத்தோ ப⁴க³வந்தங் கா³தா²ய அஜ்ஜ²பா⁴ஸி –

‘‘சதுசக்கங் நவத்³வாரங், புண்ணங் லோபே⁴ன ஸங்யுதங்;

பங்கஜாதங் மஹாவீர, கத²ங் யாத்ரா ப⁴விஸ்ஸதீ’’தி.

‘‘செ²த்வா நத்³தி⁴ங் வரத்தஞ்ச, இச்சா²லோப⁴ஞ்ச பாபகங்;

ஸமூலங் தண்ஹமப்³பு³ய்ஹ, ஏவங் யாத்ரா ப⁴விஸ்ஸதீ’’தி.

9. ஸுஸிமஸுத்தங்

110. ஸாவத்தி²னிதா³னங் .
அத² கோ² ஆயஸ்மா ஆனந்தோ³ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னங் கோ² ஆயஸ்மந்தங்
ஆனந்த³ங் ப⁴க³வா ஏதத³வோச – ‘‘துய்ஹம்பி நோ, ஆனந்த³, ஸாரிபுத்தோ
ருச்சதீ’’தி?

‘‘கஸ்ஸ ஹி நாம, ப⁴ந்தே,
அபா³லஸ்ஸ அது³ட்ட²ஸ்ஸ அமூள்ஹஸ்ஸ அவிபல்லத்த²சித்தஸ்ஸ ஆயஸ்மா ஸாரிபுத்தோ ந
ருச்செய்ய? பண்டி³தோ, ப⁴ந்தே, ஆயஸ்மா ஸாரிபுத்தோ . மஹாபஞ்ஞோ, ப⁴ந்தே, ஆயஸ்மா ஸாரிபுத்தோ. புது²பஞ்ஞோ, ப⁴ந்தே, ஆயஸ்மா ஸாரிபுத்தோ. ஹாஸபஞ்ஞோ [ஹாஸுபஞ்ஞோ (ஸீ॰)],
ப⁴ந்தே, ஆயஸ்மா ஸாரிபுத்தோ. ஜவனபஞ்ஞோ, ப⁴ந்தே, ஆயஸ்மா ஸாரிபுத்தோ.
திக்க²பஞ்ஞோ, ப⁴ந்தே, ஆயஸ்மா ஸாரிபுத்தோ. நிப்³பே³தி⁴கபஞ்ஞோ, ப⁴ந்தே,
ஆயஸ்மா ஸாரிபுத்தோ. அப்பிச்சோ², ப⁴ந்தே, ஆயஸ்மா ஸாரிபுத்தோ. ஸந்துட்டோ²,
ப⁴ந்தே, ஆயஸ்மா ஸாரிபுத்தோ. பவிவித்தோ, ப⁴ந்தே, ஆயஸ்மா ஸாரிபுத்தோ.
அஸங்ஸட்டோ², ப⁴ந்தே, ஆயஸ்மா ஸாரிபுத்தோ. ஆரத்³த⁴வீரியோ, ப⁴ந்தே, ஆயஸ்மா
ஸாரிபுத்தோ. வத்தா, ப⁴ந்தே, ஆயஸ்மா ஸாரிபுத்தோ. வசனக்க²மோ, ப⁴ந்தே, ஆயஸ்மா
ஸாரிபுத்தோ. சோத³கோ, ப⁴ந்தே, ஆயஸ்மா ஸாரிபுத்தோ. பாபக³ரஹீ, ப⁴ந்தே, ஆயஸ்மா
ஸாரிபுத்தோ. கஸ்ஸ ஹி நாம, ப⁴ந்தே, அபா³லஸ்ஸ அது³ட்ட²ஸ்ஸ அமூள்ஹஸ்ஸ
அவிபல்லத்த²சித்தஸ்ஸ ஆயஸ்மா ஸாரிபுத்தோ ந ருச்செய்யா’’தி?

‘‘ஏவமேதங் , ஆனந்த³, ஏவமேதங்,
ஆனந்த³! கஸ்ஸ ஹி நாம, ஆனந்த³, அபா³லஸ்ஸ அது³ட்ட²ஸ்ஸ அமூள்ஹஸ்ஸ
அவிபல்லத்த²சித்தஸ்ஸ ஸாரிபுத்தோ ந ருச்செய்ய? பண்டி³தோ, ஆனந்த³,
ஸாரிபுத்தோ. மஹாபஞ்ஞோ, ஆனந்த³, ஸாரிபுத்தோ. புது²பஞ்ஞோ, ஆனந்த³,
ஸாரிபுத்தோ. ஹாஸபஞ்ஞோ, ஆனந்த³, ஸாரிபுத்தோ. ஜவனபஞ்ஞோ, ஆனந்த³, ஸாரிபுத்தோ.
திக்க²பஞ்ஞோ, ஆனந்த³, ஸாரிபுத்தோ. நிப்³பே³தி⁴கபஞ்ஞோ, ஆனந்த³, ஸாரிபுத்தோ.
அப்பிச்சோ², ஆனந்த³, ஸாரிபுத்தோ. ஸந்துட்டோ², ஆனந்த³, ஸாரிபுத்தோ.
பவிவித்தோ, ஆனந்த³, ஸாரிபுத்தோ. அஸங்ஸட்டோ², ஆனந்த³, ஸாரிபுத்தோ.
ஆரத்³த⁴வீரியோ, ஆனந்த³, ஸாரிபுத்தோ. வத்தா, ஆனந்த³, ஸாரிபுத்தோ. வசனக்க²மோ,
ஆனந்த³, ஸாரிபுத்தோ . சோத³கோ, ஆனந்த³, ஸாரிபுத்தோ.
பாபக³ரஹீ, ஆனந்த³, ஸாரிபுத்தோ. கஸ்ஸ ஹி நாம, ஆனந்த³, அபா³லஸ்ஸ அது³ட்ட²ஸ்ஸ
அமூள்ஹஸ்ஸ அவிபல்லத்த²சித்தஸ்ஸ ஸாரிபுத்தோ ந ருச்செய்யா’’தி?

அத² கோ² ஸுஸிமோ [ஸுஸீமோ (ஸீ॰)] தே³வபுத்தோ ஆயஸ்மதோ ஸாரிபுத்தஸ்ஸ வண்ணே ப⁴ஞ்ஞமானே மஹதியா தே³வபுத்தபரிஸாய
பரிவுதோ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா
ஏகமந்தங் அட்டா²ஸி. ஏகமந்தங் டி²தோ கோ² ஸுஸிமோ தே³வபுத்தோ ப⁴க³வந்தங்
ஏதத³வோச –

‘‘ஏவமேதங் , ப⁴க³வா, ஏவமேதங்,
ஸுக³த. கஸ்ஸ ஹி நாம, ப⁴ந்தே, அபா³லஸ்ஸ அது³ட்ட²ஸ்ஸ அமூள்ஹஸ்ஸ
அவிபல்லத்த²சித்தஸ்ஸ ஆயஸ்மா ஸாரிபுத்தோ ந ருச்செய்ய? பண்டி³தோ, ப⁴ந்தே,
ஆயஸ்மா ஸாரிபுத்தோ. மஹாபஞ்ஞோ, ப⁴ந்தே, புது²பஞ்ஞோ, ப⁴ந்தே, ஹாஸபஞ்ஞோ,
ப⁴ந்தே, ஜவனபஞ்ஞோ, ப⁴ந்தே, திக்க²பஞ்ஞோ, ப⁴ந்தே, நிப்³பே³தி⁴கபஞ்ஞோ,
ப⁴ந்தே, அப்பிச்சோ², ப⁴ந்தே, ஸந்துட்டோ², ப⁴ந்தே, பவிவித்தோ, ப⁴ந்தே,
அஸங்ஸட்டோ², ப⁴ந்தே, ஆரத்³த⁴வீரியோ, ப⁴ந்தே, வத்தா, ப⁴ந்தே, வசனக்க²மோ,
ப⁴ந்தே, சோத³கோ, ப⁴ந்தே, பாபக³ரஹீ, ப⁴ந்தே, ஆயஸ்மா ஸாரிபுத்தோ. கஸ்ஸ ஹி
நாம, ப⁴ந்தே, அபா³லஸ்ஸ அது³ட்ட²ஸ்ஸ அமூள்ஹஸ்ஸ அவிபல்லத்த²சித்தஸ்ஸ ஆயஸ்மா
ஸாரிபுத்தோ ந ருச்செய்ய?

‘‘அஹம்பி ஹி, ப⁴ந்தே, யஞ்ஞதே³வ தே³வபுத்தபரிஸங்
உபஸங்கமிங், ஏததே³வ ப³ஹுலங் ஸத்³த³ங் ஸுணாமி – ‘பண்டி³தோ ஆயஸ்மா
ஸாரிபுத்தோ; மஹாபஞ்ஞோ ஆயஸ்மா, புது²பஞ்ஞோ ஆயஸ்மா, ஹாஸபஞ்ஞோ ஆயஸ்மா,
ஜவனபஞ்ஞோ ஆயஸ்மா, திக்க²பஞ்ஞோ ஆயஸ்மா, நிப்³பே³தி⁴கபஞ்ஞோ ஆயஸ்மா,
அப்பிச்சோ² ஆயஸ்மா, ஸந்துட்டோ² ஆயஸ்மா, பவிவித்தோ ஆயஸ்மா, அஸங்ஸட்டோ²
ஆயஸ்மா, ஆரத்³த⁴வீரியோ ஆயஸ்மா, வத்தா ஆயஸ்மா, வசனக்க²மோ ஆயஸ்மா, சோத³கோ
ஆயஸ்மா, பாபக³ரஹீ ஆயஸ்மா ஸாரிபுத்தோ’தி . கஸ்ஸ ஹி நாம, ப⁴ந்தே, அபா³லஸ்ஸ அது³ட்ட²ஸ்ஸ அமூள்ஹஸ்ஸ அவிபல்லத்த²சித்தஸ்ஸ ஆயஸ்மா ஸாரிபுத்தோ ந ருச்செய்யா’’தி?

அத² கோ² ஸுஸிமஸ்ஸ தே³வபுத்தஸ்ஸ தே³வபுத்தபரிஸா ஆயஸ்மதோ
ஸாரிபுத்தஸ்ஸ வண்ணே ப⁴ஞ்ஞமானே அத்தமனா பமுதி³தா பீதிஸோமனஸ்ஸஜாதா உச்சாவசா
வண்ணனிபா⁴ உபத³ங்ஸேதி.

‘‘ஸெய்யதா²பி நாம மணி வேளுரியோ ஸுபோ⁴ ஜாதிமா அட்ட²ங்ஸோ
ஸுபரிகம்மகதோ பண்டு³கம்ப³லே நிக்கி²த்தோ பா⁴ஸதே ச தபதே ச விரோசதி ச;
ஏவமேவங் ஸுஸிமஸ்ஸ தே³வபுத்தஸ்ஸ தே³வபுத்தபரிஸா ஆயஸ்மதோ ஸாரிபுத்தஸ்ஸ வண்ணே ப⁴ஞ்ஞமானே அத்தமனா பமுதி³தா பீதிஸோமனஸ்ஸஜாதா உச்சாவசா வண்ணனிபா⁴ உபத³ங்ஸேதி.

‘‘ஸெய்யதா²பி நாம நிக்க²ங் ஜம்போ³னத³ங் த³க்க²கம்மாரபுத்தஉக்காமுக²ஸுகுஸலஸம்பஹட்ட²ங் பண்டு³கம்ப³லே
நிக்கி²த்தங் பா⁴ஸதே ச தபதே ச விரோசதி ச; ஏவமேவங் ஸுஸிமஸ்ஸ தே³வபுத்தஸ்ஸ
தே³வபுத்தபரிஸா ஆயஸ்மதோ ஸாரிபுத்தஸ்ஸ வண்ணே ப⁴ஞ்ஞமானே அத்தமனா பமுதி³தா
பீதிஸோமனஸ்ஸஜாதா உச்சாவசா வண்ணனிபா⁴ உபத³ங்ஸேதி.

‘‘ஸெய்யதா²பி நாம ஸரத³ஸமயே
வித்³தே⁴ விக³தவலாஹகே தே³வே ரத்தியா பச்சூஸஸமயங் ஓஸதி⁴தாரகா பா⁴ஸதே ச தபதே ச
விரோசதி ச; ஏவமேவங் ஸுஸிமஸ்ஸ தே³வபுத்தஸ்ஸ தே³வபுத்தபரிஸா ஆயஸ்மதோ ஸாரிபுத்தஸ்ஸ வண்ணே ப⁴ஞ்ஞமானே அத்தமனா பமுதி³தா பீதிஸோமனஸ்ஸஜாதா உச்சாவசா வண்ணனிபா⁴ உபத³ங்ஸேதி.

‘‘ஸெய்யதா²பி நாம ஸரத³ஸமயே வித்³தே⁴ விக³தவலாஹகே தே³வே ஆதி³ச்சோ நப⁴ங் அப்³பு⁴ஸ்ஸக்கமானோ [அப்³பு⁴ஸ்ஸுக்கமானோ (ஸீ॰ ஸ்யா॰ கங்॰ பீ॰), அப்³பு⁴க்³க³மமானோ (தீ³॰ நி॰ 2.258)]
ஸப்³ப³ங் ஆகாஸக³தங் தமக³தங் அபி⁴விஹச்ச பா⁴ஸதே ச தபதே ச விரோசதி ச;
ஏவமேவங் ஸுஸிமஸ்ஸ தே³வபுத்தஸ்ஸ தே³வபுத்தபரிஸா ஆயஸ்மதோ ஸாரிபுத்தஸ்ஸ வண்ணே
ப⁴ஞ்ஞமானே அத்தமனா பமுதி³தா பீதிஸோமனஸ்ஸஜாதா உச்சாவசா வண்ணனிபா⁴
உபத³ங்ஸேதி.

அத² கோ² ஸுஸிமோ தே³வபுத்தோ ஆயஸ்மந்தங் ஸாரிபுத்தங் ஆரப்³ப⁴ ப⁴க³வதோ ஸந்திகே இமங் கா³த²ங் அபா⁴ஸி –

‘‘பண்டி³தோதி ஸமஞ்ஞாதோ, ஸாரிபுத்தோ அகோத⁴னோ;

அப்பிச்சோ² ஸோரதோ த³ந்தோ, ஸத்து²வண்ணாப⁴தோ இஸீ’’தி.

அத² கோ² ப⁴க³வா ஆயஸ்மந்தங் ஸாரிபுத்தங் ஆரப்³ப⁴ ஸுஸிமங் தே³வபுத்தங் கா³தா²ய பச்சபா⁴ஸி –

‘‘பண்டி³தோதி ஸமஞ்ஞாதோ, ஸாரிபுத்தோ அகோத⁴னோ;

அப்பிச்சோ² ஸோரதோ த³ந்தோ, காலங் கங்க²தி ஸுத³ந்தோ’’ [காலங் கங்க²தி ப⁴தகோ ஸுத³ந்தோ (ஸீ॰), காலங் கங்க²தி பா⁴விதோ ஸுத³ந்தோ (ஸ்யா॰ கங்॰), காலங் கங்க²தி ப⁴திகோ ஸுத³ந்தோ (பீ॰)] தி.

10. நானாதித்தி²யஸாவகஸுத்தங்

111. ஏவங் மே ஸுதங் – ஏகங் ஸமயங் ப⁴க³வா ராஜக³ஹே விஹரதி வேளுவனே கலந்த³கனிவாபே. அத² கோ² ஸம்ப³ஹுலா நானாதித்தி²யஸாவகா தே³வபுத்தா அஸமோ ச ஸஹலி [ஸஹலீ (ஸீ॰ ஸ்யா॰ கங்॰ பீ॰)] ச நீகோ [நிங்கோ (ஸீ॰ பீ॰), நிகோ (ஸ்யா॰ கங்॰)] ச ஆகோடகோ ச வேக³ப்³ப⁴ரி ச [வேடம்ப³ரீ ச (ஸீ॰ ஸ்யா॰ கங்॰ பீ॰)] மாணவகா³மியோ ச அபி⁴க்கந்தாய ரத்தியா அபி⁴க்கந்தவண்ணா கேவலகப்பங் வேளுவனங் ஓபா⁴ஸெத்வா யேன ப⁴க³வா தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் அட்ட²ங்ஸு. ஏகமந்தங் டி²தோ கோ² அஸமோ தே³வபுத்தோ பூரணங் கஸ்ஸபங் ஆரப்³ப⁴ ப⁴க³வதோ ஸந்திகே இமங் கா³த²ங் அபா⁴ஸி –

‘‘இத⁴ சி²ந்தி³தமாரிதே, ஹதஜானீஸு கஸ்ஸபோ;

ந பாபங் ஸமனுபஸ்ஸதி, புஞ்ஞங் வா பன அத்தனோ;

ஸ வே விஸ்ஸாஸமாசிக்கி², ஸத்தா² அரஹதி மானந’’ந்தி.

அத² கோ² ஸஹலி தே³வபுத்தோ மக்க²லிங் கோ³ஸாலங் ஆரப்³ப⁴ ப⁴க³வதோ ஸந்திகே இமங் கா³த²ங் அபா⁴ஸி –

‘‘தபோஜிகு³ச்சா²ய ஸுஸங்வுதத்தோ,

வாசங் பஹாய கலஹங் ஜனேன;

ஸமோஸவஜ்ஜா விரதோ ஸச்சவாதீ³,

ந ஹி நூன தாதி³ஸங் கரோதி [ந ஹ நுன தாதீ³ பகரோதி (ஸீ॰ ஸ்யா॰ கங்॰)] பாப’’ந்தி.

அத² கோ² நீகோ தே³வபுத்தோ நிக³ண்ட²ங் நாடபுத்தங் [நாத²புத்தங் (ஸீ॰)] ஆரப்³ப⁴ ப⁴க³வதோ ஸந்திகே இமங் கா³த²ங் அபா⁴ஸி –

‘‘ஜேகு³ச்சீ² நிபகோ பி⁴க்கு², சாதுயாமஸுஸங்வுதோ;

தி³ட்ட²ங் ஸுதஞ்ச ஆசிக்க²ங், ந ஹி நூன கிப்³பி³ஸீ ஸியா’’தி.

அத² கோ² ஆகோடகோ தே³வபுத்தோ நானாதித்தி²யே ஆரப்³ப⁴ ப⁴க³வதோ ஸந்திகே இமங் கா³த²ங் அபா⁴ஸி –

‘‘பகுத⁴கோ காதியானோ நிக³ண்டோ²,

யே சாபிமே மக்க²லிபூரணாஸே;

க³ணஸ்ஸ ஸத்தா²ரோ ஸாமஞ்ஞப்பத்தா,

ந ஹி நூன தே ஸப்புரிஸேஹி தூ³ரே’’தி.

அத² கோ² வேக³ப்³ப⁴ரி தே³வபுத்தோ ஆகோடகங் தே³வபுத்தங் கா³தா²ய பச்சபா⁴ஸி –

‘‘ஸஹாசரிதேன [ஸஹாரவேனாபி (க॰ ஸீ॰), ஸகா³ரவேனாபி (பீ॰)] ச²வோ ஸிகா³லோ [ஸிங்கா³லோ (க॰)],

ந கொத்து²கோ ஸீஹஸமோ கதா³சி;

நக்³கோ³ முஸாவாதீ³ க³ணஸ்ஸ ஸத்தா²,

ஸங்கஸ்ஸராசாரோ ந ஸதங் ஸரிக்கோ²’’தி.

அத² கோ² மாரோ பாபிமா பே³க³ப்³ப⁴ரிங் தே³வபுத்தங் அன்வாவிஸித்வா ப⁴க³வதோ ஸந்திகே இமங் கா³த²ங் அபா⁴ஸி –

‘‘தபோஜிகு³ச்சா²ய ஆயுத்தா, பாலயங் பவிவேகியங்;

ரூபே ச யே நிவிட்டா²ஸே, தே³வலோகாபி⁴னந்தி³னோ;

தே வே ஸம்மானுஸாஸந்தி, பரலோகாய மாதியா’’தி.

அத² கோ² ப⁴க³வா, ‘மாரோ அயங் பாபிமா’ இதி விதி³த்வா, மாரங் பாபிமந்தங் கா³தா²ய பச்சபா⁴ஸி –

‘‘யே கேசி ரூபா இத⁴ வா ஹுரங் வா,

யே சந்தலிக்க²ஸ்மிங் பபா⁴ஸவண்ணா;

ஸப்³பே³வ தே தே நமுசிப்பஸத்தா²,

ஆமிஸங்வ மச்சா²னங் வதா⁴ய கி²த்தா’’தி.

அத² கோ² மாணவகா³மியோ தே³வபுத்தோ ப⁴க³வந்தங் ஆரப்³ப⁴ ப⁴க³வதோ ஸந்திகே இமா கா³தா²யோ அபா⁴ஸி –

‘‘விபுலோ ராஜக³ஹீயானங், கி³ரிஸெட்டோ² பவுச்சதி;

ஸேதோ ஹிமவதங் ஸெட்டோ², ஆதி³ச்சோ அக⁴கா³மினங்.

‘‘ஸமுத்³தோ³ உத³தி⁴னங் ஸெட்டோ², நக்க²த்தானஞ்ச சந்தி³மா [நக்க²த்தானங்வ சந்தி³மா (க॰)];

ஸதே³வகஸ்ஸ லோகஸ்ஸ, பு³த்³தோ⁴ அக்³கோ³ பவுச்சதீ’’தி.

நானாதித்தி²யவக்³கோ³ ததியோ.

தஸ்ஸுத்³தா³னங் –

ஸிவோ கே²மோ ச ஸேரீ ச, க⁴டீ ஜந்து ச ரோஹிதோ;

நந்தோ³ நந்தி³விஸாலோ ச, ஸுஸிமோ நானாதித்தி²யேன தே த³ஸாதி.

தே³வபுத்தஸங்யுத்தங் ஸமத்தங்.

comments (0)

ஸுத்தபிடக-Part-50-தமிழில் திரபிடக மூன்று தொகுப்புகள்TIPITAKA–50.ஸங்யுத்தனிகாயோ-ஸகாதாவக்கோ-1. தேவதாஸங்யுத்தங்-1. நளவக்கோ-1. ஓகதரணஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 5:54 pm

ஸுத்தபிடக-Part-50-தமிழில் திரபிடக மூன்று தொகுப்புகள்TIPITAKA--50.ஸங்யுத்தனிகாயோ-ஸகாதாவக்கோ-1. தேவதாஸங்யுத்தங்-1. நளவக்கோ-1. ஓகதரணஸுத்தங்-from FREE ONLINE eNālāndā Research and
Practice UNIVERSITY through http://sarvajan.ambedkar.org

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

ஸங்யுத்தனிகாயோ

ஸகாதாவக்கோ

1. தேவதாஸங்யுத்தங்

1. நளவக்கோ

1. ஓகதரணஸுத்தங்

1. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. அத² கோ² அஞ்ஞதரா தே³வதா அபி⁴க்கந்தாய ரத்தியா அபி⁴க்கந்தவண்ணா
கேவலகப்பங் ஜேதவனங் ஓபா⁴ஸெத்வா யேன ப⁴க³வா தேனுபஸங்கமி; உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தா கோ² ஸா தே³வதா
ப⁴க³வந்தங் ஏதத³வோச – ‘‘‘கத²ங் நு த்வங், மாரிஸ, ஓக⁴மதரீ’தி?
‘அப்பதிட்ட²ங் க்²வாஹங், ஆவுஸோ, அனாயூஹங்
ஓக⁴மதரி’ந்தி. ‘யதா² கத²ங் பன த்வங், மாரிஸ, அப்பதிட்ட²ங் அனாயூஹங்
ஓக⁴மதரீ’தி? ‘யதா³க்²வாஹங், ஆவுஸோ, ஸந்திட்டா²மி ததா³ஸ்ஸு ஸங்ஸீதா³மி ; யதா³க்²வாஹங், ஆவுஸோ, ஆயூஹாமி ததா³ஸ்ஸு நிப்³பு³ய்ஹாமி [நிவுய்ஹாமி (ஸ்யா॰ கங்॰ க॰)]. ஏவங் க்²வாஹங், ஆவுஸோ, அப்பதிட்ட²ங் அனாயூஹங் ஓக⁴மதரி’’’ந்தி.

‘‘சிரஸ்ஸங் வத பஸ்ஸாமி, ப்³ராஹ்மணங் பரினிப்³பு³தங்;

அப்பதிட்ட²ங் அனாயூஹங், திண்ணங் லோகே விஸத்திக’’ந்தி. –

இத³மவோச ஸா தே³வதா. ஸமனுஞ்ஞோ
ஸத்தா² அஹோஸி. அத² கோ² ஸா தே³வதா – ‘‘ஸமனுஞ்ஞோ மே ஸத்தா²’’தி ப⁴க³வந்தங்
அபி⁴வாதெ³த்வா பத³க்கி²ணங் கத்வா தத்தே²வந்தரதா⁴யீதி.

2. நிமொக்க²ஸுத்தங்

2. ஸாவத்தி²னிதா³னங் .
அத² கோ² அஞ்ஞதரா தே³வதா அபி⁴க்கந்தாய ரத்தியா அபி⁴க்கந்தவண்ணா கேவலகப்பங்
ஜேதவனங் ஓபா⁴ஸெத்வா யேன ப⁴க³வா தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தா கோ² ஸா தே³வதா ப⁴க³வந்தங்
ஏதத³வோச –

‘‘ஜானாஸி நோ த்வங், மாரிஸ, ஸத்தானங் நிமொக்க²ங் பமொக்க²ங் விவேக’’ந்தி?

‘‘ஜானாமி க்²வாஹங், ஆவுஸோ, ஸத்தானங் நிமொக்க²ங் பமொக்க²ங் விவேக’’ந்தி.

‘‘யதா² கத²ங் பன த்வங், மாரிஸ, ஜானாஸி ஸத்தானங் நிமொக்க²ங் பமொக்க²ங் விவேக’’ந்தி?

‘‘நந்தீ³ப⁴வபரிக்க²யா [நந்தி³ப⁴வபரிக்க²யா (ஸ்யா॰ கங்॰)], ஸஞ்ஞாவிஞ்ஞாணஸங்க²யா, வேத³னானங் நிரோதா⁴ உபஸமா – ஏவங் க்²வாஹங், ஆவுஸோ, ஜானாமி ஸத்தானங் நிமொக்க²ங் பமொக்க²ங் விவேக’’ந்தி.

3. உபனீயஸுத்தங்

3. ஸாவத்தி²னிதா³னங் . ஏகமந்தங் டி²தா கோ² ஸா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘உபனீயதி ஜீவிதமப்பமாயு,

ஜரூபனீதஸ்ஸ ந ஸந்தி தாணா;

ஏதங் ப⁴யங் மரணே பெக்க²மானோ,

புஞ்ஞானி கயிராத² ஸுகா²வஹானீ’’தி.

‘‘உபனீயதி ஜீவிதமப்பமாயு,

ஜரூபனீதஸ்ஸ ந ஸந்தி தாணா;

ஏதங் ப⁴யங் மரணே பெக்க²மானோ,

லோகாமிஸங் பஜஹே ஸந்திபெக்கோ²’’தி.

4. அச்செந்திஸுத்தங்

4. ஸாவத்தி²னிதா³னங் . ஏகமந்தங் டி²தா கோ² ஸா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘அச்செந்தி காலா தரயந்தி ரத்தியோ,

வயோகு³ணா அனுபுப்³ப³ங் ஜஹந்தி;

ஏதங் ப⁴யங் மரணே பெக்க²மானோ,

புஞ்ஞானி கயிராத² ஸுகா²வஹானீ’’தி.

‘‘அச்செந்தி காலா தரயந்தி ரத்தியோ,

வயோகு³ணா அனுபுப்³ப³ங் ஜஹந்தி;

ஏதங் ப⁴யங் மரணே பெக்க²மானோ,

லோகாமிஸங் பஜஹே ஸந்திபெக்கோ²’’தி.

5. கதிசி²ந்த³ஸுத்தங்

5. ஸாவத்தி²னிதா³னங் . ஏகமந்தங் டி²தா கோ² ஸா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘கதி சி²ந்தே³ கதி ஜஹே, கதி சுத்தரி பா⁴வயே;

கதி ஸங்கா³திகோ³ பி⁴க்கு², ஓக⁴திண்ணோதி வுச்சதீ’’தி.

‘‘பஞ்ச சி²ந்தே³ பஞ்ச ஜஹே, பஞ்ச சுத்தரி பா⁴வயே;

பஞ்ச ஸங்கா³திகோ³ பி⁴க்கு², ஓக⁴திண்ணோதி வுச்சதீ’’தி.

6. ஜாக³ரஸுத்தங்

6. ஸாவத்தி²னிதா³னங். ஏகமந்தங் டி²தா கோ² ஸா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘கதி ஜாக³ரதங் ஸுத்தா, கதி ஸுத்தேஸு ஜாக³ரா;

கதிபி⁴ [கதீஹி (ஸீ॰)] ரஜமாதே³தி, கதிபி⁴ [கதீஹி (ஸீ॰)] பரிஸுஜ்ஜ²தீ’’தி.

‘‘பஞ்ச ஜாக³ரதங் ஸுத்தா, பஞ்ச ஸுத்தேஸு ஜாக³ரா;

பஞ்சபி⁴ [பஞ்சஹி (ஸீ॰)] ரஜமாதே³தி, பஞ்சபி⁴ [பஞ்சஹி (ஸீ॰)] பரிஸுஜ்ஜ²தீ’’தி.

7. அப்படிவிதி³தஸுத்தங்

7. ஸாவத்தி²னிதா³னங் . ஏகமந்தங் டி²தா கோ² ஸா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘யேஸங் த⁴ம்மா அப்படிவிதி³தா, பரவாதே³ஸு நீயரே [நிய்யரே (க॰)];

ஸுத்தா தே நப்பபு³ஜ்ஜ²ந்தி, காலோ தேஸங் பபு³ஜ்ஜி²து’’ந்தி.

‘‘யேஸங் த⁴ம்மா ஸுப்படிவிதி³தா, பரவாதே³ஸு ந நீயரே;

தே ஸம்பு³த்³தா⁴ ஸம்மத³ஞ்ஞா, சரந்தி விஸமே ஸம’’ந்தி.

8. ஸுஸம்முட்ட²ஸுத்தங்

8. ஸாவத்தி²னிதா³னங். ஏகமந்தங் டி²தா கோ² ஸா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘யேஸங் த⁴ம்மா ஸுஸம்முட்டா², பரவாதே³ஸு நீயரே;

ஸுத்தா தே நப்பபு³ஜ்ஜ²ந்தி, காலோ தேஸங் பபு³ஜ்ஜி²து’’ந்தி.

‘‘யேஸங் த⁴ம்மா அஸம்முட்டா², பரவாதே³ஸு ந நீயரே;

தே ஸம்பு³த்³தா⁴ ஸம்மத³ஞ்ஞா, சரந்தி விஸமே ஸம’’ந்தி.

9. மானகாமஸுத்தங்

9. ஸாவத்தி²னிதா³னங். ஏகமந்தங் டி²தா கோ² ஸா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘ந மானகாமஸ்ஸ த³மோ இத⁴த்தி²,

ந மோனமத்தி² அஸமாஹிதஸ்ஸ;

ஏகோ அரஞ்ஞே விஹரங் பமத்தோ,

ந மச்சுதெ⁴ய்யஸ்ஸ தரெய்ய பார’’ந்தி.

‘‘மானங் பஹாய ஸுஸமாஹிதத்தோ,

ஸுசேதஸோ ஸப்³ப³தி⁴ விப்பமுத்தோ;

ஏகோ அரஞ்ஞே விஹரங் அப்பமத்தோ,

ஸ மச்சுதெ⁴ய்யஸ்ஸ தரெய்ய பார’’ந்தி.

10. அரஞ்ஞஸுத்தங்

10. ஸாவத்தி²னிதா³னங் . ஏகமந்தங் டி²தா கோ² ஸா தே³வதா ப⁴க³வந்தங் கா³தா²ய அஜ்ஜ²பா⁴ஸி –

‘‘அரஞ்ஞே விஹரந்தானங், ஸந்தானங் ப்³ரஹ்மசாரினங்;

ஏகப⁴த்தங் பு⁴ஞ்ஜமானானங், கேன வண்ணோ பஸீத³தீ’’தி.

‘‘அதீதங் நானுஸோசந்தி, நப்பஜப்பந்தி நாக³தங்;

பச்சுப்பன்னேன யாபெந்தி, தேன வண்ணோ பஸீத³தி’’.

‘‘அனாக³தப்பஜப்பாய, அதீதஸ்ஸானுஸோசனா;

ஏதேன பா³லா ஸுஸ்ஸந்தி, நளோவ ஹரிதோ லுதோ’’தி.

நளவக்³கோ³ பட²மோ.

தஸ்ஸுத்³தா³னங் –

ஓக⁴ங் நிமொக்க²ங் உபனெய்யங், அச்செந்தி கதிசி²ந்தி³ ச;

ஜாக³ரங் அப்படிவிதி³தா, ஸுஸம்முட்டா² மானகாமினா;

அரஞ்ஞே த³ஸமோ வுத்தோ, வக்³கோ³ தேன பவுச்சதி.

2. நந்த³னவக்³கோ³

1. நந்த³னஸுத்தங்

11. ஏவங் மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி. ‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘பூ⁴தபுப்³ப³ங், பி⁴க்க²வே, அஞ்ஞதரா தாவதிங்ஸகாயிகா
தே³வதா நந்த³னே வனே அச்ச²ராஸங்க⁴பரிவுதா தி³ப்³பே³ஹி பஞ்சஹி காமகு³ணேஹி
ஸமப்பிதா ஸமங்கீ³பூ⁴தா பரிசாரியமானா [பரிசாரியமானா (ஸ்யா॰ கங்॰ க॰)] தாயங் வேலாயங் இமங் கா³த²ங் அபா⁴ஸி –

‘‘ந தே ஸுக²ங் பஜானந்தி, யே ந பஸ்ஸந்தி நந்த³னங்;

ஆவாஸங் நரதே³வானங், தித³ஸானங் யஸஸ்ஸின’’ந்தி.

‘‘ஏவங் வுத்தே, பி⁴க்க²வே, அஞ்ஞதரா தே³வதா தங் தே³வதங் கா³தா²ய பச்சபா⁴ஸி –

‘‘ந த்வங் பா³லே பஜானாஸி, யதா² அரஹதங் வசோ;

அனிச்சா ஸப்³ப³ஸங்கா²ரா [ஸப்³பே³ ஸங்கா²ரா (ஸீ॰ ஸ்யா॰ கங்॰)], உப்பாத³வயத⁴ம்மினோ;

உப்பஜ்ஜித்வா நிருஜ்ஜ²ந்தி, தேஸங் வூபஸமோ ஸுகோ²’’தி.

2. நந்த³திஸுத்தங்

12. ஸாவத்தி²னிதா³னங். ஏகமந்தங் டி²தா கோ² ஸா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘நந்த³தி புத்தேஹி புத்திமா,

கோ³மா [கோ³மிகோ (ஸீ॰ ஸ்யா॰ கங்॰ பீ॰)] கோ³ஹி ததே²வ நந்த³தி;

உபதீ⁴ஹி நரஸ்ஸ நந்த³னா,

ந ஹி ஸோ நந்த³தி யோ நிரூபதீ⁴’’தி.

‘‘ஸோசதி புத்தேஹி புத்திமா,

கோ³மா கோ³ஹி ததே²வ ஸோசதி;

உபதீ⁴ஹி நரஸ்ஸ ஸோசனா,

ந ஹி ஸோ ஸோசதி யோ நிரூபதீ⁴’’தி.

3. நத்தி²புத்தஸமஸுத்தங்

13. ஸாவத்தி²னிதா³னங். ஏகமந்தங் டி²தா கோ² ஸா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘நத்தி² புத்தஸமங் பேமங், நத்தி² கோ³ஸமிதங் த⁴னங்;

நத்தி² ஸூரியஸமா [ஸுரியஸமா (ஸீ॰ ஸ்யா॰ கங்॰ பீ॰)] ஆபா⁴, ஸமுத்³த³பரமா ஸரா’’தி.

‘‘நத்தி² அத்தஸமங் பேமங், நத்தி² த⁴ஞ்ஞஸமங் த⁴னங்;

நத்தி² பஞ்ஞாஸமா ஆபா⁴, வுட்டி² வே பரமா ஸரா’’தி.

4. க²த்தியஸுத்தங்

14. ‘‘க²த்தியோ த்³விபத³ங் ஸெட்டோ², ப³லீப³த்³தோ³ [ப³லிவத்³தோ³ (ஸீ॰ பீ॰), ப³லிப³த்³தோ³ (ஸ்யா॰ கங்॰ க॰)] சதுப்பத³ங்.

கோமாரீ ஸெட்டா² ப⁴ரியானங், யோ ச புத்தான புப்³ப³ஜோ’’தி.

‘‘ஸம்பு³த்³தோ⁴ த்³விபத³ங் ஸெட்டோ², ஆஜானீயோ சதுப்பத³ங்;

ஸுஸ்ஸூஸா ஸெட்டா² ப⁴ரியானங், யோ ச புத்தானமஸ்ஸவோ’’தி.

5. ஸணமானஸுத்தங்

15. ‘‘டி²தே மஜ்ஜ²ன்ஹிகே [மஜ்ஜ²ந்திகே (ஸப்³ப³த்த²)] காலே, ஸன்னிஸீவேஸு பக்கி²ஸு.

ஸணதேவ ப்³ரஹாரஞ்ஞங் [மஹாரஞ்ஞங் (க॰ ஸீ॰ ஸ்யா॰ கங்॰ க॰)], தங் ப⁴யங் படிபா⁴தி ம’’ந்தி.

‘‘டி²தே மஜ்ஜ²ன்ஹிகே காலே, ஸன்னிஸீவேஸு பக்கி²ஸு;

ஸணதேவ ப்³ரஹாரஞ்ஞங், ஸா ரதி படிபா⁴தி ம’’ந்தி.

6. நித்³தா³தந்தீ³ஸுத்தங்

16. ‘‘நித்³தா³ தந்தீ³ விஜம்பி⁴தா [தந்தி³ விஜம்பி⁴கா (ஸீ॰ பீ॰)], அரதீ ப⁴த்தஸம்மதோ³.

ஏதேன நப்பகாஸதி, அரியமக்³கோ³ இத⁴ பாணின’’ந்தி.

‘‘நித்³த³ங் தந்தி³ங் விஜம்பி⁴தங், அரதிங் ப⁴த்தஸம்மத³ங்;

வீரியேன [விரியேன (ஸீ॰ ஸ்யா॰ கங்॰ பீ॰)] நங் பணாமெத்வா, அரியமக்³கோ³ விஸுஜ்ஜ²தீ’’தி.

7. து³க்கரஸுத்தங்

17. ‘‘து³க்கரங் து³த்திதிக்க²ஞ்ச, அப்³யத்தேன ச ஸாமஞ்ஞங்.

ப³ஹூஹி தத்த² ஸம்பா³தா⁴, யத்த² பா³லோ விஸீத³தீ’’தி.

‘‘கதிஹங் சரெய்ய ஸாமஞ்ஞங், சித்தங் சே ந நிவாரயே;

பதே³ பதே³ விஸீதெ³ய்ய, ஸங்கப்பானங் வஸானுகோ³’’தி.

‘‘கும்மோவ அங்கா³னி ஸகே கபாலே,

ஸமோத³ஹங் பி⁴க்கு² மனோவிதக்கே;

அனிஸ்ஸிதோ அஞ்ஞமஹேட²யானோ,

பரினிப்³பு³தோ நூபவதெ³ய்ய கஞ்சீ’’தி.

8. ஹிரீஸுத்தங்

18. ‘‘ஹிரீனிஸேதோ⁴ புரிஸோ, கோசி லோகஸ்மிங் விஜ்ஜதி.

யோ நிந்த³ங் அபபோ³த⁴தி [அபபோ³தே⁴தி (ஸ்யா॰ கங்॰ க॰)], அஸ்ஸோ ப⁴த்³ரோ கஸாமிவா’’தி.

‘‘ஹிரீனிஸேதா⁴ தனுயா, யே சரந்தி ஸதா³ ஸதா;

அந்தங் து³க்க²ஸ்ஸ பப்புய்ய, சரந்தி விஸமே ஸம’’ந்தி.

9. குடிகாஸுத்தங்

19.

‘‘கச்சி தே குடிகா நத்தி², கச்சி நத்தி² குலாவகா;

கச்சி ஸந்தானகா நத்தி², கச்சி முத்தோஸி ப³ந்த⁴னா’’தி.

‘‘தக்³க⁴ மே குடிகா நத்தி², தக்³க⁴ நத்தி² குலாவகா;

தக்³க⁴ ஸந்தானகா நத்தி², தக்³க⁴ முத்தொம்ஹி ப³ந்த⁴னா’’தி.

‘‘கிந்தாஹங் குடிகங் ப்³ரூமி, கிங் தே ப்³ரூமி குலாவகங்;

கிங் தே ஸந்தானகங் ப்³ரூமி, கிந்தாஹங் ப்³ரூமி ப³ந்த⁴ன’’ந்தி.

‘‘மாதரங் குடிகங் ப்³ரூஸி, ப⁴ரியங் ப்³ரூஸி குலாவகங்;

புத்தே ஸந்தானகே ப்³ரூஸி, தண்ஹங் மே ப்³ரூஸி ப³ந்த⁴ன’’ந்தி.

‘‘ஸாஹு தே குடிகா நத்தி², ஸாஹு நத்தி² குலாவகா;

ஸாஹு ஸந்தானகா நத்தி², ஸாஹு முத்தோஸி ப³ந்த⁴னா’’தி.

10. ஸமித்³தி⁴ஸுத்தங்

20.
ஏவங் மே ஸுதங் – ஏகங் ஸமயங் ப⁴க³வா ராஜக³ஹே விஹரதி தபோதா³ராமே. அத² கோ²
ஆயஸ்மா ஸமித்³தி⁴ ரத்தியா பச்சூஸஸமயங் பச்சுட்டா²ய யேன தபோதா³ தேனுபஸங்கமி
க³த்தானி பரிஸிஞ்சிதுங். தபோதே³ க³த்தானி பரிஸிஞ்சித்வா பச்சுத்தரித்வா
ஏகசீவரோ அட்டா²ஸி க³த்தானி புப்³பா³பயமானோ. அத² கோ² அஞ்ஞதரா தே³வதா
அபி⁴க்கந்தாய ரத்தியா அபி⁴க்கந்தவண்ணா கேவலகப்பங் தபோத³ங் ஓபா⁴ஸெத்வா யேன
ஆயஸ்மா ஸமித்³தி⁴ தேனுபஸங்கமி; உபஸங்கமித்வா வேஹாஸங் டி²தா ஆயஸ்மந்தங்
ஸமித்³தி⁴ங் கா³தா²ய அஜ்ஜ²பா⁴ஸி –

‘‘அபு⁴த்வா பி⁴க்க²ஸி பி⁴க்கு², ந ஹி பு⁴த்வான பி⁴க்க²ஸி;

பு⁴த்வான பி⁴க்கு² பி⁴க்க²ஸ்ஸு, மா தங் காலோ உபச்சகா³’’தி.

‘‘காலங் வோஹங் ந ஜானாமி, ச²ன்னோ காலோ ந தி³ஸ்ஸதி;

தஸ்மா அபு⁴த்வா பி⁴க்கா²மி, மா மங் காலோ உபச்சகா³’’தி.

அத² கோ² ஸா தே³வதா பத²வியங் [பட²வியங் (ஸீ॰ ஸ்யா॰ கங்॰ பீ॰)]
பதிட்ட²ஹித்வா ஆயஸ்மந்தங் ஸமித்³தி⁴ங் ஏதத³வோச – ‘‘த³ஹரோ த்வங் பி⁴க்கு²,
பப்³ப³ஜிதோ ஸுஸு காளகேஸோ, ப⁴த்³ரேன யொப்³ப³னேன ஸமன்னாக³தோ, பட²மேன வயஸா,
அனிக்கீளிதாவீ காமேஸு. பு⁴ஞ்ஜ, பி⁴க்கு², மானுஸகே காமே; மா ஸந்தி³ட்டி²கங்
ஹித்வா காலிகங் அனுதா⁴வீ’’தி.

‘‘ந க்²வாஹங், ஆவுஸோ, ஸந்தி³ட்டி²கங் ஹித்வா காலிகங்
அனுதா⁴வாமி. காலிகஞ்ச க்²வாஹங், ஆவுஸோ, ஹித்வா ஸந்தி³ட்டி²கங் அனுதா⁴வாமி.
காலிகா ஹி, ஆவுஸோ, காமா வுத்தா ப⁴க³வதா ப³ஹுது³க்கா² ப³ஹுபாயாஸா; ஆதீ³னவோ
எத்த² பி⁴ய்யோ. ஸந்தி³ட்டி²கோ அயங் த⁴ம்மோ அகாலிகோ ஏஹிபஸ்ஸிகோ ஓபனெய்யிகோ
பச்சத்தங் வேதி³தப்³போ³ விஞ்ஞூஹீ’’தி.

‘‘கத²ஞ்ச, பி⁴க்கு², காலிகா காமா வுத்தா ப⁴க³வதா
ப³ஹுது³க்கா² ப³ஹுபாயாஸா, ஆதீ³னவோ எத்த² பி⁴ய்யோ? கத²ங் ஸந்தி³ட்டி²கோ அயங்
த⁴ம்மோ அகாலிகோ ஏஹிபஸ்ஸிகோ ஓபனெய்யிகோ பச்சத்தங் வேதி³தப்³போ³
விஞ்ஞூஹீ’’தி?

‘‘அஹங் கோ², ஆவுஸோ, நவோ அசிரபப்³ப³ஜிதோ அது⁴னாக³தோ இமங் த⁴ம்மவினயங். ந தாஹங் [ந க்²வாஹங் (ஸீ॰ பீ॰)]
ஸக்கோமி வித்தா²ரேன ஆசிக்கி²துங். அயங் ஸோ ப⁴க³வா அரஹங் ஸம்மாஸம்பு³த்³தோ⁴
ராஜக³ஹே விஹரதி தபோதா³ராமே. தங் ப⁴க³வந்தங் உபஸங்கமித்வா ஏதமத்த²ங்
புச்ச². யதா² தே ப⁴க³வா ப்³யாகரோதி ததா² நங் தா⁴ரெய்யாஸீ’’தி.

‘‘ந கோ², பி⁴க்கு², ஸுகரோ ஸோ ப⁴க³வா அம்ஹேஹி உபஸங்கமிதுங் ,
அஞ்ஞாஹி மஹேஸக்கா²ஹி தே³வதாஹி பரிவுதோ. ஸசே கோ² த்வங், பி⁴க்கு², தங்
ப⁴க³வந்தங் உபஸங்கமித்வா ஏதமத்த²ங் புச்செ²ய்யாஸி, மயம்பி ஆக³ச்செ²ய்யாம
த⁴ம்மஸ்ஸவனாயா’’தி. ‘‘ஏவமாவுஸோ’’தி கோ² ஆயஸ்மா ஸமித்³தி⁴ தஸ்ஸா தே³வதாய
படிஸ்ஸுத்வா யேன ப⁴க³வா தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா ஸமித்³தி⁴ ப⁴க³வந்தங் ஏதத³வோச –

‘‘இதா⁴ஹங் ,
ப⁴ந்தே, ரத்தியா பச்சூஸஸமயங் பச்சுட்டா²ய யேன தபோதா³ தேனுபஸங்கமிங்
க³த்தானி பரிஸிஞ்சிதுங். தபோதே³ க³த்தானி பரிஸிஞ்சித்வா பச்சுத்தரித்வா
ஏகசீவரோ அட்டா²ஸிங் க³த்தானி புப்³பா³பயமானோ. அத² கோ², ப⁴ந்தே, அஞ்ஞதரா
தே³வதா அபி⁴க்கந்தாய ரத்தியா அபி⁴க்கந்தவண்ணா கேவலகப்பங் தபோத³ங்
ஓபா⁴ஸெத்வா யேனாஹங் தேனுபஸங்கமி; உபஸங்கமித்வா வேஹாஸங் டி²தா இமாய கா³தா²ய
அஜ்ஜ²பா⁴ஸி –

‘‘அபு⁴த்வா பி⁴க்க²ஸி பி⁴க்கு², ந ஹி பு⁴த்வான பி⁴க்க²ஸி;

பு⁴த்வான பி⁴க்கு² பி⁴க்க²ஸ்ஸு, மா தங் காலோ உபச்சகா³’’தி.

‘‘ஏவங் வுத்தே அஹங், ப⁴ந்தே, தங் தே³வதங் கா³தா²ய பச்சபா⁴ஸிங் –

‘‘காலங் வோஹங் ந ஜானாமி, ச²ன்னோ காலோ ந தி³ஸ்ஸதி;

தஸ்மா அபு⁴த்வா பி⁴க்கா²மி, மா மங் காலோ உபச்சகா³’’தி.

‘‘அத² கோ², ப⁴ந்தே, ஸா தே³வதா பத²வியங் பதிட்ட²ஹித்வா மங் ஏதத³வோச – ‘த³ஹரோ
த்வங், பி⁴க்கு², பப்³ப³ஜிதோ ஸுஸு காளகேஸோ, ப⁴த்³ரேன யொப்³ப³னேன
ஸமன்னாக³தோ, பட²மேன வயஸா, அனிக்கீளிதாவீ காமேஸு. பு⁴ஞ்ஜ, பி⁴க்கு², மானுஸகே
காமே; மா ஸந்தி³ட்டி²கங் ஹித்வா காலிகங் அனுதா⁴வீ’’’தி.

‘‘ஏவங் வுத்தாஹங், ப⁴ந்தே, தங் தே³வதங் ஏதத³வோசங் – ‘ந
க்²வாஹங், ஆவுஸோ, ஸந்தி³ட்டி²கங் ஹித்வா காலிகங் அனுதா⁴வாமி; காலிகஞ்ச
க்²வாஹங், ஆவுஸோ, ஹித்வா ஸந்தி³ட்டி²கங் அனுதா⁴வாமி. காலிகா ஹி, ஆவுஸோ,
காமா வுத்தா ப⁴க³வதா ப³ஹுது³க்கா² ப³ஹுபாயாஸா; ஆதீ³னவோ எத்த² பி⁴ய்யோ.
ஸந்தி³ட்டி²கோ அயங் த⁴ம்மோ அகாலிகோ ஏஹிபஸ்ஸிகோ ஓபனெய்யிகோ பச்சத்தங்
வேதி³தப்³போ³ விஞ்ஞூஹீ’’’தி.

‘‘ஏவங் வுத்தே, ப⁴ந்தே, ஸா தே³வதா மங் ஏதத³வோச –
‘கத²ஞ்ச, பி⁴க்கு², காலிகா காமா வுத்தா ப⁴க³வதா ப³ஹுது³க்கா² ப³ஹுபாயாஸா;
ஆதீ³னவோ எத்த² பி⁴ய்யோ? கத²ங் ஸந்தி³ட்டி²கோ அயங் த⁴ம்மோ அகாலிகோ ஏஹிபஸ்ஸிகோ ஓபனெய்யிகோ பச்சத்தங் வேதி³தப்³போ³ விஞ்ஞூஹீ’தி? ஏவங் வுத்தாஹங், ப⁴ந்தே ,
தங் தே³வதங் ஏதத³வோசங் – ‘அஹங் கோ², ஆவுஸோ, நவோ அசிரபப்³ப³ஜிதோ அது⁴னாக³தோ
இமங் த⁴ம்மவினயங், ந தாஹங் ஸக்கோமி வித்தா²ரேன ஆசிக்கி²துங். அயங் ஸோ
ப⁴க³வா அரஹங் ஸம்மாஸம்பு³த்³தோ⁴ ராஜக³ஹே விஹரதி தபோதா³ராமே. தங் ப⁴க³வந்தங்
உபஸங்கமித்வா ஏதமத்த²ங் புச்ச². யதா² தே ப⁴க³வா ப்³யாகரோதி ததா² நங்
தா⁴ரெய்யாஸீ’’’தி.

‘‘ஏவங் வுத்தே, ப⁴ந்தே, ஸா
தே³வதா மங் ஏதத³வோச – ‘ந கோ², பி⁴க்கு², ஸுகரோ ஸோ ப⁴க³வா அம்ஹேஹி
உபஸங்கமிதுங், அஞ்ஞாஹி மஹேஸக்கா²ஹி தே³வதாஹி பரிவுதோ. ஸசே கோ², த்வங்
பி⁴க்கு², தங் ப⁴க³வந்தங் உபஸங்கமித்வா ஏதமத்த²ங் புச்செ²ய்யாஸி, மயம்பி
ஆக³ச்செ²ய்யாம த⁴ம்மஸ்ஸவனாயா’தி. ஸசே, ப⁴ந்தே, தஸ்ஸா தே³வதாய ஸச்சங் வசனங், இதே⁴வ ஸா தே³வதா அவிதூ³ரே’’தி.

ஏவங் வுத்தே, ஸா தே³வதா ஆயஸ்மந்தங் ஸமித்³தி⁴ங் ஏதத³வோச – ‘‘புச்ச², பி⁴க்கு², புச்ச², பி⁴க்கு², யமஹங் அனுப்பத்தா’’தி.

அத² கோ² ப⁴க³வா தங் தே³வதங் கா³தா²ஹி அஜ்ஜ²பா⁴ஸி –

‘‘அக்கெ²ய்யஸஞ்ஞினோ ஸத்தா, அக்கெ²ய்யஸ்மிங் பதிட்டி²தா;

அக்கெ²ய்யங் அபரிஞ்ஞாய, யோக³மாயந்தி மச்சுனோ.

‘‘அக்கெ²ய்யஞ்ச பரிஞ்ஞாய, அக்கா²தாரங் ந மஞ்ஞதி;

தஞ்ஹி தஸ்ஸ ந ஹோதீதி, யேன நங் வஜ்ஜா ந தஸ்ஸ அத்தி²;

ஸசே விஜானாஸி வதே³ஹி யக்கா²’’தி [யக்கீ²தி (பீ॰ க॰)].

‘‘ந க்²வாஹங், ப⁴ந்தே, இமஸ்ஸ ப⁴க³வதா ஸங்கி²த்தேன
பா⁴ஸிதஸ்ஸ வித்தா²ரேன அத்த²ங் ஆஜானாமி. ஸாது⁴ மே, ப⁴ந்தே, ப⁴க³வா ததா²
பா⁴ஸது யதா²ஹங் இமஸ்ஸ ப⁴க³வதா ஸங்கி²த்தேன பா⁴ஸிதஸ்ஸ வித்தா²ரேன அத்த²ங்
ஜானெய்ய’’ந்தி.

‘‘ஸமோ விஸேஸீ உத³ வா [அத²வா (ஸீ॰ பீ॰)] நிஹீனோ,

யோ மஞ்ஞதீ ஸோ விவதே³த² [ஸோபி வதே³த² (க॰)] தேன;

தீஸு விதா⁴ஸு அவிகம்பமானோ,

ஸமோ விஸேஸீதி ந தஸ்ஸ ஹோதி;

ஸசே விஜானாஸி வதே³ஹி யக்கா²’’தி.

‘‘இமஸ்ஸாபி க்²வாஹங், ப⁴ந்தே,
ப⁴க³வதா ஸங்கி²த்தேன பா⁴ஸிதஸ்ஸ ந வித்தா²ரேன அத்த²ங் ஆஜானாமி. ஸாது⁴ மே,
ப⁴ந்தே, ப⁴க³வா ததா² பா⁴ஸது யதா²ஹங் இமஸ்ஸ ப⁴க³வதா ஸங்கி²த்தேன பா⁴ஸிதஸ்ஸ
வித்தா²ரேன அத்த²ங் ஜானெய்ய’’ந்தி.

‘‘பஹாஸி ஸங்க²ங் ந விமானமஜ்ஜ²கா³, அச்செ²ச்சி² [அச்சே²ஜ்ஜி (ஸ்யா॰ கங்॰ க॰)] தண்ஹங் இத⁴ நாமரூபே;

தங் சி²ன்னக³ந்த²ங் அனிக⁴ங் நிராஸங், பரியேஸமானா நாஜ்ஜ²க³முங்;

தே³வா மனுஸ்ஸா இத⁴ வா ஹுரங் வா, ஸக்³கே³ஸு வா ஸப்³ப³னிவேஸனேஸு;

ஸசே விஜானாஸி வதே³ஹி யக்கா²’’தி.

‘‘இமஸ்ஸ க்²வாஹங், ப⁴ந்தே, ப⁴க³வதா ஸங்கி²த்தேன பா⁴ஸிதஸ்ஸ ஏவங் வித்தா²ரேன அத்த²ங் ஆஜானாமி –

‘‘பாபங் ந கயிரா வசஸா மனஸா,

காயேன வா கிஞ்சன ஸப்³ப³லோகே;

காமே பஹாய ஸதிமா ஸம்பஜானோ,

து³க்க²ங் ந ஸேவேத² அனத்த²ஸங்ஹித’’ந்தி.

நந்த³னவக்³கோ³ து³தியோ.

தஸ்ஸுத்³தா³னங் –

நந்த³னா நந்த³தி சேவ, நத்தி²புத்தஸமேன ச;

க²த்தியோ ஸணமானோ ச, நித்³தா³தந்தீ³ ச து³க்கரங்;

ஹிரீ குடிகா நவமோ, த³ஸமோ வுத்தோ ஸமித்³தி⁴னாதி.

3. ஸத்திவக்³கோ³

1. ஸத்திஸுத்தங்

21. ஸாவத்தி²னிதா³னங் . ஏகமந்தங் டி²தா கோ² ஸா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘ஸத்தியா விய ஓமட்டோ², ட³ய்ஹமானோவ [ட³ய்ஹமானேவ (ஸப்³ப³த்த²)] மத்த²கே;

காமராக³ப்பஹானாய, ஸதோ பி⁴க்கு² பரிப்³ப³ஜே’’தி.

‘‘ஸத்தியா விய ஓமட்டோ², ட³ய்ஹமானோவ மத்த²கே;

ஸக்காயதி³ட்டி²ப்பஹானாய, ஸதோ பி⁴க்கு² பரிப்³ப³ஜே’’தி.

2. பு²ஸதிஸுத்தங்

22.

‘‘நாபு²ஸந்தங் பு²ஸதி ச, பு²ஸந்தஞ்ச ததோ பு²ஸே;

தஸ்மா பு²ஸந்தங் பு²ஸதி, அப்பது³ட்ட²பதோ³ஸின’’ந்தி.

‘‘யோ அப்பது³ட்ட²ஸ்ஸ நரஸ்ஸ து³ஸ்ஸதி,

ஸுத்³த⁴ஸ்ஸ போஸஸ்ஸ அனங்க³ணஸ்ஸ;

தமேவ பா³லங் பச்சேதி பாபங்,

ஸுகு²மோ ரஜோ படிவாதங்வ கி²த்தோ’’தி.

3. ஜடாஸுத்தங்

23.

‘‘அந்தோ ஜடா ப³ஹி ஜடா, ஜடாய ஜடிதா பஜா;

தங் தங் கோ³தம புச்சா²மி, கோ இமங் விஜடயே ஜட’’ந்தி.

‘‘ஸீலே பதிட்டா²ய நரோ ஸபஞ்ஞோ, சித்தங் பஞ்ஞஞ்ச பா⁴வயங்;

ஆதாபீ நிபகோ பி⁴க்கு², ஸோ இமங் விஜடயே ஜடங்.

‘‘யேஸங் ராகோ³ ச தோ³ஸோ ச, அவிஜ்ஜா ச விராஜிதா;

கீ²ணாஸவா அரஹந்தோ, தேஸங் விஜடிதா ஜடா.

‘‘யத்த² நாமஞ்ச ரூபஞ்ச, அஸேஸங் உபருஜ்ஜ²தி;

படிக⁴ங் ரூபஸஞ்ஞா ச, எத்தே²ஸா சி²ஜ்ஜதே [விஜடே (க॰)] ஜடா’’தி.

4. மனோனிவாரணஸுத்தங்

24. ‘‘யதோ யதோ மனோ நிவாரயே,

ந து³க்க²மேதி நங் ததோ ததோ;

ஸ ஸப்³ப³தோ மனோ நிவாரயே,

ஸ ஸப்³ப³தோ து³க்கா² பமுச்சதி’’.

‘‘ந ஸப்³ப³தோ மனோ நிவாரயே,

ந மனோ ஸங்யதத்தமாக³தங்;

யதோ யதோ ச பாபகங்,

ததோ ததோ மனோ நிவாரயே’’தி.

5. அரஹந்தஸுத்தங்

25.

‘‘யோ ஹோதி பி⁴க்கு² அரஹங் கதாவீ,

கீ²ணாஸவோ அந்திமதே³ஹதா⁴ரீ;

அஹங் வதா³மீதிபி ஸோ வதெ³ய்ய,

மமங் வத³ந்தீதிபி ஸோ வதெ³ய்யா’’தி.

‘‘யோ ஹோதி பி⁴க்கு² அரஹங் கதாவீ,

கீ²ணாஸவோ அந்திமதே³ஹதா⁴ரீ;

அஹங் வதா³மீதிபி ஸோ வதெ³ய்ய,

மமங் வத³ந்தீதிபி ஸோ வதெ³ய்ய;

லோகே ஸமஞ்ஞங் குஸலோ விதி³த்வா,

வோஹாரமத்தேன ஸோ [ஸ (?)] வோஹரெய்யா’’தி.

‘‘யோ ஹோதி பி⁴க்கு² அரஹங் கதாவீ,

கீ²ணாஸவோ அந்திமதே³ஹதா⁴ரீ;

மானங் நு கோ² ஸோ உபக³ம்ம பி⁴க்கு²,

அஹங் வதா³மீதிபி ஸோ வதெ³ய்ய;

மமங் வத³ந்தீதிபி ஸோ வதெ³ய்யா’’தி.

‘‘பஹீனமானஸ்ஸ ந ஸந்தி க³ந்தா²,

விதூ⁴பிதா மானக³ந்த²ஸ்ஸ ஸப்³பே³;

ஸ வீதிவத்தோ மஞ்ஞதங் [மானநங் (ஸீ॰), மஞ்ஞீதங் (?)] ஸுமேதோ⁴,

அஹங் வதா³மீதிபி ஸோ வதெ³ய்ய.

‘‘மமங் வத³ந்தீதிபி ஸோ வதெ³ய்ய;

லோகே ஸமஞ்ஞங் குஸலோ விதி³த்வா;

வோஹாரமத்தேன ஸோ வோஹரெய்யா’’தி.

6. பஜ்ஜோதஸுத்தங்

26.

‘‘கதி லோகஸ்மிங் பஜ்ஜோதா, யேஹி லோகோ பகாஸதி [பபா⁴ஸதி (க॰ ஸீ॰)];

ப⁴க³வந்தங் [ப⁴வந்தங் (க॰)] புட்டு²மாக³ம்ம, கத²ங் ஜானேமு தங் மய’’ந்தி.

‘‘சத்தாரோ லோகே பஜ்ஜோதா, பஞ்சமெத்த² ந விஜ்ஜதி;

தி³வா தபதி ஆதி³ச்சோ, ரத்திமாபா⁴தி சந்தி³மா.

‘‘அத² அக்³கி³ தி³வாரத்திங், தத்த² தத்த² பகாஸதி;

ஸம்பு³த்³தோ⁴ தபதங் ஸெட்டோ², ஏஸா ஆபா⁴ அனுத்தரா’’தி.

7. ஸரஸுத்தங்

27.

‘‘குதோ ஸரா நிவத்தந்தி, கத்த² வட்டங் ந வத்ததி;

கத்த² நாமஞ்ச ரூபஞ்ச, அஸேஸங் உபருஜ்ஜ²தீ’’தி.

‘‘யத்த² ஆபோ ச பத²வீ, தேஜோ வாயோ ந கா³த⁴தி;

அதோ ஸரா நிவத்தந்தி, எத்த² வட்டங் ந வத்ததி;

எத்த² நாமஞ்ச ரூபஞ்ச, அஸேஸங் உபருஜ்ஜ²தீ’’தி.

8. மஹத்³த⁴னஸுத்தங்

28.

‘‘மஹத்³த⁴னா மஹாபோ⁴கா³, ரட்ட²வந்தோபி க²த்தியா;

அஞ்ஞமஞ்ஞாபி⁴கி³ஜ்ஜ²ந்தி, காமேஸு அனலங்கதா.

‘‘தேஸு உஸ்ஸுக்கஜாதேஸு, ப⁴வஸோதானுஸாரிஸு;

கேத⁴ தண்ஹங் [ரோத⁴தண்ஹங் (ஸ்யா॰ கங்॰), கே³த⁴தண்ஹங் (க॰)] பஜஹிங்ஸு [பவாஹிங்ஸு (ஸ்யா॰ கங்॰ க॰)], கே லோகஸ்மிங் அனுஸ்ஸுகா’’தி.

‘‘ஹித்வா அகா³ரங் பப்³ப³ஜிதா, ஹித்வா புத்தங் பஸுங் வியங்;

ஹித்வா ராக³ஞ்ச தோ³ஸஞ்ச, அவிஜ்ஜஞ்ச விராஜிய;

கீ²ணாஸவா அரஹந்தோ, தே லோகஸ்மிங் அனுஸ்ஸுகா’’தி.

9. சதுசக்கஸுத்தங்

29.

‘‘சதுசக்கங் நவத்³வாரங், புண்ணங் லோபே⁴ன ஸங்யுதங்;

பங்கஜாதங் மஹாவீர, கத²ங் யாத்ரா ப⁴விஸ்ஸதீ’’தி.

‘‘செ²த்வா நத்³தி⁴ங் வரத்தஞ்ச, இச்சா² லோப⁴ஞ்ச பாபகங்;

ஸமூலங் தண்ஹமப்³பு³ய்ஹ, ஏவங் யாத்ரா ப⁴விஸ்ஸதீ’’தி.

10. ஏணிஜங்க⁴ஸுத்தங்

30.

‘‘ஏணிஜங்க⁴ங் கிஸங் வீரங், அப்பாஹாரங் அலோலுபங்;

ஸீஹங் வேகசரங் நாக³ங், காமேஸு அனபெக்கி²னங்;

உபஸங்கம்ம புச்சா²ம, கத²ங் து³க்கா² பமுச்சதீ’’தி.

‘‘பஞ்ச காமகு³ணா லோகே, மனோச²ட்டா² பவேதி³தா;

எத்த² ச²ந்த³ங் விராஜெத்வா, ஏவங் து³க்கா² பமுச்சதீ’’தி.

ஸத்திவக்³கோ³ ததியோ.

தஸ்ஸுத்³தா³னங் –

ஸத்தியா பு²ஸதி சேவ, ஜடா மனோனிவாரணா;

அரஹந்தேன பஜ்ஜோதோ, ஸரா மஹத்³த⁴னேன ச;

சதுசக்கேன நவமங், ஏணிஜங்கே⁴ன தே த³ஸாதி.

4. ஸதுல்லபகாயிகவக்³கோ³

1. ஸப்³பி⁴ஸுத்தங்

31. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. அத² கோ² ஸம்ப³ஹுலா ஸதுல்லபகாயிகா தே³வதாயோ அபி⁴க்கந்தாய ரத்தியா
அபி⁴க்கந்தவண்ணா கேவலகப்பங் ஜேதவனங் ஓபா⁴ஸெத்வா யேன ப⁴க³வா
தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
அட்ட²ங்ஸு. ஏகமந்தங் டி²தா கோ² ஏகா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘ஸப்³பி⁴ரேவ ஸமாஸேத², ஸப்³பி⁴ குப்³பே³த² [க்ருப்³பே³த² (க॰)] ஸந்த²வங்;

ஸதங் ஸத்³த⁴ம்மமஞ்ஞாய, ஸெய்யோ ஹோதி ந பாபியோ’’தி.

அத² கோ² அபரா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘ஸப்³பி⁴ரேவ ஸமாஸேத², ஸப்³பி⁴ குப்³பே³த² ஸந்த²வங்;

ஸதங் ஸத்³த⁴ம்மமஞ்ஞாய, பஞ்ஞா லப்³ப⁴தி [பஞ்ஞங் லப⁴தி (ஸ்யா॰ கங்॰)] நாஞ்ஞதோ’’தி.

அத² கோ² அபரா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘ஸப்³பி⁴ரேவ ஸமாஸேத², ஸப்³பி⁴ குப்³பே³த² ஸந்த²வங்;

ஸதங் ஸத்³த⁴ம்மமஞ்ஞாய, ஸோகமஜ்ஜே² ந ஸோசதீ’’தி.

அத² கோ² அபரா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘ஸப்³பி⁴ரேவ ஸமாஸேத², ஸப்³பி⁴ குப்³பே³த² ஸந்த²வங்;

ஸதங் ஸத்³த⁴ம்மமஞ்ஞாய, ஞாதிமஜ்ஜே² விரோசதீ’’தி.

அத² கோ² அபரா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘ஸப்³பி⁴ரேவ ஸமாஸேத², ஸப்³பி⁴ குப்³பே³த² ஸந்த²வங்;

ஸதங் ஸத்³த⁴ம்மமஞ்ஞாய, ஸத்தா க³ச்ச²ந்தி ஸுக்³க³தி’’ந்தி.

அத² கோ² அபரா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘ஸப்³பி⁴ரேவ ஸமாஸேத², ஸப்³பி⁴ குப்³பே³த² ஸந்த²வங்;

ஸதங் ஸத்³த⁴ம்மமஞ்ஞாய, ஸத்தா திட்ட²ந்தி ஸாதத’’ந்தி.

அத² கோ² அபரா தே³வதா ப⁴க³வந்தங் ஏதத³வோச – ‘‘கஸ்ஸ நு
கோ², ப⁴க³வா, ஸுபா⁴ஸித’’ந்தி? ஸப்³பா³ஸங் வோ ஸுபா⁴ஸிதங் பரியாயேன, அபி ச
மமபி ஸுணாத² –

‘‘ஸப்³பி⁴ரேவ ஸமாஸேத², ஸப்³பி⁴ குப்³பே³த² ஸந்த²வங்;

ஸதங் ஸத்³த⁴ம்மமஞ்ஞாய, ஸப்³ப³து³க்கா² பமுச்சதீ’’தி.

இத³மவோச ப⁴க³வா. அத்தமனா தா தே³வதாயோ ப⁴க³வந்தங் அபி⁴வாதெ³த்வா பத³க்கி²ணங் கத்வா தத்தே²வந்தரதா⁴யிங்ஸூதி.

2. மச்ச²ரிஸுத்தங்

32.
ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. அத²
கோ² ஸம்ப³ஹுலா ஸதுல்லபகாயிகா தே³வதாயோ அபி⁴க்கந்தாய ரத்தியா
அபி⁴க்கந்தவண்ணா கேவலகப்பங் ஜேதவனங் ஓபா⁴ஸெத்வா யேன ப⁴க³வா
தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
அட்ட²ங்ஸு. ஏகமந்தங் டி²தா கோ² ஏகா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘மச்சே²ரா ச பமாதா³ ச, ஏவங் தா³னங் ந தீ³யதி [தி³ய்யதி (க॰)];

புஞ்ஞங் ஆகங்க²மானேன, தெ³ய்யங் ஹோதி விஜானதா’’தி.

அத² கோ² அபரா தே³வதா ப⁴க³வதோ ஸந்திகே இமா கா³தா²யோ அபா⁴ஸி –

‘‘யஸ்ஸேவ பீ⁴தோ ந த³தா³தி மச்ச²ரீ, ததே³வாத³த³தோ ப⁴யங்;

ஜிக⁴ச்சா² ச பிபாஸா ச, யஸ்ஸ பா⁴யதி மச்ச²ரீ;

தமேவ பா³லங் பு²ஸதி, அஸ்மிங் லோகே பரம்ஹி ச.

‘‘தஸ்மா வினெய்ய மச்சே²ரங், த³ஜ்ஜா தா³னங் மலாபி⁴பூ⁴;

புஞ்ஞானி பரலோகஸ்மிங், பதிட்டா² ஹொந்தி பாணின’’ந்தி.

அத² கோ² அபரா தே³வதா ப⁴க³வதோ ஸந்திகே இமா கா³தா²யோ அபா⁴ஸி –

‘‘தே மதேஸு ந மீயந்தி, பந்தா²னங்வ ஸஹப்³ப³ஜங்;

அப்பஸ்மிங் யே பவெச்ச²ந்தி, ஏஸ த⁴ம்மோ ஸனந்தனோ.

‘‘அப்பஸ்மேகே பவெச்ச²ந்தி, ப³ஹுனேகே ந தி³ச்ச²ரே;

அப்பஸ்மா த³க்கி²ணா தி³ன்னா, ஸஹஸ்ஸேன ஸமங் மிதா’’தி.

அத² கோ² அபரா தே³வதா ப⁴க³வதோ ஸந்திகே இமா கா³தா²யோ அபா⁴ஸி –

‘‘து³த்³த³த³ங் த³த³மானானங், து³க்கரங் கம்ம குப்³ப³தங்;

அஸந்தோ நானுகுப்³ப³ந்தி, ஸதங் த⁴ம்மோ து³ரன்வயோ [து³ரன்னயோ (ஸீ॰)].

‘‘தஸ்மா ஸதஞ்ச அஸதங் [அஸதஞ்ச (ஸீ॰ ஸ்யா॰ கங்॰)], நானா ஹோதி இதோ க³தி;

அஸந்தோ நிரயங் யந்தி, ஸந்தோ ஸக்³க³பராயனா’’தி.

அத² கோ² அபரா தே³வதா ப⁴க³வதோ ஸந்திகே ஏதத³வோச – ‘‘கஸ்ஸ நு கோ², ப⁴க³வா, ஸுபா⁴ஸித’’ந்தி?

‘‘ஸப்³பா³ஸங் வோ ஸுபா⁴ஸிதங் பரியாயேன; அபி ச மமபி ஸுணாத² –

‘‘த⁴ம்மங் சரே யோபி ஸமுஞ்ஜகங் சரே,

தா³ரஞ்ச போஸங் த³த³மப்பகஸ்மிங்;

ஸதங் ஸஹஸ்ஸானங் ஸஹஸ்ஸயாகி³னங்,

கலம்பி நாக்³க⁴ந்தி ததா²வித⁴ஸ்ஸ தே’’தி.

அத² கோ² அபரா தே³வதா ப⁴க³வந்தங் கா³தா²ய அஜ்ஜ²பா⁴ஸி –

‘‘கேனேஸ யஞ்ஞோ விபுலோ மஹக்³க³தோ,

ஸமேன தி³ன்னஸ்ஸ ந அக்³க⁴மேதி;

கத²ங் [இத³ங் பத³ங் கத்த²சி ஸீஹளபொத்த²கே நத்தி²] ஸதங் ஸஹஸ்ஸானங் ஸஹஸ்ஸயாகி³னங்,

கலம்பி நாக்³க⁴ந்தி ததா²வித⁴ஸ்ஸ தே’’தி.

‘‘த³த³ந்தி ஹேகே விஸமே நிவிட்டா²,

செ²த்வா வதி⁴த்வா அத² ஸோசயித்வா;

ஸா த³க்கி²ணா அஸ்ஸுமுகா² ஸத³ண்டா³,

ஸமேன தி³ன்னஸ்ஸ ந அக்³க⁴மேதி.

‘‘ஏவங் ஸதங் ஸஹஸ்ஸானங் ஸஹஸ்ஸயாகி³னங்;

கலம்பி நாக்³க⁴ந்தி ததா²வித⁴ஸ்ஸ தே’’தி.

3. ஸாது⁴ஸுத்தங்

33. ஸாவத்தி²னிதா³னங் . அத² கோ² ஸம்ப³ஹுலா ஸதுல்லபகாயிகா தே³வதாயோ அபி⁴க்கந்தாய ரத்தியா
அபி⁴க்கந்தவண்ணா கேவலகப்பங் ஜேதவனங் ஓபா⁴ஸெத்வா யேன ப⁴க³வா
தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
அட்ட²ங்ஸு. ஏகமந்தங் டி²தா கோ² ஏகா தே³வதா ப⁴க³வதோ ஸந்திகே இமங் உதா³னங்
உதா³னேஸி –

‘‘ஸாது⁴ கோ², மாரிஸ, தா³னங்;

மச்சே²ரா ச பமாதா³ ச, ஏவங் தா³னங் ந தீ³யதி;

புஞ்ஞங் ஆகங்க²மானேன, தெ³ய்யங் ஹோதி விஜானதா’’தி.

அத² கோ² அபரா தே³வதா ப⁴க³வதோ ஸந்திகே இமங் உதா³னங் உதா³னேஸி –

‘‘ஸாது⁴ கோ², மாரிஸ, தா³னங்;

அபி ச அப்பகஸ்மிம்பி ஸாஹு தா³னங்’’.

‘‘அப்பஸ்மேகே பவெச்ச²ந்தி, ப³ஹுனேகே ந தி³ச்ச²ரே;

அப்பஸ்மா த³க்கி²ணா தி³ன்னா, ஸஹஸ்ஸேன ஸமங் மிதா’’தி.

அத² கோ² அபரா தே³வதா ப⁴க³வதோ ஸந்திகே இமங் உதா³னங் உதா³னேஸி –

‘‘ஸாது⁴ கோ², மாரிஸ, தா³னங்; அப்பகஸ்மிம்பி ஸாஹு தா³னங்;

அபி ச ஸத்³தா⁴யபி ஸாஹு தா³னங்’’.

‘‘தா³னஞ்ச யுத்³த⁴ஞ்ச ஸமானமாஹு,

அப்பாபி ஸந்தா ப³ஹுகே ஜினந்தி;

அப்பம்பி சே ஸத்³த³ஹானோ த³தா³தி,

தேனேவ ஸோ ஹோதி ஸுகீ² பரத்தா²’’தி.

அத² கோ² அபரா தே³வதா ப⁴க³வதோ ஸந்திகே இமங் உதா³னங் உதா³னேஸி –

‘‘ஸாது⁴ கோ², மாரிஸ, தா³னங்; அப்பகஸ்மிம்பி ஸாஹு தா³னங்;

ஸத்³தா⁴யபி ஸாஹு தா³னங்; அபி ச த⁴ம்மலத்³த⁴ஸ்ஸாபி ஸாஹு தா³னங்’’.

‘‘யோ த⁴ம்மலத்³த⁴ஸ்ஸ த³தா³தி தா³னங்,

உட்டா²னவீரியாதி⁴க³தஸ்ஸ ஜந்து;

அதிக்கம்ம ஸோ வேதரணிங் யமஸ்ஸ,

தி³ப்³பா³னி டா²னானி உபேதி மச்சோ’’தி.

அத² கோ² அபரா தே³வதா ப⁴க³வதோ ஸந்திகே இமங் உதா³னங் உதா³னேஸி –

‘‘ஸாது⁴ கோ², மாரிஸ, தா³னங்; அப்பகஸ்மிம்பி ஸாஹு தா³னங்;

ஸத்³தா⁴யபி ஸாஹு தா³னங்; த⁴ம்மலத்³த⁴ஸ்ஸாபி ஸாஹு தா³னங்;

அபி ச விசெய்ய தா³னம்பி ஸாஹு தா³னங்’’.

‘‘விசெய்ய தா³னங் ஸுக³தப்பஸத்த²ங்,

யே த³க்கி²ணெய்யா இத⁴ ஜீவலோகே;

ஏதேஸு தி³ன்னானி மஹப்ப²லானி,

பீ³ஜானி வுத்தானி யதா² ஸுகெ²த்தே’’தி.

அத² கோ² அபரா தே³வதா ப⁴க³வதோ ஸந்திகே இமங் உதா³னங் உதா³னேஸி –

‘‘ஸாது⁴ கோ², மாரிஸ, தா³னங்; அப்பகஸ்மிம்பி ஸாஹு தா³னங்;

ஸத்³தா⁴யபி ஸாஹு தா³னங்; த⁴ம்மலத்³த⁴ஸ்ஸாபி ஸாஹு தா³னங்;

விசெய்ய தா³னம்பி ஸாஹு தா³னங்; அபி ச பாணேஸுபி ஸாது⁴ ஸங்யமோ’’.

‘‘யோ பாணபூ⁴தானி [பாணபூ⁴தேஸு (ஸீ॰ பீ॰)] அஹேட²யங் சரங்,

பரூபவாதா³ ந கரொந்தி பாபங்;

பீ⁴ருங் பஸங்ஸந்தி ந ஹி தத்த² ஸூரங்,

ப⁴யா ஹி ஸந்தோ ந கரொந்தி பாப’’ந்தி.

அத² கோ² அபரா தே³வதா ப⁴க³வந்தங் ஏதத³வோச – ‘‘கஸ்ஸ நு கோ², ப⁴க³வா, ஸுபா⁴ஸித’’ந்தி?

‘‘ஸப்³பா³ஸங் வோ ஸுபா⁴ஸிதங் பரியாயேன, அபி ச மமபி ஸுணாத² –

‘‘ஸத்³தா⁴ ஹி தா³னங் ப³ஹுதா⁴ பஸத்த²ங்,

தா³னா ச கோ² த⁴ம்மபத³ங்வ ஸெய்யோ;

புப்³பே³ ச ஹி புப்³ப³தரே ச ஸந்தோ,

நிப்³பா³னமேவஜ்ஜ²க³முங் ஸபஞ்ஞா’’தி.

4. நஸந்திஸுத்தங்

34.
ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. அத²
கோ² ஸம்ப³ஹுலா ஸதுல்லபகாயிகா தே³வதாயோ அபி⁴க்கந்தாய ரத்தியா
அபி⁴க்கந்தவண்ணா கேவலகப்பங் ஜேதவனங் ஓபா⁴ஸெத்வா யேன ப⁴க³வா
தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
அட்ட²ங்ஸு. ஏகமந்தங் டி²தா கோ² ஏகா தே³வதா ப⁴க³வதோ ஸந்திகே இமங் கா³த²ங்
அபா⁴ஸி –

‘‘ந ஸந்தி காமா மனுஜேஸு நிச்சா,

ஸந்தீத⁴ கமனீயானி யேஸு [காமேஸு (க॰)] ப³த்³தோ⁴;

யேஸு பமத்தோ அபுனாக³மனங்,

அனாக³ந்தா புரிஸோ மச்சுதெ⁴ய்யா’’தி.

‘‘ச²ந்த³ஜங் அக⁴ங் ச²ந்த³ஜங் து³க்க²ங்;

ச²ந்த³வினயா அக⁴வினயோ;

அக⁴வினயா து³க்க²வினயோ’’தி.

‘‘ந தே காமா யானி சித்ரானி லோகே,

ஸங்கப்பராகோ³ புரிஸஸ்ஸ காமோ;

திட்ட²ந்தி சித்ரானி ததே²வ லோகே,

அதெ²த்த² தீ⁴ரா வினயந்தி ச²ந்த³ங்.

‘‘கோத⁴ங் ஜஹே விப்பஜஹெய்ய மானங்,

ஸங்யோஜனங் ஸப்³ப³மதிக்கமெய்ய;

தங் நாமரூபஸ்மிமஸஜ்ஜமானங்,

அகிஞ்சனங் நானுபதந்தி து³க்கா².

‘‘பஹாஸி ஸங்க²ங் ந விமானமஜ்ஜ²கா³ [ந ச மானமஜ்ஜ²கா³ (க॰ ஸீ॰), ந விமானமாகா³ (ஸ்யா॰ கங்॰)],

அச்செ²ச்சி² தண்ஹங் இத⁴ நாமரூபே;

தங் சி²ன்னக³ந்த²ங் அனிக⁴ங் நிராஸங்,

பரியேஸமானா நாஜ்ஜ²க³முங்;

தே³வா மனுஸ்ஸா இத⁴ வா ஹுரங் வா,

ஸக்³கே³ஸு வா ஸப்³ப³னிவேஸனேஸூ’’தி.

‘‘தங் சே ஹி நாத்³த³க்கு²ங் ததா²விமுத்தங் (இச்சாயஸ்மா மோக⁴ராஜா),

தே³வா மனுஸ்ஸா இத⁴ வா ஹுரங் வா;

நருத்தமங் அத்த²சரங் நரானங்,

யே தங் நமஸ்ஸந்தி பஸங்ஸியா தே’’தி.

‘‘பஸங்ஸியா தேபி ப⁴வந்தி பி⁴க்கூ² (மோக⁴ராஜாதி ப⁴க³வா),

யே தங் நமஸ்ஸந்தி ததா²விமுத்தங்;

அஞ்ஞாய த⁴ம்மங் விசிகிச்ச²ங் பஹாய,

ஸங்கா³திகா³ தேபி ப⁴வந்தி பி⁴க்கூ²’’தி.

5. உஜ்ஜா²னஸஞ்ஞிஸுத்தங்

35. ஏகங்
ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. அத² கோ²
ஸம்ப³ஹுலா உஜ்ஜா²னஸஞ்ஞிகா தே³வதாயோ அபி⁴க்கந்தாய ரத்தியா அபி⁴க்கந்தவண்ணா
கேவலகப்பங் ஜேதவனங் ஓபா⁴ஸெத்வா யேன ப⁴க³வா தேனுபஸங்கமிங்ஸு; உபஸங்கமித்வா
வேஹாஸங் அட்ட²ங்ஸு. வேஹாஸங் டி²தா கோ² ஏகா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘அஞ்ஞதா² ஸந்தமத்தானங், அஞ்ஞதா² யோ பவேத³யே;

நிகச்ச கிதவஸ்ஸேவ, பு⁴த்தங் தெ²ய்யேன தஸ்ஸ தங்.

‘‘யஞ்ஹி கயிரா தஞ்ஹி வதே³, யங் ந கயிரா ந தங் வதே³;

அகரொந்தங் பா⁴ஸமானானங், பரிஜானந்தி பண்டி³தா’’தி.

‘‘ந யித³ங் பா⁴ஸிதமத்தேன, ஏகந்தஸவனேன வா;

அனுக்கமிதவே ஸக்கா, யாயங் படிபதா³ த³ள்ஹா;

யாய தீ⁴ரா பமுச்சந்தி, ஜா²யினோ மாரப³ந்த⁴னா.

‘‘ந வே தீ⁴ரா பகுப்³ப³ந்தி, விதி³த்வா லோகபரியாயங்;

அஞ்ஞாய நிப்³பு³தா தீ⁴ரா, திண்ணா லோகே விஸத்திக’’ந்தி.

அத² கோ² தா தே³வதாயோ பத²வியங்
பதிட்ட²ஹித்வா ப⁴க³வதோ பாதே³ஸு ஸிரஸா நிபதித்வா ப⁴க³வந்தங் ஏதத³வோசுங் –
‘‘அச்சயோ நோ, ப⁴ந்தே, அச்சக³மா யதா²பா³லங் யதா²மூள்ஹங் யதா²அகுஸலங் [யதா²பா³லா யதா²மூள்ஹா யதா²அகுஸலா (ஸப்³ப³த்த²)],
யா மயங் ப⁴க³வந்தங் ஆஸாதே³தப்³ப³ங் அமஞ்ஞிம்ஹா. தாஸங் நோ, ப⁴ந்தே, ப⁴க³வா
அச்சயங் அச்சயதோ படிக்³க³ண்ஹாது ஆயதிங் ஸங்வராயா’’தி. அத² கோ² ப⁴க³வா ஸிதங்
பாத்வாகாஸி. அத² கோ² தா தே³வதாயோ பி⁴ய்யோஸோமத்தாய உஜ்ஜா²யந்தியோ வேஹாஸங்
அப்³பு⁴க்³க³ஞ்சு²ங். ஏகா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘அச்சயங் தே³ஸயந்தீனங், யோ சே ந படிக³ண்ஹதி;

கோபந்தரோ தோ³ஸக³ரு, ஸ வேரங் படிமுஞ்சதீ’’தி.

‘‘அச்சயோ சே ந விஜ்ஜேத², நோசிதா⁴பக³தங் [நோசீத⁴ அபஹதங் (ஸ்யா॰ கங்॰), நோசிதா⁴பகதங் (?)] ஸியா;

வேரானி ந ச ஸம்மெய்யுங், கேனீத⁴ [வேரானி ச ஸம்மெய்யுங், தேனித⁴ (ஸீ॰)] குஸலோ ஸியா’’தி.

‘‘கஸ்ஸச்சயா ந விஜ்ஜந்தி, கஸ்ஸ நத்தி² அபாக³தங்;

கோ ந ஸம்மோஹமாபாதி³, கோ ச தீ⁴ரோ [கோத⁴ தீ⁴ரோ (ஸ்யா॰ கங்॰)] ஸதா³ ஸதோ’’தி.

‘‘ததா²க³தஸ்ஸ பு³த்³த⁴ஸ்ஸ, ஸப்³ப³பூ⁴தானுகம்பினோ;

தஸ்ஸச்சயா ந விஜ்ஜந்தி, தஸ்ஸ நத்தி² அபாக³தங்;

ஸோ ந ஸம்மோஹமாபாதி³, ஸோவ [ஸோத⁴ (ஸ்யா॰ கங்॰)] தீ⁴ரோ ஸதா³ ஸதோ’’தி.

‘‘அச்சயங் தே³ஸயந்தீனங், யோ சே ந படிக³ண்ஹதி;

கோபந்தரோ தோ³ஸக³ரு, ஸ வேரங் படிமுஞ்சதி;

தங் வேரங் நாபி⁴னந்தா³மி, படிக்³க³ண்ஹாமி வோச்சய’’ந்தி.

6. ஸத்³தா⁴ஸுத்தங்

36.
ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. அத²
கோ² ஸம்ப³ஹுலா ஸதுல்லபகாயிகா தே³வதாயோ அபி⁴க்கந்தாய ரத்தியா
அபி⁴க்கந்தவண்ணா கேவலகப்பங் ஜேதவனங் ஓபா⁴ஸெத்வா யேன
ப⁴க³வா தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
அட்ட²ங்ஸு. ஏகமந்தங் டி²தா கோ² ஏகா தே³வதா ப⁴க³வதோ ஸந்திகே இமங் கா³த²ங்
அபா⁴ஸி –

‘‘ஸத்³தா⁴ து³தியா புரிஸஸ்ஸ ஹோதி,

நோ சே அஸ்ஸத்³தி⁴யங் அவதிட்ட²தி;

யஸோ ச கித்தீ ச தத்வஸ்ஸ ஹோதி,

ஸக்³க³ஞ்ச ஸோ க³ச்ச²தி ஸரீரங் விஹாயா’’தி.

அத² கோ² அபரா தே³வதா ப⁴க³வதோ ஸந்திகே இமா கா³தா²யோ அபா⁴ஸி –

‘‘கோத⁴ங் ஜஹே விப்பஜஹெய்ய மானங்,

ஸங்யோஜனங் ஸப்³ப³மதிக்கமெய்ய;

தங் நாமரூபஸ்மிமஸஜ்ஜமானங்,

அகிஞ்சனங் நானுபதந்தி ஸங்கா³’’தி.

‘‘பமாத³மனுயுஞ்ஜந்தி , பா³லா து³ம்மேதி⁴னோ ஜனா;

அப்பமாத³ஞ்ச மேதா⁴வீ, த⁴னங் ஸெட்ட²ங்வ ரக்க²தி.

‘‘மா பமாத³மனுயுஞ்ஜேத², மா காமரதி ஸந்த²வங்;

அப்பமத்தோ ஹி ஜா²யந்தோ, பப்போதி பரமங் ஸுக²’’ந்த்ந்த்தி.

7. ஸமயஸுத்தங்

37. ஏவங்
மே ஸுதங் – ஏகங் ஸமயங் ப⁴க³வா ஸக்கேஸு விஹரதி கபிலவத்து²ஸ்மிங் மஹாவனே
மஹதா பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி பி⁴க்கு²ஸதேஹி ஸப்³பே³ஹேவ
அரஹந்தேஹி; த³ஸஹி ச லோகதா⁴தூஹி தே³வதா யேபு⁴ய்யேன ஸன்னிபதிதா ஹொந்தி
ப⁴க³வந்தங் த³ஸ்ஸனாய பி⁴க்கு²ஸங்க⁴ஞ்ச. அத² கோ² சதுன்னங்
ஸுத்³தா⁴வாஸகாயிகானங் தே³வதானங் ஏதத³ஹோஸி – ‘‘அயங் கோ² ப⁴க³வா ஸக்கேஸு
விஹரதி கபிலவத்து²ஸ்மிங் மஹாவனே மஹதா பி⁴க்கு²ஸங்கே⁴ன ஸத்³தி⁴ங்
பஞ்சமத்தேஹி பி⁴க்கு²ஸதேஹி ஸப்³பே³ஹேவ அரஹந்தேஹி; த³ஸஹி ச லோகதா⁴தூஹி
தே³வதா யேபு⁴ய்யேன ஸன்னிபதிதா ஹொந்தி ப⁴க³வந்தங் த³ஸ்ஸனாய
பி⁴க்கு²ஸங்க⁴ஞ்ச. யங்னூன மயம்பி யேன ப⁴க³வா தேனுபஸங்கமெய்யாம;
உபஸங்கமித்வா ப⁴க³வதோ ஸந்திகே பச்சேகங் கா³த²ங் [பச்சேககா³த²ங் (ஸீ॰ ஸ்யா॰ கங்॰ பீ॰)] பா⁴ஸெய்யாமா’’தி.

அத² கோ² தா தே³வதா – ஸெய்யதா²பி நாம ப³லவா புரிஸோ ஸமிஞ்ஜிதங் வா பா³ஹங் பஸாரெய்ய பஸாரிதங்
வா பா³ஹங் ஸமிஞ்ஜெய்ய. ஏவமேவ – ஸுத்³தா⁴வாஸேஸு தே³வேஸு அந்தரஹிதா ப⁴க³வதோ
புரதோ பாதுரஹேஸுங். அத² கோ² தா தே³வதா ப⁴க³வந்தங் அபி⁴வாதெ³த்வா ஏகமந்தங்
அட்ட²ங்ஸு. ஏகமந்தங் டி²தா கோ² ஏகா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘மஹாஸமயோ பவனஸ்மிங், தே³வகாயா ஸமாக³தா;

ஆக³தம்ஹ இமங் த⁴ம்மஸமயங், த³க்கி²தாயே அபராஜிதஸங்க⁴’’ந்தி.

அத² கோ² அபரா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘தத்ர பி⁴க்க²வோ ஸமாத³ஹங்ஸு, சித்தமத்தனோ உஜுகங் அகங்ஸு [உஜுகமகங்ஸு (ஸீ॰ ஸ்யா॰ கங்॰ பீ॰)];

ஸாரதீ²வ நெத்தானி க³ஹெத்வா, இந்த்³ரியானி ரக்க²ந்தி பண்டி³தா’’தி.

அத² கோ² அபரா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘செ²த்வா கீ²லங் செ²த்வா பலிக⁴ங், இந்த³கீ²லங் ஊஹச்ச மனேஜா;

தே சரந்தி ஸுத்³தா⁴ விமலா, சக்கு²மதா ஸுத³ந்தா ஸுஸுனாகா³’’தி.

அத² கோ² அபரா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘யே கேசி பு³த்³த⁴ங் ஸரணங் க³தாஸே, ந தே க³மிஸ்ஸந்தி அபாயபூ⁴மிங்;

பஹாய மானுஸங் தே³ஹங், தே³வகாயங் பரிபூரெஸ்ஸந்தீ’’தி.

8. ஸகலிகஸுத்தங்

38. ஏவங் மே ஸுதங் – ஏகங் ஸமயங் ப⁴க³வா ராஜக³ஹே விஹரதி மத்³த³குச்சி²ஸ்மிங் மிக³தா³யே. தேன கோ² பன ஸமயேன ப⁴க³வதோ பாதோ³ ஸகலிகாய [ஸக்க²லிகாய (க॰)] க²தோ ஹோதி. பு⁴ஸா ஸுத³ங் ப⁴க³வதோ வேத³னா வத்தந்தி ஸாரீரிகா வேத³னா து³க்கா² திப்³பா³ [திப்பா (ஸீ॰ ஸ்யா॰ கங்॰ பீ॰)] க²ரா கடுகா அஸாதா அமனாபா; தா ஸுத³ங் ப⁴க³வா ஸதோ ஸம்பஜானோ
அதி⁴வாஸேதி அவிஹஞ்ஞமானோ. அத² கோ² ப⁴க³வா சதுக்³கு³ணங் ஸங்கா⁴டிங்
பஞ்ஞாபெத்வா த³க்கி²ணேன பஸ்ஸேன ஸீஹஸெய்யங் கப்பேதி பாதே³ பாத³ங் அச்சாதா⁴ய
ஸதோ ஸம்பஜானோ.

அத² கோ² ஸத்தஸதா ஸதுல்லபகாயிகா
தே³வதாயோ அபி⁴க்கந்தாய ரத்தியா அபி⁴க்கந்தவண்ணா கேவலகப்பங்
மத்³த³குச்சி²ங் ஓபா⁴ஸெத்வா யேன ப⁴க³வா தேனுபஸங்கமிங்ஸு; உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் அட்ட²ங்ஸு. ஏகமந்தங் டி²தா கோ² ஏகா
தே³வதா ப⁴க³வதோ ஸந்திகே இமங் உதா³னங் உதா³னேஸி – ‘‘நாகோ³
வத, போ⁴, ஸமணோ கோ³தமோ; நாக³வதா ச ஸமுப்பன்னா ஸாரீரிகா வேத³னா து³க்கா²
திப்³பா³ க²ரா கடுகா அஸாதா அமனாபா ஸதோ ஸம்பஜானோ அதி⁴வாஸேதி
அவிஹஞ்ஞமானோ’’தி.

அத² கோ² அபரா தே³வதா ப⁴க³வதோ ஸந்திகே இமங் உதா³னங்
உதா³னேஸி – ‘‘ஸீஹோ வத, போ⁴, ஸமணோ கோ³தமோ; ஸீஹவதா ச ஸமுப்பன்னா ஸாரீரிகா
வேத³னா து³க்கா² திப்³பா³ க²ரா கடுகா அஸாதா அமனாபா ஸதோ ஸம்பஜானோ அதி⁴வாஸேதி
அவிஹஞ்ஞமானோ’’தி.

அத² கோ² அபரா தே³வதா ப⁴க³வதோ
ஸந்திகே இமங் உதா³னங் உதா³னேஸி – ‘‘ஆஜானீயோ வத, போ⁴, ஸமணோ கோ³தமோ;
ஆஜானீயவதா ச ஸமுப்பன்னா ஸாரீரிகா வேத³னா து³க்கா² திப்³பா³ க²ரா கடுகா
அஸாதா அமனாபா ஸதோ ஸம்பஜானோ அதி⁴வாஸேதி அவிஹஞ்ஞமானோ’’தி.

அத² கோ² அபரா தே³வதா ப⁴க³வதோ ஸந்திகே இமங் உதா³னங்
உதா³னேஸி – ‘‘நிஸபோ⁴ வத, போ⁴, ஸமணோ கோ³தமோ; நிஸப⁴வதா ச ஸமுப்பன்னா ஸாரீரிகா
வேத³னா து³க்கா² திப்³பா³ க²ரா கடுகா அஸாதா அமனாபா ஸதோ ஸம்பஜானோ
அதி⁴வாஸேதி அவிஹஞ்ஞமானோ’’தி.

அத² கோ² அபரா தே³வதா ப⁴க³வதோ ஸந்திகே இமங் உதா³னங்
உதா³னேஸி – ‘‘தோ⁴ரய்ஹோ வத, போ⁴, ஸமணோ கோ³தமோ; தோ⁴ரய்ஹவதா ச ஸமுப்பன்னா
ஸாரீரிகா வேத³னா து³க்கா² திப்³பா³ க²ரா கடுகா அஸாதா அமனாபா ஸதோ ஸம்பஜானோ
அதி⁴வாஸேதி அவிஹஞ்ஞமானோ’’தி.

அத² கோ² அபரா தே³வதா ப⁴க³வதோ ஸந்திகே இமங் உதா³னங் உதா³னேஸி – ‘‘த³ந்தோ வத, போ⁴, ஸமணோ
கோ³தமோ; த³ந்தவதா ச ஸமுப்பன்னா ஸாரீரிகா வேத³னா து³க்கா² திப்³பா³ க²ரா
கடுகா அஸாதா அமனாபா ஸதோ ஸம்பஜானோ அதி⁴வாஸேதி அவிஹஞ்ஞமானோ’’தி.

அத² கோ² அபரா தே³வதா ப⁴க³வதோ ஸந்திகே இமங் உதா³னங் உதா³னேஸி – ‘‘பஸ்ஸ ஸமாதி⁴ங் ஸுபா⁴விதங் சித்தஞ்ச ஸுவிமுத்தங், ந சாபி⁴னதங் ந சாபனதங் ந ச ஸஸங்கா²ரனிக்³க³ய்ஹவாரிதக³தங் [ஸஸங்கா²ரனிக்³க³ய்ஹவாரிதவதங் (ஸீ॰ ஸ்யா॰ கங்॰ பீ॰), ஸஸங்கா²ரனிக்³க³ய்ஹவாரிவாவதங் (க॰)]. யோ ஏவரூபங் புரிஸனாக³ங் புரிஸஸீஹங் புரிஸஆஜானீயங் புரிஸனிஸப⁴ங் புரிஸதோ⁴ரய்ஹங் புரிஸத³ந்தங் அதிக்கமிதப்³ப³ங் மஞ்ஞெய்ய கிமஞ்ஞத்ர அத³ஸ்ஸனா’’தி.

‘‘பஞ்சவேதா³ ஸதங் ஸமங், தபஸ்ஸீ ப்³ராஹ்மணா சரங்;

சித்தஞ்ச நேஸங் ந ஸம்மா விமுத்தங், ஹீனத்த²ரூபா ந பாரங்க³மா தே.

‘‘தண்ஹாதி⁴பன்னா வதஸீலப³த்³தா⁴, லூக²ங் தபங் வஸ்ஸஸதங் சரந்தா;

சித்தஞ்ச நேஸங் ந ஸம்மா விமுத்தங், ஹீனத்த²ரூபா ந பாரங்க³மா தே.

‘‘ந மானகாமஸ்ஸ த³மோ இத⁴த்தி², ந மோனமத்தி² அஸமாஹிதஸ்ஸ;

ஏகோ அரஞ்ஞே விஹரங் பமத்தோ, ந மச்சுதெ⁴ய்யஸ்ஸ தரெய்ய பார’’ந்தி.

‘‘மானங் பஹாய ஸுஸமாஹிதத்தோ, ஸுசேதஸோ ஸப்³ப³தி⁴ விப்பமுத்தோ;

ஏகோ அரஞ்ஞே விஹரமப்பமத்தோ, ஸ மச்சுதெ⁴ய்யஸ்ஸ தரெய்ய பார’’ந்த்ந்த்தி.

9. பட²மபஜ்ஜுன்னதீ⁴துஸுத்தங்

39. ஏவங்
மே ஸுதங் – ஏகங் ஸமயங் ப⁴க³வா வேஸாலியங் விஹரதி மஹாவனே கூடாகா³ரஸாலாயங்.
அத² கோ² கோகனதா³ பஜ்ஜுன்னஸ்ஸ தீ⁴தா அபி⁴க்கந்தாய ரத்தியா அபி⁴க்கந்தவண்ணா
கேவலகப்பங் மஹாவனங் ஓபா⁴ஸெத்வா யேன ப⁴க³வா தேனுபஸங்கமி; உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தா கோ² ஸா தே³வதா
கோகனதா³ பஜ்ஜுன்னஸ்ஸ தீ⁴தா ப⁴க³வதோ ஸந்திகே இமா கா³தா²யோ அபா⁴ஸி –

‘‘வேஸாலியங் வனே விஹரந்தங், அக்³க³ங் ஸத்தஸ்ஸ ஸம்பு³த்³த⁴ங்;

கோகனதா³ஹமஸ்மி அபி⁴வந்தே³, கோகனதா³ பஜ்ஜுன்னஸ்ஸ தீ⁴தா.

‘‘ஸுதமேவ புரே ஆஸி, த⁴ம்மோ சக்கு²மதானுபு³த்³தோ⁴;

ஸாஹங் தா³னி ஸக்கி² ஜானாமி, முனினோ தே³ஸயதோ ஸுக³தஸ்ஸ.

‘‘யே கேசி அரியங் த⁴ம்மங், விக³ரஹந்தா சரந்தி து³ம்மேதா⁴;

உபெந்தி ரோருவங் கோ⁴ரங், சிரரத்தங் து³க்க²ங் அனுப⁴வந்தி.

‘‘யே ச கோ² அரியே த⁴ம்மே, க²ந்தியா உபஸமேன உபேதா;

பஹாய மானுஸங் தே³ஹங், தே³வகாய பரிபூரெஸ்ஸந்தீ’’தி.

10. து³தியபஜ்ஜுன்னதீ⁴துஸுத்தங்

40. ஏவங் மே ஸுதங் – ஏகங் ஸமயங் ப⁴க³வா வேஸாலியங் விஹரதி மஹாவனே கூடாகா³ரஸாலாயங். அத² கோ² சூளகோகனதா³ [சுல்லகோகனதா³ (ஸீ॰ ஸ்யா॰ கங்॰)] பஜ்ஜுன்னஸ்ஸ தீ⁴தா
அபி⁴க்கந்தாய ரத்தியா அபி⁴க்கந்தவண்ணா கேவலகப்பங் மஹாவனங் ஓபா⁴ஸெத்வா யேன
ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
அட்டா²ஸி. ஏகமந்தங் டி²தா கோ² ஸா தே³வதா சூளகோகனதா³ பஜ்ஜுன்னஸ்ஸ தீ⁴தா
ப⁴க³வதோ ஸந்திகே இமா கா³தா²யோ அபா⁴ஸி –

‘‘இதா⁴க³மா விஜ்ஜுபபா⁴ஸவண்ணா, கோகனதா³ பஜ்ஜுன்னஸ்ஸ தீ⁴தா;

பு³த்³த⁴ஞ்ச த⁴ம்மஞ்ச நமஸ்ஸமானா, கா³தா²சிமா அத்த²வதீ அபா⁴ஸி.

‘‘ப³ஹுனாபி கோ² தங் விப⁴ஜெய்யங், பரியாயேன தாதி³ஸோ த⁴ம்மோ;

ஸங்கி²த்தமத்த²ங் [ஸங்கி²த்தமத்தங் (க॰)] லபயிஸ்ஸாமி, யாவதா மே மனஸா பரியத்தங்.

‘‘பாபங் ந கயிரா வசஸா மனஸா,

காயேன வா கிஞ்சன ஸப்³ப³லோகே;

காமே பஹாய ஸதிமா ஸம்பஜானோ,

து³க்க²ங் ந ஸேவேத² அனத்த²ஸங்ஹித’’ந்தி.

ஸதுல்லபகாயிகவக்³கோ³ சதுத்தோ².

தஸ்ஸுத்³தா³னங் –

ஸப்³பி⁴மச்ச²ரினா ஸாது⁴, ந ஸந்துஜ்ஜா²னஸஞ்ஞினோ;

ஸத்³தா⁴ ஸமயோ ஸகலிகங், உபோ⁴ பஜ்ஜுன்னதீ⁴தரோதி.

5. ஆதி³த்தவக்³கோ³

1. ஆதி³த்தஸுத்தங்

41. ஏவங் மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. அத² கோ² அஞ்ஞதரா தே³வதா அபி⁴க்கந்தாய
ரத்தியா அபி⁴க்கந்தவண்ணா கேவலகப்பங் ஜேதவனங் ஓபா⁴ஸெத்வா யேன ப⁴க³வா
தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் அட்டா²ஸி.
ஏகமந்தங் டி²தா கோ² ஸா தே³வதா ப⁴க³வதோ ஸந்திகே இமா கா³தா²யோ அபா⁴ஸி –

‘‘ஆதி³த்தஸ்மிங் அகா³ரஸ்மிங், யங் நீஹரதி பா⁴ஜனங்;

தங் தஸ்ஸ ஹோதி அத்தா²ய, நோ ச யங் தத்த² ட³ய்ஹதி.

‘‘ஏவங் ஆதி³த்தகோ லோகோ, ஜராய மரணேன ச;

நீஹரேதே²வ தா³னேன, தி³ன்னங் ஹோதி ஸுனீஹதங்.

‘‘தி³ன்னங் ஸுக²ப²லங் ஹோதி, நாதி³ன்னங் ஹோதி தங் ததா²;

சோரா ஹரந்தி ராஜானோ, அக்³கி³ ட³ஹதி நஸ்ஸதி.

‘‘அத² அந்தேன ஜஹதி, ஸரீரங் ஸபரிக்³க³ஹங்;

ஏதத³ஞ்ஞாய மேதா⁴வீ, பு⁴ஞ்ஜேத² ச த³தே³த² ச;

த³த்வா ச பு⁴த்வா ச யதா²னுபா⁴வங்;

அனிந்தி³தோ ஸக்³க³முபேதி டா²ன’’ந்தி.

2. கிங்த³த³ஸுத்தங்

42.

‘‘கிங்த³தோ³ ப³லதோ³ ஹோதி, கிங்த³தோ³ ஹோதி வண்ணதோ³;

கிங்த³தோ³ ஸுக²தோ³ ஹோதி, கிங்த³தோ³ ஹோதி சக்கு²தோ³;

கோ ச ஸப்³ப³த³தோ³ ஹோதி, தங் மே அக்கா²ஹி புச்சி²தோ’’தி.

‘‘அன்னதோ³ ப³லதோ³ ஹோதி, வத்த²தோ³ ஹோதி வண்ணதோ³;

யானதோ³ ஸுக²தோ³ ஹோதி, தீ³பதோ³ ஹோதி சக்கு²தோ³.

‘‘ஸோ ச ஸப்³ப³த³தோ³ ஹோதி, யோ த³தா³தி உபஸ்ஸயங்;

அமதங் த³தோ³ ச ஸோ ஹோதி, யோ த⁴ம்மமனுஸாஸதீ’’தி.

3. அன்னஸுத்தங்

43.

‘‘அன்னமேவாபி⁴னந்த³ந்தி, உப⁴யே தே³வமானுஸா;

அத² கோ நாம ஸோ யக்கோ², யங் அன்னங் நாபி⁴னந்த³தீ’’தி.

‘‘யே நங் த³த³ந்தி ஸத்³தா⁴ய, விப்பஸன்னேன சேதஸா;

தமேவ அன்னங் ப⁴ஜதி, அஸ்மிங் லோகே பரம்ஹி ச.

‘‘தஸ்மா வினெய்ய மச்சே²ரங், த³ஜ்ஜா தா³னங் மலாபி⁴பூ⁴;

புஞ்ஞானி பரலோகஸ்மிங், பதிட்டா² ஹொந்தி பாணின’’ந்தி.

4. ஏகமூலஸுத்தங்

44.

‘‘ஏகமூலங் த்³விராவட்டங், திமலங் பஞ்சபத்த²ரங்;

ஸமுத்³த³ங் த்³வாத³ஸாவட்டங், பாதாலங் அதரீ இஸீ’’தி.

5. அனோமஸுத்தங்

45.

‘‘அனோமனாமங் நிபுணத்த²த³ஸ்ஸிங், பஞ்ஞாத³த³ங் காமாலயே அஸத்தங்;

தங் பஸ்ஸத² ஸப்³ப³விது³ங் ஸுமேத⁴ங், அரியே பதே² கமமானங் மஹேஸி’’ந்தி.

6. அச்ச²ராஸுத்தங்

46.

‘‘அச்ச²ராக³ணஸங்கு⁴ட்ட²ங், பிஸாசக³ணஸேவிதங்;

வனந்தங் மோஹனங் நாம, கத²ங் யாத்ரா ப⁴விஸ்ஸதீ’’தி.

‘‘உஜுகோ நாம ஸோ மக்³கோ³, அப⁴யா நாம ஸா தி³ஸா;

ரதோ² அகூஜனோ நாம, த⁴ம்மசக்கேஹி ஸங்யுதோ.

‘‘ஹிரீ தஸ்ஸ அபாலம்போ³, ஸத்யஸ்ஸ பரிவாரணங்;

த⁴ம்மாஹங் ஸாரதி²ங் ப்³ரூமி, ஸம்மாதி³ட்டி²புரேஜவங்.

‘‘யஸ்ஸ ஏதாதி³ஸங் யானங், இத்தி²யா புரிஸஸ்ஸ வா;

ஸ வே ஏதேன யானேன, நிப்³பா³னஸ்ஸேவ ஸந்திகே’’தி.

7. வனரோபஸுத்தங்

47.

‘‘கேஸங் தி³வா ச ரத்தோ ச, ஸதா³ புஞ்ஞங் பவட்³ட⁴தி;

த⁴ம்மட்டா² ஸீலஸம்பன்னா, கே ஜனா ஸக்³க³கா³மினோ’’தி.

‘‘ஆராமரோபா வனரோபா, யே ஜனா ஸேதுகாரகா;

பபஞ்ச உத³பானஞ்ச, யே த³த³ந்தி உபஸ்ஸயங்.

‘‘தேஸங் தி³வா ச ரத்தோ ச, ஸதா³ புஞ்ஞங் பவட்³ட⁴தி;

த⁴ம்மட்டா² ஸீலஸம்பன்னா, தே ஜனா ஸக்³க³கா³மினோ’’தி.

8. ஜேதவனஸுத்தங்

48.

‘‘இத³ஞ்ஹி தங் ஜேதவனங், இஸிஸங்க⁴னிஸேவிதங்;

ஆவுத்த²ங் [ஆவுட்ட²ங் (க॰)] த⁴ம்மராஜேன, பீதிஸஞ்ஜனநங் மம.

‘‘கம்மங் விஜ்ஜா ச த⁴ம்மோ ச, ஸீலங் ஜீவிதமுத்தமங்;

ஏதேன மச்சா ஸுஜ்ஜ²ந்தி, ந கொ³த்தேன த⁴னேன வா.

‘‘தஸ்மா ஹி பண்டி³தோ போஸோ, ஸம்பஸ்ஸங் அத்த²மத்தனோ;

யோனிஸோ விசினே த⁴ம்மங், ஏவங் தத்த² விஸுஜ்ஜ²தி.

‘‘ஸாரிபுத்தோவ பஞ்ஞாய, ஸீலேன உபஸமேன ச;

யோபி பாரங்க³தோ பி⁴க்கு², ஏதாவபரமோ ஸியா’’தி.

9. மச்ச²ரிஸுத்தங்

49.

‘‘யேத⁴ மச்ச²ரினோ லோகே, கத³ரியா பரிபா⁴ஸகா;

அஞ்ஞேஸங் த³த³மானானங், அந்தராயகரா நரா.

‘‘கீதி³ஸோ தேஸங் விபாகோ, ஸம்பராயோ ச கீதி³ஸோ;

ப⁴க³வந்தங் புட்டு²மாக³ம்ம, கத²ங் ஜானேமு தங் மய’’ந்தி.

‘‘யேத⁴ மச்ச²ரினோ லோகே, கத³ரியா பரிபா⁴ஸகா;

அஞ்ஞேஸங் த³த³மானானங், அந்தராயகரா நரா.

‘‘நிரயங் திரச்சா²னயோனிங், யமலோகங் உபபஜ்ஜரே;

ஸசே எந்தி மனுஸ்ஸத்தங், த³லித்³தே³ ஜாயரே குலே.

‘‘சோளங் பிண்டோ³ ரதீ கி²ட்³டா³, யத்த² கிச்சே²ன லப்³ப⁴தி;

பரதோ ஆஸீஸரே [ஆஸிங்ஸரே (ஸீ॰ ஸ்யா॰ கங்॰ பீ॰)] பா³லா, தம்பி தேஸங் ந லப்³ப⁴தி;

தி³ட்டே² த⁴ம்மேஸ விபாகோ, ஸம்பராயே [ஸம்பராயோ (ஸ்யா॰ கங்॰ பீ॰)] ச து³க்³க³தீ’’தி.

‘‘இதிஹேதங் விஜானாம, அஞ்ஞங் புச்சா²ம கோ³தம;

யேத⁴ லத்³தா⁴ மனுஸ்ஸத்தங், வத³ஞ்ஞூ வீதமச்ச²ரா.

‘‘பு³த்³தே⁴ பஸன்னா த⁴ம்மே ச, ஸங்கே⁴ ச திப்³ப³கா³ரவா;

கீதி³ஸோ தேஸங் விபாகோ, ஸம்பராயோ ச கீதி³ஸோ;

ப⁴க³வந்தங் புட்டு²மாக³ம்ம, கத²ங் ஜானேமு தங் மய’’ந்தி.

‘‘யேத⁴ லத்³தா⁴ மனுஸ்ஸத்தங், வத³ஞ்ஞூ வீதமச்ச²ரா;

பு³த்³தே⁴ பஸன்னா த⁴ம்மே ச, ஸங்கே⁴ ச திப்³ப³கா³ரவா;

ஏதே ஸக்³கா³ [ஸக்³கே³ (ஸீ॰ ஸ்யா॰ கங்॰)] பகாஸந்தி, யத்த² தே உபபஜ்ஜரே.

‘‘ஸசே எந்தி மனுஸ்ஸத்தங், அட்³டே⁴ ஆஜாயரே குலே;

சோளங் பிண்டோ³ ரதீ கி²ட்³டா³, யத்தா²கிச்சே²ன லப்³ப⁴தி.

‘‘பரஸம்ப⁴தேஸு போ⁴கே³ஸு, வஸவத்தீவ மோத³ரே;

தி³ட்டே² த⁴ம்மேஸ விபாகோ, ஸம்பராயே ச ஸுக்³க³தீ’’தி.

10. க⁴டீகாரஸுத்தங்

50.

‘‘அவிஹங் உபபன்னாஸே, விமுத்தா ஸத்த பி⁴க்க²வோ;

ராக³தோ³ஸபரிக்கீ²ணா, திண்ணா லோகே விஸத்திக’’ந்தி.

‘‘கே ச தே அதருங் பங்கங் [ஸங்க³ங் (ஸீ॰ ஸ்யா॰)], மச்சுதெ⁴ய்யங் ஸுது³த்தரங்;

கே ஹித்வா மானுஸங் தே³ஹங், தி³ப்³ப³யோக³ங் உபச்சகு³’’ந்தி.

‘‘உபகோ பலக³ண்டோ³ ச, புக்குஸாதி ச தே தயோ;

ப⁴த்³தி³யோ க²ண்ட³தே³வோ ச, பா³ஹுரக்³கி³ ச ஸிங்கி³யோ [ப³ஹுத³ந்தீ ச பிங்க³யோ (ஸீ॰)];

தே ஹித்வா மானுஸங் தே³ஹங், தி³ப்³ப³யோக³ங் உபச்சகு³’’ந்தி.

‘‘குஸலீ பா⁴ஸஸீ தேஸங், மாரபாஸப்பஹாயினங்;

கஸ்ஸ தே த⁴ம்மமஞ்ஞாய, அச்சி²து³ங் ப⁴வப³ந்த⁴ன’’ந்தி.

‘‘ந அஞ்ஞத்ர ப⁴க³வதா, நாஞ்ஞத்ர தவ ஸாஸனா;

யஸ்ஸ தே த⁴ம்மமஞ்ஞாய, அச்சி²து³ங் ப⁴வப³ந்த⁴னங்.

‘‘யத்த² நாமஞ்ச ரூபஞ்ச, அஸேஸங் உபருஜ்ஜ²தி;

தங் தே த⁴ம்மங் இத⁴ஞ்ஞாய, அச்சி²து³ங் ப⁴வப³ந்த⁴ன’’ந்தி.

‘‘க³ம்பீ⁴ரங் பா⁴ஸஸீ வாசங், து³ப்³பி³ஜானங் ஸுது³ப்³பு³த⁴ங்;

கஸ்ஸ த்வங் த⁴ம்மமஞ்ஞாய, வாசங் பா⁴ஸஸி ஈதி³ஸ’’ந்தி.

‘‘கும்ப⁴காரோ புரே ஆஸிங், வேகளிங்கே³ [வேஹளிங்கே³ (ஸீ॰), வேப⁴ளிங்கே³ (ஸ்யா॰ கங்॰)] க⁴டீகரோ;

மாதாபெத்திப⁴ரோ ஆஸிங், கஸ்ஸபஸ்ஸ உபாஸகோ.

‘‘விரதோ மேது²னா த⁴ம்மா, ப்³ரஹ்மசாரீ நிராமிஸோ;

அஹுவா தே ஸகா³மெய்யோ, அஹுவா தே புரே ஸகா².

‘‘ஸோஹமேதே பஜானாமி, விமுத்தே ஸத்த பி⁴க்க²வோ;

ராக³தோ³ஸபரிக்கீ²ணே, திண்ணே லோகே விஸத்திக’’ந்தி.

‘‘ஏவமேதங் ததா³ ஆஸி, யதா² பா⁴ஸஸி ப⁴க்³க³வ;

கும்ப⁴காரோ புரே ஆஸி, வேகளிங்கே³ க⁴டீகரோ;

மாதாபெத்திப⁴ரோ ஆஸி, கஸ்ஸபஸ்ஸ உபாஸகோ.

‘‘விரதோ மேது²னா த⁴ம்மா, ப்³ரஹ்மசாரீ நிராமிஸோ;

அஹுவா மே ஸகா³மெய்யோ, அஹுவா மே புரே ஸகா²’’தி.

‘‘ஏவமேதங் புராணானங், ஸஹாயானங் அஹு ஸங்க³மோ;

உபி⁴ன்னங் பா⁴விதத்தானங், ஸரீரந்திமதா⁴ரின’’ந்தி.

ஆதி³த்தவக்³கோ³ பஞ்சமோ.

தஸ்ஸுத்³தா³னங் –

ஆதி³த்தங் கிங்த³த³ங் அன்னங், ஏகமூலஅனோமியங்;

அச்ச²ராவனரோபஜேதங், மச்ச²ரேன க⁴டீகரோதி.

6. ஜராவக்³கோ³

1. ஜராஸுத்தங்

51.

‘‘கிங்ஸு யாவ ஜரா ஸாது⁴, கிங்ஸு ஸாது⁴ பதிட்டி²தங்;

கிங்ஸு நரானங் ரதனங், கிங்ஸு சோரேஹி தூ³ஹர’’ந்தி.

‘‘ஸீலங் யாவ ஜரா ஸாது⁴, ஸத்³தா⁴ ஸாது⁴ பதிட்டி²தா;

பஞ்ஞா நரானங் ரதனங், புஞ்ஞங் சோரேஹி தூ³ஹர’’ந்தி.

2. அஜரஸாஸுத்தங்

52.

‘‘கிங்ஸு அஜரஸா ஸாது⁴, கிங்ஸு ஸாது⁴ அதி⁴ட்டி²தங்;

கிங்ஸு நரானங் ரதனங், கிங்ஸு சோரெஹ்யஹாரிய’’ந்தி.

‘‘ஸீலங் அஜரஸா ஸாது⁴, ஸத்³தா⁴ ஸாது⁴ அதி⁴ட்டி²தா;

பஞ்ஞா நரானங் ரதனங், புஞ்ஞங் சோரெஹ்யஹாரிய’’ந்தி.

3. மித்தஸுத்தங்

53.

‘‘கிங்ஸு பவஸதோ [பத²வதோ (பீ॰ க॰)] மித்தங், கிங்ஸு மித்தங் ஸகே க⁴ரே;

கிங் மித்தங் அத்த²ஜாதஸ்ஸ, கிங் மித்தங் ஸம்பராயிக’’ந்தி.

‘‘ஸத்தோ² பவஸதோ மித்தங், மாதா மித்தங் ஸகே க⁴ரே;

ஸஹாயோ அத்த²ஜாதஸ்ஸ, ஹோதி மித்தங் புனப்புனங்;

ஸயங்கதானி புஞ்ஞானி, தங் மித்தங் ஸம்பராயிக’’ந்தி.

4. வத்து²ஸுத்தங்

54.

‘‘கிங்ஸு வத்து² மனுஸ்ஸானங், கிங்ஸூத⁴ பரமோ ஸகா²;

கிங்ஸு பூ⁴தா உபஜீவந்தி, யே பாணா பத²விஸ்ஸிதா’’தி [பத²விங் ஸிதாதி (ஸீ॰ ஸ்யா॰ கங்॰ பீ॰)].

‘‘புத்தா வத்து² மனுஸ்ஸானங், ப⁴ரியா ச [ப⁴ரியாவ (ஸீ॰), ப⁴ரியா (ஸ்யா॰ கங்॰)] பரமோ ஸகா²;

வுட்டி²ங் பூ⁴தா உபஜீவந்தி, யே பாணா பத²விஸ்ஸிதா’’தி.

5. பட²மஜனஸுத்தங்

55.

‘‘கிங்ஸு ஜனேதி புரிஸங், கிங்ஸு தஸ்ஸ விதா⁴வதி;

கிங்ஸு ஸங்ஸாரமாபாதி³, கிங்ஸு தஸ்ஸ மஹப்³ப⁴ய’’ந்தி.

‘‘தண்ஹா ஜனேதி புரிஸங், சித்தமஸ்ஸ விதா⁴வதி;

ஸத்தோ ஸங்ஸாரமாபாதி³, து³க்க²மஸ்ஸ மஹப்³ப⁴ய’’ந்தி.

6. து³தியஜனஸுத்தங்

56.

‘‘கிங்ஸு ஜனேதி புரிஸங், கிங்ஸு தஸ்ஸ விதா⁴வதி;

கிங்ஸு ஸங்ஸாரமாபாதி³, கிஸ்மா ந பரிமுச்சதீ’’தி.

‘‘தண்ஹா ஜனேதி புரிஸங், சித்தமஸ்ஸ விதா⁴வதி;

ஸத்தோ ஸங்ஸாரமாபாதி³, து³க்கா² ந பரிமுச்சதீ’’தி.

7. ததியஜனஸுத்தங்

57.

‘‘கிங்ஸு ஜனேதி புரிஸங், கிங்ஸு தஸ்ஸ விதா⁴வதி;

கிங்ஸு ஸங்ஸாரமாபாதி³, கிங்ஸு தஸ்ஸ பராயன’’ந்தி.

‘‘தண்ஹா ஜனேதி புரிஸங், சித்தமஸ்ஸ விதா⁴வதி;

ஸத்தோ ஸங்ஸாரமாபாதி³, கம்மங் தஸ்ஸ பராயன’’ந்தி.

8. உப்பத²ஸுத்தங்

58.

‘‘கிங்ஸு உப்பதோ² அக்கா²தோ, கிங்ஸு ரத்திந்தி³வக்க²யோ;

கிங் மலங் ப்³ரஹ்மசரியஸ்ஸ, கிங் ஸினானமனோத³க’’ந்தி.

‘‘ராகோ³ உப்பதோ² அக்கா²தோ, வயோ ரத்திந்தி³வக்க²யோ;

இத்தீ² மலங் ப்³ரஹ்மசரியஸ்ஸ, எத்தா²யங் ஸஜ்ஜதே பஜா;

தபோ ச ப்³ரஹ்மசரியஞ்ச, தங் ஸினானமனோத³க’’ந்த்ந்த்தி.

9. து³தியஸுத்தங்

59.

‘‘கிங்ஸு து³தியா [து³தியங் (ஸ்யா॰ கங்॰ பீ॰)] புரிஸஸ்ஸ ஹோதி, கிங்ஸு சேனங் பஸாஸதி;

கிஸ்ஸ சாபி⁴ரதோ மச்சோ, ஸப்³ப³து³க்கா² பமுச்சதீ’’தி.

‘‘ஸத்³தா⁴ து³தியா புரிஸஸ்ஸ ஹோதி, பஞ்ஞா சேனங் பஸாஸதி;

நிப்³பா³னாபி⁴ரதோ மச்சோ, ஸப்³ப³து³க்கா² பமுச்சதீ’’தி.

10. கவிஸுத்தங்

60.

‘‘கிங்ஸு நிதா³னங் கா³தா²னங், கிங்ஸு தாஸங் வியஞ்ஜனங்;

கிங்ஸு ஸன்னிஸ்ஸிதா கா³தா², கிங்ஸு கா³தா²னமாஸயோ’’தி.

‘‘ச²ந்தோ³ நிதா³னங் கா³தா²னங், அக்க²ரா தாஸங் வியஞ்ஜனங்;

நாமஸன்னிஸ்ஸிதா கா³தா², கவி கா³தா²னமாஸயோ’’தி.

ஜராவக்³கோ³ ச²ட்டோ².

தஸ்ஸுத்³தா³னங் –

ஜரா அஜரஸா மித்தங், வத்து² தீணி ஜனானி ச;

உப்பதோ² ச து³தியோ ச, கவினா பூரிதோ வக்³கோ³தி.

7. அத்³த⁴வக்³கோ³

1. நாமஸுத்தங்

61.

‘‘கிங்ஸு ஸப்³ப³ங் அத்³த⁴ப⁴வி [அன்வப⁴வி (ஸீ॰)], கிஸ்மா பி⁴ய்யோ ந விஜ்ஜதி;

கிஸ்ஸஸ்ஸு ஏகத⁴ம்மஸ்ஸ, ஸப்³பே³வ வஸமன்வகூ³’’தி [வஸமத்³த⁴கூ³ (க॰)].

‘‘நாமங் ஸப்³ப³ங் அத்³த⁴ப⁴வி, நாமா பி⁴ய்யோ ந விஜ்ஜதி;

நாமஸ்ஸ ஏகத⁴ம்மஸ்ஸ, ஸப்³பே³வ வஸமன்வகூ³’’தி.

2. சித்தஸுத்தங்

62.

‘‘கேனஸ்ஸு நீயதி லோகோ, கேனஸ்ஸு பரிகஸ்ஸதி;

கிஸ்ஸஸ்ஸு ஏகத⁴ம்மஸ்ஸ, ஸப்³பே³வ வஸமன்வகூ³’’தி.

‘‘சித்தேன நீயதி லோகோ, சித்தேன பரிகஸ்ஸதி;

சித்தஸ்ஸ ஏகத⁴ம்மஸ்ஸ, ஸப்³பே³வ வஸமன்வகூ³’’தி.

3. தண்ஹாஸுத்தங்

63.

‘‘கேனஸ்ஸு நீயதி லோகோ, கேனஸ்ஸு பரிகஸ்ஸதி;

கிஸ்ஸஸ்ஸு ஏகத⁴ம்மஸ்ஸ, ஸப்³பே³வ வஸமன்வகூ³’’தி.

‘‘தண்ஹாய நீயதி லோகோ, தண்ஹாய பரிகஸ்ஸதி;

தண்ஹாய ஏகத⁴ம்மஸ்ஸ, ஸப்³பே³வ வஸமன்வகூ³’’தி.

4. ஸங்யோஜனஸுத்தங்

64.

‘‘கிங்ஸு ஸங்யோஜனோ லோகோ, கிங்ஸு தஸ்ஸ விசாரணங்;

கிஸ்ஸஸ்ஸு விப்பஹானேன, நிப்³பா³னங் இதி வுச்சதீ’’தி.

‘‘நந்தீ³ஸங்யோஜனோ [நந்தி³ஸங்யோஜனோ (ஸீ॰ ஸ்யா॰ கங்॰)] லோகோ, விதக்கஸ்ஸ விசாரணங்;

தண்ஹாய விப்பஹானேன, நிப்³பா³னங் இதி வுச்சதீ’’தி.

5. ப³ந்த⁴னஸுத்தங்

65.

‘‘கிங்ஸு ஸம்ப³ந்த⁴னோ லோகோ, கிங்ஸு தஸ்ஸ விசாரணங்;

கிஸ்ஸஸ்ஸு விப்பஹானேன, ஸப்³ப³ங் சி²ந்த³தி ப³ந்த⁴ன’’ந்தி.

‘‘நந்தீ³ஸம்ப³ந்த⁴னோ லோகோ, விதக்கஸ்ஸ விசாரணங்;

தண்ஹாய விப்பஹானேன, ஸப்³ப³ங் சி²ந்த³தி ப³ந்த⁴ன’’ந்தி.

6. அத்தஹதஸுத்தங்

66.

‘‘கேனஸ்ஸுப்³பா⁴ஹதோ லோகோ, கேனஸ்ஸு பரிவாரிதோ;

கேன ஸல்லேன ஓதிண்ணோ, கிஸ்ஸ தூ⁴பாயிதோ ஸதா³’’தி.

‘‘மச்சுனாப்³பா⁴ஹதோ லோகோ, ஜராய பரிவாரிதோ;

தண்ஹாஸல்லேன ஓதிண்ணோ, இச்சா²தூ⁴பாயிதோ ஸதா³’’தி.

7. உட்³டி³தஸுத்தங்

67.

‘‘கேனஸ்ஸு உட்³டி³தோ லோகோ, கேனஸ்ஸு பரிவாரிதோ;

கேனஸ்ஸு பிஹிதோ லோகோ, கிஸ்மிங் லோகோ பதிட்டி²தோ’’தி.

‘‘தண்ஹாய உட்³டி³தோ லோகோ, ஜராய பரிவாரிதோ;

மச்சுனா பிஹிதோ லோகோ, து³க்கே² லோகோ பதிட்டி²தோ’’தி.

8. பிஹிதஸுத்தங்

68.

‘‘கேனஸ்ஸு பிஹிதோ லோகோ, கிஸ்மிங் லோகோ பதிட்டி²தோ;

கேனஸ்ஸு உட்³டி³தோ லோகோ, கேனஸ்ஸு பரிவாரிதோ’’தி.

‘‘மச்சுனா பிஹிதோ லோகோ, து³க்கே² லோகோ பதிட்டி²தோ;

தண்ஹாய உட்³டி³தோ லோகோ, ஜராய பரிவாரிதோ’’தி.

9. இச்சா²ஸுத்தங்

69.

‘‘கேனஸ்ஸு ப³ஜ்ஜ²தீ லோகோ, கிஸ்ஸ வினயாய முச்சதி;

கிஸ்ஸஸ்ஸு விப்பஹானேன, ஸப்³ப³ங் சி²ந்த³தி ப³ந்த⁴ன’’ந்தி.

‘‘இச்சா²ய ப³ஜ்ஜ²தீ லோகோ, இச்சா²வினயாய முச்சதி;

இச்சா²ய விப்பஹானேன, ஸப்³ப³ங் சி²ந்த³தி ப³ந்த⁴ன’’ந்தி.

10. லோகஸுத்தங்

70.

‘‘கிஸ்மிங் லோகோ ஸமுப்பன்னோ, கிஸ்மிங் குப்³ப³தி ஸந்த²வங்;

கிஸ்ஸ லோகோ உபாதா³ய, கிஸ்மிங் லோகோ விஹஞ்ஞதீ’’தி.

‘‘ச²ஸு லோகோ ஸமுப்பன்னோ, ச²ஸு குப்³ப³தி ஸந்த²வங்;

ச²ன்னமேவ உபாதா³ய, ச²ஸு லோகோ விஹஞ்ஞதீ’’தி.

அத்³த⁴வக்³கோ³ [அன்வவக்³கோ³ (ஸீ॰)] ஸத்தமோ.

தஸ்ஸுத்³தா³னங் –

நாமங் சித்தஞ்ச தண்ஹா ச, ஸங்யோஜனஞ்ச ப³ந்த⁴னா;

அப்³பா⁴ஹதுட்³டி³தோ பிஹிதோ, இச்சா² லோகேன தே த³ஸாதி.

8. செ²த்வாவக்³கோ³

1. செ²த்வாஸுத்தங்

71. ஸாவத்தி²னிதா³னங். ஏகமந்தங் டி²தா கோ² ஸா தே³வதா ப⁴க³வந்தங் கா³தா²ய அஜ்ஜ²பா⁴ஸி –

‘‘கிங்ஸு செ²த்வா [ஜ²த்வா (ஸீ॰), க⁴த்வா (ஸ்யா॰ கங்॰) ஏவமுபரிபி] ஸுக²ங் ஸேதி, கிங்ஸு செ²த்வா ந ஸோசதி;

கிஸ்ஸஸ்ஸு ஏகத⁴ம்மஸ்ஸ, வத⁴ங் ரோசேஸி கோ³தமா’’தி.

‘‘கோத⁴ங் செ²த்வா ஸுக²ங் ஸேதி, கோத⁴ங் செ²த்வா ந ஸோசதி;

கோத⁴ஸ்ஸ விஸமூலஸ்ஸ, மது⁴ரக்³க³ஸ்ஸ தே³வதே;

வத⁴ங் அரியா பஸங்ஸந்தி, தஞ்ஹி செ²த்வா ந ஸோசதீ’’தி.

2. ரத²ஸுத்தங்

72.

‘‘கிங்ஸு ரத²ஸ்ஸ பஞ்ஞாணங், கிங்ஸு பஞ்ஞாணமக்³கி³னோ;

கிங்ஸு ரட்ட²ஸ்ஸ பஞ்ஞாணங், கிங்ஸு பஞ்ஞாணமித்தி²யா’’தி.

‘‘த⁴ஜோ ரத²ஸ்ஸ பஞ்ஞாணங், தூ⁴மோ பஞ்ஞாணமக்³கி³னோ;

ராஜா ரட்ட²ஸ்ஸ பஞ்ஞாணங், ப⁴த்தா பஞ்ஞாணமித்தி²யா’’தி.

3. வித்தஸுத்தங்

73.

‘‘கிங்ஸூத⁴ வித்தங் புரிஸஸ்ஸ ஸெட்ட²ங், கிங்ஸு ஸுசிண்ணோ ஸுக²மாவஹதி;

கிங்ஸு ஹவே ஸாது³தரங் [ஸாது⁴தரங் (க॰)] ரஸானங், கத²ங்ஜீவிங் [கிங்ஸுஜீவிங் (க॰)] ஜீவிதமாஹு ஸெட்ட²’’ந்தி.

‘‘ஸத்³தீ⁴த⁴ வித்தங் புரிஸஸ்ஸ ஸெட்ட²ங், த⁴ம்மோ ஸுசிண்ணோ ஸுக²மாவஹதி;

ஸச்சங் ஹவே ஸாது³தரங் ரஸானங், பஞ்ஞாஜீவிங் ஜீவிதமாஹு ஸெட்ட²’’ந்தி.

4. வுட்டி²ஸுத்தங்

74.

‘‘கிங்ஸு உப்பததங் ஸெட்ட²ங், கிங்ஸு நிபததங் வரங்;

கிங்ஸு பவஜமானானங், கிங்ஸு பவத³தங் வர’’ந்தி.

‘‘பீ³ஜங் உப்பததங் ஸெட்ட²ங், வுட்டி² நிபததங் வரா;

கா³வோ பவஜமானானங், புத்தோ பவத³தங் வரோதி.

‘‘விஜ்ஜா உப்பததங் ஸெட்டா², அவிஜ்ஜா நிபததங் வரா;

ஸங்கோ⁴ பவஜமானானங், பு³த்³தோ⁴ பவத³தங் வரோ’’தி.

5. பீ⁴தாஸுத்தங்

75.

‘‘கிங்ஸூத⁴ பீ⁴தா ஜனதா அனேகா,

மக்³கோ³ சனேகாயதனப்பவுத்தோ;

புச்சா²மி தங் கோ³தம பூ⁴ரிபஞ்ஞ,

கிஸ்மிங் டி²தோ பரலோகங் ந பா⁴யே’’தி.

‘‘வாசங் மனஞ்ச பணிதா⁴ய ஸம்மா,

காயேன பாபானி அகுப்³ப³மானோ;

ப³வ்ஹன்னபானங் க⁴ரமாவஸந்தோ,

ஸத்³தோ⁴ முதூ³ ஸங்விபா⁴கீ³ வத³ஞ்ஞூ;

ஏதேஸு த⁴ம்மேஸு டி²தோ சதூஸு,

த⁴ம்மே டி²தோ பரலோகங் ந பா⁴யே’’தி.

6. நஜீரதிஸுத்தங்

76.

‘‘கிங் ஜீரதி கிங் ந ஜீரதி, கிங்ஸு உப்பதோ²தி வுச்சதி;

கிங்ஸு த⁴ம்மானங் பரிபந்தோ², கிங்ஸு ரத்திந்தி³வக்க²யோ;

கிங் மலங் ப்³ரஹ்மசரியஸ்ஸ, கிங் ஸினானமனோத³கங்.

‘‘கதி லோகஸ்மிங் சி²த்³தா³னி, யத்த² வித்தங் [சித்தங் (ஸீ॰ ஸ்யா॰ கங்॰ பீ॰)] ந திட்ட²தி;

ப⁴க³வந்தங் புட்டு²மாக³ம்ம, கத²ங் ஜானேமு தங் மய’’ந்தி.

‘‘ரூபங் ஜீரதி மச்சானங், நாமகொ³த்தங் ந ஜீரதி;

ராகோ³ உப்பதோ²தி வுச்சதி.

‘‘லோபோ⁴ த⁴ம்மானங் பரிபந்தோ², வயோ ரத்திந்தி³வக்க²யோ;

இத்தீ² மலங் ப்³ரஹ்மசரியஸ்ஸ, எத்தா²யங் ஸஜ்ஜதே பஜா;

தபோ ச ப்³ரஹ்மசரியஞ்ச, தங் ஸினானமனோத³கங்.

‘‘ச² லோகஸ்மிங் சி²த்³தா³னி, யத்த² வித்தங் ந திட்ட²தி;

ஆலஸ்யஞ்ச [ஆலஸ்ஸஞ்ச (ஸீ॰ பீ॰)] பமாதோ³ ச, அனுட்டா²னங் அஸங்யமோ;

நித்³தா³ தந்தீ³ [தந்தி³ (ஸீ॰)] ச தே சி²த்³தே³, ஸப்³ப³ஸோ தங் விவஜ்ஜயே’’தி.

7. இஸ்ஸரியஸுத்தங்

77.

‘‘கிங்ஸு இஸ்ஸரியங் லோகே, கிங்ஸு ப⁴ண்டா³னமுத்தமங்;

கிங்ஸு ஸத்த²மலங் லோகே, கிங்ஸு லோகஸ்மிமப்³பு³த³ங்.

‘‘கிங்ஸு ஹரந்தங் வாரெந்தி, ஹரந்தோ பன கோ பியோ;

கிங்ஸு புனப்புனாயந்தங், அபி⁴னந்த³ந்தி பண்டி³தா’’தி.

‘‘வஸோ இஸ்ஸரியங் லோகே, இத்தீ² ப⁴ண்டா³னமுத்தமங்;

கோதோ⁴ ஸத்த²மலங் லோகே, சோரா லோகஸ்மிமப்³பு³தா³.

‘‘சோரங் ஹரந்தங் வாரெந்தி, ஹரந்தோ ஸமணோ பியோ;

ஸமணங் புனப்புனாயந்தங், அபி⁴னந்த³ந்தி பண்டி³தா’’தி.

8. காமஸுத்தங்

78.

‘‘கிமத்த²காமோ ந த³தே³, கிங் மச்சோ ந பரிச்சஜே;

கிங்ஸு முஞ்செய்ய கல்யாணங், பாபிகங் ந ச மோசயே’’தி.

‘‘அத்தானங் ந த³தே³ போஸோ, அத்தானங் ந பரிச்சஜே;

வாசங் முஞ்செய்ய கல்யாணங், பாபிகஞ்ச ந மோசயே’’தி.

9. பாதெ²ய்யஸுத்தங்

79.

‘‘கிங்ஸு ப³ந்த⁴தி பாதெ²ய்யங், கிங்ஸு போ⁴கா³னமாஸயோ;

கிங்ஸு நரங் பரிகஸ்ஸதி, கிங்ஸு லோகஸ்மி து³ஜ்ஜஹங்;

கிஸ்மிங் ப³த்³தா⁴ புதூ² ஸத்தா, பாஸேன ஸகுணீ யதா²’’தி.

‘‘ஸத்³தா⁴ ப³ந்த⁴தி பாதெ²ய்யங், ஸிரீ போ⁴கா³னமாஸயோ;

இச்சா² நரங் பரிகஸ்ஸதி, இச்சா² லோகஸ்மி து³ஜ்ஜஹா;

இச்சா²ப³த்³தா⁴ புதூ² ஸத்தா, பாஸேன ஸகுணீ யதா²’’தி.

10. பஜ்ஜோதஸுத்தங்

80.

‘‘கிங்ஸு லோகஸ்மி பஜ்ஜோதோ, கிங்ஸு லோகஸ்மி ஜாக³ரோ;

கிங்ஸு கம்மே ஸஜீவானங், கிமஸ்ஸ இரியாபதோ².

‘‘கிங்ஸு அலஸங் அனலஸஞ்ச [கிங் ஆலஸ்யானாலஸ்யஞ்ச (க॰)], மாதா புத்தங்வ போஸதி;

கிங் பூ⁴தா உபஜீவந்தி, யே பாணா பத²விஸ்ஸிதா’’தி.

‘‘பஞ்ஞா லோகஸ்மி பஜ்ஜோதோ, ஸதி லோகஸ்மி ஜாக³ரோ;

கா³வோ கம்மே ஸஜீவானங், ஸீதஸ்ஸ இரியாபதோ².

‘‘வுட்டி² அலஸங் அனலஸஞ்ச, மாதா புத்தங்வ போஸதி;

வுட்டி²ங் பூ⁴தா உபஜீவந்தி, யே பாணா பத²விஸ்ஸிதா’’தி.

11. அரணஸுத்தங்

81.

‘‘கேஸூத⁴ அரணா லோகே, கேஸங் வுஸிதங் ந நஸ்ஸதி;

கேத⁴ இச்ச²ங் பரிஜானந்தி, கேஸங் போ⁴ஜிஸ்ஸியங் ஸதா³.

‘‘கிங்ஸு மாதா பிதா பா⁴தா, வந்த³ந்தி நங் பதிட்டி²தங்;

கிங்ஸு இத⁴ ஜாதிஹீனங், அபி⁴வாதெ³ந்தி க²த்தியா’’தி.

‘‘ஸமணீத⁴ அரணா லோகே, ஸமணானங் வுஸிதங் ந நஸ்ஸதி;

ஸமணா இச்ச²ங் பரிஜானந்தி, ஸமணானங் போ⁴ஜிஸ்ஸியங் ஸதா³.

‘‘ஸமணங் மாதா பிதா பா⁴தா, வந்த³ந்தி நங் பதிட்டி²தங்;

ஸமணீத⁴ ஜாதிஹீனங், அபி⁴வாதெ³ந்தி க²த்தியா’’தி.

செ²த்வாவக்³கோ³ அட்ட²மோ.

தஸ்ஸுத்³தா³னங் –

செ²த்வா ரத²ஞ்ச சித்தஞ்ச, வுட்டி² பீ⁴தா நஜீரதி;

இஸ்ஸரங் காமங் பாதெ²ய்யங், பஜ்ஜோதோ அரணேன சாதி.

தே³வதாஸங்யுத்தங் ஸமத்தங்.

comments (0)

ஸுத்தபிடக-Part-49-தமிழில் திரபிடக மூன்று தொகுப்புகள்TIPITAKA–49.5. ஸளாயதனவக்கோ-1. அனாதபிண்டிகோவாதஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 5:19 pm

ஸுத்தபிடக-Part-49-தமிழில் திரபிடக மூன்று தொகுப்புகள்TIPITAKA--49.5. ஸளாயதனவக்கோ-1. அனாதபிண்டிகோவாதஸுத்தங்-from FREE ONLINE eNālāndā Research and
Practice UNIVERSITY through http://sarvajan.ambedkar.org

5. ஸளாயதனவக்கோ

1. அனாதபிண்டிகோவாதஸுத்தங்

383. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அனாத²பிண்டி³கோ க³ஹபதி ஆபா³தி⁴கோ ஹோதி து³க்கி²தோ
பா³ள்ஹகி³லானோ. அத² கோ² அனாத²பிண்டி³கோ க³ஹபதி அஞ்ஞதரங் புரிஸங் ஆமந்தேஸி –
‘‘ஏஹி த்வங், அம்போ⁴ புரிஸ, யேன ப⁴க³வா தேனுபஸங்கம; உபஸங்கமித்வா மம வசனேன
ப⁴க³வதோ பாதே³ ஸிரஸா வந்தா³ஹி [வந்தா³ஹி ஏவஞ்ச வதே³ஹி (ஸப்³ப³த்த²) அஞ்ஞஸுத்தேஸு பன நத்தி²]
– ‘அனாத²பிண்டி³கோ, ப⁴ந்தே, க³ஹபதி ஆபா³தி⁴கோ து³க்கி²தோ பா³ள்ஹகி³லானோ.
ஸோ ப⁴க³வதோ பாதே³ ஸிரஸா வந்த³தீ’தி. யேன சாயஸ்மா ஸாரிபுத்தோ தேனுபஸங்கம;
உபஸங்கமித்வா மம வசனேன ஆயஸ்மதோ ஸாரிபுத்தஸ்ஸ பாதே³ ஸிரஸா வந்தா³ஹி [வந்தா³ஹி ஏவஞ்ச வதே³ஹி (ஸப்³ப³த்த²) அஞ்ஞஸுத்தேஸு பன நத்தி²]
– ‘அனாத²பிண்டி³கோ, ப⁴ந்தே, க³ஹபதி ஆபா³தி⁴கோ து³க்கி²தோ பா³ள்ஹகி³லானோ.
ஸோ ஆயஸ்மதோ ஸாரிபுத்தஸ்ஸ பாதே³ ஸிரஸா வந்த³தீ’தி. ஏவஞ்ச வதே³ஹி – ‘ஸாது⁴
கிர, ப⁴ந்தே, ஆயஸ்மா ஸாரிபுத்தோ யேன அனாத²பிண்டி³கஸ்ஸ க³ஹபதிஸ்ஸ நிவேஸனங்
தேனுபஸங்கமது அனுகம்பங் உபாதா³யா’’’தி.

‘‘ஏவங், ப⁴ந்தே’’தி கோ² ஸோ புரிஸோ அனாத²பிண்டி³கஸ்ஸ
க³ஹபதிஸ்ஸ படிஸ்ஸுத்வா யேன ப⁴க³வா தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஸோ புரிஸோ
ப⁴க³வந்தங் ஏதத³வோச – ‘‘அனாத²பிண்டி³கோ, ப⁴ந்தே, க³ஹபதி ஆபா³தி⁴கோ
து³க்கி²தோ பா³ள்ஹகி³லானோ. ஸோ ப⁴க³வதோ பாதே³ ஸிரஸா வந்த³தீ’’தி. யேன
சாயஸ்மா ஸாரிபுத்தோ தேனுபஸங்கமி; உபஸங்கமித்வா ஆயஸ்மந்தங் ஸாரிபுத்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ
கோ² ஸோ புரிஸோ ஆயஸ்மந்தங் ஸாரிபுத்தங் ஏதத³வோச – ‘‘அனாத²பிண்டி³கோ,
ப⁴ந்தே, க³ஹபதி ஆபா³தி⁴கோ து³க்கி²தோ பா³ள்ஹகி³லானோ. ஸோ ஆயஸ்மதோ
ஸாரிபுத்தஸ்ஸ பாதே³ ஸிரஸா வந்த³தி; ஏவஞ்ச வதே³தி – ‘ஸாது⁴ கிர, ப⁴ந்தே,
ஆயஸ்மா ஸாரிபுத்தோ யேன அனாத²பிண்டி³கஸ்ஸ க³ஹபதிஸ்ஸ நிவேஸனங் தேனுபஸங்கமது அனுகம்பங் உபாதா³யா’’’தி. அதி⁴வாஸேஸி கோ² ஆயஸ்மா ஸாரிபுத்தோ துண்ஹீபா⁴வேன.

384.
அத² கோ² ஆயஸ்மா ஸாரிபுத்தோ நிவாஸெத்வா பத்தசீவரமாதா³ய ஆயஸ்மதா ஆனந்தே³ன
பச்சா²ஸமணேன யேன அனாத²பிண்டி³கஸ்ஸ க³ஹபதிஸ்ஸ நிவேஸனங் தேனுபஸங்கமி;
உபஸங்கமித்வா பஞ்ஞத்தே ஆஸனே நிஸீதி³. நிஸஜ்ஜ கோ²
ஆயஸ்மா ஸாரிபுத்தோ அனாத²பிண்டி³கங் க³ஹபதிங் ஏதத³வோச – ‘‘கச்சி தே, க³ஹபதி,
க²மனீயங், கச்சி யாபனீயங்? கச்சி தே து³க்கா² வேத³னா படிக்கமந்தி, நோ
அபி⁴க்கமந்தி; படிக்கமோஸானங் பஞ்ஞாயதி, நோ அபி⁴க்கமோ’’தி?

‘‘ந மே, ப⁴ந்தே ஸாரிபுத்த, க²மனீயங் ந யாபனீயங்.
பா³ள்ஹா மே து³க்கா² வேத³னா அபி⁴க்கமந்தி, நோ படிக்கமந்தி; அபி⁴க்கமோஸானங்
பஞ்ஞாயதி, நோ படிக்கமோ. ஸெய்யதா²பி, ப⁴ந்தே ஸாரிபுத்த, ப³லவா புரிஸோ
திண்ஹேன ஸிக²ரேன முத்³த⁴னி [முத்³தா⁴னங் (ஸீ॰ ஸ்யா॰ கங்॰ பீ॰)] அபி⁴மத்தெ²ய்ய [அபி⁴மந்தெ²ய்ய (ஸீ॰ பீ॰)]; ஏவமேவ கோ² மே, ப⁴ந்தே ஸாரிபுத்த, அதி⁴மத்தா வாதா முத்³த⁴னி [ஓஹனந்தி (ஸ்யா॰ கங்॰)] ஊஹனந்தி [அதி⁴மத்தா வாதா ஸீலங் பரிகந்தந்தி (ஸீ॰ ஸ்யா॰ கங்॰)].
ந மே, ப⁴ந்தே ஸாரிபுத்த, க²மனீயங் ந யாபனீயங். பா³ள்ஹா மே து³க்கா² வேத³னா
அபி⁴க்கமந்தி, நோ படிக்கமந்தி; அபி⁴க்கமோஸானங் பஞ்ஞாயதி, நோ படிக்கமோ.
ஸெய்யதா²பி, ப⁴ந்தே ஸாரிபுத்த, ப³லவா புரிஸோ த³ள்ஹேன வரத்தக²ண்டே³ன ஸீஸே
ஸீஸவேட²ங் த³தெ³ய்ய; ஏவமேவ கோ² மே, ப⁴ந்தே ஸாரிபுத்த, அதி⁴மத்தா ஸீஸே
ஸீஸவேத³னா. ந மே, ப⁴ந்தே ஸாரிபுத்த, க²மனீயங் ந யாபனீயங். பா³ள்ஹா மே
து³க்கா² வேத³னா அபி⁴க்கமந்தி, நோ படிக்கமந்தி; அபி⁴க்கமோஸானங் பஞ்ஞாயதி,
நோ படிக்கமோ. ஸெய்யதா²பி, ப⁴ந்தே ஸாரிபுத்த, த³க்கோ² கோ³கா⁴தகோ வா
கோ³கா⁴தகந்தேவாஸீ வா திண்ஹேன கோ³விகந்தனேன குச்சி²ங் பரிகந்தெய்ய; ஏவமேவ
கோ² மே, ப⁴ந்தே ஸாரிபுத்த, அதி⁴மத்தா வாதா குச்சி²ங் பரிகந்தந்தி. ந மே,
ப⁴ந்தே ஸாரிபுத்த, க²மனீயங் ந யாபனீயங். பா³ள்ஹா மே து³க்கா² வேத³னா
அபி⁴க்கமந்தி, நோ படிக்கமந்தி; அபி⁴க்கமோஸானங் பஞ்ஞாயதி, நோ படிக்கமோ.
ஸெய்யதா²பி, ப⁴ந்தே ஸாரிபுத்த, த்³வே ப³லவந்தோ புரிஸா து³ப்³ப³லதரங்
புரிஸங் நானாபா³ஹாஸு க³ஹெத்வா அங்கா³ரகாஸுயா ஸந்தாபெய்யுங்,
ஸம்பரிதாபெய்யுங்; ஏவமேவ கோ² மே, ப⁴ந்தே ஸாரிபுத்த, அதி⁴மத்தோ காயஸ்மிங்
டா³ஹோ. ந மே, ப⁴ந்தே ஸாரிபுத்த, க²மனீயங் ந யாபனீயங். பா³ள்ஹா மே து³க்கா²
வேத³னா அபி⁴க்கமந்தி, நோ படிக்கமந்தி; அபி⁴க்கமோஸானங் பஞ்ஞாயதி, நோ படிக்கமோ’’தி.

385. ‘‘தஸ்மாதிஹ
தே, க³ஹபதி, ஏவங் ஸிக்கி²தப்³ப³ங் – ‘ந சக்கு²ங் உபாதி³யிஸ்ஸாமி, ந ச மே
சக்கு²னிஸ்ஸிதங் விஞ்ஞாணங் ப⁴விஸ்ஸதீ’தி. ஏவஞ்ஹி தே, க³ஹபதி,
ஸிக்கி²தப்³ப³ங்.

‘‘தஸ்மாதிஹ தே, க³ஹபதி, ஏவங் ஸிக்கி²தப்³ப³ங் – ‘ந
ஸோதங் உபாதி³யிஸ்ஸாமி, ந ச மே ஸோதனிஸ்ஸிதங் விஞ்ஞாணங் ப⁴விஸ்ஸதீ’தி. ஏவஞ்ஹி
தே, க³ஹபதி, ஸிக்கி²தப்³ப³ங். தஸ்மாதிஹ தே, க³ஹபதி, ஏவங் ஸிக்கி²தப்³ப³ங் –
‘ந கா⁴னங் உபாதி³யிஸ்ஸாமி, ந ச மே கா⁴னநிஸ்ஸிதங் விஞ்ஞாணங் ப⁴விஸ்ஸதீ’தி.
ஏவஞ்ஹி தே, க³ஹபதி, ஸிக்கி²தப்³ப³ங். தஸ்மாதிஹ தே, க³ஹபதி, ஏவங்
ஸிக்கி²தப்³ப³ங் – ‘ந ஜிவ்ஹங் உபாதி³யிஸ்ஸாமி, ந ச மே ஜிவ்ஹானிஸ்ஸிதங்
விஞ்ஞாணங் ப⁴விஸ்ஸதீ’தி. ஏவஞ்ஹி தே, க³ஹபதி, ஸிக்கி²தப்³ப³ங். தஸ்மாதிஹ தே,
க³ஹபதி, ஏவங் ஸிக்கி²தப்³ப³ங் – ‘ந காயங் உபாதி³யிஸ்ஸாமி, ந ச மே
காயனிஸ்ஸிதங் விஞ்ஞாணங் ப⁴விஸ்ஸதீ’தி. ஏவஞ்ஹி தே, க³ஹபதி, ஸிக்கி²தப்³ப³ங்.
தஸ்மாதிஹ தே, க³ஹபதி, ஏவங் ஸிக்கி²தப்³ப³ங் – ‘ந மனங் உபாதி³யிஸ்ஸாமி, ந ச
மே மனோனிஸ்ஸிதங் விஞ்ஞாணங் ப⁴விஸ்ஸதீ’தி. ஏவஞ்ஹி தே, க³ஹபதி,
ஸிக்கி²தப்³ப³ங்.

‘‘தஸ்மாதிஹ தே, க³ஹபதி, ஏவங் ஸிக்கி²தப்³ப³ங் – ‘ந
ரூபங் உபாதி³யிஸ்ஸாமி, ந ச மே ரூபனிஸ்ஸிதங் விஞ்ஞாணங் ப⁴விஸ்ஸதீ’தி. ஏவஞ்ஹி
தே, க³ஹபதி, ஸிக்கி²தப்³ப³ங். தஸ்மாதிஹ தே, க³ஹபதி, ஏவங் ஸிக்கி²தப்³ப³ங் –
‘ந ஸத்³த³ங் உபாதி³யிஸ்ஸாமி…பே॰… ந க³ந்த⁴ங் உபாதி³யிஸ்ஸாமி… ந ரஸங்
உபாதி³யிஸ்ஸாமி… ந பொ²ட்ட²ப்³ப³ங் உபாதி³யிஸ்ஸாமி… ந த⁴ம்மங்
உபாதி³யிஸ்ஸாமி ந ச மே த⁴ம்மனிஸ்ஸிதங் விஞ்ஞாணங் ப⁴விஸ்ஸதீ’தி. ஏவஞ்ஹி தே, க³ஹபதி, ஸிக்கி²தப்³ப³ங்.

‘‘தஸ்மாதிஹ தே, க³ஹபதி, ஏவங் ஸிக்கி²தப்³ப³ங் – ‘ந
சக்கு²விஞ்ஞாணங் உபாதி³யிஸ்ஸாமி, ந ச மே சக்கு²விஞ்ஞாணனிஸ்ஸிதங் விஞ்ஞாணங்
ப⁴விஸ்ஸதீ’தி. ஏவஞ்ஹி தே, க³ஹபதி, ஸிக்கி²தப்³ப³ங். தஸ்மாதிஹ தே, க³ஹபதி,
ஏவங் ஸிக்கி²தப்³ப³ங் – ‘ந ஸோதவிஞ்ஞாணங் உபாதி³யிஸ்ஸாமி… ந கா⁴னவிஞ்ஞாணங்
உபாதி³யிஸ்ஸாமி… ந ஜிவ்ஹாவிஞ்ஞாணங் உபாதி³யிஸ்ஸாமி… ந காயவிஞ்ஞாணங்
உபாதி³யிஸ்ஸாமி… ந மனோவிஞ்ஞாணங் உபாதி³யிஸ்ஸாமி ந ச மே மனோவிஞ்ஞாணனிஸ்ஸிதங்
விஞ்ஞாணங் ப⁴விஸ்ஸதீ’தி. ஏவஞ்ஹி தே, க³ஹபதி, ஸிக்கி²தப்³ப³ங்.

‘‘தஸ்மாதிஹ தே, க³ஹபதி, ஏவங் ஸிக்கி²தப்³ப³ங் – ‘ந சக்கு²ஸம்ப²ஸ்ஸங் உபாதி³யிஸ்ஸாமி, ந ச மே சக்கு²ஸம்ப²ஸ்ஸனிஸ்ஸிதங்
விஞ்ஞாணங் ப⁴விஸ்ஸதீ’தி. ஏவஞ்ஹி தே, க³ஹபதி, ஸிக்கி²தப்³ப³ங். தஸ்மாதிஹ
தே, க³ஹபதி, ஏவங் ஸிக்கி²தப்³ப³ங் – ‘ந ஸோதஸம்ப²ஸ்ஸங் உபாதி³யிஸ்ஸாமி… ந
கா⁴னஸம்ப²ஸ்ஸங் உபாதி³யிஸ்ஸாமி… ந ஜிவ்ஹாஸம்ப²ஸ்ஸங் உபாதி³யிஸ்ஸாமி… ந
காயஸம்ப²ஸ்ஸங் உபாதி³யிஸ்ஸாமி… ந மனோஸம்ப²ஸ்ஸங் உபாதி³யிஸ்ஸாமி, ந ச மே
மனோஸம்ப²ஸ்ஸனிஸ்ஸிதங் விஞ்ஞாணங் ப⁴விஸ்ஸதீ’தி. ஏவஞ்ஹி தே, க³ஹபதி,
ஸிக்கி²தப்³ப³ங்.

‘‘தஸ்மாதிஹ தே, க³ஹபதி, ஏவங் ஸிக்கி²தப்³ப³ங் – ‘ந
சக்கு²ஸம்ப²ஸ்ஸஜங் வேத³னங் உபாதி³யிஸ்ஸாமி, ந ச மே
சக்கு²ஸம்ப²ஸ்ஸஜாவேத³னானிஸ்ஸிதங் விஞ்ஞாணங் ப⁴விஸ்ஸதீ’தி. ஏவஞ்ஹி தே,
க³ஹபதி, ஸிக்கி²தப்³ப³ங். தஸ்மாதிஹ தே , க³ஹபதி,
ஏவங் ஸிக்கி²தப்³ப³ங் – ‘ந ஸோதஸம்ப²ஸ்ஸஜங் வேத³னங் உபாதி³யிஸ்ஸாமி… ந
கா⁴னஸம்ப²ஸ்ஸஜங் வேத³னங் உபாதி³யிஸ்ஸாமி… ந ஜிவ்ஹாஸம்ப²ஸ்ஸஜங் வேத³னங்
உபாதி³யிஸ்ஸாமி… ந காயஸம்ப²ஸ்ஸஜங் வேத³னங் உபாதி³யிஸ்ஸாமி… ந
மனோஸம்ப²ஸ்ஸஜங் வேத³னங் உபாதி³யிஸ்ஸாமி, ந ச மே
மனோஸம்ப²ஸ்ஸஜாவேத³னானிஸ்ஸிதங் விஞ்ஞாணங் ப⁴விஸ்ஸதீ’தி. ஏவஞ்ஹி தே, க³ஹபதி,
ஸிக்கி²தப்³ப³ங்.

386.
‘‘தஸ்மாதிஹ தே, க³ஹபதி, ஏவங் ஸிக்கி²தப்³ப³ங் – ‘ந பத²வீதா⁴துங்
உபாதி³யிஸ்ஸாமி, ந ச மே பத²வீதா⁴துனிஸ்ஸிதங் விஞ்ஞாணங் ப⁴விஸ்ஸதீ’தி.
ஏவஞ்ஹி தே, க³ஹபதி, ஸிக்கி²தப்³ப³ங். தஸ்மாதிஹ தே, க³ஹபதி, ஏவங்
ஸிக்கி²தப்³ப³ங் – ‘ந ஆபோதா⁴துங் உபாதி³யிஸ்ஸாமி… ந தேஜோதா⁴துங்
உபாதி³யிஸ்ஸாமி… ந வாயோதா⁴துங் உபாதி³யிஸ்ஸாமி… ந ஆகாஸதா⁴துங்
உபாதி³யிஸ்ஸாமி… ந விஞ்ஞாணதா⁴துங் உபாதி³யிஸ்ஸாமி, ந ச மே
விஞ்ஞாணதா⁴துனிஸ்ஸிதங் விஞ்ஞாணங் ப⁴விஸ்ஸதீ’தி. ஏவஞ்ஹி தே, க³ஹபதி,
ஸிக்கி²தப்³ப³ங்.

‘‘தஸ்மாதிஹ தே, க³ஹபதி, ஏவங் ஸிக்கி²தப்³ப³ங் – ‘ந
ரூபங் உபாதி³யிஸ்ஸாமி, ந ச மே ரூபனிஸ்ஸிதங் விஞ்ஞாணங் ப⁴விஸ்ஸதீ’தி. ஏவஞ்ஹி
தே, க³ஹபதி, ஸிக்கி²தப்³ப³ங். தஸ்மாதிஹ தே, க³ஹபதி, ஏவங் ஸிக்கி²தப்³ப³ங் –
‘ந வேத³னங் உபாதி³யிஸ்ஸாமி… ந ஸஞ்ஞங் உபாதி³யிஸ்ஸாமி… ந ஸங்கா²ரே
உபாதி³யிஸ்ஸாமி… ந விஞ்ஞாணங் உபாதி³யிஸ்ஸாமி, ந ச மே விஞ்ஞாணனிஸ்ஸிதங்
விஞ்ஞாணங் ப⁴விஸ்ஸதீ’தி. ஏவஞ்ஹி தே, க³ஹபதி, ஸிக்கி²தப்³ப³ங்.

‘‘தஸ்மாதிஹ தே, க³ஹபதி, ஏவங் ஸிக்கி²தப்³ப³ங் – ‘ந ஆகாஸானஞ்சாயதனங் உபாதி³யிஸ்ஸாமி , ந ச மே ஆகாஸானஞ்சாயதனநிஸ்ஸிதங் விஞ்ஞாணங் ப⁴விஸ்ஸதீ’தி .
ஏவஞ்ஹி தே, க³ஹபதி, ஸிக்கி²தப்³ப³ங். தஸ்மாதிஹ தே, க³ஹபதி, ஏவங்
ஸிக்கி²தப்³ப³ங் – ‘ந விஞ்ஞாணஞ்சாயதனங் உபாதி³யிஸ்ஸாமி… ந ஆகிஞ்சஞ்ஞாயதனங்
உபாதி³யிஸ்ஸாமி… ந நேவஸஞ்ஞானாஸஞ்ஞாயதனங் உபாதி³யிஸ்ஸாமி ந ச மே
நேவஸஞ்ஞானாஸஞ்ஞாயதனநிஸ்ஸிதங் விஞ்ஞாணங் ப⁴விஸ்ஸதீ’தி. ஏவஞ்ஹி தே, க³ஹபதி,
ஸிக்கி²தப்³ப³ங்.

‘‘தஸ்மாதிஹ தே, க³ஹபதி, ஏவங் ஸிக்கி²தப்³ப³ங் – ‘ந
இத⁴லோகங் உபாதி³யிஸ்ஸாமி, ந ச மே இத⁴லோகனிஸ்ஸிதங் விஞ்ஞாணங் ப⁴விஸ்ஸதீ’தி.
ஏவஞ்ஹி தே, க³ஹபதி, ஸிக்கி²தப்³ப³ங். தஸ்மாதிஹ தே, க³ஹபதி, ஏவங்
ஸிக்கி²தப்³ப³ங் – ‘ந பரலோகங் உபாதி³யிஸ்ஸாமி, ந ச மே பரலோகனிஸ்ஸிதங்
விஞ்ஞாணங் ப⁴விஸ்ஸதீ’தி. ஏவஞ்ஹி தே, க³ஹபதி, ஸிக்கி²தப்³ப³ங். தஸ்மாதிஹ தே,
க³ஹபதி, ஏவங் ஸிக்கி²தப்³ப³ங் – ‘யம்பி மே தி³ட்ட²ங் ஸுதங் முதங்
விஞ்ஞாதங் பத்தங் பரியேஸிதங் அனுபரியேஸிதங் அனுசரிதங் மனஸா தம்பி ந
உபாதி³யிஸ்ஸாமி, ந ச மே தங்னிஸ்ஸிதங் விஞ்ஞாணங் ப⁴விஸ்ஸதீ’தி. ஏவஞ்ஹி தே,
க³ஹபதி, ஸிக்கி²தப்³ப³’’ந்தி.

387.
ஏவங் வுத்தே, அனாத²பிண்டி³கோ க³ஹபதி பரோதி³, அஸ்ஸூனி பவத்தேஸி. அத² கோ²
ஆயஸ்மா ஆனந்தோ³ அனாத²பிண்டி³கங் க³ஹபதிங் ஏதத³வோச – ‘‘ஓலீயஸி கோ² த்வங்,
க³ஹபதி, ஸங்ஸீத³ஸி கோ² த்வங், க³ஹபதீ’’தி? ‘‘நாஹங், ப⁴ந்தே ஆனந்த³,
ஓலீயாமி, நபி ஸங்ஸீதா³மி; அபி ச மே தீ³க⁴ரத்தங் ஸத்தா² பயிருபாஸிதோ
மனோபா⁴வனீயா ச பி⁴க்கூ²; ந ச மே ஏவரூபீ த⁴ம்மீ கதா²
ஸுதபுப்³பா³’’தி. ‘‘ந கோ², க³ஹபதி, கி³ஹீனங் ஓதா³தவஸனானங் ஏவரூபீ த⁴ம்மீ
கதா² படிபா⁴தி; பப்³ப³ஜிதானங் கோ², க³ஹபதி, ஏவரூபீ த⁴ம்மீ கதா²
படிபா⁴தீ’’தி. ‘‘தேன ஹி, ப⁴ந்தே ஸாரிபுத்த, கி³ஹீனம்பி ஓதா³தவஸனானங் ஏவரூபீ
த⁴ம்மீ கதா² படிபா⁴து. ஸந்தி ஹி, ப⁴ந்தே, குலபுத்தா அப்பரஜக்க²ஜாதிகா,
அஸ்ஸவனதா த⁴ம்மஸ்ஸ பரிஹாயந்தி; ப⁴விஸ்ஸந்தி த⁴ம்மஸ்ஸ அஞ்ஞாதாரோ’’தி.

அத² கோ² ஆயஸ்மா ச ஸாரிபுத்தோ ஆயஸ்மா ச ஆனந்தோ³
அனாத²பிண்டி³கங் க³ஹபதிங் இமினா ஓவாதே³ன ஓவதி³த்வா உட்டா²யாஸனா பக்கமிங்ஸு.
அத² கோ² அனாத²பிண்டி³கோ க³ஹபதி, அசிரபக்கந்தே ஆயஸ்மந்தே ச ஸாரிபுத்தே
ஆயஸ்மந்தே ச ஆனந்தே³ , காலமகாஸி துஸிதங் காயங் உபபஜ்ஜி. அத² கோ² அனாத²பிண்டி³கோ தே³வபுத்தோ அபி⁴க்கந்தாய ரத்தியா அபி⁴க்கந்தவண்ணோ கேவலகப்பங் ஜேதவனங் ஓபா⁴ஸெத்வா யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் அட்டா²ஸி. ஏகமந்தங் ஜ்டி²தோ கோ² அனாத²பிண்டி³கோ தே³வபுத்தோ ப⁴க³வந்தங் கா³தா²ஹி அஜ்ஜ²பா⁴ஸி –

‘‘இத³ஞ்ஹி தங் ஜேதவனங், இஸிஸங்க⁴னிஸேவிதங்;

ஆவுத்த²ங் த⁴ம்மராஜேன, பீதிஸஞ்ஜனநங் மம.

‘‘கம்மங் விஜ்ஜா ச த⁴ம்மோ ச, ஸீலங் ஜீவிதமுத்தமங்;

ஏதேன மச்சா ஸுஜ்ஜ²ந்தி, ந கொ³த்தேன த⁴னேன வா.

‘‘தஸ்மா ஹி பண்டி³தோ போஸோ, ஸம்பஸ்ஸங் அத்த²மத்தனோ;

யோனிஸோ விசினே த⁴ம்மங், ஏவங் தத்த² விஸுஜ்ஜ²தி.

‘‘ஸாரிபுத்தோவ பஞ்ஞாய, ஸீலேன உபஸமேன;

யோபி பாரங்க³தோ பி⁴க்கு², ஏதாவபரமோ ஸியா’’தி.

இத³மவோச அனாத²பிண்டி³கோ தே³வபுத்தோ. ஸமனுஞ்ஞோ ஸத்தா²
அஹோஸி. அத² கோ² அனாத²பிண்டி³கோ தே³வபுத்தோ – ‘‘ஸமனுஞ்ஞோ மே ஸத்தா²’’தி
ப⁴க³வந்தங் அபி⁴வாதெ³த்வா பத³க்கி²ணங் கத்வா தத்தே²வந்தரதா⁴யி.

388.
அத² கோ² ப⁴க³வா தஸ்ஸா ரத்தியா அச்சயேன பி⁴க்கூ² ஆமந்தேஸி – ‘‘இமங்,
பி⁴க்க²வே, ரத்திங் அஞ்ஞதரோ தே³வபுத்தோ அபி⁴க்கந்தாய ரத்தியா
அபி⁴க்கந்தவண்ணோ கேவலகப்பங் ஜேதவனங் ஓபா⁴ஸெத்வா யேனாஹங் தேனுபஸங்கமி;
உபஸங்கமித்வா மங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தோ கோ² ஸோ
தே³வபுத்தோ மங் கா³தா²ஹி அஜ்ஜ²பா⁴ஸி –

‘‘இத³ஞ்ஹி தங் ஜேதவனங், இஸிஸங்க⁴னிஸேவிதங்;

ஆவுத்த²ங் த⁴ம்மராஜேன, பீதிஸஞ்ஜனநங் மம.

‘‘கம்மங் விஜ்ஜா ச த⁴ம்மோ ச, ஸீலங் ஜீவிதமுத்தமங்;

ஏதேன மச்சா ஸுஜ்ஜ²ந்தி, ந கொ³த்தேன த⁴னேன வா.

‘‘தஸ்மா ஹி பண்டி³தோ போஸோ, ஸம்பஸ்ஸங் அத்த²மத்தனோ;

யோனிஸோ விசினே த⁴ம்மங், ஏவங் தத்த² விஸுஜ்ஜ²தி.

‘‘ஸாரிபுத்தோவ பஞ்ஞாய, ஸீலேன உபஸமேன;

யோபி பாரங்க³தோ பி⁴க்கு², ஏதாவபரமோ ஸியா’’தி.

‘‘இத³மவோச , பி⁴க்க²வே, ஸோ தே³வபுத்தோ. ‘ஸமனுஞ்ஞோ மே ஸத்தா²’தி மங் அபி⁴வாதெ³த்வா பத³க்கி²ணங் கத்வா தத்தே²வந்தரதா⁴யீ’’தி.

ஏவங்
வுத்தே, ஆயஸ்மா ஆனந்தோ³ ப⁴க³வந்தங் ஏதத³வோச – ‘‘ஸோ ஹி நூன ஸோ, ப⁴ந்தே,
அனாத²பிண்டி³கோ தே³வபுத்தோ ப⁴விஸ்ஸதி. அனாத²பிண்டி³கோ, ப⁴ந்தே, க³ஹபதி
ஆயஸ்மந்தே ஸாரிபுத்தே அபி⁴ப்பஸன்னோ அஹோஸீ’’தி. ‘‘ஸாது⁴, ஸாது⁴, ஆனந்த³!
யாவதகங் கோ², ஆனந்த³, தக்காய பத்தப்³ப³ங், அனுப்பத்தங் தங் தயா.
அனாத²பிண்டி³கோ ஸோ, ஆனந்த³, தே³வபுத்தோ’’தி.

இத³மவோச ப⁴க³வா. அத்தமனோ ஆயஸ்மா ஆனந்தோ³ ப⁴க³வதோ பா⁴ஸிதங் அபி⁴னந்தீ³தி.

அனாத²பிண்டி³கோவாத³ஸுத்தங் நிட்டி²தங் பட²மங்.

2. ச²ன்னோவாத³ஸுத்தங்

389. ஏவங்
மே ஸுதங் – ஏகங் ஸமயங் ப⁴க³வா ராஜக³ஹே விஹரதி வேளுவனே கலந்த³கனிவாபே. தேன
கோ² பன ஸமயேன ஆயஸ்மா ச ஸாரிபுத்தோ ஆயஸ்மா ச மஹாசுந்தோ³ ஆயஸ்மா ச ச²ன்னோ
கி³ஜ்ஜ²கூடே பப்³ப³தே விஹரந்தி. தேன கோ² பன ஸமயேன ஆயஸ்மா ச²ன்னோ ஆபா³தி⁴கோ
ஹோதி து³க்கி²தோ பா³ள்ஹகி³லானோ. அத² கோ² ஆயஸ்மா ஸாரிபுத்தோ ஸாயன்ஹஸமயங்
படிஸல்லானா வுட்டி²தோ யேனாயஸ்மா மஹாசுந்தோ³ தேனுபஸங்கமி; உபஸங்கமித்வா
ஆயஸ்மந்தங் மஹாசுந்த³ங் ஏதத³வோச – ‘‘ஆயாமாவுஸோ சுந்த³, யேனாயஸ்மா ச²ன்னோ
தேனுபஸங்கமிஸ்ஸாம கி³லானபுச்ச²கா’’தி. ‘‘ஏவமாவுஸோ’’தி கோ² ஆயஸ்மா
மஹாசுந்தோ³ ஆயஸ்மதோ ஸாரிபுத்தஸ்ஸ பச்சஸ்ஸோஸி.

அத² கோ² ஆயஸ்மா ச ஸாரிபுத்தோ ஆயஸ்மா ச மஹாசுந்தோ³
யேனாயஸ்மா ச²ன்னோ தேனுபஸங்கமிங்ஸு; உபஸங்கமித்வா ஆயஸ்மதா ச²ன்னேன ஸத்³தி⁴ங்
ஸம்மோதி³ங்ஸு. ஸம்மோத³னீயங் கத²ங் ஸாரணீயங்
வீதிஸாரெத்வா ஏகமந்தங் நிஸீதி³ங்ஸு. ஏகமந்தங் நிஸின்னோ கோ² ஆயஸ்மா
ஸாரிபுத்தோ ஆயஸ்மந்தங் ச²ன்னங் ஏதத³வோச – ‘‘கச்சி தே, ஆவுஸோ ச²ன்ன,
க²மனீயங், கச்சி யாபனீயங்? கச்சி தே து³க்கா² வேத³னா படிக்கமந்தி, நோ
அபி⁴க்கமந்தி; படிக்கமோஸானங் பஞ்ஞாயதி, நோ அபி⁴க்கமோ’’தி?

‘‘ந மே, ஆவுஸோ ஸாரிபுத்த, க²மனீயங் ந யாபனீயங்.
பா³ள்ஹா மே து³க்கா² வேத³னா அபி⁴க்கமந்தி, நோ படிக்கமந்தி; அபி⁴க்கமோஸானங்
பஞ்ஞாயதி, நோ படிக்கமோ. ஸெய்யதா²பி , ஆவுஸோ ஸாரிபுத்த, ப³லவா புரிஸோ
திண்ஹேன ஸிக²ரேன முத்³த⁴னி அபி⁴மத்தெ²ய்ய; ஏவமேவ கோ² மே, ஆவுஸோ ஸாரிபுத்த,
அதி⁴மத்தா வாதா முத்³த⁴னி ஊஹனந்தி. ந மே, ஆவுஸோ ஸாரிபுத்த, க²மனீயங் ந
யாபனீயங். பா³ள்ஹா மே து³க்கா² வேத³னா அபி⁴க்கமந்தி, நோ படிக்கமந்தி;
அபி⁴க்கமோஸானங் பஞ்ஞாயதி நோ படிக்கமோ. ஸெய்யதா²பி, ஆவுஸோ ஸாரிபுத்த, ப³லவா
புரிஸோ த³ள்ஹேன வரத்தக்க²ண்டே³ன ஸீஸே ஸீஸவேட²ங் த³தெ³ய்ய; ஏவமேவ கோ² மே,
ஆவுஸோ ஸாரிபுத்த, அதி⁴மத்தா ஸீஸே ஸீஸவேத³னா. ந மே, ஆவுஸோ ஸாரிபுத்த,
க²மனீயங் ந யாபனீயங். பா³ள்ஹா மே து³க்கா² வேத³னா அபி⁴க்கமந்தி, நோ
படிக்கமந்தி; அபி⁴க்கமோஸானங் பஞ்ஞாயதி, நோ படிக்கமோ. ஸெய்யதா²பி, ஆவுஸோ
ஸாரிபுத்த, த³க்கோ² கோ³கா⁴தகோ வா கோ³கா⁴தகந்தேவாஸீ வா திண்ஹேன
கோ³விகந்தனேன குச்சி²ங் பரிகந்தெய்ய; ஏவமேவ கோ² மே, ஆவுஸோ ஸாரிபுத்த,
அதி⁴மத்தா வாதா குச்சி²ங் பரிகந்தந்தி. ந மே, ஆவுஸோ ஸாரிபுத்த, க²மனீயங் ந
யாபனீயங். பா³ள்ஹா மே து³க்கா² வேத³னா அபி⁴க்கமந்தி, நோ படிக்கமந்தி;
அபி⁴க்கமோஸானங் பஞ்ஞாயதி, நோ படிக்கமோ. ஸெய்யதா²பி, ஆவுஸோ ஸாரிபுத்த, த்³வே
ப³லவந்தோ புரிஸா து³ப்³ப³லதரங் புரிஸங் நானாபா³ஹாஸு க³ஹெத்வா
அங்கா³ரகாஸுயா ஸந்தாபெய்யுங் ஸம்பரிதாபெய்யுங்; ஏவமேவ கோ² மே, ஆவுஸோ
ஸாரிபுத்த, அதி⁴மத்தோ காயஸ்மிங் டா³ஹோ. ந மே, ஆவுஸோ
ஸாரிபுத்த, க²மனீயங் ந யாபனீயங். பா³ள்ஹா மே து³க்கா² வேத³னா
அபி⁴க்கமந்தி, நோ படிக்கமந்தி; அபி⁴க்கமோஸானங் பஞ்ஞாயதி, நோ படிக்கமோ.
ஸத்த²ங், ஆவுஸோ ஸாரிபுத்த, ஆஹரிஸ்ஸாமி, நாவகங்கா²மி ஜீவித’’ந்தி.

390.
‘‘மாயஸ்மா ச²ன்னோ ஸத்த²ங் ஆஹரேஸி. யாபேதாயஸ்மா ச²ன்னோ. யாபெந்தங் மயங்
ஆயஸ்மந்தங் ச²ன்னங் இச்சா²ம. ஸசே ஆயஸ்மதோ ச²ன்னஸ்ஸ நத்தி² ஸப்பாயானி
போ⁴ஜனானி, அஹங் ஆயஸ்மதோ ச²ன்னஸ்ஸ ஸப்பாயானி போ⁴ஜனானி பரியேஸிஸ்ஸாமி. ஸசே
ஆயஸ்மதோ ச²ன்னஸ்ஸ நத்தி² ஸப்பாயானி பே⁴ஸஜ்ஜானி, அஹங் ஆயஸ்மதோ ச²ன்னஸ்ஸ
ஸப்பாயானி பே⁴ஸஜ்ஜானி பரியேஸிஸ்ஸாமி. ஸசே ஆயஸ்மதோ ச²ன்னஸ்ஸ நத்தி² பதிரூபா
உபட்டா²கா, அஹங் ஆயஸ்மந்தங் ச²ன்னங் உபட்ட²ஹிஸ்ஸாமி. மாயஸ்மா ச²ன்னோ
ஸத்த²ங் ஆஹரேஸி. யாபேதாயஸ்மா ச²ன்னோ. யாபெந்தங் மயங் ஆயஸ்மந்தங் ச²ன்னங்
இச்சா²மா’’தி.

‘‘நபி மே, ஆவுஸோ ஸாரிபுத்த, நத்தி² ஸப்பாயானி
போ⁴ஜனானி; நபி மே நத்தி² ஸப்பாயானி பே⁴ஸஜ்ஜானி; நபி மே நத்தி² பதிரூபா
உபட்டா²கா; அபி சாவுஸோ ஸாரிபுத்த , பரிசிண்ணோ மே
ஸத்தா² தீ³க⁴ரத்தங் மனாபேனேவ நோ அமனாபேன. ஏதஞ்ஹி, ஆவுஸோ ஸாரிபுத்த, ஸாவகஸ்ஸ
பதிரூபங் யங் ஸத்தா²ரங் பரிசரெய்ய மனாபேனேவ நோ அமனாபேன. ‘அனுபவஜ்ஜங்
ச²ன்னோ பி⁴க்கு² ஸத்த²ங் ஆஹரிஸ்ஸதீ’தி ஏவமேதங் [ஏவமேவ கோ² த்வங் (க॰)], ஆவுஸோ ஸாரிபுத்த, தா⁴ரேஹீ’’தி. ‘‘புச்செ²ய்யாம மயங் ஆயஸ்மந்தங் ச²ன்னங் கஞ்சிதே³வ தே³ஸங், ஸசே ஆயஸ்மா ச²ன்னோ ஓகாஸங் கரோதி பஞ்ஹஸ்ஸ வெய்யாகரணாயா’’தி. ‘‘புச்சா²வுஸோ ஸாரிபுத்த, ஸுத்வா வேதி³ஸ்ஸாமீ’’தி.

391. ‘‘சக்கு²ங், ஆவுஸோ ச²ன்ன, சக்கு²விஞ்ஞாணங் சக்கு²விஞ்ஞாணவிஞ்ஞாதப்³பே³ த⁴ம்மே ‘ஏதங் மம, ஏஸோஹமஸ்மி, ஏஸோ
மே அத்தா’தி ஸமனுபஸ்ஸஸி? ஸோதங், ஆவுஸோ ச²ன்ன, ஸோதவிஞ்ஞாணங்…பே॰… கா⁴னங்,
ஆவுஸோ ச²ன்ன, கா⁴னவிஞ்ஞாணங்… ஜிவ்ஹங், ஆவுஸோ ச²ன்ன, ஜிவ்ஹாவிஞ்ஞாணங் …
காயங், ஆவுஸோ ச²ன்ன, காயவிஞ்ஞாணங்… மனங், ஆவுஸோ ச²ன்ன, மனோவிஞ்ஞாணங்
மனோவிஞ்ஞாணவிஞ்ஞாதப்³பே³ த⁴ம்மே ‘ஏதங் மம, ஏஸோஹமஸ்மி, ஏஸோ மே அத்தா’தி
ஸமனுபஸ்ஸஸீ’’தி?

‘‘சக்கு²ங், ஆவுஸோ ஸாரிபுத்த, சக்கு²விஞ்ஞாணங்
சக்கு²விஞ்ஞாணவிஞ்ஞாதப்³பே³ த⁴ம்மே ‘நேதங் மம, நேஸோஹமஸ்மி, ந மேஸோ அத்தா’தி
ஸமனுபஸ்ஸாமி. ஸோதங், ஆவுஸோ ஸாரிபுத்த…பே॰… கா⁴னங், ஆவுஸோ ஸாரிபுத்த…
ஜிவ்ஹங், ஆவுஸோ ஸாரிபுத்த… காயங், ஆவுஸோ ஸாரிபுத்த… மனங், ஆவுஸோ ஸாரிபுத்த,
மனோவிஞ்ஞாணங் மனோவிஞ்ஞாணவிஞ்ஞாதப்³பே³ த⁴ம்மே ‘நேதங் மம, நேஸோஹமஸ்மி, ந
மேஸோ அத்தா’தி ஸமனுபஸ்ஸாமீ’’தி.

392.
‘‘சக்கு²ஸ்மிங், ஆவுஸோ ச²ன்ன, சக்கு²விஞ்ஞாணே
சக்கு²விஞ்ஞாணவிஞ்ஞாதப்³பே³ஸு த⁴ம்மேஸு கிங் தி³ஸ்வா கிங் அபி⁴ஞ்ஞாய
சக்கு²ங் சக்கு²விஞ்ஞாணங் சக்கு²விஞ்ஞாணவிஞ்ஞாதப்³பே³ த⁴ம்மே ‘நேதங் மம,
நேஸோஹமஸ்மி, ந மேஸோ அத்தா’தி ஸமனுபஸ்ஸஸி? ஸோதஸ்மிங், ஆவுஸோ ச²ன்ன,
ஸோதவிஞ்ஞாணே … கா⁴னஸ்மிங், ஆவுஸோ ச²ன்ன,
கா⁴னவிஞ்ஞாணே… ஜிவ்ஹாய, ஆவுஸோ ச²ன்ன, ஜிவ்ஹாவிஞ்ஞாணே… காயஸ்மிங், ஆவுஸோ
ச²ன்ன, காயவிஞ்ஞாணே… மனஸ்மிங், ஆவுஸோ ச²ன்ன, மனோவிஞ்ஞாணே
மனோவிஞ்ஞாணவிஞ்ஞாதப்³பே³ஸு த⁴ம்மேஸு கிங் தி³ஸ்வா கிங் அபி⁴ஞ்ஞாய மனங்
மனோவிஞ்ஞாணங் மனோவிஞ்ஞாணவிஞ்ஞாதப்³பே³ த⁴ம்மே ‘நேதங் மம, நேஸோஹமஸ்மி, ந
மேஸோ அத்தா’தி ஸமனுபஸ்ஸஸீ’’தி?

‘‘சக்கு²ஸ்மிங் , ஆவுஸோ
ஸாரிபுத்த, சக்கு²விஞ்ஞாணே சக்கு²விஞ்ஞாணவிஞ்ஞாதப்³பே³ஸு த⁴ம்மேஸு நிரோத⁴ங்
தி³ஸ்வா நிரோத⁴ங் அபி⁴ஞ்ஞாய சக்கு²ங் சக்கு²விஞ்ஞாணங்
சக்கு²விஞ்ஞாணவிஞ்ஞாதப்³பே³ த⁴ம்மே ‘நேதங் மம, நேஸோஹமஸ்மி, ந மேஸோ அத்தா’தி
ஸமனுபஸ்ஸாமி. ஸோதஸ்மிங், ஆவுஸோ ஸாரிபுத்த, ஸோதவிஞ்ஞாணே… கா⁴னஸ்மிங், ஆவுஸோ
ஸாரிபுத்த, கா⁴னவிஞ்ஞாணே… ஜிவ்ஹாய, ஆவுஸோ ஸாரிபுத்த, ஜிவ்ஹாவிஞ்ஞாணே…
காயஸ்மிங், ஆவுஸோ ஸாரிபுத்த, காயவிஞ்ஞாணே… மனஸ்மிங், ஆவுஸோ ஸாரிபுத்த,
மனோவிஞ்ஞாணே மனோவிஞ்ஞாணவிஞ்ஞாதப்³பே³ஸு த⁴ம்மேஸு நிரோத⁴ங் தி³ஸ்வா நிரோத⁴ங் அபி⁴ஞ்ஞா மனங் மனோவிஞ்ஞாணங் மனோவிஞ்ஞாணவிஞ்ஞாதப்³பே³ த⁴ம்மே ‘நேதங் மம, நேஸோஹமஸ்மி, ந மேஸோ அத்தா’தி ஸமனுபஸ்ஸாமீ’’தி.

393. ஏவங் வுத்தே, ஆயஸ்மா மஹாசுந்தோ³ ஆயஸ்மந்தங் ச²ன்னங் ஏதத³வோச – ‘‘தஸ்மாதிஹ, ஆவுஸோ ச²ன்ன, இத³ம்பி தஸ்ஸ ப⁴க³வதோ ஸாஸனங் [வசனங் (ஸீ॰)], நிச்சகப்பங் மனஸி காதப்³ப³ங் – ‘நிஸ்ஸிதஸ்ஸ சலிதங், அனிஸ்ஸிதஸ்ஸ சலிதங்
நத்தி². சலிதே அஸதி பஸ்ஸத்³தி⁴, பஸ்ஸத்³தி⁴யா ஸதி நதி ந ஹோதி. நதியா அஸதி
ஆக³திக³தி ந ஹோதி. ஆக³திக³தியா அஸதி சுதூபபாதோ ந ஹோதி. சுதூபபாதே அஸதி
நேவித⁴ ந ஹுரங் ந உப⁴யமந்தரேன. ஏஸேவந்தோ து³க்க²ஸ்ஸா’’’தி. அத² கோ² ஆயஸ்மா ச
ஸாரிபுத்தோ ஆயஸ்மா ச மஹாசுந்தோ³ ஆயஸ்மந்தங் ச²ன்னங் இமினா ஓவாதே³ன
ஓவதி³த்வா உட்டா²யாஸனா பக்கமிங்ஸு.

394.
அத² கோ² ஆயஸ்மா ச²ன்னோ அசிரபக்கந்தே ஆயஸ்மந்தே ச ஸாரிபுத்தே ஆயஸ்மந்தே ச
மஹாசுந்தே³ ஸத்த²ங் ஆஹரேஸி. அத² கோ² ஆயஸ்மா ஸாரிபுத்தோ யேன ப⁴க³வா
தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³.
ஏகமந்தங் நிஸின்னோ கோ² ஆயஸ்மா ஸாரிபுத்தோ ப⁴க³வந்தங் ஏதத³வோச – ‘‘ஆயஸ்மதா,
ப⁴ந்தே, ச²ன்னேன ஸத்த²ங் ஆஹரிதங். தஸ்ஸ கா க³தி, கோ அபி⁴ஸம்பராயோ’’தி?
‘‘நனு தே, ஸாரிபுத்த, ச²ன்னேன பி⁴க்கு²னா ஸம்முகா²யேவ அனுபவஜ்ஜதா
ப்³யாகதா’’தி? ‘‘அத்தி², ப⁴ந்தே, புப்³ப³ஜிரங் [பப்பஜிதஞ்ஹிதங் (க॰), உபவஜ்ஜிதங் (க॰), புப்³ப³விஜ்ஜனங், புப்³ப³விஜ்ஜ²னங், புப்³ப³விசிரங் (ஸங்யுத்தகே)] நாம வஜ்ஜிகா³மோ. தத்தா²யஸ்மதோ ச²ன்னஸ்ஸ மித்தகுலானி ஸுஹஜ்ஜகுலானி உபவஜ்ஜகுலானீ’’தி. ‘‘ஹொந்தி [போஸந்தி (க॰)] ஹேதே, ஸாரிபுத்த, ச²ன்னஸ்ஸ பி⁴க்கு²னோ மித்தகுலானி ஸுஹஜ்ஜகுலானி உபவஜ்ஜகுலானி. நாஹங், ஸாரிபுத்த, எத்தாவதா
‘ஸஉபவஜ்ஜோ’தி வதா³மி. யோ கோ², ஸாரிபுத்த, இமஞ்ச காயங் நிக்கி²பதி அஞ்ஞஞ்ச
காயங் உபாதி³யதி தமஹங் ‘ஸஉபவஜ்ஜோ’தி வதா³மி. தங் ச²ன்னஸ்ஸ பி⁴க்கு²னோ
நத்தி². ‘அனுபவஜ்ஜோ ச²ன்னோ பி⁴க்கு² ஸத்த²ங் ஆஹரேஸீ’தி ஏவமேதங், ஸாரிபுத்த,
தா⁴ரேஹீ’’தி.

இத³மவோச ப⁴க³வா. அத்தமனோ ஆயஸ்மா ஸாரிபுத்தோ ப⁴க³வதோ பா⁴ஸிதங் அபி⁴னந்தீ³தி.

ச²ன்னோவாத³ஸுத்தங் நிட்டி²தங் து³தியங்.

3. புண்ணோவாத³ஸுத்தங்

395. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. அத² கோ² ஆயஸ்மா புண்ணோ ஸாயன்ஹஸமயங் படிஸல்லானா வுட்டி²தோ யேன
ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³. ஏகமந்தங் நிஸின்னோ கோ² ஆயஸ்மா புண்ணோ ப⁴க³வந்தங் ஏதத³வோச –
‘‘ஸாது⁴ மங், ப⁴ந்தே, ப⁴க³வா ஸங்கி²த்தேன ஓவாதே³ன ஓவத³து, யமஹங் ப⁴க³வதோ
த⁴ம்மங் ஸுத்வா ஏகோ வூபகட்டோ² அப்பமத்தோ ஆதாபீ பஹிதத்தோ விஹரெய்ய’’ந்தி.
‘‘தேன ஹி, புண்ண, ஸுணாஹி, ஸாது⁴கங் மனஸி கரோஹி; பா⁴ஸிஸ்ஸாமீ’’தி. ‘‘ஏவங்,
ப⁴ந்தே’’தி கோ² ஆயஸ்மா புண்ணோ ப⁴க³வதோ பச்சஸ்ஸோஸி. ப⁴க³வா ஏதத³வோச –

‘‘ஸந்தி கோ², புண்ண, சக்கு²விஞ்ஞெய்யா ரூபா இட்டா²
கந்தா மனாபா பியரூபா காமூபஸங்ஹிதா ரஜனீயா. தங் சே பி⁴க்கு² அபி⁴னந்த³தி
அபி⁴வத³தி அஜ்ஜோ²ஸாய திட்ட²தி. தஸ்ஸ தங் அபி⁴னந்த³தோ அபி⁴வத³தோ அஜ்ஜோ²ஸாய
திட்ட²தோ உப்பஜ்ஜதி நந்தீ³ [நந்தி³ (ஸ்யா॰ கங்॰)]. ‘நந்தீ³ஸமுத³யா து³க்க²ஸமுத³யோ, புண்ணா’தி வதா³மி.

‘‘ஸந்தி கோ², புண்ண, ஸோதவிஞ்ஞெய்யா ஸத்³தா³…
கா⁴னவிஞ்ஞெய்யா க³ந்தா⁴… ஜிவ்ஹாவிஞ்ஞெய்யா ரஸா… காயவிஞ்ஞெய்யா
பொ²ட்ட²ப்³பா³… மனோவிஞ்ஞெய்யா த⁴ம்மா இட்டா² கந்தா மனாபா பியரூபா
காமூபஸங்ஹிதா ரஜனீயா. தங் சே பி⁴க்கு² அபி⁴னந்த³தி அபி⁴வத³தி அஜ்ஜோ²ஸாய
திட்ட²தி. தஸ்ஸ தங் அபி⁴னந்த³தோ அபி⁴வத³தோ அஜ்ஜோ²ஸாய திட்ட²தோ உப்பஜ்ஜதி நந்தீ³. ‘நந்தீ³ஸமுத³யா து³க்க²ஸமுத³யோ, புண்ணா’தி வதா³மி.

‘‘ஸந்தி ச கோ², புண்ண,
சக்கு²விஞ்ஞெய்யா ரூபா இட்டா² கந்தா மனாபா பியரூபா காமூபஸங்ஹிதா ரஜனீயா.
தங் சே பி⁴க்கு² நாபி⁴னந்த³தி நாபி⁴வத³தி நாஜ்ஜோ²ஸாய திட்ட²தி. தஸ்ஸ தங்
அனபி⁴னந்த³தோ அனபி⁴வத³தோ அனஜ்ஜோ²ஸாய திட்ட²தோ நந்தீ³ நிருஜ்ஜ²தி.
‘நந்தீ³னிரோதா⁴ து³க்க²னிரோதோ⁴, புண்ணா’தி வதா³மி.

‘‘ஸந்தி ச கோ², புண்ண,
ஸோதவிஞ்ஞெய்யா ஸத்³தா³… கா⁴னவிஞ்ஞெய்யா க³ந்தா⁴… ஜிவ்ஹாவிஞ்ஞெய்யா ரஸா…
காயவிஞ்ஞெய்யா பொ²ட்ட²ப்³பா³… மனோவிஞ்ஞெய்யா த⁴ம்மா இட்டா² கந்தா மனாபா
பியரூபா காமூபஸங்ஹிதா ரஜனீயா. தங் சே பி⁴க்கு²
நாபி⁴னந்த³தி நாபி⁴வத³தி நாஜ்ஜோ²ஸாய திட்ட²தி. தஸ்ஸ தங் அனபி⁴னந்த³தோ
அனபி⁴வத³தோ அனஜ்ஜோ²ஸாய திட்ட²தோ நந்தீ³ நிருஜ்ஜ²தி. ‘நந்தீ³னிரோதா⁴
து³க்க²னிரோதோ⁴, புண்ணா’தி வதா³மி.

‘‘இமினா ச த்வங் புண்ண, மயா ஸங்கி²த்தேன ஓவாதே³ன
ஓவதி³தோ கதரஸ்மிங் ஜனபதே³ விஹரிஸ்ஸஸீ’’தி? ‘‘இமினாஹங், ப⁴ந்தே, ப⁴க³வதா
ஸங்கி²த்தேன ஓவாதே³ன ஓவதி³தோ, அத்தி² ஸுனாபரந்தோ நாம ஜனபதோ³, தத்தா²ஹங்
விஹரிஸ்ஸாமீ’’தி.

396.
‘‘சண்டா³ கோ², புண்ண, ஸுனாபரந்தகா மனுஸ்ஸா; ப²ருஸா கோ², புண்ண,
ஸுனாபரந்தகா மனுஸ்ஸா. ஸசே தங், புண்ண, ஸுனாபரந்தகா மனுஸ்ஸா அக்கோஸிஸ்ஸந்தி
பரிபா⁴ஸிஸ்ஸந்தி, தத்த² தே, புண்ண, கிந்தி ப⁴விஸ்ஸதீ’’தி? ‘‘ஸசே மங்,
ப⁴ந்தே, ஸுனாபரந்தகா மனுஸ்ஸா அக்கோஸிஸ்ஸந்தி பரிபா⁴ஸிஸ்ஸந்தி, தத்த² மே
ஏவங் ப⁴விஸ்ஸதி – ‘ப⁴த்³த³கா [ப⁴த்³ரகா (க॰)] வதிமே ஸுனாபரந்தகா மனுஸ்ஸா, ஸுப⁴த்³த³கா வதிமே ஸுனாபரந்தகா மனுஸ்ஸா, யங் மே நயிமே பாணினா பஹாரங் தெ³ந்தீ’தி. ஏவமெத்த² [ஏவம்மெத்த² (?)], ப⁴க³வா, ப⁴விஸ்ஸதி; ஏவமெத்த², ஸுக³த, ப⁴விஸ்ஸதீ’’தி.

‘‘ஸசே பன தே, புண்ண, ஸுனாபரந்தகா மனுஸ்ஸா பாணினா
பஹாரங் த³ஸ்ஸந்தி, தத்த² பன தே, புண்ண, கிந்தி ப⁴விஸ்ஸதீ’’தி? ‘‘ஸசே மே,
ப⁴ந்தே, ஸுனாபரந்தகா மனுஸ்ஸா பாணினா பஹாரங் த³ஸ்ஸந்தி, தத்த² மே ஏவங்
ப⁴விஸ்ஸதி – ‘ப⁴த்³த³கா வதிமே ஸுனாபரந்தகா மனுஸ்ஸா, ஸுப⁴த்³த³கா வதிமே
ஸுனாபரந்தகா மனுஸ்ஸா, யங் மே நயிமே லெட்³டு³னா பஹாரங் தெ³ந்தீ’தி.
ஏவமெத்த², ப⁴க³வா, ப⁴விஸ்ஸதி; ஏவமெத்த², ஸுக³த, ப⁴விஸ்ஸதீ’’தி.

‘‘ஸசே பன தே, புண்ண, ஸுனாபரந்தகா மனுஸ்ஸா லெட்³டு³னா
பஹாரங் த³ஸ்ஸந்தி, தத்த² பன தே, புண்ண, கிந்தி ப⁴விஸ்ஸதீ’’தி? ‘‘ஸசே மே,
ப⁴ந்தே, ஸுனாபரந்தகா மனுஸ்ஸா லெட்³டு³னா பஹாரங்
த³ஸ்ஸந்தி, தத்த² மே ஏவங் ப⁴விஸ்ஸதி – ‘ப⁴த்³த³கா வதிமே ஸுனாபரந்தகா
மனுஸ்ஸா, ஸுப⁴த்³த³கா வதிமே ஸுனாபரந்தகா மனுஸ்ஸா, யங் மே நயிமே த³ண்டே³ன
பஹாரங் தெ³ந்தீ’தி. ஏவமெத்த², ப⁴க³வா, ப⁴விஸ்ஸதி; ஏவமெத்த², ஸுக³த,
ப⁴விஸ்ஸதீ’’தி.

‘‘ஸசே
பன தே, புண்ண, ஸுனாபரந்தகா மனுஸ்ஸா த³ண்டே³ன பஹாரங் த³ஸ்ஸந்தி, தத்த² பன
தே, புண்ண, கிந்தி ப⁴விஸ்ஸதீ’’தி? ‘‘ஸசே மே, ப⁴ந்தே, ஸுனாபரந்தகா மனுஸ்ஸா
த³ண்டே³ன பஹாரங் த³ஸ்ஸந்தி, தத்த² மே ஏவங் ப⁴விஸ்ஸதி – ‘ப⁴த்³த³கா வதிமே
ஸுனாபரந்தகா மனுஸ்ஸா, ஸுப⁴த்³த³கா வதிமே ஸுனாபரந்தகா மனுஸ்ஸா, யங் மே நயிமே ஸத்தே²ன பஹாரங் தெ³ந்தீ’தி. ஏவமெத்த², ப⁴க³வா, ப⁴விஸ்ஸதி; ஏவமெத்த², ஸுக³த, ப⁴விஸ்ஸதீ’’தி.

‘‘ஸசே பன தே, புண்ண, ஸுனாபரந்தகா மனுஸ்ஸா ஸத்தே²ன
பஹாரங் த³ஸ்ஸந்தி, தத்த² பன தே, புண்ண, கிந்தி ப⁴விஸ்ஸதீ’’தி? ‘‘ஸசே மே,
ப⁴ந்தே, ஸுனாபரந்தகா மனுஸ்ஸா ஸத்தே²ன பஹாரங் த³ஸ்ஸந்தி, தத்த² மே ஏவங்
ப⁴விஸ்ஸதி – ‘ப⁴த்³த³கா வதிமே ஸுனாபரந்தகா மனுஸ்ஸா, ஸுப⁴த்³த³கா வதிமே
ஸுனாபரந்தகா மனுஸ்ஸா, யங் மங் [யங் மே (ஸீ॰ பீ॰ க॰)] நயிமே திண்ஹேன ஸத்தே²ன ஜீவிதா வோரோபெந்தீ’தி. ஏவமெத்த², ப⁴க³வா, ப⁴விஸ்ஸதி; ஏவமெத்த², ஸுக³த, ப⁴விஸ்ஸதீ’’தி.

‘‘ஸசே பன தங், புண்ண, ஸுனாபரந்தகா மனுஸ்ஸா திண்ஹேன
ஸத்தே²ன ஜீவிதா வோரோபெஸ்ஸந்தி, தத்த² பன தே, புண்ண, கிந்தி ப⁴விஸ்ஸதீ’’தி?
‘‘ஸசே மங், ப⁴ந்தே, ஸுனாபரந்தகா மனுஸ்ஸா திண்ஹேன ஸத்தே²ன ஜீவிதா
வோரோபெஸ்ஸந்தி, தத்த² மே ஏவங் ப⁴விஸ்ஸதி – ‘ஸந்தி கோ² ப⁴க³வதோ ஸாவகா காயே ச
ஜீவிதே ச அட்டீயமானா ஹராயமானா ஜிகு³ச்ச²மானா ஸத்த²ஹாரகங் பரியேஸந்தி. தங்
மே இத³ங் அபரியிட்ட²ங்யேவ ஸத்த²ஹாரகங் லத்³த⁴’ந்தி. ஏவமெத்த², ப⁴க³வா,
ப⁴விஸ்ஸதி; ஏவமெத்த², ஸுக³த, ப⁴விஸ்ஸதீ’’தி. ‘‘ஸாது⁴, ஸாது⁴, புண்ண!
ஸக்கி²ஸ்ஸஸி கோ² த்வங், புண்ண, இமினா த³மூபஸமேன ஸமன்னாக³தோ ஸுனாபரந்தஸ்மிங்
ஜனபதே³ விஹரிதுங். யஸ்ஸதா³னி த்வங், புண்ண, காலங் மஞ்ஞஸீ’’தி.

397. அத² கோ² ஆயஸ்மா புண்ணோ ப⁴க³வதோ பா⁴ஸிதங் அபி⁴னந்தி³த்வா அனுமோதி³த்வா உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங் கத்வா ஸேனாஸனங் ஸங்ஸாமெத்வா பத்தசீவரமாதா³ய யேன ஸுனாபரந்தோ ஜனபதோ³ தேன
சாரிகங் பக்காமி. அனுபுப்³பே³ன சாரிகங் சரமானோ யேன ஸுனாபரந்தோ ஜனபதோ³
தத³வஸரி. தத்ர ஸுத³ங் ஆயஸ்மா புண்ணோ ஸுனாபரந்தஸ்மிங் ஜனபதே³ விஹரதி. அத²
கோ² ஆயஸ்மா புண்ணோ தேனேவந்தரவஸ்ஸேன பஞ்சமத்தானி உபாஸகஸதானி படிவேதே³ஸி [படிபாதே³ஸி (ஸீ॰ பீ॰), படிதே³ஸேஸி (ஸ்யா॰ கங்॰)],
தேனேவந்தரவஸ்ஸேன பஞ்சமத்தானி உபாஸிகஸதானி படிவேதே³ஸி, தேனேவந்தரவஸ்ஸேன
திஸ்ஸோ விஜ்ஜா ஸச்சா²காஸி. அத² கோ² ஆயஸ்மா புண்ணோ அபரேன ஸமயேன
பரினிப்³பா³யி.

அத² கோ² ஸம்ப³ஹுலா பி⁴க்கூ²
யேன ப⁴க³வா தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா
ஏகமந்தங் நிஸீதி³ங்ஸு. ஏகமந்தங் நிஸின்னா கோ² தே பி⁴க்கூ² ப⁴க³வந்தங்
ஏதத³வோசுங் – ‘‘யோ ஸோ, ப⁴ந்தே, புண்ணோ நாம
குலபுத்தோ ப⁴க³வதா ஸங்கி²த்தேன ஓவாதே³ன ஓவதி³தோ ஸோ காலங்கதோ. தஸ்ஸ கா க³தி,
கோ அபி⁴ஸம்பராயோ’’தி? ‘‘பண்டி³தோ, பி⁴க்க²வே, புண்ணோ குலபுத்தோ பச்சபாதி³ [ஸச்சவாதீ³ த⁴ம்மவாதீ³ (க॰)] த⁴ம்மஸ்ஸானுத⁴ம்மங், ந ச மங் த⁴ம்மாதி⁴கரணங் விஹேடே²ஸி. பரினிப்³பு³தோ, பி⁴க்க²வே, புண்ணோ குலபுத்தோ’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

புண்ணோவாத³ஸுத்தங் நிட்டி²தங் ததியங்.

4. நந்த³கோவாத³ஸுத்தங்

398. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. அத² கோ² மஹாபஜாபதிகோ³தமீ பஞ்சமத்தேஹி பி⁴க்கு²னிஸதேஹி ஸத்³தி⁴ங்
யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
அட்டா²ஸி. ஏகமந்தங் டி²தா கோ² மஹாபஜாபதிகோ³தமீ ப⁴க³வந்தங் ஏதத³வோச –
‘‘ஓவத³து, ப⁴ந்தே, ப⁴க³வா பி⁴க்கு²னியோ; அனுஸாஸது, ப⁴ந்தே, ப⁴க³வா
பி⁴க்கு²னியோ; கரோது, ப⁴ந்தே, ப⁴க³வா பி⁴க்கு²னீனங் த⁴ம்மிங் கத²’’ந்தி [த⁴ம்மிகத²ந்தி (ஸ்யா॰ கங்॰ க॰)].

தேன கோ² பன ஸமயேன தே²ரா பி⁴க்கூ² பி⁴க்கு²னியோ ஓவத³ந்தி பரியாயேன. ஆயஸ்மா நந்த³கோ ந இச்ச²தி பி⁴க்கு²னியோ ஓவதி³துங் பரியாயேன. அத²
கோ² ப⁴க³வா ஆயஸ்மந்தங் ஆனந்த³ங் ஆமந்தேஸி – ‘‘கஸ்ஸ நு கோ², ஆனந்த³, அஜ்ஜ
பரியாயோ பி⁴க்கு²னியோ ஓவதி³துங் பரியாயேனா’’தி? ‘‘ஸப்³பே³ஹேவ, ப⁴ந்தே, கதோ [நந்த³கஸ்ஸ ப⁴ந்தே (ஸீ॰ பீ॰)] பரியாயோ பி⁴க்கு²னியோ ஓவதி³துங் பரியாயேன. அயங், ப⁴ந்தே, ஆயஸ்மா நந்த³கோ ந இச்ச²தி பி⁴க்கு²னியோ ஓவதி³துங் பரியாயேனா’’தி.

அத² கோ² ப⁴க³வா ஆயஸ்மந்தங் நந்த³கங் ஆமந்தேஸி –
‘‘ஓவத³, நந்த³க, பி⁴க்கு²னியோ; அனுஸாஸ, நந்த³க, பி⁴க்கு²னியோ; கரோஹி த்வங்,
ப்³ராஹ்மண, பி⁴க்கு²னீனங் த⁴ம்மிங் கத²’’ந்தி. ‘‘ஏவங், ப⁴ந்தே’’தி கோ²
ஆயஸ்மா நந்த³கோ ப⁴க³வதோ படிஸ்ஸுத்வா
புப்³ப³ண்ஹஸமயங் நிவாஸெத்வா பத்தசீவரமாதா³ய ஸாவத்தி²ங் பிண்டா³ய பாவிஸி.
ஸாவத்தி²யங் பிண்டா³ய சரித்வா பச்சா²ப⁴த்தங் பிண்ட³பாதபடிக்கந்தோ
அத்தது³தியோ யேன ராஜகாராமோ தேனுபஸங்கமி. அத்³த³ஸங்ஸு கோ² தா பி⁴க்கு²னியோ
ஆயஸ்மந்தங் நந்த³கங் தூ³ரதோவ ஆக³ச்ச²ந்தங். தி³ஸ்வான ஆஸனங் பஞ்ஞாபேஸுங்,
உத³கஞ்ச பாதா³னங் உபட்ட²பேஸுங். நிஸீதி³ கோ² ஆயஸ்மா நந்த³கோ பஞ்ஞத்தே ஆஸனே.
நிஸஜ்ஜ பாதே³ பக்கா²லேஸி. தாபி கோ² பி⁴க்கு²னியோ ஆயஸ்மந்தங் நந்த³கங்
அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங் நிஸின்னா கோ² தா
பி⁴க்கு²னியோ ஆயஸ்மா நந்த³கோ ஏதத³வோச – ‘‘படிபுச்ச²கதா² கோ², ப⁴கி³னியோ,
ப⁴விஸ்ஸதி. தத்த² ஆஜானந்தீஹி – ‘ஆஜானாமா’ திஸ்ஸ வசனீயங், ந ஆஜானந்தீஹி – ‘ந
ஆஜானாமா’ திஸ்ஸ வசனீயங். யஸ்ஸா வா பனஸ்ஸ கங்கா² வா விமதி வா
அஹமேவ தத்த² படிபுச்சி²தப்³போ³ – ‘இத³ங், ப⁴ந்தே, கத²ங்; இமஸ்ஸ
க்வத்தோ²’’’தி? ‘‘எத்தகேனபி மயங், ப⁴ந்தே, அய்யஸ்ஸ நந்த³கஸ்ஸ அத்தமனா
அபி⁴ரத்³தா⁴ [அபி⁴னந்தா³ம (ஸ்யா॰ கங்॰)] யங் நோ அய்யோ நந்த³கோ பவாரேதீ’’தி.

399.
‘‘தங் கிங் மஞ்ஞத², ப⁴கி³னியோ, சக்கு² நிச்சங் வா அனிச்சங் வா’’தி?
‘‘அனிச்சங், ப⁴ந்தே’’. ‘‘யங் பனானிச்சங் து³க்க²ங் வா தங் ஸுக²ங் வா’’தி?
‘‘து³க்க²ங், ப⁴ந்தே’’. ‘‘யங் பனானிச்சங் து³க்க²ங் விபரிணாமத⁴ம்மங்,
கல்லங் நு தங் ஸமனுபஸ்ஸிதுங் – ‘ஏதங் மம, ஏஸோஹமஸ்மி, ஏஸோ மே அத்தா’’’தி?
‘‘நோ ஹேதங் , ப⁴ந்தே’’. ‘‘தங் கிங் மஞ்ஞத²,
ப⁴கி³னியோ, ஸோதங் நிச்சங் வா அனிச்சங் வா’’தி? ‘‘அனிச்சங், ப⁴ந்தே…பே॰…
கா⁴னங் நிச்சங் வா அனிச்சங் வா’’தி? ‘‘அனிச்சங், ப⁴ந்தே’’… ‘‘ஜிவ்ஹா நிச்சா
வா அனிச்சா வா’’தி? ‘‘அனிச்சா, ப⁴ந்தே’’… ‘‘காயோ நிச்சோ வா அனிச்சோ
வா’’தி? ‘‘அனிச்சோ, ப⁴ந்தே’’… ‘‘மனோ நிச்சோ வா அனிச்சோ வா’’தி? ‘‘அனிச்சோ,
ப⁴ந்தே’’. ‘‘யங் பனானிச்சங் து³க்க²ங் வா தங் ஸுக²ங் வா’’தி? ‘‘து³க்க²ங்,
ப⁴ந்தே’’. ‘‘யங் பனானிச்சங் து³க்க²ங் விபரிணாமத⁴ம்மங் , கல்லங்
நு தங் ஸமனுபஸ்ஸிதுங் – ‘ஏதங் மம, ஏஸோஹமஸ்மி, ஏஸோ மே அத்தா’’’தி? ‘‘நோ
ஹேதங், ப⁴ந்தே’’. ‘‘தங் கிஸ்ஸ ஹேது’’? ‘‘புப்³பே³வ நோ ஏதங், ப⁴ந்தே,
யதா²பூ⁴தங் ஸம்மப்பஞ்ஞாய ஸுதி³ட்ட²ங் – ‘இதிபிமே ச² அஜ்ஜ²த்திகா ஆயதனா
அனிச்சா’’’தி. ‘‘ஸாது⁴, ஸாது⁴, ப⁴கி³னியோ! ஏவஞ்ஹேதங், ப⁴கி³னியோ, ஹோதி
அரியஸாவகஸ்ஸ யதா²பூ⁴தங் ஸம்மப்பஞ்ஞாய பஸ்ஸதோ’’.

400.
‘‘தங் கிங் மஞ்ஞத², ப⁴கி³னியோ, ரூபா நிச்சா வா அனிச்சா வா’’தி? ‘‘அனிச்சா,
ப⁴ந்தே’’. ‘‘யங் பனானிச்சங் து³க்க²ங் வா தங் ஸுக²ங் வா’’தி? ‘‘து³க்க²ங்,
ப⁴ந்தே’’. ‘‘யங் பனானிச்சங் து³க்க²ங் விபரிணாமத⁴ம்மங், கல்லங் நு தங்
ஸமனுபஸ்ஸிதுங் – ‘ஏதங் மம, ஏஸோஹமஸ்மி, ஏஸோ மே அத்தா’’’தி? ‘‘நோ ஹேதங்,
ப⁴ந்தே’’. ‘‘தங் கிங் மஞ்ஞத², ப⁴கி³னியோ, ஸத்³தா³ நிச்சா வா அனிச்சா
வா’’தி? ‘‘அனிச்சா, ப⁴ந்தே…பே॰… க³ந்தா⁴ நிச்சா வா அனிச்சா வா’’தி?
‘‘அனிச்சா, ப⁴ந்தே’’… ‘‘ரஸா நிச்சா வா அனிச்சா வா’’தி? ‘‘அனிச்சா,
ப⁴ந்தே’’… ‘‘பொ²ட்ட²ப்³பா³ நிச்சா வா அனிச்சா வா’’தி? ‘‘அனிச்சா ,
ப⁴ந்தே’’… ‘‘த⁴ம்மா நிச்சா வா அனிச்சா வா’’தி? ‘‘அனிச்சா, ப⁴ந்தே’’. ‘‘யங்
பனானிச்சங் து³க்க²ங் வா தங் ஸுக²ங் வா’’தி? ‘‘து³க்க²ங், ப⁴ந்தே’’. ‘‘யங்
பனானிச்சங் து³க்க²ங் விபரிணாமத⁴ம்மங், கல்லங் நு தங் ஸமனுபஸ்ஸிதுங் –
‘ஏதங் மம, ஏஸோஹமஸ்மி, ஏஸோ மே அத்தா’’’தி? ‘‘நோ ஹேதங், ப⁴ந்தே’’. ‘‘தங்
கிஸ்ஸ ஹேது’’? ‘‘புப்³பே³வ நோ ஏதங், ப⁴ந்தே, யதா²பூ⁴தங் ஸம்மப்பஞ்ஞாய
ஸுதி³ட்ட²ங் – ‘இதிபிமே ச² பா³ஹிரா ஆயதனா அனிச்சா’’’தி . ‘‘ஸாது⁴, ஸாது⁴, ப⁴கி³னியோ! ஏவஞ்ஹேதங், ப⁴கி³னியோ, ஹோதி அரியஸாவகஸ்ஸ யதா²பூ⁴தங் ஸம்மப்பஞ்ஞாய பஸ்ஸதோ’’.

401.
‘‘தங் கிங் மஞ்ஞத², ப⁴கி³னியோ, சக்கு²விஞ்ஞாணங் நிச்சங் வா அனிச்சங்
வா’’தி? ‘‘அனிச்சங், ப⁴ந்தே’’. ‘‘யங் பனானிச்சங் து³க்க²ங் வா தங் ஸுக²ங்
வா’’தி? ‘‘து³க்க²ங், ப⁴ந்தே’’. ‘‘யங் பனானிச்சங் து³க்க²ங்
விபரிணாமத⁴ம்மங், கல்லங் நு தங் ஸமனுபஸ்ஸிதுங் – ‘ஏதங் மம, ஏஸோஹமஸ்மி, ஏஸோ
மே அத்தா’’’தி? ‘‘நோ ஹேதங், ப⁴ந்தே’’. ‘‘தங் கிங்
மஞ்ஞத², ப⁴கி³னியோ, ஸோதவிஞ்ஞாணங் நிச்சங் வா அனிச்சங் வா’’தி? ‘‘அனிச்சங்,
ப⁴ந்தே…பே॰… கா⁴னவிஞ்ஞாணங் நிச்சங் வா அனிச்சங் வா’’தி? ‘‘அனிச்சங்,
ப⁴ந்தே’’… ‘‘ஜிவ்ஹாவிஞ்ஞாணங் நிச்சங் வா அனிச்சங் வா’’தி? ‘‘அனிச்சங்,
ப⁴ந்தே’’… ‘‘காயவிஞ்ஞாணங் நிச்சங் வா அனிச்சங் வா’’தி? ‘‘அனிச்சங்,
ப⁴ந்தே’’… ‘‘மனோவிஞ்ஞாணங் நிச்சங் வா அனிச்சங் வா’’தி? ‘‘அனிச்சங்,
ப⁴ந்தே’’. ‘‘யங் பனானிச்சங் து³க்க²ங் வா தங் ஸுக²ங் வாதி’’? ‘‘து³க்க²ங்,
ப⁴ந்தே’’. ‘‘யங் பனானிச்சங் து³க்க²ங் விபரிணாமத⁴ம்மங், கல்லங் நு தங்
ஸமனுபஸ்ஸிதுங் – ‘ஏதங் மம, ஏஸோஹமஸ்மி, ஏஸோ மே
அத்தா’’’தி? ‘‘நோ ஹேதங், ப⁴ந்தே’’. ‘‘தங் கிஸ்ஸ ஹேது’’? ‘‘புப்³பே³வ நோ
ஏதங், ப⁴ந்தே, யதா²பூ⁴தங் ஸம்மப்பஞ்ஞாய ஸுதி³ட்ட²ங் – ‘இதிபிமே ச²
விஞ்ஞாணகாயா அனிச்சா’’’தி. ‘‘ஸாது⁴, ஸாது⁴, ப⁴கி³னியோ! ஏவஞ்ஹேதங்,
ப⁴கி³னியோ, ஹோதி அரியஸாவகஸ்ஸ யதா²பூ⁴தங் ஸம்மப்பஞ்ஞாய பஸ்ஸதோ’’.

402. ‘‘ஸெய்யதா²பி ,
ப⁴கி³னியோ, தேலப்பதீ³பஸ்ஸ ஜா²யதோ தேலம்பி அனிச்சங் விபரிணாமத⁴ம்மங்,
வட்டிபி அனிச்சா விபரிணாமத⁴ம்மா, அச்சிபி அனிச்சா விபரிணாமத⁴ம்மா, ஆபா⁴பி
அனிச்சா விபரிணாமத⁴ம்மா. யோ நு கோ², ப⁴கி³னியோ, ஏவங் வதெ³ய்ய – ‘அமுஸ்ஸ
தேலப்பதீ³பஸ்ஸ ஜா²யதோ தேலம்பி அனிச்சங் விபரிணாமத⁴ம்மங், வட்டிபி அனிச்சா
விபரிணாமத⁴ம்மா, அச்சிபி அனிச்சா விபரிணாமத⁴ம்மா; யா ச க்²வாஸ்ஸ ஆபா⁴ ஸா
நிச்சா து⁴வா ஸஸ்ஸதா அவிபரிணாமத⁴ம்மா’தி; ஸம்மா நு கோ² ஸோ, ப⁴கி³னியோ,
வத³மானோ வதெ³ய்யா’’தி? ‘‘நோ ஹேதங், ப⁴ந்தே’’. ‘‘தங் கிஸ்ஸ ஹேது’’? ‘‘அமுஸ்ஸ
ஹி, ப⁴ந்தே, தேலப்பதீ³பஸ்ஸ ஜா²யதோ தேலம்பி அனிச்சங் விபரிணாமத⁴ம்மங்,
வட்டிபி அனிச்சா விபரிணாமத⁴ம்மா, அச்சிபி அனிச்சா விபரிணாமத⁴ம்மா; பகே³வஸ்ஸ
ஆபா⁴ அனிச்சா விபரிணாமத⁴ம்மா’’தி. ‘‘ஏவமேவ கோ², ப⁴கி³னியோ, யோ நு கோ² ஏவங்
வதெ³ய்ய – ‘ச² கோ²மே அஜ்ஜ²த்திகா ஆயதனா அனிச்சா [அனிச்சா விபரிணாமத⁴ம்மா (?)];
யஞ்ச கோ² ச² அஜ்ஜ²த்திகே ஆயதனே படிச்ச படிஸங்வேதே³தி ஸுக²ங் வா து³க்க²ங்
வா அது³க்க²மஸுக²ங் வா தங் நிச்சங் து⁴வங் ஸஸ்ஸதங் அவிபரிணாமத⁴ம்ம’ந்தி;
ஸம்மா நு கோ² ஸோ, ப⁴கி³னியோ, வத³மானோ வதெ³ய்யா’’தி? ‘‘நோ ஹேதங், ப⁴ந்தே’’. ‘‘தங் கிஸ்ஸ ஹேது’’? ‘‘தஜ்ஜங் தஜ்ஜங், ப⁴ந்தே, பச்சயங் படிச்ச தஜ்ஜா தஜ்ஜா வேத³னா உப்பஜ்ஜந்தி. தஜ்ஜஸ்ஸ
தஜ்ஜஸ்ஸ பச்சயஸ்ஸ நிரோதா⁴ தஜ்ஜா தஜ்ஜா வேத³னா நிருஜ்ஜ²ந்தீ’’தி. ‘‘ஸாது⁴,
ஸாது⁴, ப⁴கி³னியோ! ஏவஞ்ஹேதங், ப⁴கி³னியோ, ஹோதி அரியஸாவகஸ்ஸ யதா²பூ⁴தங்
ஸம்மப்பஞ்ஞாய பஸ்ஸதோ’’.

403.
‘‘ஸெய்யதா²பி, ப⁴கி³னியோ, மஹதோ ருக்க²ஸ்ஸ திட்ட²தோ ஸாரவதோ மூலம்பி
அனிச்சங் விபரிணாமத⁴ம்மங், க²ந்தோ⁴பி அனிச்சோ விபரிணாமத⁴ம்மோ,
ஸாகா²பலாஸம்பி அனிச்சங் விபரிணாமத⁴ம்மங், சா²யாபி அனிச்சா விபரிணாமத⁴ம்மா.
யோ நு கோ², ப⁴கி³னியோ, ஏவங் வதெ³ய்ய – ‘அமுஸ்ஸ மஹதோ ருக்க²ஸ்ஸ திட்ட²தோ
ஸாரவதோ மூலம்பி அனிச்சங் விபரிணாமத⁴ம்மங், க²ந்தோ⁴பி அனிச்சோ
விபரிணாமத⁴ம்மோ, ஸாகா²பலாஸம்பி அனிச்சங் விபரிணாமத⁴ம்மங், யா ச க்²வாஸ்ஸ
சா²யா ஸா நிச்சா து⁴வா ஸஸ்ஸதா அவிபரிணாமத⁴ம்மா’தி; ஸம்மா நு கோ² ஸோ,
ப⁴கி³னியோ, வத³மானோ வதெ³ய்யா’’தி? ‘‘நோ ஹேதங், ப⁴ந்தே’’. ‘‘தங் கிஸ்ஸ
ஹேது’’? ‘‘அமுஸ்ஸ ஹி, ப⁴ந்தே, மஹதோ ருக்க²ஸ்ஸ திட்ட²தோ ஸாரவதோ மூலம்பி
அனிச்சங் விபரிணாமத⁴ம்மங், க²ந்தோ⁴பி அனிச்சோ விபரிணாமத⁴ம்மோ,
ஸாகா²பலாஸம்பி அனிச்சங் விபரிணாமத⁴ம்மங்; பகே³வஸ்ஸ சா²யா அனிச்சா
விபரிணாமத⁴ம்மா’’தி. ‘‘ஏவமேவ கோ², ப⁴கி³னியோ, யோ நு கோ² ஏவங் வதெ³ய்ய – ‘ச²
கோ²மே பா³ஹிரா ஆயதனா அனிச்சா [அனிச்சா விபரிணாமத⁴ம்மா (ஸீ॰ பீ॰)].
யஞ்ச கோ² ச² பா³ஹிரே ஆயதனே படிச்ச படிஸங்வேதே³தி ஸுக²ங் வா து³க்க²ங் வா
அது³க்க²மஸுக²ங் வா தங் நிச்சங் து⁴வங் ஸஸ்ஸதங் அவிபரிணாமத⁴ம்ம’ந்தி; ஸம்மா
நு கோ² ஸோ, ப⁴கி³னியோ, வத³மானோ வதெ³ய்யா’’தி? ‘‘நோ
ஹேதங், ப⁴ந்தே’’. ‘‘தங் கிஸ்ஸ ஹேது’’? ‘‘தஜ்ஜங் தஜ்ஜங், ப⁴ந்தே, பச்சயங்
படிச்ச தஜ்ஜா தஜ்ஜா வேத³னா உப்பஜ்ஜந்தி. தஜ்ஜஸ்ஸ தஜ்ஜஸ்ஸ பச்சயஸ்ஸ நிரோதா⁴
தஜ்ஜா தஜ்ஜா வேத³னா நிருஜ்ஜ²ந்தீ’’தி. ‘‘ஸாது⁴, ஸாது⁴, ப⁴கி³னியோ!
ஏவஞ்ஹேதங், ப⁴கி³னியோ, ஹோதி அரியஸாவகஸ்ஸ யதா²பூ⁴தங் ஸம்மப்பஞ்ஞாய பஸ்ஸதோ’’.

404.
‘‘ஸெய்யதா²பி, ப⁴கி³னியோ, த³க்கோ² கோ³கா⁴தகோ வா கோ³கா⁴தகந்தேவாஸீ வா
கா³விங் வதி⁴த்வா திண்ஹேன கோ³விகந்தனேன கா³விங் ஸங்கந்தெய்ய அனுபஹச்ச
அந்தரங் மங்ஸகாயங் அனுபஹச்ச பா³ஹிரங் சம்மகாயங். யங் யதே³வ தத்த² அந்தரா
விலிமங்ஸங் [விலிமங் (ஸீ॰ பீ॰ க॰)] அந்தரா ந்ஹாரு அந்தரா ப³ந்த⁴னங் தங் ததே³வ திண்ஹேன கோ³விகந்தனேன
ஸஞ்சி²ந்தெ³ய்ய ஸங்கந்தெய்ய ஸம்பகந்தெய்ய ஸம்பரிகந்தெய்ய. ஸஞ்சி²ந்தி³த்வா
ஸங்கந்தித்வா ஸம்பகந்தித்வா ஸம்பரிகந்தித்வா விது⁴னித்வா பா³ஹிரங்
சம்மகாயங் தேனேவ சம்மேன தங் கா³விங் படிச்சா²தெ³த்வா ஏவங் வதெ³ய்ய –
‘ததே²வாயங் கா³வீ ஸங்யுத்தா இமினாவ சம்மேனா’தி; ஸம்மா நு கோ²
ஸோ, ப⁴கி³னியோ, வத³மானோ வதெ³ய்யா’’தி? ‘‘நோ ஹேதங், ப⁴ந்தே’’. ‘‘தங் கிஸ்ஸ
ஹேது’’? ‘‘அமு ஹி, ப⁴ந்தே, த³க்கோ² கோ³கா⁴தகோ வா கோ³கா⁴தகந்தேவாஸீ வா
கா³விங் வதி⁴த்வா திண்ஹேன கோ³விகந்தனேன கா³விங் ஸங்கந்தெய்ய அனுபஹச்ச
அந்தரங் மங்ஸகாயங் அனுபஹச்ச பா³ஹிரங் சம்மகாயங். யங் யதே³வ தத்த² அந்தரா
விலிமங்ஸங் அந்தரா ந்ஹாரு அந்தரா ப³ந்த⁴னங் தங் ததே³வ திண்ஹேன கோ³விகந்தனேன
ஸஞ்சி²ந்தெ³ய்ய ஸங்கந்தெய்ய ஸம்பகந்தெய்ய ஸம்பரிகந்தெய்ய. ஸஞ்சி²ந்தி³த்வா
ஸங்கந்தித்வா ஸம்பகந்தித்வா ஸம்பரிகந்தித்வா விது⁴னித்வா பா³ஹிரங்
சம்மகாயங் தேனேவ சம்மேன தங் கா³விங்
படிச்சா²தெ³த்வா கிஞ்சாபி ஸோ ஏவங் வதெ³ய்ய – ‘ததே²வாயங் கா³வீ ஸங்யுத்தா
இமினாவ சம்மேனா’தி; அத² கோ² ஸா கா³வீ விஸங்யுத்தா தேனேவ சம்மேனா’’தி.

‘‘உபமா கோ² மே அயங், ப⁴கி³னியோ, கதா அத்த²ஸ்ஸ
விஞ்ஞாபனாய. அயமேவெத்த² அத்தோ²; ‘அந்தரா மங்ஸகாயோ’தி கோ², ப⁴கி³னியோ,
ச²ன்னேதங் அஜ்ஜ²த்திகானங் ஆயதனானங் அதி⁴வசனங்; ‘பா³ஹிரோ சம்மகாயோ’தி கோ²
ப⁴கி³னியோ, ச²ன்னேதங் பா³ஹிரானங் ஆயதனானங் அதி⁴வசனங்; ‘அந்தரா விலிமங்ஸங்,
அந்தரா ந்ஹாரு, அந்தரா ப³ந்த⁴ன’ந்தி கோ², ப⁴கி³னியோ, நந்தீ³ராக³ஸ்ஸேதங்
அதி⁴வசனங்; ‘திண்ஹங் கோ³விகந்தன’ந்தி கோ²,
ப⁴கி³னியோ, அரியாயேதங் பஞ்ஞாய அதி⁴வசனங்; யாயங் அரியா பஞ்ஞா அந்தரா கிலேஸங்
அந்தரா ஸங்யோஜனங் அந்தரா ப³ந்த⁴னங் ஸஞ்சி²ந்த³தி ஸங்கந்ததி ஸம்பகந்ததி
ஸம்பரிகந்ததி.

405.
‘‘ஸத்த கோ² பனிமே, ப⁴கி³னியோ, பொ³ஜ்ஜ²ங்கா³, யேஸங் பா⁴விதத்தா
ப³ஹுலீகதத்தா பி⁴க்கு² ஆஸவானங் க²யா அனாஸவங் சேதோவிமுத்திங்
பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ
விஹரதி. கதமே ஸத்த? இத⁴, ப⁴கி³னியோ, பி⁴க்கு² ஸதிஸம்பொ³ஜ்ஜ²ங்க³ங் பா⁴வேதி
விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்,
த⁴ம்மவிசயஸம்பொ³ஜ்ஜ²ங்க³ங் பா⁴வேதி…பே॰… வீரியஸம்பொ³ஜ்ஜ²ங்க³ங் பா⁴வேதி…
பீதிஸம்பொ³ஜ்ஜ²ங்க³ங் பா⁴வேதி… பஸ்ஸத்³தி⁴ஸம்பொ³ஜ்ஜ²ங்க³ங் பா⁴வேதி…
ஸமாதி⁴ஸம்பொ³ஜ்ஜ²ங்க³ங் பா⁴வேதி… உபெக்கா²ஸம்பொ³ஜ்ஜ²ங்க³ங் பா⁴வேதி
விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங்
வொஸ்ஸக்³க³பரிணாமிங். இமே கோ², ப⁴கி³னியோ, ஸத்த பொ³ஜ்ஜ²ங்கா³, யேஸங்
பா⁴விதத்தா ப³ஹுலீகதத்தா பி⁴க்கு² ஆஸவானங் க²யா அனாஸவங் சேதோவிமுத்திங்
பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ
விஹரதீ’’தி.

406. அத²
கோ² ஆயஸ்மா நந்த³கோ தா பி⁴க்கு²னியோ இமினா ஓவாதே³ன ஓவதி³த்வா உய்யோஜேஸி –
‘‘க³ச்ச²த², ப⁴கி³னியோ; காலோ’’தி. அத² கோ² தா பி⁴க்கு²னியோ ஆயஸ்மதோ
நந்த³கஸ்ஸ பா⁴ஸிதங் அபி⁴னந்தி³த்வா அனுமோதி³த்வா உட்டா²யாஸனா ஆயஸ்மந்தங்
நந்த³கங் அபி⁴வாதெ³த்வா பத³க்கி²ணங் கத்வா யேன ப⁴க³வா தேனுபஸங்கமிங்ஸு;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் அட்ட²ங்ஸு. ஏகமந்தங் டி²தா
கோ² தா பி⁴க்கு²னியோ ப⁴க³வா ஏதத³வோச – ‘‘க³ச்ச²த², பி⁴க்கு²னியோ;
காலோ’’தி. அத² கோ² தா பி⁴க்கு²னியோ ப⁴க³வந்தங் அபி⁴வாதெ³த்வா பத³க்கி²ணங்
கத்வா பக்கமிங்ஸு. அத² கோ² ப⁴க³வா அசிரபக்கந்தீஸு தாஸு பி⁴க்கு²னீஸு
பி⁴க்கூ² ஆமந்தேஸி – ‘‘ஸெய்யதா²பி, பி⁴க்க²வே, தத³ஹுபோஸதே² சாதுத்³த³ஸே ந
ஹோதி ப³ஹுனோஜனஸ்ஸ கங்கா² வா விமதி வா – ‘ஊனோ நு கோ² சந்தோ³, புண்ணோ நு கோ²
சந்தோ³’தி, அத² கோ² ஊனோ சந்தொ³த்வேவ ஹோதி. ஏவமேவ கோ², பி⁴க்க²வே, தா
பி⁴க்கு²னியோ நந்த³கஸ்ஸ த⁴ம்மதே³ஸனாய அத்தமனா ஹொந்தி நோ ச கோ²
பரிபுண்ணஸங்கப்பா’’தி.

407.
அத² கோ² ப⁴க³வா ஆயஸ்மந்தங் நந்த³கங் ஆமந்தேஸி – ‘‘தேன ஹி த்வங், நந்த³க,
ஸ்வேபி தா பி⁴க்கு²னியோ தேனேவோவாதே³ன ஓவதெ³ய்யாஸீ’’தி. ‘‘ஏவங் , ப⁴ந்தே’’தி கோ² ஆயஸ்மா நந்த³கோ
ப⁴க³வதோ பச்சஸ்ஸோஸி. அத² கோ² ஆயஸ்மா நந்த³கோ தஸ்ஸா ரத்தியா அச்சயேன
புப்³ப³ண்ஹஸமயங் நிவாஸெத்வா பத்தசீவரமாதா³ய ஸாவத்தி²ங் பிண்டா³ய பாவிஸி.
ஸாவத்தி²யங் பிண்டா³ய சரித்வா பச்சா²ப⁴த்தங் பிண்ட³பாதபடிக்கந்தோ
அத்தது³தியோ யேன ராஜகாராமோ தேனுபஸங்கமி. அத்³த³ஸங்ஸு கோ² தா பி⁴க்கு²னியோ
ஆயஸ்மந்தங் நந்த³கங் தூ³ரதோவ ஆக³ச்ச²ந்தங். தி³ஸ்வான ஆஸனங் பஞ்ஞாபேஸுங்,
உத³கஞ்ச பாதா³னங் உபட்ட²பேஸுங். நிஸீதி³ கோ² ஆயஸ்மா நந்த³கோ பஞ்ஞத்தே ஆஸனே.
நிஸஜ்ஜ பாதே³ பக்கா²லேஸி. தாபி கோ² பி⁴க்கு²னியோ ஆயஸ்மந்தங் நந்த³கங்
அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங் நிஸின்னா கோ² தா
பி⁴க்கு²னியோ ஆயஸ்மா நந்த³கோ ஏதத³வோச – ‘‘படிபுச்ச²கதா² கோ², ப⁴கி³னியோ,
ப⁴விஸ்ஸதி. தத்த² ஆஜானந்தீஹி ‘ஆஜானாமா’ திஸ்ஸ வசனீயங், ந ஆஜானந்தீஹி ‘ந
ஆஜானாமா’ திஸ்ஸ வசனீயங். யஸ்ஸா வா பனஸ்ஸ கங்கா² வா விமதி வா, அஹமேவ தத்த²
படிபுச்சி²தப்³போ³ – ‘இத³ங், ப⁴ந்தே, கத²ங்; இமஸ்ஸ
க்வத்தோ²’’’தி. ‘‘எத்தகேனபி மயங், ப⁴ந்தே, அய்யஸ்ஸ நந்த³கஸ்ஸ அத்தமனா
அபி⁴ரத்³தா⁴ யங் நோ அய்யோ நந்த³கோ பவாரேதீ’’தி.

408.
‘‘தங் கிங் மஞ்ஞத², ப⁴கி³னியோ, சக்கு² நிச்சங் வா அனிச்சங் வா’’தி?
‘‘அனிச்சங், ப⁴ந்தே’’. ‘‘யங் பனானிச்சங் து³க்க²ங் வா தங் ஸுக²ங் வா’’தி?
‘‘து³க்க²ங், ப⁴ந்தே’’. ‘‘யங் பனானிச்சங் து³க்க²ங் விபரிணாமத⁴ம்மங்,
கல்லங் நு தங் ஸமனுபஸ்ஸிதுங் – ‘ஏதங் மம, ஏஸோஹமஸ்மி, ஏஸோ மே அத்தா’’’தி? ‘‘நோ ஹேதங் ,
ப⁴ந்தே’’. ‘‘தங் கிங் மஞ்ஞத², ப⁴கி³னியோ, ஸோதங் நிச்சங் வா அனிச்சங்
வா’’தி? ‘‘அனிச்சங், ப⁴ந்தே…பே॰… கா⁴னங் நிச்சங் வா அனிச்சங் வா’’தி?
‘‘அனிச்சங், ப⁴ந்தே… ஜிவ்ஹா… காயோ… மனோ நிச்சோ வா அனிச்சோ வா’’தி?
‘‘அனிச்சோ, ப⁴ந்தே’’. ‘‘யங் பனானிச்சங் து³க்க²ங் வா தங் ஸுக²ங் வா’’தி?
‘‘து³க்க²ங், ப⁴ந்தே’’. ‘‘யங் பனானிச்சங் து³க்க²ங் விபரிணாமத⁴ம்மங்,
கல்லங் நு தங் ஸமனுபஸ்ஸிதுங் – ‘ஏதங் மம, ஏஸோஹமஸ்மி, ஏஸோ மே அத்தா’’’தி?
‘‘நோ ஹேதங், ப⁴ந்தே’’. ‘‘தங் கிஸ்ஸ ஹேது’’? ‘‘புப்³பே³வ நோ ஏதங், ப⁴ந்தே,
யதா²பூ⁴தங் ஸம்மப்பஞ்ஞாய ஸுதி³ட்ட²ங் – ‘இதிபிமே ச² அஜ்ஜ²த்திகா ஆயதனா
அனிச்சா’’’தி. ‘‘ஸாது⁴ ஸாது⁴, ப⁴கி³னியோ! ஏவஞ்ஹேதங், ப⁴கி³னியோ, ஹோதி
அரியஸாவகஸ்ஸ யதா²பூ⁴தங் ஸம்மப்பஞ்ஞாய பஸ்ஸதோ’’.

409.
‘‘தங் கிங் மஞ்ஞத², ப⁴கி³னியோ, ரூபா நிச்சா வா அனிச்சா வா’’தி? ‘‘அனிச்சா,
ப⁴ந்தே’’. ‘‘யங் பனானிச்சங் து³க்க²ங் வா தங் ஸுக²ங் வா’’தி? ‘‘து³க்க²ங்,
ப⁴ந்தே’’. ‘‘யங் பனானிச்சங் து³க்க²ங் விபரிணாமத⁴ம்மங், கல்லங் நு தங்
ஸமனுபஸ்ஸிதுங் – ‘ஏதங் மம, ஏஸோஹமஸ்மி, ஏஸோ மே
அத்தா’’’தி? ‘‘நோ ஹேதங், ப⁴ந்தே’’. ‘‘தங் கிங் மஞ்ஞத², ப⁴கி³னியோ, ஸத்³தா³
நிச்சா வா அனிச்சா வா’’தி? ‘‘அனிச்சா, ப⁴ந்தே…பே॰… க³ந்தா⁴ நிச்சா வா
அனிச்சா வா’’தி? ‘‘அனிச்சா, ப⁴ந்தே… ரஸா நிச்சா வா அனிச்சா வா’’தி?
‘‘அனிச்சா, ப⁴ந்தே… பொ²ட்ட²ப்³பா³ நிச்சா வா அனிச்சா வா’’தி ?
‘‘அனிச்சா, ப⁴ந்தே… த⁴ம்மா நிச்சா வா அனிச்சா வா’’தி? ‘‘அனிச்சா,
ப⁴ந்தே’’. ‘‘யங் பனானிச்சங் து³க்க²ங் வா தங் ஸுக²ங் வா’’தி? ‘‘து³க்க²ங்,
ப⁴ந்தே’’. ‘‘யங் பனானிச்சங் து³க்க²ங் விபரிணாமத⁴ம்மங், கல்லங் நு தங்
ஸமனுபஸ்ஸிதுங் – ‘ஏதங் மம, ஏஸோஹமஸ்மி, ஏஸோ மே அத்தா’’’தி? ‘‘நோ ஹேதங்,
ப⁴ந்தே’’. ‘‘தங் கிஸ்ஸ ஹேது’’? ‘‘புப்³பே³வ நோ ஏதங், ப⁴ந்தே, யதா²பூ⁴தங்
ஸம்மப்பஞ்ஞாய ஸுதி³ட்ட²ங் – ‘இதிபிமே ச² பா³ஹிரா ஆயதனா அனிச்சா’’’தி.
‘‘ஸாது⁴ ஸாது⁴, ப⁴கி³னியோ! ஏவஞ்ஹேதங், ப⁴கி³னியோ, ஹோதி அரியஸாவகஸ்ஸ
யதா²பூ⁴தங் ஸம்மப்பஞ்ஞாய பஸ்ஸதோ’’.

410.
‘‘தங் கிங் மஞ்ஞத², ப⁴கி³னியோ, சக்கு²விஞ்ஞாணங் நிச்சங் வா அனிச்சங்
வா’’தி? ‘‘அனிச்சங், ப⁴ந்தே…பே॰… ஸோதவிஞ்ஞாணங் நிச்சங் வா அனிச்சங் வா’’தி?
‘‘அனிச்சங், ப⁴ந்தே… கா⁴னவிஞ்ஞாணங் நிச்சங் வா அனிச்சங் வா’’தி?
‘‘அனிச்சங், ப⁴ந்தே… ஜிவ்ஹாவிஞ்ஞாணங் நிச்சங் வா அனிச்சங் வா’’தி?
‘‘அனிச்சங், ப⁴ந்தே… காயவிஞ்ஞாணங் நிச்சங் வா அனிச்சங் வா’’தி? ‘‘அனிச்சங்,
ப⁴ந்தே… மனோவிஞ்ஞாணங் நிச்சங் வா அனிச்சங் வா’’தி?
‘‘அனிச்சங், ப⁴ந்தே’’. ‘‘யங் பனானிச்சங் து³க்க²ங் வா தங் ஸுக²ங் வா’’தி?
‘‘து³க்க²ங், ப⁴ந்தே’’. ‘‘யங் பனானிச்சங் து³க்க²ங் விபரிணாமத⁴ம்மங்,
கல்லங் நு தங் ஸமனுபஸ்ஸிதுங் – ‘ஏதங் மம, ஏஸோஹமஸ்மி, ஏஸோ மே அத்தா’’’தி?
‘‘நோ ஹேதங், ப⁴ந்தே’’. ‘‘தங் கிஸ்ஸ ஹேது’’? ‘‘புப்³பே³வ நோ ஏதங், ப⁴ந்தே,
யதா²பூ⁴தங் ஸம்மப்பஞ்ஞாய ஸுதி³ட்ட²ங் – ‘இதிபிமே ச²
விஞ்ஞாணகாயா அனிச்சா’’’தி. ‘‘ஸாது⁴ ஸாது⁴, ப⁴கி³னியோ! ஏவஞ்ஹேதங்,
ப⁴கி³னியோ, ஹோதி அரியஸாவகஸ்ஸ யதா²பூ⁴தங் ஸம்மப்பஞ்ஞாய பஸ்ஸதோ’’.

411.
‘‘ஸெய்யதா²பி, ப⁴கி³னியோ, தேலப்பதீ³பஸ்ஸ ஜா²யதோ தேலம்பி அனிச்சங்
விபரிணாமத⁴ம்மங், வட்டிபி அனிச்சா விபரிணாமத⁴ம்மா, அச்சிபி அனிச்சா
விபரிணாமத⁴ம்மா, ஆபா⁴பி அனிச்சா விபரிணாமத⁴ம்மா. யோ நு கோ², ப⁴கி³னியோ,
ஏவங் வதெ³ய்ய – ‘அமுஸ்ஸ தேலப்பதீ³பஸ்ஸ ஜா²யதோ தேலம்பி அனிச்சங்
விபரிணாமத⁴ம்மங், வட்டிபி அனிச்சா விபரிணாமத⁴ம்மா, அச்சிபி அனிச்சா
விபரிணாமத⁴ம்மா; யா ச க்²வாஸ்ஸ ஆபா⁴ ஸா நிச்சா து⁴வா ஸஸ்ஸதா
அவிபரிணாமத⁴ம்மா’தி; ஸம்மா நு கோ² ஸோ, ப⁴கி³னியோ, வத³மானோ வதெ³ய்யா’’தி?
‘‘நோ ஹேதங், ப⁴ந்தே’’. ‘‘தங் கிஸ்ஸ ஹேது’’? ‘‘அமுஸ்ஸ ஹி, ப⁴ந்தே,
தேலப்பதீ³பஸ்ஸ ஜா²யதோ தேலம்பி அனிச்சங் விபரிணாமத⁴ம்மங், வட்டிபி அனிச்சா
விபரிணாமத⁴ம்மா, அச்சிபி அனிச்சா விபரிணாமத⁴ம்மா ;
பகே³வஸ்ஸ ஆபா⁴ அனிச்சா விபரிணாமத⁴ம்மா’’தி. ‘‘ஏவமேவ கோ², ப⁴கி³னியோ, யோ நு
கோ² ஏவங் வதெ³ய்ய – ‘ச² கோ²மே அஜ்ஜ²த்திகா ஆயதனா அனிச்சா. யஞ்ச கோ² ச²
அஜ்ஜ²த்திகே ஆயதனே படிச்ச படிஸங்வேதே³தி ஸுக²ங் வா
து³க்க²ங் வா அது³க்க²மஸுக²ங் வா தங் நிச்சங் து⁴வங் ஸஸ்ஸதங்
அவிபரிணாமத⁴ம்ம’ந்தி; ஸம்மா நு கோ² ஸோ, ப⁴கி³னியோ, வத³மானோ வதெ³ய்யா’’தி?
‘‘நோ ஹேதங், ப⁴ந்தே’’. ‘‘தங் கிஸ்ஸ ஹேது’’? ‘‘தஜ்ஜங் தஜ்ஜங், ப⁴ந்தே,
பச்சயங் படிச்ச தஜ்ஜா தஜ்ஜா வேத³னா உப்பஜ்ஜந்தி. தஜ்ஜஸ்ஸ தஜ்ஜஸ்ஸ பச்சயஸ்ஸ
நிரோதா⁴ தஜ்ஜா தஜ்ஜா வேத³னா நிருஜ்ஜ²ந்தீ’’தி. ‘‘ஸாது⁴ ஸாது⁴, ப⁴கி³னியோ!
ஏவஞ்ஹேதங், ப⁴கி³னியோ, ஹோதி அரியஸாவகஸ்ஸ யதா²பூ⁴தங் ஸம்மப்பஞ்ஞாய பஸ்ஸதோ’’.

412.
‘‘ஸெய்யதா²பி, ப⁴கி³னியோ, மஹதோ ருக்க²ஸ்ஸ திட்ட²தோ ஸாரவதோ மூலம்பி
அனிச்சங் விபரிணாமத⁴ம்மங், க²ந்தோ⁴பி அனிச்சோ விபரிணாமத⁴ம்மோ,
ஸாகா²பலாஸம்பி அனிச்சங் விபரிணாமத⁴ம்மங், சா²யாபி அனிச்சா விபரிணாமத⁴ம்மா.
யோ நு கோ², ப⁴கி³னியோ, ஏவங் வதெ³ய்ய – ‘அமுஸ்ஸ மஹதோ ருக்க²ஸ்ஸ திட்ட²தோ
ஸாரவதோ மூலம்பி அனிச்சங் விபரிணாமத⁴ம்மங், க²ந்தோ⁴பி அனிச்சோ
விபரிணாமத⁴ம்மோ, ஸாகா²பலாஸம்பி அனிச்சங் விபரிணாமத⁴ம்மங்; யா ச க்²வாஸ்ஸ
சா²யா ஸா நிச்சா து⁴வா ஸஸ்ஸதா அவிபரிணாமத⁴ம்மா’தி; ஸம்மா நு கோ² ஸோ
ப⁴கி³னியோ, வத³மானோ வதெ³ய்யா’’தி? ‘‘நோ ஹேதங், ப⁴ந்தே’’. ‘‘தங் கிஸ்ஸ
ஹேது’’? ‘‘அமுஸ்ஸ ஹி, ப⁴ந்தே, மஹதோ ருக்க²ஸ்ஸ திட்ட²தோ ஸாரவதோ மூலம்பி
அனிச்சங் விபரிணாமத⁴ம்மங், க²ந்தோ⁴பி அனிச்சோ விபரிணாமத⁴ம்மோ,
ஸாகா²பலாஸம்பி அனிச்சங் விபரிணாமத⁴ம்மங்; பகே³வஸ்ஸ சா²யா அனிச்சா
விபரிணாமத⁴ம்மா’’தி. ‘‘ஏவமேவ கோ², ப⁴கி³னியோ, யோ நு கோ² ஏவங் வதெ³ய்ய – ‘ச²
கோ²மே பா³ஹிரா ஆயதனா அனிச்சா. யஞ்ச கோ² பா³ஹிரே
ஆயதனே படிச்ச படிஸங்வேதே³தி ஸுக²ங் வா து³க்க²ங் வா அது³க்க²மஸுக²ங் வா தங்
நிச்சங் து⁴வங் ஸஸ்ஸதங் அவிபரிணாமத⁴ம்ம’ந்தி;
ஸம்மா நு கோ² ஸோ, ப⁴கி³னியோ, வத³மானோ வதெ³ய்யா’’தி? ‘‘நோ ஹேதங், ப⁴ந்தே’’.
‘‘தங் கிஸ்ஸ ஹேது’’? ‘‘தஜ்ஜங் தஜ்ஜங், ப⁴ந்தே, பச்சயங் படிச்ச தஜ்ஜா தஜ்ஜா
வேத³னா உப்பஜ்ஜந்தி. தஜ்ஜஸ்ஸ தஜ்ஜஸ்ஸ பச்சயஸ்ஸ நிரோதா⁴ தஜ்ஜா தஜ்ஜா வேத³னா
நிருஜ்ஜ²ந்தீ’’தி. ‘‘ஸாது⁴ ஸாது⁴, ப⁴கி³னியோ! ஏவஞ்ஹேதங், ப⁴கி³னியோ, ஹோதி
அரியஸாவகஸ்ஸ யதா²பூ⁴தங் ஸம்மப்பஞ்ஞாய பஸ்ஸதோ’’.

413.
‘‘ஸெய்யதா²பி, ப⁴கி³னியோ, த³க்கோ² கோ³கா⁴தகோ வா கோ³கா⁴தகந்தேவாஸீ வா
கா³விங் வதி⁴த்வா திண்ஹேன கோ³விகந்தனேன கா³விங் ஸங்கந்தெய்ய அனுபஹச்ச
அந்தரங் மங்ஸகாயங் அனுபஹச்ச பா³ஹிரங் சம்மகாயங். யங் யதே³வ தத்த² அந்தரா
விலிமங்ஸங் அந்தரா ந்ஹாரு அந்தரா ப³ந்த⁴னங் தங் ததே³வ திண்ஹேன கோ³விகந்தனேன
ஸஞ்சி²ந்தெ³ய்ய ஸங்கந்தெய்ய ஸம்பகந்தெய்ய ஸம்பரிகந்தெய்ய. ஸஞ்சி²ந்தி³த்வா
ஸங்கந்தித்வா ஸம்பகந்தித்வா ஸம்பரிகந்தித்வா விது⁴னித்வா பா³ஹிரங்
சம்மகாயங் தேனேவ சம்மேன தங் கா³விங் படிச்சா²தெ³த்வா ஏவங் வதெ³ய்ய –
‘ததே²வாயங் கா³வீ ஸங்யுத்தா இமினாவ சம்மேனா’தி; ஸம்மா நு கோ² ஸோ,
ப⁴கி³னியோ, வத³மானோ வதெ³ய்யா’’தி? ‘‘நோ ஹேதங், ப⁴ந்தே’’. ‘‘தங் கிஸ்ஸ
ஹேது’’? ‘‘அமு ஹி, ப⁴ந்தே, த³க்கோ² கோ³கா⁴தகோ வா கோ³கா⁴தகந்தேவாஸீ வா
கா³விங் வதி⁴த்வா திண்ஹேன கோ³விகந்தனேன கா³விங் ஸங்கந்தெய்ய அனுபஹச்ச
அந்தரங் மங்ஸகாயங் அனுபஹச்ச பா³ஹிரங் சம்மகாயங். யங் யதே³வ தத்த² அந்தரா
விலிமங்ஸங் அந்தரா ந்ஹாரு அந்தரா ப³ந்த⁴னங் தங்
ததே³வ திண்ஹேன கோ³விகந்தனேன ஸஞ்சி²ந்தெ³ய்ய ஸங்கந்தெய்ய ஸம்பகந்தெய்ய
ஸம்பரிகந்தெய்ய. ஸஞ்சி²ந்தி³த்வா ஸங்கந்தித்வா ஸம்பகந்தித்வா
ஸம்பரிகந்தித்வா விது⁴னித்வா பா³ஹிரங் சம்மகாயங் தேனேவ சம்மேன தங் கா³விங்
படிச்சா²தெ³த்வா கிஞ்சாபி ஸோ ஏவங் வதெ³ய்ய – ‘ததே²வாயங் கா³வீ ஸங்யுத்தா
இமினாவ சம்மேனா’தி; அத² கோ² ஸா கா³வீ விஸங்யுத்தா தேனேவ சம்மேனா’’தி.

‘‘உபமா கோ² மே அயங், ப⁴கி³னியோ, கதா அத்த²ஸ்ஸ
விஞ்ஞாபனாய அயமேவெத்த² அத்தோ². ‘அந்தரா மங்ஸகாயோ’தி கோ², ப⁴கி³னியோ,
ச²ன்னேதங் அஜ்ஜ²த்திகானங் ஆயதனானங் அதி⁴வசனங்; ‘பா³ஹிரோ சம்மகாயோ’தி கோ²,
ப⁴கி³னியோ, ச²ன்னேதங் பா³ஹிரானங் ஆயதனானங் அதி⁴வசனங்; ‘அந்தரா விலிமங்ஸங்
அந்தரா ந்ஹாரு அந்தரா ப³ந்த⁴ன’ந்தி கோ², ப⁴கி³னியோ, நந்தீ³ராக³ஸ்ஸேதங்
அதி⁴வசனங்; ‘திண்ஹங் கோ³விகந்தன’ந்தி கோ², ப⁴கி³னியோ, அரியாயேதங் பஞ்ஞாய
அதி⁴வசனங்; யாயங் அரியா பஞ்ஞா அந்தரா கிலேஸங் அந்தரா ஸங்யோஜனங் அந்தரா
ப³ந்த⁴னங் ஸஞ்சி²ந்த³தி ஸங்கந்ததி ஸம்பகந்ததி ஸம்பரிகந்ததி.

414.
‘‘ஸத்த கோ² பனிமே, ப⁴கி³னியோ, பொ³ஜ்ஜ²ங்கா³, யேஸங் பா⁴விதத்தா
ப³ஹுலீகதத்தா பி⁴க்கு² ஆஸவானங் க²யா அனாஸவங் சேதோவிமுத்திங்
பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ
விஹரதி. கதமே ஸத்த? இத⁴, ப⁴கி³னியோ, பி⁴க்கு² ஸதிஸம்பொ³ஜ்ஜ²ங்க³ங் பா⁴வேதி
விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்.
த⁴ம்மவிசயஸம்பொ³ஜ்ஜ²ங்க³ங் பா⁴வேதி…பே॰… வீரியஸம்பொ³ஜ்ஜ²ங்க³ங் பா⁴வேதி…
பீதிஸம்பொ³ஜ்ஜ²ங்க³ங் பா⁴வேதி… பஸ்ஸத்³தி⁴ஸம்பொ³ஜ்ஜ²ங்க³ங் பா⁴வேதி… ஸமாதி⁴ஸம்பொ³ஜ்ஜ²ங்க³ங் பா⁴வேதி… உபெக்கா²ஸம்பொ³ஜ்ஜ²ங்க³ங்
பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங்
வொஸ்ஸக்³க³பரிணாமிங். இமே கோ², ப⁴கி³னியோ, ஸத்த பொ³ஜ்ஜ²ங்கா³ யேஸங்
பா⁴விதத்தா ப³ஹுலீகதத்தா பி⁴க்கு² ஆஸவானங் க²யா அனாஸவங் சேதோவிமுத்திங்
பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ
விஹரதீ’’தி.

415.
அத² கோ² ஆயஸ்மா நந்த³கோ தா பி⁴க்கு²னியோ இமினா ஓவாதே³ன ஓவதி³த்வா
உய்யோஜேஸி – ‘‘க³ச்ச²த², ப⁴கி³னியோ; காலோ’’தி. அத² கோ² தா பி⁴க்கு²னியோ
ஆயஸ்மதோ நந்த³கஸ்ஸ பா⁴ஸிதங் அபி⁴னந்தி³த்வா அனுமோதி³த்வா உட்டா²யாஸனா
ஆயஸ்மந்தங் நந்த³கங் அபி⁴வாதெ³த்வா பத³க்கி²ணங் கத்வா யேன ப⁴க³வா
தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
அட்ட²ங்ஸு. ஏகமந்தங் டி²தா கோ² தா பி⁴க்கு²னியோ ப⁴க³வா ஏதத³வோச
–‘‘க³ச்ச²த², பி⁴க்கு²னியோ; காலோ’’தி. அத² கோ² தா பி⁴க்கு²னியோ ப⁴க³வந்தங்
அபி⁴வாதெ³த்வா பத³க்கி²ணங் கத்வா பக்கமிங்ஸு. அத² கோ² ப⁴க³வா
அசிரபக்கந்தீஸு தாஸு பி⁴க்கு²னீஸு பி⁴க்கூ² ஆமந்தேஸி – ‘‘ஸெய்யதா²பி,
பி⁴க்க²வே, தத³ஹுபோஸதே² பன்னரஸே ந ஹோதி ப³ஹுனோ ஜனஸ்ஸ கங்கா² வா விமதி வா –
‘ஊனோ நு கோ² சந்தோ³, புண்ணோ நு கோ² சந்தோ³’தி, அத² கோ² புண்ணோ சந்தொ³த்வேவ
ஹோதி; ஏவமேவ கோ², பி⁴க்க²வே, தா பி⁴க்கு²னியோ நந்த³கஸ்ஸ த⁴ம்மதே³ஸனாய
அத்தமனா சேவ பரிபுண்ணஸங்கப்பா ச. தாஸங், பி⁴க்க²வே, பஞ்சன்னங்
பி⁴க்கு²னிஸதானங் யா பச்சி²மிதா பி⁴க்கு²னீ ஸா [யா பச்சி²மா பி⁴க்கு²னீ, ஸா (ஸீ॰ ஸ்யா॰ கங்॰ பீ॰), யா பச்சி²மிகா, தா பி⁴க்கு²னியோ (க॰)] ஸோதாபன்னா அவினிபாதத⁴ம்மா நியதா ஸம்போ³தி⁴பராயனா’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

நந்த³கோவாத³ஸுத்தங் நிட்டி²தங் சதுத்த²ங்.

5. சூளராஹுலோவாத³ஸுத்தங்

416. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. அத² கோ² ப⁴க³வதோ ரஹோக³தஸ்ஸ படிஸல்லீனஸ்ஸ ஏவங் சேதஸோ பரிவிதக்கோ
உத³பாதி³ – ‘‘பரிபக்கா கோ² ராஹுலஸ்ஸ
விமுத்திபரிபாசனீயா த⁴ம்மா. யங்னூனாஹங் ராஹுலங் உத்தரிங் ஆஸவானங் க²யே
வினெய்ய’’ந்தி. அத² கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய
ஸாவத்தி²ங் பிண்டா³ய பாவிஸி. ஸாவத்தி²யங் பிண்டா³ய சரித்வா பச்சா²ப⁴த்தங்
பிண்ட³பாதபடிக்கந்தோ ஆயஸ்மந்தங் ராஹுலங் ஆமந்தேஸி – ‘‘க³ண்ஹாஹி, ராஹுல,
நிஸீத³னங்; யேன அந்த⁴வனங் தேனுபஸங்கமிஸ்ஸாம தி³வாவிஹாராயா’’தி . ‘‘ஏவங், ப⁴ந்தே’’தி கோ² ஆயஸ்மா ராஹுலோ ப⁴க³வதோ படிஸ்ஸுத்வா நிஸீத³னங் ஆதா³ய ப⁴க³வந்தங் பிட்டி²தோ பிட்டி²தோ அனுப³ந்தி⁴.

தேன கோ² பன ஸமயேன அனேகானி தே³வதாஸஹஸ்ஸானி ப⁴க³வந்தங்
அனுப³ந்தா⁴னி ஹொந்தி – ‘‘அஜ்ஜ ப⁴க³வா ஆயஸ்மந்தங் ராஹுலங் உத்தரிங் ஆஸவானங்
க²யே வினெஸ்ஸதீ’’தி. அத² கோ² ப⁴க³வா அந்த⁴வனங் அஜ்ஜோ²கா³ஹெத்வா
அஞ்ஞதரஸ்மிங் ருக்க²மூலே பஞ்ஞத்தே ஆஸனே நிஸீதி³. ஆயஸ்மாபி கோ² ராஹுலோ
ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னங் கோ²
ஆயஸ்மந்தங் ராஹுலங் ப⁴க³வா ஏதத³வோச –

417. ‘‘தங் கிங் மஞ்ஞஸி, ராஹுல, சக்கு² நிச்சங் வா அனிச்சங் வா’’தி? ‘‘அனிச்சங், ப⁴ந்தே ’’.
‘‘யங் பனானிச்சங் து³க்க²ங் வா தங் ஸுக²ங் வா’’தி? ‘‘து³க்க²ங், ப⁴ந்தே’’.
‘‘யங் பனானிச்சங் து³க்க²ங் விபரிணாமத⁴ம்மங், கல்லங் நு தங் ஸமனுபஸ்ஸிதுங்
– ‘ஏதங் மம, ஏஸோஹமஸ்மி, ஏஸோ மே அத்தா’’’தி? ‘‘நோ ஹேதங், ப⁴ந்தே’’. ‘‘தங்
கிங் மஞ்ஞஸி, ராஹுல, ரூபா நிச்சா வா அனிச்சா வா’’தி? ‘‘அனிச்சா, ப⁴ந்தே’’.
‘‘யங் பனானிச்சங் து³க்க²ங் வா தங் ஸுக²ங் வா’’தி? ‘‘து³க்க²ங், ப⁴ந்தே’’.
‘‘யங் பனானிச்சங் து³க்க²ங் விபரிணாமத⁴ம்மங், கல்லங் நு தங்
ஸமனுபஸ்ஸிதுங் – ‘ஏதங் மம, ஏஸோஹமஸ்மி, ஏஸோ மே அத்தா’’’தி? ‘‘நோ ஹேதங்,
ப⁴ந்தே’’. ‘‘தங் கிங் மஞ்ஞஸி, ராஹுல, சக்கு²விஞ்ஞாணங் நிச்சங் வா அனிச்சங்
வா’’தி? ‘‘அனிச்சங், ப⁴ந்தே’’. ‘‘யங் பனானிச்சங் து³க்க²ங் வா தங் ஸுக²ங்
வா’’தி? ‘‘து³க்க²ங், ப⁴ந்தே’’. ‘‘யங் பனானிச்சங் து³க்க²ங்
விபரிணாமத⁴ம்மங், கல்லங் நு தங் ஸமனுபஸ்ஸிதுங் – ‘ஏதங் மம, ஏஸோஹமஸ்மி, ஏஸோ
மே அத்தா’’’தி? ‘‘நோ ஹேதங், ப⁴ந்தே’’. ‘‘தங் கிங் மஞ்ஞஸி, ராஹுல,
சக்கு²ஸம்ப²ஸ்ஸோ நிச்சோ வா அனிச்சோ வா’’தி? ‘‘அனிச்சோ, ப⁴ந்தே’’. ‘‘யங்
பனானிச்சங், து³க்க²ங் வா தங் ஸுக²ங் வா’’தி? ‘‘து³க்க²ங், ப⁴ந்தே’’. ‘‘யங்
பனானிச்சங் து³க்க²ங் விபரிணாமத⁴ம்மங், கல்லங் நு தங் ஸமனுபஸ்ஸிதுங் –
‘ஏதங் மம, ஏஸோஹமஸ்மி, ஏஸோ மே அத்தா’’’தி? ‘‘நோ ஹேதங், ப⁴ந்தே’’. ‘‘தங் கிங் மஞ்ஞஸி, ராஹுல, யமித³ங் [யம்பித³ங் (ஸீ॰ க॰)] சக்கு²ஸம்ப²ஸ்ஸபச்சயா உப்பஜ்ஜதி வேத³னாக³தங் ஸஞ்ஞாக³தங் ஸங்கா²ரக³தங் விஞ்ஞாணக³தங் தம்பி நிச்சங் வா அனிச்சங் வா’’தி ?
‘‘அனிச்சங், ப⁴ந்தே’’. ‘‘யங் பனானிச்சங், து³க்க²ங் வா தங் ஸுக²ங் வா’’தி?
‘‘து³க்க²ங், ப⁴ந்தே’’. ‘‘யங் பனானிச்சங் து³க்க²ங் விபரிணாமத⁴ம்மங்,
கல்லங் நு தங் ஸமனுபஸ்ஸிதுங் – ‘ஏதங் மம, ஏஸோஹமஸ்மி, ஏஸோ மே அத்தா’’’தி?
‘‘நோ ஹேதங், ப⁴ந்தே’’.

418.
‘‘தங் கிங் மஞ்ஞஸி ராஹுல, ஸோதங் நிச்சங் வா அனிச்சங் வா’’தி? ‘‘அனிச்சங்,
ப⁴ந்தே…பே॰… கா⁴னங் நிச்சங் வா அனிச்சங் வா’’தி? ‘‘அனிச்சங், ப⁴ந்தே…பே॰…
ஜிவ்ஹா நிச்சா வா அனிச்சா வா’’தி? ‘‘அனிச்சா, ப⁴ந்தே…பே॰… காயோ நிச்சோ வா
அனிச்சோ வா’’தி? ‘‘அனிச்சோ, ப⁴ந்தே…பே॰… மனோ நிச்சோ வா அனிச்சோ வா’’தி?
‘‘அனிச்சோ, ப⁴ந்தே’’. ‘‘யங் பனானிச்சங், து³க்க²ங் வா தங் ஸுக²ங் வா’’தி?
‘‘து³க்க²ங், ப⁴ந்தே’’. ‘‘யங் பனானிச்சங் து³க்க²ங் விபரிணாமத⁴ம்மங்,
கல்லங் நு தங் ஸமனுபஸ்ஸிதுங் –‘ஏதங் மம, ஏஸோஹமஸ்மி, ஏஸோ மே அத்தா’’’தி?
‘‘நோ ஹேதங், ப⁴ந்தே’’. ‘‘தங் கிங் மஞ்ஞஸி ராஹுல, த⁴ம்மா நிச்சா வா அனிச்சா
வா’’தி? ‘‘அனிச்சா, ப⁴ந்தே’’. ‘‘யங் பனானிச்சங், து³க்க²ங் வா தங் ஸுக²ங்
வா’’தி? ‘‘து³க்க²ங், ப⁴ந்தே’’. ‘‘யங் பனானிச்சங் து³க்க²ங்
விபரிணாமத⁴ம்மங், கல்லங் நு தங் ஸமனுபஸ்ஸிதுங் – ‘ஏதங் மம, ஏஸோஹமஸ்மி, ஏஸோ
மே அத்தா’’’தி? ‘‘நோ ஹேதங், ப⁴ந்தே’’. ‘‘தங் கிங்
மஞ்ஞஸி ராஹுல, மனோவிஞ்ஞாணங் நிச்சங் வா அனிச்சங் வா’’தி? ‘‘அனிச்சங்,
ப⁴ந்தே’’. ‘‘யங் பனானிச்சங், து³க்க²ங் வா தங் ஸுக²ங் வா’’தி? ‘‘து³க்க²ங்,
ப⁴ந்தே’’. ‘‘யங் பனானிச்சங் து³க்க²ங் விபரிணாமத⁴ம்மங், கல்லங் நு தங்
ஸமனுபஸ்ஸிதுங் – ‘ஏதங் மம, ஏஸோஹமஸ்மி, ஏஸோ மே அத்தா’’’தி? ‘‘நோ ஹேதங்,
ப⁴ந்தே’’. ‘‘தங் கிங் மஞ்ஞஸி ராஹுல, மனோஸம்ப²ஸ்ஸோ நிச்சோ வா அனிச்சோ
வா’’தி? ‘‘அனிச்சோ, ப⁴ந்தே’’. ‘‘யங் பனானிச்சங், து³க்க²ங் வா தங் ஸுக²ங்
வா’’தி? ‘‘து³க்க²ங், ப⁴ந்தே’’. ‘‘யங் பனானிச்சங் து³க்க²ங்
விபரிணாமத⁴ம்மங், கல்லங் நு தங் ஸமனுபஸ்ஸிதுங் – ‘ஏதங் மம, ஏஸோஹமஸ்மி, ஏஸோ
மே அத்தா’’’தி? ‘‘நோ ஹேதங், ப⁴ந்தே’’. ‘‘தங் கிங் மஞ்ஞஸி, ராஹுல, யமித³ங்
மனோஸம்ப²ஸ்ஸபச்சயா உப்பஜ்ஜதி வேத³னாக³தங் ஸஞ்ஞாக³தங் ஸங்கா²ரக³தங்
விஞ்ஞாணக³தங், தம்பி நிச்சங் வா அனிச்சங் வா’’தி? ‘‘அனிச்சங், ப⁴ந்தே’’.
‘‘யங் பனானிச்சங், து³க்க²ங் வா தங் ஸுக²ங் வா’’தி? ‘‘து³க்க²ங், ப⁴ந்தே’’.
‘‘யங் பனானிச்சங் து³க்க²ங் விபரிணாமத⁴ம்மங்
கல்லங் நு தங் ஸமனுபஸ்ஸிதுங் – ‘ஏதங் மம, ஏஸோஹமஸ்மி, ஏஸோ மே அத்தா’’’தி?
‘‘நோ ஹேதங், ப⁴ந்தே’’.

419. ‘‘ஏவங் பஸ்ஸங், ராஹுல, ஸுதவா அரியஸாவகோ சக்கு²ஸ்மிங் [சக்கு²ஸ்மிம்பி (ஸ்யா॰ கங்॰) ஏவமிதரேஸுபி]
நிப்³பி³ந்த³தி, ரூபேஸு நிப்³பி³ந்த³தி, சக்கு²விஞ்ஞாணே நிப்³பி³ந்த³தி,
சக்கு²ஸம்ப²ஸ்ஸே நிப்³பி³ந்த³தி, யமித³ங் சக்கு²ஸம்ப²ஸ்ஸபச்சயா உப்பஜ்ஜதி
வேத³னாக³தங் ஸஞ்ஞாக³தங் ஸங்கா²ரக³தங் விஞ்ஞாணக³தங் தஸ்மிம்பி
நிப்³பி³ந்த³தி. ஸோதஸ்மிங் நிப்³பி³ந்த³தி, ஸத்³தே³ஸு நிப்³பி³ந்த³தி…பே॰… ,
கா⁴னஸ்மிங் நிப்³பி³ந்த³தி, க³ந்தே⁴ஸு நிப்³பி³ந்த³தி… ஜிவ்ஹாய
நிப்³பி³ந்த³தி, ரஸேஸு நிப்³பி³ந்த³தி… காயஸ்மிங் நிப்³பி³ந்த³தி,
பொ²ட்ட²ப்³பே³ஸு நிப்³பி³ந்த³தி… மனஸ்மிங் நிப்³பி³ந்த³தி, த⁴ம்மேஸு
நிப்³பி³ந்த³தி, மனோவிஞ்ஞாணே நிப்³பி³ந்த³தி, மனோஸம்ப²ஸ்ஸே நிப்³பி³ந்த³தி,
யமித³ங் மனோஸம்ப²ஸ்ஸபச்சயா உப்பஜ்ஜதி வேத³னாக³தங்
ஸஞ்ஞாக³தங் ஸங்கா²ரக³தங் விஞ்ஞாணக³தங் தஸ்மிம்பி நிப்³பி³ந்த³தி.
நிப்³பி³ந்த³ங் விரஜ்ஜதி, விராகா³ விமுச்சதி. விமுத்தஸ்மிங் விமுத்தமிதி
ஞாணங் ஹோதி. ‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங்
இத்த²த்தாயா’தி பஜானாதீ’’தி.

இத³மவோச ப⁴க³வா. அத்தமனோ ஆயஸ்மா ராஹுலோ ப⁴க³வதோ
பா⁴ஸிதங் அபி⁴னந்தீ³தி. இமஸ்மிஞ்ச பன வெய்யாகரணஸ்மிங் ப⁴ஞ்ஞமானே ஆயஸ்மதோ
ராஹுலஸ்ஸ அனுபாதா³ய ஆஸவேஹி சித்தங் விமுச்சி. தாஸஞ்ச அனேகானங்
தே³வதாஸஹஸ்ஸானங் விரஜங் வீதமலங் த⁴ம்மசக்கு²ங் உத³பாதி³ – ‘யங் கிஞ்சி
ஸமுத³யத⁴ம்மங் ஸப்³ப³ங் தங் நிரோத⁴த⁴ம்ம’’ந்தி.

சூளராஹுலோவாத³ஸுத்தங் நிட்டி²தங் பஞ்சமங்.

6. ச²ச²க்கஸுத்தங்

420. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
‘‘த⁴ம்மங் வோ, பி⁴க்க²வே, தே³ஸெஸ்ஸாமி ஆதி³கல்யாணங் மஜ்ஜே²கல்யாணங்
பரியோஸானகல்யாணங் ஸாத்த²ங் ஸப்³யஞ்ஜனங், கேவலபரிபுண்ணங் பரிஸுத்³த⁴ங்
ப்³ரஹ்மசரியங் பகாஸெஸ்ஸாமி, யதி³த³ங் – ச² ச²க்கானி. தங் ஸுணாத², ஸாது⁴கங்
மனஸி கரோத²; பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² தே பி⁴க்கூ² ப⁴க³வதோ
பச்சஸ்ஸோஸுங். ப⁴க³வா ஏதத³வோச –

‘‘ச² அஜ்ஜ²த்திகானி ஆயதனானி வேதி³தப்³பா³னி, ச²
பா³ஹிரானி ஆயதனானி வேதி³தப்³பா³னி, ச² விஞ்ஞாணகாயா வேதி³தப்³பா³, ச²
ப²ஸ்ஸகாயா வேதி³தப்³பா³, ச² வேத³னாகாயா வேதி³தப்³பா³, ச² தண்ஹாகாயா
வேதி³தப்³பா³.

421.
‘‘‘ச² அஜ்ஜ²த்திகானி ஆயதனானி வேதி³தப்³பா³னீ’தி – இதி கோ² பனேதங் வுத்தங்.
கிஞ்சேதங் படிச்ச வுத்தங்? சக்கா²யதனங், ஸோதாயதனங், கா⁴னாயதனங்,
ஜிவ்ஹாயதனங் , காயாயதனங், மனாயதனங். ‘ச²
அஜ்ஜ²த்திகானி ஆயதனானி வேதி³தப்³பா³னீ’தி – இதி யங் தங் வுத்தங், இத³மேதங்
படிச்ச வுத்தங். இத³ங் பட²மங் ச²க்கங்.

‘‘‘ச² பா³ஹிரானி ஆயதனானி வேதி³தப்³பா³னீ’தி – இதி கோ² பனேதங் வுத்தங் .
கிஞ்சேதங் படிச்ச வுத்தங்? ரூபாயதனங், ஸத்³தா³யதனங், க³ந்தா⁴யதனங்,
ரஸாயதனங், பொ²ட்ட²ப்³பா³யதனங், த⁴ம்மாயதனங். ‘ச² பா³ஹிரானி ஆயதனானி
வேதி³தப்³பா³னீ’தி – இதி யங் தங் வுத்தங், இத³மேதங் படிச்ச வுத்தங். இத³ங்
து³தியங் ச²க்கங்.

‘‘‘ச² விஞ்ஞாணகாயா வேதி³தப்³பா³’தி – இதி கோ² பனேதங்
வுத்தங். கிஞ்சேதங் படிச்ச வுத்தங்? சக்கு²ஞ்ச படிச்ச ரூபே ச உப்பஜ்ஜதி
சக்கு²விஞ்ஞாணங், ஸோதஞ்ச படிச்ச ஸத்³தே³ ச உப்பஜ்ஜதி
ஸோதவிஞ்ஞாணங், கா⁴னஞ்ச படிச்ச க³ந்தே⁴ ச உப்பஜ்ஜதி கா⁴னவிஞ்ஞாணங்,
ஜிவ்ஹஞ்ச படிச்ச ரஸே ச உப்பஜ்ஜதி ஜிவ்ஹாவிஞ்ஞாணங், காயஞ்ச படிச்ச
பொ²ட்ட²ப்³பே³ ச உப்பஜ்ஜதி காயவிஞ்ஞாணங், மனஞ்ச படிச்ச த⁴ம்மே ச உப்பஜ்ஜதி
மனோவிஞ்ஞாணங். ‘ச² விஞ்ஞாணகாயா வேதி³தப்³பா³’தி – இதி யங் தங் வுத்தங்,
இத³மேதங் படிச்ச வுத்தங். இத³ங் ததியங் ச²க்கங்.

‘‘‘ச² ப²ஸ்ஸகாயா வேதி³தப்³பா³’தி – இதி கோ² பனேதங்
வுத்தங். கிஞ்சேதங் படிச்ச வுத்தங்? சக்கு²ஞ்ச படிச்ச ரூபே ச உப்பஜ்ஜதி
சக்கு²விஞ்ஞாணங், திண்ணங் ஸங்க³தி ப²ஸ்ஸோ; ஸோதஞ்ச படிச்ச ஸத்³தே³ ச
உப்பஜ்ஜதி ஸோதவிஞ்ஞாணங், திண்ணங் ஸங்க³தி ப²ஸ்ஸோ; கா⁴னஞ்ச படிச்ச க³ந்தே⁴ ச
உப்பஜ்ஜதி கா⁴னவிஞ்ஞாணங், திண்ணங் ஸங்க³தி ப²ஸ்ஸோ; ஜிவ்ஹஞ்ச படிச்ச ரஸே ச
உப்பஜ்ஜதி ஜிவ்ஹாவிஞ்ஞாணங், திண்ணங் ஸங்க³தி ப²ஸ்ஸோ; காயஞ்ச படிச்ச
பொ²ட்ட²ப்³பே³ ச உப்பஜ்ஜதி காயவிஞ்ஞாணங், திண்ணங் ஸங்க³தி ப²ஸ்ஸோ; மனஞ்ச
படிச்ச த⁴ம்மே ச உப்பஜ்ஜதி மனோவிஞ்ஞாணங், திண்ணங்
ஸங்க³தி ப²ஸ்ஸோ. ‘ச² ப²ஸ்ஸகாயா வேதி³தப்³பா³’தி – இதி யங் தங் வுத்தங்,
இத³மேதங் படிச்ச வுத்தங். இத³ங் சதுத்த²ங் ச²க்கங்.

‘‘‘ச² வேத³னாகாயா வேதி³தப்³பா³’தி – இதி கோ² பனேதங்
வுத்தங். கிஞ்சேதங் படிச்ச வுத்தங்? சக்கு²ஞ்ச படிச்ச ரூபே ச உப்பஜ்ஜதி
சக்கு²விஞ்ஞாணங், திண்ணங் ஸங்க³தி ப²ஸ்ஸோ, ப²ஸ்ஸபச்சயா வேத³னா; ஸோதஞ்ச
படிச்ச ஸத்³தே³ ச உப்பஜ்ஜதி ஸோதவிஞ்ஞாணங், திண்ணங் ஸங்க³தி ப²ஸ்ஸோ,
ப²ஸ்ஸபச்சயா வேத³னா; கா⁴னஞ்ச படிச்ச க³ந்தே⁴ ச உப்பஜ்ஜதி கா⁴னவிஞ்ஞாணங்,
திண்ணங் ஸங்க³தி ப²ஸ்ஸோ, ப²ஸ்ஸபச்சயா வேத³னா; ஜிவ்ஹஞ்ச படிச்ச ரஸே ச
உப்பஜ்ஜதி ஜிவ்ஹாவிஞ்ஞாணங், திண்ணங் ஸங்க³தி ப²ஸ்ஸோ, ப²ஸ்ஸபச்சயா வேத³னா;
காயஞ்ச படிச்ச பொ²ட்ட²ப்³பே³ ச உப்பஜ்ஜதி காயவிஞ்ஞாணங், திண்ணங் ஸங்க³தி
ப²ஸ்ஸோ, ப²ஸ்ஸபச்சயா வேத³னா; மனஞ்ச படிச்ச த⁴ம்மே ச உப்பஜ்ஜதி மனோவிஞ்ஞாணங், திண்ணங் ஸங்க³தி ப²ஸ்ஸோ, ப²ஸ்ஸபச்சயா வேத³னா. ‘ச² வேத³னாகாயா வேதி³தப்³பா³’தி – இதி யங் தங் வுத்தங், இத³மேதங் படிச்ச வுத்தங். இத³ங் பஞ்சமங் ச²க்கங்.

‘‘‘ச² தண்ஹாகாயா வேதி³தப்³பா³’தி – இதி கோ² பனேதங்
வுத்தங். கிஞ்சேதங் படிச்ச வுத்தங்? சக்கு²ஞ்ச படிச்ச ரூபே ச உப்பஜ்ஜதி
சக்கு²விஞ்ஞாணங், திண்ணங் ஸங்க³தி ப²ஸ்ஸோ, ப²ஸ்ஸபச்சயா வேத³னா,
வேத³னாபச்சயா தண்ஹா; ஸோதஞ்ச படிச்ச ஸத்³தே³ ச உப்பஜ்ஜதி ஸோதவிஞ்ஞாணங்…பே॰…
கா⁴னஞ்ச படிச்ச க³ந்தே⁴ ச உப்பஜ்ஜதி கா⁴னவிஞ்ஞாணங்… ஜிவ்ஹஞ்ச படிச்ச ரஸே ச
உப்பஜ்ஜதி ஜிவ்ஹாவிஞ்ஞாணங்… காயஞ்ச படிச்ச
பொ²ட்ட²ப்³பே³ ச உப்பஜ்ஜதி காயவிஞ்ஞாணங்… மனஞ்ச படிச்ச த⁴ம்மே ச உப்பஜ்ஜதி
மனோவிஞ்ஞாணங், திண்ணங் ஸங்க³தி ப²ஸ்ஸோ, ப²ஸ்ஸபச்சயா வேத³னா, வேத³னாபச்சயா
தண்ஹா. ‘ச² தண்ஹாகாயா வேதி³தப்³பா³’தி – இதி யங் தங் வுத்தங், இத³மேதங்
படிச்ச வுத்தங். இத³ங் ச²ட்ட²ங் ச²க்கங்.

422.
‘‘‘சக்கு² அத்தா’தி யோ வதெ³ய்ய தங் ந உபபஜ்ஜதி. சக்கு²ஸ்ஸ உப்பாதோ³பி
வயோபி பஞ்ஞாயதி. யஸ்ஸ கோ² பன உப்பாதோ³பி வயோபி பஞ்ஞாயதி, ‘அத்தா மே
உப்பஜ்ஜதி ச வேதி சா’தி இச்சஸ்ஸ ஏவமாக³தங் ஹோதி. தஸ்மா தங் ந உபபஜ்ஜதி –
‘சக்கு² அத்தா’தி யோ வதெ³ய்ய. இதி சக்கு² அனத்தா.

‘‘‘ரூபா அத்தா’தி யோ வதெ³ய்ய தங் ந உபபஜ்ஜதி. ரூபானங்
உப்பாதோ³பி வயோபி பஞ்ஞாயதி. யஸ்ஸ கோ² பன உப்பாதோ³பி வயோபி பஞ்ஞாயதி, ‘அத்தா
மே உப்பஜ்ஜதி ச வேதி சா’தி இச்சஸ்ஸ ஏவமாக³தங் ஹோதி. தஸ்மா தங் ந உபபஜ்ஜதி –
‘ரூபா அத்தா’தி யோ வதெ³ய்ய. இதி சக்கு² அனத்தா, ரூபா அனத்தா.

‘‘‘சக்கு²விஞ்ஞாணங் அத்தா’தி யோ வதெ³ய்ய தங் ந
உபபஜ்ஜதி. சக்கு²விஞ்ஞாணஸ்ஸ உப்பாதோ³பி வயோபி பஞ்ஞாயதி. யஸ்ஸ கோ² பன
உப்பாதோ³பி வயோபி பஞ்ஞாயதி, ‘அத்தா மே உப்பஜ்ஜதி ச வேதி சா’தி இச்சஸ்ஸ
ஏவமாக³தங் ஹோதி. தஸ்மா தங் ந உபபஜ்ஜதி – ‘சக்கு²விஞ்ஞாணங் அத்தா’தி யோ
வதெ³ய்ய. இதி சக்கு² அனத்தா, ரூபா அனத்தா, சக்கு²விஞ்ஞாணங் அனத்தா.

‘‘‘சக்கு²ஸம்ப²ஸ்ஸோ அத்தா’தி யோ வதெ³ய்ய தங் ந உபபஜ்ஜதி. சக்கு²ஸம்ப²ஸ்ஸஸ்ஸ உப்பாதோ³பி வயோபி பஞ்ஞாயதி .
யஸ்ஸ கோ² பன உப்பாதோ³பி வயோபி பஞ்ஞாயதி, ‘அத்தா மே உப்பஜ்ஜதி ச வேதி சா’தி
இச்சஸ்ஸ ஏவமாக³தங் ஹோதி. தஸ்மா தங் ந உபபஜ்ஜதி – ‘சக்கு²ஸம்ப²ஸ்ஸோ
அத்தா’தி யோ வதெ³ய்ய. இதி சக்கு² அனத்தா, ரூபா அனத்தா, சக்கு²விஞ்ஞாணங் அனத்தா, சக்கு²ஸம்ப²ஸ்ஸோ அனத்தா.

‘‘‘வேத³னா அத்தா’தி யோ வதெ³ய்ய தங்
ந உபபஜ்ஜதி. வேத³னாய உப்பாதோ³பி வயோபி பஞ்ஞாயதி. யஸ்ஸ கோ² பன உப்பாதோ³பி
வயோபி பஞ்ஞாயதி, ‘அத்தா மே உப்பஜ்ஜதி ச வேதி சா’தி இச்சஸ்ஸ ஏவமாக³தங் ஹோதி.
தஸ்மா தங் ந உபபஜ்ஜதி – ‘வேத³னா அத்தா’தி யோ வதெ³ய்ய. இதி சக்கு² அனத்தா,
ரூபா அனத்தா, சக்கு²விஞ்ஞாணங் அனத்தா, சக்கு²ஸம்ப²ஸ்ஸோ அனத்தா, வேத³னா
அனத்தா.

‘‘‘தண்ஹா அத்தா’தி யோ வதெ³ய்ய தங் ந உபபஜ்ஜதி. தண்ஹாய
உப்பாதோ³பி வயோபி பஞ்ஞாயதி. யஸ்ஸ கோ² பன உப்பாதோ³பி வயோபி பஞ்ஞாயதி, ‘அத்தா
மே உப்பஜ்ஜதி ச வேதி சா’தி இச்சஸ்ஸ ஏவமாக³தங் ஹோதி. தஸ்மா தங் ந உபபஜ்ஜதி –
‘தண்ஹா அத்தா’தி யோ வதெ³ய்ய. இதி சக்கு² அனத்தா, ரூபா அனத்தா,
சக்கு²விஞ்ஞாணங் அனத்தா, சக்கு²ஸம்ப²ஸ்ஸோ அனத்தா, வேத³னா அனத்தா, தண்ஹா
அனத்தா.

423.
‘‘‘ஸோதங் அத்தா’தி யோ வதெ³ய்ய…பே॰… ‘கா⁴னங் அத்தா’தி யோ வதெ³ய்ய… ‘ஜிவ்ஹா
அத்தா’தி யோ வதெ³ய்ய… ‘காயோ அத்தா’தி யோ வதெ³ய்ய… ‘மனோ அத்தா’தி யோ வதெ³ய்ய
தங் ந உபபஜ்ஜதி. மனஸ்ஸ உப்பாதோ³பி வயோபி பஞ்ஞாயதி. யஸ்ஸ கோ² பன உப்பாதோ³பி
வயோபி பஞ்ஞாயதி, ‘அத்தா மே உப்பஜ்ஜதி ச வேதி சா’தி
இச்சஸ்ஸ ஏவமாக³தங் ஹோதி. தஸ்மா தங் ந உபபஜ்ஜதி – ‘மனோ அத்தா’தி யோ
வதெ³ய்ய. இதி மனோ அனத்தா.

‘‘‘த⁴ம்மா அத்தா’தி யோ வதெ³ய்ய தங் ந உபபஜ்ஜதி.
த⁴ம்மானங் உப்பாதோ³பி வயோபி பஞ்ஞாயதி. யஸ்ஸ கோ² பன உப்பாதோ³பி வயோபி
பஞ்ஞாயதி, ‘அத்தா மே உப்பஜ்ஜதி ச வேதி சா’தி இச்சஸ்ஸ ஏவமாக³தங் ஹோதி. தஸ்மா
தங் ந உபபஜ்ஜதி – ‘த⁴ம்மா அத்தா’தி யோ வதெ³ய்ய. இதி மனோ அனத்தா, த⁴ம்மா
அனத்தா.

‘‘‘மனோவிஞ்ஞாணங் அத்தா’தி யோ வதெ³ய்ய தங் ந உபபஜ்ஜதி.
மனோவிஞ்ஞாணஸ்ஸ உப்பாதோ³பி வயோபி பஞ்ஞாயதி. யஸ்ஸ கோ² பன உப்பாதோ³பி வயோபி
பஞ்ஞாயதி, ‘அத்தா மே உப்பஜ்ஜதி ச வேதி சா’தி இச்சஸ்ஸ ஏவமாக³தங் ஹோதி. தஸ்மா
தங் ந உபபஜ்ஜதி – ‘மனோவிஞ்ஞாணங் அத்தா’தி யோ வதெ³ய்ய. இதி மனோ அனத்தா, த⁴ம்மா அனத்தா, மனோவிஞ்ஞாணங் அனத்தா.

‘‘‘மனோஸம்ப²ஸ்ஸோ அத்தா’தி யோ
வதெ³ய்ய தங் ந உபபஜ்ஜதி. மனோஸம்ப²ஸ்ஸஸ்ஸ உப்பாதோ³பி வயோபி பஞ்ஞாயதி. யஸ்ஸ
கோ² பன உப்பாதோ³பி வயோபி பஞ்ஞாயதி, ‘அத்தா மே உப்பஜ்ஜதி ச வேதி சா’தி
இச்சஸ்ஸ ஏவமாக³தங் ஹோதி. தஸ்மா தங் ந உபபஜ்ஜதி – ‘மனோஸம்ப²ஸ்ஸோ அத்தா’தி யோ
வதெ³ய்ய. இதி மனோ அனத்தா, த⁴ம்மா அனத்தா, மனோவிஞ்ஞாணங் அனத்தா,
மனோஸம்ப²ஸ்ஸோ அனத்தா.

‘‘‘வேத³னா அத்தா’தி யோ வதெ³ய்ய தங் ந உபபஜ்ஜதி. வேத³னாய உப்பாதோ³பி வயோபி பஞ்ஞாயதி. யஸ்ஸ கோ² பன உப்பாதோ³பி
வயோபி பஞ்ஞாயதி, ‘அத்தா மே உப்பஜ்ஜதி ச வேதி சா’தி இச்சஸ்ஸ ஏவமாக³தங்
ஹோதி. தஸ்மா தங் ந உபபஜ்ஜதி – ‘வேத³னா அத்தா’தி யோ வதெ³ய்ய. இதி மனோ
அனத்தா, த⁴ம்மா அனத்தா, மனோவிஞ்ஞாணங் அனத்தா, மனோஸம்ப²ஸ்ஸோ அனத்தா, வேத³னா
அனத்தா.

‘‘‘தண்ஹா அத்தா’தி யோ வதெ³ய்ய தங் ந உபபஜ்ஜதி. தண்ஹாய
உப்பாதோ³பி வயோபி பஞ்ஞாயதி. யஸ்ஸ கோ² பன உப்பாதோ³பி வயோபி பஞ்ஞாயதி, ‘அத்தா
மே உப்பஜ்ஜதி ச வேதி சா’தி இச்சஸ்ஸ ஏவமாக³தங் ஹோதி. தஸ்மா தங் ந உபபஜ்ஜதி –
‘தண்ஹா அத்தா’தி யோ வதெ³ய்ய. இதி மனோ அனத்தா, த⁴ம்மா அனத்தா, மனோவிஞ்ஞாணங்
அனத்தா, மனோஸம்ப²ஸ்ஸோ அனத்தா, வேத³னா அனத்தா, தண்ஹா அனத்தா.

424.
‘‘அயங் கோ² பன, பி⁴க்க²வே, ஸக்காயஸமுத³யகா³மினீ படிபதா³ – சக்கு²ங் ‘ஏதங்
மம, ஏஸோஹமஸ்மி, ஏஸோ மே அத்தா’தி ஸமனுபஸ்ஸதி; ரூபே ‘ஏதங் மம, ஏஸோஹமஸ்மி, ஏஸோ
மே அத்தா’தி ஸமனுபஸ்ஸதி; சக்கு²விஞ்ஞாணங் ‘ஏதங் மம, ஏஸோஹமஸ்மி, ஏஸோ மே
அத்தா’தி ஸமனுபஸ்ஸதி; சக்கு²ஸம்ப²ஸ்ஸங் ‘ஏதங் மம, ஏஸோஹமஸ்மி, ஏஸோ மே
அத்தா’தி ஸமனுபஸ்ஸதி; வேத³னங் ‘ஏதங் மம , ஏஸோஹமஸ்மி,
ஏஸோ மே அத்தா’தி ஸமனுபஸ்ஸதி; தண்ஹங் ‘ஏதங் மம, ஏஸோஹமஸ்மி, ஏஸோ மே அத்தா’தி
ஸமனுபஸ்ஸதி; ஸோதங் ‘ஏதங் மம, ஏஸோஹமஸ்மி, ஏஸோ மே அத்தா’தி ஸமனுபஸ்ஸதி…பே॰…
கா⁴னங் ‘ஏதங் மம, ஏஸோஹமஸ்மி, ஏஸோ மே அத்தா’தி ஸமனுபஸ்ஸதி…பே॰… ஜிவ்ஹங்
‘ஏதங் மம, ஏஸோஹமஸ்மி, ஏஸோ மே அத்தா’தி
ஸமனுபஸ்ஸதி…பே॰… காயங் ‘ஏதங் மம, ஏஸோஹமஸ்மி, ஏஸோ மே அத்தா’தி
ஸமனுபஸ்ஸதி…பே॰… மனங் ‘ஏதங் மம, ஏஸோஹமஸ்மி, ஏஸோ மே அத்தா’தி ஸமனுபஸ்ஸதி,
த⁴ம்மே ‘ஏதங் மம, ஏஸோஹமஸ்மி, ஏஸோ மே அத்தா’தி ஸமனுபஸ்ஸதி, மனோவிஞ்ஞாணங்
‘ஏதங் மம, ஏஸோஹமஸ்மி, ஏஸோ மே அத்தா’தி ஸமனுபஸ்ஸதி, மனோஸம்ப²ஸ்ஸங் ‘ஏதங் மம,
ஏஸோஹமஸ்மி, ஏஸோ மே அத்தா’தி ஸமனுபஸ்ஸதி, வேத³னங் ‘ஏதங் மம, ஏஸோஹமஸ்மி, ஏஸோ
மே அத்தா’தி ஸமனுபஸ்ஸதி, தண்ஹங் ‘ஏதங் மம, ஏஸோஹமஸ்மி, ஏஸோ மே அத்தா’தி
ஸமனுபஸ்ஸதி.

‘‘அயங் கோ² பன, பி⁴க்க²வே,
ஸக்காயனிரோத⁴கா³மினீ படிபதா³ – சக்கு²ங் ‘நேதங் மம, நேஸோஹமஸ்மி, ந மேஸோ
அத்தா’தி ஸமனுபஸ்ஸதி. ரூபே ‘நேதங் மம, நேஸோஹமஸ்மி, ந மேஸோ அத்தா’தி
ஸமனுபஸ்ஸதி. சக்கு²விஞ்ஞாணங் ‘நேதங் மம, நேஸோஹமஸ்மி, ந மேஸோ அத்தா’தி
ஸமனுபஸ்ஸதி. சக்கு²ஸம்ப²ஸ்ஸங் ‘நேதங் மம, நேஸோஹமஸ்மி, ந மேஸோ அத்தா’தி
ஸமனுபஸ்ஸதி. வேத³னங் ‘நேதங் மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி.
தண்ஹங் ‘நேதங் மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி. ஸோதங் ‘நேதங்
மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி…பே॰… கா⁴னங் ‘நேதங் மம,
நேஸோஹமஸ்மி, ந மேஸோ அத்தா’தி ஸமனுபஸ்ஸதி… ஜிவ்ஹங் ‘நேதங் மம, நேஸோஹமஸ்மி, ந
மேஸோ அத்தா’தி ஸமனுபஸ்ஸதி… காயங் ‘நேதங் மம, நேஸோஹமஸ்மி, ந மேஸோ அத்தா’தி
ஸமனுபஸ்ஸதி… மனங் ‘நேதங் மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி.
த⁴ம்மே ‘நேதங் மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி. மனோவிஞ்ஞாணங்
‘நேதங் மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி. மனோஸம்ப²ஸ்ஸங் ‘நேதங்
மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி. வேத³னங் ‘நேதங் மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி. தண்ஹங் ‘நேதங் மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி.

425. ‘‘சக்கு²ஞ்ச, பி⁴க்க²வே, படிச்ச ரூபே ச உப்பஜ்ஜதி சக்கு²விஞ்ஞாணங், திண்ணங் ஸங்க³தி ப²ஸ்ஸோ, ப²ஸ்ஸபச்சயா உப்பஜ்ஜதி வேத³யிதங் ஸுக²ங்
வா து³க்க²ங் வா அது³க்க²மஸுக²ங் வா. ஸோ ஸுகா²ய வேத³னாய பு²ட்டோ² ஸமானோ
அபி⁴னந்த³தி அபி⁴வத³தி அஜ்ஜோ²ஸாய திட்ட²தி. தஸ்ஸ ராகா³னுஸயோ அனுஸேதி.
து³க்கா²ய வேத³னாய பு²ட்டோ² ஸமானோ ஸோசதி கிலமதி பரிதே³வதி உரத்தாளிங்
கந்த³தி ஸம்மோஹங் ஆபஜ்ஜதி. தஸ்ஸ படிகா⁴னுஸயோ அனுஸேதி. அது³க்க²மஸுகா²ய
வேத³னாய பு²ட்டோ² ஸமானோ தஸ்ஸா வேத³னாய ஸமுத³யஞ்ச அத்த²ங்க³மஞ்ச அஸ்ஸாத³ஞ்ச
ஆதீ³னவஞ்ச நிஸ்ஸரணஞ்ச யதா²பூ⁴தங் நப்பஜானாதி. தஸ்ஸ அவிஜ்ஜானுஸயோ அனுஸேதி.
ஸோ வத, பி⁴க்க²வே, ஸுகா²ய வேத³னாய ராகா³னுஸயங் அப்பஹாய து³க்கா²ய வேத³னாய
படிகா⁴னுஸயங் அப்படிவினோதெ³த்வா அது³க்க²மஸுகா²ய வேத³னாய அவிஜ்ஜானுஸயங்
அஸமூஹனித்வா அவிஜ்ஜங் அப்பஹாய விஜ்ஜங் அனுப்பாதெ³த்வா தி³ட்டே²வ த⁴ம்மே
து³க்க²ஸ்ஸந்தகரோ ப⁴விஸ்ஸதீதி – நேதங் டா²னங் விஜ்ஜதி.

‘‘ஸோதஞ்ச, பி⁴க்க²வே, படிச்ச ஸத்³தே³ ச உப்பஜ்ஜதி
ஸோதவிஞ்ஞாணங்…பே॰… கா⁴னஞ்ச, பி⁴க்க²வே, படிச்ச க³ந்தே⁴ ச உப்பஜ்ஜதி
கா⁴னவிஞ்ஞாணங்…பே॰… ஜிவ்ஹஞ்ச, பி⁴க்க²வே, படிச்ச ரஸே ச உப்பஜ்ஜதி
ஜிவ்ஹாவிஞ்ஞாணங்…பே॰… காயஞ்ச, பி⁴க்க²வே, படிச்ச பொ²ட்ட²ப்³பே³ ச உப்பஜ்ஜதி
காயவிஞ்ஞாணங்…பே॰… மனஞ்ச, பி⁴க்க²வே, படிச்ச த⁴ம்மே ச உப்பஜ்ஜதி
மனோவிஞ்ஞாணங், திண்ணங் ஸங்க³தி ப²ஸ்ஸோ, ப²ஸ்ஸபச்சயா உப்பஜ்ஜதி வேத³யிதங்
ஸுக²ங் வா து³க்க²ங் வா அது³க்க²மஸுக²ங் வா. ஸோ ஸுகா²ய வேத³னாய பு²ட்டோ²
ஸமானோ அபி⁴னந்த³தி அபி⁴வத³தி அஜ்ஜோ²ஸாய திட்ட²தி. தஸ்ஸ ராகா³னுஸயோ அனுஸேதி.
து³க்கா²ய வேத³னாய பு²ட்டோ² ஸமானோ ஸோசதி கிலமதி பரிதே³வதி உரத்தாளிங்
கந்த³தி ஸம்மோஹங் ஆபஜ்ஜதி. தஸ்ஸ படிகா⁴னுஸயோ அனுஸேதி. அது³க்க²மஸுகா²ய
வேத³னாய பு²ட்டோ² ஸமானோ தஸ்ஸா வேத³னாய ஸமுத³யஞ்ச அத்த²ங்க³மஞ்ச அஸ்ஸாத³ஞ்ச
ஆதீ³னவஞ்ச நிஸ்ஸரணஞ்ச யதா²பூ⁴தங் நப்பஜானாதி. தஸ்ஸ அவிஜ்ஜானுஸயோ அனுஸேதி.
ஸோ வத, பி⁴க்க²வே, ஸுகா²ய வேத³னாய ராகா³னுஸயங் அப்பஹாய து³க்கா²ய வேத³னாய
படிகா⁴னுஸயங் அப்படிவினோதெ³த்வா அது³க்க²மஸுகா²ய வேத³னாய அவிஜ்ஜானுஸயங்
அஸமூஹனித்வா அவிஜ்ஜங் அப்பஹாய விஜ்ஜங் அனுப்பாதெ³த்வா தி³ட்டே²வ த⁴ம்மே
து³க்க²ஸ்ஸந்தகரோ ப⁴விஸ்ஸதீதி – நேதங் டா²னங் விஜ்ஜதி.

426. ‘‘சக்கு²ஞ்ச ,
பி⁴க்க²வே, படிச்ச ரூபே ச உப்பஜ்ஜதி சக்கு²விஞ்ஞாணங், திண்ணங் ஸங்க³தி
ப²ஸ்ஸோ, ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா
அது³க்க²மஸுக²ங் வா. ஸோ ஸுகா²ய வேத³னாய பு²ட்டோ² ஸமானோ நாபி⁴னந்த³தி
நாபி⁴வத³தி நாஜ்ஜோ²ஸாய திட்ட²தி. தஸ்ஸ ராகா³னுஸயோ நானுஸேதி. து³க்கா²ய
வேத³னாய பு²ட்டோ² ஸமானோ ந ஸோசதி ந கிலமதி பரிதே³வதி ந உரத்தாளிங் கந்த³தி ந ஸம்மோஹங் ஆபஜ்ஜதி. தஸ்ஸ படிகா⁴னுஸயோ நானுஸேதி. அது³க்க²மஸுகா²ய வேத³னாய பு²ட்டோ² ஸமானோ தஸ்ஸா
வேத³னாய ஸமுத³யஞ்ச அத்த²ங்க³மஞ்ச அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச
யதா²பூ⁴தங் பஜானாதி. தஸ்ஸ அவிஜ்ஜானுஸயோ நானுஸேதி. ஸோ வத, பி⁴க்க²வே, ஸுகா²ய
வேத³னாய ராகா³னுஸயங் பஹாய து³க்கா²ய வேத³னாய படிகா⁴னுஸயங் படிவினோதெ³த்வா
அது³க்க²மஸுகா²ய வேத³னாய அவிஜ்ஜானுஸயங் ஸமூஹனித்வா அவிஜ்ஜங் பஹாய விஜ்ஜங்
உப்பாதெ³த்வா தி³ட்டே²வ த⁴ம்மே து³க்க²ஸ்ஸந்தகரோ ப⁴விஸ்ஸதீதி – டா²னமேதங் விஜ்ஜதி.

‘‘ஸோதஞ்ச, பி⁴க்க²வே, படிச்ச ஸத்³தே³ ச உப்பஜ்ஜதி ஸோதவிஞ்ஞாணங்…பே॰….

‘‘கா⁴னஞ்ச, பி⁴க்க²வே, படிச்ச க³ந்தே⁴ ச உப்பஜ்ஜதி கா⁴னவிஞ்ஞாணங்…பே॰….

‘‘ஜிவ்ஹஞ்ச, பி⁴க்க²வே, படிச்ச ரஸே ச உப்பஜ்ஜதி ஜிவ்ஹாவிஞ்ஞாணங்…பே॰… .

‘‘காயஞ்ச, பி⁴க்க²வே, படிச்ச பொ²ட்ட²ப்³பே³ ச உப்பஜ்ஜதி காயவிஞ்ஞாணங்…பே॰….

‘‘மனஞ்ச, பி⁴க்க²வே, படிச்ச த⁴ம்மே ச உப்பஜ்ஜதி
மனோவிஞ்ஞாணங் திண்ணங் ஸங்க³தி ப²ஸ்ஸோ, ப²ஸ்ஸபச்சயா உப்பஜ்ஜதி வேத³யிதங்
ஸுக²ங் வா து³க்க²ங் வா அது³க்க²மஸுக²ங் வா. ஸோ ஸுகா²ய வேத³னாய பு²ட்டோ²
ஸமானோ நாபி⁴னந்த³தி நாபி⁴வத³தி நாஜ்ஜோ²ஸாய திட்ட²தி. தஸ்ஸ ராகா³னுஸயோ
நானுஸேதி. து³க்கா²ய வேத³னாய பு²ட்டோ² ஸமானோ ந ஸோசதி ந கிலமதி ந பரிதே³வதி ந
உரத்தாளிங் கந்த³தி ந ஸம்மோஹங் ஆபஜ்ஜதி. தஸ்ஸ படிகா⁴னுஸயோ நானுஸேதி.
அது³க்க²மஸுகா²ய வேத³னாய பு²ட்டோ² ஸமானோ தஸ்ஸா வேத³னாய ஸமுத³யஞ்ச
அத்த²ங்க³மஞ்ச அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தங் பஜானாதி. தஸ்ஸ
அவிஜ்ஜானுஸயோ நானுஸேதி. ஸோ வத, பி⁴க்க²வே, ஸுகா²ய வேத³னாய ராகா³னுஸயங் பஹாய
து³க்கா²ய வேத³னாய படிகா⁴னுஸயங் படிவினோதெ³த்வா அது³க்க²மஸுகா²ய வேத³னாய
அவிஜ்ஜானுஸயங் ஸமூஹனித்வா அவிஜ்ஜங் பஹாய விஜ்ஜங் உப்பாதெ³த்வா தி³ட்டே²வ
த⁴ம்மே து³க்க²ஸ்ஸந்தகரோ ப⁴விஸ்ஸதீதி – டா²னமேதங் விஜ்ஜதி.

427. ‘‘ஏவங் பஸ்ஸங், பி⁴க்க²வே, ஸுதவா அரியஸாவகோ சக்கு²ஸ்மிங் [சக்கு²ஸ்மிம்பி (ஸ்யா॰ கங்॰) ஏவமிதரேஸுபி] நிப்³பி³ந்த³தி, ரூபேஸு நிப்³பி³ந்த³தி, சக்கு²விஞ்ஞாணே நிப்³பி³ந்த³தி, சக்கு²ஸம்ப²ஸ்ஸே நிப்³பி³ந்த³தி, வேத³னாய நிப்³பி³ந்த³தி, தண்ஹாய நிப்³பி³ந்த³தி. ஸோதஸ்மிங் நிப்³பி³ந்த³தி, ஸத்³தே³ஸு நிப்³பி³ந்த³தி…பே॰…
கா⁴னஸ்மிங் நிப்³பி³ந்த³தி, க³ந்தே⁴ஸு நிப்³பி³ந்த³தி… ஜிவ்ஹாய
நிப்³பி³ந்த³தி, ரஸேஸு நிப்³பி³ந்த³தி… காயஸ்மிங் நிப்³பி³ந்த³தி,
பொ²ட்ட²ப்³பே³ஸு நிப்³பி³ந்த³தி… மனஸ்மிங் நிப்³பி³ந்த³தி, த⁴ம்மேஸு
நிப்³பி³ந்த³தி, மனோவிஞ்ஞாணே நிப்³பி³ந்த³தி, மனோஸம்ப²ஸ்ஸே நிப்³பி³ந்த³தி,
வேத³னாய நிப்³பி³ந்த³தி, தண்ஹாய நிப்³பி³ந்த³தி. நிப்³பி³ந்த³ங் விரஜ்ஜதி , விராகா³ விமுச்சதி. விமுத்தஸ்மிங் விமுத்தமிதி ஞாணங் ஹோதி. ‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயா’தி பஜானாதீ’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங்
அபி⁴னந்து³ந்தி. இமஸ்மிங் கோ² பன வெய்யாகரணஸ்மிங் ப⁴ஞ்ஞமானே
ஸட்டி²மத்தானங் பி⁴க்கூ²னங் அனுபாதா³ய ஆஸவேஹி சித்தானி விமுச்சிங்ஸூதி.

ச²ச²க்கஸுத்தங் நிட்டி²தங் ச²ட்ட²ங்.

7. மஹாஸளாயதனிகஸுத்தங்

428. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
‘‘மஹாஸளாயதனிகங் வோ, பி⁴க்க²வே, தே³ஸெஸ்ஸாமி. தங் ஸுணாத², ஸாது⁴கங் மனஸி
கரோத²; பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² தே பி⁴க்கூ² ப⁴க³வதோ
பச்சஸ்ஸோஸுங். ப⁴க³வா ஏதத³வோச –

429.
‘‘சக்கு²ங், பி⁴க்க²வே, அஜானங் அபஸ்ஸங் யதா²பூ⁴தங், ரூபே அஜானங் அபஸ்ஸங்
யதா²பூ⁴தங், சக்கு²விஞ்ஞாணங் அஜானங் அபஸ்ஸங் யதா²பூ⁴தங், சக்கு²ஸம்ப²ஸ்ஸங்
அஜானங் அபஸ்ஸங் யதா²பூ⁴தங், யமித³ங் சக்கு²ஸம்ப²ஸ்ஸபச்சயா உப்பஜ்ஜதி
வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி அஜானங் அபஸ்ஸங்
யதா²பூ⁴தங், சக்கு²ஸ்மிங் ஸாரஜ்ஜதி, ரூபேஸு ஸாரஜ்ஜதி, சக்கு²விஞ்ஞாணே
ஸாரஜ்ஜதி, சக்கு²ஸம்ப²ஸ்ஸே ஸாரஜ்ஜதி, யமித³ங் சக்கு²ஸம்ப²ஸ்ஸபச்சயா
உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தஸ்மிம்பி
ஸாரஜ்ஜதி.

‘‘தஸ்ஸ ஸாரத்தஸ்ஸ ஸங்யுத்தஸ்ஸ ஸம்மூள்ஹஸ்ஸ
அஸ்ஸாதா³னுபஸ்ஸினோ விஹரதோ ஆயதிங் பஞ்சுபாதா³னக்க²ந்தா⁴ உபசயங் க³ச்ச²ந்தி.
தண்ஹா சஸ்ஸ போனொப்³ப⁴விகா நந்தீ³ராக³ஸஹக³தா தத்ரதத்ராபி⁴னந்தி³னீ, ஸா சஸ்ஸ
பவட்³ட⁴தி. தஸ்ஸ காயிகாபி த³ரதா² பவட்³ட⁴ந்தி, சேதஸிகாபி த³ரதா² பவட்³ட⁴ந்தி; காயிகாபி ஸந்தாபா பவட்³ட⁴ந்தி , சேதஸிகாபி ஸந்தாபா பவட்³ட⁴ந்தி; காயிகாபி பரிளாஹா பவட்³ட⁴ந்தி, சேதஸிகாபி பரிளாஹா பவட்³ட⁴ந்தி. ஸோ காயது³க்க²ம்பி [காயிகது³க்க²ம்பி (ஸ்யா॰ கங்॰), காயிகங் து³க்க²ம்பி (க॰)] சேதோது³க்க²ம்பி படிஸங்வேதே³தி.

‘‘ஸோதங் , பி⁴க்க²வே, அஜானங்
அபஸ்ஸங் யதா²பூ⁴தங்…பே॰… கா⁴னங், பி⁴க்க²வே, அஜானங் அபஸ்ஸங்
யதா²பூ⁴தங்…பே॰… ஜிவ்ஹங், பி⁴க்க²வே, அஜானங் அபஸ்ஸங் யதா²பூ⁴தங்…பே॰…
காயங், பி⁴க்க²வே, அஜானங் அபஸ்ஸங் யதா²பூ⁴தங்…பே॰… மனங், பி⁴க்க²வே, அஜானங்
அபஸ்ஸங் யதா²பூ⁴தங், த⁴ம்மே, பி⁴க்க²வே, அஜானங் அபஸ்ஸங் யதா²பூ⁴தங்,
மனோவிஞ்ஞாணங், பி⁴க்க²வே, அஜானங் அபஸ்ஸங் யதா²பூ⁴தங் ,
மனோஸம்ப²ஸ்ஸங், பி⁴க்க²வே, அஜானங் அபஸ்ஸங் யதா²பூ⁴தங், யமித³ங்
மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா
அது³க்க²மஸுக²ங் வா தம்பி அஜானங் அபஸ்ஸங் யதா²பூ⁴தங், மனஸ்மிங் ஸாரஜ்ஜதி,
த⁴ம்மேஸு ஸாரஜ்ஜதி, மனோவிஞ்ஞாணே ஸாரஜ்ஜதி, மனோஸம்ப²ஸ்ஸே ஸாரஜ்ஜதி, யமித³ங்
மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா
அது³க்க²மஸுக²ங் வா தஸ்மிம்பி ஸாரஜ்ஜதி.

‘‘தஸ்ஸ ஸாரத்தஸ்ஸ ஸங்யுத்தஸ்ஸ ஸம்மூள்ஹஸ்ஸ
அஸ்ஸாதா³னுபஸ்ஸினோ விஹரதோ ஆயதிங் பஞ்சுபாதா³னக்க²ந்தா⁴ உபசயங் க³ச்ச²ந்தி.
தண்ஹா சஸ்ஸ போனொப்³ப⁴விகா நந்தீ³ராக³ஸஹக³தா தத்ரதத்ராபி⁴னந்தி³னீ, ஸா சஸ்ஸ
பவட்³ட⁴தி. தஸ்ஸ காயிகாபி த³ரதா² பவட்³ட⁴ந்தி, சேதஸிகாபி த³ரதா²
பவட்³ட⁴ந்தி; காயிகாபி ஸந்தாபா பவட்³ட⁴ந்தி, சேதஸிகாபி ஸந்தாபா
பவட்³ட⁴ந்தி; காயிகாபி பரிளாஹா பவட்³ட⁴ந்தி, சேதஸிகாபி பரிளாஹா
பவட்³ட⁴ந்தி. ஸோ காயது³க்க²ம்பி சேதோது³க்க²ம்பி படிஸங்வேதே³தி.

430. ‘‘சக்கு²ஞ்ச
கோ², பி⁴க்க²வே, ஜானங் பஸ்ஸங் யதா²பூ⁴தங், ரூபே ஜானங் பஸ்ஸங் யதா²பூ⁴தங்,
சக்கு²விஞ்ஞாணங் ஜானங் பஸ்ஸங் யதா²பூ⁴தங், சக்கு²ஸம்ப²ஸ்ஸங் ஜானங் பஸ்ஸங்
யதா²பூ⁴தங், யமித³ங் சக்கு²ஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா
து³க்க²ங் வா அது³க்க²மஸுக²ங் வா தம்பி ஜானங் பஸ்ஸங் யதா²பூ⁴தங்,
சக்கு²ஸ்மிங் ந ஸாரஜ்ஜதி, ரூபேஸு ந ஸாரஜ்ஜதி, சக்கு²விஞ்ஞாணே ந ஸாரஜ்ஜதி,
சக்கு²ஸம்ப²ஸ்ஸே ந ஸாரஜ்ஜதி, யமித³ங் சக்கு²ஸம்ப²ஸ்ஸபச்சயா உப்பஜ்ஜதி
வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தஸ்மிம்பி ந
ஸாரஜ்ஜதி.

‘‘தஸ்ஸ அஸாரத்தஸ்ஸ அஸங்யுத்தஸ்ஸ அஸம்மூள்ஹஸ்ஸ
ஆதீ³னவானுபஸ்ஸினோ விஹரதோ ஆயதிங் பஞ்சுபாதா³னக்க²ந்தா⁴ அபசயங் க³ச்ச²ந்தி.
தண்ஹா சஸ்ஸ போனொப்³ப⁴விகா நந்தீ³ராக³ஸஹக³தா தத்ரதத்ராபி⁴னந்தி³னீ, ஸா சஸ்ஸ
பஹீயதி. தஸ்ஸ காயிகாபி த³ரதா² பஹீயந்தி, சேதஸிகாபி த³ரதா² பஹீயந்தி;
காயிகாபி ஸந்தாபா பஹீயந்தி, சேதஸிகாபி ஸந்தாபா பஹீயந்தி; காயிகாபி பரிளாஹா
பஹீயந்த்ந்த்தி , சேதஸிகாபி பரிளாஹா பஹீயந்தி. ஸோ காயஸுக²ம்பி சேதோஸுக²ம்பி படிஸங்வேதே³தி.

431. ‘‘யா ததா²பூ⁴தஸ்ஸ [யதா²பூ⁴தஸ்ஸ (ஸீ॰ பீ॰)] தி³ட்டி² ஸாஸ்ஸ ஹோதி ஸம்மாதி³ட்டி²; யோ ததா²பூ⁴தஸ்ஸ [யதா²பூ⁴தஸ்ஸ (ஸீ॰ பீ॰)] ஸங்கப்போ ஸ்வாஸ்ஸ ஹோதி ஸம்மாஸங்கப்போ; யோ ததா²பூ⁴தஸ்ஸ [யதா²பூ⁴தஸ்ஸ (ஸீ॰ பீ॰)] வாயாமோ ஸ்வாஸ்ஸ ஹோதி ஸம்மாவாயாமோ; யா ததா²பூ⁴தஸ்ஸ [யதா²பூ⁴தஸ்ஸ (ஸீ॰ பீ॰)] ஸதி ஸாஸ்ஸ ஹோதி ஸம்மாஸதி; யோ ததா²பூ⁴தஸ்ஸ [யதா²பூ⁴தஸ்ஸ (ஸீ॰ பீ॰)]
ஸமாதி⁴ ஸ்வாஸ்ஸ ஹோதி ஸம்மாஸமாதி⁴. புப்³பே³வ கோ² பனஸ்ஸ காயகம்மங்
வசீகம்மங் ஆஜீவோ ஸுபரிஸுத்³தோ⁴ ஹோதி. ஏவமஸ்ஸாயங் அரியோ அட்ட²ங்கி³கோ
மக்³கோ³ பா⁴வனாபாரிபூரிங் க³ச்ச²தி.

‘‘தஸ்ஸ ஏவங் இமங் அரியங்
அட்ட²ங்கி³கங் மக்³க³ங் பா⁴வயதோ சத்தாரோபி ஸதிபட்டா²னா பா⁴வனாபாரிபூரிங்
க³ச்ச²ந்தி, சத்தாரோபி ஸம்மப்பதா⁴னா பா⁴வனாபாரிபூரிங் க³ச்ச²ந்தி,
சத்தாரோபி இத்³தி⁴பாதா³ பா⁴வனாபாரிபூரிங் க³ச்ச²ந்தி, பஞ்சபி இந்த்³ரியானி
பா⁴வனாபாரிபூரிங் க³ச்ச²ந்தி, பஞ்சபி ப³லானி பா⁴வனாபாரிபூரிங் க³ச்ச²ந்தி,
ஸத்தபி பொ³ஜ்ஜ²ங்கா³ பா⁴வனாபாரிபூரிங் க³ச்ச²ந்தி.

‘‘தஸ்ஸிமே த்³வே த⁴ம்மா யுக³னந்தா⁴ [யுக³னத்³தா⁴ (ஸீ॰ ஸ்யா॰ கங்॰)]
வத்தந்தி – ஸமதோ² ச விபஸ்ஸனா ச. ஸோ யே த⁴ம்மா அபி⁴ஞ்ஞா பரிஞ்ஞெய்யா தே
த⁴ம்மே அபி⁴ஞ்ஞா பரிஜானாதி. யே த⁴ம்மா அபி⁴ஞ்ஞா பஹாதப்³பா³ தே த⁴ம்மே
அபி⁴ஞ்ஞா பஜஹதி. யே த⁴ம்மா அபி⁴ஞ்ஞா பா⁴வேதப்³பா³ தே த⁴ம்மே அபி⁴ஞ்ஞா
பா⁴வேதி. யே த⁴ம்மா அபி⁴ஞ்ஞா ஸச்சி²காதப்³பா³ தே த⁴ம்மே அபி⁴ஞ்ஞா
ஸச்சி²கரோதி.

‘‘கதமே ச, பி⁴க்க²வே, த⁴ம்மா அபி⁴ஞ்ஞா பரிஞ்ஞெய்யா?
‘பஞ்சுபாதா³னக்க²ந்தா⁴’ திஸ்ஸ வசனீயங், ஸெய்யதி²த³ங் –
ரூபுபாதா³னக்க²ந்தோ⁴, வேத³னுபாதா³னக்க²ந்தோ⁴, ஸஞ்ஞுபாதா³னக்க²ந்தோ⁴,
ஸங்கா²ருபாதா³னக்க²ந்தோ⁴, விஞ்ஞாணுபாதா³னக்க²ந்தோ⁴. இமே த⁴ம்மா அபி⁴ஞ்ஞா
பரிஞ்ஞெய்யா.

‘‘கதமே ச, பி⁴க்க²வே, த⁴ம்மா அபி⁴ஞ்ஞா பஹாதப்³பா³? அவிஜ்ஜா ச ப⁴வதண்ஹா ச – இமே த⁴ம்மா அபி⁴ஞ்ஞா பஹாதப்³பா³.

‘‘கதமே ச, பி⁴க்க²வே, த⁴ம்மா அபி⁴ஞ்ஞா பா⁴வேதப்³பா³? ஸமதோ² ச விபஸ்ஸனா ச – இமே த⁴ம்மா அபி⁴ஞ்ஞா பா⁴வேதப்³பா³.

‘‘கதமே , பி⁴க்க²வே, த⁴ம்மா அபி⁴ஞ்ஞா ஸச்சி²காதப்³பா³? விஜ்ஜா ச விமுத்தி ச – இமே த⁴ம்மா அபி⁴ஞ்ஞா ஸச்சி²காதப்³பா³.

432. ‘‘ஸோதங் , பி⁴க்க²வே, ஜானங் பஸ்ஸங் யதா²பூ⁴தங்…பே॰… கா⁴னங் பி⁴க்க²வே, ஜானங்
பஸ்ஸங் யதா²பூ⁴தங்…பே॰… ஜிவ்ஹங், பி⁴க்க²வே, ஜானங் பஸ்ஸங் யதா²பூ⁴தங்…
காயங், பி⁴க்க²வே, ஜானங் பஸ்ஸங் யதா²பூ⁴தங்… மனங், பி⁴க்க²வே, ஜானங் பஸ்ஸங்
யதா²பூ⁴தங், த⁴ம்மே ஜானங் பஸ்ஸங் யதா²பூ⁴தங், மனோவிஞ்ஞாணங் ஜானங் பஸ்ஸங்
யதா²பூ⁴தங், மனோஸம்ப²ஸ்ஸங் ஜானங் பஸ்ஸங் யதா²பூ⁴தங், யமித³ங்
மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா
அது³க்க²மஸுக²ங் வா தம்பி ஜானங் பஸ்ஸங் யதா²பூ⁴தங், மனஸ்மிங் ந ஸாரஜ்ஜதி,
த⁴ம்மேஸு ந ஸாரஜ்ஜதி, மனோவிஞ்ஞாணே ந ஸாரஜ்ஜதி, மனோஸம்ப²ஸ்ஸே ந ஸாரஜ்ஜதி,
யமித³ங் மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா
அது³க்க²மஸுக²ங் வா தஸ்மிம்பி ந ஸாரஜ்ஜதி.

‘‘தஸ்ஸ அஸாரத்தஸ்ஸ அஸங்யுத்தஸ்ஸ அஸம்மூள்ஹஸ்ஸ
ஆதீ³னவானுபஸ்ஸினோ விஹரதோ ஆயதிங் பஞ்சுபாதா³னக்க²ந்தா⁴ அபசயங் க³ச்ச²ந்தி.
தண்ஹா சஸ்ஸ போனொப்³ப⁴விகா நந்தீ³ராக³ஸஹக³தா தத்ரதத்ராபி⁴னந்தி³னீ ,
ஸா சஸ்ஸ பஹீயதி. தஸ்ஸ காயிகாபி த³ரதா² பஹீயந்தி, சேதஸிகாபி த³ரதா²
பஹீயந்தி; காயிகாபி ஸந்தாபா பஹீயந்தி, சேதஸிகாபி ஸந்தாபா பஹீயந்தி;
காயிகாபி பரிளாஹா பஹீயந்தி, சேதஸிகாபி பரிளாஹா பஹீயந்தி. ஸோ காயஸுக²ம்பி
சேதோஸுக²ம்பி படிஸங்வேதே³தி.

433.
‘‘யா ததா²பூ⁴தஸ்ஸ தி³ட்டி² ஸாஸ்ஸ ஹோதி ஸம்மாதி³ட்டி²; யோ ததா²பூ⁴தஸ்ஸ
ஸங்கப்போ ஸ்வாஸ்ஸ ஹோதி ஸம்மாஸங்கப்போ; யோ ததா²பூ⁴தஸ்ஸ வாயாமோ ஸ்வாஸ்ஸ ஹோதி
ஸம்மாவாயாமோ; யா ததா²பூ⁴தஸ்ஸ ஸதி ஸாஸ்ஸ ஹோதி ஸம்மாஸதி; யோ ததா²பூ⁴தஸ்ஸ
ஸமாதி⁴ ஸ்வாஸ்ஸ ஹோதி ஸம்மாஸமாதி⁴. புப்³பே³வ கோ² பனஸ்ஸ காயகம்மங் வசீகம்மங்
ஆஜீவோ ஸுபரிஸுத்³தோ⁴ ஹோதி. ஏவமஸ்ஸாயங் அரியோ அட்ட²ங்கி³கோ மக்³கோ³ பா⁴வனாபாரிபூரிங் க³ச்ச²தி.

‘‘தஸ்ஸ ஏவங் இமங் அரியங் அட்ட²ங்கி³கங் மக்³க³ங்
பா⁴வயதோ சத்தாரோபி ஸதிபட்டா²னா பா⁴வனாபாரிபூரிங் க³ச்ச²ந்தி, சத்தாரோபி
ஸம்மப்பதா⁴னா பா⁴வனாபாரிபூரிங் க³ச்ச²ந்தி, சத்தாரோபி இத்³தி⁴பாதா³
பா⁴வனாபாரிபூரிங் க³ச்ச²ந்தி, பஞ்சபி இந்த்³ரியானி பா⁴வனாபாரிபூரிங்
க³ச்ச²ந்தி, பஞ்சபி ப³லானி பா⁴வனாபாரிபூரிங் க³ச்ச²ந்தி, ஸத்தபி
பொ³ஜ்ஜ²ங்கா³ பா⁴வனாபாரிபூரிங் க³ச்ச²ந்தி.

‘‘தஸ்ஸிமே த்³வே த⁴ம்மா யுக³னந்தா⁴ வத்தந்தி – ஸமதோ² ச
விபஸ்ஸனா ச. ஸோ யே த⁴ம்மா அபி⁴ஞ்ஞா பரிஞ்ஞெய்யா தே த⁴ம்மே அபி⁴ஞ்ஞா
பரிஜானாதி. யே த⁴ம்மா அபி⁴ஞ்ஞா பஹாதப்³பா³ தே
த⁴ம்மே அபி⁴ஞ்ஞா பஜஹதி. யே த⁴ம்மா அபி⁴ஞ்ஞா பா⁴வேதப்³பா³ தே த⁴ம்மே
அபி⁴ஞ்ஞா பா⁴வேதி. யே த⁴ம்மா அபி⁴ஞ்ஞா ஸச்சி²காதப்³பா³ தே த⁴ம்மே அபி⁴ஞ்ஞா
ஸச்சி²கரோதி.

‘‘கதமே ச, பி⁴க்க²வே, த⁴ம்மா அபி⁴ஞ்ஞா ஸச்சி²காதப்³பா³? விஜ்ஜா ச விமுத்தி ச – இமே த⁴ம்மா அபி⁴ஞ்ஞா ஸச்சி²காதப்³பா³’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

மஹாஸளாயதனிகஸுத்தங் நிட்டி²தங் ஸத்தமங்.

8. நக³ரவிந்தெ³ய்யஸுத்தங்

434. ஏவங்
மே ஸுதங் – ஏகங் ஸமயங் ப⁴க³வா கோஸலேஸு சாரிகங் சரமானோ மஹதா
பி⁴க்கு²ஸங்கே⁴ன ஸத்³தி⁴ங் யேன நக³ரவிந்த³ங் நாம கோஸலானங் ப்³ராஹ்மணானங்
கா³மோ தத³வஸரி. அஸ்ஸோஸுங் கோ² நக³ரவிந்தெ³ய்யகா [நக³ரவிந்தெ³ய்யா (க॰)]
ப்³ராஹ்மணக³ஹபதிகா – ‘‘ஸமணோ க²லு, போ⁴, கோ³தமோ ஸக்யபுத்தோ ஸக்யகுலா
பப்³ப³ஜிதோ கோஸலேஸு சாரிகங் சரமானோ மஹதா பி⁴க்கு²ஸங்கே⁴ன ஸத்³தி⁴ங்
நக³ரவிந்த³ங் அனுப்பத்தோ. தங் கோ² பன ப⁴வந்தங் கோ³தமங் ஏவங் கல்யாணோ
கித்திஸத்³தோ³ அப்³பு⁴க்³க³தோ – ‘இதிபி ஸோ ப⁴க³வா அரஹங் ஸம்மாஸம்பு³த்³தோ⁴
விஜ்ஜாசரணஸம்பன்னோ ஸுக³தோ லோகவிதூ³ அனுத்தரோ புரிஸத³ம்மஸாரதி² ஸத்தா²
தே³வமனுஸ்ஸானங் பு³த்³தோ⁴ ப⁴க³வா’தி. ஸோ இமங் லோகங்
ஸதே³வகங் ஸமாரகங் ஸப்³ரஹ்மகங் ஸஸ்ஸமணப்³ராஹ்மணிங் பஜங் ஸதே³வமனுஸ்ஸங் ஸயங்
அபி⁴ஞ்ஞா ஸச்சி²கத்வா பவேதே³தி. ஸோ த⁴ம்மங் தே³ஸேதி ஆதி³கல்யாணங்
மஜ்ஜே²கல்யாணங் பரியோஸானகல்யாணங் ஸாத்த²ங் ஸப்³யஞ்ஜனங், கேவலபரிபுண்ணங்
பரிஸுத்³த⁴ங் ப்³ரஹ்மசரியங் பகாஸேதி. ஸாது⁴ கோ² பன ததா²ரூபானங் அரஹதங்
த³ஸ்ஸனங் ஹோதீ’’தி.

அத² கோ² நக³ரவிந்தெ³ய்யகா ப்³ராஹ்மணக³ஹபதிகா யேன
ப⁴க³வா தேனுபஸங்கமிங்ஸு; உபஸங்கமித்வா அப்பேகச்சே ப⁴க³வந்தங் அபி⁴வாதெ³த்வா
ஏகமந்தங் நிஸீதி³ங்ஸு. அப்பேகச்சே ப⁴க³வதா ஸத்³தி⁴ங் ஸம்மோதி³ங்ஸு;
ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³ங்ஸு.
அப்பேகச்சே யேன ப⁴க³வா தேனஞ்ஜலிங் பணாமெத்வா ஏகமந்தங் நிஸீதி³ங்ஸு.
அப்பேகச்சே ப⁴க³வதோ ஸந்திகே நாமகொ³த்தங் ஸாவெத்வா ஏகமந்தங் நிஸீதி³ங்ஸு.
அப்பேகச்சே துண்ஹீபூ⁴தா ஏகமந்தங் நிஸீதி³ங்ஸு. ஏகமந்தங் நிஸின்னே கோ² நக³ரவிந்தெ³ய்யகே ப்³ராஹ்மணக³ஹபதிகே ப⁴க³வா ஏதத³வோச –

435.
‘‘ஸசே வோ, க³ஹபதயோ, அஞ்ஞதித்தி²யா பரிப்³பா³ஜகா ஏவங் புச்செ²ய்யுங் –
‘கத²ங்பூ⁴தா, க³ஹபதயோ, ஸமணப்³ராஹ்மணா ந ஸக்காதப்³பா³ ந க³ருகாதப்³பா³ ந
மானேதப்³பா³ ந பூஜேதப்³பா³’தி? ஏவங் புட்டா² தும்ஹே, க³ஹபதயோ, தேஸங்
அஞ்ஞதித்தி²யானங் பரிப்³பா³ஜகானங் ஏவங் ப்³யாகரெய்யாத² – ‘யே தே
ஸமணப்³ராஹ்மணா சக்கு²விஞ்ஞெய்யேஸு ரூபேஸு அவீதராகா³ அவீததோ³ஸா அவீதமோஹா,
அஜ்ஜ²த்தங் அவூபஸந்தசித்தா, ஸமவிஸமங் சரந்தி காயேன வாசாய மனஸா, ஏவரூபா
ஸமணப்³ராஹ்மணா ந ஸக்காதப்³பா³ ந க³ருகாதப்³பா³ ந மானேதப்³பா³ ந
பூஜேதப்³பா³. தங் கிஸ்ஸ ஹேது? மயம்பி ஹி சக்கு²விஞ்ஞெய்யேஸு
ரூபேஸு அவீதராகா³ அவீததோ³ஸா அவீதமோஹா, அஜ்ஜ²த்தங் அவூபஸந்தசித்தா,
ஸமவிஸமங் சராம காயேன வாசாய மனஸா, தேஸங் நோ ஸமசரியம்பி ஹேதங் உத்தரி
அபஸ்ஸதங். தஸ்மா தே பொ⁴ந்தோ ஸமணப்³ராஹ்மணா ந ஸக்காதப்³பா³ ந க³ருகாதப்³பா³ ந
மானேதப்³பா³ ந பூஜேதப்³பா³. யே தே ஸமணப்³ராஹ்மணா ஸோதவிஞ்ஞெய்யேஸு
ஸத்³தே³ஸு… கா⁴னவிஞ்ஞெய்யேஸு க³ந்தே⁴ஸு… ஜிவ்ஹாவிஞ்ஞெய்யேஸு ரஸேஸு…
காயவிஞ்ஞெய்யேஸு பொ²ட்ட²ப்³பே³ஸு… மனோவிஞ்ஞெய்யேஸு த⁴ம்மேஸு அவீதராகா³
அவீததோ³ஸா அவீதமோஹா, அஜ்ஜ²த்தங் அவூபஸந்தசித்தா, ஸமவிஸமங் சரந்தி காயேன
வாசாய மனஸா, ஏவரூபா ஸமணப்³ராஹ்மணா ந ஸக்காதப்³பா³ ந க³ருகாதப்³பா³ ந
மானேதப்³பா³ ந பூஜேதப்³பா³. தங் கிஸ்ஸ ஹேது? மயம்பி ஹி மனோவிஞ்ஞெய்யேஸு
த⁴ம்மேஸு அவீதராகா³ அவீததோ³ஸா அவீதமோஹா , அஜ்ஜ²த்தங்
அவூபஸந்தசித்தா, ஸமவிஸமங் சராம காயேன வாசாய மனஸா, தேஸங் நோ ஸமசரியம்பி
ஹேதங் உத்தரி அபஸ்ஸதங். தஸ்மா தே பொ⁴ந்தோ ஸமணப்³ராஹ்மணா ந ஸக்காதப்³பா³ ந
க³ருகாதப்³பா³ ந மானேதப்³பா³ ந பூஜேதப்³பா³’தி. ஏவங் புட்டா² தும்ஹே,
க³ஹபதயோ, தேஸங் அஞ்ஞதித்தி²யானங் பரிப்³பா³ஜகானங் ஏவங் ப்³யாகரெய்யாத².

436.
‘‘ஸசே பன வோ, க³ஹபதயோ, அஞ்ஞதித்தி²யா பரிப்³பா³ஜகா ஏவங் புச்செ²ய்யுங் –
‘கத²ங்பூ⁴தா, க³ஹபதயோ, ஸமணப்³ராஹ்மணா ஸக்காதப்³பா³ க³ருகாதப்³பா³
மானேதப்³பா³ பூஜேதப்³பா³’தி? ஏவங் புட்டா² தும்ஹே, க³ஹபதயோ, தேஸங்
அஞ்ஞதித்தி²யானங் பரிப்³பா³ஜகானங் ஏவங் ப்³யாகரெய்யாத² – ‘யே தே
ஸமணப்³ராஹ்மணா சக்கு²விஞ்ஞெய்யேஸு ரூபேஸு வீதராகா³ வீததோ³ஸா வீதமோஹா,
அஜ்ஜ²த்தங் வூபஸந்தசித்தா, ஸமசரியங் சரந்தி காயேன வாசாய மனஸா, ஏவரூபா
ஸமணப்³ராஹ்மணா ஸக்காதப்³பா³ க³ருகாதப்³பா³ மானேதப்³பா³ பூஜேதப்³பா³. தங்
கிஸ்ஸ ஹேது? மயம்பி ஹி [மயங் ஹி (?)]
சக்கு²விஞ்ஞெய்யேஸு ரூபேஸு அவீதராகா³ அவீததோ³ஸா அவீதமோஹா, அஜ்ஜ²த்தங்
அவூபஸந்தசித்தா, ஸமவிஸமங் சராம காயேன வாசாய மனஸா, தேஸங் நோ ஸமசரியம்பி
ஹேதங் உத்தரி பஸ்ஸதங். தஸ்மா தே பொ⁴ந்தோ ஸமணப்³ராஹ்மணா ஸக்காதப்³பா³
க³ருகாதப்³பா³ மானேதப்³பா³ பூஜேதப்³பா³. யே தே ஸமணப்³ராஹ்மணா
ஸோதவிஞ்ஞெய்யேஸு ஸத்³தே³ஸு… கா⁴னவிஞ்ஞெய்யேஸு க³ந்தே⁴ஸு…
ஜிவ்ஹாவிஞ்ஞெய்யேஸு ரஸேஸு… காயவிஞ்ஞெய்யேஸு பொ²ட்ட²ப்³பே³ஸு…
மனோவிஞ்ஞெய்யேஸு த⁴ம்மேஸு வீதராகா³ வீததோ³ஸா
வீதமோஹா, அஜ்ஜ²த்தங் வூபஸந்தசித்தா, ஸமசரியங் சரந்தி காயேன வாசாய மனஸா,
ஏவரூபா ஸமணப்³ராஹ்மணா ஸக்காதப்³பா³ க³ருகாதப்³பா³ மானேதப்³பா³ பூஜேதப்³பா³.
தங் கிஸ்ஸ ஹேது? மயம்பி ஹி மனோவிஞ்ஞெய்யேஸு த⁴ம்மேஸு அவீதராகா³ அவீததோ³ஸா
அவீதமோஹா அஜ்ஜ²த்தங் அவூபஸந்தசித்தா, ஸமவிஸமங் சராம காயேன வாசாய மனஸா,
தேஸங் நோ ஸமசரியம்பி ஹேதங் உத்தரி பஸ்ஸதங். தஸ்மா தே பொ⁴ந்தோ ஸமணப்³ராஹ்மணா
ஸக்காதப்³பா³ க³ருகாதப்³பா³ மானேதப்³பா³ பூஜேதப்³பா³’தி . ஏவங் புட்டா² தும்ஹே, க³ஹபதயோ, தேஸங் அஞ்ஞதித்தி²யானங் பரிப்³பா³ஜகானங் ஏவங் ப்³யாகரெய்யாத².

437. ‘‘ஸசே பன வோ [ஸசே தே (ஸ்யா॰ கங்॰ பீ॰ க॰)], க³ஹபதயோ, அஞ்ஞதித்தி²யா பரிப்³பா³ஜகா ஏவங் புச்செ²ய்யுங் – ‘கே பனாயஸ்மந்தானங் ஆகாரா, கே அன்வயா, யேன தும்ஹே ஆயஸ்மந்தோ ஏவங் வதே³த²? அத்³தா⁴ தே ஆயஸ்மந்தோ வீதராகா³
வா ராக³வினயாய வா படிபன்னா, வீததோ³ஸா வா தோ³ஸவினயாய வா படிபன்னா, வீதமோஹா
வா மோஹவினயாய வா படிபன்னா’தி? ஏவங் புட்டா² தும்ஹே, க³ஹபதயோ, தேஸங்
அஞ்ஞதித்தி²யானங் பரிப்³பா³ஜகானங் ஏவங் ப்³யாகரெய்யாத² – ‘ததா² ஹி தே
ஆயஸ்மந்தோ அரஞ்ஞவனபத்தா²னி பந்தானி ஸேனாஸனானி படிஸேவந்தி. நத்தி² கோ² பன
தத்த² ததா²ரூபா சக்கு²விஞ்ஞெய்யா ரூபா யே தி³ஸ்வா தி³ஸ்வா அபி⁴ரமெய்யுங்,
நத்தி² கோ² பன தத்த² ததா²ரூபா ஸோதவிஞ்ஞெய்யா ஸத்³தா³ யே ஸுத்வா ஸுத்வா
அபி⁴ரமெய்யுங், நத்தி² கோ² பன தத்த² ததா²ரூபா கா⁴னவிஞ்ஞெய்யா க³ந்தா⁴ யே
கா⁴யித்வா கா⁴யித்வா அபி⁴ரமெய்யுங் , நத்தி² கோ² பன
தத்த² ததா²ரூபா ஜிவ்ஹாவிஞ்ஞெய்யா ரஸா யே ஸாயித்வா ஸாயித்வா அபி⁴ரமெய்யுங்,
நத்தி² கோ² பன தத்த² ததா²ரூபா காயவிஞ்ஞெய்யா பொ²ட்ட²ப்³பா³ யே பு²ஸித்வா
பு²ஸித்வா அபி⁴ரமெய்யுங். இமே கோ² நோ, ஆவுஸோ, ஆகாரா, இமே அன்வயா, யேன மயங் [யேன மயங் ஆயஸ்மந்தோ (ஸீ॰ பீ॰), யேன மயங் ஆயஸ்மந்தே (ஸ்யா॰ கங்॰)]
ஏவங் வதே³ம – அத்³தா⁴ தே ஆயஸ்மந்தோ வீதராகா³ வா ராக³வினயாய வா படிபன்னா,
வீததோ³ஸா வா தோ³ஸவினயாய வா படிபன்னா, வீதமோஹா வா மோஹவினயாய வா படிபன்னா’தி.
ஏவங் புட்டா² தும்ஹே, க³ஹபதயோ, தேஸங் அஞ்ஞதித்தி²யானங் பரிப்³பா³ஜகானங்
ஏவங் ப்³யாகரெய்யாதா²’’தி.

ஏவங் வுத்தே, நக³ரவிந்தெ³ய்யகா ப்³ராஹ்மணக³ஹபதிகா
ப⁴க³வந்தங் ஏதத³வோசுங் – ‘‘அபி⁴க்கந்தங், போ⁴ கோ³தம, அபி⁴க்கந்தங், போ⁴
கோ³தம! ஸெய்யதா²பி, போ⁴ கோ³தம, நிக்குஜ்ஜிதங் வா உக்குஜ்ஜெய்ய,
படிச்ச²ன்னங் வா விவரெய்ய, மூள்ஹஸ்ஸ வா மக்³க³ங் ஆசிக்கெ²ய்ய, அந்த⁴காரே வா
தேலபஜ்ஜோதங் தா⁴ரெய்ய – ‘சக்கு²மந்தோ ரூபானி த³க்க²ந்தீ’தி; ஏவமேவங் போ⁴தா
கோ³தமேன அனேகபரியாயேன த⁴ம்மோ பகாஸிதோ. ஏதே மயங் ப⁴வந்தங் கோ³தமங் ஸரணங்
க³ச்சா²ம த⁴ம்மஞ்ச பி⁴க்கு²ஸங்க⁴ஞ்ச. உபாஸகே நோ ப⁴வங் கோ³தமோ தா⁴ரேது
அஜ்ஜதக்³கே³ பாணுபேதே ஸரணங் க³தே’’தி.

நக³ரவிந்தெ³ய்யஸுத்தங் நிட்டி²தங் அட்ட²மங்.

9. பிண்ட³பாதபாரிஸுத்³தி⁴ஸுத்தங்

438. ஏவங் மே ஸுதங் – ஏகங் ஸமயங் ப⁴க³வா ராஜக³ஹே விஹரதி வேளுவனே கலந்த³கனிவாபே. அத² கோ² ஆயஸ்மா ஸாரிபுத்தோ ஸாயன்ஹஸமயங் படிஸல்லானா
வுட்டி²தோ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா
ஏகமந்தங் நிஸீதி³. ஏகமந்தங் நிஸின்னங் கோ² ஆயஸ்மந்தங் ஸாரிபுத்தங் ப⁴க³வா
ஏதத³வோச –

‘‘விப்பஸன்னானி கோ² தே,
ஸாரிபுத்த, இந்த்³ரியானி, பரிஸுத்³தோ⁴ ச²விவண்ணோ பரியோதா³தோ. கதமேன கோ²
த்வங், ஸாரிபுத்த, விஹாரேன ஏதரஹி ப³ஹுலங் விஹரஸீ’’தி? ‘‘ஸுஞ்ஞதாவிஹாரேன கோ²
அஹங், ப⁴ந்தே, ஏதரஹி ப³ஹுலங் விஹராமீ’’தி. ‘‘ஸாது⁴, ஸாது⁴, ஸாரிபுத்த!
மஹாபுரிஸவிஹாரேன கிர த்வங், ஸாரிபுத்த, ஏதரஹி ப³ஹுலங் விஹரஸி.
மஹாபுரிஸவிஹாரோ ஏஸோ [ஹேஸ (ஸீ॰ ஸ்யா॰ கங்॰ பீ॰)], ஸாரிபுத்த, யதி³த³ங் – ஸுஞ்ஞதா. தஸ்மாதிஹ, ஸாரிபுத்த, பி⁴க்கு² ஸசே ஆகங்கெ²ய்ய – ‘ஸுஞ்ஞதாவிஹாரேன ப³ஹுலங் [ஏதரஹி ப³ஹுலங் (ஸீ॰ பீ॰)]
விஹரெய்ய’ந்தி, தேன, ஸாரிபுத்த, பி⁴க்கு²னா இதி படிஸஞ்சிக்கி²தப்³ப³ங் –
‘யேன சாஹங் மக்³கே³ன கா³மங் பிண்டா³ய பாவிஸிங், யஸ்மிஞ்ச பதே³ஸே பிண்டா³ய
அசரிங், யேன ச மக்³கே³ன கா³மதோ பிண்டா³ய படிக்கமிங், அத்தி² நு கோ² மே
தத்த² சக்கு²விஞ்ஞெய்யேஸு ரூபேஸு ச²ந்தோ³ வா ராகோ³ வா தோ³ஸோ வா மோஹோ வா
படிக⁴ங் வாபி சேதஸோ’தி? ஸசே, ஸாரிபுத்த, பி⁴க்கு² பச்சவெக்க²மானோ ஏவங்
ஜானாதி – ‘யேன சாஹங் மக்³கே³ன கா³மங் பிண்டா³ய பாவிஸிங், யஸ்மிஞ்ச பதே³ஸே
பிண்டா³ய அசரிங், யேன ச மக்³கே³ன கா³மதோ பிண்டா³ய படிக்கமிங், அத்தி² மே
தத்த² சக்கு²விஞ்ஞெய்யேஸு ரூபேஸு ச²ந்தோ³ வா ராகோ³ வா தோ³ஸோ வா மோஹோ வா
படிக⁴ங் வாபி சேதஸோ’தி, தேன, ஸாரிபுத்த, பி⁴க்கு²னா தேஸங்யேவ பாபகானங்
அகுஸலானங் த⁴ம்மானங் பஹானாய வாயமிதப்³ப³ங். ஸசே பன, ஸாரிபுத்த, பி⁴க்கு²
பச்சவெக்க²மானோ ஏவங் ஜானாதி – ‘யேன சாஹங் மக்³கே³ன கா³மங் பிண்டா³ய
பாவிஸிங், யஸ்மிஞ்ச பதே³ஸே பிண்டா³ய அசரிங், யேன ச
மக்³கே³ன கா³மதோ பிண்டா³ய படிக்கமிங், நத்தி² மே தத்த² சக்கு²விஞ்ஞெய்யேஸு
ரூபேஸு ச²ந்தோ³ வா ராகோ³ வா தோ³ஸோ வா மோஹோ வா படிக⁴ங் வாபி சேதஸோ’தி, தேன,
ஸாரிபுத்த, பி⁴க்கு²னா தேனேவ பீதிபாமோஜ்ஜேன விஹாதப்³ப³ங்
அஹோரத்தானுஸிக்கி²னா குஸலேஸு த⁴ம்மேஸு.

439. ‘‘புன
சபரங், ஸாரிபுத்த, பி⁴க்கு²னா இதி படிஸஞ்சிக்கி²தப்³ப³ங் – ‘யேன சாஹங்
மக்³கே³ன கா³மங் பிண்டா³ய பாவிஸிங், யஸ்மிஞ்ச பதே³ஸே பிண்டா³ய அசரிங், யேன ச
மக்³கே³ன கா³மதோ பிண்டா³ய படிக்கமிங், அத்தி² நு கோ² மே தத்த²
ஸோதவிஞ்ஞெய்யேஸு ஸத்³தே³ஸு…பே॰… கா⁴னவிஞ்ஞெய்யேஸு க³ந்தே⁴ஸு…
ஜிவ்ஹாவிஞ்ஞெய்யேஸு ரஸேஸு … காயவிஞ்ஞெய்யேஸு பொ²ட்ட²ப்³பே³ஸு… மனோவிஞ்ஞெய்யேஸு த⁴ம்மேஸு ச²ந்தோ³ வா ராகோ³ வா தோ³ஸோ வா மோஹோ வா படிக⁴ங் வாபி சேதஸோ’தி? ஸசே ,
ஸாரிபுத்த, பி⁴க்கு² பச்சவெக்க²மானோ ஏவங் ஜானாதி – ‘யேன சாஹங் மக்³கே³ன
கா³மங் பிண்டா³ய பாவிஸிங், யஸ்மிஞ்ச பதே³ஸே பிண்டா³ய அசரிங், யேன ச
மக்³கே³ன கா³மதோ பிண்டா³ய படிக்கமிங், அத்தி² மே தத்த² மனோவிஞ்ஞெய்யேஸு
த⁴ம்மேஸு ச²ந்தோ³ வா ராகோ³ வா தோ³ஸோ வா மோஹோ வா
படிக⁴ங் வாபி சேதஸோ’தி, தேன, ஸாரிபுத்த, பி⁴க்கு²னா தேஸங்யேவ பாபகானங்
அகுஸலானங் த⁴ம்மானங் பஹானாய வாயமிதப்³ப³ங். ஸசே பன, ஸாரிபுத்த, பி⁴க்கு²
பச்சவெக்க²மானோ ஏவங் ஜானாதி – ‘யேன சாஹங் மக்³கே³ன கா³மங் பிண்டா³ய
பாவிஸிங், யஸ்மிஞ்ச பதே³ஸே பிண்டா³ய அசரிங், யேன ச மக்³கே³ன கா³மதோ
பிண்டா³ய படிக்கமிங், நத்தி² மே தத்த² மனோவிஞ்ஞெய்யேஸு த⁴ம்மேஸு ச²ந்தோ³ வா
ராகோ³ வா தோ³ஸோ வா மோஹோ வா படிக⁴ங் வாபி சேதஸோ’தி, தேன, ஸாரிபுத்த,
பி⁴க்கு²னா தேனேவ பீதிபாமோஜ்ஜேன விஹாதப்³ப³ங் அஹோரத்தானுஸிக்கி²னா குஸலேஸு
த⁴ம்மேஸு.

440.
‘‘புன சபரங், ஸாரிபுத்த, பி⁴க்கு²னா இதி படிஸஞ்சிக்கி²தப்³ப³ங் – ‘பஹீனா
நு கோ² மே பஞ்ச காமகு³ணா’தி? ஸசே, ஸாரிபுத்த, பி⁴க்கு² பச்சவெக்க²மானோ ஏவங்
ஜானாதி – ‘அப்பஹீனா கோ² மே பஞ்ச காமகு³ணா’தி, தேன, ஸாரிபுத்த, பி⁴க்கு²னா
பஞ்சன்னங் காமகு³ணானங் பஹானாய வாயமிதப்³ப³ங். ஸசே பன, ஸாரிபுத்த, பி⁴க்கு²
பச்சவெக்க²மானோ ஏவங் ஜானாதி – ‘பஹீனா கோ² மே பஞ்ச காமகு³ணா’தி, தேன,
ஸாரிபுத்த, பி⁴க்கு²னா தேனேவ பீதிபாமோஜ்ஜேன விஹாதப்³ப³ங்
அஹோரத்தானுஸிக்கி²னா குஸலேஸு த⁴ம்மேஸு.

441.
‘‘புன சபரங், ஸாரிபுத்த, பி⁴க்கு²னா இதி படிஸஞ்சிக்கி²தப்³ப³ங் – ‘பஹீனா
நு கோ² மே பஞ்ச நீவரணா’தி? ஸசே, ஸாரிபுத்த, பி⁴க்கு² பச்சவெக்க²மானோ ஏவங்
ஜானாதி – ‘அப்பஹீனா கோ² மே பஞ்ச நீவரணா’தி, தேன, ஸாரிபுத்த, பி⁴க்கு²னா
பஞ்சன்னங் நீவரணானங் பஹானாய வாயமிதப்³ப³ங். ஸசே பன, ஸாரிபுத்த, பி⁴க்கு²
பச்சவெக்க²மானோ ஏவங் ஜானாதி – ‘பஹீனா கோ² மே பஞ்ச நீவரணா’தி, தேன, ஸாரிபுத்த, பி⁴க்கு²னா தேனேவ பீதிபாமோஜ்ஜேன விஹாதப்³ப³ங் அஹோரத்தானுஸிக்கி²னா குஸலேஸு த⁴ம்மேஸு.

442. ‘‘புன
சபரங், ஸாரிபுத்த, பி⁴க்கு²னா இதி படிஸஞ்சிக்கி²தப்³ப³ங் – ‘பரிஞ்ஞாதா நு
கோ² மே பஞ்சுபாதா³னக்க²ந்தா⁴’தி? ஸசே, ஸாரிபுத்த, பி⁴க்கு² பச்சவெக்க²மானோ
ஏவங் ஜானாதி – ‘அபரிஞ்ஞாதா கோ² மே பஞ்சுபாதா³னக்க²ந்தா⁴’தி, தேன,
ஸாரிபுத்த, பி⁴க்கு²னா பஞ்சன்னங் உபாதா³னக்க²ந்தா⁴னங் பரிஞ்ஞாய வாயமிதப்³ப³ங். ஸசே பன, ஸாரிபுத்த, பி⁴க்கு² பச்சவெக்க²மானோ
ஏவங் ஜானாதி – ‘பரிஞ்ஞாதா கோ² மே பஞ்சுபாதா³னக்க²ந்தா⁴’தி, தேன,
ஸாரிபுத்த, பி⁴க்கு²னா தேனேவ பீதிபாமோஜ்ஜேன விஹாதப்³ப³ங்
அஹோரத்தானுஸிக்கி²னா குஸலேஸு த⁴ம்மேஸு.

443.
‘‘புன சபரங், ஸாரிபுத்த, பி⁴க்கு²னா இதி படிஸஞ்சிக்கி²தப்³ப³ங் – ‘பா⁴விதா
நு கோ² மே சத்தாரோ ஸதிபட்டா²னா’தி? ஸசே, ஸாரிபுத்த, பி⁴க்கு²
பச்சவெக்க²மானோ ஏவங் ஜானாதி – ‘அபா⁴விதா கோ² மே சத்தாரோ ஸதிபட்டா²னா’தி,
தேன, ஸாரிபுத்த, பி⁴க்கு²னா சதுன்னங் ஸதிபட்டா²னானங் பா⁴வனாய
வாயமிதப்³ப³ங். ஸசே பன, ஸாரிபுத்த, பி⁴க்கு² பச்சவெக்க²மானோ ஏவங் ஜானாதி –
‘பா⁴விதா கோ² மே சத்தாரோ ஸதிபட்டா²னா’தி, தேன, ஸாரிபுத்த, பி⁴க்கு²னா தேனேவ
பீதிபாமோஜ்ஜேன விஹாதப்³ப³ங் அஹோரத்தானுஸிக்கி²னா குஸலேஸு த⁴ம்மேஸு.

444.
‘‘புன சபரங், ஸாரிபுத்த, பி⁴க்கு²னா இதி படிஸஞ்சிக்கி²தப்³ப³ங் – ‘பா⁴விதா
நு கோ² மே சத்தாரோ ஸம்மப்பதா⁴னா’தி? ஸசே, ஸாரிபுத்த, பி⁴க்கு²
பச்சவெக்க²மானோ ஏவங் ஜானாதி – ‘அபா⁴விதா கோ² மே சத்தாரோ ஸம்மப்பதா⁴னா’தி,
தேன, ஸாரிபுத்த, பி⁴க்கு²னா சதுன்னங் ஸம்மப்பதா⁴னானங் பா⁴வனாய
வாயமிதப்³ப³ங். ஸசே பன, ஸாரிபுத்த, பி⁴க்கு² பச்சவெக்க²மானோ ஏவங் ஜானாதி –
‘பா⁴விதா கோ² மே சத்தாரோ ஸம்மப்பதா⁴னா’தி , தேன, ஸாரிபுத்த, பி⁴க்கு²னா தேனேவ பீதிபாமோஜ்ஜேன விஹாதப்³ப³ங் அஹோரத்தானுஸிக்கி²னா குஸலேஸு த⁴ம்மேஸு.

445.
‘‘புன சபரங், ஸாரிபுத்த, பி⁴க்கு²னா இதி படிஸஞ்சிக்கி²தப்³ப³ங் – ‘பா⁴விதா
நு கோ² மே சத்தாரோ இத்³தி⁴பாதா³’தி? ஸசே, ஸாரிபுத்த, பி⁴க்கு²
பச்சவெக்க²மானோ ஏவங் ஜானாதி – ‘அபா⁴விதா கோ² மே சத்தாரோ இத்³தி⁴பாதா³’தி,
தேன, ஸாரிபுத்த, பி⁴க்கு²னா சதுன்னங் இத்³தி⁴பாதா³னங் பா⁴வனாய
வாயமிதப்³ப³ங். ஸசே பன, ஸாரிபுத்த, பி⁴க்கு² பச்சவெக்க²மானோ ஏவங் ஜானாதி –
‘பா⁴விதா கோ² மே சத்தாரோ இத்³தி⁴பாதா³’தி, தேன, ஸாரிபுத்த, பி⁴க்கு²னா
தேனேவ பீதிபாமோஜ்ஜேன விஹாதப்³ப³ங் அஹோரத்தானுஸிக்கி²னா குஸலேஸு த⁴ம்மேஸு.

446. ‘‘புன
சபரங், ஸாரிபுத்த, பி⁴க்கு²னா இதி படிஸஞ்சிக்கி²தப்³ப³ங் – ‘பா⁴விதானி நு
கோ² மே பஞ்சிந்த்³ரியானீ’தி? ஸசே, ஸாரிபுத்த, பி⁴க்கு² பச்சவெக்க²மானோ ஏவங்
ஜானாதி – ‘அபா⁴விதானி கோ² மே பஞ்சிந்த்³ரியானீ’தி, தேன, ஸாரிபுத்த,
பி⁴க்கு²னா பஞ்சன்னங் இந்த்³ரியானங் பா⁴வனாய வாயமிதப்³ப³ங். ஸசே பன,
ஸாரிபுத்த, பி⁴க்கு² பச்சவெக்க²மானோ ஏவங் ஜானாதி –
‘பா⁴விதானி கோ² மே பஞ்சிந்த்³ரியானீ’தி, தேன, ஸாரிபுத்த, பி⁴க்கு²னா தேனேவ
பீதிபாமோஜ்ஜேன விஹாதப்³ப³ங் அஹோரத்தானுஸிக்கி²னா குஸலேஸு த⁴ம்மேஸு.

447. ‘‘புன
சபரங், ஸாரிபுத்த, பி⁴க்கு²னா இதி படிஸஞ்சிக்கி²தப்³ப³ங் – ‘பா⁴விதானி நு
கோ² மே பஞ்ச ப³லானீ’தி? ஸசே, ஸாரிபுத்த, பி⁴க்கு² பச்சவெக்க²மானோ ஏவங்
ஜானாதி – ‘அபா⁴விதானி கோ² மே பஞ்ச ப³லானீ’தி, தேன, ஸாரிபுத்த, பி⁴க்கு²னா
பஞ்சன்னங் ப³லானங் பா⁴வனாய வாயமிதப்³ப³ங். ஸசே பன, ஸாரிபுத்த, பி⁴க்கு²
பச்சவெக்க²மானோ ஏவங் ஜானாதி – ‘பா⁴விதானி கோ² மே பஞ்ச ப³லானீ’தி, தேன,
ஸாரிபுத்த, பி⁴க்கு²னா தேனேவ பீதிபாமோஜ்ஜேன விஹாதப்³ப³ங்
அஹோரத்தானுஸிக்கி²னா குஸலேஸு த⁴ம்மேஸு.

448.
‘‘புன சபரங், ஸாரிபுத்த, பி⁴க்கு²னா இதி படிஸஞ்சிக்கி²தப்³ப³ங் – ‘பா⁴விதா
நு கோ² மே ஸத்த பொ³ஜ்ஜ²ங்கா³’தி? ஸசே, ஸாரிபுத்த, பி⁴க்கு² பச்சவெக்க²மானோ
ஏவங் ஜானாதி – ‘அபா⁴விதா கோ² மே ஸத்த பொ³ஜ்ஜ²ங்கா³’தி, தேன, ஸாரிபுத்த,
பி⁴க்கு²னா ஸத்தன்னங் பொ³ஜ்ஜ²ங்கா³னங் பா⁴வனாய வாயமிதப்³ப³ங். ஸசே பன,
ஸாரிபுத்த, பி⁴க்கு² பச்சவெக்க²மானோ ஏவங் ஜானாதி – ‘பா⁴விதா கோ² மே ஸத்த
பொ³ஜ்ஜ²ங்கா³’தி, தேன, ஸாரிபுத்த, பி⁴க்கு²னா தேனேவ பீதிபாமோஜ்ஜேன
விஹாதப்³ப³ங் அஹோரத்தானுஸிக்கி²னா குஸலேஸு த⁴ம்மேஸு.

449.
‘‘புன சபரங், ஸாரிபுத்த, பி⁴க்கு²னா இதி படிஸஞ்சிக்கி²தப்³ப³ங் – ‘பா⁴விதோ
நு கோ² மே அரியோ அட்ட²ங்கி³கோ மக்³கோ³’தி? ஸசே, ஸாரிபுத்த, பி⁴க்கு²
பச்சவெக்க²மானோ ஏவங் ஜானாதி – ‘அபா⁴விதோ கோ² மே அரியோ அட்ட²ங்கி³கோ
மக்³கோ³’தி, தேன, ஸாரிபுத்த, பி⁴க்கு²னா அரியஸ்ஸ அட்ட²ங்கி³கஸ்ஸ மக்³க³ஸ்ஸ
பா⁴வனாய வாயமிதப்³ப³ங். ஸசே பன, ஸாரிபுத்த, பி⁴க்கு² பச்சவெக்க²மானோ ஏவங்
ஜானாதி – ‘பா⁴விதோ கோ² மே அரியோ அட்ட²ங்கி³கோ மக்³கோ³’தி , தேன, ஸாரிபுத்த, பி⁴க்கு²னா தேனேவ பீதிபாமோஜ்ஜேன விஹாதப்³ப³ங் அஹோரத்தானுஸிக்கி²னா குஸலேஸு த⁴ம்மேஸு.

450. ‘‘புன
சபரங், ஸாரிபுத்த, பி⁴க்கு²னா இதி படிஸஞ்சிக்கி²தப்³ப³ங் – ‘பா⁴விதா நு
கோ² மே ஸமதோ² ச விபஸ்ஸனா சா’தி? ஸசே, ஸாரிபுத்த, பி⁴க்கு² பச்சவெக்க²மானோ
ஏவங் ஜானாதி – ‘அபா⁴விதா கோ² மே ஸமதோ² ச விபஸ்ஸனா சா’தி, தேன, ஸாரிபுத்த,
பி⁴க்கு²னா ஸமத²விபஸ்ஸனானங் பா⁴வனாய வாயமிதப்³ப³ங். ஸசே பன, ஸாரிபுத்த,
பி⁴க்கு² பச்சவெக்க²மானோ ஏவங் ஜானாதி – ‘பா⁴விதா கோ² மே ஸமதோ² ச விபஸ்ஸனா சா’தி, தேன, ஸாரிபுத்த, பி⁴க்கு²னா தேனேவ பீதிபாமோஜ்ஜேன விஹாதப்³ப³ங் அஹோரத்தானுஸிக்கி²னா குஸலேஸு த⁴ம்மேஸு.

451.
‘‘புன சபரங், ஸாரிபுத்த, பி⁴க்கு²னா இதி படிஸஞ்சிக்கி²தப்³ப³ங் –
‘ஸச்சி²கதா நு கோ² மே விஜ்ஜா ச விமுத்தி சா’தி? ஸசே, ஸாரிபுத்த, பி⁴க்கு²
பச்சவெக்க²மானோ ஏவங் ஜானாதி – ‘அஸச்சி²கதா கோ² மே விஜ்ஜா ச விமுத்தி சா’தி,
தேன, ஸாரிபுத்த, பி⁴க்கு²னா விஜ்ஜாய விமுத்தியா ஸச்சி²கிரியாய
வாயமிதப்³ப³ங். ஸசே பன, ஸாரிபுத்த, பி⁴க்கு² பச்சவெக்க²மானோ ஏவங் ஜானாதி –
‘ஸச்சி²கதா கோ² மே விஜ்ஜா ச விமுத்தி சா’தி, தேன, ஸாரிபுத்த, பி⁴க்கு²னா
தேனேவ பீதிபாமோஜ்ஜேன விஹாதப்³ப³ங் அஹோரத்தானுஸிக்கி²னா குஸலேஸு த⁴ம்மேஸு.

452. ‘‘யே ஹி கேசி, ஸாரிபுத்த, அதீதமத்³தா⁴னங் ஸமணா வா ப்³ராஹ்மணா வா பிண்ட³பாதங் பரிஸோதே⁴ஸுங், ஸப்³பே³ தே ஏவமேவ பச்சவெக்கி²த்வா
பச்சவெக்கி²த்வா பிண்ட³பாதங் பரிஸோதே⁴ஸுங். யேபி ஹி கேசி, ஸாரிபுத்த,
அனாக³தமத்³தா⁴னங் ஸமணா வா ப்³ராஹ்மணா வா பிண்ட³பாதங் பரிஸோதெ⁴ஸ்ஸந்தி,
ஸப்³பே³ தே ஏவமேவ பச்சவெக்கி²த்வா பச்சவெக்கி²த்வா பிண்ட³பாதங்
பரிஸோதெ⁴ஸ்ஸந்தி. யேபி ஹி கேசி, ஸாரிபுத்த, ஏதரஹி ஸமணா வா ப்³ராஹ்மணா வா
பிண்ட³பாதங் பரிஸோதெ⁴ந்தி, ஸப்³பே³ தே ஏவமேவ பச்சவெக்கி²த்வா
பச்சவெக்கி²த்வா பிண்ட³பாதங் பரிஸோதெ⁴ந்தி. தஸ்மாதிஹ, ஸாரிபுத்த [வோ ஸாரிபுத்த ஏவங் ஸிக்கி²தப்³ப³ங் (ஸீ॰ பீ॰)], ‘பச்சவெக்கி²த்வா பச்சவெக்கி²த்வா பிண்ட³பாதங் பரிஸோதெ⁴ஸ்ஸாமா’தி – ஏவஞ்ஹி வோ, ஸாரிபுத்த, ஸிக்கி²தப்³ப³’’ந்தி.

இத³மவோச ப⁴க³வா. அத்தமனோ ஆயஸ்மா ஸாரிபுத்தோ ப⁴க³வதோ பா⁴ஸிதங் அபி⁴னந்தீ³தி.

பிண்ட³பாதபாரிஸுத்³தி⁴ஸுத்தங் நிட்டி²தங் நவமங்.

10. இந்த்³ரியபா⁴வனாஸுத்தங்

453. ஏவங் மே ஸுதங் – ஏகங் ஸமயங் ப⁴க³வா க³ஜங்க³லாயங் [கஜங்க³லாயங் (ஸீ॰ பீ॰), கஜ்ஜங்க³லாயங் (ஸ்யா॰ கங்॰)] விஹரதி ஸுவேளுவனே [வேளுவனே (ஸ்யா॰ கங்॰), முகே²லுவனே (ஸீ॰ பீ॰)]. அத² கோ² உத்தரோ மாணவோ பாராஸிவியந்தேவாஸீ [பாராஸரியந்தேவாஸீ (ஸீ॰ பீ॰), பாராஸிரியந்தேவாஸீ (ஸ்யா॰ கங்॰)] யேன ப⁴க³வா
தேனுபஸங்கமி; உபஸங்கமித்வா ப⁴க³வதா ஸத்³தி⁴ங் ஸம்மோதி³. ஸம்மோத³னீயங்
கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங் நிஸின்னங் கோ²
உத்தரங் மாணவங் பாராஸிவியந்தேவாஸிங் ப⁴க³வா ஏதத³வோச – ‘‘தே³ஸேதி, உத்தர,
பாராஸிவியோ ப்³ராஹ்மணோ ஸாவகானங் இந்த்³ரியபா⁴வன’’ந்தி? ‘‘தே³ஸேதி, போ⁴
கோ³தம, பாராஸிவியோ ப்³ராஹ்மணோ ஸாவகானங் இந்த்³ரியபா⁴வன’’ந்தி. ‘‘யதா² கத²ங்
பன, உத்தர, தே³ஸேதி பாராஸிவியோ ப்³ராஹ்மணோ ஸாவகானங் இந்த்³ரியபா⁴வன’’ந்தி?
‘‘இத⁴, போ⁴ கோ³தம, சக்கு²னா ரூபங் ந பஸ்ஸதி, ஸோதேன ஸத்³த³ங் ந ஸுணாதி –
ஏவங் கோ², போ⁴ கோ³தம, தே³ஸேதி பாராஸிவியோ ப்³ராஹ்மணோ ஸாவகானங்
இந்த்³ரியபா⁴வன’’ந்தி. ‘‘ஏவங் ஸந்தே கோ², உத்தர, அந்தோ⁴ பா⁴விதிந்த்³ரியோ
ப⁴விஸ்ஸதி, ப³தி⁴ரோ பா⁴விதிந்த்³ரியோ ப⁴விஸ்ஸதி; யதா² பாராஸிவியஸ்ஸ
ப்³ராஹ்மணஸ்ஸ வசனங். அந்தோ⁴ ஹி, உத்தர, சக்கு²னா ரூபங் ந பஸ்ஸதி, ப³தி⁴ரோ
ஸோதேன ஸத்³த³ங் ந ஸுணாதீ’’தி. ஏவங் வுத்தே, உத்தரோ மாணவோ பாராஸிவியந்தேவாஸீ
துண்ஹீபூ⁴தோ மங்குபூ⁴தோ பத்தக்க²ந்தோ⁴ அதோ⁴முகோ² பஜ்ஜா²யந்தோ அப்படிபா⁴னோ
நிஸீதி³.

அத² கோ² ப⁴க³வா உத்தரங் மாணவங் பாராஸிவியந்தேவாஸிங் துண்ஹீபூ⁴தங்
மங்குபூ⁴தங் பத்தக்க²ந்த⁴ங் அதோ⁴முக²ங் பஜ்ஜா²யந்தங் அப்படிபா⁴னங்
விதி³த்வா ஆயஸ்மந்தங் ஆனந்த³ங் ஆமந்தேஸி – ‘‘அஞ்ஞதா² கோ², ஆனந்த³, தே³ஸேதி
பாராஸிவியோ ப்³ராஹ்மணோ ஸாவகானங் இந்த்³ரியபா⁴வனங், அஞ்ஞதா² ச பனானந்த³,
அரியஸ்ஸ வினயே அனுத்தரா இந்த்³ரியபா⁴வனா ஹோதீ’’தி. ‘‘ஏதஸ்ஸ, ப⁴க³வா, காலோ;
ஏதஸ்ஸ, ஸுக³த, காலோ யங் ப⁴க³வா அரியஸ்ஸ வினயே
அனுத்தரங் இந்த்³ரியபா⁴வனங் தே³ஸெய்ய. ப⁴க³வதோ ஸுத்வா பி⁴க்கூ²
தா⁴ரெஸ்ஸந்தீ’’தி. ‘‘தேனஹானந்த³, ஸுணாஹி, ஸாது⁴கங் மனஸி கரோஹி;
பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ
பச்சஸ்ஸோஸி. ப⁴க³வா ஏதத³வோச –

454.
‘‘கத²ஞ்சானந்த³, அரியஸ்ஸ வினயே அனுத்தரா இந்த்³ரியபா⁴வனா ஹோதி? இதா⁴னந்த³,
பி⁴க்கு²னோ சக்கு²னா ரூபங் தி³ஸ்வா உப்பஜ்ஜதி மனாபங், உப்பஜ்ஜதி அமனாபங்,
உப்பஜ்ஜதி மனாபாமனாபங். ஸோ ஏவங் பஜானாதி – ‘உப்பன்னங் கோ² மே இத³ங் மனாபங்,
உப்பன்னங் அமனாபங், உப்பன்னங் மனாபாமனாபங் . தஞ்ச
கோ² ஸங்க²தங் ஓளாரிகங் படிச்சஸமுப்பன்னங். ஏதங் ஸந்தங் ஏதங் பணீதங்
யதி³த³ங் – உபெக்கா²’தி. தஸ்ஸ தங் உப்பன்னங் மனாபங் உப்பன்னங் அமனாபங்
உப்பன்னங் மனாபாமனாபங் நிருஜ்ஜ²தி; உபெக்கா² ஸண்டா²தி. ஸெய்யதா²பி, ஆனந்த³,
சக்கு²மா புரிஸோ உம்மீலெத்வா வா நிமீலெய்ய, நிமீலெத்வா வா உம்மீலெய்ய;
ஏவமேவ கோ², ஆனந்த³, யஸ்ஸ கஸ்ஸசி ஏவங்ஸீக⁴ங் ஏவங்துவடங்
ஏவங்அப்பகஸிரேன உப்பன்னங் மனாபங் உப்பன்னங் அமனாபங் உப்பன்னங் மனாபாமனாபங்
நிருஜ்ஜ²தி, உபெக்கா² ஸண்டா²தி – அயங் வுச்சதானந்த³, அரியஸ்ஸ வினயே அனுத்தரா இந்த்³ரியபா⁴வனா சக்கு²விஞ்ஞெய்யேஸு ரூபேஸு.

455.
‘‘புன சபரங், ஆனந்த³, பி⁴க்கு²னோ ஸோதேன ஸத்³த³ங் ஸுத்வா உப்பஜ்ஜதி மனாபங்,
உப்பஜ்ஜதி அமனாபங், உப்பஜ்ஜதி மனாபாமனாபங். ஸோ ஏவங் பஜானாதி – ‘உப்பன்னங்
கோ² மே இத³ங் மனாபங், உப்பன்னங் அமனாபங், உப்பன்னங் மனாபாமனாபங். தஞ்ச கோ²
ஸங்க²தங் ஓளாரிகங் படிச்சஸமுப்பன்னங். ஏதங் ஸந்தங் ஏதங் பணீதங் யதி³த³ங் –
உபெக்கா²’தி. தஸ்ஸ தங் உப்பன்னங் மனாபங் உப்பன்னங் அமனாபங் உப்பன்னங்
மனாபாமனாபங் நிருஜ்ஜ²தி; உபெக்கா² ஸண்டா²தி. ஸெய்யதா²பி, ஆனந்த³, ப³லவா
புரிஸோ அப்பகஸிரேனேவ அச்ச²ரங் [அச்ச²ரிகங் (ஸ்யா॰ கங்॰ பீ॰ க॰)]
பஹரெய்ய; ஏவமேவ கோ², ஆனந்த³, யஸ்ஸ கஸ்ஸசி ஏவங்ஸீக⁴ங் ஏவங்துவடங்
ஏவங்அப்பகஸிரேன உப்பன்னங் மனாபங் உப்பன்னங் அமனாபங் உப்பன்னங் மனாபாமனாபங்
நிருஜ்ஜ²தி, உபெக்கா² ஸண்டா²தி – அயங் வுச்சதானந்த³, அரியஸ்ஸ வினயே
அனுத்தரா இந்த்³ரியபா⁴வனா ஸோதவிஞ்ஞெய்யேஸு ஸத்³தே³ஸு.

456.
‘‘புன சபரங், ஆனந்த³, பி⁴க்கு²னோ கா⁴னேன க³ந்த⁴ங் கா⁴யித்வா உப்பஜ்ஜதி
மனாபங், உப்பஜ்ஜதி அமனாபங், உப்பஜ்ஜதி மனாபாமனாபங். ஸோ ஏவங் பஜானாதி –
‘உப்பன்னங் கோ² மே இத³ங் மனாபங், உப்பன்னங் அமனாபங், உப்பன்னங்
மனாபாமனாபங். தஞ்ச கோ² ஸங்க²தங் ஓளாரிகங் படிச்சஸமுப்பன்னங். ஏதங் ஸந்தங்
ஏதங் பணீதங் யதி³த³ங் – உபெக்கா²’தி. தஸ்ஸ தங் உப்பன்னங் மனாபங் உப்பன்னங்
அமனாபங் உப்பன்னங் மனாபாமனாபங் நிருஜ்ஜ²தி; உபெக்கா² ஸண்டா²தி. ஸெய்யதா²பி,
ஆனந்த³ , ஈஸகங்போணே [ஈஸகபோணே (ஸீ॰ ஸ்யா॰ கங்॰ பீ॰), ஈஸகப²ணே (ஸீ॰ அட்ட²॰), ‘‘மஜ்ஜே² உச்சங் ஹுத்வா’’தி டீகாய ஸங்ஸந்தி³தப்³பா³] பது³மபலாஸே [பது³மினிபத்தே (ஸீ॰ ஸ்யா॰ கங்॰ பீ॰)]
உத³கபு²ஸிதானி பவத்தந்தி, ந ஸண்ட²ந்தி; ஏவமேவ கோ², ஆனந்த³, யஸ்ஸ கஸ்ஸசி
ஏவங்ஸீக⁴ங் ஏவங்துவடங் ஏவங்அப்பகஸிரேன உப்பன்னங் மனாபங் உப்பன்னங் அமனாபங்
உப்பன்னங் மனாபாமனாபங் நிருஜ்ஜ²தி, உபெக்கா² ஸண்டா²தி – அயங் வுச்சதானந்த³,
அரியஸ்ஸ வினயே அனுத்தரா இந்த்³ரியபா⁴வனா கா⁴னவிஞ்ஞெய்யேஸு க³ந்தே⁴ஸு.

457. ‘‘புன சபரங், ஆனந்த³, பி⁴க்கு²னோ ஜிவ்ஹாய ரஸங் ஸாயித்வா உப்பஜ்ஜதி மனாபங், உப்பஜ்ஜதி
அமனாபங், உப்பஜ்ஜதி மனாபாமனாபங். ஸோ ஏவங் பஜானாதி – ‘உப்பன்னங் கோ² மே
இத³ங் மனாபங், உப்பன்னங் அமனாபங், உப்பன்னங் மனாபாமனாபங். தஞ்ச கோ²
ஸங்க²தங் ஓளாரிகங் படிச்சஸமுப்பன்னங். ஏதங் ஸந்தங் ஏதங் பணீதங் யதி³த³ங் –
உபெக்கா²’தி. தஸ்ஸ தங் உப்பன்னங் மனாபங் உப்பன்னங் அமனாபங் உப்பன்னங்
மனாபாமனாபங் நிருஜ்ஜ²தி; உபெக்கா² ஸண்டா²தி . ஸெய்யதா²பி, ஆனந்த³, ப³லவா புரிஸோ ஜிவ்ஹக்³கே³ கே²ளபிண்ட³ங் ஸங்யூஹித்வா அப்பகஸிரேன வமெய்ய [ஸந்த⁴மெய்ய (க॰)];
ஏவமேவ கோ², ஆனந்த³, யஸ்ஸ கஸ்ஸசி ஏவங்ஸீக⁴ங் ஏவங்துவடங் ஏவங்அப்பகஸிரேன
உப்பன்னங் மனாபங் உப்பன்னங் அமனாபங் உப்பன்னங் மனாபாமனாபங் நிருஜ்ஜ²தி,
உபெக்கா² ஸண்டா²தி – அயங் வுச்சதானந்த³, அரியஸ்ஸ வினயே அனுத்தரா
இந்த்³ரியபா⁴வனா ஜிவ்ஹாவிஞ்ஞெய்யேஸு ரஸேஸு.

458.
‘‘புன சபரங், ஆனந்த³, பி⁴க்கு²னோ காயேன பொ²ட்ட²ப்³ப³ங் பு²ஸித்வா
உப்பஜ்ஜதி மனாபங், உப்பஜ்ஜதி அமனாபங், உப்பஜ்ஜதி மனாபாமனாபங். ஸோ ஏவங்
பஜானாதி – ‘உப்பன்னங் கோ² மே இத³ங் மனாபங், உப்பன்னங் அமனாபங், உப்பன்னங்
மனாபாமனாபங். தஞ்ச கோ² ஸங்க²தங் ஓளாரிகங் படிச்சஸமுப்பன்னங். ஏதங் ஸந்தங்
ஏதங் பணீதங் யதி³த³ங் – உபெக்கா²’தி. தஸ்ஸ தங் உப்பன்னங் மனாபங் உப்பன்னங்
அமனாபங் உப்பன்னங் மனாபாமனாபங் நிருஜ்ஜ²தி; உபெக்கா² ஸண்டா²தி. ஸெய்யதா²பி,
ஆனந்த³, ப³லவா புரிஸோ ஸமிஞ்ஜிதங் வா பா³ஹங் பஸாரெய்ய, பஸாரிதங் வா பா³ஹங்
ஸமிஞ்ஜெய்ய; ஏவமேவ கோ², ஆனந்த³, யஸ்ஸ கஸ்ஸசி ஏவங்ஸீக⁴ங் ஏவங்துவடங்
ஏவங்அப்பகஸிரேன உப்பன்னங் மனாபங் உப்பன்னங் அமனாபங் உப்பன்னங் மனாபாமனாபங்
நிருஜ்ஜ²தி, உபெக்கா² ஸண்டா²தி – அயங் வுச்சதானந்த³, அரியஸ்ஸ வினயே
அனுத்தரா இந்த்³ரியபா⁴வனா காயவிஞ்ஞெய்யேஸு பொ²ட்ட²ப்³பே³ஸு.

459.
‘‘புன சபரங், ஆனந்த³, பி⁴க்கு²னோ மனஸா த⁴ம்மங் விஞ்ஞாய உப்பஜ்ஜதி மனாபங்,
உப்பஜ்ஜதி அமனாபங், உப்பஜ்ஜதி மனாபாமனாபங். ஸோ ஏவங் பஜானாதி – ‘உப்பன்னங்
கோ² மே இத³ங் மனாபங், உப்பன்னங் அமனாபங், உப்பன்னங் மனாபாமனாபங். தஞ்ச கோ²
ஸங்க²தங் ஓளாரிகங் படிச்சஸமுப்பன்னங். ஏதங் ஸந்தங் ஏதங் பணீதங் யதி³த³ங் –
உபெக்கா²’தி. தஸ்ஸ தங் உப்பன்னங் மனாபங் உப்பன்னங் அமனாபங் உப்பன்னங்
மனாபாமனாபங் நிருஜ்ஜ²தி; உபெக்கா² ஸண்டா²தி. ஸெய்யதா²பி, ஆனந்த³, ப³லவா
புரிஸோ தி³வஸங்ஸந்தத்தே [தி³வஸஸந்தெத்தே (ஸீ॰)]
அயோகடாஹே த்³வே வா தீணி வா உத³கபு²ஸிதானி நிபாதெய்ய. த³ந்தோ⁴, ஆனந்த³,
உத³கபு²ஸிதானங் நிபாதோ, அத² கோ² நங் கி²ப்பமேவ பரிக்க²யங் பரியாதா³னங்
க³ச்செ²ய்ய; ஏவமேவ கோ², ஆனந்த³, யஸ்ஸ கஸ்ஸசி ஏவங்ஸீக⁴ங் ஏவங்துவடங்
ஏவங்அப்பகஸிரேன உப்பன்னங் மனாபங் உப்பன்னங் அமனாபங்
உப்பன்னங் மனாபாமனாபங் நிருஜ்ஜ²தி, உபெக்கா² ஸண்டா²தி – அயங்
வுச்சதானந்த³, அரியஸ்ஸ வினயே அனுத்தரா இந்த்³ரியபா⁴வனா மனோவிஞ்ஞெய்யேஸு
த⁴ம்மேஸு. ஏவங் கோ², ஆனந்த³, அரியஸ்ஸ வினயே அனுத்தரா இந்த்³ரியபா⁴வனா ஹோதி.

460. ‘‘கத²ஞ்சானந்த³ ,
ஸேகோ² ஹோதி பாடிபதோ³? இதா⁴னந்த³, பி⁴க்கு²னோ சக்கு²னா ரூபங் தி³ஸ்வா
உப்பஜ்ஜதி மனாபங், உப்பஜ்ஜதி அமனாபங், உப்பஜ்ஜதி மனாபாமனாபங். ஸோ தேன உப்பன்னேன மனாபேன உப்பன்னேன அமனாபேன உப்பன்னேன மனாபாமனாபேன அட்டீயதி ஹராயதி ஜிகு³ச்ச²தி. ஸோதேன ஸத்³த³ங்
ஸுத்வா…பே॰… கா⁴னேன க³ந்த⁴ங் கா⁴யித்வா…, ஜிவ்ஹாய ரஸங் ஸாயித்வா… காயேன
பொ²ட்ட²ப்³ப³ங் பு²ஸித்வா… மனஸா த⁴ம்மங் விஞ்ஞாய உப்பஜ்ஜதி மனாபங்,
உப்பஜ்ஜதி அமனாபங், உப்பஜ்ஜதி மனாபாமனாபங். ஸோ தேன உப்பன்னேன மனாபேன
உப்பன்னேன அமனாபேன உப்பன்னேன மனாபாமனாபேன அட்டீயதி ஹராயதி ஜிகு³ச்ச²தி.
ஏவங் கோ², ஆனந்த³, ஸேகோ² ஹோதி பாடிபதோ³.

461.
‘‘கத²ஞ்சானந்த³, அரியோ ஹோதி பா⁴விதிந்த்³ரியோ? இதா⁴னந்த³, பி⁴க்கு²னோ
சக்கு²னா ரூபங் தி³ஸ்வா உப்பஜ்ஜதி மனாபங், உப்பஜ்ஜதி அமனாபங், உப்பஜ்ஜதி
மனாபாமனாபங். ஸோ ஸசே ஆகங்க²தி – ‘படிகூலே [படிக்கூலே (ஸப்³ப³த்த²)]
அப்படிகூலஸஞ்ஞீ விஹரெய்ய’ந்தி, அப்படிகூலஸஞ்ஞீ தத்த² விஹரதி. ஸசே ஆகங்க²தி
– ‘அப்படிகூலே படிகூலஸஞ்ஞீ விஹரெய்ய’ந்தி, படிகூலஸஞ்ஞீ தத்த² விஹரதி. ஸசே
ஆகங்க²தி – ‘படிகூலே ச அப்படிகூலே ச அப்படிகூலஸஞ்ஞீ
விஹரெய்ய’ந்தி, அப்படிகூலஸஞ்ஞீ தத்த² விஹரதி. ஸசே ஆகங்க²தி – ‘அப்படிகூலே ச
படிகூலே ச படிகூலஸஞ்ஞீ விஹரெய்ய’ந்தி, படிகூலஸஞ்ஞீ தத்த² விஹரதி. ஸசே
ஆகங்க²தி – ‘படிகூலஞ்ச அப்படிகூலஞ்ச தது³ப⁴யங் அபி⁴னிவஜ்ஜெத்வா உபெக்க²கோ
விஹரெய்யங் ஸதோ ஸம்பஜானோ’தி, உபெக்க²கோ தத்த² விஹரதி ஸதோ ஸம்பஜானோ.

462.
‘‘புன சபரங், ஆனந்த³, பி⁴க்கு²னோ ஸோதேன ஸத்³த³ங் ஸுத்வா…பே॰… கா⁴னேன
க³ந்த⁴ங் கா⁴யித்வா… ஜிவ்ஹாய ரஸங் ஸாயித்வா… காயேன பொ²ட்ட²ப்³ப³ங்
பு²ஸித்வா… மனஸா த⁴ம்மங் விஞ்ஞாய உப்பஜ்ஜதி மனாபங், உப்பஜ்ஜதி அமனாபங்,
உப்பஜ்ஜதி மனாபாமனாபங். ஸோ ஸசே ஆகங்க²தி – ‘படிகூலே அப்படிகூலஸஞ்ஞீ
விஹரெய்ய’ந்தி, அப்படிகூலஸஞ்ஞீ தத்த² விஹரதி. ஸசே ஆகங்க²தி – ‘அப்படிகூலே
படிகூலஸஞ்ஞீ விஹரெய்ய’ந்தி, படிகூலஸஞ்ஞீ தத்த² விஹரதி. ஸசே ஆகங்க²தி –
‘படிகூலே ச அப்படிகூலே ச அப்படிகூலஸஞ்ஞீ விஹரெய்ய’ந்தி, அப்படிகூலஸஞ்ஞீ
தத்த² விஹரதி. ஸசே ஆகங்க²தி – ‘அப்படிகூலே ச படிகூலே ச படிகூலஸஞ்ஞீ
விஹரெய்ய’ந்தி, படிகூலஸஞ்ஞீ தத்த² விஹரதி. ஸசே ஆகங்க²தி – ‘படிகூலஞ்ச
அப்படிகூலஞ்ச தது³ப⁴யம்ப்ம்ப்பி அபி⁴னிவஜ்ஜெத்வா
உபெக்க²கோ விஹரெய்யங் ஸதோ ஸம்பஜானோ’தி, உபெக்க²கோ தத்த² விஹரதி ஸதோ
ஸம்பஜானோ. ஏவங் கோ², ஆனந்த³, அரியோ ஹோதி பா⁴விதிந்த்³ரியோ.

463. ‘‘இதி கோ², ஆனந்த³, தே³ஸிதா மயா அரியஸ்ஸ வினயே அனுத்தரா இந்த்³ரியபா⁴வனா, தே³ஸிதோ ஸேகோ² பாடிபதோ³, தே³ஸிதோ அரியோ பா⁴விதிந்த்³ரியோ .
யங் கோ², ஆனந்த³, ஸத்தா²ரா கரணீயங் ஸாவகானங் ஹிதேஸினா அனுகம்பகேன
அனுகம்பங் உபாதா³ய, கதங் வோ தங் மயா. ஏதானி, ஆனந்த³, ருக்க²மூலானி, ஏதானி
ஸுஞ்ஞாகா³ரானி, ஜா²யதா²னந்த³, மா பமாத³த்த², மா பச்சா² விப்படிஸாரினோ
அஹுவத்த². அயங் வோ அம்ஹாகங் அனுஸாஸனீ’’தி.

இத³மவோச ப⁴க³வா. அத்தமனோ ஆயஸ்மா ஆனந்தோ³ ப⁴க³வதோ பா⁴ஸிதங் அபி⁴னந்தீ³தி.

இந்த்³ரியபா⁴வனாஸுத்தங் நிட்டி²தங் த³ஸமங்.

ஸளாயதனவக்³கோ³ நிட்டி²தோ பஞ்சமோ.

தஸ்ஸுத்³தா³னங் –

அனாத²பிண்டி³கோ ச²ன்னோ, புண்ணோ நந்த³கராஹுலா;

ச²ச²க்கங் ஸளாயதனிகங், நக³ரவிந்தெ³ய்யஸுத்³தி⁴கா;

இந்த்³ரியபா⁴வனா சாபி, வக்³கோ³ ஓவாத³பஞ்சமோதி.

இத³ங் வக்³கா³னமுத்³தா³னங் –

தே³வத³ஹோனுபதோ³ ச, ஸுஞ்ஞதோ ச விப⁴ங்க³கோ;

ஸளாயதனோதி வக்³கா³, உபரிபண்ணாஸகே டி²தாதி.

உபரிபண்ணாஸகங் ஸமத்தங்.

தீஹி பண்ணாஸகேஹி படிமண்டி³தோ ஸகலோ

மஜ்ஜி²மனிகாயோ ஸமத்தோ.

comments (0)