Analytic Insight Net - FREE Online Tipiṭaka Research & Practice Universitu 
in
 112 CLASSICAL LANGUAGES
Paṭisambhidā Jāla-Abaddha Paripanti Tipiṭaka Anvesanā ca Paricaya Nikhilavijjālaya ca ñātibhūta Pavatti Nissāya 
http://sarvajan.ambedkar.org anto 105 Seṭṭhaganthāyatta Bhāsā
Categories:

Archives:
Meta:
August 2007
M T W T F S S
« Jul   Sep »
 12345
6789101112
13141516171819
20212223242526
2728293031  
08/09/07
ஸுத்தபிடக-Part-37-தமிழில் திரபிடக மூன்று தொகுப்புகள்TIPITAKA–37.3. ஓபம்மவக்கோ-1. ககசூபமஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org
Filed under: General
Posted by: site admin @ 9:12 am

up a level
ஸுத்தபிடக-Part-37-மிழில் திபி  மூன்று தொகுப்புள்TIPITAKA--37.
3. ஓபம்மவக்கோ-1. ககசூபமஸுத்தங்-from FREE ONLINE  eNālāndā Research and
Practice UNIVERSITY through http://sarvajan.ambedkar.org

3. ஓபம்மவக்கோ

1. ககசூபமஸுத்தங்

222. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா மோளியப²க்³கு³னோ பி⁴க்கு²னீஹி ஸத்³தி⁴ங்
அதிவேலங் ஸங்ஸட்டோ² விஹரதி. ஏவங் ஸங்ஸட்டோ² ஆயஸ்மா மோளியப²க்³கு³னோ
பி⁴க்கு²னீஹி ஸத்³தி⁴ங் விஹரதி – ஸசே கோசி பி⁴க்கு² ஆயஸ்மதோ
மோளியப²க்³கு³னஸ்ஸ ஸம்முகா² தாஸங் பி⁴க்கு²னீனங் அவண்ணங் பா⁴ஸதி, தேனாயஸ்மா
மோளியப²க்³கு³னோ குபிதோ அனத்தமனோ அதி⁴கரணம்பி கரோதி. ஸசே பன கோசி பி⁴க்கு²
தாஸங் பி⁴க்கு²னீனங் ஸம்முகா² ஆயஸ்மதோ மோளியப²க்³கு³னஸ்ஸ அவண்ணங் பா⁴ஸதி,
தேன தா பி⁴க்கு²னியோ குபிதா அனத்தமனா அதி⁴கரணம்பி கரொந்தி. ஏவங் ஸங்ஸட்டோ²
ஆயஸ்மா மோளியப²க்³கு³னோ பி⁴க்கு²னீஹி ஸத்³தி⁴ங் விஹரதி. அத² கோ² அஞ்ஞதரோ
பி⁴க்கு² யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா
ஏகமந்தங் நிஸீதி³. ஏகமந்தங் நிஸின்னோ கோ² ஸோ பி⁴க்கு² ப⁴க³வந்தங் ஏதத³வோச –
‘‘ஆயஸ்மா, ப⁴ந்தே, மோளியப²க்³கு³னோ பி⁴க்கு²னீஹி ஸத்³தி⁴ங் அதிவேலங்
ஸங்ஸட்டோ² விஹரதி. ஏவங் ஸங்ஸட்டோ², ப⁴ந்தே, ஆயஸ்மா மோளியப²க்³கு³னோ
பி⁴க்கு²னீஹி ஸத்³தி⁴ங் விஹரதி – ஸசே கோசி பி⁴க்கு² ஆயஸ்மதோ
மோளியப²க்³கு³னஸ்ஸ ஸம்முகா² தாஸங் பி⁴க்கு²னீனங் அவண்ணங் பா⁴ஸதி, தேனாயஸ்மா
மோளியப²க்³கு³னோ குபிதோ அனத்தமனோ அதி⁴கரணம்பி
கரோதி. ஸசே பன கோசி பி⁴க்கு² தாஸங் பி⁴க்கு²னீனங் ஸம்முகா² ஆயஸ்மதோ
மோளியப²க்³கு³னஸ்ஸ அவண்ணங் பா⁴ஸதி, தேன தா பி⁴க்கு²னியோ குபிதா அனத்தமனா
அதி⁴கரணம்பி கரொந்தி. ஏவங் ஸங்ஸட்டோ², ப⁴ந்தே, ஆயஸ்மா மோளியப²க்³கு³னோ
பி⁴க்கு²னீஹி ஸத்³தி⁴ங் விஹரதீ’’தி.

223. அத² கோ² ப⁴க³வா அஞ்ஞதரங் பி⁴க்கு²ங் ஆமந்தேஸி – ‘‘ஏஹி த்வங் , பி⁴க்கு², மம வசனேன மோளியப²க்³கு³னங் பி⁴க்கு²ங் ஆமந்தேஹி – ‘ஸத்தா² தங், ஆவுஸோ ப²க்³கு³ன, ஆமந்தேதீ’’’தி. ‘‘ஏவங் ,
ப⁴ந்தே’’தி கோ² ஸோ பி⁴க்கு² ப⁴க³வதோ படிஸ்ஸுத்வா யேனாயஸ்மா
மோளியப²க்³கு³னோ தேனுபஸங்கமி; உபஸங்கமித்வா ஆயஸ்மந்தங் மோளியப²க்³கு³னங்
ஏதத³வோச – ‘‘ஸத்தா² தங், ஆவுஸோ ப²க்³கு³ன, ஆமந்தேதீ’’தி. ‘‘ஏவமாவுஸோ’’தி
கோ² ஆயஸ்மா மோளியப²க்³கு³னோ தஸ்ஸ பி⁴க்கு²னோ
படிஸ்ஸுத்வா யேன ப⁴க³வா தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னங் கோ² ஆயஸ்மந்தங்
மோளியப²க்³கு³னங் ப⁴க³வா ஏதத³வோச –

‘‘ஸச்சங் கிர த்வங், ப²க்³கு³ன, பி⁴க்கு²னீஹி
ஸத்³தி⁴ங் அதிவேலங் ஸங்ஸட்டோ² விஹரஸி? ஏவங் ஸங்ஸட்டோ² கிர த்வங்,
ப²க்³கு³ன, பி⁴க்கு²னீஹி ஸத்³தி⁴ங் விஹரஸி – ஸசே கோசி பி⁴க்கு² துய்ஹங்
ஸம்முகா² தாஸங் பி⁴க்கு²னீனங் அவண்ணங் பா⁴ஸதி, தேன த்வங் குபிதோ அனத்தமனோ
அதி⁴கரணம்பி கரோஸி. ஸசே பன கோசி பி⁴க்கு² தாஸங் பி⁴க்கு²னீனங் ஸம்முகா²
துய்ஹங் அவண்ணங் பா⁴ஸதி, தேன தா பி⁴க்கு²னியோ குபிதா அனத்தமனா அதி⁴கரணம்பி
கரொந்தி. ஏவங் ஸங்ஸட்டோ² கிர த்வங், ப²க்³கு³ன, பி⁴க்கு²னீஹி ஸத்³தி⁴ங்
விஹரஸீ’’தி? ‘‘ஏவங், ப⁴ந்தே’’தி. ‘‘நனு த்வங், ப²க்³கு³ன, குலபுத்தோ
ஸத்³தா⁴ அகா³ரஸ்மா அனகா³ரியங் பப்³ப³ஜிதோ’’தி? ‘‘ஏவங், ப⁴ந்தே’’தி.

224.
‘‘ந கோ² தே ஏதங், ப²க்³கு³ன, பதிரூபங் குலபுத்தஸ்ஸ ஸத்³தா⁴ அகா³ரஸ்மா
அனகா³ரியங் பப்³ப³ஜிதஸ்ஸ, யங் த்வங் பி⁴க்கு²னீஹி ஸத்³தி⁴ங் அதிவேலங்
ஸங்ஸட்டோ² விஹரெய்யாஸி. தஸ்மாதிஹ, ப²க்³கு³ன, தவ சேபி கோசி ஸம்முகா² தாஸங்
பி⁴க்கு²னீனங் அவண்ணங் பா⁴ஸெய்ய, தத்ராபி த்வங், ப²க்³கு³ன, யே கே³ஹஸிதா [கே³ஹஸ்ஸிதா (?)]
ச²ந்தா³ யே கே³ஹஸிதா விதக்கா தே பஜஹெய்யாஸி. தத்ராபி தே, ப²க்³கு³ன, ஏவங்
ஸிக்கி²தப்³ப³ங் – ‘ந சேவ மே சித்தங் விபரிணதங் ப⁴விஸ்ஸதி, ந ச பாபிகங்
வாசங் நிச்சா²ரெஸ்ஸாமி, ஹிதானுகம்பீ ச விஹரிஸ்ஸாமி மெத்தசித்தோ, ந
தோ³ஸந்தரோ’தி. ஏவஞ்ஹி தே, ப²க்³கு³ன, ஸிக்கி²தப்³ப³ங்.

‘‘தஸ்மாதிஹ, ப²க்³கு³ன, தவ சேபி கோசி ஸம்முகா² தாஸங்
பி⁴க்கு²னீனங் பாணினா பஹாரங் த³தெ³ய்ய, லெட்³டு³னா பஹாரங் த³தெ³ய்ய,
த³ண்டே³ன பஹாரங் த³தெ³ய்ய, ஸத்தே²ன பஹாரங் த³தெ³ய்ய. தத்ராபி த்வங்,
ப²க்³கு³ன, யே கே³ஹஸிதா ச²ந்தா³ யே கே³ஹஸிதா விதக்கா தே பஜஹெய்யாஸி.
தத்ராபி தே, ப²க்³கு³ன, ஏவங் ஸிக்கி²தப்³ப³ங் ‘ந சேவ மே சித்தங் விபரிணதங்
ப⁴விஸ்ஸதி, ந ச பாபிகங் வாசங் நிச்சா²ரெஸ்ஸாமி, ஹிதானுகம்பீ ச விஹரிஸ்ஸாமி
மெத்தசித்தோ, ந தோ³ஸந்தரோ’தி. ஏவஞ்ஹி தே, ப²க்³கு³ன, ஸிக்கி²தப்³ப³ங்.

‘‘தஸ்மாதிஹ, ப²க்³கு³ன, தவ சேபி கோசி ஸம்முகா² அவண்ணங் பா⁴ஸெய்ய, தத்ராபி த்வங், ப²க்³கு³ன , யே கே³ஹஸிதா ச²ந்தா³ யே கே³ஹஸிதா விதக்கா தே
பஜஹெய்யாஸி. தத்ராபி தே, ப²க்³கு³ன, ஏவங் ஸிக்கி²தப்³ப³ங் ‘ந சேவ மே
சித்தங் விபரிணதங் ப⁴விஸ்ஸதி, ந ச பாபிகங் வாசங் நிச்சா²ரெஸ்ஸாமி,
ஹிதானுகம்பீ ச விஹரிஸ்ஸாமி மெத்தசித்தோ, ந தோ³ஸந்தரோ’தி. ஏவஞ்ஹி தே, ப²க்³கு³ன, ஸிக்கி²தப்³ப³ங்.

‘‘தஸ்மாதிஹ, ப²க்³கு³ன, தவ சேபி கோசி பாணினா பஹாரங்
த³தெ³ய்ய, லெட்³டு³னா பஹாரங் த³தெ³ய்ய, த³ண்டே³ன பஹாரங் த³தெ³ய்ய, ஸத்தே²ன
பஹாரங் த³தெ³ய்ய, தத்ராபி த்வங், ப²க்³கு³ன, யே
கே³ஹஸிதா ச²ந்தா³ யே கே³ஹஸிதா விதக்கா தே பஜஹெய்யாஸி. தத்ராபி தே,
ப²க்³கு³ன, ஏவங் ஸிக்கி²தப்³ப³ங் ‘ந சேவ மே சித்தங் விபரிணதங் ப⁴விஸ்ஸதி, ந
ச பாபிகங் வாசங் நிச்சா²ரெஸ்ஸாமி, ஹிதானுகம்பீ ச விஹரிஸ்ஸாமி மெத்தசித்தோ,
ந தோ³ஸந்தரோ’தி. ஏவஞ்ஹி தே, ப²க்³கு³ன, ஸிக்கி²தப்³ப³’’ந்தி.

225.
அத² கோ² ப⁴க³வா பி⁴க்கூ² ஆமந்தேஸி – ‘‘ஆராத⁴யிங்ஸு வத மே, பி⁴க்க²வே,
பி⁴க்கூ² ஏகங் ஸமயங் சித்தங். இதா⁴ஹங், பி⁴க்க²வே, பி⁴க்கூ² ஆமந்தேஸிங் –
அஹங் கோ², பி⁴க்க²வே, ஏகாஸனபோ⁴ஜனங் பு⁴ஞ்ஜாமி. ஏகாஸனபோ⁴ஜனங் கோ² அஹங்,
பி⁴க்க²வே, பு⁴ஞ்ஜமானோ அப்பாபா³த⁴தஞ்ச ஸஞ்ஜானாமி அப்பாதங்கதஞ்ச
லஹுட்டா²னஞ்ச ப³லஞ்ச பா²ஸுவிஹாரஞ்ச. ஏத² தும்ஹேபி, பி⁴க்க²வே, ஏகாஸனபோ⁴ஜனங்
பு⁴ஞ்ஜத². ஏகாஸனபோ⁴ஜனங் கோ², பி⁴க்க²வே, தும்ஹேபி பு⁴ஞ்ஜமானா
அப்பாபா³த⁴தஞ்ச ஸஞ்ஜானிஸ்ஸத² அப்பாதங்கதஞ்ச லஹுட்டா²னஞ்ச ப³லஞ்ச
பா²ஸுவிஹாரஞ்சாதி. ந மே, பி⁴க்க²வே, தேஸு பி⁴க்கூ²ஸு அனுஸாஸனீ கரணீயா
அஹோஸி; ஸதுப்பாத³கரணீயமேவ மே, பி⁴க்க²வே, தேஸு பி⁴க்கூ²ஸு அஹோஸி.

‘‘ஸெய்யதா²பி, பி⁴க்க²வே, ஸுபூ⁴மியங் சதுமஹாபதே²
ஆஜஞ்ஞரதோ² யுத்தோ அஸ்ஸ டி²தோ ஓத⁴ஸ்தபதோதோ³. தமேனங் த³க்கோ² யொக்³கா³சரியோ
அஸ்ஸத³ம்மஸாரதி² அபி⁴ருஹித்வா, வாமேன ஹத்தே²ன ரஸ்மியோ க³ஹெத்வா, த³க்கி²ணேன
ஹத்தே²ன பதோத³ங் க³ஹெத்வா, யேனிச்ச²கங் யதி³ச்ச²கங்
ஸாரெய்யபி பச்சாஸாரெய்யபி. ஏவமேவ கோ², பி⁴க்க²வே, ந மே தேஸு பி⁴க்கூ²ஸு
அனுஸாஸனீ கரணீயா அஹோஸி, ஸதுப்பாத³கரணீயமேவ மே, பி⁴க்க²வே, தேஸு பி⁴க்கூ²ஸு
அஹோஸி. தஸ்மாதிஹ, பி⁴க்க²வே, தும்ஹேபி அகுஸலங் பஜஹத², குஸலேஸு த⁴ம்மேஸு
ஆயோக³ங் கரோத². ஏவஞ்ஹி தும்ஹேபி இமஸ்மிங் த⁴ம்மவினயே வுத்³தி⁴ங் விரூள்ஹிங்
வேபுல்லங் ஆபஜ்ஜிஸ்ஸத².

‘‘ஸெய்யதா²பி ,
பி⁴க்க²வே, கா³மஸ்ஸ வா நிக³மஸ்ஸ வா அவிதூ³ரே மஹந்தங் ஸாலவனங். தஞ்சஸ்ஸ
ஏளண்டே³ஹி ஸஞ்ச²ன்னங். தஸ்ஸ கோசிதே³வ புரிஸோ உப்பஜ்ஜெய்ய அத்த²காமோ ஹிதகாமோ
யோக³க்கே²மகாமோ. ஸோ யா தா ஸாலலட்டி²யோ குடிலா ஓஜாபஹரணியோ [ஓஜஹரணியோ (க॰)] தா செ²த்வா [தச்செ²த்வா (ஸீ॰ ஸ்யா॰ பீ॰)]
ப³ஹித்³தா⁴ நீஹரெய்ய, அந்தோவனங் ஸுவிஸோதி⁴தங் விஸோதெ⁴ய்ய. யா பன தா
ஸாலலட்டி²யோ உஜுகா ஸுஜாதா தா ஸம்மா பரிஹரெய்ய. ஏவஞ்ஹேதங், பி⁴க்க²வே,
ஸாலவனங் அபரேன ஸமயேன வுத்³தி⁴ங் விரூள்ஹிங் வேபுல்லங் ஆபஜ்ஜெய்ய. ஏவமேவ
கோ², பி⁴க்க²வே, தும்ஹேபி அகுஸலங் பஜஹத², குஸலேஸு த⁴ம்மேஸு ஆயோக³ங் கரோத².
ஏவஞ்ஹி தும்ஹேபி இமஸ்மிங் த⁴ம்மவினயே வுத்³தி⁴ங் விரூள்ஹிங் வேபுல்லங் ஆபஜ்ஜிஸ்ஸத².

226.
‘‘பூ⁴தபுப்³ப³ங், பி⁴க்க²வே, இமிஸ்ஸாயேவ ஸாவத்தி²யா வேதே³ஹிகா நாம
க³ஹபதானீ அஹோஸி. வேதே³ஹிகாய, பி⁴க்க²வே, க³ஹபதானியா ஏவங் கல்யாணோ
கித்திஸத்³தோ³ அப்³பு⁴க்³க³தோ – ‘ஸோரதா வேதே³ஹிகா க³ஹபதானீ, நிவாதா
வேதே³ஹிகா க³ஹபதானீ, உபஸந்தா வேதே³ஹிகா க³ஹபதானீ’தி. வேதே³ஹிகாய கோ² பன,
பி⁴க்க²வே, க³ஹபதானியா காளீ நாம தா³ஸீ அஹோஸி த³க்கா² அனலஸா ஸுஸங்விஹிதகம்மந்தா.

‘‘அத² கோ², பி⁴க்க²வே, காளியா தா³ஸியா ஏதத³ஹோஸி –
‘மய்ஹங் கோ² அய்யாய ஏவங் கல்யாணோ கித்திஸத்³தோ³ அப்³பு⁴க்³க³தோ – ‘‘ஸோரதா
வேதே³ஹிகா க³ஹபதானீ, நிவாதா வேதே³ஹிகா க³ஹபதானீ, உபஸந்தா வேதே³ஹிகா
க³ஹபதானீ’’தி. கிங் நு கோ² மே அய்யா ஸந்தங்யேவ நு கோ² அஜ்ஜ²த்தங் கோபங் ந
பாதுகரோதி உதா³ஹு அஸந்தங் உதா³ஹு மய்ஹமேவேதே [மய்ஹேவேதே (ஸீ॰ பீ॰)]
கம்மந்தா ஸுஸங்விஹிதா யேன மே அய்யா ஸந்தங்யேவ அஜ்ஜ²த்தங் கோபங் ந
பாதுகரோதி, நோ அஸந்தங்? யங்னூனாஹங் அய்யங் வீமங்ஸெய்ய’ந்தி. அத² கோ²,
பி⁴க்க²வே, காளீ தா³ஸீ தி³வா உட்டா²ஸி. அத² கோ², பி⁴க்க²வே, வேதே³ஹிகா
க³ஹபதானீ காளிங் தா³ஸிங் ஏதத³வோச – ‘ஹே ஜே காளீ’தி. ‘கிங், அய்யே’தி?
‘கிங், ஜே, தி³வா உட்டா²ஸீ’தி? ‘ந க்²வய்யே [ந கோ² அய்யே (ஸீ॰ பீ॰)], கிஞ்சீ’தி. ‘நோ வத ரே கிஞ்சி, பாபி தா³ஸி [பாபதா³ஸி (ஸ்யா॰ க॰)], தி³வா உட்டா²ஸீ’தி குபிதா அனத்தமனா பா⁴குடிங் [பூ⁴குடிங் (ஸீ॰ பீ॰), ப⁴குடீங் (ஸ்யா॰)] அகாஸி. அத² கோ², பி⁴க்க²வே, காளியா தா³ஸியா
ஏதத³ஹோஸி – ‘ஸந்தங்யேவ கோ² மே அய்யா அஜ்ஜ²த்தங் கோபங் ந பாதுகரோதி, நோ
அஸந்தங்; மய்ஹமேவேதே கம்மந்தா ஸுஸங்விஹிதா, யேன மே அய்யா ஸந்தங்யேவ
அஜ்ஜ²த்தங் கோபங் ந பாதுகரோதி, நோ அஸந்தங். யங்னூனாஹங் பி⁴ய்யோஸோமத்தாய
அய்யங் வீமங்ஸெய்ய’’’ந்தி.

‘‘அத² கோ², பி⁴க்க²வே, காளீ
தா³ஸீ தி³வாதரங்யேவ உட்டா²ஸி. அத² கோ², பி⁴க்க²வே, வேதே³ஹிகா க³ஹபதானீ
காளிங் தா³ஸிங் ஏதத³வோச – ‘ஹே ஜே, காளீ’தி. ‘கிங், அய்யே’தி? ‘கிங், ஜே,
தி³வாதரங் உட்டா²ஸீ’தி? ‘ந க்²வய்யே, கிஞ்சீ’தி. ‘நோ வத ரே கிஞ்சி, பாபி
தா³ஸி, தி³வாதரங் உட்டா²ஸீ’தி குபிதா அனத்தமனா
அனத்தமனவாசங் நிச்சா²ரேஸி. அத² கோ², பி⁴க்க²வே, காளியா தா³ஸியா ஏதத³ஹோஸி –
‘ஸந்தங்யேவ கோ² மே அய்யா அஜ்ஜ²த்தங் கோபங் ந பாதுகரோதி, நோ அஸந்தங்.
மய்ஹமேவேதே கம்மந்தா ஸுஸங்விஹிதா, யேன மே அய்யா ஸந்தங்யேவ அஜ்ஜ²த்தங் கோபங்
ந பாதுகரோதி, நோ அஸந்தங். யங்னூனாஹங் பி⁴ய்யோஸோமத்தாய அய்யங்
வீமங்ஸெய்ய’ந்தி.

‘‘அத² கோ², பி⁴க்க²வே, காளீ தா³ஸீ தி³வாதரங்யேவ உட்டா²ஸி. அத² கோ², பி⁴க்க²வே, வேதே³ஹிகா க³ஹபதானீ காளிங் தா³ஸிங் ஏதத³வோச
– ‘ஹே ஜே, காளீ’தி. ‘கிங், அய்யே’தி? ‘கிங், ஜே, தி³வா உட்டா²ஸீ’தி? ‘ந
க்²வய்யே, கிஞ்சீ’தி. ‘நோ வத ரே கிஞ்சி, பாபி தா³ஸி, தி³வா உட்டா²ஸீ’தி
குபிதா அனத்தமனா அக்³க³ளஸூசிங் க³ஹெத்வா ஸீஸே பஹாரங் அதா³ஸி, ஸீஸங்
வோபி⁴ந்தி³ [வி + அவ + பி⁴ந்தி³ = வோபி⁴ந்தி³].
அத² கோ², பி⁴க்க²வே, காளீ தா³ஸீ பி⁴ன்னேன ஸீஸேன லோஹிதேன க³லந்தேன
படிவிஸ்ஸகானங் உஜ்ஜா²பேஸி – ‘பஸ்ஸத²ய்யே, ஸோரதாய கம்மங்; பஸ்ஸத²ய்யே,
நிவாதாய கம்மங், பஸ்ஸத²ய்யே, உபஸந்தாய கம்மங்! கத²ஞ்ஹி நாம ஏகதா³ஸிகாய
தி³வா உட்டா²ஸீதி குபிதா அனத்தமனா அக்³க³ளஸூசிங் க³ஹெத்வா ஸீஸே பஹாரங்
த³ஸ்ஸதி, ஸீஸங் வோபி⁴ந்தி³ஸ்ஸதீ’தி.

‘‘அத² கோ², பி⁴க்க²வே, வேதே³ஹிகாய க³ஹபதானியா அபரேன
ஸமயேன ஏவங் பாபகோ கித்திஸத்³தோ³ அப்³பு⁴க்³க³ச்சி² – ‘சண்டீ³ வேதே³ஹிகா
க³ஹபதானீ, அனிவாதா வேதே³ஹிகா க³ஹபதானீ, அனுபஸந்தா வேதே³ஹிகா க³ஹபதானீ’தி.

‘‘ஏவமேவ கோ², பி⁴க்க²வே, இதே⁴கச்சோ பி⁴க்கு² தாவதே³வ ஸோரதஸோரதோ ஹோதி நிவாதனிவாதோ ஹோதி உபஸந்தூபஸந்தோ ஹோதி யாவ ந அமனாபா வசனபதா² பு²ஸந்தி. யதோ ச, பி⁴க்க²வே, பி⁴க்கு²ங்
அமனாபா வசனபதா² பு²ஸந்தி, அத² பி⁴க்கு² ‘ஸோரதோ’தி வேதி³தப்³போ³,
‘நிவாதோ’தி வேதி³தப்³போ³, ‘உபஸந்தோ’தி வேதி³தப்³போ³. நாஹங் தங், பி⁴க்க²வே,
பி⁴க்கு²ங் ‘ஸுவசோ’தி வதா³மி யோ
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரஹேது ஸுவசோ ஹோதி,
ஸோவசஸ்ஸதங் ஆபஜ்ஜதி. தங் கிஸ்ஸ ஹேது? தஞ்ஹி ஸோ, பி⁴க்க²வே, பி⁴க்கு²
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரங்
அலப⁴மானோ ந ஸுவசோ ஹோதி, ந ஸோவசஸ்ஸதங் ஆபஜ்ஜதி. யோ ச கோ², பி⁴க்க²வே,
பி⁴க்கு² த⁴ம்மங்யேவ ஸக்கரொந்தோ, த⁴ம்மங் க³ருங் கரொந்தோ, த⁴ம்மங்
மானெந்தோ, த⁴ம்மங் பூஜெந்தோ, த⁴ம்மங் அபசாயமானோ [த⁴ம்மங் யேவ ஸக்கரொந்தோ த⁴ம்மங் க³ருகரொந்தோ த⁴ம்மங் அபசாயமானோ (ஸீ॰ ஸ்யா॰ பீ॰)]
ஸுவசோ ஹோதி, ஸோவசஸ்ஸதங் ஆபஜ்ஜதி, தமஹங் ‘ஸுவசோ’தி வதா³மி. தஸ்மாதிஹ,
பி⁴க்க²வே, ‘த⁴ம்மங்யேவ ஸக்கரொந்தா, த⁴ம்மங் க³ருங் கரொந்தா, த⁴ம்மங்
மானெந்தா, த⁴ம்மங் பூஜெந்தா, த⁴ம்மங் அபசாயமானா ஸுவசா ப⁴விஸ்ஸாம,
ஸோவசஸ்ஸதங் ஆபஜ்ஜிஸ்ஸாமா’தி. ஏவஞ்ஹி வோ, பி⁴க்க²வே, ஸிக்கி²தப்³ப³ங்.

227.
‘‘பஞ்சிமே, பி⁴க்க²வே, வசனபதா² யேஹி வோ பரே வத³மானா வதெ³ய்யுங் – காலேன வா
அகாலேன வா; பூ⁴தேன வா அபூ⁴தேன வா; ஸண்ஹேன வா ப²ருஸேன வா; அத்த²ஸங்ஹிதேன வா
அனத்த²ஸங்ஹிதேன வா; மெத்தசித்தா வா தோ³ஸந்தரா வா. காலேன வா, பி⁴க்க²வே,
பரே வத³மானா வதெ³ய்யுங் அகாலேன வா; பூ⁴தேன வா, பி⁴க்க²வே, பரே வத³மானா
வதெ³ய்யுங் அபூ⁴தேன வா; ஸண்ஹேன வா, பி⁴க்க²வே, பரே வத³மானா வதெ³ய்யுங்
ப²ருஸேன வா; அத்த²ஸங்ஹிதேன வா, பி⁴க்க²வே, பரே வத³மானா வதெ³ய்யுங்
அனத்த²ஸங்ஹிதேன வா ;
மெத்தசித்தா வா, பி⁴க்க²வே, பரே வத³மானா வதெ³ய்யுங் தோ³ஸந்தரா வா. தத்ராபி
வோ, பி⁴க்க²வே, ஏவங் ஸிக்கி²தப்³ப³ங் – ‘ந சேவ நோ சித்தங் விபரிணதங்
ப⁴விஸ்ஸதி, ந ச பாபிகங் வாசங் நிச்சா²ரெஸ்ஸாம, ஹிதானுகம்பீ ச விஹரிஸ்ஸாம
மெத்தசித்தா, ந தோ³ஸந்தரா. தஞ்ச புக்³க³லங் மெத்தாஸஹக³தேன சேதஸா ப²ரித்வா
விஹரிஸ்ஸாம, ததா³ரம்மணஞ்ச ஸப்³பா³வந்தங் லோகங் மெத்தாஸஹக³தேன சித்தேன
விபுலேன மஹக்³க³தேன அப்பமாணேன அவேரேன அப்³யாப³ஜ்ஜே²ன [அப்³யாபஜ்ஜே²ன (ஸீ॰ ஸ்யா॰ பீ॰), அப்³யாபஜ்ஜேன (க॰) அங்கு³த்தரதிகனிபாதடீகா ஓலோகேதப்³பா³] ப²ரித்வா விஹரிஸ்ஸாமா’தி. ஏவஞ்ஹி வோ, பி⁴க்க²வே, ஸிக்கி²தப்³ப³ங்.

228. ‘‘ஸெய்யதா²பி, பி⁴க்க²வே, புரிஸோ ஆக³ச்செ²ய்ய குதா³லபிடகங் [குத்³தா³லபிடகங் (ஸீ॰ ஸ்யா॰ பீ॰)] ஆதா³ய. ஸோ ஏவங் வதெ³ய்ய – ‘அஹங் இமங் மஹாபத²விங் அபத²விங் கரிஸ்ஸாமீ’தி . ஸோ தத்ர தத்ர விக²ணெய்ய [க²ணெய்ய (ஸீ॰ ஸ்யா॰ பீ॰)],
தத்ர தத்ர விகிரெய்ய, தத்ர தத்ர ஒட்டு²பெ⁴ய்ய, தத்ர தத்ர ஓமுத்தெய்ய –
‘அபத²வீ ப⁴வஸி, அபத²வீ ப⁴வஸீ’தி. தங் கிங் மஞ்ஞத², பி⁴க்க²வே, அபி நு ஸோ
புரிஸோ இமங் மஹாபத²விங் அபத²விங் கரெய்யா’’தி? ‘‘நோ ஹேதங், ப⁴ந்தே’’. ‘‘தங்
கிஸ்ஸ ஹேது’’? ‘‘அயஞ்ஹி, ப⁴ந்தே, மஹாபத²வீ க³ம்பீ⁴ரா அப்பமெய்யா. ஸா ந
ஸுகரா அபத²வீ காதுங்; யாவதே³வ ச பன ஸோ புரிஸோ கிலமத²ஸ்ஸ விகா⁴தஸ்ஸ பா⁴கீ³
அஸ்ஸா’’தி. ‘‘ஏவமேவ கோ², பி⁴க்க²வே, பஞ்சிமே வசனபதா² யேஹி வோ பரே வத³மானா
வதெ³ய்யுங் – காலேன வா அகாலேன வா; பூ⁴தேன வா அபூ⁴தேன வா; ஸண்ஹேன வா ப²ருஸேன
வா; அத்த²ஸங்ஹிதேன வா அனத்த²ஸங்ஹிதேன வா; மெத்தசித்தா வா தோ³ஸந்தரா வா.
காலேன வா , பி⁴க்க²வே, பரே வத³மானா வதெ³ய்யுங் அகாலேன
வா; பூ⁴தேன வா பி⁴க்க²வே, பரே வத³மானா வதெ³ய்யுங் அபூ⁴தேன வா; ஸண்ஹேன வா,
பி⁴க்க²வே, பரே வத³மானா வதெ³ய்யுங் ப²ருஸேன வா; அத்த²ஸங்ஹிதேன வா,
பி⁴க்க²வே, பரே வத³மானா வதெ³ய்யுங் அனத்த²ஸங்ஹிதேன வா; மெத்தசித்தா வா,
பி⁴க்க²வே, பரே வத³மானா வதெ³ய்யுங் தோ³ஸந்தரா வா. தத்ராபி வோ, பி⁴க்க²வே,
ஏவங் ஸிக்கி²தப்³ப³ங் – ‘ந சேவ நோ சித்தங் விபரிணதங் ப⁴விஸ்ஸதி, ந ச
பாபிகங் வாசங் நிச்சா²ரெஸ்ஸாம, ஹிதானுகம்பீ ச விஹரிஸ்ஸாம மெத்தசித்தா ந
தோ³ஸந்தரா. தஞ்ச புக்³க³லங் மெத்தாஸஹக³தேன சேதஸா ப²ரித்வா விஹரிஸ்ஸாம,
ததா³ரம்மணஞ்ச ஸப்³பா³வந்தங் லோகங் பத²விஸமேன சேதஸா விபுலேன மஹக்³க³தேன
அப்பமாணேன அவேரேன அப்³யாப³ஜ்ஜே²ன ப²ரித்வா விஹரிஸ்ஸாமா’தி. ஏவஞ்ஹி வோ,
பி⁴க்க²வே, ஸிக்கி²தப்³ப³ங்.

229.
‘‘ஸெய்யதா²பி, பி⁴க்க²வே, புரிஸோ ஆக³ச்செ²ய்ய லாக²ங் வா ஹலித்³தி³ங் வா
நீலங் வா மஞ்ஜிட்ட²ங் வா ஆதா³ய. ஸோ ஏவங் வதெ³ய்ய – ‘அஹங் இமஸ்மிங் ஆகாஸே
ரூபங் லிகி²ஸ்ஸாமி, ரூபபாதுபா⁴வங் கரிஸ்ஸாமீ’தி. தங் கிங் மஞ்ஞத²,
பி⁴க்க²வே, அபி நு ஸோ புரிஸோ இமஸ்மிங் ஆகாஸே ரூபங் லிகெ²ய்ய, ரூபபாதுபா⁴வங்
கரெய்யா’’தி? ‘‘நோ ஹேதங், ப⁴ந்தே’’. ‘‘தங் கிஸ்ஸ ஹேது’’? ‘‘அயஞ்ஹி,
ப⁴ந்தே, ஆகாஸோ அரூபீ அனித³ஸ்ஸனோ. தத்த² ந ஸுகரங் ரூபங் லிகி²துங்,
ரூபபாதுபா⁴வங் காதுங்; யாவதே³வ ச பன ஸோ புரிஸோ
கிலமத²ஸ்ஸ விகா⁴தஸ்ஸ பா⁴கீ³ அஸ்ஸா’’தி. ‘‘ஏவமேவ கோ², பி⁴க்க²வே, பஞ்சிமே
வசனபதா² யேஹி வோ பரே வத³மானா வதெ³ய்யுங் காலேன வா அகாலேன வா …பே॰… ‘ந சேவ… ததா³ரம்மணஞ்ச
ஸப்³பா³வந்தங் லோகங் ஆகாஸஸமேன சேதஸா விபுலேன மஹக்³க³தேன அப்பமாணேன அவேரேன
அப்³யாப³ஜ்ஜே²ன ப²ரித்வா விஹரிஸ்ஸாமா’தி. ஏவஞ்ஹி வோ, பி⁴க்க²வே,
ஸிக்கி²தப்³ப³ங்.

230.
‘‘ஸெய்யதா²பி, பி⁴க்க²வே, புரிஸோ ஆக³ச்செ²ய்ய ஆதி³த்தங் திணுக்கங் ஆதா³ய.
ஸோ ஏவங் வதெ³ய்ய – ‘அஹங் இமாய ஆதி³த்தாய திணுக்காய க³ங்க³ங் நதி³ங்
ஸந்தாபெஸ்ஸாமி ஸங்பரிதாபெஸ்ஸாமீ’தி. தங் கிங் மஞ்ஞத², பி⁴க்க²வே, அபி நு ஸோ
புரிஸோ ஆதி³த்தாய திணுக்காய க³ங்க³ங் நதி³ங் ஸந்தாபெய்ய
ஸங்பரிதாபெய்யா’’தி? ‘‘நோ ஹேதங், ப⁴ந்தே’’. ‘‘தங் கிஸ்ஸ ஹேது’’? ‘‘க³ங்கா³
ஹி, ப⁴ந்தே, நதீ³ க³ம்பீ⁴ரா அப்பமெய்யா. ஸா ந ஸுகரா ஆதி³த்தாய திணுக்காய
ஸந்தாபேதுங் ஸங்பரிதாபேதுங்; யாவதே³வ ச பன ஸோ புரிஸோ கிலமத²ஸ்ஸ விகா⁴தஸ்ஸ
பா⁴கீ³ அஸ்ஸா’’தி. ‘‘ஏவமேவ கோ², பி⁴க்க²வே, பஞ்சிமே வசனபதா² யேஹி வோ பரே
வத³மானா வதெ³ய்யுங் காலேன வா அகாலேன வா…பே॰… ‘ந
சேவ… ததா³ரம்மணஞ்ச ஸப்³பா³வந்தங் லோகங் க³ங்கா³ஸமேன சேதஸா விபுலேன
மஹக்³க³தேன அப்பமாணேன அவேரேன அப்³யாப³ஜ்ஜே²ன ப²ரித்வா விஹரிஸ்ஸாமா’’தி.
ஏவஞ்ஹி வோ, பி⁴க்க²வே, ஸிக்கி²தப்³ப³ங்.

231.
‘‘ஸெய்யதா²பி, பி⁴க்க²வே, பி³ளாரப⁴ஸ்தா மத்³தி³தா ஸுமத்³தி³தா
ஸுபரிமத்³தி³தா, முது³கா தூலினீ சி²ன்னஸஸ்ஸரா சி²ன்னப⁴ப்³ப⁴ரா. அத² புரிஸோ
ஆக³ச்செ²ய்ய கட்ட²ங் வா கத²லங் [கட²லங் (ஸீ॰ ஸ்யா॰ பீ॰)]
வா ஆதா³ய. ஸோ ஏவங் வதெ³ய்ய – ‘அஹங் இமங் பி³ளாரப⁴ஸ்தங் மத்³தி³தங்
ஸுமத்³தி³தங் ஸுபரிமத்³தி³தங், முது³கங் தூலினிங், சி²ன்னஸஸ்ஸரங்
சி²ன்னப⁴ப்³ப⁴ரங் கட்டே²ன வா கத²லேன வா ஸரஸரங் கரிஸ்ஸாமி ப⁴ரப⁴ரங்
கரிஸ்ஸாமீ’தி . தங் கிங் மஞ்ஞத², பி⁴க்க²வே, அபி நு
ஸோ புரிஸோ அமுங் பி³ளாரப⁴ஸ்தங் மத்³தி³தங் ஸுமத்³தி³தங் ஸுபரிமத்³தி³தங்,
முது³கங் தூலினிங், சி²ன்னஸஸ்ஸரங் சி²ன்னப⁴ப்³ப⁴ரங் கட்டே²ன வா கத²லேன வா
ஸரஸரங் கரெய்ய, ப⁴ரப⁴ரங் கரெய்யா’’தி? ‘‘நோ ஹேதங், ப⁴ந்தே’’. ‘‘தங் கிஸ்ஸ
ஹேது’’? ‘‘அமு ஹி, ப⁴ந்தே, பி³ளாரப⁴ஸ்தா மத்³தி³தா ஸுமத்³தி³தா
ஸுபரிமத்³தி³தா, முது³கா தூலினீ, சி²ன்னஸஸ்ஸரா சி²ன்னப⁴ப்³ப⁴ரா. ஸா ந ஸுகரா
கட்டே²ன வா கத²லேன வா ஸரஸரங் காதுங் ப⁴ரப⁴ரங் காதுங்; யாவதே³வ ச பன ஸோ
புரிஸோ கிலமத²ஸ்ஸ விகா⁴தஸ்ஸ பா⁴கீ³ அஸ்ஸா’’தி. ‘‘ஏவமேவ கோ², பி⁴க்க²வே,
பஞ்சிமே வசனபதா² யேஹி வோ பரே வத³மானா வதெ³ய்யுங் காலேன வா அகாலேன வா; பூ⁴தேன வா அபூ⁴தேன வா; ஸண்ஹேன
வா ப²ருஸேன வா; அத்த²ஸங்ஹிதேன வா அனத்த²ஸங்ஹிதேன வா; மெத்தசித்தா வா
தோ³ஸந்தரா வா. காலேன வா பி⁴க்க²வே பரே வத³மானா வதெ³ய்யுங் அகாலேன வா;
பூ⁴தேன வா, பி⁴க்க²வே, பரே வத³மானா வதெ³ய்யுங் அபூ⁴தேன வா; ஸண்ஹேன வா,
பி⁴க்க²வே, பரே வத³மானா வதெ³ய்யுங் ப²ருஸேன வா; அத்த²ஸங்ஹிதேன வா,
பி⁴க்க²வே, பரே வத³மானா வதெ³ய்யுங் அனத்த²ஸங்ஹிதேன வா; மெத்தசித்தா வா,
பி⁴க்க²வே, பரே வத³மானா வதெ³ய்யுங் தோ³ஸந்தரா வா. தத்ராபி வோ, பி⁴க்க²வே,
ஏவங் ஸிக்கி²தப்³ப³ங் – ‘ந சேவ நோ சித்தங் விபரிணதங் ப⁴விஸ்ஸதி, ந ச
பாபிகங் வாசங் நிச்சா²ரெஸ்ஸாம ஹிதானுகம்பீ ச விஹரிஸ்ஸாம மெத்தசித்தா ந
தோ³ஸந்தரா. தஞ்ச புக்³க³லங் மெத்தாஸஹக³தேன சேதஸா ப²ரித்வா விஹரிஸ்ஸாம,
ததா³ரம்மணஞ்ச ஸப்³பா³வந்தங் லோகங் பி³ளாரப⁴ஸ்தாஸமேன சேதஸா விபுலேன மஹக்³க³தேன அப்பமாணேன அவேரேன அப்³யாப³ஜ்ஜே²ன ப²ரித்வா விஹரிஸ்ஸாமா’தி. ஏவஞ்ஹி வோ, பி⁴க்க²வே, ஸிக்கி²தப்³ப³ங்.

232.
‘‘உப⁴தோத³ண்ட³கேன சேபி, பி⁴க்க²வே, ககசேன சோரா ஓசரகா அங்க³மங்கா³னி
ஓகந்தெய்யுங், தத்ராபி யோ மனோ பதூ³ஸெய்ய, ந மே ஸோ தேன ஸாஸனகரோ. தத்ராபி வோ,
பி⁴க்க²வே , ஏவங் ஸிக்கி²தப்³ப³ங் – ‘ந சேவ நோ
சித்தங் விபரிணதங் ப⁴விஸ்ஸதி, ந ச பாபிகங் வாசங் நிச்சா²ரெஸ்ஸாம,
ஹிதானுகம்பீ ச விஹரிஸ்ஸாம மெத்தசித்தா ந தோ³ஸந்தரா. தஞ்ச புக்³க³லங்
மெத்தாஸஹக³தேன சேதஸா ப²ரித்வா விஹரிஸ்ஸாம ததா³ரம்மணஞ்ச ஸப்³பா³வந்தங் லோகங்
மெத்தாஸஹக³தேன சேதஸா விபுலேன மஹக்³க³தேன அப்பமாணேன அவேரேன அப்³யாப³ஜ்ஜே²ன
ப²ரித்வா விஹரிஸ்ஸாமா’தி. ஏவஞ்ஹி வோ, பி⁴க்க²வே, ஸிக்கி²தப்³ப³ங்.

233. ‘‘இமஞ்ச [இமஞ்சே (?)]
தும்ஹே, பி⁴க்க²வே, ககசூபமங் ஓவாத³ங் அபி⁴க்க²ணங் மனஸி கரெய்யாத². பஸ்ஸத²
நோ தும்ஹே, பி⁴க்க²வே, தங் வசனபத²ங், அணுங் வா தூ²லங் வா, யங் தும்ஹே
நாதி⁴வாஸெய்யாதா²’’தி? ‘‘நோ ஹேதங், ப⁴ந்தே’’. ‘‘தஸ்மாதிஹ, பி⁴க்க²வே, இமங்
ககசூபமங் ஓவாத³ங் அபி⁴க்க²ணங் மனஸிகரோத². தங் வோ ப⁴விஸ்ஸதி தீ³க⁴ரத்தங்
ஹிதாய ஸுகா²யா’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

ககசூபமஸுத்தங் நிட்டி²தங் பட²மங்.

2. அலக³த்³தூ³பமஸுத்தங்

234. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன அரிட்ட²ஸ்ஸ நாம பி⁴க்கு²னோ
க³த்³த⁴பா³தி⁴புப்³ப³ஸ்ஸ [க³ந்த⁴பா³தி⁴புப்³ப³ஸ்ஸ (க॰)]
ஏவரூபங் பாபகங் தி³ட்டி²க³தங் உப்பன்னங் ஹோதி – ‘‘ததா²ஹங் ப⁴க³வதா த⁴ம்மங்
தே³ஸிதங் ஆஜானாமி யதா² யேமே அந்தராயிகா த⁴ம்மா வுத்தா ப⁴க³வதா தே படிஸேவதோ
நாலங் அந்தராயாயா’’தி. அஸ்ஸோஸுங் கோ² ஸம்ப³ஹுலா பி⁴க்கூ² – ‘‘அரிட்ட²ஸ்ஸ
கிர நாம பி⁴க்கு²னோ க³த்³த⁴பா³தி⁴புப்³ப³ஸ்ஸ ஏவரூபங் பாபகங் தி³ட்டி²க³தங்
உப்பன்னங் – ‘ததா²ஹங் ப⁴க³வதா த⁴ம்மங் தே³ஸிதங் ஆஜானாமி யதா² யேமே
அந்தராயிகா த⁴ம்மா வுத்தா ப⁴க³வதா தே படிஸேவதோ நாலங் அந்தராயாயா’’’தி. அத²
கோ² தே பி⁴க்கூ² யேன அரிட்டோ² பி⁴க்கு² க³த்³த⁴பா³தி⁴புப்³போ³
தேனுபஸங்கமிங்ஸு; உபஸங்கமித்வா அரிட்ட²ங் பி⁴க்கு²ங்
க³த்³த⁴பா³தி⁴புப்³ப³ங் ஏதத³வோசுங் – ‘‘ஸச்சங் கிர தே, ஆவுஸோ அரிட்ட²,
ஏவரூபங் பாபகங் தி³ட்டி²க³தங் உப்பன்னங் – ‘ததா²ஹங் ப⁴க³வதா த⁴ம்மங்
தே³ஸிதங் ஆஜானாமி யதா² யேமே அந்தராயிகா த⁴ம்மா வுத்தா ப⁴க³வதா தே படிஸேவதோ
நாலங் அந்தராயாயா’’’தி. ‘‘ஏவங்ப்³யாகோ² [ஏவங் கோ² (?) ப⁴க³வதோ ஸம்முகா²யேவஸ்ஸ ‘‘ஏவங்ப்³யாகோ²’’தி] அஹங், ஆவுஸோ, ப⁴க³வதா த⁴ம்மங் தே³ஸிதங் ஆஜானாமி யதா² யேமே அந்தராயிகா த⁴ம்மா வுத்தா ப⁴க³வதா தே படிஸேவதோ நாலங் அந்தராயாயா’’தி.

அத² கோ² தேபி பி⁴க்கூ² அரிட்ட²ங் பி⁴க்கு²ங் க³த்³த⁴பா³தி⁴புப்³ப³ங் ஏதஸ்மா பாபகா தி³ட்டி²க³தா விவேசேதுகாமா ஸமனுயுஞ்ஜந்தி ஸமனுகா³ஹந்தி [ஸமனுக்³கா³ஹந்தி (ஸ்யா॰)] ஸமனுபா⁴ஸந்தி – ‘‘மா ஹேவங், ஆவுஸோ அரிட்ட², அவச, மா ப⁴க³வந்தங் அப்³பா⁴சிக்கி²; ந ஹி ஸாது⁴ ப⁴க³வதோ அப்³ப⁴க்கா²னங் [அப்³பா⁴சிக்க²னங் (க॰)],
ந ஹி ப⁴க³வா ஏவங் வதெ³ய்ய. அனேகபரியாயேனாவுஸோ அரிட்ட², அந்தராயிகா த⁴ம்மா
அந்தராயிகா வுத்தா ப⁴க³வதா, அலஞ்ச பன தே படிஸேவதோ அந்தராயாய. அப்பஸ்ஸாதா³
காமா வுத்தா ப⁴க³வதா ப³ஹுது³க்கா² ப³ஹுபாயாஸா,ஆதீ³னவோ எத்த² பி⁴ய்யோ.
அட்டி²கங்கலூபமா காமா வுத்தா ப⁴க³வதா…பே॰… மங்ஸபேஸூபமா காமா வுத்தா
ப⁴க³வதா… திணுக்கூபமா காமா வுத்தா ப⁴க³வதா… அங்கா³ரகாஸூபமா காமா வுத்தா
ப⁴க³வதா… ஸுபினகூபமா காமா வுத்தா ப⁴க³வதா… யாசிதகூபமா காமா வுத்தா ப⁴க³வதா…
ருக்க²ப²லூபமா காமா வுத்தா ப⁴க³வதா… அஸிஸூனூபமா காமா வுத்தா ப⁴க³வதா…
ஸத்திஸூலூபமா காமா வுத்தா ப⁴க³வதா… ஸப்பஸிரூபமா காமா வுத்தா ப⁴க³வதா ப³ஹுது³க்கா² ப³ஹுபாயாஸா, ஆதீ³னவோ எத்த² பி⁴ய்யோ’’தி. ஏவம்பி கோ² அரிட்டோ² பி⁴க்கு² க³த்³த⁴பா³தி⁴புப்³போ³ தேஹி பி⁴க்கூ²ஹி ஸமனுயுஞ்ஜியமானோ ஸமனுகா³ஹியமானோ [ஸமனுக்³கா³ஹியமானோ (ஸ்யா॰ வினயேபி)] ஸமனுபா⁴ஸியமானோ ததே³வ [ததே²வ தங் (வினயே)]
பாபகங் தி³ட்டி²க³தங் தா²மஸா பராமாஸா அபி⁴னிவிஸ்ஸ வோஹரதி – ‘‘ஏவங்ப்³யாகோ²
அஹங், ஆவுஸோ, ப⁴க³வதா த⁴ம்மங் தே³ஸிதங் ஆஜானாமி யதா² யேமே அந்தராயிகா
த⁴ம்மா வுத்தா ப⁴க³வதா தே படிஸேவதோ நாலங் அந்தராயாயா’’தி.

235. யதோ கோ² தே பி⁴க்கூ² நாஸக்கி²ங்ஸு அரிட்ட²ங் பி⁴க்கு²ங் க³த்³த⁴பா³தி⁴புப்³ப³ங்
ஏதஸ்மா பாபகா தி³ட்டி²க³தா விவேசேதுங், அத² கோ² தே பி⁴க்கூ² யேன ப⁴க³வா
தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³ங்ஸு. ஏகமந்தங் நிஸின்னா கோ² தே பி⁴க்கூ² ப⁴க³வந்தங் ஏதத³வோசுங் –
‘‘அரிட்ட²ஸ்ஸ நாம, ப⁴ந்தே, பி⁴க்கு²னோ க³த்³த⁴பா³தி⁴புப்³ப³ஸ்ஸ ஏவரூபங்
பாபகங் தி³ட்டி²க³தங் உப்பன்னங் – ‘ததா²ஹங் ப⁴க³வதா த⁴ம்மங் தே³ஸிதங்
ஆஜானாமி யதா² யேமே அந்தராயிகா த⁴ம்மா வுத்தா ப⁴க³வதா தே படிஸேவதோ நாலங்
அந்தராயாயா’தி. அஸ்ஸும்ஹ கோ² மயங், ப⁴ந்தே – ‘அரிட்ட²ஸ்ஸ கிர நாம
பி⁴க்கு²னோ க³த்³த⁴பா³தி⁴புப்³ப³ஸ்ஸ ஏவரூபங் பாபகங் தி³ட்டி²க³தங்
உப்பன்னங் – ததா²ஹங் ப⁴க³வதா த⁴ம்மங் தே³ஸிதங் ஆஜானாமி யதா² யேமே
அந்தராயிகா த⁴ம்மா வுத்தா ப⁴க³வதா தே படிஸேவதோ நாலங் அந்தராயாயா’தி. அத²
கோ² மயங், ப⁴ந்தே, யேன அரிட்டோ² பி⁴க்கு² க³த்³த⁴பா³தி⁴புப்³போ³
தேனுபஸங்கமிம்ஹ; உபஸங்கமித்வா அரிட்ட²ங் பி⁴க்கு²ங் க³த்³த⁴பா³தி⁴புப்³ப³ங்
ஏதத³வோசும்ஹ – ‘ஸச்சங் கிர தே, ஆவுஸோ அரிட்ட², ஏவரூபங் பாபகங்
தி³ட்டி²க³தங் உப்பன்னங் – ததா²ஹங் ப⁴க³வதா த⁴ம்மங் தே³ஸிதங் ஆஜானாமி யதா²
யேமே அந்தராயிகா த⁴ம்மா வுத்தா ப⁴க³வதா தே படிஸேவதோ நாலங் அந்தராயாயா’தி?

‘‘ஏவங் வுத்தே, ப⁴ந்தே, அரிட்டோ² பி⁴க்கு²
க³த்³த⁴பா³தி⁴புப்³போ³ அம்ஹே ஏதத³வோச – ‘ஏவங்ப்³யாகோ² அஹங், ஆவுஸோ, ப⁴க³வதா
த⁴ம்மங் தே³ஸிதங் ஆஜானாமி யதா² யேமே அந்தராயிகா த⁴ம்மா வுத்தா ப⁴க³வதா தே
படிஸேவதோ நாலங் அந்தராயாயா’தி. அத² கோ² மயங், ப⁴ந்தே, அரிட்ட²ங் பி⁴க்கு²ங்
க³த்³த⁴பா³தி⁴புப்³ப³ங் ஏதஸ்மா பாபகா தி³ட்டி²க³தா விவேசேதுகாமா
ஸமனுயுஞ்ஜிம்ஹ ஸமனுகா³ஹிம்ஹ ஸமனுபா⁴ஸிம்ஹ – ‘மா ஹேவங், ஆவுஸோ அரிட்ட², அவச, மா ப⁴க³வந்தங் அப்³பா⁴சிக்கி²; ந ஹி ஸாது⁴ ப⁴க³வதோ அப்³ப⁴க்கா²னங் ,
ந ஹி ப⁴க³வா ஏவங் வதெ³ய்ய. அனேகபரியாயேனாவுஸோ அரிட்ட², அந்தராயிகா த⁴ம்மா
அந்தராயிகா வுத்தா ப⁴க³வதா, அலஞ்ச பன தே படிஸேவதோ அந்தராயாய. அப்பஸ்ஸாதா³
காமா வுத்தா ப⁴க³வதா ப³ஹுது³க்கா² ப³ஹுபாயாஸா, ஆதீ³னவோ எத்த² பி⁴ய்யோ.
அட்டி²கங்கலூபமா காமா வுத்தா ப⁴க³வதா…பே॰… ஸப்பஸிரூபமா காமா வுத்தா ப⁴க³வதா
ப³ஹுது³க்கா² ப³ஹுபாயாஸா, ஆதீ³னவோ எத்த² பி⁴ய்யோ’தி. ஏவம்பி கோ², ப⁴ந்தே,
அரிட்டோ² பி⁴க்கு² க³த்³த⁴பா³தி⁴புப்³போ³ அம்ஹேஹி ஸமனுயுஞ்ஜியமானோ
ஸமனுகா³ஹியமானோ ஸமனுபா⁴ஸியமானோ ததே³வ பாபகங்
தி³ட்டி²க³தங் தா²மஸா பராமாஸா அபி⁴னிவிஸ்ஸ வோஹரதி – ‘ஏவங்ப்³யாகோ² அஹங்,
ஆவுஸோ, ப⁴க³வதா த⁴ம்மங் தே³ஸிதங் ஆஜானாமி யதா² யேமே அந்தராயிகா த⁴ம்மா
வுத்தா ப⁴க³வதா தே படிஸேவதோ நாலங் அந்தராயாயா’தி. யதோ கோ² மயங், ப⁴ந்தே,
நாஸக்கி²ம்ஹ அரிட்ட²ங் பி⁴க்கு²ங் க³த்³த⁴பா³தி⁴புப்³ப³ங் ஏதஸ்மா பாபகா
தி³ட்டி²க³தா விவேசேதுங், அத² மயங் ஏதமத்த²ங் ப⁴க³வதோ ஆரோசேமா’’தி.

236.
அத² கோ² ப⁴க³வா அஞ்ஞதரங் பி⁴க்கு²ங் ஆமந்தேஸி – ‘‘ஏஹி த்வங், பி⁴க்கு², மம
வசனேன அரிட்ட²ங் பி⁴க்கு²ங் க³த்³த⁴பா³தி⁴புப்³ப³ங் ஆமந்தேஹி – ‘ஸத்தா²
தங், ஆவுஸோ அரிட்ட², ஆமந்தேதீ’’’தி. ‘‘ஏவங் ,
ப⁴ந்தே’’தி கோ² ஸோ பி⁴க்கு² ப⁴க³வதோ படிஸ்ஸுத்வா, யேன அரிட்டோ² பி⁴க்கு²
க³த்³த⁴பா³தி⁴புப்³போ³ தேனுபஸங்கமி; உபஸங்கமித்வா அரிட்ட²ங் பி⁴க்கு²ங்
க³த்³த⁴பா³தி⁴புப்³ப³ங் ஏதத³வோச – ‘‘ஸத்தா² தங்,
ஆவுஸோ அரிட்ட², ஆமந்தேதீ’’தி. ‘‘ஏவமாவுஸோ’’தி கோ² அரிட்டோ² பி⁴க்கு²
க³த்³த⁴பா³தி⁴புப்³போ³ தஸ்ஸ பி⁴க்கு²னோ படிஸ்ஸுத்வா யேன ப⁴க³வா
தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³.
ஏகமந்தங் நிஸின்னங் கோ² அரிட்ட²ங் பி⁴க்கு²ங் க³த்³த⁴பா³தி⁴புப்³ப³ங்
ப⁴க³வா ஏதத³வோச – ‘‘ஸச்சங் கிர தே, அரிட்ட², ஏவரூபங் பாபகங் தி³ட்டி²க³தங்
உப்பன்னங் – ‘ததா²ஹங் ப⁴க³வதா த⁴ம்மங் தே³ஸிதங் ஆஜானாமி யதா² யேமே
அந்தராயிகா த⁴ம்மா வுத்தா ப⁴க³வதா தே படிஸேவதோ நாலங் அந்தராயாயா’’’தி?

‘‘ஏவங்ப்³யாகோ² அஹங், ப⁴ந்தே, ப⁴க³வதா த⁴ம்மங்
தே³ஸிதங் ஆஜானாமி – ‘யதா² யேமே அந்தராயிகா த⁴ம்மா வுத்தா ப⁴க³வதா தே
படிஸேவதோ நாலங் அந்தராயாயா’’’தி. ‘‘கஸ்ஸ கோ² நாம த்வங், மோக⁴புரிஸ, மயா
ஏவங் த⁴ம்மங் தே³ஸிதங் ஆஜானாஸி? நனு மயா, மோக⁴புரிஸ, அனேகபரியாயேன
அந்தராயிகா த⁴ம்மா அந்தராயிகா வுத்தா? அலஞ்ச பன தே படிஸேவதோ அந்தராயாய.
அப்பஸ்ஸாதா³ காமா வுத்தா மயா, ப³ஹுது³க்கா² ப³ஹுபாயாஸா, ஆதீ³னவோ எத்த²
பி⁴ய்யோ. அட்டி²கங்கலூபமா காமா வுத்தா மயா… மங்ஸபேஸூபமா
காமா வுத்தா மயா… திணுக்கூபமா காமா வுத்தா மயா… அங்கா³ரகாஸூபமா காமா
வுத்தா மயா… ஸுபினகூபமா காமா வுத்தா மயா… யாசிதகூபமா காமா வுத்தா மயா…
ருக்க²ப²லூபமா காமா வுத்தா மயா… அஸிஸூனூபமா காமா வுத்தா மயா… ஸத்திஸூலூபமா
காமா வுத்தா மயா… ஸப்பஸிரூபமா காமா வுத்தா மயா, ப³ஹுது³க்கா² ப³ஹுபாயாஸா,
ஆதீ³னவோ எத்த² பி⁴ய்யோ. அத² ச பன த்வங், மோக⁴புரிஸ, அத்தனா து³க்³க³ஹிதேன
அம்ஹே சேவ அப்³பா⁴சிக்க²ஸி, அத்தானஞ்ச க²னஸி, ப³ஹுஞ்ச அபுஞ்ஞங் பஸவஸி.
தஞ்ஹி தே, மோக⁴புரிஸ, ப⁴விஸ்ஸதி தீ³க⁴ரத்தங் அஹிதாய து³க்கா²யா’’தி.

அத² கோ² ப⁴க³வா பி⁴க்கூ²
ஆமந்தேஸி – ‘‘தங் கிங் மஞ்ஞத², பி⁴க்க²வே, அபி நாயங் அரிட்டோ² பி⁴க்கு²
க³த்³த⁴பா³தி⁴புப்³போ³ உஸ்மீகதோபி இமஸ்மிங் த⁴ம்மவினயே’’தி? ‘‘கிஞ்ஹி [கிங்தி (க॰)]
ஸியா, ப⁴ந்தே; நோ ஹேதங், ப⁴ந்தே’’தி. ஏவங் வுத்தே, அரிட்டோ² பி⁴க்கு²
க³த்³த⁴பா³தி⁴புப்³போ³ துண்ஹீபூ⁴தோ மங்குபூ⁴தோ பத்தக்க²ந்தோ⁴ அதோ⁴முகோ²
பஜ்ஜா²யந்தோ அப்படிபா⁴னோ நிஸீதி³. அத² கோ² ப⁴க³வா அரிட்ட²ங் பி⁴க்கு²ங்
க³த்³த⁴பா³தி⁴புப்³ப³ங் துண்ஹீபூ⁴தங் மங்குபூ⁴தங் பத்தக்க²ந்த⁴ங்
அதோ⁴முக²ங் பஜ்ஜா²யந்தங் அப்படிபா⁴னங் விதி³த்வா அரிட்ட²ங் பி⁴க்கு²ங்
க³த்³த⁴பா³தி⁴புப்³ப³ங் ஏதத³வோச – ‘‘பஞ்ஞாயிஸ்ஸஸி கோ² த்வங், மோக⁴புரிஸ,
ஏதேன ஸகேன பாபகேன தி³ட்டி²க³தேன. இதா⁴ஹங் பி⁴க்கூ² படிபுச்சி²ஸ்ஸாமீ’’தி.

237. அத² கோ² ப⁴க³வா பி⁴க்கூ² ஆமந்தேஸி – ‘‘தும்ஹேபி மே, பி⁴க்க²வே ,
ஏவங் த⁴ம்மங் தே³ஸிதங் ஆஜானாத² யதா²யங் அரிட்டோ² பி⁴க்கு²
க³த்³த⁴பா³தி⁴புப்³போ³ அத்தனா து³க்³க³ஹிதேன அம்ஹே சேவ அப்³பா⁴சிக்க²தி,
அத்தானஞ்ச க²னதி, ப³ஹுஞ்ச அபுஞ்ஞங் பஸவதீ’’தி? ‘‘நோ ஹேதங், ப⁴ந்தே.
அனேகபரியாயேன ஹி நோ, ப⁴ந்தே, அந்தராயிகா த⁴ம்மா அந்தராயிகா வுத்தா ப⁴க³வதா;
அலஞ்ச பன தே படிஸேவதோ அந்தராயாய. அப்பஸ்ஸாதா³ காமா வுத்தா ப⁴க³வதா
ப³ஹுது³க்கா² ப³ஹுபாயாஸா, ஆதீ³னவோ எத்த² பி⁴ய்யோ. அட்டி²கங்கலூபமா காமா
வுத்தா ப⁴க³வதா…பே॰… ஸப்பஸிரூபமா காமா வுத்தா ப⁴க³வதா ப³ஹுது³க்கா²
ப³ஹுபாயாஸா , ஆதீ³னவோ எத்த² பி⁴ய்யோ’’தி. ‘‘ஸாது⁴
ஸாது⁴, பி⁴க்க²வே, ஸாது⁴, கோ² மே தும்ஹே, பி⁴க்க²வே, ஏவங் த⁴ம்மங் தே³ஸிதங்
ஆஜானாத². அனேகபரியாயேன ஹி கோ², பி⁴க்க²வே, அந்தராயிகா த⁴ம்மா வுத்தா மயா,
அலஞ்ச பன தே படிஸேவதோ அந்தராயாய. அப்பஸ்ஸாதா³ காமா வுத்தா மயா ,
ப³ஹுது³க்கா² ப³ஹுபாயாஸா, ஆதீ³னவோ எத்த² பி⁴ய்யோ. அட்டி²கங்கலூபமா காமா
வுத்தா மயா…பே॰… ஸப்பஸிரூபமா காமா வுத்தா மயா, ப³ஹுது³க்கா² ப³ஹுபாயாஸா,
ஆதீ³னவோ எத்த² பி⁴ய்யோ. அத² ச பனாயங் அரிட்டோ² பி⁴க்கு²
க³த்³த⁴பா³தி⁴புப்³போ³ அத்தனா து³க்³க³ஹிதேன அம்ஹே சேவ அப்³பா⁴சிக்க²தி,
அத்தானஞ்ச க²னதி, ப³ஹுஞ்ச அபுஞ்ஞங் பஸவதி. தஞ்ஹி தஸ்ஸ மோக⁴புரிஸஸ்ஸ
ப⁴விஸ்ஸதி தீ³க⁴ரத்தங் அஹிதாய து³க்கா²ய. ஸோ வத, பி⁴க்க²வே, அஞ்ஞத்ரேவ
காமேஹி அஞ்ஞத்ர காமஸஞ்ஞாய அஞ்ஞத்ர காமவிதக்கேஹி காமே படிஸேவிஸ்ஸதீதி –
நேதங் டா²னங் விஜ்ஜதி’’.

238.
‘‘இத⁴, பி⁴க்க²வே, ஏகச்சே மோக⁴புரிஸா த⁴ம்மங் பரியாபுணந்தி – ஸுத்தங்,
கெ³ய்யங், வெய்யாகரணங், கா³த²ங், உதா³னங், இதிவுத்தகங், ஜாதகங்,
அப்³பு⁴தத⁴ம்மங், வேத³ல்லங். தே தங் த⁴ம்மங் பரியாபுணித்வா தேஸங் த⁴ம்மானங்
பஞ்ஞாய அத்த²ங் ந உபபரிக்க²ந்தி. தேஸங் தே த⁴ம்மா பஞ்ஞாய அத்த²ங்
அனுபபரிக்க²தங் ந நிஜ்ஜா²னங் க²மந்தி. தே
உபாரம்பா⁴னிஸங்ஸா சேவ த⁴ம்மங் பரியாபுணந்தி இதிவாத³ப்பமொக்கா²னிஸங்ஸா ச.
யஸ்ஸ சத்தா²ய த⁴ம்மங் பரியாபுணந்தி தஞ்சஸ்ஸ அத்த²ங்
நானுபொ⁴ந்தி. தேஸங் தே த⁴ம்மா து³க்³க³ஹிதா தீ³க⁴ரத்தங் அஹிதாய து³க்கா²ய
ஸங்வத்தந்தி. தங் கிஸ்ஸ ஹேது? து³க்³க³ஹிதத்தா, பி⁴க்க²வே, த⁴ம்மானங்.

‘‘ஸெய்யதா²பி, பி⁴க்க²வே, புரிஸோ அலக³த்³த³த்தி²கோ
அலக³த்³த³க³வேஸீ அலக³த்³த³பரியேஸனங் சரமானோ. ஸோ பஸ்ஸெய்ய மஹந்தங்
அலக³த்³த³ங். தமேனங் போ⁴கே³ வா நங்கு³ட்டே² வா க³ண்ஹெய்ய. தஸ்ஸ ஸோ
அலக³த்³தோ³ படிபரிவத்தித்வா [படினிவத்தித்வா (ஸ்யா॰ க॰)] ஹத்தே² வா பா³ஹாய வா அஞ்ஞதரஸ்மிங் வா அங்க³பச்சங்கே³ ட³ங்ஸெய்ய [ட³ஸெய்ய (ஸீ॰ பீ॰)]. ஸோ ததோனிதா³னங்
மரணங் வா நிக³ச்செ²ய்ய மரணமத்தங் வா து³க்க²ங். தங் கிஸ்ஸ ஹேது?
து³க்³க³ஹிதத்தா, பி⁴க்க²வே, அலக³த்³த³ஸ்ஸ. ஏவமேவ கோ², பி⁴க்க²வே,
இதே⁴கச்சே மோக⁴புரிஸா த⁴ம்மங் பரியாபுணந்தி – ஸுத்தங், கெ³ய்யங்,
வெய்யாகரணங், கா³த²ங், உதா³னங், இதிவுத்தகங், ஜாதகங், அப்³பு⁴தத⁴ம்மங்,
வேத³ல்லங். தே தங் த⁴ம்மங் பரியாபுணித்வா தேஸங் த⁴ம்மானங் பஞ்ஞாய அத்த²ங் ந
உபபரிக்க²ந்தி. தேஸங் தே த⁴ம்மா பஞ்ஞாய அத்த²ங் அனுபபரிக்க²தங் ந
நிஜ்ஜா²னங் க²மந்தி. தே உபாரம்பா⁴னிஸங்ஸா சேவ த⁴ம்மங் பரியாபுணந்தி
இதிவாத³ப்பமொக்கா²னிஸங்ஸா ச. யஸ்ஸ சத்தா²ய த⁴ம்மங் பரியாபுணந்தி தஞ்சஸ்ஸ
அத்த²ங் நானுபொ⁴ந்தி. தேஸங் தே த⁴ம்மா து³க்³க³ஹிதா தீ³க⁴ரத்தங் அஹிதாய
து³க்கா²ய ஸங்வத்தந்தி. தங் கிஸ்ஸ ஹேது? து³க்³க³ஹிதத்தா பி⁴க்க²வே
த⁴ம்மானங்.

239. ‘‘இத⁴
பன, பி⁴க்க²வே, ஏகச்சே குலபுத்தா த⁴ம்மங் பரியாபுணந்தி – ஸுத்தங்,
கெ³ய்யங், வெய்யாகரணங், கா³த²ங், உதா³னங், இதிவுத்தகங், ஜாதகங்,
அப்³பு⁴தத⁴ம்மங், வேத³ல்லங். தே தங் த⁴ம்மங் பரியாபுணித்வா தேஸங் த⁴ம்மானங்
பஞ்ஞாய அத்த²ங் உபபரிக்க²ந்தி. தேஸங் தே த⁴ம்மா பஞ்ஞாய அத்த²ங்
உபபரிக்க²தங் நிஜ்ஜா²னங் க²மந்தி. தே ந சேவ உபாரம்பா⁴னிஸங்ஸா த⁴ம்மங் பரியாபுணந்தி ந இதிவாத³ப்பமொக்கா²னிஸங்ஸா ச [ந ச இதிவாத³ப்பமொக்கா²னிஸங்ஸா (?)].
யஸ்ஸ சத்தா²ய த⁴ம்மங் பரியாபுணந்தி தஞ்சஸ்ஸ அத்த²ங் அனுபொ⁴ந்தி. தேஸங் தே
த⁴ம்மா ஸுக்³க³ஹிதா தீ³க⁴ரத்தங் ஹிதாய ஸுகா²ய ஸங்வத்தந்தி. தங் கிஸ்ஸ ஹேது?
ஸுக்³க³ஹிதத்தா பி⁴க்க²வே த⁴ம்மானங்.

‘‘ஸெய்யதா²பி, பி⁴க்க²வே, புரிஸோ அலக³த்³த³த்தி²கோ
அலக³த்³த³க³வேஸீ அலக³த்³த³பரியேஸனங் சரமானோ. ஸோ பஸ்ஸெய்ய மஹந்தங்
அலக³த்³த³ங். தமேனங் அஜபதே³ன த³ண்டே³ன ஸுனிக்³க³ஹிதங் நிக்³க³ண்ஹெய்ய.
அஜபதே³ன த³ண்டே³ன ஸுனிக்³க³ஹிதங் நிக்³க³ஹித்வா, கீ³வாய ஸுக்³க³ஹிதங்
க³ண்ஹெய்ய. கிஞ்சாபி ஸோ, பி⁴க்க²வே , அலக³த்³தோ³
தஸ்ஸ புரிஸஸ்ஸ ஹத்த²ங் வா பா³ஹங் வா அஞ்ஞதரங் வா அங்க³பச்சங்க³ங் போ⁴கே³ஹி
பலிவேடெ²ய்ய, அத² கோ² ஸோ நேவ ததோனிதா³னங் மரணங் வா நிக³ச்செ²ய்ய மரணமத்தங்
வா து³க்க²ங். தங் கிஸ்ஸ ஹேது? ஸுக்³க³ஹிதத்தா, பி⁴க்க²வே, அலக³த்³த³ஸ்ஸ.
ஏவமேவ கோ², பி⁴க்க²வே, இதே⁴கச்சே குலபுத்தா த⁴ம்மங் பரியாபுணந்தி –
ஸுத்தங், கெ³ய்யங், வெய்யாகரணங், கா³த²ங், உதா³னங், இதிவுத்தகங், ஜாதகங்,
அப்³பு⁴தத⁴ம்மங், வேத³ல்லங். தே தங் த⁴ம்மங் பரியாபுணித்வா தேஸங் த⁴ம்மானங்
பஞ்ஞாய அத்த²ங் உபபரிக்க²ந்தி. தேஸங் தே த⁴ம்மா பஞ்ஞாய அத்த²ங்
உபபரிக்க²தங் நிஜ்ஜா²னங் க²மந்தி. தே ந சேவ உபாரம்பா⁴னிஸங்ஸா த⁴ம்மங்
பரியாபுணந்தி, ந இதிவாத³ப்பமொக்கா²னிஸங்ஸா ச. யஸ்ஸ சத்தா²ய த⁴ம்மங்
பரியாபுணந்தி, தஞ்சஸ்ஸ அத்த²ங் அனுபொ⁴ந்தி. தேஸங் தே த⁴ம்மா ஸுக்³க³ஹிதா
தீ³க⁴ரத்தங் அத்தா²ய ஹிதாய ஸுகா²ய ஸங்வத்தந்தி. தங் கிஸ்ஸ ஹேது?
ஸுக்³க³ஹிதத்தா, பி⁴க்க²வே, த⁴ம்மானங். தஸ்மாதிஹ, பி⁴க்க²வே, யஸ்ஸ
மே பா⁴ஸிதஸ்ஸ அத்த²ங் ஆஜானெய்யாத², ததா² நங் தா⁴ரெய்யாத². யஸ்ஸ ச பன மே
பா⁴ஸிதஸ்ஸ அத்த²ங் ந ஆஜானெய்யாத², அஹங் வோ தத்த² படிபுச்சி²தப்³போ³, யே வா
பனாஸ்ஸு வியத்தா பி⁴க்கூ².

240.
‘‘குல்லூபமங் வோ, பி⁴க்க²வே, த⁴ம்மங் தே³ஸெஸ்ஸாமி நித்த²ரணத்தா²ய, நோ
க³ஹணத்தா²ய. தங் ஸுணாத², ஸாது⁴கங் மனஸிகரோத², பா⁴ஸிஸ்ஸாமீ’’தி. ‘‘ஏவங்,
ப⁴ந்தே’’தி கோ² தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
‘‘ஸெய்யதா²பி , பி⁴க்க²வே, புரிஸோ
அத்³தா⁴னமக்³க³ப்படிபன்னோ. ஸோ பஸ்ஸெய்ய மஹந்தங் உத³கண்ணவங், ஓரிமங் தீரங்
ஸாஸங்கங் ஸப்படிப⁴யங், பாரிமங் தீரங் கே²மங் அப்படிப⁴யங்; ந சஸ்ஸ நாவா
ஸந்தாரணீ உத்தரஸேது வா அபாரா பாரங் க³மனாய. தஸ்ஸ ஏவமஸ்ஸ
– ‘அயங் கோ² மஹாஉத³கண்ணவோ, ஓரிமங் தீரங் ஸாஸங்கங் ஸப்படிப⁴யங், பாரிமங்
தீரங் கே²மங் அப்படிப⁴யங்; நத்தி² ச நாவா ஸந்தாரணீ உத்தரஸேது வா அபாரா
பாரங் க³மனாய. யங்னூனாஹங் திணகட்ட²ஸாகா²பலாஸங் ஸங்கட்³டி⁴த்வா, குல்லங்
ப³ந்தி⁴த்வா, தங் குல்லங் நிஸ்ஸாய ஹத்தே²ஹி ச பாதே³ஹி ச வாயமமானோ ஸொத்தி²னா
பாரங் உத்தரெய்ய’ந்தி. அத² கோ² ஸோ, பி⁴க்க²வே, புரிஸோ திணகட்ட²ஸாகா²பலாஸங்
ஸங்கட்³டி⁴த்வா, குல்லங் ப³ந்தி⁴த்வா தங் குல்லங் நிஸ்ஸாய ஹத்தே²ஹி ச
பாதே³ஹி ச வாயமமானோ ஸொத்தி²னா பாரங் உத்தரெய்ய. தஸ்ஸ புரிஸஸ்ஸ உத்திண்ணஸ்ஸ [திண்ணஸ்ஸ (பீ॰ க॰)]
பாரங்க³தஸ்ஸ ஏவமஸ்ஸ – ‘ப³ஹுகாரோ கோ² மே அயங் குல்லோ; இமாஹங் குல்லங்
நிஸ்ஸாய ஹத்தே²ஹி ச பாதே³ஹி ச வாயமமானோ ஸொத்தி²னா பாரங் உத்திண்ணோ.
யங்னூனாஹங் இமங் குல்லங் ஸீஸே வா ஆரோபெத்வா க²ந்தே⁴ வா உச்சாரெத்வா [உச்சோபெத்வா (க॰)]
யேன காமங் பக்கமெய்ய’ந்தி. தங் கிங் மஞ்ஞத², பி⁴க்க²வே, அபி நு ஸோ புரிஸோ
ஏவங்காரீ தஸ்மிங் குல்லே கிச்சகாரீ அஸ்ஸா’’தி? ‘‘நோ ஹேதங், ப⁴ந்தே’’.
‘‘கத²ங்காரீ ச ஸோ, பி⁴க்க²வே, புரிஸோ தஸ்மிங் குல்லே கிச்சகாரீ அஸ்ஸ? இத⁴,
பி⁴க்க²வே, தஸ்ஸ புரிஸஸ்ஸ உத்திண்ணஸ்ஸ பாரங்க³தஸ்ஸ ஏவமஸ்ஸ – ‘ப³ஹுகாரோ கோ²
மே அயங் குல்லோ; இமாஹங் குல்லங் நிஸ்ஸாய ஹத்தே²ஹி ச பாதே³ஹி ச வாயமமானோ ஸொத்தி²னா பாரங் உத்திண்ணோ. யங்னூனாஹங் இமங் குல்லங் த²லே வா உஸ்ஸாதெ³த்வா [உஸ்ஸாரெத்வா (க॰)]
உத³கே வா ஓபிலாபெத்வா யேன காமங் பக்கமெய்ய’ந்தி. ஏவங்காரீ கோ² ஸோ,
பி⁴க்க²வே, புரிஸோ தஸ்மிங் குல்லே கிச்சகாரீ அஸ்ஸ. ஏவமேவ கோ², பி⁴க்க²வே,
குல்லூபமோ மயா த⁴ம்மோ தே³ஸிதோ நித்த²ரணத்தா²ய, நோ க³ஹணத்தா²ய. குல்லூபமங்
வோ, பி⁴க்க²வே, த⁴ம்மங் தே³ஸிதங், ஆஜானந்தேஹி த⁴ம்மாபி வோ பஹாதப்³பா³ பகே³வ
அத⁴ம்மா.

241.
‘‘ச²யிமானி, பி⁴க்க²வே, தி³ட்டி²ட்டா²னானி. கதமானி ச²? இத⁴, பி⁴க்க²வே,
அஸ்ஸுதவா புது²ஜ்ஜனோ அரியானங் அத³ஸ்ஸாவீ அரியத⁴ம்மஸ்ஸ அகோவிதோ³ அரியத⁴ம்மே
அவினீதோ, ஸப்புரிஸானங் அத³ஸ்ஸாவீ ஸப்புரிஸத⁴ம்மஸ்ஸ அகோவிதோ³ ஸப்புரிஸத⁴ம்மே
அவினீதோ, ரூபங் ‘ஏதங் மம, ஏஸோஹமஸ்மி, ஏஸோ மே அத்தா’தி
ஸமனுபஸ்ஸதி; வேத³னங் ‘ஏதங் மம, ஏஸோஹமஸ்மி, ஏஸோ மே அத்தா’தி ஸமனுபஸ்ஸதி;
ஸஞ்ஞங் ‘ஏதங் மம, ஏஸோஹமஸ்மி, ஏஸோ மே அத்தா’தி ஸமனுபஸ்ஸதி; ஸங்கா²ரே ‘ஏதங்
மம, ஏஸோஹமஸ்மி, ஏஸோ மே அத்தா’தி ஸமனுபஸ்ஸதி; யம்பி
தங் தி³ட்ட²ங் ஸுதங் முதங் விஞ்ஞாதங் பத்தங் பரியேஸிதங், அனுவிசரிதங் மனஸா
தம்பி ‘ஏதங் மம, ஏஸோஹமஸ்மி, ஏஸோ மே அத்தா’தி ஸமனுபஸ்ஸதி; யம்பி தங்
தி³ட்டி²ட்டா²னங் – ஸோ லோகோ ஸோ அத்தா, ஸோ பேச்ச ப⁴விஸ்ஸாமி நிச்சோ து⁴வோ
ஸஸ்ஸதோ அவிபரிணாமத⁴ம்மோ , ஸஸ்ஸதிஸமங் ததே²வ
ட²ஸ்ஸாமீதி – தம்பி ‘ஏதங் மம, ஏஸோஹமஸ்மி, ஏஸோ மே அத்தா’தி ஸமனுபஸ்ஸதி.
ஸுதவா ச கோ², பி⁴க்க²வே, அரியஸாவகோ அரியானங் த³ஸ்ஸாவீ அரியத⁴ம்மஸ்ஸ கோவிதோ³
அரியத⁴ம்மே ஸுவினீதோ, ஸப்புரிஸானங் த³ஸ்ஸாவீ ஸப்புரிஸத⁴ம்மஸ்ஸ கோவிதோ³
ஸப்புரிஸத⁴ம்மே ஸுவினீதோ, ரூபங் ‘நேதங் மம, நேஸோஹமஸ்மி, ந மேஸோ அத்தா’தி
ஸமனுபஸ்ஸதி; வேத³னங் ‘நேதங் மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி;
ஸஞ்ஞங் ‘நேதங் மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி; ஸங்கா²ரே
‘நேதங் மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி; யம்பி தங் தி³ட்ட²ங்
ஸுதங் முதங் விஞ்ஞாதங் பத்தங் பரியேஸிதங், அனுவிசரிதங் மனஸா, தம்பி ‘நேதங்
மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி; யம்பி தங் தி³ட்டி²ட்டா²னங் –
ஸோ லோகோ ஸோ அத்தா, ஸோ பேச்ச ப⁴விஸ்ஸாமி நிச்சோ து⁴வோ ஸஸ்ஸதோ
அவிபரிணாமத⁴ம்மோ, ஸஸ்ஸதிஸமங் ததே²வ ட²ஸ்ஸாமீதி – தம்பி ‘நேதங் மம,
நேஸோஹமஸ்மி, ந மேஸோ அத்தா’தி ஸமனுபஸ்ஸதி. ஸோ ஏவங் ஸமனுபஸ்ஸந்தோ அஸதி ந
பரிதஸ்ஸதீ’’தி.

242.
ஏவங் வுத்தே, அஞ்ஞதரோ பி⁴க்கு² ப⁴க³வந்தங் ஏதத³வோச – ‘‘ஸியா நு கோ²,
ப⁴ந்தே, ப³ஹித்³தா⁴ அஸதி பரிதஸ்ஸனா’’தி? ‘‘ஸியா, பி⁴க்கூ²’’தி – ப⁴க³வா அவோச. ‘‘இத⁴ பி⁴க்கு² ஏகச்சஸ்ஸ
ஏவங் ஹோதி – ‘அஹு வத மே, தங் வத மே நத்தி²; ஸியா வத மே, தங் வதாஹங் ந
லபா⁴மீ’தி. ஸோ ஸோசதி கிலமதி பரிதே³வதி உரத்தாளிங் கந்த³தி ஸம்மோஹங்
ஆபஜ்ஜதி. ஏவங் கோ², பி⁴க்கு², ப³ஹித்³தா⁴ அஸதி பரிதஸ்ஸனா ஹோதீ’’தி.

‘‘ஸியா பன, ப⁴ந்தே, ப³ஹித்³தா⁴ அஸதி அபரிதஸ்ஸனா’’தி?
‘‘ஸியா, பி⁴க்கூ²’’தி – ப⁴க³வா அவோச. ‘‘இத⁴ பி⁴க்கு² ஏகச்சஸ்ஸ ந ஏவங் ஹோதி –
‘அஹு வத மே, தங் வத மே நத்தி²; ஸியா வத மே, தங் வதாஹங் ந லபா⁴மீ’தி. ஸோ ந
ஸோசதி ந கிலமதி ந பரிதே³வதி ந உரத்தாளிங் கந்த³தி ந ஸம்மோஹங் ஆபஜ்ஜதி. ஏவங் கோ², பி⁴க்கு², ப³ஹித்³தா⁴ அஸதி அபரிதஸ்ஸனா ஹோதீ’’தி.

‘‘ஸியா நு கோ², ப⁴ந்தே, அஜ்ஜ²த்தங் அஸதி
பரிதஸ்ஸனா’’தி? ‘‘ஸியா, பி⁴க்கூ²’’தி – ப⁴க³வா அவோச. ‘‘இத⁴, பி⁴க்கு²,
ஏகச்சஸ்ஸ ஏவங் தி³ட்டி² ஹோதி – ‘ஸோ லோகோ ஸோ அத்தா, ஸோ பேச்ச ப⁴விஸ்ஸாமி
நிச்சோ து⁴வோ ஸஸ்ஸதோ அவிபரிணாமத⁴ம்மோ, ஸஸ்ஸதிஸமங் ததே²வ ட²ஸ்ஸாமீ’தி. ஸோ
ஸுணாதி ததா²க³தஸ்ஸ வா ததா²க³தஸாவகஸ்ஸ வா ஸப்³பே³ஸங்
தி³ட்டி²ட்டா²னாதி⁴ட்டா²னபரியுட்டா²னாபி⁴னிவேஸானுஸயானங் ஸமுக்³கா⁴தாய
ஸப்³ப³ஸங்கா²ரஸமதா²ய ஸப்³பூ³பதி⁴படினிஸ்ஸக்³கா³ய தண்ஹாக்க²யாய விராகா³ய
நிரோதா⁴ய நிப்³பா³னாய த⁴ம்மங் தே³ஸெந்தஸ்ஸ. தஸ்ஸ ஏவங் ஹோதி
– ‘உச்சி²ஜ்ஜிஸ்ஸாமி நாமஸ்ஸு, வினஸ்ஸிஸ்ஸாமி நாமஸ்ஸு, நஸ்ஸு நாம
ப⁴விஸ்ஸாமீ’தி. ஸோ ஸோசதி கிலமதி பரிதே³வதி உரத்தாளிங் கந்த³தி ஸம்மோஹங்
ஆபஜ்ஜதி. ஏவங் கோ², பி⁴க்கு², அஜ்ஜ²த்தங் அஸதி பரிதஸ்ஸனா ஹோதீ’’தி.

‘‘ஸியா பன, ப⁴ந்தே, அஜ்ஜ²த்தங் அஸதி அபரிதஸ்ஸனா’’தி? ‘‘ஸியா, பி⁴க்கூ²’’தி
ப⁴க³வா அவோச. ‘‘இத⁴, பி⁴க்கு², ஏகச்சஸ்ஸ ந ஏவங் தி³ட்டி² ஹோதி – ‘ஸோ லோகோ
ஸோ அத்தா, ஸோ பேச்ச ப⁴விஸ்ஸாமி நிச்சோ து⁴வோ ஸஸ்ஸதோ அவிபரிணாமத⁴ம்மோ,
ஸஸ்ஸதிஸமங் ததே²வ ட²ஸ்ஸாமீ’தி. ஸோ ஸுணாதி ததா²க³தஸ்ஸ வா ததா²க³தஸாவகஸ்ஸ வா
ஸப்³பே³ஸங் தி³ட்டி²ட்டா²னாதி⁴ட்டா²னபரியுட்டா²னாபி⁴னிவேஸானுஸயானங்
ஸமுக்³கா⁴தாய ஸப்³ப³ஸங்கா²ரஸமதா²ய ஸப்³பூ³பதி⁴படினிஸ்ஸக்³கா³ய தண்ஹாக்க²யாய
விராகா³ய நிரோதா⁴ய நிப்³பா³னாய த⁴ம்மங் தே³ஸெந்தஸ்ஸ. தஸ்ஸ ந ஏவங் ஹோதி –
‘உச்சி²ஜ்ஜிஸ்ஸாமி நாமஸ்ஸு, வினஸ்ஸிஸ்ஸாமி நாமஸ்ஸு, நஸ்ஸு நாம
ப⁴விஸ்ஸாமீ’தி. ஸோ ந ஸோசதி ந கிலமதி ந பரிதே³வதி ந உரத்தாளிங் கந்த³தி ந ஸம்மோஹங் ஆபஜ்ஜதி. ஏவங் கோ², பி⁴க்கு², அஜ்ஜ²த்தங் அஸதி அபரிதஸ்ஸனா ஹோதி’’.

243. ‘‘தங் [தஞ்ச (க॰)], பி⁴க்க²வே, பரிக்³க³ஹங் பரிக்³க³ண்ஹெய்யாத², ய்வாஸ்ஸ [ய்வாஸ்ஸு (க॰)]
பரிக்³க³ஹோ நிச்சோ து⁴வோ ஸஸ்ஸதோ அவிபரிணாமத⁴ம்மோ, ஸஸ்ஸதிஸமங் ததே²வ
திட்டெ²ய்ய. பஸ்ஸத² நோ தும்ஹே, பி⁴க்க²வே, தங் பரிக்³க³ஹங் ய்வாஸ்ஸ
பரிக்³க³ஹோ நிச்சோ து⁴வோ ஸஸ்ஸதோ அவிபரிணாமத⁴ம்மோ, ஸஸ்ஸதிஸமங் ததே²வ
திட்டெ²ய்யா’’தி? ‘‘நோ ஹேதங், ப⁴ந்தே’’. ‘‘ஸாது⁴, பி⁴க்க²வே. அஹம்பி கோ²
தங், பி⁴க்க²வே, பரிக்³க³ஹங் ந ஸமனுபஸ்ஸாமி ய்வாஸ்ஸ பரிக்³க³ஹோ நிச்சோ து⁴வோ ஸஸ்ஸதோ அவிபரிணாமத⁴ம்மோ ஸஸ்ஸதிஸமங் ததே²வ திட்டெ²ய்ய.

‘‘தங், பி⁴க்க²வே, அத்தவாது³பாதா³னங் உபாதி³யேத², யங்ஸ [யஸ்ஸ (ஸ்யா॰ க॰)]
அத்தவாது³பாதா³னங் உபாதி³யதோ ந உப்பஜ்ஜெய்யுங்
ஸோகபரிதே³வது³க்க²தோ³மனஸ்ஸுபாயாஸா. பஸ்ஸத² நோ தும்ஹே, பி⁴க்க²வே, தங்
அத்தவாது³பாதா³னங் யங்ஸ அத்தவாது³பாதா³னங்
உபாதி³யதோ ந உப்பஜ்ஜெய்யுங் ஸோகபரிதே³வது³க்க²தோ³மனஸ்ஸுபாயாஸா’’தி? ‘‘நோ
ஹேதங், ப⁴ந்தே’’. ‘‘ஸாது⁴, பி⁴க்க²வே. அஹம்பி கோ² தங், பி⁴க்க²வே,
அத்தவாது³பாதா³னங் ந ஸமனுபஸ்ஸாமி யங்ஸ அத்தவாது³பாதா³னங் உபாதி³யதோ ந
உப்பஜ்ஜெய்யுங் ஸோகபரிதே³வது³க்க²தோ³மனஸ்ஸுபாயாஸா.

‘‘தங், பி⁴க்க²வே, தி³ட்டி²னிஸ்ஸயங் நிஸ்ஸயேத² யங்ஸ
தி³ட்டி²னிஸ்ஸயங் நிஸ்ஸயதோ ந உப்பஜ்ஜெய்யுங்
ஸோகபரிதே³வது³க்க²தோ³மனஸ்ஸுபாயாஸா. பஸ்ஸத² நோ தும்ஹே, பி⁴க்க²வே, தங்
தி³ட்டி²னிஸ்ஸயங் யங்ஸ தி³ட்டி²னிஸ்ஸயங் நிஸ்ஸயதோ ந உப்பஜ்ஜெய்யுங்
ஸோகபரிதே³வது³க்க²தோ³மனஸ்ஸுபாயாஸா’’தி? ‘‘நோ ஹேதங், ப⁴ந்தே’’. ‘‘ஸாது⁴,
பி⁴க்க²வே. அஹம்பி கோ² தங், பி⁴க்க²வே, தி³ட்டி²னிஸ்ஸயங் ந ஸமனுபஸ்ஸாமி
யங்ஸ தி³ட்டி²னிஸ்ஸயங் நிஸ்ஸயதோ ந உப்பஜ்ஜெய்யுங் ஸோகபரிதே³வது³க்க²தோ³மனஸ்ஸுபாயாஸா’’.

244. ‘‘அத்தனி வா, பி⁴க்க²வே, ஸதி அத்தனியங் மே தி அஸ்ஸா’’தி?

‘‘ஏவங், ப⁴ந்தே’’.

‘‘அத்தனியே வா, பி⁴க்க²வே, ஸதி அத்தா மே தி அஸ்ஸா’’தி? ‘‘ஏவங், ப⁴ந்தே’’.

‘‘அத்தனி ச, பி⁴க்க²வே,
அத்தனியே ச ஸச்சதோ தே²ததோ அனுபலப்³ப⁴மானே, யம்பி தங் தி³ட்டி²ட்டா²னங் –
‘ஸோ லோகோ ஸோ அத்தா, ஸோ பேச்ச ப⁴விஸ்ஸாமி நிச்சோ து⁴வோ ஸஸ்ஸதோ
அவிபரிணாமத⁴ம்மோ, ஸஸ்ஸதிஸமங் ததே²வ ட²ஸ்ஸாமீ’தி – நனாயங் [ந ச கோ²யங் (க॰)], பி⁴க்க²வே, கேவலோ பரிபூரோ பா³லத⁴ம்மோ’’’தி?

‘‘கிஞ்ஹி நோ ஸியா, ப⁴ந்தே, கேவலோ ஹி, ப⁴ந்தே, பரிபூரோ [கேவலோ பரிபூரோ (ஸீ॰ பீ॰)] பா³லத⁴ம்மோ’’தி.

‘‘தங் கிங் மஞ்ஞத², பி⁴க்க²வே, ரூபங் நிச்சங் வா அனிச்சங் வா’’தி?

‘‘அனிச்சங், ப⁴ந்தே’’ .

‘‘யங் பனானிச்சங், து³க்க²ங் வா தங் ஸுக²ங் வா’’தி?

‘‘து³க்க²ங், ப⁴ந்தே’’.

‘‘யங் பனானிச்சங் து³க்க²ங் விபரிணாமத⁴ம்மங், கல்லங் நு தங் ஸமனுபஸ்ஸிதுங் – ஏதங் மம, ஏஸோஹமஸ்மி, ஏஸோ மே அத்தா’’தி?

‘‘நோ ஹேதங், ப⁴ந்தே’’.

‘‘தங் கிங் மஞ்ஞத², பி⁴க்க²வே, வேத³னா…பே॰… ஸஞ்ஞா… ஸங்கா²ரா… விஞ்ஞாணங் நிச்சங் வா அனிச்சங் வா’’தி?

‘‘அனிச்சங், ப⁴ந்தே’’.

‘‘யங் பனானிச்சங், து³க்க²ங் வா தங் ஸுக²ங் வா’’தி?

‘‘து³க்க²ங், ப⁴ந்தே’’.

‘‘யங் பனானிச்சங் து³க்க²ங் விபரிணாமத⁴ம்மங், கல்லங் நு தங் ஸமனுபஸ்ஸிதுங் – ஏதங் மம, ஏஸோஹமஸ்மி, ஏஸோ மே அத்தா’’தி?

‘‘நோ ஹேதங், ப⁴ந்தே’’.

‘‘தஸ்மாதிஹ, பி⁴க்க²வே, யங் கிஞ்சி ரூபங் அதீதானாக³தபச்சுப்பன்னங், அஜ்ஜ²த்தங் வா ப³ஹித்³தா⁴ வா ,
ஓளாரிகங் வா ஸுகு²மங் வா, ஹீனங் வா பணீதங் வா, யங் தூ³ரே ஸந்திகே வா,
ஸப்³ப³ங் ரூபங் ‘நேதங் மம, நேஸோஹமஸ்மி, ந மேஸோ அத்தா’தி – ஏவமேதங்
யதா²பூ⁴தங் ஸம்மப்பஞ்ஞாய த³ட்ட²ப்³ப³ங். யா காசி வேத³னா…பே॰… யா காசி
ஸஞ்ஞா… யே கேசி ஸங்கா²ரா… யங் கிஞ்சி விஞ்ஞாணங் அதீதானாக³தபச்சுப்பன்னங்,
அஜ்ஜ²த்தங் வா ப³ஹித்³தா⁴ வா, ஓளாரிகங் வா ஸுகு²மங் வா, ஹீனங் வா பணீதங்
வா, யங் தூ³ரே ஸந்திகே வா, ஸப்³ப³ங் விஞ்ஞாணங் ‘நேதங் மம, நேஸோஹமஸ்மி, ந
மேஸோ அத்தா’தி – ஏவமேதங் யதா²பூ⁴தங் ஸம்மப்பஞ்ஞாய த³ட்ட²ப்³ப³ங்’’.

245.
‘‘ஏவங் பஸ்ஸங், பி⁴க்க²வே, ஸுதவா அரியஸாவகோ ரூபஸ்மிங் நிப்³பி³ந்த³தி,
வேத³னாய நிப்³பி³ந்த³தி, ஸஞ்ஞாய நிப்³பி³ந்த³தி, ஸங்கா²ரேஸு
நிப்³பி³ந்த³தி, விஞ்ஞாணஸ்மிங் நிப்³பி³ந்த³தி, நிப்³பி³தா³ விரஜ்ஜதி [நிப்³பி³ந்த³ங் விரஜ்ஜதி (ஸீ॰ ஸ்யா॰ பீ॰)], விராகா³ விமுச்சதி ,
விமுத்தஸ்மிங் விமுத்தமிதி ஞாணங் ஹோதி. ‘கீ²ணா ஜாதி, வுஸிதங்
ப்³ரஹ்மசரியங், கதங் கரணீயங், நாபரங் இத்த²த்தாயா’தி பஜானாதி. அயங்
வுச்சதி, பி⁴க்க²வே, பி⁴க்கு² உக்கி²த்தபலிகோ⁴ இதிபி, ஸங்கிண்ணபரிக்கோ²
இதிபி, அப்³பூ³ள்ஹேஸிகோ இதிபி, நிரக்³க³ளோ இதிபி, அரியோ பன்னத்³த⁴ஜோ
பன்னபா⁴ரோ விஸங்யுத்தோ இதிபி.

‘‘கத²ஞ்ச, பி⁴க்க²வே, பி⁴க்கு² உக்கி²த்தபலிகோ⁴ ஹோதி?
இத⁴, பி⁴க்க²வே, பி⁴க்கு²னோ அவிஜ்ஜா பஹீனா ஹோதி, உச்சி²ன்னமூலா
தாலாவத்து²கதா அனபா⁴வங்கதா, ஆயதிங் அனுப்பாத³த⁴ம்மா. ஏவங் கோ², பி⁴க்க²வே,
பி⁴க்கு² உக்கி²த்தபலிகோ⁴ ஹோதி.

‘‘கத²ஞ்ச, பி⁴க்க²வே, பி⁴க்கு² ஸங்கிண்ணபரிக்கோ² ஹோதி? இத⁴, பி⁴க்க²வே, பி⁴க்கு²னோ போனொப்³ப⁴விகோ
ஜாதிஸங்ஸாரோ பஹீனோ ஹோதி, உச்சி²ன்னமூலோ தாலாவத்து²கதோ அனபா⁴வங்கதோ, ஆயதிங்
அனுப்பாத³த⁴ம்மோ. ஏவங் கோ², பி⁴க்க²வே, பி⁴க்கு² ஸங்கிண்ணபரிக்கோ² ஹோதி.

‘‘கத²ஞ்ச, பி⁴க்க²வே, பி⁴க்கு² அப்³பூ³ள்ஹேஸிகோ ஹோதி?
இத⁴, பி⁴க்க²வே, பி⁴க்கு²னோ தண்ஹா பஹீனா ஹோதி, உச்சி²ன்னமூலா தாலாவத்து²கதா
அனபா⁴வங்கதா, ஆயதிங் அனுப்பாத³த⁴ம்மா. ஏவங் கோ², பி⁴க்க²வே, பி⁴க்கு²
அப்³பூ³ள்ஹேஸிகோ ஹோதி.

‘‘கத²ஞ்ச, பி⁴க்க²வே, பி⁴க்கு² நிரக்³க³ளோ ஹோதி? இத⁴,
பி⁴க்க²வே, பி⁴க்கு²னோ பஞ்ச ஓரம்பா⁴கி³யானி ஸங்யோஜனானி பஹீனானி ஹொந்தி,
உச்சி²ன்னமூலானி தாலாவத்து²கதானி அனபா⁴வங்கதானி, ஆயதிங் அனுப்பாத³த⁴ம்மானி . ஏவங் கோ², பி⁴க்க²வே, பி⁴க்கு² நிரக்³க³ளோ ஹோதி.

‘‘கத²ஞ்ச, பி⁴க்க²வே, பி⁴க்கு² அரியோ பன்னத்³த⁴ஜோ
பன்னபா⁴ரோ விஸங்யுத்தோ ஹோதி? இத⁴, பி⁴க்க²வே, பி⁴க்கு²னோ அஸ்மிமானோ பஹீனோ
ஹோதி, உச்சி²ன்னமூலோ தாலாவத்து²கதோ அனபா⁴வங்கதோ , ஆயதிங் அனுப்பாத³த⁴ம்மோ . ஏவங் கோ², பி⁴க்க²வே, பி⁴க்கு² அரியோ பன்னத்³த⁴ஜோ பன்னபா⁴ரோ விஸங்யுத்தோ ஹோதி.

246.
‘‘ஏவங் விமுத்தசித்தங் கோ², பி⁴க்க²வே, பி⁴க்கு²ங் ஸஇந்தா³ தே³வா
ஸப்³ரஹ்மகா ஸபஜாபதிகா அன்வேஸங் நாதி⁴க³ச்ச²ந்தி – ‘இத³ங் நிஸ்ஸிதங்
ததா²க³தஸ்ஸ விஞ்ஞாண’ந்தி. தங் கிஸ்ஸ ஹேது? தி³ட்டே²வாஹங், பி⁴க்க²வே,
த⁴ம்மே ததா²க³தங் அனநுவிஜ்ஜோதி வதா³மி. ஏவங்வாதி³ங் கோ² மங், பி⁴க்க²வே,
ஏவமக்கா²யிங் ஏகே ஸமணப்³ராஹ்மணா அஸதா துச்சா² முஸா அபூ⁴தேன
அப்³பா⁴சிக்க²ந்தி – ‘வேனயிகோ ஸமணோ கோ³தமோ, ஸதோ ஸத்தஸ்ஸ உச்சே²த³ங் வினாஸங்
விப⁴வங் பஞ்ஞாபேதீ’தி. யதா² சாஹங் ந, பி⁴க்க²வே [பி⁴க்க²வே ந (ஸீ॰ ஸ்யா॰ பீ॰)],
யதா² சாஹங் ந வதா³மி, ததா² மங் தே பொ⁴ந்தோ ஸமணப்³ராஹ்மணா அஸதா துச்சா²
முஸா அபூ⁴தேன அப்³பா⁴சிக்க²ந்தி – ‘வேனயிகோ ஸமணோ கோ³தமோ, ஸதோ ஸத்தஸ்ஸ
உச்சே²த³ங் வினாஸங் விப⁴வங் பஞ்ஞாபேதீ’தி. புப்³பே³ சாஹங் பி⁴க்க²வே, ஏதரஹி
ச து³க்க²ஞ்சேவ பஞ்ஞாபேமி, து³க்க²ஸ்ஸ ச நிரோத⁴ங். தத்ர சே, பி⁴க்க²வே,
பரே ததா²க³தங் அக்கோஸந்தி பரிபா⁴ஸந்தி ரோஸெந்தி விஹேஸெந்தி, தத்ர,
பி⁴க்க²வே, ததா²க³தஸ்ஸ ந ஹோதி ஆகா⁴தோ ந அப்பச்சயோ ந சேதஸோ அனபி⁴ரத்³தி⁴.

‘‘தத்ர சே, பி⁴க்க²வே, பரே ததா²க³தங் ஸக்கரொந்தி
க³ருங் கரொந்தி மானெந்தி பூஜெந்தி, தத்ர, பி⁴க்க²வே, ததா²க³தஸ்ஸ ந ஹோதி
ஆனந்தோ³ ந ஸோமனஸ்ஸங் ந சேதஸோ உப்பிலாவிதத்தங். தத்ர சே, பி⁴க்க²வே , பரே
வா ததா²க³தங் ஸக்கரொந்தி க³ருங் கரொந்தி மானெந்தி பூஜெந்தி, தத்ர,
பி⁴க்க²வே, ததா²க³தஸ்ஸ ஏவங் ஹோதி – ‘யங் கோ² இத³ங் புப்³பே³ பரிஞ்ஞாதங்
தத்த² மே ஏவரூபா காரா [ஸக்காரா (க॰)]
கரீயந்தீ’தி. தஸ்மாதிஹ, பி⁴க்க²வே, தும்ஹே சேபி பரே அக்கோஸெய்யுங்
பரிபா⁴ஸெய்யுங் ரோஸெய்யுங் விஹேஸெய்யுங், தத்ர தும்ஹே ஹி ந ஆகா⁴தோ ந
அப்பச்சயோ ந சேதஸோ அனபி⁴ரத்³தி⁴ கரணீயா. தஸ்மாதிஹ, பி⁴க்க²வே, தும்ஹே சேபி
பரே ஸக்கரெய்யுங் க³ருங் கரெய்யுங் மானெய்யுங் பூஜெய்யுங், தத்ர தும்ஹேஹி ந
ஆனந்தோ³ ந ஸோமனஸ்ஸங் ந சேதஸோ உப்பிலாவிதத்தங் கரணீயங். தஸ்மாதிஹ,
பி⁴க்க²வே, தும்ஹே சேபி பரே ஸக்கரெய்யுங் க³ருங் கரெய்யுங் மானெய்யுங் பூஜெய்யுங், தத்ர தும்ஹாகங் ஏவமஸ்ஸ – ‘யங் கோ² இத³ங் புப்³பே³ பரிஞ்ஞாதங், தத்த² மே [தத்த² நோ (க॰) தத்த² + இமேதி பத³ச்சே²தோ³] ஏவரூபா காரா கரீயந்தீ’தி.

247.
‘‘தஸ்மாதிஹ, பி⁴க்க²வே, யங் ந தும்ஹாகங் தங் பஜஹத²; தங் வோ பஹீனங்
தீ³க⁴ரத்தங் ஹிதாய ஸுகா²ய ப⁴விஸ்ஸதி. கிஞ்ச, பி⁴க்க²வே, ந தும்ஹாகங்?
ரூபங், பி⁴க்க²வே, ந தும்ஹாகங், தங் பஜஹத²; தங் வோ பஹீனங் தீ³க⁴ரத்தங்
ஹிதாய ஸுகா²ய ப⁴விஸ்ஸதி. வேத³னா, பி⁴க்க²வே, ந தும்ஹாகங், தங்
பஜஹத²; ஸா வோ பஹீனா தீ³க⁴ரத்தங் ஹிதாய ஸுகா²ய ப⁴விஸ்ஸதி. ஸஞ்ஞா,
பி⁴க்க²வே, ந தும்ஹாகங், தங் பஜஹத²; ஸா வோ பஹீனா தீ³க⁴ரத்தங் ஹிதாய ஸுகா²ய
ப⁴விஸ்ஸதி. ஸங்கா²ரா, பி⁴க்க²வே, ந தும்ஹாகங், தே பஜஹத²; தே வோ பஹீனா
தீ³க⁴ரத்தங் ஹிதாய ஸுகா²ய ப⁴விஸ்ஸந்தி. விஞ்ஞாணங், பி⁴க்க²வே, ந தும்ஹாகங்,
தங் பஜஹத²; தங் வோ பஹீனங் தீ³க⁴ரத்தங் ஹிதாய ஸுகா²ய ப⁴விஸ்ஸதி. தங் கிங்
மஞ்ஞத², பி⁴க்க²வே, யங் இமஸ்மிங் ஜேதவனே
திணகட்ட²ஸாகா²பலாஸங், தங் ஜனோ ஹரெய்ய வா த³ஹெய்ய வா யதா²பச்சயங் வா கரெய்ய.
அபி நு தும்ஹாகங் ஏவமஸ்ஸ – ‘அம்ஹே ஜனோ ஹரதி வா த³ஹதி வா யதா²பச்சயங் வா
கரோதீ’தி? ‘‘நோ ஹேதங், ப⁴ந்தே’’. ‘‘தங் கிஸ்ஸ ஹேது’’? ‘‘ந ஹி நோ ஏதங்,
ப⁴ந்தே, அத்தா வா அத்தனியங் வா’’தி. ‘‘ஏவமேவ கோ², பி⁴க்க²வே, யங் ந
தும்ஹாகங் தங் பஜஹத²; தங் வோ பஹீனங் தீ³க⁴ரத்தங் ஹிதாய ஸுகா²ய ப⁴விஸ்ஸதி.
கிஞ்ச, பி⁴க்க²வே, ந தும்ஹாகங்? ரூபங், பி⁴க்க²வே, ந தும்ஹாகங், தங் பஜஹத²;
தங் வோ பஹீனங் தீ³க⁴ரத்தங் ஹிதாய ஸுகா²ய ப⁴விஸ்ஸதி. வேத³னா,
பி⁴க்க²வே…பே॰… ஸஞ்ஞா, பி⁴க்க²வே… ஸங்கா²ரா, பி⁴க்க²வே…பே॰… விஞ்ஞாணங்,
பி⁴க்க²வே, ந தும்ஹாகங், தங் பஜஹத²; தங் வோ பஹீனங் தீ³க⁴ரத்தங் ஹிதாய
ஸுகா²ய ப⁴விஸ்ஸதி.

248. ‘‘ஏவங்
ஸ்வாக்கா²தோ, பி⁴க்க²வே, மயா த⁴ம்மோ உத்தானோ விவடோ பகாஸிதோ
சி²ன்னபிலோதிகோ. ஏவங் ஸ்வாக்கா²தே, பி⁴க்க²வே, மயா த⁴ம்மே உத்தானே விவடே
பகாஸிதே சி²ன்னபிலோதிகே யே தே பி⁴க்கூ² அரஹந்தோ கீ²ணாஸவா வுஸிதவந்தோ
கதகரணீயா ஓஹிதபா⁴ரா அனுப்பத்தஸத³த்தா² பரிக்கீ²ணப⁴வஸங்யோஜனா ஸம்மத³ஞ்ஞா
விமுத்தா, வட்டங் தேஸங் நத்தி² பஞ்ஞாபனாய. ஏவங் ஸ்வாக்கா²தோ, பி⁴க்க²வே,
மயா த⁴ம்மோ உத்தானோ விவடோ பகாஸிதோ சி²ன்னபிலோதிகோ. ஏவங் ஸ்வாக்கா²தே,
பி⁴க்க²வே, மயா த⁴ம்மே உத்தானே விவடே பகாஸிதே சி²ன்னபிலோதிகே யேஸங்
பி⁴க்கூ²னங் பஞ்சோரம்பா⁴கி³யானி ஸங்யோஜனானி பஹீனானி, ஸப்³பே³ தே ஓபபாதிகா, தத்த²
பரினிப்³பா³யினோ, அனாவத்தித⁴ம்மா தஸ்மா லோகா. ஏவங் ஸ்வாக்கா²தோ,
பி⁴க்க²வே, மயா த⁴ம்மோ உத்தானோ விவடோ பகாஸிதோ சி²ன்னபிலோதிகோ. ஏவங்
ஸ்வாக்கா²தே, பி⁴க்க²வே, மயா த⁴ம்மே உத்தானே விவடே பகாஸிதே சி²ன்னபிலோதிகே
யேஸங் பி⁴க்கூ²னங் தீணி ஸங்யோஜனானி பஹீனானி, ராக³தோ³ஸமோஹா தனுபூ⁴தா,
ஸப்³பே³ தே ஸகதா³கா³மினோ, ஸகிதே³வ இமங் லோகங் ஆக³ந்த்வா து³க்க²ஸ்ஸந்தங்
கரிஸ்ஸந்தி. ஏவங் ஸ்வாக்கா²தோ, பி⁴க்க²வே, மயா த⁴ம்மோ உத்தானோ விவடோ
பகாஸிதோ சி²ன்னபிலோதிகோ. ஏவங் ஸ்வாக்கா²தே, பி⁴க்க²வே, மயா த⁴ம்மே உத்தானே
விவடே பகாஸிதே சி²ன்னபிலோதிகே யேஸங் பி⁴க்கூ²னங் தீணி ஸங்யோஜனானி பஹீனானி,
ஸப்³பே³ தே ஸோதாபன்னா, அவினிபாதத⁴ம்மா , நியதா
ஸம்போ³தி⁴பராயனா. ஏவங் ஸ்வாக்கா²தோ, பி⁴க்க²வே, மயா த⁴ம்மோ உத்தானோ விவடோ
பகாஸிதோ சி²ன்னபிலோதிகோ. ஏவங் ஸ்வாக்கா²தே, பி⁴க்க²வே, மயா த⁴ம்மே உத்தானே
விவடே பகாஸிதே சி²ன்னபிலோதிகே யே தே பி⁴க்கூ² த⁴ம்மானுஸாரினோ
ஸத்³தா⁴னுஸாரினோ ஸப்³பே³ தே ஸம்போ³தி⁴பராயனா. ஏவங் ஸ்வாக்கா²தோ, பி⁴க்க²வே,
மயா த⁴ம்மோ உத்தானோ விவடோ பகாஸிதோ சி²ன்னபிலோதிகோ. ஏவங் ஸ்வாக்கா²தே,
பி⁴க்க²வே, மயா த⁴ம்மே உத்தானே விவடே பகாஸிதே சி²ன்னபிலோதிகே யேஸங் மயி
ஸத்³தா⁴மத்தங் பேமமத்தங் ஸப்³பே³ தே ஸக்³க³பராயனா’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

அலக³த்³தூ³பமஸுத்தங் நிட்டி²தங் து³தியங்.

3. வம்மிகஸுத்தங்

249. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா குமாரகஸ்ஸபோ அந்த⁴வனே விஹரதி. அத² கோ²
அஞ்ஞதரா தே³வதா அபி⁴க்கந்தாய ரத்தியா அபி⁴க்கந்தவண்ணா கேவலகப்பங் அந்த⁴வனங்
ஓபா⁴ஸெத்வா யேனாயஸ்மா குமாரகஸ்ஸபோ தேனுபஸங்கமி; உபஸங்கமித்வா ஏகமந்தங்
அட்டா²ஸி. ஏகமந்தங் டி²தா கோ² ஸா தே³வதா ஆயஸ்மந்தங் குமாரகஸ்ஸபங் ஏதத³வோச –

‘‘பி⁴க்கு² பி⁴க்கு², அயங் வம்மிகோ [வம்மீகோ (கத்த²சி) ஸக்கதானுரூபங்]
ரத்திங் தூ⁴மாயதி, தி³வா பஜ்ஜலதி. ப்³ராஹ்மணோ ஏவமாஹ – ‘அபி⁴க்க²ண, ஸுமேத⁴,
ஸத்த²ங் ஆதா³யா’தி. அபி⁴க்க²ணந்தோ ஸுமேதோ⁴ ஸத்த²ங் ஆதா³ய அத்³த³ஸ லங்கி³ங்
‘லங்கீ³, ப⁴த³ந்தே’தி. ப்³ராஹ்மணோ ஏவமாஹ – ‘உக்கி²ப லங்கி³ங்; அபி⁴க்க²ண,
ஸுமேத⁴, ஸத்த²ங் ஆதா³யா’தி. அபி⁴க்க²ணந்தோ ஸுமேதோ⁴ ஸத்த²ங் ஆதா³ய அத்³த³ஸ
உத்³து⁴மாயிகங். ‘உத்³து⁴மாயிகா, ப⁴த³ந்தே’தி. ப்³ராஹ்மணோ ஏவமாஹ – ‘உக்கி²ப
உத்³து⁴மாயிகங்; அபி⁴க்க²ண, ஸுமேத⁴, ஸத்த²ங் ஆதா³யா’தி. அபி⁴க்க²ணந்தோ
ஸுமேதோ⁴ ஸத்த²ங் ஆதா³ய அத்³த³ஸ த்³விதா⁴பத²ங். ‘த்³விதா⁴பதோ², ப⁴த³ந்தே’தி.
ப்³ராஹ்மணோ ஏவமாஹ – ‘உக்கி²ப த்³விதா⁴பத²ங்; அபி⁴க்க²ண, ஸுமேத⁴, ஸத்த²ங்
ஆதா³யா’தி. அபி⁴க்க²ணந்தோ ஸுமேதோ⁴ ஸத்த²ங் ஆதா³ய அத்³த³ஸ சங்க³வாரங் [பங்கவாரங் (ஸ்யா॰), சங்கவாரங் (க॰)]. ‘சங்க³வாரோ, ப⁴த³ந்தே’தி. ப்³ராஹ்மணோ ஏவமாஹ – ‘உக்கி²ப சங்க³வாரங்; அபி⁴க்க²ண, ஸுமேத⁴, ஸத்த²ங் ஆதா³யா’தி. அபி⁴க்க²ணந்தோ ஸுமேதோ⁴ ஸத்த²ங் ஆதா³ய அத்³த³ஸ கும்மங். ‘கும்மோ ,
ப⁴த³ந்தே’தி. ப்³ராஹ்மணோ ஏவமாஹ – ‘உக்கி²ப கும்மங்; அபி⁴க்க²ண, ஸுமேத⁴,
ஸத்த²ங் ஆதா³யா’தி. அபி⁴க்க²ணந்தோ ஸுமேதோ⁴ ஸத்த²ங் ஆதா³ய அத்³த³ஸ அஸிஸூனங்.
‘அஸிஸூனா, ப⁴த³ந்தே’தி. ப்³ராஹ்மணோ ஏவமாஹ – ‘உக்கி²ப அஸிஸூனங்; அபி⁴க்க²ண,
ஸுமேத⁴, ஸத்த²ங் ஆதா³யா’தி. அபி⁴க்க²ணந்தோ ஸுமேதோ⁴ ஸத்த²ங் ஆதா³ய அத்³த³ஸ
மங்ஸபேஸிங். ‘மங்ஸபேஸி, ப⁴த³ந்தே’தி. ப்³ராஹ்மணோ ஏவமாஹ – ‘உக்கி²ப
மங்ஸபேஸிங்; அபி⁴க்க²ண, ஸுமேத⁴, ஸத்த²ங் ஆதா³யா’தி. அபி⁴க்க²ணந்தோ ஸுமேதோ⁴
ஸத்த²ங் ஆதா³ய அத்³த³ஸ நாக³ங். ‘நாகோ³, ப⁴த³ந்தே’தி. ப்³ராஹ்மணோ ஏவமாஹ –
‘திட்ட²து நாகோ³, மா நாக³ங் க⁴ட்டேஸி; நமோ கரோஹி நாக³ஸ்ஸா’’’தி.

‘‘இமே கோ² த்வங், பி⁴க்கு²,
பஞ்ஹே ப⁴க³வந்தங் உபஸங்கமித்வா புச்செ²ய்யாஸி, யதா² ச தே ப⁴க³வா ப்³யாகரோதி
ததா² நங் தா⁴ரெய்யாஸி. நாஹங் தங், பி⁴க்கு², பஸ்ஸாமி ஸதே³வகே லோகே ஸமாரகே
ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய, யோ இமேஸங் பஞ்ஹானங்
வெய்யாகரணேன சித்தங் ஆராதெ⁴ய்ய அஞ்ஞத்ர ததா²க³தேன வா, ததா²க³தஸாவகேன வா,
இதோ வா பன ஸுத்வா’’தி – இத³மவோச ஸா தே³வதா. இத³ங் வத்வா தத்தே²வந்தரதா⁴யி.

250.
அத² கோ² ஆயஸ்மா குமாரகஸ்ஸபோ தஸ்ஸா ரத்தியா அச்சயேன யேன ப⁴க³வா
தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³.
ஏகமந்தங் நிஸின்னோ கோ² ஆயஸ்மா குமாரகஸ்ஸபோ ப⁴க³வந்தங் ஏதத³வோச – ‘‘இமங், ப⁴ந்தே, ரத்திங் அஞ்ஞதரா தே³வதா அபி⁴க்கந்தாய ரத்தியா அபி⁴க்கந்தவண்ணா கேவலகப்பங் அந்த⁴வனங் ஓபா⁴ஸெத்வா
யேனாஹங் தேனுபஸங்கமி; உபஸங்கமித்வா ஏகமந்தங் அட்டா²ஸி. ஏகமந்தங் டி²தா
கோ², ப⁴ந்தே, ஸா தே³வதா மங் ஏதத³வோச – ‘பி⁴க்கு² பி⁴க்கு², அயங் வம்மிகோ
ரத்திங் தூ⁴மாயதி, தி³வா பஜ்ஜலதி’. ப்³ராஹ்மணோ ஏவமாஹ – ‘அபி⁴க்க²ண, ஸுமேத⁴,
ஸத்த²ங் ஆதா³யா’தி. அபி⁴க்க²ணந்தோ ஸுமேதோ⁴ ஸத்த²ங் ஆதா³ய…பே॰… இதோ வா பன
ஸுத்வாதி. இத³மவோச, ப⁴ந்தே, ஸா தே³வதா. இத³ங் வத்வா தத்தே²வந்தரதா⁴யி. ‘கோ
நு கோ², ப⁴ந்தே, வம்மிகோ, கா ரத்திங் தூ⁴மாயனா, கா தி³வா பஜ்ஜலனா, கோ
ப்³ராஹ்மணோ, கோ ஸுமேதோ⁴, கிங் ஸத்த²ங், கிங் அபி⁴க்க²ணங், கா லங்கீ³, கா
உத்³து⁴மாயிகா, கோ த்³விதா⁴பதோ², கிங் சங்க³வாரங், கோ கும்மோ, கா அஸிஸூனா , கா மங்ஸபேஸி, கோ நாகோ³’’’தி?

251. ‘‘‘வம்மிகோ’தி கோ², பி⁴க்கு², இமஸ்ஸேதங் சாதுமஹாபூ⁴திகஸ்ஸ [சாதும்மஹாபூ⁴திகஸ்ஸ (ஸீ॰ ஸ்யா॰ பீ॰)] காயஸ்ஸ அதி⁴வசனங், மாதாபெத்திகஸம்ப⁴வஸ்ஸ ஓத³னகும்மாஸூபசயஸ்ஸ அனிச்சுச்சா²த³ன-பரிமத்³த³னபே⁴த³ன-வித்³த⁴ங்ஸன-த⁴ம்மஸ்ஸ.

‘‘யங் கோ², பி⁴க்கு², தி³வா கம்மந்தே [கம்மந்தங் (க॰)]
ஆரப்³ப⁴ ரத்திங் அனுவிதக்கேதி அனுவிசாரேதி – அயங் ரத்திங் தூ⁴மாயனா. யங்
கோ², பி⁴க்கு², ரத்திங் அனுவிதக்கெத்வா அனுவிசாரெத்வா தி³வா கம்மந்தே
பயோஜேதி காயேன வாசாய ‘மனஸா’ [( ) நத்தி² (ஸீ॰ ஸ்யா॰)] – அயங் தி³வா பஜ்ஜலனா.

‘‘‘ப்³ராஹ்மணோ’தி கோ², பி⁴க்கு², ததா²க³தஸ்ஸேதங் அதி⁴வசனங் அரஹதோ ஸம்மாஸம்பு³த்³த⁴ஸ்ஸ. ‘ஸுமேதோ⁴’தி கோ² பி⁴க்கு² ஸெக்க²ஸ்ஸேதங் பி⁴க்கு²னோ அதி⁴வசனங்.

‘‘‘ஸத்த²’ந்தி கோ², பி⁴க்கு², அரியாயேதங் பஞ்ஞாய அதி⁴வசனங். ‘அபி⁴க்க²ண’ந்தி கோ², பி⁴க்கு², வீரியாரம்ப⁴ஸ்ஸேதங் அதி⁴வசனங்.

‘‘‘லங்கீ³’தி கோ², பி⁴க்கு², அவிஜ்ஜாயேதங் அதி⁴வசனங்.
உக்கி²ப லங்கி³ங், பஜஹ அவிஜ்ஜங்; அபி⁴க்க²ண, ஸுமேத⁴, ஸத்த²ங் ஆதா³யாதி
அயமேதஸ்ஸ அத்தோ².

‘‘‘உத்³து⁴மாயிகா’தி கோ², பி⁴க்கு², கோதூ⁴பாயாஸஸ்ஸேதங்
அதி⁴வசனங். உக்கி²ப உத்³து⁴மாயிகங், பஜஹ கோதூ⁴பாயாஸங்; அபி⁴க்க²ண, ஸுமேத⁴,
ஸத்த²ங் ஆதா³யாதி அயமேதஸ்ஸ அத்தோ².

‘‘‘த்³விதா⁴பதோ²’தி கோ²,
பி⁴க்கு², விசிகிச்சா²யேதங் அதி⁴வசனங். உக்கி²ப த்³விதா⁴பத²ங், பஜஹ
விசிகிச்ச²ங்; அபி⁴க்க²ண, ஸுமேத⁴, ஸத்த²ங் ஆதா³யாதி அயமேதஸ்ஸ அத்தோ².

‘‘‘சங்க³வார’ந்தி கோ², பி⁴க்கு², பஞ்சன்னேதங்
நீவரணானங் அதி⁴வசனங், ஸெய்யதி²த³ங் – காமச்ச²ந்த³னீவரணஸ்ஸ,
ப்³யாபாத³னீவரணஸ்ஸ, தீ²னமித்³த⁴னீவரணஸ்ஸ, உத்³த⁴ச்சகுக்குச்சனீவரணஸ்ஸ,
விசிகிச்சா²னீவரணஸ்ஸ. உக்கி²ப சங்க³வாரங், பஜஹ பஞ்ச நீவரணே ; அபி⁴க்க²ண, ஸுமேத⁴, ஸத்த²ங் ஆதா³யாதி அயமேதஸ்ஸ அத்தோ².

‘‘‘கும்மோ’தி கோ², பி⁴க்கு², பஞ்சன்னேதங்
உபாதா³னக்க²ந்தா⁴னங் அதி⁴வசனங், ஸெய்யதி²த³ங் – ரூபுபாதா³னக்க²ந்த⁴ஸ்ஸ,
வேத³னுபாதா³னக்க²ந்த⁴ஸ்ஸ, ஸஞ்ஞுபாதா³னக்க²ந்த⁴ஸ்ஸ,
ஸங்கா²ருபாதா³னக்க²ந்த⁴ஸ்ஸ, விஞ்ஞாணுபாதா³னக்க²ந்த⁴ஸ்ஸ. உக்கி²ப கும்மங்,
பஜஹ பஞ்சுபாதா³னக்க²ந்தே⁴; அபி⁴க்க²ண, ஸுமேத⁴, ஸத்த²ங் ஆதா³யாதி அயமேதஸ்ஸ
அத்தோ².

‘‘‘அஸிஸூனா’தி கோ², பி⁴க்கு², பஞ்சன்னேதங் காமகு³ணானங்
அதி⁴வசனங் – சக்கு²விஞ்ஞெய்யானங் ரூபானங் இட்டா²னங் கந்தானங் மனாபானங்
பியரூபானங் காமூபஸங்ஹிதானங் ரஜனீயானங், ஸோதவிஞ்ஞெய்யானங் ஸத்³தா³னங்…பே॰…
கா⁴னவிஞ்ஞெய்யானங் க³ந்தா⁴னங்…பே॰… ஜிவ்ஹாவிஞ்ஞெய்யானங் ரஸானங்…பே॰…
காயவிஞ்ஞெய்யானங் பொ²ட்ட²ப்³பா³னங் இட்டா²னங் கந்தானங் மனாபானங் பியரூபானங் காமூபஸங்ஹிதானங் ரஜனீயானங். உக்கி²ப அஸிஸூனங், பஜஹ பஞ்ச காமகு³ணே; அபி⁴க்க²ண, ஸுமேத⁴, ஸத்த²ங் ஆதா³யாதி அயமேதஸ்ஸ அத்தோ².

‘‘‘மங்ஸபேஸீ’தி கோ², பி⁴க்கு², நந்தீ³ராக³ஸ்ஸேதங்
அதி⁴வசனங். உக்கி²ப மங்ஸபேஸிங், பஜஹ நந்தீ³ராக³ங்; அபி⁴க்க²ண, ஸுமேத⁴,
ஸத்த²ங் ஆதா³யாதி அயமேதஸ்ஸ அத்தோ².

‘‘‘நாகோ³’தி கோ², பி⁴க்கு², கீ²ணாஸவஸ்ஸேதங் பி⁴க்கு²னோ
அதி⁴வசனங். திட்ட²து நாகோ³, மா நாக³ங் க⁴ட்டேஸி; நமோ கரோஹி நாக³ஸ்ஸாதி
அயமேதஸ்ஸ அத்தோ²’’தி.

இத³மவோச ப⁴க³வா. அத்தமனோ ஆயஸ்மா குமாரகஸ்ஸபோ ப⁴க³வதோ பா⁴ஸிதங் அபி⁴னந்தீ³தி.

வம்மிகஸுத்தங் நிட்டி²தங் ததியங்.

4. ரத²வினீதஸுத்தங்

252. ஏவங்
மே ஸுதங் – ஏகங் ஸமயங் ப⁴க³வா ராஜக³ஹே விஹரதி வேளுவனே கலந்த³கனிவாபே. அத²
கோ² ஸம்ப³ஹுலா ஜாதிபூ⁴மகா பி⁴க்கூ² ஜாதிபூ⁴மியங் வஸ்ஸங்வுட்டா² யேன ப⁴க³வா
தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³ங்ஸு. ஏகமந்தங் நிஸின்னே கோ² தே பி⁴க்கூ² ப⁴க³வா ஏதத³வோச –

‘‘கோ நு கோ², பி⁴க்க²வே, ஜாதிபூ⁴மியங் ஜாதிபூ⁴மகானங்
பி⁴க்கூ²னங் ஸப்³ரஹ்மசாரீனங் ஏவங் ஸம்பா⁴விதோ – ‘அத்தனா ச அப்பிச்சோ²
அப்பிச்ச²கத²ஞ்ச பி⁴க்கூ²னங் கத்தா, அத்தனா ச ஸந்துட்டோ² ஸந்துட்டி²கத²ஞ்ச
பி⁴க்கூ²னங் கத்தா, அத்தனா ச பவிவித்தோ பவிவேககத²ஞ்ச பி⁴க்கூ²னங் கத்தா,
அத்தனா ச அஸங்ஸட்டோ² அஸங்ஸக்³க³கத²ஞ்ச பி⁴க்கூ²னங் கத்தா, அத்தனா ச
ஆரத்³த⁴வீரியோ வீரியாரம்ப⁴கத²ஞ்ச பி⁴க்கூ²னங் கத்தா, அத்தனா ச ஸீலஸம்பன்னோ
ஸீலஸம்பதா³கத²ஞ்ச பி⁴க்கூ²னங் கத்தா, அத்தனா ச ஸமாதி⁴ஸம்பன்னோ
ஸமாதி⁴ஸம்பதா³கத²ஞ்ச பி⁴க்கூ²னங் கத்தா, அத்தனா ச பஞ்ஞாஸம்பன்னோ
பஞ்ஞாஸம்பதா³கத²ஞ்ச பி⁴க்கூ²னங் கத்தா, அத்தனா ச விமுத்திஸம்பன்னோ
விமுத்திஸம்பதா³கத²ஞ்ச பி⁴க்கூ²னங் கத்தா, அத்தனா ச
விமுத்திஞாணத³ஸ்ஸனஸம்பன்னோ விமுத்திஞாணத³ஸ்ஸனஸம்பதா³கத²ஞ்ச பி⁴க்கூ²னங்
கத்தா, ஓவாத³கோ விஞ்ஞாபகோ ஸந்த³ஸ்ஸகோ ஸமாத³பகோ ஸமுத்தேஜகோ ஸம்பஹங்ஸகோ ஸப்³ரஹ்மசாரீன’’’ந்தி? ‘‘புண்ணோ நாம, ப⁴ந்தே, ஆயஸ்மா மந்தாணிபுத்தோ
ஜாதிபூ⁴மியங் ஜாதிபூ⁴மகானங் பி⁴க்கூ²னங் ஸப்³ரஹ்மசாரீனங் ஏவங் ஸம்பா⁴விதோ –
‘அத்தனா ச அப்பிச்சோ² அப்பிச்ச²கத²ஞ்ச பி⁴க்கூ²னங் கத்தா, அத்தனா ச
ஸந்துட்டோ²…பே॰… ஓவாத³கோ விஞ்ஞாபகோ ஸந்த³ஸ்ஸகோ ஸமாத³பகோ ஸமுத்தேஜகோ
ஸம்பஹங்ஸகோ ஸப்³ரஹ்மசாரீன’’’ந்தி.

253.
தேன கோ² பன ஸமயேன ஆயஸ்மா ஸாரிபுத்தோ ப⁴க³வதோ அவிதூ³ரே நிஸின்னோ ஹோதி. அத²
கோ² ஆயஸ்மதோ ஸாரிபுத்தஸ்ஸ ஏதத³ஹோஸி – ‘‘லாபா⁴ ஆயஸ்மதோ புண்ணஸ்ஸ
மந்தாணிபுத்தஸ்ஸ, ஸுலத்³த⁴லாபா⁴ ஆயஸ்மதோ புண்ணஸ்ஸ மந்தாணிபுத்தஸ்ஸ, யஸ்ஸ
விஞ்ஞூ ஸப்³ரஹ்மசாரீ ஸத்து² ஸம்முகா² அனுமஸ்ஸ அனுமஸ்ஸ வண்ணங் பா⁴ஸந்தி,
தஞ்ச ஸத்தா² அப்³ப⁴னுமோத³தி. அப்பேவ நாம மயம்பி கதா³சி கரஹசி ஆயஸ்மதா புண்ணேன மந்தாணிபுத்தேன ஸத்³தி⁴ங் ஸமாக³ச்செ²ய்யாம [ஸமாக³மங் க³ச்செ²ய்ய (க॰)], அப்பேவ நாம ஸியா கோசிதே³வ கதா²ஸல்லாபோ’’தி.

254. அத²
கோ² ப⁴க³வா ராஜக³ஹே யதா²பி⁴ரந்தங் விஹரித்வா யேன ஸாவத்தி² தேன சாரிகங்
பக்காமி. அனுபுப்³பே³ன சாரிகங் சரமானோ யேன ஸாவத்தி² தத³வஸரி. தத்ர ஸுத³ங்
ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. அஸ்ஸோஸி கோ² ஆயஸ்மா புண்ணோ மந்தாணிபுத்தோ – ‘‘ப⁴க³வா கிர
ஸாவத்தி²ங் அனுப்பத்தோ; ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே’’தி.

255.
அத² கோ² ஆயஸ்மா புண்ணோ மந்தாணிபுத்தோ ஸேனாஸனங் ஸங்ஸாமெத்வா பத்தசீவரமாதா³ய
யேன ஸாவத்தி² தேன சாரிகங் பக்காமி. அனுபுப்³பே³ன சாரிகங் சரமானோ யேன
ஸாவத்தி² ஜேதவனங் அனாத²பிண்டி³கஸ்ஸ ஆராமோ யேன ப⁴க³வா தேனுபஸங்கமி;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னங் கோ² ஆயஸ்மந்தங் புண்ணங் மந்தாணிபுத்தங் ப⁴க³வா த⁴ம்மியா கதா²ய
ஸந்த³ஸ்ஸேஸி ஸமாத³பேஸி ஸமுத்தேஜேஸி ஸம்பஹங்ஸேஸி. அத² கோ² ஆயஸ்மா புண்ணோ
மந்தாணிபுத்தோ ப⁴க³வதா த⁴ம்மியா கதா²ய ஸந்த³ஸ்ஸிதோ ஸமாத³பிதோ ஸமுத்தேஜிதோ
ஸம்பஹங்ஸிதோ ப⁴க³வதோ பா⁴ஸிதங் அபி⁴னந்தி³த்வா அனுமோதி³த்வா உட்டா²யாஸனா
ப⁴க³வந்தங் அபி⁴வாதெ³த்வா பத³க்கி²ணங் கத்வா யேன அந்த⁴வனங் தேனுபஸங்கமி
தி³வாவிஹாராய.

256.
அத² கோ² அஞ்ஞதரோ பி⁴க்கு² யேனாயஸ்மா ஸாரிபுத்தோ தேனுபஸங்கமி; உபஸங்கமித்வா
ஆயஸ்மந்தங் ஸாரிபுத்தங் ஏதத³வோச – ‘‘யஸ்ஸ கோ² த்வங், ஆவுஸோ ஸாரிபுத்த,
புண்ணஸ்ஸ நாம பி⁴க்கு²னோ மந்தாணிபுத்தஸ்ஸ அபி⁴ண்ஹங் கித்தயமானோ அஹோஸி, ஸோ
ப⁴க³வதா த⁴ம்மியா கதா²ய ஸந்த³ஸ்ஸிதோ ஸமாத³பிதோ
ஸமுத்தேஜிதோ ஸம்பஹங்ஸிதோ ப⁴க³வதோ பா⁴ஸிதங் அபி⁴னந்தி³த்வா அனுமோதி³த்வா
உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங் கத்வா யேன அந்த⁴வனங் தேன
பக்கந்தோ தி³வாவிஹாராயா’’தி.

அத² கோ² ஆயஸ்மா ஸாரிபுத்தோ
தரமானரூபோ நிஸீத³னங் ஆதா³ய ஆயஸ்மந்தங் புண்ணங் மந்தாணிபுத்தங் பிட்டி²தோ
பிட்டி²தோ அனுப³ந்தி⁴ ஸீஸானுலோகீ. அத² கோ² ஆயஸ்மா புண்ணோ மந்தாணிபுத்தோ
அந்த⁴வனங் அஜ்ஜோ²கா³ஹெத்வா அஞ்ஞதரஸ்மிங் ருக்க²மூலே தி³வாவிஹாரங் நிஸீதி³.
ஆயஸ்மாபி கோ² ஸாரிபுத்தோ அந்த⁴வனங் அஜ்ஜோ²கா³ஹெத்வா அஞ்ஞதரஸ்மிங் ருக்க²மூலே தி³வாவிஹாரங் நிஸீதி³.

அத² கோ² ஆயஸ்மா ஸாரிபுத்தோ
ஸாயன்ஹஸமயங் படிஸல்லானா வுட்டி²தோ யேனாயஸ்மா புண்ணோ மந்தாணிபுத்தோ
தேனுபஸங்கமி; உபஸங்கமித்வா ஆயஸ்மதா புண்ணேன மந்தாணிபுத்தேன ஸத்³தி⁴ங்
ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³.
ஏகமந்தங் நிஸின்னோ கோ² ஆயஸ்மா ஸாரிபுத்தோ ஆயஸ்மந்தங் புண்ணங்
மந்தாணிபுத்தங் ஏதத³வோச –

257. ‘‘ப⁴க³வதி நோ, ஆவுஸோ, ப்³ரஹ்மசரியங் வுஸ்ஸதீ’’தி?

‘‘ஏவமாவுஸோ’’தி.

‘‘கிங் நு கோ², ஆவுஸோ, ஸீலவிஸுத்³த⁴த்த²ங் ப⁴க³வதி ப்³ரஹ்மசரியங் வுஸ்ஸதீ’’தி?

‘‘நோ ஹித³ங், ஆவுஸோ’’.

‘‘கிங் பனாவுஸோ, சித்தவிஸுத்³த⁴த்த²ங் ப⁴க³வதி ப்³ரஹ்மசரியங் வுஸ்ஸதீ’’தி?

‘‘நோ ஹித³ங், ஆவுஸோ’’.

‘‘கிங் நு கோ², ஆவுஸோ, தி³ட்டி²விஸுத்³த⁴த்த²ங் ப⁴க³வதி ப்³ரஹ்மசரியங் வுஸ்ஸதீ’’தி?

‘‘நோ ஹித³ங், ஆவுஸோ’’.

‘‘கிங் பனாவுஸோ, கங்கா²விதரணவிஸுத்³த⁴த்த²ங் ப⁴க³வதி ப்³ரஹ்மசரியங் வுஸ்ஸதீ’’தி?

‘‘நோ ஹித³ங், ஆவுஸோ’’.

‘‘கிங் நு கோ², ஆவுஸோ, மக்³கா³மக்³க³ஞாணத³ஸ்ஸனவிஸுத்³த⁴த்த²ங் ப⁴க³வதி ப்³ரஹ்மசரியங் வுஸ்ஸதீ’’தி?

‘‘நோ ஹித³ங், ஆவுஸோ’’.

‘‘கிங் பனாவுஸோ, படிபதா³ஞாணத³ஸ்ஸனவிஸுத்³த⁴த்த²ங் ப⁴க³வதி ப்³ரஹ்மசரியங் வுஸ்ஸதீ’’தி?

‘‘நோ ஹித³ங், ஆவுஸோ’’.

‘‘கிங் நு கோ², ஆவுஸோ, ஞாணத³ஸ்ஸனவிஸுத்³த⁴த்த²ங் ப⁴க³வதி ப்³ரஹ்மசரியங் வுஸ்ஸதீ’’தி?

‘‘நோ ஹித³ங், ஆவுஸோ’’.

‘‘‘கிங் நு கோ², ஆவுஸோ, ஸீலவிஸுத்³த⁴த்த²ங் ப⁴க³வதி
ப்³ரஹ்மசரியங் வுஸ்ஸதீ’தி இதி புட்டோ² ஸமானோ ‘நோ ஹித³ங், ஆவுஸோ’தி வதே³ஸி.
‘கிங் பனாவுஸோ, சித்தவிஸுத்³த⁴த்த²ங் ப⁴க³வதி ப்³ரஹ்மசரியங் வுஸ்ஸதீ’தி இதி
புட்டோ² ஸமானோ ‘நோ ஹித³ங், ஆவுஸோ’தி வதே³ஸி. ‘கிங் நு கோ², ஆவுஸோ,
தி³ட்டி²விஸுத்³த⁴த்த²ங்…பே॰… கங்கா²விதரணவிஸுத்³த⁴த்த²ங்…பே॰…
மக்³கா³மக்³க³ஞாணத³ஸ்ஸனவிஸுத்³த⁴த்த²ங்…பே॰…
படிபதா³ஞாணத³ஸ்ஸனவிஸுத்³த⁴த்த²ங்…பே॰… கிங் நு கோ², ஆவுஸோ,
ஞாணத³ஸ்ஸனவிஸுத்³த⁴த்த²ங் ப⁴க³வதி ப்³ரஹ்மசரியங் வுஸ்ஸதீ’தி இதி புட்டோ²
ஸமானோ ‘நோ ஹித³ங் ஆவுஸோ’தி வதே³ஸி. கிமத்த²ங் சரஹாவுஸோ, ப⁴க³வதி
ப்³ரஹ்மசரியங் வுஸ்ஸதீ’’தி? ‘‘அனுபாதா³பரினிப்³பா³னத்த²ங் கோ², ஆவுஸோ, ப⁴க³வதி ப்³ரஹ்மசரியங் வுஸ்ஸதீ’’தி.

‘‘கிங் நு கோ², ஆவுஸோ, ஸீலவிஸுத்³தி⁴ அனுபாதா³பரினிப்³பா³ன’’ந்தி?

‘‘நோ ஹித³ங், ஆவுஸோ’’.

‘‘கிங் பனாவுஸோ, சித்தவிஸுத்³தி⁴ அனுபாதா³பரினிப்³பா³ன’’ந்தி?

‘‘நோ ஹித³ங், ஆவுஸோ’’.

‘‘கிங் நு கோ², ஆவுஸோ, தி³ட்டி²விஸுத்³தி⁴ அனுபாதா³பரினிப்³பா³ன’’ந்தி?

‘‘நோ ஹித³ங், ஆவுஸோ’’.

‘‘கிங் பனாவுஸோ கங்கா²விதரணவிஸுத்³தி⁴ அனுபாதா³பரினிப்³பா³ன’’ந்தி ?

‘‘நோ ஹித³ங், ஆவுஸோ’’.

‘‘கிங் நு கோ², ஆவுஸோ, மக்³கா³மக்³க³ஞாணத³ஸ்ஸனவிஸுத்³தி⁴ அனுபாதா³பரினிப்³பா³ன’’ந்தி?

‘‘நோ ஹித³ங், ஆவுஸோ’’.

‘‘கிங் பனாவுஸோ, படிபதா³ஞாணத³ஸ்ஸனவிஸுத்³தி⁴ அனுபாதா³பரினிப்³பா³ன’’ந்தி?

‘‘நோ ஹித³ங், ஆவுஸோ’’.

‘‘கிங் நு கோ², ஆவுஸோ, ஞாணத³ஸ்ஸனவிஸுத்³தி⁴ அனுபாதா³பரினிப்³பா³ன’’ந்தி?

‘‘நோ ஹித³ங் , ஆவுஸோ’’.

‘‘கிங் பனாவுஸோ, அஞ்ஞத்ர இமேஹி த⁴ம்மேஹி அனுபாதா³பரினிப்³பா³ன’’ந்தி?

‘‘நோ ஹித³ங், ஆவுஸோ’’.

‘‘‘கிங் நு கோ², ஆவுஸோ, ஸீலவிஸுத்³தி⁴
அனுபாதா³பரினிப்³பா³ன’ந்தி இதி புட்டோ² ஸமானோ ‘நோ ஹித³ங், ஆவுஸோ’தி வதே³ஸி.
‘கிங் பனாவுஸோ, சித்தவிஸுத்³தி⁴ அனுபாதா³பரினிப்³பா³ன’ந்தி இதி புட்டோ²
ஸமானோ ‘நோ ஹித³ங், ஆவுஸோ’தி வதே³ஸி. ‘கிங் நு கோ², ஆவுஸோ,
தி³ட்டி²விஸுத்³தி⁴ அனுபாதா³பரினிப்³பா³ன’ந்தி…பே॰… கங்கா²விதரணவிஸுத்³தி⁴…
மக்³கா³மக்³க³ஞாணத³ஸ்ஸனவிஸுத்³தி⁴… படிபதா³ஞாணத³ஸ்ஸனவிஸுத்³தி⁴… ‘கிங் நு
கோ², ஆவுஸோ, ஞாணத³ஸ்ஸனவிஸுத்³தி⁴ அனுபாதா³பரினிப்³பா³ன’ந்தி இதி புட்டோ²
ஸமானோ ‘நோ ஹித³ங், ஆவுஸோ’தி வதே³ஸி. ‘கிங் பனாவுஸோ, அஞ்ஞத்ர இமேஹி த⁴ம்மேஹி
அனுபாதா³பரினிப்³பா³ன’ந்தி இதி புட்டோ² ஸமானோ ‘நோ ஹித³ங், ஆவுஸோ’தி
வதே³ஸி. யதா²கத²ங் பனாவுஸோ, இமஸ்ஸ பா⁴ஸிதஸ்ஸ அத்தோ² த³ட்ட²ப்³போ³’’தி?

258. ‘‘ஸீலவிஸுத்³தி⁴ங் சே, ஆவுஸோ, ப⁴க³வா அனுபாதா³பரினிப்³பா³னங் பஞ்ஞபெய்ய, ஸஉபாதா³னங்யேவ ஸமானங் அனுபாதா³பரினிப்³பா³னங் பஞ்ஞபெய்ய [பஞ்ஞாபெஸ்ஸ (ஸீ॰ ஸ்யா॰) ஏவமஞ்ஞத்த²பி].
சித்தவிஸுத்³தி⁴ங் சே, ஆவுஸோ, ப⁴க³வா அனுபாதா³பரினிப்³பா³னங் பஞ்ஞபெய்ய,
ஸஉபாதா³னங்யேவ ஸமானங் அனுபாதா³பரினிப்³பா³னங் பஞ்ஞபெய்ய.
தி³ட்டி²விஸுத்³தி⁴ங் சே, ஆவுஸோ, ப⁴க³வா அனுபாதா³பரினிப்³பா³னங் பஞ்ஞபெய்ய,
ஸஉபாதா³னங்யேவ ஸமானங் அனுபாதா³பரினிப்³பா³னங் பஞ்ஞபெய்ய.
கங்கா²விதரணவிஸுத்³தி⁴ங் சே, ஆவுஸோ, ப⁴க³வா அனுபாதா³பரினிப்³பா³னங்
பஞ்ஞபெய்ய, ஸஉபாதா³னங்யேவ ஸமானங் அனுபாதா³பரினிப்³பா³னங் பஞ்ஞபெய்ய .
மக்³கா³மக்³க³ஞாணத³ஸ்ஸனவிஸுத்³தி⁴ங் சே, ஆவுஸோ, ப⁴க³வா
அனுபாதா³பரினிப்³பா³னங் பஞ்ஞபெய்ய, ஸஉபாதா³னங்யேவ ஸமானங்
அனுபாதா³பரினிப்³பா³னங் பஞ்ஞபெய்ய. படிபதா³ஞாணத³ஸ்ஸனவிஸுத்³தி⁴ங் சே,
ஆவுஸோ, ப⁴க³வா அனுபாதா³பரினிப்³பா³னங் பஞ்ஞபெய்ய, ஸஉபாதா³னங்யேவ ஸமானங்
அனுபாதா³பரினிப்³பா³னங் பஞ்ஞபெய்ய. ஞாணத³ஸ்ஸனவிஸுத்³தி⁴ங் சே, ஆவுஸோ,
ப⁴க³வா அனுபாதா³பரினிப்³பா³னங் பஞ்ஞபெய்ய, ஸஉபாதா³னங்யேவ
ஸமானங் அனுபாதா³பரினிப்³பா³னங் பஞ்ஞபெய்ய. அஞ்ஞத்ர சே, ஆவுஸோ, இமேஹி
த⁴ம்மேஹி அனுபாதா³பரினிப்³பா³னங் அப⁴விஸ்ஸ, புது²ஜ்ஜனோ பரினிப்³பா³யெய்ய.
புது²ஜ்ஜனோ ஹி, ஆவுஸோ, அஞ்ஞத்ர இமேஹி த⁴ம்மேஹி. தேன ஹாவுஸோ, உபமங் தே
கரிஸ்ஸாமி; உபமாயபிதே⁴கச்சே விஞ்ஞூ புரிஸா பா⁴ஸிதஸ்ஸ அத்த²ங் ஆஜானந்தி.

259. ‘‘ஸெய்யதா²பி, ஆவுஸோ, ரஞ்ஞோ பஸேனதி³ஸ்ஸ கோஸலஸ்ஸ ஸாவத்தி²யங் படிவஸந்தஸ்ஸ
ஸாகேதே கிஞ்சிதே³வ அச்சாயிகங் கரணீயங் உப்பஜ்ஜெய்ய. தஸ்ஸ அந்தரா ச
ஸாவத்தி²ங் அந்தரா ச ஸாகேதங் ஸத்த ரத²வினீதானி உபட்ட²பெய்யுங். அத² கோ²,
ஆவுஸோ, ராஜா பஸேனதி³ கோஸலோ ஸாவத்தி²யா நிக்க²மித்வா அந்தேபுரத்³வாரா பட²மங்
ரத²வினீதங் அபி⁴ருஹெய்ய, பட²மேன ரத²வினீதேன து³தியங் ரத²வினீதங்
பாபுணெய்ய, பட²மங் ரத²வினீதங் விஸ்ஸஜ்ஜெய்ய து³தியங் ரத²வினீதங்
அபி⁴ருஹெய்ய. து³தியேன ரத²வினீதேன ததியங் ரத²வினீதங் பாபுணெய்ய, து³தியங்
ரத²வினீதங் விஸ்ஸஜ்ஜெய்ய, ததியங் ரத²வினீதங்
அபி⁴ருஹெய்ய. ததியேன ரத²வினீதேன சதுத்த²ங் ரத²வினீதங் பாபுணெய்ய, ததியங்
ரத²வினீதங் விஸ்ஸஜ்ஜெய்ய, சதுத்த²ங் ரத²வினீதங் அபி⁴ருஹெய்ய. சதுத்தே²ன
ரத²வினீதேன பஞ்சமங் ரத²வினீதங் பாபுணெய்ய, சதுத்த²ங் ரத²வினீதங்
விஸ்ஸஜ்ஜெய்ய, பஞ்சமங் ரத²வினீதங் அபி⁴ருஹெய்ய. பஞ்சமேன ரத²வினீதேன
ச²ட்ட²ங் ரத²வினீதங் பாபுணெய்ய, பஞ்சமங் ரத²வினீதங் விஸ்ஸஜ்ஜெய்ய, ச²ட்ட²ங்
ரத²வினீதங் அபி⁴ருஹெய்ய. ச²ட்டே²ன ரத²வினீதேன ஸத்தமங் ரத²வினீதங்
பாபுணெய்ய, ச²ட்ட²ங் ரத²வினீதங் விஸ்ஸஜ்ஜெய்ய, ஸத்தமங் ரத²வினீதங்
அபி⁴ருஹெய்ய. ஸத்தமேன ரத²வினீதேன ஸாகேதங் அனுபாபுணெய்ய அந்தேபுரத்³வாரங்.
தமேனங் அந்தேபுரத்³வாரக³தங் ஸமானங் மித்தாமச்சா ஞாதிஸாலோஹிதா ஏவங்
புச்செ²ய்யுங் – ‘இமினா த்வங், மஹாராஜ, ரத²வினீதேன ஸாவத்தி²யா ஸாகேதங்
அனுப்பத்தோ அந்தேபுரத்³வார’ந்தி ? கத²ங் ப்³யாகரமானோ நு கோ², ஆவுஸோ, ராஜா பஸேனதி³ கோஸலோ ஸம்மா ப்³யாகரமானோ ப்³யாகரெய்யா’’தி?

‘‘ஏவங் ப்³யாகரமானோ கோ², ஆவுஸோ, ராஜா பஸேனதி³ கோஸலோ
ஸம்மா ப்³யாகரமானோ ப்³யாகரெய்ய – ‘இத⁴ மே ஸாவத்தி²யங் படிவஸந்தஸ்ஸ ஸாகேதே
கிஞ்சிதே³வ அச்சாயிகங் கரணீயங் உப்பஜ்ஜி [உப்பஜ்ஜதி (க॰)]. தஸ்ஸ மே அந்தரா ச ஸாவத்தி²ங் அந்தரா ச ஸாகேதங் ஸத்த ரத²வினீதானி உபட்ட²பேஸுங். அத² க்²வாஹங் ஸாவத்தி²யா
நிக்க²மித்வா அந்தேபுரத்³வாரா பட²மங் ரத²வினீதங் அபி⁴ருஹிங். பட²மேன
ரத²வினீதேன து³தியங் ரத²வினீதங் பாபுணிங், பட²மங் ரத²வினீதங் விஸ்ஸஜ்ஜிங்
து³தியங் ரத²வினீதங் அபி⁴ருஹிங். து³தியேன ரத²வினீதேன ததியங் ரத²வினீதங்
பாபுணிங், து³தியங் ரத²வினீதங் விஸ்ஸஜ்ஜிங், ததியங் ரத²வினீதங் அபி⁴ருஹிங்.
ததியேன ரத²வினீதேன சதுத்த²ங் ரத²வினீதங் பாபுணிங், ததியங் ரத²வினீதங்
விஸ்ஸஜ்ஜிங், சதுத்த²ங் ரத²வினீதங் அபி⁴ருஹிங். சதுத்தே²ன ரத²வினீதேன
பஞ்சமங் ரத²வினீதங் பாபுணிங், சதுத்த²ங் ரத²வினீதங் விஸ்ஸஜ்ஜிங், பஞ்சமங்
ரத²வினீதங் அபி⁴ருஹிங். பஞ்சமேன ரத²வினீதேன ச²ட்ட²ங் ரத²வினீதங் பாபுணிங்,
பஞ்சமங் ரத²வினீதங் விஸ்ஸஜ்ஜிங், ச²ட்ட²ங் ரத²வினீதங் அபி⁴ருஹிங்.
ச²ட்டே²ன ரத²வினீதேன ஸத்தமங் ரத²வினீதங் பாபுணிங், ச²ட்ட²ங் ரத²வினீதங்
விஸ்ஸஜ்ஜிங், ஸத்தமங் ரத²வினீதங் அபி⁴ருஹிங். ஸத்தமேன ரத²வினீதேன ஸாகேதங்
அனுப்பத்தோ அந்தேபுரத்³வார’ந்தி. ஏவங் ப்³யாகரமானோ கோ², ஆவுஸோ, ராஜா
பஸேனதி³ கோஸலோ ஸம்மா ப்³யாகரமானோ ப்³யாகரெய்யா’’தி.

‘‘ஏவமேவ கோ², ஆவுஸோ, ஸீலவிஸுத்³தி⁴ யாவதே³வ
சித்தவிஸுத்³த⁴த்தா², சித்தவிஸுத்³தி⁴ யாவதே³வ தி³ட்டி²விஸுத்³த⁴த்தா²,
தி³ட்டி²விஸுத்³தி⁴ யாவதே³வ கங்கா²விதரணவிஸுத்³த⁴த்தா²,
கங்கா²விதரணவிஸுத்³தி⁴ யாவதே³வ
மக்³கா³மக்³க³ஞாணத³ஸ்ஸனவிஸுத்³த⁴த்தா², மக்³கா³மக்³க³ஞாணத³ஸ்ஸனவிஸுத்³தி⁴
யாவதே³வ படிபதா³ஞாணத³ஸ்ஸனவிஸுத்³த⁴த்தா², படிபதா³ஞாணத³ஸ்ஸனவிஸுத்³தி⁴
யாவதே³வ ஞாணத³ஸ்ஸனவிஸுத்³த⁴த்தா², ஞாணத³ஸ்ஸனவிஸுத்³தி⁴ யாவதே³வ
அனுபாதா³பரினிப்³பா³னத்தா². அனுபாதா³பரினிப்³பா³னத்த²ங் கோ², ஆவுஸோ,
ப⁴க³வதி ப்³ரஹ்மசரியங் வுஸ்ஸதீ’’தி.

260.
ஏவங் வுத்தே, ஆயஸ்மா ஸாரிபுத்தோ ஆயஸ்மந்தங் புண்ணங் மந்தாணிபுத்தங்
ஏதத³வோச – ‘‘கோனாமோ ஆயஸ்மா, கத²ஞ்ச பனாயஸ்மந்தங் ஸப்³ரஹ்மசாரீ ஜானந்தீ’’தி?
‘‘புண்ணோதி கோ² மே, ஆவுஸோ, நாமங்; மந்தாணிபுத்தோதி ச பன மங் ஸப்³ரஹ்மசாரீ
ஜானந்தீ’’தி. ‘‘அச்ச²ரியங், ஆவுஸோ, அப்³பு⁴தங், ஆவுஸோ! யதா² தங் ஸுதவதா
ஸாவகேன ஸம்மதே³வ ஸத்து²ஸாஸனங் ஆஜானந்தேன, ஏவமேவ ஆயஸ்மதா புண்ணேன மந்தாணிபுத்தேன க³ம்பீ⁴ரா
க³ம்பீ⁴ரபஞ்ஹா அனுமஸ்ஸ அனுமஸ்ஸ ப்³யாகதா. லாபா⁴ ஸப்³ரஹ்மசாரீனங்,
ஸுலத்³த⁴லாபா⁴ ஸப்³ரஹ்மசாரீனங், யே ஆயஸ்மந்தங் புண்ணங் மந்தாணிபுத்தங்
லப⁴ந்தி த³ஸ்ஸனாய, லப⁴ந்தி பயிரூபாஸனாய. சேலண்டு³கேன [சேலண்ட³கேன (க॰), சேலண்டு³பேகேன (?)] சேபி ஸப்³ரஹ்மசாரீ ஆயஸ்மந்தங் புண்ணங் மந்தாணிபுத்தங்
முத்³த⁴னா பரிஹரந்தா லபெ⁴ய்யுங் த³ஸ்ஸனாய, லபெ⁴ய்யுங் பயிரூபாஸனாய,
தேஸம்பி லாபா⁴ தேஸம்பி ஸுலத்³த⁴ங், அம்ஹாகம்பி லாபா⁴ அம்ஹாகம்பி
ஸுலத்³த⁴ங், யே மயங் ஆயஸ்மந்தங் புண்ணங் மந்தாணிபுத்தங் லபா⁴ம த³ஸ்ஸனாய,
லபா⁴ம பயிரூபாஸனாயா’’தி.

ஏவங் வுத்தே, ஆயஸ்மா புண்ணோ மந்தாணிபுத்தோ ஆயஸ்மந்தங்
ஸாரிபுத்தங் ஏதத³வோச – ‘‘கோ நாமோ ஆயஸ்மா, கத²ஞ்ச பனாயஸ்மந்தங் ஸப்³ரஹ்மசாரீ
ஜானந்தீ’’தி? ‘‘உபதிஸ்ஸோதி கோ² மே, ஆவுஸோ, நாமங்; ஸாரிபுத்தோதி ச பன மங்
ஸப்³ரஹ்மசாரீ ஜானந்தீ’’தி. ‘‘ஸத்து²கப்பேன வத கிர, போ⁴ [கோ² (க॰)],
ஸாவகேன ஸத்³தி⁴ங் மந்தயமானா ந ஜானிம்ஹ – ‘ஆயஸ்மா ஸாரிபுத்தோ’தி. ஸசே ஹி
மயங் ஜானெய்யாம ‘ஆயஸ்மா ஸாரிபுத்தோ’தி, எத்தகம்பி நோ நப்படிபா⁴ஸெய்ய [நப்படிபெ⁴ய்ய (?)].
அச்ச²ரியங், ஆவுஸோ, அப்³பு⁴தங், ஆவுஸோ! யதா² தங் ஸுதவதா ஸாவகேன ஸம்மதே³வ
ஸத்து²ஸாஸனங் ஆஜானந்தேன, ஏவமேவ ஆயஸ்மதா ஸாரிபுத்தேன க³ம்பீ⁴ரா
க³ம்பீ⁴ரபஞ்ஹா அனுமஸ்ஸ அனுமஸ்ஸ புச்சி²தா. லாபா⁴ ஸப்³ரஹ்மசாரீனங்
ஸுலத்³த⁴லாபா⁴ ஸப்³ரஹ்மசாரீனங், யே ஆயஸ்மந்தங் ஸாரிபுத்தங் லப⁴ந்தி
த³ஸ்ஸனாய, லப⁴ந்தி பயிரூபாஸனாய. சேலண்டு³கேன சேபி ஸப்³ரஹ்மசாரீ ஆயஸ்மந்தங்
ஸாரிபுத்தங் முத்³த⁴னா பரிஹரந்தா லபெ⁴ய்யுங் த³ஸ்ஸனாய, லபெ⁴ய்யுங் பயிரூபாஸனாய, தேஸம்பி
லாபா⁴ தேஸம்பி ஸுலத்³த⁴ங், அம்ஹாகம்பி லாபா⁴ அம்ஹாகம்பி ஸுலத்³த⁴ங், யே
மயங் ஆயஸ்மந்தங் ஸாரிபுத்தங் லபா⁴ம த³ஸ்ஸனாய, லபா⁴ம பயிரூபாஸனாயா’’தி.

இதிஹ தே உபோ⁴பி மஹானாகா³ அஞ்ஞமஞ்ஞஸ்ஸ ஸுபா⁴ஸிதங் ஸமனுமோதி³ங்ஸூதி.

ரத²வினீதஸுத்தங் நிட்டி²தங் சதுத்த²ங்.

5. நிவாபஸுத்தங்

261. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘ந , பி⁴க்க²வே, நேவாபிகோ
நிவாபங் நிவபதி மிக³ஜாதானங் – ‘இமங் மே நிவாபங் நிவுத்தங் மிக³ஜாதா
பரிபு⁴ஞ்ஜந்தா தீ³கா⁴யுகா வண்ணவந்தோ சிரங் தீ³க⁴மத்³தா⁴னங் யாபெந்தூ’தி.
ஏவஞ்ச கோ², பி⁴க்க²வே, நேவாபிகோ நிவாபங் நிவபதி மிக³ஜாதானங் – ‘இமங் மே
நிவாபங் நிவுத்தங் மிக³ஜாதா அனுபக²ஜ்ஜ முச்சி²தா போ⁴ஜனானி பு⁴ஞ்ஜிஸ்ஸந்தி,
அனுபக²ஜ்ஜ முச்சி²தா போ⁴ஜனானி பு⁴ஞ்ஜமானா மத³ங் ஆபஜ்ஜிஸ்ஸந்தி, மத்தா ஸமானா
பமாத³ங் ஆபஜ்ஜிஸ்ஸந்தி, பமத்தா ஸமானா யதா²காமகரணீயா ப⁴விஸ்ஸந்தி இமஸ்மிங்
நிவாபே’தி.

262.
‘‘தத்ர, பி⁴க்க²வே, பட²மா மிக³ஜாதா அமுங் நிவாபங் நிவுத்தங் நேவாபிகஸ்ஸ
அனுபக²ஜ்ஜ முச்சி²தா போ⁴ஜனானி பு⁴ஞ்ஜிங்ஸு, தே தத்த² அனுபக²ஜ்ஜ முச்சி²தா
போ⁴ஜனானி பு⁴ஞ்ஜமானா மத³ங் ஆபஜ்ஜிங்ஸு, மத்தா ஸமானா பமாத³ங் ஆபஜ்ஜிங்ஸு,
பமத்தா ஸமானா யதா²காமகரணீயா அஹேஸுங் நேவாபிகஸ்ஸ அமுஸ்மிங் நிவாபே. ஏவஞ்ஹி
தே, பி⁴க்க²வே, பட²மா மிக³ஜாதா ந பரிமுச்சிங்ஸு நேவாபிகஸ்ஸ இத்³தா⁴னுபா⁴வா.

263. ‘‘தத்ர, பி⁴க்க²வே, து³தியா மிக³ஜாதா ஏவங் ஸமசிந்தேஸுங் – ‘யே கோ²
தே பட²மா மிக³ஜாதா அமுங் நிவாபங் நிவுத்தங் நேவாபிகஸ்ஸ அனுபக²ஜ்ஜ
முச்சி²தா போ⁴ஜனானி பு⁴ஞ்ஜிங்ஸு. தே தத்த² அனுபக²ஜ்ஜ முச்சி²தா போ⁴ஜனானி
பு⁴ஞ்ஜமானா மத³ங் ஆபஜ்ஜிங்ஸு, மத்தா ஸமானா பமாத³ங் ஆபஜ்ஜிங்ஸு, பமத்தா
ஸமானா யதா²காமகரணீயா அஹேஸுங் நேவாபிகஸ்ஸ அமுஸ்மிங்
நிவாபே. ஏவஞ்ஹி தே பட²மா மிக³ஜாதா ந பரிமுச்சிங்ஸு நேவாபிகஸ்ஸ
இத்³தா⁴னுபா⁴வா. யங்னூன மயங் ஸப்³ப³ஸோ நிவாபபோ⁴ஜனா படிவிரமெய்யாம,
ப⁴யபோ⁴கா³ படிவிரதா அரஞ்ஞாயதனானி அஜ்ஜோ²கா³ஹெத்வா விஹரெய்யாமா’தி. தே
ஸப்³ப³ஸோ நிவாபபோ⁴ஜனா படிவிரமிங்ஸு, ப⁴யபோ⁴கா³ படிவிரதா அரஞ்ஞாயதனானி
அஜ்ஜோ²கா³ஹெத்வா விஹரிங்ஸு. தேஸங் கி³ம்ஹானங் பச்சி²மே மாஸே,
திணோத³கஸங்க²யே, அதி⁴மத்தகஸிமானங் பத்தோ காயோ ஹோதி. தேஸங் அதி⁴மத்தகஸிமானங்
பத்தகாயானங் ப³லவீரியங் பரிஹாயி. ப³லவீரியே பரிஹீனே தமேவ நிவாபங்
நிவுத்தங் நேவாபிகஸ்ஸ பச்சாக³மிங்ஸு. தே தத்த² அனுபக²ஜ்ஜ முச்சி²தா
போ⁴ஜனானி பு⁴ஞ்ஜிங்ஸு. தே தத்த² அனுபக²ஜ்ஜ முச்சி²தா போ⁴ஜனானி பு⁴ஞ்ஜமானா
மத³ங் ஆபஜ்ஜிங்ஸு, மத்தா ஸமானா பமாத³ங் ஆபஜ்ஜிங்ஸு, பமத்தா ஸமானா
யதா²காமகரணீயா அஹேஸுங் நேவாபிகஸ்ஸ அமுஸ்மிங் நிவாபே. ஏவஞ்ஹி தே, பி⁴க்க²வே,
து³தியாபி மிக³ஜாதா ந பரிமுச்சிங்ஸு நேவாபிகஸ்ஸ இத்³தா⁴னுபா⁴வா.

264. ‘‘தத்ர ,
பி⁴க்க²வே, ததியா மிக³ஜாதா ஏவங் ஸமசிந்தேஸுங் – ‘யே கோ² தே பட²மா மிக³ஜாதா
அமுங் நிவாபங் நிவுத்தங் நேவாபிகஸ்ஸ…பே॰… ஏவஞ்ஹி தே பட²மா மிக³ஜாதா ந
பரிமுச்சிங்ஸு நேவாபிகஸ்ஸ இத்³தா⁴னுபா⁴வா. யேபி தே து³தியா மிக³ஜாதா ஏவங்
ஸமசிந்தேஸுங் – யே கோ² தே பட²மா மிக³ஜாதா அமுங்
நிவாபங் நிவுத்தங் நேவாபிகஸ்ஸ…பே॰… ஏவஞ்ஹி தே பட²மா மிக³ஜாதா ந
பரிமுச்சிங்ஸு நேவாபிகஸ்ஸ இத்³தா⁴னுபா⁴வா. யங்னூன மயங் ஸப்³ப³ஸோ
நிவாபபோ⁴ஜனா படிவிரமெய்யாம, ப⁴யபோ⁴கா³ படிவிரதா அரஞ்ஞாயதனானி
அஜ்ஜோ²கா³ஹெத்வா விஹரெய்யாமாதி. தே ஸப்³ப³ஸோ நிவாபபோ⁴ஜனா படிவிரமிங்ஸு,
ப⁴யபோ⁴கா³ படிவிரதா அரஞ்ஞாயதனானி அஜ்ஜோ²கா³ஹெத்வா விஹரிங்ஸு. தேஸங்
கி³ம்ஹானங் பச்சி²மே மாஸே திணோத³கஸங்க²யே அதி⁴மத்தகஸிமானங் பத்தோ காயோ
ஹோதி. தேஸங் அதி⁴மத்தகஸிமானங் பத்தகாயானங் ப³லவீரியங் பரிஹாயி. ப³லவீரியே
பரிஹீனே தமேவ நிவாபங் நிவுத்தங் நேவாபிகஸ்ஸ பச்சாக³மிங்ஸு. தே தத்த²
அனுபக²ஜ்ஜ முச்சி²தா போ⁴ஜனானி பு⁴ஞ்ஜிங்ஸு. தே தத்த² அனுபக²ஜ்ஜ முச்சி²தா
போ⁴ஜனானி பு⁴ஞ்ஜமானா மத³ங் ஆபஜ்ஜிங்ஸு, மத்தா ஸமானா பமாத³ங் ஆபஜ்ஜிங்ஸு,
பமத்தா ஸமானா யதா²காமகரணீயா அஹேஸுங் நேவாபிகஸ்ஸ அமுஸ்மிங் நிவாபே. ஏவஞ்ஹி
தே து³தியாபி மிக³ஜாதா ந பரிமுச்சிங்ஸு நேவாபிகஸ்ஸ இத்³தா⁴னுபா⁴வா. யங்னூன
மயங் அமுங் நிவாபங் நிவுத்தங் நேவாபிகஸ்ஸ உபனிஸ்ஸாய
ஆஸயங் கப்பெய்யாம. தத்ராஸயங் கப்பெத்வா அமுங் நிவாபங் நிவுத்தங்
நேவாபிகஸ்ஸ அனநுபக²ஜ்ஜ அமுச்சி²தா போ⁴ஜனானி பு⁴ஞ்ஜிஸ்ஸாம, அனநுபக²ஜ்ஜ
அமுச்சி²தா போ⁴ஜனானி பு⁴ஞ்ஜமானா ந மத³ங் ஆபஜ்ஜிஸ்ஸாம, அமத்தா ஸமானா ந
பமாத³ங் ஆபஜ்ஜிஸ்ஸாம, அப்பமத்தா ஸமானா ந யதா²காமகரணீயா ப⁴விஸ்ஸாம
நேவாபிகஸ்ஸ அமுஸ்மிங் நிவாபே’தி. தே அமுங் நிவாபங் நிவுத்தங் நேவாபிகஸ்ஸ
உபனிஸ்ஸாய ஆஸயங் கப்பயிங்ஸு. தத்ராஸயங் கப்பெத்வா அமுங் நிவாபங் நிவுத்தங்
நேவாபிகஸ்ஸ அனநுபக²ஜ்ஜ அமுச்சி²தா போ⁴ஜனானி பு⁴ஞ்ஜிங்ஸு, தே தத்த² அனநுபக²ஜ்ஜ அமுச்சி²தா போ⁴ஜனானி பு⁴ஞ்ஜமானா ந மத³ங் ஆபஜ்ஜிங்ஸு, அமத்தா ஸமானா ந பமாத³ங் ஆபஜ்ஜிங்ஸு, அப்பமத்தா ஸமானா ந யதா²காமகரணீயா அஹேஸுங் நேவாபிகஸ்ஸ அமுஸ்மிங் நிவாபே.

‘‘தத்ர, பி⁴க்க²வே, நேவாபிகஸ்ஸ ச நேவாபிகபரிஸாய ச
ஏதத³ஹோஸி – ‘ஸடா²ஸ்ஸுனாமிமே ததியா மிக³ஜாதா கேதபி³னோ,
இத்³தி⁴மந்தாஸ்ஸுனாமிமே ததியா மிக³ஜாதா பரஜனா; இமஞ்ச நாம நிவாபங் நிவுத்தங்
பரிபு⁴ஞ்ஜந்தி, ந ச நேஸங் ஜானாம ஆக³திங் வா க³திங் வா. யங்னூன மயங் இமங் நிவாபங் நிவுத்தங் மஹதீஹி த³ண்ட³வாகராஹி [த³ண்ட³வாகு³ராஹி (ஸ்யா॰)]
ஸமந்தா ஸப்பதே³ஸங் அனுபரிவாரெய்யாம – அப்பேவ நாம ததியானங் மிக³ஜாதானங்
ஆஸயங் பஸ்ஸெய்யாம, யத்த² தே கா³ஹங் க³ச்செ²ய்யு’ந்தி. தே அமுங் நிவாபங்
நிவுத்தங் மஹதீஹி த³ண்ட³வாகராஹி ஸமந்தா ஸப்பதே³ஸங் அனுபரிவாரேஸுங்.
அத்³த³ஸங்ஸு கோ², பி⁴க்க²வே, நேவாபிகோ ச நேவாபிகபரிஸா ச ததியானங்
மிக³ஜாதானங் ஆஸயங், யத்த² தே கா³ஹங் அக³மங்ஸு. ஏவஞ்ஹி தே, பி⁴க்க²வே,
ததியாபி மிக³ஜாதா ந பரிமுச்சிங்ஸு நேவாபிகஸ்ஸ இத்³தா⁴னுபா⁴வா.

265.
‘‘தத்ர, பி⁴க்க²வே, சதுத்தா² மிக³ஜாதா ஏவங் ஸமசிந்தேஸுங் – ‘யே கோ² தே
பட²மா மிக³ஜாதா…பே॰… ஏவஞ்ஹி தே பட²மா மிக³ஜாதா ந பரிமுச்சிங்ஸு நேவாபிகஸ்ஸ
இத்³தா⁴னுபா⁴வா. யேபி தே து³தியா மிக³ஜாதா ஏவங் ஸமசிந்தேஸுங் ‘யே கோ² தே
பட²மா மிக³ஜாதா…பே॰… ஏவஞ்ஹி தே பட²மா மிக³ஜாதா ந பரிமுச்சிங்ஸு நேவாபிகஸ்ஸ
இத்³தா⁴னுபா⁴வா. யங்னூன மயங் ஸப்³ப³ஸோ நிவாபபோ⁴ஜனா
படிவிரமெய்யாம, ப⁴யபோ⁴கா³ படிவிரதா அரஞ்ஞாயதனானி அஜ்ஜோ²கா³ஹெத்வா
விஹரெய்யாமா’தி. தே ஸப்³ப³ஸோ நிவாபபோ⁴ஜனா படிவிரமிங்ஸு…பே॰… ஏவஞ்ஹி தே
து³தியாபி மிக³ஜாதா ந பரிமுச்சிங்ஸு நேவாபிகஸ்ஸ இத்³தா⁴னுபா⁴வா. யேபி தே
ததியா மிக³ஜாதா ஏவங் ஸமசிந்தேஸுங் ‘யே கோ² தே பட²மா
மிக³ஜாதா…பே॰… ஏவஞ்ஹி தே பட²மா மிக³ஜாதா ந பரிமுச்சிங்ஸு நேவாபிகஸ்ஸ
இத்³தா⁴னுபா⁴வா. யேபி தே து³தியா மிக³ஜாதா ஏவங் ஸமசிந்தேஸுங் ‘யே கோ² தே
பட²மா மிக³ஜாதா…பே॰… ஏவஞ்ஹி தே பட²மா மிக³ஜாதா ந பரிமுச்சிங்ஸு நேவாபிகஸ்ஸ
இத்³தா⁴னுபா⁴வா. யங்னூன மயங் ஸப்³ப³ஸோ நிவாபபோ⁴ஜனா படிவிரமெய்யாம,
ப⁴யபோ⁴கா³ படிவிரதா அரஞ்ஞாயதனானி அஜ்ஜோ²கா³ஹெத்வா விஹரெய்யாமா’தி. தே
ஸப்³ப³ஸோ நிவாபபோ⁴ஜனா படிவிரமிங்ஸு…பே॰… ஏவஞ்ஹி தே து³தியாபி மிக³ஜாதா ந
பரிமுச்சிங்ஸு நேவாபிகஸ்ஸ இத்³தா⁴னுபா⁴வா. யங்னூன மயங் அமுங் நிவாபங்
நிவுத்தங் நேவாபிகஸ்ஸ உபனிஸ்ஸாய ஆஸயங் கப்பெய்யாம, தத்ராஸயங் கப்பெத்வா
அமுங் நிவாபங் நிவுத்தங் நேவாபிகஸ்ஸ அனநுபக²ஜ்ஜ அமுச்சி²தா போ⁴ஜனானி
பு⁴ஞ்ஜிஸ்ஸாம, அனநுபக²ஜ்ஜ அமுச்சி²தா போ⁴ஜனானி பு⁴ஞ்ஜமானா ந மத³ங்
ஆபஜ்ஜிஸ்ஸாம, அமத்தா ஸமானா ந பமாத³ங் ஆபஜ்ஜிஸ்ஸாம, அப்பமத்தா ஸமானா ந யதா²காமகரணீயா ப⁴விஸ்ஸாம நேவாபிகஸ்ஸ
அமுஸ்மிங் நிவாபே’தி. தே அமுங் நிவாபங் நிவுத்தங் நேவாபிகஸ்ஸ உபனிஸ்ஸாய
ஆஸயங் கப்பயிங்ஸு, தத்ராஸயங் கப்பெத்வா அமுங் நிவாபங் நிவுத்தங் நேவாபிகஸ்ஸ
அனநுபக²ஜ்ஜ அமுச்சி²தா போ⁴ஜனானி பு⁴ஞ்ஜிங்ஸு, தே தத்த² அனநுபக²ஜ்ஜ
அமுச்சி²தா போ⁴ஜனானி பு⁴ஞ்ஜமானா ந மத³ங் ஆபஜ்ஜிங்ஸு, அமத்தா ஸமானா ந
பமாத³ங் ஆபஜ்ஜிங்ஸு, அப்பமத்தா ஸமானா ந யதா²காமகரணீயா அஹேஸுங் நேவாபிகஸ்ஸ
அமுஸ்மிங் நிவாபே.

‘‘தத்ர நேவாபிகஸ்ஸ ச நேவாபிகபரிஸாய ச ஏதத³ஹோஸி – ‘ஸடா²ஸ்ஸுனாமிமே ததியா மிக³ஜாதா கேதபி³னோ, இத்³தி⁴மந்தாஸ்ஸுனாமிமே ததியா
மிக³ஜாதா பரஜனா, இமஞ்ச நாம நிவாபங் நிவுத்தங் பரிபு⁴ஞ்ஜந்தி. ந ச நேஸங்
ஜானாம ஆக³திங் வா க³திங் வா. யங்னூன மயங் இமங் நிவாபங் நிவுத்தங் மஹதீதி
த³ண்ட³வாகராஹி ஸமந்தா ஸப்பதே³ஸங் அனுபரிவாரெய்யாம, அப்பேவ நாம ததியானங்
மிக³ஜாதானங் ஆஸயங் பஸ்ஸெய்யாம, யத்த² தே கா³ஹங் க³ச்செ²ய்யு’ந்தி. தே அமுங்
நிவாபங் நிவுத்தங் மஹதீதி த³ண்ட³வாகராஹி ஸமந்தா ஸப்பதே³ஸங்
அனுபரிவாரேஸுங். அத்³த³ஸங்ஸு கோ² நேவாபிகோ ச நேவாபிகபரிஸா ச ததியானங்
மிக³ஜாதானங் ஆஸயங், யத்த² தே கா³ஹங் அக³மங்ஸு. ஏவஞ்ஹி தே ததியாபி மிக³ஜாதா ந
பரிமுச்சிங்ஸு நேவாபிகஸ்ஸ இத்³தா⁴னுபா⁴வா. யங்னூன மயங் யத்த² அக³தி
நேவாபிகஸ்ஸ ச நேவாபிகபரிஸாய ச தத்ராஸயங் கப்பெய்யாம, தத்ராஸயங் கப்பெத்வா
அமுங் நிவாபங் நிவுத்தங் நேவாபிகஸ்ஸ அனநுபக²ஜ்ஜ அமுச்சி²தா போ⁴ஜனானி
பு⁴ஞ்ஜிஸ்ஸாம, அனநுபக²ஜ்ஜ அமுச்சி²தா போ⁴ஜனானி பு⁴ஞ்ஜமானா ந மத³ங்
ஆபஜ்ஜிஸ்ஸாம, அமத்தா ஸமானா ந பமாத³ங் ஆபஜ்ஜிஸ்ஸாம, அப்பமத்தா ஸமானா ந
யதா²காமகரணீயா ப⁴விஸ்ஸாம நேவாபிகஸ்ஸ அமுஸ்மிங்
நிவாபே’தி. தே யத்த² அக³தி நேவாபிகஸ்ஸ ச நேவாபிகபரிஸாய ச தத்ராஸயங்
கப்பயிங்ஸு. தத்ராஸயங் கப்பெத்வா அமுங் நிவாபங் நிவுத்தங் நேவாபிகஸ்ஸ
அனநுபக²ஜ்ஜ அமுச்சி²தா போ⁴ஜனானி பு⁴ஞ்ஜிங்ஸு, தே தத்த² அனநுபக²ஜ்ஜ
அமுச்சி²தா போ⁴ஜனானி பு⁴ஞ்ஜமானா ந மத³ங் ஆபஜ்ஜிங்ஸு, அமத்தா ஸமானா ந
பமாத³ங் ஆபஜ்ஜிங்ஸு, அப்பமத்தா ஸமானா ந யதா²காமகரணீயா அஹேஸுங் நேவாபிகஸ்ஸ
அமுஸ்மிங் நிவாபே.

‘‘தத்ர, பி⁴க்க²வே, நேவாபிகஸ்ஸ ச நேவாபிகபரிஸாய ச
ஏதத³ஹோஸி – ‘ஸடா²ஸ்ஸுனாமிமே சதுத்தா² மிக³ஜாதா கேதபி³னோ,
இத்³தி⁴மந்தாஸ்ஸுனாமிமே சதுத்தா² மிக³ஜாதா பரஜனா. இமஞ்ச நாம நிவாபங்
நிவுத்தங் பரிபு⁴ஞ்ஜந்தி, ந ச நேஸங் ஜானாம ஆக³திங் வா க³திங் வா. யங்னூன
மயங் இமங் நிவாபங் நிவுத்தங் மஹதீஹி த³ண்ட³வாகராஹி
ஸமந்தா ஸப்பதே³ஸங் அனுபரிவாரெய்யாம, அப்பேவ நாம சதுத்தா²னங் மிக³ஜாதானங்
ஆஸயங் பஸ்ஸெய்யாம யத்த² தே கா³ஹங் க³ச்செ²ய்யு’ந்தி. தே
அமுங் நிவாபங் நிவுத்தங் மஹதீஹி த³ண்ட³வாகராஹி ஸமந்தா ஸப்பதே³ஸங்
அனுபரிவாரேஸுங். நேவ கோ², பி⁴க்க²வே, அத்³த³ஸங்ஸு நேவாபிகோ ச நேவாபிகபரிஸா ச
சதுத்தா²னங் மிக³ஜாதானங் ஆஸயங், யத்த² தே கா³ஹங் க³ச்செ²ய்யுங். தத்ர,
பி⁴க்க²வே, நேவாபிகஸ்ஸ ச நேவாபிகபரிஸாய ச ஏதத³ஹோஸி – ‘ஸசே கோ² மயங்
சதுத்தே² மிக³ஜாதே க⁴ட்டெஸ்ஸாம, தே க⁴ட்டிதா அஞ்ஞே க⁴ட்டிஸ்ஸந்தி தே
க⁴ட்டிதா அஞ்ஞே க⁴ட்டிஸ்ஸந்தி. ஏவங் இமங் நிவாபங் நிவுத்தங் ஸப்³ப³ஸோ
மிக³ஜாதா பரிமுஞ்சிஸ்ஸந்தி. யங்னூன மயங் சதுத்தே² மிக³ஜாதே
அஜ்ஜு²பெக்கெ²ய்யாமா’தி. அஜ்ஜு²பெக்கி²ங்ஸு கோ², பி⁴க்க²வே, நேவாபிகோ ச
நேவாபிகபரிஸா ச சதுத்தே² மிக³ஜாதே. ஏவஞ்ஹி தே, பி⁴க்க²வே, சதுத்தா²
மிக³ஜாதா பரிமுச்சிங்ஸு நேவாபிகஸ்ஸ இத்³தா⁴னுபா⁴வா.

266.
‘‘உபமா கோ² மே அயங், பி⁴க்க²வே, கதா அத்த²ஸ்ஸ விஞ்ஞாபனாய. அயங் சேவெத்த²
அத்தோ² – நிவாபோதி கோ², பி⁴க்க²வே, பஞ்சன்னேதங் காமகு³ணானங் அதி⁴வசனங்.
நேவாபிகோதி கோ², பி⁴க்க²வே, மாரஸ்ஸேதங் பாபிமதோ அதி⁴வசனங். நேவாபிகபரிஸாதி
கோ², பி⁴க்க²வே, மாரபரிஸாயேதங் அதி⁴வசனங். மிக³ஜாதாதி கோ², பி⁴க்க²வே,
ஸமணப்³ராஹ்மணானமேதங் அதி⁴வசனங்.

267. ‘‘தத்ர, பி⁴க்க²வே, பட²மா ஸமணப்³ராஹ்மணா அமுங் நிவாபங் நிவுத்தங் மாரஸ்ஸ அமூனி ச லோகாமிஸானி அனுபக²ஜ்ஜ முச்சி²தா
போ⁴ஜனானி பு⁴ஞ்ஜிங்ஸு. தே தத்த² அனுபக²ஜ்ஜ முச்சி²தா போ⁴ஜனானி பு⁴ஞ்ஜமானா
மத³ங் ஆபஜ்ஜிங்ஸு, மத்தா ஸமானா பமாத³ங் ஆபஜ்ஜிங்ஸு, பமத்தா ஸமானா
யதா²காமகரணீயா அஹேஸுங் மாரஸ்ஸ அமுஸ்மிங் நிவாபே அமுஸ்மிஞ்ச லோகாமிஸே .
ஏவஞ்ஹி தே, பி⁴க்க²வே, பட²மா ஸமணப்³ராஹ்மணா ந பரிமுச்சிங்ஸு மாரஸ்ஸ
இத்³தா⁴னுபா⁴வா. ஸெய்யதா²பி தே, பி⁴க்க²வே, பட²மா மிக³ஜாதா ததூ²பமே அஹங்
இமே பட²மே ஸமணப்³ராஹ்மணே வதா³மி.

268.
‘‘தத்ர, பி⁴க்க²வே, து³தியா ஸமணப்³ராஹ்மணா ஏவங் ஸமசிந்தேஸுங் – ‘யே கோ² தே
பட²மா ஸமணப்³ராஹ்மணா அமுங் நிவாபங் நிவுத்தங் மாரஸ்ஸ அமூனி ச லோகாமிஸானி
அனுபக²ஜ்ஜ முச்சி²தா போ⁴ஜனானி பு⁴ஞ்ஜிங்ஸு. தே தத்த² அனுபக²ஜ்ஜ முச்சி²தா
போ⁴ஜனானி பு⁴ஞ்ஜமானா மத³ங் ஆபஜ்ஜிங்ஸு, மத்தா ஸமானா பமாத³ங்
ஆபஜ்ஜிங்ஸு, பமத்தா ஸமானா யதா²காமகரணீயா அஹேஸுங் மாரஸ்ஸ அமுஸ்மிங் நிவாபே
அமுஸ்மிஞ்ச லோகாமிஸே. ஏவஞ்ஹி தே பட²மா ஸமணப்³ராஹ்மணா ந பரிமுச்சிங்ஸு
மாரஸ்ஸ இத்³தா⁴னுபா⁴வா. யங்னூன மயங் ஸப்³ப³ஸோ நிவாபபோ⁴ஜனா லோகாமிஸா
படிவிரமெய்யாம, ப⁴யபோ⁴கா³ படிவிரதா அரஞ்ஞாயதனானி அஜ்ஜோ²கா³ஹெத்வா
விஹரெய்யாமா’தி. தே ஸப்³ப³ஸோ நிவாபபோ⁴ஜனா லோகாமிஸா படிவிரமிங்ஸு, ப⁴யபோ⁴கா³
படிவிரதா அரஞ்ஞாயதனானி அஜ்ஜோ²கா³ஹெத்வா விஹரெய்யாமாதி. தே ஸப்³ப³ஸோ
நிவாபபோ⁴ஜனா லோகாமிஸா படிவிரமிங்ஸு, ப⁴யபோ⁴கா³ படிவிரதா அரஞ்ஞாயதனானி
அஜ்ஜோ²கா³ஹெத்வா விஹரிங்ஸு. தே தத்த² ஸாகப⁴க்கா²பி அஹேஸுங், ஸாமாகப⁴க்கா²பி
அஹேஸுங், நீவாரப⁴க்கா²பி அஹேஸுங், த³த்³து³லப⁴க்கா²பி அஹேஸுங்,
ஹடப⁴க்கா²பி அஹேஸுங், கணப⁴க்கா²பி அஹேஸுங், ஆசாமப⁴க்கா²பி அஹேஸுங்,
பிஞ்ஞாகப⁴க்கா²பி அஹேஸுங், திணப⁴க்கா²பி அஹேஸுங், கோ³மயப⁴க்கா²பி அஹேஸுங்,
வனமூலப²லாஹாரா யாபேஸுங் பவத்தப²லபோ⁴ஜீ.

‘‘தேஸங் கி³ம்ஹானங் பச்சி²மே மாஸே, திணோத³கஸங்க²யே, அதி⁴மத்தகஸிமானங் பத்தோ காயோ ஹோதி. தேஸங் அதி⁴மத்தகஸிமானங்
பத்தகாயானங் ப³லவீரியங் பரிஹாயி. ப³லவீரியே பரிஹீனே சேதோவிமுத்தி பரிஹாயி.
சேதோவிமுத்தியா பரிஹீனாய தமேவ நிவாபங் நிவுத்தங் மாரஸ்ஸ பச்சாக³மிங்ஸு
தானி ச லோகாமிஸானி. தே தத்த² அனுபக²ஜ்ஜ முச்சி²தா போ⁴ஜனானி பு⁴ஞ்ஜிங்ஸு. தே
தத்த² அனுபக²ஜ்ஜ முச்சி²தா போ⁴ஜனானி பு⁴ஞ்ஜமானா மத³ங் ஆபஜ்ஜிங்ஸு, மத்தா
ஸமானா பமாத³ங் ஆபஜ்ஜிங்ஸு, பமத்தா ஸமானா யதா²காமகரணீயா அஹேஸுங் மாரஸ்ஸ
அமுஸ்மிங் நிவாபே அமுஸ்மிஞ்ச லோகாமிஸே. ஏவஞ்ஹி தே, பி⁴க்க²வே, து³தியாபி
ஸமணப்³ராஹ்மணா ந பரிமுச்சிங்ஸு மாரஸ்ஸ இத்³தா⁴னுபா⁴வா. ஸெய்யதா²பி தே, பி⁴க்க²வே, து³தியா மிக³ஜாதா ததூ²பமே அஹங் இமே து³தியே ஸமணப்³ராஹ்மணே வதா³மி.

269.
‘‘தத்ர, பி⁴க்க²வே, ததியா ஸமணப்³ராஹ்மணா ஏவங் ஸமசிந்தேஸுங் – ‘யே கோ² தே
பட²மா ஸமணப்³ராஹ்மணா அமுங் நிவாபங் நிவுத்தங் மாரஸ்ஸ அமூனி ச
லோகாமிஸானி…பே॰…. ஏவஞ்ஹி தே பட²மா ஸமணப்³ராஹ்மணா ந பரிமுச்சிங்ஸு மாரஸ்ஸ
இத்³தா⁴னுபா⁴வா. யேபி தே து³தியா ஸமணப்³ராஹ்மணா ஏவங் ஸமசிந்தேஸுங் – ‘யே
கோ² தே பட²மா ஸமணப்³ராஹ்மணா அமுங் நிவாபங் நிவுத்தங் மாரஸ்ஸ அமூனி ச
லோகாமிஸானி…பே॰…. ஏவஞ்ஹி தே பட²மா ஸமணப்³ராஹ்மணா ந பரிமுச்சிங்ஸு மாரஸ்ஸ
இத்³தா⁴னுபா⁴வா. யங்னூன மயங் ஸப்³ப³ஸோ நிவாபபோ⁴ஜனா லோகாமிஸா படிவிரமெய்யாம,
ப⁴யபோ⁴கா³ படிவிரதா அரஞ்ஞாயதனானி அஜ்ஜோ²கா³ஹெத்வா விஹரெய்யாமா’தி. தே
ஸப்³ப³ஸோ நிவாபபோ⁴ஜனா லோகாமிஸா படிவிரமிங்ஸு.
ப⁴யபோ⁴கா³ படிவிரதா அரஞ்ஞாயதனானி அஜ்ஜோ²கா³ஹெத்வா விஹரிங்ஸு. தே தத்த²
ஸாகப⁴க்கா²பி அஹேஸுங்…பே॰… பவத்தப²லபோ⁴ஜீ. தேஸங் கி³ம்ஹானங் பச்சி²மே மாஸே திணோத³கஸங்க²யே அதி⁴மத்தகஸிமானங்
பத்தோ காயோ ஹோதி. தேஸங் அதி⁴மத்தகஸிமானங் பத்தகாயானங் ப³லவீரியங் பரிஹாயி,
ப³லவீரியே பரிஹீனே சேதோவிமுத்தி பரிஹாயி, சேதோவிமுத்தியா பரிஹீனாய தமேவ
நிவாபங் நிவுத்தங் மாரஸ்ஸ பச்சாக³மிங்ஸு தானி ச லோகாமிஸானி. தே தத்த²
அனுபக²ஜ்ஜ முச்சி²தா போ⁴ஜனானி பு⁴ஞ்ஜிங்ஸு. தே தத்த² அனுபக²ஜ்ஜ முச்சி²தா
போ⁴ஜனானி பு⁴ஞ்ஜமானா மத³ங் ஆபஜ்ஜிங்ஸு, மத்தா ஸமானா பமாத³ங் ஆபஜ்ஜிங்ஸு,
பமத்தா ஸமானா யதா²காமகரணீயா அஹேஸுங் மாரஸ்ஸ அமுஸ்மிங் நிவாபே அமுஸ்மிஞ்ச
லோகாமிஸே. ஏவஞ்ஹி தே து³தியாபி ஸமணப்³ராஹ்மணா ந பரிமுச்சிங்ஸு மாரஸ்ஸ
இத்³தா⁴னுபா⁴வா. யங்னூன மயங் அமுங் நிவாபங் நிவுத்தங் மாரஸ்ஸ அமூனி ச
லோகாமிஸானி உபனிஸ்ஸாய ஆஸயங் கப்பெய்யாம, தத்ராஸயங் கப்பெத்வா அமுங் நிவாபங்
நிவுத்தங் மாரஸ்ஸ அமூனி ச லோகாமிஸானி அனநுபக²ஜ்ஜ அமுச்சி²தா போ⁴ஜனானி
பு⁴ஞ்ஜிஸ்ஸாம, அனநுபக²ஜ்ஜ அமுச்சி²தா போ⁴ஜனானி பு⁴ஞ்ஜமானா ந மத³ங்
ஆபஜ்ஜிஸ்ஸாம, அமத்தா ஸமானா ந பமாத³ங் ஆபஜ்ஜிஸ்ஸாம, அப்பமத்தா ஸமானா ந
யதா²காமகரணீயா ப⁴விஸ்ஸாம மாரஸ்ஸ அமுஸ்மிங் நிவாபே அமுஸ்மிஞ்ச லோகாமிஸே’’தி.

‘‘தே அமுங் நிவாபங் நிவுத்தங் மாரஸ்ஸ அமூனி ச
லோகாமிஸானி உபனிஸ்ஸாய ஆஸயங் கப்பயிங்ஸு. தத்ராஸயங் கப்பெத்வா அமுங் நிவாபங்
நிவுத்தங் மாரஸ்ஸ அமூனி ச லோகாமிஸானி அனநுபக²ஜ்ஜ அமுச்சி²தா போ⁴ஜனானி
பு⁴ஞ்ஜிங்ஸு. தே தத்த² அனநுபக²ஜ்ஜ அமுச்சி²தா போ⁴ஜனானி பு⁴ஞ்ஜமானா ந மத³ங்
ஆபஜ்ஜிங்ஸு, அமத்தா ஸமானா ந பமாத³ங் ஆபஜ்ஜிங்ஸு, அப்பமத்தா ஸமானா ந
யதா²காமகரணீயா அஹேஸுங் மாரஸ்ஸ அமுஸ்மிங் நிவாபே அமுஸ்மிஞ்ச லோகாமிஸே .
அபி ச கோ² ஏவங்தி³ட்டி²கா அஹேஸுங் – ஸஸ்ஸதோ லோகோ இதிபி, அஸஸ்ஸதோ லோகோ
இதிபி; அந்தவா லோகோ இதிபி, அனந்தவா லோகோ இதிபி; தங் ஜீவங் தங் ஸரீரங்
இதிபி, அஞ்ஞங் ஜீவங் அஞ்ஞங் ஸரீரங் இதிபி; ஹோதி ததா²க³தோ பரங் மரணா இதிபி, ந
ஹோதி ததா²க³தோ பரங் மரணா இதிபி, ஹோதி ச ந ச ஹோதி ததா²க³தோ பரங் மரணா
இதிபி, நேவ ஹோதி ந ந ஹோதி ததா²க³தோ பரங் மரணா இதிபி . ஏவஞ்ஹி தே, பி⁴க்க²வே, ததியாபி ஸமணப்³ராஹ்மணா ந பரிமுச்சிங்ஸு மாரஸ்ஸ இத்³தா⁴னுபா⁴வா. ஸெய்யதா²பி தே, பி⁴க்க²வே, ததியா மிக³ஜாதா ததூ²பமே அஹங் இமே ததியே ஸமணப்³ராஹ்மணே வதா³மி.

270.
‘‘தத்ர, பி⁴க்க²வே, சதுத்தா² ஸமணப்³ராஹ்மணா ஏவங் ஸமசிந்தேஸுங் – ‘யே கோ²
தே பட²மா ஸமணப்³ராஹ்மணா அமுங் நிவாபங் நிவுத்தங் மாரஸ்ஸ…பே॰…. ஏவஞ்ஹி தே
பட²மா ஸமணப்³ராஹ்மணா ந பரிமுச்சிங்ஸு மாரஸ்ஸ
இத்³தா⁴னுபா⁴வா. யேபி தே து³தியா ஸமணப்³ராஹ்மணா ஏவங் ஸமசிந்தேஸுங் – ‘யே
கோ² தே பட²மா ஸமணப்³ராஹ்மணா…பே॰…. ஏவஞ்ஹி தே பட²மா ஸமணப்³ராஹ்மணா ந
பரிமுச்சிங்ஸு மாரஸ்ஸ இத்³தா⁴னுபா⁴வா. யங்னூன மயங் ஸப்³ப³ஸோ நிவாபபோ⁴ஜனா
லோகாமிஸா படிவிரமெய்யாம ப⁴யபோ⁴கா³ படிவிரதா அரஞ்ஞாயதனானி அஜ்ஜோ²கா³ஹெத்வா
விஹரெய்யாமா’தி. தே ஸப்³ப³ஸோ நிவாபபோ⁴ஜனா லோகாமிஸா படிவிரமிங்ஸு…பே॰….
ஏவஞ்ஹி தே து³தியாபி ஸமணப்³ராஹ்மணா ந பரிமுச்சிங்ஸு மாரஸ்ஸ இத்³தா⁴னுபா⁴வா.
யேபி தே ததியா ஸமணப்³ராஹ்மணா ஏவங் ஸமசிந்தேஸுங் யே கோ² தே பட²மா
ஸமணப்³ராஹ்மணா …பே॰…. ஏவஞ்ஹி தே பட²மா
ஸமணப்³ராஹ்மணா ந பரிமுச்சிங்ஸு மாரஸ்ஸ இத்³தா⁴னுபா⁴வா. யேபி தே து³தியா
ஸமணப்³ராஹ்மணா ஏவங் ஸமசிந்தேஸுங் யே கோ² தே பட²மா ஸமணப்³ராஹ்மணா…பே॰….
ஏவஞ்ஹி தே பட²மா ஸமணப்³ராஹ்மணா ந பரிமுச்சிங்ஸு மாரஸ்ஸ இத்³தா⁴னுபா⁴வா.
யங்னூன மயங் ஸப்³ப³ஸோ நிவாபபோ⁴ஜனா லோகாமிஸா படிவிரமெய்யாம, ப⁴யபோ⁴கா³
படிவிரதா அரஞ்ஞாயதனானி அஜ்ஜோ²கா³ஹெத்வா விஹரெய்யாமா’தி. தே ஸப்³ப³ஸோ
நிவாபபோ⁴ஜனா லோகாமிஸா படிவிரமிங்ஸு…பே॰…. ஏவஞ்ஹி தே து³தியாபி
ஸமணப்³ராஹ்மணா ந பரிமுச்சிங்ஸு மாரஸ்ஸ இத்³தா⁴னுபா⁴வா. யங்னூன மயங் அமுங்
நிவாபங் நிவுத்தங் மாரஸ்ஸ அமூனி ச லோகாமிஸானி உபனிஸ்ஸாய ஆஸயங் கப்பெய்யாம.
தத்ராஸயங் கப்பெத்வா அமுங் நிவாபங் நிவுத்தங் மாரஸ்ஸ அமூனி ச லோகாமிஸானி
அனநுபக²ஜ்ஜ அமுச்சி²தா போ⁴ஜனானி பு⁴ஞ்ஜிஸ்ஸாம, அனநுபக²ஜ்ஜ அமுச்சி²தா
போ⁴ஜனானி பு⁴ஞ்ஜமானா ந மத³ங் ஆபஜ்ஜிஸ்ஸாம, அமத்தா ஸமானா ந பமாத³ங்
ஆபஜ்ஜிஸ்ஸாம, அப்பமத்தா ஸமானா ந யதா²காமகரணீயா ப⁴விஸ்ஸாம மாரஸ்ஸ அமுஸ்மிங்
நிவாபே அமுஸ்மிஞ்ச லோகாமிஸேதி.

‘‘தே அமுங் நிவாபங் நிவுத்தங் மாரஸ்ஸ அமூனி ச
லோகாமிஸானி உபனிஸ்ஸாய ஆஸயங் கப்பயிங்ஸு. தத்ராஸயங் கப்பெத்வா அமுங் நிவாபங்
நிவுத்தங் மாரஸ்ஸ அமூனி ச லோகாமிஸானி அனநுபக²ஜ்ஜ அமுச்சி²தா போ⁴ஜனானி
பு⁴ஞ்ஜிங்ஸு. தே தத்த² அனநுபக²ஜ்ஜ அமுச்சி²தா போ⁴ஜனானி பு⁴ஞ்ஜமானா ந மத³ங்
ஆபஜ்ஜிங்ஸு. அமத்தா ஸமானா ந பமாத³ங் ஆபஜ்ஜிங்ஸு.
அப்பமத்தா ஸமானா ந யதா²காமகரணீயா அஹேஸுங் மாரஸ்ஸ அமுஸ்மிங் நிவாபே
அமுஸ்மிஞ்ச லோகாமிஸே. அபி ச கோ² ஏவங்தி³ட்டி²கா அஹேஸுங் ஸஸ்ஸதோ லோகோ
இதிபி…பே॰… நேவ ஹோதி ந ந ஹோதி ததா²க³தோ பரங் மரணா இதிபி. ஏவஞ்ஹி தே ததியாபி
ஸமணப்³ராஹ்மணா ந பரிமுச்சிங்ஸு மாரஸ்ஸ இத்³தா⁴னுபா⁴வா. யங்னூன மயங் யத்த²
அக³தி மாரஸ்ஸ ச மாரபரிஸாய ச தத்ராஸயங் கப்பேயாம. தத்ராஸயங் கப்பெத்வா அமுங்
நிவாபங் நிவுத்தங் மாரஸ்ஸ அமூனி ச லோகாமிஸானி
அனநுபக²ஜ்ஜ அமுச்சி²தா போ⁴ஜனானி பு⁴ஞ்ஜிஸ்ஸாம, அனநுபக²ஜ்ஜ அமுச்சி²தா
போ⁴ஜனானி பு⁴ஞ்ஜமானா ந மத³ங் ஆபஜ்ஜிஸ்ஸாம, அமத்தா ஸமானா ந பமாத³ங்
ஆபஜ்ஜிஸ்ஸாம, அப்பமத்தா ஸமானா ந யதா²காமகரணீயா ப⁴விஸ்ஸாம மாரஸ்ஸ அமுஸ்மிங்
நிவாபே அமுஸ்மிஞ்ச லோகாமிஸேதி.

‘‘தே யத்த² அக³தி மாரஸ்ஸ ச மாரபரிஸாய ச தத்ராஸயங் கப்பயிங்ஸு. தத்ராஸயங் கப்பெத்வா அமுங் நிவாபங்
நிவுத்தங் மாரஸ்ஸ அமூனி ச லோகாமிஸானி அனநுபக²ஜ்ஜ அமுச்சி²தா போ⁴ஜனானி
பு⁴ஞ்ஜிங்ஸு, தே தத்த² அனநுபக²ஜ்ஜ அமுச்சி²தா போ⁴ஜனானி பு⁴ஞ்ஜமானா ந மத³ங்
ஆபஜ்ஜிங்ஸு, அமத்தா ஸமானா ந பமாத³ங் ஆபஜ்ஜிங்ஸு, அப்பமத்தா ஸமானா ந
யதா²காமகரணீயா அஹேஸுங் மாரஸ்ஸ அமுஸ்மிங் நிவாபே அமுஸ்மிஞ்ச லோகாமிஸே.
ஏவஞ்ஹி தே, பி⁴க்க²வே, சதுத்தா² ஸமணப்³ராஹ்மணா பரிமுச்சிங்ஸு மாரஸ்ஸ
இத்³தா⁴னுபா⁴வா. ஸெய்யதா²பி தே, பி⁴க்க²வே, சதுத்தா² மிக³ஜாதா ததூ²பமே அஹங்
இமே சதுத்தே² ஸமணப்³ராஹ்மணே வதா³மி.

271.
‘‘கத²ஞ்ச, பி⁴க்க²வே, அக³தி மாரஸ்ஸ ச மாரபரிஸாய ச? இத⁴, பி⁴க்க²வே,
பி⁴க்கு² விவிச்சேவ காமேஹி விவிச்ச அகுஸலேஹி த⁴ம்மேஹி ஸவிதக்கங் ஸவிசாரங்
விவேகஜங் பீதிஸுக²ங் பட²மங் ஜா²னங் உபஸம்பஜ்ஜ விஹரதி. அயங் வுச்சதி,
பி⁴க்க²வே, பி⁴க்கு² அந்த⁴மகாஸி மாரங், அபத³ங் வதி⁴த்வா மாரசக்கு²ங்
அத³ஸ்ஸனங் க³தோ பாபிமதோ.

‘‘புன சபரங், பி⁴க்க²வே, பி⁴க்கு² விதக்கவிசாரானங்
வூபஸமா அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங் அவிதக்கங் அவிசாரங்
ஸமாதி⁴ஜங் பீதிஸுக²ங் து³தியங் ஜா²னங் உபஸம்பஜ்ஜ விஹரதி. அயங் வுச்சதி,
பி⁴க்க²வே…பே॰… பாபிமதோ.

‘‘புன சபரங், பி⁴க்க²வே, பி⁴க்கு² பீதியா ச விராகா³
உபெக்க²கோ ச விஹரதி ஸதோ ச ஸம்பஜானோ, ஸுக²ஞ்ச காயேன படிஸங்வேதே³தி யங் தங்
அரியா ஆசிக்க²ந்தி ‘உபெக்க²கோ ஸதிமா ஸுக²விஹாரீ’தி ததியங் ஜா²னங் உபஸம்பஜ்ஜ விஹரதி. அயங் வுச்சதி, பி⁴க்க²வே…பே॰… பாபிமதோ.

‘‘புன சபரங், பி⁴க்க²வே, பி⁴க்கு² ஸுக²ஸ்ஸ ச பஹானா
து³க்க²ஸ்ஸ ச பஹானா, புப்³பே³வ ஸோமனஸ்ஸதோ³மனஸ்ஸானங் அத்த²ங்க³மா,
அது³க்க²மஸுக²ங் உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ விஹரதி. அயங் வுச்சதி, பி⁴க்க²வே…பே॰… பாபிமதோ.

‘‘புன சபரங், பி⁴க்க²வே, பி⁴க்கு² ஸப்³ப³ஸோ ரூபஸஞ்ஞானங் ஸமதிக்கமா படிக⁴ஸஞ்ஞானங் அத்த²ங்க³மா நானத்தஸஞ்ஞானங் அமனஸிகாரா ‘அனந்தோ ஆகாஸோ’தி ஆகாஸானஞ்சாயதனங் உபஸம்பஜ்ஜ விஹரதி. அயங் வுச்சதி, பி⁴க்க²வே…பே॰… பாபிமதோ.

‘‘புன சபரங், பி⁴க்க²வே, பி⁴க்கு² ஸப்³ப³ஸோ
ஆகாஸானஞ்சாயதனங் ஸமதிக்கம்ம ‘அனந்தங் விஞ்ஞாண’ந்தி விஞ்ஞாணஞ்சாயதனங்
உபஸம்பஜ்ஜ விஹரதி. அயங் வுச்சதி, பி⁴க்க²வே…பே॰… பாபிமதோ.

‘‘புன சபரங், பி⁴க்க²வே, பி⁴க்கு² ஸப்³ப³ஸோ விஞ்ஞாணஞ்சாயதனங் ஸமதிக்கம்ம ‘நத்தி² கிஞ்சீ’தி ஆகிஞ்சஞ்ஞாயதனங் உபஸம்பஜ்ஜ விஹரதி. அயங் வுச்சதி, பி⁴க்க²வே…பே॰… பாபிமதோ.

‘‘புன சபரங், பி⁴க்க²வே, பி⁴க்கு² ஸப்³ப³ஸோ
ஆகிஞ்சஞ்ஞாயதனங் ஸமதிக்கம்ம நேவஸஞ்ஞானாஸஞ்ஞாயதனங் உபஸம்பஜ்ஜ விஹரதி. அயங்
வுச்சதி, பி⁴க்க²வே…பே॰… பாபிமதோ.

‘‘புன சபரங், பி⁴க்க²வே, பி⁴க்கு² ஸப்³ப³ஸோ
நேவஸஞ்ஞானாஸஞ்ஞாயதனங் ஸமதிக்கம்ம ஸஞ்ஞாவேத³யிதனிரோத⁴ங் உபஸம்பஜ்ஜ விஹரதி.
பஞ்ஞாய சஸ்ஸ தி³ஸ்வா ஆஸவா பரிக்கீ²ணா ஹொந்தி. அயங் வுச்சதி, பி⁴க்க²வே,
பி⁴க்கு² அந்த⁴மகாஸி மாரங், அபத³ங் வதி⁴த்வா மாரசக்கு²ங் அத³ஸ்ஸனங் க³தோ
பாபிமதோ திண்ணோ லோகே விஸத்திக’’ந்தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

நிவாபஸுத்தங் நிட்டி²தங் பஞ்சமங்.

6. பாஸராஸிஸுத்தங்

272. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. அத² கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய
ஸாவத்தி²ங் பிண்டா³ய பாவிஸி. அத² கோ² ஸம்ப³ஹுலா பி⁴க்கூ² யேனாயஸ்மா ஆனந்தோ³
தேனுபஸங்கமிங்ஸு; உபஸங்கமித்வா ஆயஸ்மந்தங் ஆனந்த³ங் ஏதத³வோசுங் –
‘‘சிரஸ்ஸுதா நோ, ஆவுஸோ ஆனந்த³, ப⁴க³வதோ ஸம்முகா² த⁴ம்மீ கதா². ஸாது⁴ மயங்,
ஆவுஸோ ஆனந்த³, லபெ⁴ய்யாம ப⁴க³வதோ ஸம்முகா² த⁴ம்மிங் கத²ங் ஸவனாயா’’தி.
‘‘தேன ஹாயஸ்மந்தோ யேன ரம்மகஸ்ஸ ப்³ராஹ்மணஸ்ஸ அஸ்ஸமோ தேனுபஸங்கமத²; அப்பேவ
நாம லபெ⁴ய்யாத² ப⁴க³வதோ ஸம்முகா² த⁴ம்மிங் கத²ங் ஸவனாயா’’தி.
‘‘ஏவமாவுஸோ’’தி கோ² தே பி⁴க்கூ² ஆயஸ்மதோ ஆனந்த³ஸ்ஸ பச்சஸ்ஸோஸுங்.

அத² கோ² ப⁴க³வா ஸாவத்தி²யங் பிண்டா³ய சரித்வா
பச்சா²ப⁴த்தங் பிண்ட³பாதபடிக்கந்தோ ஆயஸ்மந்தங் ஆனந்த³ங் ஆமந்தேஸி –
‘‘ஆயாமானந்த³, யேன புப்³பா³ராமோ மிகா³ரமாதுபாஸாதோ³ தேனுபஸங்கமிஸ்ஸாம
தி³வாவிஹாராயா’’தி. ‘‘ஏவங், ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ
பச்சஸ்ஸோஸி. அத² கோ² ப⁴க³வா ஆயஸ்மதா ஆனந்தே³ன
ஸத்³தி⁴ங் யேன புப்³பா³ராமோ மிகா³ரமாதுபாஸாதோ³ தேனுபஸங்கமி தி³வாவிஹாராய.
அத² கோ² ப⁴க³வா ஸாயன்ஹஸமயங் படிஸல்லானா வுட்டி²தோ ஆயஸ்மந்தங் ஆனந்த³ங்
ஆமந்தேஸி – ‘‘ஆயாமானந்த³, யேன புப்³ப³கொட்ட²கோ தேனுபஸங்கமிஸ்ஸாம க³த்தானி பரிஸிஞ்சிது’’ந்தி. ‘‘ஏவங், ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ பச்சஸ்ஸோஸி.

273.
அத² கோ² ப⁴க³வா ஆயஸ்மதா ஆனந்தே³ன ஸத்³தி⁴ங் யேன புப்³ப³கொட்ட²கோ
தேனுபஸங்கமி க³த்தானி பரிஸிஞ்சிதுங். புப்³ப³கொட்ட²கே க³த்தானி
பரிஸிஞ்சித்வா பச்சுத்தரித்வா ஏகசீவரோ அட்டா²ஸி க³த்தானி புப்³பா³பயமானோ.
அத² கோ² ஆயஸ்மா ஆனந்தோ³ ப⁴க³வந்தங் ஏதத³வோச – ‘‘அயங், ப⁴ந்தே, ரம்மகஸ்ஸ
ப்³ராஹ்மணஸ்ஸ அஸ்ஸமோ அவிதூ³ரே. ரமணீயோ, ப⁴ந்தே, ரம்மகஸ்ஸ ப்³ராஹ்மணஸ்ஸ
அஸ்ஸமோ; பாஸாதி³கோ, ப⁴ந்தே, ரம்மகஸ்ஸ ப்³ராஹ்மணஸ்ஸ அஸ்ஸமோ. ஸாது⁴, ப⁴ந்தே,
ப⁴க³வா யேன ரம்மகஸ்ஸ ப்³ராஹ்மணஸ்ஸ அஸ்ஸமோ தேனுபஸங்கமது அனுகம்பங்
உபாதா³யா’’தி. அதி⁴வாஸேஸி ப⁴க³வா துண்ஹீபா⁴வேன.

அத²
கோ² ப⁴க³வா யேன ரம்மகஸ்ஸ ப்³ராஹ்மணஸ்ஸ அஸ்ஸமோ தேனுபஸங்கமி. தேன கோ² பன
ஸமயேன ஸம்ப³ஹுலா பி⁴க்கூ² ரம்மகஸ்ஸ ப்³ராஹ்மணஸ்ஸ அஸ்ஸமே த⁴ம்மியா கதா²ய
ஸன்னிஸின்னா ஹொந்தி. அத² கோ² ப⁴க³வா ப³ஹித்³வாரகொட்ட²கே அட்டா²ஸி
கதா²பரியோஸானங் ஆக³மயமானோ. அத² கோ² ப⁴க³வா கதா²பரியோஸானங் விதி³த்வா
உக்காஸித்வா அக்³க³ளங் ஆகோடேஸி. விவரிங்ஸு கோ² தே பி⁴க்கூ² ப⁴க³வதோ
த்³வாரங். அத² கோ² ப⁴க³வா ரம்மகஸ்ஸ ப்³ராஹ்மணஸ்ஸ அஸ்ஸமங் பவிஸித்வா
பஞ்ஞத்தே ஆஸனே நிஸீதி³. நிஸஜ்ஜ கோ² ப⁴க³வா பி⁴க்கூ² ஆமந்தேஸி –
‘‘காயனுத்த², பி⁴க்க²வே, ஏதரஹி கதா²ய ஸன்னிஸின்னா? கா ச பன வோ அந்தராகதா²
விப்பகதா’’தி ? ‘‘ப⁴க³வந்தமேவ கோ² நோ, ப⁴ந்தே,
ஆரப்³ப⁴ த⁴ம்மீ கதா² விப்பகதா, அத² ப⁴க³வா அனுப்பத்தோ’’தி. ‘‘ஸாது⁴,
பி⁴க்க²வே! ஏதங் கோ², பி⁴க்க²வே, தும்ஹாகங் பதிரூபங் குலபுத்தானங் ஸத்³தா⁴
அகா³ரஸ்மா அனகா³ரியங் பப்³ப³ஜிதானங் யங் தும்ஹே த⁴ம்மியா கதா²ய
ஸன்னிஸீதெ³ய்யாத². ஸன்னிபதிதானங் வோ, பி⁴க்க²வே, த்³வயங் கரணீயங் – த⁴ம்மீ
வா கதா², அரியோ வா துண்ஹீபா⁴வோ’’.

274. ‘‘த்³வேமா, பி⁴க்க²வே, பரியேஸனா – அரியா ச பரியேஸனா, அனரியா ச பரியேஸனா.

‘‘கதமா ச, பி⁴க்க²வே, அனரியா பரியேஸனா? இத⁴,
பி⁴க்க²வே, ஏகச்சோ அத்தனா ஜாதித⁴ம்மோ ஸமானோ ஜாதித⁴ம்மங்யேவ பரியேஸதி,
அத்தனா ஜராத⁴ம்மோ ஸமானோ ஜராத⁴ம்மங்யேவ பரியேஸதி,
அத்தனா ப்³யாதி⁴த⁴ம்மோ ஸமானோ ப்³யாதி⁴த⁴ம்மங்யேவ பரியேஸதி, அத்தனா
மரணத⁴ம்மோ ஸமானோ மரணத⁴ம்மங்யேவ பரியேஸதி, அத்தனா ஸோகத⁴ம்மோ ஸமானோ
ஸோகத⁴ம்மங்யேவ பரியேஸதி, அத்தனா ஸங்கிலேஸத⁴ம்மோ ஸமானோ ஸங்கிலேஸத⁴ம்மங்யேவ
பரியேஸதி.

‘‘கிஞ்ச, பி⁴க்க²வே, ஜாதித⁴ம்மங் வதே³த²?
புத்தப⁴ரியங், பி⁴க்க²வே, ஜாதித⁴ம்மங், தா³ஸிதா³ஸங் ஜாதித⁴ம்மங், அஜேளகங்
ஜாதித⁴ம்மங், குக்குடஸூகரங் ஜாதித⁴ம்மங், ஹத்தி²க³வாஸ்ஸவளவங் ஜாதித⁴ம்மங்,
ஜாதரூபரஜதங் ஜாதித⁴ம்மங். ஜாதித⁴ம்மா ஹேதே, பி⁴க்க²வே, உபத⁴யோ. எத்தா²யங்
க³தி²தோ [க³தீ⁴தோ (ஸ்யா॰ க॰)] முச்சி²தோ அஜ்ஜா²பன்னோ அத்தனா ஜாதித⁴ம்மோ ஸமானோ ஜாதித⁴ம்மங்யேவ பரியேஸதி.

‘‘கிஞ்ச, பி⁴க்க²வே, ஜராத⁴ம்மங் வதே³த²? புத்தப⁴ரியங்,
பி⁴க்க²வே, ஜராத⁴ம்மங், தா³ஸிதா³ஸங் ஜராத⁴ம்மங், அஜேளகங் ஜராத⁴ம்மங்,
குக்குடஸூகரங் ஜராத⁴ம்மங், ஹத்தி²க³வாஸ்ஸவளவங் ஜராத⁴ம்மங் , ஜாதரூபரஜதங்
ஜராத⁴ம்மங். ஜராத⁴ம்மா ஹேதே, பி⁴க்க²வே, உபத⁴யோ. எத்தா²யங் க³தி²தோ
முச்சி²தோ அஜ்ஜா²பன்னோ அத்தனா ஜராத⁴ம்மோ ஸமானோ ஜராத⁴ம்மங்யேவ பரியேஸதி.

‘‘கிஞ்ச, பி⁴க்க²வே, ப்³யாதி⁴த⁴ம்மங் வதே³த²?
புத்தப⁴ரியங், பி⁴க்க²வே, ப்³யாதி⁴த⁴ம்மங், தா³ஸிதா³ஸங் ப்³யாதி⁴த⁴ம்மங்,
அஜேளகங் ப்³யாதி⁴த⁴ம்மங், குக்குடஸூகரங் ப்³யாதி⁴த⁴ம்மங்,
ஹத்தி²க³வாஸ்ஸவளவங் ப்³யாதி⁴த⁴ம்மங். ப்³யாதி⁴த⁴ம்மா ஹேதே, பி⁴க்க²வே,
உபத⁴யோ. எத்தா²யங் க³தி²தோ முச்சி²தோ அஜ்ஜா²பன்னோ அத்தனா ப்³யாதி⁴த⁴ம்மோ
ஸமானோ ப்³யாதி⁴த⁴ம்மங்யேவ பரியேஸதி.

‘‘கிஞ்ச, பி⁴க்க²வே, மரணத⁴ம்மங் வதே³த²? புத்தப⁴ரியங்,
பி⁴க்க²வே, மரணத⁴ம்மங், தா³ஸிதா³ஸங் மரணத⁴ம்மங், அஜேளகங் மரணத⁴ம்மங்,
குக்குடஸூகரங் மரணத⁴ம்மங், ஹத்தி²க³வாஸ்ஸவளவங் மரணத⁴ம்மங். மரணத⁴ம்மா ஹேதே,
பி⁴க்க²வே, உபத⁴யோ. எத்தா²யங் க³தி²தோ முச்சி²தோ அஜ்ஜா²பன்னோ அத்தனா
மரணத⁴ம்மோ ஸமானோ மரணத⁴ம்மங்யேவ பரியேஸதி.

‘‘கிஞ்ச, பி⁴க்க²வே, ஸோகத⁴ம்மங் வதே³த²? புத்தப⁴ரியங்,
பி⁴க்க²வே, ஸோகத⁴ம்மங், தா³ஸிதா³ஸங் ஸோகத⁴ம்மங், அஜேளகங் ஸோகத⁴ம்மங்,
குக்குடஸூகரங் ஸோகத⁴ம்மங், ஹத்தி²க³வாஸ்ஸவளவங் ஸோகத⁴ம்மங். ஸோகத⁴ம்மா ஹேதே,
பி⁴க்க²வே, உபத⁴யோ. எத்தா²யங் க³தி²தோ முச்சி²தோ அஜ்ஜா²பன்னோ அத்தனா
ஸோகத⁴ம்மோ ஸமானோ ஸோகத⁴ம்மங்யேவ பரியேஸதி.

‘‘கிஞ்ச, பி⁴க்க²வே, ஸங்கிலேஸத⁴ம்மங் வதே³த²?
புத்தப⁴ரியங், பி⁴க்க²வே, ஸங்கிலேஸத⁴ம்மங், தா³ஸிதா³ஸங் ஸங்கிலேஸத⁴ம்மங்,
அஜேளகங் ஸங்கிலேஸத⁴ம்மங் , குக்குடஸூகரங்
ஸங்கிலேஸத⁴ம்மங், ஹத்தி²க³வாஸ்ஸவளவங் ஸங்கிலேஸத⁴ம்மங், ஜாதரூபரஜதங்
ஸங்கிலேஸத⁴ம்மங். ஸங்கிலேஸத⁴ம்மா ஹேதே, பி⁴க்க²வே, உபத⁴யோ. எத்தா²யங்
க³தி²தோ முச்சி²தோ அஜ்ஜா²பன்னோ அத்தனா ஸங்கிலேஸத⁴ம்மோ ஸமானோ
ஸங்கிலேஸத⁴ம்மங்யேவ பரியேஸதி. அயங், பி⁴க்க²வே, அனரியா பரியேஸனா.

275. ‘‘கதமா ச, பி⁴க்க²வே, அரியா பரியேஸனா? இத⁴, பி⁴க்க²வே, ஏகச்சோ அத்தனா ஜாதித⁴ம்மோ ஸமானோ ஜாதித⁴ம்மே ஆதீ³னவங் விதி³த்வா
அஜாதங் அனுத்தரங் யோக³க்கே²மங் நிப்³பா³னங் பரியேஸதி, அத்தனா ஜராத⁴ம்மோ
ஸமானோ ஜராத⁴ம்மே ஆதீ³னவங் விதி³த்வா அஜரங் அனுத்தரங் யோக³க்கே²மங்
நிப்³பா³னங் பரியேஸதி, அத்தனா ப்³யாதி⁴த⁴ம்மோ ஸமானோ ப்³யாதி⁴த⁴ம்மே
ஆதீ³னவங் விதி³த்வா அப்³யாதி⁴ங் அனுத்தரங் யோக³க்கே²மங் நிப்³பா³னங் பரியேஸதி, அத்தனா மரணத⁴ம்மோ ஸமானோ மரணத⁴ம்மே
ஆதீ³னவங் விதி³த்வா அமதங் அனுத்தரங் யோக³க்கே²மங் நிப்³பா³னங் பரியேஸதி,
அத்தனா ஸோகத⁴ம்மோ ஸமானோ ஸோகத⁴ம்மே ஆதீ³னவங் விதி³த்வா அஸோகங் அனுத்தரங்
யோக³க்கே²மங் நிப்³பா³னங் பரியேஸதி, அத்தனா ஸங்கிலேஸத⁴ம்மோ ஸமானோ
ஸங்கிலேஸத⁴ம்மே ஆதீ³னவங் விதி³த்வா அஸங்கிலிட்ட²ங் அனுத்தரங் யோக³க்கே²மங்
நிப்³பா³னங் பரியேஸதி. அயங், பி⁴க்க²வே, அரியா பரியேஸனா.

276.
‘‘அஹம்பி ஸுத³ங், பி⁴க்க²வே, புப்³பே³வ ஸம்போ³தா⁴ அனபி⁴ஸம்பு³த்³தோ⁴
போ³தி⁴ஸத்தோவ ஸமானோ அத்தனா ஜாதித⁴ம்மோ ஸமானோ ஜாதித⁴ம்மங்யேவ பரியேஸாமி,
அத்தனா ஜராத⁴ம்மோ ஸமானோ ஜராத⁴ம்மங்யேவ பரியேஸாமி, அத்தனா
ப்³யாதி⁴த⁴ம்மோ ஸமானோ ப்³யாதி⁴த⁴ம்மங்யேவ பரியேஸாமி, அத்தனா மரணத⁴ம்மோ
ஸமானோ மரணத⁴ம்மங்யேவ பரியேஸாமி, அத்தனா ஸோகத⁴ம்மோ ஸமானோ ஸோகத⁴ம்மங்யேவ
பரியேஸாமி, அத்தனா ஸங்கிலேஸத⁴ம்மோ ஸமானோ ஸங்கிலேஸத⁴ம்மங்யேவ பரியேஸாமி.
தஸ்ஸ மய்ஹங், பி⁴க்க²வே, ஏதத³ஹோஸி – ‘கிங் நு கோ² அஹங் அத்தனா ஜாதித⁴ம்மோ
ஸமானோ ஜாதித⁴ம்மங்யேவ பரியேஸாமி, அத்தனா ஜராத⁴ம்மோ ஸமானோ…பே॰…
ப்³யாதி⁴த⁴ம்மோ ஸமானோ… மரணத⁴ம்மோ ஸமானோ… ஸோகத⁴ம்மோ ஸமானோ… அத்தனா
ஸங்கிலேஸத⁴ம்மோ ஸமானோ ஸங்கிலேஸத⁴ம்மங்யேவ பரியேஸாமி? யங்னூனாஹங் அத்தனா
ஜாதித⁴ம்மோ ஸமானோ ஜாதித⁴ம்மே ஆதீ³னவங் விதி³த்வா அஜாதங் அனுத்தரங்
யோக³க்கே²மங் நிப்³பா³னங் பரியேஸெய்யங், அத்தனா ஜராத⁴ம்மோ ஸமானோ ஜராத⁴ம்மே
ஆதீ³னவங் விதி³த்வா அஜரங் அனுத்தரங் யோக³க்கே²மங் நிப்³பா³னங்
பரியேஸெய்யங், அத்தனா ப்³யாதி⁴த⁴ம்மோ ஸமானோ ப்³யாதி⁴த⁴ம்மே ஆதீ³னவங்
விதி³த்வா அப்³யாதி⁴ங் அனுத்தரங் யோக³க்கே²மங் நிப்³பா³னங் பரியேஸெய்யங்,
அத்தனா மரணத⁴ம்மோ ஸமானோ மரணத⁴ம்மே ஆதீ³னவங் விதி³த்வா அமதங் அனுத்தரங்
யோக³க்கே²மங் நிப்³பா³னங் பரியேஸெய்யங், அத்தனா ஸோகத⁴ம்மோ ஸமானோ ஸோகத⁴ம்மே
ஆதீ³னவங் விதி³த்வா அஸோகங் அனுத்தரங் யோக³க்கே²மங் நிப்³பா³னங்
பரியேஸெய்யங், அத்தனா ஸங்கிலேஸத⁴ம்மோ ஸமானோ ஸங்கிலேஸத⁴ம்மே ஆதீ³னவங்
விதி³த்வா அஸங்கிலிட்ட²ங் அனுத்தரங் யோக³க்கே²மங் நிப்³பா³னங்
பரியேஸெய்ய’ந்தி.

277. ‘‘ஸோ கோ² அஹங், பி⁴க்க²வே, அபரேன ஸமயேன த³ஹரோவ ஸமானோ ஸுஸுகாளகேஸோ , ப⁴த்³ரேன யொப்³ப³னேன ஸமன்னாக³தோ பட²மேன வயஸா அகாமகானங் மாதாபிதூனங் அஸ்ஸுமுகா²னங் ருத³ந்தானங் கேஸமஸ்ஸுங் ஓஹாரெத்வா காஸாயானி வத்தா²னி அச்சா²தெ³த்வா அகா³ரஸ்மா அனகா³ரியங் பப்³ப³ஜிங். ஸோ ஏவங் பப்³ப³ஜிதோ ஸமானோ கிங் குஸலக³வேஸீ [கிங்குஸலங்க³வேஸீ (க॰)]
அனுத்தரங் ஸந்திவரபத³ங் பரியேஸமானோ யேன ஆளாரோ காலாமோ தேனுபஸங்கமிங்.
உபஸங்கமித்வா ஆளாரங் காலாமங் ஏதத³வோசங் – ‘இச்சா²மஹங், ஆவுஸோ காலாம,
இமஸ்மிங் த⁴ம்மவினயே ப்³ரஹ்மசரியங் சரிது’ந்தி.
ஏவங் வுத்தே, பி⁴க்க²வே, ஆளாரோ காலாமோ மங் ஏதத³வோச – ‘விஹரதாயஸ்மா; தாதி³ஸோ
அயங் த⁴ம்மோ யத்த² விஞ்ஞூ புரிஸோ நசிரஸ்ஸேவ ஸகங்
ஆசரியகங் ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரெய்யா’தி. ஸோ கோ² அஹங்,
பி⁴க்க²வே, நசிரஸ்ஸேவ கி²ப்பமேவ தங் த⁴ம்மங் பரியாபுணிங். ஸோ கோ² அஹங்,
பி⁴க்க²வே, தாவதகேனேவ ஒட்ட²பஹதமத்தேன லபிதலாபனமத்தேன ஞாணவாத³ஞ்ச வதா³மி
தே²ரவாத³ஞ்ச, ‘ஜானாமி பஸ்ஸாமீ’தி ச படிஜானாமி அஹஞ்சேவ அஞ்ஞே ச. தஸ்ஸ
மய்ஹங், பி⁴க்க²வே, ஏதத³ஹோஸி – ‘ந கோ² ஆளாரோ காலாமோ இமங் த⁴ம்மங் கேவலங்
ஸத்³தா⁴மத்தகேன ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹராமீதி பவேதே³தி;
அத்³தா⁴ ஆளாரோ காலாமோ இமங் த⁴ம்மங் ஜானங் பஸ்ஸங் விஹரதீ’தி.

‘‘அத² க்²வாஹங், பி⁴க்க²வே, யேன ஆளாரோ காலாமோ
தேனுபஸங்கமிங்; உபஸங்கமித்வா ஆளாரங் காலாமங் ஏதத³வோசங் – ‘கித்தாவதா நோ,
ஆவுஸோ காலாம, இமங் த⁴ம்மங் ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹராமீதி
பவேதே³ஸீ’தி [உபஸம்பஜ்ஜ பவேதே³ஸீதி (ஸீ॰ ஸ்யா॰ பீ॰)]? ஏவங் வுத்தே, பி⁴க்க²வே, ஆளாரோ காலாமோ ஆகிஞ்சஞ்ஞாயதனங்
பவேதே³ஸி. தஸ்ஸ மய்ஹங், பி⁴க்க²வே, ஏதத³ஹோஸி – ‘ந கோ² ஆளாரஸ்ஸேவ காலாமஸ்ஸ
அத்தி² ஸத்³தா⁴, மய்ஹங்பத்தி² ஸத்³தா⁴; ந கோ² ஆளாரஸ்ஸேவ காலாமஸ்ஸ அத்தி²
வீரியங், மய்ஹங்பத்தி² வீரியங்; ந கோ² ஆளாரஸ்ஸேவ காலாமஸ்ஸ அத்தி² ஸதி,
மய்ஹங்பத்தி² ஸதி; ந கோ² ஆளாரஸ்ஸேவ காலாமஸ்ஸ அத்தி² ஸமாதி⁴, மய்ஹங்பத்தி²
ஸமாதி⁴; ந கோ² ஆளாரஸ்ஸேவ காலாமஸ்ஸ அத்தி² பஞ்ஞா, மய்ஹங்பத்தி² பஞ்ஞா.
யங்னூனாஹங் யங் த⁴ம்மங் ஆளாரோ காலாமோ ஸயங் அபி⁴ஞ்ஞா ஸச்சி²கத்வா உபஸம்பஜ்ஜ
விஹராமீதி பவேதே³தி, தஸ்ஸ த⁴ம்மஸ்ஸ ஸச்சி²கிரியாய பத³ஹெய்ய’ந்தி. ஸோ கோ²
அஹங், பி⁴க்க²வே, நசிரஸ்ஸேவ கி²ப்பமேவ தங் த⁴ம்மங் ஸயங் அபி⁴ஞ்ஞா
ஸச்சி²கத்வா உபஸம்பஜ்ஜ விஹாஸிங்.

‘‘அத² க்²வாஹங், பி⁴க்க²வே, யேன ஆளாரோ காலாமோ தேனுபஸங்கமிங்; உபஸங்கமித்வா ஆளாரங் காலாமங் ஏதத³வோசங் –

‘எத்தாவதா நோ, ஆவுஸோ காலாம, இமங் த⁴ம்மங் ஸயங் அபி⁴ஞ்ஞா ஸச்சி²கத்வா உபஸம்பஜ்ஜ பவேதே³ஸீ’தி?

‘எத்தாவதா கோ² அஹங், ஆவுஸோ, இமங் த⁴ம்மங் ஸயங் அபி⁴ஞ்ஞா ஸச்சி²கத்வா உபஸம்பஜ்ஜ பவேதே³மீ’தி.

‘அஹம்பி கோ², ஆவுஸோ, எத்தாவதா இமங் த⁴ம்மங் ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹராமீ’தி.

‘லாபா⁴ நோ, ஆவுஸோ, ஸுலத்³த⁴ங் நோ, ஆவுஸோ, யே மயங்
ஆயஸ்மந்தங் தாதி³ஸங் ஸப்³ரஹ்மசாரிங் பஸ்ஸாம. இதி யாஹங் த⁴ம்மங் ஸயங்
அபி⁴ஞ்ஞா ஸச்சி²கத்வா உபஸம்பஜ்ஜ பவேதே³மி தங் த்வங் த⁴ம்மங் ஸயங் அபி⁴ஞ்ஞா
ஸச்சி²கத்வா உபஸம்பஜ்ஜ விஹரஸி. யங் த்வங் த⁴ம்மங் ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரஸி தமஹங் த⁴ம்மங் ஸயங் அபி⁴ஞ்ஞா
ஸச்சி²கத்வா உபஸம்பஜ்ஜ பவேதே³மி. இதி யாஹங் த⁴ம்மங் ஜானாமி தங் த்வங்
த⁴ம்மங் ஜானாஸி, யங் த்வங் த⁴ம்மங் ஜானாஸி தமஹங் த⁴ம்மங் ஜானாமி. இதி
யாதி³ஸோ அஹங் தாதி³ஸோ துவங், யாதி³ஸோ துவங் தாதி³ஸோ அஹங். ஏஹி தா³னி,
ஆவுஸோ, உபோ⁴வ ஸந்தா இமங் க³ணங் பரிஹராமா’தி. இதி கோ², பி⁴க்க²வே, ஆளாரோ
காலாமோ ஆசரியோ மே ஸமானோ (அத்தனோ) [( ) நத்தி² (ஸீ॰ ஸ்யா॰ பீ॰)] அந்தேவாஸிங் மங் ஸமானங் அத்தனா [அத்தனோ (ஸீ॰ பீ॰)]
ஸமஸமங் ட²பேஸி, உளாராய ச மங் பூஜாய பூஜேஸி. தஸ்ஸ மய்ஹங், பி⁴க்க²வே,
ஏதத³ஹோஸி – ‘நாயங் த⁴ம்மோ நிப்³பி³தா³ய ந விராகா³ய ந நிரோதா⁴ய ந உபஸமாய ந
அபி⁴ஞ்ஞாய ந ஸம்போ³தா⁴ய ந நிப்³பா³னாய ஸங்வத்ததி, யாவதே³வ
ஆகிஞ்சஞ்ஞாயதனூபபத்தியா’தி. ஸோ கோ² அஹங், பி⁴க்க²வே, தங் த⁴ம்மங்
அனலங்கரித்வா தஸ்மா த⁴ம்மா நிப்³பி³ஜ்ஜ அபக்கமிங்.

278. ‘‘ஸோ கோ² அஹங், பி⁴க்க²வே, கிங் குஸலக³வேஸீ அனுத்தரங் ஸந்திவரபத³ங் பரியேஸமானோ யேன உத³கோ [உத்³த³கோ (ஸீ॰ ஸ்யா॰ பீ॰)] ராமபுத்தோ தேனுபஸங்கமிங்; உபஸங்கமித்வா உத³கங் ராமபுத்தங் ஏதத³வோசங் – ‘இச்சா²மஹங், ஆவுஸோ [ஆவுஸோ
ராம (ஸீ॰ ஸ்யா॰ க॰) மஹாஸத்தோ ராமபுத்தமேவ அவோச, ந ராமங், ராமோ ஹி தத்த²
க³ணாசரியோ ப⁴வெய்ய, ததா³ ச காலங்கதோ அஸந்தோ. தேனேவெத்த² ராமாயத்தானி
க்ரியபதா³னி அதீதகாலவஸேன ஆக³தானி, உத³கோ ச ராமபுத்தோ மஹாஸத்தஸ்ஸ
ஸப்³ரஹ்மசாரீத்வேவ வுத்தோ, ந ஆசரியோதி. டீகாயங் ச ‘‘பாளியங் ராமஸ்ஸேவ
ஸமாபத்திலாபி⁴தா ஆக³தா ந உத³கஸ்ஸா’’தி ஆதி³ பச்சா²பா⁴கே³ பகாஸிதா]
,
இமஸ்மிங் த⁴ம்மவினயே ப்³ரஹ்மசரியங் சரிது’ந்தி. ஏவங் வுத்தே, பி⁴க்க²வே,
உத³கோ ராமபுத்தோ மங் ஏதத³வோச – ‘விஹரதாயஸ்மா; தாதி³ஸோ அயங் த⁴ம்மோ யத்த²
விஞ்ஞூ புரிஸோ நசிரஸ்ஸேவ ஸகங் ஆசரியகங் ஸயங் அபி⁴ஞ்ஞா ஸச்சி²கத்வா
உபஸம்பஜ்ஜ விஹரெய்யா’தி. ஸோ கோ² அஹங், பி⁴க்க²வே, நசிரஸ்ஸேவ கி²ப்பமேவ தங்
த⁴ம்மங் பரியாபுணிங். ஸோ கோ² அஹங், பி⁴க்க²வே, தாவதகேனேவ ஒட்ட²பஹதமத்தேன லபிதலாபனமத்தேன ஞாணவாத³ஞ்ச வதா³மி
தே²ரவாத³ஞ்ச, ‘ஜானாமி பஸ்ஸாமீ’தி ச படிஜானாமி அஹஞ்சேவ அஞ்ஞே ச. தஸ்ஸ
மய்ஹங், பி⁴க்க²வே, ஏதத³ஹோஸி – ‘ந கோ² ராமோ இமங் த⁴ம்மங் கேவலங்
ஸத்³தா⁴மத்தகேன ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹராமீதி பவேதே³ஸி;
அத்³தா⁴ ராமோ இமங் த⁴ம்மங் ஜானங் பஸ்ஸங் விஹாஸீ’தி.

‘‘அத² க்²வாஹங், பி⁴க்க²வே, யேன உத³கோ ராமபுத்தோ
தேனுபஸங்கமிங்; உபஸங்கமித்வா உத³கங் ராமபுத்தங் ஏதத³வோசங் – ‘கித்தாவதா நோ,
ஆவுஸோ, ராமோ இமங் த⁴ம்மங் ஸயங் அபி⁴ஞ்ஞா ஸச்சி²கத்வா உபஸம்பஜ்ஜ
விஹராமீதி பவேதே³ஸீ’தி? ஏவங் வுத்தே, பி⁴க்க²வே, உத³கோ ராமபுத்தோ
நேவஸஞ்ஞானாஸஞ்ஞாயதனங் பவேதே³ஸி. தஸ்ஸ மய்ஹங், பி⁴க்க²வே, ஏதத³ஹோஸி – ‘ந கோ²
ராமஸ்ஸேவ அஹோஸி ஸத்³தா⁴, மய்ஹங்பத்தி² ஸத்³தா⁴; ந கோ² ராமஸ்ஸேவ அஹோஸி
வீரியங் , மய்ஹங்பத்தி² வீரியங்; ந கோ² ராமஸ்ஸேவ
அஹோஸி ஸதி, மய்ஹங்பத்தி² ஸதி; ந கோ² ராமஸ்ஸேவ அஹோஸி ஸமாதி⁴, மய்ஹங்பத்தி²
ஸமாதி⁴, ந கோ² ராமஸ்ஸேவ அஹோஸி பஞ்ஞா, மய்ஹங்பத்தி² பஞ்ஞா. யங்னூனாஹங் யங்
த⁴ம்மங் ராமோ ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹராமீதி பவேதே³ஸி,
தஸ்ஸ த⁴ம்மஸ்ஸ ஸச்சி²கிரியாய பத³ஹெய்ய’ந்தி. ஸோ கோ² அஹங், பி⁴க்க²வே,
நசிரஸ்ஸேவ கி²ப்பமேவ தங் த⁴ம்மங் ஸயங் அபி⁴ஞ்ஞா ஸச்சி²கத்வா உபஸம்பஜ்ஜ
விஹாஸிங்.

‘‘அத² க்²வாஹங், பி⁴க்க²வே, யேன உத³கோ ராமபுத்தோ தேனுபஸங்கமிங்; உபஸங்கமித்வா உத³கங் ராமபுத்தங் ஏதத³வோசங் –

‘எத்தாவதா நோ, ஆவுஸோ, ராமோ இமங் த⁴ம்மங் ஸயங் அபி⁴ஞ்ஞா ஸச்சி²கத்வா உபஸம்பஜ்ஜ பவேதே³ஸீ’தி?

‘எத்தாவதா கோ², ஆவுஸோ, ராமோ இமங் த⁴ம்மங் ஸயங் அபி⁴ஞ்ஞா ஸச்சி²கத்வா உபஸம்பஜ்ஜ பவேதே³ஸீ’தி.

‘அஹம்பி கோ², ஆவுஸோ, எத்தாவதா இமங் த⁴ம்மங் ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹராமீ’தி.

‘லாபா⁴ நோ, ஆவுஸோ, ஸுலத்³த⁴ங் நோ, ஆவுஸோ, யே மயங்
ஆயஸ்மந்தங் தாதி³ஸங் ஸப்³ரஹ்மசாரிங் பஸ்ஸாம. இதி யங் த⁴ம்மங் ராமோ ஸயங்
அபி⁴ஞ்ஞா ஸச்சி²கத்வா உபஸம்பஜ்ஜ பவேதே³ஸி, தங் த்வங் த⁴ம்மங் ஸயங் அபி⁴ஞ்ஞா
ஸச்சி²கத்வா உபஸம்பஜ்ஜ விஹரஸி. யங் த்வங் த⁴ம்மங் ஸயங் அபி⁴ஞ்ஞா
ஸச்சி²கத்வா உபஸம்பஜ்ஜ விஹரஸி, தங் த⁴ம்மங் ராமோ ஸயங் அபி⁴ஞ்ஞா ஸச்சி²கத்வா
உபஸம்பஜ்ஜ பவேதே³ஸி. இதி யங் த⁴ம்மங் ராமோ அபி⁴ஞ்ஞாஸி தங் த்வங் த⁴ம்மங்
ஜானாஸி, யங் த்வங் த⁴ம்மங் ஜானாஸி, தங் த⁴ம்மங் ராமோ அபி⁴ஞ்ஞாஸி. இதி
யாதி³ஸோ ராமோ அஹோஸி தாதி³ஸோ துவங், யாதி³ஸோ துவங் தாதி³ஸோ ராமோ அஹோஸி. ஏஹி
தா³னி, ஆவுஸோ, துவங் இமங் க³ணங் பரிஹரா’தி . இதி கோ², பி⁴க்க²வே ,
உத³கோ ராமபுத்தோ ஸப்³ரஹ்மசாரீ மே ஸமானோ ஆசரியட்டா²னே மங் ட²பேஸி, உளாராய ச
மங் பூஜாய பூஜேஸி. தஸ்ஸ மய்ஹங், பி⁴க்க²வே, ஏதத³ஹோஸி – ‘நாயங் த⁴ம்மோ
நிப்³பி³தா³ய ந விராகா³ய ந நிரோதா⁴ய ந உபஸமாய ந அபி⁴ஞ்ஞாய ந ஸம்போ³தா⁴ய ந
நிப்³பா³னாய ஸங்வத்ததி, யாவதே³வ நேவஸஞ்ஞானாஸஞ்ஞாயதனூபபத்தியா’தி. ஸோ கோ²
அஹங், பி⁴க்க²வே, தங் த⁴ம்மங் அனலங்கரித்வா தஸ்மா த⁴ம்மா நிப்³பி³ஜ்ஜ
அபக்கமிங்.

279.
‘‘ஸோ கோ² அஹங், பி⁴க்க²வே, கிங் குஸலக³வேஸீ அனுத்தரங் ஸந்திவரபத³ங்
பரியேஸமானோ மக³தே⁴ஸு அனுபுப்³பே³ன சாரிகங் சரமானோ யேன உருவேலா ஸேனானிக³மோ
தத³வஸரிங். தத்த²த்³த³ஸங் ரமணீயங் பூ⁴மிபா⁴க³ங், பாஸாதி³கஞ்ச வனஸண்ட³ங், நதி³ஞ்ச ஸந்த³ந்திங் ஸேதகங் ஸுபதித்த²ங் ரமணீயங், ஸமந்தா [ஸாமந்தா (?)] ச கோ³சரகா³மங் .
தஸ்ஸ மய்ஹங், பி⁴க்க²வே, ஏதத³ஹோஸி – ‘ரமணீயோ வத, போ⁴, பூ⁴மிபா⁴கோ³,
பாஸாதி³கோ ச வனஸண்டோ³, நதீ³ ச ஸந்த³தி ஸேதகா ஸுபதித்தா² ரமணீயா, ஸமந்தா ச
கோ³சரகா³மோ. அலங் வதித³ங் குலபுத்தஸ்ஸ பதா⁴னத்தி²கஸ்ஸ பதா⁴னாயா’தி. ஸோ கோ²
அஹங், பி⁴க்க²வே, தத்தே²வ நிஸீதி³ங் – அலமித³ங் பதா⁴னாயாதி.

280.
‘‘ஸோ கோ² அஹங், பி⁴க்க²வே, அத்தனா ஜாதித⁴ம்மோ ஸமானோ ஜாதித⁴ம்மே ஆதீ³னவங்
விதி³த்வா அஜாதங் அனுத்தரங் யோக³க்கே²மங் நிப்³பா³னங் பரியேஸமானோ அஜாதங்
அனுத்தரங் யோக³க்கே²மங் நிப்³பா³னங் அஜ்ஜ²க³மங், அத்தனா ஜராத⁴ம்மோ ஸமானோ
ஜராத⁴ம்மே ஆதீ³னவங் விதி³த்வா அஜரங் அனுத்தரங் யோக³க்கே²மங் நிப்³பா³னங்
பரியேஸமானோ அஜரங் அனுத்தரங் யோக³க்கே²மங் நிப்³பா³னங் அஜ்ஜ²க³மங், அத்தனா
ப்³யாதி⁴த⁴ம்மோ ஸமானோ ப்³யாதி⁴த⁴ம்மே ஆதீ³னவங் விதி³த்வா அப்³யாதி⁴ங்
அனுத்தரங் யோக³க்கே²மங் நிப்³பா³னங் பரியேஸமானோ அப்³யாதி⁴ங் அனுத்தரங்
யோக³க்கே²மங் நிப்³பா³னங் அஜ்ஜ²க³மங், அத்தனா மரணத⁴ம்மோ ஸமானோ மரணத⁴ம்மே
ஆதீ³னவங் விதி³த்வா அமதங் அனுத்தரங் யோக³க்கே²மங் நிப்³பா³னங் அஜ்ஜ²க³மங்,
அத்தனா ஸோகத⁴ம்மோ ஸமானோ ஸோகத⁴ம்மே ஆதீ³னவங் விதி³த்வா அஸோகங் அனுத்தரங்
யோக³க்கே²மங் நிப்³பா³னங் அஜ்ஜ²க³மங், அத்தனா ஸங்கிலேஸத⁴ம்மோ ஸமானோ
ஸங்கிலேஸத⁴ம்மே ஆதீ³னவங் விதி³த்வா அஸங்கிலிட்ட²ங் அனுத்தரங் யோக³க்கே²மங்
நிப்³பா³னங் பரியேஸமானோ அஸங்கிலிட்ட²ங் அனுத்தரங் யோக³க்கே²மங் நிப்³பா³னங்
அஜ்ஜ²க³மங். ஞாணஞ்ச பன மே த³ஸ்ஸனங் உத³பாதி³ – ‘அகுப்பா மே விமுத்தி,
அயமந்திமா ஜாதி, நத்தி² தா³னி புனப்³ப⁴வோ’தி.

281. ‘‘தஸ்ஸ
மய்ஹங், பி⁴க்க²வே, ஏதத³ஹோஸி – ‘அதி⁴க³தோ கோ² ம்யாயங் த⁴ம்மோ க³ம்பீ⁴ரோ
து³த்³த³ஸோ து³ரனுபோ³தோ⁴ ஸந்தோ பணீதோ அதக்காவசரோ நிபுணோ பண்டி³தவேத³னீயோ.
ஆலயராமா கோ² பனாயங் பஜா ஆலயரதா ஆலயஸம்முதி³தா. ஆலயராமா கோ² பனாயங்
பஜா ஆலயரதாய ஆலயஸம்முதி³தாய து³த்³த³ஸங் இத³ங் டா²னங் யதி³த³ங் –
இத³ப்பச்சயதா படிச்சஸமுப்பாதோ³. இத³ம்பி கோ² டா²னங் து³த்³த³ஸங் யதி³த³ங் –
ஸப்³ப³ஸங்கா²ரஸமதோ² ஸப்³பூ³பதி⁴படினிஸ்ஸக்³கோ³ தண்ஹாக்க²யோ விராகோ³ நிரோதோ⁴ நிப்³பா³னங். அஹஞ்சேவ
கோ² பன த⁴ம்மங் தே³ஸெய்யங், பரே ச மே ந ஆஜானெய்யுங், ஸோ மமஸ்ஸ கிலமதோ², ஸா
மமஸ்ஸ விஹேஸா’தி. அபிஸ்ஸு மங், பி⁴க்க²வே, இமா அனச்ச²ரியா கா³தா²யோ
படிப⁴ங்ஸு புப்³பே³ அஸ்ஸுதபுப்³பா³ –

‘கிச்சே²ன மே அதி⁴க³தங், ஹலங் தா³னி பகாஸிதுங்;

ராக³தோ³ஸபரேதேஹி, நாயங் த⁴ம்மோ ஸுஸம்பு³தோ⁴.

‘படிஸோதகா³மிங் நிபுணங், க³ம்பீ⁴ரங் து³த்³த³ஸங் அணுங்;

ராக³ரத்தா ந த³க்க²ந்தி, தமோக²ந்தே⁴ன ஆவுடா’’’தி [ஆவடாதி (ஸீ॰), ஆவுதா (ஸ்யா॰)].

282.
‘‘இதிஹ மே, பி⁴க்க²வே, படிஸஞ்சிக்க²தோ அப்பொஸ்ஸுக்கதாய சித்தங் நமதி, நோ
த⁴ம்மதே³ஸனாய. அத² கோ², பி⁴க்க²வே, ப்³ரஹ்முனோ ஸஹம்பதிஸ்ஸ மம சேதஸா
சேதோபரிவிதக்கமஞ்ஞாய ஏதத³ஹோஸி – ‘நஸ்ஸதி வத போ⁴ லோகோ, வினஸ்ஸதி வத போ⁴
லோகோ, யத்ர ஹி நாம ததா²க³தஸ்ஸ அரஹதோ ஸம்மாஸம்பு³த்³த⁴ஸ்ஸ அப்பொஸ்ஸுக்கதாய
சித்தங் நமதி [நமிஸ்ஸதி (?)], நோ
த⁴ம்மதே³ஸனாயா’தி. அத² கோ², பி⁴க்க²வே, ப்³ரஹ்மா ஸஹம்பதி – ஸெய்யதா²பி நாம
ப³லவா புரிஸோ ஸமிஞ்ஜிதங் வா பா³ஹங் பஸாரெய்ய, பஸாரிதங் வா பா³ஹங்
ஸமிஞ்ஜெய்ய, ஏவமேவ – ப்³ரஹ்மலோகே அந்தரஹிதோ மம புரதோ பாதுரஹோஸி. அத² கோ²,
பி⁴க்க²வே, ப்³ரஹ்மா ஸஹம்பதி ஏகங்ஸங் உத்தராஸங்க³ங் கரித்வா யேனாஹங்
தேனஞ்ஜலிங் பணாமெத்வா மங் ஏதத³வோச – ‘தே³ஸேது, ப⁴ந்தே, ப⁴க³வா த⁴ம்மங்,
தே³ஸேது ஸுக³தோ த⁴ம்மங். ஸந்தி ஸத்தா
அப்பரஜக்க²ஜாதிகா, அஸ்ஸவனதா த⁴ம்மஸ்ஸ பரிஹாயந்தி. ப⁴விஸ்ஸந்தி த⁴ம்மஸ்ஸ
அஞ்ஞாதாரோ’தி. இத³மவோச, பி⁴க்க²வே, ப்³ரஹ்மா ஸஹம்பதி. இத³ங் வத்வா அதா²பரங்
ஏதத³வோச –

‘பாதுரஹோஸி மக³தே⁴ஸு புப்³பே³,

த⁴ம்மோ அஸுத்³தோ⁴ ஸமலேஹி சிந்திதோ;

அபாபுரேதங் [அவாபுரேதங் (ஸீ॰)] அமதஸ்ஸ த்³வாரங்,

ஸுணந்து த⁴ம்மங் விமலேனானுபு³த்³த⁴ங்.

‘ஸேலே யதா² பப்³ப³தமுத்³த⁴னிட்டி²தோ,

யதா²பி பஸ்ஸே ஜனதங் ஸமந்ததோ;

ததூ²பமங் த⁴ம்மமயங் ஸுமேத⁴,

பாஸாத³மாருய்ஹ ஸமந்தசக்கு²;

ஸோகாவதிண்ணங் [ஸோகாவகிண்ணங் (ஸ்யா॰)] ஜனதமபேதஸோகோ,

அவெக்க²ஸ்ஸு ஜாதிஜராபி⁴பூ⁴தங்.

‘உட்டே²ஹி வீர விஜிதஸங்கா³ம,

ஸத்த²வாஹ அணண விசர லோகே;

தே³ஸஸ்ஸு [தே³ஸேது (ஸ்யா॰ க॰)] ப⁴க³வா த⁴ம்மங்,

அஞ்ஞாதாரோ ப⁴விஸ்ஸந்தீ’’’தி.

283.
‘‘அத² கோ² அஹங், பி⁴க்க²வே, ப்³ரஹ்முனோ ச அஜ்ஜே²ஸனங் விதி³த்வா ஸத்தேஸு ச
காருஞ்ஞதங் படிச்ச பு³த்³த⁴சக்கு²னா லோகங் வோலோகேஸிங். அத்³த³ஸங் கோ² அஹங்,
பி⁴க்க²வே, பு³த்³த⁴சக்கு²னா லோகங் வோலோகெந்தோ ஸத்தே அப்பரஜக்கே² மஹாரஜக்கே², திக்கி²ந்த்³ரியே முதி³ந்த்³ரியே, ஸ்வாகாரே த்³வாகாரே, ஸுவிஞ்ஞாபயே து³விஞ்ஞாபயே, அப்பேகச்சே பரலோகவஜ்ஜப⁴யத³ஸ்ஸாவினே [த³ஸ்ஸாவினோ (ஸ்யா॰ கங்॰ க॰)] விஹரந்தே, அப்பேகச்சே ந பரலோகவஜ்ஜப⁴யத³ஸ்ஸாவினே [த³ஸ்ஸாவினோ (ஸ்யா॰ கங்॰ க॰)]
விஹரந்தே. ஸெய்யதா²பி நாம உப்பலினியங் வா பது³மினியங் வா புண்ட³ரீகினியங்
வா அப்பேகச்சானி உப்பலானி வா பது³மானி வா புண்ட³ரீகானி வா உத³கே ஜாதானி
உத³கே ஸங்வட்³டா⁴னி உத³கானுக்³க³தானி அந்தோனிமுக்³க³போஸீனி, அப்பேகச்சானி
உப்பலானி வா பது³மானி வா புண்ட³ரீகானி வா உத³கே ஜாதானி உத³கே ஸங்வட்³டா⁴னி
உத³கானுக்³க³தானி ஸமோத³கங் டி²தானி, அப்பேகச்சானி உப்பலானி வா பது³மானி வா
புண்ட³ரீகானி வா உத³கே ஜாதானி உத³கே ஸங்வட்³டா⁴னி உத³கங் அச்சுக்³க³ம்ம
டி²தானி [திட்ட²ந்தி (ஸீ॰ ஸ்யா॰ பீ॰)] அனுபலித்தானி உத³கேன; ஏவமேவ கோ² அஹங், பி⁴க்க²வே, பு³த்³த⁴சக்கு²னா
லோகங் வோலோகெந்தோ அத்³த³ஸங் ஸத்தே அப்பரஜக்கே² மஹாரஜக்கே²,
திக்கி²ந்த்³ரியே முதி³ந்த்³ரியே, ஸ்வாகாரே த்³வாகாரே, ஸுவிஞ்ஞாபயே
து³விஞ்ஞாபயே, அப்பேகச்சே பரலோகவஜ்ஜப⁴யத³ஸ்ஸாவினே விஹரந்தே, அப்பேகச்சே ந
பரலோகவஜ்ஜப⁴யத³ஸ்ஸாவினே விஹரந்தே. அத² க்²வாஹங், பி⁴க்க²வே, ப்³ரஹ்மானங்
ஸஹம்பதிங் கா³தா²ய பச்சபா⁴ஸிங் –

‘அபாருதா தேஸங் அமதஸ்ஸ த்³வாரா,

யே ஸோதவந்தோ பமுஞ்சந்து ஸத்³த⁴ங்;

விஹிங்ஸஸஞ்ஞீ பகு³ணங் ந பா⁴ஸிங்,

த⁴ம்மங் பணீதங் மனுஜேஸு ப்³ரஹ்மே’’’தி.

‘‘அத² கோ², பி⁴க்க²வே, ப்³ரஹ்மா ஸஹம்பதி ‘கதாவகாஸோ
கொ²ம்ஹி ப⁴க³வதா த⁴ம்மதே³ஸனாயா’தி மங் அபி⁴வாதெ³த்வா பத³க்கி²ணங் கத்வா
தத்தே²வந்தரதா⁴யி.

284. ‘‘தஸ்ஸ
மய்ஹங், பி⁴க்க²வே, ஏதத³ஹோஸி – ‘கஸ்ஸ நு கோ² அஹங் பட²மங் த⁴ம்மங்
தே³ஸெய்யங்; கோ இமங் த⁴ம்மங் கி²ப்பமேவ ஆஜானிஸ்ஸதீ’தி? தஸ்ஸ மய்ஹங்,
பி⁴க்க²வே, ஏதத³ஹோஸி – ‘அயங் கோ² ஆளாரோ காலாமோ பண்டி³தோ வியத்தோ மேதா⁴வீ
தீ³க⁴ரத்தங் அப்பரஜக்க²ஜாதிகோ. யங்னூனாஹங் ஆளாரஸ்ஸ காலாமஸ்ஸ
பட²மங் த⁴ம்மங் தே³ஸெய்யங். ஸோ இமங் த⁴ம்மங் கி²ப்பமேவ ஆஜானிஸ்ஸதீ’தி. அத²
கோ² மங், பி⁴க்க²வே, தே³வதா உபஸங்கமித்வா ஏதத³வோச – ‘ஸத்தாஹகாலங்கதோ,
ப⁴ந்தே, ஆளாரோ காலாமோ’தி. ஞாணஞ்ச பன மே த³ஸ்ஸனங் உத³பாதி³ –
‘ஸத்தாஹகாலங்கதோ ஆளாரோ காலாமோ’தி. தஸ்ஸ மய்ஹங், பி⁴க்க²வே, ஏதத³ஹோஸி –
‘மஹாஜானியோ கோ² ஆளாரோ காலாமோ. ஸசே ஹி ஸோ இமங் த⁴ம்மங் ஸுணெய்ய, கி²ப்பமேவ
ஆஜானெய்யா’தி.

‘‘தஸ்ஸ மய்ஹங், பி⁴க்க²வே, ஏதத³ஹோஸி – ‘கஸ்ஸ நு கோ²
அஹங் பட²மங் த⁴ம்மங் தே³ஸெய்யங்; கோ இமங் த⁴ம்மங் கி²ப்பமேவ ஆஜானிஸ்ஸதீ’தி?
தஸ்ஸ மய்ஹங், பி⁴க்க²வே, ஏதத³ஹோஸி – ‘அயங் கோ² உத³கோ ராமபுத்தோ பண்டி³தோ
வியத்தோ மேதா⁴வீ தீ³க⁴ரத்தங் அப்பரஜக்க²ஜாதிகோ. யங்னூனாஹங் உத³கஸ்ஸ
ராமபுத்தஸ்ஸ பட²மங் த⁴ம்மங் தே³ஸெய்யங். ஸோ இமங் த⁴ம்மங் கி²ப்பமேவ
ஆஜானிஸ்ஸதீ’தி. அத² கோ² மங், பி⁴க்க²வே, தே³வதா உபஸங்கமித்வா ஏதத³வோச –
‘அபி⁴தோ³ஸகாலங்கதோ, ப⁴ந்தே, உத³கோ ராமபுத்தோ’தி. ஞாணஞ்ச பன மே த³ஸ்ஸனங்
உத³பாதி³ – ‘அபி⁴தோ³ஸகாலங்கதோ உத³கோ ராமபுத்தோ’தி. தஸ்ஸ மய்ஹங், பி⁴க்க²வே,
ஏதத³ஹோஸி – ‘மஹாஜானியோ கோ² உத³கோ ராமபுத்தோ. ஸசே ஹி ஸோ இமங் த⁴ம்மங்
ஸுணெய்ய , கி²ப்பமேவ ஆஜானெய்யா’தி.

‘‘தஸ்ஸ மய்ஹங் , பி⁴க்க²வே,
ஏதத³ஹோஸி – ‘கஸ்ஸ நு கோ² அஹங் பட²மங் த⁴ம்மங் தே³ஸெய்யங்; கோ இமங் த⁴ம்மங்
கி²ப்பமேவ ஆஜானிஸ்ஸதீ’தி? தஸ்ஸ மய்ஹங், பி⁴க்க²வே, ஏதத³ஹோஸி – ‘ப³ஹுகாரா
கோ² மே பஞ்சவக்³கி³யா பி⁴க்கூ², யே மங் பதா⁴னபஹிதத்தங் உபட்ட²ஹிங்ஸு.
யங்னூனாஹங் பஞ்சவக்³கி³யானங் பி⁴க்கூ²னங் பட²மங் த⁴ம்மங் தே³ஸெய்ய’ந்தி.
தஸ்ஸ மய்ஹங், பி⁴க்க²வே, ஏதத³ஹோஸி – ‘கஹங் நு கோ² ஏதரஹி பஞ்சவக்³கி³யா
பி⁴க்கூ² விஹரந்தீ’தி? அத்³த³ஸங் கோ² அஹங், பி⁴க்க²வே, தி³ப்³பே³ன சக்கு²னா
விஸுத்³தே⁴ன அதிக்கந்தமானுஸகேன பஞ்சவக்³கி³யே பி⁴க்கூ² பா³ராணஸியங்
விஹரந்தே இஸிபதனே மிக³தா³யே. அத² க்²வாஹங், பி⁴க்க²வே, உருவேலாயங்
யதா²பி⁴ரந்தங் விஹரித்வா யேன பா³ராணஸீ தேன சாரிகங் பக்கமிங் [பக்காமிங் (ஸ்யா॰ பீ॰ க॰)].

285. ‘‘அத்³த³ஸா கோ² மங், பி⁴க்க²வே, உபகோ ஆஜீவகோ அந்தரா [ஆஜீவிகோ (ஸீ॰ பீ॰ க॰)]
ச க³யங் அந்தரா ச போ³தி⁴ங் அத்³தா⁴னமக்³க³ப்படிபன்னங். தி³ஸ்வான மங்
ஏதத³வோச – ‘விப்பஸன்னானி கோ² தே, ஆவுஸோ, இந்த்³ரியானி, பரிஸுத்³தோ⁴
ச²விவண்ணோ பரியோதா³தோ! கங்ஸி த்வங், ஆவுஸோ, உத்³தி³ஸ்ஸ பப்³ப³ஜிதோ, கோ வா
தே ஸத்தா², கஸ்ஸ வா த்வங் த⁴ம்மங் ரோசேஸீ’தி ? ஏவங் வுத்தே, அஹங், பி⁴க்க²வே, உபகங் ஆஜீவகங் கா³தா²ஹி அஜ்ஜ²பா⁴ஸிங் –

‘ஸப்³பா³பி⁴பூ⁴ ஸப்³ப³விதூ³ஹமஸ்மி, ஸப்³பே³ஸு த⁴ம்மேஸு அனூபலித்தோ;

ஸப்³ப³ஞ்ஜஹோ தண்ஹாக்க²யே விமுத்தோ, ஸயங் அபி⁴ஞ்ஞாய கமுத்³தி³ஸெய்யங்.

‘ந மே ஆசரியோ அத்தி², ஸதி³ஸோ மே ந விஜ்ஜதி;

ஸதே³வகஸ்மிங் லோகஸ்மிங், நத்தி² மே படிபுக்³க³லோ.

‘அஹஞ்ஹி அரஹா லோகே, அஹங் ஸத்தா² அனுத்தரோ;

ஏகொம்ஹி ஸம்மாஸம்பு³த்³தோ⁴, ஸீதிபூ⁴தொஸ்மி நிப்³பு³தோ.

‘த⁴ம்மசக்கங் பவத்தேதுங், க³ச்சா²மி காஸினங் புரங்;

அந்தீ⁴பூ⁴தஸ்மிங் [அந்த⁴பூ⁴தஸ்மிங் (ஸீ॰ ஸ்யா॰ பீ॰)] லோகஸ்மிங், ஆஹஞ்ச²ங் அமதது³ந்து³பி⁴’ந்தி.

‘யதா² கோ² த்வங், ஆவுஸோ, படிஜானாஸி, அரஹஸி அனந்தஜினோ’தி!

‘மாதி³ஸா வே ஜினா ஹொந்தி, யே பத்தா ஆஸவக்க²யங்;

ஜிதா மே பாபகா த⁴ம்மா, தஸ்மாஹமுபக ஜினோ’தி.

‘‘ஏவங் வுத்தே, பி⁴க்க²வே, உபகோ ஆஜீவகோ ‘ஹுபெய்யபாவுஸோ’தி [ஹுவெய்யபாவுஸோ (ஸீ॰ பீ॰), ஹுவெய்யாவுஸோ (ஸ்யா॰)] வத்வா ஸீஸங் ஓகம்பெத்வா உம்மக்³க³ங் க³ஹெத்வா பக்காமி.

286.
‘‘அத² க்²வாஹங், பி⁴க்க²வே, அனுபுப்³பே³ன சாரிகங் சரமானோ யேன பா³ராணஸீ
இஸிபதனங் மிக³தா³யோ யேன பஞ்சவக்³கி³யா பி⁴க்கூ² தேனுபஸங்கமிங். அத்³த³ஸங்ஸு
கோ² மங், பி⁴க்க²வே, பஞ்சவக்³கி³யா பி⁴க்கூ² தூ³ரதோ ஆக³ச்ச²ந்தங்.
தி³ஸ்வான அஞ்ஞமஞ்ஞங் ஸண்ட²பேஸுங் [அஞ்ஞமஞ்ஞங் கதிகங் ஸண்ட²பேஸுங் (வினயபிடகே மஹாவக்³கே³)] – ‘அயங் கோ², ஆவுஸோ, ஸமணோ கோ³தமோ ஆக³ச்ச²தி பா³ஹுல்லிகோ [பா³ஹுலிகோ (ஸீ॰ பீ॰) ஸாரத்த²தீ³பனீடீகாய ஸமேதி]
பதா⁴னவிப்³ப⁴ந்தோ ஆவத்தோ பா³ஹுல்லாய. ஸோ நேவ அபி⁴வாதே³தப்³போ³, ந
பச்சுட்டா²தப்³போ³; நாஸ்ஸ பத்தசீவரங் படிக்³க³ஹேதப்³ப³ங். அபி ச கோ² ஆஸனங்
ட²பேதப்³ப³ங், ஸசே ஆகங்கி²ஸ்ஸதி நிஸீதி³ஸ்ஸதீ’தி. யதா² யதா² கோ² அஹங்,
பி⁴க்க²வே, உபஸங்கமிங் ததா² ததா² பஞ்சவக்³கி³யா
பி⁴க்கூ² நாஸக்கி²ங்ஸு ஸகாய கதிகாய ஸண்டா²துங். அப்பேகச்சே மங்
பச்சுக்³க³ந்த்வா பத்தசீவரங் படிக்³க³ஹேஸுங், அப்பேகச்சே ஆஸனங் பஞ்ஞபேஸுங்,
அப்பேகச்சே பாதோ³த³கங் உபட்ட²பேஸுங். அபி ச கோ² மங் நாமேன ச ஆவுஸோவாதே³ன ச
ஸமுதா³சரந்தி.

‘‘ஏவங் வுத்தே, அஹங், பி⁴க்க²வே, பஞ்சவக்³கி³யே பி⁴க்கூ² ஏதத³வோசங் – ‘மா, பி⁴க்க²வே, ததா²க³தங் நாமேன ச ஆவுஸோவாதே³ன ச ஸமுதா³சரத² [ஸமுதா³சரித்த² (ஸீ॰ ஸ்யா॰ பீ॰)]. அரஹங், பி⁴க்க²வே, ததா²க³தோ ஸம்மாஸம்பு³த்³தோ⁴ .
ஓத³ஹத², பி⁴க்க²வே, ஸோதங், அமதமதி⁴க³தங், அஹமனுஸாஸாமி, அஹங் த⁴ம்மங்
தே³ஸேமி. யதா²னுஸிட்ட²ங் ததா² படிபஜ்ஜமானா நசிரஸ்ஸேவ – யஸ்ஸத்தா²ய
குலபுத்தா ஸம்மதே³வ அகா³ரஸ்மா அனகா³ரியங் பப்³ப³ஜந்தி தத³னுத்தரங் –
ப்³ரஹ்மசரியபரியோஸானங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா
உபஸம்பஜ்ஜ விஹரிஸ்ஸதா²’தி. ஏவங் வுத்தே, பி⁴க்க²வே, பஞ்சவக்³கி³யா பி⁴க்கூ²
மங் ஏதத³வோசுங் – ‘தாயபி கோ² த்வங், ஆவுஸோ கோ³தம, இரியாய தாய படிபதா³ய தாய
து³க்கரகாரிகாய நாஜ்ஜ²க³மா உத்தரிமனுஸ்ஸத⁴ம்மா அலமரியஞாணத³ஸ்ஸனவிஸேஸங்,
கிங் பன த்வங் ஏதரஹி பா³ஹுல்லிகோ பதா⁴னவிப்³ப⁴ந்தோ ஆவத்தோ பா³ஹுல்லாய
அதி⁴க³மிஸ்ஸஸி உத்தரிமனுஸ்ஸத⁴ம்மா அலமரியஞாணத³ஸ்ஸனவிஸேஸ’ந்தி? ஏவங் வுத்தே,
அஹங், பி⁴க்க²வே, பஞ்சவக்³கி³யே பி⁴க்கூ² ஏதத³வோசங் – ‘ந, பி⁴க்க²வே,
ததா²க³தோ பா³ஹுல்லிகோ, ந பதா⁴னவிப்³ப⁴ந்தோ, ந ஆவத்தோ பா³ஹுல்லாய .
அரஹங், பி⁴க்க²வே, ததா²க³தோ ஸம்மாஸம்பு³த்³தோ⁴. ஓத³ஹத², பி⁴க்க²வே, ஸோதங்,
அமதமதி⁴க³தங், அஹமனுஸாஸாமி, அஹங் த⁴ம்மங் தே³ஸேமி. யதா²னுஸிட்ட²ங் ததா²
படிபஜ்ஜமானா நசிரஸ்ஸேவ – யஸ்ஸத்தா²ய குலபுத்தா
ஸம்மதே³வ அகா³ரஸ்மா அனகா³ரியங் பப்³ப³ஜந்தி தத³னுத்தரங் –
ப்³ரஹ்மசரியபரியோஸானங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா
உபஸம்பஜ்ஜ விஹரிஸ்ஸதா²’தி. து³தியம்பி கோ², பி⁴க்க²வே, பஞ்சவக்³கி³யா
பி⁴க்கூ² மங் ஏதத³வோசுங் – ‘தாயபி கோ² த்வங், ஆவுஸோ கோ³தம, இரியாய தாய
படிபதா³ய தாய து³க்கரகாரிகாய நாஜ்ஜ²க³மா உத்தரிமனுஸ்ஸத⁴ம்மா
அலமரியஞாணத³ஸ்ஸனவிஸேஸங், கிங் பன த்வங் ஏதரஹி பா³ஹுல்லிகோ பதா⁴னவிப்³ப⁴ந்தோ
ஆவத்தோ பா³ஹுல்லாய அதி⁴க³மிஸ்ஸஸி உத்தரிமனுஸ்ஸத⁴ம்மா
அலமரியஞாணத³ஸ்ஸனவிஸேஸ’ந்தி? து³தியம்பி கோ² அஹங், பி⁴க்க²வே, பஞ்சவக்³கி³யே
பி⁴க்கூ² ஏதத³வோசங் – ‘ந, பி⁴க்க²வே, ததா²க³தோ பா³ஹுல்லிகோ…பே॰… உபஸம்பஜ்ஜ
விஹரிஸ்ஸதா²’தி. ததியம்பி கோ², பி⁴க்க²வே, பஞ்சவக்³கி³யா பி⁴க்கூ² மங்
ஏதத³வோசுங் – ‘தாயபி கோ² த்வங், ஆவுஸோ கோ³தம, இரியாய தாய படிபதா³ய தாய
து³க்கரகாரிகாய நாஜ்ஜ²க³மா உத்தரிமனுஸ்ஸத⁴ம்மா அலமரியஞாணத³ஸ்ஸனவிஸேஸங்,
கிங் பன த்வங் ஏதரஹி பா³ஹுல்லிகோ பதா⁴னவிப்³ப⁴ந்தோ ஆவத்தோ பா³ஹுல்லாய
அதி⁴க³மிஸ்ஸஸி உத்தரிமனுஸ்ஸத⁴ம்மா அலமரியஞாணத³ஸ்ஸனவிஸேஸ’ந்தி?

‘‘ஏவங் வுத்தே, அஹங், பி⁴க்க²வே, பஞ்சவக்³கி³யே
பி⁴க்கூ² ஏதத³வோசங் – ‘அபி⁴ஜானாத² மே நோ தும்ஹே, பி⁴க்க²வே, இதோ புப்³பே³
ஏவரூபங் பபா⁴விதமேத’ந்தி [பா⁴ஸிதமேதந்தி (ஸீ॰ ஸ்யா॰ வினயேபி)]?
‘நோ ஹேதங், ப⁴ந்தே’. ‘அரஹங், பி⁴க்க²வே, ததா²க³தோ ஸம்மாஸம்பு³த்³தோ⁴.
ஓத³ஹத², பி⁴க்க²வே, ஸோதங், அமதமதி⁴க³தங், அஹமனுஸாஸாமி, அஹங் த⁴ம்மங்
தே³ஸேமி. யதா²னுஸிட்ட²ங் ததா² படிபஜ்ஜமானா நசிரஸ்ஸேவ
– யஸ்ஸத்தா²ய குலபுத்தா ஸம்மதே³வ அகா³ரஸ்மா அனகா³ரியங் பப்³ப³ஜந்தி
தத³னுத்தரங் – ப்³ரஹ்மசரியபரியோஸானங் தி³ட்டே²வ த⁴ம்மே ஸயங் அபி⁴ஞ்ஞா
ஸச்சி²கத்வா உபஸம்பஜ்ஜ விஹரிஸ்ஸதா²’தி.

‘‘அஸக்கி²ங் கோ² அஹங், பி⁴க்க²வே, பஞ்சவக்³கி³யே
பி⁴க்கூ² ஸஞ்ஞாபேதுங். த்³வேபி ஸுத³ங், பி⁴க்க²வே, பி⁴க்கூ² ஓவதா³மி, தயோ
பி⁴க்கூ² பிண்டா³ய சரந்தி. யங் தயோ பி⁴க்கூ² பிண்டா³ய சரித்வா ஆஹரந்தி தேன
ச²ப்³ப³க்³கி³யா [ச²ப்³ப³க்³கா³ (ஸீ॰ ஸ்யா॰)]
யாபேம. தயோபி ஸுத³ங், பி⁴க்க²வே, பி⁴க்கூ² ஓவதா³மி, த்³வே பி⁴க்கூ²
பிண்டா³ய சரந்தி. யங் த்³வே பி⁴க்கூ² பிண்டா³ய சரித்வா ஆஹரந்தி தேன
ச²ப்³ப³க்³கி³யா யாபேம. அத² கோ², பி⁴க்க²வே, பஞ்சவக்³கி³யா
பி⁴க்கூ² மயா ஏவங் ஓவதி³யமானா ஏவங் அனுஸாஸியமானா அத்தனா ஜாதித⁴ம்மா ஸமானா
ஜாதித⁴ம்மே ஆதீ³னவங் விதி³த்வா அஜாதங் அனுத்தரங் யோக³க்கே²மங் நிப்³பா³னங்
பரியேஸமானா அஜாதங் அனுத்தரங் யோக³க்கே²மங்
நிப்³பா³னங் அஜ்ஜ²க³மங்ஸு, அத்தனா ஜராத⁴ம்மா ஸமானா ஜராத⁴ம்மே ஆதீ³னவங்
விதி³த்வா அஜரங் அனுத்தரங் யோக³க்கே²மங் நிப்³பா³னங் பரியேஸமானா அஜரங்
அனுத்தரங் யோக³க்கே²மங் நிப்³பா³னங் அஜ்ஜ²க³மங்ஸு, அத்தனா ப்³யாதி⁴த⁴ம்மா
ஸமானா…பே॰… அத்தனா மரணத⁴ம்மா ஸமானா… அத்தனா ஸோகத⁴ம்மா ஸமானா… அத்தனா
ஸங்கிலேஸத⁴ம்மா ஸமானா ஸங்கிலேஸத⁴ம்மே ஆதீ³னவங் விதி³த்வா அஸங்கிலிட்ட²ங்
அனுத்தரங் யோக³க்கே²மங் நிப்³பா³னங் பரியேஸமானா அஸங்கிலிட்ட²ங் அனுத்தரங்
யோக³க்கே²மங் நிப்³பா³னங் அஜ்ஜ²க³மங்ஸு. ஞாணஞ்ச பன நேஸங் த³ஸ்ஸனங் உத³பாதி³
– ‘அகுப்பா நோ விமுத்தி [அகுப்பா நேஸங் விமுத்தி (க॰)], அயமந்திமா ஜாதி, நத்தி² தா³னி புனப்³ப⁴வோ’தி.

287.
‘‘பஞ்சிமே, பி⁴க்க²வே, காமகு³ணா. கதமே பஞ்ச? சக்கு²விஞ்ஞெய்யா ரூபா இட்டா²
கந்தா மனாபா பியரூபா காமூபஸங்ஹிதா ரஜனீயா, ஸோதவிஞ்ஞெய்யா ஸத்³தா³…பே॰…
கா⁴னவிஞ்ஞெய்யா க³ந்தா⁴… ஜிவ்ஹாவிஞ்ஞெய்யா ரஸா… காயவிஞ்ஞெய்யா
பொ²ட்ட²ப்³பா³ இட்டா² கந்தா மனாபா பியரூபா காமூபஸங்ஹிதா ரஜனீயா. இமே கோ²,
பி⁴க்க²வே, பஞ்ச காமகு³ணா. யே ஹி கேசி, பி⁴க்க²வே, ஸமணா வா ப்³ராஹ்மணா வா
இமே பஞ்ச காமகு³ணே க³தி²தா முச்சி²தா அஜ்ஜோ²பன்னா அனாதீ³னவத³ஸ்ஸாவினோ
அனிஸ்ஸரணபஞ்ஞா பரிபு⁴ஞ்ஜந்தி, தே ஏவமஸ்ஸு வேதி³தப்³பா³ – ‘அனயமாபன்னா
ப்³யஸனமாபன்னா யதா²காமகரணீயா பாபிமதோ’ [பாபிமதோ’’தி (?)].
‘ஸெய்யதா²பி, பி⁴க்க²வே, ஆரஞ்ஞகோ மகோ³ ப³த்³தோ⁴ பாஸராஸிங் அதி⁴ஸயெய்ய. ஸோ
ஏவமஸ்ஸ வேதி³தப்³போ³ – அனயமாபன்னோ ப்³யஸனமாபன்னோ யதா²காமகரணீயோ லுத்³த³ஸ்ஸ.
ஆக³ச்ச²ந்தே ச பன லுத்³தே³ யேன காமங் ந பக்கமிஸ்ஸதீ’தி. ஏவமேவ கோ²,
பி⁴க்க²வே, யே ஹி கேசி ஸமணா வா ப்³ராஹ்மணா வா இமே பஞ்ச காமகு³ணே க³தி²தா
முச்சி²தா அஜ்ஜோ²பன்னா அனாதீ³னவத³ஸ்ஸாவினோ அனிஸ்ஸரணபஞ்ஞா பரிபு⁴ஞ்ஜந்தி, தே
ஏவமஸ்ஸு வேதி³தப்³பா³ – ‘அனயமாபன்னா ப்³யஸனமாபன்னா யதா²காமகரணீயா
பாபிமதோ’. யே ச கோ² கேசி, பி⁴க்க²வே, ஸமணா வா ப்³ராஹ்மணா வா இமே பஞ்ச
காமகு³ணே அக³தி²தா அமுச்சி²தா அனஜ்ஜோ²பன்னா ஆதீ³னவத³ஸ்ஸாவினோ நிஸ்ஸரணபஞ்ஞா பரிபு⁴ஞ்ஜந்தி, தே ஏவமஸ்ஸு வேதி³தப்³பா³ – ‘ந அனயமாபன்னா ந ப்³யஸனமாபன்னா ந யதா²காமகரணீயா பாபிமதோ’.

‘‘ஸெய்யதா²பி , பி⁴க்க²வே,
ஆரஞ்ஞகோ மகோ³ அப³த்³தோ⁴ பாஸராஸிங் அதி⁴ஸயெய்ய. ஸோ ஏவமஸ்ஸ வேதி³தப்³போ³ – ‘ந
அனயமாபன்னோ ந ப்³யஸனமாபன்னோ ந யதா²காமகரணீயோ லுத்³த³ஸ்ஸ. ஆக³ச்ச²ந்தே ச பன
லுத்³தே³ யேன காமங் பக்கமிஸ்ஸதீ’தி. ஏவமேவ கோ², பி⁴க்க²வே, யே ஹி கேசி
ஸமணா வா ப்³ராஹ்மணா வா இமே பஞ்ச காமகு³ணே அக³தி²தா அமுச்சி²தா அனஜ்ஜோ²பன்னா
ஆதீ³னவத³ஸ்ஸாவினோ நிஸ்ஸரணபஞ்ஞா பரிபு⁴ஞ்ஜந்தி, தே ஏவமஸ்ஸு வேதி³தப்³பா³ –
‘ந அனயமாபன்னா ந ப்³யஸனமாபன்னா ந யதா²காமகரணீயா பாபிமதோ’.

‘‘ஸெய்யதா²பி, பி⁴க்க²வே, ஆரஞ்ஞகோ மகோ³ அரஞ்ஞே பவனே
சரமானோ விஸ்ஸத்தோ² க³ச்ச²தி, விஸ்ஸத்தோ² திட்ட²தி, விஸ்ஸத்தோ² நிஸீத³தி,
விஸ்ஸத்தோ² ஸெய்யங் கப்பேதி. தங் கிஸ்ஸ ஹேது? அனாபாத²க³தோ, பி⁴க்க²வே,
லுத்³த³ஸ்ஸ. ஏவமேவ கோ², பி⁴க்க²வே, பி⁴க்கு² விவிச்சேவ காமேஹி விவிச்ச
அகுஸலேஹி த⁴ம்மேஹி ஸவிதக்கங் ஸவிசாரங் விவேகஜங் பீதிஸுக²ங் பட²மங் ஜா²னங்
உபஸம்பஜ்ஜ விஹரதி. அயங் வுச்சதி, பி⁴க்க²வே, பி⁴க்கு² அந்த⁴மகாஸி மாரங்
அபத³ங், வதி⁴த்வா மாரசக்கு²ங் அத³ஸ்ஸனங் க³தோ பாபிமதோ.

‘‘புன சபரங், பி⁴க்க²வே, பி⁴க்கு² விதக்கவிசாரானங்
வூபஸமா அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங் அவிதக்கங் அவிசாரங்
ஸமாதி⁴ஜங் பீதிஸுக²ங் து³தியங் ஜா²னங் உபஸம்பஜ்ஜ விஹரதி. அயங் வுச்சதி,
பி⁴க்க²வே…பே॰… பாபிமதோ.

‘‘புன சபரங், பி⁴க்க²வே, பி⁴க்கு² பீதியா ச விராகா³
உபெக்க²கோ ச விஹரதி, ஸதோ ச ஸம்பஜானோ, ஸுக²ஞ்ச காயேன படிஸங்வேதே³தி யங் தங்
அரியா ஆசிக்க²ந்தி ‘உபெக்க²கோ ஸதிமா ஸுக²விஹாரீ’தி ததியங் ஜா²னங் உபஸம்பஜ்ஜ
விஹரதி. அயங் வுச்சதி, பி⁴க்க²வே…பே॰… பாபிமதோ.

‘‘புன சபரங், பி⁴க்க²வே, பி⁴க்கு² ஸுக²ஸ்ஸ ச பஹானா
து³க்க²ஸ்ஸ ச பஹானா புப்³பே³வ ஸோமனஸ்ஸதோ³மனஸ்ஸானங் அத்த²ங்க³மா
அது³க்க²மஸுக²ங் உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ
விஹரதி. அயங் வுச்சதி, பி⁴க்க²வே…பே॰… பாபிமதோ.

‘‘புன சபரங், பி⁴க்க²வே, பி⁴க்கு² ஸப்³ப³ஸோ ரூபஸஞ்ஞானங் ஸமதிக்கமா படிக⁴ஸஞ்ஞானங் அத்த²ங்க³மா நானத்தஸஞ்ஞானங் அமனஸிகாரா ‘அனந்தோ ஆகாஸோ’தி ஆகாஸானஞ்சாயதனங் உபஸம்பஜ்ஜ விஹரதி. அயங் வுச்சதி, பி⁴க்க²வே…பே॰… பாபிமதோ.

‘‘புன
சபரங், பி⁴க்க²வே, பி⁴க்கு² ஸப்³ப³ஸோ ஆகாஸானஞ்சாயதனங் ஸமதிக்கம்ம ‘அனந்தங்
விஞ்ஞாண’ந்தி விஞ்ஞாணஞ்சாயதனங் உபஸம்பஜ்ஜ விஹரதி. அயங் வுச்சதி,
பி⁴க்க²வே…பே॰… பாபிமதோ.

‘‘புன சபரங், பி⁴க்க²வே, பி⁴க்கு² ஸப்³ப³ஸோ
விஞ்ஞாணஞ்சாயதனங் ஸமதிக்கம்ம ‘நத்தி² கிஞ்சீ’தி ஆகிஞ்சஞ்ஞாயதனங் உபஸம்பஜ்ஜ
விஹரதி. அயங் வுச்சதி, பி⁴க்க²வே…பே॰… பாபிமதோ.

‘‘புன சபரங், பி⁴க்க²வே, பி⁴க்கு² ஸப்³ப³ஸோ ஆகிஞ்சஞ்ஞாயதனங் ஸமதிக்கம்ம நேவஸஞ்ஞானாஸஞ்ஞாயதனங் உபஸம்பஜ்ஜ விஹரதி. அயங் வுச்சதி, பி⁴க்க²வே…பே॰… பாபிமதோ.

‘‘புன சபரங், பி⁴க்க²வே, பி⁴க்கு² ஸப்³ப³ஸோ
நேவஸஞ்ஞானாஸஞ்ஞாயதனங் ஸமதிக்கம்ம ஸஞ்ஞாவேத³யிதனிரோத⁴ங் உபஸம்பஜ்ஜ விஹரதி,
பஞ்ஞாய சஸ்ஸ தி³ஸ்வா ஆஸவா பரிக்கீ²ணா ஹொந்தி. அயங் வுச்சதி, பி⁴க்க²வே,
பி⁴க்கு² அந்த⁴மகாஸி மாரங் அபத³ங், வதி⁴த்வா மாரசக்கு²ங் அத³ஸ்ஸனங் க³தோ
பாபிமதோ. திண்ணோ லோகே விஸத்திகங் விஸ்ஸத்தோ² க³ச்ச²தி, விஸ்ஸத்தோ²
திட்ட²தி, விஸ்ஸத்தோ² நிஸீத³தி, விஸ்ஸத்தோ² ஸெய்யங் கப்பேதி. தங் கிஸ்ஸ
ஹேது? அனாபாத²க³தோ, பி⁴க்க²வே, பாபிமதோ’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

பாஸராஸிஸுத்தங் நிட்டி²தங் ச²ட்ட²ங்.

7. சூளஹத்தி²பதோ³பமஸுத்தங்

288. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஜாணுஸ்ஸோணி ப்³ராஹ்மணோ ஸப்³ப³ஸேதேன வளவாபி⁴ரதே²ன [வளபீ⁴ரதே²ன (ஸீ॰ பீ॰)]
ஸாவத்தி²யா நிய்யாதி தி³வாதி³வஸ்ஸ. அத்³த³ஸா கோ² ஜாணுஸ்ஸோணி ப்³ராஹ்மணோ
பிலோதிகங் பரிப்³பா³ஜகங் தூ³ரதோவ ஆக³ச்ச²ந்தங். தி³ஸ்வான பிலோதிகங்
பரிப்³பா³ஜகங் ஏதத³வோச –

‘‘ஹந்த³, குதோ நு ப⁴வங் வச்சா²யனோ ஆக³ச்ச²தி தி³வாதி³வஸ்ஸா’’தி?

‘‘இதோ ஹி கோ² அஹங் , போ⁴, ஆக³ச்சா²மி ஸமணஸ்ஸ கோ³தமஸ்ஸ ஸந்திகா’’தி.

‘‘தங் கிங் மஞ்ஞதி, ப⁴வங் வச்சா²யனோ, ஸமணஸ்ஸ கோ³தமஸ்ஸ பஞ்ஞாவெய்யத்தியங்?

‘‘பண்டி³தோ மஞ்ஞே’’தி.

‘‘கோ சாஹங், போ⁴, கோ ச ஸமணஸ்ஸ கோ³தமஸ்ஸ
பஞ்ஞாவெய்யத்தியங் ஜானிஸ்ஸாமி! ஸோபி நூனஸ்ஸ தாதி³ஸோவ யோ ஸமணஸ்ஸ கோ³தமஸ்ஸ
பஞ்ஞாவெய்யத்தியங் ஜானெய்யா’’தி.

‘‘உளாராய க²லு ப⁴வங் வச்சா²யனோ ஸமணங் கோ³தமங் பஸங்ஸாய பஸங்ஸதீ’’தி.

‘‘கோ சாஹங், போ⁴, கோ ச ஸமணங் கோ³தமங் பஸங்ஸிஸ்ஸாமி?

‘‘பஸத்த²பஸத்தோ²வ ஸோ ப⁴வங் கோ³தமோ ஸெட்டோ² தே³வமனுஸ்ஸான’’ந்தி.

‘‘கங் பன ப⁴வங் வச்சா²யனோ அத்த²வஸங் ஸம்பஸ்ஸமானோ ஸமணே கோ³தமே ஏவங் அபி⁴ப்பஸன்னோ’’தி [அபி⁴ப்பஸன்னோ ஹோதீதி (ஸ்யா॰)]?

‘‘ஸெய்யதா²பி, போ⁴, குஸலோ நாக³வனிகோ நாக³வனங் பவிஸெய்ய. ஸோ பஸ்ஸெய்ய நாக³வனே மஹந்தங்
ஹத்தி²பத³ங், தீ³க⁴தோ ச ஆயதங், திரியஞ்ச வித்த²தங். ஸோ நிட்ட²ங்
க³ச்செ²ய்ய – ‘மஹா வத, போ⁴, நாகோ³’தி. ஏவமேவ கோ² அஹங், போ⁴, யதோ அத்³த³ஸங்
ஸமணே கோ³தமே சத்தாரி பதா³னி அதா²ஹங் நிட்ட²மக³மங் – ‘ஸம்மாஸம்பு³த்³தோ⁴
ப⁴க³வா, ஸ்வாக்கா²தோ ப⁴க³வதா த⁴ம்மோ, ஸுப்படிபன்னோ ப⁴க³வதோ ஸாவகஸங்கோ⁴’தி.

289. ‘‘கதமானி சத்தாரி? இதா⁴ஹங், போ⁴, பஸ்ஸாமி ஏகச்சே க²த்தியபண்டி³தே நிபுணே கதபரப்பவாதே³ வாலவேதி⁴ரூபே, தே பி⁴ந்த³ந்தா [வோபி⁴ந்த³ந்தா (ஸீ॰ பீ॰) வி + அவ + பி⁴ந்த³ந்தா]
மஞ்ஞே சரந்தி பஞ்ஞாக³தேன தி³ட்டி²க³தானி. தே ஸுணந்தி – ‘ஸமணோ க²லு, போ⁴,
கோ³தமோ அமுகங் நாம கா³மங் வா நிக³மங் வா ஓஸரிஸ்ஸதீ’தி. தே பஞ்ஹங்
அபி⁴ஸங்க²ரொந்தி – ‘இமங் மயங் பஞ்ஹங் ஸமணங் கோ³தமங் உபஸங்கமித்வா
புச்சி²ஸ்ஸாம. ஏவங் சே நோ புட்டோ² ஏவங் ப்³யாகரிஸ்ஸதி, ஏவமஸ்ஸ மயங் வாத³ங்
ஆரோபெஸ்ஸாம. ஏவங் சேபி நோ புட்டோ² ஏவங் ப்³யாகரிஸ்ஸதி, ஏவம்பிஸ்ஸ மயங்
வாத³ங் ஆரோபெஸ்ஸாமா’தி. தே ஸுணந்தி – ‘ஸமணோ க²லு, போ⁴, கோ³தமோ அமுகங் நாம
கா³மங் வா நிக³மங் வா ஓஸடோ’தி. தே யேன ஸமணோ கோ³தமோ தேனுபஸங்கமந்தி. தே ஸமணோ
கோ³தமோ த⁴ம்மியா கதா²ய ஸந்த³ஸ்ஸேதி ஸமாத³பேதி ஸமுத்தேஜேதி ஸம்பஹங்ஸேதி. தே
ஸமணேன கோ³தமேன த⁴ம்மியா கதா²ய ஸந்த³ஸ்ஸிதா ஸமாத³பிதா ஸமுத்தேஜிதா
ஸம்பஹங்ஸிதா ந சேவ ஸமணங் கோ³தமங் பஞ்ஹங் புச்ச²ந்தி, குதொஸ்ஸ [குதஸ்ஸ (ஸீ॰ ஸ்யா॰ பீ॰)] வாத³ங் ஆரோபெஸ்ஸந்தி? அஞ்ஞத³த்து² ஸமணஸ்ஸேவ கோ³தமஸ்ஸ ஸாவகா ஸம்பஜ்ஜந்தி. யதா³ஹங், போ⁴, ஸமணே கோ³தமே இமங் பட²மங்
பத³ங் அத்³த³ஸங் அதா²ஹங் நிட்ட²மக³மங் – ‘ஸம்மாஸம்பு³த்³தோ⁴ ப⁴க³வா,
ஸ்வாக்கா²தோ ப⁴க³வதா த⁴ம்மோ, ஸுப்படிபன்னோ ப⁴க³வதோ ஸாவகஸங்கோ⁴’தி.

‘‘புன சபராஹங், போ⁴, பஸ்ஸாமி இதே⁴கச்சே
ப்³ராஹ்மணபண்டி³தே…பே॰… க³ஹபதிபண்டி³தே…பே॰… ஸமணபண்டி³தே நிபுணே
கதபரப்பவாதே³ வாலவேதி⁴ரூபே தே பி⁴ந்த³ந்தா மஞ்ஞே சரந்தி பஞ்ஞாக³தேன
தி³ட்டி²க³தானி. தே ஸுணந்தி – ‘ஸமணோ க²லு போ⁴ கோ³தமோ அமுகங் நாம
கா³மங் வா நிக³மங் வா ஓஸரிஸ்ஸதீ’தி. தே பஞ்ஹங் அபி⁴ஸங்க²ரொந்தி ‘இமங் மயங்
பஞ்ஹங் ஸமணங் கோ³தமங் உபஸங்கமித்வா புச்சி²ஸ்ஸாம. ஏவங் சே நோ புட்டோ² ஏவங்
ப்³யாகரிஸ்ஸதி, ஏவமஸ்ஸ மயங் வாத³ங் ஆரோபெஸ்ஸாம. ஏவங் சேபி நோ புட்டோ² ஏவங்
ப்³யாகரிஸ்ஸதி, ஏவங்பிஸ்ஸ மயங் வாத³ங் ஆரோபெஸ்ஸாமா’தி. தே ஸுணந்தி ‘ஸமணோ
க²லு போ⁴ கோ³தமோ அமுகங் நாம கா³மங் வா நிக³மங் வா ஓஸடோ’தி. தே யேன ஸமணோ
கோ³தமோ தேனுபஸங்கமந்தி. தே ஸமணோ கோ³தமோ த⁴ம்மியா கதா²ய ஸந்த³ஸ்ஸேதி
ஸமாத³பேதி ஸமுத்தேஜேதி ஸம்பஹங்ஸேதி. தே ஸமணேன கோ³தமேன த⁴ம்மியா கதா²ய
ஸந்த³ஸ்ஸிதா ஸமாத³பிதா ஸமுத்தேஜிதா ஸம்பஹங்ஸிதா ந சேவ ஸமணங் கோ³தமங் பஞ்ஹங்
புச்ச²ந்தி, குதொஸ்ஸ வாத³ங் ஆரோபெஸ்ஸந்தி? அஞ்ஞத³த்து² ஸமணங்யேவ கோ³தமங் ஓகாஸங் யாசந்தி அகா³ரஸ்மா அனகா³ரியங் பப்³ப³ஜ்ஜாய. தே ஸமணோ கோ³தமோ பப்³பா³ஜேதி [பப்³பா³ஜேதி உபஸம்பாதே³தி (ஸீ॰)]. தே தத்த² பப்³ப³ஜிதா ஸமானா வூபகட்டா² அப்பமத்தா ஆதாபினோ பஹிதத்தா விஹரந்தா
நசிரஸ்ஸேவ – யஸ்ஸத்தா²ய குலபுத்தா ஸம்மதே³வ அகா³ரஸ்மா அனகா³ரியங்
பப்³ப³ஜந்தி தத³னுத்தரங் – ப்³ரஹ்மசரியபரியோஸானங் தி³ட்டே²வ த⁴ம்மே ஸயங்
அபி⁴ஞ்ஞா ஸச்சி²கத்வா உபஸம்பஜ்ஜ விஹரந்தி. தே ஏவமாஹங்ஸு – ‘மனங் வத, போ⁴,
அனஸ்ஸாம, மனங் வத, போ⁴, பனஸ்ஸாம; மயஞ்ஹி புப்³பே³ அஸ்ஸமணாவ ஸமானா ஸமணம்ஹாதி
படிஜானிம்ஹ, அப்³ராஹ்மணாவ ஸமானா ப்³ராஹ்மணம்ஹாதி படிஜானிம்ஹ, அனரஹந்தோவ
ஸமானா அரஹந்தம்ஹாதி படிஜானிம்ஹ. இதா³னி கொ²ம்ஹ ஸமணா, இதா³னி கொ²ம்ஹ
ப்³ராஹ்மணா, இதா³னி கொ²ம்ஹ அரஹந்தோ’தி. யதா³ஹங், போ⁴, ஸமணே கோ³தமே இமங்
சதுத்த²ங் பத³ங் அத்³த³ஸங் அதா²ஹங் நிட்ட²மக³மங் – ‘ஸம்மாஸம்பு³த்³தோ⁴
ப⁴க³வா, ஸ்வாக்கா²தோ ப⁴க³வதா த⁴ம்மோ, ஸுப்படிபன்னோ ப⁴க³வதோ
ஸாவகஸங்கோ⁴’’’தி.

‘‘யதோ கோ² அஹங், போ⁴, ஸமணே
கோ³தமே இமானி சத்தாரி பதா³னி அத்³த³ஸங் அதா²ஹங் நிட்ட²மக³மங் –
‘ஸம்மாஸம்பு³த்³தோ⁴ ப⁴க³வா, ஸ்வாக்கா²தோ ப⁴க³வதா த⁴ம்மோ, ஸுப்படிபன்னோ
ப⁴க³வதோ ஸாவகஸங்கோ⁴’’’தி.

290.
ஏவங் வுத்தே, ஜாணுஸ்ஸோணி ப்³ராஹ்மணோ ஸப்³ப³ஸேதா வளவாபி⁴ரதா² ஓரோஹித்வா
ஏகங்ஸங் உத்தராஸங்க³ங் கரித்வா யேன ப⁴க³வா தேனஞ்ஜலிங் பணாமெத்வா
திக்க²த்துங் உதா³னங் உதா³னேஸி – ‘‘நமோ தஸ்ஸ ப⁴க³வதோ அரஹதோ
ஸம்மாஸம்பு³த்³த⁴ஸ்ஸ; நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ; நமோ
தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ. அப்பேவ நாம மயம்பி கதா³சி கரஹசி
தேன போ⁴தா கோ³தமேன ஸத்³தி⁴ங் ஸமாக³ச்செ²ய்யாம, அப்பேவ நாம ஸியா கோசிதே³வ
கதா²ஸல்லாபோ’’தி! அத² கோ² ஜாணுஸ்ஸோணி ப்³ராஹ்மணோ யேன ப⁴க³வா தேனுபஸங்கமி ;
உபஸங்கமித்வா ப⁴க³வதா ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங்
வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² ஜாணுஸ்ஸோணி
ப்³ராஹ்மணோ யாவதகோ அஹோஸி பிலோதிகேன பரிப்³பா³ஜகேன ஸத்³தி⁴ங் கதா²ஸல்லாபோ
தங் ஸப்³ப³ங் ப⁴க³வதோ ஆரோசேஸி. ஏவங் வுத்தே, ப⁴க³வா ஜாணுஸ்ஸோணிங்
ப்³ராஹ்மணங் ஏதத³வோச – ‘‘ந கோ², ப்³ராஹ்மண, எத்தாவதா ஹத்தி²பதோ³பமோ
வித்தா²ரேன பரிபூரோ ஹோதி. அபி ச, ப்³ராஹ்மண, யதா² ஹத்தி²பதோ³பமோ வித்தா²ரேன
பரிபூரோ ஹோதி தங் ஸுணாஹி, ஸாது⁴கங் மனஸி கரோஹி, பா⁴ஸிஸ்ஸாமீ’’தி. ‘‘ஏவங்,
போ⁴’’தி கோ² ஜாணுஸ்ஸோணி ப்³ராஹ்மணோ ப⁴க³வதோ பச்சஸ்ஸோஸி. ப⁴க³வா ஏதத³வோச –

291. ‘‘ஸெய்யதா²பி, ப்³ராஹ்மண, நாக³வனிகோ நாக³வனங் பவிஸெய்ய. ஸோ பஸ்ஸெய்ய நாக³வனே மஹந்தங்
ஹத்தி²பத³ங், தீ³க⁴தோ ச ஆயதங், திரியஞ்ச வித்த²தங். யோ ஹோதி குஸலோ
நாக³வனிகோ நேவ தாவ நிட்ட²ங் க³ச்ச²தி – ‘மஹா வத, போ⁴, நாகோ³’தி. தங் கிஸ்ஸ
ஹேது? ஸந்தி ஹி, ப்³ராஹ்மண, நாக³வனே வாமனிகா நாம ஹத்தி²னியோ மஹாபதா³, தாஸங்
பேதங் பத³ங் அஸ்ஸாதி.

‘‘ஸோ தமனுக³ச்ச²தி. தமனுக³ச்ச²ந்தோ பஸ்ஸதி நாக³வனே
மஹந்தங் ஹத்தி²பத³ங், தீ³க⁴தோ ச ஆயதங், திரியஞ்ச வித்த²தங், உச்சா ச
நிஸேவிதங். யோ ஹோதி குஸலோ நாக³வனிகோ நேவ தாவ நிட்ட²ங் க³ச்ச²தி – ‘மஹா வத,
போ⁴, நாகோ³’தி. தங் கிஸ்ஸ ஹேது? ஸந்தி ஹி, ப்³ராஹ்மண, நாக³வனே உச்சா
காளாரிகா நாம ஹத்தி²னியோ மஹாபதா³, தாஸங் பேதங் பத³ங் அஸ்ஸாதி.

‘‘ஸோ தமனுக³ச்ச²தி. தமனுக³ச்ச²ந்தோ பஸ்ஸதி நாக³வனே
மஹந்தங் ஹத்தி²பத³ங், தீ³க⁴தோ ச ஆயதங், திரியஞ்ச வித்த²தங், உச்சா ச
நிஸேவிதங், உச்சா ச த³ந்தேஹி ஆரஞ்ஜிதானி. யோ ஹோதி குஸலோ நாக³வனிகோ நேவ தாவ
நிட்ட²ங் க³ச்ச²தி – ‘மஹா வத, போ⁴, நாகோ³’தி. தங் கிஸ்ஸ ஹேது? ஸந்தி ஹி,
ப்³ராஹ்மண, நாக³வனே உச்சா கணேருகா நாம ஹத்தி²னியோ மஹாபதா³, தாஸங் பேதங்
பத³ங் அஸ்ஸாதி.

‘‘ஸோ தமனுக³ச்ச²தி. தமனுக³ச்ச²ந்தோ பஸ்ஸதி நாக³வனே
மஹந்தங் ஹத்தி²பத³ங், தீ³க⁴தோ ச ஆயதங், திரியஞ்ச வித்த²தங், உச்சா ச
நிஸேவிதங், உச்சா ச த³ந்தேஹி ஆரஞ்ஜிதானி, உச்சா ச ஸாகா²ப⁴ங்க³ங். தஞ்ச
நாக³ங் பஸ்ஸதி ருக்க²மூலக³தங் வா அப்³போ⁴காஸக³தங் வா க³ச்ச²ந்தங் வா
திட்ட²ந்தங் வா நிஸின்னங் வா நிபன்னங் வா. ஸோ நிட்ட²ங் க³ச்ச²தி – ‘அயமேவ
ஸோ மஹானாகோ³’தி.

‘‘ஏவமேவ கோ² , ப்³ராஹ்மண, இத⁴
ததா²க³தோ லோகே உப்பஜ்ஜதி அரஹங் ஸம்மாஸம்பு³த்³தோ⁴ விஜ்ஜாசரணஸம்பன்னோ ஸுக³தோ
லோகவிதூ³ அனுத்தரோ புரிஸத³ம்மஸாரதி² ஸத்தா² தே³வமனுஸ்ஸானங் பு³த்³தோ⁴
ப⁴க³வா. ஸோ இமங் லோகங் ஸதே³வகங் ஸமாரகங் ஸப்³ரஹ்மகங் ஸஸ்ஸமணப்³ராஹ்மணிங்
பஜங் ஸதே³வமனுஸ்ஸங் ஸயங் அபி⁴ஞ்ஞா ஸச்சி²கத்வா பவேதே³தி. ஸோ த⁴ம்மங்
தே³ஸேதி ஆதி³கல்யாணங் மஜ்ஜே²கல்யாணங் பரியோஸானகல்யாணங் ஸாத்த²ங்
ஸப்³யஞ்ஜனங்; கேவலபரிபுண்ணங் பரிஸுத்³த⁴ங் ப்³ரஹ்மசரியங் பகாஸேதி. தங்
த⁴ம்மங் ஸுணாதி க³ஹபதி வா க³ஹபதிபுத்தோ வா அஞ்ஞதரஸ்மிங் வா குலே பச்சாஜாதோ.
ஸோ தங் த⁴ம்மங் ஸுத்வா ததா²க³தே ஸத்³த⁴ங் படிலப⁴தி. ஸோ தேன
ஸத்³தா⁴படிலாபே⁴ன ஸமன்னாக³தோ இதி படிஸஞ்சிக்க²தி – ‘ஸம்பா³தோ⁴ க⁴ராவாஸோ
ரஜோபதோ² , அப்³போ⁴காஸோ பப்³ப³ஜ்ஜா. நயித³ங் ஸுகரங் அகா³ரங்
அஜ்ஜா²வஸதா ஏகந்தபரிபுண்ணங் ஏகந்தபரிஸுத்³த⁴ங் ஸங்க²லிகி²தங்
ப்³ரஹ்மசரியங் சரிதுங். யங்னூனாஹங் கேஸமஸ்ஸுங் ஓஹாரெத்வா காஸாயானி வத்தா²னி
அச்சா²தெ³த்வா அகா³ரஸ்மா அனகா³ரியங் பப்³ப³ஜெய்ய’ந்தி. ஸோ அபரேன ஸமயேன
அப்பங் வா போ⁴க³க்க²ந்த⁴ங் பஹாய மஹந்தங் வா போ⁴க³க்க²ந்த⁴ங் பஹாய அப்பங் வா
ஞாதிபரிவட்டங் பஹாய மஹந்தங் வா ஞாதிபரிவட்டங் பஹாய கேஸமஸ்ஸுங் ஓஹாரெத்வா
காஸாயானி வத்தா²னி அச்சா²தெ³த்வா அகா³ரஸ்மா அனகா³ரியங் பப்³ப³ஜதி.

292. ‘‘ஸோ ஏவங் பப்³ப³ஜிதோ ஸமானோ பி⁴க்கூ²னங் ஸிக்கா²ஸாஜீவஸமாபன்னோ பாணாதிபாதங் பஹாய பாணாதிபாதா படிவிரதோ ஹோதி, நிஹிதத³ண்டோ³ நிஹிதஸத்தோ² லஜ்ஜீ த³யாபன்னோ ஸப்³ப³பாணபூ⁴தஹிதானுகம்பீ விஹரதி.

‘‘அதி³ன்னாதா³னங் பஹாய அதி³ன்னாதா³னா படிவிரதோ ஹோதி தி³ன்னாதா³யீ தி³ன்னபாடிகங்கீ². அதே²னேன ஸுசிபூ⁴தேன அத்தனா விஹரதி.

‘‘அப்³ரஹ்மசரியங் பஹாய ப்³ரஹ்மசாரீ ஹோதி ஆராசாரீ விரதோ மேது²னா கா³மத⁴ம்மா.

‘‘முஸாவாத³ங் பஹாய முஸாவாதா³ படிவிரதோ ஹோதி ஸச்சவாதீ³ ஸச்சஸந்தோ⁴ தே²தோ [டே²தோ (ஸ்யா॰ கங்॰)] பச்சயிகோ அவிஸங்வாத³கோ லோகஸ்ஸ.

‘‘பிஸுணங் வாசங் பஹாய பிஸுணாய வாசாய படிவிரதோ ஹோதி,
இதோ ஸுத்வா ந அமுத்ர அக்கா²தா இமேஸங் பே⁴தா³ய, அமுத்ர வா ஸுத்வா ந இமேஸங்
அக்கா²தா அமூஸங் பே⁴தா³ய. இதி பி⁴ன்னானங் வா ஸந்தா⁴தா ஸஹிதானங் வா
அனுப்பதா³தா, ஸமக்³கா³ராமோ ஸமக்³க³ரதோ ஸமக்³க³னந்தீ³ ஸமக்³க³கரணிங் வாசங்
பா⁴ஸிதா ஹோதி .

‘‘ப²ருஸங் வாசங் பஹாய ப²ருஸாய வாசாய படிவிரதோ ஹோதி. யா ஸா வாசா நேலா கண்ணஸுகா² பேமனீயா ஹத³யங்க³மா போரீ ப³ஹுஜனகந்தா ப³ஹுஜனமனாபா ததா²ரூபிங் வாசங் பா⁴ஸிதா ஹோதி.

‘‘ஸம்ப²ப்பலாபங் பஹாய ஸம்ப²ப்பலாபா படிவிரதோ ஹோதி
காலவாதீ³ பூ⁴தவாதீ³ அத்த²வாதீ³ த⁴ம்மவாதீ³ வினயவாதீ³, நிதா⁴னவதிங் வாசங்
பா⁴ஸிதா காலேன ஸாபதே³ஸங் பரியந்தவதிங் அத்த²ஸங்ஹிதங்.

293. ‘‘ஸோ
பீ³ஜகா³மபூ⁴தகா³மஸமாரம்பா⁴ படிவிரதோ ஹோதி, ஏகப⁴த்திகோ ஹோதி ரத்தூபரதோ,
விரதோ விகாலபோ⁴ஜனா, நச்சகீ³தவாதி³தவிஸூகத³ஸ்ஸனா படிவிரதோ ஹோதி,
மாலாக³ந்த⁴விலேபனதா⁴ரணமண்ட³னவிபூ⁴ஸனட்டா²னா படிவிரதோ ஹோதி, உச்சாஸயனமஹாஸயனா
படிவிரதோ ஹோதி, ஜாதரூபரஜதபடிக்³க³ஹணா படிவிரதோ ஹோதி, ஆமகத⁴ஞ்ஞபடிக்³க³ஹணா
படிவிரதோ ஹோதி, ஆமகமங்ஸபடிக்³க³ஹணா படிவிரதோ ஹோதி,
இத்தி²குமாரிகபடிக்³க³ஹணா படிவிரதோ ஹோதி, தா³ஸிதா³ஸபடிக்³க³ஹணா
படிவிரதோ ஹோதி, அஜேளகபடிக்³க³ஹணா படிவிரதோ ஹோதி, குக்குடஸூகரபடிக்³க³ஹணா
படிவிரதோ ஹோதி, ஹத்தி²க³வாஸ்ஸவளவாபடிக்³க³ஹணா படிவிரதோ ஹோதி,
கெ²த்தவத்து²படிக்³க³ஹணா படிவிரதோ ஹோதி, தூ³தெய்யபஹிணக³மனானுயோகா³ படிவிரதோ
ஹோதி, கயவிக்கயா படிவிரதோ ஹோதி, துலாகூடகங்ஸகூடமானகூடா படிவிரதோ ஹோதி,
உக்கோடனவஞ்சனநிகதிஸாசியோகா³ படிவிரதோ ஹோதி,
சே²த³னவத⁴ப³ந்த⁴னவிபராமோஸஆலோபஸஹஸாகாரா [ஸாஹஸாகாரா (க॰)] படிவிரதோ ஹோதி [இமஸ்ஸ
அனந்தரங் ‘‘ஸோ இமினா அரியேன ஸீலக்க²ந்தே⁴ன ஸமன்னாக³தோ அஜ்ஜ²த்தங்
அனவஜ்ஜஸுக²ங் படிஸங்வேதே³தீ’’தி வசனங் தீ³க⁴னிகாயே ஆக³தங், தங் இத⁴
ஸந்தோஸகதா²வஸானே ஆக³தங், ஸா ச ஸந்தோஸகதா² தத்த² ஸதிஸம்பஜஞ்ஞானந்தரமேவ
ஆக³தா]
.

294. ‘‘ஸோ ஸந்துட்டோ² ஹோதி காயபரிஹாரிகேன சீவரேன குச்சி²பரிஹாரிகேன பிண்ட³பாதேன. ஸோ யேன யேனேவ
பக்கமதி ஸமாதா³யேவ பக்கமதி. ஸெய்யதா²பி நாம பக்கீ² ஸகுணோ யேன யேனேவ டே³தி
ஸபத்தபா⁴ரோவ டே³தி, ஏவமேவ பி⁴க்கு² ஸந்துட்டோ² ஹோதி காயபரிஹாரிகேன சீவரேன
குச்சி²பரிஹாரிகேன பிண்ட³பாதேன. ஸோ யேன யேனேவ பக்கமதி ஸமாதா³யேவ பக்கமதி.
ஸோ இமினா அரியேன ஸீலக்க²ந்தே⁴ன ஸமன்னாக³தோ அஜ்ஜ²த்தங் அனவஜ்ஜஸுக²ங்
படிஸங்வேதே³தி.

295.
‘‘ஸோ சக்கு²னா ரூபங் தி³ஸ்வா ந நிமித்தக்³கா³ஹீ ஹோதி
நானுப்³யஞ்ஜனக்³கா³ஹீ. யத்வாதி⁴கரணமேனங் சக்கு²ந்த்³ரியங் அஸங்வுதங்
விஹரந்தங் அபி⁴ஜ்ஜா²தோ³மனஸ்ஸா பாபகா அகுஸலா த⁴ம்மா அன்வாஸ்ஸவெய்யுங் தஸ்ஸ
ஸங்வராய படிபஜ்ஜதி, ரக்க²தி சக்கு²ந்த்³ரியங், சக்கு²ந்த்³ரியே ஸங்வரங்
ஆபஜ்ஜதி. ஸோதேன ஸத்³த³ங் ஸுத்வா…பே॰… கா⁴னேன க³ந்த⁴ங் கா⁴யித்வா… ஜிவ்ஹாய
ரஸங் ஸாயித்வா… காயேன பொ²ட்ட²ப்³ப³ங் பு²ஸித்வா… மனஸா த⁴ம்மங் விஞ்ஞாய ந
நிமித்தக்³கா³ஹீ ஹோதி நானுப்³யஞ்ஜனக்³கா³ஹீ. யத்வாதி⁴கரணமேனங்
மனிந்த்³ரியங் அஸங்வுதங் விஹரந்தங் அபி⁴ஜ்ஜா²தோ³மனஸ்ஸா பாபகா அகுஸலா த⁴ம்மா
அன்வாஸ்ஸவெய்யுங் தஸ்ஸ ஸங்வராய படிபஜ்ஜதி, ரக்க²தி
மனிந்த்³ரியங், மனிந்த்³ரியே ஸங்வரங் ஆபஜ்ஜதி. ஸோ இமினா அரியேன
இந்த்³ரியஸங்வரேன ஸமன்னாக³தோ அஜ்ஜ²த்தங் அப்³யாஸேகஸுக²ங் படிஸங்வேதே³தி.

‘‘ஸோ அபி⁴க்கந்தே படிக்கந்தே ஸம்பஜானகாரீ ஹோதி, ஆலோகிதே விலோகிதே ஸம்பஜானகாரீ ஹோதி , ஸமிஞ்ஜிதே பஸாரிதே ஸம்பஜானகாரீ ஹோதி, ஸங்கா⁴டிபத்தசீவரதா⁴ரணே ஸம்பஜானகாரீ ஹோதி, அஸிதே பீதே கா²யிதே ஸாயிதே ஸம்பஜானகாரீ ஹோதி, உச்சாரபஸ்ஸாவகம்மே ஸம்பஜானகாரீ ஹோதி, க³தே டி²தே நிஸின்னே ஸுத்தே ஜாக³ரிதே பா⁴ஸிதே துண்ஹீபா⁴வே ஸம்பஜானகாரீ ஹோதி.

296. ‘‘ஸோ இமினா ச அரியேன ஸீலக்க²ந்தே⁴ன ஸமன்னாக³தோ, (இமாய ச அரியாய ஸந்துட்டி²யா ஸமன்னாக³தோ) [(
) எத்த²ந்தரே பாடோ² இத⁴ நதி³ஸ்ஸதி, சதுக்கங்கு³த்தரே பன இமஸ்மிங் டா²னே
தி³ஸ்ஸதி, அட்ட²கதா²டீகாஸு ச தத³த்தோ² பகாஸிதோ. தஸ்மா ஸோ எத்த² படீபூரிதோ]

இமினா ச அரியேன இந்த்³ரியஸங்வரேன ஸமன்னாக³தோ, இமினா ச அரியேன
ஸதிஸம்பஜஞ்ஞேன ஸமன்னாக³தோ விவித்தங் ஸேனாஸனங் ப⁴ஜதி அரஞ்ஞங் ருக்க²மூலங்
பப்³ப³தங் கந்த³ரங் கி³ரிகு³ஹங் ஸுஸானங் வனபத்த²ங் அப்³போ⁴காஸங்
பலாலபுஞ்ஜங். ஸோ பச்சா²ப⁴த்தங் பிண்ட³பாதபடிக்கந்தோ நிஸீத³தி பல்லங்கங்
ஆபு⁴ஜித்வா, உஜுங் காயங் பணிதா⁴ய, பரிமுக²ங் ஸதிங் உபட்ட²பெத்வா. ஸோ
அபி⁴ஜ்ஜ²ங் லோகே பஹாய விக³தாபி⁴ஜ்ஜே²ன சேதஸா விஹரதி, அபி⁴ஜ்ஜா²ய சித்தங்
பரிஸோதே⁴தி. ப்³யாபாத³ப்பதோ³ஸங் பஹாய அப்³யாபன்னசித்தோ விஹரதி,
ஸப்³ப³பாணபூ⁴தஹிதானுகம்பீ ப்³யாபாத³ப்பதோ³ஸா சித்தங் பரிஸோதே⁴தி.
தி²னமித்³த⁴ங் பஹாய விக³ததி²னமித்³தோ⁴ விஹரதி ஆலோகஸஞ்ஞீ ஸதோ ஸம்பஜானோ,
தி²னமித்³தா⁴ சித்தங் பரிஸோதே⁴தி. உத்³த⁴ச்சகுக்குச்சங் பஹாய அனுத்³த⁴தோ
விஹரதி, அஜ்ஜ²த்தங் வூபஸந்தசித்தோ உத்³த⁴ச்சகுக்குச்சா சித்தங் பரிஸோதே⁴தி.
விசிகிச்ச²ங் பஹாய திண்ணவிசிகிச்சோ² விஹரதி அகத²ங்கதீ² குஸலேஸு த⁴ம்மேஸு,
விசிகிச்சா²ய சித்தங் பரிஸோதே⁴தி.

297.
‘‘ஸோ இமே பஞ்ச நீவரணே பஹாய சேதஸோ உபக்கிலேஸே பஞ்ஞாய து³ப்³ப³லீகரணே,
விவிச்சேவ காமேஹி விவிச்ச அகுஸலேஹி த⁴ம்மேஹி ஸவிதக்கங் ஸவிசாரங் விவேகஜங்
பீதிஸுக²ங் பட²மங் ஜா²னங் உபஸம்பஜ்ஜ விஹரதி. இத³ம்பி வுச்சதி, ப்³ராஹ்மண,
ததா²க³தபத³ங் இதிபி, ததா²க³தனிஸேவிதங் இதிபி, ததா²க³தாரஞ்ஜிதங் இதிபி. ந
த்வேவ தாவ அரியஸாவகோ நிட்ட²ங் க³ச்ச²தி – ‘ஸம்மாஸம்பு³த்³தோ⁴ ப⁴க³வா, ஸ்வாக்கா²தோ ப⁴க³வதா த⁴ம்மோ, ஸுப்படிபன்னோ ப⁴க³வதோ ஸாவகஸங்கோ⁴’தி.

‘‘புன சபரங், ப்³ராஹ்மண, பி⁴க்கு² விதக்கவிசாரானங்
வூபஸமா அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங் அவிதக்கங் அவிசாரங்
ஸமாதி⁴ஜங் பீதிஸுக²ங் து³தியங் ஜா²னங் உபஸம்பஜ்ஜ விஹரதி. இத³ம்பி வுச்சதி,
ப்³ராஹ்மண…பே॰… ஸுப்படிபன்னோ ப⁴க³வதோ ஸாவகஸங்கோ⁴’தி.

‘‘புன சபரங், ப்³ராஹ்மண,
பி⁴க்கு² பீதியா ச விராகா³ உபெக்க²கோ ச விஹரதி ஸதோ ச ஸம்பஜானோ, ஸுக²ஞ்ச
காயேன படிஸங்வேதே³தி, யங் தங் அரியா ஆசிக்க²ந்தி ‘உபெக்க²கோ ஸதிமா
ஸுக²விஹாரீ’தி ததியங் ஜா²னங் உபஸம்பஜ்ஜ விஹரதி. இத³ம்பி வுச்சதி, ப்³ராஹ்மண…பே॰… ஸுப்படிபன்னோ ப⁴க³வதோ ஸாவகஸங்கோ⁴’தி.

‘‘புன சபரங், ப்³ராஹ்மண, பி⁴க்கு² ஸுக²ஸ்ஸ ச பஹானா
து³க்க²ஸ்ஸ ச பஹானா, புப்³பே³வ ஸோமனஸ்ஸதோ³மனஸ்ஸானங் அத்த²ங்க³மா,
அது³க்க²மஸுக²ங் உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ
விஹரதி. இத³ம்பி வுச்சதி, ப்³ராஹ்மண, ததா²க³தபத³ங் இதிபி, ததா²க³தனிஸேவிதங்
இதிபி, ததா²க³தாரஞ்ஜிதங் இதிபி. ந த்வேவ தாவ அரியஸாவகோ நிட்ட²ங் க³ச்ச²தி –
‘ஸம்மாஸம்பு³த்³தோ⁴ ப⁴க³வா, ஸ்வாக்கா²தோ ப⁴க³வதா த⁴ம்மோ, ஸுப்படிபன்னோ
ப⁴க³வதோ ஸாவகஸங்கோ⁴’தி.

298.
‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே
விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே
புப்³பே³னிவாஸானுஸ்ஸதிஞாணாய சித்தங் அபி⁴னின்னாமேதி. ஸோ அனேகவிஹிதங்
புப்³பே³னிவாஸங் அனுஸ்ஸரதி, ஸெய்யதி²த³ங் – ஏகம்பி ஜாதிங், த்³வேபி
ஜாதியோ…பே॰… இதி ஸாகாரங் ஸஉத்³தே³ஸங் அனேகவிஹிதங் புப்³பே³னிவாஸங்
அனுஸ்ஸரதி. இத³ம்பி வுச்சதி, ப்³ராஹ்மண, ததா²க³தபத³ங் இதிபி,
ததா²க³தனிஸேவிதங் இதிபி, ததா²க³தாரஞ்ஜிதங் இதிபி. ந த்வேவ தாவ அரியஸாவகோ
நிட்ட²ங் க³ச்ச²தி – ‘ஸம்மாஸம்பு³த்³தோ⁴ ப⁴க³வா, ஸ்வாக்கா²தோ ப⁴க³வதா
த⁴ம்மோ, ஸுப்படிபன்னோ ப⁴க³வதோ ஸாவகஸங்கோ⁴’தி.

‘‘ஸோ ஏவங் ஸமாஹிதே சித்தே
பரிஸுத்³தே⁴ பரியோதா³தே அனங்க³ணே விக³தூபக்கிலேஸே முது³பூ⁴தே கம்மனியே
டி²தே ஆனேஞ்ஜப்பத்தே ஸத்தானங் சுதூபபாதஞாணாய சித்தங் அபி⁴னின்னாமேதி. ஸோ
தி³ப்³பே³ன சக்கு²னா விஸுத்³தே⁴ன
அதிக்கந்தமானுஸகேன…பே॰… யதா²கம்மூபகே³ ஸத்தே பஜானாதி. இத³ம்பி வுச்சதி,
ப்³ராஹ்மண, ததா²க³தபத³ங் இதிபி, ததா²க³தனிஸேவிதங் இதிபி, ததா²க³தாரஞ்ஜிதங்
இதிபி. ந த்வேவ தாவ அரியஸாவகோ நிட்ட²ங் க³ச்ச²தி – ‘ஸம்மாஸம்பு³த்³தோ⁴
ப⁴க³வா, ஸ்வாக்கா²தோ ப⁴க³வதா த⁴ம்மோ, ஸுப்படிபன்னோ ப⁴க³வதோ ஸாவகஸங்கோ⁴’தி.

299.
‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே
விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே ஆஸவானங் க²யஞாணாய
சித்தங் அபி⁴னின்னாமேதி. ஸோ ‘இத³ங் து³க்க²’ந்தி
யதா²பூ⁴தங் பஜானாதி, ‘அயங் து³க்க²ஸமுத³யோ’தி யதா²பூ⁴தங் பஜானாதி, ‘அயங்
து³க்க²னிரோதோ⁴’தி யதா²பூ⁴தங் பஜானாதி, ‘அயங் து³க்க²னிரோத⁴கா³மினீ
படிபதா³’தி யதா²பூ⁴தங் பஜானாதி. ‘இமே ஆஸவா’தி
யதா²பூ⁴தங் பஜானாதி, ‘அயங் ஆஸவஸமுத³யோ’தி யதா²பூ⁴தங் பஜானாதி, ‘அயங்
ஆஸவனிரோதோ⁴’தி யதா²பூ⁴தங் பஜானாதி, ‘அயங் ஆஸவனிரோத⁴கா³மினீ படிபதா³’தி
யதா²பூ⁴தங் பஜானாதி. இத³ம்பி வுச்சதி, ப்³ராஹ்மண, ததா²க³தபத³ங் இதிபி,
ததா²க³தனிஸேவிதங் இதிபி, ததா²க³தாரஞ்ஜிதங் இதிபி. ந த்வேவ தாவ அரியஸாவகோ
நிட்ட²ங் க³தோ ஹோதி, அபி ச கோ² நிட்ட²ங் க³ச்ச²தி – ‘ஸம்மாஸம்பு³த்³தோ⁴
ப⁴க³வா, ஸ்வாக்கா²தோ ப⁴க³வதா த⁴ம்மோ, ஸுப்படிபன்னோ ப⁴க³வதோ ஸாவகஸங்கோ⁴’தி.

‘‘தஸ்ஸ ஏவங் ஜானதோ ஏவங் பஸ்ஸதோ காமாஸவாபி சித்தங் விமுச்சதி ,
ப⁴வாஸவாபி சித்தங் விமுச்சதி, அவிஜ்ஜாஸவாபி சித்தங் விமுச்சதி.
விமுத்தஸ்மிங் விமுத்தமிதி ஞாணங் ஹோதி. ‘கீ²ணா ஜாதி, வுஸிதங்
ப்³ரஹ்மசரியங், கதங் கரணீயங், நாபரங் இத்த²த்தாயா’தி
பஜானாதி. இத³ம்பி வுச்சதி, ப்³ராஹ்மண, ததா²க³தபத³ங் இதிபி,
ததா²க³தனிஸேவிதங் இதிபி, ததா²க³தாரஞ்ஜிதங் இதிபி. எத்தாவதா கோ², ப்³ராஹ்மண,
அரியஸாவகோ நிட்ட²ங் க³தோ ஹோதி – ‘ஸம்மாஸம்பு³த்³தோ⁴ ப⁴க³வா, ஸ்வாக்கா²தோ
ப⁴க³வதா த⁴ம்மோ, ஸுப்படிபன்னோ ப⁴க³வதோ ஸாவகஸங்கோ⁴’தி. எத்தாவதா கோ²,
ப்³ராஹ்மண, ஹத்தி²பதோ³பமோ வித்தா²ரேன பரிபூரோ ஹோதீ’’தி.

ஏவங் வுத்தே, ஜாணுஸ்ஸோணி ப்³ராஹ்மணோ ப⁴க³வந்தங்
ஏதத³வோச – ‘‘அபி⁴க்கந்தங், போ⁴ கோ³தம, அபி⁴க்கந்தங், போ⁴ கோ³தம!
ஸெய்யதா²பி, போ⁴ கோ³தம, நிக்குஜ்ஜிதங் வா உக்குஜ்ஜெய்ய, படிச்ச²ன்னங் வா
விவரெய்ய, மூள்ஹஸ்ஸ வா மக்³க³ங் ஆசிக்கெ²ய்ய, அந்த⁴காரே வா தேலபஜ்ஜோதங்
தா⁴ரெய்ய – சக்கு²மந்தோ ரூபானி த³க்க²ந்தீதி; ஏவமேவங் போ⁴தா கோ³தமேன
அனேகபரியாயேன த⁴ம்மோ பகாஸிதோ. ஏஸாஹங் ப⁴வந்தங் கோ³தமங் ஸரணங் க³ச்சா²மி,
த⁴ம்மஞ்ச, பி⁴க்கு²ஸங்க⁴ஞ்ச. உபாஸகங் மங் ப⁴வங் கோ³தமோ தா⁴ரேது அஜ்ஜதக்³கே³
பாணுபேதங் ஸரணங் க³த’’ந்தி.

சூளஹத்தி²பதோ³பமஸுத்தங் நிட்டி²தங் ஸத்தமங்.

8. மஹாஹத்தி²பதோ³பமஸுத்தங்

300. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ஆயஸ்மா ஸாரிபுத்தோ பி⁴க்கூ² ஆமந்தேஸி – ‘‘ஆவுஸோ
பி⁴க்க²வே’’தி. ‘‘ஆவுஸோ’’தி கோ² தே பி⁴க்கூ² ஆயஸ்மதோ ஸாரிபுத்தஸ்ஸ
பச்சஸ்ஸோஸுங். ஆயஸ்மா ஸாரிபுத்தோ ஏதத³வோச – ‘‘ஸெய்யதா²பி, ஆவுஸோ, யானி
கானிசி ஜங்க³லானங் பாணானங் பத³ஜாதானி ஸப்³பா³னி தானி ஹத்தி²பதே³ ஸமோதா⁴னங்
க³ச்ச²ந்தி, ஹத்தி²பத³ங் தேஸங் அக்³க³மக்கா²யதி யதி³த³ங் மஹந்தத்தேன; ஏவமேவ
கோ², ஆவுஸோ, யே கேசி குஸலா த⁴ம்மா ஸப்³பே³தே சதூஸு அரியஸச்சேஸு ஸங்க³ஹங்
க³ச்ச²ந்தி. கதமேஸு சதூஸு? து³க்கே² அரியஸச்சே , து³க்க²ஸமுத³யே அரியஸச்சே, து³க்க²னிரோதே⁴ அரியஸச்சே, து³க்க²னிரோத⁴கா³மினியா படிபதா³ய அரியஸச்சே’’.

301.
‘‘கதமஞ்சாவுஸோ, து³க்க²ங் அரியஸச்சங்? ஜாதிபி து³க்கா², ஜராபி து³க்கா²,
மரணம்பி து³க்க²ங், ஸோகபரிதே³வது³க்க²தோ³மனஸ்ஸுபாயாஸாபி து³க்கா²,
யம்பிச்ச²ங் ந லப⁴தி தம்பி து³க்க²ங்; ஸங்கி²த்தேன, பஞ்சுபாதா³னக்க²ந்தா⁴
து³க்கா². கதமே சாவுஸோ, பஞ்சுபாதா³னக்க²ந்தா⁴? ஸெய்யதி²த³ங் –
ரூபுபாதா³னக்க²ந்தோ⁴, வேத³னுபாதா³னக்க²ந்தோ⁴, ஸஞ்ஞுபாதா³னக்க²ந்தோ⁴,
ஸங்கா²ருபாதா³னக்க²ந்தோ⁴, விஞ்ஞாணுபாதா³னக்க²ந்தோ⁴.

‘‘கதமோ சாவுஸோ, ரூபுபாதா³னக்க²ந்தோ⁴? சத்தாரி ச மஹாபூ⁴தானி, சதுன்னஞ்ச மஹாபூ⁴தானங் உபாதா³ய ரூபங்.

‘‘கதமா சாவுஸோ, சத்தாரோ மஹாபூ⁴தா? பத²வீதா⁴து, ஆபோதா⁴து , தேஜோதா⁴து, வாயோதா⁴து.

302.
‘‘கதமா சாவுஸோ, பத²வீதா⁴து? பத²வீதா⁴து ஸியா அஜ்ஜ²த்திகா, ஸியா பா³ஹிரா.
கதமா சாவுஸோ, அஜ்ஜ²த்திகா பத²வீதா⁴து? யங் அஜ்ஜ²த்தங் பச்சத்தங் கக்க²ளங்
க²ரிக³தங் உபாதி³ன்னங், ஸெய்யதி²த³ங் – கேஸா லோமா நகா² த³ந்தா தசோ மங்ஸங்
ந்ஹாரு அட்டி² அட்டி²மிஞ்ஜங் வக்கங் ஹத³யங் யகனங் கிலோமகங் பிஹகங்
பப்பா²ஸங் அந்தங் அந்தகு³ணங் உத³ரியங் கரீஸங், யங் வா பனஞ்ஞம்பி கிஞ்சி
அஜ்ஜ²த்தங் பச்சத்தங் கக்க²ளங் க²ரிக³தங்
உபாதி³ன்னங். அயங் வுச்சதாவுஸோ, அஜ்ஜ²த்திகா பத²வீதா⁴து. யா சேவ கோ² பன
அஜ்ஜ²த்திகா பத²வீதா⁴து, யா ச பா³ஹிரா பத²வீதா⁴து, பத²வீதா⁴துரேவேஸா. ‘தங்
நேதங் மம, நேஸோஹமஸ்மி, ந மேஸோ அத்தா’தி – ஏவமேதங் யதா²பூ⁴தங் ஸம்மப்பஞ்ஞாய
த³ட்ட²ப்³ப³ங். ஏவமேதங் யதா²பூ⁴தங் ஸம்மப்பஞ்ஞாய தி³ஸ்வா பத²வீதா⁴துயா
நிப்³பி³ந்த³தி, பத²வீதா⁴துயா சித்தங் விராஜேதி.

‘‘ஹோதி கோ² ஸோ, ஆவுஸோ, ஸமயோ யங் பா³ஹிரா ஆபோதா⁴து பகுப்பதி [பத²வீதா⁴து பகுப்பதி (க॰)].
அந்தரஹிதா தஸ்மிங் ஸமயே பா³ஹிரா பத²வீதா⁴து ஹோதி. தஸ்ஸா ஹி நாம, ஆவுஸோ,
பா³ஹிராய பத²வீதா⁴துயா தாவ மஹல்லிகாய அனிச்சதா பஞ்ஞாயிஸ்ஸதி, க²யத⁴ம்மதா
பஞ்ஞாயிஸ்ஸதி, வயத⁴ம்மதா பஞ்ஞாயிஸ்ஸதி, விபரிணாமத⁴ம்மதா பஞ்ஞாயிஸ்ஸதி. கிங்
பனிமஸ்ஸ மத்தட்ட²கஸ்ஸ காயஸ்ஸ தண்ஹுபாதி³ன்னஸ்ஸ ‘அஹந்தி வா மமந்தி வா
அஸ்மீ’தி வா? அத² க்²வாஸ்ஸ நோதேவெத்த² ஹோதி.

‘‘தஞ்சே, ஆவுஸோ, பி⁴க்கு²ங் பரே அக்கோஸந்தி
பரிபா⁴ஸந்தி ரோஸெந்தி விஹேஸெந்தி, ஸோ ஏவங் பஜானாதி – ‘உப்பன்னா கோ² மே அயங்
ஸோதஸம்ப²ஸ்ஸஜா து³க்க²வேத³னா . ஸா ச கோ² படிச்ச, நோ அபடிச்ச. கிங் படிச்ச? ப²ஸ்ஸங் படிச்ச’. ஸோ [ஸோபிகோ² (ஸ்யா॰), ஸோபி (க॰)]
ப²ஸ்ஸோ அனிச்சோதி பஸ்ஸதி, வேத³னா அனிச்சாதி பஸ்ஸதி, ஸஞ்ஞா அனிச்சாதி
பஸ்ஸதி, ஸங்கா²ரா அனிச்சாதி பஸ்ஸதி, விஞ்ஞாணங் அனிச்சந்தி பஸ்ஸதி. தஸ்ஸ
தா⁴தாரம்மணமேவ சித்தங் பக்க²ந்த³தி பஸீத³தி ஸந்திட்ட²தி அதி⁴முச்சதி.

‘‘தஞ்சே, ஆவுஸோ, பி⁴க்கு²ங் பரே அனிட்டே²ஹி அகந்தேஹி
அமனாபேஹி ஸமுதா³சரந்தி – பாணிஸம்ப²ஸ்ஸேனபி லெட்³டு³ஸம்ப²ஸ்ஸேனபி
த³ண்ட³ஸம்ப²ஸ்ஸேனபி ஸத்த²ஸம்ப²ஸ்ஸேனபி. ஸோ ஏவங் பஜானாதி – ‘ததா²பூ⁴தோ கோ²
அயங் காயோ யதா²பூ⁴தஸ்மிங் காயே பாணிஸம்ப²ஸ்ஸாபி கமந்தி,
லெட்³டு³ஸம்ப²ஸ்ஸாபி கமந்தி, த³ண்ட³ஸம்ப²ஸ்ஸாபி கமந்தி, ஸத்த²ஸம்ப²ஸ்ஸாபி
கமந்தி. வுத்தங் கோ² பனேதங் ப⁴க³வதா ககசூபமோவாதே³ – ‘‘உப⁴தோத³ண்ட³கேன சேபி,
பி⁴க்க²வே, ககசேன சோரா ஓசரகா அங்க³மங்கா³னி ஓகந்தெய்யுங், தத்ராபி யோ மனோ
பதூ³ஸெய்ய ந மே ஸோ தேன ஸாஸனகரோ’’தி. ஆரத்³த⁴ங் கோ² பன மே வீரியங் ப⁴விஸ்ஸதி
அஸல்லீனங், உபட்டி²தா ஸதி அஸம்முட்டா², பஸ்ஸத்³தோ⁴ காயோ அஸாரத்³தோ⁴,
ஸமாஹிதங் சித்தங் ஏகக்³க³ங். காமங் தா³னி இமஸ்மிங் காயே பாணிஸம்ப²ஸ்ஸாபி
கமந்து, லெட்³டு³ஸம்ப²ஸ்ஸாபி கமந்து, த³ண்ட³ஸம்ப²ஸ்ஸாபி கமந்து,
ஸத்த²ஸம்ப²ஸ்ஸாபி கமந்து, கரீயதி ஹித³ங் பு³த்³தா⁴னங் ஸாஸன’ந்தி.

‘‘தஸ்ஸ சே, ஆவுஸோ, பி⁴க்கு²னோ ஏவங் பு³த்³த⁴ங் அனுஸ்ஸரதோ ஏவங் த⁴ம்மங் அனுஸ்ஸரதோ ஏவங் ஸங்க⁴ங் அனுஸ்ஸரதோ உபெக்கா² குஸலனிஸ்ஸிதா ந ஸண்டா²தி. ஸோ தேன ஸங்விஜ்ஜதி ஸங்வேக³ங் ஆபஜ்ஜதி – ‘அலாபா⁴ வத மே, ந வத
மே லாபா⁴, து³ல்லத்³த⁴ங் வத மே, ந வத மே ஸுலத்³த⁴ங், யஸ்ஸ மே ஏவங்
பு³த்³த⁴ங் அனுஸ்ஸரதோ, ஏவங் த⁴ம்மங் அனுஸ்ஸரதோ, ஏவங் ஸங்க⁴ங் அனுஸ்ஸரதோ,
உபெக்கா² குஸலனிஸ்ஸிதா ந ஸண்டா²தீ’தி. ஸெய்யதா²பி, ஆவுஸோ, ஸுணிஸா ஸஸுரங்
தி³ஸ்வா ஸங்விஜ்ஜதி ஸங்வேக³ங் ஆபஜ்ஜதி; ஏவமேவ கோ², ஆவுஸோ, தஸ்ஸ சே
பி⁴க்கு²னோ ஏவங் பு³த்³த⁴ங் அனுஸ்ஸரதோ, ஏவங் த⁴ம்மங் அனுஸ்ஸரதோ, ஏவங்
ஸங்க⁴ங் அனுஸ்ஸரதோ, உபெக்கா² குஸலனிஸ்ஸிதா ந ஸண்டா²தி, ஸோ தேன ஸங்விஜ்ஜதி
ஸங்வேக³ங் ஆபஜ்ஜதி – ‘அலாபா⁴ வத மே ந வத மே லாபா⁴, து³ல்லத்³த⁴ங் வத மே, ந
வத மே ஸுலத்³த⁴ங், யஸ்ஸ மே ஏவங் பு³த்³த⁴ங் அனுஸ்ஸரதோ ஏவங் த⁴ம்மங்
அனுஸ்ஸரதோ, ஏவங் ஸங்க⁴ங் அனுஸ்ஸரதோ, உபெக்கா² குஸலனிஸ்ஸிதா ந ஸண்டா²தீ’தி.
தஸ்ஸ சே, ஆவுஸோ, பி⁴க்கு²னோ ஏவங் பு³த்³த⁴ங் அனுஸ்ஸரதோ, ஏவங் த⁴ம்மங்
அனுஸ்ஸரதோ, ஏவங் ஸங்க⁴ங் அனுஸ்ஸரதோ உபெக்கா² குஸலனிஸ்ஸிதா ஸண்டா²தி, ஸோ தேன
அத்தமனோ ஹோதி. எத்தாவதாபி கோ², ஆவுஸோ, பி⁴க்கு²னோ ப³ஹுகதங் ஹோதி.

303.
‘‘கதமா சாவுஸோ, ஆபோதா⁴து? ஆபோதா⁴து ஸியா அஜ்ஜ²த்திகா, ஸியா பா³ஹிரா. கதமா
சாவுஸோ அஜ்ஜ²த்திகா ஆபோதா⁴து? யங் அஜ்ஜ²த்தங் பச்சத்தங் ஆபோ ஆபோக³தங்
உபாதி³ன்னங், ஸெய்யதி²த³ங் – பித்தங் ஸெம்ஹங் புப்³போ³ லோஹிதங் ஸேதோ³ மேதோ³
அஸ்ஸு வஸா கே²ளோ ஸிங்கா⁴ணிகா லஸிகா முத்தங், யங் வா பனஞ்ஞம்பி கிஞ்சி
அஜ்ஜ²த்தங் பச்சத்தங் ஆபோ ஆபோக³தங் உபாதி³ன்னங் – அயங் வுச்சதாவுஸோ,
அஜ்ஜ²த்திகா ஆபோதா⁴து. யா சேவ கோ² பன அஜ்ஜ²த்திகா
ஆபோதா⁴து யா ச பா³ஹிரா ஆபோதா⁴து, ஆபோதா⁴துரேவேஸா. ‘தங் நேதங் மம,
நேஸோஹமஸ்மி, ந மேஸோ அத்தா’தி ஏவமேதங் யதா²பூ⁴தங் ஸம்மப்பஞ்ஞாய
த³ட்ட²ப்³ப³ங். ஏவமேதங் யதா²பூ⁴தங் ஸம்மப்பஞ்ஞாய தி³ஸ்வா ஆபோதா⁴துயா
நிப்³பி³ந்த³தி, ஆபோதா⁴துயா சித்தங் விராஜேதி.

‘‘ஹோதி கோ² ஸோ, ஆவுஸோ, ஸமயோ யங் பா³ஹிரா ஆபோதா⁴து
பகுப்பதி. ஸா கா³மம்பி வஹதி, நிக³மம்பி வஹதி, நக³ரம்பி வஹதி, ஜனபத³ம்பி
வஹதி, ஜனபத³பதே³ஸம்பி வஹதி. ஹோதி கோ² ஸோ, ஆவுஸோ, ஸமயோ யங் மஹாஸமுத்³தே³
யோஜனஸதிகானிபி உத³கானி ஓக³ச்ச²ந்தி, த்³வியோஜனஸதிகானிபி உத³கானி
ஓக³ச்ச²ந்தி, தியோஜனஸதிகானிபி உத³கானி ஓக³ச்ச²ந்தி, சதுயோஜனஸதிகானிபி
உத³கானி ஓக³ச்ச²ந்தி, பஞ்சயோஜனஸதிகானிபி உத³கானி ஓக³ச்ச²ந்தி,
ச²யோஜனஸதிகானிபி உத³கானி ஓக³ச்ச²ந்தி, ஸத்தயோஜனஸதிகானிபி உத³கானி
ஓக³ச்ச²ந்தி. ஹோதி கோ² ஸோ, ஆவுஸோ, ஸமயோ யங் மஹாஸமுத்³தே³ ஸத்ததாலம்பி உத³கங் ஸண்டா²தி, ச²த்தாலம்பி உத³கங்
ஸண்டா²தி, பஞ்சதாலம்பி உத³கங் ஸண்டா²தி, சதுத்தாலம்பி உத³கங் ஸண்டா²தி,
திதாலம்பி உத³கங் ஸண்டா²தி, த்³விதாலம்பி உத³கங் ஸண்டா²தி, தாலமத்தம்பி [தாலங்பி (ஸீ॰)]
உத³கங் ஸண்டா²தி. ஹோதி கோ² ஸோ, ஆவுஸோ, ஸமயோ யங் மஹாஸமுத்³தே³
ஸத்தபோரிஸம்பி உத³கங் ஸண்டா²தி, ச²ப்போரிஸம்பி உத³கங் ஸண்டா²தி,
பஞ்சபோரிஸம்பி உத³கங் ஸண்டா²தி, சதுப்போரிஸம்பி உத³கங் ஸண்டா²தி,
திபோரிஸம்பி உத³கங் ஸண்டா²தி, த்³விபோரிஸம்பி உத³கங் ஸண்டா²தி,
போரிஸமத்தம்பி [போரிஸங்பி (ஸீ॰)] உத³கங் ஸண்டா²தி. ஹோதி கோ² ஸோ, ஆவுஸோ, ஸமயோ யங் மஹாஸமுத்³தே³
அட்³ட⁴போரிஸம்பி உத³கங் ஸண்டா²தி, கடிமத்தம்பி உத³கங் ஸண்டா²தி,
ஜாணுகமத்தம்பி உத³கங் ஸண்டா²தி, கொ³ப்ப²கமத்தம்பி உத³கங் ஸண்டா²தி. ஹோதி
கோ² ஸோ, ஆவுஸோ, ஸமயோ, யங் மஹாஸமுத்³தே³ அங்கு³லிபப்³ப³தேமனமத்தம்பி உத³கங் ந
ஹோதி. தஸ்ஸா ஹி நாம, ஆவுஸோ, பா³ஹிராய ஆபோதா⁴துயா தாவ மஹல்லிகாய அனிச்சதா
பஞ்ஞாயிஸ்ஸதி, க²யத⁴ம்மதா பஞ்ஞாயிஸ்ஸதி, வயத⁴ம்மதா பஞ்ஞாயிஸ்ஸதி,
விபரிணாமத⁴ம்மதா பஞ்ஞாயிஸ்ஸதி. கிங் பனிமஸ்ஸ மத்தட்ட²கஸ்ஸ காயஸ்ஸ
தண்ஹுபாதி³ன்னஸ்ஸ ‘அஹந்தி வா மமந்தி வா அஸ்மீதி’ வா? அத² க்²வாஸ்ஸ
நோதேவெத்த² ஹோதி…பே॰… தஸ்ஸ சே, ஆவுஸோ, பி⁴க்கு²னோ ஏவங் பு³த்³த⁴ங்
அனுஸ்ஸரதோ, ஏவங் த⁴ம்மங் அனுஸ்ஸரதோ, ஏவங் ஸங்க⁴ங் அனுஸ்ஸரதோ உபெக்கா²
குஸலனிஸ்ஸிதா ஸண்டா²தி. ஸோ தேன அத்தமனோ ஹோதி. எத்தாவதாபி கோ², ஆவுஸோ,
பி⁴க்கு²னோ ப³ஹுகதங் ஹோதி.

304.
‘‘கதமா சாவுஸோ, தேஜோதா⁴து? தேஜோதா⁴து ஸியா அஜ்ஜ²த்திகா, ஸியா பா³ஹிரா.
கதமா சாவுஸோ, அஜ்ஜ²த்திகா தேஜோதா⁴து? யங் அஜ்ஜ²த்தங் பச்சத்தங் தேஜோ
தேஜோக³தங் உபாதி³ன்னங், ஸெய்யதி²த³ங் – யேன ச ஸந்தப்பதி, யேன ச ஜீரீயதி,
யேன ச பரிட³ய்ஹதி, யேன ச அஸிதபீதகா²யிதஸாயிதங் ஸம்மா பரிணாமங் க³ச்ச²தி,
யங் வா பனஞ்ஞம்பி கிஞ்சி அஜ்ஜ²த்தங் பச்சத்தங் தேஜோ தேஜோக³தங் உபாதி³ன்னங் –
அயங் வுச்சதாவுஸோ, அஜ்ஜ²த்திகா தேஜோதா⁴து. யா சேவ கோ² பன அஜ்ஜ²த்திகா
தேஜோதா⁴து யா ச பா³ஹிரா தேஜோதா⁴து, தேஜோதா⁴துரேவேஸா. ‘தங் நேதங் மம ,
நேஸோஹமஸ்மி, ந மேஸோ அத்தா’தி ஏவமேதங் யதா²பூ⁴தங் ஸம்மப்பஞ்ஞாய
த³ட்ட²ப்³ப³ங். ஏவமேதங் யதா²பூ⁴தங் ஸம்மப்பஞ்ஞாய தி³ஸ்வா தேஜோதா⁴துயா
நிப்³பி³ந்த³தி, தேஜோதா⁴துயா சித்தங் விராஜேதி.

‘‘ஹோதி கோ² ஸோ, ஆவுஸோ, ஸமயோ
யங் பா³ஹிரா தேஜோதா⁴து பகுப்பதி. ஸா கா³மம்பி த³ஹதி, நிக³மம்பி த³ஹதி,
நக³ரம்பி த³ஹதி, ஜனபத³ம்பி த³ஹதி, ஜனபத³பதே³ஸம்பி த³ஹதி. ஸா ஹரிதந்தங் வா
பந்த²ந்தங் வா ஸேலந்தங் வா உத³கந்தங் வா ரமணீயங் வா பூ⁴மிபா⁴க³ங் ஆக³ம்ம
அனாஹாரா நிப்³பா³யதி. ஹோதி கோ² ஸோ, ஆவுஸோ, ஸமயோ யங் குக்குடபத்தேனபி
ந்ஹாருத³த்³து³லேனபி அக்³கி³ங் க³வேஸந்தி . தஸ்ஸா ஹி
நாம, ஆவுஸோ, பா³ஹிராய தேஜோதா⁴துயா தாவ மஹல்லிகாய அனிச்சதா பஞ்ஞாயிஸ்ஸதி,
க²யத⁴ம்மதா பஞ்ஞாயிஸ்ஸதி, வயத⁴ம்மதா பஞ்ஞாயிஸ்ஸதி, விபரிணாமத⁴ம்மதா
பஞ்ஞாயிஸ்ஸதி. கிங் பனிமஸ்ஸ மத்தட்ட²கஸ்ஸ காயஸ்ஸ தண்ஹுபாதி³ன்னஸ்ஸ ‘அஹந்தி
வா மமந்தி வா அஸ்மீ’தி வா? அத² க்²வாஸ்ஸ நோதேவெத்த² ஹோதி…பே॰… தஸ்ஸ சே,
ஆவுஸோ, பி⁴க்கு²னோ ஏவங் பு³த்³த⁴ங் அனுஸ்ஸரதோ ஏவங் த⁴ம்மங் அனுஸ்ஸரதோ ஏவங்
ஸங்க⁴ங் அனுஸ்ஸரதோ உபெக்கா² குஸலனிஸ்ஸிதா ஸண்டா²தி, ஸோ தேன அத்தமனோ ஹோதி.
எத்தாவதாபி கோ², ஆவுஸோ, பி⁴க்கு²னோ ப³ஹுகதங் ஹோதி.

305.
‘‘கதமா சாவுஸோ, வாயோதா⁴து? வாயோதா⁴து ஸியா அஜ்ஜ²த்திகா, ஸியா பா³ஹிரா.
கதமா சாவுஸோ, அஜ்ஜ²த்திகா வாயோதா⁴து? யங் அஜ்ஜ²த்தங் பச்சத்தங் வாயோ
வாயோக³தங் உபாதி³ன்னங், ஸெய்யதி²த³ங் – உத்³த⁴ங்க³மா வாதா, அதோ⁴க³மா வாதா,
குச்சி²ஸயா வாதா, கொட்டா²ஸயா [கொட்ட²ஸயா (ஸீ॰ பீ॰)] வாதா, அங்க³மங்கா³னுஸாரினோ
வாதா, அஸ்ஸாஸோ பஸ்ஸாஸோ இதி, யங் வா பனஞ்ஞம்பி கிஞ்சி அஜ்ஜ²த்தங் பச்சத்தங்
வாயோ வாயோக³தங் உபாதி³ன்னங் – அயங் வுச்சதாவுஸோ, அஜ்ஜ²த்திகா வாயோதா⁴து.
யா சேவ கோ² பன அஜ்ஜ²த்திகா வாயோதா⁴து, யா ச பா³ஹிரா வாயோதா⁴து,
வாயோதா⁴துரேவேஸா. ‘தங் நேதங் மம நேஸோஹமஸ்மி ந மேஸோ அத்தா’தி ஏவமேதங்
யதா²பூ⁴தங் ஸம்மப்பஞ்ஞாய த³ட்ட²ப்³ப³ங். ஏவமேதங் யதா²பூ⁴தங் ஸம்மப்பஞ்ஞாய
தி³ஸ்வா வாயோதா⁴துயா நிப்³பி³ந்த³தி வாயோதா⁴துயா சித்தங் விராஜேதி.

‘‘ஹோதி கோ² ஸோ, ஆவுஸோ, ஸமயோ
யங் பா³ஹிரா வாயோதா⁴து பகுப்பதி. ஸா கா³மம்பி வஹதி, நிக³மம்பி வஹதி,
நக³ரம்பி வஹதி, ஜனபத³ம்பி வஹதி, ஜனபத³பதே³ஸம்பி வஹதி. ஹோதி கோ² ஸோ, ஆவுஸோ,
ஸமயோ யங் கி³ம்ஹானங் பச்சி²மே மாஸே தாலவண்டேனபி விதூ⁴பனேனபி வாதங்
பரியேஸந்தி, ஒஸ்ஸவனேபி திணானி ந இச்ச²ந்தி. தஸ்ஸா
ஹி நாம, ஆவுஸோ, பா³ஹிராய வாயோதா⁴துயா தாவ மஹல்லிகாய அனிச்சதா பஞ்ஞாயிஸ்ஸதி,
க²யத⁴ம்மதா பஞ்ஞாயிஸ்ஸதி, வயத⁴ம்மதா பஞ்ஞாயிஸ்ஸதி, விபரிணாமத⁴ம்மதா
பஞ்ஞாயிஸ்ஸதி. கிங் பனிமஸ்ஸ மத்தட்ட²கஸ்ஸ காயஸ்ஸ தண்ஹுபாதி³ன்னஸ்ஸ ‘அஹந்தி
வா மமந்தி வா அஸ்மீ’தி வா? அத² க்²வாஸ்ஸ நோதேவெத்த² ஹோதி.

‘‘தஞ்சே, ஆவுஸோ, பி⁴க்கு²ங் பரே அக்கோஸந்தி
பரிபா⁴ஸந்தி ரோஸெந்தி விஹேஸெந்தி. ஸோ ஏவங் பஜானாதி, உப்பன்னா கோ² மே அயங்
ஸோதஸம்ப²ஸ்ஸஜா து³க்கா² வேத³னா. ஸா ச கோ² படிச்ச, நோ அபடிச்ச. கிங் படிச்ச?
ப²ஸ்ஸங் படிச்ச. ஸோபி ப²ஸ்ஸோ அனிச்சோதி பஸ்ஸதி, வேத³னா அனிச்சாதி பஸ்ஸதி ,
ஸஞ்ஞா அனிச்சாதி பஸ்ஸதி, ஸங்கா²ரா அனிச்சாதி பஸ்ஸதி, விஞ்ஞாணங் அனிச்சந்தி
பஸ்ஸதி. தஸ்ஸ தா⁴தாரம்மணமேவ சித்தங் பக்க²ந்த³தி பஸீத³தி ஸந்திட்ட²தி
அதி⁴முச்சதி.

‘‘தஞ்சே, ஆவுஸோ, பி⁴க்கு²ங் பரே அனிட்டே²ஹி அகந்தேஹி
அமனாபேஹி ஸமுதா³சரந்தி, பாணிஸம்ப²ஸ்ஸேனபி லெட்³டு³ஸம்ப²ஸ்ஸேனபி
த³ண்ட³ஸம்ப²ஸ்ஸேனபி ஸத்த²ஸம்ப²ஸ்ஸேனபி. ஸோ ஏவங் பஜானாதி ‘ததா²பூ⁴தோ கோ²
அயங் காயோ யதா²பூ⁴தஸ்மிங் காயே பாணிஸம்ப²ஸ்ஸாபி கமந்தி,
லெட்³டு³ஸம்ப²ஸ்ஸாபி கமந்தி, த³ண்ட³ஸம்ப²ஸ்ஸாபி கமந்தி, ஸத்த²ஸம்ப²ஸ்ஸாபி
கமந்தி. வுத்தங் கோ² பனேதங் ப⁴க³வதா ககசூபமோவாதே³ ‘‘உப⁴தோத³ண்ட³கேன சேபி,
பி⁴க்க²வே, ககசேன சோரா ஓசரகா அங்க³மங்கா³னி ஓகந்தெய்யுங். தத்ராபி யோ மனோ
பதூ³ஸெய்ய, ந மே ஸோ தேன ஸாஸனகரோ’’தி. ஆரத்³த⁴ங் கோ² பன மே வீரியங்
ப⁴விஸ்ஸதி அஸல்லீனங், உபட்டி²தா ஸதி அஸம்முட்டா², பஸ்ஸத்³தோ⁴ காயோ
அஸாரத்³தோ⁴, ஸமாஹிதங் சித்தங் ஏகக்³க³ங். காமங் தா³னி இமஸ்மிங் காயே
பாணிஸம்ப²ஸ்ஸாபி கமந்து, லெட்³டு³ஸம்ப²ஸ்ஸாபி கமந்து, த³ண்ட³ஸம்ப²ஸ்ஸாபி
கமந்து, ஸத்த²ஸம்ப²ஸ்ஸாபி கமந்து. கரீயதி ஹித³ங் பு³த்³தா⁴னங் ஸாஸன’ந்தி.

‘‘தஸ்ஸ சே, ஆவுஸோ, பி⁴க்கு²னோ ஏவங் பு³த்³த⁴ங்
அனுஸ்ஸரதோ, ஏவங் த⁴ம்மங் அனுஸ்ஸரதோ, ஏவங் ஸங்க⁴ங் அனுஸ்ஸரதோ உபெக்கா²
குஸலனிஸ்ஸிதா ந ஸண்டா²தி. ஸோ தேன ஸங்விஜ்ஜதி ஸங்வேக³ங் ஆபஜ்ஜதி – ‘அலாபா⁴
வத மே, ந வத மே லாபா⁴, து³ல்லத்³த⁴ங் வத மே, ந வத மே ஸுலத்³த⁴ங். யஸ்ஸ மே
ஏவங் பு³த்³த⁴ங் அனுஸ்ஸரதோ, ஏவங் த⁴ம்மங் அனுஸ்ஸரதோ, ஏவங் ஸங்க⁴ங் அனுஸ்ஸரதோ உபெக்கா² குஸலனிஸ்ஸிதா ந ஸண்டா²தீ’தி. ஸெய்யதா²பி, ஆவுஸோ, ஸுணிஸா ஸஸுரங் தி³ஸ்வா ஸங்விஜ்ஜதி ஸங்வேக³ங் ஆபஜ்ஜதி; ஏவமேவ கோ², ஆவுஸோ, தஸ்ஸ சே
பி⁴க்கு²னோ ஏவங் பு³த்³த⁴ங் அனுஸ்ஸரதோ, ஏவங் த⁴ம்மங் அனுஸ்ஸரதோ, ஏவங்
ஸங்க⁴ங் அனுஸ்ஸரதோ, உபெக்கா² குஸலனிஸ்ஸிதா ந ஸண்டா²தி. ஸோ தேன ஸங்விஜ்ஜதி
ஸங்வேக³ங் ஆபஜ்ஜதி – ‘அலாபா⁴ வத மே, ந வத மே லாபா⁴, து³ல்லத்³த⁴ங் வத மே, ந
வத மே ஸுலத்³த⁴ங். யஸ்ஸ மே ஏவங் பு³த்³த⁴ங் அனுஸ்ஸரதோ, ஏவங் த⁴ம்மங்
அனுஸ்ஸரதோ, ஏவங் ஸங்க⁴ங் அனுஸ்ஸரதோ, உபெக்கா² குஸலனிஸ்ஸிதா ந ஸண்டா²தீ’தி.
தஸ்ஸ சே, ஆவுஸோ, பி⁴க்கு²னோ ஏவங் பு³த்³த⁴ங் அனுஸ்ஸரதோ, ஏவங் த⁴ம்மங்
அனுஸ்ஸரதோ, ஏவங் ஸங்க⁴ங் அனுஸ்ஸரதோ, உபெக்கா² குஸலனிஸ்ஸிதா ஸண்டா²தி, ஸோ
தேன அத்தமனோ ஹோதி. எத்தாவதாபி கோ², ஆவுஸோ, பி⁴க்கு²னோ ப³ஹுகதங் ஹோதி.

306.
‘‘ஸெய்யதா²பி, ஆவுஸோ, கட்ட²ஞ்ச படிச்ச வல்லிஞ்ச படிச்ச திணஞ்ச படிச்ச
மத்திகஞ்ச படிச்ச ஆகாஸோ பரிவாரிதோ அகா³ரங் த்வேவ ஸங்க²ங் க³ச்ச²தி; ஏவமேவ
கோ², ஆவுஸோ, அட்டி²ஞ்ச படிச்ச ந்ஹாருஞ்ச படிச்ச
மங்ஸஞ்ச படிச்ச சம்மஞ்ச படிச்ச ஆகாஸோ பரிவாரிதோ ரூபங் த்வேவ ஸங்க²ங்
க³ச்ச²தி. அஜ்ஜ²த்திகஞ்சேவ, ஆவுஸோ, சக்கு²ங் அபரிபி⁴ன்னங் ஹோதி, பா³ஹிரா ச
ரூபா ந ஆபாத²ங் ஆக³ச்ச²ந்தி, நோ ச தஜ்ஜோ ஸமன்னாஹாரோ ஹோதி, நேவ தாவ தஜ்ஜஸ்ஸ
விஞ்ஞாணபா⁴க³ஸ்ஸ பாதுபா⁴வோ ஹோதி. அஜ்ஜ²த்திகஞ்சேவ [அஜ்ஜ²த்திகஞ்சே (ஸீ॰ ஸ்யா॰ பீ॰), அஜ்ஜ²த்திகஞ்சேபி (?)], ஆவுஸோ, சக்கு²ங் அபரிபி⁴ன்னங் ஹோதி பா³ஹிரா ச ரூபா ஆபாத²ங் ஆக³ச்ச²ந்தி, நோ ச தஜ்ஜோ ஸமன்னாஹாரோ ஹோதி, நேவ
தாவ தஜ்ஜஸ்ஸ விஞ்ஞாணபா⁴க³ஸ்ஸ பாதுபா⁴வோ ஹோதி. யதோ ச கோ², ஆவுஸோ,
அஜ்ஜ²த்திகஞ்சேவ சக்கு²ங் அபரிபி⁴ன்னங் ஹோதி, பா³ஹிரா ச ரூபா ஆபாத²ங்
ஆக³ச்ச²ந்தி, தஜ்ஜோ ச ஸமன்னாஹாரோ ஹோதி. ஏவங் தஜ்ஜஸ்ஸ விஞ்ஞாணபா⁴க³ஸ்ஸ
பாதுபா⁴வோ ஹோதி. யங் ததா²பூ⁴தஸ்ஸ ரூபங் தங் ரூபுபாதா³னக்க²ந்தே⁴ ஸங்க³ஹங்
க³ச்ச²தி, யா ததா²பூ⁴தஸ்ஸ வேத³னா ஸா வேத³னுபாதா³னக்க²ந்தே⁴ ஸங்க³ஹங்
க³ச்ச²தி, யா ததா²பூ⁴தஸ்ஸ ஸஞ்ஞா ஸா ஸஞ்ஞுபாதா³னக்க²ந்தே⁴ ஸங்க³ஹங்
க³ச்ச²தி, யே ததா²பூ⁴தஸ்ஸ ஸங்கா²ரா தே ஸங்கா²ருபாதா³னக்க²ந்தே⁴ ஸங்க³ஹங்
க³ச்ச²ந்தி, யங் ததா²பூ⁴தஸ்ஸ விஞ்ஞாணங் தங் விஞ்ஞாணுபாதா³னக்க²ந்தே⁴
ஸங்க³ஹங் க³ச்ச²தி.

‘‘ஸோ ஏவங் பஜானாதி – ‘ஏவஞ்ஹி கிர இமேஸங் பஞ்சன்னங்
உபாதா³னக்க²ந்தா⁴னங் ஸங்க³ஹோ ஸன்னிபாதோ ஸமவாயோ ஹோதி. வுத்தங் கோ² பனேதங்
ப⁴க³வதா – ‘யோ படிச்சஸமுப்பாத³ங் பஸ்ஸதி ஸோ த⁴ம்மங்
பஸ்ஸதி; யோ த⁴ம்மங் பஸ்ஸதி ஸோ படிச்சஸமுப்பாத³ங் பஸ்ஸதீதி.
படிச்சஸமுப்பன்னா கோ² பனிமே யதி³த³ங் பஞ்சுபாதா³னக்க²ந்தா⁴. யோ இமேஸு
பஞ்சஸு உபாதா³னக்க²ந்தே⁴ஸு ச²ந்தோ³ ஆலயோ அனுனயோ
அஜ்ஜோ²ஸானங் ஸோ து³க்க²ஸமுத³யோ. யோ இமேஸு பஞ்சஸு உபாதா³னக்க²ந்தே⁴ஸு
ச²ந்த³ராக³வினயோ ச²ந்த³ராக³ப்பஹானங், ஸோ து³க்க²னிரோதோ⁴’தி. எத்தாவதாபி
கோ², ஆவுஸோ, பி⁴க்கு²னோ ப³ஹுகதங் ஹோதி.

‘‘அஜ்ஜ²த்திகஞ்சேவ, ஆவுஸோ, ஸோதங் அபரிபி⁴ன்னங்
ஹோதி…பே॰… கா⁴னங் அபரிபி⁴ன்னங் ஹோதி… ஜிவ்ஹா அபரிபி⁴ன்னா ஹோதி… காயோ
அபரிபி⁴ன்னோ ஹோதி… மனோ அபரிபி⁴ன்னோ ஹோதி, பா³ஹிரா ச த⁴ம்மா ந ஆபாத²ங்
ஆக³ச்ச²ந்தி நோ ச தஜ்ஜோ ஸமன்னாஹாரோ ஹோதி, நேவ தாவ
தஜ்ஜஸ்ஸ விஞ்ஞாணபா⁴க³ஸ்ஸ பாதுபா⁴வோ ஹோதி. அஜ்ஜ²த்திகோ சேவ, ஆவுஸோ, மனோ
அபரிபி⁴ன்னோ ஹோதி, பா³ஹிரா ச த⁴ம்மா ஆபாத²ங் ஆக³ச்ச²ந்தி, நோ ச தஜ்ஜோ
ஸமன்னாஹாரோ ஹோதி, நேவ தாவ தஜ்ஜஸ்ஸ விஞ்ஞாணபா⁴க³ஸ்ஸ பாதுபா⁴வோ ஹோதி. யதோ ச
கோ², ஆவுஸோ, அஜ்ஜ²த்திகோ சேவ மனோ அபரிபி⁴ன்னோ ஹோதி, பா³ஹிரா ச த⁴ம்மா
ஆபாத²ங் ஆக³ச்ச²ந்தி, தஜ்ஜோ ச ஸமன்னாஹாரோ ஹோதி, ஏவங் தஜ்ஜஸ்ஸ
விஞ்ஞாணபா⁴க³ஸ்ஸ பாதுபா⁴வோ ஹோதி. யங் ததா²பூ⁴தஸ்ஸ ரூபங் தங்
ரூபுபாதா³னக்க²ந்தே⁴ ஸங்க³ஹங் க³ச்ச²தி, யா ததா²பூ⁴தஸ்ஸ வேத³னா ஸா
வேத³னுபாதா³னக்க²ந்தே⁴ ஸங்க³ஹங் க³ச்ச²தி, யா ததா²பூ⁴தஸ்ஸ ஸஞ்ஞா
ஸா ஸஞ்ஞுபாதா³னக்க²ந்தே⁴ ஸங்க³ஹங் க³ச்ச²தி, யே ததா²பூ⁴தஸ்ஸ ஸங்கா²ரா தே
ஸங்கா²ருபாதா³னக்க²ந்தே⁴ ஸங்க³ஹங் க³ச்ச²ந்தி, யங் ததா²பூ⁴தஸ்ஸ விஞ்ஞாணங்
தங் விஞ்ஞாணுபாதா³னக்க²ந்தே⁴ ஸங்க³ஹங் க³ச்ச²தி. ஸோ ஏவங் பஜானாதி – ‘ஏவஞ்ஹி
கிர இமேஸங் பஞ்சன்னங் உபாதா³னக்க²ந்தா⁴னங் ஸங்க³ஹோ ஸன்னிபாதோ ஸமவாயோ ஹோதி.
வுத்தங் கோ² பனேதங் ப⁴க³வதா – ‘‘யோ படிச்சஸமுப்பாத³ங் பஸ்ஸதி ஸோ த⁴ம்மங்
பஸ்ஸதி; யோ த⁴ம்மங் பஸ்ஸதி ஸோ படிச்சஸமுப்பாத³ங் பஸ்ஸதீ’’தி.
படிச்சஸமுப்பன்னா கோ² பனிமே யதி³த³ங் பஞ்சுபாதா³னக்க²ந்தா⁴. யோ இமேஸு
பஞ்சஸு உபாதா³னக்க²ந்தே⁴ஸு ச²ந்தோ³ ஆலயோ அனுனயோ அஜ்ஜோ²ஸானங் ஸோ
து³க்க²ஸமுத³யோ. யோ இமேஸு பஞ்சஸு உபாதா³னக்க²ந்தே⁴ஸு ச²ந்த³ராக³வினயோ
ச²ந்த³ராக³ப்பஹானங் ஸோ து³க்க²னிரோதோ⁴’தி. எத்தாவதாபி கோ², ஆவுஸோ,
பி⁴க்கு²னோ ப³ஹுகதங் ஹோதீ’’தி.

இத³மவோச ஆயஸ்மா ஸாரிபுத்தோ. அத்தமனா தே பி⁴க்கூ² ஆயஸ்மதோ ஸாரிபுத்தஸ்ஸ பா⁴ஸிதங் அபி⁴னந்து³ந்தி.

மஹாஹத்தி²பதோ³பமஸுத்தங் நிட்டி²தங் அட்ட²மங்.

9. மஹாஸாரோபமஸுத்தங்

307. ஏவங்
மே ஸுதங் – ஏகங் ஸமயங் ப⁴க³வா ராஜக³ஹே விஹரதி கி³ஜ்ஜ²கூடே பப்³ப³தே
அசிரபக்கந்தே தே³வத³த்தே. தத்ர கோ² ப⁴க³வா தே³வத³த்தங் ஆரப்³ப⁴ பி⁴க்கூ²
ஆமந்தேஸி –

‘‘இத⁴, பி⁴க்க²வே, ஏகச்சோ குலபுத்தோ ஸத்³தா⁴ அகா³ரஸ்மா
அனகா³ரியங் பப்³ப³ஜிதோ ஹோதி – ‘ஓதிண்ணொம்ஹி ஜாதியா ஜராய மரணேன ஸோகேஹி
பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி, து³க்கோ²திண்ணோ
து³க்க²பரேதோ, அப்பேவ நாம இமஸ்ஸ கேவலஸ்ஸ து³க்க²க்க²ந்த⁴ஸ்ஸ அந்தகிரியா
பஞ்ஞாயேதா²’தி. ஸோ ஏவங் பப்³ப³ஜிதோ ஸமானோ லாப⁴ஸக்காரஸிலோகங்
அபி⁴னிப்³ப³த்தேதி. ஸோ தேன லாப⁴ஸக்காரஸிலோகேன அத்தமனோ ஹோதி
பரிபுண்ணஸங்கப்போ. ஸோ தேன லாப⁴ஸக்காரஸிலோகேன அத்தானுக்கங்ஸேதி பரங்
வம்பே⁴தி – ‘அஹமஸ்மி லாப⁴ஸக்காரஸிலோகவா [லாபீ⁴ ஸிலோகவா (ஸீ॰ பீ॰), லாபீ⁴ ஸக்கார ஸிலோகவா (ஸ்யா॰)],
இமே பனஞ்ஞே பி⁴க்கூ² அப்பஞ்ஞாதா அப்பேஸக்கா²’தி. ஸோ தேன லாப⁴ஸக்காரஸிலோகேன
மஜ்ஜதி பமஜ்ஜதி பமாத³ங் ஆபஜ்ஜதி, பமத்தோ ஸமானோ து³க்க²ங் விஹரதி.

‘‘ஸெய்யதா²பி, பி⁴க்க²வே, புரிஸோ ஸாரத்தி²கோ ஸாரக³வேஸீ
ஸாரபரியேஸனங் சரமானோ மஹதோ ருக்க²ஸ்ஸ திட்ட²தோ ஸாரவதோ அதிக்கம்மேவ ஸாரங்
அதிக்கம்ம பெ²க்³கு³ங் அதிக்கம்ம தசங் அதிக்கம்ம பபடிகங், ஸாகா²பலாஸங்
செ²த்வா ஆதா³ய பக்கமெய்ய ‘ஸார’ந்தி மஞ்ஞமானோ. தமேனங் சக்கு²மா புரிஸோ
தி³ஸ்வா ஏவங் வதெ³ய்ய – ‘ந வதாயங் ப⁴வங் புரிஸோ அஞ்ஞாஸி ஸாரங், ந அஞ்ஞாஸி பெ²க்³கு³ங், ந அஞ்ஞாஸி தசங், ந அஞ்ஞாஸி பபடிகங், ந அஞ்ஞாஸி ஸாகா²பலாஸங். ததா² ஹயங் [ததா²பாயங் (க॰)]
ப⁴வங் புரிஸோ ஸாரத்தி²கோ ஸாரக³வேஸீ ஸாரபரியேஸனங் சரமானோ மஹதோ ருக்க²ஸ்ஸ
திட்ட²தோ ஸாரவதோ அதிக்கம்மேவ ஸாரங் அதிக்கம்ம பெ²க்³கு³ங் அதிக்கம்ம தசங்
அதிக்கம்ம பபடிகங், ஸாகா²பலாஸங் செ²த்வா ஆதா³ய பக்கந்தோ ‘ஸார’ந்தி
மஞ்ஞமானோ. யஞ்சஸ்ஸ ஸாரேன ஸாரகரணீயங் தஞ்சஸ்ஸ அத்த²ங் நானுப⁴விஸ்ஸதீ’தி.
ஏவமேவ கோ², பி⁴க்க²வே, இதே⁴கச்சோ குலபுத்தோ ஸத்³தா⁴ அகா³ரஸ்மா அனகா³ரியங்
பப்³ப³ஜிதோ ஹோதி – ஓதிண்ணொம்ஹி ஜாதியா ஜராய மரணேன ஸோகேஹி பரிதே³வேஹி
து³க்கே²ஹி தோ³மனஸ்ஸேஹி உபாயாஸேஹி, து³க்கோ²திண்ணோ து³க்க²பரேதோ , அப்பேவ நாம இமஸ்ஸ கேவலஸ்ஸ அந்தகிரியா பஞ்ஞாயேதா²’தி. ஸோ ஏவங் பப்³ப³ஜிதோ
ஸமானோ லாப⁴ஸக்காரஸிலோகங் அபி⁴னிப்³ப³த்தேதி. ஸோ தேன லாப⁴ஸக்காரஸிலோகேன
அத்தமனோ ஹோதி பரிபுண்ணஸங்கப்போ. ஸோ தேன லாப⁴ஸக்காரஸிலோகேன
அத்தானுக்கங்ஸேதி, பரங் வம்பே⁴தி ‘அஹமஸ்மி
லாப⁴ஸக்காரஸிலோகவா, இமே பனஞ்ஞே பி⁴க்கூ² அப்பஞ்ஞாதா அப்பேஸக்கா²’தி. ஸோ தேன
லாப⁴ஸக்காரஸிலோகேன மஜ்ஜதி பமஜ்ஜதி பமாத³ங் ஆபஜ்ஜதி, பமத்தோ ஸமானோ
து³க்க²ங் விஹரதி. அயங் வுச்சதி, பி⁴க்க²வே, பி⁴க்கு² ஸாகா²பலாஸங்
அக்³க³ஹேஸி ப்³ரஹ்மசரியஸ்ஸ; தேன ச வோஸானங் ஆபாதி³.

308. ‘‘இத⁴ பன, பி⁴க்க²வே, ஏகச்சோ குலபுத்தோ ஸத்³தா⁴ அகா³ரஸ்மா அனகா³ரியங் பப்³ப³ஜிதோ ஹோதி – ‘ஓதிண்ணொம்ஹி ஜாதியா ஜராய மரணேன ஸோகேஹி
பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி, து³க்கோ²திண்ணோ
து³க்க²பரேதோ, அப்பேவ நாம இமஸ்ஸ கேவலஸ்ஸ து³க்க²க்க²ந்த⁴ஸ்ஸ அந்தகிரியா
பஞ்ஞாயேதா²’தி. ஸோ ஏவங் பப்³ப³ஜிதோ ஸமானோ லாப⁴ஸக்காரஸிலோகங்
அபி⁴னிப்³ப³த்தேதி. ஸோ தேன லாப⁴ஸக்காரஸிலோகேன ந அத்தமனோ ஹோதி ந
பரிபுண்ணஸங்கப்போ. ஸோ தேன லாப⁴ஸக்காரஸிலோகேன ந அத்தானுக்கங்ஸேதி, ந பரங்
வம்பே⁴தி. ஸோ தேன லாப⁴ஸக்காரஸிலோகேன ந மஜ்ஜதி நப்பமஜ்ஜதி ந பமாத³ங்
ஆபஜ்ஜதி. அப்பமத்தோ ஸமானோ ஸீலஸம்பத³ங் ஆராதே⁴தி. ஸோ தாய ஸீலஸம்பதா³ய
அத்தமனோ ஹோதி பரிபுண்ணஸங்கப்போ. ஸோ தாய ஸீலஸம்பதா³ய அத்தானுக்கங்ஸேதி, பரங்
வம்பே⁴தி – ‘அஹமஸ்மி ஸீலவா கல்யாணத⁴ம்மோ, இமே பனஞ்ஞே பி⁴க்கூ² து³ஸ்ஸீலா
பாபத⁴ம்மா’தி. ஸோ தாய ஸீலஸம்பதா³ய மஜ்ஜதி பமஜ்ஜதி பமாத³ங் ஆபஜ்ஜதி, பமத்தோ
ஸமானோ து³க்க²ங் விஹரதி.

‘‘ஸெய்யதா²பி, பி⁴க்க²வே, புரிஸோ ஸாரத்தி²கோ ஸாரக³வேஸீ
ஸாரபரியேஸனங் சரமானோ மஹதோ ருக்க²ஸ்ஸ திட்ட²தோ ஸாரவதோ அதிக்கம்மேவ ஸாரங்
அதிக்கம்ம பெ²க்³கு³ங் அதிக்கம்ம தசங், பபடிகங் செ²த்வா ஆதா³ய பக்கமெய்ய
‘ஸார’ந்தி மஞ்ஞமானோ. தமேனங் சக்கு²மா புரிஸோ தி³ஸ்வா ஏவங் வதெ³ய்ய – ‘ந
வதாயங் ப⁴வங் புரிஸோ அஞ்ஞாஸி ஸாரங், ந அஞ்ஞாஸி பெ²க்³கு³ங், ந அஞ்ஞாஸி
தசங், ந அஞ்ஞாஸி பபடிகங், ந அஞ்ஞாஸி ஸாகா²பலாஸங். ததா² ஹயங் ப⁴வங் புரிஸோ
ஸாரத்தி²கோ ஸாரக³வேஸீ ஸாரபரியேஸனங் சரமானோ மஹதோ ருக்க²ஸ்ஸ திட்ட²தோ ஸாரவதோ
அதிக்கம்மேவ ஸாரங் அதிக்கம்ம பெ²க்³கு³ங் அதிக்கம்ம தசங், பபடிகங் செ²த்வா ஆதா³ய பக்கந்தோ ‘ஸார’ந்தி மஞ்ஞமானோ; யஞ்சஸ்ஸ ஸாரேன ஸாரகரணீயங் தஞ்சஸ்ஸ அத்த²ங் நானுப⁴விஸ்ஸதீ’தி.

‘‘ஏவமேவ கோ², பி⁴க்க²வே,
இதே⁴கச்சோ குலபுத்தோ ஸத்³தா⁴ அகா³ரஸ்மா அனகா³ரியங் பப்³ப³ஜிதோ ஹோதி –
‘ஓதிண்ணொம்ஹி ஜாதியா ஜராய மரணேன ஸோகேஹி பரிதே³வேஹி து³க்கே²ஹி தோ³மனஸ்ஸேஹி
உபாயாஸேஹி, து³க்கோ²திண்ணோ து³க்க²பரேதோ, அப்பேவ நாம இமஸ்ஸ கேவலஸ்ஸ
து³க்க²க்க²ந்த⁴ஸ்ஸ அந்தகிரியா பஞ்ஞாயேதா²’’தி. ஸோ ஏவங் பப்³ப³ஜிதோ ஸமானோ
லாப⁴ஸக்காரஸிலோகங் அபி⁴னிப்³ப³த்தேதி. ஸோ தேன லாப⁴ஸக்காரஸிலோகேன ந அத்தமனோ
ஹோதி ந பரிபுண்ணஸங்கப்போ. ஸோ தேன லாப⁴ஸக்காரஸிலோகேன ந அத்தானுக்கங்ஸேதி, ந
பரங் வம்பே⁴தி. ஸோ தேன லாப⁴ஸக்காரஸிலோகேன ந மஜ்ஜதி நப்பமஜ்ஜதி ந பமாத³ங்
ஆபஜ்ஜதி. அப்பமத்தோ ஸமானோ ஸீலஸம்பத³ங் ஆராதே⁴தி. ஸோ தாய ஸீலஸம்பதா³ய
அத்தமனோ ஹோதி பரிபுண்ணஸங்கப்போ. ஸோ தாய ஸீலஸம்பதா³ய அத்தானுக்கங்ஸேதி, பரங்
வம்பே⁴தி – ‘அஹமஸ்மி ஸீலவா கல்யாணத⁴ம்மோ, இமே பனஞ்ஞே பி⁴க்கூ² து³ஸ்ஸீலா
பாபத⁴ம்மா’தி. ஸோ தாய ஸீலஸம்பதா³ய மஜ்ஜதி பமஜ்ஜதி பமாத³ங் ஆபஜ்ஜதி, பமத்தோ
ஸமானோ து³க்க²ங் விஹரதி. அயங் வுச்சதி, பி⁴க்க²வே, பி⁴க்கு² பபடிகங் அக்³க³ஹேஸி ப்³ரஹ்மசரியஸ்ஸ; தேன ச வோஸானங் ஆபாதி³.

309. ‘‘இத⁴ பன, பி⁴க்க²வே, ஏகச்சோ குலபுத்தோ ஸத்³தா⁴ அகா³ரஸ்மா அனகா³ரியங் பப்³ப³ஜிதோ ஹோதி – ‘ஓதிண்ணொம்ஹி ஜாதியா ஜராய மரணேன ஸோகேஹி
பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி, து³க்கோ²திண்ணோ
து³க்க²பரேதோ, அப்பேவ நாம இமஸ்ஸ கேவலஸ்ஸ து³க்க²க்க²ந்த⁴ஸ்ஸ அந்தகிரியா
பஞ்ஞாயேதா²’தி. ஸோ ஏவங் பப்³ப³ஜிதோ ஸமானோ லாப⁴ஸக்காரஸிலோகங்
அபி⁴னிப்³ப³த்தேதி. ஸோ தேன லாப⁴ஸக்காரஸிலோகேன ந அத்தமனோ ஹோதி ந
பரிபுண்ணஸங்கப்போ. ஸோ தேன லாப⁴ஸக்காரஸிலோகேன ந அத்தானுக்கங்ஸேதி, ந பரங்
வம்பே⁴தி. ஸோ தேன லாப⁴ஸக்காரஸிலோகேன ந மஜ்ஜதி நப்பமஜ்ஜதி ந பமாத³ங்
ஆபஜ்ஜதி, அப்பமத்தோ ஸமானோ ஸீலஸம்பத³ங் ஆராதே⁴தி. ஸோ தாய ஸீலஸம்பதா³ய
அத்தமனோ ஹோதி நோ ச கோ² பரிபுண்ணஸங்கப்போ. ஸோ தாய ஸீலஸம்பதா³ய ந
அத்தானுக்கங்ஸேதி, ந பரங் வம்பே⁴தி. ஸோ தாய ஸீலஸம்பதா³ய ந மஜ்ஜதி
நப்பமஜ்ஜதி ந பமாத³ங் ஆபஜ்ஜதி. அப்பமத்தோ ஸமானோ ஸமாதி⁴ஸம்பத³ங் ஆராதே⁴தி .
ஸோ தாய ஸமாதி⁴ஸம்பதா³ய அத்தமனோ ஹோதி பரிபுண்ணஸங்கப்போ. ஸோ தாய
ஸமாதி⁴ஸம்பதா³ய அத்தானுக்கங்ஸேதி, பரங் வம்பே⁴தி – ‘அஹமஸ்மி ஸமாஹிதோ
ஏகக்³க³சித்தோ, இமே பனஞ்ஞே பி⁴க்கூ² அஸமாஹிதா விப்³ப⁴ந்தசித்தா’தி. ஸோ தாய
ஸமாதி⁴ஸம்பதா³ய மஜ்ஜதி பமஜ்ஜதி பமாத³ங் ஆபஜ்ஜதி, பமத்தோ ஸமானோ து³க்க²ங்
விஹரதி.

‘‘ஸெய்யதா²பி , பி⁴க்க²வே,
புரிஸோ ஸாரத்தி²கோ ஸாரக³வேஸீ ஸாரபரியேஸனங் சரமானோ மஹதோ ருக்க²ஸ்ஸ திட்ட²தோ
ஸாரவதோ அதிக்கம்மேவ ஸாரங் அதிக்கம்ம பெ²க்³கு³ங் தசங் செ²த்வா ஆதா³ய
பக்கமெய்ய ‘ஸார’ந்தி மஞ்ஞமானோ. தமேனங் சக்கு²மா புரிஸோ தி³ஸ்வா ஏவங்
வதெ³ய்ய ‘ந வதாயங் ப⁴வங் புரிஸோ அஞ்ஞாஸி ஸாரங் , ந
அஞ்ஞாஸி பெ²க்³கு³ங், ந அஞ்ஞாஸி தசங், ந அஞ்ஞாஸி பபடிகங், ந அஞ்ஞாஸி
ஸாகா²பலாஸங். ததா² ஹயங் ப⁴வங் புரிஸோ ஸாரத்தி²கோ ஸாரக³வேஸீ ஸாரபரியேஸனங்
சரமானோ மஹதோ ருக்க²ஸ்ஸ திட்ட²தோ ஸாரவதோ அதிக்கம்மேவ ஸாரங் அதிக்கம்ம
பெ²க்³கு³ங் தசங் செ²த்வா ஆதா³ய பக்கந்தோ ‘ஸார’ந்தி மஞ்ஞமானோ. யஞ்சஸ்ஸ
ஸாரேன ஸாரகரணீயங் தஞ்சஸ்ஸ அத்த²ங் நானுப⁴விஸ்ஸதீ’தி.

‘‘ஏவமேவ கோ², பி⁴க்க²வே, இதே⁴கச்சோ குலபுத்தோ ஸத்³தா⁴
அகா³ரஸ்மா அனகா³ரியங் பப்³ப³ஜிதோ ஹோதி – ‘ஓதிண்ணொம்ஹி ஜாதியா ஜராய மரணேன
ஸோகேஹி பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி, து³க்கோ²திண்ணோ
து³க்க²பரேதோ, அப்பேவ நாம இமஸ்ஸ கேவலஸ்ஸ து³க்க²க்க²ந்த⁴ஸ்ஸ அந்தகிரியா
பஞ்ஞாயேதா²’’தி. ஸோ ஏவங் பப்³ப³ஜிதோ ஸமானோ லாப⁴ஸக்காரஸிலோகங்
அபி⁴னிப்³ப³த்தேதி. ஸோ தேன லாப⁴ஸக்காரஸிலோகேன ந அத்தமனோ ஹோதி ந
பரிபுண்ணஸங்கப்போ. ஸோ தேன லாப⁴ஸக்காரஸிலோகேன ந அத்தானுக்கங்ஸேதி, ந பரங்
வம்பே⁴தி. ஸோ தேன லாப⁴ஸக்காரஸிலோகேன ந மஜ்ஜதி நப்பமஜ்ஜதி ந பமாத³ங்
ஆபஜ்ஜதி, அப்பமத்தோ ஸமானோ ஸீலஸம்பத³ங் ஆராதே⁴தி. ஸோ தாய ஸீலஸம்பதா³ய
அத்தமனோ ஹோதி நோ ச கோ² பரிபுண்ணஸங்கப்போ. ஸோ தாய ஸீலஸம்பதா³ய ந
அத்தானுக்கங்ஸேதி, ந பரங் வம்பே⁴தி. ஸோ தாய ஸீலஸம்பதா³ய ந மஜ்ஜதி
நப்பமஜ்ஜதி ந பமாத³ங் ஆபஜ்ஜதி, அப்பமத்தோ ஸமானோ ஸமாதி⁴ஸம்பத³ங் ஆராதே⁴தி.
ஸோ தாய ஸமாதி⁴ஸம்பதா³ய அத்தமனோ ஹோதி பரிபுண்ணஸங்கப்போ. ஸோ தாய
ஸமாதி⁴ஸம்பதா³ய அத்தானுக்கங்ஸேதி, பரங் வம்பே⁴தி – ‘அஹமஸ்மி ஸமாஹிதோ ஏகக்³க³சித்தோ, இமே பனஞ்ஞே பி⁴க்கூ² அஸமாஹிதா விப்³ப⁴ந்தசித்தா’தி. ஸோ தாய ஸமாதி⁴ஸம்பதா³ய மஜ்ஜதி பமஜ்ஜதி பமாத³ங் ஆபஜ்ஜதி, பமத்தோ ஸமானோ து³க்க²ங் விஹரதி. அயங் வுச்சதி , பி⁴க்க²வே, பி⁴க்கு² தசங் அக்³க³ஹேஸி ப்³ரஹ்மசரியஸ்ஸ; தேன ச வோஸானங் ஆபாதி³.

310.
‘‘இத⁴ பன, பி⁴க்க²வே, ஏகச்சோ குலபுத்தோ ஸத்³தா⁴ அகா³ரஸ்மா அனகா³ரியங்
பப்³ப³ஜிதோ ஹோதி – ‘ஓதிண்ணொம்ஹி ஜாதியா ஜராய மரணேன ஸோகேஹி பரிதே³வேஹி
து³க்கே²ஹி தோ³மனஸ்ஸேஹி உபாயாஸேஹி, து³க்கோ²திண்ணோ து³க்க²பரேதோ, அப்பேவ
நாம இமஸ்ஸ கேவலஸ்ஸ து³க்க²க்க²ந்த⁴ஸ்ஸ அந்தகிரியா
பஞ்ஞாயேதா²’தி. ஸோ ஏவங் பப்³ப³ஜிதோ ஸமானோ லாப⁴ஸக்காரஸிலோகங்
அபி⁴னிப்³ப³த்தேதி. ஸோ தேன லாப⁴ஸக்காரஸிலோகேன ந அத்தமனோ ஹோதி ந
பரிபுண்ணஸங்கப்போ. ஸோ தேன லாப⁴ஸக்காரஸிலோகேன ந அத்தானுக்கங்ஸேதி, ந பரங்
வம்பே⁴தி. ஸோ தேன லாப⁴ஸக்காரஸிலோகேன ந மஜ்ஜதி நப்பமஜ்ஜதி ந பமாத³ங்
ஆபஜ்ஜதி. அப்பமத்தோ ஸமானோ ஸீலஸம்பத³ங் ஆராதே⁴தி. ஸோ தாய ஸீலஸம்பதா³ய
அத்தமனோ ஹோதி, நோ ச கோ² பரிபுண்ணஸங்கப்போ. ஸோ தாய ஸீலஸம்பதா³ய ந
அத்தானுக்கங்ஸேதி, ந பரங் வம்பே⁴தி. ஸோ தாய ஸீலஸம்பதா³ய ந மஜ்ஜதி
நப்பமஜ்ஜதி ந பமாத³ங் ஆபஜ்ஜதி, அப்பமத்தோ ஸமானோ ஸமாதி⁴ஸம்பத³ங் ஆராதே⁴தி.
ஸோ தாய ஸமாதி⁴ஸம்பதா³ய அத்தமனோ ஹோதி, நோ ச கோ² பரிபுண்ணஸங்கப்போ. ஸோ தாய
ஸமாதி⁴ஸம்பதா³ய ந அத்தானுக்கங்ஸேதி, ந பரங் வம்பே⁴தி. ஸோ தாய
ஸமாதி⁴ஸம்பதா³ய ந மஜ்ஜதி நப்பமஜ்ஜதி ந பமாத³ங்
ஆபஜ்ஜதி அப்பமத்தோ ஸமானோ ஞாணத³ஸ்ஸனங் ஆராதே⁴தி. ஸோ தேன ஞாணத³ஸ்ஸனேன அத்தமனோ
ஹோதி பரிபுண்ணஸங்கப்போ. ஸோ தேன ஞாணத³ஸ்ஸனேன அத்தானுக்கங்ஸேதி, பரங்
வம்பே⁴தி – ‘அஹமஸ்மி ஜானங் பஸ்ஸங் விஹராமி. இமே பனஞ்ஞே பி⁴க்கூ² அஜானங்
அபஸ்ஸங் விஹரந்தீ’தி. ஸோ தேன ஞாணத³ஸ்ஸனேன மஜ்ஜதி பமஜ்ஜதி பமாத³ங் ஆபஜ்ஜதி,
பமத்தோ ஸமானோ து³க்க²ங் விஹரதி.

‘‘ஸெய்யதா²பி, பி⁴க்க²வே, புரிஸோ ஸாரத்தி²கோ ஸாரக³வேஸீ
ஸாரபரியேஸனங் சரமானோ மஹதோ ருக்க²ஸ்ஸ திட்ட²தோ ஸாரவதோ அதிக்கம்மேவ ஸாரங்
பெ²க்³கு³ங் செ²த்வா ஆதா³ய பக்கமெய்ய ‘ஸார’ந்தி மஞ்ஞமானோ. தமேனங் சக்கு²மா
புரிஸோ தி³ஸ்வா ஏவங் வதெ³ய்ய – ‘ந வதாயங் ப⁴வங் புரிஸோ அஞ்ஞாஸி ஸாரங் ந
அஞ்ஞாஸி பெ²க்³கு³ங் ந அஞ்ஞாஸி தசங் ந அஞ்ஞாஸி பபடிகங் ந அஞ்ஞாஸி
ஸாகா²பலாஸங். ததா² ஹயங் ப⁴வங் புரிஸோ ஸாரத்தி²கோ ஸாரக³வேஸீ ஸாரபரியேஸனங்
சரமானோ மஹதோ ருக்க²ஸ்ஸ திட்ட²தோ ஸாரவதோ அதிக்கம்மேவ
ஸாரங் பெ²க்³கு³ங் செ²த்வா ஆதா³ய பக்கந்தோ ‘ஸார’ந்தி மஞ்ஞமானோ. யஞ்சஸ்ஸ
ஸாரேன ஸாரகரணீயங் தஞ்சஸ்ஸ அத்த²ங் நானுப⁴விஸ்ஸதீ’தி. ஏவமேவ
கோ², பி⁴க்க²வே, இதே⁴கச்சோ குலபுத்தோ ஸத்³தா⁴ அகா³ரஸ்மா அனகா³ரியங்
பப்³ப³ஜிதோ ஹோதி – ‘ஓதிண்ணொம்ஹி ஜாதியா ஜராய மரணேன ஸோகேஹி பரிதே³வேஹி
து³க்கே²ஹி தோ³மனஸ்ஸேஹி உபாயாஸேஹி, து³க்கோ²திண்ணோ து³க்க²பரேதோ, அப்பேவ
நாம இமஸ்ஸ கேவலஸ்ஸ து³க்க²க்க²ந்த⁴ஸ்ஸ அந்தகிரியா பஞ்ஞாயேதா²’தி. ஸோ ஏவங்
பப்³ப³ஜிதோ ஸமானோ லாப⁴ஸக்காரஸிலோகங் அபி⁴னிப்³ப³த்தேதி. ஸோ தேன
லாப⁴ஸக்காரஸிலோகேன ந அத்தமனோ ஹோதி ந பரிபுண்ணஸங்கப்போ. ஸோ தேன லாப⁴ஸக்காரஸிலோகேன ந அத்தானுக்கங்ஸேதி, ந பரங் வம்பே⁴தி. ஸோ
தேன லாப⁴ஸக்காரஸிலோகேன ந மஜ்ஜதி நப்பமஜ்ஜதி ந பமாத³ங் ஆபஜ்ஜதி, அப்பமத்தோ
ஸமானோ ஸீலஸம்பத³ங் ஆராதே⁴தி. ஸோ தாய ஸீலஸம்பதா³ய அத்தமனோ ஹோதி, நோ ச கோ²
பரிபுண்ணஸங்கப்போ. ஸோ தாய ஸீலஸம்பதா³ய ந அத்தானுக்கங்ஸேதி, ந பரங்
வம்பே⁴தி. ஸோ தாய ஸீலஸம்பதா³ய ந மஜ்ஜதி நப்பமஜ்ஜதி ந பமாத³ங் ஆபஜ்ஜதி,
அப்பமத்தோ ஸமானோ ஸமாதி⁴ஸம்பத³ங் ஆராதே⁴தி. ஸோ தாய ஸமாதி⁴ஸம்பதா³ய அத்தமனோ
ஹோதி, நோ ச கோ² பரிபுண்ணஸங்கப்போ. ஸோ தாய ஸமாதி⁴ஸம்பதா³ய ந
அத்தானுக்கங்ஸேதி, ந பரங் வம்பே⁴தி. ஸோ தாய ஸமாதி⁴ஸம்பதா³ய ந மஜ்ஜதி
நப்பமஜ்ஜதி ந பமாத³ங் ஆபஜ்ஜதி, அப்பமத்தோ ஸமானோ ஞாணத³ஸ்ஸனங் ஆராதே⁴தி. ஸோ
தேன ஞாணத³ஸ்ஸனேன அத்தமனோ ஹோதி பரிபுண்ணஸங்கப்போ. ஸோ தேன ஞாணத³ஸ்ஸனேன
அத்தானுக்கங்ஸேதி, பரங் வம்பே⁴தி – ‘அஹமஸ்மி ஜானங் பஸ்ஸங் விஹராமி, இமே
பனஞ்ஞே பி⁴க்கூ² அஜானங் அபஸ்ஸங் விஹரந்தீ’தி. ஸோ தேன ஞாணத³ஸ்ஸனேன மஜ்ஜதி
பமஜ்ஜதி பமாத³ங் ஆபஜ்ஜதி, பமத்தோ ஸமானோ து³க்க²ங் விஹரதி. அயங் வுச்சதி,
பி⁴க்க²வே, பி⁴க்கு² பெ²க்³கு³ங் அக்³க³ஹேஸி ப்³ரஹ்மசரியஸ்ஸ; தேன ச வோஸானங்
ஆபாதி³.

311. ‘‘இத⁴ பன, பி⁴க்க²வே, ஏகச்சோ குலபுத்தோ ஸத்³தா⁴ அகா³ரஸ்மா அனகா³ரியங் பப்³ப³ஜிதோ ஹோதி – ‘ஓதிண்ணொம்ஹி ஜாதியா ஜராய மரணேன ஸோகேஹி
பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி, து³க்கோ²திண்ணோ
து³க்க²பரேதோ, அப்பேவ நாம இமஸ்ஸ கேவலஸ்ஸ து³க்க²க்க²ந்த⁴ஸ்ஸ அந்தகிரியா
பஞ்ஞாயேதா²’தி. ஸோ ஏவங் பப்³ப³ஜிதோ ஸமானோ லாப⁴ஸக்காரஸிலோகங்
அபி⁴னிப்³ப³த்தேதி. ஸோ தேன லாப⁴ஸக்காரஸிலோகேன ந அத்தமனோ ஹோதி ,
ந பரிபுண்ணஸங்கப்போ. ஸோ தேன லாப⁴ஸக்காரஸிலோகேன ந அத்தானுக்கங்ஸேதி, ந பரங்
வம்பே⁴தி. ஸோ தேன லாப⁴ஸக்காரஸிலோகேன ந மஜ்ஜதி நப்பமஜ்ஜதி ந பமாத³ங்
ஆபஜ்ஜதி, அப்பமத்தோ ஸமானோ ஸீலஸம்பத³ங் ஆராதே⁴தி. ஸோ தாய ஸீலஸம்பதா³ய
அத்தமனோ ஹோதி, நோ ச கோ² பரிபுண்ணஸங்கப்போ. ஸோ தாய ஸீலஸம்பதா³ய ந
அத்தானுக்கங்ஸேதி, ந பரங் வம்பே⁴தி. ஸோ தாய ஸீலஸம்பதா³ய ந மஜ்ஜதி
நப்பமஜ்ஜதி ந பமாத³ங் ஆபஜ்ஜதி, அப்பமத்தோ ஸமானோ ஸமாதி⁴ஸம்பத³ங் ஆராதே⁴தி.
ஸோ தாய ஸமாதி⁴ஸம்பதா³ய அத்தமனோ ஹோதி, நோ ச கோ² பரிபுண்ணஸங்கப்போ. ஸோ தாய
ஸமாதி⁴ஸம்பதா³ய ந அத்தானுக்கங்ஸேதி, ந பரங் வம்பே⁴தி. ஸோ தாய
ஸமாதி⁴ஸம்பதா³ய ந மஜ்ஜதி நப்பமஜ்ஜதி ந பமாத³ங் ஆபஜ்ஜதி, அப்பமத்தோ ஸமானோ
ஞாணத³ஸ்ஸனங் ஆராதே⁴தி. ஸோ தேன ஞாணத³ஸ்ஸனேன அத்தமனோ ஹோதி, நோ ச கோ²
பரிபுண்ணஸங்கப்போ. ஸோ தேன ஞாணத³ஸ்ஸனேன ந அத்தானுக்கங்ஸேதி, ந பரங்
வம்பே⁴தி. ஸோ தேன ஞாணத³ஸ்ஸனேன ந மஜ்ஜதி நப்பமஜ்ஜதி ந பமாத³ங் ஆபஜ்ஜதி,
அப்பமத்தோ ஸமானோ அஸமயவிமொக்க²ங் ஆராதே⁴தி. அட்டா²னமேதங் [அட்டா²னங் கோ² பனேதங் (க॰)], பி⁴க்க²வே, அனவகாஸோ யங் ஸோ பி⁴க்கு² தாய அஸமயவிமுத்தியா பரிஹாயேத².

‘‘ஸெய்யதா²பி , பி⁴க்க²வே,
புரிஸோ ஸாரத்தி²கோ ஸாரக³வேஸீ ஸாரபரியேஸனங் சரமானோ மஹதோ ருக்க²ஸ்ஸ திட்ட²தோ
ஸாரவதோ ஸாரஞ்ஞேவ செ²த்வா ஆதா³ய பக்கமெய்ய ‘ஸார’ந்தி ஜானமானோ. தமேனங்
சக்கு²மா புரிஸோ தி³ஸ்வா ஏவங் வதெ³ய்ய – ‘அஞ்ஞாஸி வதாயங் ப⁴வங் புரிஸோ
ஸாரங், அஞ்ஞாஸி பெ²க்³கு³ங், அஞ்ஞாஸி தசங், அஞ்ஞாஸி பபடிகங், அஞ்ஞாஸி
ஸாகா²பலாஸங். ததா² ஹயங் ப⁴வங் புரிஸோ ஸாரத்தி²கோ ஸாரக³வேஸீ ஸாரபரியேஸனங்
சரமானோ மஹதோ ருக்க²ஸ்ஸ திட்ட²தோ ஸாரவதோ ஸாரஞ்ஞேவ
செ²த்வா ஆதா³ய பக்கந்தோ ‘ஸார’ந்தி ஜானமானோ. யஞ்சஸ்ஸ ஸாரேன ஸாரகரணீயங்
தஞ்சஸ்ஸ அத்த²ங் அனுப⁴விஸ்ஸதீ’தி.

‘‘ஏவமேவ கோ², பி⁴க்க²வே, இதே⁴கச்சோ குலபுத்தோ ஸத்³தா⁴
அகா³ரஸ்மா அனகா³ரியங் பப்³ப³ஜிதோ ஹோதி – ‘ஓதிண்ணொம்ஹி ஜாதியா ஜராய மரணேன
ஸோகேஹி பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி, து³க்கோ²திண்ணோ
து³க்க²பரேதோ, அப்பேவ நாம இமஸ்ஸ கேவலஸ்ஸ து³க்க²க்க²ந்த⁴ஸ்ஸ அந்தகிரியா
பஞ்ஞாயேதா²’தி. ஸோ ஏவங் பப்³ப³ஜிதோ ஸமானோ
லாப⁴ஸக்காரஸிலோகங் அபி⁴னிப்³ப³த்தேதி. ஸோ தேன லாப⁴ஸக்காரஸிலோகேன ந அத்தமனோ
ஹோதி, ந பரிபுண்ணஸங்கப்போ. ஸோ தேன லாப⁴ஸக்காரஸிலோகேன ந அத்தானுக்கங்ஸேதி, ந
பரங் வம்பே⁴தி. ஸோ தேன லாப⁴ஸக்காரஸிலோகேன ந மஜ்ஜதி நப்பமஜ்ஜதி ந பமாத³ங்
ஆபஜ்ஜதி, அப்பமத்தோ ஸமானோ ஸீலஸம்பத³ங் ஆராதே⁴தி. ஸோ தாய ஸீலஸம்பதா³ய
அத்தமனோ ஹோதி, நோ ச கோ² பரிபுண்ணஸங்கப்போ. ஸோ தாய ஸீலஸம்பதா³ய ந
அத்தானுக்கங்ஸேதி, ந பரங் வம்பே⁴தி. ஸோ தாய ஸீலஸம்பதா³ய ந மஜ்ஜதி
நப்பமஜ்ஜதி ந பமாத³ங் ஆபஜ்ஜதி, அப்பமத்தோ ஸமானோ
ஸமாதி⁴ஸம்பத³ங் ஆராதே⁴தி. ஸோ தாய ஸமாதி⁴ஸம்பதா³ய அத்தமனோ ஹோதி, நோ ச கோ²
பரிபுண்ணஸங்கப்போ. ஸோ தாய ஸமாதி⁴ஸம்பதா³ய ந அத்தானுக்கங்ஸேதி, ந பரங்
வம்பே⁴தி. ஸோ தாய ஸமாதி⁴ஸம்பதா³ய ந மஜ்ஜதி நப்பமஜ்ஜதி ந பமாத³ங் ஆபஜ்ஜதி,
அப்பமத்தோ ஸமானோ ஞாணத³ஸ்ஸனங் ஆராதே⁴தி. ஸோ தேன ஞாணத³ஸ்ஸனேன அத்தமனோ ஹோதி,
நோ ச கோ² பரிபுண்ணஸங்கப்போ. ஸோ தேன ஞாணத³ஸ்ஸனேன ந அத்தானுக்கங்ஸேதி, ந பரங்
வம்பே⁴தி. ஸோ தேன ஞாணத³ஸ்ஸனேன ந மஜ்ஜதி நப்பமஜ்ஜதி ந பமாத³ங் ஆபஜ்ஜதி,
அப்பமத்தோ ஸமானோ அஸமயவிமொக்க²ங் ஆராதே⁴தி. அட்டா²னமேதங், பி⁴க்க²வே, அனவகாஸோ யங் ஸோ பி⁴க்கு² தாய அஸமயவிமுத்தியா பரிஹாயேத².

‘‘இதி கோ², பி⁴க்க²வே, நயித³ங் ப்³ரஹ்மசரியங்
லாப⁴ஸக்காரஸிலோகானிஸங்ஸங், ந ஸீலஸம்பதா³னிஸங்ஸங், ந ஸமாதி⁴ஸம்பதா³னிஸங்ஸங்,
ந ஞாணத³ஸ்ஸனானிஸங்ஸங். யா ச கோ² அயங், பி⁴க்க²வே, அகுப்பா சேதோவிமுத்தி –
ஏதத³த்த²மித³ங், பி⁴க்க²வே, ப்³ரஹ்மசரியங், ஏதங் ஸாரங் ஏதங்
பரியோஸான’’ந்தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

மஹாஸாரோபமஸுத்தங் நிட்டி²தங் நவமங்.

10. சூளஸாரோபமஸுத்தங்

312. ஏவங் மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. அத² கோ² பிங்க³லகொச்சோ² ப்³ராஹ்மணோ யேன
ப⁴க³வா தேனுபஸங்கமி; உபஸங்கமித்வா ப⁴க³வதா ஸத்³தி⁴ங் ஸம்மோதி³.
ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங்
நிஸின்னோ கோ² பிங்க³லகொச்சோ² ப்³ராஹ்மணோ ப⁴க³வந்தங் ஏதத³வோச – ‘‘யேமே, போ⁴
கோ³தம, ஸமணப்³ராஹ்மணா ஸங்கி⁴னோ க³ணினோ க³ணாசரியா ஞாதா யஸஸ்ஸினோ தித்த²கரா
ஸாது⁴ஸம்மதா, ப³ஹுஜனஸ்ஸ, ஸெய்யதி²த³ங் – பூரணோ கஸ்ஸபோ, மக்க²லி கோ³ஸாலோ,
அஜிதோ கேஸகம்ப³லோ, பகுதோ⁴ கச்சாயனோ, ஸஞ்சயோ [ஸஞ்ஜயோ (ஸீ॰ ஸ்யா॰ பீ॰ க॰)]
பே³லட்ட²புத்தோ, நிக³ண்டோ² நாடபுத்தோ, ஸப்³பே³தே ஸகாய படிஞ்ஞாய
அப்³ப⁴ஞ்ஞங்ஸு ஸப்³பே³வ நாப்³ப⁴ஞ்ஞங்ஸு, உதா³ஹு ஏகச்சே அப்³ப⁴ஞ்ஞங்ஸு
ஏகச்சே நாப்³ப⁴ஞ்ஞங்ஸூ’’தி? ‘‘அலங், ப்³ராஹ்மண, திட்ட²தேதங் – ஸப்³பே³தே
ஸகாய படிஞ்ஞாய அப்³ப⁴ஞ்ஞங்ஸு ஸப்³பே³வ நாப்³ப⁴ஞ்ஞங்ஸு, உதா³ஹு ஏகச்சே
அப்³ப⁴ஞ்ஞங்ஸு ஏகச்சே நாப்³ப⁴ஞ்ஞங்ஸூதி. த⁴ம்மங் தே, ப்³ராஹ்மண,
தே³ஸெஸ்ஸாமி, தங் ஸுணாஹி, ஸாது⁴கங் மனஸி கரோஹி, பா⁴ஸிஸ்ஸாமீ’’தி. ‘‘ஏவங்,
போ⁴’’தி கோ² பிங்க³லகொச்சோ² ப்³ராஹ்மணோ ப⁴க³வதோ பச்சஸ்ஸோஸி. ப⁴க³வா ஏதத³வோச

313.
‘‘ஸெய்யதா²பி, ப்³ராஹ்மண, புரிஸோ ஸாரத்தி²கோ ஸாரக³வேஸீ ஸாரபரியேஸனங்
சரமானோ மஹதோ ருக்க²ஸ்ஸ திட்ட²தோ ஸாரவதோ அதிக்கம்மேவ ஸாரங் அதிக்கம்ம
பெ²க்³கு³ங் அதிக்கம்ம தசங் அதிக்கம்ம பபடிகங்,
ஸாகா²பலாஸங் செ²த்வா ஆதா³ய பக்கமெய்ய ‘ஸார’ந்தி மஞ்ஞமானோ. தமேனங் சக்கு²மா
புரிஸோ தி³ஸ்வா ஏவங் வதெ³ய்ய – ‘ந வதாயங் ப⁴வங் புரிஸோ அஞ்ஞாஸி ஸாரங், ந
அஞ்ஞாஸி பெ²க்³கு³ங், ந அஞ்ஞாஸி தசங், ந அஞ்ஞாஸி பபடிகங், ந அஞ்ஞாஸி
ஸாகா²பலாஸங். ததா² ஹயங் ப⁴வங் புரிஸோ ஸாரத்தி²கோ ஸாரக³வேஸீ ஸாரபரியேஸனங்
சரமானோ மஹதோ ருக்க²ஸ்ஸ திட்ட²தோ ஸாரவதோ அதிக்கம்மேவ ஸாரங் அதிக்கம்ம
பெ²க்³கு³ங் அதிக்கம்ம தசங் அதிக்கம்ம பபடிகங், ஸாகா²பலாஸங் செ²த்வா ஆதா³ய
பக்கந்தோ ‘ஸார’ந்தி மஞ்ஞமானோ. யஞ்சஸ்ஸ ஸாரேன ஸாரகரணீயங் தஞ்சஸ்ஸ அத்த²ங்
நானுப⁴விஸ்ஸதீ’தி.

314. ‘‘ஸெய்யதா²பி வா பன, ப்³ராஹ்மண, புரிஸோ ஸாரத்தி²கோ ஸாரக³வேஸீ ஸாரபரியேஸனங் சரமானோ மஹதோ ருக்க²ஸ்ஸ திட்ட²தோ ஸாரவதோ அதிக்கம்மேவ ஸாரங் அதிக்கம்ம பெ²க்³கு³ங் அதிக்கம்ம தசங் , பபடிகங் செ²த்வா ஆதா³ய
பக்கமெய்ய ‘ஸார’ந்தி மஞ்ஞமானோ. தமேனங் சக்கு²மா புரிஸோ தி³ஸ்வா ஏவங்
வதெ³ய்ய – ‘ந வதாயங் ப⁴வங் புரிஸோ அஞ்ஞாஸி ஸாரங், ந அஞ்ஞாஸி பெ²க்³கு³ங், ந
அஞ்ஞாஸி தசங், ந அஞ்ஞாஸி பபடிகங், ந அஞ்ஞாஸி ஸாகா²பலாஸங். ததா² ஹயங் ப⁴வங்
புரிஸோ ஸாரத்தி²கோ ஸாரக³வேஸீ ஸாரபரியேஸனங் சரமானோ மஹதோ ருக்க²ஸ்ஸ திட்ட²தோ
ஸாரவதோ அதிக்கம்மேவ ஸாரங் அதிக்கம்ம பெ²க்³கு³ங் அதிக்கம்ம தசங் பபடிகங்
செ²த்வா ஆதா³ய பக்கந்தோ ‘ஸார’ந்தி மஞ்ஞமானோ. யஞ்சஸ்ஸ ஸாரேன ஸாரகரணீயங்
தஞ்சஸ்ஸ அத்த²ங் நானுப⁴விஸ்ஸதீ’தி.

315. ‘‘ஸெய்யதா²பி வா பன, ப்³ராஹ்மண, புரிஸோ ஸாரத்தி²கோ ஸாரக³வேஸீ ஸாரபரியேஸனங் சரமானோ மஹதோ ருக்க²ஸ்ஸ திட்ட²தோ
ஸாரவதோ அதிக்கம்மேவ ஸாரங் அதிக்கம்ம பெ²க்³கு³ங், தசங் செ²த்வா ஆதா³ய
பக்கமெய்ய ‘ஸார’ந்தி மஞ்ஞமானோ. தமேனங் சக்கு²மா புரிஸோ தி³ஸ்வா ஏவங்
வதெ³ய்ய – ‘ந வதாயங் ப⁴வங் புரிஸோ அஞ்ஞாஸி ஸாரங், ந அஞ்ஞாஸி பெ²க்³கு³ங், ந
அஞ்ஞாஸி தசங், ந அஞ்ஞாஸி பபடிகங், ந அஞ்ஞாஸி ஸாகா²பலாஸங். ததா² ஹயங் ப⁴வங்
புரிஸோ ஸாரத்தி²கோ ஸாரக³வேஸீ ஸாரபரியேஸனங் சரமானோ மஹதோ ருக்க²ஸ்ஸ திட்ட²தோ
ஸாரவதோ அதிக்கம்மேவ ஸாரங் அதிக்கம்ம பெ²க்³கு³ங், தசங் செ²த்வா ஆதா³ய
பக்கந்தோ ‘ஸார’ந்தி மஞ்ஞமானோ. யஞ்சஸ்ஸ ஸாரேன ஸாரகரணீயங் தஞ்சஸ்ஸ அத்த²ங்
நானுப⁴விஸ்ஸதீ’தி.

316.
‘‘ஸெய்யதா²பி வா பன, ப்³ராஹ்மண, புரிஸோ ஸாரத்தி²கோ ஸாரக³வேஸீ ஸாரபரியேஸனங்
சரமானோ மஹதோ ருக்க²ஸ்ஸ திட்ட²தோ ஸாரவதோ அதிக்கம்மேவ ஸாரங், பெ²க்³கு³ங்
செ²த்வா ஆதா³ய பக்கமெய்ய ‘ஸார’ந்தி மஞ்ஞமானோ. தமேனங் சக்கு²மா புரிஸோ
தி³ஸ்வா ஏவங் வதெ³ய்ய – ‘ந வதாயங் ப⁴வங் புரிஸோ அஞ்ஞாஸி ஸாரங், ந அஞ்ஞாஸி
பெ²க்³கு³ங், ந அஞ்ஞாஸி தசங், ந அஞ்ஞாஸி பபடிகங், ந அஞ்ஞாஸி ஸாகா²பலாஸங்.
ததா² ஹயங் ப⁴வங் புரிஸோ ஸாரத்தி²கோ ஸாரக³வேஸீ ஸாரபரியேஸனங் சரமானோ மஹதோ
ருக்க²ஸ்ஸ திட்ட²தோ ஸாரவதோ அதிக்கம்மேவ ஸாரங், பெ²க்³கு³ங் செ²த்வா ஆதா³ய
பக்கந்தோ ‘ஸார’ந்தி மஞ்ஞமானோ. யஞ்சஸ்ஸ ஸாரேன ஸாரகரணீயங் தஞ்சஸ்ஸ அத்த²ங்
நானுப⁴விஸ்ஸதீ’தி.

317. ‘‘ஸெய்யதா²பி வா பன, ப்³ராஹ்மண, புரிஸோ ஸாரத்தி²கோ ஸாரக³வேஸீ ஸாரபரியேஸனங் சரமானோ மஹதோ ருக்க²ஸ்ஸ திட்ட²தோ ஸாரவதோ ஸாரஞ்ஞேவ செ²த்வா ஆதா³ய பக்கமெய்ய ‘ஸார’ந்தி ஜானமானோ. தமேனங் சக்கு²மா
புரிஸோ தி³ஸ்வா ஏவங் வதெ³ய்ய – ‘அஞ்ஞாஸி வதாயங் ப⁴வங் புரிஸோ ஸாரங்,
அஞ்ஞாஸி பெ²க்³கு³ங், அஞ்ஞாஸி தசங், அஞ்ஞாஸி பபடிகங், அஞ்ஞாஸி ஸாகா²பலாஸங்.
ததா² ஹயங் ப⁴வங் புரிஸோ ஸாரத்தி²கோ ஸாரக³வேஸீ ஸாரபரியேஸனங் சரமானோ மஹதோ
ருக்க²ஸ்ஸ திட்ட²தோ ஸாரவதோ ஸாரஞ்ஞேவ செ²த்வா ஆதா³ய பக்கந்தோ ‘ஸார’ந்தி ஜானமானோ. யஞ்சஸ்ஸ ஸாரேன ஸாரகரணீயங் தஞ்சஸ்ஸ அத்த²ங் அனுப⁴விஸ்ஸதீ’தி.

318.
‘‘ஏவமேவ கோ², ப்³ராஹ்மண, இதே⁴கச்சோ புக்³க³லோ ஸத்³தா⁴ அகா³ரஸ்மா
அனகா³ரியங் பப்³ப³ஜிதோ ஹோதி – ‘ஓதிண்ணொம்ஹி ஜாதியா ஜராய மரணேன ஸோகேஹி
பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி, து³க்கோ²திண்ணோ
து³க்க²பரேதோ, அப்பேவ நாம இமஸ்ஸ கேவலஸ்ஸ து³க்க²க்க²ந்த⁴ஸ்ஸ அந்தகிரியா
பஞ்ஞாயேதா²’தி. ஸோ ஏவங் பப்³ப³ஜிதோ ஸமானோ லாப⁴ஸக்காரஸிலோகங்
அபி⁴னிப்³ப³த்தேதி. ஸோ தேன லாப⁴ஸக்காரஸிலோகேன அத்தமனோ ஹோதி
பரிபுண்ணஸங்கப்போ. ஸோ தேன லாப⁴ஸக்காரஸிலோகேன அத்தானுக்கங்ஸேதி, பரங்
வம்பே⁴தி – ‘அஹமஸ்மி லாப⁴ஸக்காரஸிலோகவா, இமே பனஞ்ஞே பி⁴க்கூ² அப்பஞ்ஞாதா
அப்பேஸக்கா²’தி. லாப⁴ஸக்காரஸிலோகேன ச யே அஞ்ஞே த⁴ம்மா உத்தரிதரா ச பணீததரா ச
தேஸங் த⁴ம்மானங் ஸச்சி²கிரியாய ந ச²ந்த³ங் ஜனேதி, ந வாயமதி, ஓலீனவுத்திகோ ச
ஹோதி ஸாத²லிகோ. ஸெய்யதா²பி ஸோ, ப்³ராஹ்மண, புரிஸோ ஸாரத்தி²கோ ஸாரக³வேஸீ
ஸாரபரியேஸனங் சரமானோ மஹதோ ருக்க²ஸ்ஸ திட்ட²தோ ஸாரவதோ அதிக்கம்மேவ ஸாரங்
அதிக்கம்ம பெ²க்³கு³ங் அதிக்கம்ம தசங் அதிக்கம்ம பபடிகங், ஸாகா²பலாஸங்
செ²த்வா ஆதா³ய பக்கந்தோ ‘ஸார’ந்தி மஞ்ஞமானோ.
யஞ்சஸ்ஸ ஸாரேன ஸாரகரணீயங் தஞ்சஸ்ஸ அத்த²ங் நானுப⁴விஸ்ஸதி. ததூ²பமாஹங்,
ப்³ராஹ்மண, இமங் புக்³க³லங் வதா³மி.

319.
‘‘இத⁴ பன, ப்³ராஹ்மண, ஏகச்சோ புக்³க³லோ ஸத்³தா⁴ அகா³ரஸ்மா அனகா³ரியங்
பப்³ப³ஜிதோ ஹோதி – ‘ஓதிண்ணொம்ஹி ஜாதியா ஜராய மரணேன ஸோகேஹி பரிதே³வேஹி
து³க்கே²ஹி தோ³மனஸ்ஸேஹி உபாயாஸேஹி, து³க்கோ²திண்ணோ து³க்க²பரேதோ, அப்பேவ
நாம இமஸ்ஸ கேவலஸ்ஸ து³க்க²க்க²ந்த⁴ஸ்ஸ அந்தகிரியா பஞ்ஞாயேதா²’தி. ஸோ ஏவங்
பப்³ப³ஜிதோ ஸமானோ லாப⁴ஸக்காரஸிலோகங் அபி⁴னிப்³ப³த்தேதி. ஸோ தேன
லாப⁴ஸக்காரஸிலோகேன ந அத்தமனோ ஹோதி ந
பரிபுண்ணஸங்கப்போ. ஸோ தேன லாப⁴ஸக்காரஸிலோகேன ந அத்தானுக்கங்ஸேதி, ந பரங்
வம்பே⁴தி. லாப⁴ஸக்காரஸிலோகேன ச யே அஞ்ஞே த⁴ம்மா உத்தரிதரா ச பணீததரா ச
தேஸங் த⁴ம்மானங் ஸச்சி²கிரியாய ச²ந்த³ங் ஜனேதி, வாயமதி ,
அனோலீனவுத்திகோ ச ஹோதி அஸாத²லிகோ. ஸோ ஸீலஸம்பத³ங் ஆராதே⁴தி. ஸோ தாய
ஸீலஸம்பதா³ய அத்தமனோ ஹோதி, பரிபுண்ணஸங்கப்போ. ஸோ தாய ஸீலஸம்பதா³ய
அத்தானுக்கங்ஸேதி, பரங் வம்பே⁴தி – ‘அஹமஸ்மி ஸீலவா கல்யாணத⁴ம்மோ, இமே
பனஞ்ஞே பி⁴க்கூ² து³ஸ்ஸீலா பாபத⁴ம்மா’தி. ஸீலஸம்பதா³ய ச யே அஞ்ஞே த⁴ம்மா
உத்தரிதரா ச பணீததரா ச தேஸங் த⁴ம்மானங் ஸச்சி²கிரியாய ந ச²ந்த³ங் ஜனேதி, ந வாயமதி, ஓலீனவுத்திகோ ச ஹோதி ஸாத²லிகோ. ஸெய்யதா²பி ஸோ, ப்³ராஹ்மண, புரிஸோ ஸாரத்தி²கோ ஸாரக³வேஸீ
ஸாரபரியேஸனங் சரமானோ மஹதோ ருக்க²ஸ்ஸ திட்ட²தோ ஸாரவதோ அதிக்கம்மேவ ஸாரங்
அதிக்கம்ம பெ²க்³கு³ங் அதிக்கம்ம தசங், பபடிகங் செ²த்வா ஆதா³ய பக்கந்தோ
‘ஸார’ந்தி மஞ்ஞமானோ. யஞ்சஸ்ஸ ஸாரேன ஸாரகரணீயங், தஞ்சஸ்ஸ அத்த²ங்
நானுப⁴விஸ்ஸதி. ததூ²பமாஹங், ப்³ராஹ்மண, இமங் புக்³க³லங் வதா³மி.

320.
‘‘இத⁴ பன, ப்³ராஹ்மண, ஏகச்சோ புக்³க³லோ ஸத்³தா⁴ அகா³ரஸ்மா அனகா³ரியங்
பப்³ப³ஜிதோ ஹோதி – ‘ஓதிண்ணொம்ஹி ஜாதியா ஜராய மரணேன ஸோகேஹி பரிதே³வேஹி
து³க்கே²ஹி தோ³மனஸ்ஸேஹி உபாயாஸேஹி, து³க்கோ²திண்ணோ து³க்க²பரேதோ, அப்பேவ
நாம இமஸ்ஸ கேவலஸ்ஸ து³க்க²க்க²ந்த⁴ஸ்ஸ அந்தகிரியா பஞ்ஞாயேதா²’தி. ஸோ ஏவங்
பப்³ப³ஜிதோ ஸமானோ லாப⁴ஸக்காரஸிலோகங் அபி⁴னிப்³ப³த்தேதி. ஸோ தேன
லாப⁴ஸக்காரஸிலோகேன ந அத்தமனோ ஹோதி, ந பரிபுண்ணஸங்கப்போ. ஸோ தேன
லாப⁴ஸக்காரஸிலோகேன ந அத்தானுக்கங்ஸேதி, ந பரங் வம்பே⁴தி. லாப⁴ஸக்காரஸிலோகேன
ச யே அஞ்ஞே த⁴ம்மா உத்தரிதரா ச பணீததரா ச தேஸங் த⁴ம்மானங் ஸச்சி²கிரியாய
ச²ந்த³ங் ஜனேதி, வாயமதி, அனோலீனவுத்திகோ ச ஹோதி அஸாத²லிகோ. ஸோ ஸீலஸம்பத³ங்
ஆராதே⁴தி. ஸோ தாய ஸீலஸம்பதா³ய அத்தமனோ ஹோதி நோ ச கோ² பரிபுண்ணஸங்கப்போ. ஸோ
தாய ஸீலஸம்பதா³ய ந அத்தானுக்கங்ஸேதி, ந பரங் வம்பே⁴தி. ஸீலஸம்பதா³ய ச யே
அஞ்ஞே த⁴ம்மா உத்தரிதரா ச பணீததரா ச தேஸங் த⁴ம்மானங் ஸச்சி²கிரியாய
ச²ந்த³ங் ஜனேதி, வாயமதி, அனோலீனவுத்திகோ ச ஹோதி அஸாத²லிகோ .
ஸோ ஸமாதி⁴ஸம்பத³ங் ஆராதே⁴தி. ஸோ தாய ஸமாதி⁴ஸம்பதா³ய அத்தமனோ ஹோதி,
பரிபுண்ணஸங்கப்போ. ஸோ தாய ஸமாதி⁴ஸம்பதா³ய அத்தானுக்கங்ஸேதி, பரங் வம்பே⁴தி –
‘அஹமஸ்மி ஸமாஹிதோ ஏகக்³க³சித்தோ, இமே பனஞ்ஞே பி⁴க்கூ²
அஸமாஹிதா விப்³ப⁴ந்தசித்தா’தி. ஸமாதி⁴ஸம்பதா³ய ச யே அஞ்ஞே த⁴ம்மா
உத்தரிதரா ச பணீததரா ச, தேஸங் த⁴ம்மானங் ஸச்சி²கிரியாய ந ச²ந்த³ங் ஜனேதி, ந
வாயமதி, ஓலீனவுத்திகோ ச ஹோதி ஸாத²லிகோ. ஸெய்யதா²பி ஸோ, ப்³ராஹ்மண, புரிஸோ
ஸாரத்தி²கோ ஸாரக³வேஸீ ஸாரபரியேஸனங் சரமானோ மஹதோ ருக்க²ஸ்ஸ திட்ட²தோ ஸாரவதோ
அதிக்கம்மேவ ஸாரங் அதிக்கம்ம பெ²க்³கு³ங், தசங் செ²த்வா ஆதா³ய பக்கந்தோ
‘ஸார’ந்தி மஞ்ஞமானோ. யஞ்சஸ்ஸ ஸாரேன ஸாரகரணீயங் தஞ்சஸ்ஸ அத்த²ங் நானுப⁴விஸ்ஸதி. ததூ²பமாஹங், ப்³ராஹ்மண, இமங் புக்³க³லங் வதா³மி.

321. ‘‘இத⁴ பன, ப்³ராஹ்மண, ஏகச்சோ புக்³க³லோ ஸத்³தா⁴ அகா³ரஸ்மா அனகா³ரியங் பப்³ப³ஜிதோ ஹோதி – ‘ஓதிண்ணொம்ஹி ஜாதியா ஜராய மரணேன…பே॰…
அந்தகிரியா பஞ்ஞாயேதா²’தி. ஸோ ஏவங் பப்³ப³ஜிதோ ஸமானோ லாப⁴ஸக்காரஸிலோகங்
அபி⁴னிப்³ப³த்தேதி. ஸோ தேன லாப⁴ஸக்காரஸிலோகேன ந அத்தமனோ ஹோதி ந
பரிபுண்ணஸங்கப்போ. ஸோ தேன லாப⁴ஸக்காரஸிலோகேன ந அத்தானுக்கங்ஸேதி, ந பரங்
வம்பே⁴தி. லாப⁴ஸக்காரஸிலோகேன ச யே அஞ்ஞே த⁴ம்மா உத்தரிதரா ச பணீததரா ச
தேஸங் த⁴ம்மானங் ஸச்சி²கிரியாய ச²ந்த³ங் ஜனேதி, வாயமதி, அனோலீனவுத்திகோ ச
ஹோதி அஸாத²லிகோ. ஸோ ஸீலஸம்பத³ங் ஆராதே⁴தி. ஸோ தாய ஸீலஸம்பதா³ய அத்தமனோ
ஹோதி, நோ ச கோ² பரிபுண்ணஸங்கப்போ. ஸோ தாய ஸீலஸம்பதா³ய ந அத்தானுக்கங்ஸேதி, ந
பரங் வம்பே⁴தி. ஸீலஸம்பதா³ய ச யே அஞ்ஞே த⁴ம்மா உத்தரிதரா ச பணீததரா ச
தேஸங் த⁴ம்மானங் ஸச்சி²கிரியாய ச²ந்த³ங் ஜனேதி, வாயமதி, அனோலீனவுத்திகோ ச
ஹோதி அஸாத²லிகோ. ஸோ ஸமாதி⁴ஸம்பத³ங் ஆராதே⁴தி. ஸோ தாய ஸமாதி⁴ஸம்பதா³ய
அத்தமனோ ஹோதி, நோ ச கோ² பரிபுண்ணஸங்கப்போ. ஸோ தாய ஸமாதி⁴ஸம்பதா³ய ந
அத்தானுக்கங்ஸேதி, ந பரங் வம்பே⁴தி. ஸமாதி⁴ஸம்பதா³ய ச யே அஞ்ஞே த⁴ம்மா
உத்தரிதரா ச பணீததரா ச தேஸங் த⁴ம்மானங்
ஸச்சி²கிரியாய ச²ந்த³ங் ஜனேதி, வாயமதி, அனோலீனவுத்திகோ ச ஹோதி அஸாத²லிகோ.
ஸோ ஞாணத³ஸ்ஸனங் ஆராதே⁴தி. ஸோ தேன ஞாணத³ஸ்ஸனேன அத்தமனோ ஹோதி,
பரிபுண்ணஸங்கப்போ . ஸோ தேன ஞாணத³ஸ்ஸனேன
அத்தானுக்கங்ஸேதி, பரங் வம்பே⁴தி – ‘அஹமஸ்மி ஜானங் பஸ்ஸங் விஹராமி, இமே
பனஞ்ஞே பி⁴க்கூ² அஜானங் அபஸ்ஸங் விஹரந்தீ’தி. ஞாணத³ஸ்ஸனேன ச யே அஞ்ஞே
த⁴ம்மா உத்தரிதரா ச பணீததரா ச தேஸங் த⁴ம்மானங் ஸச்சி²கிரியாய ந ச²ந்த³ங்
ஜனேதி, ந வாயமதி, ஓலீனவுத்திகோ ச ஹோதி ஸாத²லிகோ. ஸெய்யதா²பி ஸோ, ப்³ராஹ்மண,
புரிஸோ ஸாரத்தி²கோ ஸாரக³வேஸீ ஸாரபரியேஸனங் சரமானோ மஹதோ ருக்க²ஸ்ஸ திட்ட²தோ
ஸாரவதோ அதிக்கம்மேவ ஸாரங், பெ²க்³கு³ங் செ²த்வா ஆதா³ய பக்கந்தோ ‘ஸார’ந்தி
மஞ்ஞமானோ. யஞ்சஸ்ஸ ஸாரேன ஸாரகரணீயங் தஞ்சஸ்ஸ அத்த²ங் நானுப⁴விஸ்ஸதி.
ததூ²பமாஹங், ப்³ராஹ்மண, இமங் புக்³க³லங் வதா³மி.

322.
‘‘இத⁴ பன, ப்³ராஹ்மண, ஏகச்சோ புக்³க³லோ ஸத்³தா⁴ அகா³ரஸ்மா அனகா³ரியங்
பப்³ப³ஜிதோ ஹோதி – ‘ஓதிண்ணொம்ஹி ஜாதியா ஜராய மரணேன ஸோகேஹி பரிதே³வேஹி
து³க்கே²ஹி தோ³மனஸ்ஸேஹி உபாயாஸேஹி , து³க்கோ²திண்ணோ து³க்க²பரேதோ , அப்பேவ நாம இமஸ்ஸ கேவலஸ்ஸ து³க்க²க்க²ந்த⁴ஸ்ஸ அந்தகிரியா பஞ்ஞாயேதா²’தி. ஸோ ஏவங் பப்³ப³ஜிதோ ஸமானோ
லாப⁴ஸக்காரஸிலோகங் அபி⁴னிப்³ப³த்தேதி. ஸோ தேன லாப⁴ஸக்காரஸிலோகேன ந அத்தமனோ
ஹோதி, ந பரிபுண்ணஸங்கப்போ. ஸோ தேன லாப⁴ஸக்காரஸிலோகேன ந அத்தானுக்கங்ஸேதி, ந
பரங் வம்பே⁴தி. லாப⁴ஸக்காரஸிலோகேன ச யே அஞ்ஞே த⁴ம்மா உத்தரிதரா ச பணீததரா ச
தேஸங் த⁴ம்மானங் ஸச்சி²கிரியாய ச²ந்த³ங் ஜனேதி, வாயமதி, அனோலீனவுத்திகோ ச
ஹோதி அஸாத²லிகோ. ஸோ ஸீலஸம்பத³ங் ஆராதே⁴தி. ஸோ தாய ஸீலஸம்பதா³ய அத்தமனோ
ஹோதி, நோ ச கோ² பரிபுண்ணஸங்கப்போ. ஸோ தாய ஸீலஸம்பதா³ய ந அத்தானுக்கங்ஸேதி, ந
பரங் வம்பே⁴தி. ஸீலஸம்பதா³ய ச யே அஞ்ஞே த⁴ம்மா உத்தரிதரா ச பணீததரா ச
தேஸங் த⁴ம்மானங் ஸச்சி²கிரியாய ச²ந்த³ங் ஜனேதி, வாயமதி, அனோலீனவுத்திகோ ச
ஹோதி அஸாத²லிகோ. ஸோ ஸமாதி⁴ஸம்பத³ங் ஆராதே⁴தி. ஸோ தாய ஸமாதி⁴ஸம்பதா³ய
அத்தமனோ ஹோதி, நோ ச கோ² பரிபுண்ணஸங்கப்போ. ஸோ தாய ஸமாதி⁴ஸம்பதா³ய ந
அத்தானுக்கங்ஸேதி, ந பரங் வம்பே⁴தி. ஸமாதி⁴ஸம்பதா³ய ச யே அஞ்ஞே த⁴ம்மா
உத்தரிதரா ச பணீததரா ச தேஸங் த⁴ம்மானங் ஸச்சி²கிரியாய ச²ந்த³ங் ஜனேதி,
வாயமதி, அனோலீனவுத்திகோ ச ஹோதி அஸாத²லிகோ. ஸோ ஞாணத³ஸ்ஸனங் ஆராதே⁴தி. ஸோ தேன
ஞாணத³ஸ்ஸனேன அத்தமனோ ஹோதி, நோ ச கோ² பரிபுண்ணஸங்கப்போ. ஸோ தேன ஞாணத³ஸ்ஸனேன
ந அத்தானுக்கங்ஸேதி, ந பரங் வம்பே⁴தி. ஞாணத³ஸ்ஸனேன ச யே அஞ்ஞே த⁴ம்மா உத்தரிதரா ச பணீததரா ச தேஸங் த⁴ம்மானங் ஸச்சி²கிரியாய ச²ந்த³ங் ஜனேதி, வாயமதி, அனோலீனவுத்திகோ ச ஹோதி அஸாத²லிகோ.

323.
‘‘கதமே ச, ப்³ராஹ்மண, த⁴ம்மா ஞாணத³ஸ்ஸனேன உத்தரிதரா ச பணீததரா ச? இத⁴,
ப்³ராஹ்மண, பி⁴க்கு² விவிச்சேவ காமேஹி விவிச்ச அகுஸலேஹி த⁴ம்மேஹி ஸவிதக்கங்
ஸவிசாரங் விவேகஜங் பீதிஸுக²ங் பட²மங் ஜா²னங் உபஸம்பஜ்ஜ விஹரதி. அயம்பி
கோ², ப்³ராஹ்மண, த⁴ம்மோ ஞாணத³ஸ்ஸனேன உத்தரிதரோ ச பணீததரோ ச.

‘‘புன சபரங், ப்³ராஹ்மண, பி⁴க்கு² விதக்கவிசாரானங்
வூபஸமா அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங் அவிதக்கங் அவிசாரங்
ஸமாதி⁴ஜங் பீதிஸுக²ங் து³தியங் ஜா²னங் உபஸம்பஜ்ஜ விஹரதி. அயம்பி கோ²,
ப்³ராஹ்மண, த⁴ம்மோ ஞாணத³ஸ்ஸனேன உத்தரிதரோ ச பணீததரோ ச.

‘‘புன சபரங், ப்³ராஹ்மண, பி⁴க்கு² பீதியா ச விராகா³ உபெக்க²கோ ச விஹரதி, ஸதோ ச ஸம்பஜானோ
ஸுக²ஞ்ச காயேன படிஸங்வேதே³தி, யங் தங் அரியா ஆசிக்க²ந்தி – ‘உபெக்க²கோ
ஸதிமா ஸுக²விஹாரீ’தி ததியங் ஜா²னங் உபஸம்பஜ்ஜ விஹரதி. அயம்பி கோ² , ப்³ராஹ்மண, த⁴ம்மோ ஞாணத³ஸ்ஸனேன உத்தரிதரோ ச பணீததரோ ச.

‘‘புன சபரங், ப்³ராஹ்மண, பி⁴க்கு² ஸுக²ஸ்ஸ ச பஹானா
து³க்க²ஸ்ஸ ச பஹானா புப்³பே³வ ஸோமனஸ்ஸதோ³மனஸ்ஸானங் அத்த²ங்க³மா
அது³க்க²மஸுக²ங் உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ
விஹரதி. அயம்பி கோ², ப்³ராஹ்மண, த⁴ம்மோ ஞாணத³ஸ்ஸனேன உத்தரிதரோ ச பணீததரோ ச.

‘‘புன சபரங், ப்³ராஹ்மண, பி⁴க்கு² ஸப்³ப³ஸோ
ரூபஸஞ்ஞானங் ஸமதிக்கமா படிக⁴ஸஞ்ஞானங் அத்த²ங்க³மா நானத்தஸஞ்ஞானங் அமனஸிகாரா
‘அனந்தோ ஆகாஸோ’தி ஆகாஸானஞ்சாயதனங் உபஸம்பஜ்ஜ விஹரதி. அயம்பி கோ²,
ப்³ராஹ்மண, த⁴ம்மோ ஞாணத³ஸ்ஸனேன உத்தரிதரோ ச பணீததரோ ச.

‘‘புன சபரங், ப்³ராஹ்மண, பி⁴க்கு² ஸப்³ப³ஸோ
ஆகாஸானஞ்சாயதனங் ஸமதிக்கம்ம ‘அனந்தங் விஞ்ஞாண’ந்தி விஞ்ஞாணஞ்சாயதனங்
உபஸம்பஜ்ஜ விஹரதி. அயம்பி கோ², ப்³ராஹ்மண, த⁴ம்மோ ஞாணத³ஸ்ஸனேன உத்தரிதரோ ச
பணீததரோ ச.

‘‘புன சபரங், ப்³ராஹ்மண, பி⁴க்கு² ஸப்³ப³ஸோ
விஞ்ஞாணஞ்சாயதனங் ஸமதிக்கம்ம ‘நத்தி² கிஞ்சீ’தி ஆகிஞ்சஞ்ஞாயதனங் உபஸம்பஜ்ஜ
விஹரதி. அயம்பி கோ², ப்³ராஹ்மண, த⁴ம்மோ ஞாணத³ஸ்ஸனேன உத்தரிதரோ ச பணீததரோ ச.

‘‘புன சபரங், ப்³ராஹ்மண,
பி⁴க்கு² ஸப்³ப³ஸோ ஆகிஞ்சஞ்ஞாயதனங் ஸமதிக்கம்ம நேவஸஞ்ஞானாஸஞ்ஞாயதனங்
உபஸம்பஜ்ஜ விஹரதி. அயம்பி கோ², ப்³ராஹ்மண, த⁴ம்மோ ஞாணத³ஸ்ஸனேன உத்தரிதரோ ச பணீததரோ ச.

‘‘புன சபரங், ப்³ராஹ்மண, பி⁴க்கு² ஸப்³ப³ஸோ
நேவஸஞ்ஞானாஸஞ்ஞாயதனங் ஸமதிக்கம்ம ஸஞ்ஞாவேத³யிதனிரோத⁴ங் உபஸம்பஜ்ஜ விஹரதி,
பஞ்ஞாய சஸ்ஸ தி³ஸ்வா ஆஸவா பரிக்கீ²ணா ஹொந்தி. அயம்பி கோ², ப்³ராஹ்மண,
த⁴ம்மோ ஞாணத³ஸ்ஸனேன உத்தரிதரோ ச பணீததரோ ச. இமே கோ², ப்³ராஹ்மண, த⁴ம்மா
ஞாணத³ஸ்ஸனேன உத்தரிதரா ச பணீததரா ச.

324. ‘‘ஸெய்யதா²பி
ஸோ, ப்³ராஹ்மண, புரிஸோ ஸாரத்தி²கோ ஸாரக³வேஸீ ஸாரபரியேஸனங் சரமானோ மஹதோ
ருக்க²ஸ்ஸ திட்ட²தோ ஸாரவதோ ஸாரங்யேவ செ²த்வா ஆதா³ய பக்கந்தோ ‘ஸார’ந்தி
ஜானமானோ. யஞ்சஸ்ஸ ஸாரேன ஸாரகரணீயங் தஞ்சஸ்ஸ அத்த²ங் அனுப⁴விஸ்ஸதி.
ததூ²பமாஹங், ப்³ராஹ்மண, இமங் புக்³க³லங் வதா³மி.

‘‘இதி கோ², ப்³ராஹ்மண, நயித³ங் ப்³ரஹ்மசரியங்
லாப⁴ஸக்காரஸிலோகானிஸங்ஸங், ந ஸீலஸம்பதா³னிஸங்ஸங், ந ஸமாதி⁴ஸம்பதா³னிஸங்ஸங்,
ந ஞாணத³ஸ்ஸனானிஸங்ஸங். யா ச கோ² அயங் , ப்³ராஹ்மண, அகுப்பா சேதோவிமுத்தி – ஏதத³த்த²மித³ங், ப்³ராஹ்மண, ப்³ரஹ்மசரியங், ஏதங் ஸாரங் ஏதங் பரியோஸான’’ந்தி.

ஏவங் வுத்தே, பிங்க³லகொச்சோ² ப்³ராஹ்மணோ ப⁴க³வந்தங்
ஏதத³வோச – ‘‘அபி⁴க்கந்தங், போ⁴ கோ³தம, அபி⁴க்கந்தங், போ⁴ கோ³தம…பே॰…
உபாஸகங் மங் ப⁴வங் கோ³தமோ தா⁴ரேது அஜ்ஜதக்³கே³ பாணுபேதங் ஸரணங் க³த’’ந்தி.

சூளஸாரோபமஸுத்தங் நிட்டி²தங் த³ஸமங்.

ஓபம்மவக்³கோ³ நிட்டி²தோ ததியோ.

தஸ்ஸுத்³தா³னங் –

மோளியப²க்³கு³னரிட்ட²ஞ்ச நாமோ, அந்த⁴வனே கதி²புண்ணங் நிவாபோ;

ராஸிகணேருமஹாக³ஜனாமோ, ஸாரூபமோ [ஸாரவரோ (ஸ்யா॰), ஸாரவனோ (க॰)] புன பிங்க³லகொச்சோ².

comments (0)
ஸுத்தபிடக-Part-36-தமிழில் திரபிடக மூன்று தொகுப்புகள்TIPITAKA–36.2. ஸீஹனாதவக்கோ-1. சூளஸீஹனாதஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org
Filed under: General
Posted by: site admin @ 8:33 am

up a level
ஸுத்தபிடக-Part-36-மிழில் திபி  மூன்று தொகுப்புள்TIPITAKA--36.
2. ஸீஹனாதவக்கோ-1. சூளஸீஹனாதஸுத்தங்-from FREE ONLINE  eNālāndā Research and
Practice UNIVERSITY through http://sarvajan.ambedkar.org

2. ஸீஹனாதவக்கோ

1. சூளஸீஹனாதஸுத்தங்

139. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘இதே⁴வ, பி⁴க்க²வே, ஸமணோ, இத⁴ து³தியோ ஸமணோ, இத⁴ ததியோ ஸமணோ, இத⁴ சதுத்தோ² ஸமணோ; ஸுஞ்ஞா பரப்பவாதா³ ஸமணேபி⁴ அஞ்ஞேஹீதி [ஸமணேஹி அஞ்ஞேதி (ஸீ॰ பீ॰ க॰) எத்த² அஞ்ஞேஹீதி ஸகாய படிஞ்ஞாய ஸச்சாபி⁴ஞ்ஞேஹீதி அத்தோ² வேதி³தப்³போ³]. ஏவமேதங் [ஏவமேவ (ஸ்யா॰ க॰)], பி⁴க்க²வே, ஸம்மா ஸீஹனாத³ங் நத³த².

140.
‘‘டா²னங் கோ² பனேதங், பி⁴க்க²வே, விஜ்ஜதி யங் அஞ்ஞதித்தி²யா பரிப்³பா³ஜகா
ஏவங் வதெ³ய்யுங் – ‘கோ பனாயஸ்மந்தானங் அஸ்ஸாஸோ, கிங் ப³லங், யேன தும்ஹே
ஆயஸ்மந்தோ ஏவங் வதே³த² – இதே⁴வ ஸமணோ, இத⁴ து³தியோ ஸமணோ, இத⁴ ததியோ ஸமணோ,
இத⁴ சதுத்தோ² ஸமணோ; ஸுஞ்ஞா பரப்பவாதா³ ஸமணேபி⁴ அஞ்ஞேஹீ’தி? ஏவங்வாதி³னோ,
பி⁴க்க²வே, அஞ்ஞதித்தி²யா பரிப்³பா³ஜகா ஏவமஸ்ஸு வசனீயா – ‘அத்தி² கோ² நோ,
ஆவுஸோ, தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன சத்தாரோ த⁴ம்மா
அக்கா²தா யே மயங் அத்தனி ஸம்பஸ்ஸமானா ஏவங் வதே³ம – இதே⁴வ ஸமணோ, இத⁴ து³தியோ
ஸமணோ, இத⁴ ததியோ ஸமணோ, இத⁴ சதுத்தோ² ஸமணோ; ஸுஞ்ஞா
பரப்பவாதா³ ஸமணேபி⁴ அஞ்ஞேஹீதி. கதமே சத்தாரோ? அத்தி² கோ² நோ, ஆவுஸோ,
ஸத்த²ரி பஸாதோ³, அத்தி² த⁴ம்மே பஸாதோ³, அத்தி² ஸீலேஸு பரிபூரகாரிதா;
ஸஹத⁴ம்மிகா கோ² பன பியா மனாபா – க³ஹட்டா² சேவ பப்³ப³ஜிதா ச. இமே கோ² நோ,
ஆவுஸோ, தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன சத்தாரோ த⁴ம்மா
அக்கா²தா யே மயங் அத்தனி ஸம்பஸ்ஸமானா ஏவங் வதே³ம – இதே⁴வ ஸமணோ, இத⁴ து³தியோ
ஸமணோ, இத⁴ ததியோ ஸமணோ, இத⁴ சதுத்தோ² ஸமணோ; ஸுஞ்ஞா பரப்பவாதா³ ஸமணேபி⁴
அஞ்ஞேஹீ’தி.

141. ‘‘டா²னங்
கோ² பனேதங், பி⁴க்க²வே, விஜ்ஜதி யங் அஞ்ஞதித்தி²யா பரிப்³பா³ஜகா ஏவங்
வதெ³ய்யுங் – ‘அம்ஹாகம்பி கோ², ஆவுஸோ, அத்தி² ஸத்த²ரி பஸாதோ³ யோ அம்ஹாகங்
ஸத்தா², அம்ஹாகம்பி அத்தி² த⁴ம்மே பஸாதோ³ யோ அம்ஹாகங் த⁴ம்மோ, மயம்பி
ஸீலேஸு பரிபூரகாரினோ யானி அம்ஹாகங் ஸீலானி, அம்ஹாகம்பி ஸஹத⁴ம்மிகா பியா
மனாபா – க³ஹட்டா² சேவ பப்³ப³ஜிதா ச. இத⁴ நோ, ஆவுஸோ, கோ விஸேஸோ கோ
அதி⁴ப்பயாஸோ [அதி⁴ப்பாயோ (க॰ ஸீ॰ ஸ்யா॰ பீ॰), அதி⁴ப்பயோகோ³ (க॰)] கிங் நானாகரணங் யதி³த³ங் தும்ஹாகஞ்சேவ அம்ஹாகஞ்சா’தி?

‘‘ஏவங்வாதி³னோ, பி⁴க்க²வே, அஞ்ஞதித்தி²யா பரிப்³பா³ஜகா
ஏவமஸ்ஸு வசனீயா – ‘கிங் பனாவுஸோ, ஏகா நிட்டா², உதா³ஹு புது² நிட்டா²’தி?
ஸம்மா ப்³யாகரமானா, பி⁴க்க²வே, அஞ்ஞதித்தி²யா பரிப்³பா³ஜகா ஏவங்
ப்³யாகரெய்யுங் – ‘ஏகாவுஸோ, நிட்டா², ந புது² நிட்டா²’தி.

‘‘‘ஸா பனாவுஸோ, நிட்டா² ஸராக³ஸ்ஸ உதா³ஹு வீதராக³ஸ்ஸா’தி? ஸம்மா ப்³யாகரமானா, பி⁴க்க²வே, அஞ்ஞதித்தி²யா பரிப்³பா³ஜகா ஏவங் ப்³யாகரெய்யுங் – ‘வீதராக³ஸ்ஸாவுஸோ, ஸா நிட்டா², ந ஸா நிட்டா² ஸராக³ஸ்ஸா’தி.

‘‘‘ஸா பனாவுஸோ, நிட்டா² ஸதோ³ஸஸ்ஸ உதா³ஹு
வீததோ³ஸஸ்ஸா’தி? ஸம்மா ப்³யாகரமானா, பி⁴க்க²வே, அஞ்ஞதித்தி²யா பரிப்³பா³ஜகா
ஏவங் ப்³யாகரெய்யுங் – ‘வீததோ³ஸஸ்ஸாவுஸோ, ஸா நிட்டா², ந ஸா நிட்டா²
ஸதோ³ஸஸ்ஸா’தி.

‘‘‘ஸா பனாவுஸோ, நிட்டா² ஸமோஹஸ்ஸ உதா³ஹு வீதமோஹஸ்ஸா’தி?
ஸம்மா ப்³யாகரமானா, பி⁴க்க²வே, அஞ்ஞதித்தி²யா பரிப்³பா³ஜகா ஏவங்
ப்³யாகரெய்யுங் – ‘வீதமோஹஸ்ஸாவுஸோ, ஸா நிட்டா², ந ஸா நிட்டா² ஸமோஹஸ்ஸா’தி.

‘‘‘ஸா பனாவுஸோ, நிட்டா² ஸதண்ஹஸ்ஸ உதா³ஹு வீததண்ஹஸ்ஸா’தி? ஸம்மா
ப்³யாகரமானா, பி⁴க்க²வே, அஞ்ஞதித்தி²யா பரிப்³பா³ஜகா ஏவங் ப்³யாகரெய்யுங் –
‘வீததண்ஹஸ்ஸாவுஸோ, ஸா நிட்டா², ந ஸா நிட்டா² ஸதண்ஹஸ்ஸா’தி.

‘‘‘ஸா பனாவுஸோ, நிட்டா² ஸஉபாதா³னஸ்ஸ உதா³ஹு அனுபாதா³னஸ்ஸா’தி? ஸம்மா ப்³யாகரமானா, பி⁴க்க²வே , அஞ்ஞதித்தி²யா பரிப்³பா³ஜகா ஏவங் ப்³யாகரெய்யுங் – ‘அனுபாதா³னஸ்ஸாவுஸோ, ஸா நிட்டா², ந ஸா நிட்டா² ஸஉபாதா³னஸ்ஸா’தி.

‘‘‘ஸா பனாவுஸோ, நிட்டா²
வித்³த³ஸுனோ உதா³ஹு அவித்³த³ஸுனோ’தி? ஸம்மா ப்³யாகரமானா, பி⁴க்க²வே,
அஞ்ஞதித்தி²யா பரிப்³பா³ஜகா ஏவங் ப்³யாகரெய்யுங் – ‘வித்³த³ஸுனோ, ஆவுஸோ, ஸா
நிட்டா², ந ஸா நிட்டா² அவித்³த³ஸுனோ’தி.

‘‘‘ஸா பனாவுஸோ, நிட்டா² அனுருத்³த⁴ப்படிவிருத்³த⁴ஸ்ஸ
உதா³ஹு அனநுருத்³த⁴அப்படிவிருத்³த⁴ஸ்ஸா’தி? ஸம்மா ப்³யாகரமானா, பி⁴க்க²வே,
அஞ்ஞதித்தி²யா பரிப்³பா³ஜகா ஏவங் ப்³யாகரெய்யுங் –
‘அனநுருத்³த⁴அப்படிவிருத்³த⁴ஸ்ஸாவுஸோ, ஸா நிட்டா², ந ஸா நிட்டா²
அனுருத்³த⁴ப்படிவிருத்³த⁴ஸ்ஸா’தி.

‘‘‘ஸா பனாவுஸோ, நிட்டா²
பபஞ்சாராமஸ்ஸ பபஞ்சரதினோ உதா³ஹு நிப்பபஞ்சாராமஸ்ஸ நிப்பபஞ்சரதினோ’தி? ஸம்மா
ப்³யாகரமானா, பி⁴க்க²வே, அஞ்ஞதித்தி²யா பரிப்³பா³ஜகா ஏவங் ப்³யாகரெய்யுங் –
‘நிப்பபஞ்சாராமஸ்ஸாவுஸோ, ஸா நிட்டா² நிப்பபஞ்சரதினோ, ந ஸா நிட்டா²
பபஞ்சாராமஸ்ஸ பபஞ்சரதினோ’தி.

142.
‘‘த்³வேமா, பி⁴க்க²வே, தி³ட்டி²யோ – ப⁴வதி³ட்டி² ச விப⁴வதி³ட்டி² ச. யே ஹி
கேசி, பி⁴க்க²வே, ஸமணா வா ப்³ராஹ்மணா வா ப⁴வதி³ட்டி²ங் அல்லீனா
ப⁴வதி³ட்டி²ங் உபக³தா ப⁴வதி³ட்டி²ங் அஜ்ஜோ²ஸிதா, விப⁴வதி³ட்டி²யா தே
படிவிருத்³தா⁴. யே ஹி கேசி, பி⁴க்க²வே, ஸமணா வா ப்³ராஹ்மணா வா
விப⁴வதி³ட்டி²ங் அல்லீனா விப⁴வதி³ட்டி²ங் உபக³தா விப⁴வதி³ட்டி²ங்
அஜ்ஜோ²ஸிதா, ப⁴வதி³ட்டி²யா தே படிவிருத்³தா⁴. யே ஹி கேசி, பி⁴க்க²வே, ஸமணா
வா ப்³ராஹ்மணா வா இமாஸங் த்³வின்னங் தி³ட்டீ²னங் ஸமுத³யஞ்ச அத்த²ங்க³மஞ்ச
அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தங் நப்பஜானந்தி, ‘தே ஸராகா³ தே
ஸதோ³ஸா தே ஸமோஹா தே ஸதண்ஹா தே ஸஉபாதா³னா தே அவித்³த³ஸுனோ தே
அனுருத்³த⁴ப்படிவிருத்³தா⁴ தே பபஞ்சாராமா பபஞ்சரதினோ; தே ந பரிமுச்சந்தி
ஜாதியா ஜராய மரணேன ஸோகேஹி பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி; ந
பரிமுச்சந்தி து³க்க²ஸ்மா’தி வதா³மி. யே ச கோ² கேசி, பி⁴க்க²வே, ஸமணா வா
ப்³ராஹ்மணா வா இமாஸங் த்³வின்னங் தி³ட்டீ²னங் ஸமுத³யஞ்ச அத்த²ங்க³மஞ்ச
அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தங் பஜானந்தி, ‘தே வீதராகா³ தே
வீததோ³ஸா தே வீதமோஹா தே வீததண்ஹா தே அனுபாதா³னா தே வித்³த³ஸுனோ தே அனநுருத்³த⁴அப்படிவிருத்³தா⁴ தே நிப்பபஞ்சாராமா நிப்பபஞ்சரதினோ; தே பரிமுச்சந்தி ஜாதியா ஜராய மரணேன ஸோகேஹி பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி; பரிமுச்சந்தி து³க்க²ஸ்மா’தி வதா³மி.

143. ‘‘சத்தாரிமானி ,
பி⁴க்க²வே, உபாதா³னானி. கதமானி சத்தாரி? காமுபாதா³னங், தி³ட்டு²பாதா³னங்,
ஸீலப்³ப³துபாதா³னங், அத்தவாது³பாதா³னங். ஸந்தி, பி⁴க்க²வே, ஏகே
ஸமணப்³ராஹ்மணா ஸப்³பு³பாதா³னபரிஞ்ஞாவாதா³ படிஜானமானா. தே ந ஸம்மா
ஸப்³பு³பாதா³னபரிஞ்ஞங் பஞ்ஞபெந்தி – காமுபாதா³னஸ்ஸ பரிஞ்ஞங் பஞ்ஞபெந்தி, ந
தி³ட்டு²பாதா³னஸ்ஸ பரிஞ்ஞங் பஞ்ஞபெந்தி, ந ஸீலப்³ப³துபாதா³னஸ்ஸ பரிஞ்ஞங்
பஞ்ஞபெந்தி, ந அத்தவாது³பாதா³னஸ்ஸ பரிஞ்ஞங் பஞ்ஞபெந்தி. தங் கிஸ்ஸ ஹேது?
இமானி ஹி தே பொ⁴ந்தோ ஸமணப்³ராஹ்மணா தீணி டா²னானி யதா²பூ⁴தங் நப்பஜானந்தி.
தஸ்மா தே பொ⁴ந்தோ ஸமணப்³ராஹ்மணா ஸப்³பு³பாதா³னபரிஞ்ஞாவாதா³ படிஜானமானா; தே ந
ஸம்மா ஸப்³பு³பாதா³னபரிஞ்ஞங் பஞ்ஞபெந்தி – காமுபாதா³னஸ்ஸ பரிஞ்ஞங்
பஞ்ஞபெந்தி, ந தி³ட்டு²பாதா³னஸ்ஸ பரிஞ்ஞங் பஞ்ஞபெந்தி, ந
ஸீலப்³ப³துபாதா³னஸ்ஸ பரிஞ்ஞங் பஞ்ஞபெந்தி, ந அத்தவாது³பாதா³னஸ்ஸ பரிஞ்ஞங்
பஞ்ஞபெந்தி.

‘‘ஸந்தி, பி⁴க்க²வே, ஏகே ஸமணப்³ராஹ்மணா
ஸப்³பு³பாதா³னபரிஞ்ஞாவாதா³ படிஜானமானா. தே ந ஸம்மா ஸப்³பு³பாதா³னபரிஞ்ஞங்
பஞ்ஞபெந்தி – காமுபாதா³னஸ்ஸ பரிஞ்ஞங் பஞ்ஞபெந்தி, தி³ட்டு²பாதா³னஸ்ஸ
பரிஞ்ஞங் பஞ்ஞபெந்தி, ந ஸீலப்³ப³துபாதா³னஸ்ஸ
பரிஞ்ஞங் பஞ்ஞபெந்தி, ந அத்தவாது³பாதா³னஸ்ஸ பரிஞ்ஞங் பஞ்ஞபெந்தி. தங் கிஸ்ஸ
ஹேது? இமானி ஹி தே பொ⁴ந்தோ ஸமணப்³ராஹ்மணா த்³வே டா²னானி யதா²பூ⁴தங்
நப்பஜானந்தி. தஸ்மா தே பொ⁴ந்தோ ஸமணப்³ராஹ்மணா ஸப்³பு³பாதா³னபரிஞ்ஞாவாதா³
படிஜானமானா; தே ந ஸம்மா [படிஜானமானா ந ஸம்மா (?)]
ஸப்³பு³பாதா³னபரிஞ்ஞங் பஞ்ஞபெந்தி – காமுபாதா³னஸ்ஸ பரிஞ்ஞங் பஞ்ஞபெந்தி,
தி³ட்டு²பாதா³னஸ்ஸ பரிஞ்ஞங் பஞ்ஞபெந்தி, ந ஸீலப்³ப³துபாதா³னஸ்ஸ பரிஞ்ஞங்
பஞ்ஞபெந்தி, ந அத்தவாது³பாதா³னஸ்ஸ பரிஞ்ஞங் பஞ்ஞபெந்தி.

‘‘ஸந்தி, பி⁴க்க²வே, ஏகே ஸமணப்³ராஹ்மணா
ஸப்³பு³பாதா³னபரிஞ்ஞாவாதா³ படிஜானமானா. தே ந ஸம்மா ஸப்³பு³பாதா³னபரிஞ்ஞங்
பஞ்ஞபெந்தி – காமுபாதா³னஸ்ஸ பரிஞ்ஞங் பஞ்ஞபெந்தி, தி³ட்டு²பாதா³னஸ்ஸ
பரிஞ்ஞங் பஞ்ஞபெந்தி, ஸீலப்³ப³துபாதா³னஸ்ஸ பரிஞ்ஞங் பஞ்ஞபெந்தி, ந
அத்தவாது³பாதா³னஸ்ஸ பரிஞ்ஞங் பஞ்ஞபெந்தி. தங் கிஸ்ஸ ஹேது? இமஞ்ஹி தே
பொ⁴ந்தோ ஸமணப்³ராஹ்மணா ஏகங் டா²னங் யதா²பூ⁴தங் நப்பஜானந்தி. தஸ்மா தே
பொ⁴ந்தோ ஸமணப்³ராஹ்மணா ஸப்³பு³பாதா³னபரிஞ்ஞாவாதா³ படிஜானமானா; தே ந ஸம்மா [படிஜானமானா ந ஸம்மா (?)] ஸப்³பு³பாதா³னபரிஞ்ஞங் பஞ்ஞபெந்தி – காமுபாதா³னஸ்ஸ பரிஞ்ஞங் பஞ்ஞபெந்தி, தி³ட்டு²பாதா³னஸ்ஸ பரிஞ்ஞங் பஞ்ஞபெந்தி, ஸீலப்³ப³துபாதா³னஸ்ஸ பரிஞ்ஞங் பஞ்ஞபெந்தி, ந அத்தவாது³பாதா³னஸ்ஸ பரிஞ்ஞங் பஞ்ஞபெந்தி.

‘‘ஏவரூபே கோ², பி⁴க்க²வே, த⁴ம்மவினயே யோ ஸத்த²ரி பஸாதோ³ ஸோ ந ஸம்மக்³க³தோ அக்கா²யதி; யோ
த⁴ம்மே பஸாதோ³ ஸோ ந ஸம்மக்³க³தோ அக்கா²யதி; யா ஸீலேஸு பரிபூரகாரிதா ஸா ந
ஸம்மக்³க³தா அக்கா²யதி; யா ஸஹத⁴ம்மிகேஸு பியமனாபதா ஸா ந ஸம்மக்³க³தா
அக்கா²யதி. தங் கிஸ்ஸ ஹேது? ஏவஞ்ஹேதங், பி⁴க்க²வே, ஹோதி யதா² தங்
து³ரக்கா²தே த⁴ம்மவினயே து³ப்பவேதி³தே அனிய்யானிகே அனுபஸமஸங்வத்தனிகே அஸம்மாஸம்பு³த்³த⁴ப்பவேதி³தே.

144.
‘‘ததா²க³தோ ச கோ², பி⁴க்க²வே, அரஹங் ஸம்மாஸம்பு³த்³தோ⁴
ஸப்³பு³பாதா³னபரிஞ்ஞாவாதோ³ படிஜானமானோ ஸம்மா ஸப்³பு³பாதா³னபரிஞ்ஞங்
பஞ்ஞபேதி – காமுபாதா³னஸ்ஸ பரிஞ்ஞங் பஞ்ஞபேதி, தி³ட்டு²பாதா³னஸ்ஸ பரிஞ்ஞங்
பஞ்ஞபேதி, ஸீலப்³ப³துபாதா³னஸ்ஸ பரிஞ்ஞங் பஞ்ஞபேதி, அத்தவாது³பாதா³னஸ்ஸ
பரிஞ்ஞங் பஞ்ஞபேதி. ஏவரூபே கோ², பி⁴க்க²வே, த⁴ம்மவினயே யோ ஸத்த²ரி பஸாதோ³
ஸோ ஸம்மக்³க³தோ அக்கா²யதி; யோ த⁴ம்மே பஸாதோ³ ஸோ ஸம்மக்³க³தோ அக்கா²யதி; யா
ஸீலேஸு பரிபூரகாரிதா ஸா ஸம்மக்³க³தா அக்கா²யதி; யா ஸஹத⁴ம்மிகேஸு பியமனாபதா
ஸா ஸம்மக்³க³தா அக்கா²யதி. தங் கிஸ்ஸ ஹேது? ஏவஞ்ஹேதங், பி⁴க்க²வே, ஹோதி
யதா² தங் ஸ்வாக்கா²தே த⁴ம்மவினயே ஸுப்பவேதி³தே நிய்யானிகே உபஸமஸங்வத்தனிகே
ஸம்மாஸம்பு³த்³த⁴ப்பவேதி³தே.

145.
‘‘இமே ச, பி⁴க்க²வே, சத்தாரோ உபாதா³னா. கிங்னிதா³னா கிங்ஸமுத³யா
கிங்ஜாதிகா கிங்பப⁴வா? இமே சத்தாரோ உபாதா³னா தண்ஹானிதா³னா தண்ஹாஸமுத³யா
தண்ஹாஜாதிகா தண்ஹாபப⁴வா. தண்ஹா சாயங், பி⁴க்க²வே, கிங்னிதா³னா கிங்ஸமுத³யா
கிங்ஜாதிகா கிங்பப⁴வா? தண்ஹா வேத³னானிதா³னா வேத³னாஸமுத³யா வேத³னாஜாதிகா
வேத³னாபப⁴வா. வேத³னா சாயங், பி⁴க்க²வே, கிங்னிதா³னா கிங்ஸமுத³யா கிங்ஜாதிகா
கிங்பப⁴வா? வேத³னா ப²ஸ்ஸனிதா³னா ப²ஸ்ஸஸமுத³யா ப²ஸ்ஸஜாதிகா ப²ஸ்ஸபப⁴வா.
ப²ஸ்ஸோ சாயங், பி⁴க்க²வே, கிங்னிதா³னோ கிங்ஸமுத³யோ கிங்ஜாதிகோ கிங்பப⁴வோ?
ப²ஸ்ஸோ ஸளாயதனநிதா³னோ ஸளாயதனஸமுத³யோ ஸளாயதனஜாதிகோ ஸளாயதனபப⁴வோ.
ஸளாயதனஞ்சித³ங், பி⁴க்க²வே, கிங்னிதா³னங் கிங்ஸமுத³யங் கிங்ஜாதிகங்
கிங்பப⁴வங்? ஸளாயதனங் நாமரூபனிதா³னங் நாமரூபஸமுத³யங் நாமரூபஜாதிகங்
நாமரூபபப⁴வங். நாமரூபஞ்சித³ங், பி⁴க்க²வே, கிங்னிதா³னங் கிங்ஸமுத³யங்
கிங்ஜாதிகங் கிங்பப⁴வங்? நாமரூபங் விஞ்ஞாணனிதா³னங் விஞ்ஞாணஸமுத³யங்
விஞ்ஞாணஜாதிகங் விஞ்ஞாணபப⁴வங். விஞ்ஞாணஞ்சித³ங், பி⁴க்க²வே , கிங்னிதா³னங் கிங்ஸமுத³யங் கிங்ஜாதிகங்
கிங்பப⁴வங்? விஞ்ஞாணங் ஸங்கா²ரனிதா³னங் ஸங்கா²ரஸமுத³யங் ஸங்கா²ரஜாதிகங்
ஸங்கா²ரபப⁴வங். ஸங்கா²ரா சிமே, பி⁴க்க²வே, கிங்னிதா³னா கிங்ஸமுத³யா
கிங்ஜாதிகா கிங்பப⁴வா? ஸங்கா²ரா அவிஜ்ஜானிதா³னா அவிஜ்ஜாஸமுத³யா
அவிஜ்ஜாஜாதிகா அவிஜ்ஜாபப⁴வா.

‘‘யதோ ச கோ², பி⁴க்க²வே, பி⁴க்கு²னோ அவிஜ்ஜா பஹீனா
ஹோதி விஜ்ஜா உப்பன்னா, ஸோ அவிஜ்ஜாவிராகா³ விஜ்ஜுப்பாதா³ நேவ காமுபாதா³னங்
உபாதி³யதி, ந தி³ட்டு²பாதா³னங் உபாதி³யதி, ந ஸீலப்³ப³துபாதா³னங் உபாதி³யதி,
ந அத்தவாது³பாதா³னங் உபாதி³யதி. அனுபாதி³யங் ந பரிதஸ்ஸதி, அபரிதஸ்ஸங்
பச்சத்தஞ்ஞேவ பரினிப்³பா³யதி. ‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயா’தி பஜானாதீ’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

சூளஸீஹனாத³ஸுத்தங் நிட்டி²தங் பட²மங்.

2. மஹாஸீஹனாத³ஸுத்தங்

146. ஏவங்
மே ஸுதங் – ஏகங் ஸமயங் ப⁴க³வா வேஸாலியங் விஹரதி ப³ஹினக³ரே அபரபுரே
வனஸண்டே³. தேன கோ² பன ஸமயேன ஸுனக்க²த்தோ லிச்ச²விபுத்தோ அசிரபக்கந்தோ ஹோதி
இமஸ்மா த⁴ம்மவினயா. ஸோ வேஸாலியங் பரிஸதி [பரிஸதிங் (ஸீ॰ பீ॰)] ஏவங் [ஏதங் (பீ॰ க॰)] வாசங் பா⁴ஸதி – ‘‘நத்தி² ஸமணஸ்ஸ கோ³தமஸ்ஸ உத்தரி [உத்தரிங் (பீ॰)]
மனுஸ்ஸத⁴ம்மா அலமரியஞாணத³ஸ்ஸனவிஸேஸோ. தக்கபரியாஹதங் ஸமணோ கோ³தமோ த⁴ம்மங்
தே³ஸேதி வீமங்ஸானுசரிதங் ஸயங்படிபா⁴னங். யஸ்ஸ ச க்²வாஸ்ஸ அத்தா²ய த⁴ம்மோ
தே³ஸிதோ ஸோ நிய்யாதி தக்கரஸ்ஸ ஸம்மா து³க்க²க்க²யாயா’’தி.

அத² கோ² ஆயஸ்மா ஸாரிபுத்தோ புப்³ப³ண்ஹஸமயங் நிவாஸெத்வா
பத்தசீவரமாதா³ய வேஸாலிங் பிண்டா³ய பாவிஸி. அஸ்ஸோஸி கோ² ஆயஸ்மா ஸாரிபுத்தோ
ஸுனக்க²த்தஸ்ஸ லிச்ச²விபுத்தஸ்ஸ வேஸாலியங் பரிஸதி ஏவங் வாசங் பா⁴ஸமானஸ்ஸ –
‘‘நத்தி² ஸமணஸ்ஸ கோ³தமஸ்ஸ உத்தரிமனுஸ்ஸத⁴ம்மா அலமரியஞாணத³ஸ்ஸனவிஸேஸோ.
தக்கபரியாஹதங் ஸமணோ கோ³தமோ த⁴ம்மங் தே³ஸேதி வீமங்ஸானுசரிதங் ஸயங்படிபா⁴னங். யஸ்ஸ ச க்²வாஸ்ஸ அத்தா²ய த⁴ம்மோ தே³ஸிதோ ஸோ நிய்யாதி தக்கரஸ்ஸ ஸம்மா து³க்க²க்க²யாயா’’தி.

அத² கோ² ஆயஸ்மா ஸாரிபுத்தோ வேஸாலியங் பிண்டா³ய சரித்வா
பச்சா²ப⁴த்தங் பிண்ட³பாதபடிக்கந்தோ யேன ப⁴க³வா தேனுபஸங்கமி; உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா
ஸாரிபுத்தோ ப⁴க³வந்தங் ஏதத³வோச – ‘‘ஸுனக்க²த்தோ, ப⁴ந்தே, லிச்ச²விபுத்தோ
அசிரபக்கந்தோ இமஸ்மா த⁴ம்மவினயா. ஸோ வேஸாலியங் பரிஸதி ஏவங் வாசங் பா⁴ஸதி –
‘நத்தி² ஸமணஸ்ஸ கோ³தமஸ்ஸ உத்தரிமனுஸ்ஸத⁴ம்மா அலமரியஞாணத³ஸ்ஸனவிஸேஸோ.
தக்கபரியாஹதங் ஸமணோ கோ³தமோ த⁴ம்மங் தே³ஸேதி வீமங்ஸானுசரிதங் ஸயங்படிபா⁴னங்.
யஸ்ஸ ச க்²வாஸ்ஸ அத்தா²ய த⁴ம்மோ தே³ஸிதோ ஸோ நிய்யாதி தக்கரஸ்ஸ ஸம்மா
து³க்க²க்க²யாயா’’’தி.

147.
‘‘கோத⁴னோ ஹேஸோ, ஸாரிபுத்த, ஸுனக்க²த்தோ மோக⁴புரிஸோ. கோதா⁴ ச பனஸ்ஸ ஏஸா
வாசா பா⁴ஸிதா. ‘அவண்ணங் பா⁴ஸிஸ்ஸாமீ’தி கோ², ஸாரிபுத்த, ஸுனக்க²த்தோ
மோக⁴புரிஸோ வண்ணங்யேவ ததா²க³தஸ்ஸ பா⁴ஸதி .
வண்ணோ ஹேஸோ, ஸாரிபுத்த, ததா²க³தஸ்ஸ யோ ஏவங் வதெ³ய்ய – ‘யஸ்ஸ ச க்²வாஸ்ஸ
அத்தா²ய த⁴ம்மோ தே³ஸிதோ ஸோ நிய்யாதி தக்கரஸ்ஸ ஸம்மா து³க்க²க்க²யாயா’தி.

‘‘அயம்பி ஹி நாம, ஸாரிபுத்த, ஸுனக்க²த்தஸ்ஸ
மோக⁴புரிஸஸ்ஸ மயி த⁴ம்மன்வயோ ந ப⁴விஸ்ஸதி – ‘இதிபி ஸோ ப⁴க³வா அரஹங்
ஸம்மாஸம்பு³த்³தோ⁴ விஜ்ஜாசரணஸம்பன்னோ ஸுக³தோ லோகவிதூ³ அனுத்தரோ
புரிஸத³ம்மஸாரதி², ஸத்தா² தே³வமனுஸ்ஸானங், பு³த்³தோ⁴ ப⁴க³வா’தி.

‘‘அயம்பி ஹி நாம, ஸாரிபுத்த, ஸுனக்க²த்தஸ்ஸ மோக⁴புரிஸஸ்ஸ மயி
த⁴ம்மன்வயோ ந ப⁴விஸ்ஸதி – ‘இதிபி ஸோ ப⁴க³வா அனேகவிஹிதங் இத்³தி⁴வித⁴ங்
பச்சனுபோ⁴தி – ஏகோபி ஹுத்வா ப³ஹுதா⁴ ஹோதி, ப³ஹுதா⁴பி ஹுத்வா ஏகோ ஹோதி;
ஆவிபா⁴வங், திரோபா⁴வங்; திரோகுட்டங் திரோபாகாரங் திரோபப்³ப³தங் அஸஜ்ஜமானோ
க³ச்ச²தி, ஸெய்யதா²பி ஆகாஸே; பத²வியாபி உம்முஜ்ஜனிமுஜ்ஜங் கரோதி,
ஸெய்யதா²பி உத³கே; உத³கேபி அபி⁴ஜ்ஜமானோ க³ச்ச²தி, ஸெய்யதா²பி பத²வியங்;
ஆகாஸேபி பல்லங்கேன கமதி, ஸெய்யதா²பி பக்கீ² ஸகுணோ; இமேபி சந்தி³மஸூரியே
ஏவங்மஹித்³தி⁴கே ஏவங்மஹானுபா⁴வே பாணினா பரிமஸதி பரிமஜ்ஜதி; யாவ
ப்³ரஹ்மலோகாபி காயேன வஸங் வத்தேதீ’தி.

‘‘அயம்பி ஹி நாம, ஸாரிபுத்த,
ஸுனக்க²த்தஸ்ஸ மோக⁴புரிஸஸ்ஸ மயி த⁴ம்மன்வயோ ந ப⁴விஸ்ஸதி – ‘இதிபி ஸோ ப⁴க³வா
தி³ப்³பா³ய ஸோததா⁴துயா விஸுத்³தா⁴ய அதிக்கந்தமானுஸிகாய உபோ⁴ ஸத்³தே³
ஸுணாதி – தி³ப்³பே³ ச மானுஸே ச, யே தூ³ரே ஸந்திகே சா’தி.

‘‘அயம்பி ஹி நாம, ஸாரிபுத்த, ஸுனக்க²த்தஸ்ஸ
மோக⁴புரிஸஸ்ஸ மயி த⁴ம்மன்வயோ ந ப⁴விஸ்ஸதி – ‘இதிபி ஸோ ப⁴க³வா பரஸத்தானங்
பரபுக்³க³லானங் சேதஸா சேதோ பரிச்ச பஜானாதி – ஸராக³ங் வா சித்தங் ஸராக³ங்
சித்தந்தி பஜானாதி, வீதராக³ங் வா சித்தங் வீதராக³ங் சித்தந்தி பஜானாதி;
ஸதோ³ஸங் வா சித்தங் ஸதோ³ஸங் சித்தந்தி பஜானாதி, வீததோ³ஸங் வா சித்தங்
வீததோ³ஸங் சித்தந்தி பஜானாதி; ஸமோஹங் வா சித்தங் ஸமோஹங் சித்தந்தி பஜானாதி,
வீதமோஹங் வா சித்தங் வீதமோஹங் சித்தந்தி பஜானாதி; ஸங்கி²த்தங் வா சித்தங்
ஸங்கி²த்தங் சித்தந்தி பஜானாதி , விக்கி²த்தங் வா
சித்தங் விக்கி²த்தங் சித்தந்தி பஜானாதி; மஹக்³க³தங் வா சித்தங் மஹக்³க³தங்
சித்தந்தி பஜானாதி, அமஹக்³க³தங் வா சித்தங் அமஹக்³க³தங் சித்தந்தி
பஜானாதி; ஸஉத்தரங் வா சித்தங் ஸஉத்தரங் சித்தந்தி பஜானாதி, அனுத்தரங் வா
சித்தங் அனுத்தரங் சித்தந்தி பஜானாதி; ஸமாஹிதங் வா சித்தங் ஸமாஹிதங்
சித்தந்தி பஜானாதி, அஸமாஹிதங் வா சித்தங் அஸமாஹிதங்
சித்தந்தி பஜானாதி; விமுத்தங் வா சித்தங் விமுத்தங் சித்தந்தி பஜானாதி,
அவிமுத்தங் வா சித்தங் அவிமுத்தங் சித்தந்தி பஜானாதீ’தி.

148.
‘‘த³ஸ கோ² பனிமானி, ஸாரிபுத்த, ததா²க³தஸ்ஸ ததா²க³தப³லானி யேஹி ப³லேஹி
ஸமன்னாக³தோ ததா²க³தோ ஆஸப⁴ங் டா²னங் படிஜானாதி, பரிஸாஸு ஸீஹனாத³ங் நத³தி,
ப்³ரஹ்மசக்கங் பவத்தேதி. கதமானி த³ஸ?

‘‘இத⁴, ஸாரிபுத்த, ததா²க³தோ டா²னஞ்ச டா²னதோ அட்டா²னஞ்ச
அட்டா²னதோ யதா²பூ⁴தங் பஜானாதி. யம்பி, ஸாரிபுத்த, ததா²க³தோ டா²னஞ்ச டா²னதோ
அட்டா²னஞ்ச அட்டா²னதோ யதா²பூ⁴தங் பஜானாதி, இத³ம்பி, ஸாரிபுத்த, ததா²க³தஸ்ஸ
ததா²க³தப³லங் ஹோதி யங் ப³லங் ஆக³ம்ம ததா²க³தோ ஆஸப⁴ங் டா²னங் படிஜானாதி, பரிஸாஸு ஸீஹனாத³ங் நத³தி, ப்³ரஹ்மசக்கங் பவத்தேதி.

‘‘புன சபரங், ஸாரிபுத்த, ததா²க³தோ
அதீதானாக³தபச்சுப்பன்னானங் கம்மஸமாதா³னானங் டா²னஸோ ஹேதுஸோ விபாகங்
யதா²பூ⁴தங் பஜானாதி. யம்பி, ஸாரிபுத்த, ததா²க³தோ அதீதானாக³தபச்சுப்பன்னானங்
கம்மஸமாதா³னானங் டா²னஸோ ஹேதுஸோ விபாகங் யதா²பூ⁴தங் பஜானாதி, இத³ம்பி,
ஸாரிபுத்த, ததா²க³தஸ்ஸ ததா²க³தப³லங் ஹோதி யங் ப³லங் ஆக³ம்ம ததா²க³தோ ஆஸப⁴ங்
டா²னங் படிஜானாதி, பரிஸாஸு ஸீஹனாத³ங் நத³தி, ப்³ரஹ்மசக்கங் பவத்தேதி.

‘‘புன சபரங், ஸாரிபுத்த, ததா²க³தோ ஸப்³ப³த்த²கா³மினிங் படிபத³ங் யதா²பூ⁴தங் பஜானாதி. யம்பி ,
ஸாரிபுத்த, ததா²க³தோ ஸப்³ப³த்த²கா³மினிங் படிபத³ங் யதா²பூ⁴தங் பஜானாதி,
இத³ம்பி, ஸாரிபுத்த, ததா²க³தஸ்ஸ ததா²க³தப³லங் ஹோதி யங் ப³லங் ஆக³ம்ம
ததா²க³தோ ஆஸப⁴ங் டா²னங் படிஜானாதி, பரிஸாஸு ஸீஹனாத³ங் நத³தி, ப்³ரஹ்மசக்கங்
பவத்தேதி.

‘‘புன சபரங், ஸாரிபுத்த, ததா²க³தோ
அனேகதா⁴துனானாதா⁴துலோகங் யதா²பூ⁴தங் பஜானாதி. யம்பி, ஸாரிபுத்த, ததா²க³தோ
அனேகதா⁴துனானாதா⁴துலோகங் யதா²பூ⁴தங் பஜானாதி, இத³ம்பி, ஸாரிபுத்த,
ததா²க³தஸ்ஸ ததா²க³தப³லங் ஹோதி யங் ப³லங் ஆக³ம்ம ததா²க³தோ ஆஸப⁴ங் டா²னங்
படிஜானாதி, பரிஸாஸு ஸீஹனாத³ங் நத³தி, ப்³ரஹ்மசக்கங் பவத்தேதி.

‘‘புன சபரங், ஸாரிபுத்த,
ததா²க³தோ ஸத்தானங் நானாதி⁴முத்திகதங் யதா²பூ⁴தங் பஜானாதி. யம்பி,
ஸாரிபுத்த, ததா²க³தோ ஸத்தானங் நானாதி⁴முத்திகதங் யதா²பூ⁴தங் பஜானாதி,
இத³ம்பி, ஸாரிபுத்த, ததா²க³தஸ்ஸ ததா²க³தப³லங் ஹோதி யங் ப³லங் ஆக³ம்ம
ததா²க³தோ ஆஸப⁴ங் டா²னங் படிஜானாதி, பரிஸாஸு ஸீஹனாத³ங் நத³தி, ப்³ரஹ்மசக்கங்
பவத்தேதி.

‘‘புன சபரங், ஸாரிபுத்த, ததா²க³தோ பரஸத்தானங்
பரபுக்³க³லானங் இந்த்³ரியபரோபரியத்தங் யதா²பூ⁴தங் பஜானாதி. யம்பி,
ஸாரிபுத்த, ததா²க³தோ பரஸத்தானங் பரபுக்³க³லானங் இந்த்³ரியபரோபரியத்தங்
யதா²பூ⁴தங் பஜானாதி, இத³ம்பி, ஸாரிபுத்த, ததா²க³தஸ்ஸ ததா²க³தப³லங் ஹோதி யங்
ப³லங் ஆக³ம்ம ததா²க³தோ ஆஸப⁴ங் டா²னங் படிஜானாதி, பரிஸாஸு ஸீஹனாத³ங் நத³தி,
ப்³ரஹ்மசக்கங் பவத்தேதி.

‘‘புன சபரங், ஸாரிபுத்த, ததா²க³தோ
ஜா²னவிமொக்க²ஸமாதி⁴ஸமாபத்தீனங் ஸங்கிலேஸங் வோதா³னங் வுட்டா²னங் யதா²பூ⁴தங்
பஜானாதி. யம்பி, ஸாரிபுத்த, ததா²க³தோ ஜா²னவிமொக்க²ஸமாதி⁴ஸமாபத்தீனங்
ஸங்கிலேஸங் வோதா³னங் வுட்டா²னங் யதா²பூ⁴தங் பஜானாதி, இத³ம்பி, ஸாரிபுத்த,
ததா²க³தஸ்ஸ ததா²க³தப³லங் ஹோதி யங் ப³லங் ஆக³ம்ம ததா²க³தோ ஆஸப⁴ங் டா²னங்
படிஜானாதி, பரிஸாஸு ஸீஹனாத³ங் நத³தி, ப்³ரஹ்மசக்கங் பவத்தேதி.

‘‘புன சபரங், ஸாரிபுத்த,
ததா²க³தோ அனேகவிஹிதங் புப்³பே³னிவாஸங் அனுஸ்ஸரதி, ஸெய்யதி²த³ங் – ஏகம்பி
ஜாதிங் த்³வேபி ஜாதியோ திஸ்ஸோபி ஜாதியோ சதஸ்ஸோபி ஜாதியோ பஞ்சபி ஜாதியோ
த³ஸபி ஜாதியோ வீஸம்பி ஜாதியோ திங்ஸம்பி ஜாதியோ சத்தாலீஸம்பி ஜாதியோ
பஞ்ஞாஸம்பி ஜாதியோ ஜாதிஸதம்பி ஜாதிஸஹஸ்ஸம்பி ஜாதிஸதஸஹஸ்ஸம்பி அனேகேபி
ஸங்வட்டகப்பே அனேகேபி விவட்டகப்பே அனேகேபி ஸங்வட்டவிவட்டகப்பே –
‘அமுத்ராஸிங் ஏவங்னாமோ ஏவங்கொ³த்தோ ஏவங்வண்ணோ ஏவமாஹாரோ
ஏவங்ஸுக²து³க்க²ப்படிஸங்வேதீ³ ஏவமாயுபரியந்தோ, ஸோ ததோ சுதோ அமுத்ர
உத³பாதி³ங்; தத்ராபாஸிங் ஏவங்னாமோ ஏவங்கொ³த்தோ ஏவங்வண்ணோ ஏவமாஹாரோ
ஏவங்ஸுக²து³க்க²ப்படிஸங்வேதீ³ ஏவமாயுபரியந்தோ, ஸோ ததோ சுதோ இதூ⁴பபன்னோ’தி.
இதி ஸாகாரங் ஸஉத்³தே³ஸங் அனேகவிஹிதங் புப்³பே³னிவாஸங் அனுஸ்ஸரதி. யம்பி,
ஸாரிபுத்த, ததா²க³தோ அனேகவிஹிதங் புப்³பே³னிவாஸங் அனுஸ்ஸரதி, ஸெய்யதி²த³ங் –
ஏகம்பி ஜாதிங் த்³வேபி ஜாதியோ…பே॰… இதி ஸாகாரங் ஸஉத்³தே³ஸங் அனேகவிஹிதங்
புப்³பே³னிவாஸங் அனுஸ்ஸரதி, இத³ம்பி, ஸாரிபுத்த, ததா²க³தஸ்ஸ ததா²க³தப³லங்
ஹோதி யங் ப³லங் ஆக³ம்ம ததா²க³தோ ஆஸப⁴ங் டா²னங் படிஜானாதி, பரிஸாஸு
ஸீஹனாத³ங் நத³தி, ப்³ரஹ்மசக்கங் பவத்தேதி.

‘‘புன சபரங், ஸாரிபுத்த, ததா²க³தோ தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ஸத்தே பஸ்ஸதி சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே ஸுக³தே து³க்³க³தே யதா²கம்மூபகே³
ஸத்தே பஜானாதி – ‘இமே வத பொ⁴ந்தோ ஸத்தா காயது³ச்சரிதேன ஸமன்னாக³தா
வசீது³ச்சரிதேன ஸமன்னாக³தா மனோது³ச்சரிதேன ஸமன்னாக³தா அரியானங் உபவாத³கா
மிச்சா²தி³ட்டி²கா மிச்சா²தி³ட்டி²கம்மஸமாதா³னா, தே காயஸ்ஸ பே⁴தா³
பரங் மரணா அபாயங் து³க்³க³திங் வினிபாதங் நிரயங் உபபன்னா. இமே வா பன
பொ⁴ந்தோ ஸத்தா காயஸுசரிதேன ஸமன்னாக³தா வசீஸுசரிதேன ஸமன்னாக³தா மனோஸுசரிதேன
ஸமன்னாக³தா அரியானங் அனுபவாத³கா ஸம்மாதி³ட்டி²கா
ஸம்மாதி³ட்டி²கம்மஸமாதா³னா, தே காயஸ்ஸ பே⁴தா³ பரங் மரணா ஸுக³திங் ஸக்³க³ங்
லோகங் உபபன்னா’தி. இதி தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன
ஸத்தே பஸ்ஸதி சவமானே உபபஜ்ஜமானே ஹீனே பணீதே ஸுவண்ணே
து³ப்³ப³ண்ணே ஸுக³தே து³க்³க³தே யதா²கம்மூபகே³ ஸத்தே பஜானாதி. யம்பி,
ஸாரிபுத்த, ததா²க³தோ தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன
ஸத்தே பஸ்ஸதி சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே ஸுக³தே
து³க்³க³தே யதா²கம்மூபகே³ ஸத்தே பஜானாதி – ‘இமே வத பொ⁴ந்தோ ஸத்தா
காயது³ச்சரிதேன ஸமன்னாக³தா வசீது³ச்சரிதேன ஸமன்னாக³தா மனோது³ச்சரிதேன
ஸமன்னாக³தா அரியானங் உபவாத³கா மிச்சா²தி³ட்டி²கா
மிச்சா²தி³ட்டி²கம்மஸமாதா³னா, தே காயஸ்ஸ பே⁴தா³ பரங் மரணா அபாயங்
து³க்³க³திங் வினிபாதங் நிரயங் உபபன்னா. இமே வா பன பொ⁴ந்தோ ஸத்தா
காயஸுசரிதேன ஸமன்னாக³தா வசீஸுசரிதேன ஸமன்னாக³தா மனோஸுசரிதேன ஸமன்னாக³தா
அரியானங் அனுபவாத³கா ஸம்மாதி³ட்டி²கா ஸம்மாதி³ட்டி²கம்மஸமாதா³னா, தே காயஸ்ஸ
பே⁴தா³ பரங் மரணா ஸுக³திங் ஸக்³க³ங் லோகங் உபபன்னா’தி. இதி தி³ப்³பே³ன
சக்கு²னா விஸுத்³தே⁴ன அதிக்கந்தமானுஸகேன ஸத்தே பஸ்ஸதி சவமானே உபபஜ்ஜமானே
ஹீனே பணீதே ஸுவண்ணே து³ப்³ப³ண்ணே ஸுக³தே து³க்³க³தே யதா²கம்மூபகே³ ஸத்தே
பஜானாதி. இத³ம்பி, ஸாரிபுத்த, ததா²க³தஸ்ஸ ததா²க³தப³லங் ஹோதி யங் ப³லங்
ஆக³ம்ம ததா²க³தோ ஆஸப⁴ங் டா²னங் படிஜானாதி, பரிஸாஸு ஸீஹனாத³ங் நத³தி,
ப்³ரஹ்மசக்கங் பவத்தேதி.

‘‘புன சபரங், ஸாரிபுத்த, ததா²க³தோ ஆஸவானங் க²யா
அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா
ஸச்சி²கத்வா உபஸம்பஜ்ஜ விஹரதி. யம்பி, ஸாரிபுத்த, ததா²க³தோ ஆஸவானங் க²யா
அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா
ஸச்சி²கத்வா உபஸம்பஜ்ஜ விஹரதி, இத³ம்பி, ஸாரிபுத்த, ததா²க³தஸ்ஸ
ததா²க³தப³லங் ஹோதி யங் ப³லங் ஆக³ம்ம ததா²க³தோ ஆஸப⁴ங் டா²னங் படிஜானாதி,
பரிஸாஸு ஸீஹனாத³ங் நத³தி, ப்³ரஹ்மசக்கங் பவத்தேதி.

‘‘இமானி கோ², ஸாரிபுத்த, த³ஸ ததா²க³தஸ்ஸ ததா²க³தப³லானி
யேஹி ப³லேஹி ஸமன்னாக³தோ ததா²க³தோ ஆஸப⁴ங் டா²னங் படிஜானாதி, பரிஸாஸு
ஸீஹனாத³ங் நத³தி, ப்³ரஹ்மசக்கங் பவத்தேதி.

149. ‘‘யோ
கோ² மங், ஸாரிபுத்த, ஏவங் ஜானந்தங் ஏவங் பஸ்ஸந்தங் ஏவங் வதெ³ய்ய – ‘நத்தி²
ஸமணஸ்ஸ கோ³தமஸ்ஸ உத்தரிமனுஸ்ஸத⁴ம்மா அலமரியஞாணத³ஸ்ஸனவிஸேஸோ; தக்கபரியாஹதங்
ஸமணோ கோ³தமோ த⁴ம்மங் தே³ஸேதி வீமங்ஸானுசரிதங்
ஸயங்படிபா⁴ன’ந்தி, தங், ஸாரிபுத்த, வாசங் அப்பஹாய தங் சித்தங் அப்பஹாய தங்
தி³ட்டி²ங் அப்படினிஸ்ஸஜ்ஜித்வா யதா²ப⁴தங் நிக்கி²த்தோ ஏவங் நிரயே.
ஸெய்யதா²பி, ஸாரிபுத்த, பி⁴க்கு² ஸீலஸம்பன்னோ ஸமாதி⁴ஸம்பன்னோ பஞ்ஞாஸம்பன்னோ
தி³ட்டே²வ த⁴ம்மே அஞ்ஞங் ஆராதெ⁴ய்ய, ஏவங்
ஸம்பத³மித³ங், ஸாரிபுத்த, வதா³மி. தங் வாசங் அப்பஹாய, தங் சித்தங் அப்பஹாய
தங் தி³ட்டி²ங் அப்படினிஸ்ஸஜ்ஜித்வா யதா²ப⁴தங் நிக்கி²த்தோ ஏவங் நிரயே.

150.
‘‘சத்தாரிமானி, ஸாரிபுத்த, ததா²க³தஸ்ஸ வேஸாரஜ்ஜானி யேஹி வேஸாரஜ்ஜேஹி
ஸமன்னாக³தோ ததா²க³தோ ஆஸப⁴ங் டா²னங் படிஜானாதி, பரிஸாஸு ஸீஹனாத³ங் நத³தி,
ப்³ரஹ்மசக்கங் பவத்தேதி. கதமானி சத்தாரி?

‘‘‘ஸம்மாஸம்பு³த்³த⁴ஸ்ஸ தே படிஜானதோ இமே த⁴ம்மா
அனபி⁴ஸம்பு³த்³தா⁴’தி. தத்ர வத மங் ஸமணோ வா ப்³ராஹ்மணோ வா தே³வோ வா மாரோ வா
ப்³ரஹ்மா வா கோசி வா லோகஸ்மிங் ஸஹத⁴ம்மேன படிசோதெ³ஸ்ஸதீதி நிமித்தமேதங், ஸாரிபுத்த, ந ஸமனுபஸ்ஸாமி. ஏதமஹங் [ஏதம்பஹங் (ஸீ॰ பீ॰)], ஸாரிபுத்த, நிமித்தங் அஸமனுபஸ்ஸந்தோ கே²மப்பத்தோ அப⁴யப்பத்தோ வேஸாரஜ்ஜப்பத்தோ விஹராமி.

‘‘‘கீ²ணாஸவஸ்ஸ தே படிஜானதோ இமே ஆஸவா அபரிக்கீ²ணா’தி.
தத்ர வத மங் ஸமணோ வா ப்³ராஹ்மணோ வா தே³வோ வா மாரோ வா ப்³ரஹ்மா வா கோசி வா
லோகஸ்மிங் ஸஹத⁴ம்மேன படிசோதெ³ஸ்ஸதீதி நிமித்தமேதங், ஸாரிபுத்த, ந
ஸமனுபஸ்ஸாமி. ஏதமஹங், ஸாரிபுத்த, நிமித்தங் அஸமனுபஸ்ஸந்தோ கே²மப்பத்தோ
அப⁴யப்பத்தோ வேஸாரஜ்ஜப்பத்தோ விஹராமி.

‘‘‘யே கோ² பன தே அந்தராயிகா த⁴ம்மா வுத்தா, தே
படிஸேவதோ நாலங் அந்தராயாயா’தி. தத்ர வத மங் ஸமணோ வா ப்³ராஹ்மணோ வா தே³வோ வா
மாரோ வா ப்³ரஹ்மா வா கோசி வா லோகஸ்மிங் ஸஹத⁴ம்மேன படிசோதெ³ஸ்ஸதீதி
நிமித்தமேதங், ஸாரிபுத்த, ந ஸமனுபஸ்ஸாமி. ஏதமஹங், ஸாரிபுத்த, நிமித்தங்
அஸமனுபஸ்ஸந்தோ கே²மப்பத்தோ அப⁴யப்பத்தோ வேஸாரஜ்ஜப்பத்தோ விஹராமி.

‘‘‘யஸ்ஸ கோ² பன தே அத்தா²ய த⁴ம்மோ தே³ஸிதோ, ஸோ ந நிய்யாதி தக்கரஸ்ஸ ஸம்மா து³க்க²க்க²யாயா’தி .
தத்ர வத மங் ஸமணோ வா ப்³ராஹ்மணோ வா தே³வோ வா மாரோ வா ப்³ரஹ்மா வா கோசி வா
லோகஸ்மிங் ஸஹத⁴ம்மேன படிசோதெ³ஸ்ஸதீ’தி நிமித்தமேதங், ஸாரிபுத்த, ந
ஸமனுபஸ்ஸாமி. ஏதமஹங், ஸாரிபுத்த, நிமித்தங் அஸமனுபஸ்ஸந்தோ கே²மப்பத்தோ
அப⁴யப்பத்தோ வேஸாரஜ்ஜப்பத்தோ விஹராமி.

‘‘இமானி கோ², ஸாரிபுத்த,
சத்தாரி ததா²க³தஸ்ஸ வேஸாரஜ்ஜானி யேஹி வேஸாரஜ்ஜேஹி ஸமன்னாக³தோ ததா²க³தோ
ஆஸப⁴ங் டா²னங் படிஜானாதி, பரிஸாஸு ஸீஹனாத³ங் நத³தி, ப்³ரஹ்மசக்கங்
பவத்தேதி.

‘‘யோ கோ² மங், ஸாரிபுத்த, ஏவங் ஜானந்தங் ஏவங்
பஸ்ஸந்தங் ஏவங் வதெ³ய்ய – ‘நத்தி² ஸமணஸ்ஸ கோ³தமஸ்ஸ உத்தரிமனுஸ்ஸத⁴ம்மா
அலமரியஞாணத³ஸ்ஸனவிஸேஸோ, தக்கபரியாஹதங் ஸமணோ கோ³தமோ த⁴ம்மங் தே³ஸேதி
வீமங்ஸானுசரிதங் ஸயங்படிபா⁴ன’ந்தி, தங், ஸாரிபுத்த, வாசங் அப்பஹாய தங்
சித்தங் அப்பஹாய தங் தி³ட்டி²ங் அப்படினிஸ்ஸஜ்ஜித்வா யதா²ப⁴தங் நிக்கி²த்தோ
ஏவங் நிரயே. ஸெய்யதா²பி, ஸாரிபுத்த, பி⁴க்கு² ஸீலஸம்பன்னோ ஸமாதி⁴ஸம்பன்னோ
பஞ்ஞாஸம்பன்னோ தி³ட்டே²வ த⁴ம்மே அஞ்ஞங் ஆராதெ⁴ய்ய,
ஏவங் ஸம்பத³மித³ங், ஸாரிபுத்த, வதா³மி. தங் வாசங் அப்பஹாய தங் சித்தங்
அப்பஹாய தங் தி³ட்டி²ங் அப்படினிஸ்ஸஜ்ஜித்வா யதா²ப⁴தங் நிக்கி²த்தோ ஏவங்
நிரயே.

151. ‘‘அட்ட² கோ² இமா, ஸாரிபுத்த, பரிஸா. கதமா அட்ட²? க²த்தியபரிஸா, ப்³ராஹ்மணபரிஸா, க³ஹபதிபரிஸா, ஸமணபரிஸா, சாதுமஹாராஜிகபரிஸா [சாதும்மஹாராஜிகா (ஸீ॰ ஸ்யா॰ பீ॰)],
தாவதிங்ஸபரிஸா, மாரபரிஸா, ப்³ரஹ்மபரிஸா – இமா கோ², ஸாரிபுத்த, அட்ட²
பரிஸா. இமேஹி கோ², ஸாரிபுத்த, சதூஹி வேஸாரஜ்ஜேஹி ஸமன்னாக³தோ ததா²க³தோ இமா
அட்ட² பரிஸா உபஸங்கமதி அஜ்ஜோ²கா³ஹதி. அபி⁴ஜானாமி கோ² பனாஹங், ஸாரிபுத்த,
அனேகஸதங் க²த்தியபரிஸங் உபஸங்கமிதா. தத்ரபி மயா ஸன்னிஸின்னபுப்³ப³ஞ்சேவ,
ஸல்லபிதபுப்³ப³ஞ்ச, ஸாகச்சா² ச ஸமாபஜ்ஜிதபுப்³பா³. தத்ர வத மங் ப⁴யங் வா
ஸாரஜ்ஜங் வா ஓக்கமிஸ்ஸதீதி நிமித்தமேதங், ஸாரிபுத்த, ந ஸமனுபஸ்ஸாமி.
ஏதமஹங், ஸாரிபுத்த, நிமித்தங் அஸமனுபஸ்ஸந்தோ கே²மப்பத்தோ அப⁴யப்பத்தோ
வேஸாரஜ்ஜப்பத்தோ விஹராமி.

‘‘அபி⁴ஜானாமி கோ² பனாஹங், ஸாரிபுத்த, அனேகஸதங்
ப்³ராஹ்மணபரிஸங்…பே॰… க³ஹபதிபரிஸங்… ஸமணபரிஸங்… சாதுமஹாராஜிகபரிஸங்…
தாவதிங்ஸபரிஸங்… மாரபரிஸங்… ப்³ரஹ்மபரிஸங் உபஸங்கமிதா. தத்ரபி மயா
ஸன்னிஸின்னபுப்³ப³ஞ்சேவ, ஸல்லபிதபுப்³ப³ஞ்ச, ஸாகச்சா² ச ஸமாபஜ்ஜிதபுப்³பா³.
தத்ர வத மங் ப⁴யங் வா ஸாரஜ்ஜங் வா ஓக்கமிஸ்ஸதீதி நிமித்தமேதங், ஸாரிபுத்த , ந ஸமனுபஸ்ஸாமி. ஏதமஹங், ஸாரிபுத்த, நிமித்தங் அஸமனுபஸ்ஸந்தோ கே²மப்பத்தோ அப⁴யப்பத்தோ வேஸாரஜ்ஜப்பத்தோ விஹராமி.

‘‘யோ கோ² மங், ஸாரிபுத்த, ஏவங் ஜானந்தங் ஏவங் பஸ்ஸந்தங் ஏவங் வதெ³ய்ய – ‘நத்தி² ஸமணஸ்ஸ கோ³தமஸ்ஸ உத்தரிமனுஸ்ஸத⁴ம்மா
அலமரியஞாணத³ஸ்ஸனவிஸேஸோ, தக்கபரியாஹதங் ஸமணோ கோ³தமோ த⁴ம்மங் தே³ஸேதி
வீமங்ஸானுசரிதங் ஸயங்படிபா⁴ன’ந்தி, தங், ஸாரிபுத்த, வாசங் அப்பஹாய தங்
சித்தங் அப்பஹாய தங் தி³ட்டி²ங் அப்படினிஸ்ஸஜ்ஜித்வா யதா²ப⁴தங் நிக்கி²த்தோ
ஏவங் நிரயே. ஸெய்யதா²பி, ஸாரிபுத்த, பி⁴க்கு² ஸீலஸம்பன்னோ ஸமாதி⁴ஸம்பன்னோ
பஞ்ஞாஸம்பன்னோ தி³ட்டே²வ த⁴ம்மே அஞ்ஞங் ஆராதெ⁴ய்ய, ஏவங் ஸம்பத³மித³ங்,
ஸாரிபுத்த, வதா³மி. தங் வாசங் அப்பஹாய தங் சித்தங் அப்பஹாய தங் தி³ட்டி²ங்
அப்படினிஸ்ஸஜ்ஜித்வா யதா²ப⁴தங் நிக்கி²த்தோ ஏவங் நிரயே.

152.
‘‘சதஸ்ஸோ கோ² இமா, ஸாரிபுத்த, யோனியோ. கதமா சதஸ்ஸோ? அண்ட³ஜா யோனி,
ஜலாபு³ஜா யோனி, ஸங்ஸேத³ஜா யோனி, ஓபபாதிகா யோனி. கதமா ச, ஸாரிபுத்த, அண்ட³ஜா
யோனி? யே கோ² தே, ஸாரிபுத்த, ஸத்தா அண்ட³கோஸங் அபி⁴னிப்³பி⁴ஜ்ஜ ஜாயந்தி –
அயங் வுச்சதி, ஸாரிபுத்த, அண்ட³ஜா யோனி. கதமா ச, ஸாரிபுத்த, ஜலாபு³ஜா யோனி?
யே கோ² தே, ஸாரிபுத்த, ஸத்தா வத்தி²கோஸங் அபி⁴னிப்³பி⁴ஜ்ஜ ஜாயந்தி – அயங்
வுச்சதி, ஸாரிபுத்த, ஜலாபு³ஜா யோனி. கதமா ச, ஸாரிபுத்த, ஸங்ஸேத³ஜா யோனி? யே
கோ² தே, ஸாரிபுத்த, ஸத்தா பூதிமச்சே² வா ஜாயந்தி பூதிகுணபே வா
பூதிகும்மாஸே வா சந்த³னிகாயே வா ஓளிக³ல்லே வா ஜாயந்தி – அயங் வுச்சதி,
ஸாரிபுத்த, ஸங்ஸேத³ஜா யோனி. கதமா ச, ஸாரிபுத்த, ஓபபாதிகா யோனி? தே³வா,
நேரயிகா, ஏகச்சே ச மனுஸ்ஸா, ஏகச்சே ச வினிபாதிகா – அயங் வுச்சதி,
ஸாரிபுத்த, ஓபபாதிகா யோனி. இமா கோ², ஸாரிபுத்த, சதஸ்ஸோ யோனியோ.

‘‘யோ கோ² மங், ஸாரிபுத்த, ஏவங்
ஜானந்தங் ஏவங் பஸ்ஸந்தங் ஏவங் வதெ³ய்ய – ‘நத்தி² ஸமணஸ்ஸ கோ³தமஸ்ஸ
உத்தரிமனுஸ்ஸத⁴ம்மா அலமரியஞாணத³ஸ்ஸனவிஸேஸோ, தக்கபரியாஹதங் ஸமணோ கோ³தமோ
த⁴ம்மங் தே³ஸேதி வீமங்ஸானுசரிதங் ஸயங்படிபா⁴ன’ந்தி, தங், ஸாரிபுத்த, வாசங்
அப்பஹாய தங் சித்தங் அப்பஹாய தங் தி³ட்டி²ங் அப்படினிஸ்ஸஜ்ஜித்வா யதா²ப⁴தங்
நிக்கி²த்தோ ஏவங் நிரயே. ஸெய்யதா²பி, ஸாரிபுத்த, பி⁴க்கு² ஸீலஸம்பன்னோ
ஸமாதி⁴ஸம்பன்னோ பஞ்ஞாஸம்பன்னோ தி³ட்டே²வ த⁴ம்மே அஞ்ஞங் ஆராதெ⁴ய்ய, ஏவங்
ஸம்பத³மித³ங், ஸாரிபுத்த, வதா³மி. தங் வாசங் அப்பஹாய தங் சித்தங் அப்பஹாய
தங் தி³ட்டி²ங் அப்படினிஸ்ஸஜ்ஜித்வா யதா²ப⁴தங் நிக்கி²த்தோ ஏவங் நிரயே.

153. ‘‘பஞ்ச
கோ² இமா, ஸாரிபுத்த, க³தியோ. கதமா பஞ்ச? நிரயோ, திரச்சா²னயோனி,
பெத்திவிஸயோ, மனுஸ்ஸா, தே³வா. நிரயஞ்சாஹங், ஸாரிபுத்த, பஜானாமி,
நிரயகா³மிஞ்ச மக்³க³ங், நிரயகா³மினிஞ்ச படிபத³ங்; யதா² படிபன்னோ ச காயஸ்ஸ
பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜதி தஞ்ச
பஜானாமி. திரச்சா²னயோனிஞ்சாஹங், ஸாரிபுத்த, பஜானாமி, திரச்சா²னயோனிகா³மிஞ்ச
மக்³க³ங், திரச்சா²னயோனிகா³மினிஞ்ச படிபத³ங்; யதா² படிபன்னோ ச காயஸ்ஸ
பே⁴தா³ பரங் மரணா திரச்சா²னயோனிங் உபபஜ்ஜதி தஞ்ச பஜானாமி. பெத்திவிஸயங்
சாஹங், ஸாரிபுத்த, பஜானாமி, பெத்திவிஸயகா³மிஞ்ச மக்³க³ங்,
பெத்திவிஸயகா³மினிஞ்ச படிபத³ங்; யதா² படிபன்னோ ச காயஸ்ஸ பே⁴தா³ பரங் மரணா
பெத்திவிஸயங் உபபஜ்ஜதி தஞ்ச பஜானாமி. மனுஸ்ஸே சாஹங், ஸாரிபுத்த, பஜானாமி,
மனுஸ்ஸலோககா³மிஞ்ச மக்³க³ங் , மனுஸ்ஸலோககா³மினிஞ்ச
படிபத³ங்; யதா² படிபன்னோ ச காயஸ்ஸ பே⁴தா³ பரங் மரணா மனுஸ்ஸேஸு உபபஜ்ஜதி
தஞ்ச பஜானாமி. தே³வே சாஹங், ஸாரிபுத்த, பஜானாமி, தே³வலோககா³மிஞ்ச மக்³க³ங்,
தே³வலோககா³மினிஞ்ச படிபத³ங்; யதா² படிபன்னோ ச காயஸ்ஸ பே⁴தா³ பரங் மரணா
ஸுக³திங் ஸக்³க³ங் லோகங் உபபஜ்ஜதி தஞ்ச பஜானாமி. நிப்³பா³னஞ்சாஹங்,
ஸாரிபுத்த, பஜானாமி, நிப்³பா³னகா³மிஞ்ச மக்³க³ங், நிப்³பா³னகா³மினிஞ்ச
படிபத³ங்; யதா² படிபன்னோ ச ஆஸவானங் க²யா அனாஸவங் சேதோவிமுத்திங்
பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ
விஹரதி தஞ்ச பஜானாமி.

154.
‘‘இதா⁴ஹங், ஸாரிபுத்த, ஏகச்சங் புக்³க³லங் ஏவங் சேதஸா சேதோ பரிச்ச பஜானாமி
– ததா²யங் புக்³க³லோ படிபன்னோ ததா² ச இரியதி தஞ்ச மக்³க³ங் ஸமாரூள்ஹோ,
யதா² காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங்
உபபஜ்ஜிஸ்ஸதீதி. தமேனங் பஸ்ஸாமி அபரேன ஸமயேன தி³ப்³பே³ன சக்கு²னா
விஸுத்³தே⁴ன அதிக்கந்தமானுஸகேன காயஸ்ஸ பே⁴தா³ பரங் மரணா அபாயங்
து³க்³க³திங் வினிபாதங் நிரயங் உபபன்னங், ஏகந்தது³க்கா² திப்³பா³ கடுகா
வேத³னா வேத³யமானங். ஸெய்யதா²பி, ஸாரிபுத்த, அங்கா³ரகாஸு ஸாதி⁴கபோரிஸா பூரா
அங்கா³ரானங் வீதச்சிகானங் வீததூ⁴மானங். அத² புரிஸோ ஆக³ச்செ²ய்ய
க⁴ம்மாபி⁴தத்தோ க⁴ம்மபரேதோ கிலந்தோ தஸிதோ பிபாஸிதோ ஏகாயனேன மக்³கே³ன தமேவ
அங்கா³ரகாஸுங் பணிதா⁴ய. தமேனங் சக்கு²மா புரிஸோ தி³ஸ்வா ஏவங் வதெ³ய்ய –
‘ததா²யங் ப⁴வங் புரிஸோ படிபன்னோ ததா² ச இரியதி தஞ்ச மக்³க³ங் ஸமாரூள்ஹோ, யதா² இமங்யேவ அங்கா³ரகாஸுங் ஆக³மிஸ்ஸதீ’தி . தமேனங் பஸ்ஸெய்ய அபரேன ஸமயேன தஸ்ஸா அங்கா³ரகாஸுயா
பதிதங், ஏகந்தது³க்கா² திப்³பா³ கடுகா வேத³னா வேத³யமானங். ஏவமேவ கோ² அஹங்,
ஸாரிபுத்த, இதே⁴கச்சங் புக்³க³லங் ஏவங் சேதஸா சேதோ பரிச்ச பஜானாமி –
ததா²யங் புக்³க³லோ படிபன்னோ ததா² ச இரியதி தஞ்ச மக்³க³ங் ஸமாரூள்ஹோ யதா²
காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங்
உபபஜ்ஜிஸ்ஸதீதி. தமேனங் பஸ்ஸாமி அபரேன ஸமயேன தி³ப்³பே³ன சக்கு²னா
விஸுத்³தே⁴ன அதிக்கந்தமானுஸகேன காயஸ்ஸ பே⁴தா³ பரங் மரணா அபாயங்
து³க்³க³திங் வினிபாதங் நிரயங் உபபன்னங், ஏகந்தது³க்கா² திப்³பா³ கடுகா
வேத³னா வேத³யமானங்.

‘‘இத⁴ பனாஹங், ஸாரிபுத்த, ஏகச்சங் புக்³க³லங் ஏவங்
சேதஸா சேதோ பரிச்ச பஜானாமி – ததா²யங் புக்³க³லோ படிபன்னோ ததா² ச இரியதி
தஞ்ச மக்³க³ங் ஸமாரூள்ஹோ, யதா² காயஸ்ஸ பே⁴தா³ பரங் மரணா திரச்சா²னயோனிங்
உபபஜ்ஜிஸ்ஸதீதி. தமேனங் பஸ்ஸாமி அபரேன ஸமயேன தி³ப்³பே³ன சக்கு²னா
விஸுத்³தே⁴ன அதிக்கந்தமானுஸகேன காயஸ்ஸ பே⁴தா³ பரங் மரணா திரச்சா²னயோனிங்
உபபன்னங், து³க்கா² திப்³பா³ கடுகா வேத³னா வேத³யமானங். ஸெய்யதா²பி,
ஸாரிபுத்த, கூ³த²கூபோ ஸாதி⁴கபோரிஸோ, பூரோ கூ³த²ஸ்ஸ. அத² புரிஸோ ஆக³ச்செ²ய்ய
க⁴ம்மாபி⁴தத்தோ க⁴ம்மபரேதோ கிலந்தோ தஸிதோ பிபாஸிதோ
ஏகாயனேன மக்³கே³ன தமேவ கூ³த²கூபங் பணிதா⁴ய. தமேனங் சக்கு²மா புரிஸோ
தி³ஸ்வா ஏவங் வதெ³ய்ய – ‘ததா²யங் ப⁴வங் புரிஸோ படிபன்னோ ததா²
ச இரியதி தஞ்ச மக்³க³ங் ஸமாரூள்ஹோ யதா² இமங்யேவ கூ³த²கூபங் ஆக³மிஸ்ஸதீ’தி.
தமேனங் பஸ்ஸெய்ய அபரேன ஸமயேன தஸ்மிங் கூ³த²கூபே பதிதங், து³க்கா² திப்³பா³
கடுகா வேத³னா வேத³யமானங். ஏவமேவ கோ² அஹங், ஸாரிபுத்த, இதே⁴கச்சங்
புக்³க³லங் ஏவங் சேதஸா சேதோ பரிச்ச பஜானாமி – ததா²யங் புக்³க³லோ படிபன்னோ
ததா² ச இரியதி தஞ்ச மக்³க³ங் ஸமாரூள்ஹோ, யதா² காயஸ்ஸ பே⁴தா³ பரங் மரணா
திரச்சா²னயோனிங் உபபஜ்ஜிஸ்ஸதீதி. தமேனங் பஸ்ஸாமி அபரேன ஸமயேன தி³ப்³பே³ன
சக்கு²னா விஸுத்³தே⁴ன அதிக்கந்தமானுஸகேன காயஸ்ஸ பே⁴தா³ பரங் மரணா
திரச்சா²னயோனிங் உபபன்னங், து³க்கா² திப்³பா³ கடுகா வேத³னா வேத³யமானங்.

‘‘இத⁴ பனாஹங், ஸாரிபுத்த, ஏகச்சங் புக்³க³லங் ஏவங்
சேதஸா சேதோ பரிச்ச பஜானாமி – ததா²யங் புக்³க³லோ படிபன்னோ ததா² ச இரியதி
தஞ்ச மக்³க³ங் ஸமாரூள்ஹோ, யதா² காயஸ்ஸ பே⁴தா³ பரங் மரணா பெத்திவிஸயங்
உபபஜ்ஜிஸ்ஸதீதி. தமேனங் பஸ்ஸாமி அபரேன ஸமயேன
தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன காயஸ்ஸ பே⁴தா³ பரங்
மரணா பெத்திவிஸயங் உபபன்னங், து³க்க²ப³ஹுலா வேத³னா வேத³யமானங். ஸெய்யதா²பி,
ஸாரிபுத்த, ருக்கோ² விஸமே பூ⁴மிபா⁴கே³ ஜாதோ தனுபத்தபலாஸோ கப³ரச்சா²யோ .
அத² புரிஸோ ஆக³ச்செ²ய்ய க⁴ம்மாபி⁴தத்தோ க⁴ம்மபரேதோ கிலந்தோ தஸிதோ பிபாஸிதோ
ஏகாயனேன மக்³கே³ன தமேவ ருக்க²ங் பணிதா⁴ய. தமேனங் சக்கு²மா புரிஸோ தி³ஸ்வா
ஏவங் வதெ³ய்ய – ‘ததா²யங் ப⁴வங் புரிஸோ படிபன்னோ ததா² ச இரியதி தஞ்ச
மக்³க³ங் ஸமாரூள்ஹோ, யதா² இமங்யேவ ருக்க²ங் ஆக³மிஸ்ஸதீ’தி. தமேனங் பஸ்ஸெய்ய,
அபரேன ஸமயேன தஸ்ஸ ருக்க²ஸ்ஸ சா²யாய நிஸின்னங் வா நிபன்னங் வா
து³க்க²ப³ஹுலா வேத³னா வேத³யமானங். ஏவமேவ கோ² அஹங், ஸாரிபுத்த, இதே⁴கச்சங்
புக்³க³லங் ஏவங் சேதஸா சேதோ பரிச்ச பஜானாமி – ததா²யங் புக்³க³லோ படிபன்னோ
ததா² ச இரியதி தஞ்ச மக்³க³ங் ஸமாரூள்ஹோ, யதா² காயஸ்ஸ பே⁴தா³ பரங் மரணா
பெத்திவிஸயங் உபபஜ்ஜிஸ்ஸதீதி. தமேனங் பஸ்ஸாமி அபரேன ஸமயேன தி³ப்³பே³ன
சக்கு²னா விஸுத்³தே⁴ன அதிக்கந்தமானுஸகேன காயஸ்ஸ பே⁴தா³ பரங் மரணா
பெத்திவிஸயங் உபபன்னங், து³க்க²ப³ஹுலா வேத³னா வேத³யமானங்.

‘‘இத⁴ பனாஹங், ஸாரிபுத்த, ஏகச்சங் புக்³க³லங் ஏவங்
சேதஸா சேதோ பரிச்ச பஜானாமி – ததா²யங் புக்³க³லோ படிபன்னோ ததா² ச இரியதி
தஞ்ச மக்³க³ங் ஸமாரூள்ஹோ யதா² காயஸ்ஸ பே⁴தா³ பரங் மரணா மனுஸ்ஸேஸு
உபபஜ்ஜிஸ்ஸதீதி. தமேனங் பஸ்ஸாமி அபரேன ஸமயேன தி³ப்³பே³ன சக்கு²னா
விஸுத்³தே⁴ன அதிக்கந்தமானுஸகேன காயஸ்ஸ பே⁴தா³ பரங் மரணா மனுஸ்ஸேஸு
உபபன்னங், ஸுக²ப³ஹுலா வேத³னா வேத³யமானங். ஸெய்யதா²பி, ஸாரிபுத்த, ருக்கோ²
ஸமே பூ⁴மிபா⁴கே³ ஜாதோ ப³ஹலபத்தபலாஸோ ஸந்த³ச்சா²யோ [ஸண்ட³ச்சா²யோ (ஸ்யா॰), ஸந்தச்சா²யோ (க॰)].
அத² புரிஸோ ஆக³ச்செ²ய்ய க⁴ம்மாபி⁴தத்தோ க⁴ம்மபரேதோ கிலந்தோ தஸிதோ பிபாஸிதோ
ஏகாயனேன மக்³கே³ன தமேவ ருக்க²ங் பணிதா⁴ய. தமேனங் சக்கு²மா புரிஸோ தி³ஸ்வா
ஏவங் வதெ³ய்ய – ‘ததா²யங் ப⁴வங் புரிஸோ படிபன்னோ ததா² ச இரியதி தஞ்ச
மக்³க³ங் ஸமாரூள்ஹோ, யதா² இமமேவ ருக்க²ங் ஆக³மிஸ்ஸதீ’தி. தமேனங் பஸ்ஸெய்ய
அபரேன ஸமயேன தஸ்ஸ ருக்க²ஸ்ஸ சா²யாய நிஸின்னங் வா நிபன்னங் வா ஸுக²ப³ஹுலா
வேத³னா வேத³யமானங். ஏவமேவ கோ² அஹங், ஸாரிபுத்த, இதே⁴கச்சங்
புக்³க³லங் ஏவங் சேதஸா சேதோ பரிச்ச பஜானாமி – ததா²யங் புக்³க³லோ படிபன்னோ
ததா² ச இரியதி தஞ்ச மக்³க³ங் ஸமாரூள்ஹோ யதா² காயஸ்ஸ பே⁴தா³ பரங் மரணா
மனுஸ்ஸேஸு உபபஜ்ஜிஸ்ஸதீதி. தமேனங் பஸ்ஸாமி அபரேன ஸமயேன தி³ப்³பே³ன
சக்கு²னா விஸுத்³தே⁴ன அதிக்கந்தமானுஸகேன காயஸ்ஸ பே⁴தா³ பரங் மரணா மனுஸ்ஸேஸு
உபபன்னங், ஸுக²ப³ஹுலா வேத³னா வேத³யமானங்.

‘‘இத⁴ பனாஹங், ஸாரிபுத்த,
ஏகச்சங் புக்³க³லங் ஏவங் சேதஸா சேதோ பரிச்ச பஜானாமி – ததா²யங் புக்³க³லோ
படிபன்னோ ததா² ச இரியதி தஞ்ச மக்³க³ங் ஸமாரூள்ஹோ, யதா² காயஸ்ஸ பே⁴தா³ பரங்
மரணா ஸுக³திங் ஸக்³க³ங் லோகங் உபபஜ்ஜிஸ்ஸதீ’தி. தமேனங் பஸ்ஸாமி அபரேன ஸமயேன
தி³ப்³பே³ன சக்கு²னா விஸுத்³தே⁴ன
அதிக்கந்தமானுஸகேன காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங்
உபபன்னங், ஏகந்தஸுகா² வேத³னா வேத³யமானங். ஸெய்யதா²பி, ஸாரிபுத்த, பாஸாதோ³,
தத்ராஸ்ஸ கூடாகா³ரங் உல்லித்தாவலித்தங் நிவாதங் பு²ஸிதக்³க³ளங்
பிஹிதவாதபானங். தத்ராஸ்ஸ பல்லங்கோ கோ³னகத்த²தோ படிகத்த²தோ படலிகத்த²தோ
கத³லிமிக³பவரபச்சத்த²ரணோ ஸஉத்தரச்ச²தோ³ உப⁴தோலோஹிதகூபதா⁴னோ. அத² புரிஸோ
ஆக³ச்செ²ய்ய க⁴ம்மாபி⁴தத்தோ க⁴ம்மபரேதோ கிலந்தோ தஸிதோ பிபாஸிதோ ஏகாயனேன
மக்³கே³ன தமேவ பாஸாத³ங் பணிதா⁴ய. தமேனங் சக்கு²மா புரிஸோ தி³ஸ்வா ஏவங்
வதெ³ய்ய – ‘ததா²யங் ப⁴வங் புரிஸோ படிபன்னோ ததா² ச இரியதி தஞ்ச மக்³க³ங்
ஸமாரூள்ஹோ, யதா² இமங்யேவ பாஸாத³ங் ஆக³மிஸ்ஸதீ’தி. தமேனங் பஸ்ஸெய்ய அபரேன
ஸமயேன தஸ்மிங் பாஸாதே³ தஸ்மிங் கூடாகா³ரே தஸ்மிங் பல்லங்கே நிஸின்னங் வா
நிபன்னங் வா ஏகந்தஸுகா² வேத³னா வேத³யமானங். ஏவமேவ கோ² அஹங், ஸாரிபுத்த,
இதே⁴கச்சங் புக்³க³லங் ஏவங் சேதஸா சேதோ பரிச்ச பஜானாமி – ததா²யங்
புக்³க³லோ படிபன்னோ ததா² ச இரியதி தஞ்ச மக்³க³ங் ஸமாரூள்ஹோ யதா² காயஸ்ஸ
பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜிஸ்ஸதீதி. தமேனங் பஸ்ஸாமி
அபரேன ஸமயேன தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன காயஸ்ஸ
பே⁴தா³ பரங் மரணா ஸுக³திங் ஸக்³க³ங் லோகங் உபபன்னங், ஏகந்தஸுகா² வேத³னா
வேத³யமானங்.

‘‘இத⁴ பனாஹங், ஸாரிபுத்த, ஏகச்சங் புக்³க³லங் சேதஸா
சேதோ பரிச்ச பஜானாமி – ததா²யங் புக்³க³லோ படிபன்னோ ததா² ச இரியதி தஞ்ச
மக்³க³ங் ஸமாரூள்ஹோ, யதா² ஆஸவானங் க²யா அனாஸங் சேதோவிமுத்திங்
பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ
விஹரிஸ்ஸதீதி. தமேனங் பஸ்ஸாமி அபரேன ஸமயேன ஆஸவானங் க²யா அனாஸவங்
சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா
ஸச்சி²கத்வா உபஸம்பஜ்ஜ விஹரந்தங், ஏகந்தஸுகா² வேத³னா வேத³யமானங்.
ஸெய்யதா²பி, ஸாரிபுத்த, பொக்க²ரணீ அச்சோ²த³கா
ஸாதோத³கா ஸீதோத³கா ஸேதகா ஸுபதித்தா² ரமணீயா. அவிதூ³ரே சஸ்ஸா திப்³போ³
வனஸண்டோ³. அத² புரிஸோ ஆக³ச்செ²ய்ய க⁴ம்மாபி⁴தத்தோ க⁴ம்மபரேதோ கிலந்தோ தஸிதோ
பிபாஸிதோ ஏகாயனேன மக்³கே³ன தமேவ பொக்க²ரணிங் பணிதா⁴ய. தமேனங் சக்கு²மா
புரிஸோ தி³ஸ்வா ஏவங் வதெ³ய்ய – ‘ததா² ப⁴வங் புரிஸோ படிபன்னோ ததா² ச இரியதி
தஞ்ச மக்³க³ங் ஸமாரூள்ஹோ, யதா² இமங்யேவ பொக்க²ரணிங் ஆக³மிஸ்ஸதீ’தி. தமேனங்
பஸ்ஸெய்ய அபரேன ஸமயேன தங் பொக்க²ரணிங் ஓகா³ஹெத்வா ந்ஹாயித்வா ச பிவித்வா ச
ஸப்³ப³த³ரத²கிலமத²பரிளாஹங் படிப்பஸ்ஸம்பெ⁴த்வா பச்சுத்தரித்வா தஸ்மிங் வனஸண்டே³ நிஸின்னங் வா நிபன்னங்
வா, ஏகந்தஸுகா² வேத³னா வேத³யமானங். ஏவமேவ கோ² அஹங், ஸாரிபுத்த, இதே⁴கச்சங்
புக்³க³லங் ஏவங் சேதஸா சேதோ பரிச்ச பஜானாமி – ததா²யங் புக்³க³லோ படிபன்னோ
ததா² ச இரியதி தஞ்ச மக்³க³ங் ஸமாரூள்ஹோ, யதா² ஆஸவானங் க²யா அனாஸவங்
சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங்
அபி⁴ஞ்ஞா ஸச்சி²கத்வா உபஸம்பஜ்ஜ விஹரிஸ்ஸதீ’தி. தமேனங் பஸ்ஸாமி அபரேன
ஸமயேன ஆஸவானங் க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ
த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரந்தங், ஏகந்தஸுகா² வேத³னா
வேத³யமானங். இமா கோ², ஸாரிபுத்த, பஞ்ச க³தியோ.

‘‘யோ கோ² மங், ஸாரிபுத்த, ஏவங் ஜானந்தங் ஏவங்
பஸ்ஸந்தங் ஏவங் வதெ³ய்ய – ‘நத்தி² ஸமணஸ்ஸ கோ³தமஸ்ஸ உத்தரிமனுஸ்ஸத⁴ம்மா
அலமரியஞாணத³ஸ்ஸனவிஸேஸோ; தக்கபரியாஹதங் ஸமணோ கோ³தமோ த⁴ம்மங் தே³ஸேதி
வீமங்ஸானுசரிதங் ஸயங்படிபா⁴ன’ந்தி தங், ஸாரிபுத்த, வாசங் அப்பஹாய தங்
சித்தங் அப்பஹாய தங் தி³ட்டி²ங் அப்படினிஸ்ஸஜ்ஜித்வா யதா²ப⁴தங் நிக்கி²த்தோ
ஏவங் நிரயே. ஸெய்யதா²பி, ஸாரிபுத்த, பி⁴க்கு² ஸீலஸம்பன்னோ ஸமாதி⁴ஸம்பன்னோ
பஞ்ஞாஸம்பன்னோ தி³ட்டே²வ த⁴ம்மே அஞ்ஞங் ஆராதெ⁴ய்ய, ஏவங் ஸம்பத³மித³ங்,
ஸாரிபுத்த, வதா³மி ‘தங் வாசங் அப்பஹாய தங் சித்தங் அப்பஹாய தங் தி³ட்டி²ங்
அப்படினிஸ்ஸஜ்ஜித்வா யதா²ப⁴தங் நிக்கி²த்தோ ஏவங் நிரயே’.

155. ‘‘அபி⁴ஜானாமி கோ² பனாஹங், ஸாரிபுத்த, சதுரங்க³ஸமன்னாக³தங் ப்³ரஹ்மசரியங் சரிதா [சரித்வா (க॰)] – தபஸ்ஸீ ஸுத³ங் ஹோமி பரமதபஸ்ஸீ, லூகோ² ஸுத³ங் [லூக²ஸ்ஸுத³ங் (ஸீ॰ பீ॰)] ஹோமி பரமலூகோ², ஜேகு³ச்சீ² ஸுத³ங் ஹோமி பரமஜேகு³ச்சீ², பவிவித்தோ ஸுத³ங் [பவிவித்தஸ்ஸுத³ங் (ஸீ॰ பீ॰)] ஹோமி பரமபவிவித்தோ . தத்ராஸ்ஸு மே இத³ங், ஸாரிபுத்த, தபஸ்ஸிதாய ஹோதி – அசேலகோ ஹோமி முத்தாசாரோ ஹத்தா²பலேக²னோ [ஹத்தா²வலேக²னோ (ஸ்யா॰)],
ந ஏஹிப⁴த்³த³ந்திகோ ந திட்ட²ப⁴த்³த³ந்திகோ; நாபி⁴ஹடங் ந உத்³தி³ஸ்ஸகதங் ந
நிமந்தனங் ஸாதி³யாமி. ஸோ ந கும்பி⁴முகா² படிக்³க³ண்ஹாமி, ந களோபிமுகா²
படிக்³க³ண்ஹாமி, ந ஏளகமந்தரங், ந த³ண்ட³மந்தரங், ந முஸலமந்தரங், ந
த்³வின்னங் பு⁴ஞ்ஜமானானங், ந க³ப்³பி⁴னியா, ந பாயமானாய [பாயந்தியா (க॰)],
ந புரிஸந்தரக³தாய, ந ஸங்கித்தீஸு, ந யத்த² ஸா உபட்டி²தோ ஹோதி, ந யத்த²
மக்கி²கா ஸண்ட³ஸண்ட³சாரினீ; ந மச்ச²ங் ந மங்ஸங் ந ஸுரங் ந மேரயங் ந
து²ஸோத³கங் பிவாமி; ஸோ ஏகாகா³ரிகோ வா ஹோமி ஏகாலோபிகோ, த்³வாகா³ரிகோ
வா ஹோமி த்³வாலோபிகோ…பே॰… ஸத்தாகா³ரிகோ வா ஹோமி ஸத்தாலோபிகோ; ஏகிஸ்ஸாபி
த³த்தியா யாபேமி, த்³வீஹிபி த³த்தீஹி யாபேமி…பே॰… ஸத்தஹிபி த³த்தீஹி
யாபேமி; ஏகாஹிகம்பி ஆஹாரங் ஆஹாரேமி, த்³வீஹிகம்பி ஆஹாரங் ஆஹாரேமி…பே॰…
ஸத்தாஹிகம்பி ஆஹாரங் ஆஹாரேமி; இதி ஏவரூபங் அத்³த⁴மாஸிகம்பி
பரியாயப⁴த்தபோ⁴ஜனானுயோக³மனுயுத்தோ விஹராமி.

‘‘ஸோ ஸாகப⁴க்கோ² வா ஹோமி, ஸாமாகப⁴க்கோ² வா ஹோமி, நீவாரப⁴க்கோ² வா ஹோமி, த³த்³து³லப⁴க்கோ² வா ஹோமி, ஹடப⁴க்கோ² வா ஹோமி, கணப⁴க்கோ² வா ஹோமி, ஆசாமப⁴க்கோ² வா ஹோமி , பிஞ்ஞாகப⁴க்கோ² வா ஹோமி, திணப⁴க்கோ² வா ஹோமி, கோ³மயப⁴க்கோ² வா ஹோமி, வனமூலப²லாஹாரோ யாபேமி பவத்தப²லபோ⁴ஜீ.

‘‘ஸோ ஸாணானிபி தா⁴ரேமி, மஸாணானிபி தா⁴ரேமி,
ச²வது³ஸ்ஸானிபி தா⁴ரேமி, பங்ஸுகூலானிபி தா⁴ரேமி, திரீடானிபி தா⁴ரேமி,
அஜினம்பி தா⁴ரேமி, அஜினக்கி²பம்பி தா⁴ரேமி, குஸசீரம்பி தா⁴ரேமி, வாகசீரம்பி
தா⁴ரேமி, ப²லகசீரம்பி தா⁴ரேமி, கேஸகம்ப³லம்பி தா⁴ரேமி, வாளகம்ப³லம்பி
தா⁴ரேமி, உலூகபக்க²ம்பி தா⁴ரேமி; கேஸமஸ்ஸுலோசகோபி ஹோமி
கேஸமஸ்ஸுலோசனானுயோக³மனுயுத்தோ; உப்³ப⁴ட்ட²கோபி ஹோமி ஆஸனபடிக்கி²த்தோ;
உக்குடிகோபி ஹோமி உக்குடிகப்பதா⁴னமனுயுத்தோ; கண்டகாபஸ்ஸயிகோபி ஹோமி
கண்டகாபஸ்ஸயே ஸெய்யங் கப்பேமி [இமஸ்ஸானந்தரே அஞ்ஞோபி கோசி பாட²பதே³ஸோ அஞ்ஞேஸு ஆஜீவகவததீ³பகஸுத்தேஸு தி³ஸ்ஸதி]; ஸாயததியகம்பி உத³கோரோஹனானுயோக³மனுயுத்தோ விஹராமி – இதி ஏவரூபங் அனேகவிஹிதங் காயஸ்ஸ ஆதாபனபரிதாபனானுயோக³மனுயுத்தோ விஹராமி. இத³ங்ஸு மே, ஸாரிபுத்த, தபஸ்ஸிதாய ஹோதி.

156.
‘‘தத்ராஸ்ஸு மே இத³ங், ஸாரிபுத்த, லூக²ஸ்மிங் ஹோதி – நேகவஸ்ஸக³ணிகங்
ரஜோஜல்லங் காயே ஸன்னிசிதங் ஹோதி பபடிகஜாதங். ஸெய்யதா²பி, ஸாரிபுத்த,
திந்து³ககா²ணு நேகவஸ்ஸக³ணிகோ ஸன்னிசிதோ ஹோதி பபடிகஜாதோ, ஏவமேவாஸ்ஸு மே,
ஸாரிபுத்த, நேகவஸ்ஸக³ணிகங் ரஜோஜல்லங் காயே ஸன்னிசிதங் ஹோதி பபடிகஜாதங்.
தஸ்ஸ மய்ஹங், ஸாரிபுத்த, ந ஏவங் ஹோதி – ‘அஹோ வதாஹங் இமங் ரஜோஜல்லங் பாணினா
பரிமஜ்ஜெய்யங், அஞ்ஞே வா பன மே இமங் ரஜோஜல்லங் பாணினா பரிமஜ்ஜெய்யு’ந்தி.
ஏவம்பி மே, ஸாரிபுத்த , ந ஹோதி. இத³ங்ஸு மே, ஸாரிபுத்த, லூக²ஸ்மிங் ஹோதி.

‘‘தத்ராஸ்ஸு மே இத³ங், ஸாரிபுத்த, ஜேகு³ச்சி²ஸ்மிங்
ஹோதி – ஸோ கோ² அஹங், ஸாரிபுத்த, ஸதோவ அபி⁴க்கமாமி, ஸதோவ படிக்கமாமி, யாவ
உத³கபி³ந்து³ம்ஹிபி மே த³யா பச்சுபட்டி²தா ஹோதி – ‘மாஹங் கு²த்³த³கே பாணே
விஸமக³தே ஸங்கா⁴தங் ஆபாதே³ஸி’ந்தி. இத³ங்ஸு மே, ஸாரிபுத்த,
ஜேகு³ச்சி²ஸ்மிங் ஹோதி.

‘‘தத்ராஸ்ஸு மே இத³ங், ஸாரிபுத்த, பவிவித்தஸ்மிங் ஹோதி – ஸோ கோ²
அஹங், ஸாரிபுத்த, அஞ்ஞதரங் அரஞ்ஞாயதனங் அஜ்ஜோ²கா³ஹெத்வா விஹராமி. யதா³
பஸ்ஸாமி கோ³பாலகங் வா பஸுபாலகங் வா திணஹாரகங் வா கட்ட²ஹாரகங் வா வனகம்மிகங்
வா, வனேன வனங் க³ஹனேன க³ஹனங் நின்னேன நின்னங் த²லேன த²லங் ஸங்பதாமி [பபதாமி (ஸீ॰ ஸ்யா॰ பீ॰)].
தங் கிஸ்ஸ ஹேது? மா மங் தே அத்³த³ஸங்ஸு அஹஞ்ச மா தே அத்³த³ஸந்தி.
ஸெய்யதா²பி, ஸாரிபுத்த, ஆரஞ்ஞகோ மகோ³ மனுஸ்ஸே தி³ஸ்வா வனேன வனங் க³ஹனேன
க³ஹனங் நின்னேன நின்னங் த²லேன த²லங் ஸங்பததி, ஏவமேவ
கோ² அஹங், ஸாரிபுத்த, யதா³ பஸ்ஸாமி கோ³பாலகங் வா பஸுபாலகங் வா திணஹாரகங்
வா கட்ட²ஹாரகங் வா வனகம்மிகங் வா வனேன வனங் க³ஹனேன க³ஹனங் நின்னேன நின்னங்
த²லேன த²லங் ஸங்பதாமி. தங் கிஸ்ஸ ஹேது? மா மங் தே அத்³த³ஸங்ஸு அஹஞ்ச மா தே
அத்³த³ஸந்தி. இத³ங்ஸு மே, ஸாரிபுத்த, பவிவித்தஸ்மிங் ஹோதி.

‘‘ஸோ கோ² அஹங், ஸாரிபுத்த, யே தே கொ³ட்டா² பட்டி²தகா³வோ அபக³தகோ³பாலகா, தத்த² சதுக்குண்டி³கோ உபஸங்கமித்வா யானி தானி வச்ச²கானங் தருணகானங் தே⁴னுபகானங் கோ³மயானி தானி ஸுத³ங் ஆஹாரேமி. யாவகீவஞ்ச மே ,
ஸாரிபுத்த, ஸகங் முத்தகரீஸங் அபரியாதி³ன்னங் ஹோதி, ஸகங்யேவ ஸுத³ங்
முத்தகரீஸங் ஆஹாரேமி. இத³ங்ஸு மே, ஸாரிபுத்த, மஹாவிகடபோ⁴ஜனஸ்மிங் ஹோதி.

157.
‘‘ஸோ கோ² அஹங், ஸாரிபுத்த, அஞ்ஞதரங் பி⁴ங்ஸனகங் வனஸண்ட³ங் அஜ்ஜோ²கா³ஹெத்வா
விஹராமி. தத்ராஸ்ஸுத³ங், ஸாரிபுத்த, பி⁴ங்ஸனகஸ்ஸ வனஸண்ட³ஸ்ஸ
பி⁴ங்ஸனகதஸ்மிங் ஹோதி – யோ கோசி அவீதராகோ³ தங் வனஸண்ட³ங் பவிஸதி,
யேபு⁴ய்யேன லோமானி ஹங்ஸந்தி. ஸோ கோ² அஹங், ஸாரிபுத்த, யா தா ரத்தியோ ஸீதா
ஹேமந்திகா அந்தரட்ட²கா ஹிமபாதஸமயா [அந்தரட்ட²கே ஹிமபாதஸமயே (ஸீ॰ பீ॰)]
ததா²ரூபாஸு ரத்தீஸு ரத்திங் அப்³போ⁴காஸே விஹராமி, தி³வா வனஸண்டே³;
கி³ம்ஹானங் பச்சி²மே மாஸே தி³வா அப்³போ⁴காஸே விஹராமி, ரத்திங் வனஸண்டே³.
அபிஸ்ஸு மங், ஸாரிபுத்த, அயங் அனச்ச²ரியகா³தா² படிபா⁴ஸி புப்³பே³
அஸ்ஸுதபுப்³பா³ –

‘‘ஸோதத்தோ ஸோஸின்னோ [ஸோஸீனோ (ஸீ॰ பீ॰ க॰), ஸோஸினோ (ஸ்யா॰), ஸோஸிந்தோ³ (ஸத்³த³னீதி)] சேவ, ஏகோ பி⁴ங்ஸனகே வனே;

நக்³கோ³ ந சக்³கி³மாஸீனோ, ஏஸனாபஸுதோ முனீ’’தி.

‘‘ஸோ கோ² அஹங், ஸாரிபுத்த, ஸுஸானே ஸெய்யங் கப்பேமி ச²வட்டி²கானி உபதா⁴ய. அபிஸ்ஸு மங், ஸாரிபுத்த, கா³மண்ட³லா [கோ³மண்ட³லா (ப³ஹூஸு) சரியாபிடகஅட்ட²கதா² ஓலோகேதப்³பா³]
உபஸங்கமித்வா ஒட்டு²ப⁴ந்திபி, ஓமுத்தெந்திபி, பங்ஸுகேனபி ஓகிரந்தி,
கண்ணஸோதேஸுபி ஸலாகங் பவேஸெந்தி. ந கோ² பனாஹங், ஸாரிபுத்த, அபி⁴ஜானாமி தேஸு
பாபகங் சித்தங் உப்பாதே³தா. இத³ங்ஸு மே, ஸாரிபுத்த, உபெக்கா²விஹாரஸ்மிங்
ஹோதி.

158. ‘‘ஸந்தி கோ² பன, ஸாரிபுத்த, ஏகே ஸமணப்³ராஹ்மணா ஏவங்வாதி³னோ ஏவங்தி³ட்டி²னோ – ‘ஆஹாரேன
ஸுத்³தீ⁴’தி. தே ஏவமாஹங்ஸு – ‘கோலேஹி யாபேமா’தி. தே கோலம்பி கா²த³ந்தி,
கோலசுண்ணம்பி கா²த³ந்தி, கோலோத³கம்பி பிவந்தி – அனேகவிஹிதம்பி கோலவிகதிங்
பரிபு⁴ஞ்ஜந்தி. அபி⁴ஜானாமி கோ² பனாஹங், ஸாரிபுத்த, ஏகங்யேவ கோலங் ஆஹாரங்
ஆஹாரிதா. ஸியா கோ² பன தே, ஸாரிபுத்த, ஏவமஸ்ஸ – ‘மஹா நூன தேன ஸமயேன கோலோ
அஹோஸீ’தி. ந கோ² பனேதங், ஸாரிபுத்த, ஏவங் த³ட்ட²ப்³ப³ங். ததா³பி ஏதபரமோயேவ
கோலோ அஹோஸி ஸெய்யதா²பி ஏதரஹி. தஸ்ஸ மய்ஹங், ஸாரிபுத்த, ஏகங்யேவ
கோலங் ஆஹாரங் ஆஹாரயதோ அதி⁴மத்தகஸிமானங் பத்தோ காயோ ஹோதி. ஸெய்யதா²பி நாம
ஆஸீதிகபப்³பா³னி வா காளபப்³பா³னி வா, ஏவமேவஸ்ஸு மே அங்க³பச்சங்கா³னி
ப⁴வந்தி தாயேவப்பாஹாரதாய. ஸெய்யதா²பி நாம ஒட்ட²பத³ங், ஏவமேவஸ்ஸு மே
ஆனிஸத³ங் ஹோதி தாயேவப்பாஹாரதாய. ஸெய்யதா²பி நாம வட்டனாவளீ, ஏவமேவஸ்ஸு மே
பிட்டி²கண்டகோ உன்னதாவனதோ ஹோதி தாயேவப்பாஹாரதாய. ஸெய்யதா²பி நாம ஜரஸாலாய
கோ³பானஸியோ ஓலுக்³க³விலுக்³கா³ ப⁴வந்தி, ஏவமேவஸ்ஸு மே பா²ஸுளியோ
ஓலுக்³க³விலுக்³கா³ ப⁴வந்தி தாயேவப்பாஹாரதாய. ஸெய்யதா²பி நாம க³ம்பீ⁴ரே
உத³பானே உத³கதாரகா க³ம்பீ⁴ரக³தா ஒக்கா²யிகா தி³ஸ்ஸந்தி, ஏவமேவஸ்ஸு மே
அக்கி²கூபேஸு அக்கி²தாரகா க³ம்பீ⁴ரக³தா ஒக்கா²யிகா தி³ஸ்ஸந்தி
தாயேவப்பாஹாரதாய. ஸெய்யதா²பி நாம தித்தகாலாபு³ஆமகச்சி²ன்னோ வாதாதபேன
ஸங்பு²டிதோ [ஸம்பு²ஸிதோ (ஸ்யா॰), ஸங்புடிதோ (பீ॰ க॰) எத்த² ஸங்பு²டிதோதி ஸங்குசிதோதி அத்தோ²] ஹோதி ஸம்மிலாதோ, ஏவமேவஸ்ஸு
மே ஸீஸச்ச²வி ஸங்பு²டிதா ஹோதி ஸம்மிலாதா தாயேவப்பாஹாரதாய. ஸோ கோ² அஹங்,
ஸாரிபுத்த, ‘உத³ரச்ச²விங் பரிமஸிஸ்ஸாமீ’தி பிட்டி²கண்டகங்யேவ
பரிக்³க³ண்ஹாமி, ‘பிட்டி²கண்டகங் பரிமஸிஸ்ஸாமீ’தி உத³ரச்ச²விங்யேவ
பரிக்³க³ண்ஹாமி, யாவஸ்ஸு மே, ஸாரிபுத்த, உத³ரச்ச²வி பிட்டி²கண்டகங் அல்லீனா
ஹோதி தாயேவப்பாஹாரதாய. ஸோ கோ² அஹங், ஸாரிபுத்த, ‘வச்சங் வா முத்தங் வா
கரிஸ்ஸாமீ’தி தத்தே²வ அவகுஜ்ஜோ பபதாமி தாயேவப்பாஹாரதாய. ஸோ கோ² அஹங்,
ஸாரிபுத்த, தமேவ காயங் அஸ்ஸாஸெந்தோ பாணினா க³த்தானி அனோமஜ்ஜாமி. தஸ்ஸ
மய்ஹங், ஸாரிபுத்த, பாணினா க³த்தானி அனோமஜ்ஜதோ பூதிமூலானி லோமானி காயஸ்மா
பதந்தி தாயேவப்பாஹாரதாய.

159.
‘‘ஸந்தி கோ² பன, ஸாரிபுத்த, ஏகே ஸமணப்³ராஹ்மணா ஏவங்வாதி³னோ ஏவங்தி³ட்டி²னோ
– ‘ஆஹாரேன ஸுத்³தீ⁴’தி. தே ஏவமாஹங்ஸு – ‘முக்³கே³ஹி யாபேம…பே॰… திலேஹி
யாபேம…பே॰… தண்டு³லேஹி யாபேமா’தி. தே தண்டு³லம்பி கா²த³ந்தி,
தண்டு³லசுண்ணம்பி கா²த³ந்தி, தண்டு³லோத³கம்பி
பிவந்தி – அனேகவிஹிதம்பி தண்டு³லவிகதிங் பரிபு⁴ஞ்ஜந்தி. அபி⁴ஜானாமி கோ²
பனாஹங், ஸாரிபுத்த, ஏகங்யேவ தண்டு³லங் ஆஹாரங் ஆஹாரிதா. ஸியா கோ² பன தே,
ஸாரிபுத்த, ஏவமஸ்ஸ – ‘மஹா நூன தேன ஸமயேன தண்டு³லோ அஹோஸீ’தி. ந கோ² பனேதங்,
ஸாரிபுத்த, ஏவங் த³ட்ட²ப்³ப³ங். ததா³பி ஏதபரமோயேவ தண்டு³லோ அஹோஸி , ஸெய்யதா²பி ஏதரஹி. தஸ்ஸ மய்ஹங், ஸாரிபுத்த, ஏகங்யேவ தண்டு³லங் ஆஹாரங் ஆஹாரயதோ அதி⁴மத்தகஸிமானங்
பத்தோ காயோ ஹோதி. ஸெய்யதா²பி நாம ஆஸீதிகபப்³பா³னி வா காளபப்³பா³னி வா,
ஏவமேவஸ்ஸு மே அங்க³பச்சங்கா³னி ப⁴வந்தி தாயேவப்பாஹாரதாய. ஸெய்யதா²பி நாம
ஒட்ட²பத³ங், ஏவமேவஸ்ஸு மே ஆனிஸத³ங் ஹோதி தாயேவப்பாஹாரதாய. ஸெய்யதா²பி நாம
வட்டனாவளீ, ஏவமேவஸ்ஸு மே பிட்டி²கண்டகோ உன்னதாவனதோ ஹோதி தாயேவப்பாஹாரதாய.
ஸெய்யதா²பி நாம ஜரஸாலாய கோ³பானஸியோ ஓலுக்³க³விலுக்³கா³ ப⁴வந்தி, ஏவமேவஸ்ஸு
மே பா²ஸுளியோ ஓலுக்³க³விலுக்³கா³ ப⁴வந்தி தாயேவப்பாஹாரதாய. ஸெய்யதா²பி நாம
க³ம்பீ⁴ரே உத³பானே உத³கதாரகா க³ம்பீ⁴ரக³தா ஒக்கா²யிகா தி³ஸ்ஸந்தி,
ஏவமேவஸ்ஸு மே அக்கி²கூபேஸு அக்கி²தாரகா க³ம்பீ⁴ரக³தா ஒக்கா²யிகா தி³ஸ்ஸந்தி
தாயேவப்பாஹாரதாய. ஸெய்யதா²பி நாம தித்தகாலாபு³ ஆமகச்சி²ன்னோ வாதாதபேன
ஸங்பு²டிதோ ஹோதி ஸம்மிலாதோ, ஏவமேவஸ்ஸு மே ஸீஸச்ச²வி ஸங்பு²டிதா ஹோதி
ஸம்மிலாதா தாயேவப்பாஹாரதாய. ஸோ கோ² அஹங், ஸாரிபுத்த, ‘உத³ரச்ச²விங்
பரிமஸிஸ்ஸாமீ’தி பிட்டி²கண்டகங்யேவ பரிக்³க³ண்ஹாமி, ‘பிட்டி²கண்டகங்
பரிமஸிஸ்ஸாமீ’தி உத³ரச்ச²விங்யேவ பரிக்³க³ண்ஹாமி. யாவஸ்ஸு மே, ஸாரிபுத்த,
உத³ரச்ச²வி பிட்டி²கண்டகங் அல்லீனா ஹோதி தாயேவப்பாஹாரதாய. ஸோ கோ² அஹங்,
ஸாரிபுத்த, ‘வச்சங் வா முத்தங் வா கரிஸ்ஸாமீ’தி தத்தே²வ அவகுஜ்ஜோ பபதாமி
தாயேவப்பாஹாரதாய. ஸோ கோ² அஹங், ஸாரிபுத்த, தமேவ காயங் அஸ்ஸாஸெந்தோ பாணினா
க³த்தானி அனோமஜ்ஜாமி. தஸ்ஸ மய்ஹங், ஸாரிபுத்த, பாணினா க³த்தானி அனோமஜ்ஜதோ
பூதிமூலானி லோமானி காயஸ்மா பதந்தி தாயேவப்பாஹாரதாய.

‘‘தாயபி கோ² அஹங், ஸாரிபுத்த, இரியாய தாய படிபதா³ய தாய
து³க்கரகாரிகாய நாஜ்ஜ²க³மங் உத்தரிங் மனுஸ்ஸத⁴ம்மா
அலமரியஞாணத³ஸ்ஸனவிஸேஸங். தங் கிஸ்ஸ ஹேது? இமிஸ்ஸாயேவ அரியாய பஞ்ஞாய
அனதி⁴க³மா, யாயங் அரியா பஞ்ஞா அதி⁴க³தா அரியா நிய்யானிகா, நிய்யாதி
தக்கரஸ்ஸ ஸம்மா து³க்க²க்க²யாய.

160. ‘‘ஸந்தி கோ² பன, ஸாரிபுத்த, ஏகே ஸமணப்³ராஹ்மணா ஏவங்வாதி³னோ ஏவங்தி³ட்டி²னோ – ‘ஸங்ஸாரேன ஸுத்³தீ⁴’தி. ந கோ² பன ஸோ [ந கோ² பனேஸோ (ஸீ॰ ஸ்யா॰)], ஸாரிபுத்த, ஸங்ஸாரோ ஸுலப⁴ரூபோ யோ மயா அஸங்ஸரிதபுப்³போ³
இமினா தீ³கே⁴ன அத்³து⁴னா, அஞ்ஞத்ர ஸுத்³தா⁴வாஸேஹி தே³வேஹி. ஸுத்³தா⁴வாஸே
சாஹங், ஸாரிபுத்த, தே³வே ஸங்ஸரெய்யங், நயிமங் லோகங் புனராக³ச்செ²ய்யங்.

‘‘ஸந்தி கோ² பன, ஸாரிபுத்த, ஏகே ஸமணப்³ராஹ்மணா ஏவங்வாதி³னோ ஏவங்தி³ட்டி²னோ – ‘உபபத்தியா ஸுத்³தீ⁴’தி. ந கோ² பன ஸா, ஸாரிபுத்த ,
உபபத்தி ஸுலப⁴ரூபா யா மயா அனுபபன்னபுப்³பா³ இமினா தீ³கே⁴ன அத்³து⁴னா,
அஞ்ஞத்ர ஸுத்³தா⁴வாஸேஹி தே³வேஹி. ஸுத்³தா⁴வாஸே சாஹங், ஸாரிபுத்த, தே³வே
உபபஜ்ஜெய்யங், நயிமங் லோகங் புனராக³ச்செ²ய்யங்.

‘‘ஸந்தி கோ² பன, ஸாரிபுத்த, ஏகே ஸமணப்³ராஹ்மணா
ஏவங்வாதி³னோ ஏவங்தி³ட்டி²னோ – ‘ஆவாஸேன ஸுத்³தீ⁴’தி. ந கோ² பன ஸோ,
ஸாரிபுத்த, ஆவாஸோ ஸுலப⁴ரூபோ யோ மயா அனாவுட்ட²புப்³போ³ [அனாவுத்த²புப்³போ³ (ஸீ॰ பீ॰)]
இமினா தீ³கே⁴ன அத்³து⁴னா, அஞ்ஞத்ர ஸுத்³தா⁴வாஸேஹி தே³வேஹி. ஸுத்³தா⁴வாஸே
சாஹங், ஸாரிபுத்த, தே³வே ஆவஸெய்யங், நயிமங் லோகங் புனராக³ச்செ²ய்யங்.

‘‘ஸந்தி கோ² பன, ஸாரிபுத்த, ஏகே ஸமணப்³ராஹ்மணா
ஏவங்வாதி³னோ ஏவங்தி³ட்டி²னோ – ‘யஞ்ஞேன ஸுத்³தீ⁴’தி. ந கோ² பன ஸோ,
ஸாரிபுத்த, யஞ்ஞோ ஸுலப⁴ரூபோ யோ மயா அயிட்ட²புப்³போ³ இமினா தீ³கே⁴ன
அத்³து⁴னா, தஞ்ச கோ² ரஞ்ஞா வா ஸதா க²த்தியேன முத்³தா⁴வஸித்தேன ப்³ராஹ்மணேன
வா மஹாஸாலேன.

‘‘ஸந்தி கோ² பன, ஸாரிபுத்த, ஏகே ஸமணப்³ராஹ்மணா
ஏவங்வாதி³னோ ஏவங்தி³ட்டி²னோ – ‘அக்³கி³பரிசரியாய ஸுத்³தீ⁴’தி. ந கோ² பன ஸோ,
ஸாரிபுத்த, அக்³கி³ ஸுலப⁴ரூபோ யோ மயா அபரிசிண்ணபுப்³போ³ இமினா தீ³கே⁴ன
அத்³து⁴னா, தஞ்ச கோ² ரஞ்ஞா வா ஸதா க²த்தியேன முத்³தா⁴வஸித்தேன ப்³ராஹ்மணேன
வா மஹாஸாலேன.

161. ‘‘ஸந்தி கோ² பன, ஸாரிபுத்த, ஏகே ஸமணப்³ராஹ்மணா ஏவங்வாதி³னோ ஏவங்தி³ட்டி²னோ – ‘யாவதே³வாயங் ப⁴வங் புரிஸோ த³ஹரோ ஹோதி யுவா
ஸுஸுகாளகேஸோ ப⁴த்³ரேன யொப்³ப³னேன ஸமன்னாக³தோ பட²மேன வயஸா தாவதே³வ பரமேன
பஞ்ஞாவெய்யத்தியேன ஸமன்னாக³தோ ஹோதி. யதோ ச கோ² அயங் ப⁴வங் புரிஸோ ஜிண்ணோ
ஹோதி வுத்³தோ⁴ மஹல்லகோ அத்³த⁴க³தோ வயோஅனுப்பத்தோ, ஆஸீதிகோ வா நாவுதிகோ வா
வஸ்ஸஸதிகோ வா ஜாதியா, அத² தம்ஹா பஞ்ஞாவெய்யத்தியா, பரிஹாயதீ’தி. ந கோ²
பனேதங், ஸாரிபுத்த , ஏவங் த³ட்ட²ப்³ப³ங். அஹங் கோ²
பன, ஸாரிபுத்த, ஏதரஹி ஜிண்ணோ வுத்³தோ⁴ மஹல்லகோ அத்³த⁴க³தோ வயோஅனுப்பத்தோ,
ஆஸீதிகோ மே வயோ வத்ததி. இத⁴ மே அஸ்ஸு, ஸாரிபுத்த, சத்தாரோ ஸாவகா
வஸ்ஸஸதாயுகா வஸ்ஸஸதஜீவினோ, பரமாய ஸதியா ச க³தியா ச தி⁴தியா ச ஸமன்னாக³தா
பரமேன ச பஞ்ஞாவெய்யத்தியேன. ஸெய்யதா²பி, ஸாரிபுத்த, த³ள்ஹத⁴ம்மா [த³ள்ஹத⁴ம்மோ (ப³ஹூஸு) டீகா ச மொக்³க³ல்லானப்³யாகரணங் ச ஓலோகேதப்³ப³ங்] த⁴னுக்³க³ஹோ ஸிக்கி²தோ கதஹத்தோ² கதூபாஸனோ லஹுகேன அஸனேன அப்பகஸிரேனேவ திரியங் தாலச்சா²யங் அதிபாதெய்ய, ஏவங் அதி⁴மத்தஸதிமந்தோ ஏவங் அதி⁴மத்தக³திமந்தோ ஏவங்
அதி⁴மத்ததி⁴திமந்தோ ஏவங் பரமேன பஞ்ஞாவெய்யத்தியேன ஸமன்னாக³தா. தே மங்
சதுன்னங் ஸதிபட்டா²னானங் உபாதா³யுபாதா³ய பஞ்ஹங் புச்செ²ய்யுங், புட்டோ²
புட்டோ² சாஹங் தேஸங் ப்³யாகரெய்யங், ப்³யாகதஞ்ச மே ப்³யாகததோ தா⁴ரெய்யுங், ந
ச மங் து³தியகங் உத்தரி படிபுச்செ²ய்யுங். அஞ்ஞத்ர அஸிதபீதகா²யிதஸாயிதா
அஞ்ஞத்ர உச்சாரபஸ்ஸாவகம்மா, அஞ்ஞத்ர நித்³தா³கிலமத²படிவினோத³னா
அபரியாதி³ன்னாயேவஸ்ஸ, ஸாரிபுத்த, ததா²க³தஸ்ஸ த⁴ம்மதே³ஸனா,
அபரியாதி³ன்னங்யேவஸ்ஸ ததா²க³தஸ்ஸ த⁴ம்மபத³ப்³யஞ்ஜனங், அபரியாதி³ன்னங்யேவஸ்ஸ
ததா²க³தஸ்ஸ பஞ்ஹபடிபா⁴னங் . அத² மே தே சத்தாரோ
ஸாவகா வஸ்ஸஸதாயுகா வஸ்ஸஸதஜீவினோ வஸ்ஸஸதஸ்ஸ அச்சயேன காலங் கரெய்யுங்.
மஞ்சகேன சேபி மங், ஸாரிபுத்த, பரிஹரிஸ்ஸத², நேவத்தி² ததா²க³தஸ்ஸ
பஞ்ஞாவெய்யத்தியஸ்ஸ அஞ்ஞத²த்தங். யங் கோ² தங் [யங் கோ² பனேதங் (ஸீ॰)],
ஸாரிபுத்த, ஸம்மா வத³மானோ வதெ³ய்ய – ‘அஸம்மோஹத⁴ம்மோ ஸத்தோ லோகே உப்பன்னோ
ப³ஹுஜனஹிதாய ப³ஹுஜனஸுகா²ய லோகானுகம்பாய அத்தா²ய ஹிதாய ஸுகா²ய
தே³வமனுஸ்ஸான’ந்தி, மமேவ தங் ஸம்மா வத³மானோ வதெ³ய்ய ‘அஸம்மோஹத⁴ம்மோ ஸத்தோ
லோகே உப்பன்னோ ப³ஹுஜனஹிதாய ப³ஹுஜனஸுகா²ய லோகானுகம்பாய அத்தா²ய ஹிதாய ஸுகா²ய
தே³வமனுஸ்ஸான’’’ந்தி.

162.
தேன கோ² பன ஸமயேன ஆயஸ்மா நாக³ஸமாலோ ப⁴க³வதோ பிட்டி²தோ டி²தோ ஹோதி
ப⁴க³வந்தங் பீ³ஜயமானோ. அத² கோ² ஆயஸ்மா நாக³ஸமாலோ ப⁴க³வந்தங் ஏதத³வோச –
‘‘அச்ச²ரியங், ப⁴ந்தே, அப்³பு⁴தங், ப⁴ந்தே! அபி ஹி மே, ப⁴ந்தே, இமங்
த⁴ம்மபரியாயங் ஸுத்வா லோமானி ஹட்டா²னி. கோனாமோ அயங், ப⁴ந்தே,
த⁴ம்மபரியாயோ’’தி? ‘‘தஸ்மாதிஹ த்வங், நாக³ஸமால, இமங் த⁴ம்மபரியாயங்
லோமஹங்ஸனபரியாயோ த்வேவ நங் தா⁴ரேஹீ’’தி.

இத³மவோச ப⁴க³வா. அத்தமனோ ஆயஸ்மா நாக³ஸமாலோ ப⁴க³வதோ பா⁴ஸிதங் அபி⁴னந்தீ³தி.

மஹாஸீஹனாத³ஸுத்தங் நிட்டி²தங் து³தியங்.

3. மஹாது³க்க²க்க²ந்த⁴ஸுத்தங்

163. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. அத² கோ² ஸம்ப³ஹுலா பி⁴க்கூ² புப்³ப³ண்ஹஸமயங் நிவாஸெத்வா
பத்தசீவரமாதா³ய ஸாவத்தி²ங் பிண்டா³ய பாவிஸிங்ஸு.
அத² கோ² தேஸங் பி⁴க்கூ²னங் ஏதத³ஹோஸி – ‘‘அதிப்பகோ³ கோ² தாவ ஸாவத்தி²யங்
பிண்டா³ய சரிதுங், யங் நூன மயங் யேன அஞ்ஞதித்தி²யானங் பரிப்³பா³ஜகானங்
ஆராமோ தேனுபஸங்கமெய்யாமா’’தி. அத² கோ² தே பி⁴க்கூ² யேன அஞ்ஞதித்தி²யானங்
பரிப்³பா³ஜகானங் ஆராமோ தேனுபஸங்கமிங்ஸு; உபஸங்கமித்வா தேஹி அஞ்ஞதித்தி²யேஹி
பரிப்³பா³ஜகேஹி ஸத்³தி⁴ங் ஸம்மோதி³ங்ஸு; ஸம்மோத³னீயங் கத²ங் ஸாரணீயங்
வீதிஸாரெத்வா ஏகமந்தங் நிஸீதி³ங்ஸு. ஏகமந்தங் நிஸின்னே கோ² தே பி⁴க்கூ² தே
அஞ்ஞதித்தி²யா பரிப்³பா³ஜகா ஏதத³வோசுங் – ‘‘ஸமணோ, ஆவுஸோ, கோ³தமோ காமானங்
பரிஞ்ஞங் பஞ்ஞபேதி, மயம்பி காமானங் பரிஞ்ஞங் பஞ்ஞபேம; ஸமணோ, ஆவுஸோ, கோ³தமோ
ரூபானங் பரிஞ்ஞங் பஞ்ஞபேதி, மயம்பி ரூபானங் பரிஞ்ஞங் பஞ்ஞபேம; ஸமணோ, ஆவுஸோ,
கோ³தமோ வேத³னானங் பரிஞ்ஞங் பஞ்ஞபேதி, மயம்பி வேத³னானங் பரிஞ்ஞங் பஞ்ஞபேம;
இத⁴ நோ, ஆவுஸோ, கோ விஸேஸோ, கோ அதி⁴ப்பயாஸோ, கிங் நானாகரணங் ஸமணஸ்ஸ வா
கோ³தமஸ்ஸ அம்ஹாகங் வா – யதி³த³ங் த⁴ம்மதே³ஸனாய வா த⁴ம்மதே³ஸனங், அனுஸாஸனியா
வா அனுஸாஸனி’’ந்தி? அத² கோ² தே பி⁴க்கூ² தேஸங் அஞ்ஞதித்தி²யானங்
பரிப்³பா³ஜகானங் பா⁴ஸிதங் நேவ அபி⁴னந்தி³ங்ஸு,
நப்படிக்கோஸிங்ஸு; அனபி⁴னந்தி³த்வா அப்படிக்கோஸித்வா உட்டா²யாஸனா
பக்கமிங்ஸு – ‘‘ப⁴க³வதோ ஸந்திகே ஏதஸ்ஸ பா⁴ஸிதஸ்ஸ அத்த²ங் ஆஜானிஸ்ஸாமா’’தி.

164.
அத² கோ² தே பி⁴க்கூ² ஸாவத்தி²யங் பிண்டா³ய சரித்வா பச்சா²ப⁴த்தங்
பிண்ட³பாதபடிக்கந்தா யேன ப⁴க³வா தேனுபஸங்கமிங்ஸு; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங் நிஸின்னா கோ² தே பி⁴க்கூ²
ப⁴க³வந்தங் ஏதத³வோசுங் – ‘‘இத⁴ மயங், ப⁴ந்தே, புப்³ப³ண்ஹஸமயங் நிவாஸெத்வா
பத்தசீவரமாதா³ய ஸாவத்தி²ங் பிண்டா³ய பாவிஸிம்ஹ.
தேஸங் நோ, ப⁴ந்தே, அம்ஹாகங் ஏதத³ஹோஸி – ‘அதிப்பகோ³ கோ² தாவ ஸாவத்தி²யங்
பிண்டா³ய சரிதுங், யங் நூன மயங் யேன அஞ்ஞதித்தி²யானங் பரிப்³பா³ஜகானங்
ஆராமோ தேனுபஸங்கமெய்யாமா’தி. அத² கோ² மயங், ப⁴ந்தே, யேன அஞ்ஞதித்தி²யானங்
பரிப்³பா³ஜகானங் ஆராமோ தேனுபஸங்கமிம்ஹ; உபஸங்கமித்வா தேஹி அஞ்ஞதித்தி²யேஹி
பரிப்³பா³ஜகேஹி ஸத்³தி⁴ங் ஸம்மோதி³ம்ஹ; ஸம்மோத³னீயங் கத²ங் ஸாரணீயங்
வீதிஸாரெத்வா ஏகமந்தங் நிஸீதி³ம்ஹ. ஏகமந்தங் நிஸின்னே கோ² அம்ஹே, ப⁴ந்தே,
தே அஞ்ஞதித்தி²யா பரிப்³பா³ஜகா ஏதத³வோசுங் – ‘ஸமணோ, ஆவுஸோ, கோ³தமோ காமானங்
பரிஞ்ஞங் பஞ்ஞபேதி, மயம்பி காமானங் பரிஞ்ஞங் பஞ்ஞபேம .
ஸமணோ, ஆவுஸோ, கோ³தமோ ரூபானங் பரிஞ்ஞங் பஞ்ஞபேதி, மயம்பி ரூபானங் பரிஞ்ஞங்
பஞ்ஞபேம. ஸமணோ, ஆவுஸோ, கோ³தமோ வேத³னானங் பரிஞ்ஞங் பஞ்ஞபேதி, மயம்பி
வேத³னானங் பரிஞ்ஞங் பஞ்ஞபேம. இத⁴ நோ, ஆவுஸோ, கோ விஸேஸோ, கோ அதி⁴ப்பயாஸோ,
கிங் நானாகரணங் ஸமணஸ்ஸ வா கோ³தமஸ்ஸ அம்ஹாகங் வா,
யதி³த³ங் த⁴ம்மதே³ஸனாய வா த⁴ம்மதே³ஸனங் அனுஸாஸனியா வா அனுஸாஸனி’ந்தி. அத²
கோ² மயங், ப⁴ந்தே, தேஸங் அஞ்ஞதித்தி²யானங் பரிப்³பா³ஜகானங் பா⁴ஸிதங் நேவ
அபி⁴னந்தி³ம்ஹ, நப்படிக்கோஸிம்ஹ; அனபி⁴னந்தி³த்வா அப்படிக்கோஸித்வா
உட்டா²யாஸனா பக்கமிம்ஹ – ‘ப⁴க³வதோ ஸந்திகே ஏதஸ்ஸ பா⁴ஸிதஸ்ஸ அத்த²ங்
ஆஜானிஸ்ஸாமா’’’தி.

165.
‘‘ஏவங்வாதி³னோ, பி⁴க்க²வே, அஞ்ஞதித்தி²யா பரிப்³பா³ஜகா ஏவமஸ்ஸு வசனீயா –
‘கோ பனாவுஸோ, காமானங் அஸ்ஸாதோ³, கோ ஆதீ³னவோ, கிங் நிஸ்ஸரணங்? கோ ரூபானங்
அஸ்ஸாதோ³, கோ ஆதீ³னவோ, கிங் நிஸ்ஸரணங்? கோ வேத³னானங் அஸ்ஸாதோ³, கோ ஆதீ³னவோ,
கிங் நிஸ்ஸரண’ந்தி? ஏவங் புட்டா², பி⁴க்க²வே, அஞ்ஞதித்தி²யா பரிப்³பா³ஜகா ந
சேவ ஸம்பாயிஸ்ஸந்தி, உத்தரிஞ்ச விகா⁴தங் ஆபஜ்ஜிஸ்ஸந்தி. தங் கிஸ்ஸ ஹேது?
யதா² தங், பி⁴க்க²வே, அவிஸயஸ்மிங். நாஹங் தங், பி⁴க்க²வே, பஸ்ஸாமி ஸதே³வகே
லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய யோ இமேஸங்
பஞ்ஹானங் வெய்யாகரணேன சித்தங் ஆராதெ⁴ய்ய, அஞ்ஞத்ர ததா²க³தேன வா
ததா²க³தஸாவகேன வா, இதோ வா பன ஸுத்வா.

166.
‘‘கோ ச, பி⁴க்க²வே, காமானங் அஸ்ஸாதோ³? பஞ்சிமே, பி⁴க்க²வே, காமகு³ணா. கதமே
பஞ்ச? சக்கு²விஞ்ஞெய்யா ரூபா இட்டா² கந்தா மனாபா பியரூபா காமூபஸங்ஹிதா
ரஜனீயா, ஸோதவிஞ்ஞெய்யா ஸத்³தா³…பே॰… கா⁴னவிஞ்ஞெய்யா க³ந்தா⁴ … ஜிவ்ஹாவிஞ்ஞெய்யா ரஸா… காயவிஞ்ஞெய்யா பொ²ட்ட²ப்³பா³ இட்டா² கந்தா மனாபா பியரூபா காமூபஸங்ஹிதா ரஜனீயா – இமே கோ², பி⁴க்க²வே, பஞ்ச காமகு³ணா. யங் கோ², பி⁴க்க²வே, இமே பஞ்ச காமகு³ணே படிச்ச உப்பஜ்ஜதி ஸுக²ங் ஸோமனஸ்ஸங் – அயங் காமானங் அஸ்ஸாதோ³.

167. ‘‘கோ ச, பி⁴க்க²வே, காமானங் ஆதீ³னவோ? இத⁴, பி⁴க்க²வே, குலபுத்தோ யேன ஸிப்பட்டா²னேன ஜீவிகங் கப்பேதி – யதி³ முத்³தா³ய யதி³ க³ணனாய யதி³ ஸங்கா²னேன [ஸங்கா²ய (க॰)]
யதி³ கஸியா யதி³ வணிஜ்ஜாய யதி³ கோ³ரக்கே²ன யதி³ இஸ்ஸத்தே²ன யதி³
ராஜபோரிஸேன யதி³ ஸிப்பஞ்ஞதரேன – ஸீதஸ்ஸ புரக்க²தோ உண்ஹஸ்ஸ புரக்க²தோ
ட³ங்ஸமகஸவாதாதபஸரீங்ஸபஸம்ப²ஸ்ஸேஹி ரிஸ்ஸமானோ [ஈரயமானோ (க॰), ஸம்ப²ஸ்ஸமானோ (சூளனி॰ க²க்³க³விஸாணஸுத்த 136)] கு²ப்பிபாஸாய மீயமானோ; அயம்பி, பி⁴க்க²வே, காமானங் ஆதீ³னவோ ஸந்தி³ட்டி²கோ, து³க்க²க்க²ந்தோ⁴ காமஹேது காமனிதா³னங் காமாதி⁴கரணங் காமானமேவ ஹேது.

‘‘தஸ்ஸ சே, பி⁴க்க²வே, குலபுத்தஸ்ஸ ஏவங் உட்ட²ஹதோ
க⁴டதோ வாயமதோ தே போ⁴கா³ நாபி⁴னிப்ப²ஜ்ஜந்தி. ஸோ ஸோசதி கிலமதி பரிதே³வதி
உரத்தாளிங் கந்த³தி, ஸம்மோஹங் ஆபஜ்ஜதி – ‘மோக⁴ங் வத மே உட்டா²னங், அப²லோ வத
மே வாயாமோ’தி. அயம்பி, பி⁴க்க²வே, காமானங் ஆதீ³னவோ ஸந்தி³ட்டி²கோ
து³க்க²க்க²ந்தோ⁴ காமஹேது காமனிதா³னங் காமாதி⁴கரணங் காமானமேவ ஹேது.

‘‘தஸ்ஸ சே, பி⁴க்க²வே, குலபுத்தஸ்ஸ ஏவங் உட்ட²ஹதோ
க⁴டதோ வாயமதோ தே போ⁴கா³ அபி⁴னிப்ப²ஜ்ஜந்தி. ஸோ தேஸங் போ⁴கா³னங்
ஆரக்கா²தி⁴கரணங் து³க்க²ங் தோ³மனஸ்ஸங் படிஸங்வேதே³தி – ‘கிந்தி மே போ⁴கே³
நேவ ராஜானோ ஹரெய்யுங், ந சோரா ஹரெய்யுங், ந அக்³கி³ த³ஹெய்ய, ந உத³கங்
வஹெய்ய [வாஹெய்ய (க॰)], ந அப்பியா தா³யாதா³ ஹரெய்யு’ந்தி. தஸ்ஸ
ஏவங் ஆரக்க²தோ கோ³பயதோ தே போ⁴கே³ ராஜானோ வா ஹரந்தி, சோரா வா ஹரந்தி,
அக்³கி³ வா த³ஹதி, உத³கங் வா வஹதி, அப்பியா வா தா³யாதா³ ஹரந்தி. ஸோ ஸோசதி
கிலமதி பரிதே³வதி உரத்தாளிங் கந்த³தி, ஸம்மோஹங் ஆபஜ்ஜதி – ‘யம்பி மே அஹோஸி
தம்பி நோ நத்தீ²’தி. அயம்பி, பி⁴க்க²வே, காமானங் ஆதீ³னவோ ஸந்தி³ட்டி²கோ,
து³க்க²க்க²ந்தோ⁴ காமஹேது காமனிதா³னங் காமாதி⁴கரணங் காமானமேவ ஹேது.

168.
‘‘புன சபரங், பி⁴க்க²வே, காமஹேது காமனிதா³னங் காமாதி⁴கரணங் காமானமேவ ஹேது
ராஜானோபி ராஜூஹி விவத³ந்தி, க²த்தியாபி க²த்தியேஹி விவத³ந்தி ,
ப்³ராஹ்மணாபி ப்³ராஹ்மணேஹி விவத³ந்தி, க³ஹபதீபி க³ஹபதீஹி விவத³ந்தி,
மாதாபி புத்தேன விவத³தி, புத்தோபி மாதரா விவத³தி, பிதாபி புத்தேன விவத³தி,
புத்தோபி பிதரா விவத³தி, பா⁴தாபி பா⁴தரா விவத³தி, பா⁴தாபி ப⁴கி³னியா
விவத³தி, ப⁴கி³னீபி பா⁴தரா விவத³தி, ஸஹாயோபி ஸஹாயேன விவத³தி. தே தத்த²
கலஹவிக்³க³ஹவிவாதா³பன்னா அஞ்ஞமஞ்ஞங் பாணீஹிபி உபக்கமந்தி, லெட்³டூ³ஹிபி
உபக்கமந்தி, த³ண்டே³ஹிபி உபக்கமந்தி, ஸத்தே²ஹிபி உபக்கமந்தி. தே தத்த²
மரணம்பி நிக³ச்ச²ந்தி, மரணமத்தம்பி து³க்க²ங் . அயம்பி, பி⁴க்க²வே, காமானங் ஆதீ³னவோ ஸந்தி³ட்டி²கோ, து³க்க²க்க²ந்தோ⁴ காமஹேது காமனிதா³னங் காமாதி⁴கரணங் காமானமேவ ஹேது.

‘‘புன சபரங், பி⁴க்க²வே, காமஹேது காமனிதா³னங்
காமாதி⁴கரணங் காமானமேவ ஹேது அஸிசம்மங் க³ஹெத்வா, த⁴னுகலாபங் ஸன்னய்ஹித்வா,
உப⁴தொப்³யூள்ஹங் ஸங்கா³மங் பக்க²ந்த³ந்தி உஸூஸுபி கி²ப்பமானேஸு ,
ஸத்தீஸுபி கி²ப்பமானாஸு, அஸீஸுபி விஜ்ஜோதலந்தேஸு. தே தத்த² உஸூஹிபி
விஜ்ஜ²ந்தி, ஸத்தியாபி விஜ்ஜ²ந்தி, அஸினாபி ஸீஸங் சி²ந்த³ந்தி. தே தத்த²
மரணம்பி நிக³ச்ச²ந்தி, மரணமத்தம்பி து³க்க²ங். அயம்பி, பி⁴க்க²வே, காமானங்
ஆதீ³னவோ ஸந்தி³ட்டி²கோ, து³க்க²க்க²ந்தோ⁴ காமஹேது காமனிதா³னங் காமாதி⁴கரணங்
காமானமேவ ஹேது.

‘‘புன சபரங், பி⁴க்க²வே, காமஹேது காமனிதா³னங்
காமாதி⁴கரணங் காமானமேவ ஹேது அஸிசம்மங் க³ஹெத்வா, த⁴னுகலாபங் ஸன்னய்ஹித்வா,
அத்³தா³வலேபனா [அட்டாவலேபனா (ஸ்யா॰ க॰)] உபகாரியோ பக்க²ந்த³ந்தி உஸூஸுபி கி²ப்பமானேஸு, ஸத்தீஸுபி கி²ப்பமானாஸு , அஸீஸுபி விஜ்ஜோதலந்தேஸு. தே தத்த² உஸூஹிபி விஜ்ஜ²ந்தி, ஸத்தியாபி விஜ்ஜ²ந்தி, ச²கணகாயபி [பகட்டி²யாபி (ஸீ॰)]
ஓஸிஞ்சந்தி, அபி⁴வக்³கே³னபி ஓமத்³த³ந்தி, அஸினாபி ஸீஸங் சி²ந்த³ந்தி. தே
தத்த² மரணம்பி நிக³ச்ச²ந்தி, மரணமத்தம்பி து³க்க²ங். அயம்பி, பி⁴க்க²வே,
காமானங் ஆதீ³னவோ ஸந்தி³ட்டி²கோ, து³க்க²க்க²ந்தோ⁴ காமஹேது காமனிதா³னங்
காமாதி⁴கரணங் காமானமேவ ஹேது.

169.
‘‘புன சபரங், பி⁴க்க²வே, காமஹேது காமனிதா³னங் காமாதி⁴கரணங் காமானமேவ ஹேது
ஸந்தி⁴ம்பி சி²ந்த³ந்தி, நில்லோபம்பி ஹரந்தி, ஏகாகா³ரிகம்பி கரொந்தி,
பரிபந்தே²பி திட்ட²ந்தி, பரதா³ரம்பி க³ச்ச²ந்தி. தமேனங் ராஜானோ க³ஹெத்வா
விவிதா⁴ கம்மகாரணா காரெந்தி – கஸாஹிபி தாளெந்தி, வெத்தேஹிபி தாளெந்தி,
அட்³ட⁴த³ண்ட³கேஹிபி தாளெந்தி; ஹத்த²ம்பி சி²ந்த³ந்தி, பாத³ம்பி
சி²ந்த³ந்தி, ஹத்த²பாத³ம்பி சி²ந்த³ந்தி, கண்ணம்பி சி²ந்த³ந்தி, நாஸம்பி சி²ந்த³ந்தி, கண்ணனாஸம்பி சி²ந்த³ந்தி; பி³லங்க³தா²லிகம்பி கரொந்தி ,
ஸங்க²முண்டி³கம்பி கரொந்தி, ராஹுமுக²ம்பி கரொந்தி, ஜோதிமாலிகம்பி கரொந்தி,
ஹத்த²பஜ்ஜோதிகம்பி கரொந்தி, ஏரகவத்திகம்பி கரொந்தி, சீரகவாஸிகம்பி
கரொந்தி, ஏணெய்யகம்பி கரொந்தி, ப³ளிஸமங்ஸிகம்பி கரொந்தி, கஹாபணிகம்பி
கரொந்தி, கா²ராபதச்சி²கம்பி கரொந்தி, பலிக⁴பரிவத்திகம்பி கரொந்தி,
பலாலபீட²கம்பி கரொந்தி, தத்தேனபி தேலேன ஓஸிஞ்சந்தி, ஸுனகே²ஹிபி
கா²தா³பெந்தி, ஜீவந்தம்பி ஸூலே உத்தாஸெந்தி, அஸினாபி ஸீஸங் சி²ந்த³ந்தி .
தே தத்த² மரணம்பி நிக³ச்ச²ந்தி, மரணமத்தம்பி து³க்க²ங். அயம்பி,
பி⁴க்க²வே, காமானங் ஆதீ³னவோ ஸந்தி³ட்டி²கோ, து³க்க²க்க²ந்தோ⁴ காமஹேது
காமனிதா³னங் காமாதி⁴கரணங் காமானமேவ ஹேது.

‘‘புன சபரங், பி⁴க்க²வே, காமஹேது காமனிதா³னங்
காமாதி⁴கரணங் காமானமேவ ஹேது காயேன து³ச்சரிதங் சரந்தி, வாசாய து³ச்சரிதங்
சரந்தி, மனஸா து³ச்சரிதங் சரந்தி. தே காயேன து³ச்சரிதங் சரித்வா, வாசாய
து³ச்சரிதங் சரித்வா, மனஸா து³ச்சரிதங் சரித்வா, காயஸ்ஸ பே⁴தா³ பரங் மரணா
அபாயங் து³க்³க³திங் வினிபாதங் நிரயங் உபபஜ்ஜந்தி. அயம்பி, பி⁴க்க²வே,
காமானங் ஆதீ³னவோ ஸம்பராயிகோ, து³க்க²க்க²ந்தோ⁴ காமஹேது காமனிதா³னங்
காமாதி⁴கரணங் காமானமேவ ஹேது.

170. ‘‘கிஞ்ச, பி⁴க்க²வே, காமானங் நிஸ்ஸரணங்? யோ கோ², பி⁴க்க²வே, காமேஸு ச²ந்த³ராக³வினயோ ச²ந்த³ராக³ப்பஹானங் – இத³ங் காமானங் நிஸ்ஸரணங்.

‘‘யே ஹி கேசி, பி⁴க்க²வே, ஸமணா வா ப்³ராஹ்மணா வா ஏவங்
காமானங் அஸ்ஸாத³ஞ்ச அஸ்ஸாத³தோ ஆதீ³னவஞ்ச ஆதீ³னவதோ நிஸ்ஸரணஞ்ச நிஸ்ஸரணதோ
யதா²பூ⁴தங் நப்பஜானந்தி தே வத ஸாமங் வா காமே பரிஜானிஸ்ஸந்தி, பரங் வா
தத²த்தாய ஸமாத³பெஸ்ஸந்தி யதா² படிபன்னோ காமே பரிஜானிஸ்ஸதீதி – நேதங் டா²னங்
விஜ்ஜதி. யே ச கோ² கேசி, பி⁴க்க²வே, ஸமணா வா ப்³ராஹ்மணா வா
ஏவங் காமானங் அஸ்ஸாத³ஞ்ச அஸ்ஸாத³தோ ஆதீ³னவஞ்ச ஆதீ³னவதோ நிஸ்ஸரணஞ்ச
நிஸ்ஸரணதோ யதா²பூ⁴தங் பஜானந்தி, தே வத ஸாமங் வா காமே பரிஜானிஸ்ஸந்தி பரங்
வா தத²த்தாய ஸமாத³பெஸ்ஸந்த்ந்த்தி யதா² படிபன்னோ காமே பரிஜானிஸ்ஸதீதி –
டா²னமேதங் விஜ்ஜதி.

171.
‘‘கோ ச, பி⁴க்க²வே, ரூபானங் அஸ்ஸாதோ³? ஸெய்யதா²பி, பி⁴க்க²வே,
க²த்தியகஞ்ஞா வா ப்³ராஹ்மணகஞ்ஞா வா க³ஹபதிகஞ்ஞா வா பன்னரஸவஸ்ஸுத்³தே³ஸிகா
வா ஸோளஸவஸ்ஸுத்³தே³ஸிகா வா, நாதிதீ³கா⁴ நாதிரஸ்ஸா நாதிகிஸா நாதிதூ²லா
நாதிகாளீ நாச்சோதா³தா பரமா ஸா, பி⁴க்க²வே, தஸ்மிங் ஸமயே ஸுபா⁴ வண்ணனிபா⁴தி? ‘ஏவங், ப⁴ந்தே’. யங் கோ², பி⁴க்க²வே, ஸுப⁴ங் வண்ணனிப⁴ங் படிச்ச உப்பஜ்ஜதி ஸுக²ங் ஸோமனஸ்ஸங் – அயங் ரூபானங் அஸ்ஸாதோ³.

‘‘கோ ச, பி⁴க்க²வே, ரூபானங் ஆதீ³னவோ? இத⁴, பி⁴க்க²வே,
தமேவ ப⁴கி³னிங் பஸ்ஸெய்ய அபரேன ஸமயேன ஆஸீதிகங் வா நாவுதிகங் வா வஸ்ஸஸதிகங்
வா ஜாதியா, ஜிண்ணங் கோ³பானஸிவங்கங் பொ⁴க்³க³ங் த³ண்ட³பராயனங் பவேத⁴மானங் க³ச்ச²ந்திங் ஆதுரங் க³தயொப்³ப³னங் க²ண்ட³த³ந்தங் [க²ண்ட³த³ந்திங் (ஸீ॰ பீ॰)] பலிதகேஸங் [பலிதகேஸிங்], விலூனங் க²லிதஸிரங் வலினங் திலகாஹதக³த்தங் [திலகாஹதக³த்திங் (ப³ஹூஸு) அட்ட²கதா² டீகா ஓலோகேதப்³பா³]. தங் கிங் மஞ்ஞத², பி⁴க்க²வே, யா புரிமா ஸுபா⁴ வண்ணனிபா⁴ ஸா அந்தரஹிதா, ஆதீ³னவோ பாதுபூ⁴தோதி? ‘ஏவங், ப⁴ந்தே’. அயம்பி, பி⁴க்க²வே, ரூபானங் ஆதீ³னவோ.

‘‘புன சபரங், பி⁴க்க²வே, தமேவ ப⁴கி³னிங் பஸ்ஸெய்ய ஆபா³தி⁴கங் து³க்கி²தங் பா³ள்ஹகி³லானங், ஸகே முத்தகரீஸே பலிபன்னங் ஸேமானங் [ஸெய்யமானங் (க॰)],
அஞ்ஞேஹி வுட்டா²பியமானங், அஞ்ஞேஹி ஸங்வேஸியமானங். தங் கிங் மஞ்ஞத²,
பி⁴க்க²வே, யா புரிமா ஸுபா⁴ வண்ணனிபா⁴ ஸா அந்தரஹிதா, ஆதீ³னவோ பாதுபூ⁴தோதி?
‘ஏவங், ப⁴ந்தே’. அயம்பி, பி⁴க்க²வே, ரூபானங் ஆதீ³னவோ.

172.
‘‘புன சபரங், பி⁴க்க²வே, தமேவ ப⁴கி³னிங் பஸ்ஸெய்ய ஸரீரங் ஸிவதி²காய
ச²ட்³டி³தங் – ஏகாஹமதங் வா த்³வீஹமதங் வா தீஹமதங் வா, உத்³து⁴மாதகங்
வினீலகங் விபுப்³ப³கஜாதங். தங் கிங் மஞ்ஞத², பி⁴க்க²வே, யா புரிமா ஸுபா⁴
வண்ணனிபா⁴ ஸா அந்தரஹிதா, ஆதீ³னவோ பாதுபூ⁴தோதி? ‘ஏவங், ப⁴ந்தே’. அயம்பி,
பி⁴க்க²வே, ரூபானங் ஆதீ³னவோ.

‘‘புன சபரங், பி⁴க்க²வே, தமேவ ப⁴கி³னிங் பஸ்ஸெய்ய
ஸரீரங் ஸிவதி²காய ச²ட்³டி³தங் – காகேஹி வா க²ஜ்ஜமானங், குலலேஹி வா
க²ஜ்ஜமானங், கி³ஜ்ஜே²ஹி வா க²ஜ்ஜமானங், கங்கேஹி வா க²ஜ்ஜமானங், ஸுனகே²ஹி வா
க²ஜ்ஜமானங், ப்³யக்³கே⁴ஹி வா க²ஜ்ஜமானங், தீ³பீஹி வா க²ஜ்ஜமானங்,
ஸிங்கா³லேஹி வா க²ஜ்ஜமானங், விவிதே⁴ஹி வா பாணகஜாதேஹி க²ஜ்ஜமானங். தங் கிங்
மஞ்ஞத², பி⁴க்க²வே , யா புரிமா ஸுபா⁴ வண்ணனிபா⁴ ஸா அந்தரஹிதா, ஆதீ³னவோ பாதுபூ⁴தோதி? ‘ஏவங், ப⁴ந்தே’. அயம்பி, பி⁴க்க²வே, ரூபானங் ஆதீ³னவோ.

‘‘புன சபரங், பி⁴க்க²வே, தமேவ ப⁴கி³னிங் பஸ்ஸெய்ய
ஸரீரங் ஸிவதி²காய ச²ட்³டி³தங் – அட்டி²கஸங்க²லிகங் ஸமங்ஸலோஹிதங்
ந்ஹாருஸம்ப³ந்த⁴ங், அட்டி²கஸங்க²லிகங் நிமங்ஸலோஹிதமக்கி²தங்
ந்ஹாருஸம்ப³ந்த⁴ங், அட்டி²கஸங்க²லிகங் அபக³தமங்ஸலோஹிதங்
ந்ஹாருஸம்ப³ந்த⁴ங், அட்டி²கானி அபக³தஸம்ப³ந்தா⁴னி
தி³ஸாவிதி³ஸாவிக்கி²த்தானி – அஞ்ஞேன ஹத்த²ட்டி²கங், அஞ்ஞேன பாத³ட்டி²கங்,
அஞ்ஞேன கொ³ப்ப²கட்டி²கங், அஞ்ஞேன ஜங்க⁴ட்டி²கங், அஞ்ஞேன ஊருட்டி²கங்,
அஞ்ஞேன கடிட்டி²கங், அஞ்ஞேன பா²ஸுகட்டி²கங், அஞ்ஞேன பிட்டி²ட்டி²கங்,
அஞ்ஞேன க²ந்த⁴ட்டி²கங், அஞ்ஞேன கீ³வட்டி²கங், அஞ்ஞேன ஹனுகட்டி²கங், அஞ்ஞேன
த³ந்தட்டி²கங், அஞ்ஞேன ஸீஸகடாஹங். தங் கிங் மஞ்ஞத²,
பி⁴க்க²வே, யா புரிமா ஸுபா⁴ வண்ணனிபா⁴ ஸா அந்தரஹிதா, ஆதீ³னவோ பாதுபூ⁴தோதி?
‘ஏவங், ப⁴ந்தே’. அயம்பி, பி⁴க்க²வே, ரூபானங் ஆதீ³னவோ.

‘‘புன சபரங், பி⁴க்க²வே, தமேவ ப⁴கி³னிங் பஸ்ஸெய்ய
ஸரீரங் ஸிவதி²காய ச²ட்³டி³தங் – அட்டி²கானி ஸேதானி ஸங்க²வண்ணபடிபா⁴கா³னி,
அட்டி²கானி புஞ்ஜகிதானி தேரோவஸ்ஸிகானி, அட்டி²கானி பூதீனி சுண்ணகஜாதானி.
தங் கிங் மஞ்ஞத², பி⁴க்க²வே, யா புரிமா ஸுபா⁴ வண்ணனிபா⁴ ஸா அந்தரஹிதா,
ஆதீ³னவோ பாதுபூ⁴தோதி? ‘ஏவங், ப⁴ந்தே’. அயம்பி, பி⁴க்க²வே, ரூபானங் ஆதீ³னவோ.

‘‘கிஞ்ச, பி⁴க்க²வே, ரூபானங் நிஸ்ஸரணங்? யோ, பி⁴க்க²வே, ரூபேஸு ச²ந்த³ராக³வினயோ ச²ந்த³ராக³ப்பஹானங் – இத³ங் ரூபானங் நிஸ்ஸரணங்.

‘‘யே ஹி கேசி, பி⁴க்க²வே, ஸமணா வா ப்³ராஹ்மணா வா ஏவங்
ரூபானங் அஸ்ஸாத³ஞ்ச அஸ்ஸாத³தோ ஆதீ³னவஞ்ச ஆதீ³னவதோ நிஸ்ஸரணஞ்ச நிஸ்ஸரணதோ
யதா²பூ⁴தங் நப்பஜானந்தி தே வத ஸாமங் வா ரூபே பரிஜானிஸ்ஸந்தி, பரங் வா
தத²த்தாய ஸமாத³பெஸ்ஸந்தி யதா² படிபன்னோ ரூபே பரிஜானிஸ்ஸதீதி – நேதங் டா²னங்
விஜ்ஜதி. யே ச கோ² கேசி, பி⁴க்க²வே, ஸமணா வா ப்³ராஹ்மணா வா ஏவங் ரூபானங்
அஸ்ஸாத³ஞ்ச அஸ்ஸாத³தோ ஆதீ³னவஞ்ச ஆதீ³னவதோ நிஸ்ஸரணஞ்ச நிஸ்ஸரணதோ யதா²பூ⁴தங்
பஜானந்தி தே வத ஸாமங் வா ரூபே பரிஜானிஸ்ஸந்தி பரங் வா தத²த்தாய
ஸமாத³பெஸ்ஸந்தி யதா² படிபன்னோ ரூபே பரிஜானிஸ்ஸதீதி – டா²னமேதங் விஜ்ஜதி.

173.
‘‘கோ ச, பி⁴க்க²வே, வேத³னானங் அஸ்ஸாதோ³? இத⁴, பி⁴க்க²வே, பி⁴க்கு²
விவிச்சேவ காமேஹி விவிச்ச அகுஸலேஹி த⁴ம்மேஹி ஸவிதக்கங் ஸவிசாரங் விவேகஜங்
பீதிஸுக²ங் பட²மங் ஜா²னங் உபஸம்பஜ்ஜ விஹரதி. யஸ்மிங் ஸமயே, பி⁴க்க²வே,
பி⁴க்கு² விவிச்சேவ காமேஹி விவிச்ச அகுஸலேஹி த⁴ம்மேஹி ஸவிதக்கங் ஸவிசாரங்
விவேகஜங் பீதிஸுக²ங் பட²மங் ஜா²னங் உபஸம்பஜ்ஜ விஹரதி, நேவ தஸ்மிங் ஸமயே
அத்தப்³யாபா³தா⁴யபி சேதேதி, ந பரப்³யாபா³தா⁴யபி சேதேதி, ந
உப⁴யப்³யாபா³தா⁴யபி சேதேதி ; அப்³யாப³ஜ்ஜ²ங்யேவ தஸ்மிங் ஸமயே வேத³னங் வேதே³தி. அப்³யாப³ஜ்ஜ²பரமாஹங், பி⁴க்க²வே, வேத³னானங் அஸ்ஸாத³ங் வதா³மி.

‘‘புன சபரங், பி⁴க்க²வே, பி⁴க்கு² விதக்கவிசாரானங் வூபஸமா அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங்
அவிதக்கங் அவிசாரங் ஸமாதி⁴ஜங் பீதிஸுக²ங் து³தியங் ஜா²னங் உபஸம்பஜ்ஜ
விஹரதி…பே॰… யஸ்மிங் ஸமயே, பி⁴க்க²வே, பி⁴க்கு² பீதியா ச விராகா³,
உபெக்க²கோ ச விஹரதி, ஸதோ ச ஸம்பஜானோ ஸுக²ஞ்ச காயேன படிஸங்வேதே³தி யங் தங்
அரியா ஆசிக்க²ந்தி – ‘உபெக்க²கோ ஸதிமா
ஸுக²விஹாரீ’தி ததியங் ஜா²னங் உபஸம்பஜ்ஜ விஹரதி…பே॰… யஸ்மிங் ஸமயே,
பி⁴க்க²வே, பி⁴க்கு² ஸுக²ஸ்ஸ ச பஹானா து³க்க²ஸ்ஸ ச பஹானா புப்³பே³வ
ஸோமனஸ்ஸதோ³மனஸ்ஸானங் அத்த²ங்க³மா அது³க்க²மஸுக²ங்
உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ விஹரதி, நேவ தஸ்மிங்
ஸமயே அத்தப்³யாபா³தா⁴யபி சேதேதி, ந பரப்³யாபா³தா⁴யபி சேதேதி, ந
உப⁴யப்³யாபா³தா⁴யபி சேதேதி; அப்³யாப³ஜ்ஜ²ங்யேவ தஸ்மிங் ஸமயே வேத³னங்
வேதே³தி. அப்³யாப³ஜ்ஜ²பரமாஹங், பி⁴க்க²வே, வேத³னானங் அஸ்ஸாத³ங் வதா³மி.

174. ‘‘கோ ச, பி⁴க்க²வே, வேத³னானங் ஆதீ³னவோ? யங், பி⁴க்க²வே, வேத³னா அனிச்சா து³க்கா² விபரிணாமத⁴ம்மா – அயங் வேத³னானங் ஆதீ³னவோ.

‘‘கிஞ்ச, பி⁴க்க²வே, வேத³னானங் நிஸ்ஸரணங்? யோ,
பி⁴க்க²வே, வேத³னாஸு ச²ந்த³ராக³வினயோ, ச²ந்த³ராக³ப்பஹானங் – இத³ங்
வேத³னானங் நிஸ்ஸரணங்.

‘‘யே ஹி கேசி, பி⁴க்க²வே, ஸமணா வா ப்³ராஹ்மணா வா ஏவங்
வேத³னானங் அஸ்ஸாத³ஞ்ச அஸ்ஸாத³தோ ஆதீ³னவஞ்ச ஆதீ³னவதோ நிஸ்ஸரணஞ்ச நிஸ்ஸரணதோ
யதா²பூ⁴தங் நப்பஜானந்தி, தே வத ஸாமங் வா வேத³னங் பரிஜானிஸ்ஸந்தி, பரங் வா
தத²த்தாய ஸமாத³பெஸ்ஸந்தி யதா² படிபன்னோ வேத³னங் பரிஜானிஸ்ஸதீதி – நேதங்
டா²னங் விஜ்ஜதி. யே ச கோ² கேசி, பி⁴க்க²வே, ஸமணா வா
ப்³ராஹ்மணா வா ஏவங் வேத³னானங் அஸ்ஸாத³ஞ்ச அஸ்ஸாத³தோ ஆதீ³னவஞ்ச ஆதீ³னவதோ
நிஸ்ஸரணஞ்ச நிஸ்ஸரணதோ யதா²பூ⁴தங் பஜானந்தி தே வத ஸாமங் வா வேத³னங்
பரிஜானிஸ்ஸந்தி, பரங் வா தத²த்தாய ஸமாத³பெஸ்ஸந்தி யதா² படிபன்னோ வேத³னங்
பரிஜானிஸ்ஸதீதி – டா²னமேதங் விஜ்ஜதீ’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

மஹாது³க்க²க்க²ந்த⁴ஸுத்தங் நிட்டி²தங் ததியங்.

4. சூளது³க்க²க்க²ந்த⁴ஸுத்தங்

175. ஏவங்
மே ஸுதங் – ஏகங் ஸமயங் ப⁴க³வா ஸக்கேஸு விஹரதி கபிலவத்து²ஸ்மிங்
நிக்³ரோதா⁴ராமே. அத² கோ² மஹானாமோ ஸக்கோ யேன ப⁴க³வா தேனுபஸங்கமி;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னோ கோ² மஹானாமோ ஸக்கோ ப⁴க³வந்தங் ஏதத³வோச – ‘‘தீ³க⁴ரத்தாஹங், ப⁴ந்தே,
ப⁴க³வதா ஏவங் த⁴ம்மங் தே³ஸிதங் ஆஜானாமி – ‘லோபோ⁴ சித்தஸ்ஸ உபக்கிலேஸோ,
தோ³ஸோ சித்தஸ்ஸ உபக்கிலேஸோ, மோஹோ சித்தஸ்ஸ உபக்கிலேஸோ’தி. ஏவஞ்சாஹங் [ஏவங்பாஹங் (க॰)],
ப⁴ந்தே, ப⁴க³வதா த⁴ம்மங் தே³ஸிதங் ஆஜானாமி – ‘லோபோ⁴ சித்தஸ்ஸ உபக்கிலேஸோ,
தோ³ஸோ சித்தஸ்ஸ உபக்கிலேஸோ, மோஹோ சித்தஸ்ஸ உபக்கிலேஸோ’தி. அத² ச பன மே
ஏகதா³ லோப⁴த⁴ம்மாபி சித்தங் பரியாதா³ய திட்ட²ந்தி, தோ³ஸத⁴ம்மாபி சித்தங்
பரியாதா³ய திட்ட²ந்தி, மோஹத⁴ம்மாபி சித்தங் பரியாதா³ய திட்ட²ந்தி. தஸ்ஸ
மய்ஹங், ப⁴ந்தே, ஏவங் ஹோதி – ‘கோஸு நாம மே த⁴ம்மோ அஜ்ஜ²த்தங் அப்பஹீனோ யேன
மே ஏகதா³ லோப⁴த⁴ம்மாபி சித்தங் பரியாதா³ய திட்ட²ந்தி, தோ³ஸத⁴ம்மாபி சித்தங்
பரியாதா³ய திட்ட²ந்தி, மோஹத⁴ம்மாபி சித்தங் பரியாதா³ய திட்ட²ந்தீ’’’தி.

176.
‘‘ஸோ ஏவ கோ² தே, மஹானாம, த⁴ம்மோ அஜ்ஜ²த்தங் அப்பஹீனோ யேன தே ஏகதா³
லோப⁴த⁴ம்மாபி சித்தங் பரியாதா³ய திட்ட²ந்தி, தோ³ஸத⁴ம்மாபி சித்தங்
பரியாதா³ய திட்ட²ந்தி, மோஹத⁴ம்மாபி சித்தங் பரியாதா³ய திட்ட²ந்தி. ஸோ ச ஹி
தே, மஹானாம, த⁴ம்மோ அஜ்ஜ²த்தங் பஹீனோ அப⁴விஸ்ஸ, ந த்வங் அகா³ரங்
அஜ்ஜா²வஸெய்யாஸி, ந காமே பரிபு⁴ஞ்ஜெய்யாஸி. யஸ்மா ச கோ² தே, மஹானாம, ஸோ ஏவ
த⁴ம்மோ அஜ்ஜ²த்தங் அப்பஹீனோ தஸ்மா த்வங் அகா³ரங் அஜ்ஜா²வஸஸி, காமே
பரிபு⁴ஞ்ஜஸி.

177. ‘‘‘அப்பஸ்ஸாதா³ காமா ப³ஹுது³க்கா² ப³ஹுபாயாஸா, ஆதீ³னவோ [ப³ஹூபாயாஸா (ஸீ॰ ஸ்யா॰ பீ॰)] எத்த² பி⁴ய்யோ’தி – இதி சேபி, மஹானாம, அரியஸாவகஸ்ஸ யதா²பூ⁴தங் ஸம்மப்பஞ்ஞாய ஸுதி³ட்ட²ங் ஹோதி, ஸோ ச [ஸோவ (க॰)]
அஞ்ஞத்ரேவ காமேஹி அஞ்ஞத்ர அகுஸலேஹி த⁴ம்மேஹி பீதிஸுக²ங் நாதி⁴க³ச்ச²தி,
அஞ்ஞங் வா ததோ ஸந்ததரங்; அத² கோ² ஸோ நேவ தாவ அனாவட்டீ காமேஸு ஹோதி. யதோ ச
கோ², மஹானாம, அரியஸாவகஸ்ஸ ‘அப்பஸ்ஸாதா³ காமா ப³ஹுது³க்கா² ப³ஹுபாயாஸா,
ஆதீ³னவோ எத்த² பி⁴ய்யோ’தி – ஏவமேதங் யதா²பூ⁴தங் ஸம்மப்பஞ்ஞாய
ஸுதி³ட்ட²ங் ஹோதி, ஸோ ச அஞ்ஞத்ரேவ காமேஹி அஞ்ஞத்ர அகுஸலேஹி த⁴ம்மேஹி
பீதிஸுக²ங் அதி⁴க³ச்ச²தி அஞ்ஞங் வா ததோ ஸந்ததரங்; அத² கோ² ஸோ அனாவட்டீ
காமேஸு ஹோதி.

‘‘மய்ஹம்பி கோ², மஹானாம ,
புப்³பே³வ ஸம்போ³தா⁴, அனபி⁴ஸம்பு³த்³த⁴ஸ்ஸ போ³தி⁴ஸத்தஸ்ஸேவ ஸதோ,
‘அப்பஸ்ஸாதா³ காமா ப³ஹுது³க்கா² ப³ஹுபாயாஸா, ஆதீ³னவோ எத்த² பி⁴ய்யோ’தி –
ஏவமேதங் யதா²பூ⁴தங் ஸம்மப்பஞ்ஞாய ஸுதி³ட்ட²ங் ஹோதி, ஸோ ச அஞ்ஞத்ரேவ காமேஹி
அஞ்ஞத்ர அகுஸலேஹி த⁴ம்மேஹி பீதிஸுக²ங் நாஜ்ஜ²க³மங், அஞ்ஞங் வா ததோ
ஸந்ததரங்; அத² க்²வாஹங் நேவ தாவ அனாவட்டீ காமேஸு பச்சஞ்ஞாஸிங். யதோ ச கோ²
மே, மஹானாம, ‘அப்பஸ்ஸாதா³ காமா ப³ஹுது³க்கா² ப³ஹுபாயாஸா, ஆதீ³னவோ எத்த²
பி⁴ய்யோ’தி – ஏவமேதங் யதா²பூ⁴தங் ஸம்மப்பஞ்ஞாய ஸுதி³ட்ட²ங் அஹோஸி, ஸோ ச [ஸோவ (க॰)] அஞ்ஞத்ரேவ காமேஹி அஞ்ஞத்ர அகுஸலேஹி த⁴ம்மேஹி பீதிஸுக²ங் அஜ்ஜ²க³மங், அஞ்ஞங் வா ததோ ஸந்ததரங்; அதா²ஹங் அனாவட்டீ காமேஸு பச்சஞ்ஞாஸிங்.

178.
‘‘கோ ச, மஹானாம, காமானங் அஸ்ஸாதோ³? பஞ்சிமே, மஹானாம, காமகு³ணா. கதமே பஞ்ச?
சக்கு²விஞ்ஞெய்யா ரூபா இட்டா² கந்தா மனாபா பியரூபா காமூபஸங்ஹிதா ரஜனீயா;
ஸோதவிஞ்ஞெய்யா ஸத்³தா³…பே॰… கா⁴னவிஞ்ஞெய்யா க³ந்தா⁴… ஜிவ்ஹாவிஞ்ஞெய்யா ரஸா…
காயவிஞ்ஞெய்யா பொ²ட்ட²ப்³பா³ இட்டா² கந்தா மனாபா பியரூபா காமூபஸங்ஹிதா
ரஜனீயா – இமே கோ², மஹானாம, பஞ்ச காமகு³ணா. யங் கோ², மஹானாம, இமே பஞ்ச
காமகு³ணே படிச்ச உப்பஜ்ஜதி ஸுக²ங் ஸோமனஸ்ஸங் – அயங் காமானங் அஸ்ஸாதோ³.

‘‘கோ ச, மஹானாம, காமானங் ஆதீ³னவோ? இத⁴, மஹானாம,
குலபுத்தோ யேன ஸிப்பட்டா²னேன ஜீவிகங் கப்பேதி – யதி³ முத்³தா³ய யதி³ க³ணனாய
யதி³ ஸங்கா²னேன யதி³ கஸியா யதி³ வணிஜ்ஜாய யதி³ கோ³ரக்கே²ன யதி³ இஸ்ஸத்தே²ன
யதி³ ராஜபோரிஸேன யதி³ ஸிப்பஞ்ஞதரேன, ஸீதஸ்ஸ புரக்க²தோ உண்ஹஸ்ஸ புரக்க²தோ
ட³ங்ஸமகஸவாதாதபஸரீங்ஸபஸம்ப²ஸ்ஸேஹி ரிஸ்ஸமானோ கு²ப்பிபாஸாய மீயமானோ; அயம்பி,
மஹானாம, காமானங் ஆதீ³னவோ ஸந்தி³ட்டி²கோ து³க்க²க்க²ந்தோ⁴ காமஹேது
காமனிதா³னங் காமாதி⁴கரணங் காமானமேவ ஹேது.

‘‘தஸ்ஸ சே மஹானாம குலபுத்தஸ்ஸ
ஏவங் உட்ட²ஹதோ க⁴டதோ வாயமதோ தே போ⁴கா³ நாபி⁴னிப்ப²ஜ்ஜந்தி, ஸோ ஸோசதி கிலமதி
பரிதே³வதி உரத்தாளிங் கந்த³தி ஸம்மோஹங் ஆபஜ்ஜதி ‘மோக⁴ங்
வத மே உட்டா²னங், அப²லோ வத மே வாயாமோ’தி. அயம்பி, மஹானாம, காமானங் ஆதீ³னவோ
ஸந்தி³ட்டி²கோ து³க்க²க்க²ந்தோ⁴ காமஹேது காமனிதா³னங் காமாதி⁴கரணங்
காமானமேவ ஹேது.

‘‘தஸ்ஸ சே, மஹானாம, குலபுத்தஸ்ஸ ஏவங் உட்ட²ஹதோ க⁴டதோ
வாயமதோ தே போ⁴கா³ அபி⁴னிப்ப²ஜ்ஜந்தி. ஸோ தேஸங் போ⁴கா³னங் ஆரக்கா²தி⁴கரணங்
து³க்க²ங் தோ³மனஸ்ஸங் படிஸங்வேதே³தி – ‘கிந்தி மே போ⁴கே³ நேவ ராஜானோ
ஹரெய்யுங், ந சோரா ஹரெய்யுங், ந அக்³கி³ த³ஹெய்ய, ந உத³கங் வஹெய்ய, ந
அப்பியா வா தா³யாதா³ ஹரெய்யு’ந்தி. தஸ்ஸ ஏவங் ஆரக்க²தோ கோ³பயதோ தே போ⁴கே³
ராஜானோ வா ஹரந்தி, சோரா வா ஹரந்தி, அக்³கி³ வா த³ஹதி, உத³கங் வா வஹதி,
அப்பியா வா தா³யாதா³ ஹரந்தி. ஸோ ஸோசதி கிலமதி பரிதே³வதி உரத்தாளிங் கந்த³தி
ஸம்மோஹங் ஆபஜ்ஜதி – ‘யம்பி மே அஹோஸி தம்பி நோ நத்தீ²’தி. அயம்பி, மஹானாம,
காமானங் ஆதீ³னவோ ஸந்தி³ட்டி²கோ து³க்க²க்க²ந்தோ⁴ காமஹேது காமனிதா³னங்
காமாதி⁴கரணங் காமானமேவ ஹேது.

‘‘புன சபரங், மஹானாம, காமஹேது காமனிதா³னங்
காமாதி⁴கரணங் காமானமேவ ஹேது ராஜானோபி ராஜூஹி விவத³ந்தி, க²த்தியாபி
க²த்தியேஹி விவத³ந்தி, ப்³ராஹ்மணாபி ப்³ராஹ்மணேஹி விவத³ந்தி, க³ஹபதீபி
க³ஹபதீஹி விவத³ந்தி, மாதாபி புத்தேன விவத³தி, புத்தோபி மாதரா விவத³தி,
பிதாபி புத்தேன விவத³தி, புத்தோபி பிதரா விவத³தி, பா⁴தாபி பா⁴தரா விவத³தி,
பா⁴தாபி ப⁴கி³னியா விவத³தி, ப⁴கி³னீபி பா⁴தரா விவத³தி, ஸஹாயோபி ஸஹாயேன
விவத³தி. தே தத்த² கலஹவிக்³க³ஹவிவாதா³பன்னா அஞ்ஞமஞ்ஞங் பாணீஹிபி
உபக்கமந்தி, லெட்³டூ³ஹிபி உபக்கமந்தி, த³ண்டே³ஹிபி உபக்கமந்தி, ஸத்தே²ஹிபி
உபக்கமந்தி. தே தத்த² மரணம்பி நிக³ச்ச²ந்தி, மரணமத்தம்பி து³க்க²ங் . அயம்பி, மஹானாம, காமானங் ஆதீ³னவோ ஸந்தி³ட்டி²கோ து³க்க²க்க²ந்தோ⁴ காமஹேது காமனிதா³னங் காமாதி⁴கரணங் காமானமேவ ஹேது.

‘‘புன சபரங், மஹானாம, காமஹேது காமனிதா³னங்
காமாதி⁴கரணங் காமானமேவ ஹேது அஸிசம்மங் க³ஹெத்வா, த⁴னுகலாபங் ஸன்னய்ஹித்வா,
உப⁴தொப்³யூள்ஹங் ஸங்கா³மங் பக்க²ந்த³ந்தி உஸூஸுபி கி²ப்பமானேஸு, ஸத்தீஸுபி
கி²ப்பமானாஸு, அஸீஸுபி விஜ்ஜோதலந்தேஸு. தே தத்த² உஸூஹிபி விஜ்ஜ²ந்தி,
ஸத்தியாபி விஜ்ஜ²ந்தி, அஸினாபி ஸீஸங் சி²ந்த³ந்தி.
தே தத்த² மரணம்பி நிக³ச்ச²ந்தி, மரணமத்தம்பி து³க்க²ங். அயம்பி, மஹானாம,
காமானங் ஆதீ³னவோ ஸந்தி³ட்டி²கோ து³க்க²க்க²ந்தோ⁴ காமஹேது காமனிதா³னங்
காமாதி⁴கரணங் காமானமேவ ஹேது.

‘‘புன சபரங், மஹானாம, காமஹேது காமனிதா³னங் காமாதி⁴கரணங் காமானமேவ ஹேது அஸிசம்மங்
க³ஹெத்வா, த⁴னுகலாபங் ஸன்னய்ஹித்வா, அத்³தா³வலேபனா உபகாரியோ பக்க²ந்த³ந்தி
உஸூஸுபி கி²ப்பமானேஸு, ஸத்தீஸுபி கி²ப்பமானாஸு, அஸீஸுபி விஜ்ஜோதலந்தேஸு.
தே தத்த² உஸூஹிபி விஜ்ஜ²ந்தி, ஸத்தியாபி விஜ்ஜ²ந்தி, ச²கணகாயபி ஓஸிஞ்சந்தி,
அபி⁴வக்³கே³னபி ஓமத்³த³ந்தி, அஸினாபி ஸீஸங் சி²ந்த³ந்தி. தே தத்த² மரணம்பி
நிக³ச்ச²ந்தி, மரணமத்தம்பி து³க்க²ங். அயம்பி, மஹானாம, காமானங் ஆதீ³னவோ
ஸந்தி³ட்டி²கோ து³க்க²க்க²ந்தோ⁴ காமஹேது காமனிதா³னங் காமாதி⁴கரணங் காமானமேவ
ஹேது.

‘‘புன சபரங், மஹானாம, காமஹேது காமனிதா³னங் காமாதி⁴கரணங் காமானமேவ ஹேது ஸந்தி⁴ம்பி சி²ந்த³ந்தி, நில்லோபம்பி ஹரந்தி, ஏகாகா³ரிகம்பி
கரொந்தி, பரிபந்தே²பி திட்ட²ந்தி, பரதா³ரம்பி க³ச்ச²ந்தி. தமேனங் ராஜானோ
க³ஹெத்வா விவிதா⁴ கம்மகாரணா காரெந்தி – கஸாஹிபி தாளெந்தி, வெத்தேஹிபி
தாளெந்தி, அட்³ட⁴த³ண்ட³கேஹிபி தாளெந்தி; ஹத்த²ம்பி சி²ந்த³ந்தி, பாத³ம்பி
சி²ந்த³ந்தி, ஹத்த²பாத³ம்பி சி²ந்த³ந்தி, கண்ணம்பி சி²ந்த³ந்தி, நாஸம்பி
சி²ந்த³ந்தி, கண்ணனாஸம்பி சி²ந்த³ந்தி; பி³லங்க³தா²லிகம்பி கரொந்தி,
ஸங்க²முண்டி³கம்பி கரொந்தி, ராஹுமுக²ம்பி கரொந்தி, ஜோதிமாலிகம்பி கரொந்தி,
ஹத்த²பஜ்ஜோதிகம்பி கரொந்தி, ஏரகவத்திகம்பி கரொந்தி, சீரகவாஸிகம்பி கரொந்தி,
ஏணெய்யகம்பி கரொந்தி, ப³ளிஸமங்ஸிகம்பி கரொந்தி, கஹாபணிகம்பி கரொந்தி,
கா²ராபதச்சி²கம்பி கரொந்தி, பலிக⁴பரிவத்திகம்பி கரொந்தி, பலாலபீட²கம்பி
கரொந்தி, தத்தேனபி தேலேன ஓஸிஞ்சந்தி, ஸுனகே²ஹிபி கா²தா³பெந்தி, ஜீவந்தம்பி
ஸூலே உத்தாஸெந்தி, அஸினாபி ஸீஸங் சி²ந்த³ந்தி. தே தத்த² மரணம்பி
நிக³ச்ச²ந்தி, மரணமத்தம்பி து³க்க²ங். அயம்பி, மஹானாம, காமானங் ஆதீ³னவோ
ஸந்தி³ட்டி²கோ து³க்க²க்க²ந்தோ⁴ காமஹேது காமனிதா³னங் காமாதி⁴கரணங் காமானமேவ
ஹேது.

‘‘புன சபரங், மஹானாம, காமஹேது காமனிதா³னங்
காமாதி⁴கரணங் காமானமேவ ஹேது காயேன து³ச்சரிதங் சரந்தி, வாசாய து³ச்சரிதங்
சரந்தி, மனஸா து³ச்சரிதங் சரந்தி. தே காயேன து³ச்சரிதங் சரித்வா, வாசாய
து³ச்சரிதங் சரித்வா, மனஸா து³ச்சரிதங் சரித்வா, காயஸ்ஸ பே⁴தா³ பரங் மரணா,
அபாயங் து³க்³க³திங் வினிபாதங் நிரயங் உபபஜ்ஜந்தி. அயம்பி, மஹானாம, காமானங்
ஆதீ³னவோ ஸம்பராயிகோ , து³க்க²க்க²ந்தோ⁴ காமஹேது காமனிதா³னங் காமாதி⁴கரணங் காமானமேவ ஹேது.

179. ‘‘ஏகமிதா³ஹங், மஹானாம, ஸமயங் ராஜக³ஹே விஹராமி கி³ஜ்ஜ²கூடே பப்³ப³தே. தேன கோ² பன ஸமயேன ஸம்ப³ஹுலா நிக³ண்டா² [நிக³ந்தா² (ஸ்யா॰ க॰)] இஸிகி³லிபஸ்ஸே காளஸிலாயங்
உப்³ப⁴ட்ட²கா ஹொந்தி ஆஸனபடிக்கி²த்தா, ஓபக்கமிகா து³க்கா² திப்³பா³ க²ரா
கடுகா வேத³னா வேத³யந்தி. அத² க்²வாஹங், மஹானாம, ஸாயன்ஹஸமயங் படிஸல்லானா
வுட்டி²தோ யேன இஸிகி³லிபஸ்ஸே காளஸிலா யேன தே நிக³ண்டா²
தேனுபஸங்கமிங்; உபஸங்கமித்வா தே நிக³ண்டே² ஏதத³வோசங் – ‘கின்னு தும்ஹே,
ஆவுஸோ, நிக³ண்டா² உப்³ப⁴ட்ட²கா ஆஸனபடிக்கி²த்தா, ஓபக்கமிகா து³க்கா²
திப்³பா³ க²ரா கடுகா வேத³னா வேத³யதா²’தி? ஏவங் வுத்தே, மஹானாம, தே
நிக³ண்டா² மங் ஏதத³வோசுங் – ‘நிக³ண்டோ², ஆவுஸோ, நாடபுத்தோ [நாத²புத்தோ (ஸீ॰ பீ॰)] ஸப்³ப³ஞ்ஞூ ஸப்³ப³த³ஸ்ஸாவீ அபரிஸேஸங் ஞாணத³ஸ்ஸனங் படிஜானாதி – ‘‘சரதோ ச மே திட்ட²தோ ச ஸுத்தஸ்ஸ ச ஜாக³ரஸ்ஸ ச ஸததங் ஸமிதங் ஞாணத³ஸ்ஸனங் பச்சுபட்டி²த’’ந்தி. ஸோ ஏவமாஹ – ‘‘அத்தி² கோ² வோ [அத்தி² கோ² போ⁴ (ஸ்யா॰ க॰)], நிக³ண்டா², புப்³பே³ பாபகம்மங் கதங், தங் இமாய கடுகாய து³க்கரகாரிகாய நிஜ்ஜீரேத² [நிஜ்ஜரேத² (ஸீ॰ ஸ்யா॰ பீ॰)]; யங் பனெத்த² [மயங் பனெத்த² (க॰)]
ஏதரஹி காயேன ஸங்வுதா வாசாய ஸங்வுதா மனஸா ஸங்வுதா தங் ஆயதிங் பாபஸ்ஸ
கம்மஸ்ஸ அகரணங்; இதி புராணானங் கம்மானங் தபஸா ப்³யந்திபா⁴வா, நவானங்
கம்மானங் அகரணா, ஆயதிங் அனவஸ்ஸவோ; ஆயதிங் அனவஸ்ஸவா கம்மக்க²யோ, கம்மக்க²யா
து³க்க²க்க²யோ, து³க்க²க்க²யா வேத³னாக்க²யோ, வேத³னாக்க²யா ஸப்³ப³ங்
து³க்க²ங் நிஜ்ஜிண்ணங் ப⁴விஸ்ஸதீ’’தி. தஞ்ச பனம்ஹாகங் ருச்சதி சேவ க²மதி ச,
தேன சம்ஹ அத்தமனா’தி.

180. ‘‘ஏவங்
வுத்தே, அஹங், மஹானாம, தே நிக³ண்டே² ஏதத³வோசங் – ‘கிங் பன தும்ஹே, ஆவுஸோ
நிக³ண்டா², ஜானாத² – அஹுவம்ஹேவ மயங் புப்³பே³ ந நாஹுவம்ஹா’தி? ‘நோ ஹித³ங்,
ஆவுஸோ’. ‘கிங் பன தும்ஹே, ஆவுஸோ நிக³ண்டா², ஜானாத² – அகரம்ஹேவ மயங்
புப்³பே³ பாபகம்மங் ந நாகரம்ஹா’தி? ‘நோ ஹித³ங், ஆவுஸோ’. ‘கிங் பன தும்ஹே,
ஆவுஸோ நிக³ண்டா², ஜானாத² – ஏவரூபங் வா ஏவரூபங் வா பாபகம்மங் அகரம்ஹா’தி?
‘நோ ஹித³ங், ஆவுஸோ’. ‘கிங் பன தும்ஹே, ஆவுஸோ நிக³ண்டா², ஜானாத² – எத்தகங்
வா து³க்க²ங் நிஜ்ஜிண்ணங், எத்தகங் வா து³க்க²ங் நிஜ்ஜீரேதப்³ப³ங் ,
எத்தகம்ஹி வா து³க்கே² நிஜ்ஜிண்ணே ஸப்³ப³ங் து³க்க²ங் நிஜ்ஜிண்ணங்
ப⁴விஸ்ஸதீ’தி? ‘நோ ஹித³ங், ஆவுஸோ’. ‘கிங் பன தும்ஹே, ஆவுஸோ நிக³ண்டா²,
ஜானாத² – தி³ட்டே²வ த⁴ம்மே அகுஸலானங் த⁴ம்மானங் பஹானங், குஸலானங் த⁴ம்மானங்
உபஸம்பத³’ந்தி? ‘நோ ஹித³ங், ஆவுஸோ’.

‘‘‘இதி கிர தும்ஹே, ஆவுஸோ நிக³ண்டா², ந ஜானாத² –
அஹுவம்ஹேவ மயங் புப்³பே³ ந நாஹுவம்ஹாதி, ந ஜானாத² – அகரம்ஹேவ மயங் புப்³பே³
பாபகம்மங் ந நாகரம்ஹாதி, ந ஜானாத² – ஏவரூபங் வா ஏவரூபங் வா பாபகம்மங்
அகரம்ஹாதி, ந ஜானாத² – எத்தகங் வா து³க்க²ங் நிஜ்ஜிண்ணங், எத்தகங் வா
து³க்க²ங் நிஜ்ஜீரேதப்³ப³ங், எத்தகம்ஹி வா து³க்கே² நிஜ்ஜிண்ணே ஸப்³ப³ங்
து³க்க²ங் நிஜ்ஜிண்ணங் ப⁴விஸ்ஸதீதி. ந ஜானாத² – தி³ட்டே²வ த⁴ம்மே அகுஸலானங்
த⁴ம்மானங் பஹானங், குஸலானங் த⁴ம்மானங் உபஸம்பத³ங். ஏவங் ஸந்தே, ஆவுஸோ
நிக³ண்டா², யே லோகே லுத்³தா³ லோஹிதபாணினோ குரூரகம்மந்தா மனுஸ்ஸேஸு பச்சாஜாதா தே நிக³ண்டே²ஸு பப்³ப³ஜந்தீ’தி? ‘ந கோ², ஆவுஸோ கோ³தம, ஸுகே²ன ஸுக²ங் அதி⁴க³ந்தப்³ப³ங், து³க்கே²ன கோ² ஸுக²ங் அதி⁴க³ந்தப்³ப³ங்; ஸுகே²ன சாவுஸோ
கோ³தம, ஸுக²ங் அதி⁴க³ந்தப்³ப³ங் அப⁴விஸ்ஸ, ராஜா மாக³தோ⁴ ஸேனியோ
பி³ம்பி³ஸாரோ ஸுக²ங் அதி⁴க³ச்செ²ய்ய, ராஜா மாக³தோ⁴ ஸேனியோ பி³ம்பி³ஸாரோ
ஸுக²விஹாரிதரோ ஆயஸ்மதா கோ³தமேனா’தி.

‘‘‘அத்³தா⁴யஸ்மந்தேஹி நிக³ண்டே²ஹி ஸஹஸா அப்படிஸங்கா²
வாசா பா⁴ஸிதா – ந கோ², ஆவுஸோ கோ³தம, ஸுகே²ன ஸுக²ங் அதி⁴க³ந்தப்³ப³ங்,
து³க்கே²ன கோ² ஸுக²ங் அதி⁴க³ந்தப்³ப³ங்; ஸுகே²ன சாவுஸோ கோ³தம, ஸுக²ங்
அதி⁴க³ந்தப்³ப³ங் அப⁴விஸ்ஸ, ராஜா மாக³தோ⁴ ஸேனியோ பி³ம்பி³ஸாரோ ஸுக²ங்
அதி⁴க³ச்செ²ய்ய, ராஜா மாக³தோ⁴ ஸேனியோ பி³ம்பி³ஸாரோ ஸுக²விஹாரிதரோ ஆயஸ்மதா
கோ³தமேனா’’தி. அபி ச அஹமேவ தத்த² படிபுச்சி²தப்³போ³ – கோ நு கோ²
ஆயஸ்மந்தானங் ஸுக²விஹாரிதரோ ராஜா வா மாக³தோ⁴ ஸேனியோ பி³ம்பி³ஸாரோ ஆயஸ்மா வா
கோ³தமோ’தி? அத்³தா⁴வுஸோ கோ³தம, அம்ஹேஹி ஸஹஸா அப்படிஸங்கா² வாசா பா⁴ஸிதா, ந
கோ², ஆவுஸோ கோ³தம, ஸுகே²ன ஸுக²ங் அதி⁴க³ந்தப்³ப³ங், து³க்கே²ன கோ² ஸுக²ங்
அதி⁴க³ந்தப்³ப³ங்; ஸுகே²ன சாவுஸோ கோ³தம, ஸுக²ங் அதி⁴க³ந்தப்³ப³ங் அப⁴விஸ்ஸ,
ராஜா மாக³தோ⁴ ஸேனியோ பி³ம்பி³ஸாரோ ஸுக²ங் அதி⁴க³ச்செ²ய்ய, ராஜா மாக³தோ⁴
ஸேனியோ பி³ம்பி³ஸாரோ ஸுக²விஹாரிதரோ ஆயஸ்மதா கோ³தமேனாதி. அபி ச திட்ட²தேதங்,
இதா³னிபி மயங் ஆயஸ்மந்தங் கோ³தமங் புச்சா²ம – கோ நு கோ² ஆயஸ்மந்தானங்
ஸுக²விஹாரிதரோ ராஜா வா மாக³தோ⁴ ஸேனியோ பி³ம்பி³ஸாரோ ஆயஸ்மா வா கோ³தமோ’தி?

‘‘‘தேன ஹாவுஸோ நிக³ண்டா²,
தும்ஹேவ தத்த² படிபுச்சி²ஸ்ஸாமி, யதா² வோ க²மெய்ய ததா² நங் ப்³யாகரெய்யாத².
தங் கிங் மஞ்ஞதா²வுஸோ நிக³ண்டா², பஹோதி ராஜா மாக³தோ⁴ ஸேனியோ பி³ம்பி³ஸாரோ,
அனிஞ்ஜமானோ காயேன, அபா⁴ஸமானோ வாசங், ஸத்த ரத்திந்தி³வானி ஏகந்தஸுக²ங் படிஸங்வேதீ³ விஹரிது’ந்தி? ‘நோ ஹித³ங், ஆவுஸோ’.

‘‘‘தங் கிங் மஞ்ஞதா²வுஸோ நிக³ண்டா², பஹோதி ராஜா
மாக³தோ⁴ ஸேனியோ பி³ம்பி³ஸாரோ, அனிஞ்ஜமானோ காயேன, அபா⁴ஸமானோ வாசங், ச²
ரத்திந்தி³வானி…பே॰… பஞ்ச ரத்திந்தி³வானி… சத்தாரி ரத்திந்தி³வானி… தீணி
ரத்திந்தி³வானி… த்³வே ரத்திந்தி³வானி… ஏகங் ரத்திந்தி³வங் ஏகந்தஸுக²ங்
படிஸங்வேதீ³ விஹரிது’ந்தி? ‘நோ ஹித³ங், ஆவுஸோ’.

‘‘‘அஹங் கோ², ஆவுஸோ நிக³ண்டா²,
பஹோமி அனிஞ்ஜமானோ காயேன, அபா⁴ஸமானோ வாசங், ஏகங் ரத்திந்தி³வங் ஏகந்தஸுக²ங்
படிஸங்வேதீ³ விஹரிதுங். அஹங் கோ², ஆவுஸோ நிக³ண்டா², பஹோமி அனிஞ்ஜமானோ
காயேன, அபா⁴ஸமானோ வாசங், த்³வே ரத்திந்தி³வானி… தீணி ரத்திந்தி³வானி…
சத்தாரி ரத்திந்தி³வானி… பஞ்ச ரத்திந்தி³வானி… ச² ரத்திந்தி³வானி… ஸத்த
ரத்திந்தி³வானி ஏகந்தஸுக²ங் படிஸங்வேதீ³ விஹரிதுங். தங் கிங் மஞ்ஞதா²வுஸோ
நிக³ண்டா², ஏவங் ஸந்தே கோ ஸுக²விஹாரிதரோ ராஜா வா மாக³தோ⁴ ஸேனியோ
பி³ம்பி³ஸாரோ அஹங் வா’தி? ‘ஏவங் ஸந்தே ஆயஸ்மாவ கோ³தமோ ஸுக²விஹாரிதரோ ரஞ்ஞா மாக³தே⁴ன ஸேனியேன பி³ம்பி³ஸாரேனா’’’தி.

இத³மவோச ப⁴க³வா. அத்தமனோ மஹானாமோ ஸக்கோ ப⁴க³வதோ பா⁴ஸிதங் அபி⁴னந்தீ³தி.

சூளது³க்க²க்க²ந்த⁴ஸுத்தங் நிட்டி²தங் சதுத்த²ங்.

5. அனுமானஸுத்தங்

181. ஏவங் மே ஸுதங் – ஏகங் ஸமயங் ஆயஸ்மா மஹாமொக்³க³ல்லானோ ப⁴க்³கே³ஸு விஹரதி ஸுஸுமாரகி³ரே [ஸுங்ஸுமாரகி³ரே (ஸீ॰ ஸ்யா॰ பீ॰)]
பே⁴ஸகளாவனே மிக³தா³யே. தத்ர கோ² ஆயஸ்மா மஹாமொக்³க³ல்லானோ பி⁴க்கூ²
ஆமந்தேஸி – ‘‘ஆவுஸோ, பி⁴க்க²வோ’’தி. ‘‘ஆவுஸோ’’தி கோ² தே பி⁴க்கூ² ஆயஸ்மதோ
மஹாமொக்³க³ல்லானஸ்ஸ பச்சஸ்ஸோஸுங். ஆயஸ்மா மஹாமொக்³க³ல்லானோ ஏதத³வோச –

‘‘பவாரேதி சேபி, ஆவுஸோ,
பி⁴க்கு² – ‘வத³ந்து மங் ஆயஸ்மந்தோ, வசனீயொம்ஹி ஆயஸ்மந்தேஹீ’தி, ஸோ ச ஹோதி
து³ப்³ப³சோ, தோ³வசஸ்ஸகரணேஹி த⁴ம்மேஹி ஸமன்னாக³தோ, அக்க²மோ
அப்பத³க்கி²ணக்³கா³ஹீ அனுஸாஸனிங், அத² கோ² நங் ஸப்³ரஹ்மசாரீ ந சேவ
வத்தப்³ப³ங் மஞ்ஞந்தி, ந ச அனுஸாஸிதப்³ப³ங் மஞ்ஞந்தி, ந ச தஸ்மிங்
புக்³க³லே விஸ்ஸாஸங் ஆபஜ்ஜிதப்³ப³ங் மஞ்ஞந்தி.

‘‘கதமே சாவுஸோ, தோ³வசஸ்ஸகரணா த⁴ம்மா? இதா⁴வுஸோ,
பி⁴க்கு² பாபிச்சோ² ஹோதி, பாபிகானங் இச்சா²னங் வஸங் க³தோ. யம்பாவுஸோ,
பி⁴க்கு² பாபிச்சோ² ஹோதி, பாபிகானங் இச்சா²னங் வஸங் க³தோ – அயம்பி த⁴ம்மோ
தோ³வசஸ்ஸகரணோ.

‘‘புன சபரங், ஆவுஸோ, பி⁴க்கு² அத்துக்கங்ஸகோ ஹோதி
பரவம்பீ⁴. யம்பாவுஸோ, பி⁴க்கு² அத்துக்கங்ஸகோ ஹோதி பரவம்பீ⁴ – அயம்பி
த⁴ம்மோ தோ³வசஸ்ஸகரணோ.

‘‘புன சபரங், ஆவுஸோ, பி⁴க்கு² கோத⁴னோ ஹோதி
கோதா⁴பி⁴பூ⁴தோ. யம்பாவுஸோ, பி⁴க்கு² கோத⁴னோ ஹோதி கோதா⁴பி⁴பூ⁴தோ – அயம்பி
த⁴ம்மோ தோ³வசஸ்ஸகரணோ.

‘‘புன சபரங், ஆவுஸோ , பி⁴க்கு² கோத⁴னோ ஹோதி கோத⁴ஹேது உபனாஹீ. யம்பாவுஸோ, பி⁴க்கு² கோத⁴னோ ஹோதி கோத⁴ஹேது உபனாஹீ – அயம்பி த⁴ம்மோ தோ³வசஸ்ஸகரணோ.

‘‘புன சபரங், ஆவுஸோ, பி⁴க்கு² கோத⁴னோ ஹோதி கோத⁴ஹேது
அபி⁴ஸங்கீ³. யம்பாவுஸோ, பி⁴க்கு² கோத⁴னோ ஹோதி கோத⁴ஹேது அபி⁴ஸங்கீ³ – அயம்பி
த⁴ம்மோ தோ³வசஸ்ஸகரணோ.

‘‘புன சபரங், ஆவுஸோ, பி⁴க்கு² கோத⁴னோ ஹோதி கோத⁴ஸாமந்தா [கோத⁴ஸாமந்தங் (ஸ்யா॰ பீ॰ க॰)] வாசங் நிச்சா²ரேதா. யம்பாவுஸோ, பி⁴க்கு² கோத⁴னோ ஹோதி கோத⁴ஸாமந்தா வாசங் நிச்சா²ரேதா – அயம்பி த⁴ம்மோ தோ³வசஸ்ஸகரணோ.

‘‘புன சபரங், ஆவுஸோ, பி⁴க்கு² சோதி³தோ [சுதி³தோ (ஸீ॰ ஸ்யா॰ பீ॰)] சோத³கேன சோத³கங் படிப்ப²ரதி. யம்பாவுஸோ, பி⁴க்கு² சோதி³தோ சோத³கேன சோத³கங் படிப்ப²ரதி – அயம்பி த⁴ம்மோ தோ³வசஸ்ஸகரணோ.

‘‘புன சபரங், ஆவுஸோ, பி⁴க்கு²
சோதி³தோ சோத³கேன சோத³கங் அபஸாதே³தி. யம்பாவுஸோ, பி⁴க்கு² சோதி³தோ சோத³கேன
சோத³கங் அபஸாதே³தி – அயம்பி த⁴ம்மோ தோ³வசஸ்ஸகரணோ.

‘‘புன சபரங் , ஆவுஸோ, பி⁴க்கு²
சோதி³தோ சோத³கேன சோத³கஸ்ஸ பச்சாரோபேதி. யம்பாவுஸோ, பி⁴க்கு² சோதி³தோ
சோத³கேன சோத³கஸ்ஸ பச்சாரோபேதி – அயம்பி த⁴ம்மோ தோ³வசஸ்ஸகரணோ.

‘‘புன சபரங், ஆவுஸோ, பி⁴க்கு² சோதி³தோ சோத³கேன
அஞ்ஞேனஞ்ஞங் படிசரதி, ப³ஹித்³தா⁴ கத²ங் அபனாமேதி, கோபஞ்ச தோ³ஸஞ்ச
அப்பச்சயஞ்ச பாதுகரோதி. யம்பாவுஸோ, பி⁴க்கு² சோதி³தோ சோத³கேன அஞ்ஞேனஞ்ஞங்
படிசரதி, ப³ஹித்³தா⁴ கத²ங் அபனாமேதி, கோபஞ்ச தோ³ஸஞ்ச அப்பச்சயஞ்ச பாதுகரோதி
– அயம்பி த⁴ம்மோ தோ³வசஸ்ஸகரணோ.

‘‘புன சபரங், ஆவுஸோ, பி⁴க்கு² சோதி³தோ சோத³கேன அபதா³னே ந ஸம்பாயதி. யம்பாவுஸோ, பி⁴க்கு² சோதி³தோ சோத³கேன அபதா³னே ந ஸம்பாயதி – அயம்பி த⁴ம்மோ தோ³வசஸ்ஸகரணோ.

‘‘புன சபரங், ஆவுஸோ, பி⁴க்கு² மக்கீ² ஹோதி பளாஸீ. யம்பாவுஸோ, பி⁴க்கு² மக்கீ² ஹோதி பளாஸீ – அயம்பி த⁴ம்மோ தோ³வசஸ்ஸகரணோ.

‘‘புன சபரங், ஆவுஸோ, பி⁴க்கு² இஸ்ஸுகீ ஹோதி மச்ச²ரீ. யம்பாவுஸோ, பி⁴க்கு² இஸ்ஸுகீ ஹோதி மச்ச²ரீ – அயம்பி த⁴ம்மோ தோ³வசஸ்ஸகரணோ.

‘‘புன சபரங், ஆவுஸோ, பி⁴க்கு² ஸடோ² ஹோதி மாயாவீ. யம்பாவுஸோ, பி⁴க்கு² ஸடோ² ஹோதி மாயாவீ – அயம்பி த⁴ம்மோ தோ³வசஸ்ஸகரணோ.

‘‘புன சபரங், ஆவுஸோ, பி⁴க்கு² த²த்³தோ⁴ ஹோதி அதிமானீ. யம்பாவுஸோ, பி⁴க்கு² த²த்³தோ⁴ ஹோதி அதிமானீ – அயம்பி த⁴ம்மோ தோ³வசஸ்ஸகரணோ.

‘‘புன சபரங், ஆவுஸோ, பி⁴க்கு² ஸந்தி³ட்டி²பராமாஸீ ஹோதி
ஆதா⁴னக்³கா³ஹீ து³ப்படினிஸ்ஸக்³கீ³. யம்பாவுஸோ, பி⁴க்கு²
ஸந்தி³ட்டி²பராமாஸீ ஹோதி ஆதா⁴னக்³கா³ஹீ து³ப்படினிஸ்ஸக்³கீ³ – அயம்பி
த⁴ம்மோ தோ³வசஸ்ஸகரணோ. இமே வுச்சந்தாவுஸோ, தோ³வசஸ்ஸகரணா த⁴ம்மா.

182. ‘‘நோ
சேபி, ஆவுஸோ, பி⁴க்கு² பவாரேதி – ‘வத³ந்து மங் ஆயஸ்மந்தோ, வசனீயொம்ஹி
ஆயஸ்மந்தேஹீ’தி, ஸோ ச ஹோதி ஸுவசோ, ஸோவசஸ்ஸகரணேஹி த⁴ம்மேஹி ஸமன்னாக³தோ, க²மோ
பத³க்கி²ணக்³கா³ஹீ அனுஸாஸனிங், அத² கோ² நங் ஸப்³ரஹ்மசாரீ வத்தப்³ப³ஞ்சேவ
மஞ்ஞந்தி, அனுஸாஸிதப்³ப³ஞ்ச மஞ்ஞந்தி, தஸ்மிஞ்ச புக்³க³லே விஸ்ஸாஸங்
ஆபஜ்ஜிதப்³ப³ங் மஞ்ஞந்தி.

‘‘கதமே சாவுஸோ, ஸோவசஸ்ஸகரணா த⁴ம்மா? இதா⁴வுஸோ,
பி⁴க்கு² ந பாபிச்சோ² ஹோதி, ந பாபிகானங் இச்சா²னங் வஸங் க³தோ. யம்பாவுஸோ,
பி⁴க்கு² ந பாபிச்சோ² ஹோதி ந பாபிகானங் இச்சா²னங் வஸங் க³தோ – அயம்பி த⁴ம்மோ ஸோவசஸ்ஸகரணோ.

‘‘புன சபரங், ஆவுஸோ, பி⁴க்கு² அனத்துக்கங்ஸகோ ஹோதி
அபரவம்பீ⁴. யம்பாவுஸோ, பி⁴க்கு² அனத்துக்கங்ஸகோ ஹோதி அபரவம்பீ⁴ – அயம்பி
த⁴ம்மோ ஸோவசஸ்ஸகரணோ.

‘‘புன சபரங், ஆவுஸோ, பி⁴க்கு² ந கோத⁴னோ ஹோதி ந
கோதா⁴பி⁴பூ⁴தோ. யம்பாவுஸோ, பி⁴க்கு² ந கோத⁴னோ ஹோதி ந கோதா⁴பி⁴பூ⁴தோ –
அயம்பி த⁴ம்மோ ஸோவசஸ்ஸகரணோ.

‘‘புன சபரங், ஆவுஸோ, பி⁴க்கு² ந கோத⁴னோ ஹோதி ந
கோத⁴ஹேது உபனாஹீ. யம்பாவுஸோ, பி⁴க்கு² ந கோத⁴னோ ஹோதி ந கோத⁴ஹேது உபனாஹீ –
அயம்பி த⁴ம்மோ ஸோவசஸ்ஸகரணோ.

‘‘புன சபரங், ஆவுஸோ, பி⁴க்கு² ந கோத⁴னோ ஹோதி ந
கோத⁴ஹேது அபி⁴ஸங்கீ³. யம்பாவுஸோ, பி⁴க்கு² ந கோத⁴னோ ஹோதி ந கோத⁴ஹேது
அபி⁴ஸங்கீ³ – அயம்பி த⁴ம்மோ ஸோவசஸ்ஸகரணோ.

‘‘புன சபரங், ஆவுஸோ, பி⁴க்கு² ந கோத⁴னோ ஹோதி ந கோத⁴ஸாமந்தா வாசங் நிச்சா²ரேதா. யம்பாவுஸோ , பி⁴க்கு² ந கோத⁴னோ ஹோதி ந கோத⁴ஸாமந்தா வாசங் நிச்சா²ரேதா – அயம்பி த⁴ம்மோ ஸோவசஸ்ஸகரணோ.

‘‘புன சபரங், ஆவுஸோ, பி⁴க்கு² சோதி³தோ சோத³கேன சோத³கங்
நப்படிப்ப²ரதி. யம்பாவுஸோ, பி⁴க்கு² சோதி³தோ சோத³கேன சோத³கங்
நப்படிப்ப²ரதி – அயம்பி த⁴ம்மோ ஸோவசஸ்ஸகரணோ .

‘‘புன சபரங், ஆவுஸோ, பி⁴க்கு²
சோதி³தோ சோத³கேன சோத³கங் ந அபஸாதே³தி. யம்பாவுஸோ, பி⁴க்கு² சோதி³தோ சோத³கேன
சோத³கங் ந அபஸாதே³தி – அயம்பி த⁴ம்மோ ஸோவசஸ்ஸகரணோ.

‘‘புன சபரங், ஆவுஸோ, பி⁴க்கு² சோதி³தோ சோத³கேன
சோத³கஸ்ஸ ந பச்சாரோபேதி. யம்பாவுஸோ, பி⁴க்கு² சோதி³தோ சோத³கேன சோத³கஸ்ஸ ந
பச்சாரோபேதி – அயம்பி த⁴ம்மோ ஸோவசஸ்ஸகரணோ.

‘‘புன சபரங், ஆவுஸோ, பி⁴க்கு² சோதி³தோ சோத³கேன ந
அஞ்ஞேனஞ்ஞங் படிசரதி, ந ப³ஹித்³தா⁴ கத²ங் அபனாமேதி, ந கோபஞ்ச தோ³ஸஞ்ச
அப்பச்சயஞ்ச பாதுகரோதி. யம்பாவுஸோ, பி⁴க்கு² சோதி³தோ சோத³கேன ந அஞ்ஞேனஞ்ஞங்
படிசரதி, ந ப³ஹித்³தா⁴ கத²ங் அபனாமேதி, ந கோபஞ்ச தோ³ஸஞ்ச அப்பச்சயஞ்ச
பாதுகரோதி – அயம்பி த⁴ம்மோ ஸோவசஸ்ஸகரணோ.

‘‘புன சபரங், ஆவுஸோ, பி⁴க்கு² சோதி³தோ சோத³கேன அபதா³னே
ஸம்பாயதி. யம்பாவுஸோ, பி⁴க்கு² சோதி³தோ சோத³கேன அபதா³னே ஸம்பாயதி – அயம்பி
த⁴ம்மோ ஸோவசஸ்ஸகரணோ.

‘‘புன சபரங், ஆவுஸோ, பி⁴க்கு² அமக்கீ² ஹோதி அபளாஸீ. யம்பாவுஸோ, பி⁴க்கு² அமக்கீ² ஹோதி அபளாஸீ – அயம்பி த⁴ம்மோ ஸோவசஸ்ஸகரணோ.

‘‘புன சபரங், ஆவுஸோ, பி⁴க்கு² அனிஸ்ஸுகீ ஹோதி அமச்ச²ரீ. யம்பாவுஸோ, பி⁴க்கு² அனிஸ்ஸுகீ ஹோதி அமச்ச²ரீ – அயம்பி த⁴ம்மோ ஸோவசஸ்ஸகரணோ.

‘‘புன சபரங், ஆவுஸோ, பி⁴க்கு² அஸடோ² ஹோதி அமாயாவீ. யம்பாவுஸோ, பி⁴க்கு² அஸடோ² ஹோதி அமாயாவீ – அயம்பி த⁴ம்மோ ஸோவசஸ்ஸகரணோ.

‘‘புன சபரங், ஆவுஸோ, பி⁴க்கு² அத்த²த்³தோ⁴ ஹோதி
அனதிமானீ. யம்பாவுஸோ, பி⁴க்கு² அத்த²த்³தோ⁴ ஹோதி அனதிமானீ – அயம்பி த⁴ம்மோ
ஸோவசஸ்ஸகரணோ.

‘‘புன சபரங், ஆவுஸோ, பி⁴க்கு² அஸந்தி³ட்டி²பராமாஸீ
ஹோதி அனாதா⁴னக்³கா³ஹீ ஸுப்படினிஸ்ஸக்³கீ³. யம்பாவுஸோ, பி⁴க்கு²
அஸந்தி³ட்டி²பராமாஸீ ஹோதி, அனாதா⁴னக்³கா³ஹீ ஸுப்படினிஸ்ஸக்³கீ³ – அயம்பி த⁴ம்மோ ஸோவசஸ்ஸகரணோ. இமே வுச்சந்தாவுஸோ, ஸோவசஸ்ஸகரணா த⁴ம்மா.

183. ‘‘தத்ராவுஸோ , பி⁴க்கு²னா அத்தனாவ அத்தானங் ஏவங் அனுமினிதப்³ப³ங் [அனுமானிதப்³ப³ங் (ஸீ॰)]
– ‘யோ க்²வாயங் புக்³க³லோ பாபிச்சோ², பாபிகானங் இச்சா²னங் வஸங் க³தோ, அயங்
மே புக்³க³லோ அப்பியோ அமனாபோ; அஹஞ்சேவ கோ² பனஸ்ஸங் பாபிச்சோ² பாபிகானங்
இச்சா²னங் வஸங் க³தோ, அஹங்பாஸ்ஸங் பரேஸங் அப்பியோ அமனாபோ’தி. ஏவங்
ஜானந்தேனாவுஸோ, பி⁴க்கு²னா ‘ந பாபிச்சோ² ப⁴விஸ்ஸாமி, ந பாபிகானங் இச்சா²னங்
வஸங் க³தோ’தி சித்தங் உப்பாதே³தப்³ப³ங்.

‘‘‘யோ க்²வாயங் புக்³க³லோ அத்துக்கங்ஸகோ பரவம்பீ⁴,
அயங் மே புக்³க³லோ அப்பியோ அமனாபோ; அஹஞ்சேவ கோ² பனஸ்ஸங் அத்துக்கங்ஸகோ
பரவம்பீ⁴, அஹங்பாஸ்ஸங் பரேஸங் அப்பியோ அமனாபோ’தி. ஏவங் ஜானந்தேனாவுஸோ,
பி⁴க்கு²னா ‘அனத்துக்கங்ஸகோ ப⁴விஸ்ஸாமி அபரவம்பீ⁴’தி சித்தங்
உப்பாதே³தப்³ப³ங்.

‘‘‘யோ க்²வாயங் புக்³க³லோ கோத⁴னோ கோதா⁴பி⁴பூ⁴தோ, அயங்
மே புக்³க³லோ அப்பியோ அமனாபோ. அஹஞ்சேவ கோ² பனஸ்ஸங் கோத⁴னோ கோதா⁴பி⁴பூ⁴தோ,
அஹங்பாஸ்ஸங் பரேஸங் அப்பியோ அமனாபோ’தி. ஏவங் ஜானந்தேனாவுஸோ, பி⁴க்கு²னா ‘ந
கோத⁴னோ ப⁴விஸ்ஸாமி ந கோதா⁴பி⁴பூ⁴தோ’தி சித்தங் உப்பாதே³தப்³ப³ங்.

‘‘‘யோ க்²வாயங் புக்³க³லோ கோத⁴னோ கோத⁴ஹேது உபனாஹீ,
அயங் மே புக்³க³லோ அப்பியோ அமனாபோ; அஹஞ்சேவ கோ² பனஸ்ஸங் கோத⁴னோ கோத⁴ஹேது
உபனாஹீ, அஹங்பாஸ்ஸங் பரேஸங் அப்பியோ அமனாபோ’தி. ஏவங் ஜானந்தேனாவுஸோ,
பி⁴க்கு²னா ‘ந கோத⁴னோ ப⁴விஸ்ஸாமி ந கோத⁴ஹேது உபனாஹீ’தி சித்தங்
உப்பாதே³தப்³ப³ங்.

‘‘‘யோ க்²வாயங் புக்³க³லோ கோத⁴னோ கோத⁴ஹேது அபி⁴ஸங்கீ³, அயங் மே புக்³க³லோ அப்பியோ அமனாபோ; அஹஞ்சேவ
கோ² பனஸ்ஸங் கோத⁴னோ கோத⁴ஹேது அபி⁴ஸங்கீ³, அஹங்பாஸ்ஸங் பரேஸங் அப்பியோ
அமனாபோ’தி. ஏவங் ஜானந்தேனாவுஸோ, பி⁴க்கு²னா ‘ந கோத⁴னோ ப⁴விஸ்ஸாமி ந
கோத⁴ஹேது அபி⁴ஸங்கீ³’தி சித்தங் உப்பாதே³தப்³ப³ங்.

‘‘‘யோ க்²வாயங் புக்³க³லோ
கோத⁴னோ கோத⁴ஸாமந்தா வாசங் நிச்சா²ரேதா, அயங் மே புக்³க³லோ அப்பியோ அமனாபோ;
அஹஞ்சேவ கோ² பனஸ்ஸங் கோத⁴னோ கோத⁴ஸாமந்தா வாசங் நிச்சா²ரேதா, அஹங்பாஸ்ஸங்
பரேஸங் அப்பியோ அமனாபோ’தி. ஏவங் ஜானந்தேனாவுஸோ, பி⁴க்கு²னா ‘ந கோத⁴னோ
ப⁴விஸ்ஸாமி ந கோத⁴ஸாமந்தா வாசங் நிச்சா²ரெஸ்ஸாமீ’தி சித்தங்
உப்பாதே³தப்³ப³ங்.

‘‘‘யோ க்²வாயங் புக்³க³லோ சோதி³தோ சோத³கேன சோத³கங்
படிப்ப²ரதி, அயங் மே புக்³க³லோ அப்பியோ அமனாபோ; அஹஞ்சேவ கோ² பன சோதி³தோ
சோத³கேன சோத³கங் படிப்ப²ரெய்யங் , அஹங்பாஸ்ஸங்
பரேஸங் அப்பியோ அமனாபோ’தி. ஏவங் ஜானந்தேனாவுஸோ, பி⁴க்கு²னா ‘சோதி³தோ
சோத³கேன சோத³கங் நப்படிப்ப²ரிஸ்ஸாமீ’தி சித்தங் உப்பாதே³தப்³ப³ங்.

‘‘‘யோ க்²வாயங் புக்³க³லோ சோதி³தோ சோத³கேன சோத³கங்
அபஸாதே³தி, அயங் மே புக்³க³லோ அப்பியோ அமனாபோ; அஹஞ்சேவ கோ² பன சோதி³தோ
சோத³கேன சோத³கங் அபஸாதெ³ய்யங், அஹங்பாஸ்ஸங் பரேஸங் அப்பியோ அமனாபோ’தி. ஏவங்
ஜானந்தேனாவுஸோ, பி⁴க்கு²னா ‘சோதி³தோ சோத³கேன சோத³கங் ந அபஸாதெ³ஸ்ஸாமீ’தி
சித்தங் உப்பாதே³தப்³ப³ங்.

‘‘‘யோ க்²வாயங் புக்³க³லோ சோதி³தோ சோத³கேன சோத³கஸ்ஸ
பச்சாரோபேதி, அயங் மே புக்³க³லோ அப்பியோ அமனாபோ; அஹஞ்சேவ கோ² பன சோதி³தோ
சோத³கேன சோத³கஸ்ஸ பச்சாரோபெய்யங், அஹங்பாஸ்ஸங் பரேஸங் அப்பியோ அமனாபோ’தி.
ஏவங் ஜானந்தேனாவுஸோ, பி⁴க்கு²னா ‘சோதி³தோ சோத³கேன சோத³கஸ்ஸ ந பச்சாரோபெஸ்ஸாமீ’தி சித்தங் உப்பாதே³தப்³ப³ங்.

‘‘‘யோ க்²வாயங் புக்³க³லோ சோதி³தோ சோத³கேன அஞ்ஞேனஞ்ஞங்
படிசரதி, ப³ஹித்³தா⁴ கத²ங் அபனாமேதி, கோபஞ்ச தோ³ஸஞ்ச அப்பச்சயஞ்ச
பாதுகரோதி, அயங் மே புக்³க³லோ அப்பியோ அமனாபோ; அஹஞ்சேவ கோ² பன சோதி³தோ
சோத³கேன அஞ்ஞேனஞ்ஞங் படிசரெய்யங், ப³ஹித்³தா⁴ கத²ங் அபனாமெய்யங் ,
கோபஞ்ச தோ³ஸஞ்ச அப்பச்சயஞ்ச பாதுகரெய்யங், அஹங்பாஸ்ஸங் பரேஸங் அப்பியோ
அமனாபோ’தி. ஏவங் ஜானந்தேனாவுஸோ, பி⁴க்கு²னா ‘சோதி³தோ சோத³கேன ந அஞ்ஞேனஞ்ஞங்
படிசரிஸ்ஸாமி, ந ப³ஹித்³தா⁴ கத²ங் அபனாமெஸ்ஸாமி, ந கோபஞ்ச தோ³ஸஞ்ச
அப்பச்சயஞ்ச பாதுகரிஸ்ஸாமீ’தி சித்தங் உப்பாதே³தப்³ப³ங்.

‘‘‘யோ க்²வாயங் புக்³க³லோ
சோதி³தோ சோத³கேன அபதா³னே ந ஸம்பாயதி, அயங் மே புக்³க³லோ அப்பியோ அமனாபோ;
அஹஞ்சேவ கோ² பன சோதி³தோ சோத³கேன அபதா³னே ந ஸம்பாயெய்யங், அஹங்பாஸ்ஸங்
பரேஸங் அப்பியோ அமனாபோ’தி. ஏவங் ஜானந்தேனாவுஸோ, பி⁴க்கு²னா ‘சோதி³தோ
சோத³கேன அபதா³னே ஸம்பாயிஸ்ஸாமீ’தி சித்தங் உப்பாதே³தப்³ப³ங்.

‘‘‘யோ க்²வாயங் புக்³க³லோ மக்கீ² பளாஸீ, அயங் மே
புக்³க³லோ அப்பியோ அமனாபோ; அஹஞ்சேவ கோ² பனஸ்ஸங் மக்கீ² பளாஸீ, அஹங்பாஸ்ஸங்
பரேஸங் அப்பியோ அமனாபோ’தி. ஏவங் ஜானந்தேனாவுஸோ, பி⁴க்கு²னா ‘அமக்கீ²
ப⁴விஸ்ஸாமி அபளாஸீ’தி சித்தங் உப்பாதே³தப்³ப³ங்.

‘‘‘யோ க்²வாயங் புக்³க³லோ இஸ்ஸுகீ மச்ச²ரீ, அயங் மே புக்³க³லோ அப்பியோ அமனாபோ; அஹஞ்சேவ கோ² பனஸ்ஸங்
இஸ்ஸுகீ மச்ச²ரீ, அஹங்பாஸ்ஸங் பரேஸங் அப்பியோ அமனாபோ’தி. ஏவங்
ஜானந்தேனாவுஸோ, பி⁴க்கு²னா ‘அனிஸ்ஸுகீ ப⁴விஸ்ஸாமி அமச்ச²ரீ’தி சித்தங்
உப்பாதே³தப்³ப³ங்.

‘‘‘யோ க்²வாயங் புக்³க³லோ ஸடோ² மாயாவீ, அயங் மே
புக்³க³லோ அப்பியோ அமனாபோ; அஹஞ்சேவ கோ² பனஸ்ஸங் ஸடோ² மாயாவீ, அஹங்பாஸ்ஸங்
பரேஸங் அப்பியோ அமனாபோ’தி. ஏவங் ஜானந்தேனாவுஸோ, பி⁴க்கு²னா ‘அஸடோ²
ப⁴விஸ்ஸாமி அமாயாவீ’தி சித்தங் உப்பாதே³தப்³ப³ங்.

‘‘‘யோ க்²வாயங் புக்³க³லோ த²த்³தோ⁴ அதிமானீ, அயங் மே
புக்³க³லோ அப்பியோ அமனாபோ; அஹஞ்சேவ கோ² பனஸ்ஸங் த²த்³தோ⁴ அதிமானீ,
அஹங்பாஸ்ஸங் பரேஸங் அப்பியோ அமனாபோ’தி. ஏவங் ஜானந்தேனாவுஸோ, பி⁴க்கு²னா
‘அத்த²த்³தோ⁴ ப⁴விஸ்ஸாமி அனதிமானீ’தி சித்தங் உப்பாதே³தப்³ப³ங்.

‘‘‘யோ க்²வாயங் புக்³க³லோ ஸந்தி³ட்டி²பராமாஸீ
ஆதா⁴னக்³கா³ஹீ து³ப்படினிஸ்ஸக்³கீ³, அயங் மே புக்³க³லோ அப்பியோ அமனாபோ;
அஹஞ்சேவ கோ² பனஸ்ஸங் ஸந்தி³ட்டி²பராமாஸீ ஆதா⁴னக்³கா³ஹீ
து³ப்படினிஸ்ஸக்³கீ³, அஹங்பாஸ்ஸங் பரேஸங் அப்பியோ அமனாபோ’தி. ஏவங்
ஜானந்தேனாவுஸோ, பி⁴க்கு²னா ‘அஸந்தி³ட்டி²பராமாஸீ ப⁴விஸ்ஸாமி
அனாதா⁴னக்³கா³ஹீ ஸுப்படினிஸ்ஸக்³கீ³’தி சித்தங் உப்பாதே³தப்³ப³ங்.

184. ‘‘தத்ராவுஸோ ,
பி⁴க்கு²னா அத்தனாவ அத்தானங் ஏவங் பச்சவெக்கி²தப்³ப³ங் – ‘கிங் நு கொ²ம்ஹி
பாபிச்சோ², பாபிகானங் இச்சா²னங் வஸங் க³தோ’தி? ஸசே, ஆவுஸோ ,
பி⁴க்கு² பச்சவெக்க²மானோ ஏவங் ஜானாதி – ‘பாபிச்சோ² கொ²ம்ஹி, பாபிகானங்
இச்சா²னங் வஸங் க³தோ’தி, தேனாவுஸோ, பி⁴க்கு²னா தேஸங்யேவ பாபகானங் அகுஸலானங்
த⁴ம்மானங் பஹானாய வாயமிதப்³ப³ங். ஸசே பனாவுஸோ, பி⁴க்கு² பச்சவெக்க²மானோ
ஏவங் ஜானாதி – ‘ந கொ²ம்ஹி பாபிச்சோ², ந பாபிகானங் இச்சா²னங் வஸங் க³தோ’தி,
தேனாவுஸோ, பி⁴க்கு²னா தேனேவ பீதிபாமோஜ்ஜேன விஹாதப்³ப³ங்
அஹோரத்தானுஸிக்கி²னா குஸலேஸு த⁴ம்மேஸு.

‘‘புன சபரங், ஆவுஸோ, பி⁴க்கு²னா அத்தனாவ அத்தானங் ஏவங்
பச்சவெக்கி²தப்³ப³ங் – ‘கிங் நு கொ²ம்ஹி அத்துக்கங்ஸகோ பரவம்பீ⁴’தி? ஸசே,
ஆவுஸோ, பி⁴க்கு² பச்சவெக்க²மானோ ஏவங் ஜானாதி – ‘அத்துக்கங்ஸகோ கொ²ம்ஹி
பரவம்பீ⁴’தி, தேனாவுஸோ, பி⁴க்கு²னா தேஸங்யேவ பாபகானங் அகுஸலானங் த⁴ம்மானங்
பஹானாய வாயமிதப்³ப³ங். ஸசே பனாவுஸோ, பி⁴க்கு² பச்சவெக்க²மானோ ஏவங் ஜானாதி –
‘அனத்துக்கங்ஸகோ கொ²ம்ஹி அபரவம்பீ⁴’தி, தேனாவுஸோ, பி⁴க்கு²னா தேனேவ பீதிபாமோஜ்ஜேன விஹாதப்³ப³ங் அஹோரத்தானுஸிக்கி²னா குஸலேஸு த⁴ம்மேஸு.

‘‘புன சபரங், ஆவுஸோ, பி⁴க்கு²னா அத்தனாவ அத்தானங் ஏவங்
பச்சவெக்கி²தப்³ப³ங் – ‘கிங் நு கொ²ம்ஹி கோத⁴னோ கோதா⁴பி⁴பூ⁴தோ’தி? ஸசே,
ஆவுஸோ, பி⁴க்கு² பச்சவெக்க²மானோ ஏவங் ஜானாதி – ‘கோத⁴னோ கொ²ம்ஹி
கோதா⁴பி⁴பூ⁴தோ’தி, தேனாவுஸோ, பி⁴க்கு²னா தேஸங்யேவ பாபகானங் அகுஸலானங்
த⁴ம்மானங் பஹானாய வாயமிதப்³ப³ங். ஸசே பனாவுஸோ, பி⁴க்கு² பச்சவெக்க²மானோ
ஏவங் ஜானாதி – ‘ந கொ²ம்ஹி கோத⁴னோ கோதா⁴பி⁴பூ⁴தோ’தி, தேனாவுஸோ, பி⁴க்கு²னா
தேனேவ பீதிபாமோஜ்ஜேன விஹாதப்³ப³ங் அஹோரத்தானுஸிக்கி²னா குஸலேஸு த⁴ம்மேஸு.

‘‘புன சபரங், ஆவுஸோ, பி⁴க்கு²னா அத்தனாவ அத்தானங் ஏவங்
பச்சவெக்கி²தப்³ப³ங் – ‘கிங் நு கொ²ம்ஹி கோத⁴னோ கோத⁴ஹேது உபனாஹீ’தி? ஸசே,
ஆவுஸோ, பி⁴க்கு² பச்சவெக்க²மானோ ஏவங் ஜானாதி ‘கோத⁴னோ கொ²ம்ஹி கோத⁴ஹேது
உபனாஹீ’தி, தேனாவுஸோ, பி⁴க்கு²னா தேஸங்யேவ பாபகானங்
அகுஸலானங் த⁴ம்மானங் பஹானாய வாயமிதப்³ப³ங். ஸசே பனாவுஸோ, பி⁴க்கு²
பச்சவெக்க²மானோ ஏவங் ஜானாதி ‘ந கொ²ம்ஹி கோத⁴னோ கோத⁴ஹேது உபனாஹீ’தி,
தேனாவுஸோ, பி⁴க்கு²னா தேனேவ பீதிபாமோஜ்ஜேன விஹாதப்³ப³ங்
அஹோரத்தானுஸிக்கி²னா குஸலேஸு த⁴ம்மேஸு.

‘‘புன
சபரங், ஆவுஸோ, பி⁴க்கு²னா அத்தனாவ அத்தானங் ஏவங் பச்சவெக்கி²தப்³ப³ங் –
‘கிங் நு கொ²ம்ஹி கோத⁴னோ கோத⁴ஹேது அபி⁴ஸங்கீ³’தி? ஸசே, ஆவுஸோ, பி⁴க்கு²
பச்சவெக்க²மானோ ஏவங் ஜானாதி – ‘கோத⁴னோ கொ²ம்ஹி கோத⁴ஹேது அபி⁴ஸங்கீ³’தி,
தேனாவுஸோ, பி⁴க்கு²னா தேஸங்யேவ பாபகானங் அகுஸலானங் த⁴ம்மானங் பஹானாய
வாயமிதப்³ப³ங். ஸசே பனாவுஸோ, பி⁴க்கு² பச்சவெக்க²மானோ ஏவங் ஜானாதி – ‘ந
கொ²ம்ஹி கோத⁴னோ கோத⁴ஹேது அபி⁴ஸங்கீ³’தி, தேனாவுஸோ, பி⁴க்கு²னா தேனேவ
பீதிபாமோஜ்ஜேன விஹாதப்³ப³ங் அஹோரத்தானுஸிக்கி²னா குஸலேஸு த⁴ம்மேஸு.

‘‘புன சபரங், ஆவுஸோ, பி⁴க்கு²னா அத்தனாவ அத்தானங் ஏவங்
பச்சவெக்கி²தப்³ப³ங் – ‘கிங் நு கொ²ம்ஹி கோத⁴னோ கோத⁴ஸாமந்தா வாசங்
நிச்சா²ரேதா’தி? ஸசே, ஆவுஸோ, பி⁴க்கு² பச்சவெக்க²மானோ ஏவங் ஜானாதி –
‘கோத⁴னோ கொ²ம்ஹி கோத⁴ஸாமந்தா வாசங் நிச்சா²ரேதா’தி, தேனாவுஸோ, பி⁴க்கு²னா
தேஸங்யேவ பாபகானங் அகுஸலானங் த⁴ம்மானங் பஹானாய வாயமிதப்³ப³ங். ஸசே பனாவுஸோ,
பி⁴க்கு² பச்சவெக்க²மானோ ஏவங் ஜானாதி – ‘ந கொ²ம்ஹி கோத⁴னோ கோத⁴ஸாமந்தா
வாசங் நிச்சா²ரேதா’தி, தேனாவுஸோ, பி⁴க்கு²னா தேனேவ பீதிபாமோஜ்ஜேன
விஹாதப்³ப³ங் அஹோரத்தானுஸிக்கி²னா குஸலேஸு த⁴ம்மேஸு.

‘‘புன சபரங், ஆவுஸோ, பி⁴க்கு²னா அத்தனாவ அத்தானங் ஏவங் பச்சவெக்கி²தப்³ப³ங் – ‘கிங் நு கொ²ம்ஹி சோதி³தோ சோத³கேன சோத³கங்
படிப்ப²ராமீ’தி? ஸசே, ஆவுஸோ, பி⁴க்கு² பச்சவெக்க²மானோ ஏவங் ஜானாதி
‘சோதி³தோ கொ²ம்ஹி சோத³கேன சோத³கங் படிப்ப²ராமீ’தி, தேனாவுஸோ, பி⁴க்கு²னா
தேஸங்யேவ பாபகானங் அகுஸலானங் த⁴ம்மானங் பஹானாய வாயமிதப்³ப³ங். ஸசே பனாவுஸோ,
பி⁴க்கு² பச்சவெக்க²மானோ ஏவங் ஜானாதி – ‘சோதி³தோ கொ²ம்ஹி சோத³கேன சோத³கங்
நப்படிப்ப²ராமீ’தி, தேனாவுஸோ, பி⁴க்கு²னா தேனேவ பீதிபாமோஜ்ஜேன விஹாதப்³ப³ங்
அஹோரத்தானுஸிக்கி²னா குஸலேஸு த⁴ம்மேஸு.

‘‘புன சபரங், ஆவுஸோ, பி⁴க்கு²னா அத்தனாவ அத்தானங் ஏவங்
பச்சவெக்கி²தப்³ப³ங் – ‘கிங் நு கொ²ம்ஹி சோதி³தோ சோத³கேன சோத³கங்
அபஸாதே³மீ’தி? ஸசே, ஆவுஸோ, பி⁴க்கு² பச்சவெக்க²மானோ ஏவங் ஜானாதி ‘சோதி³தோ
கொ²ம்ஹி சோத³கேன சோத³கங் அபஸாதே³மீ’தி, தேனாவுஸோ, பி⁴க்கு²னா தேஸங்யேவ
பாபகானங் அகுஸலானங் த⁴ம்மானங் பஹானாய வாயமிதப்³ப³ங். ஸசே பனாவுஸோ, பி⁴க்கு²
பச்சவெக்க²மானோ ஏவங் ஜானாதி – ‘சோதி³தோ கொ²ம்ஹி சோத³கேன சோத³கங் ந அபஸாதே³மீ’தி, தேனாவுஸோ, பி⁴க்கு²னா தேனேவ பீதிபாமோஜ்ஜேன விஹாதப்³ப³ங் அஹோரத்தானுஸிக்கி²னா குஸலேஸு த⁴ம்மேஸு.

‘‘புன சபரங், ஆவுஸோ, பி⁴க்கு²னா அத்தனாவ அத்தானங் ஏவங்
பச்சவெக்கி²தப்³ப³ங் – ‘கிங் நு கொ²ம்ஹி சோதி³தோ சோத³கேன சோத³கஸ்ஸ
பச்சாரோபேமீ’தி? ஸசே, ஆவுஸோ, பி⁴க்கு² பச்சவெக்க²மானோ
ஏவங் ஜானாதி – ‘சோதி³தோ கொ²ம்ஹி சோத³கேன சோத³கஸ்ஸ பச்சாரோபேமீ’தி,
தேனாவுஸோ, பி⁴க்கு²னா தேஸங்யேவ பாபகானங் அகுஸலானங் த⁴ம்மானங் பஹானாய
வாயமிதப்³ப³ங். ஸசே பனாவுஸோ, பி⁴க்கு² பச்சவெக்க²மானோ ஏவங் ஜானாதி –
‘சோதி³தோ கொ²ம்ஹி சோத³கேன சோத³கஸ்ஸ ந பச்சாரோபேமீ’தி, தேனாவுஸோ, பி⁴க்கு²னா
தேனேவ பீதிபாமோஜ்ஜேன விஹாதப்³ப³ங் அஹோரத்தானுஸிக்கி²னா குஸலேஸு த⁴ம்மேஸு.

‘‘புன சபரங், ஆவுஸோ, பி⁴க்கு²னா அத்தனாவ அத்தானங் ஏவங்
பச்சவெக்கி²தப்³ப³ங் – ‘கிங் நு கொ²ம்ஹி சோதி³தோ சோத³கேன அஞ்ஞேனஞ்ஞங்
படிசராமி, ப³ஹித்³தா⁴ கத²ங் அபனாமேமி, கோபஞ்ச தோ³ஸஞ்ச அப்பச்சயஞ்ச
பாதுகரோமீ’தி? ஸசே, ஆவுஸோ, பி⁴க்கு² பச்சவெக்க²மானோ ஏவங் ஜானாதி – ‘சோதி³தோ
கொ²ம்ஹி சோத³கேன அஞ்ஞேனஞ்ஞங் படிசராமி, ப³ஹித்³தா⁴ கத²ங் அபனாமேமி, கோபஞ்ச
தோ³ஸஞ்ச அப்பச்சயஞ்ச பாதுகரோமீ’தி, தேனாவுஸோ, பி⁴க்கு²னா தேஸங்யேவ
பாபகானங் அகுஸலானங் த⁴ம்மானங் பஹானாய வாயமிதப்³ப³ங். ஸசே பனாவுஸோ, பி⁴க்கு²
பச்சவெக்க²மானோ ஏவங் ஜானாதி – ‘சோதி³தோ கொ²ம்ஹி சோத³கேன ந அஞ்ஞேனஞ்ஞங்
படிசராமி, ந ப³ஹித்³தா⁴ கத²ங் அபனாமேமி, ந கோபஞ்ச தோ³ஸஞ்ச அப்பச்சயஞ்ச
பாதுகரோமீ’தி, தேனாவுஸோ, பி⁴க்கு²னா தேனேவ பீதிபாமோஜ்ஜேன விஹாதப்³ப³ங்
அஹோரத்தானுஸிக்கி²னா குஸலேஸு த⁴ம்மேஸு.

‘‘புன சபரங், ஆவுஸோ, பி⁴க்கு²னா அத்தனாவ அத்தானங் ஏவங்
பச்சவெக்கி²தப்³ப³ங் – ‘கிங் நு கொ²ம்ஹி சோதி³தோ சோத³கேன அபதா³னே ந
ஸம்பாயாமீ’தி? ஸசே, ஆவுஸோ, பி⁴க்கு² பச்சவெக்க²மானோ ஏவங் ஜானாதி – ‘சோதி³தோ
கொ²ம்ஹி சோத³கேன அபதா³னே ந ஸம்பாயாமீ’தி, தேனாவுஸோ, பி⁴க்கு²னா தேஸங்யேவ
பாபகானங் அகுஸலானங் த⁴ம்மானங் பஹானாய வாயமிதப்³ப³ங். ஸசே பனாவுஸோ, பி⁴க்கு²
பச்சவெக்க²மானோ ஏவங் ஜானாதி – ‘சோதி³தோ கொ²ம்ஹி சோத³கேன அபதா³னே
ஸம்பாயாமீ’தி, தேனாவுஸோ, பி⁴க்கு²னா தேனேவ பீதிபாமோஜ்ஜேன விஹாதப்³ப³ங்
அஹோரத்தானுஸிக்கி²னா குஸலேஸு த⁴ம்மேஸு.

‘‘புன சபரங் ,
ஆவுஸோ, பி⁴க்கு²னா அத்தனாவ அத்தானங் ஏவங் பச்சவெக்கி²தப்³ப³ங் – ‘கிங் நு
கொ²ம்ஹி மக்கீ² பளாஸீ’தி? ஸசே, ஆவுஸோ, பி⁴க்கு² பச்சவெக்க²மானோ ஏவங் ஜானாதி
– ‘மக்கீ² கொ²ம்ஹி பளாஸீ’தி, தேனாவுஸோ, பி⁴க்கு²னா தேஸங்யேவ பாபகானங்
அகுஸலானங் த⁴ம்மானங் பஹானாய வாயமிதப்³ப³ங். ஸசே பனாவுஸோ, பி⁴க்கு²
பச்சவெக்க²மானோ ஏவங் ஜானாதி – ‘அமக்கீ² கொ²ம்ஹி அபளாஸீ’தி, தேனாவுஸோ,
பி⁴க்கு²னா தேனேவ பீதிபாமோஜ்ஜேன விஹாதப்³ப³ங் அஹோரத்தானுஸிக்கி²னா குஸலேஸு
த⁴ம்மேஸு.

‘‘புன சபரங், ஆவுஸோ,
பி⁴க்கு²னா அத்தனாவ அத்தானங் ஏவங் பச்சவெக்கி²தப்³ப³ங் – ‘கிங் நு கொ²ம்ஹி
இஸ்ஸுகீ மச்ச²ரீ’தி? ஸசே, ஆவுஸோ, பி⁴க்கு² பச்சவெக்க²மானோ ஏவங் ஜானாதி –
‘இஸ்ஸுகீ கொ²ம்ஹி மச்ச²ரீ’தி, தேனாவுஸோ, பி⁴க்கு²னா தேஸங்யேவ பாபகானங்
அகுஸலானங் த⁴ம்மானங் பஹானாய வாயமிதப்³ப³ங். ஸசே பனாவுஸோ, பி⁴க்கு²
பச்சவெக்க²மானோ ஏவங் ஜானாதி – ‘அனிஸ்ஸுகீ கொ²ம்ஹி அமச்ச²ரீ’தி, தேனாவுஸோ,
பி⁴க்கு²னா தேனேவ பீதிபாமோஜ்ஜேன விஹாதப்³ப³ங் அஹோரத்தானுஸிக்கி²னா குஸலேஸு
த⁴ம்மேஸு.

‘‘புன சபரங், ஆவுஸோ, பி⁴க்கு²னா அத்தனாவ அத்தானங் ஏவங்
பச்சவெக்கி²தப்³ப³ங் – ‘கிங் நு கொ²ம்ஹி ஸடோ² மாயாவீ’தி? ஸசே, ஆவுஸோ,
பி⁴க்கு² பச்சவெக்க²மானோ ஏவங் ஜானாதி – ‘ஸடோ² கொ²ம்ஹி மாயாவீ’தி, தேனாவுஸோ,
பி⁴க்கு²னா தேஸங்யேவ பாபகானங் அகுஸலானங் த⁴ம்மானங் பஹானாய வாயமிதப்³ப³ங்.
ஸசே பனாவுஸோ, பி⁴க்கு² பச்சவெக்க²மானோ ஏவங் ஜானாதி – ‘அஸடோ² கொ²ம்ஹி
அமாயாவீ’தி, தேனாவுஸோ, பி⁴க்கு²னா தேனேவ பீதிபாமோஜ்ஜேன விஹாதப்³ப³ங்
அஹோரத்தானுஸிக்கி²னா குஸலேஸு த⁴ம்மேஸு.

‘‘புன சபரங், ஆவுஸோ, பி⁴க்கு²னா அத்தனாவ அத்தானங் ஏவங் பச்சவெக்கி²தப்³ப³ங்
– ‘கிங் நு கொ²ம்ஹி த²த்³தோ⁴ அதிமானீ’தி? ஸசே, ஆவுஸோ, பி⁴க்கு²
பச்சவெக்க²மானோ ஏவங் ஜானாதி – ‘த²த்³தோ⁴ கொ²ம்ஹி அதிமானீ’தி, தேனாவுஸோ,
பி⁴க்கு²னா தேஸங்யேவ பாபகானங் அகுஸலானங் த⁴ம்மானங் பஹானாய வாயமிதப்³ப³ங்.
ஸசே பனாவுஸோ, பி⁴க்கு² பச்சவெக்க²மானோ ஏவங் ஜானாதி – ‘அத்த²த்³தோ⁴ கொ²ம்ஹி
அனதிமானீ’தி, தேனாவுஸோ, பி⁴க்கு²னா தேனேவ பீதிபாமோஜ்ஜேன விஹாதப்³ப³ங்
அஹோரத்தானுஸிக்கி²னா குஸலேஸு த⁴ம்மேஸு.

‘‘புன சபரங், ஆவுஸோ, பி⁴க்கு²னா அத்தனாவ அத்தானங் ஏவங்
பச்சவெக்கி²தப்³ப³ங் – ‘கிங் நு கொ²ம்ஹி ஸந்தி³ட்டி²பராமாஸீ ஆதா⁴னக்³கா³ஹீ
து³ப்படினிஸ்ஸக்³கீ³’தி? ஸசே, ஆவுஸோ , பி⁴க்கு² பச்சவெக்க²மானோ ஏவங் ஜானாதி – ‘ஸந்தி³ட்டி²பராமாஸீ கொ²ம்ஹி ஆதா⁴னக்³கா³ஹீ து³ப்படினிஸ்ஸக்³கீ³’தி, தேனாவுஸோ, பி⁴க்கு²னா
தேஸங்யேவ பாபகானங் அகுஸலானங் த⁴ம்மானங் பஹானாய வாயமிதப்³ப³ங். ஸசே
பனாவுஸோ, பி⁴க்கு² பச்சவெக்க²மானோ ஏவங் ஜானாதி – ‘அஸந்தி³ட்டி²பராமாஸீ
கொ²ம்ஹி அனாதா⁴னக்³கா³ஹீ ஸுப்படினிஸ்ஸக்³கீ³’தி, தேனாவுஸோ, பி⁴க்கு²னா
தேனேவ பீதிபாமோஜ்ஜேன விஹாதப்³ப³ங் அஹோரத்தானுஸிக்கி²னா குஸலேஸு த⁴ம்மேஸு.

‘‘ஸசே , ஆவுஸோ, பி⁴க்கு²
பச்சவெக்க²மானோ ஸப்³பே³பிமே பாபகே அகுஸலே த⁴ம்மே அப்பஹீனே அத்தனி
ஸமனுபஸ்ஸதி, தேனாவுஸோ, பி⁴க்கு²னா ஸப்³பே³ஸங்யேவ இமேஸங் பாபகானங் அகுஸலானங்
த⁴ம்மானங் பஹானாய வாயமிதப்³ப³ங். ஸசே பனாவுஸோ, பி⁴க்கு² பச்சவெக்க²மானோ
ஸப்³பே³பிமே பாபகே அகுஸலே த⁴ம்மே பஹீனே அத்தனி ஸமனுபஸ்ஸதி, தேனாவுஸோ,
பி⁴க்கு²னா தேனேவ பீதிபாமோஜ்ஜேன விஹாதப்³ப³ங், அஹோரத்தானுஸிக்கி²னா குஸலேஸு
த⁴ம்மேஸு.

‘‘ஸெய்யதா²பி, ஆவுஸோ, இத்தீ²
வா புரிஸோ வா, த³ஹரோ யுவா மண்ட³னஜாதிகோ, ஆதா³ஸே வா பரிஸுத்³தே⁴ பரியோதா³தே,
அச்சே² வா உத³கபத்தே, ஸகங் முக²னிமித்தங் பச்சவெக்க²மானோ, ஸசே தத்த²
பஸ்ஸதி ரஜங் வா அங்க³ணங் வா, தஸ்ஸேவ ரஜஸ்ஸ வா அங்க³ணஸ்ஸ வா பஹானாய வாயமதி;
நோ சே தத்த² பஸ்ஸதி ரஜங் வா அங்க³ணங் வா, தேனேவ அத்தமனோ ஹோதி – ‘லாபா⁴ வத
மே, பரிஸுத்³த⁴ங் வத மே’தி. ஏவமேவ கோ², ஆவுஸோ, ஸசே பி⁴க்கு² பச்சவெக்க²மானோ
ஸப்³பே³பிமே பாபகே அகுஸலே த⁴ம்மே அப்பஹீனே அத்தனி ஸமனுபஸ்ஸதி, தேனாவுஸோ,
பி⁴க்கு²னா ஸப்³பே³ஸங்யேவ இமேஸங் பாபகானங் அகுஸலானங் த⁴ம்மானங் பஹானாய
வாயமிதப்³ப³ங். ஸசே பனாவுஸோ, பி⁴க்கு² பச்சவெக்க²மானோ ஸப்³பே³பிமே பாபகே
அகுஸலே த⁴ம்மே பஹீனே அத்தனி ஸமனுபஸ்ஸதி, தேனாவுஸோ, பி⁴க்கு²னா தேனேவ
பீதிபாமோஜ்ஜேன விஹாதப்³ப³ங், அஹோரத்தானுஸிக்கி²னா குஸலேஸு த⁴ம்மேஸூ’’தி.

இத³மவோசாயஸ்மா மஹாமொக்³க³ல்லானோ. அத்தமனா தே பி⁴க்கூ² ஆயஸ்மதோ மஹாமொக்³க³ல்லானஸ்ஸ பா⁴ஸிதங் அபி⁴னந்து³ந்தி.

அனுமானஸுத்தங் நிட்டி²தங் பஞ்சமங்.

6. சேதோகி²லஸுத்தங்

185. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘யஸ்ஸ கஸ்ஸசி, பி⁴க்க²வே, பி⁴க்கு²னோ பஞ்ச சேதோகி²லா அப்பஹீனா, பஞ்ச சேதஸோவினிப³ந்தா⁴ [சேதஸோவினிப³த்³தா⁴ (ஸீ॰), சேதோவினிப³த்³தா⁴ (ஸாரத்த²தீ³பனீடீகா)] அஸமுச்சி²ன்னா, ஸோ வதிமஸ்மிங் த⁴ம்மவினயே வுத்³தி⁴ங் விரூள்ஹிங் வேபுல்லங் ஆபஜ்ஜிஸ்ஸதீதி – நேதங் டா²னங் விஜ்ஜதி.

‘‘கதமாஸ்ஸ பஞ்ச சேதோகி²லா அப்பஹீனா ஹொந்தி? இத⁴,
பி⁴க்க²வே, பி⁴க்கு² ஸத்த²ரி கங்க²தி விசிகிச்ச²தி நாதி⁴முச்சதி ந
ஸம்பஸீத³தி. யோ ஸோ, பி⁴க்க²வே, பி⁴க்கு² ஸத்த²ரி கங்க²தி விசிகிச்ச²தி
நாதி⁴முச்சதி ந ஸம்பஸீத³தி தஸ்ஸ சித்தங் ந நமதி ஆதப்பாய அனுயோகா³ய ஸாதச்சாய
பதா⁴னாய. யஸ்ஸ சித்தங் ந நமதி ஆதப்பாய அனுயோகா³ய ஸாதச்சாய பதா⁴னாய,
ஏவமஸ்ஸாயங் பட²மோ சேதோகி²லோ அப்பஹீனோ ஹோதி.

‘‘புன சபரங், பி⁴க்க²வே, பி⁴க்கு² த⁴ம்மே கங்க²தி
விசிகிச்ச²தி நாதி⁴முச்சதி ந ஸம்பஸீத³தி…பே॰… ஏவமஸ்ஸாயங் து³தியோ சேதோகி²லோ
அப்பஹீனோ ஹோதி.

‘‘புன சபரங், பி⁴க்க²வே, பி⁴க்கு² ஸங்கே⁴ கங்க²தி
விசிகிச்ச²தி நாதி⁴முச்சதி ந ஸம்பஸீத³தி…பே॰… ஏவமஸ்ஸாயங் ததியோ சேதோகி²லோ
அப்பஹீனோ ஹோதி.

‘‘புன சபரங், பி⁴க்க²வே, பி⁴க்கு² ஸிக்கா²ய கங்க²தி
விசிகிச்ச²தி நாதி⁴முச்சதி ந ஸம்பஸீத³தி. யோ ஸோ, பி⁴க்க²வே, பி⁴க்கு²
ஸிக்கா²ய கங்க²தி விசிகிச்ச²தி நாதி⁴முச்சதி ந ஸம்பஸீத³தி, தஸ்ஸ சித்தங் ந
நமதி ஆதப்பாய அனுயோகா³ய ஸாதச்சாய பதா⁴னாய. யஸ்ஸ சித்தங் ந நமதி ஆதப்பாய அனுயோகா³ய ஸாதச்சாய பதா⁴னாய, ஏவமஸ்ஸாயங் சதுத்தோ² சேதோகி²லோ அப்பஹீனோ ஹோதி.

‘‘புன சபரங், பி⁴க்க²வே, பி⁴க்கு² ஸப்³ரஹ்மசாரீஸு
குபிதோ ஹோதி அனத்தமனோ ஆஹதசித்தோ கி²லஜாதோ. யோ ஸோ, பி⁴க்க²வே, பி⁴க்கு²
ஸப்³ரஹ்மசாரீஸு குபிதோ ஹோதி அனத்தமனோ ஆஹதசித்தோ கி²லஜாதோ, தஸ்ஸ சித்தங் ந
நமதி ஆதப்பாய அனுயோகா³ய ஸாதச்சாய பதா⁴னாய. யஸ்ஸ சித்தங் ந நமதி ஆதப்பாய அனுயோகா³ய ஸாதச்சாய பதா⁴னாய, ஏவமஸ்ஸாயங் பஞ்சமோ சேதோகி²லோ அப்பஹீனோ ஹோதி. இமாஸ்ஸ பஞ்ச சேதோகி²லா அப்பஹீனா ஹொந்தி.

186. ‘‘கதமாஸ்ஸ பஞ்ச சேதஸோவினிப³ந்தா⁴ அஸமுச்சி²ன்னா ஹொந்தி? இத⁴, பி⁴க்க²வே, பி⁴க்கு² காமே அவீதராகோ³ [அவிக³தராகோ³ (கத்த²சி)]
ஹோதி அவிக³தச்ச²ந்தோ³ அவிக³தபேமோ அவிக³தபிபாஸோ அவிக³தபரிளாஹோ அவிக³ததண்ஹோ.
யோ ஸோ, பி⁴க்க²வே, பி⁴க்கு² காமே அவீதராகோ³ ஹோதி அவிக³தச்ச²ந்தோ³
அவிக³தபேமோ அவிக³தபிபாஸோ அவிக³தபரிளாஹோ அவிக³ததண்ஹோ, தஸ்ஸ சித்தங் ந நமதி
ஆதப்பாய அனுயோகா³ய ஸாதச்சாய பதா⁴னாய. யஸ்ஸ சித்தங் ந நமதி ஆதப்பாய
அனுயோகா³ய ஸாதச்சாய பதா⁴னாய, ஏவமஸ்ஸாயங் பட²மோ சேதஸோவினிப³ந்தோ⁴
அஸமுச்சி²ன்னோ ஹோதி.

‘‘புன சபரங், பி⁴க்க²வே, பி⁴க்கு² காயே அவீதராகோ³ ஹோதி…பே॰… ஏவமஸ்ஸாயங் து³தியோ சேதஸோவினிப³ந்தோ⁴ அஸமுச்சி²ன்னோ ஹோதி.

‘‘புன சபரங், பி⁴க்க²வே, பி⁴க்கு² ரூபே அவீதராகோ³ ஹோதி…பே॰… ஏவமஸ்ஸாயங் ததியோ சேதஸோவினிப³ந்தோ⁴ அஸமுச்சி²ன்னோ ஹோதி.

‘‘புன சபரங், பி⁴க்க²வே, பி⁴க்கு² யாவத³த்த²ங்
உத³ராவதே³ஹகங் பு⁴ஞ்ஜித்வா ஸெய்யஸுக²ங் பஸ்ஸஸுக²ங் மித்³த⁴ஸுக²ங் அனுயுத்தோ
விஹரதி. யோ ஸோ, பி⁴க்க²வே, பி⁴க்கு² யாவத³த்த²ங் உத³ராவதே³ஹகங்
பு⁴ஞ்ஜித்வா ஸெய்யஸுக²ங் பஸ்ஸஸுக²ங் மித்³த⁴ஸுக²ங் அனுயுத்தோ விஹரதி, தஸ்ஸ
சித்தங் ந நமதி ஆதப்பாய அனுயோகா³ய ஸாதச்சாய பதா⁴னாய. யஸ்ஸ சித்தங் ந நமதி
ஆதப்பாய அனுயோகா³ய ஸாதச்சாய பதா⁴னாய, ஏவமஸ்ஸாயங் சதுத்தோ² சேதஸோவினிப³ந்தோ⁴
அஸமுச்சி²ன்னோ ஹோதி.

‘‘புன சபரங், பி⁴க்க²வே,
பி⁴க்கு² அஞ்ஞதரங் தே³வனிகாயங் பணிதா⁴ய ப்³ரஹ்மசரியங் சரதி – ‘இமினாஹங்
ஸீலேன வா வதேன வா தபேன வா ப்³ரஹ்மசரியேன வா தே³வோ வா ப⁴விஸ்ஸாமி தே³வஞ்ஞதரோ
வா’தி. யோ ஸோ, பி⁴க்க²வே, பி⁴க்கு² அஞ்ஞதரங் தே³வனிகாயங் பணிதா⁴ய
ப்³ரஹ்மசரியங் சரதி – ‘இமினாஹங் ஸீலேன வா வதேன வா தபேன வா ப்³ரஹ்மசரியேன வா
தே³வோ வா ப⁴விஸ்ஸாமி தே³வஞ்ஞதரோ வா’தி, தஸ்ஸ சித்தங் ந நமதி ஆதப்பாய
அனுயோகா³ய ஸாதச்சாய பதா⁴னாய . யஸ்ஸ சித்தங் ந நமதி
ஆதப்பாய அனுயோகா³ய ஸாதச்சாய பதா⁴னாய, ஏவமஸ்ஸாயங் பஞ்சமோ சேதஸோவினிப³ந்தோ⁴
அஸமுச்சி²ன்னோ ஹோதி. இமாஸ்ஸ பஞ்ச சேதஸோவினிப³ந்தா⁴ அஸமுச்சி²ன்னா ஹொந்தி.

‘‘யஸ்ஸ கஸ்ஸசி, பி⁴க்க²வே, பி⁴க்கு²னோ இமே பஞ்ச
சேதோகி²லா அப்பஹீனா, இமே பஞ்ச சேதஸோவினிப³ந்தா⁴ அஸமுச்சி²ன்னா, ஸோ
வதிமஸ்மிங் த⁴ம்மவினயே வுத்³தி⁴ங் விரூள்ஹிங் வேபுல்லங் ஆபஜ்ஜிஸ்ஸதீதி –
நேதங் டா²னங் விஜ்ஜதி.

187. ‘‘யஸ்ஸ
கஸ்ஸசி, பி⁴க்க²வே, பி⁴க்கு²னோ பஞ்ச சேதோகி²லா பஹீனா, பஞ்ச
சேதஸோவினிப³ந்தா⁴ ஸுஸமுச்சி²ன்னா, ஸோ வதிமஸ்மிங் த⁴ம்மவினயே வுத்³தி⁴ங்
விரூள்ஹிங் வேபுல்லங் ஆபஜ்ஜிஸ்ஸதீதி – டா²னமேதங் விஜ்ஜதி.

‘‘கதமாஸ்ஸ பஞ்ச சேதோகி²லா பஹீனா ஹொந்தி? இத⁴,
பி⁴க்க²வே, பி⁴க்கு² ஸத்த²ரி ந கங்க²தி ந விசிகிச்ச²தி அதி⁴முச்சதி
ஸம்பஸீத³தி. யோ ஸோ, பி⁴க்க²வே, பி⁴க்கு² ஸத்த²ரி ந கங்க²தி ந விசிகிச்ச²தி
அதி⁴முச்சதி ஸம்பஸீத³தி, தஸ்ஸ சித்தங் நமதி ஆதப்பாய அனுயோகா³ய ஸாதச்சாய
பதா⁴னாய. யஸ்ஸ சித்தங் நமதி ஆதப்பாய அனுயோகா³ய ஸாதச்சாய பதா⁴னாய,
ஏவமஸ்ஸாயங் பட²மோ சேதோகி²லோ பஹீனோ ஹோதி.

‘‘புன சபரங், பி⁴க்க²வே, பி⁴க்கு² த⁴ம்மே ந கங்க²தி ந
விசிகிச்ச²தி அதி⁴முச்சதி ஸம்பஸீத³தி…பே॰… ஏவமஸ்ஸாயங் து³தியோ சேதோகி²லோ
பஹீனோ ஹோதி.

‘‘புன சபரங், பி⁴க்க²வே, பி⁴க்கு² ஸங்கே⁴ ந கங்க²தி ந
விசிகிச்ச²தி அதி⁴முச்சதி ஸம்பஸீத³தி…பே॰… ஏவமஸ்ஸாயங் ததியோ சேதோகி²லோ
பஹீனோ ஹோதி.

‘‘புன சபரங், பி⁴க்க²வே, பி⁴க்கு² ஸிக்கா²ய ந கங்க²தி ந
விசிகிச்ச²தி அதி⁴முச்சதி ஸம்பஸீத³தி…பே॰… ஏவமஸ்ஸாயங் சதுத்தோ² சேதோகி²லோ
பஹீனோ ஹோதி.

‘‘புன சபரங், பி⁴க்க²வே, பி⁴க்கு² ஸப்³ரஹ்மசாரீஸு ந குபிதோ ஹோதி ந அனத்தமனோ [அத்தமனோ (ஸீ॰ பீ॰)]
அனாஹதசித்தோ அகி²லஜாதோ. யோ ஸோ, பி⁴க்க²வே, பி⁴க்கு² ஸப்³ரஹ்மசாரீஸு ந
குபிதோ ஹோதி ந அனத்தமனோ அனாஹதசித்தோ அகி²லஜாதோ, தஸ்ஸ சித்தங் நமதி ஆதப்பாய அனுயோகா³ய ஸாதச்சாய பதா⁴னாய. யஸ்ஸ சித்தங் நமதி ஆதப்பாய அனுயோகா³ய ஸாதச்சாய பதா⁴னாய, ஏவமஸ்ஸாயங் பஞ்சமோ சேதோகி²லோ பஹீனோ ஹோதி. இமாஸ்ஸ பஞ்ச சேதோகி²லா பஹீனா ஹொந்தி.

188. ‘‘கதமாஸ்ஸ
பஞ்ச சேதஸோவினிப³ந்தா⁴ ஸுஸமுச்சி²ன்னா ஹொந்தி? இத⁴, பி⁴க்க²வே, பி⁴க்கு²
காமே வீதராகோ³ ஹோதி விக³தச்ச²ந்தோ³ விக³தபேமோ விக³தபிபாஸோ விக³தபரிளாஹோ
விக³ததண்ஹோ. யோ ஸோ, பி⁴க்க²வே, பி⁴க்கு² காமே வீதராகோ³ ஹோதி விக³தச்ச²ந்தோ³
விக³தபேமோ விக³தபிபாஸோ விக³தபரிளாஹோ விக³ததண்ஹோ, தஸ்ஸ சித்தங் நமதி
ஆதப்பாய அனுயோகா³ய ஸாதச்சாய பதா⁴னாய. யஸ்ஸ சித்தங் நமதி ஆதப்பாய அனுயோகா³ய
ஸாதச்சாய பதா⁴னாய, ஏவமஸ்ஸாயங் பட²மோ சேதஸோவினிப³ந்தோ⁴ ஸுஸமுச்சி²ன்னோ ஹோதி.

‘‘புன சபரங், பி⁴க்க²வே, பி⁴க்கு² காயே வீதராகோ³
ஹோதி…பே॰… ரூபே வீதராகோ³ ஹோதி…பே॰… ந யாவத³த்த²ங் உத³ராவதே³ஹகங்
பு⁴ஞ்ஜித்வா ஸெய்யஸுக²ங் பஸ்ஸஸுக²ங் மித்³த⁴ஸுக²ங் அனுயுத்தோ விஹரதி. யோ
ஸோ, பி⁴க்க²வே, பி⁴க்கு² ந யாவத³த்த²ங் உத³ராவதே³ஹகங் பு⁴ஞ்ஜித்வா
ஸெய்யஸுக²ங் பஸ்ஸஸுக²ங் மித்³த⁴ஸுக²ங் அனுயுத்தோ விஹரதி, தஸ்ஸ சித்தங் நமதி
ஆதப்பாய அனுயோகா³ய ஸாதச்சாய பதா⁴னாய. யஸ்ஸ சித்தங் நமதி ஆதப்பாய அனுயோகா³ய
ஸாதச்சாய பதா⁴னாய, ஏவமஸ்ஸாயங் சதுத்தோ² சேதஸோவினிப³ந்தோ⁴ ஸுஸமுச்சி²ன்னோ
ஹோதி.

‘‘புன சபரங், பி⁴க்க²வே, பி⁴க்கு² ந அஞ்ஞதரங்
தே³வனிகாயங் பணிதா⁴ய ப்³ரஹ்மசரியங் சரதி – ‘இமினாஹங் ஸீலேன வா வதேன வா தபேன
வா ப்³ரஹ்மசரியேன வா தே³வோ வா ப⁴விஸ்ஸாமி தே³வஞ்ஞதரோ
வா’தி. யோ ஸோ, பி⁴க்க²வே, பி⁴க்கு² ந அஞ்ஞதரங் தே³வனிகாயங் பணிதா⁴ய
ப்³ரஹ்மசரியங் சரதி – ‘இமினாஹங் ஸீலேன வா வதேன வா தபேன வா ப்³ரஹ்மசரியேன வா
தே³வோ வா ப⁴விஸ்ஸாமி தே³வஞ்ஞதரோ வா’தி, தஸ்ஸ சித்தங் நமதி ஆதப்பாய
அனுயோகா³ய ஸாதச்சாய பதா⁴னாய. யஸ்ஸ சித்தங் நமதி ஆதப்பாய அனுயோகா³ய ஸாதச்சாய
பதா⁴னாய, ஏவமஸ்ஸாயங் பஞ்சமோ சேதஸோவினிப³ந்தோ⁴ ஸுஸமுச்சி²ன்னோ ஹோதி. இமாஸ்ஸ
பஞ்ச சேதஸோவினிப³ந்தா⁴ ஸுஸமுச்சி²ன்னா ஹொந்தி.

‘‘யஸ்ஸ கஸ்ஸசி, பி⁴க்க²வே,
பி⁴க்கு²னோ இமே பஞ்ச சேதோகி²லா பஹீனா, இமே பஞ்ச சேதஸோவினிப³ந்தா⁴
ஸுஸமுச்சி²ன்னா, ஸோ வதிமஸ்மிங் த⁴ம்மவினயே வுத்³தி⁴ங் விரூள்ஹிங் வேபுல்லங்
ஆபஜ்ஜிஸ்ஸதீதி – டா²னமேதங் விஜ்ஜதி.

189.
‘‘ஸோ ச²ந்த³ஸமாதி⁴பதா⁴னஸங்கா²ரஸமன்னாக³தங் இத்³தி⁴பாத³ங் பா⁴வேதி,
வீரியஸமாதி⁴பதா⁴னஸங்கா²ரஸமன்னாக³தங் இத்³தி⁴பாத³ங் பா⁴வேதி,
சித்தஸமாதி⁴பதா⁴னஸங்கா²ரஸமன்னாக³தங் இத்³தி⁴பாத³ங்
பா⁴வேதி, வீமங்ஸாஸமாதி⁴பதா⁴னஸங்கா²ரஸமன்னாக³தங் இத்³தி⁴பாத³ங் பா⁴வேதி,
உஸ்ஸொள்ஹீயேவ பஞ்சமீ. ஸ கோ² ஸோ, பி⁴க்க²வே, ஏவங்
உஸ்ஸொள்ஹீபன்னரஸங்க³ஸமன்னாக³தோ பி⁴க்கு² ப⁴ப்³போ³
அபி⁴னிப்³பி³தா³ய, ப⁴ப்³போ³ ஸம்போ³தா⁴ய, ப⁴ப்³போ³ அனுத்தரஸ்ஸ யோக³க்கே²மஸ்ஸ
அதி⁴க³மாய. ஸெய்யதா²பி, பி⁴க்க²வே, குக்குடியா அண்டா³னி அட்ட² வா த³ஸ வா
த்³வாத³ஸ வா. தானஸ்ஸு குக்குடியா ஸம்மா அதி⁴ஸயிதானி ஸம்மா பரிஸேதி³தானி
ஸம்மா பரிபா⁴விதானி. கிஞ்சாபி தஸ்ஸா குக்குடியா ந ஏவங் இச்சா² உப்பஜ்ஜெய்ய –
‘அஹோ வதிமே குக்குடபோதகா பாத³னக²ஸிகா²ய வா முக²துண்ட³கேன வா அண்ட³கோஸங்
பதா³லெத்வா ஸொத்தி²னா அபி⁴னிப்³பி⁴ஜ்ஜெய்யு’ந்தி. அத² கோ² ப⁴ப்³பா³வ தே
குக்குடபோதகா பாத³னக²ஸிகா²ய வா முக²துண்ட³கேன வா அண்ட³கோஸங் பதா³லெத்வா
ஸொத்தி²னா அபி⁴னிப்³பி⁴ஜ்ஜிதுங். ஏவமேவ கோ², பி⁴க்க²வே, ஏவங்
உஸ்ஸொள்ஹிபன்னரஸங்க³ஸமன்னாக³தோ பி⁴க்கு² ப⁴ப்³போ³ அபி⁴னிப்³பி³தா³ய,
ப⁴ப்³போ³ ஸம்போ³தா⁴ய, ப⁴ப்³போ³ அனுத்தரஸ்ஸ யோக³க்கே²மஸ்ஸ அதி⁴க³மாயா’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

சேதோகி²லஸுத்தங் நிட்டி²தங் ச²ட்ட²ங்.

7. வனபத்த²ஸுத்தங்

190. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
‘‘வனபத்த²பரியாயங் வோ, பி⁴க்க²வே, தே³ஸெஸ்ஸாமி, தங் ஸுணாத², ஸாது⁴கங்
மனஸிகரோத², பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² தே பி⁴க்கூ² ப⁴க³வதோ
பச்சஸ்ஸோஸுங். ப⁴க³வா ஏதத³வோச –

191.
‘‘இத⁴, பி⁴க்க²வே, பி⁴க்கு² அஞ்ஞதரங் வனபத்த²ங் உபனிஸ்ஸாய விஹரதி. தஸ்ஸ
தங் வனபத்த²ங் உபனிஸ்ஸாய விஹரதோ அனுபட்டி²தா சேவ ஸதி ந உபட்டா²தி,
அஸமாஹிதஞ்ச சித்தங் ந ஸமாதி⁴யதி, அபரிக்கீ²ணா ச
ஆஸவா ந பரிக்க²யங் க³ச்ச²ந்தி, அனநுப்பத்தஞ்ச அனுத்தரங் யோக³க்கே²மங்
நானுபாபுணாதி. யே ச கோ² இமே பப்³ப³ஜிதேன ஜீவிதபரிக்கா²ரா ஸமுதா³னேதப்³பா³ –
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா – தே கஸிரேன
ஸமுதா³க³ச்ச²ந்தி. தேன, பி⁴க்க²வே, பி⁴க்கு²னா இதி படிஸஞ்சிக்கி²தப்³ப³ங்
– ‘அஹங் கோ² இமங் வனபத்த²ங் உபனிஸ்ஸாய விஹராமி, தஸ்ஸ மே இமங் வனபத்த²ங்
உபனிஸ்ஸாய விஹரதோ அனுபட்டி²தா சேவ ஸதி ந உபட்டா²தி, அஸமாஹிதஞ்ச சித்தங் ந
ஸமாதி⁴யதி, அபரிக்கீ²ணா ச ஆஸவா ந பரிக்க²யங் க³ச்ச²ந்தி, அனநுப்பத்தஞ்ச
அனுத்தரங் யோக³க்கே²மங் நானுபாபுணாமி. யே ச கோ² இமே பப்³ப³ஜிதேன
ஜீவிதபரிக்கா²ரா ஸமுதா³னேதப்³பா³ –
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா – தே கஸிரேன
ஸமுதா³க³ச்ச²ந்தீ’தி. தேன, பி⁴க்க²வே, பி⁴க்கு²னா ரத்திபா⁴க³ங் வா
தி³வஸபா⁴க³ங் வா தம்ஹா வனபத்தா² பக்கமிதப்³ப³ங், ந வத்த²ப்³ப³ங்.

192.
‘‘இத⁴ பன, பி⁴க்க²வே, பி⁴க்கு² அஞ்ஞதரங் வனபத்த²ங் உபனிஸ்ஸாய விஹரதி. தஸ்ஸ
தங் வனபத்த²ங் உபனிஸ்ஸாய விஹரதோ அனுபட்டி²தா சேவ ஸதி ந உபட்டா²தி,
அஸமாஹிதஞ்ச சித்தங் ந ஸமாதி⁴யதி, அபரிக்கீ²ணா ச ஆஸவா ந பரிக்க²யங்
க³ச்ச²ந்தி, அனநுப்பத்தஞ்ச அனுத்தரங் யோக³க்கே²மங் நானுபாபுணாதி. யே ச கோ²
இமே பப்³ப³ஜிதேன ஜீவிதபரிக்கா²ரா ஸமுதா³னேதப்³பா³ –
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா – தே அப்பகஸிரேன
ஸமுதா³க³ச்ச²ந்தி. தேன , பி⁴க்க²வே, பி⁴க்கு²னா இதி
படிஸஞ்சிக்கி²தப்³ப³ங் – ‘அஹங் கோ² இமங் வனபத்த²ங் உபனிஸ்ஸாய விஹராமி. தஸ்ஸ
மே இமங் வனபத்த²ங் உபனிஸ்ஸாய விஹரதோ அனுபட்டி²தா சேவ ஸதி ந உபட்டா²தி
அஸமாஹிதஞ்ச சித்தங் ந ஸமாதி⁴யதி, அபரிக்கீ²ணா ச ஆஸவா ந பரிக்க²யங்
க³ச்ச²ந்தி, அனநுப்பத்தஞ்ச அனுத்தரங் யோக³க்கே²மங் நானுபாபுணாமி. யே ச கோ²
இமே பப்³ப³ஜிதேன ஜீவிதபரிக்கா²ரா ஸமுதா³னேதப்³பா³ –
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா – தே அப்பகஸிரேன
ஸமுதா³க³ச்ச²ந்தி. ந கோ² பனாஹங் சீவரஹேது அகா³ரஸ்மா அனகா³ரியங் பப்³ப³ஜிதோ ந
பிண்ட³பாதஹேது…பே॰… ந ஸேனாஸனஹேது…பே॰… ந
கி³லானப்பச்சயபே⁴ஸஜ்ஜபரிக்கா²ரஹேது அகா³ரஸ்மா அனகா³ரியங் பப்³ப³ஜிதோ. அத² ச
பன மே இமங் வனபத்த²ங் உபனிஸ்ஸாய விஹரதோ
அனுபட்டி²தா சேவ ஸதி ந உபட்டா²தி, அஸமாஹிதஞ்ச சித்தங் ந ஸமாதி⁴யதி,
அபரிக்கீ²ணா ச ஆஸவா ந பரிக்க²யங் க³ச்ச²ந்தி, அனநுப்பத்தஞ்ச அனுத்தரங்
யோக³க்கே²மங் நானுபாபுணாமீ’தி. தேன, பி⁴க்க²வே, பி⁴க்கு²னா ஸங்கா²பி தம்ஹா
வனபத்தா² பக்கமிதப்³ப³ங், ந வத்த²ப்³ப³ங்.

193. ‘‘இத⁴
பன, பி⁴க்க²வே, பி⁴க்கு² அஞ்ஞதரங் வனபத்த²ங் உபனிஸ்ஸாய விஹரதி. தஸ்ஸ தங்
வனபத்த²ங் உபனிஸ்ஸாய விஹரதோ அனுபட்டி²தா சேவ ஸதி உபட்டா²தி, அஸமாஹிதஞ்ச
சித்தங் ஸமாதி⁴யதி, அபரிக்கீ²ணா ச ஆஸவா பரிக்க²யங் க³ச்ச²ந்தி,
அனநுப்பத்தஞ்ச அனுத்தரங் யோக³க்கே²மங் அனுபாபுணாதி. யே ச கோ² இமே
பப்³ப³ஜிதேன ஜீவிதபரிக்கா²ரா ஸமுதா³னேதப்³பா³ –
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா, தே கஸிரேன
ஸமுதா³க³ச்ச²ந்தி. தேன, பி⁴க்க²வே, பி⁴க்கு²னா இதி படிஸஞ்சிக்கி²தப்³ப³ங்
– ‘அஹங் கோ² இமங் வனபத்த²ங் உபனிஸ்ஸாய விஹராமி. தஸ்ஸ மே இமங் வனபத்த²ங்
உபனிஸ்ஸாய விஹரதோ அனுபட்டி²தா சேவ ஸதி உபட்டா²தி அஸமாஹிதஞ்ச சித்தங்
ஸமாதி⁴யதி, அபரிக்கீ²ணா ச ஆஸவா பரிக்க²யங் க³ச்ச²ந்தி, அனநுப்பத்தஞ்ச
அனுத்தரங் யோக³க்கே²மங் அனுபாபுணாமி. யே ச கோ² இமே பப்³ப³ஜிதேன
ஜீவிதபரிக்கா²ரா ஸமுதா³னேதப்³பா³ –
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா – தே கஸிரேன
ஸமுதா³க³ச்ச²ந்தி. ந கோ² பனாஹங் சீவரஹேது அகா³ரஸ்மா அனகா³ரியங் பப்³ப³ஜிதோ,
ந பிண்ட³பாதஹேது…பே॰… ந ஸேனாஸனஹேது…பே॰… ந
கி³லானப்பச்சயபே⁴ஸஜ்ஜபரிக்கா²ரஹேது அகா³ரஸ்மா அனகா³ரியங் பப்³ப³ஜிதோ .
அத² ச பன மே இமங் வனபத்த²ங் உபனிஸ்ஸாய விஹரதோ அனுபட்டி²தா சேவ ஸதி
உபட்டா²தி, அஸமாஹிதஞ்ச சித்தங் ஸமாதி⁴யதி, அபரிக்கீ²ணா ச ஆஸவா பரிக்க²யங்
க³ச்ச²ந்தி, அனநுப்பத்தஞ்ச அனுத்தரங் யோக³க்கே²மங் அனுபாபுணாமீ’தி. தேன,
பி⁴க்க²வே, பி⁴க்கு²னா ஸங்கா²பி தஸ்மிங் வனபத்தே² வத்த²ப்³ப³ங், ந
பக்கமிதப்³ப³ங்.

194. ‘‘இத⁴
பன, பி⁴க்க²வே, பி⁴க்கு² அஞ்ஞதரங் வனபத்த²ங் உபனிஸ்ஸாய விஹரதி. தஸ்ஸ தங்
வனபத்த²ங் உபனிஸ்ஸாய விஹரதோ அனுபட்டி²தா சேவ ஸதி உபட்டா²தி, அஸமாஹிதஞ்ச
சித்தங் ஸமாதி⁴யதி, அபரிக்கீ²ணா ச ஆஸவா பரிக்க²யங் க³ச்ச²ந்தி,
அனநுப்பத்தஞ்ச அனுத்தரங் யோக³க்கே²மங் அனுபாபுணாதி. யே ச கோ² இமே
பப்³ப³ஜிதேன ஜீவிதபரிக்கா²ரா ஸமுதா³னேதப்³பா³ –
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா – தே அப்பகஸிரேன
ஸமுதா³க³ச்ச²ந்தி. தேன, பி⁴க்க²வே, பி⁴க்கு²னா இதி படிஸஞ்சிக்கி²தப்³ப³ங் –
‘அஹங் கோ² இமங் வனபத்த²ங் உபனிஸ்ஸாய விஹராமி. தஸ்ஸ மே இமங் வனபத்த²ங்
உபனிஸ்ஸாய விஹரதோ அனுபட்டி²தா சேவ ஸதி உபட்டா²தி அஸமாஹிதஞ்ச சித்தங்
ஸமாதி⁴யதி, அபரிக்கீ²ணா ச ஆஸவா பரிக்க²யங் க³ச்ச²ந்தி, அனநுப்பத்தஞ்ச
அனுத்தரங் யோக³க்கே²மங் அனுபாபுணாமி. யே ச கோ² இமே பப்³ப³ஜிதேன
ஜீவிதபரிக்கா²ரா ஸமுதா³னேதப்³பா³ –
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா – தே அப்பகஸிரேன
ஸமுதா³க³ச்ச²ந்தீ’தி . தேன, பி⁴க்க²வே, பி⁴க்கு²னா யாவஜீவம்பி தஸ்மிங் வனபத்தே² வத்த²ப்³ப³ங், ந பக்கமிதப்³ப³ங்.

195. ‘‘இத⁴, பி⁴க்க²வே, பி⁴க்கு² அஞ்ஞதரங் கா³மங் உபனிஸ்ஸாய விஹரதி
…பே॰… அஞ்ஞதரங் நிக³மங் உபனிஸ்ஸாய விஹரதி…பே॰… அஞ்ஞதரங் நக³ரங் உபனிஸ்ஸாய
விஹரதி…பே॰… அஞ்ஞதரங் ஜனபத³ங் உபனிஸ்ஸாய விஹரதி…பே॰… அஞ்ஞதரங் புக்³க³லங்
உபனிஸ்ஸாய விஹரதி. தஸ்ஸ தங் புக்³க³லங் உபனிஸ்ஸாய விஹரதோ அனுபட்டி²தா சேவ
ஸதி ந உபட்டா²தி, அஸமாஹிதஞ்ச சித்தங் ந ஸமாதி⁴யதி, அபரிக்கீ²ணா ச ஆஸவா ந
பரிக்க²யங் க³ச்ச²ந்தி, அனநுப்பத்தஞ்ச அனுத்தரங் யோக³க்கே²மங்
நானுபாபுணாதி. யே ச கோ² இமே பப்³ப³ஜிதேன ஜீவிதபரிக்கா²ரா ஸமுதா³னேதப்³பா³ –
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா – தே கஸிரேன
ஸமுதா³க³ச்ச²ந்தி. தேன, பி⁴க்க²வே, பி⁴க்கு²னா இதி படிஸஞ்சிக்கி²தப்³ப³ங் –
‘அஹங் கோ² இமங் புக்³க³லங் உபனிஸ்ஸாய விஹராமி. தஸ்ஸ மே இமங் புக்³க³லங்
உபனிஸ்ஸாய விஹரதோ அனுபட்டி²தா சேவ ஸதி ந உபட்டா²தி, அஸமாஹிதஞ்ச சித்தங் ந
ஸமாதி⁴யதி, அபரிக்கீ²ணா ச ஆஸவா ந பரிக்க²யங் க³ச்ச²ந்தி, அனநுப்பத்தஞ்ச
அனுத்தரங் யோக³க்கே²மங் நானுபாபுணாமி. யே ச கோ² இமே பப்³ப³ஜிதேன
ஜீவிதபரிக்கா²ரா ஸமுதா³னேதப்³பா³ –
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா – தே கஸிரேன
ஸமுதா³க³ச்ச²ந்தீ’தி. தேன, பி⁴க்க²வே, பி⁴க்கு²னா ரத்திபா⁴க³ங் வா
தி³வஸபா⁴க³ங் வா ஸோ புக்³க³லோ அனாபுச்சா² பக்கமிதப்³ப³ங்,
நானுப³ந்தி⁴தப்³போ³.

196. ‘‘இத⁴ பன, பி⁴க்க²வே, பி⁴க்கு² அஞ்ஞதரங் புக்³க³லங் உபனிஸ்ஸாய விஹரதி. தஸ்ஸ தங் புக்³க³லங் உபனிஸ்ஸாய விஹரதோ அனுபட்டி²தா சேவ ஸதி ந உபட்டா²தி, அஸமாஹிதஞ்ச சித்தங் ந ஸமாதி⁴யதி, அபரிக்கீ²ணா ச
ஆஸவா ந பரிக்க²யங் க³ச்ச²ந்தி, அனநுப்பத்தஞ்ச அனுத்தரங் யோக³க்கே²மங்
நானுபாபுணாதி. யே ச கோ² இமே பப்³ப³ஜிதேன ஜீவிதபரிக்கா²ரா ஸமுதா³னேதப்³பா³ –
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா, தே அப்பகஸிரேன
ஸமுதா³க³ச்ச²ந்தி. தேன, பி⁴க்க²வே, பி⁴க்கு²னா இதி படிஸஞ்சிக்கி²தப்³ப³ங் –
‘அஹங் கோ² இமங் புக்³க³லங் உபனிஸ்ஸாய விஹராமி. தஸ்ஸ மே இமங் புக்³க³லங்
உபனிஸ்ஸாய விஹரதோ அனுபட்டி²தா சேவ ஸதி ந உபட்டா²தி, அஸமாஹிதஞ்ச சித்தங் ந
ஸமாதி⁴யதி, அபரிக்கீ²ணா ச ஆஸவா ந பரிக்க²யங் க³ச்ச²ந்தி, அனநுப்பத்தஞ்ச
அனுத்தரங் யோக³க்கே²மங் நானுபாபுணாமி. யே ச கோ² இமே பப்³ப³ஜிதேன
ஜீவிதபரிக்கா²ரா ஸமுதா³னேதப்³பா³ –
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா
– தே அப்பகஸிரேன ஸமுதா³க³ச்ச²ந்தி. ந கோ² பனாஹங் சீவரஹேது அகா³ரஸ்மா
அனகா³ரியங் பப்³ப³ஜிதோ, ந பிண்ட³பாதஹேது…பே॰… ந ஸேனாஸனஹேது…பே॰… ந
கி³லானப்பச்சயபே⁴ஸஜ்ஜபரிக்கா²ரஹேது அகா³ரஸ்மா அனகா³ரியங் பப்³ப³ஜிதோ. அத² ச
பன மே இமங் புக்³க³லங் உபனிஸ்ஸாய விஹரதோ அனுபட்டி²தா சேவ ஸதி ந உபட்டா²தி,
அஸமாஹிதஞ்ச சித்தங் ந ஸமாதி⁴யதி, அபரிக்கீ²ணா ச ஆஸவா ந பரிக்க²யங்
க³ச்ச²ந்தி, அனநுப்பத்தஞ்ச அனுத்தரங் யோக³க்கே²மங் நானுபாபுணாமீ’தி. தேன,
பி⁴க்க²வே, பி⁴க்கு²னா ஸங்கா²பி ஸோ புக்³க³லோ ஆபுச்சா² பக்கமிதப்³ப³ங்,
நானுப³ந்தி⁴தப்³போ³.

197.
‘‘இத⁴ பன, பி⁴க்க²வே, பி⁴க்கு² அஞ்ஞதரங் புக்³க³லங் உபனிஸ்ஸாய விஹரதி.
தஸ்ஸ தங் புக்³க³லங் உபனிஸ்ஸாய விஹரதோ அனுபட்டி²தா சேவ ஸதி உபட்டா²தி,
அஸமாஹிதஞ்ச சித்தங் ஸமாதி⁴யதி, அபரிக்கீ²ணா ச ஆஸவா
பரிக்க²யங் க³ச்ச²ந்தி, அனநுப்பத்தஞ்ச அனுத்தரங் யோக³க்கே²மங் அனுபாபுணாதி.
யே ச கோ² இமே பப்³ப³ஜிதேன ஜீவிதபரிக்கா²ரா ஸமுதா³னேதப்³பா³ –
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா – தே கஸிரேன
ஸமுதா³க³ச்ச²ந்தி. தேன, பி⁴க்க²வே, பி⁴க்கு²னா இதி படிஸஞ்சிக்கி²தப்³ப³ங் –
‘அஹங் கோ² இமங் புக்³க³லங் உபனிஸ்ஸாய விஹராமி. தஸ்ஸ மே இமங் புக்³க³லங்
உபனிஸ்ஸாய விஹரதோ அனுபட்டி²தா சேவ ஸதி உபட்டா²தி, அஸமாஹிதஞ்ச சித்தங்
ஸமாதி⁴யதி, அபரிக்கீ²ணா ச ஆஸவா பரிக்க²யங் க³ச்ச²ந்தி, அனநுப்பத்தஞ்ச
அனுத்தரங் யோக³க்கே²மங் அனுபாபுணாமி. யே ச கோ² இமே பப்³ப³ஜிதேன
ஜீவிதபரிக்கா²ரா ஸமுதா³னேதப்³பா³ –
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா – தே கஸிரேன
ஸமுதா³க³ச்ச²ந்தி. ந கோ² பனாஹங் சீவரஹேது அகா³ரஸ்மா அனகா³ரியங் பப்³ப³ஜிதோ,
ந பிண்ட³பாதஹேது…பே॰… ந ஸேனாஸனஹேது…பே॰… ந
கி³லானப்பச்சயபே⁴ஸஜ்ஜபரிக்கா²ரஹேது அகா³ரஸ்மா
அனகா³ரியங் பப்³ப³ஜிதோ. அத² ச பன மே இமங் புக்³க³லங் உபனிஸ்ஸாய விஹரதோ
அனுபட்டி²தா சேவ ஸதி உபட்டா²தி, அஸமாஹிதஞ்ச சித்தங் ஸமாதி⁴யதி, அபரிக்கீ²ணா
ச ஆஸவா பரிக்க²யங் க³ச்ச²ந்தி, அனநுப்பத்தஞ்ச அனுத்தரங் யோக³க்கே²மங்
அனுபாபுணாமீ’தி. தேன, பி⁴க்க²வே, பி⁴க்கு²னா ஸங்கா²பி ஸோ புக்³க³லோ
அனுப³ந்தி⁴தப்³போ³, ந பக்கமிதப்³ப³ங்.

198. ‘‘இத⁴ பன, பி⁴க்க²வே, பி⁴க்கு² அஞ்ஞதரங் புக்³க³லங் உபனிஸ்ஸாய விஹரதி. தஸ்ஸ தங் புக்³க³லங் உபனிஸ்ஸாய விஹரதோ அனுபட்டி²தா சேவ ஸதி உபட்டா²தி, அஸமாஹிதஞ்ச சித்தங் ஸமாதி⁴யதி, அபரிக்கீ²ணா ச ஆஸவா பரிக்க²யங் க³ச்ச²ந்தி ,
அனநுப்பத்தஞ்ச அனுத்தரங் யோக³க்கே²மங் அனுபாபுணாதி. யே ச கோ² இமே
பப்³ப³ஜிதேன ஜீவிதபரிக்கா²ரா ஸமுதா³னேதப்³பா³ –
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா – தே அப்பகஸிரேன
ஸமுதா³க³ச்ச²ந்தி. தேன, பி⁴க்க²வே, பி⁴க்கு²னா இதி படிஸஞ்சிக்கி²தப்³ப³ங் –
‘அஹங் கோ² இமங் புக்³க³லங் உபனிஸ்ஸாய விஹராமி .
தஸ்ஸ மே இமங் புக்³க³லங் உபனிஸ்ஸாய விஹரதோ அனுபட்டி²தா சேவ ஸதி உபட்டா²தி,
அஸமாஹிதஞ்ச சித்தங் ஸமாதி⁴யதி, அபரிக்கீ²ணா ச ஆஸவா பரிக்க²யங் க³ச்ச²ந்தி,
அனநுப்பத்தஞ்ச அனுத்தரங் யோக³க்கே²மங் அனுபாபுணாமி. யே ச கோ² இமே
பப்³ப³ஜிதேன ஜீவிதபரிக்கா²ரா ஸமுதா³னேதப்³பா³ –
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரா – தே அப்பகஸிரேன
ஸமுதா³க³ச்ச²ந்தீ’தி. தேன, பி⁴க்க²வே, பி⁴க்கு²னா யாவஜீவம்பி ஸோ புக்³க³லோ
அனுப³ந்தி⁴தப்³போ³, ந பக்கமிதப்³ப³ங், அபி பனுஜ்ஜமானேனபீ’’தி [அபி பணுஜ்ஜமானேனாதி (?)].

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

வனபத்த²ஸுத்தங் நிட்டி²தங் ஸத்தமங்.

8. மது⁴பிண்டி³கஸுத்தங்

199. ஏவங்
மே ஸுதங் – ஏகங் ஸமயங் ப⁴க³வா ஸக்கேஸு விஹரதி கபிலவத்து²ஸ்மிங்
நிக்³ரோதா⁴ராமே. அத² கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய
கபிலவத்து²ங் பிண்டா³ய பாவிஸி. கபிலவத்து²ஸ்மிங் பிண்டா³ய சரித்வா
பச்சா²ப⁴த்தங் பிண்ட³பாதபடிக்கந்தோ யேன மஹாவனங் தேனுபஸங்கமி தி³வாவிஹாராய.
மஹாவனங் அஜ்ஜோ²கா³ஹெத்வா பே³லுவலட்டி²காய மூலே தி³வாவிஹாரங் நிஸீதி³.
த³ண்ட³பாணிபி கோ² ஸக்கோ ஜங்கா⁴விஹாரங் [ஜங்க⁴விஹாரங் (க॰)]
அனுசங்கமமானோ அனுவிசரமானோ யேன மஹாவனங் தேனுபஸங்கமி. மஹாவனங்
அஜ்ஜோ²கா³ஹெத்வா யேன பே³லுவலட்டி²கா யேன ப⁴க³வா தேனுபஸங்கமி; உபஸங்கமித்வா
ப⁴க³வதா ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா
த³ண்ட³மோலுப்³ப⁴ ஏகமந்தங் அட்டா²ஸி. ஏகமந்தங் டி²தோ கோ² த³ண்ட³பாணி ஸக்கோ
ப⁴க³வந்தங் ஏதத³வோச – ‘‘கிங்வாதீ³ ஸமணோ கிமக்கா²யீ’’தி? ‘‘யதா²வாதீ³ கோ²,
ஆவுஸோ, ஸதே³வகே லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய
ஸதே³வமனுஸ்ஸாய ந கேனசி லோகே விக்³க³ய்ஹ திட்ட²தி, யதா² ச பன காமேஹி
விஸங்யுத்தங் விஹரந்தங் தங் ப்³ராஹ்மணங் அகத²ங்கதி²ங் சி²ன்னகுக்குச்சங்
ப⁴வாப⁴வே வீததண்ஹங் ஸஞ்ஞா நானுஸெந்தி – ஏவங்வாதீ³ கோ² அஹங், ஆவுஸோ,
ஏவமக்கா²யீ’’தி.

‘‘ஏவங் வுத்தே த³ண்ட³பாணி ஸக்கோ ஸீஸங் ஓகம்பெத்வா , ஜிவ்ஹங் நில்லாளெத்வா, திவிஸாக²ங் நலாடிகங் நலாடே வுட்டா²பெத்வா த³ண்ட³மோலுப்³ப⁴ பக்காமி.

200.
அத² கோ² ப⁴க³வா ஸாயன்ஹஸமயங் படிஸல்லானா வுட்டி²தோ யேன நிக்³ரோதா⁴ராமோ
தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³. நிஸஜ்ஜ கோ² ப⁴க³வா
பி⁴க்கூ² ஆமந்தேஸி – ‘‘இதா⁴ஹங், பி⁴க்க²வே, புப்³ப³ண்ஹஸமயங் நிவாஸெத்வா
பத்தசீவரமாதா³ய கபிலவத்து²ங் பிண்டா³ய பாவிஸிங். கபிலவத்து²ஸ்மிங் பிண்டா³ய
சரித்வா பச்சா²ப⁴த்தங் பிண்ட³பாதபடிக்கந்தோ யேன மஹாவனங் தேனுபஸங்கமிங்
தி³வாவிஹாராய. மஹாவனங் அஜ்ஜோ²கா³ஹெத்வா பே³லுவலட்டி²காய மூலே தி³வாவிஹாரங்
நிஸீதி³ங். த³ண்ட³பாணிபி கோ², பி⁴க்க²வே, ஸக்கோ ஜங்கா⁴விஹாரங் அனுசங்கமமானோ
அனுவிசரமானோ யேன மஹாவனங் தேனுபஸங்கமி. மஹாவனங் அஜ்ஜோ²கா³ஹெத்வா யேன
பே³லுவலட்டி²கா யேனாஹங் தேனுபஸங்கமி; உபஸங்கமித்வா மயா ஸத்³தி⁴ங் ஸம்மோதி³.
ஸம்மோத³னீயங் கத²ங் ஸாரணீயங் வீதிஸாரெத்வா த³ண்ட³மோலுப்³ப⁴ ஏகமந்தங் அட்டா²ஸி. ஏகமந்தங் டி²தோ கோ², பி⁴க்க²வே, த³ண்ட³பாணி ஸக்கோ மங் ஏதத³வோச – ‘கிங்வாதீ³ ஸமணோ கிமக்கா²யீ’தி?

‘‘ஏவங் வுத்தே அஹங், பி⁴க்க²வே, த³ண்ட³பாணிங் ஸக்கங்
ஏதத³வோசங் – யதா²வாதீ³ கோ², ஆவுஸோ, ஸதே³வகே லோகே ஸமாரகே ஸப்³ரஹ்மகே
ஸஸ்ஸமணப்³ராஹ்மணியா பஜாய ஸதே³வமனுஸ்ஸாய ந கேனசி லோகே விக்³க³ய்ஹ திட்ட²தி,
யதா² ச பன காமேஹி விஸங்யுத்தங் விஹரந்தங் தங் ப்³ராஹ்மணங் அகத²ங்கதி²ங்
சி²ன்னகுக்குச்சங் ப⁴வாப⁴வே வீததண்ஹங் ஸஞ்ஞா நானுஸெந்தி – ஏவங்வாதீ³ கோ²
அஹங், ஆவுஸோ, ஏவமக்கா²யீ’’தி. ‘‘ஏவங் வுத்தே பி⁴க்க²வே, த³ண்ட³பாணி ஸக்கோ
ஸீஸங் ஓகம்பெத்வா, ஜிவ்ஹங் நில்லாளெத்வா, திவிஸாக²ங் நலாடிகங் நலாடே வுட்டா²பெத்வா த³ண்ட³மோலுப்³ப⁴ பக்காமீ’’தி.

201.
ஏவங் வுத்தே அஞ்ஞதரோ பி⁴க்கு² ப⁴க³வந்தங் ஏதத³வோச – ‘‘கிங்வாதீ³ பன,
ப⁴ந்தே, ப⁴க³வா ஸதே³வகே லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய
ஸதே³வமனுஸ்ஸாய ந கேனசி லோகே விக்³க³ய்ஹ திட்ட²தி? கத²ஞ்ச பன, ப⁴ந்தே,
ப⁴க³வந்தங் காமேஹி விஸங்யுத்தங் விஹரந்தங் தங்
ப்³ராஹ்மணங் அகத²ங்கதி²ங் சி²ன்னகுக்குச்சங் ப⁴வாப⁴வே வீததண்ஹங் ஸஞ்ஞா
நானுஸெந்தீ’’தி? ‘‘யதோனிதா³னங், பி⁴க்கு², புரிஸங் பபஞ்சஸஞ்ஞாஸங்கா²
ஸமுதா³சரந்தி. எத்த² சே நத்தி² அபி⁴னந்தி³தப்³ப³ங் அபி⁴வதி³தப்³ப³ங்
அஜ்ஜோ²ஸிதப்³ப³ங். ஏஸேவந்தோ ராகா³னுஸயானங், ஏஸேவந்தோ படிகா⁴னுஸயானங்,
ஏஸேவந்தோ தி³ட்டா²னுஸயானங் , ஏஸேவந்தோ
விசிகிச்சா²னுஸயானங், ஏஸேவந்தோ மானானுஸயானங், ஏஸேவந்தோ ப⁴வராகா³னுஸயானங்,
ஏஸேவந்தோ அவிஜ்ஜானுஸயானங், ஏஸேவந்தோ
த³ண்டா³தா³ன-ஸத்தா²தா³ன-கலஹ-விக்³க³ஹ-விவாத³-துவங்துவங்-பேஸுஞ்ஞ-முஸாவாதா³னங்.
எத்தே²தே பாபகா அகுஸலா த⁴ம்மா அபரிஸேஸா நிருஜ்ஜ²ந்தீ’தி. இத³மவோச ப⁴க³வா.
இத³ங் வத்வான ஸுக³தோ உட்டா²யாஸனா விஹாரங் பாவிஸி.

202.
அத² கோ² தேஸங் பி⁴க்கூ²னங் அசிரபக்கந்தஸ்ஸ ப⁴க³வதோ ஏதத³ஹோஸி – ‘‘இத³ங் கோ²
நோ, ஆவுஸோ, ப⁴க³வா ஸங்கி²த்தேன உத்³தே³ஸங் உத்³தி³ஸித்வா, வித்தா²ரேன
அத்த²ங் அவிப⁴ஜித்வா, உட்டா²யாஸனா விஹாரங் பவிட்டோ² – ‘யதோனிதா³னங்,
பி⁴க்கு², புரிஸங் பபஞ்சஸஞ்ஞாஸங்கா² ஸமுதா³சரந்தி. எத்த² சே நத்த்²த்த்²தி²
அபி⁴னந்தி³தப்³ப³ங் அபி⁴வதி³தப்³ப³ங் அஜ்ஜோ²ஸிதப்³ப³ங். ஏஸேவந்தோ ராகா³னுஸயானங்…பே॰… எத்தே²தே பாபகா அகுஸலா த⁴ம்மா அபரிஸேஸா நிருஜ்ஜ²ந்தீ’தி .
கோ நு கோ² இமஸ்ஸ ப⁴க³வதா ஸங்கி²த்தேன உத்³தே³ஸஸ்ஸ உத்³தி³ட்ட²ஸ்ஸ
வித்தா²ரேன அத்த²ங் அவிப⁴த்தஸ்ஸ வித்தா²ரேன அத்த²ங் விப⁴ஜெய்யா’’தி? அத²
கோ² தேஸங் பி⁴க்கூ²னங் ஏதத³ஹோஸி – ‘‘அயங் கோ² ஆயஸ்மா மஹாகச்சானோ ஸத்து² சேவ
ஸங்வண்ணிதோ ஸம்பா⁴விதோ ச விஞ்ஞூனங் ஸப்³ரஹ்மசாரீனங். பஹோதி சாயஸ்மா
மஹாகச்சானோ இமஸ்ஸ ப⁴க³வதா ஸங்கி²த்தேன உத்³தே³ஸஸ்ஸ உத்³தி³ட்ட²ஸ்ஸ
வித்தா²ரேன அத்த²ங் அவிப⁴த்தஸ்ஸ வித்தா²ரேன அத்த²ங் விப⁴ஜிதுங். யங்னூன
மயங் யேனாயஸ்மா மஹாகச்சானோ தேனுபஸங்கமெய்யாம; உபஸங்கமித்வா ஆயஸ்மந்தங்
மஹாகச்சானங் ஏதமத்த²ங் படிபுச்செ²ய்யாமா’’தி.

அத² கோ² தே பி⁴க்கூ² யேனாயஸ்மா மஹாகச்சானோ
தேனுபஸங்கமிங்ஸு; உபஸங்கமித்வா ஆயஸ்மதா மஹாகச்சானேன ஸத்³தி⁴ங்
ஸம்மோதி³ங்ஸு. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங்
நிஸீதி³ங்ஸு. ஏகமந்தங் நிஸின்னா கோ² தே பி⁴க்கூ² ஆயஸ்மந்தங் மஹாகச்சானங்
ஏதத³வோசுங் – ‘‘இத³ங் கோ² நோ, ஆவுஸோ கச்சான, ப⁴க³வா ஸங்கி²த்தேன உத்³தே³ஸங்
உத்³தி³ஸித்வா வித்தா²ரேன அத்த²ங் அவிப⁴ஜித்வா உட்டா²யாஸனா விஹாரங்
பவிட்டோ² – ‘யதோனிதா³னங், பி⁴க்கு², புரிஸங் பபஞ்சஸஞ்ஞாஸங்கா²
ஸமுதா³சரந்தி. எத்த² சே நத்தி² அபி⁴னந்தி³தப்³ப³ங் அபி⁴வதி³தப்³ப³ங்
அஜ்ஜோ²ஸிதப்³ப³ங். ஏஸேவந்தோ ராகா³னுஸயானங்…பே॰…
எத்தே²தே பாபகா அகுஸலா த⁴ம்மா அபரிஸேஸா நிருஜ்ஜ²ந்தீ’தி. தேஸங் நோ, ஆவுஸோ
கச்சான, அம்ஹாகங் அசிரபக்கந்தஸ்ஸ ப⁴க³வதோ ஏதத³ஹோஸி – ‘இத³ங் கோ² நோ, ஆவுஸோ,
ப⁴க³வா ஸங்கி²த்தேன உத்³தே³ஸங் உத்³தி³ஸித்வா வித்தா²ரேன அத்த²ங்
அவிப⁴ஜித்வா உட்டா²யாஸனா விஹாரங் பவிட்டோ² – ‘‘யதோனிதா³னங், பி⁴க்கு²,
புரிஸங் பபஞ்சஸஞ்ஞாஸங்கா² ஸமுதா³சரந்தி. எத்த² சே
நத்தி² அபி⁴னந்தி³தப்³ப³ங் அபி⁴வதி³தப்³ப³ங் அஜ்ஜோ²ஸிதப்³ப³ங். ஏஸேவந்தோ
ராகா³னுஸயானங்…பே॰… எத்தே²தே பாபகா அகுஸலா த⁴ம்மா அபரிஸேஸா
நிருஜ்ஜ²ந்தீ’’தி. கோ நு கோ² இமஸ்ஸ ப⁴க³வதா ஸங்கி²த்தேன உத்³தே³ஸஸ்ஸ
உத்³தி³ட்ட²ஸ்ஸ வித்தா²ரேன அத்த²ங் அவிப⁴த்தஸ்ஸ வித்தா²ரேன அத்த²ங்
விப⁴ஜெய்யாதி? தேஸங் நோ, ஆவுஸோ கச்சான, அம்ஹாகங் ஏதத³ஹோஸி – ‘அயங் கோ²
ஆயஸ்மா மஹாகச்சானோ ஸத்து² சேவ ஸங்வண்ணிதோ ஸம்பா⁴விதோ ச விஞ்ஞூனங்
ஸப்³ரஹ்மசாரீனங், பஹோதி சாயஸ்மா மஹாகச்சானோ இமஸ்ஸ ப⁴க³வதா ஸங்கி²த்தேன
உத்³தே³ஸஸ்ஸ உத்³தி³ட்ட²ஸ்ஸ வித்தா²ரேன அத்த²ங் அவிப⁴த்தஸ்ஸ வித்தா²ரேன
அத்த²ங் விப⁴ஜிதுங். யங்னூன மயங் யேனாயஸ்மா மஹாகச்சானோ தேனுபஸங்கமெய்யாம;
உபஸங்கமித்வா ஆயஸ்மந்தங் மஹாகச்சானங் ஏதமத்த²ங் படிபுச்செ²ய்யாமா’தி.
விப⁴ஜதாயஸ்மா மஹாகச்சானோ’’தி.

203.
‘‘ஸெய்யதா²பி, ஆவுஸோ, புரிஸோ ஸாரத்தி²கோ ஸாரக³வேஸீ ஸாரபரியேஸனங் சரமானோ
மஹதோ ருக்க²ஸ்ஸ திட்ட²தோ ஸாரவதோ அதிக்கம்மேவ மூலங், அதிக்கம்ம க²ந்த⁴ங்,
ஸாகா²பலாஸே ஸாரங் பரியேஸிதப்³ப³ங் மஞ்ஞெய்ய; ஏவங்ஸம்பத³மித³ங் ஆயஸ்மந்தானங்
ஸத்த²ரி ஸம்முகீ²பூ⁴தே, தங் ப⁴க³வந்தங் அதிஸித்வா ,
அம்ஹே ஏதமத்த²ங் படிபுச்சி²தப்³ப³ங் மஞ்ஞத². ஸோ ஹாவுஸோ, ப⁴க³வா ஜானங்
ஜானாதி, பஸ்ஸங் பஸ்ஸதி, சக்கு²பூ⁴தோ ஞாணபூ⁴தோ த⁴ம்மபூ⁴தோ ப்³ரஹ்மபூ⁴தோ,
வத்தா பவத்தா, அத்த²ஸ்ஸ நின்னேதா, அமதஸ்ஸ தா³தா, த⁴ம்மஸ்ஸாமீ ததா²க³தோ. ஸோ
சேவ பனேதஸ்ஸ காலோ அஹோஸி, யங் ப⁴க³வந்தங்யேவ ஏதமத்த²ங் படிபுச்செ²ய்யாத².
யதா² வோ ப⁴க³வா ப்³யாகரெய்ய ததா² நங் தா⁴ரெய்யாதா²’’தி. ‘‘அத்³தா⁴வுஸோ
கச்சான, ப⁴க³வா ஜானங் ஜானாதி, பஸ்ஸங் பஸ்ஸதி, சக்கு²பூ⁴தோ ஞாணபூ⁴தோ
த⁴ம்மபூ⁴தோ ப்³ரஹ்மபூ⁴தோ, வத்தா பவத்தா, அத்த²ஸ்ஸ நின்னேதா, அமதஸ்ஸ தா³தா,
த⁴ம்மஸ்ஸாமீ ததா²க³தோ. ஸோ சேவ பனேதஸ்ஸ காலோ அஹோஸி, யங் ப⁴க³வந்தங்யேவ
ஏதமத்த²ங் படிபுச்செ²ய்யாம. யதா² நோ ப⁴க³வா ப்³யாகரெய்ய ததா² நங்
தா⁴ரெய்யாம. அபி சாயஸ்மா மஹாகச்சானோ ஸத்து² சேவ ஸங்வண்ணிதோ ஸம்பா⁴விதோ ச
விஞ்ஞூனங் ஸப்³ரஹ்மசாரீனங், பஹோதி சாயஸ்மா
மஹாகச்சானோ இமஸ்ஸ ப⁴க³வதா ஸங்கி²த்தேன உத்³தே³ஸஸ்ஸ உத்³தி³ட்ட²ஸ்ஸ
வித்தா²ரேன அத்த²ங் அவிப⁴த்தஸ்ஸ வித்தா²ரேன அத்த²ங் விப⁴ஜிதுங்.
விப⁴ஜதாயஸ்மா மஹாகச்சானோ அக³ருங் கத்வா’’தி [அக³ருகத்வா (ஸீ॰), அக³ருகரித்வா (ஸ்யா॰ பீ॰)].
‘‘தேன ஹாவுஸோ, ஸுணாத², ஸாது⁴கங் மனஸிகரோத², பா⁴ஸிஸ்ஸாமீ’’தி.
‘‘ஏவமாவுஸோ’’தி கோ² தே பி⁴க்கூ² ஆயஸ்மதோ மஹாகச்சானஸ்ஸ பச்சஸ்ஸோஸுங். ஆயஸ்மா
மஹாகச்சானோ ஏதத³வோச –

204.
‘‘யங் கோ² நோ, ஆவுஸோ, ப⁴க³வா ஸங்கி²த்தேன உத்³தே³ஸங் உத்³தி³ஸித்வா
வித்தா²ரேன அத்த²ங் அவிப⁴ஜித்வா உட்டா²யாஸனா விஹாரங் பவிட்டோ² –
‘யதோனிதா³னங், பி⁴க்கு², புரிஸங் பபஞ்சஸஞ்ஞாஸங்கா² ஸமுதா³சரந்தி .
எத்த² சே நத்தி² அபி⁴னந்தி³தப்³ப³ங் அபி⁴வதி³தப்³ப³ங் அஜ்ஜோ²ஸிதப்³ப³ங்,
ஏஸேவந்தோ ராகா³னுஸயானங்…பே॰… எத்தே²தே பாபகா அகுஸலா த⁴ம்மா அபரிஸேஸா
நிருஜ்ஜ²ந்தீ’தி, இமஸ்ஸ கோ² அஹங், ஆவுஸோ, ப⁴க³வதா ஸங்கி²த்தேன உத்³தே³ஸஸ்ஸ
உத்³தி³ட்ட²ஸ்ஸ வித்தா²ரேன அத்த²ங் அவிப⁴த்தஸ்ஸ ஏவங் வித்தா²ரேன அத்த²ங்
ஆஜானாமி –

‘‘சக்கு²ஞ்சாவுஸோ, படிச்ச ரூபே ச உப்பஜ்ஜதி சக்கு²விஞ்ஞாணங், திண்ணங் ஸங்க³தி ப²ஸ்ஸோ, ப²ஸ்ஸபச்சயா வேத³னா, யங் வேதே³தி தங் ஸஞ்ஜானாதி ,
யங் ஸஞ்ஜானாதி தங் விதக்கேதி, யங் விதக்கேதி தங் பபஞ்சேதி, யங் பபஞ்சேதி
ததோனிதா³னங் புரிஸங் பபஞ்சஸஞ்ஞாஸங்கா² ஸமுதா³சரந்தி
அதீதானாக³தபச்சுப்பன்னேஸு சக்கு²விஞ்ஞெய்யேஸு ரூபேஸு. ஸோதஞ்சாவுஸோ, படிச்ச
ஸத்³தே³ ச உப்பஜ்ஜதி ஸோதவிஞ்ஞாணங்…பே॰… கா⁴னஞ்சாவுஸோ, படிச்ச க³ந்தே⁴ ச
உப்பஜ்ஜதி கா⁴னவிஞ்ஞாணங்…பே॰… ஜிவ்ஹஞ்சாவுஸோ, படிச்ச ரஸே ச உப்பஜ்ஜதி
ஜிவ்ஹாவிஞ்ஞாணங்…பே॰… காயஞ்சாவுஸோ, படிச்ச பொ²ட்ட²ப்³பே³ ச உப்பஜ்ஜதி
காயவிஞ்ஞாணங்…பே॰… மனஞ்சாவுஸோ, படிச்ச த⁴ம்மே ச உப்பஜ்ஜதி மனோவிஞ்ஞாணங்,
திண்ணங் ஸங்க³தி ப²ஸ்ஸோ, ப²ஸ்ஸபச்சயா வேத³னா, யங் வேதே³தி தங் ஸஞ்ஜானாதி,
யங் ஸஞ்ஜானாதி தங் விதக்கேதி, யங் விதக்கேதி தங் பபஞ்சேதி, யங் பபஞ்சேதி
ததோனிதா³னங் புரிஸங் பபஞ்சஸஞ்ஞாஸங்கா² ஸமுதா³சரந்தி
அதீதானாக³தபச்சுப்பன்னேஸு மனோவிஞ்ஞெய்யேஸு த⁴ம்மேஸு.

‘‘ஸோ வதாவுஸோ, சக்கு²ஸ்மிங் ஸதி ரூபே ஸதி
சக்கு²விஞ்ஞாணே ஸதி ப²ஸ்ஸபஞ்ஞத்திங் பஞ்ஞாபெஸ்ஸதீதி – டா²னமேதங் விஜ்ஜதி.
ப²ஸ்ஸபஞ்ஞத்தியா ஸதி வேத³னாபஞ்ஞத்திங் பஞ்ஞாபெஸ்ஸதீதி – டா²னமேதங் விஜ்ஜதி.
வேத³னாபஞ்ஞத்தியா ஸதி ஸஞ்ஞாபஞ்ஞத்திங் பஞ்ஞாபெஸ்ஸதீதி – டா²னமேதங்
விஜ்ஜதி. ஸஞ்ஞாபஞ்ஞத்தியா ஸதி விதக்கபஞ்ஞத்திங்
பஞ்ஞாபெஸ்ஸதீதி – டா²னமேதங் விஜ்ஜதி. விதக்கபஞ்ஞத்தியா ஸதி
பபஞ்சஸஞ்ஞாஸங்கா²ஸமுதா³சரணபஞ்ஞத்திங் பஞ்ஞாபெஸ்ஸதீதி – டா²னமேதங் விஜ்ஜதி.
ஸோ வதாவுஸோ, ஸோதஸ்மிங் ஸதி ஸத்³தே³ ஸதி…பே॰…
கா⁴னஸ்மிங் ஸதி க³ந்தே⁴ ஸதி…பே॰… ஜிவ்ஹாய ஸதி ரஸே ஸதி…பே॰… காயஸ்மிங் ஸதி
பொ²ட்ட²ப்³பே³ ஸதி…பே॰… மனஸ்மிங் ஸதி த⁴ம்மே ஸதி மனோவிஞ்ஞாணே ஸதி
ப²ஸ்ஸபஞ்ஞத்திங் பஞ்ஞாபெஸ்ஸதீதி – டா²னமேதங் விஜ்ஜதி. ப²ஸ்ஸபஞ்ஞத்தியா ஸதி
வேத³னாபஞ்ஞத்திங் பஞ்ஞாபெஸ்ஸதீதி – டா²னமேதங் விஜ்ஜதி. வேத³னாபஞ்ஞத்தியா
ஸதி ஸஞ்ஞாபஞ்ஞத்திங் பஞ்ஞாபெஸ்ஸதீதி – டா²னமேதங் விஜ்ஜதி. ஸஞ்ஞாபஞ்ஞத்தியா
ஸதி விதக்கபஞ்ஞத்திங் பஞ்ஞாபெஸ்ஸதீதி – டா²னமேதங் விஜ்ஜதி.
விதக்கபஞ்ஞத்தியா ஸதி பபஞ்சஸஞ்ஞாஸங்கா²ஸமுதா³சரணபஞ்ஞத்திங் பஞ்ஞாபெஸ்ஸதீதி –
டா²னமேதங் விஜ்ஜதி.

‘‘ஸோ வதாவுஸோ, சக்கு²ஸ்மிங் அஸதி ரூபே அஸதி
சக்கு²விஞ்ஞாணே அஸதி ப²ஸ்ஸபஞ்ஞத்திங் பஞ்ஞாபெஸ்ஸதீதி – நேதங் டா²னங்
விஜ்ஜதி. ப²ஸ்ஸபஞ்ஞத்தியா அஸதி வேத³னாபஞ்ஞத்திங் பஞ்ஞாபெஸ்ஸதீதி – நேதங்
டா²னங் விஜ்ஜதி. வேத³னாபஞ்ஞத்தியா அஸதி ஸஞ்ஞாபஞ்ஞத்திங் பஞ்ஞாபெஸ்ஸதீதி –
நேதங் டா²னங் விஜ்ஜதி. ஸஞ்ஞாபஞ்ஞத்தியா அஸதி விதக்கபஞ்ஞத்திங்
பஞ்ஞாபெஸ்ஸதீதி – நேதங் டா²னங் விஜ்ஜதி. விதக்கபஞ்ஞத்தியா அஸதி
பபஞ்சஸஞ்ஞாஸங்கா²ஸமுதா³சரணபஞ்ஞத்திங் பஞ்ஞாபெஸ்ஸதீதி – நேதங் டா²னங்
விஜ்ஜதி. ஸோ வதாவுஸோ, ஸோதஸ்மிங் அஸதி ஸத்³தே³
அஸதி…பே॰… கா⁴னஸ்மிங் அஸதி க³ந்தே⁴ அஸதி…பே॰… ஜிவ்ஹாய அஸதி ரஸே அஸதி…பே॰…
காயஸ்மிங் அஸதி பொ²ட்ட²ப்³பே³ அஸதி…பே॰… மனஸ்மிங் அஸதி த⁴ம்மே அஸதி
மனோவிஞ்ஞாணே அஸதி ப²ஸ்ஸபஞ்ஞத்திங் பஞ்ஞாபெஸ்ஸதீதி –
நேதங் டா²னங் விஜ்ஜதி. ப²ஸ்ஸபஞ்ஞத்தியா அஸதி வேத³னாபஞ்ஞத்திங்
பஞ்ஞாபெஸ்ஸதீதி – நேதங் டா²னங் விஜ்ஜதி. வேத³னாபஞ்ஞத்தியா அஸதி
ஸஞ்ஞாபஞ்ஞத்திங் பஞ்ஞாபெஸ்ஸதீதி – நேதங் டா²னங் விஜ்ஜதி. ஸஞ்ஞாபஞ்ஞத்தியா
அஸதி விதக்கபஞ்ஞத்திங் பஞ்ஞாபெஸ்ஸதீதி – நேதங் டா²னங் விஜ்ஜதி.
விதக்கபஞ்ஞத்தியா அஸதி பபஞ்சஸஞ்ஞாஸங்கா²ஸமுதா³சரணபஞ்ஞத்திங் பஞ்ஞாபெஸ்ஸதீதி
– நேதங் டா²னங் விஜ்ஜதி.

‘‘யங் கோ² நோ, ஆவுஸோ, ப⁴க³வா ஸங்கி²த்தேன
உத்³தே³ஸங் உத்³தி³ஸித்வா வித்தா²ரேன அத்த²ங் அவிப⁴ஜித்வா உட்டா²யாஸனா
விஹாரங் பவிட்டோ² – ‘யதோனிதா³னங், பி⁴க்கு², புரிஸங் பபஞ்சஸஞ்ஞாஸங்கா²
ஸமுதா³சரந்தி எத்த² சே நத்தி² அபி⁴னந்தி³தப்³ப³ங் அபி⁴வதி³தப்³ப³ங்
அஜ்ஜோ²ஸிதப்³ப³ங் ஏஸேவந்தோ ராகா³னுஸயானங்…பே॰… எத்தே²தே பாபகா அகுஸலா
த⁴ம்மா அபரிஸேஸா நிருஜ்ஜ²ந்தீ’தி, இமஸ்ஸ கோ² அஹங், ஆவுஸோ, ப⁴க³வதா
ஸங்கி²த்தேன உத்³தே³ஸஸ்ஸ உத்³தி³ட்ட²ஸ்ஸ வித்தா²ரேன அத்த²ங் அவிப⁴த்தஸ்ஸ
ஏவங் வித்தா²ரேன அத்த²ங் ஆஜானாமி. ஆகங்க²மானா ச பன தும்ஹே ஆயஸ்மந்தோ
ப⁴க³வந்தங்யேவ உபஸங்கமித்வா ஏதமத்த²ங் படிபுச்செ²ய்யாத². யதா² நோ ப⁴க³வா
ப்³யாகரோதி ததா² நங் தா⁴ரெய்யாதா²’’தி.

205.
அத² கோ² தே பி⁴க்கூ² ஆயஸ்மதோ மஹாகச்சானஸ்ஸ பா⁴ஸிதங் அபி⁴னந்தி³த்வா
அனுமோதி³த்வா உட்டா²யாஸனா யேன ப⁴க³வா தேனுபஸங்கமிங்ஸு; உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங் நிஸின்னா கோ² தே
பி⁴க்கூ² ப⁴க³வந்தங் ஏதத³வோசுங் – ‘‘யங் கோ² நோ, ப⁴ந்தே, ப⁴க³வா
ஸங்கி²த்தேன உத்³தே³ஸங் உத்³தி³ஸித்வா வித்தா²ரேன அத்த²ங் அவிப⁴ஜித்வா
உட்டா²யாஸனா விஹாரங் பவிட்டோ² – ‘யதோனிதா³னங், பி⁴க்கு², புரிஸங்
பபஞ்சஸஞ்ஞாஸங்கா² ஸமுதா³சரந்தி. எத்த² சே நத்தி² அபி⁴னந்தி³தப்³ப³ங்
அபி⁴வதி³தப்³ப³ங் அஜ்ஜோ²ஸிதப்³ப³ங். ஏஸேவந்தோ ராகா³னுஸயானங்…பே॰… எத்தே²தே
பாபகா அகுஸலா த⁴ம்மா அபரிஸேஸா நிருஜ்ஜ²ந்தீ’தி. தேஸங் நோ, ப⁴ந்தே, அம்ஹாகங்
அசிரபக்கந்தஸ்ஸ ப⁴க³வதோ ஏதத³ஹோஸி – ‘இத³ங் கோ² நோ, ஆவுஸோ, ப⁴க³வா
ஸங்கி²த்தேன உத்³தே³ஸங் உத்³தி³ஸித்வா வித்தா²ரேன அத்த²ங் அவிப⁴ஜித்வா
உட்டா²யாஸனா விஹாரங் பவிட்டோ² – ‘‘யதோனிதா³னங், பி⁴க்கு², புரிஸங்
பபஞ்சஸஞ்ஞாஸங்கா² ஸமுதா³சரந்தி. எத்த² சே நத்தி² அபி⁴னந்தி³தப்³ப³ங்
அபி⁴வதி³தப்³ப³ங் அஜ்ஜோ²ஸிதப்³ப³ங். ஏஸேவந்தோ ராகா³னுஸயானங், ஏஸேவந்தோ
படிகா⁴னுஸயானங், ஏஸேவந்தோ தி³ட்டா²னுஸயானங், ஏஸேவந்தோ விசிகிச்சா²னுஸயானங்,
ஏஸேவந்தோ மானானுஸயானங், ஏஸேவந்தோ ப⁴வராகா³னுஸயானங் ,
ஏஸேவந்தோ அவிஜ்ஜானுஸயானங், ஏஸேவந்தோ
த³ண்டா³தா³ன-ஸத்தா²தா³ன-கலஹ-விக்³க³ஹ-விவாத³துவங்துவங்-பேஸுஞ்ஞ-முஸாவாதா³னங்.
எத்தே²தே பாபகா அகுஸலா த⁴ம்மா அபரிஸேஸா நிருஜ்ஜ²ந்தீ’’தி. கோ நு கோ² இமஸ்ஸ
ப⁴க³வதா ஸங்கி²த்தேன உத்³தே³ஸஸ்ஸ உத்³தி³ட்ட²ஸ்ஸ வித்தா²ரேன அத்த²ங்
அவிப⁴த்தஸ்ஸ வித்தா²ரேன அத்த²ங் விப⁴ஜெய்யா’தி? தேஸங் நோ, ப⁴ந்தே, அம்ஹாகங்
ஏதத³ஹோஸி – ‘அயங் கோ² ஆயஸ்மா மஹாகச்சானோ ஸத்து² சேவ ஸங்வண்ணிதோ ஸம்பா⁴விதோ
ச விஞ்ஞூனங் ஸப்³ரஹ்மசாரீனங், பஹோதி சாயஸ்மா மஹாகச்சானோ
இமஸ்ஸ ப⁴க³வதா ஸங்கி²த்தேன உத்³தே³ஸஸ்ஸ உத்³தி³ட்ட²ஸ்ஸ வித்தா²ரேன அத்த²ங்
அவிப⁴த்தஸ்ஸ வித்தா²ரேன அத்த²ங் விப⁴ஜிதுங், யங்னூன மயங் யேனாயஸ்மா
மஹாகச்சானோ தேனுபஸங்கமெய்யாம; உபஸங்கமித்வா ஆயஸ்மந்தங் மஹாகச்சானங்
ஏதமத்த²ங் படிபுச்செ²ய்யாமா’தி. அத² கோ² மயங், ப⁴ந்தே, யேனாயஸ்மா
மஹாகச்சானோ தேனுபஸங்கமிம்ஹ; உபஸங்கமித்வா ஆயஸ்மந்தங் மஹாகச்சானங்
ஏதமத்த²ங் படிபுச்சி²ம்ஹ. தேஸங் நோ, ப⁴ந்தே, ஆயஸ்மதா மஹாகச்சானேன இமேஹி
ஆகாரேஹி இமேஹி பதே³ஹி இமேஹி ப்³யஞ்ஜனேஹி அத்தோ² விப⁴த்தோ’’தி. ‘‘பண்டி³தோ,
பி⁴க்க²வே, மஹாகச்சானோ; மஹாபஞ்ஞோ, பி⁴க்க²வே, மஹாகச்சானோ. மங் சேபி தும்ஹே,
பி⁴க்க²வே, ஏதமத்த²ங் படிபுச்செ²ய்யாத², அஹம்பி தங் ஏவமேவங் ப்³யாகரெய்யங்
யதா² தங் மஹாகச்சானேன ப்³யாகதங். ஏஸோ சேவேதஸ்ஸ அத்தோ². ஏவஞ்ச [ஏவேமேவ ச (க॰)] நங் தா⁴ரேதா²’’தி.

ஏவங் வுத்தே ஆயஸ்மா ஆனந்தோ³ ப⁴க³வந்தங் ஏதத³வோச –
‘‘ஸெய்யதா²பி, ப⁴ந்தே, புரிஸோ ஜிக⁴ச்சா²து³ப்³ப³ல்யபரேதோ மது⁴பிண்டி³கங்
அதி⁴க³ச்செ²ய்ய, ஸோ யதோ யதோ ஸாயெய்ய, லபே⁴தே²வ ஸாது³ரஸங் அஸேசனகங். ஏவமேவ
கோ², ப⁴ந்தே, சேதஸோ பி⁴க்கு² த³ப்³ப³ஜாதிகோ, யதோ யதோ இமஸ்ஸ த⁴ம்மபரியாயஸ்ஸ
பஞ்ஞாய அத்த²ங் உபபரிக்கெ²ய்ய, லபே⁴தே²வ அத்தமனதங், லபே⁴தே²வ சேதஸோ
பஸாத³ங். கோ நாமோ அயங் [கோ நாமாயங் (ஸ்யா॰)], ப⁴ந்தே, த⁴ம்மபரியாயோ’’தி? ‘‘தஸ்மாதிஹ த்வங், ஆனந்த³, இமங் த⁴ம்மபரியாயங் மது⁴பிண்டி³கபரியாயோ த்வேவ நங் தா⁴ரேஹீ’’தி.

இத³மவோச ப⁴க³வா. அத்தமனோ ஆயஸ்மா ஆனந்தோ³ ப⁴க³வதோ பா⁴ஸிதங் அபி⁴னந்தீ³தி.

மது⁴பிண்டி³கஸுத்தங் நிட்டி²தங் அட்ட²மங்.

9. த்³வேதா⁴விதக்கஸுத்தங்

206. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘புப்³பே³வ மே, பி⁴க்க²வே, ஸம்போ³தா⁴
அனபி⁴ஸம்பு³த்³த⁴ஸ்ஸ போ³தி⁴ஸத்தஸ்ஸேவ ஸதோ ஏதத³ஹோஸி – ‘யங்னூனாஹங் த்³விதா⁴
கத்வா த்³விதா⁴ கத்வா விதக்கே விஹரெய்ய’ந்தி. ஸோ கோ² அஹங், பி⁴க்க²வே, யோ
சாயங் காமவிதக்கோ யோ ச ப்³யாபாத³விதக்கோ யோ ச விஹிங்ஸாவிதக்கோ – இமங் ஏகங்
பா⁴க³மகாஸிங் ; யோ சாயங் நெக்க²ம்மவிதக்கோ யோ ச அப்³யாபாத³விதக்கோ யோ ச அவிஹிங்ஸாவிதக்கோ – இமங் து³தியங் பா⁴க³மகாஸிங்.

207. ‘‘தஸ்ஸ மய்ஹங், பி⁴க்க²வே, ஏவங் அப்பமத்தஸ்ஸ ஆதாபினோ பஹிதத்தஸ்ஸ விஹரதோ உப்பஜ்ஜதி
காமவிதக்கோ. ஸோ ஏவங் பஜானாமி – ‘உப்பன்னோ கோ² மே அயங் காமவிதக்கோ. ஸோ ச
கோ² அத்தப்³யாபா³தா⁴யபி ஸங்வத்ததி, பரப்³யாபா³தா⁴யபி ஸங்வத்ததி,
உப⁴யப்³யாபா³தா⁴யபி ஸங்வத்ததி, பஞ்ஞானிரோதி⁴கோ விகா⁴தபக்கி²கோ
அனிப்³பா³னஸங்வத்தனிகோ’ [அனிப்³பா³னஸங்வத்தனிகோ’’தி (?)].
‘அத்தப்³யாபா³தா⁴ய ஸங்வத்ததீ’திபி மே, பி⁴க்க²வே, படிஸஞ்சிக்க²தோ
அப்³ப⁴த்த²ங் க³ச்ச²தி; ‘பரப்³யாபா³தா⁴ய ஸங்வத்ததீ’திபி மே, பி⁴க்க²வே,
படிஸஞ்சிக்க²தோ அப்³ப⁴த்த²ங் க³ச்ச²தி; ‘உப⁴யப்³யாபா³தா⁴ய ஸங்வத்ததீ’திபி
மே, பி⁴க்க²வே, படிஸஞ்சிக்க²தோ அப்³ப⁴த்த²ங் க³ச்ச²தி;
‘பஞ்ஞானிரோதி⁴கோ விகா⁴தபக்கி²கோ அனிப்³பா³னஸங்வத்தனிகோ’திபி மே,
பி⁴க்க²வே, படிஸஞ்சிக்க²தோ அப்³ப⁴த்த²ங் க³ச்ச²தி. ஸோ கோ² அஹங், பி⁴க்க²வே,
உப்பன்னுப்பன்னங் காமவிதக்கங் பஜஹமேவ [அதீதகாலிககிரியாபதா³னியேவ] வினோத³மேவ [அதீதகாலிககிரியாபதா³னியேவ] ப்³யந்தமேவ [ப்³யந்தேவ (ஸீ॰ ஸ்யா॰ பீ॰)] நங் அகாஸிங்.

208.
‘‘தஸ்ஸ மய்ஹங், பி⁴க்க²வே, ஏவங் அப்பமத்தஸ்ஸ ஆதாபினோ பஹிதத்தஸ்ஸ விஹரதோ
உப்பஜ்ஜதி ப்³யாபாத³விதக்கோ…பே॰… உப்பஜ்ஜதி விஹிங்ஸாவிதக்கோ. ஸோ ஏவங்
பஜானாமி – ‘உப்பன்னோ கோ² மே அயங் விஹிங்ஸாவிதக்கோ. ஸோ ச கோ²
அத்தப்³யாபா³தா⁴யபி ஸங்வத்ததி, பரப்³யாபா³தா⁴யபி
ஸங்வத்ததி, உப⁴யப்³யாபா³தா⁴யபி ஸங்வத்ததி, பஞ்ஞானிரோதி⁴கோ விகா⁴தபக்கி²கோ
அனிப்³பா³னஸங்வத்தனிகோ’. ‘அத்தப்³யாபா³தா⁴ய ஸங்வத்ததீ’திபி மே, பி⁴க்க²வே,
படிஸஞ்சிக்க²தோ அப்³ப⁴த்த²ங் க³ச்ச²தி; ‘பரப்³யாபா³தா⁴ய ஸங்வத்ததீ’திபி மே,
பி⁴க்க²வே, படிஸஞ்சிக்க²தோ அப்³ப⁴த்த²ங் க³ச்ச²தி; ‘உப⁴யப்³யாபா³தா⁴ய
ஸங்வத்ததீ’திபி மே, பி⁴க்க²வே, படிஸஞ்சிக்க²தோ அப்³ப⁴த்த²ங் க³ச்ச²தி;
‘பஞ்ஞானிரோதி⁴கோ விகா⁴தபக்கி²கோ அனிப்³பா³னஸங்வத்தனிகோ’திபி மே, பி⁴க்க²வே,
படிஸஞ்சிக்க²தோ அப்³ப⁴த்த²ங் க³ச்ச²தி. ஸோ கோ² அஹங், பி⁴க்க²வே,
உப்பன்னுப்பன்னங் விஹிங்ஸாவிதக்கங் பஜஹமேவ வினோத³மேவ ப்³யந்தமேவ நங்
அகாஸிங்.

‘‘யஞ்ஞதே³வ, பி⁴க்க²வே, பி⁴க்கு² ப³ஹுலமனுவிதக்கேதி
அனுவிசாரேதி, ததா² ததா² நதி ஹோதி சேதஸோ. காமவிதக்கங் சே, பி⁴க்க²வே,
பி⁴க்கு² ப³ஹுலமனுவிதக்கேதி அனுவிசாரேதி, பஹாஸி நெக்க²ம்மவிதக்கங், காமவிதக்கங் ப³ஹுலமகாஸி, தஸ்ஸ தங்
காமவிதக்காய சித்தங் நமதி. ப்³யாபாத³விதக்கங் சே, பி⁴க்க²வே…பே॰…
விஹிங்ஸாவிதக்கங் சே, பி⁴க்க²வே, பி⁴க்கு² ப³ஹுலமனுவிதக்கேதி அனுவிசாரேதி,
பஹாஸி அவிஹிங்ஸாவிதக்கங், விஹிங்ஸாவிதக்கங் ப³ஹுலமகாஸி, தஸ்ஸ தங்
விஹிங்ஸாவிதக்காய சித்தங் நமதி. ஸெய்யதா²பி, பி⁴க்க²வே, வஸ்ஸானங் பச்சி²மே
மாஸே ஸரத³ஸமயே கிட்ட²ஸம்பா³தே⁴ கோ³பாலகோ கா³வோ ரக்கெ²ய்ய. ஸோ தா கா³வோ ததோ
ததோ த³ண்டே³ன ஆகோடெய்ய படிகோடெய்ய ஸன்னிருந்தெ⁴ய்ய ஸன்னிவாரெய்ய. தங் கிஸ்ஸ
ஹேது? பஸ்ஸதி ஹி ஸோ, பி⁴க்க²வே, கோ³பாலகோ ததோனிதா³னங் வத⁴ங் வா ப³ந்த⁴னங்
வா ஜானிங் வா க³ரஹங் வா. ஏவமேவ கோ² அஹங், பி⁴க்க²வே, அத்³த³ஸங் அகுஸலானங்
த⁴ம்மானங் ஆதீ³னவங் ஓகாரங் ஸங்கிலேஸங், குஸலானங் த⁴ம்மானங் நெக்க²ம்மே
ஆனிஸங்ஸங் வோதா³னபக்க²ங்.

209. ‘‘தஸ்ஸ
மய்ஹங், பி⁴க்க²வே, ஏவங் அப்பமத்தஸ்ஸ ஆதாபினோ பஹிதத்தஸ்ஸ விஹரதோ உப்பஜ்ஜதி
நெக்க²ம்மவிதக்கோ. ஸோ ஏவங் பஜானாமி – ‘உப்பன்னோ கோ² மே அயங்
நெக்க²ம்மவிதக்கோ. ஸோ ச கோ² நேவத்தப்³யாபா³தா⁴ய ஸங்வத்ததி, ந
பரப்³யாபா³தா⁴ய ஸங்வத்ததி, ந உப⁴யப்³யாபா³தா⁴ய ஸங்வத்ததி, பஞ்ஞாவுத்³தி⁴கோ
அவிகா⁴தபக்கி²கோ நிப்³பா³னஸங்வத்தனிகோ’. ரத்திங் சேபி நங், பி⁴க்க²வே,
அனுவிதக்கெய்யங் அனுவிசாரெய்யங், நேவ ததோனிதா³னங் ப⁴யங் ஸமனுபஸ்ஸாமி.
தி³வஸங் சேபி நங், பி⁴க்க²வே, அனுவிதக்கெய்யங் அனுவிசாரெய்யங், நேவ
ததோனிதா³னங் ப⁴யங் ஸமனுபஸ்ஸாமி. ரத்திந்தி³வங் சேபி நங், பி⁴க்க²வே,
அனுவிதக்கெய்யங் அனுவிசாரெய்யங், நேவ ததோனிதா³னங் ப⁴யங் ஸமனுபஸ்ஸாமி. அபி ச
கோ² மே அதிசிரங் அனுவிதக்கயதோ அனுவிசாரயதோ காயோ கிலமெய்ய . காயே கிலந்தே [கிலமந்தே (க॰)] சித்தங்
ஊஹஞ்ஞெய்ய. ஊஹதே சித்தே ஆரா சித்தங் ஸமாதி⁴ம்ஹாதி. ஸோ கோ² அஹங்,
பி⁴க்க²வே, அஜ்ஜ²த்தமேவ சித்தங் ஸண்ட²பேமி ஸன்னிஸாதே³மி ஏகோதி³ங் கரோமி [ஏகோதி³ கரோமி (பீ॰)] ஸமாத³ஹாமி. தங் கிஸ்ஸ ஹேது? ‘மா மே சித்தங் ஊஹஞ்ஞீ’தி [உக்³கா⁴டீதி (ஸ்யா॰ க॰), ஊஹனீதி (பீ॰)].

210.
‘‘தஸ்ஸ மய்ஹங், பி⁴க்க²வே, ஏவங் அப்பமத்தஸ்ஸ ஆதாபினோ பஹிதத்தஸ்ஸ விஹரதோ
உப்பஜ்ஜதி அப்³யாபாத³விதக்கோ…பே॰… உப்பஜ்ஜதி அவிஹிங்ஸாவிதக்கோ. ஸோ ஏவங்
பஜானாமி – ‘உப்பன்னோ கோ² மே அயங் அவிஹிங்ஸாவிதக்கோ. ஸோ ச கோ²
நேவத்தப்³யாபா³தா⁴ய ஸங்வத்ததி, ந பரப்³யாபா³தா⁴ய ஸங்வத்ததி, ந
உப⁴யப்³யாபா³தா⁴ய ஸங்வத்ததி, பஞ்ஞாவுத்³தி⁴கோ
அவிகா⁴தபக்கி²கோ நிப்³பா³னஸங்வத்தனிகோ’. ரத்திங் சேபி நங், பி⁴க்க²வே,
அனுவிதக்கெய்யங் அனுவிசாரெய்யங், நேவ ததோனிதா³னங் ப⁴யங் ஸமனுபஸ்ஸாமி.
தி³வஸங் சேபி நங், பி⁴க்க²வே, அனுவிதக்கெய்யங் அனுவிசாரெய்யங், நேவ
ததோனிதா³னங் ப⁴யங் ஸமனுபஸ்ஸாமி. ரத்திந்தி³வங் சேபி நங், பி⁴க்க²வே,
அனுவிதக்கெய்யங் அனுவிசாரெய்யங், நேவ ததோனிதா³னங் ப⁴யங் ஸமனுபஸ்ஸாமி. அபி ச
கோ² மே அதிசிரங் அனுவிதக்கயதோ அனுவிசாரயதோ காயோ கிலமெய்ய. காயே கிலந்தே
சித்தங் ஊஹஞ்ஞெய்ய. ஊஹதே சித்தே ஆரா சித்தங் ஸமாதி⁴ம்ஹாதி. ஸோ கோ² அஹங்,
பி⁴க்க²வே, அஜ்ஜ²த்தமேவ சித்தங் ஸண்ட²பேமி, ஸன்னிஸாதே³மி, ஏகோதி³ங் கரோமி
ஸமாத³ஹாமி. தங் கிஸ்ஸ ஹேது? ‘மா மே சித்தங் ஊஹஞ்ஞீ’தி.

‘‘யஞ்ஞதே³வ, பி⁴க்க²வே, பி⁴க்கு² ப³ஹுலமனுவிதக்கேதி
அனுவிசாரேதி, ததா² ததா² நதி ஹோதி சேதஸோ. நெக்க²ம்மவிதக்கஞ்சே, பி⁴க்க²வே,
பி⁴க்கு² ப³ஹுலமனுவிதக்கேதி அனுவிசாரேதி, பஹாஸி
காமவிதக்கங், நெக்க²ம்மவிதக்கங் ப³ஹுலமகாஸி, தஸ்ஸங் தங் நெக்க²ம்மவிதக்காய
சித்தங் நமதி. அப்³யாபாத³விதக்கஞ்சே, பி⁴க்க²வே…பே॰… அவிஹிங்ஸாவிதக்கஞ்சே,
பி⁴க்க²வே, பி⁴க்கு² ப³ஹுலமனுவிதக்கேதி அனுவிசாரேதி, பஹாஸி
விஹிங்ஸாவிதக்கங், அவிஹிங்ஸாவிதக்கங் ப³ஹுலமகாஸி, தஸ்ஸ தங்
அவிஹிங்ஸாவிதக்காய சித்தங் நமதி. ஸெய்யதா²பி, பி⁴க்க²வே, கி³ம்ஹானங்
பச்சி²மே மாஸே ஸப்³ப³ஸஸ்ஸேஸு கா³மந்தஸம்ப⁴தேஸு கோ³பாலகோ கா³வோ ரக்கெ²ய்ய , தஸ்ஸ ருக்க²மூலக³தஸ்ஸ வா அப்³போ⁴காஸக³தஸ்ஸ வா ஸதிகரணீயமேவ ஹோதி – ‘ஏதா [ஏதே (க॰)] கா³வோ’தி. ஏவமேவங் கோ², பி⁴க்க²வே, ஸதிகரணீயமேவ அஹோஸி – ‘ஏதே த⁴ம்மா’தி.

211. ‘‘ஆரத்³த⁴ங் கோ² பன மே, பி⁴க்க²வே, வீரியங் அஹோஸி அஸல்லீனங், உபட்டி²தா ஸதி அஸம்முட்டா² ,
பஸ்ஸத்³தோ⁴ காயோ அஸாரத்³தோ⁴, ஸமாஹிதங் சித்தங் ஏகக்³க³ங். ஸோ கோ² அஹங்,
பி⁴க்க²வே, விவிச்சேவ காமேஹி விவிச்ச அகுஸலேஹி த⁴ம்மேஹி ஸவிதக்கங் ஸவிசாரங்
விவேகஜங் பீதிஸுக²ங் பட²மங் ஜா²னங் உபஸம்பஜ்ஜ விஹாஸிங். விதக்கவிசாரானங்
வூபஸமா அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங் அவிதக்கங் அவிசாரங்
ஸமாதி⁴ஜங் பீதிஸுக²ங் து³தியங் ஜா²னங் உபஸம்பஜ்ஜ விஹாஸிங். பீதியா ச
விராகா³ உபெக்க²கோ ச விஹாஸிங் ஸதோ ச ஸம்பஜானோ, ஸுக²ஞ்ச காயேன
படிஸங்வேதே³ஸிங், யங் தங் அரியா ஆசிக்க²ந்தி ‘உபெக்க²கோ ஸதிமா
ஸுக²விஹாரீ’தி, ததியங் ஜா²னங் உபஸம்பஜ்ஜ விஹாஸிங். ஸுக²ஸ்ஸ ச பஹானா
து³க்க²ஸ்ஸ ச பஹானா புப்³பே³வ ஸோமனஸ்ஸதோ³மனஸ்ஸானங் அத்த²ங்க³மா
அது³க்க²மஸுக²ங் உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ
விஹாஸிங்.

212.
‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே
விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே
புப்³பே³னிவாஸானுஸ்ஸதிஞாணாய சித்தங் அபி⁴னின்னாமேஸிங். ஸோ அனேகவிஹிதங்
புப்³பே³னிவாஸங் அனுஸ்ஸராமி. ஸெய்யதி²த³ங், ஏகம்பி ஜாதிங்…பே॰… இதி ஸாகாரங்
ஸஉத்³தே³ஸங் அனேகவிஹிதங் புப்³பே³னிவாஸங் அனுஸ்ஸராமி. அயங் கோ²
மே, பி⁴க்க²வே, ரத்தியா பட²மே யாமே பட²மா விஜ்ஜா அதி⁴க³தா; அவிஜ்ஜா விஹதா
விஜ்ஜா உப்பன்னா; தமோ விஹதோ ஆலோகோ உப்பன்னோ; யதா² தங் அப்பமத்தஸ்ஸ ஆதாபினோ
பஹிதத்தஸ்ஸ விஹரதோ.

213.
‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே
விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே ஸத்தானங்
சுதூபபாதஞாணாய சித்தங் அபி⁴னின்னாமேஸிங். ஸோ தி³ப்³பே³ன சக்கு²னா
விஸுத்³தே⁴ன அதிக்கந்தமானுஸகேன ஸத்தே பஸ்ஸாமி சவமானே உபபஜ்ஜமானே…பே॰… இமே
வத பொ⁴ந்தோ ஸத்தா காயது³ச்சரிதேன ஸமன்னாக³தா…பே॰… இதி தி³ப்³பே³ன சக்கு²னா
விஸுத்³தே⁴ன அதிக்கந்தமானுஸகேன ஸத்தே பஸ்ஸாமி சவமானே உபபஜ்ஜமானே ஹீனே பணீதே
ஸுவண்ணே து³ப்³ப³ண்ணே ஸுக³தே து³க்³க³தே, யதா²கம்மூபகே³ ஸத்தே பஜானாமி.
அயங் கோ² மே, பி⁴க்க²வே, ரத்தியா மஜ்ஜி²மே யாமே து³தியா விஜ்ஜா அதி⁴க³தா;
அவிஜ்ஜா விஹதா விஜ்ஜா உப்பன்னா; தமோ விஹதோ ஆலோகோ உப்பன்னோ; யதா² தங்
அப்பமத்தஸ்ஸ ஆதாபினோ பஹிதத்தஸ்ஸ விஹரதோ.

214.
‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே
விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே ஆஸவானங் க²யஞாணாய
சித்தங் அபி⁴னின்னாமேஸிங். ஸோ ‘இத³ங் து³க்க²’ந்தி யதா²பூ⁴தங்
அப்³ப⁴ஞ்ஞாஸிங், ‘அயங் து³க்க²ஸமுத³யோ’தி யதா²பூ⁴தங் அப்³ப⁴ஞ்ஞாஸிங், ‘அயங்
து³க்க²னிரோதோ⁴’தி யதா²பூ⁴தங் அப்³ப⁴ஞ்ஞாஸிங், ‘அயங் து³க்க²னிரோத⁴கா³மினீ
படிபதா³’தி யதா²பூ⁴தங் அப்³ப⁴ஞ்ஞாஸிங் . ‘இமே ஆஸவா’தி யதா²பூ⁴தங் அப்³ப⁴ஞ்ஞாஸிங், ‘அயங் ஆஸவஸமுத³யோ’தி யதா²பூ⁴தங் அப்³ப⁴ஞ்ஞாஸிங், ‘அயங் ஆஸவனிரோதோ⁴’தி யதா²பூ⁴தங் அப்³ப⁴ஞ்ஞாஸிங், ‘அயங்
ஆஸவனிரோத⁴கா³மினீ படிபதா³’தி யதா²பூ⁴தங் அப்³ப⁴ஞ்ஞாஸிங். தஸ்ஸ மே ஏவங்
ஜானதோ ஏவங் பஸ்ஸதோ காமாஸவாபி சித்தங் விமுச்சித்த², ப⁴வாஸவாபி சித்தங்
விமுச்சித்த², அவிஜ்ஜாஸவாபி சித்தங் விமுச்சித்த², விமுத்தஸ்மிங்
விமுத்தமிதி ஞாணங் அஹோஸி – ‘கீ²ணா ஜாதி, வுஸிதங் ப்³ரஹ்மசரியங், கதங்
கரணீயங், நாபரங் இத்த²த்தாயா’தி அப்³ப⁴ஞ்ஞாஸிங். அயங் கோ² மே, பி⁴க்க²வே,
ரத்தியா பச்சி²மே யாமே ததியா விஜ்ஜா அதி⁴க³தா; அவிஜ்ஜா விஹதா விஜ்ஜா
உப்பன்னா; தமோ விஹதோ ஆலோகோ உப்பன்னோ; யதா² தங் அப்பமத்தஸ்ஸ ஆதாபினோ
பஹிதத்தஸ்ஸ விஹரதோ.

215.
‘‘ஸெய்யதா²பி, பி⁴க்க²வே, அரஞ்ஞே பவனே மஹந்தங் நின்னங் பல்லலங். தமேனங்
மஹாமிக³ஸங்கோ⁴ உபனிஸ்ஸாய விஹரெய்ய. தஸ்ஸ கோசிதே³வ புரிஸோ உப்பஜ்ஜெய்ய
அனத்த²காமோ அஹிதகாமோ அயோக³க்கே²மகாமோ. ஸோ ய்வாஸ்ஸ மக்³கோ³ கே²மோ ஸோவத்தி²கோ
பீதிக³மனீயோ தங் மக்³க³ங் பித³ஹெய்ய, விவரெய்ய கும்மக்³க³ங், ஓத³ஹெய்ய
ஓகசரங், ட²பெய்ய ஓகசாரிகங். ஏவஞ்ஹி ஸோ, பி⁴க்க²வே, மஹாமிக³ஸங்கோ⁴ அபரேன
ஸமயேன அனயப்³யஸனங் [அனயப்³யஸனங் தனுத்தங் (ஸீ॰ ஸ்யா॰ பீ॰)]
ஆபஜ்ஜெய்ய. தஸ்ஸேவ கோ² பன, பி⁴க்க²வே, மஹதோ மிக³ஸங்க⁴ஸ்ஸ கோசிதே³வ புரிஸோ
உப்பஜ்ஜெய்ய அத்த²காமோ ஹிதகாமோ யோக³க்கே²மகாமோ. ஸோ ய்வாஸ்ஸ மக்³கோ³ கே²மோ
ஸோவத்தி²கோ பீதிக³மனீயோ தங் மக்³க³ங் விவரெய்ய, பித³ஹெய்ய கும்மக்³க³ங்,
ஊஹனெய்ய ஓகசரங், நாஸெய்ய ஓகசாரிகங். ஏவஞ்ஹி ஸோ, பி⁴க்க²வே, மஹாமிக³ஸங்கோ⁴
அபரேன ஸமயேன வுத்³தி⁴ங் விரூள்ஹிங் வேபுல்லங் ஆபஜ்ஜெய்ய.

‘‘உபமா கோ² மே அயங், பி⁴க்க²வே, கதா அத்த²ஸ்ஸ விஞ்ஞாபனாய .
அயங் சேவெத்த² அத்தோ² – மஹந்தங் நின்னங் பல்லலந்தி கோ², பி⁴க்க²வே,
காமானமேதங் அதி⁴வசனங். மஹாமிக³ஸங்கோ⁴தி கோ², பி⁴க்க²வே, ஸத்தானமேதங்
அதி⁴வசனங். புரிஸோ அனத்த²காமோ அஹிதகாமோ அயோக³க்கே²மகாமோதி கோ², பி⁴க்க²வே,
மாரஸ்ஸேதங் பாபிமதோ அதி⁴வசனங். கும்மக்³கோ³தி கோ², பி⁴க்க²வே,
அட்ட²ங்கி³கஸ்ஸேதங் மிச்சா²மக்³க³ஸ்ஸ அதி⁴வசனங், ஸெய்யதி²த³ங் –
மிச்சா²தி³ட்டி²யா மிச்சா²ஸங்கப்பஸ்ஸ மிச்சா²வாசாய மிச்சா²கம்மந்தஸ்ஸ
மிச்சா²ஆஜீவஸ்ஸ மிச்சா²வாயாமஸ்ஸ மிச்சா²ஸதியா மிச்சா²ஸமாதி⁴ஸ்ஸ. ஓகசரோதி
கோ², பி⁴க்க²வே, நந்தீ³ராக³ஸ்ஸேதங் அதி⁴வசனங். ஓகசாரிகாதி
கோ², பி⁴க்க²வே, அவிஜ்ஜாயேதங் அதி⁴வசனங். புரிஸோ அத்த²காமோ ஹிதகாமோ
யோக³க்கே²மகாமோதி கோ², பி⁴க்க²வே, ததா²க³தஸ்ஸேதங் அதி⁴வசனங் அரஹதோ
ஸம்மாஸம்பு³த்³த⁴ஸ்ஸ. கே²மோ மக்³கோ³ ஸோவத்தி²கோ பீதிக³மனீயோதி கோ² ,
பி⁴க்க²வே, அரியஸ்ஸேதங் அட்ட²ங்கி³கஸ்ஸ மக்³க³ஸ்ஸ அதி⁴வசனங், ஸெய்யதி²த³ங்
– ஸம்மாதி³ட்டி²யா ஸம்மாஸங்கப்பஸ்ஸ ஸம்மாவாசாய ஸம்மாகம்மந்தஸ்ஸ
ஸம்மாஆஜீவஸ்ஸ ஸம்மாவாயாமஸ்ஸ ஸம்மாஸதியா ஸம்மாஸமாதி⁴ஸ்ஸ.

‘‘இதி கோ², பி⁴க்க²வே, விவடோ மயா கே²மோ மக்³கோ³
ஸோவத்தி²கோ பீதிக³மனீயோ, பிஹிதோ கும்மக்³கோ³, ஊஹதோ ஓகசரோ, நாஸிதா ஓகசாரிகா.
யங், பி⁴க்க²வே, ஸத்தா²ரா கரணீயங் ஸாவகானங் ஹிதேஸினா அனுகம்பகேன அனுகம்பங்
உபாதா³ய, கதங் வோ தங் மயா. ஏதானி, பி⁴க்க²வே ,
ருக்க²மூலானி, ஏதானி ஸுஞ்ஞாகா³ரானி; ஜா²யத², பி⁴க்க²வே, மா பமாத³த்த²; மா
பச்சா² விப்படிஸாரினோ அஹுவத்த². அயங் வோ அம்ஹாகங் அனுஸாஸனீ’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

த்³வேதா⁴விதக்கஸுத்தங் நிட்டி²தங் நவமங்.

10. விதக்கஸண்டா²னஸுத்தங்

216. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘அதி⁴சித்தமனுயுத்தேன, பி⁴க்க²வே, பி⁴க்கு²னா பஞ்ச
நிமித்தானி காலேன காலங் மனஸி காதப்³பா³னி. கதமானி பஞ்ச? இத⁴, பி⁴க்க²வே,
பி⁴க்கு²னோ யங் நிமித்தங் ஆக³ம்ம யங் நிமித்தங் மனஸிகரோதோ உப்பஜ்ஜந்தி
பாபகா அகுஸலா விதக்கா ச²ந்தூ³பஸங்ஹிதாபி தோ³ஸூபஸங்ஹிதாபி மோஹூபஸங்ஹிதாபி,
தேன, பி⁴க்க²வே, பி⁴க்கு²னா தம்ஹா நிமித்தா அஞ்ஞங் நிமித்தங் மனஸி
காதப்³ப³ங் குஸலூபஸங்ஹிதங். தஸ்ஸ தம்ஹா நிமித்தா அஞ்ஞங் நிமித்தங்
மனஸிகரோதோ குஸலூபஸங்ஹிதங் யே பாபகா அகுஸலா விதக்கா
ச²ந்தூ³பஸங்ஹிதாபி தோ³ஸூபஸங்ஹிதாபி மோஹூபஸங்ஹிதாபி தே பஹீயந்தி தே
அப்³ப⁴த்த²ங் க³ச்ச²ந்தி. தேஸங் பஹானா அஜ்ஜ²த்தமேவ சித்தங் ஸந்திட்ட²தி
ஸன்னிஸீத³தி ஏகோதி³ ஹோதி [ஏகோதி³போ⁴தி (ஸ்யா॰ க॰)]
ஸமாதி⁴யதி. ஸெய்யதா²பி, பி⁴க்க²வே, த³க்கோ² பலக³ண்டோ³ வா பலக³ண்ட³ந்தேவாஸீ
வா ஸுகு²மாய ஆணியா ஓளாரிகங் ஆணிங் அபி⁴னிஹனெய்ய அபி⁴னீஹரெய்ய
அபி⁴னிவத்தெய்ய [அபி⁴னிவஜ்ஜெய்ய (ஸீ॰ பீ॰)];
ஏவமேவ கோ², பி⁴க்க²வே, பி⁴க்கு²னோ யங் நிமித்தங் ஆக³ம்ம யங் நிமித்தங்
மனஸிகரோதோ உப்பஜ்ஜந்தி பாபகா அகுஸலா விதக்கா ச²ந்தூ³பஸங்ஹிதாபி
தோ³ஸூபஸங்ஹிதாபி மோஹூபஸங்ஹிதாபி, தேன, பி⁴க்க²வே,
பி⁴க்கு²னா தம்ஹா நிமித்தா அஞ்ஞங் நிமித்தங் மனஸி காதப்³ப³ங்
குஸலூபஸங்ஹிதங். தஸ்ஸ தம்ஹா நிமித்தா அஞ்ஞங் நிமித்தங் மனஸிகரோதோ
குஸலூபஸங்ஹிதங் யே பாபகா அகுஸலா விதக்கா ச²ந்தூ³பஸங்ஹிதாபி தோ³ஸூபஸங்ஹிதாபி
மோஹூபஸங்ஹிதாபி தே பஹீயந்தி தே அப்³ப⁴த்த²ங் க³ச்ச²ந்தி. தேஸங் பஹானா
அஜ்ஜ²த்தமேவ சித்தங் ஸந்திட்ட²தி ஸன்னிஸீத³தி ஏகோதி³ ஹோதி ஸமாதி⁴யதி.

217.
‘‘தஸ்ஸ சே, பி⁴க்க²வே, பி⁴க்கு²னோ தம்ஹா நிமித்தா அஞ்ஞங் நிமித்தங்
மனஸிகரோதோ குஸலூபஸங்ஹிதங் உப்பஜ்ஜந்தேவ பாபகா அகுஸலா விதக்கா
ச²ந்தூ³பஸங்ஹிதாபி தோ³ஸூபஸங்ஹிதாபி மோஹூபஸங்ஹிதாபி, தேன, பி⁴க்க²வே,
பி⁴க்கு²னா தேஸங் விதக்கானங் ஆதீ³னவோ உபபரிக்கி²தப்³போ³ – ‘இதிபிமே விதக்கா
அகுஸலா, இதிபிமே விதக்கா ஸாவஜ்ஜா, இதிபிமே விதக்கா
து³க்க²விபாகா’தி. தஸ்ஸ தேஸங் விதக்கானங் ஆதீ³னவங் உபபரிக்க²தோ யே பாபகா
அகுஸலா விதக்கா ச²ந்தூ³பஸங்ஹிதாபி தோ³ஸூபஸங்ஹிதாபி மோஹூபஸங்ஹிதாபி தே
பஹீயந்தி தே அப்³ப⁴த்த²ங் க³ச்ச²ந்தி. தேஸங் பஹானா அஜ்ஜ²த்தமேவ சித்தங்
ஸந்திட்ட²தி ஸன்னிஸீத³தி ஏகோதி³ ஹோதி ஸமாதி⁴யதி. ஸெய்யதா²பி, பி⁴க்க²வே,
இத்தீ² வா புரிஸோ வா த³ஹரோ யுவா மண்ட³னகஜாதிகோ அஹிகுணபேன வா குக்குரகுணபேன
வா மனுஸ்ஸகுணபேன வா கண்டே² ஆஸத்தேன அட்டியெய்ய
ஹராயெய்ய ஜிகு³ச்செ²ய்ய; ஏவமேவ கோ², பி⁴க்க²வே, தஸ்ஸ சே பி⁴க்கு²னோ தம்ஹாபி
நிமித்தா அஞ்ஞங் நிமித்தங் மனஸிகரோதோ
குஸலூபஸங்ஹிதங் உப்பஜ்ஜந்தேவ பாபகா அகுஸலா விதக்கா ச²ந்தூ³பஸங்ஹிதாபி
தோ³ஸூபஸங்ஹிதாபி மோஹூபஸங்ஹிதாபி, தேன, பி⁴க்க²வே, பி⁴க்கு²னா தேஸங்
விதக்கானங் ஆதீ³னவோ உபபரிக்கி²தப்³போ³ – ‘இதிபிமே விதக்கா அகுஸலா, இதிபிமே
விதக்கா ஸாவஜ்ஜா, இதிபிமே விதக்கா து³க்க²விபாகா’தி. தஸ்ஸ தேஸங்
விதக்கானங் ஆதீ³னவங் உபபரிக்க²தோ யே பாபகா அகுஸலா விதக்கா
ச²ந்தூ³பஸங்ஹிதாபி தோ³ஸூபஸங்ஹிதாபி மோஹூபஸங்ஹிதாபி தே பஹீயந்தி தே
அப்³ப⁴த்த²ங் க³ச்ச²ந்தி. தேஸங் பஹானா அஜ்ஜ²த்தமேவ சித்தங் ஸந்திட்ட²தி
ஸன்னிஸீத³தி ஏகோதி³ ஹோதி ஸமாதி⁴யதி.

218.
‘‘தஸ்ஸ சே, பி⁴க்க²வே, பி⁴க்கு²னோ தேஸம்பி விதக்கானங் ஆதீ³னவங்
உபபரிக்க²தோ உப்பஜ்ஜந்தேவ பாபகா அகுஸலா விதக்கா ச²ந்தூ³பஸங்ஹிதாபி
தோ³ஸூபஸங்ஹிதாபி மோஹூபஸங்ஹிதாபி, தேன, பி⁴க்க²வே, பி⁴க்கு²னா தேஸங்
விதக்கானங் அஸதிஅமனஸிகாரோ ஆபஜ்ஜிதப்³போ³. தஸ்ஸ தேஸங் விதக்கானங்
அஸதிஅமனஸிகாரங் ஆபஜ்ஜதோ யே பாபகா அகுஸலா விதக்கா ச²ந்தூ³பஸங்ஹிதாபி
தோ³ஸூபஸங்ஹிதாபி மோஹூபஸங்ஹிதாபி தே பஹீயந்தி தே அப்³ப⁴த்த²ங் க³ச்ச²ந்தி.
தேஸங் பஹானா அஜ்ஜ²த்தமேவ சித்தங் ஸந்திட்ட²தி ஸன்னிஸீத³தி ஏகோதி³ ஹோதி
ஸமாதி⁴யதி. ஸெய்யதா²பி, பி⁴க்க²வே, சக்கு²மா புரிஸோ ஆபாத²க³தானங் ரூபானங்
அத³ஸ்ஸனகாமோ அஸ்ஸ; ஸோ நிமீலெய்ய வா அஞ்ஞேன வா அபலோகெய்ய. ஏவமேவ கோ²,
பி⁴க்க²வே, தஸ்ஸ சே பி⁴க்கு²னோ தேஸம்பி விதக்கானங் ஆதீ³னவங் உபபரிக்க²தோ
உப்பஜ்ஜந்தேவ பாபகா அகுஸலா விதக்கா ச²ந்தூ³பஸங்ஹிதாபி தோ³ஸூபஸங்ஹிதாபி
மோஹூபஸங்ஹிதாபி, தே பஹீயந்தி தே அப்³ப⁴த்த²ங் க³ச்ச²ந்தி. தேஸங் பஹானா
அஜ்ஜ²த்தமேவ சித்தங் ஸந்திட்ட²தி ஸன்னிஸீத³தி ஏகோதி³ ஹோதி ஸமாதி⁴யதி.

219. ‘‘தஸ்ஸ சே, பி⁴க்க²வே, பி⁴க்கு²னோ தேஸம்பி விதக்கானங் அஸதிஅமனஸிகாரங் ஆபஜ்ஜதோ
உப்பஜ்ஜந்தேவ பாபகா அகுஸலா விதக்கா ச²ந்தூ³பஸங்ஹிதாபி தோ³ஸூபஸங்ஹிதாபி
மோஹூபஸங்ஹிதாபி, தேன, பி⁴க்க²வே, பி⁴க்கு²னா தேஸங் விதக்கானங்
விதக்கஸங்கா²ரஸண்டா²னங் மனஸிகாதப்³ப³ங். தஸ்ஸ தேஸங் விதக்கானங்
விதக்கஸங்கா²ரஸண்டா²னங் மனஸிகரோதோ யே பாபகா அகுஸலா விதக்கா
ச²ந்தூ³பஸங்ஹிதாபி தோ³ஸூபஸங்ஹிதாபி மோஹூபஸங்ஹிதாபி தே பஹீயந்தி தே
அப்³ப⁴த்த²ங் க³ச்ச²ந்தி. தேஸங் பஹானா அஜ்ஜ²த்தமேவ சித்தங் ஸந்திட்ட²தி
ஸன்னிஸீத³தி ஏகோதி³ ஹோதி ஸமாதி⁴யதி. ஸெய்யதா²பி, பி⁴க்க²வே, புரிஸோ ஸீக⁴ங்
க³ச்செ²ய்ய. தஸ்ஸ ஏவமஸ்ஸ – ‘கிங் நு கோ² அஹங் ஸீக⁴ங் க³ச்சா²மி? யங்னூனாஹங்
ஸணிகங் க³ச்செ²ய்ய’ந்தி. ஸோ ஸணிகங் க³ச்செ²ய்ய. தஸ்ஸ ஏவமஸ்ஸ – ‘கிங் நு
கோ² அஹங் ஸணிகங் க³ச்சா²மி? யங்னூனாஹங் திட்டெ²ய்ய’ந்தி. ஸோ திட்டெ²ய்ய .
தஸ்ஸ ஏவமஸ்ஸ – ‘கிங் நு கோ² அஹங் டி²தோ? யங்னூனாஹங் நிஸீதெ³ய்ய’ந்தி. ஸோ
நிஸீதெ³ய்ய. தஸ்ஸ ஏவமஸ்ஸ – ‘கிங் நு கோ² அஹங் நிஸின்னோ? யங்னூனாஹங்
நிபஜ்ஜெய்ய’ந்தி. ஸோ நிபஜ்ஜெய்ய. ஏவஞ்ஹி ஸோ, பி⁴க்க²வே, புரிஸோ ஓளாரிகங்
ஓளாரிகங் இரியாபத²ங் அபி⁴னிவஜ்ஜெத்வா [அபி⁴னிஸ்ஸஜ்ஜெத்வா (ஸ்யா॰)]
ஸுகு²மங் ஸுகு²மங் இரியாபத²ங் கப்பெய்ய. ஏவமேவ கோ², பி⁴க்க²வே, தஸ்ஸ சே
பி⁴க்கு²னோ தேஸம்பி விதக்கானங் அஸதிஅமனஸிகாரங் ஆபஜ்ஜதோ உப்பஜ்ஜந்தேவ பாபகா
அகுஸலா விதக்கா ச²ந்தூ³பஸங்ஹிதாபி தோ³ஸூபஸங்ஹிதாபி மோஹூபஸங்ஹிதாபி தே
பஹீயந்தி தே அப்³ப⁴த்த²ங் க³ச்ச²ந்தி. தேஸங் பஹானா அஜ்ஜ²த்தமேவ சித்தங்
ஸந்திட்ட²தி ஸன்னிஸீத³தி ஏகோதி³ ஹோதி ஸமாதி⁴யதி.

220. ‘‘தஸ்ஸ
சே, பி⁴க்க²வே, பி⁴க்கு²னோ தேஸம்பி விதக்கானங் விதக்கஸங்கா²ரஸண்டா²னங்
மனஸிகரோதோ உப்பஜ்ஜந்தேவ பாபகா அகுஸலா விதக்கா ச²ந்தூ³பஸங்ஹிதாபி
தோ³ஸூபஸங்ஹிதாபி மோஹூபஸங்ஹிதாபி. தேன, பி⁴க்க²வே, பி⁴க்கு²னா
த³ந்தேபி⁴த³ந்தமாதா⁴ய [த³ந்தே + அபி⁴த³ந்தங் + ஆதா⁴யாதி டீகாயங் பத³ச்சே²தோ³, த³ந்தேபீ⁴தி பனெத்த² கரணத்தோ² யுத்தோ விய தி³ஸ்ஸதி] ஜிவ்ஹாய தாலுங் ஆஹச்ச சேதஸா சித்தங் அபி⁴னிக்³க³ண்ஹிதப்³ப³ங் அபி⁴னிப்பீளேதப்³ப³ங் அபி⁴ஸந்தாபேதப்³ப³ங் .
தஸ்ஸ த³ந்தேபி⁴த³ந்தமாதா⁴ய ஜிவ்ஹாய தாலுங் ஆஹச்ச சேதஸா சித்தங்
அபி⁴னிக்³க³ண்ஹதோ அபி⁴னிப்பீளயதோ அபி⁴ஸந்தாபயதோ யே பாபகா அகுஸலா விதக்கா
ச²ந்தூ³பஸங்ஹிதாபி தோ³ஸூபஸங்ஹிதாபி மோஹூபஸங்ஹிதாபி தே பஹீயந்தி தே
அப்³ப⁴த்த²ங் க³ச்ச²ந்தி. தேஸங் பஹானா அஜ்ஜ²த்தமேவ சித்தங் ஸந்திட்ட²தி
ஸன்னிஸீத³தி ஏகோதி³ ஹோதி ஸமாதி⁴யதி. ஸெய்யதா²பி, பி⁴க்க²வே, ப³லவா புரிஸோ
து³ப்³ப³லதரங் புரிஸங் ஸீஸே வா க³லே வா க²ந்தே⁴ வா க³ஹெத்வா
அபி⁴னிக்³க³ண்ஹெய்ய அபி⁴னிப்பீளெய்ய அபி⁴ஸந்தாபெய்ய; ஏவமேவ கோ², பி⁴க்க²வே,
தஸ்ஸ சே பி⁴க்கு²னோ தேஸம்பி விதக்கானங் விதக்கஸங்கா²ரஸண்டா²னங் மனஸிகரோதோ
உப்பஜ்ஜந்தேவ பாபகா அகுஸலா விதக்கா ச²ந்தூ³பஸங்ஹிதாபி தோ³ஸூபஸங்ஹிதாபி
மோஹூபஸங்ஹிதாபி. தேன, பி⁴க்க²வே, பி⁴க்கு²னா த³ந்தேபி⁴த³ந்தமாதா⁴ய
ஜிவ்ஹாய தாலுங் ஆஹச்ச சேதஸா சித்தங் அபி⁴னிக்³க³ண்ஹிதப்³ப³ங்
அபி⁴னிப்பீளேதப்³ப³ங் அபி⁴ஸந்தாபேதப்³ப³ங். தஸ்ஸ த³ந்தேபி⁴த³ந்தமாதா⁴ய
ஜிவ்ஹாய தாலுங் ஆஹச்ச சேதஸா சித்தங் அபி⁴னிக்³க³ண்ஹதோ அபி⁴னிப்பீளயதோ
அபி⁴ஸந்தாபயதோ யே பாபகா அகுஸலா விதக்கா ச²ந்தூ³பஸங்ஹிதாபி தோ³ஸூபஸங்ஹிதாபி மோஹூபஸங்ஹிதாபி தே பஹீயந்தி தே அப்³ப⁴த்த²ங் க³ச்ச²ந்தி. தேஸங் பஹானா அஜ்ஜ²த்தமேவ சித்தங் ஸந்திட்ட²தி ஸன்னிஸீத³தி ஏகோதி³ ஹோதி ஸமாதி⁴யதி.

221. ‘‘யதோ கோ² [யதோ ச கோ² (ஸ்யா॰ க॰)],
பி⁴க்க²வே, பி⁴க்கு²னோ யங் நிமித்தங் ஆக³ம்ம யங் நிமித்தங் மனஸிகரோதோ
உப்பஜ்ஜந்தி பாபகா அகுஸலா விதக்கா ச²ந்தூ³பஸங்ஹிதாபி தோ³ஸூபஸங்ஹிதாபி
மோஹூபஸங்ஹிதாபி, தஸ்ஸ தம்ஹா நிமித்தா அஞ்ஞங் நிமித்தங் மனஸிகரோதோ
குஸலூபஸங்ஹிதங் யே பாபகா அகுஸலா விதக்கா ச²ந்தூ³பஸங்ஹிதாபி தோ³ஸூபஸங்ஹிதாபி
மோஹூபஸங்ஹிதாபி தே பஹீயந்தி தே அப்³ப⁴த்த²ங் க³ச்ச²ந்தி. தேஸங் பஹானா
அஜ்ஜ²த்தமேவ சித்தங் ஸந்திட்ட²தி ஸன்னிஸீத³தி ஏகோதி³ ஹோதி ஸமாதி⁴யதி.
தேஸம்பி விதக்கானங் ஆதீ³னவங் உபபரிக்க²தோ யே பாபகா அகுஸலா விதக்கா
ச²ந்தூ³பஸங்ஹிதாபி தோ³ஸூபஸங்ஹிதாபி மோஹூபஸங்ஹிதாபி தே பஹீயந்தி தே
அப்³ப⁴த்த²ங் க³ச்ச²ந்தி. தேஸங் பஹானா அஜ்ஜ²த்தமேவ சித்தங் ஸந்திட்ட²தி
ஸன்னிஸீத³தி ஏகோதி³ ஹோதி ஸமாதி⁴யதி. தேஸம்பி விதக்கானங் அஸதிஅமனஸிகாரங்
ஆபஜ்ஜதோ யே பாபகா அகுஸலா விதக்கா ச²ந்தூ³பஸங்ஹிதாபி தோ³ஸூபஸங்ஹிதாபி
மோஹூபஸங்ஹிதாபி தே பஹீயந்தி தே அப்³ப⁴த்த²ங் க³ச்ச²ந்தி. தேஸங் பஹானா
அஜ்ஜ²த்தமேவ சித்தங் ஸந்திட்ட²தி ஸன்னிஸீத³தி ஏகோதி³ ஹோதி ஸமாதி⁴யதி.
தேஸம்பி விதக்கானங் விதக்கஸங்கா²ரஸண்டா²னங் மனஸிகரோதோ யே பாபகா அகுஸலா
விதக்கா ச²ந்தூ³பஸங்ஹிதாபி தோ³ஸூபஸங்ஹிதாபி மோஹூபஸங்ஹிதாபி
தே பஹீயந்தி தே அப்³ப⁴த்த²ங் க³ச்ச²ந்தி. தேஸங் பஹானா அஜ்ஜ²த்தமேவ சித்தங்
ஸந்திட்ட²தி ஸன்னிஸீத³தி ஏகோதி³ ஹோதி ஸமாதி⁴யதி. த³ந்தேபி⁴த³ந்தமாதா⁴ய
ஜிவ்ஹாய தாலுங் ஆஹச்ச சேதஸா சித்தங் அபி⁴னிக்³க³ண்ஹதோ அபி⁴னிப்பீளயதோ
அபி⁴ஸந்தாபயதோ யே பாபகா அகுஸலா விதக்கா ச²ந்தூ³பஸங்ஹிதாபி தோ³ஸூபஸங்ஹிதாபி
மோஹூபஸங்ஹிதாபி தே பஹீயந்தி தே அப்³ப⁴த்த²ங் க³ச்ச²ந்தி. தேஸங் பஹானா
அஜ்ஜ²த்தமேவ சித்தங் ஸந்திட்ட²தி ஸன்னிஸீத³தி ஏகோதி³ ஹோதி
ஸமாதி⁴யதி. அயங் வுச்சதி, பி⁴க்க²வே, பி⁴க்கு² வஸீ விதக்கபரியாயபதே²ஸு.
யங் விதக்கங் ஆகங்கி²ஸ்ஸதி தங் விதக்கங் விதக்கெஸ்ஸதி, யங் விதக்கங்
நாகங்கி²ஸ்ஸதி ந தங் விதக்கங் விதக்கெஸ்ஸதி. அச்செ²ச்சி² தண்ஹங், விவத்தயி [வாவத்தயி (ஸீ॰ பீ॰)] ஸங்யோஜனங், ஸம்மா மானாபி⁴ஸமயா அந்தமகாஸி து³க்க²ஸ்ஸா’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

விதக்கஸண்டா²னஸுத்தங் நிட்டி²தங் த³ஸமங்.

ஸீஹனாத³வக்³கோ³ நிட்டி²தோ து³தியோ.

தஸ்ஸுத்³தா³னங் –

சூளஸீஹனாத³லோமஹங்ஸவரோ, மஹாசூளது³க்க²க்க²ந்த⁴அனுமானிகஸுத்தங்;

கி²லபத்த²மது⁴பிண்டி³கத்³விதா⁴விதக்க, பஞ்சனிமித்தகதா² புன வக்³கோ³.

comments (0)
ஸுத்தபிடக-Part-35-தமிழில் திரபிடக மூன்று தொகுப்புகள்TIPITAKA–35.மஜ்ஜிமனிகாயோ-மூலபண்ணாஸபாளி-1. மூலபரியாயவக்கோ-1. மூலபரியாயஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org
Filed under: General
Posted by: site admin @ 8:18 am

up a level
ஸுத்தபிடக-Part-35-மிழில் திபி  மூன்று தொகுப்புள்TIPITAKA--35.
மஜ்ஜிமனிகாயோ-மூலபண்ணாஸபாளி-1. மூலபரியாயவக்கோ-1. மூலபரியாயஸுத்தங்-from FREE ONLINE  eNālāndā Research and
Practice UNIVERSITY through http://sarvajan.ambedkar.org

நமோ தஸ்ஸ பகவதோ அரஹதோ ஸம்மாஸம்பு³த்தஸ்ஸ

மஜ்ஜிமனிகாயோ

மூலபண்ணாஸபாளி

1. மூலபரியாயவக்கோ

1. மூலபரியாயஸுத்தங்

1. ஏவங்
மே ஸுதங் – ஏகங் ஸமயங் ப⁴க³வா உக்கட்டா²யங் விஹரதி ஸுப⁴க³வனே ஸாலராஜமூலே.
தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி. ‘‘ப⁴த³ந்தே’’தி தே
பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச – ‘‘ஸப்³ப³த⁴ம்மமூலபரியாயங்
வோ, பி⁴க்க²வே, தே³ஸெஸ்ஸாமி. தங் ஸுணாத², ஸாது⁴கங் மனஸி கரோத²,
பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² தே பி⁴க்கூ² ப⁴க³வதோ
பச்சஸ்ஸோஸுங். ப⁴க³வா ஏதத³வோச –

2. ‘‘இத⁴, பி⁴க்க²வே, அஸ்ஸுதவா புது²ஜ்ஜனோ அரியானங் அத³ஸ்ஸாவீ அரியத⁴ம்மஸ்ஸ அகோவிதோ³ அரியத⁴ம்மே அவினீதோ, ஸப்புரிஸானங் அத³ஸ்ஸாவீ ஸப்புரிஸத⁴ம்மஸ்ஸ அகோவிதோ³ ஸப்புரிஸத⁴ம்மே அவினீதோ – பத²விங் [பட²விங் (ஸீ॰ ஸ்யா॰ கங்॰ பீ॰)] பத²விதோ ஸஞ்ஜானாதி; பத²விங் பத²விதோ ஸஞ்ஞத்வா பத²விங் மஞ்ஞதி, பத²வியா மஞ்ஞதி, பத²விதோ மஞ்ஞதி, பத²விங் மேதி மஞ்ஞதி , பத²விங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘ஆபங் ஆபதோ ஸஞ்ஜானாதி; ஆபங் ஆபதோ ஸஞ்ஞத்வா ஆபங்
மஞ்ஞதி, ஆபஸ்மிங் மஞ்ஞதி, ஆபதோ மஞ்ஞதி, ஆபங் மேதி மஞ்ஞதி, ஆபங்
அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘தேஜங் தேஜதோ ஸஞ்ஜானாதி;
தேஜங் தேஜதோ ஸஞ்ஞத்வா தேஜங் மஞ்ஞதி, தேஜஸ்மிங் மஞ்ஞதி, தேஜதோ மஞ்ஞதி, தேஜங்
மேதி மஞ்ஞதி, தேஜங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி
வதா³மி.

‘‘வாயங் வாயதோ ஸஞ்ஜானாதி; வாயங் வாயதோ ஸஞ்ஞத்வா வாயங்
மஞ்ஞதி, வாயஸ்மிங் மஞ்ஞதி, வாயதோ மஞ்ஞதி, வாயங் மேதி மஞ்ஞதி, வாயங்
அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

3.
‘‘பூ⁴தே பூ⁴ததோ ஸஞ்ஜானாதி; பூ⁴தே பூ⁴ததோ ஸஞ்ஞத்வா பூ⁴தே மஞ்ஞதி, பூ⁴தேஸு
மஞ்ஞதி, பூ⁴ததோ மஞ்ஞதி, பூ⁴தே மேதி மஞ்ஞதி, பூ⁴தே அபி⁴னந்த³தி. தங் கிஸ்ஸ
ஹேது? ‘அபரிஞ்ஞாதங் தஸ்ஸா’தி வதா³மி.

‘‘தே³வே தே³வதோ ஸஞ்ஜானாதி; தே³வே தே³வதோ ஸஞ்ஞத்வா
தே³வே மஞ்ஞதி, தே³வேஸு மஞ்ஞதி, தே³வதோ மஞ்ஞதி, தே³வே மேதி மஞ்ஞதி, தே³வே
அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘பஜாபதிங் பஜாபதிதோ ஸஞ்ஜானாதி; பஜாபதிங் பஜாபதிதோ
ஸஞ்ஞத்வா பஜாபதிங் மஞ்ஞதி, பஜாபதிஸ்மிங் மஞ்ஞதி, பஜாபதிதோ மஞ்ஞதி, பஜாபதிங்
மேதி மஞ்ஞதி, பஜாபதிங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங்
தஸ்ஸா’தி வதா³மி.

‘‘ப்³ரஹ்மங் ப்³ரஹ்மதோ ஸஞ்ஜானாதி; ப்³ரஹ்மங் ப்³ரஹ்மதோ ஸஞ்ஞத்வா ப்³ரஹ்மங் மஞ்ஞதி ,
ப்³ரஹ்மஸ்மிங் மஞ்ஞதி, ப்³ரஹ்மதோ மஞ்ஞதி, ப்³ரஹ்மங் மேதி மஞ்ஞதி,
ப்³ரஹ்மங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘ஆப⁴ஸ்ஸரே ஆப⁴ஸ்ஸரதோ ஸஞ்ஜானாதி; ஆப⁴ஸ்ஸரே ஆப⁴ஸ்ஸரதோ
ஸஞ்ஞத்வா ஆப⁴ஸ்ஸரே மஞ்ஞதி, ஆப⁴ஸ்ஸரேஸு மஞ்ஞதி, ஆப⁴ஸ்ஸரதோ மஞ்ஞதி, ஆப⁴ஸ்ஸரே
மேதி மஞ்ஞதி, ஆப⁴ஸ்ஸரே அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி
வதா³மி.

‘‘ஸுப⁴கிண்ஹே ஸுப⁴கிண்ஹதோ ஸஞ்ஜானாதி; ஸுப⁴கிண்ஹே
ஸுப⁴கிண்ஹதோ ஸஞ்ஞத்வா ஸுப⁴கிண்ஹே மஞ்ஞதி, ஸுப⁴கிண்ஹேஸு மஞ்ஞதி, ஸுப⁴கிண்ஹதோ
மஞ்ஞதி, ஸுப⁴கிண்ஹே மேதி மஞ்ஞதி, ஸுப⁴கிண்ஹே அபி⁴னந்த³தி. தங் கிஸ்ஸ ஹேது?
‘அபரிஞ்ஞாதங் தஸ்ஸா’தி வதா³மி.

‘‘வேஹப்ப²லே வேஹப்ப²லதோ
ஸஞ்ஜானாதி; வேஹப்ப²லே வேஹப்ப²லதோ ஸஞ்ஞத்வா வேஹப்ப²லே மஞ்ஞதி, வேஹப்ப²லேஸு
மஞ்ஞதி, வேஹப்ப²லதோ மஞ்ஞதி, வேஹப்ப²லே மேதி மஞ்ஞதி, வேஹப்ப²லே அபி⁴னந்த³தி.
தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘அபி⁴பு⁴ங் அபி⁴பூ⁴தோ ஸஞ்ஜானாதி; அபி⁴பு⁴ங் அபி⁴பூ⁴தோ
ஸஞ்ஞத்வா அபி⁴பு⁴ங் மஞ்ஞதி, அபி⁴பு⁴ஸ்மிங் மஞ்ஞதி, அபி⁴பூ⁴தோ மஞ்ஞதி,
அபி⁴பு⁴ங் மேதி மஞ்ஞதி, அபி⁴பு⁴ங் அபி⁴னந்த³தி. தங் கிஸ்ஸ ஹேது?
‘அபரிஞ்ஞாதங் தஸ்ஸா’தி வதா³மி.

4.
‘‘ஆகாஸானஞ்சாயதனங் ஆகாஸானஞ்சாயதனதோ ஸஞ்ஜானாதி; ஆகாஸானஞ்சாயதனங்
ஆகாஸானஞ்சாயதனதோ ஸஞ்ஞத்வா ஆகாஸானஞ்சாயதனங் மஞ்ஞதி, ஆகாஸானஞ்சாயதனஸ்மிங்
மஞ்ஞதி, ஆகாஸானஞ்சாயதனதோ மஞ்ஞதி, ஆகாஸானஞ்சாயதனங் மேதி மஞ்ஞதி,
ஆகாஸானஞ்சாயதனங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘விஞ்ஞாணஞ்சாயதனங் விஞ்ஞாணஞ்சாயதனதோ ஸஞ்ஜானாதி; விஞ்ஞாணஞ்சாயதனங் விஞ்ஞாணஞ்சாயதனதோ ஸஞ்ஞத்வா விஞ்ஞாணஞ்சாயதனங் மஞ்ஞதி, விஞ்ஞாணஞ்சாயதனஸ்மிங் மஞ்ஞதி, விஞ்ஞாணஞ்சாயதனதோ மஞ்ஞதி, விஞ்ஞாணஞ்சாயதனங் மேதி மஞ்ஞதி, விஞ்ஞாணஞ்சாயதனங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘ஆகிஞ்சஞ்ஞாயதனங் ஆகிஞ்சஞ்ஞாயதனதோ ஸஞ்ஜானாதி;
ஆகிஞ்சஞ்ஞாயதனங் ஆகிஞ்சஞ்ஞாயதனதோ ஸஞ்ஞத்வா ஆகிஞ்சஞ்ஞாயதனங் மஞ்ஞதி,
ஆகிஞ்சஞ்ஞாயதனஸ்மிங் மஞ்ஞதி, ஆகிஞ்சஞ்ஞாயதனதோ மஞ்ஞதி, ஆகிஞ்சஞ்ஞாயதனங் மேதி
மஞ்ஞதி, ஆகிஞ்சஞ்ஞாயதனங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங்
தஸ்ஸா’தி வதா³மி.

‘‘நேவஸஞ்ஞானாஸஞ்ஞாயதனங் நேவஸஞ்ஞானாஸஞ்ஞாயதனதோ
ஸஞ்ஜானாதி; நேவஸஞ்ஞானாஸஞ்ஞாயதனங் நேவஸஞ்ஞானாஸஞ்ஞாயதனதோ ஸஞ்ஞத்வா
நேவஸஞ்ஞானாஸஞ்ஞாயதனங் மஞ்ஞதி, நேவஸஞ்ஞானாஸஞ்ஞாயதனஸ்மிங் மஞ்ஞதி,
நேவஸஞ்ஞானாஸஞ்ஞாயதனதோ மஞ்ஞதி, நேவஸஞ்ஞானாஸஞ்ஞாயதனங் மேதி மஞ்ஞதி,
நேவஸஞ்ஞானாஸஞ்ஞாயதனங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி
வதா³மி.

5. ‘‘தி³ட்ட²ங்
தி³ட்ட²தோ ஸஞ்ஜானாதி; தி³ட்ட²ங் தி³ட்ட²தோ ஸஞ்ஞத்வா தி³ட்ட²ங் மஞ்ஞதி,
தி³ட்ட²ஸ்மிங் மஞ்ஞதி, தி³ட்ட²தோ மஞ்ஞதி, தி³ட்ட²ங் மேதி மஞ்ஞதி, தி³ட்ட²ங்
அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘ஸுதங் ஸுததோ ஸஞ்ஜானாதி; ஸுதங் ஸுததோ ஸஞ்ஞத்வா ஸுதங் மஞ்ஞதி, ஸுதஸ்மிங் மஞ்ஞதி, ஸுததோ மஞ்ஞதி, ஸுதங் மேதி மஞ்ஞதி, ஸுதங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘முதங் முததோ ஸஞ்ஜானாதி; முதங் முததோ ஸஞ்ஞத்வா முதங்
மஞ்ஞதி, முதஸ்மிங் மஞ்ஞதி, முததோ மஞ்ஞதி, முதங் மேதி மஞ்ஞதி, முதங்
அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘விஞ்ஞாதங் விஞ்ஞாததோ ஸஞ்ஜானாதி; விஞ்ஞாதங் விஞ்ஞாததோ
ஸஞ்ஞத்வா விஞ்ஞாதங் மஞ்ஞதி, விஞ்ஞாதஸ்மிங் மஞ்ஞதி, விஞ்ஞாததோ மஞ்ஞதி,
விஞ்ஞாதங் மேதி மஞ்ஞதி, விஞ்ஞாதங் அபி⁴னந்த³தி. தங் கிஸ்ஸ ஹேது?
‘அபரிஞ்ஞாதங் தஸ்ஸா’தி வதா³மி.

6. ‘‘ஏகத்தங்
ஏகத்ததோ ஸஞ்ஜானாதி; ஏகத்தங் ஏகத்ததோ ஸஞ்ஞத்வா ஏகத்தங் மஞ்ஞதி, ஏகத்தஸ்மிங்
மஞ்ஞதி, ஏகத்ததோ மஞ்ஞதி, ஏகத்தங் மேதி மஞ்ஞதி, ஏகத்தங் அபி⁴னந்த³தி. தங்
கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘நானத்தங் நானத்ததோ ஸஞ்ஜானாதி; நானத்தங் நானத்ததோ
ஸஞ்ஞத்வா நானத்தங் மஞ்ஞதி, நானத்தஸ்மிங் மஞ்ஞதி, நானத்ததோ மஞ்ஞதி, நானத்தங்
மேதி மஞ்ஞதி, நானத்தங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங்
தஸ்ஸா’தி வதா³மி.

‘‘ஸப்³ப³ங் ஸப்³ப³தோ ஸஞ்ஜானாதி; ஸப்³ப³ங் ஸப்³ப³தோ ஸஞ்ஞத்வா ஸப்³ப³ங் மஞ்ஞதி, ஸப்³ப³ஸ்மிங் மஞ்ஞதி, ஸப்³ப³தோ மஞ்ஞதி, ஸப்³ப³ங் மேதி மஞ்ஞதி, ஸப்³ப³ங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

‘‘நிப்³பா³னங் நிப்³பா³னதோ ஸஞ்ஜானாதி; நிப்³பா³னங் நிப்³பா³னதோ ஸஞ்ஞத்வா நிப்³பா³னங் மஞ்ஞதி, நிப்³பா³னஸ்மிங் மஞ்ஞதி , நிப்³பா³னதோ மஞ்ஞதி, நிப்³பா³னங் மேதி மஞ்ஞதி, நிப்³பா³னங் அபி⁴னந்த³தி. தங் கிஸ்ஸ ஹேது? ‘அபரிஞ்ஞாதங் தஸ்ஸா’தி வதா³மி.

புது²ஜ்ஜனவஸேன பட²மனயபூ⁴மிபரிச்சே²தோ³ நிட்டி²தோ.

7. ‘‘யோபி ஸோ, பி⁴க்க²வே, பி⁴க்கு² ஸெக்கோ² [ஸேகோ² (ஸீ॰ ஸ்யா॰ கங்॰ பீ॰)] அப்பத்தமானஸோ அனுத்தரங் யோக³க்கே²மங் பத்த²யமானோ விஹரதி, ஸோபி பத²விங் பத²விதோ அபி⁴ஜானாதி; பத²விங் பத²விதோ அபி⁴ஞ்ஞாய [அபி⁴ஞ்ஞத்வா (க॰)] பத²விங் மா மஞ்ஞி [வா மஞ்ஞதி], பத²வியா மா மஞ்ஞி, பத²விதோ மா மஞ்ஞி, பத²விங் மேதி மா மஞ்ஞி, பத²விங் மாபி⁴னந்தி³ [வா அபி⁴னந்த³தி (ஸீ॰) டீகா ஓலோகேதப்³பா³]. தங் கிஸ்ஸ ஹேது? ‘பரிஞ்ஞெய்யங் தஸ்ஸா’தி வதா³மி.

‘‘ஆபங்…பே॰… தேஜங்… வாயங்… பூ⁴தே… தே³வே… பஜாபதிங்…
ப்³ரஹ்மங்… ஆப⁴ஸ்ஸரே… ஸுப⁴கிண்ஹே… வேஹப்ப²லே… அபி⁴பு⁴ங்… ஆகாஸானஞ்சாயதனங்…
விஞ்ஞாணஞ்சாயதனங்… ஆகிஞ்சஞ்ஞாயதனங்… நேவஸஞ்ஞானாஸஞ்ஞாயதனங்… தி³ட்ட²ங்…
ஸுதங்… முதங்… விஞ்ஞாதங்… ஏகத்தங்… நானத்தங்… ஸப்³ப³ங்… நிப்³பா³னங்
நிப்³பா³னதோ அபி⁴ஜானாதி; நிப்³பா³னங் நிப்³பா³னதோ அபி⁴ஞ்ஞாய
நிப்³பா³னங் மா மஞ்ஞி, நிப்³பா³னஸ்மிங் மா மஞ்ஞி, நிப்³பா³னதோ மா மஞ்ஞி,
நிப்³பா³னங் மேதி மா மஞ்ஞி, நிப்³பா³னங் மாபி⁴னந்தி³. தங் கிஸ்ஸ ஹேது?
‘பரிஞ்ஞெய்யங் தஸ்ஸா’தி வதா³மி.

ஸெக்க²வஸேன [ஸத்தா²ரவஸேன (ஸீ॰), ஸத்து²வஸேன (ஸ்யா॰ க॰)] து³தியனயபூ⁴மிபரிச்சே²தோ³ நிட்டி²தோ.

8.
‘‘யோபி ஸோ, பி⁴க்க²வே, பி⁴க்கு² அரஹங் கீ²ணாஸவோ வுஸிதவா கதகரணீயோ ஓஹிதபா⁴ரோ
அனுப்பத்தஸத³த்தோ² பரிக்கீ²ணப⁴வஸங்யோஜனோ ஸம்மத³ஞ்ஞா விமுத்தோ, ஸோபி
பத²விங் பத²விதோ அபி⁴ஜானாதி; பத²விங் பத²விதோ
அபி⁴ஞ்ஞாய பத²விங் ந மஞ்ஞதி, பத²வியா ந மஞ்ஞதி, பத²விதோ ந மஞ்ஞதி, பத²விங்
மேதி ந மஞ்ஞதி, பத²விங் நாபி⁴னந்த³தி. தங் கிஸ்ஸ ஹேது? ‘பரிஞ்ஞாதங்
தஸ்ஸா’தி வதா³மி.

‘‘ஆபங்…பே॰… தேஜங்… வாயங்… பூ⁴தே… தே³வே… பஜாபதிங்…
ப்³ரஹ்மங்… ஆப⁴ஸ்ஸரே… ஸுப⁴கிண்ஹே… வேஹப்ப²லே… அபி⁴பு⁴ங்… ஆகாஸானஞ்சாயதனங்…
விஞ்ஞாணஞ்சாயதனங்… ஆகிஞ்சஞ்ஞாயதனங்… நேவஸஞ்ஞானாஸஞ்ஞாயதனங்… தி³ட்ட²ங்…
ஸுதங்… முதங்… விஞ்ஞாதங்… ஏகத்தங்… நானத்தங்… ஸப்³ப³ங்… நிப்³பா³னங்
நிப்³பா³னதோ அபி⁴ஜானாதி; நிப்³பா³னங் நிப்³பா³னதோ அபி⁴ஞ்ஞாய நிப்³பா³னங் ந
மஞ்ஞதி, நிப்³பா³னஸ்மிங் ந மஞ்ஞதி, நிப்³பா³னதோ ந மஞ்ஞதி, நிப்³பா³னங் மேதி
ந மஞ்ஞதி, நிப்³பா³னங் நாபி⁴னந்த³தி. தங் கிஸ்ஸ ஹேது? ‘பரிஞ்ஞாதங்
தஸ்ஸா’தி வதா³மி.

கீ²ணாஸவவஸேன ததியனயபூ⁴மிபரிச்சே²தோ³ நிட்டி²தோ.

9. ‘‘யோபி
ஸோ, பி⁴க்க²வே, பி⁴க்கு² அரஹங் கீ²ணாஸவோ வுஸிதவா கதகரணீயோ ஓஹிதபா⁴ரோ
அனுப்பத்தஸத³த்தோ² பரிக்கீ²ணப⁴வஸங்யோஜனோ ஸம்மத³ஞ்ஞா விமுத்தோ, ஸோபி பத²விங்
பத²விதோ அபி⁴ஜானாதி; பத²விங் பத²விதோ அபி⁴ஞ்ஞாய
பத²விங் ந மஞ்ஞதி, பத²வியா ந மஞ்ஞதி, பத²விதோ ந மஞ்ஞதி, பத²விங் மேதி ந
மஞ்ஞதி, பத²விங் நாபி⁴னந்த³தி. தங் கிஸ்ஸ ஹேது? க²யா ராக³ஸ்ஸ, வீதராக³த்தா.

‘‘ஆபங்…பே॰… தேஜங்… வாயங்… பூ⁴தே… தே³வே… பஜாபதிங்…
ப்³ரஹ்மங்… ஆப⁴ஸ்ஸரே… ஸுப⁴கிண்ஹே… வேஹப்ப²லே… அபி⁴பு⁴ங்… ஆகாஸானஞ்சாயதனங்…
விஞ்ஞாணஞ்சாயதனங்… ஆகிஞ்சஞ்ஞாயதனங் … நேவஸஞ்ஞானாஸஞ்ஞாயதனங்
தி³ட்ட²ங்… ஸுதங்… முதங்… விஞ்ஞாதங்… ஏகத்தங்… நானத்தங்… ஸப்³ப³ங்…
நிப்³பா³னங் நிப்³பா³னதோ அபி⁴ஜானாதி; நிப்³பா³னங் நிப்³பா³னதோ அபி⁴ஞ்ஞாய
நிப்³பா³னங் ந மஞ்ஞதி, நிப்³பா³னஸ்மிங் ந மஞ்ஞதி, நிப்³பா³னதோ ந மஞ்ஞதி,
நிப்³பா³னங் மேதி ந மஞ்ஞதி, நிப்³பா³னங் நாபி⁴னந்த³தி. தங் கிஸ்ஸ ஹேது?
க²யா ராக³ஸ்ஸ, வீதராக³த்தா.

கீ²ணாஸவவஸேன சதுத்த²னயபூ⁴மிபரிச்சே²தோ³ நிட்டி²தோ.

10.
‘‘யோபி ஸோ, பி⁴க்க²வே, பி⁴க்கு² அரஹங் கீ²ணாஸவோ வுஸிதவா கதகரணீயோ
ஓஹிதபா⁴ரோ அனுப்பத்தஸத³த்தோ² பரிக்கீ²ணப⁴வஸங்யோஜனோ ஸம்மத³ஞ்ஞா விமுத்தோ,
ஸோபி பத²விங் பத²விதோ அபி⁴ஜானாதி; பத²விங் பத²விதோ அபி⁴ஞ்ஞாய பத²விங் ந
மஞ்ஞதி, பத²வியா ந மஞ்ஞதி, பத²விதோ ந மஞ்ஞதி, பத²விங் மேதி ந மஞ்ஞதி,
பத²விங் நாபி⁴னந்த³தி. தங் கிஸ்ஸ ஹேது? க²யா தோ³ஸஸ்ஸ, வீததோ³ஸத்தா.

‘‘ஆபங்…பே॰… தேஜங்… வாயங்… பூ⁴தே… தே³வே… பஜாபதிங்…
ப்³ரஹ்மங்… ஆப⁴ஸ்ஸரே… ஸுப⁴கிண்ஹே… வேஹப்ப²லே… அபி⁴பு⁴ங்… ஆகாஸானஞ்சாயதனங்…
விஞ்ஞாணஞ்சாயதனங்… ஆகிஞ்சஞ்ஞாயதனங்… நேவஸஞ்ஞானாஸஞ்ஞாயதனங்… தி³ட்ட²ங்…
ஸுதங்… முதங்… விஞ்ஞாதங்… ஏகத்தங்… நானத்தங்… ஸப்³ப³ங்… நிப்³பா³னங்
நிப்³பா³னதோ அபி⁴ஜானாதி; நிப்³பா³னங் நிப்³பா³னதோ அபி⁴ஞ்ஞாய நிப்³பா³னங் ந
மஞ்ஞதி, நிப்³பா³னஸ்மிங் ந மஞ்ஞதி, நிப்³பா³னதோ ந மஞ்ஞதி, நிப்³பா³னங் மேதி
ந மஞ்ஞதி, நிப்³பா³னங் நாபி⁴னந்த³தி. தங் கிஸ்ஸ ஹேது? க²யா தோ³ஸஸ்ஸ,
வீததோ³ஸத்தா.

கீ²ணாஸவவஸேன பஞ்சமனயபூ⁴மிபரிச்சே²தோ³ நிட்டி²தோ.

11. ‘‘யோபி
ஸோ, பி⁴க்க²வே, பி⁴க்கு² அரஹங் கீ²ணாஸவோ வுஸிதவா கதகரணீயோ ஓஹிதபா⁴ரோ
அனுப்பத்தஸத³த்தோ² பரிக்கீ²ணப⁴வஸங்யோஜனோ ஸம்மத³ஞ்ஞா விமுத்தோ, ஸோபி பத²விங்
பத²விதோ அபி⁴ஜானாதி; பத²விங் பத²விதோ அபி⁴ஞ்ஞாய பத²விங் ந மஞ்ஞதி, பத²வியா
ந மஞ்ஞதி, பத²விதோ ந மஞ்ஞதி, பத²விங் மேதி ந மஞ்ஞதி, பத²விங்
நாபி⁴னந்த³தி. தங் கிஸ்ஸ ஹேது? க²யா மோஹஸ்ஸ, வீதமோஹத்தா.

‘‘ஆபங்…பே॰… தேஜங்… வாயங்… பூ⁴தே… தே³வே… பஜாபதிங்…
ப்³ரஹ்மங்… ஆப⁴ஸ்ஸரே… ஸுப⁴கிண்ஹே… வேஹப்ப²லே… அபி⁴பு⁴ங்… ஆகாஸானஞ்சாயதனங்…
விஞ்ஞாணஞ்சாயதனங்… ஆகிஞ்சஞ்ஞாயதனங்
நேவஸஞ்ஞானாஸஞ்ஞாயதனங்… தி³ட்ட²ங்… ஸுதங்… முதங்… விஞ்ஞாதங்… ஏகத்தங்…
நானத்தங்… ஸப்³ப³ங்… நிப்³பா³னங் நிப்³பா³னதோ அபி⁴ஜானாதி; நிப்³பா³னங்
நிப்³பா³னதோ அபி⁴ஞ்ஞாய நிப்³பா³னங் ந மஞ்ஞதி, நிப்³பா³னஸ்மிங் ந மஞ்ஞதி,
நிப்³பா³னதோ ந மஞ்ஞதி, நிப்³பா³னங் மேதி ந மஞ்ஞதி, நிப்³பா³னங்
நாபி⁴னந்த³தி. தங் கிஸ்ஸ ஹேது? க²யா மோஹஸ்ஸ, வீதமோஹத்தா.

கீ²ணாஸவவஸேன ச²ட்ட²னயபூ⁴மிபரிச்சே²தோ³ நிட்டி²தோ.

12.
‘‘ததா²க³தோபி, பி⁴க்க²வே, அரஹங் ஸம்மாஸம்பு³த்³தோ⁴ பத²விங் பத²விதோ
அபி⁴ஜானாதி; பத²விங் பத²விதோ அபி⁴ஞ்ஞாய பத²விங் ந மஞ்ஞதி, பத²வியா ந
மஞ்ஞதி, பத²விதோ ந மஞ்ஞதி, பத²விங் மேதி ந மஞ்ஞதி, பத²விங் நாபி⁴னந்த³தி . தங் கிஸ்ஸ ஹேது? ‘பரிஞ்ஞாதந்தங் ததா²க³தஸ்ஸா’தி வதா³மி.

‘‘ஆபங்…பே॰… தேஜங்… வாயங்… பூ⁴தே… தே³வே… பஜாபதிங்…
ப்³ரஹ்மங்… ஆப⁴ஸ்ஸரே… ஸுப⁴கிண்ஹே… வேஹப்ப²லே… அபி⁴பு⁴ங்… ஆகாஸானஞ்சாயதனங்…
விஞ்ஞாணஞ்சாயதனங் … ஆகிஞ்சஞ்ஞாயதனங்…
நேவஸஞ்ஞானாஸஞ்ஞாயதனங்… தி³ட்ட²ங்… ஸுதங்… முதங்… விஞ்ஞாதங்… ஏகத்தங்…
நானத்தங்… ஸப்³ப³ங்… நிப்³பா³னங் நிப்³பா³னதோ அபி⁴ஜானாதி; நிப்³பா³னங்
நிப்³பா³னதோ அபி⁴ஞ்ஞாய நிப்³பா³னங் ந மஞ்ஞதி, நிப்³பா³னஸ்மிங் ந மஞ்ஞதி,
நிப்³பா³னதோ ந மஞ்ஞதி, நிப்³பா³னங் மேதி ந மஞ்ஞதி, நிப்³பா³னங்
நாபி⁴னந்த³தி. தங் கிஸ்ஸ ஹேது? ‘பரிஞ்ஞாதந்தங் ததா²க³தஸ்ஸா’தி வதா³மி.

ததா²க³தவஸேன ஸத்தமனயபூ⁴மிபரிச்சே²தோ³ நிட்டி²தோ.

13. ‘‘ததா²க³தோபி ,
பி⁴க்க²வே, அரஹங் ஸம்மாஸம்பு³த்³தோ⁴ பத²விங் பத²விதோ அபி⁴ஜானாதி; பத²விங்
பத²விதோ அபி⁴ஞ்ஞாய பத²விங் ந மஞ்ஞதி, பத²வியா ந மஞ்ஞதி, பத²விதோ ந மஞ்ஞதி,
பத²விங் மேதி ந மஞ்ஞதி, பத²விங் நாபி⁴னந்த³தி. தங் கிஸ்ஸ ஹேது? ‘நந்தீ³ [நந்தி³ (ஸீ॰ ஸ்யா॰)]
து³க்க²ஸ்ஸ மூல’ந்தி – இதி விதி³த்வா ‘ப⁴வா ஜாதி பூ⁴தஸ்ஸ ஜராமரண’ந்தி.
தஸ்மாதிஹ, பி⁴க்க²வே, ‘ததா²க³தோ ஸப்³ப³ஸோ தண்ஹானங் க²யா விராகா³ நிரோதா⁴
சாகா³ படினிஸ்ஸக்³கா³ அனுத்தரங் ஸம்மாஸம்போ³தி⁴ங் அபி⁴ஸம்பு³த்³தோ⁴’தி
வதா³மி.

‘‘ஆபங் …பே॰… தேஜங்… வாயங்…
பூ⁴தே… தே³வே… பஜாபதிங்… ப்³ரஹ்மங்… ஆப⁴ஸ்ஸரே… ஸுப⁴கிண்ஹே… வேஹப்ப²லே…
அபி⁴பு⁴ங்… ஆகாஸானஞ்சாயதனங்… விஞ்ஞாணஞ்சாயதனங்… ஆகிஞ்சஞ்ஞாயதனங்…
நேவஸஞ்ஞானாஸஞ்ஞாயதனங்… தி³ட்ட²ங்… ஸுதங்… முதங்… விஞ்ஞாதங்… ஏகத்தங்…
நானத்தங்… ஸப்³ப³ங்… நிப்³பா³னங் நிப்³பா³னதோ அபி⁴ஜானாதி; நிப்³பா³னங்
நிப்³பா³னதோ அபி⁴ஞ்ஞாய நிப்³பா³னங் ந மஞ்ஞதி, நிப்³பா³னஸ்மிங் ந மஞ்ஞதி,
நிப்³பா³னதோ ந மஞ்ஞதி, நிப்³பா³னங் மேதி ந மஞ்ஞதி, நிப்³பா³னங்
நாபி⁴னந்த³தி. தங் கிஸ்ஸ ஹேது? ‘நந்தீ³ து³க்க²ஸ்ஸ
மூல’ந்தி – இதி விதி³த்வா ‘ப⁴வா ஜாதி பூ⁴தஸ்ஸ ஜராமரண’ந்தி. தஸ்மாதிஹ,
பி⁴க்க²வே, ‘ததா²க³தோ ஸப்³ப³ஸோ தண்ஹானங் க²யா விராகா³ நிரோதா⁴ சாகா³
படினிஸ்ஸக்³கா³ அனுத்தரங் ஸம்மாஸம்போ³தி⁴ங் அபி⁴ஸம்பு³த்³தோ⁴’தி
வதா³மீ’’தி.

ததா²க³தவஸேன அட்ட²மனயபூ⁴மிபரிச்சே²தோ³ நிட்டி²தோ.

இத³மவோச ப⁴க³வா. ந தே பி⁴க்கூ² [ந அத்தமனா தேபி⁴க்கூ² (ஸ்யா॰), தே பி⁴க்கூ² (பீ॰ க॰)] ப⁴க³வதோ பா⁴ஸிதங் அபி⁴னந்து³ந்தி.

மூலபரியாயஸுத்தங் நிட்டி²தங் பட²மங்.

2. ஸப்³பா³ஸவஸுத்தங்

14. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
‘‘ஸப்³பா³ஸவஸங்வரபரியாயங் வோ, பி⁴க்க²வே, தே³ஸெஸ்ஸாமி. தங் ஸுணாத² , ஸாது⁴கங் மனஸி கரோத², பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

15.
‘‘ஜானதோ அஹங், பி⁴க்க²வே, பஸ்ஸதோ ஆஸவானங் க²யங் வதா³மி, நோ அஜானதோ நோ
அபஸ்ஸதோ. கிஞ்ச, பி⁴க்க²வே, ஜானதோ கிஞ்ச பஸ்ஸதோ ஆஸவானங் க²யங் வதா³மி?
யோனிஸோ ச மனஸிகாரங் அயோனிஸோ ச மனஸிகாரங். அயோனிஸோ, பி⁴க்க²வே, மனஸிகரோதோ
அனுப்பன்னா சேவ ஆஸவா உப்பஜ்ஜந்தி, உப்பன்னா ச ஆஸவா பவட்³ட⁴ந்தி; யோனிஸோ ச
கோ², பி⁴க்க²வே, மனஸிகரோதோ அனுப்பன்னா சேவ ஆஸவா ந உப்பஜ்ஜந்தி, உப்பன்னா ச
ஆஸவா பஹீயந்தி.

16.
‘‘அத்தி², பி⁴க்க²வே, ஆஸவா த³ஸ்ஸனா பஹாதப்³பா³, அத்தி² ஆஸவா ஸங்வரா
பஹாதப்³பா³, அத்தி² ஆஸவா படிஸேவனா பஹாதப்³பா³, அத்தி² ஆஸவா அதி⁴வாஸனா
பஹாதப்³பா³, அத்தி² ஆஸவா பரிவஜ்ஜனா பஹாதப்³பா³, அத்தி² ஆஸவா வினோத³னா
பஹாதப்³பா³, அத்தி² ஆஸவா பா⁴வனா பஹாதப்³பா³.

த³ஸ்ஸனா பஹாதப்³பா³ஸவா

17. ‘‘கதமே ச, பி⁴க்க²வே, ஆஸவா த³ஸ்ஸனா பஹாதப்³பா³? இத⁴, பி⁴க்க²வே ,
அஸ்ஸுதவா புது²ஜ்ஜனோ – அரியானங் அத³ஸ்ஸாவீ அரியத⁴ம்மஸ்ஸ அகோவிதோ³
அரியத⁴ம்மே அவினீதோ, ஸப்புரிஸானங் அத³ஸ்ஸாவீ ஸப்புரிஸத⁴ம்மஸ்ஸ அகோவிதோ³
ஸப்புரிஸத⁴ம்மே அவினீதோ – மனஸிகரணீயே த⁴ம்மே நப்பஜானாதி, அமனஸிகரணீயே
த⁴ம்மே நப்பஜானாதி. ஸோ மனஸிகரணீயே த⁴ம்மே அப்பஜானந்தோ அமனஸிகரணீயே த⁴ம்மே
அப்பஜானந்தோ, யே த⁴ம்மா ந மனஸிகரணீயா, தே த⁴ம்மே மனஸி கரோதி, யே த⁴ம்மா
மனஸிகரணீயா தே த⁴ம்மே ந மனஸி கரோதி.

‘‘கதமே ச, பி⁴க்க²வே, த⁴ம்மா ந
மனஸிகரணீயா யே த⁴ம்மே மனஸி கரோதி? யஸ்ஸ, பி⁴க்க²வே, த⁴ம்மே மனஸிகரோதோ
அனுப்பன்னோ வா காமாஸவோ உப்பஜ்ஜதி, உப்பன்னோ வா காமாஸவோ பவட்³ட⁴தி;
அனுப்பன்னோ வா ப⁴வாஸவோ உப்பஜ்ஜதி, உப்பன்னோ வா ப⁴வாஸவோ பவட்³ட⁴தி;
அனுப்பன்னோ வா அவிஜ்ஜாஸவோ உப்பஜ்ஜதி, உப்பன்னோ வா அவிஜ்ஜாஸவோ பவட்³ட⁴தி –
இமே த⁴ம்மா ந மனஸிகரணீயா யே த⁴ம்மே மனஸி கரோதி.

‘‘கதமே ச, பி⁴க்க²வே, த⁴ம்மா
மனஸிகரணீயா யே த⁴ம்மே ந மனஸி கரோதி? யஸ்ஸ, பி⁴க்க²வே, த⁴ம்மே மனஸிகரோதோ
அனுப்பன்னோ வா காமாஸவோ ந உப்பஜ்ஜதி, உப்பன்னோ வா காமாஸவோ பஹீயதி;
அனுப்பன்னோ வா ப⁴வாஸவோ ந உப்பஜ்ஜதி, உப்பன்னோ வா ப⁴வாஸவோ பஹீயதி;
அனுப்பன்னோ வா அவிஜ்ஜாஸவோ ந உப்பஜ்ஜதி, உப்பன்னோ வா அவிஜ்ஜாஸவோ பஹீயதி –
இமே த⁴ம்மா மனஸிகரணீயா யே த⁴ம்மே ந மனஸி கரோதி.

‘‘தஸ்ஸ அமனஸிகரணீயானங் த⁴ம்மானங் மனஸிகாரா மனஸிகரணீயானங் த⁴ம்மானங் அமனஸிகாரா அனுப்பன்னா சேவ ஆஸவா உப்பஜ்ஜந்தி உப்பன்னா ச ஆஸவா பவட்³ட⁴ந்தி.

18.
‘‘ஸோ ஏவங் அயோனிஸோ மனஸி கரோதி – ‘அஹோஸிங் நு கோ² அஹங் அதீதமத்³தா⁴னங்? ந
நு கோ² அஹோஸிங் அதீதமத்³தா⁴னங்? கிங் நு கோ² அஹோஸிங் அதீதமத்³தா⁴னங்? கத²ங்
நு கோ² அஹோஸிங் அதீதமத்³தா⁴னங்? கிங் ஹுத்வா கிங் அஹோஸிங் நு கோ² அஹங்
அதீதமத்³தா⁴னங்? ப⁴விஸ்ஸாமி நு கோ² அஹங் அனாக³தமத்³தா⁴னங்? ந நு கோ²
ப⁴விஸ்ஸாமி அனாக³தமத்³தா⁴னங்? கிங் நு கோ² ப⁴விஸ்ஸாமி அனாக³தமத்³தா⁴னங்?
கத²ங் நு கோ² ப⁴விஸ்ஸாமி அனாக³தமத்³தா⁴னங்? கிங் ஹுத்வா கிங் ப⁴விஸ்ஸாமி நு
கோ² அஹங் அனாக³தமத்³தா⁴ன’ந்தி? ஏதரஹி வா பச்சுப்பன்னமத்³தா⁴னங் [பச்சுப்பன்னமத்³தா⁴னங் ஆரப்³ப⁴ (ஸ்யா॰)]
அஜ்ஜ²த்தங் கத²ங்கதீ² ஹோதி – ‘அஹங் நு கொ²ஸ்மி? நோ நு கொ²ஸ்மி? கிங் நு
கொ²ஸ்மி? கத²ங் நு கொ²ஸ்மி? அயங் நு கோ² ஸத்தோ குதோ ஆக³தோ? ஸோ குஹிங் கா³மீ
ப⁴விஸ்ஸதீ’தி?

19. ‘‘தஸ்ஸ ஏவங் அயோனிஸோ மனஸிகரோதோ ச²ன்னங் தி³ட்டீ²னங் அஞ்ஞதரா தி³ட்டி² உப்பஜ்ஜதி. ‘அத்தி² மே அத்தா’தி வா அஸ்ஸ [வாஸ்ஸ (ஸீ॰ ஸ்யா॰ பீ॰)]
ஸச்சதோ தே²ததோ தி³ட்டி² உப்பஜ்ஜதி; ‘நத்தி² மே அத்தா’தி வா அஸ்ஸ ஸச்சதோ
தே²ததோ தி³ட்டி² உப்பஜ்ஜதி; ‘அத்தனாவ அத்தானங் ஸஞ்ஜானாமீ’தி வா அஸ்ஸ ஸச்சதோ
தே²ததோ தி³ட்டி² உப்பஜ்ஜதி; ‘அத்தனாவ அனத்தானங்
ஸஞ்ஜானாமீ’தி வா அஸ்ஸ ஸச்சதோ தே²ததோ தி³ட்டி² உப்பஜ்ஜதி; ‘அனத்தனாவ
அத்தானங் ஸஞ்ஜானாமீ’தி வா அஸ்ஸ ஸச்சதோ தே²ததோ தி³ட்டி² உப்பஜ்ஜதி; அத² வா
பனஸ்ஸ ஏவங் தி³ட்டி² ஹோதி – ‘யோ மே அயங் அத்தா வதோ³ வேதெ³ய்யோ தத்ர தத்ர
கல்யாணபாபகானங் கம்மானங் விபாகங் படிஸங்வேதே³தி ஸோ கோ² பன மே அயங் அத்தா
நிச்சோ து⁴வோ ஸஸ்ஸதோ அவிபரிணாமத⁴ம்மோ ஸஸ்ஸதிஸமங் ததே²வ ட²ஸ்ஸதீ’தி. இத³ங் வுச்சதி, பி⁴க்க²வே ,
தி³ட்டி²க³தங் தி³ட்டி²க³ஹனங் தி³ட்டி²கந்தாரங் தி³ட்டி²விஸூகங்
தி³ட்டி²விப்ப²ந்தி³தங் தி³ட்டி²ஸங்யோஜனங். தி³ட்டி²ஸங்யோஜனஸங்யுத்தோ,
பி⁴க்க²வே, அஸ்ஸுதவா புது²ஜ்ஜனோ ந பரிமுச்சதி ஜாதியா ஜராய மரணேன ஸோகேஹி
பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி; ‘ந பரிமுச்சதி
து³க்க²ஸ்மா’தி வதா³மி.

20.
‘‘ஸுதவா ச கோ², பி⁴க்க²வே, அரியஸாவகோ – அரியானங் த³ஸ்ஸாவீ அரியத⁴ம்மஸ்ஸ
கோவிதோ³ அரியத⁴ம்மே ஸுவினீதோ, ஸப்புரிஸானங் த³ஸ்ஸாவீ ஸப்புரிஸத⁴ம்மஸ்ஸ
கோவிதோ³ ஸப்புரிஸத⁴ம்மே ஸுவினீதோ – மனஸிகரணீயே த⁴ம்மே பஜானாதி அமனஸிகரணீயே
த⁴ம்மே பஜானாதி. ஸோ மனஸிகரணீயே த⁴ம்மே பஜானந்தோ அமனஸிகரணீயே த⁴ம்மே
பஜானந்தோ யே த⁴ம்மா ந மனஸிகரணீயா தே த⁴ம்மே ந மனஸி கரோதி, யே த⁴ம்மா மனஸிகரணீயா தே த⁴ம்மே மனஸி கரோதி.

‘‘கதமே ச, பி⁴க்க²வே, த⁴ம்மா ந மனஸிகரணீயா யே த⁴ம்மே ந
மனஸி கரோதி? யஸ்ஸ, பி⁴க்க²வே, த⁴ம்மே மனஸிகரோதோ அனுப்பன்னோ வா காமாஸவோ
உப்பஜ்ஜதி, உப்பன்னோ வா காமாஸவோ பவட்³ட⁴தி; அனுப்பன்னோ வா ப⁴வாஸவோ
உப்பஜ்ஜதி, உப்பன்னோ வா ப⁴வாஸவோ பவட்³ட⁴தி; அனுப்பன்னோ வா அவிஜ்ஜாஸவோ
உப்பஜ்ஜதி, உப்பன்னோ வா அவிஜ்ஜாஸவோ பவட்³ட⁴தி – இமே த⁴ம்மா ந மனஸிகரணீயா,
யே த⁴ம்மே ந மனஸி கரோதி.

‘‘கதமே ச, பி⁴க்க²வே, த⁴ம்மா மனஸிகரணீயா யே த⁴ம்மே
மனஸி கரோதி? யஸ்ஸ, பி⁴க்க²வே, த⁴ம்மே மனஸிகரோதோ அனுப்பன்னோ வா காமாஸவோ ந
உப்பஜ்ஜதி, உப்பன்னோ வா காமாஸவோ பஹீயதி; அனுப்பன்னோ வா ப⁴வாஸவோ ந உப்பஜ்ஜதி
, உப்பன்னோ வா ப⁴வாஸவோ பஹீயதி; அனுப்பன்னோ வா
அவிஜ்ஜாஸவோ ந உப்பஜ்ஜதி, உப்பன்னோ வா அவிஜ்ஜாஸவோ பஹீயதி – இமே த⁴ம்மா
மனஸிகரணீயா யே த⁴ம்மே மனஸி கரோதி.

‘‘தஸ்ஸ அமனஸிகரணீயானங் த⁴ம்மானங் அமனஸிகாரா
மனஸிகரணீயானங் த⁴ம்மானங் மனஸிகாரா அனுப்பன்னா சேவ ஆஸவா ந உப்பஜ்ஜந்தி,
உப்பன்னா ச ஆஸவா பஹீயந்தி.

21. ‘‘ஸோ ‘இத³ங் து³க்க²’ந்தி யோனிஸோ மனஸி கரோதி, ‘அயங் து³க்க²ஸமுத³யோ’தி யோனிஸோ மனஸி கரோதி, ‘அயங் து³க்க²னிரோதோ⁴’தி யோனிஸோ
மனஸி கரோதி, ‘அயங் து³க்க²னிரோத⁴கா³மினீ படிபதா³’தி யோனிஸோ மனஸி கரோதி.
தஸ்ஸ ஏவங் யோனிஸோ மனஸிகரோதோ தீணி ஸங்யோஜனானி பஹீயந்தி – ஸக்காயதி³ட்டி²,
விசிகிச்சா², ஸீலப்³ப³தபராமாஸோ. இமே வுச்சந்தி, பி⁴க்க²வே, ஆஸவா த³ஸ்ஸனா
பஹாதப்³பா³.

ஸங்வரா பஹாதப்³பா³ஸவா

22.
‘‘கதமே ச, பி⁴க்க²வே, ஆஸவா ஸங்வரா பஹாதப்³பா³? இத⁴, பி⁴க்க²வே, பி⁴க்கு²
படிஸங்கா² யோனிஸோ சக்கு²ந்த்³ரியஸங்வரஸங்வுதோ விஹரதி. யஞ்ஹிஸ்ஸ, பி⁴க்க²வே,
சக்கு²ந்த்³ரியஸங்வரங் அஸங்வுதஸ்ஸ விஹரதோ உப்பஜ்ஜெய்யுங் ஆஸவா
விகா⁴தபரிளாஹா, சக்கு²ந்த்³ரியஸங்வரங் ஸங்வுதஸ்ஸ விஹரதோ ஏவங்ஸ தே ஆஸவா
விகா⁴தபரிளாஹா ந ஹொந்தி. படிஸங்கா² யோனிஸோ ஸோதிந்த்³ரியஸங்வரஸங்வுதோ
விஹரதி…பே॰… கா⁴னிந்த்³ரியஸங்வரஸங்வுதோ விஹரதி…பே॰…
ஜிவ்ஹிந்த்³ரியஸங்வரஸங்வுதோ விஹரதி…பே॰… காயிந்த்³ரியஸங்வரஸங்வுதோ
விஹரதி…பே॰… மனிந்த்³ரியஸங்வரஸங்வுதோ விஹரதி. யஞ்ஹிஸ்ஸ, பி⁴க்க²வே ,
மனிந்த்³ரியஸங்வரங் அஸங்வுதஸ்ஸ விஹரதோ உப்பஜ்ஜெய்யுங் ஆஸவா விகா⁴தபரிளாஹா,
மனிந்த்³ரியஸங்வரங் ஸங்வுதஸ்ஸ விஹரதோ ஏவங்ஸ தே ஆஸவா விகா⁴தபரிளாஹா ந
ஹொந்தி.

‘‘யஞ்ஹிஸ்ஸ, பி⁴க்க²வே, ஸங்வரங் அஸங்வுதஸ்ஸ விஹரதோ உப்பஜ்ஜெய்யுங் ஆஸவா விகா⁴தபரிளாஹா , ஸங்வரங் ஸங்வுதஸ்ஸ விஹரதோ ஏவங்ஸ தே ஆஸவா விகா⁴தபரிளாஹா ந ஹொந்தி. இமே வுச்சந்தி, பி⁴க்க²வே, ஆஸவா ஸங்வரா பஹாதப்³பா³.

படிஸேவனா பஹாதப்³பா³ஸவா

23.
‘‘கதமே ச, பி⁴க்க²வே, ஆஸவா படிஸேவனா பஹாதப்³பா³? இத⁴, பி⁴க்க²வே, பி⁴க்கு²
படிஸங்கா² யோனிஸோ சீவரங் படிஸேவதி – ‘யாவதே³வ ஸீதஸ்ஸ படிகா⁴தாய, உண்ஹஸ்ஸ
படிகா⁴தாய, ட³ங்ஸமகஸவாதாதபஸரீங்ஸப- [ஸிரிங்ஸப (ஸீ॰ ஸ்யா॰ பீ॰)] ஸம்ப²ஸ்ஸானங் படிகா⁴தாய, யாவதே³வ ஹிரிகோபீனப்படிச்சா²த³னத்த²ங்’.

‘‘படிஸங்கா² யோனிஸோ பிண்ட³பாதங் படிஸேவதி – ‘நேவ த³வாய, ந மதா³ய, ந மண்ட³னாய, ந விபூ⁴ஸனாய, யாவதே³வ இமஸ்ஸ காயஸ்ஸ டி²தியா யாபனாய, விஹிங்ஸூபரதியா, ப்³ரஹ்மசரியானுக்³க³ஹாய, இதி புராணஞ்ச வேத³னங் படிஹங்கா²மி நவஞ்ச வேத³னங் ந உப்பாதெ³ஸ்ஸாமி, யாத்ரா ச மே ப⁴விஸ்ஸதி அனவஜ்ஜதா ச பா²ஸுவிஹாரோ ச’ [சாதி (ஸீ॰)].

‘‘படிஸங்கா² யோனிஸோ ஸேனாஸனங் படிஸேவதி – ‘யாவதே³வ
ஸீதஸ்ஸ படிகா⁴தாய, உண்ஹஸ்ஸ படிகா⁴தாய, ட³ங்ஸமகஸவாதாதபஸரீங்ஸபஸம்ப²ஸ்ஸானங்
படிகா⁴தாய, யாவதே³வ உதுபரிஸ்ஸயவினோத³னபடிஸல்லானாராமத்த²ங்’.

‘‘படிஸங்கா² யோனிஸோ கி³லானப்பச்சயபே⁴ஸஜ்ஜபரிக்கா²ரங்
படிஸேவதி – ‘யாவதே³வ உப்பன்னானங் வெய்யாபா³தி⁴கானங் வேத³னானங் படிகா⁴தாய,
அப்³யாப³ஜ்ஜ²பரமதாய’ [அப்³யாபஜ்ஜ²பரமதாய (ஸீ॰ ஸ்யா॰ பீ॰), அப்³யாபஜ்ஜபரமதாய (க॰)].

‘‘யஞ்ஹிஸ்ஸ, பி⁴க்க²வே, அப்படிஸேவதோ உப்பஜ்ஜெய்யுங் ஆஸவா விகா⁴தபரிளாஹா, படிஸேவதோ ஏவங்ஸ தே ஆஸவா விகா⁴தபரிளாஹா ந ஹொந்தி. இமே வுச்சந்தி, பி⁴க்க²வே, ஆஸவா படிஸேவனா பஹாதப்³பா³.

அதி⁴வாஸனா பஹாதப்³பா³ஸவா

24.
‘‘கதமே ச, பி⁴க்க²வே, ஆஸவா அதி⁴வாஸனா பஹாதப்³பா³? இத⁴, பி⁴க்க²வே,
பி⁴க்கு² படிஸங்கா² யோனிஸோ க²மோ ஹோதி ஸீதஸ்ஸ உண்ஹஸ்ஸ, ஜிக⁴ச்சா²ய பிபாஸாய.
ட³ங்ஸமகஸவாதாதபஸரீங்ஸபஸம்ப²ஸ்ஸானங், து³ருத்தானங் து³ராக³தானங் வசனபதா²னங்,
உப்பன்னானங் ஸாரீரிகானங் வேத³னானங் து³க்கா²னங் திப்³பா³னங் [திப்பானங் (ஸீ॰ ஸ்யா॰ பீ॰)] க²ரானங் கடுகானங் அஸாதானங் அமனாபானங் பாணஹரானங் அதி⁴வாஸகஜாதிகோ ஹோதி.

‘‘யஞ்ஹிஸ்ஸ, பி⁴க்க²வே, அனதி⁴வாஸயதோ உப்பஜ்ஜெய்யுங்
ஆஸவா விகா⁴தபரிளாஹா, அதி⁴வாஸயதோ ஏவங்ஸ தே ஆஸவா விகா⁴தபரிளாஹா ந ஹொந்தி. இமே
வுச்சந்தி, பி⁴க்க²வே, ஆஸவா அதி⁴வாஸனா பஹாதப்³பா³.

பரிவஜ்ஜனா பஹாதப்³பா³ஸவா

25. ‘‘கதமே ச, பி⁴க்க²வே, ஆஸவா பரிவஜ்ஜனா பஹாதப்³பா³? இத⁴, பி⁴க்க²வே, பி⁴க்கு²
படிஸங்கா² யோனிஸோ சண்ட³ங் ஹத்தி²ங் பரிவஜ்ஜேதி, சண்ட³ங் அஸ்ஸங்
பரிவஜ்ஜேதி, சண்ட³ங் கோ³ணங் பரிவஜ்ஜேதி, சண்ட³ங் குக்குரங் பரிவஜ்ஜேதி,
அஹிங் கா²ணுங் கண்டகட்டா²னங் ஸொப்³ப⁴ங் பபாதங் சந்த³னிகங் ஓளிக³ல்லங். யதா²ரூபே அனாஸனே நிஸின்னங்
யதா²ரூபே அகோ³சரே சரந்தங் யதா²ரூபே பாபகே மித்தே ப⁴ஜந்தங் விஞ்ஞூ
ஸப்³ரஹ்மசாரீ பாபகேஸு டா²னேஸு ஓகப்பெய்யுங், ஸோ தஞ்ச அனாஸனங் தஞ்ச அகோ³சரங்
தே ச பாபகே மித்தே படிஸங்கா² யோனிஸோ பரிவஜ்ஜேதி.

‘‘யஞ்ஹிஸ்ஸ, பி⁴க்க²வே, அபரிவஜ்ஜயதோ உப்பஜ்ஜெய்யுங்
ஆஸவா விகா⁴தபரிளாஹா, பரிவஜ்ஜயதோ ஏவங்ஸ தே ஆஸவா விகா⁴தபரிளாஹா ந ஹொந்தி. இமே
வுச்சந்தி, பி⁴க்க²வே, ஆஸவா பரிவஜ்ஜனா பஹாதப்³பா³.

வினோத³னா பஹாதப்³பா³ஸவா

26.
‘‘கதமே ச, பி⁴க்க²வே, ஆஸவா வினோத³னா பஹாதப்³பா³? இத⁴, பி⁴க்க²வே, பி⁴க்கு²
படிஸங்கா² யோனிஸோ உப்பன்னங் காமவிதக்கங் நாதி⁴வாஸேதி பஜஹதி வினோதே³தி
ப்³யந்தீகரோதி அனபா⁴வங் க³மேதி, உப்பன்னங் ப்³யாபாத³விதக்கங்…பே॰…
உப்பன்னங் விஹிங்ஸாவிதக்கங்…பே॰… உப்பன்னுப்பன்னே பாபகே அகுஸலே த⁴ம்மே
நாதி⁴வாஸேதி பஜஹதி வினோதே³தி ப்³யந்தீகரோதி அனபா⁴வங் க³மேதி.

‘‘யஞ்ஹிஸ்ஸ, பி⁴க்க²வே, அவினோத³யதோ உப்பஜ்ஜெய்யுங்
ஆஸவா விகா⁴தபரிளாஹா, வினோத³யதோ ஏவங்ஸ தே ஆஸவா விகா⁴தபரிளாஹா ந ஹொந்தி. இமே
வுச்சந்தி, பி⁴க்க²வே, ஆஸவா வினோத³னா பஹாதப்³பா³.

பா⁴வனா பஹாதப்³பா³ஸவா

27.
‘‘கதமே ச, பி⁴க்க²வே, ஆஸவா பா⁴வனா பஹாதப்³பா³? இத⁴, பி⁴க்க²வே, பி⁴க்கு²
படிஸங்கா² யோனிஸோ ஸதிஸம்பொ³ஜ்ஜ²ங்க³ங் பா⁴வேதி விவேகனிஸ்ஸிதங்
விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்; படிஸங்கா² யோனிஸோ
த⁴ம்மவிசயஸம்பொ³ஜ்ஜ²ங்க³ங் பா⁴வேதி…பே॰… வீரியஸம்பொ³ஜ்ஜ²ங்க³ங் பா⁴வேதி…
பீதிஸம்பொ³ஜ்ஜ²ங்க³ங் பா⁴வேதி…
பஸ்ஸத்³தி⁴ஸம்பொ³ஜ்ஜ²ங்க³ங் பா⁴வேதி… ஸமாதி⁴ஸம்பொ³ஜ்ஜ²ங்க³ங் பா⁴வேதி…
உபெக்கா²ஸம்பொ³ஜ்ஜ²ங்க³ங் பா⁴வேதி விவேகனிஸ்ஸிதங் விராக³னிஸ்ஸிதங்
நிரோத⁴னிஸ்ஸிதங் வொஸ்ஸக்³க³பரிணாமிங்.

‘‘யஞ்ஹிஸ்ஸ, பி⁴க்க²வே ,
அபா⁴வயதோ உப்பஜ்ஜெய்யுங் ஆஸவா விகா⁴தபரிளாஹா, பா⁴வயதோ ஏவங்ஸ தே ஆஸவா
விகா⁴தபரிளாஹா ந ஹொந்தி. இமே வுச்சந்தி, பி⁴க்க²வே, ஆஸவா பா⁴வனா
பஹாதப்³பா³.

28. ‘‘யதோ கோ², பி⁴க்க²வே, பி⁴க்கு²னோ யே ஆஸவா த³ஸ்ஸனா பஹாதப்³பா³ தே த³ஸ்ஸனா பஹீனா ஹொந்தி, யே ஆஸவா ஸங்வரா பஹாதப்³பா³
தே ஸங்வரா பஹீனா ஹொந்தி, யே ஆஸவா படிஸேவனா பஹாதப்³பா³ தே படிஸேவனா பஹீனா
ஹொந்தி, யே ஆஸவா அதி⁴வாஸனா பஹாதப்³பா³ தே அதி⁴வாஸனா பஹீனா ஹொந்தி, யே ஆஸவா
பரிவஜ்ஜனா பஹாதப்³பா³ தே பரிவஜ்ஜனா பஹீனா ஹொந்தி,
யே ஆஸவா வினோத³னா பஹாதப்³பா³ தே வினோத³னா பஹீனா ஹொந்தி, யே ஆஸவா பா⁴வனா
பஹாதப்³பா³ தே பா⁴வனா பஹீனா ஹொந்தி; அயங் வுச்சதி, பி⁴க்க²வே – ‘பி⁴க்கு²
ஸப்³பா³ஸவஸங்வரஸங்வுதோ விஹரதி, அச்செ²ச்சி² [அச்சே²ஜ்ஜி (க॰)] தண்ஹங், விவத்தயி [வாவத்தயி (ஸீ॰ பீ॰)] ஸங்யோஜனங், ஸம்மா மானாபி⁴ஸமயா அந்தமகாஸி து³க்க²ஸ்ஸா’’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

ஸப்³பா³ஸவஸுத்தங் நிட்டி²தங் து³தியங்.

3. த⁴ம்மதா³யாத³ஸுத்தங்

29.
ஏவங் மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே
அனாத²பிண்டி³கஸ்ஸ ஆராமே. தத்ர கோ² ப⁴க³வா பி⁴க்கூ² ஆமந்தேஸி –
‘‘பி⁴க்க²வோ’’தி. ‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா
ஏதத³வோச –

‘‘த⁴ம்மதா³யாதா³ மே, பி⁴க்க²வே, ப⁴வத², மா
ஆமிஸதா³யாதா³. அத்தி² மே தும்ஹேஸு அனுகம்பா – ‘கிந்தி மே ஸாவகா
த⁴ம்மதா³யாதா³ ப⁴வெய்யுங், நோ ஆமிஸதா³யாதா³’தி. தும்ஹே ச மே, பி⁴க்க²வே,
ஆமிஸதா³யாதா³ ப⁴வெய்யாத² நோ த⁴ம்மதா³யாதா³, தும்ஹேபி தேன ஆதி³யா [ஆதி³ஸ்ஸா (ஸீ॰ ஸ்யா॰ பீ॰)]
ப⁴வெய்யாத² – ‘ஆமிஸதா³யாதா³ ஸத்து²ஸாவகா விஹரந்தி, நோ த⁴ம்மதா³யாதா³’தி;
அஹம்பி தேன ஆதி³யோ ப⁴வெய்யங் – ‘ஆமிஸதா³யாதா³ ஸத்து²ஸாவகா விஹரந்தி, நோ
த⁴ம்மதா³யாதா³’தி. தும்ஹே ச மே, பி⁴க்க²வே, த⁴ம்மதா³யாதா³ ப⁴வெய்யாத², நோ
ஆமிஸதா³யாதா³, தும்ஹேபி தேன ந ஆதி³யா ப⁴வெய்யாத² – ‘த⁴ம்மதா³யாதா³
ஸத்து²ஸாவகா விஹரந்தி, நோ ஆமிஸதா³யாதா³’தி; அஹம்பி தேன ந ஆதி³யோ ப⁴வெய்யங் –
‘த⁴ம்மதா³யாதா³ ஸத்து²ஸாவகா விஹரந்தி, நோ ஆமிஸதா³யாதா³’தி. தஸ்மாதிஹ மே,
பி⁴க்க²வே, த⁴ம்மதா³யாதா³ ப⁴வத², மா ஆமிஸதா³யாதா³. அத்தி² மே தும்ஹேஸு அனுகம்பா – ‘கிந்தி மே ஸாவகா த⁴ம்மதா³யாதா³ ப⁴வெய்யுங், நோ ஆமிஸதா³யாதா³’தி.

30. ‘‘இதா⁴ஹங், பி⁴க்க²வே, பு⁴த்தாவீ அஸ்ஸங் பவாரிதோ பரிபுண்ணோ பரியோஸிதோ ஸுஹிதோ யாவத³த்தோ²; ஸியா ச மே பிண்ட³பாதோ அதிரேகத⁴ம்மோ ச²ட்³ட³னீயத⁴ம்மோ [ச²ட்³டி³யத⁴ம்மோ (ஸீ॰ ஸ்யா॰ பீ॰)]. அத² த்³வே பி⁴க்கூ² ஆக³ச்செ²ய்யுங் ஜிக⁴ச்சா²து³ப்³ப³ல்ய- [ஜிக⁴ச்சா²து³ப்³ப³ல்ல (ஸீ॰ பீ॰)] பரேதா .
த்யாஹங் ஏவங் வதெ³ய்யங் – ‘அஹங் கொ²ம்ஹி, பி⁴க்க²வே, பு⁴த்தாவீ பவாரிதோ
பரிபுண்ணோ பரியோஸிதோ ஸுஹிதோ யாவத³த்தோ²; அத்தி² ச மே அயங் பிண்ட³பாதோ
அதிரேகத⁴ம்மோ ச²ட்³ட³னீயத⁴ம்மோ. ஸசே ஆகங்க²த², பு⁴ஞ்ஜத², நோ சே தும்ஹே
பு⁴ஞ்ஜிஸ்ஸத² [ஸசே தும்ஹே ந பு⁴ஞ்ஜிஸ்ஸத² (ஸீ॰ ஸ்யா॰ பீ॰)],
இதா³னாஹங் அப்பஹரிதே வா ச²ட்³டெ³ஸ்ஸாமி, அப்பாணகே வா உத³கே
ஓபிலாபெஸ்ஸாமீ’தி. தத்ரேகஸ்ஸ பி⁴க்கு²னோ ஏவமஸ்ஸ – ‘ப⁴க³வா கோ² பு⁴த்தாவீ
பவாரிதோ பரிபுண்ணோ பரியோஸிதோ ஸுஹிதோ யாவத³த்தோ²; அத்தி² சாயங் ப⁴க³வதோ
பிண்ட³பாதோ அதிரேகத⁴ம்மோ ச²ட்³ட³னீயத⁴ம்மோ. ஸசே மயங் ந பு⁴ஞ்ஜிஸ்ஸா