Free Online FOOD for MIND & HUNGER - DO GOOD 😊 PURIFY MIND.To live like free birds 🐦 🦢 🦅 grow fruits 🍍 🍊 🥑 🥭 🍇 🍌 🍎 🍉 🍒 🍑 🥝 vegetables 🥦 🥕 🥗 🥬 🥔 🍆 🥜 🎃 🫑 🍅🍜 🧅 🍄 🍝 🥗 🥒 🌽 🍏 🫑 🌳 🍓 🍊 🥥 🌵 🍈 🌰 🇧🇧 🫐 🍅 🍐 🫒Plants 🌱in pots 🪴 along with Meditative Mindful Swimming 🏊‍♂️ to Attain NIBBĀNA the Eternal Bliss.

Kushinara NIBBĀNA Bhumi Pagoda White Home, Puniya Bhumi Bengaluru, Prabuddha Bharat International.

Categories:

Search:

Archives:

Meta:

August 2007

M	T	W	T	F	S	S
« Jul		Sep »
	1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

08/01/07

ஸுத்தபிடக-Part-12-தமிழில் திரபிடக மூன்று தொகுப்புகள்TIPITAKA–12. லோஹிச்சஸுத்தங்-லோஹிச்சப்ராஹ்மணவத்து-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 11:49 pm

ஸுத்தபிடக-Part-12-தமிழில் திரபிடக மூன்று தொகுப்புகள்TIPITAKA--12. லோஹிச்சஸுத்தங்-லோஹிச்சப்ராஹ்மணவத்து-from FREE ONLINE eNālāndā Research and
Practice UNIVERSITY through http://sarvajan.ambedkar.org

12. லோஹிச்சஸுத்தங்

லோஹிச்சப்ராஹ்மணவத்து

501. ஏவங்
மே ஸுதங் – ஏகங் ஸமயங் ப⁴க³வா கோஸலேஸு சாரிகங் சரமானோ மஹதா
பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி பி⁴க்கு²ஸதேஹி யேன ஸாலவதிகா
தத³வஸரி. தேன கோ² பன ஸமயேன லோஹிச்சோ ப்³ராஹ்மணோ ஸாலவதிகங் அஜ்ஜா²வஸதி
ஸத்துஸ்ஸத³ங் ஸதிணகட்டோ²த³கங் ஸத⁴ஞ்ஞங் ராஜபொ⁴க்³க³ங் ரஞ்ஞா பஸேனதி³னா
கோஸலேன தி³ன்னங் ராஜதா³யங், ப்³ரஹ்மதெ³ய்யங்.

502.
தேன கோ² பன ஸமயேன லோஹிச்சஸ்ஸ ப்³ராஹ்மணஸ்ஸ ஏவரூபங் பாபகங் தி³ட்டி²க³தங்
உப்பன்னங் ஹோதி – ‘‘இத⁴ ஸமணோ வா ப்³ராஹ்மணோ வா குஸலங் த⁴ம்மங்
அதி⁴க³ச்செ²ய்ய, குஸலங் த⁴ம்மங் அதி⁴க³ந்த்வா ந பரஸ்ஸ ஆரோசெய்ய, கிஞ்ஹி பரோ
பரஸ்ஸ கரிஸ்ஸதி. ஸெய்யதா²பி நாம புராணங் ப³ந்த⁴னங் சி²ந்தி³த்வா அஞ்ஞங்
நவங் ப³ந்த⁴னங் கரெய்ய, ஏவங்ஸம்பத³மித³ங் பாபகங் லோப⁴த⁴ம்மங் வதா³மி,
கிஞ்ஹி பரோ பரஸ்ஸ கரிஸ்ஸதீ’’தி.

503.
அஸ்ஸோஸி கோ² லோஹிச்சோ ப்³ராஹ்மணோ – ‘‘ஸமணோ க²லு, போ⁴, கோ³தமோ ஸக்யபுத்தோ
ஸக்யகுலா பப்³ப³ஜிதோ கோஸலேஸு சாரிகங் சரமானோ மஹதா பி⁴க்கு²ஸங்கே⁴ன
ஸத்³தி⁴ங் பஞ்சமத்தேஹி பி⁴க்கு²ஸதேஹி ஸாலவதிகங் அனுப்பத்தோ. தங் கோ² பன
ப⁴வந்தங் கோ³தமங் ஏவங் கல்யாணோ கித்திஸத்³தோ³ அப்³பு⁴க்³க³தோ – ‘இதிபி ஸோ
ப⁴க³வா அரஹங் ஸம்மாஸம்பு³த்³தோ⁴ விஜ்ஜாசரணஸம்பன்னோ ஸுக³தோ லோகவிதூ³
அனுத்தரோ புரிஸத³ம்மஸாரதி² ஸத்தா² தே³வமனுஸ்ஸானங் பு³த்³தோ⁴ ப⁴க³வா’. ஸோ
இமங் லோகங் ஸதே³வகங் ஸமாரகங் ஸப்³ரஹ்மகங் ஸஸ்ஸமணப்³ராஹ்மணிங் பஜங்
ஸதே³வமனுஸ்ஸங் ஸயங் அபி⁴ஞ்ஞா ஸச்சி²கத்வா பவேதே³தி. ஸோ த⁴ம்மங் தே³ஸேதி ஆதி³கல்யாணங் மஜ்ஜே²கல்யாணங் பரியோஸானகல்யாணங் ஸாத்த²ங் ஸப்³யஞ்ஜனங் கேவலபரிபுண்ணங் பரிஸுத்³த⁴ங் ப்³ரஹ்மசரியங் பகாஸேதி. ஸாது⁴ கோ² பன ததா²ரூபானங் அரஹதங் த³ஸ்ஸனங் ஹோதீ’’தி.

504. அத² கோ² லோஹிச்சோ ப்³ராஹ்மணோ ரோஸிகங் [பே⁴ஸிகங் (ஸீ॰ பீ॰)] ந்ஹாபிதங் ஆமந்தேஸி – ‘‘ஏஹி த்வங், ஸம்ம ரோஸிகே, யேன ஸமணோ கோ³தமோ தேனுபஸங்கம ;
உபஸங்கமித்வா மம வசனேன ஸமணங் கோ³தமங் அப்பாபா³த⁴ங் அப்பாதங்கங்
லஹுட்டா²னங் ப³லங் பா²ஸுவிஹாரங் புச்ச² – லோஹிச்சோ, போ⁴ கோ³தம, ப்³ராஹ்மணோ
ப⁴வந்தங் கோ³தமங் அப்பாபா³த⁴ங் அப்பாதங்கங் லஹுட்டா²னங் ப³லங் பா²ஸுவிஹாரங்
புச்ச²தீ’’தி. ஏவஞ்ச வதே³ஹி – ‘‘அதி⁴வாஸேது கிர ப⁴வங் கோ³தமோ லோஹிச்சஸ்ஸ
ப்³ராஹ்மணஸ்ஸ ஸ்வாதனாய ப⁴த்தங் ஸத்³தி⁴ங் பி⁴க்கு²ஸங்கே⁴னா’’தி.

505. ‘‘ஏவங், போ⁴’’தி [ஏவங் ப⁴ந்தேதி (ஸீ॰ பீ॰)]
கோ² ரோஸிகா ந்ஹாபிதோ லோஹிச்சஸ்ஸ ப்³ராஹ்மணஸ்ஸ படிஸ்ஸுத்வா யேன ப⁴க³வா
தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³.
ஏகமந்தங் நிஸின்னோ கோ² ரோஸிகா ந்ஹாபிதோ ப⁴க³வந்தங் ஏதத³வோச – ‘‘லோஹிச்சோ,
ப⁴ந்தே, ப்³ராஹ்மணோ ப⁴க³வந்தங் அப்பாபா³த⁴ங் அப்பாதங்கங் லஹுட்டா²னங் ப³லங்
பா²ஸுவிஹாரங் புச்ச²தி; ஏவஞ்ச வதே³தி – அதி⁴வாஸேது கிர, ப⁴ந்தே, ப⁴க³வா
லோஹிச்சஸ்ஸ ப்³ராஹ்மணஸ்ஸ ஸ்வாதனாய ப⁴த்தங் ஸத்³தி⁴ங் பி⁴க்கு²ஸங்கே⁴னா’’தி.
அதி⁴வாஸேஸி ப⁴க³வா துண்ஹீபா⁴வேன.

506.
அத² கோ² ரோஸிகா ந்ஹாபிதோ ப⁴க³வதோ அதி⁴வாஸனங் விதி³த்வா உட்டா²யாஸனா
ப⁴க³வந்தங் அபி⁴வாதெ³த்வா பத³க்கி²ணங் கத்வா யேன லோஹிச்சோ ப்³ராஹ்மணோ
தேனுபஸங்கமி; உபஸங்கமித்வா லோஹிச்சங் ப்³ராஹ்மணங் ஏதத³வோச – ‘‘அவோசும்ஹா
கோ² மயங் போ⁴தோ [மயங் ப⁴ந்தே தவ (ஸீ॰ பீ॰)] வசனேன தங் ப⁴க³வந்தங் – ‘லோஹிச்சோ, ப⁴ந்தே, ப்³ராஹ்மணோ ப⁴க³வந்தங் அப்பாபா³த⁴ங்
அப்பாதங்கங் லஹுட்டா²னங் ப³லங் பா²ஸுவிஹாரங் புச்ச²தி; ஏவஞ்ச வதே³தி –
அதி⁴வாஸேது கிர, ப⁴ந்தே, ப⁴க³வா லோஹிச்சஸ்ஸ ப்³ராஹ்மணஸ்ஸ ஸ்வாதனாய ப⁴த்தங்
ஸத்³தி⁴ங் பி⁴க்கு²ஸங்கே⁴னா’தி. அதி⁴வுத்த²ஞ்ச பன தேன ப⁴க³வதா’’தி.

507.
அத² கோ² லோஹிச்சோ ப்³ராஹ்மணோ தஸ்ஸா ரத்தியா அச்சயேன ஸகே நிவேஸனே பணீதங்
கா²த³னீயங் போ⁴ஜனீயங் படியாதா³பெத்வா ரோஸிகங் ந்ஹாபிதங் ஆமந்தேஸி – ‘‘ஏஹி
த்வங், ஸம்ம ரோஸிகே, யேன ஸமணோ கோ³தமோ தேனுபஸங்கம; உபஸங்கமித்வா ஸமணஸ்ஸ
கோ³தமஸ்ஸ காலங் ஆரோசேஹி – காலோ போ⁴, கோ³தம, நிட்டி²தங் ப⁴த்த’’ந்தி.
‘‘ஏவங், போ⁴’’தி கோ² ரோஸிகா ந்ஹாபிதோ லோஹிச்சஸ்ஸ ப்³ராஹ்மணஸ்ஸ படிஸ்ஸுத்வா
யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
அட்டா²ஸி . ஏகமந்தங் டி²தோ கோ² ரோஸிகா ந்ஹாபிதோ ப⁴க³வதோ காலங் ஆரோசேஸி – ‘‘காலோ, ப⁴ந்தே, நிட்டி²தங் ப⁴த்த’’ந்தி.

508. அத² கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய ஸத்³தி⁴ங் பி⁴க்கு²ஸங்கே⁴ன யேன
ஸாலவதிகா தேனுபஸங்கமி. தேன கோ² பன ஸமயேன ரோஸிகா ந்ஹாபிதோ ப⁴க³வந்தங்
பிட்டி²தோ பிட்டி²தோ அனுப³ந்தோ⁴ ஹோதி. அத² கோ² ரோஸிகா ந்ஹாபிதோ ப⁴க³வந்தங்
ஏதத³வோச – ‘‘லோஹிச்சஸ்ஸ, ப⁴ந்தே, ப்³ராஹ்மணஸ்ஸ ஏவரூபங் பாபகங்
தி³ட்டி²க³தங் உப்பன்னங் – ‘இத⁴ ஸமணோ வா ப்³ராஹ்மணோ வா குஸலங் த⁴ம்மங்
அதி⁴க³ச்செ²ய்ய, குஸலங் த⁴ம்மங் அதி⁴க³ந்த்வா ந பரஸ்ஸ ஆரோசெய்ய – கிஞ்ஹி
பரோ பரஸ்ஸ கரிஸ்ஸதி. ஸெய்யதா²பி நாம புராணங் ப³ந்த⁴னங் சி²ந்தி³த்வா அஞ்ஞங்
நவங் ப³ந்த⁴னங் கரெய்ய, ஏவங் ஸம்பத³மித³ங் பாபகங்
லோப⁴த⁴ம்மங் வதா³மி – கிஞ்ஹி பரோ பரஸ்ஸ கரிஸ்ஸதீ’தி. ஸாது⁴, ப⁴ந்தே, ப⁴க³வா
லோஹிச்சங் ப்³ராஹ்மணங் ஏதஸ்மா பாபகா தி³ட்டி²க³தா விவேசேதூ’’தி. ‘‘அப்பேவ
நாம ஸியா ரோஸிகே, அப்பேவ நாம ஸியா ரோஸிகே’’தி.

அத² கோ² ப⁴க³வா யேன லோஹிச்சஸ்ஸ ப்³ராஹ்மணஸ்ஸ நிவேஸனங் தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³ . அத² கோ² லோஹிச்சோ ப்³ராஹ்மணோ பு³த்³த⁴ப்பமுக²ங் பி⁴க்கு²ஸங்க⁴ங் பணீதேன கா²த³னீயேன போ⁴ஜனீயேன ஸஹத்தா² ஸந்தப்பேஸி ஸம்பவாரேஸி.

லோஹிச்சப்³ராஹ்மணானுயோகோ³

509.
அத² கோ² லோஹிச்சோ ப்³ராஹ்மணோ ப⁴க³வந்தங் பு⁴த்தாவிங் ஓனீதபத்தபாணிங்
அஞ்ஞதரங் நீசங் ஆஸனங் க³ஹெத்வா ஏகமந்தங் நிஸீதி³. ஏகமந்தங் நிஸின்னங் கோ²
லோஹிச்சங் ப்³ராஹ்மணங் ப⁴க³வா ஏதத³வோச – ‘‘ஸச்சங் கிர தே, லோஹிச்ச, ஏவரூபங்
பாபகங் தி³ட்டி²க³தங் உப்பன்னங் – ‘இத⁴ ஸமணோ வா ப்³ராஹ்மணோ வா குஸலங்
த⁴ம்மங் அதி⁴க³ச்செ²ய்ய, குஸலங் த⁴ம்மங் அதி⁴க³ந்த்வா ந பரஸ்ஸ ஆரோசெய்ய –
கிஞ்ஹி பரோ பரஸ்ஸ கரிஸ்ஸதி. ஸெய்யதா²பி நாம புராணங் ப³ந்த⁴னங் சி²ந்தி³த்வா
அஞ்ஞங் நவங் ப³ந்த⁴னங் கரெய்ய, ஏவங் ஸம்பத³மித³ங் பாபகங் லோப⁴த⁴ம்மங்
வதா³மி, கிஞ்ஹி பரோ பரஸ்ஸ கரிஸ்ஸதீ’’’ தி? ‘‘ஏவங், போ⁴ கோ³தம’’. ‘‘தங் கிங்
மஞ்ஞஸி லோஹிச்ச நனு த்வங் ஸாலவதிகங் அஜ்ஜா²வஸஸீ’’தி? ‘‘ஏவங், போ⁴ கோ³தம’’.
‘‘யோ நு கோ², லோஹிச்ச, ஏவங் வதெ³ய்ய – ‘லோஹிச்சோ ப்³ராஹ்மணோ ஸாலவதிகங்
அஜ்ஜா²வஸதி. யா ஸாலவதிகாய ஸமுத³யஸஞ்ஜாதி லோஹிச்சோவ தங் ப்³ராஹ்மணோ ஏககோ பரிபு⁴ஞ்ஜெய்ய, ந அஞ்ஞேஸங் த³தெ³ய்யா’தி. ஏவங் வாதீ³ ஸோ யே தங் உபஜீவந்தி, தேஸங் அந்தராயகரோ வா ஹோதி, நோ வா’’தி?

‘‘அந்தராயகரோ, போ⁴ கோ³தம’’. ‘‘அந்தராயகரோ ஸமானோ
ஹிதானுகம்பீ வா தேஸங் ஹோதி அஹிதானுகம்பீ வா’’தி? ‘‘அஹிதானுகம்பீ, போ⁴
கோ³தம’’. ‘‘அஹிதானுகம்பிஸ்ஸ மெத்தங் வா தேஸு சித்தங் பச்சுபட்டி²தங் ஹோதி
ஸபத்தகங் வா’’தி? ‘‘ஸபத்தகங், போ⁴ கோ³தம’’. ‘‘ஸபத்தகே சித்தே பச்சுபட்டி²தே
மிச்சா²தி³ட்டி² வா ஹோதி ஸம்மாதி³ட்டி² வா’’தி?
‘‘மிச்சா²தி³ட்டி², போ⁴ கோ³தம’’. ‘‘மிச்சா²தி³ட்டி²ஸ்ஸ கோ² அஹங், லோஹிச்ச,
த்³வின்னங் க³தீனங் அஞ்ஞதரங் க³திங் வதா³மி – நிரயங் வா திரச்சா²னயோனிங்
வா’’.

510.
‘‘தங் கிங் மஞ்ஞஸி, லோஹிச்ச, நனு ராஜா பஸேனதி³ கோஸலோ காஸிகோஸலங்
அஜ்ஜா²வஸதீ’’தி? ‘‘ஏவங், போ⁴ கோ³தம’’. ‘‘யோ நு கோ², லோஹிச்ச, ஏவங் வதெ³ய்ய –
‘ராஜா பஸேனதி³ கோஸலோ காஸிகோஸலங் அஜ்ஜா²வஸதி; யா காஸிகோஸலே ஸமுத³யஸஞ்ஜாதி,
ராஜாவ தங் பஸேனதி³ கோஸலோ ஏககோ பரிபு⁴ஞ்ஜெய்ய, ந அஞ்ஞேஸங் த³தெ³ய்யா’தி.
ஏவங் வாதீ³ ஸோ யே ராஜானங் பஸேனதி³ங் கோஸலங் உபஜீவந்தி தும்ஹே சேவ அஞ்ஞே ச,
தேஸங் அந்தராயகரோ வா ஹோதி, நோ வா’’தி?

‘‘அந்தராயகரோ, போ⁴ கோ³தம’’. ‘‘அந்தராயகரோ ஸமானோ
ஹிதானுகம்பீ வா தேஸங் ஹோதி அஹிதானுகம்பீ வா’’தி? ‘‘அஹிதானுகம்பீ, போ⁴
கோ³தம’’. ‘‘அஹிதானுகம்பிஸ்ஸ மெத்தங் வா தேஸு சித்தங் பச்சுபட்டி²தங் ஹோதி
ஸபத்தகங் வா’’தி? ‘‘ஸபத்தகங், போ⁴ கோ³தம’’. ‘‘ஸபத்தகே சித்தே பச்சுபட்டி²தே
மிச்சா²தி³ட்டி² வா ஹோதி ஸம்மாதி³ட்டி² வா’’தி? ‘‘மிச்சா²தி³ட்டி², போ⁴
கோ³தம’’. ‘‘மிச்சா²தி³ட்டி²ஸ்ஸ கோ² அஹங், லோஹிச்ச, த்³வின்னங் க³தீனங் அஞ்ஞதரங் க³திங் வதா³மி – நிரயங் வா திரச்சா²னயோனிங் வா’’.

511. ‘‘இதி
கிர, லோஹிச்ச, யோ ஏவங் வதெ³ய்ய – ‘‘லோஹிச்சோ ப்³ராஹ்மணோ ஸாலவதிகங்
அஜ்ஜா²வஸதி; யா ஸாலவதிகாய ஸமுத³யஸஞ்ஜாதி, லோஹிச்சோவ தங் ப்³ராஹ்மணோ ஏககோ
பரிபு⁴ஞ்ஜெய்ய, ந அஞ்ஞேஸங் த³தெ³ய்யா’’தி. ஏவங்வாதீ³ ஸோ யே தங் உபஜீவந்தி,
தேஸங் அந்தராயகரோ ஹோதி. அந்தராயகரோ ஸமானோ அஹிதானுகம்பீ ஹோதி,
அஹிதானுகம்பிஸ்ஸ ஸபத்தகங் சித்தங் பச்சுபட்டி²தங் ஹோதி, ஸபத்தகே சித்தே
பச்சுபட்டி²தே மிச்சா²தி³ட்டி² ஹோதி. ஏவமேவ கோ², லோஹிச்ச, யோ ஏவங் வதெ³ய்ய –
‘‘இத⁴ ஸமணோ வா ப்³ராஹ்மணோ வா குஸலங் த⁴ம்மங்
அதி⁴க³ச்செ²ய்ய, குஸலங் த⁴ம்மங் அதி⁴க³ந்த்வா ந பரஸ்ஸ ஆரோசெய்ய, கிஞ்ஹி பரோ
பரஸ்ஸ கரிஸ்ஸதி. ஸெய்யதா²பி நாம புராணங் ப³ந்த⁴னங் சி²ந்தி³த்வா அஞ்ஞங்
நவங் ப³ந்த⁴னங் கரெய்ய…பே॰… கரிஸ்ஸதீ’’தி. ஏவங்வாதீ³ ஸோ யே தே குலபுத்தா
ததா²க³தப்பவேதி³தங் த⁴ம்மவினயங் ஆக³ம்ம ஏவரூபங் உளாரங் விஸேஸங்
அதி⁴க³ச்ச²ந்தி, ஸோதாபத்திப²லம்பி ஸச்சி²கரொந்தி, ஸகதா³கா³மிப²லம்பி
ஸச்சி²கரொந்தி, அனாகா³மிப²லம்பி ஸச்சி²கரொந்தி, அரஹத்தம்பி ஸச்சி²கரொந்தி,
யே சிமே தி³ப்³பா³ க³ப்³பா⁴ பரிபாசெந்தி தி³ப்³பா³னங் ப⁴வானங்
அபி⁴னிப்³ப³த்தியா, தேஸங் அந்தராயகரோ ஹோதி, அந்தராயகரோ ஸமானோ அஹிதானுகம்பீ
ஹோதி , அஹிதானுகம்பிஸ்ஸ ஸபத்தகங் சித்தங்
பச்சுபட்டி²தங் ஹோதி, ஸபத்தகே சித்தே பச்சுபட்டி²தே மிச்சா²தி³ட்டி² ஹோதி.
மிச்சா²தி³ட்டி²ஸ்ஸ கோ² அஹங், லோஹிச்ச, த்³வின்னங் க³தீனங் அஞ்ஞதரங் க³திங்
வதா³மி – நிரயங் வா திரச்சா²னயோனிங் வா.

512. ‘‘இதி கிர, லோஹிச்ச, யோ ஏவங் வதெ³ய்ய – ‘‘ராஜா பஸேனதி³ கோஸலோ காஸிகோஸலங் அஜ்ஜா²வஸதி; யா காஸிகோஸலே ஸமுத³யஸஞ்ஜாதி, ராஜாவ தங்
பஸேனதி³ கோஸலோ ஏககோ பரிபு⁴ஞ்ஜெய்ய, ந அஞ்ஞேஸங் த³தெ³ய்யா’’தி. ஏவங்வாதீ³
ஸோ யே ராஜானங் பஸேனதி³ங் கோஸலங் உபஜீவந்தி தும்ஹே சேவ அஞ்ஞே ச, தேஸங்
அந்தராயகரோ ஹோதி. அந்தராயகரோ ஸமானோ அஹிதானுகம்பீ ஹோதி, அஹிதானுகம்பிஸ்ஸ
ஸபத்தகங் சித்தங் பச்சுபட்டி²தங் ஹோதி, ஸபத்தகே சித்தே பச்சுபட்டி²தே
மிச்சா²தி³ட்டி² ஹோதி. ஏவமேவ கோ², லோஹிச்ச, யோ ஏவங் வதெ³ய்ய – ‘‘இத⁴ ஸமணோ
வா ப்³ராஹ்மணோ வா குஸலங் த⁴ம்மங் அதி⁴க³ச்செ²ய்ய, குஸலங் த⁴ம்மங்
அதி⁴க³ந்த்வா ந பரஸ்ஸ ஆரோசெய்ய, கிஞ்ஹி பரோ பரஸ்ஸ கரிஸ்ஸதி. ஸெய்யதா²பி
நாம…பே॰… கிஞ்ஹி பரோ பரஸ்ஸ கரிஸ்ஸதீ’’தி, ஏவங்
வாதீ³ ஸோ யே தே குலபுத்தா ததா²க³தப்பவேதி³தங் த⁴ம்மவினயங் ஆக³ம்ம ஏவரூபங்
உளாரங் விஸேஸங் அதி⁴க³ச்ச²ந்தி, ஸோதாபத்திப²லம்பி ஸச்சி²கரொந்தி,
ஸகதா³கா³மிப²லம்பி ஸச்சி²கரொந்தி, அனாகா³மிப²லம்பி ஸச்சி²கரொந்தி,
அரஹத்தம்பி ஸச்சி²கரொந்தி. யே சிமே தி³ப்³பா³ க³ப்³பா⁴ பரிபாசெந்தி
தி³ப்³பா³னங் ப⁴வானங் அபி⁴னிப்³ப³த்தியா, தேஸங் அந்தராயகரோ ஹோதி,
அந்தராயகரோ ஸமானோ அஹிதானுகம்பீ ஹோதி,
அஹிதானுகம்பிஸ்ஸ ஸபத்தகங் சித்தங் பச்சுபட்டி²தங் ஹோதி, ஸபத்தகே சித்தே
பச்சுபட்டி²தே மிச்சா²தி³ட்டி² ஹோதி. மிச்சா²தி³ட்டி²ஸ்ஸ கோ² அஹங்,
லோஹிச்ச, த்³வின்னங் க³தீனங் அஞ்ஞதரங் க³திங் வதா³மி – நிரயங் வா
திரச்சா²னயோனிங் வா.

தயோ சோத³னாரஹா

513. ‘‘தயோ கோ²மே, லோஹிச்ச, ஸத்தா²ரோ, யே லோகே சோத³னாரஹா; யோ ச பனேவரூபே ஸத்தா²ரோ சோதே³தி, ஸா சோத³னா பூ⁴தா தச்சா² த⁴ம்மிகா அனவஜ்ஜா .
கதமே தயோ? இத⁴, லோஹிச்ச, ஏகச்சோ ஸத்தா² யஸ்ஸத்தா²ய அகா³ரஸ்மா அனகா³ரியங்
பப்³ப³ஜிதோ ஹோதி, ஸ்வாஸ்ஸ ஸாமஞ்ஞத்தோ² அனநுப்பத்தோ ஹோதி. ஸோ தங்
ஸாமஞ்ஞத்த²ங் அனநுபாபுணித்வா ஸாவகானங் த⁴ம்மங் தே³ஸேதி – ‘‘இத³ங் வோ ஹிதாய
இத³ங் வோ ஸுகா²யா’’தி. தஸ்ஸ ஸாவகா ந ஸுஸ்ஸூஸந்தி, ந ஸோதங் ஓத³ஹந்தி, ந
அஞ்ஞா சித்தங் உபட்ட²பெந்தி, வோக்கம்ம ச ஸத்து²ஸாஸனா
வத்தந்தி. ஸோ ஏவமஸ்ஸ சோதே³தப்³போ³ – ‘‘ஆயஸ்மா கோ² யஸ்ஸத்தா²ய அகா³ரஸ்மா
அனகா³ரியங் பப்³ப³ஜிதோ, ஸோ தே ஸாமஞ்ஞத்தோ² அனநுப்பத்தோ, தங் த்வங்
ஸாமஞ்ஞத்த²ங் அனநுபாபுணித்வா ஸாவகானங் த⁴ம்மங் தே³ஸேஸி – ‘இத³ங் வோ ஹிதாய
இத³ங் வோ ஸுகா²யா’தி . தஸ்ஸ தே ஸாவகா ந ஸுஸ்ஸூஸந்தி,
ந ஸோதங் ஓத³ஹந்தி, ந அஞ்ஞா சித்தங் உபட்ட²பெந்தி, வோக்கம்ம ச ஸத்து²ஸாஸனா
வத்தந்தி. ஸெய்யதா²பி நாம ஓஸக்கந்தியா வா உஸ்ஸக்கெய்ய, பரம்முகி²ங் வா
ஆலிங்கெ³ய்ய, ஏவங் ஸம்பத³மித³ங் பாபகங் லோப⁴த⁴ம்மங் வதா³மி – கிஞ்ஹி பரோ
பரஸ்ஸ கரிஸ்ஸதீ’’தி. அயங் கோ², லோஹிச்ச, பட²மோ ஸத்தா², யோ லோகே சோத³னாரஹோ;
யோ ச பனேவரூபங் ஸத்தா²ரங் சோதே³தி, ஸா சோத³னா பூ⁴தா தச்சா² த⁴ம்மிகா
அனவஜ்ஜா.

514.
‘‘புன சபரங், லோஹிச்ச, இதே⁴கச்சோ ஸத்தா² யஸ்ஸத்தா²ய அகா³ரஸ்மா அனகா³ரியங்
பப்³ப³ஜிதோ ஹோதி, ஸ்வாஸ்ஸ ஸாமஞ்ஞத்தோ² அனநுப்பத்தோ ஹோதி. ஸோ தங்
ஸாமஞ்ஞத்த²ங் அனநுபாபுணித்வா ஸாவகானங் த⁴ம்மங் தே³ஸேதி – ‘‘இத³ங் வோ ஹிதாய,
இத³ங் வோ ஸுகா²யா’’தி. தஸ்ஸ ஸாவகா ஸுஸ்ஸூஸந்தி, ஸோதங் ஓத³ஹந்தி, அஞ்ஞா
சித்தங் உபட்ட²பெந்தி, ந ச வோக்கம்ம ஸத்து²ஸாஸனா வத்தந்தி. ஸோ ஏவமஸ்ஸ
சோதே³தப்³போ³ – ‘‘ஆயஸ்மா கோ² யஸ்ஸத்தா²ய அகா³ரஸ்மா அனகா³ரியங் பப்³ப³ஜிதோ,
ஸோ தே ஸாமஞ்ஞத்தோ² அனநுப்பத்தோ. தங் த்வங் ஸாமஞ்ஞத்த²ங் அனநுபாபுணித்வா
ஸாவகானங் த⁴ம்மங் தே³ஸேஸி – ‘இத³ங் வோ ஹிதாய இத³ங் வோ ஸுகா²யா’தி. தஸ்ஸ தே
ஸாவகா ஸுஸ்ஸூஸந்தி, ஸோதங் ஓத³ஹந்தி , அஞ்ஞா சித்தங்
உபட்ட²பெந்தி, ந ச வோக்கம்ம ஸத்து²ஸாஸனா வத்தந்தி. ஸெய்யதா²பி நாம ஸகங்
கெ²த்தங் ஓஹாய பரங் கெ²த்தங் நித்³தா³யிதப்³ப³ங் மஞ்ஞெய்ய ,
ஏவங் ஸம்பத³மித³ங் பாபகங் லோப⁴த⁴ம்மங் வதா³மி – கிஞ்ஹி பரோ பரஸ்ஸ
கரிஸ்ஸதீ’’தி. அயங் கோ², லோஹிச்ச, து³தியோ ஸத்தா², யோ, லோகே சோத³னாரஹோ; யோ ச
பனேவரூபங் ஸத்தா²ரங் சோதே³தி, ஸா சோத³னா பூ⁴தா தச்சா² த⁴ம்மிகா அனவஜ்ஜா.

515.
‘‘புன சபரங், லோஹிச்ச, இதே⁴கச்சோ ஸத்தா² யஸ்ஸத்தா²ய அகா³ரஸ்மா அனகா³ரியங்
பப்³ப³ஜிதோ ஹோதி, ஸ்வாஸ்ஸ ஸாமஞ்ஞத்தோ² அனுப்பத்தோ ஹோதி. ஸோ தங்
ஸாமஞ்ஞத்த²ங் அனுபாபுணித்வா ஸாவகானங் த⁴ம்மங் தே³ஸேதி – ‘‘இத³ங் வோ ஹிதாய
இத³ங் வோ ஸுகா²யா’’தி. தஸ்ஸ ஸாவகா ந ஸுஸ்ஸூஸந்தி, ந ஸோதங் ஓத³ஹந்தி, ந
அஞ்ஞா சித்தங் உபட்ட²பெந்தி, வோக்கம்ம ச ஸத்து²ஸாஸனா வத்தந்தி. ஸோ ஏவமஸ்ஸ
சோதே³தப்³போ³ – ‘‘ஆயஸ்மா கோ² யஸ்ஸத்தா²ய அகா³ரஸ்மா அனகா³ரியங் பப்³ப³ஜிதோ,
ஸோ தே ஸாமஞ்ஞத்தோ² அனுப்பத்தோ. தங் த்வங் ஸாமஞ்ஞத்த²ங் அனுபாபுணித்வா
ஸாவகானங் த⁴ம்மங் தே³ஸேஸி – ‘இத³ங் வோ ஹிதாய இத³ங் வோ ஸுகா²யா’தி. தஸ்ஸ தே
ஸாவகா ந ஸுஸ்ஸூஸந்தி, ந ஸோதங் ஓத³ஹந்தி, ந அஞ்ஞா சித்தங் உபட்ட²பெந்தி ,
வோக்கம்ம ச ஸத்து²ஸாஸனா வத்தந்தி. ஸெய்யதா²பி நாம புராணங் ப³ந்த⁴னங்
சி²ந்தி³த்வா அஞ்ஞங் நவங் ப³ந்த⁴னங் கரெய்ய, ஏவங் ஸம்பத³மித³ங் பாபகங்
லோப⁴த⁴ம்மங் வதா³மி, கிஞ்ஹி பரோ பரஸ்ஸ கரிஸ்ஸதீ’’தி. அயங் கோ², லோஹிச்ச,
ததியோ ஸத்தா², யோ லோகே சோத³னாரஹோ; யோ ச பனேவரூபங் ஸத்தா²ரங் சோதே³தி, ஸா
சோத³னா பூ⁴தா தச்சா² த⁴ம்மிகா அனவஜ்ஜா. இமே கோ², லோஹிச்ச, தயோ ஸத்தா²ரோ, யே லோகே சோத³னாரஹா, யோ ச பனேவரூபே ஸத்தா²ரோ சோதே³தி, ஸா சோத³னா பூ⁴தா தச்சா² த⁴ம்மிகா அனவஜ்ஜாதி.

நசோத³னாரஹஸத்து²

516.
ஏவங் வுத்தே, லோஹிச்சோ ப்³ராஹ்மணோ ப⁴க³வந்தங் ஏதத³வோச – ‘‘அத்தி² பன, போ⁴
கோ³தம, கோசி ஸத்தா², யோ லோகே நசோத³னாரஹோ’’தி? ‘‘அத்தி² கோ², லோஹிச்ச,
ஸத்தா², யோ லோகே நசோத³னாரஹோ’’தி. ‘‘கதமோ பன ஸோ, போ⁴ கோ³தம, ஸத்தா², யோ லோகே
நசோத³னாரஹோ’’தி?

‘‘இத⁴, லோஹிச்ச, ததா²க³தோ லோகே உப்பஜ்ஜதி அரஹங்,
ஸம்மாஸம்பு³த்³தோ⁴…பே॰… (யதா² 190-212 அனுச்சே²தே³ஸு ஏவங்
வித்தா²ரேதப்³ப³ங்). ஏவங் கோ², லோஹிச்ச, பி⁴க்கு² ஸீலஸம்பன்னோ ஹோதி…பே॰… பட²மங் ஜா²னங் உபஸம்பஜ்ஜ விஹரதி… யஸ்மிங் கோ², லோஹிச்ச, ஸத்த²ரி ஸாவகோ ஏவரூபங் உளாரங் விஸேஸங் அதி⁴க³ச்ச²தி, அயம்பி கோ², லோஹிச்ச, ஸத்தா², யோ லோகே நசோத³னாரஹோ . யோ ச பனேவரூபங் ஸத்தா²ரங் சோதே³தி, ஸா சோத³னா அபூ⁴தா அதச்சா² அத⁴ம்மிகா ஸாவஜ்ஜா…பே॰… து³தியங் ஜா²னங்…பே॰… ததியங் ஜா²னங்…பே॰…
சதுத்த²ங் ஜா²னங் உபஸம்பஜ்ஜ விஹரதி. யஸ்மிங் கோ², லோஹிச்ச, ஸத்த²ரி ஸாவகோ
ஏவரூபங் உளாரங் விஸேஸங் அதி⁴க³ச்ச²தி, அயம்பி கோ², லோஹிச்ச, ஸத்தா², யோ
லோகே நசோத³னாரஹோ, யோ ச பனேவரூபங் ஸத்தா²ரங் சோதே³தி, ஸா சோத³னா அபூ⁴தா
அதச்சா² அத⁴ம்மிகா ஸாவஜ்ஜா… ஞாணத³ஸ்ஸனாய சித்தங் அபி⁴னீஹரதி
அபி⁴னின்னாமேதி…பே॰… யஸ்மிங் கோ², லோஹிச்ச, ஸத்த²ரி ஸாவகோ ஏவரூபங் உளாரங்
விஸேஸங் அதி⁴க³ச்ச²தி, அயம்பி கோ², லோஹிச்ச, ஸத்தா², யோ லோகே நசோத³னாரஹோ,
யோ ச பனேவரூபங் ஸத்தா²ரங் சோதே³தி, ஸா சோத³னா அபூ⁴தா அதச்சா² அத⁴ம்மிகா
ஸாவஜ்ஜா… நாபரங் இத்த²த்தாயாதி பஜானாதி. யஸ்மிங் கோ², லோஹிச்ச, ஸத்த²ரி
ஸாவகோ ஏவரூபங் உளாரங் விஸேஸங் அதி⁴க³ச்ச²தி, அயம்பி கோ², லோஹிச்ச, ஸத்தா²,
யோ லோகே நசோத³னாரஹோ, யோ ச பனேவரூபங் ஸத்தா²ரங் சோதே³தி, ஸா சோத³னா அபூ⁴தா அதச்சா² அத⁴ம்மிகா ஸாவஜ்ஜா’’தி.

517.
ஏவங் வுத்தே, லோஹிச்சோ ப்³ராஹ்மணோ ப⁴க³வந்தங் ஏதத³வோச – ‘‘ஸெய்யதா²பி, போ⁴
கோ³தம, புரிஸோ புரிஸங் நரகபபாதங் பதந்தங் கேஸேஸு க³ஹெத்வா உத்³த⁴ரித்வா
த²லே பதிட்ட²பெய்ய, ஏவமேவாஹங் போ⁴தா கோ³தமேன நரகபபாதங் பபதந்தோ
உத்³த⁴ரித்வா த²லே பதிட்டா²பிதோ. அபி⁴க்கந்தங், போ⁴ கோ³தம, அபி⁴க்கந்தங்,
போ⁴ கோ³தம, ஸெய்யதா²பி, போ⁴ கோ³தம, நிக்குஜ்ஜிதங் வா உக்குஜ்ஜெய்ய,
படிச்ச²ன்னங் வா விவரெய்ய, மூள்ஹஸ்ஸ வா மக்³க³ங் ஆசிக்கெ²ய்ய, அந்த⁴காரே வா
தேலபஜ்ஜோதங் தா⁴ரெய்ய, ‘சக்கு²மந்தோ ரூபானி த³க்க²ந்தீ’தி. ஏவமேவங் போ⁴தா
கோ³தமேன அனேகபரியாயேன த⁴ம்மோ பகாஸிதோ . ஏஸாஹங்
ப⁴வந்தங் கோ³தமங் ஸரணங் க³ச்சா²மி த⁴ம்மஞ்ச பி⁴க்கு²ஸங்க⁴ஞ்ச. உபாஸகங் மங்
ப⁴வங் கோ³தமோ தா⁴ரேது அஜ்ஜதக்³கே³ பாணுபேதங் ஸரணங் க³த’’ந்தி.

லோஹிச்சஸுத்தங் நிட்டி²தங் த்³வாத³ஸமங்.

comments (0)

ஸுத்தபிடக-Part-11-தமிழில் திரபிடக மூன்று தொகுப்புகள்TIPITAKA–11. கேவட்டஸுத்தங்-கேவட்டகஹபதிபுத்தவத்து-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 12:34 pm

ஸுத்தபிடக-Part-11-தமிழில் திரபிடக மூன்று தொகுப்புகள்TIPITAKA--11. கேவட்டஸுத்தங்-கேவட்டகஹபதிபுத்தவத்து-from FREE ONLINE eNālāndā Research and
Practice UNIVERSITY through http://sarvajan.ambedkar.org

11. கேவட்டஸுத்தங்

கேவட்டகஹபதிபுத்தவத்து

481. ஏவங்
மே ஸுதங் – ஏகங் ஸமயங் ப⁴க³வா நாளந்தா³யங் விஹரதி பாவாரிகம்ப³வனே. அத² கோ²
கேவட்டோ க³ஹபதிபுத்தோ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² கேவட்டோ
க³ஹபதிபுத்தோ ப⁴க³வந்தங் ஏதத³வோச – ‘‘அயங், ப⁴ந்தே, நாளந்தா³ இத்³தா⁴ சேவ
பீ²தா ச ப³ஹுஜனா ஆகிண்ணமனுஸ்ஸா ப⁴க³வதி அபி⁴ப்பஸன்னா. ஸாது⁴, ப⁴ந்தே,
ப⁴க³வா ஏகங் பி⁴க்கு²ங் ஸமாதி³ஸது, யோ உத்தரிமனுஸ்ஸத⁴ம்மா,
இத்³தி⁴பாடிஹாரியங் கரிஸ்ஸதி; ஏவாயங் நாளந்தா³ பி⁴ய்யோஸோ மத்தாய ப⁴க³வதி
அபி⁴ப்பஸீதி³ஸ்ஸதீ’’தி. ஏவங் வுத்தே, ப⁴க³வா கேவட்டங் க³ஹபதிபுத்தங்
ஏதத³வோச – ‘‘ந கோ² அஹங், கேவட்ட, பி⁴க்கூ²னங் ஏவங் த⁴ம்மங் தே³ஸேமி – ஏத²
தும்ஹே, பி⁴க்க²வே, கி³ஹீனங் ஓதா³தவஸனானங் உத்தரிமனுஸ்ஸத⁴ம்மா
இத்³தி⁴பாடிஹாரியங் கரோதா²’’தி.

482.
து³தியம்பி கோ² கேவட்டோ க³ஹபதிபுத்தோ ப⁴க³வந்தங் ஏதத³வோச – ‘‘நாஹங்,
ப⁴ந்தே, ப⁴க³வந்தங் த⁴ங்ஸேமி; அபி ச, ஏவங் வதா³மி – ‘அயங், ப⁴ந்தே,
நாளந்தா³ இத்³தா⁴ சேவ பீ²தா ச ப³ஹுஜனா ஆகிண்ணமனுஸ்ஸா ப⁴க³வதி அபி⁴ப்பஸன்னா.
ஸாது⁴, ப⁴ந்தே, ப⁴க³வா ஏகங் பி⁴க்கு²ங் ஸமாதி³ஸது, யோ உத்தரிமனுஸ்ஸத⁴ம்மா
இத்³தி⁴பாடிஹாரியங் கரிஸ்ஸதி; ஏவாயங் நாளந்தா³ பி⁴ய்யோஸோ மத்தாய ப⁴க³வதி
அபி⁴ப்பஸீதி³ஸ்ஸதீ’’’தி. து³தியம்பி கோ² ப⁴க³வா கேவட்டங் க³ஹபதிபுத்தங்
ஏதத³வோச – ‘‘ந கோ² அஹங், கேவட்ட, பி⁴க்கூ²னங் ஏவங் த⁴ம்மங் தே³ஸேமி – ஏத²
தும்ஹே, பி⁴க்க²வே, கி³ஹீனங் ஓதா³தவஸனானங் உத்தரிமனுஸ்ஸத⁴ம்மா
இத்³தி⁴பாடிஹாரியங் கரோதா²’’’தி.

ததியம்பி கோ² கேவட்டோ க³ஹபதிபுத்தோ ப⁴க³வந்தங் ஏதத³வோச
– ‘‘நாஹங், ப⁴ந்தே, ப⁴க³வந்தங் த⁴ங்ஸேமி; அபி ச, ஏவங் வதா³மி – ‘அயங்,
ப⁴ந்தே, நாளந்தா³ இத்³தா⁴ சேவ பீ²தா ச ப³ஹுஜனா ஆகிண்ணமனுஸ்ஸா
ப⁴க³வதி அபி⁴ப்பஸன்னா. ஸாது⁴, ப⁴ந்தே, ப⁴க³வா ஏகங் பி⁴க்கு²ங் ஸமாதி³ஸது,
யோ உத்தரிமனுஸ்ஸத⁴ம்மா இத்³தி⁴பாடிஹாரியங் கரிஸ்ஸதி. ஏவாயங் நாளந்தா³
பி⁴ய்யோஸோ மத்தாய ப⁴க³வதி அபி⁴ப்பஸீதி³ஸ்ஸதீ’தி.

இத்³தி⁴பாடிஹாரியங்

483. ‘‘தீணி கோ² இமானி, கேவட்ட, பாடிஹாரியானி மயா ஸயங் அபி⁴ஞ்ஞா ஸச்சி²கத்வா பவேதி³தானி. கதமானி தீணி? இத்³தி⁴பாடிஹாரியங், ஆதே³ஸனாபாடிஹாரியங் , அனுஸாஸனீபாடிஹாரியங்.

484.
‘‘கதமஞ்ச, கேவட்ட, இத்³தி⁴பாடிஹாரியங்? இத⁴, கேவட்ட, பி⁴க்கு² அனேகவிஹிதங்
இத்³தி⁴வித⁴ங் பச்சனுபோ⁴தி. ஏகோபி ஹுத்வா ப³ஹுதா⁴ ஹோதி, ப³ஹுதா⁴பி ஹுத்வா
ஏகோ ஹோதி; ஆவிபா⁴வங் திரோபா⁴வங் திரோகுட்டங் திரோபாகாரங் திரோபப்³ப³தங்
அஸஜ்ஜமானோ க³ச்ச²தி ஸெய்யதா²பி ஆகாஸே; பத²வியாபி உம்முஜ்ஜனிமுஜ்ஜங் கரோதி
ஸெய்யதா²பி உத³கே; உத³கேபி அபி⁴ஜ்ஜமானே க³ச்ச²தி ஸெய்யதா²பி பத²வியங்;
ஆகாஸேபி பல்லங்கேன கமதி ஸெய்யதா²பி பக்கீ² ஸகுணோ; இமேபி சந்தி³மஸூரியே ஏவங்
மஹித்³தி⁴கே ஏவங் மஹானுபா⁴வே பாணினா பராமஸதி பரிமஜ்ஜதி; யாவ ப்³ரஹ்மலோகாபி
காயேன வஸங் வத்தேதி.

‘‘தமேனங் அஞ்ஞதரோ ஸத்³தோ⁴ பஸன்னோ பஸ்ஸதி தங்
பி⁴க்கு²ங் அனேகவிஹிதங் இத்³தி⁴வித⁴ங் பச்சனுபொ⁴ந்தங் – ஏகோபி ஹுத்வா
ப³ஹுதா⁴ ஹொந்தங், ப³ஹுதா⁴பி ஹுத்வா ஏகோ ஹொந்தங்; ஆவிபா⁴வங் திரோபா⁴வங்;
திரோகுட்டங் திரோபாகாரங் திரோபப்³ப³தங் அஸஜ்ஜமானங் க³ச்ச²ந்தங் ஸெய்யதா²பி
ஆகாஸே; பத²வியாபி உம்முஜ்ஜனிமுஜ்ஜங் கரொந்தங் ஸெய்யதா²பி
உத³கே; உத³கேபி அபி⁴ஜ்ஜமானே க³ச்ச²ந்தங் ஸெய்யதா²பி பத²வியங்; ஆகாஸேபி
பல்லங்கேன கமந்தங் ஸெய்யதா²பி பக்கீ² ஸகுணோ; இமேபி சந்தி³மஸூரியே ஏவங்
மஹித்³தி⁴கே ஏவங் மஹானுபா⁴வே பாணினா பராமஸந்தங் பரிமஜ்ஜந்தங் யாவ
ப்³ரஹ்மலோகாபி காயேன வஸங் வத்தெந்தங்.

‘‘தமேனங் ஸோ ஸத்³தோ⁴ பஸன்னோ அஞ்ஞதரஸ்ஸ அஸ்ஸத்³த⁴ஸ்ஸ
அப்பஸன்னஸ்ஸ ஆரோசேதி – ‘அச்ச²ரியங் வத, போ⁴, அப்³பு⁴தங் வத, போ⁴, ஸமணஸ்ஸ
மஹித்³தி⁴கதா மஹானுபா⁴வதா. அமாஹங் பி⁴க்கு²ங் அத்³த³ஸங் அனேகவிஹிதங்
இத்³தி⁴வித⁴ங் பச்சனுபொ⁴ந்தங் – ஏகோபி ஹுத்வா ப³ஹுதா⁴ ஹொந்தங், ப³ஹுதா⁴பி ஹுத்வா ஏகோ ஹொந்தங்…பே॰… யாவ ப்³ரஹ்மலோகாபி காயேன வஸங் வத்தெந்த’ந்தி.

‘‘தமேனங் ஸோ அஸ்ஸத்³தோ⁴
அப்பஸன்னோ தங் ஸத்³த⁴ங் பஸன்னங் ஏவங் வதெ³ய்ய – ‘அத்தி² கோ², போ⁴,
க³ந்தா⁴ரீ நாம விஜ்ஜா. தாய ஸோ பி⁴க்கு² அனேகவிஹிதங் இத்³தி⁴வித⁴ங்
பச்சனுபோ⁴தி – ஏகோபி ஹுத்வா ப³ஹுதா⁴ ஹோதி, ப³ஹுதா⁴பி ஹுத்வா ஏகோ ஹோதி…பே॰…
யாவ ப்³ரஹ்மலோகாபி காயேன வஸங் வத்தேதீ’தி.

‘‘தங் கிங் மஞ்ஞஸி, கேவட்ட,
அபி நு ஸோ அஸ்ஸத்³தோ⁴ அப்பஸன்னோ தங் ஸத்³த⁴ங் பஸன்னங் ஏவங் வதெ³ய்யா’’தி?
‘‘வதெ³ய்ய, ப⁴ந்தே’’தி. ‘‘இமங் கோ² அஹங், கேவட்ட, இத்³தி⁴பாடிஹாரியே
ஆதீ³னவங் ஸம்பஸ்ஸமானோ இத்³தி⁴பாடிஹாரியேன அட்டீயாமி ஹராயாமி
ஜிகு³ச்சா²மி’’.

ஆதே³ஸனாபாடிஹாரியங்

485.
‘‘கதமஞ்ச, கேவட்ட, ஆதே³ஸனாபாடிஹாரியங்? இத⁴, கேவட்ட, பி⁴க்கு² பரஸத்தானங்
பரபுக்³க³லானங் சித்தம்பி ஆதி³ஸதி, சேதஸிகம்பி ஆதி³ஸதி, விதக்கிதம்பி
ஆதி³ஸதி, விசாரிதம்பி ஆதி³ஸதி – ‘ஏவம்பி தே மனோ, இத்த²ம்பி தே மனோ, இதிபி
தே சித்த’ந்தி.

‘‘தமேனங் அஞ்ஞதரோ ஸத்³தோ⁴ பஸன்னோ பஸ்ஸதி தங்
பி⁴க்கு²ங் பரஸத்தானங் பரபுக்³க³லானங் சித்தம்பி ஆதி³ஸந்தங், சேதஸிகம்பி
ஆதி³ஸந்தங், விதக்கிதம்பி ஆதி³ஸந்தங், விசாரிதம்பி ஆதி³ஸந்தங் – ‘ஏவம்பி தே
மனோ, இத்த²ம்பி தே மனோ, இதிபி தே சித்த’ந்தி. தமேனங் ஸோ ஸத்³தோ⁴ பஸன்னோ
அஞ்ஞதரஸ்ஸ அஸ்ஸத்³த⁴ஸ்ஸ அப்பஸன்னஸ்ஸ ஆரோசேதி – ‘அச்ச²ரியங் வத, போ⁴,
அப்³பு⁴தங் வத, போ⁴, ஸமணஸ்ஸ மஹித்³தி⁴கதா
மஹானுபா⁴வதா. அமாஹங் பி⁴க்கு²ங் அத்³த³ஸங் பரஸத்தானங் பரபுக்³க³லானங்
சித்தம்பி ஆதி³ஸந்தங், சேதஸிகம்பி ஆதி³ஸந்தங், விதக்கிதம்பி ஆதி³ஸந்தங்,
விசாரிதம்பி ஆதி³ஸந்தங் – ‘‘ஏவம்பி தே மனோ, இத்த²ம்பி தே மனோ, இதிபி தே
சித்த’’’ந்தி.

‘‘தமேனங் ஸோ அஸ்ஸத்³தோ⁴
அப்பஸன்னோ தங் ஸத்³த⁴ங் பஸன்னங் ஏவங் வதெ³ய்ய – ‘அத்தி² கோ², போ⁴, மணிகா
நாம விஜ்ஜா; தாய ஸோ பி⁴க்கு² பரஸத்தானங் பரபுக்³க³லானங் சித்தம்பி ஆதி³ஸதி,
சேதஸிகம்பி ஆதி³ஸதி, விதக்கிதம்பி ஆதி³ஸதி, விசாரிதம்பி ஆதி³ஸதி – ‘ஏவம்பி
தே மனோ, இத்த²ம்பி தே மனோ, இதிபி தே சித்த’’’ந்தி.

‘‘தங் கிங் மஞ்ஞஸி, கேவட்ட, அபி நு ஸோ அஸ்ஸத்³தோ⁴ அப்பஸன்னோ தங் ஸத்³த⁴ங் பஸன்னங் ஏவங் வதெ³ய்யா’’தி ?
‘‘வதெ³ய்ய, ப⁴ந்தே’’தி. ‘‘இமங் கோ² அஹங், கேவட்ட, ஆதே³ஸனாபாடிஹாரியே
ஆதீ³னவங் ஸம்பஸ்ஸமானோ ஆதே³ஸனாபாடிஹாரியேன அட்டீயாமி ஹராயாமி
ஜிகு³ச்சா²மி’’.

அனுஸாஸனீபாடிஹாரியங்

486.
‘‘கதமஞ்ச, கேவட்ட, அனுஸாஸனீபாடிஹாரியங்? இத⁴, கேவட்ட, பி⁴க்கு² ஏவமனுஸாஸதி
– ‘ஏவங் விதக்கேத², மா ஏவங் விதக்கயித்த², ஏவங் மனஸிகரோத², மா ஏவங் மனஸாகத்த², இத³ங் பஜஹத², இத³ங் உபஸம்பஜ்ஜ விஹரதா²’தி. இத³ங் வுச்சதி, கேவட்ட, அனுஸாஸனீபாடிஹாரியங்.

‘‘புன சபரங், கேவட்ட, இத⁴ ததா²க³தோ லோகே உப்பஜ்ஜதி அரஹங் ஸம்மாஸம்பு³த்³தோ⁴
…பே॰… (யதா² 190-212 அனுச்சே²தே³ஸு ஏவங் வித்தா²ரேதப்³ப³ங்). ஏவங் கோ²,
கேவட்ட, பி⁴க்கு² ஸீலஸம்பன்னோ ஹோதி…பே॰… பட²மங் ஜா²னங் உபஸம்பஜ்ஜ விஹரதி.
இத³ம்பி வுச்சதி, கேவட்ட, அனுஸாஸனீபாடிஹாரியங்…பே॰… து³தியங் ஜா²னங்…பே॰…
ததியங் ஜா²னங்…பே॰… சதுத்த²ங் ஜா²னங் உபஸம்பஜ்ஜ விஹரதி. இத³ம்பி வுச்சதி,
கேவட்ட, அனுஸாஸனீபாடிஹாரியங்…பே॰… ஞாணத³ஸ்ஸனாய சித்தங் அபி⁴னீஹரதி
அபி⁴னின்னாமேதி…பே॰… இத³ம்பி வுச்சதி, கேவட்ட, அனுஸாஸனீபாடிஹாரியங்…பே॰…
நாபரங் இத்த²த்தாயாதி பஜானாதி…பே॰… இத³ம்பி வுச்சதி, கேவட்ட,
அனுஸாஸனீபாடிஹாரியங்.

‘‘இமானி கோ², கேவட்ட, தீணி பாடிஹாரியானி மயா ஸயங் அபி⁴ஞ்ஞா ஸச்சி²கத்வா பவேதி³தானி’’.

பூ⁴தனிரோதே⁴ஸகபி⁴க்கு²வத்து²

487.
‘‘பூ⁴தபுப்³ப³ங், கேவட்ட, இமஸ்மிஞ்ஞேவ பி⁴க்கு²ஸங்கே⁴ அஞ்ஞதரஸ்ஸ
பி⁴க்கு²னோ ஏவங் சேதஸோ பரிவிதக்கோ உத³பாதி³ – ‘கத்த² நு கோ² இமே சத்தாரோ
மஹாபூ⁴தா அபரிஸேஸா நிருஜ்ஜ²ந்தி, ஸெய்யதி²த³ங் – பத²வீதா⁴து ஆபோதா⁴து
தேஜோதா⁴து வாயோதா⁴தூ’தி?

488.
‘‘அத² கோ² ஸோ, கேவட்ட, பி⁴க்கு² ததா²ரூபங் ஸமாதி⁴ங் ஸமாபஜ்ஜி, யதா²ஸமாஹிதே
சித்தே தே³வயானியோ மக்³கோ³ பாதுரஹோஸி. அத² கோ² ஸோ, கேவட்ட, பி⁴க்கு² யேன
சாதுமஹாராஜிகா தே³வா தேனுபஸங்கமி; உபஸங்கமித்வா சாதுமஹாராஜிகே தே³வே
ஏதத³வோச – ‘கத்த² நு கோ², ஆவுஸோ, இமே சத்தாரோ மஹாபூ⁴தா அபரிஸேஸா
நிருஜ்ஜ²ந்தி, ஸெய்யதி²த³ங் – பத²வீதா⁴து ஆபோதா⁴து தேஜோதா⁴து வாயோதா⁴தூ’தி?

‘‘ஏவங் வுத்தே, கேவட்ட, சாதுமஹாராஜிகா தே³வா தங் பி⁴க்கு²ங்
ஏதத³வோசுங் – ‘மயம்பி கோ², பி⁴க்கு², ந ஜானாம, யத்தி²மே சத்தாரோ மஹாபூ⁴தா
அபரிஸேஸா நிருஜ்ஜ²ந்தி, ஸெய்யதி²த³ங் – பத²வீதா⁴து ஆபோதா⁴து தேஜோதா⁴து
வாயோதா⁴தூதி [வாயோதா⁴து. அத்தி² கோ² (பீ॰ ஏவமுபரிபி)]. அத்தி² கோ² [வாயோதா⁴து. அத்தி² கோ² (பீ॰ ஏவமுபரிபி)], பி⁴க்கு², சத்தாரோ மஹாராஜானோ அம்ஹேஹி அபி⁴க்கந்ததரா
ச பணீததரா ச. தே கோ² ஏதங் ஜானெய்யுங், யத்தி²மே சத்தாரோ மஹாபூ⁴தா அபரிஸேஸா
நிருஜ்ஜ²ந்தி, ஸெய்யதி²த³ங் – பத²வீதா⁴து ஆபோதா⁴து தேஜோதா⁴து
வாயோதா⁴தூ’தி.

489.
‘‘அத² கோ² ஸோ, கேவட்ட, பி⁴க்கு² யேன சத்தாரோ மஹாராஜானோ தேனுபஸங்கமி;
உபஸங்கமித்வா சத்தாரோ மஹாராஜே ஏதத³வோச – ‘கத்த² நு கோ², ஆவுஸோ, இமே சத்தாரோ
மஹாபூ⁴தா அபரிஸேஸா நிருஜ்ஜ²ந்தி, ஸெய்யதி²த³ங் – பத²வீதா⁴து
ஆபோதா⁴து தேஜோதா⁴து வாயோதா⁴தூ’தி? ஏவங் வுத்தே, கேவட்ட, சத்தாரோ மஹாராஜானோ
தங் பி⁴க்கு²ங் ஏதத³வோசுங் – ‘மயம்பி கோ², பி⁴க்கு², ந ஜானாம, யத்தி²மே
சத்தாரோ மஹாபூ⁴தா அபரிஸேஸா நிருஜ்ஜ²ந்தி, ஸெய்யதி²த³ங் – பத²வீதா⁴து,
ஆபோதா⁴து தேஜோதா⁴து வாயோதா⁴தூதி. அத்தி² கோ², பி⁴க்கு², தாவதிங்ஸா நாம
தே³வா அம்ஹேஹி அபி⁴க்கந்ததரா ச பணீததரா ச. தே கோ² ஏதங் ஜானெய்யுங்,
யத்தி²மே சத்தாரோ மஹாபூ⁴தா அபரிஸேஸா நிருஜ்ஜ²ந்தி, ஸெய்யதி²த³ங் –
பத²வீதா⁴து ஆபோதா⁴து தேஜோதா⁴து வாயோதா⁴தூ’தி.

490.
‘‘அத² கோ² ஸோ, கேவட்ட, பி⁴க்கு² யேன தாவதிங்ஸா தே³வா தேனுபஸங்கமி;
உபஸங்கமித்வா தாவதிங்ஸே தே³வே ஏதத³வோச – ‘கத்த² நு கோ², ஆவுஸோ, இமே சத்தாரோ
மஹாபூ⁴தா அபரிஸேஸா நிருஜ்ஜ²ந்தி, ஸெய்யதி²த³ங் – பத²வீதா⁴து ஆபோதா⁴து
தேஜோதா⁴து வாயோதா⁴தூ’தி? ஏவங் வுத்தே, கேவட்ட, தாவதிங்ஸா தே³வா தங்
பி⁴க்கு²ங் ஏதத³வோசுங் – ‘மயம்பி கோ², பி⁴க்கு², ந ஜானாம, யத்தி²மே சத்தாரோ
மஹாபூ⁴தா அபரிஸேஸா நிருஜ்ஜ²ந்தி, ஸெய்யதி²த³ங் – பத²வீதா⁴து ஆபோதா⁴து
தேஜோதா⁴து வாயோதா⁴தூதி. அத்தி² கோ², பி⁴க்கு², ஸக்கோ நாம தே³வானமிந்தோ³
அம்ஹேஹி அபி⁴க்கந்ததரோ ச பணீததரோ ச. ஸோ கோ² ஏதங் ஜானெய்ய, யத்தி²மே சத்தாரோ
மஹாபூ⁴தா அபரிஸேஸா நிருஜ்ஜ²ந்தி, ஸெய்யதி²த³ங் – பத²வீதா⁴து ஆபோதா⁴து
தேஜோதா⁴து வாயோதா⁴தூ’தி.

491. ‘‘அத²
கோ² ஸோ, கேவட்ட, பி⁴க்கு² யேன ஸக்கோ தே³வானமிந்தோ³ தேனுபஸங்கமி;
உபஸங்கமித்வா ஸக்கங் தே³வானமிந்த³ங் ஏதத³வோச – ‘கத்த² நு கோ², ஆவுஸோ, இமே
சத்தாரோ மஹாபூ⁴தா அபரிஸேஸா நிருஜ்ஜ²ந்தி, ஸெய்யதி²த³ங் – பத²வீதா⁴து
ஆபோதா⁴து தேஜோதா⁴து வாயோதா⁴தூ’தி? ஏவங் வுத்தே, கேவட்ட, ஸக்கோ
தே³வானமிந்தோ³ தங் பி⁴க்கு²ங் ஏதத³வோச – ‘அஹம்பி கோ², பி⁴க்கு², ந
ஜானாமி, யத்தி²மே சத்தாரோ மஹாபூ⁴தா அபரிஸேஸா நிருஜ்ஜ²ந்தி, ஸெய்யதி²த³ங் –
பத²வீதா⁴து ஆபோதா⁴து தேஜோதா⁴து வாயோதா⁴தூதி. அத்தி² கோ², பி⁴க்கு², யாமா
நாம தே³வா…பே॰… ஸுயாமோ நாம தே³வபுத்தோ… துஸிதா நாம தே³வா… ஸந்துஸ்ஸிதோ நாம தே³வபுத்தோ… நிம்மானரதீ நாம தே³வா …
ஸுனிம்மிதோ நாம தே³வபுத்தோ… பரனிம்மிதவஸவத்தீ நாம தே³வா… வஸவத்தீ நாம
தே³வபுத்தோ அம்ஹேஹி அபி⁴க்கந்ததரோ ச பணீததரோ ச. ஸோ கோ² ஏதங் ஜானெய்ய,
யத்தி²மே சத்தாரோ மஹாபூ⁴தா அபரிஸேஸா நிருஜ்ஜ²ந்தி, ஸெய்யதி²த³ங் –
பத²வீதா⁴து ஆபோதா⁴து தேஜோதா⁴து வாயோதா⁴தூ’தி.

492. ‘‘அத² கோ² ஸோ, கேவட்ட, பி⁴க்கு² யேன வஸவத்தீ தே³வபுத்தோ தேனுபஸங்கமி; உபஸங்கமித்வா வஸவத்திங் தே³வபுத்தங்
ஏதத³வோச – ‘கத்த² நு கோ², ஆவுஸோ, இமே சத்தாரோ மஹாபூ⁴தா அபரிஸேஸா
நிருஜ்ஜ²ந்தி, ஸெய்யதி²த³ங் – பத²வீதா⁴து ஆபோதா⁴து தேஜோதா⁴து வாயோதா⁴தூ’தி?
ஏவங் வுத்தே , கேவட்ட, வஸவத்தீ தே³வபுத்தோ தங்
பி⁴க்கு²ங் ஏதத³வோச – ‘அஹம்பி கோ², பி⁴க்கு², ந ஜானாமி யத்தி²மே சத்தாரோ
மஹாபூ⁴தா அபரிஸேஸா நிருஜ்ஜ²ந்தி, ஸெய்யதி²த³ங் – பத²வீதா⁴து ஆபோதா⁴து
தேஜோதா⁴து வாயோதா⁴தூதி. அத்தி² கோ², பி⁴க்கு², ப்³ரஹ்மகாயிகா நாம தே³வா
அம்ஹேஹி அபி⁴க்கந்ததரா ச பணீததரா ச. தே கோ² ஏதங் ஜானெய்யுங், யத்தி²மே
சத்தாரோ மஹாபூ⁴தா அபரிஸேஸா நிருஜ்ஜ²ந்தி, ஸெய்யதி²த³ங் – பத²வீதா⁴து
ஆபோதா⁴து தேஜோதா⁴து வாயோதா⁴தூ’தி.

493.
‘‘அத² கோ² ஸோ, கேவட்ட, பி⁴க்கு² ததா²ரூபங் ஸமாதி⁴ங் ஸமாபஜ்ஜி, யதா²ஸமாஹிதே
சித்தே ப்³ரஹ்மயானியோ மக்³கோ³ பாதுரஹோஸி. அத² கோ² ஸோ, கேவட்ட, பி⁴க்கு²
யேன ப்³ரஹ்மகாயிகா தே³வா தேனுபஸங்கமி; உபஸங்கமித்வா ப்³ரஹ்மகாயிகே தே³வே
ஏதத³வோச – ‘கத்த² நு கோ², ஆவுஸோ, இமே சத்தாரோ மஹாபூ⁴தா அபரிஸேஸா
நிருஜ்ஜ²ந்தி, ஸெய்யதி²த³ங் – பத²வீதா⁴து ஆபோதா⁴து தேஜோதா⁴து வாயோதா⁴தூ’தி?
ஏவங் வுத்தே, கேவட்ட, ப்³ரஹ்மகாயிகா தே³வா தங் பி⁴க்கு²ங் ஏதத³வோசுங் –
‘மயம்பி கோ², பி⁴க்கு², ந ஜானாம, யத்தி²மே சத்தாரோ
மஹாபூ⁴தா அபரிஸேஸா நிருஜ்ஜ²ந்தி, ஸெய்யதி²த³ங் – பத²வீதா⁴து ஆபோதா⁴து
தேஜோதா⁴து வாயோதா⁴தூதி. அத்தி² கோ², பி⁴க்கு², ப்³ரஹ்மா மஹாப்³ரஹ்மா
அபி⁴பூ⁴ அனபி⁴பூ⁴தோ அஞ்ஞத³த்து²த³ஸோ வஸவத்தீ இஸ்ஸரோ
கத்தா நிம்மாதா ஸெட்டோ² ஸஜிதா வஸீ பிதா பூ⁴தப⁴ப்³யானங் அம்ஹேஹி
அபி⁴க்கந்ததரோ ச பணீததரோ ச. ஸோ கோ² ஏதங் ஜானெய்ய, யத்தி²மே சத்தாரோ
மஹாபூ⁴தா அபரிஸேஸா நிருஜ்ஜ²ந்தி, ஸெய்யதி²த³ங் – பத²வீதா⁴து ஆபோதா⁴து
தேஜோதா⁴து வாயோதா⁴தூ’’தி.

‘‘‘கஹங் பனாவுஸோ, ஏதரஹி ஸோ மஹாப்³ரஹ்மா’தி? ‘மயம்பி
கோ², பி⁴க்கு², ந ஜானாம, யத்த² வா ப்³ரஹ்மா யேன வா ப்³ரஹ்மா யஹிங் வா
ப்³ரஹ்மா; அபி ச, பி⁴க்கு², யதா² நிமித்தா தி³ஸ்ஸந்தி, ஆலோகோ ஸஞ்ஜாயதி,
ஓபா⁴ஸோ பாதுப⁴வதி, ப்³ரஹ்மா பாதுப⁴விஸ்ஸதி, ப்³ரஹ்முனோ ஹேதங்
புப்³ப³னிமித்தங் பாதுபா⁴வாய, யதி³த³ங் ஆலோகோ ஸஞ்ஜாயதி, ஓபா⁴ஸோ
பாதுப⁴வதீ’தி. அத² கோ² ஸோ, கேவட்ட, மஹாப்³ரஹ்மா நசிரஸ்ஸேவ பாதுரஹோஸி .

494.
‘‘அத² கோ² ஸோ, கேவட்ட, பி⁴க்கு² யேன ஸோ மஹாப்³ரஹ்மா தேனுபஸங்கமி;
உபஸங்கமித்வா தங் மஹாப்³ரஹ்மானங் ஏதத³வோச – ‘கத்த² நு கோ², ஆவுஸோ, இமே
சத்தாரோ மஹாபூ⁴தா அபரிஸேஸா நிருஜ்ஜ²ந்தி, ஸெய்யதி²த³ங் – பத²வீதா⁴து
ஆபோதா⁴து தேஜோதா⁴து வாயோதா⁴தூ’’தி? ஏவங் வுத்தே, கேவட்ட, ஸோ மஹாப்³ரஹ்மா
தங் பி⁴க்கு²ங் ஏதத³வோச – ‘அஹமஸ்மி, பி⁴க்கு², ப்³ரஹ்மா மஹாப்³ரஹ்மா
அபி⁴பூ⁴ அனபி⁴பூ⁴தோ அஞ்ஞத³த்து²த³ஸோ வஸவத்தீ இஸ்ஸரோ கத்தா நிம்மாதா ஸெட்டோ² ஸஜிதா வஸீ பிதா பூ⁴தப⁴ப்³யான’ந்தி.

‘‘து³தியம்பி கோ² ஸோ, கேவட்ட,
பி⁴க்கு² தங் மஹாப்³ரஹ்மானங் ஏதத³வோச – ‘ந கோ²ஹங் தங், ஆவுஸோ, ஏவங்
புச்சா²மி – ‘‘த்வமஸி ப்³ரஹ்மா மஹாப்³ரஹ்மா அபி⁴பூ⁴ அனபி⁴பூ⁴தோ
அஞ்ஞத³த்து²த³ஸோ வஸவத்தீ இஸ்ஸரோ கத்தா நிம்மாதா ஸெட்டோ² ஸஜிதா வஸீ பிதா
பூ⁴தப⁴ப்³யான’’ந்தி. ஏவஞ்ச கோ² அஹங் தங், ஆவுஸோ, புச்சா²மி – ‘‘கத்த² நு
கோ², ஆவுஸோ, இமே சத்தாரோ மஹாபூ⁴தா அபரிஸேஸா நிருஜ்ஜ²ந்தி, ஸெய்யதி²த³ங் –
பத²வீதா⁴து ஆபோதா⁴து தேஜோதா⁴து வாயோதா⁴தூ’’’தி?

‘‘து³தியம்பி கோ² ஸோ, கேவட்ட, மஹாப்³ரஹ்மா தங்
பி⁴க்கு²ங் ஏதத³வோச – ‘அஹமஸ்மி, பி⁴க்கு², ப்³ரஹ்மா மஹாப்³ரஹ்மா அபி⁴பூ⁴
அனபி⁴பூ⁴தோ அஞ்ஞத³த்து²த³ஸோ வஸவத்தீ இஸ்ஸரோ கத்தா நிம்மாதா ஸெட்டோ² ஸஜிதா
வஸீ பிதா பூ⁴தப⁴ப்³யான’ந்தி. ததியம்பி கோ² ஸோ, கேவட்ட, பி⁴க்கு² தங்
மஹாப்³ரஹ்மானங் ஏதத³வோச – ‘ந கோ²ஹங் தங், ஆவுஸோ, ஏவங் புச்சா²மி – ‘‘த்வமஸி
ப்³ரஹ்மா மஹாப்³ரஹ்மா அபி⁴பூ⁴ அனபி⁴பூ⁴தோ
அஞ்ஞத³த்து²த³ஸோ வஸவத்தீ இஸ்ஸரோ கத்தா நிம்மாதா ஸெட்டோ² ஸஜிதா வஸீ பிதா
பூ⁴தப⁴ப்³யான’’ந்தி. ஏவஞ்ச கோ² அஹங் தங், ஆவுஸோ, புச்சா²மி – ‘‘கத்த² நு
கோ², ஆவுஸோ, இமே சத்தாரோ மஹாபூ⁴தா அபரிஸேஸா நிருஜ்ஜ²ந்தி, ஸெய்யதி²த³ங் –
பத²வீதா⁴து ஆபோதா⁴து தேஜோதா⁴து வாயோதா⁴தூ’’’தி?

495. ‘‘அத² கோ² ஸோ, கேவட்ட, மஹாப்³ரஹ்மா தங் பி⁴க்கு²ங் பா³ஹாயங் க³ஹெத்வா ஏகமந்தங் அபனெத்வா தங் பி⁴க்கு²ங் ஏதத³வோச
– ‘இமே கோ² மங், பி⁴க்கு², ப்³ரஹ்மகாயிகா தே³வா ஏவங் ஜானந்தி, ‘‘நத்தி²
கிஞ்சி ப்³ரஹ்முனோ அஞ்ஞாதங், நத்தி² கிஞ்சி ப்³ரஹ்முனோ அதி³ட்ட²ங், நத்தி²
கிஞ்சி ப்³ரஹ்முனோ அவிதி³தங், நத்தி² கிஞ்சி ப்³ரஹ்முனோ அஸச்சி²கத’’ந்தி.
தஸ்மாஹங் தேஸங் ஸம்முகா² ந ப்³யாகாஸிங். அஹம்பி கோ², பி⁴க்கு², ந ஜானாமி
யத்தி²மே சத்தாரோ மஹாபூ⁴தா அபரிஸேஸா நிருஜ்ஜ²ந்தி, ஸெய்யதி²த³ங் –
பத²வீதா⁴து ஆபோதா⁴து தேஜோதா⁴து வாயோதா⁴தூதி.
தஸ்மாதிஹ, பி⁴க்கு², துய்ஹேவேதங் து³க்கடங், துய்ஹேவேதங் அபரத்³த⁴ங், யங்
த்வங் தங் ப⁴க³வந்தங் அதிதா⁴வித்வா ப³ஹித்³தா⁴ பரியெட்டி²ங் ஆபஜ்ஜஸி இமஸ்ஸ
பஞ்ஹஸ்ஸ வெய்யாகரணாய. க³ச்ச² த்வங், பி⁴க்கு², தமேவ ப⁴க³வந்தங்
உபஸங்கமித்வா இமங் பஞ்ஹங் புச்ச², யதா² ச தே ப⁴க³வா ப்³யாகரோதி, ததா² நங்
தா⁴ரெய்யாஸீ’தி.

496.
‘‘அத² கோ² ஸோ, கேவட்ட, பி⁴க்கு² – ஸெய்யதா²பி நாம ப³லவா புரிஸோ ஸமிஞ்ஜிதங்
வா பா³ஹங் பஸாரெய்ய, பஸாரிதங் வா பா³ஹங் ஸமிஞ்ஜெய்ய ஏவமேவ ப்³ரஹ்மலோகே
அந்தரஹிதோ மம புரதோ பாதுரஹோஸி. அத² கோ² ஸோ, கேவட்ட, பி⁴க்கு² மங்
அபி⁴வாதெ³த்வா ஏகமந்தங் நிஸீதி³, ஏகமந்தங் நிஸின்னோ கோ², கேவட்ட, ஸோ
பி⁴க்கு² மங் ஏதத³வோச – ‘கத்த² நு கோ², ப⁴ந்தே, இமே சத்தாரோ மஹாபூ⁴தா அபரிஸேஸா நிருஜ்ஜ²ந்தி, ஸெய்யதி²த³ங் – பத²வீதா⁴து ஆபோதா⁴து தேஜோதா⁴து வாயோதா⁴தூ’தி?

தீரத³ஸ்ஸிஸகுணுபமா

497.
‘‘ஏவங் வுத்தே, அஹங், கேவட்ட, தங் பி⁴க்கு²ங் ஏதத³வோசங் – ‘பூ⁴தபுப்³ப³ங்,
பி⁴க்கு², ஸாமுத்³தி³கா வாணிஜா தீரத³ஸ்ஸிங் ஸகுணங் க³ஹெத்வா நாவாய
ஸமுத்³த³ங் அஜ்ஜோ²கா³ஹந்தி. தே அதீரத³க்கி²னியா நாவாய தீரத³ஸ்ஸிங் ஸகுணங்
முஞ்சந்தி. ஸோ க³ச்ச²தேவ புரத்தி²மங் தி³ஸங், க³ச்ச²தி த³க்கி²ணங் தி³ஸங்,
க³ச்ச²தி பச்சி²மங் தி³ஸங், க³ச்ச²தி உத்தரங் தி³ஸங், க³ச்ச²தி உத்³த⁴ங்
தி³ஸங், க³ச்ச²தி அனுதி³ஸங். ஸசே ஸோ ஸமந்தா தீரங் பஸ்ஸதி, ததா²க³தகோவ [ததா²பக்கந்தோவ (ஸ்யா॰)] ஹோதி. ஸசே பன ஸோ ஸமந்தா தீரங் ந பஸ்ஸதி, தமேவ நாவங் பச்சாக³ச்ச²தி. ஏவமேவ கோ² த்வங், பி⁴க்கு², யதோ யாவ ப்³ரஹ்மலோகா பரியேஸமானோ இமஸ்ஸ பஞ்ஹஸ்ஸ
வெய்யாகரணங் நாஜ்ஜ²கா³, அத² மமஞ்ஞேவ ஸந்திகே பச்சாக³தோ. ந கோ² ஏஸோ,
பி⁴க்கு², பஞ்ஹோ ஏவங் புச்சி²தப்³போ³ – ‘கத்த² நு கோ², ப⁴ந்தே, இமே சத்தாரோ
மஹாபூ⁴தா அபரிஸேஸா நிருஜ்ஜ²ந்தி, ஸெய்யதி²த³ங் – பத²வீதா⁴து ஆபோதா⁴து
தேஜோதா⁴து வாயோதா⁴தூ’தி?

498. ‘‘ஏவஞ்ச கோ² ஏஸோ, பி⁴க்கு², பஞ்ஹோ புச்சி²தப்³போ³ –

‘கத்த² ஆபோ ச பத²வீ, தேஜோ வாயோ ந கா³த⁴தி;

கத்த² தீ³க⁴ஞ்ச ரஸ்ஸஞ்ச, அணுங் தூ²லங் ஸுபா⁴ஸுப⁴ங்;

கத்த² நாமஞ்ச ரூபஞ்ச, அஸேஸங் உபருஜ்ஜ²தீ’தி.

499. ‘‘தத்ர வெய்யாகரணங் ப⁴வதி –

‘விஞ்ஞாணங் அனித³ஸ்ஸனங், அனந்தங் ஸப்³ப³தோபப⁴ங்;

எத்த² ஆபோ ச பத²வீ, தேஜோ வாயோ ந கா³த⁴தி.

எத்த² தீ³க⁴ஞ்ச ரஸ்ஸஞ்ச, அணுங் தூ²லங் ஸுபா⁴ஸுப⁴ங்;

எத்த² நாமஞ்ச ரூபஞ்ச, அஸேஸங் உபருஜ்ஜ²தி;

விஞ்ஞாணஸ்ஸ நிரோதே⁴ன, எத்தே²தங் உபருஜ்ஜ²தீ’தி.

500. இத³மவோச ப⁴க³வா. அத்தமனோ கேவட்டோ க³ஹபதிபுத்தோ ப⁴க³வதோ பா⁴ஸிதங் அபி⁴னந்தீ³தி.

கேவட்டஸுத்தங் நிட்டி²தங் ஏகாத³ஸமங்.

comments (0)

ஸுத்தபிடக-Part-10-தமிழில் திரபிடக மூன்று தொகுப்புகள்TIPITAKA–10. ஸுபஸுத்தங்-ஸுபமாணவவத்து-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 12:24 pm

ஸுத்தபிடக-Part-10-தமிழில் திரபிடக மூன்று தொகுப்புகள்TIPITAKA--10. ஸுபஸுத்தங்-ஸுபமாணவவத்து-from FREE ONLINE eNālāndā Research and
Practice UNIVERSITY through http://sarvajan.ambedkar.org

10. ஸுபஸுத்தங்

ஸுபமாணவவத்து

444. ஏவங்
மே ஸுதங் – ஏகங் ஸமயங் ஆயஸ்மா ஆனந்தோ³ ஸாவத்தி²யங் விஹரதி ஜேதவனே
அனாத²பிண்டி³கஸ்ஸ ஆராமே அசிரபரினிப்³பு³தே ப⁴க³வதி. தேன கோ² பன ஸமயேன ஸுபோ⁴
மாணவோ தோதெ³ய்யபுத்தோ ஸாவத்தி²யங் படிவஸதி கேனசிதே³வ கரணீயேன.

445.
அத² கோ² ஸுபோ⁴ மாணவோ தோதெ³ய்யபுத்தோ அஞ்ஞதரங் மாணவகங் ஆமந்தேஸி – ‘‘ஏஹி
த்வங், மாணவக, யேன ஸமணோ ஆனந்தோ³ தேனுபஸங்கம; உபஸங்கமித்வா மம வசனேன ஸமணங்
ஆனந்த³ங் அப்பாபா³த⁴ங் அப்பாதங்கங் லஹுட்டா²னங் ப³லங் பா²ஸுவிஹாரங் புச்ச² –
‘ஸுபோ⁴ மாணவோ தோதெ³ய்யபுத்தோ ப⁴வந்தங் ஆனந்த³ங் அப்பாபா³த⁴ங் அப்பாதங்கங்
லஹுட்டா²னங் ப³லங் பா²ஸுவிஹாரங் புச்ச²தீ’தி. ஏவஞ்ச வதே³ஹி – ‘ஸாது⁴ கிர
ப⁴வங் ஆனந்தோ³ யேன ஸுப⁴ஸ்ஸ மாணவஸ்ஸ தோதெ³ய்யபுத்தஸ்ஸ நிவேஸனங் தேனுபஸங்கமது
அனுகம்பங் உபாதா³யா’’’தி.

446.
‘‘ஏவங், போ⁴’’தி கோ² ஸோ மாணவகோ ஸுப⁴ஸ்ஸ மாணவஸ்ஸ தோதெ³ய்யபுத்தஸ்ஸ
படிஸ்ஸுத்வா யேனாயஸ்மா ஆனந்தோ³ தேனுபஸங்கமி; உபஸங்கமித்வா ஆயஸ்மதா ஆனந்தே³ன
ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங்
நிஸீதி³. ஏகமந்தங் நிஸின்னோ கோ² ஸோ மாணவகோ ஆயஸ்மந்தங் ஆனந்த³ங் ஏதத³வோச –
‘‘ஸுபோ⁴ மாணவோ தோதெ³ய்யபுத்தோ ப⁴வந்தங் ஆனந்த³ங் அப்பாபா³த⁴ங் அப்பாதங்கங்
லஹுட்டா²னங் ப³லங் பா²ஸுவிஹாரங் புச்ச²தி; ஏவஞ்ச வதே³தி – ‘ஸாது⁴ கிர ப⁴வங்
ஆனந்தோ³ யேன ஸுப⁴ஸ்ஸ மாணவஸ்ஸ தோதெ³ய்யபுத்தஸ்ஸ நிவேஸனங் தேனுபஸங்கமது அனுகம்பங் உபாதா³யா’’’தி.

447. ஏவங் வுத்தே, ஆயஸ்மா ஆனந்தோ³ தங் மாணவகங் ஏதத³வோச – ‘‘அகாலோ கோ², மாணவக . அத்தி² மே அஜ்ஜ பே⁴ஸஜ்ஜமத்தா பீதா. அப்பேவனாம ஸ்வேபி உபஸங்கமெய்யாம காலஞ்ச ஸமயஞ்ச உபாதா³யா’’தி.

‘‘ஏவங், போ⁴’’தி கோ² ஸோ மாணவகோ ஆயஸ்மதோ ஆனந்த³ஸ்ஸ படிஸ்ஸுத்வா உட்டா²யாஸனா யேன ஸுபோ⁴ மாணவோ தோதெ³ய்யபுத்தோ தேனுபஸங்கமி ;
உபஸங்கமித்வா ஸுப⁴ங் மாணவங் தோதெ³ய்யபுத்தங் ஏதத³வோச, ‘‘அவோசும்ஹா கோ²
மயங் போ⁴தோ வசனேன தங் ப⁴வந்தங் ஆனந்த³ங் – ‘ஸுபோ⁴ மாணவோ தோதெ³ய்யபுத்தோ
ப⁴வந்தங் ஆனந்த³ங் அப்பாபா³த⁴ங் அப்பாதங்கங் லஹுட்டா²னங் ப³லங்
பா²ஸுவிஹாரங் புச்ச²தி, ஏவஞ்ச வதே³தி – ‘‘ஸாது⁴ கிர ப⁴வங் ஆனந்தோ³ யேன
ஸுப⁴ஸ்ஸ மாணவஸ்ஸ தோதெ³ய்யபுத்தஸ்ஸ நிவேஸனங் தேனுபஸங்கமது அனுகம்பங்
உபாதா³யா’’’தி. ஏவங் வுத்தே, போ⁴, ஸமணோ ஆனந்தோ³ மங் ஏதத³வோச – ‘அகாலோ கோ²,
மாணவக. அத்தி² மே அஜ்ஜ பே⁴ஸஜ்ஜமத்தா பீதா. அப்பேவனாம ஸ்வேபி உபஸங்கமெய்யாம
காலஞ்ச ஸமயஞ்ச உபாதா³யா’தி. எத்தாவதாபி கோ², போ⁴, கதமேவ ஏதங், யதோ கோ² ஸோ
ப⁴வங் ஆனந்தோ³ ஓகாஸமகாஸி ஸ்வாதனாயபி உபஸங்கமனாயா’’தி.

448.
அத² கோ² ஆயஸ்மா ஆனந்தோ³ தஸ்ஸா ரத்தியா அச்சயேன புப்³ப³ண்ஹஸமயங் நிவாஸெத்வா
பத்தசீவரமாதா³ய சேதகேன பி⁴க்கு²னா பச்சா²ஸமணேன யேன ஸுப⁴ஸ்ஸ மாணவஸ்ஸ
தோதெ³ய்யபுத்தஸ்ஸ நிவேஸனங் தேனுபஸங்கமி; உபஸங்கமித்வா பஞ்ஞத்தே ஆஸனே
நிஸீதி³.

அத² கோ² ஸுபோ⁴ மாணவோ
தோதெ³ய்யபுத்தோ யேனாயஸ்மா ஆனந்தோ³ தேனுபஸங்கமி; உபஸங்கமித்வா ஆயஸ்மதா
ஆனந்தே³ன ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா
ஏகமந்தங் நிஸீதி³. ஏகமந்தங் நிஸின்னோ கோ² ஸுபோ⁴ மாணவோ தோதெ³ய்யபுத்தோ
ஆயஸ்மந்தங் ஆனந்த³ங் ஏதத³வோச – ‘‘ப⁴வஞ்ஹி ஆனந்தோ³
தஸ்ஸ போ⁴தோ கோ³தமஸ்ஸ தீ³க⁴ரத்தங் உபட்டா²கோ ஸந்திகாவசரோ ஸமீபசாரீ. ப⁴வமேதங்
ஆனந்தோ³ ஜானெய்ய, யேஸங் ஸோ ப⁴வங் கோ³தமோ த⁴ம்மானங் வண்ணவாதீ³ அஹோஸி, யத்த²
ச இமங் ஜனதங் ஸமாத³பேஸி நிவேஸேஸி பதிட்டா²பேஸி. கதமேஸானங் கோ², போ⁴
ஆனந்த³, த⁴ம்மானங் ஸோ ப⁴வங் கோ³தமோ வண்ணவாதீ³ அஹோஸி; கத்த² ச இமங் ஜனதங்
ஸமாத³பேஸி நிவேஸேஸி பதிட்டா²பேஸீ’’தி?

449.
‘‘திண்ணங் கோ², மாணவ, க²ந்தா⁴னங் ஸோ ப⁴க³வா வண்ணவாதீ³ அஹோஸி; எத்த² ச இமங்
ஜனதங் ஸமாத³பேஸி நிவேஸேஸி பதிட்டா²பேஸி. கதமேஸங் திண்ணங்? அரியஸ்ஸ
ஸீலக்க²ந்த⁴ஸ்ஸ, அரியஸ்ஸ ஸமாதி⁴க்க²ந்த⁴ஸ்ஸ, அரியஸ்ஸ பஞ்ஞாக்க²ந்த⁴ஸ்ஸ.
இமேஸங் கோ², மாணவ, திண்ணங் க²ந்தா⁴னங் ஸோ ப⁴க³வா வண்ணவாதீ³ அஹோஸி; எத்த² ச
இமங் ஜனதங் ஸமாத³பேஸி நிவேஸேஸி பதிட்டா²பேஸீ’’தி.

ஸீலக்க²ந்தோ⁴

450. ‘‘கதமோ
பன ஸோ, போ⁴ ஆனந்த³, அரியோ ஸீலக்க²ந்தோ⁴, யஸ்ஸ ஸோ ப⁴வங் கோ³தமோ வண்ணவாதீ³
அஹோஸி, யத்த² ச இமங் ஜனதங் ஸமாத³பேஸி நிவேஸேஸி பதிட்டா²பேஸீ’’தி?

‘‘இத⁴, மாணவ, ததா²க³தோ லோகே உப்பஜ்ஜதி அரஹங்
ஸம்மாஸம்பு³த்³தோ⁴ விஜ்ஜாசரணஸம்பன்னோ ஸுக³தோ லோகவிதூ³ அனுத்தரோ
புரிஸத³ம்மஸாரதி² ஸத்தா² தே³வமனுஸ்ஸானங் பு³த்³தோ⁴ ப⁴க³வா. ஸோ இமங் லோகங்
ஸதே³வகங் ஸமாரகங் ஸப்³ரஹ்மகங் ஸஸ்ஸமணப்³ராஹ்மணிங் பஜங் ஸதே³வமனுஸ்ஸங் ஸயங்
அபி⁴ஞ்ஞா ஸச்சி²கத்வா பவேதே³தி. ஸோ த⁴ம்மங் தே³ஸேதி ஆதி³கல்யாணங்
மஜ்ஜே²கல்யாணங் பரியோஸானகல்யாணங் ஸாத்த²ங் ஸப்³யஞ்ஜனங் கேவலபரிபுண்ணங்
பரிஸுத்³த⁴ங் ப்³ரஹ்மசரியங் பகாஸேதி. தங் த⁴ம்மங்
ஸுணாதி க³ஹபதி வா க³ஹபதிபுத்தோ வா அஞ்ஞதரஸ்மிங் வா குலே பச்சாஜாதோ. ஸோ தங்
த⁴ம்மங் ஸுத்வா ததா²க³தே ஸத்³த⁴ங் படிலப⁴தி. ஸோ தேன ஸத்³தா⁴படிலாபே⁴ன
ஸமன்னாக³தோ இதி படிஸஞ்சிக்க²தி – ‘ஸம்பா³தோ⁴ க⁴ராவாஸோ ரஜோபதோ², அப்³போ⁴காஸோ
பப்³ப³ஜ்ஜா, நயித³ங் ஸுகரங் அகா³ரங் அஜ்ஜா²வஸதா ஏகந்தபரிபுண்ணங்
ஏகந்தபரிஸுத்³த⁴ங் ஸங்க²லிகி²தங் ப்³ரஹ்மசரியங் சரிதுங். யங்னூனாஹங்
கேஸமஸ்ஸுங் ஓஹாரெத்வா காஸாயானி வத்தா²னி அச்சா²தெ³த்வா அகா³ரஸ்மா
அனகா³ரியங் பப்³ப³ஜெய்ய’ந்தி. ஸோ அபரேன ஸமயேன அப்பங் வா போ⁴க³க்க²ந்த⁴ங்
பஹாய மஹந்தங் வா போ⁴க³க்க²ந்த⁴ங் பஹாய அப்பங் வா ஞாதிபரிவட்டங் பஹாய
மஹந்தங் வா ஞாதிபரிவட்டங் பஹாய கேஸமஸ்ஸுங் ஓஹாரெத்வா காஸாயானி வத்தா²னி
அச்சா²தெ³த்வா அகா³ரஸ்மா அனகா³ரியங் பப்³ப³ஜதி. ஸோ ஏவங் பப்³ப³ஜிதோ ஸமானோ
பாதிமொக்க²ஸங்வரஸங்வுதோ விஹரதி, ஆசாரகோ³சரஸம்பன்னோ, அனுமத்தேஸு வஜ்ஜேஸு
ப⁴யத³ஸ்ஸாவீ, ஸமாதா³ய ஸிக்க²தி ஸிக்கா²பதே³ஸு, காயகம்மவசீகம்மேன ஸமன்னாக³தோ
குஸலேன, பரிஸுத்³தா⁴ஜீவோ, ஸீலஸம்பன்னோ, இந்த்³ரியேஸு கு³த்தத்³வாரோ,
ஸதிஸம்பஜஞ்ஞேன ஸமன்னாக³தோ, ஸந்துட்டோ².

451.
‘‘கத²ஞ்ச, மாணவ, பி⁴க்கு² ஸீலஸம்பன்னோ ஹோதி? இத⁴, மாணவ, பி⁴க்கு²
பாணாதிபாதங் பஹாய பாணாதிபாதா படிவிரதோ ஹோதி, நிஹிதத³ண்டோ³ நிஹிதஸத்தோ²
லஜ்ஜீ த³யாபன்னோ, ஸப்³ப³பாணபூ⁴தஹிதானுகம்பீ விஹரதி. யம்பி, மாணவ, பி⁴க்கு²
பாணாதிபாதங் பஹாய பாணாதிபாதா படிவிரதோ ஹோதி, நிஹிதத³ண்டோ³ நிஹிதஸத்தோ²
லஜ்ஜீ த³யாபன்னோ, ஸப்³ப³பாணபூ⁴தஹிதானுகம்பீ விஹரதி; இத³ம்பிஸ்ஸ ஹோதி ஸீலஸ்மிங். (யதா² 194 யாவ 210 அனுச்சே²தே³ஸு ஏவங் வித்தா²ரேதப்³ப³ங்).

‘‘யதா² வா பனேகே பொ⁴ந்தோ ஸமணப்³ராஹ்மணா ஸத்³தா⁴தெ³ய்யானி போ⁴ஜனானி பு⁴ஞ்ஜித்வா தே ஏவரூபாய
திரச்சா²னவிஜ்ஜாய மிச்சா²ஜீவேன ஜீவிதங் கப்பெந்தி, ஸெய்யதி²த³ங் –
ஸந்திகம்மங் பணிதி⁴கம்மங் பூ⁴தகம்மங் பூ⁴ரிகம்மங் வஸ்ஸகம்மங் வொஸ்ஸகம்மங்
வத்து²கம்மங் வத்து²பரிகம்மங் ஆசமனங் ந்ஹாபனங் ஜுஹனங் வமனங் விரேசனங்
உத்³த⁴ங்விரேசனங் அதோ⁴விரேசனங் ஸீஸவிரேசனங் கண்ணதேலங் நெத்ததப்பனங்
நத்து²கம்மங் அஞ்ஜனங் பச்சஞ்ஜனங் ஸாலாகியங் ஸல்லகத்தியங் தா³ரகதிகிச்சா²
மூலபே⁴ஸஜ்ஜானங் அனுப்பதா³னங் ஓஸதீ⁴னங் படிமொக்கோ² இதி வா இதி ஏவரூபாய
திரச்சா²னவிஜ்ஜாய மிச்சா²ஜீவா படிவிரதோ ஹோதி. யம்பி, மாணவ, பி⁴க்கு² யதா²
வா பனேகே பொ⁴ந்தோ ஸமணப்³ராஹ்மணா ஸத்³தா⁴தெ³ய்யானி போ⁴ஜனானி பு⁴ஞ்ஜித்வா தே
ஏவரூபாய திரச்சா²னவிஜ்ஜாய மிச்சா²ஜீவேன ஜீவிதங் கப்பெந்தி, ஸெய்யதி²த³ங்,
ஸந்திகம்மங் பணிதி⁴கம்மங்…பே॰… ஓஸதீ⁴னங் படிமொக்கோ² இதி வா இதி ஏவரூபாய
திரச்சா²னவிஜ்ஜாய மிச்சா²ஜீவா படிவிரதோ ஹோதி. இத³ம்பிஸ்ஸ ஹோதி ஸீலஸ்மிங்.

452. ‘‘ஸ கோ² ஸோ [அயங் கோ² ஸோ (க॰)],
மாணவ, பி⁴க்கு² ஏவங் ஸீலஸம்பன்னோ ந குதோசி ப⁴யங் ஸமனுபஸ்ஸதி, யதி³த³ங்
ஸீலஸங்வரதோ. ஸெய்யதா²பி, மாணவ, ராஜா க²த்தியோ முத்³தா⁴வஸித்தோ
நிஹதபச்சாமித்தோ ந குதோசி ப⁴யங் ஸமனுபஸ்ஸதி, யதி³த³ங் பச்சத்தி²கதோ. ஏவமேவ
கோ², மாணவ, பி⁴க்கு² ஏவங் ஸீலஸம்பன்னோ ந குதோசி ப⁴யங் ஸமனுபஸ்ஸதி, யதி³த³ங்
ஸீலஸங்வரதோ. ஸோ இமினா அரியேன ஸீலக்க²ந்தே⁴ன ஸமன்னாக³தோ அஜ்ஜ²த்தங்
அனவஜ்ஜஸுக²ங் படிஸங்வேதே³தி. ஏவங் கோ², மாணவ, பி⁴க்கு² ஸீலஸம்பன்னோ ஹோதி.

453.
‘‘அயங் கோ² ஸோ, மாணவ, அரியோ ஸீலக்க²ந்தோ⁴ யஸ்ஸ ஸோ ப⁴க³வா வண்ணவாதீ³ அஹோஸி,
யத்த² ச இமங் ஜனதங் ஸமாத³பேஸி நிவேஸேஸி பதிட்டா²பேஸி. அத்தி² சேவெத்த²
உத்தரிகரணீய’’ந்தி.

‘‘அச்ச²ரியங், போ⁴ ஆனந்த³, அப்³பு⁴தங், போ⁴ ஆனந்த³! ஸோ
சாயங், போ⁴ ஆனந்த³, அரியோ ஸீலக்க²ந்தோ⁴ பரிபுண்ணோ, நோ அபரிபுண்ணோ. ஏவங்
பரிபுண்ணங் சாஹங், போ⁴, ஆனந்த³, அரியங் ஸீலக்க²ந்த⁴ங் இதோ ப³ஹித்³தா⁴ அஞ்ஞேஸு ஸமணப்³ராஹ்மணேஸு ந
ஸமனுபஸ்ஸாமி. ஏவங் பரிபுண்ணஞ்ச, போ⁴ ஆனந்த³, அரியங் ஸீலக்க²ந்த⁴ங் இதோ
ப³ஹித்³தா⁴ அஞ்ஞே ஸமணப்³ராஹ்மணா அத்தனி ஸமனுபஸ்ஸெய்யுங், தே தாவதகேனேவ
அத்தமனா அஸ்ஸு – ‘அலமெத்தாவதா, கதமெத்தாவதா, அனுப்பத்தோ நோ ஸாமஞ்ஞத்தோ²,
நத்தி² நோ கிஞ்சி உத்தரிகரணீய’ந்தி. அத² ச பன ப⁴வங் ஆனந்தோ³ ஏவமாஹ –
‘அத்தி² சேவெத்த² உத்தரிகரணீய’’’ந்தி [இமஸ்ஸ அனந்தரங் ஸீ॰ பீ॰ பொத்த²கேஸு ‘‘பட²மபா⁴ணவாரங்’’தி பாடோ² தி³ஸ்ஸதி].

ஸமாதி⁴க்க²ந்தோ⁴

454. ‘‘கதமோ
பன ஸோ, போ⁴ ஆனந்த³, அரியோ ஸமாதி⁴க்க²ந்தோ⁴, யஸ்ஸ ஸோ ப⁴வங் கோ³தமோ
வண்ணவாதீ³ அஹோஸி, யத்த² ச இமங் ஜனதங் ஸமாத³பேஸி நிவேஸேஸி பதிட்டா²பேஸீ’’தி?

‘‘கத²ஞ்ச, மாணவ, பி⁴க்கு² இந்த்³ரியேஸு கு³த்தத்³வாரோ
ஹோதி? இத⁴, மாணவ, பி⁴க்கு² சக்கு²னா ரூபங் தி³ஸ்வா ந நிமித்தக்³கா³ஹீ ஹோதி
நானுப்³யஞ்ஜனக்³கா³ஹீ; யத்வாதி⁴கரணமேனங் சக்கு²ந்த்³ரியங் அஸங்வுதங்
விஹரந்தங் அபி⁴ஜ்ஜா²தோ³மனஸ்ஸா பாபகா அகுஸலா த⁴ம்மா அன்வாஸ்ஸவெய்யுங் தஸ்ஸ
ஸங்வராய படிபஜ்ஜதி, ரக்க²தி சக்கு²ந்த்³ரியங், சக்கு²ந்த்³ரியே ஸங்வரங்
ஆபஜ்ஜதி. ஸோதேன ஸத்³த³ங் ஸுத்வா…பே॰… கா⁴னேன
க³ந்த⁴ங் கா⁴யித்வா… ஜிவ்ஹாய ரஸங் ஸாயித்வா… காயேன பொ²ட்ட²ப்³ப³ங்
பு²ஸித்வா… மனஸா த⁴ம்மங் விஞ்ஞாய ந நிமித்தக்³கா³ஹீ ஹோதி
நானுப்³யஞ்ஜனக்³கா³ஹீ; யத்வாதி⁴கரணமேனங் மனிந்த்³ரியங் அஸங்வுதங் விஹரந்தங்
அபி⁴ஜ்ஜா²தோ³மனஸ்ஸா பாபகா அகுஸலா த⁴ம்மா அன்வாஸ்ஸவெய்யுங் தஸ்ஸ ஸங்வராய
படிபஜ்ஜதி, ரக்க²தி மனிந்த்³ரியங், மனிந்த்³ரியே ஸங்வரங் ஆபஜ்ஜதி. ஸோ இமினா
அரியேன இந்த்³ரியஸங்வரேன ஸமன்னாக³தோ அஜ்ஜ²த்தங் அப்³யாஸேகஸுக²ங்
படிஸங்வேதே³தி. ஏவங் கோ², மாணவ, பி⁴க்கு² இந்த்³ரியேஸு கு³த்தத்³வாரோ ஹோதி.

455.
‘‘கத²ஞ்ச, மாணவ, பி⁴க்கு² ஸதிஸம்பஜஞ்ஞேன ஸமன்னாக³தோ ஹோதி? இத⁴, மாணவ,
பி⁴க்கு² அபி⁴க்கந்தே படிக்கந்தே ஸம்பஜானகாரீ ஹோதி, ஆலோகிதே விலோகிதே
ஸம்பஜானகாரீ ஹோதி, ஸமிஞ்ஜிதே பஸாரிதே ஸம்பஜானகாரீ ஹோதி,
ஸங்கா⁴டிபத்தசீவரதா⁴ரணே ஸம்பஜானகாரீ ஹோதி, அஸிதே பீதே கா²யிதே ஸாயிதே
ஸம்பஜானகாரீ ஹோதி, உச்சாரபஸ்ஸாவகம்மே ஸம்பஜானகாரீ ஹோதி, க³தே டி²தே
நிஸின்னே ஸுத்தே ஜாக³ரிதே பா⁴ஸிதே துண்ஹீபா⁴வே ஸம்பஜானகாரீ ஹோதி. ஏவங் கோ², மாணவ, பி⁴க்கு² ஸதிஸம்பஜஞ்ஞேன ஸமன்னாக³தோ ஹோதி.

456.
‘‘கத²ஞ்ச, மாணவ, பி⁴க்கு² ஸந்துட்டோ² ஹோதி? இத⁴, மாணவ, பி⁴க்கு²
ஸந்துட்டோ² ஹோதி காயபரிஹாரிகேன சீவரேன குச்சி²பரிஹாரிகேன பிண்ட³பாதேன. ஸோ
யேன யேனேவ பக்கமதி, ஸமாதா³யேவ பக்கமதி. ஸெய்யதா²பி, மாணவ, பக்கீ² ஸகுணோ யேன
யேனேவ டே³தி, ஸபத்தபா⁴ரோவ டே³தி ; ஏவமேவ கோ², மாணவ,
பி⁴க்கு² ஸந்துட்டோ² ஹோதி காயபரிஹாரிகேன சீவரேன குச்சி²பரிஹாரிகேன
பிண்ட³பாதேன. ஸோ யேன யேனேவ பக்கமதி, ஸமாதா³யேவ பக்கமதி. ஏவங் கோ², மாணவ,
பி⁴க்கு² ஸந்துட்டோ² ஹோதி.

457. ‘‘ஸோ
இமினா ச அரியேன ஸீலக்க²ந்தே⁴ன ஸமன்னாக³தோ, இமினா ச அரியேன
இந்த்³ரியஸங்வரேன ஸமன்னாக³தோ, இமினா ச அரியேன ஸதிஸம்பஜஞ்ஞேன ஸமன்னாக³தோ,
இமாய ச அரியாய ஸந்துட்டி²யா ஸமன்னாக³தோ விவித்தங் ஸேனாஸனங் ப⁴ஜதி அரஞ்ஞங்
ருக்க²மூலங் பப்³ப³தங் கந்த³ரங் கி³ரிகு³ஹங் ஸுஸானங் வனபத்த²ங்
அப்³போ⁴காஸங் பலாலபுஞ்ஜங். ஸோ பச்சா²ப⁴த்தங் பிண்ட³பாதப்படிக்கந்தோ
நிஸீத³தி பல்லங்கங் ஆபு⁴ஜித்வா, உஜுங் காயங் பணிதா⁴ய, பரிமுக²ங் ஸதிங்
உபட்ட²பெத்வா.

458.
‘‘ஸோ அபி⁴ஜ்ஜ²ங் லோகே பஹாய விக³தாபி⁴ஜ்ஜே²ன சேதஸா விஹரதி அபி⁴ஜ்ஜா²ய
சித்தங் பரிஸோதே⁴தி. ப்³யாபாத³பதோ³ஸங் பஹாய அப்³யாபன்னசித்தோ விஹரதி
ஸப்³ப³பாணபூ⁴தஹிதானுகம்பீ ப்³யாபாத³பதோ³ஸா சித்தங் பரிஸோதே⁴தி.
தி²னமித்³த⁴ங் பஹாய விக³ததி²னமித்³தோ⁴ விஹரதி ஆலோகஸஞ்ஞீ ஸதோ ஸம்பஜானோ,
தி²னமித்³தா⁴ சித்தங் பரிஸோதே⁴தி. உத்³த⁴ச்சகுக்குச்சங் பஹாய அனுத்³த⁴தோ
விஹரதி அஜ்ஜ²த்தங் வூபஸந்தசித்தோ உத்³த⁴ச்சகுக்குச்சா சித்தங் பரிஸோதே⁴தி.
விசிகிச்ச²ங் பஹாய திண்ணவிசிகிச்சோ² விஹரதி அகத²ங்கதீ² குஸலேஸு த⁴ம்மேஸு,
விசிகிச்சா²ய சித்தங் பரிஸோதே⁴தி.

459.
‘‘ஸெய்யதா²பி, மாணவ, புரிஸோ இணங் ஆதா³ய கம்மந்தே பயோஜெய்ய. தஸ்ஸ தே
கம்மந்தா ஸமிஜ்ஜெ²ய்யுங். ஸோ யானி ச போராணானி இணமூலானி தானி ச ப்³யந்திங்
கரெய்ய, ஸியா சஸ்ஸ உத்தரிங் அவஸிட்ட²ங் தா³ரப⁴ரணாய. தஸ்ஸ ஏவமஸ்ஸ – ‘அஹங் கோ² புப்³பே³ இணங் ஆதா³ய கம்மந்தே பயோஜேஸிங் .
தஸ்ஸ மே தே கம்மந்தா ஸமிஜ்ஜி²ங்ஸு. ஸோஹங் யானி ச போராணானி இணமூலானி தானி ச
ப்³யந்திங் அகாஸிங், அத்தி² ச மே உத்தரிங் அவஸிட்ட²ங் தா³ரப⁴ரணாயா’தி. ஸோ
ததோனிதா³னங் லபே⁴த² பாமோஜ்ஜங், அதி⁴க³ச்செ²ய்ய ஸோமனஸ்ஸங்.

460.
‘‘ஸெய்யதா²பி, மாணவ, புரிஸோ ஆபா³தி⁴கோ அஸ்ஸ து³க்கி²தோ பா³ள்ஹகி³லானோ;
ப⁴த்தஞ்சஸ்ஸ நச்சா²தெ³ய்ய, ந சஸ்ஸ காயே ப³லமத்தா. ஸோ அபரேன ஸமயேன தம்ஹா
ஆபா³தா⁴ முச்செய்ய, ப⁴த்தஞ்சஸ்ஸ சா²தெ³ய்ய, ஸியா சஸ்ஸ காயே ப³லமத்தா. தஸ்ஸ
ஏவமஸ்ஸ – ‘அஹங் கோ² புப்³பே³ ஆபா³தி⁴கோ அஹோஸிங் து³க்கி²தோ பா³ள்ஹகி³லானோ,
ப⁴த்தஞ்ச மே நச்சா²தே³ஸி, ந ச மே ஆஸி காயே ப³லமத்தா. ஸொம்ஹி ஏதரஹி தம்ஹா
ஆபா³தா⁴ முத்தோ ப⁴த்தஞ்ச மே சா²தே³தி, அத்தி² ச மே காயே ப³லமத்தா’தி. ஸோ
ததோனிதா³னங் லபே⁴த² பாமோஜ்ஜங், அதி⁴க³ச்செ²ய்ய ஸோமனஸ்ஸங்.

461.
‘‘ஸெய்யதா²பி, மாணவ, புரிஸோ ப³ந்த⁴னாகா³ரே ப³த்³தோ⁴ அஸ்ஸ. ஸோ அபரேன ஸமயேன
தம்ஹா ப³ந்த⁴னாகா³ரா முச்செய்ய ஸொத்தி²னா அப்³ப⁴யேன, ந சஸ்ஸ கிஞ்சி
போ⁴கா³னங் வயோ. தஸ்ஸ ஏவமஸ்ஸ – ‘அஹங் கோ² புப்³பே³ ப³ந்த⁴னாகா³ரே ப³த்³தோ⁴
அஹோஸிங். ஸொம்ஹி ஏதரஹி தம்ஹா ப³ந்த⁴னாகா³ரா முத்தோ ஸொத்தி²னா அப்³ப⁴யேன, நத்தி² ச மே கிஞ்சி போ⁴கா³னங் வயோ’தி. ஸோ ததோனிதா³னங் லபே⁴த² பாமோஜ்ஜங், அதி⁴க³ச்செ²ய்ய ஸோமனஸ்ஸங்.

462.
‘‘ஸெய்யதா²பி, மாணவ, புரிஸோ தா³ஸோ அஸ்ஸ அனத்தாதீ⁴னோ பராதீ⁴னோ ந
யேனகாமங்க³மோ. ஸோ அபரேன ஸமயேன தம்ஹா தா³ஸப்³யா முச்செய்ய, அத்தாதீ⁴னோ
அபராதீ⁴னோ பு⁴ஜிஸ்ஸோ யேனகாமங்க³மோ. தஸ்ஸ ஏவமஸ்ஸ – ‘அஹங் கோ² புப்³பே³
தா³ஸோ அஹோஸிங் அனத்தாதீ⁴னோ பராதீ⁴னோ ந யேனகாமங்க³மோ. ஸொம்ஹி ஏதரஹி தம்ஹா
தா³ஸப்³யா முத்தோ அத்தாதீ⁴னோ அபராதீ⁴னோ பு⁴ஜிஸ்ஸோ யேனகாமங்க³மோ’தி. ஸோ
ததோனிதா³னங் லபே⁴த² பாமோஜ்ஜங், அதி⁴க³ச்செ²ய்ய ஸோமனஸ்ஸங்.

463.
‘‘ஸெய்யதா²பி, மாணவ, புரிஸோ ஸத⁴னோ ஸபோ⁴கோ³ கந்தாரத்³தா⁴னமக்³க³ங்
படிபஜ்ஜெய்ய து³ப்³பி⁴க்க²ங் ஸப்படிப⁴யங். ஸோ அபரேன ஸமயேன தங் கந்தாரங்
நித்த²ரெய்ய, ஸொத்தி²னா கா³மந்தங் அனுபாபுணெய்ய கே²மங் அப்படிப⁴யங். தஸ்ஸ
ஏவமஸ்ஸ – ‘அஹங் கோ² புப்³பே³ ஸத⁴னோ ஸபோ⁴கோ³
கந்தாரத்³தா⁴னமக்³க³ங் படிபஜ்ஜிங் து³ப்³பி⁴க்க²ங் ஸப்படிப⁴யங். ஸொம்ஹி
ஏதரஹி கந்தாரங் நித்தி²ண்ணோ, ஸொத்தி²னா கா³மந்தங் அனுப்பத்தோ கே²மங்
அப்படிப⁴ய’ந்தி. ஸோ ததோனிதா³னங் லபே⁴த² பாமோஜ்ஜங், அதி⁴க³ச்செ²ய்ய
ஸோமனஸ்ஸங்.

464.
‘‘ஏவமேவ கோ², மாணவ, பி⁴க்கு² யதா² இணங் யதா² ரோக³ங் யதா² ப³ந்த⁴னாகா³ரங்
யதா² தா³ஸப்³யங் யதா² கந்தாரத்³தா⁴னமக்³க³ங், ஏவங் இமே பஞ்ச நீவரணே
அப்பஹீனே அத்தனி ஸமனுபஸ்ஸதி.

465.
‘‘ஸெய்யதா²பி, மாணவ, யதா² ஆணண்யங் யதா² ஆரொக்³யங் யதா² ப³ந்த⁴னாமொக்க²ங்
யதா² பு⁴ஜிஸ்ஸங் யதா² கே²மந்தபூ⁴மிங். ஏவமேவ பி⁴க்கு² இமே பஞ்ச நீவரணே
பஹீனே அத்தனி ஸமனுபஸ்ஸதி.

466.
‘‘தஸ்ஸிமே பஞ்ச நீவரணே பஹீனே அத்தனி ஸமனுபஸ்ஸதோ பாமோஜ்ஜங் ஜாயதி,
பமுதி³தஸ்ஸ பீதி ஜாயதி, பீதிமனஸ்ஸ காயோ பஸ்ஸம்ப⁴தி, பஸ்ஸத்³த⁴காயோ ஸுக²ங்
வேதே³தி, ஸுகி²னோ சித்தங் ஸமாதி⁴யதி.

467. ‘‘ஸோ விவிச்சேவ காமேஹி விவிச்ச அகுஸலேஹி த⁴ம்மேஹி ஸவிதக்கங் ஸவிசாரங் விவேகஜங் பீதிஸுக²ங் பட²மங் ஜா²னங் உபஸம்பஜ்ஜ விஹரதி. ஸோ இமமேவ காயங் விவேகஜேன பீதிஸுகே²ன அபி⁴ஸந்தே³தி பரிஸந்தே³தி பரிபூரேதி பரிப்ப²ரதி, நாஸ்ஸ கிஞ்சி ஸப்³பா³வதோ காயஸ்ஸ விவேகஜேன பீதிஸுகே²ன அப்பு²டங் ஹோதி.

‘‘ஸெய்யதா²பி, மாணவ, த³க்கோ² ந்ஹாபகோ வா
ந்ஹாபகந்தேவாஸீ வா கங்ஸதா²லே ந்ஹானீயசுண்ணானி ஆகிரித்வா உத³கேன
பரிப்போ²ஸகங் பரிப்போ²ஸகங் ஸந்தெ³ய்ய. ஸாயங் ந்ஹானீயபிண்டி³ ஸ்னேஹானுக³தா
ஸ்னேஹபரேதா ஸந்தரபா³ஹிரா பு²டா ஸ்னேஹேன, ந ச பக்³க⁴ரணீ. ஏவமேவ கோ², மாணவ,
பி⁴க்கு² இமமேவ காயங் விவேகஜேன பீதிஸுகே²ன அபி⁴ஸந்தே³தி பரிஸந்தே³தி
பரிபூரேதி பரிப்ப²ரதி, நாஸ்ஸ கிஞ்சி ஸப்³பா³வதோ காயஸ்ஸ விவேகஜேன பீதிஸுகே²ன
அப்பு²டங் ஹோதி. யம்பி, மாணவ, பி⁴க்கு² விவிச்சேவ காமேஹி விவிச்ச அகுஸலேஹி
த⁴ம்மேஹி ஸவிதக்கங் ஸவிசாரங் விவேகஜங் பீதிஸுக²ங் பட²மங் ஜா²னங் உபஸம்பஜ்ஜ
விஹரதி. ஸோ இமமேவ காயங் விவேகஜேன பீதிஸுகே²ன அபி⁴ஸந்தே³தி பரிஸந்தே³தி
பரிபூரேதி பரிப்ப²ரதி, நாஸ்ஸ கிஞ்சி ஸப்³பா³வதோ காயஸ்ஸ விவேகஜேன பீதிஸுகே²ன அப்பு²டங் ஹோதி. இத³ம்பிஸ்ஸ ஹோதி ஸமாதி⁴ஸ்மிங்.

468.
‘‘புன சபரங், மாணவ, பி⁴க்கு² விதக்கவிசாரானங் வூபஸமா அஜ்ஜ²த்தங்
ஸம்பஸாத³னங் சேதஸோ ஏகோதி³பா⁴வங் அவிதக்கங் அவிசாரங் ஸமாதி⁴ஜங் பீதிஸுக²ங்
து³தியங் ஜா²னங் உபஸம்பஜ்ஜ விஹரதி. ஸோ இமமேவ காயங் ஸமாதி⁴ஜேன பீதிஸுகே²ன
அபி⁴ஸந்தே³தி பரிஸந்தே³தி பரிபூரேதி பரிப்ப²ரதி, நாஸ்ஸ கிஞ்சி ஸப்³பா³வதோ
காயஸ்ஸ ஸமாதி⁴ஜேன பீதிஸுகே²ன அப்பு²டங் ஹோதி.

‘‘ஸெய்யதா²பி , மாணவ, உத³கரஹதோ³
க³ம்பீ⁴ரோ உப்³பி⁴தோ³த³கோ. தஸ்ஸ நேவஸ்ஸ புரத்தி²மாய தி³ஸாய உத³கஸ்ஸ
ஆயமுக²ங், ந த³க்கி²ணாய தி³ஸாய உத³கஸ்ஸ ஆயமுக²ங், ந பச்சி²மாய தி³ஸாய
உத³கஸ்ஸ ஆயமுக²ங், ந உத்தராய தி³ஸாய உத³கஸ்ஸ
ஆயமுக²ங், தே³வோ ச ந காலேன காலங் ஸம்மா தா⁴ரங் அனுபவெச்செ²ய்ய. அத² கோ²
தம்ஹாவ உத³கரஹதா³ ஸீதா வாரிதா⁴ரா உப்³பி⁴ஜ்ஜித்வா தமேவ உத³கரஹத³ங் ஸீதேன
வாரினா அபி⁴ஸந்தெ³ய்ய பரிஸந்தெ³ய்ய பரிபூரெய்ய பரிப்ப²ரெய்ய, நாஸ்ஸ கிஞ்சி
ஸப்³பா³வதோ உத³கரஹத³ஸ்ஸ ஸீதேன வாரினா அப்பு²டங் அஸ்ஸ. ஏவமேவ கோ², மாணவ,
பி⁴க்கு²…பே॰… யம்பி, மாணவ, பி⁴க்கு² விதக்கவிசாரானங் வூபஸமா… பே॰…
து³தியங் ஜா²னங் உபஸம்பஜ்ஜ விஹரதி, ஸோ இமமேவ காயங் ஸமாதி⁴ஜேன பீதிஸுகே²ன
அபி⁴ஸந்தே³தி பரிஸந்தே³தி பரிபூரேதி பரிப்ப²ரதி, நாஸ்ஸ கிஞ்சி ஸப்³பா³வதோ
காயஸ்ஸ ஸமாதி⁴ஜேன பீதிஸுகே²ன அப்பு²டங் ஹோதி. இத³ம்பிஸ்ஸ ஹோதி
ஸமாதி⁴ஸ்மிங்.

469. ‘‘புன சபரங், மாணவ, பி⁴க்கு² பீதியா ச விராகா³ உபெக்க²கோ ச விஹரதி ஸதோ ஸம்பஜானோ ,
ஸுக²ஞ்ச காயேன படிஸங்வேதே³தி, யங் தங் அரியா ஆசிக்க²ந்தி – ‘‘உபெக்க²கோ
ஸதிமா ஸுக²விஹாரீ’’தி, ததியங் ஜா²னங் உபஸம்பஜ்ஜ விஹரதி. ஸோ இமமேவ காயங்
நிப்பீதிகேன ஸுகே²ன அபி⁴ஸந்தே³தி பரிஸந்தே³தி பரிபூரேதி பரிப்ப²ரதி, நாஸ்ஸ
கிஞ்சி ஸப்³பா³வதோ காயஸ்ஸ நிப்பீதிகேன ஸுகே²ன அப்பு²டங் ஹோதி.

‘‘ஸெய்யதா²பி, மாணவ, உப்பலினியங் வா பது³மினியங் வா
புண்ட³ரீகினியங் வா அப்பேகச்சானி உப்பலானி வா பது³மானி வா புண்ட³ரீகானி வா
உத³கே ஜாதானி உத³கே ஸங்வட்³டா⁴னி உத³கானுக்³க³தானி அந்தோனிமுக்³க³போஸீனி,
தானி யாவ சக்³கா³ யாவ ச மூலா ஸீதேன வாரினா அபி⁴ஸன்னானி பரிஸன்னானி
பரிபூரானி பரிப்பு²டானி, நாஸ்ஸ கிஞ்சி ஸப்³பா³வதங் உப்பலானங் வா பது³மானங்
வா புண்ட³ரீகானங் வா ஸீதேன
வாரினா அப்பு²டங் அஸ்ஸ. ஏவமேவ கோ², மாணவ, பி⁴க்கு²…பே॰… யம்பி, மாணவ,
பி⁴க்கு² பீதியா ச விராகா³…பே॰… ததியங் ஜா²னங் உபஸம்பஜ்ஜ விஹரதி. ஸோ இமமேவ
காயங் நிப்பீதிகேன ஸுகே²ன அபி⁴ஸந்தே³தி பரிஸந்தே³தி பரிபூரேதி பரிப்ப²ரதி,
நாஸ்ஸ கிஞ்சி ஸப்³பா³வதோ காயஸ்ஸ நிப்பீதிகேன ஸுகே²ன அப்பு²டங் ஹோதி.
இத³ம்பிஸ்ஸ ஹோதி ஸமாதி⁴ஸ்மிங்.

470.
‘‘புன சபரங், மாணவ, பி⁴க்கு² ஸுக²ஸ்ஸ ச பஹானா து³க்க²ஸ்ஸ ச பஹானா
புப்³பே³வ ஸோமனஸ்ஸதோ³மனஸ்ஸானங் அத்த²ங்க³மா அது³க்க²மஸுக²ங்
உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ விஹரதி. ஸோ இமமேவ
காயங் பரிஸுத்³தே⁴ன சேதஸா பரியோதா³தேன ப²ரித்வா நிஸின்னோ ஹோதி; நாஸ்ஸ
கிஞ்சி ஸப்³பா³வதோ காயஸ்ஸ பரிஸுத்³தே⁴ன சேதஸா பரியோதா³தேன அப்பு²டங் ஹோதி.

‘‘ஸெய்யதா²பி, மாணவ, புரிஸோ ஓதா³தேன வத்தே²ன ஸஸீஸங்
பாருபித்வா நிஸின்னோ அஸ்ஸ, நாஸ்ஸ கிஞ்சி ஸப்³பா³வதோ காயஸ்ஸ ஓதா³தேன வத்தே²ன
அப்பு²டங் அஸ்ஸ. ஏவமேவ கோ², மாணவ, பி⁴க்கு²…பே॰… யம்பி, மாணவ, பி⁴க்கு²
ஸுக²ஸ்ஸ ச பஹானா து³க்க²ஸ்ஸ ச பஹானா புப்³பே³வ ஸோமனஸ்ஸதோ³மனஸ்ஸானங்
அத்த²ங்க³மா அது³க்க²மஸுக²ங் உபெக்கா²ஸதிபாரிஸுத்³தி⁴ங் சதுத்த²ங் ஜா²னங்
உபஸம்பஜ்ஜ விஹரதி. ஸோ இமமேவ காயங் பரிஸுத்³தே⁴ன சேதஸா பரியோதா³தேன ப²ரித்வா
நிஸின்னோ ஹோதி; நாஸ்ஸ கிஞ்சி ஸப்³பா³வதோ காயஸ்ஸ பரிஸுத்³தே⁴ன சேதஸா
பரியோதா³தேன அப்பு²டங் ஹோதி. இத³ம்பிஸ்ஸ ஹோதி ஸமாதி⁴ஸ்மிங்.

471. ‘‘அயங் கோ² ஸோ, மாணவ, அரியோ ஸமாதி⁴க்க²ந்தோ⁴ யஸ்ஸ ஸோ ப⁴க³வா வண்ணவாதீ³ அஹோஸி , யத்த² ச இமங் ஜனதங் ஸமாத³பேஸி நிவேஸேஸி பதிட்டா²பேஸி. அத்தி² சேவெத்த² உத்தரிகரணீய’’ந்தி.

‘‘அச்ச²ரியங், போ⁴ ஆனந்த³, அப்³பு⁴தங், போ⁴
ஆனந்த³! ஸோ சாயங், போ⁴ ஆனந்த³, அரியோ ஸமாதி⁴க்க²ந்தோ⁴ பரிபுண்ணோ, நோ
அபரிபுண்ணோ. ஏவங் பரிபுண்ணங் சாஹங், போ⁴ ஆனந்த³, அரியங் ஸமாதி⁴க்க²ந்த⁴ங்
இதோ ப³ஹித்³தா⁴ அஞ்ஞேஸு ஸமணப்³ராஹ்மணேஸு ந ஸமனுபஸ்ஸாமி. ஏவங் பரிபுண்ணஞ்ச,
போ⁴ ஆனந்த³, அரியங் ஸமாதி⁴க்க²ந்த⁴ங் இதோ ப³ஹித்³தா⁴ அஞ்ஞே ஸமணப்³ராஹ்மணா
அத்தனி ஸமனுபஸ்ஸெய்யுங், தே தாவதகேனேவ அத்தமனா அஸ்ஸு – ‘அலமெத்தாவதா,
கதமெத்தாவதா, அனுப்பத்தோ நோ ஸாமஞ்ஞத்தோ², நத்தி² நோ கிஞ்சி
உத்தரிகரணீய’ந்தி. அத² ச பன ப⁴வங் ஆனந்தோ³ ஏவமாஹ – ‘அத்தி² சேவெத்த²
உத்தரிகரணீய’’’ந்தி.

பஞ்ஞாக்க²ந்தோ⁴

472. ‘‘கதமோ
பன ஸோ, போ⁴ ஆனந்த³, அரியோ பஞ்ஞாக்க²ந்தோ⁴, யஸ்ஸ போ⁴ ப⁴வங் கோ³தமோ
வண்ணவாதீ³ அஹோஸி, யத்த² ச இமங் ஜனதங் ஸமாத³பேஸி நிவேஸேஸி பதிட்டா²பேஸீ’’தி?

‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே
அனங்க³ணே விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே
ஞாணத³ஸ்ஸனாய சித்தங் அபி⁴னீஹரதி அபி⁴னின்னாமேதி. ஸோ ஏவங் பஜானாதி – ‘அயங்
கோ² மே காயோ ரூபீ சாதுமஹாபூ⁴திகோ மாதாபெத்திகஸம்ப⁴வோ ஓத³னகும்மாஸூபசயோ
அனிச்சுச்சா²த³னபரிமத்³த³னபே⁴த³னவித்³த⁴ங்ஸனத⁴ம்மோ; இத³ஞ்ச பன மே விஞ்ஞாணங்
எத்த² ஸிதங் எத்த² படிப³த்³த⁴’ந்தி.

‘‘ஸெய்யதா²பி, மாணவ, மணி வேளுரியோ ஸுபோ⁴ ஜாதிமா
அட்ட²ங்ஸோ ஸுபரிகம்மகதோ அச்சோ² விப்பஸன்னோ அனாவிலோ ஸப்³பா³காரஸம்பன்னோ.
தத்ராஸ்ஸ ஸுத்தங் ஆவுதங் நீலங் வா பீதங் வா லோஹிதங் வா ஓதா³தங் வா
பண்டு³ஸுத்தங் வா. தமேனங் சக்கு²மா புரிஸோ ஹத்தே² கரித்வா பச்சவெக்கெ²ய்ய –
‘அயங் கோ² மணி வேளுரியோ ஸுபோ⁴ ஜாதிமா அட்ட²ங்ஸோ
ஸுபரிகம்மகதோ அச்சோ² விப்பஸன்னோ அனாவிலோ ஸப்³பா³காரஸம்பன்னோ. தத்ரித³ங்
ஸுத்தங் ஆவுதங் நீலங் வா பீதங் வா லோஹிதங் வா ஓதா³தங் வா பண்டு³ஸுத்தங்
வா’தி. ஏவமேவ கோ², மாணவ, பி⁴க்கு² ஏவங் ஸமாஹிதே சித்தே பரிஸுத்³தே⁴
பரியோதா³தே அனங்க³ணே விக³தூபக்கிலேஸே முது³பூ⁴தே கம்மனியே டி²தே
ஆனேஞ்ஜப்பத்தே ஞாணத³ஸ்ஸனாய சித்தங் அபி⁴னீஹரதி அபி⁴னின்னாமேதி. ஸோ ஏவங்
பஜானாதி – ‘அயங் கோ² மே காயோ ரூபீ சாதுமஹாபூ⁴திகோ
மாதாபெத்திகஸம்ப⁴வோ ஓத³னகும்மாஸூபசயோ
அனிச்சுச்சா²த³னபரிமத்³த³னபே⁴த³ன-வித்³த⁴ங்ஸனத⁴ம்மோ. இத³ஞ்ச பன மே
விஞ்ஞாணங் எத்த² ஸிதங் எத்த² படிப³த்³த⁴’ந்தி. யம்பி, மாணவ, பி⁴க்கு² ஏவங்
ஸமாஹிதே சித்தே…பே॰… ஆனேஞ்ஜப்பத்தே ஞாணத³ஸ்ஸனாய சித்தங் அபி⁴னீஹரதி அபி⁴னின்னாமேதி. ஸோ ஏவங் பஜானாதி…பே॰… எத்த² படிப³த்³த⁴ந்தி. இத³ம்பிஸ்ஸ ஹோதி பஞ்ஞாய.

473.
‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே
விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே மனோமயங் காயங்
அபி⁴னிம்மானாய சித்தங் அபி⁴னீஹரதி அபி⁴னின்னாமேதி. ஸோ இமம்ஹா காயா அஞ்ஞங்
காயங் அபி⁴னிம்மினாதி ரூபிங் மனோமயங் ஸப்³ப³ங்க³பச்சங்கி³ங்
அஹீனிந்த்³ரியங்.

‘‘ஸெய்யதா²பி , மாணவ, புரிஸோ
முஞ்ஜம்ஹா ஈஸிகங் பவாஹெய்ய. தஸ்ஸ ஏவமஸ்ஸ – ‘அயங் முஞ்ஜோ அயங் ஈஸிகா; அஞ்ஞோ
முஞ்ஜோ அஞ்ஞா ஈஸிகா; முஞ்ஜம்ஹா த்வேவ ஈஸிகா பவாள்ஹா’தி. ஸெய்யதா² வா பன,
மாணவ, புரிஸோ அஸிங் கோஸியா பவாஹெய்ய. தஸ்ஸ ஏவமஸ்ஸ – ‘அயங் அஸி, அயங் கோஸி;
அஞ்ஞோ அஸி, அஞ்ஞா கோஸி; கோஸியா த்வேவ அஸி பவாள்ஹோ’தி. ஸெய்யதா² வா பன,
மாணவ, புரிஸோ அஹிங் கரண்டா³ உத்³த⁴ரெய்ய. தஸ்ஸ ஏவமஸ்ஸ – ‘அயங் அஹி, அயங்
கரண்டோ³; அஞ்ஞோ அஹி, அஞ்ஞோ கரண்டோ³; கரண்டா³ த்வேவ அஹி உப்³ப⁴தோ’தி .
ஏவமேவ கோ², மாணவ, பி⁴க்கு²…பே॰… யம்பி, மாணவ, பி⁴க்கு² ஏவங் ஸமாஹிதே
சித்தே பரிஸுத்³தே⁴ பரியோதா³தே அனங்க³ணே விக³தூபக்கிலேஸே முது³பூ⁴தே
கம்மனியே டி²தே ஆனேஞ்ஜப்பத்தே மனோமயங் காயங் அபி⁴னிம்மானாய சித்தங்
அபி⁴னீஹரதி அபி⁴னின்னாமேதி…பே॰…. இத³ம்பிஸ்ஸ ஹோதி பஞ்ஞாய.

474.
‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே
விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே இத்³தி⁴விதா⁴ய
சித்தங் அபி⁴னீஹரதி அபி⁴னின்னாமேதி. ஸோ அனேகவிஹிதங் இத்³தி⁴வித⁴ங்
பச்சனுபோ⁴தி. ஏகோபி ஹுத்வா ப³ஹுதா⁴ ஹோதி, ப³ஹுதா⁴பி ஹுத்வா ஏகோ ஹோதி.
ஆவிபா⁴வங் திரோபா⁴வங் திரோகுட்டங் திரோபாகாரங் திரோபப்³ப³தங் அஸஜ்ஜமானோ
க³ச்ச²தி ஸெய்யதா²பி ஆகாஸே. பத²வியாபி உம்முஜ்ஜனிமுஜ்ஜங் கரோதி, ஸெய்யதா²பி
உத³கே. உத³கேபி அபி⁴ஜ்ஜமானே க³ச்ச²தி ஸெய்யதா²பி பத²வியங். ஆகாஸேபி
பல்லங்கேன கமதி ஸெய்யதா²பி பக்கீ² ஸகுணோ. இமேபி சந்தி³மஸூரியே ஏவங்
மஹித்³தி⁴கே ஏவங் மஹானுபா⁴வே பாணினா பராமஸதி பரிமஜ்ஜதி. யாவ ப்³ரஹ்மலோகாபி
காயேன வஸங் வத்தேதி.

‘‘ஸெய்யதா²பி , மாணவ, த³க்கோ²
கும்ப⁴காரோ வா கும்ப⁴காரந்தேவாஸீ வா ஸுபரிகம்மகதாய மத்திகாய யஞ்ஞதே³வ
பா⁴ஜனவிகதிங் ஆகங்கெ²ய்ய, தங் ததே³வ கரெய்ய அபி⁴னிப்பா²தெ³ய்ய. ஸெய்யதா² வா
பன, மாணவ, த³க்கோ² த³ந்தகாரோ வா த³ந்தகாரந்தேவாஸீ வா ஸுபரிகம்மகதஸ்மிங்
த³ந்தஸ்மிங் யஞ்ஞதே³வ த³ந்தவிகதிங் ஆகங்கெ²ய்ய, தங் ததே³வ கரெய்ய
அபி⁴னிப்பா²தெ³ய்ய. ஸெய்யதா² வா பன, மாணவ, த³க்கோ² ஸுவண்ணகாரோ வா
ஸுவண்ணகாரந்தேவாஸீ வா ஸுபரிகம்மகதஸ்மிங் ஸுவண்ணஸ்மிங் யஞ்ஞதே³வ ஸுவண்ணவிகதிங் ஆகங்கெ²ய்ய, தங் ததே³வ கரெய்ய அபி⁴னிப்பா²தெ³ய்ய. ஏவமேவ கோ², மாணவ, பி⁴க்கு²
…பே॰… யம்பி மாணவ பி⁴க்கு² ஏவங் ஸமாஹிதே சித்தே பரிஸுத்³தே⁴ பரியோதா³தே
அனங்க³ணே விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே
இத்³தி⁴விதா⁴ய சித்தங் அபி⁴னீஹரதி அபி⁴னின்னாமேதி. ஸோ அனேகவிஹிதங்
இத்³தி⁴வித⁴ங் பச்சனுபோ⁴தி. ஏகோபி ஹுத்வா ப³ஹுதா⁴ ஹோதி …பே॰… யாவ
ப்³ரஹ்மலோகாபி காயேன வஸங் வத்தேதி. இத³ம்பிஸ்ஸ ஹோதி பஞ்ஞாய.

475.
‘‘ஸோ ஏவங் ஸமாஹிதே சித்தே…பே॰… ஆனேஞ்ஜப்பத்தே தி³ப்³பா³ய ஸோததா⁴துயா
சித்தங் அபி⁴னீஹரதி அபி⁴னின்னாமேதி. ஸோ தி³ப்³பா³ய ஸோததா⁴துயா விஸுத்³தா⁴ய
அதிக்கந்தமானுஸிகாய உபோ⁴ ஸத்³தே³ ஸுணாதி தி³ப்³பே³ ச மானுஸே ச யே தூ³ரே
ஸந்திகே ச. ஸெய்யதா²பி, மாணவ, புரிஸோ அத்³தா⁴னமக்³க³ப்படிபன்னோ. ஸோ ஸுணெய்ய
பே⁴ரிஸத்³த³ம்பி முதி³ங்க³ஸத்³த³ம்பி ஸங்க²பணவதி³ந்தி³மஸத்³த³ம்பி. தஸ்ஸ
ஏவமஸ்ஸ – ‘பே⁴ரிஸத்³தோ³ இதிபி முதி³ங்க³ஸத்³தோ³ இதிபி
ஸங்க²பணவதி³ந்தி³மஸத்³தோ³ இதி’பி [இதிபீதி (க॰)].
ஏவமேவ கோ², மாணவ, பி⁴க்கு²…பே॰…. யம்பி மாணவ, பி⁴க்கு² ஏவங் ஸமாஹிதே
சித்தே…பே॰… ஆனேஞ்ஜப்பத்தே தி³ப்³பா³ய ஸோததா⁴துயா சித்தங் அபி⁴னீஹரதி
அபி⁴னின்னாமேதி. ஸோ தி³ப்³பா³ய ஸோததா⁴துயா விஸுத்³தா⁴ய அதிக்கந்தமானுஸிகாய
உபோ⁴ ஸத்³தே³ ஸுணாதி தி³ப்³பே³ ச மானுஸே ச யே தூ³ரே ஸந்திகே ச. இத³ம்பிஸ்ஸ ஹோதி பஞ்ஞாய.

476.
‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே
விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே சேதோபரியஞாணாய
சித்தங் அபி⁴னீஹரதி அபி⁴னின்னாமேதி. ஸோ பரஸத்தானங் பரபுக்³க³லானங் சேதஸா
சேதோ பரிச்ச பஜானாதி, ‘ஸராக³ங் வா சித்தங் ஸராக³ங் சித்த’ந்தி பஜானாதி,
‘வீதராக³ங் வா சித்தங் வீதராக³ங் சித்த’ந்தி பஜானாதி, ‘ஸதோ³ஸங் வா சித்தங்
ஸதோ³ஸங் சித்த’ந்தி பஜானாதி, ‘வீததோ³ஸங் வா சித்தங் வீததோ³ஸங் சித்த’ந்தி
பஜானாதி, ‘ஸமோஹங் வா சித்தங் ஸமோஹங் சித்த’ந்தி பஜானாதி, ‘வீதமோஹங் வா
சித்தங் வீதமோஹங் சித்த’ந்தி பஜானாதி, ‘ஸங்கி²த்தங் வா சித்தங் ஸங்கி²த்தங்
சித்த’ந்தி பஜானாதி, ‘விக்கி²த்தங் வா சித்தங் விக்கி²த்தங் சித்த’ந்தி
பஜானாதி, ‘மஹக்³க³தங் வா சித்தங் மஹக்³க³தங் சித்த’ந்தி பஜானாதி,
‘அமஹக்³க³தங் வா சித்தங் அமஹக்³க³தங் சித்த’ந்தி பஜானாதி, ‘ஸஉத்தரங் வா
சித்தங் ஸஉத்தரங் சித்த’ந்தி பஜானாதி, ‘அனுத்தரங் வா சித்தங் அனுத்தரங்
சித்த’ந்தி பஜானாதி, ‘ஸமாஹிதங் வா சித்தங் ஸமாஹிதங் சித்த’ந்தி பஜானாதி, ‘அஸமாஹிதங் வா சித்தங் அஸமாஹிதங் சித்த’ந்தி பஜானாதி, ‘விமுத்தங் வா சித்தங் விமுத்தங் சித்த’ந்தி பஜானாதி, ‘அவிமுத்தங் வா சித்தங் அவிமுத்தங் சித்த’ந்தி பஜானாதி.

‘‘ஸெய்யதா²பி, மாணவ, இத்தீ² வா புரிஸோ வா த³ஹரோ யுவா
மண்ட³னஜாதிகோ ஆதா³ஸே வா பரிஸுத்³தே⁴ பரியோதா³தே அச்சே² வா உத³கபத்தே ஸகங்
முக²னிமித்தங் பச்சவெக்க²மானோ ஸகணிகங் வா ஸகணிகந்தி
ஜானெய்ய, அகணிகங் வா அகணிகந்தி ஜானெய்ய. ஏவமேவ கோ², மாணவ, பி⁴க்கு²…பே॰…
யம்பி, மாணவ, பி⁴க்கு² ஏவங் ஸமாஹிதே…பே॰… ஆனேஞ்ஜப்பத்தே சேதோபரியஞாணாய
சித்தங் அபி⁴னீஹரதி அபி⁴னின்னாமேதி. ஸோ பரஸத்தானங் புரபுக்³க³லானங் சேதஸா
சேதோ பரிச்ச பஜானாதி, ஸராக³ங் வா சித்தங் ஸராக³ங் சித்தந்தி பஜானாதி…பே॰…
அவிமுத்தங் வா சித்தங் அவிமுத்தங் சித்தந்தி பஜானாதி. இத³ம்பிஸ்ஸ ஹோதி
பஞ்ஞாய.

477.
‘‘ஸோ ஏவங் ஸமாஹிதே சித்தே…பே॰… ஆனேஞ்ஜப்பத்தே புப்³பே³னிவாஸானுஸ்ஸதிஞாணாய
சித்தங் அபி⁴னீஹரதி அபி⁴னின்னாமேதி. ஸோ அனேகவிஹிதங் புப்³பே³னிவாஸங்
அனுஸ்ஸரதி. ஸெய்யதி²த³ங், ஏகம்பி ஜாதிங் த்³வேபி ஜாதியோ திஸ்ஸோபி ஜாதியோ
சதஸ்ஸோபி ஜாதியோ பஞ்சபி ஜாதியோ த³ஸபி ஜாதியோ வீஸம்பி ஜாதியோ திங்ஸம்பி
ஜாதியோ சத்தாலீஸம்பி ஜாதியோ பஞ்ஞாஸம்பி ஜாதியோ ஜாதிஸதம்பி ஜாதிஸஹஸ்ஸம்பி
ஜாதிஸதஸஹஸ்ஸம்பி அனேகேபி ஸங்வட்டகப்பே அனேகேபி விவட்டகப்பே அனேகேபி
ஸங்வட்டவிவட்டகப்பே – ‘அமுத்ராஸிங் ஏவங்னாமோ ஏவங்கொ³த்தோ ஏவங்வண்ணோ
ஏவமாஹாரோ ஏவங்ஸுக²து³க்க²ப்படிஸங்வேதீ³ ஏவமாயுபரியந்தோ. ஸோ ததோ சுதோ அமுத்ர
உத³பாதி³ங்; தத்ராபாஸிங் ஏவங்னாமோ ஏவங்கொ³த்தோ ஏவங்வண்ணோ ஏவமாஹாரோ
ஏவங்ஸுக²து³க்க²ப்படிஸங்வேதீ³ ஏவமாயுபரியந்தோ; ஸோ ததோ சுதோ இதூ⁴பபன்னோ’தி.
இதி ஸாகாரங் ஸஉத்³தே³ஸங் அனேகவிஹிதங் புப்³பே³னிவாஸங் அனுஸ்ஸரதி.

‘‘ஸெய்யதா²பி, மாணவ, புரிஸோ ஸகம்ஹா கா³மா அஞ்ஞங்
கா³மங் க³ச்செ²ய்ய; தம்ஹாபி கா³மா அஞ்ஞங் கா³மங் க³ச்செ²ய்ய; ஸோ தம்ஹா
கா³மா ஸகங்யேவ கா³மங் பச்சாக³ச்செ²ய்ய . தஸ்ஸ ஏவமஸ்ஸ
– ‘அஹங் கோ² ஸகம்ஹா கா³மா அமுங் கா³மங் அக³ச்சி²ங், தத்ர ஏவங் அட்டா²ஸிங்
ஏவங் நிஸீதி³ங் ஏவங் அபா⁴ஸிங் ஏவங் துண்ஹீ அஹோஸிங். ஸோ தம்ஹாபி கா³மா அமுங்
கா³மங் க³ச்சி²ங், தத்ராபி ஏவங் அட்டா²ஸிங் ஏவங் நிஸீதி³ங் ஏவங் அபா⁴ஸிங்
ஏவங் துண்ஹீ அஹோஸிங். ஸொம்ஹி தம்ஹா கா³மா ஸகங்யேவ கா³மங் பச்சாக³தோ’தி.
ஏவமேவ கோ², மாணவ, பி⁴க்கு²…பே॰… யம்பி, மாணவ, பி⁴க்கு² ஏவங் ஸமாஹிதே சித்தே…பே॰… ஆனேஞ்ஜப்பத்தே புப்³பே³னிவாஸானுஸ்ஸதிஞாணாய சித்தங் அபி⁴னீஹரதி அபி⁴னின்னாமேதி .
ஸோ அனேகவிஹிதங் புப்³பே³னிவாஸங் அனுஸ்ஸரதி. ஸெய்யதி²த³ங் – ஏகம்பி
ஜாதிங்…பே॰… இதி ஸாகாரங் ஸஉத்³தே³ஸங் அனேகவிஹிதங் புப்³பே³னிவாஸங்
அனுஸ்ஸரதி. இத³ம்பிஸ்ஸ ஹோதி பஞ்ஞாய.

478.
‘‘ஸோ ஏவங் ஸமாஹிதே சித்தே…பே॰… ஆனேஞ்ஜப்பத்தே ஸத்தானங் சுதூபபாதஞாணாய
சித்தங் அபி⁴னீஹரதி அபி⁴னின்னாமேதி. ஸோ தி³ப்³பே³ன சக்கு²னா விஸுத்³தே⁴ன
அதிக்கந்தமானுஸகேன ஸத்தே பஸ்ஸதி சவமானே உபபஜ்ஜமானே ஹீனே பணீதே ஸுவண்ணே
து³ப்³ப³ண்ணே ஸுக³தே து³க்³க³தே, யதா²கம்மூபகே³ ஸத்தே பஜானாதி – ‘இமே வத
பொ⁴ந்தோ ஸத்தா காயது³ச்சரிதேன ஸமன்னாக³தா வசீது³ச்சரிதேன ஸமன்னாக³தா
மனோது³ச்சரிதேன ஸமன்னாக³தா அரியானங் உபவாத³கா மிச்சா²தி³ட்டி²கா
மிச்சா²தி³ட்டி²கம்மஸமாதா³னா. தே காயஸ்ஸ பே⁴தா³ பரங் மரணா அபாயங்
து³க்³க³திங் வினிபாதங் நிரயங் உபபன்னா. இமே வா பன பொ⁴ந்தோ ஸத்தா
காயஸுசரிதேன ஸமன்னாக³தா வசீஸுசரிதேன ஸமன்னாக³தா
மனோஸுசரிதேன ஸமன்னாக³தா அரியானங் அனுபவாத³கா ஸம்மாதி³ட்டி²கா
ஸம்மாதி³ட்டி²கம்மஸமாதா³னா. தே காயஸ்ஸ பே⁴தா³ பரங் மரணா ஸுக³திங் ஸக்³க³ங்
லோகங் உபபன்னா’தி. இதி தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன
ஸத்தே பஸ்ஸதி சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே ஸுக³தே
து³க்³க³தே, யதா²கம்மூபகே³ ஸத்தே பஜானாதி.

‘‘ஸெய்யதா²பி, மாணவ, மஜ்ஜே²ஸிங்கா⁴டகே பாஸாதோ³, தத்த²
சக்கு²மா புரிஸோ டி²தோ பஸ்ஸெய்ய மனுஸ்ஸே கே³ஹங் பவிஸந்தேபி நிக்க²மந்தேபி
ரதி²காயபி வீதி²ங் ஸஞ்சரந்தே மஜ்ஜே²ஸிங்கா⁴டகே நிஸின்னேபி. தஸ்ஸ ஏவமஸ்ஸ –
‘ஏதே மனுஸ்ஸா கே³ஹங் பவிஸந்தி, ஏதே நிக்க²மந்தி, ஏதே ரதி²காய வீதி²ங்
ஸஞ்சரந்தி, ஏதே மஜ்ஜே²ஸிங்கா⁴டகே நிஸின்னா’தி. ஏவமேவ கோ², மாணவ,
பி⁴க்கு²…பே॰… யம்பி, மாணவ, பி⁴க்கு² ஏவங் ஸமாஹிதே சித்தே…பே॰…
ஆனேஞ்ஜப்பத்தே ஸத்தானங் சுதூபபாதஞாணாய சித்தங் அபி⁴னீஹரதி அபி⁴னின்னாமேதி.
ஸோ தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ஸத்தே பஸ்ஸதி சவமானே
உபபஜ்ஜமானே ஹீனே பணீதே ஸுவண்ணே து³ப்³ப³ண்ணே ஸுக³தே து³க்³க³தே,
யதா²கம்மூபகே³ ஸத்தே பஜானாதி. இத³ம்பிஸ்ஸ ஹோதி பஞ்ஞாய.

479.
‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே
விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே ஆஸவானங் க²யஞாணாய
சித்தங் அபி⁴னீஹரதி அபி⁴னின்னாமேதி. ஸோ இத³ங்
து³க்க²ந்தி யதா²பூ⁴தங் பஜானாதி, அயங் து³க்க²ஸமுத³யோதி யதா²பூ⁴தங்
பஜானாதி, அயங் து³க்க²னிரோதோ⁴தி யதா²பூ⁴தங்
பஜானாதி, அயங் து³க்க²னிரோத⁴கா³மினீ படிபதா³தி யதா²பூ⁴தங் பஜானாதி; இமே
ஆஸவாதி யதா²பூ⁴தங் பஜானாதி, அயங் ஆஸவஸமுத³யோதி யதா²பூ⁴தங் பஜானாதி, அயங்
ஆஸவனிரோதோ⁴தி யதா²பூ⁴தங் பஜானாதி , அயங்
ஆஸவனிரோத⁴கா³மினீ படிபதா³தி யதா²பூ⁴தங் பஜானாதி. தஸ்ஸ ஏவங் ஜானதோ ஏவங்
பஸ்ஸதோ காமாஸவாபி சித்தங் விமுச்சதி, ப⁴வாஸவாபி சித்தங் விமுச்சதி,
அவிஜ்ஜாஸவாபி சித்தங் விமுச்சதி, விமுத்தஸ்மிங் விமுத்தமிதி ஞாணங் ஹோதி.
‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயா’தி
பஜானாதி.

‘‘ஸெய்யதா²பி, மாணவ, பப்³ப³தஸங்கே²பே உத³கரஹதோ³ அச்சோ²
விப்பஸன்னோ அனாவிலோ. தத்த² சக்கு²மா புரிஸோ தீரே டி²தோ பஸ்ஸெய்ய
ஸிப்பிகஸம்பு³கம்பி ஸக்க²ரகத²லம்பி மச்ச²கு³ம்ப³ம்பி சரந்தம்பி
திட்ட²ந்தம்பி. தஸ்ஸ ஏவமஸ்ஸ – ‘அயங் கோ² உத³கரஹதோ³ அச்சோ² விப்பஸன்னோ
அனாவிலோ. தத்ரிமே ஸிப்பிகஸம்பு³காபி ஸக்க²ரகத²லாபி மச்ச²கு³ம்பா³பி
சரந்திபி திட்ட²ந்திபீ’தி. ஏவமேவ கோ², மாணவ, பி⁴க்கு²…பே॰… யம்பி, மாணவ,
பி⁴க்கு² ஏவங் ஸமாஹிதே சித்தே…பே॰… ஆனேஞ்ஜப்பத்தே ஆஸவானங் க²யஞாணாய சித்தங்
அபி⁴னீஹரதி அபி⁴னின்னாமேதி. ஸோ இத³ங் து³க்க²ந்தி யதா²பூ⁴தங் பஜானாதி…பே॰…
ஆஸவனிரோத⁴கா³மினீ படிபதா³தி யதா²பூ⁴தங் பஜானாதி. தஸ்ஸ ஏவங் ஜானதோ ஏவங்
பஸ்ஸதோ காமாஸவாபி சித்தங் விமுச்சதி, ப⁴வாஸவாபி சித்தங் விமுச்சதி,
அவிஜ்ஜாஸவாபி சித்தங் விமுச்சதி, விமுத்தஸ்மிங் விமுத்தமிதி ஞாணங் ஹோதி,
‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயா’தி
பஜானாதி . இத³ம்பிஸ்ஸ ஹோதி பஞ்ஞாய.

480.
‘‘அயங் கோ², ஸோ மாணவ, அரியோ பஞ்ஞாக்க²ந்தோ⁴ யஸ்ஸ ஸோ ப⁴க³வா வண்ணவாதீ³
அஹோஸி, யத்த² ச இமங் ஜனதங் ஸமாத³பேஸி நிவேஸேஸி பதிட்டா²பேஸி. நத்தி²
சேவெத்த² உத்தரிகரணீய’’ந்தி.

‘‘அச்ச²ரியங் , போ⁴ ஆனந்த³,
அப்³பு⁴தங், போ⁴ ஆனந்த³! ஸோ சாயங், போ⁴ ஆனந்த³, அரியோ பஞ்ஞாக்க²ந்தோ⁴
பரிபுண்ணோ, நோ அபரிபுண்ணோ. ஏவங் பரிபுண்ணங் சாஹங், போ⁴ ஆனந்த³, அரியங்
பஞ்ஞாக்க²ந்த⁴ங் இதோ ப³ஹித்³தா⁴ அஞ்ஞேஸு ஸமணப்³ராஹ்மணேஸு ந ஸமனுபஸ்ஸாமி.
நத்தி² சேவெத்த² [ந ஸமனுபஸ்ஸாமி…பே॰… நத்தி² நோ கிஞ்சி (ஸ்யா॰ க॰)] உத்தரிகரணீயங் [உத்தரிங் கரணீயந்தி (ஸீ॰ ஸ்யா॰ பீ॰) உத்தரிகரணீயந்தி (க॰)].
அபி⁴க்கந்தங், போ⁴ ஆனந்த³, அபி⁴க்கந்தங், போ⁴ ஆனந்த³! ஸெய்யதா²பி, போ⁴
ஆனந்த³, நிக்குஜ்ஜிதங் வா உக்குஜ்ஜெய்ய, படிச்ச²ன்னங் வா விவரெய்ய,
மூள்ஹஸ்ஸ வா மக்³க³ங் ஆசிக்கெ²ய்ய, அந்த⁴காரே வா தேலபஜ்ஜோதங் தா⁴ரெய்ய
‘சக்கு²மந்தோ ரூபானி த³க்க²ந்தீ’தி. ஏவமேவங் போ⁴தா ஆனந்தே³ன அனேகபரியாயேன
த⁴ம்மோ பகாஸிதோ. ஏஸாஹங், போ⁴ ஆனந்த³, தங் ப⁴வந்தங் கோ³தமங் ஸரணங் க³ச்சா²மி
த⁴ம்மஞ்ச பி⁴க்கு²ஸங்க⁴ஞ்ச. உபாஸகங் மங் ப⁴வங் ஆனந்தோ³ தா⁴ரேது
அஜ்ஜதக்³கே³ பாணுபேதங் ஸரணங் க³த’’ந்தி.

ஸுப⁴ஸுத்தங் நிட்டி²தங் த³ஸமங்.

comments (0)

up a level 14 LESSON Sun 9 Jul 2007- INSIGHT-NET- (FOA1TRPU)/2007-08-01-ஸுத்தபிடக-Part-9-ஸுத்தபிடக-Part-9-தமிழில் திரபிடக மூன்று தொகுப்புகள்TIPITAKA–9. பொட்டபாதஸுத்தங்-பொட்டபாதபரிப்பாஜகவத்து-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 8:28 am

14 LESSON Sun 9 Jul 2007- INSIGHT-NET- (FOA1TRPU)/2007-08-01-ஸுத்தபிடக-Part-9-ஸுத்தபிடக-Part-9-தமிழில் திரபிடக மூன்று தொகுப்புகள்TIPITAKA--9. பொட்டபாதஸுத்தங்-பொட்டபாதபரிப்பாஜகவத்து-from FREE ONLINE eNālāndā Research and
Practice UNIVERSITY through http://sarvajan.ambedkar.org

9. பொட்டபாதஸுத்தங்

பொட்டபாதபரிப்பாஜகவத்து

406. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன பொட்ட²பாதோ³ பரிப்³பா³ஜகோ ஸமயப்பவாத³கே
திந்து³காசீரே ஏகஸாலகே மல்லிகாய ஆராமே படிவஸதி மஹதியா பரிப்³பா³ஜகபரிஸாய
ஸத்³தி⁴ங் திங்ஸமத்தேஹி பரிப்³பா³ஜகஸதேஹி. அத² கோ² ப⁴க³வா புப்³ப³ண்ஹஸமயங்
நிவாஸெத்வா பத்தசீவரமாதா³ய ஸாவத்தி²ங் பிண்டா³ய பாவிஸி.

407.
அத² கோ² ப⁴க³வதோ ஏதத³ஹோஸி – ‘‘அதிப்பகோ³ கோ² தாவ ஸாவத்தி²யங் பிண்டா³ய
சரிதுங். யங்னூனாஹங் யேன ஸமயப்பவாத³கோ திந்து³காசீரோ ஏகஸாலகோ மல்லிகாய
ஆராமோ, யேன பொட்ட²பாதோ³ பரிப்³பா³ஜகோ தேனுபஸங்கமெய்ய’’ந்தி. அத² கோ² ப⁴க³வா
யேன ஸமயப்பவாத³கோ திந்து³காசீரோ ஏகஸாலகோ மல்லிகாய ஆராமோ தேனுபஸங்கமி.

408.
தேன கோ² பன ஸமயேன பொட்ட²பாதோ³ பரிப்³பா³ஜகோ மஹதியா பரிப்³பா³ஜகபரிஸாய
ஸத்³தி⁴ங் நிஸின்னோ ஹோதி உன்னாதி³னியா உச்சாஸத்³த³மஹாஸத்³தா³ய அனேகவிஹிதங்
திரச்சா²னகத²ங் கதெ²ந்தியா. ஸெய்யதி²த³ங் – ராஜகத²ங் சோரகத²ங் மஹாமத்தகத²ங்
ஸேனாகத²ங் ப⁴யகத²ங் யுத்³த⁴கத²ங் அன்னகத²ங் பானகத²ங் வத்த²கத²ங் ஸயனகத²ங்
மாலாகத²ங் க³ந்த⁴கத²ங் ஞாதிகத²ங் யானகத²ங் கா³மகத²ங் நிக³மகத²ங் நக³ரகத²ங்
ஜனபத³கத²ங் இத்தி²கத²ங் ஸூரகத²ங் விஸிகா²கத²ங்
கும்ப⁴ட்டா²னகத²ங் புப்³ப³பேதகத²ங் நானத்தகத²ங் லோகக்கா²யிகங்
ஸமுத்³த³க்கா²யிகங் இதிப⁴வாப⁴வகத²ங் இதி வா.

409. அத்³த³ஸா கோ² பொட்ட²பாதோ³ பரிப்³பா³ஜகோ ப⁴க³வந்தங் தூ³ரதோவ ஆக³ச்ச²ந்தங்; தி³ஸ்வான ஸகங் பரிஸங் ஸண்ட²பேஸி – ‘‘அப்பஸத்³தா³ பொ⁴ந்தோ ஹொந்து, மா பொ⁴ந்தோ ஸத்³த³மகத்த². அயங் ஸமணோ கோ³தமோ
ஆக³ச்ச²தி. அப்பஸத்³த³காமோ கோ² ஸோ ஆயஸ்மா அப்பஸத்³த³ஸ்ஸ வண்ணவாதீ³. அப்பேவ
நாம அப்பஸத்³த³ங் பரிஸங் விதி³த்வா உபஸங்கமிதப்³ப³ங் மஞ்ஞெய்யா’’தி. ஏவங்
வுத்தே தே பரிப்³பா³ஜகா துண்ஹீ அஹேஸுங்.

410. அத²
கோ² ப⁴க³வா யேன பொட்ட²பாதோ³ பரிப்³பா³ஜகோ தேனுபஸங்கமி. அத² கோ²
பொட்ட²பாதோ³ பரிப்³பா³ஜகோ ப⁴க³வந்தங் ஏதத³வோச – ‘‘ஏது கோ², ப⁴ந்தே, ப⁴க³வா.
ஸ்வாக³தங், ப⁴ந்தே, ப⁴க³வதோ. சிரஸ்ஸங் கோ², ப⁴ந்தே, ப⁴க³வா இமங்
பரியாயமகாஸி, யதி³த³ங் இதா⁴க³மனாய. நிஸீத³து, ப⁴ந்தே, ப⁴க³வா, இத³ங் ஆஸனங்
பஞ்ஞத்த’’ந்தி.

நிஸீதி³ ப⁴க³வா பஞ்ஞத்தே ஆஸனே. பொட்ட²பாதோ³பி கோ²
பரிப்³பா³ஜகோ அஞ்ஞதரங் நீசங் ஆஸனங் க³ஹெத்வா ஏகமந்தங் நிஸீதி³. ஏகமந்தங்
நிஸின்னங் கோ² பொட்ட²பாத³ங் பரிப்³பா³ஜகங் ப⁴க³வா ஏதத³வோச – ‘‘காய நுத்த² [காய நொத்த² (ஸ்யா॰ க॰)], பொட்ட²பாத³, ஏதரஹி கதா²ய ஸன்னிஸின்னா, கா ச பன வோ அந்தராகதா² விப்பகதா’’தி?

அபி⁴ஸஞ்ஞானிரோத⁴கதா²

411.
ஏவங் வுத்தே பொட்ட²பாதோ³ பரிப்³பா³ஜகோ ப⁴க³வந்தங் ஏதத³வோச – ‘‘திட்ட²தேஸா,
ப⁴ந்தே, கதா², யாய மயங் ஏதரஹி கதா²ய ஸன்னிஸின்னா. நேஸா, ப⁴ந்தே, கதா²
ப⁴க³வதோ து³ல்லபா⁴ ப⁴விஸ்ஸதி பச்சா²பி ஸவனாய. புரிமானி, ப⁴ந்தே, தி³வஸானி
புரிமதரானி, நானாதித்தி²யானங் ஸமணப்³ராஹ்மணானங் கோதூஹலஸாலாய ஸன்னிஸின்னானங்
ஸன்னிபதிதானங் அபி⁴ஸஞ்ஞானிரோதே⁴ கதா² உத³பாதி³ – ‘கத²ங் நு கோ², போ⁴, அபி⁴ஸஞ்ஞானிரோதோ⁴ ஹோதீ’தி? தத்ரேகச்சே ஏவமாஹங்ஸு
– ‘அஹேதூ அப்பச்சயா புரிஸஸ்ஸ ஸஞ்ஞா உப்பஜ்ஜந்திபி நிருஜ்ஜ²ந்திபி. யஸ்மிங்
ஸமயே உப்பஜ்ஜந்தி, ஸஞ்ஞீ தஸ்மிங் ஸமயே ஹோதி. யஸ்மிங் ஸமயே நிருஜ்ஜ²ந்தி,
அஸஞ்ஞீ தஸ்மிங் ஸமயே ஹோதீ’தி. இத்தே²கே அபி⁴ஸஞ்ஞானிரோத⁴ங் பஞ்ஞபெந்தி.

‘‘தமஞ்ஞோ ஏவமாஹ – ‘ந கோ² பன மேதங் [ந கோ² நாமேதங் (ஸீ॰ பீ॰)],
போ⁴, ஏவங் ப⁴விஸ்ஸதி. ஸஞ்ஞா ஹி, போ⁴, புரிஸஸ்ஸ அத்தா. ஸா ச கோ² உபேதிபி
அபேதிபி. யஸ்மிங் ஸமயே உபேதி, ஸஞ்ஞீ தஸ்மிங் ஸமயே ஹோதி. யஸ்மிங் ஸமயே
அபேதி, அஸஞ்ஞீ தஸ்மிங் ஸமயே ஹோதீ’தி. இத்தே²கே அபி⁴ஸஞ்ஞானிரோத⁴ங்
பஞ்ஞபெந்தி.

‘‘தமஞ்ஞோ ஏவமாஹ – ‘ந கோ² பன
மேதங், போ⁴, ஏவங் ப⁴விஸ்ஸதி. ஸந்தி ஹி, போ⁴, ஸமணப்³ராஹ்மணா மஹித்³தி⁴கா
மஹானுபா⁴வா. தே இமஸ்ஸ புரிஸஸ்ஸ ஸஞ்ஞங் உபகட்³ட⁴ந்திபி அபகட்³ட⁴ந்திபி.
யஸ்மிங் ஸமயே உபகட்³ட⁴ந்தி, ஸஞ்ஞீ தஸ்மிங் ஸமயே ஹோதி. யஸ்மிங் ஸமயே அபகட்³ட⁴ந்தி, அஸஞ்ஞீ தஸ்மிங் ஸமயே ஹோதீ’தி. இத்தே²கே அபி⁴ஸஞ்ஞானிரோத⁴ங் பஞ்ஞபெந்தி.

‘‘தமஞ்ஞோ ஏவமாஹ – ‘ந கோ² பன மேதங், போ⁴, ஏவங்
ப⁴விஸ்ஸதி. ஸந்தி ஹி, போ⁴, தே³வதா மஹித்³தி⁴கா மஹானுபா⁴வா. தா இமஸ்ஸ
புரிஸஸ்ஸ ஸஞ்ஞங் உபகட்³ட⁴ந்திபி அபகட்³ட⁴ந்திபி. யஸ்மிங் ஸமயே
உபகட்³ட⁴ந்தி, ஸஞ்ஞீ தஸ்மிங் ஸமயே ஹோதி. யஸ்மிங் ஸமயே அபகட்³ட⁴ந்தி, அஸஞ்ஞீ
தஸ்மிங் ஸமயே ஹோதீ’தி. இத்தே²கே அபி⁴ஸஞ்ஞானிரோத⁴ங் பஞ்ஞபெந்தி.

‘‘தஸ்ஸ மய்ஹங், ப⁴ந்தே, ப⁴க³வந்தங்யேவ ஆரப்³ப⁴ ஸதி
உத³பாதி³ – ‘அஹோ நூன ப⁴க³வா, அஹோ நூன ஸுக³தோ, யோ இமேஸங் த⁴ம்மானங்
ஸுகுஸலோ’தி. ப⁴க³வா, ப⁴ந்தே, குஸலோ, ப⁴க³வா பகதஞ்ஞூ அபி⁴ஸஞ்ஞானிரோத⁴ஸ்ஸ.
கத²ங் நு கோ², ப⁴ந்தே, அபி⁴ஸஞ்ஞானிரோதோ⁴ ஹோதீ’’தி?

ஸஹேதுகஸஞ்ஞுப்பாத³னிரோத⁴கதா²

412. ‘‘தத்ர ,
பொட்ட²பாத³, யே தே ஸமணப்³ராஹ்மணா ஏவமாஹங்ஸு – ‘அஹேதூ அப்பச்சயா புரிஸஸ்ஸ
ஸஞ்ஞா உப்பஜ்ஜந்திபி நிருஜ்ஜ²ந்திபீ’தி, ஆதி³தோவ தேஸங் அபரத்³த⁴ங். தங்
கிஸ்ஸ ஹேது? ஸஹேதூ ஹி, பொட்ட²பாத³, ஸப்பச்சயா புரிஸஸ்ஸ ஸஞ்ஞா உப்பஜ்ஜந்திபி நிருஜ்ஜ²ந்திபி. ஸிக்கா² ஏகா ஸஞ்ஞா உப்பஜ்ஜதி, ஸிக்கா² ஏகா ஸஞ்ஞா நிருஜ்ஜ²தி’’.

413. ‘‘கா ச ஸிக்கா²’’தி? ப⁴க³வா அவோச – ‘‘இத⁴, பொட்ட²பாத³, ததா²க³தோ லோகே உப்பஜ்ஜதி அரஹங், ஸம்மாஸம்பு³த்³தோ⁴…பே॰…
(யதா² 190-212 அனுச்சே²தே³ஸு, ஏவங் வித்தா²ரேதப்³ப³ங்). ஏவங் கோ²,
பொட்ட²பாத³, பி⁴க்கு² ஸீலஸம்பன்னோ ஹோதி…பே॰… தஸ்ஸிமே பஞ்சனீவரணே பஹீனே
அத்தனி ஸமனுபஸ்ஸதோ பாமோஜ்ஜங் ஜாயதி, பமுதி³தஸ்ஸ பீதி ஜாயதி, பீதிமனஸ்ஸ
காயோ பஸ்ஸம்ப⁴தி, பஸ்ஸத்³த⁴காயோ ஸுக²ங் வேதே³தி, ஸுகி²னோ சித்தங்
ஸமாதி⁴யதி. ஸோ விவிச்சேவ காமேஹி, விவிச்ச அகுஸலேஹி த⁴ம்மேஹி, ஸவிதக்கங்
ஸவிசாரங் விவேகஜங் பீதிஸுக²ங் பட²மங் ஜா²னங் உபஸம்பஜ்ஜ விஹரதி. தஸ்ஸ யா
புரிமா காமஸஞ்ஞா, ஸா நிருஜ்ஜ²தி. விவேகஜபீதிஸுக²ஸுகு²மஸச்சஸஞ்ஞா தஸ்மிங்
ஸமயே ஹோதி, விவேகஜபீதிஸுக²ஸுகு²ம-ஸச்சஸஞ்ஞீயேவ தஸ்மிங் ஸமயே ஹோதி. ஏவம்பி
ஸிக்கா² ஏகா ஸஞ்ஞா உப்பஜ்ஜதி, ஸிக்கா² ஏகா ஸஞ்ஞா நிருஜ்ஜ²தி. அயங்
ஸிக்கா²’’தி ப⁴க³வா அவோச.

‘‘புன சபரங், பொட்ட²பாத³,
பி⁴க்கு² விதக்கவிசாரானங் வூபஸமா அஜ்ஜ²த்தங் ஸம்பஸாத³னங் சேதஸோ
ஏகோதி³பா⁴வங் அவிதக்கங் அவிசாரங் ஸமாதி⁴ஜங் பீதிஸுக²ங் து³தியங் ஜா²னங்
உபஸம்பஜ்ஜ விஹரதி. தஸ்ஸ யா புரிமா விவேகஜபீதிஸுக²ஸுகு²மஸச்சஸஞ்ஞா, ஸா
நிருஜ்ஜ²தி. ஸமாதி⁴ஜபீதிஸுக²ஸுகு²மஸச்சஸஞ்ஞா தஸ்மிங் ஸமயே ஹோதி ,
ஸமாதி⁴ஜபீதிஸுக²ஸுகு²மஸச்சஸஞ்ஞீயேவ தஸ்மிங் ஸமயே ஹோதி. ஏவம்பி ஸிக்கா² ஏகா
ஸஞ்ஞா உப்பஜ்ஜதி, ஸிக்கா² ஏகா ஸஞ்ஞா நிருஜ்ஜ²தி. அயம்பி ஸிக்கா²’’தி
ப⁴க³வா அவோச.

‘‘புன சபரங், பொட்ட²பாத³, பி⁴க்கு² பீதியா ச விராகா³
உபெக்க²கோ ச விஹரதி ஸதோ ச ஸம்பஜானோ, ஸுக²ஞ்ச காயேன படிஸங்வேதே³தி, யங் தங்
அரியா ஆசிக்க²ந்தி – ‘‘உபெக்க²கோ ஸதிமா ஸுக²விஹாரீ’’தி, ததியங் ஜா²னங்
உபஸம்பஜ்ஜ விஹரதி. தஸ்ஸ யா புரிமா ஸமாதி⁴ஜபீதிஸுக²ஸுகு²மஸச்சஸஞ்ஞா, ஸா
நிருஜ்ஜ²தி. உபெக்கா²ஸுக²ஸுகு²மஸச்சஸஞ்ஞா தஸ்மிங் ஸமயே ஹோதி,
உபெக்கா²ஸுக²ஸுகு²மஸச்சஸஞ்ஞீயேவ தஸ்மிங் ஸமயே ஹோதி. ஏவம்பி ஸிக்கா² ஏகா
ஸஞ்ஞா உப்பஜ்ஜதி, ஸிக்கா² ஏகா ஸஞ்ஞா நிருஜ்ஜ²தி. அயம்பி ஸிக்கா²’’தி ப⁴க³வா
அவோச.

‘‘புன சபரங், பொட்ட²பாத³, பி⁴க்கு² ஸுக²ஸ்ஸ ச பஹானா
து³க்க²ஸ்ஸ ச பஹானா புப்³பே³வ ஸோமனஸ்ஸதோ³மனஸ்ஸானங் அத்த²ங்க³மா
அது³க்க²மஸுக²ங் உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ
விஹரதி. தஸ்ஸ யா புரிமா உபெக்கா²ஸுக²ஸுகு²மஸச்சஸஞ்ஞா, ஸா நிருஜ்ஜ²தி.
அது³க்க²மஸுக²ஸுகு²மஸச்சஸஞ்ஞா தஸ்மிங் ஸமயே ஹோதி,
அது³க்க²மஸுக²ஸுகு²மஸச்சஸஞ்ஞீயேவ தஸ்மிங் ஸமயே ஹோதி. ஏவம்பி ஸிக்கா² ஏகா
ஸஞ்ஞா உப்பஜ்ஜதி, ஸிக்கா² ஏகா ஸஞ்ஞா நிருஜ்ஜ²தி. அயம்பி ஸிக்கா²’’தி ப⁴க³வா
அவோச.

‘‘புன சபரங், பொட்ட²பாத³, பி⁴க்கு² ஸப்³ப³ஸோ ரூபஸஞ்ஞானங் ஸமதிக்கமா படிக⁴ஸஞ்ஞானங் அத்த²ங்க³மா நானத்தஸஞ்ஞானங் அமனஸிகாரா ‘அனந்தோ ஆகாஸோ’தி ஆகாஸானஞ்சாயதனங் உபஸம்பஜ்ஜ விஹரதி. தஸ்ஸ யா புரிமா ரூபஸஞ்ஞா [புரிமஸஞ்ஞா (க॰)],
ஸா நிருஜ்ஜ²தி. ஆகாஸானஞ்சாயதனஸுகு²மஸச்சஸஞ்ஞா தஸ்மிங் ஸமயே ஹோதி,
ஆகாஸானஞ்சாயதனஸுகு²மஸச்சஸஞ்ஞீயேவ தஸ்மிங் ஸமயே ஹோதி. ஏவம்பி ஸிக்கா² ஏகா
ஸஞ்ஞா உப்பஜ்ஜதி, ஸிக்கா² ஏகா ஸஞ்ஞா நிருஜ்ஜ²தி. அயம்பி ஸிக்கா²’’தி ப⁴க³வா
அவோச.

‘‘புன சபரங், பொட்ட²பாத³, பி⁴க்கு² ஸப்³ப³ஸோ ஆகாஸானஞ்சாயதனங்
ஸமதிக்கம்ம ‘அனந்தங் விஞ்ஞாண’ந்தி விஞ்ஞாணஞ்சாயதனங் உபஸம்பஜ்ஜ விஹரதி.
தஸ்ஸ யா புரிமா ஆகாஸானஞ்சாயதனஸுகு²மஸச்சஸஞ்ஞா, ஸா நிருஜ்ஜ²தி.
விஞ்ஞாணஞ்சாயதனஸுகு²மஸச்சஸஞ்ஞா தஸ்மிங் ஸமயே ஹோதி,
விஞ்ஞாணஞ்சாயதனஸுகு²மஸச்சஸஞ்ஞீயேவ தஸ்மிங் ஸமயே ஹோதி. ஏவம்பி ஸிக்கா² ஏகா
ஸஞ்ஞா உப்பஜ்ஜதி, ஸிக்கா² ஏகா ஸஞ்ஞா நிருஜ்ஜ²தி. அயம்பி ஸிக்கா²’’தி ப⁴க³வா
அவோச.

‘‘புன சபரங், பொட்ட²பாத³, பி⁴க்கு² ஸப்³ப³ஸோ
விஞ்ஞாணஞ்சாயதனங் ஸமதிக்கம்ம ‘நத்தி² கிஞ்சீ’தி ஆகிஞ்சஞ்ஞாயதனங் உபஸம்பஜ்ஜ
விஹரதி. தஸ்ஸ யா புரிமா விஞ்ஞாணஞ்சாயதனஸுகு²மஸச்சஸஞ்ஞா, ஸா நிருஜ்ஜ²தி.
ஆகிஞ்சஞ்ஞாயதனஸுகு²மஸச்சஸஞ்ஞா தஸ்மிங் ஸமயே ஹோதி,
ஆகிஞ்சஞ்ஞாயதனஸுகு²மஸச்சஸஞ்ஞீயேவ தஸ்மிங் ஸமயே ஹோதி. ஏவம்பி ஸிக்கா² ஏகா
ஸஞ்ஞா உப்பஜ்ஜதி, ஸிக்கா² ஏகா ஸஞ்ஞா நிருஜ்ஜ²தி. அயம்பி ஸிக்கா²’’தி ப⁴க³வா
அவோச.

414. ‘‘யதோ கோ², பொட்ட²பாத³, பி⁴க்கு² இத⁴ ஸகஸஞ்ஞீ ஹோதி, ஸோ ததோ
அமுத்ர ததோ அமுத்ர அனுபுப்³பே³ன ஸஞ்ஞக்³க³ங் பு²ஸதி. தஸ்ஸ ஸஞ்ஞக்³கே³
டி²தஸ்ஸ ஏவங் ஹோதி – ‘சேதயமானஸ்ஸ மே பாபியோ, அசேதயமானஸ்ஸ மே ஸெய்யோ.
அஹஞ்சேவ கோ² பன சேதெய்யங், அபி⁴ஸங்க²ரெய்யங், இமா ச மே ஸஞ்ஞா
நிருஜ்ஜெ²ய்யுங், அஞ்ஞா ச ஓளாரிகா ஸஞ்ஞா உப்பஜ்ஜெய்யுங்; யங்னூனாஹங் ந சேவ
சேதெய்யங் ந ச அபி⁴ஸங்க²ரெய்ய’ந்தி. ஸோ ந சேவ சேதேதி, ந ச அபி⁴ஸங்க²ரோதி.
தஸ்ஸ அசேதயதோ அனபி⁴ஸங்க²ரோதோ தா சேவ ஸஞ்ஞா நிருஜ்ஜ²ந்தி, அஞ்ஞா ச ஓளாரிகா
ஸஞ்ஞா ந உப்பஜ்ஜந்தி. ஸோ நிரோத⁴ங் பு²ஸதி. ஏவங் கோ², பொட்ட²பாத³,
அனுபுப்³பா³பி⁴ஸஞ்ஞானிரோத⁴-ஸம்பஜான-ஸமாபத்தி ஹோதி.

‘‘தங் கிங் மஞ்ஞஸி, பொட்ட²பாத³, அபி நு தே இதோ
புப்³பே³ ஏவரூபா அனுபுப்³பா³பி⁴ஸஞ்ஞானிரோத⁴-ஸம்பஜான-ஸமாபத்தி
ஸுதபுப்³பா³’’தி? ‘‘நோ ஹேதங், ப⁴ந்தே. ஏவங் கோ² அஹங் ,
ப⁴ந்தே, ப⁴க³வதோ பா⁴ஸிதங் ஆஜானாமி – ‘யதோ கோ², பொட்ட²பாத³, பி⁴க்கு² இத⁴
ஸகஸஞ்ஞீ ஹோதி, ஸோ ததோ அமுத்ர ததோ அமுத்ர அனுபுப்³பே³ன ஸஞ்ஞக்³க³ங் பு²ஸதி,
தஸ்ஸ ஸஞ்ஞக்³கே³ டி²தஸ்ஸ ஏவங் ஹோதி – ‘‘சேதயமானஸ்ஸ மே பாபியோ, அசேதயமானஸ்ஸ மே ஸெய்யோ. அஹஞ்சேவ கோ² பன சேதெய்யங்
அபி⁴ஸங்க²ரெய்யங், இமா ச மே ஸஞ்ஞா நிருஜ்ஜெ²ய்யுங், அஞ்ஞா ச ஓளாரிகா ஸஞ்ஞா
உப்பஜ்ஜெய்யுங்; யங்னூனாஹங் ந சேவ சேதெய்யங், ந ச அபி⁴ஸங்க²ரெய்ய’’ந்தி.
ஸோ ந சேவ சேதேதி, ந சாபி⁴ஸங்க²ரோதி, தஸ்ஸ அசேதயதோ அனபி⁴ஸங்க²ரோதோ தா சேவ
ஸஞ்ஞா நிருஜ்ஜ²ந்தி, அஞ்ஞா ச ஓளாரிகா ஸஞ்ஞா ந உப்பஜ்ஜந்தி . ஸோ நிரோத⁴ங் பு²ஸதி. ஏவங் கோ², பொட்ட²பாத³, அனுபுப்³பா³பி⁴ஸஞ்ஞானிரோத⁴-ஸம்பஜான-ஸமாபத்தி ஹோதீ’’’தி. ‘‘ஏவங், பொட்ட²பாதா³’’தி.

415.
‘‘ஏகஞ்ஞேவ நு கோ², ப⁴ந்தே, ப⁴க³வா ஸஞ்ஞக்³க³ங் பஞ்ஞபேதி, உதா³ஹு புதூ²பி
ஸஞ்ஞக்³கே³ பஞ்ஞபேதீ’’தி? ‘‘ஏகம்பி கோ² அஹங், பொட்ட²பாத³, ஸஞ்ஞக்³க³ங்
பஞ்ஞபேமி, புதூ²பி ஸஞ்ஞக்³கே³ பஞ்ஞபேமீ’’தி. ‘‘யதா² கத²ங் பன, ப⁴ந்தே,
ப⁴க³வா ஏகம்பி ஸஞ்ஞக்³க³ங் பஞ்ஞபேதி, புதூ²பி ஸஞ்ஞக்³கே³ பஞ்ஞபேதீ’’தி?
‘‘யதா² யதா² கோ², பொட்ட²பாத³, நிரோத⁴ங் பு²ஸதி, ததா² ததா²ஹங் ஸஞ்ஞக்³க³ங்
பஞ்ஞபேமி. ஏவங் கோ² அஹங், பொட்ட²பாத³, ஏகம்பி ஸஞ்ஞக்³க³ங் பஞ்ஞபேமி,
புதூ²பி ஸஞ்ஞக்³கே³ பஞ்ஞபேமீ’’தி.

416.
‘‘ஸஞ்ஞா நு கோ², ப⁴ந்தே, பட²மங் உப்பஜ்ஜதி, பச்சா² ஞாணங், உதா³ஹு ஞாணங்
பட²மங் உப்பஜ்ஜதி, பச்சா² ஸஞ்ஞா, உதா³ஹு ஸஞ்ஞா ச ஞாணஞ்ச அபுப்³ப³ங் அசரிமங்
உப்பஜ்ஜந்தீ’’தி? ‘‘ஸஞ்ஞா கோ², பொட்ட²பாத³, பட²மங் உப்பஜ்ஜதி, பச்சா²
ஞாணங், ஸஞ்ஞுப்பாதா³ ச பன ஞாணுப்பாதோ³ ஹோதி. ஸோ ஏவங் பஜானாதி –
‘இத³ப்பச்சயா கிர மே ஞாணங் உத³பாதீ³’தி. இமினா கோ² ஏதங், பொட்ட²பாத³,
பரியாயேன வேதி³தப்³ப³ங் – யதா² ஸஞ்ஞா பட²மங் உப்பஜ்ஜதி, பச்சா² ஞாணங்,
ஸஞ்ஞுப்பாதா³ ச பன ஞாணுப்பாதோ³ ஹோதீ’’தி.

ஸஞ்ஞாஅத்தகதா²

417. ‘‘ஸஞ்ஞா நு கோ², ப⁴ந்தே, புரிஸஸ்ஸ அத்தா, உதா³ஹு அஞ்ஞா ஸஞ்ஞா அஞ்ஞோ அத்தா’’தி? ‘‘கங் பன த்வங், பொட்ட²பாத³, அத்தானங் பச்சேஸீ’’தி ? ‘‘ஓளாரிகங் கோ² அஹங், ப⁴ந்தே, அத்தானங் பச்சேமி ரூபிங் சாதுமஹாபூ⁴திகங் கப³ளீகாராஹாரப⁴க்க²’’ந்தி [கப³ளீகாரப⁴க்க²ந்தி (ஸ்யா॰ க॰)].
‘‘ஓளாரிகோ ச ஹி தே, பொட்ட²பாத³, அத்தா அப⁴விஸ்ஸ ரூபீ சாதுமஹாபூ⁴திகோ
கப³ளீகாராஹாரப⁴க்கோ². ஏவங் ஸந்தங் கோ² தே, பொட்ட²பாத³, அஞ்ஞாவ ஸஞ்ஞா
ப⁴விஸ்ஸதி அஞ்ஞோ அத்தா. தத³மினாபேதங், பொட்ட²பாத³ , பரியாயேன வேதி³தப்³ப³ங் யதா² அஞ்ஞாவ ஸஞ்ஞா ப⁴விஸ்ஸதி அஞ்ஞோ அத்தா. திட்ட²தேவ ஸாயங் [திட்ட²தேவாயங் (ஸீ॰ பீ॰)],
பொட்ட²பாத³, ஓளாரிகோ அத்தா ரூபீ சாதுமஹாபூ⁴திகோ கப³ளீகாராஹாரப⁴க்கோ², அத²
இமஸ்ஸ புரிஸஸ்ஸ அஞ்ஞா ச ஸஞ்ஞா உப்பஜ்ஜந்தி, அஞ்ஞா ச ஸஞ்ஞா நிருஜ்ஜ²ந்தி.
இமினா கோ² ஏதங், பொட்ட²பாத³, பரியாயேன வேதி³தப்³ப³ங் யதா² அஞ்ஞாவ ஸஞ்ஞா
ப⁴விஸ்ஸதி அஞ்ஞோ அத்தா’’தி.

418.
‘‘மனோமயங் கோ² அஹங், ப⁴ந்தே, அத்தானங் பச்சேமி ஸப்³ப³ங்க³பச்சங்கி³ங்
அஹீனிந்த்³ரிய’’ந்தி. ‘‘மனோமயோ ச ஹி தே, பொட்ட²பாத³, அத்தா அப⁴விஸ்ஸ
ஸப்³ப³ங்க³பச்சங்கீ³ அஹீனிந்த்³ரியோ, ஏவங் ஸந்தம்பி கோ² தே, பொட்ட²பாத³,
அஞ்ஞாவ ஸஞ்ஞா ப⁴விஸ்ஸதி அஞ்ஞோ அத்தா. தத³மினாபேதங், பொட்ட²பாத³, பரியாயேன
வேதி³தப்³ப³ங் யதா² அஞ்ஞாவ ஸஞ்ஞா ப⁴விஸ்ஸதி அஞ்ஞோ அத்தா. திட்ட²தேவ ஸாயங்,
பொட்ட²பாத³, மனோமயோ அத்தா ஸப்³ப³ங்க³பச்சங்கீ³ அஹீனிந்த்³ரியோ, அத² இமஸ்ஸ
புரிஸஸ்ஸ அஞ்ஞா ச ஸஞ்ஞா உப்பஜ்ஜந்தி, அஞ்ஞா ச ஸஞ்ஞா நிருஜ்ஜ²ந்தி. இமினாபி
கோ² ஏதங், பொட்ட²பாத³, பரியாயேன வேதி³தப்³ப³ங் யதா² அஞ்ஞாவ ஸஞ்ஞா ப⁴விஸ்ஸதி
அஞ்ஞோ அத்தா’’தி.

419. ‘‘அரூபிங்
கோ² அஹங், ப⁴ந்தே, அத்தானங் பச்சேமி ஸஞ்ஞாமய’’ந்தி. ‘‘அரூபீ ச ஹி தே,
பொட்ட²பாத³, அத்தா அப⁴விஸ்ஸ ஸஞ்ஞாமயோ, ஏவங் ஸந்தம்பி கோ² தே, பொட்ட²பாத³,
அஞ்ஞாவ ஸஞ்ஞா ப⁴விஸ்ஸதி அஞ்ஞோ அத்தா. தத³மினாபேதங், பொட்ட²பாத³, பரியாயேன
வேதி³தப்³ப³ங் யதா² அஞ்ஞாவ ஸஞ்ஞா ப⁴விஸ்ஸதி அஞ்ஞோ அத்தா. திட்ட²தேவ ஸாயங்,
பொட்ட²பாத³, அரூபீ அத்தா ஸஞ்ஞாமயோ, அத² இமஸ்ஸ புரிஸஸ்ஸ அஞ்ஞா ச ஸஞ்ஞா
உப்பஜ்ஜந்தி, அஞ்ஞா ச ஸஞ்ஞா நிருஜ்ஜ²ந்தி. இமினாபி கோ² ஏதங், பொட்ட²பாத³,
பரியாயேன வேதி³தப்³ப³ங் யதா² அஞ்ஞாவ ஸஞ்ஞா ப⁴விஸ்ஸதி அஞ்ஞோ அத்தா’’தி.

420. ‘‘ஸக்கா பனேதங், ப⁴ந்தே, மயா ஞாதுங் – ‘ஸஞ்ஞா புரிஸஸ்ஸ அத்தா’தி வா ‘அஞ்ஞாவ ஸஞ்ஞா அஞ்ஞோ அத்தாதி வா’தி? ‘‘து³ஜ்ஜானங் கோ² ஏதங் [ஏவங் (க॰)],
பொட்ட²பாத³, தயா அஞ்ஞதி³ட்டி²கேன அஞ்ஞக²ந்திகேன அஞ்ஞருசிகேன
அஞ்ஞத்ராயோகே³ன அஞ்ஞத்ராசரியகேன – ‘ஸஞ்ஞா புரிஸஸ்ஸ அத்தா’தி வா, ‘அஞ்ஞாவ
ஸஞ்ஞா அஞ்ஞோ அத்தாதி வா’’’தி.

‘‘ஸசே தங், ப⁴ந்தே, மயா
து³ஜ்ஜானங் அஞ்ஞதி³ட்டி²கேன அஞ்ஞக²ந்திகேன அஞ்ஞருசிகேன அஞ்ஞத்ராயோகே³ன
அஞ்ஞத்ராசரியகேன – ‘ஸஞ்ஞா புரிஸஸ்ஸ அத்தா’தி வா, ‘அஞ்ஞாவ ஸஞ்ஞா அஞ்ஞோ
அத்தா’தி வா; ‘கிங் பன, ப⁴ந்தே, ஸஸ்ஸதோ லோகோ, இத³மேவ ஸச்சங் மோக⁴மஞ்ஞ’ந்தி?
அப்³யாகதங் கோ² ஏதங், பொட்ட²பாத³, மயா – ‘ஸஸ்ஸதோ லோகோ, இத³மேவ ஸச்சங்
மோக⁴மஞ்ஞ’ந்தி.

‘‘கிங் பன, ப⁴ந்தே, ‘அஸஸ்ஸதோ லோகோ, இத³மேவ ஸச்சங் மோக⁴மஞ்ஞ’’’ந்தி ? ‘‘ஏதம்பி கோ², பொட்ட²பாத³, மயா அப்³யாகதங் – ‘அஸஸ்ஸதோ லோகோ, இத³மேவ ஸச்சங் மோக⁴மஞ்ஞ’’’ந்தி.

‘‘கிங் பன, ப⁴ந்தே, ‘அந்தவா லோகோ…பே॰… ‘அனந்தவா லோகோ …
‘தங் ஜீவங் தங் ஸரீரங்… ‘அஞ்ஞங் ஜீவங் அஞ்ஞங் ஸரீரங்… ‘ஹோதி ததா²க³தோ பரங்
மரணா… ‘ந ஹோதி ததா²க³தோ பரங் மரணா… ‘ஹோதி ச ந ச ஹோதி ததா²க³தோ பரங் மரணா…
‘நேவ ஹோதி ந ந ஹோதி ததா²க³தோ பரங் மரணா, இத³மேவ ஸச்சங் மோக⁴மஞ்ஞ’’’ந்தி?
‘‘ஏதம்பி கோ², பொட்ட²பாத³, மயா அப்³யாகதங் – ‘நேவ ஹோதி ந ந ஹோதி ததா²க³தோ
பரங் மரணா, இத³மேவ ஸச்சங் மோக⁴மஞ்ஞ’’’ந்தி.

‘‘கஸ்மா பனேதங், ப⁴ந்தே, ப⁴க³வதா அப்³யாகத’’ந்தி? ‘‘ந ஹேதங், பொட்ட²பாத³, அத்த²ஸங்ஹிதங் ந த⁴ம்மஸங்ஹிதங்
நாதி³ப்³ரஹ்மசரியகங், ந நிப்³பி³தா³ய ந விராகா³ய ந நிரோதா⁴ய ந உபஸமாய ந
அபி⁴ஞ்ஞாய ந ஸம்போ³தா⁴ய ந நிப்³பா³னாய ஸங்வத்ததி, தஸ்மா ஏதங் மயா
அப்³யாகத’’ந்தி.

‘‘கிங் பன, ப⁴ந்தே, ப⁴க³வதா ப்³யாகத’’ந்தி? ‘‘இத³ங்
து³க்க²ந்தி கோ², பொட்ட²பாத³, மயா ப்³யாகதங். அயங் து³க்க²ஸமுத³யோதி கோ²,
பொட்ட²பாத³, மயா ப்³யாகதங். அயங் து³க்க²னிரோதோ⁴தி கோ², பொட்ட²பாத³, மயா
ப்³யாகதங். அயங் து³க்க²னிரோத⁴கா³மினீ படிபதா³தி கோ², பொட்ட²பாத³, மயா
ப்³யாகத’’ந்தி.

‘‘கஸ்மா பனேதங், ப⁴ந்தே, ப⁴க³வதா ப்³யாகத’’ந்தி?
‘‘ஏதஞ்ஹி, பொட்ட²பாத³, அத்த²ஸங்ஹிதங், ஏதங் த⁴ம்மஸங்ஹிதங், ஏதங்
ஆதி³ப்³ரஹ்மசரியகங், ஏதங் நிப்³பி³தா³ய விராகா³ய நிரோதா⁴ய உபஸமாய அபி⁴ஞ்ஞாய
ஸம்போ³தா⁴ய நிப்³பா³னாய ஸங்வத்ததி; தஸ்மா ஏதங் மயா ப்³யாகத’’ந்தி.
‘‘ஏவமேதங், ப⁴க³வா, ஏவமேதங், ஸுக³த . யஸ்ஸதா³னி, ப⁴ந்தே, ப⁴க³வா காலங் மஞ்ஞதீ’’தி. அத² கோ² ப⁴க³வா உட்டா²யாஸனா பக்காமி.

421. அத² கோ² தே பரிப்³பா³ஜகா அசிரபக்கந்தஸ்ஸ ப⁴க³வதோ பொட்ட²பாத³ங் பரிப்³பா³ஜகங் ஸமந்ததோ வாசா [வாசாய (ஸ்யா॰ க॰)]
ஸன்னிதோத³கேன ஸஞ்ஜ²ப்³ப⁴ரிமகங்ஸு – ‘‘ஏவமேவ பனாயங் ப⁴வங் பொட்ட²பாதோ³
யஞ்ஞதே³வ ஸமணோ கோ³தமோ பா⁴ஸதி, தங் ததே³வஸ்ஸ அப்³ப⁴னுமோத³தி – ‘ஏவமேதங்
ப⁴க³வா ஏவமேதங், ஸுக³தா’தி. ந கோ² பன மயங் கிஞ்சி [கஞ்சி (பீ॰)]
ஸமணஸ்ஸ கோ³தமஸ்ஸ ஏகங்ஸிகங் த⁴ம்மங் தே³ஸிதங் ஆஜானாம – ‘ஸஸ்ஸதோ லோகோ’தி வா,
‘அஸஸ்ஸதோ லோகோ’தி வா, ‘அந்தவா லோகோ’தி வா, ‘அனந்தவா லோகோ’தி வா, ‘தங்
ஜீவங் தங் ஸரீர’ந்தி வா, ‘அஞ்ஞங் ஜீவங் அஞ்ஞங் ஸரீர’ந்தி வா , ‘ஹோதி ததா²க³தோ பரங் மரணா’தி வா, ‘ந ஹோதி ததா²க³தோ பரங் மரணா’தி வா, ‘ஹோதி ச ந ச ஹோதி ததா²க³தோ பரங் மரணா’தி வா, ‘நேவ ஹோதி ந ந ஹோதி ததா²க³தோ பரங் மரணா’தி வா’’தி.

ஏவங் வுத்தே பொட்ட²பாதோ³ பரிப்³பா³ஜகோ தே பரிப்³பா³ஜகே
ஏதத³வோச – ‘‘அஹம்பி கோ², போ⁴, ந கிஞ்சி ஸமணஸ்ஸ கோ³தமஸ்ஸ ஏகங்ஸிகங் த⁴ம்மங்
தே³ஸிதங் ஆஜானாமி – ‘ஸஸ்ஸதோ லோகோ’தி வா, ‘அஸஸ்ஸதோ லோகோ’தி வா…பே॰… ‘நேவ
ஹோதி ந ந ஹோதி ததா²க³தோ பரங் மரணா’தி வா; அபி ச ஸமணோ கோ³தமோ பூ⁴தங் தச்ச²ங்
தத²ங் படிபத³ங் பஞ்ஞபேதி த⁴ம்மட்டி²ததங் த⁴ம்மனியாமதங். பூ⁴தங் கோ² பன
தச்ச²ங் தத²ங் படிபத³ங் பஞ்ஞபெந்தஸ்ஸ த⁴ம்மட்டி²ததங் த⁴ம்மனியாமதங்,
கத²ஞ்ஹி நாம மாதி³ஸோ விஞ்ஞூ ஸமணஸ்ஸ கோ³தமஸ்ஸ ஸுபா⁴ஸிதங் ஸுபா⁴ஸிததோ
நாப்³ப⁴னுமோதெ³ய்யா’’தி?

சித்தஹத்தி²ஸாரிபுத்தபொட்ட²பாத³வத்து²

422.
அத² கோ² த்³வீஹதீஹஸ்ஸ அச்சயேன சித்தோ ச ஹத்தி²ஸாரிபுத்தோ பொட்ட²பாதோ³ ச
பரிப்³பா³ஜகோ யேன ப⁴க³வா தேனுபஸங்கமிங்ஸு; உபஸங்கமித்வா சித்தோ
ஹத்தி²ஸாரிபுத்தோ ப⁴க³வந்தங் அபி⁴வாதெ³த்வா ஏகமந்தங் நிஸீதி³. பொட்ட²பாதோ³
பன பரிப்³பா³ஜகோ ப⁴க³வதா ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங்
வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² பொட்ட²பாதோ³
பரிப்³பா³ஜகோ ப⁴க³வந்தங் ஏதத³வோச – ‘‘ததா³ மங், ப⁴ந்தே, தே பரிப்³பா³ஜகா
அசிரபக்கந்தஸ்ஸ ப⁴க³வதோ ஸமந்ததோ வாசாஸன்னிதோத³கேன ஸஞ்ஜ²ப்³ப⁴ரிமகங்ஸு –
‘ஏவமேவ பனாயங் ப⁴வங் பொட்ட²பாதோ³ யஞ்ஞதே³வ ஸமணோ
கோ³தமோ பா⁴ஸதி, தங் ததே³வஸ்ஸ அப்³ப⁴னுமோத³தி – ‘ஏவமேதங் ப⁴க³வா ஏவமேதங்
ஸுக³தா’’தி. ந கோ² பன மயங் கிஞ்சி ஸமணஸ்ஸ கோ³தமஸ்ஸ ஏகங்ஸிகங் த⁴ம்மங்
தே³ஸிதங் ஆஜானாம – ‘‘ஸஸ்ஸதோ லோகோ’’தி வா, ‘‘அஸஸ்ஸதோ லோகோ’’தி வா, ‘‘அந்தவா
லோகோ’’தி வா, ‘‘அனந்தவா லோகோ’’தி வா, ‘‘தங் ஜீவங் தங் ஸரீர’’ந்தி வா,
‘‘அஞ்ஞங் ஜீவங் அஞ்ஞங் ஸரீர’’ந்தி வா, ‘‘ஹோதி ததா²க³தோ பரங் மரணா’’தி வா,
‘‘ந ஹோதி ததா²க³தோ பரங் மரணா’’தி வா, ‘‘ஹோதி ச ந ச ஹோதி ததா²க³தோ
பரங் மரணா’’தி வா, ‘‘நேவ ஹோதி ந ந ஹோதி ததா²க³தோ பரங் மரணா’’தி வா’தி.
ஏவங் வுத்தாஹங், ப⁴ந்தே, தே பரிப்³பா³ஜகே ஏதத³வோசங் – ‘அஹம்பி கோ², போ⁴, ந
கிஞ்சி ஸமணஸ்ஸ கோ³தமஸ்ஸ ஏகங்ஸிகங் த⁴ம்மங் தே³ஸிதங் ஆஜானாமி – ‘‘ஸஸ்ஸதோ
லோகோ’’தி வா, ‘‘அஸஸ்ஸதோ லோகோ’’தி வா…பே॰… ‘‘நேவ ஹோதி ந ந ஹோதி ததா²க³தோ
பரங் மரணா’’தி வா; அபி ச ஸமணோ கோ³தமோ பூ⁴தங் தச்ச²ங் தத²ங் படிபத³ங்
பஞ்ஞபேதி த⁴ம்மட்டி²ததங் த⁴ம்மனியாமதங். பூ⁴தங் கோ²
பன தச்ச²ங் தத²ங் படிபத³ங் பஞ்ஞபெந்தஸ்ஸ த⁴ம்மட்டி²ததங் த⁴ம்மனியாமதங்,
கத²ஞ்ஹி நாம மாதி³ஸோ விஞ்ஞூ ஸமணஸ்ஸ கோ³தமஸ்ஸ ஸுபா⁴ஸிதங் ஸுபா⁴ஸிததோ
நாப்³ப⁴னுமோதெ³ய்யா’’தி?

423.
‘‘ஸப்³பே³வ கோ² ஏதே, பொட்ட²பாத³, பரிப்³பா³ஜகா அந்தா⁴ அசக்கு²கா; த்வங்யேவ
நேஸங் ஏகோ சக்கு²மா. ஏகங்ஸிகாபி ஹி கோ², பொட்ட²பாத³, மயா த⁴ம்மா தே³ஸிதா
பஞ்ஞத்தா; அனேகங்ஸிகாபி ஹி கோ² , பொட்ட²பாத³, மயா த⁴ம்மா தே³ஸிதா பஞ்ஞத்தா.

‘‘கதமே ச தே, பொட்ட²பாத³, மயா அனேகங்ஸிகா த⁴ம்மா தே³ஸிதா பஞ்ஞத்தா? ‘ஸஸ்ஸதோ லோகோ’தி [லோகோதி வா (ஸீ॰ க॰)] கோ², பொட்ட²பாத³, மயா அனேகங்ஸிகோ த⁴ம்மோ தே³ஸிதோ பஞ்ஞத்தோ; ‘அஸஸ்ஸதோ லோகோ’தி [லோகோதி வா (ஸீ॰ க॰)] கோ², பொட்ட²பாத³, மயா அனேகங்ஸிகோ த⁴ம்மோ தே³ஸிதோ பஞ்ஞத்தோ; ‘அந்தவா லோகோ’தி [லோகோதி வா (ஸீ॰ க॰)] கோ² பொட்ட²பாத³…பே॰… ‘அனந்தவா லோகோ’தி [லோகோதி வா (ஸீ॰ க॰)]
கோ² பொட்ட²பாத³… ‘தங் ஜீவங் தங் ஸரீர’ந்தி கோ² பொட்ட²பாத³… ‘அஞ்ஞங் ஜீவங்
அஞ்ஞங் ஸரீர’ந்தி கோ² பொட்ட²பாத³… ‘ஹோதி ததா²க³தோ பரங் மரணா’தி கோ²
பொட்ட²பாத³… ந ஹோதி ததா²க³தோ பரங் மரணா’தி கோ² பொட்ட²பாத³… ‘ஹோதி ச ந ச
ஹோதி ததா²க³தோ பரங் மரணா’தி கோ² பொட்ட²பாத³… ‘நேவ ஹோதி ந ந ஹோதி ததா²க³தோ பரங் மரணா’தி கோ², பொட்ட²பாத³, மயா அனேகங்ஸிகோ த⁴ம்மோ தே³ஸிதோ பஞ்ஞத்தோ.

‘‘கஸ்மா ச தே, பொட்ட²பாத³, மயா அனேகங்ஸிகா த⁴ம்மா
தே³ஸிதா பஞ்ஞத்தா? ந ஹேதே, பொட்ட²பாத³, அத்த²ஸங்ஹிதா ந த⁴ம்மஸங்ஹிதா ந
ஆதி³ப்³ரஹ்மசரியகா ந நிப்³பி³தா³ய ந விராகா³ய ந நிரோதா⁴ய ந உபஸமாய ந
அபி⁴ஞ்ஞாய ந ஸம்போ³தா⁴ய ந நிப்³பா³னாய ஸங்வத்தந்தி. தஸ்மா தே மயா
அனேகங்ஸிகா த⁴ம்மா தே³ஸிதா பஞ்ஞத்தா’’.

ஏகங்ஸிகத⁴ம்மோ

424. ‘‘கதமே ச தே, பொட்ட²பாத³, மயா ஏகங்ஸிகா த⁴ம்மா தே³ஸிதா பஞ்ஞத்தா ? இத³ங் து³க்க²ந்தி கோ², பொட்ட²பாத³, மயா ஏகங்ஸிகோ
த⁴ம்மோ தே³ஸிதோ பஞ்ஞத்தோ. அயங் து³க்க²ஸமுத³யோதி கோ², பொட்ட²பாத³, மயா
ஏகங்ஸிகோ த⁴ம்மோ தே³ஸிதோ பஞ்ஞத்தோ. அயங் து³க்க²னிரோதோ⁴தி கோ², பொட்ட²பாத³,
மயா ஏகங்ஸிகோ த⁴ம்மோ தே³ஸிதோ பஞ்ஞத்தோ. அயங் து³க்க²னிரோத⁴கா³மினீ
படிபதா³தி கோ², பொட்ட²பாத³, மயா ஏகங்ஸிகோ த⁴ம்மோ தே³ஸிதோ பஞ்ஞத்தோ.

‘‘கஸ்மா ச தே, பொட்ட²பாத³, மயா ஏகங்ஸிகா த⁴ம்மா தே³ஸிதா பஞ்ஞத்தா? ஏதே, பொட்ட²பாத³, அத்த²ஸங்ஹிதா ,
ஏதே த⁴ம்மஸங்ஹிதா, ஏதே ஆதி³ப்³ரஹ்மசரியகா ஏதே நிப்³பி³தா³ய விராகா³ய
நிரோதா⁴ய உபஸமாய அபி⁴ஞ்ஞாய ஸம்போ³தா⁴ய நிப்³பா³னாய ஸங்வத்தந்தி. தஸ்மா தே
மயா ஏகங்ஸிகா த⁴ம்மா தே³ஸிதா பஞ்ஞத்தா.

425.
‘‘ஸந்தி, பொட்ட²பாத³, ஏகே ஸமணப்³ராஹ்மணா ஏவங்வாதி³னோ ஏவங்தி³ட்டி²னோ –
‘ஏகந்தஸுகீ² அத்தா ஹோதி அரோகோ³ பரங் மரணா’தி. த்யாஹங் உபஸங்கமித்வா ஏவங்
வதா³மி – ‘ஸச்சங் கிர தும்ஹே ஆயஸ்மந்தோ ஏவங்வாதி³னோ ஏவங்தி³ட்டி²னோ –
‘‘ஏகந்தஸுகீ² அத்தா ஹோதி அரோகோ³ பரங் மரணா’தி? தே சே மே ஏவங் புட்டா²
‘ஆமா’தி படிஜானந்தி. த்யாஹங் ஏவங் வதா³மி – ‘அபி பன தும்ஹே ஆயஸ்மந்தோ
ஏகந்தஸுக²ங் லோகங் ஜானங் பஸ்ஸங் விஹரதா²’தி? இதி புட்டா² ‘நோ’தி வத³ந்தி.

‘‘த்யாஹங் ஏவங் வதா³மி – ‘அபி பன தும்ஹே ஆயஸ்மந்தோ
ஏகங் வா ரத்திங் ஏகங் வா தி³வஸங் உபட்³ட⁴ங் வா ரத்திங் உபட்³ட⁴ங் வா
தி³வஸங் ஏகந்தஸுகி²ங் அத்தானங் ஸஞ்ஜானாதா²’தி [ஸம்பஜானாதா²தி (ஸீ॰ ஸ்யா॰ க॰)]? இதி புட்டா² ‘நோ’தி வத³ந்தி. த்யாஹங் ஏவங் வதா³மி – ‘அபி பன தும்ஹே ஆயஸ்மந்தோ ஜானாத² – ‘‘அயங் மக்³கோ³ அயங் படிபதா³ ஏகந்தஸுக²ஸ்ஸ லோகஸ்ஸ ஸச்சி²கிரியாயா’’’தி? இதி புட்டா² ‘நோ’தி வத³ந்தி.

‘‘த்யாஹங் ஏவங் வதா³மி – ‘அபி பன தும்ஹே ஆயஸ்மந்தோ யா
தா தே³வதா ஏகந்தஸுக²ங் லோகங் உபபன்னா, தாஸங் பா⁴ஸமானானங் ஸத்³த³ங் ஸுணாத² –
‘‘ஸுப்படிபன்னாத்த², மாரிஸா, உஜுப்படிபன்னாத்த², மாரிஸா, ஏகந்தஸுக²ஸ்ஸ
லோகஸ்ஸ ஸச்சி²கிரியாய; மயம்பி ஹி, மாரிஸா, ஏவங்படிபன்னா ஏகந்தஸுக²ங் லோகங்
உபபன்னா’தி ? இதி புட்டா² ‘நோ’தி வத³ந்தி.

‘‘தங் கிங் மஞ்ஞஸி, பொட்ட²பாத³, நனு ஏவங் ஸந்தே தேஸங்
ஸமணப்³ராஹ்மணானங் அப்பாடிஹீரகதங் பா⁴ஸிதங் ஸம்பஜ்ஜதீ’’தி? ‘‘அத்³தா⁴ கோ²,
ப⁴ந்தே, ஏவங் ஸந்தே தேஸங் ஸமணப்³ராஹ்மணானங் அப்பாடிஹீரகதங் பா⁴ஸிதங்
ஸம்பஜ்ஜதீ’’தி.

426.
‘‘ஸெய்யதா²பி, பொட்ட²பாத³, புரிஸோ ஏவங் வதெ³ய்ய – ‘அஹங் யா இமஸ்மிங்
ஜனபதே³ ஜனபத³கல்யாணீ, தங் இச்சா²மி தங் காமேமீ’தி. தமேனங் ஏவங் வதெ³ய்யுங் –
‘அம்போ⁴ புரிஸ, யங் த்வங் ஜனபத³கல்யாணிங் இச்ச²ஸி காமேஸி, ஜானாஸி தங்
ஜனபத³கல்யாணிங் க²த்தியீ வா ப்³ராஹ்மணீ வா வெஸ்ஸீ வா ஸுத்³தீ³ வா’தி? இதி
புட்டோ² ‘நோ’தி வதெ³ய்ய. தமேனங் ஏவங் வதெ³ய்யுங் – ‘அம்போ⁴ புரிஸ ,
யங் த்வங் ஜனபத³கல்யாணிங் இச்ச²ஸி காமேஸி, ஜானாஸி தங் ஜனபத³கல்யாணிங்
ஏவங்னாமா ஏவங்கொ³த்தாதி வா, தீ³கா⁴ வா ரஸ்ஸா வா மஜ்ஜி²மா வா காளீ வா ஸாமா
வா மங்கு³ரச்ச²வீ வாதி, அமுகஸ்மிங் கா³மே வா நிக³மே வா நக³ரே வா’தி? இதி
புட்டோ² ‘நோ’தி வதெ³ய்ய. தமேனங் ஏவங் வதெ³ய்யுங் – ‘அம்போ⁴ புரிஸ, யங்
த்வங் ந ஜானாஸி ந பஸ்ஸஸி, தங் த்வங் இச்ச²ஸி காமேஸீ’தி? இதி புட்டோ²
‘ஆமா’தி வதெ³ய்ய.

‘‘தங் கிங் மஞ்ஞஸி ,
பொட்ட²பாத³, நனு ஏவங் ஸந்தே தஸ்ஸ புரிஸஸ்ஸ அப்பாடிஹீரகதங் பா⁴ஸிதங்
ஸம்பஜ்ஜதீ’’தி? ‘‘அத்³தா⁴ கோ², ப⁴ந்தே, ஏவங் ஸந்தே தஸ்ஸ புரிஸஸ்ஸ
அப்பாடிஹீரகதங் பா⁴ஸிதங் ஸம்பஜ்ஜதீ’’தி.

‘‘ஏவமேவ கோ², பொட்ட²பாத³, யே தே ஸமணப்³ராஹ்மணா
ஏவங்வாதி³னோ ஏவங்தி³ட்டி²னோ – ‘ஏகந்தஸுகீ² அத்தா ஹோதி அரோகோ³ பரங் மரணா’தி.
த்யாஹங் உபஸங்கமித்வா ஏவங் வதா³மி – ‘ஸச்சங் கிர தும்ஹே ஆயஸ்மந்தோ
ஏவங்வாதி³னோ ஏவங்தி³ட்டி²னோ – ‘‘ஏகந்தஸுகீ² அத்தா
ஹோதி அரோகோ³ பரங் மரணா’’’தி? தே சே மே ஏவங் புட்டா² ‘ஆமா’தி படிஜானந்தி.
த்யாஹங் ஏவங் வதா³மி – ‘அபி பன தும்ஹே ஆயஸ்மந்தோ ஏகந்தஸுக²ங் லோகங் ஜானங்
பஸ்ஸங் விஹரதா²’தி? இதி புட்டா² ‘நோ’தி வத³ந்தி.

‘‘த்யாஹங் ஏவங் வதா³மி – ‘அபி பன தும்ஹே ஆயஸ்மந்தோ
ஏகங் வா ரத்திங் ஏகங் வா தி³வஸங் உபட்³ட⁴ங் வா ரத்திங் உபட்³ட⁴ங் வா
தி³வஸங் ஏகந்தஸுகி²ங் அத்தானங் ஸஞ்ஜானாதா²’தி? இதி புட்டா² ‘நோ’தி வத³ந்தி.
த்யாஹங் ஏவங் வதா³மி – ‘அபி பன தும்ஹே ஆயஸ்மந்தோ ஜானாத² – ‘‘அயங் மக்³கோ³
அயங் படிபதா³ ஏகந்தஸுக²ஸ்ஸ லோகஸ்ஸ ஸச்சி²கிரியாயா’தி? இதி புட்டா² ‘நோ’தி
வத³ந்தி.

‘‘த்யாஹங் ஏவங் வதா³மி – ‘அபி பன தும்ஹே ஆயஸ்மந்தோ யா
தா தே³வதா ஏகந்தஸுக²ங் லோகங் உபபன்னா, தாஸங் பா⁴ஸமானானங் ஸத்³த³ங் ஸுணாத² –
‘‘ஸுப்படிபன்னாத்த², மாரிஸா, உஜுப்படிபன்னாத்த², மாரிஸா, ஏகந்தஸுக²ஸ்ஸ
லோகஸ்ஸ ஸச்சி²கிரியாய; மயம்பி ஹி, மாரிஸா, ஏவங்படிபன்னா ஏகந்தஸுக²ங் லோகங்
உபபன்னா’’’தி? இதி புட்டா² ‘நோ’தி வத³ந்தி.

‘‘தங் கிங் மஞ்ஞஸி, பொட்ட²பாத³, நனு ஏவங் ஸந்தே தேஸங் ஸமணப்³ராஹ்மணானங் அப்பாடிஹீரகதங் பா⁴ஸிதங் ஸம்பஜ்ஜதீ’’தி? ‘‘அத்³தா⁴ கோ², ப⁴ந்தே, ஏவங் ஸந்தே தேஸங் ஸமணப்³ராஹ்மணானங் அப்பாடிஹீரகதங் பா⁴ஸிதங் ஸம்பஜ்ஜதீ’’தி.

427.
‘‘ஸெய்யதா²பி, பொட்ட²பாத³, புரிஸோ சாதுமஹாபதே² நிஸ்ஸேணிங் கரெய்ய
பாஸாத³ஸ்ஸ ஆரோஹணாய. தமேனங் ஏவங் வதெ³ய்யுங் – ‘அம்போ⁴ புரிஸ, யஸ்ஸ த்வங் [யங் த்வங் (ஸீ॰ க॰)]
பாஸாத³ஸ்ஸ ஆரோஹணாய நிஸ்ஸேணிங் கரோஸி, ஜானாஸி தங் பாஸாத³ங் புரத்தி²மாய வா
தி³ஸாய த³க்கி²ணாய வா தி³ஸாய பச்சி²மாய வா தி³ஸாய உத்தராய வா தி³ஸாய உச்சோ
வா நீசோ வா மஜ்ஜி²மோ வா’தி? இதி புட்டோ² ‘நோ’தி வதெ³ய்ய. தமேனங் ஏவங்
வதெ³ய்யுங் – ‘அம்போ⁴ புரிஸ, யங் த்வங் ந ஜானாஸி ந பஸ்ஸஸி, தஸ்ஸ த்வங்
பாஸாத³ஸ்ஸ ஆரோஹணாய நிஸ்ஸேணிங் கரோஸீ’தி? இதி புட்டோ² ‘ஆமா’தி வதெ³ய்ய.

‘‘தங் கிங் மஞ்ஞஸி, பொட்ட²பாத³, நனு ஏவங் ஸந்தே தஸ்ஸ
புரிஸஸ்ஸ அப்பாடிஹீரகதங் பா⁴ஸிதங் ஸம்பஜ்ஜதீ’’தி? ‘‘அத்³தா⁴ கோ², ப⁴ந்தே,
ஏவங் ஸந்தே தஸ்ஸ புரிஸஸ்ஸ அப்பாடிஹீரகதங் பா⁴ஸிதங் ஸம்பஜ்ஜதீ’’தி.

‘‘ஏவமேவ கோ², பொட்ட²பாத³, யே
தே ஸமணப்³ராஹ்மணா ஏவங்வாதி³னோ ஏவங்தி³ட்டி²னோ – ‘ஏகந்தஸுகீ² அத்தா ஹோதி
அரோகோ³ பரங் மரணா’தி. த்யாஹங் உபஸங்கமித்வா ஏவங் வதா³மி – ‘ஸச்சங் கிர
தும்ஹே ஆயஸ்மந்தோ ஏவங்வாதி³னோ ஏவங்தி³ட்டி²னோ – ‘‘ஏகந்தஸுகீ² அத்தா ஹோதி
அரோகோ³ பரங் மரணா’தி ? தே சே மே ஏவங் புட்டா²
‘ஆமா’தி படிஜானந்தி. த்யாஹங் ஏவங் வதா³மி – ‘அபி பன தும்ஹே ஆயஸ்மந்தோ
ஏகந்தஸுக²ங் லோகங் ஜானங் பஸ்ஸங் விஹரதா²’தி? இதி புட்டா² ‘நோ’தி வத³ந்தி.

‘‘த்யாஹங் ஏவங் வதா³மி – ‘அபி பன தும்ஹே ஆயஸ்மந்தோ ஏகங்
வா ரத்திங் ஏகங் வா தி³வஸங் உபட்³ட⁴ங் வா ரத்திங் உபட்³ட⁴ங் வா தி³வஸங்
ஏகந்தஸுகி²ங் அத்தானங் ஸஞ்ஜானாதா²’தி? இதி புட்டா² ‘நோ’தி வத³ந்தி. த்யாஹங்
ஏவங் வதா³மி – ‘அபி பன தும்ஹே ஆயஸ்மந்தோ ஜானாத² அயங் மக்³கோ³ அயங் படிபதா³
ஏகந்தஸுக²ஸ்ஸ லோகஸ்ஸ ஸச்சி²கிரியாயா’தி? இதி புட்டா² ‘நோ’தி வத³ந்தி.

‘‘த்யாஹங் ஏவங் வதா³மி – ‘அபி பன தும்ஹே ஆயஸ்மந்தோ யா
தா தே³வதா ஏகந்தஸுக²ங் லோகங் உபபன்னா’ தாஸங் தே³வதானங் பா⁴ஸமானானங்
ஸத்³த³ங் ஸுணாத²- ‘‘ஸுப்படிபன்னாத்த², மாரிஸா, உஜுப்படிபன்னாத்த² ,
மாரிஸா, ஏகந்தஸுக²ஸ்ஸ லோகஸ்ஸ ஸச்சி²கிரியாய; மயம்பி ஹி, மாரிஸா, ஏவங்
படிபன்னா ஏகந்தஸுக²ங் லோகங் உபபன்னா’தி? இதி புட்டா² ‘‘நோ’’தி வத³ந்தி.

தயோ அத்தபடிலாபா⁴

428.
‘‘தயோ கோ² மே, பொட்ட²பாத³, அத்தபடிலாபா⁴ – ஓளாரிகோ அத்தபடிலாபோ⁴, மனோமயோ
அத்தபடிலாபோ⁴, அரூபோ அத்தபடிலாபோ⁴. கதமோ ச, பொட்ட²பாத³, ஓளாரிகோ
அத்தபடிலாபோ⁴? ரூபீ சாதுமஹாபூ⁴திகோ கப³ளீகாராஹாரப⁴க்கோ² [கப³ளீகாரப⁴க்கோ² (ஸ்யா॰ க॰)],
அயங் ஓளாரிகோ அத்தபடிலாபோ⁴. கதமோ மனோமயோ அத்தபடிலாபோ⁴? ரூபீ மனோமயோ
ஸப்³ப³ங்க³பச்சங்கீ³ அஹீனிந்த்³ரியோ, அயங் மனோமயோ அத்தபடிலாபோ⁴. கதமோ அரூபோ
அத்தபடிலாபோ⁴? அரூபீ ஸஞ்ஞாமயோ, அயங் அரூபோ அத்தபடிலாபோ⁴.

429. ‘‘ஓளாரிகஸ்ஸபி கோ² அஹங், பொட்ட²பாத³, அத்தபடிலாப⁴ஸ்ஸ பஹானாய
த⁴ம்மங் தே³ஸேமி – யதா²படிபன்னானங் வோ ஸங்கிலேஸிகா த⁴ம்மா பஹீயிஸ்ஸந்தி,
வோதா³னியா த⁴ம்மா அபி⁴வட்³டி⁴ஸ்ஸந்தி, பஞ்ஞாபாரிபூரிங் வேபுல்லத்தஞ்ச
தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரிஸ்ஸதா²தி. ஸியா
கோ² பன தே, பொட்ட²பாத³, ஏவமஸ்ஸ – ஸங்கிலேஸிகா த⁴ம்மா பஹீயிஸ்ஸந்தி,
வோதா³னியா த⁴ம்மா அபி⁴வட்³டி⁴ஸ்ஸந்தி, பஞ்ஞாபாரிபூரிங் வேபுல்லத்தஞ்ச
தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா
உபஸம்பஜ்ஜ விஹரிஸ்ஸதி, து³க்கோ² ச கோ² விஹாரோதி, ந கோ² பனேதங், பொட்ட²பாத³,
ஏவங் த³ட்ட²ப்³ப³ங். ஸங்கிலேஸிகா சேவ த⁴ம்மா பஹீயிஸ்ஸந்தி, வோதா³னியா ச
த⁴ம்மா அபி⁴வட்³டி⁴ஸ்ஸந்தி, பஞ்ஞாபாரிபூரிங் வேபுல்லத்தஞ்ச தி³ட்டே²வ
த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரிஸ்ஸதி, பாமுஜ்ஜங் சேவ
ப⁴விஸ்ஸதி பீதி ச பஸ்ஸத்³தி⁴ ச ஸதி ச ஸம்பஜஞ்ஞஞ்ச ஸுகோ² ச விஹாரோ.

430.
‘‘மனோமயஸ்ஸபி கோ² அஹங், பொட்ட²பாத³, அத்தபடிலாப⁴ஸ்ஸ பஹானாய த⁴ம்மங்
தே³ஸேமி யதா²படிபன்னானங் வோ ஸங்கிலேஸிகா த⁴ம்மா பஹீயிஸ்ஸந்தி, வோதா³னியா
த⁴ம்மா அபி⁴வட்³டி⁴ஸ்ஸந்தி, பஞ்ஞாபாரிபூரிங் வேபுல்லத்தஞ்ச தி³ட்டே²வ
த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரிஸ்ஸதா²தி .
ஸியா கோ² பன தே, பொட்ட²பாத³, ஏவமஸ்ஸ – ‘ஸங்கிலேஸிகா த⁴ம்மா பஹீயிஸ்ஸந்தி,
வோதா³னியா த⁴ம்மா அபி⁴வட்³டி⁴ஸ்ஸந்தி, பஞ்ஞாபாரிபூரிங் வேபுல்லத்தஞ்ச
தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரிஸ்ஸதி,
து³க்கோ² ச கோ² விஹாரோ’தி, ந கோ² பனேதங், பொட்ட²பாத³, ஏவங் த³ட்ட²ப்³ப³ங்.
ஸங்கிலேஸிகா சேவ த⁴ம்மா பஹீயிஸ்ஸந்தி, வோதா³னியா ச த⁴ம்மா
அபி⁴வட்³டி⁴ஸ்ஸந்தி , பஞ்ஞாபாரிபூரிங் வேபுல்லத்தஞ்ச
தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரிஸ்ஸதி,
பாமுஜ்ஜங் சேவ ப⁴விஸ்ஸதி பீதி ச பஸ்ஸத்³தி⁴ ச ஸதி ச ஸம்பஜஞ்ஞஞ்ச ஸுகோ² ச
விஹாரோ.

431.
‘‘அரூபஸ்ஸபி கோ² அஹங், பொட்ட²பாத³, அத்தபடிலாப⁴ஸ்ஸ பஹானாய த⁴ம்மங் தே³ஸேமி
யதா²படிபன்னானங் வோ ஸங்கிலேஸிகா த⁴ம்மா பஹீயிஸ்ஸந்தி, வோதா³னியா த⁴ம்மா
அபி⁴வட்³டி⁴ஸ்ஸந்தி , பஞ்ஞாபாரிபூரிங் வேபுல்லத்தஞ்ச
தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரிஸ்ஸதா²தி.
ஸியா கோ² பன தே, பொட்ட²பாத³, ஏவமஸ்ஸ – ‘ஸங்கிலேஸிகா த⁴ம்மா பஹீயிஸ்ஸந்தி,
வோதா³னியா த⁴ம்மா அபி⁴வட்³டி⁴ஸ்ஸந்தி, பஞ்ஞாபாரிபூரிங் வேபுல்லத்தஞ்ச
தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரிஸ்ஸதி,
து³க்கோ² ச கோ² விஹாரோ’தி, ந கோ² பனேதங் ,
பொட்ட²பாத³, ஏவங் த³ட்ட²ப்³ப³ங். ஸங்கிலேஸிகா சேவ த⁴ம்மா பஹீயிஸ்ஸந்தி,
வோதா³னியா ச த⁴ம்மா அபி⁴வட்³டி⁴ஸ்ஸந்தி, பஞ்ஞாபாரிபூரிங் வேபுல்லத்தஞ்ச
தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரிஸ்ஸதி,
பாமுஜ்ஜங் சேவ ப⁴விஸ்ஸதி பீதி ச பஸ்ஸத்³தி⁴ ச ஸதி ச ஸம்பஜஞ்ஞஞ்ச ஸுகோ² ச
விஹாரோ.

432. ‘‘பரே சே, பொட்ட²பாத³, அம்ஹே ஏவங் புச்செ²ய்யுங் – ‘கதமோ பன ஸோ, ஆவுஸோ ,
ஓளாரிகோ அத்தபடிலாபோ⁴, யஸ்ஸ தும்ஹே பஹானாய த⁴ம்மங் தே³ஸேத²,
யதா²படிபன்னானங் வோ ஸங்கிலேஸிகா த⁴ம்மா பஹீயிஸ்ஸந்தி, வோதா³னியா த⁴ம்மா
அபி⁴வட்³டி⁴ஸ்ஸந்தி, பஞ்ஞாபாரிபூரிங் வேபுல்லத்தஞ்ச தி³ட்டே²வ த⁴ம்மே ஸயங்
அபி⁴ஞ்ஞா ஸச்சி²கத்வா உபஸம்பஜ்ஜ விஹரிஸ்ஸதா²’தி, தேஸங் மயங் ஏவங் புட்டா²
ஏவங் ப்³யாகரெய்யாம – ‘அயங் வா ஸோ, ஆவுஸோ, ஓளாரிகோ அத்தபடிலாபோ⁴, யஸ்ஸ மயங்
பஹானாய த⁴ம்மங் தே³ஸேம, யதா²படிபன்னானங் வோ ஸங்கிலேஸிகா த⁴ம்மா
பஹீயிஸ்ஸந்தி, வோதா³னியா த⁴ம்மா அபி⁴வட்³டி⁴ஸ்ஸந்தி, பஞ்ஞாபாரிபூரிங்
வேபுல்லத்தஞ்ச தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ
விஹரிஸ்ஸதா²’தி.

433.
‘‘பரே சே, பொட்ட²பாத³, அம்ஹே ஏவங் புச்செ²ய்யுங் – ‘கதமோ பன ஸோ, ஆவுஸோ,
மனோமயோ அத்தபடிலாபோ⁴, யஸ்ஸ தும்ஹே பஹானாய த⁴ம்மங் தே³ஸேத², யதா²படிபன்னானங்
வோ ஸங்கிலேஸிகா த⁴ம்மா பஹீயிஸ்ஸந்தி, வோதா³னியா
த⁴ம்மா அபி⁴வட்³டி⁴ஸ்ஸந்தி, பஞ்ஞாபாரிபூரிங் வேபுல்லத்தஞ்ச தி³ட்டே²வ
த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரிஸ்ஸதா²’தி? தேஸங் மயங்
ஏவங் புட்டா² ஏவங் ப்³யாகரெய்யாம – ‘அயங் வா ஸோ, ஆவுஸோ, மனோமயோ
அத்தபடிலாபோ⁴ யஸ்ஸ மயங் பஹானாய த⁴ம்மங் தே³ஸேம, யதா²படிபன்னானங் வோ
ஸங்கிலேஸிகா த⁴ம்மா பஹீயிஸ்ஸந்தி, வோதா³னியா த⁴ம்மா அபி⁴வட்³டி⁴ஸ்ஸந்தி , பஞ்ஞாபாரிபூரிங் வேபுல்லத்தஞ்ச தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரிஸ்ஸதா²’தி.

434. ‘‘பரே சே, பொட்ட²பாத³, அம்ஹே ஏவங் புச்செ²ய்யுங் – ‘கதமோ பன ஸோ, ஆவுஸோ, அரூபோ அத்தபடிலாபோ⁴, யஸ்ஸ தும்ஹே பஹானாய த⁴ம்மங் தே³ஸேத² ,
யதா²படிபன்னானங் வோ ஸங்கிலேஸிகா த⁴ம்மா பஹீயிஸ்ஸந்தி, வோதா³னியா த⁴ம்மா
அபி⁴வட்³டி⁴ஸ்ஸந்தி, பஞ்ஞாபாரிபூரிங் வேபுல்லத்தஞ்ச தி³ட்டே²வ த⁴ம்மே ஸயங்
அபி⁴ஞ்ஞா ஸச்சி²கத்வா உபஸம்பஜ்ஜ விஹரிஸ்ஸதா²’தி, தேஸங் மயங் ஏவங் புட்டா²
ஏவங் ப்³யாகரெய்யாம – ‘அயங் வா ஸோ, ஆவுஸோ, அரூபோ அத்தபடிலாபோ⁴ யஸ்ஸ மயங்
பஹானாய த⁴ம்மங் தே³ஸேம, யதா²படிபன்னானங் வோ ஸங்கிலேஸிகா த⁴ம்மா
பஹீயிஸ்ஸந்தி, வோதா³னியா த⁴ம்மா அபி⁴வட்³டி⁴ஸ்ஸந்தி, பஞ்ஞாபாரிபூரிங்
வேபுல்லத்தஞ்ச தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ
விஹரிஸ்ஸதா²’தி.

‘‘தங் கிங் மஞ்ஞஸி, பொட்ட²பாத³, நனு ஏவங் ஸந்தே
ஸப்பாடிஹீரகதங் பா⁴ஸிதங் ஸம்பஜ்ஜதீ’’தி? ‘‘அத்³தா⁴ கோ², ப⁴ந்தே, ஏவங் ஸந்தே
ஸப்பாடிஹீரகதங் பா⁴ஸிதங் ஸம்பஜ்ஜதீ’’தி.

435.
‘‘ஸெய்யதா²பி, பொட்ட²பாத³, புரிஸோ நிஸ்ஸேணிங் கரெய்ய பாஸாத³ஸ்ஸ ஆரோஹணாய
தஸ்ஸேவ பாஸாத³ஸ்ஸ ஹெட்டா². தமேனங் ஏவங் வதெ³ய்யுங் – ‘அம்போ⁴ புரிஸ, யஸ்ஸ
த்வங் பாஸாத³ஸ்ஸ ஆரோஹணாய நிஸ்ஸேணிங் கரோஸி, ஜானாஸி தங் பாஸாத³ங்,
புரத்தி²மாய வா தி³ஸாய த³க்கி²ணாய வா தி³ஸாய பச்சி²மாய வா தி³ஸாய உத்தராய
வா தி³ஸாய உச்சோ வா நீசோ வா மஜ்ஜி²மோ வா’தி? ஸோ ஏவங் வதெ³ய்ய – ‘அயங் வா
ஸோ, ஆவுஸோ, பாஸாதோ³, யஸ்ஸாஹங் ஆரோஹணாய நிஸ்ஸேணிங் கரோமி, தஸ்ஸேவ பாஸாத³ஸ்ஸ
ஹெட்டா²’தி.

‘‘தங் கிங் மஞ்ஞஸி, பொட்ட²பாத³, நனு ஏவங் ஸந்தே தஸ்ஸ
புரிஸஸ்ஸ ஸப்பாடிஹீரகதங் பா⁴ஸிதங் ஸம்பஜ்ஜதீ’’தி? ‘‘அத்³தா⁴ கோ², ப⁴ந்தே,
ஏவங் ஸந்தே தஸ்ஸ புரிஸஸ்ஸ ஸப்பாடிஹீரகதங் பா⁴ஸிதங் ஸம்பஜ்ஜதீ’’தி.

436. ‘‘ஏவமேவ
கோ², பொட்ட²பாத³, பரே சே அம்ஹே ஏவங் புச்செ²ய்யுங் – ‘கதமோ பன ஸோ, ஆவுஸோ,
ஓளாரிகோ அத்தபடிலாபோ⁴…பே॰… கதமோ பன ஸோ, ஆவுஸோ, மனோமயோ அத்தபடிலாபோ⁴…பே॰…
கதமோ பன ஸோ, ஆவுஸோ, அரூபோ அத்தபடிலாபோ⁴, யஸ்ஸ தும்ஹே பஹானாய த⁴ம்மங்
தே³ஸேத², யதா²படிபன்னானங் வோ ஸங்கிலேஸிகா த⁴ம்மா பஹீயிஸ்ஸந்தி, வோதா³னியா
த⁴ம்மா அபி⁴வட்³டி⁴ஸ்ஸந்தி, பஞ்ஞாபாரிபூரிங் வேபுல்லத்தஞ்ச தி³ட்டே²வ
த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரிஸ்ஸதா²’தி, தேஸங் மயங்
ஏவங் புட்டா² ஏவங் ப்³யாகரெய்யாம – ‘அயங் வா ஸோ, ஆவுஸோ, அரூபோ
அத்தபடிலாபோ⁴, யஸ்ஸ மயங் பஹானாய த⁴ம்மங் தே³ஸேம, யதா²படிபன்னானங் வோ
ஸங்கிலேஸிகா த⁴ம்மா பஹீயிஸ்ஸந்தி, வோதா³னியா த⁴ம்மா அபி⁴வட்³டி⁴ஸ்ஸந்தி,
பஞ்ஞாபாரிபூரிங் வேபுல்லத்தஞ்ச தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரிஸ்ஸதா²’தி.

437.
ஏவங் வுத்தே சித்தோ ஹத்தி²ஸாரிபுத்தோ ப⁴க³வந்தங் ஏதத³வோச – ‘‘யஸ்மிங்,
ப⁴ந்தே, ஸமயே ஓளாரிகோ அத்தபடிலாபோ⁴ ஹோதி, மோக⁴ஸ்ஸ தஸ்மிங் ஸமயே மனோமயோ
அத்தபடிலாபோ⁴ ஹோதி, மோகோ⁴ அரூபோ அத்தபடிலாபோ⁴ ஹோதி; ஓளாரிகோ வாஸ்ஸ
அத்தபடிலாபோ⁴ தஸ்மிங் ஸமயே ஸச்சோ ஹோதி. யஸ்மிங், ப⁴ந்தே, ஸமயே மனோமயோ
அத்தபடிலாபோ⁴ ஹோதி, மோக⁴ஸ்ஸ தஸ்மிங் ஸமயே ஓளாரிகோ அத்தபடிலாபோ⁴ ஹோதி, மோகோ⁴
அரூபோ அத்தபடிலாபோ⁴ ஹோதி; மனோமயோ வாஸ்ஸ அத்தபடிலாபோ⁴ தஸ்மிங் ஸமயே ஸச்சோ
ஹோதி. யஸ்மிங், ப⁴ந்தே, ஸமயே அரூபோ அத்தபடிலாபோ⁴ ஹோதி, மோக⁴ஸ்ஸ தஸ்மிங்
ஸமயே ஓளாரிகோ அத்தபடிலாபோ⁴ ஹோதி, மோகோ⁴ மனோமயோ அத்தபடிலாபோ⁴ ஹோதி; அரூபோ
வாஸ்ஸ அத்தபடிலாபோ⁴ தஸ்மிங் ஸமயே ஸச்சோ ஹோதீ’’தி.

‘‘யஸ்மிங், சித்த, ஸமயே ஓளாரிகோ அத்தபடிலாபோ⁴ ஹோதி, நேவ தஸ்மிங் ஸமயே மனோமயோ அத்தபடிலாபோ⁴தி ஸங்க²ங் க³ச்ச²தி, ந அரூபோ அத்தபடிலாபோ⁴தி ஸங்க²ங் க³ச்ச²தி ;
ஓளாரிகோ அத்தபடிலாபொ⁴த்வேவ தஸ்மிங் ஸமயே ஸங்க²ங் க³ச்ச²தி. யஸ்மிங்,
சித்த, ஸமயே மனோமயோ அத்தபடிலாபோ⁴ ஹோதி, நேவ தஸ்மிங் ஸமயே ஓளாரிகோ
அத்தபடிலாபோ⁴தி ஸங்க²ங் க³ச்ச²தி, ந அரூபோ அத்தபடிலாபோ⁴தி ஸங்க²ங்
க³ச்ச²தி; மனோமயோ அத்தபடிலாபொ⁴த்வேவ தஸ்மிங் ஸமயே ஸங்க²ங் க³ச்ச²தி.
யஸ்மிங், சித்த, ஸமயே அரூபோ அத்தபடிலாபோ⁴ ஹோதி, நேவ தஸ்மிங் ஸமயே ஓளாரிகோ
அத்தபடிலாபோ⁴தி ஸங்க²ங் க³ச்ச²தி, ந மனோமயோ அத்தபடிலாபோ⁴தி ஸங்க²ங்
க³ச்ச²தி; அரூபோ அத்தபடிலாபொ⁴த்வேவ தஸ்மிங் ஸமயே ஸங்க²ங் க³ச்ச²தி.

438. ‘‘ஸசே
தங், சித்த, ஏவங் புச்செ²ய்யுங் – ‘அஹோஸி த்வங் அதீதமத்³தா⁴னங், ந த்வங்
நாஹோஸி; ப⁴விஸ்ஸஸி த்வங் அனாக³தமத்³தா⁴னங், ந த்வங் ந ப⁴விஸ்ஸஸி; அத்தி²
த்வங் ஏதரஹி, ந த்வங் நத்தீ²’தி, ஏவங் புட்டோ² த்வங், சித்த, கிந்தி ப்³யாகரெய்யாஸீ’’தி?

‘‘ஸசே மங், ப⁴ந்தே, ஏவங் புச்செ²ய்யுங் – ‘அஹோஸி த்வங்
அதீதமத்³தா⁴னங், ந த்வங் ந அஹோஸி; ப⁴விஸ்ஸஸி த்வங் அனாக³தமத்³தா⁴னங், ந
த்வங் ந ப⁴விஸ்ஸஸி; அத்தி² த்வங் ஏதரஹி, ந த்வங் நத்தீ²’தி. ஏவங் புட்டோ²
அஹங், ப⁴ந்தே, ஏவங் ப்³யாகரெய்யங் – ‘அஹோஸாஹங் அதீதமத்³தா⁴னங், நாஹங் ந
அஹோஸிங்; ப⁴விஸ்ஸாமஹங் அனாக³தமத்³தா⁴னங், நாஹங் ந ப⁴விஸ்ஸாமி; அத்தா²ஹங்
ஏதரஹி, நாஹங் நத்தீ²’தி. ஏவங் புட்டோ² அஹங், ப⁴ந்தே, ஏவங்
ப்³யாகரெய்ய’’ந்தி.

‘‘ஸசே பன தங், சித்த, ஏவங் புச்செ²ய்யுங் – ‘யோ தே அஹோஸி அதீதோ அத்தபடிலாபோ⁴, ஸோவ [ஸ்வேவ (ஸீ॰ பீ॰), ஸோயேவ (ஸ்யா॰)] தே அத்தபடிலாபோ⁴ ஸச்சோ, மோகோ⁴ அனாக³தோ, மோகோ⁴ பச்சுப்பன்னோ? யோ [யோ வா (பீ॰)] தே ப⁴விஸ்ஸதி அனாக³தோ அத்தபடிலாபோ⁴, ஸோவ தே அத்தபடிலாபோ⁴ ஸச்சோ, மோகோ⁴ அதீதோ, மோகோ⁴ பச்சுப்பன்னோ? யோ [யோ வா (பீ॰)] தே ஏதரஹி பச்சுப்பன்னோ அத்தபடிலாபோ⁴, ஸோவ [ஸோ ச (க॰)] தே அத்தபடிலாபோ⁴ ஸச்சோ, மோகோ⁴ அதீதோ, மோகோ⁴ அனாக³தோ’தி. ஏவங் புட்டோ² த்வங், சித்த, கிந்தி ப்³யாகரெய்யாஸீ’’தி?

‘‘ஸசே பன மங், ப⁴ந்தே, ஏவங் புச்செ²ய்யுங் – ‘யோ தே அஹோஸி
அதீதோ அத்தபடிலாபோ⁴, ஸோவ தே அத்தபடிலாபோ⁴ ஸச்சோ, மோகோ⁴ அனாக³தோ, மோகோ⁴
பச்சுப்பன்னோ. யோ தே ப⁴விஸ்ஸதி அனாக³தோ அத்தபடிலாபோ⁴, ஸோவ தே அத்தபடிலாபோ⁴
ஸச்சோ, மோகோ⁴ அதீதோ, மோகோ⁴ பச்சுப்பன்னோ. யோ தே ஏதரஹி பச்சுப்பன்னோ
அத்தபடிலாபோ⁴, ஸோவ தே அத்தபடிலாபோ⁴ ஸச்சோ, மோகோ⁴ அதீதோ, மோகோ⁴ அனாக³தோ’தி.
ஏவங் புட்டோ² அஹங், ப⁴ந்தே, ஏவங் ப்³யாகரெய்யங் – ‘யோ மே அஹோஸி அதீதோ
அத்தபடிலாபோ⁴, ஸோவ மே அத்தபடிலாபோ⁴ தஸ்மிங் ஸமயே ஸச்சோ அஹோஸி, மோகோ⁴
அனாக³தோ, மோகோ⁴ பச்சுப்பன்னோ. யோ மே ப⁴விஸ்ஸதி அனாக³தோ அத்தபடிலாபோ⁴, ஸோவ
மே அத்தபடிலாபோ⁴ தஸ்மிங் ஸமயே ஸச்சோ ப⁴விஸ்ஸதி, மோகோ⁴ அதீதோ, மோகோ⁴
பச்சுப்பன்னோ. யோ மே ஏதரஹி பச்சுப்பன்னோ அத்தபடிலாபோ⁴, ஸோவ மே அத்தபடிலாபோ⁴
ஸச்சோ, மோகோ⁴ அதீதோ, மோகோ⁴ அனாக³தோ’தி. ஏவங் புட்டோ² அஹங், ப⁴ந்தே, ஏவங்
ப்³யாகரெய்ய’’ந்தி.

439. ‘‘ஏவமேவ
கோ², சித்த, யஸ்மிங் ஸமயே ஓளாரிகோ அத்தபடிலாபோ⁴ ஹோதி, நேவ தஸ்மிங் ஸமயே
மனோமயோ அத்தபடிலாபோ⁴தி ஸங்க²ங் க³ச்ச²தி, ந அரூபோ அத்தபடிலாபோ⁴தி ஸங்க²ங்
க³ச்ச²தி. ஓளாரிகோ அத்தபடிலாபோ⁴ த்வேவ தஸ்மிங் ஸமயே ஸங்க²ங் க³ச்ச²தி.
யஸ்மிங், சித்த, ஸமயே மனோமயோ அத்தபடிலாபோ⁴ ஹோதி…பே॰… யஸ்மிங், சித்த, ஸமயே அரூபோ அத்தபடிலாபோ⁴ ஹோதி, நேவ
தஸ்மிங் ஸமயே ஓளாரிகோ அத்தபடிலாபோ⁴தி ஸங்க²ங் க³ச்ச²தி, ந மனோமயோ
அத்தபடிலாபோ⁴தி ஸங்க²ங் க³ச்ச²தி; அரூபோ அத்தபடிலாபோ⁴ த்வேவ தஸ்மிங் ஸமயே
ஸங்க²ங் க³ச்ச²தி.

440.
‘‘ஸெய்யதா²பி, சித்த, க³வா கீ²ரங், கீ²ரம்ஹா த³தி⁴, த³தி⁴ம்ஹா நவனீதங்,
நவனீதம்ஹா ஸப்பி, ஸப்பிம்ஹா ஸப்பிமண்டோ³. யஸ்மிங் ஸமயே கீ²ரங் ஹோதி, நேவ
தஸ்மிங் ஸமயே த³தீ⁴தி ஸங்க²ங் க³ச்ச²தி, ந நவனீதந்தி ஸங்க²ங் க³ச்ச²தி, ந
ஸப்பீதி ஸங்க²ங் க³ச்ச²தி, ந ஸப்பிமண்டோ³தி ஸங்க²ங் க³ச்ச²தி; கீ²ரங் த்வேவ
தஸ்மிங் ஸமயே ஸங்க²ங் க³ச்ச²தி. யஸ்மிங் ஸமயே த³தி⁴ ஹோதி…பே॰… நவனீதங்
ஹோதி… ஸப்பி ஹோதி… ஸப்பிமண்டோ³ ஹோதி, நேவ தஸ்மிங் ஸமயே கீ²ரந்தி ஸங்க²ங்
க³ச்ச²தி, ந த³தீ⁴தி ஸங்க²ங் க³ச்ச²தி, ந நவனீதந்தி ஸங்க²ங் க³ச்ச²தி, ந
ஸப்பீதி ஸங்க²ங் க³ச்ச²தி; ஸப்பிமண்டோ³ த்வேவ தஸ்மிங் ஸமயே ஸங்க²ங்
க³ச்ச²தி. ஏவமேவ கோ², சித்த, யஸ்மிங் ஸமயே ஓளாரிகோ
அத்தபடிலாபோ⁴ ஹோதி…பே॰… யஸ்மிங், சித்த, ஸமயே மனோமயோ அத்தபடிலாபோ⁴
ஹோதி…பே॰… யஸ்மிங், சித்த, ஸமயே அரூபோ அத்தபடிலாபோ⁴ ஹோதி, நேவ தஸ்மிங் ஸமயே
ஓளாரிகோ அத்தபடிலாபோ⁴தி ஸங்க²ங் க³ச்ச²தி, ந மனோமயோ அத்தபடிலாபோ⁴தி
ஸங்க²ங் க³ச்ச²தி; அரூபோ அத்தபடிலாபோ⁴ த்வேவ தஸ்மிங் ஸமயே ஸங்க²ங்
க³ச்ச²தி. இமா கோ² சித்த, லோகஸமஞ்ஞா லோகனிருத்தியோ லோகவோஹாரா லோகபஞ்ஞத்தியோ
, யாஹி ததா²க³தோ வோஹரதி அபராமஸ’’ந்தி.

441.
ஏவங் வுத்தே, பொட்ட²பாதோ³ பரிப்³பா³ஜகோ ப⁴க³வந்தங் ஏதத³வோச –
‘‘அபி⁴க்கந்தங், ப⁴ந்தே! அபி⁴க்கந்தங், ப⁴ந்தே, ஸெய்யதா²பி, ப⁴ந்தே,
நிக்குஜ்ஜிதங் வா உக்குஜ்ஜெய்ய, படிச்ச²ன்னங் வா விவரெய்ய, மூள்ஹஸ்ஸ வா
மக்³க³ங் ஆசிக்கெ²ய்ய, அந்த⁴காரே வா தேலபஜ்ஜோதங் தா⁴ரெய்ய – ‘சக்கு²மந்தோ
ரூபானி த³க்க²ந்தீ’தி. ஏவமேவங் ப⁴க³வதா அனேகபரியாயேன த⁴ம்மோ பகாஸிதோ.
ஏஸாஹங், ப⁴ந்தே, ப⁴க³வந்தங் ஸரணங் க³ச்சா²மி த⁴ம்மஞ்ச பி⁴க்கு²ஸங்க⁴ஞ்ச.
உபாஸகங் மங் ப⁴க³வா தா⁴ரேது அஜ்ஜதக்³கே³ பாணுபேதங் ஸரணங் க³த’’ந்தி.

சித்தஹத்தி²ஸாரிபுத்தஉபஸம்பதா³

442. சித்தோ
பன ஹத்தி²ஸாரிபுத்தோ ப⁴க³வந்தங் ஏதத³வோச – ‘‘அபி⁴க்கந்தங், ப⁴ந்தே;
அபி⁴க்கந்தங், ப⁴ந்தே! ஸெய்யதா²பி, ப⁴ந்தே, நிக்குஜ்ஜிதங் வா உக்குஜ்ஜெய்ய,
படிச்ச²ன்னங் வா விவரெய்ய, மூள்ஹஸ்ஸ வா மக்³க³ங் ஆசிக்கெ²ய்ய, அந்த⁴காரே
வா தேலபஜ்ஜோதங் தா⁴ரெய்ய – ‘சக்கு²மந்தோ ரூபானி த³க்க²ந்தீ’தி. ஏவமேவங்
ப⁴க³வதா அனேகபரியாயேன த⁴ம்மோ பகாஸிதோ. ஏஸாஹங், ப⁴ந்தே, ப⁴க³வந்தங் ஸரணங் க³ச்சா²மி த⁴ம்மஞ்ச பி⁴க்கு²ஸங்க⁴ஞ்ச. லபெ⁴ய்யாஹங், ப⁴ந்தே, ப⁴க³வதோ ஸந்திகே பப்³ப³ஜ்ஜங், லபெ⁴ய்யங் உபஸம்பத³’’ந்தி.

443.
அலத்த² கோ² சித்தோ ஹத்தி²ஸாரிபுத்தோ ப⁴க³வதோ ஸந்திகே பப்³ப³ஜ்ஜங், அலத்த²
உபஸம்பத³ங். அசிரூபஸம்பன்னோ கோ² பனாயஸ்மா சித்தோ ஹத்தி²ஸாரிபுத்தோ ஏகோ
வூபகட்டோ² அப்பமத்தோ ஆதாபீ பஹிதத்தோ விஹரந்தோ ந சிரஸ்ஸேவ – யஸ்ஸத்தா²ய
குலபுத்தா ஸம்மதே³வ அகா³ரஸ்மா அனகா³ரியங்
பப்³ப³ஜந்தி, தத³னுத்தரங் – ப்³ரஹ்மசரியபரியோஸானங் தி³ட்டே²வ த⁴ம்மே ஸயங்
அபி⁴ஞ்ஞா ஸச்சி²கத்வா உபஸம்பஜ்ஜ விஹாஸி. ‘கீ²ணா ஜாதி, வுஸிதங்
ப்³ரஹ்மசரியங், கதங் கரணீயங், நாபரங் இத்த²த்தாயா’தி – அப்³ப⁴ஞ்ஞாஸி.
அஞ்ஞதரோ கோ² பனாயஸ்மா சித்தோ ஹத்தி²ஸாரிபுத்தோ அரஹதங் அஹோஸீதி.

பொட்ட²பாத³ஸுத்தங் நிட்டி²தங் நவமங்.

comments (0)