Free Online FOOD for MIND & HUNGER - DO GOOD 😊 PURIFY MIND.To live like free birds 🐦 🦢 🦅 grow fruits 🍍 🍊 🥑 🥭 🍇 🍌 🍎 🍉 🍒 🍑 🥝 vegetables 🥦 🥕 🥗 🥬 🥔 🍆 🥜 🎃 🫑 🍅🍜 🧅 🍄 🍝 🥗 🥒 🌽 🍏 🫑 🌳 🍓 🍊 🥥 🌵 🍈 🌰 🇧🇧 🫐 🍅 🍐 🫒Plants 🌱in pots 🪴 along with Meditative Mindful Swimming 🏊‍♂️ to Attain NIBBĀNA the Eternal Bliss.

Kushinara NIBBĀNA Bhumi Pagoda White Home, Puniya Bhumi Bengaluru, Prabuddha Bharat International.

Categories:

Search:

Archives:

Meta:

August 2007

M	T	W	T	F	S	S
« Jul		Sep »
	1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

08/04/07

ஸுத்தபிடக-Part-22-தமிழில் திரபிடக மூன்று தொகுப்புகள்TIPITAKA–22.9. மஹாஸதிபட்டானஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 12:43 pm

ஸுத்தபிடக-Part-22-தமிழில் திரபிடக மூன்று தொகுப்புகள்TIPITAKA--22.9. மஹாஸதிபட்டானஸுத்தங்-from FREE ONLINE eNālāndā Research and
Practice UNIVERSITY through http://sarvajan.ambedkar.org

9. மஹாஸதிபட்டானஸுத்தங்

372. ஏவங் மே
ஸுதங் – ஏகங் ஸமயங் ப⁴க³வா குரூஸு விஹரதி கம்மாஸத⁴ம்மங் நாம குரூனங்
நிக³மோ. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த்³த³ந்தே’’தி [ப⁴த³ந்தேதி (ஸீ॰ ஸ்யா॰ பீ॰)] தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

உத்³தே³ஸோ

373.
‘‘ஏகாயனோ அயங், பி⁴க்க²வே, மக்³கோ³ ஸத்தானங் விஸுத்³தி⁴யா, ஸோகபரிதே³வானங்
ஸமதிக்கமாய து³க்க²தோ³மனஸ்ஸானங் அத்த²ங்க³மாய ஞாயஸ்ஸ அதி⁴க³மாய
நிப்³பா³னஸ்ஸ ஸச்சி²கிரியாய, யதி³த³ங் சத்தாரோ ஸதிபட்டா²னா.

‘‘கதமே சத்தாரோ? இத⁴, பி⁴க்க²வே, பி⁴க்கு² காயே
காயானுபஸ்ஸீ விஹரதி ஆதாபீ ஸம்பஜானோ ஸதிமா வினெய்ய லோகே
அபி⁴ஜ்ஜா²தோ³மனஸ்ஸங், வேத³னாஸு வேத³னானுபஸ்ஸீ விஹரதி ஆதாபீ ஸம்பஜானோ ஸதிமா,
வினெய்ய லோகே அபி⁴ஜ்ஜா²தோ³மனஸ்ஸங், சித்தே சித்தானுபஸ்ஸீ விஹரதி ஆதாபீ
ஸம்பஜானோ ஸதிமா வினெய்ய லோகே அபி⁴ஜ்ஜா²தோ³மனஸ்ஸங், த⁴ம்மேஸு த⁴ம்மானுபஸ்ஸீ
விஹரதி ஆதாபீ ஸம்பஜானோ ஸதிமா வினெய்ய லோகே அபி⁴ஜ்ஜா²தோ³மனஸ்ஸங்.

உத்³தே³ஸோ நிட்டி²தோ.

காயானுபஸ்ஸனா ஆனாபானபப்³ப³ங்

374. ‘‘கத²ஞ்ச
பன, பி⁴க்க²வே, பி⁴க்கு² காயே காயானுபஸ்ஸீ விஹரதி? இத⁴, பி⁴க்க²வே,
பி⁴க்கு² அரஞ்ஞக³தோ வா ருக்க²மூலக³தோ வா ஸுஞ்ஞாகா³ரக³தோ வா நிஸீத³தி
பல்லங்கங் ஆபு⁴ஜித்வா உஜுங் காயங் பணிதா⁴ய பரிமுக²ங் ஸதிங் உபட்ட²பெத்வா.
ஸோ ஸதோவ அஸ்ஸஸதி, ஸதோவ பஸ்ஸஸதி. தீ³க⁴ங் வா
அஸ்ஸஸந்தோ ‘தீ³க⁴ங் அஸ்ஸஸாமீ’தி பஜானாதி, தீ³க⁴ங் வா பஸ்ஸஸந்தோ ‘தீ³க⁴ங்
பஸ்ஸஸாமீ’தி பஜானாதி. ரஸ்ஸங் வா அஸ்ஸஸந்தோ ‘ரஸ்ஸங் அஸ்ஸஸாமீ’தி பஜானாதி,
ரஸ்ஸங் வா பஸ்ஸஸந்தோ ‘ரஸ்ஸங் பஸ்ஸஸாமீ’தி பஜானாதி. ‘ஸப்³ப³காயபடிஸங்வேதீ³
அஸ்ஸஸிஸ்ஸாமீ’தி ஸிக்க²தி , ‘ஸப்³ப³காயபடிஸங்வேதீ³
பஸ்ஸஸிஸ்ஸாமீ’தி ஸிக்க²தி. ‘பஸ்ஸம்ப⁴யங் காயஸங்கா²ரங் அஸ்ஸஸிஸ்ஸாமீ’தி
ஸிக்க²தி, ‘பஸ்ஸம்ப⁴யங் காயஸங்கா²ரங் பஸ்ஸஸிஸ்ஸாமீ’தி ஸிக்க²தி.

‘‘ஸெய்யதா²பி, பி⁴க்க²வே, த³க்கோ² ப⁴மகாரோ வா
ப⁴மகாரந்தேவாஸீ வா தீ³க⁴ங் வா அஞ்ச²ந்தோ ‘தீ³க⁴ங் அஞ்சா²மீ’தி பஜானாதி,
ரஸ்ஸங் வா அஞ்ச²ந்தோ ‘ரஸ்ஸங் அஞ்சா²மீ’தி பஜானாதி ஏவமேவ கோ², பி⁴க்க²வே,
பி⁴க்கு² தீ³க⁴ங் வா அஸ்ஸஸந்தோ ‘தீ³க⁴ங் அஸ்ஸஸாமீ’தி பஜானாதி, தீ³க⁴ங் வா
பஸ்ஸஸந்தோ ‘தீ³க⁴ங் பஸ்ஸஸாமீ’தி பஜானாதி, ரஸ்ஸங் வா அஸ்ஸஸந்தோ ‘ரஸ்ஸங்
அஸ்ஸஸாமீ’தி பஜானாதி, ரஸ்ஸங் வா பஸ்ஸஸந்தோ ‘ரஸ்ஸங் பஸ்ஸஸாமீ’தி பஜானாதி.
‘ஸப்³ப³காயபடிஸங்வேதீ³ அஸ்ஸஸிஸ்ஸாமீ’தி ஸிக்க²தி, ‘ஸப்³ப³காயபடிஸங்வேதீ³
பஸ்ஸஸிஸ்ஸாமீ’தி ஸிக்க²தி, ‘பஸ்ஸம்ப⁴யங் காயஸங்கா²ரங் அஸ்ஸஸிஸ்ஸாமீ’தி
ஸிக்க²தி, ‘பஸ்ஸம்ப⁴யங் காயஸங்கா²ரங் பஸ்ஸஸிஸ்ஸாமீ’தி ஸிக்க²தி. இதி
அஜ்ஜ²த்தங் வா காயே காயானுபஸ்ஸீ விஹரதி, ப³ஹித்³தா⁴ வா காயே காயானுபஸ்ஸீ
விஹரதி, அஜ்ஜ²த்தப³ஹித்³தா⁴ வா காயே காயானுபஸ்ஸீ விஹரதி.
ஸமுத³யத⁴ம்மானுபஸ்ஸீ வா காயஸ்மிங் விஹரதி, வயத⁴ம்மானுபஸ்ஸீ வா காயஸ்மிங்
விஹரதி, ஸமுத³யவயத⁴ம்மானுபஸ்ஸீ வா காயஸ்மிங் விஹரதி. ‘அத்தி² காயோ’தி வா பனஸ்ஸ ஸதி பச்சுபட்டி²தா ஹோதி யாவதே³வ ஞாணமத்தாய படிஸ்ஸதிமத்தாய அனிஸ்ஸிதோ ச விஹரதி, ந ச கிஞ்சி லோகே உபாதி³யதி. ஏவம்பி கோ² [ஏவம்பி (ஸீ॰ ஸ்யா॰ பீ॰)], பி⁴க்க²வே, பி⁴க்கு² காயே காயானுபஸ்ஸீ விஹரதி.

ஆனாபானபப்³ப³ங் நிட்டி²தங்.

காயானுபஸ்ஸனா இரியாபத²பப்³ப³ங்

375. ‘‘புன
சபரங், பி⁴க்க²வே, பி⁴க்கு² க³ச்ச²ந்தோ வா ‘க³ச்சா²மீ’தி பஜானாதி, டி²தோ
வா ‘டி²தொம்ஹீ’தி பஜானாதி, நிஸின்னோ வா ‘நிஸின்னொம்ஹீ’தி பஜானாதி, ஸயானோ வா
‘ஸயானொம்ஹீ’தி பஜானாதி, யதா² யதா² வா பனஸ்ஸ காயோ பணிஹிதோ ஹோதி, ததா² ததா²
நங் பஜானாதி. இதி அஜ்ஜ²த்தங் வா காயே காயானுபஸ்ஸீ விஹரதி, ப³ஹித்³தா⁴ வா
காயே காயானுபஸ்ஸீ விஹரதி, அஜ்ஜ²த்தப³ஹித்³தா⁴ வா
காயே காயானுபஸ்ஸீ விஹரதி. ஸமுத³யத⁴ம்மானுபஸ்ஸீ வா காயஸ்மிங் விஹரதி,
வயத⁴ம்மானுபஸ்ஸீ வா காயஸ்மிங் விஹரதி, ஸமுத³யவயத⁴ம்மானுபஸ்ஸீ வா காயஸ்மிங்
விஹரதி. ‘அத்தி² காயோ’தி வா பனஸ்ஸ ஸதி பச்சுபட்டி²தா ஹோதி யாவதே³வ
ஞாணமத்தாய படிஸ்ஸதிமத்தாய அனிஸ்ஸிதோ ச விஹரதி, ந ச கிஞ்சி லோகே உபாதி³யதி.
ஏவம்பி கோ², பி⁴க்க²வே, பி⁴க்கு² காயே காயானுபஸ்ஸீ விஹரதி.

இரியாபத²பப்³ப³ங் நிட்டி²தங்.

காயானுபஸ்ஸனா ஸம்பஜானபப்³ப³ங்

376.
‘‘புன சபரங், பி⁴க்க²வே, பி⁴க்கு² அபி⁴க்கந்தே படிக்கந்தே ஸம்பஜானகாரீ
ஹோதி, ஆலோகிதே விலோகிதே ஸம்பஜானகாரீ ஹோதி, ஸமிஞ்ஜிதே பஸாரிதே ஸம்பஜானகாரீ
ஹோதி, ஸங்கா⁴டிபத்தசீவரதா⁴ரணே ஸம்பஜானகாரீ ஹோதி,
அஸிதே பீதே கா²யிதே ஸாயிதே ஸம்பஜானகாரீ ஹோதி, உச்சாரபஸ்ஸாவகம்மே
ஸம்பஜானகாரீ ஹோதி, க³தே டி²தே நிஸின்னே ஸுத்தே ஜாக³ரிதே பா⁴ஸிதே
துண்ஹீபா⁴வே ஸம்பஜானகாரீ ஹோதி. இதி அஜ்ஜ²த்தங் வா…பே॰… ஏவம்பி கோ², பி⁴க்க²வே, பி⁴க்கு² காயே காயானுபஸ்ஸீ விஹரதி.

ஸம்பஜானபப்³ப³ங் நிட்டி²தங்.

காயானுபஸ்ஸனா படிகூலமனஸிகாரபப்³ப³ங்

377. ‘‘புன
சபரங், பி⁴க்க²வே, பி⁴க்கு² இமமேவ காயங் உத்³த⁴ங் பாத³தலா அதோ⁴ கேஸமத்த²கா
தசபரியந்தங் பூரங் நானப்பகாரஸ்ஸ அஸுசினோ பச்சவெக்க²தி – ‘அத்தி² இமஸ்மிங்
காயே கேஸா லோமா நகா² த³ந்தா தசோ, மங்ஸங் ந்ஹாரு அட்டி² அட்டி²மிஞ்ஜங்
வக்கங், ஹத³யங் யகனங் கிலோமகங் பிஹகங் பப்பா²ஸங், அந்தங் அந்தகு³ணங் உத³ரியங் கரீஸங் [கரீஸங் மத்த²லுங்க³ங் (க॰)], பித்தங் ஸெம்ஹங் புப்³போ³ லோஹிதங் ஸேதோ³ மேதோ³, அஸ்ஸு வஸா கே²ளோ ஸிங்கா⁴ணிகா லஸிகா முத்த’ந்தி.

‘‘ஸெய்யதா²பி, பி⁴க்க²வே, உப⁴தோமுகா² புதோளி [மூதோளீ (ஸ்யா॰), முதோலி (பீ॰)] பூரா நானாவிஹிதஸ்ஸ த⁴ஞ்ஞஸ்ஸ, ஸெய்யதி²த³ங் ஸாலீனங் வீஹீனங் முக்³கா³னங் மாஸானங் திலானங்
தண்டு³லானங். தமேனங் சக்கு²மா புரிஸோ முஞ்சித்வா பச்சவெக்கெ²ய்ய – ‘இமே
ஸாலீ, இமே வீஹீ இமே முக்³கா³ இமே மாஸா இமே திலா இமே தண்டு³லா’தி. ஏவமேவ
கோ², பி⁴க்க²வே, பி⁴க்கு² இமமேவ காயங் உத்³த⁴ங் பாத³தலா அதோ⁴ கேஸமத்த²கா
தசபரியந்தங் பூரங் நானப்பகாரஸ்ஸ அஸுசினோ பச்சவெக்க²தி – ‘அத்தி² இமஸ்மிங்
காயே கேஸா லோமா…பே॰… முத்த’ந்தி.

இதி அஜ்ஜ²த்தங் வா…பே॰… ஏவம்பி கோ², பி⁴க்க²வே, பி⁴க்கு² காயே காயானுபஸ்ஸீ விஹரதி.

படிகூலமனஸிகாரபப்³ப³ங் நிட்டி²தங்.

காயானுபஸ்ஸனா தா⁴துமனஸிகாரபப்³ப³ங்

378.
‘‘புன சபரங், பி⁴க்க²வே, பி⁴க்கு² இமமேவ காயங் யதா²டி²தங் யதா²பணிஹிதங்
தா⁴துஸோ பச்சவெக்க²தி – ‘அத்தி² இமஸ்மிங் காயே பத²வீதா⁴து ஆபோதா⁴து
தேஜோதா⁴து வாயோதா⁴தூ’தி.

‘‘ஸெய்யதா²பி , பி⁴க்க²வே, த³க்கோ² கோ³கா⁴தகோ வா கோ³கா⁴தகந்தேவாஸீ வா கா³விங் வதி⁴த்வா சதுமஹாபதே² பி³லஸோ
விப⁴ஜித்வா நிஸின்னோ அஸ்ஸ, ஏவமேவ கோ², பி⁴க்க²வே, பி⁴க்கு² இமமேவ காயங்
யதா²டி²தங் யதா²பணிஹிதங் தா⁴துஸோ பச்சவெக்க²தி – ‘அத்தி² இமஸ்மிங் காயே
பத²வீதா⁴து ஆபோதா⁴து தேஜோதா⁴து வாயோதா⁴தூ’தி.

‘‘இதி அஜ்ஜ²த்தங் வா காயே காயானுபஸ்ஸீ விஹரதி…பே॰… ஏவம்பி கோ², பி⁴க்க²வே, பி⁴க்கு² காயே காயானுபஸ்ஸீ விஹரதி.

தா⁴துமனஸிகாரபப்³ப³ங் நிட்டி²தங்.

காயானுபஸ்ஸனா நவஸிவதி²கபப்³ப³ங்

379. ‘‘புன
சபரங், பி⁴க்க²வே, பி⁴க்கு² ஸெய்யதா²பி பஸ்ஸெய்ய ஸரீரங் ஸிவதி²காய
ச²ட்³டி³தங் ஏகாஹமதங் வா த்³வீஹமதங் வா தீஹமதங் வா உத்³து⁴மாதகங் வினீலகங்
விபுப்³ப³கஜாதங். ஸோ இமமேவ காயங் உபஸங்ஹரதி – ‘அயம்பி கோ² காயோ ஏவங்த⁴ம்மோ
ஏவங்பா⁴வீ ஏவங்அனதீதோ’தி.

‘‘இதி அஜ்ஜ²த்தங் வா …பே॰… ஏவம்பி கோ², பி⁴க்க²வே, பி⁴க்கு² காயே காயானுபஸ்ஸீ விஹரதி.

‘‘புன சபரங், பி⁴க்க²வே, பி⁴க்கு² ஸெய்யதா²பி பஸ்ஸெய்ய ஸரீரங் ஸிவதி²காய ச²ட்³டி³தங் காகேஹி வா
க²ஜ்ஜமானங் குலலேஹி வா க²ஜ்ஜமானங் கி³ஜ்ஜே²ஹி வா க²ஜ்ஜமானங் கங்கேஹி வா
க²ஜ்ஜமானங் ஸுனகே²ஹி வா க²ஜ்ஜமானங் ப்³யக்³கே⁴ஹி வா க²ஜ்ஜமானங் தீ³பீஹி வா
க²ஜ்ஜமானங் ஸிங்கா³லேஹி வா [கி³ஜ்ஜே²ஹி வா க²ஜ்ஜமானங், ஸுவானேஹி வா க²ஜ்ஜமானங், ஸிகா³லேஹி வா க²ஜ்ஜமானங், (ஸ்யா॰ பீ॰)] க²ஜ்ஜமானங் விவிதே⁴ஹி வா பாணகஜாதேஹி க²ஜ்ஜமானங். ஸோ இமமேவ காயங் உபஸங்ஹரதி – ‘அயம்பி கோ² காயோ ஏவங்த⁴ம்மோ ஏவங்பா⁴வீ ஏவங்அனதீதோ’தி.

‘‘இதி அஜ்ஜ²த்தங் வா…பே॰… ஏவம்பி கோ², பி⁴க்க²வே, பி⁴க்கு² காயே காயானுபஸ்ஸீ விஹரதி.

‘‘புன சபரங், பி⁴க்க²வே, பி⁴க்கு² ஸெய்யதா²பி பஸ்ஸெய்ய
ஸரீரங் ஸிவதி²காய ச²ட்³டி³தங் அட்டி²கஸங்க²லிகங் ஸமங்ஸலோஹிதங்
ந்ஹாருஸம்ப³ந்த⁴ங்…பே॰… அட்டி²கஸங்க²லிகங் நிமங்ஸலோஹிதமக்கி²தங்
ந்ஹாருஸம்ப³ந்த⁴ங்…பே॰… அட்டி²கஸங்க²லிகங் அபக³தமங்ஸலோஹிதங்
ந்ஹாருஸம்ப³ந்த⁴ங்…பே॰… அட்டி²கானி அபக³தஸம்ப³ந்தா⁴னி [அபக³தன்ஹாருஸம்ப³ந்தா⁴னி (ஸ்யா॰)] தி³ஸா விதி³ஸா விக்கி²த்தானி, அஞ்ஞேன ஹத்த²ட்டி²கங் அஞ்ஞேன பாத³ட்டி²கங் அஞ்ஞேன கொ³ப்ப²கட்டி²கங் [‘‘அஞ்ஞேன கொ³ப்ப²கட்டி²க’’ந்தி இத³ங் ஸீ॰ ஸ்யா॰ பீ॰ பொத்த²கேஸு நத்தி²] அஞ்ஞேன ஜங்க⁴ட்டி²கங் அஞ்ஞேன ஊருட்டி²கங் அஞ்ஞேன கடிட்டி²கங் [அஞ்ஞேன
கடட்டி²கங் அஞ்ஞேன பிட்ட²ட்டி²கங் அஞ்ஞேன கண்ட³கட்டி²கங் அஞ்ஞேன
பா²ஸுகட்டி²கங் அஞ்ஞேன உரட்டி²கங் அஞ்ஞேன அங்ஸட்டி²கங் அஞ்ஞேன
பா³ஹுட்டி²கங் (ஸ்யா॰)] அஞ்ஞேன பா²ஸுகட்டி²கங் அஞ்ஞேன பிட்டி²ட்டி²கங் அஞ்ஞேன க²ந்த⁴ட்டி²கங் [அஞ்ஞேன
கடட்டி²கங் அஞ்ஞேன பிட்ட²ட்டி²கங் அஞ்ஞேன கண்ட³கட்டி²கங் அஞ்ஞேன
பா²ஸுகட்டி²கங் அஞ்ஞேன உரட்டி²கங் அஞ்ஞேன அங்ஸட்டி²கங் அஞ்ஞேன
பா³ஹுட்டி²கங் (ஸ்யா॰)] அஞ்ஞேன கீ³வட்டி²கங் அஞ்ஞேன ஹனுகட்டி²கங்
அஞ்ஞேன த³ந்தட்டி²கங் அஞ்ஞேன ஸீஸகடாஹங். ஸோ இமமேவ காயங் உபஸங்ஹரதி –
‘அயம்பி கோ² காயோ ஏவங்த⁴ம்மோ ஏவங்பா⁴வீ ஏவங்அனதீதோ’தி.

‘‘இதி அஜ்ஜ²த்தங் வா …பே॰… விஹரதி.

‘‘புன சபரங், பி⁴க்க²வே,
பி⁴க்கு² ஸெய்யதா²பி பஸ்ஸெய்ய ஸரீரங் ஸிவதி²காய ச²ட்³டி³தங் அட்டி²கானி
ஸேதானி ஸங்க²வண்ணபடிபா⁴கா³னி…பே॰… அட்டி²கானி புஞ்ஜகிதானி தேரோவஸ்ஸிகானி
…பே॰… அட்டி²கானி பூதீனி சுண்ணகஜாதானி. ஸோ இமமேவ காயங் உபஸங்ஹரதி –
‘அயம்பி கோ² காயோ ஏவங்த⁴ம்மோ ஏவங்பா⁴வீ ஏவங்அனதீதோ’தி. இதி அஜ்ஜ²த்தங் வா
காயே காயானுபஸ்ஸீ விஹரதி, ப³ஹித்³தா⁴ வா காயே காயானுபஸ்ஸீ விஹரதி,
அஜ்ஜ²த்தப³ஹித்³தா⁴ வா காயே காயானுபஸ்ஸீ விஹரதி.
ஸமுத³யத⁴ம்மானுபஸ்ஸீ வா காயஸ்மிங் விஹரதி, வயத⁴ம்மானுபஸ்ஸீ வா காயஸ்மிங்
விஹரதி, ஸமுத³யவயத⁴ம்மானுபஸ்ஸீ வா காயஸ்மிங் விஹரதி. ‘அத்தி² காயோ’தி வா
பனஸ்ஸ ஸதி பச்சுபட்டி²தா ஹோதி யாவதே³வ ஞாணமத்தாய படிஸ்ஸதிமத்தாய அனிஸ்ஸிதோ ச
விஹரதி, ந ச கிஞ்சி லோகே உபாதி³யதி. ஏவம்பி கோ², பி⁴க்க²வே, பி⁴க்கு² காயே
காயானுபஸ்ஸீ விஹரதி.

நவஸிவதி²கபப்³ப³ங் நிட்டி²தங்.

சுத்³த³ஸ காயானுபஸ்ஸனா நிட்டி²தா.

வேத³னானுபஸ்ஸனா

380.
‘‘கத²ஞ்ச பன, பி⁴க்க²வே, பி⁴க்கு² வேத³னாஸு வேத³னானுபஸ்ஸீ விஹரதி? இத⁴,
பி⁴க்க²வே, பி⁴க்கு² ஸுக²ங் வா வேத³னங் வேத³யமானோ ‘ஸுக²ங் வேத³னங்
வேத³யாமீ’தி பஜானாதி . து³க்க²ங் வா வேத³னங்
வேத³யமானோ ‘து³க்க²ங் வேத³னங் வேத³யாமீ’தி பஜானாதி. அது³க்க²மஸுக²ங் வா
வேத³னங் வேத³யமானோ ‘அது³க்க²மஸுக²ங் வேத³னங் வேத³யாமீ’தி பஜானாதி. ஸாமிஸங்
வா ஸுக²ங் வேத³னங் வேத³யமானோ ‘ஸாமிஸங் ஸுக²ங் வேத³னங் வேத³யாமீ’தி பஜானாதி,
நிராமிஸங் வா ஸுக²ங் வேத³னங் வேத³யமானோ ‘நிராமிஸங் ஸுக²ங் வேத³னங்
வேத³யாமீ’தி பஜானாதி. ஸாமிஸங் வா து³க்க²ங் வேத³னங் வேத³யமானோ ‘ஸாமிஸங்
து³க்க²ங் வேத³னங் வேத³யாமீ’தி பஜானாதி, நிராமிஸங் வா து³க்க²ங் வேத³னங்
வேத³யமானோ ‘நிராமிஸங் து³க்க²ங் வேத³னங் வேத³யாமீ’தி பஜானாதி. ஸாமிஸங் வா
அது³க்க²மஸுக²ங் வேத³னங் வேத³யமானோ ‘ஸாமிஸங் அது³க்க²மஸுக²ங் வேத³னங்
வேத³யாமீ’தி பஜானாதி, நிராமிஸங் வா அது³க்க²மஸுக²ங் வேத³னங் வேத³யமானோ
‘நிராமிஸங் அது³க்க²மஸுக²ங் வேத³னங் வேத³யாமீ’தி பஜானாதி. இதி அஜ்ஜ²த்தங்
வா வேத³னாஸு வேத³னானுபஸ்ஸீ விஹரதி, ப³ஹித்³தா⁴ வா வேத³னாஸு
வேத³னானுபஸ்ஸீ விஹரதி, அஜ்ஜ²த்தப³ஹித்³தா⁴ வா வேத³னாஸு வேத³னானுபஸ்ஸீ
விஹரதி. ஸமுத³யத⁴ம்மானுபஸ்ஸீ வா வேத³னாஸு விஹரதி, வயத⁴ம்மானுபஸ்ஸீ வா வேத³னாஸு விஹரதி, ஸமுத³யவயத⁴ம்மானுபஸ்ஸீ வா வேத³னாஸு விஹரதி. ‘அத்தி² வேத³னா’தி வா பனஸ்ஸ ஸதி பச்சுபட்டி²தா ஹோதி
யாவதே³வ ஞாணமத்தாய படிஸ்ஸதிமத்தாய அனிஸ்ஸிதோ ச விஹரதி, ந ச கிஞ்சி லோகே
உபாதி³யதி. ஏவம்பி கோ², பி⁴க்க²வே, பி⁴க்கு² வேத³னாஸு வேத³னானுபஸ்ஸீ
விஹரதி.

வேத³னானுபஸ்ஸனா நிட்டி²தா.

சித்தானுபஸ்ஸனா

381. ‘‘கத²ஞ்ச
பன, பி⁴க்க²வே, பி⁴க்கு² சித்தே சித்தானுபஸ்ஸீ விஹரதி? இத⁴, பி⁴க்க²வே,
பி⁴க்கு² ஸராக³ங் வா சித்தங் ‘ஸராக³ங் சித்த’ந்தி பஜானாதி, வீதராக³ங் வா
சித்தங் ‘வீதராக³ங் சித்த’ந்தி பஜானாதி. ஸதோ³ஸங் வா சித்தங் ‘ஸதோ³ஸங்
சித்த’ந்தி பஜானாதி, வீததோ³ஸங் வா சித்தங் ‘வீததோ³ஸங் சித்த’ந்தி பஜானாதி.
ஸமோஹங் வா சித்தங் ‘ஸமோஹங் சித்த’ந்தி பஜானாதி, வீதமோஹங் வா சித்தங்
‘வீதமோஹங் சித்த’ந்தி பஜானாதி. ஸங்கி²த்தங் வா சித்தங் ‘ஸங்கி²த்தங்
சித்த’ந்தி பஜானாதி, விக்கி²த்தங் வா சித்தங் ‘விக்கி²த்தங் சித்த’ந்தி
பஜானாதி. மஹக்³க³தங் வா சித்தங் ‘மஹக்³க³தங் சித்த’ந்தி பஜானாதி,
அமஹக்³க³தங் வா சித்தங் ‘அமஹக்³க³தங் சித்த’ந்தி பஜானாதி. ஸஉத்தரங் வா
சித்தங் ‘ஸஉத்தரங் சித்த’ந்தி பஜானாதி, அனுத்தரங் வா சித்தங் ‘அனுத்தரங்
சித்த’ந்தி பஜானாதி. ஸமாஹிதங் வா சித்தங் ‘ஸமாஹிதங் சித்த’ந்தி பஜானாதி,
அஸமாஹிதங் வா சித்தங் ‘அஸமாஹிதங் சித்த’ந்தி பஜானாதி. விமுத்தங் வா சித்தங்
‘விமுத்தங் சித்த’ந்தி பஜானாதி. அவிமுத்தங் வா சித்தங் ‘அவிமுத்தங்
சித்த’ந்தி பஜானாதி. இதி அஜ்ஜ²த்தங் வா சித்தே சித்தானுபஸ்ஸீ விஹரதி,
ப³ஹித்³தா⁴ வா சித்தே சித்தானுபஸ்ஸீ விஹரதி, அஜ்ஜ²த்தப³ஹித்³தா⁴ வா சித்தே
சித்தானுபஸ்ஸீ விஹரதி. ஸமுத³யத⁴ம்மானுபஸ்ஸீ வா சித்தஸ்மிங் விஹரதி,
வயத⁴ம்மானுபஸ்ஸீ வா சித்தஸ்மிங் விஹரதி, ஸமுத³யவயத⁴ம்மானுபஸ்ஸீ வா
சித்தஸ்மிங் விஹரதி, ‘அத்தி² சித்த’ந்தி வா பனஸ்ஸ ஸதி பச்சுபட்டி²தா ஹோதி யாவதே³வ ஞாணமத்தாய படிஸ்ஸதிமத்தாய அனிஸ்ஸிதோ ச விஹரதி, ந ச கிஞ்சி லோகே உபாதி³யதி . ஏவம்பி கோ², பி⁴க்க²வே, பி⁴க்கு² சித்தே சித்தானுபஸ்ஸீ விஹரதி.

சித்தானுபஸ்ஸனா நிட்டி²தா.

த⁴ம்மானுபஸ்ஸனா நீவரணபப்³ப³ங்

382. ‘‘கத²ஞ்ச
பன, பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ விஹரதி? இத⁴, பி⁴க்க²வே,
பி⁴க்கு² த⁴ம்மேஸு த⁴ம்மானுபஸ்ஸீ விஹரதி பஞ்சஸு நீவரணேஸு. கத²ஞ்ச பன,
பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ விஹரதி பஞ்சஸு நீவரணேஸு?

‘‘இத⁴, பி⁴க்க²வே, பி⁴க்கு² ஸந்தங் வா அஜ்ஜ²த்தங்
காமச்ச²ந்த³ங் ‘அத்தி² மே அஜ்ஜ²த்தங் காமச்ச²ந்தோ³’தி பஜானாதி, அஸந்தங் வா
அஜ்ஜ²த்தங் காமச்ச²ந்த³ங் ‘நத்தி² மே அஜ்ஜ²த்தங் காமச்ச²ந்தோ³’தி பஜானாதி,
யதா² ச அனுப்பன்னஸ்ஸ காமச்ச²ந்த³ஸ்ஸ உப்பாதோ³ ஹோதி தஞ்ச பஜானாதி, யதா² ச
உப்பன்னஸ்ஸ காமச்ச²ந்த³ஸ்ஸ பஹானங் ஹோதி தஞ்ச பஜானாதி, யதா² ச பஹீனஸ்ஸ
காமச்ச²ந்த³ஸ்ஸ ஆயதிங் அனுப்பாதோ³ ஹோதி தஞ்ச பஜானாதி.

‘‘ஸந்தங் வா அஜ்ஜ²த்தங் ப்³யாபாத³ங் ‘அத்தி² மே
அஜ்ஜ²த்தங் ப்³யாபாதோ³’தி பஜானாதி, அஸந்தங் வா அஜ்ஜ²த்தங் ப்³யாபாத³ங்
‘நத்தி² மே அஜ்ஜ²த்தங் ப்³யாபாதோ³’தி பஜானாதி, யதா² ச அனுப்பன்னஸ்ஸ
ப்³யாபாத³ஸ்ஸ உப்பாதோ³ ஹோதி தஞ்ச பஜானாதி, யதா² ச உப்பன்னஸ்ஸ ப்³யாபாத³ஸ்ஸ
பஹானங் ஹோதி தஞ்ச பஜானாதி, யதா² ச பஹீனஸ்ஸ ப்³யாபாத³ஸ்ஸ ஆயதிங் அனுப்பாதோ³
ஹோதி தஞ்ச பஜானாதி.

‘‘ஸந்தங் வா அஜ்ஜ²த்தங் தி²னமித்³த⁴ங் ‘அத்தி² மே
அஜ்ஜ²த்தங் தி²னமித்³த⁴’ந்தி பஜானாதி, அஸந்தங் வா அஜ்ஜ²த்தங் தி²னமித்³த⁴ங்
‘நத்தி² மே அஜ்ஜ²த்தங் தி²னமித்³த⁴’ந்தி பஜானாதி, யதா² ச அனுப்பன்னஸ்ஸ
தி²னமித்³த⁴ஸ்ஸ உப்பாதோ³ ஹோதி தஞ்ச பஜானாதி, யதா² ச உப்பன்னஸ்ஸ
தி²னமித்³த⁴ஸ்ஸ பஹானங் ஹோதி தஞ்ச பஜானாதி, யதா² ச பஹீனஸ்ஸ தி²னமித்³த⁴ஸ்ஸ ஆயதிங் அனுப்பாதோ³ ஹோதி தஞ்ச பஜானாதி.

‘‘ஸந்தங் வா அஜ்ஜ²த்தங் உத்³த⁴ச்சகுக்குச்சங் ‘அத்தி² மே அஜ்ஜ²த்தங்
உத்³த⁴ச்சகுக்குச்ச’ந்தி பஜானாதி, அஸந்தங் வா அஜ்ஜ²த்தங்
உத்³த⁴ச்சகுக்குச்சங் ‘நத்தி² மே அஜ்ஜ²த்தங் உத்³த⁴ச்சகுக்குச்ச’ந்தி
பஜானாதி, யதா² ச அனுப்பன்னஸ்ஸ உத்³த⁴ச்சகுக்குச்சஸ்ஸ உப்பாதோ³ ஹோதி தஞ்ச
பஜானாதி, யதா² ச உப்பன்னஸ்ஸ உத்³த⁴ச்சகுக்குச்சஸ்ஸ பஹானங் ஹோதி தஞ்ச
பஜானாதி, யதா² ச பஹீனஸ்ஸ உத்³த⁴ச்சகுக்குச்சஸ்ஸ ஆயதிங் அனுப்பாதோ³ ஹோதி
தஞ்ச பஜானாதி.

‘‘ஸந்தங் வா அஜ்ஜ²த்தங்
விசிகிச்ச²ங் ‘அத்தி² மே அஜ்ஜ²த்தங் விசிகிச்சா²’தி பஜானாதி, அஸந்தங் வா
அஜ்ஜ²த்தங் விசிகிச்ச²ங் ‘நத்தி² மே அஜ்ஜ²த்தங் விசிகிச்சா²’தி பஜானாதி,
யதா² ச அனுப்பன்னாய விசிகிச்சா²ய உப்பாதோ³ ஹோதி தஞ்ச பஜானாதி, யதா² ச உப்பன்னாய விசிகிச்சா²ய பஹானங் ஹோதி தஞ்ச பஜானாதி, யதா² ச பஹீனாய விசிகிச்சா²ய ஆயதிங் அனுப்பாதோ³ ஹோதி தஞ்ச பஜானாதி.

‘‘இதி அஜ்ஜ²த்தங் வா த⁴ம்மேஸு த⁴ம்மானுபஸ்ஸீ விஹரதி,
ப³ஹித்³தா⁴ வா த⁴ம்மேஸு த⁴ம்மானுபஸ்ஸீ விஹரதி, அஜ்ஜ²த்தப³ஹித்³தா⁴ வா
த⁴ம்மேஸு த⁴ம்மானுபஸ்ஸீ விஹரதி ஸமுத³யத⁴ம்மானுபஸ்ஸீ வா த⁴ம்மேஸு விஹரதி,
வயத⁴ம்மானுபஸ்ஸீ வா த⁴ம்மேஸு விஹரதி, ஸமுத³யவயத⁴ம்மானுபஸ்ஸீ வா த⁴ம்மேஸு
விஹரதி ‘அத்தி² த⁴ம்மா’தி வா பனஸ்ஸ ஸதி பச்சுபட்டி²தா ஹோதி யாவதே³வ
ஞாணமத்தாய படிஸ்ஸதிமத்தாய அனிஸ்ஸிதோ ச விஹரதி, ந ச கிஞ்சி லோகே உபாதி³யதி. ஏவம்பி கோ², பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ விஹரதி பஞ்சஸு நீவரணேஸு.

நீவரணபப்³ப³ங் நிட்டி²தங்.

த⁴ம்மானுபஸ்ஸனா க²ந்த⁴பப்³ப³ங்

383.
‘‘புன சபரங், பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ விஹரதி பஞ்சஸு
உபாதா³னக்க²ந்தே⁴ஸு. கத²ஞ்ச பன, பி⁴க்க²வே, பி⁴க்கு² த⁴ம்மேஸு
த⁴ம்மானுபஸ்ஸீ விஹரதி பஞ்சஸு உபாதா³னக்க²ந்தே⁴ஸு? இத⁴, பி⁴க்க²வே, பி⁴க்கு²
– ‘இதி ரூபங், இதி ரூபஸ்ஸ ஸமுத³யோ, இதி ரூபஸ்ஸ அத்த²ங்க³மோ; இதி வேத³னா,
இதி வேத³னாய ஸமுத³யோ, இதி வேத³னாய அத்த²ங்க³மோ; இதி ஸஞ்ஞா, இதி ஸஞ்ஞாய
ஸமுத³யோ, இதி ஸஞ்ஞாய அத்த²ங்க³மோ; இதி ஸங்கா²ரா, இதி
ஸங்கா²ரானங் ஸமுத³யோ, இதி ஸங்கா²ரானங் அத்த²ங்க³மோ, இதி விஞ்ஞாணங், இதி
விஞ்ஞாணஸ்ஸ ஸமுத³யோ, இதி விஞ்ஞாணஸ்ஸ அத்த²ங்க³மோ’தி, இதி அஜ்ஜ²த்தங் வா
த⁴ம்மேஸு த⁴ம்மானுபஸ்ஸீ விஹரதி, ப³ஹித்³தா⁴ வா த⁴ம்மேஸு த⁴ம்மானுபஸ்ஸீ
விஹரதி, அஜ்ஜ²த்தப³ஹித்³தா⁴ வா த⁴ம்மேஸு த⁴ம்மானுபஸ்ஸீ விஹரதி.
ஸமுத³யத⁴ம்மானுபஸ்ஸீ வா த⁴ம்மேஸு விஹரதி, வயத⁴ம்மானுபஸ்ஸீ வா த⁴ம்மேஸு
விஹரதி, ஸமுத³யவயத⁴ம்மானுபஸ்ஸீ வா த⁴ம்மேஸு விஹரதி. ‘அத்தி² த⁴ம்மா’தி வா
பனஸ்ஸ ஸதி பச்சுபட்டி²தா ஹோதி யாவதே³வ ஞாணமத்தாய படிஸ்ஸதிமத்தாய, அனிஸ்ஸிதோ
ச விஹரதி, ந ச கிஞ்சி லோகே உபாதி³யதி . ஏவம்பி கோ², பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ விஹரதி பஞ்சஸு உபாதா³னக்க²ந்தே⁴ஸு.

க²ந்த⁴பப்³ப³ங் நிட்டி²தங்.

த⁴ம்மானுபஸ்ஸனா ஆயதனபப்³ப³ங்

384. ‘‘புன
சபரங், பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ விஹரதி ச²ஸு
அஜ்ஜ²த்திகபா³ஹிரேஸு ஆயதனேஸு. கத²ஞ்ச பன, பி⁴க்க²வே, பி⁴க்கு² த⁴ம்மேஸு
த⁴ம்மானுபஸ்ஸீ விஹரதி ச²ஸு அஜ்ஜ²த்திகபா³ஹிரேஸு ஆயதனேஸு?

‘‘இத⁴, பி⁴க்க²வே, பி⁴க்கு² சக்கு²ஞ்ச பஜானாதி, ரூபே ச
பஜானாதி, யஞ்ச தது³ப⁴யங் படிச்ச உப்பஜ்ஜதி ஸங்யோஜனங் தஞ்ச பஜானாதி, யதா² ச
அனுப்பன்னஸ்ஸ ஸங்யோஜனஸ்ஸ உப்பாதோ³ ஹோதி தஞ்ச பஜானாதி, யதா² ச உப்பன்னஸ்ஸ
ஸங்யோஜனஸ்ஸ பஹானங் ஹோதி தஞ்ச பஜானாதி, யதா² ச பஹீனஸ்ஸ ஸங்யோஜனஸ்ஸ ஆயதிங்
அனுப்பாதோ³ ஹோதி தஞ்ச பஜானாதி.

‘‘ஸோதஞ்ச பஜானாதி, ஸத்³தே³ ச பஜானாதி, யஞ்ச தது³ப⁴யங்
படிச்ச உப்பஜ்ஜதி ஸங்யோஜனங் தஞ்ச பஜானாதி, யதா² ச அனுப்பன்னஸ்ஸ ஸங்யோஜனஸ்ஸ
உப்பாதோ³ ஹோதி தஞ்ச பஜானாதி, யதா² ச உப்பன்னஸ்ஸ ஸங்யோஜனஸ்ஸ பஹானங் ஹோதி
தஞ்ச பஜானாதி, யதா² ச பஹீனஸ்ஸ ஸங்யோஜனஸ்ஸ ஆயதிங் அனுப்பாதோ³ ஹோதி தஞ்ச
பஜானாதி.

‘‘கா⁴னஞ்ச பஜானாதி, க³ந்தே⁴ ச பஜானாதி, யஞ்ச தது³ப⁴யங்
படிச்ச உப்பஜ்ஜதி ஸங்யோஜனங் தஞ்ச பஜானாதி, யதா² ச அனுப்பன்னஸ்ஸ ஸங்யோஜனஸ்ஸ
உப்பாதோ³ ஹோதி தஞ்ச பஜானாதி, யதா² ச உப்பன்னஸ்ஸ ஸங்யோஜனஸ்ஸ பஹானங் ஹோதி
தஞ்ச பஜானாதி, யதா² ச பஹீனஸ்ஸ ஸங்யோஜனஸ்ஸ ஆயதிங் அனுப்பாதோ³ ஹோதி தஞ்ச
பஜானாதி.

‘‘ஜிவ்ஹஞ்ச பஜானாதி, ரஸே ச பஜானாதி, யஞ்ச தது³ப⁴யங்
படிச்ச உப்பஜ்ஜதி ஸங்யோஜனங் தஞ்ச பஜானாதி, யதா² ச அனுப்பன்னஸ்ஸ ஸங்யோஜனஸ்ஸ
உப்பாதோ³ ஹோதி தஞ்ச பஜானாதி , யதா² ச உப்பன்னஸ்ஸ ஸங்யோஜனஸ்ஸ பஹானங் ஹோதி தஞ்ச பஜானாதி, யதா² ச பஹீனஸ்ஸ ஸங்யோஜனஸ்ஸ ஆயதிங் அனுப்பாதோ³ ஹோதி தஞ்ச பஜானாதி.

‘‘காயஞ்ச பஜானாதி, பொ²ட்ட²ப்³பே³ ச பஜானாதி, யஞ்ச
தது³ப⁴யங் படிச்ச உப்பஜ்ஜதி ஸங்யோஜனங் தஞ்ச பஜானாதி, யதா² ச அனுப்பன்னஸ்ஸ
ஸங்யோஜனஸ்ஸ உப்பாதோ³ ஹோதி தஞ்ச பஜானாதி, யதா² ச உப்பன்னஸ்ஸ ஸங்யோஜனஸ்ஸ
பஹானங் ஹோதி தஞ்ச பஜானாதி, யதா² ச பஹீனஸ்ஸ ஸங்யோஜனஸ்ஸ ஆயதிங் அனுப்பாதோ³
ஹோதி தஞ்ச பஜானாதி.

‘‘மனஞ்ச பஜானாதி, த⁴ம்மே ச பஜானாதி, யஞ்ச தது³ப⁴யங்
படிச்ச உப்பஜ்ஜதி ஸங்யோஜனங் தஞ்ச பஜானாதி, யதா² ச அனுப்பன்னஸ்ஸ ஸங்யோஜனஸ்ஸ
உப்பாதோ³ ஹோதி தஞ்ச பஜானாதி, யதா² ச உப்பன்னஸ்ஸ ஸங்யோஜனஸ்ஸ பஹானங் ஹோதி
தஞ்ச பஜானாதி, யதா² ச பஹீனஸ்ஸ ஸங்யோஜனஸ்ஸ ஆயதிங் அனுப்பாதோ³ ஹோதி தஞ்ச
பஜானாதி.

‘‘இதி அஜ்ஜ²த்தங் வா த⁴ம்மேஸு த⁴ம்மானுபஸ்ஸீ விஹரதி,
ப³ஹித்³தா⁴ வா த⁴ம்மேஸு த⁴ம்மானுபஸ்ஸீ விஹரதி, அஜ்ஜ²த்தப³ஹித்³தா⁴ வா
த⁴ம்மேஸு த⁴ம்மானுபஸ்ஸீ விஹரதி. ஸமுத³யத⁴ம்மானுபஸ்ஸீ வா த⁴ம்மேஸு விஹரதி,
வயத⁴ம்மானுபஸ்ஸீ வா த⁴ம்மேஸு விஹரதி, ஸமுத³யவயத⁴ம்மானுபஸ்ஸீ வா த⁴ம்மேஸு
விஹரதி. ‘அத்தி² த⁴ம்மா’தி வா பனஸ்ஸ ஸதி
பச்சுபட்டி²தா ஹோதி யாவதே³வ ஞாணமத்தாய படிஸ்ஸதிமத்தாய, அனிஸ்ஸிதோ ச விஹரதி,
ந ச கிஞ்சி லோகே உபாதி³யதி. ஏவம்பி கோ², பி⁴க்க²வே, பி⁴க்கு² த⁴ம்மேஸு
த⁴ம்மானுபஸ்ஸீ விஹரதி ச²ஸு அஜ்ஜ²த்திகபா³ஹிரேஸு ஆயதனேஸு.

ஆயதனபப்³ப³ங் நிட்டி²தங்.

த⁴ம்மானுபஸ்ஸனா பொ³ஜ்ஜ²ங்க³பப்³ப³ங்

385.
‘‘புன சபரங், பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ விஹரதி ஸத்தஸு
பொ³ஜ்ஜ²ங்கே³ஸு. கத²ஞ்ச பன, பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ
விஹரதி ஸத்தஸு பொ³ஜ்ஜ²ங்கே³ஸு? இத⁴, பி⁴க்க²வே, பி⁴க்கு² ஸந்தங் வா
அஜ்ஜ²த்தங் ஸதிஸம்பொ³ஜ்ஜ²ங்க³ங் ‘அத்தி² மே அஜ்ஜ²த்தங்
ஸதிஸம்பொ³ஜ்ஜ²ங்கோ³’தி பஜானாதி, அஸந்தங் வா அஜ்ஜ²த்தங் ஸதிஸம்பொ³ஜ்ஜ²ங்க³ங்
‘நத்தி² மே அஜ்ஜ²த்தங் ஸதிஸம்பொ³ஜ்ஜ²ங்கோ³’தி
பஜானாதி, யதா² ச அனுப்பன்னஸ்ஸ ஸதிஸம்பொ³ஜ்ஜ²ங்க³ஸ்ஸ உப்பாதோ³ ஹோதி தஞ்ச
பஜானாதி, யதா² ச உப்பன்னஸ்ஸ ஸதிஸம்பொ³ஜ்ஜ²ங்க³ஸ்ஸ பா⁴வனாய பாரிபூரீ ஹோதி
தஞ்ச பஜானாதி.

‘‘ஸந்தங் வா அஜ்ஜ²த்தங் த⁴ம்மவிசயஸம்பொ³ஜ்ஜ²ங்க³ங்
‘அத்தி² மே அஜ்ஜ²த்தங் த⁴ம்மவிசயஸம்பொ³ஜ்ஜ²ங்கோ³’தி பஜானாதி, அஸந்தங் வா
அஜ்ஜ²த்தங் த⁴ம்மவிசயஸம்பொ³ஜ்ஜ²ங்க³ங் ‘நத்தி² மே அஜ்ஜ²த்தங்
த⁴ம்மவிசயஸம்பொ³ஜ்ஜ²ங்கோ³’தி பஜானாதி, யதா² ச அனுப்பன்னஸ்ஸ
த⁴ம்மவிசயஸம்பொ³ஜ்ஜ²ங்க³ஸ்ஸ உப்பாதோ³ ஹோதி தஞ்ச பஜானாதி, யதா² ச உப்பன்னஸ்ஸ
த⁴ம்மவிசயஸம்பொ³ஜ்ஜ²ங்க³ஸ்ஸ பா⁴வனாய பாரிபூரீ ஹோதி தஞ்ச பஜானாதி.

‘‘ஸந்தங் வா அஜ்ஜ²த்தங் வீரியஸம்பொ³ஜ்ஜ²ங்க³ங் ‘அத்தி²
மே அஜ்ஜ²த்தங் வீரியஸம்பொ³ஜ்ஜ²ங்கோ³’தி பஜானாதி, அஸந்தங் வா அஜ்ஜ²த்தங்
வீரியஸம்பொ³ஜ்ஜ²ங்க³ங் ‘நத்தி² மே அஜ்ஜ²த்தங் வீரியஸம்பொ³ஜ்ஜ²ங்கோ³’தி
பஜானாதி, யதா² ச அனுப்பன்னஸ்ஸ வீரியஸம்பொ³ஜ்ஜ²ங்க³ஸ்ஸ உப்பாதோ³ ஹோதி தஞ்ச
பஜானாதி, யதா² ச உப்பன்னஸ்ஸ வீரியஸம்பொ³ஜ்ஜ²ங்க³ஸ்ஸ பா⁴வனாய பாரிபூரீ ஹோதி
தஞ்ச பஜானாதி.

‘‘ஸந்தங் வா அஜ்ஜ²த்தங் பீதிஸம்பொ³ஜ்ஜ²ங்க³ங் ‘அத்தி²
மே அஜ்ஜ²த்தங் பீதிஸம்பொ³ஜ்ஜ²ங்கோ³’தி பஜானாதி, அஸந்தங் வா அஜ்ஜ²த்தங்
பீதிஸம்பொ³ஜ்ஜ²ங்க³ங் ‘நத்தி² மே அஜ்ஜ²த்தங் பீதிஸம்பொ³ஜ்ஜ²ங்கோ³’தி
பஜானாதி, யதா² ச அனுப்பன்னஸ்ஸ பீதிஸம்பொ³ஜ்ஜ²ங்க³ஸ்ஸ உப்பாதோ³ ஹோதி தஞ்ச
பஜானாதி, யதா² ச உப்பன்னஸ்ஸ பீதிஸம்பொ³ஜ்ஜ²ங்க³ஸ்ஸ பா⁴வனாய பாரிபூரீ ஹோதி
தஞ்ச பஜானாதி.

‘‘ஸந்தங் வா அஜ்ஜ²த்தங்
பஸ்ஸத்³தி⁴ஸம்பொ³ஜ்ஜ²ங்க³ங் ‘அத்தி² மே அஜ்ஜ²த்தங்
பஸ்ஸத்³தி⁴ஸம்பொ³ஜ்ஜ²ங்கோ³’தி பஜானாதி, அஸந்தங் வா அஜ்ஜ²த்தங்
பஸ்ஸத்³தி⁴ஸம்பொ³ஜ்ஜ²ங்க³ங் ‘நத்தி² மே அஜ்ஜ²த்தங்
பஸ்ஸத்³தி⁴ஸம்பொ³ஜ்ஜ²ங்கோ³’தி பஜானாதி, யதா² ச அனுப்பன்னஸ்ஸ
பஸ்ஸத்³தி⁴ஸம்பொ³ஜ்ஜ²ங்க³ஸ்ஸ உப்பாதோ³ ஹோதி தஞ்ச பஜானாதி, யதா² ச
உப்பன்னஸ்ஸ பஸ்ஸத்³தி⁴ஸம்பொ³ஜ்ஜ²ங்க³ஸ்ஸ பா⁴வனாய பாரிபூரீ ஹோதி தஞ்ச
பஜானாதி.

‘‘ஸந்தங் வா அஜ்ஜ²த்தங் ஸமாதி⁴ஸம்பொ³ஜ்ஜ²ங்க³ங்
‘அத்தி² மே அஜ்ஜ²த்தங் ஸமாதி⁴ஸம்பொ³ஜ்ஜ²ங்கோ³’தி பஜானாதி, அஸந்தங் வா
அஜ்ஜ²த்தங் ஸமாதி⁴ஸம்பொ³ஜ்ஜ²ங்க³ங் ‘நத்தி² மே அஜ்ஜ²த்தங்
ஸமாதி⁴ஸம்பொ³ஜ்ஜ²ங்கோ³’தி பஜானாதி, யதா² ச அனுப்பன்னஸ்ஸ
ஸமாதி⁴ஸம்பொ³ஜ்ஜ²ங்க³ஸ்ஸ உப்பாதோ³ ஹோதி தஞ்ச பஜானாதி, யதா² ச உப்பன்னஸ்ஸ
ஸமாதி⁴ஸம்பொ³ஜ்ஜ²ங்க³ஸ்ஸ பா⁴வனாய பாரிபூரீ ஹோதி தஞ்ச பஜானாதி.

‘‘ஸந்தங் வா அஜ்ஜ²த்தங் உபெக்கா²ஸம்பொ³ஜ்ஜ²ங்க³ங் ‘அத்தி² மே அஜ்ஜ²த்தங் உபெக்கா²ஸம்பொ³ஜ்ஜ²ங்கோ³’தி பஜானாதி , அஸந்தங் வா அஜ்ஜ²த்தங் உபெக்கா²ஸம்பொ³ஜ்ஜ²ங்க³ங் ‘நத்தி² மே அஜ்ஜ²த்தங் உபெக்கா²ஸம்பொ³ஜ்ஜ²ங்கோ³’தி பஜானாதி, யதா² ச அனுப்பன்னஸ்ஸ
உபெக்கா²ஸம்பொ³ஜ்ஜ²ங்க³ஸ்ஸ உப்பாதோ³ ஹோதி தஞ்ச பஜானாதி, யதா² ச உப்பன்னஸ்ஸ
உபெக்கா²ஸம்பொ³ஜ்ஜ²ங்க³ஸ்ஸ பா⁴வனாய பாரிபூரீ ஹோதி தஞ்ச பஜானாதி.

‘‘இதி அஜ்ஜ²த்தங் வா த⁴ம்மேஸு த⁴ம்மானுபஸ்ஸீ விஹரதி,
ப³ஹித்³தா⁴ வா த⁴ம்மேஸு த⁴ம்மானுபஸ்ஸீ விஹரதி, அஜ்ஜ²த்தப³ஹித்³தா⁴ வா
த⁴ம்மேஸு த⁴ம்மானுபஸ்ஸீ விஹரதி. ஸமுத³யத⁴ம்மானுபஸ்ஸீ
வா த⁴ம்மேஸு விஹரதி, வயத⁴ம்மானுபஸ்ஸீ வா த⁴ம்மேஸு விஹரதி,
ஸமுத³யவயத⁴ம்மானுபஸ்ஸீ வா த⁴ம்மேஸு விஹரதி ‘அத்தி² த⁴ம்மா’தி வா பனஸ்ஸ ஸதி
பச்சுபட்டி²தா ஹோதி யாவதே³வ ஞாணமத்தாய படிஸ்ஸதிமத்தாய அனிஸ்ஸிதோ ச விஹரதி, ந
ச கிஞ்சி லோகே உபாதி³யதி. ஏவம்பி கோ², பி⁴க்க²வே, பி⁴க்கு² த⁴ம்மேஸு
த⁴ம்மானுபஸ்ஸீ விஹரதி ஸத்தஸு பொ³ஜ்ஜ²ங்கே³ஸு.

பொ³ஜ்ஜ²ங்க³பப்³ப³ங் நிட்டி²தங். [பொ³ஜ்ஜ²ங்க³பப்³ப³ங் நிட்டி²தங், பட²மபா⁴ணவாரங் (ஸ்யா॰)]

த⁴ம்மானுபஸ்ஸனா ஸச்சபப்³ப³ங்

386.
‘‘புன சபரங், பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ விஹரதி சதூஸு
அரியஸச்சேஸு. கத²ஞ்ச பன, பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ
விஹரதி சதூஸு அரியஸச்சேஸு? இத⁴, பி⁴க்க²வே, பி⁴க்கு² ‘இத³ங் து³க்க²’ந்தி
யதா²பூ⁴தங் பஜானாதி, ‘அயங் து³க்க²ஸமுத³யோ’தி யதா²பூ⁴தங் பஜானாதி, ‘அயங்
து³க்க²னிரோதோ⁴’தி யதா²பூ⁴தங் பஜானாதி, ‘அயங் து³க்க²னிரோத⁴கா³மினீ
படிபதா³’தி யதா²பூ⁴தங் பஜானாதி.

பட²மபா⁴ணவாரோ நிட்டி²தோ.

து³க்க²ஸச்சனித்³தே³ஸோ

387. ‘‘கதமஞ்ச ,
பி⁴க்க²வே, து³க்க²ங் அரியஸச்சங்? ஜாதிபி து³க்கா², ஜராபி து³க்கா²,
மரணம்பி து³க்க²ங், ஸோகபரிதே³வது³க்க²தோ³மனஸ்ஸுபாயாஸாபி து³க்கா²,
அப்பியேஹி ஸம்பயோகோ³பி து³க்கோ², பியேஹி விப்பயோகோ³பி து³க்கோ² [அப்பியேஹி…பே॰… விப்பயோகோ³ து³க்கோ²திபாடோ² சேவ தங்னித்³தே³ஸோ ச கத்த²சி ந தி³ஸ்ஸதி, அட்ட²கதா²யங்பி தங்ஸங்வண்ணனா நத்தி²], யம்பிச்ச²ங் ந லப⁴தி தம்பி து³க்க²ங், ஸங்கி²த்தேன பஞ்சுபாதா³னக்க²ந்தா⁴ [பஞ்சுபாதா³னக்க²ந்தா⁴பி (க॰)] து³க்கா².

388.
‘‘கதமா ச, பி⁴க்க²வே, ஜாதி? யா தேஸங் தேஸங் ஸத்தானங் தம்ஹி தம்ஹி
ஸத்தனிகாயே ஜாதி ஸஞ்ஜாதி ஓக்கந்தி அபி⁴னிப்³ப³த்தி க²ந்தா⁴னங் பாதுபா⁴வோ
ஆயதனானங் படிலாபோ⁴, அயங் வுச்சதி, பி⁴க்க²வே, ஜாதி.

389. ‘‘கதமா
ச, பி⁴க்க²வே, ஜரா? யா தேஸங் தேஸங் ஸத்தானங் தம்ஹி தம்ஹி ஸத்தனிகாயே ஜரா
ஜீரணதா க²ண்டி³ச்சங் பாலிச்சங் வலித்தசதா ஆயுனோ ஸங்ஹானி இந்த்³ரியானங்
பரிபாகோ, அயங் வுச்சதி, பி⁴க்க²வே, ஜரா.

390. ‘‘கதமஞ்ச, பி⁴க்க²வே, மரணங்? யங் [அட்ட²கதா² ஓலோகேதப்³பா³]
தேஸங் தேஸங் ஸத்தானங் தம்ஹா தம்ஹா ஸத்தனிகாயா சுதி சவனதா பே⁴தோ³
அந்தரதா⁴னங் மச்சு மரணங் காலகிரியா க²ந்தா⁴னங் பே⁴தோ³ களேவரஸ்ஸ நிக்கே²போ
ஜீவிதிந்த்³ரியஸ்ஸுபச்சே²தோ³, இத³ங் வுச்சதி, பி⁴க்க²வே, மரணங்.

391. ‘‘கதமோ ச, பி⁴க்க²வே, ஸோகோ? யோ கோ², பி⁴க்க²வே, அஞ்ஞதரஞ்ஞதரேன ப்³யஸனேன ஸமன்னாக³தஸ்ஸ அஞ்ஞதரஞ்ஞதரேன து³க்க²த⁴ம்மேன பு²ட்ட²ஸ்ஸ ஸோகோ ஸோசனா ஸோசிதத்தங் அந்தோஸோகோ அந்தோபரிஸோகோ, அயங் வுச்சதி, பி⁴க்க²வே, ஸோகோ.

392.
‘‘கதமோ ச, பி⁴க்க²வே, பரிதே³வோ? யோ கோ², பி⁴க்க²வே, அஞ்ஞதரஞ்ஞதரேன
ப்³யஸனேன ஸமன்னாக³தஸ்ஸ அஞ்ஞதரஞ்ஞதரேன து³க்க²த⁴ம்மேன பு²ட்ட²ஸ்ஸ ஆதே³வோ
பரிதே³வோ ஆதே³வனா பரிதே³வனா ஆதே³விதத்தங் பரிதே³விதத்தங், அயங் வுச்சதி,
பி⁴க்க²வே பரிதே³வோ.

393. ‘‘கதமஞ்ச ,
பி⁴க்க²வே, து³க்க²ங்? யங் கோ², பி⁴க்க²வே, காயிகங் து³க்க²ங் காயிகங்
அஸாதங் காயஸம்ப²ஸ்ஸஜங் து³க்க²ங் அஸாதங் வேத³யிதங், இத³ங் வுச்சதி,
பி⁴க்க²வே, து³க்க²ங்.

394. ‘‘கதமஞ்ச ,
பி⁴க்க²வே, தோ³மனஸ்ஸங்? யங் கோ², பி⁴க்க²வே, சேதஸிகங் து³க்க²ங் சேதஸிகங்
அஸாதங் மனோஸம்ப²ஸ்ஸஜங் து³க்க²ங் அஸாதங் வேத³யிதங், இத³ங் வுச்சதி,
பி⁴க்க²வே, தோ³மனஸ்ஸங்.

395.
‘‘கதமோ ச, பி⁴க்க²வே, உபாயாஸோ? யோ கோ², பி⁴க்க²வே, அஞ்ஞதரஞ்ஞதரேன ப்³யஸனேன
ஸமன்னாக³தஸ்ஸ அஞ்ஞதரஞ்ஞதரேன து³க்க²த⁴ம்மேன பு²ட்ட²ஸ்ஸ ஆயாஸோ உபாயாஸோ
ஆயாஸிதத்தங் உபாயாஸிதத்தங், அயங் வுச்சதி, பி⁴க்க²வே, உபாயாஸோ.

396. ‘‘கதமோ
ச, பி⁴க்க²வே, அப்பியேஹி ஸம்பயோகோ³ து³க்கோ²? இத⁴ யஸ்ஸ தே ஹொந்தி அனிட்டா²
அகந்தா அமனாபா ரூபா ஸத்³தா³ க³ந்தா⁴ ரஸா பொ²ட்ட²ப்³பா³ த⁴ம்மா, யே வா
பனஸ்ஸ தே ஹொந்தி அனத்த²காமா அஹிதகாமா அபா²ஸுககாமா அயோக³க்கே²மகாமா, யா தேஹி
ஸத்³தி⁴ங் ஸங்க³தி ஸமாக³மோ ஸமோதா⁴னங் மிஸ்ஸீபா⁴வோ, அயங் வுச்சதி,
பி⁴க்க²வே, அப்பியேஹி ஸம்பயோகோ³ து³க்கோ².

397.
‘‘கதமோ ச, பி⁴க்க²வே, பியேஹி விப்பயோகோ³ து³க்கோ²? இத⁴ யஸ்ஸ தே ஹொந்தி
இட்டா² கந்தா மனாபா ரூபா ஸத்³தா³ க³ந்தா⁴ ரஸா பொ²ட்ட²ப்³பா³ த⁴ம்மா, யே வா
பனஸ்ஸ தே ஹொந்தி அத்த²காமா ஹிதகாமா பா²ஸுககாமா யோக³க்கே²மகாமா மாதா வா பிதா
வா பா⁴தா வா ப⁴கி³னீ வா மித்தா வா அமச்சா வா ஞாதிஸாலோஹிதா வா, யா தேஹி
ஸத்³தி⁴ங் அஸங்க³தி அஸமாக³மோ அஸமோதா⁴னங் அமிஸ்ஸீபா⁴வோ, அயங் வுச்சதி,
பி⁴க்க²வே, பியேஹி விப்பயோகோ³ து³க்கோ².

398. ‘‘கதமஞ்ச ,
பி⁴க்க²வே, யம்பிச்ச²ங் ந லப⁴தி தம்பி து³க்க²ங்? ஜாதித⁴ம்மானங்,
பி⁴க்க²வே, ஸத்தானங் ஏவங் இச்சா² உப்பஜ்ஜதி – ‘அஹோ வத மயங் ந ஜாதித⁴ம்மா
அஸ்ஸாம, ந ச வத நோ ஜாதி ஆக³ச்செ²ய்யா’தி. ந கோ² பனேதங் இச்சா²ய
பத்தப்³ப³ங், இத³ம்பி யம்பிச்ச²ங் ந லப⁴தி தம்பி து³க்க²ங். ஜராத⁴ம்மானங்,
பி⁴க்க²வே, ஸத்தானங் ஏவங் இச்சா² உப்பஜ்ஜதி – ‘அஹோ வத மயங் ந ஜராத⁴ம்மா
அஸ்ஸாம, ந ச வத நோ ஜரா ஆக³ச்செ²ய்யா’தி. ந கோ² பனேதங் இச்சா²ய பத்தப்³ப³ங்,
இத³ம்பி யம்பிச்ச²ங் ந லப⁴தி தம்பி து³க்க²ங். ப்³யாதி⁴த⁴ம்மானங்,
பி⁴க்க²வே, ஸத்தானங் ஏவங் இச்சா² உப்பஜ்ஜதி ‘அஹோ வத மயங் ந ப்³யாதி⁴த⁴ம்மா
அஸ்ஸாம, ந ச வத நோ ப்³யாதி⁴ ஆக³ச்செ²ய்யா’தி. ந கோ² பனேதங் இச்சா²ய
பத்தப்³ப³ங், இத³ம்பி யம்பிச்ச²ங் ந லப⁴தி தம்பி து³க்க²ங். மரணத⁴ம்மானங்,
பி⁴க்க²வே, ஸத்தானங் ஏவங் இச்சா² உப்பஜ்ஜதி ‘அஹோ வத மயங் ந மரணத⁴ம்மா
அஸ்ஸாம, ந ச வத நோ மரணங் ஆக³ச்செ²ய்யா’தி. ந கோ² பனேதங் இச்சா²ய
பத்தப்³ப³ங், இத³ம்பி யம்பிச்ச²ங் ந லப⁴தி தம்பி து³க்க²ங்.
ஸோகபரிதே³வது³க்க²தோ³மனஸ்ஸுபாயாஸத⁴ம்மானங், பி⁴க்க²வே, ஸத்தானங் ஏவங்
இச்சா² உப்பஜ்ஜதி ‘அஹோ வத மயங் ந ஸோகபரிதே³வது³க்க²தோ³மனஸ்ஸுபாயாஸத⁴ம்மா
அஸ்ஸாம, ந ச வத நோ ஸோகபரிதே³வது³க்க²தோ³மனஸ்ஸுபாயாஸத⁴ம்மா
ஆக³ச்செ²ய்யு’ந்தி. ந கோ² பனேதங் இச்சா²ய பத்தப்³ப³ங், இத³ம்பி யம்பிச்ச²ங்
ந லப⁴தி தம்பி து³க்க²ங்.

399. ‘‘கதமே
ச, பி⁴க்க²வே, ஸங்கி²த்தேன பஞ்சுபாதா³னக்க²ந்தா⁴ து³க்கா²? ஸெய்யதி²த³ங் –
ரூபுபாதா³னக்க²ந்தோ⁴, வேத³னுபாதா³னக்க²ந்தோ⁴, ஸஞ்ஞுபாதா³னக்க²ந்தோ⁴,
ஸங்கா²ருபாதா³னக்க²ந்தோ⁴, விஞ்ஞாணுபாதா³னக்க²ந்தோ⁴. இமே வுச்சந்தி,
பி⁴க்க²வே, ஸங்கி²த்தேன பஞ்சுபாதா³னக்க²ந்தா⁴ து³க்கா². இத³ங் வுச்சதி,
பி⁴க்க²வே, து³க்க²ங் அரியஸச்சங்.

ஸமுத³யஸச்சனித்³தே³ஸோ

400. ‘‘கதமஞ்ச , பி⁴க்க²வே, து³க்க²ஸமுத³யங் [து³க்க²ஸமுத³யோ (ஸ்யா॰)] அரியஸச்சங்? யாயங் தண்ஹா போனொப்³ப⁴விகா [போனோப⁴விகா (ஸீ॰ பீ॰)] நந்தீ³ராக³ஸஹக³தா [நந்தி³ராக³ஸஹக³தா (ஸீ॰ ஸ்யா॰ பீ॰)] தத்ரதத்ராபி⁴னந்தி³னீ, ஸெய்யதி²த³ங் – காமதண்ஹா ப⁴வதண்ஹா விப⁴வதண்ஹா.

‘‘ஸா கோ² பனேஸா, பி⁴க்க²வே, தண்ஹா கத்த² உப்பஜ்ஜமானா உப்பஜ்ஜதி, கத்த² நிவிஸமானா நிவிஸதி? யங் லோகே பியரூபங் ஸாதரூபங், எத்தே²ஸா தண்ஹா உப்பஜ்ஜமானா உப்பஜ்ஜதி, எத்த² நிவிஸமானா நிவிஸதி.

‘‘கிஞ்ச லோகே பியரூபங் ஸாதரூபங்? சக்கு² லோகே பியரூபங்
ஸாதரூபங், எத்தே²ஸா தண்ஹா உப்பஜ்ஜமானா உப்பஜ்ஜதி, எத்த² நிவிஸமானா
நிவிஸதி. ஸோதங் லோகே…பே॰… கா⁴னங் லோகே… ஜிவ்ஹா லோகே… காயோ லோகே… மனோ லோகே
பியரூபங் ஸாதரூபங், எத்தே²ஸா தண்ஹா உப்பஜ்ஜமானா உப்பஜ்ஜதி, எத்த² நிவிஸமானா
நிவிஸதி.

‘‘ரூபா லோகே… ஸத்³தா³ லோகே… க³ந்தா⁴ லோகே… ரஸா லோகே…
பொ²ட்ட²ப்³பா³ லோகே… த⁴ம்மா லோகே பியரூபங் ஸாதரூபங், எத்தே²ஸா தண்ஹா
உப்பஜ்ஜமானா உப்பஜ்ஜதி, எத்த² நிவிஸமானா நிவிஸதி.

‘‘சக்கு²விஞ்ஞாணங் லோகே… ஸோதவிஞ்ஞாணங் லோகே…
கா⁴னவிஞ்ஞாணங் லோகே… ஜிவ்ஹாவிஞ்ஞாணங் லோகே… காயவிஞ்ஞாணங் லோகே…
மனோவிஞ்ஞாணங் லோகே பியரூபங் ஸாதரூபங், எத்தே²ஸா தண்ஹா உப்பஜ்ஜமானா
உப்பஜ்ஜதி, எத்த² நிவிஸமானா நிவிஸதி.

‘‘சக்கு²ஸம்ப²ஸ்ஸோ லோகே… ஸோதஸம்ப²ஸ்ஸோ லோகே… கா⁴னஸம்ப²ஸ்ஸோ லோகே… ஜிவ்ஹாஸம்ப²ஸ்ஸோ லோகே… காயஸம்ப²ஸ்ஸோ லோகே… மனோஸம்ப²ஸ்ஸோ லோகே பியரூபங் ஸாதரூபங், எத்தே²ஸா தண்ஹா உப்பஜ்ஜமானா உப்பஜ்ஜதி, எத்த² நிவிஸமானா நிவிஸதி.

‘‘சக்கு²ஸம்ப²ஸ்ஸஜா வேத³னா
லோகே… ஸோதஸம்ப²ஸ்ஸஜா வேத³னா லோகே… கா⁴னஸம்ப²ஸ்ஸஜா வேத³னா லோகே…
ஜிவ்ஹாஸம்ப²ஸ்ஸஜா வேத³னா லோகே… காயஸம்ப²ஸ்ஸஜா வேத³னா லோகே… மனோஸம்ப²ஸ்ஸஜா
வேத³னா லோகே பியரூபங் ஸாதரூபங், எத்தே²ஸா தண்ஹா உப்பஜ்ஜமானா உப்பஜ்ஜதி,
எத்த² நிவிஸமானா நிவிஸதி.

‘‘ரூபஸஞ்ஞா லோகே… ஸத்³த³ஸஞ்ஞா லோகே… க³ந்த⁴ஸஞ்ஞா லோகே…
ரஸஸஞ்ஞா லோகே… பொ²ட்ட²ப்³ப³ஸஞ்ஞா லோகே… த⁴ம்மஸஞ்ஞா லோகே பியரூபங்
ஸாதரூபங், எத்தே²ஸா தண்ஹா உப்பஜ்ஜமானா உப்பஜ்ஜதி, எத்த² நிவிஸமானா நிவிஸதி.

‘‘ரூபஸஞ்சேதனா லோகே… ஸத்³த³ஸஞ்சேதனா லோகே…
க³ந்த⁴ஸஞ்சேதனா லோகே… ரஸஸஞ்சேதனா லோகே… பொ²ட்ட²ப்³ப³ஸஞ்சேதனா லோகே…
த⁴ம்மஸஞ்சேதனா லோகே பியரூபங் ஸாதரூபங், எத்தே²ஸா தண்ஹா உப்பஜ்ஜமானா
உப்பஜ்ஜதி, எத்த² நிவிஸமானா நிவிஸதி.

‘‘ரூபதண்ஹா லோகே… ஸத்³த³தண்ஹா லோகே… க³ந்த⁴தண்ஹா லோகே…
ரஸதண்ஹா லோகே… பொ²ட்ட²ப்³ப³தண்ஹா லோகே… த⁴ம்மதண்ஹா லோகே பியரூபங்
ஸாதரூபங், எத்தே²ஸா தண்ஹா உப்பஜ்ஜமானா உப்பஜ்ஜதி, எத்த² நிவிஸமானா நிவிஸதி.

‘‘ரூபவிதக்கோ லோகே… ஸத்³த³விதக்கோ லோகே… க³ந்த⁴விதக்கோ
லோகே… ரஸவிதக்கோ லோகே… பொ²ட்ட²ப்³ப³விதக்கோ லோகே… த⁴ம்மவிதக்கோ லோகே
பியரூபங் ஸாதரூபங், எத்தே²ஸா தண்ஹா உப்பஜ்ஜமானா உப்பஜ்ஜதி, எத்த² நிவிஸமானா
நிவிஸதி.

‘‘ரூபவிசாரோ லோகே… ஸத்³த³விசாரோ லோகே… க³ந்த⁴விசாரோ
லோகே… ரஸவிசாரோ லோகே… பொ²ட்ட²ப்³ப³விசாரோ லோகே… த⁴ம்மவிசாரோ லோகே பியரூபங்
ஸாதரூபங், எத்தே²ஸா தண்ஹா உப்பஜ்ஜமானா உப்பஜ்ஜதி, எத்த² நிவிஸமானா நிவிஸதி. இத³ங் வுச்சதி, பி⁴க்க²வே, து³க்க²ஸமுத³யங் அரியஸச்சங்.

நிரோத⁴ஸச்சனித்³தே³ஸோ

401. ‘‘கதமஞ்ச , பி⁴க்க²வே, து³க்க²னிரோத⁴ங் [து³க்க²னிரோதோ⁴ (ஸ்யா॰)] அரியஸச்சங்? யோ தஸ்ஸாயேவ தண்ஹாய அஸேஸவிராக³னிரோதோ⁴ சாகோ³ படினிஸ்ஸக்³கோ³ முத்தி அனாலயோ.

‘‘ஸா கோ² பனேஸா, பி⁴க்க²வே,
தண்ஹா கத்த² பஹீயமானா பஹீயதி, கத்த² நிருஜ்ஜ²மானா நிருஜ்ஜ²தி? யங் லோகே
பியரூபங் ஸாதரூபங், எத்தே²ஸா தண்ஹா பஹீயமானா பஹீயதி, எத்த² நிருஜ்ஜ²மானா
நிருஜ்ஜ²தி.

‘‘கிஞ்ச லோகே பியரூபங் ஸாதரூபங்? சக்கு² லோகே பியரூபங்
ஸாதரூபங், எத்தே²ஸா தண்ஹா பஹீயமானா பஹீயதி, எத்த² நிருஜ்ஜ²மானா
நிருஜ்ஜ²தி. ஸோதங் லோகே…பே॰… கா⁴னங் லோகே… ஜிவ்ஹா லோகே… காயோ லோகே… மனோ
லோகே பியரூபங் ஸாதரூபங், எத்தே²ஸா தண்ஹா பஹீயமானா பஹீயதி, எத்த²
நிருஜ்ஜ²மானா நிருஜ்ஜ²தி.

‘‘ரூபா லோகே… ஸத்³தா³ லோகே… க³ந்தா⁴ லோகே… ரஸா லோகே…
பொ²ட்ட²ப்³பா³ லோகே… த⁴ம்மா லோகே பியரூபங் ஸாதரூபங், எத்தே²ஸா தண்ஹா
பஹீயமானா பஹீயதி, எத்த² நிருஜ்ஜ²மானா நிருஜ்ஜ²தி.

‘‘சக்கு²விஞ்ஞாணங் லோகே… ஸோதவிஞ்ஞாணங் லோகே…
கா⁴னவிஞ்ஞாணங் லோகே… ஜிவ்ஹாவிஞ்ஞாணங் லோகே… காயவிஞ்ஞாணங் லோகே…
மனோவிஞ்ஞாணங் லோகே பியரூபங் ஸாதரூபங், எத்தே²ஸா தண்ஹா பஹீயமானா பஹீயதி,
எத்த² நிருஜ்ஜ²மானா நிருஜ்ஜ²தி.

‘‘சக்கு²ஸம்ப²ஸ்ஸோ லோகே… ஸோதஸம்ப²ஸ்ஸோ லோகே… கா⁴னஸம்ப²ஸ்ஸோ லோகே… ஜிவ்ஹாஸம்ப²ஸ்ஸோ லோகே… காயஸம்ப²ஸ்ஸோ லோகே… மனோஸம்ப²ஸ்ஸோ லோகே பியரூபங் ஸாதரூபங், எத்தே²ஸா தண்ஹா பஹீயமானா பஹீயதி, எத்த² நிருஜ்ஜ²மானா நிருஜ்ஜ²தி.

‘‘சக்கு²ஸம்ப²ஸ்ஸஜா வேத³னா லோகே… ஸோதஸம்ப²ஸ்ஸஜா வேத³னா லோகே …
கா⁴னஸம்ப²ஸ்ஸஜா வேத³னா லோகே… ஜிவ்ஹாஸம்ப²ஸ்ஸஜா வேத³னா லோகே… காயஸம்ப²ஸ்ஸஜா
வேத³னா லோகே… மனோஸம்ப²ஸ்ஸஜா வேத³னா லோகே பியரூபங் ஸாதரூபங், எத்தே²ஸா
தண்ஹா பஹீயமானா பஹீயதி, எத்த² நிருஜ்ஜ²மானா நிருஜ்ஜ²தி.

‘‘ரூபஸஞ்ஞா லோகே… ஸத்³த³ஸஞ்ஞா
லோகே… க³ந்த⁴ஸஞ்ஞா லோகே… ரஸஸஞ்ஞா லோகே… பொ²ட்ட²ப்³ப³ஸஞ்ஞா லோகே… த⁴ம்மஸஞ்ஞா
லோகே பியரூபங் ஸாதரூபங், எத்தே²ஸா தண்ஹா பஹீயமானா பஹீயதி, எத்த²
நிருஜ்ஜ²மானா நிருஜ்ஜ²தி.

‘‘ரூபஸஞ்சேதனா லோகே…
ஸத்³த³ஸஞ்சேதனா லோகே… க³ந்த⁴ஸஞ்சேதனா லோகே… ரஸஸஞ்சேதனா லோகே…
பொ²ட்ட²ப்³ப³ஸஞ்சேதனா லோகே… த⁴ம்மஸஞ்சேதனா லோகே பியரூபங் ஸாதரூபங்,
எத்தே²ஸா தண்ஹா பஹீயமானா பஹீயதி, எத்த² நிருஜ்ஜ²மானா நிருஜ்ஜ²தி.

‘‘ரூபதண்ஹா லோகே… ஸத்³த³தண்ஹா லோகே… க³ந்த⁴தண்ஹா லோகே…
ரஸதண்ஹா லோகே… பொ²ட்ட²ப்³ப³தண்ஹா லோகே… த⁴ம்மதண்ஹா லோகே பியரூபங்
ஸாதரூபங், எத்தே²ஸா தண்ஹா பஹீயமானா பஹீயதி, எத்த² நிருஜ்ஜ²மானா நிருஜ்ஜ²தி.

‘‘ரூபவிதக்கோ லோகே… ஸத்³த³விதக்கோ லோகே… க³ந்த⁴விதக்கோ
லோகே… ரஸவிதக்கோ லோகே… பொ²ட்ட²ப்³ப³விதக்கோ லோகே… த⁴ம்மவிதக்கோ லோகே
பியரூபங் ஸாதரூபங், எத்தே²ஸா தண்ஹா பஹீயமானா பஹீயதி, எத்த² நிருஜ்ஜ²மானா
நிருஜ்ஜ²தி.

‘‘ரூபவிசாரோ லோகே… ஸத்³த³விசாரோ லோகே… க³ந்த⁴விசாரோ
லோகே… ரஸவிசாரோ லோகே… பொ²ட்ட²ப்³ப³விசாரோ லோகே… த⁴ம்மவிசாரோ லோகே பியரூபங்
ஸாதரூபங் , எத்தே²ஸா தண்ஹா பஹீயமானா பஹீயதி, எத்த² நிருஜ்ஜ²மானா நிருஜ்ஜ²தி. இத³ங் வுச்சதி, பி⁴க்க²வே, து³க்க²னிரோத⁴ங் அரியஸச்சங்.

மக்³க³ஸச்சனித்³தே³ஸோ

402.
‘‘கதமஞ்ச, பி⁴க்க²வே, து³க்க²னிரோத⁴கா³மினீ படிபதா³ அரியஸச்சங்? அயமேவ
அரியோ அட்ட²ங்கி³கோ மக்³கோ³ ஸெய்யதி²த³ங் – ஸம்மாதி³ட்டி² ஸம்மாஸங்கப்போ
ஸம்மாவாசா ஸம்மாகம்மந்தோ ஸம்மாஆஜீவோ ஸம்மாவாயாமோ ஸம்மாஸதி ஸம்மாஸமாதி⁴.

‘‘கதமா ச, பி⁴க்க²வே, ஸம்மாதி³ட்டி²? யங்
கோ², பி⁴க்க²வே, து³க்கே² ஞாணங், து³க்க²ஸமுத³யே ஞாணங், து³க்க²னிரோதே⁴
ஞாணங், து³க்க²னிரோத⁴கா³மினியா படிபதா³ய ஞாணங், அயங் வுச்சதி, பி⁴க்க²வே,
ஸம்மாதி³ட்டி².

‘‘கதமோ ச, பி⁴க்க²வே, ஸம்மாஸங்கப்போ? நெக்க²ம்மஸங்கப்போ அப்³யாபாத³ஸங்கப்போ அவிஹிங்ஸாஸங்கப்போ, அயங் வுச்சதி பி⁴க்க²வே, ஸம்மாஸங்கப்போ.

‘‘கதமா ச, பி⁴க்க²வே, ஸம்மாவாசா? முஸாவாதா³ வேரமணீ [வேரமணி (க॰)] பிஸுணாய வாசாய வேரமணீ ப²ருஸாய வாசாய வேரமணீ ஸம்ப²ப்பலாபா வேரமணீ, அயங் வுச்சதி, பி⁴க்க²வே, ஸம்மாவாசா.

‘‘கதமோ ச, பி⁴க்க²வே, ஸம்மாகம்மந்தோ? பாணாதிபாதா
வேரமணீ அதி³ன்னாதா³னா வேரமணீ காமேஸுமிச்சா²சாரா வேரமணீ, அயங் வுச்சதி,
பி⁴க்க²வே, ஸம்மாகம்மந்தோ.

‘‘கதமோ ச, பி⁴க்க²வே, ஸம்மாஆஜீவோ? இத⁴, பி⁴க்க²வே,
அரியஸாவகோ மிச்சா²ஆஜீவங் பஹாய ஸம்மாஆஜீவேன ஜீவிதங் கப்பேதி, அயங் வுச்சதி,
பி⁴க்க²வே, ஸம்மாஆஜீவோ.

‘‘கதமோ ச, பி⁴க்க²வே, ஸம்மாவாயாமோ? இத⁴, பி⁴க்க²வே,
பி⁴க்கு² அனுப்பன்னானங் பாபகானங் அகுஸலானங் த⁴ம்மானங் அனுப்பாதா³ய ச²ந்த³ங்
ஜனேதி வாயமதி வீரியங் ஆரப⁴தி சித்தங் பக்³க³ண்ஹாதி
பத³ஹதி; உப்பன்னானங் பாபகானங் அகுஸலானங் த⁴ம்மானங் பஹானாய ச²ந்த³ங் ஜனேதி
வாயமதி வீரியங் ஆரப⁴தி சித்தங் பக்³க³ண்ஹாதி பத³ஹதி; அனுப்பன்னானங்
குஸலானங் த⁴ம்மானங் உப்பாதா³ய ச²ந்த³ங் ஜனேதி வாயமதி வீரியங் ஆரப⁴தி
சித்தங் பக்³க³ண்ஹாதி பத³ஹதி; உப்பன்னானங் குஸலானங் த⁴ம்மானங் டி²தியா
அஸம்மோஸாய பி⁴ய்யோபா⁴வாய வேபுல்லாய பா⁴வனாய
பாரிபூரியா ச²ந்த³ங் ஜனேதி வாயமதி வீரியங் ஆரப⁴தி சித்தங் பக்³க³ண்ஹாதி
பத³ஹதி. அயங் வுச்சதி, பி⁴க்க²வே, ஸம்மாவாயாமோ.

‘‘கதமா ச, பி⁴க்க²வே, ஸம்மாஸதி? இத⁴, பி⁴க்க²வே,
பி⁴க்கு² காயே காயானுபஸ்ஸீ விஹரதி ஆதாபீ ஸம்பஜானோ ஸதிமா வினெய்ய லோகே
அபி⁴ஜ்ஜா²தோ³மனஸ்ஸங்; வேத³னாஸு வேத³னானுபஸ்ஸீ விஹரதி ஆதாபீ ஸம்பஜானோ ஸதிமா
வினெய்ய லோகே அபி⁴ஜ்ஜா²தோ³மனஸ்ஸங்; சித்தே சித்தானுபஸ்ஸீ விஹரதி ஆதாபீ
ஸம்பஜானோ ஸதிமா வினெய்ய லோகே அபி⁴ஜ்ஜா²தோ³மனஸ்ஸங்; த⁴ம்மேஸு த⁴ம்மானுபஸ்ஸீ
விஹரதி ஆதாபீ ஸம்பஜானோ ஸதிமா வினெய்ய லோகே அபி⁴ஜ்ஜா²தோ³மனஸ்ஸங். அயங்
வுச்சதி, பி⁴க்க²வே, ஸம்மாஸதி.

‘‘கதமோ ச, பி⁴க்க²வே, ஸம்மாஸமாதி⁴? இத⁴, பி⁴க்க²வே,
பி⁴க்கு² விவிச்சேவ காமேஹி விவிச்ச அகுஸலேஹி த⁴ம்மேஹி ஸவிதக்கங் ஸவிசாரங்
விவேகஜங் பீதிஸுக²ங் பட²மங் ஜா²னங் உபஸம்பஜ்ஜ விஹரதி. விதக்கவிசாரானங்
வூபஸமா அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங் அவிதக்கங்
அவிசாரங் ஸமாதி⁴ஜங் பீதிஸுக²ங் து³தியங் ஜா²னங் உபஸம்பஜ்ஜ விஹரதி. பீதியா ச
விராகா³ உபெக்க²கோ ச விஹரதி, ஸதோ ச ஸம்பஜானோ, ஸுக²ஞ்ச காயேன
படிஸங்வேதே³தி, யங் தங் அரியா ஆசிக்க²ந்தி ‘உபெக்க²கோ ஸதிமா ஸுக²விஹாரீ’தி
ததியங் ஜா²னங் உபஸம்பஜ்ஜ விஹரதி. ஸுக²ஸ்ஸ ச பஹானா து³க்க²ஸ்ஸ ச பஹானா
புப்³பே³வ ஸோமனஸ்ஸதோ³மனஸ்ஸானங் அத்த²ங்க³மா அது³க்க²மஸுக²ங் உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ விஹரதி. அயங் வுச்சதி, பி⁴க்க²வே , ஸம்மாஸமாதி⁴. இத³ங் வுச்சதி, பி⁴க்க²வே, து³க்க²னிரோத⁴கா³மினீ படிபதா³ அரியஸச்சங்.

403. ‘‘இதி அஜ்ஜ²த்தங் வா த⁴ம்மேஸு த⁴ம்மானுபஸ்ஸீ விஹரதி, ப³ஹித்³தா⁴
வா த⁴ம்மேஸு த⁴ம்மானுபஸ்ஸீ விஹரதி, அஜ்ஜ²த்தப³ஹித்³தா⁴ வா த⁴ம்மேஸு
த⁴ம்மானுபஸ்ஸீ விஹரதி. ஸமுத³யத⁴ம்மானுபஸ்ஸீ வா த⁴ம்மேஸு விஹரதி,
வயத⁴ம்மானுபஸ்ஸீ வா த⁴ம்மேஸு விஹரதி, ஸமுத³யவயத⁴ம்மானுபஸ்ஸீ வா த⁴ம்மேஸு
விஹரதி. ‘அத்தி² த⁴ம்மா’தி வா பனஸ்ஸ ஸதி பச்சுபட்டி²தா ஹோதி யாவதே³வ
ஞாணமத்தாய படிஸ்ஸதிமத்தாய அனிஸ்ஸிதோ ச விஹரதி, ந ச கிஞ்சி லோகே உபாதி³யதி.
ஏவம்பி கோ², பி⁴க்க²வே, பி⁴க்கு² த⁴ம்மேஸு த⁴ம்மானுபஸ்ஸீ விஹரதி சதூஸு
அரியஸச்சேஸு.

ஸச்சபப்³ப³ங் நிட்டி²தங்.

த⁴ம்மானுபஸ்ஸனா நிட்டி²தா.

404.
‘‘யோ ஹி கோசி, பி⁴க்க²வே, இமே சத்தாரோ ஸதிபட்டா²னே ஏவங் பா⁴வெய்ய
ஸத்தவஸ்ஸானி, தஸ்ஸ த்³வின்னங் ப²லானங் அஞ்ஞதரங் ப²லங் பாடிகங்க²ங்
தி³ட்டே²வ த⁴ம்மே அஞ்ஞா; ஸதி வா உபாதி³ஸேஸே அனாகா³மிதா.

‘‘திட்ட²ந்து, பி⁴க்க²வே, ஸத்தவஸ்ஸானி. யோ ஹி கோசி,
பி⁴க்க²வே, இமே சத்தாரோ ஸதிபட்டா²னே ஏவங் பா⁴வெய்ய ச² வஸ்ஸானி…பே॰… பஞ்ச
வஸ்ஸானி… சத்தாரி வஸ்ஸானி… தீணி வஸ்ஸானி… த்³வே வஸ்ஸானி… ஏகங் வஸ்ஸங்…
திட்ட²து, பி⁴க்க²வே, ஏகங் வஸ்ஸங். யோ ஹி கோசி, பி⁴க்க²வே, இமே சத்தாரோ
ஸதிபட்டா²னே ஏவங் பா⁴வெய்ய ஸத்தமாஸானி, தஸ்ஸ த்³வின்னங் ப²லானங் அஞ்ஞதரங்
ப²லங் பாடிகங்க²ங் தி³ட்டே²வ த⁴ம்மே அஞ்ஞா; ஸதி வா உபாதி³ஸேஸே அனாகா³மிதா.

‘‘திட்ட²ந்து , பி⁴க்க²வே, ஸத்த
மாஸானி. யோ ஹி கோசி, பி⁴க்க²வே, இமே சத்தாரோ ஸதிபட்டா²னே ஏவங் பா⁴வெய்ய ச²
மாஸானி…பே॰… பஞ்ச மாஸானி… சத்தாரி மாஸானி… தீணி மாஸானி … த்³வே மாஸானி… ஏகங்
மாஸங்… அட்³ட⁴மாஸங்… திட்ட²து, பி⁴க்க²வே, அட்³ட⁴மாஸோ. யோ ஹி கோசி,
பி⁴க்க²வே, இமே சத்தாரோ ஸதிபட்டா²னே ஏவங் பா⁴வெய்ய ஸத்தாஹங், தஸ்ஸ
த்³வின்னங் ப²லானங் அஞ்ஞதரங் ப²லங் பாடிகங்க²ங் தி³ட்டே²வ த⁴ம்மே அஞ்ஞா;
ஸதி வா உபாதி³ஸேஸே அனாகா³மிதாதி.

405.
‘‘ஏகாயனோ அயங், பி⁴க்க²வே, மக்³கோ³ ஸத்தானங் விஸுத்³தி⁴யா ஸோகபரிதே³வானங்
ஸமதிக்கமாய து³க்க²தோ³மனஸ்ஸானங் அத்த²ங்க³மாய ஞாயஸ்ஸ அதி⁴க³மாய
நிப்³பா³னஸ்ஸ ஸச்சி²கிரியாய யதி³த³ங் சத்தாரோ ஸதிபட்டா²னாதி. இதி யங் தங்
வுத்தங், இத³மேதங் படிச்ச வுத்த’’ந்தி. இத³மவோச ப⁴க³வா. அத்தமனா தே
பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

மஹாஸதிபட்டா²னஸுத்தங் நிட்டி²தங் நவமங்.

comments (0)

ஸுத்தபிடக-Part-21-தமிழில் திரபிடக மூன்று தொகுப்புகள்TIPITAKA–21.8. ஸக்கபஞ்ஹஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 12:18 pm

ஸுத்தபிடக-Part-21-தமிழில் திரபிடக மூன்று தொகுப்புகள்TIPITAKA--21.8. ஸக்கபஞ்ஹஸுத்தங்-from FREE ONLINE eNālāndā Research and
Practice UNIVERSITY through http://sarvajan.ambedkar.org

8. ஸக்கபஞ்ஹஸுத்தங்

344. ஏவங்
மே ஸுதங் – ஏகங் ஸமயங் ப⁴க³வா மக³தே⁴ஸு விஹரதி, பாசீனதோ ராஜக³ஹஸ்ஸ
அம்ப³ஸண்டா³ நாம ப்³ராஹ்மணகா³மோ, தஸ்ஸுத்தரதோ வேதி³யகே பப்³ப³தே
இந்த³ஸாலகு³ஹாயங். தேன கோ² பன ஸமயேன ஸக்கஸ்ஸ தே³வானமிந்த³ஸ்ஸ உஸ்ஸுக்கங்
உத³பாதி³ ப⁴க³வந்தங் த³ஸ்ஸனாய. அத² கோ² ஸக்கஸ்ஸ தே³வானமிந்த³ஸ்ஸ ஏதத³ஹோஸி –
‘‘கஹங் நு கோ² ப⁴க³வா ஏதரஹி விஹரதி அரஹங் ஸம்மாஸம்பு³த்³தோ⁴’’தி? அத்³த³ஸா
கோ² ஸக்கோ தே³வானமிந்தோ³ ப⁴க³வந்தங் மக³தே⁴ஸு விஹரந்தங் பாசீனதோ ராஜக³ஹஸ்ஸ
அம்ப³ஸண்டா³ நாம ப்³ராஹ்மணகா³மோ, தஸ்ஸுத்தரதோ வேதி³யகே பப்³ப³தே
இந்த³ஸாலகு³ஹாயங். தி³ஸ்வான தே³வே தாவதிங்ஸே ஆமந்தேஸி – ‘‘அயங், மாரிஸா,
ப⁴க³வா மக³தே⁴ஸு விஹரதி, பாசீனதோ ராஜக³ஹஸ்ஸ அம்ப³ஸண்டா³ நாம
ப்³ராஹ்மணகா³மோ, தஸ்ஸுத்தரதோ வேதி³யகே பப்³ப³தே இந்த³ஸாலகு³ஹாயங். யதி³ பன,
மாரிஸா, மயங் தங் ப⁴க³வந்தங் த³ஸ்ஸனாய உபஸங்கமெய்யாம அரஹந்தங்
ஸம்மாஸம்பு³த்³த⁴’’ந்தி? ‘‘ஏவங் ப⁴த்³த³ந்தவா’’தி கோ² தே³வா தாவதிங்ஸா
ஸக்கஸ்ஸ தே³வானமிந்த³ஸ்ஸ பச்சஸ்ஸோஸுங்.

345. அத² கோ² ஸக்கோ தே³வானமிந்தோ³ பஞ்சஸிக²ங் க³ந்த⁴ப்³ப³தே³வபுத்தங் [க³ந்த⁴ப்³ப³புத்தங் (ஸ்யா॰)]
ஆமந்தேஸி – ‘‘அயங், தாத பஞ்சஸிக², ப⁴க³வா மக³தே⁴ஸு விஹரதி பாசீனதோ
ராஜக³ஹஸ்ஸ அம்ப³ஸண்டா³ நாம ப்³ராஹ்மணகா³மோ, தஸ்ஸுத்தரதோ வேதி³யகே பப்³ப³தே
இந்த³ஸாலகு³ஹாயங். யதி³ பன , தாத பஞ்சஸிக², மயங் தங்
ப⁴க³வந்தங் த³ஸ்ஸனாய உபஸங்கமெய்யாம அரஹந்தங் ஸம்மாஸம்பு³த்³த⁴’’ந்தி?
‘‘ஏவங் ப⁴த்³த³ந்தவா’’தி கோ² பஞ்சஸிகோ² க³ந்த⁴ப்³ப³தே³வபுத்தோ ஸக்கஸ்ஸ
தே³வானமிந்த³ஸ்ஸ படிஸ்ஸுத்வா பே³லுவபண்டு³வீணங் ஆதா³ய ஸக்கஸ்ஸ
தே³வானமிந்த³ஸ்ஸ அனுசரியங் உபாக³மி.

346.
அத² கோ² ஸக்கோ தே³வானமிந்தோ³ தே³வேஹி தாவதிங்ஸேஹி பரிவுதோ பஞ்சஸிகே²ன
க³ந்த⁴ப்³ப³தே³வபுத்தேன புரக்க²தோ ஸெய்யதா²பி நாம ப³லவா புரிஸோ ஸமிஞ்ஜிதங்
வா பா³ஹங் பஸாரெய்ய பஸாரிதங் வா பா³ஹங் ஸமிஞ்ஜெய்ய; ஏவமேவ தே³வேஸு
தாவதிங்ஸேஸு அந்தரஹிதோ மக³தே⁴ஸு பாசீனதோ ராஜக³ஹஸ்ஸ அம்ப³ஸண்டா³ நாம
ப்³ராஹ்மணகா³மோ, தஸ்ஸுத்தரதோ வேதி³யகே பப்³ப³தே பச்சுட்டா²ஸி. தேன கோ² பன ஸமயேன வேதி³யகோ பப்³ப³தோ
அதிரிவ ஓபா⁴ஸஜாதோ ஹோதி அம்ப³ஸண்டா³ ச ப்³ராஹ்மணகா³மோ யதா² தங் தே³வானங்
தே³வானுபா⁴வேன. அபிஸ்ஸுத³ங் பரிதோ கா³மேஸு மனுஸ்ஸா ஏவமாஹங்ஸு –
‘‘ஆதி³த்தஸ்ஸு நாமஜ்ஜ வேதி³யகோ பப்³ப³தோ ஜா²யதிஸு [ஜா²யதஸ்ஸு (ஸ்யா॰), பஜ்ஜா²யிதஸ்ஸு (ஸீ॰ பீ॰)] நாமஜ்ஜ வேதி³யகோ பப்³ப³தோ ஜலதிஸு [ஜலதஸ்ஸு (ஸ்யா॰), ஜலிதஸ்ஸு (ஸீ॰ பீ॰)]
நாமஜ்ஜ வேதி³யகோ பப்³ப³தோ கிங்ஸு நாமஜ்ஜ வேதி³யகோ பப்³ப³தோ அதிரிவ
ஓபா⁴ஸஜாதோ அம்ப³ஸண்டா³ ச ப்³ராஹ்மணகா³மோ’’தி ஸங்விக்³கா³ லோமஹட்ட²ஜாதா
அஹேஸுங்.

347. அத² கோ² ஸக்கோ தே³வானமிந்தோ³ பஞ்சஸிக²ங் க³ந்த⁴ப்³ப³தே³வபுத்தங் ஆமந்தேஸி – ‘‘து³ருபஸங்கமா கோ², தாத பஞ்சஸிக², ததா²க³தா மாதி³ஸேன, ஜா²யீ ஜா²னரதா, தத³ந்தரங் [தத³னந்தரங் (ஸீ॰ ஸ்யா॰ பீ॰ க॰)] படிஸல்லீனா. யதி³ பன த்வங், தாத பஞ்சஸிக², ப⁴க³வந்தங் பட²மங் பஸாதெ³ய்யாஸி, தயா, தாத, பட²மங் பஸாதி³தங் பச்சா² மயங்
தங் ப⁴க³வந்தங் த³ஸ்ஸனாய உபஸங்கமெய்யாம அரஹந்தங் ஸம்மாஸம்பு³த்³த⁴’’ந்தி.
‘‘ஏவங் ப⁴த்³த³ந்தவா’’தி கோ² பஞ்சஸிகோ² க³ந்த⁴ப்³ப³தே³வபுத்தோ ஸக்கஸ்ஸ
தே³வானமிந்த³ஸ்ஸ படிஸ்ஸுத்வா பே³லுவபண்டு³வீணங் ஆதா³ய யேன இந்த³ஸாலகு³ஹா
தேனுபஸங்கமி; உபஸங்கமித்வா ‘‘எத்தாவதா மே ப⁴க³வா நேவ அதிதூ³ரே ப⁴விஸ்ஸதி
நாச்சாஸன்னே, ஸத்³த³ஞ்ச மே ஸொஸ்ஸதீ’’தி ஏகமந்தங் அட்டா²ஸி.

பஞ்சஸிக²கீ³தகா³தா²

348. ஏகமந்தங் டி²தோ கோ² பஞ்சஸிகோ² க³ந்த⁴ப்³ப³தே³வபுத்தோ பே³லுவபண்டு³வீணங் [வேளுவபண்டு³வீணங் ஆதா³ய (ஸ்யா॰)] அஸ்ஸாவேஸி, இமா ச கா³தா² அபா⁴ஸி பு³த்³தூ⁴பஸஞ்ஹிதா த⁴ம்மூபஸஞ்ஹிதா ஸங்கூ⁴பஸஞ்ஹிதா அரஹந்தூபஸஞ்ஹிதா காமூபஸஞ்ஹிதா –

‘‘வந்தே³ தே பிதரங் ப⁴த்³தே³, திம்ப³ருங் ஸூரியவச்ச²ஸே;

யேன ஜாதாஸி கல்யாணீ, ஆனந்த³ஜனநீ மம.

‘‘வாதோவ ஸேத³தங் கந்தோ, பானீயங்வ பிபாஸதோ;

அங்கீ³ரஸி பியாமேஸி, த⁴ம்மோ அரஹதாமிவ.

‘‘ஆதுரஸ்ஸேவ பே⁴ஸஜ்ஜங், போ⁴ஜனங்வ ஜிக⁴ச்ச²தோ;

பரினிப்³பா³பய மங் ப⁴த்³தே³, ஜலந்தமிவ வாரினா.

‘‘ஸீதோத³கங் பொக்க²ரணிங், யுத்தங் கிஞ்ஜக்க²ரேணுனா;

நாகோ³ க⁴ம்மாபி⁴தத்தோவ, ஓகா³ஹே தே த²னூத³ரங்.

‘‘அச்சங்குஸோவ நாகோ³வ, ஜிதங் மே துத்ததோமரங்;

காரணங் நப்பஜானாமி, ஸம்மத்தோ லக்க²ணூருயா.

‘‘தயி கே³தி⁴தசித்தொஸ்மி, சித்தங் விபரிணாமிதங்;

படிக³ந்துங் ந ஸக்கோமி, வங்கக⁴ஸ்தோவ அம்பு³ஜோ.

‘‘வாமூரு ஸஜ மங் ப⁴த்³தே³, ஸஜ மங் மந்த³லோசனே;

பலிஸ்ஸஜ மங் கல்யாணி, ஏதங் மே அபி⁴பத்தி²தங்.

‘‘அப்பகோ வத மே ஸந்தோ, காமோ வேல்லிதகேஸியா;

அனேகபா⁴வோ ஸமுப்பாதி³, அரஹந்தேவ த³க்கி²ணா.

‘‘யங் மே அத்தி² கதங் புஞ்ஞங், அரஹந்தேஸு தாதி³ஸு;

தங் மே ஸப்³ப³ங்க³கல்யாணி, தயா ஸத்³தி⁴ங் விபச்சதங்.

‘‘யங் மே அத்தி² கதங் புஞ்ஞங், அஸ்மிங் பத²விமண்ட³லே;

தங் மே ஸப்³ப³ங்க³கல்யாணி, தயா ஸத்³தி⁴ங் விபச்சதங்.

‘‘ஸக்யபுத்தோவ ஜா²னேன, ஏகோதி³ நிபகோ ஸதோ;

அமதங் முனி ஜிகீ³ஸானோ [ஜிகி³ங்ஸானோ (ஸீ॰ ஸ்யா॰ பீ॰)], தமஹங் ஸூரியவச்ச²ஸே.

‘‘யதா²பி முனி நந்தெ³ய்ய, பத்வா ஸம்போ³தி⁴முத்தமங்;

ஏவங் நந்தெ³ய்யங் கல்யாணி, மிஸ்ஸீபா⁴வங் க³தோ தயா.

‘‘ஸக்கோ சே மே வரங் த³ஜ்ஜா, தாவதிங்ஸானமிஸ்ஸரோ;

தாஹங் ப⁴த்³தே³ வரெய்யாஹே, ஏவங் காமோ த³ள்ஹோ மம.

‘‘ஸாலங்வ ந சிரங் பு²ல்லங், பிதரங் தே ஸுமேத⁴ஸே;

வந்த³மானோ நமஸ்ஸாமி, யஸ்ஸா ஸேதாதி³ஸீ பஜா’’தி.

349. ஏவங் வுத்தே ப⁴க³வா பஞ்சஸிக²ங் க³ந்த⁴ப்³ப³தே³வபுத்தங் ஏதத³வோச – ‘‘ஸங்ஸந்த³தி கோ² தே, பஞ்சஸிக², தந்திஸ்ஸரோ கீ³தஸ்ஸரேன, கீ³தஸ்ஸரோ ச தந்திஸ்ஸரேன; ந ச பன [நேவ பன (ஸ்யா॰)]
தே பஞ்சஸிக², தந்திஸ்ஸரோ கீ³தஸ்ஸரங் அதிவத்ததி, கீ³தஸ்ஸரோ ச தந்திஸ்ஸரங்.
கதா³ ஸங்யூள்ஹா பன தே, பஞ்சஸிக², இமா கா³தா² பு³த்³தூ⁴பஸஞ்ஹிதா
த⁴ம்மூபஸஞ்ஹிதா ஸங்கூ⁴பஸஞ்ஹிதா அரஹந்தூபஸஞ்ஹிதா
காமூபஸஞ்ஹிதா’’தி? ‘‘ஏகமித³ங், ப⁴ந்தே, ஸமயங் ப⁴க³வா உருவேலாயங் விஹரதி
நஜ்ஜா நேரஞ்ஜராய தீரே அஜபாலனிக்³ரோதே⁴ பட²மாபி⁴ஸம்பு³த்³தோ⁴ .
தேன கோ² பனாஹங், ப⁴ந்தே, ஸமயேன ப⁴த்³தா³ நாம ஸூரியவச்ச²ஸா திம்ப³ருனோ
க³ந்த⁴ப்³ப³ரஞ்ஞோ தீ⁴தா, தமபி⁴கங்கா²மி. ஸா கோ² பன, ப⁴ந்தே, ப⁴கி³னீ
பரகாமினீ ஹோதி; ஸிக²ண்டீ³ நாம மாதலிஸ்ஸ ஸங்கா³ஹகஸ்ஸ புத்தோ, தமபி⁴கங்க²தி.
யதோ கோ² அஹங், ப⁴ந்தே, தங் ப⁴கி³னிங் நாலத்த²ங் கேனசி பரியாயேன. அதா²ஹங்
பே³லுவபண்டு³வீணங் ஆதா³ய யேன திம்ப³ருனோ க³ந்த⁴ப்³ப³ரஞ்ஞோ நிவேஸனங்
தேனுபஸங்கமிங்; உபஸங்கமித்வா பே³லுவபண்டு³வீணங் அஸ்ஸாவேஸிங், இமா ச கா³தா²
அபா⁴ஸிங் பு³த்³தூ⁴பஸஞ்ஹிதா த⁴ம்மூபஸஞ்ஹிதா ஸங்கூ⁴பஸஞ்ஹிதா அரஹந்தூபஸஞ்ஹிதா
காமூபஸஞ்ஹிதா –

‘‘வந்தே³ தே பிதரங் ப⁴த்³தே³, திம்ப³ருங் ஸூரியவச்ச²ஸே;

யேன ஜாதாஸி கல்யாணீ, ஆனந்த³ஜனநீ மம. …பே॰…

ஸாலங்வ ந சிரங் பு²ல்லங், பிதரங் தே ஸுமேத⁴ஸே;

வந்த³மானோ நமஸ்ஸாமி, யஸ்ஸா ஸேதாதி³ஸீ பஜா’’தி.

‘‘ஏவங் வுத்தே, ப⁴ந்தே, ப⁴த்³தா³ ஸூரியவச்ச²ஸா மங்
ஏதத³வோச – ‘ந கோ² மே, மாரிஸ, ஸோ ப⁴க³வா ஸம்முகா² தி³ட்டோ² அபி ச ஸுதோயேவ மே
ஸோ ப⁴க³வா தே³வானங் தாவதிங்ஸானங் ஸுத⁴ம்மாயங்
ஸபா⁴யங் உபனச்சந்தியா. யதோ கோ² த்வங், மாரிஸ, தங் ப⁴க³வந்தங் கித்தேஸி,
ஹோது நோ அஜ்ஜ ஸமாக³மோ’தி. ஸோயேவ நோ, ப⁴ந்தே, தஸ்ஸா ப⁴கி³னியா ஸத்³தி⁴ங் ஸமாக³மோ அஹோஸி. ந ச தா³னி ததோ பச்சா²’’தி.

ஸக்கூபஸங்கம

350. அத²
கோ² ஸக்கஸ்ஸ தே³வானமிந்த³ஸ்ஸ ஏதத³ஹோஸி – ‘‘படிஸம்மோத³தி பஞ்சஸிகோ²
க³ந்த⁴ப்³ப³தே³வபுத்தோ ப⁴க³வதா, ப⁴க³வா ச பஞ்சஸிகே²னா’’தி. அத² கோ² ஸக்கோ
தே³வானமிந்தோ³ பஞ்சஸிக²ங் க³ந்த⁴ப்³ப³தே³வபுத்தங் ஆமந்தேஸி – ‘‘அபி⁴வாதே³ஹி
மே த்வங், தாத பஞ்சஸிக², ப⁴க³வந்தங் – ‘ஸக்கோ, ப⁴ந்தே, தே³வானமிந்தோ³
ஸாமச்சோ ஸபரிஜனோ ப⁴க³வதோ பாதே³ ஸிரஸா வந்த³தீ’தி’’. ‘‘ஏவங்
ப⁴த்³த³ந்தவா’’தி கோ² பஞ்சஸிகோ² க³ந்த⁴ப்³ப³தே³வபுத்தோ ஸக்கஸ்ஸ
தே³வானமிந்த³ஸ்ஸ படிஸ்ஸுத்வா ப⁴க³வந்தங் அபி⁴வாதே³தி – ‘‘ஸக்கோ, ப⁴ந்தே,
தே³வானமிந்தோ³ ஸாமச்சோ ஸபரிஜனோ ப⁴க³வதோ பாதே³ ஸிரஸா
வந்த³தீ’’தி. ‘‘ஏவங் ஸுகீ² ஹோது, பஞ்சஸிக², ஸக்கோ தே³வானமிந்தோ³ ஸாமச்சோ
ஸபரிஜனோ; ஸுக²காமா ஹி தே³வா மனுஸ்ஸா அஸுரா நாகா³ க³ந்த⁴ப்³பா³ யே சஞ்ஞே
ஸந்தி புது²காயா’’தி.

351.
ஏவஞ்ச பன ததா²க³தா ஏவரூபே மஹேஸக்கே² யக்கே² அபி⁴வத³ந்தி. அபி⁴வதி³தோ ஸக்கோ
தே³வானமிந்தோ³ ப⁴க³வதோ இந்த³ஸாலகு³ஹங் பவிஸித்வா ப⁴க³வந்தங் அபி⁴வாதெ³த்வா
ஏகமந்தங் அட்டா²ஸி. தே³வாபி தாவதிங்ஸா இந்த³ஸாலகு³ஹங் பவிஸித்வா
ப⁴க³வந்தங் அபி⁴வாதெ³த்வா ஏகமந்தங் அட்ட²ங்ஸு. பஞ்சஸிகோ²பி
க³ந்த⁴ப்³ப³தே³வபுத்தோ இந்த³ஸாலகு³ஹங் பவிஸித்வா ப⁴க³வந்தங் அபி⁴வாதெ³த்வா
ஏகமந்தங் அட்டா²ஸி.

தேன கோ² பன ஸமயேன இந்த³ஸாலகு³ஹா விஸமா ஸந்தீ ஸமா ஸமபாதி³, ஸம்பா³தா⁴ ஸந்தீ உருந்தா³ [உருத்³தா³ (க॰)] ஸமபாதி³, அந்த⁴காரோ கு³ஹாயங் அந்தரதா⁴யி, ஆலோகோ உத³பாதி³ யதா² தங் தே³வானங் தே³வானுபா⁴வேன.

352.
அத² கோ² ப⁴க³வா ஸக்கங் தே³வானமிந்த³ங் ஏதத³வோச – ‘‘அச்ச²ரியமித³ங் ஆயஸ்மதோ
கோஸியஸ்ஸ, அப்³பு⁴தமித³ங் ஆயஸ்மதோ கோஸியஸ்ஸ தாவ ப³ஹுகிச்சஸ்ஸ ப³ஹுகரணீயஸ்ஸ
யதி³த³ங் இதா⁴க³மன’’ந்தி. ‘‘சிரபடிகாஹங், ப⁴ந்தே, ப⁴க³வந்தங் த³ஸ்ஸனாய
உபஸங்கமிதுகாமோ; அபி ச தே³வானங் தாவதிங்ஸானங் கேஹிசி கேஹிசி [கேஹிசி (ஸ்யா॰)]
கிச்சகரணீயேஹி ப்³யாவடோ; ஏவாஹங் நாஸக்கி²ங் ப⁴க³வந்தங் த³ஸ்ஸனாய
உபஸங்கமிதுங். ஏகமித³ங், ப⁴ந்தே, ஸமயங் ப⁴க³வா ஸாவத்தி²யங் விஹரதி
ஸலளாகா³ரகே. அத² க்²வாஹங், ப⁴ந்தே, ஸாவத்தி²ங் அக³மாஸிங் ப⁴க³வந்தங்
த³ஸ்ஸனாய. தேன கோ² பன, ப⁴ந்தே, ஸமயேன ப⁴க³வா அஞ்ஞதரேன ஸமாதி⁴னா நிஸின்னோ
ஹோதி, பூ⁴ஜதி [பு⁴ஞ்ஜதீ ச (ஸீ॰ பீ॰), பு⁴ஜகீ³ (ஸ்யா॰)]
ச நாம வெஸ்ஸவணஸ்ஸ மஹாராஜஸ்ஸ பரிசாரிகா ப⁴க³வந்தங் பச்சுபட்டி²தா ஹோதி,
பஞ்ஜலிகா நமஸ்ஸமானா திட்ட²தி. அத² க்²வாஹங், ப⁴ந்தே, பூ⁴ஜதிங் ஏதத³வோசங் – ‘அபி⁴வாதே³ஹி மே த்வங், ப⁴கி³னி, ப⁴க³வந்தங் – ‘‘ஸக்கோ, ப⁴ந்தே, தே³வானமிந்தோ³
ஸாமச்சோ ஸபரிஜனோ ப⁴க³வதோ பாதே³ ஸிரஸா வந்த³தீ’’தி. ஏவங் வுத்தே, ப⁴ந்தே,
ஸா பூ⁴ஜதி மங் ஏதத³வோச – ‘அகாலோ கோ², மாரிஸ, ப⁴க³வந்தங் த³ஸ்ஸனாய;
படிஸல்லீனோ ப⁴க³வா’தி. ‘தேன ஹீ, ப⁴கி³னி, யதா³ ப⁴க³வா தம்ஹா ஸமாதி⁴ம்ஹா வுட்டி²தோ ஹோதி, அத² மம வசனேன ப⁴க³வந்தங் அபி⁴வாதே³ஹி – ‘‘ஸக்கோ, ப⁴ந்தே, தே³வானமிந்தோ³
ஸாமச்சோ ஸபரிஜனோ ப⁴க³வதோ பாதே³ ஸிரஸா வந்த³தீ’’தி. கச்சி மே ஸா, ப⁴ந்தே,
ப⁴கி³னீ ப⁴க³வந்தங் அபி⁴வாதே³ஸி? ஸரதி ப⁴க³வா தஸ்ஸா ப⁴கி³னியா வசன’’ந்தி?
‘‘அபி⁴வாதே³ஸி மங் ஸா, தே³வானமிந்த³, ப⁴கி³னீ, ஸராமஹங் தஸ்ஸா ப⁴கி³னியா
வசனங். அபி சாஹங் ஆயஸ்மதோ நேமிஸத்³தே³ன [சக்கனேமிஸத்³தே³ன (ஸ்யா॰)]
தம்ஹா ஸமாதி⁴ம்ஹா வுட்டி²தோ’’தி. ‘‘யே தே, ப⁴ந்தே, தே³வா அம்ஹேஹி பட²மதரங்
தாவதிங்ஸகாயங் உபபன்னா, தேஸங் மே ஸம்முகா² ஸுதங் ஸம்முகா² படிக்³க³ஹிதங் –
‘யதா³ ததா²க³தா லோகே உப்பஜ்ஜந்தி அரஹந்தோ ஸம்மாஸம்பு³த்³தா⁴, தி³ப்³பா³
காயா பரிபூரெந்தி, ஹாயந்தி அஸுரகாயா’தி. தங் மே இத³ங், ப⁴ந்தே,
ஸக்கி²தி³ட்ட²ங் யதோ ததா²க³தோ லோகே உப்பன்னோ அரஹங் ஸம்மாஸம்பு³த்³தோ⁴,
தி³ப்³பா³ காயா பரிபூரெந்தி, ஹாயந்தி அஸுரகாயாதி.

கோ³பகவத்து²

353.
‘‘இதே⁴வ, ப⁴ந்தே, கபிலவத்து²ஸ்மிங் கோ³பிகா நாம ஸக்யதீ⁴தா அஹோஸி பு³த்³தே⁴
பஸன்னா த⁴ம்மே பஸன்னா ஸங்கே⁴ பஸன்னா ஸீலேஸு பரிபூரகாரினீ. ஸா இத்தி²த்தங் [இத்தி²சித்தங் (ஸ்யா॰)] விராஜெத்வா புரிஸத்தங் [புரிஸசித்தங் (ஸ்யா॰)]
பா⁴வெத்வா காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபன்னா.
தே³வானங் தாவதிங்ஸானங் ஸஹப்³யதங் அம்ஹாகங் புத்தத்தங் அஜ்ஜு²பக³தா. தத்ரபி
நங் ஏவங் ஜானந்தி – ‘கோ³பகோ தே³வபுத்தோ, கோ³பகோ தே³வபுத்தோ’தி. அஞ்ஞேபி,
ப⁴ந்தே, தயோ பி⁴க்கூ² ப⁴க³வதி ப்³ரஹ்மசரியங் சரித்வா ஹீனங்
க³ந்த⁴ப்³ப³காயங் உபபன்னா. தே பஞ்சஹி காமகு³ணேஹி ஸமப்பிதா ஸமங்கீ³பூ⁴தா
பரிசாரயமானா அம்ஹாகங் உபட்டா²னங் ஆக³ச்ச²ந்தி அம்ஹாகங் பாரிசரியங். தே
அம்ஹாகங் உபட்டா²னங் ஆக³தே அம்ஹாகங் பாரிசரியங் கோ³பகோ தே³வபுத்தோ
படிசோதே³ஸி – ‘குதோமுகா² நாம தும்ஹே , மாரிஸா, தஸ்ஸ ப⁴க³வதோ த⁴ம்மங் அஸ்ஸுத்த² [ஆயுஹித்த² (ஸ்யா॰)]
– அஹஞ்ஹி நாம இத்தி²கா ஸமானா பு³த்³தே⁴ பஸன்னா த⁴ம்மே பஸன்னா ஸங்கே⁴
பஸன்னா ஸீலேஸு பரிபூரகாரினீ இத்தி²த்தங் விராஜெத்வா புரிஸத்தங் பா⁴வெத்வா
காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபன்னா, தே³வானங்
தாவதிங்ஸானங் ஸஹப்³யதங் ஸக்கஸ்ஸ தே³வானமிந்த³ஸ்ஸ புத்தத்தங் அஜ்ஜு²பக³தா.
இதா⁴பி மங் ஏவங் ஜானந்தி ‘‘கோ³பகோ தே³வபுத்தோ கோ³பகோ தே³வபுத்தோ’தி. தும்ஹே
பன, மாரிஸா, ப⁴க³வதி ப்³ரஹ்மசரியங் சரித்வா ஹீனங் க³ந்த⁴ப்³ப³காயங்
உபபன்னா. து³த்³தி³ட்ட²ரூபங் வத, போ⁴, அத்³த³ஸாம, யே மயங் அத்³த³ஸாம ஸஹத⁴ம்மிகே ஹீனங் க³ந்த⁴ப்³ப³காயங் உபபன்னே’தி. தேஸங், ப⁴ந்தே, கோ³பகேன தே³வபுத்தேன படிசோதி³தானங் த்³வே தே³வா தி³ட்டே²வ த⁴ம்மே ஸதிங் படிலபி⁴ங்ஸு காயங் ப்³ரஹ்மபுரோஹிதங், ஏகோ பன தே³வோ காமே அஜ்ஜா²வஸி.

354.‘‘‘உபாஸிகா சக்கு²மதோ அஹோஸிங்,

நாமம்பி மய்ஹங் அஹு ‘கோ³பிகா’தி;

பு³த்³தே⁴ ச த⁴ம்மே ச அபி⁴ப்பஸன்னா,

ஸங்க⁴ஞ்சுபட்டா²ஸிங் பஸன்னசித்தா.

‘‘‘தஸ்ஸேவ பு³த்³த⁴ஸ்ஸ ஸுத⁴ம்மதாய,

ஸக்கஸ்ஸ புத்தொம்ஹி மஹானுபா⁴வோ;

மஹாஜுதீகோ திதி³வூபபன்னோ,

ஜானந்தி மங் இதா⁴பி ‘கோ³பகோ’தி.

‘‘‘அத²த்³த³ஸங் பி⁴க்க²வோ தி³ட்ட²புப்³பே³,

க³ந்த⁴ப்³ப³காயூபக³தே வஸீனே;

இமேஹி தே கோ³தமஸாவகாஸே,

யே ச மயங் புப்³பே³ மனுஸ்ஸபூ⁴தா.

‘‘‘அன்னேன பானேன உபட்ட²ஹிம்ஹா,

பாதூ³பஸங்க³ய்ஹ ஸகே நிவேஸனே;

குதோமுகா² நாம இமே ப⁴வந்தோ,

பு³த்³த⁴ஸ்ஸ த⁴ம்மானி படிக்³க³ஹேஸுங் [பு³த்³த⁴ஸ்ஸ த⁴ம்மங் ந படிக்³க³ஹேஸுங் (ஸ்யா॰)].

‘‘‘பச்சத்தங் வேதி³தப்³போ³ ஹி த⁴ம்மோ,

ஸுதே³ஸிதோ சக்கு²மதானுபு³த்³தோ⁴;

அஹஞ்ஹி தும்ஹேவ உபாஸமானோ,

ஸுத்வான அரியான ஸுபா⁴ஸிதானி.

‘‘‘ஸக்கஸ்ஸ புத்தொம்ஹி மஹானுபா⁴வோ,

மஹாஜுதீகோ திதி³வூபபன்னோ;

தும்ஹே பன ஸெட்ட²முபாஸமானா,

அனுத்தரங் ப்³ரஹ்மசரியங் சரித்வா.

‘‘‘ஹீனங் காயங் உபபன்னா ப⁴வந்தோ,

அனானுலோமா ப⁴வதூபபத்தி;

து³த்³தி³ட்ட²ரூபங் வத அத்³த³ஸாம,

ஸஹத⁴ம்மிகே ஹீனகாயூபபன்னே.

‘‘‘க³ந்த⁴ப்³ப³காயூபக³தா ப⁴வந்தோ,

தே³வானமாக³ச்ச²த² பாரிசரியங்;

அகா³ரே வஸதோ மய்ஹங்,

இமங் பஸ்ஸ விஸேஸதங்.

‘‘‘இத்தீ² ஹுத்வா ஸ்வஜ்ஜ புமொம்ஹி தே³வோ,

தி³ப்³பே³ஹி காமேஹி ஸமங்கி³பூ⁴தோ’;

தே சோதி³தா கோ³தமஸாவகேன,

ஸங்வேக³மாபாது³ ஸமேச்ச கோ³பகங்.

‘‘‘ஹந்த³ வியாயாம [விகா³யாம (ஸ்யா॰), விதாயாம (பீ॰)] ப்³யாயாம [வியாயமாம (ஸீ॰ பீ॰)],

மா நோ மயங் பரபெஸ்ஸா அஹும்ஹா’;

தேஸங் து³வே வீரியமாரபி⁴ங்ஸு,

அனுஸ்ஸரங் கோ³தமஸாஸனானி.

‘‘இதே⁴வ சித்தானி விராஜயித்வா,

காமேஸு ஆதீ³னவமத்³த³ஸங்ஸு;

தே காமஸங்யோஜனப³ந்த⁴னானி,

பாபிமயோகா³னி து³ரச்சயானி.

‘‘நாகோ³வ ஸன்னானி கு³ணானி [ஸந்தா³னகு³ணானி (ஸீ॰ பீ॰), ஸந்தானி கு³ணானி (ஸ்யா॰)] செ²த்வா,

தே³வே தாவதிங்ஸே அதிக்கமிங்ஸு;

ஸஇந்தா³ தே³வா ஸபஜாபதிகா,

ஸப்³பே³ ஸுத⁴ம்மாய ஸபா⁴யுபவிட்டா².

‘‘தேஸங் நிஸின்னானங் அபி⁴க்கமிங்ஸு,

வீரா விராகா³ விரஜங் கரொந்தா;

தே தி³ஸ்வா ஸங்வேக³மகாஸி வாஸவோ,

தே³வாபி⁴பூ⁴ தே³வக³ணஸ்ஸ மஜ்ஜே².

‘‘‘இமேஹி தே ஹீனகாயூபபன்னா,

தே³வே தாவதிங்ஸே அபி⁴க்கமந்தி’;

ஸங்வேக³ஜாதஸ்ஸ வசோ நிஸம்ம,

ஸோ கோ³பகோ வாஸவமஜ்ஜ²பா⁴ஸி.

‘‘‘பு³த்³தோ⁴ ஜனிந்த³த்தி² மனுஸ்ஸலோகே,

காமாபி⁴பூ⁴ ஸக்யமுனீதி ஞாயதி;

தஸ்ஸேவ தே புத்தா ஸதியா விஹீனா,

சோதி³தா மயா தே ஸதிமஜ்ஜ²லத்து²ங்.

‘‘‘திண்ணங் தேஸங் ஆவஸினெத்த² [அவஸீனெத்த² (பீ॰)] ஏகோ,

க³ந்த⁴ப்³ப³காயூபக³தோ வஸீனோ;

த்³வே ச ஸம்போ³தி⁴பதா²னுஸாரினோ,

தே³வேபி ஹீளெந்தி ஸமாஹிதத்தா.

‘‘‘ஏதாதி³ஸீ த⁴ம்மப்பகாஸனெத்த²,

ந தத்த² கிங்கங்க²தி கோசி ஸாவகோ;

நிதிண்ணஓக⁴ங் விசிகிச்ச²சி²ன்னங்,

பு³த்³த⁴ங் நமஸ்ஸாம ஜினங் ஜனிந்த³ங்’.

‘‘யங் தே த⁴ம்மங் இத⁴ஞ்ஞாய,

விஸேஸங் அஜ்ஜ²க³ங்ஸு [அஜ்ஜ²க³மங்ஸு (ஸ்யா॰)] தே;

காயங் ப்³ரஹ்மபுரோஹிதங்,

து³வே தேஸங் விஸேஸகூ³.

‘‘தஸ்ஸ த⁴ம்மஸ்ஸ பத்தியா,

ஆக³தம்ஹாஸி மாரிஸ;

கதாவகாஸா ப⁴க³வதா,

பஞ்ஹங் புச்சே²மு மாரிஸா’’தி.

355. அத² கோ² ப⁴க³வதோ ஏதத³ஹோஸி – ‘‘தீ³க⁴ரத்தங் விஸுத்³தோ⁴ கோ² அயங் யக்கோ² [ஸக்கோ (ஸீ॰ ஸ்யா॰ பீ॰)],
யங் கிஞ்சி மங் பஞ்ஹங் புச்சி²ஸ்ஸதி, ஸப்³ப³ங் தங் அத்த²ஸஞ்ஹிதங்யேவ
புச்சி²ஸ்ஸதி, நோ அனத்த²ஸஞ்ஹிதங். யஞ்சஸ்ஸாஹங் புட்டோ² ப்³யாகரிஸ்ஸாமி, தங்
கி²ப்பமேவ ஆஜானிஸ்ஸதீ’’தி.

356. அத² கோ² ப⁴க³வா ஸக்கங் தே³வானமிந்த³ங் கா³தா²ய அஜ்ஜ²பா⁴ஸி –

‘‘புச்ச² வாஸவ மங் பஞ்ஹங், யங் கிஞ்சி மனஸிச்ச²ஸி;

தஸ்ஸ தஸ்ஸேவ பஞ்ஹஸ்ஸ, அஹங் அந்தங் கரோமி தே’’தி.

பட²மபா⁴ணவாரோ நிட்டி²தோ.

357. கதாவகாஸோ ஸக்கோ தே³வானமிந்தோ³ ப⁴க³வதா இமங் ப⁴க³வந்தங் [தே³வானமிந்தோ³ ப⁴க³வந்தங் இமங் (ஸீ॰ பீ॰)] பட²மங் பஞ்ஹங் அபுச்சி² –

‘‘கிங் ஸங்யோஜனா நு கோ², மாரிஸ, தே³வா மனுஸ்ஸா அஸுரா நாகா³ க³ந்த⁴ப்³பா³ யே
சஞ்ஞே ஸந்தி புது²காயா, தே – ‘அவேரா அத³ண்டா³ அஸபத்தா அப்³யாபஜ்ஜா விஹரேமு
அவேரினோ’தி இதி ச நேஸங் ஹோதி, அத² ச பன ஸவேரா ஸத³ண்டா³ ஸஸபத்தா
ஸப்³யாபஜ்ஜா விஹரந்தி ஸவேரினோ’’தி? இத்த²ங் ஸக்கோ தே³வானமிந்தோ³ ப⁴க³வந்தங்
பஞ்ஹங் [இமங் பட²மங் பஞ்ஹங் (ஸீ॰ பீ॰)] அபுச்சி². தஸ்ஸ ப⁴க³வா பஞ்ஹங் புட்டோ² ப்³யாகாஸி –

‘‘இஸ்ஸாமச்ச²ரியஸங்யோஜனா கோ², தே³வானமிந்த³, தே³வா மனுஸ்ஸா அஸுரா நாகா³ க³ந்த⁴ப்³பா³ யே சஞ்ஞே
ஸந்தி புது²காயா, தே – ‘அவேரா அத³ண்டா³ அஸபத்தா அப்³யாபஜ்ஜா விஹரேமு
அவேரினோ’தி இதி ச நேஸங் ஹோதி, அத² ச பன ஸவேரா ஸத³ண்டா³ ஸஸபத்தா ஸப்³யாபஜ்ஜா
விஹரந்தி ஸவேரினோ’’தி. இத்த²ங் ப⁴க³வா ஸக்கஸ்ஸ தே³வானமிந்த³ஸ்ஸ பஞ்ஹங்
புட்டோ² ப்³யாகாஸி. அத்தமனோ ஸக்கோ தே³வானமிந்தோ³ ப⁴க³வதோ பா⁴ஸிதங்
அபி⁴னந்தி³ அனுமோதி³ – ‘‘ஏவமேதங், ப⁴க³வா, ஏவமேதங், ஸுக³த. திண்ணா மெத்த²
கங்கா² விக³தா கத²ங்கதா² ப⁴க³வதோ பஞ்ஹவெய்யாகரணங் ஸுத்வா’’தி.

358. இதிஹ ஸக்கோ தே³வானமிந்தோ³ ப⁴க³வதோ பா⁴ஸிதங் அபி⁴னந்தி³த்வா அனுமோதி³த்வா ப⁴க³வந்தங் உத்தரிங் [உத்தரிங் (ஸீ॰ ஸ்யா॰ பீ॰)] பஞ்ஹங் அபுச்சி² –

‘‘இஸ்ஸாமச்ச²ரியங் பன, மாரிஸ, கிங்னிதா³னங்
கிங்ஸமுத³யங் கிங்ஜாதிகங் கிங்பப⁴வங்; கிஸ்மிங் ஸதி இஸ்ஸாமச்ச²ரியங் ஹோதி;
கிஸ்மிங் அஸதி இஸ்ஸாமச்ச²ரியங் ந ஹோதீ’’தி? ‘‘இஸ்ஸாமச்ச²ரியங் கோ²,
தே³வானமிந்த³, பியாப்பியனிதா³னங் பியாப்பியஸமுத³யங் பியாப்பியஜாதிகங்
பியாப்பியபப⁴வங்; பியாப்பியே ஸதி இஸ்ஸாமச்ச²ரியங் ஹோதி, பியாப்பியே அஸதி
இஸ்ஸாமச்ச²ரியங் ந ஹோதீ’’தி.

‘‘பியாப்பியங் கோ² பன, மாரிஸ,
கிங்னிதா³னங் கிங்ஸமுத³யங் கிங்ஜாதிகங் கிங்பப⁴வங்; கிஸ்மிங் ஸதி
பியாப்பியங் ஹோதி; கிஸ்மிங் அஸதி பியாப்பியங் ந ஹோதீ’’தி? ‘‘பியாப்பியங்
கோ², தே³வானமிந்த³, ச²ந்த³னிதா³னங் ச²ந்த³ஸமுத³யங் ச²ந்த³ஜாதிகங்
ச²ந்த³பப⁴வங்; ச²ந்தே³ ஸதி பியாப்பியங் ஹோதி; ச²ந்தே³ அஸதி பியாப்பியங் ந
ஹோதீ’’தி.

‘‘ச²ந்தோ³ கோ² பன, மாரிஸ, கிங்னிதா³னோ கிங்ஸமுத³யோ கிங்ஜாதிகோ கிங்பப⁴வோ; கிஸ்மிங் ஸதி ச²ந்தோ³
ஹோதி; கிஸ்மிங் அஸதி ச²ந்தோ³ ந ஹோதீ’’தி? ‘‘ச²ந்தோ³ கோ², தே³வானமிந்த³,
விதக்கனிதா³னோ விதக்கஸமுத³யோ விதக்கஜாதிகோ விதக்கபப⁴வோ; விதக்கே ஸதி
ச²ந்தோ³ ஹோதி; விதக்கே அஸதி ச²ந்தோ³ ந ஹோதீ’’தி.

‘‘விதக்கோ கோ² பன, மாரிஸ, கிங்னிதா³னோ கிங்ஸமுத³யோ
கிங்ஜாதிகோ கிங்பப⁴வோ; கிஸ்மிங் ஸதி விதக்கோ ஹோதி; கிஸ்மிங் அஸதி விதக்கோ ந
ஹோதீ’’தி? ‘‘விதக்கோ கோ², தே³வானமிந்த³, பபஞ்சஸஞ்ஞாஸங்கா²னிதா³னோ
பபஞ்சஸஞ்ஞாஸங்கா²ஸமுத³யோ பபஞ்சஸஞ்ஞாஸங்கா²ஜாதிகோ பபஞ்சஸஞ்ஞாஸங்கா²பப⁴வோ;
பபஞ்சஸஞ்ஞாஸங்கா²ய ஸதி விதக்கோ ஹோதி; பபஞ்சஸஞ்ஞாஸங்கா²ய அஸதி விதக்கோ ந
ஹோதீ’’தி.

‘‘கத²ங் படிபன்னோ பன, மாரிஸ, பி⁴க்கு² பபஞ்சஸஞ்ஞாஸங்கா²னிரோத⁴ஸாருப்பகா³மினிங் படிபத³ங் படிபன்னோ ஹோதீ’’தி?

வேத³னாகம்மட்டா²னங்

359. ‘‘ஸோமனஸ்ஸங்பாஹங் [பஹங் (ஸீ॰ பீ॰), சாஹங் (ஸ்யா॰ கங்॰)],
தே³வானமிந்த³, து³விதே⁴ன வதா³மி – ஸேவிதப்³ப³ம்பி, அஸேவிதப்³ப³ம்பி.
தோ³மனஸ்ஸங்பாஹங், தே³வானமிந்த³, து³விதே⁴ன வதா³மி – ஸேவிதப்³ப³ம்பி,
அஸேவிதப்³ப³ம்பி. உபெக்க²ங்பாஹங், தே³வானமிந்த³, து³விதே⁴ன வதா³மி –
ஸேவிதப்³ப³ம்பி, அஸேவிதப்³ப³ம்பி.

360.
‘‘ஸோமனஸ்ஸங்பாஹங், தே³வானமிந்த³, து³விதே⁴ன வதா³மி ஸேவிதப்³ப³ம்பி,
அஸேவிதப்³ப³ம்பீதி இதி கோ² பனேதங் வுத்தங், கிஞ்சேதங் படிச்ச வுத்தங்?
தத்த² யங் ஜஞ்ஞா ஸோமனஸ்ஸங் ‘இமங் கோ² மே ஸோமனஸ்ஸங் ஸேவதோ அகுஸலா த⁴ம்மா
அபி⁴வட்³ட⁴ந்தி, குஸலா த⁴ம்மா பரிஹாயந்தீ’தி, ஏவரூபங் ஸோமனஸ்ஸங் ந
ஸேவிதப்³ப³ங். தத்த² யங் ஜஞ்ஞா ஸோமனஸ்ஸங் ‘இமங் கோ² மே ஸோமனஸ்ஸங் ஸேவதோ
அகுஸலா த⁴ம்மா பரிஹாயந்தி, குஸலா த⁴ம்மா அபி⁴வட்³ட⁴ந்தீ’தி, ஏவரூபங்
ஸோமனஸ்ஸங் ஸேவிதப்³ப³ங். தத்த² யங் சே ஸவிதக்கங் ஸவிசாரங், யங் சே
அவிதக்கங் அவிசாரங், யே அவிதக்கே அவிசாரே, தே [ஸே (ஸீ॰ பீ॰)]
பணீததரே. ஸோமனஸ்ஸங்பாஹங், தே³வானமிந்த³, து³விதே⁴ன வதா³மி ஸேவிதப்³ப³ம்பி,
அஸேவிதப்³ப³ம்பீதி. இதி யங் தங் வுத்தங், இத³மேதங் படிச்ச வுத்தங்.

361. ‘‘தோ³மனஸ்ஸங்பாஹங், தே³வானமிந்த³, து³விதே⁴ன வதா³மி ஸேவிதப்³ப³ம்பி ,
அஸேவிதப்³ப³ம்பீதி. இதி கோ² பனேதங் வுத்தங், கிஞ்சேதங் படிச்ச வுத்தங்?
தத்த² யங் ஜஞ்ஞா தோ³மனஸ்ஸங் ‘இமங் கோ² மே தோ³மனஸ்ஸங் ஸேவதோ அகுஸலா த⁴ம்மா
அபி⁴வட்³ட⁴ந்தி, குஸலா த⁴ம்மா பரிஹாயந்தீ’தி, ஏவரூபங் தோ³மனஸ்ஸங் ந
ஸேவிதப்³ப³ங். தத்த² யங் ஜஞ்ஞா தோ³மனஸ்ஸங் ‘இமங் கோ² மே தோ³மனஸ்ஸங் ஸேவதோ
அகுஸலா த⁴ம்மா பரிஹாயந்தி, குஸலா த⁴ம்மா அபி⁴வட்³ட⁴ந்தீ’தி, ஏவரூபங்
தோ³மனஸ்ஸங் ஸேவிதப்³ப³ங். தத்த² யங் சே ஸவிதக்கங் ஸவிசாரங், யங் சே
அவிதக்கங் அவிசாரங், யே அவிதக்கே அவிசாரே, தே பணீததரே. தோ³மனஸ்ஸங்பாஹங்,
தே³வானமிந்த³, து³விதே⁴ன வதா³மி ஸேவிதப்³ப³ம்பி, அஸேவிதப்³ப³ம்பீ’தி இதி
யங் தங் வுத்தங், இத³மேதங் படிச்ச வுத்தங்.

362.
‘‘உபெக்க²ங்பாஹங், தே³வானமிந்த³, து³விதே⁴ன வதா³மி ஸேவிதப்³ப³ம்பி,
அஸேவிதப்³ப³ம்பீதி இதி கோ² பனேதங் வுத்தங், கிஞ்சேதங் படிச்ச வுத்தங்?
தத்த² யங் ஜஞ்ஞா உபெக்க²ங் ‘இமங் கோ² மே உபெக்க²ங் ஸேவதோ அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தீ’தி, ஏவரூபா உபெக்கா²
ந ஸேவிதப்³பா³. தத்த² யங் ஜஞ்ஞா உபெக்க²ங் ‘இமங் கோ² மே உபெக்க²ங் ஸேவதோ
அகுஸலா த⁴ம்மா பரிஹாயந்தி, குஸலா த⁴ம்மா அபி⁴வட்³ட⁴ந்தீ’தி, ஏவரூபா
உபெக்கா² ஸேவிதப்³பா³. தத்த² யங் சே ஸவிதக்கங் ஸவிசாரங், யங் சே அவிதக்கங்
அவிசாரங், யே அவிதக்கே அவிசாரே, தே பணீததரே. உபெக்க²ங்பாஹங், தே³வானமிந்த³,
து³விதே⁴ன வதா³மி ஸேவிதப்³ப³ம்பி, அஸேவிதப்³ப³ம்பீதி இதி யங் தங் வுத்தங்,
இத³மேதங் படிச்ச வுத்தங்.

363.
‘‘ஏவங் படிபன்னோ கோ², தே³வானமிந்த³, பி⁴க்கு²
பபஞ்சஸஞ்ஞாஸங்கா²னிரோத⁴ஸாருப்பகா³மினிங் படிபத³ங் படிபன்னோ ஹோதீ’’தி.
இத்த²ங் ப⁴க³வா ஸக்கஸ்ஸ தே³வானமிந்த³ஸ்ஸ பஞ்ஹங் புட்டோ² ப்³யாகாஸி. அத்தமனோ
ஸக்கோ தே³வானமிந்தோ³ ப⁴க³வதோ பா⁴ஸிதங் அபி⁴னந்தி³
அனுமோதி³ – ‘‘ஏவமேதங், ப⁴க³வா, ஏவமேதங், ஸுக³த, திண்ணா மெத்த² கங்கா²
விக³தா கத²ங்கதா² ப⁴க³வதோ பஞ்ஹவெய்யாகரணங் ஸுத்வா’’தி.

பாதிமொக்க²ஸங்வரோ

364. இதிஹ ஸக்கோ தே³வானமிந்தோ³ ப⁴க³வதோ பா⁴ஸிதங் அபி⁴னந்தி³த்வா அனுமோதி³த்வா ப⁴க³வந்தங் உத்தரிங் பஞ்ஹங் அபுச்சி² –

‘‘கத²ங் படிபன்னோ பன, மாரிஸ, பி⁴க்கு²
பாதிமொக்க²ஸங்வராய படிபன்னோ ஹோதீ’’தி? ‘‘காயஸமாசாரங்பாஹங், தே³வானமிந்த³,
து³விதே⁴ன வதா³மி – ஸேவிதப்³ப³ம்பி, அஸேவிதப்³ப³ம்பி. வசீஸமாசாரங்பாஹங்,
தே³வானமிந்த³, து³விதே⁴ன வதா³மி – ஸேவிதப்³ப³ம்பி, அஸேவிதப்³ப³ம்பி.
பரியேஸனங்பாஹங், தே³வானமிந்த³, து³விதே⁴ன வதா³மி – ஸேவிதப்³ப³ம்பி,
அஸேவிதப்³ப³’’ம்பி.

‘‘காயஸமாசாரங்பாஹங் ,
தே³வானமிந்த³, து³விதே⁴ன வதா³மி ஸேவிதப்³ப³ம்பி அஸேவிதப்³ப³ம்பீதி இதி கோ²
பனேதங் வுத்தங், கிஞ்சேதங் படிச்ச வுத்தங்? தத்த² யங் ஜஞ்ஞா காயஸமாசாரங்
‘இமங் கோ² மே காயஸமாசாரங் ஸேவதோ அகுஸலா த⁴ம்மா அபி⁴வட்³ட⁴ந்தி, குஸலா
த⁴ம்மா பரிஹாயந்தீ’தி, ஏவரூபோ காயஸமாசாரோ ந ஸேவிதப்³போ³. தத்த² யங் ஜஞ்ஞா
காயஸமாசாரங் ‘இமங் கோ² மே காயஸமாசாரங் ஸேவதோ அகுஸலா
த⁴ம்மா பரிஹாயந்தி, குஸலா த⁴ம்மா அபி⁴வட்³ட⁴ந்தீ’தி, ஏவரூபோ காயஸமாசாரோ
ஸேவிதப்³போ³. காயஸமாசாரங்பாஹங், தே³வானமிந்த³, து³விதே⁴ன வதா³மி –
ஸேவிதப்³ப³ம்பி, அஸேவிதப்³ப³ம்பீதி இதி யங் தங் வுத்தங், இத³மேதங் படிச்ச
வுத்தங்.

‘‘வசீஸமாசாரங்பாஹங் ,
தே³வானமிந்த³, து³விதே⁴ன வதா³மி – ஸேவிதப்³ப³ம்பி, அஸேவிதப்³ப³ம்பீ’தி. இதி
கோ² பனேதங் வுத்தங், கிஞ்சேதங் படிச்ச வுத்தங்? தத்த² யங் ஜஞ்ஞா
வசீஸமாசாரங் ‘இமங் கோ² மே வசீஸமாசாரங் ஸேவதோ அகுஸலா த⁴ம்மா அபி⁴வட்³ட⁴ந்தி,
குஸலா த⁴ம்மா பரிஹாயந்தீ’தி, ஏவரூபோ வசீஸமாசாரோ ந ஸேவிதப்³போ³. தத்த² யங்
ஜஞ்ஞா வசீஸமாசாரங் ‘இமங் கோ² மே வசீஸமாசாரங் ஸேவதோ அகுஸலா த⁴ம்மா
பரிஹாயந்தி, குஸலா த⁴ம்மா அபி⁴வட்³ட⁴ந்தீ’தி, ஏவரூபோ வசீஸமாசாரோ
ஸேவிதப்³போ³. வசீஸமாசாரங்பாஹங், தே³வானமிந்த³, து³விதே⁴ன வதா³மி –
ஸேவிதப்³ப³ம்பி, அஸேவிதப்³ப³ம்பீதி இதி யங் தங் வுத்தங், இத³மேதங் படிச்ச
வுத்தங்.

‘‘பரியேஸனங்பாஹங் ,
தே³வானமிந்த³, து³விதே⁴ன வதா³மி – ஸேவிதப்³ப³ம்பி, அஸேவிதப்³ப³ம்பீதி இதி
கோ² பனேதங் வுத்தங், கிஞ்சேதங் படிச்ச வுத்தங்? தத்த² யங் ஜஞ்ஞா பரியேஸனங்
‘இமங் கோ² மே பரியேஸனங் ஸேவதோ அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா
பரிஹாயந்தீ’தி, ஏவரூபா பரியேஸனா ந ஸேவிதப்³பா³. தத்த² யங் ஜஞ்ஞா பரியேஸனங்
‘இமங் கோ² மே பரியேஸனங் ஸேவதோ அகுஸலா த⁴ம்மா
பரிஹாயந்தி, குஸலா த⁴ம்மா அபி⁴வட்³ட⁴ந்தீ’தி, ஏவரூபா பரியேஸனா ஸேவிதப்³பா³.
பரியேஸனங்பாஹங், தே³வானமிந்த³, து³விதே⁴ன வதா³மி – ஸேவிதப்³ப³ம்பி,
அஸேவிதப்³ப³ம்பீதி இதி யங் தங் வுத்தங், இத³மேதங் படிச்ச வுத்தங்.

‘‘ஏவங் படிபன்னோ கோ²,
தே³வானமிந்த³, பி⁴க்கு² பாதிமொக்க²ஸங்வராய படிபன்னோ ஹோதீ’’தி. இத்த²ங்
ப⁴க³வா ஸக்கஸ்ஸ தே³வானமிந்த³ஸ்ஸ பஞ்ஹங் புட்டோ² ப்³யாகாஸி. அத்தமனோ ஸக்கோ
தே³வானமிந்தோ³ ப⁴க³வதோ பா⁴ஸிதங் அபி⁴னந்தி³ அனுமோதி³ – ‘‘ஏவமேதங், ப⁴க³வா,
ஏவமேதங், ஸுக³த. திண்ணா மெத்த² கங்கா² விக³தா கத²ங்கதா² ப⁴க³வதோ
பஞ்ஹவெய்யாகரணங் ஸுத்வா’’தி.

இந்த்³ரியஸங்வரோ

365. இதிஹ ஸக்கோ தே³வானமிந்தோ³ ப⁴க³வதோ பா⁴ஸிதங் அபி⁴னந்தி³த்வா அனுமோதி³த்வா ப⁴க³வந்தங் உத்தரிங் பஞ்ஹங் அபுச்சி² –

‘‘கத²ங் படிபன்னோ பன, மாரிஸ, பி⁴க்கு²
இந்த்³ரியஸங்வராய படிபன்னோ ஹோதீ’’தி? ‘‘சக்கு²விஞ்ஞெய்யங் ரூபங்பாஹங்,
தே³வானமிந்த³, து³விதே⁴ன வதா³மி – ஸேவிதப்³ப³ம்பி, அஸேவிதப்³ப³ம்பி.
ஸோதவிஞ்ஞெய்யங் ஸத்³த³ங்பாஹங், தே³வானமிந்த³, து³விதே⁴ன வதா³மி –
ஸேவிதப்³ப³ம்பி, அஸேவிதப்³ப³ம்பி. கா⁴னவிஞ்ஞெய்யங் க³ந்த⁴ங்பாஹங்,
தே³வானமிந்த³, து³விதே⁴ன வதா³மி – ஸேவிதப்³ப³ம்பி, அஸேவிதப்³ப³ம்பி.
ஜிவ்ஹாவிஞ்ஞெய்யங் ரஸங்பாஹங், தே³வானமிந்த³,
து³விதே⁴ன வதா³மி – ஸேவிதப்³ப³ம்பி, அஸேவிதப்³ப³ம்பி. காயவிஞ்ஞெய்யங்
பொ²ட்ட²ப்³ப³ங்பாஹங், தே³வானமிந்த³, து³விதே⁴ன வதா³மி – ஸேவிதப்³ப³ம்பி,
அஸேவிதப்³ப³ம்பி. மனோவிஞ்ஞெய்யங் த⁴ம்மங்பாஹங், தே³வானமிந்த³, து³விதே⁴ன
வதா³மி – ஸேவிதப்³ப³ம்பி, அஸேவிதப்³ப³ம்பீ’’தி.

ஏவங் வுத்தே, ஸக்கோ தே³வானமிந்தோ³ ப⁴க³வந்தங் ஏதத³வோச –

‘‘இமஸ்ஸ கோ² அஹங், ப⁴ந்தே, ப⁴க³வதா ஸங்கி²த்தேன
பா⁴ஸிதஸ்ஸ ஏவங் வித்தா²ரேன அத்த²ங் ஆஜானாமி. யதா²ரூபங், ப⁴ந்தே,
சக்கு²விஞ்ஞெய்யங் ரூபங் ஸேவதோ அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா
பரிஹாயந்தி, ஏவரூபங் சக்கு²விஞ்ஞெய்யங் ரூபங் ந ஸேவிதப்³ப³ங் .
யதா²ரூபஞ்ச கோ², ப⁴ந்தே, சக்கு²விஞ்ஞெய்யங் ரூபங் ஸேவதோ அகுஸலா த⁴ம்மா
பரிஹாயந்தி, குஸலா த⁴ம்மா அபி⁴வட்³ட⁴ந்தி, ஏவரூபங் சக்கு²விஞ்ஞெய்யங் ரூபங்
ஸேவிதப்³ப³ங். யதா²ரூபஞ்ச கோ², ப⁴ந்தே, ஸோதவிஞ்ஞெய்யங்
ஸத்³த³ங் ஸேவதோ…பே॰… கா⁴னவிஞ்ஞெய்யங் க³ந்த⁴ங் ஸேவதோ… ஜிவ்ஹாவிஞ்ஞெய்யங்
ரஸங் ஸேவதோ… காயவிஞ்ஞெய்யங் பொ²ட்ட²ப்³ப³ங் ஸேவதோ… மனோவிஞ்ஞெய்யங் த⁴ம்மங்
ஸேவதோ அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி, ஏவரூபோ
மனோவிஞ்ஞெய்யோ த⁴ம்மோ ந ஸேவிதப்³போ³. யதா²ரூபஞ்ச கோ², ப⁴ந்தே,
மனோவிஞ்ஞெய்யங் த⁴ம்மங் ஸேவதோ அகுஸலா த⁴ம்மா பரிஹாயந்தி, குஸலா த⁴ம்மா
அபி⁴வட்³ட⁴ந்தி, ஏவரூபோ மனோவிஞ்ஞெய்யோ த⁴ம்மோ ஸேவிதப்³போ³.

‘‘இமஸ்ஸ கோ² மே, ப⁴ந்தே, ப⁴க³வதா ஸங்கி²த்தேன
பா⁴ஸிதஸ்ஸ ஏவங் வித்தா²ரேன அத்த²ங் ஆஜானதோ திண்ணா மெத்த² கங்கா² விக³தா
கத²ங்கதா² ப⁴க³வதோ பஞ்ஹவெய்யாகரணங் ஸுத்வா’’தி.

366. இதிஹ ஸக்கோ தே³வானமிந்தோ³ ப⁴க³வதோ பா⁴ஸிதங் அபி⁴னந்தி³த்வா அனுமோதி³த்வா ப⁴க³வந்தங் உத்தரிங் பஞ்ஹங் அபுச்சி² –

‘‘ஸப்³பே³வ நு கோ², மாரிஸ, ஸமணப்³ராஹ்மணா ஏகந்தவாதா³
ஏகந்தஸீலா ஏகந்தச²ந்தா³ ஏகந்தஅஜ்ஜோ²ஸானா’’தி? ‘‘ந கோ², தே³வானமிந்த³,
ஸப்³பே³ ஸமணப்³ராஹ்மணா ஏகந்தவாதா³ ஏகந்தஸீலா ஏகந்தச²ந்தா³
ஏகந்தஅஜ்ஜோ²ஸானா’’தி.

‘‘கஸ்மா பன, மாரிஸ, ந ஸப்³பே³ ஸமணப்³ராஹ்மணா
ஏகந்தவாதா³ ஏகந்தஸீலா ஏகந்தச²ந்தா³ ஏகந்தஅஜ்ஜோ²ஸானா’’தி? ‘‘அனேகதா⁴து
நானாதா⁴து கோ², தே³வானமிந்த³, லோகோ. தஸ்மிங் அனேகதா⁴துனானாதா⁴துஸ்மிங் லோகே
யங் யதே³வ ஸத்தா தா⁴துங் அபி⁴னிவிஸந்தி, தங் ததே³வ தா²மஸா பராமாஸா அபி⁴னிவிஸ்ஸ வோஹரந்தி – ‘இத³மேவ ஸச்சங் மோக⁴மஞ்ஞ’ந்தி. தஸ்மா ந ஸப்³பே³ ஸமணப்³ராஹ்மணா ஏகந்தவாதா³ ஏகந்தஸீலா ஏகந்தச²ந்தா³ ஏகந்தஅஜ்ஜோ²ஸானா’’தி.

‘‘ஸப்³பே³வ நு கோ², மாரிஸ, ஸமணப்³ராஹ்மணா அச்சந்தனிட்டா²
அச்சந்தயோக³க்கே²மீ அச்சந்தப்³ரஹ்மசாரீ அச்சந்தபரியோஸானா’’தி? ‘‘ந கோ²,
தே³வானமிந்த³, ஸப்³பே³ ஸமணப்³ராஹ்மணா அச்சந்தனிட்டா² அச்சந்தயோக³க்கே²மீ
அச்சந்தப்³ரஹ்மசாரீ அச்சந்தபரியோஸானா’’தி.

‘‘கஸ்மா பன, மாரிஸ, ந ஸப்³பே³
ஸமணப்³ராஹ்மணா அச்சந்தனிட்டா² அச்சந்தயோக³க்கே²மீ அச்சந்தப்³ரஹ்மசாரீ
அச்சந்தபரியோஸானா’’தி? ‘‘யே கோ², தே³வானமிந்த³, பி⁴க்கூ²
தண்ஹாஸங்க²யவிமுத்தா தே அச்சந்தனிட்டா² அச்சந்தயோக³க்கே²மீ
அச்சந்தப்³ரஹ்மசாரீ அச்சந்தபரியோஸானா. தஸ்மா ந ஸப்³பே³ ஸமணப்³ராஹ்மணா
அச்சந்தனிட்டா² அச்சந்தயோக³க்கே²மீ அச்சந்தப்³ரஹ்மசாரீ
அச்சந்தபரியோஸானா’’தி.

இத்த²ங் ப⁴க³வா ஸக்கஸ்ஸ தே³வானமிந்த³ஸ்ஸ பஞ்ஹங்
புட்டோ² ப்³யாகாஸி. அத்தமனோ ஸக்கோ தே³வானமிந்தோ³ ப⁴க³வதோ பா⁴ஸிதங்
அபி⁴னந்தி³ அனுமோதி³ – ‘‘ஏவமேதங், ப⁴க³வா, ஏவமேதங், ஸுக³த. திண்ணா மெத்த²
கங்கா² விக³தா கத²ங்கதா² ப⁴க³வதோ பஞ்ஹவெய்யாகரணங் ஸுத்வா’’தி.

367. இதிஹ ஸக்கோ தே³வானமிந்தோ³ ப⁴க³வதோ பா⁴ஸிதங் அபி⁴னந்தி³த்வா அனுமோதி³த்வா ப⁴க³வந்தங் ஏதத³வோச –

‘‘ஏஜா, ப⁴ந்தே, ரோகோ³, ஏஜா க³ண்டோ³, ஏஜா ஸல்லங், ஏஜா
இமங் புரிஸங் பரிகட்³ட⁴தி தஸ்ஸ தஸ்ஸேவ ப⁴வஸ்ஸ அபி⁴னிப்³ப³த்தியா. தஸ்மா
அயங் புரிஸோ உச்சாவசமாபஜ்ஜதி . யேஸாஹங், ப⁴ந்தே,
பஞ்ஹானங் இதோ ப³ஹித்³தா⁴ அஞ்ஞேஸு ஸமணப்³ராஹ்மணேஸு ஓகாஸகம்மம்பி நாலத்த²ங்,
தே மே ப⁴க³வதா ப்³யாகதா. தீ³க⁴ரத்தானுஸயிதஞ்ச பன [தீ³க⁴ரத்தானுபஸ்ஸதா, யஞ்ச பன (ஸ்யா॰), தீ³க⁴ரத்தானுஸயினோ, யஞ்ச பன (ஸீ॰ பீ॰)] மே விசிகிச்சா²கத²ங்கதா²ஸல்லங், தஞ்ச ப⁴க³வதா அப்³பு³ள்ஹ’’ந்தி.

‘‘அபி⁴ஜானாஸி நோ த்வங்,
தே³வானமிந்த³, இமே பஞ்ஹே அஞ்ஞே ஸமணப்³ராஹ்மணே புச்சி²தா’’தி?
‘‘அபி⁴ஜானாமஹங், ப⁴ந்தே, இமே பஞ்ஹே அஞ்ஞே ஸமணப்³ராஹ்மணே புச்சி²தா’’தி.
‘‘யதா² கத²ங் பன தே, தே³வானமிந்த³, ப்³யாகங்ஸு? ஸசே தே அக³ரு பா⁴ஸஸ்ஸூ’’தி.
‘‘ந கோ² மே, ப⁴ந்தே, க³ரு யத்த²ஸ்ஸ ப⁴க³வா நிஸின்னோ ப⁴க³வந்தரூபோ வா’’தி.
‘‘தேன ஹி, தே³வானமிந்த³, பா⁴ஸஸ்ஸூ’’தி. ‘‘யெஸ்வாஹங் [யேஸாஹங் (ஸீ॰ ஸ்யா॰ பீ॰)], ப⁴ந்தே ,
மஞ்ஞாமி ஸமணப்³ராஹ்மணா ஆரஞ்ஞிகா பந்தஸேனாஸனாதி, த்யாஹங் உபஸங்கமித்வா இமே
பஞ்ஹே புச்சா²மி, தே மயா புட்டா² ந ஸம்பாயந்தி, அஸம்பாயந்தா மமங்யேவ
படிபுச்ச²ந்தி – ‘கோ நாமோ ஆயஸ்மா’தி? தேஸாஹங் புட்டோ² ப்³யாகரோமி – ‘அஹங்
கோ², மாரிஸ, ஸக்கோ தே³வானமிந்தோ³’தி. தே மமங்யேவ உத்தரி படிபுச்ச²ந்தி –
‘கிங் பனாயஸ்மா, தே³வானமிந்த³ [தே³வானமிந்தோ³ (ஸீ॰ பீ॰)], கம்மங் கத்வா இமங் டா²னங் பத்தோ’தி? தேஸாஹங் யதா²ஸுதங் யதா²பரியத்தங் த⁴ம்மங் தே³ஸேமி. தே தாவதகேனேவ அத்தமனா
ஹொந்தி – ‘ஸக்கோ ச நோ தே³வானமிந்தோ³ தி³ட்டோ², யஞ்ச நோ அபுச்சி²ம்ஹா, தஞ்ச
நோ ப்³யாகாஸீ’தி. தே அஞ்ஞத³த்து² மமங்யேவ ஸாவகா ஸம்பஜ்ஜந்தி, ந சாஹங்
தேஸங். அஹங் கோ² பன, ப⁴ந்தே, ப⁴க³வதோ ஸாவகோ ஸோதாபன்னோ அவினிபாதத⁴ம்மோ நியதோ
ஸம்போ³தி⁴பராயணோ’’தி .

ஸோமனஸ்ஸபடிலாப⁴கதா²

368. ‘‘அபி⁴ஜானாஸி நோ த்வங், தே³வானமிந்த³, இதோ புப்³பே³ ஏவரூபங் வேத³படிலாப⁴ங் ஸோமனஸ்ஸபடிலாப⁴’’ந்தி? ‘‘அபி⁴ஜானாமஹங் ,
ப⁴ந்தே, இதோ புப்³பே³ ஏவரூபங் வேத³படிலாப⁴ங் ஸோமனஸ்ஸபடிலாப⁴’’ந்தி. ‘‘யதா²
கத²ங் பன த்வங், தே³வானமிந்த³, அபி⁴ஜானாஸி இதோ புப்³பே³ ஏவரூபங்
வேத³படிலாப⁴ங் ஸோமனஸ்ஸபடிலாப⁴’’ந்தி?

‘‘பூ⁴தபுப்³ப³ங், ப⁴ந்தே, தே³வாஸுரஸங்கா³மோ ஸமுபப்³யூள்ஹோ [ஸமூபப்³பு³ள்ஹோ (ஸீ॰ பீ॰)] அஹோஸி. தஸ்மிங் கோ² பன, ப⁴ந்தே, ஸங்கா³மே தே³வா ஜினிங்ஸு, அஸுரா பராஜயிங்ஸு [பராஜிங்ஸு (ஸீ॰ பீ॰)].
தஸ்ஸ மய்ஹங், ப⁴ந்தே, தங் ஸங்கா³மங் அபி⁴விஜினித்வா விஜிதஸங்கா³மஸ்ஸ
ஏதத³ஹோஸி – ‘யா சேவ தா³னி தி³ப்³பா³ ஓஜா யா ச அஸுரா ஓஜா, உப⁴யமேதங் [உப⁴யமெத்த² (ஸ்யா॰)]
தே³வா பரிபு⁴ஞ்ஜிஸ்ஸந்தீ’தி. ஸோ கோ² பன மே, ப⁴ந்தே, வேத³படிலாபோ⁴
ஸோமனஸ்ஸபடிலாபோ⁴ ஸத³ண்டா³வசரோ ஸஸத்தா²வசரோ ந நிப்³பி³தா³ய ந விராகா³ய ந
நிரோதா⁴ய ந உபஸமாய ந அபி⁴ஞ்ஞாய ந ஸம்போ³தா⁴ய ந நிப்³பா³னாய ஸங்வத்ததி. யோ
கோ² பன மே அயங், ப⁴ந்தே, ப⁴க³வதோ த⁴ம்மங் ஸுத்வா வேத³படிலாபோ⁴
ஸோமனஸ்ஸபடிலாபோ⁴, ஸோ அத³ண்டா³வசரோ அஸத்தா²வசரோ ஏகந்தனிப்³பி³தா³ய விராகா³ய
நிரோதா⁴ய உபஸமாய அபி⁴ஞ்ஞாய ஸம்போ³தா⁴ய நிப்³பா³னாய ஸங்வத்ததீ’’தி.

369.
‘‘கிங் பன த்வங், தே³வானமிந்த³, அத்த²வஸங் ஸம்பஸ்ஸமானோ ஏவரூபங்
வேத³படிலாப⁴ங் ஸோமனஸ்ஸபடிலாப⁴ங் பவேதே³ஸீ’’தி? ‘‘ச² கோ² அஹங், ப⁴ந்தே,
அத்த²வஸே ஸம்பஸ்ஸமானோ ஏவரூபங் வேத³படிலாப⁴ங் ஸோமனஸ்ஸபடிலாப⁴ங் பவேதே³மி.

‘‘இதே⁴வ திட்ட²மானஸ்ஸ, தே³வபூ⁴தஸ்ஸ மே ஸதோ;

புனராயு ச மே லத்³தோ⁴, ஏவங் ஜானாஹி மாரிஸ.

‘‘இமங் கோ² அஹங், ப⁴ந்தே, பட²மங் அத்த²வஸங் ஸம்பஸ்ஸமானோ ஏவரூபங் வேத³படிலாப⁴ங் ஸோமனஸ்ஸபடிலாப⁴ங் பவேதே³மி.

‘‘சுதாஹங் தி³வியா காயா, ஆயுங் ஹித்வா அமானுஸங்;

அமூள்ஹோ க³ப்³ப⁴மெஸ்ஸாமி, யத்த² மே ரமதீ மனோ.

‘‘இமங் கோ² அஹங், ப⁴ந்தே, து³தியங் அத்த²வஸங் ஸம்பஸ்ஸமானோ ஏவரூபங் வேத³படிலாப⁴ங் ஸோமனஸ்ஸபடிலாப⁴ங் பவேதே³மி.

‘‘ஸ்வாஹங் அமூள்ஹபஞ்ஞஸ்ஸ [அமூள்ஹபஞ்ஹஸ்ஸ (?)], விஹரங் ஸாஸனே ரதோ;

ஞாயேன விஹரிஸ்ஸாமி, ஸம்பஜானோ படிஸ்ஸதோ.

‘‘இமங் கோ² அஹங், ப⁴ந்தே, ததியங் அத்த²வஸங் ஸம்பஸ்ஸமானோ ஏவரூபங் வேத³படிலாப⁴ங் ஸோமனஸ்ஸபடிலாப⁴ங் பவேதே³மி.

‘‘ஞாயேன மே சரதோ ச, ஸம்போ³தி⁴ சே ப⁴விஸ்ஸதி;

அஞ்ஞாதா விஹரிஸ்ஸாமி, ஸ்வேவ அந்தோ ப⁴விஸ்ஸதி.

‘‘இமங் கோ² அஹங், ப⁴ந்தே, சதுத்த²ங் அத்த²வஸங் ஸம்பஸ்ஸமானோ ஏவரூபங் வேத³படிலாப⁴ங் ஸோமனஸ்ஸபடிலாப⁴ங் பவேதே³மி.

‘‘சுதாஹங் மானுஸா காயா, ஆயுங் ஹித்வான மானுஸங்;

புன தே³வோ ப⁴விஸ்ஸாமி, தே³வலோகம்ஹி உத்தமோ.

‘‘இமங் கோ² அஹங், ப⁴ந்தே, பஞ்சமங் அத்த²வஸங் ஸம்பஸ்ஸமானோ ஏவரூபங் வேத³படிலாப⁴ங் ஸோமனஸ்ஸபடிலாப⁴ங் பவேதே³மி.

‘‘தே [யே (?)] பணீததரா தே³வா, அகனிட்டா² யஸஸ்ஸினோ;

அந்திமே வத்தமானம்ஹி, ஸோ நிவாஸோ ப⁴விஸ்ஸதி.

‘‘இமங் கோ² அஹங், ப⁴ந்தே, ச²ட்ட²ங் அத்த²வஸங் ஸம்பஸ்ஸமானோ ஏவரூபங் வேத³படிலாப⁴ங் ஸோமனஸ்ஸபடிலாப⁴ங் பவேதே³மி.

‘‘இமே கோ² அஹங், ப⁴ந்தே, ச² அத்த²வஸே ஸம்பஸ்ஸமானோ ஏவரூபங் வேத³படிலாப⁴ங் ஸோமனஸ்ஸபடிலாப⁴ங் பவேதே³மி.

370.‘‘அபரியோஸிதஸங்கப்போ , விசிகிச்சோ² கத²ங்கதீ².

விசரிங் தீ³க⁴மத்³தா⁴னங், அன்வேஸந்தோ ததா²க³தங்.

‘‘யஸ்ஸு மஞ்ஞாமி ஸமணே, பவிவித்தவிஹாரினோ;

ஸம்பு³த்³தா⁴ இதி மஞ்ஞானோ, க³ச்சா²மி தே உபாஸிதுங்.

‘‘‘கத²ங் ஆராத⁴னா ஹோதி, கத²ங் ஹோதி விராத⁴னா’;

இதி புட்டா² ந ஸம்பாயந்தி [ஸம்பொ⁴ந்தி (ஸ்யா॰)], மக்³கே³ படிபதா³ஸு ச.

‘‘த்யஸ்ஸு யதா³ மங் ஜானந்தி, ஸக்கோ தே³வானமாக³தோ;

த்யஸ்ஸு மமேவ புச்ச²ந்தி, ‘கிங் கத்வா பாபுணீ இத³ங்’.

‘‘தேஸங் யதா²ஸுதங் த⁴ம்மங், தே³ஸயாமி ஜனே ஸுதங் [ஜனேஸுத (க॰ ஸீ॰)];

தேன அத்தமனா ஹொந்தி, ‘தி³ட்டோ² நோ வாஸவோதி ச’.

‘‘யதா³ ச பு³த்³த⁴மத்³த³க்கி²ங், விசிகிச்சா²விதாரணங்;

ஸொம்ஹி வீதப⁴யோ அஜ்ஜ, ஸம்பு³த்³த⁴ங் பயிருபாஸிய [பயிருபாஸயிங் (ஸ்யா॰ க॰)].

‘‘தண்ஹாஸல்லஸ்ஸ ஹந்தாரங், பு³த்³த⁴ங் அப்படிபுக்³க³லங்;

அஹங் வந்தே³ மஹாவீரங், பு³த்³த⁴மாதி³ச்சப³ந்து⁴னங்.

‘‘யங் கரோமஸி ப்³ரஹ்முனோ, ஸமங் தே³வேஹி மாரிஸ;

தத³ஜ்ஜ துய்ஹங் கஸ்ஸாம [த³ஸ்ஸாம (ஸ்யா॰ க॰)], ஹந்த³ ஸாமங் கரோம தே.

‘‘த்வமேவ அஸி [துவமேவஸி (பீ॰)] ஸம்பு³த்³தோ⁴, துவங் ஸத்தா² அனுத்தரோ;

ஸதே³வகஸ்மிங் லோகஸ்மிங், நத்தி² தே படிபுக்³க³லோ’’தி.

371.
அத² கோ² ஸக்கோ தே³வானமிந்தோ³ பஞ்சஸிக²ங் க³ந்த⁴ப்³ப³புத்தங் ஆமந்தேஸி –
‘‘ப³ஹூபகாரோ கோ² மேஸி த்வங், தாத பஞ்சஸிக², யங் த்வங் ப⁴க³வந்தங் பட²மங்
பஸாதே³ஸி. தயா, தாத, பட²மங் பஸாதி³தங் பச்சா² மயங் தங் ப⁴க³வந்தங் த³ஸ்ஸனாய
உபஸங்கமிம்ஹா அரஹந்தங் ஸம்மாஸம்பு³த்³த⁴ங். பெத்திகே வா டா²னே ட²பயிஸ்ஸாமி
, க³ந்த⁴ப்³ப³ராஜா ப⁴விஸ்ஸஸி, ப⁴த்³த³ஞ்ச தே ஸூரியவச்ச²ஸங் த³ம்மி, ஸா ஹி தே அபி⁴பத்தி²தா’’தி.

அத² கோ² ஸக்கோ தே³வானமிந்தோ³ பாணினா பத²விங்
பராமஸித்வா திக்க²த்துங் உதா³னங் உதா³னேஸி – ‘‘நமோ தஸ்ஸ ப⁴க³வதோ அரஹதோ
ஸம்மாஸம்பு³த்³த⁴ஸ்ஸா’’தி.

இமஸ்மிஞ்ச பன வெய்யாகரணஸ்மிங் ப⁴ஞ்ஞமானே ஸக்கஸ்ஸ
தே³வானமிந்த³ஸ்ஸ விரஜங் வீதமலங் த⁴ம்மசக்கு²ங் உத³பாதி³ – ‘‘யங் கிஞ்சி
ஸமுத³யத⁴ம்மங், ஸப்³ப³ங் தங் நிரோத⁴த⁴ம்ம’’ந்தி. அஞ்ஞேஸஞ்ச அஸீதியா
தே³வதாஸஹஸ்ஸானங் , இதி யே ஸக்கேன தே³வானமிந்தே³ன அஜ்ஜி²ட்ட²பஞ்ஹா புட்டா² , தே ப⁴க³வதா ப்³யாகதா. தஸ்மா இமஸ்ஸ வெய்யாகரணஸ்ஸ ஸக்கபஞ்ஹாத்வேவ அதி⁴வசனந்தி.

ஸக்கபஞ்ஹஸுத்தங் நிட்டி²தங் அட்ட²மங்.

comments (0)

ஸுத்தபிடக-Part-20-தமிழில் திரபிடக மூன்று தொகுப்புகள்TIPITAKA–20.7. மஹாஸமயஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 12:09 pm

ஸுத்தபிடக-Part-20-தமிழில் திரபிடக மூன்று தொகுப்புகள்TIPITAKA--20.7. மஹாஸமயஸுத்தங்-from FREE ONLINE eNālāndā Research and
Practice UNIVERSITY through http://sarvajan.ambedkar.org

7. மஹாஸமயஸுத்தங்

331. ஏவங் மே
ஸுதங் – ஏகங் ஸமயங் ப⁴க³வா ஸக்கேஸு விஹரதி கபிலவத்து²ஸ்மிங் மஹாவனே மஹதா
பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி பி⁴க்கு²ஸதேஹி ஸப்³பே³ஹேவ
அரஹந்தேஹி; த³ஸஹி ச லோகதா⁴தூஹி தே³வதா யேபு⁴ய்யேன ஸன்னிபதிதா ஹொந்தி
ப⁴க³வந்தங் த³ஸ்ஸனாய பி⁴க்கு²ஸங்க⁴ஞ்ச. அத² கோ² சதுன்னங்
ஸுத்³தா⁴வாஸகாயிகானங் தே³வதானங் [தே³வானங் (ஸீ॰ ஸ்யா॰ பீ॰)]
ஏதத³ஹோஸி – ‘‘அயங் கோ² ப⁴க³வா ஸக்கேஸு விஹரதி கபிலவத்து²ஸ்மிங் மஹாவனே
மஹதா பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி பி⁴க்கு²ஸதேஹி ஸப்³பே³ஹேவ
அரஹந்தேஹி; த³ஸஹி ச லோகதா⁴தூஹி தே³வதா யேபு⁴ய்யேன ஸன்னிபதிதா ஹொந்தி
ப⁴க³வந்தங் த³ஸ்ஸனாய பி⁴க்கு²ஸங்க⁴ஞ்ச. யங்னூன மயம்பி யேன ப⁴க³வா
தேனுபஸங்கமெய்யாம; உபஸங்கமித்வா ப⁴க³வதோ ஸந்திகே பச்சேகங் கா³த²ங் [பச்சேககா³த²ங் (ஸீ॰ ஸ்யா॰ பீ॰), பச்சேககா³தா² (க॰ ஸீ॰)] பா⁴ஸெய்யாமா’’தி.

332. அத² கோ² தா தே³வதா ஸெய்யதா²பி நாம ப³லவா புரிஸோ ஸமிஞ்ஜிதங் வா பா³ஹங் பஸாரெய்ய பஸாரிதங் வா பா³ஹங் ஸமிஞ்ஜெய்ய ,
ஏவமேவ ஸுத்³தா⁴வாஸேஸு தே³வேஸு அந்தரஹிதா ப⁴க³வதோ புரதோ பாதுரஹேஸுங். அத²
கோ² தா தே³வதா ப⁴க³வந்தங் அபி⁴வாதெ³த்வா ஏகமந்தங் அட்ட²ங்ஸு. ஏகமந்தங்
டி²தா கோ² ஏகா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘மஹாஸமயோ பவனஸ்மிங், தே³வகாயா ஸமாக³தா;

ஆக³தம்ஹ இமங் த⁴ம்மஸமயங், த³க்கி²தாயே அபராஜிதஸங்க⁴’’ந்தி.

அத² கோ² அபரா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘தத்ர பி⁴க்க²வோ ஸமாத³ஹங்ஸு, சித்தமத்தனோ உஜுகங் அகங்ஸு [உஜுகமகங்ஸு (ஸீ॰ ஸ்யா॰ பீ॰)];

ஸாரதீ²வ நெத்தானி க³ஹெத்வா, இந்த்³ரியானி ரக்க²ந்தி பண்டி³தா’’தி.

அத² கோ² அபரா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘செ²த்வா கீ²லங் செ²த்வா பலிக⁴ங், இந்த³கீ²லங் ஊஹச்ச [உஹச்ச (க॰)] மனேஜா;

தே சரந்தி ஸுத்³தா⁴ விமலா, சக்கு²மதா ஸுத³ந்தா ஸுஸுனாகா³’’தி.

அத² கோ² அபரா தே³வதா ப⁴க³வதோ ஸந்திகே இமங் கா³த²ங் அபா⁴ஸி –

‘‘யேகேசி பு³த்³த⁴ங் ஸரணங் க³தாஸே, ந தே க³மிஸ்ஸந்தி அபாயபூ⁴மிங்;

பஹாய மானுஸங் தே³ஹங், தே³வகாயங் பரிபூரெஸ்ஸந்தீ’’தி.

தே³வதாஸன்னிபாதா

333. அத² கோ² ப⁴க³வா பி⁴க்கூ² ஆமந்தேஸி – ‘‘யேபு⁴ய்யேன, பி⁴க்க²வே, த³ஸஸு லோகதா⁴தூஸு தே³வதா ஸன்னிபதிதா ஹொந்தி [( ) ஸீ॰ இபொத்த²கேஸு நத்தி²], ததா²க³தங் த³ஸ்ஸனாய பி⁴க்கு²ஸங்க⁴ஞ்ச . யேபி தே, பி⁴க்க²வே, அஹேஸுங் அதீதமத்³தா⁴னங் அரஹந்தோ ஸம்மாஸம்பு³த்³தா⁴, தேஸம்பி ப⁴க³வந்தானங் ஏதங்பரமாயேவ [ஏதபரமாயேவ (ஸீ॰ ஸ்யா॰ பீ॰)]
தே³வதா ஸன்னிபதிதா அஹேஸுங் ஸெய்யதா²பி மய்ஹங் ஏதரஹி. யேபி தே, பி⁴க்க²வே,
ப⁴விஸ்ஸந்தி அனாக³தமத்³தா⁴னங் அரஹந்தோ ஸம்மாஸம்பு³த்³தா⁴, தேஸம்பி
ப⁴க³வந்தானங் ஏதங்பரமாயேவ தே³வதா ஸன்னிபதிதா ப⁴விஸ்ஸந்தி ஸெய்யதா²பி மய்ஹங்
ஏதரஹி. ஆசிக்கி²ஸ்ஸாமி, பி⁴க்க²வே, தே³வகாயானங் நாமானி; கித்தயிஸ்ஸாமி,
பி⁴க்க²வே, தே³வகாயானங் நாமானி; தே³ஸெஸ்ஸாமி, பி⁴க்க²வே, தே³வகாயானங்
நாமானி. தங் ஸுணாத², ஸாது⁴கங் மனஸிகரோத², பா⁴ஸிஸ்ஸாமீ’’தி. ‘‘ஏவங்,
ப⁴ந்தே’’தி கோ² தே பி⁴க்கூ² ப⁴க³வதோ பச்சஸ்ஸோஸுங்.

334. ப⁴க³வா ஏதத³வோச –

‘‘ஸிலோகமனுகஸ்ஸாமி, யத்த² பு⁴ம்மா தத³ஸ்ஸிதா;

யே ஸிதா கி³ரிக³ப்³ப⁴ரங், பஹிதத்தா ஸமாஹிதா.

‘‘புதூ²ஸீஹாவ ஸல்லீனா, லோமஹங்ஸாபி⁴ஸம்பு⁴னோ;

ஓதா³தமனஸா ஸுத்³தா⁴, விப்பஸன்னமனாவிலா’’ [விப்பஸன்னாமனாவிலா (பீ॰ க॰)].

பி⁴ய்யோ பஞ்சஸதே ஞத்வா, வனே காபிலவத்த²வே;

ததோ ஆமந்தயீ ஸத்தா², ஸாவகே ஸாஸனே ரதே.

‘‘தே³வகாயா அபி⁴க்கந்தா, தே விஜானாத² பி⁴க்க²வோ’’;

தே ச ஆதப்பமகருங், ஸுத்வா பு³த்³த⁴ஸ்ஸ ஸாஸனங்.

தேஸங் பாதுரஹு ஞாணங், அமனுஸ்ஸானத³ஸ்ஸனங்;

அப்பேகே ஸதமத்³த³க்கு²ங், ஸஹஸ்ஸங் அத² ஸத்தரிங்.

ஸதங் ஏகே ஸஹஸ்ஸானங், அமனுஸ்ஸானமத்³த³ஸுங்;

அப்பேகேனந்தமத்³த³க்கு²ங் , தி³ஸா ஸப்³பா³ பு²டா அஹுங்.

தஞ்ச ஸப்³ப³ங் அபி⁴ஞ்ஞாய, வவத்தி²த்வான [வவக்கி²த்வான (ஸீ॰ ஸ்யா॰ பீ॰), அவெக்கி²த்வான (டீகா)] சக்கு²மா;

ததோ ஆமந்தயீ ஸத்தா², ஸாவகே ஸாஸனே ரதே.

‘‘தே³வகாயா அபி⁴க்கந்தா, தே விஜானாத² பி⁴க்க²வோ;

யே வோஹங் கித்தயிஸ்ஸாமி, கி³ராஹி அனுபுப்³ப³ஸோ.

335.‘‘ஸத்தஸஹஸ்ஸா தே யக்கா², பு⁴ம்மா காபிலவத்த²வா.

இத்³தி⁴மந்தோ ஜுதிமந்தோ, வண்ணவந்தோ யஸஸ்ஸினோ;

மோத³மானா அபி⁴க்காமுங், பி⁴க்கூ²னங் ஸமிதிங் வனங்.

‘‘ச²ஸஹஸ்ஸா ஹேமவதா, யக்கா² நானத்தவண்ணினோ;

இத்³தி⁴மந்தோ ஜுதீமந்தோ [ஜுதீமந்தோ (ஸீ॰ பீ॰)], வண்ணவந்தோ யஸஸ்ஸினோ;

மோத³மானா அபி⁴க்காமுங், பி⁴க்கூ²னங் ஸமிதிங் வனங்.

‘‘ஸாதாகி³ரா திஸஹஸ்ஸா, யக்கா² நானத்தவண்ணினோ;

இத்³தி⁴மந்தோ ஜுதிமந்தோ, வண்ணவந்தோ யஸஸ்ஸினோ;

மோத³மானா அபி⁴க்காமுங், பி⁴க்கூ²னங் ஸமிதிங் வனங்.

‘‘இச்சேதே ஸோளஸஸஹஸ்ஸா, யக்கா² நானத்தவண்ணினோ;

இத்³தி⁴மந்தோ ஜுதிமந்தோ, வண்ணவந்தோ யஸஸ்ஸினோ;

மோத³மானா அபி⁴க்காமுங், பி⁴க்கூ²னங் ஸமிதிங் வனங்.

‘‘வெஸ்ஸாமித்தா பஞ்சஸதா, யக்கா² நானத்தவண்ணினோ;

இத்³தி⁴மந்தோ ஜுதிமந்தோ, வண்ணவந்தோ யஸஸ்ஸினோ;

மோத³மானா அபி⁴க்காமுங், பி⁴க்கூ²னங் ஸமிதிங் வனங்.

‘‘கும்பீ⁴ரோ ராஜக³ஹிகோ, வேபுல்லஸ்ஸ நிவேஸனங்;

பி⁴ய்யோ நங் ஸதஸஹஸ்ஸங், யக்கா²னங் பயிருபாஸதி;

கும்பீ⁴ரோ ராஜக³ஹிகோ, ஸோபாகா³ ஸமிதிங் வனங்.

336.‘‘புரிமஞ்ச தி³ஸங் ராஜா, த⁴தரட்டோ² பஸாஸதி.

க³ந்த⁴ப்³பா³னங் அதி⁴பதி, மஹாராஜா யஸஸ்ஸிஸோ.

‘‘புத்தாபி தஸ்ஸ ப³ஹவோ, இந்த³னாமா மஹப்³ப³லா;

இத்³தி⁴மந்தோ ஜுதிமந்தோ, வண்ணவந்தோ யஸஸ்ஸினோ;

மோத³மானா அபி⁴க்காமுங், பி⁴க்கூ²னங் ஸமிதிங் வனங்.

‘‘த³க்கி²ணஞ்ச தி³ஸங் ராஜா, விரூள்ஹோ தங் பஸாஸதி [தப்பஸாஸதி (ஸ்யா॰)];

கும்ப⁴ண்டா³னங் அதி⁴பதி, மஹாராஜா யஸஸ்ஸிஸோ.

‘‘புத்தாபி தஸ்ஸ ப³ஹவோ, இந்த³னாமா மஹப்³ப³லா;

இத்³தி⁴மந்தோ ஜுதிமந்தோ, வண்ணவந்தோ யஸஸ்ஸினோ;

மோத³மானா அபி⁴க்காமுங், பி⁴க்கூ²னங் ஸமிதிங் வனங்.

‘‘பச்சி²மஞ்ச தி³ஸங் ராஜா, விரூபக்கோ² பஸாஸதி;

நாகா³னஞ்ச அதி⁴பதி, மஹாராஜா யஸஸ்ஸிஸோ.

‘‘புத்தாபி தஸ்ஸ ப³ஹவோ, இந்த³னாமா மஹப்³ப³லா;

இத்³தி⁴மந்தோ ஜுதிமந்தோ, வண்ணவந்தோ யஸஸ்ஸினோ;

மோத³மானா அபி⁴க்காமுங், பி⁴க்கூ²னங் ஸமிதிங் வனங்.

‘‘உத்தரஞ்ச தி³ஸங் ராஜா, குவேரோ தங் பஸாஸதி;

யக்கா²னஞ்ச அதி⁴பதி, மஹாராஜா யஸஸ்ஸிஸோ.

‘‘புத்தாபி தஸ்ஸ ப³ஹவோ, இந்த³னாமா மஹப்³ப³லா;

இத்³தி⁴மந்தோ ஜுதிமந்தோ, வண்ணவந்தோ யஸஸ்ஸினோ;

மோத³மானா அபி⁴க்காமுங், பி⁴க்கூ²னங் ஸமிதிங் வனங்.

‘‘புரிமங் தி³ஸங் த⁴தரட்டோ², த³க்கி²ணேன விரூள்ஹகோ;

பச்சி²மேன விரூபக்கோ², குவேரோ உத்தரங் தி³ஸங்.

‘‘சத்தாரோ தே மஹாராஜா, ஸமந்தா சதுரோ தி³ஸா;

த³த்³த³ல்லமானா [த³த்³த³ள்ஹமானா (க॰)] அட்ட²ங்ஸு, வனே காபிலவத்த²வே.

337.‘‘தேஸங் மாயாவினோ தா³ஸா, ஆகு³ங் [ஆகூ³ (ஸ்யா॰), ஆகு³ (ஸீ॰ பீ॰) ஏவமுபரிபி] வஞ்சனிகா ஸடா².

மாயா குடெண்டு³ விடெண்டு³ [வேடெண்டு³ (ஸீ॰ ஸ்யா॰ பீ॰)], விடுச்ச [விடூ ச (ஸ்யா॰)] விடுடோ ஸஹ.

‘‘சந்த³னோ காமஸெட்டோ² ச, கின்னிக⁴ண்டு³ [கின்னுக⁴ண்டு³ (ஸீ॰ ஸ்யா॰ பீ॰)] நிக⁴ண்டு³ ச;

பனாதோ³ ஓபமஞ்ஞோ ச, தே³வஸூதோ ச மாதலி.

‘‘சித்தஸேனோ ச க³ந்த⁴ப்³போ³, நளோராஜா ஜனேஸபோ⁴ [ஜனோஸபோ⁴ (ஸ்யா॰)];

ஆகா³ பஞ்சஸிகோ² சேவ, திம்ப³ரூ ஸூரியவச்சஸா [ஸுரியவச்சஸா (ஸீ॰ பீ॰)].

‘‘ஏதே சஞ்ஞே ச ராஜானோ, க³ந்த⁴ப்³பா³ ஸஹ ராஜுபி⁴;

மோத³மானா அபி⁴க்காமுங், பி⁴க்கூ²னங் ஸமிதிங் வனங்.

338.‘‘அதா²கு³ங் நாக³ஸா நாகா³, வேஸாலா ஸஹதச்ச²கா.

கம்ப³லஸ்ஸதரா ஆகு³ங், பாயாகா³ ஸஹ ஞாதிபி⁴.

‘‘யாமுனா த⁴தரட்டா² ச, ஆகூ³ நாகா³ யஸஸ்ஸினோ;

ஏராவணோ மஹானாகோ³, ஸோபாகா³ ஸமிதிங் வனங்.

‘‘யே நாக³ராஜே ஸஹஸா ஹரந்தி, தி³ப்³பா³ தி³ஜா பக்கி² விஸுத்³த⁴சக்கூ²;

வேஹாயஸா [வேஹாஸயா (ஸீ॰ பீ॰)] தே வனமஜ்ஜ²பத்தா, சித்ரா ஸுபண்ணா இதி தேஸ நாமங்.

‘‘அப⁴யங் ததா³ நாக³ராஜானமாஸி, ஸுபண்ணதோ கே²மமகாஸி பு³த்³தோ⁴;

ஸண்ஹாஹி வாசாஹி உபவ்ஹயந்தா, நாகா³ ஸுபண்ணா ஸரணமகங்ஸு பு³த்³த⁴ங்.

339.‘‘ஜிதா வஜிரஹத்தே²ன, ஸமுத்³த³ங் அஸுராஸிதா.

பா⁴தரோ வாஸவஸ்ஸேதே, இத்³தி⁴மந்தோ யஸஸ்ஸினோ.

‘‘காலகஞ்சா மஹாபி⁴ஸ்மா [காலகஞ்ஜா மஹாபி⁴ங்ஸா (ஸீ॰ பீ॰)], அஸுரா தா³னவேக⁴ஸா;

வேபசித்தி ஸுசித்தி ச, பஹாராதோ³ நமுசீ ஸஹ.

‘‘ஸதஞ்ச ப³லிபுத்தானங், ஸப்³பே³ வேரோசனாமகா;

ஸன்னய்ஹித்வா ப³லிஸேனங் [ப³லீஸேனங் (ஸ்யா॰)], ராஹுப⁴த்³த³முபாக³முங்;

ஸமயோதா³னி ப⁴த்³த³ந்தே, பி⁴க்கூ²னங் ஸமிதிங் வனங்.

340.‘‘ஆபோ ச தே³வா பத²வீ, தேஜோ வாயோ ததா³க³முங்.

வருணா வாரணா [வாருணா (ஸ்யா॰)] தே³வா, ஸோமோ ச யஸஸா ஸஹ.

‘‘மெத்தா கருணா காயிகா, ஆகு³ங் தே³வா யஸஸ்ஸினோ;

த³ஸேதே த³ஸதா⁴ காயா, ஸப்³பே³ நானத்தவண்ணினோ.

‘‘இத்³தி⁴மந்தோ ஜுதிமந்தோ, வண்ணவந்தோ யஸஸ்ஸினோ;

மோத³மானா அபி⁴க்காமுங், பி⁴க்கூ²னங் ஸமிதிங் வனங்.

‘‘வெண்டு³தே³வா ஸஹலி ச [வெண்ஹூச தே³வா ஸஹலீச (ஸீ॰ பீ॰)], அஸமா ச து³வே யமா;

சந்த³ஸ்ஸூபனிஸா தே³வா, சந்த³மாகு³ங் புரக்க²த்வா.

‘‘ஸூரியஸ்ஸூபனிஸா [ஸுரியஸ்ஸூபனிஸா (ஸீ॰ ஸ்யா॰ பீ॰)] தே³வா, ஸூரியமாகு³ங் புரக்க²த்வா;

நக்க²த்தானி புரக்க²த்வா, ஆகு³ங் மந்த³வலாஹகா.

‘‘வஸூனங் வாஸவோ ஸெட்டோ², ஸக்கோபாகா³ புரிந்த³தோ³;

த³ஸேதே த³ஸதா⁴ காயா, ஸப்³பே³ நானத்தவண்ணினோ.

‘‘இத்³தி⁴மந்தோ ஜுதிமந்தோ, வண்ணவந்தோ யஸஸ்ஸினோ;

மோத³மானா அபி⁴க்காமுங், பி⁴க்கூ²னங் ஸமிதிங் வனங்.

‘‘அதா²கு³ங் ஸஹபூ⁴ தே³வா, ஜலமக்³கி³ஸிகா²ரிவ;

அரிட்ட²கா ச ரோஜா ச, உமாபுப்ப²னிபா⁴ஸினோ.

‘‘வருணா ஸஹத⁴ம்மா ச, அச்சுதா ச அனேஜகா;

ஸூலெய்யருசிரா ஆகு³ங், ஆகு³ங் வாஸவனேஸினோ;

த³ஸேதே த³ஸதா⁴ காயா, ஸப்³பே³ நானத்தவண்ணினோ.

‘‘இத்³தி⁴மந்தோ ஜுதிமந்தோ, வண்ணவந்தோ யஸஸ்ஸினோ;

மோத³மானா அபி⁴க்காமுங், பி⁴க்கூ²னங் ஸமிதிங் வனங்.

‘‘ஸமானா மஹாஸமனா, மானுஸா மானுஸுத்தமா;

கி²ட்³டா³பதோ³ஸிகா ஆகு³ங், ஆகு³ங் மனோபதோ³ஸிகா.

‘‘அதா²கு³ங் ஹரயோ தே³வா, யே ச லோஹிதவாஸினோ;

பாரகா³ மஹாபாரகா³, ஆகு³ங் தே³வா யஸஸ்ஸினோ;

த³ஸேதே த³ஸதா⁴ காயா, ஸப்³பே³ நானத்தவண்ணினோ.

‘‘இத்³தி⁴மந்தோ ஜுதிமந்தோ, வண்ணவந்தோ யஸஸ்ஸினோ;

மோத³மானா அபி⁴க்காமுங், பி⁴க்கூ²னங் ஸமிதிங் வனங்.

‘‘ஸுக்கா கரம்பா⁴ [கரும்ஹா (ஸீ॰ ஸ்யா॰ பீ॰)] அருணா, ஆகு³ங் வேக⁴னஸா ஸஹ;

ஓதா³தக³ய்ஹா பாமொக்கா², ஆகு³ங் தே³வா விசக்க²ணா.

‘‘ஸதா³மத்தா ஹாரக³ஜா, மிஸ்ஸகா ச யஸஸ்ஸினோ;

த²னயங் ஆக³ பஜ்ஜுன்னோ, யோ தி³ஸா அபி⁴வஸ்ஸதி.

‘‘த³ஸேதே த³ஸதா⁴ காயா, ஸப்³பே³ நானத்தவண்ணினோ;

இத்³தி⁴மந்தோ ஜுதிமந்தோ, வண்ணவந்தோ யஸஸ்ஸினோ;

மோத³மானா அபி⁴க்காமுங், பி⁴க்கூ²னங் ஸமிதிங் வனங்.

‘‘கே²மியா துஸிதா யாமா, கட்ட²கா ச யஸஸ்ஸினோ;

லம்பீ³தகா லாமஸெட்டா², ஜோதினாமா ச ஆஸவா;

நிம்மானரதினோ ஆகு³ங், அதா²கு³ங் பரனிம்மிதா.

‘‘த³ஸேதே த³ஸதா⁴ காயா, ஸப்³பே³ நானத்தவண்ணினோ;

இத்³தி⁴மந்தோ ஜுதிமந்தோ, வண்ணவந்தோ யஸஸ்ஸினோ;

மோத³மானா அபி⁴க்காமுங், பி⁴க்கூ²னங் ஸமிதிங் வனங்.

‘‘ஸட்டே²தே தே³வனிகாயா, ஸப்³பே³ நானத்தவண்ணினோ;

நாமன்வயேன ஆக³ச்சு²ங் [ஆக³ஞ்சு²ங் (ஸீ॰ ஸ்யா॰ பீ॰)], யே சஞ்ஞே ஸதி³ஸா ஸஹ.

‘‘‘பவுட்ட²ஜாதிமகி²லங் [பவுத்த²ஜாதிங் அகி²லங் (ஸீ॰ பீ॰)], ஓக⁴திண்ணமனாஸவங்;

த³க்கே²மோக⁴தரங் நாக³ங், சந்த³ங்வ அஸிதாதிக³ங்’.

341.‘‘ஸுப்³ரஹ்மா பரமத்தோ ச [பரமத்தோ² ச (க॰)], புத்தா இத்³தி⁴மதோ ஸஹ.

ஸனங்குமாரோ திஸ்ஸோ ச, ஸோபாக³ ஸமிதிங் வனங்.

‘‘ஸஹஸ்ஸங் ப்³ரஹ்மலோகானங், மஹாப்³ரஹ்மாபி⁴திட்ட²தி;

உபபன்னோ ஜுதிமந்தோ, பி⁴ஸ்மாகாயோ யஸஸ்ஸிஸோ.

‘‘த³ஸெத்த² இஸ்ஸரா ஆகு³ங், பச்சேகவஸவத்தினோ;

தேஸஞ்ச மஜ்ஜ²தோ ஆக³, ஹாரிதோ பரிவாரிதோ.

342.‘‘தே ச ஸப்³பே³ அபி⁴க்கந்தே, ஸஇந்தே³ [ஸிந்தே³ (ஸ்யா॰)] தே³வே ஸப்³ரஹ்மகே.

மாரஸேனா அபி⁴க்காமி, பஸ்ஸ கண்ஹஸ்ஸ மந்தி³யங்.

‘‘‘ஏத² க³ண்ஹத² ப³ந்த⁴த², ராகே³ன ப³த்³த⁴மத்து² வோ;

ஸமந்தா பரிவாரேத², மா வோ முஞ்சித்த² கோசி நங்’.

‘‘இதி தத்த² மஹாஸேனோ, கண்ஹோ ஸேனங் அபேஸயி;

பாணினா தலமாஹச்ச, ஸரங் கத்வான பே⁴ரவங்.

‘‘யதா² பாவுஸ்ஸகோ மேகோ⁴, த²னயந்தோ ஸவிஜ்ஜுகோ; +

ததா³ ஸோ பச்சுதா³வத்தி, ஸங்குத்³தோ⁴ அஸயங்வஸே [அஸயங்வஸீ (ஸீ॰ பீ॰)].

343. தஞ்ச ஸப்³ப³ங் அபி⁴ஞ்ஞாய, வவத்தி²த்வான சக்கு²மா.

ததோ ஆமந்தயீ ஸத்தா², ஸாவகே ஸாஸனே ரதே.

‘‘மாரஸேனா அபி⁴க்கந்தா, தே விஜானாத² பி⁴க்க²வோ;

தே ச ஆதப்பமகருங், ஸுத்வா பு³த்³த⁴ஸ்ஸ ஸாஸனங்;

வீதராகே³ஹி பக்காமுங், நேஸங் லோமாபி இஞ்ஜயுங்.

‘‘‘ஸப்³பே³ விஜிதஸங்கா³மா, ப⁴யாதீதா யஸஸ்ஸினோ;

மோத³ந்தி ஸஹ பூ⁴தேஹி, ஸாவகா தே ஜனேஸுதா’’தி.

மஹாஸமயஸுத்தங் நிட்டி²தங் ஸத்தமங்.

comments (0)

ஸுத்தபிடக-Part-19-தமிழில் திரபிடக மூன்று தொகுப்புகள்TIPITAKA–19.6. மஹாகோவிந்தஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 11:55 am

ஸுத்தபிடக-Part-19-தமிழில் திரபிடக மூன்று தொகுப்புகள்TIPITAKA--19.6. மஹாகோவிந்தஸுத்தங்-from FREE ONLINE eNālāndā Research and
Practice UNIVERSITY through http://sarvajan.ambedkar.org

6. மஹாகோவிந்தஸுத்தங்

293. ஏவங் மே
ஸுதங் – ஏகங் ஸமயங் ப⁴க³வா ராஜக³ஹே விஹரதி கி³ஜ்ஜ²கூடே பப்³ப³தே. அத² கோ²
பஞ்சஸிகோ² க³ந்த⁴ப்³ப³புத்தோ அபி⁴க்கந்தாய ரத்தியா அபி⁴க்கந்தவண்ணோ
கேவலகப்பங் கி³ஜ்ஜ²கூடங் பப்³ப³தங் ஓபா⁴ஸெத்வா யேன ப⁴க³வா தேனுபஸங்கமி;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தோ
கோ² பஞ்சஸிகோ² க³ந்த⁴ப்³ப³புத்தோ ப⁴க³வந்தங் ஏதத³வோச – ‘‘யங் கோ² மே,
ப⁴ந்தே, தே³வானங் தாவதிங்ஸானங் ஸம்முகா² ஸுதங் ஸம்முகா² படிக்³க³ஹிதங்,
ஆரோசேமி தங் ப⁴க³வதோ’’தி. ‘‘ஆரோசேஹி மே த்வங், பஞ்சஸிகா²’’தி ப⁴க³வா அவோச.

தே³வஸபா⁴

294.
‘‘புரிமானி, ப⁴ந்தே, தி³வஸானி புரிமதரானி தத³ஹுபோஸதே² பன்னரஸே பவாரணாய
புண்ணாய புண்ணமாய ரத்தியா கேவலகப்பா ச தே³வா தாவதிங்ஸா ஸுத⁴ம்மாயங் ஸபா⁴யங்
ஸன்னிஸின்னா ஹொந்தி ஸன்னிபதிதா; மஹதீ ச தி³ப்³ப³பரிஸா ஸமந்ததோ நிஸின்னா
ஹொந்தி, சத்தாரோ ச மஹாராஜானோ சதுத்³தி³ஸா நிஸின்னா ஹொந்தி; புரத்தி²மாய
தி³ஸாய த⁴தரட்டோ² மஹாராஜா பச்சி²மாபி⁴முகோ² நிஸின்னோ ஹோதி தே³வே
புரக்க²த்வா; த³க்கி²ணாய தி³ஸாய விரூள்ஹகோ மஹாராஜா உத்தராபி⁴முகோ² நிஸின்னோ
ஹோதி தே³வே புரக்க²த்வா; பச்சி²மாய தி³ஸாய விரூபக்கோ²
மஹாராஜா புரத்தா²பி⁴முகோ² நிஸின்னோ ஹோதி தே³வே புரக்க²த்வா; உத்தராய
தி³ஸாய வெஸ்ஸவணோ மஹாராஜா த³க்கி²ணாபி⁴முகோ² நிஸின்னோ ஹோதி தே³வே
புரக்க²த்வா. யதா³ ப⁴ந்தே, கேவலகப்பா ச தே³வா
தாவதிங்ஸா ஸுத⁴ம்மாயங் ஸபா⁴யங் ஸன்னிஸின்னா ஹொந்தி ஸன்னிபதிதா, மஹதீ ச
தி³ப்³ப³பரிஸா ஸமந்ததோ நிஸின்னா ஹொந்தி, சத்தாரோ ச மஹாராஜானோ சதுத்³தி³ஸா
நிஸின்னா ஹொந்தி, இத³ங் நேஸங் ஹோதி ஆஸனஸ்மிங்; அத² பச்சா² அம்ஹாகங் ஆஸனங்
ஹோதி.

‘‘யே தே, ப⁴ந்தே, தே³வா ப⁴க³வதி ப்³ரஹ்மசரியங் சரித்வா அது⁴னூபபன்னா தாவதிங்ஸகாயங், தே அஞ்ஞே தே³வே அதிரோசந்தி வண்ணேன சேவ யஸஸா ச. தேன ஸுத³ங், ப⁴ந்தே, தே³வா தாவதிங்ஸா அத்தமனா ஹொந்தி பமுதி³தா பீதிஸோமனஸ்ஸஜாதா; ‘தி³ப்³பா³ வத, போ⁴, காயா பரிபூரெந்தி, ஹாயந்தி அஸுரகாயா’தி.

295. ‘‘அத² கோ², ப⁴ந்தே, ஸக்கோ தே³வானமிந்தோ³ தே³வானங் தாவதிங்ஸானங் ஸம்பஸாத³ங் விதி³த்வா இமாஹி கா³தா²ஹி அனுமோதி³ –

‘மோத³ந்தி வத போ⁴ தே³வா, தாவதிங்ஸா ஸஹிந்த³கா;

ததா²க³தங் நமஸ்ஸந்தா, த⁴ம்மஸ்ஸ ச ஸுத⁴ம்மதங்.

நவே தே³வே ச பஸ்ஸந்தா, வண்ணவந்தே யஸஸ்ஸினே;

ஸுக³தஸ்மிங் ப்³ரஹ்மசரியங், சரித்வான இதா⁴க³தே.

தே அஞ்ஞே அதிரோசந்தி, வண்ணேன யஸஸாயுனா;

ஸாவகா பூ⁴ரிபஞ்ஞஸ்ஸ, விஸேஸூபக³தா இத⁴.

இத³ங் தி³ஸ்வான நந்த³ந்தி, தாவதிங்ஸா ஸஹிந்த³கா;

ததா²க³தங் நமஸ்ஸந்தா, த⁴ம்மஸ்ஸ ச ஸுத⁴ம்மத’ந்தி.

‘‘தேன ஸுத³ங் , ப⁴ந்தே, தே³வா தாவதிங்ஸா பி⁴ய்யோஸோ மத்தாய அத்தமனா ஹொந்தி பமுதி³தா பீதிஸோமனஸ்ஸஜாதா; ‘தி³ப்³பா³ வத, போ⁴, காயா பரிபூரெந்தி, ஹாயந்தி அஸுரகாயா’’’தி.

அட்ட² யதா²பு⁴ச்சவண்ணா

296.
‘‘அத² கோ², ப⁴ந்தே, ஸக்கோ தே³வானமிந்தோ³ தே³வானங் தாவதிங்ஸானங் ஸம்பஸாத³ங்
விதி³த்வா தே³வே தாவதிங்ஸே ஆமந்தேஸி – ‘இச்செ²ய்யாத² நோ தும்ஹே, மாரிஸா,
தஸ்ஸ ப⁴க³வதோ அட்ட² யதா²பு⁴ச்சே வண்ணே ஸோது’ந்தி? ‘இச்சா²ம மயங், மாரிஸ,
தஸ்ஸ ப⁴க³வதோ அட்ட² யதா²பு⁴ச்சே வண்ணே ஸோது’ந்தி. அத² கோ², ப⁴ந்தே, ஸக்கோ
தே³வானமிந்தோ³ தே³வானங் தாவதிங்ஸானங் ப⁴க³வதோ அட்ட² யதா²பு⁴ச்சே வண்ணே
பயிருதா³ஹாஸி – ‘தங் கிங் மஞ்ஞந்தி, பொ⁴ந்தோ தே³வா தாவதிங்ஸா? யாவஞ்ச ஸோ
ப⁴க³வா ப³ஹுஜனஹிதாய படிபன்னோ ப³ஹுஜனஸுகா²ய லோகானுகம்பாய அத்தா²ய ஹிதாய
ஸுகா²ய தே³வமனுஸ்ஸானங். ஏவங் ப³ஹுஜனஹிதாய படிபன்னங்
ப³ஹுஜனஸுகா²ய லோகானுகம்பாய அத்தா²ய ஹிதாய ஸுகா²ய தே³வமனுஸ்ஸானங்
இமினாபங்கே³ன ஸமன்னாக³தங் ஸத்தா²ரங் நேவ அதீதங்ஸே ஸமனுபஸ்ஸாம, ந பனேதரஹி,
அஞ்ஞத்ர தேன ப⁴க³வதா.

‘‘ஸ்வாக்கா²தோ கோ² பன தேன
ப⁴க³வதா த⁴ம்மோ ஸந்தி³ட்டி²கோ அகாலிகோ ஏஹிபஸ்ஸிகோ ஓபனெய்யிகோ பச்சத்தங்
வேதி³தப்³போ³ விஞ்ஞூஹி. ஏவங் ஓபனெய்யிகஸ்ஸ த⁴ம்மஸ்ஸ தே³ஸேதாரங்
இமினாபங்கே³ன ஸமன்னாக³தங் ஸத்தா²ரங் நேவ அதீதங்ஸே ஸமனுபஸ்ஸாம, ந பனேதரஹி,
அஞ்ஞத்ர தேன ப⁴க³வதா.

‘‘இத³ங் குஸலந்தி கோ² பன தேன ப⁴க³வதா ஸுபஞ்ஞத்தங், இத³ங் அகுஸலந்தி ஸுபஞ்ஞத்தங். இத³ங் ஸாவஜ்ஜங்
இத³ங் அனவஜ்ஜங், இத³ங் ஸேவிதப்³ப³ங் இத³ங் ந ஸேவிதப்³ப³ங், இத³ங் ஹீனங்
இத³ங் பணீதங், இத³ங் கண்ஹஸுக்கஸப்படிபா⁴க³ந்தி ஸுபஞ்ஞத்தங். ஏவங்
குஸலாகுஸலஸாவஜ்ஜானவஜ்ஜஸேவிதப்³பா³ஸேவிதப்³ப³ஹீன-பணீதகண்ஹஸுக்கஸப்படிபா⁴கா³னங்
த⁴ம்மானங் பஞ்ஞபேதாரங் இமினாபங்கே³ன ஸமன்னாக³தங் ஸத்தா²ரங் நேவ அதீதங்ஸே ஸமனுபஸ்ஸாம, ந பனேதரஹி, அஞ்ஞத்ர தேன ப⁴க³வதா.

‘‘ஸுபஞ்ஞத்தா கோ² பன தேன ப⁴க³வதா ஸாவகானங்
நிப்³பா³னகா³மினீ படிபதா³, ஸங்ஸந்த³தி நிப்³பா³னஞ்ச படிபதா³ ச. ஸெய்யதா²பி
நாம க³ங்கோ³த³கங் யமுனோத³கேன ஸங்ஸந்த³தி ஸமேதி, ஏவமேவ ஸுபஞ்ஞத்தா தேன
ப⁴க³வதா ஸாவகானங் நிப்³பா³னகா³மினீ படிபதா³, ஸங்ஸந்த³தி நிப்³பா³னஞ்ச
படிபதா³ ச. ஏவங் நிப்³பா³னகா³மினியா படிபதா³ய பஞ்ஞபேதாரங் இமினாபங்கே³ன
ஸமன்னாக³தங் ஸத்தா²ரங் நேவ அதீதங்ஸே ஸமனுபஸ்ஸாம, ந பனேதரஹி, அஞ்ஞத்ர தேன
ப⁴க³வதா.

‘‘அபி⁴னிப்ப²ன்னோ [அபி⁴னிப்பன்னோ (பீ॰ க॰)]
கோ² பன தஸ்ஸ ப⁴க³வதோ லாபோ⁴ அபி⁴னிப்ப²ன்னோ ஸிலோகோ, யாவ மஞ்ஞே க²த்தியா
ஸம்பியாயமானரூபா விஹரந்தி, விக³தமதோ³ கோ² பன ஸோ ப⁴க³வா ஆஹாரங் ஆஹாரேதி.
ஏவங் விக³தமத³ங் ஆஹாரங் ஆஹரயமானங் இமினாபங்கே³ன ஸமன்னாக³தங் ஸத்தா²ரங் நேவ அதீதங்ஸே ஸமனுபஸ்ஸாம, ந பனேதரஹி, அஞ்ஞத்ர தேன ப⁴க³வதா.

‘‘லத்³த⁴ஸஹாயோ கோ² பன ஸோ ப⁴க³வா ஸேகா²னஞ்சேவ
படிபன்னானங் கீ²ணாஸவானஞ்ச வுஸிதவதங். தே ப⁴க³வா அபனுஜ்ஜ ஏகாராமதங்
அனுயுத்தோ விஹரதி. ஏவங் ஏகாராமதங் அனுயுத்தங் இமினாபங்கே³ன ஸமன்னாக³தங்
ஸத்தா²ரங் நேவ அதீதங்ஸே ஸமனுபஸ்ஸாம, ந பனேதரஹி, அஞ்ஞத்ர தேன ப⁴க³வதா.

‘‘யதா²வாதீ³ கோ² பன ஸோ ப⁴க³வா ததா²காரீ, யதா²காரீ ததா²வாதீ³, இதி யதா²வாதீ³ ததா²காரீ, யதா²காரீ
ததா²வாதீ³. ஏவங் த⁴ம்மானுத⁴ம்மப்படிபன்னங் இமினாபங்கே³ன ஸமன்னாக³தங்
ஸத்தா²ரங் நேவ அதீதங்ஸே ஸமனுபஸ்ஸாம, ந பனேதரஹி, அஞ்ஞத்ர தேன ப⁴க³வதா.

‘‘திண்ணவிசிகிச்சோ² கோ² பன ஸோ
ப⁴க³வா விக³தகத²ங்கதோ² பரியோஸிதஸங்கப்போ அஜ்ஜா²ஸயங் ஆதி³ப்³ரஹ்மசரியங்.
ஏவங் திண்ணவிசிகிச்ச²ங் விக³தகத²ங்கத²ங் பரியோஸிதஸங்கப்பங் அஜ்ஜா²ஸயங்
ஆதி³ப்³ரஹ்மசரியங் இமினாபங்கே³ன ஸமன்னாக³தங் ஸத்தா²ரங் நேவ அதீதங்ஸே
ஸமனுபஸ்ஸாம, ந பனேதரஹி, அஞ்ஞத்ர தேன ப⁴க³வதா’தி.

297.
‘‘இமே கோ², ப⁴ந்தே, ஸக்கோ தே³வானமிந்தோ³ தே³வானங் தாவதிங்ஸானங் ப⁴க³வதோ
அட்ட² யதா²பு⁴ச்சே வண்ணே பயிருதா³ஹாஸி. தேன ஸுத³ங், ப⁴ந்தே, தே³வா
தாவதிங்ஸா பி⁴ய்யோஸோ மத்தாய அத்தமனா ஹொந்தி பமுதி³தா பீதிஸோமனஸ்ஸஜாதா
ப⁴க³வதோ அட்ட² யதா²பு⁴ச்சே வண்ணே ஸுத்வா. தத்ர, ப⁴ந்தே, ஏகச்சே தே³வா
ஏவமாஹங்ஸு – ‘அஹோ வத, மாரிஸா, சத்தாரோ ஸம்மாஸம்பு³த்³தா⁴ லோகே
உப்பஜ்ஜெய்யுங் த⁴ம்மஞ்ச தே³ஸெய்யுங் யத²ரிவ ப⁴க³வா. தத³ஸ்ஸ ப³ஹுஜனஹிதாய
ப³ஹுஜனஸுகா²ய லோகானுகம்பாய அத்தா²ய ஹிதாய ஸுகா²ய தே³வமனுஸ்ஸான’ந்தி. ஏகச்சே
தே³வா ஏவமாஹங்ஸு – ‘திட்ட²ந்து, மாரிஸா, சத்தாரோ ஸம்மாஸம்பு³த்³தா⁴, அஹோ
வத, மாரிஸா, தயோ ஸம்மாஸம்பு³த்³தா⁴ லோகே உப்பஜ்ஜெய்யுங் த⁴ம்மஞ்ச
தே³ஸெய்யுங் யத²ரிவ ப⁴க³வா. தத³ஸ்ஸ ப³ஹுஜனஹிதாய ப³ஹுஜனஸுகா²ய லோகானுகம்பாய
அத்தா²ய ஹிதாய ஸுகா²ய தே³வமனுஸ்ஸான’ந்தி. ஏகச்சே தே³வா ஏவமாஹங்ஸு –
‘திட்ட²ந்து, மாரிஸா, தயோ ஸம்மாஸம்பு³த்³தா⁴, அஹோ
வத, மாரிஸா, த்³வே ஸம்மாஸம்பு³த்³தா⁴ லோகே உப்பஜ்ஜெய்யுங் த⁴ம்மஞ்ச
தே³ஸெய்யுங் யத²ரிவ ப⁴க³வா. தத³ஸ்ஸ ப³ஹுஜனஹிதாய ப³ஹுஜனஸுகா²ய லோகானுகம்பாய
அத்தா²ய ஹிதாய ஸுகா²ய தே³வமனுஸ்ஸான’ந்தி.

298. ‘‘ஏவங் வுத்தே ,
ப⁴ந்தே, ஸக்கோ தே³வானமிந்தோ³ தே³வே தாவதிங்ஸே ஏதத³வோச – ‘அட்டா²னங் கோ²
ஏதங், மாரிஸா, அனவகாஸோ, யங் ஏகிஸ்ஸா லோகதா⁴துயா த்³வே அரஹந்தோ
ஸம்மாஸம்பு³த்³தா⁴ அபுப்³ப³ங் அசரிமங் உப்பஜ்ஜெய்யுங், நேதங் டா²னங்
விஜ்ஜதி. அஹோ வத, மாரிஸா, ஸோ ப⁴க³வா அப்பாபா³தோ⁴ அப்பாதங்கோ சிரங்
தீ³க⁴மத்³தா⁴னங் திட்டெ²ய்ய. தத³ஸ்ஸ ப³ஹுஜனஹிதாய ப³ஹுஜனஸுகா²ய லோகானுகம்பாய
அத்தா²ய ஹிதாய ஸுகா²ய தே³வமனுஸ்ஸான’ந்தி. அத² கோ², ப⁴ந்தே, யேனத்தே²ன
தே³வா தாவதிங்ஸா ஸுத⁴ம்மாயங் ஸபா⁴யங் ஸன்னிஸின்னா ஹொந்தி ஸன்னிபதிதா, தங்
அத்த²ங் சிந்தயித்வா தங் அத்த²ங் மந்தயித்வா வுத்தவசனாபி தங் சத்தாரோ
மஹாராஜானோ தஸ்மிங் அத்தே² ஹொந்தி. பச்சானுஸிட்ட²வசனாபி தங் சத்தாரோ மஹாராஜானோ தஸ்மிங் அத்தே² ஹொந்தி, ஸகேஸு ஸகேஸு ஆஸனேஸு டி²தா அவிபக்கந்தா.

தே வுத்தவாக்யா ராஜானோ, படிக்³க³ய்ஹானுஸாஸனிங்;

விப்பஸன்னமனா ஸந்தா, அட்ட²ங்ஸு ஸம்ஹி ஆஸனேதி.

299.
‘‘அத² கோ², ப⁴ந்தே, உத்தராய தி³ஸாய உளாரோ ஆலோகோ ஸஞ்ஜாயி, ஓபா⁴ஸோ பாதுரஹோஸி
அதிக்கம்மேவ தே³வானங் தே³வானுபா⁴வங். அத² கோ², ப⁴ந்தே, ஸக்கோ
தே³வானமிந்தோ³ தே³வே தாவதிங்ஸே ஆமந்தேஸி – ‘யதா² கோ², மாரிஸா, நிமித்தானி
தி³ஸ்ஸந்தி, உளாரோ ஆலோகோ ஸஞ்ஜாயதி, ஓபா⁴ஸோ பாதுப⁴வதி , ப்³ரஹ்மா பாதுப⁴விஸ்ஸதி; ப்³ரஹ்முனோ ஹேதங் புப்³ப³னிமித்தங் பாதுபா⁴வாய, யதி³த³ங் ஆலோகோ ஸஞ்ஜாயதி ஓபா⁴ஸோ பாதுப⁴வதீதி.

‘யதா² நிமித்தா தி³ஸ்ஸந்தி, ப்³ரஹ்மா பாதுப⁴விஸ்ஸதி;

ப்³ரஹ்முனோ ஹேதங் நிமித்தங், ஓபா⁴ஸோ விபுலோ மஹா’தி.

ஸனங்குமாரகதா²

300. ‘‘அத²
கோ², ப⁴ந்தே, தே³வா தாவதிங்ஸா யதா²ஸகேஸு ஆஸனேஸு நிஸீதி³ங்ஸு – ‘ஓபா⁴ஸமேதங்
ஞஸ்ஸாம, யங்விபாகோ ப⁴விஸ்ஸதி, ஸச்சி²கத்வாவ நங் க³மிஸ்ஸாமா’தி. சத்தாரோபி
மஹாராஜானோ யதா²ஸகேஸு ஆஸனேஸு நிஸீதி³ங்ஸு – ‘ஓபா⁴ஸமேதங் ஞஸ்ஸாம, யங்விபாகோ
ப⁴விஸ்ஸதி, ஸச்சி²கத்வாவ நங் க³மிஸ்ஸாமா’தி. இத³ங் ஸுத்வா தே³வா தாவதிங்ஸா
ஏகக்³கா³ ஸமாபஜ்ஜிங்ஸு – ‘ஓபா⁴ஸமேதங் ஞஸ்ஸாம, யங்விபாகோ ப⁴விஸ்ஸதி,
ஸச்சி²கத்வாவ நங் க³மிஸ்ஸாமா’தி.

‘‘யதா³, ப⁴ந்தே, ப்³ரஹ்மா ஸனங்குமாரோ தே³வானங்
தாவதிங்ஸானங் பாதுப⁴வதி, ஓளாரிகங் அத்தபா⁴வங் அபி⁴னிம்மினித்வா பாதுப⁴வதி.
யோ கோ² பன, ப⁴ந்தே, ப்³ரஹ்முனோ பகதிவண்ணோ, அனபி⁴ஸம்ப⁴வனீயோ ஸோ தே³வானங்
தாவதிங்ஸானங் சக்கு²பத²ஸ்மிங். யதா³, ப⁴ந்தே, ப்³ரஹ்மா ஸனங்குமாரோ தே³வானங்
தாவதிங்ஸானங் பாதுப⁴வதி, ஸோ அஞ்ஞே தே³வே அதிரோசதி வண்ணேன சேவ யஸஸா ச.
ஸெய்யதா²பி, ப⁴ந்தே, ஸோவண்ணோ விக்³க³ஹோ மானுஸங் விக்³க³ஹங் அதிரோசதி, ஏவமேவ
கோ², ப⁴ந்தே, யதா³ ப்³ரஹ்மா ஸனங்குமாரோ தே³வானங்
தாவதிங்ஸானங் பாதுப⁴வதி, ஸோ அஞ்ஞே தே³வே அதிரோசதி வண்ணேன சேவ யஸஸா ச. யதா³,
ப⁴ந்தே, ப்³ரஹ்மா ஸனங்குமாரோ தே³வானங் தாவதிங்ஸானங் பாதுப⁴வதி, ந தஸ்ஸங்
பரிஸாயங் கோசி தே³வோ அபி⁴வாதே³தி வா பச்சுட்டே²தி வா
ஆஸனேன வா நிமந்தேதி. ஸப்³பே³வ துண்ஹீபூ⁴தா பஞ்ஜலிகா பல்லங்கேன நிஸீத³ந்தி –
‘யஸ்ஸதா³னி தே³வஸ்ஸ பல்லங்கங் இச்சி²ஸ்ஸதி ப்³ரஹ்மா ஸனங்குமாரோ, தஸ்ஸ
தே³வஸ்ஸ பல்லங்கே நிஸீதி³ஸ்ஸதீ’தி. யஸ்ஸ கோ² பன, ப⁴ந்தே, தே³வஸ்ஸ ப்³ரஹ்மா
ஸனங்குமாரோ பல்லங்கே நிஸீத³தி, உளாரங் ஸோ லப⁴தி தே³வோ வேத³படிலாப⁴ங், உளாரங் ஸோ லப⁴தி தே³வோ ஸோமனஸ்ஸபடிலாப⁴ங் . ஸெய்யதா²பி, ப⁴ந்தே, ராஜா க²த்தியோ முத்³தா⁴வஸித்தோ அது⁴னாபி⁴ஸித்தோ ரஜ்ஜேன, உளாரங் ஸோ லப⁴தி வேத³படிலாப⁴ங், உளாரங் ஸோ லப⁴தி ஸோமனஸ்ஸபடிலாப⁴ங்,
ஏவமேவ கோ², ப⁴ந்தே, யஸ்ஸ தே³வஸ்ஸ ப்³ரஹ்மா ஸனங்குமாரோ பல்லங்கே நிஸீத³தி,
உளாரங் ஸோ லப⁴தி தே³வோ வேத³படிலாப⁴ங், உளாரங் ஸோ லப⁴தி தே³வோ
ஸோமனஸ்ஸபடிலாப⁴ங். அத², ப⁴ந்தே, ப்³ரஹ்மா ஸனங்குமாரோ தே³வானங் தாவதிங்ஸானங்
ஸம்பஸாத³ங் விதி³த்வா அந்தரஹிதோ இமாஹி கா³தா²ஹி அனுமோதி³ –

‘மோத³ந்தி வத போ⁴ தே³வா, தாவதிங்ஸா ஸஹிந்த³கா;

ததா²க³தங் நமஸ்ஸந்தா, த⁴ம்மஸ்ஸ ச ஸுத⁴ம்மதங்.

‘நவே தே³வே ச பஸ்ஸந்தா, வண்ணவந்தே யஸஸ்ஸினே;

ஸுக³தஸ்மிங் ப்³ரஹ்மசரியங், சரித்வான இதா⁴க³தே.

‘தே அஞ்ஞே அதிரோசந்தி, வண்ணேன யஸஸாயுனா;

ஸாவகா பூ⁴ரிபஞ்ஞஸ்ஸ, விஸேஸூபக³தா இத⁴.

‘இத³ங் தி³ஸ்வான நந்த³ந்தி, தாவதிங்ஸா ஸஹிந்த³கா;

ததா²க³தங் நமஸ்ஸந்தா, த⁴ம்மஸ்ஸ ச ஸுத⁴ம்மத’ந்தி.

301. ‘‘இமமத்த²ங், ப⁴ந்தே, ப்³ரஹ்மா ஸனங்குமாரோ அபா⁴ஸித்த². இமமத்த²ங், ப⁴ந்தே ,
ப்³ரஹ்முனோ ஸனங்குமாரஸ்ஸ பா⁴ஸதோ அட்ட²ங்க³ஸமன்னாக³தோ ஸரோ ஹோதி விஸ்ஸட்டோ² ச
விஞ்ஞெய்யோ ச மஞ்ஜு ச ஸவனீயோ ச பி³ந்து³ ச அவிஸாரீ ச க³ம்பீ⁴ரோ ச
நின்னாதீ³ ச. யதா²பரிஸங் கோ² பன, ப⁴ந்தே, ப்³ரஹ்மா ஸனங்குமாரோ ஸரேன
விஞ்ஞாபேதி, ந சஸ்ஸ ப³ஹித்³தா⁴ பரிஸாய கோ⁴ஸோ நிச்ச²ரதி. யஸ்ஸ கோ² பன,
ப⁴ந்தே, ஏவங் அட்ட²ங்க³ஸமன்னாக³தோ ஸரோ ஹோதி, ஸோ வுச்சதி ‘ப்³ரஹ்மஸ்ஸரோ’தி.
அத² கோ², ப⁴ந்தே, தே³வா தாவதிங்ஸா ப்³ரஹ்மானங் ஸனங்குமாரங் ஏதத³வோசுங் – ‘ஸாது⁴, மஹாப்³ரஹ்மே, ஏததே³வ மயங் ஸங்கா²ய மோதா³ம; அத்தி² ச ஸக்கேன தே³வானமிந்தே³ன தஸ்ஸ ப⁴க³வதோ அட்ட² யதா²பு⁴ச்சா வண்ணா பா⁴ஸிதா; தே ச மயங் ஸங்கா²ய மோதா³மா’தி.

அட்ட² யதா²பு⁴ச்சவண்ணா

302. ‘‘அத² ,
ப⁴ந்தே, ப்³ரஹ்மா ஸனங்குமாரோ ஸக்கங் தே³வானமிந்த³ங் ஏதத³வோச – ‘ஸாது⁴,
தே³வானமிந்த³, மயம்பி தஸ்ஸ ப⁴க³வதோ அட்ட² யதா²பு⁴ச்சே வண்ணே ஸுணெய்யாமா’தி.
‘ஏவங் மஹாப்³ரஹ்மே’தி கோ², ப⁴ந்தே, ஸக்கோ தே³வானமிந்தோ³ ப்³ரஹ்முனோ
ஸனங்குமாரஸ்ஸ ப⁴க³வதோ அட்ட² யதா²பு⁴ச்சே வண்ணே பயிருதா³ஹாஸி.

‘‘தங் கிங் மஞ்ஞதி, ப⁴வங் மஹாப்³ரஹ்மா? யாவஞ்ச ஸோ
ப⁴க³வா ப³ஹுஜனஹிதாய படிபன்னோ ப³ஹுஜனஸுகா²ய லோகானுகம்பாய அத்தா²ய ஹிதாய
ஸுகா²ய தே³வமனுஸ்ஸானங். ஏவங் ப³ஹுஜனஹிதாய படிபன்னங் ப³ஹுஜனஸுகா²ய
லோகானுகம்பாய அத்தா²ய ஹிதாய ஸுகா²ய தே³வமனுஸ்ஸானங் இமினாபங்கே³ன
ஸமன்னாக³தங் ஸத்தா²ரங் நேவ அதீதங்ஸே ஸமனுபஸ்ஸாம, ந பனேதரஹி, அஞ்ஞத்ர தேன
ப⁴க³வதா.

‘‘ஸ்வாக்கா²தோ கோ² பன தேன ப⁴க³வதா த⁴ம்மோ
ஸந்தி³ட்டி²கோ அகாலிகோ ஏஹிபஸ்ஸிகோ ஓபனெய்யிகோ பச்சத்தங் வேதி³தப்³போ³
விஞ்ஞூஹி. ஏவங் ஓபனெய்யிகஸ்ஸ த⁴ம்மஸ்ஸ தே³ஸேதாரங் இமினாபங்கே³ன ஸமன்னாக³தங்
ஸத்தா²ரங் நேவ அதீதங்ஸே ஸமனுபஸ்ஸாம, ந பனேதரஹி, அஞ்ஞத்ர தேன ப⁴க³வதா.

‘‘இத³ங் குஸல’ந்தி கோ² பன தேன ப⁴க³வதா ஸுபஞ்ஞத்தங்,
‘இத³ங் அகுஸல’ந்தி ஸுபஞ்ஞத்தங், ‘இத³ங் ஸாவஜ்ஜங் இத³ங் அனவஜ்ஜங், இத³ங்
ஸேவிதப்³ப³ங் இத³ங் ந ஸேவிதப்³ப³ங், இத³ங் ஹீனங் இத³ங் பணீதங், இத³ங்
கண்ஹஸுக்கஸப்படிபா⁴க³’ந்தி ஸுபஞ்ஞத்தங். ஏவங்
குஸலாகுஸலஸாவஜ்ஜானவஜ்ஜஸேவிதப்³பா³ஸேவிதப்³ப³ஹீனபணீதகண்ஹஸுக்கஸப்படிபா⁴கா³னங்
த⁴ம்மானங் பஞ்ஞாபேதாரங். இமினாபங்கே³ன ஸமன்னாக³தங் ஸத்தா²ரங் நேவ அதீதங்ஸே ஸமனுபஸ்ஸாம, ந பனேதரஹி, அஞ்ஞத்ர தேன ப⁴க³வதா.

‘‘ஸுபஞ்ஞத்தா கோ² பன தேன ப⁴க³வதா ஸாவகானங்
நிப்³பா³னகா³மினீ படிபதா³ ஸங்ஸந்த³தி நிப்³பா³னஞ்ச படிபதா³ ச. ஸெய்யதா²பி
நாம க³ங்கோ³த³கங் யமுனோத³கேன ஸங்ஸந்த³தி ஸமேதி,
ஏவமேவ ஸுபஞ்ஞத்தா தேன ப⁴க³வதா ஸாவகானங் நிப்³பா³னகா³மினீ படிபதா³
ஸங்ஸந்த³தி நிப்³பா³னஞ்ச படிபதா³ ச. ஏவங் நிப்³பா³னகா³மினியா படிபதா³ய
பஞ்ஞாபேதாரங் இமினாபங்கே³ன ஸமன்னாக³தங் ஸத்தா²ரங் நேவ அதீதங்ஸே ஸமனுபஸ்ஸாம,
ந பனேதரஹி, அஞ்ஞத்ர தேன ப⁴க³வதா.

‘‘அபி⁴னிப்ப²ன்னோ கோ² பன தஸ்ஸ ப⁴க³வதோ லாபோ⁴ அபி⁴னிப்ப²ன்னோ ஸிலோகோ, யாவ மஞ்ஞே க²த்தியா
ஸம்பியாயமானரூபா விஹரந்தி. விக³தமதோ³ கோ² பன ஸோ ப⁴க³வா ஆஹாரங் ஆஹாரேதி.
ஏவங் விக³தமத³ங் ஆஹாரங் ஆஹரயமானங் இமினாபங்கே³ன ஸமன்னாக³தங் ஸத்தா²ரங் நேவ
அதீதங்ஸே ஸமனுபஸ்ஸாம, ந பனேதரஹி, அஞ்ஞத்ர தேன ப⁴க³வதா.

‘‘லத்³த⁴ஸஹாயோ கோ² பன ஸோ ப⁴க³வா ஸேகா²னஞ்சேவ
படிபன்னானங் கீ²ணாஸவானஞ்ச வுஸிதவதங், தே ப⁴க³வா அபனுஜ்ஜ ஏகாராமதங்
அனுயுத்தோ விஹரதி. ஏவங் ஏகாராமதங் அனுயுத்தங் இமினாபங்கே³ன ஸமன்னாக³தங்
ஸத்தா²ரங் நேவ அதீதங்ஸே ஸமனுபஸ்ஸாம, ந பனேதரஹி, அஞ்ஞத்ர தேன ப⁴க³வதா.

‘‘யதா²வாதீ³ கோ² பன ஸோ ப⁴க³வா ததா²காரீ, யதா²காரீ
ததா²வாதீ³; இதி யதா²வாதீ³ ததா²காரீ, யதா²காரீ ததா²வாதீ³. ஏவங்
த⁴ம்மானுத⁴ம்மப்படிப்பன்னங் இமினாபங்கே³ன ஸமன்னாக³தங் ஸத்தா²ரங் நேவ
அதீதங்ஸே ஸமனுபஸ்ஸாம, ந பனேதரஹி, அஞ்ஞத்ர தேன ப⁴க³வதா.

‘‘திண்ணவிசிகிச்சோ² கோ² பன ஸோ ப⁴க³வா விக³தகத²ங்கதோ² பரியோஸிதஸங்கப்போ அஜ்ஜா²ஸயங் ஆதி³ப்³ரஹ்மசரியங் .
ஏவங் திண்ணவிசிகிச்ச²ங் விக³தகத²ங்கத²ங் பரியோஸிதஸங்கப்பங் அஜ்ஜா²ஸயங்
ஆதி³ப்³ரஹ்மசரியங். இமினாபங்கே³ன ஸமன்னாக³தங் ஸத்தா²ரங் நேவ அதீதங்ஸே
ஸமனுபஸ்ஸாம, ந பனேதரஹி, அஞ்ஞத்ர தேன ப⁴க³வதா’தி.

303.
‘‘இமே கோ², ப⁴ந்தே, ஸக்கோ தே³வானமிந்தோ³ ப்³ரஹ்முனோ ஸனங்குமாரஸ்ஸ ப⁴க³வதோ
அட்ட² யதா²பு⁴ச்சே வண்ணே பயிருதா³ஹாஸி. தேன ஸுத³ங், ப⁴ந்தே, ப்³ரஹ்மா
ஸனங்குமாரோ அத்தமனோ ஹோதி பமுதி³தோ பீதிஸோமனஸ்ஸஜாதோ ப⁴க³வதோ அட்ட²
யதா²பு⁴ச்சே வண்ணே ஸுத்வா. அத², ப⁴ந்தே, ப்³ரஹ்மா ஸனங்குமாரோ ஓளாரிகங்
அத்தபா⁴வங் அபி⁴னிம்மினித்வா குமாரவண்ணீ ஹுத்வா பஞ்சஸிகோ² தே³வானங்
தாவதிங்ஸானங் பாதுரஹோஸி . ஸோ வேஹாஸங் அப்³பு⁴க்³க³ந்த்வா ஆகாஸே அந்தலிக்கே² பல்லங்கேன நிஸீதி³. ஸெய்யதா²பி, ப⁴ந்தே, ப³லவா
புரிஸோ ஸுபச்சத்த²தே வா பல்லங்கே ஸமே வா பூ⁴மிபா⁴கே³ பல்லங்கேன
நிஸீதெ³ய்ய, ஏவமேவ கோ², ப⁴ந்தே, ப்³ரஹ்மா ஸனங்குமாரோ வேஹாஸங்
அப்³பு⁴க்³க³ந்த்வா ஆகாஸே அந்தலிக்கே² பல்லங்கேன நிஸீதி³த்வா தே³வே
தாவதிங்ஸே ஆமந்தேஸி –

கோ³விந்த³ப்³ராஹ்மணவத்து²

304.
‘‘தங் கிங் மஞ்ஞந்தி, பொ⁴ந்தோ தே³வா தாவதிங்ஸா, யாவ தீ³க⁴ரத்தங் மஹாபஞ்ஞோவ
ஸோ ப⁴க³வா அஹோஸி. பூ⁴தபுப்³ப³ங், போ⁴, ராஜா தி³ஸம்பதி நாம அஹோஸி.
தி³ஸம்பதிஸ்ஸ ரஞ்ஞோ கோ³விந்தோ³ நாம ப்³ராஹ்மணோ
புரோஹிதோ அஹோஸி. தி³ஸம்பதிஸ்ஸ ரஞ்ஞோ ரேணு நாம குமாரோ புத்தோ அஹோஸி.
கோ³விந்த³ஸ்ஸ ப்³ராஹ்மணஸ்ஸ ஜோதிபாலோ நாம மாணவோ புத்தோ அஹோஸி. இதி ரேணு ச
ராஜபுத்தோ ஜோதிபாலோ ச மாணவோ அஞ்ஞே ச ச² க²த்தியா இச்சேதே அட்ட² ஸஹாயா
அஹேஸுங். அத² கோ², போ⁴, அஹோரத்தானங் அச்சயேன
கோ³விந்தோ³ ப்³ராஹ்மணோ காலமகாஸி. கோ³விந்தே³ ப்³ராஹ்மணே காலங்கதே ராஜா
தி³ஸம்பதி பரிதே³வேஸி – ‘‘யஸ்மிங் வத, போ⁴, மயங் ஸமயே கோ³விந்தே³
ப்³ராஹ்மணே ஸப்³ப³கிச்சானி ஸம்மா வொஸ்ஸஜ்ஜித்வா பஞ்சஹி காமகு³ணேஹி ஸமப்பிதா
ஸமங்கீ³பூ⁴தா பரிசாரேம, தஸ்மிங் நோ ஸமயே கோ³விந்தோ³ ப்³ராஹ்மணோ
காலங்கதோ’’தி. ஏவங் வுத்தே போ⁴ ரேணு ராஜபுத்தோ ராஜானங் தி³ஸம்பதிங் ஏதத³வோச
– ‘‘மா கோ² த்வங், தே³வ, கோ³விந்தே³ ப்³ராஹ்மணே காலங்கதே அதிபா³ள்ஹங்
பரிதே³வேஸி. அத்தி², தே³வ, கோ³விந்த³ஸ்ஸ ப்³ராஹ்மணஸ்ஸ ஜோதிபாலோ நாம மாணவோ
புத்தோ பண்டி³ததரோ சேவ பிதரா, அலமத்த²த³ஸதரோ சேவ பிதரா; யேபிஸ்ஸ பிதா
அத்தே² அனுஸாஸி, தேபி ஜோதிபாலஸ்ஸேவ மாணவஸ்ஸ அனுஸாஸனியா’’தி. ‘‘ஏவங்
குமாரா’’தி? ‘‘ஏவங் தே³வா’’தி.

மஹாகோ³விந்த³வத்து²

305.
‘‘அத² கோ², போ⁴, ராஜா தி³ஸம்பதி அஞ்ஞதரங் புரிஸங் ஆமந்தேஸி – ‘‘ஏஹி த்வங்,
அம்போ⁴ புரிஸ, யேன ஜோதிபாலோ நாம மாணவோ தேனுபஸங்கம; உபஸங்கமித்வா ஜோதிபாலங்
மாணவங் ஏவங் வதே³ஹி – ‘ப⁴வமத்து² ப⁴வந்தங் ஜோதிபாலங், ராஜா தி³ஸம்பதி
ப⁴வந்தங் ஜோதிபாலங் மாணவங் ஆமந்தயதி, ராஜா தி³ஸம்பதி போ⁴தோ ஜோதிபாலஸ்ஸ
மாணவஸ்ஸ த³ஸ்ஸனகாமோ’’’தி. ‘‘ஏவங், தே³வா’’தி கோ², போ⁴, ஸோ புரிஸோ
தி³ஸம்பதிஸ்ஸ ரஞ்ஞோ படிஸ்ஸுத்வா யேன ஜோதிபாலோ மாணவோ
தேனுபஸங்கமி; உபஸங்கமித்வா ஜோதிபாலங் மாணவங் ஏதத³வோச – ‘‘ப⁴வமத்து²
ப⁴வந்தங் ஜோதிபாலங், ராஜா தி³ஸம்பதி ப⁴வந்தங் ஜோதிபாலங் மாணவங் ஆமந்தயதி ,
ராஜா தி³ஸம்பதி போ⁴தோ ஜோதிபாலஸ்ஸ மாணவஸ்ஸ த³ஸ்ஸனகாமோ’’தி. ‘‘ஏவங், போ⁴’’தி
கோ² போ⁴ ஜோதிபாலோ மாணவோ தஸ்ஸ புரிஸஸ்ஸ படிஸ்ஸுத்வா யேன ராஜா தி³ஸம்பதி
தேனுபஸங்கமி; உபஸங்கமித்வா தி³ஸம்பதினா ரஞ்ஞா ஸத்³தி⁴ங் ஸம்மோதி³;
ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங்
நிஸின்னங் கோ², போ⁴, ஜோதிபாலங் மாணவங் ராஜா தி³ஸம்பதி ஏதத³வோச – ‘‘அனுஸாஸது
நோ ப⁴வங் ஜோதிபாலோ, மா நோ ப⁴வங் ஜோதிபாலோ அனுஸாஸனியா பச்சப்³யாஹாஸி.
பெத்திகே தங் டா²னே ட²பெஸ்ஸாமி, கோ³விந்தி³யே
அபி⁴ஸிஞ்சிஸ்ஸாமீ’’தி. ‘‘ஏவங், போ⁴’’தி கோ², போ⁴, ஸோ ஜோதிபாலோ மாணவோ
தி³ஸம்பதிஸ்ஸ ரஞ்ஞோ பச்சஸ்ஸோஸி. அத² கோ², போ⁴, ராஜா தி³ஸம்பதி ஜோதிபாலங்
மாணவங் கோ³விந்தி³யே அபி⁴ஸிஞ்சி, தங் பெத்திகே டா²னே ட²பேஸி. அபி⁴ஸித்தோ
ஜோதிபாலோ மாணவோ கோ³விந்தி³யே பெத்திகே டா²னே ட²பிதோ யேபிஸ்ஸ பிதா அத்தே²
அனுஸாஸி தேபி அத்தே² அனுஸாஸதி, யேபிஸ்ஸ பிதா அத்தே² நானுஸாஸி, தேபி
அத்தே² அனுஸாஸதி; யேபிஸ்ஸ பிதா கம்மந்தே அபி⁴ஸம்போ⁴ஸி, தேபி கம்மந்தே
அபி⁴ஸம்போ⁴தி, யேபிஸ்ஸ பிதா கம்மந்தே நாபி⁴ஸம்போ⁴ஸி, தேபி கம்மந்தே
அபி⁴ஸம்போ⁴தி. தமேனங் மனுஸ்ஸா ஏவமாஹங்ஸு – ‘‘கோ³விந்தோ³ வத, போ⁴,
ப்³ராஹ்மணோ, மஹாகோ³விந்தோ³ வத, போ⁴, ப்³ராஹ்மணோ’’தி. இமினா கோ² ஏவங், போ⁴,
பரியாயேன ஜோதிபாலஸ்ஸ மாணவஸ்ஸ கோ³விந்தோ³ மஹாகோ³விந்தொ³த்வேவ ஸமஞ்ஞா
உத³பாதி³.

ரஜ்ஜஸங்விப⁴ஜனங்

306.
‘‘அத² கோ², போ⁴, மஹாகோ³விந்தோ³ ப்³ராஹ்மணோ யேன தே ச² க²த்தியா
தேனுபஸங்கமி; உபஸங்கமித்வா தே ச² க²த்தியே ஏதத³வோச – ‘‘தி³ஸம்பதி கோ², போ⁴,
ராஜா ஜிண்ணோ வுத்³தோ⁴ மஹல்லகோ அத்³த⁴க³தோ
வயோஅனுப்பத்தோ, கோ நு கோ² பன, போ⁴, ஜானாதி ஜீவிதங்? டா²னங் கோ² பனேதங்
விஜ்ஜதி, யங் தி³ஸம்பதிம்ஹி ரஞ்ஞே காலங்கதே ராஜகத்தாரோ ரேணுங் ராஜபுத்தங்
ரஜ்ஜே அபி⁴ஸிஞ்செய்யுங். ஆயந்து, பொ⁴ந்தோ, யேன ரேணு ராஜபுத்தோ
தேனுபஸங்கமத²; உபஸங்கமித்வா ரேணுங் ராஜபுத்தங் ஏவங் வதே³த² – ‘‘மயங் கோ²
போ⁴தோ ரேணுஸ்ஸ ஸஹாயா பியா மனாபா அப்படிகூலா, யங்ஸுகோ² ப⁴வங்
தங்ஸுகா² மயங், யங்து³க்கோ² ப⁴வங் தங்து³க்கா² மயங். தி³ஸம்பதி கோ², போ⁴,
ராஜா ஜிண்ணோ வுத்³தோ⁴ மஹல்லகோ அத்³த⁴க³தோ வயோஅனுப்பத்தோ, கோ நு கோ² பன,
போ⁴, ஜானாதி ஜீவிதங்? டா²னங் கோ² பனேதங் விஜ்ஜதி, யங் தி³ஸம்பதிம்ஹி ரஞ்ஞே
காலங்கதே ராஜகத்தாரோ ப⁴வந்தங் ரேணுங் ரஜ்ஜே அபி⁴ஸிஞ்செய்யுங். ஸசே ப⁴வங்
ரேணு ரஜ்ஜங் லபே⁴த², ஸங்விப⁴ஜேத² நோ ரஜ்ஜேனா’’தி. ‘‘ஏவங் போ⁴’’தி கோ², போ⁴,
தே ச² க²த்தியா மஹாகோ³விந்த³ஸ்ஸ ப்³ராஹ்மணஸ்ஸ படிஸ்ஸுத்வா யேன ரேணு
ராஜபுத்தோ தேனுபஸங்கமிங்ஸு; உபஸங்கமித்வா ரேணுங் ராஜபுத்தங் ஏதத³வோசுங் –
‘‘மயங் கோ² போ⁴தோ ரேணுஸ்ஸ ஸஹாயா பியா மனாபா அப்படிகூலா ;
யங்ஸுகோ² ப⁴வங் தங்ஸுகா² மயங், யங்து³க்கோ² ப⁴வங் தங்து³க்கா² மயங்.
தி³ஸம்பதி கோ², போ⁴, ராஜா ஜிண்ணோ வுத்³தோ⁴ மஹல்லகோ அத்³த⁴க³தோ
வயோஅனுப்பத்தோ, கோ நு கோ² பன போ⁴ ஜானாதி ஜீவிதங்? டா²னங் கோ² பனேதங்
விஜ்ஜதி, யங் தி³ஸம்பதிம்ஹி ரஞ்ஞே காலங்கதே ராஜகத்தாரோ ப⁴வந்தங் ரேணுங்
ரஜ்ஜே அபி⁴ஸிஞ்செய்யுங். ஸசே ப⁴வங் ரேணு ரஜ்ஜங் லபே⁴த², ஸங்விப⁴ஜேத² நோ
ரஜ்ஜேனா’’தி. ‘‘கோ நு கோ², போ⁴, அஞ்ஞோ மம விஜிதே ஸுகோ² ப⁴வேத² [ஸுகா² ப⁴வெய்யாத² (க॰), ஸுக²ங் ப⁴வெய்யாத², ஸுக²மேதெ⁴ய்யாத² (ஸீ॰ பீ॰),ஸுக² மேதே⁴த² (?)], அஞ்ஞத்ர ப⁴வந்தேபி⁴? ஸசாஹங், போ⁴, ரஜ்ஜங் லபி⁴ஸ்ஸாமி, ஸங்விப⁴ஜிஸ்ஸாமி வோ ரஜ்ஜேனா’’’தி.

307. ‘‘அத²
கோ², போ⁴, அஹோரத்தானங் அச்சயேன ராஜா தி³ஸம்பதி காலமகாஸி. தி³ஸம்பதிம்ஹி
ரஞ்ஞே காலங்கதே ராஜகத்தாரோ ரேணுங் ராஜபுத்தங் ரஜ்ஜே அபி⁴ஸிஞ்சிங்ஸு.
அபி⁴ஸித்தோ ரேணு ரஜ்ஜேன பஞ்சஹி காமகு³ணேஹி ஸமப்பிதோ
ஸமங்கீ³பூ⁴தோ பரிசாரேதி. அத² கோ², போ⁴, மஹாகோ³விந்தோ³ ப்³ராஹ்மணோ யேன தே
ச² க²த்தியா தேனுபஸங்கமி; உபஸங்கமித்வா தே ச² க²த்தியே ஏதத³வோச
– ‘‘தி³ஸம்பதி கோ², போ⁴, ராஜா காலங்கதோ. அபி⁴ஸித்தோ ரேணு ரஜ்ஜேன பஞ்சஹி
காமகு³ணேஹி ஸமப்பிதோ ஸமங்கீ³பூ⁴தோ பரிசாரேதி. கோ நு கோ² பன, போ⁴, ஜானாதி,
மத³னீயா காமா? ஆயந்து, பொ⁴ந்தோ, யேன ரேணு ராஜா தேனுபஸங்கமத²; உபஸங்கமித்வா
ரேணுங் ராஜானங் ஏவங் வதே³த² – தி³ஸம்பதி கோ², போ⁴, ராஜா காலங்கதோ,
அபி⁴ஸித்தோ ப⁴வங் ரேணு ரஜ்ஜேன, ஸரதி ப⁴வங் தங் வசன’’’ந்தி?

308. ‘‘‘ஏவங் ,
போ⁴’’தி கோ², போ⁴, தே ச² க²த்தியா மஹாகோ³விந்த³ஸ்ஸ ப்³ராஹ்மணஸ்ஸ
படிஸ்ஸுத்வா யேன ரேணு ராஜா தேனுபஸங்கமிங்ஸு; உபஸங்கமித்வா ரேணுங் ராஜானங்
ஏதத³வோசுங் – ‘‘தி³ஸம்பதி கோ², போ⁴, ராஜா காலங்கதோ, அபி⁴ஸித்தோ ப⁴வங் ரேணு
ரஜ்ஜேன, ஸரதி ப⁴வங் தங் வசன’’ந்தி? ‘‘ஸராமஹங், போ⁴, தங் வசனங் [வசனந்தி (ஸ்யா॰ க॰)].
கோ நு கோ², போ⁴, பஹோதி இமங் மஹாபத²விங் உத்தரேன ஆயதங் த³க்கி²ணேன
ஸகடமுக²ங் ஸத்ததா⁴ ஸமங் ஸுவிப⁴த்தங் விப⁴ஜிது’’ந்தி? ‘‘கோ நு கோ², போ⁴,
அஞ்ஞோ பஹோதி, அஞ்ஞத்ர மஹாகோ³விந்தே³ன ப்³ராஹ்மணேனா’’தி? அத² கோ², போ⁴, ரேணு
ராஜா அஞ்ஞதரங் புரிஸங் ஆமந்தேஸி – ‘‘ஏஹி த்வங், அம்போ⁴ புரிஸ, யேன
மஹாகோ³விந்தோ³ ப்³ராஹ்மணோ தேனுபஸங்கம; உபஸங்கமித்வா மஹாகோ³விந்த³ங்
ப்³ராஹ்மணங் ஏவங் வதே³ஹி – ‘ராஜா தங், ப⁴ந்தே, ரேணு ஆமந்தேதீ’’’தி. ‘‘ஏவங் தே³வா’’தி கோ², போ⁴, ஸோ புரிஸோ ரேணுஸ்ஸ ரஞ்ஞோ படிஸ்ஸுத்வா
யேன மஹாகோ³விந்தோ³ ப்³ராஹ்மணோ தேனுபஸங்கமி; உபஸங்கமித்வா மஹாகோ³விந்த³ங்
ப்³ராஹ்மணங் ஏதத³வோச – ‘‘ராஜா தங், ப⁴ந்தே, ரேணு ஆமந்தேதீ’’தி. ‘‘ஏவங்,
போ⁴’’தி கோ², போ⁴, மஹாகோ³விந்தோ³ ப்³ராஹ்மணோ தஸ்ஸ புரிஸஸ்ஸ படிஸ்ஸுத்வா யேன
ரேணு ராஜா தேனுபஸங்கமி; உபஸங்கமித்வா ரேணுனா ரஞ்ஞா ஸத்³தி⁴ங் ஸம்மோதி³.
ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங்
நிஸின்னங் கோ², போ⁴, மஹாகோ³விந்த³ங் ப்³ராஹ்மணங் ரேணு ராஜா ஏதத³வோச –
‘‘ஏது, ப⁴வங் கோ³விந்தோ³, இமங் மஹாபத²விங் உத்தரேன ஆயதங் த³க்கி²ணேன
ஸகடமுக²ங் ஸத்ததா⁴ ஸமங் ஸுவிப⁴த்தங் விப⁴ஜதூ’’தி. ‘‘ஏவங், போ⁴’’தி கோ²
மஹாகோ³விந்தோ³ ப்³ராஹ்மணோ ரேணுஸ்ஸ ரஞ்ஞோ படிஸ்ஸுத்வா இமங் மஹாபத²விங்
உத்தரேன ஆயதங் த³க்கி²ணேன ஸகடமுக²ங் ஸத்ததா⁴ ஸமங் ஸுவிப⁴த்தங் விப⁴ஜி.
ஸப்³பா³னி ஸகடமுகா²னி பட்ட²பேஸி [அட்ட²பேஸி (ஸீ॰ பீ॰)]. தத்ர ஸுத³ங் மஜ்ஜே² ரேணுஸ்ஸ ரஞ்ஞோ ஜனபதோ³ ஹோதி.

309. த³ந்தபுரங் கலிங்கா³னங் [காலிங்கா³னங் (ஸ்யா॰ பீ॰ க॰)], அஸ்ஸகானஞ்ச போதனங்.

மஹேஸயங் [மாஹிஸ்ஸதி (ஸீ॰ ஸ்யா॰ பீ॰)] அவந்தீனங், ஸோவீரானஞ்ச ரோருகங்.

மிதி²லா ச விதே³ஹானங், சம்பா அங்கே³ஸு மாபிதா;

பா³ராணஸீ ச காஸீனங், ஏதே கோ³விந்த³மாபிதாதி.

310. ‘‘அத²
கோ², போ⁴, தே ச² க²த்தியா யதா²ஸகேன லாபே⁴ன அத்தமனா அஹேஸுங்
பரிபுண்ணஸங்கப்பா – ‘‘யங் வத நோ அஹோஸி இச்சி²தங், யங் ஆகங்கி²தங், யங்
அதி⁴ப்பேதங், யங் அபி⁴பத்தி²தங், தங் நோ லத்³த⁴’’ந்தி.

‘‘ஸத்தபூ⁴ ப்³ரஹ்மத³த்தோ ச, வெஸ்ஸபூ⁴ ப⁴ரதோ ஸஹ;

ரேணு த்³வே த⁴தரட்டா² ச, ததா³ஸுங் ஸத்த பா⁴ரதா⁴’தி.

பட²மபா⁴ணவாரோ நிட்டி²தோ.

கித்திஸத்³த³அப்³பு⁴க்³க³மனங்

311.
‘‘அத² கோ², போ⁴, தே ச² க²த்தியா யேன மஹாகோ³விந்தோ³ ப்³ராஹ்மணோ
தேனுபஸங்கமிங்ஸு; உபஸங்கமித்வா மஹாகோ³விந்த³ங் ப்³ராஹ்மணங் ஏதத³வோசுங் –
‘‘யதா² கோ² ப⁴வங் கோ³விந்தோ³ ரேணுஸ்ஸ ரஞ்ஞோ ஸஹாயோ பியோ மனாபோ அப்படிகூலோ.
ஏவமேவ கோ² ப⁴வங் கோ³விந்தோ³ அம்ஹாகம்பி ஸஹாயோ பியோ மனாபோ அப்படிகூலோ,
அனுஸாஸது நோ ப⁴வங் கோ³விந்தோ³; மா நோ ப⁴வங் கோ³விந்தோ³ அனுஸாஸனியா
பச்சப்³யாஹாஸீ’’தி. ‘‘ஏவங், போ⁴’’தி கோ² மஹாகோ³விந்தோ³ ப்³ராஹ்மணோ தேஸங்
ச²ன்னங் க²த்தியானங் பச்சஸ்ஸோஸி. அத² கோ², போ⁴, மஹாகோ³விந்தோ³ ப்³ராஹ்மணோ
ஸத்த ச ராஜானோ க²த்தியே முத்³தா⁴வஸித்தே ரஜ்ஜே [முத்³தா⁴பி⁴ஸித்தே ரஜ்ஜேன (ஸ்யா॰)] அனுஸாஸி, ஸத்த ச ப்³ராஹ்மணமஹாஸாலே ஸத்த ச ந்ஹாதகஸதானி மந்தே வாசேஸி.

312. ‘‘அத² கோ², போ⁴, மஹாகோ³விந்த³ஸ்ஸ ப்³ராஹ்மணஸ்ஸ அபரேன ஸமயேன ஏவங் கல்யாணோ கித்திஸத்³தோ³ அப்³பு⁴க்³க³ச்சி² [அப்³பு⁴க்³க³ஞ்சி² (ஸீ॰ பீ॰)]
– ‘‘ஸக்கி² மஹாகோ³விந்தோ³ ப்³ராஹ்மணோ ப்³ரஹ்மானங் பஸ்ஸதி, ஸக்கி²
மஹாகோ³விந்தோ³ ப்³ராஹ்மணோ ப்³ரஹ்முனா ஸாகச்சே²தி ஸல்லபதி மந்தேதீ’’தி. அத²
கோ², போ⁴, மஹாகோ³விந்த³ஸ்ஸ ப்³ராஹ்மணஸ்ஸ ஏதத³ஹோஸி – ‘‘மய்ஹங் கோ² ஏவங்
கல்யாணோ கித்திஸத்³தோ³ அப்³பு⁴க்³க³தோ – ‘ஸக்கி² மஹாகோ³விந்தோ³ ப்³ராஹ்மணோ
ப்³ரஹ்மானங் பஸ்ஸதி, ஸக்கி² மஹாகோ³விந்தோ³ ப்³ராஹ்மணோ ப்³ரஹ்முனா
ஸாகச்சே²தி ஸல்லபதி மந்தேதீ’தி. ந கோ² பனாஹங் ப்³ரஹ்மானங் பஸ்ஸாமி, ந ப்³ரஹ்முனா ஸாகச்சே²மி, ந ப்³ரஹ்முனா ஸல்லபாமி ,
ந ப்³ரஹ்முனா மந்தேமி. ஸுதங் கோ² பன மேதங் ப்³ராஹ்மணானங் வுத்³தா⁴னங்
மஹல்லகானங் ஆசரியபாசரியானங் பா⁴ஸமானானங் – ‘யோ வஸ்ஸிகே சத்தாரோ மாஸே
படிஸல்லீயதி, கருணங் ஜா²னங் ஜா²யதி, ஸோ ப்³ரஹ்மானங்
பஸ்ஸதி ப்³ரஹ்முனா ஸாகச்சே²தி ப்³ரஹ்முனா ஸல்லபதி ப்³ரஹ்முனா மந்தேதீ’தி.
யங்னூனாஹங் வஸ்ஸிகே சத்தாரோ மாஸே படிஸல்லீயெய்யங், கருணங் ஜா²னங்
ஜா²யெய்ய’’ந்தி.

313.
‘‘அத² கோ², போ⁴, மஹாகோ³விந்தோ³ ப்³ராஹ்மணோ யேன ரேணு ராஜா தேனுபஸங்கமி;
உபஸங்கமித்வா ரேணுங் ராஜானங் ஏதத³வோச – ‘‘மய்ஹங் கோ², போ⁴, ஏவங் கல்யாணோ
கித்திஸத்³தோ³ அப்³பு⁴க்³க³தோ – ‘ஸக்கி² மஹாகோ³விந்தோ³ ப்³ராஹ்மணோ
ப்³ரஹ்மானங் பஸ்ஸதி, ஸக்கி² மஹாகோ³விந்தோ³ ப்³ராஹ்மணோ ப்³ரஹ்முனா
ஸாகச்சே²தி ஸல்லபதி மந்தேதீ’தி. ந கோ² பனாஹங், போ⁴, ப்³ரஹ்மானங் பஸ்ஸாமி, ந
ப்³ரஹ்முனா ஸாகச்சே²மி, ந ப்³ரஹ்முனா ஸல்லபாமி, ந ப்³ரஹ்முனா மந்தேமி.
ஸுதங் கோ² பன மேதங் ப்³ராஹ்மணானங் வுத்³தா⁴னங் மஹல்லகானங் ஆசரியபாசரியானங்
பா⁴ஸமானானங் – ‘யோ வஸ்ஸிகே சத்தாரோ மாஸே படிஸல்லீயதி, கருணங் ஜா²னங்
ஜா²யதி, ஸோ ப்³ரஹ்மானங் பஸ்ஸதி, ப்³ரஹ்முனா ஸாகச்சே²தி ப்³ரஹ்முனா ஸல்லபதி
ப்³ரஹ்முனா மந்தேதீ’தி. இச்சா²மஹங், போ⁴, வஸ்ஸிகே சத்தாரோ மாஸே
படிஸல்லீயிதுங், கருணங் ஜா²னங் ஜா²யிதுங்; நம்ஹி கேனசி உபஸங்கமிதப்³போ³
அஞ்ஞத்ர ஏகேன ப⁴த்தாபி⁴ஹாரேனா’’தி. ‘‘யஸ்ஸதா³னி ப⁴வங் கோ³விந்தோ³ காலங்
மஞ்ஞதீ’’தி.

314. ‘‘அத² கோ², போ⁴, மஹாகோ³விந்தோ³ ப்³ராஹ்மணோ யேன
தே ச² க²த்தியா தேனுபஸங்கமி; உபஸங்கமித்வா தே ச² க²த்தியே ஏதத³வோச –
‘‘மய்ஹங் கோ², போ⁴, ஏவங் கல்யாணோ கித்திஸத்³தோ³ அப்³பு⁴க்³க³தோ – ‘ஸக்கி²
மஹாகோ³விந்தோ³ ப்³ராஹ்மணோ ப்³ரஹ்மானங் பஸ்ஸதி, ஸக்கி² மஹாகோ³விந்தோ³
ப்³ராஹ்மணோ ப்³ரஹ்முனா ஸாகச்சே²தி ஸல்லபதி மந்தேதீ’தி. ந கோ² பனாஹங், போ⁴,
ப்³ரஹ்மானங் பஸ்ஸாமி, ந ப்³ரஹ்முனா ஸாகச்சே²மி, ந ப்³ரஹ்முனா ஸல்லபாமி, ந
ப்³ரஹ்முனா மந்தேமி. ஸுதங் கோ² பன மேதங் ப்³ராஹ்மணானங் வுத்³தா⁴னங்
மஹல்லகானங் ஆசரியபாசரியானங் பா⁴ஸமானானங், ‘யோ வஸ்ஸிகே சத்தாரோ மாஸே
படிஸல்லீயதி, கருணங் ஜா²னங் ஜா²யதி, ஸோ ப்³ரஹ்மானங் பஸ்ஸதி ப்³ரஹ்முனா
ஸாகச்சே²தி ப்³ரஹ்முனா ஸல்லபதி ப்³ரஹ்முனா மந்தேதீ’தி. இச்சா²மஹங், போ⁴,
வஸ்ஸிகே சத்தாரோ மாஸே படிஸல்லீயிதுங், கருணங் ஜா²னங் ஜா²யிதுங்; நம்ஹி
கேனசி உபஸங்கமிதப்³போ³ அஞ்ஞத்ர ஏகேன ப⁴த்தாபி⁴ஹாரேனா’’தி. ‘‘யஸ்ஸதா³னி
ப⁴வங் கோ³விந்தோ³ காலங் மஞ்ஞதீ’’’தி.

315. ‘‘அத²
கோ², போ⁴, மஹாகோ³விந்தோ³ ப்³ராஹ்மணோ யேன தே ஸத்த ச ப்³ராஹ்மணமஹாஸாலா ஸத்த ச
ந்ஹாதகஸதானி தேனுபஸங்கமி; உபஸங்கமித்வா தே ஸத்த ச ப்³ராஹ்மணமஹாஸாலே ஸத்த ச
ந்ஹாதகஸதானி ஏதத³வோச – ‘‘மய்ஹங் கோ², போ⁴, ஏவங் கல்யாணோ கித்திஸத்³தோ³
அப்³பு⁴க்³க³தோ – ‘ஸக்கி² மஹாகோ³விந்தோ³ ப்³ராஹ்மணோ ப்³ரஹ்மானங் பஸ்ஸதி,
ஸக்கி² மஹாகோ³விந்தோ³ ப்³ராஹ்மணோ ப்³ரஹ்முனா ஸாகச்சே²தி ஸல்லபதி
மந்தேதீ’தி. ந கோ² பனாஹங், போ⁴, ப்³ரஹ்மானங் பஸ்ஸாமி, ந ப்³ரஹ்முனா
ஸாகச்சே²மி, ந ப்³ரஹ்முனா ஸல்லபாமி, ந ப்³ரஹ்முனா மந்தேமி. ஸுதங் கோ² பன மேதங் ப்³ராஹ்மணானங் வுத்³தா⁴னங்
மஹல்லகானங் ஆசரியபாசரியானங் பா⁴ஸமானானங் – ‘யோ வஸ்ஸிகே சத்தாரோ மாஸே
படிஸல்லீயதி, கருணங் ஜா²னங் ஜா²யதி, ஸோ ப்³ரஹ்மானங் பஸ்ஸதி, ப்³ரஹ்முனா
ஸாகச்சே²தி, ப்³ரஹ்முனா ஸல்லபதி, ப்³ரஹ்முனா மந்தேதீ’தி. தேன ஹி, போ⁴,
யதா²ஸுதே யதா²பரியத்தே மந்தே வித்தா²ரேன ஸஜ்ஜா²யங் கரோத², அஞ்ஞமஞ்ஞஞ்ச
மந்தே வாசேத²; இச்சா²மஹங், போ⁴, வஸ்ஸிகே சத்தாரோ மாஸே படிஸல்லீயிதுங்,
கருணங் ஜா²னங் ஜா²யிதுங்; நம்ஹி கேனசி உபஸங்கமிதப்³போ³ அஞ்ஞத்ர ஏகேன
ப⁴த்தாபி⁴ஹாரேனா’’தி. ‘‘யஸ்ஸ தா³னி ப⁴வங் கோ³விந்தோ³ காலங் மஞ்ஞதீ’’தி.

316. ‘‘அத²
கோ², போ⁴, மஹாகோ³விந்தோ³ ப்³ராஹ்மணோ யேன சத்தாரீஸா ப⁴ரியா ஸாதி³ஸியோ
தேனுபஸங்கமி; உபஸங்கமித்வா சத்தாரீஸா ப⁴ரியா ஸாதி³ஸியோ ஏதத³வோச – ‘‘மய்ஹங்
கோ², போ⁴தீ, ஏவங் கல்யாணோ கித்திஸத்³தோ³ அப்³பு⁴க்³க³தோ – ‘ஸக்கி²
மஹாகோ³விந்தோ³ ப்³ராஹ்மணோ ப்³ரஹ்மானங் பஸ்ஸதி, ஸக்கி² மஹாகோ³விந்தோ³
ப்³ராஹ்மணோ ப்³ரஹ்முனா ஸாகச்சே²தி ஸல்லபதி மந்தேதீ’தி. ந கோ² பனாஹங்,
போ⁴தீ, ப்³ரஹ்மானங் பஸ்ஸாமி, ந ப்³ரஹ்முனா ஸாகச்சே²மி, ந ப்³ரஹ்முனா
ஸல்லபாமி, ந ப்³ரஹ்முனா மந்தேமி. ஸுதங் கோ² பன மேதங் ப்³ராஹ்மணானங்
வுத்³தா⁴னங் மஹல்லகானங் ஆசரியபாசரியானங் பா⁴ஸமானானங் ‘யோ வஸ்ஸிகே சத்தாரோ
மாஸே படிஸல்லீயதி, கருணங் ஜா²னங் ஜா²யதி, ஸோ ப்³ரஹ்மானங் பஸ்ஸதி,
ப்³ரஹ்முனா ஸாகச்சே²தி, ப்³ரஹ்முனா ஸல்லபதி, ப்³ரஹ்முனா மந்தேதீதி,
இச்சா²மஹங், போ⁴தீ, வஸ்ஸிகே சத்தாரோ மாஸே படிஸல்லீயிதுங், கருணங் ஜா²னங்
ஜா²யிதுங்; நம்ஹி கேனசி உபஸங்கமிதப்³போ³ அஞ்ஞத்ர ஏகேன ப⁴த்தாபி⁴ஹாரேனா’’தி.
‘‘யஸ்ஸ தா³னி ப⁴வங் கோ³விந்தோ³ காலங் மஞ்ஞதீ’’’தி.

317.
‘‘அத² கோ², போ⁴, மஹாகோ³விந்தோ³ ப்³ராஹ்மணோ புரத்தி²மேன நக³ரஸ்ஸ நவங்
ஸந்தா⁴கா³ரங் காராபெத்வா வஸ்ஸிகே சத்தாரோ மாஸே படிஸல்லீயி, கருணங் ஜா²னங் ஜா²யி; நாஸ்ஸுத⁴ கோசி உபஸங்கமதி [உபஸங்கமி (பீ॰)]
அஞ்ஞத்ர ஏகேன ப⁴த்தாபி⁴ஹாரேன. அத² கோ², போ⁴, மஹாகோ³விந்த³ஸ்ஸ ப்³ராஹ்மணஸ்ஸ
சதுன்னங் மாஸானங் அச்சயேன அஹுதே³வ உக்கண்ட²னா அஹு பரிதஸ்ஸனா – ‘‘ஸுதங் கோ²
பன மேதங் ப்³ராஹ்மணானங் வுத்³தா⁴னங் மஹல்லகானங் ஆசரியபாசரியானங்
பா⁴ஸமானானங் – ‘யோ வஸ்ஸிகே சத்தாரோ மாஸே படிஸல்லீயதி, கருணங் ஜா²னங்
ஜா²யதி, ஸோ ப்³ரஹ்மானங் பஸ்ஸதி, ப்³ரஹ்முனா ஸாகச்சே²தி ப்³ரஹ்முனா ஸல்லபதி
ப்³ரஹ்முனா மந்தேதீ’தி. ந கோ² பனாஹங் ப்³ரஹ்மானங் பஸ்ஸாமி, ந ப்³ரஹ்முனா
ஸாகச்சே²மி ந ப்³ரஹ்முனா ஸல்லபாமி ந ப்³ரஹ்முனா மந்தேமீ’’’தி.

ப்³ரஹ்முனா ஸாகச்சா²

318. ‘‘அத² கோ², போ⁴, ப்³ரஹ்மா ஸனங்குமாரோ மஹாகோ³விந்த³ஸ்ஸ ப்³ராஹ்மணஸ்ஸ சேதஸா சேதோபரிவிதக்கமஞ்ஞாய
ஸெய்யதா²பி நாம ப³லவா புரிஸோ ஸமிஞ்ஜிதங் வா பா³ஹங் பஸாரெய்ய, பஸாரிதங் வா
பா³ஹங் ஸமிஞ்ஜெய்ய, ஏவமேவ, ப்³ரஹ்மலோகே அந்தரஹிதோ மஹாகோ³விந்த³ஸ்ஸ
ப்³ராஹ்மணஸ்ஸ ஸம்முகே² பாதுரஹோஸி. அத² கோ², போ⁴, மஹாகோ³விந்த³ஸ்ஸ
ப்³ராஹ்மணஸ்ஸ அஹுதே³வ ப⁴யங் அஹு ச²ம்பி⁴தத்தங் அஹு லோமஹங்ஸோ யதா² தங்
அதி³ட்ட²புப்³ப³ங் ரூபங் தி³ஸ்வா. அத² கோ², போ⁴, மஹாகோ³விந்தோ³ ப்³ராஹ்மணோ
பீ⁴தோ ஸங்விக்³கோ³ லோமஹட்ட²ஜாதோ ப்³ரஹ்மானங் ஸனங்குமாரங் கா³தா²ய
அஜ்ஜ²பா⁴ஸி –

‘‘‘வண்ணவா யஸவா ஸிரிமா, கோ நு த்வமஸி மாரிஸ;

அஜானந்தா தங் புச்சா²ம, கத²ங் ஜானேமு தங் மய’’ந்தி.

‘‘மங் வே குமாரங் ஜானந்தி, ப்³ரஹ்மலோகே ஸனந்தனங் [ஸனந்திச (க॰)];

ஸப்³பே³ ஜானந்தி மங் தே³வா, ஏவங் கோ³விந்த³ ஜானஹி’’.

‘‘‘ஆஸனங் உத³கங் பஜ்ஜங், மது⁴ஸாகஞ்ச [மது⁴பாகஞ்ச (ஸீ॰ ஸ்யா॰ பீ॰)] ப்³ரஹ்முனோ;

அக்³கே⁴ ப⁴வந்தங் புச்சா²ம, அக்³க⁴ங் குருது நோ ப⁴வங்’’.

‘‘படிக்³க³ண்ஹாம தே அக்³க⁴ங், யங் த்வங் கோ³விந்த³ பா⁴ஸஸி;

தி³ட்ட²த⁴ம்மஹிதத்தா²ய, ஸம்பராய ஸுகா²ய ச;

கதாவகாஸோ புச்ச²ஸ்ஸு, யங் கிஞ்சி அபி⁴பத்தி²த’’ந்தி.

319.
‘‘அத² கோ², போ⁴, மஹாகோ³விந்த³ஸ்ஸ ப்³ராஹ்மணஸ்ஸ ஏதத³ஹோஸி – ‘‘கதாவகாஸோ
கொ²ம்ஹி ப்³ரஹ்முனா ஸனங்குமாரேன. கிங் நு கோ² அஹங் ப்³ரஹ்மானங் ஸனங்குமாரங்
புச்செ²ய்யங் தி³ட்ட²த⁴ம்மிகங் வா அத்த²ங் ஸம்பராயிகங் வா’தி? அத²
கோ², போ⁴, மஹாகோ³விந்த³ஸ்ஸ ப்³ராஹ்மணஸ்ஸ ஏதத³ஹோஸி – ‘குஸலோ கோ² அஹங்
தி³ட்ட²த⁴ம்மிகானங் அத்தா²னங், அஞ்ஞேபி மங் தி³ட்ட²த⁴ம்மிகங் அத்த²ங்
புச்ச²ந்தி. யங்னூனாஹங் ப்³ரஹ்மானங் ஸனங்குமாரங் ஸம்பராயிகஞ்ஞேவ அத்த²ங்
புச்செ²ய்ய’ந்தி. அத² கோ², போ⁴, மஹாகோ³விந்தோ³ ப்³ராஹ்மணோ ப்³ரஹ்மானங்
ஸனங்குமாரங் கா³தா²ய அஜ்ஜ²பா⁴ஸி –

‘‘புச்சா²மி ப்³ரஹ்மானங் ஸனங்குமாரங்,

கங்கீ² அகங்கி²ங் பரவேதி³யேஸு;

கத்த²ட்டி²தோ கிம்ஹி ச ஸிக்க²மானோ,

பப்போதி மச்சோ அமதங் ப்³ரஹ்மலோக’’ந்தி.

‘‘ஹித்வா மமத்தங் மனுஜேஸு ப்³ரஹ்மே,

ஏகோதி³பூ⁴தோ கருணேதி⁴முத்தோ [கருணாதி⁴முத்தோ (ஸீ॰ ஸ்யா॰ பீ॰)];

நிராமக³ந்தோ⁴ விரதோ மேது²னஸ்மா,

எத்த²ட்டி²தோ எத்த² ச ஸிக்க²மானோ;

பப்போதி மச்சோ அமதங் ப்³ரஹ்மலோக’’ந்தி.

320.
‘‘ஹித்வா மமத்த’ந்தி அஹங் போ⁴தோ ஆஜானாமி. இதே⁴கச்சோ அப்பங் வா
போ⁴க³க்க²ந்த⁴ங் பஹாய மஹந்தங் வா போ⁴க³க்க²ந்த⁴ங் பஹாய அப்பங் வா
ஞாதிபரிவட்டங் பஹாய மஹந்தங் வா ஞாதிபரிவட்டங் பஹாய கேஸமஸ்ஸுங் ஓஹாரெத்வா
காஸாயானி வத்தா²னி அச்சா²தெ³த்வா அகா³ரஸ்மா அனகா³ரியங் பப்³ப³ஜதி, ‘இதி
ஹித்வா மமத்த’ந்தி அஹங் போ⁴தோ ஆஜானாமி. ‘ஏகோதி³பூ⁴தோ’தி
அஹங் போ⁴தோ ஆஜானாமி. இதே⁴கச்சோ விவித்தங் ஸேனாஸனங் ப⁴ஜதி அரஞ்ஞங்
ருக்க²மூலங் பப்³ப³தங் கந்த³ரங் கி³ரிகு³ஹங் ஸுஸானங் வனபத்த²ங்
அப்³போ⁴காஸங் பலாலபுஞ்ஜங், இதி ஏகோதி³பூ⁴தோ’தி அஹங் போ⁴தோ ஆஜானாமி.
‘கருணேதி⁴முத்தோ’தி அஹங் போ⁴தோ ஆஜானாமி. இதே⁴கச்சோ கருணாஸஹக³தேன சேதஸா ஏகங்
தி³ஸங் ப²ரித்வா விஹரதி, ததா² து³தியங், ததா² ததியங், ததா² சதுத்த²ங். இதி
உத்³த⁴மதோ⁴திரியங் ஸப்³ப³தி⁴ ஸப்³ப³த்ததாய ஸப்³பா³வந்தங் லோகங்
கருணாஸஹக³தேன சேதஸா விபுலேன மஹக்³க³தேன அப்பமாணேன
அவேரேன அப்³யாபஜ்ஜேன ப²ரித்வா விஹரதி. இதி ‘கருணேதி⁴முத்தோ’தி அஹங் போ⁴தோ
ஆஜானாமி. ஆமக³ந்தே⁴ ச கோ² அஹங் போ⁴தோ பா⁴ஸமானஸ்ஸ ந ஆஜானாமி.

‘‘கே ஆமக³ந்தா⁴ மனுஜேஸு ப்³ரஹ்மே,

ஏதே அவித்³வா இத⁴ ப்³ரூஹி தீ⁴ர;

கேனாவடா [கேனாவுடா (ஸ்யா॰)] வாதி பஜா குருது [குருரூ (ஸ்யா॰), குருட்ட²ரூ (பீ॰), குரூரு (?)],

ஆபாயிகா நிவுதப்³ரஹ்மலோகா’’தி.

‘‘கோதோ⁴ மோஸவஜ்ஜங் நிகதி ச து³ப்³போ⁴,

கத³ரியதா அதிமானோ உஸூயா;

இச்சா² விவிச்சா² பரஹேட²னா ச,

லோபோ⁴ ச தோ³ஸோ ச மதோ³ ச மோஹோ;

ஏதேஸு யுத்தா அனிராமக³ந்தா⁴,

ஆபாயிகா நிவுதப்³ரஹ்மலோகா’’தி.

‘‘யதா² கோ² அஹங் போ⁴தோ ஆமக³ந்தே⁴ பா⁴ஸமானஸ்ஸ ஆஜானாமி.
தே ந ஸுனிம்மத³யா அகா³ரங் அஜ்ஜா²வஸதா. பப்³ப³ஜிஸ்ஸாமஹங், போ⁴, அகா³ரஸ்மா
அனகா³ரிய’’ந்தி. ‘‘யஸ்ஸதா³னி ப⁴வங் கோ³விந்தோ³ காலங் மஞ்ஞதீ’’தி.

ரேணுராஜஆமந்தனா

321.
‘‘அத² கோ², போ⁴, மஹாகோ³விந்தோ³ ப்³ராஹ்மணோ யேன ரேணு ராஜா தேனுபஸங்கமி;
உபஸங்கமித்வா ரேணுங் ராஜானங் ஏதத³வோச – ‘‘அஞ்ஞங் தா³னி ப⁴வங் புரோஹிதங்
பரியேஸது, யோ போ⁴தோ ரஜ்ஜங் அனுஸாஸிஸ்ஸதி. இச்சா²மஹங், போ⁴ ,
அகா³ரஸ்மா அனகா³ரியங் பப்³ப³ஜிதுங். யதா² கோ² பன மே ஸுதங் ப்³ரஹ்முனோ
ஆமக³ந்தே⁴ பா⁴ஸமானஸ்ஸ, தே ந ஸுனிம்மத³யா அகா³ரங் அஜ்ஜா²வஸதா.
பப்³ப³ஜிஸ்ஸாமஹங், போ⁴, அகா³ரஸ்மா அனகா³ரிய’’ந்தி.

‘‘ஆமந்தயாமி ராஜானங், ரேணுங் பூ⁴மிபதிங் அஹங்;

த்வங் பஜானஸ்ஸு ரஜ்ஜேன, நாஹங் போரோஹிச்சே ரமே’’.

‘‘ஸசே தே ஊனங் காமேஹி, அஹங் பரிபூரயாமி தே;

யோ தங் ஹிங்ஸதி வாரேமி, பூ⁴மிஸேனாபதி அஹங்;

துவங் பிதா அஹங் புத்தோ, மா நோ கோ³விந்த³ பாஜஹி’’ [பாஜேஹி (அட்ட²கதா²யங் ஸங்வண்ணிதபாட²ந்தரங்)].

‘‘நமத்தி² ஊனங் காமேஹி, ஹிங்ஸிதா மே ந விஜ்ஜதி;

அமனுஸ்ஸவசோ ஸுத்வா, தஸ்மாஹங் ந க³ஹே ரமே’’.

‘‘அமனுஸ்ஸோ கத²ங்வண்ணோ, கிங் தே அத்த²ங் அபா⁴ஸத²;

யஞ்ச ஸுத்வா ஜஹாஸி நோ, கே³ஹே அம்ஹே ச கேவலீ’’.

‘‘உபவுத்த²ஸ்ஸ மே புப்³பே³, யிட்டு²காமஸ்ஸ மே ஸதோ;

அக்³கி³ பஜ்ஜலிதோ ஆஸி, குஸபத்தபரித்த²தோ’’.

‘‘ததோ மே ப்³ரஹ்மா பாதுரஹு, ப்³ரஹ்மலோகா ஸனந்தனோ;

ஸோ மே பஞ்ஹங் வியாகாஸி, தங் ஸுத்வா ந க³ஹே ரமே’’.

‘‘ஸத்³த³ஹாமி அஹங் போ⁴தோ, யங் த்வங் கோ³விந்த³ பா⁴ஸஸி;

அமனுஸ்ஸவசோ ஸுத்வா, கத²ங் வத்தேத² அஞ்ஞதா².

‘‘தே தங் அனுவத்திஸ்ஸாம, ஸத்தா² கோ³விந்த³ நோ ப⁴வங்;

மணி யதா² வேளுரியோ, அகாசோ விமலோ ஸுபோ⁴;

ஏவங் ஸுத்³தா⁴ சரிஸ்ஸாம, கோ³விந்த³ஸ்ஸானுஸாஸனே’’தி.

‘‘‘ஸசே ப⁴வங் கோ³விந்தோ³ அகா³ரஸ்மா அனகா³ரியங்
பப்³ப³ஜிஸ்ஸதி, மயம்பி அகா³ரஸ்மா அனகா³ரியங் பப்³ப³ஜிஸ்ஸாம. அத² யா தே
க³தி, ஸா நோ க³தி ப⁴விஸ்ஸதீ’’தி.

ச² க²த்தியஆமந்தனா

322.
‘‘அத² கோ², போ⁴, மஹாகோ³விந்தோ³ ப்³ராஹ்மணோ யேன தே ச² க²த்தியா
தேனுபஸங்கமி; உபஸங்கமித்வா தே ச² க²த்தியே ஏதத³வோச – ‘‘அஞ்ஞங் தா³னி
ப⁴வந்தோ புரோஹிதங் பரியேஸந்து, யோ ப⁴வந்தானங் ரஜ்ஜே அனுஸாஸிஸ்ஸதி.
இச்சா²மஹங், போ⁴, அகா³ரஸ்மா அனகா³ரியங் பப்³ப³ஜிதுங். யதா² கோ² பன மே ஸுதங்
ப்³ரஹ்முனோ ஆமக³ந்தே⁴ பா⁴ஸமானஸ்ஸ, தே ந ஸுனிம்மத³யா அகா³ரங் அஜ்ஜா²வஸதா.
பப்³ப³ஜிஸ்ஸாமஹங், போ⁴, அகா³ரஸ்மா அனகா³ரிய’’ந்தி. அத² கோ², போ⁴, தே ச²
க²த்தியா ஏகமந்தங் அபக்கம்ம ஏவங் ஸமசிந்தேஸுங் –
‘‘இமே கோ² ப்³ராஹ்மணா நாம த⁴னலுத்³தா⁴; யங்னூன மயங் மஹாகோ³விந்த³ங்
ப்³ராஹ்மணங் த⁴னேன ஸிக்கெ²ய்யாமா’’தி. தே மஹாகோ³விந்த³ங் ப்³ராஹ்மணங்
உபஸங்கமித்வா ஏவமாஹங்ஸு – ‘‘ஸங்விஜ்ஜதி கோ², போ⁴, இமேஸு ஸத்தஸு ரஜ்ஜேஸு
பஹூதங் ஸாபதெய்யங், ததோ போ⁴தோ யாவதகேன அத்தோ², தாவதகங் ஆஹரீயத’’ந்தி.
‘‘அலங், போ⁴, மமபித³ங் பஹூதங் ஸாபதெய்யங் ப⁴வந்தானங்யேவ வாஹஸா. தமஹங்
ஸப்³ப³ங் பஹாய அகா³ரஸ்மா அனகா³ரியங் பப்³ப³ஜிஸ்ஸாமி. யதா² கோ² பன மே ஸுதங்
ப்³ரஹ்முனோ ஆமக³ந்தே⁴ பா⁴ஸமானஸ்ஸ, தே ந ஸுனிம்மத³யா அகா³ரங் அஜ்ஜா²வஸதா, பப்³ப³ஜிஸ்ஸாமஹங், போ⁴, அகா³ரஸ்மா அனகா³ரிய’’ந்தி. அத² கோ², போ⁴, தே ச² க²த்தியா ஏகமந்தங் அபக்கம்ம ஏவங் ஸமசிந்தேஸுங் – ‘‘இமே
கோ² ப்³ராஹ்மணா நாம இத்தி²லுத்³தா⁴; யங்னூன மயங் மஹாகோ³விந்த³ங்
ப்³ராஹ்மணங் இத்தீ²ஹி ஸிக்கெ²ய்யாமா’’தி. தே மஹாகோ³விந்த³ங் ப்³ராஹ்மணங்
உபஸங்கமித்வா ஏவமாஹங்ஸு – ‘‘ஸங்விஜ்ஜந்தி கோ², போ⁴, இமேஸு ஸத்தஸு ரஜ்ஜேஸு
பஹூதா இத்தி²யோ, ததோ போ⁴தோ யாவதிகாஹி அத்தோ², தாவதிகா ஆனீயத’’ந்தி. ‘‘அலங்,
போ⁴, மமபிமா [மமபிதா (க॰), மமபி (ஸீ॰)]
சத்தாரீஸா ப⁴ரியா ஸாதி³ஸியோ. தாபாஹங் ஸப்³பா³ பஹாய அகா³ரஸ்மா அனகா³ரியங்
பப்³ப³ஜிஸ்ஸாமி. யதா² கோ² பன மே ஸுதங் ப்³ரஹ்முனோ ஆமக³ந்தே⁴ பா⁴ஸமானஸ்ஸ, தே
ந ஸுனிம்மத³யா அகா³ரங் அஜ்ஜா²வஸதா, பப்³ப³ஜிஸ்ஸாமஹங், போ⁴, அகா³ரஸ்மா
அனகா³ரியந்தி’’.

323. ‘‘ஸசே
ப⁴வங் கோ³விந்தோ³ அகா³ரஸ்மா அனகா³ரியங் பப்³ப³ஜிஸ்ஸதி, மயம்பி அகா³ரஸ்மா
அனகா³ரியங் பப்³ப³ஜிஸ்ஸாம, அத² யா தே க³தி, ஸா நோ க³தி ப⁴விஸ்ஸதீதி.

‘‘ஸசே ஜஹத² காமானி, யத்த² ஸத்தோ புது²ஜ்ஜனோ;

ஆரம்ப⁴வ்ஹோ த³ள்ஹா ஹோத², க²ந்திப³லஸமாஹிதா.

‘‘ஏஸ மக்³கோ³ உஜுமக்³கோ³, ஏஸ மக்³கோ³ அனுத்தரோ;

ஸத்³த⁴ம்மோ ஸப்³பி⁴ ரக்கி²தோ, ப்³ரஹ்மலோகூபபத்தியாதி.

‘‘தேன ஹி ப⁴வங் கோ³விந்தோ³ ஸத்த வஸ்ஸானி ஆக³மேது.
ஸத்தன்னங் வஸ்ஸானங் அச்சயேன மயம்பி அகா³ரஸ்மா அனகா³ரியங் பப்³ப³ஜிஸ்ஸாம,
அத² யா தே க³தி, ஸா நோ க³தி ப⁴விஸ்ஸதீ’’தி.

‘‘‘அதிசிரங் கோ², போ⁴, ஸத்த வஸ்ஸானி, நாஹங் ஸக்கோமி, ப⁴வந்தே, ஸத்த வஸ்ஸானி ஆக³மேதுங். கோ நு கோ² பன, போ⁴, ஜானாதி ஜீவிதானங்! க³மனீயோ ஸம்பராயோ, மந்தாயங் [மந்தாய (ப³ஹூஸு)]
பொ³த்³த⁴ப்³ப³ங், கத்தப்³ப³ங் குஸலங், சரிதப்³ப³ங் ப்³ரஹ்மசரியங், நத்தி²
ஜாதஸ்ஸ அமரணங். யதா² கோ² பன மே ஸுதங் ப்³ரஹ்முனோ ஆமக³ந்தே⁴ பா⁴ஸமானஸ்ஸ, தே ந
ஸுனிம்மத³யா அகா³ரங் அஜ்ஜா²வஸதா, பப்³ப³ஜிஸ்ஸாமஹங், போ⁴, அகா³ரஸ்மா
அனகா³ரிய’’’ந்தி. ‘‘தேன ஹி ப⁴வங் கோ³விந்தோ³ ச²ப்³ப³ஸ்ஸானி ஆக³மேது…பே॰…
பஞ்ச வஸ்ஸானி ஆக³மேது… சத்தாரி வஸ்ஸானி ஆக³மேது… தீணி வஸ்ஸானி ஆக³மேது…
த்³வே வஸ்ஸானி ஆக³மேது… ஏகங் வஸ்ஸங் ஆக³மேது, ஏகஸ்ஸ வஸ்ஸஸ்ஸ அச்சயேன மயம்பி அகா³ரஸ்மா அனகா³ரியங் பப்³ப³ஜிஸ்ஸாம, அத² யா தே க³தி, ஸா நோ க³தி ப⁴விஸ்ஸதீ’’தி.

‘‘‘அதிசிரங் கோ², போ⁴, ஏகங் வஸ்ஸங், நாஹங் ஸக்கோமி ப⁴வந்தே ஏகங் வஸ்ஸங் ஆக³மேதுங். கோ நு கோ² பன, போ⁴, ஜானாதி ஜீவிதானங்! க³மனீயோ ஸம்பராயோ, மந்தாயங் பொ³த்³த⁴ப்³ப³ங், கத்தப்³ப³ங் குஸலங் ,
சரிதப்³ப³ங் ப்³ரஹ்மசரியங், நத்தி² ஜாதஸ்ஸ அமரணங். யதா² கோ² பன மே ஸுதங்
ப்³ரஹ்முனோ ஆமக³ந்தே⁴ பா⁴ஸமானஸ்ஸ, தே ந ஸுனிம்மத³யா அகா³ரங் அஜ்ஜா²வஸதா,
பப்³ப³ஜிஸ்ஸாமஹங், போ⁴, அகா³ரஸ்மா அனகா³ரிய’’ந்தி. ‘‘தேன ஹி ப⁴வங்
கோ³விந்தோ³ ஸத்த மாஸானி ஆக³மேது, ஸத்தன்னங் மாஸானங் அச்சயேன மயம்பி
அகா³ரஸ்மா அனகா³ரியங் பப்³ப³ஜிஸ்ஸாம, அத² யா தே க³தி, ஸா நோ க³தி
ப⁴விஸ்ஸதீ’’தி.

‘‘‘அதிசிரங் கோ², போ⁴, ஸத்த மாஸானி, நாஹங் ஸக்கோமி
ப⁴வந்தே ஸத்த மாஸானி ஆக³மேதுங். கோ நு கோ² பன, போ⁴, ஜானாதி ஜீவிதானங்.
க³மனீயோ ஸம்பராயோ, மந்தாயங் பொ³த்³த⁴ப்³ப³ங் ,
கத்தப்³ப³ங் குஸலங், சரிதப்³ப³ங் ப்³ரஹ்மசரியங், நத்தி² ஜாதஸ்ஸ அமரணங்.
யதா² கோ² பன மே ஸுதங் ப்³ரஹ்முனோ ஆமக³ந்தே⁴ பா⁴ஸமானஸ்ஸ, தே ந ஸுனிம்மத³யா
அகா³ரங் அஜ்ஜா²வஸதா, பப்³ப³ஜிஸ்ஸாமஹங், போ⁴, அகா³ரஸ்மா அனகா³ரிய’’ந்தி.

‘‘‘தேன ஹி ப⁴வங் கோ³விந்தோ³ ச² மாஸானி ஆக³மேது…பே॰…
பஞ்ச மாஸானி ஆக³மேது… சத்தாரி மாஸானி ஆக³மேது… தீணி மாஸானி ஆக³மேது… த்³வே
மாஸானி ஆக³மேது… ஏகங் மாஸங் ஆக³மேது… அத்³த⁴மாஸங் ஆக³மேது, அத்³த⁴மாஸஸ்ஸ
அச்சயேன மயம்பி அகா³ரஸ்மா அனகா³ரியங் பப்³ப³ஜிஸ்ஸாம, அத² யா தே க³தி, ஸா நோ
க³தி ப⁴விஸ்ஸதீ’’தி.

‘‘‘அதிசிரங் கோ², போ⁴, அத்³த⁴மாஸோ, நாஹங் ஸக்கோமி
ப⁴வந்தே அத்³த⁴மாஸங் ஆக³மேதுங். கோ நு கோ² பன, போ⁴, ஜானாதி ஜீவிதானங்!
க³மனீயோ ஸம்பராயோ, மந்தாயங் பொ³த்³த⁴ப்³ப³ங், கத்தப்³ப³ங் குஸலங்,
சரிதப்³ப³ங் ப்³ரஹ்மசரியங், நத்தி² ஜாதஸ்ஸ அமரணங். யதா² கோ² பன மே ஸுதங்
ப்³ரஹ்முனோ ஆமக³ந்தே⁴ பா⁴ஸமானஸ்ஸ, தே ந ஸுனிம்மத³யா அகா³ரங் அஜ்ஜா²வஸதா,
பப்³ப³ஜிஸ்ஸாமஹங், போ⁴, அகா³ரஸ்மா அனகா³ரிய’’ந்தி. ‘‘தேன ஹி ப⁴வங் கோ³விந்தோ³ ஸத்தாஹங் ஆக³மேது, யாவ மயங் ஸகே புத்தபா⁴தரோ ரஜ்ஜேன [ரஜ்ஜே (ஸ்யா॰)] அனுஸாஸிஸ்ஸாம, ஸத்தாஹஸ்ஸ
அச்சயேன மயம்பி அகா³ரஸ்மா அனகா³ரியங் பப்³ப³ஜிஸ்ஸாம, அத² யா தே க³தி, ஸா
நோ க³தி ப⁴விஸ்ஸதீ’’தி. ‘‘ந சிரங் கோ², போ⁴, ஸத்தாஹங், ஆக³மெஸ்ஸாமஹங்
ப⁴வந்தே ஸத்தாஹ’’ந்தி.

ப்³ராஹ்மணமஹாஸாலாதீ³னங் ஆமந்தனா

324. ‘‘அத² கோ², போ⁴, மஹாகோ³விந்தோ³ ப்³ராஹ்மணோ யேன தே ஸத்த ச ப்³ராஹ்மணமஹாஸாலா ஸத்த ச ந்ஹாதகஸதானி தேனுபஸங்கமி; உபஸங்கமித்வா தே ஸத்த ச ப்³ராஹ்மணமஹாஸாலே ஸத்த ச ந்ஹாதகஸதானி
ஏதத³வோச – ‘‘அஞ்ஞங் தா³னி ப⁴வந்தோ ஆசரியங் பரியேஸந்து, யோ ப⁴வந்தானங்
மந்தே வாசெஸ்ஸதி. இச்சா²மஹங், போ⁴, அகா³ரஸ்மா அனகா³ரியங் பப்³ப³ஜிதுங்.
யதா² கோ² பன மே ஸுதங் ப்³ரஹ்முனோ ஆமக³ந்தே⁴ பா⁴ஸமானஸ்ஸ. தே ந ஸுனிம்மத³யா
அகா³ரங் அஜ்ஜா²வஸதா, பப்³ப³ஜிஸ்ஸாமஹங், போ⁴, அகா³ரஸ்மா அனகா³ரிய’’ந்தி.
‘‘மா ப⁴வங் கோ³விந்தோ³ அகா³ரஸ்மா அனகா³ரியங் பப்³ப³ஜி. பப்³ப³ஜ்ஜா, போ⁴,
அப்பேஸக்கா² ச அப்பலாபா⁴ ச; ப்³ரஹ்மஞ்ஞங் மஹேஸக்க²ஞ்ச மஹாலாப⁴ஞ்சா’’தி.
‘‘மா ப⁴வந்தோ ஏவங் அவசுத்த² – ‘‘பப்³ப³ஜ்ஜா அப்பேஸக்கா² ச அப்பலாபா⁴ ச,
ப்³ரஹ்மஞ்ஞங் மஹேஸக்க²ஞ்ச மஹாலாப⁴ஞ்சா’’தி. கோ நு கோ², போ⁴, அஞ்ஞத்ர மயா
மஹேஸக்க²தரோ வா மஹாலாப⁴தரோ வா! அஹஞ்ஹி, போ⁴, ஏதரஹி ராஜாவ ரஞ்ஞங் ப்³ரஹ்மாவ
ப்³ராஹ்மணானங் [ப்³ரஹ்மானங் (ஸீ॰ பீ॰ க॰)]
தே³வதாவ க³ஹபதிகானங். தமஹங் ஸப்³ப³ங் பஹாய அகா³ரஸ்மா அனகா³ரியங்
பப்³ப³ஜிஸ்ஸாமி. யதா² கோ² பன மே ஸுதங் ப்³ரஹ்முனோ ஆமக³ந்தே⁴ பா⁴ஸமானஸ்ஸ, தே
ந ஸுனிம்மத³யா அகா³ரங் அஜ்ஜா²வஸதா.
பப்³ப³ஜிஸ்ஸாமஹங், போ⁴, அகா³ரஸ்மா அனகா³ரிய’’ந்தி. ‘‘ஸசே ப⁴வங் கோ³விந்தோ³
அகா³ரஸ்மா அனகா³ரியங் பப்³ப³ஜிஸ்ஸதி, மயம்பி அகா³ரஸ்மா அனகா³ரியங்
பப்³ப³ஜிஸ்ஸாம, அத² யா தே க³தி, ஸா நோ க³தி ப⁴விஸ்ஸதீ’’தி.

ப⁴ரியானங் ஆமந்தனா

325. ‘‘அத² கோ², போ⁴, மஹாகோ³விந்தோ³ ப்³ராஹ்மணோ யேன சத்தாரீஸா ப⁴ரியா
ஸாதி³ஸியோ தேனுபஸங்கமி; உபஸங்கமித்வா சத்தாரீஸா ப⁴ரியா ஸாதி³ஸியோ ஏதத³வோச –
‘‘யா போ⁴தீனங் இச்ச²தி, ஸகானி வா ஞாதிகுலானி க³ச்ச²து அஞ்ஞங் வா ப⁴த்தாரங்
பரியேஸது. இச்சா²மஹங், போ⁴தீ, அகா³ரஸ்மா
அனகா³ரியங் பப்³ப³ஜிதுங். யதா² கோ² பன மே ஸுதங் ப்³ரஹ்முனோ ஆமக³ந்தே⁴
பா⁴ஸமானஸ்ஸ, தே ந ஸுனிம்மத³யா அகா³ரங் அஜ்ஜா²வஸதா. பப்³ப³ஜிஸ்ஸாமஹங்,
போ⁴தீ, அகா³ரஸ்மா அனகா³ரிய’’ந்தி. ‘‘த்வஞ்ஞேவ நோ ஞாதி ஞாதிகாமானங், த்வங்
பன ப⁴த்தா ப⁴த்துகாமானங். ஸசே ப⁴வங் கோ³விந்தோ³ அகா³ரஸ்மா அனகா³ரியங்
பப்³ப³ஜிஸ்ஸதி, மயம்பி அகா³ரஸ்மா அனகா³ரியங் பப்³ப³ஜிஸ்ஸாம, அத² யா தே
க³தி, ஸா நோ க³தி ப⁴விஸ்ஸதீ’’தி.

மஹாகோ³விந்த³பப்³ப³ஜ்ஜா

326.
‘‘அத² கோ², போ⁴, மஹாகோ³விந்தோ³ ப்³ராஹ்மணோ தஸ்ஸ ஸத்தாஹஸ்ஸ அச்சயேன
கேஸமஸ்ஸுங் ஓஹாரெத்வா காஸாயானி வத்தா²னி அச்சா²தெ³த்வா அகா³ரஸ்மா
அனகா³ரியங் பப்³ப³ஜி. பப்³ப³ஜிதங் பன மஹாகோ³விந்த³ங் ப்³ராஹ்மணங் ஸத்த ச
ராஜானோ க²த்தியா முத்³தா⁴வஸித்தா ஸத்த ச ப்³ராஹ்மணமஹாஸாலா ஸத்த ச
ந்ஹாதகஸதானி சத்தாரீஸா ச ப⁴ரியா ஸாதி³ஸியோ அனேகானி ச க²த்தியஸஹஸ்ஸானி
அனேகானி ச ப்³ராஹ்மணஸஹஸ்ஸானி அனேகானி ச
க³ஹபதிஸஹஸ்ஸானி அனேகேஹி ச இத்தா²கா³ரேஹி இத்தி²யோ கேஸமஸ்ஸுங் ஓஹாரெத்வா
காஸாயானி வத்தா²னி அச்சா²தெ³த்வா மஹாகோ³விந்த³ங் ப்³ராஹ்மணங் அகா³ரஸ்மா
அனகா³ரியங் பப்³ப³ஜிதங் அனுபப்³ப³ஜிங்ஸு. தாய ஸுத³ங், போ⁴, பரிஸாய பரிவுதோ
மஹாகோ³விந்தோ³ ப்³ராஹ்மணோ கா³மனிக³மராஜதா⁴னீஸு சாரிகங் சரதி. யங் கோ² பன, போ⁴, தேன ஸமயேன மஹாகோ³விந்தோ³ ப்³ராஹ்மணோ
கா³மங் வா நிக³மங் வா உபஸங்கமதி, தத்த² ராஜாவ ஹோதி ரஞ்ஞங், ப்³ரஹ்மாவ
ப்³ராஹ்மணானங், தே³வதாவ க³ஹபதிகானங். தேன கோ² பன ஸமயேன மனுஸ்ஸா கி²பந்தி வா
உபக்க²லந்தி வா தே ஏவமாஹங்ஸு – ‘‘நமத்து² மஹாகோ³விந்த³ஸ்ஸ ப்³ராஹ்மணஸ்ஸ,
நமத்து² ஸத்த புரோஹிதஸ்ஸா’’’தி.

327.
‘‘மஹாகோ³விந்தோ³, போ⁴, ப்³ராஹ்மணோ மெத்தாஸஹக³தேன சேதஸா ஏகங் தி³ஸங்
ப²ரித்வா விஹாஸி, ததா² து³தியங், ததா² ததியங், ததா² சதுத்த²ங். இதி
உத்³த⁴மதோ⁴ திரியங் ஸப்³ப³தி⁴ ஸப்³ப³த்ததாய ஸப்³பா³வந்தங் லோகங்
மெத்தாஸஹக³தேன சேதஸா விபுலேன மஹக்³க³தேன அப்பமாணேன அவேரேன அப்³யாபஜ்ஜேன
ப²ரித்வா விஹாஸி. கருணாஸஹக³தேன சேதஸா…பே॰… முதி³தாஸஹக³தேன சேதஸா…பே॰…
உபெக்கா²ஸஹக³தேன சேதஸா…பே॰… அப்³யாபஜ்ஜேன ப²ரித்வா விஹாஸி ஸாவகானஞ்ச
ப்³ரஹ்மலோகஸஹப்³யதாய மக்³க³ங் தே³ஸேஸி.

328. ‘‘யே
கோ² பன, போ⁴, தேன ஸமயேன மஹாகோ³விந்த³ஸ்ஸ ப்³ராஹ்மணஸ்ஸ ஸாவகா ஸப்³பே³ன
ஸப்³ப³ங் ஸாஸனங் ஆஜானிங்ஸு. தே காயஸ்ஸ பே⁴தா³ பரங் மரணா ஸுக³திங்
ப்³ரஹ்மலோகங் உபபஜ்ஜிங்ஸு. யே ந ஸப்³பே³ன ஸப்³ப³ங் ஸாஸனங் ஆஜானிங்ஸு, தே
காயஸ்ஸ பே⁴தா³ பரங் மரணா அப்பேகச்சே பரனிம்மிதவஸவத்தீனங் தே³வானங்
ஸஹப்³யதங் உபபஜ்ஜிங்ஸு; அப்பேகச்சே நிம்மானரதீனங் தே³வானங் ஸஹப்³யதங்
உபபஜ்ஜிங்ஸு; அப்பேகச்சே துஸிதானங் தே³வானங் ஸஹப்³யதங் உபபஜ்ஜிங்ஸு;
அப்பேகச்சே யாமானங் தே³வானங் ஸஹப்³யதங்
உபபஜ்ஜிங்ஸு; அப்பேகச்சே தாவதிங்ஸானங் தே³வானங் ஸஹப்³யதங் உபபஜ்ஜிங்ஸு;
அப்பேகச்சே சாதுமஹாராஜிகானங் தே³வானங் ஸஹப்³யதங் உபபஜ்ஜிங்ஸு; யே
ஸப்³ப³னிஹீனங் காயங் பரிபூரேஸுங் தே க³ந்த⁴ப்³ப³காயங் பரிபூரேஸுங். இதி கோ², போ⁴ [பன (ஸ்யா॰ க॰)], ஸப்³பே³ஸங்யேவ தேஸங் குலபுத்தானங் அமோகா⁴ பப்³ப³ஜ்ஜா அஹோஸி அவஞ்ஜா² ஸப²லா ஸஉத்³ரயா’’’தி.

329.
‘‘ஸரதி தங் ப⁴க³வா’’தி? ‘‘ஸராமஹங், பஞ்சஸிக². அஹங் தேன ஸமயேன
மஹாகோ³விந்தோ³ ப்³ராஹ்மணோ அஹோஸிங். அஹங் தேஸங் ஸாவகானங்
ப்³ரஹ்மலோகஸஹப்³யதாய மக்³க³ங் தே³ஸேஸிங். தங் கோ² பன மே, பஞ்சஸிக²,
ப்³ரஹ்மசரியங் ந நிப்³பி³தா³ய ந விராகா³ய ந நிரோதா⁴ய ந உபஸமாய ந அபி⁴ஞ்ஞாய ந
ஸம்போ³தா⁴ய ந நிப்³பா³னாய ஸங்வத்ததி, யாவதே³வ ப்³ரஹ்மலோகூபபத்தியா.

இத³ங் கோ² பன மே, பஞ்சஸிக²,
ப்³ரஹ்மசரியங் ஏகந்தனிப்³பி³தா³ய விராகா³ய நிரோதா⁴ய உபஸமாய அபி⁴ஞ்ஞாய
ஸம்போ³தா⁴ய நிப்³பா³னாய ஸங்வத்ததி. கதமஞ்ச தங், பஞ்சஸிக², ப்³ரஹ்மசரியங்
ஏகந்தனிப்³பி³தா³ய விராகா³ய நிரோதா⁴ய உபஸமாய அபி⁴ஞ்ஞாய ஸம்போ³தா⁴ய
நிப்³பா³னாய ஸங்வத்ததி? அயமேவ அரியோ அட்ட²ங்கி³கோ மக்³கோ³. ஸெய்யதி²த³ங் –
ஸம்மாதி³ட்டி² ஸம்மாஸங்கப்போ ஸம்மாவாசா ஸம்மாகம்மந்தோ ஸம்மாஆஜீவோ
ஸம்மாவாயாமோ ஸம்மாஸதி ஸம்மாஸமாதி⁴. இத³ங் கோ² தங், பஞ்சஸிக², ப்³ரஹ்மசரியங்
ஏகந்தனிப்³பி³தா³ய விராகா³ய நிரோதா⁴ய உபஸமாய அபி⁴ஞ்ஞாய ஸம்போ³தா⁴ய
நிப்³பா³னாய ஸங்வத்ததி.

330.
‘‘யே கோ² பன மே, பஞ்சஸிக², ஸாவகா ஸப்³பே³ன ஸப்³ப³ங் ஸாஸனங் ஆஜானந்தி, தே
ஆஸவானங் க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே
ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரந்தி; யே ந ஸப்³பே³ன ஸப்³ப³ங் ஸாஸனங் ஆஜானந்தி, தே பஞ்சன்னங் ஓரம்பா⁴கி³யானங் ஸங்யோஜனானங் பரிக்க²யா
ஓபபாதிகா ஹொந்தி தத்த² பரினிப்³பா³யினோ அனாவத்தித⁴ம்மா தஸ்மா லோகா. யே ந
ஸப்³பே³ன ஸப்³ப³ங் ஸாஸனங் ஆஜானந்தி, அப்பேகச்சே திண்ணங் ஸங்யோஜனானங்
பரிக்க²யா ராக³தோ³ஸமோஹானங் தனுத்தா ஸகதா³கா³மினோ ஹொந்தி ஸகிதே³வ இமங் லோகங்
ஆக³ந்த்வா து³க்க²ஸ்ஸந்தங் கரிஸ்ஸந்தி [கரொந்தி (ஸீ॰ பீ॰)].
யே ந ஸப்³பே³ன ஸப்³ப³ங் ஸாஸனங் ஆஜானந்தி, அப்பேகச்சே திண்ணங் ஸங்யோஜனானங்
பரிக்க²யா ஸோதாபன்னா ஹொந்தி அவினிபாதத⁴ம்மா நியதா ஸம்போ³தி⁴பராயணா. இதி
கோ², பஞ்சஸிக², ஸப்³பே³ஸங்யேவ இமேஸங் குலபுத்தானங் அமோகா⁴ பப்³ப³ஜ்ஜா [பப்³ப³ஜா அஹோஸி (க॰)] அவஞ்ஜா² ஸப²லா ஸஉத்³ரயா’’தி.

இத³மவோச ப⁴க³வா. அத்தமனோ பஞ்சஸிகோ² க³ந்த⁴ப்³ப³புத்தோ
ப⁴க³வதோ பா⁴ஸிதங் அபி⁴னந்தி³த்வா அனுமோதி³த்வா ப⁴க³வந்தங் அபி⁴வாதெ³த்வா
பத³க்கி²ணங் கத்வா தத்தே²வந்தரதா⁴யீதி.

மஹாகோ³விந்த³ஸுத்தங் நிட்டி²தங் ச²ட்ட²ங்.

comments (0)