Free Online FOOD for MIND & HUNGER - DO GOOD 😊 PURIFY MIND.To live like free birds 🐦 🦢 🦅 grow fruits 🍍 🍊 🥑 🥭 🍇 🍌 🍎 🍉 🍒 🍑 🥝 vegetables 🥦 🥕 🥗 🥬 🥔 🍆 🥜 🎃 🫑 🍅🍜 🧅 🍄 🍝 🥗 🥒 🌽 🍏 🫑 🌳 🍓 🍊 🥥 🌵 🍈 🌰 🇧🇧 🫐 🍅 🍐 🫒Plants 🌱in pots 🪴 along with Meditative Mindful Swimming 🏊‍♂️ to Attain NIBBĀNA the Eternal Bliss.

Kushinara NIBBĀNA Bhumi Pagoda White Home, Puniya Bhumi Bengaluru, Prabuddha Bharat International.

Categories:

Search:

Archives:

Meta:

August 2007

M	T	W	T	F	S	S
« Jul		Sep »
	1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

08/11/07

ஸுத்தபிடக-Part-48-தமிழில் திரபிடக மூன்று தொகுப்புகள்TIPITAKA–48.4. விபங்கவக்கோ-1. பத்தேகரத்தஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 10:57 pm

ஸுத்தபிடக-Part-48-தமிழில் திரபிடக மூன்று தொகுப்புகள்TIPITAKA--48.4. விபங்கவக்கோ-1. பத்தேகரத்தஸுத்தங்-from FREE ONLINE eNālāndā Research and
Practice UNIVERSITY through http://sarvajan.ambedkar.org

4. விபங்கவக்கோ

1. பத்தேகரத்தஸுத்தங்

272. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
‘‘ப⁴த்³தே³கரத்தஸ்ஸ வோ, பி⁴க்க²வே, உத்³தே³ஸஞ்ச விப⁴ங்க³ஞ்ச தே³ஸெஸ்ஸாமி.
தங் ஸுணாத², ஸாது⁴கங் மனஸி கரோத²; பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ²
தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘அதீதங் நான்வாக³மெய்ய, நப்படிகங்கே² அனாக³தங்;

யத³தீதங் பஹீனங் தங், அப்பத்தஞ்ச அனாக³தங்.

‘‘பச்சுப்பன்னஞ்ச யோ [யங் (நெத்திபாளி)] த⁴ம்மங், தத்த² தத்த² விபஸ்ஸதி;

அஸங்ஹீரங் [அஸங்ஹிரங் (ஸ்யா॰ கங்॰ க॰)] அஸங்குப்பங், தங் வித்³வா மனுப்³ரூஹயே.

‘‘அஜ்ஜேவ கிச்சமாதப்பங் [கிச்சங் ஆதப்பங் (ஸீ॰ க॰)], கோ ஜஞ்ஞா மரணங் ஸுவே;

ந ஹி நோ ஸங்க³ரங் தேன, மஹாஸேனேன மச்சுனா.

‘‘ஏவங் விஹாரிங் ஆதாபிங், அஹோரத்தமதந்தி³தங்;

தங் வே ப⁴த்³தே³கரத்தோதி, ஸந்தோ ஆசிக்க²தே முனி’’ [முனீதி (ஸீ॰ ஸ்யா॰ கங்॰ பீ॰)].

273. ‘‘கத²ஞ்ச , பி⁴க்க²வே, அதீதங் அன்வாக³மேதி? ‘ஏவங்ரூபோ அஹோஸிங் அதீதமத்³தா⁴ன’ந்தி
தத்த² நந்தி³ங் ஸமன்வானேதி, ‘ஏவங்வேத³னோ அஹோஸிங் அதீதமத்³தா⁴ன’ந்தி தத்த²
நந்தி³ங் ஸமன்வானேதி, ‘ஏவங்ஸஞ்ஞோ அஹோஸிங் அதீதமத்³தா⁴ன’ந்தி தத்த² நந்தி³ங்
ஸமன்வானேதி, ‘ஏவங்ஸங்கா²ரோ அஹோஸிங் அதீதமத்³தா⁴ன’ந்தி தத்த² நந்தி³ங்
ஸமன்வானேதி, ‘ஏவங்விஞ்ஞாணோ அஹோஸிங் அதீதமத்³தா⁴ன’ந்தி தத்த² நந்தி³ங்
ஸமன்வானேதி – ஏவங் கோ², பி⁴க்க²வே, அதீதங் அன்வாக³மேதி.

‘‘கத²ஞ்ச, பி⁴க்க²வே, அதீதங் நான்வாக³மேதி? ‘ஏவங்ரூபோ
அஹோஸிங் அதீதமத்³தா⁴ன’ந்தி தத்த² நந்தி³ங் ந ஸமன்வானேதி, ‘ஏவங்வேத³னோ
அஹோஸிங் அதீதமத்³தா⁴ன’ந்தி தத்த² நந்தி³ங் ந ஸமன்வானேதி, ‘ஏவங்ஸஞ்ஞோ
அஹோஸிங் அதீதமத்³தா⁴ன’ந்தி தத்த² நந்தி³ங் ந
ஸமன்வானேதி, ‘ஏவங்ஸங்கா²ரோ அஹோஸிங் அதீதமத்³தா⁴ன’ந்தி தத்த² நந்தி³ங் ந
ஸமன்வானேதி, ‘ஏவங்விஞ்ஞாணோ அஹோஸிங் அதீதமத்³தா⁴ன’ந்தி தத்த² நந்தி³ங் ந
ஸமன்வானேதி – ஏவங் கோ², பி⁴க்க²வே, அதீதங் நான்வாக³மேதி.

274.
‘‘கத²ஞ்ச, பி⁴க்க²வே, அனாக³தங் படிகங்க²தி? ‘ஏவங்ரூபோ ஸியங்
அனாக³தமத்³தா⁴ன’ந்தி தத்த² நந்தி³ங் ஸமன்வானேதி, ஏவங்வேத³னோ ஸியங்…பே॰…
ஏவங்ஸஞ்ஞோ ஸியங்… ஏவங்ஸங்கா²ரோ ஸியங்… ஏவங்விஞ்ஞாணோ ஸியங்
அனாக³தமத்³தா⁴னந்தி தத்த² நந்தி³ங் ஸமன்வானேதி – ஏவங் கோ², பி⁴க்க²வே,
அனாக³தங் படிகங்க²தி.

‘‘கத²ஞ்ச, பி⁴க்க²வே, அனாக³தங் நப்படிகங்க²தி? ‘ஏவங்ரூபோ ஸியங் அனாக³தமத்³தா⁴ன’ந்தி தத்த² நந்தி³ங் ந ஸமன்வானேதி, ஏவங்வேத³னோ ஸியங் …
ஏவங்ஸஞ்ஞோ ஸியங்… ஏவங்ஸங்கா²ரோ ஸியங்… ‘ஏவங்விஞ்ஞாணோ ஸியங்
அனாக³தமத்³தா⁴ன’ந்தி தத்த² நந்தி³ங் ந ஸமன்வானேதி – ஏவங் கோ², பி⁴க்க²வே,
அனாக³தங் நப்படிகங்க²தி.

275.
‘‘கத²ஞ்ச, பி⁴க்க²வே, பச்சுப்பன்னேஸு த⁴ம்மேஸு ஸங்ஹீரதி? இத⁴, பி⁴க்க²வே,
அஸ்ஸுதவா புது²ஜ்ஜனோ அரியானங் அத³ஸ்ஸாவீ அரியத⁴ம்மஸ்ஸ அகோவிதோ³ அரியத⁴ம்மே
அவினீதோ ஸப்புரிஸானங் அத³ஸ்ஸாவீ ஸப்புரிஸத⁴ம்மஸ்ஸ அகோவிதோ³ ஸப்புரிஸத⁴ம்மே
அவினீதோ ரூபங் அத்ததோ ஸமனுபஸ்ஸதி, ரூபவந்தங் வா அத்தானங், அத்தனி வா ரூபங்,
ரூபஸ்மிங் வா அத்தானங்; வேத³னங்…பே॰… ஸஞ்ஞங்… ஸங்கா²ரே… விஞ்ஞாணங்
அத்ததோ ஸமனுபஸ்ஸதி, விஞ்ஞாணவந்தங் வா அத்தானங் அத்தனி வா விஞ்ஞாணங்,
விஞ்ஞாணஸ்மிங் வா அத்தானங் – ஏவங் கோ², பி⁴க்க²வே, பச்சுப்பன்னேஸு த⁴ம்மேஸு
ஸங்ஹீரதி.

‘‘கத²ஞ்ச , பி⁴க்க²வே,
பச்சுப்பன்னேஸு த⁴ம்மேஸு ந ஸங்ஹீரதி? இத⁴, பி⁴க்க²வே, ஸுதவா அரியஸாவகோ
அரியானங் த³ஸ்ஸாவீ அரியத⁴ம்மஸ்ஸ கோவிதோ³ அரியத⁴ம்மே ஸுவினீதோ ஸப்புரிஸானங்
த³ஸ்ஸாவீ ஸப்புரிஸத⁴ம்மஸ்ஸ கோவிதோ³ ஸப்புரிஸத⁴ம்மே ஸுவினீதோ ந ரூபங் அத்ததோ
ஸமனுபஸ்ஸதி, ந ரூபவந்தங் வா அத்தானங், ந அத்தனி வா ரூபங், ந ரூபஸ்மிங் வா
அத்தானங்; ந வேத³னங்… ந ஸஞ்ஞங்… ந ஸங்கா²ரே… ந விஞ்ஞாணங் அத்ததோ
ஸமனுபஸ்ஸதி, ந விஞ்ஞாணவந்தங் வா அத்தானங், ந அத்தனி வா விஞ்ஞாணங், ந
விஞ்ஞாணஸ்மிங் வா அத்தானங் – ஏவங் கோ², பி⁴க்க²வே, பச்சுப்பன்னேஸு த⁴ம்மேஸு
ந ஸங்ஹீரதி.

‘‘அதீதங் நான்வாக³மெய்ய, நப்படிகங்கே² அனாக³தங்;

யத³தீதங் பஹீனங் தங், அப்பத்தஞ்ச அனாக³தங்.

‘‘பச்சுப்பன்னஞ்ச யோ த⁴ம்மங், தத்த² தத்த² விபஸ்ஸதி;

அஸங்ஹீரங் அஸங்குப்பங், தங் வித்³வா மனுப்³ரூஹயே.

‘‘அஜ்ஜேவ கிச்சமாதப்பங், கோ ஜஞ்ஞா மரணங் ஸுவே;

ந ஹி நோ ஸங்க³ரங் தேன, மஹாஸேனேன மச்சுனா.

‘‘ஏவங் விஹாரிங் ஆதாபிங், அஹோரத்தமதந்தி³தங்;

தங் வே ப⁴த்³தே³கரத்தோதி, ஸந்தோ ஆசிக்க²தே முனீ’’தி.

‘‘‘ப⁴த்³தே³கரத்தஸ்ஸ வோ, பி⁴க்க²வே, உத்³தே³ஸஞ்ச விப⁴ங்க³ஞ்ச தே³ஸெஸ்ஸாமீ’தி – இதி யங் தங் வுத்தங் இத³மேதங் படிச்ச வுத்த’’ந்தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

ப⁴த்³தே³கரத்தஸுத்தங் நிட்டி²தங் பட²மங்.

2. ஆனந்த³ப⁴த்³தே³கரத்தஸுத்தங்

276. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஆயஸ்மா ஆனந்தோ³ உபட்டா²னஸாலாயங் பி⁴க்கூ²னங்
த⁴ம்மியா கதா²ய ஸந்த³ஸ்ஸேதி ஸமாத³பேதி ஸமுத்தேஜேதி ஸம்பஹங்ஸேதி, ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்ச பா⁴ஸதி.

அத² கோ² ப⁴க³வா ஸாயன்ஹஸமயங் படிஸல்லானா வுட்டி²தோ
யேனுபட்டா²னஸாலா தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³. நிஸஜ்ஜ
கோ² ப⁴க³வா பி⁴க்கூ² ஆமந்தேஸி – ‘‘கோ நு கோ², பி⁴க்க²வே, உபட்டா²னஸாலாயங்
பி⁴க்கூ²னங் த⁴ம்மியா கதா²ய ஸந்த³ஸ்ஸேஸி ஸமாத³பேஸி ஸமுத்தேஜேஸி
ஸம்பஹங்ஸேஸி, ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்ச அபா⁴ஸீ’’தி?
‘‘ஆயஸ்மா, ப⁴ந்தே, ஆனந்தோ³ உபட்டா²னஸாலாயங் பி⁴க்கூ²னங் த⁴ம்மியா கதா²ய
ஸந்த³ஸ்ஸேஸி ஸமாத³பேஸி ஸமுத்தேஜேஸி ஸம்பஹங்ஸேஸி, ப⁴த்³தே³கரத்தஸ்ஸ
உத்³தே³ஸஞ்ச விப⁴ங்க³ஞ்ச அபா⁴ஸீ’’தி.

அத² கோ² ப⁴க³வா ஆயஸ்மந்தங் ஆனந்த³ங் ஆமந்தேஸி – ‘‘யதா²
கத²ங் பன த்வங், ஆனந்த³, பி⁴க்கூ²னங் த⁴ம்மியா கதா²ய ஸந்த³ஸ்ஸேஸி
ஸமாத³பேஸி ஸமுத்தேஜேஸி ஸம்பஹங்ஸேஸி ,
ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்ச அபா⁴ஸீ’’தி? ‘‘ஏவங் கோ² அஹங்,
ப⁴ந்தே, பி⁴க்கூ²னங் த⁴ம்மியா கதா²ய ஸந்த³ஸ்ஸேஸிங் ஸமாத³பேஸிங்
ஸமுத்தேஜேஸிங் ஸம்பஹங்ஸேஸிங், ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்ச
அபா⁴ஸிங் –

‘‘அதீதங் நான்வாக³மெய்ய, நப்படிகங்கே² அனாக³தங்;

யத³தீதங் பஹீனங் தங், அப்பத்தஞ்ச அனாக³தங்.

‘‘பச்சுப்பன்னஞ்ச யோ த⁴ம்மங், தத்த² தத்த² விபஸ்ஸதி;

அஸங்ஹீரங் அஸங்குப்பங், தங் வித்³வா மனுப்³ரூஹயே.

‘‘அஜ்ஜேவ கிச்சமாதப்பங், கோ ஜஞ்ஞா மரணங் ஸுவே;

ந ஹி நோ ஸங்க³ரங் தேன, மஹாஸேனேன மச்சுனா.

‘‘ஏவங் விஹாரிங் ஆதாபிங், அஹோரத்தமதந்தி³தங்;

தங் வே ப⁴த்³தே³கரத்தோதி, ஸந்தோ ஆசிக்க²தே முனி’’.

277.
‘‘கத²ஞ்ச, ஆவுஸோ, அதீதங் அன்வாக³மேதி? ஏவங்ரூபோ அஹோஸிங் அதீதமத்³தா⁴னந்தி
தத்த² நந்தி³ங் ஸமன்வானேதி, ஏவங்வேத³னோ அஹோஸிங் அதீதமத்³தா⁴னந்தி தத்த²
நந்தி³ங் ஸமன்வானேதி, ஏவங்ஸஞ்ஞோ அஹோஸிங் அதீதமத்³தா⁴னந்தி தத்த² நந்தி³ங்
ஸமன்வானேதி, ஏவங்ஸங்கா²ரோ அஹோஸிங் அதீதமத்³தா⁴னந்தி தத்த² நந்தி³ங்
ஸமன்வானேதி, ஏவங்விஞ்ஞாணோ அஹோஸிங் அதீதமத்³தா⁴னந்தி தத்த² நந்தி³ங்
ஸமன்வானேதி – ஏவங் கோ², ஆவுஸோ, அதீதங் அன்வாக³மேதி.

‘‘கத²ஞ்ச, ஆவுஸோ, அதீதங் நான்வாக³மேதி? ஏவங்ரூபோ
அஹோஸிங் அதீதமத்³தா⁴னந்தி தத்த² நந்தி³ங் ந ஸமன்வானேதி, ஏவங்வேத³னோ அஹோஸிங்
அதீதமத்³தா⁴னந்தி தத்த² நந்தி³ங் ந ஸமன்வானேதி, ஏவங்ஸஞ்ஞோ அஹோஸிங்
அதீதமத்³தா⁴னந்தி தத்த² நந்தி³ங் ந ஸமன்வானேதி, ஏவங்ஸங்கா²ரோ அஹோஸிங்
அதீதமத்³தா⁴னந்தி தத்த² நந்தி³ங் ந ஸமன்வானேதி, ஏவங்விஞ்ஞாணோ அஹோஸிங் அதீதமத்³தா⁴னந்தி தத்த² நந்தி³ங் ந ஸமன்வானேதி – ஏவங் கோ², ஆவுஸோ, அதீதங் நான்வாக³மேதி.

‘‘கத²ஞ்ச, ஆவுஸோ, அனாக³தங் படிகங்க²தி? ஏவங்ரூபோ ஸியங்
அனாக³தமத்³தா⁴னந்தி தத்த² நந்தி³ங் ஸமன்வானேதி, ஏவங்வேத³னோ ஸியங்…பே॰…
ஏவங்ஸஞ்ஞோ ஸியங்… ஏவங்ஸங்கா²ரோ ஸியங்… ஏவங்விஞ்ஞாணோ ஸியங் அனாக³தமத்³தா⁴னந்தி தத்த² நந்தி³ங் ஸமன்வானேதி – ஏவங் கோ², ஆவுஸோ, அனாக³தங் படிகங்க²தி.

‘‘கத²ஞ்ச, ஆவுஸோ, அனாக³தங் நப்படிகங்க²தி? ஏவங்ரூபோ
ஸியங் அனாக³தமத்³தா⁴னந்தி தத்த² நந்தி³ங் ந ஸமன்வானேதி, ஏவங்வேத³னோ
ஸியங்…பே॰… ஏவங்ஸஞ்ஞோ ஸியங்… ஏவங்ஸங்கா²ரோ ஸியங்… ஏவங்விஞ்ஞாணோ ஸியங்
அனாக³தமத்³தா⁴னந்தி தத்த² நந்தி³ங் ந ஸமன்வானேதி – ஏவங் கோ², ஆவுஸோ,
அனாக³தங் நப்படிகங்க²தி.

‘‘கத²ஞ்ச, ஆவுஸோ, பச்சுப்பன்னேஸு த⁴ம்மேஸு ஸங்ஹீரதி?
இத⁴, ஆவுஸோ, அஸ்ஸுதவா புது²ஜ்ஜனோ அரியானங் அத³ஸ்ஸாவீ அரியத⁴ம்மஸ்ஸ அகோவிதோ³
அரியத⁴ம்மே அவினீதோ ஸப்புரிஸானங் அத³ஸ்ஸாவீ ஸப்புரிஸத⁴ம்மஸ்ஸ
அகோவிதோ³ ஸப்புரிஸத⁴ம்மே அவினீதோ ரூபங் அத்ததோ ஸமனுபஸ்ஸதி, ரூபவந்தங் வா
அத்தானங், அத்தனி வா ரூபங், ரூபஸ்மிங் வா அத்தானங்; வேத³னங்… ஸஞ்ஞங்…
ஸங்கா²ரே… விஞ்ஞாணங் அத்ததோ ஸமனுபஸ்ஸதி, விஞ்ஞாணவந்தங் வா அத்தானங், அத்தனி
வா விஞ்ஞாணங், விஞ்ஞாணஸ்மிங் வா அத்தானங் – ஏவங் கோ², ஆவுஸோ,
பச்சுப்பன்னேஸு த⁴ம்மேஸு ஸங்ஹீரதி.

‘‘கத²ஞ்ச , ஆவுஸோ,
பச்சுப்பன்னேஸு த⁴ம்மேஸு ந ஸங்ஹீரதி? இத⁴, ஆவுஸோ, ஸுதவா அரியஸாவகோ அரியானங்
த³ஸ்ஸாவீ அரியத⁴ம்மஸ்ஸ கோவிதோ³ அரியத⁴ம்மே ஸுவினீதோ ஸப்புரிஸானங் த³ஸ்ஸாவீ
ஸப்புரிஸத⁴ம்மஸ்ஸ கோவிதோ³ ஸப்புரிஸத⁴ம்மே ஸுவினீதோ ந ரூபங் அத்ததோ
ஸமனுபஸ்ஸதி, ந ரூபவந்தங் வா அத்தானங், ந அத்தனி வா ரூபங், ந ரூபஸ்மிங் வா
அத்தானங்; ந வேத³னங்… ந ஸஞ்ஞங்… ந ஸங்கா²ரே… ந விஞ்ஞாணங் அத்ததோ
ஸமனுபஸ்ஸதி, ந விஞ்ஞாணவந்தங் வா அத்தானங், ந அத்தனி வா விஞ்ஞாணங், ந
விஞ்ஞாணஸ்மிங் வா அத்தானங் – ஏவங் கோ², ஆவுஸோ, பச்சுப்பன்னேஸு த⁴ம்மேஸு ந
ஸங்ஹீரதி.

‘‘அதீதங் நான்வாக³மெய்ய, நப்படிகங்கே² அனாக³தங்;

யத³தீதங் பஹீனங் தங், அப்பத்தஞ்ச அனாக³தங்.

‘‘பச்சுப்பன்னஞ்ச யோ த⁴ம்மங், தத்த² தத்த² விபஸ்ஸதி;

அஸங்ஹீரங் அஸங்குப்பங், தங் வித்³வா மனுப்³ரூஹயே.

‘‘அஜ்ஜேவ கிச்சமாதப்பங், கோ ஜஞ்ஞா மரணங் ஸுவே;

ந ஹி நோ ஸங்க³ரங் தேன, மஹாஸேனேன மச்சுனா.

‘‘ஏவங் விஹாரிங் ஆதாபிங், அஹோரத்தமதந்தி³தங்;

தங் வே ப⁴த்³தே³கரத்தோதி, ஸந்தோ ஆசிக்க²தே முனீ’’தி.

‘‘ஏவங் கோ² அஹங், ப⁴ந்தே,
பி⁴க்கூ²னங் த⁴ம்மியா கதா²ய ஸந்த³ஸ்ஸேஸிங் ஸமாத³பேஸிங் ஸமுத்தேஜேஸிங்
ஸம்பஹங்ஸேஸிங், ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்ச அபா⁴ஸி’’ந்தி.

278. ‘‘ஸாது⁴ ,
ஸாது⁴, ஆனந்த³! ஸாது⁴ கோ² த்வங், ஆனந்த³, பி⁴க்கூ²னங் த⁴ம்மியா கதா²ய
ஸந்த³ஸ்ஸேஸி ஸமாத³பேஸி ஸமுத்தேஜேஸி ஸம்பஹங்ஸேஸி, ப⁴த்³தே³கரத்தஸ்ஸ
உத்³தே³ஸஞ்ச விப⁴ங்க³ஞ்ச அபா⁴ஸி –

‘‘அதீதங் நான்வாக³மெய்ய…பே॰…

தங் வே ப⁴த்³தே³கரத்தோதி, ஸந்தோ ஆசிக்க²தே முனீ’’தி.

‘‘கத²ஞ்ச, ஆனந்த³, அதீதங் அன்வாக³மேதி…பே॰… ஏவங் கோ²,
ஆனந்த³, அதீதங் அன்வாக³மேதி. கத²ஞ்ச, ஆனந்த³, அதீதங் நான்வாக³மேதி…பே॰…
ஏவங் கோ², ஆனந்த³, அதீதங் நான்வாக³மேதி. கத²ஞ்ச, ஆனந்த³, அனாக³தங்
படிகங்க²தி…பே॰… ஏவங் கோ², ஆனந்த³, அனாக³தங் படிகங்க²தி. கத²ஞ்ச, ஆனந்த³,
அனாக³தங் நப்படிகங்க²தி…பே॰… ஏவங் கோ², ஆனந்த³, அனாக³தங் நப்படிகங்க²தி.
கத²ஞ்ச, ஆனந்த³, பச்சுப்பன்னேஸு த⁴ம்மேஸு ஸங்ஹீரதி…பே॰… ஏவங் கோ², ஆனந்த³,
பச்சுப்பன்னேஸு த⁴ம்மேஸு ஸங்ஹீரதி. கத²ஞ்ச, ஆனந்த³, பச்சுப்பன்னேஸு
த⁴ம்மேஸு ந ஸங்ஹீரதி…பே॰… ஏவங் கோ², ஆனந்த³, பச்சுப்பன்னேஸு த⁴ம்மேஸு ந
ஸங்ஹீரதி.

‘‘அதீதங் நான்வாக³மெய்ய…பே॰…

தங் வே ப⁴த்³தே³கரத்தோதி, ஸந்தோ ஆசிக்க²தே முனீ’’தி.

இத³மவோச ப⁴க³வா. அத்தமனோ ஆயஸ்மா ஆனந்தோ³ ப⁴க³வதோ பா⁴ஸிதங் அபி⁴னந்தீ³தி.

ஆனந்த³ப⁴த்³தே³கரத்தஸுத்தங் நிட்டி²தங் து³தியங்.

3. மஹாகச்சானப⁴த்³தே³கரத்தஸுத்தங்

279. ஏவங் மே ஸுதங் – ஏகங் ஸமயங் ப⁴க³வா ராஜக³ஹே விஹரதி தபோதா³ராமே. அத² கோ² ஆயஸ்மா ஸமித்³தி⁴ ரத்தியா பச்சூஸஸமயங் பச்சுட்டா²ய யேன தபோதோ³ [தபோதா³ (ஸீ॰)] தேனுபஸங்கமி க³த்தானி பரிஸிஞ்சிதுங். தபோதே³ க³த்தானி பரிஸிஞ்சித்வா பச்சுத்தரித்வா ஏகசீவரோ அட்டா²ஸி க³த்தானி புப்³பா³பயமானோ [ஸுக்கா²பயமானோ (க॰)].
அத² கோ² அஞ்ஞதரா தே³வதா அபி⁴க்கந்தாய ரத்தியா அபி⁴க்கந்தவண்ணா கேவலகப்பங்
தபோத³ங் ஓபா⁴ஸெத்வா யேனாயஸ்மா ஸமித்³தி⁴ தேனுபஸங்கமி; உபஸங்கமித்வா
ஏகமந்தங் அட்டா²ஸி. ஏகமந்தங் டி²தா கோ² ஸா தே³வதா ஆயஸ்மந்தங் ஸமித்³தி⁴ங்
ஏதத³வோச – ‘‘தா⁴ரேஸி த்வங், பி⁴க்கு², ப⁴த்³தே³கரத்தஸ்ஸ உத்³தே³ஸஞ்ச
விப⁴ங்க³ஞ்சா’’தி? ‘‘ந கோ² அஹங், ஆவுஸோ, தா⁴ரேமி ப⁴த்³தே³கரத்தஸ்ஸ
உத்³தே³ஸஞ்ச விப⁴ங்க³ஞ்ச. த்வங் பனாவுஸோ, தா⁴ரேஸி ப⁴த்³தே³கரத்தஸ்ஸ
உத்³தே³ஸஞ்ச விப⁴ங்க³ஞ்சா’’தி? ‘‘அஹம்பி கோ², பி⁴க்கு², ந தா⁴ரேமி
ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்ச. தா⁴ரேஸி பன த்வங், பி⁴க்கு²,
ப⁴த்³தே³கரத்தியோ கா³தா²’’தி? ‘‘ந கோ² அஹங், ஆவுஸோ, தா⁴ரேமி
ப⁴த்³தே³கரத்தியோ கா³தா²தி. த்வங் பனாவுஸோ, தா⁴ரேஸி ப⁴த்³தே³கரத்தியோ
கா³தா²’’தி? ‘‘அஹம்பி கோ², பி⁴க்கு² ந தா⁴ரேமி ப⁴த்³தே³கரத்தியோ கா³தா²தி.
உக்³க³ண்ஹாஹி த்வங், பி⁴க்கு², ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்ச;
பரியாபுணாஹி த்வங், பி⁴க்கு², ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்ச;
தா⁴ரேஹி த்வங், பி⁴க்கு², ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்ச.
அத்த²ஸங்ஹிதோ, பி⁴க்கு², ப⁴த்³தே³கரத்தஸ்ஸ உத்³தே³ஸோ ச விப⁴ங்கோ³ ச ஆதி³ப்³ரஹ்மசரியகோ’’தி. இத³மவோச ஸா தே³வதா; இத³ங் வத்வா தத்தே²வந்தரதா⁴யி.

280.
அத² கோ² ஆயஸ்மா ஸமித்³தி⁴ தஸ்ஸா ரத்தியா அச்சயேன யேன ப⁴க³வா தேனுபஸங்கமி;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னோ கோ² ஆயஸ்மா ஸமித்³தி⁴ ப⁴க³வந்தங் ஏதத³வோச –

‘‘இதா⁴ஹங், ப⁴ந்தே, ரத்தியா பச்சூஸஸமயங் பச்சுட்டா²ய யேன தபோதோ³ தேனுபஸங்கமிங் க³த்தானி பரிஸிஞ்சிதுங். தபோதே³
க³த்தானி பரிஸிஞ்சித்வா பச்சுத்தரித்வா ஏகசீவரோ அட்டா²ஸிங் க³த்தானி
புப்³பா³பயமானோ. அத² கோ² ப⁴ந்தே, அஞ்ஞதரா தே³வதா அபி⁴க்கந்தாய ரத்தியா
அபி⁴க்கந்தவண்ணா கேவலகப்பங் தபோத³ங் ஓபா⁴ஸெத்வா யேனாஹங் தேனுபஸங்கமி;
உபஸங்கமித்வா ஏகமந்தங் அட்டா²ஸி. ஏகமந்தங் டி²தா கோ² ஸா தே³வதா மங் ஏதத³வோச – ‘தா⁴ரேஸி த்வங், பி⁴க்கு², ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்சா’’’தி?

‘‘ஏவங் வுத்தே அஹங், ப⁴ந்தே, தங் தே³வதங் ஏதத³வோசங் –
‘ந கோ² அஹங், ஆவுஸோ, தா⁴ரேமி ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்ச.
த்வங் பனாவுஸோ, தா⁴ரேஸி ப⁴த்³தே³கரத்தஸ்ஸ
உத்³தே³ஸஞ்ச விப⁴ங்க³ஞ்சா’தி? ‘அஹம்பி கோ², பி⁴க்கு², ந தா⁴ரேமி
ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்ச. தா⁴ரேஸி பன த்வங், பி⁴க்கு²,
ப⁴த்³தே³கரத்தியோ கா³தா²’தி? ‘ந கோ² அஹங், ஆவுஸோ, தா⁴ரேமி ப⁴த்³தே³கரத்தியோ
கா³தா²தி. த்வங் பனாவுஸோ, தா⁴ரேஸி ப⁴த்³தே³கரத்தியோ கா³தா²’தி? ‘அஹம்பி
கோ², பி⁴க்கு², ந தா⁴ரேமி ப⁴த்³தே³கரத்தியோ கா³தா²தி. உக்³க³ண்ஹாஹி த்வங்,
பி⁴க்கு², ப⁴த்³தே³கரத்தஸ்ஸ உத்³தே³ஸஞ்ச
விப⁴ங்க³ஞ்ச; பரியாபுணாஹி த்வங், பி⁴க்கு², ப⁴த்³தே³கரத்தஸ்ஸ உத்³தே³ஸஞ்ச
விப⁴ங்க³ஞ்ச; தா⁴ரேஹி த்வங், பி⁴க்கு², ப⁴த்³தே³கரத்தஸ்ஸ உத்³தே³ஸஞ்ச
விப⁴ங்க³ஞ்ச. அத்த²ஸங்ஹிதோ, பி⁴க்கு², ப⁴த்³தே³கரத்தஸ்ஸ உத்³தே³ஸோ ச
விப⁴ங்கோ³ ச ஆதி³ப்³ரஹ்மசரியகோ’தி. இத³மவோச, ப⁴ந்தே, ஸா தே³வதா; இத³ங்
வத்வா தத்தே²வந்தரதா⁴யி. ஸாது⁴ மே, ப⁴ந்தே, ப⁴க³வா ப⁴த்³தே³கரத்தஸ்ஸ
உத்³தே³ஸஞ்ச விப⁴ங்க³ஞ்ச தே³ஸேதூ’’தி. ‘‘தேன ஹி, பி⁴க்கு², ஸுணாஹி,
ஸாது⁴கங் மனஸி கரோஹி; பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² ஆயஸ்மா
ஸமித்³தி⁴ ப⁴க³வதோ பச்சஸ்ஸோஸி. ப⁴க³வா ஏதத³வோச –

‘‘அதீதங் நான்வாக³மெய்ய, நப்படிகங்கே² அனாக³தங்;

யத³தீதங் பஹீனங் தங், அப்பத்தஞ்ச அனாக³தங்.

‘‘பச்சுப்பன்னஞ்ச யோ த⁴ம்மங், தத்த² தத்த² விபஸ்ஸதி;

அஸங்ஹீரங் அஸங்குப்பங், தங் வித்³வா மனுப்³ரூஹயே.

‘‘அஜ்ஜேவ கிச்சமாதப்பங், கோ ஜஞ்ஞா மரணங் ஸுவே;

ந ஹி நோ ஸங்க³ரங் தேன, மஹாஸேனேன மச்சுனா.

‘‘ஏவங் விஹாரிங் ஆதாபிங், அஹோரத்தமதந்தி³தங்;

தங் வே ப⁴த்³தே³கரத்தோதி, ஸந்தோ ஆசிக்க²தே முனீ’’தி.

இத³மவோச ப⁴க³வா; இத³ங் வத்வான ஸுக³தோ உட்டா²யாஸனா விஹாரங் பாவிஸி. அத² கோ² தேஸங் பி⁴க்கூ²னங் , அசிரபக்கந்தஸ்ஸ ப⁴க³வதோ, ஏதத³ஹோஸி – ‘‘இத³ங் கோ² நோ, ஆவுஸோ, ப⁴க³வா ஸங்கி²த்தேன உத்³தே³ஸங் உத்³தி³ஸித்வா வித்தா²ரேன அத்த²ங் அவிப⁴ஜித்வா உட்டா²யாஸனா விஹாரங் பவிட்டோ² –

‘‘அதீதங் நான்வாக³மெய்ய, நப்படிகங்கே² அனாக³தங்;

யத³தீதங் பஹீனங் தங், அப்பத்தஞ்ச அனாக³தங்.

‘‘பச்சுப்பன்னஞ்ச யோ த⁴ம்மங், தத்த² தத்த² விபஸ்ஸதி;

அஸங்ஹீரங் அஸங்குப்பங், தங் வித்³வா மனுப்³ரூஹயே.

‘‘அஜ்ஜேவ கிச்சமாதப்பங், கோ ஜஞ்ஞா மரணங் ஸுவே;

ந ஹி நோ ஸங்க³ரங் தேன, மஹாஸேனேன மச்சுனா.

‘‘ஏவங் விஹாரிங் ஆதாபிங், அஹோரத்தமதந்தி³தங்;

தங் வே ப⁴த்³தே³கரத்தோதி, ஸந்தோ ஆசிக்க²தே முனீ’’தி.

‘‘கோ நு கோ² இமஸ்ஸ ப⁴க³வதா ஸங்கி²த்தேன உத்³தே³ஸஸ்ஸ
உத்³தி³ட்ட²ஸ்ஸ வித்தா²ரேன அத்த²ங் அவிப⁴த்தஸ்ஸ வித்தா²ரேன அத்த²ங்
விப⁴ஜெய்யா’’தி?

அத² கோ² தேஸங் பி⁴க்கூ²னங்
ஏதத³ஹோஸி – ‘‘அயங் கோ² ஆயஸ்மா மஹாகச்சானோ ஸத்து² சேவ ஸங்வண்ணிதோ ஸம்பா⁴விதோ
ச விஞ்ஞூனங் ஸப்³ரஹ்மசாரீனங்; பஹோதி சாயஸ்மா மஹாகச்சானோ இமஸ்ஸ ப⁴க³வதா
ஸங்கி²த்தேன உத்³தே³ஸஸ்ஸ உத்³தி³ட்ட²ஸ்ஸ வித்தா²ரேன அத்த²ங் அவிப⁴த்தஸ்ஸ
வித்தா²ரேன அத்த²ங் விப⁴ஜிதுங். யங்னூன மயங் யேனாயஸ்மா மஹாகச்சானோ
தேனுபஸங்கமெய்யாம; உபஸங்கமித்வா ஆயஸ்மந்தங் மஹாகச்சானங் ஏதமத்த²ங்
படிபுச்செ²ய்யாமா’’தி.

281.
அத² கோ² தே பி⁴க்கூ² யேனாயஸ்மா மஹாகச்சானோ தேனுபஸங்கமிங்ஸு; உபஸங்கமித்வா
ஆயஸ்மதா மஹாகச்சானேன ஸத்³தி⁴ங் ஸம்மோதி³ங்ஸு. ஸம்மோத³னீயங் கத²ங் ஸாரணீயங்
வீதிஸாரெத்வா ஏகமந்தங் நிஸீதி³ங்ஸு. ஏகமந்தங் நிஸின்னா கோ² தே பி⁴க்கூ² ஆயஸ்மந்தங் மஹாகச்சானங் ஏதத³வோசுங்
– ‘‘இத³ங் கோ² நோ, ஆவுஸோ கச்சான, ப⁴க³வா ஸங்கி²த்தேன உத்³தே³ஸங்
உத்³தி³ஸித்வா வித்தா²ரேன அத்த²ங் அவிப⁴ஜித்வா உட்டா²யாஸனா விஹாரங்
பவிட்டோ² –

‘‘அதீதங் நான்வாக³மெய்ய…பே॰…

தங் வே ப⁴த்³தே³கரத்தோதி, ஸந்தோ ஆசிக்க²தே முனீ’’தி.

‘‘தேஸங் நோ, ஆவுஸோ கச்சான, அம்ஹாகங், அசிரபக்கந்தஸ்ஸ
ப⁴க³வதோ, ஏதத³ஹோஸி – இத³ங் கோ² நோ, ஆவுஸோ, ப⁴க³வா ஸங்கி²த்தேன உத்³தே³ஸங்
உத்³தி³ஸித்வா வித்தா²ரேன அத்த²ங் அவிப⁴ஜித்வா உட்டா²யாஸனா விஹாரங்
பவிட்டோ² –

‘‘அதீதங் நான்வாக³மெய்ய…பே॰…

தங் வே ப⁴த்³தே³கரத்தோதி, ஸந்தோ ஆசிக்க²தே முனீ’’தி.

‘‘கோ நு கோ² இமஸ்ஸ ப⁴க³வதா
ஸங்கி²த்தேன உத்³தே³ஸஸ்ஸ உத்³தி³ட்ட²ஸ்ஸ வித்தா²ரேன அத்த²ங் அவிப⁴த்தஸ்ஸ
வித்தா²ரேன அத்த²ங் விப⁴ஜெய்யாதி? தேஸங் நோ , ஆவுஸோ
கச்சான, அம்ஹாகங் ஏதத³ஹோஸி – ‘அயங் கோ² ஆயஸ்மா மஹாகச்சானோ ஸத்து² சேவ
ஸங்வண்ணிதோ ஸம்பா⁴விதோ ச விஞ்ஞூனங் ஸப்³ரஹ்மசாரீனங். பஹோதி சாயஸ்மா
மஹாகச்சானோ இமஸ்ஸ ப⁴க³வதா ஸங்கி²த்தேன உத்³தே³ஸஸ்ஸ உத்³தி³ட்ட²ஸ்ஸ
வித்தா²ரேன அத்த²ங் அவிப⁴த்தஸ்ஸ வித்தா²ரேன அத்த²ங் விப⁴ஜிதுங். யங்னூன
மயங் யேனாயஸ்மா மஹாகச்சானோ தேனுபஸங்கமெய்யாம; உபஸங்கமித்வா ஆயஸ்மந்தங்
மஹாகச்சானங் ஏதமத்த²ங் படிபுச்செ²ய்யாமா’தி. விப⁴ஜதாயஸ்மா மஹாகச்சானோ’’தி.

‘‘ஸெய்யதா²பி, ஆவுஸோ, புரிஸோ ஸாரத்தி²கோ ஸாரக³வேஸீ ஸாரபரியேஸனங் சரமானோ மஹதோ ருக்க²ஸ்ஸ திட்ட²தோ ஸாரவதோ அதிக்கம்மேவ
மூலங் அதிக்கம்ம க²ந்த⁴ங் ஸாகா²பலாஸே ஸாரங் பரியேஸிதப்³ப³ங் மஞ்ஞெய்ய;
ஏவங் ஸம்பத³மித³ங் ஆயஸ்மந்தானங் ஸத்த²ரி ஸம்முகீ²பூ⁴தே தங் ப⁴க³வந்தங்
அதிஸித்வா அம்ஹே ஏதமத்த²ங் படிபுச்சி²தப்³ப³ங் மஞ்ஞத² [மஞ்ஞேத² (பீ॰)].
ஸோ ஹாவுஸோ, ப⁴க³வா ஜானங் ஜானாதி, பஸ்ஸங் பஸ்ஸதி, சக்கு²பூ⁴தோ ஞாணபூ⁴தோ
த⁴ம்மபூ⁴தோ ப்³ரஹ்மபூ⁴தோ வத்தா பவத்தா அத்த²ஸ்ஸ நின்னேதா அமதஸ்ஸ தா³தா
த⁴ம்மஸ்ஸாமீ ததா²க³தோ. ஸோ சேவ பனேதஸ்ஸ காலோ அஹோஸி யங் ப⁴க³வந்தங்யேவ
ஏதமத்த²ங் படிபுச்செ²ய்யாத², யதா² வோ ப⁴க³வா ப்³யாகரெய்ய ததா² நங்
தா⁴ரெய்யாதா²’’தி.

‘‘அத்³தா⁴வுஸோ கச்சான, ப⁴க³வா ஜானங் ஜானாதி, பஸ்ஸங்
பஸ்ஸதி, சக்கு²பூ⁴தோ ஞாணபூ⁴தோ த⁴ம்மபூ⁴தோ ப்³ரஹ்மபூ⁴தோ வத்தா பவத்தா
அத்த²ஸ்ஸ நின்னேதா அமதஸ்ஸ தா³தா த⁴ம்மஸ்ஸாமீ ததா²க³தோ. ஸோ சேவ பனேதஸ்ஸ காலோ
அஹோஸி யங் ப⁴க³வந்தங்யேவ ஏதமத்த²ங் படிபுச்செ²ய்யாம; யதா² நோ ப⁴க³வா
ப்³யாகரெய்ய ததா² நங் தா⁴ரெய்யாம. அபி சாயஸ்மா மஹாகச்சானோ ஸத்து²சேவ
ஸங்வண்ணிதோ ஸம்பா⁴விதோ ச விஞ்ஞூனங் ஸப்³ரஹ்மசாரீனங்; பஹோதி சாயஸ்மா
மஹாகச்சானோ இமஸ்ஸ ப⁴க³வதா ஸங்கி²த்தேன உத்³தே³ஸஸ்ஸ உத்³தி³ட்ட²ஸ்ஸ
வித்தா²ரேன அத்த²ங் அவிப⁴த்தஸ்ஸ வித்தா²ரேன அத்த²ங் விப⁴ஜிதுங்.
விப⁴ஜதாயஸ்மா மஹாகச்சானோ அக³ருங் கரித்வா’’தி [அக³ருகரித்வா (ஸீ॰ ஸ்யா॰ கங்॰ பீ॰)].

‘‘தேன ஹாவுஸோ, ஸுணாத², ஸாது⁴கங் மனஸி கரோத²;
பா⁴ஸிஸ்ஸாமீ’’தி. ‘‘ஏவமாவுஸோ’’தி கோ² தே பி⁴க்கூ² ஆயஸ்மதோ மஹாகச்சானஸ்ஸ
பச்சஸ்ஸோஸுங். ஆயஸ்மா மஹாகச்சானோ ஏதத³வோச –

‘‘யங் கோ² நோ, ஆவுஸோ, ப⁴க³வா ஸங்கி²த்தேன உத்³தே³ஸங் உத்³தி³ஸித்வா வித்தா²ரேன அத்த²ங் அவிப⁴ஜித்வா உட்டா²யாஸனா விஹாரங் பவிட்டோ² –

‘‘அதீதங் நான்வாக³மெய்ய…பே॰…

தங் வே ப⁴த்³தே³கரத்தோதி, ஸந்தோ ஆசிக்க²தே முனீ’’தி.

இமஸ்ஸ கோ² அஹங், ஆவுஸோ, ப⁴க³வதா ஸங்கி²த்தேன
உத்³தே³ஸஸ்ஸ உத்³தி³ட்ட²ஸ்ஸ வித்தா²ரேன அத்த²ங் அவிப⁴த்தஸ்ஸ ஏவங்
வித்தா²ரேன அத்த²ங் ஆஜானாமி –

282. ‘‘கத²ஞ்ச, ஆவுஸோ, அதீதங் அன்வாக³மேதி? இதி மே சக்கு² அஹோஸி அதீதமத்³தா⁴னங் இதி ரூபாதி – தத்த² ச²ந்த³ராக³ப்படிப³த்³த⁴ங் [ச²ந்த³ராக³ப்படிப³ந்த⁴ங் (க॰)]
ஹோதி விஞ்ஞாணங், ச²ந்த³ராக³ப்படிப³த்³த⁴த்தா விஞ்ஞாணஸ்ஸ தத³பி⁴னந்த³தி,
தத³பி⁴னந்த³ந்தோ அதீதங் அன்வாக³மேதி. இதி மே ஸோதங் அஹோஸி அதீதமத்³தா⁴னங்
இதி ஸத்³தா³தி…பே॰… இதி மே கா⁴னங் அஹோஸி அதீதமத்³தா⁴னங் இதி க³ந்தா⁴தி… இதி
மே ஜிவ்ஹா அஹோஸி அதீதமத்³தா⁴னங் இதி ரஸாதி… இதி மே காயோ அஹோஸி
அதீதமத்³தா⁴னங் இதி பொ²ட்ட²ப்³பா³தி… இதி மே மனோ அஹோஸி அதீதமத்³தா⁴னங் இதி
த⁴ம்மாதி – தத்த² ச²ந்த³ராக³ப்படிப³த்³த⁴ங் ஹோதி விஞ்ஞாணங்,
ச²ந்த³ராக³ப்படிப³த்³த⁴த்தா விஞ்ஞாணஸ்ஸ தத³பி⁴னந்த³தி, தத³பி⁴னந்த³ந்தோ
அதீதங் அன்வாக³மேதி – ஏவங் கோ², ஆவுஸோ, அதீதங் அன்வாக³மேதி.

‘‘கத²ஞ்ச , ஆவுஸோ, அதீதங்
நான்வாக³மேதி? இதி மே சக்கு² அஹோஸி அதீதமத்³தா⁴னங் இதி ரூபாதி – தத்த² ந
ச²ந்த³ராக³ப்படிப³த்³த⁴ங் ஹோதி விஞ்ஞாணங், ந ச²ந்த³ராக³ப்படிப³த்³த⁴த்தா
விஞ்ஞாணஸ்ஸ ந தத³பி⁴னந்த³தி, ந தத³பி⁴னந்த³ந்தோ
அதீதங் நான்வாக³மேதி. இதி மே ஸோதங் அஹோஸி அதீதமத்³தா⁴னங் இதி
ஸத்³தா³தி…பே॰… இதி மே கா⁴னங் அஹோஸி அதீதமத்³தா⁴னங் இதி க³ந்தா⁴தி… இதி மே
ஜிவ்ஹா அஹோஸி அதீதமத்³தா⁴னங் இதி ரஸாதி… இதி மே காயோ அஹோஸி அதீதமத்³தா⁴னங்
இதி பொ²ட்ட²ப்³பா³தி… இதி மே மனோ அஹோஸி அதீதமத்³தா⁴னங் இதி த⁴ம்மாதி –
தத்த² ந ச²ந்த³ராக³ப்படிப³த்³த⁴ங் ஹோதி விஞ்ஞாணங், ந
ச²ந்த³ராக³ப்படிப³த்³த⁴த்தா விஞ்ஞாணஸ்ஸ, ந தத³பி⁴னந்த³தி, ந
தத³பி⁴னந்த³ந்தோ அதீதங் நான்வாக³மேதி – ஏவங் கோ², ஆவுஸோ, அதீதங்
நான்வாக³மேதி.

283. ‘‘கத²ஞ்ச ,
ஆவுஸோ, அனாக³தங் படிகங்க²தி? இதி மே சக்கு² ஸியா அனாக³தமத்³தா⁴னங் இதி
ரூபாதி – அப்படிலத்³த⁴ஸ்ஸ படிலாபா⁴ய சித்தங் பணித³ஹதி, சேதஸோ பணிதா⁴னபச்சயா
தத³பி⁴னந்த³தி, தத³பி⁴னந்த³ந்தோ அனாக³தங் படிகங்க²தி. இதி மே ஸோதங் ஸியா
அனாக³தமத்³தா⁴னங் இதி ஸத்³தா³தி…பே॰… இதி மே கா⁴னங் ஸியா அனாக³தமத்³தா⁴னங்
இதி க³ந்தா⁴தி… இதி மே ஜிவ்ஹா ஸியா அனாக³தமத்³தா⁴னங் இதி ரஸாதி… இதி மே
காயோ ஸியா அனாக³தமத்³தா⁴னங் இதி பொ²ட்ட²ப்³பா³தி… இதி மே மனோ ஸியா
அனாக³தமத்³தா⁴னங் இதி த⁴ம்மாதி – அப்படிலத்³த⁴ஸ்ஸ
படிலாபா⁴ய சித்தங் பணித³ஹதி, சேதஸோ பணிதா⁴னபச்சயா தத³பி⁴னந்த³தி,
தத³பி⁴னந்த³ந்தோ அனாக³தங் படிகங்க²தி – ஏவங் கோ², ஆவுஸோ, அனாக³தங்
படிகங்க²தி.

‘‘கத²ஞ்ச, ஆவுஸோ, அனாக³தங் நப்படிகங்க²தி? இதி மே
சக்கு² ஸியா அனாக³தமத்³தா⁴னங் இதி ரூபாதி – அப்படிலத்³த⁴ஸ்ஸ படிலாபா⁴ய
சித்தங் நப்பணித³ஹதி , சேதஸோ அப்பணிதா⁴னபச்சயா ந
தத³பி⁴னந்த³தி, ந தத³பி⁴னந்த³ந்தோ அனாக³தங் நப்படிகங்க²தி. இதி மே ஸோதங்
ஸியா அனாக³தமத்³தா⁴னங் இதி ஸத்³தா³தி…பே॰… இதி மே கா⁴னங் ஸியா
அனாக³தமத்³தா⁴னங் இதி க³ந்தா⁴தி… இதி மே ஜிவ்ஹா ஸியா அனாக³தமத்³தா⁴னங் இதி
ரஸாதி… இதி மே காயோ ஸியா அனாக³தமத்³தா⁴னங் இதி பொ²ட்ட²ப்³பா³தி… இதி மே மனோ
ஸியா அனாக³தமத்³தா⁴னங் இதி த⁴ம்மாதி – அப்படிலத்³த⁴ஸ்ஸ படிலாபா⁴ய சித்தங்
நப்பணித³ஹதி, சேதஸோ அப்பணிதா⁴னபச்சயா ந தத³பி⁴னந்த³தி, ந தத³பி⁴னந்த³ந்தோ
அனாக³தங் நப்படிகங்க²தி – ஏவங் கோ², ஆவுஸோ, அனாக³தங் நப்படிகங்க²தி.

284. ‘‘கத²ஞ்ச, ஆவுஸோ, பச்சுப்பன்னேஸு த⁴ம்மேஸு ஸங்ஹீரதி? யஞ்சாவுஸோ, சக்கு² யே ச ரூபா
– உப⁴யமேதங் பச்சுப்பன்னங். தஸ்மிங் சே பச்சுப்பன்னே
ச²ந்த³ராக³ப்படிப³த்³த⁴ங் ஹோதி விஞ்ஞாணங், ச²ந்த³ராக³ப்படிப³த்³த⁴த்தா
விஞ்ஞாணஸ்ஸ தத³பி⁴னந்த³தி, தத³பி⁴னந்த³ந்தோ பச்சுப்பன்னேஸு த⁴ம்மேஸு
ஸங்ஹீரதி. யஞ்சாவுஸோ, ஸோதங் யே ச ஸத்³தா³…பே॰… யஞ்சாவுஸோ, கா⁴னங் யே ச
க³ந்தா⁴… யா சாவுஸோ, ஜிவ்ஹா யே ச ரஸா… யோ சாவுஸோ, காயோ யே ச பொ²ட்ட²ப்³பா³…
யோ சாவுஸோ, மனோ யே ச த⁴ம்மா – உப⁴யமேதங் பச்சுப்பன்னங். தஸ்மிங் சே
பச்சுப்பன்னே ச²ந்த³ராக³ப்படிப³த்³த⁴ங் ஹோதி விஞ்ஞாணங்,
ச²ந்த³ராக³ப்படிப³த்³த⁴த்தா விஞ்ஞாணஸ்ஸ தத³பி⁴னந்த³தி, தத³பி⁴னந்த³ந்தோ
பச்சுப்பன்னேஸு த⁴ம்மேஸு ஸங்ஹீரதி – ஏவங் கோ², ஆவுஸோ, பச்சுப்பன்னேஸு
த⁴ம்மேஸு ஸங்ஹீரதி.

‘‘கத²ஞ்ச ,
ஆவுஸோ, பச்சுப்பன்னேஸு த⁴ம்மேஸு ந ஸங்ஹீரதி? யஞ்சாவுஸோ, சக்கு² யே ச ரூபா –
உப⁴யமேதங் பச்சுப்பன்னங். தஸ்மிங் சே பச்சுப்பன்னே ந
ச²ந்த³ராக³ப்படிப³த்³த⁴ங் ஹோதி விஞ்ஞாணங், ந ச²ந்த³ராக³ப்படிப³த்³த⁴த்தா
விஞ்ஞாணஸ்ஸ ந தத³பி⁴னந்த³தி, ந தத³பி⁴னந்த³ந்தோ பச்சுப்பன்னேஸு த⁴ம்மேஸு ந
ஸங்ஹீரதி. யஞ்சாவுஸோ, ஸோதங் யே ச ஸத்³தா³…பே॰… யஞ்சாவுஸோ, கா⁴னங் யே ச
க³ந்தா⁴… யா சாவுஸோ, ஜிவ்ஹா யே ச ரஸா… யோ சாவுஸோ, காயோ யே ச பொ²ட்ட²ப்³பா³…
யோ சாவுஸோ, மனோ யே ச த⁴ம்மா – உப⁴யமேதங் பச்சுப்பன்னங். தஸ்மிங் சே
பச்சுப்பன்னே ந ச²ந்த³ராக³ப்படிப³த்³த⁴ங் ஹோதி
விஞ்ஞாணங், ந ச²ந்த³ராக³ப்படிப³த்³த⁴த்தா விஞ்ஞாணஸ்ஸ ந தத³பி⁴னந்த³தி, ந
தத³பி⁴னந்த³ந்தோ பச்சுப்பன்னேஸு த⁴ம்மேஸு ந ஸங்ஹீரதி – ஏவங் கோ², ஆவுஸோ,
பச்சுப்பன்னேஸு த⁴ம்மேஸு ந ஸங்ஹீரதி.

285. ‘‘யங் கோ² நோ, ஆவுஸோ, ப⁴க³வா ஸங்கி²த்தேன உத்³தே³ஸங் உத்³தி³ஸித்வா வித்தா²ரேன அத்த²ங் அவிப⁴ஜித்வா உட்டா²யாஸனா விஹாரங் பவிட்டோ² –

‘‘அதீதங் நான்வாக³மெய்ய…பே॰…

தங் வே ப⁴த்³தே³கரத்தோதி, ஸந்தோ ஆசிக்க²தே முனீ’’தி.

‘‘இமஸ்ஸ கோ² அஹங், ஆவுஸோ, ப⁴க³வதா ஸங்கி²த்தேன
உத்³தே³ஸஸ்ஸ உத்³தி³ட்ட²ஸ்ஸ வித்தா²ரேன அத்த²ங் அவிப⁴த்தஸ்ஸ ஏவங்
வித்தா²ரேன அத்த²ங் ஆஜானாமி. ஆகங்க²மானா ச பன தும்ஹே ஆயஸ்மந்தோ
ப⁴க³வந்தங்யேவ உபஸங்கமித்வா ஏதமத்த²ங் படிபுச்செ²ய்யாத², யதா² வோ ப⁴க³வா
ப்³யாகரோதி ததா² நங் தா⁴ரெய்யாதா²’’தி.

அத² கோ² தே பி⁴க்கூ² ஆயஸ்மதோ
மஹாகச்சானஸ்ஸ பா⁴ஸிதங் அபி⁴னந்தி³த்வா அனுமோதி³த்வா உட்டா²யாஸனா யேன ப⁴க³வா
தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³ங்ஸு. ஏகமந்தங் நிஸின்னா கோ² தே பி⁴க்கூ² ப⁴க³வந்தங் ஏதத³வோசுங் –
‘‘யங் கோ² நோ, ப⁴ந்தே, ப⁴க³வா ஸங்கி²த்தேன உத்³தே³ஸங் உத்³தி³ஸித்வா
வித்தா²ரேன அத்த²ங் அவிப⁴ஜித்வா உட்டா²யாஸனா விஹாரங் பவிட்டோ² –

‘‘அதீதங் நான்வாக³மெய்ய…பே॰…

தங் வே ப⁴த்³தே³கரத்தோதி, ஸந்தோ ஆசிக்க²தே முனீ’’தி.

தேஸங் நோ, ப⁴ந்தே, அம்ஹாகங், அசிரபக்கந்தஸ்ஸ ப⁴க³வதோ,
ஏதத³ஹோஸி – ‘‘இத³ங் கோ² நோ, ஆவுஸோ, ப⁴க³வா ஸங்கி²த்தேன உத்³தே³ஸங்
உத்³தி³ஸித்வா வித்தா²ரேன அத்த²ங் அவிப⁴ஜித்வா உட்டா²யாஸனா விஹாரங்
பவிட்டோ² –

‘‘அதீதங் நான்வாக³மெய்ய, நப்படிகங்கே² அனாக³தங்;

யத³தீதங் பஹீனங் தங், அப்பத்தஞ்ச அனாக³தங்.

‘‘பச்சுப்பன்னஞ்ச யோ த⁴ம்மங், தத்த² தத்த² விபஸ்ஸதி;

அஸங்ஹீரங் அஸங்குப்பங், தங் வித்³வா மனுப்³ரூஹயே.

‘‘அஜ்ஜேவ கிச்சமாதப்பங், கோ ஜஞ்ஞா மரணங் ஸுவே;

ந ஹி நோ ஸங்க³ரங் தேன, மஹாஸேனேன மச்சுனா.

‘‘ஏவங் விஹாரிங் ஆதாபிங், அஹோரத்தமதந்தி³தங்;

தங் வே ப⁴த்³தே³கரத்தோதி, ஸந்தோ ஆசிக்க²தே முனீ’’தி.

‘‘‘கோ நு கோ² இமஸ்ஸ ப⁴க³வதா ஸங்கி²த்தேன உத்³தே³ஸஸ்ஸ உத்³தி³ட்ட²ஸ்ஸ வித்தா²ரேன
அத்த²ங் அவிப⁴த்தஸ்ஸ வித்தா²ரேன அத்த²ங் விப⁴ஜெய்யா’தி? தேஸங் நோ, ப⁴ந்தே,
அம்ஹாகங் ஏதத³ஹோஸி – ‘அயங் கோ² ஆயஸ்மா மஹாகச்சானோ ஸத்து² சேவ ஸங்வண்ணிதோ
ஸம்பா⁴விதோ ச விஞ்ஞூனங் ஸப்³ரஹ்மசாரீனங். பஹோதி சாயஸ்மா மஹாகச்சானோ இமஸ்ஸ
ப⁴க³வதா ஸங்கி²த்தேன உத்³தே³ஸஸ்ஸ உத்³தி³ட்ட²ஸ்ஸ வித்தா²ரேன அத்த²ங்
அவிப⁴த்தஸ்ஸ வித்தா²ரேன அத்த²ங் விப⁴ஜிதுங். யங்னூன மயங் யேனாயஸ்மா
மஹாகச்சானோ தேனுபஸங்கமெய்யாம; உபஸங்கமித்வா ஆயஸ்மந்தங் மஹாகச்சானங்
ஏதமத்த²ங் படிபுச்செ²ய்யாமா’தி. அத² கோ² மயங், ப⁴ந்தே, யேனாயஸ்மா
மஹாகச்சானோ தேனுபஸங்கமிம்ஹ; உபஸங்கமித்வா ஆயஸ்மந்தங் மஹாகச்சானங் ஏதமத்த²ங்
படிபுச்சி²ம்ஹ. தேஸங் நோ, ப⁴ந்தே, ஆயஸ்மதா மஹாகச்சானேன இமேஹி ஆகாரேஹி
இமேஹி பதே³ஹி இமேஹி ப்³யஞ்ஜனேஹி அத்தோ² விப⁴த்தோ’’தி.

‘‘பண்டி³தோ, பி⁴க்க²வே, மஹாகச்சானோ; மஹாபஞ்ஞோ,
பி⁴க்க²வே மஹாகச்சானோ. மங் சேபி தும்ஹே, பி⁴க்க²வே, ஏதமத்த²ங்
படிபுச்செ²ய்யாத², அஹம்பி தங் ஏவமேவங் ப்³யாகரெய்யங் யதா² தங் மஹாகச்சானேன
ப்³யாகதங். ஏஸோ, சேவேதஸ்ஸ அத்தோ². ஏவஞ்ச நங் தா⁴ரேதா²’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

மஹாகச்சானப⁴த்³தே³கரத்தஸுத்தங் நிட்டி²தங் ததியங்.

4. லோமஸகங்கி³யப⁴த்³தே³கரத்தஸுத்தங்

286. ஏவங் மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ஆயஸ்மா லோமஸகங்கி³யோ [லோமஸககங்கி³யோ (டீகா)]
ஸக்கேஸு விஹரதி கபிலவத்து²ஸ்மிங் நிக்³ரோதா⁴ராமே. அத² கோ² சந்த³னோ
தே³வபுத்தோ அபி⁴க்கந்தாய ரத்தியா அபி⁴க்கந்தவண்ணோ கேவலகப்பங்
நிக்³ரோதா⁴ராமங் ஓபா⁴ஸெத்வா யேனாயஸ்மா லோமஸகங்கி³யோ தேனுபஸங்கமி;
உபஸங்கமித்வா ஏகமந்தங் அட்டா²ஸி. ஏகமந்தங் டி²தோ கோ² சந்த³னோ தே³வபுத்தோ
ஆயஸ்மந்தங் லோமஸகங்கி³யங் ஏதத³வோச – ‘‘தா⁴ரேஸி த்வங், பி⁴க்கு²,
ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்சா’’தி? ‘‘ந
கோ² அஹங், ஆவுஸோ, தா⁴ரேமி ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்ச.
த்வங் பனாவுஸோ, தா⁴ரேஸி ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்சா’’தி?
‘‘அஹம்பி கோ², பி⁴க்கு², ந தா⁴ரேமி ப⁴த்³தே³கரத்தஸ்ஸ உத்³தே³ஸஞ்ச
விப⁴ங்க³ஞ்ச. தா⁴ரேஸி பன த்வங், பி⁴க்கு², ப⁴த்³தே³கரத்தியோ கா³தா²’’தி?
‘‘ந கோ² அஹங், ஆவுஸோ, தா⁴ரேமி ப⁴த்³தே³கரத்தியோ கா³தா². த்வங் பனாவுஸோ,
தா⁴ரேஸி ப⁴த்³தே³கரத்தியோ கா³தா²’’தி? ‘‘தா⁴ரேமி கோ² அஹங், பி⁴க்கு²,
ப⁴த்³தே³கரத்தியோ கா³தா²’’தி. ‘‘யதா² கத²ங் பன த்வங், ஆவுஸோ, தா⁴ரேஸி
ப⁴த்³தே³கரத்தியோ கா³தா²’’தி? ‘‘ஏகமித³ங், பி⁴க்கு², ஸமயங் ப⁴க³வா தே³வேஸு
தாவதிங்ஸேஸு விஹரதி பாரிச்ச²த்தகமூலே பண்டு³கம்ப³லஸிலாயங். தத்ர ப⁴க³வா
தே³வானங் தாவதிங்ஸானங் ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்ச அபா⁴ஸி –

‘‘அதீதங் நான்வாக³மெய்ய, நப்படிகங்கே² அனாக³தங்;

யத³தீதங் பஹீனங் தங், அப்பத்தஞ்ச அனாக³தங்.

‘‘பச்சுப்பன்னஞ்ச யோ த⁴ம்மங், தத்த² தத்த² விபஸ்ஸதி;

அஸங்ஹீரங் அஸங்குப்பங், தங் வித்³வா மனுப்³ரூஹயே.

‘‘அஜ்ஜேவ கிச்சமாதப்பங், கோ ஜஞ்ஞா மரணங் ஸுவே;

ந ஹி நோ ஸங்க³ரங் தேன, மஹாஸேனேன மச்சுனா.

‘‘ஏவங் விஹாரிங் ஆதாபிங், அஹோரத்தமதந்தி³தங்;

தங் வே ப⁴த்³தே³கரத்தோதி, ஸந்தோ ஆசிக்க²தே முனீ’’தி.

‘‘ஏவங் கோ² அஹங், பி⁴க்கு², தா⁴ரேமி ப⁴த்³தே³கரத்தியோ
கா³தா². உக்³க³ண்ஹாஹி த்வங், பி⁴க்கு², ப⁴த்³தே³கரத்தஸ்ஸ உத்³தே³ஸஞ்ச
விப⁴ங்க³ஞ்ச; பரியாபுணாஹி த்வங் , பி⁴க்கு²,
ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்ச; தா⁴ரேஹி த்வங், பி⁴க்கு²,
ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்ச. அத்த²ஸங்ஹிதோ, பி⁴க்கு²,
ப⁴த்³தே³கரத்தஸ்ஸ உத்³தே³ஸோ ச விப⁴ங்கோ³ ச ஆதி³ப்³ரஹ்மசரியகோ’’தி. இத³மவோச
சந்த³னோ தே³வபுத்தோ. இத³ங் வத்வா தத்தே²வந்தரதா⁴யி.

287. அத² கோ² ஆயஸ்மா லோமஸகங்கி³யோ தஸ்ஸா ரத்தியா அச்சயேன ஸேனாஸனங் ஸங்ஸாமெத்வா பத்தசீவரமாதா³ய யேன ஸாவத்தி² தேன
சாரிகங் பக்காமி. அனுபுப்³பே³ன சாரிகங் சரமானோ யேன ஸாவத்தி² ஜேதவனங்
அனாத²பிண்டி³கஸ்ஸ ஆராமோ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா லோமஸகங்கி³யோ ப⁴க³வந்தங் ஏதத³வோச –

‘‘ஏகமிதா³ஹங், ப⁴ந்தே, ஸமயங் ஸக்கேஸு விஹராமி
கபிலவத்து²ஸ்மிங் நிக்³ரோதா⁴ராமே. அத² கோ², ப⁴ந்தே, அஞ்ஞதரோ தே³வபுத்தோ
அபி⁴க்கந்தாய ரத்தியா அபி⁴க்கந்தவண்ணோ கேவலகப்பங் நிக்³ரோதா⁴ராமங்
ஓபா⁴ஸெத்வா யேனாஹங் தேனுபஸங்கமி; உபஸங்கமித்வா ஏகமந்தங் அட்டா²ஸி. ஏகமந்தங்
டி²தோ கோ², ப⁴ந்தே, ஸோ தே³வபுத்தோ மங் ஏதத³வோச – ‘தா⁴ரேஸி த்வங்,
பி⁴க்கு², ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்சா’தி? ஏவங் வுத்தே
அஹங், ப⁴ந்தே, தங் தே³வபுத்தங் ஏதத³வோசங் – ‘ந கோ² அஹங், ஆவுஸோ, தா⁴ரேமி
ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்ச. த்வங் பனாவுஸோ, தா⁴ரேஸி
ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்சா’தி? ‘அஹம்பி கோ², பி⁴க்கு², ந
தா⁴ரேமி ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்ச. தா⁴ரேஸி பன த்வங்,
பி⁴க்கு², ப⁴த்³தே³கரத்தியோ கா³தா²’தி? ‘ந கோ² அஹங், ஆவுஸோ, தா⁴ரேமி
ப⁴த்³தே³கரத்தியோ கா³தா². த்வங் பனாவுஸோ, தா⁴ரேஸி ப⁴த்³தே³கரத்தியோ
கா³தா²’தி? ‘தா⁴ரேமி கோ² அஹங், பி⁴க்கு², ப⁴த்³தே³கரத்தியோ கா³தா²’தி.
‘யதா² கத²ங் பன த்வங், ஆவுஸோ, தா⁴ரேஸி ப⁴த்³தே³கரத்தியோ கா³தா²’தி?
ஏகமித³ங், பி⁴க்கு², ஸமயங் ப⁴க³வா தே³வேஸு தாவதிங்ஸேஸு விஹரதி
பாரிச்ச²த்தகமூலே பண்டு³கம்ப³லஸிலாயங் . தத்ர கோ² ப⁴க³வா தே³வானங் தாவதிங்ஸானங் ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்ச அபா⁴ஸி –

‘‘அதீதங் நான்வாக³மெய்ய…பே॰…

தங் வே ப⁴த்³தே³கரத்தோதி, ஸந்தோ ஆசிக்க²தே முனீ’’தி.

‘‘ஏவங் கோ² அஹங், பி⁴க்கு²,
தா⁴ரேமி ப⁴த்³தே³கரத்தியோ கா³தா². உக்³க³ண்ஹாஹி த்வங், பி⁴க்கு²,
ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்ச; பரியாபுணாஹி த்வங், பி⁴க்கு²,
ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்ச; தா⁴ரேஹி
த்வங், பி⁴க்கு², ப⁴த்³தே³கரத்தஸ்ஸ உத்³தே³ஸஞ்ச விப⁴ங்க³ஞ்ச.
அத்த²ஸங்ஹிதோ, பி⁴க்கு², ப⁴த்³தே³கரத்தஸ்ஸ உத்³தே³ஸோ ச விப⁴ங்கோ³ ச
ஆதி³ப்³ரஹ்மசரியகோ’தி. இத³மவோச, ப⁴ந்தே, ஸோ தே³வபுத்தோ; இத³ங் வத்வா
தத்தே²வந்தரதா⁴யி. ஸாது⁴ மே, ப⁴ந்தே, ப⁴க³வா ப⁴த்³தே³கரத்தஸ்ஸ உத்³தே³ஸஞ்ச
விப⁴ங்க³ஞ்ச தே³ஸேதூ’’தி.

288.
‘‘ஜானாஸி பன த்வங், பி⁴க்கு², தங் தே³வபுத்த’’ந்தி? ‘‘ந கோ² அஹங், ப⁴ந்தே,
ஜானாமி தங் தே³வபுத்த’’ந்தி. ‘‘சந்த³னோ நாம ஸோ, பி⁴க்கு², தே³வபுத்தோ.
சந்த³னோ, பி⁴க்கு², தே³வபுத்தோ அட்டி²ங் கத்வா [அட்டி²கத்வா (ஸீ॰ ஸ்யா॰ கங்॰ பீ॰)] மனஸிகத்வா ஸப்³ப³சேதஸா [ஸப்³ப³ங் சேதஸோ (ஸீ॰ ஸ்யா॰ கங்॰ பீ॰), ஸப்³ப³ங் சேதஸா (க॰)]
ஸமன்னாஹரித்வா ஓஹிதஸோதோ த⁴ம்மங் ஸுணாதி. தேன ஹி, பி⁴க்கு², ஸுணாஹி,
ஸாது⁴கங் மனஸி கரோஹி; பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² ஆயஸ்மா
லோமஸகங்கி³யோ ப⁴க³வதோ பச்சஸ்ஸோஸி. ப⁴க³வா ஏதத³வோச –

‘‘அதீதங் நான்வாக³மெய்ய, நப்படிகங்கே² அனாக³தங்;

யத³தீதங் பஹீனங் தங், அப்பத்தஞ்ச அனாக³தங்.

‘‘பச்சுப்பன்னஞ்ச யோ த⁴ம்மங், தத்த² தத்த² விபஸ்ஸதி;

அஸங்ஹீரங் அஸங்குப்பங், தங் வித்³வா மனுப்³ரூஹயே.

‘‘அஜ்ஜேவ கிச்சமாதப்பங், கோ ஜஞ்ஞா மரணங் ஸுவே;

ந ஹி நோ ஸங்க³ரங் தேன, மஹாஸேனேன மச்சுனா;

‘‘ஏவங் விஹாரிங் ஆதாபிங், அஹோரத்தமதந்தி³தங்;

தங் வே ப⁴த்³தே³கரத்தோதி, ஸந்தோ ஆசிக்க²தே முனி’’.

‘‘கத²ஞ்ச, பி⁴க்கு², அதீதங் அன்வாக³மேதி…பே॰… ஏவங் கோ², பி⁴க்கு², அதீதங் அன்வாக³மேதி. கத²ஞ்ச ,
பி⁴க்கு², அதீதங் நான்வாக³மேதி…பே॰… ஏவங் கோ², பி⁴க்கு², அதீதங்
நான்வாக³மேதி. கத²ஞ்ச, பி⁴க்கு², அனாக³தங் படிகங்க²தி…பே॰… ஏவங் கோ²,
பி⁴க்கு², அனாக³தங் படிகங்க²தி. கத²ஞ்ச, பி⁴க்கு², அனாக³தங்
நப்படிகங்க²தி…பே॰… ஏவங் கோ², பி⁴க்கு², அனாக³தங்
நப்படிகங்க²தி. கத²ஞ்ச, பி⁴க்கு², பச்சுப்பன்னேஸு த⁴ம்மேஸு ஸங்ஹீரதி…பே॰…
ஏவங் கோ², பி⁴க்கு², பச்சுப்பன்னேஸு த⁴ம்மேஸு ஸங்ஹீரதி. கத²ஞ்ச, பி⁴க்கு²,
பச்சுப்பன்னேஸு த⁴ம்மேஸு ந ஸங்ஹீரதி…பே॰… ஏவங் கோ², பி⁴க்கு²,
பச்சுப்பன்னேஸு த⁴ம்மேஸு ந ஸங்ஹீரதி.

‘‘அதீதங் நான்வாக³மெய்ய, நப்படிகங்கே² அனாக³தங்;

யத³தீதங் பஹீனங் தங், அப்பத்தஞ்ச அனாக³தங்.

‘‘பச்சுப்பன்னஞ்ச யோ த⁴ம்மங், தத்த² தத்த² விபஸ்ஸதி;

அஸங்ஹீரங் அஸங்குப்பங், தங் வித்³வா மனுப்³ரூஹயே.

‘‘அஜ்ஜேவ கிச்சமாதப்பங், கோ ஜஞ்ஞா மரணங் ஸுவே;

ந ஹி நோ ஸங்க³ரங் தேன, மஹாஸேனேன மச்சுனா.

‘‘ஏவங் விஹாரிங் ஆதாபிங், அஹோரத்தமதந்தி³தங்;

தங் வே ப⁴த்³தே³கரத்தோதி, ஸந்தோ ஆசிக்க²தே முனீ’’தி.

இத³மவோச ப⁴க³வா. அத்தமனோ ஆயஸ்மா லோமஸகங்கி³யோ ப⁴க³வதோ பா⁴ஸிதங் அபி⁴னந்தீ³தி.

லோமஸகங்கி³யப⁴த்³தே³கரத்தஸுத்தங் நிட்டி²தங் சதுத்த²ங்.

5. சூளகம்மவிப⁴ங்க³ஸுத்தங் [ஸுப⁴ஸுத்தந்திபி வுச்சதி]

289. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே,
அனாத²பிண்டி³கஸ்ஸ ஆராமே. அத² கோ² ஸுபோ⁴ மாணவோ தோதெ³ய்யபுத்தோ யேன ப⁴க³வா
தேனுபஸங்கமி; உபஸங்கமித்வா ப⁴க³வதா ஸத்³தி⁴ங் ஸம்மோதி³. ஸம்மோத³னீயங் கத²ங்
ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² ஸுபோ⁴
மாணவோ தோதெ³ய்யபுத்தோ ப⁴க³வந்தங் ஏதத³வோச –

‘‘கோ நு கோ², போ⁴ கோ³தம, ஹேது கோ பச்சயோ யேன
மனுஸ்ஸானங்யேவ ஸதங் மனுஸ்ஸபூ⁴தானங் தி³ஸ்ஸந்தி ஹீனப்பணீததா? தி³ஸ்ஸந்தி ஹி,
போ⁴ கோ³தம, மனுஸ்ஸா அப்பாயுகா, தி³ஸ்ஸந்தி தீ³கா⁴யுகா; தி³ஸ்ஸந்தி
ப³வ்ஹாபா³தா⁴ [ப³ஹ்வாபா³தா⁴ (ஸ்யா॰ கங்॰ க॰)],
தி³ஸ்ஸந்தி அப்பாபா³தா⁴; தி³ஸ்ஸந்தி து³ப்³ப³ண்ணா, தி³ஸ்ஸந்தி வண்ணவந்தோ;
தி³ஸ்ஸந்தி அப்பேஸக்கா², தி³ஸ்ஸந்தி மஹேஸக்கா²; தி³ஸ்ஸந்தி அப்பபோ⁴கா³,
தி³ஸ்ஸந்தி மஹாபோ⁴கா³; தி³ஸ்ஸந்தி நீசகுலீனா, தி³ஸ்ஸந்தி உச்சாகுலீனா;
தி³ஸ்ஸந்தி து³ப்பஞ்ஞா, தி³ஸ்ஸந்தி பஞ்ஞவந்தோ [பஞ்ஞாவந்தோ (ஸீ॰ பீ॰)] . கோ நு கோ², போ⁴ கோ³தம, ஹேது கோ பச்சயோ யேன மனுஸ்ஸானங்யேவ ஸதங் மனுஸ்ஸபூ⁴தானங் தி³ஸ்ஸந்தி ஹீனப்பணீததா’’தி?

‘‘கம்மஸ்ஸகா , மாணவ, ஸத்தா கம்மதா³யாதா³ கம்மயோனீ கம்மப³ந்தூ⁴ [கம்மயோனி கம்மப³ந்து⁴ (ஸீ॰)]
கம்மப்படிஸரணா. கம்மங் ஸத்தே விப⁴ஜதி யதி³த³ங் – ஹீனப்பணீததாயாதி. ந கோ²
அஹங் இமஸ்ஸ போ⁴தோ கோ³தமஸ்ஸ ஸங்கி²த்தேன பா⁴ஸிதஸ்ஸ வித்தா²ரேன அத்த²ங்
அவிப⁴த்தஸ்ஸ வித்தா²ரேன அத்த²ங் ஆஜானாமி. ஸாது⁴ மே
ப⁴வங் கோ³தமோ ததா² த⁴ம்மங் தே³ஸேது யதா² அஹங் இமஸ்ஸ போ⁴தோ கோ³தமஸ்ஸ
ஸங்கி²த்தேன பா⁴ஸிதஸ்ஸ வித்தா²ரேன அத்த²ங் அவிப⁴த்தஸ்ஸ வித்தா²ரேன அத்த²ங்
ஆஜானெய்ய’’ந்தி.

290.
‘‘தேன ஹி, மாணவ, ஸுணாஹி, ஸாது⁴கங் மனஸி கரோஹி; பா⁴ஸிஸ்ஸாமீ’’தி. ‘‘ஏவங்,
போ⁴’’தி கோ² ஸுபோ⁴ மாணவோ தோதெ³ய்யபுத்தோ ப⁴க³வதோ பச்சஸ்ஸோஸி. ப⁴க³வா
ஏதத³வோச –

‘‘இத⁴, மாணவ, ஏகச்சோ இத்தீ² வா புரிஸோ வா பாணாதிபாதீ ஹோதி லுத்³தோ³ லோஹிதபாணி ஹதபஹதே நிவிட்டோ² அத³யாபன்னோ பாணபூ⁴தேஸு [ஸப்³ப³பாணபூ⁴தேஸு (ஸீ॰ க॰)]. ஸோ தேன கம்மேன ஏவங் ஸமத்தேன ஏவங் ஸமாதி³ன்னேன [ஸமாதி³ண்ணேன (பீ॰ க॰)] காயஸ்ஸ
பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜதி. நோ சே
காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜதி,
ஸசே மனுஸ்ஸத்தங் ஆக³ச்ச²தி யத்த² யத்த² பச்சாஜாயதி அப்பாயுகோ ஹோதி.
அப்பாயுகஸங்வத்தனிகா ஏஸா, மாணவ, படிபதா³ யதி³த³ங் – பாணாதிபாதீ ஹோதி
லுத்³தோ³ லோஹிதபாணி ஹதபஹதே நிவிட்டோ² அத³யாபன்னோ பாணபூ⁴தேஸு.

‘‘இத⁴ பன, மாணவ, ஏகச்சோ இத்தீ² வா புரிஸோ வா
பாணாதிபாதங் பஹாய பாணாதிபாதா படிவிரதோ ஹோதி நிஹிதத³ண்டோ³ நிஹிதஸத்தோ²,
லஜ்ஜீ த³யாபன்னோ ஸப்³ப³பாணபூ⁴தஹிதானுகம்பீ விஹரதி. ஸோ தேன கம்மேன ஏவங்
ஸமத்தேன ஏவங் ஸமாதி³ன்னேன காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங்
உபபஜ்ஜதி. நோ சே காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங்
உபபஜ்ஜதி, ஸசே மனுஸ்ஸத்தங் ஆக³ச்ச²தி யத்த² யத்த²
பச்சாஜாயதி தீ³கா⁴யுகோ ஹோதி. தீ³கா⁴யுகஸங்வத்தனிகா ஏஸா, மாணவ, படிபதா³
யதி³த³ங் – பாணாதிபாதங் பஹாய பாணாதிபாதா படிவிரதோ ஹோதி நிஹிதத³ண்டோ³ நிஹிதஸத்தோ², லஜ்ஜீ த³யாபன்னோ ஸப்³ப³பாணபூ⁴தஹிதானுகம்பீ விஹரதி.

291. ‘‘இத⁴ ,
மாணவ, ஏகச்சோ இத்தீ² வா புரிஸோ வா ஸத்தானங் விஹேட²கஜாதிகோ ஹோதி, பாணினா வா
லெட்³டு³னா வா த³ண்டே³ன வா ஸத்தே²ன வா. ஸோ தேன கம்மேன ஏவங் ஸமத்தேன ஏவங்
ஸமாதி³ன்னேன காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங்
உபபஜ்ஜதி. நோ சே காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங்
நிரயங் உபபஜ்ஜதி, ஸசே மனுஸ்ஸத்தங் ஆக³ச்ச²தி யத்த² யத்த² பச்சாஜாயதி
ப³வ்ஹாபா³தோ⁴ ஹோதி. ப³வ்ஹாபா³த⁴ஸங்வத்தனிகா ஏஸா, மாணவ, படிபதா³ யதி³த³ங் –
ஸத்தானங் விஹேட²கஜாதிகோ ஹோதி பாணினா வா லெட்³டு³னா வா த³ண்டே³ன வா ஸத்தே²ன
வா.

‘‘இத⁴ பன, மாணவ, ஏகச்சோ இத்தீ² வா புரிஸோ வா ஸத்தானங்
அவிஹேட²கஜாதிகோ ஹோதி பாணினா வா லெட்³டு³னா வா த³ண்டே³ன வா ஸத்தே²ன வா. ஸோ
தேன கம்மேன ஏவங் ஸமத்தேன ஏவங் ஸமாதி³ன்னேன காயஸ்ஸ பே⁴தா³ பரங் மரணா
ஸுக³திங் ஸக்³க³ங் லோகங் உபபஜ்ஜதி. நோ சே காயஸ்ஸ பே⁴தா³ பரங் மரணா ஸுக³திங்
ஸக்³க³ங் லோகங் உபபஜ்ஜதி, ஸசே மனுஸ்ஸத்தங் ஆக³ச்ச²தி யத்த² யத்த²
பச்சாஜாயதி அப்பாபா³தோ⁴ ஹோதி. அப்பாபா³த⁴ஸங்வத்தனிகா ஏஸா, மாணவ, படிபதா³
யதி³த³ங் – ஸத்தானங் அவிஹேட²கஜாதிகோ ஹோதி பாணினா வா லெட்³டு³னா வா த³ண்டே³ன வா ஸத்தே²ன வா.

292. ‘‘இத⁴, மாணவ, ஏகச்சோ இத்தீ² வா புரிஸோ வா கோத⁴னோ ஹோதி உபாயாஸப³ஹுலோ. அப்பம்பி
வுத்தோ ஸமானோ அபி⁴ஸஜ்ஜதி குப்பதி ப்³யாபஜ்ஜதி பதிட்டீ²யதி கோபஞ்ச தோ³ஸஞ்ச
அப்பச்சயஞ்ச பாதுகரோதி. ஸோ தேன கம்மேன ஏவங் ஸமத்தேன ஏவங் ஸமாதி³ன்னேன
காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜதி.
நோ சே காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங்
உபபஜ்ஜதி, ஸசே மனுஸ்ஸத்தங் ஆக³ச்ச²தி யத்த² யத்த² பச்சாஜாயதி து³ப்³ப³ண்ணோ
ஹோதி. து³ப்³ப³ண்ணஸங்வத்தனிகா ஏஸா, மாணவ, படிபதா³ யதி³த³ங் – கோத⁴னோ ஹோதி
உபாயாஸப³ஹுலோ; அப்பம்பி வுத்தோ ஸமானோ அபி⁴ஸஜ்ஜதி குப்பதி ப்³யாபஜ்ஜதி
பதிட்டீ²யதி கோபஞ்ச தோ³ஸஞ்ச அப்பச்சயஞ்ச பாதுகரோதி.

‘‘இத⁴ பன, மாணவ, ஏகச்சோ இத்தீ² வா புரிஸோ வா அக்கோத⁴னோ
ஹோதி அனுபாயாஸப³ஹுலோ; ப³ஹும்பி வுத்தோ ஸமானோ நாபி⁴ஸஜ்ஜதி ந குப்பதி ந
ப்³யாபஜ்ஜதி ந பதிட்டீ²யதி ந கோபஞ்ச தோ³ஸஞ்ச அப்பச்சயஞ்ச பாதுகரோதி. ஸோ தேன
கம்மேன ஏவங் ஸமத்தேன ஏவங் ஸமாதி³ன்னேன காயஸ்ஸ பே⁴தா³ பரங் மரணா ஸுக³திங்
ஸக்³க³ங் லோகங் உபபஜ்ஜதி. நோ சே காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜதி, ஸசே மனுஸ்ஸத்தங் ஆக³ச்ச²தி யத்த² யத்த² பச்சாஜாயதி
பாஸாதி³கோ ஹோதி. பாஸாதி³கஸங்வத்தனிகா ஏஸா, மாணவ, படிபதா³ யதி³த³ங் –
அக்கோத⁴னோ ஹோதி அனுபாயாஸப³ஹுலோ; ப³ஹும்பி வுத்தோ ஸமானோ நாபி⁴ஸஜ்ஜதி ந
குப்பதி ந ப்³யாபஜ்ஜதி ந பதிட்டீ²யதி ந கோபஞ்ச தோ³ஸஞ்ச அப்பச்சயஞ்ச
பாதுகரோதி.

293.
‘‘இத⁴, மாணவ, ஏகச்சோ இத்தீ² வா புரிஸோ வா இஸ்ஸாமனகோ ஹோதி;
பரலாப⁴ஸக்காரக³ருகாரமானநவந்த³னபூஜனாஸு இஸ்ஸதி உபது³ஸ்ஸதி இஸ்ஸங் ப³ந்த⁴தி.
ஸோ தேன கம்மேன ஏவங் ஸமத்தேன ஏவங் ஸமாதி³ன்னேன காயஸ்ஸ பே⁴தா³ பரங் மரணா
அபாயங் து³க்³க³திங் வினிபாதங் நிரயங் உபபஜ்ஜதி. நோ சே காயஸ்ஸ பே⁴தா³ பரங்
மரணா அபாயங் து³க்³க³திங் வினிபாதங் நிரயங் உபபஜ்ஜதி, ஸசே மனுஸ்ஸத்தங்
ஆக³ச்ச²தி யத்த² யத்த² பச்சாஜாயதி அப்பேஸக்கோ² ஹோதி. அப்பேஸக்க²ஸங்வத்தனிகா
ஏஸா, மாணவ, படிபதா³ யதி³த³ங் – இஸ்ஸாமனகோ ஹோதி;
பரலாப⁴ஸக்காரக³ருகாரமானநவந்த³னபூஜனாஸு இஸ்ஸதி உபது³ஸ்ஸதி இஸ்ஸங் ப³ந்த⁴தி.

‘‘இத⁴ பன, மாணவ, ஏகச்சோ இத்தீ²
வா புரிஸோ வா அனிஸ்ஸாமனகோ ஹோதி; பரலாப⁴ஸக்காரக³ருகாரமானநவந்த³னபூஜனாஸு ந
இஸ்ஸதி ந உபது³ஸ்ஸதி ந இஸ்ஸங் ப³ந்த⁴தி. ஸோ தேன கம்மேன ஏவங் ஸமத்தேன ஏவங்
ஸமாதி³ன்னேன காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜதி. நோ
சே காயஸ்ஸ பே⁴தா³ பரங் மரணா ஸுக³திங் ஸக்³க³ங்
லோகங் உபபஜ்ஜதி, ஸசே மனுஸ்ஸத்தங் ஆக³ச்ச²தி யத்த² யத்த² பச்சாஜாயதி
மஹேஸக்கோ² ஹோதி. மஹேஸக்க²ஸங்வத்தனிகா ஏஸா, மாணவ , படிபதா³ யதி³த³ங் – அனிஸ்ஸாமனகோ ஹோதி; பரலாப⁴ஸக்காரக³ருகாரமானநவந்த³னபூஜனாஸு ந இஸ்ஸதி ந உபது³ஸ்ஸதி ந இஸ்ஸங் ப³ந்த⁴தி.

294.
‘‘இத⁴, மாணவ, ஏகச்சோ இத்தீ² வா புரிஸோ வா ந தா³தா ஹோதி ஸமணஸ்ஸ வா
ப்³ராஹ்மணஸ்ஸ வா அன்னங் பானங் வத்த²ங் யானங் மாலாக³ந்த⁴விலேபனங்
ஸெய்யாவஸத²பதீ³பெய்யங். ஸோ தேன கம்மேன ஏவங் ஸமத்தேன ஏவங் ஸமாதி³ன்னேன
காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜதி.
நோ சே காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங்
உபபஜ்ஜதி, ஸசே மனுஸ்ஸத்தங் ஆக³ச்ச²தி யத்த² யத்த² பச்சாஜாயதி அப்பபோ⁴கோ³
ஹோதி. அப்பபோ⁴க³ஸங்வத்தனிகா ஏஸா, மாணவ, படிபதா³ யதி³த³ங் – ந தா³தா ஹோதி ஸமணஸ்ஸ வா ப்³ராஹ்மணஸ்ஸ வா அன்னங் பானங் வத்த²ங் யானங் மாலாக³ந்த⁴விலேபனங் ஸெய்யாவஸத²பதீ³பெய்யங்.

‘‘இத⁴ பன, மாணவ, ஏகச்சோ இத்தீ² வா புரிஸோ வா தா³தா
ஹோதி ஸமணஸ்ஸ வா ப்³ராஹ்மணஸ்ஸ வா அன்னங் பானங் வத்த²ங் யானங்
மாலாக³ந்த⁴விலேபனங் ஸெய்யாவஸத²பதீ³பெய்யங். ஸோ தேன கம்மேன ஏவங் ஸமத்தேன
ஏவங் ஸமாதி³ன்னேன காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங்
உபபஜ்ஜதி. நோ சே காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங்
உபபஜ்ஜதி, ஸசே மனுஸ்ஸத்தங் ஆக³ச்ச²தி யத்த² யத்த² பச்சாஜாயதி மஹாபோ⁴கோ³
ஹோதி. மஹாபோ⁴க³ஸங்வத்தனிகா ஏஸா, மாணவ, படிபதா³ யதி³த³ங் – தா³தா ஹோதி
ஸமணஸ்ஸ வா ப்³ராஹ்மணஸ்ஸ வா அன்னங் பானங் வத்த²ங் யானங் மாலாக³ந்த⁴விலேபனங் ஸெய்யாவஸத²பதீ³பெய்யங்.

295.
‘‘இத⁴, மாணவ, ஏகச்சோ இத்தீ² வா புரிஸோ வா த²த்³தோ⁴ ஹோதி அதிமானீ –
அபி⁴வாதே³தப்³ப³ங் ந அபி⁴வாதே³தி, பச்சுட்டா²தப்³ப³ங் ந பச்சுட்டே²தி,
ஆஸனாரஹஸ்ஸ ந ஆஸனங் தே³தி, மக்³கா³ரஹஸ்ஸ ந மக்³க³ங் தே³தி, ஸக்காதப்³ப³ங் ந
ஸக்கரோதி, க³ருகாதப்³ப³ங் ந க³ருகரோதி, மானேதப்³ப³ங் ந மானேதி,
பூஜேதப்³ப³ங் ந பூஜேதி. ஸோ தேன கம்மேன ஏவங் ஸமத்தேன ஏவங் ஸமாதி³ன்னேன
காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜதி.
நோ சே காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங்
உபபஜ்ஜதி, ஸசே மனுஸ்ஸத்தங் ஆக³ச்ச²தி யத்த² யத்த² பச்சாஜாயதி நீசகுலீனோ
ஹோதி. நீசகுலீனஸங்வத்தனிகா ஏஸா, மாணவ, படிபதா³ யதி³த³ங் – த²த்³தோ⁴ ஹோதி
அதிமானீ; அபி⁴வாதே³தப்³ப³ங் ந அபி⁴வாதே³தி, பச்சுட்டா²தப்³ப³ங் ந
பச்சுட்டே²தி, ஆஸனாரஹஸ்ஸ ந ஆஸனங் தே³தி, மக்³கா³ரஹஸ்ஸ ந மக்³க³ங் தே³தி,
ஸக்காதப்³ப³ங் ந ஸக்கரோதி, க³ருகாதப்³ப³ங் ந க³ருகரோதி, மானேதப்³ப³ங் ந
மானேதி, பூஜேதப்³ப³ங் ந பூஜேதி.

‘‘இத⁴ பன, மாணவ, ஏகச்சோ இத்தீ²
வா புரிஸோ வா அத்த²த்³தோ⁴ ஹோதி அனதிமானீ; அபி⁴வாதே³தப்³ப³ங் அபி⁴வாதே³தி,
பச்சுட்டா²தப்³ப³ங் பச்சுட்டே²தி, ஆஸனாரஹஸ்ஸ ஆஸனங் தே³தி, மக்³கா³ரஹஸ்ஸ
மக்³க³ங் தே³தி, ஸக்காதப்³ப³ங் ஸக்கரோதி, க³ருகாதப்³ப³ங் க³ருகரோதி,
மானேதப்³ப³ங் மானேதி, பூஜேதப்³ப³ங் பூஜேதி. ஸோ தேன கம்மேன ஏவங் ஸமத்தேன
ஏவங் ஸமாதி³ன்னேன காயஸ்ஸ பே⁴தா³ பரங் மரணா ஸுக³திங்
ஸக்³க³ங் லோகங் உபபஜ்ஜதி. நோ சே காயஸ்ஸ பே⁴தா³ பரங் மரணா ஸுக³திங்
ஸக்³க³ங் லோகங் உபபஜ்ஜதி, ஸசே மனுஸ்ஸத்தங்
ஆக³ச்ச²தி யத்த² யத்த² பச்சாஜாயதி உச்சாகுலீனோ ஹோதி. உச்சாகுலீனஸங்வத்தனிகா
ஏஸா, மாணவ, படிபதா³ யதி³த³ங் – அத்த²த்³தோ⁴ ஹோதி அனதிமானீ;
அபி⁴வாதே³தப்³ப³ங் அபி⁴வாதே³தி, பச்சுட்டா²தப்³ப³ங் பச்சுட்டே²தி,
ஆஸனாரஹஸ்ஸ ஆஸனங் தே³தி, மக்³கா³ரஹஸ்ஸ மக்³க³ங் தே³தி, ஸக்காதப்³ப³ங்
ஸக்கரோதி, க³ருகாதப்³ப³ங் க³ருகரோதி, மானேதப்³ப³ங் மானேதி, பூஜேதப்³ப³ங்
பூஜேதி.

296.
‘‘இத⁴, மாணவ, ஏகச்சோ இத்தீ² வா புரிஸோ வா ஸமணங் வா ப்³ராஹ்மணங் வா
உபஸங்கமித்வா ந பரிபுச்சி²தா ஹோதி – ‘கிங், ப⁴ந்தே, குஸலங், கிங் அகுஸலங்;
கிங் ஸாவஜ்ஜங், கிங் அனவஜ்ஜங்; கிங் ஸேவிதப்³ப³ங், கிங் ந ஸேவிதப்³ப³ங்;
கிங் மே கரீயமானங் தீ³க⁴ரத்தங் அஹிதாய து³க்கா²ய ஹோதி, கிங் வா பன மே
கரீயமானங் தீ³க⁴ரத்தங் ஹிதாய ஸுகா²ய ஹோதீ’தி? ஸோ தேன கம்மேன ஏவங் ஸமத்தேன
ஏவங் ஸமாதி³ன்னேன காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங்
நிரயங் உபபஜ்ஜதி. நோ சே காயஸ்ஸ பே⁴தா³ பரங் மரணா அபாயங் து³க்³க³திங்
வினிபாதங் நிரயங் உபபஜ்ஜதி, ஸசே மனுஸ்ஸத்தங் ஆக³ச்ச²தி யத்த² யத்த²
பச்சாஜாயதி து³ப்பஞ்ஞோ ஹோதி. து³ப்பஞ்ஞஸங்வத்தனிகா ஏஸா, மாணவ, படிபதா³
யதி³த³ங் – ஸமணங் வா ப்³ராஹ்மணங் வா உபஸங்கமித்வா ந பரிபுச்சி²தா ஹோதி –
‘கிங், ப⁴ந்தே, குஸலங், கிங் அகுஸலங்; கிங் ஸாவஜ்ஜங், கிங் அனவஜ்ஜங்; கிங்
ஸேவிதப்³ப³ங், கிங் ந ஸேவிதப்³ப³ங் ; கிங் மே கரீயமானங் தீ³க⁴ரத்தங் அஹிதாய து³க்கா²ய ஹோதி, கிங் வா பன மே கரீயமானங் தீ³க⁴ரத்தங் ஹிதாய ஸுகா²ய ஹோதீ’’’தி?

‘‘இத⁴ பன, மாணவ, ஏகச்சோ இத்தீ²
வா புரிஸோ வா ஸமணங் வா ப்³ராஹ்மணங் வா உபஸங்கமித்வா பரிபுச்சி²தா ஹோதி –
‘கிங், ப⁴ந்தே, குஸலங், கிங் அகுஸலங்; கிங் ஸாவஜ்ஜங், கிங் அனவஜ்ஜங்; கிங்
ஸேவிதப்³ப³ங், கிங் ந ஸேவிதப்³ப³ங்; கிங் மே கரீயமானங் தீ³க⁴ரத்தங் அஹிதாய
து³க்கா²ய ஹோதி, கிங் வா பன மே கரீயமானங் தீ³க⁴ரத்தங் ஹிதாய ஸுகா²ய
ஹோதீ’தி? ஸோ தேன கம்மேன ஏவங் ஸமத்தேன ஏவங் ஸமாதி³ன்னேன காயஸ்ஸ பே⁴தா³ பரங்
மரணா ஸுக³திங் ஸக்³க³ங் லோகங் உபபஜ்ஜதி. நோ சே
காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜதி, ஸசே
மனுஸ்ஸத்தங் ஆக³ச்ச²தி யத்த² யத்த² பச்சாஜாயதி மஹாபஞ்ஞோ ஹோதி.
மஹாபஞ்ஞஸங்வத்தனிகா ஏஸா, மாணவ, படிபதா³ யதி³த³ங் – ஸமணங் வா ப்³ராஹ்மணங் வா
உபஸங்கமித்வா பரிபுச்சி²தா ஹோதி – ‘கிங், ப⁴ந்தே, குஸலங், கிங் அகுஸலங்;
கிங் ஸாவஜ்ஜங், கிங் அனவஜ்ஜங்; கிங் ஸேவிதப்³ப³ங் ,
கிங் ந ஸேவிதப்³ப³ங்; கிங் மே கரீயமானங் தீ³க⁴ரத்தங் அஹிதாய து³க்கா²ய
ஹோதி, கிங் வா பன மே கரீயமானங் தீ³க⁴ரத்தங் ஹிதாய ஸுகா²ய ஹோதீ’’’தி?

297.
‘‘இதி கோ², மாணவ, அப்பாயுகஸங்வத்தனிகா படிபதா³ அப்பாயுகத்தங் உபனேதி,
தீ³கா⁴யுகஸங்வத்தனிகா படிபதா³ தீ³கா⁴யுகத்தங் உபனேதி;
ப³வ்ஹாபா³த⁴ஸங்வத்தனிகா படிபதா³ ப³வ்ஹாபா³த⁴த்தங் உபனேதி,
அப்பாபா³த⁴ஸங்வத்தனிகா படிபதா³ அப்பாபா³த⁴த்தங் உபனேதி;
து³ப்³ப³ண்ணஸங்வத்தனிகா படிபதா³ து³ப்³ப³ண்ணத்தங்
உபனேதி, பாஸாதி³கஸங்வத்தனிகா படிபதா³ பாஸாதி³கத்தங் உபனேதி;
அப்பேஸக்க²ஸங்வத்தனிகா படிபதா³ அப்பேஸக்க²த்தங் உபனேதி,
மஹேஸக்க²ஸங்வத்தனிகா படிபதா³ மஹேஸக்க²த்தங் உபனேதி; அப்பபோ⁴க³ஸங்வத்தனிகா
படிபதா³ அப்பபோ⁴க³த்தங் உபனேதி, மஹாபோ⁴க³ஸங்வத்தனிகா படிபதா³ மஹாபோ⁴க³த்தங்
உபனேதி; நீசகுலீனஸங்வத்தனிகா படிபதா³ நீசகுலீனத்தங் உபனேதி,
உச்சாகுலீனஸங்வத்தனிகா படிபதா³ உச்சாகுலீனத்தங் உபனேதி;
து³ப்பஞ்ஞஸங்வத்தனிகா படிபதா³ து³ப்பஞ்ஞத்தங் உபனேதி, மஹாபஞ்ஞஸங்வத்தனிகா
படிபதா³ மஹாபஞ்ஞத்தங் உபனேதி. கம்மஸ்ஸகா, மாணவ, ஸத்தா கம்மதா³யாதா³
கம்மயோனீ கம்மப³ந்தூ⁴ கம்மப்படிஸரணா. கம்மங் ஸத்தே விப⁴ஜதி யதி³த³ங் –
ஹீனப்பணீததாயா’’தி.

ஏவங் வுத்தே, ஸுபோ⁴ மாணவோ தோதெ³ய்யபுத்தோ ப⁴க³வந்தங்
ஏதத³வோச – ‘‘அபி⁴க்கந்தங், போ⁴ கோ³தம, அபி⁴க்கந்தங், போ⁴ கோ³தம!
ஸெய்யதா²பி, போ⁴ கோ³தம, நிக்குஜ்ஜிதங் வா உக்குஜ்ஜெய்ய, படிச்ச²ன்னங் வா
விவரெய்ய, மூள்ஹஸ்ஸ வா மக்³க³ங் ஆசிக்கெ²ய்ய, அந்த⁴காரே வா தேலபஜ்ஜோதங்
தா⁴ரெய்ய – ‘சக்கு²மந்தோ ரூபானி த³க்க²ந்தீ’தி; ஏவமேவங் போ⁴தா கோ³தமேன
அனேகபரியாயேன த⁴ம்மோ பகாஸிதோ. ஏஸாஹங் ப⁴வந்தங் கோ³தமங் ஸரணங் க³ச்சா²மி
த⁴ம்மஞ்ச பி⁴க்கு²ஸங்க⁴ஞ்ச. உபாஸகங் மங் ப⁴வங் கோ³தமோ தா⁴ரேது அஜ்ஜதக்³கே³
பாணுபேதங் ஸரணங் க³த’’ந்தி.

சூளகம்மவிப⁴ங்க³ஸுத்தங் நிட்டி²தங் பஞ்சமங்.

6. மஹாகம்மவிப⁴ங்க³ஸுத்தங்

298. ஏவங் மே ஸுதங் – ஏகங் ஸமயங் ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன ஸமயேன ஆயஸ்மா ஸமித்³தி⁴ அரஞ்ஞகுடிகாயங்
விஹரதி. அத² கோ² போதலிபுத்தோ பரிப்³பா³ஜகோ ஜங்கா⁴விஹாரங் அனுசங்கமமானோ
அனுவிசரமானோ யேனாயஸ்மா ஸமித்³தி⁴ தேனுபஸங்கமி; உபஸங்கமித்வா ஆயஸ்மதா
ஸமித்³தி⁴னா ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா
ஏகமந்தங் நிஸீதி³. ஏகமந்தங் நிஸின்னோ கோ² போதலிபுத்தோ பரிப்³பா³ஜகோ
ஆயஸ்மந்தங் ஸமித்³தி⁴ங் ஏதத³வோச – ‘‘ஸம்முகா² மேதங், ஆவுஸோ ஸமித்³தி⁴,
ஸமணஸ்ஸ கோ³தமஸ்ஸ ஸுதங், ஸம்முகா² படிக்³க³ஹிதங் – ‘மோக⁴ங் காயகம்மங் மோக⁴ங்
வசீகம்மங், மனோகம்மமேவ ஸச்ச’ந்தி. அத்தி² ச ஸா [அத்தி² சேஸா (ஸீ॰ க॰)] ஸமாபத்தி யங் ஸமாபத்திங் ஸமாபன்னோ ந கிஞ்சி வேதி³யதீ’’தி? ‘‘மா ஹேவங், ஆவுஸோ போதலிபுத்த, அவச; (மா ஹேவங், ஆவுஸோ போதலிபுத்த, அவச;) [( ) ஸ்யா॰ கங்॰ பொத்த²கேஸு நத்தி²]
மா ப⁴க³வந்தங் அப்³பா⁴சிக்கி². ந ஹி ஸாது⁴ ப⁴க³வதோ அப்³ப⁴க்கா²னங். ந ஹி
ப⁴க³வா ஏவங் வதெ³ய்ய – ‘மோக⁴ங் காயகம்மங் மோக⁴ங் வசீகம்மங், மனோகம்மமேவ
ஸச்ச’ந்தி. அத்தி² ச கோ² [அத்தி² சேவ கோ² (ஸீ॰ க॰)]
ஸா, ஆவுஸோ, ஸமாபத்தி யங் ஸமாபத்திங் ஸமாபன்னோ ந கிஞ்சி வேதி³யதீ’’தி.
‘‘கீவசிரங் பப்³ப³ஜிதோஸி, ஆவுஸோ ஸமித்³தீ⁴’’தி? ‘‘ந சிரங், ஆவுஸோ! தீணி
வஸ்ஸானீ’’தி. ‘‘எத்த² தா³னி மயங் தே²ரே பி⁴க்கூ² கிங் வக்கா²ம, யத்ர ஹி நாம
ஏவங்னவோ பி⁴க்கு² [நவகேன பி⁴க்கு²னா (க॰)] ஸத்தா²ரங் பரிரக்கி²தப்³ப³ங் மஞ்ஞிஸ்ஸதி. ஸஞ்சேதனிகங், ஆவுஸோ ஸமித்³தி⁴, கம்மங்
கத்வா காயேன வாசாய மனஸா கிங் ஸோ வேதி³யதீ’’தி? ‘‘ஸஞ்சேதனிகங், ஆவுஸோ
போதலிபுத்த, கம்மங் கத்வா காயேன வாசாய மனஸா து³க்க²ங் ஸோ வேதி³யதீ’’தி. அத²
கோ² போதலிபுத்தோ பரிப்³பா³ஜகோ ஆயஸ்மதோ ஸமித்³தி⁴ஸ்ஸ பா⁴ஸிதங் நேவ
அபி⁴னந்தி³ நப்படிக்கோஸி; அனபி⁴னந்தி³த்வா அப்படிக்கோஸித்வா உட்டா²யாஸனா
பக்காமி.

299. அத² கோ² ஆயஸ்மா ஸமித்³தி⁴ அசிரபக்கந்தே போதலிபுத்தே பரிப்³பா³ஜகே யேனாயஸ்மா ஆனந்தோ³ தேனுபஸங்கமி; உபஸங்கமித்வா
ஆயஸ்மதா ஆனந்தே³ன ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங்
வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா ஸமித்³தி⁴
யாவதகோ அஹோஸி போதலிபுத்தேன பரிப்³பா³ஜகேன ஸத்³தி⁴ங் கதா²ஸல்லாபோ தங்
ஸப்³ப³ங் ஆயஸ்மதோ ஆனந்த³ஸ்ஸ ஆரோசேஸி.

ஏவங் வுத்தே, ஆயஸ்மா ஆனந்தோ³
ஆயஸ்மந்தங் ஸமித்³தி⁴ங் ஏதத³வோச – ‘‘அத்தி² கோ² இத³ங், ஆவுஸோ ஸமித்³தி⁴,
கதா²பாப⁴தங் ப⁴க³வந்தங் த³ஸ்ஸனாய. ஆயாமாவுஸோ
ஸமித்³தி⁴, யேன ப⁴க³வா தேனுபஸங்கமிஸ்ஸாம; உபஸங்கமித்வா ஏதமத்த²ங் ப⁴க³வதோ
ஆரோசெஸ்ஸாம. யதா² நோ ப⁴க³வா ப்³யாகரிஸ்ஸதி ததா² நங் தா⁴ரெஸ்ஸாமா’’தி.
‘‘ஏவமாவுஸோ’’தி கோ² ஆயஸ்மா ஸமித்³தி⁴ ஆயஸ்மதோ ஆனந்த³ஸ்ஸ பச்சஸ்ஸோஸி.

அத² கோ² ஆயஸ்மா ச ஆனந்தோ³ ஆயஸ்மா ச ஸமித்³தி⁴ யேன
ப⁴க³வா தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³ங்ஸு. ஏகமந்தங் நிஸின்னோ கோ² ஆயஸ்மா ஆனந்தோ³ யாவதகோ அஹோஸி ஆயஸ்மதோ
ஸமித்³தி⁴ஸ்ஸ போதலிபுத்தேன பரிப்³பா³ஜகேன ஸத்³தி⁴ங்
கதா²ஸல்லாபோ தங் ஸப்³ப³ங் ப⁴க³வதோ ஆரோசேஸி. ஏவங் வுத்தே, ப⁴க³வா
ஆயஸ்மந்தங் ஆனந்த³ங் ஏதத³வோச – ‘‘த³ஸ்ஸனம்பி கோ² அஹங், ஆனந்த³,
போதலிபுத்தஸ்ஸ பரிப்³பா³ஜகஸ்ஸ நாபி⁴ஜானாமி, குதோ பனேவரூபங் கதா²ஸல்லாபங்?
இமினா ச, ஆனந்த³, ஸமித்³தி⁴னா மோக⁴புரிஸேன போதலிபுத்தஸ்ஸ பரிப்³பா³ஜகஸ்ஸ
விப⁴ஜ்ஜப்³யாகரணீயோ பஞ்ஹோ ஏகங்ஸேன ப்³யாகதோ’’தி. ஏவங் வுத்தே, ஆயஸ்மா
உதா³யீ ப⁴க³வந்தங் ஏதத³வோச – ‘‘ஸசே பன [கிங் பன (க॰)], ப⁴ந்தே, ஆயஸ்மதா ஸமித்³தி⁴னா இத³ங் ஸந்தா⁴ய பா⁴ஸிதங் – யங் கிஞ்சி வேத³யிதங் தங் து³க்க²ஸ்மி’’ந்தி.

300. அத² கோ² [ஏவங் வுத்தே (ஸ்யா॰ கங்॰)] ப⁴க³வா ஆயஸ்மந்தங் ஆனந்த³ங் ஆமந்தேஸி – ‘‘பஸ்ஸஸி நோ த்வங், ஆனந்த³, இமஸ்ஸ உதா³யிஸ்ஸ மோக⁴புரிஸஸ்ஸ உம்மங்க³ங் [உம்மக்³க³ங் (ஸீ॰ ஸ்யா॰ கங்॰ பீ॰), உமங்க³ங் (க॰)]? அஞ்ஞாஸிங் கோ² அஹங், ஆனந்த³ – ‘இதா³னேவாயங் உதா³யீ மோக⁴புரிஸோ உம்முஜ்ஜமானோ அயோனிஸோ உம்முஜ்ஜிஸ்ஸதீ’தி. ஆதி³ங்யேவ [ஆதி³ஸோவ (ஸீ॰ பீ॰), ஆதி³யேவ (க॰)], ஆனந்த³, போதலிபுத்தேன பரிப்³பா³ஜகேன திஸ்ஸோ வேத³னா புச்சி²தா. ஸசாயங், ஆனந்த³, ஸமித்³தி⁴ மோக⁴புரிஸோ போதலிபுத்தஸ்ஸ
பரிப்³பா³ஜகஸ்ஸ ஏவங் புட்டோ² ஏவங் ப்³யாகரெய்ய – ‘ஸஞ்சேதனிகங், ஆவுஸோ
போதலிபுத்த, கம்மங் கத்வா காயேன வாசாய மனஸா ஸுக²வேத³னீயங் ஸுக²ங் ஸோ
வேத³யதி; ஸஞ்சேதனிகங், ஆவுஸோ போதலிபுத்த, கம்மங் கத்வா காயேன வாசாய மனஸா
து³க்க²வேத³னீயங் து³க்க²ங் ஸோ வேத³யதி; ஸஞ்சேதனிகங், ஆவுஸோ போதலிபுத்த,
கம்மங் கத்வா காயேன வாசாய மனஸா அது³க்க²மஸுக²வேத³னீயங் அது³க்க²மஸுக²ங் ஸோ
வேத³யதீ’தி. ஏவங் ப்³யாகரமானோ கோ², ஆனந்த³, ஸமித்³தி⁴ மோக⁴புரிஸோ போதலிபுத்தஸ்ஸ பரிப்³பா³ஜகஸ்ஸ ஸம்மா (ப்³யாகரமானோ) [( ) நத்தி² (ஸீ॰ ஸ்யா॰ கங்॰ பீ॰)] ப்³யாகரெய்ய. அபி ச, ஆனந்த³, கே ச [கேசி (க॰)]
அஞ்ஞதித்தி²யா பரிப்³பா³ஜகா பா³லா அப்³யத்தா கே ச ததா²க³தஸ்ஸ
மஹாகம்மவிப⁴ங்க³ங் ஜானிஸ்ஸந்தி? ஸசே தும்ஹே, ஆனந்த³, ஸுணெய்யாத² ததா²க³தஸ்ஸ
மஹாகம்மவிப⁴ங்க³ங் விப⁴ஜந்தஸ்ஸா’’தி.

‘‘ஏதஸ்ஸ, ப⁴க³வா, காலோ, ஏதஸ்ஸ, ஸுக³த, காலோ யங் ப⁴க³வா மஹாகம்மவிப⁴ங்க³ங் விப⁴ஜெய்ய .
ப⁴க³வதோ ஸுத்வா பி⁴க்கூ² தா⁴ரெஸ்ஸந்தீ’’தி. ‘‘தேன ஹானந்த³, ஸுணாஹி,
ஸாது⁴கங் மனஸி கரோஹி; பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² ஆயஸ்மா
ஆனந்தோ³ ப⁴க³வதோ பச்சஸ்ஸோஸி. ப⁴க³வா ஏதத³வோச –

‘‘சத்தாரோமே, ஆனந்த³, புக்³க³லா ஸந்தோ ஸங்விஜ்ஜமானா
லோகஸ்மிங். கதமே சத்தாரோ? இதா⁴னந்த³, ஏகச்சோ புக்³க³லோ இத⁴ பாணாதிபாதீ
ஹோதி, அதி³ன்னாதா³யீ ஹோதி, காமேஸுமிச்சா²சாரீ ஹோதி, முஸாவாதீ³ ஹோதி,
பிஸுணவாசோ ஹோதி, ப²ருஸவாசோ ஹோதி, ஸம்ப²ப்பலாபீ ஹோதி, அபி⁴ஜ்ஜா²லு ஹோதி,
ப்³யாபன்னசித்தோ ஹோதி, மிச்சா²தி³ட்டி² ஹோதி. ஸோ காயஸ்ஸ பே⁴தா³ பரங் மரணா
அபாயங் து³க்³க³திங் வினிபாதங் நிரயங் உபபஜ்ஜதி.

‘‘இத⁴ பனானந்த³, ஏகச்சோ புக்³க³லோ இத⁴ பாணாதிபாதீ
ஹோதி, அதி³ன்னாதா³யீ ஹோதி, காமேஸுமிச்சா²சாரீ ஹோதி, முஸாவாதீ³ ஹோதி,
பிஸுணவாசோ ஹோதி, ப²ருஸவாசோ ஹோதி, ஸம்ப²ப்பலாபீ ஹோதி, அபி⁴ஜ்ஜா²லு ஹோதி,
ப்³யாபன்னசித்தோ ஹோதி, மிச்சா²தி³ட்டி² ஹோதி. ஸோ காயஸ்ஸ பே⁴தா³ பரங் மரணா
ஸுக³திங் ஸக்³க³ங் லோகங் உபபஜ்ஜதி.

‘‘இதா⁴னந்த³, ஏகச்சோ புக்³க³லோ
இத⁴ பாணாதிபாதா படிவிரதோ ஹோதி, அதி³ன்னாதா³னா படிவிரதோ ஹோதி,
காமேஸுமிச்சா²சாரா படிவிரதோ ஹோதி, முஸாவாதா³ படிவிரதோ ஹோதி, பிஸுணாய வாசாய
படிவிரதோ ஹோதி, ப²ருஸாய வாசாய படிவிரதோ ஹோதி,
ஸம்ப²ப்பலாபா படிவிரதோ ஹோதி, அனபி⁴ஜ்ஜா²லு ஹோதி, அப்³யாபன்னசித்தோ ஹோதி,
ஸம்மாதி³ட்டி² ஹோதி. ஸோ காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங்
உபபஜ்ஜதி.

‘‘இத⁴ பனானந்த³, ஏகச்சோ புக்³க³லோ இத⁴ பாணாதிபாதா
படிவிரதோ ஹோதி, அதி³ன்னாதா³னா படிவிரதோ ஹோதி, காமேஸுமிச்சா²சாரா படிவிரதோ
ஹோதி, முஸாவாதா³ படிவிரதோ ஹோதி, பிஸுணாய வாசாய
படிவிரதோ ஹோதி, ப²ருஸாய வாசாய படிவிரதோ ஹோதி, ஸம்ப²ப்பலாபா படிவிரதோ ஹோதி,
அனபி⁴ஜ்ஜா²லு ஹோதி, அப்³யாபன்னசித்தோ ஹோதி, ஸம்மாதி³ட்டி² ஹோதி. ஸோ காயஸ்ஸ
பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜதி.

301. ‘‘இதா⁴னந்த³, ஏகச்சோ ஸமணோ வா ப்³ராஹ்மணோ வா ஆதப்பமன்வாய பதா⁴னமன்வாய அனுயோக³மன்வாய
அப்பமாத³மன்வாய ஸம்மாமனஸிகாரமன்வாய ததா²ரூபங் சேதோஸமாதி⁴ங் பு²ஸதி
யதா²ஸமாஹிதே சித்தே தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன
அமுங் புக்³க³லங் பஸ்ஸதி – இத⁴ பாணாதிபாதிங் அதி³ன்னாதா³யிங்
காமேஸுமிச்சா²சாரிங் முஸாவாதி³ங் பிஸுணவாசங் ப²ருஸவாசங் ஸம்ப²ப்பலாபிங்
அபி⁴ஜ்ஜா²லுங் ப்³யாபன்னசித்தங் மிச்சா²தி³ட்டி²ங் காயஸ்ஸ பே⁴தா³ பரங் மரணா
பஸ்ஸதி அபாயங் து³க்³க³திங் வினிபாதங் நிரயங் உபபன்னங். ஸோ ஏவமாஹ –
‘அத்தி² கிர, போ⁴, பாபகானி கம்மானி, அத்தி² து³ச்சரிதஸ்ஸ விபாகோ. அமாஹங் [அபாஹங் (ஸீ॰ பீ॰ க॰) அமுங் + அஹங் = அமாஹங்-இதி பத³விபா⁴கோ³]
புக்³க³லங் அத்³த³ஸங் இத⁴ பாணாதிபாதிங் அதி³ன்னாதா³யிங்…பே॰…
மிச்சா²தி³ட்டி²ங் காயஸ்ஸ பே⁴தா³ பரங் மரணா பஸ்ஸாமி அபாயங் து³க்³க³திங்
வினிபாதங் நிரயங் உபபன்ன’ந்தி. ஸோ ஏவமாஹ – ‘யோ கிர, போ⁴, பாணாதிபாதீ
அதி³ன்னாதா³யீ…பே॰… மிச்சா²தி³ட்டி², ஸப்³போ³ ஸோ காயஸ்ஸ பே⁴தா³ பரங் மரணா
அபாயங் து³க்³க³திங் வினிபாதங் நிரயங் உபபஜ்ஜதி. யே ஏவங் ஜானந்தி, தே ஸம்மா
ஜானந்தி; யே அஞ்ஞதா² ஜானந்தி, மிச்சா² தேஸங் ஞாண’ந்தி [மிச்சா² தே ஸஞ்ஜானந்தி (க॰)]. இதி ஸோ யதே³வ தஸ்ஸ ஸாமங் ஞாதங் ஸாமங் தி³ட்ட²ங் ஸாமங் விதி³தங் ததே³வ தத்த² தா²மஸா பராமாஸா [பராமஸ்ஸ (ஸீ॰ பீ॰)] அபி⁴னிவிஸ்ஸ வோஹரதி – ‘இத³மேவ ஸச்சங், மோக⁴மஞ்ஞ’’’ந்தி.

‘‘இத⁴ பனானந்த³, ஏகச்சோ ஸமணோ வா ப்³ராஹ்மணோ வா ஆதப்பமன்வாய
பதா⁴னமன்வாய அனுயோக³மன்வாய அப்பமாத³மன்வாய ஸம்மாமனஸிகாரமன்வாய ததா²ரூபங்
சேதோஸமாதி⁴ங் பு²ஸதி யதா²ஸமாஹிதே சித்தே தி³ப்³பே³ன சக்கு²னா விஸுத்³தே⁴ன
அதிக்கந்தமானுஸகேன அமுங் புக்³க³லங் பஸ்ஸதி – இத⁴ பாணாதிபாதிங்
அதி³ன்னாதா³யிங்…பே॰… மிச்சா²தி³ட்டி²ங், காயஸ்ஸ பே⁴தா³ பரங் மரணா பஸ்ஸதி
ஸுக³திங் ஸக்³க³ங் லோகங் உபபன்னங். ஸோ ஏவமாஹ – ‘நத்தி² கிர, போ⁴, பாபகானி
கம்மானி, நத்தி² து³ச்சரிதஸ்ஸ விபாகோ. அமாஹங் புக்³க³லங் அத்³த³ஸங் – இத⁴
பாணாதிபாதிங் அதி³ன்னாதா³யிங்…பே॰… மிச்சா²தி³ட்டி²ங், காயஸ்ஸ பே⁴தா³ பரங்
மரணா பஸ்ஸாமி ஸுக³திங் ஸக்³க³ங் லோகங் உபபன்ன’ந்தி. ஸோ ஏவமாஹ – ‘யோ
கிர, போ⁴, பாணாதிபாதீ அதி³ன்னாதா³யீ…பே॰… மிச்சா²தி³ட்டி², ஸப்³போ³ ஸோ
காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜதி. யே ஏவங்
ஜானந்தி தே ஸம்மா ஜானந்தி; யே அஞ்ஞதா² ஜானந்தி, மிச்சா² தேஸங் ஞாண’ந்தி.
இதி ஸோ யதே³வ தஸ்ஸ ஸாமங் ஞாதங் ஸாமங் தி³ட்ட²ங் ஸாமங் விதி³தங் ததே³வ தத்த²
தா²மஸா பராமாஸா அபி⁴னிவிஸ்ஸ வோஹரதி – ‘இத³மேவ ஸச்சங், மோக⁴மஞ்ஞ’’’ந்தி.

‘‘இதா⁴னந்த³, ஏகச்சோ ஸமணோ வா ப்³ராஹ்மணோ வா
ஆதப்பமன்வாய பதா⁴னமன்வாய அனுயோக³மன்வாய அப்பமாத³மன்வாய ஸம்மாமனஸிகாரமன்வாய
ததா²ரூபங் சேதோஸமாதி⁴ங் பு²ஸதி யதா²ஸமாஹிதே சித்தே தி³ப்³பே³ன சக்கு²னா
விஸுத்³தே⁴ன அதிக்கந்தமானுஸகேன அமுங் புக்³க³லங் பஸ்ஸதி – இத⁴
பாணாதிபாதா படிவிரதங் அதி³ன்னாதா³னா படிவிரதங் காமேஸுமிச்சா²சாரா
படிவிரதங் முஸாவாதா³ படிவிரதங் பிஸுணாய வாசாய படிவிரதங் ப²ருஸாய வாசாய
படிவிரதங் ஸம்ப²ப்பலாபா படிவிரதங் அனபி⁴ஜ்ஜா²லுங் அப்³யாபன்னசித்தங்
ஸம்மாதி³ட்டி²ங், காயஸ்ஸ பே⁴தா³ பரங் மரணா பஸ்ஸதி ஸுக³திங் ஸக்³க³ங் லோகங்
உபபன்னங். ஸோ ஏவமாஹ – ‘அத்தி² கிர, போ⁴, கல்யாணானி கம்மானி, அத்தி²
ஸுசரிதஸ்ஸ விபாகோ. அமாஹங் புக்³க³லங் அத்³த³ஸங் – இத⁴ பாணாதிபாதா படிவிரதங்
அதி³ன்னாதா³னா படிவிரதங்…பே॰… ஸம்மாதி³ட்டி²ங், காயஸ்ஸ பே⁴தா³ பரங் மரணா
பஸ்ஸாமி ஸுக³திங் ஸக்³க³ங் லோகங் உபபன்ன’ந்தி. ஸோ ஏவமாஹ – ‘யோ கிர, போ⁴,
பாணாதிபாதா படிவிரதோ அதி³ன்னாதா³னா படிவிரதோ…பே॰…
ஸம்மாதி³ட்டி² ஸப்³போ³ ஸோ காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங்
உபபஜ்ஜதி. யே ஏவங் ஜானந்தி தே ஸம்மா ஜானந்தி; யே அஞ்ஞதா² ஜானந்தி, மிச்சா²
தேஸங் ஞாண’ந்தி. இதி ஸோ யதே³வ தஸ்ஸ ஸாமங் ஞாதங் ஸாமங் தி³ட்ட²ங் ஸாமங்
விதி³தங் ததே³வ தத்த² தா²மஸா பராமாஸா அபி⁴னிவிஸ்ஸ வோஹரதி – ‘இத³மேவ ஸச்சங்,
மோக⁴மஞ்ஞ’’’ந்தி.

‘‘இத⁴ பனானந்த³, ஏகச்சோ ஸமணோ வா ப்³ராஹ்மணோ வா
ஆதப்பமன்வாய பதா⁴னமன்வாய அனுயோக³மன்வாய அப்பமாத³மன்வாய ஸம்மாமனஸிகாரமன்வாய
ததா²ரூபங் சேதோஸமாதி⁴ங் பு²ஸதி யதா²ஸமாஹிதே சித்தே தி³ப்³பே³ன சக்கு²னா
விஸுத்³தே⁴ன அதிக்கந்தமானுஸகேன அமுங் புக்³க³லங்
பஸ்ஸதி – இத⁴ பாணாதிபாதா படிவிரதங்…பே॰… ஸம்மாதி³ட்டி²ங், காயஸ்ஸ பே⁴தா³
பரங் மரணா பஸ்ஸதி அபாயங் து³க்³க³திங் வினிபாதங் நிரயங் உபபன்னங். ஸோ ஏவமாஹ
– ‘நத்தி² கிர, போ⁴ கல்யாணானி கம்மானி, நத்தி² ஸுசரிதஸ்ஸ விபாகோ. அமாஹங்
புக்³க³லங் அத்³த³ஸங் – இத⁴ பாணாதிபாதா படிவிரதங் அதி³ன்னாதா³னா
படிவிரதங்…பே॰… ஸம்மாதி³ட்டி²ங், காயஸ்ஸ பே⁴தா³ பரங் மரணா பஸ்ஸாமி அபாயங்
து³க்³க³திங் வினிபாதங் நிரயங் உபபன்ன’ந்தி. ஸோ ஏவமாஹ – ‘யோ கிர, போ⁴,
பாணாதிபாதா படிவிரதோ அதி³ன்னாதா³னா படிவிரதோ…பே॰… ஸம்மாதி³ட்டி², ஸப்³போ³
ஸோ காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங்
உபபஜ்ஜதி. யே ஏவங் ஜானந்தி தே ஸம்மா ஜானந்தி; யே அஞ்ஞதா² ஜானந்தி, மிச்சா²
தேஸங் ஞாண’ந்தி. இதி ஸோ யதே³வ தஸ்ஸ ஸாமங் ஞாதங் ஸாமங் தி³ட்ட²ங் ஸாமங்
விதி³தங் ததே³வ தத்த² தா²மஸா பராமாஸா அபி⁴னிவிஸ்ஸ வோஹரதி – ‘இத³மேவ ஸச்சங்,
மோக⁴மஞ்ஞ’’’ந்தி.

302.
‘‘தத்ரானந்த³, ய்வாயங் ஸமணோ வா ப்³ராஹ்மணோ வா ஏவமாஹ – ‘அத்தி² கிர, போ⁴,
பாபகானி கம்மானி, அத்தி² து³ச்சரிதஸ்ஸ விபாகோ’தி இத³மஸ்ஸ அனுஜானாமி; யம்பி
ஸோ ஏவமாஹ – ‘அமாஹங் புக்³க³லங் அத்³த³ஸங் – இத⁴ பாணாதிபாதிங்
அதி³ன்னாதா³யிங்…பே॰… மிச்சா²தி³ட்டி²ங், காயஸ்ஸ
பே⁴தா³ பரங் மரணா பஸ்ஸாமி அபாயங் து³க்³க³திங் வினிபாதங் நிரயங்
உபபன்ன’ந்தி இத³ம்பிஸ்ஸ அனுஜானாமி; யஞ்ச கோ² ஸோ ஏவமாஹ – ‘யோ கிர, போ⁴,
பாணாதிபாதீ அதி³ன்னாதா³யீ…பே॰… மிச்சா²தி³ட்டி², ஸப்³போ³ ஸோ காயஸ்ஸ பே⁴தா³
பரங் மரணா அபாயங் து³க்³க³திங் வினிபாதங் நிரயங் உபபஜ்ஜதீ’தி இத³மஸ்ஸ
நானுஜானாமி; யம்பி ஸோ ஏவமாஹ – ‘யே ஏவங் ஜானந்தி தே ஸம்மா ஜானந்தி; யே
அஞ்ஞதா² ஜானந்தி, மிச்சா² தேஸங் ஞாண’ந்தி இத³ம்பிஸ்ஸ நானுஜானாமி; யம்பி ஸோ
யதே³வ தஸ்ஸ ஸாமங் ஞாதங் ஸாமங் தி³ட்ட²ங் ஸாமங் விதி³தங் ததே³வ தத்த² தா²மஸா
பராமாஸா அபி⁴னிவிஸ்ஸ வோஹரதி – ‘இத³மேவ ஸச்சங், மோக⁴மஞ்ஞ’ந்தி இத³ம்பிஸ்ஸ
நானுஜானாமி. தங் கிஸ்ஸ ஹேது? அஞ்ஞதா² ஹி, ஆனந்த³, ததா²க³தஸ்ஸ
மஹாகம்மவிப⁴ங்கே³ ஞாணங் ஹோதி.

‘‘தத்ரானந்த³, ய்வாயங் ஸமணோ வா ப்³ராஹ்மணோ வா ஏவமாஹ – ‘நத்தி² கிர, போ⁴, பாபகானி கம்மானி, நத்தி² து³ச்சரிதஸ்ஸ விபாகோ’தி இத³மஸ்ஸ
நானுஜானாமி; யஞ்ச கோ² ஸோ ஏவமாஹ – ‘அமாஹங் புக்³க³லங் அத்³த³ஸங் – இத⁴
பாணாதிபாதிங் அதி³ன்னாதா³யிங்…பே॰… மிச்சா²தி³ட்டி²ங் காயஸ்ஸ பே⁴தா³ பரங்
மரணா பஸ்ஸாமி ஸுக³திங் ஸக்³க³ங் லோகங் உபபன்ன’ந்தி இத³மஸ்ஸ அனுஜானாமி; யஞ்ச
கோ² ஸோ ஏவமாஹ – ‘யோ கிர, போ⁴, பாணாதிபாதீ அதி³ன்னாதா³யீ…பே॰…
மிச்சா²தி³ட்டி², ஸப்³போ³ ஸோ காயஸ்ஸ பே⁴தா³ பரங் மரணா ஸுக³திங் ஸக்³க³ங்
லோகங் உபபஜ்ஜதீ’தி இத³மஸ்ஸ நானுஜானாமி; யம்பி ஸோ ஏவமாஹ – ‘யே ஏவங்
ஜானந்தி தே ஸம்மா ஜானந்தி; யே அஞ்ஞதா² ஜானந்தி, மிச்சா² தேஸங் ஞாண’ந்தி
இத³ம்பிஸ்ஸ நானுஜானாமி; யம்பி ஸோ யதே³வ தஸ்ஸ ஸாமங் ஞாதங் ஸாமங் தி³ட்ட²ங்
ஸாமங் விதி³தங் ததே³வ தத்த² தா²மஸா பராமாஸா அபி⁴னிவிஸ்ஸ வோஹரதி – ‘இத³மேவ
ஸச்சங், மோக⁴மஞ்ஞ’ந்தி இத³ம்பிஸ்ஸ நானுஜானாமி. தங் கிஸ்ஸ ஹேது? அஞ்ஞதா² ஹி,
ஆனந்த³, ததா²க³தஸ்ஸ மஹாகம்மவிப⁴ங்கே³ ஞாணங் ஹோதி.

‘‘தத்ரானந்த³, ய்வாயங் ஸமணோ வா ப்³ராஹ்மணோ வா ஏவமாஹ –
‘அத்தி² கிர, போ⁴, கல்யாணானி கம்மானி, அத்தி² ஸுசரிதஸ்ஸ விபாகோ’தி இத³மஸ்ஸ
அனுஜானாமி; யம்பி ஸோ ஏவமாஹ – ‘அமாஹங் புக்³க³லங் அத்³த³ஸங் – இத⁴
பாணாதிபாதா படிவிரதங் அதி³ன்னாதா³னா படிவிரதங்…பே॰… ஸம்மாதி³ட்டி²ங்,
காயஸ்ஸ பே⁴தா³ பரங் மரணா பஸ்ஸாமி ஸுக³திங் ஸக்³க³ங் லோகங் உபபன்ன’ந்தி
இத³ம்பிஸ்ஸ அனுஜானாமி; யஞ்ச கோ² ஸோ ஏவமாஹ – ‘யோ கிர, போ⁴, பாணாதிபாதா
படிவிரதோ அதி³ன்னாதா³னா படிவிரதோ…பே॰… ஸம்மாதி³ட்டி², ஸப்³போ³ ஸோ காயஸ்ஸ
பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜதீ’தி இத³மஸ்ஸ நானுஜானாமி; யம்பி ஸோ ஏவமாஹ – ‘யே ஏவங் ஜானந்தி தே
ஸம்மா ஜானந்தி; யே அஞ்ஞதா² ஜானந்தி, மிச்சா² தேஸங் ஞாண’ந்தி இத³ம்பிஸ்ஸ
நானுஜானாமி; யம்பி ஸோ யதே³வ தஸ்ஸ ஸாமங் ஞாதங் ஸாமங் தி³ட்ட²ங் ஸாமங்
விதி³தங் ததே³வ தத்த² தா²மஸா பராமாஸா அபி⁴னிவிஸ்ஸ வோஹரதி – ‘இத³மேவ ஸச்சங்,
மோக⁴மஞ்ஞ’ந்தி இத³ம்பிஸ்ஸ நானுஜானாமி. தங் கிஸ்ஸ ஹேது? அஞ்ஞதா² ஹி,
ஆனந்த³, ததா²க³தஸ்ஸ மஹாகம்மவிப⁴ங்கே³ ஞாணங் ஹோதி.

‘‘தத்ரானந்த³, ய்வாயங் ஸமணோ வா ப்³ராஹ்மணோ வா ஏவமாஹ –
‘நத்தி² கிர, போ⁴, கல்யாணானி கம்மானி, நத்தி² ஸுசரிதஸ்ஸ விபாகோ’தி இத³மஸ்ஸ
நானுஜானாமி; யஞ்ச கோ² ஸோ ஏவமாஹ – ‘அமாஹங் புக்³க³லங் அத்³த³ஸங் – இத⁴
பாணாதிபாதா படிவிரதங் அதி³ன்னாதா³னா படிவிரதங்…பே॰… ஸம்மாதி³ட்டி²ங்,
காயஸ்ஸ பே⁴தா³ பரங் மரணா பஸ்ஸாமி அபாயங் து³க்³க³திங் வினிபாதங் நிரயங்
உபபன்ன’ந்தி இத³மஸ்ஸ அனுஜானாமி; யஞ்ச கோ² ஸோ ஏவமாஹ – ‘யோ கிர, போ⁴,
பாணாதிபாதா படிவிரதோ அதி³ன்னாதா³னா படிவிரதோ…பே॰… ஸம்மாதி³ட்டி², ஸப்³போ³
ஸோ காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங்
உபபஜ்ஜதீ’தி இத³மஸ்ஸ நானுஜானாமி; யஞ்ச கோ² ஸோ ஏவமாஹ – ‘யே
ஏவங் ஜானந்தி தே ஸம்மா ஜானந்தி; யே அஞ்ஞதா² ஜானந்தி, மிச்சா² தேஸங்
ஞாண’ந்தி இத³ம்பிஸ்ஸ நானுஜானாமி; யம்பி ஸோ யதே³வ தஸ்ஸ ஸாமங் ஞாதங் ஸாமங் தி³ட்ட²ங் ஸாமங் விதி³தங் ததே³வ தத்த² தா²மஸா பராமாஸா அபி⁴னிவிஸ்ஸ வோஹரதி – ‘இத³மேவ ஸச்சங், மோக⁴மஞ்ஞ’ந்தி இத³ம்பிஸ்ஸ நானுஜானாமி. தங் கிஸ்ஸ ஹேது? அஞ்ஞதா² ஹி, ஆனந்த³, ததா²க³தஸ்ஸ மஹாகம்மவிப⁴ங்கே³ ஞாணங் ஹோதி.

303.
‘‘தத்ரானந்த³, ய்வாயங் புக்³க³லோ இத⁴ பாணாதிபாதீ அதி³ன்னாதா³யீ…பே॰…
மிச்சா²தி³ட்டி², காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங்
நிரயங் உபபஜ்ஜதி, புப்³பே³ வாஸ்ஸ தங் கதங் ஹோதி பாபகம்மங்
து³க்க²வேத³னீயங், பச்சா² வாஸ்ஸ தங் கதங் ஹோதி பாபகம்மங் து³க்க²வேத³னீயங்,
மரணகாலே வாஸ்ஸ ஹோதி மிச்சா²தி³ட்டி² ஸமத்தா ஸமாதி³ன்னா. தேன ஸோ காயஸ்ஸ
பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜதி. யஞ்ச கோ²
ஸோ இத⁴ பாணாதிபாதீ ஹோதி அதி³ன்னாதா³யீ ஹோதி…பே॰… மிச்சா²தி³ட்டி² ஹோதி
தஸ்ஸ தி³ட்டே²வ த⁴ம்மே விபாகங் படிஸங்வேதே³தி உபபஜ்ஜ வா [உபபஜ்ஜங் வா (ஸீ॰ பீ॰), உபபஜ்ஜ வா (ஸ்யா॰ கங்॰ க॰) உபபஜ்ஜித்வாதி ஸங்வண்ணனாய ஸங்ஸந்தே³தப்³பா³] அபரே வா பரியாயே.

‘‘தத்ரானந்த³, ய்வாயங் புக்³க³லோ இத⁴ பாணாதிபாதீ
அதி³ன்னாதா³யீ…பே॰… மிச்சா²தி³ட்டி² காயஸ்ஸ பே⁴தா³ பரங் மரணா ஸுக³திங்
ஸக்³க³ங் லோகங் உபபஜ்ஜதி, புப்³பே³ வாஸ்ஸ தங் கதங் ஹோதி கல்யாணகம்மங்
ஸுக²வேத³னீயங், பச்சா² வாஸ்ஸ தங் கதங் ஹோதி கல்யாணகம்மங் ஸுக²வேத³னீயங்,
மரணகாலே வாஸ்ஸ ஹோதி ஸம்மாதி³ட்டி² ஸமத்தா
ஸமாதி³ன்னா. தேன ஸோ காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங்
உபபஜ்ஜதி. யஞ்ச கோ² ஸோ இத⁴ பாணாதிபாதீ ஹோதி அதி³ன்னாதா³யீ ஹோதி…பே॰…
மிச்சா²தி³ட்டி² ஹோதி தஸ்ஸ தி³ட்டே²வ த⁴ம்மே விபாகங் படிஸங்வேதே³தி உபபஜ்ஜ
வா அபரே வா பரியாயே.

‘‘தத்ரானந்த³ , ய்வாயங்
புக்³க³லோ இத⁴ பாணாதிபாதா படிவிரதோ அதி³ன்னாதா³னா படிவிரதோ…பே॰…
ஸம்மாதி³ட்டி², காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜதி,
புப்³பே³ வாஸ்ஸ தங் கதங் ஹோதி கல்யாணகம்மங் ஸுக²வேத³னீயங், பச்சா² வாஸ்ஸ
தங் கதங் ஹோதி கல்யாணகம்மங் ஸுக²வேத³னீயங், மரணகாலே வாஸ்ஸ ஹோதி
ஸம்மாதி³ட்டி² ஸமத்தா ஸமாதி³ன்னா. தேன ஸோ காயஸ்ஸ பே⁴தா³ பரங் மரணா ஸுக³திங்
ஸக்³க³ங் லோகங் உபபஜ்ஜதி. யஞ்ச கோ² ஸோ இத⁴ பாணாதிபாதா படிவிரதோ ஹோதி அதி³ன்னாதா³னா படிவிரதோ ஹோதி…பே॰… ஸம்மாதி³ட்டி² ஹோதி, தஸ்ஸ தி³ட்டே²வ த⁴ம்மே விபாகங் படிஸங்வேதே³தி உபபஜ்ஜ வா அபரே வா பரியாயே.

‘‘தத்ரானந்த³ , ய்வாயங்
புக்³க³லோ இத⁴ பாணாதிபாதா படிவிரதோ அதி³ன்னாதா³னா படிவிரதோ…பே॰…
ஸம்மாதி³ட்டி², காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங்
நிரயங் உபபஜ்ஜதி, புப்³பே³ வாஸ்ஸ தங் கதங் ஹோதி பாபகம்மங்
து³க்க²வேத³னீயங், பச்சா² வாஸ்ஸ தங் கதங் ஹோதி பாபகம்மங் து³க்க²வேத³னீயங்,
மரணகாலே வாஸ்ஸ ஹோதி மிச்சா²தி³ட்டி² ஸமத்தா ஸமாதி³ன்னா. தேன ஸோ காயஸ்ஸ
பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜதி. யஞ்ச கோ²
ஸோ இத⁴ பாணாதிபாதா படிவிரதோ ஹோதி, அதி³ன்னாதா³னா படிவிரதோ ஹோதி…பே॰…
ஸம்மாதி³ட்டி² ஹோதி, தஸ்ஸ தி³ட்டே²வ த⁴ம்மே விபாகங் படிஸங்வேதே³தி உபபஜ்ஜ
வா அபரே வா பரியாயே.

‘‘இதி கோ², ஆனந்த³, அத்தி²
கம்மங் அப⁴ப்³ப³ங் அப⁴ப்³பா³பா⁴ஸங், அத்தி² கம்மங் அப⁴ப்³ப³ங்
ப⁴ப்³பா³பா⁴ஸங், அத்தி² கம்மங் ப⁴ப்³ப³ஞ்சேவ ப⁴ப்³பா³பா⁴ஸஞ்ச, அத்தி²
கம்மங் ப⁴ப்³ப³ங் அப⁴ப்³பா³பா⁴ஸ’’ந்தி.

இத³மவோச ப⁴க³வா. அத்தமனோ ஆயஸ்மா ஆனந்தோ³ ப⁴க³வதோ பா⁴ஸிதங் அபி⁴னந்தீ³தி.

மஹாகம்மவிப⁴ங்க³ஸுத்தங் நிட்டி²தங் ச²ட்ட²ங்.

7. ஸளாயதனவிப⁴ங்க³ஸுத்தங்

304. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
‘‘ஸளாயதனவிப⁴ங்க³ங் வோ, பி⁴க்க²வே, தே³ஸெஸ்ஸாமி. தங் ஸுணாத², ஸாது⁴கங் மனஸி
கரோத²; பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² தே பி⁴க்கூ² ப⁴க³வதோ
பச்சஸ்ஸோஸுங். ப⁴க³வா ஏதத³வோச –

‘‘‘ச² அஜ்ஜ²த்திகானி ஆயதனானி
வேதி³தப்³பா³னி, ச² பா³ஹிரானி ஆயதனானி வேதி³தப்³பா³னி, ச² விஞ்ஞாணகாயா
வேதி³தப்³பா³, ச² ப²ஸ்ஸகாயா வேதி³தப்³பா³, அட்டா²ரஸ மனோபவிசாரா
வேதி³தப்³பா³, ச²த்திங்ஸ ஸத்தபதா³ வேதி³தப்³பா³, தத்ர இத³ங் நிஸ்ஸாய இத³ங்
பஜஹத², தயோ ஸதிபட்டா²னா யத³ரியோ ஸேவதி யத³ரியோ ஸேவமானோ ஸத்தா² க³ணமனுஸாஸிதுமரஹதி, ஸோ வுச்சதி யொக்³கா³சரியானங் [யோகா³சரியானங் (க॰)] அனுத்தரோ புரிஸத³ம்மஸாரதீ²’தி – அயமுத்³தே³ஸோ ஸளாயதனவிப⁴ங்க³ஸ்ஸ.

305.
‘‘‘ச² அஜ்ஜ²த்திகானி ஆயதனானி வேதி³தப்³பா³னீ’தி – இதி கோ² பனேதங் வுத்தங்.
கிஞ்சேதங் படிச்ச வுத்தங்? ‘சக்கா²யதனங் ஸோதாயதனங் கா⁴னாயதனங் ஜிவ்ஹாயதனங்
காயாயதனங் மனாயதனங் – ச² அஜ்ஜ²த்திகானி ஆயதனானி வேதி³தப்³பா³னீ’தி – இதி
யங் தங் வுத்தங் இத³மேதங் படிச்ச வுத்தங்.

‘‘‘ச² பா³ஹிரானி ஆயதனானி வேதி³தப்³பா³னீ’தி – இதி கோ² பனேதங் வுத்தங் .
கிஞ்சேதங் படிச்ச வுத்தங்? ‘ரூபாயதனங் ஸத்³தா³யதனங் க³ந்தா⁴யதனங் ரஸாயதனங்
பொ²ட்ட²ப்³பா³யதனங் த⁴ம்மாயதனங் – ச² பா³ஹிரானி ஆயதனானி வேதி³தப்³பா³னீ’தி
– இதி யங் தங் வுத்தங் இத³மேதங் படிச்ச வுத்தங்.

‘‘‘ச² விஞ்ஞாணகாயா வேதி³தப்³பா³’தி – இதி கோ² பனேதங்
வுத்தங். கிஞ்சேதங் படிச்ச வுத்தங்? ‘சக்கு²விஞ்ஞாணங் ஸோதவிஞ்ஞாணங்
கா⁴னவிஞ்ஞாணங் ஜிவ்ஹாவிஞ்ஞாணங் காயவிஞ்ஞாணங் மனோவிஞ்ஞாணங் – ச² விஞ்ஞாணகாயா
வேதி³தப்³பா³’தி – இதி யங் தங் வுத்தங் இத³மேதங் படிச்ச வுத்தங்.

‘‘‘ச² ப²ஸ்ஸகாயா
வேதி³தப்³பா³’தி – இதி கோ² பனேதங் வுத்தங். கிஞ்சேதங் படிச்ச வுத்தங்?
‘சக்கு²ஸம்ப²ஸ்ஸோ ஸோதஸம்ப²ஸ்ஸோ கா⁴னஸம்ப²ஸ்ஸோ ஜிவ்ஹாஸம்ப²ஸ்ஸோ காயஸம்ப²ஸ்ஸோ
மனோஸம்ப²ஸ்ஸோ – ச² ப²ஸ்ஸகாயா வேதி³தப்³பா³’தி – இதி யங் தங் வுத்தங்
இத³மேதங் படிச்ச வுத்தங்.

‘‘‘அட்டா²ரஸ மனோபவிசாரா வேதி³தப்³பா³’தி – இதி கோ²
பனேதங் வுத்தங். கிஞ்சேதங் படிச்ச வுத்தங்? ‘சக்கு²னா ரூபங் தி³ஸ்வா
ஸோமனஸ்ஸட்டா²னீயங் ரூபங் உபவிசரதி, தோ³மனஸ்ஸட்டா²னீயங் ரூபங் உபவிசரதி,
உபெக்கா²ட்டா²னீயங் ரூபங் உபவிசரதி. ஸோதேன ஸத்³த³ங் ஸுத்வா…பே॰… கா⁴னேன
க³ந்த⁴ங் கா⁴யித்வா… ஜிவ்ஹாய ரஸங் ஸாயித்வா… காயேன பொ²ட்ட²ப்³ப³ங்
பு²ஸித்வா… மனஸா த⁴ம்மங் விஞ்ஞாய ஸோமனஸ்ஸட்டா²னீயங் த⁴ம்மங் உபவிசரதி,
தோ³மனஸ்ஸட்டா²னீயங் த⁴ம்மங் உபவிசரதி, உபெக்கா²ட்டா²னீயங் த⁴ம்மங்
உபவிசரதி. இதி ச² ஸோமனஸ்ஸூபவிசாரா, ச² தோ³மனஸ்ஸூபவிசாரா, ச²
உபெக்கூ²பவிசாரா, அட்டா²ரஸ மனோபவிசாரா வேதி³தப்³பா³’தி – இதி யங் தங்
வுத்தங் இத³மேதங் படிச்ச வுத்தங்.

306. ‘‘‘ச²த்திங்ஸ ஸத்தபதா³ வேதி³தப்³பா³’தி – இதி கோ² பனேதங் வுத்தங். கிஞ்சேதங் படிச்ச வுத்தங்? ச² கே³ஹஸிதானி [கே³ஹஸ்ஸிதானி (?)] ஸோமனஸ்ஸானி, ச² நெக்க²ம்மஸிதானி [நெக்க²ம்மஸ்ஸிதானி (டீகா)]
ஸோமனஸ்ஸானி, ச² கே³ஹஸிதானி தோ³மனஸ்ஸானி, ச² நெக்க²ம்மஸிதானி தோ³மனஸ்ஸானி,
ச² கே³ஹஸிதா உபெக்கா², ச² நெக்க²ம்மஸிதா உபெக்கா². தத்த² கதமானி ச²
கே³ஹஸிதானி ஸோமனஸ்ஸானி? சக்கு²விஞ்ஞெய்யானங் ரூபானங் இட்டா²னங் கந்தானங்
மனாபானங் மனோரமானங் லோகாமிஸபடிஸங்யுத்தானங் படிலாப⁴ங் வா படிலாப⁴தோ
ஸமனுபஸ்ஸதோ புப்³பே³ வா படிலத்³த⁴புப்³ப³ங் அதீதங் நிருத்³த⁴ங் விபரிணதங்
ஸமனுஸ்ஸரதோ உப்பஜ்ஜதி ஸோமனஸ்ஸங். யங் ஏவரூபங் ஸோமனஸ்ஸங் இத³ங் வுச்சதி
கே³ஹஸிதங் ஸோமனஸ்ஸங். ஸோதவிஞ்ஞெய்யானங் ஸத்³தா³னங்… கா⁴னவிஞ்ஞெய்யானங்
க³ந்தா⁴னங்… ஜிவ்ஹாவிஞ்ஞெய்யானங் ரஸானங்… காயவிஞ்ஞெய்யானங்
பொ²ட்ட²ப்³பா³னங்… மனோவிஞ்ஞெய்யானங் த⁴ம்மானங் இட்டா²னங் கந்தானங்
மனாபானங்…பே॰… ஸோமனஸ்ஸங். யங் ஏவரூபங் ஸோமனஸ்ஸங் இத³ங் வுச்சதி கே³ஹஸிதங்
ஸோமனஸ்ஸங். இமானி ச² கே³ஹஸிதானி ஸோமனஸ்ஸானி.

‘‘தத்த² கதமானி ச² நெக்க²ம்மஸிதானி ஸோமனஸ்ஸானி? ரூபானங்த்வேவ அனிச்சதங் விதி³த்வா விபரிணாமவிராக³னிரோத⁴ங் [விபரிணாமங் விராக³ங் நிரோத⁴ங் (க॰)],
‘புப்³பே³ சேவ ரூபா ஏதரஹி ச ஸப்³பே³ தே ரூபா அனிச்சா து³க்கா²
விபரிணாமத⁴ம்மா’தி ஏவமேதங் யதா²பூ⁴தங் ஸம்மப்பஞ்ஞாய பஸ்ஸதோ உப்பஜ்ஜதி
ஸோமனஸ்ஸங். யங் ஏவரூபங் ஸோமனஸ்ஸங் இத³ங் வுச்சதி
நெக்க²ம்மஸிதங் ஸோமனஸ்ஸங். ஸத்³தா³னங்த்வேவ… க³ந்தா⁴னங்த்வேவ… ரஸானங்த்வேவ…
பொ²ட்ட²ப்³பா³னங்த்வேவ… த⁴ம்மானங்த்வே அனிச்சதங் விதி³த்வா விபரிணாமவிராக³னிரோத⁴ங், ‘புப்³பே³ சேவ த⁴ம்மா ஏதரஹி
ச ஸப்³பே³ தே த⁴ம்மா அனிச்சா து³க்கா² விபரிணாமத⁴ம்மா’தி ஏவமேதங்
யதா²பூ⁴தங் ஸம்மப்பஞ்ஞாய பஸ்ஸதோ உப்பஜ்ஜதி ஸோமனஸ்ஸங். யங் ஏவரூபங்
ஸோமனஸ்ஸங் இத³ங் வுச்சதி நெக்க²ம்மஸிதங் ஸோமனஸ்ஸங். இமானி ச²
நெக்க²ம்மஸிதானி ஸோமனஸ்ஸானி.

307.
‘‘தத்த² கதமானி ச² கே³ஹஸிதானி தோ³மனஸ்ஸானி? சக்கு²விஞ்ஞெய்யானங்
ரூபானங்…பே॰… ஸோதவிஞ்ஞெய்யானங் ஸத்³தா³னங்… கா⁴னவிஞ்ஞெய்யானங் க³ந்தா⁴னங்…
ஜிவ்ஹாவிஞ்ஞெய்யானங் ரஸானங்… காயவிஞ்ஞெய்யானங் பொ²ட்ட²ப்³பா³னங்…
மனோவிஞ்ஞெய்யானங் த⁴ம்மானங் இட்டா²னங் கந்தானங் மனாபானங் மனோரமானங்
லோகாமிஸபடிஸங்யுத்தானங் அப்படிலாப⁴ங் வா அப்படிலாப⁴தோ ஸமனுபஸ்ஸதோ புப்³பே³
வா அப்படிலத்³த⁴புப்³ப³ங் அதீதங் நிருத்³த⁴ங் விபரிணதங் ஸமனுஸ்ஸரதோ
உப்பஜ்ஜதி தோ³மனஸ்ஸங். யங் ஏவரூபங் தோ³மனஸ்ஸங் இத³ங் வுச்சதி கே³ஹஸிதங் தோ³மனஸ்ஸங். இமானி ச² கே³ஹஸிதானி தோ³மனஸ்ஸானி.

‘‘தத்த² கதமானி ச² நெக்க²ம்மஸிதானி தோ³மனஸ்ஸானி? ரூபானங்த்வேவ
அனிச்சதங் விதி³த்வா விபரிணாமவிராக³னிரோத⁴ங், ‘புப்³பே³ சேவ ரூபா ஏதரஹி ச
ஸப்³பே³ தே ரூபா அனிச்சா து³க்கா² விபரிணாமத⁴ம்மா’தி ஏவமேதங் யதா²பூ⁴தங்
ஸம்மப்பஞ்ஞாய தி³ஸ்வா அனுத்தரேஸு விமொக்கே²ஸு பிஹங் உபட்டா²பேதி –
‘குதா³ஸ்ஸு [கதா³ஸ்ஸு (ஸ்யா॰ கங்॰ பீ॰)] நாமாஹங்
ததா³யதனங் உபஸம்பஜ்ஜ விஹரிஸ்ஸாமி யத³ரியா ஏதரஹி ஆயதனங் உபஸம்பஜ்ஜ
விஹரந்தீ’தி இதி அனுத்தரேஸு விமொக்கே²ஸு பிஹங் உபட்டா²பயதோ உப்பஜ்ஜதி
பிஹபச்சயா தோ³மனஸ்ஸங். யங் ஏவரூபங் தோ³மனஸ்ஸங் இத³ங் வுச்சதி
நெக்க²ம்மஸிதங் தோ³மனஸ்ஸங். ஸத்³தா³னங்த்வேவ…பே॰… க³ந்தா⁴னங்த்வேவ…
ரஸானங்த்வேவ… பொ²ட்ட²ப்³பா³னங்த்வேவ… த⁴ம்மானங்த்வேவ அனிச்சதங் விதி³த்வா
விபரிணாமவிராக³னிரோத⁴ங், ‘புப்³பே³ சேவ த⁴ம்மா ஏதரஹி ச ஸப்³பே³ தே த⁴ம்மா
அனிச்சா து³க்கா² விபரிணாமத⁴ம்மா’தி ஏவமேதங்
யதா²பூ⁴தங் ஸம்மப்பஞ்ஞாய தி³ஸ்வா அனுத்தரேஸு விமொக்கே²ஸு பிஹங் உபட்டா²பேதி
– ‘குதா³ஸ்ஸு நாமாஹங் ததா³யதனங் உபஸம்பஜ்ஜ விஹரிஸ்ஸாமி யத³ரியா ஏதரஹி
ஆயதனங் உபஸம்பஜ்ஜ விஹரந்தீ’தி இதி அனுத்தரேஸு விமொக்கே²ஸு பிஹங்
உபட்டா²பயதோ உப்பஜ்ஜதி பிஹபச்சயா தோ³மனஸ்ஸங். யங் ஏவரூபங் தோ³மனஸ்ஸங் இத³ங்
வுச்சதி நெக்க²ம்மஸிதங் தோ³மனஸ்ஸங். இமானி ச² நெக்க²ம்மஸிதானி
தோ³மனஸ்ஸானி.

308. ‘‘தத்த² கதமா ச² கே³ஹஸிதா உபெக்கா²? சக்கு²னா ரூபங் தி³ஸ்வா உப்பஜ்ஜதி உபெக்கா² பா³லஸ்ஸ மூள்ஹஸ்ஸ ( ) [(மந்த³ஸ்ஸ) (க॰)]
புது²ஜ்ஜனஸ்ஸ அனோதி⁴ஜினஸ்ஸ அவிபாகஜினஸ்ஸ அனாதீ³னவத³ஸ்ஸாவினோ அஸ்ஸுதவதோ
புது²ஜ்ஜனஸ்ஸ. யா ஏவரூபா உபெக்கா², ரூபங் ஸா நாதிவத்ததி. தஸ்மா ஸா [ஸாயங் (க॰)] உபெக்கா² ‘கே³ஹஸிதா’தி
வுச்சதி. ஸோதேன ஸத்³த³ங் ஸுத்வா… கா⁴னேன க³ந்த⁴ங் கா⁴யித்வா… ஜிவ்ஹாய ரஸங்
ஸாயித்வா… காயேன பொ²ட்ட²ப்³ப³ங் பு²ஸித்வா… மனஸா த⁴ம்மங் விஞ்ஞாய
உப்பஜ்ஜதி உபெக்கா² பா³லஸ்ஸ மூள்ஹஸ்ஸ புது²ஜ்ஜனஸ்ஸ அனோதி⁴ஜினஸ்ஸ
அவிபாகஜினஸ்ஸ அனாதீ³னவத³ஸ்ஸாவினோ அஸ்ஸுதவதோ புது²ஜ்ஜனஸ்ஸ. யா ஏவரூபா
உபெக்கா², த⁴ம்மங் ஸா நாதிவத்ததி. தஸ்மா ஸா உபெக்கா² ‘கே³ஹஸிதா’தி வுச்சதி.
இமா ச² கே³ஹஸிதா உபெக்கா².

‘‘தத்த² கதமா ச² நெக்க²ம்மஸிதா உபெக்கா²? ரூபானங்த்வேவ
அனிச்சதங் விதி³த்வா விபரிணாமவிராக³னிரோத⁴ங், ‘புப்³பே³ சேவ ரூபா ஏதரஹி ச
ஸப்³பே³ தே ரூபா அனிச்சா து³க்கா²
விபரிணாமத⁴ம்மா’தி ஏவமேதங் யதா²பூ⁴தங் ஸம்மப்பஞ்ஞாய பஸ்ஸதோ உப்பஜ்ஜதி
உபெக்கா². யா ஏவரூபா உபெக்கா², ரூபங் ஸா அதிவத்ததி. தஸ்மா ஸா உபெக்கா²
‘நெக்க²ம்மஸிதா’தி வுச்சதி. ஸத்³தா³னங்த்வேவ… க³ந்தா⁴னங்த்வேவ…
ரஸானங்த்வேவ… பொ²ட்ட²ப்³பா³னங்த்வேவ… த⁴ம்மானங்த்வேவ அனிச்சதங் விதி³த்வா
விபரிணாமவிராக³னிரோத⁴ங், ‘புப்³பே³ சேவ த⁴ம்மா ஏதரஹி ச ஸப்³பே³ தே த⁴ம்மா
அனிச்சா து³க்கா² விபரிணாமத⁴ம்மா’தி ஏவமேதங் யதா²பூ⁴தங் ஸம்மப்பஞ்ஞாய
பஸ்ஸதோ உப்பஜ்ஜதி உபெக்கா². யா ஏவரூபா உபெக்கா², த⁴ம்மங் ஸா அதிவத்ததி.
தஸ்மா ஸா உபெக்கா² ‘நெக்க²ம்மஸிதா’தி வுச்சதி. இமா ச² நெக்க²ம்மஸிதா
உபெக்கா². ‘ச²த்திங்ஸ ஸத்தபதா³ வேதி³தப்³பா³’தி – இதி யங் தங் வுத்தங்
இத³மேதங் படிச்ச வுத்தங்.

309. ‘‘தத்ர
இத³ங் நிஸ்ஸாய இத³ங் பஜஹதா²’’தி – இதி கோ² பனேதங் வுத்தங்; கிஞ்சேதங்
படிச்ச வுத்தங்? தத்ர, பி⁴க்க²வே, யானி ச² நெக்க²ம்மஸிதானி ஸோமனஸ்ஸானி தானி
நிஸ்ஸாய தானி ஆக³ம்ம யானி ச² கே³ஹஸிதானி ஸோமனஸ்ஸானி தானி பஜஹத², தானி
ஸமதிக்கமத². ஏவமேதேஸங் பஹானங் ஹோதி, ஏவமேதேஸங் ஸமதிக்கமோ ஹோதி.

‘‘தத்ர, பி⁴க்க²வே, யானி ச² நெக்க²ம்மஸிதானி
தோ³மனஸ்ஸானி தானி நிஸ்ஸாய தானி ஆக³ம்ம யானி ச² கே³ஹஸிதானி தோ³மனஸ்ஸானி தானி
பஜஹத², தானி ஸமதிக்கமத². ஏவமேதேஸங் பஹானங் ஹோதி, ஏவமேதேஸங் ஸமதிக்கமோ
ஹோதி.

‘‘தத்ர, பி⁴க்க²வே, யா ச² நெக்க²ம்மஸிதா உபெக்கா² தா நிஸ்ஸாய தா ஆக³ம்ம யா ச² கே³ஹஸிதா உபெக்கா² தா பஜஹத², தா ஸமதிக்கமத². ஏவமேதாஸங் பஹானங் ஹோதி, ஏவமேதாஸங் ஸமதிக்கமோ ஹோதி.

‘‘தத்ர, பி⁴க்க²வே, யானி ச² நெக்க²ம்மஸிதானி
ஸோமனஸ்ஸானி தானி நிஸ்ஸாய தானி ஆக³ம்ம யானி ச² நெக்க²ம்மஸிதானி தோ³மனஸ்ஸானி
தானி பஜஹத², தானி ஸமதிக்கமத². ஏவமேதேஸங் பஹானங் ஹோதி, ஏவமேதேஸங் ஸமதிக்கமோ
ஹோதி.

‘‘தத்ர, பி⁴க்க²வே, யா ச² நெக்க²ம்மஸிதா உபெக்கா² தா
நிஸ்ஸாய தா ஆக³ம்ம யானி ச² நெக்க²ம்மஸிதானி ஸோமனஸ்ஸானி தானி பஜஹத², தானி
ஸமதிக்கமத². ஏவமேதேஸங் பஹானங் ஹோதி, ஏவமேதேஸங் ஸமதிக்கமோ ஹோதி.

310. ‘‘அத்தி² ,
பி⁴க்க²வே, உபெக்கா² நானத்தா நானத்தஸிதா, அத்தி² உபெக்கா² ஏகத்தா
ஏகத்தஸிதா. கதமா ச, பி⁴க்க²வே, உபெக்கா² நானத்தா நானத்தஸிதா? அத்தி²,
பி⁴க்க²வே, உபெக்கா² ரூபேஸு, அத்தி² ஸத்³தே³ஸு ,
அத்தி² க³ந்தே⁴ஸு, அத்தி² ரஸேஸு, அத்தி² பொ²ட்ட²ப்³பே³ஸு – அயங்,
பி⁴க்க²வே, உபெக்கா² நானத்தா நானத்தஸிதா. கதமா ச, பி⁴க்க²வே, உபெக்கா²
ஏகத்தா ஏகத்தஸிதா? அத்தி², பி⁴க்க²வே, உபெக்கா² ஆகாஸானஞ்சாயதனநிஸ்ஸிதா,
அத்தி² விஞ்ஞாணஞ்சாயதனநிஸ்ஸிதா, அத்தி² ஆகிஞ்சஞ்ஞாயதனநிஸ்ஸிதா, அத்தி²
நேவஸஞ்ஞானாஸஞ்ஞாயதனநிஸ்ஸிதா – அயங், பி⁴க்க²வே, உபெக்கா² ஏகத்தா ஏகத்தஸிதா.

‘‘தத்ர, பி⁴க்க²வே, யாயங் உபெக்கா² ஏகத்தா ஏகத்தஸிதா
தங் நிஸ்ஸாய தங் ஆக³ம்ம யாயங் உபெக்கா² நானத்தா நானத்தஸிதா தங் பஜஹத², தங்
ஸமதிக்கமத². ஏவமேதிஸ்ஸா பஹானங் ஹோதி, ஏவமேதிஸ்ஸா ஸமதிக்கமோ ஹோதி.

‘‘அதம்மயதங், பி⁴க்க²வே, நிஸ்ஸாய அதம்மயதங் ஆக³ம்ம
யாயங் உபெக்கா² ஏகத்தா ஏகத்தஸிதா தங் பஜஹத², தங் ஸமதிக்கமத². ஏவமேதிஸ்ஸா
பஹானங் ஹோதி, ஏவமேதிஸ்ஸா ஸமதிக்கமோ ஹோதி. ‘தத்ர இத³ங் நிஸ்ஸாய இத³ங் பஜஹதா²’தி – இதி யங் தங் வுத்தங் இத³மேதங் படிச்ச வுத்தங்.

311. ‘‘‘தயோ
ஸதிபட்டா²னா யத³ரியோ ஸேவதி, யத³ரியோ ஸேவமானோ ஸத்தா² க³ணமனுஸாஸிதுமரஹதீ’தி –
இதி கோ² பனேதங் வுத்தங்; கிஞ்சேதங் படிச்ச வுத்தங்? இத⁴, பி⁴க்க²வே,
ஸத்தா² ஸாவகானங் த⁴ம்மங் தே³ஸேதி அனுகம்பகோ ஹிதேஸீ அனுகம்பங் உபாதா³ய –
‘இத³ங் வோ ஹிதாய, இத³ங் வோ ஸுகா²யா’தி. தஸ்ஸ ஸாவகா ந ஸுஸ்ஸூஸந்தி, ந ஸோதங்
ஓத³ஹந்தி, ந அஞ்ஞா சித்தங் உபட்ட²பெந்தி , வோக்கம்ம ச
ஸத்து²ஸாஸனா வத்தந்தி. தத்ர, பி⁴க்க²வே, ததா²க³தோ ந சேவ அனத்தமனோ ஹோதி, ந ச
அனத்தமனதங் படிஸங்வேதே³தி, அனவஸ்ஸுதோ ச விஹரதி ஸதோ ஸம்பஜானோ. இத³ங்,
பி⁴க்க²வே, பட²மங் ஸதிபட்டா²னங் யத³ரியோ ஸேவதி, யத³ரியோ ஸேவமானோ ஸத்தா²
க³ணமனுஸாஸிதுமரஹதி.

‘‘புன சபரங், பி⁴க்க²வே, ஸத்தா² ஸாவகானங் த⁴ம்மங்
தே³ஸேதி அனுகம்பகோ ஹிதேஸீ அனுகம்பங் உபாதா³ய – ‘இத³ங் வோ ஹிதாய, இத³ங் வோ
ஸுகா²யா’தி. தஸ்ஸ ஏகச்சே ஸாவகா ந ஸுஸ்ஸூஸந்தி, ந ஸோதங் ஓத³ஹந்தி, ந அஞ்ஞா
சித்தங் உபட்ட²பெந்தி, வோக்கம்ம ச ஸத்து²ஸாஸனா வத்தந்தி; ஏகச்சே ஸாவகா
ஸுஸ்ஸூஸந்தி, ஸோதங் ஓத³ஹந்தி, அஞ்ஞா சித்தங் உபட்ட²பெந்தி, ந ச வோக்கம்ம
ஸத்து²ஸாஸனா வத்தந்தி . தத்ர, பி⁴க்க²வே, ததா²க³தோ ந
சேவ அனத்தமனோ ஹோதி, ந ச அனத்தமனதங் படிஸங்வேதே³தி; ந ச அத்தமனோ ஹோதி, ந ச
அத்தமனதங் படிஸங்வேதே³தி. அனத்தமனதா ச அத்தமனதா ச – தது³ப⁴யங்
அபி⁴னிவஜ்ஜெத்வா உபெக்க²கோ விஹரதி ஸதோ ஸம்பஜானோ. இத³ங் வுச்சதி, பி⁴க்க²வே,
து³தியங் ஸதிபட்டா²னங் யத³ரியோ ஸேவதி, யத³ரியோ ஸேவமானோ ஸத்தா²
க³ணமனுஸாஸிதுமரஹதி.

‘‘புன சபரங், பி⁴க்க²வே, ஸத்தா² ஸாவகானங் த⁴ம்மங்
தே³ஸேதி அனுகம்பகோ ஹிதேஸீ அனுகம்பங் உபாதா³ய – ‘இத³ங் வோ ஹிதாய, இத³ங் வோ
ஸுகா²யா’தி. தஸ்ஸ ஸாவகா ஸுஸ்ஸூஸந்தி, ஸோதங் ஓத³ஹந்தி, அஞ்ஞாசித்தங்
உபட்ட²பெந்தி, ந ச வோக்கம்ம ஸத்து²ஸாஸனா வத்தந்தி. தத்ர, பி⁴க்க²வே,
ததா²க³தோ அத்தமனோ சேவ ஹோதி, அத்தமனதஞ்ச படிஸங்வேதே³தி, அனவஸ்ஸுதோ ச விஹரதி
ஸதோ ஸம்பஜானோ. இத³ங் வுச்சதி, பி⁴க்க²வே, ததியங் ஸதிபட்டா²னங் யத³ரியோ
ஸேவதி, யத³ரியோ ஸேவமானோ ஸத்தா² க³ணமனுஸாஸிதுமரஹதி. ‘தயோ ஸதிபட்டா²னா யத³ரியோ ஸேவதி, யத³ரியோ ஸேவமானோ ஸத்தா² க³ணமனுஸாஸிதுமரஹதீ’தி – இதி யங் தங் வுத்தங் இத³மேதங் படிச்ச வுத்தங்.

312. ‘‘‘ஸோ வுச்சதி யொக்³கா³சரியானங் அனுத்தரோ புரிஸத³ம்மஸாரதீ²’தி – இதி கோ² பனேதங்
வுத்தங். கிஞ்சேதங் படிச்ச வுத்தங்? ஹத்தி²த³மகேன, பி⁴க்க²வே,
ஹத்தி²த³ம்மோ ஸாரிதோ ஏகங்யேவ தி³ஸங் தா⁴வதி – புரத்தி²மங் வா பச்சி²மங் வா
உத்தரங் வா த³க்கி²ணங் வா. அஸ்ஸத³மகேன, பி⁴க்க²வே, அஸ்ஸத³ம்மோ ஸாரிதோ
ஏகஞ்ஞேவ தி³ஸங் தா⁴வதி – புரத்தி²மங் வா பச்சி²மங் வா உத்தரங் வா
த³க்கி²ணங் வா. கோ³த³மகேன, பி⁴க்க²வே, கோ³த³ம்மோ ஸாரிதோ ஏகங்யேவ தி³ஸங்
தா⁴வதி – புரத்தி²மங் வா பச்சி²மங் வா உத்தரங் வா த³க்கி²ணங் வா. ததா²க³தேன
ஹி, பி⁴க்க²வே, அரஹதா ஸம்மாஸம்பு³த்³தே⁴ன புரிஸத³ம்மோ ஸாரிதோ அட்ட² தி³ஸா
விதா⁴வதி. ரூபீ ரூபானி பஸ்ஸதி – அயங் ஏகா தி³ஸா; அஜ்ஜ²த்தங் அரூபஸஞ்ஞீ
ப³ஹித்³தா⁴ ரூபானி பஸ்ஸதி – அயங் து³தியா தி³ஸா; ஸுப⁴ந்த்வேவ அதி⁴முத்தோ
ஹோதி – அயங் ததியா தி³ஸா; ஸப்³ப³ஸோ ரூபஸஞ்ஞானங் ஸமதிக்கமா படிக⁴ஸஞ்ஞானங்
அத்த²ங்க³மா நானத்தஸஞ்ஞானங் அமனஸிகாரா ‘அனந்தோ ஆகாஸோ’தி ஆகாஸானஞ்சாயதனங்
உபஸம்பஜ்ஜ விஹரதி – அயங் சதுத்தீ² தி³ஸா; ஸப்³ப³ஸோ ஆகாஸானஞ்சாயதனங்
ஸமதிக்கம்ம ‘அனந்தங் விஞ்ஞாண’ந்தி விஞ்ஞாணஞ்சாயதனங் உபஸம்பஜ்ஜ விஹரதி –
அயங் பஞ்சமீ தி³ஸா; ஸப்³ப³ஸோ விஞ்ஞாணஞ்சாயதனங் ஸமதிக்கம்ம ‘நத்தி²
கிஞ்சீ’தி ஆகிஞ்சஞ்ஞாயதனங் உபஸம்பஜ்ஜ விஹரதி – அயங்
ச²ட்டீ² தி³ஸா; ஸப்³ப³ஸோ ஆகிஞ்சஞ்ஞாயதனங் ஸமதிக்கம்ம நேவஸஞ்ஞானாஸஞ்ஞாயதனங்
உபஸம்பஜ்ஜ விஹரதி – அயங் ஸத்தமீ தி³ஸா; ஸப்³ப³ஸோ நேவஸஞ்ஞானாஸஞ்ஞாயதனங்
ஸமதிக்கம்ம ஸஞ்ஞாவேத³யிதனிரோத⁴ங் உபஸம்பஜ்ஜ விஹரதி – அயங் அட்ட²மீ தி³ஸா.
ததா²க³தேன, பி⁴க்க²வே, அரஹதா ஸம்மாஸம்பு³த்³தே⁴ன புரிஸத³ம்மோ ஸாரிதோ இமா
அட்ட² தி³ஸா விதா⁴வதி. ‘ஸோ வுச்சதி யொக்³கா³சரியானங் அனுத்தரோ
புரிஸத³ம்மஸாரதீ²’தி – இதி யங் தங் வுத்தங் இத³மேதங் படிச்ச வுத்த’’ந்தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

ஸளாயதனவிப⁴ங்க³ஸுத்தங் நிட்டி²தங் ஸத்தமங்.

8. உத்³தே³ஸவிப⁴ங்க³ஸுத்தங்

313. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
‘‘உத்³தே³ஸவிப⁴ங்க³ங் வோ, பி⁴க்க²வே, தே³ஸெஸ்ஸாமி. தங் ஸுணாத², ஸாது⁴கங்
மனஸி கரோத²; பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² தே பி⁴க்கூ² ப⁴க³வதோ
பச்சஸ்ஸோஸுங். ப⁴க³வா ஏதத³வோச –

‘‘ததா² ததா², பி⁴க்க²வே, பி⁴க்கு² உபபரிக்கெ²ய்ய யதா² யதா² [யதா² யதா²ஸ்ஸ (ஸீ॰ ஸ்யா॰ கங்॰ பீ॰)]
உபபரிக்க²தோ ப³ஹித்³தா⁴ சஸ்ஸ விஞ்ஞாணங் அவிக்கி²த்தங் அவிஸடங், அஜ்ஜ²த்தங்
அஸண்டி²தங் அனுபாதா³ய ந பரிதஸ்ஸெய்ய. ப³ஹித்³தா⁴, பி⁴க்க²வே, விஞ்ஞாணே
அவிக்கி²த்தே அவிஸடே ஸதி அஜ்ஜ²த்தங் அஸண்டி²தே அனுபாதா³ய அபரிதஸ்ஸதோ ஆயதிங்
ஜாதிஜராமரணது³க்க²ஸமுத³யஸம்ப⁴வோ ந ஹோதீ’’தி. இத³மவோச ப⁴க³வா. இத³ங் வத்வான
ஸுக³தோ உட்டா²யாஸனா விஹாரங் பாவிஸி.

314.
அத² கோ² தேஸங் பி⁴க்கூ²னங், அசிரபக்கந்தஸ்ஸ ப⁴க³வதோ, ஏதத³ஹோஸி – ‘‘இத³ங்
கோ² நோ, ஆவுஸோ, ப⁴க³வா ஸங்கி²த்தேன உத்³தே³ஸங் உத்³தி³ஸித்வா வித்தா²ரேன
அத்த²ங் அவிப⁴ஜித்வா உட்டா²யாஸனா விஹாரங் பவிட்டோ² – ‘ததா² ததா², பி⁴க்க²வே
, பி⁴க்கு² உபபரிக்கெ²ய்ய யதா² யதா² உபபரிக்க²தோ
ப³ஹித்³தா⁴ சஸ்ஸ விஞ்ஞாணங் அவிக்கி²த்தங் அவிஸடங், அஜ்ஜ²த்தங் அஸண்டி²தங்
அனுபாதா³ய ந பரிதஸ்ஸெய்ய. ப³ஹித்³தா⁴ , பி⁴க்க²வே,
விஞ்ஞாணே அவிக்கி²த்தே அவிஸடே ஸதி அஜ்ஜ²த்தங் அஸண்டி²தே அனுபாதா³ய
அபரிதஸ்ஸதோ ஆயதிங் ஜாதிஜராமரணது³க்க²ஸமுத³யஸம்ப⁴வோ ந ஹோதீ’தி. கோ நு கோ²
இமஸ்ஸ ப⁴க³வதா ஸங்கி²த்தேன உத்³தே³ஸஸ்ஸ உத்³தி³ட்ட²ஸ்ஸ வித்தா²ரேன அத்த²ங்
அவிப⁴த்தஸ்ஸ வித்தா²ரேன அத்த²ங் விப⁴ஜெய்யா’’தி? அத² கோ² தேஸங் பி⁴க்கூ²னங்
ஏதத³ஹோஸி – ‘‘அயங் கோ² ஆயஸ்மா மஹாகச்சானோ ஸத்து² சேவ ஸங்வண்ணிதோ
ஸம்பா⁴விதோ ச விஞ்ஞூனங் ஸப்³ரஹ்மசாரீனங்; பஹோதி சாயஸ்மா மஹாகச்சானோ இமஸ்ஸ
ப⁴க³வதா ஸங்கி²த்தேன உத்³தே³ஸஸ்ஸ உத்³தி³ட்ட²ஸ்ஸ வித்தா²ரேன அத்த²ங்
அவிப⁴த்தஸ்ஸ வித்தா²ரேன அத்த²ங் விப⁴ஜிதுங். யங்னூன மயங் யேனாயஸ்மா
மஹாகச்சானோ தேனுபஸங்கமெய்யாம; உபஸங்கமித்வா ஆயஸ்மந்தங் மஹாகச்சானங் ஏதமத்த²ங் படிபுச்செ²ய்யாமா’’தி.

அத² கோ² தே பி⁴க்கூ² யேனாயஸ்மா
மஹாகச்சானோ தேனுபஸங்கமிங்ஸு; உபஸங்கமித்வா ஆயஸ்மதா மஹாகச்சானேன ஸத்³தி⁴ங்
ஸம்மோதி³ங்ஸு. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங்
நிஸீதி³ங்ஸு. ஏகமந்தங் நிஸின்னா கோ² தே பி⁴க்கூ² ஆயஸ்மந்தங் மஹாகச்சானங்
ஏதத³வோசுங் –

‘‘இத³ங் கோ² நோ, ஆவுஸோ கச்சான, ப⁴க³வா ஸங்கி²த்தேன
உத்³தே³ஸங் உத்³தி³ஸித்வா வித்தா²ரேன அத்த²ங் அவிப⁴ஜித்வா உட்டா²யாஸனா
விஹாரங் பவிட்டோ² – ‘ததா² ததா², பி⁴க்க²வே, பி⁴க்கு² உபபரிக்கெ²ய்ய யதா²
யதா² உபபரிக்க²தோ ப³ஹித்³தா⁴ சஸ்ஸ விஞ்ஞாணங் அவிக்கி²த்தங் அவிஸடங்,
அஜ்ஜ²த்தங் அஸண்டி²தங் அனுபாதா³ய ந பரிதஸ்ஸெய்ய. ப³ஹித்³தா⁴, பி⁴க்க²வே,
விஞ்ஞாணே அவிக்கி²த்தே அவிஸடே ஸதி அஜ்ஜ²த்தங் அஸண்டி²தே அனுபாதா³ய
அபரிதஸ்ஸதோ ஆயதிங் ஜாதிஜராமரணது³க்க²ஸமுத³யஸம்ப⁴வோ ந ஹோதீ’தி. தேஸங் நோ,
ஆவுஸோ கச்சான, அம்ஹாகங், அசிரபக்கந்தஸ்ஸ ப⁴க³வதோ, ஏதத³ஹோஸி – ‘இத³ங் கோ²
நோ, ஆவுஸோ, ப⁴க³வா ஸங்கி²த்தேன உத்³தே³ஸங் உத்³தி³ஸித்வா வித்தா²ரேன
அத்த²ங் அவிப⁴ஜித்வா உட்டா²யாஸனா விஹாரங் பவிட்டோ² – ததா² ததா², பி⁴க்க²வே,
பி⁴க்கு² உபபரிக்கெ²ய்ய, யதா² யதா² உபபரிக்க²தோ ப³ஹித்³தா⁴ சஸ்ஸ விஞ்ஞாணங்
அவிக்கி²த்தங் அவிஸடங் அஜ்ஜ²த்தங் அஸண்டி²தங் அனுபாதா³ய ந பரிதஸ்ஸெய்ய.
ப³ஹித்³தா⁴, பி⁴க்க²வே, விஞ்ஞாணே அவிக்கி²த்தே
அவிஸடே ஸதி அஜ்ஜ²த்தங் அஸண்டி²தே அனுபாதா³ய அபரிதஸ்ஸதோ ஆயதிங்
ஜாதிஜராமரணது³க்க²ஸமுத³யஸம்ப⁴வோ ந ஹோதீ’தி. கோ நு கோ² இமஸ்ஸ ப⁴க³வதா
ஸங்கி²த்தேன உத்³தே³ஸஸ்ஸ உத்³தி³ட்ட²ஸ்ஸ வித்தா²ரேன அத்த²ங்
அவிப⁴த்தஸ்ஸ வித்தா²ரேன அத்த²ங் விப⁴ஜெய்யா’’தி. ‘‘தேஸங் நோ, ஆவுஸோ
கச்சான, அம்ஹாகங் ஏதத³ஹோஸி – ‘அயங் கோ² ஆயஸ்மா மஹாகச்சானோ ஸத்து² சேவ
ஸங்வண்ணிதோ, ஸம்பா⁴விதோ ச விஞ்ஞூனங் ஸப்³ரஹ்மசாரீனங். பஹோதி சாயஸ்மா
மஹாகச்சானோ இமஸ்ஸ ப⁴க³வதா ஸங்கி²த்தேன உத்³தே³ஸஸ்ஸ உத்³தி³ட்ட²ஸ்ஸ
வித்தா²ரேன அத்த²ங் அவிப⁴த்தஸ்ஸ வித்தா²ரேன அத்த²ங் விப⁴ஜிதுங். யங்னூன
மயங் யேனாயஸ்மா மஹாகச்சானோ தேனுபஸங்கமெய்யாம; உபஸங்கமித்வா ஆயஸ்மந்தங்
மஹாகச்சானங் ஏதமத்த²ங் படிபுச்செ²ய்யாமா’தி – விப⁴ஜதாயஸ்மா மஹாகச்சானோ’’தி.

315. ‘‘‘ஸெய்யதா²பி, ஆவுஸோ, புரிஸோ ஸாரத்தி²கோ ஸாரக³வேஸீ ஸாரபரியேஸனங் சரமானோ மஹதோ ருக்க²ஸ்ஸ திட்ட²தோ ஸாரவதோ அதிக்கம்மேவ மூலங்
அதிக்கம்ம க²ந்த⁴ங் ஸாகா²பலாஸே ஸாரங் பரியேஸிதப்³ப³ங் மஞ்ஞெய்ய, ஏவங்
ஸம்பத³மித³ங் ஆயஸ்மந்தானங் ஸத்த²ரி ஸம்முகீ²பூ⁴தே தங் ப⁴க³வந்தங் அதிஸித்வா
அம்ஹே ஏதமத்த²ங் படிபுச்சி²தப்³ப³ங் மஞ்ஞத². ஸோ ஹாவுஸோ, ப⁴க³வா ஜானங்
ஜானாதி, பஸ்ஸங் பஸ்ஸதி, சக்கு²பூ⁴தோ ஞாணபூ⁴தோ த⁴ம்மபூ⁴தோ ப்³ரஹ்மபூ⁴தோ
வத்தா பவத்தா அத்த²ஸ்ஸ நின்னேதா அமதஸ்ஸ தா³தா த⁴ம்மஸ்ஸாமீ ததா²க³தோ. ஸோ சேவ
பனேதஸ்ஸ காலோ அஹோஸி யங் ப⁴க³வந்தங்யேவ ஏதமத்த²ங் படிபுச்செ²ய்யாத²; யதா²
வோ ப⁴க³வா ப்³யாகரெய்ய ததா² நங் தா⁴ரெய்யாதா²’’’தி. ‘அத்³தா⁴வுஸோ கச்சான,
ப⁴க³வா ஜானங் ஜானாதி, பஸ்ஸங் பஸ்ஸதி, சக்கு²பூ⁴தோ
ஞாணபூ⁴தோ த⁴ம்மபூ⁴தோ ப்³ரஹ்மபூ⁴தோ வத்தா பவத்தா அத்த²ஸ்ஸ நின்னேதா அமதஸ்ஸ
தா³தா த⁴ம்மஸ்ஸாமீ ததா²க³தோ. ஸோ சேவ பனேதஸ்ஸ காலோ அஹோஸி யங் ப⁴க³வந்தங்யேவ
ஏதமத்த²ங் படிபுச்செ²ய்யாம; யதா² நோ ப⁴க³வா ப்³யாகரெய்ய
ததா² நங் தா⁴ரெய்யாம. அபி சாயஸ்மா மஹாகச்சானோ ஸத்து² சேவ ஸங்வண்ணிதோ
ஸம்பா⁴விதோ ச விஞ்ஞூனங் ஸப்³ரஹ்மசாரீனங். பஹோதி சாயஸ்மா மஹாகச்சானோ இமஸ்ஸ
ப⁴க³வதா ஸங்கி²த்தேன உத்³தே³ஸஸ்ஸ உத்³தி³ட்ட²ஸ்ஸ வித்தா²ரேன அத்த²ங்
அவிப⁴த்தஸ்ஸ வித்தா²ரேன அத்த²ங் விப⁴ஜிதுங். விப⁴ஜதாயஸ்மா மஹாகச்சானோ
அக³ருங் கரித்வா’தி. ‘தேன ஹாவுஸோ, ஸுணாத², ஸாது⁴கங் மனஸி கரோத²;
பா⁴ஸிஸ்ஸாமீ’தி. ‘ஏவமாவுஸோ’தி கோ² தே பி⁴க்கூ² ஆயஸ்மதோ மஹாகச்சானஸ்ஸ
பச்சஸ்ஸோஸுங். ஆயஸ்மா மஹாகச்சானோ ஏதத³வோச –

‘யங் கோ² நோ, ஆவுஸோ, ப⁴க³வா
ஸங்கி²த்தேன உத்³தே³ஸங் உத்³தி³ஸித்வா வித்தா²ரேன அத்த²ங் அவிப⁴ஜித்வா
உட்டா²யாஸனா விஹாரங் பவிட்டோ² – ததா² ததா², பி⁴க்க²வே, பி⁴க்கு²
உபபரிக்கெ²ய்ய, யதா² யதா² உபபரிக்க²தோ ப³ஹித்³தா⁴ சஸ்ஸ விஞ்ஞாணங்
அவிக்கி²த்தங் அவிஸடங் அஜ்ஜ²த்தங் அஸண்டி²தங் அனுபாதா³ய ந பரிதஸ்ஸெய்ய,
ப³ஹித்³தா⁴, பி⁴க்க²வே, விஞ்ஞாணே அவிக்கி²த்தே அவிஸடே ஸதி அஜ்ஜ²த்தங்
அஸண்டி²தே அனுபாதா³ய அபரிதஸ்ஸதோ ஆயதிங் ஜாதிஜராமரணது³க்க²ஸமுத³யஸம்ப⁴வோ ந
ஹோதீ’தி. இமஸ்ஸ கோ² அஹங், ஆவுஸோ, ப⁴க³வதா ஸங்கி²த்தேன உத்³தே³ஸஸ்ஸ
உத்³தி³ட்ட²ஸ்ஸ வித்தா²ரேன அத்த²ங் அவிப⁴த்தஸ்ஸ ஏவங் வித்தா²ரேன அத்த²ங்
ஆஜானாமி.

316.
‘‘கத²ஞ்சாவுஸோ, ப³ஹித்³தா⁴ விஞ்ஞாணங் விக்கி²த்தங் விஸடந்தி வுச்சதி?
இதா⁴வுஸோ, பி⁴க்கு²னோ சக்கு²னா ரூபங் தி³ஸ்வா ரூபனிமித்தானுஸாரி விஞ்ஞாணங்
ஹோதி ரூபனிமித்தஸ்ஸாத³க³தி⁴தங் […க³தி²தங் (ஸீ॰ பீ॰)] ரூபனிமித்தஸ்ஸாத³வினிப³ந்த⁴ங் […வினிப³ந்த⁴ங் (ஸீ॰ பீ॰)]
ரூபனிமித்தஸ்ஸாத³ஸங்யோஜனஸங்யுத்தங் ப³ஹித்³தா⁴ விஞ்ஞாணங் விக்கி²த்தங்
விஸடந்தி வுச்சதி. ஸோதேன ஸத்³த³ங் ஸுத்வா…பே॰… கா⁴னேன க³ந்த⁴ங் கா⁴யித்வா…
ஜிவ்ஹாய ரஸங் ஸாயித்வா… காயேன பொ²ட்ட²ப்³ப³ங் பு²ஸித்வா… மனஸா த⁴ம்மங்
விஞ்ஞாய த⁴ம்மனிமித்தானுஸாரீ விஞ்ஞாணங் ஹோதி; த⁴ம்மனிமித்தஸ்ஸாத³க³தி⁴தங்
த⁴ம்மனிமித்தஸ்ஸாத³வினிப³ந்த⁴ங் த⁴ம்மனிமித்தஸ்ஸாத³ஸங்யோஜனஸங்யுத்தங்
ப³ஹித்³தா⁴ விஞ்ஞாணங் விக்கி²த்தங் விஸடந்தி வுச்சதி. ஏவங் கோ² ஆவுஸோ,
ப³ஹித்³தா⁴ விஞ்ஞாணங் விக்கி²த்தங் விஸடந்தி வுச்சதி.

317. ‘‘கத²ஞ்சாவுஸோ, ப³ஹித்³தா⁴ விஞ்ஞாணங் அவிக்கி²த்தங் அவிஸடந்தி வுச்சதி ? இதா⁴வுஸோ, பி⁴க்கு²னோ சக்கு²னா ரூபங் தி³ஸ்வா ந ரூபனிமித்தானுஸாரி விஞ்ஞாணங் ஹோதி ரூபனிமித்தஸ்ஸாத³க³தி⁴தங் ந ரூபனிமித்தஸ்ஸாத³வினிப³ந்த⁴ங் ந ரூபனிமித்தஸ்ஸாத³ஸங்யோஜனஸங்யுத்தங் ப³ஹித்³தா⁴ விஞ்ஞாணங் அவிக்கி²த்தங் அவிஸடந்தி வுச்சதி .
ஸோதேன ஸத்³த³ங் ஸுத்வா…பே॰… கா⁴னேன க³ந்த⁴ங் கா⁴யித்வா… ஜிவ்ஹாய ரஸங்
ஸாயித்வா… காயேன பொ²ட்ட²ப்³ப³ங் பு²ஸித்வா… மனஸா த⁴ம்மங் விஞ்ஞாய ந
த⁴ம்மனிமித்தானுஸாரீ விஞ்ஞாணங் ஹோதி ந த⁴ம்மனிமித்தஸ்ஸாத³க³தி⁴தங் ந
த⁴ம்மனிமித்தஸ்ஸாத³வினிப³ந்த⁴ங் ந த⁴ம்மனிமித்தஸ்ஸாத³ஸங்யோஜனஸங்யுத்தங்
ப³ஹித்³தா⁴ விஞ்ஞாணங் அவிக்கி²த்தங் அவிஸடந்தி வுச்சதி. ஏவங் கோ², ஆவுஸோ,
ப³ஹித்³தா⁴ விஞ்ஞாணங் அவிக்கி²த்தங் அவிஸடந்தி வுச்சதி.

318. ‘‘கத²ஞ்சாவுஸோ, அஜ்ஜ²த்தங் [அஜ்ஜ²த்தங் சித்தங் (ஸீ॰ ஸ்யா॰ கங்॰ பீ॰)]
ஸண்டி²தந்தி வுச்சதி? இதா⁴வுஸோ, பி⁴க்கு² விவிச்சேவ காமேஹி விவிச்ச
அகுஸலேஹி த⁴ம்மேஹி ஸவிதக்கங் ஸவிசாரங் விவேகஜங் பீதிஸுக²ங் பட²மங் ஜா²னங்
உபஸம்பஜ்ஜ விஹரதி. தஸ்ஸ விவேகஜபீதிஸுகா²னுஸாரி விஞ்ஞாணங் ஹோதி
விவேகஜபீதிஸுக²ஸ்ஸாத³க³தி⁴தங் விவேகஜபீதிஸுக²ஸ்ஸாத³வினிப³ந்த⁴ங் விவேகஜபீதிஸுக²ஸ்ஸாத³ஸங்யோஜனஸங்யுத்தங் அஜ்ஜ²த்தங் சித்தங் ஸண்டி²தந்தி வுச்சதி.

‘‘புன சபரங், ஆவுஸோ, பி⁴க்கு² விதக்கவிசாரானங் வூபஸமா
அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங் அவிதக்கங் அவிசாரங் ஸமாதி⁴ஜங்
பீதிஸுக²ங் து³தியங் ஜா²னங் உபஸம்பஜ்ஜ விஹரதி. தஸ்ஸ ஸமாதி⁴ஜபீதிஸுகா²னுஸாரி
விஞ்ஞாணங் ஹோதி ஸமாதி⁴ஜபீதிஸுக²ஸ்ஸாத³க³தி⁴தங்
ஸமாதி⁴ஜபீதிஸுக²ஸ்ஸாத³வினிப³ந்த⁴ங் ஸமாதி⁴ஜபீதிஸுக²ஸ்ஸாத³ஸங்யோஜனஸங்யுத்தங்
அஜ்ஜ²த்தங் சித்தங் ஸண்டி²தந்தி வுச்சதி.

‘‘புன சபரங், ஆவுஸோ, பி⁴க்கு² பீதியா ச விராகா³ உபெக்க²கோ
ச விஹரதி ஸதோ ச ஸம்பஜானோ ஸுக²ஞ்ச காயேன படிஸங்வேதே³தி, யங் தங் அரியா
ஆசிக்க²ந்தி – ‘உபெக்க²கோ ஸதிமா ஸுக²விஹாரீ’தி ததியங் ஜா²னங் உபஸம்பஜ்ஜ
விஹரதி. தஸ்ஸ உபெக்கா²னுஸாரி விஞ்ஞாணங் ஹோதி உபெக்கா²ஸுக²ஸ்ஸாத³க³தி⁴தங்
உபெக்கா²ஸுக²ஸ்ஸாத³வினிப³ந்த⁴ங் உபெக்கா²ஸுக²ஸ்ஸாத³ஸங்யோஜனஸங்யுத்தங்
அஜ்ஜ²த்தங் சித்தங் ஸண்டி²தந்தி வுச்சதி.

‘‘புன சபரங், ஆவுஸோ, பி⁴க்கு² ஸுக²ஸ்ஸ ச பஹானா
து³க்க²ஸ்ஸ ச பஹானா புப்³பே³வ ஸோமனஸ்ஸதோ³மனஸ்ஸானங் அத்த²ங்க³மா
அது³க்க²மஸுக²ங் உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ
விஹரதி. தஸ்ஸ அது³க்க²மஸுகா²னுஸாரி விஞ்ஞாணங் ஹோதி
அது³க்க²மஸுக²ஸ்ஸாத³க³தி⁴தங் அது³க்க²மஸுக²ஸ்ஸாத³வினிப³ந்த⁴ங் அது³க்க²மஸுக²ஸ்ஸாத³ஸங்யோஜனஸங்யுத்தங் அஜ்ஜ²த்தங் சித்தங் ஸண்டி²தந்தி வுச்சதி. ஏவங் கோ², ஆவுஸோ, அஜ்ஜ²த்தங் [அஜ்ஜ²த்தங் சித்தங் (ஸீ॰ ஸ்யா॰ கங்॰ பீ॰)] ஸண்டி²தந்தி வுச்சதி.

319. ‘‘கத²ஞ்சாவுஸோ , அஜ்ஜ²த்தங் [அஜ்ஜ²த்தங் சித்தங் (ஸீ॰ ஸ்யா॰ கங்॰ பீ॰)]
அஸண்டி²தந்தி வுச்சதி? இதா⁴வுஸோ, பி⁴க்கு² விவிச்சேவ காமேஹி விவிச்ச
அகுஸலேஹி த⁴ம்மேஹி…பே॰… பட²மங் ஜா²னங் உபஸம்பஜ்ஜ விஹரதி. தஸ்ஸ ந
விவேகஜபீதிஸுகா²னுஸாரி விஞ்ஞாணங் ஹோதி ந விவேகஜபீதிஸுக²ஸ்ஸாத³க³தி⁴தங் ந
விவேகஜபீதிஸுக²ஸ்ஸாத³வினிப³ந்த⁴ங் ந விவேகஜபீதிஸுக²ஸ்ஸாத³ஸங்யோஜனஸங்யுத்தங்
அஜ்ஜ²த்தங் சித்தங் அஸண்டி²தந்தி வுச்சதி.

‘‘புன சபரங், ஆவுஸோ, பி⁴க்கு² விதக்கவிசாரானங்
வூபஸமா…பே॰… து³தியங் ஜா²னங் உபஸம்பஜ்ஜ விஹரதி. தஸ்ஸ ந
ஸமாதி⁴ஜபீதிஸுகா²னுஸாரி விஞ்ஞாணங் ஹோதி ந ஸமாதி⁴ஜபீதிஸுக²ஸ்ஸாத³க³தி⁴தங் ந
ஸமாதி⁴ஜபீதிஸுக²ஸ்ஸாத³வினிப³ந்த⁴ங் ந
ஸமாதி⁴ஜபீதிஸுக²ஸ்ஸாத³ஸங்யோஜனஸங்யுத்தங் அஜ்ஜ²த்தங் சித்தங் அஸண்டி²தந்தி
வுச்சதி .

‘‘புன சபரங், ஆவுஸோ, பி⁴க்கு²
பீதியா ச விராகா³…பே॰… ததியங் ஜா²னங் உபஸம்பஜ்ஜ விஹரதி. தஸ்ஸ ந
உபெக்கா²னுஸாரி விஞ்ஞாணங் ஹோதி ந உபெக்கா²ஸுக²ஸ்ஸாத³க³தி⁴தங் ந
உபெக்கா²ஸுக²ஸ்ஸாத³வினிப³ந்த⁴ங் ந உபெக்கா²ஸுக²ஸ்ஸாத³ஸங்யோஜனஸங்யுத்தங்
அஜ்ஜ²த்தங் சித்தங் அஸண்டி²தந்தி வுச்சதி.

‘‘புன சபரங், ஆவுஸோ, பி⁴க்கு² ஸுக²ஸ்ஸ ச பஹானா
து³க்க²ஸ்ஸ ச பஹானா புப்³பே³வ ஸோமனஸ்ஸதோ³மனஸ்ஸானங் அத்த²ங்க³மா
அது³க்க²மஸுக²ங் உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ
விஹரதி. தஸ்ஸ ந அது³க்க²மஸுகா²னுஸாரி விஞ்ஞாணங் ஹோதி ந
அது³க்க²மஸுக²ஸ்ஸாத³க³தி⁴தங் ந அது³க்க²மஸுக²ஸ்ஸாத³வினிப³ந்த⁴ங் ந
அது³க்க²மஸுக²ஸ்ஸாத³ஸங்யோஜனஸங்யுத்தங் அஜ்ஜ²த்தங் சித்தங் அஸண்டி²தந்தி
வுச்சதி. ஏவங் கோ², ஆவுஸோ, அஜ்ஜ²த்தங் [அஜ்ஜ²த்தங் சித்தங் (ஸீ॰ ஸ்யா॰ கங்॰ பீ॰)] அஸண்டி²தந்தி வுச்சதி.

320.
‘‘கத²ஞ்சாவுஸோ, அனுபாதா³ பரிதஸ்ஸனா ஹோதி? இதா⁴வுஸோ, அஸ்ஸுதவா புது²ஜ்ஜனோ
அரியானங் அத³ஸ்ஸாவீ அரியத⁴ம்மஸ்ஸ அகோவிதோ³ அரியத⁴ம்மே அவினீதோ ஸப்புரிஸானங்
அத³ஸ்ஸாவீ ஸப்புரிஸத⁴ம்மஸ்ஸ அகோவிதோ³
ஸப்புரிஸத⁴ம்மே அவினீதோ ரூபங் அத்ததோ ஸமனுபஸ்ஸதி ரூபவந்தங் வா அத்தானங்
அத்தனி வா ரூபங் ரூபஸ்மிங் வா அத்தானங். தஸ்ஸ தங் ரூபங் விபரிணமதி, அஞ்ஞதா²
ஹோதி. தஸ்ஸ ரூபவிபரிணாமஞ்ஞதா²பா⁴வா ரூபவிபரிணாமானுபரிவத்தி விஞ்ஞாணங்
ஹோதி. தஸ்ஸ ரூபவிபரிணாமானுபரிவத்தஜா பரிதஸ்ஸனா த⁴ம்மஸமுப்பாதா³ சித்தங்
பரியாதா³ய திட்ட²ந்தி. சேதஸோ பரியாதா³னா உத்தாஸவா ச ஹோதி விகா⁴தவா ச
அபெக்க²வா ச அனுபாதா³ய ச பரிதஸ்ஸதி. வேத³னங் …பே॰… ஸஞ்ஞங்… ஸங்கா²ரே… விஞ்ஞாணங்
அத்ததோ ஸமனுபஸ்ஸதி விஞ்ஞாணவந்தங் வா அத்தானங் அத்தனி வா விஞ்ஞாணங்
விஞ்ஞாணஸ்மிங் வா அத்தானங். தஸ்ஸ தங் விஞ்ஞாணங் விபரிணமதி, அஞ்ஞதா² ஹோதி.
தஸ்ஸ விஞ்ஞாணவிபரிணாமஞ்ஞதா²பா⁴வா விஞ்ஞாணவிபரிணாமானுபரிவத்தி விஞ்ஞாணங்
ஹோதி. தஸ்ஸ விஞ்ஞாணவிபரிணாமானுபரிவத்தஜா பரிதஸ்ஸனா த⁴ம்மஸமுப்பாதா³ சித்தங்
பரியாதா³ய திட்ட²ந்தி. சேதஸோ பரியாதா³னா உத்தாஸவா ச ஹோதி விகா⁴தவா ச
அபெக்க²வா ச அனுபாதா³ய ச பரிதஸ்ஸதி. ஏவங் கோ², ஆவுஸோ, அனுபாதா³ பரிதஸ்ஸனா
ஹோதி.

321. ‘‘கத²ஞ்சாவுஸோ, அனுபாதா³னா அபரிதஸ்ஸனா ஹோதி? இதா⁴வுஸோ, ஸுதவா அரியஸாவகோ அரியானங் த³ஸ்ஸாவீ அரியத⁴ம்மஸ்ஸ கோவிதோ³ அரியத⁴ம்மே
ஸுவினீதோ ஸப்புரிஸானங் த³ஸ்ஸாவீ ஸப்புரிஸத⁴ம்மஸ்ஸ கோவிதோ³ ஸப்புரிஸத⁴ம்மே
ஸுவினீதோ ந ரூபங் அத்ததோ ஸமனுபஸ்ஸதி ந ரூபவந்தங் வா அத்தானங் ந அத்தனி வா
ரூபங் ந ரூபஸ்மிங் வா அத்தானங். தஸ்ஸ தங் ரூபங் விபரிணமதி, அஞ்ஞதா² ஹோதி.
தஸ்ஸ ரூபவிபரிணாமஞ்ஞதா²பா⁴வா ந ச ரூபவிபரிணாமானுபரிவத்தி விஞ்ஞாணங் ஹோதி.
தஸ்ஸ ந ரூபவிபரிணாமானுபரிவத்தஜா பரிதஸ்ஸனா த⁴ம்மஸமுப்பாதா³ சித்தங்
பரியாதா³ய திட்ட²ந்தி. சேதஸோ பரியாதா³னா ந சேவுத்தாஸவா [ந ச உத்தாஸவா (ஸீ॰)]
ஹோதி ந ச விகா⁴தவா ந ச அபெக்க²வா அனுபாதா³ய ச ந பரிதஸ்ஸதி. ந வேத³னங்… ந
ஸஞ்ஞங்… ந ஸங்கா²ரே… ந விஞ்ஞாணங் அத்ததோ ஸமனுபஸ்ஸதி ந விஞ்ஞாணவந்தங் வா
அத்தானங் ந அத்தனி வா விஞ்ஞாணங் ந விஞ்ஞாணஸ்மிங் வா
அத்தானங். தஸ்ஸ தங் விஞ்ஞாணங் விபரிணமதி, அஞ்ஞதா² ஹோதி. தஸ்ஸ
விஞ்ஞாணவிபரிணாமஞ்ஞதா²பா⁴வா ந ச விஞ்ஞாணவிபரிணாமானுபரிவத்தி விஞ்ஞாணங்
ஹோதி. தஸ்ஸ ந விஞ்ஞாணவிபரிணாமானுபரிவத்தஜா பரிதஸ்ஸனா த⁴ம்மஸமுப்பாதா³
சித்தங் பரியாதா³ய திட்ட²ந்தி. சேதஸோ பரியாதா³னா ந சேவுத்தாஸவா ஹோதி ந ச
விகா⁴தவா ந ச அபெக்க²வா, அனுபாதா³ய ச ந பரிதஸ்ஸதி. ஏவங் கோ², ஆவுஸோ,
அனுபாதா³ அபரிதஸ்ஸனா ஹோதி.

‘‘யங் கோ² நோ, ஆவுஸோ, ப⁴க³வா ஸங்கி²த்தேன உத்³தே³ஸங் உத்³தி³ஸித்வா வித்தா²ரேன அத்த²ங் அவிப⁴ஜித்வா
உட்டா²யாஸனா விஹாரங் பவிட்டோ² – ‘ததா² ததா², பி⁴க்க²வே, பி⁴க்கு²
உபபரிக்கெ²ய்ய யதா² யதா² உபபரிக்க²தோ ப³ஹித்³தா⁴ சஸ்ஸ விஞ்ஞாணங்
அவிக்கி²த்தங் அவிஸடங், அஜ்ஜ²த்தங் அஸண்டி²தங் அனுபாதா³ய ந பரிதஸ்ஸெய்ய.
ப³ஹித்³தா⁴, பி⁴க்க²வே, விஞ்ஞாணே அவிக்கி²த்தே அவிஸடே ஸதி அஜ்ஜ²த்தங்
அஸண்டி²தே அனுபாதா³ய அபரிதஸ்ஸதோ ஆயதிங் ஜாதிஜராமரணது³க்க²ஸமுத³யஸம்ப⁴வோ ந
ஹோதீ’தி. இமஸ்ஸ கோ² அஹங், ஆவுஸோ, ப⁴க³வதா ஸங்கி²த்தேன உத்³தே³ஸஸ்ஸ
உத்³தி³ட்ட²ஸ்ஸ வித்தா²ரேன அத்த²ங் அவிப⁴த்தஸ்ஸ ஏவங் வித்தா²ரேன அத்த²ங்
ஆஜானாமி. ஆகங்க²மானா ச பன தும்ஹே ஆயஸ்மந்தோ ப⁴க³வந்தங்யேவ உபஸங்கமித்வா
ஏதமத்த²ங் படிபுச்செ²ய்யாத²; யதா² வோ ப⁴க³வா ப்³யாகரோதி ததா² நங்
தா⁴ரெய்யாதா²’’தி.

322.
அத² கோ² தே பி⁴க்கூ² ஆயஸ்மதோ மஹாகச்சானஸ்ஸ பா⁴ஸிதங் அபி⁴னந்தி³த்வா
அனுமோதி³த்வா உட்டா²யாஸனா யேன ப⁴க³வா தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங் நிஸின்னா கோ² தே பி⁴க்கூ² ப⁴க³வந்தங் ஏதத³வோசுங் –

‘‘யங் கோ² நோ, ப⁴ந்தே, ப⁴க³வா
ஸங்கி²த்தேன உத்³தே³ஸங் உத்³தி³ஸித்வா வித்தா²ரேன அத்த²ங் அவிப⁴ஜித்வா
உட்டா²யாஸனா விஹாரங் பவிட்டோ² – ‘ததா² ததா², பி⁴க்க²வே, பி⁴க்கு²
உபபரிக்கெ²ய்ய யதா² யதா² உபபரிக்க²தோ ப³ஹித்³தா⁴ சஸ்ஸ விஞ்ஞாணங்
அவிக்கி²த்தங் அவிஸடங், அஜ்ஜ²த்தங் அஸண்டி²தங் அனுபாதா³ய ந பரிதஸ்ஸெய்ய.
ப³ஹித்³தா⁴, பி⁴க்க²வே, விஞ்ஞாணே அவிக்கி²த்தே அவிஸடே ஸதி அஜ்ஜ²த்தங்
அஸண்டி²தே அனுபாதா³ய அபரிதஸ்ஸதோ ஆயதிங் ஜாதிஜராமரணது³க்க²ஸமுத³யஸம்ப⁴வோ ந
ஹோதீ’’’தி.

‘‘தேஸங் நோ, ப⁴ந்தே, அம்ஹாகங், அசிரபக்கந்தஸ்ஸ
ப⁴க³வதோ, ஏதத³ஹோஸி – ‘இத³ங் கோ² நோ, ஆவுஸோ, ப⁴க³வா ஸங்கி²த்தேன உத்³தே³ஸங்
உத்³தி³ஸித்வா வித்தா²ரேன அத்த²ங் அவிப⁴ஜித்வா உட்டா²யாஸனா விஹாரங்
பவிட்டோ² – ததா² ததா², பி⁴க்க²வே, பி⁴க்கு² உபபரிக்கெ²ய்ய, யதா² யதா²
உபபரிக்க²தோ ப³ஹித்³தா⁴ சஸ்ஸ விஞ்ஞாணங் அவிக்கி²த்தங் அவிஸடங், அஜ்ஜ²த்தங்
அஸண்டி²தங் அனுபாதா³ய ந பரிதஸ்ஸெய்ய. ப³ஹித்³தா⁴, பி⁴க்க²வே, விஞ்ஞாணே
அவிக்கி²த்தே அவிஸடே ஸதி அஜ்ஜ²த்தங் அஸண்டி²தே அனுபாதா³ய அபரிதஸ்ஸதோ ஆயதிங்
ஜாதிஜராமரணது³க்க²ஸமுத³யஸம்ப⁴வோ ந ஹோதீதி. கோ நு கோ² இமஸ்ஸ ப⁴க³வதா
ஸங்கி²த்தேன உத்³தே³ஸஸ்ஸ உத்³தி³ட்ட²ஸ்ஸ வித்தா²ரேன அத்த²ங் அவிப⁴த்தஸ்ஸ
வித்தா²ரேன அத்த²ங் விப⁴ஜெய்யா’தி? தேஸங் நோ, ப⁴ந்தே, அம்ஹாகங் ஏதத³ஹோஸி –
‘அயங் கோ² ஆயஸ்மா மஹாகச்சானோ ஸத்து² சேவ ஸங்வண்ணிதோ ஸம்பா⁴விதோ ச விஞ்ஞூனங் ஸப்³ரஹ்மசாரீனங். பஹோதி சாயஸ்மா மஹாகச்சானோ
இமஸ்ஸ ப⁴க³வதா ஸங்கி²த்தேன உத்³தே³ஸஸ்ஸ உத்³தி³ட்ட²ஸ்ஸ வித்தா²ரேன அத்த²ங்
அவிப⁴த்தஸ்ஸ வித்தா²ரேன அத்த²ங் விப⁴ஜிதுங். யங்னூன மயங் யேனாயஸ்மா
மஹாகச்சானோ தேனுபஸங்கமெய்யாம; உபஸங்கமித்வா ஆயஸ்மந்தங் மஹாகச்சானங்
ஏதமத்த²ங் படிபுச்செ²ய்யாமா’தி.

‘‘அத² கோ² மயங், ப⁴ந்தே, யேனாயஸ்மா மஹாகச்சானோ
தேனுபஸங்கமிம்ஹ; உபஸங்கமித்வா ஆயஸ்மந்தங் மஹாகச்சானங் ஏதமத்த²ங்
படிபுச்சி²ம்ஹ. தேஸங் நோ, ப⁴ந்தே, ஆயஸ்மதா மஹாகச்சானேன இமேஹி ஆகாரேஹி இமேஹி
பதே³ஹி இமேஹி ப்³யஞ்ஜனேஹி அத்தோ² விப⁴த்தோ’’தி.

‘‘பண்டி³தோ, பி⁴க்க²வே, மஹாகச்சானோ; மஹாபஞ்ஞோ,
பி⁴க்க²வே, மஹாகச்சானோ. மங் சேபி தும்ஹே, பி⁴க்க²வே, ஏதமத்த²ங்
படிபுச்செ²ய்யாத², அஹம்பி ஏவமேவங் ப்³யாகரெய்யங் யதா² தங் மஹாகச்சானேன ப்³யாகதங். ஏஸோ சேவேதஸ்ஸ [ஏஸோ சேதஸ்ஸ (ஸீ॰ பீ॰), ஏஸோ சேவ தஸ்ஸ (ஸ்யா॰ கங்॰), ஏஸோயேவ தஸ்ஸ (க॰)] அத்தோ². ஏவஞ்ச நங் தா⁴ரெய்யாதா²’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

உத்³தே³ஸவிப⁴ங்க³ஸுத்தங் நிட்டி²தங் அட்ட²மங்.

9. அரணவிப⁴ங்க³ஸுத்தங்

323. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
‘‘அரணவிப⁴ங்க³ங் வோ, பி⁴க்க²வே, தே³ஸெஸ்ஸாமி. தங் ஸுணாத², ஸாது⁴கங் மனஸி
கரோத²; பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² தே பி⁴க்கூ² ப⁴க³வதோ
பச்சஸ்ஸோஸுங். ப⁴க³வா ஏதத³வோச –

‘‘ந காமஸுக²மனுயுஞ்ஜெய்ய ஹீனங் க³ம்மங் போது²ஜ்ஜனிகங்
அனரியங் அனத்த²ஸங்ஹிதங், ந ச அத்தகிலமதா²னுயோக³மனுயுஞ்ஜெய்ய து³க்க²ங்
அனரியங் அனத்த²ஸங்ஹிதங். ஏதே கோ², பி⁴க்க²வே [ஏதே கோ² (ஸீ॰), ஏதே தே (ஸ்யா॰ கங்॰ பீ॰)],
உபோ⁴ அந்தே அனுபக³ம்ம மஜ்ஜி²மா படிபதா³ ததா²க³தேன அபி⁴ஸம்பு³த்³தா⁴,
சக்கு²கரணீ ஞாணகரணீ உபஸமாய அபி⁴ஞ்ஞாய ஸம்போ³தா⁴ய நிப்³பா³னாய ஸங்வத்ததி.
உஸ்ஸாத³னஞ்ச ஜஞ்ஞா, அபஸாத³னஞ்ச ஜஞ்ஞா; உஸ்ஸாத³னஞ்ச ஞத்வா அபஸாத³னஞ்ச ஞத்வா
நேவுஸ்ஸாதெ³ய்ய, ந அபஸாதெ³ய்ய [நாபஸாதெ³ய்ய (ஸீ॰)],
த⁴ம்மமேவ தே³ஸெய்ய. ஸுக²வினிச்ச²யங் ஜஞ்ஞா; ஸுக²வினிச்ச²யங் ஞத்வா
அஜ்ஜ²த்தங் ஸுக²மனுயுஞ்ஜெய்ய. ரஹோவாத³ங் ந பா⁴ஸெய்ய, ஸம்முகா² ந கீ²ணங் [நாதிகீ²ணங் (ஸ்யா॰ கங்॰ க॰)] ப⁴ணே. அதரமானோவ பா⁴ஸெய்ய, நோ தரமானோ. ஜனபத³னிருத்திங் நாபி⁴னிவேஸெய்ய, ஸமஞ்ஞங் நாதிதா⁴வெய்யாதி – அயமுத்³தே³ஸோ அரணவிப⁴ங்க³ஸ்ஸ.

324. ‘‘‘ந
காமஸுக²மனுயுஞ்ஜெய்ய ஹீனங் க³ம்மங் போது²ஜ்ஜனிகங் அனரியங் அனத்த²ஸங்ஹிதங்,
ந ச அத்தகிலமதா²னுயோக³மனுயுஞ்ஜெய்ய து³க்க²ங் அனரியங் அனத்த²ஸங்ஹித’ந்தி
– இதி கோ² பனேதங் வுத்தங்; கிஞ்சேதங் படிச்ச வுத்தங்? யோ
காமபடிஸந்தி⁴ஸுகி²னோ ஸோமனஸ்ஸானுயோகோ³ ஹீனோ க³ம்மோ போது²ஜ்ஜனிகோ அனரியோ
அனத்த²ஸங்ஹிதோ, ஸது³க்கோ² ஏஸோ த⁴ம்மோ ஸஉபகா⁴தோ ஸஉபாயாஸோ ஸபரிளாஹோ;
மிச்சா²படிபதா³. யோ காமபடிஸந்தி⁴ஸுகி²னோ ஸோமனஸ்ஸானுயோக³ங் அனநுயோகோ³
ஹீனங் க³ம்மங் போது²ஜ்ஜனிகங் அனரியங் அனத்த²ஸங்ஹிதங், அது³க்கோ² ஏஸோ
த⁴ம்மோ அனுபகா⁴தோ அனுபாயாஸோ அபரிளாஹோ; ஸம்மாபடிபதா³. யோ அத்தகிலமதா²னுயோகோ³
து³க்கோ² அனரியோ அனத்த²ஸங்ஹிதோ, ஸது³க்கோ² ஏஸோ த⁴ம்மோ ஸஉபகா⁴தோ ஸஉபாயாஸோ
ஸபரிளாஹோ; மிச்சா²படிபதா³. யோ அத்தகிலமதா²னுயோக³ங் அனநுயோகோ³ து³க்க²ங்
அனரியங் அனத்த²ஸங்ஹிதங், அது³க்கோ² ஏஸோ த⁴ம்மோ அனுபகா⁴தோ
அனுபாயாஸோ அபரிளாஹோ; ஸம்மாபடிபதா³. ‘ந காமஸுக²மனுயுஞ்ஜெய்ய ஹீனங் க³ம்மங்
போது²ஜ்ஜனிகங் அனரியங் அனத்த²ஸங்ஹிதங், ந ச அத்தகிலமதா²னுயோக³ங்
அனுயுஞ்ஜெய்ய து³க்க²ங் அனரியங் அனத்த²ஸங்ஹித’ந்தி – இதி யங் தங் வுத்தங்
இத³மேதங் படிச்ச வுத்தங்.

325.
‘‘‘ஏதே கோ² உபோ⁴ அந்தே அனுபக³ம்ம மஜ்ஜி²மா படிபதா³ ததா²க³தேன
அபி⁴ஸம்பு³த்³தா⁴, சக்கு²கரணீ ஞாணகரணீ உபஸமாய அபி⁴ஞ்ஞாய ஸம்போ³தா⁴ய
நிப்³பா³னாய ஸங்வத்ததீ’தி – இதி கோ² பனேதங் வுத்தங். கிஞ்சேதங் படிச்ச
வுத்தங்? அயமேவ அரியோ அட்ட²ங்கி³கோ மக்³கோ³, ஸெய்யதி²த³ங் – ஸம்மாதி³ட்டி² ,
ஸம்மாஸங்கப்போ, ஸம்மாவாசா, ஸம்மாகம்மந்தோ, ஸம்மாஆஜீவோ, ஸம்மாவாயாமோ,
ஸம்மாஸதி, ஸம்மாஸமாதி⁴. ‘ஏதே கோ² உபோ⁴ அந்தே அனுபக³ம்ம மஜ்ஜி²மா படிபதா³
ததா²க³தேன அபி⁴ஸம்பு³த்³தா⁴, சக்கு²கரணீ ஞாணகரணீ உபஸமாய அபி⁴ஞ்ஞாய
ஸம்போ³தா⁴ய நிப்³பா³னாய ஸங்வத்ததீ’தி – இதி யங் தங் வுத்தங், இத³மேதங்
படிச்ச வுத்தங்.

326.
‘‘‘உஸ்ஸாத³னஞ்ச ஜஞ்ஞா, அபஸாத³னஞ்ச ஜஞ்ஞா; உஸ்ஸாத³னஞ்ச ஞத்வா அபஸாத³னஞ்ச
ஞத்வா நேவுஸ்ஸாதெ³ய்ய, ந அபஸாதெ³ய்ய, த⁴ம்மமேவ தே³ஸெய்யா’தி – இதி கோ²
பனேதங் வுத்தங். கிஞ்சேதங் படிச்ச வுத்தங்? கத²ஞ்ச, பி⁴க்க²வே, உஸ்ஸாத³னா ச
ஹோதி அபஸாத³னா ச, நோ ச த⁴ம்மதே³ஸனா? ‘யே காமபடிஸந்தி⁴ஸுகி²னோ
ஸோமனஸ்ஸானுயோக³ங் அனுயுத்தா ஹீனங் க³ம்மங் போது²ஜ்ஜனிகங் அனரியங்
அனத்த²ஸங்ஹிதங், ஸப்³பே³ தே ஸது³க்கா² ஸஉபகா⁴தா ஸஉபாயாஸா ஸபரிளாஹா
மிச்சா²படிபன்னா’தி – இதி வத³ங் [இதி பரங் (க॰)] இத்தே²கே அபஸாதே³தி.

‘‘‘யே அத்தகிலமதா²னுயோக³ங் அனுயுத்தா து³க்க²ங் அனரியங் அனத்த²ஸங்ஹிதங், ஸப்³பே³ தே ஸது³க்கா² ஸஉபகா⁴தா ஸஉபாயாஸா ஸபரிளாஹா மிச்சா²படிபன்னா’தி – இதி வத³ங் இத்தே²கே அபஸாதே³தி.

‘‘‘யே அத்தகிலமதா²னுயோக³ங் அனநுயுத்தா து³க்க²ங் அனரியங் அனத்த²ஸங்ஹிதங், ஸப்³பே³ தே அது³க்கா² அனுபகா⁴தா அனுபாயாஸா அபரிளாஹா ஸம்மாபடிபன்னா’தி – இதி வத³ங் இத்தே²கே உஸ்ஸாதே³தி.

‘‘‘யேஸங் கேஸஞ்சி ப⁴வஸங்யோஜனங் அப்பஹீனங், ஸப்³பே³ தே
ஸது³க்கா² ஸஉபகா⁴தா ஸஉபாயாஸா ஸபரிளாஹா மிச்சா²படிபன்னா’தி – இதி வத³ங்
இத்தே²கே அபஸாதே³தி.

‘‘‘யேஸங் கேஸஞ்சி ப⁴வஸங்யோஜனங் பஹீனங், ஸப்³பே³ தே
அது³க்கா² அனுபகா⁴தா அனுபாயாஸா அபரிளாஹா ஸம்மாபடிபன்னா’தி – இதி வத³ங்
இத்தே²கே உஸ்ஸாதே³தி. ஏவங் கோ², பி⁴க்க²வே, உஸ்ஸாத³னா ச ஹோதி அபஸாத³னா ச,
நோ ச த⁴ம்மதே³ஸனா.

327. ‘‘கத²ஞ்ச, பி⁴க்க²வே, நேவுஸ்ஸாத³னா ஹோதி ந அபஸாத³னா, த⁴ம்மதே³ஸனா ச [த⁴ம்மதே³ஸனாவ (ஸ்யா॰ கங்॰)]?
‘யே காமபடிஸந்தி⁴ஸுகி²னோ ஸோமனஸ்ஸானுயோக³ங் அனுயுத்தா ஹீனங் க³ம்மங்
போது²ஜ்ஜனிகங் அனரியங் அனத்த²ஸங்ஹிதங், ஸப்³பே³ தே ஸது³க்கா² ஸஉபகா⁴தா
ஸஉபாயாஸா ஸபரிளாஹா மிச்சா²படிபன்னா’தி – ந ஏவமாஹ. ‘அனுயோகோ³ ச கோ²,
ஸது³க்கோ² ஏஸோ த⁴ம்மோ ஸஉபகா⁴தோ ஸஉபாயாஸோ ஸபரிளாஹோ; மிச்சா²படிபதா³’தி – இதி
வத³ங் த⁴ம்மமேவ தே³ஸேதி.

‘‘‘யே காமபடிஸந்தி⁴ஸுகி²னோ ஸோமனஸ்ஸானுயோக³ங்
அனநுயுத்தா ஹீனங் க³ம்மங் போது²ஜ்ஜனிகங் அனரியங் அனத்த²ஸங்ஹிதங், ஸப்³பே³
தே அது³க்கா² அனுபகா⁴தா அனுபாயாஸா அபரிளாஹா ஸம்மாபடிபன்னா’தி – ந ஏவமாஹ.
‘அனநுயோகோ³ ச கோ², அது³க்கோ² ஏஸோ த⁴ம்மோ அனுபகா⁴தோ அனுபாயாஸோ அபரிளாஹோ;
ஸம்மாபடிபதா³’தி – இதி வத³ங் த⁴ம்மமேவ தே³ஸேதி.

‘‘‘யே அத்தகிலமதா²னுயோக³ங்
அனுயுத்தா து³க்க²ங் அனரியங் அனத்த²ஸங்ஹிதங், ஸப்³பே³ தே ஸது³க்கா²
ஸஉபகா⁴தா ஸஉபாயாஸா ஸபரிளாஹா மிச்சா²படிபன்னா’தி – ந ஏவமாஹ. ‘அனுயோகோ³ ச கோ²
, ஸது³க்கோ² ஏஸோ த⁴ம்மோ ஸஉபகா⁴தோ ஸஉபாயாஸோ ஸபரிளாஹோ; மிச்சா²படிபதா³’தி – இதி வத³ங் த⁴ம்மமேவ தே³ஸேதி.

‘‘‘யே அத்தகிலமதா²னுயோக³ங் அனநுயுத்தா து³க்க²ங்
அனரியங் அனத்த²ஸங்ஹிதங், ஸப்³பே³ தே அது³க்கா² அனுபகா⁴தா அனுபாயாஸா
அபரிளாஹா ஸம்மாபடிபன்னா’தி – ந ஏவமாஹ. ‘அனநுயோகோ³ ச கோ², அது³க்கோ² ஏஸோ
த⁴ம்மோ அனுபகா⁴தோ அனுபாயாஸோ அபரிளாஹோ; ஸம்மாபடிபதா³’தி – இதி வத³ங்
த⁴ம்மமேவ தே³ஸேதி.

‘‘‘யேஸங் கேஸஞ்சி ப⁴வஸங்யோஜனங் அப்பஹீனங், ஸப்³பே³ தே ஸது³க்கா² ஸஉபகா⁴தா ஸஉபாயாஸா ஸபரிளாஹா மிச்சா²படிபன்னா’தி – ந ஏவமாஹ . ‘ப⁴வஸங்யோஜனே ச கோ² அப்பஹீனே ப⁴வோபி அப்பஹீனோ ஹோதீ’தி – இதி வத³ங் த⁴ம்மமேவ தே³ஸேதி.

‘‘‘யேஸங் கேஸஞ்சி ப⁴வஸங்யோஜனங் பஹீனங், ஸப்³பே³ தே
அது³க்கா² அனுபகா⁴தா அனுபாயாஸா அபரிளாஹா ஸம்மாபடிபன்னா’தி – ந ஏவமாஹ.
‘ப⁴வஸங்யோஜனே ச கோ² பஹீனே ப⁴வோபி பஹீனோ ஹோதீ’தி – இதி வத³ங் த⁴ம்மமேவ
தே³ஸேதி. ஏவங் கோ², பி⁴க்க²வே, நேவுஸ்ஸாத³னா ஹோதி ந அபஸாத³னா, த⁴ம்மதே³ஸனா
ச. ‘உஸ்ஸாத³னஞ்ச ஜஞ்ஞா, அபஸாத³னஞ்ச ஜஞ்ஞா; உஸ்ஸாத³னஞ்ச ஞத்வா அபஸாத³னஞ்ச
ஞத்வா நேவுஸ்ஸாதெ³ய்ய, ந அபஸாதெ³ய்ய, த⁴ம்மமேவ தே³ஸெய்யா’தி – இதி யங் தங்
வுத்தங் இத³மேதங் படிச்ச வுத்தங்.

328.
‘‘‘ஸுக²வினிச்ச²யங் ஜஞ்ஞா; ஸுக²வினிச்ச²யங் ஞத்வா அஜ்ஜ²த்தங்
ஸுக²மனுயுஞ்ஜெய்யா’தி – இதி கோ² பனேதங் வுத்தங். கிஞ்சேதங் படிச்ச வுத்தங்?
பஞ்சிமே, பி⁴க்க²வே, காமகு³ணா. கதமே பஞ்ச? சக்கு²விஞ்ஞெய்யா ரூபா இட்டா²
கந்தா மனாபா பியரூபா காமூபஸங்ஹிதா ரஜனீயா, ஸோதவிஞ்ஞெய்யா
ஸத்³தா³… கா⁴னவிஞ்ஞெய்யா க³ந்தா⁴… ஜிவ்ஹாவிஞ்ஞெய்யா ரஸா… காயவிஞ்ஞெய்யா
பொ²ட்ட²ப்³பா³ இட்டா² கந்தா மனாபா பியரூபா காமூபஸங்ஹிதா ரஜனீயா – இமே கோ²,
பி⁴க்க²வே, பஞ்ச காமகு³ணா. யங் கோ², பி⁴க்க²வே, இமே பஞ்ச காமகு³ணே படிச்ச
உப்பஜ்ஜதி ஸுக²ங் ஸோமனஸ்ஸங் இத³ங் வுச்சதி காமஸுக²ங் மீள்ஹஸுக²ங்
புது²ஜ்ஜனஸுக²ங் அனரியஸுக²ங். ‘ந ஆஸேவிதப்³ப³ங், ந பா⁴வேதப்³ப³ங், ந
ப³ஹுலீகாதப்³ப³ங், பா⁴யிதப்³ப³ங் ஏதஸ்ஸ ஸுக²ஸ்ஸா’தி – வதா³மி. இத⁴ ,
பி⁴க்க²வே, பி⁴க்கு² விவிச்சேவ காமேஹி விவிச்ச அகுஸலேஹி த⁴ம்மேஹி
ஸவிதக்கங் ஸவிசாரங் விவேகஜங் பீதிஸுக²ங் பட²மங் ஜா²னங் உபஸம்பஜ்ஜ விஹரதி.
விதக்கவிசாரானங் வூபஸமா அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங்
அவிதக்கங் அவிசாரங் ஸமாதி⁴ஜங் பீதிஸுக²ங் து³தியங் ஜா²னங் உபஸம்பஜ்ஜ
விஹரதி. பீதியா ச விராகா³ உபெக்க²கோ ச விஹரதி…பே॰… ததியங் ஜா²னங்…
சதுத்த²ங் ஜா²னங் உபஸம்பஜ்ஜ விஹரதி. இத³ங் வுச்சதி நெக்க²ம்மஸுக²ங்
பவிவேகஸுக²ங் உபஸமஸுக²ங் ஸம்போ³தி⁴ஸுக²ங். ‘ஆஸேவிதப்³ப³ங், பா⁴வேதப்³ப³ங்,
ப³ஹுலீகாதப்³ப³ங், ந பா⁴யிதப்³ப³ங் ஏதஸ்ஸ ஸுக²ஸ்ஸா’தி – வதா³மி . ‘ஸுக²வினிச்ச²யங் ஜஞ்ஞா ; ஸுக²வினிச்ச²யங் ஞத்வா அஜ்ஜ²த்தங் ஸுக²மனுயுஞ்ஜெய்யா’தி – இதி யங் தங் வுத்தங் இத³மேதங் படிச்ச வுத்தங்.

329.
‘‘‘ரஹோவாத³ங் ந பா⁴ஸெய்ய, ஸம்முகா² ந கீ²ணங் ப⁴ணே’தி – இதி கோ² பனேதங்
வுத்தங். கிஞ்சேதங் படிச்ச வுத்தங்? தத்ர, பி⁴க்க²வே, யங் ஜஞ்ஞா ரஹோவாத³ங்
அபூ⁴தங் அதச்ச²ங் அனத்த²ஸங்ஹிதங் ஸஸக்கங் [ஸம்பத்தங் (க॰)]
தங் ரஹோவாத³ங் ந பா⁴ஸெய்ய. யம்பி ஜஞ்ஞா ரஹோவாத³ங் பூ⁴தங் தச்ச²ங்
அனத்த²ஸங்ஹிதங் தஸ்ஸபி ஸிக்கெ²ய்ய அவசனாய. யஞ்ச கோ² ஜஞ்ஞா ரஹோவாத³ங்
பூ⁴தங் தச்ச²ங் அத்த²ஸங்ஹிதங் தத்ர காலஞ்ஞூ அஸ்ஸ தஸ்ஸ ரஹோவாத³ஸ்ஸ வசனாய.
தத்ர, பி⁴க்க²வே, யங் ஜஞ்ஞா ஸம்முகா² கீ²ணவாத³ங் அபூ⁴தங் அதச்ச²ங்
அனத்த²ஸங்ஹிதங் ஸஸக்கங் தங் ஸம்முகா² கீ²ணவாத³ங் ந பா⁴ஸெய்ய. யம்பி ஜஞ்ஞா
ஸம்முகா² கீ²ணவாத³ங் பூ⁴தங் தச்ச²ங் அனத்த²ஸங்ஹிதங் தஸ்ஸபி ஸிக்கெ²ய்ய
அவசனாய. யஞ்ச கோ² ஜஞ்ஞா ஸம்முகா² கீ²ணவாத³ங் பூ⁴தங் தச்ச²ங் அத்த²ஸங்ஹிதங்
தத்ர காலஞ்ஞூ அஸ்ஸ தஸ்ஸ ஸம்முகா² கீ²ணவாத³ஸ்ஸ வசனாய. ‘ரஹோவாத³ங் ந
பா⁴ஸெய்ய, ஸம்முகா² ந கீ²ணங் ப⁴ணே’தி – இதி யங் தங் வுத்தங், இத³மேதங்
படிச்ச வுத்தங்.

330.
‘‘‘அதரமானோவ பா⁴ஸெய்ய நோ தரமானோ’தி – இதி கோ² பனேதங் வுத்தங். கிஞ்சேதங்
படிச்ச வுத்தங்? தத்ர, பி⁴க்க²வே, தரமானஸ்ஸ பா⁴ஸதோ காயோபி கிலமதி,
சித்தம்பி உபஹஞ்ஞதி [ஊஹஞ்ஞதி (ஸீ॰)], ஸரோபி உபஹஞ்ஞதி [ஊஹஞ்ஞதி (ஸீ॰)],
கண்டோ²பி ஆதுரீயதி, அவிஸட்ட²ம்பி ஹோதி அவிஞ்ஞெய்யங் தரமானஸ்ஸ பா⁴ஸிதங்.
தத்ர, பி⁴க்க²வே, அதரமானஸ்ஸ பா⁴ஸதோ காயோபி ந கிலமதி, சித்தம்பி ந உபஹஞ்ஞதி,
ஸரோபி ந உபஹஞ்ஞதி, கண்டோ²பி ந ஆதுரீயதி, விஸட்ட²ம்பி ஹோதி விஞ்ஞெய்யங்
அதரமானஸ்ஸ பா⁴ஸிதங். ‘அதரமானோவ பா⁴ஸெய்ய, நோ தரமானோ’தி – இதி யங் தங்
வுத்தங், இத³மேதங் படிச்ச வுத்தங்.

331. ‘‘‘ஜனபத³னிருத்திங்
நாபி⁴னிவேஸெய்ய, ஸமஞ்ஞங் நாதிதா⁴வெய்யா’தி – இதி கோ² பனேதங் வுத்தங்.
கிஞ்சேதங் படிச்ச வுத்தங்? கத²ஞ்ச, பி⁴க்க²வே, ஜனபத³னிருத்தியா ச
அபி⁴னிவேஸோ ஹோதி ஸமஞ்ஞாய ச அதிஸாரோ? இத⁴, பி⁴க்க²வே, ததே³வேகச்சேஸு
ஜனபதே³ஸு ‘பாதீ’தி ஸஞ்ஜானந்தி, ‘பத்த’ந்தி ஸஞ்ஜானந்தி , ‘வித்த’ந்தி [விட்ட²ந்தி (ஸ்யா॰ கங்॰)] ஸஞ்ஜானந்தி, ‘ஸராவ’ந்தி ஸஞ்ஜானந்தி ‘தா⁴ரோப’ந்தி [ஹரோஸந்தி (ஸ்யா॰ கங்॰)] ஸஞ்ஜானந்தி, ‘போண’ந்தி ஸஞ்ஜானந்தி, ‘பிஸீலவ’ந்தி [பிஸீலந்தி (ஸீ॰ பீ॰), பிபிலந்தி (ஸ்யா॰ கங்॰)] ஸஞ்ஜானந்தி. இதி யதா² யதா² நங் தேஸு தேஸு ஜனபதே³ஸு ஸஞ்ஜானந்தி ததா² ததா² தா²மஸா பராமாஸா [பராமஸ்ஸ (ஸீ॰)] அபி⁴னிவிஸ்ஸ வோஹரதி – ‘இத³மேவ ஸச்சங் , மோக⁴மஞ்ஞ’ந்தி. ஏவங் கோ², பி⁴க்க²வே, ஜனபத³னிருத்தியா ச அபி⁴னிவேஸோ ஹோதி ஸமஞ்ஞாய ச அதிஸாரோ.

332.
‘‘கத²ஞ்ச, பி⁴க்க²வே, ஜனபத³னிருத்தியா ச அனபி⁴னிவேஸோ ஹோதி ஸமஞ்ஞாய ச
அனதிஸாரோ? இத⁴, பி⁴க்க²வே, ததே³வேகச்சேஸு ஜனபதே³ஸு ‘பாதீ’தி ஸஞ்ஜானந்தி,
‘பத்த’ந்தி ஸஞ்ஜானந்தி, ‘வித்த’ந்தி ஸஞ்ஜானந்தி, ‘ஸராவ’ந்தி ஸஞ்ஜானந்தி,
‘தா⁴ரோப’ந்தி ஸஞ்ஜானந்தி, ‘போண’ந்தி ஸஞ்ஜானந்தி, ‘பிஸீலவ’ந்தி ஸஞ்ஜானந்தி.
இதி யதா² யதா² நங் தேஸு தேஸு ஜனபதே³ஸு ஸஞ்ஜானந்தி ‘இத³ங் கிர மே [இத³ங் கிர தே ச (க॰)]
ஆயஸ்மந்தோ ஸந்தா⁴ய வோஹரந்தீ’தி ததா² ததா² வோஹரதி அபராமஸங். ஏவங் கோ²,
பி⁴க்க²வே, ஜனபத³னிருத்தியா ச அனபி⁴னிவேஸோ ஹோதி, ஸமஞ்ஞாய ச அனதிஸாரோ.
‘ஜனபத³னிருத்திங் நாபி⁴னிவேஸெய்ய ஸமஞ்ஞங் நாதிதா⁴வெய்யா’தி – இதி யங் தங்
வுத்தங், இத³மேதங் படிச்ச வுத்தங்.

333.
‘‘தத்ர, பி⁴க்க²வே, யோ காமபடிஸந்தி⁴ஸுகி²னோ ஸோமனஸ்ஸானுயோகோ³ ஹீனோ க³ம்மோ
போது²ஜ்ஜனிகோ அனரியோ அனத்த²ஸங்ஹிதோ, ஸது³க்கோ² ஏஸோ த⁴ம்மோ ஸஉபகா⁴தோ
ஸஉபாயாஸோ ஸபரிளாஹோ; மிச்சா²படிபதா³. தஸ்மா ஏஸோ
த⁴ம்மோ ஸரணோ. தத்ர, பி⁴க்க²வே, யோ காமபடிஸந்தி⁴ஸுகி²னோ ஸோமனஸ்ஸானுயோக³ங்
அனநுயோகோ³ ஹீனங் க³ம்மங் போது²ஜ்ஜனிகங் அனரியங் அனத்த²ஸங்ஹிதங், அது³க்கோ²
ஏஸோ த⁴ம்மோ அனுபகா⁴தோ அனுபாயாஸோ அபரிளாஹோ; ஸம்மாபடிபதா³. தஸ்மா ஏஸோ த⁴ம்மோ
அரணோ.

334. ‘‘தத்ர, பி⁴க்க²வே, யோ அத்தகிலமதா²னுயோகோ³ து³க்கோ² அனரியோ அனத்த²ஸங்ஹிதோ, ஸது³க்கோ² ஏஸோ த⁴ம்மோ ஸஉபகா⁴தோ ஸஉபாயாஸோ
ஸபரிளாஹோ; மிச்சா²படிபதா³. தஸ்மா ஏஸோ த⁴ம்மோ ஸரணோ. தத்ர, பி⁴க்க²வே, யோ
அத்தகிலமதா²னுயோக³ங் அனநுயோகோ³ து³க்க²ங் அனரியங் அனத்த²ஸங்ஹிதங்,
அது³க்கோ² ஏஸோ த⁴ம்மோ அனுபகா⁴தோ அனுபாயாஸோ அபரிளாஹோ; ஸம்மாபடிபதா³. தஸ்மா
ஏஸோ த⁴ம்மோ அரணோ.

335.
‘‘தத்ர, பி⁴க்க²வே, யாயங் மஜ்ஜி²மா படிபதா³ ததா²க³தேன அபி⁴ஸம்பு³த்³தா⁴,
சக்கு²கரணீ ஞாணகரணீ உபஸமாய அபி⁴ஞ்ஞாய ஸம்போ³தா⁴ய நிப்³பா³னாய ஸங்வத்ததி,
அது³க்கோ² ஏஸோ த⁴ம்மோ அனுபகா⁴தோ அனுபாயாஸோ அபரிளாஹோ; ஸம்மாபடிபதா³ . தஸ்மா ஏஸோ த⁴ம்மோ அரணோ.

336. ‘‘தத்ர ,
பி⁴க்க²வே, யாயங் உஸ்ஸாத³னா ச அபஸாத³னா ச நோ ச த⁴ம்மதே³ஸனா, ஸது³க்கோ² ஏஸோ
த⁴ம்மோ ஸஉபகா⁴தோ ஸஉபாயாஸோ ஸபரிளாஹோ; மிச்சா²படிபதா³. தஸ்மா ஏஸோ த⁴ம்மோ
ஸரணோ. தத்ர, பி⁴க்க²வே, யாயங் நேவுஸ்ஸாத³னா ச ந அபஸாத³னா ச த⁴ம்மதே³ஸனா ச,
அது³க்கோ² ஏஸோ த⁴ம்மோ அனுபகா⁴தோ அனுபாயாஸோ அபரிளாஹோ; ஸம்மாபடிபதா³. தஸ்மா
ஏஸோ த⁴ம்மோ அரணோ.

337. ‘‘தத்ர, பி⁴க்க²வே, யமித³ங் காமஸுக²ங் மீள்ஹஸுக²ங் போது²ஜ்ஜனஸுக²ங் அனரியஸுக²ங் ,
ஸது³க்கோ² ஏஸோ த⁴ம்மோ ஸஉபகா⁴தோ ஸஉபாயாஸோ ஸபரிளாஹோ; மிச்சா²படிபதா³. தஸ்மா
ஏஸோ த⁴ம்மோ ஸரணோ. தத்ர, பி⁴க்க²வே, யமித³ங் நெக்க²ம்மஸுக²ங் பவிவேகஸுக²ங்
உபஸமஸுக²ங் ஸம்போ³தி⁴ஸுக²ங், அது³க்கோ² ஏஸோ த⁴ம்மோ அனுபகா⁴தோ அனுபாயாஸோ
அபரிளாஹோ; ஸம்மாபடிபதா³. தஸ்மா ஏஸோ த⁴ம்மோ அரணோ.

338.
‘‘தத்ர, பி⁴க்க²வே, ய்வாயங் ரஹோவாதோ³ அபூ⁴தோ அதச்சோ² அனத்த²ஸங்ஹிதோ,
ஸது³க்கோ² ஏஸோ த⁴ம்மோ ஸஉபகா⁴தோ ஸஉபாயாஸோ ஸபரிளாஹோ; மிச்சா²படிபதா³. தஸ்மா
ஏஸோ த⁴ம்மோ ஸரணோ. தத்ர, பி⁴க்க²வே, ய்வாயங் ரஹோவாதோ³ பூ⁴தோ தச்சோ²
அனத்த²ஸங்ஹிதோ, ஸது³க்கோ² ஏஸோ த⁴ம்மோ ஸஉபகா⁴தோ ஸஉபாயாஸோ ஸபரிளாஹோ;
மிச்சா²படிபதா³. தஸ்மா ஏஸோ த⁴ம்மோ ஸரணோ. தத்ர, பி⁴க்க²வே, ய்வாயங் ரஹோவாதோ³
பூ⁴தோ தச்சோ² அத்த²ஸங்ஹிதோ, அது³க்கோ² ஏஸோ த⁴ம்மோ அனுபகா⁴தோ அனுபாயாஸோ
அபரிளாஹோ; ஸம்மாபடிபதா³. தஸ்மா ஏஸோ த⁴ம்மோ அரணோ.

339. ‘‘தத்ர ,
பி⁴க்க²வே, ய்வாயங் ஸம்முகா² கீ²ணவாதோ³ அபூ⁴தோ அதச்சோ² அனத்த²ஸங்ஹிதோ,
ஸது³க்கோ² ஏஸோ த⁴ம்மோ ஸஉபகா⁴தோ ஸஉபாயாஸோ ஸபரிளாஹோ; மிச்சா²படிபதா³. தஸ்மா
ஏஸோ த⁴ம்மோ ஸரணோ. தத்ர, பி⁴க்க²வே, ய்வாயங் ஸம்முகா² கீ²ணவாதோ³ பூ⁴தோ
தச்சோ² அனத்த²ஸங்ஹிதோ, ஸது³க்கோ² ஏஸோ த⁴ம்மோ ஸஉபகா⁴தோ ஸஉபாயாஸோ ஸபரிளாஹோ;
மிச்சா²படிபதா³. தஸ்மா ஏஸோ த⁴ம்மோ ஸரணோ. தத்ர, பி⁴க்க²வே, ய்வாயங் ஸம்முகா²
கீ²ணவாதோ³ பூ⁴தோ தச்சோ² அத்த²ஸங்ஹிதோ, அது³க்கோ² ஏஸோ த⁴ம்மோ அனுபகா⁴தோ அனுபாயாஸோ அபரிளாஹோ; ஸம்மாபடிபதா³. தஸ்மா ஏஸோ த⁴ம்மோ அரணோ.

340.
‘‘தத்ர, பி⁴க்க²வே, யமித³ங் தரமானஸ்ஸ பா⁴ஸிதங், ஸது³க்கோ² ஏஸோ த⁴ம்மோ
ஸஉபகா⁴தோ ஸஉபாயாஸோ ஸபரிளாஹோ; மிச்சா²படிபதா³. தஸ்மா ஏஸோ த⁴ம்மோ ஸரணோ. தத்ர,
பி⁴க்க²வே , யமித³ங் அதரமானஸ்ஸ பா⁴ஸிதங், அது³க்கோ² ஏஸோ த⁴ம்மோ அனுபகா⁴தோ அனுபாயாஸோ அபரிளாஹோ; ஸம்மாபடிபதா³. தஸ்மா ஏஸோ த⁴ம்மோ அரணோ.

341.
‘‘தத்ர, பி⁴க்க²வே, ய்வாயங் ஜனபத³னிருத்தியா ச அபி⁴னிவேஸோ ஸமஞ்ஞாய ச
அதிஸாரோ, ஸது³க்கோ² ஏஸோ த⁴ம்மோ ஸஉபகா⁴தோ ஸஉபாயாஸோ ஸபரிளாஹோ;
மிச்சா²படிபதா³. தஸ்மா ஏஸோ த⁴ம்மோ ஸரணோ. தத்ர பி⁴க்க²வே, ய்வாயங்
ஜனபத³னிருத்தியா ச அனபி⁴னிவேஸோ ஸமஞ்ஞாய ச அனதிஸாரோ, அது³க்கோ² ஏஸோ த⁴ம்மோ
அனுபகா⁴தோ அனுபாயாஸோ அபரிளாஹோ; ஸம்மாபடிபதா³. தஸ்மா ஏஸோ த⁴ம்மோ அரணோ.

‘‘தஸ்மாதிஹ, பி⁴க்க²வே, ‘ஸரணஞ்ச த⁴ம்மங் ஜானிஸ்ஸாம,
அரணஞ்ச த⁴ம்மங் ஜானிஸ்ஸாம; ஸரணஞ்ச த⁴ம்மங் ஞத்வா அரணஞ்ச த⁴ம்மங் ஞத்வா
அரணபடிபத³ங் படிபஜ்ஜிஸ்ஸாமா’தி ஏவஞ்ஹி வோ, பி⁴க்க²வே, ஸிக்கி²தப்³ப³ங்.
ஸுபூ⁴தி ச பன, பி⁴க்க²வே, குலபுத்தோ அரணபடிபத³ங் படிபன்னோ’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

அரணவிப⁴ங்க³ஸுத்தங் நிட்டி²தங் நவமங்.

10. தா⁴துவிப⁴ங்க³ஸுத்தங்

342. ஏவங்
மே ஸுதங் – ஏகங் ஸமயங் ப⁴க³வா மக³தே⁴ஸு சாரிகங் சரமானோ யேன ராஜக³ஹங்
தத³வஸரி; யேன ப⁴க்³க³வோ கும்ப⁴காரோ தேனுபஸங்கமி; உபஸங்கமித்வா ப⁴க்³க³வங்
கும்ப⁴காரங் ஏதத³வோச – ‘‘ஸசே தே, ப⁴க்³க³வ, அக³ரு விஹரேமு ஆவேஸனே [விஹராமாவேஸனே (ஸீ॰ பீ॰), விஹராம நிவேஸனே (ஸ்யா॰ கங்॰), விஹரேமு நிவேஸனே (க॰)] ஏகரத்த’’ந்தி. ‘‘ந கோ² மே, ப⁴ந்தே, க³ரு. அத்தி² செத்த² பப்³ப³ஜிதோ பட²மங் வாஸூபக³தோ. ஸசே ஸோ அனுஜானாதி, விஹரத² [விஹர (ஸீ॰ பீ॰)], ப⁴ந்தே, யதா²ஸுக²’’ந்தி.

தேன கோ² பன ஸமயேன புக்குஸாதி
நாம குலபுத்தோ ப⁴க³வந்தங் உத்³தி³ஸ்ஸ ஸத்³தா⁴ய அகா³ரஸ்மா அனகா³ரியங்
பப்³ப³ஜிதோ. ஸோ தஸ்மிங் கும்ப⁴காராவேஸனே [கும்ப⁴காரனிவேஸனே (ஸ்யா॰ கங்॰ க॰)]
பட²மங் வாஸூபக³தோ ஹோதி. அத² கோ² ப⁴க³வா யேனாயஸ்மா புக்குஸாதி தேனுபஸங்கமி;
உபஸங்கமித்வா ஆயஸ்மந்தங் புக்குஸாதிங் ஏதத³வோச – ‘‘ஸசே தே, பி⁴க்கு²,
அக³ரு விஹரேமு ஆவேஸனே ஏகரத்த’’ந்தி. ‘‘உருந்த³ங், ஆவுஸோ [ஊரூந்த³ங் (ஸீ॰ ஸ்யா॰ கங்॰ பீ॰), உரூத்³த⁴ங் (க॰) தீ³॰ நி॰ 2 ஸக்கபஞ்ஹஸுத்தடீகா ஓலோகேதப்³பா³], கும்ப⁴காராவேஸனங். விஹரதாயஸ்மா யதா²ஸுக²’’ந்தி.

அத² கோ² ப⁴க³வா கும்ப⁴காராவேஸனங் பவிஸித்வா ஏகமந்தங் திணஸந்தா²ரகங் [திணஸந்த²ரிகங் (ஸீ॰), திணஸந்த²ரகங் (ஸ்யா॰ கங்॰)] பஞ்ஞாபெத்வா நிஸீதி³ பல்லங்கங் ஆபு⁴ஜித்வா உஜுங் காயங் பணிதா⁴ய பரிமுக²ங் ஸதிங் உபட்ட²பெத்வா. அத² கோ² ப⁴க³வா ப³ஹுதே³வ ரத்திங் நிஸஜ்ஜாய வீதினாமேஸி. ஆயஸ்மாபி கோ² புக்குஸாதி ப³ஹுதே³வ ரத்திங் நிஸஜ்ஜாய வீதினாமேஸி.

அத² கோ² ப⁴க³வதோ ஏதத³ஹோஸி – ‘‘பாஸாதி³கங் கோ² அயங்
குலபுத்தோ இரியதி. யங்னூனாஹங் புச்செ²ய்ய’’ந்தி. அத² கோ² ப⁴க³வா ஆயஸ்மந்தங்
புக்குஸாதிங் ஏதத³வோச – ‘‘கங்ஸி த்வங், பி⁴க்கு², உத்³தி³ஸ்ஸ பப்³ப³ஜிதோ?
கோ வா தே ஸத்தா²? கஸ்ஸ வா த்வங் த⁴ம்மங் ரோசேஸீ’’தி? ‘‘அத்தா²வுஸோ, ஸமணோ
கோ³தமோ ஸக்யபுத்தோ ஸக்யகுலா பப்³ப³ஜிதோ. தங் கோ² பன ப⁴க³வந்தங் கோ³தமங்
ஏவங் கல்யாணோ கித்திஸத்³தோ³ அப்³பு⁴க்³க³தோ – ‘இதிபி ஸோ ப⁴க³வா அரஹங்
ஸம்மாஸம்பு³த்³தோ⁴ விஜ்ஜாசரணஸம்பன்னோ ஸுக³தோ லோகவிதூ³ அனுத்தரோ
புரிஸத³ம்மஸாரதி² ஸத்தா² தே³வமனுஸ்ஸானங் பு³த்³தோ⁴ ப⁴க³வா’தி . தாஹங் ப⁴க³வந்தங் உத்³தி³ஸ்ஸ பப்³ப³ஜிதோ. ஸோ ச மே ப⁴க³வா ஸத்தா². தஸ்ஸ சாஹங் ப⁴க³வதோ
த⁴ம்மங் ரோசேமீ’’தி. ‘‘கஹங் பன, பி⁴க்கு², ஏதரஹி ஸோ ப⁴க³வா விஹரதி அரஹங்
ஸம்மாஸம்பு³த்³தோ⁴’’தி. ‘‘அத்தா²வுஸோ, உத்தரேஸு ஜனபதே³ஸு ஸாவத்தி² நாம
நக³ரங். தத்த² ஸோ ப⁴க³வா ஏதரஹி விஹரதி அரஹங் ஸம்மாஸம்பு³த்³தோ⁴’’தி.
‘‘தி³ட்ட²புப்³போ³ பன தே, பி⁴க்கு², ஸோ ப⁴க³வா; தி³ஸ்வா ச பன
ஜானெய்யாஸீ’’தி? ‘‘ந கோ² மே, ஆவுஸோ, தி³ட்ட²புப்³போ³ ஸோ ப⁴க³வா; தி³ஸ்வா சாஹங் ந ஜானெய்ய’’ந்தி.

அத² கோ² ப⁴க³வதோ ஏதத³ஹோஸி – ‘‘மமஞ்ச க்²வாயங் [மங் த்வாயங் (ஸீ॰), மமங் க்²வாயங் (ஸ்யா॰ கங்॰), மங் க்²வாயங் (பீ॰)]
குலபுத்தோ உத்³தி³ஸ்ஸ பப்³ப³ஜிதோ. யங்னூனஸ்ஸாஹங் த⁴ம்மங் தே³ஸெய்ய’’ந்தி.
அத² கோ² ப⁴க³வா ஆயஸ்மந்தங் புக்குஸாதிங் ஆமந்தேஸி – ‘‘த⁴ம்மங் தே,
பி⁴க்கு², தே³ஸெஸ்ஸாமி. தங் ஸுணாஹி, ஸாது⁴கங் மனஸி கரோஹி; பா⁴ஸிஸ்ஸாமீ’’தி.
‘‘ஏவமாவுஸோ’’தி கோ² ஆயஸ்மா புக்குஸாதி ப⁴க³வதோ பச்சஸ்ஸோஸி. ப⁴க³வா ஏதத³வோச –

343. ‘‘‘ச²தா⁴துரோ [ச²த்³தா⁴துரோ (ஸீ॰)]
அயங், பி⁴க்கு², புரிஸோ ச²ப²ஸ்ஸாயதனோ அட்டா²ரஸமனோபவிசாரோ சதுராதி⁴ட்டா²னோ;
யத்த² டி²தங் மஞ்ஞஸ்ஸவா நப்பவத்தந்தி, மஞ்ஞஸ்ஸவே கோ² பன நப்பவத்தமானே முனி
ஸந்தோதி வுச்சதி. பஞ்ஞங் நப்பமஜ்ஜெய்ய, ஸச்சமனுரக்கெ²ய்ய,
சாக³மனுப்³ரூஹெய்ய, ஸந்திமேவ ஸோ ஸிக்கெ²ய்யா’தி – அயமுத்³தே³ஸோ
தா⁴துவிப⁴ங்க³ஸ்ஸ [ச²தா⁴துவிப⁴ங்க³ஸ்ஸ (ஸீ॰ ஸ்யா॰ கங்॰ பீ॰)].

344. ‘‘‘ச²தா⁴துரோ அயங், பி⁴க்கு², புரிஸோ’தி – இதி கோ² பனேதங் வுத்தங். கிஞ்சேதங் படிச்ச வுத்தங்? (ச²யிமா, பி⁴க்கு², தா⁴துயோ) [( ) நத்தி² ஸீ॰ பீ॰ பொத்த²கேஸு]
– பத²வீதா⁴து, ஆபோதா⁴து, தேஜோதா⁴து, வாயோதா⁴து, ஆகாஸதா⁴து, விஞ்ஞாணதா⁴து.
‘ச²தா⁴துரோ அயங், பி⁴க்கு², புரிஸோ’தி – இதி யங் தங் வுத்தங், இத³மேதங்
படிச்ச வுத்தங்.

345.
‘‘‘ச²ப²ஸ்ஸாயதனோ அயங், பி⁴க்கு², புரிஸோ’தி – இதி கோ² பனேதங் வுத்தங்.
கிஞ்சேதங் படிச்ச வுத்தங்? சக்கு²ஸம்ப²ஸ்ஸாயதனங், ஸோதஸம்ப²ஸ்ஸாயதனங்,
கா⁴னஸம்ப²ஸ்ஸாயதனங், ஜிவ்ஹாஸம்ப²ஸ்ஸாயதனங், காயஸம்ப²ஸ்ஸாயதனங்,
மனோஸம்ப²ஸ்ஸாயதனங். ‘ச²ப²ஸ்ஸாயதனோ அயங், பி⁴க்கு², புரிஸோ’தி – இதி யங் தங்
வுத்தங், இத³மேதங் படிச்ச வுத்தங்.

346. ‘‘‘அட்டா²ரஸமனோபவிசாரோ
அயங், பி⁴க்கு², புரிஸோ’தி – இதி கோ² பனேதங் வுத்தங். கிஞ்சேதங் படிச்ச
வுத்தங்? சக்கு²னா ரூபங் தி³ஸ்வா ஸோமனஸ்ஸட்டா²னீயங் ரூபங் உபவிசரதி,
தோ³மனஸ்ஸட்டா²னீயங் ரூபங் உபவிசரதி, உபெக்கா²ட்டா²னீயங் ரூபங் உபவிசரதி; ஸோதேன ஸத்³த³ங் ஸுத்வா…பே॰… கா⁴னேன க³ந்த⁴ங்
கா⁴யித்வா… ஜிவ்ஹாய ரஸங் ஸாயித்வா… காயேன பொ²ட்ட²ப்³ப³ங் பு²ஸித்வா… மனஸா
த⁴ம்மங் விஞ்ஞாய ஸோமனஸ்ஸட்டா²னீயங் த⁴ம்மங் உபவிசரதி, தோ³மனஸ்ஸட்டா²னீயங்
த⁴ம்மங் உபவிசரதி , உபெக்கா²ட்டா²னீயங் த⁴ம்மங்
உபவிசரதி – இதி ச² ஸோமனஸ்ஸுபவிசாரா, ச² தோ³மனஸ்ஸுபவிசாரா, ச²
உபெக்கு²பவிசாரா. ‘அட்டா²ரஸமனோபவிசாரோ அயங், பி⁴க்கு², புரிஸோ’தி – இதி யங்
தங் வுத்தங், இத³மேதங் படிச்ச வுத்தங்.

347.
‘‘‘சதுராதி⁴ட்டா²னோ அயங், பி⁴க்கு², புரிஸோ’தி – இதி கோ² பனேதங் வுத்தங்.
கிஞ்சேதங் படிச்ச வுத்தங்? பஞ்ஞாதி⁴ட்டா²னோ, ஸச்சாதி⁴ட்டா²னோ,
சாகா³தி⁴ட்டா²னோ, உபஸமாதி⁴ட்டா²னோ. ‘சதுராதி⁴ட்டா²னோ அயங், பி⁴க்கு²,
புரிஸோ’தி – இதி யங் தங் வுத்தங் இத³மேதங் படிச்ச வுத்தங்.

348.
‘‘‘பஞ்ஞங் நப்பமஜ்ஜெய்ய, ஸச்சமனுரக்கெ²ய்ய, சாக³மனுப்³ரூஹெய்ய, ஸந்திமேவ
ஸோ ஸிக்கெ²ய்யா’தி – இதி கோ² பனேதங் வுத்தங். கிஞ்சேதங் படிச்ச வுத்தங்?
கத²ஞ்ச, பி⁴க்கு², பஞ்ஞங் நப்பமஜ்ஜதி? ச²யிமா, பி⁴க்கு², தா⁴துயோ –
பத²வீதா⁴து, ஆபோதா⁴து, தேஜோதா⁴து, வாயோதா⁴து, ஆகாஸதா⁴து, விஞ்ஞாணதா⁴து.

349.
‘‘கதமா ச, பி⁴க்கு², பத²வீதா⁴து? பத²வீதா⁴து ஸியா அஜ்ஜ²த்திகா ஸியா
பா³ஹிரா. கதமா ச, பி⁴க்கு², அஜ்ஜ²த்திகா பத²வீதா⁴து? யங் அஜ்ஜ²த்தங்
பச்சத்தங் கக்க²ளங் க²ரிக³தங் உபாதி³ன்னங் [உபாதி³ண்ணங் (பீ॰ க॰)], ஸெய்யதி²த³ங் – கேஸா லோமா நகா² த³ந்தா தசோ மங்ஸங் ந்ஹாரு அட்டி² அட்டி²மிஞ்ஜங் [அட்டி²மிஞ்ஜா (ஸீ॰ பீ॰)]
வக்கங் ஹத³யங் யகனங் கிலோமகங் பிஹகங் பப்பா²ஸங் அந்தங் அந்தகு³ணங்
உத³ரியங் கரீஸங், யங் வா பனஞ்ஞம்பி கிஞ்சி அஜ்ஜ²த்தங் பச்சத்தங் கக்க²ளங்
க²ரிக³தங் உபாதி³ன்னங் – அயங் வுச்சதி, பி⁴க்கு², அஜ்ஜ²த்திகா பத²வீதா⁴து.
யா சேவ கோ² பன அஜ்ஜ²த்திகா பத²வீதா⁴து யா ச பா³ஹிரா பத²வீதா⁴து
பத²வீதா⁴துரேவேஸா . ‘தங் நேதங் மம நேஸோஹமஸ்மி ந மேஸோ அத்தா’தி – ஏவமேதங் யதா²பூ⁴தங் ஸம்மப்பஞ்ஞாய த³ட்ட²ப்³ப³ங். ஏவமேதங் யதா²பூ⁴தங் ஸம்மப்பஞ்ஞாய தி³ஸ்வா பத²வீதா⁴துயா நிப்³பி³ந்த³தி, பத²வீதா⁴துயா சித்தங் விராஜேதி.

350. ‘‘கதமா ச, பி⁴க்கு², ஆபோதா⁴து? ஆபோதா⁴து ஸியா அஜ்ஜ²த்திகா
ஸியா பா³ஹிரா. கதமா ச, பி⁴க்கு², அஜ்ஜ²த்திகா ஆபோதா⁴து? யங் அஜ்ஜ²த்தங்
பச்சத்தங் ஆபோ ஆபோக³தங் உபாதி³ன்னங் ஸெய்யதி²த³ங் – பித்தங் ஸெம்ஹங்
புப்³போ³ லோஹிதங் ஸேதோ³ மேதோ³ அஸ்ஸு வஸா கே²ளோ ஸிங்கா⁴ணிகா லஸிகா முத்தங்,
யங் வா பனஞ்ஞம்பி கிஞ்சி அஜ்ஜ²த்தங் பச்சத்தங் ஆபோ ஆபோக³தங் உபாதி³ன்னங் –
அயங் வுச்சதி, பி⁴க்கு², அஜ்ஜ²த்திகா ஆபோதா⁴து. யா சேவ கோ² பன அஜ்ஜ²த்திகா
ஆபோதா⁴து யா ச பா³ஹிரா ஆபோதா⁴து ஆபோதா⁴துரேவேஸா. ‘தங் நேதங் மம,
நேஸோஹமஸ்மி, ந மேஸோ அத்தா’தி – ஏவமேதங் யதா²பூ⁴தங் ஸம்மப்பஞ்ஞாய
த³ட்ட²ப்³ப³ங். ஏவமேதங் யதா²பூ⁴தங் ஸம்மப்பஞ்ஞாய தி³ஸ்வா ஆபோதா⁴துயா
நிப்³பி³ந்த³தி, ஆபோதா⁴துயா சித்தங் விராஜேதி.

351.
‘‘கதமா ச, பி⁴க்கு², தேஜோதா⁴து? தேஜோதா⁴து ஸியா அஜ்ஜ²த்திகா ஸியா பா³ஹிரா.
கதமா ச, பி⁴க்கு², அஜ்ஜ²த்திகா தேஜோதா⁴து? யங் அஜ்ஜ²த்தங் பச்சத்தங் தேஜோ
தேஜோக³தங் உபாதி³ன்னங், ஸெய்யதி²த³ங் – யேன ச ஸந்தப்பதி, யேன ச ஜீரீயதி,
யேன ச பரிட³ய்ஹதி, யேன ச அஸிதபீதகா²யிதஸாயிதங் ஸம்மா பரிணாமங் க³ச்ச²தி,
யங் வா பனஞ்ஞம்பி கிஞ்சி அஜ்ஜ²த்தங் பச்சத்தங் தேஜோ
தேஜோக³தங் உபாதி³ன்னங் – அயங் வுச்சதி, பி⁴க்கு², அஜ்ஜ²த்திகா தேஜோதா⁴து.
யா சேவ கோ² பன அஜ்ஜ²த்திகா தேஜோதா⁴து யா ச பா³ஹிரா தேஜோதா⁴து
தேஜோதா⁴துரேவேஸா. ‘தங் நேதங் மம, நேஸோஹமஸ்மி, ந மேஸோ அத்தா’தி – ஏவமேதங்
யதா²பூ⁴தங் ஸம்மப்பஞ்ஞாய த³ட்ட²ப்³ப³ங். ஏவமேதங் யதா²பூ⁴தங் ஸம்மப்பஞ்ஞாய
தி³ஸ்வா தேஜோதா⁴துயா நிப்³பி³ந்த³தி, தேஜோதா⁴துயா சித்தங் விராஜேதி.

352.
‘‘கதமா ச, பி⁴க்கு², வாயோதா⁴து? வாயோதா⁴து ஸியா அஜ்ஜ²த்திகா ஸியா பா³ஹிரா.
கதமா ச, பி⁴க்கு², அஜ்ஜ²த்திகா வாயோதா⁴து? யங் அஜ்ஜ²த்தங் பச்சத்தங் வாயோ
வாயோக³தங் உபாதி³ன்னங், ஸெய்யதி²த³ங் – உத்³த⁴ங்க³மா வாதா அதோ⁴க³மா வாதா
குச்சி²ஸயா வாதா கொட்டா²ஸயா [கொட்ட²ஸயா (ஸீ॰ ஸ்யா॰ கங்॰ பீ॰)]
வாதா அங்க³மங்கா³னுஸாரினோ வாதா அஸ்ஸாஸோ பஸ்ஸாஸோ இதி, யங் வா பனஞ்ஞம்பி
கிஞ்சி அஜ்ஜ²த்தங் பச்சத்தங் வாயோ வாயோக³தங் உபாதி³ன்னங் – அயங் வுச்சதி,
பி⁴க்கு², அஜ்ஜ²த்திகா வாயோதா⁴து. யா சேவ கோ² பன அஜ்ஜ²த்திகா வாயோதா⁴து யா ச
பா³ஹிரா வாயோதா⁴து வாயோதா⁴துரேவேஸா. ‘தங் நேதங் மம , நேஸோஹமஸ்மி ,
ந மேஸோ அத்தா’தி – ஏவமேதங் யதா²பூ⁴தங் ஸம்மப்பஞ்ஞாய த³ட்ட²ப்³ப³ங்.
ஏவமேதங் யதா²பூ⁴தங் ஸம்மப்பஞ்ஞாய தி³ஸ்வா வாயோதா⁴துயா நிப்³பி³ந்த³தி,
வாயோதா⁴துயா சித்தங் விராஜேதி.

353. ‘‘கதமா ச, பி⁴க்கு², ஆகாஸதா⁴து? ஆகாஸதா⁴து ஸியா அஜ்ஜ²த்திகா ஸியா பா³ஹிரா. கதமா ச, பி⁴க்கு², அஜ்ஜ²த்திகா ஆகாஸதா⁴து ? யங் அஜ்ஜ²த்தங் பச்சத்தங் ஆகாஸங் ஆகாஸக³தங் உபாதி³ன்னங், ஸெய்யதி²த³ங்
– கண்ணச்சி²த்³த³ங் நாஸச்சி²த்³த³ங் முக²த்³வாரங் யேன ச
அஸிதபீதகா²யிதஸாயிதங் அஜ்ஜோ²ஹரதி, யத்த² ச அஸிதபீதகா²யிதஸாயிதங்
ஸந்திட்ட²தி, யேன ச அஸிதபீதகா²யிதஸாயிதங் அதோ⁴பா⁴க³ங் [அதோ⁴பா⁴கா³ (ஸீ॰ ஸ்யா॰ கங்॰ பீ॰) தே³வதூ³தஸுத்தேன ஸமேதி]
நிக்க²மதி, யங் வா பனஞ்ஞம்பி கிஞ்சி அஜ்ஜ²த்தங் பச்சத்தங் ஆகாஸங்
ஆகாஸக³தங் அக⁴ங் அக⁴க³தங் விவரங் விவரக³தங் அஸம்பு²ட்ட²ங் மங்ஸலோஹிதேஹி
உபாதி³ன்னங் – அயங் வுச்சதி பி⁴க்கு² அஜ்ஜ²த்திகா ஆகாஸதா⁴து. யா சேவ கோ² பன
அஜ்ஜ²த்திகா ஆகாஸதா⁴து யா ச பா³ஹிரா ஆகாஸதா⁴து ஆகாஸதா⁴துரேவேஸா. ‘தங்
நேதங் மம, நேஸோஹமஸ்மி, ந மேஸோ அத்தா’தி – ஏவமேதங் யதா²பூ⁴தங் ஸம்மப்பஞ்ஞாய
த³ட்ட²ப்³ப³ங். ஏவமேதங் யதா²பூ⁴தங் ஸம்மப்பஞ்ஞாய தி³ஸ்வா ஆகாஸதா⁴துயா
நிப்³பி³ந்த³தி, ஆகாஸதா⁴துயா சித்தங் விராஜேதி.

354. ‘‘அதா²பரங் விஞ்ஞாணங்யேவ அவஸிஸ்ஸதி பரிஸுத்³த⁴ங் பரியோதா³தங். தேன ச விஞ்ஞாணேன கிங் [தேன விஞ்ஞாணேன கிஞ்ச (ஸீ॰)]
விஜானாதி? ‘ஸுக²’ந்திபி விஜானாதி, ‘து³க்க²’ந்திபி விஜானாதி,
‘அது³க்க²மஸுக²’ந்திபி விஜானாதி. ஸுக²வேத³னியங், பி⁴க்கு², ப²ஸ்ஸங் படிச்ச
உப்பஜ்ஜதி ஸுகா² வேத³னா. ஸோ ஸுக²ங் வேத³னங் வேத³யமானோ ‘ஸுக²ங் வேத³னங்
வேத³யாமீ’தி பஜானாதி. ‘தஸ்ஸேவ ஸுக²வேத³னியஸ்ஸ ப²ஸ்ஸஸ்ஸ நிரோதா⁴ யங் தஜ்ஜங்
வேத³யிதங் ஸுக²வேத³னியங் ப²ஸ்ஸங் படிச்ச உப்பன்னா ஸுகா² வேத³னா ஸா
நிருஜ்ஜ²தி, ஸா வூபஸம்மதீ’தி பஜானாதி.

355.
‘‘து³க்க²வேத³னியங், பி⁴க்கு², ப²ஸ்ஸங் படிச்ச உப்பஜ்ஜதி து³க்கா² வேத³னா.
ஸோ து³க்க²ங் வேத³னங் வேத³யமானோ ‘து³க்க²ங் வேத³னங் வேத³யாமீ’தி பஜானாதி.
‘தஸ்ஸேவ து³க்க²வேத³னியஸ்ஸ ப²ஸ்ஸஸ்ஸ நிரோதா⁴ யங் தஜ்ஜங் வேத³யிதங்
து³க்க²வேத³னியங் ப²ஸ்ஸங் படிச்ச உப்பன்னா து³க்கா² வேத³னா ஸா நிருஜ்ஜ²தி, ஸா வூபஸம்மதீ’தி பஜானாதி.

356.
‘‘அது³க்க²மஸுக²வேத³னியங், பி⁴க்கு², ப²ஸ்ஸங் படிச்ச உப்பஜ்ஜதி
அது³க்க²மஸுகா² வேத³னா. ஸோ அது³க்க²மஸுக²ங் வேத³னங் வேத³யமானோ
‘அது³க்க²மஸுக²ங் வேத³னங் வேத³யாமீ’தி பஜானாதி. ‘தஸ்ஸேவ அது³க்க²மஸுக²வேத³னியஸ்ஸ
ப²ஸ்ஸஸ்ஸ நிரோதா⁴ யங் தஜ்ஜங் வேத³யிதங் அது³க்க²மஸுக²வேத³னியங் ப²ஸ்ஸங்
படிச்ச உப்பன்னா அது³க்க²மஸுகா² வேத³னா ஸா நிருஜ்ஜ²தி, ஸா வூபஸம்மதீ’தி
பஜானாதி.

357. ‘‘ஸெய்யதா²பி, பி⁴க்கு², த்³வின்னங் கட்டா²னங் ஸங்க⁴ட்டா [ஸம்ப²ஸ்ஸ (ஸீ॰ பீ॰), ஸங்க⁴டா (ஸ்யா॰ கங்॰)]
ஸமோதா⁴னா உஸ்மா ஜாயதி, தேஜோ அபி⁴னிப்³ப³த்ததி, தேஸங்யேவ த்³வின்னங்
கட்டா²னங் நானாபா⁴வா விக்கே²பா யா தஜ்ஜா உஸ்மா ஸா நிருஜ்ஜ²தி, ஸா
வூபஸம்மதி; ஏவமேவ கோ², பி⁴க்கு², ஸுக²வேத³னியங்
ப²ஸ்ஸங் படிச்ச உப்பஜ்ஜதி ஸுகா² வேத³னா. ஸோ ஸுக²ங் வேத³னங் வேத³யமானோ
‘ஸுக²ங் வேத³னங் வேத³யாமீ’தி பஜானாதி. ‘தஸ்ஸேவ ஸுக²வேத³னியஸ்ஸ ப²ஸ்ஸஸ்ஸ
நிரோதா⁴ யங் தஜ்ஜங் வேத³யிதங் ஸுக²வேத³னியங் ப²ஸ்ஸங் படிச்ச உப்பன்னா ஸுகா²
வேத³னா ஸா நிருஜ்ஜ²தி, ஸா வூபஸம்மதீ’தி பஜானாதி.

358.
‘‘து³க்க²வேத³னியங், பி⁴க்கு², ப²ஸ்ஸங் படிச்ச உப்பஜ்ஜதி து³க்கா² வேத³னா.
ஸோ து³க்க²ங் வேத³னங் வேத³யமானோ ‘து³க்க²ங் வேத³னங் வேத³யாமீ’தி பஜானாதி.
‘தஸ்ஸேவ து³க்க²வேத³னியஸ்ஸ ப²ஸ்ஸஸ்ஸ நிரோதா⁴ யங் தஜ்ஜங் வேத³யிதங்
து³க்க²வேத³னியங் ப²ஸ்ஸங் படிச்ச உப்பன்னா து³க்கா² வேத³னா ஸா நிருஜ்ஜ²தி,
ஸா வூபஸம்மதீ’தி பஜானாதி.

359. ‘‘அது³க்க²மஸுக²வேத³னியங் ,
பி⁴க்கு², ப²ஸ்ஸங் படிச்ச உப்பஜ்ஜதி அது³க்க²மஸுகா² வேத³னா. ஸோ
அது³க்க²மஸுக²ங் வேத³னங் வேத³யமானோ ‘அது³க்க²மஸுக²ங் வேத³னங் வேத³யாமீ’தி
பஜானாதி. ‘தஸ்ஸேவ அது³க்க²மஸுக²வேத³னியஸ்ஸ ப²ஸ்ஸஸ்ஸ நிரோதா⁴ யங் தஜ்ஜங்
வேத³யிதங் அது³க்க²மஸுக²வேத³னியங் ப²ஸ்ஸங் படிச்ச உப்பன்னா அது³க்க²மஸுகா²
வேத³னா ஸா நிருஜ்ஜ²தி, ஸா வூபஸம்மதீ’தி பஜானாதி.

360.
‘‘அதா²பரங் உபெக்கா²யேவ அவஸிஸ்ஸதி பரிஸுத்³தா⁴ பரியோதா³தா முது³ ச
கம்மஞ்ஞா ச பப⁴ஸ்ஸரா ச. ஸெய்யதா²பி, பி⁴க்கு², த³க்கோ² ஸுவண்ணகாரோ வா
ஸுவண்ணகாரந்தேவாஸீ வா உக்கங் ப³ந்தெ⁴ய்ய, உக்கங் ப³ந்தி⁴த்வா உக்காமுக²ங்
ஆலிம்பெய்ய, உக்காமுக²ங் ஆலிம்பெத்வா ஸண்டா³ஸேன ஜாதரூபங் க³ஹெத்வா
உக்காமுகே² பக்கி²பெய்ய, தமேனங் காலேன காலங் அபி⁴த⁴மெய்ய, காலேன காலங்
உத³கேன பரிப்போ²ஸெய்ய, காலேன காலங் அஜ்ஜு²பெக்கெ²ய்ய, தங் ஹோதி ஜாதரூபங் [ஜாதரூபங் த⁴ந்தங் (ஸீ॰ பீ॰)] ஸுத⁴ந்தங் நித்³த⁴ந்தங் நீஹடங் [நிஹதங் (ஸ்யா॰ கங்॰ க॰)] நின்னீதகஸாவங் [நிஹதகஸாவங் (க॰)] முது³ ச கம்மஞ்ஞஞ்ச பப⁴ஸ்ஸரஞ்ச, யஸ்ஸா யஸ்ஸா ச பிளந்த⁴னவிகதியா ஆகங்க²தி – யதி³ பட்டிகாய [பவட்டிகாய (ஸீ॰ ஸ்யா॰)] யதி³ குண்ட³லாய யதி³ கீ³வெய்யகாய யதி³ ஸுவண்ணமாலாய தஞ்சஸ்ஸ அத்த²ங் அனுபோ⁴தி; ஏவமேவ கோ², பி⁴க்கு², அதா²பரங் உபெக்கா²யேவ அவஸிஸ்ஸதி பரிஸுத்³தா⁴ பரியோதா³தா முது³ ச கம்மஞ்ஞா ச பப⁴ஸ்ஸரா ச.

361.
‘‘ஸோ ஏவங் பஜானாதி – ‘இமஞ்சே அஹங் உபெக்க²ங் ஏவங் பரிஸுத்³த⁴ங் ஏவங்
பரியோதா³தங் ஆகாஸானஞ்சாயதனங் உபஸங்ஹரெய்யங், தத³னுத⁴ம்மஞ்ச சித்தங்
பா⁴வெய்யங். ஏவங் மே அயங் உபெக்கா² தங்னிஸ்ஸிதா
தது³பாதா³னா சிரங் தீ³க⁴மத்³தா⁴னங் திட்டெ²ய்ய. இமஞ்சே அஹங் உபெக்க²ங் ஏவங்
பரிஸுத்³த⁴ங் ஏவங் பரியோதா³தங் விஞ்ஞாணஞ்சாயதனங் உபஸங்ஹரெய்யங்,
தத³னுத⁴ம்மஞ்ச சித்தங் பா⁴வெய்யங். ஏவங் மே அயங் உபெக்கா² தங்னிஸ்ஸிதா
தது³பாதா³னா சிரங் தீ³க⁴மத்³தா⁴னங் திட்டெ²ய்ய. இமஞ்சே அஹங்
உபெக்க²ங் ஏவங் பரிஸுத்³த⁴ங் ஏவங் பரியோதா³தங் ஆகிஞ்சஞ்ஞாயதனங்
உபஸங்ஹரெய்யங், தத³னுத⁴ம்மஞ்ச சித்தங் பா⁴வெய்யங். ஏவங் மே அயங் உபெக்கா²
தங்னிஸ்ஸிதா தது³பாதா³னா சிரங் தீ³க⁴மத்³தா⁴னங் திட்டெ²ய்ய. இமஞ்சே அஹங்
உபெக்க²ங் ஏவங் பரிஸுத்³த⁴ங் ஏவங் பரியோதா³தங் நேவஸஞ்ஞானாஸஞ்ஞாயதனங்
உபஸங்ஹரெய்யங், தத³னுத⁴ம்மஞ்ச சித்தங் பா⁴வெய்யங். ஏவங் மே அயங் உபெக்கா²
தங்னிஸ்ஸிதா தது³பாதா³னா சிரங் தீ³க⁴மத்³தா⁴னங் திட்டெ²ய்யா’’’தி.

362.
‘‘ஸோ ஏவங் பஜானாதி – ‘இமஞ்சே அஹங் உபெக்க²ங் ஏவங் பரிஸுத்³த⁴ங் ஏவங்
பரியோதா³தங் ஆகாஸானஞ்சாயதனங் உபஸங்ஹரெய்யங், தத³னுத⁴ம்மஞ்ச சித்தங்
பா⁴வெய்யங்; ஸங்க²தமேதங். இமஞ்சே அஹங் உபெக்க²ங் ஏவங் பரிஸுத்³த⁴ங் ஏவங்
பரியோதா³தங் விஞ்ஞாணஞ்சாயதனங் உபஸங்ஹரெய்யங், தத³னுத⁴ம்மஞ்ச சித்தங்
பா⁴வெய்யங்; ஸங்க²தமேதங். இமஞ்சே அஹங் உபெக்க²ங் ஏவங் பரிஸுத்³த⁴ங் ஏவங்
பரியோதா³தங் ஆகிஞ்சஞ்ஞாயதனங் உபஸங்ஹரெய்யங், தத³னுத⁴ம்மஞ்ச சித்தங்
பா⁴வெய்யங்; ஸங்க²தமேதங். இமஞ்சே அஹங் உபெக்க²ங் ஏவங் பரிஸுத்³த⁴ங் ஏவங்
பரியோதா³தங் நேவஸஞ்ஞானாஸஞ்ஞாயதனங் உபஸங்ஹரெய்யங், தத³னுத⁴ம்மஞ்ச சித்தங்
பா⁴வெய்யங்; ஸங்க²தமேத’’’ந்தி.

‘‘ஸோ நேவ தங் அபி⁴ஸங்க²ரோதி, ந அபி⁴ஸஞ்சேதயதி ப⁴வாய வா
விப⁴வாய வா. ஸோ அனபி⁴ஸங்க²ரொந்தோ அனபி⁴ஸஞ்சேதயந்தோ ப⁴வாய வா விப⁴வாய வா ந
கிஞ்சி லோகே உபாதி³யதி, அனுபாதி³யங் ந பரிதஸ்ஸதி,
அபரிதஸ்ஸங் பச்சத்தங்யேவ பரினிப்³பா³யதி. ‘கீ²ணா ஜாதி, வுஸிதங்
ப்³ரஹ்மசரியங், கதங் கரணீயங், நாபரங் இத்த²த்தாயா’தி பஜானாதி.

363.
‘‘ஸோ ஸுக²ஞ்சே வேத³னங் வேதே³தி, ‘ஸா அனிச்சா’தி பஜானாதி, ‘அனஜ்ஜோ²ஸிதா’தி
பஜானாதி, ‘அனபி⁴னந்தி³தா’தி பஜானாதி. து³க்க²ஞ்சே வேத³னங் வேதே³தி , ‘ஸா அனிச்சா’தி பஜானாதி, ‘அனஜ்ஜோ²ஸிதா’தி
பஜானாதி, ‘அனபி⁴னந்தி³தா’தி பஜானாதி. அது³க்க²மஸுக²ஞ்சே வேத³னங் வேதே³தி,
‘ஸா அனிச்சா’தி பஜானாதி, ‘அனஜ்ஜோ²ஸிதா’தி பஜானாதி, ‘அனபி⁴னந்தி³தா’தி
பஜானாதி.

364.
‘‘ஸோ ஸுக²ஞ்சே வேத³னங் வேதே³தி, விஸங்யுத்தோ நங் வேதே³தி; து³க்க²ஞ்சே
வேத³னங் வேதே³தி, விஸங்யுத்தோ நங் வேதே³தி; அது³க்க²மஸுக²ஞ்சே வேத³னங்
வேதே³தி, விஸங்யுத்தோ நங் வேதே³தி. ஸோ காயபரியந்திகங் வேத³னங் வேத³யமானோ
‘காயபரியந்திகங் வேத³னங் வேத³யாமீ’தி பஜானாதி, ஜீவிதபரியந்திகங்
வேத³னங் வேத³யமானோ ‘ஜீவிதபரியந்திகங் வேத³னங் வேத³யாமீ’தி பஜானாதி,
‘காயஸ்ஸ பே⁴தா³ பரங் மரணா உத்³த⁴ங் ஜீவிதபரியாதா³னா இதே⁴வ ஸப்³ப³வேத³யிதானி
அனபி⁴னந்தி³தானி ஸீதீப⁴விஸ்ஸந்தீ’தி பஜானாதி.

365.
‘‘ஸெய்யதா²பி, பி⁴க்கு², தேலஞ்ச படிச்ச வட்டிஞ்ச படிச்ச தேலப்பதீ³போ
ஜா²யதி; தஸ்ஸேவ தேலஸ்ஸ ச வட்டியா ச பரியாதா³னா அஞ்ஞஸ்ஸ ச அனுபஹாரா [அனுபாஹாரா (ஸீ॰ பீ॰), அனுபாதா³னா (க॰)]
அனாஹாரோ நிப்³பா³யதி; ஏவமேவ கோ², பி⁴க்கு², காயபரியந்திகங் வேத³னங்
வேத³யமானோ ‘காயபரியந்திகங் வேத³னங் வேத³யாமீ’தி பஜானாதி, ஜீவிதபரியந்திகங்
வேத³னங் வேத³யமானோ ‘ஜீவிதபரியந்திகங் வேத³னங் வேத³யாமீ’தி பஜானாதி, ‘காயஸ்ஸ
பே⁴தா³ பரங் மரணா உத்³த⁴ங் ஜீவிதபரியாதா³னா இதே⁴வ ஸப்³ப³வேத³யிதானி
அனபி⁴னந்தி³தானி ஸீதீப⁴விஸ்ஸந்தீ’தி பஜானாதி. தஸ்மா ஏவங் ஸமன்னாக³தோ
பி⁴க்கு² இமினா பரமேன பஞ்ஞாதி⁴ட்டா²னேன ஸமன்னாக³தோ ஹோதி. ஏஸா ஹி, பி⁴க்கு²,
பரமா அரியா பஞ்ஞா யதி³த³ங் – ஸப்³ப³து³க்க²க்க²யே ஞாணங்.

366.
‘‘தஸ்ஸ ஸா விமுத்தி ஸச்சே டி²தா அகுப்பா ஹோதி. தஞ்ஹி, பி⁴க்கு², முஸா யங்
மோஸத⁴ம்மங், தங் ஸச்சங் யங் அமோஸத⁴ம்மங் நிப்³பா³னங். தஸ்மா ஏவங்
ஸமன்னாக³தோ பி⁴க்கு² இமினா பரமேன ஸச்சாதி⁴ட்டா²னேன ஸமன்னாக³தோ ஹோதி.
ஏதஞ்ஹி, பி⁴க்கு², பரமங் அரியஸச்சங் யதி³த³ங் – அமோஸத⁴ம்மங் நிப்³பா³னங்.

367.
‘‘தஸ்ஸேவ கோ² பன புப்³பே³ அவித்³த³ஸுனோ உபதீ⁴ ஹொந்தி ஸமத்தா ஸமாதி³ன்னா.
த்யாஸ்ஸ பஹீனா ஹொந்தி உச்சி²ன்னமூலா தாலாவத்து²கதா அனபா⁴வங்கதா ஆயதிங்
அனுப்பாத³த⁴ம்மா. தஸ்மா ஏவங் ஸமன்னாக³தோ பி⁴க்கு² இமினா பரமேன சாகா³தி⁴ட்டா²னேன ஸமன்னாக³தோ ஹோதி. ஏஸோ ஹி, பி⁴க்கு², பரமோ அரியோ சாகோ³ யதி³த³ங் – ஸப்³பூ³பதி⁴படினிஸ்ஸக்³கோ³.

368. ‘‘தஸ்ஸேவ கோ² பன புப்³பே³ அவித்³த³ஸுனோ அபி⁴ஜ்ஜா² ஹோதி ச²ந்தோ³ ஸாராகோ³. ஸ்வாஸ்ஸ
பஹீனோ ஹோதி உச்சி²ன்னமூலோ தாலாவத்து²கதோ அனபா⁴வங்கதோ ஆயதிங்
அனுப்பாத³த⁴ம்மோ. தஸ்ஸேவ கோ² பன புப்³பே³ அவித்³த³ஸுனோ ஆகா⁴தோ ஹோதி
ப்³யாபாதோ³ ஸம்பதோ³ஸோ. ஸ்வாஸ்ஸ பஹீனோ ஹோதி உச்சி²ன்னமூலோ
தாலாவத்து²கதோ அனபா⁴வங்கதோ ஆயதிங் அனுப்பாத³த⁴ம்மோ. தஸ்ஸேவ கோ² பன
புப்³பே³ அவித்³த³ஸுனோ அவிஜ்ஜா ஹோதி ஸம்மோஹோ. ஸ்வாஸ்ஸ பஹீனோ ஹோதி
உச்சி²ன்னமூலோ தாலாவத்து²கதோ அனபா⁴வங்கதோ ஆயதிங் அனுப்பாத³த⁴ம்மோ. தஸ்மா
ஏவங் ஸமன்னாக³தோ பி⁴க்கு² இமினா பரமேன
உபஸமாதி⁴ட்டா²னேன ஸமன்னாக³தோ ஹோதி. ஏஸோ ஹி, பி⁴க்கு², பரமோ அரியோ உபஸமோ
யதி³த³ங் – ராக³தோ³ஸமோஹானங் உபஸமோ. ‘பஞ்ஞங் நப்பமஜ்ஜெய்ய,
ஸச்சமனுரக்கெ²ய்ய, சாக³மனுப்³ரூஹெய்ய, ஸந்திமேவ ஸோ ஸிக்கெ²ய்யா’தி – இதி
யங் தங் வுத்தங், இத³மேதங் படிச்ச வுத்தங்.

369.
‘‘‘யத்த² டி²தங் மஞ்ஞஸ்ஸவா நப்பவத்தந்தி, மஞ்ஞஸ்ஸவே கோ² பன நப்பவத்தமானே
முனி ஸந்தோதி வுச்சதீ’தி – இதி கோ² பனேதங் வுத்தங். கிஞ்சேதங் படிச்ச
வுத்தங்? ‘அஸ்மீ’தி, பி⁴க்கு², மஞ்ஞிதமேதங், ‘அயமஹமஸ்மீ’தி மஞ்ஞிதமேதங்,
‘ப⁴விஸ்ஸ’ந்தி மஞ்ஞிதமேதங், ‘ந ப⁴விஸ்ஸ’ந்தி மஞ்ஞிதமேதங், ‘ரூபீ
ப⁴விஸ்ஸ’ந்தி மஞ்ஞிதமேதங், ‘அரூபீ ப⁴விஸ்ஸ’ந்தி மஞ்ஞிதமேதங், ‘ஸஞ்ஞீ
ப⁴விஸ்ஸ’ந்தி மஞ்ஞிதமேதங், ‘அஸஞ்ஞீ ப⁴விஸ்ஸ’ந்தி மஞ்ஞிதமேதங்,
‘நேவஸஞ்ஞீனாஸஞ்ஞீ ப⁴விஸ்ஸ’ந்தி மஞ்ஞிதமேதங். மஞ்ஞிதங், பி⁴க்கு², ரோகோ³
மஞ்ஞிதங் க³ண்டோ³ மஞ்ஞிதங் ஸல்லங். ஸப்³ப³மஞ்ஞிதானங் த்வேவ, பி⁴க்கு²,
ஸமதிக்கமா முனி ஸந்தோதி வுச்சதி. முனி கோ² பன, பி⁴க்கு², ஸந்தோ ந ஜாயதி, ந
ஜீயதி, ந மீயதி, ந குப்பதி, ந பிஹேதி. தஞ்ஹிஸ்ஸ, பி⁴க்கு², நத்தி² யேன
ஜாயேத², அஜாயமானோ கிங் ஜீயிஸ்ஸதி, அஜீயமானோ கிங் மீயிஸ்ஸதி, அமீயமானோ கிங்
குப்பிஸ்ஸதி, அகுப்பமானோ கிஸ்ஸ [கிங் (க॰)]
பிஹெஸ்ஸதி? ‘யத்த² டி²தங் மஞ்ஞஸ்ஸவா நப்பவத்தந்தி, மஞ்ஞஸ்ஸவே கோ² பன
நப்பவத்தமானே முனி ஸந்தோதி வுச்சதீ’தி – இதி யங் தங் வுத்தங், இத³மேதங்
படிச்ச வுத்தங். இமங் கோ² மே த்வங், பி⁴க்கு², ஸங்கி²த்தேன
ச²தா⁴துவிப⁴ங்க³ங் தா⁴ரேஹீ’’தி.

370. அத²
கோ² ஆயஸ்மா புக்குஸாதி – ‘‘ஸத்தா² கிர மே அனுப்பத்தோ, ஸுக³தோ கிர மே
அனுப்பத்தோ ஸம்மாஸம்பு³த்³தோ⁴ கிர மே அனுப்பத்தோ’’தி உட்டா²யாஸனா ஏகங்ஸங்
சீவரங் கத்வா ப⁴க³வதோ பாதே³ஸு ஸிரஸா நிபதித்வா ப⁴க³வந்தங் ஏதத³வோச –
‘‘அச்சயோ மங், ப⁴ந்தே, அச்சக³மா யதா²பா³லங் யதா²மூள்ஹங் யதா²அகுஸலங், யோஹங்
ப⁴க³வந்தங் ஆவுஸோவாதே³ன ஸமுதா³சரிதப்³ப³ங் அமஞ்ஞிஸ்ஸங். தஸ்ஸ மே, ப⁴ந்தே,
ப⁴க³வா அச்சயங் அச்சயதோ படிக்³க³ண்ஹாது ஆயதிங் ஸங்வராயா’’தி. ‘‘தக்³க⁴
த்வங், பி⁴க்கு², அச்சயோ அச்சக³மா யதா²பா³லங் யதா²மூள்ஹங் யதா²அகுஸலங் , யங் மங் த்வங் ஆவுஸோவாதே³ன
ஸமுதா³சரிதப்³ப³ங் அமஞ்ஞித்த². யதோ ச கோ² த்வங், பி⁴க்கு², அச்சயங்
அச்சயதோ தி³ஸ்வா யதா²த⁴ம்மங் படிகரோஸி, தங் தே மயங் படிக்³க³ண்ஹாம.
வுத்³தி⁴ஹேஸா, பி⁴க்கு², அரியஸ்ஸ வினயே யோ அச்சயங் அச்சயதோ தி³ஸ்வா
யதா²த⁴ம்மங் படிகரோதி, ஆயதிங் ஸங்வரங் ஆபஜ்ஜதீ’’தி. ‘‘லபெ⁴ய்யாஹங், ப⁴ந்தே,
ப⁴க³வதோ ஸந்திகே உபஸம்பத³’’ந்தி. ‘‘பரிபுண்ணங் பன தே, பி⁴க்கு²,
பத்தசீவர’’ந்தி? ‘‘ந கோ² மே, ப⁴ந்தே, பரிபுண்ணங் பத்தசீவர’’ந்தி. ‘‘ந கோ²,
பி⁴க்கு², ததா²க³தா அபரிபுண்ணபத்தசீவரங் உபஸம்பாதெ³ந்தீ’’தி.

அத² கோ² ஆயஸ்மா புக்குஸாதி ப⁴க³வதோ பா⁴ஸிதங்
அபி⁴னந்தி³த்வா அனுமோதி³த்வா உட்டா²யாஸனா ப⁴க³வந்தங் அபி⁴வாதெ³த்வா
பத³க்கி²ணங் கத்வா பத்தசீவரபரியேஸனங் பக்காமி. அத² கோ² ஆயஸ்மந்தங்
புக்குஸாதிங் பத்தசீவரபரியேஸனங் சரந்தங் விப்³ப⁴ந்தா கா³வீ [ப⁴ந்தகா³வீ (ஸீ॰ பீ॰), கா³வீ (ஸ்யா॰ கங்॰)] ஜீவிதா வோரோபேஸி. அத² கோ² ஸம்ப³ஹுலா
பி⁴க்கூ² யேன ப⁴க³வா தேனுபஸங்கமிங்ஸு; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங் நிஸின்னா கோ² தே பி⁴க்கூ²
ப⁴க³வந்தங் ஏதத³வோசுங் – ‘‘யோ ஸோ, ப⁴ந்தே, புக்குஸாதி நாம குலபுத்தோ
ப⁴க³வதா ஸங்கி²த்தேன ஓவாதே³ன ஓவதி³தோ ஸோ காலங்கதோ. தஸ்ஸ கா க³தி, கோ
அபி⁴ஸம்பராயோ’’தி? ‘‘பண்டி³தோ, பி⁴க்க²வே, புக்குஸாதி குலபுத்தோ பச்சபாதி³
த⁴ம்மஸ்ஸானுத⁴ம்மங், ந ச மங் த⁴ம்மாதி⁴கரணங் விஹேஸேஸி [விஹேடே²ஸி (ஸீ॰ ஸ்யா॰ கங்॰) விஹேஸேதி (க॰)].
புக்குஸாதி, பி⁴க்க²வே, குலபுத்தோ பஞ்சன்னங் ஓரம்பா⁴கி³யானங் ஸங்யோஜனானங்
பரிக்க²யா ஓபபாதிகோ தத்த² பரினிப்³பா³யீ அனாவத்தித⁴ம்மோ தஸ்மா லோகா’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

தா⁴துவிப⁴ங்க³ஸுத்தங் நிட்டி²தங் த³ஸமங்.

11. ஸச்சவிப⁴ங்க³ஸுத்தங்

371. ஏவங்
மே ஸுதங் – ஏகங் ஸமயங் ப⁴க³வா பா³ராணஸியங் விஹரதி இஸிபதனே மிக³தா³யே. தத்ர
கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி. ‘‘ப⁴த³ந்தே’’தி தே
பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘ததா²க³தேன, பி⁴க்க²வே, அரஹதா ஸம்மாஸம்பு³த்³தே⁴ன
பா³ராணஸியங் இஸிபதனே மிக³தா³யே அனுத்தரங் த⁴ம்மசக்கங் பவத்திதங்
அப்படிவத்தியங் ஸமணேன வா ப்³ராஹ்மணேன வா தே³வேன வா மாரேன வா ப்³ரஹ்முனா வா
கேனசி வா லோகஸ்மிங், யதி³த³ங் – சதுன்னங் அரியஸச்சானங் ஆசிக்க²னா தே³ஸனா
பஞ்ஞாபனா பட்ட²பனா விவரணா விப⁴ஜனா உத்தானீகம்மங். கதமேஸங் சதுன்னங்?
து³க்க²ஸ்ஸ அரியஸச்சஸ்ஸ ஆசிக்க²னா தே³ஸனா பஞ்ஞாபனா பட்ட²பனா விவரணா விப⁴ஜனா
உத்தானீகம்மங், து³க்க²ஸமுத³யஸ்ஸ அரியஸச்சஸ்ஸ ஆசிக்க²னா தே³ஸனா பஞ்ஞாபனா
பட்ட²பனா விவரணா விப⁴ஜனா உத்தானீகம்மங், து³க்க²னிரோத⁴ஸ்ஸ அரியஸச்சஸ்ஸ
ஆசிக்க²னா தே³ஸனா பஞ்ஞாபனா பட்ட²பனா விவரணா விப⁴ஜனா உத்தானீகம்மங்,
து³க்க²னிரோத⁴கா³மினியா படிபதா³ய அரியஸச்சஸ்ஸ ஆசிக்க²னா தே³ஸனா பஞ்ஞாபனா
பட்ட²பனா விவரணா விப⁴ஜனா உத்தானீகம்மங். ததா²க³தேன, பி⁴க்க²வே, அரஹதா
ஸம்மாஸம்பு³த்³தே⁴ன பா³ராணஸியங் இஸிபதனே மிக³தா³யே அனுத்தரங் த⁴ம்மசக்கங்
பவத்திதங் அப்படிவத்தியங் ஸமணேன வா ப்³ராஹ்மணேன வா தே³வேன வா மாரேன வா
ப்³ரஹ்முனா வா கேனசி வா லோகஸ்மிங் , யதி³த³ங் – இமேஸங் சதுன்னங் அரியஸச்சானங் ஆசிக்க²னா தே³ஸனா பஞ்ஞாபனா பட்ட²பனா விவரணா விப⁴ஜனா உத்தானீகம்மங்.

‘‘ஸேவத², பி⁴க்க²வே, ஸாரிபுத்தமொக்³க³ல்லானே; ப⁴ஜத²,
பி⁴க்க²வே, ஸாரிபுத்தமொக்³க³ல்லானே. பண்டி³தா பி⁴க்கூ² அனுக்³கா³ஹகா
ஸப்³ரஹ்மசாரீனங். ஸெய்யதா²பி, பி⁴க்க²வே, ஜனேதா [ஜனெத்தி (ஸீ॰ பீ॰)],
ஏவங் ஸாரிபுத்தோ; ஸெய்யதா²பி ஜாதஸ்ஸ ஆபாதே³தா, ஏவங் மொக்³க³ல்லானோ.
ஸாரிபுத்தோ, பி⁴க்க²வே, ஸோதாபத்திப²லே வினேதி, மொக்³க³ல்லானோ உத்தமத்தே².
ஸாரிபுத்தோ, பி⁴க்க²வே, பஹோதி சத்தாரி அரியஸச்சானி வித்தா²ரேன ஆசிக்கி²துங்
தே³ஸேதுங் பஞ்ஞாபேதுங் பட்ட²பேதுங் விவரிதுங் விப⁴ஜிதுங்
உத்தானீகாது’’ந்தி. இத³மவோச ப⁴க³வா. இத³ங் வத்வான ஸுக³தோ உட்டா²யாஸனா
விஹாரங் பாவிஸி.

372. தத்ர கோ² ஆயஸ்மா ஸாரிபுத்தோ அசிரபக்கந்தஸ்ஸ ப⁴க³வதோ பி⁴க்கூ² ஆமந்தேஸி – ‘‘ஆவுஸோ, பி⁴க்க²வே’’தி. ‘‘ஆவுஸோ’’தி கோ² தே பி⁴க்கூ² ஆயஸ்மதோ ஸாரிபுத்தஸ்ஸ பச்சஸ்ஸோஸுங். ஆயஸ்மா ஸாரிபுத்தோ ஏதத³வோச –

‘‘ததா²க³தேன, ஆவுஸோ, அரஹதா ஸம்மாஸம்பு³த்³தே⁴ன
பா³ராணஸியங் இஸிபதனே மிக³தா³யே அனுத்தரங் த⁴ம்மசக்கங் பவத்திதங்
அப்படிவத்தியங் ஸமணேன வா ப்³ராஹ்மணேன வா தே³வேன வா மாரேன வா ப்³ரஹ்முனா வா
கேனசி வா லோகஸ்மிங், யதி³த³ங் – சதுன்னங் அரியஸச்சானங் ஆசிக்க²னா தே³ஸனா
பஞ்ஞாபனா பட்ட²பனா விவரணா விப⁴ஜனா உத்தானீகம்மங். கதமேஸங் சதுன்னங்?
து³க்க²ஸ்ஸ அரியஸச்சஸ்ஸ ஆசிக்க²னா தே³ஸனா பஞ்ஞாபனா பட்ட²பனா விவரணா விப⁴ஜனா
உத்தானீகம்மங், து³க்க²ஸமுத³யஸ்ஸ அரியஸச்சஸ்ஸ
ஆசிக்க²னா தே³ஸனா பஞ்ஞாபனா பட்ட²பனா விவரணா விப⁴ஜனா உத்தானீகம்மங்,
து³க்க²னிரோத⁴ஸ்ஸ அரியஸச்சஸ்ஸ ஆசிக்க²னா தே³ஸனா பஞ்ஞாபனா பட்ட²பனா விவரணா
விப⁴ஜனா உத்தானீகம்மங், து³க்க²னிரோத⁴கா³மினியா படிபதா³ய அரியஸச்சஸ்ஸ
ஆசிக்க²னா தே³ஸனா பஞ்ஞாபனா பட்ட²பனா விவரணா விப⁴ஜனா உத்தானீகம்மங்.

373.
‘‘கதமஞ்சாவுஸோ, து³க்க²ங் அரியஸச்சங்? ஜாதிபி து³க்கா², ஜராபி து³க்கா²,
மரணம்பி து³க்க²ங், ஸோகபரிதே³வது³க்க²தோ³மனஸ்ஸுபாயாஸாபி து³க்கா²,
யம்பிச்ச²ங் ந லப⁴தி தம்பி து³க்க²ங்; ஸங்கி²த்தேன பஞ்சுபாதா³னக்க²ந்தா⁴
து³க்கா².

‘‘கதமா சாவுஸோ, ஜாதி? யா தேஸங் தேஸங் ஸத்தானங் தம்ஹி
தம்ஹி ஸத்தனிகாயே ஜாதி ஸஞ்ஜாதி ஓக்கந்தி அபி⁴னிப்³ப³த்தி க²ந்தா⁴னங்
பாதுபா⁴வோ ஆயதனானங் படிலாபோ⁴, அயங் வுச்சதாவுஸோ – ‘ஜாதி’’’.

‘‘கதமா சாவுஸோ, ஜரா? யா தேஸங் தேஸங் ஸத்தானங் தம்ஹி
தம்ஹி ஸத்தனிகாயே ஜரா ஜீரணதா க²ண்டி³ச்சங் பாலிச்சங் வலித்தசதா ஆயுனோ
ஸங்ஹானி இந்த்³ரியானங் பரிபாகோ, அயங் வுச்சதாவுஸோ – ‘ஜரா’’’.

‘‘கதமஞ்சாவுஸோ, மரணங்? யா தேஸங் தேஸங் ஸத்தானங் தம்ஹா தம்ஹா ஸத்தனிகாயா சுதி சவனதா
பே⁴தோ³ அந்தரதா⁴னங் மச்சு மரணங் காலங்கிரியா க²ந்தா⁴னங் பே⁴தோ³ களேவரஸ்ஸ
நிக்கே²போ ஜீவிதிந்த்³ரியஸ்ஸுபச்சே²தோ³, இத³ங் வுச்சதாவுஸோ – ‘மரணங்’’’.

‘‘கதமோ சாவுஸோ, ஸோகோ? யோ கோ², ஆவுஸோ, அஞ்ஞதரஞ்ஞதரேன
ப்³யஸனேன ஸமன்னாக³தஸ்ஸ அஞ்ஞதரஞ்ஞதரேன து³க்க²த⁴ம்மேன பு²ட்ட²ஸ்ஸ ஸோகோ ஸோசனா
ஸோசிதத்தங் அந்தோஸோகோ அந்தோபரிஸோகோ, அயங் வுச்சதாவுஸோ – ‘ஸோகோ’’’.

‘‘கதமோ சாவுஸோ, பரிதே³வோ? யோ
கோ², ஆவுஸோ, அஞ்ஞதரஞ்ஞதரேன ப்³யஸனேன ஸமன்னாக³தஸ்ஸ அஞ்ஞதரஞ்ஞதரேன
து³க்க²த⁴ம்மேன பு²ட்ட²ஸ்ஸ ஆதே³வோ பரிதே³வோ ஆதே³வனா பரிதே³வனா ஆதே³விதத்தங் பரிதே³விதத்தங், அயங் வுச்சதாவுஸோ – ‘பரிதே³வோ’’’.

‘‘கதமஞ்சாவுஸோ, து³க்க²ங்? யங் கோ², ஆவுஸோ, காயிகங்
து³க்க²ங் காயிகங் அஸாதங் காயஸம்ப²ஸ்ஸஜங் து³க்க²ங் அஸாதங் வேத³யிதங்,
இத³ங் வுச்சதாவுஸோ – ‘து³க்க²ங்’’’.

‘‘கதமஞ்சாவுஸோ, தோ³மனஸ்ஸங்? யங் கோ², ஆவுஸோ, சேதஸிகங்
து³க்க²ங் சேதஸிகங் அஸாதங் மனோஸம்ப²ஸ்ஸஜங் து³க்க²ங் அஸாதங் வேத³யிதங்,
இத³ங் வுச்சதாவுஸோ – ‘தோ³மனஸ்ஸங்’’’.

‘‘கதமோ சாவுஸோ, உபாயாஸோ? யோ கோ², ஆவுஸோ, அஞ்ஞதரஞ்ஞதரேன
ப்³யஸனேன ஸமன்னாக³தஸ்ஸ அஞ்ஞதரஞ்ஞதரேன து³க்க²த⁴ம்மேன பு²ட்ட²ஸ்ஸ ஆயாஸோ
உபாயாஸோ ஆயாஸிதத்தங் உபாயாஸிதத்தங், அயங் வுச்சதாவுஸோ – ‘உபாயாஸோ’’’.

‘‘கதமஞ்சாவுஸோ, யம்பிச்ச²ங் ந லப⁴தி தம்பி து³க்க²ங்?
ஜாதித⁴ம்மானங், ஆவுஸோ, ஸத்தானங் ஏவங் இச்சா² உப்பஜ்ஜதி – ‘அஹோ வத, மயங் ந
ஜாதித⁴ம்மா அஸ்ஸாம; ந ச, வத, நோ ஜாதி ஆக³ச்செ²ய்யா’தி. ந கோ² பனேதங்
இச்சா²ய பத்தப்³ப³ங். இத³ம்பி – ‘யம்பிச்ச²ங் ந லப⁴தி தம்பி து³க்க²ங்’.
ஜராத⁴ம்மானங், ஆவுஸோ, ஸத்தானங்…பே॰… ப்³யாதி⁴த⁴ம்மானங், ஆவுஸோ, ஸத்தானங்…
மரணத⁴ம்மானங், ஆவுஸோ, ஸத்தானங்… ஸோகபரிதே³வது³க்க²தோ³மனஸ்ஸுபாயாஸத⁴ம்மானங்,
ஆவுஸோ, ஸத்தானங் ஏவங் இச்சா² உப்பஜ்ஜதி – ‘அஹோ வத, மயங் ந
ஸோகபரிதே³வது³க்க²தோ³மனஸ்ஸுபாயாஸத⁴ம்மா அஸ்ஸாம ; ந ச, வத, நோ ஸோகபரிதே³வது³க்க²தோ³மனஸ்ஸுபாயாஸா ஆக³ச்செ²ய்யு’ந்தி . ந கோ² பனேதங் இச்சா²ய பத்தப்³ப³ங். இத³ம்பி – ‘யம்பிச்ச²ங் ந லப⁴தி தம்பி து³க்க²ங்’’’.

‘‘கதமே சாவுஸோ, ஸங்கி²த்தேன பஞ்சுபாதா³னக்க²ந்தா⁴
து³க்கா²? ஸெய்யதி²த³ங் – ரூபுபாதா³னக்க²ந்தோ⁴, வேத³னுபாதா³னக்க²ந்தோ⁴,
ஸஞ்ஞுபாதா³னக்க²ந்தோ⁴, ஸங்கா²ருபாதா³னக்க²ந்தோ⁴, விஞ்ஞாணுபாதா³னக்க²ந்தோ⁴.
இமே வுச்சந்தாவுஸோ – ‘ஸங்கி²த்தேன பஞ்சுபாதா³னக்க²ந்தா⁴ து³க்கா²’. இத³ங்
வுச்சதாவுஸோ – ‘து³க்க²ங் அரியஸச்சங்’’’.

374. ‘‘கதமஞ்சாவுஸோ, து³க்க²ஸமுத³யங் [து³க்க²ஸமுத³யோ (ஸ்யா॰ கங்॰)] அரியஸச்சங்? யாயங் தண்ஹா போனொப்³ப⁴விகா [போனோப⁴விகா (ஸீ॰ பீ॰)] நந்தீ³ராக³ஸஹக³தா [நந்தி³ராக³ஸஹக³தா (ஸீ॰ ஸ்யா॰ கங்॰ பீ॰)] தத்ரதத்ராபி⁴னந்தி³னீ, ஸெய்யதி²த³ங் – காமதண்ஹா ப⁴வதண்ஹா விப⁴வதண்ஹா , இத³ங் வுச்சதாவுஸோ – ‘து³க்க²ஸமுத³யங் [து³க்க²ஸமுத³யோ (ஸ்யா॰ கங்॰)] அரியஸச்சங்’’’.

‘‘கதமஞ்சாவுஸோ, து³க்க²னிரோத⁴ங் [து³க்க²னிரோதோ⁴ (ஸ்யா॰ கங்॰)] அரியஸச்சங்? யோ தஸ்ஸாயேவ தண்ஹாய அஸேஸவிராக³னிரோதோ⁴ சாகோ³ படினிஸ்ஸக்³கோ³ முத்தி அனாலயோ, இத³ங் வுச்சதாவுஸோ – ‘து³க்க²னிரோத⁴ங் [து³க்க²னிரோதோ⁴ (ஸ்யா॰ கங்॰)] அரியஸச்சங்’’’.

375.
‘‘கதமஞ்சாவுஸோ, து³க்க²னிரோத⁴கா³மினீ படிபதா³ அரியஸச்சங்? அயமேவ அரியோ
அட்ட²ங்கி³கோ மக்³கோ³, ஸெய்யதி²த³ங் – ஸம்மாதி³ட்டி², ஸம்மாஸங்கப்போ,
ஸம்மாவாசா, ஸம்மாகம்மந்தோ, ஸம்மாஆஜீவோ, ஸம்மாவாயாமோ, ஸம்மாஸதி,
ஸம்மாஸமாதி⁴.

‘‘கதமாசாவுஸோ, ஸம்மாதி³ட்டி²? யங் கோ², ஆவுஸோ,
து³க்கே² ஞாணங், து³க்க²ஸமுத³யே ஞாணங், து³க்க²னிரோதே⁴ ஞாணங்,
து³க்க²னிரோத⁴கா³மினியா படிபதா³ய ஞாணங், அயங் வுச்சதாவுஸோ –
‘ஸம்மாதி³ட்டி²’’’.

‘‘கதமோ சாவுஸோ, ஸம்மாஸங்கப்போ? நெக்க²ம்மஸங்கப்போ, அப்³யாபாத³ஸங்கப்போ , அவிஹிங்ஸாஸங்கப்போ, அயங் வுச்சதாவுஸோ – ‘ஸம்மாஸங்கப்போ’’’.

‘‘கதமா சாவுஸோ, ஸம்மாவாசா? முஸாவாதா³ வேரமணீ, பிஸுணாய
வாசாய வேரமணீ, ப²ருஸாய வாசாய வேரமணீ, ஸம்ப²ப்பலாபா வேரமணீ, அயங்
வுச்சதாவுஸோ – ‘ஸம்மாவாசா’’’.

‘‘கதமோ சாவுஸோ, ஸம்மாகம்மந்தீ? பாணாதிபாதா வேரமணீ, அதி³ன்னாதா³னா வேரமணீ, காமேஸுமிச்சா²சாரா வேரமணீ, அயங் வுச்சதாவுஸோ – ‘ஸம்மாகம்மந்தோ’’’.

‘‘கதமோ சாவுஸோ, ஸம்மாஆஜீவோ? இதா⁴வுஸோ, அரியஸாவகோ
மிச்சா²ஆஜீவங் பஹாய ஸம்மாஆஜீவேன ஜீவிகங் கப்பேதி, அயங் வுச்சதாவுஸோ –
‘ஸம்மாஆஜீவோ’’’.

‘‘கதமோ சாவுஸோ, ஸம்மாவாயாமோ? இதா⁴வுஸோ, பி⁴க்கு²
அனுப்பன்னானங் பாபகானங் அகுஸலானங் த⁴ம்மானங் அனுப்பாதா³ய ச²ந்த³ங் ஜனேதி
வாயமதி வீரியங் ஆரப⁴தி சித்தங் பக்³க³ண்ஹாதி பத³ஹதி, உப்பன்னானங் பாபகானங்
அகுஸலானங் த⁴ம்மானங் பஹானாய ச²ந்த³ங் ஜனேதி வாயமதி வீரியங் ஆரப⁴தி சித்தங்
பக்³க³ண்ஹாதி பத³ஹதி, அனுப்பன்னானங் குஸலானங் த⁴ம்மானங் உப்பாதா³ய ச²ந்த³ங் ஜனேதி வாயமதி வீரியங் ஆரப⁴தி சித்தங் பக்³க³ண்ஹாதி பத³ஹதி, உப்பன்னானங் குஸலானங் த⁴ம்மானங் டி²தியா
அஸம்மோஸாய பி⁴ய்யோபா⁴வாய வேபுல்லாய பா⁴வனாய பாரிபூரியா ச²ந்த³ங் ஜனேதி
வாயமதி வீரியங் ஆரப⁴தி சித்தங் பக்³க³ண்ஹாதி பத³ஹதி, அயங் வுச்சதாவுஸோ –
‘ஸம்மாவாயாமோ’’’.

‘‘கதமா சாவுஸோ, ஸம்மாஸதி? இதா⁴வுஸோ, பி⁴க்கு² காயே
காயானுபஸ்ஸீ விஹரதி ஆதாபீ ஸம்பஜானோ ஸதிமா வினெய்ய லோகே
அபி⁴ஜ்ஜா²தோ³மனஸ்ஸங். வேத³னாஸு வேத³னானுபஸ்ஸீ விஹரதி…பே॰… சித்தே
சித்தானுபஸ்ஸீ விஹரதி… த⁴ம்மேஸு த⁴ம்மானுபஸ்ஸீ விஹரதி ஆதாபீ ஸம்பஜானோ ஸதிமா வினெய்ய லோகே அபி⁴ஜ்ஜா²தோ³மனஸ்ஸங், அயங் வுச்சதாவுஸோ – ‘ஸம்மாஸதி’’’.

‘‘கதமோ சாவுஸோ, ஸம்மாஸமாதி⁴? இதா⁴வுஸோ, பி⁴க்கு²
விவிச்சேவ காமேஹி விவிச்ச அகுஸலேஹி த⁴ம்மேஹி ஸவிதக்கங் ஸவிசாரங் விவேகஜங்
பீதிஸுக²ங் பட²மங் ஜா²னங் உபஸம்பஜ்ஜ விஹரதி, விதக்கவிசாரானங் வூபஸமா
அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங் அவிதக்கங் அவிசாரங் ஸமாதி⁴ஜங்
பீதிஸுக²ங் து³தியங் ஜா²னங் உபஸம்பஜ்ஜ விஹரதி, பீதியா ச விராகா³ உபெக்க²கோ ச
விஹரதி…பே॰… ததியங் ஜா²னங்… விஹரதி, அயங் வுச்சதாவுஸோ – ‘ஸம்மாஸமாதி⁴’. இத³ங் வுச்சதாவுஸோ – ‘து³க்க²னிரோத⁴கா³மினீ படிபதா³ அரியஸச்சங்’’’.

‘‘ததா²க³தேனாவுஸோ, அரஹதா ஸம்மாஸம்பு³த்³தே⁴ன
பா³ராணஸியங் இஸிபதனே மிக³தா³யே அனுத்தரங் த⁴ம்மசக்கங் பவத்திதங்
அப்படிவத்தியங் ஸமணேன வா ப்³ராஹ்மணேன வா தே³வேன வா மாரேன வா ப்³ரஹ்முனா வா
கேனசி வா லோகஸ்மிங், யதி³த³ங் – இமேஸங் சதுன்னங் அரியஸச்சானங் ஆசிக்க²னா
தே³ஸனா பஞ்ஞாபனா பட்ட²பனா விவரணா விப⁴ஜனா உத்தானீகம்ம’’ந்தி.

இத³மவோச ஆயஸ்மா ஸாரிபுத்தோ. அத்தமனா தே பி⁴க்கூ² ஆயஸ்மதோ ஸாரிபுத்தஸ்ஸ பா⁴ஸிதங் அபி⁴னந்து³ந்தி.

ஸச்சவிப⁴ங்க³ஸுத்தங் நிட்டி²தங் ஏகாத³ஸமங்.

12. த³க்கி²ணாவிப⁴ங்க³ஸுத்தங்

376. ஏவங் மே ஸுதங் – ஏகங் ஸமயங் ப⁴க³வா ஸக்கேஸு விஹரதி கபிலவத்து²ஸ்மிங் நிக்³ரோதா⁴ராமே. அத² கோ² மஹாபஜாபதி [மஹாபஜாபதீ (ஸீ॰ ஸ்யா॰ கங்॰ பீ॰)] கோ³தமீ நவங் து³ஸ்ஸயுக³ங் ஆதா³ய யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா
ஏகமந்தங் நிஸீதி³. ஏகமந்தங் நிஸின்னா கோ² மஹாபஜாபதி கோ³தமீ ப⁴க³வந்தங்
ஏதத³வோச – ‘‘இத³ங் மே, ப⁴ந்தே, நவங் து³ஸ்ஸயுக³ங் ப⁴க³வந்தங் உத்³தி³ஸ்ஸ
ஸாமங் கந்தங் ஸாமங் வாயிதங். தங் மே, ப⁴ந்தே, ப⁴க³வா படிக்³க³ண்ஹாது
அனுகம்பங் உபாதா³யா’’தி. ஏவங் வுத்தே, ப⁴க³வா மஹாபஜாபதிங் கோ³தமிங் ஏதத³வோச
– ‘‘ஸங்கே⁴, கோ³தமி, தே³ஹி. ஸங்கே⁴ தே தி³ன்னே அஹஞ்சேவ பூஜிதோ ப⁴விஸ்ஸாமி
ஸங்கோ⁴ சா’’தி. து³தியம்பி கோ² மஹாபஜாபதி கோ³தமீ ப⁴க³வந்தங் ஏதத³வோச –
‘‘இத³ங் மே, ப⁴ந்தே, நவங் து³ஸ்ஸயுக³ங் ப⁴க³வந்தங் உத்³தி³ஸ்ஸ ஸாமங் கந்தங்
ஸாமங் வாயிதங். தங் மே, ப⁴ந்தே, ப⁴க³வா படிக்³க³ண்ஹாது அனுகம்பங்
உபாதா³யா’’தி. து³தியம்பி கோ² ப⁴க³வா மஹாபஜாபதிங் கோ³தமிங் ஏதத³வோச –
‘‘ஸங்கே⁴, கோ³தமி, தே³ஹி. ஸங்கே⁴ தே தி³ன்னே அஹஞ்சேவ பூஜிதோ ப⁴விஸ்ஸாமி
ஸங்கோ⁴ சா’’தி. ததியம்பி கோ² மஹாபஜாபதி கோ³தமீ ப⁴க³வந்தங் ஏதத³வோச –
‘‘இத³ங் மே, ப⁴ந்தே, நவங் து³ஸ்ஸயுக³ங் ப⁴க³வந்தங் உத்³தி³ஸ்ஸ ஸாமங் கந்தங்
ஸாமங் வாயிதங். தங் மே, ப⁴ந்தே, ப⁴க³வா படிக்³க³ண்ஹாது அனுகம்பங்
உபாதா³யா’’தி. ததியம்பி கோ² ப⁴க³வா மஹாபஜாபதிங் கோ³தமிங் ஏதத³வோச –
‘‘ஸங்கே⁴, கோ³தமி, தே³ஹி . ஸங்கே⁴ தே தி³ன்னே அஹஞ்சேவ பூஜிதோ ப⁴விஸ்ஸாமி ஸங்கோ⁴ சா’’தி.

377.
ஏவங் வுத்தே, ஆயஸ்மா ஆனந்தோ³ ப⁴க³வந்தங் ஏதத³வோச – ‘‘படிக்³க³ண்ஹாது,
ப⁴ந்தே, ப⁴க³வா மஹாபஜாபதியா கோ³தமியா நவங் து³ஸ்ஸயுக³ங். ப³ஹூபகாரா [ப³ஹுகாரா (ஸ்யா॰ கங்॰)],
ப⁴ந்தே, மஹாபஜாபதி கோ³தமீ ப⁴க³வதோ மாதுச்சா² ஆபாதி³கா போஸிகா கீ²ரஸ்ஸ
தா³யிகா; ப⁴க³வந்தங் ஜனெத்தியா காலங்கதாய த²ஞ்ஞங் பாயேஸி. ப⁴க³வாபி,
ப⁴ந்தே, ப³ஹூபகாரோ மஹாபஜாபதியா கோ³தமியா. ப⁴க³வந்தங், ப⁴ந்தே, ஆக³ம்ம
மஹாபஜாபதி கோ³தமீ பு³த்³த⁴ங் ஸரணங் க³தா, த⁴ம்மங் ஸரணங் க³தா, ஸங்க⁴ங்
ஸரணங் க³தா. ப⁴க³வந்தங், ப⁴ந்தே, ஆக³ம்ம மஹாபஜாபதி கோ³தமீ பாணாதிபாதா
படிவிரதா அதி³ன்னாதா³னா படிவிரதா காமேஸுமிச்சா²சாரா படிவிரதா முஸாவாதா³
படிவிரதா ஸுராமேரயமஜ்ஜபமாத³ட்டா²னா படிவிரதா. ப⁴க³வந்தங், ப⁴ந்தே, ஆக³ம்ம
மஹாபஜாபதி கோ³தமீ பு³த்³தே⁴ அவேச்சப்பஸாதே³ன ஸமன்னாக³தா , த⁴ம்மே அவேச்சப்பஸாதே³ன ஸமன்னாக³தா, ஸங்கே⁴ அவேச்சப்பஸாதே³ன ஸமன்னாக³தா அரியகந்தேஹி
ஸீலேஹி ஸமன்னாக³தா. ப⁴க³வந்தங், ப⁴ந்தே, ஆக³ம்ம மஹாபஜாபதி கோ³தமீ து³க்கே²
நிக்கங்கா², து³க்க²ஸமுத³யே நிக்கங்கா², து³க்க²னிரோதே⁴ நிக்கங்கா²,
து³க்க²னிரோத⁴கா³மினியா படிபதா³ய நிக்கங்கா². ப⁴க³வாபி, ப⁴ந்தே, ப³ஹூபகாரோ
மஹாபஜாபதியா கோ³தமியா’’தி.

378. ‘‘ஏவமேதங் ,
ஆனந்த³. யங் ஹானந்த³, புக்³க³லோ புக்³க³லங் ஆக³ம்ம பு³த்³த⁴ங் ஸரணங் க³தோ
ஹோதி, த⁴ம்மங் ஸரணங் க³தோ ஹோதி, ஸங்க⁴ங் ஸரணங் க³தோ ஹோதி, இமஸ்ஸானந்த³,
புக்³க³லஸ்ஸ இமினா புக்³க³லேன ந ஸுப்பதிகாரங் வதா³மி, யதி³த³ங் –
அபி⁴வாத³ன-பச்சுட்டா²ன-அஞ்ஜலிகம்ம ஸாமீசிகம்மசீவரபிண்ட³பாதஸேனாஸனகி³லா- நப்பச்சயபே⁴ஸஜ்ஜபரிக்கா²ரானுப்பதா³னேன.

‘‘யங் ஹானந்த³, புக்³க³லோ புக்³க³லங் ஆக³ம்ம
பாணாதிபாதா படிவிரதோ ஹோதி, அதி³ன்னாதா³னா படிவிரதோ ஹோதி, காமேஸுமிச்சா²சாரா
படிவிரதோ ஹோதி, முஸாவாதா³ படிவிரதோ ஹோதி, ஸுராமேரயமஜ்ஜபமாத³ட்டா²னா
படிவிரதோ ஹோதி, இமஸ்ஸானந்த³, புக்³க³லஸ்ஸ இமினா புக்³க³லேன ந ஸுப்பதிகாரங்
வதா³மி, யதி³த³ங் –
அபி⁴வாத³ன-பச்சுட்டா²ன-அஞ்ஜலிகம்ம-ஸாமீசிகம்மசீவரபிண்ட³பாதஸேனாஸனகி³லா-
நப்பச்சயபே⁴ஸஜ்ஜபரிக்கா²ரானுப்பதா³னேன.

‘‘யங் ஹானந்த³, புக்³க³லோ புக்³க³லங் ஆக³ம்ம பு³த்³தே⁴
அவேச்சப்பஸாதே³ன ஸமன்னாக³தோ ஹோதி, த⁴ம்மே… ஸங்கே⁴… அரியகந்தேஹி ஸீலேஹி
ஸமன்னாக³தோ ஹோதி, இமஸ்ஸானந்த³, புக்³க³லஸ்ஸ இமினா புக்³க³லேன ந
ஸுப்பதிகாரங் வதா³மி, யதி³த³ங் –
அபி⁴வாத³ன-பச்சுட்டா²ன-அஞ்ஜலிகம்ம-ஸாமீசிகம்மசீவரபிண்ட³பாதஸேனாஸனகி³லா-
நப்பச்சயபே⁴ஸஜ்ஜபரிக்கா²ரானுப்பதா³னேன.

‘‘யங் ஹானந்த³, புக்³க³லோ புக்³க³லங் ஆக³ம்ம து³க்கே²
நிக்கங்கோ² ஹோதி, து³க்க²ஸமுத³யே நிக்கங்கோ² ஹோதி, து³க்க²னிரோதே⁴
நிக்கங்கோ² ஹோதி, து³க்க²னிரோத⁴கா³மினியா படிபதா³ய நிக்கங்கோ² ஹோதி,
இமஸ்ஸானந்த³, புக்³க³லஸ்ஸ இமினா புக்³க³லேன ந ஸுப்பதிகாரங் வதா³மி,
யதி³த³ங் –
அபி⁴வாத³ன-பச்சுட்டா²னஅஞ்ஜலிகம்ம-ஸாமீசிகம்ம-சீவரபிண்ட³பாதஸேனாஸனகி³லா-
நப்பச்சயபே⁴ஸஜ்ஜபரிக்கா²ரானுப்பதா³னேன.

379. ‘‘சுத்³த³ஸ கோ² பனிமானந்த³, பாடிபுக்³க³லிகா த³க்கி²ணா. கதமா சுத்³த³ஸ? ததா²க³தே அரஹந்தே ஸம்மாஸம்பு³த்³தே⁴ தா³னங் தே³தி – அயங் பட²மா பாடிபுக்³க³லிகா த³க்கி²ணா. பச்சேகஸம்பு³த்³தே⁴ [பச்சேகபு³த்³தே⁴ (ஸீ॰ பீ॰)] தா³னங்
தே³தி – அயங் து³தியா பாடிபுக்³க³லிகா த³க்கி²ணா. ததா²க³தஸாவகே அரஹந்தே
தா³னங் தே³தி – அயங் ததியா பாடிபுக்³க³லிகா த³க்கி²ணா.
அரஹத்தப²லஸச்சி²கிரியாய படிபன்னே தா³னங் தே³தி – அயங் சதுத்தீ²
பாடிபுக்³க³லிகா த³க்கி²ணா. அனாகா³மிஸ்ஸ தா³னங் தே³தி – அயங் பஞ்சமீ
பாடிபுக்³க³லிகா த³க்கி²ணா. அனாகா³மிப²லஸச்சி²கிரியாய படிபன்னே தா³னங் தே³தி – அயங் ச²ட்டீ² பாடிபுக்³க³லிகா த³க்கி²ணா. ஸகதா³கா³மிஸ்ஸ தா³னங் தே³தி – அயங் ஸத்தமீ பாடிபுக்³க³லிகா
த³க்கி²ணா. ஸகதா³கா³மிப²லஸச்சி²கிரியாய படிபன்னே தா³னங் தே³தி – அயங்
அட்ட²மீ பாடிபுக்³க³லிகா த³க்கி²ணா. ஸோதாபன்னே தா³னங் தே³தி – அயங் நவமீ
பாடிபுக்³க³லிகா த³க்கி²ணா. ஸோதாபத்திப²லஸச்சி²கிரியாய படிபன்னே தா³னங்
தே³தி – அயங் த³ஸமீ பாடிபுக்³க³லிகா த³க்கி²ணா. பா³ஹிரகே காமேஸு வீதராகே³
தா³னங் தே³தி – அயங் ஏகாத³ஸமீ பாடிபுக்³க³லிகா த³க்கி²ணா.
புது²ஜ்ஜனஸீலவந்தே தா³னங் தே³தி – அயங் த்³வாத³ஸமீ பாடிபுக்³க³லிகா
த³க்கி²ணா. புது²ஜ்ஜனது³ஸ்ஸீலே தா³னங் தே³தி – அயங் தேரஸமீ பாடிபுக்³க³லிகா
த³க்கி²ணா. திரச்சா²னக³தே தா³னங் தே³தி – அயங் சுத்³த³ஸமீ பாடிபுக்³க³லிகா
த³க்கி²ணாதி.

‘‘தத்ரானந்த³, திரச்சா²னக³தே தா³னங் த³த்வா ஸதகு³ணா
த³க்கி²ணா பாடிகங்கி²தப்³பா³, புது²ஜ்ஜனது³ஸ்ஸீலே தா³னங் த³த்வா ஸஹஸ்ஸகு³ணா
த³க்கி²ணா பாடிகங்கி²தப்³பா³, புது²ஜ்ஜனஸீலவந்தே தா³னங் த³த்வா
ஸதஸஹஸ்ஸகு³ணா த³க்கி²ணா பாடிகங்கி²தப்³பா³,
பா³ஹிரகே காமேஸு வீதராகே³ தா³னங் த³த்வா கோடிஸதஸஹஸ்ஸகு³ணா த³க்கி²ணா
பாடிகங்கி²தப்³பா³, ஸோதாபத்திப²லஸச்சி²கிரியாய படிபன்னே தா³னங் த³த்வா
அஸங்கெ²ய்யா அப்பமெய்யா த³க்கி²ணா பாடிகங்கி²தப்³பா³, கோ பன வாதோ³
ஸோதாபன்னே, கோ பன வாதோ³ ஸகதா³கா³மிப²லஸச்சி²கிரியாய படிபன்னே, கோ பன வாதோ³
ஸகதா³கா³மிஸ்ஸ, கோ பன வாதோ³ அனாகா³மிப²லஸச்சி²கிரியாய படிபன்னே, கோ பன
வாதோ³ அனாகா³மிஸ்ஸ, கோ பன வாதோ³ அரஹத்தப²லஸச்சி²கிரியாய படிபன்னே, கோ பன
வாதோ³ அரஹந்தே, கோ பன வாதோ³ பச்சேகஸம்பு³த்³தே⁴, கோ பன வாதோ³ ததா²க³தே
அரஹந்தே ஸம்மாஸம்பு³த்³தே⁴!

380.
‘‘ஸத்த கோ² பனிமானந்த³, ஸங்க⁴க³தா த³க்கி²ணா. கதமா ஸத்த? பு³த்³த⁴ப்பமுகே²
உப⁴தோஸங்கே⁴ தா³னங் தே³தி – அயங் பட²மா ஸங்க⁴க³தா த³க்கி²ணா. ததா²க³தே
பரினிப்³பு³தே உப⁴தோஸங்கே⁴ தா³னங் தே³தி – அயங் து³தியா ஸங்க⁴க³தா
த³க்கி²ணா. பி⁴க்கு²ஸங்கே⁴ தா³னங் தே³தி – அயங் ததியா ஸங்க⁴க³தா த³க்கி²ணா.
பி⁴க்கு²னிஸங்கே⁴ தா³னங் தே³தி – அயங் சதுத்தீ² ஸங்க⁴க³தா த³க்கி²ணா.
‘எத்தகா மே பி⁴க்கூ² ச பி⁴க்கு²னியோ ச ஸங்க⁴தோ உத்³தி³ஸ்ஸதா²’தி தா³னங் தே³தி – அயங் பஞ்சமீ ஸங்க⁴க³தா த³க்கி²ணா. ‘எத்தகா
மே பி⁴க்கூ² ஸங்க⁴தோ உத்³தி³ஸ்ஸதா²’தி தா³னங் தே³தி – அயங் ச²ட்டீ²
ஸங்க⁴க³தா த³க்கி²ணா. ‘எத்தகா மே பி⁴க்கு²னியோ ஸங்க⁴தோ உத்³தி³ஸ்ஸதா²’தி
தா³னங் தே³தி – அயங் ஸத்தமீ ஸங்க⁴க³தா த³க்கி²ணா.

‘‘ப⁴விஸ்ஸந்தி கோ² பனானந்த³, அனாக³தமத்³தா⁴னங் கொ³த்ரபு⁴னோ காஸாவகண்டா²
து³ஸ்ஸீலா பாபத⁴ம்மா. தேஸு து³ஸ்ஸீலேஸு ஸங்க⁴ங் உத்³தி³ஸ்ஸ தா³னங்
த³ஸ்ஸந்தி. ததா³பாஹங், ஆனந்த³, ஸங்க⁴க³தங் த³க்கி²ணங் அஸங்கெ²ய்யங்
அப்பமெய்யங் வதா³மி. ந த்வேவாஹங், ஆனந்த³, கேனசி பரியாயேன ஸங்க⁴க³தாய
த³க்கி²ணாய பாடிபுக்³க³லிகங் தா³னங் மஹப்ப²லதரங் வதா³மி.

381.
‘‘சதஸ்ஸோ கோ² இமா, ஆனந்த³, த³க்கி²ணா விஸுத்³தி⁴யோ. கதமா சதஸ்ஸோ?
அத்தா²னந்த³, த³க்கி²ணா தா³யகதோ விஸுஜ்ஜ²தி நோ படிக்³கா³ஹகதோ. அத்தா²னந்த³,
த³க்கி²ணா படிக்³கா³ஹகதோ விஸுஜ்ஜ²தி நோ தா³யகதோ. அத்தா²னந்த³, த³க்கி²ணா
நேவ தா³யகதோ விஸுஜ்ஜ²தி நோ படிக்³கா³ஹகதோ. அத்தா²னந்த³, த³க்கி²ணா தா³யகதோ
சேவ விஸுஜ்ஜ²தி படிக்³கா³ஹகதோ ச.

‘‘கத²ஞ்சானந்த³, த³க்கி²ணா தா³யகதோ விஸுஜ்ஜ²தி நோ
படிக்³கா³ஹகதோ? இதா⁴னந்த³, தா³யகோ ஹோதி ஸீலவா கல்யாணத⁴ம்மோ, படிக்³கா³ஹகா
ஹொந்தி து³ஸ்ஸீலா பாபத⁴ம்மா – ஏவங் கோ², ஆனந்த³, த³க்கி²ணா தா³யகதோ
விஸுஜ்ஜ²தி நோ படிக்³கா³ஹகதோ.

‘‘கத²ஞ்சானந்த³, த³க்கி²ணா படிக்³கா³ஹகதோ விஸுஜ்ஜ²தி
நோ தா³யகதோ? இதா⁴னந்த³, தா³யகோ ஹோதி து³ஸ்ஸீலோ பாபத⁴ம்மோ, படிக்³கா³ஹகா
ஹொந்தி ஸீலவந்தோ [ஸீலவந்தா (ஸீ॰)] கல்யாணத⁴ம்மா – ஏவங் கோ², ஆனந்த³, த³க்கி²ணா படிக்³கா³ஹகதோ விஸுஜ்ஜ²தி நோ தா³யகதோ.

‘‘கத²ஞ்சானந்த³, த³க்கி²ணா நேவ தா³யகதோ விஸுஜ்ஜ²தி நோ படிக்³கா³ஹகதோ? இதா⁴னந்த³, தா³யகோ ச ஹோதி து³ஸ்ஸீலோ பாபத⁴ம்மோ, படிக்³கா³ஹகா ச ஹொந்தி து³ஸ்ஸீலா பாபத⁴ம்மா – ஏவங் கோ², ஆனந்த³, த³க்கி²ணா நேவ தா³யகதோ விஸுஜ்ஜ²தி நோ படிக்³கா³ஹகதோ.

‘‘கத²ஞ்சானந்த³, த³க்கி²ணா தா³யகதோ சேவ விஸுஜ்ஜ²தி
படிக்³கா³ஹகதோ ச? இதா⁴னந்த³, தா³யகோ ச ஹோதி ஸீலவா கல்யாணத⁴ம்மோ,
படிக்³கா³ஹகா ச ஹொந்தி ஸீலவந்தோ கல்யாணத⁴ம்மா – ஏவங் கோ², ஆனந்த³, த³க்கி²ணா தா³யகதோ சேவ விஸுஜ்ஜ²தி படிக்³கா³ஹகதோ ச. இமா கோ², ஆனந்த³, சதஸ்ஸோ த³க்கி²ணா விஸுத்³தி⁴யோ’’தி.

இத³மவோச ப⁴க³வா. இத³ங் வத்வான ஸுக³தோ அதா²பரங் ஏதத³வோச ஸத்தா² –

382.

‘‘யோ ஸீலவா து³ஸ்ஸீலேஸு த³தா³தி தா³னங்,

த⁴ம்மேன லத்³த⁴ங் [லத்³தா⁴ (ஸீ॰ பீ॰)] ஸுபஸன்னசித்தோ;

அபி⁴ஸத்³த³ஹங் கம்மப²லங் உளாரங்,

ஸா த³க்கி²ணா தா³யகதோ விஸுஜ்ஜ²தி.

‘‘யோ து³ஸ்ஸீலோ ஸீலவந்தேஸு த³தா³தி தா³னங்,

அத⁴ம்மேன லத்³த⁴ங் அப்பஸன்னசித்தோ;

அனபி⁴ஸத்³த³ஹங் கம்மப²லங் உளாரங்,

ஸா த³க்கி²ணா படிக்³கா³ஹகதோ விஸுஜ்ஜ²தி.

‘‘யோ து³ஸ்ஸீலோ து³ஸ்ஸீலேஸு த³தா³தி தா³னங்,

அத⁴ம்மேன லத்³த⁴ங் அப்பஸன்னசித்தோ;

அனபி⁴ஸத்³த³ஹங் கம்மப²லங் உளாரங்,

ந தங் தா³னங் விபுலப்ப²லந்தி ப்³ரூமி.

‘‘யோ ஸீலவா ஸீலவந்தேஸு த³தா³தி தா³னங்,

த⁴ம்மேன லத்³த⁴ங் ஸுபஸன்னசித்தோ;

அபி⁴ஸத்³த³ஹங் கம்மப²லங் உளாரங்,

தங் வே தா³னங் விபுலப்ப²லந்தி ப்³ரூமி [ஸா த³க்கி²ணா நேவுப⁴தோ விஸுஜ்ஜ²தி (ஸீ॰ பீ॰)].

‘‘யோ வீதராகோ³ வீதராகே³ஸு த³தா³தி தா³னங்,

த⁴ம்மேன லத்³த⁴ங் ஸுபஸன்னசித்தோ;

அபி⁴ஸத்³த³ஹங் கம்மப²லங் உளாரங்,

தங் வே தா³னங் ஆமிஸதா³னானமக்³க³’’ [தங் வே தா³னங் விபுலந்தி ப்³ரூமி (ஸீ॰)] ந்தி.

த³க்கி²ணாவிப⁴ங்க³ஸுத்தங் நிட்டி²தங் த்³வாத³ஸமங்.

விப⁴ங்க³வக்³கோ³ நிட்டி²தோ சதுத்தோ².

தஸ்ஸுத்³தா³னங் –

ப⁴த்³தே³கானந்த³கச்சான, லோமஸகங்கி³யாஸுபோ⁴;

மஹாகம்மஸளாயதனவிப⁴ங்கா³, உத்³தே³ஸஅரணா தா⁴து ஸச்சங்.

த³க்கி²ணாவிப⁴ங்க³ஸுத்தந்தி.

comments (0)

ஸுத்தபிடக-Part-47-தமிழில் திரபிடக மூன்று தொகுப்புகள்TIPITAKA–47.3. ஸுஞ்ஞதவக்கோ-1. சூளஸுஞ்ஞதஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 5:57 pm

ஸுத்தபிடக-Part-47-தமிழில் திரபிடக மூன்று தொகுப்புகள்TIPITAKA--47.3. ஸுஞ்ஞதவக்கோ-1. சூளஸுஞ்ஞதஸுத்தங்-from FREE ONLINE eNālāndā Research and
Practice UNIVERSITY through http://sarvajan.ambedkar.org

3. ஸுஞ்ஞதவக்கோ

1. சூளஸுஞ்ஞதஸுத்தங்

176. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி புப்³பா³ராமே
மிகா³ரமாதுபாஸாதே³. அத² கோ² ஆயஸ்மா ஆனந்தோ³ ஸாயன்ஹஸமயங் படிஸல்லானா
வுட்டி²தோ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா
ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா ஆனந்தோ³ ப⁴க³வந்தங்
ஏதத³வோச – ‘‘ஏகமித³ங், ப⁴ந்தே, ஸமயங் ப⁴க³வா ஸக்கேஸு விஹரதி நக³ரகங் நாம
ஸக்யானங் நிக³மோ. தத்த² மே, ப⁴ந்தே, ப⁴க³வதோ ஸம்முகா² ஸுதங், ஸம்முகா²
படிக்³க³ஹிதங் – ‘ஸுஞ்ஞதாவிஹாரேனாஹங், ஆனந்த³, ஏதரஹி ப³ஹுலங் விஹராமீ’தி.
கச்சி மேதங், ப⁴ந்தே, ஸுஸ்ஸுதங் ஸுக்³க³ஹிதங் ஸுமனஸிகதங் ஸூபதா⁴ரித’’ந்தி?
‘‘தக்³க⁴ தே ஏதங், ஆனந்த³, ஸுஸ்ஸுதங் ஸுக்³க³ஹிதங் ஸுமனஸிகதங் ஸூபதா⁴ரிதங்.
புப்³பே³பாஹங் [புப்³பே³சாஹங் (ஸீ॰ ஸ்யா॰ கங்॰ பீ॰)], ஆனந்த³, ஏதரஹிபி [ஏதரஹி ச (ஸப்³ப³த்த²)]
ஸுஞ்ஞதாவிஹாரேன ப³ஹுலங் விஹராமி. ஸெய்யதா²பி, ஆனந்த³, அயங்
மிகா³ரமாதுபாஸாதோ³ ஸுஞ்ஞோ ஹத்தி²க³வஸ்ஸவளவேன, ஸுஞ்ஞோ ஜாதரூபரஜதேன, ஸுஞ்ஞோ
இத்தி²புரிஸஸன்னிபாதேன அத்தி² சேவித³ங் அஸுஞ்ஞதங் யதி³த³ங் –
பி⁴க்கு²ஸங்க⁴ங் படிச்ச ஏகத்தங்; ஏவமேவ கோ², ஆனந்த³, பி⁴க்கு² அமனஸிகரித்வா
கா³மஸஞ்ஞங், அமனஸிகரித்வா மனுஸ்ஸஸஞ்ஞங், அரஞ்ஞஸஞ்ஞங் படிச்ச மனஸி கரோதி
ஏகத்தங் . தஸ்ஸ அரஞ்ஞஸஞ்ஞாய சித்தங் பக்க²ந்த³தி
பஸீத³தி ஸந்திட்ட²தி அதி⁴முச்சதி. ஸோ ஏவங் பஜானாதி – ‘யே அஸ்ஸு த³ரதா²
கா³மஸஞ்ஞங் படிச்ச தேத⁴ ந ஸந்தி, யே அஸ்ஸு த³ரதா² மனுஸ்ஸஸஞ்ஞங் படிச்ச தேத⁴
ந ஸந்தி, அத்தி² சேவாயங் த³ரத²மத்தா யதி³த³ங் – அரஞ்ஞஸஞ்ஞங் படிச்ச
ஏகத்த’ந்தி. ஸோ ‘ஸுஞ்ஞமித³ங் ஸஞ்ஞாக³தங் கா³மஸஞ்ஞாயா’தி பஜானாதி,
‘ஸுஞ்ஞமித³ங் ஸஞ்ஞாக³தங் மனுஸ்ஸஸஞ்ஞாயா’தி பஜானாதி, ‘அத்தி² சேவித³ங்
அஸுஞ்ஞதங் யதி³த³ங் – அரஞ்ஞஸஞ்ஞங் படிச்ச ஏகத்த’ந்தி. இதி யஞ்ஹி கோ² தத்த² ந
ஹோதி தேன தங் ஸுஞ்ஞங் ஸமனுபஸ்ஸதி, யங் பன தத்த² அவஸிட்ட²ங் ஹோதி தங் ‘ஸந்தமித³ங் அத்தீ²’’’தி பஜானாதி. ஏவம்பிஸ்ஸ ஏஸா, ஆனந்த³, யதா²பு⁴ச்சா அவிபல்லத்தா² பரிஸுத்³தா⁴ ஸுஞ்ஞதாவக்கந்தி ப⁴வதி.

177.
‘‘புன சபரங், ஆனந்த³, பி⁴க்கு² அமனஸிகரித்வா மனுஸ்ஸஸஞ்ஞங், அமனஸிகரித்வா
அரஞ்ஞஸஞ்ஞங், பத²வீஸஞ்ஞங் படிச்ச மனஸி கரோதி ஏகத்தங். தஸ்ஸ பத²வீஸஞ்ஞாய
சித்தங் பக்க²ந்த³தி பஸீத³தி ஸந்திட்ட²தி அதி⁴முச்சதி. ஸெய்யதா²பி,
ஆனந்த³, ஆஸப⁴சம்மங் ஸங்குஸதேன ஸுவிஹதங் விக³தவலிகங்; ஏவமேவ கோ², ஆனந்த³,
பி⁴க்கு² யங் இமிஸ்ஸா பத²வியா உக்கூலவிக்கூலங் நதீ³விது³க்³க³ங்
கா²ணுகண்டகட்டா²னங் பப்³ப³தவிஸமங் தங் ஸப்³ப³ங் [ஸப்³ப³ங் (க॰)]
அமனஸிகரித்வா பத²வீஸஞ்ஞங் படிச்ச மனஸி கரோதி ஏகத்தங். தஸ்ஸ பத²வீஸஞ்ஞாய
சித்தங் பக்க²ந்த³தி பஸீத³தி ஸந்திட்ட²தி அதி⁴முச்சதி. ஸோ ஏவங் பஜானாதி –
‘யே அஸ்ஸு த³ரதா² மனுஸ்ஸஸஞ்ஞங் படிச்ச தேத⁴ ந ஸந்தி, யே அஸ்ஸு த³ரதா²
அரஞ்ஞஸஞ்ஞங் படிச்ச தேத⁴ ந ஸந்தி, அத்தி² சேவாயங்
த³ரத²மத்தா யதி³த³ங் – பத²வீஸஞ்ஞங் படிச்ச ஏகத்த’ந்தி. ஸோ ‘ஸுஞ்ஞமித³ங்
ஸஞ்ஞாக³தங் மனுஸ்ஸஸஞ்ஞாயா’தி பஜானாதி, ‘ஸுஞ்ஞமித³ங் ஸஞ்ஞாக³தங்
அரஞ்ஞஸஞ்ஞாயா’தி பஜானாதி, ‘அத்தி² சேவித³ங் அஸுஞ்ஞதங் யதி³த³ங் –
பத²வீஸஞ்ஞங் படிச்ச ஏகத்த’ந்தி. இதி யஞ்ஹி கோ² தத்த² ந ஹோதி தேன தங்
ஸுஞ்ஞங் ஸமனுபஸ்ஸதி, யங் பன தத்த² அவஸிட்ட²ங் ஹோதி தங் ‘ஸந்தமித³ங்
அத்தீ²’தி பஜானாதி. ஏவம்பிஸ்ஸ ஏஸா, ஆனந்த³, யதா²பு⁴ச்சா அவிபல்லத்தா²
பரிஸுத்³தா⁴ ஸுஞ்ஞதாவக்கந்தி ப⁴வதி.

178.
‘‘புன சபரங், ஆனந்த³, பி⁴க்கு² அமனஸிகரித்வா அரஞ்ஞஸஞ்ஞங், அமனஸிகரித்வா
பத²வீஸஞ்ஞங், ஆகாஸானஞ்சாயதனஸஞ்ஞங் படிச்ச மனஸி கரோதி ஏகத்தங். தஸ்ஸ
ஆகாஸானஞ்சாயதனஸஞ்ஞாய சித்தங் பக்க²ந்த³தி பஸீத³தி ஸந்திட்ட²தி அதி⁴முச்சதி.
ஸோ ஏவங் பஜானாதி – ‘யே அஸ்ஸு த³ரதா² அரஞ்ஞஸஞ்ஞங் படிச்ச தேத⁴ ந ஸந்தி, யே
அஸ்ஸு த³ரதா² பத²வீஸஞ்ஞங் படிச்ச தேத⁴ ந ஸந்தி,
அத்தி² சேவாயங் த³ரத²மத்தா யதி³த³ங் – ஆகாஸானஞ்சாயதனஸஞ்ஞங் படிச்ச
ஏகத்த’ந்தி. ஸோ ‘ஸுஞ்ஞமித³ங் ஸஞ்ஞாக³தங் அரஞ்ஞஸஞ்ஞாயா’தி பஜானாதி,
‘ஸுஞ்ஞமித³ங் ஸஞ்ஞாக³தங் பத²வீஸஞ்ஞாயா’தி பஜானாதி, ‘அத்தி² சேவித³ங்
அஸுஞ்ஞதங் யதி³த³ங் – ஆகாஸானஞ்சாயதனஸஞ்ஞங் படிச்ச ஏகத்த’ந்தி. இதி யஞ்ஹி
கோ² தத்த² ந ஹோதி தேன தங் ஸுஞ்ஞங் ஸமனுபஸ்ஸதி, யங் பன தத்த² அவஸிட்ட²ங்
ஹோதி தங் ‘ஸந்தமித³ங் அத்தீ²’தி பஜானாதி. ஏவம்பிஸ்ஸ ஏஸா, ஆனந்த³ , யதா²பு⁴ச்சா அவிபல்லத்தா² பரிஸுத்³தா⁴ ஸுஞ்ஞதாவக்கந்தி ப⁴வதி.

179. ‘‘புன
சபரங், ஆனந்த³, பி⁴க்கு² அமனஸிகரித்வா பத²வீஸஞ்ஞங், அமனஸிகரித்வா
ஆகாஸானஞ்சாயதனஸஞ்ஞங், விஞ்ஞாணஞ்சாயதனஸஞ்ஞங் படிச்ச மனஸி கரோதி ஏகத்தங்.
தஸ்ஸ விஞ்ஞாணஞ்சாயதனஸஞ்ஞாய சித்தங் பக்க²ந்த³தி பஸீத³தி ஸந்திட்ட²தி
அதி⁴முச்சதி. ஸோ ஏவங் பஜானாதி – ‘யே அஸ்ஸு த³ரதா² பத²வீஸஞ்ஞங்
படிச்ச தேத⁴ ந ஸந்தி, யே அஸ்ஸு த³ரதா² ஆகாஸானஞ்சாயதனஸஞ்ஞங் படிச்ச தேத⁴ ந
ஸந்தி, அத்தி² சேவாயங் த³ரத²மத்தா யதி³த³ங் – விஞ்ஞாணஞ்சாயதனஸஞ்ஞங் படிச்ச
ஏகத்த’ந்தி. ஸோ ‘ஸுஞ்ஞமித³ங் ஸஞ்ஞாக³தங் பத²வீஸஞ்ஞாயா’தி பஜானாதி,
‘ஸுஞ்ஞமித³ங் ஸஞ்ஞாக³தங் ஆகாஸானஞ்சாயதனஸஞ்ஞாயா’தி பஜானாதி, ‘அத்தி²
சேவித³ங் அஸுஞ்ஞதங் யதி³த³ங் – விஞ்ஞாணஞ்சாயதனஸஞ்ஞங் படிச்ச ஏகத்த’ந்தி.
இதி யஞ்ஹி கோ² தத்த² ந ஹோதி தேன தங் ஸுஞ்ஞங் ஸமனுபஸ்ஸதி, யங் பன தத்த²
அவஸிட்ட²ங் ஹோதி தங் ‘ஸந்தமித³ங் அத்தீ²’தி பஜானாதி. ஏவம்பிஸ்ஸ ஏஸா,
ஆனந்த³, யதா²பு⁴ச்சா அவிபல்லத்தா² பரிஸுத்³தா⁴ ஸுஞ்ஞதாவக்கந்தி ப⁴வதி.

180.
‘‘புன சபரங், ஆனந்த³, பி⁴க்கு² அமனஸிகரித்வா ஆகாஸானஞ்சாயதனஸஞ்ஞங்,
அமனஸிகரித்வா விஞ்ஞாணஞ்சாயதனஸஞ்ஞங், ஆகிஞ்சஞ்ஞாயதனஸஞ்ஞங் படிச்ச மனஸி கரோதி
ஏகத்தங். தஸ்ஸ ஆகிஞ்சஞ்ஞாயதனஸஞ்ஞாய சித்தங் பக்க²ந்த³தி பஸீத³தி
ஸந்திட்ட²தி அதி⁴முச்சதி. ஸோ ஏவங் பஜானாதி – ‘யே அஸ்ஸு த³ரதா²
ஆகாஸானஞ்சாயதனஸஞ்ஞங் படிச்ச தேத⁴ ந ஸந்தி, யே அஸ்ஸு
த³ரதா² விஞ்ஞாணஞ்சாயதனஸஞ்ஞங் படிச்ச தேத⁴ ந ஸந்தி, அத்தி² சேவாயங்
த³ரத²மத்தா யதி³த³ங் – ஆகிஞ்சஞ்ஞாயதனஸஞ்ஞங் படிச்ச ஏகத்த’ந்தி. ஸோ
‘ஸுஞ்ஞமித³ங் ஸஞ்ஞாக³தங் ஆகாஸானஞ்சாயதனஸஞ்ஞாயா’தி பஜானாதி, ‘ஸுஞ்ஞமித³ங்
ஸஞ்ஞாக³தங் விஞ்ஞாணஞ்சாயதனஸஞ்ஞாயா’தி பஜானாதி, ‘அத்தி² சேவித³ங் அஸுஞ்ஞதங்
யதி³த³ங் – ஆகிஞ்சஞ்ஞாயதனஸஞ்ஞங் படிச்ச ஏகத்த’ந்தி. இதி யஞ்ஹி கோ² தத்த² ந
ஹோதி தேன தங் ஸுஞ்ஞங் ஸமனுபஸ்ஸதி, யங் பன தத்த² அவஸிட்ட²ங் ஹோதி தங்
‘ஸந்தமித³ங் அத்தீ²’தி பஜானாதி. ஏவம்பிஸ்ஸ ஏஸா, ஆனந்த³, யதா²பு⁴ச்சா
அவிபல்லத்தா² பரிஸுத்³தா⁴ ஸுஞ்ஞதாவக்கந்தி ப⁴வதி.

181.
‘‘புன சபரங், ஆனந்த³ பி⁴க்கு² அமனஸிகரித்வா விஞ்ஞாணஞ்சாயதனஸஞ்ஞங்,
அமனஸிகரித்வா ஆகிஞ்சஞ்ஞாயதனஸஞ்ஞங், நேவஸஞ்ஞானாஸஞ்ஞாயதனஸஞ்ஞங் படிச்ச மனஸி
கரோதி ஏகத்தங். தஸ்ஸ நேவஸஞ்ஞானாஸஞ்ஞாயதனஸஞ்ஞாய சித்தங் பக்க²ந்த³தி பஸீத³தி
ஸந்திட்ட²தி அதி⁴முச்சதி. ஸோ ஏவங் பஜானாதி – ‘யே அஸ்ஸு த³ரதா²
விஞ்ஞாணஞ்சாயதனஸஞ்ஞங் படிச்ச தேத⁴ ந ஸந்தி, யே
அஸ்ஸு த³ரதா² ஆகிஞ்சஞ்ஞாயதனஸஞ்ஞங் படிச்ச தேத⁴ ந ஸந்தி, அத்தி² சேவாயங்
த³ரத²மத்தா யதி³த³ங் – நேவஸஞ்ஞானாஸஞ்ஞாயதனஸஞ்ஞங் படிச்ச ஏகத்த’ந்தி. ஸோ
‘ஸுஞ்ஞமித³ங் ஸஞ்ஞாக³தங் விஞ்ஞாணஞ்சாயதனஸஞ்ஞாயா’தி பஜானாதி, ‘ஸுஞ்ஞமித³ங்
ஸஞ்ஞாக³தங் ஆகிஞ்சஞ்ஞாயதனஸஞ்ஞாயா’தி பஜானாதி, ‘அத்தி² சேவித³ங் அஸுஞ்ஞதங் யதி³த³ங் – நேவஸஞ்ஞானாஸஞ்ஞாயதனஸஞ்ஞங் படிச்ச ஏகத்த’ந்தி .
இதி யஞ்ஹி கோ² தத்த² ந ஹோதி தேன தங் ஸுஞ்ஞங் ஸமனுபஸ்ஸதி, யங் பன தத்த²
அவஸிட்ட²ங் ஹோதி தங் ‘ஸந்தமித³ங் அத்தீ²’தி பஜானாதி. ஏவம்பிஸ்ஸ ஏஸா,
ஆனந்த³, யதா²பு⁴ச்சா அவிபல்லத்தா² பரிஸுத்³தா⁴ ஸுஞ்ஞதாவக்கந்தி ப⁴வதி.

182.
‘‘புன சபரங், ஆனந்த³, பி⁴க்கு² அமனஸிகரித்வா ஆகிஞ்சஞ்ஞாயதனஸஞ்ஞங்,
அமனஸிகரித்வா நேவஸஞ்ஞானாஸஞ்ஞாயதனஸஞ்ஞங், அனிமித்தங் சேதோஸமாதி⁴ங் படிச்ச
மனஸி கரோதி ஏகத்தங். தஸ்ஸ அனிமித்தே சேதோஸமாதி⁴ம்ஹி சித்தங் பக்க²ந்த³தி
பஸீத³தி ஸந்திட்ட²தி அதி⁴முச்சதி. ஸோ ஏவங் பஜானாதி – ‘யே அஸ்ஸு த³ரதா²
ஆகிஞ்சஞ்ஞாயதனஸஞ்ஞங் படிச்ச தேத⁴ ந ஸந்தி, யே அஸ்ஸு த³ரதா²
நேவஸஞ்ஞானாஸஞ்ஞாயதனஸஞ்ஞங் படிச்ச தேத⁴ ந ஸந்தி, அத்தி² சேவாயங் த³ரத²மத்தா
யதி³த³ங் – இமமேவ காயங் படிச்ச ஸளாயதனிகங் ஜீவிதபச்சயா’தி .
ஸோ ‘ஸுஞ்ஞமித³ங் ஸஞ்ஞாக³தங் ஆகிஞ்சஞ்ஞாயதனஸஞ்ஞாயா’தி பஜானாதி,
‘ஸுஞ்ஞமித³ங் ஸஞ்ஞாக³தங் நேவஸஞ்ஞானாஸஞ்ஞாயதனஸஞ்ஞாயா’தி பஜானாதி, ‘அத்தி²
சேவித³ங் அஸுஞ்ஞதங் யதி³த³ங் – இமமேவ காயங் படிச்ச ஸளாயதனிகங்
ஜீவிதபச்சயா’தி. இதி யஞ்ஹி கோ² தத்த² ந ஹோதி தேன தங் ஸுஞ்ஞங் ஸமனுபஸ்ஸதி,
யங் பன தத்த² அவஸிட்ட²ங் ஹோதி தங் ‘ஸந்தமித³ங் அத்தீ²’தி பஜானாதி.
ஏவம்பிஸ்ஸ ஏஸா, ஆனந்த³, யதா²பு⁴ச்சா அவிபல்லத்தா² பரிஸுத்³தா⁴
ஸுஞ்ஞதாவக்கந்தி ப⁴வதி.

183.
‘‘புன சபரங், ஆனந்த³, பி⁴க்கு² அமனஸிகரித்வா ஆகிஞ்சஞ்ஞாயதனஸஞ்ஞங்,
அமனஸிகரித்வா நேவஸஞ்ஞானாஸஞ்ஞாயதனஸஞ்ஞங், அனிமித்தங் சேதோஸமாதி⁴ங்
படிச்ச மனஸி கரோதி ஏகத்தங். தஸ்ஸ அனிமித்தே சேதோஸமாதி⁴ம்ஹி சித்தங்
பக்க²ந்த³தி பஸீத³தி ஸந்திட்ட²தி அதி⁴முச்சதி. ஸோ ஏவங் பஜானாதி – ‘அயம்பி
கோ² அனிமித்தோ சேதோஸமாதி⁴ அபி⁴ஸங்க²தோ அபி⁴ஸஞ்சேதயிதோ’. ‘யங் கோ² பன கிஞ்சி
அபி⁴ஸங்க²தங் அபி⁴ஸஞ்சேதயிதங் தத³னிச்சங் நிரோத⁴த⁴ம்ம’ந்தி பஜானாதி. தஸ்ஸ
ஏவங் ஜானதோ ஏவங் பஸ்ஸதோ காமாஸவாபி சித்தங் விமுச்சதி, ப⁴வாஸவாபி சித்தங்
விமுச்சதி, அவிஜ்ஜாஸவாபி சித்தங் விமுச்சதி. விமுத்தஸ்மிங் விமுத்தமிதி
ஞாணங் ஹோதி. ‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங்
இத்த²த்தாயா’தி பஜானாதி. ஸோ ஏவங் பஜானாதி – ‘யே அஸ்ஸு த³ரதா²
காமாஸவங் படிச்ச தேத⁴ ந ஸந்தி, யே அஸ்ஸு த³ரதா² ப⁴வாஸவங் படிச்ச தேத⁴ ந
ஸந்தி, யே அஸ்ஸு த³ரதா² அவிஜ்ஜாஸவங் படிச்ச தேத⁴ ந ஸந்தி, அத்தி² சேவாயங்
த³ரத²மத்தா யதி³த³ங் – இமமேவ காயங் படிச்ச ஸளாயதனிகங்
ஜீவிதபச்சயா’தி. ஸோ ‘ஸுஞ்ஞமித³ங் ஸஞ்ஞாக³தங் காமாஸவேனா’தி பஜானாதி,
‘ஸுஞ்ஞமித³ங் ஸஞ்ஞாக³தங் ப⁴வாஸவேனா’தி பஜானாதி, ‘ஸுஞ்ஞமித³ங் ஸஞ்ஞாக³தங்
அவிஜ்ஜாஸவேனா’தி பஜானாதி, ‘அத்தி² சேவித³ங் அஸுஞ்ஞதங் யதி³த³ங் – இமமேவ
காயங் படிச்ச ஸளாயதனிகங் ஜீவிதபச்சயா’தி. இதி யஞ்ஹி கோ² தத்த² ந ஹோதி தேன
தங் ஸுஞ்ஞங் ஸமனுபஸ்ஸதி, யங் பன தத்த² அவஸிட்ட²ங் ஹோதி தங் ‘ஸந்தமித³ங்
அத்தீ²’தி பஜானாதி. ஏவம்பிஸ்ஸ ஏஸா, ஆனந்த³, யதா²பு⁴ச்சா அவிபல்லத்தா² பரிஸுத்³தா⁴ பரமானுத்தரா ஸுஞ்ஞதாவக்கந்தி ப⁴வதி.

184. ‘‘யேபி ஹி கேசி, ஆனந்த³, அதீதமத்³தா⁴னங் ஸமணா வா ப்³ராஹ்மணா
வா பரிஸுத்³த⁴ங் பரமானுத்தரங் ஸுஞ்ஞதங் உபஸம்பஜ்ஜ விஹரிங்ஸு, ஸப்³பே³ தே
இமங்யேவ பரிஸுத்³த⁴ங் பரமானுத்தரங் ஸுஞ்ஞதங் உபஸம்பஜ்ஜ விஹரிங்ஸு. யேபி [யே (ஸீ॰ பீ॰)]
ஹி கேசி, ஆனந்த³, அனாக³தமத்³தா⁴னங் ஸமணா வா ப்³ராஹ்மணா வா பரிஸுத்³த⁴ங்
பரமானுத்தரங் ஸுஞ்ஞதங் உபஸம்பஜ்ஜ விஹரிஸ்ஸந்தி, ஸப்³பே³ தே இமங்யேவ
பரிஸுத்³த⁴ங் பரமானுத்தரங் ஸுஞ்ஞதங் உபஸம்பஜ்ஜ விஹரிஸ்ஸந்தி. யேபி [யே (ஸீ॰ பீ॰)]
ஹி கேசி, ஆனந்த³, ஏதரஹி ஸமணா வா ப்³ராஹ்மணா வா பரிஸுத்³த⁴ங் பரமானுத்தரங்
ஸுஞ்ஞதங் உபஸம்பஜ்ஜ விஹரந்தி, ஸப்³பே³ தே இமங்யேவ பரிஸுத்³த⁴ங்
பரமானுத்தரங் ஸுஞ்ஞதங் உபஸம்பஜ்ஜ விஹரந்தி. தஸ்மாதிஹ, ஆனந்த³,
‘பரிஸுத்³த⁴ங் பரமானுத்தரங் ஸுஞ்ஞதங் உபஸம்பஜ்ஜ விஹரிஸ்ஸாமா’தி [விஹரிஸ்ஸாமீதி (பீ॰ க॰)] – ஏவஞ்ஹி வோ [தே (க॰)], ஆனந்த³, ஸிக்கி²தப்³ப³’’ந்தி.

இத³மவோச ப⁴க³வா. அத்தமனோ ஆயஸ்மா ஆனந்தோ³ ப⁴க³வதோ பா⁴ஸிதங் அபி⁴னந்தீ³தி.

சூளஸுஞ்ஞதஸுத்தங் நிட்டி²தங் பட²மங்.

2. மஹாஸுஞ்ஞதஸுத்தங்

185. ஏவங்
மே ஸுதங் – ஏகங் ஸமயங் ப⁴க³வா ஸக்கேஸு விஹரதி கபிலவத்து²ஸ்மிங்
நிக்³ரோதா⁴ராமே. அத² கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய
கபிலவத்து²ங் பிண்டா³ய பாவிஸி. கபிலவத்து²ஸ்மிங் பிண்டா³ய சரித்வா
பச்சா²ப⁴த்தங் பிண்ட³பாதபடிக்கந்தோ யேன காளகே²மகஸ்ஸ ஸக்கஸ்ஸ விஹாரோ
தேனுபஸங்கமி தி³வாவிஹாராய. தேன கோ² பன ஸமயேன காளகே²மகஸ்ஸ ஸக்கஸ்ஸ விஹாரே ஸம்ப³ஹுலானி ஸேனாஸனானி பஞ்ஞத்தானி ஹொந்தி. அத்³த³ஸா கோ² ப⁴க³வா காளகே²மகஸ்ஸ ஸக்கஸ்ஸ விஹாரே ஸம்ப³ஹுலானி ஸேனாஸனானி
பஞ்ஞத்தானி. தி³ஸ்வான ப⁴க³வதோ ஏதத³ஹோஸி – ‘‘ஸம்ப³ஹுலானி கோ² காளகே²மகஸ்ஸ
ஸக்கஸ்ஸ விஹாரே ஸேனாஸனானி பஞ்ஞத்தானி. ஸம்ப³ஹுலா நு கோ² இத⁴ பி⁴க்கூ²
விஹரந்தீ’’தி.

186.
தேன கோ² பன ஸமயேன ஆயஸ்மா ஆனந்தோ³ ஸம்ப³ஹுலேஹி பி⁴க்கூ²ஹி ஸத்³தி⁴ங் க⁴டாய
ஸக்கஸ்ஸ விஹாரே சீவரகம்மங் கரோதி. அத² கோ² ப⁴க³வா ஸாயன்ஹஸமயங் படிஸல்லானா
வுட்டி²தோ யேன க⁴டாய ஸக்கஸ்ஸ விஹாரோ தேனுபஸங்கமி; உபஸங்கமித்வா பஞ்ஞத்தே
ஆஸனே நிஸீதி³. நிஸஜ்ஜ கோ² ப⁴க³வா ஆயஸ்மந்தங் ஆனந்த³ங் ஆமந்தேஸி –
‘‘ஸம்ப³ஹுலானி கோ², ஆனந்த³, காளகே²மகஸ்ஸ ஸக்கஸ்ஸ
விஹாரே ஸேனாஸனானி பஞ்ஞத்தானி. ஸம்ப³ஹுலா நு கோ² எத்த² பி⁴க்கூ²
விஹரந்தீ’’தி? ‘‘ஸம்ப³ஹுலானி, ப⁴ந்தே, காளகே²மகஸ்ஸ ஸக்கஸ்ஸ விஹாரே
ஸேனாஸனானி பஞ்ஞத்தானி. ஸம்ப³ஹுலா பி⁴க்கூ² எத்த² விஹரந்தி. சீவரகாரஸமயோ நோ,
ப⁴ந்தே, வத்ததீ’’தி.

‘‘ந கோ², ஆனந்த³, பி⁴க்கு² ஸோப⁴தி ஸங்க³ணிகாராமோ
ஸங்க³ணிகரதோ ஸங்க³ணிகாராமதங் அனுயுத்தோ க³ணாராமோ க³ணரதோ க³ணஸம்முதி³தோ. ஸோ
வதானந்த³, பி⁴க்கு² ஸங்க³ணிகாராமோ ஸங்க³ணிகரதோ ஸங்க³ணிகாராமதங் அனுயுத்தோ
க³ணாராமோ க³ணரதோ க³ணஸம்முதி³தோ யங் தங் நெக்க²ம்மஸுக²ங் பவிவேகஸுக²ங்
உபஸமஸுக²ங் ஸம்போ³தி⁴ஸுக²ங் [ஸம்போ³த⁴ஸுக²ங் (ஸீ॰ பீ॰), ஸம்போ³த⁴ஸுக²ங் சித்தேகக்³க³தாஸுக²ங் (க॰) உபரி அரணவிப⁴ங்க³ஸுத்தே பன ஸம்போ³தி⁴ஸுக²ந்த்வேவ தி³ஸ்ஸதி]
தஸ்ஸ ஸுக²ஸ்ஸ நிகாமலாபீ⁴ ப⁴விஸ்ஸதி அகிச்ச²லாபீ⁴ அகஸிரலாபீ⁴தி – நேதங்
டா²னங் விஜ்ஜதி. யோ ச கோ² ஸோ, ஆனந்த³, பி⁴க்கு² ஏகோ க³ணஸ்மா வூபகட்டோ²
விஹரதி தஸ்ஸேதங் பி⁴க்கு²னோ பாடிகங்க²ங் யங் தங் நெக்க²ம்மஸுக²ங்
பவிவேகஸுக²ங் உபஸமஸுக²ங் ஸம்போ³தி⁴ஸுக²ங் தஸ்ஸ ஸுக²ஸ்ஸ நிகாமலாபீ⁴ ப⁴விஸ்ஸதி அகிச்ச²லாபீ⁴ அகஸிரலாபீ⁴தி – டா²னமேதங் விஜ்ஜதி.

‘‘ஸோ வதானந்த³, பி⁴க்கு² ஸங்க³ணிகாராமோ ஸங்க³ணிகரதோ
ஸங்க³ணிகாராமதங் அனுயுத்தோ க³ணாராமோ க³ணரதோ க³ணஸம்முதி³தோ ஸாமாயிகங் வா
கந்தங் சேதோவிமுத்திங் உபஸம்பஜ்ஜ விஹரிஸ்ஸதி அஸாமாயிகங் வா அகுப்பந்தி –
நேதங் டா²னங் விஜ்ஜதி. யோ ச கோ² ஸோ, ஆனந்த³, பி⁴க்கு² ஏகோ க³ணஸ்மா
வூபகட்டோ² விஹரதி தஸ்ஸேதங் பி⁴க்கு²னோ பாடிகங்க²ங் ஸாமாயிகங் வா கந்தங் சேதோவிமுத்திங் உபஸம்பஜ்ஜ விஹரிஸ்ஸதி அஸாமாயிகங் வா அகுப்பந்தி – டா²னமேதங் விஜ்ஜதி.

‘‘நாஹங், ஆனந்த³, ஏகங் ரூபம்பி [ஏகரூபம்பி (ஸீ॰)] ஸமனுபஸ்ஸாமி யத்த² ரத்தஸ்ஸ யதா²பி⁴ரதஸ்ஸ ரூபஸ்ஸ விபரிணாமஞ்ஞதா²பா⁴வா ந உப்பஜ்ஜெய்யுங் ஸோகபரிதே³வது³க்க²தோ³மனஸ்ஸூபாயாஸா.

187. ‘‘அயங் கோ² பனானந்த³, விஹாரோ ததா²க³தேன அபி⁴ஸம்பு³த்³தோ⁴ யதி³த³ங் – ஸப்³ப³னிமித்தானங் அமனஸிகாரா அஜ்ஜ²த்தங் ஸுஞ்ஞதங் உபஸம்பஜ்ஜ விஹரிதுங் [விஹரதங் (க॰ ஸீ॰), விஹரதி (ஸ்யா॰ கங்॰ க॰)]. தத்ர சே, ஆனந்த³, ததா²க³தங் இமினா விஹாரேன விஹரந்தங் ப⁴வந்தி [ப⁴க³வந்தங் (ஸீ॰ ஸ்யா॰ கங்॰ க॰)]
உபஸங்கமிதாரோ பி⁴க்கூ² பி⁴க்கு²னியோ உபாஸகா உபாஸிகாயோ ராஜானோ ராஜமஹாமத்தா
தித்தி²யா தித்தி²யஸாவகா. தத்ரானந்த³, ததா²க³தோ விவேகனின்னேனேவ சித்தேன
விவேகபோணேன விவேகபப்³பா⁴ரேன வூபகட்டே²ன நெக்க²ம்மாபி⁴ரதேன ப்³யந்தீபூ⁴தேன
ஸப்³ப³ஸோ ஆஸவட்டா²னீயேஹி த⁴ம்மேஹி அஞ்ஞத³த்து² உய்யோஜனிகபடிஸங்யுத்தங்யேவ
கத²ங் கத்தா ஹோதி. தஸ்மாதிஹானந்த³, பி⁴க்கு² சேபி ஆகங்கெ²ய்ய – ‘அஜ்ஜ²த்தங்
ஸுஞ்ஞதங் உபஸம்பஜ்ஜ விஹரெய்ய’ந்தி, தேனானந்த³, பி⁴க்கு²னா அஜ்ஜ²த்தமேவ
சித்தங் ஸண்ட²பேதப்³ப³ங் ஸன்னிஸாதே³தப்³ப³ங் ஏகோதி³ காதப்³ப³ங்
ஸமாத³ஹாதப்³ப³ங்.

188. ‘‘கத²ஞ்சானந்த³, பி⁴க்கு² அஜ்ஜ²த்தமேவ சித்தங் ஸண்ட²பேதி ஸன்னிஸாதே³தி ஏகோதி³ங் கரோதி [ஏகோதி³கரோதி (ஸீ॰ ஸ்யா॰ கங்॰ பீ॰)]
ஸமாத³ஹதி? இதா⁴னந்த³, பி⁴க்கு² விவிச்சேவ காமேஹி விவிச்ச அகுஸலேஹி
த⁴ம்மேஹி…பே॰… பட²மங் ஜா²னங் உபஸம்பஜ்ஜ விஹரதி…பே॰… து³தியங் ஜா²னங்…
ததியங் ஜா²னங்… சதுத்த²ங் ஜா²னங் உபஸம்பஜ்ஜ விஹரதி. ஏவங் கோ², ஆனந்த³,
பி⁴க்கு² அஜ்ஜ²த்தமேவ சித்தங் ஸண்ட²பேதி ஸன்னிஸாதே³தி ஏகோதி³ங் கரோதி
ஸமாத³ஹதி. ஸோ அஜ்ஜ²த்தங் ஸுஞ்ஞதங் மனஸி கரோதி. தஸ்ஸ
அஜ்ஜ²த்தங் ஸுஞ்ஞதங் மனஸிகரோதோ ஸுஞ்ஞதாய சித்தங் ந பக்க²ந்த³தி நப்பஸீத³தி
ந ஸந்திட்ட²தி ந விமுச்சதி . ஏவங் ஸந்தமேதங், ஆனந்த³, பி⁴க்கு² ஏவங் பஜானாதி – ‘அஜ்ஜ²த்தங்
ஸுஞ்ஞதங் கோ² மே மனஸிகரோதோ அஜ்ஜ²த்தங் ஸுஞ்ஞதாய சித்தங் ந பக்க²ந்த³தி
நப்பஸீத³தி ந ஸந்திட்ட²தி ந விமுச்சதீ’தி. இதிஹ தத்த² ஸம்பஜானோ ஹோதி. ஸோ
ப³ஹித்³தா⁴ ஸுஞ்ஞதங் மனஸி கரோதி…பே॰… ஸோ அஜ்ஜ²த்தப³ஹித்³தா⁴ ஸுஞ்ஞதங் மனஸி
கரோதி …பே॰… ஸோ ஆனேஞ்ஜங் மனஸி கரோதி. தஸ்ஸ ஆனேஞ்ஜங்
மனஸிகரோதோ ஆனேஞ்ஜாய சித்தங் ந பக்க²ந்த³தி நப்பஸீத³தி ந ஸந்திட்ட²தி ந
விமுச்சதி. ஏவங் ஸந்தமேதங், ஆனந்த³, பி⁴க்கு² ஏவங் பஜானாதி – ‘ஆனேஞ்ஜங் கோ²
மே மனஸிகரோதோ ஆனேஞ்ஜாய சித்தங் ந பக்க²ந்த³தி நப்பஸீத³தி ந ஸந்திட்ட²தி ந
விமுச்சதீ’தி. இதிஹ தத்த² ஸம்பஜானோ ஹோதி.

‘‘தேனானந்த³, பி⁴க்கு²னா தஸ்மிங்யேவ புரிமஸ்மிங்
ஸமாதி⁴னிமித்தே அஜ்ஜ²த்தமேவ சித்தங் ஸண்ட²பேதப்³ப³ங் ஸன்னிஸாதே³தப்³ப³ங்
ஏகோதி³ காதப்³ப³ங் ஸமாத³ஹாதப்³ப³ங். ஸோ அஜ்ஜ²த்தங் ஸுஞ்ஞதங் மனஸி கரோதி.
தஸ்ஸ அஜ்ஜ²த்தங் ஸுஞ்ஞதங் மனஸிகரோதோ அஜ்ஜ²த்தங் ஸுஞ்ஞதாய சித்தங்
பக்க²ந்த³தி பஸீத³தி ஸந்திட்ட²தி விமுச்சதி. ஏவங் ஸந்தமேதங், ஆனந்த³,
பி⁴க்கு² ஏவங் பஜானாதி – ‘அஜ்ஜ²த்தங் ஸுஞ்ஞதங் கோ² மே மனஸிகரோதோ அஜ்ஜ²த்தங்
ஸுஞ்ஞதாய சித்தங் பக்க²ந்த³தி பஸீத³தி ஸந்திட்ட²தி விமுச்சதீ’தி. இதிஹ
தத்த² ஸம்பஜானோ ஹோதி. ஸோ ப³ஹித்³தா⁴ ஸுஞ்ஞதங் மனஸி கரோதி…பே॰… ஸோ
அஜ்ஜ²த்தப³ஹித்³தா⁴ ஸுஞ்ஞதங் மனஸி கரோதி…பே॰… ஸோ ஆனேஞ்ஜங் மனஸி கரோதி. தஸ்ஸ
ஆனேஞ்ஜங் மனஸிகரோதோ ஆனேஞ்ஜாய சித்தங் பக்க²ந்த³தி பஸீத³தி ஸந்திட்ட²தி
விமுச்சதி. ஏவங் ஸந்தமேதங், ஆனந்த³, பி⁴க்கு² ஏவங் பஜானாதி – ‘ஆனேஞ்ஜங் கோ²
மே மனஸிகரோதோ ஆனேஞ்ஜாய சித்தங் பக்க²ந்த³தி பஸீத³தி ஸந்திட்ட²தி விமுச்சதீ’தி. இதிஹ தத்த² ஸம்பஜானோ ஹோதி.

189.
‘‘தஸ்ஸ சே, ஆனந்த³, பி⁴க்கு²னோ இமினா விஹாரேன விஹரதோ சங்கமாய சித்தங்
நமதி, ஸோ சங்கமதி – ‘ஏவங் மங் சங்கமந்தங் நாபி⁴ஜ்ஜா²தோ³மனஸ்ஸா பாபகா அகுஸலா
த⁴ம்மா அன்வாஸ்ஸவிஸ்ஸந்தீ’தி . இதிஹ தத்த² ஸம்பஜானோ
ஹோதி. தஸ்ஸ சே, ஆனந்த³, பி⁴க்கு²னோ இமினா விஹாரேன விஹரதோ டா²னாய சித்தங்
நமதி, ஸோ திட்ட²தி – ‘ஏவங் மங் டி²தங் நாபி⁴ஜ்ஜா²தோ³மனஸ்ஸா பாபகா அகுஸலா
த⁴ம்மா அன்வாஸ்ஸவிஸ்ஸந்தீ’தி. இதிஹ தத்த² ஸம்பஜானோ ஹோதி. தஸ்ஸ சே, ஆனந்த³,
பி⁴க்கு²னோ இமினா விஹாரேன விஹரதோ நிஸஜ்ஜாய சித்தங் நமதி, ஸோ நிஸீத³தி –
‘ஏவங் மங் நிஸின்னங் நாபி⁴ஜ்ஜா²தோ³மனஸ்ஸா பாபகா அகுஸலா த⁴ம்மா
அன்வாஸ்ஸவிஸ்ஸந்தீ’தி. இதிஹ தத்த² ஸம்பஜானோ ஹோதி. தஸ்ஸ சே, ஆனந்த³,
பி⁴க்கு²னோ இமினா விஹாரேன விஹரதோ ஸயனாய சித்தங் நமதி , ஸோ ஸயதி – ‘ஏவங் மங் ஸயந்தங் நாபி⁴ஜ்ஜா²தோ³மனஸ்ஸா பாபகா அகுஸலா த⁴ம்மா அன்வாஸ்ஸவிஸ்ஸந்தீ’தி. இதிஹ தத்த² ஸம்பஜானோ ஹோதி.

‘‘தஸ்ஸ சே, ஆனந்த³, பி⁴க்கு²னோ இமினா விஹாரேன விஹரதோ கதா²ய [ப⁴ஸ்ஸாய (ஸீ॰), பா⁴ஸாய (ஸ்யா॰ கங்॰ பீ॰)]
சித்தங் நமதி, ஸோ – ‘யாயங் கதா² ஹீனா க³ம்மா போது²ஜ்ஜனிகா அனரியா
அனத்த²ஸங்ஹிதா ந நிப்³பி³தா³ய ந விராகா³ய ந நிரோதா⁴ய ந உபஸமாய ந அபி⁴ஞ்ஞாய ந
ஸம்போ³தா⁴ய ந நிப்³பா³னாய ஸங்வத்ததி, ஸெய்யதி²த³ங் – ராஜகதா² சோரகதா²
மஹாமத்தகதா² ஸேனாகதா² ப⁴யகதா² யுத்³த⁴கதா² அன்னகதா²
பானகதா² வத்த²கதா² ஸயனகதா² மாலாகதா² க³ந்த⁴கதா² ஞாதிகதா² யானகதா² கா³மகதா²
நிக³மகதா² நக³ரகதா² ஜனபத³கதா² இத்தி²கதா² ஸுராகதா² விஸிகா²கதா²
கும்ப⁴ட்டா²னகதா² புப்³ப³பேதகதா² நானத்தகதா² லோகக்கா²யிகா
ஸமுத்³த³க்கா²யிகா இதிப⁴வாப⁴வகதா² இதி வா இதி – ஏவரூபிங் கத²ங் ந
கதெ²ஸ்ஸாமீ’தி. இதிஹ தத்த² ஸம்பஜானோ ஹோதி. யா ச கோ² அயங், ஆனந்த³, கதா²
அபி⁴ஸல்லேகி²கா சேதோவினீவரணஸப்பாயா [சேதோவிசாரணஸப்பாயா (ஸீ॰ ஸ்யா॰ கங்॰), சேதோவிவரணஸப்பாயா (பீ॰)]
ஏகந்தனிப்³பி³தா³ய விராகா³ய நிரோதா⁴ய உபஸமாய அபி⁴ஞ்ஞாய ஸம்போ³தா⁴ய
நிப்³பா³னாய ஸங்வத்ததி, ஸெய்யதி²த³ங் – அப்பிச்ச²கதா² ஸந்துட்டி²கதா²
பவிவேககதா² அஸங்ஸக்³க³கதா² வீரியாரம்ப⁴கதா² ஸீலகதா² ஸமாதி⁴கதா² பஞ்ஞாகதா²
விமுத்திகதா² விமுத்திஞாணத³ஸ்ஸனகதா² இதி – ‘ஏவரூபிங் கத²ங் கதெ²ஸ்ஸாமீ’தி.
இதிஹ தத்த² ஸம்பஜானோ ஹோதி.

‘‘தஸ்ஸ சே, ஆனந்த³, பி⁴க்கு²னோ இமினா விஹாரேன விஹரதோ விதக்காய
சித்தங் நமதி, ஸோ – ‘யே தே விதக்கா ஹீனா க³ம்மா போது²ஜ்ஜனிகா அனரியா
அனத்த²ஸங்ஹிதா ந நிப்³பி³தா³ய ந விராகா³ய ந நிரோதா⁴ய ந உபஸமாய ந அபி⁴ஞ்ஞாய ந
ஸம்போ³தா⁴ய ந நிப்³பா³னாய ஸங்வத்தந்தி, ஸெய்யதி²த³ங் – காமவிதக்கோ
ப்³யாபாத³விதக்கோ விஹிங்ஸாவிதக்கோ இதி ஏவரூபே விதக்கே [ஏவரூபேன விதக்கேன (ஸீ॰ ஸ்யா॰ கங்॰ க॰)]
ந விதக்கெஸ்ஸாமீ’தி. இதிஹ தத்த² ஸம்பஜானோ ஹோதி. யே ச கோ² இமே, ஆனந்த³,
விதக்கா அரியா நிய்யானிகா நிய்யந்தி தக்கரஸ்ஸ ஸம்மாது³க்க²க்க²யாய,
ஸெய்யதி²த³ங் – நெக்க²ம்மவிதக்கோ அப்³யாபாத³விதக்கோ அவிஹிங்ஸாவிதக்கோ இதி –
‘ஏவரூபே விதக்கே [ஏவரூபேன விதக்கேன (க॰)] விதக்கெஸ்ஸாமீ’தி. இதிஹ தத்த² ஸம்பஜானோ ஹோதி.

190. ‘‘பஞ்ச கோ² இமே, ஆனந்த³, காமகு³ணா. கதமே பஞ்ச? சக்கு²விஞ்ஞெய்யா ரூபா இட்டா² கந்தா மனாபா பியரூபா காமூபஸங்ஹிதா ரஜனீயா, ஸோதவிஞ்ஞெய்யா ஸத்³தா³… கா⁴னவிஞ்ஞெய்யா க³ந்தா⁴… ஜிவ்ஹாவிஞ்ஞெய்யா ரஸா… காயவிஞ்ஞெய்யா பொ²ட்ட²ப்³பா³ இட்டா² கந்தா மனாபா பியரூபா காமூபஸங்ஹிதா
ரஜனீயா – இமே கோ², ஆனந்த³, பஞ்ச காமகு³ணா யத்த² பி⁴க்கு²னா அபி⁴க்க²ணங்
ஸகங் சித்தங் பச்சவெக்கி²தப்³ப³ங் – ‘அத்தி² நு கோ² மே இமேஸு பஞ்சஸு
காமகு³ணேஸு அஞ்ஞதரஸ்மிங் வா அஞ்ஞதரஸ்மிங் வா ஆயதனே உப்பஜ்ஜதி சேதஸோ
ஸமுதா³சாரோ’தி? ஸசே, ஆனந்த³, பி⁴க்கு² பச்சவெக்க²மானோ ஏவங் பஜானாதி –
‘அத்தி² கோ² மே இமேஸு பஞ்சஸு காமகு³ணேஸு அஞ்ஞதரஸ்மிங் வா அஞ்ஞதரஸ்மிங் வா
ஆயதனே உப்பஜ்ஜதி சேதஸோ ஸமுதா³சாரோ’தி, ஏவங் ஸந்தமேதங் [ஏவங் ஸந்தங் (அட்ட²॰)],
ஆனந்த³, பி⁴க்கு² ஏவங் பஜானாதி – ‘யோ கோ² இமேஸு பஞ்சஸு காமகு³ணேஸு
ச²ந்த³ராகோ³ ஸோ மே நப்பஹீனோ’தி. இதிஹ தத்த² ஸம்பஜானோ ஹோதி. ஸசே பனானந்த³,
பி⁴க்கு² பச்சவெக்க²மானோ ஏவங் பஜானாதி – ‘நத்தி² கோ² மே இமேஸு பஞ்சஸு
காமகு³ணேஸு அஞ்ஞதரஸ்மிங் வா அஞ்ஞதரஸ்மிங் வா ஆயதனே உப்பஜ்ஜதி சேதஸோ
ஸமுதா³சாரோ’தி, ஏவங் ஸந்தமேதங், ஆனந்த³, பி⁴க்கு² ஏவங் பஜானாதி – ‘யோ கோ²
இமேஸு பஞ்சஸு காமகு³ணேஸு ச²ந்த³ராகோ³ ஸோ மே பஹீனோ’தி. இதிஹ தத்த² ஸம்பஜானோ
ஹோதி.

191. ‘‘பஞ்ச கோ² இமே, ஆனந்த³, உபாதா³னக்க²ந்தா⁴ யத்த² பி⁴க்கு²னா உத³யப்³ப³யானுபஸ்ஸினா விஹாதப்³ப³ங் – ‘இதி ரூபங் இதி ரூபஸ்ஸ ஸமுத³யோ இதி ரூபஸ்ஸ அத்த²ங்க³மோ, இதி வேத³னா…
இதி ஸஞ்ஞா… இதி ஸங்கா²ரா… இதி விஞ்ஞாணங் இதி விஞ்ஞாணஸ்ஸ ஸமுத³யோ இதி
விஞ்ஞாணஸ்ஸ அத்த²ங்க³மோ’தி. தஸ்ஸ இமேஸு பஞ்சஸு உபாதா³னக்க²ந்தே⁴ஸு
உத³யப்³ப³யானுபஸ்ஸினோ விஹரதோ யோ பஞ்சஸு உபாதா³னக்க²ந்தே⁴ஸு அஸ்மிமானோ ஸோ
பஹீயதி. ஏவங் ஸந்தமேதங், ஆனந்த³, பி⁴க்கு² ஏவங் பஜானாதி – ‘யோ கோ² இமேஸு
பஞ்சஸு உபாதா³னக்க²ந்தே⁴ஸு அஸ்மிமானோ ஸோ மே பஹீனோ’தி. இதிஹ தத்த² ஸம்பஜானோ
ஹோதி. இமே கோ² தே, ஆனந்த³, த⁴ம்மா ஏகந்தகுஸலா குஸலாயாதிகா [த⁴ம்மா ஏகந்தகுஸலாயதிகா (ஸப்³ப³த்த²) அட்ட²கதா²டீகா ஓலோகேதப்³பா³]
அரியா லோகுத்தரா அனவக்கந்தா பாபிமதா. தங் கிங் மஞ்ஞஸி, ஆனந்த³, கங்
அத்த²வஸங் ஸம்பஸ்ஸமானோ அரஹதி ஸாவகோ ஸத்தா²ரங் அனுப³ந்தி⁴துங் அபி
பணுஜ்ஜமானோ’’தி [அபி பனுஜ்ஜமானோபீதி (க॰ ஸீ॰), அபி பயுஜ்ஜமானோதி (ஸ்யா॰ கங்॰ பீ॰)]? ‘‘ப⁴க³வங்மூலகா நோ, ப⁴ந்தே, த⁴ம்மா ப⁴க³வங்னெத்திகா ப⁴க³வங்படிஸரணா . ஸாது⁴ வத, ப⁴ந்தே, ப⁴க³வந்தங்யேவ படிபா⁴து ஏதஸ்ஸ பா⁴ஸிதஸ்ஸ அத்தோ². ப⁴க³வதோ ஸுத்வா பி⁴க்கூ² தா⁴ரெஸ்ஸந்தீ’’தி.

192. ‘‘ந கோ², ஆனந்த³, அரஹதி ஸாவகோ ஸத்தா²ரங் அனுப³ந்தி⁴துங், யதி³த³ங் ஸுத்தங் கெ³ய்யங் வெய்யாகரணங் தஸ்ஸ ஹேது [வெய்யாகரணஸ்ஸ ஹேது (க॰)]. தங் கிஸ்ஸ ஹேது? தீ³க⁴ரத்தஸ்ஸ [தீ³க⁴ரத்தங் + அஸ்ஸாதி பத³ச்சே²தோ³]
ஹி தே, ஆனந்த³, த⁴ம்மா ஸுதா தா⁴தா வசஸா பரிசிதா மனஸானுபெக்கி²தா
தி³ட்டி²யா ஸுப்படிவித்³தா⁴. யா ச கோ² அயங், ஆனந்த³, கதா² அபி⁴ஸல்லேகி²கா
சேதோவினீவரணஸப்பாயா ஏகந்தனிப்³பி³தா³ய விராகா³ய நிரோதா⁴ய உபஸமா அபி⁴ஞ்ஞாய
ஸம்போ³தா⁴ய நிப்³பா³னாய ஸங்வத்ததி, ஸெய்யதி²த³ங் –
அப்பிச்ச²கதா² ஸந்துட்டி²கதா² பவிவேககதா² அஸங்ஸக்³க³கதா² வீரியாரம்ப⁴கதா²
ஸீலகதா² ஸமாதி⁴கதா² பஞ்ஞாகதா² விமுத்திகதா²
விமுத்திஞாணத³ஸ்ஸனகதா² – ஏவரூபியா கோ², ஆனந்த³, கதா²ய ஹேது அரஹதி ஸாவகோ
ஸத்தா²ரங் அனுப³ந்தி⁴துங் அபி பணுஜ்ஜமானோ.

‘‘ஏவங் ஸந்தே கோ², ஆனந்த³, ஆசரியூபத்³த³வோ ஹோதி, ஏவங் ஸந்தே அந்தேவாஸூபத்³த³வோ ஹோதி, ஏவங் ஸந்தே ப்³ரஹ்மசாரூபத்³த³வோ ஹோதி.

193.
‘‘கத²ஞ்சானந்த³, ஆசரியூபத்³த³வோ ஹோதி? இதா⁴னந்த³, ஏகச்சோ ஸத்தா² விவித்தங்
ஸேனாஸனங் ப⁴ஜதி அரஞ்ஞங் ருக்க²மூலங் பப்³ப³தங் கந்த³ரங் கி³ரிகு³ஹங்
ஸுஸானங் வனபத்த²ங் அப்³போ⁴காஸங் பலாலபுஞ்ஜங். தஸ்ஸ ததா²வூபகட்ட²ஸ்ஸ விஹரதோ அன்வாவத்தந்தி [அன்வாவட்டந்தி (ஸீ॰ ஸ்யா॰ கங்॰ பீ॰)] ப்³ராஹ்மணக³ஹபதிகா நேக³மா சேவ ஜானபதா³ ச. ஸோ அன்வாவத்தந்தேஸு ப்³ராஹ்மணக³ஹபதிகேஸு நேக³மேஸு சேவ ஜானபதே³ஸு ச முச்ச²ங் நிகாமயதி [முச்ச²தி காமயதி (ஸீ॰ பீ॰) அட்ட²கதா²யங் பன ந ததா² தி³ஸ்ஸதி], கே³த⁴ங் ஆபஜ்ஜதி, ஆவத்ததி பா³ஹுல்லாய. அயங் வுச்சதானந்த³, உபத்³த³வோ [உபத்³து³தோ (ஸீ॰ பீ॰)] ஆசரியோ. ஆசரியூபத்³த³வேன அவதி⁴ங்ஸு நங் பாபகா அகுஸலா த⁴ம்மா ஸங்கிலேஸிகா போனொப்³ப⁴விகா [போனோப⁴விகா (ஸீ॰ பீ॰)] ஸத³ரா து³க்க²விபாகா ஆயதிங் ஜாதிஜராமரணியா. ஏவங் கோ², ஆனந்த³, ஆசரியூபத்³த³வோ ஹோதி.

194.
‘‘கத²ஞ்சானந்த³, அந்தேவாஸூபத்³த³வோ ஹோதி? தஸ்ஸேவ கோ² பனானந்த³, ஸத்து²
ஸாவகோ தஸ்ஸ ஸத்து² விவேகமனுப்³ரூஹயமானோ விவித்தங் ஸேனாஸனங் ப⁴ஜதி
அரஞ்ஞங் ருக்க²மூலங் பப்³ப³தங் கந்த³ரங் கி³ரிகு³ஹங் ஸுஸானங் வனபத்த²ங்
அப்³போ⁴காஸங் பலாலபுஞ்ஜங். தஸ்ஸ ததா²வூபகட்ட²ஸ்ஸ விஹரதோ அன்வாவத்தந்தி
ப்³ராஹ்மணக³ஹபதிகா நேக³மா சேவ ஜானபதா³ ச. ஸோ அன்வாவத்தந்தேஸு
ப்³ராஹ்மணக³ஹபதிகேஸு நேக³மேஸு சேவ ஜானபதே³ஸு ச முச்ச²ங் நிகாமயதி, கே³த⁴ங்
ஆபஜ்ஜதி, ஆவத்ததி பா³ஹுல்லாய. அயங் வுச்சதானந்த³, உபத்³த³வோ அந்தேவாஸீ.
அந்தேவாஸூபத்³த³வேன அவதி⁴ங்ஸு நங் பாபகா அகுஸலா த⁴ம்மா ஸங்கிலேஸிகா
போனொப்³ப⁴விகா ஸத³ரா து³க்க²விபாகா ஆயதிங் ஜாதிஜராமரணியா. ஏவங் கோ²,
ஆனந்த³, அந்தேவாஸூபத்³த³வோ ஹோதி.

195.
‘‘கத²ஞ்சானந்த³, ப்³ரஹ்மசாரூபத்³த³வோ ஹோதி? இதா⁴னந்த³, ததா²க³தோ லோகே
உப்பஜ்ஜதி அரஹங் ஸம்மாஸம்பு³த்³தோ⁴ விஜ்ஜாசரணஸம்பன்னோ ஸுக³தோ லோகவிதூ³
அனுத்தரோ புரிஸத³ம்மஸாரதி² ஸத்தா² தே³வமனுஸ்ஸானங்
பு³த்³தோ⁴ ப⁴க³வா. ஸோ விவித்தங் ஸேனாஸனங் ப⁴ஜதி அரஞ்ஞங் ருக்க²மூலங்
பப்³ப³தங் கந்த³ரங் கி³ரிகு³ஹங் ஸுஸானங் வனபத்த²ங் அப்³போ⁴காஸங்
பலாலபுஞ்ஜங். தஸ்ஸ ததா²வூபகட்ட²ஸ்ஸ விஹரதோ அன்வாவத்தந்தி ப்³ராஹ்மணக³ஹபதிகா
நேக³மா சேவ ஜானபதா³ ச. ஸோ அன்வாவத்தந்தேஸு ப்³ராஹ்மணக³ஹபதிகேஸு நேக³மேஸு
சேவ ஜானபதே³ஸு ச ந முச்ச²ங் நிகாமயதி, ந கே³த⁴ங் ஆபஜ்ஜதி, ந ஆவத்ததி
பா³ஹுல்லாய. தஸ்ஸேவ கோ² பனானந்த³, ஸத்து² ஸாவகோ தஸ்ஸ ஸத்து²
விவேகமனுப்³ரூஹயமானோ விவித்தங் ஸேனாஸனங் ப⁴ஜதி அரஞ்ஞங் ருக்க²மூலங்
பப்³ப³தங் கந்த³ரங் கி³ரிகு³ஹங் ஸுஸானங் வனபத்த²ங் அப்³போ⁴காஸங்
பலாலபுஞ்ஜங். தஸ்ஸ ததா²வூபகட்ட²ஸ்ஸ விஹரதோ அன்வாவத்தந்தி ப்³ராஹ்மணக³ஹபதிகா
நேக³மா சேவ ஜானபதா³ ச. ஸோ அன்வாவத்தந்தேஸு ப்³ராஹ்மணக³ஹபதிகேஸு நேக³மேஸு
சேவ ஜானபதே³ஸு ச முச்ச²ங் நிகாமயதி, கே³த⁴ங்
ஆபஜ்ஜதி, ஆவத்ததி பா³ஹுல்லாய. அயங் வுச்சதானந்த³, உபத்³த³வோ ப்³ரஹ்மசாரீ.
ப்³ரஹ்மசாரூபத்³த³வேன அவதி⁴ங்ஸு நங் பாபகா அகுஸலா த⁴ம்மா ஸங்கிலேஸிகா
போனொப்³ப⁴விகா ஸத³ரா து³க்க²விபாகா ஆயதிங் ஜாதிஜராமரணியா. ஏவங் கோ²,
ஆனந்த³, ப்³ரஹ்மசாரூபத்³த³வோ ஹோதி.

‘‘தத்ரானந்த³, யோ சேவாயங் ஆசரியூபத்³த³வோ, யோ ச
அந்தேவாஸூபத்³த³வோ அயங் தேஹி ப்³ரஹ்மசாரூபத்³த³வோ து³க்க²விபாகதரோ சேவ
கடுகவிபாகதரோ ச, அபி ச வினிபாதாய ஸங்வத்ததி.

196. ‘‘தஸ்மாதிஹ மங், ஆனந்த³, மித்தவதாய ஸமுதா³சரத², மா ஸபத்தவதாய. தங் வோ ப⁴விஸ்ஸதி தீ³க⁴ரத்தங் ஹிதாய ஸுகா²ய.

‘‘கத²ஞ்சானந்த³ , ஸத்தா²ரங்
ஸாவகா ஸபத்தவதாய ஸமுதா³சரந்தி, நோ மித்தவதாய? இதா⁴னந்த³, ஸத்தா² ஸாவகானங்
த⁴ம்மங் தே³ஸேதி அனுகம்பகோ ஹிதேஸீ அனுகம்பங் உபாதா³ய – ‘இத³ங் வோ ஹிதாய,
இத³ங் வோ ஸுகா²யா’தி. தஸ்ஸ ஸாவகா ந ஸுஸ்ஸூஸந்தி, ந ஸோதங் ஓத³ஹந்தி, ந அஞ்ஞா
சித்தங் உபட்ட²பெந்தி, வோக்கம்ம ச ஸத்து²ஸாஸனா வத்தந்தி. ஏவங் கோ², ஆனந்த³, ஸத்தா²ரங் ஸாவகா ஸபத்தவதாய ஸமுதா³சரந்தி, நோ மித்தவதாய.

‘‘கத²ஞ்சானந்த³, ஸத்தா²ரங் ஸாவகா மித்தவதாய
ஸமுதா³சரந்தி, நோ ஸபத்தவதாய? இதா⁴னந்த³, ஸத்தா² ஸாவகானங் த⁴ம்மங் தே³ஸேதி
அனுகம்பகோ ஹிதேஸீ அனுகம்பங் உபாதா³ய – ‘இத³ங் வோ ஹிதாய, இத³ங் வோ
ஸுகா²யா’தி. தஸ்ஸ ஸாவகா ஸுஸ்ஸூஸந்தி, ஸோதங் ஓத³ஹந்தி, அஞ்ஞா சித்தங்
உபட்ட²பெந்தி, ந ச வோக்கம ஸத்து²ஸாஸனா வத்தந்தி. ஏவங் கோ², ஆனந்த³, ஸத்தா²ரங் ஸாவகா மித்தவதாய ஸமுதா³சரந்தி, நோ ஸபத்தவதாய.

‘‘தஸ்மாதிஹ மங், ஆனந்த³,
மித்தவதாய ஸமுதா³சரத², மா ஸபத்தவதாய. தங் வோ ப⁴விஸ்ஸதி தீ³க⁴ரத்தங் ஹிதாய
ஸுகா²ய. ந வோ அஹங், ஆனந்த³, ததா² பரக்கமிஸ்ஸாமி யதா² கும்ப⁴காரோ ஆமகே
ஆமகமத்தே. நிக்³க³ய்ஹ நிக்³க³ய்ஹாஹங், ஆனந்த³, வக்கா²மி; பவய்ஹ பவய்ஹ,
ஆனந்த³, வக்கா²மி [பவய்ஹ பவய்ஹ (ஸீ॰ பீ॰), பக்³க³ய்ஹ பக்³க³ய்ஹ ஆனந்த³ வக்கா²மி (க॰)]. யோ ஸாரோ ஸோ ட²ஸ்ஸதீ’’தி.

இத³மவோச ப⁴க³வா. அத்தமனோ ஆயஸ்மா ஆனந்தோ³ ப⁴க³வதோ பா⁴ஸிதங் அபி⁴னந்தீ³தி.

மஹாஸுஞ்ஞதஸுத்தங் நிட்டி²தங் து³தியங்.

3. அச்ச²ரியஅப்³பு⁴தஸுத்தங்

197. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. அத² கோ² ஸம்ப³ஹுலானங் பி⁴க்கூ²னங் பச்சா²ப⁴த்தங்
பிண்ட³பாதபடிக்கந்தானங் உபட்டா²னஸாலாயங் ஸன்னிஸின்னானங் ஸன்னிபதிதானங்
அயமந்தராகதா² உத³பாதி³ – ‘‘அச்ச²ரியங், ஆவுஸோ, அப்³பு⁴தங், ஆவுஸோ,
ததா²க³தஸ்ஸ மஹித்³தி⁴கதா மஹானுபா⁴வதா, யத்ர ஹி நாம ததா²க³தோ அதீதே பு³த்³தே⁴ பரினிப்³பு³தே சி²ன்னபபஞ்சே சி²ன்னவடுமே பரியாதி³ன்னவட்டே ஸப்³ப³து³க்க²வீதிவத்தே ஜானிஸ்ஸதி [அனுஸ்ஸரிஸ்ஸதி ஜானிஸ்ஸதி (க॰)]
– ‘ஏவங்ஜச்சா தே ப⁴க³வந்தோ அஹேஸுங்’ இதிபி, ‘ஏவங்னாமா தே ப⁴க³வந்தோ
அஹேஸுங்’ இதிபி, ‘ஏவங்கொ³த்தா தே ப⁴க³வந்தோ அஹேஸுங்’ இதிபி, ‘ஏவங்ஸீலா தே
ப⁴க³வந்தோ அஹேஸுங்’ இதிபி, ‘ஏவங்த⁴ம்மா தே ப⁴க³வந்தோ அஹேஸுங்’ இதிபி,
‘ஏவங்பஞ்ஞா தே ப⁴க³வந்தோ அஹேஸுங்’ இதிபி, ‘ஏவங்விஹாரீ தே ப⁴க³வந்தோ
அஹேஸுங்’ இதிபி, ‘ஏவங்விமுத்தா தே ப⁴க³வந்தோ அஹேஸுங்’ இதிபீ’’தி! ஏவங்
வுத்தே, ஆயஸ்மா ஆனந்தோ³ தே பி⁴க்கூ² ஏதத³வோச – ‘‘அச்ச²ரியா சேவ, ஆவுஸோ,
ததா²க³தா அச்ச²ரியத⁴ம்மஸமன்னாக³தா ச; அப்³பு⁴தா சேவ, ஆவுஸோ, ததா²க³தா
அப்³பு⁴தத⁴ம்மஸமன்னாக³தா சா’’தி. அயஞ்ச ஹித³ங் தேஸங் பி⁴க்கூ²னங் அந்தராகதா² விப்பகதா ஹோதி.

198. அத² கோ² ப⁴க³வா ஸாயன்ஹஸமயங் படிஸல்லானா வுட்டி²தோ யேனுபட்டா²னஸாலா தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³ .
நிஸஜ்ஜ கோ² ப⁴க³வா பி⁴க்கூ² ஆமந்தேஸி – ‘‘காய நுத்த², பி⁴க்க²வே, ஏதரஹி
கதா²ய ஸன்னிஸின்னா, கா ச பன வோ அந்தராகதா² விப்பகதா’’தி? ‘‘இத⁴, ப⁴ந்தே,
அம்ஹாகங் பச்சா²ப⁴த்தங் பிண்ட³பாதபடிக்கந்தானங் உபட்டா²னஸாலாயங்
ஸன்னிஸின்னானங் ஸன்னிபதிதானங் அயமந்தராகதா² உத³பாதி³ – ‘அச்ச²ரியங், ஆவுஸோ,
அப்³பு⁴தங், ஆவுஸோ, ததா²க³தஸ்ஸ மஹித்³தி⁴கதா மஹானுபா⁴வதா, யத்ர ஹி நாம
ததா²க³தோ அதீதே பு³த்³தே⁴ பரினிப்³பு³தே சி²ன்னபபஞ்சே சி²ன்னவடுமே
பரியாதி³ன்னவட்டே ஸப்³ப³து³க்க²வீதிவத்தே ஜானிஸ்ஸதி – ஏவங்ஜச்சா தே
ப⁴க³வந்தோ அஹேஸுங் இதிபி, ஏவங்னாமா… ஏவங்கொ³த்தா… ஏவங்ஸீலா… ஏவங்த⁴ம்மா..
ஏவங்பஞ்ஞா… ஏவங்விஹாரீ… ஏவங்விமுத்தா தே ப⁴க³வந்தோ அஹேஸுங் இதிபீ’தி! ஏவங்
வுத்தே, ப⁴ந்தே, ஆயஸ்மா ஆனந்தோ³ அம்ஹே ஏதத³வோச – ‘அச்ச²ரியா சேவ, ஆவுஸோ,
ததா²க³தா அச்ச²ரியத⁴ம்மஸமன்னாக³தா ச, அப்³பு⁴தா சேவ, ஆவுஸோ, ததா²க³தா அப்³பு⁴தத⁴ம்மஸமன்னாக³தா சா’தி. அயங் கோ² நோ, ப⁴ந்தே, அந்தராகதா² விப்பகதா; அத² ப⁴க³வா அனுப்பத்தோ’’தி.

199.
அத² கோ² ப⁴க³வா ஆயஸ்மந்தங் ஆனந்த³ங் ஆமந்தேஸி – ‘‘தஸ்மாதிஹ தங், ஆனந்த³,
பி⁴ய்யோஸோமத்தாய படிப⁴ந்து ததா²க³தஸ்ஸ அச்ச²ரியா அப்³பு⁴தத⁴ம்மா’’தி [அப்³பு⁴தா த⁴ம்மாதி (?)].

‘‘ஸம்முகா² மேதங், ப⁴ந்தே,
ப⁴க³வதோ ஸுதங், ஸம்முகா² படிக்³க³ஹிதங் – ‘ஸதோ ஸம்பஜானோ, ஆனந்த³,
போ³தி⁴ஸத்தோ துஸிதங் காயங் உபபஜ்ஜீ’தி. யம்பி, ப⁴ந்தே, ஸதோ ஸம்பஜானோ
போ³தி⁴ஸத்தோ துஸிதங் காயங் உபபஜ்ஜி இத³ங்பாஹங் , ப⁴ந்தே, ப⁴க³வதோ அச்ச²ரியங் அப்³பு⁴தத⁴ம்மங் தா⁴ரேமி.

‘‘ஸம்முகா² மேதங், ப⁴ந்தே, ப⁴க³வதோ ஸுதங், ஸம்முகா²
படிக்³க³ஹிதங் – ‘ஸதோ ஸம்பஜானோ, ஆனந்த³, போ³தி⁴ஸத்தோ துஸிதே காயே
அட்டா²ஸீ’தி. யம்பி, ப⁴ந்தே, ஸதோ ஸம்பஜானோ போ³தி⁴ஸத்தோ துஸிதே காயே
அட்டா²ஸி இத³ங்பாஹங் [இத³ங்பஹங் (ஸீ॰ ஸ்யா॰ கங்॰ பீ॰)], ப⁴ந்தே, ப⁴க³வதோ அச்ச²ரியங் அப்³பு⁴தத⁴ம்மங் தா⁴ரேமி.

200.
‘‘ஸம்முகா² மேதங், ப⁴ந்தே, ப⁴க³வதோ ஸுதங், ஸம்முகா² படிக்³க³ஹிதங் –
‘யாவதாயுகங், ஆனந்த³, போ³தி⁴ஸத்தோ துஸிதே காயே அட்டா²ஸீ’தி. யம்பி, ப⁴ந்தே,
யாவதாயுகங் போ³தி⁴ஸத்தோ துஸிதே காயே அட்டா²ஸி இத³ங்பாஹங், ப⁴ந்தே, ப⁴க³வதோ
அச்ச²ரியங் அப்³பு⁴தத⁴ம்மங் தா⁴ரேமி.

‘‘ஸம்முகா² மேதங், ப⁴ந்தே, ப⁴க³வதோ ஸுதங், ஸம்முகா²
படிக்³க³ஹிதங் – ‘ஸதோ ஸம்பஜானோ, ஆனந்த³, போ³தி⁴ஸத்தோ துஸிதா, காயா சவித்வா
மாதுகுச்சி²ங் ஓக்கமீ’தி. யம்பி, ப⁴ந்தே , ஸதோ
ஸம்பஜானோ போ³தி⁴ஸத்தோ துஸிதா காயா சவித்வா மாதுகுச்சி²ங் ஓக்கமி
இத³ங்பாஹங், ப⁴ந்தே, ப⁴க³வதோ அச்ச²ரியங் அப்³பு⁴தத⁴ம்மங் தா⁴ரேமி.

201.
‘‘ஸம்முகா² மேதங், ப⁴ந்தே, ப⁴க³வதோ ஸுதங், ஸம்முகா² படிக்³க³ஹிதங் –
‘யதா³, ஆனந்த³, போ³தி⁴ஸத்தோ துஸிதா காயா சவித்வா மாதுகுச்சி²ங் ஓக்கமதி,
அத² ஸதே³வகே லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய
அப்பமாணோ உளாரோ ஓபா⁴ஸோ லோகே பாதுப⁴வதி அதிக்கம்மேவ தே³வானங்
தே³வானுபா⁴வங். யாபி தா லோகந்தரிகா அகா⁴ அஸங்வுதா அந்த⁴காரா
அந்த⁴காரதிமிஸா, யத்த²பிமே சந்தி³மஸூரியா ஏவங்மஹித்³தி⁴கா ஏவங்மஹானுபா⁴வா ஆபா⁴ய நானுபொ⁴ந்தி
தத்த²பி அப்பமாணோ உளாரோ ஓபா⁴ஸோ லோகே பாதுப⁴வதி அதிக்கம்மேவ தே³வானங்
தே³வானுபா⁴வங். யேபி தத்த² ஸத்தா உபபன்னா தேபி தேனோபா⁴ஸேன அஞ்ஞமஞ்ஞங்
ஸஞ்ஜானந்தி – அஞ்ஞேபி கிர, போ⁴, ஸந்தி ஸத்தா இதூ⁴பபன்னாதி. அயஞ்ச த³ஸஸஹஸ்ஸீ
லோகதா⁴து ஸங்கம்பதி ஸம்பகம்பதி ஸம்பவேத⁴தி
அப்பமாணோ ச உளாரோ ஓபா⁴ஸோ லோகே பாதுப⁴வதி அதிக்கம்மேவ தே³வானங்
தே³வானுபா⁴வ’ந்தி. யம்பி, ப⁴ந்தே…பே॰… இத³ங்பாஹங், ப⁴ந்தே, ப⁴க³வதோ
அச்ச²ரியங் அப்³பு⁴தத⁴ம்மங் தா⁴ரேமி.

202.
‘‘ஸம்முகா² மேதங், ப⁴ந்தே, ப⁴க³வதோ ஸுதங், ஸம்முகா² படிக்³க³ஹிதங் –
‘யதா³, ஆனந்த³, போ³தி⁴ஸத்தோ மாதுகுச்சி²ங் ஓக்கந்தோ ஹோதி, சத்தாரோ
தே³வபுத்தா சதுத்³தி³ஸங் ஆரக்கா²ய உபக³ச்ச²ந்தி – மா நங் போ³தி⁴ஸத்தங் வா
போ³தி⁴ஸத்தமாதரங் வா மனுஸ்ஸோ வா அமனுஸ்ஸோ வா கோசி வா விஹேடே²ஸீ’தி. யம்பி,
ப⁴ந்தே…பே॰… இத³ங்பாஹங், ப⁴ந்தே, ப⁴க³வதோ அச்ச²ரியங் அப்³பு⁴தத⁴ம்மங்
தா⁴ரேமி.

203.
‘‘ஸம்முகா² மேதங், ப⁴ந்தே, ப⁴க³வதோ ஸுதங், ஸம்முகா² படிக்³க³ஹிதங் –
‘யதா³, ஆனந்த³, போ³தி⁴ஸத்தோ மாதுகுச்சி²ங் ஓக்கந்தோ ஹோதி, பகதியா ஸீலவதீ
போ³தி⁴ஸத்தமாதா ஹோதி விரதா பாணாதிபாதா விரதா அதி³ன்னாதா³னா விரதா
காமேஸுமிச்சா²சாரா விரதா முஸாவாதா³ விரதா ஸுராமேரயமஜ்ஜபமாத³ட்டா²னா’தி.
யம்பி, ப⁴ந்தே…பே॰… இத³ங்பாஹங், ப⁴ந்தே, ப⁴க³வதோ அச்ச²ரியங்
அப்³பு⁴தத⁴ம்மங் தா⁴ரேமி.

‘‘ஸம்முகா² மேதங், ப⁴ந்தே, ப⁴க³வதோ ஸுதங், ஸம்முகா² படிக்³க³ஹிதங் – ‘யதா³ ,
ஆனந்த³, போ³தி⁴ஸத்தோ மாதுகுச்சி²ங் ஓக்கந்தோ ஹோதி, ந போ³தி⁴ஸத்தமாது
புரிஸேஸு மானஸங் உப்பஜ்ஜதி காமகு³ணூபஸங்ஹிதங், அனதிக்கமனீயா ச
போ³தி⁴ஸத்தமாதா ஹோதி கேனசி புரிஸேன ரத்தசித்தேனா’தி. யம்பி, ப⁴ந்தே…பே॰…
இத³ங்பாஹங், ப⁴ந்தே, ப⁴க³வதோ அச்ச²ரியங் அப்³பு⁴தத⁴ம்மங் தா⁴ரேமி.

‘‘ஸம்முகா² மேதங், ப⁴ந்தே, ப⁴க³வதோ ஸுதங், ஸம்முகா²
படிக்³க³ஹிதங் – ‘யதா³, ஆனந்த³, போ³தி⁴ஸத்தோ மாதுகுச்சி²ங் ஓக்கந்தோ ஹோதி,
லாபி⁴னீ போ³தி⁴ஸத்தமாதா ஹோதி பஞ்சன்னங் காமகு³ணானங். ஸா பஞ்சஹி காமகு³ணேஹி
ஸமப்பிதா ஸமங்கீ³பூ⁴தா பரிசாரேதீ’தி. யம்பி, ப⁴ந்தே…பே॰… இத³ங்பாஹங்,
ப⁴ந்தே, ப⁴க³வதோ அச்ச²ரியங் அப்³பு⁴தத⁴ம்மங் தா⁴ரேமி.

204. ‘‘ஸம்முகா²
மேதங், ப⁴ந்தே, ப⁴க³வதோ ஸுதங், ஸம்முகா² படிக்³க³ஹிதங் – ‘யதா³, ஆனந்த³,
போ³தி⁴ஸத்தோ மாதுகுச்சி²ங் ஓக்கந்தோ ஹோதி, ந போ³தி⁴ஸத்தமாது கோசிதே³வ
ஆபா³தோ⁴ உப்பஜ்ஜதி; ஸுகி²னீ போ³தி⁴ஸத்தமாதா ஹோதி அகிலந்தகாயா;
போ³தி⁴ஸத்தஞ்ச போ³தி⁴ஸத்தமாதா திரோகுச்சி²க³தங்
பஸ்ஸதி ஸப்³ப³ங்க³பச்சங்க³ங் அஹீனிந்த்³ரியங். ஸெய்யதா²பி, ஆனந்த³, மணி
வேளுரியோ ஸுபோ⁴ ஜாதிமா அட்ட²ங்ஸோ ஸுபரிகம்மகதோ. தத்ராஸ்ஸ ஸுத்தங் ஆவுதங்
நீலங் வா பீதங் வா லோஹிதங் வா ஓதா³தங் வா பண்டு³ஸுத்தங் வா. தமேனங்
சக்கு²மா புரிஸோ ஹத்தே² கரித்வா பச்சவெக்கெ²ய்ய – அயங் கோ² மணி வேளுரியோ
ஸுபோ⁴ ஜாதிமா அட்ட²ங்ஸோ ஸுபரிகம்மகதோ, தத்ரித³ங் ஸுத்தங் ஆவுதங் நீலங் வா
பீதங் வா லோஹிதங் வா ஓதா³தங் வா பண்டு³ஸுத்தங் வாதி. ஏவமேவ கோ², ஆனந்த³,
யதா³ போ³தி⁴ஸத்தோ மாதுகுச்சி²ங் ஓக்கந்தோ ஹோதி , ந
போ³தி⁴ஸத்தமாது கோசிதே³வ ஆபா³தோ⁴ உப்பஜ்ஜதி; ஸுகி²னீ போ³தி⁴ஸத்தமாதா ஹோதி
அகிலந்தகாயா; போ³தி⁴ஸத்தஞ்ச போ³தி⁴ஸத்தமாதா திரோகுச்சி²க³தங் பஸ்ஸதி
ஸப்³ப³ங்க³பச்சங்க³ங் அஹீனிந்த்³ரிய’ந்தி. யம்பி, ப⁴ந்தே…பே॰… இத³ங்பாஹங்,
ப⁴ந்தே, ப⁴க³வதோ அச்ச²ரியங் அப்³பு⁴தத⁴ம்மங் தா⁴ரேமி.

205. ‘‘ஸம்முகா²
மேதங், ப⁴ந்தே, ப⁴க³வதோ ஸுதங், ஸம்முகா² படிக்³க³ஹிதங் – ‘ஸத்தாஹஜாதே,
ஆனந்த³, போ³தி⁴ஸத்தே போ³தி⁴ஸத்தமாதா காலங் கரோதி, துஸிதங் காயங்
உபபஜ்ஜதீ’தி. யம்பி, ப⁴ந்தே…பே॰… இத³ங்பாஹங், ப⁴ந்தே, ப⁴க³வதோ அச்ச²ரியங்
அப்³பு⁴தத⁴ம்மங் தா⁴ரேமி.

‘‘ஸம்முகா² மேதங், ப⁴ந்தே, ப⁴க³வதோ ஸுதங், ஸம்முகா²
படிக்³க³ஹிதங் – ‘யதா² கோ² பனானந்த³, அஞ்ஞா இத்தி²கா நவ வா த³ஸ வா மாஸே
க³ப்³ப⁴ங் குச்சி²னா பரிஹரித்வா விஜாயந்தி, ந ஹேவங் போ³தி⁴ஸத்தங்
போ³தி⁴ஸத்தமாதா விஜாயதி. த³ஸேவ மாஸானி போ³தி⁴ஸத்தங் போ³தி⁴ஸத்தமாதா
குச்சி²னா பரிஹரித்வா விஜாயதீ’தி. யம்பி, ப⁴ந்தே…பே॰… இத³ங்பாஹங், ப⁴ந்தே,
ப⁴க³வதோ அச்ச²ரியங் அப்³பு⁴தத⁴ம்மங் தா⁴ரேமி.

‘‘ஸம்முகா² மேதங், ப⁴ந்தே, ப⁴க³வதோ ஸுதங், ஸம்முகா²
படிக்³க³ஹிதங் – ‘யதா² கோ² பனானந்த³, அஞ்ஞா இத்தி²கா நிஸின்னா வா நிபன்னா
வா விஜாயந்தி, ந ஹேவங் போ³தி⁴ஸத்தங் போ³தி⁴ஸத்தமாதா விஜாயதி. டி²தாவ
போ³தி⁴ஸத்தங் போ³தி⁴ஸத்தமாதா விஜாயதீ’தி. யம்பி, ப⁴ந்தே…பே॰… இத³ங்பாஹங்,
ப⁴ந்தே, ப⁴க³வதோ அச்ச²ரியங் அப்³பு⁴தத⁴ம்மங் தா⁴ரேமி.

‘‘ஸம்முகா² மேதங், ப⁴ந்தே, ப⁴க³வதோ ஸுதங், ஸம்முகா² படிக்³க³ஹிதங் – ‘யதா³ ,
ஆனந்த³, போ³தி⁴ஸத்தோ மாதுகுச்சி²ம்ஹா நிக்க²மதி, தே³வா நங் பட²மங்
படிக்³க³ண்ஹந்தி பச்சா² மனுஸ்ஸா’தி. யம்பி, ப⁴ந்தே…பே॰… இத³ங்பாஹங்,
ப⁴ந்தே, ப⁴க³வதோ அச்ச²ரியங் அப்³பு⁴தத⁴ம்மங் தா⁴ரேமி.

206. ‘‘ஸம்முகா²
மேதங், ப⁴ந்தே, ப⁴க³வதோ ஸுதங், ஸம்முகா² படிக்³க³ஹிதங் – ‘யதா³, ஆனந்த³,
போ³தி⁴ஸத்தோ மாதுகுச்சி²ம்ஹா நிக்க²மதி, அப்பத்தோவ போ³தி⁴ஸத்தோ பத²விங்
ஹோதி, சத்தாரோ நங் தே³வபுத்தா படிக்³க³ஹெத்வா மாது புரதோ ட²பெந்தி –
அத்தமனா, தே³வி, ஹோஹி; மஹேஸக்கோ² தே புத்தோ உப்பன்னோ’தி. யம்பி,
ப⁴ந்தே…பே॰… இத³ங்பாஹங், ப⁴ந்தே, ப⁴க³வதோ அச்ச²ரியங் அப்³பு⁴தத⁴ம்மங்
தா⁴ரேமி.

‘‘ஸம்முகா² மேதங், ப⁴ந்தே, ப⁴க³வதோ ஸுதங், ஸம்முகா²
படிக்³க³ஹிதங் – ‘யதா³, ஆனந்த³, போ³தி⁴ஸத்தோ மாதுகுச்சி²ம்ஹா நிக்க²மதி,
விஸதோ³வ நிக்க²மதி அமக்கி²தோ உதே³ன [உத்³தே³ன (ஸீ॰ ஸ்யா॰ கங்॰ பீ॰)] அமக்கி²தோ ஸெம்ஹேன அமக்கி²தோ ருஹிரேன அமக்கி²தோ கேனசி அஸுசினா ஸுத்³தோ⁴ விஸதோ³ [விஸுத்³தோ⁴ (ஸ்யா॰)].
ஸெய்யதா²பி, ஆனந்த³, மணிரதனங் காஸிகே வத்தே² நிக்கி²த்தங் நேவ மணிரதனங்
காஸிகங் வத்த²ங் மக்கே²தி நாபி காஸிகங் வத்த²ங் மணிரதனங் மக்கே²தி. தங்
கிஸ்ஸ ஹேது? உபி⁴ன்னங் ஸுத்³த⁴த்தா. ஏவமேவ கோ², ஆனந்த³, யதா³ போ³தி⁴ஸத்தோ
மாதுகுச்சி²ம்ஹா நிக்க²மதி, விஸதோ³வ நிக்க²மதி அமக்கி²தோ உதே³ன அமக்கி²தோ
ஸெம்ஹேன அமக்கி²தோ ருஹிரேன அமக்கி²தோ கேனசி அஸுசினா ஸுத்³தோ⁴ விஸதோ³’தி.
யம்பி, ப⁴ந்தே…பே॰… இத³ங்பாஹங், ப⁴ந்தே, ப⁴க³வதோ அச்ச²ரியங்
அப்³பு⁴தத⁴ம்மங் தா⁴ரேமி.

‘‘ஸம்முகா² மேதங், ப⁴ந்தே,
ப⁴க³வதோ ஸுதங், ஸம்முகா² படிக்³க³ஹிதங் – ‘யதா³, ஆனந்த³, போ³தி⁴ஸத்தோ
மாதுகுச்சி²ம்ஹா நிக்க²மதி, த்³வே உத³கஸ்ஸ தா⁴ரா அந்தலிக்கா² பாதுப⁴வந்தி –
ஏகா ஸீதஸ்ஸ, ஏகா உண்ஹஸ்ஸ; யேன போ³தி⁴ஸத்தஸ்ஸ உத³ககிச்சங் கரொந்தி மாது
சா’தி. யம்பி, ப⁴ந்தே…பே॰… இத³ங்பாஹங், ப⁴ந்தே, ப⁴க³வதோ அச்ச²ரியங்
அப்³பு⁴தத⁴ம்மங் தா⁴ரேமி.

207. ‘‘ஸம்முகா²
மேதங், ப⁴ந்தே, ப⁴க³வதோ ஸுதங், ஸம்முகா² படிக்³க³ஹிதங் – ‘ஸம்பதிஜாதோ,
ஆனந்த³, போ³தி⁴ஸத்தோ ஸமேஹி பாதே³ஹி பத²வியங் பதிட்ட²ஹித்வா உத்தராபி⁴முகோ²
ஸத்தபத³வீதிஹாரேன க³ச்ச²தி, ஸேதம்ஹி ச²த்தே அனுதா⁴ரியமானே, ஸப்³பா³ ச தி³ஸா
விலோகேதி, ஆஸபி⁴ஞ்ச வாசங் பா⁴ஸதி – அக்³கோ³ஹமஸ்மி லோகஸ்ஸ, ஜெட்டோ²ஹமஸ்மி
லோகஸ்ஸ, ஸெட்டோ²ஹமஸ்மி லோகஸ்ஸ. அயமந்திமா ஜாதி , நத்தி² தா³னி புனப்³ப⁴வோ’தி. யம்பி, ப⁴ந்தே…பே॰… இத³ங்பாஹங், ப⁴ந்தே, ப⁴க³வதோ அச்ச²ரியங் அப்³பு⁴தத⁴ம்மங் தா⁴ரேமி.

‘‘ஸம்முகா² மேதங், ப⁴ந்தே, ப⁴க³வதோ ஸுதங், ஸம்முகா²
படிக்³க³ஹிதங் – ‘யதா³, ஆனந்த³, போ³தி⁴ஸத்தோ மாதுகுச்சி²ம்ஹா நிக்க²மதி,
அத² ஸதே³வகே லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய
அப்பமாணோ உளாரோ ஓபா⁴ஸோ லோகே பாதுப⁴வதி அதிக்கம்மேவ தே³வானங்
தே³வானுபா⁴வங். யாபி தா லோகந்தரிகா அகா⁴ அஸங்வுதா அந்த⁴காரா அந்த⁴காரதிமிஸா
யத்த²பிமே சந்தி³மஸூரியா ஏவங்மஹித்³தி⁴கா ஏவங்மஹானுபா⁴வா ஆபா⁴ய
நானுபொ⁴ந்தி தத்த²பி அப்பமாணோ உளாரோ ஓபா⁴ஸோ லோகே பாதுப⁴வதி அதிக்கம்மேவ தே³வானங் தே³வானுபா⁴வங். யேபி தத்த²
ஸத்தா உபபன்னா தேபி தேனோபா⁴ஸேன அஞ்ஞமஞ்ஞங் ஸஞ்ஜானந்தி – அஞ்ஞேபி கிர, போ⁴,
ஸந்தி ஸத்தா இதூ⁴பபன்னாதி. அயஞ்ச த³ஸஸஹஸ்ஸீ லோகதா⁴து ஸங்கம்பதி ஸம்பகம்பதி
ஸம்பவேத⁴தி, அப்பமாணோ ச உளாரோ ஓபா⁴ஸோ லோகே பாதுப⁴வதி அதிக்கம்மேவ தே³வானங்
தே³வானுபா⁴வ’ந்தி. யம்பி, ப⁴ந்தே…பே॰… இத³ங்பாஹங், ப⁴ந்தே, ப⁴க³வதோ
அச்ச²ரியங் அப்³பு⁴தத⁴ம்மங் தா⁴ரேமீ’’தி.

208.
‘‘தஸ்மாதிஹ த்வங், ஆனந்த³, இத³ம்பி ததா²க³தஸ்ஸ அச்ச²ரியங் அப்³பு⁴தத⁴ம்மங்
தா⁴ரேஹி. இதா⁴னந்த³, ததா²க³தஸ்ஸ விதி³தா வேத³னா உப்பஜ்ஜந்தி, விதி³தா
உபட்ட²ஹந்தி, விதி³தா அப்³ப⁴த்த²ங் க³ச்ச²ந்தி; விதி³தா ஸஞ்ஞா உப்பஜ்ஜந்தி,
விதி³தா உபட்ட²ஹந்தி, விதி³தா அப்³ப⁴த்த²ங் க³ச்ச²ந்தி; விதி³தா விதக்கா
உப்பஜ்ஜந்தி, விதி³தா உபட்ட²ஹந்தி, விதி³தா அப்³ப⁴த்த²ங் க³ச்ச²ந்தி.
இத³ம்பி கோ², த்வங், ஆனந்த³, ததா²க³தஸ்ஸ அச்ச²ரியங் அப்³பு⁴தத⁴ம்மங்
தா⁴ரேஹீ’’தி. ‘‘யம்பி, ப⁴ந்தே, ப⁴க³வதோ விதி³தா வேத³னா உப்பஜ்ஜந்தி,
விதி³தா உபட்ட²ஹந்தி, விதி³தா அப்³ப⁴த்த²ங் க³ச்ச²ந்தி; விதி³தா ஸஞ்ஞா…
விதி³தா விதக்கா உப்பஜ்ஜந்தி, விதி³தா உபட்ட²ஹந்தி, விதி³தா அப்³ப⁴த்த²ங்
க³ச்ச²ந்தி. இத³ங்பாஹங், ப⁴ந்தே, ப⁴க³வதோ அச்ச²ரியங் அப்³பு⁴தத⁴ம்மங்
தா⁴ரேமீ’’தி.

இத³மவோச ஆயஸ்மா ஆனந்தோ³. ஸமனுஞ்ஞோ ஸத்தா² அஹோஸி; அத்தமனா ச தே பி⁴க்கூ² ஆயஸ்மதோ ஆனந்த³ஸ்ஸ பா⁴ஸிதங் அபி⁴னந்து³ந்தி.

அச்ச²ரியஅப்³பு⁴தஸுத்தங் நிட்டி²தங் ததியங்.

4. பா³குலஸுத்தங்

209. ஏவங் மே ஸுதங் – ஏகங் ஸமயங் ஆயஸ்மா பா³குலோ [ப³க்குலோ (ஸீ॰ ஸ்யா॰ கங்॰ பீ॰)] ராஜக³ஹே விஹரதி வேளுவனே கலந்த³கனிவாபே. அத² கோ² அசேலகஸ்ஸபோ ஆயஸ்மதோ பா³குலஸ்ஸ புராணகி³ஹிஸஹாயோ யேனாயஸ்மா
பா³குலோ தேனுபஸங்கமி; உபஸங்கமித்வா ஆயஸ்மதா பா³குலேன ஸத்³தி⁴ங் ஸம்மோதி³.
ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங்
நிஸின்னோ கோ² அசேலகஸ்ஸபோ ஆயஸ்மந்தங் பா³குலங் ஏதத³வோச –

‘‘கீவசிரங் பப்³ப³ஜிதோஸி, ஆவுஸோ பா³குலா’’தி? ‘‘அஸீதி
மே, ஆவுஸோ, வஸ்ஸானி பப்³ப³ஜிதஸ்ஸா’’தி. ‘‘இமேஹி பன தே, ஆவுஸோ பா³குல,
அஸீதியா வஸ்ஸேஹி கதிக்க²த்துங் மேது²னோ த⁴ம்மோ படிஸேவிதோ’’தி? ‘‘ந கோ² மங்,
ஆவுஸோ கஸ்ஸப, ஏவங் புச்சி²தப்³ப³ங் – ‘இமேஹி பன தே, ஆவுஸோ பா³குல, அஸீதியா
வஸ்ஸேஹி கதிக்க²த்துங் மேது²னோ த⁴ம்மோ படிஸேவிதோ’தி. ஏவஞ்ச கோ² மங், ஆவுஸோ
கஸ்ஸப, புச்சி²தப்³ப³ங் – ‘இமேஹி பன தே, ஆவுஸோ பா³குல, அஸீதியா வஸ்ஸேஹி
கதிக்க²த்துங் காமஸஞ்ஞா உப்பன்னபுப்³பா³’’’தி? ( ) [(இமேஹி பன தே ஆவுஸோ ப³க்குல அஸீதியோ வஸ்ஸேஹி கதிக்க²த்துங் காமஸஞ்ஞா உப்பன்னபுப்³பா³தி.) (ஸீ॰ பீ॰)]

210. ‘‘அஸீதி மே, ஆவுஸோ ,
வஸ்ஸானி பப்³ப³ஜிதஸ்ஸ நாபி⁴ஜானாமி காமஸஞ்ஞங் உப்பன்னபுப்³ப³ங். யங்பாயஸ்மா
பா³குலோ அஸீதியா வஸ்ஸேஹி நாபி⁴ஜானாதி காமஸஞ்ஞங் உப்பன்னபுப்³ப³ங் இத³ம்பி
மயங் ஆயஸ்மதோ பா³குலஸ்ஸ அச்ச²ரியங் அப்³பு⁴தத⁴ம்மங் தா⁴ரேம.

‘‘அஸீதி மே, ஆவுஸோ, வஸ்ஸானி பப்³ப³ஜிதஸ்ஸ நாபி⁴ஜானாமி
ப்³யாபாத³ஸஞ்ஞங்…பே॰… விஹிங்ஸாஸஞ்ஞங் உப்பன்னபுப்³ப³ங். யங்பாயஸ்மா பா³குலோ
அஸீதியா வஸ்ஸேஹி நாபி⁴ஜானாதி விஹிங்ஸாஸஞ்ஞங் உப்பன்னபுப்³ப³ங், இத³ம்பி
மயங் ஆயஸ்மதோ பா³குலஸ்ஸ அச்ச²ரியங் அப்³பு⁴தத⁴ம்மங் தா⁴ரேம.

‘‘அஸீதி மே, ஆவுஸோ, வஸ்ஸானி பப்³ப³ஜிதஸ்ஸ நாபி⁴ஜானாமி
காமவிதக்கங் உப்பன்னபுப்³ப³ங். யங்பாயஸ்மா பா³குலோ அஸீதியா வஸ்ஸேஹி
நாபி⁴ஜானாதி காமவிதக்கங் உப்பன்னபுப்³ப³ங், இத³ம்பி மயங் ஆயஸ்மதோ பா³குலஸ்ஸ
அச்ச²ரியங் அப்³பு⁴தத⁴ம்மங் தா⁴ரேம.

‘‘அஸீதி மே, ஆவுஸோ, வஸ்ஸானி
பப்³ப³ஜிதஸ்ஸ நாபி⁴ஜானாமி ப்³யாபாத³விதக்கங்…பே॰… விஹிங்ஸாவிதக்கங்
உப்பன்னபுப்³ப³ங். யங்பாயஸ்மா பா³குலோ அஸீதியா வஸ்ஸேஹி நாபி⁴ஜானாதி விஹிங்ஸாவிதக்கங் உப்பன்னபுப்³ப³ங், இத³ம்பி மயங் ஆயஸ்மதோ பா³குலஸ்ஸ அச்ச²ரியங் அப்³பு⁴தத⁴ம்மங் தா⁴ரேம.

211. ‘‘அஸீதி
மே, ஆவுஸோ, வஸ்ஸானி பப்³ப³ஜிதஸ்ஸ நாபி⁴ஜானாமி க³ஹபதிசீவரங் ஸாதி³தா.
யங்பாயஸ்மா பா³குலோ அஸீதியா வஸ்ஸேஹி நாபி⁴ஜானாதி க³ஹபதிசீவரங் ஸாதி³தா,
இத³ம்பி மயங் ஆயஸ்மதோ பா³குலஸ்ஸ அச்ச²ரியங் அப்³பு⁴தத⁴ம்மங் தா⁴ரேம.

‘‘அஸீதி மே, ஆவுஸோ, வஸ்ஸானி பப்³ப³ஜிதஸ்ஸ நாபி⁴ஜானாமி
ஸத்தே²ன சீவரங் சி²ந்தி³தா. யங்பாயஸ்மா பா³குலோ அஸீதியா வஸ்ஸேஹி
நாபி⁴ஜானாதி ஸத்தே²ன சீவரங் சி²ந்தி³தா…பே॰… தா⁴ரேம.

‘‘அஸீதி மே, ஆவுஸோ, வஸ்ஸானி பப்³ப³ஜிதஸ்ஸ நாபி⁴ஜானாமி
ஸூசியா சீவரங் ஸிப்³பி³தா…பே॰… நாபி⁴ஜானாமி ரஜனேன சீவரங் ரஜிதா…
நாபி⁴ஜானாமி கதி²னே [கடி²னே (ஸீ॰ ஸ்யா॰ கங்॰ பீ॰)] சீவரங் ஸிப்³பி³தா… நாபி⁴ஜானாமி ஸப்³ரஹ்மசாரீனங் சீவரகம்மே விசாரிதா [ஸப்³ரஹ்மசாரீ சீவரகம்மே ப்³யாபாரிதா (ஸீ॰ பீ॰)] … நாபி⁴ஜானாமி நிமந்தனங் ஸாதி³தா… நாபி⁴ஜானாமி ஏவரூபங் சித்தங் உப்பன்னபுப்³ப³ங்
– ‘அஹோ வத மங் கோசி நிமந்தெய்யா’தி… நாபி⁴ஜானாமி அந்தரக⁴ரே நிஸீதி³தா…
நாபி⁴ஜானாமி அந்தரக⁴ரே பு⁴ஞ்ஜிதா… நாபி⁴ஜானாமி மாதுகா³மஸ்ஸ அனுப்³யஞ்ஜனஸோ
நிமித்தங் க³ஹேதா… நாபி⁴ஜானாமி மாதுகா³மஸ்ஸ த⁴ம்மங் தே³ஸிதா அந்தமஸோ
சதுப்பத³ம்பி கா³த²ங்… நாபி⁴ஜானாமி பி⁴க்கு²னுபஸ்ஸயங் உபஸங்கமிதா…
நாபி⁴ஜானாமி பி⁴க்கு²னியா த⁴ம்மங் தே³ஸிதா… நாபி⁴ஜானாமி ஸிக்க²மானாய
த⁴ம்மங் தே³ஸிதா… நாபி⁴ஜானாமி ஸாமணேரியா த⁴ம்மங் தே³ஸிதா… நாபி⁴ஜானாமி
பப்³பா³ஜேதா… நாபி⁴ஜானாமி உபஸம்பாதே³தா… நாபி⁴ஜானாமி நிஸ்ஸயங் தா³தா…
நாபி⁴ஜானாமி ஸாமணேரங் உபட்டா²பேதா… நாபி⁴ஜானாமி ஜந்தாக⁴ரே ந்ஹாயிதா…
நாபி⁴ஜானாமி சுண்ணேன ந்ஹாயிதா… நாபி⁴ஜானாமி ஸப்³ரஹ்மசாரீக³த்தபரிகம்மே விசாரிதா [ப்³யாபாரிதா (ஸீ॰ பீ॰)]
… நாபி⁴ஜானாமி ஆபா³த⁴ங் உப்பன்னபுப்³ப³ங், அந்தமஸோ க³த்³தூ³ஹனமத்தம்பி…
நாபி⁴ஜானாமி பே⁴ஸஜ்ஜங் உபஹரிதா, அந்தமஸோ ஹரிதகிக²ண்ட³ம்பி… நாபி⁴ஜானாமி
அபஸ்ஸேனகங் அபஸ்ஸயிதா… நாபி⁴ஜானாமி ஸெய்யங் கப்பேதா. யங்பாயஸ்மா…பே॰…
தா⁴ரேம.

‘‘அஸீதி மே, ஆவுஸோ, வஸ்ஸானி பப்³ப³ஜிதஸ்ஸ நாபி⁴ஜானாமி கா³மந்தஸேனாஸனே வஸ்ஸங் உபக³ந்தா . யங்பாயஸ்மா பா³குலோ அஸீதியா வஸ்ஸேஹி நாபி⁴ஜானாதி கா³மந்தஸேனாஸனே வஸ்ஸங் உபக³ந்தா, இத³ம்பி மயங் ஆயஸ்மதோ பா³குலஸ்ஸ அச்ச²ரியங் அப்³பு⁴தத⁴ம்மங் தா⁴ரேம.

‘‘ஸத்தாஹமேவ கோ² அஹங், ஆவுஸோ,
ஸரணோ ரட்ட²பிண்ட³ங் பு⁴ஞ்ஜிங்; அத² அட்ட²மியங் அஞ்ஞா உத³பாதி³. யங்பாயஸ்மா
பா³குலோ ஸத்தாஹமேவ ஸரணோ ரட்ட²பிண்ட³ங் பு⁴ஞ்ஜி; அத² அட்ட²மியங் அஞ்ஞா
உத³பாதி³ இத³ம்பி மயங் ஆயஸ்மதோ பா³குலஸ்ஸ அச்ச²ரியங் அப்³பு⁴தத⁴ம்மங்
தா⁴ரேம.

212.
‘‘லபெ⁴ய்யாஹங், ஆவுஸோ பா³குல, இமஸ்மிங் த⁴ம்மவினயே பப்³ப³ஜ்ஜங், லபெ⁴ய்யங்
உபஸம்பத³’’ந்தி. அலத்த² கோ² அசேலகஸ்ஸபோ இமஸ்மிங் த⁴ம்மவினயே பப்³ப³ஜ்ஜங்,
அலத்த² உபஸம்பத³ங். அசிரூபஸம்பன்னோ பனாயஸ்மா கஸ்ஸபோ ஏகோ வூபகட்டோ²
அப்பமத்தோ ஆதாபீ பஹிதத்தோ விஹரந்தோ நசிரஸ்ஸேவ – யஸ்ஸத்தா²ய குலபுத்தா
ஸம்மதே³வ அகா³ரஸ்மா அனகா³ரியங் பப்³ப³ஜந்தி தத³னுத்தரங் –
ப்³ரஹ்மசரியபரியோஸானங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா
உபஸம்பஜ்ஜ விஹாஸி. ‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங்,
நாபரங் இத்த²த்தாயா’தி அப்³ப⁴ஞ்ஞாஸி. அஞ்ஞதரோ கோ² பனாயஸ்மா கஸ்ஸபோ அரஹதங்
அஹோஸி.

அத² கோ² ஆயஸ்மா பா³குலோ அபரேன ஸமயேன அவாபுரணங் [அபாபுரணங் (ஸீ॰ ஸ்யா॰ கங்॰ பீ॰)]
ஆதா³ய விஹாரேன விஹாரங் உபஸங்கமித்வா ஏவமாஹ – ‘‘அபி⁴க்கமதா²யஸ்மந்தோ,
அபி⁴க்கமதா²யஸ்மந்தோ. அஜ்ஜ மே பரினிப்³பா³னங் ப⁴விஸ்ஸதீ’’தி. ‘‘யங்பாயஸ்மா
பா³குலோ அவாபுரணங் ஆதா³ய விஹாரேன விஹாரங் உபஸங்கமித்வா ஏவமாஹ –
‘அபி⁴க்கமதா²யஸ்மந்தோ, அபி⁴க்கமதா²யஸ்மந்தோ; அஜ்ஜ மே பரினிப்³பா³னங்
ப⁴விஸ்ஸதீ’தி, இத³ம்பி மயங் ஆயஸ்மதோ பா³குலஸ்ஸ அச்ச²ரியங் அப்³பு⁴தத⁴ம்மங்
தா⁴ரேம’’.

ஆயஸ்மா
பா³குலோ மஜ்ஜே² பி⁴க்கு²ஸங்க⁴ஸ்ஸ நிஸின்னகோவ பரினிப்³பா³யி. ‘‘யங்பாயஸ்மா
பா³குலோ மஜ்ஜே² பி⁴க்கு²ஸங்க⁴ஸ்ஸ நிஸின்னகோவ பரினிப்³பா³யி, இத³ம்பி மயங்
ஆயஸ்மதோ பா³குலஸ்ஸ அச்ச²ரியங் அப்³பு⁴தத⁴ம்மங் தா⁴ரேமா’’தி.

பா³குலஸுத்தங் நிட்டி²தங் சதுத்த²ங்.

5. த³ந்தபூ⁴மிஸுத்தங்

213. ஏவங்
மே ஸுதங் – ஏகங் ஸமயங் ப⁴க³வா ராஜக³ஹே விஹரதி வேளுவனே கலந்த³கனிவாபே. தேன
கோ² பன ஸமயேன அசிரவதோ ஸமணுத்³தே³ஸோ அரஞ்ஞகுடிகாயங் விஹரதி. அத² கோ² ஜயஸேனோ
ராஜகுமாரோ ஜங்கா⁴விஹாரங் அனுசங்கமமானோ அனுவிசரமானோ யேன அசிரவதோ
ஸமணுத்³தே³ஸோ தேனுபஸங்கமி; உபஸங்கமித்வா அசிரவதேன ஸமணுத்³தே³ஸேன ஸத்³தி⁴ங்
ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³.
ஏகமந்தங் நிஸின்னோ கோ² ஜயஸேனோ ராஜகுமாரோ அசிரவதங் ஸமணுத்³தே³ஸங் ஏதத³வோச –

‘‘ஸுதங் மேதங், போ⁴ அக்³கி³வெஸ்ஸன – ‘இத⁴ பி⁴க்கு²
அப்பமத்தோ ஆதாபீ பஹிதத்தோ விஹரந்தோ பு²ஸெய்ய சித்தஸ்ஸ ஏகக்³க³த’ந்தி.
‘ஏவமேதங், ராஜகுமார, ஏவமேதங், ராஜகுமார. இத⁴ பி⁴க்கு² அப்பமத்தோ ஆதாபீ
பஹிதத்தோ விஹரந்தோ பு²ஸெய்ய சித்தஸ்ஸ ஏகக்³க³த’ந்தி. ‘ஸாது⁴ மே ப⁴வங்
அக்³கி³வெஸ்ஸனோ யதா²ஸுதங் யதா²பரியத்தங் த⁴ம்மங் தே³ஸேதூ’தி. ‘ந கோ² தே
அஹங், ராஜகுமார, ஸக்கோமி யதா²ஸுதங் யதா²பரியத்தங் த⁴ம்மங் தே³ஸேதுங். அஹஞ்ச
ஹி தே, ராஜகுமார, யதா²ஸுதங் யதா²பரியத்தங் த⁴ம்மங் தே³ஸெய்யங், த்வஞ்ச மே
பா⁴ஸிதஸ்ஸ அத்த²ங் ந ஆஜானெய்யாஸி; ஸோ மமஸ்ஸ கிலமதோ², ஸா மமஸ்ஸ விஹேஸா’தி.
‘தே³ஸேது மே ப⁴வங் அக்³கி³வெஸ்ஸனோ யதா²ஸுதங் யதா²பரியத்தங் த⁴ம்மங். அப்பேவனாமாஹங் போ⁴தோ அக்³கி³வெஸ்ஸனஸ்ஸ
பா⁴ஸிதஸ்ஸ அத்த²ங் ஆஜானெய்ய’ந்தி. ‘தே³ஸெய்யங் கோ² தே அஹங், ராஜகுமார,
யதா²ஸுதங் யதா²பரியத்தங் த⁴ம்மங். ஸசே மே த்வங் பா⁴ஸிதஸ்ஸ அத்த²ங்
ஆஜானெய்யாஸி, இச்சேதங் குஸலங்; நோ சே மே த்வங் பா⁴ஸிதஸ்ஸ அத்த²ங்
ஆஜானெய்யாஸி, யதா²ஸகே திட்டெ²ய்யாஸி, ந மங் தத்த² உத்தரிங்
படிபுச்செ²ய்யாஸீ’தி. ‘தே³ஸேது மே ப⁴வங் அக்³கி³வெஸ்ஸனோ யதா²ஸுதங்
யதா²பரியத்தங் த⁴ம்மங். ஸசே அஹங் போ⁴தோ அக்³கி³வெஸ்ஸனஸ்ஸ பா⁴ஸிதஸ்ஸ அத்த²ங்
ஆஜானிஸ்ஸாமி [ஆஜானெய்யாமி (க॰)], இச்சேதங் குஸலங்; நோ சே அஹங் போ⁴தோ அக்³கி³வெஸ்ஸனஸ்ஸ பா⁴ஸிதஸ்ஸ அத்த²ங் ஆஜானிஸ்ஸாமி, யதா²ஸகே திட்டி²ஸ்ஸாமி [திட்டெ²ய்யாமி (க॰)], நாஹங் தத்த² ப⁴வந்தங் அக்³கி³வெஸ்ஸனங் உத்தரிங் படிபுச்சி²ஸ்ஸாமீ’’’தி.

214. அத²
கோ² அசிரவதோ ஸமணுத்³தே³ஸோ ஜயஸேனஸ்ஸ ராஜகுமாரஸ்ஸ யதா²ஸுதங் யதா²பரியத்தங்
த⁴ம்மங் தே³ஸேஸி. ஏவங் வுத்தே, ஜயஸேனோ ராஜகுமாரோ அசிரவதங் ஸமணுத்³தே³ஸங்
ஏதத³வோச – ‘‘அட்டா²னமேதங், போ⁴ அக்³கி³வெஸ்ஸன,
அனவகாஸோ யங் பி⁴க்கு² அப்பமத்தோ ஆதாபீ பஹிதத்தோ விஹரந்தோ பு²ஸெய்ய சித்தஸ்ஸ
ஏகக்³க³த’’ந்தி. அத² கோ² ஜயஸேனோ ராஜகுமாரோ அசிரவதஸ்ஸ ஸமணுத்³தே³ஸஸ்ஸ
அட்டா²னதஞ்ச அனவகாஸதஞ்ச பவேதெ³த்வா உட்டா²யாஸனா பக்காமி.

அத² கோ² அசிரவதோ ஸமணுத்³தே³ஸோ அசிரபக்கந்தே ஜயஸேனே
ராஜகுமாரே யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா
ஏகமந்தங் நிஸீதி³. ஏகமந்தங் நிஸின்னோ கோ² அசிரவதோ ஸமணுத்³தே³ஸோ யாவதகோ
அஹோஸி ஜயஸேனேன ராஜகுமாரேன ஸத்³தி⁴ங் கதா²ஸல்லாபோ தங் ஸப்³ப³ங் ப⁴க³வதோ
ஆரோசேஸி.

ஏவங் வுத்தே, ப⁴க³வா அசிரவதங்
ஸமணுத்³தே³ஸங் ஏதத³வோச – ‘‘தங் குதெத்த², அக்³கி³வெஸ்ஸன, லப்³பா⁴. யங் தங்
நெக்க²ம்மேன ஞாதப்³ப³ங் நெக்க²ம்மேன த³ட்ட²ப்³ப³ங் நெக்க²ம்மேன பத்தப்³ப³ங்
நெக்க²ம்மேன ஸச்சி²காதப்³ப³ங் தங் வத ஜயஸேனோ ராஜகுமாரோ காமமஜ்ஜே² வஸந்தோ
காமே பரிபு⁴ஞ்ஜந்தோ காமவிதக்கேஹி க²ஜ்ஜமானோ காமபரிளாஹேன பரிட³ய்ஹமானோ
காமபரியேஸனாய உஸ்ஸுகோ [உஸ்ஸுக்கோ (ஸப்³ப³த்த²)] ஞஸ்ஸதி வா த³க்க²தி வா ஸச்சி² வா கரிஸ்ஸதீ’’தி – நேதங் டா²னங் விஜ்ஜதி.

215.
‘‘ஸெய்யதா²பிஸ்ஸு, அக்³கி³வெஸ்ஸன, த்³வே ஹத்தி²த³ம்மா வா அஸ்ஸத³ம்மா வா
கோ³த³ம்மா வா ஸுத³ந்தா ஸுவினீதா, த்³வே ஹத்தி²த³ம்மா வா அஸ்ஸத³ம்மா வா
கோ³த³ம்மா வா அத³ந்தா அவினீதா. தங் கிங் மஞ்ஞஸி, அக்³கி³வெஸ்ஸன, யே தே
த்³வே ஹத்தி²த³ம்மா வா அஸ்ஸத³ம்மா வா கோ³த³ம்மா வா ஸுத³ந்தா ஸுவினீதா, அபி
நு தே த³ந்தாவ த³ந்தகாரணங் க³ச்செ²ய்யுங், த³ந்தாவ த³ந்தபூ⁴மிங்
ஸம்பாபுணெய்யு’’ந்தி? ‘‘ஏவங், ப⁴ந்தே’’. ‘‘யே பன தே த்³வே ஹத்தி²த³ம்மா வா
அஸ்ஸத³ம்மா வா கோ³த³ம்மா வா அத³ந்தா அவினீதா, அபி நு தே அத³ந்தாவ
த³ந்தகாரணங் க³ச்செ²ய்யுங், அத³ந்தாவ த³ந்தபூ⁴மிங் ஸம்பாபுணெய்யுங்,
ஸெய்யதா²பி தே த்³வே ஹத்தி²த³ம்மா வா அஸ்ஸத³ம்மா வா கோ³த³ம்மா வா ஸுத³ந்தா
ஸுவினீதா’’தி? ‘‘நோ ஹேதங், ப⁴ந்தே’’. ‘‘ஏவமேவ கோ², அக்³கி³வெஸ்ஸன, யங் தங்
நெக்க²ம்மேன ஞாதப்³ப³ங் நெக்க²ம்மேன த³ட்ட²ப்³ப³ங் நெக்க²ம்மேன பத்தப்³ப³ங்
நெக்க²ம்மேன ஸச்சி²காதப்³ப³ங் தங் வத ஜயஸேனோ ராஜகுமாரோ காமமஜ்ஜே² வஸந்தோ
காமே பரிபு⁴ஞ்ஜந்தோ
காமவிதக்கேஹி க²ஜ்ஜமானோ காமபரிளாஹேன பரிட³ய்ஹமானோ காமபரியேஸனாய உஸ்ஸுகோ
ஞஸ்ஸதி வா த³க்க²தி வா ஸச்சி² வா கரிஸ்ஸதீ’’தி – நேதங் டா²னங் விஜ்ஜதி.

216. ‘‘ஸெய்யதா²பி ,
அக்³கி³வெஸ்ஸன, கா³மஸ்ஸ வா நிக³மஸ்ஸ வா அவிதூ³ரே மஹாபப்³ப³தோ. தமேனங்
த்³வே ஸஹாயகா தம்ஹா கா³மா வா நிக³மா வா நிக்க²மித்வா ஹத்த²விலங்க⁴கேன யேன
ஸோ பப்³ப³தோ தேனுபஸங்கமெய்யுங்; உபஸங்கமித்வா ஏகோ ஸஹாயகோ ஹெட்டா²
பப்³ப³தபாதே³ திட்டெ²ய்ய, ஏகோ ஸஹாயகோ உபரிபப்³ப³தங் ஆரோஹெய்ய. தமேனங்
ஹெட்டா² பப்³ப³தபாதே³ டி²தோ ஸஹாயகோ உபரிபப்³ப³தே டி²தங் ஸஹாயகங் ஏவங்
வேத³ய்ய – ‘யங், ஸம்ம, கிங் த்வங் பஸ்ஸஸி உபரிபப்³ப³தே டி²தோ’தி? ஸோ ஏவங்
வதெ³ய்ய – ‘பஸ்ஸாமி கோ² அஹங், ஸம்ம, உபரிபப்³ப³தே டி²தோ ஆராமராமணெய்யகங்
வனராமணெய்யகங் பூ⁴மிராமணெய்யகங் பொக்க²ரணீராமணெய்யக’’’ந்தி.

‘‘ஸோ ஏவங் வதெ³ய்ய – ‘அட்டா²னங் கோ² ஏதங், ஸம்ம ,
அனவகாஸோ யங் த்வங் உபரிபப்³ப³தே டி²தோ பஸ்ஸெய்யாஸி ஆராமராமணெய்யகங்
வனராமணெய்யகங் பூ⁴மிராமணெய்யகங் பொக்க²ரணீராமணெய்யக’ந்தி. தமேனங்
உபரிபப்³ப³தே டி²தோ ஸஹாயகோ ஹெட்டி²மபப்³ப³தபாத³ங் ஓரோஹித்வா தங் ஸஹாயகங்
பா³ஹாயங் க³ஹெத்வா உபரிபப்³ப³தங் ஆரோபெத்வா முஹுத்தங் அஸ்ஸாஸெத்வா ஏவங்
வதெ³ய்ய – ‘யங், ஸம்ம, கிங் த்வங் பஸ்ஸஸி உபரிபப்³ப³தே டி²தோ’தி? ஸோ ஏவங்
வதெ³ய்ய – ‘பஸ்ஸாமி கோ² அஹங், ஸம்ம, உபரிபப்³ப³தே டி²தோ ஆராமராமணெய்யகங்
வனராமணெய்யகங் பூ⁴மிராமணெய்யகங் பொக்க²ரணீராமணெய்யக’’’ந்தி .

‘‘ஸோ ஏவங் வதெ³ய்ய – ‘இதா³னேவ கோ² தே, ஸம்ம, பா⁴ஸிதங் –
மயங் ஏவங் ஆஜானாம – அட்டா²னங் கோ² ஏதங் ஸம்ம, அனவகாஸோ யங் த்வங்
உபரிபப்³ப³தே டி²தோ பஸ்ஸெய்யாஸி ஆராமராமணெய்யகங் வனராமணெய்யகங்
பூ⁴மிராமணெய்யகங் பொக்க²ரணீராமணெய்யக’ந்தி. இதா³னேவ ச பன தே பா⁴ஸிதங் மயங்
ஏவங் ஆஜானாம – ‘பஸ்ஸாமி கோ² அஹங், ஸம்ம, உபரிபப்³ப³தே டி²தோ
ஆராமராமணெய்யகங் வனராமணெய்யகங் பூ⁴மிராமணெய்யகங் பொக்க²ரணீராமணெய்யக’ந்தி.
ஸோ ஏவங் வதெ³ய்ய – ‘ததா² ஹி பனாஹங், ஸம்ம, இமினா மஹதா பப்³ப³தேன ஆவுதோ [ஆவடோ (ஸீ॰ அட்ட²॰ பீ॰), ஆவுடோ (ஸ்யா॰ கங்॰ க॰)] த³ட்டெ²ய்யங் நாத்³த³ஸ’’’ந்தி.

‘‘அதோ மஹந்ததரேன, அக்³கி³வெஸ்ஸன, அவிஜ்ஜாக²ந்தே⁴ன ஜயஸேனோ ராஜகுமாரோ ஆவுதோ நிவுதோ [நிவுடோ (ஸ்யா॰ கங்॰ பீ॰ க॰)] ஓபு²டோ [ஓவுதோ (ஸீ॰), ஓவுடோ (ஸ்யா॰ கங்॰ பீ॰)]
பரியோனத்³தோ⁴. ஸோ வத யங் தங் நெக்க²ம்மேன ஞாதப்³ப³ங் நெக்க²ம்மேன
த³ட்ட²ப்³ப³ங் நெக்க²ம்மேன பத்தப்³ப³ங் நெக்க²ம்மேன ஸச்சி²காதப்³ப³ங் தங்
வத ஜயஸேனோ ராஜகுமாரோ காமமஜ்ஜே² வஸந்தோ காமே பரிபு⁴ஞ்ஜந்தோ காமவிதக்கேஹி
க²ஜ்ஜமானோ காமபரிளாஹேன பரிட³ய்ஹமானோ காமபரியேஸனாய உஸ்ஸுகோ ஞஸ்ஸதி வா
த³க்க²தி வா ஸச்சி² வா கரிஸ்ஸதீதி – நேதங் டா²னங் விஜ்ஜதி . ஸசே கோ² தங், அக்³கி³வெஸ்ஸன, ஜயஸேனஸ்ஸ ராஜகுமாரஸ்ஸ இமா த்³வே உபமா படிபா⁴யெய்யுங் [படிபா⁴ஸெய்யுங் (ஸீ॰ ஸ்யா॰ கங்॰ பீ॰)],
அனச்ச²ரியங் தே ஜயஸேனோ ராஜகுமாரோ பஸீதெ³ய்ய, பஸன்னோ ச தே பஸன்னாகாரங்
கரெய்யா’’தி. ‘‘குதோ பன மங், ப⁴ந்தே, ஜயஸேனஸ்ஸ ராஜகுமாரஸ்ஸ இமா த்³வே உபமா
படிபா⁴யிஸ்ஸந்தி [படிபா⁴ஸிஸ்ஸந்தி (ஸீ॰ ஸ்யா॰ கங்॰ பீ॰)] அனச்ச²ரியா புப்³பே³ அஸ்ஸுதபுப்³பா³, ஸெய்யதா²பி ப⁴க³வந்த’’ந்தி?

217. ‘‘ஸெய்யதா²பி ,
அக்³கி³வெஸ்ஸன, ராஜா க²த்தியோ முத்³தா⁴வஸித்தோ நாக³வனிகங் ஆமந்தேதி – ‘ஏஹி
த்வங், ஸம்ம நாக³வனிக, ரஞ்ஞோ நாக³ங் அபி⁴ருஹித்வா நாக³வனங் பவிஸித்வா
ஆரஞ்ஞகங் நாக³ங் அதிபஸ்ஸித்வா ரஞ்ஞோ நாக³ஸ்ஸ கீ³வாயங் உபனிப³ந்தா⁴ஹீ’தி.
‘ஏவங், தே³வா’தி கோ², அக்³கி³வெஸ்ஸன, நாக³வனிகோ ரஞ்ஞோ க²த்தியஸ்ஸ
முத்³தா⁴வஸித்தஸ்ஸ படிஸ்ஸுத்வா ரஞ்ஞோ நாக³ங் அபி⁴ருஹித்வா நாக³வனங்
பவிஸித்வா ஆரஞ்ஞகங் நாக³ங் அதிபஸ்ஸித்வா ரஞ்ஞோ நாக³ஸ்ஸ கீ³வாயங்
உபனிப³ந்த⁴தி. தமேனங் ரஞ்ஞோ நாகோ³ அப்³போ⁴காஸங் நீஹரதி. எத்தாவதா கோ²,
அக்³கி³வெஸ்ஸன, ஆரஞ்ஞகோ நாகோ³ அப்³போ⁴காஸங் க³தோ ஹோதி. எத்த²கே³தா⁴ [ஏதகே³தா⁴ (ஸீ॰ பீ॰)]
ஹி, அக்³கி³வெஸ்ஸன, ஆரஞ்ஞகா நாகா³ யதி³த³ங் – நாக³வனங். தமேனங் நாக³வனிகோ
ரஞ்ஞோ க²த்தியஸ்ஸ முத்³தா⁴வஸித்தஸ்ஸ ஆரோசேஸி – ‘அப்³போ⁴காஸக³தோ கோ² [கோ² தே (ஸ்யா॰ கங்॰ க॰)],
தே³வ, ஆரஞ்ஞகோ நாகோ³’தி. அத² கோ² அக்³கி³வெஸ்ஸன, தமேனங் ராஜா க²த்தியோ
முத்³தா⁴வஸித்தோ ஹத்தி²த³மகங் ஆமந்தேஸி – ‘ஏஹி த்வங், ஸம்ம ஹத்தி²த³மக,
ஆரஞ்ஞகங் நாக³ங் த³மயாஹி ஆரஞ்ஞகானஞ்சேவ ஸீலானங் அபி⁴னிம்மத³னாய
ஆரஞ்ஞகானஞ்சேவ ஸரஸங்கப்பானங் அபி⁴னிம்மத³னாய ஆரஞ்ஞகானஞ்சேவ
த³ரத²கிலமத²பரிளாஹானங் அபி⁴னிம்மத³னாய கா³மந்தே அபி⁴ரமாபனாய மனுஸ்ஸகந்தேஸு
ஸீலேஸு ஸமாத³பனாயா’’’தி [ஸமாதா³பனாயாதி (?)].

‘‘‘ஏவங் , தே³வா’தி கோ²,
அக்³கி³வெஸ்ஸன, ஹத்தி²த³மகோ ரஞ்ஞோ க²த்தியஸ்ஸ முத்³தா⁴வஸித்தஸ்ஸ
படிஸ்ஸுத்வா மஹந்தங் த²ம்ப⁴ங் பத²வியங் நிக²ணித்வா ஆரஞ்ஞகஸ்ஸ நாக³ஸ்ஸ
கீ³வாயங் உபனிப³ந்த⁴தி ஆரஞ்ஞகானஞ்சேவ ஸீலானங்
அபி⁴னிம்மத³னாய ஆரஞ்ஞகானஞ்சேவ ஸரஸங்கப்பானங் அபி⁴னிம்மத³னாய ஆரஞ்ஞகானஞ்சேவ
த³ரத²கிலமத²பரிளாஹானங் அபி⁴னிம்மத³னாய கா³மந்தே அபி⁴ரமாபனாய மனுஸ்ஸகந்தேஸு
ஸீலேஸு ஸமாத³பனாய. தமேனங் ஹத்தி²த³மகோ யா ஸா வாசா நேலா கண்ணஸுகா² பேமனீயா
ஹத³யங்க³மா போரீ ப³ஹுஜனகந்தா ப³ஹுஜனமனாபா ததா²ரூபாஹி வாசாஹி ஸமுதா³சரதி.
யதோ கோ², அக்³கி³வெஸ்ஸன, ஆரஞ்ஞகோ நாகோ³ ஹத்தி²த³மகஸ்ஸ யா ஸா வாசா நேலா
கண்ணஸுகா² பேமனீயா ஹத³யங்க³மா போரீ ப³ஹுஜனகந்தா ப³ஹுஜனமனாபா
ததா²ரூபாஹி வாசாஹி ஸமுதா³சரியமானோ ஸுஸ்ஸூஸதி, ஸோதங் ஓத³ஹதி, அஞ்ஞா சித்தங்
உபட்டா²பேதி; தமேனங் ஹத்தி²த³மகோ உத்தரி திணகா⁴ஸோத³கங் அனுப்பவெச்ச²தி.

‘‘யதோ கோ², அக்³கி³வெஸ்ஸன, ஆரஞ்ஞகோ நாகோ³ ஹத்தி²த³மகஸ்ஸ திணகா⁴ஸோத³கங் படிக்³க³ண்ஹாதி, தத்ர ஹத்தி²த³மகஸ்ஸ ஏவங் ஹோதி – ‘ஜீவிஸ்ஸதி கோ² [நு கோ² (ஸீ॰ க॰)] தா³னி ஆரஞ்ஞகோ [ரஞ்ஞோ (ஸீ॰ பீ॰)]
நாகோ³’தி. தமேனங் ஹத்தி²த³மகோ உத்தரி காரணங் காரேதி – ‘ஆதி³ய, போ⁴,
நிக்கி²ப, போ⁴’தி. யதோ கோ², அக்³கி³வெஸ்ஸன, ஆரஞ்ஞகோ நாகோ³ ஹத்தி²த³மகஸ்ஸ
ஆதா³னநிக்கே²பே வசனகரோ ஹோதி ஓவாத³ப்படிகரோ, தமேனங் ஹத்தி²த³மகோ உத்தரி
காரணங் காரேதி – ‘அபி⁴க்கம, போ⁴, படிக்கம, போ⁴’தி. யதோ கோ², அக்³கி³வெஸ்ஸன,
ஆரஞ்ஞகோ நாகோ³ ஹத்தி²த³மகஸ்ஸ அபி⁴க்கமபடிக்கமவசனகரோ ஹோதி ஓவாத³ப்படிகரோ,
தமேனங் ஹத்தி²த³மகோ உத்தரி காரணங் காரேதி – ‘உட்ட²ஹ, போ⁴, நிஸீத³, போ⁴’தி.
யதோ கோ², அக்³கி³வெஸ்ஸன, ஆரஞ்ஞகோ நாகோ³ ஹத்தி²த³மகஸ்ஸ உட்டா²னநிஸஜ்ஜாய
வசனகரோ ஹோதி ஓவாத³ப்படிகரோ, தமேனங் ஹத்தி²த³மகோ உத்தரி ஆனேஞ்ஜங் நாம
காரணங் காரேதி, மஹந்தஸ்ஸ ப²லகங் ஸொண்டா³ய உபனிப³ந்த⁴தி, தோமரஹத்தோ² ச
புரிஸோ உபரிகீ³வாய நிஸின்னோ ஹோதி, ஸமந்ததோ ச தோமரஹத்தா² புரிஸா பரிவாரெத்வா
டி²தா ஹொந்தி, ஹத்தி²த³மகோ ச தீ³க⁴தோமரயட்டி²ங் க³ஹெத்வா புரதோ டி²தோ
ஹோதி. ஸோ ஆனேஞ்ஜங் காரணங் காரியமானோ நேவ புரிமே பாதே³ சோபேதி ந பச்சி²மே
பாதே³ சோபேதி, ந புரிமகாயங் சோபேதி ந பச்சி²மகாயங் சோபேதி, ந ஸீஸங் சோபேதி,
ந கண்ணே சோபேதி, ந த³ந்தே சோபேதி , ந நங்கு³ட்ட²ங்
சோபேதி, ந ஸொண்ட³ங் சோபேதி. ஸோ ஹோதி ஆரஞ்ஞகோ நாகோ³ க²மோ ஸத்திப்பஹாரானங்
அஸிப்பஹாரானங் உஸுப்பஹாரானங் ஸரபத்தப்பஹாரானங் [பரஸத்த²ப்பஹாரானங் (ஸீ॰), பரஸத்துப்பஹாரானங் (ஸ்யா॰ கங்॰ பீ॰)] பே⁴ரிபணவவங்ஸஸங்க²டி³ண்டி³மனின்னாத³ஸத்³தா³னங் [பே⁴ரிபணவஸங்க²திணவனின்னாத³ஸத்³தா³னங் (பீ॰)] ஸப்³ப³வங்கதோ³ஸனிஹிதனின்னீதகஸாவோ ராஜாரஹோ ராஜபொ⁴க்³கோ³ ரஞ்ஞோ அங்க³ந்தேவ ஸங்க²ங் க³ச்ச²தி.

218. ‘‘ஏவமேவ
கோ², அக்³கி³வெஸ்ஸன, இத⁴ ததா²க³தோ லோகே உப்பஜ்ஜதி அரஹங் ஸம்மாஸம்பு³த்³தோ⁴
விஜ்ஜாசரணஸம்பன்னோ ஸுக³தோ லோகவிதூ³ அனுத்தரோ புரிஸத³ம்மஸாரதி² ஸத்தா²
தே³வமனுஸ்ஸானங் பு³த்³தோ⁴ ப⁴க³வா. ஸோ இமங் லோகங் ஸதே³வகங் ஸமாரகங்
ஸப்³ரஹ்மகங் ஸஸ்ஸமணப்³ராஹ்மணிங் பஜங் ஸதே³வமனுஸ்ஸங் ஸயங் அபி⁴ஞ்ஞா
ஸச்சி²கத்வா பவேதே³தி. ஸோ த⁴ம்மங் தே³ஸேதி ஆதி³கல்யாணங் மஜ்ஜே²கல்யாணங்
பரியோஸானகல்யாணங் ஸாத்த²ங் ஸப்³யஞ்ஜனங், கேவலபரிபுண்ணங் பரிஸுத்³த⁴ங்
ப்³ரஹ்மசரியங் பகாஸேதி. தங் த⁴ம்மங் ஸுணாதி க³ஹபதி
வா க³ஹபதிபுத்தோ வா அஞ்ஞதரஸ்மிங் வா குலே பச்சாஜாதோ. ஸோ தங் த⁴ம்மங் ஸுத்வா
ததா²க³தே ஸத்³த⁴ங் படிலப⁴தி. ஸோ தேன ஸத்³தா⁴படிலாபே⁴ன ஸமன்னாக³தோ இதி
படிஸஞ்சிக்க²தி – ‘ஸம்பா³தோ⁴ க⁴ராவாஸோ ரஜாபதோ², அப்³போ⁴காஸோ பப்³ப³ஜ்ஜா.
நயித³ங் ஸுகரங் அகா³ரங் அஜ்ஜா²வஸதா ஏகந்தபரிபுண்ணங் ஏகந்தபரிஸுத்³த⁴ங்
ஸங்க²லிகி²தங் ப்³ரஹ்மசரியங் சரிதுங். யங்னூனாஹங் கேஸமஸ்ஸுங் ஓஹாரெத்வா
காஸாயானி வத்தா²னி அச்சா²தெ³த்வா அகா³ரஸ்மா அனகா³ரியங் பப்³ப³ஜெய்ய’ந்தி.

‘‘ஸோ அபரேன ஸமயேன அப்பங் வா
போ⁴க³க்க²ந்த⁴ங் பஹாய மஹந்தங் வா போ⁴க³க்க²ந்த⁴ங் பஹாய அப்பங் வா
ஞாதிபரிவட்டங் பஹாய மஹந்தங் வா ஞாதிபரிவட்டங் பஹாய கேஸமஸ்ஸுங் ஓஹாரெத்வா
காஸாயானி வத்தா²னி அச்சா²தெ³த்வா அகா³ரஸ்மா அனகா³ரியங் பப்³ப³ஜதி. எத்தாவதா
கோ², அக்³கி³வெஸ்ஸன, அரியஸாவகோ அப்³போ⁴காஸக³தோ ஹோதி. எத்த²கே³தா⁴ ஹி,
அக்³கி³வெஸ்ஸன, தே³வமனுஸ்ஸா யதி³த³ங் – பஞ்ச காமகு³ணா. தமேனங் ததா²க³தோ
உத்தரிங் வினேதி – ‘ஏஹி த்வங், பி⁴க்கு², ஸீலவா ஹோஹி,
பாதிமொக்க²ஸங்வரஸங்வுதோ விஹராஹி ஆசாரகோ³சரஸம்பன்னோ, அணுமத்தேஸு வஜ்ஜேஸு
ப⁴யத³ஸ்ஸாவீ, ஸமாதா³ய ஸிக்க²ஸ்ஸு ஸிக்கா²பதே³ஸூ’’’தி.

‘‘யதோ கோ², அக்³கி³வெஸ்ஸன, அரியஸாவகோ ஸீலவா ஹோதி, பாதிமொக்க²ஸங்வரஸங்வுதோ விஹரதி ஆசாரகோ³சரஸம்பன்னோ அணுமத்தேஸு வஜ்ஜேஸு
ப⁴யத³ஸ்ஸாவீ, ஸமாதா³ய ஸிக்க²தி ஸிக்கா²பதே³ஸு, தமேனங் ததா²க³தோ உத்தரிங்
வினேதி – ‘ஏஹி த்வங், பி⁴க்கு², இந்த்³ரியேஸு கு³த்தத்³வாரோ ஹோஹி, சக்கு²னா
ரூபங் தி³ஸ்வா மா நிமித்தக்³கா³ஹீ…பே॰… (யதா² க³ணகமொக்³க³ல்லானஸுத்தந்தே,
ஏவங் வித்தா²ரேதப்³பா³னி.)

219. ‘‘ஸோ இமே பஞ்ச நீவரணே பஹாய
சேதஸோ உபக்கிலேஸே பஞ்ஞாய து³ப்³ப³லீகரணே காயே காயானுபஸ்ஸீ விஹரதி ஆதாபீ
ஸம்பஜானோ ஸதிமா வினெய்ய லோகே அபி⁴ஜ்ஜா²தோ³மனஸ்ஸங். வேத³னாஸு…பே॰…
சித்தே…பே॰… த⁴ம்மேஸு த⁴ம்மானுபஸ்ஸீ விஹரதி ஆதாபீ ஸம்பஜானோ ஸதிமா வினெய்ய
லோகே அபி⁴ஜ்ஜா²தோ³மனஸ்ஸங். ஸெய்யதா²பி, அக்³கி³வெஸ்ஸன, ஹத்தி²த³மகோ மஹந்தங்
த²ம்ப⁴ங் பத²வியங் நிக²ணித்வா ஆரஞ்ஞகஸ்ஸ நாக³ஸ்ஸ கீ³வாயங் உபனிப³ந்த⁴தி
ஆரஞ்ஞகானஞ்சேவ ஸீலானங் அபி⁴னிம்மத³னாய ஆரஞ்ஞகானஞ்சேவ ஸரஸங்கப்பானங்
அபி⁴னிம்மத³னாய ஆரஞ்ஞகானஞ்சேவ த³ரத²கிலமத²பரிளாஹானங் அபி⁴னிம்மத³னாய
கா³மந்தே அபி⁴ரமாபனாய மனுஸ்ஸகந்தேஸு ஸீலேஸு ஸமாத³பனாய; ஏவமேவ கோ²,
அக்³கி³வெஸ்ஸன, அரியஸாவகஸ்ஸ இமே சத்தாரோ ஸதிபட்டா²னா சேதஸோ உபனிப³ந்த⁴னா
ஹொந்தி கே³ஹஸிதானஞ்சேவ ஸீலானங் அபி⁴னிம்மத³னாய கே³ஹஸிதானஞ்சேவ
ஸரஸங்கப்பானங் அபி⁴னிம்மத³னாய கே³ஹஸிதானஞ்சேவ த³ரத²கிலமத²பரிளாஹானங்
அபி⁴னிம்மத³னாய ஞாயஸ்ஸ அதி⁴க³மாய நிப்³பா³னஸ்ஸ ஸச்சி²கிரியாய.

220. ‘‘தமேனங் ததா²க³தோ உத்தரிங் வினேதி – ‘ஏஹி த்வங், பி⁴க்கு², காயே காயானுபஸ்ஸீ விஹராஹி ,
மா ச காமூபஸங்ஹிதங் விதக்கங் விதக்கேஸி. வேத³னாஸு… சித்தே… த⁴ம்மேஸு
த⁴ம்மானுபஸ்ஸீ விஹராஹி, மா ச காமூபஸங்ஹிதங் விதக்கங் விதக்கேஸீ’’’தி.

‘‘ஸோ விதக்கவிசாரானங் வூபஸமா அஜ்ஜ²த்தங் ஸம்பஸாத³னங்
சேதஸோ ஏகோதி³பா⁴வங் அவிதக்கங் அவிசாரங் ஸமாதி⁴ஜங் பீதிஸுக²ங் து³தியங்
ஜா²னங்…பே॰… ததியங் ஜா²னங்… சதுத்த²ங் ஜா²னங்
உபஸம்பஜ்ஜ விஹரதி. ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே
விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே
புப்³பே³னிவாஸானுஸ்ஸதிஞாணாய சித்தங் அபி⁴னின்னாமேதி. ஸோ அனேகவிஹிதங்
புப்³பே³னிவாஸங் அனுஸ்ஸரதி, ஸெய்யதி²த³ங் – ஏகம்பி ஜாதிங் த்³வேபி
ஜாதியோ…பே॰… இதி ஸாகாரங் ஸஉத்³தே³ஸங் அனேகவிஹிதங் புப்³பே³னிவாஸங்
அனுஸ்ஸரதி.

221. ‘‘ஸோ
ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே விக³தூபக்கிலேஸே
முது³பூ⁴தே கம்மனியே டி²தே ஆனேஞ்ஜப்பத்தே ஸத்தானங் சுதூபபாதஞாணாய சித்தங்
அபி⁴னின்னாமேதி. ஸோ தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன
ஸத்தே பஸ்ஸதி சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே, ஸுக³தே
து³க்³க³தே…பே॰… யதா²கம்மூபகே³ ஸத்தே பஜானாதி.

‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே
அனங்க³ணே விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே ஆஸவானங்
க²யஞாணாய சித்தங் அபி⁴னின்னாமேதி. ஸோ ‘இத³ங் து³க்க²’ந்தி யதா²பூ⁴தங்
பஜானாதி, ‘அயங் து³க்க²ஸமுத³யோ’தி யதா²பூ⁴தங் பஜானாதி, ‘அயங்
து³க்க²னிரோதோ⁴’தி யதா²பூ⁴தங் பஜானாதி, ‘அயங் து³க்க²னிரோத⁴கா³மினீ
படிபதா³’தி யதா²பூ⁴தங் பஜானாதி; ‘இமே ஆஸவா’தி யதா²பூ⁴தங் பஜானாதி, ‘அயங்
ஆஸவஸமுத³யோ’தி யதா²பூ⁴தங் பஜானாதி, ‘அயங் ஆஸவனிரோதோ⁴’தி யதா²பூ⁴தங்
பஜானாதி, ‘அயங் ஆஸவனிரோத⁴கா³மினீ படிபதா³’தி யதா²பூ⁴தங் பஜானாதி. தஸ்ஸ
ஏவங் ஜானதோ ஏவங் பஸ்ஸதோ காமாஸவாபி சித்தங் விமுச்சதி, ப⁴வாஸவாபி சித்தங்
விமுச்சதி, அவிஜ்ஜாஸவாபி சித்தங் விமுச்சதி. விமுத்தஸ்மிங் விமுத்தமிதி
ஞாணங் ஹோதி. ‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங்
இத்த²த்தாயா’தி பஜானாதி.

‘‘ஸோ ஹோதி பி⁴க்கு² க²மோ ஸீதஸ்ஸ உண்ஹஸ்ஸ ஜிக⁴ச்சா²ய பிபாஸாய ட³ங்ஸமகஸவாதாதபஸரீஸபஸம்ப²ஸ்ஸானங் து³ருத்தானங் து³ராக³தானங் வசனபதா²னங், உப்பன்னானங் ஸாரீரிகானங்
வேத³னானங் து³க்கா²னங் திப்³பா³னங் க²ரானங் கடுகானங் அஸாதானங் அமனாபானங்
பாணஹரானங் அதி⁴வாஸகஜாதிகோ ஹோதி ஸப்³ப³ராக³தோ³ஸமோஹனிஹிதனின்னீதகஸாவோ
ஆஹுனெய்யோ பாஹுனெய்யோ த³க்கி²ணெய்யோ அஞ்ஜலிகரணீயோ அனுத்தரங்
புஞ்ஞக்கெ²த்தங் லோகஸ்ஸ.

222. ‘‘மஹல்லகோ சேபி, அக்³கி³வெஸ்ஸன, ரஞ்ஞோ நாகோ³ அத³ந்தோ அவினீதோ காலங்கரோதி, ‘அத³ந்தமரணங் [அத³ந்தங் மரணங் (க॰)]
மஹல்லகோ ரஞ்ஞோ நாகோ³ காலங்கதோ’த்வேவ ஸங்க²ங் க³ச்ச²தி; மஜ்ஜி²மோ சேபி,
அக்³கி³வெஸ்ஸன, ரஞ்ஞோ நாகோ³. த³ஹரோ சேபி, அக்³கி³வெஸ்ஸன, ரஞ்ஞோ நாகோ³
அத³ந்தோ அவினீதோ காலங்கரோதி , ‘அத³ந்தமரணங் த³ஹரோ
ரஞ்ஞோ நாகோ³ காலங்கதோ’த்வேவ ஸங்க²ங் க³ச்ச²தி; ஏவமேவ கோ², அக்³கி³வெஸ்ஸன,
தே²ரோ சேபி பி⁴க்கு² அகீ²ணாஸவோ காலங்கரோதி, ‘அத³ந்தமரணங் தே²ரோ பி⁴க்கு²
காலங்கதோ’த்வேவ ஸங்க²ங் க³ச்ச²தி; மஜ்ஜி²மோ சேபி, அக்³கி³வெஸ்ஸன, பி⁴க்கு².
நவோ சேபி, அக்³கி³வெஸ்ஸன, பி⁴க்கு² அகீ²ணாஸவோ காலங்கரோதி, ‘அத³ந்தமரணங்
நவோ பி⁴க்கு² காலங்கதோ’த்வேவ ஸங்க²ங் க³ச்ச²தி.

‘‘மஹல்லகோ சேபி,
அக்³கி³வெஸ்ஸன, ரஞ்ஞோ நாகோ³ ஸுத³ந்தோ ஸுவினீதோ காலங்கரோதி, ‘த³ந்தமரணங்
மஹல்லகோ ரஞ்ஞோ நாகோ³ காலங்கதோ’த்வேவ ஸங்க²ங் க³ச்ச²தி; மஜ்ஜி²மோ சேபி,
அக்³கி³வெஸ்ஸன, ரஞ்ஞோ நாகோ³… த³ஹரோ சேபி, அக்³கி³வெஸ்ஸன, ரஞ்ஞோ நாகோ³
ஸுத³ந்தோ ஸுவினீதோ காலங்கரோதி, ‘த³ந்தமரணங் த³ஹரோ ரஞ்ஞோ நாகோ³
காலங்கதோ’த்வேவ ஸங்க²ங் க³ச்ச²தி; ஏவமேவ கோ², அக்³கி³வெஸ்ஸன, தே²ரோ சேபி
பி⁴க்கு² கீ²ணாஸவோ காலங்கரோதி, ‘த³ந்தமரணங் தே²ரோ பி⁴க்கு² காலங்கதோ’த்வேவ
ஸங்க²ங் க³ச்ச²தி; மஜ்ஜி²மோ சேபி, அக்³கி³வெஸ்ஸன, பி⁴க்கு². நவோ சேபி,
அக்³கி³வெஸ்ஸன, பி⁴க்கு² கீ²ணாஸவோ காலங்கரோதி, ‘த³ந்தமரணங் நவோ பி⁴க்கு²
காலங்கதோ’த்வேவ ஸங்க²ங் க³ச்ச²தீ’’தி.

இத³மவோச ப⁴க³வா. அத்தமனோ அசிரவதோ ஸமணுத்³தே³ஸோ ப⁴க³வதோ பா⁴ஸிதங் அபி⁴னந்தீ³தி.

த³ந்தபூ⁴மிஸுத்தங் நிட்டி²தங் பஞ்சமங்.

6. பூ⁴மிஜஸுத்தங்

223. ஏவங்
மே ஸுதங் – ஏகங் ஸமயங் ப⁴க³வா ராஜக³ஹே விஹரதி வேளுவனே கலந்த³கனிவாபே. அத²
கோ² ஆயஸ்மா பூ⁴மிஜோ புப்³ப³ண்ஹஸமயங் நிவாஸெத்வா பத்தசீவரமாதா³ய யேன
ஜயஸேனஸ்ஸ ராஜகுமாரஸ்ஸ நிவேஸனங் தேனுபஸங்கமி; உபஸங்கமித்வா பஞ்ஞத்தே ஆஸனே
நிஸீதி³. அத² கோ² ஜயஸேனோ ராஜகுமாரோ யேனாயஸ்மா பூ⁴மிஜோ தேனுபஸங்கமி;
உபஸங்கமித்வா ஆயஸ்மதா பூ⁴மிஜேன ஸத்³தி⁴ங் ஸம்மோதி³. ஸம்மோத³னீயங் கத²ங்
ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² ஜயஸேனோ
ராஜகுமாரோ ஆயஸ்மந்தங் பூ⁴மிஜங் ஏதத³வோச – ‘‘ஸந்தி, போ⁴ பூ⁴மிஜ, ஏகே
ஸமணப்³ராஹ்மணா ஏவங்வாதி³னோ ஏவங்தி³ட்டி²னோ – ‘ஆஸஞ்சேபி கரித்வா ப்³ரஹ்மசரியங் சரந்தி, அப⁴ப்³பா³ [சரதி, அப⁴ப்³போ³ (ஸீ॰ பீ॰) ஏவமுபரிபி ஏகவசனேனேவ தி³ஸ்ஸதி] ப²லஸ்ஸ அதி⁴க³மாய; அனாஸஞ்சேபி [ஆஸஞ்ச அனாஸஞ்ச சேபி (அட்ட²॰)]
கரித்வா ப்³ரஹ்மசரியங் சரந்தி, அப⁴ப்³பா³ ப²லஸ்ஸ அதி⁴க³மாய; ஆஸஞ்ச
அனாஸஞ்சேபி கரித்வா ப்³ரஹ்மசரியங் சரந்தி, அப⁴ப்³பா³ ப²லஸ்ஸ அதி⁴க³மாய;
நேவாஸங் நானாஸஞ்சேபி கரித்வா ப்³ரஹ்மசரியங் சரந்தி, அப⁴ப்³பா³ ப²லஸ்ஸ
அதி⁴க³மாயா’தி. இத⁴ போ⁴தோ பூ⁴மிஜஸ்ஸ ஸத்தா² கிங்வாதீ³ [கிங்வாதீ³ கிங்தி³ட்டீ² (ஸ்யா॰ கங்॰ க॰)]
கிமக்கா²யீ’’தி? ‘‘ந கோ² மேதங், ராஜகுமார, ப⁴க³வதோ ஸம்முகா² ஸுதங்,
ஸம்முகா² படிக்³க³ஹிதங். டா²னஞ்ச கோ² ஏதங் விஜ்ஜதி யங் ப⁴க³வா ஏவங்
ப்³யாகரெய்ய – ‘ஆஸஞ்சேபி கரித்வா அயோனிஸோ ப்³ரஹ்மசரியங் சரந்தி, அப⁴ப்³பா³
ப²லஸ்ஸ அதி⁴க³மாய ; அனாஸஞ்சேபி கரித்வா அயோனிஸோ
ப்³ரஹ்மசரியங் சரந்தி, அப⁴ப்³பா³ ப²லஸ்ஸ அதி⁴க³மாய; ஆஸஞ்ச அனாஸஞ்சேபி
கரித்வா அயோனிஸோ ப்³ரஹ்மசரியங் சரந்தி, அப⁴ப்³பா³ ப²லஸ்ஸ அதி⁴க³மாய;
நேவாஸங் நானாஸஞ்சேபி கரித்வா அயோனிஸோ ப்³ரஹ்மசரியங் சரந்தி, அப⁴ப்³பா³
ப²லஸ்ஸ அதி⁴க³மாய. ஆஸஞ்சேபி கரித்வா யோனிஸோ ப்³ரஹ்மசரியங் சரந்தி, ப⁴ப்³பா³
ப²லஸ்ஸ அதி⁴க³மாய ; அனாஸஞ்சேபி கரித்வா யோனிஸோ
ப்³ரஹ்மசரியங் சரந்தி, ப⁴ப்³பா³ ப²லஸ்ஸ அதி⁴க³மாய; ஆஸஞ்ச அனாஸஞ்சேபி
கரித்வா யோனிஸோ ப்³ரஹ்மசரியங் சரந்தி, ப⁴ப்³பா³ ப²லஸ்ஸ அதி⁴க³மாய; நேவாஸங்
நானாஸஞ்சேபி கரித்வா யோனிஸோ ப்³ரஹ்மசரியங் சரந்தி, ப⁴ப்³பா³ ப²லஸ்ஸ
அதி⁴க³மாயா’தி. ந கோ² மே தங், ராஜகுமார, ப⁴க³வதோ ஸம்முகா² ஸுதங், ஸம்முகா²
படிக்³க³ஹிதங். டா²னஞ்ச கோ² ஏதங் விஜ்ஜதி யங் ப⁴க³வா ஏவங்
ப்³யாகரெய்யா’’தி. ‘‘ஸசே கோ² போ⁴தோ பூ⁴மிஜஸ்ஸ ஸத்தா² ஏவங்வாதீ³ [ஏவங்வாதீ³ ஏவங்தி³ட்டீ² (ஸ்யா॰ கங்॰ க॰)] ஏவமக்கா²யீ, அத்³தா⁴ போ⁴தோ பூ⁴மிஜஸ்ஸ ஸத்தா² ஸப்³பே³ஸங்யேவ புது²ஸமணப்³ராஹ்மணானங் முத்³தா⁴னங் [பு³த்³தா⁴னங் (க॰) முத்³தா⁴னந்திமுத்³த⁴ங், மத்த²கந்தி அத்தோ²] மஞ்ஞே ஆஹச்ச திட்ட²தீ’’தி . அத² கோ² ஜயஸேனோ ராஜகுமாரோ ஆயஸ்மந்தங் பூ⁴மிஜங் ஸகேனேவ தா²லிபாகேன பரிவிஸி.

224.
அத² கோ² ஆயஸ்மா பூ⁴மிஜோ பச்சா²ப⁴த்தங் பிண்ட³பாதபடிக்கந்தோ யேன ப⁴க³வா
தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³.
ஏகமந்தங் நிஸின்னோ கோ² ஆயஸ்மா பூ⁴மிஜோ ப⁴க³வந்தங் ஏதத³வோச – ‘‘இதா⁴ஹங்,
ப⁴ந்தே, புப்³ப³ண்ஹஸமயங் நிவாஸெத்வா பத்தசீவரமாதா³ய யேன ஜயஸேனஸ்ஸ
ராஜகுமாரஸ்ஸ நிவேஸனங் தேனுபஸங்கமிங்; உபஸங்கமித்வா பஞ்ஞத்தே
ஆஸனே நிஸீதி³ங். அத² கோ², ப⁴ந்தே, ஜயஸேனோ ராஜகுமாரோ யேனாஹங் தேனுபஸங்கமி;
உபஸங்கமித்வா மயா ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங்
வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ², ப⁴ந்தே, ஜயஸேனோ
ராஜகுமாரோ மங் ஏதத³வோச – ‘ஸந்தி, போ⁴ பூ⁴மிஜ, ஏகே ஸமணப்³ராஹ்மணா
ஏவங்வாதி³னோ ஏவங்தி³ட்டி²னோ – ஆஸஞ்சேபி கரித்வா ப்³ரஹ்மசரியங் சரந்தி,
அப⁴ப்³பா³ ப²லஸ்ஸ அதி⁴க³மாய; அனாஸஞ்சேபி கரித்வா…பே॰… ஆஸஞ்ச அனாஸஞ்சேபி
கரித்வா ப்³ரஹ்மசரியங் சரந்தி, அப⁴ப்³பா³ ப²லஸ்ஸ அதி⁴க³மாய; நேவாஸங்
நானாஸஞ்சேபி கரித்வா ப்³ரஹ்மசரியங் சரந்தி,
அப⁴ப்³பா³ ப²லஸ்ஸ அதி⁴க³மாயா’தி. ‘இத⁴ போ⁴தோ பூ⁴மிஜஸ்ஸ ஸத்தா² கிங்வாதீ³
கிமக்கா²யீ’தி? ஏவங் வுத்தே அஹங், ப⁴ந்தே, ஜயஸேனங் ராஜகுமாரங் ஏதத³வோசங் –
‘ந கோ² மே தங், ராஜகுமார, ப⁴க³வதோ ஸம்முகா² ஸுதங், ஸம்முகா² படிக்³க³ஹிதங்.
டா²னஞ்ச கோ² ஏதங் விஜ்ஜதி யங் ப⁴க³வா ஏவங் ப்³யாகரெய்ய – ஆஸஞ்சேபி கரித்வா
அயோனிஸோ ப்³ரஹ்மசரியங் சரந்தி, அப⁴ப்³பா³ ப²லஸ்ஸ அதி⁴க³மாய; அனாஸஞ்சேபி
கரித்வா அயோனிஸோ ப்³ரஹ்மசரியங் சரந்தி, அப⁴ப்³பா³ ப²லஸ்ஸ அதி⁴க³மாய; ஆஸஞ்ச
அனாஸஞ்சேபி கரித்வா அயோனிஸோ ப்³ரஹ்மசரியங் சரந்தி, அப⁴ப்³பா³ ப²லஸ்ஸ
அதி⁴க³மாய; நேவாஸங் நானாஸஞ்சேபி கரித்வா அயோனிஸோ ப்³ரஹ்மசரியங் சரந்தி,
அப⁴ப்³பா³ ப²லஸ்ஸ அதி⁴க³மாய. ஆஸஞ்சேபி கரித்வா யோனிஸோ ப்³ரஹ்மசரியங்
சரந்தி, ப⁴ப்³பா³ ப²லஸ்ஸ அதி⁴க³மாய; அனாஸஞ்சேபி கரித்வா…பே॰… ஆஸஞ்ச
அனாஸஞ்சேபி கரித்வா…பே॰… நேவாஸங் நானாஸஞ்சேபி கரித்வா யோனிஸோ ப்³ரஹ்மசரியங்
சரந்தி, ப⁴ப்³பா³ ப²லஸ்ஸ அதி⁴க³மாயாதி. ந கோ² மே தங், ராஜகுமார, ப⁴க³வதோ
ஸம்முகா² ஸுதங், ஸம்முகா² படிக்³க³ஹிதங். டா²னஞ்ச கோ² ஏதங் விஜ்ஜதி யங்
ப⁴க³வா ஏவங் ப்³யாகரெய்யா’தி. ‘ஸசே போ⁴தோ பூ⁴மிஜஸ்ஸ ஸத்தா² ஏவங்வாதீ³
ஏவமக்கா²யீ, அத்³தா⁴ போ⁴தோ பூ⁴மிஜஸ்ஸ ஸத்தா² ஸப்³பே³ஸங்யேவ
புது²ஸமணப்³ராஹ்மணானங் முத்³தா⁴னங் மஞ்ஞே ஆஹச்ச திட்ட²தீ’தி. ‘கச்சாஹங்,
ப⁴ந்தே, ஏவங் புட்டோ² ஏவங் ப்³யாகரமானோ வுத்தவாதீ³ சேவ ப⁴க³வதோ ஹோமி, ந ச
ப⁴க³வந்தங் அபூ⁴தேன அப்³பா⁴சிக்கா²மி, த⁴ம்மஸ்ஸ சானுத⁴ம்மங் ப்³யாகரோமி, ந ச
கோசி ஸஹத⁴ம்மிகோ வாதா³னுவாதோ³ கா³ரய்ஹங் டா²னங் ஆக³ச்ச²தீ’’’தி?

‘‘தக்³க⁴
த்வங், பூ⁴மிஜ, ஏவங் புட்டோ² ஏவங் ப்³யாகரமானோ வுத்தவாதீ³ சேவ மே ஹோஸி, ந ச
மங் அபூ⁴தேன அப்³பா⁴சிக்க²ஸி, த⁴ம்மஸ்ஸ சானுத⁴ம்மங் ப்³யாகரோஸி, ந ச கோசி
ஸஹத⁴ம்மிகோ வாதா³னுவாதோ³ கா³ரய்ஹங் டா²னங் ஆக³ச்ச²தி. யே ஹி கேசி, பூ⁴மிஜ,
ஸமணா வா ப்³ராஹ்மணா வா மிச்சா²தி³ட்டி²னோ மிச்சா²ஸங்கப்பா மிச்சா²வாசா
மிச்சா²கம்மந்தா மிச்சா²ஆஜீவா மிச்சா²வாயாமா மிச்சா²ஸதீ மிச்சா²ஸமாதி⁴னோ
தே ஆஸஞ்சேபி கரித்வா ப்³ரஹ்மசரியங் சரந்தி, அப⁴ப்³பா³ ப²லஸ்ஸ அதி⁴க³மாய;
அனாஸஞ்சேபி கரித்வா ப்³ரஹ்மசரியங் சரந்தி, அப⁴ப்³பா³ ப²லஸ்ஸ அதி⁴க³மாய;
ஆஸஞ்ச அனாஸஞ்சேபி கரித்வா ப்³ரஹ்மசரியங் சரந்தி, அப⁴ப்³பா³ ப²லஸ்ஸ
அதி⁴க³மாய; நேவாஸங் நானாஸஞ்சேபி கரித்வா ப்³ரஹ்மசரியங் சரந்தி, அப⁴ப்³பா³
ப²லஸ்ஸ அதி⁴க³மாய. தங் கிஸ்ஸ ஹேது? அயோனி ஹேஸா, பூ⁴மிஜ, ப²லஸ்ஸ அதி⁴க³மாய.

225.
‘‘ஸெய்யதா²பி, பூ⁴மிஜ, புரிஸோ தேலத்தி²கோ தேலக³வேஸீ தேலபரியேஸனங் சரமானோ
வாலிகங் தோ³ணியா ஆகிரித்வா உத³கேன பரிப்போ²ஸகங் பரிப்போ²ஸகங் பீளெய்ய.
ஆஸஞ்சேபி கரித்வா வாலிகங் தோ³ணியா ஆகிரித்வா உத³கேன பரிப்போ²ஸகங்
பரிப்போ²ஸகங் பீளெய்ய, அப⁴ப்³போ³ தேலஸ்ஸ அதி⁴க³மாய; அனாஸஞ்சேபி கரித்வா
வாலிகங் தோ³ணியா ஆகிரித்வா உத³கேன பரிப்போ²ஸகங் பரிப்போ²ஸகங் பீளெய்ய,
அப⁴ப்³போ³ தேலஸ்ஸ அதி⁴க³மாய; ஆஸஞ்ச அனாஸஞ்சேபி கரித்வா வாலிகங் தோ³ணியா
ஆகிரித்வா உத³கேன பரிப்போ²ஸகங் பரிப்போ²ஸகங் பீளெய்ய, அப⁴ப்³போ³ தேலஸ்ஸ
அதி⁴க³மாய; நேவாஸங் நானாஸஞ்சேபி கரித்வா வாலிகங் தோ³ணியா ஆகிரித்வா உத³கேன
பரிப்போ²ஸகங் பரிப்போ²ஸகங் பீளெய்ய, அப⁴ப்³போ³ தேலஸ்ஸ அதி⁴க³மாய. தங் கிஸ்ஸ
ஹேது? அயோனி ஹேஸா, பூ⁴மிஜ, தேலஸ்ஸ அதி⁴க³மாய. ஏவமேவ கோ², பூ⁴மிஜ, யே ஹி
கேசி ஸமணா வா ப்³ராஹ்மணா வா மிச்சா²தி³ட்டி²னோ மிச்சா²ஸங்கப்பா மிச்சா²வாசா
மிச்சா²கம்மந்தா மிச்சா²ஆஜீவா மிச்சா²வாயாமா மிச்சா²ஸதீ மிச்சா²ஸமாதி⁴னோ
தே ஆஸஞ்சேபி கரித்வா ப்³ரஹ்மசரியங் சரந்தி, அப⁴ப்³பா³ ப²லஸ்ஸ அதி⁴க³மாய;
அனாஸஞ்சேபி கரித்வா ப்³ரஹ்மசரியங் சரந்தி, அப⁴ப்³பா³ ப²லஸ்ஸ அதி⁴க³மாய;
ஆஸஞ்ச அனாஸஞ்சேபி கரித்வா ப்³ரஹ்மசரியங் சரந்தி, அப⁴ப்³பா³ ப²லஸ்ஸ
அதி⁴க³மாய; நேவாஸங் நானாஸஞ்சேபி கரித்வா ப்³ரஹ்மசரியங் சரந்தி, அப⁴ப்³பா³
ப²லஸ்ஸ அதி⁴க³மாய. தங் கிஸ்ஸ ஹேது? அயோனி ஹேஸா, பூ⁴மிஜ, ப²லஸ்ஸ அதி⁴க³மாய.

‘‘ஸெய்யதா²பி , பூ⁴மிஜ, புரிஸோ கீ²ரத்தி²கோ கீ²ரக³வேஸீ கீ²ரபரியேஸனங் சரமானோ கா³விங் தருணவச்ச²ங் விஸாணதோ ஆவிஞ்செ²ய்ய [ஆவிஞ்ஜெய்ய (ஸீ॰ ஸ்யா॰ கங்॰ பீ॰)].
ஆஸஞ்சேபி கரித்வா கா³விங் தருணவச்ச²ங் விஸாணதோ ஆவிஞ்செ²ய்ய, அப⁴ப்³போ³
கீ²ரஸ்ஸ அதி⁴க³மாய; அனாஸஞ்சேபி கரித்வா…பே॰… ஆஸஞ்ச அனாஸஞ்சேபி கரித்வா…பே॰…
நேவாஸங் நானாஸஞ்சேபி கரித்வா கா³விங் தருணவச்ச²ங்
விஸாணதோ ஆவிஞ்செ²ய்ய, அப⁴ப்³போ³ கீ²ரஸ்ஸ அதி⁴க³மாய. தங் கிஸ்ஸ ஹேது? அயோனி
ஹேஸா, பூ⁴மிஜ, கீ²ரஸ்ஸ அதி⁴க³மாய. ஏவமேவ கோ², பூ⁴மிஜ, யே ஹி கேசி ஸமணா வா
ப்³ராஹ்மணா வா மிச்சா²தி³ட்டி²னோ…பே॰… மிச்சா²ஸமாதி⁴னோ தே ஆஸஞ்சேபி கரித்வா
ப்³ரஹ்மசரியங் சரந்தி, அப⁴ப்³பா³ ப²லஸ்ஸ அதி⁴க³மாய; அனாஸஞ்சேபி
கரித்வா…பே॰… ஆஸஞ்ச அனாஸஞ்சேபி கரித்வா…பே॰… நேவாஸங் நானாஸஞ்சேபி கரித்வா
ப்³ரஹ்மசரியங் சரந்தி, அப⁴ப்³பா³ ப²லஸ்ஸ அதி⁴க³மாய. தங் கிஸ்ஸ ஹேது? அயோனி
ஹேஸா, பூ⁴மிஜ, ப²லஸ்ஸ அதி⁴க³மாய.

226. ‘‘ஸெய்யதா²பி, பூ⁴மிஜ, புரிஸோ நவனீதத்தி²கோ நவனீதக³வேஸீ நவனீதபரியேஸனங் சரமானோ உத³கங் கலஸே ஆஸிஞ்சித்வா மத்தே²ன [மந்தே²ன (ஸீ॰), மத்தேன (க॰)]
ஆவிஞ்செ²ய்ய. ஆஸஞ்சேபி கரித்வா உத³கங் கலஸே ஆஸிஞ்சித்வா மத்தே²ன
ஆவிஞ்செ²ய்ய, அப⁴ப்³போ³ நவனீதஸ்ஸ அதி⁴க³மாய; அனாஸஞ்சேபி கரித்வா…பே॰… ஆஸஞ்ச
அனாஸஞ்சேபி கரித்வா…பே॰… நேவாஸங் நானாஸஞ்சேபி கரித்வா உத³கங் கலஸே
ஆஸிஞ்சித்வா மத்தே²ன ஆவிஞ்செ²ய்ய, அப⁴ப்³போ³ நவனீதஸ்ஸ அதி⁴க³மாய. தங் கிஸ்ஸ
ஹேது? அயோனி ஹேஸா, பூ⁴மிஜ, நவனீதஸ்ஸ அதி⁴க³மாய. ஏவமேவ கோ², பூ⁴மிஜ, யே ஹி
கேசி ஸமணா வா ப்³ராஹ்மணா வா மிச்சா²தி³ட்டி²னோ…பே॰… மிச்சா²ஸமாதி⁴னோ தே
ஆஸஞ்சேபி கரித்வா ப்³ரஹ்மசரியங் சரந்தி, அப⁴ப்³பா³
ப²லஸ்ஸ அதி⁴க³மாய; அனாஸஞ்சேபி கரித்வா…பே॰… ஆஸஞ்ச அனாஸஞ்சேபி கரித்வா…பே॰…
நேவாஸங் நானாஸஞ்சேபி கரித்வா ப்³ரஹ்மசரியங் சரந்தி, அப⁴ப்³பா³ ப²லஸ்ஸ
அதி⁴க³மாய. தங் கிஸ்ஸ ஹேது? அயோனி ஹேஸா, பூ⁴மிஜ, ப²லஸ்ஸ அதி⁴க³மாய.

‘‘ஸெய்யதா²பி, பூ⁴மிஜ, புரிஸோ அக்³கி³த்தி²கோ [அக்³க³த்தி²கோ (ஸீ॰)] அக்³கி³க³வேஸீ அக்³கி³பரியேஸனங் சரமானோ அல்லங் கட்ட²ங் ஸஸ்னேஹங் உத்தராரணிங் ஆதா³ய அபி⁴மந்தெ²ய்ய [அபி⁴மத்தெ²ய்ய (ஸ்யா॰ கங்॰ பீ॰ க॰)].
ஆஸஞ்சேபி கரித்வா அல்லங் கட்ட²ங் ஸஸ்னேஹங் உத்தராரணிங் ஆதா³ய
அபி⁴மந்தெ²ய்ய, அப⁴ப்³போ³ அக்³கி³ஸ்ஸ அதி⁴க³மாய; அனாஸஞ்சேபி கரித்வா…பே॰…
ஆஸஞ்ச அனாஸஞ்சேபி கரித்வா…பே॰… நேவாஸங் நானாஸஞ்சேபி கரித்வா அல்லங் கட்ட²ங்
ஸஸ்னேஹங் உத்தராரணிங் ஆதா³ய அபி⁴மந்தெ²ய்ய, அப⁴ப்³போ³ அக்³கி³ஸ்ஸ
அதி⁴க³மாய. தங் கிஸ்ஸ ஹேது? அயோனி ஹேஸா, பூ⁴மிஜ, அக்³கி³ஸ்ஸ அதி⁴க³மாய.
ஏவமேவ கோ², பூ⁴மிஜ, யே ஹி கேசி ஸமணா வா ப்³ராஹ்மணா வா மிச்சா²தி³ட்டி²னோ…பே॰… மிச்சா²ஸமாதி⁴னோ தே ஆஸஞ்சேபி கரித்வா
ப்³ரஹ்மசரியங் சரந்தி, அப⁴ப்³பா³ ப²லஸ்ஸ அதி⁴க³மாய; அனாஸஞ்சேபி
கரித்வா…பே॰…ஆஸஞ்ச அனாஸஞ்சேபி கரித்வா…பே॰… நேவாஸங் நானாஸஞ்சேபி கரித்வா
ப்³ரஹ்மசரியங் சரந்தி, அப⁴ப்³பா³ ப²லஸ்ஸ அதி⁴க³மாய. தங் கிஸ்ஸ ஹேது? அயோனி
ஹேஸா, பூ⁴மிஜ, ப²லஸ்ஸ அதி⁴க³மாய. யே ஹி கேசி, பூ⁴மிஜ, ஸமணா வா ப்³ராஹ்மணா
வா ஸம்மாதி³ட்டி²னோ ஸம்மாஸங்கப்பா ஸம்மாவாசா ஸம்மாகம்மந்தா ஸம்மாஆஜீவா
ஸம்மாவாயாமா ஸம்மாஸதீ ஸம்மாஸமாதி⁴னோ தே ஆஸஞ்சேபி கரித்வா ப்³ரஹ்மசரியங்
சரந்தி, ப⁴ப்³பா³ ப²லஸ்ஸ அதி⁴க³மாய; அனாஸஞ்சேபி கரித்வா ப்³ரஹ்மசரியங்
சரந்தி, ப⁴ப்³பா³ ப²லஸ்ஸ அதி⁴க³மாய; ஆஸஞ்ச அனாஸஞ்சேபி கரித்வா
ப்³ரஹ்மசரியங் சரந்தி, ப⁴ப்³பா³ ப²லஸ்ஸ அதி⁴க³மாய; நேவாஸங் நானாஸஞ்சேபி
கரித்வா ப்³ரஹ்மசரியங் சரந்தி, ப⁴ப்³பா³ ப²லஸ்ஸ அதி⁴க³மாய. தங் கிஸ்ஸ ஹேது?
யோனி ஹேஸா, பூ⁴மிஜ, ப²லஸ்ஸ அதி⁴க³மாய.

227.
‘‘ஸெய்யதா²பி, பூ⁴மிஜ, புரிஸோ தேலத்தி²கோ தேலக³வேஸீ தேலபரியேஸனங் சரமானோ
திலபிட்ட²ங் தோ³ணியா ஆகிரித்வா உத³கேன பரிப்போ²ஸகங் பரிப்போ²ஸகங் பீளெய்ய.
ஆஸஞ்சேபி கரித்வா திலபிட்ட²ங் தோ³ணியா ஆகிரித்வா உத³கேன பரிப்போ²ஸகங்
பரிப்போ²ஸகங் பீளெய்ய, ப⁴ப்³போ³ தேலஸ்ஸ அதி⁴க³மாய; அனாஸஞ்சேபி கரித்வா…பே॰…
ஆஸஞ்ச அனாஸஞ்சேபி கரித்வா…பே॰… நேவாஸங் நானாஸஞ்சேபி கரித்வா திலபிட்ட²ங்
தோ³ணியா ஆகிரித்வா உத³கேன பரிப்போ²ஸகங் பரிப்போ²ஸகங் பீளெய்ய, ப⁴ப்³போ³
தேலஸ்ஸ அதி⁴க³மாய. தங் கிஸ்ஸ ஹேது? யோனி ஹேஸா, பூ⁴மிஜ, தேலஸ்ஸ அதி⁴க³மாய.
ஏவமேவ கோ², பூ⁴மிஜ, யே ஹி கேசி ஸமணா வா ப்³ராஹ்மணா வா ஸம்மாதி³ட்டி²னோ…பே॰…
ஸம்மாஸமாதி⁴னோ தே ஆஸஞ்சேபி கரித்வா ப்³ரஹ்மசரியங் சரந்தி, ப⁴ப்³பா³
ப²லஸ்ஸ அதி⁴க³மாய; அனாஸஞ்சேபி கரித்வா…பே॰… ஆஸஞ்ச அனாஸஞ்சேபி கரித்வா…பே॰…
நேவாஸங் நானாஸஞ்சேபி கரித்வா ப்³ரஹ்மசரியங் சரந்தி, ப⁴ப்³பா³ ப²லஸ்ஸ
அதி⁴க³மாய. தங் கிஸ்ஸ ஹேது? யோனி ஹேஸா, பூ⁴மிஜ, ப²லஸ்ஸ அதி⁴க³மாய.

‘‘ஸெய்யதா²பி, பூ⁴மிஜ, புரிஸோ கீ²ரத்தி²கோ கீ²ரக³வேஸீ கீ²ரபரியேஸனங் சரமானோ
கா³விங் தருணவச்ச²ங் த²னதோ ஆவிஞ்செ²ய்ய. ஆஸஞ்சேபி கரித்வா கா³விங்
தருணவச்ச²ங் த²னதோ ஆவிஞ்செ²ய்ய, ப⁴ப்³போ³ கீ²ரஸ்ஸ அதி⁴க³மாய; அனாஸஞ்சேபி
கரித்வா…பே॰… ஆஸஞ்ச அனாஸஞ்சேபி கரித்வா…பே॰… நேவாஸங் நானாஸஞ்சேபி கரித்வா
கா³விங் தருணவச்ச²ங் த²னதோ ஆவிஞ்செ²ய்ய, ப⁴ப்³போ³ கீ²ரஸ்ஸ அதி⁴க³மாய. தங்
கிஸ்ஸ ஹேது? யோனி ஹேஸா, பூ⁴மிஜ, கீ²ரஸ்ஸ அதி⁴க³மாய. ஏவமேவ
கோ², பூ⁴மிஜ, யே ஹி கேசி ஸமணா வா ப்³ராஹ்மணா வா ஸம்மாதி³ட்டி²னோ…பே॰…
ஸம்மாஸமாதி⁴னோ தே ஆஸஞ்சேபி கரித்வா…பே॰… அனாஸஞ்சேபி கரித்வா…பே॰… ஆஸஞ்ச
அனாஸஞ்சேபி கரித்வா…பே॰… நேவாஸங் நானாஸஞ்சேபி கரித்வா ப்³ரஹ்மசரியங்
சரந்தி, ப⁴ப்³பா³ ப²லஸ்ஸ அதி⁴க³மாய. தங் கிஸ்ஸ ஹேது? யோனி ஹேஸா, பூ⁴மிஜ,
ப²லஸ்ஸ அதி⁴க³மாய.

228.
‘‘ஸெய்யதா²பி, பூ⁴மிஜ, புரிஸோ நவனீதத்தி²கோ நவனீதக³வேஸீ நவனீதபரியேஸனங்
சரமானோ த³தி⁴ங் கலஸே ஆஸிஞ்சித்வா மத்தே²ன ஆவிஞ்செ²ய்ய. ஆஸஞ்சேபி கரித்வா
த³தி⁴ங் கலஸே ஆஸிஞ்சித்வா மத்தே²ன ஆவிஞ்செ²ய்ய, ப⁴ப்³போ³ நவனீதஸ்ஸ
அதி⁴க³மாய; அனாஸஞ்சேபி கரித்வா… ஆஸஞ்ச அனாஸஞ்சேபி கரித்வா… நேவாஸங்
நானாஸஞ்சேபி கரித்வா த³தி⁴ங் கலஸே ஆஸிஞ்சித்வா மத்தே²ன ஆவிஞ்செ²ய்ய,
ப⁴ப்³போ³ நவனீதஸ்ஸ அதி⁴க³மாய. தங் கிஸ்ஸ ஹேது? யோனி ஹேஸா, பூ⁴மிஜ, நவனீதஸ்ஸ
அதி⁴க³மாய. ஏவமேவ கோ², பூ⁴மிஜ, யே ஹி கேசி ஸமணா வா ப்³ராஹ்மணா வா
ஸம்மாதி³ட்டி²னோ…பே॰… ஸம்மாஸமாதி⁴னோ தே ஆஸஞ்சேபி கரித்வா ப்³ரஹ்மசரியங்
சரந்தி, ப⁴ப்³பா³ ப²லஸ்ஸ அதி⁴க³மாய; அனாஸஞ்சேபி கரித்வா… ஆஸஞ்ச அனாஸஞ்சேபி
கரித்வா … நேவாஸங் நானாஸஞ்சேபி கரித்வா
ப்³ரஹ்மசரியங் சரந்தி, ப⁴ப்³பா³ ப²லஸ்ஸ அதி⁴க³மாய. தங் கிஸ்ஸ ஹேது? யோனி
ஹேஸா, பூ⁴மிஜ, ப²லஸ்ஸ அதி⁴க³மாய.

‘‘ஸெய்யதா²பி, பூ⁴மிஜ, புரிஸோ அக்³கி³த்தி²கோ
அக்³கி³க³வேஸீ அக்³கி³பரியேஸனங் சரமானோ ஸுக்க²ங் கட்ட²ங் கோளாபங்
உத்தராரணிங் ஆதா³ய அபி⁴மந்தெ²ய்ய; ( ) [(ப⁴ப்³போ³ அக்³கி³ஸ்ஸ அதி⁴க³மாய) (ஸப்³ப³த்த²)] ஆஸஞ்சேபி கரித்வா… அனாஸஞ்சேபி
கரித்வா.. ஆஸஞ்ச அனாஸஞ்சேபி கரித்வா… நேவாஸங் நானாஸஞ்சேபி கரித்வா ஸுக்க²
கட்ட²ங் கோளாபங் உத்தராரணிங் ஆதா³ய அபி⁴மந்தெ²ய்ய, ப⁴ப்³போ³ அக்³கி³ஸ்ஸ
அதி⁴க³மாய. தங் கிஸ்ஸ ஹேது? யோனி ஹேஸா, பூ⁴மிஜ, அக்³கி³ஸ்ஸ அதி⁴க³மாய.
ஏவமேவ கோ², பூ⁴மிஜ, யே ஹி கேசி ஸமணா வா ப்³ராஹ்மணா வா ஸம்மாதி³ட்டி²னோ…பே॰…
ஸம்மாஸமாதி⁴னோ தே ஆஸஞ்சேபி கரித்வா ப்³ரஹ்மசரியங் சரந்தி, ப⁴ப்³பா³ ப²லஸ்ஸ
அதி⁴க³மாய; அனாஸஞ்சேபி கரித்வா ப்³ரஹ்மசரியங் சரந்தி, ப⁴ப்³பா³ ப²லஸ்ஸ
அதி⁴க³மாய; ஆஸஞ்ச அனாஸஞ்சேபி கரித்வா ப்³ரஹ்மசரியங் சரந்தி, ப⁴ப்³பா³
ப²லஸ்ஸ அதி⁴க³மாய; நேவாஸங் நானாஸஞ்சேபி கரித்வா ப்³ரஹ்மசரியங் சரந்தி,
ப⁴ப்³பா³ ப²லஸ்ஸ அதி⁴க³மாய. தங் கிஸ்ஸ ஹேது? யோனி ஹேஸா, பூ⁴மிஜ, ப²லஸ்ஸ
அதி⁴க³மாய.

‘‘ஸசே
கோ² தங், பூ⁴மிஜ, ஜயஸேனஸ்ஸ ராஜகுமாரஸ்ஸ இமா சதஸ்ஸோ உபமா படிபா⁴யெய்யுங்
அனச்ச²ரியங் தே ஜயஸேனோ ராஜகுமாரோ பஸீதெ³ய்ய, பஸன்னோ ச தே பஸன்னாகாரங்
கரெய்யா’’தி. ‘‘குதோ பன மங், ப⁴ந்தே, ஜயஸேனஸ்ஸ ராஜகுமாரஸ்ஸ இமா சதஸ்ஸோ உபமா படிபா⁴யிஸ்ஸந்தி அனச்ச²ரியா புப்³பே³ அஸ்ஸுதபுப்³பா³, ஸெய்யதா²பி ப⁴க³வந்த’’ந்தி?

இத³மவோச ப⁴க³வா. அத்தமனோ ஆயஸ்மா பூ⁴மிஜோ ப⁴க³வதோ பா⁴ஸிதங் அபி⁴னந்தீ³தி.

பூ⁴மிஜஸுத்தங் நிட்டி²தங் ச²ட்ட²ங்.

7. அனுருத்³த⁴ஸுத்தங்

229. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. அத² கோ² பஞ்சகங்கோ³ த²பதி அஞ்ஞதரங் புரிஸங் ஆமந்தேஸி – ‘‘ஏஹி
த்வங், அம்போ⁴ புரிஸ, யேனாயஸ்மா அனுருத்³தோ⁴ தேனுபஸங்கம; உபஸங்கமித்வா மம
வசனேன ஆயஸ்மதோ அனுருத்³த⁴ஸ்ஸ பாதே³ ஸிரஸா வந்தா³ஹி [வந்தா³ஹி, ஏவஞ்ச வதே³ஹி (ஸீ॰ பீ॰)] – ‘பஞ்சகங்கோ³, ப⁴ந்தே, த²பதி ஆயஸ்மதோ அனுருத்³த⁴ஸ்ஸ பாதே³ ஸிரஸா வந்த³தீ’தி; ஏவஞ்ச வதே³ஹி [ஏவஞ்ச வதே³தி (ஸீ॰ பீ॰)]
– ‘அதி⁴வாஸேது கிர, ப⁴ந்தே, ஆயஸ்மா அனுருத்³தோ⁴ பஞ்சகங்க³ஸ்ஸ த²பதிஸ்ஸ
ஸ்வாதனாய அத்தசதுத்தோ² ப⁴த்தங்; யேன ச கிர, ப⁴ந்தே, ஆயஸ்மா அனுருத்³தோ⁴
பகே³வதரங் ஆக³ச்செ²ய்ய; பஞ்சகங்கோ³, ப⁴ந்தே, த²பதி [பஞ்சகங்கோ³ த²பதி (ஸீ॰ பீ॰)]
ப³ஹுகிச்சோ ப³ஹுகரணீயோ ராஜகரணீயேனா’’’தி. ‘‘ஏவங், ப⁴ந்தே’’தி கோ² ஸோ
புரிஸோ பஞ்சகங்க³ஸ்ஸ த²பதிஸ்ஸ படிஸ்ஸுத்வா யேனாயஸ்மா அனுருத்³தோ⁴
தேனுபஸங்கமி; உபஸங்கமித்வா ஆயஸ்மந்தங் அனுருத்³த⁴ங் அபி⁴வாதெ³த்வா ஏகமந்தங்
நிஸீதி³. ஏகமந்தங் நிஸின்னோ கோ² ஸோ புரிஸோ ஆயஸ்மந்தங் அனுருத்³த⁴ங்
ஏதத³வோச – ‘‘பஞ்சகங்கோ³, ப⁴ந்தே, த²பதி ஆயஸ்மதோ அனுருத்³த⁴ஸ்ஸ பாதே³ ஸிரஸா
வந்த³தி, ஏவஞ்ச வதே³தி – ‘அதி⁴வாஸேது கிர, ப⁴ந்தே, ஆயஸ்மா அனுருத்³தோ⁴
பஞ்சகங்க³ஸ்ஸ த²பதிஸ்ஸ ஸ்வாதனாய அத்தசதுத்தோ² ப⁴த்தங்; யேன ச கிர, ப⁴ந்தே,
ஆயஸ்மா அனுருத்³தோ⁴ பகே³வதரங் ஆக³ச்செ²ய்ய; பஞ்சகங்கோ³, ப⁴ந்தே, த²பதி
ப³ஹுகிச்சோ ப³ஹுகரணீயோ ராஜகரணீயேனா’’’தி. அதி⁴வாஸேஸி கோ² ஆயஸ்மா அனுருத்³தோ⁴ துண்ஹீபா⁴வேன.

230. அத²
கோ² ஆயஸ்மா அனுருத்³தோ⁴ தஸ்ஸா ரத்தியா அச்சயேன புப்³ப³ண்ஹஸமயங் நிவாஸெத்வா
பத்தசீவரமாதா³ய யேன பஞ்சகங்க³ஸ்ஸ த²பதிஸ்ஸ நிவேஸனங் தேனுபஸங்கமி;
உபஸங்கமித்வா பஞ்ஞத்தே ஆஸனே நிஸீதி³. அத² கோ² பஞ்சகங்கோ³ த²பதி ஆயஸ்மந்தங்
அனுருத்³த⁴ங் பணீதேன கா²த³னீயேன போ⁴ஜனீயேன ஸஹத்தா² ஸந்தப்பேஸி ஸம்பவாரேஸி.
அத² கோ² பஞ்சகங்கோ³ த²பதி ஆயஸ்மந்தங் அனுருத்³த⁴ங் பு⁴த்தாவிங்
ஓனீதபத்தபாணிங் அஞ்ஞதரங் நீசங் ஆஸனங் க³ஹெத்வா ஏகமந்தங் நிஸீதி³. ஏகமந்தங்
நிஸின்னோ கோ² பஞ்சகங்கோ³ த²பதி ஆயஸ்மந்தங் அனுருத்³த⁴ங் ஏதத³வோச –

‘‘இத⁴ மங், ப⁴ந்தே, தே²ரா பி⁴க்கூ² உபஸங்கமித்வா ஏவமாஹங்ஸு – ‘அப்பமாணங், க³ஹபதி, சேதோவிமுத்திங் பா⁴வேஹீ’தி [அப்பமாணா க³ஹபதி சேதோவிமுத்தி பா⁴வேதப்³பா³தி (க॰)].
ஏகச்சே தே²ரா ஏவமாஹங்ஸு – ‘மஹக்³க³தங், க³ஹபதி, சேதோவிமுத்திங்
பா⁴வேஹீ’தி. யா சாயங், ப⁴ந்தே, அப்பமாணா சேதோவிமுத்தி யா ச மஹக்³க³தா
சேதோவிமுத்தி – இமே த⁴ம்மா நானத்தா² சேவ நானாப்³யஞ்ஜனா
ச, உதா³ஹு ஏகத்தா² ப்³யஞ்ஜனமேவ நான’’ந்தி? ‘‘தேன ஹி, க³ஹபதி, தங் யேவெத்த²
படிபா⁴து. அபண்ணகந்தே இதோ ப⁴விஸ்ஸதீ’’தி. ‘‘மய்ஹங் கோ², ப⁴ந்தே, ஏவங் ஹோதி
– ‘யா சாயங் அப்பமாணா சேதோவிமுத்தி யா ச மஹக்³க³தா சேதோவிமுத்தி இமே
த⁴ம்மா ஏகத்தா² ப்³யஞ்ஜனமேவ நான’’’ந்தி. ‘‘யா சாயங், க³ஹபதி, அப்பமாணா
சேதோவிமுத்தி யா ச மஹக்³க³தா சேதோவிமுத்தி இமே த⁴ம்மா நானத்தா² சேவ
நானாப்³யஞ்ஜனா ச . தத³மினாபேதங், க³ஹபதி, பரியாயேன வேதி³தப்³ப³ங் யதா² இமே த⁴ம்மா நானத்தா² சேவ நானாப்³யஞ்ஜனா ச’’.

‘‘கதமா ச, க³ஹபதி, அப்பமாணா சேதோவிமுத்தி? இத⁴,
க³ஹபதி, பி⁴க்கு² மெத்தாஸஹக³தேன சேதஸா ஏகங் தி³ஸங் ப²ரித்வா விஹரதி, ததா²
து³தியங் ததா² ததியங் ததா² சதுத்த²ங்; இதி உத்³த⁴மதோ⁴ திரியங் ஸப்³ப³தி⁴
ஸப்³ப³த்ததாய ஸப்³பா³வந்தங் லோகங் மெத்தாஸஹக³தேன சேதஸா விபுலேன மஹக்³க³தேன
அப்பமாணேன அவேரேன அப்³யாப³ஜ்ஜே²ன ப²ரித்வா விஹரதி. கருணாஸஹக³தேன சேதஸா…
முதி³தாஸஹக³தேன சேதஸா… உபெக்கா²ஸஹக³தேன சேதஸா ஏகங் தி³ஸங் ப²ரித்வா விஹரதி,
ததா² து³தியங் ததா² ததியங் ததா² சதுத்த²ங்; இதி உத்³த⁴மதோ⁴ திரியங்
ஸப்³ப³தி⁴ ஸப்³ப³த்ததாய ஸப்³பா³வந்தங் லோகங் உபெக்கா²ஸஹக³தேன சேதஸா விபுலேன
மஹக்³க³தேன அப்பமாணேன அவேரேன அப்³யாப³ஜ்ஜே²ன ப²ரித்வா விஹரதி. அயங்
வுச்சதி, க³ஹபதி, அப்பமாணா சேதோவிமுத்தி.

231. ‘‘கதமா
ச, க³ஹபதி, மஹக்³க³தா சேதோவிமுத்தி? இத⁴, க³ஹபதி, பி⁴க்கு² யாவதா ஏகங்
ருக்க²மூலங் மஹக்³க³தந்தி ப²ரித்வா அதி⁴முச்சித்வா விஹரதி. அயங் வுச்சதி,
க³ஹபதி, மஹக்³க³தா சேதோவிமுத்தி. இத⁴ பன, க³ஹபதி, பி⁴க்கு² யாவதா த்³வே வா
தீணி வா ருக்க²மூலானி மஹக்³க³தந்தி ப²ரித்வா அதி⁴முச்சித்வா விஹரதி. அயம்பி
[அயங் (ஸ்யா॰ கங்॰ க॰)] வுச்சதி, க³ஹபதி,
மஹக்³க³தா சேதோவிமுத்தி. இத⁴ பன, க³ஹபதி, பி⁴க்கு² யாவதா ஏகங்
கா³மக்கெ²த்தங் மஹக்³க³தந்தி ப²ரித்வா அதி⁴முச்சித்வா விஹரதி. அயம்பி
வுச்சதி, க³ஹபதி, மஹக்³க³தா சேதோவிமுத்தி. இத⁴ பன, க³ஹபதி , பி⁴க்கு² யாவதா த்³வே
வா தீணி வா கா³மக்கெ²த்தானி மஹக்³க³தந்தி ப²ரித்வா அதி⁴முச்சித்வா விஹரதி.
அயம்பி வுச்சதி, க³ஹபதி, மஹக்³க³தா சேதோவிமுத்தி. இத⁴ பன, க³ஹபதி,
பி⁴க்கு² யாவதா ஏகங் மஹாரஜ்ஜங் மஹக்³க³தந்தி ப²ரித்வா அதி⁴முச்சித்வா
விஹரதி. அயம்பி வுச்சதி, க³ஹபதி, மஹக்³க³தா சேதோவிமுத்தி. இத⁴ பன, க³ஹபதி,
பி⁴க்கு² யாவதா த்³வே வா தீணி வா மஹாரஜ்ஜானி
மஹக்³க³தந்தி ப²ரித்வா அதி⁴முச்சித்வா விஹரதி. அயம்பி வுச்சதி, க³ஹபதி,
மஹக்³க³தா சேதோவிமுத்தி. இத⁴ பன, க³ஹபதி, பி⁴க்கு² யாவதா ஸமுத்³த³பரியந்தங்
பத²விங் மஹக்³க³தந்தி ப²ரித்வா அதி⁴முச்சித்வா விஹரதி. அயம்பி வுச்சதி,
க³ஹபதி, மஹக்³க³தா சேதோவிமுத்தி. இமினா கோ² ஏதங், க³ஹபதி, பரியாயேன
வேதி³தப்³ப³ங் யதா² இமே த⁴ம்மா நானத்தா² சேவ நானாப்³யஞ்ஜனா ச.

232.
‘‘சதஸ்ஸோ கோ² இமா க³ஹபதி, ப⁴வூபபத்தியோ. கதமா சதஸ்ஸோ? இத⁴, க³ஹபதி, ஏகச்சோ
‘பரித்தாபா⁴’தி ப²ரித்வா அதி⁴முச்சித்வா விஹரதி. ஸோ காயஸ்ஸ பே⁴தா³ பரங்
மரணா பரித்தாபா⁴னங் தே³வானங் ஸஹப்³யதங் உபபஜ்ஜதி. இத⁴ பன, க³ஹபதி, ஏகச்சோ
‘அப்பமாணாபா⁴’தி ப²ரித்வா அதி⁴முச்சித்வா விஹரதி. ஸோ காயஸ்ஸ பே⁴தா³ பரங்
மரணா அப்பமாணாபா⁴னங் தே³வானங் ஸஹப்³யதங் உபபஜ்ஜதி. இத⁴ பன, க³ஹபதி, ஏகச்சோ
‘ஸங்கிலிட்டா²பா⁴’தி ப²ரித்வா அதி⁴முச்சித்வா விஹரதி. ஸோ காயஸ்ஸ பே⁴தா³
பரங் மரணா ஸங்கிலிட்டா²பா⁴னங் தே³வானங் ஸஹப்³யதங் உபபஜ்ஜதி. இத⁴ பன,
க³ஹபதி, ஏகச்சோ ‘பரிஸுத்³தா⁴பா⁴’தி ப²ரித்வா அதி⁴முச்சித்வா விஹரதி. ஸோ காயஸ்ஸ பே⁴தா³ பரங் மரணா பரிஸுத்³தா⁴பா⁴னங் தே³வானங் ஸஹப்³யதங் உபபஜ்ஜதி. இமா கோ², க³ஹபதி, சதஸ்ஸோ ப⁴வூபபத்தியோ.

‘‘ஹோதி கோ² ஸோ, க³ஹபதி, ஸமயோ, யா தா தே³வதா ஏகஜ்ஜ²ங்
ஸன்னிபதந்தி, தாஸங் ஏகஜ்ஜ²ங் ஸன்னிபதிதானங் வண்ணனானத்தஞ்ஹி கோ² பஞ்ஞாயதி நோ
ச ஆபா⁴னானத்தங் . ஸெய்யதா²பி, க³ஹபதி, புரிஸோ
ஸம்ப³ஹுலானி தேலப்பதீ³பானி ஏகங் க⁴ரங் பவேஸெய்ய. தேஸங் ஏகங் க⁴ரங்
பவேஸிதானங் அச்சினானத்தஞ்ஹி கோ² பஞ்ஞாயேத², நோ ச ஆபா⁴னானத்தங்; ஏவமேவ கோ²,
க³ஹபதி, ஹோதி கோ² ஸோ ஸமயோ, யா தா தே³வதா ஏகஜ்ஜ²ங் ஸன்னிபதந்தி தாஸங் ஏகஜ்ஜ²ங் ஸன்னிபதிதானங் வண்ணனானத்தஞ்ஹி கோ² பஞ்ஞாயதி, நோ ச ஆபா⁴னானத்தங்.

‘‘ஹோதி கோ² ஸோ, க³ஹபதி, ஸமயோ, யா தா தே³வதா ததோ
விபக்கமந்தி, தாஸங் ததோ விபக்கமந்தீனங் வண்ணனானத்தஞ்சேவ பஞ்ஞாயதி
ஆபா⁴னானத்தஞ்ச. ஸெய்யதா²பி, க³ஹபதி, புரிஸோ தானி ஸம்ப³ஹுலானி தேலப்பதீ³பானி
தம்ஹா க⁴ரா நீஹரெய்ய. தேஸங் ததோ நீஹதானங் [நீஹரந்தானங் (ஸீ॰ ஸ்யா॰ கங்॰ பீ॰)] அச்சினானத்தஞ்சேவ பஞ்ஞாயேத² ஆபா⁴னானத்தஞ்ச; ஏவமேவ கோ², க³ஹபதி, ஹோதி கோ² ஸோ ஸமயோ, யா தா தே³வதா ததோ விபக்கமந்தி, தாஸங் ததோ விபக்கமந்தீனங் வண்ணனானத்தஞ்சேவ பஞ்ஞாயதி ஆபா⁴னானத்தஞ்ச.

‘‘ந கோ², க³ஹபதி, தாஸங் தே³வதானங் ஏவங் ஹோதி – ‘இத³ங் அம்ஹாகங் நிச்சந்தி வா து⁴வந்தி வா ஸஸ்ஸத’ந்தி வா, அபி ச யத்த² யத்தே²வ தா [யா (க॰)]
தே³வதா அபி⁴னிவிஸந்தி தத்த² தத்தே²வ தா தே³வதா அபி⁴ரமந்தி. ஸெய்யதா²பி,
க³ஹபதி, மக்கி²கானங் காஜேன வா பிடகேன வா ஹரீயமானானங் ந ஏவங் ஹோதி – ‘இத³ங்
அம்ஹாகங் நிச்சந்தி வா து⁴வந்தி வா ஸஸ்ஸத’ந்தி வா, அபி ச யத்த² யத்தே²வ தா [யா (க॰)]
மக்கி²கா அபி⁴னிவிஸந்தி தத்த² தத்தே²வ தா மக்கி²கா அபி⁴ரமந்தி; ஏவமேவ கோ²,
க³ஹபதி, தாஸங் தே³வதானங் ந ஏவங் ஹோதி – ‘இத³ங் அம்ஹாகங் நிச்சந்தி வா
து⁴வந்தி வா ஸஸ்ஸத’ந்தி வா, அபி ச யத்த² யத்தே²வ தா தே³வதா அபி⁴னிவிஸந்தி
தத்த² தத்தே²வ தா தே³வதா அபி⁴ரமந்தீ’’தி.

233. ஏவங் வுத்தே, ஆயஸ்மா ஸபி⁴யோ கச்சானோ [கச்சாயனோ (ஸீ॰)]
ஆயஸ்மந்தங் அனுருத்³த⁴ங் ஏதத³வோச – ‘‘ஸாது⁴, ப⁴ந்தே அனுருத்³த⁴! அத்தி² ச
மே எத்த² உத்தரிங் படிபுச்சி²தப்³ப³ங். யா தா, ப⁴ந்தே, தே³வதா ஆபா⁴ ஸப்³பா³
தா பரித்தாபா⁴ உதா³ஹு ஸந்தெத்த² ஏகச்சா தே³வதா அப்பமாணாபா⁴’’தி?
‘‘தத³ங்கே³ன கோ², ஆவுஸோ கச்சான, ஸந்தெத்த² ஏகச்சா தே³வதா பரித்தாபா⁴, ஸந்தி
பனெத்த² ஏகச்சா தே³வதா அப்பமாணாபா⁴’’தி. ‘‘கோ நு கோ², ப⁴ந்தே அனுருத்³த⁴,
ஹேது கோ பச்சயோ யேன தாஸங் தே³வதானங் ஏகங் தே³வனிகாயங் உபபன்னானங் ஸந்தெத்த² ஏகச்சா தே³வதா பரித்தாபா⁴, ஸந்தி பனெத்த² ஏகச்சா தே³வதா அப்பமாணாபா⁴’’தி?

‘‘தேன ஹாவுஸோ கச்சான, தங்யேவெத்த² படிபுச்சி²ஸ்ஸாமி. யதா² தே க²மெய்ய ததா² நங் ப்³யாகரெய்யாஸி. தங் கிங் மஞ்ஞஸி, ஆவுஸோ கச்சான , ய்வாயங் பி⁴க்கு² யாவதா ஏகங் ருக்க²மூலங் ‘மஹக்³க³த’ந்தி ப²ரித்வா அதி⁴முச்சித்வா விஹரதி, யோசாயங் [யோபாயங் (க॰)]
பி⁴க்கு² யாவதா த்³வே வா தீணி வா ருக்க²மூலானி ‘மஹக்³க³த’ந்தி ப²ரித்வா
அதி⁴முச்சித்வா விஹரதி – இமாஸங் உபி⁴ன்னங் சித்தபா⁴வனானங் கதமா சித்தபா⁴வனா
மஹக்³க³ததரா’’தி? ‘‘ய்வாயங், ப⁴ந்தே, பி⁴க்கு² யாவதா த்³வே வா தீணி வா
ருக்க²மூலானி ‘மஹக்³க³த’ந்தி ப²ரித்வா அதி⁴முச்சித்வா விஹரதி – அயங் இமாஸங்
உபி⁴ன்னங் சித்தபா⁴வனானங் மஹக்³க³ததரா’’தி.

‘‘தங் கிங் மஞ்ஞஸி, ஆவுஸோ
கச்சான, ய்வாயங் பி⁴க்கு² யாவதா த்³வே வா தீணி வா ருக்க²மூலானி
‘மஹக்³க³த’ந்தி ப²ரித்வா அதி⁴முச்சித்வா விஹரதி, யோசாயங் பி⁴க்கு² யாவதா
ஏகங் கா³மக்கெ²த்தங் ‘மஹக்³க³த’ந்தி ப²ரித்வா அதி⁴முச்சித்வா விஹரதி –
இமாஸங் உபி⁴ன்னங் சித்தபா⁴வனானங் கதமா சித்தபா⁴வனா மஹக்³க³ததரா’’தி?
‘‘ய்வாயங், ப⁴ந்தே, பி⁴க்கு² யாவதா ஏகங் கா³மக்கெ²த்தங் ‘மஹக்³க³த’ந்தி
ப²ரித்வா அதி⁴முச்சித்வா விஹரதி – அயங் இமாஸங் உபி⁴ன்னங் சித்தபா⁴வனானங்
மஹக்³க³ததரா’’தி.

‘‘தங் கிங் மஞ்ஞஸி, ஆவுஸோ கச்சான, ய்வாயங் பி⁴க்கு²
யாவதா ஏகங் கா³மக்கெ²த்தங் ‘மஹக்³க³த’ந்தி ப²ரித்வா அதி⁴முச்சித்வா விஹரதி,
யோசாயங் பி⁴க்கு² யாவதா த்³வே வா தீணி வா கா³மக்கெ²த்தானி ‘மஹக்³க³த’ந்தி
ப²ரித்வா அதி⁴முச்சித்வா விஹரதி – இமாஸங் உபி⁴ன்னங் சித்தபா⁴வனானங் கதமா
சித்தபா⁴வனா மஹக்³க³ததரா’’தி? ‘‘ய்வாயங், ப⁴ந்தே, பி⁴க்கு² யாவதா த்³வே வா
தீணி வா கா³மக்கெ²த்தானி ‘மஹக்³க³த’ந்தி ப²ரித்வா அதி⁴முச்சித்வா விஹரதி – அயங் இமாஸங் உபி⁴ன்னங் சித்தபா⁴வனானங் மஹக்³க³ததரா’’தி.

‘‘தங் கிங் மஞ்ஞஸி, ஆவுஸோ கச்சான, ய்வாயங் பி⁴க்கு² யாவதா த்³வே வா தீணி வா கா³மக்கெ²த்தானி ‘மஹக்³க³த’ந்தி ப²ரித்வா அதி⁴முச்சித்வா
விஹரதி, யோசாயங் பி⁴க்கு² யாவதா ஏகங் மஹாரஜ்ஜங் ‘மஹக்³க³த’ந்தி ப²ரித்வா
அதி⁴முச்சித்வா விஹரதி – இமாஸங் உபி⁴ன்னங் சித்தபா⁴வனானங் கதமா சித்தபா⁴வனா
மஹக்³க³ததரா’’தி? ‘‘ய்வாயங், ப⁴ந்தே, பி⁴க்கு²
யாவதா ஏகங் மஹாரஜ்ஜங் ‘மஹக்³க³த’ந்தி ப²ரித்வா அதி⁴முச்சித்வா விஹரதி –
அயங் இமாஸங் உபி⁴ன்னங் சித்தபா⁴வனானங் மஹக்³க³ததரா’’தி.

‘‘தங் கிங் மஞ்ஞஸி, ஆவுஸோ கச்சான, ய்வாயங் பி⁴க்கு²
யாவதா ஏகங் மஹாரஜ்ஜங் ‘மஹக்³க³த’ந்தி ப²ரித்வா அதி⁴முச்சித்வா விஹரதி,
யோசாயங் பி⁴க்கு² யாவதா த்³வே வா தீணி வா மஹாரஜ்ஜானி ‘மஹக்³க³த’ந்தி
ப²ரித்வா அதி⁴முச்சித்வா விஹரதி – இமாஸங் உபி⁴ன்னங் சித்தபா⁴வனானங் கதமா
சித்தபா⁴வனா மஹக்³க³ததரா’’தி? ‘‘ய்வாயங், ப⁴ந்தே, பி⁴க்கு² யாவதா த்³வே வா
தீணி வா மஹாரஜ்ஜானி ‘மஹக்³க³த’ந்தி ப²ரித்வா அதி⁴முச்சித்வா விஹரதி – அயங்
இமாஸங் உபி⁴ன்னங் சித்தபா⁴வனானங் மஹக்³க³ததரா’’தி.

‘‘தங் கிங் மஞ்ஞஸி, ஆவுஸோ
கச்சான, ய்வாயங் பி⁴க்கு² யாவதா த்³வே வா தீணி வா மஹாரஜ்ஜானி
‘மஹக்³க³த’ந்தி ப²ரித்வா அதி⁴முச்சித்வா விஹரதி, யோசாயங் பி⁴க்கு² யாவதா
ஸமுத்³த³பரியந்தங் பத²விங் ‘மஹக்³க³த’ந்தி ப²ரித்வா அதி⁴முச்சித்வா விஹரதி –
இமாஸங் உபி⁴ன்னங் சித்தபா⁴வனானங் கதமா சித்தபா⁴வனா மஹக்³க³ததரா’’தி?
‘‘ய்வாயங், ப⁴ந்தே, பி⁴க்கு² யாவதா ஸமுத்³த³பரியந்தங்
பத²விங் ‘மஹக்³க³த’ந்தி ப²ரித்வா அதி⁴முச்சித்வா விஹரதி – அயங் இமாஸங்
உபி⁴ன்னங் சித்தபா⁴வனானங் மஹக்³க³ததரா’’தி? ‘‘அயங் கோ², ஆவுஸோ கச்சான, ஹேது
அயங் பச்சயோ, யேன தாஸங் தே³வதானங் ஏகங் தே³வனிகாயங் உபபன்னானங் ஸந்தெத்த²
ஏகச்சா தே³வதா பரித்தாபா⁴, ஸந்தி பனெத்த² ஏகச்சா தே³வதா அப்பமாணாபா⁴’’தி.

234. ‘‘ஸாது⁴, ப⁴ந்தே அனுருத்³த⁴! அத்தி² ச மே எத்த² உத்தரிங் படிபுச்சி²தப்³ப³ங். யாவதா [யா தா (க॰)], ப⁴ந்தே, தே³வதா ஆபா⁴ ஸப்³பா³ தா ஸங்கிலிட்டா²பா⁴ உதா³ஹு ஸந்தெத்த² ஏகச்சா தே³வதா பரிஸுத்³தா⁴பா⁴’’தி? ‘‘தத³ங்கே³ன
கோ², ஆவுஸோ கச்சான, ஸந்தெத்த² ஏகச்சா தே³வதா ஸங்கிலிட்டா²பா⁴, ஸந்தி
பனெத்த² ஏகச்சா தே³வதா பரிஸுத்³தா⁴பா⁴’’தி. ‘‘கோ நு கோ², ப⁴ந்தே,
அனுருத்³த⁴, ஹேது கோ பச்சயோ, யேன தாஸங் தே³வதானங் ஏகங் தே³வனிகாயங்
உபபன்னானங் ஸந்தெத்த² ஏகச்சா தே³வதா ஸங்கிலிட்டா²பா⁴, ஸந்தி பனெத்த² ஏகச்சா
தே³வதா பரிஸுத்³தா⁴பா⁴’’தி?

‘‘தேன , ஹாவுஸோ கச்சான, உபமங் தே கரிஸ்ஸாமி. உபமாயபிதே⁴கச்சே [உபமாயமிதே⁴கச்சே (க॰)]
விஞ்ஞூ புரிஸா பா⁴ஸிதஸ்ஸ அத்த²ங் ஆஜானந்தி. ஸெய்யதா²பி, ஆவுஸோ கச்சான,
தேலப்பதீ³பஸ்ஸ ஜா²யதோ தேலம்பி அபரிஸுத்³த⁴ங் வட்டிபி அபரிஸுத்³தா⁴. ஸோ
தேலஸ்ஸபி அபரிஸுத்³த⁴த்தா வட்டியாபி அபரிஸுத்³த⁴த்தா அந்த⁴ந்த⁴ங் விய
ஜா²யதி; ஏவமேவ கோ², ஆவுஸோ கச்சான, இதே⁴கச்சோ பி⁴க்கு² ‘ஸங்கிலிட்டா²பா⁴’தி
ப²ரித்வா அதி⁴முச்சித்வா விஹரதி, தஸ்ஸ காயது³ட்டு²ல்லம்பி ந
ஸுப்படிப்பஸ்ஸத்³த⁴ங் ஹோதி, தி²னமித்³த⁴ம்பி ந ஸுஸமூஹதங் ஹோதி ,
உத்³த⁴ச்சகுக்குச்சம்பி ந ஸுப்படிவினீதங் ஹோதி. ஸோ காயது³ட்டு²ல்லஸ்ஸபி ந
ஸுப்படிப்பஸ்ஸத்³த⁴த்தா தி²னமித்³த⁴ஸ்ஸபி ந ஸுஸமூஹதத்தா
உத்³த⁴ச்சகுக்குச்சஸ்ஸபி ந ஸுப்படிவினீதத்தா அந்த⁴ந்த⁴ங் விய ஜா²யதி. ஸோ
காயஸ்ஸ பே⁴தா³ பரங் மரணா ஸங்கிலிட்டா²பா⁴னங் தே³வானங் ஸஹப்³யதங் உபபஜ்ஜதி.
ஸெய்யதா²பி, ஆவுஸோ கச்சான, தேலப்பதீ³பஸ்ஸ ஜா²யதோ தேலம்பி பரிஸுத்³த⁴ங்
வட்டிபி பரிஸுத்³தா⁴. ஸோ தேலஸ்ஸபி பரிஸுத்³த⁴த்தா வட்டியாபி பரிஸுத்³த⁴த்தா
ந அந்த⁴ந்த⁴ங் விய ஜா²யதி; ஏவமேவ கோ², ஆவுஸோ கச்சான, இதே⁴கச்சோ பி⁴க்கு²
‘பரிஸுத்³தா⁴பா⁴’தி ப²ரித்வா அதி⁴முச்சித்வா விஹரதி. தஸ்ஸ
காயது³ட்டு²ல்லம்பி ஸுப்படிப்பஸ்ஸத்³த⁴ங் ஹோதி, தி²னமித்³த⁴ம்பி ஸுஸமூஹதங்
ஹோதி, உத்³த⁴ச்சகுக்குச்சம்பி ஸுப்படிவினீதங் ஹோதி.
ஸோ காயது³ட்டு²ல்லஸ்ஸபி ஸுப்படிப்பஸ்ஸத்³த⁴த்தா தி²னமித்³த⁴ஸ்ஸபி
ஸுஸமூஹதத்தா உத்³த⁴ச்சகுக்குச்சஸ்ஸபி ஸுப்படிவினீதத்தா ந அந்த⁴ந்த⁴ங் விய
ஜா²யதி. ஸோ காயஸ்ஸ பே⁴தா³ பரங் மரணா பரிஸுத்³தா⁴பா⁴னங் தே³வானங் ஸஹப்³யதங்
உபபஜ்ஜதி. அயங் கோ², ஆவுஸோ கச்சான, ஹேது அயங்
பச்சயோ யேன தாஸங் தே³வதானங் ஏகங் தே³வனிகாயங் உபபன்னானங் ஸந்தெத்த² ஏகச்சா
தே³வதா ஸங்கிலிட்டா²பா⁴, ஸந்தி பனெத்த² ஏகச்சா தே³வதா பரிஸுத்³தா⁴பா⁴’’தி.

235.
ஏவங் வுத்தே, ஆயஸ்மா ஸபி⁴யோ கச்சானோ ஆயஸ்மந்தங் அனுருத்³த⁴ங் ஏதத³வோச –
‘‘ஸாது⁴, ப⁴ந்தே அனுருத்³த⁴! ந, ப⁴ந்தே, ஆயஸ்மா அனுருத்³தோ⁴ ஏவமாஹ – ‘ஏவங்
மே ஸுத’ந்தி வா ‘ஏவங் அரஹதி ப⁴விது’ந்தி வா; அத² ச பன, ப⁴ந்தே, ஆயஸ்மா
அனுருத்³தோ⁴ ‘ஏவம்பி தா தே³வதா , இதிபி தா
தே³வதா’த்வேவ பா⁴ஸதி. தஸ்ஸ மய்ஹங், ப⁴ந்தே, ஏவங் ஹோதி – ‘அத்³தா⁴ ஆயஸ்மதா
அனுருத்³தே⁴ன தாஹி தே³வதாஹி ஸத்³தி⁴ங் ஸன்னிவுத்த²புப்³ப³ஞ்சேவ
ஸல்லபிதபுப்³ப³ஞ்ச ஸாகச்சா² ச ஸமாபஜ்ஜிதபுப்³பா³’’’தி. ‘‘அத்³தா⁴ கோ² அயங்,
ஆவுஸோ கச்சான, ஆஸஜ்ஜ உபனீய வாசா பா⁴ஸிதா, அபி ச தே அஹங் ப்³யாகரிஸ்ஸாமி –
‘தீ³க⁴ரத்தங் கோ² மே, ஆவுஸோ கச்சான, தாஹி தே³வதாஹி ஸத்³தி⁴ங் ஸன்னிவுத்த²புப்³ப³ஞ்சேவ ஸல்லபிதபுப்³ப³ஞ்ச ஸாகச்சா² ச ஸமாபஜ்ஜிதபுப்³பா³’’’தி.

ஏவங் வுத்தே, ஆயஸ்மா ஸபி⁴யோ கச்சானோ பஞ்சகங்க³ங்
த²பதிங் ஏதத³வோச – ‘‘லாபா⁴ தே, க³ஹபதி, ஸுலத்³த⁴ங் தே, க³ஹபதி, யங்
த்வஞ்சேவ தங் கங்கா²த⁴ம்மங் பஹாஸி [பஜஹஸி (க॰)], மயஞ்சிமங் [யம்பிமங் (ஸீ॰ ஸ்யா॰ கங்॰ பீ॰)] த⁴ம்மபரியாயங் அலத்த²ம்ஹா ஸவனாயா’’தி.

அனுருத்³த⁴ஸுத்தங் நிட்டி²தங் ஸத்தமங்.

8. உபக்கிலேஸஸுத்தங்

236. ஏவங்
மே ஸுதங் – ஏகங் ஸமயங் ப⁴க³வா கோஸம்பி³யங் விஹரதி கோ⁴ஸிதாராமே. தேன கோ² பன
ஸமயேன கோஸம்பி³யங் பி⁴க்கூ² ப⁴ண்ட³னஜாதா கலஹஜாதா விவாதா³பன்னா அஞ்ஞமஞ்ஞங்
முக²ஸத்தீஹி விதுத³ந்தா விஹரந்தி. அத² கோ² அஞ்ஞதரோ பி⁴க்கு² யேன ப⁴க³வா
தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தோ கோ² ஸோ பி⁴க்கு²
ப⁴க³வந்தங் ஏதத³வோச – ‘‘இத⁴, ப⁴ந்தே, கோஸம்பி³யங் பி⁴க்கூ² ப⁴ண்ட³னஜாதா
கலஹஜாதா விவாதா³பன்னா அஞ்ஞமஞ்ஞங் முக²ஸத்தீஹி விதுத³ந்தா விஹரந்தி. ஸாது⁴,
ப⁴ந்தே, ப⁴க³வா யேன தே பி⁴க்கூ² தேனுபஸங்கமது அனுகம்பங் உபாதா³யா’’தி.
அதி⁴வாஸேஸி ப⁴க³வா துண்ஹீபா⁴வேன. அத² கோ² ப⁴க³வா யேன தே பி⁴க்கூ²
தேனுபஸங்கமி; உபஸங்கமித்வா தே பி⁴க்கூ² ஏதத³வோச – ‘‘அலங், பி⁴க்க²வே, மா
ப⁴ண்ட³னங், மா கலஹங், மா விக்³க³ஹங், மா விவாத³’’ந்தி.

ஏவங் வுத்தே, அஞ்ஞதரோ பி⁴க்கு² ப⁴க³வந்தங் ஏதத³வோச –
‘‘ஆக³மேது, ப⁴ந்தே! ப⁴க³வா த⁴ம்மஸ்ஸாமீ; அப்பொஸ்ஸுக்கோ, ப⁴ந்தே, ப⁴க³வா
தி³ட்ட²த⁴ம்மஸுக²விஹாரங் அனுயுத்தோ விஹரது; மயமேதேன ப⁴ண்ட³னேன கலஹேன
விக்³க³ஹேன விவாதே³ன பஞ்ஞாயிஸ்ஸாமா’’தி. து³தியம்பி கோ² ப⁴க³வா தே பி⁴க்கூ²
ஏதத³வோச – ‘‘அலங், பி⁴க்க²வே, மா ப⁴ண்ட³னங், மா கலஹங், மா விக்³க³ஹங், மா
விவாத³’’ந்தி. து³தியம்பி கோ² ஸோ பி⁴க்கு²
ப⁴க³வந்தங் ஏதத³வோச – ‘‘ஆக³மேது, ப⁴ந்தே! ப⁴க³வா த⁴ம்மஸ்ஸாமீ;
அப்பொஸ்ஸுக்கோ, ப⁴ந்தே, ப⁴க³வா தி³ட்ட²த⁴ம்மஸுக²விஹாரங் அனுயுத்தோ விஹரது;
மயமேதேன ப⁴ண்ட³னேன கலஹேன விக்³க³ஹேன விவாதே³ன பஞ்ஞாயிஸ்ஸாமா’’தி. ததியம்பி
கோ² ப⁴க³வா தே பி⁴க்கூ² ஏதத³வோச – ‘‘அலங், பி⁴க்க²வே, மா ப⁴ண்ட³னங், மா
கலஹங், மா விக்³க³ஹங், மா விவாத³’’ந்தி. ததியம்பி கோ² ஸோ பி⁴க்கு²
ப⁴க³வந்தங் ஏதத³வோச – ‘‘ஆக³மேது, ப⁴ந்தே, ப⁴க³வா த⁴ம்மஸ்ஸாமீ;
அப்பொஸ்ஸுக்கோ, ப⁴ந்தே, ப⁴க³வா தி³ட்ட²த⁴ம்மஸுக²விஹாரங் அனுயுத்தோ விஹரது;
மயமேதேன ப⁴ண்ட³னேன கலஹேன விக்³க³ஹேன விவாதே³ன பஞ்ஞாயிஸ்ஸாமா’’தி.

அத² கோ² ப⁴க³வா
புப்³ப³ண்ஹஸமயங் நிவாஸெத்வா பத்தசீவரமாதா³ய கோஸம்பி³ங் பிண்டா³ய பாவிஸி.
கோஸம்பி³யங் பிண்டா³ய சரித்வா பச்சா²ப⁴த்தங் பிண்ட³பாதபடிக்கந்தோ ஸேனாஸனங்
ஸங்ஸாமெத்வா பத்தசீவரமாதா³ய டி²தகோவ இமா கா³தா² அபா⁴ஸி –

237.

‘‘புது²ஸத்³தோ³ ஸமஜனோ, ந பா³லோ கோசி மஞ்ஞத²;

ஸங்க⁴ஸ்மிங் பி⁴ஜ்ஜமானஸ்மிங், நாஞ்ஞங் பி⁴ய்யோ அமஞ்ஞருங்.

‘‘பரிமுட்டா² பண்டி³தாபா⁴ஸா, வாசாகோ³சரபா⁴ணினோ;

யாவிச்ச²ந்தி முகா²யாமங், யேன நீதா ந தங் விதூ³.

‘‘அக்கொச்சி² மங் அவதி⁴ மங், அஜினி மங் அஹாஸி மே;

யே ச தங் உபனய்ஹந்தி, வேரங் தேஸங் ந ஸம்மதி.

‘‘அக்கொச்சி² மங் அவதி⁴ மங், அஜினி மங் அஹாஸி மே;

யே ச தங் நுபனய்ஹந்தி, வேரங் தேஸூபஸம்மதி.

‘‘ந ஹி வேரேன வேரானி, ஸம்மந்தீத⁴ குதா³சனங்;

அவேரேன ச ஸம்மந்தி, ஏஸ த⁴ம்மோ ஸனந்தனோ.

‘‘பரே ச ந விஜானந்தி, மயமெத்த² யமாமஸே;

யே ச தத்த² விஜானந்தி, ததோ ஸம்மந்தி மேத⁴கா³.

‘‘அட்டி²ச்சி²ன்னா பாணஹரா, க³வஸ்ஸத⁴னஹாரினோ;

ரட்ட²ங் விலும்பமானானங், தேஸம்பி ஹோதி ஸங்க³தி;

கஸ்மா தும்ஹாகங் நோ ஸியா.

‘‘ஸசே லபே⁴த² நிபகங் ஸஹாயங்,

ஸத்³தி⁴ங் சரங் ஸாது⁴விஹாரி தீ⁴ரங்;

அபி⁴பு⁴ய்ய ஸப்³பா³னி பரிஸ்ஸயானி,

சரெய்ய தேனத்தமனோ ஸதீமா.

‘‘நோ சே லபே⁴த² நிபகங் ஸஹாயங்,

ஸத்³தி⁴ங் சரங் ஸாது⁴விஹாரி தீ⁴ரங்;

ராஜாவ ரட்ட²ங் விஜிதங் பஹாய,

ஏகோ சரே மாதங்க³ரஞ்ஞேவ நாகோ³.

‘‘ஏகஸ்ஸ சரிதங் ஸெய்யோ, நத்தி² பா³லே ஸஹாயதா;

ஏகோ சரே ந ச பாபானி கயிரா,

அப்பொஸ்ஸுக்கோ மாதங்க³ரஞ்ஞேவ நாகோ³’’தி.

238. அத² கோ² ப⁴க³வா டி²தகோவ இமா கா³தா² பா⁴ஸித்வா யேன பா³லகலோணகாரகா³மோ [பா³லகலோணககா³மோ (க॰), ததா² வினயேபி] தேனுபஸங்கமி. தேன கோ² பன ஸமயேன
ஆயஸ்மா ப⁴கு³ பா³லகலோணகாரகா³மே விஹரதி. அத்³த³ஸா கோ² ஆயஸ்மா ப⁴கு³
ப⁴க³வந்தங் தூ³ரதோவ ஆக³ச்ச²ந்தங். தி³ஸ்வான ஆஸனங் பஞ்ஞபேஸி உத³கஞ்ச
பாதா³னங் தோ⁴வனங் [உத³கஞ்ச பாதா³னங் (ஸீ॰ ஸ்யா॰ கங்॰ பீ॰)].
நிஸீதி³ ப⁴க³வா பஞ்ஞத்தே ஆஸனே. நிஸஜ்ஜ பாதே³ பக்கா²லேஸி. ஆயஸ்மாபி கோ²
ப⁴கு³ ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னங் கோ²
ஆயஸ்மந்தங் ப⁴கு³ங் ப⁴க³வா ஏதத³வோச – ‘‘கச்சி, பி⁴க்கு², க²மனீயங், கச்சி
யாபனீயங், கச்சி பிண்ட³கேன ந கிலமஸீ’’தி? ‘‘க²மனீயங் ப⁴க³வா, யாபனீயங்
ப⁴க³வா, ந சாஹங், ப⁴ந்தே, பிண்ட³கேன கிலமாமீ’’தி. அத² கோ² ப⁴க³வா
ஆயஸ்மந்தங் ப⁴கு³ங் த⁴ம்மியா கதா²ய ஸந்த³ஸ்ஸெத்வா ஸமாத³பெத்வா
ஸமுத்தேஜெத்வா ஸம்பஹங்ஸெத்வா உட்டா²யாஸனா யேன பாசீனவங்ஸதா³யோ தேனுபஸங்கமி.

தேன கோ² பன ஸமயேன ஆயஸ்மா ச அனுருத்³தோ⁴ ஆயஸ்மா ச நந்தி³யோ [ப⁴த்³தி³யோ (ம॰ நி॰ 2.166 நளகபானே] ஆயஸ்மா ச கிமிலோ [கிம்பி³லோ (ஸீ॰ ஸ்யா॰ கங்॰ பீ॰)]
பாசீனவங்ஸதா³யே விஹரந்தி. அத்³த³ஸா கோ² தா³யபாலோ ப⁴க³வந்தங் தூ³ரதோவ
ஆக³ச்ச²ந்தங். தி³ஸ்வான ப⁴க³வந்தங் ஏதத³வோச – ‘‘மா, மஹாஸமண, ஏதங் தா³யங்
பாவிஸி. ஸந்தெத்த² தயோ குலபுத்தா அத்தகாமரூபா
விஹரந்தி. மா தேஸங் அபா²ஸுமகாஸீ’’தி. அஸ்ஸோஸி கோ² ஆயஸ்மா அனுருத்³தோ⁴
தா³யபாலஸ்ஸ ப⁴க³வதா ஸத்³தி⁴ங் மந்தயமானஸ்ஸ. ஸுத்வான தா³யபாலங் ஏதத³வோச –
‘‘மா, ஆவுஸோ தா³யபால, ப⁴க³வந்தங் வாரேஸி. ஸத்தா² நோ ப⁴க³வா அனுப்பத்தோ’’தி.

239. அத²
கோ² ஆயஸ்மா அனுருத்³தோ⁴ யேனாயஸ்மா ச நந்தி³யோ யேனாயஸ்மா ச கிமிலோ
தேனுபஸங்கமி; உபஸங்கமித்வா ஆயஸ்மந்தஞ்ச நந்தி³யங் ஆயஸ்மந்தஞ்ச கிமிலங்
ஏதத³வோச – ‘‘அபி⁴க்கமதா²யஸ்மந்தோ, அபி⁴க்கமதா²யஸ்மந்தோ, ஸத்தா² நோ ப⁴க³வா
அனுப்பத்தோ’’தி. அத² கோ² ஆயஸ்மா ச அனுருத்³தோ⁴ ஆயஸ்மா ச நந்தி³யோ ஆயஸ்மா ச
கிமிலோ ப⁴க³வந்தங் பச்சுக்³க³ந்த்வா ஏகோ ப⁴க³வதோ பத்தசீவரங் படிக்³க³ஹேஸி,
ஏகோ ஆஸனங் பஞ்ஞபேஸி, ஏகோ பாதோ³த³கங் உபட்ட²பேஸி. நிஸீதி³ ப⁴க³வா பஞ்ஞத்தே
ஆஸனே. நிஸஜ்ஜ பாதே³ பக்கா²லேஸி. தேபி கோ² ஆயஸ்மந்தோ ப⁴க³வந்தங்
அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங் நிஸின்னங் கோ² ஆயஸ்மந்தங்
அனுருத்³த⁴ங் ப⁴க³வா ஏதத³வோச – ‘‘கச்சி வோ, அனுருத்³தா⁴, க²மனீயங், கச்சி
யாபனீயங், கச்சி பிண்ட³கேன ந கிலமதா²’’தி? ‘‘க²மனீயங்
ப⁴க³வா, யாபனீயங் ப⁴க³வா, ந ச மயங், ப⁴ந்தே, பிண்ட³கேன கிலமாமா’’தி.
‘‘கச்சி பன வோ, அனுருத்³தா⁴, ஸமக்³கா³ ஸம்மோத³மானா அவிவத³மானா
கீ²ரோத³கீபூ⁴தா அஞ்ஞமஞ்ஞங் பியசக்கூ²ஹி ஸம்பஸ்ஸந்தா விஹரதா²’’தி? ‘‘தக்³க⁴
மயங், ப⁴ந்தே, ஸமக்³கா³ ஸம்மோத³மானா அவிவத³மானா கீ²ரோத³கீபூ⁴தா அஞ்ஞமஞ்ஞங்
பியசக்கூ²ஹி ஸம்பஸ்ஸந்தா விஹராமா’’தி. ‘‘யதா² கத²ங் பன தும்ஹே,
அனுருத்³தா⁴, ஸமக்³கா³ ஸம்மோத³மானா அவிவத³மானா கீ²ரோத³கீபூ⁴தா அஞ்ஞமஞ்ஞங்
பியசக்கூ²ஹி ஸம்பஸ்ஸந்தா விஹரதா²’’தி? ‘‘இத⁴ மய்ஹங், ப⁴ந்தே, ஏவங் ஹோதி –
‘லாபா⁴ வத மே, ஸுலத்³த⁴ங் வத மே யோஹங் ஏவரூபேஹி
ஸப்³ரஹ்மசாரீஹி ஸத்³தி⁴ங் விஹராமீ’தி. தஸ்ஸ மய்ஹங், ப⁴ந்தே, இமேஸு
ஆயஸ்மந்தேஸு மெத்தங் காயகம்மங் பச்சுபட்டி²தங் ஆவி சேவ ரஹோ ச, மெத்தங்
வசீகம்மங் பச்சுபட்டி²தங் ஆவி சேவ ரஹோ ச, மெத்தங் மனோகம்மங் பச்சுபட்டி²தங்
ஆவி சேவ ரஹோ ச. தஸ்ஸ, மய்ஹங், ப⁴ந்தே, ஏவங் ஹோதி – ‘யங்னூனாஹங் ஸகங்
சித்தங் நிக்கி²பித்வா இமேஸங்யேவ ஆயஸ்மந்தானங் சித்தஸ்ஸ வஸேன
வத்தெய்ய’ந்தி. ஸோ கோ² அஹங், ப⁴ந்தே, ஸகங் சித்தங் நிக்கி²பித்வா இமேஸங்யேவ
ஆயஸ்மந்தானங் சித்தஸ்ஸ வஸேன வத்தாமி. நானா ஹி கோ² நோ, ப⁴ந்தே, காயா, ஏகஞ்ச
பன மஞ்ஞே சித்த’’ந்தி.

ஆயஸ்மாபி கோ² நந்தி³யோ…பே॰… ஆயஸ்மாபி கோ² கிமிலோ
ப⁴க³வந்தங் ஏதத³வோச – ‘‘மய்ஹம்பி கோ², ப⁴ந்தே, ஏவங் ஹோதி – ‘லாபா⁴ வத மே,
ஸுலத்³த⁴ங் வத மே யோஹங் ஏவரூபேஹி ஸப்³ரஹ்மசாரீஹி
ஸத்³தி⁴ங் விஹராமீ’தி. தஸ்ஸ மய்ஹங், ப⁴ந்தே, இமேஸு ஆயஸ்மந்தேஸு மெத்தங்
காயகம்மங் பச்சுபட்டி²தங் ஆவி சேவ ரஹோ ச, மெத்தங் வசீகம்மங் பச்சுபட்டி²தங்
ஆவி சேவ ரஹோ ச, மெத்தங் மனோகம்மங் பச்சுபட்டி²தங்
ஆவி சேவ ரஹோ ச. தஸ்ஸ மய்ஹங், ப⁴ந்தே, ஏவங் ஹோதி – ‘யங்னூனாஹங் ஸகங் சித்தங்
நிக்கி²பித்வா இமேஸங்யேவ ஆயஸ்மந்தானங் சித்தஸ்ஸ வஸேன வத்தெய்ய’ந்தி. ஸோ
கோ² அஹங், ப⁴ந்தே, ஸகங் சித்தங் நிக்கி²பித்வா இமேஸங்யேவ ஆயஸ்மந்தானங்
சித்தஸ்ஸ வஸேன வத்தாமி. நானா ஹி கோ² நோ, ப⁴ந்தே, காயா, ஏகஞ்ச பன மஞ்ஞே
சித்தந்தி. ஏவங் கோ² மயங், ப⁴ந்தே, ஸமக்³கா³ ஸம்மோத³மானா அவிவத³மானா
கீ²ரோத³கீபூ⁴தா அஞ்ஞமஞ்ஞங் பியசக்கூ²ஹி ஸம்பஸ்ஸந்தா விஹராமா’’தி.

240. ‘‘ஸாது⁴, ஸாது⁴, அனுருத்³தா⁴! கச்சி பன வோ, அனுருத்³தா⁴, அப்பமத்தா ஆதாபினோ பஹிதத்தா விஹரதா²’’தி? ‘‘தக்³க⁴
மயங், ப⁴ந்தே, அப்பமத்தா ஆதாபினோ பஹிதத்தா விஹராமா’’தி. ‘‘யதா² கத²ங் பன
தும்ஹே, அனுருத்³தா⁴, அப்பமத்தா ஆதாபினோ பஹிதத்தா விஹரதா²’’தி? ‘‘இத⁴,
ப⁴ந்தே, அம்ஹாகங் யோ பட²மங் கா³மதோ பிண்டா³ய படிக்கமதி, ஸோ ஆஸனானி
பஞ்ஞபேதி, பானீயங் பரிபோ⁴ஜனீயங் உபட்டா²பேதி, அவக்காரபாதிங் உபட்டா²பேதி.
யோ பச்சா² கா³மதோ பிண்டா³ய படிக்கமதி – ஸசே ஹோதி பு⁴த்தாவஸேஸோ, ஸசே
ஆகங்க²தி, பு⁴ஞ்ஜதி; நோ சே ஆகங்க²தி, அப்பஹரிதே வா ச²ட்³டே³தி அபாணகே வா
உத³கே ஓபிலாபேதி – ஸோ ஆஸனானி படிஸாமேதி, பானீயங் பரிபோ⁴ஜனீயங் படிஸாமேதி,
அவக்காரபாதிங் தோ⁴வித்வா படிஸாமேதி, ப⁴த்தக்³க³ங் ஸம்மஜ்ஜதி. யோ பஸ்ஸதி
பானீயக⁴டங் வா பரிபோ⁴ஜனீயக⁴டங் வா வச்சக⁴டங் வா ரித்தங் துச்ச²ங் ஸோ
உபட்டா²பேதி. ஸசஸ்ஸ ஹோதி அவிஸய்ஹங், ஹத்த²விகாரேன து³தியங் ஆமந்தெத்வா
ஹத்த²விலங்க⁴கேன உபட்டா²பேம [உபட்ட²பேதி (ஸீ॰)],
ந த்வேவ மயங், ப⁴ந்தே, தப்பச்சயா வாசங் பி⁴ந்தா³ம. பஞ்சாஹிகங் கோ² பன
மயங், ப⁴ந்தே, ஸப்³ப³ரத்திங் த⁴ம்மியா கதா²ய ஸன்னிஸீதா³ம. ஏவங் கோ² மயங்,
ப⁴ந்தே, அப்பமத்தா ஆதாபினோ பஹிதத்தா விஹராமா’’தி.

241.
‘‘ஸாது⁴, ஸாது⁴, அனுருத்³தா⁴! அத்தி² பன வோ, அனுருத்³தா⁴, ஏவங்
அப்பமத்தானங் ஆதாபீனங் பஹிதத்தானங் விஹரதங் உத்தரிமனுஸ்ஸத⁴ம்மா
அலமரியஞாணத³ஸ்ஸனவிஸேஸோ அதி⁴க³தோ பா²ஸுவிஹாரோ’’தி?
‘‘இத⁴ மயங், ப⁴ந்தே, அப்பமத்தா ஆதாபினோ பஹிதத்தா விஹரந்தா ஓபா⁴ஸஞ்சேவ
ஸஞ்ஜானாம த³ஸ்ஸனஞ்ச ரூபானங். ஸோ கோ² பன நோ ஓபா⁴ஸோ நசிரஸ்ஸேவ அந்தரதா⁴யதி
த³ஸ்ஸனஞ்ச ரூபானங்; தஞ்ச நிமித்தங் நப்படிவிஜ்ஜா²மா’’தி.

‘‘தங்
கோ² பன வோ, அனுருத்³தா⁴, நிமித்தங் படிவிஜ்ஜி²தப்³ப³ங். அஹம்பி ஸுத³ங்,
அனுருத்³தா⁴, புப்³பே³வ ஸம்போ³தா⁴ அனபி⁴ஸம்பு³த்³தோ⁴ போ³தி⁴ஸத்தோவ ஸமானோ
ஓபா⁴ஸஞ்சேவ ஸஞ்ஜானாமி த³ஸ்ஸனஞ்ச ரூபானங். ஸோ கோ² பன மே ஓபா⁴ஸோ நசிரஸ்ஸேவ
அந்தரதா⁴யதி த³ஸ்ஸனஞ்ச ரூபானங். தஸ்ஸ மய்ஹங், அனுருத்³தா⁴, ஏதத³ஹோஸி – ‘கோ
நு கோ² ஹேது கோ பச்சயோ யேன மே ஓபா⁴ஸோ அந்தரதா⁴யதி த³ஸ்ஸனஞ்ச ரூபான’ந்தி?
தஸ்ஸ மய்ஹங், அனுருத்³தா⁴, ஏதத³ஹோஸி – ‘விசிகிச்சா² கோ² மே உத³பாதி³,
விசிகிச்சா²தி⁴கரணஞ்ச பன மே ஸமாதி⁴ சவி. ஸமாதி⁴ம்ஹி சுதே ஓபா⁴ஸோ
அந்தரதா⁴யதி த³ஸ்ஸனஞ்ச ரூபானங். ஸோஹங் ததா² கரிஸ்ஸாமி யதா² மே புன ந
விசிகிச்சா² உப்பஜ்ஜிஸ்ஸதீ’’’தி.

‘‘ஸோ கோ² அஹங், அனுருத்³தா⁴, அப்பமத்தோ ஆதாபீ பஹிதத்தோ
விஹரந்தோ ஓபா⁴ஸஞ்சேவ ஸஞ்ஜானாமி த³ஸ்ஸனஞ்ச ரூபானங். ஸோ கோ² பன மே ஓபா⁴ஸோ
நசிரஸ்ஸேவ அந்தரதா⁴யதி த³ஸ்ஸனஞ்ச ரூபானங். தஸ்ஸ மய்ஹங், அனுருத்³தா⁴,
ஏதத³ஹோஸி – ‘கோ நு கோ² ஹேது கோ பச்சயோ யேன மே ஓபா⁴ஸோ அந்தரதா⁴யதி த³ஸ்ஸனஞ்ச
ரூபான’ந்தி? தஸ்ஸ மய்ஹங், அனுருத்³தா⁴, ஏதத³ஹோஸி – ‘அமனஸிகாரோ கோ² மே
உத³பாதி³, அமனஸிகாராதி⁴கரணஞ்ச பன மே ஸமாதி⁴ சவி. ஸமாதி⁴ம்ஹி சுதே ஓபா⁴ஸோ அந்தரதா⁴யதி த³ஸ்ஸனஞ்ச ரூபானங். ஸோஹங் ததா² கரிஸ்ஸாமி யதா² மே புன ந விசிகிச்சா² உப்பஜ்ஜிஸ்ஸதி ந அமனஸிகாரோ’’’தி.

‘‘ஸோ கோ² அஹங், அனுருத்³தா⁴…பே॰… தஸ்ஸ மய்ஹங்,
அனுருத்³தா⁴, ஏதத³ஹோஸி – ‘தி²னமித்³த⁴ங் கோ² மே உத³பாதி³,
தி²னமித்³தா⁴தி⁴கரணஞ்ச பன மே ஸமாதி⁴ சவி. ஸமாதி⁴ம்ஹி சுதே ஓபா⁴ஸோ
அந்தரதா⁴யதி த³ஸ்ஸனஞ்ச ரூபானங். ஸோஹங் ததா² கரிஸ்ஸாமி யதா² மே புன ந
விசிகிச்சா² உப்பஜ்ஜிஸ்ஸதி ந அமனஸிகாரோ ந தி²னமித்³த⁴’’’ந்தி.

‘‘ஸோ கோ² அஹங், அனுருத்³தா⁴…பே॰… தஸ்ஸ மய்ஹங்,
அனுருத்³தா⁴, ஏதத³ஹோஸி – ‘ச²ம்பி⁴தத்தங் கோ² மே உத³பாதி³,
ச²ம்பி⁴தத்தாதி⁴கரணஞ்ச பன மே ஸமாதி⁴ சவி. ஸமாதி⁴ம்ஹி சுதே ஓபா⁴ஸோ
அந்தரதா⁴யதி த³ஸ்ஸனஞ்ச ரூபானங். ஸெய்யதா²பி, அனுருத்³தா⁴, புரிஸோ
அத்³தா⁴னமக்³க³ப்படிபன்னோ, தஸ்ஸ உப⁴தோபஸ்ஸே வட்டகா [வத⁴கா (ஸீ॰ ஸ்யா॰ கங்॰ பீ॰)]
உப்பதெய்யுங், தஸ்ஸ ததோனிதா³னங் ச²ம்பி⁴தத்தங் உப்பஜ்ஜெய்ய; ஏவமேவ கோ² மே,
அனுருத்³தா⁴, ச²ம்பி⁴தத்தங் உத³பாதி³, ச²ம்பி⁴தத்தாதி⁴கரணஞ்ச பன மே ஸமாதி⁴
சவி. ஸமாதி⁴ம்ஹி சுதே ஓபா⁴ஸோ அந்தரதா⁴யதி த³ஸ்ஸனஞ்ச ரூபானங். ஸோஹங் ததா² கரிஸ்ஸாமி யதா² மே புன ந விசிகிச்சா² உப்பஜ்ஜிஸ்ஸதி ந அமனஸிகாரோ ந தி²னமித்³த⁴ங் ந ச²ம்பி⁴தத்த’’’ந்தி.

‘‘ஸோ கோ² அஹங், அனுருத்³தா⁴…பே॰… தஸ்ஸ மய்ஹங், அனுருத்³தா⁴, ஏதத³ஹோஸி – ‘உப்பிலங் [உப்³பி³ல்லங் (ஸீ॰ பீ॰), உப்³பி³லங் (ஸ்யா॰ கங்॰)] கோ² மே உத³பாதி³, உப்பிலாதி⁴கரணஞ்ச பன மே ஸமாதி⁴ சவி. ஸமாதி⁴ம்ஹி சுதே ஓபா⁴ஸோ அந்தரதா⁴யதி த³ஸ்ஸனஞ்ச ரூபானங் .
ஸெய்யதா²பி, அனுருத்³தா⁴, புரிஸோ ஏகங் நிதி⁴முக²ங் க³வேஸந்தோ ஸகிதே³வ
பஞ்சனிதி⁴முகா²னி அதி⁴க³ச்செ²ய்ய, தஸ்ஸ ததோனிதா³னங் உப்பிலங் உப்பஜ்ஜெய்ய;
ஏவமேவ கோ² மே, அனுருத்³தா⁴, உப்பிலங் உத³பாதி³, உப்பிலாதி⁴கரணஞ்ச பன மே
ஸமாதி⁴ சவி. ஸமாதி⁴ம்ஹி சுதே ஓபா⁴ஸோ அந்தரதா⁴யதி த³ஸ்ஸனஞ்ச ரூபானங். ஸோஹங்
ததா² கரிஸ்ஸாமி யதா² மே புன ந விசிகிச்சா² உப்பஜ்ஜிஸ்ஸதி, ந அமனஸிகாரோ, ந
தி²னமித்³த⁴ங், ந ச²ம்பி⁴தத்தங், ந உப்பில’’’ந்தி.

‘‘ஸோ கோ² அஹங், அனுருத்³தா⁴…பே॰… தஸ்ஸ மய்ஹங்,
அனுருத்³தா⁴, ஏதத³ஹோஸி – ‘து³ட்டு²ல்லங் கோ² மே உத³பாதி³,
து³ட்டு²ல்லாதி⁴கரணஞ்ச பன மே ஸமாதி⁴ சவி. ஸமாதி⁴ம்ஹி சுதே ஓபா⁴ஸோ
அந்தரதா⁴யதி த³ஸ்ஸனஞ்ச ரூபானங். ஸோஹங் ததா² கரிஸ்ஸாமி யதா² மே புன ந
விசிகிச்சா² உப்பஜ்ஜிஸ்ஸதி, ந அமனஸிகாரோ, ந தி²னமித்³த⁴ங், ந
ச²ம்பி⁴தத்தங், ந உப்பிலங், ந து³ட்டு²ல்ல’’’ந்தி.

‘‘ஸோ கோ² அஹங், அனுருத்³தா⁴…பே॰… தஸ்ஸ மய்ஹங்,
அனுருத்³தா⁴, ஏதத³ஹோஸி – ‘அச்சாரத்³த⁴வீரியங் கோ² மே உத³பாதி³,
அச்சாரத்³த⁴வீரியாதி⁴கரணஞ்ச பன மே ஸமாதி⁴ சவி. ஸமாதி⁴ம்ஹி சுதே ஓபா⁴ஸோ
அந்தரதா⁴யதி த³ஸ்ஸனஞ்ச ரூபானங். ஸெய்யதா²பி, அனுருத்³தா⁴, புரிஸோ உபோ⁴ஹி
ஹத்தே²ஹி வட்டகங் கா³ள்ஹங் க³ண்ஹெய்ய, ஸோ தத்தே²வ பதமெய்ய [மதமெய்ய (ப³ஹூஸு) ப + தங் + எய்ய = பதமெய்ய-இதி பத³விபா⁴கோ³];
ஏவமேவ கோ² மே, அனுருத்³தா⁴, அச்சாரத்³த⁴வீரியங் உத³பாதி³,
அச்சாரத்³த⁴வீரியாதி⁴கரணஞ்ச பன மே ஸமாதி⁴ சவி. ஸமாதி⁴ம்ஹி சுதே ஓபா⁴ஸோ
அந்தரதா⁴யதி த³ஸ்ஸனஞ்ச ரூபானங். ஸோஹங் ததா²
கரிஸ்ஸாமி யதா² மே புன ந விசிகிச்சா² உப்பஜ்ஜிஸ்ஸதி, ந அமனஸிகாரோ, ந
தி²னமித்³த⁴ங், ந ச²ம்பி⁴தத்தங், ந உப்பிலங், ந து³ட்டு²ல்லங், ந
அச்சாரத்³த⁴வீரிய’’’ந்தி.

‘‘ஸோ கோ² அஹங், அனுருத்³தா⁴…பே॰… தஸ்ஸ மய்ஹங், அனுருத்³தா⁴, ஏதத³ஹோஸி – ‘அதிலீனவீரியங் கோ² மே உத³பாதி³ , அதிலீனவீரியாதி⁴கரணஞ்ச பன மே ஸமாதி⁴ சவி. ஸமாதி⁴ம்ஹி
சுதே ஓபா⁴ஸோ அந்தரதா⁴யதி த³ஸ்ஸனஞ்ச ரூபானங். ஸெய்யதா²பி, அனுருத்³தா⁴,
புரிஸோ வட்டகங் ஸிதி²லங் க³ண்ஹெய்ய, ஸோ தஸ்ஸ ஹத்த²தோ உப்பதெய்ய; ஏவமேவ கோ²
மே, அனுருத்³தா⁴, அதிலீனவீரியங் உத³பாதி³, அதிலீனவீரியாதி⁴கரணஞ்ச பன மே
ஸமாதி⁴ சவி. ஸமாதி⁴ம்ஹி சுதே ஓபா⁴ஸோ அந்தரதா⁴யதி த³ஸ்ஸனஞ்ச ரூபானங். ஸோஹங்
ததா² கரிஸ்ஸாமி யதா² மே புன ந விசிகிச்சா² உப்பஜ்ஜிஸ்ஸதி, ந அமனஸிகாரோ, ந
தி²னமித்³த⁴ங், ந ச²ம்பி⁴தத்தங், ந உப்பிலங், ந து³ட்டு²ல்லங், ந
அச்சாரத்³த⁴வீரியங், ந அதிலீனவீரிய’’’ந்தி.

‘‘ஸோ கோ² அஹங், அனுருத்³தா⁴…பே॰… தஸ்ஸ மய்ஹங்,
அனுருத்³தா⁴, ஏதத³ஹோஸி – ‘அபி⁴ஜப்பா கோ² மே உத³பாதி³, அபி⁴ஜப்பாதி⁴கரணஞ்ச
பன மே ஸமாதி⁴ சவி. ஸமாதி⁴ம்ஹி சுதே ஓபா⁴ஸோ அந்தரதா⁴யதி த³ஸ்ஸனஞ்ச ரூபானங்.
ஸோஹங் ததா² கரிஸ்ஸாமி யதா² மே புன ந விசிகிச்சா² உப்பஜ்ஜிஸ்ஸதி, ந
அமனஸிகாரோ, ந தி²னமித்³த⁴ங், ந ச²ம்பி⁴தத்தங், ந உப்பிலங், ந
து³ட்டு²ல்லங், ந அச்சாரத்³த⁴வீரியங், ந அதிலீனவீரியங், ந அபி⁴ஜப்பா’’’தி.

‘‘ஸோ கோ² அஹங்,
அனுருத்³தா⁴…பே॰… தஸ்ஸ மய்ஹங், அனுருத்³தா⁴, ஏதத³ஹோஸி – ‘நானத்தஸஞ்ஞா கோ²
மே உத³பாதி³, நானத்தஸஞ்ஞாதி⁴கரணஞ்ச பன மே ஸமாதி⁴ சவி. ஸமாதி⁴ம்ஹி சுதே
ஓபா⁴ஸோ அந்தரதா⁴யதி த³ஸ்ஸனஞ்ச ரூபானங். ஸோஹங் ததா² கரிஸ்ஸாமி யதா² மே புன ந
விசிகிச்சா² உப்பஜ்ஜிஸ்ஸதி, ந அமனஸிகாரோ, ந தி²னமித்³த⁴ங், ந
ச²ம்பி⁴தத்தங், ந உப்பிலங், ந து³ட்டு²ல்லங், ந அச்சாரத்³த⁴வீரியங், ந
அதிலீனவீரியங், ந அபி⁴ஜப்பா, ந நானத்தஸஞ்ஞா’’’தி.

‘‘ஸோ கோ² அஹங், அனுருத்³தா⁴, அப்பமத்தோ ஆதாபீ பஹிதத்தோ
விஹரந்தோ ஓபா⁴ஸஞ்சேவ ஸஞ்ஜானாமி த³ஸ்ஸனஞ்ச ரூபானங். ஸோ கோ² பன மே ஓபா⁴ஸோ
நசிரஸ்ஸேவ அந்தரதா⁴யதி த³ஸ்ஸனஞ்ச ரூபானங். தஸ்ஸ மய்ஹங் அனுருத்³தா⁴
ஏதத³ஹோஸி – ‘கோ நு கோ² ஹேது கோ பச்சயோ யேன மே ஓபா⁴ஸோ அந்தரதா⁴யதி த³ஸ்ஸனஞ்ச
ரூபான’ந்தி. தஸ்ஸ மய்ஹங், அனுருத்³தா⁴, ஏதத³ஹோஸி – ‘அதினிஜ்ஜா²யிதத்தங்
கோ² மே ரூபானங் உத³பாதி³, அதினிஜ்ஜா²யிதத்தாதி⁴கரணஞ்ச பன மே ரூபானங் ஸமாதி⁴
சவி. ஸமாதி⁴ம்ஹி சுதே ஓபா⁴ஸோ அந்தரதா⁴யதி த³ஸ்ஸனஞ்ச ரூபானங். ஸோஹங் ததா²
கரிஸ்ஸாமி யதா² மே புன ந விசிகிச்சா² உப்பஜ்ஜிஸ்ஸதி, ந அமனஸிகாரோ, ந
தி²னமித்³த⁴ங், ந ச²ம்பி⁴தத்தங், ந உப்பிலங், ந து³ட்டு²ல்லங், ந
அச்சாரத்³த⁴வீரியங், ந அதிலீனவீரியங், ந அபி⁴ஜப்பா, ந நானத்தஸஞ்ஞா, ந
அதினிஜ்ஜா²யிதத்தங் ரூபான’’’ந்தி.

242. ‘‘ஸோ கோ² அஹங், அனுருத்³தா⁴, ‘விசிகிச்சா² சித்தஸ்ஸ உபக்கிலேஸோ’தி
– இதி விதி³த்வா விசிகிச்ச²ங் சித்தஸ்ஸ உபக்கிலேஸங் பஜஹிங், ‘அமனஸிகாரோ
சித்தஸ்ஸ உபக்கிலேஸோ’தி – இதி விதி³த்வா அமனஸிகாரங் சித்தஸ்ஸ உபக்கிலேஸங்
பஜஹிங், ‘தி²னமித்³த⁴ங் சித்தஸ்ஸ உபக்கிலேஸோ’தி – இதி விதி³த்வா
தி²னமித்³த⁴ங் சித்தஸ்ஸ உபக்கிலேஸங் பஜஹிங், ‘ச²ம்பி⁴தத்தங் சித்தஸ்ஸ
உபக்கிலேஸோ’தி – இதி விதி³த்வா ச²ம்பி⁴தத்தங் சித்தஸ்ஸ உபக்கிலேஸங் பஜஹிங்,
‘உப்பிலங் சித்தஸ்ஸ உபக்கிலேஸோ’தி – இதி விதி³த்வா உப்பிலங் சித்தஸ்ஸ
உபக்கிலேஸங் பஜஹிங், ‘து³ட்டு²ல்லங் சித்தஸ்ஸ உபக்கிலேஸோ’தி – இதி
விதி³த்வா து³ட்டு²ல்லங் சித்தஸ்ஸ உபக்கிலேஸங் பஜஹிங், ‘அச்சாரத்³த⁴வீரியங்
சித்தஸ்ஸ உபக்கிலேஸோ’தி – இதி விதி³த்வா அச்சாரத்³த⁴வீரியங் சித்தஸ்ஸ
உபக்கிலேஸங் பஜஹிங், ‘அதிலீனவீரியங் சித்தஸ்ஸ உபக்கிலேஸோ’தி – இதி
விதி³த்வா அதிலீனவீரியங் சித்தஸ்ஸ உபக்கிலேஸங் பஜஹிங், ‘அபி⁴ஜப்பா சித்தஸ்ஸ
உபக்கிலேஸோ’தி – இதி விதி³த்வா அபி⁴ஜப்பங் சித்தஸ்ஸ உபக்கிலேஸங் பஜஹிங்,
‘நானத்தஸஞ்ஞா சித்தஸ்ஸ உபக்கிலேஸோ’தி – இதி விதி³த்வா நானத்தஸஞ்ஞங்
சித்தஸ்ஸ உபக்கிலேஸங் பஜஹிங், ‘அதினிஜ்ஜா²யிதத்தங் ரூபானங் சித்தஸ்ஸ உபக்கிலேஸோ’தி – இதி விதி³த்வா அதினிஜ்ஜா²யிதத்தங் ரூபானங் சித்தஸ்ஸ உபக்கிலேஸங் பஜஹிங்.

243.
‘‘ஸோ கோ² அஹங், அனுருத்³தா⁴, அப்பமத்தோ ஆதாபீ பஹிதத்தோ விஹரந்தோ ஓபா⁴ஸஞ்ஹி
கோ² ஸஞ்ஜானாமி, ந ச ரூபானி பஸ்ஸாமி; ரூபானி ஹி கோ² பஸ்ஸாமி, ந ச ஓபா⁴ஸங்
ஸஞ்ஜானாமி – ‘கேவலம்பி ரத்திங், கேவலம்பி தி³வங் [தி³வஸங் (ஸீ॰ ஸ்யா॰ கங்॰ பீ॰)], கேவலம்பி ரத்திந்தி³வங்’ [ரத்திதி³வங் (க॰)].
தஸ்ஸ மய்ஹங், அனுருத்³தா⁴, ஏதத³ஹோஸி – ‘கோ நு கோ² ஹேது கோ பச்சயோ ய்வாஹங்
ஓபா⁴ஸஞ்ஹி கோ² ஸஞ்ஜானாமி ந ச ரூபானி பஸ்ஸாமி; ரூபானி ஹி கோ² [கோ² தஸ்மிங் ஸமயே (ஸீ॰ க॰)]
பஸ்ஸாமி ந ச ஓபா⁴ஸங் ஸஞ்ஜானாமி – கேவலம்பி ரத்திங், கேவலம்பி தி³வங்,
கேவலம்பி ரத்திந்தி³வ’ந்தி. தஸ்ஸ மய்ஹங், அனுருத்³தா⁴, ஏதத³ஹோஸி
– ‘யஸ்மிஞ்ஹி கோ² அஹங் ஸமயே ரூபனிமித்தங் அமனஸிகரித்வா ஓபா⁴ஸனிமித்தங்
மனஸி கரோமி, ஓபா⁴ஸஞ்ஹி கோ² தஸ்மிங் ஸமயே ஸஞ்ஜானாமி, ந ச ரூபானி பஸ்ஸாமி.
யஸ்மிங் பனாஹங் ஸமயே ஓபா⁴ஸனிமித்தங் அமனஸிகரித்வா ரூபனிமித்தங் மனஸி கரோமி,
ரூபானி ஹி கோ² தஸ்மிங் ஸமயே பஸ்ஸாமி ந ச ஓபா⁴ஸங் ஸஞ்ஜானாமி – கேவலம்பி
ரத்திங், கேவலம்பி தி³வங், கேவலம்பி ரத்திந்தி³வ’’’ந்தி.

‘‘ஸோ கோ² அஹங், அனுருத்³தா⁴,
அப்பமத்தோ ஆதாபீ பஹிதத்தோ விஹரந்தோ பரித்தஞ்சேவ ஓபா⁴ஸங் ஸஞ்ஜானாமி,
பரித்தானி ச ரூபானி பஸ்ஸாமி; அப்பமாணஞ்சேவ ஓபா⁴ஸங் ஸஞ்ஜானாமி, அப்பமாணானி
ச ரூபானி பஸ்ஸாமி – கேவலம்பி ரத்திங், கேவலம்பி தி³வங், கேவலம்பி
ரத்திந்தி³வங். தஸ்ஸ மய்ஹங், அனுருத்³தா⁴, ஏதத³ஹோஸி – ‘கோ நு கோ² ஹேது கோ
பச்சயோ ய்வாஹங் பரித்தஞ்சேவ ஓபா⁴ஸங் ஸஞ்ஜானாமி, பரித்தானி ச ரூபானி பஸ்ஸாமி
; அப்பமாணஞ்சேவ ஓபா⁴ஸங் ஸஞ்ஜானாமி, அப்பமாணானி ச
ரூபானி பஸ்ஸாமி – கேவலம்பி ரத்திங், கேவலம்பி தி³வங், கேவலம்பி
ரத்திந்தி³வ’ந்தி. தஸ்ஸ மய்ஹங், அனுருத்³தா⁴, ஏதத³ஹோஸி – ‘யஸ்மிங் கோ² மே
ஸமயே பரித்தோ ஸமாதி⁴ ஹோதி, பரித்தங் மே தஸ்மிங் ஸமயே சக்கு² ஹோதி. ஸோஹங்
பரித்தேன சக்கு²னா பரித்தஞ்சேவ ஓபா⁴ஸங் ஸஞ்ஜானாமி, பரித்தானி ச ரூபானி
பஸ்ஸாமி. யஸ்மிங் பன மே ஸமயே அப்பமாணோ ஸமாதி⁴ ஹோதி, அப்பமாணங் மே தஸ்மிங்
ஸமயே சக்கு² ஹோதி. ஸோஹங் அப்பமாணேன சக்கு²னா அப்பமாணஞ்சேவ ஓபா⁴ஸங்
ஸஞ்ஜானாமி, அப்பமாணானி ச ரூபானி பஸ்ஸாமி – கேவலம்பி ரத்திங், கேவலம்பி
தி³வங், கேவலம்பி ரத்திந்தி³வ’’’ந்தி.

244. யதோ கோ² மே ,
அனுருத்³தா⁴, ‘விசிகிச்சா² சித்தஸ்ஸ உபக்கிலேஸோ’தி – இதி விதி³த்வா
விசிகிச்சா² சித்தஸ்ஸ உபக்கிலேஸோ பஹீனோ அஹோஸி, ‘அமனஸிகாரோ சித்தஸ்ஸ
உபக்கிலேஸோ’தி – இதி விதி³த்வா அமனஸிகாரோ சித்தஸ்ஸ உபக்கிலேஸோ பஹீனோ அஹோஸி,
‘தி²னமித்³த⁴ங் சித்தஸ்ஸ உபக்கிலேஸோ’தி – இதி விதி³த்வா தி²னமித்³த⁴ங்
சித்தஸ்ஸ உபக்கிலேஸோ பஹீனோ அஹோஸி, ‘ச²ம்பி⁴தத்தங் சித்தஸ்ஸ உபக்கிலேஸோ’தி –
இதி விதி³த்வா ச²ம்பி⁴தத்தங் சித்தஸ்ஸ உபக்கிலேஸோ பஹீனோ அஹோஸி, ‘உப்பிலங்
சித்தஸ்ஸ உபக்கிலேஸோ’தி – இதி விதி³த்வா உப்பிலங் சித்தஸ்ஸ உபக்கிலேஸோ
பஹீனோ அஹோஸி, ‘து³ட்டு²ல்லங் சித்தஸ்ஸ உபக்கிலேஸோ’தி – இதி விதி³த்வா
து³ட்டு²ல்லங் சித்தஸ்ஸ உபக்கிலேஸோ பஹீனோ அஹோஸி, ‘அச்சாரத்³த⁴வீரியங்
சித்தஸ்ஸ உபக்கிலேஸோ’தி – இதி விதி³த்வா அச்சாரத்³த⁴வீரியங் சித்தஸ்ஸ
உபக்கிலேஸோ பஹீனோ அஹோஸி, ‘அதிலீனவீரியங் சித்தஸ்ஸ உபக்கிலேஸோ’தி – இதி
விதி³த்வா அதிலீனவீரியங் சித்தஸ்ஸ உபக்கிலேஸோ பஹீனோ அஹோஸி, ‘அபி⁴ஜப்பா
சித்தஸ்ஸ உபக்கிலேஸோ’தி – இதி விதி³த்வா அபி⁴ஜப்பா சித்தஸ்ஸ உபக்கிலேஸோ
பஹீனோ அஹோஸி, ‘நானத்தஸஞ்ஞா சித்தஸ்ஸ உபக்கிலேஸோ’தி – இதி விதி³த்வா
நானத்தஸஞ்ஞா சித்தஸ்ஸ உபக்கிலேஸோ பஹீனோ அஹோஸி, ‘அதினிஜ்ஜா²யிதத்தங் ரூபானங்
சித்தஸ்ஸ உபக்கிலேஸோ’தி – இதி விதி³த்வா அதினிஜ்ஜா²யிதத்தங் ரூபானங் சித்தஸ்ஸ உபக்கிலேஸோ பஹீனோ அஹோஸி.

245. ‘‘தஸ்ஸ மய்ஹங், அனுருத்³தா⁴, ஏதத³ஹோஸி – ‘யே கோ² மே சித்தஸ்ஸ உபக்கிலேஸா தே மே பஹீனா. ஹந்த³, தா³னாஹங் திவிதே⁴ன ஸமாதி⁴ங் பா⁴வேமீ’தி [பா⁴வேஸிந்தி (ஸீ॰ ஸ்யா॰ கங்॰)]. ஸோ கோ² அஹங், அனுருத்³தா⁴, ஸவிதக்கம்பி ஸவிசாரங் ஸமாதி⁴ங் பா⁴வேஸிங் [பா⁴வேமி (க॰)],
அவிதக்கம்பி விசாரமத்தங் ஸமாதி⁴ங் பா⁴வேஸிங், அவிதக்கம்பி அவிசாரங்
ஸமாதி⁴ங் பா⁴வேஸிங், ஸப்பீதிகம்பி ஸமாதி⁴ங் பா⁴வேஸிங், நிப்பீதிகம்பி
ஸமாதி⁴ங் பா⁴வேஸிங், ஸாதஸஹக³தம்பி ஸமாதி⁴ங் பா⁴வேஸிங், உபெக்கா²ஸஹக³தம்பி
ஸமாதி⁴ங் பா⁴வேஸிங். யதோ கோ² மே, அனுருத்³தா⁴, ஸவிதக்கோபி ஸவிசாரோ ஸமாதி⁴
பா⁴விதோ அஹோஸி, அவிதக்கோபி விசாரமத்தோ ஸமாதி⁴ பா⁴விதோ அஹோஸி, அவிதக்கோபி
அவிசாரோ ஸமாதி⁴ பா⁴விதோ அஹோஸி, ஸப்பீதிகோபி ஸமாதி⁴ பா⁴விதோ அஹோஸி,
நிப்பீதிகோபி ஸமாதி⁴ பா⁴விதோ அஹோஸி, ஸாதஸஹக³தோபி ஸமாதி⁴ பா⁴விதோ அஹோஸி,
உபெக்கா²ஸஹக³தோபி ஸமாதி⁴ பா⁴விதோ அஹோஸி. ஞாணஞ்ச பன மே த³ஸ்ஸனங் உத³பாதி³,
அகுப்பா மே சேதோவிமுத்தி. அயமந்திமா ஜாதி, நத்தி² தா³னி புனப்³ப⁴வோ’’தி.

இத³மவோச ப⁴க³வா. அத்தமனோ ஆயஸ்மா அனுருத்³தோ⁴ ப⁴க³வதோ பா⁴ஸிதங் அபி⁴னந்தீ³தி.

உபக்கிலேஸஸுத்தங் நிட்டி²தங் அட்ட²மங்.

9. பா³லபண்டி³தஸுத்தங்

246. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘தீணிமானி, பி⁴க்க²வே, பா³லஸ்ஸ பா³லலக்க²ணானி
பா³லனிமித்தானி பா³லாபதா³னானி. கதமானி தீணி? இத⁴, பி⁴க்க²வே, பா³லோ
து³ச்சிந்திதசிந்தீ ச ஹோதி து³ப்³பா⁴ஸிதபா⁴ஸீ ச து³க்கடகம்மகாரீ ச. நோ
சேதங் [நோ சேத³ங் (ஸங்॰ நி॰ 3.27-28)], பி⁴க்க²வே, பா³லோ து³ச்சிந்திதசிந்தீ ச அப⁴விஸ்ஸ து³ப்³பா⁴ஸிதபா⁴ஸீ ச து³க்கடகம்மகாரீ ச கேன நங் [ந தேன நங் (க॰), ந நங் (?)]
பண்டி³தா ஜானெய்யுங் – ‘பா³லோ அயங் ப⁴வங் அஸப்புரிஸோ’தி? யஸ்மா ச கோ²,
பி⁴க்க²வே, பா³லோ து³ச்சிந்திதசிந்தீ ச ஹோதி து³ப்³பா⁴ஸிதபா⁴ஸீ ச
து³க்கடகம்மகாரீ ச தஸ்மா நங் பண்டி³தா ஜானந்தி – ‘பா³லோ அயங் ப⁴வங்
அஸப்புரிஸோ’தி. ஸ கோ² ஸோ, பி⁴க்க²வே, பா³லோ திவித⁴ங் தி³ட்டே²வ த⁴ம்மே
து³க்க²ங் தோ³மனஸ்ஸங் படிஸங்வேதே³தி. ஸசே, பி⁴க்க²வே, பா³லோ ஸபா⁴யங் வா
நிஸின்னோ ஹோதி, ரதி²காய [ரதி²யாய (ப³ஹூஸு)] வா
நிஸின்னோ ஹோதி, ஸிங்கா⁴டகே வா நிஸின்னோ ஹோதி; தத்ர சே ஜனோ தஜ்ஜங்
தஸ்ஸாருப்பங் கத²ங் மந்தேதி. ஸசே, பி⁴க்க²வே, பா³லோ பாணாதிபாதீ ஹோதி,
அதி³ன்னாதா³யீ ஹோதி, காமேஸுமிச்சா²சாரீ ஹோதி, முஸாவாதீ³ ஹோதி,
ஸுராமேரயமஜ்ஜபமாத³ட்டா²யீ ஹோதி, தத்ர, பி⁴க்க²வே, பா³லஸ்ஸ ஏவங் ஹோதி – ‘யங் கோ² ஜனோ தஜ்ஜங் தஸ்ஸாருப்பங் கத²ங் மந்தேதி, ஸங்விஜ்ஜந்தேவ தே [ஸங்விஜ்ஜந்தே தே ச (ஸீ॰ ஸ்யா॰ கங்॰ பீ॰)]
த⁴ம்மா மயி, அஹஞ்ச தேஸு த⁴ம்மேஸு ஸந்தி³ஸ்ஸாமீ’தி. இத³ங், பி⁴க்க²வே,
பா³லோ பட²மங் தி³ட்டே²வ த⁴ம்மே து³க்க²ங் தோ³மனஸ்ஸங் படிஸங்வேதே³தி.

247. ‘‘புன சபரங், பி⁴க்க²வே, பா³லோ பஸ்ஸதி ராஜானோ சோரங் ஆகு³சாரிங் க³ஹெத்வா விவிதா⁴ கம்மகாரணா காரெந்தே – கஸாஹிபி தாளெந்தே
வெத்தேஹிபி தாளெந்தே அத்³த⁴த³ண்ட³கேஹிபி தாளெந்தே ஹத்த²ம்பி சி²ந்த³ந்தே
பாத³ம்பி சி²ந்த³ந்தே ஹத்த²பாத³ம்பி சி²ந்த³ந்தே கண்ணம்பி சி²ந்த³ந்தே
நாஸம்பி சி²ந்த³ந்தே கண்ணனாஸம்பி சி²ந்த³ந்தே பி³லங்க³தா²லிகம்பி கரொந்தே
ஸங்க²முண்டி³கம்பி கரொந்தே ராஹுமுக²ம்பி கரொந்தே ஜோதிமாலிகம்பி கரொந்தே
ஹத்த²பஜ்ஜோதிகம்பி கரொந்தே ஏரகவத்திகம்பி கரொந்தே சீரகவாஸிகம்பி கரொந்தே
ஏணெய்யகம்பி கரொந்தே ப³ளிஸமங்ஸிகம்பி கரொந்தே கஹாபணிகம்பி கரொந்தே கா²ராபதச்சி²கம்பி [கா²ராபடிச்ச²கம்பி (க॰)] கரொந்தே பலிக⁴பரிவத்திகம்பி கரொந்தே பலாலபீட²கம்பி [பலாலபிட்ட²கம்பி (பீ॰)]
கரொந்தே தத்தேனபி தேலேன ஓஸிஞ்சந்தே ஸுனகே²ஹிபி கா²தா³பெந்தே ஜீவந்தம்பி
ஸூலே உத்தாஸெந்தே அஸினாபி ஸீஸங் சி²ந்த³ந்தே. தத்ர, பி⁴க்க²வே, பா³லஸ்ஸ
ஏவங் ஹோதி – ‘யதா²ரூபானங் கோ² பாபகானங் கம்மானங் ஹேது ராஜானோ சோரங்
ஆகு³சாரிங் க³ஹெத்வா விவிதா⁴ கம்மகாரணா காரெந்தி – கஸாஹிபி தாளெந்தி…பே॰…
அஸினாபி ஸீஸங் சி²ந்த³ந்தி; ஸங்விஜ்ஜந்தேவ தே த⁴ம்மா மயி, அஹஞ்ச தேஸு
த⁴ம்மேஸு ஸந்தி³ஸ்ஸாமி. மங் சேபி ராஜானோ [ஸசே மம்பி (க॰)] ஜானெய்யுங், மம்பி ராஜானோ க³ஹெத்வா விவிதா⁴
கம்மகாரணா காரெய்யுங் – கஸாஹிபி தாளெய்யுங்…பே॰… ஜீவந்தம்பி ஸூலே
உத்தாஸெய்யுங், அஸினாபி ஸீஸங் சி²ந்தெ³ய்யு’ந்தி. இத³ம்பி, பி⁴க்க²வே,
பா³லோ து³தியங் தி³ட்டே²வ த⁴ம்மே து³க்க²ங் தோ³மனஸ்ஸங் படிஸங்வேதே³தி.

248. ‘‘புன சபரங், பி⁴க்க²வே, பா³லங் பீட²ஸமாரூள்ஹங் வா மஞ்சஸமாரூள்ஹங் வா ச²மாயங் [ச²மாய (ஸீ॰ பீ॰)]
வா ஸேமானங், யானிஸ்ஸ புப்³பே³ பாபகானி கம்மானி கதானி காயேன து³ச்சரிதானி
வாசாய து³ச்சரிதானி மனஸா து³ச்சரிதானி தானிஸ்ஸ தம்ஹி ஸமயே ஓலம்ப³ந்தி
அஜ்ஜோ²லம்ப³ந்தி அபி⁴ப்பலம்ப³ந்தி. ஸெய்யதா²பி, பி⁴க்க²வே, மஹதங்
பப்³ப³தகூடானங் சா²யா ஸாயன்ஹஸமயங் பத²வியா ஓலம்ப³ந்தி அஜ்ஜோ²லம்ப³ந்தி
அபி⁴ப்பலம்ப³ந்தி; ஏவமேவ கோ², பி⁴க்க²வே, பா³லங் பீட²ஸமாரூள்ஹங் வா
மஞ்சஸமாரூள்ஹங் வா ச²மாயங் வா ஸேமானங், யானிஸ்ஸ புப்³பே³ பாபகானி
கம்மானி கதானி காயேன து³ச்சரிதானி வாசாய து³ச்சரிதானி மனஸா து³ச்சரிதானி
தானிஸ்ஸ தம்ஹி ஸமயே ஓலம்ப³ந்தி அஜ்ஜோ²லம்ப³ந்தி அபி⁴ப்பலம்ப³ந்தி. தத்ர,
பி⁴க்க²வே, பா³லஸ்ஸ ஏவங் ஹோதி – ‘அகதங் வத மே கல்யாணங், அகதங் குஸலங்,
அகதங் பீ⁴ருத்தாணங்; கதங் பாபங், கதங் லுத்³த³ங், கதங் கிப்³பி³ஸங். யாவதா,
போ⁴, அகதகல்யாணானங் அகதகுஸலானங் அகதபீ⁴ருத்தாணானங் கதபாபானங்
கதலுத்³தா³னங் கதகிப்³பி³ஸானங் க³தி தங் க³திங் பேச்ச க³ச்சா²மீ’தி. ஸோ
ஸோசதி கிலமதி பரிதே³வதி உரத்தாளிங் கந்த³தி ஸம்மோஹங் ஆபஜ்ஜதி. இத³ம்பி,
பி⁴க்க²வே, பா³லோ ததியங் தி³ட்டே²வ த⁴ம்மே து³க்க²ங் தோ³மனஸ்ஸங்
படிஸங்வேதே³தி.

‘‘ஸ கோ² ஸோ, பி⁴க்க²வே, பா³லோ
காயேன து³ச்சரிதங் சரித்வா வாசாய து³ச்சரிதங் சரித்வா மனஸா து³ச்சரிதங்
சரித்வா காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங்
உபபஜ்ஜதி. யங் கோ² தங், பி⁴க்க²வே, ஸம்மா வத³மானோ வதெ³ய்ய – ‘ஏகந்தங்
அனிட்ட²ங் ஏகந்தங் அகந்தங் ஏகந்தங் அமனாப’ந்தி, நிரயமேவ தங் ஸம்மா வத³மானோ
வதெ³ய்ய – ‘ஏகந்தங் அனிட்ட²ங் ஏகந்தங் அகந்தங் ஏகந்தங் அமனாப’ந்தி. யாவஞ்சித³ங், பி⁴க்க²வே, உபமாபி [உபமாஹிபி (ஸீ॰)] ந ஸுகரா யாவ து³க்கா² நிரயா’’தி.

249.
ஏவங் வுத்தே, அஞ்ஞதரோ பி⁴க்கு² ப⁴க³வந்தங் ஏதத³வோச – ‘‘ஸக்கா பன, ப⁴ந்தே,
உபமங் காது’’ந்தி? ‘‘ஸக்கா பி⁴க்கூ²’’தி ப⁴க³வா அவோச. ஸெய்யதா²பி,
பி⁴க்கு², சோரங் ஆகு³சாரிங் க³ஹெத்வா ரஞ்ஞோ த³ஸ்ஸெய்யுங் – ‘அயங் கோ²,
தே³வ, சோரோ ஆகு³சாரீ, இமஸ்ஸ யங் இச்ச²ஸி தங் த³ண்ட³ங் பணேஹீ’தி. தமேனங்
ராஜா ஏவங் வதெ³ய்ய – ‘க³ச்ச²த², போ⁴, இமங் புரிஸங் புப்³ப³ண்ஹஸமயங்
ஸத்திஸதேன ஹனதா²’தி . தமேனங் புப்³ப³ண்ஹஸமயங் ஸத்திஸதேன ஹனெய்யுங். அத² ராஜா மஜ்ஜ²ன்ஹிகஸமயங் [மஜ்ஜ²ந்திகஸமயங் (ஸீ॰ ஸ்யா॰ கங்॰ க॰), மஜ்ஜ²ந்திகங் ஸமயங் (பீ॰)]
ஏவங் வதெ³ய்ய – ‘அம்போ⁴, கத²ங் ஸோ புரிஸோ’தி? ‘‘‘ததே²வ, தே³வ, ஜீவதீ’தி.
தமேனங் ராஜா ஏவங் வதெ³ய்ய – ‘க³ச்ச²த², போ⁴, தங் புரிஸங் மஜ்ஜ²ன்ஹிகஸமயங்
ஸத்திஸதேன ஹனதா²’தி. தமேனங் மஜ்ஜ²ன்ஹிகஸமயங் ஸத்திஸதேன ஹனெய்யுங். அத² ராஜா
ஸாயன்ஹஸமயங் ஏவங் வதெ³ய்ய – ‘அம்போ⁴, கத²ங் ஸோ புரிஸோ’தி? ‘ததே²வ, தே³வ,
ஜீவதீ’தி. தமேனங் ராஜா ஏவங் வதெ³ய்ய – ‘க³ச்ச²த², போ⁴, தங் புரிஸங்
ஸாயன்ஹஸமயங் ஸத்திஸதேன ஹனதா²’தி. தமேனங் ஸாயன்ஹஸமயங் ஸத்திஸதேன ஹனெய்யுங். தங் கிங் மஞ்ஞத² ,
பி⁴க்க²வே, அபி நு ஸோ புரிஸோ தீஹி ஸத்திஸதேஹி ஹஞ்ஞமானோ ததோனிதா³னங்
து³க்க²ங் தோ³மனஸ்ஸங் படிஸங்வேதி³யேதா²’’தி? ‘‘ஏகிஸ்ஸாபி, ப⁴ந்தே, ஸத்தியா
ஹஞ்ஞமானோ ஸோ புரிஸோ ததோனிதா³னங் து³க்க²ங் தோ³மனஸ்ஸங் படிஸங்வேதி³யேத², கோ
பன வாதோ³ தீஹி ஸத்திஸதேஹீ’’தி?

250.
அத² கோ² ப⁴க³வா பரித்தங் பாணிமத்தங் பாஸாணங் க³ஹெத்வா பி⁴க்கூ² ஆமந்தேஸி –
‘‘தங் கிங் மஞ்ஞத², பி⁴க்க²வே, கதமோ நு கோ² மஹந்ததரோ – யோ சாயங் மயா
பரித்தோ பாணிமத்தோ பாஸாணோ க³ஹிதோ, யோ ச ஹிமவா பப்³ப³தராஜா’’தி?
‘‘அப்பமத்தகோ அயங், ப⁴ந்தே, ப⁴க³வதா பரித்தோ பாணிமத்தோ பாஸாணோ க³ஹிதோ,
ஹிமவந்தங் பப்³ப³தராஜானங் உபனிதா⁴ய ஸங்க²ம்பி ந உபேதி, கலபா⁴க³ம்பி ந
உபேதி, உபனித⁴ம்பி [உபனிதி⁴ம்பி (ஸீ॰ பீ॰)] ந
உபேதி’’. ‘‘ஏவமேவ கோ², பி⁴க்க²வே, யங் ஸோ புரிஸோ தீஹி ஸத்திஸதேஹி ஹஞ்ஞமானோ
ததோனிதா³னங் து³க்க²ங் தோ³மனஸ்ஸங் படிஸங்வேதே³தி தங் நிரயகஸ்ஸ து³க்க²ஸ்ஸ
உபனிதா⁴ய ஸங்க²ம்பி ந உபேதி, கலபா⁴க³ம்பி ந உபேதி, உபனித⁴ம்பி ந உபேதி’’.

‘‘தமேனங், பி⁴க்க²வே, நிரயபாலா பஞ்சவித⁴ப³ந்த⁴னங் நாம கம்மகாரணங் கரொந்தி – தத்தங் அயோகி²லங் [அயோகீ²லங் (ஸீ॰ ஸ்யா॰ கங்॰ பீ॰)]
ஹத்தே² க³மெந்தி, தத்தங் அயோகி²லங் து³தியே ஹத்தே² க³மெந்தி, தத்தங்
அயோகி²லங் பாதே³ க³மெந்தி, தத்தங் அயோகி²லங் து³தியே பாதே³ க³மெந்தி,
தத்தங் அயோகி²லங் மஜ்ஜே² உரஸ்மிங் க³மெந்தி. ஸோ தத்த² து³க்கா² திப்³பா³ க²ரா கடுகா வேத³னா வேதே³தி, ந ச தாவ காலங் கரோதி யாவ ந தங் பாபகம்மங் ப்³யந்தீஹோதி [ப்³யந்திஹோதி (பீ॰ க॰)]. தமேனங், பி⁴க்க²வே, நிரயபாலா ஸங்வேஸெத்வா குடா²ரீஹி [குதா⁴ரீஹி (க॰)]
தச்ச²ந்தி. ஸோ தத்த² து³க்கா² திப்³பா³…பே॰… ப்³யந்தீஹோதி. தமேனங்,
பி⁴க்க²வே, நிரயபாலா உத்³த⁴ங்பாத³ங் அதோ⁴ஸிரங் க³ஹெத்வா வாஸீஹி தச்ச²ந்தி.
ஸோ தத்த² து³க்கா² திப்³பா³…பே॰… ப்³யந்தீஹோதி.
தமேனங், பி⁴க்க²வே, நிரயபாலா ரதே² யோஜெத்வா ஆதி³த்தாய பத²வியா ஸம்பஜ்ஜலிதாய
ஸஜோதிபூ⁴தாய [ஸஞ்ஜோதிபூ⁴தாய (ஸ்யா॰ கங்॰ பீ॰)] ஸாரெந்திபி பச்சாஸாரெந்திபி .
ஸோ தத்த² து³க்கா² திப்³பா³…பே॰… ப்³யந்தீஹோதி. தமேனங், பி⁴க்க²வே,
நிரயபாலா மஹந்தங் அங்கா³ரபப்³ப³தங் ஆதி³த்தங் ஸம்பஜ்ஜலிதங் ஸஜோதிபூ⁴தங்
ஆரோபெந்திபி ஓரோபெந்திபி. ஸோ தத்த² து³க்கா² திப்³பா³ க²ரா கடுகா வேத³னா
வேதே³தி, ந ச தாவ காலங் கரோதி யாவ ந தங் பாபகம்மங் ப்³யந்தீஹோதி. தமேனங்,
பி⁴க்க²வே, நிரயபாலா உத்³த⁴ங்பாத³ங் அதோ⁴ஸிரங் க³ஹெத்வா தத்தாய
லோஹகும்பி⁴யா பக்கி²பந்தி ஆதி³த்தாய ஸம்பஜ்ஜலிதாய ஸஜோதிபூ⁴தாய. ஸோ தத்த²
பே²ணுத்³தே³ஹகங் பச்சதி. ஸோ தத்த² பே²ணுத்³தே³ஹகங் பச்சமானோ ஸகிம்பி
உத்³த⁴ங் க³ச்ச²தி, ஸகிம்பி அதோ⁴ க³ச்ச²தி, ஸகிம்பி திரியங் க³ச்ச²தி. ஸோ
தத்த² து³க்கா² திப்³பா³ க²ரா கடுகா வேத³னா வேதே³தி, ந ச தாவ காலங்கரோதி
யாவ ந தங் பாபகம்மங் ப்³யந்தீஹோதி. தமேனங், பி⁴க்க²வே, நிரயபாலா [நிரயபாலா புனப்புனங் (க॰)] மஹானிரயே பக்கி²பந்தி. ஸோ கோ² பன, பி⁴க்க²வே, மஹானிரயோ –

‘‘சதுக்கண்ணோ சதுத்³வாரோ, விப⁴த்தோ பா⁴க³ஸோ மிதோ;

அயோபாகாரபரியந்தோ, அயஸா படிகுஜ்ஜிதோ.

‘‘தஸ்ஸ அயோமயா பூ⁴மி, ஜலிதா தேஜஸா யுதா;

ஸமந்தா யோஜனஸதங், ப²ரித்வா திட்ட²தி ஸப்³ப³தா³’’.

‘‘அனேகபரியாயேனபி கோ² அஹங், பி⁴க்க²வே, நிரயகத²ங்
கதெ²ய்யங்; யாவஞ்சித³ங், பி⁴க்க²வே, ந ஸுகரா அக்கா²னேன பாபுணிதுங் யாவ
து³க்கா² நிரயா.

251.
‘‘ஸந்தி, பி⁴க்க²வே, திரச்சா²னக³தா பாணா திணப⁴க்கா². தே அல்லானிபி திணானி
ஸுக்கா²னிபி திணானி த³ந்துல்லேஹகங் கா²த³ந்தி. கதமே ச, பி⁴க்க²வே,
திரச்சா²னக³தா பாணா திணப⁴க்கா²? ஹத்தீ² அஸ்ஸா கோ³ணா க³த்³ரபா⁴ அஜா மிகா³,
யே வா பனஞ்ஞேபி கேசி திரச்சா²னக³தா பாணா
திணப⁴க்கா². ஸ கோ² ஸோ, பி⁴க்க²வே, பா³லோ இத⁴ புப்³பே³ ரஸாதோ³ இத⁴ பாபானி
கம்மானி கரித்வா காயஸ்ஸ பே⁴தா³ பரங் மரணா தேஸங் ஸத்தானங் ஸஹப்³யதங்
உபபஜ்ஜதி யே தே ஸத்தா திணப⁴க்கா².

‘‘ஸந்தி, பி⁴க்க²வே, திரச்சா²னக³தா பாணா கூ³த²ப⁴க்கா².
தே தூ³ரதோவ கூ³த²க³ந்த⁴ங் கா⁴யித்வா தா⁴வந்தி – ‘எத்த² பு⁴ஞ்ஜிஸ்ஸாம,
எத்த² பு⁴ஞ்ஜிஸ்ஸாமா’தி. ஸெய்யதா²பி நாம ப்³ராஹ்மணா
ஆஹுதிக³ந்தே⁴ன தா⁴வந்தி – ‘எத்த² பு⁴ஞ்ஜிஸ்ஸாம, எத்த² பு⁴ஞ்ஜிஸ்ஸாமா’தி;
ஏவமேவ கோ², பி⁴க்க²வே, ஸந்தி திரச்சா²னக³தா பாணா கூ³த²ப⁴க்கா², தே தூ³ரதோவ
கூ³த²க³ந்த⁴ங் கா⁴யித்வா தா⁴வந்தி – ‘எத்த²
பு⁴ஞ்ஜிஸ்ஸாம, எத்த² பு⁴ஞ்ஜிஸ்ஸாமா’தி. கதமே ச, பி⁴க்க²வே, திரச்சா²னக³தா
பாணா கூ³த²ப⁴க்கா²? குக்குடா ஸூகரா ஸோணா ஸிங்கா³லா, யே வா பனஞ்ஞேபி கேசி
திரச்சா²னக³தா பாணா கூ³த²ப⁴க்கா². ஸ கோ² ஸோ, பி⁴க்க²வே, பா³லோ இத⁴ புப்³பே³
ரஸாதோ³ இத⁴ பாபானி கம்மானி கரித்வா காயஸ்ஸ பே⁴தா³ பரங் மரணா தேஸங்
ஸத்தானங் ஸஹப்³யதங் உபபஜ்ஜதி யே தே ஸத்தா கூ³த²ப⁴க்கா².

‘‘ஸந்தி, பி⁴க்க²வே, திரச்சா²னக³தா பாணா அந்த⁴காரே ஜாயந்தி அந்த⁴காரே ஜீயந்தி [ஜிய்யந்தி (க॰)] அந்த⁴காரே மீயந்தி [மிய்யந்தி (க॰)]. கதமே ச, பி⁴க்க²வே, திரச்சா²னக³தா பாணா அந்த⁴காரே ஜாயந்தி அந்த⁴காரே ஜீயந்தி அந்த⁴காரே மீயந்தி? கீடா புளவா [படங்கா³ (ஸ்யா॰ கங்॰ க॰)]
க³ண்டு³ப்பாதா³, யே வா பனஞ்ஞேபி கேசி திரச்சா²னக³தா பாணா அந்த⁴காரே
ஜாயந்தி அந்த⁴காரே ஜீயந்தி அந்த⁴காரே மீயந்தி. ஸ கோ² ஸோ, பி⁴க்க²வே, பா³லோ
இத⁴ புப்³பே³ ரஸாதோ³, இத⁴ பாபானி கம்மானி கரித்வா காயஸ்ஸ பே⁴தா³ பரங் மரணா
தேஸங் ஸத்தானங் ஸஹப்³யதங் உபபஜ்ஜதி யே தே ஸத்தா அந்த⁴காரே ஜாயந்தி
அந்த⁴காரே ஜீயந்தி அந்த⁴காரே மீயந்தி.

‘‘ஸந்தி, பி⁴க்க²வே, திரச்சா²னக³தா பாணா உத³கஸ்மிங்
ஜாயந்தி உத³கஸ்மிங் ஜீயந்தி உத³கஸ்மிங் மீயந்தி. கதமே ச, பி⁴க்க²வே,
திரச்சா²னக³தா பாணா உத³கஸ்மிங் ஜாயந்தி உத³கஸ்மிங் ஜீயந்தி உத³கஸ்மிங்
மீயந்தி? மச்சா² கச்ச²பா ஸுஸுமாரா, யே வா பனஞ்ஞேபி கேசி திரச்சா²னக³தா பாணா
உத³கஸ்மிங் ஜாயந்தி உத³கஸ்மிங் ஜீயந்தி உத³கஸ்மிங் மீயந்தி. ஸ கோ² ஸோ,
பி⁴க்க²வே, பா³லோ இத⁴ புப்³பே³ ரஸாதோ³ இத⁴ பாபானி கம்மானி கரித்வா காயஸ்ஸ
பே⁴தா³ பரங் மரணா தேஸங் ஸத்தானங் ஸஹப்³யதங் உபபஜ்ஜதி யே தே ஸத்தா
உத³கஸ்மிங் ஜாயந்தி உத³கஸ்மிங் ஜீயந்தி உத³கஸ்மிங் மீயந்தி.

‘‘ஸந்தி , பி⁴க்க²வே, திரச்சா²னக³தா பாணா அஸுசிஸ்மிங் ஜாயந்தி அஸுசிஸ்மிங்
ஜீயந்தி அஸுசிஸ்மிங் மீயந்தி. கதமே ச, பி⁴க்க²வே, திரச்சா²னக³தா பாணா
அஸுசிஸ்மிங் ஜாயந்தி அஸுசிஸ்மிங் ஜீயந்தி அஸுசிஸ்மிங் மீயந்தி? யே தே,
பி⁴க்க²வே, ஸத்தா பூதிமச்சே² வா ஜாயந்தி பூதிமச்சே² வா ஜீயந்தி பூதிமச்சே²
வா மீயந்தி பூதிகுணபே வா…பே॰… பூதிகும்மாஸே வா… சந்த³னிகாய வா… ஓலிக³ல்லே வா ஜாயந்தி, (யே வா பனஞ்ஞேபி கேசி திரச்சா²னக³தா பாணா அஸுசிஸ்மிங் ஜாயந்தி அஸுசிஸ்மிங் ஜீயந்தி அஸுசிஸ்மிங் மீயந்தி.) [( ) நத்தி² ஸீ॰ ஸ்யா॰ கங்॰ பீ॰ பொத்த²கேஸு] ஸ கோ² ஸோ, பி⁴க்க²வே, பா³லோ
இத⁴ புப்³பே³ ரஸாதோ³ இத⁴ பாபானி கம்மானி கரித்வா காயஸ்ஸ பே⁴தா³ பரங் மரணா
தேஸங் ஸத்தானங் ஸஹப்³யதங் உபபஜ்ஜதி யே தே ஸத்தா அஸுசிஸ்மிங் ஜாயந்தி
அஸுசிஸ்மிங் ஜீயந்தி அஸுசிஸ்மிங் மீயந்தி.

‘‘அனேகபரியாயேனபி கோ² அஹங், பி⁴க்க²வே,
திரச்சா²னயோனிகத²ங் கதெ²ய்யங்; யாவஞ்சித³ங், பி⁴க்க²வே, ந ஸுகரங் அக்கா²னேன
பாபுணிதுங் யாவ து³க்கா² திரச்சா²னயோனி.

252.
‘‘ஸெய்யதா²பி, பி⁴க்க²வே, புரிஸோ ஏகச்சி²க்³க³லங் யுக³ங் மஹாஸமுத்³தே³
பக்கி²பெய்ய. தமேனங் புரத்தி²மோ வாதோ பச்சி²மேன ஸங்ஹரெய்ய, பச்சி²மோ வாதோ
புரத்தி²மேன ஸங்ஹரெய்ய, உத்தரோ வாதோ த³க்கி²ணேன ஸங்ஹரெய்ய, த³க்கி²ணோ வாதோ
உத்தரேன ஸங்ஹரெய்ய. தத்ராஸ்ஸ காணோ கச்ச²போ, ஸோ வஸ்ஸஸதஸ்ஸ வஸ்ஸஸதஸ்ஸ [வஸ்ஸஸதஸ்ஸ வஸ்ஸஸஹஸ்ஸஸ்ஸ வஸ்ஸஸதஸஹஸ்ஸஸ்ஸ (ஸீ॰), வஸ்ஸஸதஸ்ஸ (ஸ்யா॰ கங்॰ பீ॰)]
அச்சயேன ஸகிங் உம்முஜ்ஜெய்ய. தங் கிங் மஞ்ஞத², பி⁴க்க²வே, அபி நு ஸோ காணோ
கச்ச²போ அமுஸ்மிங் ஏகச்சி²க்³க³லே யுகே³ கீ³வங் பவேஸெய்யா’’தி? (‘‘நோ
ஹேதங், ப⁴ந்தே’’.) [( ) நத்தி² ஸீ॰ பீ॰ பொத்த²கேஸு] ‘‘யதி³ பன [யதி³ நூன (ஸீ॰ ஸ்யா॰ கங்॰ பீ॰)], ப⁴ந்தே, கதா³சி கரஹசி
தீ³க⁴ஸ்ஸ அத்³து⁴னோ அச்சயேனா’’தி. ‘‘கி²ப்பதரங் கோ² ஸோ, பி⁴க்க²வே, காணோ
கச்ச²போ அமுஸ்மிங் ஏகச்சி²க்³க³லே யுகே³ கீ³வங் பவேஸெய்ய, அதோ
து³ல்லப⁴தராஹங், பி⁴க்க²வே, மனுஸ்ஸத்தங் வதா³மி ஸகிங் வினிபாதக³தேன பா³லேன.
தங் கிஸ்ஸ ஹேது? ந ஹெத்த², பி⁴க்க²வே, அத்தி² த⁴ம்மசரியா ஸமசரியா
குஸலகிரியா புஞ்ஞகிரியா. அஞ்ஞமஞ்ஞகா²தி³கா எத்த², பி⁴க்க²வே, வத்ததி
து³ப்³ப³லகா²தி³கா’’.

‘‘ஸ கோ² ஸோ, பி⁴க்க²வே, பா³லோ ஸசே கதா³சி கரஹசி
தீ³க⁴ஸ்ஸ அத்³து⁴னோ அச்சயேன மனுஸ்ஸத்தங் ஆக³ச்ச²தி, யானி தானி நீசகுலானி –
சண்டா³லகுலங் வா நேஸாத³குலங் வா வேனகுலங் [வேணகுலங் (ஸீ॰ பீ॰)]
வா ரத²காரகுலங் வா புக்குஸகுலங் வா. ததா²ரூபே குலே பச்சாஜாயதி த³லித்³தே³
அப்பன்னபானபோ⁴ஜனே கஸிரவுத்திகே, யத்த² கஸிரேன கா⁴ஸச்சா²தோ³ லப்³ப⁴தி. ஸோ ச
ஹோதி து³ப்³ப³ண்ணோ து³த்³த³ஸிகோ ஓகோடிமகோ ப³வ்ஹாபா³தோ⁴ [ப³ஹ்வாபா³தோ⁴ (க॰)] காணோ வா குணீ வா கு²ஜ்ஜோ வா பக்க²ஹதோ வா ந லாபீ⁴ அன்னஸ்ஸ பானஸ்ஸ வத்த²ஸ்ஸ
யானஸ்ஸ மாலாக³ந்த⁴விலேபனஸ்ஸ ஸெய்யாவஸத²பதீ³பெய்யஸ்ஸ. ஸோ காயேன து³ச்சரிதங்
சரதி வாசாய து³ச்சரிதங் சரதி மனஸா து³ச்சரிதங் சரதி. ஸோ காயேன து³ச்சரிதங்
சரித்வா வாசாய து³ச்சரிதங் சரித்வா மனஸா து³ச்சரிதங் சரித்வா காயஸ்ஸ
பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜதி.

‘‘ஸெய்யதா²பி, பி⁴க்க²வே, அக்க²து⁴த்தோ பட²மேனேவ
கலிக்³க³ஹேன புத்தம்பி ஜீயேத², தா³ரம்பி ஜீயேத², ஸப்³ப³ங் ஸாபதெய்யம்பி
ஜீயேத², உத்தரிபி அதி⁴ப³ந்த⁴ங் [அனுப³ந்த⁴ங் (ஸீ॰ பீ॰), அத்³து⁴ப³ந்த⁴ங் (ஸ்யா॰ கங்॰)]
நிக³ச்செ²ய்ய. அப்பமத்தகோ ஸோ, பி⁴க்க²வே, கலிக்³க³ஹோ யங் ஸோ அக்க²து⁴த்தோ
பட²மேனேவ கலிக்³க³ஹேன புத்தம்பி ஜீயேத², தா³ரம்பி ஜீயேத², ஸப்³ப³ங்
ஸாபதெய்யம்பி ஜீயேத², உத்தரிபி அதி⁴ப³ந்த⁴ங் நிக³ச்செ²ய்ய. அத² கோ² அயமேவ
ததோ மஹந்ததரோ கலிக்³க³ஹோ யங் ஸோ பா³லோ காயேன து³ச்சரிதங் சரித்வா வாசாய
து³ச்சரிதங் சரித்வா மனஸா து³ச்சரிதங் சரித்வா காயஸ்ஸ பே⁴தா³ பரங் மரணா
அபாயங் து³க்³க³திங் வினிபாதங் நிரயங் உபபஜ்ஜதி. அயங், பி⁴க்க²வே, கேவலா
பரிபூரா [கேவலபரிபூரா (ஸீ॰ பீ॰) ம॰ நி॰ 1.244 பாளியா ஸங்ஸந்தே³தப்³பா³] பா³லபூ⁴மீ’’தி.

253.
‘‘தீணிமானி, பி⁴க்க²வே, பண்டி³தஸ்ஸ பண்டி³தலக்க²ணானி பண்டி³தனிமித்தானி
பண்டி³தாபதா³னானி. கதமானி தீணி? இத⁴, பி⁴க்க²வே, பண்டி³தோ ஸுசிந்திதசிந்தீ ச
ஹோதி ஸுபா⁴ஸிதபா⁴ஸீ ச ஸுகதகம்மகாரீ ச. நோ சேதங், பி⁴க்க²வே, பண்டி³தோ
ஸுசிந்திதசிந்தீ ச அப⁴விஸ்ஸ ஸுபா⁴ஸிதபா⁴ஸீ ச ஸுகதகம்மகாரீ ச, கேன நங் [ந தேன நங் (க॰), ந நங் (?)]
பண்டி³தா ஜானெய்யுங் – ‘பண்டி³தோ அயங் ப⁴வங் ஸப்புரிஸோ’தி? யஸ்மா ச கோ²,
பி⁴க்க²வே, பண்டி³தோ ஸுசிந்திதசிந்தீ ச ஹோதி ஸுபா⁴ஸிதபா⁴ஸீ ச ஸுகதகம்மகாரீ ச
தஸ்மா நங் பண்டி³தா ஜானந்தி – ‘பண்டி³தோ அயங் ப⁴வங் ஸப்புரிஸோ’தி. ஸ கோ²
ஸோ, பி⁴க்க²வே, பண்டி³தோ திவித⁴ங் தி³ட்டே²வ த⁴ம்மே ஸுக²ங் ஸோமனஸ்ஸங்
படிஸங்வேதே³தி. ஸசே, பி⁴க்க²வே, பண்டி³தோ ஸபா⁴யங் வா நிஸின்னோ ஹோதி,
ரதி²காய வா நிஸின்னோ ஹோதி, ஸிங்கா⁴டகே வா நிஸின்னோ ஹோதி; தத்ர சே ஜனோ
தஜ்ஜங் தஸ்ஸாருப்பங் கத²ங் மந்தேதி . ஸசே, பி⁴க்க²வே, பண்டி³தோ பாணாதிபாதா படிவிரதோ ஹோதி, அதி³ன்னாதா³னா படிவிரதோ ஹோதி, காமேஸுமிச்சா²சாரா
படிவிரதோ ஹோதி, முஸாவாதா³ படிவிரதோ ஹோதி, ஸுராமேரயமஜ்ஜப்பமாத³ட்டா²னா
படிவிரதோ ஹோதி; தத்ர, பி⁴க்க²வே, பண்டி³தஸ்ஸ ஏவங் ஹோதி – ‘யங் கோ² ஜனோ
தஜ்ஜங் தஸ்ஸாருப்பங் கத²ங் மந்தேதி; ஸங்விஜ்ஜந்தேவ தே த⁴ம்மா மயி, அஹஞ்ச
தேஸு த⁴ம்மேஸு ஸந்தி³ஸ்ஸாமீ’தி. இத³ங், பி⁴க்க²வே, பண்டி³தோ பட²மங்
தி³ட்டே²வ த⁴ம்மே ஸுக²ங் ஸோமனஸ்ஸங் படிஸங்வேதே³தி.

254. ‘‘புன
சபரங், பி⁴க்க²வே, பண்டி³தோ பஸ்ஸதி ராஜானோ சோரங் ஆகு³சாரிங் க³ஹெத்வா
விவிதா⁴ கம்மகாரணா காரெந்தே – கஸாஹிபி தாளெந்தே வெத்தேஹிபி தாளெந்தே
அத்³த⁴த³ண்ட³கேஹிபி தாளெந்தே ஹத்த²ம்பி சி²ந்த³ந்தே பாத³ம்பி சி²ந்த³ந்தே
ஹத்த²பாத³ம்பி சி²ந்த³ந்தே கண்ணம்பி சி²ந்த³ந்தே நாஸம்பி சி²ந்த³ந்தே
கண்ணனாஸம்பி சி²ந்த³ந்தே பி³லங்க³தா²லிகம்பி கரொந்தே ஸங்க²முண்டி³கம்பி
கரொந்தே ராஹுமுக²ம்பி கரொந்தே ஜோதிமாலிகம்பி கரொந்தே ஹத்த²பஜ்ஜோதிகம்பி
கரொந்தே ஏரகவத்திகம்பி கரொந்தே சீரகவாஸிகம்பி கரொந்தே ஏணெய்யகம்பி கரொந்தே
ப³லிஸமங்ஸிகம்பி கரொந்தே கஹாபணிகம்பி கரொந்தே கா²ராபதச்சி²கம்பி கரொந்தே
பலிக⁴பரிவத்திகம்பி கரொந்தே பலாலபீட²கம்பி கரொந்தே தத்தேனபி தேலேன
ஓஸிஞ்சந்தே ஸுனகே²ஹிபி கா²தா³பெந்தே ஜீவந்தம்பி ஸூலே உத்தாஸெந்தே அஸினாபி
ஸீஸங் சி²ந்த³ந்தே. தத்ர, பி⁴க்க²வே, பண்டி³தஸ்ஸ ஏவங் ஹோதி – ‘யதா²ரூபானங்
கோ² பாபகானங் கம்மானங் ஹேது ராஜானோ சோரங் ஆகு³சாரிங் க³ஹெத்வா விவிதா⁴
கம்மகாரணா காரெந்தி கஸாஹிபி தாளெந்தி, வெத்தேஹிபி தாளெந்தி,
அத்³த⁴த³ண்ட³கேஹிபி தாளெந்தி, ஹத்த²ம்பி சி²ந்த³ந்தி ,
பாத³ம்பி சி²ந்த³ந்தி, ஹத்த²பாத³ம்பி சி²ந்த³ந்தி, கண்ணம்பி சி²ந்த³ந்தி,
நாஸம்பி சி²ந்த³ந்தி, கண்ணனாஸம்பி சி²ந்த³ந்தி, பி³லங்க³தா²லிகம்பி
கரொந்தி, ஸங்க²முண்டி³கம்பி கரொந்தி, ராஹுமுக²ம்பி கரொந்தி, ஜோதிமாலிகம்பி
கரொந்தி, ஹத்த²பஜ்ஜோதிகம்பி கரொந்தி, ஏரகவத்திகம்பி கரொந்தி, சீரகவாஸிகம்பி
கரொந்தி, ஏணெய்யகம்பி கரொந்தி, ப³லிஸமங்ஸிகம்பி கரொந்தி, கஹாபணிகம்பி
கரொந்தி, கா²ராபதச்சி²கம்பி கரொந்தி, பலிக⁴பரிவத்திகம்பி கரொந்தி,
பலாலபீட²கம்பி கரொந்தி, தத்தேனபி தேலேன ஓஸிஞ்சந்தி, ஸுனகே²ஹிபி
கா²தா³பெந்தி, ஜீவந்தம்பி ஸூலே உத்தாஸெந்தி, அஸினாபி ஸீஸங் சி²ந்த³ந்தி, ந
தே த⁴ம்மா மயி ஸங்விஜ்ஜந்தி, அஹஞ்ச ந தேஸு த⁴ம்மேஸு ஸந்தி³ஸ்ஸாமீ’தி.
இத³ம்பி, பி⁴க்க²வே, பண்டி³தோ து³தியங் தி³ட்டே²வ த⁴ம்மே ஸுக²ங் ஸோமனஸ்ஸங்
படிஸங்வேதே³தி.

255. ‘‘புன
சபரங், பி⁴க்க²வே, பண்டி³தங் பீட²ஸமாரூள்ஹங் வா மஞ்சஸமாரூள்ஹங் வா ச²மாயங்
வா ஸேமானங், யானிஸ்ஸ புப்³பே³ கல்யாணானி கம்மானி கதானி காயேன ஸுசரிதானி
வாசாய ஸுசரிதானி மனஸா ஸுசரிதானி தானிஸ்ஸ தம்ஹி ஸமயே ஓலம்ப³ந்தி…பே॰…
ஸெய்யதா²பி, பி⁴க்க²வே, மஹதங் பப்³ப³தகூடானங் சா²யா ஸாயன்ஹஸமயங் பத²வியா
ஓலம்ப³ந்தி அஜ்ஜோ²லம்ப³ந்தி அபி⁴ப்பலம்ப³ந்தி; ஏவமேவ கோ², பி⁴க்க²வே,
பண்டி³தங் பீட²ஸமாரூள்ஹங் வா மஞ்சஸமாரூள்ஹங் வா ச²மாயங் வா ஸேமானங் யானிஸ்ஸ
புப்³பே³ கல்யாணானி கம்மானி கதானி காயேன ஸுசரிதானி வாசாய ஸுசரிதானி மனஸா
ஸுசரிதானி தானிஸ்ஸ தம்ஹி ஸமயே ஓலம்ப³ந்தி அஜ்ஜோ²லம்ப³ந்தி
அபி⁴ப்பலம்ப³ந்தி. தத்ர, பி⁴க்க²வே, பண்டி³தஸ்ஸ ஏவங் ஹோதி
– ‘அகதங் வத மே பாபங், அகதங் லுத்³த³ங், அகதங் கிப்³பி³ஸங்; கதங்
கல்யாணங், கதங் குஸலங், கதங் பீ⁴ருத்தாணங். யாவதா, போ⁴, அகதபாபானங்
அகதலுத்³தா³னங் அகதகிப்³பி³ஸானங் கதகல்யாணானங் கதகுஸலானங் கதபீ⁴ருத்தாணானங்
க³தி தங் க³திங் பேச்ச க³ச்சா²மீ’தி. ஸோ ந ஸோசதி, ந
கிலமதி, ந பரிதே³வதி, ந உரத்தாளிங் கந்த³தி, ந ஸம்மோஹங் ஆபஜ்ஜதி. இத³ம்பி,
பி⁴க்க²வே, பண்டி³தோ ததியங் தி³ட்டே²வ த⁴ம்மே ஸுக²ங் ஸோமனஸ்ஸங்
படிஸங்வேதே³தி.

‘‘ஸ கோ² ஸோ, பி⁴க்க²வே, பண்டி³தோ காயேன ஸுசரிதங் சரித்வா வாசாய ஸுசரிதங் சரித்வா மனஸா ஸுசரிதங் சரித்வா காயஸ்ஸ பே⁴தா³
பரங் மரணா ஸுக³திங் ஸக்³க³ங் லோகங் உபபஜ்ஜதி. யங் கோ² தங், பி⁴க்க²வே,
ஸம்மா வத³மானோ வதெ³ய்ய – ‘ஏகந்தங் இட்ட²ங் ஏகந்தங் கந்தங் ஏகந்தங்
மனாப’ந்தி, ஸக்³க³மேவ தங் ஸம்மா வத³மானோ வதெ³ய்ய – ‘ஏகந்தங் இட்ட²ங்
ஏகந்தங் கந்தங் ஏகந்தங் மனாப’ந்தி. யாவஞ்சித³ங், பி⁴க்க²வே, உபமாபி ந ஸுகரா
யாவ ஸுகா² ஸக்³கா³’’தி.

256.
ஏவங் வுத்தே, அஞ்ஞதரோ பி⁴க்கு² ப⁴க³வந்தங் ஏதத³வோச – ‘‘ஸக்கா பன, ப⁴ந்தே,
உபமங் காது’’ந்தி? ‘‘ஸக்கா பி⁴க்கூ²’’தி ப⁴க³வா அவோச. ‘‘ஸெய்யதா²பி,
பி⁴க்க²வே, ராஜா சக்கவத்தீ ஸத்தஹி ரதனேஹி ஸமன்னாக³தோ சதூஹி ச இத்³தீ⁴ஹி
ததோனிதா³னங் ஸுக²ங் ஸோமனஸ்ஸங் படிஸங்வேதே³தி. கதமேஹி ஸத்தஹி? இத⁴,
பி⁴க்க²வே, ரஞ்ஞோ க²த்தியஸ்ஸ முத்³தா⁴வஸித்தஸ்ஸ தத³ஹுபோஸதே² பன்னரஸே
ஸீஸங்ன்ஹாதஸ்ஸ உபோஸதி²கஸ்ஸ உபரிபாஸாத³வரக³தஸ்ஸ தி³ப்³ப³ங் சக்கரதனங் பாதுப⁴வதி ஸஹஸ்ஸாரங் ஸனேமிகங் ஸனாபி⁴கங் ஸப்³பா³காரபரிபூரங். தங் தி³ஸ்வான ரஞ்ஞோ க²த்தியஸ்ஸ முத்³தா⁴வஸித்தஸ்ஸ ஏவங் ஹோதி [ஏதத³ஹோஸி (ஸ்யா॰ கங்॰ க॰)] – ‘ஸுதங் கோ² பன மேதங்
யஸ்ஸ ரஞ்ஞோ க²த்தியஸ்ஸ முத்³தா⁴வஸித்தஸ்ஸ தத³ஹுபோஸதே² பன்னரஸே
ஸீஸங்ன்ஹாதஸ்ஸ உபோஸதி²கஸ்ஸ உபரிபாஸாத³வரக³தஸ்ஸ தி³ப்³ப³ங் சக்கரதனங்
பாதுப⁴வதி ஸஹஸ்ஸாரங் ஸனேமிகங் ஸனாபி⁴கங் ஸப்³பா³காரபரிபூரங், ஸோ ஹோதி ராஜா
சக்கவத்தீதி. அஸ்ஸங் நு கோ² அஹங் ராஜா சக்கவத்தீ’’’தி?

‘‘அத² கோ², பி⁴க்க²வே, ராஜா க²த்தியோ முத்³தா⁴வஸித்தோ
வாமேன ஹத்தே²ன பி⁴ங்காரங் க³ஹெத்வா த³க்கி²ணேன ஹத்தே²ன சக்கரதனங்
அப்³பு⁴க்கிரதி – ‘பவத்தது ப⁴வங் சக்கரதனங், அபி⁴விஜினாது ப⁴வங்
சக்கரதன’ந்தி. அத² கோ² தங், பி⁴க்க²வே, சக்கரதனங் புரத்தி²மங் தி³ஸங்
பவத்ததி. அன்வதே³வ ராஜா சக்கவத்தீ ஸத்³தி⁴ங் சதுரங்கி³னியா ஸேனாய. யஸ்மிங்
கோ² பன, பி⁴க்க²வே, பதே³ஸே சக்கரதனங் பதிட்டா²தி தத்த² ராஜா சக்கவத்தீ
வாஸங் உபேதி ஸத்³தி⁴ங் சதுரங்கி³னியா ஸேனாய. யே கோ² பன, பி⁴க்க²வே , புரத்தி²மாய தி³ஸாய படிராஜானோ தே ராஜானங் சக்கவத்திங் உபஸங்கமித்வா ஏவமாஹங்ஸு – ‘ஏஹி கோ², மஹாராஜ! ஸ்வாக³தங் தே, மஹாராஜ [ஸ்வாக³தங் மஹாராஜ (ஸீ॰ ஸ்யா॰ கங்॰ பீ॰)]! ஸகங் தே, மஹாராஜ! அனுஸாஸ, மஹாராஜா’தி .
ராஜா சக்கவத்தீ ஏவமாஹ – ‘பாணோ ந ஹந்தப்³போ³, அதி³ன்னங் நாதா³தப்³ப³ங்,
காமேஸுமிச்சா² ந சரிதப்³பா³, முஸா ந பா⁴ஸிதப்³பா³, மஜ்ஜங் ந பாதப்³ப³ங்,
யதா²பு⁴த்தஞ்ச பு⁴ஞ்ஜதா²’தி. யே கோ² பன, பி⁴க்க²வே, புரத்தி²மாய தி³ஸாய
படிராஜானோ தே ரஞ்ஞோ சக்கவத்திஸ்ஸ அனுயந்தா [அனுயுத்தா (ஸீ॰ ஸ்யா॰ கங்॰ பீ॰)] ப⁴வந்தி [அஹேஸுங் (ஸ்யா॰ கங்॰ க॰)].

257. ‘‘அத² கோ² தங், பி⁴க்க²வே, சக்கரதனங் புரத்தி²மங் ஸமுத்³த³ங் அஜ்ஜோ²கா³ஹெத்வா [அஜ்ஜோ²க³ஹெத்வா (ஸீ॰ ஸ்யா॰ கங்॰ பீ॰)]
பச்சுத்தரித்வா த³க்கி²ணங் தி³ஸங் பவத்ததி…பே॰… த³க்கி²ணங் ஸமுத்³த³ங்
அஜ்ஜோ²கா³ஹெத்வா பச்சுத்தரித்வா பச்சி²மங் தி³ஸங் பவத்ததி… பச்சி²மங்
ஸமுத்³த³ங் அஜ்ஜோ²கா³ஹெத்வா பச்சுத்தரித்வா உத்தரங் தி³ஸங் பவத்ததி
அன்வதே³வ ராஜா சக்கவத்தீ ஸத்³தி⁴ங் சதுரங்கி³னியா ஸேனாய. யஸ்மிங் கோ² பன,
பி⁴க்க²வே, பதே³ஸே சக்கரதனங் பதிட்டா²தி தத்த² ராஜா சக்கவத்தீ வாஸங் உபேதி
ஸத்³தி⁴ங் சதுரங்கி³னியா ஸேனாய.

‘‘யே கோ² பன, பி⁴க்க²வே, உத்தராய தி³ஸாய படிராஜானோ தே
ராஜானங் சக்கவத்திங் உபஸங்கமித்வா ஏவமாஹங்ஸு – ‘ஏஹி கோ², மஹாராஜ! ஸ்வாக³தங்
தே, மஹாராஜ! ஸகங் தே, மஹாராஜ! அனுஸாஸ, மஹாராஜா’தி. ராஜா சக்கவத்தீ ஏவமாஹ –
‘பாணோ ந ஹந்தப்³போ³, அதி³ன்னங் நாதா³தப்³ப³ங், காமேஸுமிச்சா² ந
சரிதப்³பா³, முஸா ந பா⁴ஸிதப்³பா³, மஜ்ஜங் ந பாதப்³ப³ங்; யதா²பு⁴த்தஞ்ச
பு⁴ஞ்ஜதா²’தி. யே கோ² பன, பி⁴க்க²வே, உத்தராய தி³ஸாய படிராஜானோ தே ரஞ்ஞோ
சக்கவத்திஸ்ஸ அனுயந்தா ப⁴வந்தி.

‘‘அத² கோ² தங், பி⁴க்க²வே, சக்கரதனங்
ஸமுத்³த³பரியந்தங் பத²விங் அபி⁴விஜினித்வா தமேவ ராஜதா⁴னிங் பச்சாக³ந்த்வா
ரஞ்ஞோ சக்கவத்திஸ்ஸ அந்தேபுரத்³வாரே அக்கா²ஹதங் மஞ்ஞே திட்ட²தி ரஞ்ஞோ
சக்கவத்திஸ்ஸ அந்தேபுரத்³வாரங் உபஸோப⁴யமானங். ரஞ்ஞோ, பி⁴க்க²வே,
சக்கவத்திஸ்ஸ ஏவரூபங் சக்கரதனங் பாதுப⁴வதி.

258. ‘‘புன சபரங், பி⁴க்க²வே, ரஞ்ஞோ சக்கவத்திஸ்ஸ ஹத்தி²ரதனங் பாதுப⁴வதி – ஸப்³ப³ஸேதோ ஸத்தப்பதிட்டோ² இத்³தி⁴மா வேஹாஸங்க³மோ உபோஸதோ²
நாம நாக³ராஜா. தங் தி³ஸ்வான ரஞ்ஞோ சக்கவத்திஸ்ஸ சித்தங் பஸீத³தி –
‘ப⁴த்³த³கங் வத, போ⁴, ஹத்தி²யானங், ஸசே த³மத²ங் உபெய்யா’தி. அத² கோ² தங்,
பி⁴க்க²வே, ஹத்தி²ரதனங் ஸெய்யதா²பி நாம ப⁴த்³தோ³
ஹத்தா²ஜானீயோ தீ³க⁴ரத்தங் ஸுபரித³ந்தோ ஏவமேவ த³மத²ங் உபேதி. பூ⁴தபுப்³ப³ங்,
பி⁴க்க²வே, ராஜா சக்கவத்தீ தமேவ ஹத்தி²ரதனங் வீமங்ஸமானோ புப்³ப³ண்ஹஸமயங்
அபி⁴ருஹித்வா ஸமுத்³த³பரியந்தங் பத²விங் அனுஸங்யாயித்வா தமேவ ராஜதா⁴னிங்
பச்சாக³ந்த்வா பாதராஸமகாஸி. ரஞ்ஞோ, பி⁴க்க²வே, சக்கவத்திஸ்ஸ ஏவரூபங்
ஹத்தி²ரதனங் பாதுப⁴வதி.

‘‘புன சபரங், பி⁴க்க²வே, ரஞ்ஞோ சக்கவத்திஸ்ஸ அஸ்ஸரதனங்
பாதுப⁴வதி – ஸப்³ப³ஸேதோ காளஸீஸோ முஞ்ஜகேஸோ இத்³தி⁴மா வேஹாஸங்க³மோ வலாஹகோ
நாம அஸ்ஸராஜா. தங் தி³ஸ்வான ரஞ்ஞோ சக்கவத்திஸ்ஸ சித்தங் பஸீத³தி –
‘ப⁴த்³த³கங் வத, போ⁴, அஸ்ஸயானங், ஸசே த³மத²ங் உபெய்யா’தி. அத² கோ² தங்,
பி⁴க்க²வே, அஸ்ஸரதனங் ஸெய்யதா²பி நாம ப⁴த்³தோ³ அஸ்ஸாஜானீயோ தீ³க⁴ரத்தங்
ஸுபரித³ந்தோ ஏவமேவ த³மத²ங் உபேதி. பூ⁴தபுப்³ப³ங், பி⁴க்க²வே, ராஜா
சக்கவத்தீ தமேவ அஸ்ஸரதனங் வீமங்ஸமானோ புப்³ப³ண்ஹஸமயங் அபி⁴ருஹித்வா
ஸமுத்³த³பரியந்தங் பத²விங் அனுஸங்யாயித்வா தமேவ ராஜதா⁴னிங் பச்சாக³ந்த்வா
பாதராஸமகாஸி. ரஞ்ஞோ, பி⁴க்க²வே, சக்கவத்திஸ்ஸ ஏவரூபங் அஸ்ஸரதனங் பாதுப⁴வதி.

‘‘புன சபரங், பி⁴க்க²வே, ரஞ்ஞோ சக்கவத்திஸ்ஸ மணிரதனங் பாதுப⁴வதி. ஸோ ஹோதி மணி வேளுரியோ ஸுபோ⁴ ஜாதிமா அட்ட²ங்ஸோ ஸுபரிகம்மகதோ .
தஸ்ஸ கோ² பன, பி⁴க்க²வே, மணிரதனஸ்ஸ ஆபா⁴ ஸமந்தா யோஜனங் பு²டா ஹோதி.
பூ⁴தபுப்³ப³ங், பி⁴க்க²வே, ராஜா சக்கவத்தீ தமேவ மணிரதனங் வீமங்ஸமானோ
சதுரங்கி³னிங் ஸேனங் ஸன்னய்ஹித்வா மணிங் த⁴ஜக்³க³ங்
ஆரோபெத்வா ரத்தந்த⁴காரதிமிஸாய பாயாஸி. யே கோ² பன, பி⁴க்க²வே, ஸமந்தா கா³மா
அஹேஸுங் தே தேனோபா⁴ஸேன கம்மந்தே பயோஜேஸுங் ‘தி³வா’தி மஞ்ஞமானா. ரஞ்ஞோ,
பி⁴க்க²வே, சக்கவத்திஸ்ஸ ஏவரூபங் மணிரதனங் பாதுப⁴வதி.

‘‘புன சபரங், பி⁴க்க²வே, ரஞ்ஞோ சக்கவத்திஸ்ஸ
இத்தி²ரதனங் பாதுப⁴வதி. ஸா அபி⁴ரூபா த³ஸ்ஸனீயா பாஸாதி³கா பரமாய
வண்ணபொக்க²ரதாய ஸமன்னாக³தா நாதிதீ³கா⁴ நாதிரஸ்ஸா நாதிகிஸா நாதிதூ²லா நாதிகாளிகா [நாதிகாளீ (ஸீ॰ பீ॰)]
நாச்சோதா³தா, அதிக்கந்தா மானுஸங் வண்ணங், அப்பத்தா தி³ப்³ப³ங் வண்ணங்.
தஸ்ஸ கோ² பன, பி⁴க்க²வே, இத்தி²ரதனஸ்ஸ ஏவரூபோ காயஸம்ப²ஸ்ஸோ ஹோதி ஸெய்யதா²பி
நாம தூலபிசுனோ வா கப்பாஸபிசுனோ வா. தஸ்ஸ கோ² பன, பி⁴க்க²வே, இத்தி²ரதனஸ்ஸ
ஸீதே உண்ஹானி க³த்தானி ஹொந்தி, உண்ஹே ஸீதானி க³த்தானி ஹொந்தி. தஸ்ஸ கோ² பன,
பி⁴க்க²வே, இத்தி²ரதனஸ்ஸ காயதோ சந்த³னக³ந்தோ⁴ வாயதி, முக²தோ உப்பலக³ந்தோ⁴
வாயதி. தங் கோ² பன, பி⁴க்க²வே, இத்தி²ரதனங் ரஞ்ஞோ சக்கவத்திஸ்ஸ
புப்³பு³ட்டா²யினீ ஹோதி பச்சா²னிபாதினீ கிங்காரபடிஸ்ஸாவினீ மனாபசாரினீ
பியவாதி³னீ. தங் கோ² பன, பி⁴க்க²வே, இத்தி²ரதனங் ராஜானங் சக்கவத்திங் மனஸாபி நோ அதிசரதி, குதோ பன காயேன? ரஞ்ஞோ, பி⁴க்க²வே, சக்கவத்திஸ்ஸ ஏவரூபங் இத்தி²ரதனங் பாதுப⁴வதி.

‘‘புன சபரங், பி⁴க்க²வே, ரஞ்ஞோ சக்கவத்திஸ்ஸ
க³ஹபதிரதனங் பாதுப⁴வதி. தஸ்ஸ கம்மவிபாகஜங் தி³ப்³ப³சக்கு² பாதுப⁴வதி, யேன
நிதி⁴ங் பஸ்ஸதி ஸஸ்ஸாமிகம்பி அஸ்ஸாமிகம்பி. ஸோ ராஜானங் சக்கவத்திங்
உபஸங்கமித்வா ஏவமாஹ – ‘அப்பொஸ்ஸுக்கோ த்வங், தே³வ, ஹோஹி. அஹங் தே த⁴னேன
த⁴னகரணீயங் [த⁴னேன கரணீயங் (க॰)] கரிஸ்ஸாமீ’தி.
பூ⁴தபுப்³ப³ங், பி⁴க்க²வே, ராஜா சக்கவத்தீ தமேவ க³ஹபதிரதனங் வீமங்ஸமானோ
நாவங் அபி⁴ருஹித்வா மஜ்ஜே² க³ங்கா³ய நதி³யா ஸோதங் ஓகா³ஹித்வா [ஓக³ஹெத்வா (ஸீ॰ பீ॰)]
க³ஹபதிரதனங் ஏதத³வோச – ‘அத்தோ² மே, க³ஹபதி, ஹிரஞ்ஞஸுவண்ணேனா’தி. ‘தேன ஹி,
மஹாராஜ, ஏகங் தீரங் நாவா உபேதூ’தி. ‘இதே⁴வ மே, க³ஹபதி, அத்தோ²
ஹிரஞ்ஞஸுவண்ணேனா’தி. அத² கோ² தங், பி⁴க்க²வே, க³ஹபதிரதனங் உபோ⁴ஹி ஹத்தே²ஹி
உத³கே ஓமஸித்வா பூரங் ஹிரஞ்ஞஸுவண்ணஸ்ஸ கும்பி⁴ங் உத்³த⁴ரித்வா ராஜானங்
சக்கவத்திங் ஏதத³வோச – ‘அலமெத்தாவதா, மஹாராஜ! கதமெத்தாவதா, மஹாராஜ!
பூஜிதமெத்தாவதா, மஹாராஜா’தி. ராஜா சக்கவத்தீ ஏவமாஹ – ‘அலமெத்தாவதா, க³ஹபதி!
கதமெத்தாவதா, க³ஹபதி! பூஜிதமெத்தாவதா, க³ஹபதீ’தி . ரஞ்ஞோ, பி⁴க்க²வே, சக்கவத்திஸ்ஸ ஏவரூபங் க³ஹபதிரதனங் பாதுப⁴வதி.

‘‘புன சபரங், பி⁴க்க²வே, ரஞ்ஞோ சக்கவத்திஸ்ஸ பரிணாயகரதனங் பாதுப⁴வதி – பண்டி³தோ ப்³யத்தோ மேதா⁴வீ படிப³லோ ராஜானங் சக்கவத்திங் உபயாபேதப்³ப³ங் உபயாபேதுங் [உபட்ட²பேதப்³ப³ங் உபட்ட²பேதுங் (ஸீ॰ ஸ்யா॰ கங்॰ பீ॰)] அபயாபேதப்³ப³ங் அபயாபேதுங் ட²பேதப்³ப³ங் ட²பேதுங். ஸோ ராஜானங் சக்கவத்திங் உபஸங்கமித்வா ஏவமாஹ – ‘அப்பொஸ்ஸுக்கோ த்வங் ,
தே³வ, ஹோஹி. அஹமனுஸாஸிஸ்ஸாமீ’தி. ரஞ்ஞோ, பி⁴க்க²வே, சக்கவத்திஸ்ஸ ஏவரூபங்
பரிணாயகரதனங் பாதுப⁴வதி. ராஜா, பி⁴க்க²வே, சக்கவத்தீ இமேஹி ஸத்தஹி ரதனேஹி
ஸமன்னாக³தோ ஹோதி.

259.
‘‘கதமாஹி சதூஹி இத்³தீ⁴ஹி? இத⁴, பி⁴க்க²வே, ராஜா சக்கவத்தீ அபி⁴ரூபோ ஹோதி
த³ஸ்ஸனீயோ பாஸாதி³கோ பரமாய வண்ணபொக்க²ரதாய ஸமன்னாக³தோ அதிவிய அஞ்ஞேஹி
மனுஸ்ஸேஹி. ராஜா, பி⁴க்க²வே, சக்கவத்தீ இமாய பட²மாய இத்³தி⁴யா ஸமன்னாக³தோ
ஹோதி.

‘‘புன சபரங், பி⁴க்க²வே, ராஜா சக்கவத்தீ தீ³கா⁴யுகோ ஹோதி சிரட்டி²திகோ அதிவிய அஞ்ஞேஹி மனுஸ்ஸேஹி. ராஜா, பி⁴க்க²வே, சக்கவத்தீ இமாய து³தியாய இத்³தி⁴யா ஸமன்னாக³தோ ஹோதி.

‘‘புன சபரங், பி⁴க்க²வே, ராஜா சக்கவத்தீ அப்பாபா³தோ⁴
ஹோதி அப்பாதங்கோ ஸமவேபாகினியா க³ஹணியா ஸமன்னாக³தோ நாதிஸீதாய நாச்சுண்ஹாய
அதிவிய அஞ்ஞேஹி மனுஸ்ஸேஹி. ராஜா, பி⁴க்க²வே, சக்கவத்தீ இமாய ததியாய
இத்³தி⁴யா ஸமன்னாக³தோ ஹோதி.

‘‘புன சபரங், பி⁴க்க²வே, ராஜா சக்கவத்தீ
ப்³ராஹ்மணக³ஹபதிகானங் பியோ ஹோதி மனாபோ. ஸெய்யதா²பி, பி⁴க்க²வே, பிதா
புத்தானங் பியோ ஹோதி மனாபோ, ஏவமேவ கோ², பி⁴க்க²வே, ராஜா சக்கவத்தீ
ப்³ராஹ்மணக³ஹபதிகானங் பியோ ஹோதி மனாபோ. ரஞ்ஞோபி, பி⁴க்க²வே, சக்கவத்திஸ்ஸ
ப்³ராஹ்மணக³ஹபதிகா பியா ஹொந்தி மனாபா. ஸெய்யதா²பி, பி⁴க்க²வே, பிது புத்தா
பியா ஹொந்தி மனாபா, ஏவமேவ கோ², பி⁴க்க²வே, ரஞ்ஞோபி சக்கவத்திஸ்ஸ
ப்³ராஹ்மணக³ஹபதிகா பியா ஹொந்தி மனாபா.

‘‘பூ⁴தபுப்³ப³ங் , பி⁴க்க²வே,
ராஜா சக்கவத்தீ சதுரங்கி³னியா ஸேனாய உய்யானபூ⁴மிங் நிய்யாஸி. அத² கோ²,
பி⁴க்க²வே, ப்³ராஹ்மணக³ஹபதிகா ராஜானங் சக்கவத்திங் உபஸங்கமித்வா ஏவமாஹங்ஸு –
‘அதரமானோ, தே³வ, யாஹி யதா² தங் மயங் சிரதரங் பஸ்ஸெய்யாமா’தி. ராஜாபி,
பி⁴க்க²வே, சக்கவத்தீ ஸாரதி²ங் ஆமந்தேஸி – ‘அதரமானோ ,
ஸாரதி², பேஸேஹி யதா² மங் ப்³ராஹ்மணக³ஹபதிகா சிரதரங் பஸ்ஸெய்யு’ந்தி. ராஜா,
பி⁴க்க²வே, சக்கவத்தீ இமாய சதுத்தா²ய இத்³தி⁴யா ஸமன்னாக³தோ ஹோதி. ராஜா,
பி⁴க்க²வே, சக்கவத்தீ இமாஹி சதூஹி இத்³தீ⁴ஹி ஸமன்னாக³தோ ஹோதி.

‘‘தங் கிங் மஞ்ஞத², பி⁴க்க²வே, அபி நு கோ² ராஜா
சக்கவத்தீ இமேஹி ஸத்தஹி ரதனேஹி ஸமன்னாக³தோ இமாஹி சதூஹி ச இத்³தீ⁴ஹி
ததோனிதா³னங் ஸுக²ங் ஸோமனஸ்ஸங் படிஸங்வேதி³யேதா²’’தி? ‘‘ஏகமேகேனபி, ப⁴ந்தே,
ரதனேன [தேன ரதனேன (ஸீ॰)] ஸமன்னாக³தோ ராஜா சக்கவத்தீ ததோனிதா³னங் ஸுக²ங் ஸோமனஸ்ஸங் படிஸங்வேதி³யேத², கோ பன வாதோ³ ஸத்தஹி ரதனேஹி சதூஹி ச இத்³தீ⁴ஹீ’’தி?

260.
அத² கோ² ப⁴க³வா பரித்தங் பாணிமத்தங் பாஸாணங் க³ஹெத்வா பி⁴க்கூ² ஆமந்தேஸி –
‘‘தங் கிங் மஞ்ஞத², பி⁴க்க²வே, கதமோ நு கோ² மஹந்ததரோ – யோ சாயங் மயா
பரித்தோ பாணிமத்தோ பாஸாணோ க³ஹிதோ யோ ச ஹிமவா
பப்³ப³தராஜா’’தி? ‘‘அப்பமத்தகோ அயங், ப⁴ந்தே, ப⁴க³வதா பரித்தோ பாணிமத்தோ
பாஸாணோ க³ஹிதோ; ஹிமவந்தங் பப்³ப³தராஜானங் உபனிதா⁴ய ஸங்க²ம்பி ந உபேதி;
கலபா⁴க³ம்பி ந உபேதி; உபனித⁴ம்பி ந உபேதீ’’தி. ‘‘ஏவமேவ கோ², பி⁴க்க²வே, யங்
ராஜா சக்கவத்தீ ஸத்தஹி ரதனேஹி ஸமன்னாக³தோ சதூஹி ச
இத்³தீ⁴ஹி ததோனிதா³னங் ஸுக²ங் ஸோமனஸ்ஸங் படிஸங்வேதே³தி தங் தி³ப்³ப³ஸ்ஸ
ஸுக²ஸ்ஸ உபனிதா⁴ய ஸங்க²ம்பி ந உபேதி; கலபா⁴க³ம்பி ந உபேதி; உபனித⁴ம்பி ந
உபேதி’’.

‘‘ஸ கோ² ஸோ, பி⁴க்க²வே, பண்டி³தோ ஸசே கதா³சி கரஹசி
தீ³க⁴ஸ்ஸ அத்³து⁴னோ அச்சயேன மனுஸ்ஸத்தங் ஆக³ச்ச²தி, யானி தானி உச்சாகுலானி –
க²த்தியமஹாஸாலகுலங் வா ப்³ராஹ்மணமஹாஸாலகுலங் வா க³ஹபதிமஹாஸாலகுலங் வா
ததா²ரூபே குலே பச்சாஜாயதி அட்³டே⁴ மஹத்³த⁴னே மஹாபோ⁴கே³ பஹூதஜாதரூபரஜதே
பஹூதவித்தூபகரணே பஹூதத⁴னத⁴ஞ்ஞே. ஸோ ச ஹோதி அபி⁴ரூபோ த³ஸ்ஸனீயோ பாஸாதி³கோ
பரமாய வண்ணபொக்க²ரதாய ஸமன்னாக³தோ, லாபீ⁴ அன்னஸ்ஸ
பானஸ்ஸ வத்த²ஸ்ஸ யானஸ்ஸ மாலாக³ந்த⁴விலேபனஸ்ஸ ஸெய்யாவஸத²பதீ³பெய்யஸ்ஸ. ஸோ
காயேன ஸுசரிதங் சரதி, வாசாய ஸுசரிதங் சரதி, மனஸா ஸுசரிதங் சரதி. ஸோ காயேன
ஸுசரிதங் சரித்வா, வாசாய ஸுசரிதங் சரித்வா, மனஸா ஸுசரிதங் சரித்வா, காயஸ்ஸ
பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜதி. ஸெய்யதா²பி,
பி⁴க்க²வே, அக்க²து⁴த்தோ பட²மேனேவ கடக்³க³ஹேன மஹந்தங் போ⁴க³க்க²ந்த⁴ங்
அதி⁴க³ச்செ²ய்ய; அப்பமத்தகோ ஸோ, பி⁴க்க²வே, கடக்³க³ஹோ யங் ஸோ அக்க²து⁴த்தோ
பட²மேனேவ கடக்³க³ஹேன மஹந்தங் போ⁴க³க்க²ந்த⁴ங் அதி⁴க³ச்செ²ய்ய. அத² கோ²
அயமேவ ததோ மஹந்ததரோ கடக்³க³ஹோ யங் ஸோ பண்டி³தோ காயேன ஸுசரிதங் சரித்வா,
வாசாய ஸுசரிதங் சரித்வா, மனஸா ஸுசரிதங் சரித்வா காயஸ்ஸ பே⁴தா³ பரங் மரணா
ஸுக³திங் ஸக்³க³ங் லோகங் உபபஜ்ஜதி. அயங், பி⁴க்க²வே, கேவலா பரிபூரா பண்டி³தபூ⁴மீ’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

பா³லபண்டி³தஸுத்தங் நிட்டி²தங் நவமங்.

10. தே³வதூ³தஸுத்தங்

261. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘ஸெய்யதா²பி, பி⁴க்க²வே, த்³வே அகா³ரா ஸத்³வாரா [ஸந்தி⁴த்³வாரா (க॰)],
தத்த² சக்கு²மா புரிஸோ மஜ்ஜே² டி²தோ பஸ்ஸெய்ய மனுஸ்ஸே கே³ஹங் பவிஸந்தேபி
நிக்க²மந்தேபி அனுசங்கமந்தேபி அனுவிசரந்தேபி; ஏவமேவ கோ² அஹங், பி⁴க்க²வே,
தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ஸத்தே பஸ்ஸாமி சவமானே
உபபஜ்ஜமானே ஹீனே பணீதே ஸுவண்ணே து³ப்³ப³ண்ணே, ஸுக³தே து³க்³க³தே
யதா²கம்மூபகே³ ஸத்தே பஜானாமி – ‘இமே வத பொ⁴ந்தோ ஸத்தா காயஸுசரிதேன
ஸமன்னாக³தா வசீஸுசரிதேன ஸமன்னாக³தா மனோஸுசரிதேன ஸமன்னாக³தா அரியானங்
அனுபவாத³கா ஸம்மாதி³ட்டி²கா
ஸம்மாதி³ட்டி²கம்மஸமாதா³னா; தே காயஸ்ஸ பே⁴தா³ பரங் மரணா ஸுக³திங் ஸக்³க³ங்
லோகங் உபபன்னா. இமே வா பன பொ⁴ந்தோ ஸத்தா காயஸுசரிதேன ஸமன்னாக³தா
வசீஸுசரிதேன ஸமன்னாக³தா மனோஸுசரிதேன ஸமன்னாக³தா அரியானங்
அனுபவாத³கா ஸம்மாதி³ட்டி²கா ஸம்மாதி³ட்டி²கம்மஸமாதா³னா; தே காயஸ்ஸ பே⁴தா³
பரங் மரணா மனுஸ்ஸேஸு உபபன்னா. இமே வத பொ⁴ந்தோ ஸத்தா காயது³ச்சரிதேன
ஸமன்னாக³தா வசீது³ச்சரிதேன ஸமன்னாக³தா மனோது³ச்சரிதேன ஸமன்னாக³தா அரியானங்
உபவாத³கா மிச்சா²தி³ட்டி²கா மிச்சா²தி³ட்டி²கம்மஸமாதா³னா ;
தே காயஸ்ஸ பே⁴தா³ பரங் மரணா பெத்திவிஸயங் உபபன்னா. இமே வா பன பொ⁴ந்தோ
ஸத்தா காயது³ச்சரிதேன ஸமன்னாக³தா வசீது³ச்சரிதேன ஸமன்னாக³தா மனோது³ச்சரிதேன
ஸமன்னாக³தா அரியானங் உபவாத³கா மிச்சா²தி³ட்டி²கா
மிச்சா²தி³ட்டி²கம்மஸமாதா³னா; தே காயஸ்ஸ பே⁴தா³ பரங் மரணா திரச்சா²னயோனிங்
உபபன்னா. இமே வா பன பொ⁴ந்தோ ஸத்தா காயது³ச்சரிதேன ஸமன்னாக³தா
வசீது³ச்சரிதேன ஸமன்னாக³தா மனோது³ச்சரிதேன ஸமன்னாக³தா அரியானங் உபவாத³கா
மிச்சா²தி³ட்டி²கா மிச்சா²தி³ட்டி²கம்மஸமாதா³னா; தே காயஸ்ஸ பே⁴தா³ பரங்
மரணா அபாயங் து³க்³க³திங் வினிபாதங் நிரயங் உபபன்னா’’’தி.

262.
‘‘தமேனங், பி⁴க்க²வே, நிரயபாலா நானாபா³ஹாஸு க³ஹெத்வா யமஸ்ஸ ரஞ்ஞோ
த³ஸ்ஸெந்தி – ‘அயங், தே³வ, புரிஸோ அமத்தெய்யோ அபெத்தெய்யோ அஸாமஞ்ஞோ
அப்³ராஹ்மஞ்ஞோ, ந குலே ஜெட்டா²பசாயீ. இமஸ்ஸ தே³வோ
த³ண்ட³ங் பணேதூ’தி. தமேனங், பி⁴க்க²வே, யமோ ராஜா பட²மங் தே³வதூ³தங்
ஸமனுயுஞ்ஜதி ஸமனுகா³ஹதி ஸமனுபா⁴ஸதி – ‘அம்போ⁴ புரிஸ, ந த்வங் அத்³த³ஸ
மனுஸ்ஸேஸு பட²மங் தே³வதூ³தங் பாதுபூ⁴த’ந்தி? ஸோ ஏவமாஹ – ‘நாத்³த³ஸங்,
ப⁴ந்தே’தி.

‘‘தமேனங், பி⁴க்க²வே, யமோ ராஜா ஏவமாஹ – ‘அம்போ⁴ புரிஸ,
ந த்வங் அத்³த³ஸ மனுஸ்ஸேஸு த³ஹரங் குமாரங் மந்த³ங் உத்தானஸெய்யகங் ஸகே
முத்தகரீஸே பலிபன்னங் ஸேமான’ந்தி? ஸோ ஏவமாஹ – ‘அத்³த³ஸங், ப⁴ந்தே’’’தி.

‘‘தமேனங், பி⁴க்க²வே, யமோ ராஜா ஏவமாஹ – ‘அம்போ⁴ புரிஸ, தஸ்ஸ தே விஞ்ஞுஸ்ஸ ஸதோ மஹல்லகஸ்ஸ
ந ஏதத³ஹோஸி – அஹம்பி கொ²ம்ஹி ஜாதித⁴ம்மோ, ஜாதிங் அனதீதோ. ஹந்தா³ஹங்
கல்யாணங் கரோமி காயேன வாசாய மனஸா’தி? ஸோ ஏவமாஹ – ‘நாஸக்கி²ஸ்ஸங், ப⁴ந்தே,
பமாத³ஸ்ஸங், ப⁴ந்தே’’’தி.

‘‘தமேனங் , பி⁴க்க²வே, யமோ ராஜா
ஏவமாஹ – ‘அம்போ⁴ புரிஸ, பமாத³வதாய ந கல்யாணமகாஸி காயேன வாசாய மனஸா. தக்³க⁴
த்வங், அம்போ⁴ புரிஸ, ததா² கரிஸ்ஸந்தி யதா² தங் பமத்தங். தங் கோ² பன தே
ஏதங் பாபகம்மங் [பாபங் கம்மங் (ஸீ॰ பீ॰)] நேவ மாதரா கதங் ந பிதரா கதங்
ந பா⁴தரா கதங் ந ப⁴கி³னியா கதங் ந மித்தாமச்சேஹி கதங் ந ஞாதிஸாலோஹிதேஹி
கதங் ந ஸமணப்³ராஹ்மணேஹி கதங் ந தே³வதாஹி கதங், தயாவேதங் பாபகம்மங் [பாபங் கம்மங் (ஸீ॰ பீ॰)] கதங், த்வஞ்ஞேவேதஸ்ஸ விபாகங் படிஸங்வேதி³ஸ்ஸஸீ’’’தி.

263.
‘‘தமேனங், பி⁴க்க²வே, யமோ ராஜா பட²மங் தே³வதூ³தங் ஸமனுயுஞ்ஜித்வா
ஸமனுகா³ஹித்வா ஸமனுபா⁴ஸித்வா து³தியங் தே³வதூ³தங் ஸமனுயுஞ்ஜதி ஸமனுகா³ஹதி
ஸமனுபா⁴ஸதி – ‘அம்போ⁴ புரிஸ, ந த்வங் அத்³த³ஸ மனுஸ்ஸேஸு து³தியங்
தே³வதூ³தங் பாதுபூ⁴த’ந்தி? ஸோ ஏவமாஹ – ‘நாத்³த³ஸங், ப⁴ந்தே’’’தி.

‘‘தமேனங், பி⁴க்க²வே, யமோ ராஜா ஏவமாஹ – ‘அம்போ⁴ புரிஸ, ந த்வங் அத்³த³ஸ மனுஸ்ஸேஸு இத்தி²ங் வா புரிஸங் வா ( ) [(ஆஸீதிகங் வா நாவுதிகங் வா வஸ்ஸஸதிகங் வா ஜாதியா) (க॰ ஸீ॰ ஸ்யா॰ கங்॰ பீ॰) திகங்கு³த்தரேபி]
ஜிண்ணங் கோ³பானஸிவங்கங் பொ⁴க்³க³ங் த³ண்ட³பராயனங் பவேத⁴மானங் க³ச்ச²ந்தங்
ஆதுரங் க³தயொப்³ப³னங் க²ண்ட³த³ந்தங் பலிதகேஸங் விலூனங் க²லிதஸிரங் [க²லிதங்ஸிரோ (ஸீ॰), க²லிதங்ஸிரங் (ஸ்யா॰ கங்॰ பீ॰)] வலினங் திலகாஹதக³த்த’ந்தி? ஸோ ஏவமாஹ – ‘அத்³த³ஸங், ப⁴ந்தே’’’தி.

‘‘தமேனங் , பி⁴க்க²வே, யமோ ராஜா ஏவமாஹ – ‘அம்போ⁴ புரிஸ, தஸ்ஸ தே விஞ்ஞுஸ்ஸ ஸதோ
மஹல்லகஸ்ஸ ந ஏதத³ஹோஸி – அஹம்பி கொ²ம்ஹி ஜராத⁴ம்மோ, ஜரங் அனதீதோ. ஹந்தா³ஹங்
கல்யாணங் கரோமி காயேன வாசாய மனஸா’தி? ஸோ ஏவமாஹ – ‘நாஸக்கி²ஸ்ஸங், ப⁴ந்தே,
பமாத³ஸ்ஸங், ப⁴ந்தே’’’தி.

‘‘தமேனங், பி⁴க்க²வே, யமோ ராஜா ஏவமாஹ – ‘அம்போ⁴ புரிஸ,
பமாத³வதாய ந கல்யாணமகாஸி காயேன வாசாய மனஸா. தக்³க⁴ த்வங், அம்போ⁴ புரிஸ,
ததா² கரிஸ்ஸந்தி யதா² தங் பமத்தங். தங் கோ² பன தே ஏதங் பாபகம்மங் நேவ மாதரா
கதங் ந பிதரா கதங் ந பா⁴தரா கதங் ந ப⁴கி³னியா கதங் ந மித்தாமச்சேஹி கதங் ந
ஞாதிஸாலோஹிதேஹி கதங் ந ஸமணப்³ராஹ்மணேஹி கதங் ந தே³வதாஹி கதங், தயாவேதங் பாபகம்மங் கதங், த்வஞ்ஞேவேதஸ்ஸ விபாகங் படிஸங்வேதி³ஸ்ஸஸீ’’’தி.

264.
‘‘தமேனங், பி⁴க்க²வே, யமோ ராஜா து³தியங் தே³வதூ³தங் ஸமனுயுஞ்ஜித்வா
ஸமனுகா³ஹித்வா ஸமனுபா⁴ஸித்வா ததியங் தே³வதூ³தங் ஸமனுயுஞ்ஜதி ஸமனுகா³ஹதி
ஸமனுபா⁴ஸதி – ‘அம்போ⁴ புரிஸ, ந த்வங் அத்³த³ஸ மனுஸ்ஸேஸு ததியங் தே³வதூ³தங் பாதுபூ⁴த’ந்தி? ஸோ ஏவமாஹ – ‘நாத்³த³ஸங், ப⁴ந்தே’’’தி.

‘‘தமேனங், பி⁴க்க²வே, யமோ ராஜா ஏவமாஹ – ‘அம்போ⁴ புரிஸ,
ந த்வங் அத்³த³ஸ மனுஸ்ஸேஸு இத்தி²ங் வா புரிஸங் வா ஆபா³தி⁴கங் து³க்கி²தங்
பா³ள்ஹகி³லானங் ஸகே முத்தகரீஸே பலிபன்னங் ஸேமானங் அஞ்ஞேஹி வுட்டா²பியமானங்
அஞ்ஞேஹி ஸங்வேஸியமான’ந்தி? ஸோ ஏவமாஹ – ‘அத்³த³ஸங், ப⁴ந்தே’’’தி.

‘‘தமேனங், பி⁴க்க²வே, யமோ ராஜா ஏவமாஹ – ‘அம்போ⁴ புரிஸ, தஸ்ஸ தே விஞ்ஞுஸ்ஸ ஸதோ மஹல்லகஸ்ஸ ந ஏதத³ஹோஸி – அஹம்பி கொ²ம்ஹி ப்³யாதி⁴த⁴ம்மோ , ப்³யாதி⁴ங் அனதீதோ. ஹந்தா³ஹங் கல்யாணங் கரோமி காயேன வாசாய மனஸா’தி? ஸோ ஏவமாஹ – ‘நாஸக்கி²ஸ்ஸங், ப⁴ந்தே, பமாத³ஸ்ஸங், ப⁴ந்தே’’’தி.

‘‘தமேனங், பி⁴க்க²வே, யமோ ராஜா ஏவமாஹ – ‘அம்போ⁴ புரிஸ,
பமாத³வதாய ந கல்யாணமகாஸி காயேன வாசாய மனஸா. தக்³க⁴ த்வங், அம்போ⁴ புரிஸ,
ததா² கரிஸ்ஸந்தி யதா² தங் பமத்தங். தங் கோ² பன தே ஏதங் பாபகம்மங் நேவ மாதரா
கதங் ந பிதரா கதங் ந பா⁴தரா கதங் ந ப⁴கி³னியா கதங்
ந மித்தாமச்சேஹி கதங் ந ஞாதிஸாலோஹிதேஹி கதங் ந ஸமணப்³ராஹ்மணேஹி கதங் ந
தே³வதாஹி கதங், தயாவேதங் பாபகம்மங் கதங், த்வஞ்ஞேவேதஸ்ஸ விபாகங்
படிஸங்வேதி³ஸ்ஸஸீ’’’தி.

265.
‘‘தமேனங், பி⁴க்க²வே, யமோ ராஜா ததியங் தே³வதூ³தங் ஸமனுயுஞ்ஜித்வா
ஸமனுகா³ஹித்வா ஸமனுபா⁴ஸித்வா சதுத்த²ங் தே³வதூ³தங் ஸமனுயுஞ்ஜதி ஸமனுகா³ஹதி
ஸமனுபா⁴ஸதி – ‘அம்போ⁴ புரிஸ, ந த்வங் அத்³த³ஸ மனுஸ்ஸேஸு சதுத்த²ங்
தே³வதூ³தங் பாதுபூ⁴த’ந்தி? ஸோ ஏவமாஹ – ‘நாத்³த³ஸங், ப⁴ந்தே’’’தி.

‘‘தமேனங், பி⁴க்க²வே, யமோ ராஜா ஏவமாஹ – ‘அம்போ⁴ புரிஸ,
ந த்வங் அத்³த³ஸ மனுஸ்ஸேஸு ராஜானோ சோரங் ஆகு³சாரிங் க³ஹெத்வா விவிதா⁴
கம்மகாரணா காரெந்தே – கஸாஹிபி தாளெந்தே வெத்தேஹிபி தாளெந்தே
அத்³த⁴த³ண்ட³கேஹிபி தாளெந்தே ஹத்த²ம்பி சி²ந்த³ந்தே பாத³ம்பி சி²ந்த³ந்தே
ஹத்த²பாத³ம்பி சி²ந்த³ந்தே கண்ணம்பி சி²ந்த³ந்தே
நாஸம்பி சி²ந்த³ந்தே கண்ணனாஸம்பி சி²ந்த³ந்தே பி³லங்க³தா²லிகம்பி கரொந்தே
ஸங்க²முண்டி³கம்பி கரொந்தே ராஹுமுக²ம்பி கரொந்தே ஜோதிமாலிகம்பி கரொந்தே
ஹத்த²பஜ்ஜோதிகம்பி கரொந்தே ஏரகவத்திகம்பி கரொந்தே
சீரகவாஸிகம்பி கரொந்தே ஏணெய்யகம்பி கரொந்தே ப³ளிஸமங்ஸிகம்பி கரொந்தே
கஹாபணிகம்பி கரொந்தே கா²ராபதச்சி²கம்பி கரொந்தே பலிக⁴பரிவத்திகம்பி கரொந்தே
பலாலபீட²கம்பி கரொந்தே தத்தேனபி தேலேன ஓஸிஞ்சந்தே ஸுனகே²ஹிபி கா²தா³பெந்தே
ஜீவந்தம்பி ஸூலே உத்தாஸெந்தே அஸினாபி ஸீஸங் சி²ந்த³ந்தே’தி? ஸோ ஏவமாஹ –
‘அத்³த³ஸங், ப⁴ந்தே’’’தி.

‘‘தமேனங், பி⁴க்க²வே, யமோ ராஜா ஏவமாஹ – ‘அம்போ⁴ புரிஸ,
தஸ்ஸ தே விஞ்ஞுஸ்ஸ ஸதோ மஹல்லகஸ்ஸ ந ஏதத³ஹோஸி – யே கிர, போ⁴, பாபகானி
கம்மானி கரொந்தி தே தி³ட்டே²வ த⁴ம்மே ஏவரூபா விவிதா⁴ கம்மகாரணா கரீயந்தி,
கிமங்க³ங் [கிமங்க³ (ஸீ॰ பீ॰)] பன பரத்த² ! ஹந்தா³ஹங் கல்யாணங் கரோமி காயேன வாசாய மனஸா’தி? ஸோ ஏவமாஹ – ‘நாஸக்கி²ஸ்ஸங், ப⁴ந்தே, பமாத³ஸ்ஸங், ப⁴ந்தே’’’தி.

‘‘தமேனங், பி⁴க்க²வே, யமோ ராஜா ஏவமாஹ – ‘அம்போ⁴ புரிஸ,
பமாத³வதாய ந கல்யாணமகாஸி காயேன வாசாய மனஸா. தக்³க⁴ த்வங், அம்போ⁴ புரிஸ,
ததா² கரிஸ்ஸந்தி யதா² தங் பமத்தங். தங் கோ² பன தே ஏதங் பாபகம்மங் நேவ மாதரா
கதங் ந பிதரா கதங் ந பா⁴தரா கதங் ந ப⁴கி³னியா கதங் ந மித்தாமச்சேஹி கதங் ந
ஞாதிஸாலோஹிதேஹி கதங் ந ஸமணப்³ராஹ்மணேஹி கதங் ந தே³வதாஹி கதங், தயாவேதங் பாபகம்மங் கதங், த்வஞ்ஞேவேதஸ்ஸ விபாகங் படிஸங்வேதி³ஸ்ஸஸீ’’’தி.

266. ‘‘தமேனங், பி⁴க்க²வே, யமோ ராஜா சதுத்த²ங் தே³வதூ³தங் ஸமனுயுஞ்ஜித்வா ஸமனுகா³ஹித்வா ஸமனுபா⁴ஸித்வா பஞ்சமங் தே³வதூ³தங் ஸமனுயுஞ்ஜதி
ஸமனுகா³ஹதி ஸமனுபா⁴ஸதி – ‘அம்போ⁴ புரிஸ, ந த்வங் அத்³த³ஸ மனுஸ்ஸேஸு
பஞ்சமங் தே³வதூ³தங் பாதுபூ⁴த’ந்தி? ஸோ ஏவமாஹ – ‘நாத்³த³ஸங், ப⁴ந்தே’’’தி.

‘‘தமேனங், பி⁴க்க²வே, யமோ ராஜா ஏவமாஹ – ‘அம்போ⁴ புரிஸ,
ந த்வங் அத்³த³ஸ மனுஸ்ஸேஸு இத்தி²ங் வா புரிஸங் வா ஏகாஹமதங் வா த்³வீஹமதங்
வா தீஹமதங் வா உத்³து⁴மாதகங் வினீலகங் விபுப்³ப³கஜாத’ந்தி? ஸோ ஏவமாஹ –
‘அத்³த³ஸங், ப⁴ந்தே’’’தி.

‘‘தமேனங் , பி⁴க்க²வே, யமோ ராஜா
ஏவமாஹ – ‘அம்போ⁴ புரிஸ, தஸ்ஸ தே விஞ்ஞுஸ்ஸ ஸதோ மஹல்லகஸ்ஸ ந ஏதத³ஹோஸி –
அஹம்பி கொ²ம்ஹி மரணத⁴ம்மோ, மரணங் அனதீதோ. ஹந்தா³ஹங் கல்யாணங் கரோமி காயேன
வாசாய மனஸா’தி? ஸோ ஏவமாஹ – ‘நாஸக்கி²ஸ்ஸங், ப⁴ந்தே, பமாத³ஸ்ஸங்,
ப⁴ந்தே’’’தி.

‘‘தமேனங், பி⁴க்க²வே, யமோ ராஜா ஏவமாஹ – ‘அம்போ⁴ புரிஸ,
பமாத³வதாய ந கல்யாணமகாஸி காயேன வாசாய மனஸா. தக்³க⁴ த்வங், அம்போ⁴ புரிஸ,
ததா² கரிஸ்ஸந்தி யதா² தங் பமத்தங். தங் கோ² பன தே ஏதங் பாபகம்மங் நேவ மாதரா
கதங் ந பிதரா கதங் ந பா⁴தரா கதங் ந ப⁴கி³னியா கதங் ந மித்தாமச்சேஹி கதங் ந
ஞாதிஸாலோஹிதேஹி கதங் ந ஸமணப்³ராஹ்மணேஹி கதங் ந தே³வதாஹி கதங், தயாவேதங்
பாபகம்மங் கதங், த்வஞ்ஞேவேதஸ்ஸ விபாகங் படிஸங்வேதி³ஸ்ஸஸீ’’’தி.

267.
‘‘தமேனங், பி⁴க்க²வே, யமோ ராஜா பஞ்சமங் தே³வதூ³தங் ஸமனுயுஞ்ஜித்வா
ஸமனுகா³ஹித்வா ஸமனுபா⁴ஸித்வா துண்ஹீ ஹோதி. தமேனங், பி⁴க்க²வே, நிரயபாலா
பஞ்சவித⁴ப³ந்த⁴னங் நாம கம்மகாரணங் கரொந்தி – தத்தங் அயோகி²லங் ஹத்தே² க³மெந்தி, தத்தங் அயோகி²லங் து³தியே ஹத்தே² க³மெந்தி, தத்தங் அயோகி²லங் பாதே³ க³மெந்தி, தத்தங் அயோகி²லங் து³தியே பாதே³ க³மெந்தி, தத்தங் அயோகி²லங் மஜ்ஜே²உரஸ்மிங்
க³மெந்தி. ஸோ தத்த² து³க்கா² திப்³பா³ க²ரா கடுகா வேத³னா வேதே³தி, ந ச தாவ
காலங் கரோதி யாவ ந தங் பாபகம்மங் ப்³யந்தீஹோதி. தமேனங், பி⁴க்க²வே,
நிரயபாலா ஸங்வேஸெத்வா குடா²ரீஹி தச்ச²ந்தி…பே॰… தமேனங், பி⁴க்க²வே,
நிரயபாலா உத்³த⁴ங்பாத³ங் அதோ⁴ஸிரங் க³ஹெத்வா வாஸீஹி தச்ச²ந்தி…பே॰… தமேனங்,
பி⁴க்க²வே, நிரயபாலா ரதே² யோஜெத்வா ஆதி³த்தாய பத²வியா ஸம்பஜ்ஜலிதாய
ஸஜோதிபூ⁴தாய ஸாரெந்திபி, பச்சாஸாரெந்திபி…பே॰… தமேனங், பி⁴க்க²வே, நிரயபாலா
மஹந்தங் அங்கா³ரபப்³ப³தங் ஆதி³த்தங் ஸம்பஜ்ஜலிதங் ஸஜோதிபூ⁴தங் ஆரோபெந்திபி
ஓரோபெந்திபி…பே॰… தமேனங், பி⁴க்க²வே, நிரயபாலா உத்³த⁴ங்பாத³ங் அதோ⁴ஸிரங்
க³ஹெத்வா தத்தாய லோஹகும்பி⁴யா பக்கி²பந்தி ஆதி³த்தாய ஸம்பஜ்ஜலிதாய
ஸஜோதிபூ⁴தாய. ஸோ தத்த² பே²ணுத்³தே³ஹகங் பச்சதி. ஸோ தத்த² பே²ணுத்³தே³ஹகங்
பச்சமானோ ஸகிம்பி உத்³த⁴ங் க³ச்ச²தி, ஸகிம்பி அதோ⁴ க³ச்ச²தி, ஸகிம்பி
திரியங் க³ச்ச²தி. ஸோ தத்த² து³க்கா² திப்³பா³ க²ரா கடுகா வேத³னா வேதே³தி, ந
ச தாவ காலங்கரோதி யாவ ந தங் பாபகம்மங் ப்³யந்தீஹோதி. தமேனங், பி⁴க்க²வே,
நிரயபாலா மஹானிரயே பக்கி²பந்தி. ஸோ கோ² பன, பி⁴க்க²வே, மஹானிரயோ –

‘‘சதுக்கண்ணோ சதுத்³வாரோ, விப⁴த்தோ பா⁴க³ஸோ மிதோ;

அயோபாகாரபரியந்தோ, அயஸா படிகுஜ்ஜிதோ.

‘‘தஸ்ஸ அயோமயா பூ⁴மி, ஜலிதா தேஜஸாயுதா;

ஸமந்தா யோஜனஸதங், ப²ரித்வா திட்ட²தி ஸப்³ப³தா³’’ .

268.
‘‘தஸ்ஸ கோ² பன, பி⁴க்க²வே, மஹானிரயஸ்ஸ புரத்தி²மாய பி⁴த்தியா அச்சி
உட்ட²ஹித்வா பச்சி²மாய பி⁴த்தியா படிஹஞ்ஞதி, பச்சி²மாய பி⁴த்தியா அச்சி
உட்ட²ஹித்வா புரத்தி²மாய பி⁴த்தியா படிஹஞ்ஞதி,
உத்தராய பி⁴த்தியா அச்சி உட்ட²ஹித்வா த³க்கி²ணாய பி⁴த்தியா படிஹஞ்ஞதி,
த³க்கி²ணாய பி⁴த்தியா அச்சி உட்ட²ஹித்வா உத்தராய பி⁴த்தியா படிஹஞ்ஞதி,
ஹெட்டா² அச்சி உட்ட²ஹித்வா உபரி படிஹஞ்ஞதி, உபரிதோ அச்சி உட்ட²ஹித்வா
ஹெட்டா² படிஹஞ்ஞதி. ஸோ தத்த² து³க்கா² திப்³பா³ க²ரா கடுகா வேத³னா வேதே³தி,
ந ச தாவ காலங்கரோதி யாவ ந தங் பாபகம்மங் ப்³யந்தீஹோதி.

‘‘ஹோதி கோ² ஸோ, பி⁴க்க²வே, ஸமயோ யங் கதா³சி கரஹசி தீ³க⁴ஸ்ஸ அத்³து⁴னோ அச்சயேன தஸ்ஸ மஹானிரயஸ்ஸ புரத்தி²மங் த்³வாரங் அபாபுரீயதி [அவாபுரீயதி (ஸீ॰)].
ஸோ தத்த² ஸீகே⁴ன ஜவேன தா⁴வதி. தஸ்ஸ ஸீகே⁴ன ஜவேன தா⁴வதோ ச²விம்பி ட³ய்ஹதி,
சம்மம்பி ட³ய்ஹதி, மங்ஸம்பி ட³ய்ஹதி, ந்ஹாரும்பி ட³ய்ஹதி, அட்டீ²னிபி
ஸம்பதூ⁴பாயந்தி, உப்³ப⁴தங் தாதி³ஸமேவ ஹோதி. யதோ ச கோ² ஸோ, பி⁴க்க²வே,
ப³ஹுஸம்பத்தோ ஹோதி, அத² தங் த்³வாரங் பிதீ⁴யதி [பிதீ²யதி (ஸீ॰ ஸ்யா॰ கங்॰ பீ॰)]. ஸோ தத்த² து³க்கா² திப்³பா³ க²ரா கடுகா வேத³னா வேதே³தி, ந ச தாவ காலங்கரோதி யாவ ந தங் பாபகம்மங் ப்³யந்தீஹோதி.

‘‘ஹோதி கோ² ஸோ, பி⁴க்க²வே, ஸமயோ யங் கதா³சி கரஹசி
தீ³க⁴ஸ்ஸ அத்³து⁴னோ அச்சயேன தஸ்ஸ மஹானிரயஸ்ஸ பச்சி²மங் த்³வாரங்
அபாபுரீயதி…பே॰… உத்தரங் த்³வாரங் அபாபுரீயதி…பே॰… த³க்கி²ணங் த்³வாரங்
அபாபுரீயதி . ஸோ தத்த² ஸீகே⁴ன ஜவேன தா⁴வதி. தஸ்ஸ
ஸீகே⁴ன ஜவேன தா⁴வதோ ச²விம்பி ட³ய்ஹதி, சம்மம்பி ட³ய்ஹதி, மங்ஸம்பி ட³ய்ஹதி,
ந்ஹாரும்பி ட³ய்ஹதி, அட்டீ²னிபி ஸம்பதூ⁴பாயந்தி, உப்³ப⁴தங் தாதி³ஸமேவ
ஹோதி. யதோ ச கோ² ஸோ, பி⁴க்க²வே, ப³ஹுஸம்பத்தோ ஹோதி, அத² தங் த்³வாரங்
பிதீ⁴யதி. ஸோ தத்த² து³க்கா² திப்³பா³ க²ரா கடுகா வேத³னா வேதே³தி, ந ச தாவ
காலங்கரோதி யாவ ந தங் பாபகம்மங் ப்³யந்தீஹோதி.

‘‘ஹோதி கோ² ஸோ, பி⁴க்க²வே,
ஸமயோ யங் கதா³சி கரஹசி தீ³க⁴ஸ்ஸ அத்³து⁴னோ அச்சயேன தஸ்ஸ மஹானிரயஸ்ஸ
புரத்தி²மங் த்³வாரங் அபாபுரீயதி. ஸோ தத்த² ஸீகே⁴ன ஜவேன தா⁴வதி. தஸ்ஸ
ஸீகே⁴ன ஜவேன தா⁴வதோ ச²விம்பி ட³ய்ஹதி, சம்மம்பி ட³ய்ஹதி, மங்ஸம்பி ட³ய்ஹதி,
ந்ஹாரும்பி ட³ய்ஹதி, அட்டீ²னிபி ஸம்பதூ⁴பாயந்தி, உப்³ப⁴தங் தாதி³ஸமேவ
ஹோதி. ஸோ தேன த்³வாரேன நிக்க²மதி.

269. ‘‘தஸ்ஸ கோ² பன, பி⁴க்க²வே, மஹானிரயஸ்ஸ ஸமனந்தரா
ஸஹிதமேவ மஹந்தோ கூ³த²னிரயோ. ஸோ தத்த² பததி. தஸ்மிங் கோ² பன, பி⁴க்க²வே,
கூ³த²னிரயே ஸூசிமுகா² பாணா ச²விங் சி²ந்த³ந்தி, ச²விங் செ²த்வா சம்மங்
சி²ந்த³ந்தி, சம்மங் செ²த்வா மங்ஸங் சி²ந்த³ந்தி, மங்ஸங் செ²த்வா ந்ஹாருங்
சி²ந்த³ந்தி, ந்ஹாருங் செ²த்வா அட்டி²ங் சி²ந்த³ந்தி, அட்டி²ங் செ²த்வா
அட்டி²மிஞ்ஜங் கா²த³ந்தி. ஸோ தத்த² து³க்கா² திப்³பா³ க²ரா கடுகா வேத³னா
வேதே³தி, ந ச தாவ காலங்கரோதி யாவ ந தங் பாபகம்மங் ப்³யந்தீஹோதி.

‘‘தஸ்ஸ கோ² பன, பி⁴க்க²வே, கூ³த²னிரயஸ்ஸ ஸமனந்தரா ஸஹிதமேவ மஹந்தோ
குக்குலனிரயோ. ஸோ தத்த² பததி. ஸோ தத்த² து³க்கா² திப்³பா³ க²ரா கடுகா
வேத³னா வேதே³தி, ந ச தாவ காலங்கரோதி யாவ ந தங் பாபகம்மங் ப்³யந்தீஹோதி.

‘‘தஸ்ஸ கோ² பன, பி⁴க்க²வே, குக்குலனிரயஸ்ஸ ஸமனந்தரா ஸஹிதமேவ மஹந்தங் ஸிம்ப³லிவனங் உத்³த⁴ங் [உச்சங் (ஸ்யா॰ கங்॰), உப்³ப⁴தோ (க॰)] யோஜனமுக்³க³தங் ஸோளஸங்கு³லகண்டகங் [ஸோளஸங்கு³லகண்ட³கங் (ஸீ॰)]
ஆதி³த்தங் ஸம்பஜ்ஜலிதங் ஸஜோதிபூ⁴தங். தத்த² ஆரோபெந்திபி ஓரோபெந்திபி. ஸோ
தத்த² து³க்கா² திப்³பா³ க²ரா கடுகா வேத³னா வேதே³தி, ந ச தாவ காலங்கரோதி
யாவ ந தங் பாபகம்மங் ப்³யந்தீஹோதி.

‘‘தஸ்ஸ கோ² பன, பி⁴க்க²வே, ஸிம்ப³லிவனஸ்ஸ ஸமனந்தரா
ஸஹிதமேவ மஹந்தங் அஸிபத்தவனங். ஸோ தத்த² பவிஸதி. தஸ்ஸ வாதேரிதானி பத்தானி
பதிதானி ஹத்த²ம்பி சி²ந்த³ந்தி, பாத³ம்பி சி²ந்த³ந்தி, ஹத்த²பாத³ம்பி
சி²ந்த³ந்தி, கண்ணம்பி சி²ந்த³ந்தி, நாஸம்பி சி²ந்த³ந்தி, கண்ணனாஸம்பி
சி²ந்த³ந்தி. ஸோ தத்த² து³க்கா² திப்³பா³ க²ரா கடுகா வேத³னா வேதே³தி, ந ச
தாவ காலங்கரோதி யாவ ந தங் பாபகம்மங் ப்³யந்தீஹோதி.

‘‘தஸ்ஸ கோ² பன, பி⁴க்க²வே, அஸிபத்தவனஸ்ஸ ஸமனந்தரா ஸஹிதமேவ மஹதீ கா²ரோத³கா நதீ³ [கா²ரோதி³கா நதீ³ (ஸீ॰)]. ஸோ தத்த² பததி. ஸோ தத்த² அனுஸோதம்பி வுய்ஹதி ,
படிஸோதம்பி வுய்ஹதி, அனுஸோதபடிஸோதம்பி வுய்ஹதி. ஸோ தத்த² து³க்கா²
திப்³பா³ க²ரா கடுகா வேத³னா வேதே³தி, ந ச தாவ காலங்கரோதி யாவ ந தங்
பாபகம்மங் ப்³யந்தீஹோதி.

270. ‘‘தமேனங், பி⁴க்க²வே, நிரயபாலா ப³லிஸேன உத்³த⁴ரித்வா த²லே பதிட்டா²பெத்வா
ஏவமாஹங்ஸு – ‘அம்போ⁴ புரிஸ, கிங் இச்ச²ஸீ’தி? ஸோ ஏவமாஹ –
‘ஜிக⁴ச்சி²தொஸ்மி, ப⁴ந்தே’தி. தமேனங், பி⁴க்க²வே, நிரயபாலா தத்தேன
அயோஸங்குனா முக²ங் விவரித்வா ஆதி³த்தேன ஸம்பஜ்ஜலிதேன ஸஜோதிபூ⁴தேன தத்தங்
லோஹகு³ளங் முகே² பக்கி²பந்தி ஆதி³த்தங் ஸம்பஜ்ஜலிதங் ஸஜோதிபூ⁴தங். ஸோ தஸ்ஸ [தங் தஸ்ஸ (க॰), தஸ்ஸ (ஸீ॰ பீ॰)] ஒட்ட²ம்பி த³ஹதி [ட³ய்ஹதி (ஸீ॰ ஸ்யா॰ கங்॰ பீ॰)], முக²ம்பி த³ஹதி, கண்ட²ம்பி த³ஹதி, உரம்பி [உத³ரம்பி (ஸீ॰ ஸ்யா॰ கங்॰)]
த³ஹதி, அந்தம்பி அந்தகு³ணம்பி ஆதா³ய அதோ⁴பா⁴கா³ நிக்க²மதி. ஸோ தத்த²
து³க்கா² திப்³பா³ க²ரா கடுகா வேத³னா வேதே³தி, ந ச தாவ காலங்கரோதி யாவ ந
தங் பாபகம்மங் ப்³யந்தீஹோதி.

‘‘தமேனங் , பி⁴க்க²வே, நிரயபாலா
ஏவமாஹங்ஸு – ‘அம்போ⁴ புரிஸ, கிங் இச்ச²ஸீ’தி? ஸோ ஏவமாஹ – ‘பிபாஸிதொஸ்மி,
ப⁴ந்தே’தி. தமேனங், பி⁴க்க²வே, நிரயபாலா தத்தேன அயோஸங்குனா முக²ங்
விவரித்வா ஆதி³த்தேன ஸம்பஜ்ஜலிதேன ஸஜோதிபூ⁴தேன தத்தங் தம்ப³லோஹங் முகே²
ஆஸிஞ்சந்தி ஆதி³த்தங் ஸம்பஜ்ஜலிதங் ஸஜோதிபூ⁴தங். தங் தஸ்ஸ [எத்த² பன பாட²பே⁴தோ³ நத்தி²]
ஒட்ட²ம்பி த³ஹதி, முக²ம்பி த³ஹதி, கண்ட²ம்பி த³ஹதி, உரம்பி த³ஹதி,
அந்தம்பி அந்தகு³ணம்பி ஆதா³ய அதோ⁴பா⁴கா³ நிக்க²மதி. ஸோ தத்த² து³க்கா²
திப்³பா³ க²ரா கடுகா வேத³னா வேதே³தி, ந ச தாவ காலங்கரோதி, யாவ ந தங்
பாபகம்மங் ப்³யந்தீஹோதி. தமேனங், பி⁴க்க²வே, நிரயபாலா புன மஹானிரயே
பக்கி²பந்தி.

‘‘பூ⁴தபுப்³ப³ங், பி⁴க்க²வே, யமஸ்ஸ ரஞ்ஞோ ஏதத³ஹோஸி – ‘யே கிர ,
போ⁴, லோகே பாபகானி அகுஸலானி கம்மானி கரொந்தி தே ஏவரூபா விவிதா⁴ கம்மகாரணா
கரீயந்தி. அஹோ வதாஹங் மனுஸ்ஸத்தங் லபெ⁴ய்யங். ததா²க³தோ ச லோகே உப்பஜ்ஜெய்ய
அரஹங் ஸம்மாஸம்பு³த்³தோ⁴. தஞ்சாஹங் ப⁴க³வந்தங் பயிருபாஸெய்யங். ஸோ ச மே
ப⁴க³வா த⁴ம்மங் தே³ஸெய்ய. தஸ்ஸ சாஹங் ப⁴க³வதோ த⁴ம்மங் ஆஜானெய்ய’ந்தி. தங்
கோ² பனாஹங், பி⁴க்க²வே, நாஞ்ஞஸ்ஸ ஸமணஸ்ஸ வா ப்³ராஹ்மணஸ்ஸ வா ஸுத்வா வதா³மி,
அபி ச யதே³வ ஸாமங் ஞாதங் ஸாமங் தி³ட்ட²ங் ஸாமங் விதி³தங் ததே³வாஹங்
வதா³மீ’’தி.

271. இத³மவோச ப⁴க³வா. இத³ங் வத்வான [இத³ங் வத்வா (ஸீ॰ பீ॰) ஏவமீதி³ஸேஸு டா²னேஸு] ஸுக³தோ அதா²பரங் ஏதத³வோச ஸத்தா² –

‘‘சோதி³தா தே³வதூ³தேஹி, யே பமஜ்ஜந்தி மாணவா;

தே தீ³க⁴ரத்தங் ஸோசந்தி, ஹீனகாயூபகா³ நரா.

‘‘யே ச கோ² தே³வதூ³தேஹி, ஸந்தோ ஸப்புரிஸா இத⁴;

சோதி³தா நப்பமஜ்ஜந்தி, அரியத⁴ம்மே குதா³சனங்.

‘‘உபாதா³னே ப⁴யங் தி³ஸ்வா, ஜாதிமரணஸம்ப⁴வே;

அனுபாதா³ விமுச்சந்தி, ஜாதிமரணஸங்க²யே.

‘‘தே கே²மப்பத்தா ஸுகி²னோ, தி³ட்ட²த⁴ம்மாபி⁴னிப்³பு³தா;

ஸப்³ப³வேரப⁴யாதீதா, ஸப்³ப³து³க்க²ங் [ஸப்³ப³து³க்கா² (க॰)] உபச்சகு³’’ந்தி.

தே³வதூ³தஸுத்தங் நிட்டி²தங் த³ஸமங்.

ஸுஞ்ஞதவக்³கோ³ நிட்டி²தோ ததியோ.

தஸ்ஸுத்³தா³னங் –

த்³விதா⁴வ ஸுஞ்ஞதா ஹோதி, அப்³பு⁴தத⁴ம்மபா³குலங்;

அசிரவதபூ⁴மிஜனாமோ, அனுருத்³து⁴பக்கிலேஸங்;

பா³லபண்டி³தோ தே³வதூ³தஞ்ச தே த³ஸாதி.

comments (0)

ஸுத்தபிடக-Part-46-தமிழில் திரபிடக மூன்று தொகுப்புகள்TIPITAKA–46.2. அனுபதவக்கோ-1. அனுபதஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 5:47 pm

ஸுத்தபிடக-Part-46-தமிழில் திரபிடக மூன்று தொகுப்புகள்TIPITAKA--46.2. அனுபதவக்கோ-1. அனுபதஸுத்தங்-from FREE ONLINE eNālāndā Research and
Practice UNIVERSITY through http://sarvajan.ambedkar.org

2. அனுபதவக்கோ

1. அனுபதஸுத்தங்

93. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘பண்டி³தோ, பி⁴க்க²வே, ஸாரிபுத்தோ; மஹாபஞ்ஞோ, பி⁴க்க²வே, ஸாரிபுத்தோ; புது²பஞ்ஞோ, பி⁴க்க²வே, ஸாரிபுத்தோ; ஹாஸபஞ்ஞோ [ஹாஸுபஞ்ஞோ (ஸீ॰ பீ॰)],
பி⁴க்க²வே, ஸாரிபுத்தோ; ஜவனபஞ்ஞோ, பி⁴க்க²வே, ஸாரிபுத்தோ; திக்க²பஞ்ஞோ,
பி⁴க்க²வே, ஸாரிபுத்தோ; நிப்³பே³தி⁴கபஞ்ஞோ, பி⁴க்க²வே, ஸாரிபுத்தோ;
ஸாரிபுத்தோ, பி⁴க்க²வே, அட்³ட⁴மாஸங் அனுபத³த⁴ம்மவிபஸ்ஸனங் விபஸ்ஸதி.
தத்ரித³ங், பி⁴க்க²வே, ஸாரிபுத்தஸ்ஸ அனுபத³த⁴ம்மவிபஸ்ஸனாய ஹோதி.

94.
‘‘இத⁴, பி⁴க்க²வே, ஸாரிபுத்தோ விவிச்சேவ காமேஹி விவிச்ச அகுஸலேஹி த⁴ம்மேஹி
ஸவிதக்கங் ஸவிசாரங் விவேகஜங் பீதிஸுக²ங் பட²மங் ஜா²னங் உபஸம்பஜ்ஜ விஹரதி.
யே ச பட²மே ஜா²னே [பட²மஜ்ஜா²னே (க॰ ஸீ॰ பீ॰ க॰)]
த⁴ம்மா விதக்கோ ச விசாரோ ச பீதி ச ஸுக²ஞ்ச சித்தேகக்³க³தா ச, ப²ஸ்ஸோ
வேத³னா ஸஞ்ஞா சேதனா சித்தங் ச²ந்தோ³ அதி⁴மொக்கோ² வீரியங் ஸதி உபெக்கா²
மனஸிகாரோ – த்யாஸ்ஸ த⁴ம்மா அனுபத³வவத்தி²தா ஹொந்தி. த்யாஸ்ஸ த⁴ம்மா விதி³தா
உப்பஜ்ஜந்தி, விதி³தா உபட்ட²ஹந்தி, விதி³தா அப்³ப⁴த்த²ங் க³ச்ச²ந்தி. ஸோ
ஏவங் பஜானாதி – ‘ஏவங் கிரமே த⁴ம்மா அஹுத்வா ஸம்பொ⁴ந்தி, ஹுத்வா படிவெந்தீ’தி. ஸோ தேஸு த⁴ம்மேஸு அனுபாயோ அனபாயோ அனிஸ்ஸிதோ அப்படிப³த்³தோ⁴ [அப்படிப³ந்தோ⁴ (க॰)] விப்பமுத்தோ விஸங்யுத்தோ விமரியாதீ³கதேன சேதஸா விஹரதி. ஸோ ‘அத்தி² உத்தரி நிஸ்ஸரண’ந்தி பஜானாதி. தப்³ப³ஹுலீகாரா அத்தி²த்வேவஸ்ஸ [அத்தி²தேவஸ்ஸ (ஸீ॰ பீ॰)] ஹோதி.

‘‘புன சபரங், பி⁴க்க²வே, ஸாரிபுத்தோ விதக்கவிசாரானங் வூபஸமா அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங் அவிதக்கங்
அவிசாரங் ஸமாதி⁴ஜங் பீதிஸுக²ங் து³தியங் ஜா²னங் உபஸம்பஜ்ஜ விஹரதி. யே ச
து³தியே ஜா²னே த⁴ம்மா – அஜ்ஜ²த்தங் ஸம்பஸாதோ³ ச பீதி ச ஸுக²ஞ்ச
சித்தேகக்³க³தா ச, ப²ஸ்ஸோ வேத³னா ஸஞ்ஞா சேதனா
சித்தங் ச²ந்தோ³ அதி⁴மொக்கோ² வீரியங் ஸதி உபெக்கா² மனஸிகாரோ – த்யாஸ்ஸ
த⁴ம்மா அனுபத³வவத்தி²தா ஹொந்தி. த்யாஸ்ஸ த⁴ம்மா விதி³தா உப்பஜ்ஜந்தி,
விதி³தா உபட்ட²ஹந்தி, விதி³தா அப்³ப⁴த்த²ங் க³ச்ச²ந்தி. ஸோ ஏவங் பஜானாதி –
‘ஏவங் கிரமே த⁴ம்மா அஹுத்வா ஸம்பொ⁴ந்தி, ஹுத்வா படிவெந்தீ’தி. ஸோ தேஸு
த⁴ம்மேஸு அனுபாயோ அனபாயோ அனிஸ்ஸிதோ அப்படிப³த்³தோ⁴ விப்பமுத்தோ விஸங்யுத்தோ
விமரியாதீ³கதேன சேதஸா விஹரதி. ஸோ ‘அத்தி² உத்தரி நிஸ்ஸரண’ந்தி பஜானாதி.
தப்³ப³ஹுலீகாரா அத்தி²த்வேவஸ்ஸ ஹோதி.

‘‘புன சபரங், பி⁴க்க²வே, ஸாரிபுத்தோ பீதியா ச விராகா³
உபெக்க²கோ ச விஹரதி ஸதோ ச ஸம்பஜானோ, ஸுக²ஞ்ச காயேன படிஸங்வேதே³தி. யங் தங்
அரியா ஆசிக்க²ந்தி – ‘உபெக்க²கோ ஸதிமா ஸுக²விஹாரீ’தி ததியங் ஜா²னங்
உபஸம்பஜ்ஜ விஹரதி. யே ச ததியே ஜா²னே த⁴ம்மா – ஸுக²ஞ்ச
ஸதி ச ஸம்பஜஞ்ஞஞ்ச சித்தேகக்³க³தா ச, ப²ஸ்ஸோ வேத³னா ஸஞ்ஞா சேதனா சித்தங்
ச²ந்தோ³ அதி⁴மொக்கோ² வீரியங் ஸதி உபெக்கா² மனஸிகாரோ – த்யாஸ்ஸ த⁴ம்மா
அனுபத³வவத்தி²தா ஹொந்தி, த்யாஸ்ஸ த⁴ம்மா விதி³தா உப்பஜ்ஜந்தி, விதி³தா
உபட்ட²ஹந்தி, விதி³தா அப்³ப⁴த்த²ங் க³ச்ச²ந்தி. ஸோ ஏவங் பஜானாதி – ‘ஏவங்
கிரமே த⁴ம்மா அஹுத்வா ஸம்பொ⁴ந்தி, ஹுத்வா படிவெந்தீ’தி. ஸோ தேஸு த⁴ம்மேஸு
அனுபாயோ அனபாயோ அனிஸ்ஸிதோ அப்படிப³த்³தோ⁴ விப்பமுத்தோ விஸங்யுத்தோ
விமரியாதீ³கதேன சேதஸா விஹரதி. ஸோ ‘அத்தி² உத்தரி நிஸ்ஸரண’ந்தி பஜானாதி.
தப்³ப³ஹுலீகாரா அத்தி²த்வேவஸ்ஸ ஹோதி.

‘‘புன சபரங், பி⁴க்க²வே, ஸாரிபுத்தோ ஸுக²ஸ்ஸ ச பஹானா
து³க்க²ஸ்ஸ ச பஹானா புப்³பே³வ ஸோமனஸ்ஸதோ³மனஸ்ஸானங் அத்த²ங்க³மா
அது³க்க²மஸுக²ங் உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ
விஹரதி. யே ச சதுத்தே² ஜா²னே த⁴ம்மா – உபெக்கா² அது³க்க²மஸுகா² வேத³னா
பஸ்ஸத்³த⁴த்தா சேதஸோ அனாபோ⁴கோ³ ஸதிபாரிஸுத்³தி⁴ சித்தேகக்³க³தா ச, ப²ஸ்ஸோ
வேத³னா ஸஞ்ஞா சேதனா சித்தங் ச²ந்தோ³ அதி⁴மொக்கோ² வீரியங் ஸதி உபெக்கா²
மனஸிகாரோ – த்யாஸ்ஸ த⁴ம்மா அனுபத³வவத்தி²தா ஹொந்தி. த்யாஸ்ஸ த⁴ம்மா விதி³தா
உப்பஜ்ஜந்தி, விதி³தா உபட்ட²ஹந்தி, விதி³தா
அப்³ப⁴த்த²ங் க³ச்ச²ந்தி. ஸோ ஏவங் பஜானாதி – ‘ஏவங் கிரமே த⁴ம்மா அஹுத்வா
ஸம்பொ⁴ந்தி, ஹுத்வா படிவெந்தீ’தி. ஸோ தேஸு த⁴ம்மேஸு அனுபாயோ அனபாயாஏ
அனிஸ்ஸிதோ அப்படிப³த்³தோ⁴ விப்பமுத்தோ விஸங்யுத்தோ விமரியாதீ³கதேன சேதஸா விஹரதி. ஸோ ‘அத்தி² உத்தரி நிஸ்ஸரண’ந்தி பஜானாதி. தப்³ப³ஹுலீகாரா அத்தி²த்வேவஸ்ஸ ஹோதி.

‘‘புன
சபரங், பி⁴க்க²வே, ஸாரிபுத்தோ ஸப்³ப³ஸோ ரூபஸஞ்ஞானங் ஸமதிக்கமா
படிக⁴ஸஞ்ஞானங் அத்த²ங்க³மா நானத்தஸஞ்ஞானங் அமனஸிகாரா ‘அனந்தோ ஆகாஸோ’தி
ஆகாஸானஞ்சாயதனங் உபஸம்பஜ்ஜ விஹரதி. யே ச ஆகாஸானஞ்சாயதனே த⁴ம்மா –
ஆகாஸானஞ்சாயதனஸஞ்ஞா ச சித்தேகக்³க³தா ச ப²ஸ்ஸோ வேத³னா ஸஞ்ஞா சேதனா சித்தங்
ச²ந்தோ³ அதி⁴மொக்கோ² வீரியங் ஸதி உபெக்கா² மனஸிகாரோ – த்யாஸ்ஸ த⁴ம்மா
அனுபத³வவத்தி²தா ஹொந்தி. த்யாஸ்ஸ த⁴ம்மா விதி³தா உப்பஜ்ஜந்தி, விதி³தா
உபட்ட²ஹந்தி, விதி³தா அப்³ப⁴த்த²ங் க³ச்ச²ந்தி. ஸோ ஏவங் பஜானாதி – ‘ஏவங்
கிரமே த⁴ம்மா அஹுத்வா ஸம்பொ⁴ந்தி, ஹுத்வா படிவெந்தீ’தி. ஸோ தேஸு த⁴ம்மேஸு
அனுபாயோ அனபாயோ அனிஸ்ஸிதோ அப்படிப³த்³தோ⁴ விப்பமுத்தோ விஸங்யுத்தோ
விமரியாதீ³கதேன சேதஸா விஹரதி. ஸோ ‘அத்தி² உத்தரி நிஸ்ஸரண’ந்தி பஜானாதி.
தப்³ப³ஹுலீகாரா அத்தி²த்வேவஸ்ஸ ஹோதி.

‘‘புன சபரங், பி⁴க்க²வே, ஸாரிபுத்தோ ஸப்³ப³ஸோ
ஆகாஸானஞ்சாயதனங் ஸமதிக்கம்ம ‘அனந்தங் விஞ்ஞாண’ந்தி விஞ்ஞாணஞ்சாயதனங்
உபஸம்பஜ்ஜ விஹரதி. யே ச விஞ்ஞாணஞ்சாயதனே த⁴ம்மா – விஞ்ஞாணஞ்சாயதனஸஞ்ஞா ச
சித்தேகக்³க³தா ச, ப²ஸ்ஸோ வேத³னா ஸஞ்ஞா சேதனா சித்தங் ச²ந்தோ³ அதி⁴மொக்கோ²
வீரியங் ஸதி உபெக்கா² மனஸிகாரோ – த்யாஸ்ஸ த⁴ம்மா அனுபத³வவத்தி²தா ஹொந்தி.
த்யாஸ்ஸ த⁴ம்மா விதி³தா உப்பஜ்ஜந்தி, விதி³தா
உபட்ட²ஹந்தி, விதி³தா அப்³ப⁴த்த²ங் க³ச்ச²ந்தி. ஸோ ஏவங் பஜானாதி – ‘ஏவங்
கிரமே த⁴ம்மா அஹுத்வா ஸம்பொ⁴ந்தி, ஹுத்வா படிவெந்தீ’தி. ஸோ தேஸு த⁴ம்மேஸு
அனுபாயோ அனபாயோ அனிஸ்ஸிதோ அப்படிப³த்³தோ⁴ விப்பமுத்தோ விஸங்யுத்தோ
விமரியாதீ³கதேன சேதஸா விஹரதி. ஸோ ‘அத்தி² உத்தரி நிஸ்ஸரண’ந்தி பஜானாதி.
தப்³ப³ஹுலீகாரா அத்தி²த்வேவஸ்ஸ ஹோதி.

‘‘புன சபரங், பி⁴க்க²வே,
ஸாரிபுத்தோ ஸப்³ப³ஸோ விஞ்ஞாணஞ்சாயதனங் ஸமதிக்கம்ம ‘நத்தி² கிஞ்சீ’தி
ஆகிஞ்சஞ்ஞாயதனங் உபஸம்பஜ்ஜ விஹரதி. யே ச ஆகிஞ்சஞ்ஞாயதனே த⁴ம்மா –
ஆகிஞ்சஞ்ஞாயதனஸஞ்ஞா ச சித்தேகக்³க³தா ச, ப²ஸ்ஸோ வேத³னா ஸஞ்ஞா சேதனா சித்தங்
ச²ந்தோ³ அதி⁴மொக்கோ² வீரியங் ஸதி உபெக்கா² மனஸிகாரோ – த்யாஸ்ஸ த⁴ம்மா
அனுபத³வவத்தி²தா ஹொந்தி. த்யாஸ்ஸ த⁴ம்மா விதி³தா உப்பஜ்ஜந்தி, விதி³தா
உபட்ட²ஹந்தி, விதி³தா அப்³ப⁴த்த²ங் க³ச்ச²ந்தி. ஸோ ஏவங் பஜானாதி – ‘ஏவங்
கிரமே த⁴ம்மா அஹுத்வா ஸம்பொ⁴ந்தி, ஹுத்வா படிவெந்தீ’தி. ஸோ தேஸு த⁴ம்மேஸு
அனுபாயோ அனபாயோ அனிஸ்ஸிதோ அப்படிப³த்³தோ⁴ விப்பமுத்தோ விஸங்யுத்தோ விமரியாதீ³கதேன சேதஸா விஹரதி. ஸோ ‘அத்தி² உத்தரி நிஸ்ஸரண’ந்தி பஜானாதி. தப்³ப³ஹுலீகாரா அத்தி²த்வேவஸ்ஸ ஹோதி.

95. ‘‘புன
சபரங், பி⁴க்க²வே, ஸாரிபுத்தோ ஸப்³ப³ஸோ ஆகிஞ்சஞ்ஞாயதனங் ஸமதிக்கம்ம
நேவஸஞ்ஞானாஸஞ்ஞாயதனங் உபஸம்பஜ்ஜ விஹரதி. ஸோ தாய ஸமாபத்தியா ஸதோ வுட்ட²ஹதி.
ஸோ தாய ஸமாபத்தியா ஸதோ வுட்ட²ஹித்வா யே த⁴ம்மா [யே தே த⁴ம்மா (ஸீ॰)] அதீதா நிருத்³தா⁴ விபரிணதா தே த⁴ம்மே ஸமனுபஸ்ஸதி
– ‘ஏவங் கிரமே த⁴ம்மா அஹுத்வா ஸம்பொ⁴ந்தி, ஹுத்வா படிவெந்தீ’தி. ஸோ தேஸு
த⁴ம்மேஸு அனுபாயோ அனபாயோ அனிஸ்ஸிதோ அப்படிப³த்³தோ⁴ விப்பமுத்தோ விஸங்யுத்தோ
விமரியாதீ³கதேன சேதஸா விஹரதி. ஸோ ‘அத்தி² உத்தரி நிஸ்ஸரண’ந்தி பஜானாதி.
தப்³ப³ஹுலீகாரா அத்தி²த்வேவஸ்ஸ ஹோதி.

96.
‘‘புன சபரங், பி⁴க்க²வே, ஸாரிபுத்தோ ஸப்³ப³ஸோ நேவஸஞ்ஞானாஸஞ்ஞாயதனங்
ஸமதிக்கம்ம ஸஞ்ஞாவேத³யிதனிரோத⁴ங் உபஸம்பஜ்ஜ விஹரதி. பஞ்ஞாய சஸ்ஸ தி³ஸ்வா
ஆஸவா பரிக்கீ²ணா ஹொந்தி. ஸோ தாய ஸமாபத்தியா ஸதோ வுட்ட²ஹதி. ஸோ தாய
ஸமாபத்தியா ஸதோ வுட்ட²ஹித்வா யே த⁴ம்மா அதீதா நிருத்³தா⁴ விபரிணதா தே
த⁴ம்மே ஸமனுபஸ்ஸதி – ‘ஏவங் கிரமே த⁴ம்மா அஹுத்வா ஸம்பொ⁴ந்தி, ஹுத்வா
படிவெந்தீ’தி. ஸோ தேஸு த⁴ம்மேஸு அனுபாயோ அனபாயோ அனிஸ்ஸிதோ அப்படிப³த்³தோ⁴
விப்பமுத்தோ விஸங்யுத்தோ விமரியாதீ³கதேன சேதஸா விஹரதி. ஸோ ‘நத்தி² உத்தரி
நிஸ்ஸரண’ந்தி பஜானாதி. தப்³ப³ஹுலீகாரா நத்தி²த்வேவஸ்ஸ ஹோதி.

97. ‘‘யங் கோ² தங், பி⁴க்க²வே, ஸம்மா வத³மானோ வதெ³ய்ய – ‘வஸிப்பத்தோ பாரமிப்பத்தோ அரியஸ்மிங் ஸீலஸ்மிங், வஸிப்பத்தோ பாரமிப்பத்தோ அரியஸ்மிங் ஸமாதி⁴ஸ்மிங், வஸிப்பத்தோ பாரமிப்பத்தோ அரியாய பஞ்ஞாய ,
வஸிப்பத்தோ பாரமிப்பத்தோ அரியாய விமுத்தியா’தி, ஸாரிபுத்தமேவ தங் ஸம்மா
வத³மானோ வதெ³ய்ய – ‘வஸிப்பத்தோ பாரமிப்பத்தோ அரியஸ்மிங் ஸீலஸ்மிங்,
வஸிப்பத்தோ பாரமிப்பத்தோ அரியஸ்மிங் ஸமாதி⁴ஸ்மிங், வஸிப்பத்தோ பாரமிப்பத்தோ
அரியாய பஞ்ஞாய, வஸிப்பத்தோ பாரமிப்பத்தோ அரியாய விமுத்தியா’தி. யங் கோ²
தங், பி⁴க்க²வே , ஸம்மா வத³மானோ வதெ³ய்ய – ‘ப⁴க³வதோ
புத்தோ ஓரஸோ முக²தோ ஜாதோ த⁴ம்மஜோ த⁴ம்மனிம்மிதோ த⁴ம்மதா³யாதோ³ நோ
ஆமிஸதா³யாதோ³’தி, ஸாரிபுத்தமேவ தங் ஸம்மா வத³மானோ வதெ³ய்ய – ‘ப⁴க³வதோ
புத்தோ ஓரஸோ முக²தோ ஜாதோ த⁴ம்மஜோ த⁴ம்மனிம்மிதோ த⁴ம்மதா³யாதோ³ நோ
ஆமிஸதா³யாதோ³’தி. ஸாரிபுத்தோ, பி⁴க்க²வே, ததா²க³தேன அனுத்தரங் த⁴ம்மசக்கங்
பவத்திதங் ஸம்மதே³வ அனுப்பவத்தேதீ’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

அனுபத³ஸுத்தங் நிட்டி²தங் பட²மங்.

2. ச²ப்³பி³ஸோத⁴னஸுத்தங்

98. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘இத⁴, பி⁴க்க²வே, பி⁴க்கு² அஞ்ஞங் ப்³யாகரோதி –
‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயாதி
பஜானாமீ’தி. தஸ்ஸ, பி⁴க்க²வே, பி⁴க்கு²னோ பா⁴ஸிதங் நேவ அபி⁴னந்தி³தப்³ப³ங்
நப்படிக்கோஸிதப்³ப³ங். அனபி⁴னந்தி³த்வா அப்படிக்கோஸித்வா பஞ்ஹோ
புச்சி²தப்³போ³ – ‘சத்தாரோமே, ஆவுஸோ, வோஹாரா தேன ப⁴க³வதா ஜானதா பஸ்ஸதா
அரஹதா ஸம்மாஸம்பு³த்³தே⁴ன ஸம்மத³க்கா²தா. கதமே சத்தாரோ? தி³ட்டே²
தி³ட்ட²வாதி³தா, ஸுதே ஸுதவாதி³தா, முதே முதவாதி³தா, விஞ்ஞாதே
விஞ்ஞாதவாதி³தா – இமே கோ², ஆவுஸோ, சத்தாரோ வோஹாரா
தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன ஸம்மத³க்கா²தா. கத²ங்
ஜானதோ பனாயஸ்மதோ, கத²ங் பஸ்ஸதோ இமேஸு சதூஸு வோஹாரேஸு அனுபாதா³ய ஆஸவேஹி
சித்தங் விமுத்த’ந்தி? கீ²ணாஸவஸ்ஸ, பி⁴க்க²வே, பி⁴க்கு²னோ வுஸிதவதோ
கதகரணீயஸ்ஸ ஓஹிதபா⁴ரஸ்ஸ அனுப்பத்தஸத³த்த²ஸ்ஸ பரிக்கீ²ணப⁴வஸங்யோஜனஸ்ஸ
ஸம்மத³ஞ்ஞாவிமுத்தஸ்ஸ அயமனுத⁴ம்மோ ஹோதி வெய்யாகரணாய – ‘தி³ட்டே² கோ² அஹங் , ஆவுஸோ, அனுபாயோ அனபாயோ அனிஸ்ஸிதோ
அப்படிப³த்³தோ⁴ விப்பமுத்தோ விஸங்யுத்தோ விமரியாதீ³கதேன சேதஸா விஹராமி.
ஸுதே கோ² அஹங், ஆவுஸோ…பே॰… முதே கோ² அஹங், ஆவுஸோ… விஞ்ஞாதே கோ² அஹங்,
ஆவுஸோ, அனுபாயோ அனபாயோ அனிஸ்ஸிதோ அப்படிப³த்³தோ⁴ விப்பமுத்தோ விஸங்யுத்தோ
விமரியாதீ³கதேன சேதஸா விஹராமி. ஏவங் கோ² மே, ஆவுஸோ, ஜானதோ ஏவங் பஸ்ஸதோ
இமேஸு சதூஸு வோஹாரேஸு அனுபாதா³ய ஆஸவேஹி சித்தங் விமுத்த’ந்தி. தஸ்ஸ,
பி⁴க்க²வே, பி⁴க்கு²னோ ‘ஸாதூ⁴’தி பா⁴ஸிதங் அபி⁴னந்தி³தப்³ப³ங்
அனுமோதி³தப்³ப³ங். ‘ஸாதூ⁴’தி பா⁴ஸிதங் அபி⁴னந்தி³த்வா அனுமோதி³த்வா
உத்தரிங் பஞ்ஹோ புச்சி²தப்³போ³.

99. ‘‘‘பஞ்சிமே, ஆவுஸோ, உபாதா³னக்க²ந்தா⁴ தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன
ஸம்மத³க்கா²தா. கதமே பஞ்ச? ஸெய்யதி²த³ங் – ரூபுபாதா³னக்க²ந்தோ⁴,
வேத³னுபாதா³னக்க²ந்தோ⁴, ஸஞ்ஞுபாதா³னக்க²ந்தோ⁴, ஸங்கா²ருபாதா³னக்க²ந்தோ⁴,
விஞ்ஞாணுபாதா³னக்க²ந்தோ⁴ – இமே கோ², ஆவுஸோ, பஞ்சுபாதா³னக்க²ந்தா⁴ தேன
ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன ஸம்மத³க்கா²தா. கத²ங் ஜானதோ
பனாயஸ்மதோ, கத²ங் பஸ்ஸதோ இமேஸு பஞ்சஸு உபாதா³னக்க²ந்தே⁴ஸு அனுபாதா³ய
ஆஸவேஹி சித்தங் விமுத்த’ந்தி? கீ²ணாஸவஸ்ஸ, பி⁴க்க²வே, பி⁴க்கு²னோ வுஸிதவதோ
கதகரணீயஸ்ஸ ஓஹிதபா⁴ரஸ்ஸ அனுப்பத்தஸத³த்த²ஸ்ஸ பரிக்கீ²ணப⁴வஸங்யோஜனஸ்ஸ
ஸம்மத³ஞ்ஞாவிமுத்தஸ்ஸ அயமனுத⁴ம்மோ ஹோதி வெய்யாகரணாய – ‘ரூபங் கோ² அஹங்,
ஆவுஸோ, அப³லங் விராகு³னங் [விராக³ங் (ஸீ॰ பீ॰), விராகு³தங் (டீகா)] அனஸ்ஸாஸிகந்தி விதி³த்வா யே ரூபே உபாயூபாதா³னா [உபயூபாதா³னா (க॰)] சேதஸோ அதி⁴ட்டா²னாபி⁴னிவேஸானுஸயா தேஸங் க²யா விராகா³ நிரோதா⁴
சாகா³ படினிஸ்ஸக்³கா³ விமுத்தங் மே சித்தந்தி பஜானாமி. வேத³னங் கோ² அஹங்,
ஆவுஸோ…பே॰… ஸஞ்ஞங் கோ² அஹங், ஆவுஸோ… ஸங்கா²ரே கோ² அஹங், ஆவுஸோ… விஞ்ஞாணங்
கோ² அஹங், ஆவுஸோ, அப³லங் விராகு³னங் அனஸ்ஸாஸிகந்தி விதி³த்வா யே விஞ்ஞாணே
உபாயூபாதா³னா சேதஸோ அதி⁴ட்டா²னாபி⁴னிவேஸானுஸயா தேஸங் க²யா விராகா³ நிரோதா⁴
சாகா³ படினிஸ்ஸக்³கா³ விமுத்தங் மே சித்தந்தி பஜானாமி. ஏவங் கோ² மே, ஆவுஸோ,
ஜானதோ ஏவங் பஸ்ஸதோ இமேஸு பஞ்சஸு உபாதா³னக்க²ந்தே⁴ஸு அனுபாதா³ய ஆஸவேஹி
சித்தங் விமுத்த’ந்தி. தஸ்ஸ, பி⁴க்க²வே, பி⁴க்கு²னோ ‘ஸாதூ⁴’தி பா⁴ஸிதங்
அபி⁴னந்தி³தப்³ப³ங், அனுமோதி³தப்³ப³ங். ‘ஸாதூ⁴’தி பா⁴ஸிதங் அபி⁴னந்தி³த்வா
அனுமோதி³த்வா உத்தரிங் பஞ்ஹோ புச்சி²தப்³போ³.

100. ‘‘‘ச²யிமா ,
ஆவுஸோ, தா⁴துயோ தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன
ஸம்மத³க்கா²தா. கதமா ச²? பத²வீதா⁴து, ஆபோதா⁴து, தேஜோதா⁴து, வாயோதா⁴து,
ஆகாஸதா⁴து, விஞ்ஞாணதா⁴து – இமா கோ², ஆவுஸோ, ச² தா⁴துயோ தேன ப⁴க³வதா ஜானதா
பஸ்ஸதா அரஹதா ஸம்மாஸம்பு³த்³தே⁴ன ஸம்மத³க்கா²தா. கத²ங் ஜானதோ பனாயஸ்மதோ,
கத²ங் பஸ்ஸதோ இமாஸு ச²ஸு தா⁴தூஸு அனுபாதா³ய ஆஸவேஹி சித்தங் விமுத்த’ந்தி?
கீ²ணாஸவஸ்ஸ, பி⁴க்க²வே, பி⁴க்கு²னோ வுஸிதவதோ கதகரணீயஸ்ஸ ஓஹிதபா⁴ரஸ்ஸ
அனுப்பத்தஸத³த்த²ஸ்ஸ பரிக்கீ²ணப⁴வஸங்யோஜனஸ்ஸ ஸம்மத³ஞ்ஞாவிமுத்தஸ்ஸ
அயமனுத⁴ம்மோ ஹோதி வெய்யாகரணாய – ‘பத²வீதா⁴துங் கோ² அஹங், ஆவுஸோ, ந அத்ததோ
உபக³ச்சி²ங், ந ச பத²வீதா⁴துனிஸ்ஸிதங் அத்தானங். யே ச பத²வீதா⁴துனிஸ்ஸிதா
உபாயூபாதா³னா சேதஸோ அதி⁴ட்டா²னாபி⁴னிவேஸானுஸயா தேஸங் க²யா விராகா³ நிரோதா⁴ சாகா³ படினிஸ்ஸக்³கா³ விமுத்தங் மே சித்தந்தி பஜானாமி. ஆபோதா⁴துங் கோ² அஹங், ஆவுஸோ…பே॰…
தேஜோதா⁴துங் கோ² அஹங், ஆவுஸோ… வாயோதா⁴துங் கோ² அஹங், ஆவுஸோ… ஆகாஸதா⁴துங்
கோ² அஹங், ஆவுஸோ… விஞ்ஞாணதா⁴துங் கோ² அஹங், ஆவுஸோ, ந அத்ததோ உபக³ச்சி²ங், ந
ச விஞ்ஞாணதா⁴துனிஸ்ஸிதங் அத்தானங். யே ச விஞ்ஞாணதா⁴துனிஸ்ஸிதா
உபாயூபாதா³னா சேதஸோ அதி⁴ட்டா²னாபி⁴னிவேஸானுஸயா தேஸங் க²யா விராகா³ நிரோதா⁴
சாகா³ படினிஸ்ஸக்³கா³ விமுத்தங் மே சித்தந்தி பஜானாமி. ஏவங் கோ² மே, ஆவுஸோ,
ஜானதோ, ஏவங் பஸ்ஸதோ இமாஸு ச²ஸு தா⁴தூஸு அனுபாதா³ய ஆஸவேஹி சித்தங்
விமுத்த’ந்தி. தஸ்ஸ, பி⁴க்க²வே, பி⁴க்கு²னோ ‘ஸாதூ⁴’தி பா⁴ஸிதங் அபி⁴னந்தி³தப்³ப³ங், அனுமோதி³தப்³ப³ங். ‘ஸாதூ⁴’தி பா⁴ஸிதங் அபி⁴னந்தி³த்வா அனுமோதி³த்வா உத்தரிங் பஞ்ஹோ புச்சி²தப்³போ³.

101. ‘‘‘ச² கோ² பனிமானி, ஆவுஸோ, அஜ்ஜ²த்திகபா³ஹிரானி [அஜ்ஜ²த்திகானி பா³ஹிரானி (ஸ்யா॰ கங்॰ பீ॰)]
ஆயதனானி தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன
ஸம்மத³க்கா²தானி. கதமானி ச²? சக்கு² சேவ ரூபா ச, ஸோதஞ்ச ஸத்³தா³ ச, கா⁴னஞ்ச
க³ந்தா⁴ ச, ஜிவ்ஹா ச ரஸா ச, காயோ ச பொ²ட்ட²ப்³பா³ ச, மனோ ச த⁴ம்மா ச –
இமானி கோ², ஆவுஸோ, ச² அஜ்ஜ²த்திகபா³ஹிரானி ஆயதனானி தேன ப⁴க³வதா ஜானதா
பஸ்ஸதா அரஹதா ஸம்மாஸம்பு³த்³தே⁴ன ஸம்மத³க்கா²தானி. கத²ங் ஜானதோ பனாயஸ்மதோ,
கத²ங் பஸ்ஸதோ இமேஸு ச²ஸு அஜ்ஜ²த்திகபா³ஹிரேஸு ஆயதனேஸு அனுபாதா³ய ஆஸவேஹி சித்தங் விமுத்த’ந்தி? கீ²ணாஸவஸ்ஸ, பி⁴க்க²வே, பி⁴க்கு²னோ வுஸிதவதோ கதகரணீயஸ்ஸ ஓஹிதபா⁴ரஸ்ஸ அனுப்பத்தஸத³த்த²ஸ்ஸ பரிக்கீ²ணப⁴வஸங்யோஜனஸ்ஸ ஸம்மத³ஞ்ஞாவிமுத்தஸ்ஸ அயமனுத⁴ம்மோ ஹோதி வெய்யாகரணாய – ‘சக்கு²ஸ்மிங், ஆவுஸோ, ரூபே சக்கு²விஞ்ஞாணே சக்கு²விஞ்ஞாணவிஞ்ஞாதப்³பே³ஸு த⁴ம்மேஸு யோ ச²ந்தோ³ யோ ராகோ³ யா நந்தீ³ [நந்தி³ (ஸீ॰ ஸ்யா॰ கங்॰ பீ॰)]
யா தண்ஹா யே ச உபாயூபாதா³னா சேதஸோ அதி⁴ட்டா²னாபி⁴னிவேஸானுஸயா தேஸங் க²யா
விராகா³ நிரோதா⁴ சாகா³ படினிஸ்ஸக்³கா³ விமுத்தங் மே சித்தந்தி பஜானாமி.
ஸோதஸ்மிங், ஆவுஸோ, ஸத்³தே³ ஸோதவிஞ்ஞாணே…பே॰… கா⁴னஸ்மிங், ஆவுஸோ, க³ந்தே⁴
கா⁴னவிஞ்ஞாணே… ஜிவ்ஹாய, ஆவுஸோ, ரஸே ஜிவ்ஹாவிஞ்ஞாணே… காயஸ்மிங், ஆவுஸோ,
பொ²ட்ட²ப்³பே³ காயவிஞ்ஞாணே… மனஸ்மிங், ஆவுஸோ, த⁴ம்மே மனோவிஞ்ஞாணே
மனோவிஞ்ஞாணவிஞ்ஞாதப்³பே³ஸு த⁴ம்மேஸு யோ ச²ந்தோ³ யோ ராகோ³ யா நந்தீ³ யா
தண்ஹா யே ச உபாயூபாதா³னா சேதஸோ அதி⁴ட்டா²னாபி⁴னிவேஸானுஸயா தேஸங் க²யா
விராகா³ நிரோதா⁴ சாகா³ படினிஸ்ஸக்³கா³ விமுத்தங் மே சித்தந்தி பஜானாமி.
ஏவங் கோ² மே, ஆவுஸோ, ஜானதோ ஏவங் பஸ்ஸதோ இமேஸு ச²ஸு அஜ்ஜ²த்திகபா³ஹிரேஸு
ஆயதனேஸு அனுபாதா³ய ஆஸவேஹி சித்தங் விமுத்த’ந்தி. தஸ்ஸ, பி⁴க்க²வே,
பி⁴க்கு²னோ ‘ஸாதூ⁴’தி பா⁴ஸிதங் அபி⁴னந்தி³தப்³ப³ங் அனுமோதி³தப்³ப³ங்.
‘ஸாதூ⁴’தி பா⁴ஸிதங் அபி⁴னந்தி³த்வா அனுமோதி³த்வா உத்தரிங் பஞ்ஹோ
புச்சி²தப்³போ³.

102.
‘‘‘கத²ங் ஜானதோ பனாயஸ்மதோ, கத²ங் பஸ்ஸதோ இமஸ்மிஞ்ச ஸவிஞ்ஞாணகே காயே
ப³ஹித்³தா⁴ ச ஸப்³ப³னிமித்தேஸு அஹங்காரமமங்காரமானானுஸயா ஸமூஹதா’தி [ஸுஸமூஹதாதி (ஸீ॰ ஸ்யா॰ கங்॰ பீ॰)]? கீ²ணாஸவஸ்ஸ ,
பி⁴க்க²வே, பி⁴க்கு²னோ வுஸிதவதோ கதகரணீயஸ்ஸ ஓஹிதபா⁴ரஸ்ஸ
அனுப்பத்தஸத³த்த²ஸ்ஸ பரிக்கீ²ணப⁴வஸங்யோஜனஸ்ஸ ஸம்மத³ஞ்ஞாவிமுத்தஸ்ஸ
அயமனுத⁴ம்மோ ஹோதி வெய்யாகரணாய – ‘புப்³பே³ கோ² அஹங், ஆவுஸோ, அகா³ரியபூ⁴தோ
ஸமானோ அவித்³த³ஸு அஹோஸிங். தஸ்ஸ மே ததா²க³தோ வா ததா²க³தஸாவகோ வா த⁴ம்மங்
தே³ஸேஸி. தாஹங் த⁴ம்மங் ஸுத்வா ததா²க³தே ஸத்³த⁴ங் படிலபி⁴ங். ஸோ தேன
ஸத்³தா⁴படிலாபே⁴ன ஸமன்னாக³தோ இதி படிஸஞ்சிக்கி²ங் – ஸம்பா³தோ⁴ க⁴ராவாஸோ
ரஜாபதோ², அப்³போ⁴காஸோ பப்³ப³ஜ்ஜா. நயித³ங் ஸுகரங் அகா³ரங் அஜ்ஜா²வஸதா
ஏகந்தபரிபுண்ணங் ஏகந்தபரிஸுத்³த⁴ங் ஸங்க²லிகி²தங் ப்³ரஹ்மசரியங் சரிதுங்.
யங்னூனாஹங் கேஸமஸ்ஸுங் ஓஹாரெத்வா காஸாயானி வத்தா²னி அச்சா²தெ³த்வா
அகா³ரஸ்மா அனகா³ரியங் பப்³ப³ஜெய்ய’’’ந்தி.

‘‘ஸோ கோ² அஹங், ஆவுஸோ, அபரேன ஸமயேன அப்பங் வா
போ⁴க³க்க²ந்த⁴ங் பஹாய மஹந்தங் வா போ⁴க³க்க²ந்த⁴ங் பஹாய, அப்பங் வா
ஞாதிபரிவட்டங் பஹாய மஹந்தங் வா ஞாதிபரிவட்டங் பஹாய கேஸமஸ்ஸுங் ஓஹாரெத்வா
காஸாயானி வத்தா²னி அச்சா²தெ³த்வா அகா³ரஸ்மா அனகா³ரியங் பப்³ப³ஜிங். ஸோ ஏவங்
பப்³ப³ஜிதோ ஸமானோ பி⁴க்கூ²னங் ஸிக்கா²ஸாஜீவஸமாபன்னோ பாணாதிபாதங் பஹாய
பாணாதிபாதா படிவிரதோ அஹோஸிங் நிஹிதத³ண்டோ³ நிஹிதஸத்தோ², லஜ்ஜீ த³யாபன்னோ
ஸப்³ப³பாணபூ⁴தஹிதானுகம்பீ விஹாஸிங். அதி³ன்னாதா³னங் பஹாய அதி³ன்னாதா³னா
படிவிரதோ அஹோஸிங் தி³ன்னாதா³யீ தி³ன்னபாடிகங்கீ², அதே²னேன
ஸுசிபூ⁴தேன அத்தனா விஹாஸிங். அப்³ரஹ்மசரியங் பஹாய ப்³ரஹ்மசாரீ அஹோஸிங்
ஆராசாரீ விரதோ மேது²னா கா³மத⁴ம்மா. முஸாவாத³ங் பஹாய முஸாவாதா³ படிவிரதோ
அஹோஸிங் ஸச்சவாதீ³ ஸச்சஸந்தோ⁴ தே²தோ பச்சயிகோ அவிஸங்வாத³கோ
லோகஸ்ஸ. பிஸுணங் வாசங் பஹாய பிஸுணாய வாசாய படிவிரதோ அஹோஸிங், இதோ ஸுத்வா ந
அமுத்ர அக்கா²தா இமேஸங் பே⁴தா³ய, அமுத்ர வா ஸுத்வா ந இமேஸங் அக்கா²தா
அமூஸங் பே⁴தா³ய; இதி பி⁴ன்னானங் வா ஸந்தா⁴தா ஸஹிதானங் வா அனுப்பதா³தா
ஸமக்³கா³ராமோ ஸமக்³க³ரதோ ஸமக்³க³னந்தீ³ ஸமக்³க³கரணிங் வாசங் பா⁴ஸிதா
அஹோஸிங். ப²ருஸங் வாசங் பஹாய ப²ருஸாய வாசாய படிவிரதோ அஹோஸிங்; யா ஸா வாசா
நேலா கண்ணஸுகா² பேமனீயா ஹத³யங்க³மா போரீ
ப³ஹுஜனகந்தா ப³ஹுஜனமனாபா ததா²ரூபிங் வாசங் பா⁴ஸிதா அஹோஸிங். ஸம்ப²ப்பலாபங்
பஹாய ஸம்ப²ப்பலாபா படிவிரதோ அஹோஸிங்; காலவாதீ³ பூ⁴தவாதீ³ அத்த²வாதீ³
த⁴ம்மவாதீ³ வினயவாதீ³ நிதா⁴னவதிங் வாசங் பா⁴ஸிதா அஹோஸிங் காலேன ஸாபதே³ஸங்
பரியந்தவதிங் அத்த²ஸங்ஹிதங்.

‘‘ஸோ பீ³ஜகா³மபூ⁴தகா³மஸமாரம்பா⁴ படிவிரதோ அஹோஸிங்,
ஏகப⁴த்திகோ அஹோஸிங் ரத்தூபரதோ விரதோ விகாலபோ⁴ஜனா.
நச்சகீ³தவாதி³தவிஸூகத³ஸ்ஸனா படிவிரதோ அஹோஸிங்.
மாலாக³ந்த⁴விலேபனதா⁴ரணமண்ட³னவிபூ⁴ஸனட்டா²னா படிவிரதோ அஹோஸிங்.
உச்சாஸயனமஹாஸயனா படிவிரதோ அஹோஸிங். ஜாதரூபரஜதபடிக்³க³ஹணா படிவிரதோ அஹோஸிங்,
ஆமகத⁴ஞ்ஞபடிக்³க³ஹணா படிவிரதோ அஹோஸிங், ஆமகமங்ஸபடிக்³க³ஹணா படிவிரதோ
அஹோஸிங்; இத்தி²குமாரிகபடிக்³க³ஹணா படிவிரதோ அஹோஸிங், தா³ஸிதா³ஸபடிக்³க³ஹணா
படிவிரதோ அஹோஸிங், அஜேளகபடிக்³க³ஹணா படிவிரதோ அஹோஸிங்,
குக்குடஸூகரபடிக்³க³ஹணா படிவிரதோ அஹோஸிங் , ஹத்தி²க³வஸ்ஸவளவபடிக்³க³ஹணா படிவிரதோ அஹோஸிங், கெ²த்தவத்து²படிக்³க³ஹணா படிவிரதோ அஹோஸிங். தூ³தெய்யபஹிணக³மனானுயோகா³
படிவிரதோ அஹோஸிங், கயவிக்கயா படிவிரதோ அஹோஸிங், துலாகூடகங்ஸகூடமானகூடா
படிவிரதோ அஹோஸிங், உக்கோடனவஞ்சனநிகதிஸாசியோகா³ படிவிரதோ அஹோஸிங்,
சே²த³னவத⁴ப³ந்த⁴னவிபராமோஸஆலோபஸஹஸாகாரா படிவிரதோ அஹோஸிங்.

‘‘ஸோ ஸந்துட்டோ² அஹோஸிங் காயபரிஹாரிகேன சீவரேன, குச்சி²பரிஹாரிகேன பிண்ட³பாதேன. ஸோ யேன யேனேவ [யேன யேன ச (க॰)]
பக்கமிங் ஸமாதா³யேவ பக்கமிங். ஸெய்யதா²பி நாம பக்கீ² ஸகுணோ யேன யேனேவ
டே³தி ஸபத்தபா⁴ரோவ டே³தி; ஏவமேவ கோ² அஹங், ஆவுஸோ; ஸந்துட்டோ² அஹோஸிங்
காயபரிஹாரிகேன சீவரேன, குச்சி²பரிஹாரிகேன பிண்ட³பாதேன. ஸோ யேன யேனேவ
பக்கமிங் ஸமாதா³யேவ பக்கமிங். ஸோ இமினா அரியேன ஸீலக்க²ந்தே⁴ன ஸமன்னாக³தோ
அஜ்ஜ²த்தங் அனவஜ்ஜஸுக²ங் படிஸங்வேதே³ஸிங்.

103. ‘‘ஸோ
சக்கு²னா ரூபங் தி³ஸ்வா ந நிமித்தக்³கா³ஹீ அஹோஸிங் நானுப்³யஞ்ஜனக்³கா³ஹீ;
யத்வாதி⁴கரணமேனங் சக்கு²ந்த்³ரியங் அஸங்வுதங் விஹரந்தங் அபி⁴ஜ்ஜா²தோ³மனஸ்ஸா
பாபகா அகுஸலா த⁴ம்மா அன்வாஸ்ஸவெய்யுங், தஸ்ஸ ஸங்வராய படிபஜ்ஜிங் ;
ரக்கி²ங் சக்கு²ந்த்³ரியங், சக்கு²ந்த்³ரியே ஸங்வரங் ஆபஜ்ஜிங். ஸோதேன
ஸத்³த³ங் ஸுத்வா…பே॰… கா⁴னேன க³ந்த⁴ங் கா⁴யித்வா…பே॰… ஜிவ்ஹாய ரஸங்
ஸாயித்வா…பே॰… காயேன பொ²ட்ட²ப்³ப³ங் பு²ஸித்வா…பே॰… மனஸா த⁴ம்மங் விஞ்ஞாய ந
நிமித்தக்³கா³ஹீ அஹோஸிங் நானுப்³யஞ்ஜனக்³கா³ஹீ; யத்வாதி⁴கரணமேனங்
மனிந்த்³ரியங் அஸங்வுதங் விஹரந்தங் அபி⁴ஜ்ஜா²தோ³மனஸ்ஸா பாபகா அகுஸலா த⁴ம்மா
அன்வாஸ்ஸவெய்யுங், தஸ்ஸ ஸங்வராய படிபஜ்ஜிங்; ரக்கி²ங் மனிந்த்³ரியங்,
மனிந்த்³ரியே ஸங்வரங் ஆபஜ்ஜிங். ஸோ இமினா அரியேன இந்த்³ரியஸங்வரேன ஸமன்னாக³தோ அஜ்ஜ²த்தங் அப்³யாஸேகஸுக²ங் படிஸங்வேதே³ஸிங்.

‘‘ஸோ அபி⁴க்கந்தே படிக்கந்தே ஸம்பஜானகாரீ அஹோஸிங்,
ஆலோகிதே விலோகிதே ஸம்பஜானகாரீ அஹோஸிங், ஸமிஞ்ஜிதே பஸாரிதே ஸம்பஜானகாரீ
அஹோஸிங், ஸங்கா⁴டிபத்தசீவரதா⁴ரணே ஸம்பஜானகாரீ அஹோஸிங், அஸிதே பீதே கா²யிதே
ஸாயிதே ஸம்பஜானகாரீ அஹோஸிங், உச்சாரபஸ்ஸாவகம்மே ஸம்பஜானகாரீ அஹோஸிங், க³தே
டி²தே நிஸின்னே ஸுத்தே ஜாக³ரிதே பா⁴ஸிதே துண்ஹீபா⁴வே ஸம்பஜானகாரீ அஹோஸிங்.

‘‘ஸோ இமினா ச அரியேன ஸீலக்க²ந்தே⁴ன ஸமன்னாக³தோ, (இமாய ச அரியாய ஸந்துட்டி²யா ஸமன்னாக³தோ,) [பஸ்ஸ ம॰ நி॰ 1.296 சூளஹத்தி²பதோ³பமே]
இமினா ச அரியேன இந்த்³ரியஸங்வரேன ஸமன்னாக³தோ, இமினா ச அரியேன
ஸதிஸம்பஜஞ்ஞேன ஸமன்னாக³தோ விவித்தங் ஸேனாஸனங் ப⁴ஜிங் அரஞ்ஞங் ருக்க²மூலங்
பப்³ப³தங் கந்த³ரங் கி³ரிகு³ஹங் ஸுஸானங் வனபத்த²ங் அப்³போ⁴காஸங்
பலாலபுஞ்ஜங். ஸோ பச்சா²ப⁴த்தங் பிண்ட³பாதபடிக்கந்தோ நிஸீதி³ங் பல்லங்கங்
ஆபு⁴ஜித்வா உஜுங் காயங் பணிதா⁴ய பரிமுக²ங் ஸதிங் உபட்ட²பெத்வா.

‘‘ஸோ அபி⁴ஜ்ஜ²ங் லோகே பஹாய விக³தாபி⁴ஜ்ஜே²ன சேதஸா
விஹாஸிங், அபி⁴ஜ்ஜா²ய சித்தங் பரிஸோதே⁴ஸிங். ப்³யாபாத³பதோ³ஸங் பஹாய
அப்³யாபன்னசித்தோ விஹாஸிங் ஸப்³ப³பாணபூ⁴தஹிதானுகம்பீ, ப்³யாபாத³பதோ³ஸா
சித்தங் பரிஸோதே⁴ஸிங். தி²னமித்³த⁴ங் பஹாய விக³ததி²னமித்³தோ⁴ விஹாஸிங்
ஆலோகஸஞ்ஞீ ஸதோ ஸம்பஜானோ, தி²னமித்³தா⁴ சித்தங் பரிஸோதே⁴ஸிங்.
உத்³த⁴ச்சகுக்குச்சங் பஹாய அனுத்³த⁴தோ விஹாஸிங் அஜ்ஜ²த்தங், வூபஸந்தசித்தோ,
உத்³த⁴ச்சகுக்குச்சா சித்தங் பரிஸோதே⁴ஸிங். விசிகிச்ச²ங் பஹாய
திண்ணவிசிகிச்சோ² விஹாஸிங் அகத²ங்கதீ² குஸலேஸு த⁴ம்மேஸு, விசிகிச்சா²ய
சித்தங் பரிஸோதே⁴ஸிங்.

104. ‘‘ஸோ இமே
பஞ்ச நீவரணே பஹாய சேதஸோ உபக்கிலேஸே பஞ்ஞாய து³ப்³ப³லீகரணே விவிச்சேவ
காமேஹி விவிச்ச அகுஸலேஹி த⁴ம்மேஹி ஸவிதக்கங் ஸவிசாரங் விவேகஜங் பீதிஸுக²ங்
பட²மங் ஜா²னங் உபஸம்பஜ்ஜ விஹாஸிங். விதக்கவிசாரானங் வூபஸமா அஜ்ஜ²த்தங்
ஸம்பஸாத³னங் சேதஸோ ஏகோதி³பா⁴வங் அவிதக்கங் அவிசாரங் ஸமாதி⁴ஜங் பீதிஸுக²ங்
து³தியங் ஜா²னங்…பே॰… ததியங் ஜா²னங்… சதுத்த²ங் ஜா²னங் உபஸம்பஜ்ஜ விஹாஸிங்.

‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே
அனங்க³ணே விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே ஆஸவானங்
க²யஞாணாய சித்தங் அபி⁴னின்னாமேஸிங். ஸோ இத³ங் து³க்க²ந்தி யதா²பூ⁴தங்
அப்³ப⁴ஞ்ஞாஸிங், அயங் து³க்க²ஸமுத³யோதி யதா²பூ⁴தங் அப்³ப⁴ஞ்ஞாஸிங், அயங்
து³க்க²னிரோதோ⁴தி யதா²பூ⁴தங் அப்³ப⁴ஞ்ஞாஸிங், அயங் து³க்க²னிரோத⁴கா³மினீ
படிபதா³தி யதா²பூ⁴தங் அப்³ப⁴ஞ்ஞாஸிங்; இமே ஆஸவாதி யதா²பூ⁴தங்
அப்³ப⁴ஞ்ஞாஸிங், அயங் ஆஸவஸமுத³யோதி யதா²பூ⁴தங் அப்³ப⁴ஞ்ஞாஸிங், அயங்
ஆஸவனிரோதோ⁴தி யதா²பூ⁴தங் அப்³ப⁴ஞ்ஞாஸிங், அயங் ஆஸவனிரோத⁴கா³மினீ படிபதா³தி
யதா²பூ⁴தங் அப்³ப⁴ஞ்ஞாஸிங். தஸ்ஸ மே ஏவங் ஜானதோ ஏவங்
பஸ்ஸதோ காமாஸவாபி சித்தங் விமுச்சித்த², ப⁴வாஸவாபி சித்தங் விமுச்சித்த²,
அவிஜ்ஜாஸவாபி சித்தங் விமுச்சித்த²ஃ விமுத்தஸ்மிங் விமுத்தமிதி ஞாணங்
அஹோஸி. கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங்
இத்த²த்தாயாதி அப்³ப⁴ஞ்ஞாஸிங். ஏவங் கோ² மே, ஆவுஸோ, ஜானதோ ஏவங் பஸ்ஸதோ
இமஸ்மிஞ்ச ஸவிஞ்ஞாணகே காயே ப³ஹித்³தா⁴ ச ஸப்³ப³னிமித்தேஸு
அஹங்காரமமங்காரமானானுஸயா ஸமூஹதா’’தி . ‘‘தஸ்ஸ,
பி⁴க்க²வே, பி⁴க்கு²னோ ‘ஸாதூ⁴’தி பா⁴ஸிதங் அபி⁴னந்தி³தப்³ப³ங்
அனுமோதி³தப்³ப³ங். ‘ஸாதூ⁴’தி பா⁴ஸிதங் அபி⁴னந்தி³த்வா அனுமோதி³த்வா ஏவமஸ்ஸ
வசனீயோ – ‘லாபா⁴ நோ, ஆவுஸோ, ஸுலத்³த⁴ங் நோ, ஆவுஸோ, யே மயங் ஆயஸ்மந்தங் தாதி³ஸங் ஸப்³ரஹ்மசாரிங் ஸமனுபஸ்ஸாமா’’’தி [பஸ்ஸாமாதி (ஸீ॰)].

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

ச²ப்³பி³ஸோத⁴னஸுத்தங் நிட்டி²தங் து³தியங்.

3. ஸப்புரிஸஸுத்தங்

105. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
‘‘ஸப்புரிஸத⁴ம்மஞ்ச வோ, பி⁴க்க²வே, தே³ஸெஸ்ஸாமி அஸப்புரிஸத⁴ம்மஞ்ச. தங்
ஸுணாத², ஸாது⁴கங் மனஸி கரோத²; பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² தே
பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘கதமோ ச, பி⁴க்க²வே, அஸப்புரிஸத⁴ம்மோ? இத⁴,
பி⁴க்க²வே, அஸப்புரிஸோ உச்சாகுலா பப்³ப³ஜிதோ ஹோதி. ஸோ இதி படிஸஞ்சிக்க²தி –
‘அஹங் கொ²ம்ஹி உச்சாகுலா பப்³ப³ஜிதோ, இமே பனஞ்ஞே பி⁴க்கூ² ந உச்சாகுலா
பப்³ப³ஜிதா’தி. ஸோ தாய உச்சாகுலீனதாய அத்தானுக்கங்ஸேதி, பரங் வம்பே⁴தி.
அயங் [அயம்பி (ஸீ॰ பீ॰)], பி⁴க்க²வே,
அஸப்புரிஸத⁴ம்மோ. ஸப்புரிஸோ ச கோ², பி⁴க்க²வே, இதி படிஸஞ்சிக்க²தி – ‘ந கோ²
உச்சாகுலீனதாய லோப⁴த⁴ம்மா வா பரிக்க²யங் க³ச்ச²ந்தி, தோ³ஸத⁴ம்மா வா
பரிக்க²யங் க³ச்ச²ந்தி , மோஹத⁴ம்மா வா பரிக்க²யங்
க³ச்ச²ந்தி. நோ சேபி உச்சாகுலா பப்³ப³ஜிதோ ஹோதி; ஸோ ச ஹோதி
த⁴ம்மானுத⁴ம்மப்படிபன்னோ ஸாமீசிப்படிபன்னோ அனுத⁴ம்மசாரீ ,
ஸோ தத்த² புஜ்ஜோ, ஸோ தத்த² பாஸங்ஸோ’தி. ஸோ படிபத³ங்யேவ அந்தரங் கரித்வா
தாய உச்சாகுலீனதாய நேவத்தானுக்கங்ஸேதி ந பரங் வம்பே⁴தி. அயங், பி⁴க்க²வே,
ஸப்புரிஸத⁴ம்மோ.

‘‘புன சபரங், பி⁴க்க²வே, அஸப்புரிஸோ மஹாகுலா பப்³ப³ஜிதோ ஹோதி…பே॰… [யதா² உச்சாகுலவாரே ததா² வித்தா²ரேதப்³ப³ங்]
மஹாபோ⁴க³குலா பப்³ப³ஜிதோ ஹோதி…பே॰… உளாரபோ⁴க³குலா பப்³ப³ஜிதோ ஹோதி. ஸோ இதி
படிஸஞ்சிக்க²தி – ‘அஹங் கொ²ம்ஹி உளாரபோ⁴க³குலா பப்³ப³ஜிதோ, இமே பனஞ்ஞே
பி⁴க்கூ² ந உளாரபோ⁴க³குலா பப்³ப³ஜிதா’தி. ஸோ தாய உளாரபோ⁴க³தாய
அத்தானுக்கங்ஸேதி, பரங் வம்பே⁴தி. அயம்பி, பி⁴க்க²வே, அஸப்புரிஸத⁴ம்மோ.
ஸப்புரிஸோ ச கோ², பி⁴க்க²வே, இதி படிஸஞ்சிக்க²தி – ‘ந கோ² உளாரபோ⁴க³தாய
லோப⁴த⁴ம்மா வா பரிக்க²யங் க³ச்ச²ந்தி, தோ³ஸத⁴ம்மா வா பரிக்க²யங்
க³ச்ச²ந்தி, மோஹத⁴ம்மா வா பரிக்க²யங் க³ச்ச²ந்தி. நோ சேபி உளாரபோ⁴க³குலா
பப்³ப³ஜிதோ ஹோதி; ஸோ ச ஹோதி
த⁴ம்மானுத⁴ம்மப்படிபன்னோ ஸாமீசிப்படிபன்னோ அனுத⁴ம்மசாரீ, ஸோ தத்த² புஜ்ஜோ,
ஸோ தத்த² பாஸங்ஸோ’தி. ஸோ படிபத³ங்யேவ அந்தரங் கரித்வா தாய உளாரபோ⁴க³தாய
நேவத்தானுக்கங்ஸேதி, ந பரங் வம்பே⁴தி. அயம்பி, பி⁴க்க²வே, ஸப்புரிஸத⁴ம்மோ.

106.
‘‘புன சபரங், பி⁴க்க²வே, அஸப்புரிஸோ ஞாதோ ஹோதி யஸஸ்ஸீ. ஸோ இதி
படிஸஞ்சிக்க²தி – ‘அஹங் கொ²ம்ஹி ஞாதோ யஸஸ்ஸீ, இமே பனஞ்ஞே பி⁴க்கூ²
அப்பஞ்ஞாதா அப்பேஸக்கா²’தி. ஸோ தேன ஞத்தேன [ஞாதேன (ஸீ॰ க॰), ஞாதத்தேன (ஸ்யா॰ கங்॰ பீ॰)]
அத்தானுக்கங்ஸேதி, பரங் வம்பே⁴தி. அயம்பி, பி⁴க்க²வே, அஸப்புரிஸத⁴ம்மோ.
ஸப்புரிஸோ ச கோ², பி⁴க்க²வே, இதி படிஸஞ்சிக்க²தி – ‘ந கோ² ஞத்தேன
லோப⁴த⁴ம்மா வா பரிக்க²யங் க³ச்ச²ந்தி, தோ³ஸத⁴ம்மா வா பரிக்க²யங்
க³ச்ச²ந்தி, மோஹத⁴ம்மா வா பரிக்க²யங் க³ச்ச²ந்தி. நோ சேபி ஞாதோ ஹோதி
யஸஸ்ஸீ; ஸோ ச ஹோதி த⁴ம்மானுத⁴ம்மப்படிபன்னோ ஸாமீசிப்படிபன்னோ அனுத⁴ம்மசாரீ,
ஸோ தத்த² புஜ்ஜோ , ஸோ தத்த² பாஸங்ஸோ’தி. ஸோ
படிபத³ங்யேவ அந்தரங் கரித்வா தேன ஞத்தேன நேவத்தானுக்கங்ஸேதி, ந பரங்
வம்பே⁴தி. அயம்பி, பி⁴க்க²வே, ஸப்புரிஸத⁴ம்மோ.

‘‘புன சபரங், பி⁴க்க²வே,
அஸப்புரிஸோ லாபீ⁴ ஹோதி
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரானங். ஸோ இதி
படிஸஞ்சிக்க²தி – ‘அஹங் கொ²ம்ஹி லாபீ⁴
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரானங், இமே பனஞ்ஞே
பி⁴க்கூ² ந லாபி⁴னோ
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரான’ந்தி. ஸோ தேன லாபே⁴ன
அத்தானுக்கங்ஸேதி, பரங் வம்பே⁴தி. அயம்பி, பி⁴க்க²வே, அஸப்புரிஸத⁴ம்மோ.
ஸப்புரிஸோ ச கோ², பி⁴க்க²வே, இதி படிஸஞ்சிக்க²தி – ‘ந கோ² லாபே⁴ன
லோப⁴த⁴ம்மா வா பரிக்க²யங் க³ச்ச²ந்தி, தோ³ஸத⁴ம்மா வா பரிக்க²யங்
க³ச்ச²ந்தி, மோஹத⁴ம்மா வா பரிக்க²யங் க³ச்ச²ந்தி. நோ சேபி லாபீ⁴ ஹோதி
சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரானங்; ஸோ ச ஹோதி
த⁴ம்மானுத⁴ம்மப்படிபன்னோ ஸாமீசிப்படிபன்னோ அனுத⁴ம்மசாரீ, ஸோ தத்த² புஜ்ஜோ,
ஸோ தத்த² பாஸங்ஸோ’தி. ஸோ படிபத³ங்யேவ அந்தரங் கரித்வா தேன லாபே⁴ன
நேவத்தானுக்கங்ஸேதி, ந பரங் வம்பே⁴தி. அயம்பி, பி⁴க்க²வே, ஸப்புரிஸத⁴ம்மோ.

‘‘புன சபரங், பி⁴க்க²வே, அஸப்புரிஸோ ப³ஹுஸ்ஸுதோ ஹோதி.
ஸோ இதி படிஸஞ்சிக்க²தி – ‘அஹங் கொ²ம்ஹி ப³ஹுஸ்ஸுதோ, இமே பனஞ்ஞே பி⁴க்கூ² ந
ப³ஹுஸ்ஸுதா’தி. ஸோ தேன பா³ஹுஸச்சேன அத்தானுக்கங்ஸேதி, பரங் வம்பே⁴தி.
அயம்பி, பி⁴க்க²வே, அஸப்புரிஸத⁴ம்மோ. ஸப்புரிஸோ ச கோ², பி⁴க்க²வே , இதி படிஸஞ்சிக்க²தி – ‘ந கோ² பா³ஹுஸச்சேன லோப⁴த⁴ம்மா வா பரிக்க²யங் க³ச்ச²ந்தி ,
தோ³ஸத⁴ம்மா வா பரிக்க²யங் க³ச்ச²ந்தி, மோஹத⁴ம்மா வா பரிக்க²யங்
க³ச்ச²ந்தி. நோ சேபி ப³ஹுஸ்ஸுதோ ஹோதி; ஸோ ச ஹோதி த⁴ம்மானுத⁴ம்மப்படிபன்னோ
ஸாமீசிப்படிபன்னோ அனுத⁴ம்மசாரீ, ஸோ தத்த² புஜ்ஜோ, ஸோ தத்த² பாஸங்ஸோ’தி. ஸோ
படிபத³ங்யேவ அந்தரங் கரித்வா தேன பா³ஹுஸச்சேன நேவத்தானுக்கங்ஸேதி, ந பரங்
வம்பே⁴தி. அயம்பி, பி⁴க்க²வே, ஸப்புரிஸத⁴ம்மோ.

‘‘புன சபரங், பி⁴க்க²வே, அஸப்புரிஸோ வினயத⁴ரோ ஹோதி. ஸோ
இதி படிஸஞ்சிக்க²தி – ‘அஹங் கொ²ம்ஹி வினயத⁴ரோ, இமே பனஞ்ஞே பி⁴க்கூ² ந
வினயத⁴ரா’தி. ஸோ தேன வினயத⁴ரத்தேன அத்தானுக்கங்ஸேதி, பரங் வம்பே⁴தி.
அயம்பி, பி⁴க்க²வே, அஸப்புரிஸத⁴ம்மோ. ஸப்புரிஸோ ச கோ², பி⁴க்க²வே, இதி
படிஸஞ்சிக்க²தி – ‘ந கோ² வினயத⁴ரத்தேன லோப⁴த⁴ம்மா
வா பரிக்க²யங் க³ச்ச²ந்தி, தோ³ஸத⁴ம்மா வா பரிக்க²யங் க³ச்ச²ந்தி, மோஹத⁴ம்மா
வா பரிக்க²யங் க³ச்ச²ந்தி. நோ சேபி வினயத⁴ரோ ஹோதி; ஸோ ச ஹோதி
த⁴ம்மானுத⁴ம்மப்படிபன்னோ ஸாமீசிப்படிபன்னோ அனுத⁴ம்மசாரீ, ஸோ தத்த² புஜ்ஜோ,
ஸோ தத்த² பாஸங்ஸோ’தி. ஸோ படிபத³ங்யேவ அந்தரங் கரித்வா தேன வினயத⁴ரத்தேன
நேவத்தானுக்கங்ஸேதி, ந பரங் வம்பே⁴தி. அயம்பி, பி⁴க்க²வே, ஸப்புரிஸத⁴ம்மோ.

‘‘புன சபரங், பி⁴க்க²வே,
அஸப்புரிஸோ த⁴ம்மகதி²கோ ஹோதி. ஸோ இதி படிஸஞ்சிக்க²தி – ‘அஹங் கொ²ம்ஹி
த⁴ம்மகதி²கோ, இமே பனஞ்ஞே பி⁴க்கூ² ந த⁴ம்மகதி²கா’தி. ஸோ தேன
த⁴ம்மகதி²கத்தேன அத்தானுக்கங்ஸேதி, பரங் வம்பே⁴தி. அயம்பி, பி⁴க்க²வே,
அஸப்புரிஸத⁴ம்மோ. ஸப்புரிஸோ ச கோ², பி⁴க்க²வே, இதி படிஸஞ்சிக்க²தி – ‘ந கோ²
த⁴ம்மகதி²கத்தேன லோப⁴த⁴ம்மா வா பரிக்க²யங்
க³ச்ச²ந்தி, தோ³ஸத⁴ம்மா வா பரிக்க²யங் க³ச்ச²ந்தி, மோஹத⁴ம்மா வா பரிக்க²யங்
க³ச்ச²ந்தி. நோ சேபி த⁴ம்மகதி²கோ ஹோதி; ஸோ ச ஹோதி த⁴ம்மானுத⁴ம்மப்படிபன்னோ
ஸாமீசிப்படிபன்னோ அனுத⁴ம்மசாரீ, ஸோ தத்த² புஜ்ஜோ, ஸோ தத்த² பாஸங்ஸோ’தி. ஸோ
படிபத³ங்யேவ அந்தரங் கரித்வா தேன த⁴ம்மகதி²கத்தேன நேவத்தானுக்கங்ஸேதி, ந
பரங் வம்பே⁴தி. அயம்பி, பி⁴க்க²வே, ஸப்புரிஸத⁴ம்மோ.

107.
‘‘புன சபரங், பி⁴க்க²வே, அஸப்புரிஸோ ஆரஞ்ஞிகோ ஹோதி. ஸோ இதி படிஸஞ்சிக்க²தி
– ‘அஹங் கொ²ம்ஹி ஆரஞ்ஞிகோ இமே பனஞ்ஞே பி⁴க்கூ² ந ஆரஞ்ஞிகா’தி. ஸோ தேன
ஆரஞ்ஞிகத்தேன அத்தானுக்கங்ஸேதி, பரங் வம்பே⁴தி. அயம்பி, பி⁴க்க²வே,
அஸப்புரிஸத⁴ம்மோ. ஸப்புரிஸோ ச கோ², பி⁴க்க²வே, இதி படிஸஞ்சிக்க²தி – ‘ந கோ²
ஆரஞ்ஞிகத்தேன லோப⁴த⁴ம்மா வா பரிக்க²யங்
க³ச்ச²ந்தி, தோ³ஸத⁴ம்மா வா பரிக்க²யங் க³ச்ச²ந்தி, மோஹத⁴ம்மா வா பரிக்க²யங்
க³ச்ச²ந்தி. நோ சேபி ஆரஞ்ஞிகோ ஹோதி; ஸோ ச ஹோதி த⁴ம்மானுத⁴ம்மப்படிபன்னோ
ஸாமீசிப்படிபன்னோ அனுத⁴ம்மசாரீ, ஸோ தத்த² புஜ்ஜோ, ஸோ தத்த² பாஸங்ஸோ’தி. ஸோ
படிபத³ங்யேவ அந்தரங் கரித்வா தேன ஆரஞ்ஞிகத்தேன நேவத்தானுக்கங்ஸேதி, ந பரங்
வம்பே⁴தி. அயம்பி, பி⁴க்க²வே, ஸப்புரிஸத⁴ம்மோ.

‘‘புன சபரங், பி⁴க்க²வே, அஸப்புரிஸோ பங்ஸுகூலிகோ ஹோதி. ஸோ
இதி படிஸஞ்சிக்க²தி – ‘அஹங் கொ²ம்ஹி பங்ஸுகூலிகோ, இமே பனஞ்ஞே பி⁴க்கூ² ந
பங்ஸுகூலிகா’தி. ஸோ தேன பங்ஸுகூலிகத்தேன அத்தானுக்கங்ஸேதி, பரங் வம்பே⁴தி .
அயம்பி, பி⁴க்க²வே, அஸப்புரிஸத⁴ம்மோ. ஸப்புரிஸோ ச கோ², பி⁴க்க²வே, இதி
படிஸஞ்சிக்க²தி – ‘ந கோ² பங்ஸுகூலிகத்தேன லோப⁴த⁴ம்மா வா பரிக்க²யங்
க³ச்ச²ந்தி, தோ³ஸத⁴ம்மா வா பரிக்க²யங் க³ச்ச²ந்தி, மோஹத⁴ம்மா வா பரிக்க²யங்
க³ச்ச²ந்தி. நோ சேபி பங்ஸுகூலிகோ ஹோதி; ஸோ ச ஹோதி த⁴ம்மானுத⁴ம்மப்படிபன்னோ
ஸாமீசிப்படிபன்னோ அனுத⁴ம்மசாரீ, ஸோ தத்த² புஜ்ஜோ, ஸோ தத்த² பாஸங்ஸோ’தி. ஸோ
படிபத³ங்யேவ அந்தரங் கரித்வா தேன பங்ஸுகூலிகத்தேன நேவத்தானுக்கங்ஸேதி, ந
பரங் வம்பே⁴தி. அயம்பி, பி⁴க்க²வே, ஸப்புரிஸத⁴ம்மோ.

‘‘புன சபரங், பி⁴க்க²வே,
அஸப்புரிஸோ பிண்ட³பாதிகோ ஹோதி. ஸோ இதி படிஸஞ்சிக்க²தி – ‘அஹங் கொ²ம்ஹி
பிண்ட³பாதிகோ, இமே பனஞ்ஞே பி⁴க்கூ² ந பிண்ட³பாதிகா’தி. ஸோ தேன
பிண்ட³பாதிகத்தேன அத்தானுக்கங்ஸேதி, பரங் வம்பே⁴தி. அயம்பி, பி⁴க்க²வே,
அஸப்புரிஸத⁴ம்மோ. ஸப்புரிஸோ ச கோ², பி⁴க்க²வே, இதி படிஸஞ்சிக்க²தி – ‘ந கோ²
பிண்ட³பாதிகத்தேன லோப⁴த⁴ம்மா வா பரிக்க²யங் க³ச்ச²ந்தி, தோ³ஸத⁴ம்மா வா
பரிக்க²யங் க³ச்ச²ந்தி, மோஹத⁴ம்மா வா பரிக்க²யங் க³ச்ச²ந்தி. நோ சேபி
பிண்ட³பாதிகோ ஹோதி; ஸோ ச ஹோதி த⁴ம்மானுத⁴ம்மப்படிபன்னோ ஸாமீசிப்படிபன்னோ
அனுத⁴ம்மசாரீ, ஸோ தத்த² புஜ்ஜோ, ஸோ தத்த² பாஸங்ஸோ’தி. ஸோ படிபத³ங்யேவ
அந்தரங் கரித்வா தேன பிண்ட³பாதிகத்தேன நேவத்தானுக்கங்ஸேதி, ந பரங்
வம்பே⁴தி. அயம்பி, பி⁴க்க²வே, ஸப்புரிஸத⁴ம்மோ.

‘‘புன சபரங், பி⁴க்க²வே, அஸப்புரிஸோ ருக்க²மூலிகோ ஹோதி. ஸோ இதி படிஸஞ்சிக்க²தி – ‘அஹங் கொ²ம்ஹி ருக்க²மூலிகோ, இமே பனஞ்ஞே பி⁴க்கூ² ந
ருக்க²மூலிகா’தி. ஸோ தேன ருக்க²மூலிகத்தேன அத்தானுக்கங்ஸேதி, பரங்
வம்பே⁴தி. அயம்பி, பி⁴க்க²வே, அஸப்புரிஸத⁴ம்மோ. ஸப்புரிஸோ ச கோ²,
பி⁴க்க²வே, இதி படிஸஞ்சிக்க²தி – ‘ந கோ² ருக்க²மூலிகத்தேன
லோப⁴த⁴ம்மா வா பரிக்க²யங் க³ச்ச²ந்தி, தோ³ஸத⁴ம்மா வா பரிக்க²யங்
க³ச்ச²ந்தி, மோஹத⁴ம்மா வா பரிக்க²யங் க³ச்ச²ந்தி. நோ சேபி ருக்க²மூலிகோ
ஹோதி; ஸோ ச ஹோதி த⁴ம்மானுத⁴ம்மப்படிபன்னோ ஸாமீசிப்படிபன்னோ அனுத⁴ம்மசாரீ,
ஸோ தத்த² புஜ்ஜோ, ஸோ தத்த² பாஸங்ஸோ’தி. ஸோ படிபத³ங்யேவ அந்தரங் கரித்வா தேன ருக்க²மூலிகத்தேன நேவத்தானுக்கங்ஸேதி, ந பரங் வம்பே⁴தி. அயம்பி, பி⁴க்க²வே, ஸப்புரிஸத⁴ம்மோ.

‘‘புன சபரங், பி⁴க்க²வே, அஸப்புரிஸோ ஸோஸானிகோ ஹோதி…பே॰… அப்³போ⁴காஸிகோ ஹோதி… நேஸஜ்ஜிகோ ஹோதி…
யதா²ஸந்த²திகோ ஹோதி… ஏகாஸனிகோ ஹோதி. ஸோ இதி படிஸஞ்சிக்க²தி – ‘அஹங்
கொ²ம்ஹி ஏகாஸனிகோ, இமே பனஞ்ஞே பி⁴க்கூ² ந ஏகாஸனிகா’தி. ஸோ தேன ஏகாஸனிகத்தேன
அத்தானுக்கங்ஸேதி, பரங் வம்பே⁴தி. அயம்பி, பி⁴க்க²வே, அஸப்புரிஸத⁴ம்மோ.
ஸப்புரிஸோ ச கோ², பி⁴க்க²வே, இதி படிஸஞ்சிக்க²தி – ‘ந கோ² ஏகாஸனிகத்தேன
லோப⁴த⁴ம்மா வா பரிக்க²யங் க³ச்ச²ந்தி, தோ³ஸத⁴ம்மா வா பரிக்க²யங்
க³ச்ச²ந்தி, மோஹத⁴ம்மா வா பரிக்க²யங் க³ச்ச²ந்தி. நோ சேபி ஏகாஸனிகோ ஹோதி;
ஸோ ச ஹோதி த⁴ம்மானுத⁴ம்மப்படிபன்னோ ஸாமீசிப்படிபன்னோ அனுத⁴ம்மசாரீ, ஸோ
தத்த² புஜ்ஜோ, ஸோ தத்த² பாஸங்ஸோ’தி. ஸோ படிபத³ங்யேவ அந்தரங் கரித்வா தேன ஏகாஸனிகத்தேன நேவத்தானுக்கங்ஸேதி, ந பரங் வம்பே⁴தி. அயம்பி, பி⁴க்க²வே, ஸப்புரிஸத⁴ம்மோ.

108. ‘‘புன
சபரங், பி⁴க்க²வே, அஸப்புரிஸோ விவிச்சேவ காமேஹி விவிச்ச அகுஸலேஹி த⁴ம்மேஹி
ஸவிதக்கங் ஸவிசாரங் விவேகஜங் பீதிஸுக²ங் பட²மங் ஜா²னங் உபஸம்பஜ்ஜ விஹரதி.
ஸோ இதி படிஸஞ்சிக்க²தி – ‘அஹங் கொ²ம்ஹி பட²மஜ்ஜா²னஸமாபத்தியா லாபீ⁴, இமே
பனஞ்ஞே பி⁴க்கூ² பட²மஜ்ஜா²னஸமாபத்தியா ந லாபி⁴னோ’தி. ஸோ தாய
பட²மஜ்ஜா²னஸமாபத்தியா அத்தானுக்கங்ஸேதி, பரங் வம்பே⁴தி. அயம்பி, பி⁴க்க²வே,
அஸப்புரிஸத⁴ம்மோ. ஸப்புரிஸோ ச கோ², பி⁴க்க²வே, இதி படிஸஞ்சிக்க²தி – ‘பட²மஜ்ஜா²னஸமாபத்தியாபி கோ² அதம்மயதா வுத்தா ப⁴க³வதா. யேன யேன ஹி மஞ்ஞந்தி ததோ தங் ஹோதி அஞ்ஞதா²’தி. ஸோ அதம்மயதஞ்ஞேவ அந்தரங் கரித்வா தாய பட²மஜ்ஜா²னஸமாபத்தியா நேவத்தானுக்கங்ஸேதி, ந பரங் வம்பே⁴தி. அயம்பி, பி⁴க்க²வே, ஸப்புரிஸத⁴ம்மோ.

‘‘புன சபரங், பி⁴க்க²வே, அஸப்புரிஸோ விதக்கவிசாரானங்
வூபஸமா அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங் அவிதக்கங் அவிசாரங்
ஸமாதி⁴ஜங் பீதிஸுக²ங் து³தியங் ஜா²னங்…பே॰… ததியங் ஜா²னங்… சதுத்த²ங்
ஜா²னங் உபஸம்பஜ்ஜ விஹரதி. ஸோ இதி படிஸஞ்சிக்க²தி – ‘அஹங் கொ²ம்ஹி
சதுத்த²ஜ்ஜா²னஸமாபத்தியா லாபீ⁴, இமே பனஞ்ஞே பி⁴க்கூ²
சதுத்த²ஜ்ஜா²னஸமாபத்தியா ந லாபி⁴னோ’தி. ஸோ தாய சதுத்த²ஜ்ஜா²னஸமாபத்தியா
அத்தானுக்கங்ஸேதி, பரங் வம்பே⁴தி. அயம்பி, பி⁴க்க²வே, அஸப்புரிஸத⁴ம்மோ.
ஸப்புரிஸோ ச கோ² , பி⁴க்க²வே, இதி படிஸஞ்சிக்க²தி –
‘சதுத்த²ஜ்ஜா²னஸமாபத்தியாபி கோ² அதம்மயதா வுத்தா ப⁴க³வதா. யேன யேன ஹி
மஞ்ஞந்தி ததோ தங் ஹோதி அஞ்ஞதா²’தி. ஸோ அதம்மயதஞ்ஞேவ அந்தரங் கரித்வா தாய
சதுத்த²ஜ்ஜா²னஸமாபத்தியா நேவத்தானுக்கங்ஸேதி, ந பரங் வம்பே⁴தி. அயம்பி,
பி⁴க்க²வே, ஸப்புரிஸத⁴ம்மோ.

‘‘புன சபரங், பி⁴க்க²வே, அஸப்புரிஸோ ஸப்³ப³ஸோ
ரூபஸஞ்ஞானங் ஸமதிக்கமா படிக⁴ஸஞ்ஞானங் அத்த²ங்க³மா நானத்தஸஞ்ஞானங் அமனஸிகாரா
‘அனந்தோ ஆகாஸோ’தி ஆகாஸானஞ்சாயதனங் உபஸம்பஜ்ஜ விஹரதி. ஸோ இதி
படிஸஞ்சிக்க²தி – ‘அஹங் கொ²ம்ஹி ஆகாஸானஞ்சாயதனஸமாபத்தியா லாபீ⁴, இமே பனஞ்ஞே
பி⁴க்கூ² ஆகாஸானஞ்சாயதனஸமாபத்தியா ந லாபி⁴னோ’தி. ஸோ தாய
ஆகாஸானஞ்சாயதனஸமாபத்தியா அத்தானுக்கங்ஸேதி, பரங் வம்பே⁴தி. அயம்பி,
பி⁴க்க²வே, அஸப்புரிஸத⁴ம்மோ. ஸப்புரிஸோ ச கோ², பி⁴க்க²வே, இதி
படிஸஞ்சிக்க²தி – ‘ஆகாஸானஞ்சாயதனஸமாபத்தியாபி கோ²
அதம்மயதா வுத்தா ப⁴க³வதா. யேன யேன ஹி மஞ்ஞந்தி ததோ தங் ஹோதி அஞ்ஞதா²’தி. ஸோ
அதம்மயதஞ்ஞேவ அந்தரங் கரித்வா தாய ஆகாஸானஞ்சாயதனஸமாபத்தியா நேவத்தானுக்கங்ஸேதி, ந பரங் வம்பே⁴தி. அயம்பி, பி⁴க்க²வே, ஸப்புரிஸத⁴ம்மோ.

‘‘புன சபரங், பி⁴க்க²வே, அஸப்புரிஸோ ஸப்³ப³ஸோ
ஆகாஸானஞ்சாயதனங் ஸமதிக்கம்ம ‘அனந்தங் விஞ்ஞாண’ந்தி விஞ்ஞாணஞ்சாயதனங்
உபஸம்பஜ்ஜ விஹரதி. ஸோ இதி படிஸஞ்சிக்க²தி – ‘அஹங் கொ²ம்ஹி
விஞ்ஞாணஞ்சாயதனஸமாபத்தியா லாபீ⁴, இமே பனஞ்ஞே பி⁴க்கூ²
விஞ்ஞாணஞ்சாயதனஸமாபத்தியா ந லாபி⁴னோ’தி. ஸோ தாய விஞ்ஞாணஞ்சாயதனஸமாபத்தியா
அத்தானுக்கங்ஸேதி, பரங் வம்பே⁴தி. அயம்பி, பி⁴க்க²வே, அஸப்புரிஸத⁴ம்மோ.
ஸப்புரிஸோ ச கோ², பி⁴க்க²வே, இதி படிஸஞ்சிக்க²தி –
‘விஞ்ஞாணஞ்சாயதனஸமாபத்தியாபி கோ² அதம்மயதா வுத்தா ப⁴க³வதா. யேன யேன ஹி
மஞ்ஞந்தி ததோ தங் ஹோதி அஞ்ஞதா²’தி. ஸோ அதம்மயதஞ்ஞேவ அந்தரங் கரித்வா தாய
விஞ்ஞாணஞ்சாயதனஸமாபத்தியா நேவத்தானுக்கங்ஸேதி, ந பரங் வம்பே⁴தி. அயம்பி,
பி⁴க்க²வே, ஸப்புரிஸத⁴ம்மோ.

‘‘புன சபரங், பி⁴க்க²வே, அஸப்புரிஸோ ஸப்³ப³ஸோ
விஞ்ஞாணஞ்சாயதனங் ஸமதிக்கம்ம ‘நத்தி² கிஞ்சீ’தி ஆகிஞ்சஞ்ஞாயதனங் உபஸம்பஜ்ஜ
விஹரதி. ஸோ இதி படிஸஞ்சிக்க²தி – ‘அஹங் கொ²ம்ஹி ஆகிஞ்சஞ்ஞாயதனஸமாபத்தியா
லாபீ⁴, இமே பனஞ்ஞே பி⁴க்கூ² ஆகிஞ்சஞ்ஞாயதனஸமாபத்தியா ந லாபி⁴னோ’தி. ஸோ தாய
ஆகிஞ்சஞ்ஞாயதனஸமாபத்தியா அத்தானுக்கங்ஸேதி, பரங் வம்பே⁴தி. அயம்பி,
பி⁴க்க²வே, அஸப்புரிஸத⁴ம்மோ. ஸப்புரிஸோ ச கோ², பி⁴க்க²வே, இதி
படிஸஞ்சிக்க²தி – ‘ஆகிஞ்சஞ்ஞாயதனஸமாபத்தியாபி கோ² அதம்மயதா வுத்தா ப⁴க³வதா.
யேன யேன ஹி மஞ்ஞந்தி ததோ தங் ஹோதி அஞ்ஞதா²’தி. ஸோ அதம்மயதஞ்ஞேவ அந்தரங்
கரித்வா தாய ஆகிஞ்சஞ்ஞாயதனஸமாபத்தியா நேவத்தானுக்கங்ஸேதி, ந பரங் வம்பே⁴தி.
அயம்பி, பி⁴க்க²வே, ஸப்புரிஸத⁴ம்மோ.

‘‘புன சபரங், பி⁴க்க²வே, அஸப்புரிஸோ ஸப்³ப³ஸோ ஆகிஞ்சஞ்ஞாயதனங் ஸமதிக்கம்ம
நேவஸஞ்ஞானாஸஞ்ஞாயதனங் உபஸம்பஜ்ஜ விஹரதி. ஸோ இதி படிஸஞ்சிக்க²தி – ‘அஹங்
கொ²ம்ஹி நேவஸஞ்ஞானாஸஞ்ஞாயதனஸமாபத்தியா லாபீ⁴, இமே பனஞ்ஞே பி⁴க்கூ²
நேவஸஞ்ஞானாஸஞ்ஞாயதனஸமாபத்தியா ந லாபி⁴னோ’தி. ஸோ தாய
நேவஸஞ்ஞானாஸஞ்ஞாயதனஸமாபத்தியா அத்தானுக்கங்ஸேதி , பரங் வம்பே⁴தி. அயம்பி, பி⁴க்க²வே, அஸப்புரிஸத⁴ம்மோ. ஸப்புரிஸோ ச கோ², பி⁴க்க²வே ,
இதி படிஸஞ்சிக்க²தி – ‘நேவஸஞ்ஞானாஸஞ்ஞாயதனஸமாபத்தியாபி கோ² அதம்மயதா
வுத்தா ப⁴க³வதா. யேன யேன ஹி மஞ்ஞந்தி ததோ தங் ஹோதி அஞ்ஞதா²’தி. ஸோ
அதம்மயதஞ்ஞேவ அந்தரங் கரித்வா தாய நேவஸஞ்ஞானாஸஞ்ஞாயதனஸமாபத்தியா
நேவத்தானுக்கங்ஸேதி, ந பரங் வம்பே⁴தி. அயம்பி, பி⁴க்க²வே, ஸப்புரிஸத⁴ம்மோ.

‘‘புன சபரங், பி⁴க்க²வே,
ஸப்புரிஸோ ஸப்³ப³ஸோ நேவஸஞ்ஞானாஸஞ்ஞாயதனங் ஸமதிக்கம்ம ஸஞ்ஞாவேத³யிதனிரோத⁴ங்
உபஸம்பஜ்ஜ விஹரதி. பஞ்ஞாய சஸ்ஸ தி³ஸ்வா ஆஸவா [ஏகச்சே ஆஸவா (க॰)] பரிக்கீ²ணா ஹொந்தி. அயங் [அயங் கோ² (ஸ்யா॰ கங்॰)], பி⁴க்க²வே, பி⁴க்கு² ந கிஞ்சி மஞ்ஞதி, ந குஹிஞ்சி மஞ்ஞதி, ந கேனசி மஞ்ஞதீ’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

ஸப்புரிஸஸுத்தங் நிட்டி²தங் ததியங்.

4. ஸேவிதப்³பா³ஸேவிதப்³ப³ஸுத்தங்

109. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
‘‘ஸேவிதப்³பா³ஸேவிதப்³ப³ங் வோ, பி⁴க்க²வே, த⁴ம்மபரியாயங் தே³ஸெஸ்ஸாமி. தங்
ஸுணாத², ஸாது⁴கங் மனஸி கரோத²; பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² தே
பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘காயஸமாசாரங்பாஹங் [பஹங் (ஸப்³ப³த்த²)],
பி⁴க்க²வே, து³விதே⁴ன வதா³மி – ஸேவிதப்³ப³ம்பி, அஸேவிதப்³ப³ம்பி; தஞ்ச
அஞ்ஞமஞ்ஞங் காயஸமாசாரங். வசீஸமாசாரங்பாஹங், பி⁴க்க²வே, து³விதே⁴ன வதா³மி –
ஸேவிதப்³ப³ம்பி, அஸேவிதப்³ப³ம்பி; தஞ்ச அஞ்ஞமஞ்ஞங் வசீஸமாசாரங்.
மனோஸமாசாரங்பாஹங், பி⁴க்க²வே, து³விதே⁴ன வதா³மி – ஸேவிதப்³ப³ம்பி,
அஸேவிதப்³ப³ம்பி; தஞ்ச அஞ்ஞமஞ்ஞங் மனோஸமாசாரங். சித்துப்பாத³ங்பாஹங்,
பி⁴க்க²வே, து³விதே⁴ன வதா³மி – ஸேவிதப்³ப³ம்பி, அஸேவிதப்³ப³ம்பி; தஞ்ச
அஞ்ஞமஞ்ஞங் சித்துப்பாத³ங். ஸஞ்ஞாபடிலாப⁴ங்பாஹங், பி⁴க்க²வே, து³விதே⁴ன வதா³மி – ஸேவிதப்³ப³ம்பி ,
அஸேவிதப்³ப³ம்பி; தஞ்ச அஞ்ஞமஞ்ஞங் ஸஞ்ஞாபடிலாப⁴ங்.
தி³ட்டி²படிலாப⁴ங்பாஹங், பி⁴க்க²வே, து³விதே⁴ன வதா³மி – ஸேவிதப்³ப³ம்பி,
அஸேவிதப்³ப³ம்பி; தஞ்ச அஞ்ஞமஞ்ஞங் தி³ட்டி²படிலாப⁴ங்.
அத்தபா⁴வபடிலாப⁴ங்பாஹங், பி⁴க்க²வே, து³விதே⁴ன வதா³மி – ஸேவிதப்³ப³ம்பி,
அஸேவிதப்³ப³ம்பி; தஞ்ச அஞ்ஞமஞ்ஞங் அத்தபா⁴வபடிலாப⁴’’ந்தி.

ஏவங் வுத்தே ஆயஸ்மா ஸாரிபுத்தோ
ப⁴க³வந்தங் ஏதத³வோச – ‘‘இமஸ்ஸ கோ² அஹங், ப⁴ந்தே, ப⁴க³வதா ஸங்கி²த்தேன
பா⁴ஸிதஸ்ஸ, வித்தா²ரேன அத்த²ங் அவிப⁴த்தஸ்ஸ, ஏவங் வித்தா²ரேன அத்த²ங்
ஆஜானாமி.

110.
‘‘‘காயஸமாசாரங்பாஹங், பி⁴க்க²வே, து³விதே⁴ன வதா³மி – ஸேவிதப்³ப³ம்பி,
அஸேவிதப்³ப³ம்பி; தஞ்ச அஞ்ஞமஞ்ஞங் காயஸமாசார’ந்தி – இதி கோ² பனேதங் வுத்தங்
ப⁴க³வதா. கிஞ்சேதங் படிச்ச வுத்தங்? யதா²ரூபங்,
ப⁴ந்தே, காயஸமாசாரங் ஸேவதோ அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா
பரிஹாயந்தி, ஏவரூபோ காயஸமாசாரோ ந ஸேவிதப்³போ³; யதா²ரூபஞ்ச கோ², ப⁴ந்தே,
காயஸமாசாரங் ஸேவதோ அகுஸலா த⁴ம்மா பரிஹாயந்தி, குஸலா த⁴ம்மா அபி⁴வட்³ட⁴ந்தி,
ஏவரூபோ காயஸமாசாரோ ஸேவிதப்³போ³.

111.
‘‘கத²ங்ரூபங், ப⁴ந்தே, காயஸமாசாரங் ஸேவதோ அகுஸலா த⁴ம்மா அபி⁴வட்³ட⁴ந்தி,
குஸலா த⁴ம்மா பரிஹாயந்தி? இத⁴, ப⁴ந்தே, ஏகச்சோ பாணாதிபாதீ ஹோதி லுத்³தோ³
லோஹிதபாணி ஹதப்பஹதே நிவிட்டோ² அத³யாபன்னோ பாணபூ⁴தேஸு; அதி³ன்னாதா³யீ கோ² பன
ஹோதி, யங் தங் பரஸ்ஸ பரவித்தூபகரணங் கா³மக³தங் வா அரஞ்ஞக³தங் வா தங்
அதி³ன்னங் தெ²ய்யஸங்கா²தங் ஆதா³தா ஹோதி; காமேஸுமிச்சா²சாரீ கோ² பன ஹோதி, யா
தா மாதுரக்கி²தா பிதுரக்கி²தா மாதாபிதுரக்கி²தா பா⁴துரக்கி²தா
ப⁴கி³னிரக்கி²தா ஞாதிரக்கி²தா கொ³த்தரக்கி²தா த⁴ம்மரக்கி²தா ஸஸ்ஸாமிகா
ஸபரித³ண்டா³ அந்தமஸோ மாலாகு³ளபரிக்கி²த்தாபி ததா²ரூபாஸு சாரித்தங் ஆபஜ்ஜிதா
ஹோதி – ஏவரூபங், ப⁴ந்தே, காயஸமாசாரங் ஸேவதோ அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி.

‘‘கத²ங்ரூபங் , ப⁴ந்தே,
காயஸமாசாரங் ஸேவதோ அகுஸலா த⁴ம்மா பரிஹாயந்தி, குஸலா த⁴ம்மா அபி⁴வட்³ட⁴ந்தி?
இத⁴, ப⁴ந்தே, ஏகச்சோ பாணாதிபாதங் பஹாய பாணாதிபாதா படிவிரதோ ஹோதி
நிஹிதத³ண்டோ³ நிஹிதஸத்தோ², லஜ்ஜீ த³யாபன்னோ ஸப்³ப³பாணபூ⁴தஹிதானுகம்பீ
விஹரதி; அதி³ன்னாதா³னங் பஹாய அதி³ன்னாதா³னா படிவிரதோ ஹோதி, யங் தங் பரஸ்ஸ
பரவித்தூபகரணங் கா³மக³தங் வா அரஞ்ஞக³தங் வா தங்
நாதி³ன்னங் தெ²ய்யஸங்கா²தங் ஆதா³தா ஹோதி; காமேஸுமிச்சா²சாரங் பஹாய
காமேஸுமிச்சா²சாரா படிவிரதோ ஹோதி, யா தா மாதுரக்கி²தா பிதுரக்கி²தா
மாதாபிதுரக்கி²தா பா⁴துரக்கி²தா ப⁴கி³னிரக்கி²தா ஞாதிரக்கி²தா
கொ³த்தரக்கி²தா த⁴ம்மரக்கி²தா ஸஸ்ஸாமிகா ஸபரித³ண்டா³ அந்தமஸோ
மாலாகு³ளபரிக்கி²த்தாபி ததா²ரூபாஸு ந சாரித்தங் ஆபஜ்ஜிதா ஹோதி – ஏவரூபங்,
ப⁴ந்தே, காயஸமாசாரங் ஸேவதோ அகுஸலா த⁴ம்மா பரிஹாயந்தி, குஸலா த⁴ம்மா
அபி⁴வட்³ட⁴ந்தி. ‘காயஸமாசாரங்பாஹங், பி⁴க்க²வே, து³விதே⁴ன வதா³மி –
ஸேவிதப்³ப³ம்பி, அஸேவிதப்³ப³ம்பி; தஞ்ச அஞ்ஞமஞ்ஞங் காயஸமாசார’ந்தி – இதி
யங் தங் வுத்தங் ப⁴க³வதா இத³மேதங் படிச்ச வுத்தங்.

‘‘‘வசீஸமாசாரங்பாஹங், பி⁴க்க²வே, து³விதே⁴ன வதா³மி –
ஸேவிதப்³ப³ம்பி, அஸேவிதப்³ப³ம்பி; தஞ்ச அஞ்ஞமஞ்ஞங் வசீஸமாசார’ந்தி – இதி
கோ² பனேதங் வுத்தங் ப⁴க³வதா. கிஞ்சேதங் படிச்ச வுத்தங் ?
யதா²ரூபங், ப⁴ந்தே, வசீஸமாசாரங் ஸேவதோ அகுஸலா த⁴ம்மா அபி⁴வட்³ட⁴ந்தி,
குஸலா த⁴ம்மா பரிஹாயந்தி, ஏவரூபோ வசீஸமாசாரோ ந ஸேவிதப்³போ³; யதா²ரூபஞ்ச
கோ², ப⁴ந்தே, வசீஸமாசாரங் ஸேவதோ அகுஸலா த⁴ம்மா பரிஹாயந்தி, குஸலா த⁴ம்மா
அபி⁴வட்³ட⁴ந்தி ஏவரூபோ வசீஸமாசாரோ ஸேவிதப்³போ³.

112.
‘‘கத²ங்ரூபங், ப⁴ந்தே, வசீஸமாசாரங் ஸேவதோ அகுஸலா த⁴ம்மா அபி⁴வட்³ட⁴ந்தி,
குஸலா த⁴ம்மா பரிஹாயந்தி? இத⁴, ப⁴ந்தே, ஏகச்சோ முஸாவாதீ³ ஹோதி, ஸபா⁴க³தோ [ஸப⁴க்³க³தோ (ப³ஹூஸு)] வா பரிஸாக³தோ [பரிஸக்³க³தோ (ப³ஹூஸு)] வா ஞாதிமஜ்ஜ²க³தோ
வா பூக³மஜ்ஜ²க³தோ வா ராஜகுலமஜ்ஜ²க³தோ வா அபி⁴னீதோ ஸக்கி²புட்டோ² –
‘ஏஹம்போ⁴ புரிஸ, யங் ஜானாஸி தங் வதே³ஹீ’தி ஸோ அஜானங் வா ஆஹ – ‘ஜானாமீ’தி,
ஜானங் வா ஆஹ – ‘ந ஜானாமீ’தி; அபஸ்ஸங் வா ஆஹ – ‘பஸ்ஸாமீ’தி, பஸ்ஸங் வா ஆஹ –
‘ந பஸ்ஸாமீ’தி – இதி [பஸ்ஸ ம॰ நி॰ 1.440 ஸாலெய்யகஸுத்தே] அத்தஹேது வா பரஹேது வா ஆமிஸகிஞ்சிக்க²ஹேது [கிஞ்சக்க²ஹேது (ஸீ॰)]
வா ஸம்பஜானமுஸா பா⁴ஸிதா ஹோதி; பிஸுணவாசோ கோ² பன ஹோதி, இதோ ஸுத்வா அமுத்ர
அக்கா²தா இமேஸங் பே⁴தா³ய, அமுத்ர வா ஸுத்வா இமேஸங் அக்கா²தா அமூஸங் பே⁴தா³ய
– இதி ஸமக்³கா³னங் வா பெ⁴த்தா, பி⁴ன்னானங் வா அனுப்பதா³தா, வக்³கா³ராமோ,
வக்³க³ரதோ, வக்³க³னந்தீ³, வக்³க³கரணிங் வாசங் பா⁴ஸிதா
ஹோதி; ப²ருஸவாசோ கோ² பன ஹோதி, யா ஸா வாசா கண்ட³கா கக்கஸா ப²ருஸா பரகடுகா
பராபி⁴ஸஜ்ஜனீ கோத⁴ஸாமந்தா அஸமாதி⁴ஸங்வத்தனிகா, ததா²ரூபிங் வாசங் பா⁴ஸிதா
ஹோதி; ஸம்ப²ப்பலாபீ கோ² பன ஹோதி அகாலவாதீ³ அபூ⁴தவாதீ³ அனத்த²வாதீ³
அத⁴ம்மவாதீ³ அவினயவாதீ³, அனிதா⁴னவதிங் வாசங் பா⁴ஸிதா ஹோதி அகாலேன அனபதே³ஸங்
அபரியந்தவதிங் அனத்த²ஸங்ஹிதங் – ஏவரூபங், ப⁴ந்தே, வசீஸமாசாரங் ஸேவதோ
அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி.

‘‘கத²ங்ரூபங், ப⁴ந்தே, வசீஸமாசாரங் ஸேவதோ அகுஸலா த⁴ம்மா பரிஹாயந்தி ,
குஸலா த⁴ம்மா அபி⁴வட்³ட⁴ந்தி? இத⁴, ப⁴ந்தே, ஏகச்சோ முஸாவாத³ங் பஹாய
முஸாவாதா³ படிவிரதோ ஹோதி ஸபா⁴க³தோ வா பரிஸாக³தோ வா ஞாதிமஜ்ஜ²க³தோ வா
பூக³மஜ்ஜ²க³தோ வா ராஜகுலமஜ்ஜ²க³தோ வா அபி⁴னீதோ ஸக்கி²புட்டோ² – ‘ஏஹம்போ⁴
புரிஸ, யங் ஜானாஸி தங் வதே³ஹீ’தி ஸோ அஜானங் வா ஆஹ – ‘ந ஜானாமீ’தி, ஜானங் வா
ஆஹ – ‘ஜானாமீ’தி, அபஸ்ஸங் வா ஆஹ – ‘ந பஸ்ஸாமீ’தி, பஸ்ஸங் வா ஆஹ –
‘பஸ்ஸாமீ’தி – இதி அத்தஹேது வா பரஹேது வா
ஆமிஸகிஞ்சிக்க²ஹேது வா ந ஸம்பஜானமுஸா பா⁴ஸிதா ஹோதி; பிஸுணங் வாசங் பஹாய
பிஸுணாய வாசாய படிவிரதோ ஹோதி, இதோ ஸுத்வா ந அமுத்ர அக்கா²தா இமேஸங்
பே⁴தா³ய, அமுத்ர வா ஸுத்வா ந இமேஸங் அக்கா²தா
அமூஸங் பே⁴தா³ய – இதி பி⁴ன்னானங் வா ஸந்தா⁴தா ஸஹிதானங் வா அனுப்பதா³தா
ஸமக்³கா³ராமோ ஸமக்³க³ரதோ ஸமக்³க³னந்தீ³ ஸமக்³க³கரணிங் வாசங் பா⁴ஸிதா ஹோதி;
ப²ருஸங் வாசங் பஹாய ப²ருஸாய வாசாய படிவிரதோ ஹோதி, யா ஸா வாசா நேலா
கண்ணஸுகா² பேமனீயா ஹத³யங்க³மா போரீ ப³ஹுஜனகந்தா ப³ஹுஜனமனாபா ததா²ரூபிங்
வாசங் பா⁴ஸிதா ஹோதி; ஸம்ப²ப்பலாபங் பஹாய ஸம்ப²ப்பலாபா படிவிரதோ ஹோதி
காலவாதீ³ பூ⁴தவாதீ³ அத்த²வாதீ³ த⁴ம்மவாதீ³ வினயவாதீ³, நிதா⁴னவதிங் வாசங்
பா⁴ஸிதா ஹோதி காலேன ஸாபதே³ஸங் பரியந்தவதிங் அத்த²ஸங்ஹிதங் – ஏவரூபங்,
ப⁴ந்தே, வசீஸமாசாரங் ஸேவதோ அகுஸலா த⁴ம்மா பரிஹாயந்தி, குஸலா த⁴ம்மா
அபி⁴வட்³ட⁴ந்தி. ‘வசீஸமாசாரங்பாஹங், பி⁴க்க²வே, து³விதே⁴ன வதா³மி –
ஸேவிதப்³ப³ம்பி, அஸேவிதப்³ப³ம்பி; தஞ்ச அஞ்ஞமஞ்ஞங் வசீஸமாசார’ந்தி – இதி யங் தங் வுத்தங் ப⁴க³வதா இத³மேதங் படிச்ச வுத்தங்.

‘‘‘மனோஸமாசாரங்பாஹங், பி⁴க்க²வே, து³விதே⁴ன வதா³மி –
ஸேவிதப்³ப³ம்பி, அஸேவிதப்³ப³ம்பி; தஞ்ச அஞ்ஞமஞ்ஞங் மனோஸமாசார’ந்தி – இதி
கோ² பனேதங் வுத்தங் ப⁴க³வதா. கிஞ்சேதங் படிச்ச வுத்தங்? யதா²ரூபங், ப⁴ந்தே,
மனோஸமாசாரங் ஸேவதோ அகுஸலா த⁴ம்மா அபி⁴வட்³ட⁴ந்தி,
குஸலா த⁴ம்மா பரிஹாயந்தி ஏவரூபோ மனோஸமாசாரோ ந ஸேவிதப்³போ³; யதா²ரூபஞ்ச கோ²,
ப⁴ந்தே, மனோஸமாசாரங் ஸேவதோ அகுஸலா த⁴ம்மா பரிஹாயந்தி, குஸலா த⁴ம்மா
அபி⁴வட்³ட⁴ந்தி ஏவரூபோ மனோஸமாசாரோ ஸேவிதப்³போ³.

113.
‘‘கத²ங்ரூபங், ப⁴ந்தே, மனோஸமாசாரங் ஸேவதோ அகுஸலா த⁴ம்மா அபி⁴வட்³ட⁴ந்தி,
குஸலா த⁴ம்மா பரிஹாயந்தி? இத⁴, ப⁴ந்தே, ஏகச்சோ அபி⁴ஜ்ஜா²லு ஹோதி, யங் தங்
பரஸ்ஸ பரவித்தூபகரணங் தங் அபி⁴ஜ்ஜா²தா ஹோதி – ‘அஹோ வத யங் பரஸ்ஸ தங்
மமஸ்ஸா’தி; ப்³யாபன்னசித்தோ கோ² பன ஹோதி பது³ட்ட²மனஸங்கப்போ
– ‘இமே ஸத்தா ஹஞ்ஞந்து வா வஜ்ஜ²ந்து வா உச்சி²ஜ்ஜந்து வா வினஸ்ஸந்து வா மா
வா அஹேஸு’ந்தி – ஏவரூபங், ப⁴ந்தே, மனோஸமாசாரங் ஸேவதோ அகுஸலா த⁴ம்மா
அபி⁴வட்³ட⁴ந்தி, குஸலா த⁴ம்மா பரிஹாயந்தி.

‘‘கத²ங்ரூபங், ப⁴ந்தே, மனோஸமாசாரங் ஸேவதோ அகுஸலா
த⁴ம்மா பரிஹாயந்தி, குஸலா த⁴ம்மா அபி⁴வட்³ட⁴ந்தி? இத⁴, ப⁴ந்தே, ஏகச்சோ
அனபி⁴ஜ்ஜா²லு ஹோதி, யங் தங் பரஸ்ஸ பரவித்தூபகரணங் தங் நாபி⁴ஜ்ஜா²தா ஹோதி –
‘அஹோ வத யங் பரஸ்ஸ தங் மமஸ்ஸா’தி; அப்³யாபன்னசித்தோ கோ² பன ஹோதி அப்பது³ட்ட²மனஸங்கப்போ – ‘இமே ஸத்தா அவேரா அப்³யாப³ஜ்ஜா² [அப்³யாபஜ்ஜா² (ஸீ॰ ஸ்யா॰ கங்॰ பீ॰ க॰)]
அனீகா⁴ ஸுகீ² அத்தானங் பரிஹரந்தூ’தி – ஏவரூபங், ப⁴ந்தே, மனோஸமாசாரங் ஸேவதோ
அகுஸலா த⁴ம்மா பரிஹாயந்தி, குஸலா த⁴ம்மா அபி⁴வட்³ட⁴ந்தி.
‘மனோஸமாசாரங்பாஹங், பி⁴க்க²வே, து³விதே⁴ன வதா³மி – ஸேவிதப்³ப³ம்பி,
அஸேவிதப்³ப³ம்பி; தஞ்ச அஞ்ஞமஞ்ஞங் மனோஸமாசார’ந்தி – இதி யங் தங் வுத்தங்
ப⁴க³வதா இத³மேதங் படிச்ச வுத்தங்.

114.
‘‘‘சித்துப்பாத³ங்பாஹங், பி⁴க்க²வே, து³விதே⁴ன வதா³மி – ஸேவிதப்³ப³ம்பி,
அஸேவிதப்³ப³ம்பி; தஞ்ச அஞ்ஞமஞ்ஞங் சித்துப்பாத³’ந்தி – இதி கோ² பனேதங்
வுத்தங் ப⁴க³வதா. கிஞ்சேதங் படிச்ச வுத்தங்? யதா²ரூபங், ப⁴ந்தே,
சித்துப்பாத³ங் ஸேவதோ அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா
பரிஹாயந்தி ஏவரூபோ சித்துப்பாதோ³ ந ஸேவிதப்³போ³; யதா²ரூபஞ்ச கோ², ப⁴ந்தே,
சித்துப்பாத³ங் ஸேவதோ அகுஸலா த⁴ம்மா பரிஹாயந்தி, குஸலா த⁴ம்மா
அபி⁴வட்³ட⁴ந்தி ஏவரூபோ சித்துப்பாதோ³ ஸேவிதப்³போ³.

‘‘கத²ங்ரூபங், ப⁴ந்தே, சித்துப்பாத³ங் ஸேவதோ அகுஸலா
த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி? இத⁴, ப⁴ந்தே, ஏகச்சோ
அபி⁴ஜ்ஜா²லு ஹோதி, அபி⁴ஜ்ஜா²ஸஹக³தேன சேதஸா விஹரதி;
ப்³யாபாத³வா ஹோதி, ப்³யாபாத³ஸஹக³தேன சேதஸா விஹரதி; விஹேஸவா ஹோதி,
விஹேஸாஸஹக³தேன சேதஸா விஹரதி – ஏவரூபங், ப⁴ந்தே, சித்துப்பாத³ங் ஸேவதோ
அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி.

‘‘கத²ங்ரூபங், ப⁴ந்தே, சித்துப்பாத³ங் ஸேவதோ அகுஸலா த⁴ம்மா பரிஹாயந்தி , குஸலா
த⁴ம்மா அபி⁴வட்³ட⁴ந்தி? இத⁴, ப⁴ந்தே, ஏகச்சோ அனபி⁴ஜ்ஜா²லு ஹோதி,
அனபி⁴ஜ்ஜா²ஸஹக³தேன சேதஸா விஹரதி; அப்³யாபாத³வா ஹோதி, அப்³யாபாத³ஸஹக³தேன
சேதஸா விஹரதி; அவிஹேஸவா ஹோதி, அவிஹேஸாஸஹக³தேன சேதஸா விஹரதி – ஏவரூபங்,
ப⁴ந்தே, சித்துப்பாத³ங் ஸேவதோ அகுஸலா த⁴ம்மா பரிஹாயந்தி, குஸலா த⁴ம்மா
அபி⁴வட்³ட⁴ந்தி. ‘சித்துப்பாத³ங்பாஹங், பி⁴க்க²வே, து³விதே⁴ன வதா³மி –
ஸேவிதப்³ப³ம்பி, அஸேவிதப்³ப³ம்பி; தஞ்ச அஞ்ஞமஞ்ஞங் சித்துப்பாத³’ந்தி – இதி
யங் தங் வுத்தங் ப⁴க³வதா இத³மேதங் படிச்ச வுத்தங்.

115.
‘‘‘ஸஞ்ஞாபடிலாப⁴ங்பாஹங், பி⁴க்க²வே, து³விதே⁴ன வதா³மி – ஸேவிதப்³ப³ம்பி,
அஸேவிதப்³ப³ம்பி; தஞ்ச அஞ்ஞமஞ்ஞங் ஸஞ்ஞாபடிலாப⁴’ந்தி – இதி கோ² பனேதங்
வுத்தங் ப⁴க³வதா. கிஞ்சேதங் படிச்ச வுத்தங்?
யதா²ரூபங், ப⁴ந்தே, ஸஞ்ஞாபடிலாப⁴ங் ஸேவதோ அகுஸலா த⁴ம்மா அபி⁴வட்³ட⁴ந்தி,
குஸலா த⁴ம்மா பரிஹாயந்தி ஏவரூபோ ஸஞ்ஞாபடிலாபோ⁴ ந ஸேவிதப்³போ³; யதா²ரூபஞ்ச
கோ², ப⁴ந்தே, ஸஞ்ஞாபடிலாப⁴ங் ஸேவதோ அகுஸலா த⁴ம்மா பரிஹாயந்தி, குஸலா த⁴ம்மா
அபி⁴வட்³ட⁴ந்தி ஏவரூபோ ஸஞ்ஞாபடிலாபோ⁴ ஸேவிதப்³போ³.

‘‘கத²ங்ரூபங், ப⁴ந்தே, ஸஞ்ஞாபடிலாப⁴ங் ஸேவதோ அகுஸலா
த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி? இத⁴, ப⁴ந்தே, ஏகச்சோ
அபி⁴ஜ்ஜா²லு ஹோதி, அபி⁴ஜ்ஜா²ஸஹக³தாய ஸஞ்ஞாய விஹரதி; ப்³யாபாத³வா ஹோதி,
ப்³யாபாத³ஸஹக³தாய ஸஞ்ஞாய விஹரதி; விஹேஸவா ஹோதி, விஹேஸாஸஹக³தாய ஸஞ்ஞாய
விஹரதி – ஏவரூபங், ப⁴ந்தே, ஸஞ்ஞாபடிலாப⁴ங் ஸேவதோ அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி.

‘‘கத²ங்ரூபங், ப⁴ந்தே, ஸஞ்ஞாபடிலாப⁴ங் ஸேவதோ அகுஸலா
த⁴ம்மா பரிஹாயந்தி, குஸலா த⁴ம்மா அபி⁴வட்³ட⁴ந்தி? இத⁴, ப⁴ந்தே, ஏகச்சோ
அனபி⁴ஜ்ஜா²லு ஹோதி, அனபி⁴ஜ்ஜா²ஸஹக³தாய ஸஞ்ஞாய விஹரதி; அப்³யாபாத³வா ஹோதி,
அப்³யாபாத³ஸஹக³தாய ஸஞ்ஞாய விஹரதி; அவிஹேஸவா ஹோதி, அவிஹேஸாஸஹக³தாய ஸஞ்ஞாய
விஹரதி – ஏவரூபங், ப⁴ந்தே, ஸஞ்ஞாபடிலாப⁴ங் ஸேவதோ
அகுஸலா த⁴ம்மா பரிஹாயந்தி, குஸலா த⁴ம்மா அபி⁴வட்³ட⁴ந்தி.
‘ஸஞ்ஞாபடிலாப⁴ங்பாஹங், பி⁴க்க²வே, து³விதே⁴ன வதா³மி – ஸேவிதப்³ப³ம்பி,
அஸேவிதப்³ப³ம்பி; தஞ்ச அஞ்ஞமஞ்ஞங் ஸஞ்ஞாபடிலாப⁴’ந்தி – இதி யங் தங் வுத்தங்
ப⁴க³வதா இத³மேதங் படிச்ச வுத்தங்.

116. ‘‘‘தி³ட்டி²படிலாப⁴ங்பாஹங் ,
பி⁴க்க²வே, து³விதே⁴ன வதா³மி – ஸேவிதப்³ப³ம்பி, அஸேவிதப்³ப³ம்பி; தஞ்ச
அஞ்ஞமஞ்ஞங் தி³ட்டி²படிலாப⁴’ந்தி – இதி கோ² பனேதங் வுத்தங் ப⁴க³வதா.
கிஞ்சேதங் படிச்ச வுத்தங்? யதா²ரூபங், ப⁴ந்தே, தி³ட்டி²படிலாப⁴ங் ஸேவதோ
அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி ஏவரூபோ
தி³ட்டி²படிலாபோ⁴ ந ஸேவிதப்³போ³; யதா²ரூபஞ்ச கோ², ப⁴ந்தே,
தி³ட்டி²படிலாப⁴ங் ஸேவதோ அகுஸலா த⁴ம்மா பரிஹாயந்தி, குஸலா த⁴ம்மா
அபி⁴வட்³ட⁴ந்தி – ஏவரூபோ தி³ட்டி²படிலாபோ⁴ ஸேவிதப்³போ³.

‘‘கத²ங்ரூபங், ப⁴ந்தே, தி³ட்டி²படிலாப⁴ங் ஸேவதோ அகுஸலா
த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி? இத⁴, ப⁴ந்தே, ஏகச்சோ
ஏவங்தி³ட்டி²கோ ஹோதி – ‘நத்தி² தி³ன்னங், நத்தி² யிட்ட²ங், நத்தி² ஹுதங் , நத்தி² ஸுகதது³க்கடானங்
கம்மானங் ப²லங் விபாகோ, நத்தி² அயங் லோகோ, நத்தி² பரோ லோகோ, நத்தி² மாதா,
நத்தி² பிதா, நத்தி² ஸத்தா ஓபபாதிகா, நத்தி² லோகே ஸமணப்³ராஹ்மணா
ஸம்மக்³க³தா ஸம்மாபடிபன்னா யே இமஞ்ச லோகங் பரஞ்ச லோகங் ஸயங் அபி⁴ஞ்ஞா
ஸச்சி²கத்வா பவேதெ³ந்தீ’தி – ஏவரூபங், ப⁴ந்தே, தி³ட்டி²படிலாப⁴ங் ஸேவதோ
அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி.

‘‘கத²ங்ரூபங், ப⁴ந்தே, தி³ட்டி²படிலாப⁴ங் ஸேவதோ அகுஸலா
த⁴ம்மா பரிஹாயந்தி, குஸலா த⁴ம்மா அபி⁴வட்³ட⁴ந்தி? இத⁴, ப⁴ந்தே, ஏகச்சோ
ஏவங்தி³ட்டி²கோ ஹோதி – ‘அத்தி² தி³ன்னங், அத்தி² யிட்ட²ங், அத்தி² ஹுதங்,
அத்தி² ஸுகதது³க்கடானங் கம்மானங் ப²லங் விபாகோ, அத்தி² அயங் லோகோ, அத்தி²
பரோ லோகோ, அத்தி² மாதா, அத்தி² பிதா, அத்தி² ஸத்தா ஓபபாதிகா, அத்தி² லோகே
ஸமணப்³ராஹ்மணா ஸம்மக்³க³தா ஸம்மாபடிபன்னா யே இமஞ்ச லோகங் பரஞ்ச லோகங் ஸயங்
அபி⁴ஞ்ஞா ஸச்சி²கத்வா பவேதெ³ந்தீ’தி – ஏவரூபங், ப⁴ந்தே, தி³ட்டி²படிலாப⁴ங்
ஸேவதோ அகுஸலா த⁴ம்மா பரிஹாயந்தி, குஸலா த⁴ம்மா அபி⁴வட்³ட⁴ந்தி.
‘தி³ட்டி²படிலாப⁴ங்பாஹங், பி⁴க்க²வே, து³விதே⁴ன வதா³மி – ஸேவிதப்³ப³ம்பி,
அஸேவிதப்³ப³ம்பி; தஞ்ச அஞ்ஞமஞ்ஞங் தி³ட்டி²படிலாப⁴’ந்தி – இதி யங் தங்
வுத்தங் ப⁴க³வதா இத³மேதங் படிச்ச வுத்தங்.

117. ‘‘‘அத்தபா⁴வபடிலாப⁴ங்பாஹங் ,
பி⁴க்க²வே, து³விதே⁴ன வதா³மி – ஸேவிதப்³ப³ம்பி, அஸேவிதப்³ப³ம்பி; தஞ்ச
அஞ்ஞமஞ்ஞங் அத்தபா⁴வபடிலாப⁴’ந்தி – இதி கோ² பனேதங் வுத்தங் ப⁴க³வதா.
கிஞ்சேதங் படிச்ச வுத்தங்? யதா²ரூபங், ப⁴ந்தே, அத்தபா⁴வபடிலாப⁴ங்
ஸேவதோ அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி – ஏவரூபோ
அத்தபா⁴வபடிலாபோ⁴ ந ஸேவிதப்³போ³; யதா²ரூபஞ்ச கோ², ப⁴ந்தே,
அத்தபா⁴வபடிலாப⁴ங் ஸேவதோ அகுஸலா த⁴ம்மா பரிஹாயந்தி, குஸலா த⁴ம்மா
அபி⁴வட்³ட⁴ந்தி – ஏவரூபோ அத்தபா⁴வபடிலாபோ⁴ ஸேவிதப்³போ³.

‘‘கத²ங்ரூபங், ப⁴ந்தே, அத்தபா⁴வபடிலாப⁴ங் ஸேவதோ அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி? ஸப்³யாப³ஜ்ஜ²ங் [ஸப்³யாபஜ்ஜ²ங் (ஸீ॰ ஸ்யா॰ கங்॰ பீ॰ க॰)],
ப⁴ந்தே, அத்தபா⁴வபடிலாப⁴ங் அபி⁴னிப்³ப³த்தயதோ அபரினிட்டி²தபா⁴வாய அகுஸலா
த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி; அப்³யாப³ஜ்ஜ²ங், ப⁴ந்தே,
அத்தபா⁴வபடிலாப⁴ங் அபி⁴னிப்³ப³த்தயதோ பரினிட்டி²தபா⁴வாய அகுஸலா த⁴ம்மா
பரிஹாயந்தி, குஸலா த⁴ம்மா அபி⁴வட்³ட⁴ந்தி. ‘அத்தபா⁴வபடிலாப⁴ங்பாஹங்,
பி⁴க்க²வே, து³விதே⁴ன வதா³மி – ஸேவிதப்³ப³ம்பி , அஸேவிதப்³ப³ம்பி; தஞ்ச அஞ்ஞமஞ்ஞங் அத்தபா⁴வபடிலாப⁴’ந்தி – இதி யங் தங் வுத்தங் ப⁴க³வதா இத³மேதங் படிச்ச வுத்தங்.

‘‘இமஸ்ஸ கோ² அஹங், ப⁴ந்தே, ப⁴க³வதா ஸங்கி²த்தேன பா⁴ஸிதஸ்ஸ, வித்தா²ரேன அத்த²ங் அவிப⁴த்தஸ்ஸ, ஏவங் வித்தா²ரேன அத்த²ங் ஆஜானாமீ’’தி.

118.
‘‘ஸாது⁴ ஸாது⁴, ஸாரிபுத்த! ஸாது⁴ கோ² த்வங், ஸாரிபுத்த, இமஸ்ஸ மயா
ஸங்கி²த்தேன பா⁴ஸிதஸ்ஸ, வித்தா²ரேன அத்த²ங் அவிப⁴த்தஸ்ஸ, ஏவங் வித்தா²ரேன
அத்த²ங் ஆஜானாஸி.

‘‘‘காயஸமாசாரங்பாஹங், பி⁴க்க²வே, து³விதே⁴ன வதா³மி
– ஸேவிதப்³ப³ம்பி, அஸேவிதப்³ப³ம்பி; தஞ்ச அஞ்ஞமஞ்ஞங் காயஸமாசார’ந்தி – இதி
கோ² பனேதங் வுத்தங் மயா. கிஞ்சேதங் படிச்ச வுத்தங்? யதா²ரூபங், ஸாரிபுத்த,
காயஸமாசாரங் ஸேவதோ அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி
ஏவரூபோ காயஸமாசாரோ ந ஸேவிதப்³போ³; யதா²ரூபஞ்ச கோ², ஸாரிபுத்த, காயஸமாசாரங்
ஸேவதோ அகுஸலா த⁴ம்மா பரிஹாயந்தி, குஸலா த⁴ம்மா அபி⁴வட்³ட⁴ந்தி – ஏவரூபோ
காயஸமாசாரோ ஸேவிதப்³போ³.

‘‘கத²ங்ரூபங் , ஸாரிபுத்த, காயஸமாசாரங் ஸேவதோ அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி? இத⁴, ஸாரிபுத்த, ஏகச்சோ பாணாதிபாதீ ஹோதி
லுத்³தோ³ லோஹிதபாணி ஹதப்பஹதே நிவிட்டோ² அத³யாபன்னோ பாணபூ⁴தேஸு;
அதி³ன்னாதா³யீ கோ² பன ஹோதி, யங் தங் பரஸ்ஸ பரவித்தூபகரணங் கா³மக³தங் வா
அரஞ்ஞக³தங் வா தங் அதி³ன்னங் தெ²ய்யஸங்கா²தங் ஆதா³தா ஹோதி;
காமேஸுமிச்சா²சாரீ கோ² பன ஹோதி, யா தா மாதுரக்கி²தா பிதுரக்கி²தா
மாதாபிதுரக்கி²தா பா⁴துரக்கி²தா ப⁴கி³னிரக்கி²தா ஞாதிரக்கி²தா
கொ³த்தரக்கி²தா த⁴ம்மரக்கி²தா ஸஸ்ஸாமிகா ஸபரித³ண்டா³ அந்தமஸோ
மாலாகு³ளபரிக்கி²த்தாபி ததா²ரூபாஸு சாரித்தங் ஆபஜ்ஜிதா ஹோதி – ஏவரூபங்,
ஸாரிபுத்த, காயஸமாசாரங் ஸேவதோ அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா
பரிஹாயந்தி.

‘‘கத²ங்ரூபங், ஸாரிபுத்த, காயஸமாசாரங் ஸேவதோ அகுஸலா
த⁴ம்மா பரிஹாயந்தி, குஸலா த⁴ம்மா அபி⁴வட்³ட⁴ந்தி? இத⁴, ஸாரிபுத்த, ஏகச்சோ
பாணாதிபாதங் பஹாய பாணாதிபாதா படிவிரதோ ஹோதி
நிஹிதத³ண்டோ³ நிஹிதஸத்தோ², லஜ்ஜீ த³யாபன்னோ ஸப்³ப³பாணபூ⁴தஹிதானுகம்பீ
விஹரதி; அதி³ன்னாதா³னங் பஹாய அதி³ன்னாதா³னா படிவிரதோ ஹோதி, யங் தங் பரஸ்ஸ
பரவித்தூபகரணங் கா³மக³தங் வா அரஞ்ஞக³தங் வா தங் நாதி³ன்னங் தெ²ய்யஸங்கா²தங்
ஆதா³தா ஹோதி; காமேஸுமிச்சா²சாரங் பஹாய காமேஸுமிச்சா²சாரா படிவிரதோ ஹோதி,
யா தா மாதுரக்கி²தா பிதுரக்கி²தா மாதாபிதுரக்கி²தா பா⁴துரக்கி²தா
ப⁴கி³னிரக்கி²தா ஞாதிரக்கி²தா கொ³த்தரக்கி²தா த⁴ம்மரக்கி²தா ஸஸ்ஸாமிகா
ஸபரித³ண்டா³ அந்தமஸோ மாலாகு³ளபரிக்கி²த்தாபி ததா²ரூபாஸு ந சாரித்தங்
ஆபஜ்ஜிதா ஹோதி – ஏவரூபங், ஸாரிபுத்த, காயஸமாசாரங் ஸேவதோ அகுஸலா த⁴ம்மா
பரிஹாயந்தி, குஸலா த⁴ம்மா அபி⁴வட்³ட⁴ந்தி. ‘காயஸமாசாரங்பாஹங், பி⁴க்க²வே,
து³விதே⁴ன வதா³மி – ஸேவிதப்³ப³ம்பி, அஸேவிதப்³ப³ம்பி; தஞ்ச அஞ்ஞமஞ்ஞங்
காயஸமாசார’ந்தி – இதி யங் தங் வுத்தங் மயா இத³மேதங் படிச்ச வுத்தங்.

‘‘வசீஸமாசாரங்பாஹங், பி⁴க்க²வே, து³விதே⁴ன வதா³மி
…பே॰… மனோஸமாசாரங்பாஹங், பி⁴க்க²வே, து³விதே⁴ன வதா³மி…பே॰…
சித்துப்பாத³ங்பாஹங், பி⁴க்க²வே, து³விதே⁴ன வதா³மி…பே॰…
ஸஞ்ஞாபடிலாப⁴ங்பாஹங், பி⁴க்க²வே, து³விதே⁴ன வதா³மி…பே॰…
தி³ட்டி²படிலாப⁴ங்பாஹங், பி⁴க்க²வே, து³விதே⁴ன வதா³மி…பே॰….

‘‘‘அத்தபா⁴வபடிலாப⁴ங்பாஹங், பி⁴க்க²வே, து³விதே⁴ன
வதா³மி – ஸேவிதப்³ப³ம்பி, அஸேவிதப்³ப³ம்பி; தஞ்ச அஞ்ஞமஞ்ஞங்
அத்தபா⁴வபடிலாப⁴’ந்தி – இதி கோ² பனேதங் வுத்தங் மயா. கிஞ்சேதங்
படிச்ச வுத்தங்? யதா²ரூபங், ஸாரிபுத்த, அத்தபா⁴வபடிலாப⁴ங் ஸேவதோ அகுஸலா
த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி ஏவரூபோ அத்தபா⁴வபடிலாபோ⁴ ந
ஸேவிதப்³போ³; யதா²ரூபஞ்ச கோ², ஸாரிபுத்த, அத்தபா⁴வபடிலாப⁴ங் ஸேவதோ அகுஸலா த⁴ம்மா பரிஹாயந்தி, குஸலா த⁴ம்மா அபி⁴வட்³ட⁴ந்தி – ஏவரூபோ அத்தபா⁴வபடிலாபோ⁴ ஸேவிதப்³போ³.

‘‘கத²ங்ரூபங், ஸாரிபுத்த, அத்தபா⁴வபடிலாப⁴ங் ஸேவதோ
அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி? ஸப்³யாப³ஜ்ஜ²ங்,
ஸாரிபுத்த, அத்தபா⁴வபடிலாப⁴ங் அபி⁴னிப்³ப³த்தயதோ அபரினிட்டி²தபா⁴வாய அகுஸலா
த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி; அப்³யாப³ஜ்ஜ²ங்,
ஸாரிபுத்த, அத்தபா⁴வபடிலாப⁴ங் அபி⁴னிப்³ப³த்தயதோ பரினிட்டி²தபா⁴வாய அகுஸலா
த⁴ம்மா பரிஹாயந்தி, குஸலா த⁴ம்மா அபி⁴வட்³ட⁴ந்தி. ‘அத்தபா⁴வபடிலாப⁴ங்பாஹங்,
பி⁴க்க²வே, து³விதே⁴ன வதா³மி – ஸேவிதப்³ப³ம்பி ,
அஸேவிதப்³ப³ம்பி; தஞ்ச அஞ்ஞமஞ்ஞங் அத்தபா⁴வபடிலாப⁴’ந்தி – இதி யங் தங்
வுத்தங் மயா இத³மேதங் படிச்ச வுத்தங். இமஸ்ஸ கோ², ஸாரிபுத்த, மயா
ஸங்கி²த்தேன பா⁴ஸிதஸ்ஸ ஏவங் வித்தா²ரேன அத்தோ² த³ட்ட²ப்³போ³.

119.
‘‘சக்கு²விஞ்ஞெய்யங் ரூபங்பாஹங், ஸாரிபுத்த, து³விதே⁴ன வதா³மி –
ஸேவிதப்³ப³ம்பி, அஸேவிதப்³ப³ம்பி; ஸோதவிஞ்ஞெய்யங் ஸத்³த³ங்பாஹங்,
ஸாரிபுத்த, து³விதே⁴ன வதா³மி – ஸேவிதப்³ப³ம்பி அஸேவிதப்³ப³ம்பி;
கா⁴னவிஞ்ஞெய்யங் க³ந்த⁴ங்பாஹங், ஸாரிபுத்த, து³விதே⁴ன வதா³மி –
ஸேவிதப்³ப³ம்பி, அஸேவிதப்³ப³ம்பி; ஜிவ்ஹாவிஞ்ஞெய்யங் ரஸங்பாஹங், ஸாரிபுத்த,
து³விதே⁴ன வதா³மி – ஸேவிதப்³ப³ம்பி, அஸேவிதப்³ப³ம்பி; காயவிஞ்ஞெய்யங்
பொ²ட்ட²ப்³ப³ங்பாஹங், ஸாரிபுத்த, து³விதே⁴ன வதா³மி – ஸேவிதப்³ப³ம்பி,
அஸேவிதப்³ப³ம்பி; மனோவிஞ்ஞெய்யங் த⁴ம்மங்பாஹங், ஸாரிபுத்த, து³விதே⁴ன
வதா³மி – ஸேவிதப்³ப³ம்பி, அஸேவிதப்³ப³ம்பீ’’தி.

ஏவங் வுத்தே, ஆயஸ்மா ஸாரிபுத்தோ ப⁴க³வந்தங் ஏதத³வோச –
‘‘இமஸ்ஸ கோ² அஹங், ப⁴ந்தே, ப⁴க³வதா ஸங்கி²த்தேன பா⁴ஸிதஸ்ஸ, வித்தா²ரேன
அத்த²ங் அவிப⁴த்தஸ்ஸ, ஏவங் வித்தா²ரேன அத்த²ங் ஆஜானாமி. ‘சக்கு²விஞ்ஞெய்யங்
ரூபங்பாஹங், ஸாரிபுத்த, து³விதே⁴ன வதா³மி –
ஸேவிதப்³ப³ம்பி, அஸேவிதப்³ப³ம்பீ’தி – இதி கோ² பனேதங் வுத்தங் ப⁴க³வதா.
கிஞ்சேதங் படிச்ச வுத்தங்? யதா²ரூபங், ப⁴ந்தே, சக்கு²விஞ்ஞெய்யங் ரூபங்
ஸேவதோ அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி ஏவரூபங்
சக்கு²விஞ்ஞெய்யங் ரூபங் ந ஸேவிதப்³ப³ங்; யதா²ரூபஞ்ச கோ², ப⁴ந்தே,
சக்கு²விஞ்ஞெய்யங் ரூபங் ஸேவதோ அகுஸலா த⁴ம்மா பரிஹாயந்தி, குஸலா த⁴ம்மா
அபி⁴வட்³ட⁴ந்தி ஏவரூபங் சக்கு²விஞ்ஞெய்யங் ரூபங் ஸேவிதப்³ப³ங்.
‘சக்கு²விஞ்ஞெய்யங் ரூபங்பாஹங், ஸாரிபுத்த,
து³விதே⁴ன வதா³மி – ஸேவிதப்³ப³ம்பி, அஸேவிதப்³ப³ம்பீ’தி – இதி யங் தங்
வுத்தங் ப⁴க³வதா இத³மேதங் படிச்ச வுத்தங்.

‘‘ஸோதவிஞ்ஞெய்யங் ஸத்³த³ங்பாஹங், ஸாரிபுத்த…பே॰…
ஏவரூபோ ஸோதவிஞ்ஞெய்யோ ஸத்³தோ³ ந ஸேவிதப்³போ³… ஏவரூபோ ஸோதவிஞ்ஞெய்யோ ஸத்³தோ³
ஸேவிதப்³போ³… ஏவரூபோ கா⁴னவிஞ்ஞெய்யோ க³ந்தோ⁴ ந ஸேவிதப்³போ³… ஏவரூபோ கா⁴னவிஞ்ஞெய்யோ க³ந்தோ⁴ ஸேவிதப்³போ³… ஏவரூபோ ஜிவ்ஹாவிஞ்ஞெய்யோ ரஸோ ந ஸேவிதப்³போ³… ஏவரூபோ ஜிவ்ஹாவிஞ்ஞெய்யோ ரஸோ ஸேவிதப்³போ³… காயவிஞ்ஞெய்யங் பொ²ட்ட²ப்³ப³ங்பாஹங், ஸாரிபுத்த … ஏவரூபோ காயவிஞ்ஞெய்யோ பொ²ட்ட²ப்³போ³ ந ஸேவிதப்³போ³… ஏவரூபோ காயவிஞ்ஞெய்யோ பொ²ட்ட²ப்³போ³ ஸேவிதப்³போ³.

‘‘‘மனோவிஞ்ஞெய்யங் த⁴ம்மங்பாஹங், ஸாரிபுத்த, து³விதே⁴ன
வதா³மி – ஸேவிதப்³ப³ம்பி, அஸேவிதப்³ப³ம்பீ’தி – இதி கோ² பனேதங் வுத்தங்
ப⁴க³வதா. கிஞ்சேதங் படிச்ச வுத்தங்? யதா²ரூபங், ப⁴ந்தே, மனோவிஞ்ஞெய்யங்
த⁴ம்மங் ஸேவதோ அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி
ஏவரூபோ மனோவிஞ்ஞெய்யோ த⁴ம்மோ ந ஸேவிதப்³போ³;
யதா²ரூபஞ்ச கோ², ப⁴ந்தே, மனோவிஞ்ஞெய்யங் த⁴ம்மங் ஸேவதோ அகுஸலா த⁴ம்மா
பரிஹாயந்தி, குஸலா த⁴ம்மா அபி⁴வட்³ட⁴ந்தி ஏவரூபோ மனோவிஞ்ஞெய்யோ த⁴ம்மோ
ஸேவிதப்³போ³. ‘மனோவிஞ்ஞெய்யங் த⁴ம்மங்பாஹங், ஸாரிபுத்த, து³விதே⁴ன வதா³மி –
ஸேவிதப்³ப³ம்பி, அஸேவிதப்³ப³ம்பீ’தி – இதி யங் தங் வுத்தங் ப⁴க³வதா
இத³மேதங் படிச்ச வுத்தங். இமஸ்ஸ கோ² அஹங், ப⁴ந்தே, ப⁴க³வதா ஸங்கி²த்தேன
பா⁴ஸிதஸ்ஸ, வித்தா²ரேன அத்த²ங் அவிப⁴த்தஸ்ஸ, ஏவங் வித்தா²ரேன அத்த²ங்
ஆஜானாமீ’’தி.

120.
‘‘ஸாது⁴ ஸாது⁴, ஸாரிபுத்த! ஸாது⁴ கோ² த்வங், ஸாரிபுத்த, இமஸ்ஸ மயா
ஸங்கி²த்தேன பா⁴ஸிதஸ்ஸ, வித்தா²ரேன அத்த²ங் அவிப⁴த்தஸ்ஸ, ஏவங் வித்தா²ரேன
அத்த²ங் ஆஜானாஸி. ‘சக்கு²விஞ்ஞெய்யங் ரூபங்பாஹங், ஸாரிபுத்த, து³விதே⁴ன
வதா³மி – ஸேவிதப்³ப³ம்பி, அஸேவிதப்³ப³ம்பீ’தி – இதி கோ² பனேதங் வுத்தங்
மயா. கிஞ்சேதங் படிச்ச வுத்தங்? யதா²ரூபங், ஸாரிபுத்த, சக்கு²விஞ்ஞெய்யங்
ரூபங் ஸேவதோ அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி
ஏவரூபங் சக்கு²விஞ்ஞெய்யங் ரூபங் ந ஸேவிதப்³ப³ங்; யதா²ரூபஞ்ச கோ²,
ஸாரிபுத்த, சக்கு²விஞ்ஞெய்யங் ரூபங் ஸேவதோ அகுஸலா த⁴ம்மா பரிஹாயந்தி, குஸலா
த⁴ம்மா அபி⁴வட்³ட⁴ந்தி ஏவரூபங் சக்கு²விஞ்ஞெய்யங்
ரூபங் ஸேவிதப்³ப³ங். ‘சக்கு²விஞ்ஞெய்யங் ரூபங்பாஹங், ஸாரிபுத்த, து³விதே⁴ன
வதா³மி – ஸேவிதப்³ப³ம்பி, அஸேவிதப்³ப³ம்பீ’தி – இதி யங் தங் வுத்தங் மயா
இத³மேதங் படிச்ச வுத்தங்.

‘‘ஸோதவிஞ்ஞெய்யங்
ஸத்³த³ங்பாஹங், ஸாரிபுத்த…பே॰… ஏவரூபோ ஸோதவிஞ்ஞெய்யோ ஸத்³தோ³ ந
ஸேவிதப்³போ³… ஏவரூபோ ஸோதவிஞ்ஞெய்யோ ஸத்³தோ³ ஸேவிதப்³போ³… ஏவரூபோ
கா⁴னவிஞ்ஞெய்யோ க³ந்தோ⁴ ந ஸேவிதப்³போ³… ஏவரூபோ கா⁴னவிஞ்ஞெய்யோ க³ந்தோ⁴
ஸேவிதப்³போ³… ஏவரூபோ ஜிவ்ஹாவிஞ்ஞெய்யோ ரஸோ ந ஸேவிதப்³போ³… ஏவரூபோ
ஜிவ்ஹாவிஞ்ஞெய்யோ ரஸோ ஸேவிதப்³போ³… ஏவரூபோ காயவிஞ்ஞெய்யோ பொ²ட்ட²ப்³போ³ ந
ஸேவிதப்³போ³… ஏவரூபோ காயவிஞ்ஞெய்யோ பொ²ட்ட²ப்³போ³ ஸேவிதப்³போ³.

‘‘மனோவிஞ்ஞெய்யங்
த⁴ம்மங்பாஹங், ஸாரிபுத்த…பே॰… ஏவரூபோ மனோவிஞ்ஞெய்யோ த⁴ம்மோ ந ஸேவிதப்³போ³…
ஏவரூபோ மனோவிஞ்ஞெய்யோ த⁴ம்மோ ஸேவிதப்³போ³. ‘மனோவிஞ்ஞெய்யங் த⁴ம்மங்பாஹங்,
ஸாரிபுத்த, து³விதே⁴ன வதா³மி – ஸேவிதப்³ப³ம்பி, அஸேவிதப்³ப³ம்பீ’தி – இதி
யங் தங் வுத்தங் மயா இத³மேதங் படிச்ச வுத்தங். இமஸ்ஸ கோ², ஸாரிபுத்த, மயா
ஸங்கி²த்தேன பா⁴ஸிதஸ்ஸ ஏவங் வித்தா²ரேன அத்தோ² த³ட்ட²ப்³போ³.

121. ‘‘சீவரங்பாஹங் ,
ஸாரிபுத்த, து³விதே⁴ன வதா³மி – ஸேவிதப்³ப³ம்பி, அஸேவிதப்³ப³ம்பி…பே॰…
பிண்ட³பாதங்பாஹங், ஸாரிபுத்த… ஸேனாஸனங்பாஹங், ஸாரிபுத்த… கா³மங்பாஹங்,
ஸாரிபுத்த… நிக³மங்பாஹங், ஸாரிபுத்த… நக³ரங்பாஹங், ஸாரிபுத்த…
ஜனபத³ங்பாஹங், ஸாரிபுத்த… புக்³க³லங்பாஹங், ஸாரிபுத்த, து³விதே⁴ன வதா³மி –
ஸேவிதப்³ப³ம்பி, அஸேவிதப்³ப³ம்பீ’’தி.

ஏவங் வுத்தே, ஆயஸ்மா
ஸாரிபுத்தோ ப⁴க³வந்தங் ஏதத³வோச – ‘‘இமஸ்ஸ கோ² அஹங், ப⁴ந்தே, ப⁴க³வதா
ஸங்கி²த்தேன பா⁴ஸிதஸ்ஸ, வித்தா²ரேன அத்த²ங் அவிப⁴த்தஸ்ஸ, ஏவங் வித்தா²ரேன
அத்த²ங் ஆஜானாமி. ‘சீவரங்பாஹங், ஸாரிபுத்த, து³விதே⁴ன வதா³மி –
ஸேவிதப்³ப³ம்பி, அஸேவிதப்³ப³ம்பீ’தி – இதி கோ² பனேதங் வுத்தங் ப⁴க³வதா.
கிஞ்சேதங் படிச்ச வுத்தங்? யதா²ரூபங், ப⁴ந்தே, சீவரங் ஸேவதோ அகுஸலா த⁴ம்மா
அபி⁴வட்³ட⁴ந்தி, குஸலா த⁴ம்மா பரிஹாயந்தி ஏவரூபங் சீவரங் ந ஸேவிதப்³ப³ங்;
யதா²ரூபஞ்ச கோ², ப⁴ந்தே, சீவரங் ஸேவதோ அகுஸலா த⁴ம்மா பரிஹாயந்தி, குஸலா
த⁴ம்மா அபி⁴வட்³ட⁴ந்தி ஏவரூபங் சீவரங் ஸேவிதப்³ப³ங். ‘சீவரங்பாஹங்,
ஸாரிபுத்த, து³விதே⁴ன வதா³மி – ஸேவிதப்³ப³ம்பி, அஸேவிதப்³ப³ம்பீ’தி – இதி
யங் தங் வுத்தங் ப⁴க³வதா இத³மேதங் படிச்ச வுத்தங்.

‘‘பிண்ட³பாதங்பாஹங், ஸாரிபுத்த…பே॰… ஏவரூபோ பிண்ட³பாதோ ந ஸேவிதப்³போ³… ஏவரூபோ பிண்ட³பாதோ
ஸேவிதப்³போ³… ஸேனாஸனங்பாஹங், ஸாரிபுத்த…பே॰… ஏவரூபங் ஸேனாஸனங் ந
ஸேவிதப்³ப³ங்… ஏவரூபங் ஸேனாஸனங் ஸேவிதப்³ப³ங்… கா³மங்பாஹங், ஸாரிபுத்த
…பே॰… ஏவரூபோ கா³மோ ந ஸேவிதப்³போ³… ஏவரூபோ கா³மோ ஸேவிதப்³போ³… ஏவரூபோ
நிக³மோ ந ஸேவிதப்³போ³… ஏவரூபோ நிக³மோ ஸேவிதப்³போ³… ஏவரூபங் நக³ரங் ந
ஸேவிதப்³ப³ங்… ஏவரூபங் நக³ரங் ஸேவிதப்³ப³ங்… ஏவரூபோ ஜனபதோ³ ந ஸேவிதப்³போ³…
ஏவரூபோ ஜனபதோ³ ஸேவிதப்³போ³.

‘‘‘புக்³க³லங்பாஹங், ஸாரிபுத்த, து³விதே⁴ன வதா³மி –
ஸேவிதப்³ப³ம்பி, அஸேவிதப்³ப³ம்பீ’தி – இதி கோ² பனேதங் வுத்தங் ப⁴க³வதா.
கிஞ்சேதங் படிச்ச வுத்தங்? யதா²ரூபங், ப⁴ந்தே, புக்³க³லங் ஸேவதோ அகுஸலா
த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி ஏவரூபோ புக்³க³லோ ந
ஸேவிதப்³போ³; யதா²ரூபஞ்ச கோ², ப⁴ந்தே, புக்³க³லங் ஸேவதோ அகுஸலா த⁴ம்மா
பரிஹாயந்தி, குஸலா த⁴ம்மா அபி⁴வட்³ட⁴ந்தி ஏவரூபோ புக்³க³லோ ஸேவிதப்³போ³.
‘புக்³க³லங்பாஹங், ஸாரிபுத்த, து³விதே⁴ன வதா³மி – ஸேவிதப்³ப³ம்பி,
அஸேவிதப்³ப³ம்பீ’தி – இதி யங் தங் வுத்தங் ப⁴க³வதா இத³மேதங் படிச்ச
வுத்தந்தி. இமஸ்ஸ கோ² அஹங், ப⁴ந்தே, ப⁴க³வதா ஸங்கி²த்தேன பா⁴ஸிதஸ்ஸ,
வித்தா²ரேன அத்த²ங் அவிப⁴த்தஸ்ஸ ஏவங் வித்தா²ரேன அத்த²ங் ஆஜானாமீ’’தி.

122.
‘‘ஸாது⁴ ஸாது⁴, ஸாரிபுத்த! ஸாது⁴ கோ² த்வங், ஸாரிபுத்த, இமஸ்ஸ மயா
ஸங்கி²த்தேன பா⁴ஸிதஸ்ஸ, வித்தா²ரேன அத்த²ங் அவிப⁴த்தஸ்ஸ ஏவங் வித்தா²ரேன
அத்த²ங் ஆஜானாஸி. ‘சீவரங்பாஹங், ஸாரிபுத்த, து³விதே⁴ன வதா³மி –
ஸேவிதப்³ப³ம்பி , அஸேவிதப்³ப³ம்பீ’தி – இதி கோ² பனேதங் வுத்தங் மயா. கிஞ்சேதங் படிச்ச
வுத்தங்? யதா²ரூபங், ஸாரிபுத்த, சீவரங் ஸேவதோ அகுஸலா த⁴ம்மா
அபி⁴வட்³ட⁴ந்தி, குஸலா த⁴ம்மா பரிஹாயந்தி ஏவரூபங் சீவரங் ந ஸேவிதப்³ப³ங்;
யதா²ரூபஞ்ச கோ², ஸாரிபுத்த, சீவரங் ஸேவதோ அகுஸலா த⁴ம்மா பரிஹாயந்தி, குஸலா
த⁴ம்மா அபி⁴வட்³ட⁴ந்தி ஏவரூபங் சீவரங் ஸேவிதப்³ப³ங். ‘சீவரங்பாஹங்,
ஸாரிபுத்த, து³விதே⁴ன வதா³மி – ஸேவிதப்³ப³ம்பி, அஸேவிதப்³ப³ம்பீ’தி – இதி
யங் தங் வுத்தங் மயா இத³மேதங் படிச்ச வுத்தங். (யதா² பட²மங் ததா²
வித்தா²ரேதப்³ப³ங்) ஏவரூபோ பிண்ட³பாதோ… ஏவரூபங் ஸேனாஸனங்… ஏவரூபோ கா³மோ…
ஏவரூபோ நிக³மோ… ஏவரூபங் நக³ரங்… ஏவரூபோ ஜனபதோ³.

‘‘‘புக்³க³லங்பாஹங், ஸாரிபுத்த, து³விதே⁴ன வதா³மி –
ஸேவிதப்³ப³ம்பி, அஸேவிதப்³ப³ம்பீ’தி – இதி கோ² பனேதங் வுத்தங் மயா.
கிஞ்சேதங் படிச்ச வுத்தங்? யதா²ரூபங், ஸாரிபுத்த, புக்³க³லங் ஸேவதோ அகுஸலா
த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி ஏவரூபோ புக்³க³லோ ந
ஸேவிதப்³போ³; யதா²ரூபஞ்ச கோ², ஸாரிபுத்த, புக்³க³லங் ஸேவதோ
அகுஸலா த⁴ம்மா பரிஹாயந்தி, குஸலா த⁴ம்மா அபி⁴வட்³ட⁴ந்தி ஏவரூபோ புக்³க³லோ
ஸேவிதப்³போ³. ‘புக்³க³லங்பாஹங், ஸாரிபுத்த, து³விதே⁴ன வதா³மி –
ஸேவிதப்³ப³ம்பி, அஸேவிதப்³ப³ம்பீ’தி – இதி யங் தங் வுத்தங் மயா இத³மேதங்
படிச்ச வுத்தங். இமஸ்ஸ கோ², ஸாரிபுத்த, மயா ஸங்கி²த்தேன பா⁴ஸிதஸ்ஸ ஏவங் வித்தா²ரேன அத்தோ² த³ட்ட²ப்³போ³.

123.
‘‘ஸப்³பே³பி சே, ஸாரிபுத்த, க²த்தியா இமஸ்ஸ மயா ஸங்கி²த்தேன பா⁴ஸிதஸ்ஸ
ஏவங் வித்தா²ரேன அத்த²ங் ஆஜானெய்யுங், ஸப்³பே³ஸானம்பிஸ்ஸ க²த்தியானங்
தீ³க⁴ரத்தங் ஹிதாய ஸுகா²ய. ஸப்³பே³பி சே ,
ஸாரிபுத்த, ப்³ராஹ்மணா…பே॰… ஸப்³பே³பி சே, ஸாரிபுத்த, வெஸ்ஸா… ஸப்³பே³பி
சே, ஸாரிபுத்த, ஸுத்³தா³ இமஸ்ஸ மயா ஸங்கி²த்தேன பா⁴ஸிதஸ்ஸ ஏவங் வித்தா²ரேன
அத்த²ங் ஆஜானெய்யுங், ஸப்³பே³ஸானம்பிஸ்ஸ ஸுத்³தா³னங் தீ³க⁴ரத்தங் ஹிதாய
ஸுகா²ய. ஸதே³வகோபி சே, ஸாரிபுத்த, லோகோ ஸமாரகோ ஸப்³ரஹ்மகோ ஸஸ்ஸமணப்³ராஹ்மணீ
பஜா ஸதே³வமனுஸ்ஸா இமஸ்ஸ மயா ஸங்கி²த்தேன பா⁴ஸிதஸ்ஸ ஏவங் வித்தா²ரேன
அத்த²ங் ஆஜானெய்ய, ஸதே³வகஸ்ஸபிஸ்ஸ லோகஸ்ஸ ஸமாரகஸ்ஸ ஸப்³ரஹ்மகஸ்ஸ
ஸஸ்ஸமணப்³ராஹ்மணியா பஜாய ஸதே³வமனுஸ்ஸாய தீ³க⁴ரத்தங் ஹிதாய ஸுகா²யா’’தி.

இத³மவோச ப⁴க³வா. அத்தமனோ ஆயஸ்மா ஸாரிபுத்தோ ப⁴க³வதோ பா⁴ஸிதங் அபி⁴னந்தீ³தி.

ஸேவிதப்³பா³ஸேவிதப்³ப³ஸுத்தங் நிட்டி²தங் சதுத்த²ங்.

5. ப³ஹுதா⁴துகஸுத்தங்

124. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘யானி கானிசி, பி⁴க்க²வே, ப⁴யானி உப்பஜ்ஜந்தி
ஸப்³பா³னி தானி பா³லதோ உப்பஜ்ஜந்தி, நோ பண்டி³ததோ; யே கேசி உபத்³த³வா
உப்பஜ்ஜந்தி ஸப்³பே³ தே பா³லதோ உப்பஜ்ஜந்தி, நோ பண்டி³ததோ; யே கேசி
உபஸக்³கா³ உப்பஜ்ஜந்தி ஸப்³பே³ தே பா³லதோ உப்பஜ்ஜந்தி, நோ பண்டி³ததோ.
ஸெய்யதா²பி, பி⁴க்க²வே , நளாகா³ரா வா திணாகா³ரா வா அக்³கி³ முத்தோ [அக்³கி³முக்கோ (ஸீ॰ பீ॰)]
கூடாகா³ரானிபி த³ஹதி உல்லித்தாவலித்தானி நிவாதானி பு²ஸிதக்³க³ளானி
பிஹிதவாதபானானி; ஏவமேவ கோ², பி⁴க்க²வே, யானி கானிசி ப⁴யானி உப்பஜ்ஜந்தி
ஸப்³பா³னி தானி பா³லதோ உப்பஜ்ஜந்தி, நோ பண்டி³ததோ; யே கேசி உபத்³த³வா
உப்பஜ்ஜந்தி ஸப்³பே³ தே பா³லதோ உப்பஜ்ஜந்தி, நோ பண்டி³ததோ; யே கேசி
உபஸக்³கா³ உப்பஜ்ஜந்தி ஸப்³பே³ தே பா³லதோ உப்பஜ்ஜந்தி, நோ பண்டி³ததோ. இதி
கோ², பி⁴க்க²வே, ஸப்படிப⁴யோ பா³லோ, அப்படிப⁴யோ பண்டி³தோ; ஸஉபத்³த³வோ பா³லோ,
அனுபத்³த³வோ பண்டி³தோ; ஸஉபஸக்³கோ³ பா³லோ, அனுபஸக்³கோ³ பண்டி³தோ. நத்தி²,
பி⁴க்க²வே, பண்டி³ததோ ப⁴யங், நத்தி² பண்டி³ததோ உபத்³த³வோ, நத்தி² பண்டி³ததோ
உபஸக்³கோ³. தஸ்மாதிஹ, பி⁴க்க²வே, ‘பண்டி³தா ப⁴விஸ்ஸாம வீமங்ஸகா’தி –
ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி.

ஏவங்
வுத்தே, ஆயஸ்மா ஆனந்தோ³ ப⁴க³வந்தங் ஏதத³வோச – ‘‘கித்தாவதா நு கோ², ப⁴ந்தே,
பண்டி³தோ பி⁴க்கு² ‘வீமங்ஸகோ’தி அலங் வசனாயா’’தி? ‘‘யதோ கோ², ஆனந்த³,
பி⁴க்கு² தா⁴துகுஸலோ ச ஹோதி, ஆயதனகுஸலோ ச ஹோதி, படிச்சஸமுப்பாத³குஸலோ ச
ஹோதி, டா²னாடா²னகுஸலோ ச ஹோதி – எத்தாவதா கோ², ஆனந்த³, பண்டி³தோ பி⁴க்கு²
‘வீமங்ஸகோ’தி அலங் வசனாயா’’தி.

125. ‘‘கித்தாவதா பன, ப⁴ந்தே, ‘தா⁴துகுஸலோ பி⁴க்கூ²’தி அலங் வசனாயா’’தி? ‘‘அட்டா²ரஸ
கோ² இமா, ஆனந்த³, தா⁴துயோ – சக்கு²தா⁴து, ரூபதா⁴து, சக்கு²விஞ்ஞாணதா⁴து;
ஸோததா⁴து, ஸத்³த³தா⁴து, ஸோதவிஞ்ஞாணதா⁴து; கா⁴னதா⁴து, க³ந்த⁴தா⁴து,
கா⁴னவிஞ்ஞாணதா⁴து; ஜிவ்ஹாதா⁴து, ரஸதா⁴து, ஜிவ்ஹாவிஞ்ஞாணதா⁴து; காயதா⁴து,
பொ²ட்ட²ப்³ப³தா⁴து, காயவிஞ்ஞாணதா⁴து; மனோதா⁴து, த⁴ம்மதா⁴து,
மனோவிஞ்ஞாணதா⁴து. இமா கோ², ஆனந்த³, அட்டா²ரஸ தா⁴துயோ யதோ ஜானாதி பஸ்ஸதி –
எத்தாவதாபி கோ², ஆனந்த³, ‘தா⁴துகுஸலோ பி⁴க்கூ²’தி அலங் வசனாயா’’தி.

‘‘ஸியா பன, ப⁴ந்தே, அஞ்ஞோபி பரியாயோ, யதா² ‘தா⁴துகுஸலோ
பி⁴க்கூ²’தி அலங் வசனாயா’’தி? ‘‘ஸியா, ஆனந்த³. ச²யிமா, ஆனந்த³, தா⁴துயோ –
பத²வீதா⁴து, ஆபோதா⁴து, தேஜோதா⁴து, வாயோதா⁴து, ஆகாஸதா⁴து, விஞ்ஞாணதா⁴து. இமா
கோ², ஆனந்த³, ச² தா⁴துயோ யதோ ஜானாதி பஸ்ஸதி – எத்தாவதாபி கோ², ஆனந்த³, ‘தா⁴துகுஸலோ பி⁴க்கூ²’தி அலங் வசனாயா’’தி.

‘‘ஸியா பன, ப⁴ந்தே, அஞ்ஞோபி பரியாயோ, யதா² ‘தா⁴துகுஸலோ
பி⁴க்கூ²’தி அலங் வசனாயா’’தி? ‘‘ஸியா, ஆனந்த³. ச²யிமா, ஆனந்த³, தா⁴துயோ –
ஸுக²தா⁴து , து³க்க²தா⁴து, ஸோமனஸ்ஸதா⁴து,
தோ³மனஸ்ஸதா⁴து, உபெக்கா²தா⁴து, அவிஜ்ஜாதா⁴து. இமா கோ², ஆனந்த³, ச² தா⁴துயோ
யதோ ஜானாதி பஸ்ஸதி – எத்தாவதாபி கோ², ஆனந்த³, ‘தா⁴துகுஸலோ பி⁴க்கூ²’தி அலங்
வசனாயா’’தி.

‘‘ஸியா பன, ப⁴ந்தே, அஞ்ஞோபி பரியாயோ, யதா² ‘தா⁴துகுஸலோ
பி⁴க்கூ²’தி அலங் வசனாயா’’தி? ‘‘ஸியா, ஆனந்த³. ச²யிமா, ஆனந்த³, தா⁴துயோ –
காமதா⁴து, நெக்க²ம்மதா⁴து, ப்³யாபாத³தா⁴து, அப்³யாபாத³தா⁴து, விஹிங்ஸாதா⁴து
, அவிஹிங்ஸாதா⁴து. இமா கோ², ஆனந்த³, ச² தா⁴துயோ யதோ
ஜானாதி பஸ்ஸதி – எத்தாவதாபி கோ², ஆனந்த³, ‘தா⁴துகுஸலோ பி⁴க்கூ²’தி அலங்
வசனாயா’’தி.

‘‘ஸியா பன, ப⁴ந்தே, அஞ்ஞோபி பரியாயோ, யதா² ‘தா⁴துகுஸலோ
பி⁴க்கூ²’தி அலங் வசனாயா’’தி? ‘‘ஸியா, ஆனந்த³. திஸ்ஸோ இமா, ஆனந்த³,
தா⁴துயோ – காமதா⁴து, ரூபதா⁴து, அரூபதா⁴து. இமா கோ², ஆனந்த³, திஸ்ஸோ தா⁴துயோ
யதோ ஜானாதி பஸ்ஸதி – எத்தாவதாபி கோ², ஆனந்த³, ‘தா⁴துகுஸலோ பி⁴க்கூ²’தி
அலங் வசனாயா’’தி.

‘‘ஸியா பன, ப⁴ந்தே, அஞ்ஞோபி
பரியாயோ, யதா² ‘தா⁴துகுஸலோ பி⁴க்கூ²’தி அலங் வசனாயா’’தி? ‘‘ஸியா, ஆனந்த³.
த்³வே இமா, ஆனந்த³, தா⁴துயோ – ஸங்க²தாதா⁴து, அஸங்க²தாதா⁴து. இமா கோ²,
ஆனந்த³, த்³வே தா⁴துயோ யதோ ஜானாதி பஸ்ஸதி – எத்தாவதாபி கோ², ஆனந்த³,
‘தா⁴துகுஸலோ பி⁴க்கூ²’தி அலங் வசனாயா’’தி.

126.
‘‘கித்தாவதா பன, ப⁴ந்தே, ‘ஆயதனகுஸலோ பி⁴க்கூ²’தி அலங் வசனாயா’’தி? ‘‘ச²
கோ² பனிமானி, ஆனந்த³, அஜ்ஜ²த்திகபா³ஹிரானி ஆயதனானி – சக்கு²சேவ
ரூபா ச ஸோதஞ்ச ஸத்³தா³ ச கா⁴னஞ்ச க³ந்தா⁴ ச ஜிவ்ஹா ச ரஸா ச காயோ ச
பொ²ட்ட²ப்³பா³ ச மனோ ச த⁴ம்மா ச. இமானி கோ², ஆனந்த³, ச²
அஜ்ஜ²த்திகபா³ஹிரானி ஆயதனானி யதோ ஜானாதி பஸ்ஸதி – எத்தாவதா கோ², ஆனந்த³,
‘ஆயதனகுஸலோ பி⁴க்கூ²’தி அலங் வசனாயா’’தி.

‘‘கித்தாவதா பன, ப⁴ந்தே,
‘படிச்சஸமுப்பாத³குஸலோ பி⁴க்கூ²’தி அலங் வசனாயா’’தி? ‘‘இதா⁴னந்த³, பி⁴க்கு²
ஏவங் பஜானாதி – ‘இமஸ்மிங் ஸதி இத³ங் ஹோதி, இமஸ்ஸுப்பாதா³ இத³ங் உப்பஜ்ஜதி,
இமஸ்மிங் அஸதி இத³ங் ந ஹோதி, இமஸ்ஸ நிரோதா⁴ இத³ங் நிருஜ்ஜ²தி, யதி³த³ங் –
அவிஜ்ஜாபச்சயா ஸங்கா²ரா, ஸங்கா²ரபச்சயா விஞ்ஞாணங், விஞ்ஞாணபச்சயா நாமரூபங்,
நாமரூபபச்சயா ஸளாயதனங், ஸளாயதனபச்சயா ப²ஸ்ஸோ, ப²ஸ்ஸபச்சயா வேத³னா,
வேத³னாபச்சயா தண்ஹா, தண்ஹாபச்சயா உபாதா³னங், உபாதா³னபச்சயா ப⁴வோ ,
ப⁴வபச்சயா ஜாதி, ஜாதிபச்சயா ஜராமரணங் ஸோகபரிதே³வது³க்க²தோ³மனஸ்ஸூபாயாஸா
ஸம்ப⁴வந்தி. ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதி.
அவிஜ்ஜாயத்வேவ அஸேஸவிராக³னிரோதா⁴ ஸங்கா²ரனிரோதோ⁴, ஸங்கா²ரனிரோதா⁴
விஞ்ஞாணனிரோதோ⁴, விஞ்ஞாணனிரோதா⁴ நாமரூபனிரோதோ⁴, நாமரூபனிரோதா⁴
ஸளாயதனநிரோதோ⁴, ஸளாயதனநிரோதா⁴ ப²ஸ்ஸனிரோதோ⁴, ப²ஸ்ஸனிரோதா⁴ வேத³னானிரோதோ⁴,
வேத³னானிரோதா⁴ தண்ஹானிரோதோ⁴, தண்ஹானிரோதா⁴ உபாதா³னநிரோதோ⁴, உபாதா³னநிரோதா⁴
ப⁴வனிரோதோ⁴, ப⁴வனிரோதா⁴ ஜாதினிரோதோ⁴, ஜாதினிரோதா⁴ ஜராமரணங்
ஸோகபரிதே³வது³க்க²தோ³மனஸ்ஸூபாயாஸா நிருஜ்ஜ²ந்தி.
ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ நிரோதோ⁴ ஹோதி’. எத்தாவதா கோ², ஆனந்த³,
‘படிச்சஸமுப்பாத³குஸலோ பி⁴க்கூ²’தி அலங் வசனாயா’’தி.

127.
‘‘கித்தாவதா பன, ப⁴ந்தே, ‘டா²னாடா²னகுஸலோ பி⁴க்கூ²’தி அலங் வசனாயா’’தி?
‘‘இதா⁴னந்த³, பி⁴க்கு² ‘அட்டா²னமேதங் அனவகாஸோ யங் தி³ட்டி²ஸம்பன்னோ
புக்³க³லோ கஞ்சி [கிஞ்சி (ஸ்யா॰ கங்॰ க॰)] ஸங்கா²ரங் நிச்சதோ உபக³ச்செ²ய்ய, நேதங் டா²னங் விஜ்ஜதீ’தி பஜானாதி; ‘டா²னஞ்ச கோ² ஏதங் விஜ்ஜதி யங் புது²ஜ்ஜனோ கஞ்சி
ஸங்கா²ரங் நிச்சதோ உபக³ச்செ²ய்ய, டா²னமேதங் விஜ்ஜதீ’தி பஜானாதி;
‘அட்டா²னமேதங் அனவகாஸோ யங் தி³ட்டி²ஸம்பன்னோ புக்³க³லோ கஞ்சி ஸங்கா²ரங்
ஸுக²தோ உபக³ச்செ²ய்ய, நேதங் டா²னங் விஜ்ஜதீ’தி பஜானாதி; ‘டா²னஞ்ச கோ² ஏதங்
விஜ்ஜதி யங் புது²ஜ்ஜனோ கஞ்சி ஸங்கா²ரங் ஸுக²தோ உபக³ச்செ²ய்ய, டா²னமேதங்
விஜ்ஜதீ’தி பஜானாதி. ‘அட்டா²னமேதங் அனவகாஸோ யங் தி³ட்டி²ஸம்பன்னோ புக்³க³லோ
கஞ்சி த⁴ம்மங் அத்ததோ உபக³ச்செ²ய்ய, நேதங் டா²னங் விஜ்ஜதீ’தி பஜானாதி,
‘டா²னஞ்ச கோ² ஏதங் விஜ்ஜதி யங் புது²ஜ்ஜனோ கஞ்சி த⁴ம்மங் அத்ததோ
உபக³ச்செ²ய்ய, டா²னமேதங் விஜ்ஜதீ’தி பஜானாதி.

128. ‘‘‘அட்டா²னமேதங்
அனவகாஸோ யங் தி³ட்டி²ஸம்பன்னோ புக்³க³லோ மாதரங் ஜீவிதா வோரோபெய்ய, நேதங்
டா²னங் விஜ்ஜதீ’தி பஜானாதி; ‘டா²னஞ்ச கோ² ஏதங் விஜ்ஜதி யங் புது²ஜ்ஜனோ
மாதரங் ஜீவிதா வோரோபெய்ய, டா²னமேதங் விஜ்ஜதீ’தி பஜானாதி. ‘அட்டா²னமேதங்
அனவகாஸோ யங் தி³ட்டி²ஸம்பன்னோ புக்³க³லோ பிதரங் ஜீவிதா வோரோபெய்ய…பே॰…
அரஹந்தங் ஜீவிதா வோரோபெய்ய, டா²னமேதங் விஜ்ஜதீ’தி பஜானாதி; ‘அட்டா²னமேதங்
அனவகாஸோ யங் தி³ட்டி²ஸம்பன்னோ புக்³க³லோ து³ட்ட²சித்தோ ததா²க³தஸ்ஸ லோஹிதங்
உப்பாதெ³ய்ய, நேதங் டா²னங் விஜ்ஜதீ’தி பஜானாதி; ‘டா²னஞ்ச கோ² ஏதங் விஜ்ஜதி
யங் புது²ஜ்ஜனோ து³ட்ட²சித்தோ ததா²க³தஸ்ஸ லோஹிதங் உப்பாதெ³ய்ய, டா²னமேதங்
விஜ்ஜதீ’தி பஜானாதி. ‘அட்டா²னமேதங் அனவகாஸோ யங் தி³ட்டி²ஸம்பன்னோ புக்³க³லோ
ஸங்க⁴ங் பி⁴ந்தெ³ய்ய, நேதங் டா²னங் விஜ்ஜதீ’தி பஜானாதி; ‘டா²னஞ்ச கோ² ஏதங்
விஜ்ஜதி யங் புது²ஜ்ஜனோ ஸங்க⁴ங் பி⁴ந்தெ³ய்ய, டா²னமேதங் விஜ்ஜதீ’தி
பஜானாதி. ‘அட்டா²னமேதங் அனவகாஸோ யங் தி³ட்டி²ஸம்பன்னோ புக்³க³லோ அஞ்ஞங்
ஸத்தா²ரங் உத்³தி³ஸெய்ய, நேதங் டா²னங் விஜ்ஜதீ’தி பஜானாதி; ‘டா²னஞ்ச கோ²
ஏதங் விஜ்ஜதி யங் புது²ஜ்ஜனோ அஞ்ஞங் ஸத்தா²ரங் உத்³தி³ஸெய்ய, டா²னமேதங்
விஜ்ஜதீ’தி பஜானாதி.

129.
‘‘‘அட்டா²னமேதங் அனவகாஸோ யங் ஏகிஸ்ஸா லோகதா⁴துயா த்³வே அரஹந்தோ
ஸம்மாஸம்பு³த்³தா⁴ அபுப்³ப³ங் அசரிமங் உப்பஜ்ஜெய்யுங், நேதங் டா²னங்
விஜ்ஜதீ’தி பஜானாதி; ‘டா²னஞ்ச கோ² ஏதங் விஜ்ஜதி யங் ஏகிஸ்ஸா லோகதா⁴துயா ஏகோ
அரஹங் ஸம்மாஸம்பு³த்³தோ⁴ உப்பஜ்ஜெய்ய, டா²னமேதங் விஜ்ஜதீ’தி பஜானாதி.
‘அட்டா²னமேதங் அனவகாஸோ யங் ஏகிஸ்ஸா லோகதா⁴துயா த்³வே ராஜானோ சக்கவத்தினோ
அபுப்³ப³ங் அசரிமங் உப்பஜ்ஜெய்யுங், நேதங் டா²னங் விஜ்ஜதீ’தி பஜானாதி;
‘டா²னஞ்ச கோ² ஏதங் விஜ்ஜதி யங் ஏகிஸ்ஸா லோகதா⁴துயா ஏகோ ராஜா சக்கவத்தீ
உப்பஜ்ஜெய்ய, டா²னமேதங் விஜ்ஜதீ’தி பஜானாதி.

130. ‘‘‘அட்டா²னமேதங் அனவகாஸோ யங் இத்தீ² அரஹங் அஸ்ஸ ஸம்மாஸம்பு³த்³தோ⁴ ,
நேதங் டா²னங் விஜ்ஜதீ’தி பஜானாதி; ‘டா²னஞ்ச கோ² ஏதங் விஜ்ஜதி யங் புரிஸோ
அரஹங் அஸ்ஸ ஸம்மாஸம்பு³த்³தோ⁴, டா²னமேதங் விஜ்ஜதீ’தி பஜானாதி.
‘அட்டா²னமேதங் அனவகாஸோ யங் இத்தீ² ராஜா அஸ்ஸ சக்கவத்தீ, நேதங் டா²னங்
விஜ்ஜதீ’தி பஜானாதி; ‘டா²னஞ்ச கோ² ஏதங் விஜ்ஜதி யங் புரிஸோ ராஜா அஸ்ஸ
சக்கவத்தீ, டா²னமேதங் விஜ்ஜதீ’தி பஜானாதி. ‘அட்டா²னமேதங் அனவகாஸோ யங்
இத்தீ² ஸக்கத்தங் கரெய்ய … மாரத்தங் கரெய்ய… ப்³ரஹ்மத்தங் கரெய்ய, நேதங் டா²னங் விஜ்ஜதீ’தி பஜானாதி; ‘டா²னஞ்ச கோ² ஏதங் விஜ்ஜதி யங் புரிஸோ ஸக்கத்தங் கரெய்ய… மாரத்தங் கரெய்ய… ப்³ரஹ்மத்தங் கரெய்ய, டா²னமேதங் விஜ்ஜதீ’தி பஜானாதி.

131.
‘‘‘அட்டா²னமேதங் அனவகாஸோ யங் காயது³ச்சரிதஸ்ஸ இட்டோ² கந்தோ மனாபோ விபாகோ
நிப்³ப³த்தெய்ய, நேதங் டா²னங் விஜ்ஜதீ’தி பஜானாதி; ‘டா²னஞ்ச கோ² ஏதங்
விஜ்ஜதி யங் காயது³ச்சரிதஸ்ஸ அனிட்டோ² அகந்தோ அமனாபோ விபாகோ
நிப்³ப³த்தெய்ய, டா²னமேதங் விஜ்ஜதீ’தி பஜானாதி. ‘அட்டா²னமேதங் அனவகாஸோ யங்
வசீது³ச்சரிதஸ்ஸ…பே॰… யங் மனோது³ச்சரிதஸ்ஸ இட்டோ² கந்தோ மனாபோ விபாகோ
நிப்³ப³த்தெய்ய, நேதங் டா²னங் விஜ்ஜதீ’தி பஜானாதி; டா²னஞ்ச கோ² ஏதங்
விஜ்ஜதி யங் வசீது³ச்சரிதஸ்ஸ…பே॰… யங் மனோது³ச்சரிதஸ்ஸ அனிட்டோ² அகந்தோ
அமனாபோ விபாகோ நிப்³ப³த்தெய்ய, டா²னமேதங் விஜ்ஜதீதி பஜானாதி. ‘அட்டா²னமேதங்
அனவகாஸோ யங் காயஸுசரிதஸ்ஸ அனிட்டோ² அகந்தோ அமனாபோ விபாகோ நிப்³ப³த்தெய்ய,
நேதங் டா²னங் விஜ்ஜதீ’தி பஜானாதி; ‘டா²னஞ்ச கோ² ஏதங் விஜ்ஜதி யங்
காயஸுசரிதஸ்ஸ இட்டோ² கந்தோ மனாபோ விபாகோ
நிப்³ப³த்தெய்ய, டா²னமேதங் விஜ்ஜதீ’தி பஜானாதி. ‘அட்டா²னமேதங் அனவகாஸோ யங்
வசீஸுசரிதஸ்ஸ…பே॰… யங் மனோஸுசரிதஸ்ஸ அனிட்டோ² அகந்தோ அமனாபோ விபாகோ
நிப்³ப³த்தெய்ய, நேதங் டா²னங் விஜ்ஜதீ’தி பஜானாதி; ‘டா²னஞ்ச கோ² ஏதங்
விஜ்ஜதி யங் வசீஸுசரிதஸ்ஸ…பே॰… யங் மனோஸுசரிதஸ்ஸ இட்டோ² கந்தோ மனாபோ விபாகோ
நிப்³ப³த்தெய்ய, டா²னமேதங் விஜ்ஜதீ’தி பஜானாதி.

‘‘‘அட்டா²னமேதங் அனவகாஸோ யங் காயது³ச்சரிதஸமங்கீ³
தங்னிதா³னா தப்பச்சயா காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங்
உபபஜ்ஜெய்ய, நேதங் டா²னங் விஜ்ஜதீ’தி பஜானாதி; ‘டா²னஞ்ச கோ² ஏதங் விஜ்ஜதி
யங் காயது³ச்சரிதஸமங்கீ³ தங்னிதா³னா தப்பச்சயா
காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜெய்ய,
டா²னமேதங் விஜ்ஜதீ’தி பஜானாதி. ‘அட்டா²னமேதங் அனவகாஸோ
யங் வசீது³ச்சரிதஸமங்கீ³…பே॰… யங் மனோது³ச்சரிதஸமங்கீ³ தங்னிதா³னா
தப்பச்சயா காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜெய்ய,
நேதங் டா²னங் விஜ்ஜதீ’தி பஜானாதி; ‘டா²னஞ்ச கோ² ஏதங் விஜ்ஜதி யங்
வசீது³ச்சரிதஸமங்கீ³…பே॰… யங் மனோது³ச்சரிதஸமங்கீ³ தங்னிதா³னா தப்பச்சயா
காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜெய்ய,
டா²னமேதங் விஜ்ஜதீ’தி பஜானாதி. ‘அட்டா²னமேதங் அனவகாஸோ யங்
காயஸுசரிதஸமங்கீ³ தங்னிதா³னா தப்பச்சயா காயஸ்ஸ பே⁴தா³ பரங் மரணா அபாயங்
து³க்³க³திங் வினிபாதங் நிரயங் உபபஜ்ஜெய்ய, நேதங்
டா²னங் விஜ்ஜதீ’தி பஜானாதி; ‘டா²னஞ்ச கோ² ஏதங் விஜ்ஜதி யங்
காயஸுசரிதஸமங்கீ³ தங்னிதா³னா தப்பச்சயா காயஸ்ஸ பே⁴தா³ பரங் மரணா ஸுக³திங்
ஸக்³க³ங் லோகங் உபபஜ்ஜெய்ய, டா²னமேதங் விஜ்ஜதீ’தி பஜானாதி. ‘அட்டா²னமேதங்
அனவகாஸோ யங் வசீஸுசரிதஸமங்கீ³…பே॰… யங் மனோஸுசரிதஸமங்கீ³ தங்னிதா³னா
தப்பச்சயா காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங்
உபபஜ்ஜெய்ய, நேதங் டா²னங் விஜ்ஜதீ’தி பஜானாதி; ‘டா²னஞ்ச கோ² ஏதங் விஜ்ஜதி
யங் வசீஸுசரிதஸமங்கீ³…பே॰… யங் மனோஸுசரிதஸமங்கீ³ தங்னிதா³னா தப்பச்சயா
காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜெய்ய, டா²னமேதங்
விஜ்ஜதீ’தி பஜானாதி. எத்தாவதா கோ², ஆனந்த³, ‘டா²னாடா²னகுஸலோ பி⁴க்கூ²’தி
அலங் வசனாயா’’தி.

132.
ஏவங் வுத்தே ஆயஸ்மா ஆனந்தோ³ ப⁴க³வந்தங் ஏதத³வோச – ‘‘அச்ச²ரியங், ப⁴ந்தே,
அப்³பு⁴தங், ப⁴ந்தே! கோனாமோ அயங், ப⁴ந்தே, த⁴ம்மபரியாயோ’’தி? ‘‘தஸ்மாதிஹ
த்வங், ஆனந்த³, இமங் த⁴ம்மபரியாயங் ‘ப³ஹுதா⁴துகோ’திபி நங் தா⁴ரேஹி,
‘சதுபரிவட்டோ’திபி நங் தா⁴ரேஹி, ‘த⁴ம்மாதா³ஸோ’திபி நங் தா⁴ரேஹி,
‘அமதது³ந்து³பீ⁴’திபி [து³த்³ரபீ⁴திபி (க॰)] நங் தா⁴ரேஹி, ‘அனுத்தரோ ஸங்கா³மவிஜயோ’திபி நங் தா⁴ரேஹீ’’தி.

இத³மவோச ப⁴க³வா. அத்தமனோ ஆயஸ்மா ஆனந்தோ³ ப⁴க³வதோ பா⁴ஸிதங் அபி⁴னந்தீ³தி.

ப³ஹுதா⁴துகஸுத்தங் நிட்டி²தங் பஞ்சமங்.

6. இஸிகி³லிஸுத்தங்

133. ஏவங்
மே ஸுதங் – ஏகங் ஸமயங் ப⁴க³வா ராஜக³ஹே விஹரதி இஸிகி³லிஸ்மிங் பப்³ப³தே.
தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி. ‘‘ப⁴த³ந்தே’’தி தே
பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘பஸ்ஸத² நோ தும்ஹே, பி⁴க்க²வே, ஏதங் வேபா⁴ரங்
பப்³ப³த’’ந்தி? ‘‘ஏவங், ப⁴ந்தே’’. ‘‘ஏதஸ்ஸபி கோ², பி⁴க்க²வே, வேபா⁴ரஸ்ஸ
பப்³ப³தஸ்ஸ அஞ்ஞாவ ஸமஞ்ஞா அஹோஸி அஞ்ஞா பஞ்ஞத்தி’’.

‘‘பஸ்ஸத² நோ தும்ஹே,
பி⁴க்க²வே, ஏதங் பண்ட³வங் பப்³ப³த’’ந்தி? ‘‘ஏவங், ப⁴ந்தே’’. ‘‘ஏதஸ்ஸபி கோ²,
பி⁴க்க²வே, பண்ட³வஸ்ஸ பப்³ப³தஸ்ஸ அஞ்ஞாவ ஸமஞ்ஞா அஹோஸி அஞ்ஞா பஞ்ஞத்தி’’.

‘‘பஸ்ஸத² நோ தும்ஹே, பி⁴க்க²வே, ஏதங் வேபுல்லங்
பப்³ப³த’’ந்தி? ‘‘ஏவங், ப⁴ந்தே’’. ‘‘ஏதஸ்ஸபி கோ², பி⁴க்க²வே, வேபுல்லஸ்ஸ
பப்³ப³தஸ்ஸ அஞ்ஞாவ ஸமஞ்ஞா அஹோஸி அஞ்ஞா பஞ்ஞத்தி’’.

‘‘பஸ்ஸத² நோ தும்ஹே, பி⁴க்க²வே, ஏதங் கி³ஜ்ஜ²கூடங்
பப்³ப³த’’ந்தி? ‘‘ஏவங், ப⁴ந்தே’’. ‘‘ஏதஸ்ஸபி கோ², பி⁴க்க²வே, கி³ஜ்ஜ²கூடஸ்ஸ
பப்³ப³தஸ்ஸ அஞ்ஞாவ ஸமஞ்ஞா அஹோஸி அஞ்ஞா பஞ்ஞத்தி’’.

‘‘பஸ்ஸத² நோ தும்ஹே, பி⁴க்க²வே, இமங் இஸிகி³லிங்
பப்³ப³த’’ந்தி? ‘‘ஏவங், ப⁴ந்தே’’. ‘‘இமஸ்ஸ கோ² பன, பி⁴க்க²வே, இஸிகி³லிஸ்ஸ
பப்³ப³தஸ்ஸ ஏஸாவ ஸமஞ்ஞா அஹோஸி ஏஸா பஞ்ஞத்தி’’.

‘‘பூ⁴தபுப்³ப³ங், பி⁴க்க²வே, பஞ்ச பச்சேகபு³த்³த⁴ஸதானி
இமஸ்மிங் இஸிகி³லிஸ்மிங் பப்³ப³தே சிரனிவாஸினோ அஹேஸுங். தே இமங் பப்³ப³தங்
பவிஸந்தா தி³ஸ்ஸந்தி , பவிட்டா² ந தி³ஸ்ஸந்தி. தமேனங் மனுஸ்ஸா தி³ஸ்வா ஏவமாஹங்ஸு – ‘அயங் பப்³ப³தோ இமே இஸீ [இஸயோ (க॰)] கி³லதீ’தி; ‘இஸிகி³லி இஸிகி³லி’ த்வேவ ஸமஞ்ஞா உத³பாதி³. ஆசிக்கி²ஸ்ஸாமி [அசிக்கி²ஸ்ஸாமி வோ (க॰)], பி⁴க்க²வே, பச்சேகபு³த்³தா⁴னங் நாமானி; கித்தயிஸ்ஸாமி, பி⁴க்க²வே, பச்சேகபு³த்³தா⁴னங் நாமானி; தே³ஸெஸ்ஸாமி, பி⁴க்க²வே , பச்சேகபு³த்³தா⁴னங் நாமானி . தங் ஸுணாத², ஸாது⁴கங் மனஸி கரோத²; பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

134. ‘‘அரிட்டோ² நாம, பி⁴க்க²வே, பச்சேகஸம்பு³த்³தோ⁴ [பச்சேகபு³த்³தோ⁴ (க॰ ஸீ॰ பீ॰)]
இமஸ்மிங் இஸிகி³லிஸ்மிங் பப்³ப³தே சிரனிவாஸீ அஹோஸி; உபரிட்டோ² நாம,
பி⁴க்க²வே, பச்சேகஸம்பு³த்³தோ⁴ இமஸ்மிங் இஸிகி³லிஸ்மிங் பப்³ப³தே சிரனிவாஸீ
அஹோஸி; தக³ரஸிகீ² [தக்³க³ரஸிகீ² (க॰)] நாம,
பி⁴க்க²வே, பச்சேகஸம்பு³த்³தோ⁴ இமஸ்மிங் இஸிகி³லிஸ்மிங் பப்³ப³தே சிரனிவாஸீ
அஹோஸி; யஸஸ்ஸீ நாம, பி⁴க்க²வே, பச்சேகஸம்பு³த்³தோ⁴ இமஸ்மிங்
இஸிகி³லிஸ்மிங் பப்³ப³தே சிரனிவாஸீ அஹோஸி; ஸுத³ஸ்ஸனோ நாம, பி⁴க்க²வே,
பச்சேகஸம்பு³த்³தோ⁴ இமஸ்மிங் இஸிகி³லிஸ்மிங் பப்³ப³தே சிரனிவாஸீ அஹோஸி;
பியத³ஸ்ஸீ நாம, பி⁴க்க²வே, பச்சேகஸம்பு³த்³தோ⁴
இமஸ்மிங் இஸிகி³லிஸ்மிங் பப்³ப³தே சிரனிவாஸீ அஹோஸி; க³ந்தா⁴ரோ நாம,
பி⁴க்க²வே, பச்சேகஸம்பு³த்³தோ⁴ இமஸ்மிங் இஸிகி³லிஸ்மிங் பப்³ப³தே சிரனிவாஸீ
அஹோஸி; பிண்டோ³லோ நாம, பி⁴க்க²வே, பச்சேகஸம்பு³த்³தோ⁴ இமஸ்மிங்
இஸிகி³லிஸ்மிங் பப்³ப³தே சிரனிவாஸீ அஹோஸி; உபாஸபோ⁴ நாம, பி⁴க்க²வே,
பச்சேகஸம்பு³த்³தோ⁴ இமஸ்மிங் இஸிகி³லிஸ்மிங் பப்³ப³தே சிரனிவாஸீ அஹோஸி;
நீதோ நாம, பி⁴க்க²வே, பச்சேகஸம்பு³த்³தோ⁴ இமஸ்மிங் இஸிகி³லிஸ்மிங் பப்³ப³தே
சிரனிவாஸீ அஹோஸி; ததோ² நாம, பி⁴க்க²வே, பச்சேகஸம்பு³த்³தோ⁴
இமஸ்மிங் இஸிகி³லிஸ்மிங் பப்³ப³தே சிரனிவாஸீ அஹோஸி, ஸுதவா நாம, பி⁴க்க²வே,
பச்சேகஸம்பு³த்³தோ⁴ இமஸ்மிங் இஸிகி³லிஸ்மிங் பப்³ப³தே சிரனிவாஸீ அஹோஸி;
பா⁴விதத்தோ நாம, பி⁴க்க²வே, பச்சேகஸம்பு³த்³தோ⁴ இமஸ்மிங் இஸிகி³லிஸ்மிங்
பப்³ப³தே சிரனிவாஸீ அஹோஸி.

135.

‘‘யே ஸத்தஸாரா அனீகா⁴ நிராஸா,

பச்சேகமேவஜ்ஜ²க³மங்ஸு போ³தி⁴ங் [பச்சேகமேவஜ்ஜ²க³முங் ஸுபோ³தி⁴ங் (ஸீ॰ ஸ்யா॰ கங்॰ பீ॰)];

தேஸங் விஸல்லான நருத்தமானங்,

நாமானி மே கித்தயதோ ஸுணாத².

‘‘அரிட்டோ² உபரிட்டோ² தக³ரஸிகீ² யஸஸ்ஸீ,

ஸுத³ஸ்ஸனோ பியத³ஸ்ஸீ ச ஸுஸம்பு³த்³தோ⁴ [பு³த்³தோ⁴ (ஸீ॰ ஸ்யா॰ கங்॰ பீ॰)];

க³ந்தா⁴ரோ பிண்டோ³லோ உபாஸபோ⁴ ச,

நீதோ ததோ² ஸுதவா பா⁴விதத்தோ.

‘‘ஸும்போ⁴ ஸுபோ⁴ மதுலோ [மேது²லோ (ஸீ॰ ஸ்யா॰ கங்॰ பீ॰)] அட்ட²மோ ச,

அத²ஸ்ஸுமேகோ⁴ [அட்ட²ஸுமேதோ⁴ (க॰)] அனீகோ⁴ ஸுதா³டோ²;

பச்சேகபு³த்³தா⁴ ப⁴வனெத்திகீ²ணா,

ஹிங்கூ³ ச ஹிங்கோ³ ச மஹானுபா⁴வா.

‘‘த்³வே ஜாலினோ முனினோ அட்ட²கோ ச,

அத² கோஸல்லோ பு³த்³தோ⁴ அதோ² ஸுபா³ஹு;

உபனேமிஸோ நேமிஸோ ஸந்தசித்தோ,

ஸச்சோ ததோ² விரஜோ பண்டி³தோ ச.

‘‘காளூபகாளா விஜிதோ ஜிதோ ச,

அங்கோ³ ச பங்கோ³ ச கு³த்திஜிதோ ச;

பஸ்ஸி ஜஹி உபதி⁴து³க்க²மூலங் [பஸ்ஸீ ஜஹீ உபதி⁴ங் து³க்க²மூலங் (ஸீ॰ ஸ்யா॰ கங்॰ பீ॰)],

அபராஜிதோ மாரப³லங் அஜேஸி.

‘‘ஸத்தா² பவத்தா ஸரப⁴ங்கோ³ லோமஹங்ஸோ,

உச்சங்க³மாயோ அஸிதோ அனாஸவோ;

மனோமயோ மானச்சி²தோ³ ச ப³ந்து⁴மா,

ததா³தி⁴முத்தோ விமலோ ச கேதுமா.

‘‘கேதும்ப⁴ராகோ³ ச மாதங்கோ³ அரியோ,

அத²ச்சுதோ அச்சுதகா³மப்³யாமகோ;

ஸுமங்க³லோ த³ப்³பி³லோ ஸுபதிட்டி²தோ,

அஸய்ஹோ கே²மாபி⁴ரதோ ச ஸோரதோ.

‘‘து³ரன்னயோ ஸங்கோ⁴ அதோ²பி உஜ்ஜயோ,

அபரோ முனி ஸய்ஹோ அனோமனிக்கமோ;

ஆனந்தோ³ நந்தோ³ உபனந்தோ³ த்³வாத³ஸ,

பா⁴ரத்³வாஜோ அந்திமதே³ஹதா⁴ரீ [அந்திமதே³ஹதா⁴ரி (ஸீ॰)].

‘‘போ³தி⁴ மஹானாமோ அதோ²பி உத்தரோ,

கேஸீ ஸிகீ² ஸுந்த³ரோ த்³வாரபா⁴ஜோ;

திஸ்ஸூபதிஸ்ஸா ப⁴வப³ந்த⁴னச்சி²தா³,

உபஸிகி² தண்ஹச்சி²தோ³ ச ஸிக²ரி [உபஸீத³ரீ தண்ஹச்சி²தோ³ ச ஸீத³ரீ (ஸீ॰ ஸ்யா॰ கங்॰ பீ॰)].

‘‘பு³த்³தோ⁴ அஹு மங்க³லோ வீதராகோ³,

உஸப⁴ச்சி²தா³ ஜாலினிங் து³க்க²மூலங்;

ஸந்தங் பத³ங் அஜ்ஜ²க³மோபனீதோ,

உபோஸதோ² ஸுந்த³ரோ ஸச்சனாமோ.

‘‘ஜேதோ ஜயந்தோ பது³மோ உப்பலோ ச,

பது³முத்தரோ ரக்கி²தோ பப்³ப³தோ ச;

மானத்த²த்³தோ⁴ ஸோபி⁴தோ வீதராகோ³,

கண்ஹோ ச பு³த்³தோ⁴ ஸுவிமுத்தசித்தோ.

‘‘ஏதே ச அஞ்ஞே ச மஹானுபா⁴வா,

பச்சேகபு³த்³தா⁴ ப⁴வனெத்திகீ²ணா;

தே ஸப்³ப³ஸங்கா³திக³தே மஹேஸீ,

பரினிப்³பு³தே வந்த³த² அப்பமெய்யே’’தி.

இஸிகி³லிஸுத்தங் நிட்டி²தங் ச²ட்ட²ங்.

7. மஹாசத்தாரீஸகஸுத்தங்

136. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
‘‘அரியங் வோ, பி⁴க்க²வே, ஸம்மாஸமாதி⁴ங் தே³ஸெஸ்ஸாமி ஸஉபனிஸங் ஸபரிக்கா²ரங்.
தங் ஸுணாத², ஸாது⁴கங் மனஸி கரோத²; பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி
கோ² தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘கதமோ ச, பி⁴க்க²வே, அரியோ ஸம்மாஸமாதி⁴ ஸஉபனிஸோ
ஸபரிக்கா²ரோ? ஸெய்யதி²த³ங் – ஸம்மாதி³ட்டி², ஸம்மாஸங்கப்போ, ஸம்மாவாசா,
ஸம்மாகம்மந்தோ, ஸம்மாஆஜீவோ, ஸம்மாவாயாமோ, ஸம்மாஸதி; யா கோ², பி⁴க்க²வே,
இமேஹி ஸத்தஹங்கே³ஹி சித்தஸ்ஸ ஏகக்³க³தா பரிக்க²தா – அயங் வுச்சதி,
பி⁴க்க²வே, அரியோ ஸம்மாஸமாதி⁴ ஸஉபனிஸோ இதிபி, ஸபரிக்கா²ரோ இதிபி. தத்ர,
பி⁴க்க²வே, ஸம்மாதி³ட்டி² புப்³ப³ங்க³மா ஹோதி. கத²ஞ்ச, பி⁴க்க²வே,
ஸம்மாதி³ட்டி² புப்³ப³ங்க³மா ஹோதி? மிச்சா²தி³ட்டி²ங் ‘மிச்சா²தி³ட்டீ²’தி
பஜானாதி, ஸம்மாதி³ட்டி²ங் ‘ஸம்மாதி³ட்டீ²’தி பஜானாதி – ஸாஸ்ஸ ஹோதி
ஸம்மாதி³ட்டி².

‘‘கதமா ச, பி⁴க்க²வே, மிச்சா²தி³ட்டி²? ‘நத்தி²
தி³ன்னங், நத்தி² யிட்ட²ங், நத்தி² ஹுதங், நத்தி² ஸுகதது³க்கடானங் கம்மானங்
ப²லங் விபாகோ, நத்தி² அயங் லோகோ, நத்தி² பரோ லோகோ, நத்தி² மாதா, நத்தி² பிதா, நத்தி² ஸத்தா ஓபபாதிகா, நத்தி²
லோகே ஸமணப்³ராஹ்மணா ஸம்மக்³க³தா ஸம்மாபடிபன்னா யே இமஞ்ச லோகங் பரஞ்ச லோகங்
ஸயங் அபி⁴ஞ்ஞா ஸச்சி²கத்வா பவேதெ³ந்தீ’தி – அயங், பி⁴க்க²வே,
மிச்சா²தி³ட்டி².

‘‘கதமா ச, பி⁴க்க²வே, ஸம்மாதி³ட்டி²? ஸம்மாதி³ட்டி²ங்பஹங் [ஸம்மாதி³ட்டி²மஹங் (க॰) ஏவங் ஸம்மாஸங்கப்பங்பஹங்க்யாதீ³ஸுபி], பி⁴க்க²வே, த்³வாயங் [த்³வயங் (ஸீ॰ ஸ்யா॰ கங்॰ பீ॰) டீகா ஓலோகேதப்³பா³]
வதா³மி – அத்தி², பி⁴க்க²வே, ஸம்மாதி³ட்டி² ஸாஸவா புஞ்ஞபா⁴கி³யா
உபதி⁴வேபக்கா; அத்தி², பி⁴க்க²வே, ஸம்மாதி³ட்டி² அரியா அனாஸவா லோகுத்தரா
மக்³க³ங்கா³. கதமா ச, பி⁴க்க²வே, ஸம்மாதி³ட்டி² ஸாஸவா புஞ்ஞபா⁴கி³யா
உபதி⁴வேபக்கா ? ‘அத்தி² தி³ன்னங், அத்தி² யிட்ட²ங்,
அத்தி² ஹுதங், அத்தி² ஸுகதது³க்கடானங் கம்மானங் ப²லங் விபாகோ, அத்தி² அயங்
லோகோ, அத்தி² பரோ லோகோ, அத்தி² மாதா, அத்தி² பிதா, அத்தி² ஸத்தா ஓபபாதிகா,
அத்தி² லோகே ஸமணப்³ராஹ்மணா ஸம்மக்³க³தா ஸம்மாபடிபன்னா யே இமஞ்ச லோகங் பரஞ்ச
லோகங் ஸயங் அபி⁴ஞ்ஞா ஸச்சி²கத்வா பவேதெ³ந்தீ’தி – அயங், பி⁴க்க²வே,
ஸம்மாதி³ட்டி² ஸாஸவா புஞ்ஞபா⁴கி³யா உபதி⁴வேபக்கா.

‘‘கதமா ச, பி⁴க்க²வே, ஸம்மாதி³ட்டி² அரியா அனாஸவா
லோகுத்தரா மக்³க³ங்கா³? யா கோ², பி⁴க்க²வே, அரியசித்தஸ்ஸ அனாஸவசித்தஸ்ஸ
அரியமக்³க³ஸமங்கி³னோ அரியமக்³க³ங் பா⁴வயதோ பஞ்ஞா பஞ்ஞிந்த்³ரியங்
பஞ்ஞாப³லங் த⁴ம்மவிசயஸம்பொ³ஜ்ஜ²ங்கோ³ ஸம்மாதி³ட்டி² மக்³க³ங்க³ங் [மக்³க³ங்கா³ (ஸீ॰ பீ॰)] – அயங் வுச்சதி, பி⁴க்க²வே, ஸம்மாதி³ட்டி² அரியா அனாஸவா லோகுத்தரா மக்³க³ங்கா³. ஸோ மிச்சா²தி³ட்டி²யா பஹானாய வாயமதி, ஸம்மாதி³ட்டி²யா, உபஸம்பதா³ய, ஸ்வாஸ்ஸ [ஸ்வாயங் (க॰)] ஹோதி ஸம்மாவாயாமோ. ஸோ ஸதோ மிச்சா²தி³ட்டி²ங் பஜஹதி, ஸதோ ஸம்மாதி³ட்டி²ங் உபஸம்பஜ்ஜ விஹரதி, ஸாஸ்ஸ [ஸாயங் (க॰)] ஹோதி ஸம்மாஸதி. இதியிமே [இதிமே (ஸீ॰), இதிஸ்ஸிமே (ஸ்யா॰ கங்॰ பீ॰)] தயோ த⁴ம்மா ஸம்மாதி³ட்டி²ங் அனுபரிதா⁴வந்தி அனுபரிவத்தந்தி, ஸெய்யதி²த³ங் – ஸம்மாதி³ட்டி², ஸம்மாவாயாமோ, ஸம்மாஸதி.

137.
‘‘தத்ர, பி⁴க்க²வே, ஸம்மாதி³ட்டி² புப்³ப³ங்க³மா ஹோதி. கத²ஞ்ச, பி⁴க்க²வே,
ஸம்மாதி³ட்டி² புப்³ப³ங்க³மா ஹோதி? மிச்சா²ஸங்கப்பங் ‘மிச்சா²ஸங்கப்போ’தி
பஜானாதி, ஸம்மாஸங்கப்பங் ‘ஸம்மாஸங்கப்போ’தி பஜானாதி, ஸாஸ்ஸ ஹோதி
ஸம்மாதி³ட்டி² .

‘‘கதமோ ச, பி⁴க்க²வே, மிச்சா²ஸங்கப்போ? காமஸங்கப்போ, ப்³யாபாத³ஸங்கப்போ, விஹிங்ஸாஸங்கப்போ – அயங், பி⁴க்க²வே, மிச்சா²ஸங்கப்போ.

‘‘கதமோ ச, பி⁴க்க²வே, ஸம்மாஸங்கப்போ?
ஸம்மாஸங்கப்பங்பஹங், பி⁴க்க²வே, த்³வாயங் வதா³மி – அத்தி², பி⁴க்க²வே,
ஸம்மாஸங்கப்போ ஸாஸவோ புஞ்ஞபா⁴கி³யோ உபதி⁴வேபக்கோ; அத்தி², பி⁴க்க²வே,
ஸம்மாஸங்கப்போ அரியோ அனாஸவோ லோகுத்தரோ மக்³க³ங்கோ³. கதமோ ச, பி⁴க்க²வே,
ஸம்மாஸங்கப்போ ஸாஸவோ புஞ்ஞபா⁴கி³யோ உபதி⁴வேபக்கோ?
நெக்க²ம்மஸங்கப்போ, அப்³யாபாத³ஸங்கப்போ, அவிஹிங்ஸாஸங்கப்போ – ‘அயங்,
பி⁴க்க²வே, ஸம்மாஸங்கப்போ ஸாஸவோ புஞ்ஞபா⁴கி³யோ உபதி⁴வேபக்கோ’’’.

‘‘கதமோ ச, பி⁴க்க²வே, ஸம்மாஸங்கப்போ அரியோ அனாஸவோ லோகுத்தரோ
மக்³க³ங்கோ³? யோ கோ², பி⁴க்க²வே, அரியசித்தஸ்ஸ அனாஸவசித்தஸ்ஸ
அரியமக்³க³ஸமங்கி³னோ அரியமக்³க³ங் பா⁴வயதோ தக்கோ விதக்கோ ஸங்கப்போ அப்பனா
ப்³யப்பனா சேதஸோ அபி⁴னிரோபனா வசீஸங்கா²ரோ – அயங், பி⁴க்க²வே, ஸம்மாஸங்கப்போ
அரியோ அனாஸவோ லோகுத்தரோ மக்³க³ங்கோ³. ஸோ மிச்சா²ஸங்கப்பஸ்ஸ பஹானாய வாயமதி,
ஸம்மாஸங்கப்பஸ்ஸ உபஸம்பதா³ய, ஸ்வாஸ்ஸ ஹோதி ஸம்மாவாயாமோ. ஸோ ஸதோ
மிச்சா²ஸங்கப்பங் பஜஹதி, ஸதோ ஸம்மாஸங்கப்பங் உபஸம்பஜ்ஜ விஹரதி; ஸாஸ்ஸ ஹோதி
ஸம்மாஸதி. இதியிமே தயோ த⁴ம்மா ஸம்மாஸங்கப்பங் அனுபரிதா⁴வந்தி
அனுபரிவத்தந்தி, ஸெய்யதி²த³ங் – ஸம்மாதி³ட்டி², ஸம்மாவாயாமோ, ஸம்மாஸதி.

138.
‘‘தத்ர, பி⁴க்க²வே, ஸம்மாதி³ட்டி² புப்³ப³ங்க³மா ஹோதி. கத²ஞ்ச, பி⁴க்க²வே,
ஸம்மாதி³ட்டி² புப்³ப³ங்க³மா ஹோதி? மிச்சா²வாசங் ‘மிச்சா²வாசா’தி பஜானாதி,
ஸம்மாவாசங் ‘ஸம்மாவாசா’தி பஜானாதி; ஸாஸ்ஸ ஹோதி ஸம்மாதி³ட்டி². கதமா ச,
பி⁴க்க²வே, மிச்சா²வாசா? முஸாவாதோ³, பிஸுணா வாசா, ப²ருஸா வாசா,
ஸம்ப²ப்பலாபோ – அயங், பி⁴க்க²வே, மிச்சா²வாசா. கதமா ச, பி⁴க்க²வே,
ஸம்மாவாசா? ஸம்மாவாசங்பஹங், பி⁴க்க²வே, த்³வாயங் வதா³மி – அத்தி²,
பி⁴க்க²வே, ஸம்மாவாசா ஸாஸவா புஞ்ஞபா⁴கி³யா உபதி⁴வேபக்கா; அத்தி², பி⁴க்க²வே
, ஸம்மாவாசா அரியா அனாஸவா லோகுத்தரா மக்³க³ங்கா³. கதமா
ச, பி⁴க்க²வே, ஸம்மாவாசா ஸாஸவா புஞ்ஞபா⁴கி³யா உபதி⁴வேபக்கா? முஸாவாதா³
வேரமணீ, பிஸுணாய வாசாய வேரமணீ, ப²ருஸாய வாசாய வேரமணீ, ஸம்ப²ப்பலாபா வேரமணீ –
அயங், பி⁴க்க²வே, ஸம்மாவாசா ஸாஸவா புஞ்ஞபா⁴கி³யா உபதி⁴வேபக்கா. கதமா ச,
பி⁴க்க²வே, ஸம்மாவாசா அரியா அனாஸவா லோகுத்தரா மக்³க³ங்கா³? யா கோ²,
பி⁴க்க²வே, அரியசித்தஸ்ஸ அனாஸவசித்தஸ்ஸ அரியமக்³க³ஸமங்கி³னோ அரியமக்³க³ங்
பா⁴வயதோ சதூஹி வசீது³ச்சரிதேஹி ஆரதி விரதி படிவிரதி வேரமணீ – அயங்,
பி⁴க்க²வே, ஸம்மாவாசா அரியா அனாஸவா லோகுத்தரா மக்³க³ங்கா³. ஸோ மிச்சா²வாசாய
பஹானாய வாயமதி, ஸம்மாவாசாய உபஸம்பதா³ய; ஸ்வாஸ்ஸ ஹோதி ஸம்மாவாயாமோ. ஸோ ஸதோ
மிச்சா²வாசங் பஜஹதி, ஸதோ ஸம்மாவாசங் உபஸம்பஜ்ஜ விஹரதி; ஸாஸ்ஸ ஹோதி ஸம்மாஸதி. இதியிமே தயோ த⁴ம்மா ஸம்மாவாசங் அனுபரிதா⁴வந்தி அனுபரிவத்தந்தி, ஸெய்யதி²த³ங் – ஸம்மாதி³ட்டி², ஸம்மாவாயாமோ, ஸம்மாஸதி.

139.
‘‘தத்ர, பி⁴க்க²வே, ஸம்மாதி³ட்டி² புப்³ப³ங்க³மா ஹோதி. கத²ஞ்ச, பி⁴க்க²வே,
ஸம்மாதி³ட்டி² புப்³ப³ங்க³மா ஹோதி? மிச்சா²கம்மந்தங் ‘மிச்சா²கம்மந்தோ’தி
பஜானாதி, ஸம்மாகம்மந்தங் ‘ஸம்மாகம்மந்தோ’தி பஜானாதி ;
ஸாஸ்ஸ ஹோதி ஸம்மாதி³ட்டி². கதமோ ச, பி⁴க்க²வே, மிச்சா²கம்மந்தோ?
பாணாதிபாதோ, அதி³ன்னாதா³னங், காமேஸுமிச்சா²சாரோ – அயங், பி⁴க்க²வே,
மிச்சா²கம்மந்தோ. கதமோ ச, பி⁴க்க²வே, ஸம்மாகம்மந்தோ? ஸம்மாகம்மந்தங்பஹங்,
பி⁴க்க²வே , த்³வாயங் வதா³மி – அத்தி², பி⁴க்க²வே,
ஸம்மாகம்மந்தோ ஸாஸவோ புஞ்ஞபா⁴கி³யோ உபதி⁴வேபக்கோ; அத்தி², பி⁴க்க²வே,
ஸம்மாகம்மந்தோ அரியோ அனாஸவோ லோகுத்தரோ மக்³க³ங்கோ³. கதமோ ச, பி⁴க்க²வே,
ஸம்மாகம்மந்தோ ஸாஸவோ புஞ்ஞபா⁴கி³யோ உபதி⁴வேபக்கோ? பாணாதிபாதா வேரமணீ,
அதி³ன்னாதா³னா வேரமணீ, காமேஸுமிச்சா²சாரா வேரமணீ – அயங், பி⁴க்க²வே,
ஸம்மாகம்மந்தோ ஸாஸவோ புஞ்ஞபா⁴கி³யோ உபதி⁴வேபக்கோ. கதமோ ச, பி⁴க்க²வே,
ஸம்மாகம்மந்தோ அரியோ அனாஸவோ லோகுத்தரோ மக்³க³ங்கோ³? யா கோ², பி⁴க்க²வே,
அரியசித்தஸ்ஸ அனாஸவசித்தஸ்ஸ அரியமக்³க³ஸமங்கி³னோ அரியமக்³க³ங் பா⁴வயதோ தீஹி
காயது³ச்சரிதேஹி ஆரதி விரதி படிவிரதி வேரமணீ – அயங், பி⁴க்க²வே,
ஸம்மாகம்மந்தோ அரியோ அனாஸவோ லோகுத்தரோ மக்³க³ங்கோ³.
ஸோ மிச்சா²கம்மந்தஸ்ஸ பஹானாய வாயமதி, ஸம்மாகம்மந்தஸ்ஸ உபஸம்பதா³ய; ஸ்வாஸ்ஸ
ஹோதி ஸம்மாவாயாமோ. ஸோ ஸதோ மிச்சா²கம்மந்தங் பஜஹதி, ஸதோ ஸம்மாகம்மந்தங்
உபஸம்பஜ்ஜ விஹரதி; ஸாஸ்ஸ ஹோதி ஸம்மாஸதி. இதியிமே தயோ த⁴ம்மா ஸம்மாகம்மந்தங்
அனுபரிதா⁴வந்தி அனுபரிவத்தந்தி, ஸெய்யதி²த³ங் – ஸம்மாதி³ட்டி²,
ஸம்மாவாயாமோ, ஸம்மாஸதி.

140.
‘‘தத்ர, பி⁴க்க²வே, ஸம்மாதி³ட்டி² புப்³ப³ங்க³மா ஹோதி. கத²ஞ்ச, பி⁴க்க²வே,
ஸம்மாதி³ட்டி² புப்³ப³ங்க³மா ஹோதி? மிச்சா²ஆஜீவங் ‘மிச்சா²ஆஜீவோ’தி
பஜானாதி, ஸம்மாஆஜீவங் ‘ஸம்மாஆஜீவோ’தி பஜானாதி; ஸாஸ்ஸ ஹோதி ஸம்மாதி³ட்டி². கதமோ ச, பி⁴க்க²வே, மிச்சா²ஆஜீவோ? குஹனா, லபனா, நேமித்திகதா, நிப்பேஸிகதா, லாபே⁴ன லாப⁴ங் நிஜிகீ³ஸனதா [நிஜிகி³ங் ஸனதா (ஸீ॰ ஸ்யா॰ கங்॰ பீ॰)] – அயங், பி⁴க்க²வே, மிச்சா²ஆஜீவோ. கதமோ ச, பி⁴க்க²வே, ஸம்மாஆஜீவோ? ஸம்மாஆஜீவங்பஹங், பி⁴க்க²வே ,
த்³வாயங் வதா³மி – அத்தி², பி⁴க்க²வே, ஸம்மாஆஜீவோ ஸாஸவோ புஞ்ஞபா⁴கி³யோ
உபதி⁴வேபக்கோ; அத்தி², பி⁴க்க²வே, ஸம்மாஆஜீவோ அரியோ அனாஸவோ லோகுத்தரோ
மக்³க³ங்கோ³. கதமோ ச, பி⁴க்க²வே, ஸம்மாஆஜீவோ ஸாஸவோ புஞ்ஞபா⁴கி³யோ
உபதி⁴வேபக்கோ? இத⁴, பி⁴க்க²வே, அரியஸாவகோ மிச்சா²ஆஜீவங் பஹாய ஸம்மாஆஜீவேன
ஜீவிகங் கப்பேதி – அயங், பி⁴க்க²வே, ஸம்மாஆஜீவோ ஸாஸவோ புஞ்ஞபா⁴கி³யோ
உபதி⁴வேபக்கோ. கதமோ ச, பி⁴க்க²வே, ஸம்மாஆஜீவோ அரியோ அனாஸவோ லோகுத்தரோ
மக்³க³ங்கோ³? யா கோ², பி⁴க்க²வே, அரியசித்தஸ்ஸ அனாஸவசித்தஸ்ஸ
அரியமக்³க³ஸமங்கி³னோ அரியமக்³க³ங் பா⁴வயதோ மிச்சா²ஆஜீவா ஆரதி விரதி
படிவிரதி வேரமணீ – அயங், பி⁴க்க²வே, ஸம்மாஆஜீவோ அரியோ அனாஸவோ லோகுத்தரோ
மக்³க³ங்கோ³. ஸோ மிச்சா²ஆஜீவஸ்ஸ பஹானாய வாயமதி, ஸம்மாஆஜீவஸ்ஸ உபஸம்பதா³ய ;
ஸ்வாஸ்ஸ ஹோதி ஸம்மாவாயாமோ. ஸோ ஸதோ மிச்சா²ஆஜீவங் பஜஹதி, ஸதோ ஸம்மாஆஜீவங்
உபஸம்பஜ்ஜ விஹரதி; ஸாஸ்ஸ ஹோதி ஸம்மாஸதி. இதியிமே தயோ த⁴ம்மா ஸம்மாஆஜீவங்
அனுபரிதா⁴வந்தி அனுபரிவத்தந்தி, ஸெய்யதி²த³ங் – ஸம்மாதி³ட்டி², ஸம்மாவாயாமோ, ஸம்மாஸதி.

141. ‘‘தத்ர, பி⁴க்க²வே, ஸம்மாதி³ட்டி² புப்³ப³ங்க³மா ஹோதி. கத²ஞ்ச, பி⁴க்க²வே, ஸம்மாதி³ட்டி² புப்³ப³ங்க³மா ஹோதி? ஸம்மாதி³ட்டி²ஸ்ஸ ,
பி⁴க்க²வே, ஸம்மாஸங்கப்போ பஹோதி, ஸம்மாஸங்கப்பஸ்ஸ ஸம்மாவாசா பஹோதி,
ஸம்மாவாசஸ்ஸ ஸம்மாகம்மந்தோ பஹோதி, ஸம்மாகம்மந்தஸ்ஸ ஸம்மாஆஜீவோ பஹோதி,
ஸம்மாஆஜீவஸ்ஸ ஸம்மாவாயாமோ பஹோதி, ஸம்மாவாயாமஸ்ஸ ஸம்மாஸதி பஹோதி,
ஸம்மாஸதிஸ்ஸ ஸம்மாஸமாதி⁴ பஹோதி, ஸம்மாஸமாதி⁴ஸ்ஸ ஸம்மாஞாணங் பஹோதி,
ஸம்மாஞாணஸ்ஸ ஸம்மாவிமுத்தி பஹோதி. இதி கோ², பி⁴க்க²வே, அட்ட²ங்க³ஸமன்னாக³தோ
ஸெக்கோ² [அட்ட²ங்க³ஸமன்னாக³தா ஸேகா² படிபதா³ (ஸீ॰), அட்ட²ங்க³ஸமன்னாக³தோ ஸேகோ² பாடிபதோ³ (பீ॰ க॰) ( ) நத்தி² ஸீ॰ ஸ்யா॰ கங்॰ பீ॰ பொத்த²கேஸு], த³ஸங்க³ஸமன்னாக³தோ அரஹா ஹோதி. (தத்ரபி ஸம்மாஞாணேன அனேகே பாபகா அகுஸலா த⁴ம்மா விக³தா பா⁴வனாபாரிபூரிங் க³ச்ச²ந்தி).

142.
‘‘தத்ர, பி⁴க்க²வே, ஸம்மாதி³ட்டி² புப்³ப³ங்க³மா ஹோதி. கத²ஞ்ச, பி⁴க்க²வே,
ஸம்மாதி³ட்டி² புப்³ப³ங்க³மா ஹோதி? ஸம்மாதி³ட்டி²ஸ்ஸ, பி⁴க்க²வே,
மிச்சா²தி³ட்டி² நிஜ்ஜிண்ணா ஹோதி. யே ச மிச்சா²தி³ட்டி²பச்சயா அனேகே பாபகா
அகுஸலா த⁴ம்மா ஸம்ப⁴வந்தி தே சஸ்ஸ நிஜ்ஜிண்ணா
ஹொந்தி. ஸம்மாதி³ட்டி²பச்சயா அனேகே குஸலா த⁴ம்மா பா⁴வனாபாரிபூரிங்
க³ச்ச²ந்தி. ஸம்மாஸங்கப்பஸ்ஸ, பி⁴க்க²வே, மிச்சா²ஸங்கப்போ நிஜ்ஜிண்ணோ
ஹோதி…பே॰… ஸம்மாவாசஸ்ஸ, பி⁴க்க²வே, மிச்சா²வாசா நிஜ்ஜிண்ணா ஹோதி…
ஸம்மாகம்மந்தஸ்ஸ, பி⁴க்க²வே, மிச்சா²கம்மந்தோ நிஜ்ஜிண்ணோ ஹோதி…
ஸம்மாஆஜீவஸ்ஸ, பி⁴க்க²வே, மிச்சா²ஆஜீவோ நிஜ்ஜிண்ணோ ஹோதி… ஸம்மாவாயாமஸ்ஸ , பி⁴க்க²வே ,
மிச்சா²வாயாமோ நிஜ்ஜிண்ணோ ஹோதி… ஸம்மாஸதிஸ்ஸ, பி⁴க்க²வே, மிச்சா²ஸதி
நிஜ்ஜிண்ணா ஹோதி… ஸம்மாஸமாதி⁴ஸ்ஸ, பி⁴க்க²வே, மிச்சா²ஸமாதி⁴ நிஜ்ஜிண்ணோ
ஹோதி… ஸம்மாஞாணஸ்ஸ, பி⁴க்க²வே, மிச்சா²ஞாணங் நிஜ்ஜிண்ணங் ஹோதி…
ஸம்மாவிமுத்தஸ்ஸ, பி⁴க்க²வே, மிச்சா²விமுத்தி நிஜ்ஜிண்ணா ஹோதி. யே ச
மிச்சா²விமுத்திபச்சயா அனேகே பாபகா அகுஸலா த⁴ம்மா ஸம்ப⁴வந்தி தே சஸ்ஸ
நிஜ்ஜிண்ணா ஹொந்தி. ஸம்மாவிமுத்திபச்சயா ச அனேகே குஸலா த⁴ம்மா
பா⁴வனாபாரிபூரிங் க³ச்ச²ந்தி.

‘‘இதி கோ², பி⁴க்க²வே, வீஸதி குஸலபக்கா², வீஸதி அகுஸலபக்கா² – மஹாசத்தாரீஸகோ த⁴ம்மபரியாயோ பவத்திதோ அப்படிவத்தியோ ஸமணேன வா ப்³ராஹ்மணேன வா தே³வேன வா மாரேன வா ப்³ரஹ்முனா வா கேனசி வா லோகஸ்மிங்.

143.
‘‘யோ ஹி கோசி, பி⁴க்க²வே, ஸமணோ வா ப்³ராஹ்மணோ வா இமங் மஹாசத்தாரீஸகங்
த⁴ம்மபரியாயங் க³ரஹிதப்³ப³ங் படிக்கோஸிதப்³ப³ங் மஞ்ஞெய்ய தஸ்ஸ தி³ட்டே²வ
த⁴ம்மே த³ஸஸஹத⁴ம்மிகா வாதா³னுவாதா³ கா³ரய்ஹங் டா²னங் ஆக³ச்ச²ந்தி –
ஸம்மாதி³ட்டி²ங் சே ப⁴வங் க³ரஹதி, யே ச மிச்சா²தி³ட்டீ² ஸமணப்³ராஹ்மணா தே
போ⁴தோ புஜ்ஜா, தே போ⁴தோ பாஸங்ஸா; ஸம்மாஸங்கப்பங் சே ப⁴வங் க³ரஹதி ,
யே ச மிச்சா²ஸங்கப்பா ஸமணப்³ராஹ்மணா தே போ⁴தோ புஜ்ஜா, தே போ⁴தோ பாஸங்ஸா;
ஸம்மாவாசங் சே ப⁴வங் க³ரஹதி…பே॰… ஸம்மாகம்மந்தங் சே ப⁴வங் க³ரஹதி…
ஸம்மாஆஜீவங் சே ப⁴வங் க³ரஹதி… ஸம்மாவாயாமங் சே ப⁴வங் க³ரஹதி… ஸம்மாஸதிங் சே
ப⁴வங் க³ரஹதி… ஸம்மாஸமாதி⁴ங் சே ப⁴வங் க³ரஹதி… ஸம்மாஞாணங் சே ப⁴வங் க³ரஹதி
… ஸம்மாவிமுத்திங் சே ப⁴வங் க³ரஹதி, யே ச
மிச்சா²விமுத்தீ ஸமணப்³ராஹ்மணா தே போ⁴தோ புஜ்ஜா, தே போ⁴தோ பாஸங்ஸா. யோ
கோசி, பி⁴க்க²வே, ஸமணோ வா ப்³ராஹ்மணோ வா இமங் மஹாசத்தாரீஸகங் த⁴ம்மபரியாயங்
க³ரஹிதப்³ப³ங் படிக்கோஸிதப்³ப³ங் மஞ்ஞெய்ய தஸ்ஸ தி³ட்டே²வ த⁴ம்மே இமே
த³ஸஸஹத⁴ம்மிகா வாதா³னுவாதா³ கா³ரய்ஹங் டா²னங் ஆக³ச்ச²ந்தி. யேபி தே,
பி⁴க்க²வே, அஹேஸுங் ஓக்கலா வஸ்ஸப⁴ஞ்ஞா [வயபி⁴ஞ்ஞா (க॰) ஸங்॰ நி॰ 3.62; அ॰ நி॰ 4.30 பஸ்ஸிதப்³ப³ங்] அஹேதுவாதா³ அகிரியவாதா³ நத்தி²கவாதா³ தேபி மஹாசத்தாரீஸகங் த⁴ம்மபரியாயங் ந க³ரஹிதப்³ப³ங் நபடிக்கோஸிதப்³ப³ங் அமஞ்ஞிங்ஸு [மஞ்ஞெய்யுங் (க॰)]. தங் கிஸ்ஸ ஹேது? நிந்தா³ப்³யாரோஸஉபாரம்ப⁴ப⁴யா’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

மஹாசத்தாரீஸகஸுத்தங் நிட்டி²தங் ஸத்தமங்.

8. ஆனாபானஸ்ஸதிஸுத்தங்

144. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி புப்³பா³ராமே
மிகா³ரமாதுபாஸாதே³ ஸம்ப³ஹுலேஹி அபி⁴ஞ்ஞாதேஹி அபி⁴ஞ்ஞாதேஹி தே²ரேஹி ஸாவகேஹி
ஸத்³தி⁴ங் – ஆயஸ்மதா ச ஸாரிபுத்தேன ஆயஸ்மதா ச மஹாமொக்³க³ல்லானேன [மஹாமொக்³க³லானேன (க॰)]
ஆயஸ்மதா ச மஹாகஸ்ஸபேன ஆயஸ்மதா ச மஹாகச்சாயனேன ஆயஸ்மதா ச மஹாகொட்டி²கேன
ஆயஸ்மதா ச மஹாகப்பினேன ஆயஸ்மதா ச மஹாசுந்தே³ன ஆயஸ்மதா ச அனுருத்³தே⁴ன ஆயஸ்மதா ச ரேவதேன ஆயஸ்மதா ச ஆனந்தே³ன, அஞ்ஞேஹி ச அபி⁴ஞ்ஞாதேஹி அபி⁴ஞ்ஞாதேஹி தே²ரேஹி ஸாவகேஹி ஸத்³தி⁴ங்.

தேன கோ² பன ஸமயேன தே²ரா பி⁴க்கூ² நவே பி⁴க்கூ²
ஓவத³ந்தி அனுஸாஸந்தி. அப்பேகச்சே தே²ரா பி⁴க்கூ² த³ஸபி பி⁴க்கூ² ஓவத³ந்தி
அனுஸாஸந்தி, அப்பேகச்சே தே²ரா பி⁴க்கூ² வீஸம்பி பி⁴க்கூ² ஓவத³ந்தி
அனுஸாஸந்தி, அப்பேகச்சே தே²ரா பி⁴க்கூ² திங்ஸம்பி பி⁴க்கூ² ஓவத³ந்தி
அனுஸாஸந்தி, அப்பேகச்சே தே²ரா பி⁴க்கூ² சத்தாரீஸம்பி பி⁴க்கூ² ஓவத³ந்தி
அனுஸாஸந்தி. தே ச நவா பி⁴க்கூ² தே²ரேஹி பி⁴க்கூ²ஹி ஓவதி³யமானா அனுஸாஸியமானா
உளாரங் புப்³பே³னாபரங் விஸேஸங் ஜானந்தி [பஜானந்தி (ஸ்யா॰ கங்॰), ஸஞ்ஜானந்தி (க॰)].

145.
தேன கோ² பன ஸமயேன ப⁴க³வா தத³ஹுபோஸதே² பன்னரஸே பவாரணாய புண்ணாய புண்ணமாய
ரத்தியா பி⁴க்கு²ஸங்க⁴பரிவுதோ அப்³போ⁴காஸே நிஸின்னோ ஹோதி. அத² கோ² ப⁴க³வா
துண்ஹீபூ⁴தங் துண்ஹீபூ⁴தங் பி⁴க்கு²ஸங்க⁴ங் அனுவிலோகெத்வா
பி⁴க்கூ² ஆமந்தேஸி – ‘‘ஆரத்³தொ⁴ஸ்மி, பி⁴க்க²வே, இமாய படிபதா³ய;
ஆரத்³த⁴சித்தொஸ்மி, பி⁴க்க²வே, இமாய படிபதா³ய. தஸ்மாதிஹ, பி⁴க்க²வே,
பி⁴ய்யோஸோமத்தாய வீரியங் ஆரப⁴த² அப்பத்தஸ்ஸ பத்தியா, அனதி⁴க³தஸ்ஸ அதி⁴க³மாய
, அஸச்சி²கதஸ்ஸ ஸச்சி²கிரியாய. இதே⁴வாஹங்
ஸாவத்தி²யங் கோமுதி³ங் சாதுமாஸினிங் ஆக³மெஸ்ஸாமீ’’தி. அஸ்ஸோஸுங் கோ²
ஜானபதா³ பி⁴க்கூ² – ‘‘ப⁴க³வா கிர தத்தே²வ ஸாவத்தி²யங் கோமுதி³ங்
சாதுமாஸினிங் ஆக³மெஸ்ஸதீ’’தி. தே ஜானபதா³ பி⁴க்கூ² ஸாவத்தி²ங் [ஸாவத்தி²யங் (ஸ்யா॰ கங்॰ பீ॰ க॰)]
ஓஸரந்தி ப⁴க³வந்தங் த³ஸ்ஸனாய. தே ச கோ² தே²ரா பி⁴க்கூ² பி⁴ய்யோஸோமத்தாய
நவே பி⁴க்கூ² ஓவத³ந்தி அனுஸாஸந்தி. அப்பேகச்சே தே²ரா பி⁴க்கூ² த³ஸபி
பி⁴க்கூ² ஓவத³ந்தி அனுஸாஸந்தி, அப்பேகச்சே தே²ரா பி⁴க்கூ² வீஸம்பி பி⁴க்கூ²
ஓவத³ந்தி அனுஸாஸந்தி , அப்பேகச்சே தே²ரா பி⁴க்கூ²
திங்ஸம்பி பி⁴க்கூ² ஓவத³ந்தி அனுஸாஸந்தி, அப்பேகச்சே தே²ரா பி⁴க்கூ²
சத்தாரீஸம்பி பி⁴க்கூ² ஓவத³ந்தி அனுஸாஸந்தி. தே ச நவா பி⁴க்கூ² தே²ரேஹி
பி⁴க்கூ²ஹி ஓவதி³யமானா அனுஸாஸியமானா உளாரங் புப்³பே³னாபரங் விஸேஸங் ஜானந்தி.

146.
தேன கோ² பன ஸமயேன ப⁴க³வா தத³ஹுபோஸதே² பன்னரஸே கோமுதி³யா சாதுமாஸினியா
புண்ணாய புண்ணமாய ரத்தியா பி⁴க்கு²ஸங்க⁴பரிவுதோ அப்³போ⁴காஸே நிஸின்னோ ஹோதி.
அத² கோ² ப⁴க³வா துண்ஹீபூ⁴தங் துண்ஹீபூ⁴தங் பி⁴க்கு²ஸங்க⁴ங் அனுவிலோகெத்வா
பி⁴க்கூ² ஆமந்தேஸி – ‘‘அபலாபாயங், பி⁴க்க²வே, பரிஸா; நிப்பலாபாயங்,
பி⁴க்க²வே, பரிஸா; ஸுத்³தா⁴ ஸாரே [ஸுத்³த⁴ஸாரே பதிட்டி²தா (ஸ்யா॰ கங்॰ பீ॰)] பதிட்டி²தா. ததா²ரூபோ அயங், பி⁴க்க²வே, பி⁴க்கு²ஸங்கோ⁴; ததா²ரூபா அயங், பி⁴க்க²வே, பரிஸா யதா²ரூபா
பரிஸா ஆஹுனெய்யா பாஹுனெய்யா த³க்கி²ணெய்யா அஞ்ஜலிகரணீயா அனுத்தரங்
புஞ்ஞக்கெ²த்தங் லோகஸ்ஸ. ததா²ரூபோ அயங், பி⁴க்க²வே, பி⁴க்கு²ஸங்கோ⁴;
ததா²ரூபா அயங், பி⁴க்க²வே, பரிஸா யதா²ரூபாய பரிஸாய அப்பங் தி³ன்னங் ப³ஹு
ஹோதி, ப³ஹு தி³ன்னங் ப³ஹுதரங். ததா²ரூபோ அயங், பி⁴க்க²வே, பி⁴க்கு²ஸங்கோ⁴;
ததா²ரூபா அயங், பி⁴க்க²வே, பரிஸா யதா²ரூபா பரிஸா து³ல்லபா⁴ த³ஸ்ஸனாய
லோகஸ்ஸ. ததா²ரூபோ அயங், பி⁴க்க²வே, பி⁴க்கு²ஸங்கோ⁴; ததா²ரூபா அயங்,
பி⁴க்க²வே, பரிஸா யதா²ரூபங் பரிஸங் அலங் யோஜனக³ணனானி த³ஸ்ஸனாய க³ந்துங்
புடோஸேனாபி’’ [புடோஸேனாபி, ததா²ரூபோ அயங் பி⁴க்க²வே பி⁴க்கு²ஸங்கோ⁴, ததா²ரூபா அயங் பரிஸா (ஸீ॰ பீ॰ க॰)].

147.
‘‘ஸந்தி, பி⁴க்க²வே, பி⁴க்கூ² இமஸ்மிங் பி⁴க்கு²ஸங்கே⁴ அரஹந்தோ கீ²ணாஸவா
வுஸிதவந்தோ கதகரணீயா ஓஹிதபா⁴ரா அனுப்பத்தஸத³த்தா² பரிக்கீ²ணப⁴வஸங்யோஜனா
ஸம்மத³ஞ்ஞாவிமுத்தா – ஏவரூபாபி, பி⁴க்க²வே, ஸந்தி பி⁴க்கூ² இமஸ்மிங்
பி⁴க்கு²ஸங்கே⁴ . ஸந்தி, பி⁴க்க²வே, பி⁴க்கூ²
இமஸ்மிங் பி⁴க்கு²ஸங்கே⁴ பஞ்சன்னங் ஓரம்பா⁴கி³யானங் ஸங்யோஜனானங் பரிக்க²யா
ஓபபாதிகா தத்த² பரினிப்³பா³யினோ அனாவத்தித⁴ம்மா தஸ்மா லோகா – ஏவரூபாபி,
பி⁴க்க²வே, ஸந்தி பி⁴க்கூ² இமஸ்மிங் பி⁴க்கு²ஸங்கே⁴. ஸந்தி, பி⁴க்க²வே,
பி⁴க்கூ² இமஸ்மிங் பி⁴க்கு²ஸங்கே⁴ திண்ணங் ஸங்யோஜனானங் பரிக்க²யா
ராக³தோ³ஸமோஹானங் தனுத்தா ஸகதா³கா³மினோ ஸகிதே³வ [ஸகிங் தே³வ (க॰)] இமங் லோகங் ஆக³ந்த்வா து³க்க²ஸ்ஸந்தங் கரிஸ்ஸந்தி – ஏவரூபாபி, பி⁴க்க²வே, ஸந்தி பி⁴க்கூ² இமஸ்மிங் பி⁴க்கு²ஸங்கே⁴ .
ஸந்தி, பி⁴க்க²வே, பி⁴க்கூ² இமஸ்மிங் பி⁴க்கு²ஸங்கே⁴ திண்ணங் ஸங்யோஜனானங்
பரிக்க²யா ஸோதாபன்னா அவினிபாதத⁴ம்மா நியதா ஸம்போ³தி⁴பராயனா – ஏவரூபாபி,
பி⁴க்க²வே, ஸந்தி பி⁴க்கூ² இமஸ்மிங் பி⁴க்கு²ஸங்கே⁴.

‘‘ஸந்தி, பி⁴க்க²வே, பி⁴க்கூ² இமஸ்மிங் பி⁴க்கு²ஸங்கே⁴ சதுன்னங் ஸதிபட்டா²னானங் பா⁴வனானுயோக³மனுயுத்தா விஹரந்தி
– ஏவரூபாபி, பி⁴க்க²வே, ஸந்தி பி⁴க்கூ² இமஸ்மிங் பி⁴க்கு²ஸங்கே⁴. ஸந்தி,
பி⁴க்க²வே, பி⁴க்கூ² இமஸ்மிங் பி⁴க்கு²ஸங்கே⁴ சதுன்னங் ஸம்மப்பதா⁴னானங்
பா⁴வனானுயோக³மனுயுத்தா விஹரந்தி…பே॰… சதுன்னங் இத்³தி⁴பாதா³னங்… பஞ்சன்னங்
இந்த்³ரியானங்… பஞ்சன்னங் ப³லானங்… ஸத்தன்னங் பொ³ஜ்ஜ²ங்கா³னங்… அரியஸ்ஸ
அட்ட²ங்கி³கஸ்ஸ மக்³க³ஸ்ஸ பா⁴வனானுயோக³மனுயுத்தா விஹரந்தி – ஏவரூபாபி,
பி⁴க்க²வே, ஸந்தி பி⁴க்கூ² இமஸ்மிங் பி⁴க்கு²ஸங்கே⁴. ஸந்தி, பி⁴க்க²வே,
பி⁴க்கூ² இமஸ்மிங் பி⁴க்கு²ஸங்கே⁴ மெத்தாபா⁴வனானுயோக³மனுயுத்தா விஹரந்தி…
கருணாபா⁴வனானுயோக³மனுயுத்தா விஹரந்தி…
முதி³தாபா⁴வனானுயோக³மனுயுத்தா விஹரந்தி… உபெக்கா²பா⁴வனானுயோக³மனுயுத்தா
விஹரந்தி… அஸுப⁴பா⁴வனானுயோக³மனுயுத்தா விஹரந்தி…
அனிச்சஸஞ்ஞாபா⁴வனானுயோக³மனுயுத்தா விஹரந்தி – ஏவரூபாபி, பி⁴க்க²வே, ஸந்தி
பி⁴க்கூ² இமஸ்மிங் பி⁴க்கு²ஸங்கே⁴. ஸந்தி, பி⁴க்க²வே, பி⁴க்கூ² இமஸ்மிங்
பி⁴க்கு²ஸங்கே⁴ ஆனாபானஸ்ஸதிபா⁴வனானுயோக³மனுயுத்தா விஹரந்தி. ஆனாபானஸ்ஸதி,
பி⁴க்க²வே, பா⁴விதா ப³ஹுலீகதா மஹப்ப²லா ஹோதி மஹானிஸங்ஸா. ஆனாபானஸ்ஸதி,
பி⁴க்க²வே, பா⁴விதா ப³ஹுலீகதா சத்தாரோ ஸதிபட்டா²னே பரிபூரேதி. சத்தாரோ
ஸதிபட்டா²னா பா⁴விதா ப³ஹுலீகதா ஸத்த பொ³ஜ்ஜ²ங்கே³ பரிபூரெந்தி. ஸத்த பொ³ஜ்ஜ²ங்கா³ பா⁴விதா ப³ஹுலீகதா விஜ்ஜாவிமுத்திங் பரிபூரெந்தி.

148.
‘‘கத²ங் பா⁴விதா ச, பி⁴க்க²வே, ஆனாபானஸ்ஸதி கத²ங் ப³ஹுலீகதா மஹப்ப²லா ஹோதி
மஹானிஸங்ஸா? இத⁴, பி⁴க்க²வே, பி⁴க்கு² அரஞ்ஞக³தோ வா ருக்க²மூலக³தோ வா
ஸுஞ்ஞாகா³ரக³தோ வா நிஸீத³தி பல்லங்கங் ஆபு⁴ஜித்வா உஜுங் காயங் பணிதா⁴ய பரிமுக²ங் ஸதிங் உபட்ட²பெத்வா. ஸோ ஸதோவ அஸ்ஸஸதி ஸதோவ [ஸதோ (ஸீ॰ ஸ்யா॰ கங்॰ பீ॰)] பஸ்ஸஸதி.

‘‘தீ³க⁴ங் வா அஸ்ஸஸந்தோ ‘தீ³க⁴ங் அஸ்ஸஸாமீ’தி பஜானாதி,
தீ³க⁴ங் வா பஸ்ஸஸந்தோ ‘தீ³க⁴ங் பஸ்ஸஸாமீ’தி பஜானாதி; ரஸ்ஸங் வா அஸ்ஸஸந்தோ
‘ரஸ்ஸங் அஸ்ஸஸாமீ’தி பஜானாதி, ரஸ்ஸங் வா பஸ்ஸஸந்தோ ‘ரஸ்ஸங் பஸ்ஸஸாமீ’தி
பஜானாதி; ‘ஸப்³ப³காயபடிஸங்வேதீ³ அஸ்ஸஸிஸ்ஸாமீ’தி ஸிக்க²தி,
‘ஸப்³ப³காயபடிஸங்வேதீ³ பஸ்ஸஸிஸ்ஸாமீ’தி ஸிக்க²தி; ‘பஸ்ஸம்ப⁴யங்
காயஸங்கா²ரங் அஸ்ஸஸிஸ்ஸாமீ’தி ஸிக்க²தி, ‘பஸ்ஸம்ப⁴யங் காயஸங்கா²ரங்
பஸ்ஸஸிஸ்ஸாமீ’தி ஸிக்க²தி.

‘‘‘பீதிபடிஸங்வேதீ³ அஸ்ஸஸிஸ்ஸாமீ’தி ஸிக்க²தி, ‘பீதிபடிஸங்வேதீ³ பஸ்ஸஸிஸ்ஸாமீ’தி ஸிக்க²தி; ‘ஸுக²படிஸங்வேதீ³ அஸ்ஸஸிஸ்ஸாமீ’தி
ஸிக்க²தி, ‘ஸுக²படிஸங்வேதீ³ பஸ்ஸஸிஸ்ஸாமீ’தி ஸிக்க²தி;
‘சித்தஸங்கா²ரபடிஸங்வேதீ³ அஸ்ஸஸிஸ்ஸாமீ’தி ஸிக்க²தி,
‘சித்தஸங்கா²ரபடிஸங்வேதீ³ பஸ்ஸஸிஸ்ஸாமீ’தி ஸிக்க²தி; ‘பஸ்ஸம்ப⁴யங் சித்தஸங்கா²ரங் அஸ்ஸஸிஸ்ஸாமீ’தி ஸிக்க²தி, ‘பஸ்ஸம்ப⁴யங் சித்தஸங்கா²ரங் பஸ்ஸஸிஸ்ஸாமீ’தி ஸிக்க²தி.

‘‘‘சித்தபடிஸங்வேதீ³ அஸ்ஸஸிஸ்ஸாமீ’தி ஸிக்க²தி,
‘சித்தபடிஸங்வேதீ³ பஸ்ஸஸிஸ்ஸாமீ’தி ஸிக்க²தி; ‘அபி⁴ப்பமோத³யங் சித்தங்
அஸ்ஸஸிஸ்ஸாமீ’தி ஸிக்க²தி, ‘அபி⁴ப்பமோத³யங் சித்தங் பஸ்ஸஸிஸ்ஸாமீ’தி
ஸிக்க²தி ; ‘ஸமாத³ஹங் சித்தங் அஸ்ஸஸிஸ்ஸாமீ’தி
ஸிக்க²தி, ‘ஸமாத³ஹங் சித்தங் பஸ்ஸஸிஸ்ஸாமீ’தி ஸிக்க²தி; ‘விமோசயங் சித்தங்
அஸ்ஸஸிஸ்ஸாமீ’தி ஸிக்க²தி, ‘விமோசயங் சித்தங் பஸ்ஸஸிஸ்ஸாமீ’தி ஸிக்க²தி.

‘‘‘அனிச்சானுபஸ்ஸீ அஸ்ஸஸிஸ்ஸாமீ’தி ஸிக்க²தி,
‘அனிச்சானுபஸ்ஸீ பஸ்ஸஸிஸ்ஸாமீ’தி ஸிக்க²தி; ‘விராகா³னுபஸ்ஸீ
அஸ்ஸஸிஸ்ஸாமீ’தி ஸிக்க²தி, ‘விராகா³னுபஸ்ஸீ பஸ்ஸஸிஸ்ஸாமீ’தி ஸிக்க²தி;
‘நிரோதா⁴னுபஸ்ஸீ அஸ்ஸஸிஸ்ஸாமீ’தி ஸிக்க²தி, ‘நிரோதா⁴னுபஸ்ஸீ
பஸ்ஸஸிஸ்ஸாமீ’தி ஸிக்க²தி; ‘படினிஸ்ஸக்³கா³னுபஸ்ஸீ அஸ்ஸஸிஸ்ஸாமீ’தி
ஸிக்க²தி, ‘படினிஸ்ஸக்³கா³னுபஸ்ஸீ பஸ்ஸஸிஸ்ஸாமீ’தி ஸிக்க²தி. ஏவங் பா⁴விதா
கோ², பி⁴க்க²வே, ஆனாபானஸ்ஸதி ஏவங் ப³ஹுலீகதா மஹப்ப²லா ஹோதி மஹானிஸங்ஸா.

149. ‘‘கத²ங்
பா⁴விதா ச, பி⁴க்க²வே, ஆனாபானஸ்ஸதி கத²ங் ப³ஹுலீகதா சத்தாரோ ஸதிபட்டா²னே
பரிபூரேதி? யஸ்மிங் ஸமயே, பி⁴க்க²வே, பி⁴க்கு² தீ³க⁴ங் வா அஸ்ஸஸந்தோ
‘தீ³க⁴ங் அஸ்ஸஸாமீ’தி பஜானாதி, தீ³க⁴ங் வா பஸ்ஸஸந்தோ ‘தீ³க⁴ங் பஸ்ஸஸாமீ’தி
பஜானாதி; ரஸ்ஸங் வா அஸ்ஸஸந்தோ ‘ரஸ்ஸங் அஸ்ஸஸாமீ’தி பஜானாதி, ரஸ்ஸங் வா
பஸ்ஸஸந்தோ ‘ரஸ்ஸங் பஸ்ஸஸாமீ’தி பஜானாதி; ‘ஸப்³ப³காயபடிஸங்வேதீ³
அஸ்ஸஸிஸ்ஸாமீ’தி ஸிக்க²தி, ‘ஸப்³ப³காயபடிஸங்வேதீ³ பஸ்ஸஸிஸ்ஸாமீ’தி
ஸிக்க²தி; ‘பஸ்ஸம்ப⁴யங் காயஸங்கா²ரங் அஸ்ஸஸிஸ்ஸாமீ’தி ஸிக்க²தி,
‘பஸ்ஸம்ப⁴யங் காயஸங்கா²ரங் பஸ்ஸஸிஸ்ஸாமீ’தி ஸிக்க²தி; காயே காயானுபஸ்ஸீ,
பி⁴க்க²வே, தஸ்மிங் ஸமயே பி⁴க்கு² விஹரதி ஆதாபீ ஸம்பஜானோ ஸதிமா வினெய்ய
லோகே அபி⁴ஜ்ஜா²தோ³மனஸ்ஸங். காயேஸு காயஞ்ஞதராஹங், பி⁴க்க²வே, ஏவங் வதா³மி
யதி³த³ங் – அஸ்ஸாஸபஸ்ஸாஸா. தஸ்மாதிஹ, பி⁴க்க²வே, காயே காயானுபஸ்ஸீ தஸ்மிங் ஸமயே பி⁴க்கு² விஹரதி ஆதாபீ ஸம்பஜானோ ஸதிமா வினெய்ய லோகே அபி⁴ஜ்ஜா²தோ³மனஸ்ஸங்.

‘‘யஸ்மிங் ஸமயே, பி⁴க்க²வே, பி⁴க்கு² ‘பீதிபடிஸங்வேதீ³ அஸ்ஸஸிஸ்ஸாமீ’தி ஸிக்க²தி, ‘பீதிபடிஸங்வேதீ³
பஸ்ஸஸிஸ்ஸாமீ’தி ஸிக்க²தி; ‘ஸுக²படிஸங்வேதீ³ அஸ்ஸஸிஸ்ஸாமீ’தி ஸிக்க²தி,
‘ஸுக²படிஸங்வேதீ³ பஸ்ஸஸிஸ்ஸாமீ’தி ஸிக்க²தி; ‘சித்தஸங்கா²ரபடிஸங்வேதீ³
அஸ்ஸஸிஸ்ஸாமீ’தி ஸிக்க²தி, ‘சித்தஸங்கா²ரபடிஸங்வேதீ³ பஸ்ஸஸிஸ்ஸாமீ’தி
ஸிக்க²தி; ‘பஸ்ஸம்ப⁴யங் சித்தஸங்கா²ரங் அஸ்ஸஸிஸ்ஸாமீ’தி ஸிக்க²தி,
‘பஸ்ஸம்ப⁴யங் சித்தஸங்கா²ரங் பஸ்ஸஸிஸ்ஸாமீ’தி ஸிக்க²தி; வேத³னாஸு
வேத³னானுபஸ்ஸீ, பி⁴க்க²வே, தஸ்மிங் ஸமயே பி⁴க்கு² விஹரதி ஆதாபீ ஸம்பஜானோ
ஸதிமா வினெய்ய லோகே அபி⁴ஜ்ஜா²தோ³மனஸ்ஸங். வேத³னாஸு வேத³னாஞ்ஞதராஹங்,
பி⁴க்க²வே, ஏவங் வதா³மி யதி³த³ங் – அஸ்ஸாஸபஸ்ஸாஸானங் ஸாது⁴கங் மனஸிகாரங்.
தஸ்மாதிஹ, பி⁴க்க²வே, வேத³னாஸு வேத³னானுபஸ்ஸீ தஸ்மிங் ஸமயே பி⁴க்கு² விஹரதி
ஆதாபீ ஸம்பஜானோ ஸதிமா வினெய்ய லோகே அபி⁴ஜ்ஜா²தோ³மனஸ்ஸங்.

‘‘யஸ்மிங் ஸமயே, பி⁴க்க²வே, பி⁴க்கு²
‘சித்தபடிஸங்வேதீ³ அஸ்ஸஸிஸ்ஸாமீ’தி ஸிக்க²தி, ‘சித்தபடிஸங்வேதீ³
பஸ்ஸஸிஸ்ஸாமீ’தி ஸிக்க²தி; ‘அபி⁴ப்பமோத³யங் சித்தங் அஸ்ஸஸிஸ்ஸாமீ’தி
ஸிக்க²தி, ‘அபி⁴ப்பமோத³யங் சித்தங் பஸ்ஸஸிஸ்ஸாமீ’தி ஸிக்க²தி; ‘ஸமாத³ஹங்
சித்தங் அஸ்ஸஸிஸ்ஸாமீ’தி ஸிக்க²தி, ‘ஸமாத³ஹங் சித்தங் பஸ்ஸஸிஸ்ஸாமீ’தி
ஸிக்க²தி; ‘விமோசயங் சித்தங் அஸ்ஸஸிஸ்ஸாமீ’தி ஸிக்க²தி, ‘விமோசயங்
சித்தங் பஸ்ஸஸிஸ்ஸாமீ’தி ஸிக்க²தி; சித்தே சித்தானுபஸ்ஸீ, பி⁴க்க²வே,
தஸ்மிங் ஸமயே பி⁴க்கு² விஹரதி ஆதாபீ ஸம்பஜானோ ஸதிமா வினெய்ய லோகே
அபி⁴ஜ்ஜா²தோ³மனஸ்ஸங். நாஹங், பி⁴க்க²வே, முட்ட²ஸ்ஸதிஸ்ஸ அஸம்பஜானஸ்ஸ
ஆனாபானஸ்ஸதிங் வதா³மி. தஸ்மாதிஹ, பி⁴க்க²வே, சித்தே சித்தானுபஸ்ஸீ தஸ்மிங்
ஸமயே பி⁴க்கு² விஹரதி ஆதாபீ ஸம்பஜானோ ஸதிமா வினெய்ய லோகே
அபி⁴ஜ்ஜா²தோ³மனஸ்ஸங்.

‘‘யஸ்மிங் ஸமயே, பி⁴க்க²வே, பி⁴க்கு² ‘அனிச்சானுபஸ்ஸீ
அஸ்ஸஸிஸ்ஸாமீ’தி ஸிக்க²தி, ‘அனிச்சானுபஸ்ஸீ பஸ்ஸஸிஸ்ஸாமீ’தி ஸிக்க²தி;
‘விராகா³னுபஸ்ஸீ அஸ்ஸஸிஸ்ஸாமீ’தி ஸிக்க²தி, ‘விராகா³னுபஸ்ஸீ
பஸ்ஸஸிஸ்ஸாமீ’தி ஸிக்க²தி; ‘நிரோதா⁴னுபஸ்ஸீ அஸ்ஸஸிஸ்ஸாமீ’தி ஸிக்க²தி,
‘நிரோதா⁴னுபஸ்ஸீ பஸ்ஸஸிஸ்ஸாமீ’தி ஸிக்க²தி; ‘படினிஸ்ஸக்³கா³னுபஸ்ஸீ
அஸ்ஸஸிஸ்ஸாமீ’தி ஸிக்க²தி, ‘படினிஸ்ஸக்³கா³னுபஸ்ஸீ பஸ்ஸஸிஸ்ஸாமீ’தி
ஸிக்க²தி; த⁴ம்மேஸு த⁴ம்மானுபஸ்ஸீ, பி⁴க்க²வே, தஸ்மிங் ஸமயே பி⁴க்கு²
விஹரதி ஆதாபீ ஸம்பஜானோ ஸதிமா வினெய்ய லோகே அபி⁴ஜ்ஜா²தோ³மனஸ்ஸங். ஸோ யங் தங்
அபி⁴ஜ்ஜா²தோ³மனஸ்ஸானங் பஹானங் தங் பஞ்ஞாய தி³ஸ்வா
ஸாது⁴கங் அஜ்ஜு²பெக்கி²தா ஹோதி. தஸ்மாதிஹ, பி⁴க்க²வே, த⁴ம்மேஸு
த⁴ம்மானுபஸ்ஸீ தஸ்மிங் ஸமயே பி⁴க்கு² விஹரதி ஆதாபீ ஸம்பஜானோ ஸதிமா வினெய்ய
லோகே அபி⁴ஜ்ஜா²தோ³மனஸ்ஸங்.

‘‘ஏவங் பா⁴விதா கோ², பி⁴க்க²வே, ஆனாபானஸ்ஸதி ஏவங் ப³ஹுலீகதா சத்தாரோ ஸதிபட்டா²னே பரிபூரேதி.

150.
‘‘கத²ங் பா⁴விதா ச, பி⁴க்க²வே, சத்தாரோ ஸதிபட்டா²னா கத²ங் ப³ஹுலீகதா ஸத்த
பொ³ஜ்ஜ²ங்கே³ பரிபூரெந்தி? யஸ்மிங் ஸமயே, பி⁴க்க²வே, பி⁴க்கு² காயே
காயானுபஸ்ஸீ விஹரதி ஆதாபீ ஸம்பஜானோ ஸதிமா வினெய்ய லோகே
அபி⁴ஜ்ஜா²தோ³மனஸ்ஸங், உபட்டி²தாஸ்ஸ தஸ்மிங் ஸமயே ஸதி ஹோதி அஸம்முட்டா² [அப்பம்முட்டா² (ஸ்யா॰ கங்॰)]. யஸ்மிங் ஸமயே, பி⁴க்க²வே, பி⁴க்கு²னோ உபட்டி²தா ஸதி ஹோதி
அஸம்முட்டா², ஸதிஸம்பொ³ஜ்ஜ²ங்கோ³ தஸ்மிங் ஸமயே பி⁴க்கு²னோ ஆரத்³தோ⁴ ஹோதி.
ஸதிஸம்பொ³ஜ்ஜ²ங்க³ங் தஸ்மிங் ஸமயே பி⁴க்கு² பா⁴வேதி, ஸதிஸம்பொ³ஜ்ஜ²ங்கோ³
தஸ்மிங் ஸமயே பி⁴க்கு²னோ பா⁴வனாபாரிபூரிங் க³ச்ச²தி.

‘‘ஸோ ததா²ஸதோ விஹரந்தோ தங் த⁴ம்மங் பஞ்ஞாய பவிசினதி பவிசயதி [பவிசரதி (ஸீ॰ ஸ்யா॰ கங்॰ பீ॰)] பரிவீமங்ஸங் ஆபஜ்ஜதி. யஸ்மிங் ஸமயே, பி⁴க்க²வே, பி⁴க்கு² ததா²ஸதோ விஹரந்தோ
தங் த⁴ம்மங் பஞ்ஞாய பவிசினதி பவிசயதி பரிவீமங்ஸங் ஆபஜ்ஜதி,
த⁴ம்மவிசயஸம்பொ³ஜ்ஜ²ங்கோ³ தஸ்மிங் ஸமயே பி⁴க்கு²னோ ஆரத்³தோ⁴ ஹோதி,
த⁴ம்மவிசயஸம்பொ³ஜ்ஜ²ங்க³ங் தஸ்மிங் ஸமயே பி⁴க்கு² பா⁴வேதி,
த⁴ம்மவிசயஸம்பொ³ஜ்ஜ²ங்கோ³ தஸ்மிங் ஸமயே பி⁴க்கு²னோ பா⁴வனாபாரிபூரிங்
க³ச்ச²தி.

‘‘தஸ்ஸ தங் த⁴ம்மங் பஞ்ஞாய பவிசினதோ பவிசயதோ
பரிவீமங்ஸங் ஆபஜ்ஜதோ ஆரத்³த⁴ங் ஹோதி வீரியங் அஸல்லீனங். யஸ்மிங் ஸமயே,
பி⁴க்க²வே, பி⁴க்கு²னோ தங் த⁴ம்மங் பஞ்ஞாய பவிசினதோ பவிசயதோ பரிவீமங்ஸங்
ஆபஜ்ஜதோ ஆரத்³த⁴ங் ஹோதி வீரியங் அஸல்லீனங், வீரியஸம்பொ³ஜ்ஜ²ங்கோ³ தஸ்மிங்
ஸமயே பி⁴க்கு²னோ ஆரத்³தோ⁴ ஹோதி, வீரியஸம்பொ³ஜ்ஜ²ங்க³ங் தஸ்மிங் ஸமயே
பி⁴க்கு² பா⁴வேதி, வீரியஸம்பொ³ஜ்ஜ²ங்கோ³ தஸ்மிங் ஸமயே பி⁴க்கு²னோ
பா⁴வனாபாரிபூரிங் க³ச்ச²தி.

‘‘ஆரத்³த⁴வீரியஸ்ஸ உப்பஜ்ஜதி பீதி நிராமிஸா. யஸ்மிங் ஸமயே, பி⁴க்க²வே, பி⁴க்கு²னோ ஆரத்³த⁴வீரியஸ்ஸ உப்பஜ்ஜதி பீதி
நிராமிஸா, பீதிஸம்பொ³ஜ்ஜ²ங்கோ³ தஸ்மிங் ஸமயே பி⁴க்கு²னோ ஆரத்³தோ⁴ ஹோதி,
பீதிஸம்பொ³ஜ்ஜ²ங்க³ங் தஸ்மிங் ஸமயே பி⁴க்கு² பா⁴வேதி, பீதிஸம்பொ³ஜ்ஜ²ங்கோ³
தஸ்மிங் ஸமயே பி⁴க்கு²னோ பா⁴வனாபாரிபூரிங் க³ச்ச²தி.

‘‘பீதிமனஸ்ஸ காயோபி பஸ்ஸம்ப⁴தி, சித்தம்பி பஸ்ஸம்ப⁴தி. யஸ்மிங் ஸமயே, பி⁴க்க²வே, பி⁴க்கு²னோ
பீதிமனஸ்ஸ காயோபி பஸ்ஸம்ப⁴தி, சித்தம்பி பஸ்ஸம்ப⁴தி,
பஸ்ஸத்³தி⁴ஸம்பொ³ஜ்ஜ²ங்கோ³ தஸ்மிங் ஸமயே பி⁴க்கு²னோ ஆரத்³தோ⁴ ஹோதி,
பஸ்ஸத்³தி⁴ஸம்பொ³ஜ்ஜ²ங்க³ங் தஸ்மிங் ஸமயே பி⁴க்கு² பா⁴வேதி,
பஸ்ஸத்³தி⁴ஸம்பொ³ஜ்ஜ²ங்கோ³ தஸ்மிங் ஸமயே பி⁴க்கு²னோ பா⁴வனாபாரிபூரிங்
க³ச்ச²தி.

‘‘பஸ்ஸத்³த⁴காயஸ்ஸ ஸுகி²னோ சித்தங் ஸமாதி⁴யதி. யஸ்மிங்
ஸமயே, பி⁴க்க²வே, பி⁴க்கு²னோ பஸ்ஸத்³த⁴காயஸ்ஸ ஸுகி²னோ சித்தங் ஸமாதி⁴யதி,
ஸமாதி⁴ஸம்பொ³ஜ்ஜ²ங்கோ³ தஸ்மிங் ஸமயே பி⁴க்கு²னோ ஆரத்³தோ⁴ ஹோதி,
ஸமாதி⁴ஸம்பொ³ஜ்ஜ²ங்க³ங் தஸ்மிங் ஸமயே பி⁴க்கு² பா⁴வேதி,
ஸமாதி⁴ஸம்பொ³ஜ்ஜ²ங்கோ³ தஸ்மிங் ஸமயே பி⁴க்கு²னோ பா⁴வனாபாரிபூரிங் க³ச்ச²தி.

‘‘ஸோ ததா²ஸமாஹிதங் சித்தங் ஸாது⁴கங் அஜ்ஜு²பெக்கி²தா
ஹோதி. யஸ்மிங் ஸமயே, பி⁴க்க²வே, பி⁴க்கு² ததா²ஸமாஹிதங் சித்தங் ஸாது⁴கங்
அஜ்ஜு²பெக்கி²தா ஹோதி, உபெக்கா²ஸம்பொ³ஜ்ஜ²ங்கோ³ தஸ்மிங் ஸமயே பி⁴க்கு²னோ
ஆரத்³தோ⁴ ஹோதி, உபெக்கா²ஸம்பொ³ஜ்ஜ²ங்க³ங் தஸ்மிங் ஸமயே பி⁴க்கு² பா⁴வேதி,
உபெக்கா²ஸம்பொ³ஜ்ஜ²ங்கோ³ தஸ்மிங் ஸமயே பி⁴க்கு²னோ பா⁴வனாபாரிபூரிங்
க³ச்ச²தி.

151. ‘‘யஸ்மிங்
ஸமயே, பி⁴க்க²வே, பி⁴க்கு² வேத³னாஸு…பே॰… சித்தே… த⁴ம்மேஸு த⁴ம்மானுபஸ்ஸீ
விஹரதி ஆதாபீ ஸம்பஜானோ ஸதிமா வினெய்ய லோகே அபி⁴ஜ்ஜா²தோ³மனஸ்ஸங்,
உபட்டி²தாஸ்ஸ தஸ்மிங் ஸமயே ஸதி ஹோதி அஸம்முட்டா². யஸ்மிங் ஸமயே, பி⁴க்க²வே,
பி⁴க்கு²னோ உபட்டி²தா ஸதி ஹோதி அஸம்முட்டா², ஸதிஸம்பொ³ஜ்ஜ²ங்கோ³ தஸ்மிங்
ஸமயே பி⁴க்கு²னோ ஆரத்³தோ⁴ ஹோதி, ஸதிஸம்பொ³ஜ்ஜ²ங்க³ங் தஸ்மிங் ஸமயே பி⁴க்கு²
பா⁴வேதி, ஸதிஸம்பொ³ஜ்ஜ²ங்கோ³ தஸ்மிங் ஸமயே பி⁴க்கு²னோ பா⁴வனாபாரிபூரிங்
க³ச்ச²தி.

‘‘ஸோ ததா²ஸதோ விஹரந்தோ தங்
த⁴ம்மங் பஞ்ஞாய பவிசினதி பவிசயதி பரிவீமங்ஸங் ஆபஜ்ஜதி. யஸ்மிங் ஸமயே,
பி⁴க்க²வே, பி⁴க்கு² ததா²ஸதோ விஹரந்தோ தங் த⁴ம்மங் பஞ்ஞாய பவிசினதி பவிசயதி
பரிவீமங்ஸங் ஆபஜ்ஜதி, த⁴ம்மவிசயஸம்பொ³ஜ்ஜ²ங்கோ³ தஸ்மிங் ஸமயே பி⁴க்கு²னோ
ஆரத்³தோ⁴ ஹோதி, த⁴ம்மவிசயஸம்பொ³ஜ்ஜ²ங்க³ங் தஸ்மிங் ஸமயே பி⁴க்கு² பா⁴வேதி, த⁴ம்மவிசயஸம்பொ³ஜ்ஜ²ங்கோ³ தஸ்மிங் ஸமயே பி⁴க்கு²னோ பா⁴வனாபாரிபூரிங் க³ச்ச²தி.

‘‘தஸ்ஸ தங் த⁴ம்மங் பஞ்ஞாய
பவிசினதோ பவிசயதோ பரிவீமங்ஸங் ஆபஜ்ஜதோ ஆரத்³த⁴ங் ஹோதி வீரியங் அஸல்லீனங்.
யஸ்மிங் ஸமயே, பி⁴க்க²வே, பி⁴க்கு²னோ தங் த⁴ம்மங் பஞ்ஞாய பவிசினதோ பவிசயதோ
பரிவீமங்ஸங் ஆபஜ்ஜதோ ஆரத்³த⁴ங் ஹோதி வீரியங் அஸல்லீனங்,
வீரியஸம்பொ³ஜ்ஜ²ங்கோ³ தஸ்மிங் ஸமயே பி⁴க்கு²னோ ஆரத்³தோ⁴ ஹோதி,
வீரியஸம்பொ³ஜ்ஜ²ங்க³ங் தஸ்மிங் ஸமயே பி⁴க்கு² பா⁴வேதி,
வீரியஸம்பொ³ஜ்ஜ²ங்கோ³ தஸ்மிங் ஸமயே பி⁴க்கு²னோ பா⁴வனாபாரிபூரிங் க³ச்ச²தி.

‘‘ஆரத்³த⁴வீரியஸ்ஸ உப்பஜ்ஜதி பீதி நிராமிஸா. யஸ்மிங்
ஸமயே, பி⁴க்க²வே, பி⁴க்கு²னோ ஆரத்³த⁴வீரியஸ்ஸ உப்பஜ்ஜதி பீதி நிராமிஸா,
பீதிஸம்பொ³ஜ்ஜ²ங்கோ³ தஸ்மிங் ஸமயே பி⁴க்கு²னோ ஆரத்³தோ⁴ ஹோதி,
பீதிஸம்பொ³ஜ்ஜ²ங்க³ங் தஸ்மிங் ஸமயே பி⁴க்கு² பா⁴வேதி, பீதிஸம்பொ³ஜ்ஜ²ங்கோ³
தஸ்மிங் ஸமயே பி⁴க்கு²னோ பா⁴வனாபாரிபூரிங் க³ச்ச²தி.

‘‘பீதிமனஸ்ஸ காயோபி பஸ்ஸம்ப⁴தி, சித்தம்பி பஸ்ஸம்ப⁴தி.
யஸ்மிங் ஸமயே, பி⁴க்க²வே, பி⁴க்கு²னோ பீதிமனஸ்ஸ காயோபி பஸ்ஸம்ப⁴தி,
சித்தம்பி பஸ்ஸம்ப⁴தி, பஸ்ஸத்³தி⁴ஸம்பொ³ஜ்ஜ²ங்கோ³ தஸ்மிங் ஸமயே பி⁴க்கு²னோ
ஆரத்³தோ⁴ ஹோதி, பஸ்ஸத்³தி⁴ஸம்பொ³ஜ்ஜ²ங்க³ங் தஸ்மிங் ஸமயே பி⁴க்கு² பா⁴வேதி, பஸ்ஸத்³தி⁴ஸம்பொ³ஜ்ஜ²ங்கோ³ தஸ்மிங் ஸமயே பி⁴க்கு²னோ பா⁴வனாபாரிபூரிங் க³ச்ச²தி.

‘‘பஸ்ஸத்³த⁴காயஸ்ஸ ஸுகி²னோ
சித்தங் ஸமாதி⁴யதி. யஸ்மிங் ஸமயே, பி⁴க்க²வே, பி⁴க்கு²னோ பஸ்ஸத்³த⁴காயஸ்ஸ
ஸுகி²னோ சித்தங் ஸமாதி⁴யதி, ஸமாதி⁴ஸம்பொ³ஜ்ஜ²ங்கோ³ தஸ்மிங் ஸமயே பி⁴க்கு²னோ
ஆரத்³தோ⁴ ஹோதி, ஸமாதி⁴ஸம்பொ³ஜ்ஜ²ங்க³ங் தஸ்மிங் ஸமயே பி⁴க்கு² பா⁴வேதி,
ஸமாதி⁴ஸம்பொ³ஜ்ஜ²ங்கோ³ தஸ்மிங் ஸமயே பி⁴க்கு²னோ பா⁴வனாபாரிபூரிங் க³ச்ச²தி.

152. ‘‘கத²ங் பா⁴விதா ச, பி⁴க்க²வே, ஸத்த பொ³ஜ்ஜ²ங்கா³ கத²ங் ப³ஹுலீகதா விஜ்ஜாவிமுத்திங் பரிபூரெந்தி ?
இத⁴, பி⁴க்க²வே, பி⁴க்கு² ஸதிஸம்பொ³ஜ்ஜ²ங்க³ங் பா⁴வேதி விவேகனிஸ்ஸிதங்
விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்.
த⁴ம்மவிசயஸம்பொ³ஜ்ஜ²ங்க³ங் பா⁴வேதி…பே॰… வீரியஸம்பொ³ஜ்ஜ²ங்க³ங் பா⁴வேதி…
பீதிஸம்பொ³ஜ்ஜ²ங்க³ங் பா⁴வேதி… பஸ்ஸத்³தி⁴ஸம்பொ³ஜ்ஜ²ங்க³ங் பா⁴வேதி…
ஸமாதி⁴ஸம்பொ³ஜ்ஜ²ங்க³ங் பா⁴வேதி… உபெக்கா²ஸம்பொ³ஜ்ஜ²ங்க³ங் பா⁴வேதி
விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங். ஏவங்
பா⁴விதா கோ², பி⁴க்க²வே, ஸத்த பொ³ஜ்ஜ²ங்கா³ ஏவங் ப³ஹுலீகதா
விஜ்ஜாவிமுத்திங் பரிபூரெந்தீ’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

ஆனாபானஸ்ஸதிஸுத்தங் நிட்டி²தங் அட்ட²மங்.

9. காயக³தாஸதிஸுத்தங்

153. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. அத² கோ² ஸம்ப³ஹுலானங் பி⁴க்கூ²னங் பச்சா²ப⁴த்தங்
பிண்ட³பாதபடிக்கந்தானங் உபட்டா²னஸாலாயங் ஸன்னிஸின்னானங் ஸன்னிபதிதானங்
அயமந்தராகதா² உத³பாதி³ – ‘‘அச்ச²ரியங், ஆவுஸோ, அப்³பு⁴தங், ஆவுஸோ! யாவஞ்சித³ங் தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன காயக³தாஸதி [காயக³தா ஸதி (ஸ்யா॰ கங்॰ பீ॰)]
பா⁴விதா ப³ஹுலீகதா மஹப்ப²லா வுத்தா மஹானிஸங்ஸா’’தி. அயஞ்ச ஹித³ங் தேஸங்
பி⁴க்கூ²னங் அந்தராகதா² விப்பகதா ஹோதி, அத² கோ² ப⁴க³வா ஸாயன்ஹஸமயங்
படிஸல்லானா வுட்டி²தோ யேன உபட்டா²னஸாலா தேனுபஸங்கமி; உபஸங்கமித்வா பஞ்ஞத்தே
ஆஸனே நிஸீதி³. நிஸஜ்ஜ கோ² ப⁴க³வா பி⁴க்கூ² ஆமந்தேஸி – ‘‘காய நுத்த²,
பி⁴க்க²வே, ஏதரஹி கதா²ய ஸன்னிஸின்னா, கா ச பன வோ அந்தராகதா² விப்பகதா’’தி?
‘‘இத⁴ , ப⁴ந்தே, அம்ஹாகங் பச்சா²ப⁴த்தங்
பிண்ட³பாதபடிக்கந்தானங் உபட்டா²னஸாலாயங் ஸன்னிஸின்னானங் ஸன்னிபதிதானங்
அயமந்தராகதா² உத³பாதி³ – ‘அச்ச²ரியங், ஆவுஸோ, அப்³பு⁴தங், ஆவுஸோ!
யாவஞ்சித³ங் தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன காயக³தாஸதி
பா⁴விதா ப³ஹுலீகதா மஹப்ப²லா வுத்தா மஹானிஸங்ஸா’தி. அயங் கோ² நோ, ப⁴ந்தே,
அந்தராகதா² விப்பகதா, அத² ப⁴க³வா அனுப்பத்தோ’’தி.

154. ‘‘கத²ங்
பா⁴விதா ச, பி⁴க்க²வே, காயக³தாஸதி கத²ங் ப³ஹுலீகதா மஹப்ப²லா ஹோதி
மஹானிஸங்ஸா? இத⁴, பி⁴க்க²வே, பி⁴க்கு² அரஞ்ஞக³தோ வா ருக்க²மூலக³தோ வா
ஸுஞ்ஞாகா³ரக³தோ வா நிஸீத³தி பல்லங்கங் ஆபு⁴ஜித்வா உஜுங் காயங் பணிதா⁴ய
பரிமுக²ங் ஸதிங் உபட்ட²பெத்வா. ஸோ ஸதோவ அஸ்ஸஸதி ஸதோவ பஸ்ஸஸதி; தீ³க⁴ங் வா
அஸ்ஸஸந்தோ ‘தீ³க⁴ங் அஸ்ஸஸாமீ’தி பஜானாதி, தீ³க⁴ங் வா பஸ்ஸஸந்தோ ‘தீ³க⁴ங்
பஸ்ஸஸாமீ’தி பஜானாதி; ரஸ்ஸங் வா அஸ்ஸஸந்தோ ‘ரஸ்ஸங் அஸ்ஸஸாமீ’தி பஜானாதி,
ரஸ்ஸங் வா பஸ்ஸஸந்தோ ‘ரஸ்ஸங் பஸ்ஸஸாமீ’தி பஜானாதி; ‘ஸப்³ப³காயபடிஸங்வேதீ³
அஸ்ஸஸிஸ்ஸாமீ’தி ஸிக்க²தி, ‘ஸப்³ப³காயபடிஸங்வேதீ³ பஸ்ஸஸிஸ்ஸாமீ’தி
ஸிக்க²தி; ‘பஸ்ஸம்ப⁴யங் காயஸங்கா²ரங் அஸ்ஸஸிஸ்ஸாமீ’தி ஸிக்க²தி,
‘பஸ்ஸம்ப⁴யங் காயஸங்கா²ரங் பஸ்ஸஸிஸ்ஸாமீ’தி ஸிக்க²தி. தஸ்ஸ ஏவங்
அப்பமத்தஸ்ஸ ஆதாபினோ பஹிதத்தஸ்ஸ விஹரதோ யே கே³ஹஸிதா [கே³ஹஸ்ஸிதா (டீகா)] ஸரஸங்கப்பா தே பஹீயந்தி . தேஸங் பஹானா அஜ்ஜ²த்தமேவ சித்தங் ஸந்திட்ட²தி ஸன்னிஸீத³தி ஏகோதி³ ஹோதி [ஏகோதீ³ ஹோதி (ஸீ॰), ஏகோதி³போ⁴தி (ஸ்யா॰ கங்॰)] ஸமாதி⁴யதி. ஏவங், பி⁴க்க²வே, பி⁴க்கு² காயக³தாஸதிங் [காயக³தங் ஸதிங் (ஸ்யா॰ கங்॰ பீ॰)] பா⁴வேதி.

‘‘புன சபரங், பி⁴க்க²வே,
பி⁴க்கு² க³ச்ச²ந்தோ வா ‘க³ச்சா²மீ’தி பஜானாதி, டி²தோ வா ‘டி²தொம்ஹீ’தி
பஜானாதி, நிஸின்னோ வா ‘நிஸின்னொம்ஹீ’தி பஜானாதி, ஸயானோ வா ‘ஸயானொம்ஹீ’தி
பஜானாதி. யதா² யதா² வா பனஸ்ஸ காயோ பணிஹிதோ ஹோதி, ததா² ததா² நங் பஜானாதி.
தஸ்ஸ ஏவங் அப்பமத்தஸ்ஸ ஆதாபினோ பஹிதத்தஸ்ஸ விஹரதோ யே கே³ஹஸிதா ஸரஸங்கப்பா
தே பஹீயந்தி. தேஸங் பஹானா அஜ்ஜ²த்தமேவ சித்தங் ஸந்திட்ட²தி ஸன்னிஸீத³தி ஏகோதி³ ஹோதி ஸமாதி⁴யதி. ஏவம்பி, பி⁴க்க²வே, பி⁴க்கு² காயக³தாஸதிங் பா⁴வேதி.

‘‘புன சபரங், பி⁴க்க²வே,
பி⁴க்கு² அபி⁴க்கந்தே படிக்கந்தே ஸம்பஜானகாரீ ஹோதி, ஆலோகிதே விலோகிதே
ஸம்பஜானகாரீ ஹோதி, ஸமிஞ்ஜிதே பஸாரிதே ஸம்பஜானகாரீ ஹோதி,
ஸங்கா⁴டிபத்தசீவரதா⁴ரணே ஸம்பஜானகாரீ ஹோதி, அஸிதே பீதே கா²யிதே ஸாயிதே
ஸம்பஜானகாரீ ஹோதி, உச்சாரபஸ்ஸாவகம்மே ஸம்பஜானகாரீ ஹோதி, க³தே டி²தே
நிஸின்னே ஸுத்தே ஜாக³ரிதே பா⁴ஸிதே துண்ஹீபா⁴வே ஸம்பஜானகாரீ ஹோதி. தஸ்ஸ ஏவங்
அப்பமத்தஸ்ஸ ஆதாபினோ பஹிதத்தஸ்ஸ விஹரதோ யே கே³ஹஸிதா ஸரஸங்கப்பா தே
பஹீயந்தி. தேஸங் பஹானா அஜ்ஜ²த்தமேவ சித்தங் ஸந்திட்ட²தி ஸன்னிஸீத³தி ஏகோதி³
ஹோதி ஸமாதி⁴யதி. ஏவம்பி, பி⁴க்க²வே, பி⁴க்கு² காயக³தாஸதிங் பா⁴வேதி.

‘‘புன சபரங், பி⁴க்க²வே, பி⁴க்கு² இமமேவ காயங்
உத்³த⁴ங் பாத³தலா அதோ⁴ கேஸமத்த²கா தசபரியந்தங் பூரங் நானப்பகாரஸ்ஸ அஸுசினோ
பச்சவெக்க²தி – ‘அத்தி² இமஸ்மிங் காயே கேஸா லோமா நகா² த³ந்தா தசோ மங்ஸங்
ந்ஹாரு [நஹாரு (ஸீ॰ ஸ்யா॰ கங்॰ பீ॰)] அட்டி²
அட்டி²மிஞ்ஜங் வக்கங் ஹத³யங் யகனங் கிலோமகங் பிஹகங் பப்பா²ஸங் அந்தங்
அந்தகு³ணங் உத³ரியங் கரீஸங் பித்தங் ஸெம்ஹங் புப்³போ³ லோஹிதங் ஸேதோ³ மேதோ³
அஸ்ஸு வஸா கே²ளோ ஸிங்கா⁴ணிகா லஸிகா முத்த’ந்தி.

‘‘ஸெய்யதா²பி, பி⁴க்க²வே, உப⁴தோமுகா² புதோளி [மூதோளீ (ஸீ॰ ஸ்யா॰ கங்॰ பீ॰)] பூரா நானாவிஹிதஸ்ஸ த⁴ஞ்ஞஸ்ஸ, ஸெய்யதி²த³ங் – ஸாலீனங் வீஹீனங் முக்³கா³னங் மாஸானங் திலானங் தண்டு³லானங், தமேனங்
சக்கு²மா புரிஸோ முஞ்சித்வா பச்சவெக்கெ²ய்ய – ‘இமே ஸாலீ இமே வீஹீ இமே
முக்³கா³ இமே மாஸா இமே திலா இமே தண்டு³லா’தி; ஏவமேவ கோ², பி⁴க்க²வே,
பி⁴க்கு² இமமேவ காயங் உத்³த⁴ங் பாத³தலா அதோ⁴ கேஸமத்த²கா தசபரியந்தங் பூரங்
நானப்பகாரஸ்ஸ அஸுசினோ பச்சவெக்க²தி – ‘அத்தி² இமஸ்மிங் காயே கேஸா லோமா
நகா² த³ந்தா தசோ மங்ஸங் ந்ஹாரு அட்டி² அட்டி²மிஞ்ஜங் வக்கங் ஹத³யங் யகனங்
கிலோமகங் பிஹகங் பப்பா²ஸங் அந்தங் அந்தகு³ணங் உத³ரியங் கரீஸங் பித்தங்
ஸெம்ஹங் புப்³போ³ லோஹிதங் ஸேதோ³ மேதோ³ அஸ்ஸு வஸா கே²ளோ ஸிங்கா⁴ணிகா லஸிகா
முத்த’ந்தி. தஸ்ஸ ஏவங் அப்பமத்தஸ்ஸ ஆதாபினோ பஹிதத்தஸ்ஸ விஹரதோ யே கே³ஹஸிதா
ஸரஸங்கப்பா தே பஹீயந்தி. தேஸங் பஹானா அஜ்ஜ²த்தமேவ சித்தங் ஸந்திட்ட²தி
ஸன்னிஸீத³தி ஏகோதி³ ஹோதி ஸமாதி⁴யதி. ஏவம்பி, பி⁴க்க²வே, பி⁴க்கு²
காயக³தாஸதிங் பா⁴வேதி.

‘‘புன சபரங், பி⁴க்க²வே,
பி⁴க்கு² இமமேவ காயங் யதா²டி²தங் யதா²பணிஹிதங் தா⁴துஸோ பச்சவெக்க²தி –
‘அத்தி² இமஸ்மிங் காயே பத²வீதா⁴து ஆபோதா⁴து தேஜோதா⁴து வாயோதா⁴தூ’தி.

‘‘ஸெய்யதா²பி, பி⁴க்க²வே, த³க்கோ² கோ³கா⁴தகோ வா கோ³கா⁴தகந்தேவாஸீ வா கா³விங் வதி⁴த்வா சதுமஹாபதே² [சாதும்மஹாபதே² (ஸீ॰ ஸ்யா॰ கங்॰ பீ॰)] பி³லஸோ விப⁴ஜித்வா [படிவிப⁴ஜித்வா (ஸீ॰ ஸ்யா॰ கங்॰ பீ॰)]
நிஸின்னோ அஸ்ஸ; ஏவமேவ கோ², பி⁴க்க²வே, பி⁴க்கு² இமமேவ காயங் யதா²டி²தங்
யதா²பணிஹிதங் தா⁴துஸோ பச்சவெக்க²தி – ‘அத்தி² இமஸ்மிங் காயே பத²வீதா⁴து
ஆபோதா⁴து தேஜோதா⁴து வாயோதா⁴தூ’தி. தஸ்ஸ ஏவங் அப்பமத்தஸ்ஸ ஆதாபினோ
பஹிதத்தஸ்ஸ விஹரதோ யே கே³ஹஸிதா ஸரஸங்கப்பா தே
பஹீயந்தி. தேஸங் பஹானா அஜ்ஜ²த்தமேவ சித்தங் ஸந்திட்ட²தி ஸன்னிஸீத³தி ஏகோதி³
ஹோதி ஸமாதி⁴யதி. ஏவம்பி, பி⁴க்க²வே, பி⁴க்கு² காயக³தாஸதிங் பா⁴வேதி.

‘‘புன சபரங், பி⁴க்க²வே, பி⁴க்கு² ஸெய்யதா²பி பஸ்ஸெய்ய ஸரீரங் ஸிவதி²காய [ஸீவதி²காய (ஸீ॰ ஸ்யா॰ கங்॰ பீ॰)]
ச²ட்³டி³தங் ஏகாஹமதங் வா த்³வீஹமதங் வா தீஹமதங் வா உத்³து⁴மாதகங் வினீலகங்
விபுப்³ப³கஜாதங். ஸோ இமமேவ காயங் உபஸங்ஹரதி – ‘அயம்பி கோ² காயோ ஏவங்த⁴ம்மோ
ஏவங்பா⁴வீ ஏவங்அனதீதோ’தி [ஏதங் அனதீதோதி (ஸீ॰)].
தஸ்ஸ ஏவங் அப்பமத்தஸ்ஸ ஆதாபினோ பஹிதத்தஸ்ஸ விஹரதோ யே கே³ஹஸிதா ஸரஸங்கப்பா
தே பஹீயந்தி. தேஸங் பஹானா அஜ்ஜ²த்தமேவ சித்தங் ஸந்திட்ட²தி ஸன்னிஸீத³தி
ஏகோதி³ ஹோதி ஸமாதி⁴யதி. ஏவம்பி, பி⁴க்க²வே, பி⁴க்கு² காயக³தாஸதிங் பா⁴வேதி.

‘‘புன சபரங், பி⁴க்க²வே,
பி⁴க்கு² ஸெய்யதா²பி பஸ்ஸெய்ய ஸரீரங் ஸிவதி²காய ச²ட்³டி³தங் காகேஹி வா
க²ஜ்ஜமானங் குலலேஹி வா க²ஜ்ஜமானங் கி³ஜ்ஜே²ஹி வா க²ஜ்ஜமானங் கங்கேஹி வா
க²ஜ்ஜமானங் ஸுனகே²ஹி வா க²ஜ்ஜமானங் ப்³யக்³கே⁴ஹி வா க²ஜ்ஜமானங் தீ³பீஹி வா
க²ஜ்ஜமானங் ஸிங்கா³லேஹி வா [கி³ஜ்ஜே²ஹி வா க²ஜ்ஜமானங் ஸுவானேஹி வா க²ஜ்ஜமானங் ஸிகா³லேஹி வா (ஸீ॰ ஸ்யா॰ கங்॰ பீ॰)] க²ஜ்ஜமானங் விவிதே⁴ஹி வா பாணகஜாதேஹி க²ஜ்ஜமானங். ஸோ இமமேவ காயங் உபஸங்ஹரதி – ‘அயம்பி கோ² காயோ ஏவங்த⁴ம்மோ ஏவங்பா⁴வீ ஏவங்அனதீதோ’தி. தஸ்ஸ ஏவங் அப்பமத்தஸ்ஸ…பே॰… ஏவம்பி, பி⁴க்க²வே, பி⁴க்கு² காயக³தாஸதிங் பா⁴வேதி.

‘‘புன சபரங், பி⁴க்க²வே,
பி⁴க்கு² ஸெய்யதா²பி பஸ்ஸெய்ய ஸரீரங் ஸிவதி²காய ச²ட்³டி³தங்
அட்டி²கஸங்க²லிகங் ஸமங்ஸலோஹிதங் ந்ஹாருஸம்ப³ந்த⁴ங்…பே॰… அட்டி²கஸங்க²லிகங்
நிம்மங்ஸலோஹிதமக்கி²தங் ந்ஹாருஸம்ப³ந்த⁴ங்…பே॰… அட்டி²கஸங்க²லிகங்
அபக³தமங்ஸலோஹிதங் ந்ஹாருஸம்ப³ந்த⁴ங்…பே॰… அட்டி²கானி அபக³தஸம்ப³ந்தா⁴னி [அபக³தனஹாரூஸம்ப³ந்தா⁴னி (ஸ்யா॰ கங்॰)] தி³ஸாவிதி³ஸாவிக்கி²த்தானி [தி³ஸாவிதி³ஸாஸு விக்கி²தானி (ஸீ॰ பீ॰)] அஞ்ஞேன ஹத்த²ட்டி²கங் அஞ்ஞேன பாத³ட்டி²கங் அஞ்ஞேன கொ³ப்ப²கட்டி²கங் [அஞ்ஞேன கொ³ப்ப²கட்டி²கந்தி இத³ங் ஸீ॰ ஸ்யா॰ கங்॰ பீ॰ பொத்த²கேஸு நத்தி²] அஞ்ஞேன ஜங்க⁴ட்டி²கங் அஞ்ஞேன ஊருட்டி²கங் அஞ்ஞேன கடிட்டி²கங் [அஞ்ஞேன கடட்டி²கங் அஞ்ஞேன பிட்டி²கண்ட³கங் அஞ்ஞேன ஸீஸகடாஹங் (ஸீ॰ ஸ்யா॰ கங்॰ பீ॰)]
அஞ்ஞேன பா²ஸுகட்டி²கங் அஞ்ஞேன பிட்டி²ட்டி²கங் அஞ்ஞேன க²ந்த⁴ட்டி²கங்
அஞ்ஞேன கீ³வட்டி²கங் அஞ்ஞேன ஹனுகட்டி²கங் அஞ்ஞேன த³ந்தட்டி²கங் அஞ்ஞேன
ஸீஸகடாஹங் [அஞ்ஞேன கடட்டி²கங் அஞ்ஞேன பிட்டி²கண்ட³கங் அஞ்ஞேன ஸீஸகடாஹங் (ஸீ॰ ஸ்யா॰ கங்॰ பீ॰)].
ஸோ இமமேவ காயங் உபஸங்ஹரதி – ‘அயம்பி கோ² காயோ ஏவங்த⁴ம்மோ ஏவங்பா⁴வீ
ஏவங்அனதீதோ’தி. தஸ்ஸ ஏவங் அப்பமத்தஸ்ஸ…பே॰… ஏவம்பி, பி⁴க்க²வே, பி⁴க்கு²
காயக³தாஸதிங் பா⁴வேதி.

‘‘புன சபரங், பி⁴க்க²வே, பி⁴க்கு² ஸெய்யதா²பி பஸ்ஸெய்ய ஸரீரங் ஸிவதி²காய ச²ட்³டி³தங் – அட்டி²கானி ஸேதானி ஸங்க²வண்ணபடிபா⁴கா³னி [ஸங்க²வண்ணூபனிபா⁴னி (ஸீ॰ ஸ்யா॰ கங்॰ பீ॰)]
…பே॰… அட்டி²கானி புஞ்ஜகிதானி தேரோவஸ்ஸிகானி…பே॰… அட்டி²கானி பூதீனி
சுண்ணகஜாதானி. ஸோ இமமேவ காயங் உபஸங்ஹரதி – ‘அயம்பி கோ² காயோ ஏவங்த⁴ம்மோ
ஏவங்பா⁴வீ ஏவங்அனதீதோ’தி. தஸ்ஸ ஏவங் அப்பமத்தஸ்ஸ…பே॰… ஏவம்பி, பி⁴க்க²வே,
பி⁴க்கு² காயக³தாஸதிங் பா⁴வேதி.

155.
‘‘புன சபரங், பி⁴க்க²வே, பி⁴க்கு² விவிச்சேவ காமேஹி…பே॰… பட²மங் ஜா²னங்
உபஸம்பஜ்ஜ விஹரதி. ஸோ இமமேவ காயங் விவேகஜேன பீதிஸுகே²ன அபி⁴ஸந்தே³தி
பரிஸந்தே³தி பரிபூரேதி பரிப்ப²ரதி, நாஸ்ஸ கிஞ்சி ஸப்³பா³வதோ காயஸ்ஸ
விவேகஜேன பீதிஸுகே²ன அப்பு²டங் ஹோதி. ஸெய்யதா²பி, பி⁴க்க²வே, த³க்கோ²
ந்ஹாபகோ [நஹாபகோ (ஸீ॰ ஸ்யா॰ கங்॰ பீ॰)] வா ந்ஹாபகந்தேவாஸீ வா கங்ஸதா²லே ந்ஹானீயசுண்ணானி [நஹானீயசுண்ணானி (ஸீ॰ ஸ்யா॰ கங்॰ பீ॰)] ஆகிரித்வா உத³கேன பரிப்போ²ஸகங் பரிப்போ²ஸகங் ஸன்னெய்ய, ஸாயங் ந்ஹானீயபிண்டி³ [ஸாஸ்ஸ நஹானீயபிண்டீ³ (ஸீ॰ ஸ்யா॰ கங்॰ பீ॰)]
ஸ்னேஹானுக³தா ஸ்னேஹபரேதா ஸந்தரபா³ஹிரா பு²டா ஸ்னேஹேன ந ச பக்³க⁴ரிணீ;
ஏவமேவ கோ², பி⁴க்க²வே, பி⁴க்கு² இமமேவ காயங் விவேகஜேன பீதிஸுகே²ன அபி⁴ஸந்தே³தி பரிஸந்தே³தி பரிபூரேதி பரிப்ப²ரதி; நாஸ்ஸ கிஞ்சி ஸப்³பா³வதோ காயஸ்ஸ விவேகஜேன பீதிஸுகே²ன அப்பு²டங் ஹோதி. தஸ்ஸ ஏவங் அப்பமத்தஸ்ஸ…பே॰… ஏவம்பி, பி⁴க்க²வே, பி⁴க்கு² காயக³தாஸதிங் பா⁴வேதி.

‘‘புன சபரங், பி⁴க்க²வே, பி⁴க்கு² விதக்கவிசாரானங்
வூபஸமா…பே॰… து³தியங் ஜா²னங் உபஸம்பஜ்ஜ விஹரதி. ஸோ இமமேவ காயங் ஸமாதி⁴ஜேன
பீதிஸுகே²ன அபி⁴ஸந்தே³தி பரிஸந்தே³தி பரிபூரேதி பரிப்ப²ரதி; நாஸ்ஸ கிஞ்சி
ஸப்³பா³வதோ காயஸ்ஸ ஸமாதி⁴ஜேன பீதிஸுகே²ன அப்பு²டங் ஹோதி. ஸெய்யதா²பி,
பி⁴க்க²வே, உத³கரஹதோ³ க³ம்பீ⁴ரோ உப்³பி⁴தோ³த³கோ [உப்³பி⁴தோத³கோ (ஸ்யா॰ கங்॰ க॰)].
தஸ்ஸ நேவஸ்ஸ புரத்தி²மாய தி³ஸாய உத³கஸ்ஸ ஆயமுக²ங் ந பச்சி²மாய தி³ஸாய
உத³கஸ்ஸ ஆயமுக²ங் ந உத்தராய தி³ஸாய உத³கஸ்ஸ ஆயமுக²ங் ந த³க்கி²ணாய தி³ஸாய
உத³கஸ்ஸ ஆயமுக²ங்; தே³வோ ச ந காலேன காலங் ஸம்மா தா⁴ரங் அனுப்பவெச்செ²ய்ய;
அத² கோ² தம்ஹாவ உத³கரஹதா³ ஸீதா வாரிதா⁴ரா உப்³பி⁴ஜ்ஜித்வா தமேவ உத³கரஹத³ங்
ஸீதேன வாரினா அபி⁴ஸந்தெ³ய்ய பரிஸந்தெ³ய்ய பரிபூரெய்ய பரிப்ப²ரெய்ய, நாஸ்ஸ
கிஞ்சி ஸப்³பா³வதோ உத³கரஹத³ஸ்ஸ ஸீதேன வாரினா அப்பு²டங் அஸ்ஸ; ஏவமேவ கோ²,
பி⁴க்க²வே, பி⁴க்கு² இமமேவ காயங் ஸமாதி⁴ஜேன பீதிஸுகே²ன அபி⁴ஸந்தே³தி
பரிஸந்தே³தி பரிபூரேதி பரிப்ப²ரதி, நாஸ்ஸ கிஞ்சி ஸப்³பா³வதோ காயஸ்ஸ
ஸமாதி⁴ஜேன பீதிஸுகே²ன அப்பு²டங் ஹோதி. தஸ்ஸ ஏவங் அப்பமத்தஸ்ஸ…பே॰… ஏவம்பி, பி⁴க்க²வே, பி⁴க்கு² காயக³தாஸதிங் பா⁴வேதி.

‘‘புன சபரங், பி⁴க்க²வே, பி⁴க்கு² பீதியா ச
விராகா³…பே॰… ததியங் ஜா²னங் உபஸம்பஜ்ஜ விஹரதி. ஸோ இமமேவ காயங் நிப்பீதிகேன
ஸுகே²ன அபி⁴ஸந்தே³தி பரிஸந்தே³தி பரிபூரேதி பரிப்ப²ரதி, நாஸ்ஸ கிஞ்சி
ஸப்³பா³வதோ காயஸ்ஸ நிப்பீதிகேன ஸுகே²ன அப்பு²டங் ஹோதி. ஸெய்யதா²பி,
பி⁴க்க²வே, உப்பலினியங் வா பது³மினியங் வா புண்ட³ரீகினியங் வா அப்பேகச்சானி
உப்பலானி வா பது³மானி வா புண்ட³ரீகானி வா உத³கே ஜாதானி உத³கே ஸங்வட்³டா⁴னி உத³கானுக்³க³தானி அந்தோனிமுக்³க³போஸீனி , தானி யாவ சக்³கா³ யாவ ச மூலா ஸீதேன வாரினா அபி⁴ஸன்னானி பரிஸன்னானி [அபி⁴ஸந்தா³னி பரிஸந்தா³னி (க॰)] பரிபூரானி பரிப்பு²டானி, நாஸ்ஸ [ந நேஸங் (?)]
கிஞ்சி ஸப்³பா³வதங் உப்பலானங் வா பது³மானங் வா புண்ட³ரீகானங் வா ஸீதேன
வாரினா அப்பு²டங் அஸ்ஸ; ஏவமேவ கோ², பி⁴க்க²வே, பி⁴க்கு² இமமேவ காயங்
நிப்பீதிகேன ஸுகே²ன அபி⁴ஸந்தே³தி பரிஸந்தே³தி பரிபூரேதி
பரிப்ப²ரதி, நாஸ்ஸ கிஞ்சி ஸப்³பா³வதோ காயஸ்ஸ நிப்பீதிகேன ஸுகே²ன அப்பு²டங்
ஹோதி. தஸ்ஸ ஏவங் அப்பமத்தஸ்ஸ…பே॰… ஏவம்பி, பி⁴க்க²வே, பி⁴க்கு²
காயக³தாஸதிங் பா⁴வேதி.

‘‘புன சபரங், பி⁴க்க²வே, பி⁴க்கு² ஸுக²ஸ்ஸ ச
பஹானா…பே॰… சதுத்த²ங் ஜா²னங் உபஸம்பஜ்ஜ விஹரதி. ஸோ இமமேவ காயங்
பரிஸுத்³தே⁴ன சேதஸா பரியோதா³தேன ப²ரித்வா நிஸின்னோ ஹோதி; நாஸ்ஸ கிஞ்சி
ஸப்³பா³வதோ காயஸ்ஸ பரிஸுத்³தே⁴ன சேதஸா பரியோதா³தேன அப்பு²டங் ஹோதி.
ஸெய்யதா²பி, பி⁴க்க²வே , புரிஸோ ஓதா³தேன வத்தே²ன
ஸஸீஸங் பாருபித்வா நிஸின்னோ அஸ்ஸ, நாஸ்ஸ கிஞ்சி ஸப்³பா³வதோ காயஸ்ஸ ஓதா³தேன
வத்தே²ன அப்பு²டங் அஸ்ஸ; ஏவமேவ கோ², பி⁴க்க²வே, பி⁴க்கு² இமமேவ காயங்
பரிஸுத்³தே⁴ன சேதஸா பரியோதா³தேன ப²ரித்வா நிஸின்னோ ஹோதி, நாஸ்ஸ கிஞ்சி
ஸப்³பா³வதோ காயஸ்ஸ பரிஸுத்³தே⁴ன சேதஸா பரியோதா³தேன அப்பு²டங் ஹோதி. தஸ்ஸ
ஏவங் அப்பமத்தஸ்ஸ ஆதாபினோ பஹிதத்தஸ்ஸ விஹரதோ யே கே³ஹஸிதா ஸரஸங்கப்பா தே
பஹீயந்தி. தேஸங் பஹானா அஜ்ஜ²த்தமேவ சித்தங் ஸந்திட்ட²தி, ஸன்னிஸீத³தி
ஏகோதி³ ஹோதி ஸமாதி⁴யதி. ஏவம்பி, பி⁴க்க²வே, பி⁴க்கு² காயக³தாஸதிங் பா⁴வேதி.

156. ‘‘யஸ்ஸ கஸ்ஸசி, பி⁴க்க²வே, காயக³தாஸதி பா⁴விதா ப³ஹுலீகதா, அந்தோக³தா⁴வாஸ்ஸ [அந்தோக³தா⁴ தஸ்ஸ (ஸீ॰ பீ॰)]
குஸலா த⁴ம்மா யே கேசி விஜ்ஜாபா⁴கி³யா. ஸெய்யதா²பி, பி⁴க்க²வே, யஸ்ஸ கஸ்ஸசி
மஹாஸமுத்³தோ³ சேதஸா பு²டோ, அந்தோக³தா⁴வாஸ்ஸ குன்னதி³யோ யா காசி
ஸமுத்³த³ங்க³மா; ஏவமேவ கோ², பி⁴க்க²வே, யஸ்ஸ கஸ்ஸசி காயக³தாஸதி பா⁴விதா
ப³ஹுலீகதா, அந்தோக³தா⁴வாஸ்ஸ குஸலா த⁴ம்மா யே கேசி விஜ்ஜாபா⁴கி³யா.

‘‘யஸ்ஸ கஸ்ஸசி, பி⁴க்க²வே, காயக³தாஸதி அபா⁴விதா அப³ஹுலீகதா, லப⁴தி தஸ்ஸ மாரோ ஓதாரங், லப⁴தி தஸ்ஸ மாரோ ஆரம்மணங் [ஆரமணங் (?)]. ஸெய்யதா²பி ,
பி⁴க்க²வே, புரிஸோ க³ருகங் ஸிலாகு³ளங் அல்லமத்திகாபுஞ்ஜே பக்கி²பெய்ய. தங்
கிங் மஞ்ஞத², பி⁴க்க²வே, அபி நு தங் க³ருகங் ஸிலாகு³ளங் அல்லமத்திகாபுஞ்ஜே
லபே⁴த² ஓதார’’ந்தி? ‘‘ஏவங், ப⁴ந்தே’’. ‘‘ஏவமேவ கோ² ,
பி⁴க்க²வே, யஸ்ஸ கஸ்ஸசி காயக³தாஸதி அபா⁴விதா அப³ஹுலீகதா, லப⁴தி தஸ்ஸ மாரோ
ஓதாரங், லப⁴தி தஸ்ஸ மாரோ ஆரம்மணங். ஸெய்யதா²பி, பி⁴க்க²வே, ஸுக்க²ங்
கட்ட²ங் கோளாபங் [கோளாபங் ஆரகா உத³கா த²லே நிக்கி²த்தங் (க॰)];
அத² புரிஸோ ஆக³ச்செ²ய்ய உத்தராரணிங் ஆதா³ய – ‘அக்³கி³ங்
அபி⁴னிப்³ப³த்தெஸ்ஸாமி, தேஜோ பாதுகரிஸ்ஸாமீ’தி. தங் கிங் மஞ்ஞத²,
பி⁴க்க²வே, அபி நு ஸோ புரிஸோ அமுங் ஸுக்க²ங் கட்ட²ங் கோளாபங் உத்தராரணிங்
ஆதா³ய அபி⁴மந்தெ²ந்தோ [அபி⁴மந்தெ²ந்தோ (ஸ்யா॰ கங்॰ பீ॰ க॰)] அக்³கி³ங் அபி⁴னிப்³ப³த்தெய்ய, தேஜோ பாதுகரெய்யா’’தி? ‘‘ஏவங் ,
ப⁴ந்தே’’. ‘‘ஏவமேவ கோ², பி⁴க்க²வே, யஸ்ஸ கஸ்ஸசி காயக³தாஸதி அபா⁴விதா
அப³ஹுலீகதா, லப⁴தி தஸ்ஸ மாரோ ஓதாரங், லப⁴தி தஸ்ஸ மாரோ ஆரம்மணங்.
ஸெய்யதா²பி, பி⁴க்க²வே, உத³கமணிகோ ரித்தோ துச்சோ² ஆதா⁴ரே ட²பிதோ; அத²
புரிஸோ ஆக³ச்செ²ய்ய உத³கபா⁴ரங் ஆதா³ய. தங் கிங் மஞ்ஞத², பி⁴க்க²வே, அபி நு
ஸோ புரிஸோ லபே⁴த² உத³கஸ்ஸ நிக்கே²பன’’ந்தி? ‘‘ஏவங், ப⁴ந்தே’’. ‘‘ஏவமேவ கோ²,
பி⁴க்க²வே, யஸ்ஸ கஸ்ஸசி காயக³தாஸதி அபா⁴விதா அப³ஹுலீகதா, லப⁴தி தஸ்ஸ மாரோ
ஓதாரங், லப⁴தி தஸ்ஸ மாரோ ஆரம்மணங்’’.

157.
‘‘யஸ்ஸ கஸ்ஸசி, பி⁴க்க²வே, காயக³தாஸதி பா⁴விதா ப³ஹுலீகதா, ந தஸ்ஸ லப⁴தி
மாரோ ஓதாரங், ந தஸ்ஸ லப⁴தி மாரோ ஆரம்மணங். ஸெய்யதா²பி, பி⁴க்க²வே, புரிஸோ
லஹுகங் ஸுத்தகு³ளங் ஸப்³ப³ஸாரமயே அக்³க³ளப²லகே பக்கி²பெய்ய. தங் கிங்
மஞ்ஞத², பி⁴க்க²வே, அபி நு ஸோ புரிஸோ தங் லஹுகங் ஸுத்தகு³ளங் ஸப்³ப³ஸாரமயே
அக்³க³ளப²லகே லபே⁴த² ஓதார’’ந்தி? ‘‘நோ ஹேதங்,
ப⁴ந்தே’’. ‘‘ஏவமேவ கோ², பி⁴க்க²வே, யஸ்ஸ கஸ்ஸசி காயக³தாஸதி பா⁴விதா
ப³ஹுலீகதா, ந தஸ்ஸ லப⁴தி மாரோ ஓதாரங், ந தஸ்ஸ லப⁴தி மாரோ ஆரம்மணங்.
ஸெய்யதா²பி, பி⁴க்க²வே, அல்லங் கட்ட²ங் ஸஸ்னேஹங் [ஸஸ்னேஹங் ஆரகா உத³கா த²லே நிக்கி²த்தங் (க॰)]; அத² புரிஸோ ஆக³ச்செ²ய்ய உத்தராரணிங் ஆதா³ய – ‘அக்³கி³ங் அபி⁴னிப்³ப³த்தெஸ்ஸாமி, தேஜோ பாதுகரிஸ்ஸாமீ’தி. தங் கிங்
மஞ்ஞத², பி⁴க்க²வே, அபி நு ஸோ புரிஸோ அமுங் அல்லங் கட்ட²ங் ஸஸ்னேஹங்
உத்தராரணிங் ஆதா³ய அபி⁴மந்தெ²ந்தோ அக்³கி³ங் அபி⁴னிப்³ப³த்தெய்ய, தேஜோ
பாதுகரெய்யா’’தி? ‘‘நோ ஹேதங், ப⁴ந்தே’’. ‘‘ஏவமேவ கோ², பி⁴க்க²வே ,
யஸ்ஸ கஸ்ஸசி காயக³தாஸதி பா⁴விதா ப³ஹுலீகதா, ந தஸ்ஸ லப⁴தி மாரோ ஓதாரங், ந
தஸ்ஸ லப⁴தி மாரோ ஆரம்மணங். ஸெய்யதா²பி, பி⁴க்க²வே, உத³கமணிகோ பூரோ உத³கஸ்ஸ
ஸமதித்திகோ காகபெய்யோ ஆதா⁴ரே ட²பிதோ; அத² புரிஸோ ஆக³ச்செ²ய்ய உத³கபா⁴ரங்
ஆதா³ய. தங் கிங் மஞ்ஞத², பி⁴க்க²வே, அபி நு ஸோ புரிஸோ லபே⁴த² உத³கஸ்ஸ
நிக்கே²பன’’ந்தி? ‘‘நோ ஹேதங், ப⁴ந்தே’’. ‘‘ஏவமேவ கோ², பி⁴க்க²வே, யஸ்ஸ
கஸ்ஸசி காயக³தாஸதி பா⁴விதா ப³ஹுலீகதா, ந தஸ்ஸ லப⁴தி மாரோ ஓதாரங், ந தஸ்ஸ
லப⁴தி மாரோ ஆரம்மணங்’’.

158.
‘‘யஸ்ஸ கஸ்ஸசி, பி⁴க்க²வே, காயக³தாஸதி பா⁴விதா ப³ஹுலீகதா, ஸோ யஸ்ஸ யஸ்ஸ
அபி⁴ஞ்ஞாஸச்சி²கரணீயஸ்ஸ த⁴ம்மஸ்ஸ சித்தங் அபி⁴னின்னாமேதி
அபி⁴ஞ்ஞாஸச்சி²கிரியாய, த தத்ரே ஸக்கி²ப⁴ப்³ப³தங் பாபுணாதி ஸதி ஸதிஆயதனே.
ஸெய்யதா²பி, பி⁴க்க²வே, உத³கமணிகோ பூரோ உத³கஸ்ஸ ஸமதித்திகோ
காகபெய்யோ ஆதா⁴ரே ட²பிதோ. தமேனங் ப³லவா புரிஸோ யதோ யதோ ஆவிஞ்செ²ய்ய,
ஆக³ச்செ²ய்ய உத³க’’ந்தி? ‘‘ஏவங், ப⁴ந்தே’’. ‘‘ஏவமேவ கோ², பி⁴க்க²வே, யஸ்ஸ
கஸ்ஸசி காயக³தாஸதி பா⁴விதா ப³ஹுலீகதா ஸோ, யஸ்ஸ யஸ்ஸ
அபி⁴ஞ்ஞாஸச்சி²கரணீயஸ்ஸ த⁴ம்மஸ்ஸ சித்தங் அபி⁴னின்னாமேதி
அபி⁴ஞ்ஞாஸச்சி²கிரியாய, தத்ர தத்ரேவ ஸக்கி²ப⁴ப்³ப³தங் பாபுணாதி ஸதி
ஸதிஆயதனே. ஸெய்யதா²பி, பி⁴க்க²வே, ஸமே பூ⁴மிபா⁴கே³ சதுரஸ்ஸா பொக்க²ரணீ [பொக்க²ரிணீ (ஸீ॰)] அஸ்ஸ ஆளிப³ந்தா⁴ பூரா உத³கஸ்ஸ ஸமதித்திகா காகபெய்யா. தமேனங் ப³லவா புரிஸோ யதோ யதோ ஆளிங் முஞ்செய்ய ஆக³ச்செ²ய்ய உத³க’’ந்தி? ‘‘ஏவங் ,
ப⁴ந்தே’’. ‘‘ஏவமேவ கோ², பி⁴க்க²வே, யஸ்ஸ கஸ்ஸசி காயக³தாஸதி பா⁴விதா
ப³ஹுலீகதா, ஸோ யஸ்ஸ யஸ்ஸ அபி⁴ஞ்ஞாஸச்சி²கரணீயஸ்ஸ த⁴ம்மஸ்ஸ சித்தங்
அபி⁴னின்னாமேதி அபி⁴ஞ்ஞாஸச்சி²கிரியாய, தத்ர தத்ரேவ ஸக்கி²ப⁴ப்³ப³தங்
பாபுணாதி ஸதி ஸதிஆயதனே. ஸெய்யதா²பி, பி⁴க்க²வே, ஸுபூ⁴மியங் சதுமஹாபதே²
ஆஜஞ்ஞரதோ² யுத்தோ அஸ்ஸ டி²தோ ஓத⁴ஸ்தபதோதோ³ [ஓப⁴ஸ்தபதோதோ³ (க॰), உப⁴ந்தரபடோதோ³ (ஸ்யா॰ கங்॰) அவ + த⁴ங்ஸு + த = ஓத⁴ஸ்த-இதிபத³விபா⁴கோ³];
தமேனங் த³க்கோ² யொக்³கா³சரியோ அஸ்ஸத³ம்மஸாரதி² அபி⁴ருஹித்வா வாமேன ஹத்தே²ன
ரஸ்மியோ க³ஹெத்வா த³க்கி²ணேன ஹத்தே²ன பதோத³ங் க³ஹெத்வா யேனிச்ச²கங்
யதி³ச்ச²கங் ஸாரெய்யாபி பச்சாஸாரெய்யாபி; ஏவமேவ
கோ², பி⁴க்க²வே, யஸ்ஸ கஸ்ஸசி காயக³தாஸதி பா⁴விதா ப³ஹுலீகதா, ஸோ யஸ்ஸ யஸ்ஸ
அபி⁴ஞ்ஞாஸச்சி²கரணீயஸ்ஸ த⁴ம்மஸ்ஸ சித்தங் அபி⁴னின்னாமேதி
அபி⁴ஞ்ஞாஸச்சி²கிரியாய , தத்ர தத்ரேவ ஸக்கி²ப⁴ப்³ப³தங் பாபுணாதி ஸதி ஸதிஆயதனே’’.

159.
‘‘காயக³தாய, பி⁴க்க²வே, ஸதியா ஆஸேவிதாய பா⁴விதாய ப³ஹுலீகதாய யானீகதாய
வத்து²கதாய அனுட்டி²தாய பரிசிதாய ஸுஸமாரத்³தா⁴ய த³ஸானிஸங்ஸா பாடிகங்கா².
அரதிரதிஸஹோ ஹோதி, ந ச தங் அரதி ஸஹதி, உப்பன்னங் அரதிங் அபி⁴பு⁴ய்ய விஹரதி.

‘‘ப⁴யபே⁴ரவஸஹோ ஹோதி, ந ச தங் ப⁴யபே⁴ரவங் ஸஹதி, உப்பன்னங் ப⁴யபே⁴ரவங் அபி⁴பு⁴ய்ய விஹரதி.

‘‘க²மோ ஹோதி ஸீதஸ்ஸ உண்ஹஸ்ஸ ஜிக⁴ச்சா²ய பிபாஸாய
ட³ங்ஸமகஸவாதாதபஸரீஸபஸம்ப²ஸ்ஸானங் து³ருத்தானங் து³ராக³தானங் வசனபதா²னங்,
உப்பன்னானங் ஸாரீரிகானங் வேத³னானங் து³க்கா²னங் திப்³பா³னங் க²ரானங்
கடுகானங் அஸாதானங் அமனாபானங் பாணஹரானங் அதி⁴வாஸகஜாதிகோ ஹோதி.

‘‘சதுன்னங் ஜா²னானங் ஆபி⁴சேதஸிகானங் தி³ட்ட²த⁴ம்மஸுக²விஹாரானங் நிகாமலாபீ⁴ ஹோதி அகிச்ச²லாபீ⁴ அகஸிரலாபீ⁴.

‘‘ஸோ அனேகவிஹிதங் இத்³தி⁴வித⁴ங் பச்சானுபோ⁴தி. ஏகோபி
ஹுத்வா ப³ஹுதா⁴ ஹோதி, ப³ஹுதா⁴பி ஹுத்வா ஏகோ ஹோதி, ஆவிபா⁴வங்…பே॰… யாவ
ப்³ரஹ்மலோகாபி காயேன வஸங் வத்தேதி.

‘‘தி³ப்³பா³ய ஸோததா⁴துயா விஸுத்³தா⁴ய அதிக்கந்தமானுஸிகாய உபோ⁴ ஸத்³தே³ ஸுணாதி தி³ப்³பே³ ச மானுஸே ச, யே தூ³ரே ஸந்திகே ச…பே॰….

‘‘பரஸத்தானங் பரபுக்³க³லானங் சேதஸா சேதோ பரிச்ச
பஜானாதி. ஸராக³ங் வா சித்தங் ‘ஸராக³ங் சித்த’ந்தி பஜானாதி, வீதராக³ங் வா
சித்தங்…பே॰… ஸதோ³ஸங் வா சித்தங்… வீததோ³ஸங் வா சித்தங்… ஸமோஹங் வா
சித்தங்… வீதமோஹங் வா சித்தங்… ஸங்கி²த்தங் வா
சித்தங்… விக்கி²த்தங் வா சித்தங்… மஹக்³க³தங் வா சித்தங்… அமஹக்³க³தங் வா
சித்தங்… ஸஉத்தரங் வா சித்தங்… அனுத்தரங் வா சித்தங்… ஸமாஹிதங் வா சித்தங்…
அஸமாஹிதங் வா சித்தங்… விமுத்தங் வா சித்தங்… அவிமுத்தங் வா சித்தங்
‘அவிமுத்தங் சித்த’ந்தி பஜானாதி.

‘‘ஸோ அனேகவிஹிதங் புப்³பே³னிவாஸங் அனுஸ்ஸரதி, ஸெய்யதி²த³ங் – ஏகம்பி ஜாதிங் த்³வேபி ஜாதியோ…பே॰… இதி ஸாகாரங் ஸஉத்³தே³ஸங் அனேகவிஹிதங் புப்³பே³னிவாஸங் அனுஸ்ஸரதி.

‘‘தி³ப்³பே³ன சக்கு²னா
விஸுத்³தே⁴ன அதிக்கந்தமானுஸகேன ஸத்தே பஸ்ஸதி சவமானே உபபஜ்ஜமானே ஹீனே பணீதே
ஸுவண்ணே து³ப்³ப³ண்ணே, ஸுக³தே து³க்³க³தே யதா²கம்மூபகே³ ஸத்தே பஜானாதி.

‘‘ஆஸவானங் க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி.

‘‘காயக³தாய, பி⁴க்க²வே, ஸதியா ஆஸேவிதாய பா⁴விதாய
ப³ஹுலீகதாய யானீகதாய வத்து²கதாய அனுட்டி²தாய பரிசிதாய ஸுஸமாரத்³தா⁴ய இமே
த³ஸானிஸங்ஸா பாடிகங்கா²’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

காயக³தாஸதிஸுத்தங் நிட்டி²தங் நவமங்.

10. ஸங்கா²ருபபத்திஸுத்தங்

160. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
‘‘ஸங்கா²ருபபத்திங் [ஸங்கா²ரூபபத்திங் (ஸ்யா॰ கங்॰), ஸங்கா²ருப்பத்திங் (ஸீ॰ பீ॰)]
வோ, பி⁴க்க²வே, தே³ஸெஸ்ஸாமி, தங் ஸுணாத², ஸாது⁴கங் மனஸி கரோத²;
பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² தே பி⁴க்கூ² ப⁴க³வதோ
பச்சஸ்ஸோஸுங். ப⁴க³வா ஏதத³வோச –

161.
‘‘இத⁴, பி⁴க்க²வே, பி⁴க்கு² ஸத்³தா⁴ய ஸமன்னாக³தோ ஹோதி, ஸீலேன ஸமன்னாக³தோ
ஹோதி, ஸுதேன ஸமன்னாக³தோ ஹோதி, சாகே³ன ஸமன்னாக³தோ ஹோதி, பஞ்ஞாய ஸமன்னாக³தோ
ஹோதி. தஸ்ஸ ஏவங் ஹோதி – ‘அஹோ வதாஹங் காயஸ்ஸ பே⁴தா³ பரங் மரணா
க²த்தியமஹாஸாலானங் [க²த்தியமஹாஸாலானங் வா (ஸ்யா॰ கங்॰ பீ॰)] ஸஹப்³யதங் உபபஜ்ஜெய்ய’ந்தி. ஸோ தங் சித்தங் த³ஹதி, தங் சித்தங் அதி⁴ட்டா²தி, தங் சித்தங் பா⁴வேதி . தஸ்ஸ தே ஸங்கா²ரா ச விஹாரா [விஹாரோ (ஸீ॰ பீ॰)] ச ஏவங் பா⁴விதா ஏவங் ப³ஹுலீகதா தத்ருபபத்தியா [தத்ரூபபத்தியா (ஸ்யா॰ கங்॰), தத்ருப்பத்தியா (ஸீ॰ பீ॰)] ஸங்வத்தந்தி. அயங், பி⁴க்க²வே, மக்³கோ³ அயங் படிபதா³ தத்ருபபத்தியா ஸங்வத்ததி.

162.
‘‘புன சபரங், பி⁴க்க²வே, பி⁴க்கு² ஸத்³தா⁴ய ஸமன்னாக³தோ ஹோதி, ஸீலேன
ஸமன்னாக³தோ ஹோதி, ஸுதேன ஸமன்னாக³தோ ஹோதி, சாகே³ன ஸமன்னாக³தோ ஹோதி, பஞ்ஞாய
ஸமன்னாக³தோ ஹோதி. தஸ்ஸ ஏவங் ஹோதி – ‘அஹோ வதாஹங் காயஸ்ஸ பே⁴தா³ பரங் மரணா
ப்³ராஹ்மணமஹாஸாலானங்…பே॰… க³ஹபதிமஹாஸாலானங் [ப்³ராஹ்மணமஹாஸாலானங் வா க³ஹபதிமஹாஸாலானங் வா (ஸ்யா॰ கங்॰ பீ॰)]
ஸஹப்³யதங் உபபஜ்ஜெய்ய’ந்தி. ஸோ தங் சித்தங் த³ஹதி, தங் சித்தங்
அதி⁴ட்டா²தி, தங் சித்தங் பா⁴வேதி. தஸ்ஸ தே ஸங்கா²ரா ச விஹாரா ச ஏவங்
பா⁴விதா ஏவங் ப³ஹுலீகதா தத்ருபபத்தியா ஸங்வத்தந்தி. அயங், பி⁴க்க²வே,
மக்³கோ³ அயங் படிபதா³ தத்ருபபத்தியா ஸங்வத்ததி.

163.
‘‘புன சபரங், பி⁴க்க²வே, பி⁴க்கு² ஸத்³தா⁴ய ஸமன்னாக³தோ ஹோதி, ஸீலேன
ஸமன்னாக³தோ ஹோதி, ஸுதேன ஸமன்னாக³தோ ஹோதி, சாகே³ன ஸமன்னாக³தோ ஹோதி, பஞ்ஞாய
ஸமன்னாக³தோ ஹோதி. தஸ்ஸ ஸுதங் ஹோதி – ‘சாதுமஹாராஜிகா [சாதும்மஹாராஜிகா (ஸீ॰ ஸ்யா॰ கங்॰ பீ॰)]
தே³வா தீ³கா⁴யுகா வண்ணவந்தோ ஸுக²ப³ஹுலா’தி. தஸ்ஸ ஏவங் ஹோதி – ‘அஹோ வதாஹங்
காயஸ்ஸ பே⁴தா³ பரங் மரணா சாதுமஹாராஜிகானங் தே³வானங் ஸஹப்³யதங்
உபபஜ்ஜெய்ய’ந்தி . ஸோ தங் சித்தங் த³ஹதி, தங்
சித்தங் அதி⁴ட்டா²தி, தங் சித்தங் பா⁴வேதி. தஸ்ஸ தே ஸங்கா²ரா ச விஹாரா ச
ஏவங் பா⁴விதா ஏவங் ப³ஹுலீகதா தத்ருபபத்தியா ஸங்வத்தந்தி. அயங், பி⁴க்க²வே,
மக்³கோ³ அயங் படிபதா³ தத்ருபபத்தியா ஸங்வத்ததி.

164.
‘‘புன சபரங், பி⁴க்க²வே, பி⁴க்கு² ஸத்³தா⁴ய ஸமன்னாக³தோ ஹோதி, ஸீலேன
ஸமன்னாக³தோ ஹோதி, ஸுதேன ஸமன்னாக³தோ ஹோதி, சாகே³ன ஸமன்னாக³தோ ஹோதி, பஞ்ஞாய
ஸமன்னாக³தோ ஹோதி. தஸ்ஸ ஸுதங் ஹோதி – தாவதிங்ஸா தே³வா…பே॰… யாமா தே³வா…
துஸிதா தே³வா… நிம்மானரதீ தே³வா… பரனிம்மிதவஸவத்தீ தே³வா தீ³கா⁴யுகா
வண்ணவந்தோ ஸுக²ப³ஹுலாதி. தஸ்ஸ ஏவங் ஹோதி – ‘அஹோ வதாஹங் காயஸ்ஸ பே⁴தா³ பரங்
மரணா பரனிம்மிதவஸவத்தீனங் தே³வானங் ஸஹப்³யதங் உபபஜ்ஜெய்ய’ந்தி . ஸோ தங் சித்தங் த³ஹதி, தங் சித்தங் அதி⁴ட்டா²தி, தங் சித்தங் பா⁴வேதி. தஸ்ஸ தே ஸங்கா²ரா ச விஹாரா ச ஏவங் பா⁴விதா ஏவங் ப³ஹுலீகதா தத்ருபபத்தியா ஸங்வத்தந்தி. அயங், பி⁴க்க²வே, மக்³கோ³ அயங் படிபதா³ தத்ருபபத்தியா ஸங்வத்ததி.

165. ‘‘புன சபரங், பி⁴க்க²வே, பி⁴க்கு² ஸத்³தா⁴ய ஸமன்னாக³தோ
ஹோதி, ஸீலேன ஸமன்னாக³தோ ஹோதி, ஸுதேன ஸமன்னாக³தோ ஹோதி, சாகே³ன ஸமன்னாக³தோ
ஹோதி, பஞ்ஞாய ஸமன்னாக³தோ ஹோதி. தஸ்ஸ ஸுதங் ஹோதி – ‘ஸஹஸ்ஸோ ப்³ரஹ்மா
தீ³கா⁴யுகோ வண்ணவா ஸுக²ப³ஹுலோ’தி. ஸஹஸ்ஸோ, பி⁴க்க²வே, ப்³ரஹ்மா
ஸஹஸ்ஸிலோகதா⁴துங் [ஸஹஸ்ஸிங் லோகதா⁴துங் (ஸீ॰)] ப²ரித்வா அதி⁴முச்சித்வா [அதி⁴முஞ்சித்வா (க॰)]
விஹரதி. யேபி தத்த² ஸத்தா உபபன்னா தேபி ப²ரித்வா அதி⁴முச்சித்வா விஹரதி.
ஸெய்யதா²பி, பி⁴க்க²வே, சக்கு²மா புரிஸோ ஏகங் ஆமண்ட³ங் ஹத்தே² கரித்வா
பச்சவெக்கெ²ய்ய; ஏவமேவ கோ², பி⁴க்க²வே, ஸஹஸ்ஸோ ப்³ரஹ்மா ஸஹஸ்ஸிலோகதா⁴துங்
ப²ரித்வா அதி⁴முச்சித்வா விஹரதி. யேபி தத்த² ஸத்தா உபபன்னா தேபி ப²ரித்வா
அதி⁴முச்சித்வா விஹரதி. தஸ்ஸ ஏவங் ஹோதி – ‘அஹோ வதாஹங் காயஸ்ஸ பே⁴தா³ பரங்
மரணா ஸஹஸ்ஸஸ்ஸ ப்³ரஹ்முனோ ஸஹப்³யதங் உபபஜ்ஜெய்ய’ந்தி. ஸோ தங் சித்தங்
த³ஹதி, தங் சித்தங் அதி⁴ட்டா²தி, தங் சித்தங் பா⁴வேதி. தஸ்ஸ தே ஸங்கா²ரா ச
விஹாரா ச ஏவங் பா⁴விதா ஏவங் ப³ஹுலீகதா தத்ருபபத்தியா ஸங்வத்தந்தி. அயங்,
பி⁴க்க²வே, மக்³கோ³ அயங் படிபதா³ தத்ருபபத்தியா ஸங்வத்ததி.

166. ‘‘புன
சபரங், பி⁴க்க²வே, பி⁴க்கு² ஸத்³தா⁴ய ஸமன்னாக³தோ ஹோதி, ஸீலேன ஸமன்னாக³தோ
ஹோதி, ஸுதேன… சாகே³ன… பஞ்ஞாய ஸமன்னாக³தோ ஹோதி. தஸ்ஸ ஸுதங் ஹோதி –
த்³விஸஹஸ்ஸோ ப்³ரஹ்மா…பே॰… திஸஹஸ்ஸோ ப்³ரஹ்மா… சதுஸஹஸ்ஸோ ப்³ரஹ்மா…
பஞ்சஸஹஸ்ஸோ ப்³ரஹ்மா தீ³கா⁴யுகோ வண்ணவா
ஸுக²ப³ஹுலோதி. பஞ்சஸஹஸ்ஸோ, பி⁴க்க²வே, ப்³ரஹ்மா பஞ்சஸஹஸ்ஸிலோகதா⁴துங்
ப²ரித்வா அதி⁴முச்சித்வா விஹரதி. யேபி தத்த² ஸத்தா உபபன்னா தேபி ப²ரித்வா
அதி⁴முச்சித்வா விஹரதி. ஸெய்யதா²பி, பி⁴க்க²வே, சக்கு²மா புரிஸோ பஞ்ச
ஆமண்டா³னி ஹத்தே² கரித்வா பச்சவெக்கெ²ய்ய; ஏவமேவ கோ², பி⁴க்க²வே,
பஞ்சஸஹஸ்ஸோ ப்³ரஹ்மா பஞ்சஸஹஸ்ஸிலோகதா⁴துங் ப²ரித்வா அதி⁴முச்சித்வா விஹரதி.
யேபி தத்த² ஸத்தா உபபன்னா தேபி ப²ரித்வா அதி⁴முச்சித்வா விஹரதி. தஸ்ஸ ஏவங்
ஹோதி – ‘அஹோ வதாஹங் காயஸ்ஸ பே⁴தா³ பரங் மரணா பஞ்சஸஹஸ்ஸஸ்ஸ ப்³ரஹ்முனோ
ஸஹப்³யதங் உபபஜ்ஜெய்ய’ந்தி. ஸோ தங் சித்தங் த³ஹதி, தங் சித்தங்
அதி⁴ட்டா²தி, தங் சித்தங் பா⁴வேதி. தஸ்ஸ தே
ஸங்கா²ரா ச விஹாரா ச ஏவங் பா⁴விதா ஏவங் ப³ஹுலீகதா தத்ருபபத்தியா
ஸங்வத்தந்தி. அயங், பி⁴க்க²வே, மக்³கோ³ அயங் படிபதா³ தத்ருபபத்தியா
ஸங்வத்ததி.

167.
‘‘புன சபரங், பி⁴க்க²வே, பி⁴க்கு² ஸத்³தா⁴ய ஸமன்னாக³தோ ஹோதி, ஸீலேன
ஸமன்னாக³தோ ஹோதி, ஸுதேன… சாகே³ன… பஞ்ஞாய ஸமன்னாக³தோ ஹோதி. தஸ்ஸ ஸுதங் ஹோதி –
‘த³ஸஸஹஸ்ஸோ ப்³ரஹ்மா தீ³கா⁴யுகோ வண்ணவா ஸுக²ப³ஹுலோ’தி. த³ஸஸஹஸ்ஸோ, பி⁴க்க²வே, ப்³ரஹ்மா த³ஸஸஹஸ்ஸிலோகதா⁴துங் ப²ரித்வா அதி⁴முச்சித்வா
விஹரதி. யேபி தத்த² ஸத்தா உபபன்னா தேபி ப²ரித்வா அதி⁴முச்சித்வா விஹரதி.
ஸெய்யதா²பி, பி⁴க்க²வே, மணி வேளுரியோ ஸுபோ⁴ ஜாதிமா அட்ட²ங்ஸோ ஸுபரிகம்மகதோ
பண்டு³கம்ப³லே நிக்கி²த்தோ பா⁴ஸதே ச தபதே ச [பா⁴ஸதி ச தபதி ச (ஸீ॰ ஸ்யா॰ கங்॰ பீ॰)]
விரோசதி ச; ஏவமேவ கோ², பி⁴க்க²வே, த³ஸஸஹஸ்ஸோ ப்³ரஹ்மா த³ஸஸஹஸ்ஸிலோகதா⁴துங்
ப²ரித்வா அதி⁴முச்சித்வா விஹரதி. யேபி தத்த² ஸத்தா உபபன்னா தேபி ப²ரித்வா
அதி⁴முச்சித்வா விஹரதி. தஸ்ஸ ஏவங் ஹோதி – ‘அஹோ வதாஹங் காயஸ்ஸ பே⁴தா³ பரங்
மரணா த³ஸஸஹஸ்ஸஸ்ஸ ப்³ரஹ்முனோ ஸஹப்³யதங் உபபஜ்ஜெய்ய’ந்தி. ஸோ தங் சித்தங்
த³ஹதி, தங் சித்தங் அதி⁴ட்டா²தி, தங் சித்தங் பா⁴வேதி. தஸ்ஸ தே ஸங்கா²ரா ச
விஹாரா ச ஏவங் பா⁴விதா ஏவங் ப³ஹுலீகதா தத்ருபபத்தியா ஸங்வத்தந்தி. அயங்,
பி⁴க்க²வே, மக்³கோ³ அயங் படிபதா³ தத்ருபபத்தியா ஸங்வத்ததி.

168.
‘‘புன சபரங், பி⁴க்க²வே, பி⁴க்கு² ஸத்³தா⁴ய ஸமன்னாக³தோ ஹோதி, ஸீலேன…
ஸுதேன… சாகே³ன… பஞ்ஞாய ஸமன்னாக³தோ ஹோதி. தஸ்ஸ ஸுதங் ஹோதி – ‘ஸதஸஹஸ்ஸோ
ப்³ரஹ்மா தீ³கா⁴யுகோ வண்ணவா ஸுக²ப³ஹுலோ’தி. ஸதஸஹஸ்ஸோ, பி⁴க்க²வே, ப்³ரஹ்மா
ஸதஸஹஸ்ஸிலோகதா⁴துங் ப²ரித்வா அதி⁴முச்சித்வா விஹரதி. யேபி தத்த² ஸத்தா
உபபன்னா தேபி ப²ரித்வா அதி⁴முச்சித்வா விஹரதி. ஸெய்யதா²பி, பி⁴க்க²வே,
நிக்க²ங் ஜம்போ³னத³ங் [நெக்க²ங் (ஸீ॰ ஸ்யா॰ கங்॰ பீ॰)] த³க்க²கம்மாரபுத்தஉக்காமுக²ஸுகுஸலஸம்பஹட்ட²ங் பண்டு³கம்ப³லே
நிக்கி²த்தங் பா⁴ஸதே ச தபதே ச விரோசதி ச; ஏவமேவ கோ², பி⁴க்க²வே, ஸதஸஹஸ்ஸோ
ப்³ரஹ்மா ஸதஸஹஸ்ஸிலோகதா⁴துங் ப²ரித்வா அதி⁴முச்சித்வா விஹரதி. யேபி தத்த²
ஸத்தா உபபன்னா தேபி ப²ரித்வா அதி⁴முச்சித்வா விஹரதி. தஸ்ஸ ஏவங் ஹோதி – ‘அஹோ
வதாஹங் காயஸ்ஸ பே⁴தா³ பரங் மரணா ஸதஸஹஸ்ஸஸ்ஸ ப்³ரஹ்முனோ ஸஹப்³யதங்
உபபஜ்ஜெய்ய’ந்தி . ஸோ தங் சித்தங் த³ஹதி, தங்
சித்தங் அதி⁴ட்டா²தி, தங் சித்தங் பா⁴வேதி. தஸ்ஸ தே ஸங்கா²ரா ச விஹாரா ச
ஏவங் பா⁴விதா ஏவங் ப³ஹுலீகதா தத்ருபபத்தியா ஸங்வத்தந்தி. அயங், பி⁴க்க²வே,
மக்³கோ³ அயங் படிபதா³ தத்ருபபத்தியா ஸங்வத்ததி.

169.
‘‘புன சபரங், பி⁴க்க²வே, பி⁴க்கு² ஸத்³தா⁴ய ஸமன்னாக³தோ ஹோதி, ஸீலேன…
ஸுதேன… சாகே³ன… பஞ்ஞாய ஸமன்னாக³தோ ஹோதி. தஸ்ஸ ஸுதங் ஹோதி – ஆபா⁴ தே³வா…பே॰…
பரித்தாபா⁴ தே³வா… அப்பமாணாபா⁴ தே³வா… ஆப⁴ஸ்ஸரா தே³வா தீ³கா⁴யுகா
வண்ணவந்தோ ஸுக²ப³ஹுலாதி. தஸ்ஸ ஏவங் ஹோதி – ‘அஹோ வதாஹங் காயஸ்ஸ பே⁴தா³ பரங்
மரணா ஆப⁴ஸ்ஸரானங் தே³வானங் ஸஹப்³யதங் உபபஜ்ஜெய்ய’ந்தி. ஸோ தங் சித்தங்
த³ஹதி, தங் சித்தங் அதி⁴ட்டா²தி, தங் சித்தங் பா⁴வேதி. தஸ்ஸ தே ஸங்கா²ரா ச
விஹாரா ச ஏவங் பா⁴விதா ஏவங் ப³ஹுலீகதா தத்ருபபத்தியா ஸங்வத்தந்தி. அயங்,
பி⁴க்க²வே, மக்³கோ³ அயங் படிபதா³ தத்ருபபத்தியா ஸங்வத்ததி.

170. ‘‘புன சபரங், பி⁴க்க²வே, பி⁴க்கு² ஸத்³தா⁴ய ஸமன்னாக³தோ ஹோதி, ஸீலேன …
ஸுதேன… சாகே³ன… பஞ்ஞாய ஸமன்னாக³தோ ஹோதி. தஸ்ஸ ஸுதங் ஹோதி – பரித்தஸுபா⁴
தே³வா…பே॰… அப்பமாணஸுபா⁴ தே³வா… ஸுப⁴கிண்ஹா தே³வா தீ³கா⁴யுகா வண்ணவந்தோ
ஸுக²ப³ஹுலாதி. தஸ்ஸ ஏவங் ஹோதி – ‘அஹோ வதாஹங் காயஸ்ஸ பே⁴தா³ பரங் மரணா
ஸுப⁴கிண்ஹானங் தே³வானங் ஸஹப்³யதங் உபபஜ்ஜெய்ய’ந்தி. ஸோ தங் சித்தங் த³ஹதி,
தங் சித்தங் அதி⁴ட்டா²தி, தங் சித்தங் பா⁴வேதி. தஸ்ஸ தே ஸங்கா²ரா ச விஹாரா ச
ஏவங் பா⁴விதா ஏவங் ப³ஹுலீகதா தத்ருபபத்தியா ஸங்வத்தந்தி. அயங், பி⁴க்க²வே,
மக்³கோ³ அயங் படிபதா³ தத்ருபபத்தியா ஸங்வத்ததி.

171. ‘‘புன சபரங், பி⁴க்க²வே, பி⁴க்கு² ஸத்³தா⁴ய ஸமன்னாக³தோ ஹோதி, ஸீலேன… ஸுதேன… சாகே³ன… பஞ்ஞாய ஸமன்னாக³தோ ஹோதி. தஸ்ஸ
ஸுதங் ஹோதி – வேஹப்ப²லா தே³வா…பே॰… அவிஹா தே³வா… அதப்பா தே³வா… ஸுத³ஸ்ஸா
தே³வா… ஸுத³ஸ்ஸீ தே³வா… அகனிட்டா² தே³வா தீ³கா⁴யுகா வண்ணவந்தோ
ஸுக²ப³ஹுலாதி. தஸ்ஸ ஏவங் ஹோதி – ‘அஹோ வதாஹங் காயஸ்ஸ பே⁴தா³ பரங் மரணா
அகனிட்டா²னங் தே³வானங் ஸஹப்³யதங் உபபஜ்ஜெய்ய’ந்தி. ஸோ தங் சித்தங் த³ஹதி,
தங் சித்தங் அதி⁴ட்டா²தி, தங் சித்தங் பா⁴வேதி. தஸ்ஸ தே ஸங்கா²ரா ச விஹாரா ச ஏவங் பா⁴விதா ஏவங் ப³ஹுலீகதா தத்ருபபத்தியா ஸங்வத்தந்தி. அயங், பி⁴க்க²வே, மக்³கோ³ அயங் படிபதா³ தத்ருபபத்தியா ஸங்வத்ததி.

172.
‘‘புன சபரங், பி⁴க்க²வே, பி⁴க்கு² ஸத்³தா⁴ய ஸமன்னாக³தோ ஹோதி, ஸீலேன…
ஸுதேன… சாகே³ன… பஞ்ஞாய ஸமன்னாக³தோ ஹோதி. தஸ்ஸ ஸுதங் ஹோதி –
‘ஆகாஸானஞ்சாயதனூபகா³ தே³வா தீ³கா⁴யுகா சிரட்டி²திகா ஸுக²ப³ஹுலா’தி .
தஸ்ஸ ஏவங் ஹோதி – ‘அஹோ வதாஹங் காயஸ்ஸ பே⁴தா³ பரங் மரணா
ஆகாஸானஞ்சாயதனூபகா³னங் தே³வானங் ஸஹப்³யதங் உபபஜ்ஜெய்ய’ந்தி. ஸோ தங் சித்தங்
த³ஹதி, தங் சித்தங் அதி⁴ட்டா²தி, தங் சித்தங் பா⁴வேதி. தஸ்ஸ தே ஸங்கா²ரா ச
விஹாரா ச ஏவங் பா⁴விதா ஏவங் ப³ஹுலீகதா தத்ருபபத்தியா ஸங்வத்தந்தி. அயங்,
பி⁴க்க²வே, மக்³கோ³ அயங் படிபதா³ தத்ருபபத்தியா ஸங்வத்ததி.

173.
‘‘புன சபரங், பி⁴க்க²வே, பி⁴க்கு² ஸத்³தா⁴ய ஸமன்னாக³தோ ஹோதி, ஸீலேன…
ஸுதேன… சாகே³ன… பஞ்ஞாய ஸமன்னாக³தோ ஹோதி. தஸ்ஸ ஸுதங் ஹோதி –
‘விஞ்ஞாணஞ்சாயதனூபகா³ தே³வா தீ³கா⁴யுகா சிரட்டி²திகா ஸுக²ப³ஹுலா’தி. தஸ்ஸ
ஏவங் ஹோதி – ‘அஹோ வதாஹங் காயஸ்ஸ பே⁴தா³ பரங் மரணா விஞ்ஞாணஞ்சாயதனூபகா³னங்
தே³வானங் ஸஹப்³யதங் உபபஜ்ஜெய்ய’ந்தி. ஸோ தங் சித்தங் த³ஹதி, தங் சித்தங்
அதி⁴ட்டா²தி, தங் சித்தங் பா⁴வேதி. தஸ்ஸ தே ஸங்கா²ரா ச விஹாரா ச ஏவங்
பா⁴விதா ஏவங் ப³ஹுலீகதா தத்ருபபத்தியா ஸங்வத்தந்தி. அயங், பி⁴க்க²வே,
மக்³கோ³ அயங் படிபதா³ தத்ருபபத்தியா ஸங்வத்ததி.

174.
‘‘புன சபரங், பி⁴க்க²வே, பி⁴க்கு² ஸத்³தா⁴ய ஸமன்னாக³தோ ஹோதி, ஸீலேன…
ஸுதேன… சாகே³ன… பஞ்ஞாய ஸமன்னாக³தோ ஹோதி. தஸ்ஸ ஸுதங் ஹோதி –
ஆகிஞ்சஞ்ஞாயதனூபகா³ தே³வா…பே॰… நேவஸஞ்ஞானாஸஞ்ஞாயதனூபகா³ தே³வா தீ³கா⁴யுகா
சிரட்டி²திகா ஸுக²ப³ஹுலாதி. தஸ்ஸ ஏவங் ஹோதி – ‘அஹோ வதாஹங் காயஸ்ஸ பே⁴தா³
பரங் மரணா நேவஸஞ்ஞானாஸஞ்ஞாயதனூபகா³னங் தே³வானங் ஸஹப்³யதங் உபபஜ்ஜெய்ய’ந்தி.
ஸோ தங் சித்தங் த³ஹதி, தங் சித்தங் அதி⁴ட்டா²தி, தங் சித்தங் பா⁴வேதி.
தஸ்ஸ தே ஸங்கா²ரா ச விஹாரா ச ஏவங் பா⁴விதா ஏவங் ப³ஹுலீகதா தத்ருபபத்தியா
ஸங்வத்தந்தி. அயங், பி⁴க்க²வே, மக்³கோ³ அயங் படிபதா³ தத்ருபபத்தியா
ஸங்வத்ததி.

175. ‘‘புன சபரங், பி⁴க்க²வே, பி⁴க்கு² ஸத்³தா⁴ய ஸமன்னாக³தோ ஹோதி, ஸீலேன… ஸுதேன… சாகே³ன… பஞ்ஞாய ஸமன்னாக³தோ ஹோதி. தஸ்ஸ ஏவங் ஹோதி
– ‘அஹோ வதாஹங் ஆஸவானங் க²யா அனாஸவங் சேதோவிமுத்திங் பஞ்ஞாவிமுத்திங்
தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரெய்ய’ந்தி. ஸோ
ஆஸவானங் க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே
ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி. அயங், பி⁴க்க²வே, பி⁴க்கு² ந
கத்த²சி உபபஜ்ஜதீ’’தி [ந கத்த²சி உபபஜ்ஜதி, ந குஹிஞ்சி உபபஜ்ஜதீதி (ஸீ॰ பீ॰), ந கத்த²சி உபபஜ்ஜதி, ந குஹிஞ்சி உபஸம்பஜ்ஜ விஹரதீதி. (க॰)].

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

ஸங்கா²ருபபத்திஸுத்தங் நிட்டி²தங் த³ஸமங்.

அனுபத³வக்³கோ³ நிட்டி²தோ து³தியோ.

தஸ்ஸுத்³தா³னங் –

அனுபாத³-ஸோத⁴ன-போரிஸத⁴ம்மோ, ஸேவிதப்³ப³-ப³ஹுதா⁴து-விப⁴த்தி;

பு³த்³த⁴ஸ்ஸ கித்தினாம-சத்தாரீஸேன, ஆனாபானோ காயக³தோ உபபத்தி [இதோ
பரங் ஸ்யா॰ கங்॰ க॰ பொத்த²கேஸு ஏவம்பி தி³ஸ்ஸதி –-§சந்த³கே விமலே
பரிஸுத்³தே⁴, புண்ணஸம்மோதி³னிரோத⁴அத்தனோ;§த³ந்தா⁴ ப³ஹுஜனஸேவிதங் த⁴ம்மவரங்,
யங் அனுபத³ங் வக்³க³வரங் து³தியாதி].

comments (0)

ஸுத்தபிடக-Part-45-தமிழில் திரபிடக மூன்று தொகுப்புகள்TIPITAKA–45.மஜ்ஜிமனிகாயே-உபரிபண்ணாஸபாளி-1. தேவதஹவக்கோ-1. தேவதஹஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 5:35 pm

ஸுத்தபிடக-Part-45-தமிழில் திரபிடக மூன்று தொகுப்புகள்TIPITAKA--45.மஜ்ஜிமனிகாயே-உபரிபண்ணாஸபாளி-1. தேவதஹவக்கோ-1. தேவதஹஸுத்தங்-from FREE ONLINE eNālāndā Research and
Practice UNIVERSITY through http://sarvajan.ambedkar.org

நமோ தஸ்ஸ பகவதோ அரஹதோ ஸம்மாஸம்புத்தஸ்ஸ

மஜ்ஜிமனிகாயே

உபரிபண்ணாஸபாளி

1. தேவதஹவக்கோ

1. தேவதஹஸுத்தங்

1. ஏவங்
மே ஸுதங் – ஏகங் ஸமயங் ப⁴க³வா ஸக்கேஸு விஹரதி தே³வத³ஹங் நாம ஸக்யானங்
நிக³மோ. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
‘‘ஸந்தி, பி⁴க்க²வே, ஏகே ஸமணப்³ராஹ்மணா ஏவங்வாதி³னோ ஏவங்தி³ட்டி²னோ – ‘யங்
கிஞ்சாயங் புரிஸபுக்³க³லோ படிஸங்வேதே³தி ஸுக²ங் வா து³க்க²ங் வா
அது³க்க²மஸுக²ங் வா, ஸப்³ப³ங் தங் புப்³பே³கதஹேது. இதி புராணானங் கம்மானங்
தபஸா ப்³யந்தீபா⁴வா, நவானங் கம்மானங் அகரணா, ஆயதிங் அனவஸ்ஸவோ; ஆயதிங்
அனவஸ்ஸவா கம்மக்க²யோ; கம்மக்க²யா து³க்க²க்க²யோ;
து³க்க²க்க²யா வேத³னாக்க²யோ; வேத³னாக்க²யா ஸப்³ப³ங் து³க்க²ங் நிஜ்ஜிண்ணங்
ப⁴விஸ்ஸதீ’தி. ஏவங்வாதி³னோ, பி⁴க்க²வே, நிக³ண்டா².

‘‘ஏவங்வாதா³ஹங் , பி⁴க்க²வே,
நிக³ண்டே² உபஸங்கமித்வா ஏவங் வதா³மி – ‘ஸச்சங் கிர தும்ஹே, ஆவுஸோ
நிக³ண்டா², ஏவங்வாதி³னோ ஏவங்தி³ட்டி²னோ – யங் கிஞ்சாயங் புரிஸபுக்³க³லோ
படிஸங்வேதே³தி ஸுக²ங் வா து³க்க²ங் வா அது³க்க²மஸுக²ங் வா, ஸப்³ப³ங் தங்
புப்³பே³கதஹேது. இதி புராணானங் கம்மானங் தபஸா ப்³யந்தீபா⁴வா, நவானங்
கம்மானங் அகரணா, ஆயதிங் அனவஸ்ஸவோ; ஆயதிங் அனவஸ்ஸவா கம்மக்க²யோ; கம்மக்க²யா
து³க்க²க்க²யோ; து³க்க²க்க²யா வேத³னாக்க²யோ; வேத³னாக்க²யா ஸப்³ப³ங்
து³க்க²ங் நிஜ்ஜிண்ணங் ப⁴விஸ்ஸதீ’தி? தே ச மே, பி⁴க்க²வே, நிக³ண்டா² ஏவங்
புட்டா² ‘ஆமா’தி படிஜானந்தி.

‘‘த்யாஹங் ஏவங் வதா³மி – ‘கிங் பன தும்ஹே, ஆவுஸோ நிக³ண்டா², ஜானாத² – அஹுவம்ஹேவ மயங் புப்³பே³, ந நாஹுவம்ஹா’தி? ‘நோ ஹித³ங், ஆவுஸோ’.

‘‘‘கிங் பன தும்ஹே, ஆவுஸோ நிக³ண்டா², ஜானாத² – அகரம்ஹேவ மயங் புப்³பே³ பாபகம்மங், ந நாகரம்ஹா’தி? ‘நோ ஹித³ங், ஆவுஸோ’.

‘‘‘கிங் பன தும்ஹே, ஆவுஸோ நிக³ண்டா², ஜானாத² – ஏவரூபங் வா ஏவரூபங் வா பாபகம்மங் அகரம்ஹா’தி? ‘நோ ஹித³ங், ஆவுஸோ’.

‘‘‘கிங் பன தும்ஹே, ஆவுஸோ நிக³ண்டா², ஜானாத² – எத்தகங்
வா து³க்க²ங் நிஜ்ஜிண்ணங், எத்தகங் வா து³க்க²ங் நிஜ்ஜீரேதப்³ப³ங்,
எத்தகம்ஹி வா து³க்கே² நிஜ்ஜிண்ணே ஸப்³ப³ங் து³க்க²ங் நிஜ்ஜிண்ணங்
ப⁴விஸ்ஸதீ’தி? ‘நோ ஹித³ங், ஆவுஸோ’.

‘‘‘கிங் பன தும்ஹே, ஆவுஸோ நிக³ண்டா², ஜானாத² –
தி³ட்டே²வ த⁴ம்மே அகுஸலானங் த⁴ம்மானங் பஹானங், குஸலானங் த⁴ம்மானங்
உபஸம்பத³’ந்தி? ‘நோ ஹித³ங், ஆவுஸோ’.

2. ‘‘இதி கிர தும்ஹே, ஆவுஸோ நிக³ண்டா², ந ஜானாத² – அஹுவம்ஹேவ மயங் புப்³பே³, ந நாஹுவம்ஹாதி ,
ந ஜானாத² – அகரம்ஹேவ மயங் புப்³பே³ பாபகம்மங், ந நாகரம்ஹாதி, ந ஜானாத² –
ஏவரூபங் வா ஏவரூபங் வா பாபகம்மங் அகரம்ஹாதி, ந ஜானாத² – எத்தகங் வா
து³க்க²ங் நிஜ்ஜிண்ணங், எத்தகங் வா து³க்க²ங் நிஜ்ஜீரேதப்³ப³ங், எத்தகம்ஹி
வா து³க்கே² நிஜ்ஜிண்ணே ஸப்³ப³ங் து³க்க²ங் நிஜ்ஜிண்ணங் ப⁴விஸ்ஸதீதி, ந
ஜானாத² – தி³ட்டே²வ த⁴ம்மே அகுஸலானங் த⁴ம்மானங் பஹானங், குஸலானங் த⁴ம்மானங்
உபஸம்பத³ங்; ஏவங் ஸந்தே ஆயஸ்மந்தானங் நிக³ண்டா²னங் ந கல்லமஸ்ஸ வெய்யாகரணாய
– யங் கிஞ்சாயங் புரிஸபுக்³க³லோ படிஸங்வேதே³தி ஸுக²ங் வா து³க்க²ங் வா
அது³க்க²மஸுக²ங் வா, ஸப்³ப³ங் தங் புப்³பே³கதஹேது. இதி புராணானங் கம்மானங்
தபஸா ப்³யந்தீபா⁴வா, நவானங் கம்மானங் அகரணா, ஆயதிங் அனவஸ்ஸவோ; ஆயதிங்
அனவஸ்ஸவா கம்மக்க²யோ; கம்மக்க²யா து³க்க²க்க²யோ; து³க்க²க்க²யா
வேத³னாக்க²யோ; வேத³னாக்க²யா ஸப்³ப³ங் து³க்க²ங் நிஜ்ஜிண்ணங் ப⁴விஸ்ஸதீ’’தி.

‘‘ஸசே பன தும்ஹே, ஆவுஸோ நிக³ண்டா², ஜானெய்யாத² –
அஹுவம்ஹேவ மயங் புப்³பே³, ந நாஹுவம்ஹாதி, ஜானெய்யாத² – அகரம்ஹேவ மயங்
புப்³பே³ பாபகம்மங், ந நாகரம்ஹாதி, ஜானெய்யாத² – ஏவரூபங் வா ஏவரூபங் வா
பாபகம்மங் அகரம்ஹாதி, ஜானெய்யாத² – எத்தகங் வா து³க்க²ங் நிஜ்ஜிண்ணங்,
எத்தகங் வா து³க்க²ங் நிஜ்ஜீரேதப்³ப³ங், எத்தகம்ஹி வா து³க்கே² நிஜ்ஜிண்ணே
ஸப்³ப³ங் து³க்க²ங் நிஜ்ஜிண்ணங் ப⁴விஸ்ஸதீதி, ஜானெய்யாத² – தி³ட்டே²வ
த⁴ம்மே அகுஸலானங் த⁴ம்மானங் பஹானங், குஸலானங் த⁴ம்மானங் உபஸம்பத³ங்; ஏவங் ஸந்தே ஆயஸ்மந்தானங் நிக³ண்டா²னங் கல்லமஸ்ஸ வெய்யாகரணாய – யங்
கிஞ்சாயங் புரிஸபுக்³க³லோ படிஸங்வேதே³தி ஸுக²ங் வா து³க்க²ங் வா
அது³க்க²மஸுக²ங் வா, ஸப்³ப³ங் தங் புப்³பே³கதஹேது. இதி புராணானங் கம்மானங்
தபஸா ப்³யந்தீபா⁴வா, நவானங் கம்மானங் அகரணா, ஆயதிங் அனவஸ்ஸவோ; ஆயதிங்
அனவஸ்ஸவா கம்மக்க²யோ; கம்மக்க²யா து³க்க²க்க²யோ; து³க்க²க்க²யா
வேத³னாக்க²யோ; வேத³னாக்க²யா ஸப்³ப³ங் து³க்க²ங் நிஜ்ஜிண்ணங் ப⁴விஸ்ஸதீ’’தி.

3. ‘‘ஸெய்யதா²பி, ஆவுஸோ நிக³ண்டா², புரிஸோ ஸல்லேன வித்³தோ⁴ அஸ்ஸ ஸவிஸேன கா³ள்ஹூபலேபனேன [கா³ள்ஹபலேபனேன (க॰)]; ஸோ ஸல்லஸ்ஸபி வேத⁴னஹேது [வேத³னாஹேது (ஸீ॰ பீ॰ க॰)] து³க்கா² திப்³பா³ [திப்பா (ஸீ॰ ஸ்யா॰ கங்॰ பீ॰)]
கடுகா வேத³னா வேதி³யெய்ய. தஸ்ஸ மித்தாமச்சா ஞாதிஸாலோஹிதா பி⁴ஸக்கங்
ஸல்லகத்தங் உபட்டா²பெய்யுங். தஸ்ஸ ஸோ பி⁴ஸக்கோ ஸல்லகத்தோ ஸத்தே²ன வணமுக²ங்
பரிகந்தெய்ய; ஸோ ஸத்தே²னபி வணமுக²ஸ்ஸ பரிகந்தனஹேது து³க்கா² திப்³பா³ கடுகா
வேத³னா வேதி³யெய்ய. தஸ்ஸ ஸோ பி⁴ஸக்கோ ஸல்லகத்தோ ஏஸனியா ஸல்லங் ஏஸெய்ய; ஸோ
ஏஸனியாபி ஸல்லஸ்ஸ ஏஸனாஹேது து³க்கா² திப்³பா³ கடுகா வேத³னா வேதி³யெய்ய . தஸ்ஸ ஸோ பி⁴ஸக்கோ ஸல்லகத்தோ ஸல்லங் அப்³பு³ஹெய்ய [அப்³பு³ய்ஹெய்ய (ஸீ॰), அப்³பூ⁴ண்ஹெய்ய (ஸ்யா॰ கங்॰)]; ஸோ ஸல்லஸ்ஸபி அப்³பு³ஹனஹேது [அப்³பு³ய்ஹனஹேது (ஸீ॰), அப்³பூ⁴ண்ஹனஹேது (ஸ்யா॰ கங்॰)]
து³க்கா² திப்³பா³ கடுகா வேத³னா வேதி³யெய்ய. தஸ்ஸ ஸோ பி⁴ஸக்கோ ஸல்லகத்தோ
அக³த³ங்கா³ரங் வணமுகே² ஓத³ஹெய்ய; ஸோ அக³த³ங்கா³ரஸ்ஸபி வணமுகே² ஓத³ஹனஹேது
து³க்கா² திப்³பா³ கடுகா வேத³னா வேதி³யெய்ய. ஸோ அபரேன ஸமயேன ரூள்ஹேன வணேன
ஸஞ்ச²வினா அரோகோ³ அஸ்ஸ ஸுகீ² ஸேரீ ஸயங்வஸீ யேன காமங்க³மோ. தஸ்ஸ ஏவமஸ்ஸ –
அஹங் கோ² புப்³பே³ ஸல்லேன வித்³தோ⁴ அஹோஸிங் ஸவிஸேன கா³ள்ஹூபலேபனேன. ஸோஹங்
ஸல்லஸ்ஸபி வேத⁴னஹேது து³க்கா² திப்³பா³ கடுகா வேத³னா வேதி³யிங். தஸ்ஸ மே
மித்தாமச்சா ஞாதிஸாலோஹிதா பி⁴ஸக்கங் ஸல்லகத்தங் உபட்ட²பேஸுங். தஸ்ஸ மே ஸோ
பி⁴ஸக்கோ ஸல்லகத்தோ ஸத்தே²ன வணமுக²ங் பரிகந்தி; ஸோஹங் ஸத்தே²னபி வணமுக²ஸ்ஸ
பரிகந்தனஹேது து³க்கா² திப்³பா³ கடுகா வேத³னா வேதி³யிங். தஸ்ஸ மே ஸோ
பி⁴ஸக்கோ ஸல்லகத்தோ ஏஸனியா ஸல்லங் ஏஸி; ஸோ அஹங் ஏஸனியாபி ஸல்லஸ்ஸ ஏஸனாஹேது
து³க்கா² திப்³பா³ கடுகா வேத³னா வேதி³யிங். தஸ்ஸ மே ஸோ பி⁴ஸக்கோ ஸல்லகத்தோ ஸல்லங் அப்³பு³ஹி [அப்³பு³ய்ஹி (ஸீ॰), அப்³பூ⁴ண்ஹி (ஸ்யா॰ கங்॰)];
ஸோஹங் ஸல்லஸ்ஸபி அப்³பு³ஹனஹேது து³க்கா² திப்³பா³ கடுகா வேத³னா வேதி³யிங்.
தஸ்ஸ மே ஸோ பி⁴ஸக்கோ ஸல்லகத்தோ அக³த³ங்கா³ரங் வணமுகே² ஓத³ஹி; ஸோஹங்
அக³த³ங்கா³ரஸ்ஸபி வணமுகே² ஓத³ஹனஹேது து³க்கா² திப்³பா³ கடுகா வேத³னா
வேதி³யிங். ஸொம்ஹி ஏதரஹி ரூள்ஹேன வணேன ஸஞ்ச²வினா அரோகோ³ ஸுகீ² ஸேரீ ஸயங்வஸீ யேன காமங்க³மோ’’தி.

‘‘ஏவமேவ கோ², ஆவுஸோ நிக³ண்டா², ஸசே தும்ஹே ஜானெய்யாத² –
அஹுவம்ஹேவ மயங் புப்³பே³, ந நாஹுவம்ஹாதி, ஜானெய்யாத² – அகரம்ஹேவ மயங்
புப்³பே³ பாபகம்மங், ந நாகரம்ஹாதி, ஜானெய்யாத² – ஏவரூபங் வா ஏவரூபங் வா
பாபகம்மங் அகரம்ஹாதி, ஜானெய்யாத² – எத்தகங் வா து³க்க²ங் நிஜ்ஜிண்ணங்,
எத்தகங் வா து³க்க²ங் நிஜ்ஜீரேதப்³ப³ங், எத்தகம்ஹி வா து³க்கே² நிஜ்ஜிண்ணே
ஸப்³ப³ங் து³க்க²ங் நிஜ்ஜிண்ணங் ப⁴விஸ்ஸதீதி, ஜானெய்யாத² – தி³ட்டே²வ
த⁴ம்மே அகுஸலானங் த⁴ம்மானங் பஹானங், குஸலானங் த⁴ம்மானங் உபஸம்பத³ங்; ஏவங்
ஸந்தே ஆயஸ்மந்தானங் நிக³ண்டா²னங் கல்லமஸ்ஸ வெய்யாகரணாய – யங்
கிஞ்சாயங் புரிஸபுக்³க³லோ படிஸங்வேதே³தி ஸுக²ங் வா து³க்க²ங் வா
அது³க்க²மஸுக²ங் வா, ஸப்³ப³ங் தங் புப்³பே³கதஹேது. இதி புராணானங் கம்மானங்
தபஸா ப்³யந்தீபா⁴வா, நவானங் கம்மானங் அகரணா, ஆயதிங் அனவஸ்ஸவோ; ஆயதிங்
அனவஸ்ஸவா கம்மக்க²யோ; கம்மக்க²யா து³க்க²க்க²யோ; து³க்க²க்க²யா
வேத³னாக்க²யோ; வேத³னாக்க²யா ஸப்³ப³ங் து³க்க²ங் நிஜ்ஜிண்ணங் ப⁴விஸ்ஸதீ’’தி.

‘‘யஸ்மா ச கோ² தும்ஹே, ஆவுஸோ நிக³ண்டா², ந ஜானாத² –
அஹுவம்ஹேவ மயங் புப்³பே³, ந நாஹுவம்ஹாதி, ந ஜானாத² – அகரம்ஹேவ மயங்
புப்³பே³ பாபகம்மங், ந நாகரம்ஹாதி, ந ஜானாத² – ஏவரூபங் வா ஏவரூபங் வா
பாபகம்மங் அகரம்ஹாதி, ந ஜானாத² – எத்தகங் வா து³க்க²ங் நிஜ்ஜிண்ணங்,
எத்தகங் வா து³க்க²ங் நிஜ்ஜீரேதப்³ப³ங், எத்தகம்ஹி
வா து³க்கே² நிஜ்ஜிண்ணே ஸப்³ப³ங் து³க்க²ங் நிஜ்ஜிண்ணங் ப⁴விஸ்ஸதீதி, ந
ஜானாத² – தி³ட்டே²வ த⁴ம்மே அகுஸலானங் த⁴ம்மானங் பஹானங், குஸலானங் த⁴ம்மானங்
உபஸம்பத³ங்; தஸ்மா ஆயஸ்மந்தானங் நிக³ண்டா²னங் ந கல்லமஸ்ஸ வெய்யாகரணாய –
யங் கிஞ்சாயங் புரிஸபுக்³க³லோ படிஸங்வேதே³தி ஸுக²ங் வா து³க்க²ங் வா
அது³க்க²மஸுக²ங் வா, ஸப்³ப³ங் தங் புப்³பே³கதஹேது. இதி புராணானங் கம்மானங்
தபஸா ப்³யந்தீபா⁴வா, நவானங் கம்மானங் அகரணா, ஆயதிங் அனவஸ்ஸவோ; ஆயதிங்
அனவஸ்ஸவா கம்மக்க²யோ; கம்மக்க²யா து³க்க²க்க²யோ; து³க்க²க்க²யா
வேத³னாக்க²யோ; வேத³னாக்க²யா ஸப்³ப³ங் து³க்க²ங் நிஜ்ஜிண்ணங் ப⁴விஸ்ஸதீ’’தி.

4. ‘‘ஏவங் வுத்தே, பி⁴க்க²வே, தே நிக³ண்டா² மங் ஏதத³வோசுங் – ‘நிக³ண்டோ² , ஆவுஸோ, நாடபுத்தோ [நாத²புத்தோ (ஸீ॰)] ஸப்³ப³ஞ்ஞூ ஸப்³ப³த³ஸ்ஸாவீ, அபரிஸேஸங் ஞாணத³ஸ்ஸனங் படிஜானாதி .
சரதோ ச மே திட்ட²தோ ச ஸுத்தஸ்ஸ ச ஜாக³ரஸ்ஸ ச ஸததங் ஸமிதங் ஞாணத³ஸ்ஸனங்
பச்சுபட்டி²த’ந்தி. ஸோ ஏவமாஹ – ‘அத்தி² கோ² வோ, ஆவுஸோ நிக³ண்டா², புப்³பே³வ
பாபகம்மங் கதங், தங் இமாய கடுகாய து³க்கரகாரிகாய நிஜ்ஜீரேத², யங் பனெத்த²
ஏதரஹி காயேன ஸங்வுதா வாசாய ஸங்வுதா மனஸா ஸங்வுதா தங் ஆயதிங் பாபகம்மஸ்ஸ
அகரணங். இதி புராணானங் கம்மானங் தபஸா ப்³யந்தீபா⁴வா, நவானங் கம்மானங்
அகரணா, ஆயதிங் அனவஸ்ஸவோ; ஆயதிங் அனவஸ்ஸவா கம்மக்க²யோ; கம்மக்க²யா
து³க்க²க்க²யோ; து³க்க²க்க²யா வேத³னாக்க²யோ; வேத³னாக்க²யா ஸப்³ப³ங்
து³க்க²ங் நிஜ்ஜிண்ணங் ப⁴விஸ்ஸதீ’தி. தஞ்ச பனம்ஹாகங் ருச்சதி சேவ க²மதி ச,
தேன சம்ஹா அத்தமனா’’தி.

5.
‘‘ஏவங் வுத்தே அஹங், பி⁴க்க²வே, தே நிக³ண்டே² ஏதத³வோசங் – ‘பஞ்ச கோ² இமே,
ஆவுஸோ நிக³ண்டா², த⁴ம்மா தி³ட்டே²வ த⁴ம்மே த்³விதா⁴விபாகா. கதமே பஞ்ச?
ஸத்³தா⁴, ருசி, அனுஸ்ஸவோ, ஆகாரபரிவிதக்கோ, தி³ட்டி²னிஜ்ஜா²னக்க²ந்தி – இமே
கோ², ஆவுஸோ நிக³ண்டா², பஞ்ச த⁴ம்மா தி³ட்டே²வ த⁴ம்மே த்³விதா⁴விபாகா.
தத்ராயஸ்மந்தானங் நிக³ண்டா²னங் கா அதீதங்ஸே ஸத்த²ரி ஸத்³தா⁴, கா ருசி, கோ
அனுஸ்ஸவோ, கோ ஆகாரபரிவிதக்கோ, கா தி³ட்டி²னிஜ்ஜா²னக்க²ந்தீ’தி. ஏவங்வாதீ³ [ஏவங்வாதீ³ஸு (க॰)] கோ² அஹங், பி⁴க்க²வே, நிக³ண்டே²ஸு ந கஞ்சி [கிஞ்சி (ஸீ॰ பீ॰ க॰)] ஸஹத⁴ம்மிகங் வாத³படிஹாரங் ஸமனுபஸ்ஸாமி.

‘‘புன சபராஹங் [புன ச பனாஹங் (ஸீ॰ பீ॰ க॰)], பி⁴க்க²வே, தே நிக³ண்டே² ஏவங் வதா³மி – ‘தங் கிங் மஞ்ஞத², ஆவுஸோ நிக³ண்டா². யஸ்மிங் வோ ஸமயே திப்³போ³ [திப்போ (பீ॰)] உபக்கமோ ஹோதி
திப்³ப³ங் பதா⁴னங், திப்³பா³ தஸ்மிங் ஸமயே ஓபக்கமிகா து³க்கா² திப்³பா³
கடுகா வேத³னா வேதி³யேத²; யஸ்மிங் பன வோ ஸமயே ந திப்³போ³ உபக்கமோ
ஹோதி ந திப்³ப³ங் பதா⁴னங், ந திப்³பா³ தஸ்மிங் ஸமயே ஓபக்கமிகா து³க்கா²
திப்³பா³ கடுகா வேத³னா வேதி³யேதா²’தி? ‘யஸ்மிங் நோ, ஆவுஸோ கோ³தம, ஸமயே
திப்³போ³ உபக்கமோ ஹோதி திப்³ப³ங் பதா⁴னங், திப்³பா³ தஸ்மிங் ஸமயே ஓபக்கமிகா
து³க்கா² திப்³பா³ கடுகா வேத³னா வேதி³யாம; யஸ்மிங் பன நோ ஸமயே ந திப்³போ³ உபக்கமோ ஹோதி ந திப்³ப³ங் பதா⁴னங், ந திப்³பா³ தஸ்மிங் ஸமயே ஓபக்கமிகா து³க்கா² திப்³பா³ கடுகா வேத³னா வேதி³யாமா’’’தி.

6. ‘‘இதி
கிர, ஆவுஸோ நிக³ண்டா², யஸ்மிங் வோ ஸமயே திப்³போ³ உபக்கமோ ஹோதி திப்³ப³ங்
பதா⁴னங், திப்³பா³ தஸ்மிங் ஸமயே ஓபக்கமிகா து³க்கா² திப்³பா³ கடுகா வேத³னா
வேதி³யேத²; யஸ்மிங் பன வோ ஸமயே ந திப்³போ³ உபக்கமோ ஹோதி ந திப்³ப³ங்
பதா⁴னங், ந திப்³பா³ தஸ்மிங் ஸமயே ஓபக்கமிகா து³க்கா² திப்³பா³ கடுகா
வேத³னா வேதி³யேத². ஏவங் ஸந்தே ஆயஸ்மந்தானங் நிக³ண்டா²னங் ந கல்லமஸ்ஸ
வெய்யாகரணாய – யங் கிஞ்சாயங் புரிஸபுக்³க³லோ படிஸங்வேதே³தி ஸுக²ங் வா
து³க்க²ங் வா அது³க்க²மஸுக²ங் வா, ஸப்³ப³ங் தங் புப்³பே³கதஹேது. இதி
புராணானங் கம்மானங் தபஸா ப்³யந்தீபா⁴வா, நவானங் கம்மானங் அகரணா, ஆயதிங்
அனவஸ்ஸவோ; ஆயதிங் அனவஸ்ஸவா கம்மக்க²யோ; கம்மக்க²யா து³க்க²க்க²யோ;
து³க்க²க்க²யா வேத³னாக்க²யோ ; வேத³னாக்க²யா ஸப்³ப³ங்
து³க்க²ங் நிஜ்ஜிண்ணங் ப⁴விஸ்ஸதீதி. ஸசே, ஆவுஸோ நிக³ண்டா², யஸ்மிங் வோ
ஸமயே திப்³போ³ உபக்கமோ ஹோதி திப்³ப³ங் பதா⁴னங், ந திப்³பா³ தஸ்மிங் ஸமயே
ஓபக்கமிகா து³க்கா² திப்³பா³ கடுகா வேத³னா வேதி³யேத²; யஸ்மிங் பன வோ ஸமயே ந
திப்³போ³ உபக்கமோ ஹோதி ந திப்³ப³ங் பதா⁴னங், திப்³பா³ தஸ்மிங் ஸமயே
ஓபக்கமிகா து³க்கா² திப்³பா³ கடுகா வேத³னா வேதி³யேத² [பதா⁴னங், திட்டெ²ய்யேவ தஸ்மிங் ஸமயே… வேத³னா (ஸீ॰ ஸ்யா॰ கங்॰ பீ॰)];
ஏவங் ஸந்தே ஆயஸ்மந்தானங் நிக³ண்டா²னங் கல்லமஸ்ஸ வெய்யாகரணாய – யங்
கிஞ்சாயங் புரிஸபுக்³க³லோ படிஸங்வேதே³தி ஸுக²ங் வா து³க்க²ங் வா
அது³க்க²மஸுக²ங் வா, ஸப்³ப³ங் தங் புப்³பே³கதஹேது. இதி புராணானங் கம்மானங்
தபஸா ப்³யந்தீபா⁴வா, நவானங் கம்மானங் அகரணா, ஆயதிங் அனவஸ்ஸவோ; ஆயதிங்
அனவஸ்ஸவா கம்மக்க²யோ; கம்மக்க²யா து³க்க²க்க²யோ; து³க்க²க்க²யா
வேத³னாக்க²யோ; வேத³னாக்க²யா ஸப்³ப³ங் து³க்க²ங் நிஜ்ஜிண்ணங் ப⁴விஸ்ஸதீ’’தி.

‘‘‘யஸ்மா ச கோ², ஆவுஸோ நிக³ண்டா², யஸ்மிங் வோ ஸமயே
திப்³போ³ உபக்கமோ ஹோதி திப்³ப³ங் பதா⁴னங், திப்³பா³ தஸ்மிங் ஸமயே ஓபக்கமிகா
து³க்கா² திப்³பா³ கடுகா வேத³னா வேதி³யேத²; யஸ்மிங் பன வோ ஸமயே ந திப்³போ³
உபக்கமோ ஹோதி ந திப்³ப³ங் பதா⁴னங், ந திப்³பா³ தஸ்மிங் ஸமயே ஓபக்கமிகா
து³க்கா² திப்³பா³ கடுகா வேத³னா வேதி³யேத²; தே தும்ஹே ஸாமங்யேவ ஓபக்கமிகா
து³க்கா² திப்³பா³ கடுகா வேத³னா வேத³யமானா அவிஜ்ஜா அஞ்ஞாணா ஸம்மோஹா விபச்சேத²
– யங் கிஞ்சாயங் புரிஸபுக்³க³லோ படிஸங்வேதே³தி ஸுக²ங் வா து³க்க²ங் வா
அது³க்க²மஸுக²ங் வா, ஸப்³ப³ங் தங் புப்³பே³கதஹேது. இதி புராணானங் கம்மானங்
தபஸா ப்³யந்தீபா⁴வா, நவானங் கம்மானங் அகரணா, ஆயதிங் அனவஸ்ஸவோ; ஆயதிங்
அனவஸ்ஸவா கம்மக்க²யோ; கம்மக்க²யா து³க்க²க்க²யோ; து³க்க²க்க²யா
வேத³னாக்க²யோ ; வேத³னாக்க²யா ஸப்³ப³ங் து³க்க²ங் நிஜ்ஜிண்ணங் ப⁴விஸ்ஸதீ’தி. ஏவங்வாதீ³பி [ஏவங்வாதீ³ஸுபி (க॰)] கோ² அஹங், பி⁴க்க²வே, நிக³ண்டே²ஸு ந கஞ்சி ஸஹத⁴ம்மிகங் வாத³படிஹாரங் ஸமனுபஸ்ஸாமி.

7.
‘‘புன சபராஹங், பி⁴க்க²வே, தே நிக³ண்டே² ஏவங் வதா³மி – ‘தங் கிங்
மஞ்ஞதா²வுஸோ நிக³ண்டா², யமித³ங் கம்மங் தி³ட்ட²த⁴ம்மவேத³னீயங் தங் உபக்கமேன
வா பதா⁴னேன வா ஸம்பராயவேத³னீயங் ஹோதூதி லப்³ப⁴மேத’ந்தி? ‘நோ ஹித³ங்,
ஆவுஸோ’. ‘யங் பனித³ங் கம்மங் ஸம்பராயவேத³னீயங் தங் உபக்கமேன வா பதா⁴னேன வா
தி³ட்ட²த⁴ம்மவேத³னீயங் ஹோதூதி லப்³ப⁴மேத’ந்தி? ‘நோ ஹித³ங், ஆவுஸோ’. ‘தங்
கிங் மஞ்ஞதா²வுஸோ நிக³ண்டா², யமித³ங் கம்மங் ஸுக²வேத³னீயங் தங் உபக்கமேன வா
பதா⁴னேன வா து³க்க²வேத³னீயங் ஹோதூதி லப்³ப⁴மேத’ந்தி? ‘நோ ஹித³ங், ஆவுஸோ’.
‘யங் பனித³ங் கம்மங் து³க்க²வேத³னீயங் தங் உபக்கமேன வா பதா⁴னேன வா
ஸுக²வேத³னீயங் ஹோதூதி லப்³ப⁴மேத’ந்தி? ‘நோ ஹித³ங், ஆவுஸோ’. ‘தங் கிங்
மஞ்ஞதா²வுஸோ நிக³ண்டா², யமித³ங் கம்மங் பரிபக்கவேத³னீயங் தங் உபக்கமேன வா
பதா⁴னேன வா அபரிபக்கவேத³னீயங் ஹோதூதி லப்³ப⁴மேத’ந்தி? ‘நோ ஹித³ங், ஆவுஸோ’.
‘யங் பனித³ங் கம்மங் அபரிபக்கவேத³னீயங் தங் உபக்கமேன வா பதா⁴னேன வா
பரிபக்கவேத³னீயங் ஹோதூதி லப்³ப⁴மேத’ந்தி? ‘நோ ஹித³ங், ஆவுஸோ’. ‘தங் கிங்
மஞ்ஞதா²வுஸோ நிக³ண்டா², யமித³ங் கம்மங் ப³ஹுவேத³னீயங் தங் உபக்கமேன வா பதா⁴னேன வா அப்பவேத³னீயங்
ஹோதூதி லப்³ப⁴மேத’ந்தி? ‘நோ ஹித³ங், ஆவுஸோ’. ‘யங் பனித³ங் கம்மங்
அப்பவேத³னீயங் தங் உபக்கமேன வா பதா⁴னேன வா ப³ஹுவேத³னீயங் ஹோதூதி
லப்³ப⁴மேத’ந்தி? ‘நோ ஹித³ங், ஆவுஸோ’. ‘தங் கிங் மஞ்ஞதா²வுஸோ நிக³ண்டா²,
யமித³ங் கம்மங் ஸவேத³னீயங் தங் உபக்கமேன வா பதா⁴னேன வா அவேத³னீயங் ஹோதூதி
லப்³ப⁴மேத’ந்தி? ‘நோ ஹித³ங், ஆவுஸோ’. ‘யங் பனித³ங் கம்மங் அவேத³னீயங் தங்
உபக்கமேன வா பதா⁴னேன வா ஸவேத³னீயங் ஹோதூதி லப்³ப⁴மேத’ந்தி? ‘நோ ஹித³ங்,
ஆவுஸோ’.

8.
‘‘இதி கிர, ஆவுஸோ நிக³ண்டா², யமித³ங் கம்மங் தி³ட்ட²த⁴ம்மவேத³னீயங் தங்
உபக்கமேன வா பதா⁴னேன வா ஸம்பராயவேத³னீயங் ஹோதூதி அலப்³ப⁴மேதங், யங் பனித³ங்
கம்மங் ஸம்பராயவேத³னீயங் தங் உபக்கமேன வா பதா⁴னேன வா
தி³ட்ட²த⁴ம்மவேத³னீயங் ஹோதூதி அலப்³ப⁴மேதங், யமித³ங் கம்மங் ஸுக²வேத³னீயங்
தங் உபக்கமேன வா பதா⁴னேன வா து³க்க²வேத³னீயங் ஹோதூதி அலப்³ப⁴மேதங், யமித³ங் கம்மங் து³க்க²வேத³னீயங்
தங் உபக்கமேன வா பதா⁴னேன வா ஸுக²வேத³னீயங் ஹோதூதி அலப்³ப⁴மேதங், யமித³ங்
கம்மங் பரிபக்கவேத³னீயங் தங் உபக்கமேன வா பதா⁴னேன வா அபரிபக்கவேத³னீயங்
ஹோதூதி அலப்³ப⁴மேதங், யமித³ங் கம்மங் அபரிபக்கவேத³னீயங் தங் உபக்கமேன வா
பதா⁴னேன வா பரிபக்கவேத³னீயங் ஹோதூதி அலப்³ப⁴மேதங், யமித³ங் கம்மங்
ப³ஹுவேத³னீயங் தங் உபக்கமேன வா பதா⁴னேன வா அப்பவேத³னீயங் ஹோதூதி
அலப்³ப⁴மேதங், யமித³ங் கம்மங் அப்பவேத³னீயங் தங் உபக்கமேன வா பதா⁴னேன வா
ப³ஹுவேத³னீயங் ஹோதூதி அலப்³ப⁴மேதங், யமித³ங் கம்மங் ஸவேத³னீயங் தங்
உபக்கமேன வா பதா⁴னேன வா அவேத³னீயங் ஹோதூதி
அலப்³ப⁴மேதங், யமித³ங் கம்மங் அவேத³னீயங் தங் உபக்கமேன வா பதா⁴னேன வா
ஸவேத³னீயங் ஹோதூதி அலப்³ப⁴மேதங்; ஏவங் ஸந்தே ஆயஸ்மந்தானங் நிக³ண்டா²னங்
அப²லோ உபக்கமோ ஹோதி, அப²லங் பதா⁴னங்’’.

‘‘ஏவங்வாதீ³, பி⁴க்க²வே, நிக³ண்டா². ஏவங்வாதீ³னங்,
பி⁴க்க²வே, நிக³ண்டா²னங் த³ஸ ஸஹத⁴ம்மிகா வாதா³னுவாதா³ கா³ரய்ஹங் டா²னங்
ஆக³ச்ச²ந்தி.

9.
‘‘ஸசே, பி⁴க்க²வே, ஸத்தா புப்³பே³கதஹேது ஸுக²து³க்க²ங் படிஸங்வேதெ³ந்தி;
அத்³தா⁴, பி⁴க்க²வே, நிக³ண்டா² புப்³பே³ து³க்கடகம்மகாரினோ யங் ஏதரஹி
ஏவரூபா து³க்கா² திப்³பா³ கடுகா வேத³னா வேதி³யந்தி. ஸசே, பி⁴க்க²வே, ஸத்தா
இஸ்ஸரனிம்மானஹேது ஸுக²து³க்க²ங் படிஸங்வேதெ³ந்தி; அத்³தா⁴, பி⁴க்க²வே,
நிக³ண்டா² பாபகேன இஸ்ஸரேன நிம்மிதா யங் ஏதரஹி ஏவரூபா து³க்கா² திப்³பா³
கடுகா வேத³னா வேதி³யந்தி. ஸசே, பி⁴க்க²வே, ஸத்தா ஸங்க³திபா⁴வஹேது
ஸுக²து³க்க²ங் படிஸங்வேதெ³ந்தி; அத்³தா⁴, பி⁴க்க²வே, நிக³ண்டா²
பாபஸங்க³திகா யங் ஏதரஹி ஏவரூபா து³க்கா² திப்³பா³ கடுகா வேத³னா வேதி³யந்தி.
ஸசே, பி⁴க்க²வே, ஸத்தா அபி⁴ஜாதிஹேது ஸுக²து³க்க²ங் படிஸங்வேதெ³ந்தி;
அத்³தா⁴, பி⁴க்க²வே, நிக³ண்டா² பாபாபி⁴ஜாதிகா யங் ஏதரஹி ஏவரூபா து³க்கா²
திப்³பா³ கடுகா வேத³னா வேதி³யந்தி. ஸசே, பி⁴க்க²வே, ஸத்தா
தி³ட்ட²த⁴ம்மூபக்கமஹேது ஸுக²து³க்க²ங் படிஸங்வேதெ³ந்தி; அத்³தா⁴,
பி⁴க்க²வே, நிக³ண்டா² ஏவரூபா தி³ட்ட²த⁴ம்மூபக்கமா யங் ஏதரஹி ஏவரூபா
து³க்கா² திப்³பா³ கடுகா வேத³னா வேதி³யந்தி.

‘‘ஸசே, பி⁴க்க²வே, ஸத்தா புப்³பே³கதஹேது ஸுக²து³க்க²ங்
படிஸங்வேதெ³ந்தி, கா³ரய்ஹா நிக³ண்டா²; நோ சே ஸத்தா புப்³பே³கதஹேது
ஸுக²து³க்க²ங் படிஸங்வேதெ³ந்தி, கா³ரய்ஹா நிக³ண்டா². ஸசே, பி⁴க்க²வே, ஸத்தா இஸ்ஸரனிம்மானஹேது
ஸுக²து³க்க²ங் படிஸங்வேதெ³ந்தி, கா³ரய்ஹா நிக³ண்டா²; நோ சே ஸத்தா
இஸ்ஸரனிம்மானஹேது ஸுக²து³க்க²ங் படிஸங்வேதெ³ந்தி, கா³ரய்ஹா நிக³ண்டா². ஸசே,
பி⁴க்க²வே, ஸத்தா ஸங்க³திபா⁴வஹேது ஸுக²து³க்க²ங்
படிஸங்வேதெ³ந்தி, கா³ரய்ஹா நிக³ண்டா²; நோ சே ஸத்தா ஸங்க³திபா⁴வஹேது
ஸுக²து³க்க²ங் படிஸங்வேதெ³ந்தி, கா³ரய்ஹா நிக³ண்டா². ஸசே, பி⁴க்க²வே, ஸத்தா
அபி⁴ஜாதிஹேது ஸுக²து³க்க²ங் படிஸங்வேதெ³ந்தி, கா³ரய்ஹா நிக³ண்டா²; நோ சே
ஸத்தா அபி⁴ஜாதிஹேது ஸுக²து³க்க²ங் படிஸங்வேதெ³ந்தி, கா³ரய்ஹா நிக³ண்டா².
ஸசே, பி⁴க்க²வே, ஸத்தா தி³ட்ட²த⁴ம்மூபக்கமஹேது ஸுக²து³க்க²ங்
படிஸங்வேதெ³ந்தி, கா³ரய்ஹா நிக³ண்டா²; நோ சே ஸத்தா
தி³ட்ட²த⁴ம்மூபக்கமஹேது ஸுக²து³க்க²ங் படிஸங்வேதெ³ந்தி, கா³ரய்ஹா
நிக³ண்டா². ஏவங்வாதீ³, பி⁴க்க²வே, நிக³ண்டா². ஏவங்வாதீ³னங், பி⁴க்க²வே,
நிக³ண்டா²னங் இமே த³ஸ ஸஹத⁴ம்மிகா வாதா³னுவாதா³ கா³ரய்ஹங் டா²னங்
ஆக³ச்ச²ந்தி. ஏவங் கோ², பி⁴க்க²வே, அப²லோ உபக்கமோ ஹோதி, அப²லங் பதா⁴னங்.

10.
‘‘கத²ஞ்ச, பி⁴க்க²வே, ஸப²லோ உபக்கமோ ஹோதி, ஸப²லங் பதா⁴னங்? இத⁴,
பி⁴க்க²வே, பி⁴க்கு² ந ஹேவ அனத்³த⁴பூ⁴தங் அத்தானங் து³க்கே²ன
அத்³த⁴பா⁴வேதி, த⁴ம்மிகஞ்ச ஸுக²ங் ந பரிச்சஜதி, தஸ்மிஞ்ச ஸுகே²
அனதி⁴முச்சி²தோ ஹோதி. ஸோ ஏவங் பஜானாதி – ‘இமஸ்ஸ கோ² மே து³க்க²னிதா³னஸ்ஸ
ஸங்கா²ரங் பத³ஹதோ ஸங்கா²ரப்பதா⁴னா விராகோ³ ஹோதி, இமஸ்ஸ பன மே
து³க்க²னிதா³னஸ்ஸ அஜ்ஜு²பெக்க²தோ உபெக்க²ங் பா⁴வயதோ விராகோ³ ஹோதீ’தி. ஸோ
யஸ்ஸ ஹி க்²வாஸ்ஸ [யஸ்ஸ கோ² பனஸ்ஸ (ஸீ॰), யஸ்ஸ க்²வாஸ்ஸ (பீ॰)]
து³க்க²னிதா³னஸ்ஸ ஸங்கா²ரங் பத³ஹதோ ஸங்கா²ரப்பதா⁴னா விராகோ³ ஹோதி,
ஸங்கா²ரங் தத்த² பத³ஹதி. யஸ்ஸ பனஸ்ஸ து³க்க²னிதா³னஸ்ஸ அஜ்ஜு²பெக்க²தோ
உபெக்க²ங் பா⁴வயதோ விராகோ³ ஹோதி, உபெக்க²ங் தத்த² பா⁴வேதி. தஸ்ஸ தஸ்ஸ
து³க்க²னிதா³னஸ்ஸ ஸங்கா²ரங் பத³ஹதோ ஸங்கா²ரப்பதா⁴னா விராகோ³ ஹோதி –
ஏவம்பிஸ்ஸ தங் து³க்க²ங் நிஜ்ஜிண்ணங் ஹோதி. தஸ்ஸ தஸ்ஸ து³க்க²னிதா³னஸ்ஸ
அஜ்ஜு²பெக்க²தோ உபெக்க²ங் பா⁴வயதோ விராகோ³ ஹோதி – ஏவம்பிஸ்ஸ தங் து³க்க²ங்
நிஜ்ஜிண்ணங் ஹோதி.

11.
‘‘ஸெய்யதா²பி, பி⁴க்க²வே, புரிஸோ இத்தி²யா ஸாரத்தோ படிப³த்³த⁴சித்தோ
திப்³ப³ச்ச²ந்தோ³ திப்³பா³பெக்கோ². ஸோ தங் இத்தி²ங் பஸ்ஸெய்ய அஞ்ஞேன
புரிஸேன ஸத்³தி⁴ங் ஸந்திட்ட²ந்திங் ஸல்லபந்திங் ஸஞ்ஜக்³க⁴ந்திங்
ஸங்ஹஸந்திங். தங் கிங் மஞ்ஞத², பி⁴க்க²வே, அபி நு தஸ்ஸ புரிஸஸ்ஸ அமுங்
இத்தி²ங் தி³ஸ்வா அஞ்ஞேன புரிஸேன ஸத்³தி⁴ங் ஸந்திட்ட²ந்திங் ஸல்லபந்திங்
ஸஞ்ஜக்³க⁴ந்திங் ஸங்ஹஸந்திங் உப்பஜ்ஜெய்யுங்
ஸோகபரிதே³வது³க்க²தோ³மனஸ்ஸூபாயாஸா’’தி? ‘‘ஏவங், ப⁴ந்தே’’. ‘‘தங் கிஸ்ஸ
ஹேது’’? ‘‘அமு ஹி, ப⁴ந்தே, புரிஸோ அமுஸ்ஸா இத்தி²யா ஸாரத்தோ
படிப³த்³த⁴சித்தோ திப்³ப³ச்ச²ந்தோ³ திப்³பா³பெக்கோ² . தஸ்மா தங் இத்தி²ங் தி³ஸ்வா அஞ்ஞேன புரிஸேன ஸத்³தி⁴ங் ஸந்திட்ட²ந்திங் ஸல்லபந்திங் ஸஞ்ஜக்³க⁴ந்திங்
ஸங்ஹஸந்திங் உப்பஜ்ஜெய்யுங் ஸோகபரிதே³வது³க்க²தோ³மனஸ்ஸூபாயாஸா’’தி. ‘‘அத²
கோ², பி⁴க்க²வே, தஸ்ஸ புரிஸஸ்ஸ ஏவமஸ்ஸ – ‘அஹங் கோ² அமுஸ்ஸா இத்தி²யா
ஸாரத்தோ படிப³த்³த⁴சித்தோ திப்³ப³ச்ச²ந்தோ³ திப்³பா³பெக்கோ². தஸ்ஸ மே அமுங்
இத்தி²ங் தி³ஸ்வா அஞ்ஞேன புரிஸேன ஸத்³தி⁴ங் ஸந்திட்ட²ந்திங் ஸல்லபந்திங்
ஸஞ்ஜக்³க⁴ந்திங் ஸங்ஹஸந்திங் உப்பஜ்ஜந்தி
ஸோகபரிதே³வது³க்க²தோ³மனஸ்ஸூபாயாஸா. யங்னூனாஹங் யோ மே அமுஸ்ஸா இத்தி²யா
ச²ந்த³ராகோ³ தங் பஜஹெய்ய’ந்தி. ஸோ யோ அமுஸ்ஸா இத்தி²யா ச²ந்த³ராகோ³ தங்
பஜஹெய்ய. ஸோ தங் இத்தி²ங் பஸ்ஸெய்ய அபரேன ஸமயேன அஞ்ஞேன புரிஸேன ஸத்³தி⁴ங்
ஸந்திட்ட²ந்திங் ஸல்லபந்திங் ஸஞ்ஜக்³க⁴ந்திங் ஸங்ஹஸந்திங். தங் கிங்
மஞ்ஞத², பி⁴க்க²வே, அபி நு தஸ்ஸ புரிஸஸ்ஸ அமுங் இத்தி²ங் தி³ஸ்வா அஞ்ஞேன
புரிஸேன ஸத்³தி⁴ங் ஸந்திட்ட²ந்திங் ஸல்லபந்திங் ஸஞ்ஜக்³க⁴ந்திங்
ஸங்ஹஸந்திங் உப்பஜ்ஜெய்யுங் ஸோகபரிதே³வது³க்க²தோ³மனஸ்ஸூபாயாஸா’’தி? ‘‘நோ
ஹேதங், ப⁴ந்தே’’. ‘‘தங் கிஸ்ஸ ஹேது’’? ‘‘அமு ஹி, ப⁴ந்தே, புரிஸோ அமுஸ்ஸா
இத்தி²யா விராகோ³. தஸ்மா தங் இத்தி²ங் தி³ஸ்வா அஞ்ஞேன புரிஸேன ஸத்³தி⁴ங்
ஸந்திட்ட²ந்திங் ஸல்லபந்திங் ஸஞ்ஜக்³க⁴ந்திங் ஸங்ஹஸந்திங் ந உப்பஜ்ஜெய்யுங்
ஸோகபரிதே³வது³க்க²தோ³மனஸ்ஸூபாயாஸா’’தி.

‘‘ஏவமேவ கோ², பி⁴க்க²வே, பி⁴க்கு² ந ஹேவ அனத்³த⁴பூ⁴தங்
அத்தானங் து³க்கே²ன அத்³த⁴பா⁴வேதி, த⁴ம்மிகஞ்ச ஸுக²ங் ந பரிச்சஜதி,
தஸ்மிஞ்ச ஸுகே² அனதி⁴முச்சி²தோ ஹோதி. ஸோ ஏவங் பஜானாதி – ‘இமஸ்ஸ கோ² மே
து³க்க²னிதா³னஸ்ஸ ஸங்கா²ரங் பத³ஹதோ ஸங்கா²ரப்பதா⁴னா விராகோ³ ஹோதி, இமஸ்ஸ பன
மே து³க்க²னிதா³னஸ்ஸ அஜ்ஜு²பெக்க²தோ உபெக்க²ங் பா⁴வயதோ விராகோ³ ஹோதீ’தி.
ஸோ யஸ்ஸ ஹி க்²வாஸ்ஸ து³க்க²னிதா³னஸ்ஸ ஸங்கா²ரங் பத³ஹதோ ஸங்கா²ரப்பதா⁴னா
விராகோ³ ஹோதி, ஸங்கா²ரங் தத்த² பத³ஹதி; யஸ்ஸ பனஸ்ஸ து³க்க²னிதா³னஸ்ஸ
அஜ்ஜு²பெக்க²தோ உபெக்க²ங் பா⁴வயதோ விராகோ³ ஹோதி, உபெக்க²ங் தத்த² பா⁴வேதி.
தஸ்ஸ தஸ்ஸ து³க்க²னிதா³னஸ்ஸ ஸங்கா²ரங் பத³ஹதோ ஸங்கா²ரப்பதா⁴னா விராகோ³ ஹோதி – ஏவம்பிஸ்ஸ தங் து³க்க²ங் நிஜ்ஜிண்ணங் ஹோதி .
தஸ்ஸ தஸ்ஸ து³க்க²னிதா³னஸ்ஸ அஜ்ஜு²பெக்க²தோ உபெக்க²ங் பா⁴வயதோ விராகோ³
ஹோதி – ஏவம்பிஸ்ஸ தங் து³க்க²ங் நிஜ்ஜிண்ணங் ஹோதி. ஏவம்பி, பி⁴க்க²வே,
ஸப²லோ உபக்கமோ ஹோதி, ஸப²லங் பதா⁴னங்.

12.
‘‘புன சபரங், பி⁴க்க²வே, பி⁴க்கு² இதி படிஸஞ்சிக்க²தி – ‘யதா²ஸுக²ங் கோ²
மே விஹரதோ அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா பரிஹாயந்தி;
து³க்கா²ய பன மே அத்தானங் பத³ஹதோ அகுஸலா த⁴ம்மா பரிஹாயந்தி, குஸலா த⁴ம்மா
அபி⁴வட்³ட⁴ந்தி. யங்னூனாஹங் து³க்கா²ய அத்தானங் பத³ஹெய்ய’ந்தி. ஸோ
து³க்கா²ய அத்தானங் பத³ஹதி. தஸ்ஸ து³க்கா²ய அத்தானங் பத³ஹதோ அகுஸலா த⁴ம்மா
பரிஹாயந்தி குஸலா த⁴ம்மா அபி⁴வட்³ட⁴ந்தி. ஸோ ந அபரேன ஸமயேன து³க்கா²ய
அத்தானங் பத³ஹதி. தங் கிஸ்ஸ ஹேது? யஸ்ஸ ஹி ஸோ, பி⁴க்க²வே, பி⁴க்கு² அத்தா²ய
து³க்கா²ய அத்தானங் பத³ஹெய்ய ஸ்வாஸ்ஸ அத்தோ² அபி⁴னிப்ப²ன்னோ ஹோதி. தஸ்மா ந
அபரேன ஸமயேன து³க்கா²ய அத்தானங் பத³ஹதி. ஸெய்யதா²பி, பி⁴க்க²வே, உஸுகாரோ
தேஜனங் த்³வீஸு அலாதேஸு ஆதாபேதி பரிதாபேதி உஜுங் கரோதி கம்மனியங். யதோ கோ²,
பி⁴க்க²வே, உஸுகாரஸ்ஸ தேஜனங் த்³வீஸு அலாதேஸு ஆதாபிதங் ஹோதி பரிதாபிதங்
உஜுங் கதங் [உஜுங் கதங் ஹோதி (ஸீ॰)] கம்மனியங், ந
ஸோ தங் அபரேன ஸமயேன உஸுகாரோ தேஜனங் த்³வீஸு அலாதேஸு ஆதாபேதி பரிதாபேதி
உஜுங் கரோதி கம்மனியங். தங் கிஸ்ஸ ஹேது? யஸ்ஸ ஹி ஸோ, பி⁴க்க²வே, அத்தா²ய
உஸுகாரோ தேஜனங் த்³வீஸு அலாதேஸு ஆதாபெய்ய பரிதாபெய்ய உஜுங்
கரெய்ய கம்மனியங் ஸ்வாஸ்ஸ அத்தோ² அபி⁴னிப்ப²ன்னோ ஹோதி. தஸ்மா ந அபரேன
ஸமயேன உஸுகாரோ தேஜனங் த்³வீஸு அலாதேஸு ஆதாபேதி பரிதாபேதி உஜுங் கரோதி
கம்மனியங். ஏவமேவ கோ², பி⁴க்க²வே, பி⁴க்கு² இதி படிஸஞ்சிக்க²தி –
‘யதா²ஸுக²ங் கோ² மே விஹரதோ அகுஸலா த⁴ம்மா அபி⁴வட்³ட⁴ந்தி, குஸலா த⁴ம்மா
பரிஹாயந்தி; து³க்கா²ய பன மே அத்தானங் பத³ஹதோ அகுஸலா த⁴ம்மா பரிஹாயந்தி,
குஸலா த⁴ம்மா அபி⁴வட்³ட⁴ந்தி. யங்னூனாஹங் து³க்கா²ய அத்தானங்
பத³ஹெய்ய’ந்தி. ஸோ து³க்கா²ய அத்தானங் பத³ஹதி. தஸ்ஸ து³க்கா²ய அத்தானங்
பத³ஹதோ அகுஸலா த⁴ம்மா பரிஹாயந்தி, குஸலா த⁴ம்மா அபி⁴வட்³ட⁴ந்தி. ஸோ ந அபரேன
ஸமயேன து³க்கா²ய அத்தானங் பத³ஹதி. தங் கிஸ்ஸ ஹேது?
யஸ்ஸ ஹி ஸோ, பி⁴க்க²வே, பி⁴க்கு² அத்தா²ய து³க்கா²ய அத்தானங் பத³ஹெய்ய
ஸ்வாஸ்ஸ அத்தோ² அபி⁴னிப்ப²ன்னோ ஹோதி. தஸ்மா ந அபரேன ஸமயேன து³க்கா²ய
அத்தானங் பத³ஹதி. ஏவம்பி, பி⁴க்க²வே, ஸப²லோ உபக்கமோ ஹோதி, ஸப²லங் பதா⁴னங்.

13.
‘‘புன சபரங், பி⁴க்க²வே, இத⁴ ததா²க³தோ லோகே உப்பஜ்ஜதி அரஹங்
ஸம்மாஸம்பு³த்³தோ⁴ விஜ்ஜாசரணஸம்பன்னோ ஸுக³தோ லோகவிதூ³ அனுத்தரோ
புரிஸத³ம்மஸாரதி² ஸத்தா² தே³வமனுஸ்ஸானங் பு³த்³தோ⁴ ப⁴க³வா. ஸோ இமங் லோகங்
ஸதே³வகங் ஸமாரகங் ஸப்³ரஹ்மகங் ஸஸ்ஸமணப்³ராஹ்மணிங் பஜங் ஸதே³வமனுஸ்ஸங் ஸயங்
அபி⁴ஞ்ஞா ஸச்சி²கத்வா பவேதே³தி. ஸோ த⁴ம்மங் தே³ஸேதி ஆதி³கல்யாணங்
மஜ்ஜே²கல்யாணங் பரியோஸானகல்யாணங் ஸாத்த²ங் ஸப்³யஞ்ஜனங், கேவலபரிபுண்ணங்
பரிஸுத்³த⁴ங் ப்³ரஹ்மசரியங் பகாஸேதி. தங் த⁴ம்மங் ஸுணாதி க³ஹபதி வா க³ஹபதிபுத்தோ
வா அஞ்ஞதரஸ்மிங் வா குலே பச்சாஜாதோ. ஸோ தங் த⁴ம்மங் ஸுத்வா ததா²க³தே
ஸத்³த⁴ங் படிலப⁴தி. ஸோ தேன ஸத்³தா⁴படிலாபே⁴ன ஸமன்னாக³தோ இதி படிஸஞ்சிக்க²தி
– ‘ஸம்பா³தோ⁴ க⁴ராவாஸோ ரஜாபதோ², அப்³போ⁴காஸோ பப்³ப³ஜ்ஜா. நயித³ங் ஸுகரங்
அகா³ரங் அஜ்ஜா²வஸதா ஏகந்தபரிபுண்ணங் ஏகந்தபரிஸுத்³த⁴ங் ஸங்க²லிகி²தங்
ப்³ரஹ்மசரியங் சரிதுங். யங்னூனாஹங் கேஸமஸ்ஸுங்
ஓஹாரெத்வா காஸாயானி வத்தா²னி அச்சா²தெ³த்வா அகா³ரஸ்மா அனகா³ரியங்
பப்³ப³ஜெய்ய’ந்தி. ஸோ அபரேன ஸமயேன அப்பங் வா போ⁴க³க்க²ந்த⁴ங் பஹாய மஹந்தங்
வா போ⁴க³க்க²ந்த⁴ங் பஹாய, அப்பங் வா ஞாதிபரிவட்டங் பஹாய மஹந்தங் வா
ஞாதிபரிவட்டங் பஹாய கேஸமஸ்ஸுங் ஓஹாரெத்வா காஸாயானி வத்தா²னி அச்சா²தெ³த்வா
அகா³ரஸ்மா அனகா³ரியங் பப்³ப³ஜதி.

14.
‘‘ஸோ ஏவங் பப்³ப³ஜிதோ ஸமானோ பி⁴க்கூ²னங் ஸிக்கா²ஸாஜீவஸமாபன்னோ பாணாதிபாதங்
பஹாய பாணாதிபாதா படிவிரதோ ஹோதி நிஹிதத³ண்டோ³ நிஹிதஸத்தோ², லஜ்ஜீ த³யாபன்னோ
ஸப்³ப³பாணபூ⁴தஹிதானுகம்பீ விஹரதி. அதி³ன்னாதா³னங் பஹாய அதி³ன்னாதா³னா
படிவிரதோ ஹோதி தி³ன்னாதா³யீ தி³ன்னபாடிகங்கீ², அதே²னேன ஸுசிபூ⁴தேன அத்தனா
விஹரதி. அப்³ரஹ்மசரியங் பஹாய ப்³ரஹ்மசாரீ ஹோதி ஆராசாரீ விரதோ மேது²னா
கா³மத⁴ம்மா. முஸாவாத³ங் பஹாய முஸாவாதா³ படிவிரதோ ஹோதி ஸச்சவாதீ³ ஸச்சஸந்தோ⁴
தே²தோ பச்சயிகோ அவிஸங்வாத³கோ லோகஸ்ஸ. பிஸுணங் வாசங் பஹாய பிஸுணாய வாசாய
படிவிரதோ ஹோதி; இதோ ஸுத்வா ந அமுத்ர அக்கா²தா இமேஸங் பே⁴தா³ய, அமுத்ர வா
ஸுத்வா ந இமேஸங் அக்கா²தா அமூஸங் பே⁴தா³ய – இதி பி⁴ன்னானங்
வா ஸந்தா⁴தா ஸஹிதானங் வா அனுப்பதா³தா ஸமக்³கா³ராமோ ஸமக்³க³ரதோ
ஸமக்³க³னந்தீ³ ஸமக்³க³கரணிங் வாசங் பா⁴ஸிதா ஹோதி. ப²ருஸங் வாசங் பஹாய
ப²ருஸாய வாசாய படிவிரதோ ஹோதி; யா ஸா வாசா நேலா கண்ணஸுகா² பேமனீயா
ஹத³யங்க³மா போரீ ப³ஹுஜனகந்தா ப³ஹுஜனமனாபா ததா²ரூபிங் வாசங் பா⁴ஸிதா ஹோதி.
ஸம்ப²ப்பலாபங் பஹாய ஸம்ப²ப்பலாபா படிவிரதோ ஹோதி காலவாதீ³ பூ⁴தவாதீ³
அத்த²வாதீ³ த⁴ம்மவாதீ³ வினயவாதீ³, நிதா⁴னவதிங் வாசங் பா⁴ஸிதா காலேன
ஸாபதே³ஸங் பரியந்தவதிங் அத்த²ஸங்ஹிதங். ஸோ பீ³ஜகா³மபூ⁴தகா³மஸமாரம்பா⁴
படிவிரதோ ஹோதி. ஏகப⁴த்திகோ ஹோதி ரத்தூபரதோ விரதோ விகாலபோ⁴ஜனா.
நச்சகீ³தவாதி³தவிஸூகத³ஸ்ஸனா படிவிரதோ ஹோதி.
மாலாக³ந்த⁴விலேபனதா⁴ரணமண்ட³னவிபூ⁴ஸனட்டா²னா
படிவிரதோ ஹோதி. உச்சாஸயனமஹாஸயனா படிவிரதோ ஹோதி. ஜாதரூபரஜதபடிக்³க³ஹணா
படிவிரதோ ஹோதி. ஆமகத⁴ஞ்ஞபடிக்³க³ஹணா படிவிரதோ ஹோதி. ஆமகமங்ஸபடிக்³க³ஹணா
படிவிரதோ ஹோதி. இத்தி²குமாரிகபடிக்³க³ஹணா படிவிரதோ ஹோதி.
தா³ஸிதா³ஸபடிக்³க³ஹணா படிவிரதோ ஹோதி. அஜேளகபடிக்³க³ஹணா படிவிரதோ ஹோதி.
குக்குடஸூகரபடிக்³க³ஹணா படிவிரதோ ஹோதி. ஹத்தி²க³வஸ்ஸவளவபடிக்³க³ஹணா
படிவிரதோ ஹோதி. கெ²த்தவத்து²படிக்³க³ஹணா படிவிரதோ ஹோதி.
தூ³தெய்யபஹிணக³மனானுயோகா³ படிவிரதோ ஹோதி. கயவிக்கயா படிவிரதோ ஹோதி.
துலாகூடகங்ஸகூடமானகூடா படிவிரதோ ஹோதி. உக்கோடனவஞ்சனநிகதிஸாசியோகா³ [ஸாவியோகா³ (ஸ்யா॰ கங்॰ க॰) எத்த² ஸாசிஸத்³தோ³ குடிலபரியாயோ] படிவிரதோ ஹோதி. சே²த³னவத⁴ப³ந்த⁴னவிபராமோஸஆலோபஸஹஸாகாரா படிவிரதோ ஹோதி [பஸ்ஸ ம॰ நி॰ 1.293 சூளஹத்தி²பதோ³பமே].

‘‘ஸோ ஸந்துட்டோ² ஹோதி காயபரிஹாரிகேன சீவரேன, குச்சி²பரிஹாரிகேன பிண்ட³பாதேன. ஸோ யேன
யேனேவ பக்கமதி ஸமாதா³யேவ பக்கமதி. ஸெய்யதா²பி நாம பக்கீ² ஸகுணோ யேன யேனேவ
டே³தி ஸபத்தபா⁴ரோவ டே³தி, ஏவமேவ பி⁴க்கு² ஸந்துட்டோ² ஹோதி காயபரிஹாரிகேன
சீவரேன, குச்சி²பரிஹாரிகேன பிண்ட³பாதேன; ஸோ யேன யேனேவ பக்கமதி ஸமாதா³யேவ
பக்கமதி. ஸோ இமினா அரியேன ஸீலக்க²ந்தே⁴ன ஸமன்னாக³தோ அஜ்ஜ²த்தங்
அனவஜ்ஜஸுக²ங் படிஸங்வேதே³தி.

15.
‘‘ஸோ சக்கு²னா ரூபங் தி³ஸ்வா ந நிமித்தக்³கா³ஹீ ஹோதி
நானுப்³யஞ்ஜனக்³கா³ஹீ. யத்வாதி⁴கரணமேனங் சக்கு²ந்த்³ரியங் அஸங்வுதங்
விஹரந்தங் அபி⁴ஜ்ஜா²தோ³மனஸ்ஸா பாபகா அகுஸலா த⁴ம்மா அன்வாஸ்ஸவெய்யுங் தஸ்ஸ
ஸங்வராய படிபஜ்ஜதி, ரக்க²தி சக்கு²ந்த்³ரியங், சக்கு²ந்த்³ரியே ஸங்வரங்
ஆபஜ்ஜதி. ஸோதேன ஸத்³த³ங் ஸுத்வா…பே॰… கா⁴னேன க³ந்த⁴ங் கா⁴யித்வா…பே॰…
ஜிவ்ஹாய ரஸங் ஸாயித்வா…பே॰… காயேன பொ²ட்ட²ப்³ப³ங் பு²ஸித்வா…பே॰… மனஸா
த⁴ம்மங் விஞ்ஞாய ந நிமித்தக்³கா³ஹீ ஹோதி நானுப்³யஞ்ஜனக்³கா³ஹீ.
யத்வாதி⁴கரணமேனங் மனிந்த்³ரியங் அஸங்வுதங் விஹரந்தங் அபி⁴ஜ்ஜா²தோ³மனஸ்ஸா
பாபகா அகுஸலா த⁴ம்மா அன்வாஸ்ஸவெய்யுங் தஸ்ஸ ஸங்வராய படிபஜ்ஜதி, ரக்க²தி
மனிந்த்³ரியங், மனிந்த்³ரியே ஸங்வரங் ஆபஜ்ஜதி. ஸோ இமினா அரியேன
இந்த்³ரியஸங்வரேன ஸமன்னாக³தோ அஜ்ஜ²த்தங் அப்³யாஸேகஸுக²ங் படிஸங்வேதே³தி.

‘‘ஸோ அபி⁴க்கந்தே படிக்கந்தே ஸம்பஜானகாரீ ஹோதி, ஆலோகிதே விலோகிதே ஸம்பஜானகாரீ ஹோதி, ஸமிஞ்ஜிதே [ஸம்மிஞ்ஜிதே (ஸீ॰ ஸ்யா॰ கங்॰ பீ॰)] பஸாரிதே ஸம்பஜானகாரீ ஹோதி, ஸங்கா⁴டிபத்தசீவரதா⁴ரணே ஸம்பஜானகாரீ ஹோதி ,
அஸிதே பீதே கா²யிதே ஸாயிதே ஸம்பஜானகாரீ ஹோதி, உச்சாரபஸ்ஸாவகம்மே
ஸம்பஜானகாரீ ஹோதி, க³தே டி²தே நிஸின்னே ஸுத்தே ஜாக³ரிதே பா⁴ஸிதே
துண்ஹீபா⁴வே ஸம்பஜானகாரீ ஹோதி.

16. ‘‘ஸோ இமினா ச அரியேன ஸீலக்க²ந்தே⁴ன ஸமன்னாக³தோ, (இமாய ச அரியாய ஸந்துட்டி²யா ஸமன்னாக³தோ,) [பஸ்ஸ ம॰ நி॰ 1.296 சூளஹத்தி²பதோ³பமே]
இமினா ச அரியேன இந்த்³ரியஸங்வரேன ஸமன்னாக³தோ, இமினா ச அரியேன
ஸதிஸம்பஜஞ்ஞேன ஸமன்னாக³தோ விவித்தங் ஸேனாஸனங் ப⁴ஜதி அரஞ்ஞங் ருக்க²மூலங்
பப்³ப³தங் கந்த³ரங் கி³ரிகு³ஹங் ஸுஸானங் வனபத்த²ங் அப்³போ⁴காஸங்
பலாலபுஞ்ஜங். ஸோ பச்சா²ப⁴த்தங் பிண்ட³பாதபடிக்கந்தோ நிஸீத³தி பல்லங்கங்
ஆபு⁴ஜித்வா, உஜுங் காயங் பணிதா⁴ய, பரிமுக²ங் ஸதிங் உபட்ட²பெத்வா. ஸோ
அபி⁴ஜ்ஜ²ங் லோகே பஹாய விக³தாபி⁴ஜ்ஜே²ன சேதஸா விஹரதி, அபி⁴ஜ்ஜா²ய சித்தங்
பரிஸோதே⁴தி. ப்³யாபாத³பதோ³ஸங் பஹாய அப்³யாபன்னசித்தோ விஹரதி
ஸப்³ப³பாணபூ⁴தஹிதானுகம்பீ, ப்³யாபாத³பதோ³ஸா சித்தங் பரிஸோதே⁴தி.
தி²னமித்³த⁴ங் பஹாய விக³ததி²னமித்³தோ⁴ விஹரதி ஆலோகஸஞ்ஞீ ஸதோ ஸம்பஜானோ,
தி²னமித்³தா⁴ சித்தங் பரிஸோதே⁴தி. உத்³த⁴ச்சகுக்குச்சங் பஹாய அனுத்³த⁴தோ
விஹரதி அஜ்ஜ²த்தங் வூபஸந்தசித்தோ ,
உத்³த⁴ச்சகுக்குச்சா சித்தங் பரிஸோதே⁴தி. விசிகிச்ச²ங் பஹாய
திண்ணவிசிகிச்சோ² விஹரதி அகத²ங்கதீ² குஸலேஸு த⁴ம்மேஸு, விசிகிச்சா²ய
சித்தங் பரிஸோதே⁴தி.

‘‘புன சபரங், பி⁴க்க²வே, பி⁴க்கு² விதக்கவிசாரானங்
வூபஸமா அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங் அவிதக்கங் அவிசாரங்
ஸமாதி⁴ஜங் பீதிஸுக²ங் து³தியங் ஜா²னங் உபஸம்பஜ்ஜ விஹரதி. ஏவம்பி,
பி⁴க்க²வே, ஸப²லோ உபக்கமோ ஹோதி, ஸப²லங் பதா⁴னங்.

‘‘புன சபரங், பி⁴க்க²வே,
பி⁴க்கு² பீதியா ச விராகா³ உபெக்க²கோ ச விஹரதி ஸதோ ச ஸம்பஜானோ, ஸுக²ஞ்ச
காயேன படிஸங்வேதே³தி. யங் தங் அரியா ஆசிக்க²ந்தி – ‘உபெக்க²கோ ஸதிமா
ஸுக²விஹாரீ’தி ததியங் ஜா²னங் உபஸம்பஜ்ஜ விஹரதி. ஏவம்பி, பி⁴க்க²வே, ஸப²லோ
உபக்கமோ ஹோதி, ஸப²லங் பதா⁴னங்.

‘‘புன சபரங், பி⁴க்க²வே, பி⁴க்கு² ஸுக²ஸ்ஸ ச பஹானா
து³க்க²ஸ்ஸ ச பஹானா, புப்³பே³வ ஸோமனஸ்ஸதோ³மனஸ்ஸானங் அத்த²ங்க³மா,
அது³க்க²மஸுக²ங் உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ
விஹரதி. ஏவம்பி, பி⁴க்க²வே, ஸப²லோ உபக்கமோ ஹோதி, ஸப²லங் பதா⁴னங்.

17.
‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே
விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே
புப்³பே³னிவாஸானுஸ்ஸதிஞாணாய சித்தங் அபி⁴னின்னாமேதி. ஸோ அனேகவிஹிதங்
புப்³பே³னிவாஸங் அனுஸ்ஸரதி, ஸெய்யதி²த³ங் [ஸெய்யதீ²த³ங் (ஸீ॰ ஸ்யா॰ கங்॰ பீ॰)]
– ஏகம்பி ஜாதிங் த்³வேபி ஜாதியோ திஸ்ஸோபி ஜாதியோ சதஸ்ஸோபி ஜாதியோ பஞ்சபி
ஜாதியோ த³ஸபி ஜாதியோ வீஸம்பி ஜாதியோ திங்ஸம்பி ஜாதியோ சத்தாலீஸம்பி ஜாதியோ
பஞ்ஞாஸம்பி ஜாதியோ ஜாதிஸதம்பி ஜாதிஸஹஸ்ஸம்பி
ஜாதிஸதஸஹஸ்ஸம்பி அனேகேபி ஸங்வட்டகப்பே அனேகேபி விவட்டகப்பே அனேகேபி
ஸங்வட்டவிவட்டகப்பே – ‘அமுத்ராஸிங் ஏவங்னாமோ ஏவங்கொ³த்தோ ஏவங்வண்ணோ
ஏவமாஹாரோ ஏவங்ஸுக²து³க்க²ப்படிஸங்வேதீ³ ஏவமாயுபரியந்தோ, ஸோ ததோ சுதோ அமுத்ர
உத³பாதி³ங்; தத்ராபாஸிங் ஏவங்னாமோ ஏவங்கொ³த்தோ ஏவங்வண்ணோ ஏவமாஹாரோ
ஏவங்ஸுக²து³க்க²ப்படிஸங்வேதீ³ ஏவமாயுபரியந்தோ, ஸோ ததோ சுதோ இதூ⁴பபன்னோ’தி.
இதி ஸாகாரங் ஸஉத்³தே³ஸங் அனேகவிஹிதங் புப்³பே³னிவாஸங் அனுஸ்ஸரதி. ஏவம்பி, பி⁴க்க²வே, ஸப²லோ உபக்கமோ ஹோதி, ஸப²லங் பதா⁴னங்.

18.
‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே
விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே ஸத்தானங்
சுதூபபாதஞாணாய சித்தங் அபி⁴னின்னாமேதி. ஸோ தி³ப்³பே³ன சக்கு²னா விஸுத்³தே⁴ன
அதிக்கந்தமானுஸகேன ஸத்தே பஸ்ஸதி சவமானே உபபஜ்ஜமானே ஹீனே பணீதே ஸுவண்ணே
து³ப்³ப³ண்ணே, ஸுக³தே து³க்³க³தே யதா²கம்மூபகே³ ஸத்தே பஜானாதி
– ‘இமே வத பொ⁴ந்தோ ஸத்தா காயது³ச்சரிதேன ஸமன்னாக³தா வசீது³ச்சரிதேன
ஸமன்னாக³தா மனோது³ச்சரிதேன ஸமன்னாக³தா அரியானங் உபவாத³கா மிச்சா²தி³ட்டி²கா
மிச்சா²தி³ட்டி²கம்மஸமாதா³னா, தே காயஸ்ஸ பே⁴தா³ பரங் மரணா அபாயங்
து³க்³க³திங் வினிபாதங் நிரயங் உபபன்னா. இமே வா பன பொ⁴ந்தோ ஸத்தா
காயஸுசரிதேன ஸமன்னாக³தா வசீஸுசரிதேன ஸமன்னாக³தா மனோஸுசரிதேன ஸமன்னாக³தா
அரியானங் அனுபவாத³கா ஸம்மாதி³ட்டி²கா ஸம்மாதி³ட்டி²கம்மஸமாதா³னா, தே காயஸ்ஸ
பே⁴தா³ பரங் மரணா ஸுக³திங் ஸக்³க³ங் லோகங்
உபபன்னா’தி. இதி தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ஸத்தே
பஸ்ஸதி சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே, ஸுக³தே
து³க்³க³தே யதா²கம்மூபகே³ ஸத்தே பஜானாதி. ஏவம்பி, பி⁴க்க²வே, ஸப²லோ உபக்கமோ
ஹோதி, ஸப²லங் பதா⁴னங்.

19. ‘‘ஸோ
ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே விக³தூபக்கிலேஸே
முது³பூ⁴தே கம்மனியே டி²தே ஆனேஞ்ஜப்பத்தே ஆஸவானங் க²யஞாணாய சித்தங்
அபி⁴னின்னாமேதி. ஸோ ‘இத³ங் து³க்க²’ந்தி யதா²பூ⁴தங் பஜானாதி, ‘அயங்
து³க்க²ஸமுத³யோ’தி யதா²பூ⁴தங் பஜானாதி, ‘அயங் து³க்க²னிரோதோ⁴’தி யதா²பூ⁴தங்
பஜானாதி, ‘அயங் து³க்க²னிரோத⁴கா³மினீ படிபதா³’தி யதா²பூ⁴தங் பஜானாதி; ‘இமே
ஆஸவா’தி யதா²பூ⁴தங் பஜானாதி, ‘அயங் ஆஸவஸமுத³யோ’தி யதா²பூ⁴தங் பஜானாதி,
‘அயங் ஆஸவனிரோதோ⁴’தி யதா²பூ⁴தங் பஜானாதி, ‘அயங் ஆஸவனிரோத⁴கா³மினீ
படிபதா³’தி யதா²பூ⁴தங் பஜானாதி. தஸ்ஸ ஏவங் ஜானதோ ஏவங் பஸ்ஸதோ காமாஸவாபி
சித்தங் விமுச்சதி, ப⁴வாஸவாபி சித்தங் விமுச்சதி, அவிஜ்ஜாஸவாபி சித்தங்
விமுச்சதி. விமுத்தஸ்மிங் விமுத்தமிதி ஞாணங் ஹோதி. ‘கீ²ணா ஜாதி, வுஸிதங்
ப்³ரஹ்மசரியங், கதங் கரணீயங், நாபரங் இத்த²த்தாயா’தி பஜானாதி. ஏவம்பி கோ²,
பி⁴க்க²வே, ஸப²லோ உபக்கமோ ஹோதி, ஸப²லங் பதா⁴னங். ஏவங்வாதீ³, பி⁴க்க²வே,
ததா²க³தா. ஏவங்வாதீ³னங், பி⁴க்க²வே, ததா²க³தானங் [ததா²க³தோ, ஏவங்வாதி³ங் பி⁴க்க²வே ததா²க³தங் (ஸீ॰ ஸ்யா॰ கங்॰ பீ॰)] த³ஸ ஸஹத⁴ம்மிகா பாஸங்ஸட்டா²னா ஆக³ச்ச²ந்தி.

20. ‘‘ஸசே , பி⁴க்க²வே, ஸத்தா புப்³பே³கதஹேது ஸுக²து³க்க²ங் படிஸங்வேதெ³ந்தி; அத்³தா⁴, பி⁴க்க²வே, ததா²க³தோ புப்³பே³
ஸுகதகம்மகாரீ யங் ஏதரஹி ஏவரூபா அனாஸவா ஸுகா² வேத³னா வேதே³தி. ஸசே,
பி⁴க்க²வே, ஸத்தா இஸ்ஸரனிம்மானஹேது ஸுக²து³க்க²ங் படிஸங்வேதெ³ந்தி;
அத்³தா⁴, பி⁴க்க²வே, ததா²க³தோ ப⁴த்³த³கேன இஸ்ஸரேன
நிம்மிதோ யங் ஏதரஹி ஏவரூபா அனாஸவா ஸுகா² வேத³னா வேதே³தி. ஸசே, பி⁴க்க²வே,
ஸத்தா ஸங்க³திபா⁴வஹேது ஸுக²து³க்க²ங் படிஸங்வேதெ³ந்தி; அத்³தா⁴, பி⁴க்க²வே,
ததா²க³தோ கல்யாணஸங்க³திகோ யங் ஏதரஹி ஏவரூபா அனாஸவா ஸுகா² வேத³னா வேதே³தி.
ஸசே, பி⁴க்க²வே, ஸத்தா அபி⁴ஜாதிஹேது ஸுக²து³க்க²ங் படிஸங்வேதெ³ந்தி;
அத்³தா⁴, பி⁴க்க²வே, ததா²க³தோ கல்யாணாபி⁴ஜாதிகோ யங் ஏதரஹி ஏவரூபா அனாஸவா
ஸுகா² வேத³னா வேதே³தி. ஸசே, பி⁴க்க²வே, ஸத்தா தி³ட்ட²த⁴ம்மூபக்கமஹேது
ஸுக²து³க்க²ங் படிஸங்வேதெ³ந்தி; அத்³தா⁴, பி⁴க்க²வே, ததா²க³தோ
கல்யாணதி³ட்ட²த⁴ம்மூபக்கமோ யங் ஏதரஹி ஏவரூபா அனாஸவா ஸுகா² வேத³னா வேதே³தி.

‘‘ஸசே, பி⁴க்க²வே, ஸத்தா புப்³பே³கதஹேது ஸுக²து³க்க²ங்
படிஸங்வேதெ³ந்தி, பாஸங்ஸோ ததா²க³தோ; நோ சே ஸத்தா புப்³பே³கதஹேது
ஸுக²து³க்க²ங் படிஸங்வேதெ³ந்தி, பாஸங்ஸோ ததா²க³தோ. ஸசே, பி⁴க்க²வே, ஸத்தா
இஸ்ஸரனிம்மானஹேது ஸுக²து³க்க²ங் படிஸங்வேதெ³ந்தி, பாஸங்ஸோ ததா²க³தோ; நோ சே
ஸத்தா இஸ்ஸரனிம்மானஹேது ஸுக²து³க்க²ங் படிஸங்வேதெ³ந்தி, பாஸங்ஸோ ததா²க³தோ.
ஸசே, பி⁴க்க²வே, ஸத்தா ஸங்க³திபா⁴வஹேது ஸுக²து³க்க²ங் படிஸங்வேதெ³ந்தி,
பாஸங்ஸோ ததா²க³தோ; நோ சே ஸத்தா ஸங்க³திபா⁴வஹேது ஸுக²து³க்க²ங்
படிஸங்வேதெ³ந்தி, பாஸங்ஸோ ததா²க³தோ. ஸசே, பி⁴க்க²வே, ஸத்தா அபி⁴ஜாதிஹேது
ஸுக²து³க்க²ங் படிஸங்வேதெ³ந்தி, பாஸங்ஸோ ததா²க³தோ; நோ சே ஸத்தா
அபி⁴ஜாதிஹேது ஸுக²து³க்க²ங் படிஸங்வேதெ³ந்தி, பாஸங்ஸோ ததா²க³தோ. ஸசே,
பி⁴க்க²வே, ஸத்தா தி³ட்ட²த⁴ம்மூபக்கமஹேது ஸுக²து³க்க²ங் படிஸங்வேதெ³ந்தி,
பாஸங்ஸோ ததா²க³தோ; நோ சே ஸத்தா தி³ட்ட²த⁴ம்மூபக்கமஹேது ஸுக²து³க்க²ங்
படிஸங்வேதெ³ந்தி, பாஸங்ஸோ ததா²க³தோ. ஏவங்வாதீ³, பி⁴க்க²வே, ததா²க³தா.
ஏவங்வாதீ³னங், பி⁴க்க²வே, ததா²க³தானங் இமே த³ஸ ஸஹத⁴ம்மிகா பாஸங்ஸட்டா²னா
ஆக³ச்ச²ந்தீ’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

தே³வத³ஹஸுத்தங் நிட்டி²தங் பட²மங்.

2. பஞ்சத்தயஸுத்தங் [பஞ்சாயதனஸுத்த (க॰)]

21. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
‘‘ஸந்தி, பி⁴க்க²வே, ஏகே ஸமணப்³ராஹ்மணா அபரந்தகப்பிகா அபரந்தானுதி³ட்டி²னோ
அபரந்தங் ஆரப்³ப⁴ அனேகவிஹிதானி அதி⁴வுத்திபதா³னி [அதி⁴முத்திபதா³னி (ஸ்யா॰ கங்॰ க॰)]
அபி⁴வத³ந்தி. ‘ஸஞ்ஞீ அத்தா ஹோதி அரோகோ³ பரங் மரணா’தி – இத்தே²கே
அபி⁴வத³ந்தி; ‘அஸஞ்ஞீ அத்தா ஹோதி அரோகோ³ பரங் மரணா’தி – இத்தே²கே
அபி⁴வத³ந்தி; ‘நேவஸஞ்ஞீனாஸஞ்ஞீ அத்தா ஹோதி அரோகோ³ பரங் மரணா’தி – இத்தே²கே
அபி⁴வத³ந்தி; ஸதோ வா பன ஸத்தஸ்ஸ உச்சே²த³ங் வினாஸங் விப⁴வங் பஞ்ஞபெந்தி [பஞ்ஞாபெந்தி (ஸீ॰ ஸ்யா॰ கங்॰ பீ॰)], தி³ட்ட²த⁴ம்மனிப்³பா³னங் வா பனேகே அபி⁴வத³ந்தி. இதி ஸந்தங் வா அத்தானங் பஞ்ஞபெந்தி அரோக³ங் [பரங் மரணா. இதி இமானி (க॰)]
பரங் மரணா, ஸதோ வா பன ஸத்தஸ்ஸ உச்சே²த³ங் வினாஸங் விப⁴வங் பஞ்ஞபெந்தி,
தி³ட்ட²த⁴ம்மனிப்³பா³னங் வா பனேகே அபி⁴வத³ந்தி. இதி இமானி பஞ்ச [பரங் மரணா. இதி இமானி (க॰)] ஹுத்வா தீணி ஹொந்தி, தீணி ஹுத்வா பஞ்ச ஹொந்தி – அயமுத்³தே³ஸோ பஞ்சத்தயஸ்ஸ.

22. ‘‘தத்ர, பி⁴க்க²வே, யே தே ஸமணப்³ராஹ்மணா ஸஞ்ஞிங் அத்தானங் பஞ்ஞபெந்தி அரோக³ங் பரங் மரணா, ரூபிங் வா தே பொ⁴ந்தோ ஸமணப்³ராஹ்மணா ஸஞ்ஞிங் அத்தானங் பஞ்ஞபெந்தி அரோக³ங் பரங் மரணா, அரூபிங்
வா தே பொ⁴ந்தோ ஸமணப்³ராஹ்மணா ஸஞ்ஞிங் அத்தானங் பஞ்ஞபெந்தி அரோக³ங் பரங்
மரணா, ரூபிஞ்ச அரூபிஞ்ச வா தே பொ⁴ந்தோ ஸமணப்³ராஹ்மணா ஸஞ்ஞிங் அத்தானங்
பஞ்ஞபெந்தி அரோக³ங் பரங் மரணா, நேவரூபிங் நாரூபிங் வா தே பொ⁴ந்தோ
ஸமணப்³ராஹ்மணா ஸஞ்ஞிங் அத்தானங் பஞ்ஞபெந்தி அரோக³ங் பரங் மரணா,
ஏகத்தஸஞ்ஞிங் வா தே பொ⁴ந்தோ ஸமணப்³ராஹ்மணா ஸஞ்ஞிங் அத்தானங் பஞ்ஞபெந்தி
அரோக³ங் பரங் மரணா, நானத்தஸஞ்ஞிங் வா தே பொ⁴ந்தோ ஸமணப்³ராஹ்மணா ஸஞ்ஞிங்
அத்தானங் பஞ்ஞபெந்தி அரோக³ங் பரங் மரணா,
பரித்தஸஞ்ஞிங் வா தே பொ⁴ந்தோ ஸமணப்³ராஹ்மணா ஸஞ்ஞிங் அத்தானங் பஞ்ஞபெந்தி
அரோக³ங் பரங் மரணா, அப்பமாணஸஞ்ஞிங் வா தே பொ⁴ந்தோ ஸமணப்³ராஹ்மணா ஸஞ்ஞிங்
அத்தானங் பஞ்ஞபெந்தி அரோக³ங் பரங் மரணா, ஏதங் [ஏவங் (க॰)] வா பனேகேஸங் [பனேதேஸங் (ஸ்யா॰ கங்॰)] உபாதிவத்ததங் விஞ்ஞாணகஸிணமேகே அபி⁴வத³ந்தி அப்பமாணங் ஆனேஞ்ஜங் . தயித³ங், பி⁴க்க²வே, ததா²க³தோ அபி⁴ஜானாதி [பஜானாதி (ஸீ॰ ஸ்யா॰ கங்॰ பீ॰) அட்ட²கதா² ஓலோகேதப்³பா³].
யே கோ² தே பொ⁴ந்தோ ஸமணப்³ராஹ்மணா ஸஞ்ஞிங் அத்தானங் பஞ்ஞபெந்தி அரோக³ங்
பரங் மரணா, ரூபிங் வா தே பொ⁴ந்தோ ஸமணப்³ராஹ்மணா ஸஞ்ஞிங் அத்தானங்
பஞ்ஞபெந்தி அரோக³ங் பரங் மரணா, அரூபிங் வா தே பொ⁴ந்தோ ஸமணப்³ராஹ்மணா
ஸஞ்ஞிங் அத்தானங் பஞ்ஞபெந்தி அரோக³ங் பரங் மரணா, ரூபிஞ்ச அரூபிஞ்ச வா தே
பொ⁴ந்தோ ஸமணப்³ராஹ்மணா ஸஞ்ஞிங் அத்தானங் பஞ்ஞபெந்தி அரோக³ங் பரங் மரணா,
நேவரூபிங் நாரூபிங் வா தே பொ⁴ந்தோ ஸமணப்³ராஹ்மணா ஸஞ்ஞிங் அத்தானங்
பஞ்ஞபெந்தி அரோக³ங் பரங் மரணா, ஏகத்தஸஞ்ஞிங் வா தே பொ⁴ந்தோ ஸமணப்³ராஹ்மணா
ஸஞ்ஞிங் அத்தானங் பஞ்ஞபெந்தி அரோக³ங் பரங் மரணா, நானத்தஸஞ்ஞிங் வா தே
பொ⁴ந்தோ ஸமணப்³ராஹ்மணா ஸஞ்ஞிங் அத்தானங் பஞ்ஞபெந்தி அரோக³ங் பரங் மரணா,
பரித்தஸஞ்ஞிங் வா தே பொ⁴ந்தோ ஸமணப்³ராஹ்மணா ஸஞ்ஞிங் அத்தானங் பஞ்ஞபெந்தி
அரோக³ங் பரங் மரணா, அப்பமாணஸஞ்ஞிங் வா தே பொ⁴ந்தோ ஸமணப்³ராஹ்மணா ஸஞ்ஞிங்
அத்தானங் பஞ்ஞபெந்தி அரோக³ங் பரங் மரணா [மரணாதி (க॰)], யா வா பனேதாஸங் ஸஞ்ஞானங் பரிஸுத்³தா⁴ பரமா அக்³கா³ அனுத்தரியா அக்கா²யதி
– யதி³ ரூபஸஞ்ஞானங் யதி³ அரூபஸஞ்ஞானங் யதி³ ஏகத்தஸஞ்ஞானங் யதி³
நானத்தஸஞ்ஞானங். ‘நத்தி² கிஞ்சீ’தி ஆகிஞ்சஞ்ஞாயதனமேகே அபி⁴வத³ந்தி
அப்பமாணங் ஆனேஞ்ஜங். ‘தயித³ங் ஸங்க²தங் ஓளாரிகங் அத்தி² கோ² பன ஸங்கா²ரானங்
நிரோதோ⁴ அத்தே²த’ந்தி – இதி விதி³த்வா தஸ்ஸ நிஸ்ஸரணத³ஸ்ஸாவீ ததா²க³தோ
தது³பாதிவத்தோ.

23.
‘‘தத்ர, பி⁴க்க²வே, யே தே ஸமணப்³ராஹ்மணா அஸஞ்ஞிங் அத்தானங் பஞ்ஞபெந்தி
அரோக³ங் பரங் மரணா, ரூபிங் வா தே பொ⁴ந்தோ ஸமணப்³ராஹ்மணா அஸஞ்ஞிங் அத்தானங்
பஞ்ஞபெந்தி அரோக³ங் பரங் மரணா, அரூபிங் வா தே பொ⁴ந்தோ ஸமணப்³ராஹ்மணா
அஸஞ்ஞிங் அத்தானங் பஞ்ஞபெந்தி அரோக³ங் பரங் மரணா, ரூபிஞ்ச அரூபிஞ்ச வா தே
பொ⁴ந்தோ ஸமணப்³ராஹ்மணா அஸஞ்ஞிங் அத்தானங் பஞ்ஞபெந்தி அரோக³ங் பரங் மரணா,
நேவரூபிங் நாரூபிங் வா தே பொ⁴ந்தோ ஸமணப்³ராஹ்மணா அஸஞ்ஞிங் அத்தானங்
பஞ்ஞபெந்தி அரோக³ங் பரங் மரணா. தத்ர, பி⁴க்க²வே, யே தே ஸமணப்³ராஹ்மணா
ஸஞ்ஞிங் அத்தானங் பஞ்ஞபெந்தி அரோக³ங் பரங் மரணா தேஸமேதே
படிக்கோஸந்தி. தங் கிஸ்ஸ ஹேது? ஸஞ்ஞா ரோகோ³ ஸஞ்ஞா க³ண்டோ³ ஸஞ்ஞா ஸல்லங்,
ஏதங் ஸந்தங் ஏதங் பணீதங் யதி³த³ங் – ‘அஸஞ்ஞ’ந்தி. தயித³ங், பி⁴க்க²வே,
ததா²க³தோ அபி⁴ஜானாதி யே கோ² தே பொ⁴ந்தோ ஸமணப்³ராஹ்மணா அஸஞ்ஞிங் அத்தானங்
பஞ்ஞபெந்தி அரோக³ங் பரங் மரணா, ரூபிங் வா தே பொ⁴ந்தோ
ஸமணப்³ராஹ்மணா அஸஞ்ஞிங் அத்தானங் பஞ்ஞபெந்தி அரோக³ங் பரங் மரணா, அரூபிங்
வா தே பொ⁴ந்தோ ஸமணப்³ராஹ்மணா அஸஞ்ஞிங் அத்தானங் பஞ்ஞபெந்தி அரோக³ங் பரங்
மரணா, ரூபிஞ்ச அரூபிஞ்ச வா தே பொ⁴ந்தோ ஸமணப்³ராஹ்மணா அஸஞ்ஞிங் அத்தானங்
பஞ்ஞபெந்தி அரோக³ங் பரங் மரணா, நேவரூபிங் நாரூபிங் வா தே பொ⁴ந்தோ
ஸமணப்³ராஹ்மணா அஸஞ்ஞிங் அத்தானங் பஞ்ஞபெந்தி அரோக³ங் பரங் மரணா. யோ ஹி
கோசி, பி⁴க்க²வே, ஸமணோ வா ப்³ராஹ்மணோ வா ஏவங் வதெ³ய்ய – ‘அஹமஞ்ஞத்ர ரூபா,
அஞ்ஞத்ர வேத³னாய, அஞ்ஞத்ர ஸஞ்ஞாய, அஞ்ஞத்ர ஸங்கா²ரேஹி, விஞ்ஞாணஸ்ஸ [அஞ்ஞத்ர விஞ்ஞாணா (ஸ்யா॰ கங்॰), அஞ்ஞத்ர விஞ்ஞாணேன (க॰)]
ஆக³திங் வா க³திங் வா சுதிங் வா உபபத்திங் வா வுத்³தி⁴ங் வா விரூள்ஹிங் வா
வேபுல்லங் வா பஞ்ஞபெஸ்ஸாமீ’தி – நேதங் டா²னங் விஜ்ஜதி. ‘தயித³ங் ஸங்க²தங்
ஓளாரிகங் அத்தி² கோ² பன ஸங்கா²ரானங் நிரோதோ⁴ அத்தே²த’ந்தி – இதி விதி³த்வா தஸ்ஸ நிஸ்ஸரணத³ஸ்ஸாவீ ததா²க³தோ தது³பாதிவத்தோ.

24.
‘‘தத்ர, பி⁴க்க²வே, யே தே ஸமணப்³ராஹ்மணா நேவஸஞ்ஞீனாஸஞ்ஞிங் அத்தானங்
பஞ்ஞபெந்தி அரோக³ங் பரங் மரணா, ரூபிங் வா தே பொ⁴ந்தோ ஸமணப்³ராஹ்மணா
நேவஸஞ்ஞீனாஸஞ்ஞிங் அத்தானங் பஞ்ஞபெந்தி அரோக³ங்
பரங் மரணா, அரூபிங் வா தே பொ⁴ந்தோ ஸமணப்³ராஹ்மணா நேவஸஞ்ஞீனாஸஞ்ஞிங்
அத்தானங் பஞ்ஞபெந்தி அரோக³ங் பரங் மரணா, ரூபிஞ்ச அரூபிஞ்ச வா தே பொ⁴ந்தோ
ஸமணப்³ராஹ்மணா நேவஸஞ்ஞீனாஸஞ்ஞிங் அத்தானங் பஞ்ஞபெந்தி அரோக³ங் பரங் மரணா,
நேவரூபிங் நாரூபிங் வா தே பொ⁴ந்தோ ஸமணப்³ராஹ்மணா நேவஸஞ்ஞீனாஸஞ்ஞிங்
அத்தானங் பஞ்ஞபெந்தி அரோக³ங் பரங் மரணா. தத்ர, பி⁴க்க²வே, யே தே
ஸமணப்³ராஹ்மணா ஸஞ்ஞிங் அத்தானங் பஞ்ஞபெந்தி அரோக³ங் பரங் மரணா தேஸமேதே
படிக்கோஸந்தி, யேபி தே பொ⁴ந்தோ ஸமணப்³ராஹ்மணா அஸஞ்ஞிங் அத்தானங் பஞ்ஞபெந்தி
அரோக³ங் பரங் மரணா தேஸமேதே படிக்கோஸந்தி. தங் கிஸ்ஸ ஹேது? ஸஞ்ஞா ரோகோ³
ஸஞ்ஞா க³ண்டோ³ ஸஞ்ஞா ஸல்லங், அஸஞ்ஞா ஸம்மோஹோ, ஏதங் ஸந்தங் ஏதங் பணீதங்
யதி³த³ங் – ‘நேவஸஞ்ஞானாஸஞ்ஞ’ந்தி. [நேவஸஞ்ஞானாஸஞ்ஞாதி (ஸ்யா॰ கங்॰ பீ॰ க॰) ஏதந்திபத³ங் மனஸிகாதப்³ப³ங்]
தயித³ங், பி⁴க்க²வே, ததா²க³தோ அபி⁴ஜானாதி. யே கோ² தே பொ⁴ந்தோ
ஸமணப்³ராஹ்மணா நேவஸஞ்ஞீனாஸஞ்ஞிங் அத்தானங் பஞ்ஞபெந்தி அரோக³ங் பரங் மரணா,
ரூபிங் வா தே பொ⁴ந்தோ ஸமணப்³ராஹ்மணா நேவஸஞ்ஞீனாஸஞ்ஞிங் அத்தானங் பஞ்ஞபெந்தி
அரோக³ங் பரங் மரணா, அரூபிங் வா தே பொ⁴ந்தோ ஸமணப்³ராஹ்மணா
நேவஸஞ்ஞீனாஸஞ்ஞிங் அத்தானங் பஞ்ஞபெந்தி அரோக³ங்
பரங் மரணா, ரூபிஞ்ச அரூபிஞ்ச வா தே பொ⁴ந்தோ ஸமணப்³ராஹ்மணா
நேவஸஞ்ஞீனாஸஞ்ஞிங் அத்தானங் பஞ்ஞபெந்தி அரோக³ங் பரங் மரணா, நேவரூபிங்
நாரூபிங் வா தே பொ⁴ந்தோ ஸமணப்³ராஹ்மணா நேவஸஞ்ஞீனாஸஞ்ஞிங் அத்தானங்
பஞ்ஞபெந்தி அரோக³ங் பரங் மரணா. யே ஹி கேசி, பி⁴க்க²வே, ஸமணா வா ப்³ராஹ்மணா வா [ஸமணப்³ராஹ்மணா (ஸீ॰ பீ॰)] தி³ட்ட²ஸுதமுதவிஞ்ஞாதப்³ப³ஸங்கா²ரமத்தேன ஏதஸ்ஸ ஆயதனஸ்ஸ உபஸம்பத³ங் பஞ்ஞபெந்தி, ப்³யஸனஞ்ஹேதங், பி⁴க்க²வே, அக்கா²யதி [ஆயதனமக்கா²யதி (க॰)] ஏதஸ்ஸ ஆயதனஸ்ஸ உபஸம்பதா³ய .
ந ஹேதங், பி⁴க்க²வே, ஆயதனங் ஸங்கா²ரஸமாபத்திபத்தப்³ப³மக்கா²யதி;
ஸங்கா²ராவஸேஸஸமாபத்திபத்தப்³ப³மேதங், பி⁴க்க²வே, ஆயதனமக்கா²யதி. ‘தயித³ங்
ஸங்க²தங் ஓளாரிகங் அத்தி² கோ² பன ஸங்கா²ரானங் நிரோதோ⁴ அத்தே²த’ந்தி – இதி
விதி³த்வா தஸ்ஸ நிஸ்ஸரணத³ஸ்ஸாவீ ததா²க³தோ தது³பாதிவத்தோ.

25. ‘‘தத்ர, பி⁴க்க²வே, யே தே ஸமணப்³ராஹ்மணா ஸதோ ஸத்தஸ்ஸ உச்சே²த³ங் வினாஸங் விப⁴வங் பஞ்ஞபெந்தி ,
தத்ர, பி⁴க்க²வே, யே தே ஸமணப்³ராஹ்மணா ஸஞ்ஞிங் அத்தானங் பஞ்ஞபெந்தி
அரோக³ங் பரங் மரணா தேஸமேதே படிக்கோஸந்தி, யேபி தே பொ⁴ந்தோ ஸமணப்³ராஹ்மணா
அஸஞ்ஞிங் அத்தானங் பஞ்ஞபெந்தி அரோக³ங் பரங் மரணா தேஸமேதே படிக்கோஸந்தி,
யேபி தே பொ⁴ந்தோ ஸமணப்³ராஹ்மணா நேவஸஞ்ஞீனாஸஞ்ஞிங் அத்தானங் பஞ்ஞபெந்தி
அரோக³ங் பரங் மரணா தேஸமேதே படிக்கோஸந்தி. தங் கிஸ்ஸ ஹேது? ஸப்³பே³பிமே
பொ⁴ந்தோ ஸமணப்³ராஹ்மணா உத்³த⁴ங் ஸரங் [உத்³த⁴ங்ஸரா (ஸீ॰ பீ॰), உத்³த⁴ங் பராமஸந்தி (ஸ்யா॰ கங்॰)] ஆஸத்திங்யேவ அபி⁴வத³ந்தி – ‘இதி பேச்ச
ப⁴விஸ்ஸாம, இதி பேச்ச ப⁴விஸ்ஸாமா’தி. ஸெய்யதா²பி நாம வாணிஜஸ்ஸ வாணிஜ்ஜாய
க³ச்ச²தோ ஏவங் ஹோதி – ‘இதோ மே இத³ங் ப⁴விஸ்ஸதி, இமினா இத³ங் லச்சா²மீ’தி,
ஏவமேவிமே பொ⁴ந்தோ ஸமணப்³ராஹ்மணா வாணிஜூபமா மஞ்ஞே படிப⁴ந்தி – ‘இதி பேச்ச
ப⁴விஸ்ஸாம, இதி பேச்ச ப⁴விஸ்ஸாமா’தி. தயித³ங், பி⁴க்க²வே, ததா²க³தோ
அபி⁴ஜானாதி. யே கோ² தே பொ⁴ந்தோ ஸமணப்³ராஹ்மணா ஸதோ ஸத்தஸ்ஸ உச்சே²த³ங்
வினாஸங் விப⁴வங் பஞ்ஞபெந்தி தே ஸக்காயப⁴யா ஸக்காயபரிஜேகு³ச்சா² ஸக்காயஞ்ஞேவ
அனுபரிதா⁴வந்தி அனுபரிவத்தந்தி. ஸெய்யதா²பி நாம ஸா க³த்³து³லப³த்³தோ⁴
த³ள்ஹே த²ம்பே⁴ வா கி²லே [கீ²லே (ஸீ॰ ஸ்யா॰ கங்॰ பீ॰)] வா உபனிப³த்³தோ⁴ , தமேவ த²ம்ப⁴ங் வா கி²லங் வா அனுபரிதா⁴வதி அனுபரிவத்ததி ;
ஏவமேவிமே பொ⁴ந்தோ ஸமணப்³ராஹ்மணா ஸக்காயப⁴யா ஸக்காயபரிஜேகு³ச்சா²
ஸக்காயஞ்ஞேவ அனுபரிதா⁴வந்தி அனுபரிவத்தந்தி. ‘தயித³ங் ஸங்க²தங் ஓளாரிகங்
அத்தி² கோ² பன ஸங்கா²ரானங் நிரோதோ⁴ அத்தே²த’ந்தி – இதி விதி³த்வா தஸ்ஸ
நிஸ்ஸரணத³ஸ்ஸாவீ ததா²க³தோ தது³பாதிவத்தோ.

26.
‘‘யே ஹி கேசி, பி⁴க்க²வே, ஸமணா வா ப்³ராஹ்மணா வா அபரந்தகப்பிகா
அபரந்தானுதி³ட்டி²னோ அபரந்தங் ஆரப்³ப⁴ அனேகவிஹிதானி அதி⁴வுத்திபதா³னி
அபி⁴வத³ந்தி, ஸப்³பே³ தே இமானேவ பஞ்சாயதனானி அபி⁴வத³ந்தி ஏதேஸங் வா
அஞ்ஞதரங்.

27.
‘‘ஸந்தி, பி⁴க்க²வே, ஏகே ஸமணப்³ராஹ்மணா புப்³ப³ந்தகப்பிகா
புப்³ப³ந்தானுதி³ட்டி²னோ புப்³ப³ந்தங் ஆரப்³ப⁴ அனேகவிஹிதானி
அதி⁴வுத்திபதா³னி அபி⁴வத³ந்தி. ‘ஸஸ்ஸதோ அத்தா ச லோகோ ச, இத³மேவ ஸச்சங்
மோக⁴மஞ்ஞ’ந்தி – இத்தே²கே அபி⁴வத³ந்தி, ‘அஸஸ்ஸதோ அத்தா ச லோகோ ச, இத³மேவ
ஸச்சங் மோக⁴மஞ்ஞ’ந்தி – இத்தே²கே அபி⁴வத³ந்தி, ‘ஸஸ்ஸதோ ச அஸஸ்ஸதோ ச அத்தா ச
லோகோ ச, இத³மேவ ஸச்சங் மோக⁴மஞ்ஞ’ந்தி – இத்தே²கே அபி⁴வத³ந்தி, ‘நேவஸஸ்ஸதோ
நாஸஸ்ஸதோ அத்தா ச லோகோ ச, இத³மேவ ஸச்சங் மோக⁴மஞ்ஞ’ந்தி – இத்தே²கே
அபி⁴வத³ந்தி, ‘அந்தவா அத்தா ச லோகோ ச, இத³மேவ ஸச்சங் மோக⁴மஞ்ஞ’ந்தி –
இத்தே²கே அபி⁴வத³ந்தி, ‘அனந்தவா அத்தா ச லோகோ ச, இத³மேவ ஸச்சங்
மோக⁴மஞ்ஞ’ந்தி – இத்தே²கே அபி⁴வத³ந்தி, ‘அந்தவா ச அனந்தவா ச அத்தா
ச லோகோ ச, இத³மேவ ஸச்சங் மோக⁴மஞ்ஞ’ந்தி – இத்தே²கே அபி⁴வத³ந்தி, ‘நேவந்தவா
நானந்தவா அத்தா ச லோகோ ச, இத³மேவ ஸச்சங் மோக⁴மஞ்ஞ’ந்தி – இத்தே²கே
அபி⁴வத³ந்தி, ‘ஏகத்தஸஞ்ஞீ அத்தா ச லோகோ ச, இத³மேவ ஸச்சங் மோக⁴மஞ்ஞ’ந்தி –
இத்தே²கே அபி⁴வத³ந்தி, ‘நானத்தஸஞ்ஞீ அத்தா ச லோகோ ச, இத³மேவ ஸச்சங்
மோக⁴மஞ்ஞ’ந்தி – இத்தே²கே அபி⁴வத³ந்தி, ‘பரித்தஸஞ்ஞீ அத்தா ச லோகோ ச,
இத³மேவ ஸச்சங் மோக⁴மஞ்ஞ’ந்தி – இத்தே²கே அபி⁴வத³ந்தி, ‘அப்பமாணஸஞ்ஞீ அத்தா ச
லோகோ ச, இத³மேவ ஸச்சங் மோக⁴மஞ்ஞ’ந்தி – இத்தே²கே அபி⁴வத³ந்தி, ‘ஏகந்தஸுகீ²
அத்தா ச லோகோ ச, இத³மேவ ஸச்சங் மோக⁴மஞ்ஞ’ந்தி – இத்தே²கே அபி⁴வத³ந்தி,
‘ஏகந்தது³க்கீ² அத்தா ச லோகோ ச, இத³மேவ ஸச்சங்
மோக⁴மஞ்ஞ’ந்தி – இத்தே²கே அபி⁴வத³ந்தி, ‘ஸுக²து³க்கீ² அத்தா ச லோகோ ச,
இத³மேவ ஸச்சங் மோக⁴மஞ்ஞ’ந்தி – இத்தே²கே அபி⁴வத³ந்தி, ‘அது³க்க²மஸுகீ²
அத்தா ச லோகோ ச, இத³மேவ ஸச்சங் மோக⁴மஞ்ஞ’ந்தி – இத்தே²கே அபி⁴வத³ந்தி.

28. ‘‘தத்ர , பி⁴க்க²வே, யே தே ஸமணப்³ராஹ்மணா ஏவங்வாதி³னோ ஏவங்தி³ட்டி²னோ – ‘ஸஸ்ஸதோ அத்தா ச லோகோ ச, இத³மேவ ஸச்சங் மோக⁴மஞ்ஞ’ந்தி ,
தேஸங் வத அஞ்ஞத்ரேவ ஸத்³தா⁴ய அஞ்ஞத்ர ருசியா அஞ்ஞத்ர அனுஸ்ஸவா அஞ்ஞத்ர
ஆகாரபரிவிதக்கா அஞ்ஞத்ர தி³ட்டி²னிஜ்ஜா²னக்க²ந்தியா பச்சத்தங்யேவ ஞாணங்
ப⁴விஸ்ஸதி பரிஸுத்³த⁴ங் பரியோதா³தந்தி – நேதங் டா²னங் விஜ்ஜதி. பச்சத்தங்
கோ² பன, பி⁴க்க²வே, ஞாணே அஸதி பரிஸுத்³தே⁴ பரியோதா³தே யத³பி [யதி³பி (க॰)]
தே பொ⁴ந்தோ ஸமணப்³ராஹ்மணா தத்த² ஞாணபா⁴க³மத்தமேவ பரியோத³பெந்தி தத³பி
தேஸங் ப⁴வதங் ஸமணப்³ராஹ்மணானங் உபாதா³னமக்கா²யதி. ‘தயித³ங் ஸங்க²தங்
ஓளாரிகங் அத்தி² கோ² பன ஸங்கா²ரானங் நிரோதோ⁴ அத்தே²த’ந்தி – இதி விதி³த்வா
தஸ்ஸ நிஸ்ஸரணத³ஸ்ஸாவீ ததா²க³தோ தது³பாதிவத்தோ.

29. ‘‘தத்ர, பி⁴க்க²வே, யே தே ஸமணப்³ராஹ்மணா ஏவங்வாதி³னோ ஏவங்தி³ட்டி²னோ – ‘அஸஸ்ஸதோ அத்தா ச லோகோ ச, இத³மேவ ஸச்சங் மோக⁴மஞ்ஞ’ந்தி…பே॰… [யதா² ஸஸ்ஸதவாரே, ததா² வித்தா²ரேதப்³ப³ங்]
ஸஸ்ஸதோ ச அஸஸ்ஸதோ ச அத்தா ச லோகோ ச… நேவஸஸ்ஸதோ நாஸஸ்ஸதோ அத்தா ச லோகோ ச…
அந்தவா அத்தா ச லோகோ ச… அனந்தவா அத்தா ச லோகோ ச… அந்தவா ச அனந்தவா ச அத்தா ச
லோகோ ச… நேவந்தவா நானந்தவா அத்தா ச லோகோ ச… ஏகத்தஸஞ்ஞீ அத்தா ச லோகோ ச…
நானத்தஸஞ்ஞீ அத்தா ச லோகோ ச… பரித்தஸஞ்ஞீ அத்தா ச லோகோ ச… அப்பமாணஸஞ்ஞீ
அத்தா ச லோகோ ச… ஏகந்தஸுகீ² அத்தா ச லோகோ ச… ஏகந்தது³க்கீ² அத்தா ச லோகோ ச…
ஸுக²து³க்கீ² அத்தா ச லோகோ ச… அது³க்க²மஸுகீ² அத்தா ச லோகோ ச, இத³மேவ ஸச்சங் மோக⁴மஞ்ஞந்தி, தேஸங் வத அஞ்ஞத்ரேவ
ஸத்³தா⁴ய அஞ்ஞத்ர ருசியா அஞ்ஞத்ர அனுஸ்ஸவா அஞ்ஞத்ர ஆகாரபரிவிதக்கா அஞ்ஞத்ர
தி³ட்டி²னிஜ்ஜா²னக்க²ந்தியா பச்சத்தங்யேவ ஞாணங் ப⁴விஸ்ஸதி பரிஸுத்³த⁴ங்
பரியோதா³தந்தி – நேதங் டா²னங் விஜ்ஜதி. பச்சத்தங்
கோ² பன, பி⁴க்க²வே, ஞாணே அஸதி பரிஸுத்³தே⁴ பரியோதா³தே யத³பி தே பொ⁴ந்தோ
ஸமணப்³ராஹ்மணா தத்த² ஞாணபா⁴க³மத்தமேவ பரியோத³பெந்தி தத³பி தேஸங் ப⁴வதங்
ஸமணப்³ராஹ்மணானங் உபாதா³னமக்கா²யதி. ‘தயித³ங் ஸங்க²தங் ஓளாரிகங் அத்தி² கோ²
பன ஸங்கா²ரானங் நிரோதோ⁴ அத்தே²த’ந்தி – இதி விதி³த்வா தஸ்ஸ
நிஸ்ஸரணத³ஸ்ஸாவீ ததா²க³தோ தது³பாதிவத்தோ.

30. ‘‘இத⁴ ,
பி⁴க்க²வே, ஏகச்சோ ஸமணோ வா ப்³ராஹ்மணோ வா புப்³ப³ந்தானுதி³ட்டீ²னஞ்ச
படினிஸ்ஸக்³கா³, அபரந்தானுதி³ட்டீ²னஞ்ச படினிஸ்ஸக்³கா³, ஸப்³ப³ஸோ
காமஸங்யோஜனானங் அனதி⁴ட்டா²னா, பவிவேகங் பீதிங் உபஸம்பஜ்ஜ விஹரதி – ‘ஏதங்
ஸந்தங் ஏதங் பணீதங் யதி³த³ங் பவிவேகங் பீதிங் உபஸம்பஜ்ஜ விஹராமீ’தி. தஸ்ஸ
ஸா பவிவேகா பீதி நிருஜ்ஜ²தி. பவிவேகாய பீதியா நிரோதா⁴ உப்பஜ்ஜதி
தோ³மனஸ்ஸங், தோ³மனஸ்ஸஸ்ஸ நிரோதா⁴ உப்பஜ்ஜதி பவிவேகா பீதி. ஸெய்யதா²பி,
பி⁴க்க²வே, யங் சா²யா ஜஹதி தங் ஆதபோ ப²ரதி, யங் ஆதபோ ஜஹதி தங் சா²யா ப²ரதி;
ஏவமேவ கோ², பி⁴க்க²வே, பவிவேகாய பீதியா நிரோதா⁴ உப்பஜ்ஜதி தோ³மனஸ்ஸங்,
தோ³மனஸ்ஸஸ்ஸ நிரோதா⁴ உப்பஜ்ஜதி பவிவேகா பீதி. தயித³ங், பி⁴க்க²வே, ததா²க³தோ
அபி⁴ஜானாதி. அயங் கோ² ப⁴வங் ஸமணோ வா ப்³ராஹ்மணோ வா
புப்³ப³ந்தானுதி³ட்டீ²னஞ்ச படினிஸ்ஸக்³கா³ ,
அபரந்தானுதி³ட்டீ²னஞ்ச படினிஸ்ஸக்³கா³, ஸப்³ப³ஸோ காமஸங்யோஜனானங்
அனதி⁴ட்டா²னா, பவிவேகங் பீதிங் உபஸம்பஜ்ஜ விஹரதி – ‘ஏதங் ஸந்தங் ஏதங்
பணீதங் யதி³த³ங் பவிவேகங் பீதிங் உபஸம்பஜ்ஜ விஹராமீ’தி. தஸ்ஸ ஸா பவிவேகா
பீதி நிருஜ்ஜ²தி. பவிவேகாய பீதியா நிரோதா⁴ உப்பஜ்ஜதி தோ³மனஸ்ஸங்,
தோ³மனஸ்ஸஸ்ஸ நிரோதா⁴ உப்பஜ்ஜதி பவிவேகா பீதி. ‘தயித³ங் ஸங்க²தங் ஓளாரிகங்
அத்தி² கோ² பன ஸங்கா²ரானங் நிரோதோ⁴ அத்தே²த’ந்தி – இதி விதி³த்வா தஸ்ஸ
நிஸ்ஸரணத³ஸ்ஸாவீ ததா²க³தோ தது³பாதிவத்தோ.

31.
‘‘இத⁴ பன, பி⁴க்க²வே, ஏகச்சோ ஸமணோ வா ப்³ராஹ்மணோ வா
புப்³ப³ந்தானுதி³ட்டீ²னஞ்ச படினிஸ்ஸக்³கா³, அபரந்தானுதி³ட்டீ²னஞ்ச
படினிஸ்ஸக்³கா³, ஸப்³ப³ஸோ காமஸங்யோஜனானங் அனதி⁴ட்டா²னா, பவிவேகாய பீதியா
ஸமதிக்கமா நிராமிஸங் ஸுக²ங் உபஸம்பஜ்ஜ விஹரதி – ‘ஏதங் ஸந்தங் ஏதங் பணீதங்
யதி³த³ங் நிராமிஸங் ஸுக²ங் உபஸம்பஜ்ஜ விஹராமீ’தி. தஸ்ஸ தங் நிராமிஸங்
ஸுக²ங் நிருஜ்ஜ²தி. நிராமிஸஸ்ஸ ஸுக²ஸ்ஸ நிரோதா⁴ உப்பஜ்ஜதி பவிவேகா பீதி,
பவிவேகாய பீதியா நிரோதா⁴ உப்பஜ்ஜதி நிராமிஸங் ஸுக²ங் . ஸெய்யதா²பி, பி⁴க்க²வே, யங் சா²யா ஜஹதி தங் ஆதபோ ப²ரதி, யங் ஆதபோ ஜஹதி
தங் சா²யா ப²ரதி; ஏவமேவ கோ², பி⁴க்க²வே, நிராமிஸஸ்ஸ ஸுக²ஸ்ஸ நிரோதா⁴
உப்பஜ்ஜதி பவிவேகா பீதி, பவிவேகாய பீதியா நிரோதா⁴ உப்பஜ்ஜதி நிராமிஸங்
ஸுக²ங். தயித³ங், பி⁴க்க²வே, ததா²க³தோ அபி⁴ஜானாதி. அயங் கோ² ப⁴வங் ஸமணோ வா
ப்³ராஹ்மணோ வா புப்³ப³ந்தானுதி³ட்டீ²னஞ்ச படினிஸ்ஸக்³கா³,
அபரந்தானுதி³ட்டீ²னஞ்ச படினிஸ்ஸக்³கா³, ஸப்³ப³ஸோ காமஸங்யோஜனானங்
அனதி⁴ட்டா²னா , பவிவேகாய பீதியா ஸமதிக்கமா,
நிராமிஸங் ஸுக²ங் உபஸம்பஜ்ஜ விஹரதி – ‘ஏதங் ஸந்தங் ஏதங் பணீதங் யதி³த³ங்
நிராமிஸங் ஸுக²ங் உபஸம்பஜ்ஜ விஹராமீ’தி. தஸ்ஸ தங்
நிராமிஸங் ஸுக²ங் நிருஜ்ஜ²தி. நிராமிஸஸ்ஸ ஸுக²ஸ்ஸ நிரோதா⁴ உப்பஜ்ஜதி
பவிவேகா பீதி, பவிவேகாய பீதியா நிரோதா⁴ உப்பஜ்ஜதி நிராமிஸங் ஸுக²ங்.
‘தயித³ங் ஸங்க²தங் ஓளாரிகங் அத்தி² கோ² பன ஸங்கா²ரானங் நிரோதோ⁴
அத்தே²த’ந்தி – இதி விதி³த்வா தஸ்ஸ நிஸ்ஸரணத³ஸ்ஸாவீ ததா²க³தோ
தது³பாதிவத்தோ.

32.
‘‘இத⁴ பன, பி⁴க்க²வே, ஏகச்சோ ஸமணோ வா ப்³ராஹ்மணோ வா
புப்³ப³ந்தானுதி³ட்டீ²னஞ்ச படினிஸ்ஸக்³கா³, அபரந்தானுதி³ட்டீ²னஞ்ச
படினிஸ்ஸக்³கா³, ஸப்³ப³ஸோ காமஸங்யோஜனானங் அனதி⁴ட்டா²னா, பவிவேகாய பீதியா
ஸமதிக்கமா, நிராமிஸஸ்ஸ ஸுக²ஸ்ஸ ஸமதிக்கமா, அது³க்க²மஸுக²ங் வேத³னங்
உபஸம்பஜ்ஜ விஹரதி – ‘ஏதங் ஸந்தங் ஏதங் பணீதங் யதி³த³ங் அது³க்க²மஸுக²ங்
வேத³னங் உபஸம்பஜ்ஜ விஹராமீ’தி. தஸ்ஸ ஸா அது³க்க²மஸுகா² வேத³னா நிருஜ்ஜ²தி.
அது³க்க²மஸுகா²ய வேத³னாய நிரோதா⁴ உப்பஜ்ஜதி நிராமிஸங் ஸுக²ங், நிராமிஸஸ்ஸ
ஸுக²ஸ்ஸ நிரோதா⁴ உப்பஜ்ஜதி அது³க்க²மஸுகா² வேத³னா. ஸெய்யதா²பி, பி⁴க்க²வே,
யங் சா²யா ஜஹதி தங் ஆதபோ ப²ரதி, யங் ஆதபோ ஜஹதி தங் சா²யா ப²ரதி; ஏவமேவ கோ²,
பி⁴க்க²வே, அது³க்க²மஸுகா²ய வேத³னாய நிரோதா⁴ உப்பஜ்ஜதி நிராமிஸங் ஸுக²ங்,
நிராமிஸஸ்ஸ ஸுக²ஸ்ஸ நிரோதா⁴ உப்பஜ்ஜதி அது³க்க²மஸுகா² வேத³னா. தயித³ங்,
பி⁴க்க²வே, ததா²க³தோ அபி⁴ஜானாதி. அயங் கோ² ப⁴வங் ஸமணோ வா ப்³ராஹ்மணோ வா
புப்³ப³ந்தானுதி³ட்டீ²னஞ்ச படினிஸ்ஸக்³கா³ ,
அபரந்தானுதி³ட்டீ²னஞ்ச படினிஸ்ஸக்³கா³, ஸப்³ப³ஸோ காமஸங்யோஜனானங்
அனதி⁴ட்டா²னா, பவிவேகாய பீதியா ஸமதிக்கமா, நிராமிஸஸ்ஸ ஸுக²ஸ்ஸ ஸமதிக்கமா,
அது³க்க²மஸுக²ங் வேத³னங் உபஸம்பஜ்ஜ விஹரதி – ‘ஏதங் ஸந்தங் ஏதங் பணீதங்
யதி³த³ங் அது³க்க²மஸுக²ங் வேத³னங் உபஸம்பஜ்ஜ
விஹராமீ’தி. தஸ்ஸ ஸா அது³க்க²மஸுகா² வேத³னா நிருஜ்ஜ²தி. அது³க்க²மஸுகா²ய
வேத³னாய நிரோதா⁴ உப்பஜ்ஜதி நிராமிஸங் ஸுக²ங், நிராமிஸஸ்ஸ ஸுக²ஸ்ஸ நிரோதா⁴
உப்பஜ்ஜதி அது³க்க²மஸுகா² வேத³னா. ‘தயித³ங் ஸங்க²தங் ஓளாரிகங் அத்தி² கோ²
பன ஸங்கா²ரானங் நிரோதோ⁴ அத்தே²த’ந்தி – இதி விதி³த்வா தஸ்ஸ நிஸ்ஸரணத³ஸ்ஸாவீ
ததா²க³தோ தது³பாதிவத்தோ.

33. ‘‘இத⁴
பன, பி⁴க்க²வே, ஏகச்சோ ஸமணோ வா ப்³ராஹ்மணோ வா புப்³ப³ந்தானுதி³ட்டீ²னஞ்ச
படினிஸ்ஸக்³கா³, அபரந்தானுதி³ட்டீ²னஞ்ச படினிஸ்ஸக்³கா³, ஸப்³ப³ஸோ
காமஸங்யோஜனானங் அனதி⁴ட்டா²னா, பவிவேகாய பீதியா ஸமதிக்கமா, நிராமிஸஸ்ஸ
ஸுக²ஸ்ஸ ஸமதிக்கமா, அது³க்க²மஸுகா²ய வேத³னாய ஸமதிக்கமா – ‘ஸந்தோஹமஸ்மி,
நிப்³பு³தோஹமஸ்மி, அனுபாதா³னோஹமஸ்மீ’தி ஸமனுபஸ்ஸதி. தயித³ங், பி⁴க்க²வே,
ததா²க³தோ அபி⁴ஜானாதி. அயங் கோ² ப⁴வங் ஸமணோ வா ப்³ராஹ்மணோ
வா புப்³ப³ந்தானுதி³ட்டீ²னஞ்ச படினிஸ்ஸக்³கா³, அபரந்தானுதி³ட்டீ²னஞ்ச
படினிஸ்ஸக்³கா³, ஸப்³ப³ஸோ காமஸங்யோஜனானங் அனதி⁴ட்டா²னா, பவிவேகாய பீதியா
ஸமதிக்கமா, நிராமிஸஸ்ஸ ஸுக²ஸ்ஸ ஸமதிக்கமா, அது³க்க²மஸுகா²ய வேத³னாய
ஸமதிக்கமா – ‘ஸந்தோஹமஸ்மி, நிப்³பு³தோஹமஸ்மி, அனுபாதா³னோஹமஸ்மீ’தி
ஸமனுபஸ்ஸதி; அத்³தா⁴ அயமாயஸ்மா நிப்³பா³னஸப்பாயங்யேவ
படிபத³ங் அபி⁴வத³தி. அத² ச பனாயங் ப⁴வங் ஸமணோ வா ப்³ராஹ்மணோ வா
புப்³ப³ந்தானுதி³ட்டி²ங் வா உபாதி³யமானோ உபாதி³யதி, அபரந்தானுதி³ட்டி²ங் வா
உபாதி³யமானோ உபாதி³யதி, காமஸங்யோஜனங் வா உபாதி³யமானோ உபாதி³யதி, பவிவேகங்
வா பீதிங் உபாதி³யமானோ உபாதி³யதி, நிராமிஸங் வா ஸுக²ங் உபாதி³யமானோ
உபாதி³யதி, அது³க்க²மஸுக²ங் வா வேத³னங் உபாதி³யமானோ உபாதி³யதி. யஞ்ச கோ²
அயமாயஸ்மா – ‘ஸந்தோஹமஸ்மி, நிப்³பு³தோஹமஸ்மி, அனுபாதா³னோஹமஸ்மீ’தி
ஸமனுபஸ்ஸதி தத³பி இமஸ்ஸ போ⁴தோ ஸமணஸ்ஸ ப்³ராஹ்மணஸ்ஸ உபாதா³னமக்கா²யதி.
‘தயித³ங் ஸங்க²தங் ஓளாரிகங் அத்தி² கோ² பன ஸங்கா²ரானங் நிரோதோ⁴
அத்தே²த’ந்தி – இதி விதி³த்வா தஸ்ஸ நிஸ்ஸரணத³ஸ்ஸாவீ ததா²க³தோ
தது³பாதிவத்தோ.

‘‘இத³ங் கோ² பன, பி⁴க்க²வே, ததா²க³தேன அனுத்தரங்
ஸந்திவரபத³ங் அபி⁴ஸம்பு³த்³த⁴ங் யதி³த³ங் – ச²ன்னங் ப²ஸ்ஸாயதனானங்
ஸமுத³யஞ்ச அத்த²ங்க³மஞ்ச அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தங்
விதி³த்வா [அனுபாதா³விமொக்கோ². தயித³ங் பி⁴க்க²வே
ததா²க³தேன அனுத்தரங் ஸந்திவரபத³ங் அபி⁴ஸம்பு³த்³த⁴ங், யதி³த³ங் ச²ன்னங்
ப²ஸ்ஸாயதனானங் ஸமுத³யஞ்ச அத்த²ங்க³மஞ்ச அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச
யதா²பூ⁴தங் விதி³த்வா அனுபாதா³விமொக்கோ²தி (ஸீ॰ ஸ்யா॰ கங்॰ பீ॰)] அனுபாதா³விமொக்கோ²’’தி [அனுபாதா³விமொக்கோ².
தயித³ங் பி⁴க்க²வே ததா²க³தேன அனுத்தரங் ஸந்திவரபத³ங் அபி⁴ஸம்பு³த்³த⁴ங்,
யதி³த³ங் ச²ன்னங் ப²ஸ்ஸாயதனங் ஸமுத³யஞ்ச அத்த²ங்க³மஞ்ச அஸ்ஸாத³ஞ்ச
அதீ³னவஞ்ச நிஸ்ஸரணஞ்ச யதா²பூ⁴தங் விதி³த்வா அனுபாதா³விமொக்கோ²தி (ஸீ॰ ஸ்யா॰
கங்॰ பீ॰)].

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

பஞ்சத்தயஸுத்தங் நிட்டி²தங் து³தியங்.

3. கிந்திஸுத்தங்

34. ஏவங் மே ஸுதங் – ஏகங் ஸமயங் ப⁴க³வா பிஸினாராயங் [குஸினாராயங் (ஸீ॰)]
விஹரதி ப³லிஹரணே வனஸண்டே³. தத்ர கோ² ப⁴க³வா பி⁴க்கூ² ஆமந்தேஸி –
‘‘பி⁴க்க²வோ’’தி. ‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா
ஏதத³வோச – ‘‘கிந்தி வோ , பி⁴க்க²வே, மயி ஹோதி –
‘சீவரஹேது வா ஸமணோ கோ³தமோ த⁴ம்மங் தே³ஸேதி, பிண்ட³பாதஹேது வா ஸமணோ கோ³தமோ
த⁴ம்மங் தே³ஸேதி, ஸேனாஸனஹேது வா ஸமணோ கோ³தமோ த⁴ம்மங் தே³ஸேதி,
இதிப⁴வாப⁴வஹேது வா ஸமணோ கோ³தமோ த⁴ம்மங் தே³ஸேதீ’’’தி? ‘‘ந கோ² நோ, ப⁴ந்தே,
ப⁴க³வதி ஏவங் ஹோதி – ‘சீவரஹேது வா ஸமணோ கோ³தமோ த⁴ம்மங் தே³ஸேதி,
பிண்ட³பாதஹேது வா ஸமணோ கோ³தமோ த⁴ம்மங் தே³ஸேதி, ஸேனாஸனஹேது வா ஸமணோ கோ³தமோ
த⁴ம்மங் தே³ஸேதி, இதிப⁴வாப⁴வஹேது வா ஸமணோ கோ³தமோ த⁴ம்மங் தே³ஸேதீ’’’தி.

‘‘ந ச கிர வோ, பி⁴க்க²வே, மயி ஏவங் ஹோதி – ‘சீவரஹேது
வா ஸமணோ கோ³தமோ த⁴ம்மங் தே³ஸேதி…பே॰… இதிப⁴வாப⁴வஹேது வா ஸமணோ கோ³தமோ
த⁴ம்மங் தே³ஸேதீ’தி; அத² கிந்தி சரஹி வோ [அத² கிந்தி வோ (ஸீ॰ பீ॰), அத² கிஞ்சரஹி வோ (க॰)],
பி⁴க்க²வே, மயி ஹோதீ’’தி? ‘‘ஏவங் கோ² நோ, ப⁴ந்தே, ப⁴க³வதி ஹோதி –
‘அனுகம்பகோ ப⁴க³வா ஹிதேஸீ; அனுகம்பங் உபாதா³ய த⁴ம்மங் தே³ஸேதீ’’’தி.
‘‘ஏவஞ்ச [ஏவங் (ஸீ॰ பீ॰)] கிர வோ, பி⁴க்க²வே, மயி ஹோதி – ‘அனுகம்பகோ ப⁴க³வா ஹிதேஸீ; அனுகம்பங் உபாதா³ய த⁴ம்மங் தே³ஸேதீ’’’தி.

35. ‘‘தஸ்மாதிஹ, பி⁴க்க²வே, யே வோ [யே தே (க॰)]
மயா த⁴ம்மா அபி⁴ஞ்ஞா தே³ஸிதா, ஸெய்யதி²த³ங் – சத்தாரோ ஸதிபட்டா²னா சத்தாரோ
ஸம்மப்பதா⁴னா சத்தாரோ இத்³தி⁴பாதா³ பஞ்சிந்த்³ரியானி பஞ்ச ப³லானி ஸத்த
பொ³ஜ்ஜ²ங்கா³ அரியோ அட்ட²ங்கி³கோ மக்³கோ³, தத்த²
ஸப்³பே³ஹேவ ஸமக்³கே³ஹி ஸம்மோத³மானேஹி அவிவத³மானேஹி ஸிக்கி²தப்³ப³ங். தேஸஞ்ச
வோ, பி⁴க்க²வே, ஸமக்³கா³னங் ஸம்மோத³மானானங் அவிவத³மானானங் ஸிக்க²தங்
ஸியங்ஸு [ஸியுங் (ஸீ॰ ஸ்யா॰ கங்॰) ஸத்³த³னீதி ஓலோகேதப்³பா³]
த்³வே பி⁴க்கூ² அபி⁴த⁴ம்மே நானாவாதா³. தத்ர சே தும்ஹாகங் ஏவமஸ்ஸ – ‘இமேஸங்
கோ² ஆயஸ்மந்தானங் அத்த²தோ சேவ நானங் ப்³யஞ்ஜனதோ ச நான’ந்தி, தத்த² யங்
பி⁴க்கு²ங் ஸுவசதரங் [ஸுப்³ப³சதரங் (க॰)] மஞ்ஞெய்யாத² ஸோ உபஸங்கமித்வா ஏவமஸ்ஸ வசனீயோ – ‘ஆயஸ்மந்தானங் கோ² அத்த²தோ சேவ நானங், ப்³யஞ்ஜனதோ ச நானங். தத³மினாபேதங் [ததி³மினாபேதங் (ஸ்யா॰ கங்॰)] ஆயஸ்மந்தோ ஜானாத² – யதா² அத்த²தோ சேவ நானங், ப்³யஞ்ஜனதோ ச நானங். மாயஸ்மந்தோ விவாத³ங் ஆபஜ்ஜித்தா²’தி. அதா²பரேஸங் ஏகதோபக்கி²கானங்
பி⁴க்கூ²னங் யங் பி⁴க்கு²ங் ஸுவசதரங் மஞ்ஞெய்யாத² ஸோ உபஸங்கமித்வா ஏவமஸ்ஸ
வசனீயோ – ‘ஆயஸ்மந்தானங் கோ² அத்த²தோ சேவ நானங், ப்³யஞ்ஜனதோ ச நானங்.
தத³மினாபேதங் ஆயஸ்மந்தோ ஜானாத² – யதா² அத்த²தோ சேவ
நானங், ப்³யஞ்ஜனதோ ச நானங். மாயஸ்மந்தோ விவாத³ங் ஆபஜ்ஜித்தா²’தி. இதி
து³க்³க³ஹிதங் து³க்³க³ஹிததோ தா⁴ரேதப்³ப³ங், ஸுக்³க³ஹிதங் ஸுக்³க³ஹிததோ
தா⁴ரேதப்³ப³ங். து³க்³க³ஹிதங் து³க்³க³ஹிததோ தா⁴ரெத்வா ஸுக்³க³ஹிதங்
ஸுக்³க³ஹிததோ தா⁴ரெத்வா [இதி து³க்³க³ஹிதங்
து³க்³க³ஹிததோ தா⁴ரேதப்³ப³ங், து³க்³க³ஹிதங் து³க்³க³ஹிததோ தா⁴ரெத்வா (ஸீ॰
ஸ்யா॰ கங்॰ பீ॰) அனந்தரவாரத்தயே பன இத³ங் பாட²னானத்தங் நத்தி²] யோ த⁴ம்மோ யோ வினயோ ஸோ பா⁴ஸிதப்³போ³.

36. ‘‘தத்ர
சே தும்ஹாகங் ஏவமஸ்ஸ – ‘இமேஸங் கோ² ஆயஸ்மந்தானங் அத்த²தோ ஹி கோ² நானங்,
ப்³யஞ்ஜனதோ ஸமேதீ’தி, தத்த² யங் பி⁴க்கு²ங் ஸுவசதரங் மஞ்ஞெய்யாத² ஸோ
உபஸங்கமித்வா ஏவமஸ்ஸ வசனீயோ – ‘ஆயஸ்மந்தானங் கோ² அத்த²தோ ஹி நானங்,
ப்³யஞ்ஜனதோ ஸமேதி. தத³மினாபேதங் ஆயஸ்மந்தோ ஜானாத² – யதா² அத்த²தோ ஹி கோ²
நானங், ப்³யஞ்ஜனதோ ஸமேதி. மாயஸ்மந்தோ விவாத³ங் ஆபஜ்ஜித்தா²’தி. அதா²பரேஸங்
ஏகதோபக்கி²கானங் பி⁴க்கூ²னங் யங் பி⁴க்கு²ங் ஸுவசதரங் மஞ்ஞெய்யாத² ஸோ
உபஸங்கமித்வா ஏவமஸ்ஸ வசனீயோ – ‘ஆயஸ்மந்தானங் கோ² அத்த²தோ ஹி கோ² நானங்,
ப்³யஞ்ஜனதோ ஸமேதி. தத³மினாபேதங் ஆயஸ்மந்தோ ஜானாத² – யதா² அத்த²தோ ஹி கோ²
நானங், ப்³யஞ்ஜனதோ ஸமேதி. மாயஸ்மந்தோ விவாத³ங் ஆபஜ்ஜித்தா²’தி .
இதி து³க்³க³ஹிதங் து³க்³க³ஹிததோ தா⁴ரேதப்³ப³ங், ஸுக்³க³ஹிதங்
ஸுக்³க³ஹிததோ தா⁴ரேதப்³ப³ங். து³க்³க³ஹிதங் து³க்³க³ஹிததோ தா⁴ரெத்வா
ஸுக்³க³ஹிதங் ஸுக்³க³ஹிததோ தா⁴ரெத்வா யோ த⁴ம்மோ யோ வினயோ ஸோ பா⁴ஸிதப்³போ³.

37.
‘‘தத்ர சே தும்ஹாகங் ஏவமஸ்ஸ – ‘இமேஸங் கோ² ஆயஸ்மந்தானங் அத்த²தோ ஹி கோ²
ஸமேதி, ப்³யஞ்ஜனதோ நான’ந்தி, தத்த² யங் பி⁴க்கு²ங் ஸுவசதரங் மஞ்ஞெய்யாத² ஸோ
உபஸங்கமித்வா ஏவமஸ்ஸ வசனீயோ – ‘ஆயஸ்மந்தானங் கோ² அத்த²தோ ஹி ஸமேதி,
ப்³யஞ்ஜனதோ நானங். தத³மினாபேதங் ஆயஸ்மந்தோ ஜானாத² – யதா² அத்த²தோ ஹி கோ²
ஸமேதி, ப்³யஞ்ஜனதோ நானங். அப்பமத்தகங் கோ² பனேதங் யதி³த³ங் – ப்³யஞ்ஜனங்.
மாயஸ்மந்தோ அப்பமத்தகே விவாத³ங் ஆபஜ்ஜித்தா²’தி. அதா²பரேஸங்
ஏகதோபக்கி²கானங் பி⁴க்கூ²னங் யங் பி⁴க்கு²ங்
ஸுவசதரங் மஞ்ஞெய்யாத² ஸோ உபஸங்கமித்வா ஏவமஸ்ஸ வசனீயோ – ‘ஆயஸ்மந்தானங் கோ²
அத்த²தோ ஹி ஸமேதி, ப்³யஞ்ஜனதோ நானங். தத³மினாபேதங் ஆயஸ்மந்தோ ஜானாத² – யதா²
அத்த²தோ ஹி கோ² ஸமேதி, ப்³யஞ்ஜனதோ நானங். அப்பமத்தகங் கோ² பனேதங் யதி³த³ங்
– ப்³யஞ்ஜனங். மாயஸ்மந்தோ அப்பமத்தகே [அப்பமத்தகேஹி (ஸீ॰ பீ॰)]
விவாத³ங் ஆபஜ்ஜித்தா²’தி. இதி ஸுக்³க³ஹிதங் ஸுக்³க³ஹிததோ தா⁴ரேதப்³ப³ங்,
து³க்³க³ஹிதங் து³க்³க³ஹிததோ தா⁴ரேதப்³ப³ங். ஸுக்³க³ஹிதங் ஸுக்³க³ஹிததோ
தா⁴ரெத்வா து³க்³க³ஹிதங் து³க்³க³ஹிததோ தா⁴ரெத்வா யோ த⁴ம்மோ யோ வினயோ ஸோ
பா⁴ஸிதப்³போ³.

38. ‘‘தத்ர
சே தும்ஹாகங் ஏவமஸ்ஸ – ‘இமேஸங் கோ² ஆயஸ்மந்தானங் அத்த²தோ சேவ ஸமேதி
ப்³யஞ்ஜனதோ ச ஸமேதீ’தி, தத்த² யங் பி⁴க்கு²ங் ஸுவசதரங் மஞ்ஞெய்யாத² ஸோ
உபஸங்கமித்வா ஏவமஸ்ஸ வசனீயோ – ‘ஆயஸ்மந்தானங் கோ² அத்த²தோ சேவ ஸமேதி,
ப்³யஞ்ஜனதோ ச ஸமேதி. தத³மினாபேதங் ஆயஸ்மந்தோ ஜானாத² – யதா² அத்த²தோ சேவ
ஸமேதி ப்³யஞ்ஜனதோ ச ஸமேதி. மாயஸ்மந்தோ விவாத³ங் ஆபஜ்ஜித்தா²’தி. அதா²பரேஸங்
ஏகதோபக்கி²கானங் பி⁴க்கூ²னங் யங் பி⁴க்கு²ங் ஸுவசதரங் மஞ்ஞெய்யாத² ஸோ
உபஸங்கமித்வா ஏவமஸ்ஸ வசனீயோ – ‘ஆயஸ்மந்தானங் கோ² அத்த²தோ சேவ ஸமேதி
ப்³யஞ்ஜனதோ ச ஸமேதி. தத³மினாபேதங் ஆயஸ்மந்தோ ஜானாத² – யதா² அத்த²தோ சேவ
ஸமேதி ப்³யஞ்ஜனதோ ச ஸமேதி. மாயஸ்மந்தோ விவாத³ங்
ஆபஜ்ஜித்தா²’தி. இதி ஸுக்³க³ஹிதங் ஸுக்³க³ஹிததோ தா⁴ரேதப்³ப³ங்.
ஸுக்³க³ஹிதங் ஸுக்³க³ஹிததோ தா⁴ரெத்வா யோ த⁴ம்மோ யோ வினயோ ஸோ பா⁴ஸிதப்³போ³.

39. ‘‘தேஸஞ்ச
வோ, பி⁴க்க²வே, ஸமக்³கா³னங் ஸம்மோத³மானானங் அவிவத³மானானங் ஸிக்க²தங் ஸியா
அஞ்ஞதரஸ்ஸ பி⁴க்கு²னோ ஆபத்தி ஸியா வீதிக்கமோ, தத்ர, பி⁴க்க²வே, ந சோத³னாய
தரிதப்³ப³ங் [சோதி³தப்³ப³ங் (ஸ்யா॰ கங்॰ க॰) துரிதப்³ப³ங் (?)].
புக்³க³லோ உபபரிக்கி²தப்³போ³ – ‘இதி மய்ஹஞ்ச அவிஹேஸா ப⁴விஸ்ஸதி பரஸ்ஸ ச
புக்³க³லஸ்ஸ அனுபகா⁴தோ, பரோ ஹி புக்³க³லோ அக்கோத⁴னோ அனுபனாஹீ
அத³ள்ஹதி³ட்டீ² ஸுப்படினிஸ்ஸக்³கீ³, ஸக்கோமி சாஹங் ஏதங் புக்³க³லங் அகுஸலா
வுட்டா²பெத்வா குஸலே பதிட்டா²பேது’ந்தி. ஸசே, பி⁴க்க²வே, ஏவமஸ்ஸ, கல்லங்
வசனாய.

‘‘ஸசே பன, பி⁴க்க²வே, ஏவமஸ்ஸ – ‘மய்ஹங் கோ² அவிஹேஸா
ப⁴விஸ்ஸதி பரஸ்ஸ ச புக்³க³லஸ்ஸ உபகா⁴தோ, பரோ ஹி புக்³க³லோ கோத⁴னோ உபனாஹீ
அத³ள்ஹதி³ட்டீ² ஸுப்படினிஸ்ஸக்³கீ³, ஸக்கோமி சாஹங் ஏதங் புக்³க³லங் அகுஸலா
வுட்டா²பெத்வா குஸலே பதிட்டா²பேதுங். அப்பமத்தகங் கோ² பனேதங் யதி³த³ங் –
பரஸ்ஸ [யதி³த³ங் மய்ஹஞ்ச விஹேஸா ப⁴விஸ்ஸதி பரஸ்ஸ ச (க॰)] புக்³க³லஸ்ஸ உபகா⁴தோ. அத² கோ² ஏததே³வ ப³ஹுதரங் – ஸ்வாஹங் ஸக்கோமி ஏதங் புக்³க³லங் அகுஸலா வுட்டா²பெத்வா குஸலே பதிட்டா²பேது’ந்தி . ஸசே, பி⁴க்க²வே, ஏவமஸ்ஸ, கல்லங் வசனாய.

‘‘ஸசே பன, பி⁴க்க²வே, ஏவமஸ்ஸ – ‘மய்ஹங் கோ² விஹேஸா
ப⁴விஸ்ஸதி பரஸ்ஸ ச புக்³க³லஸ்ஸ அனுபகா⁴தோ. பரோ ஹி புக்³க³லோ அக்கோத⁴னோ
அனுபனாஹீ த³ள்ஹதி³ட்டீ² து³ப்படினிஸ்ஸக்³கீ³, ஸக்கோமி சாஹங் ஏதங்
புக்³க³லங் அகுஸலா வுட்டா²பெத்வா குஸலே பதிட்டா²பேதுங். அப்பமத்தகங் கோ²
பனேதங் யதி³த³ங் – மய்ஹங் விஹேஸா [மய்ஹஞ்ச விஹேஸா ப⁴விஸ்ஸதி பரஸ்ஸ ச புக்³க³லஸ்ஸ உபகா⁴தோ (க॰)].
அத² கோ² ஏததே³வ ப³ஹுதரங் – ஸ்வாஹங் ஸக்கோமி ஏதங் புக்³க³லங் அகுஸலா
வுட்டா²பெத்வா குஸலே பதிட்டா²பேது’ந்தி. ஸசே, பி⁴க்க²வே, ஏவமஸ்ஸ, கல்லங்
வசனாய.

‘‘ஸசே பன, பி⁴க்க²வே, ஏவமஸ்ஸ – ‘மய்ஹஞ்ச கோ² விஹேஸா ப⁴விஸ்ஸதி பரஸ்ஸ ச புக்³க³லஸ்ஸ உபகா⁴தோ. பரோ ஹி
புக்³க³லோ கோத⁴னோ உபனாஹீ த³ள்ஹதி³ட்டீ² து³ப்படினிஸ்ஸக்³கீ³, ஸக்கோமி
சாஹங் ஏதங் புக்³க³லங் அகுஸலா வுட்டா²பெத்வா குஸலே பதிட்டா²பேதுங்.
அப்பமத்தகங் கோ² பனேதங் யதி³த³ங் – மய்ஹஞ்ச விஹேஸா ப⁴விஸ்ஸதி பரஸ்ஸ ச
புக்³க³லஸ்ஸ உபகா⁴தோ. அத² கோ² ஏததே³வ ப³ஹுதரங் – ஸ்வாஹங் ஸக்கோமி ஏதங்
புக்³க³லங் அகுஸலா வுட்டா²பெத்வா குஸலே பதிட்டா²பேது’ந்தி. ஸசே, பி⁴க்க²வே,
ஏவமஸ்ஸ, கல்லங் வசனாய.

‘‘ஸசே பன, பி⁴க்க²வே, ஏவமஸ்ஸ – ‘மய்ஹஞ்ச கோ² விஹேஸா
ப⁴விஸ்ஸதி பரஸ்ஸ ச புக்³க³லஸ்ஸ உபகா⁴தோ. பரோ ஹி புக்³க³லோ கோத⁴னோ உபனாஹீ
த³ள்ஹதி³ட்டீ² து³ப்படினிஸ்ஸக்³கீ³, ந சாஹங் ஸக்கோமி ஏதங் புக்³க³லங்
அகுஸலா வுட்டா²பெத்வா குஸலே பதிட்டா²பேது’ந்தி. ஏவரூபே, பி⁴க்க²வே,
புக்³க³லே உபெக்கா² நாதிமஞ்ஞிதப்³பா³.

40. ‘‘தேஸஞ்ச வோ, பி⁴க்க²வே, ஸமக்³கா³னங் ஸம்மோத³மானானங் அவிவத³மானானங் ஸிக்க²தங் அஞ்ஞமஞ்ஞஸ்ஸ வசீஸங்ஹாரோ [வசீஸங்கா²ரோ (ஸீ॰ பீ॰)] உப்பஜ்ஜெய்ய தி³ட்டி²பளாஸோ [தி³ட்டி²பலாஸோ (ஸீ॰ க॰)]
சேதஸோ ஆகா⁴தோ அப்பச்சயோ அனபி⁴ரத்³தி⁴. தத்த² ஏகதோபக்கி²கானங் பி⁴க்கூ²னங்
யங் பி⁴க்கு²ங் ஸுவசதரங் மஞ்ஞெய்யாத² ஸோ உபஸங்கமித்வா ஏவமஸ்ஸ வசனீயோ – ‘யங்
நோ, ஆவுஸோ, அம்ஹாகங் ஸமக்³கா³னங் ஸம்மோத³மானானங் அவிவத³மானானங் ஸிக்க²தங்
அஞ்ஞமஞ்ஞஸ்ஸ வசீஸங்ஹாரோ உப்பன்னோ தி³ட்டி²பளாஸோ சேதஸோ ஆகா⁴தோ அப்பச்சயோ
அனபி⁴ரத்³தி⁴, தங் ஜானமானோ ஸமணோ க³ரஹெய்யா’தி [ஸமானோ (ஸீ॰ க॰)]. ஸம்மா ப்³யாகரமானோ, பி⁴க்க²வே, பி⁴க்கு² ஏவங் ப்³யாகரெய்ய – ‘யங் நோ, ஆவுஸோ, அம்ஹாகங்
ஸமக்³கா³னங் ஸம்மோத³மானானங் அவிவத³மானானங் ஸிக்க²தங் அஞ்ஞமஞ்ஞஸ்ஸ
வசீஸங்ஹாரோ உப்பன்னோ தி³ட்டி²பளாஸோ சேதஸோ ஆகா⁴தோ அப்பச்சயோ அனபி⁴ரத்³தி⁴,
தங் ஜானமானோ ஸமணோ க³ரஹெய்யாதி. ஏதங் பனாவுஸோ, த⁴ம்மங் அப்பஹாய நிப்³பா³னங்
ஸச்சி²கரெய்யா’தி. ஸம்மா ப்³யாகரமானோ, பி⁴க்க²வே, பி⁴க்கு² ஏவங்
ப்³யாகரெய்ய – ‘ஏதங், ஆவுஸோ, த⁴ம்மங் அப்பஹாய ந நிப்³பா³னங்
ஸச்சி²கரெய்யா’தி.

‘‘அதா²பரேஸங் ஏகதோபக்கி²கானங் பி⁴க்கூ²னங் யங் பி⁴க்கு²ங் ஸுவசதரங் மஞ்ஞெய்யாத², ஸோ உபஸங்கமித்வா
ஏவமஸ்ஸ வசனீயோ – ‘யங் நோ, ஆவுஸோ, அம்ஹாகங் ஸமக்³கா³னங் ஸம்மோத³மானானங்
அவிவத³மானானங் ஸிக்க²தங் அஞ்ஞமஞ்ஞஸ்ஸ வசீஸங்ஹாரோ உப்பன்னோ தி³ட்டி²பளாஸோ
சேதஸோ ஆகா⁴தோ அப்பச்சயோ அனபி⁴ரத்³தி⁴, தங் ஜானமானோ ஸமணோ க³ரஹெய்யா’தி.
ஸம்மா ப்³யாகரமானோ, பி⁴க்க²வே, பி⁴க்கு² ஏவங் ப்³யாகரெய்ய – ‘யங் நோ,
ஆவுஸோ, அம்ஹாகங் ஸமக்³கா³னங் ஸம்மோத³மானானங் அவிவத³மானானங் ஸிக்க²தங்
அஞ்ஞமஞ்ஞஸ்ஸ வசீஸங்ஹாரோ உப்பன்னோ தி³ட்டி²பளாஸோ சேதஸோ ஆகா⁴தோ அப்பச்சயோ
அனபி⁴ரத்³தி⁴ தங் ஜானமானோ ஸமணோ க³ரஹெய்யாதி. ஏதங் பனாவுஸோ, த⁴ம்மங் அப்பஹாய
நிப்³பா³னங் ஸச்சி²கரெய்யா’தி. ஸம்மா ப்³யாகரமானோ, பி⁴க்க²வே, பி⁴க்கு²
ஏவங் ப்³யாகரெய்ய – ‘ஏதங் கோ², ஆவுஸோ, த⁴ம்மங் அப்பஹாய ந நிப்³பா³னங் ஸச்சி²கரெய்யா’’’தி.

‘‘தங் சே, பி⁴க்க²வே, பி⁴க்கு²ங் பரே ஏவங்
புச்செ²ய்யுங் – ‘ஆயஸ்மதா நோ ஏதே பி⁴க்கூ² அகுஸலா வுட்டா²பெத்வா குஸலே
பதிட்டா²பிதா’தி? ஸம்மா ப்³யாகரமானோ, பி⁴க்க²வே, பி⁴க்கு² ஏவங் ப்³யாகரெய்ய
– ‘இதா⁴ஹங், ஆவுஸோ, யேன ப⁴க³வா தேனுபஸங்கமிங்,
தஸ்ஸ மே ப⁴க³வா த⁴ம்மங் தே³ஸேஸி, தாஹங் த⁴ம்மங் ஸுத்வா தேஸங் பி⁴க்கூ²னங்
அபா⁴ஸிங். தங் தே பி⁴க்கூ² த⁴ம்மங் ஸுத்வா அகுஸலா வுட்ட²ஹிங்ஸு, குஸலே
பதிட்ட²ஹிங்ஸூ’தி. ஏவங் ப்³யாகரமானோ கோ², பி⁴க்க²வே, பி⁴க்கு² ந சேவ
அத்தானங் உக்கங்ஸேதி, ந பரங் வம்பே⁴தி, த⁴ம்மஸ்ஸ சானுத⁴ம்மங் ப்³யாகரோதி, ந
ச கோசி ஸஹத⁴ம்மிகோ வாதா³னுவாதோ³ கா³ரய்ஹங் டா²னங் ஆக³ச்ச²தீ’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

கிந்திஸுத்தங் நிட்டி²தங் ததியங்.

4. ஸாமகா³மஸுத்தங்

41. ஏவங் மே ஸுதங் – ஏகங் ஸமயங் ப⁴க³வா ஸக்கேஸு விஹரதி ஸாமகா³மே. தேன கோ² பன ஸமயேன நிக³ண்டோ² நாடபுத்தோ [நாத²புத்தோ (ஸீ॰ பீ॰)] பாவாயங் அது⁴னாகாலங்கதோ [காலகதோ (ஸீ॰ ஸ்யா॰ கங்॰ பீ॰)] ஹோதி. தஸ்ஸ காலங்கிரியாய பி⁴ன்னா நிக³ண்டா² த்³வேதி⁴கஜாதா [த்³வெள்ஹகஜாதா (ஸ்யா॰ கங்॰ க॰)]
ப⁴ண்ட³னஜாதா கலஹஜாதா விவாதா³பன்னா அஞ்ஞமஞ்ஞங் முக²ஸத்தீஹி விதுத³ந்தா
விஹரந்தி – ‘‘ந த்வங் இமங் த⁴ம்மவினயங் ஆஜானாஸி, அஹங் இமங் த⁴ம்மவினயங்
ஆஜானாமி. கிங் த்வங் இமங் த⁴ம்மவினயங் ஆஜானிஸ்ஸஸி! மிச்சா²படிபன்னோ த்வமஸி,
அஹமஸ்மி ஸம்மாபடிபன்னோ. ஸஹிதங் மே, அஸஹிதங் தே. புரேவசனீயங் பச்சா² அவச , பச்சா²வசனீயங் புரே அவச. அதி⁴சிண்ணங் [அவிசிண்ணங் (ஸீ॰ பீ॰)] தே விபராவத்தங். ஆரோபிதோ தே வாதோ³. நிக்³க³ஹிதோஸி, சர வாத³ப்பமொக்கா²ய; நிப்³பே³டே²ஹி வா ஸசே பஹோஸீ’’தி. வதோ⁴யேவ கோ² [வதோ⁴யேவேகோ (ஸ்யா॰ கங்॰ க॰)]
மஞ்ஞே நிக³ண்டே²ஸு நாடபுத்தியேஸு வத்ததி. யேபி நிக³ண்ட²ஸ்ஸ நாடபுத்தஸ்ஸ
ஸாவகா கி³ஹீ ஓதா³தவஸனா தேபி நிக³ண்டே²ஸு நாடபுத்தியேஸு நிப்³பி³ன்னரூபா [நிப்³பி³ந்த³ரூபா (ஸ்யா॰ கங்॰ க॰)]
விரத்தரூபா படிவானரூபா யதா² தங் து³ரக்கா²தே த⁴ம்மவினயே து³ப்பவேதி³தே
அனிய்யானிகே அனுபஸமஸங்வத்தனிகே அஸம்மாஸம்பு³த்³த⁴ப்பவேதி³தே பி⁴ன்னதூ²பே
அப்படிஸரணே.

42. அத² கோ² சுந்தோ³ ஸமணுத்³தே³ஸோ பாவாயங் வஸ்ஸங்வுட்டோ² [வஸ்ஸங்வுத்தோ² (ஸீ॰ ஸ்யா॰ கங்॰ பீ॰)] யேன ஸாமகா³மோ யேனாயஸ்மா ஆனந்தோ³ தேனுபஸங்கமி; உபஸங்கமித்வா ஆயஸ்மந்தங் ஆனந்த³ங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ
கோ² சுந்தோ³ ஸமணுத்³தே³ஸோ ஆயஸ்மந்தங் ஆனந்த³ங் ஏதத³வோச – ‘‘நிக³ண்டோ²,
ப⁴ந்தே, நாடபுத்தோ பாவாயங் அது⁴னாகாலங்கதோ. தஸ்ஸ காலங்கிரியாய பி⁴ன்னா
நிக³ண்டா² த்³வேதி⁴கஜாதா…பே॰… பி⁴ன்னதூ²பே அப்படிஸரணே’’தி. ஏவங் வுத்தே,
ஆயஸ்மா ஆனந்தோ³ சுந்த³ங் ஸமணுத்³தே³ஸங் ஏதத³வோச – ‘‘அத்தி² கோ² இத³ங்,
ஆவுஸோ சுந்த³, கதா²பாப⁴தங் ப⁴க³வந்தங் த³ஸ்ஸனாய. ஆயாம, ஆவுஸோ சுந்த³, யேன
ப⁴க³வா தேனுபஸங்கமிஸ்ஸாம; உபஸங்கமித்வா ஏதமத்த²ங் ப⁴க³வதோ ஆரோசெஸ்ஸாமா’’தி.
‘‘ஏவங், ப⁴ந்தே’’தி கோ² சுந்தோ³ ஸமணுத்³தே³ஸோ ஆயஸ்மதோ ஆனந்த³ஸ்ஸ
பச்சஸ்ஸோஸி.

அத² கோ² ஆயஸ்மா ச ஆனந்தோ³
சுந்தோ³ ச ஸமணுத்³தே³ஸோ யேன ப⁴க³வா தேனுபஸங்கமிங்ஸு; உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங் நிஸின்னோ கோ²
ஆயஸ்மா ஆனந்தோ³ ப⁴க³வந்தங் ஏதத³வோச – ‘‘அயங், ப⁴ந்தே, சுந்தோ³ ஸமணுத்³தே³ஸோ ஏவமாஹ – ‘நிக³ண்டோ² ,
ப⁴ந்தே, நாடபுத்தோ பாவாயங் அது⁴னாகாலங்கதோ. தஸ்ஸ காலங்கிரியாய பி⁴ன்னா
நிக³ண்டா² த்³வேதி⁴கஜாதா…பே॰… பி⁴ன்னதூ²பே அப்படிஸரணே’தி. தஸ்ஸ மய்ஹங்,
ப⁴ந்தே, ஏவங் ஹோதி – ‘மாஹேவ ப⁴க³வதோ அச்சயேன ஸங்கே⁴ விவாதோ³ உப்பஜ்ஜி;
ஸ்வாஸ்ஸ [ஸோ (ஸீ॰ பீ॰), ஸ்வாயங் (க॰)] விவாதோ³ ப³ஹுஜனாஹிதாய ப³ஹுஜனாஸுகா²ய ப³ஹுனோ ஜனஸ்ஸ அனத்தா²ய அஹிதாய து³க்கா²ய தே³வமனுஸ்ஸான’’’ந்தி.

43. ‘‘தங்
கிங் மஞ்ஞஸி, ஆனந்த³, யே வோ மயா த⁴ம்மா அபி⁴ஞ்ஞா தே³ஸிதா, ஸெய்யதி²த³ங் –
சத்தாரோ ஸதிபட்டா²னா சத்தாரோ ஸம்மப்பதா⁴னா சத்தாரோ இத்³தி⁴பாதா³
பஞ்சிந்த்³ரியானி பஞ்ச ப³லானி ஸத்த பொ³ஜ்ஜ²ங்கா³ அரியோ அட்ட²ங்கி³கோ
மக்³கோ³, பஸ்ஸஸி நோ த்வங், ஆனந்த³, இமேஸு த⁴ம்மேஸு த்³வேபி பி⁴க்கூ²
நானாவாதே³’’தி? ‘‘யே மே, ப⁴ந்தே, த⁴ம்மா ப⁴க³வதா அபி⁴ஞ்ஞா தே³ஸிதா,
ஸெய்யதி²த³ங் – சத்தாரோ ஸதிபட்டா²னா சத்தாரோ ஸம்மப்பதா⁴னா சத்தாரோ
இத்³தி⁴பாதா³ பஞ்சிந்த்³ரியானி பஞ்ச ப³லானி ஸத்த பொ³ஜ்ஜ²ங்கா³ அரியோ
அட்ட²ங்கி³கோ மக்³கோ³, நாஹங் பஸ்ஸாமி இமேஸு த⁴ம்மேஸு த்³வேபி பி⁴க்கூ²
நானாவாதே³. யே ச கோ² [ஸந்தி ச கோ² (ஸ்யா॰ கங்॰), ஸந்தி ச (க॰)],
ப⁴ந்தே, புக்³க³லா ப⁴க³வந்தங் பதிஸ்ஸயமானரூபா விஹரந்தி தேபி ப⁴க³வதோ
அச்சயேன ஸங்கே⁴ விவாத³ங் ஜனெய்யுங் அஜ்ஜா²ஜீவே வா அதி⁴பாதிமொக்கே² வா.
ஸ்வாஸ்ஸ [ஸொஸ்ஸ (ஸீ॰ பீ॰), ஸ்வாயங் (க॰)]
விவாதோ³ ப³ஹுஜனாஹிதாய ப³ஹுஜனாஸுகா²ய ப³ஹுனோ ஜனஸ்ஸ அனத்தா²ய அஹிதாய
து³க்கா²ய தே³வமனுஸ்ஸான’’ந்தி. அப்பமத்தகோ ஸோ, ஆனந்த³, விவாதோ³ யதி³த³ங் –
அஜ்ஜா²ஜீவே வா அதி⁴பாதிமொக்கே² வா. மக்³கே³ வா ஹி, ஆனந்த³, படிபதா³ய வா
ஸங்கே⁴ விவாதோ³ உப்பஜ்ஜமானோ உப்பஜ்ஜெய்ய; ஸ்வாஸ்ஸ விவாதோ³ ப³ஹுஜனாஹிதாய
ப³ஹுஜனாஸுகா²ய ப³ஹுனோ ஜனஸ்ஸ அனத்தா²ய அஹிதாய து³க்கா²ய தே³வமனுஸ்ஸானங்.

44.
‘‘ச²யிமானி, ஆனந்த³, விவாத³மூலானி. கதமானி ச²? இதா⁴னந்த³, பி⁴க்கு² கோத⁴னோ
ஹோதி உபனாஹீ. யோ ஸோ, ஆனந்த³, பி⁴க்கு² கோத⁴னோ ஹோதி உபனாஹீ ஸோ ஸத்த²ரிபி
அகா³ரவோ விஹரதி அப்பதிஸ்ஸோ, த⁴ம்மேபி அகா³ரவோ விஹரதி அப்பதிஸ்ஸோ, ஸங்கே⁴பி
அகா³ரவோ விஹரதி அப்பதிஸ்ஸோ, ஸிக்கா²யபி ந பரிபூரகாரீ ஹோதி. யோ ஸோ, ஆனந்த³,
பி⁴க்கு² ஸத்த²ரி அகா³ரவோ விஹரதி அப்பதிஸ்ஸோ, த⁴ம்மே… ஸங்கே⁴ அகா³ரவோ
விஹரதி அப்பதிஸ்ஸோ, ஸிக்கா²ய ந பரிபூரகாரீ ஹோதி, ஸோ
ஸங்கே⁴ விவாத³ங் ஜனேதி; யோ ஹோதி விவாதோ³ ப³ஹுஜனாஹிதாய ப³ஹுஜனாஸுகா²ய,
ப³ஹுனோ ஜனஸ்ஸ அனத்தா²ய அஹிதாய து³க்கா²ய தே³வமனுஸ்ஸானங். ஏவரூபஞ்சே தும்ஹே,
ஆனந்த³, விவாத³மூலங் அஜ்ஜ²த்தங் வா ப³ஹித்³தா⁴ வா ஸமனுபஸ்ஸெய்யாத², தத்ர
தும்ஹே, ஆனந்த³, தஸ்ஸேவ பாபகஸ்ஸ விவாத³மூலஸ்ஸ பஹானாய வாயமெய்யாத².
ஏவரூபஞ்சே தும்ஹே, ஆனந்த³, விவாத³மூலங் அஜ்ஜ²த்தங் வா ப³ஹித்³தா⁴ வா ந
ஸமனுபஸ்ஸெய்யாத². தத்ர தும்ஹே, ஆனந்த³, தஸ்ஸேவ பாபகஸ்ஸ
விவாத³மூலஸ்ஸ ஆயதிங் அனவஸ்ஸவாய படிபஜ்ஜெய்யாத². ஏவமேதஸ்ஸ பாபகஸ்ஸ
விவாத³மூலஸ்ஸ பஹானங் ஹோதி, ஏவமேதஸ்ஸ பாபகஸ்ஸ விவாத³மூலஸ்ஸ ஆயதிங் அனவஸ்ஸவோ
ஹோதி.

45.
‘‘புன சபரங், ஆனந்த³, பி⁴க்கு² மக்கீ² ஹோதி பளாஸீ…பே॰… இஸ்ஸுகீ ஹோதி
மச்ச²ரீ…பே॰… ஸடோ² ஹோதி மாயாவீ…பே॰… பாபிச்சோ² ஹோதி மிச்சா²தி³ட்டி² [மிச்சா²தி³ட்டீ² (ஸ்யா॰ கங்॰ பீ॰ க॰)]
…பே॰… ஸந்தி³ட்டி²பராமாஸீ ஹோதி ஆதா⁴னக்³கா³ஹீ து³ப்படினிஸ்ஸக்³கீ³. யோ ஸோ,
ஆனந்த³, பி⁴க்கு² ஸந்தி³ட்டி²பராமாஸீ ஹோதி ஆதா⁴னக்³கா³ஹீ
து³ப்படினிஸ்ஸக்³கீ³ ஸோ ஸத்த²ரிபி அகா³ரவோ விஹரதி அப்பதிஸ்ஸோ, த⁴ம்மேபி
அகா³ரவோ விஹரதி அப்பதிஸ்ஸோ, ஸங்கே⁴பி அகா³ரவோ விஹரதி அப்பதிஸ்ஸோ,
ஸிக்கா²யபி ந பரிபூரகாரீ ஹோதி. யோ ஸோ, ஆனந்த³, பி⁴க்கு² ஸத்த²ரி அகா³ரவோ
விஹரதி அப்பதிஸ்ஸோ, த⁴ம்மே… ஸங்கே⁴… ஸிக்கா²ய ந பரிபூரகாரீ ஹோதி ஸோ
ஸங்கே⁴ விவாத³ங் ஜனேதி; யோ ஹோதி விவாதோ³ ப³ஹுஜனாஹிதாய ப³ஹுஜனாஸுகா²ய,
ப³ஹுனோ ஜனஸ்ஸ அனத்தா²ய அஹிதாய து³க்கா²ய தே³வமனுஸ்ஸானங். ஏவரூபஞ்சே தும்ஹே,
ஆனந்த³, விவாத³மூலங் அஜ்ஜ²த்தங் வா ப³ஹித்³தா⁴ வா ஸமனுபஸ்ஸெய்யாத². தத்ர
தும்ஹே, ஆனந்த³, தஸ்ஸேவ பாபகஸ்ஸ விவாத³மூலஸ்ஸ பஹானாய வாயமெய்யாத².
ஏவரூபஞ்சே தும்ஹே, ஆனந்த³, விவாத³மூலங் அஜ்ஜ²த்தங் வா ப³ஹித்³தா⁴ வா ந
ஸமனுபஸ்ஸெய்யாத², தத்ர தும்ஹே, ஆனந்த³, தஸ்ஸேவ பாபகஸ்ஸ விவாத³மூலஸ்ஸ ஆயதிங்
அனவஸ்ஸவாய படிபஜ்ஜெய்யாத². ஏவமேதஸ்ஸ பாபகஸ்ஸ விவாத³மூலஸ்ஸ பஹானங் ஹோதி , ஏவமேதஸ்ஸ பாபகஸ்ஸ விவாத³மூலஸ்ஸ ஆயதிங் அனவஸ்ஸவோ ஹோதி. இமானி கோ², ஆனந்த³, ச² விவாத³மூலானி.

46. ‘‘சத்தாரிமானி ,
ஆனந்த³, அதி⁴கரணானி. கதமானி சத்தாரி? விவாதா³தி⁴கரணங், அனுவாதா³தி⁴கரணங்,
ஆபத்தாதி⁴கரணங், கிச்சாதி⁴கரணங் – இமானி கோ², ஆனந்த³, சத்தாரி அதி⁴கரணானி.
ஸத்த கோ² பனிமே, ஆனந்த³, அதி⁴கரணஸமதா² – உப்பன்னுப்பன்னானங் அதி⁴கரணானங்
ஸமதா²ய வூபஸமாய ஸம்முகா²வினயோ தா³தப்³போ³, ஸதிவினயோ தா³தப்³போ³,
அமூள்ஹவினயோ தா³தப்³போ³, படிஞ்ஞாய காரேதப்³ப³ங், யேபு⁴ய்யஸிகா,
தஸ்ஸபாபியஸிகா, திணவத்தா²ரகோ.

47.
‘‘கத²ஞ்சானந்த³, ஸம்முகா²வினயோ ஹோதி? இதா⁴னந்த³, பி⁴க்கூ² விவத³ந்தி
த⁴ம்மோதி வா அத⁴ம்மோதி வா வினயோதி வா அவினயோதி வா. தேஹானந்த³, பி⁴க்கூ²ஹி
ஸப்³பே³ஹேவ ஸமக்³கே³ஹி ஸன்னிபதிதப்³ப³ங். ஸன்னிபதித்வா த⁴ம்மனெத்தி
ஸமனுமஜ்ஜிதப்³பா³ . த⁴ம்மனெத்திங் ஸமனுமஜ்ஜித்வா யதா² தத்த² ஸமேதி
ததா² தங் அதி⁴கரணங் வூபஸமேதப்³ப³ங். ஏவங் கோ², ஆனந்த³, ஸம்முகா²வினயோ
ஹோதி; ஏவஞ்ச பனிதே⁴கச்சானங் அதி⁴கரணானங் வூபஸமோ ஹோதி யதி³த³ங் –
ஸம்முகா²வினயேன.

48.
‘‘கத²ஞ்சானந்த³, யேபு⁴ய்யஸிகா ஹோதி? தே சே, ஆனந்த³, பி⁴க்கூ² ந ஸக்கொந்தி
தங் அதி⁴கரணங் தஸ்மிங் ஆவாஸே வூபஸமேதுங். தேஹானந்த³, பி⁴க்கூ²ஹி யஸ்மிங்
ஆவாஸே ப³ஹுதரா பி⁴க்கூ² ஸோ ஆவாஸோ க³ந்தப்³போ³. தத்த² ஸப்³பே³ஹேவ ஸமக்³கே³ஹி
ஸன்னிபதிதப்³ப³ங். ஸன்னிபதித்வா த⁴ம்மனெத்தி ஸமனுமஜ்ஜிதப்³பா³.
த⁴ம்மனெத்திங் ஸமனுமஜ்ஜித்வா யதா² தத்த² ஸமேதி ததா² தங் அதி⁴கரணங்
வூபஸமேதப்³ப³ங். ஏவங் கோ², ஆனந்த³, யேபு⁴ய்யஸிகா ஹோதி, ஏவஞ்ச
பனிதே⁴கச்சானங் அதி⁴கரணானங் வூபஸமோ ஹோதி யதி³த³ங் – யேபு⁴ய்யஸிகாய.

49.
‘‘கத²ஞ்சானந்த³, ஸதிவினயோ ஹோதி? இதா⁴னந்த³, பி⁴க்கூ² பி⁴க்கு²ங் ஏவரூபாய
க³ருகாய ஆபத்தியா சோதெ³ந்தி பாராஜிகேன வா பாராஜிகஸாமந்தேன வா – ‘ஸரதாயஸ்மா
ஏவரூபிங் [ஏவரூபங் (ஸீ॰ ஸ்யா॰ கங்॰ பீ॰) ஏவரூபாய-இதி வுச்சமானவசனேன ஸமேதி. வினயேனபி ஸங்ஸந்தே³தப்³ப³ங்]
க³ருகங் ஆபத்திங் ஆபஜ்ஜிதா பாராஜிகங் வா பாராஜிகஸாமந்தங் வா’தி? ஸோ ஏவமாஹ –
‘ந கோ² அஹங், ஆவுஸோ, ஸராமி ஏவரூபிங் க³ருகங் ஆபத்திங் ஆபஜ்ஜிதா பாராஜிகங்
வா பாராஜிகஸாமந்தங் வா’தி. தஸ்ஸ கோ² [தஸ்ஸ கோ² ஏவங் (ஸப்³ப³த்த²)],
ஆனந்த³, பி⁴க்கு²னோ ஸதிவினயோ தா³தப்³போ³. ஏவங் கோ², ஆனந்த³, ஸதிவினயோ
ஹோதி, ஏவஞ்ச பனிதே⁴கச்சானங் அதி⁴கரணானங் வூபஸமோ ஹோதி யதி³த³ங் – ஸதிவினயேன.

50. ‘‘கத²ஞ்சானந்த³ ,
அமூள்ஹவினயோ ஹோதி? இதா⁴னந்த³, பி⁴க்கூ² பி⁴க்கு²ங் ஏவரூபாய க³ருகாய
ஆபத்தியா சோதெ³ந்தி பாராஜிகேன வா பாராஜிகஸாமந்தேன வா – ‘ஸரதாயஸ்மா ஏவரூபிங்
க³ருகங் ஆபத்திங் ஆபஜ்ஜிதா பாராஜிகங் வா பாராஜிகஸாமந்தங் வா’தி? (ஸோ ஏவமாஹ
– ‘ந கோ² அஹங், ஆவுஸோ, ஸராமி ஏவரூபிங் க³ருகங் ஆபத்திங் ஆபஜ்ஜிதா
பாராஜிகங் வா பாராஜிகஸாமந்தங் வா’தி. தமேனங் ஸோ நிப்³பே³டெ²ந்தங்
அதிவேடே²தி – ‘இங்கா⁴யஸ்மா ஸாது⁴கமேவ ஜானாஹி யதி³ ஸரஸி ஏவரூபிங் க³ருகங்
ஆபத்திங் ஆபஜ்ஜிதா பாராஜிகங் வா பாராஜிகஸாமந்தங் வா’தி.) [( ) எத்த²ந்தரே பாடோ² சூளவ॰ 237 நத்தி² தஸ்ஸபாபியஸிகாவாரேஏவேதேன ப⁴விதப்³ப³ங்]
ஸோ ஏவமாஹ – ‘அஹங் கோ², ஆவுஸோ, உம்மாத³ங் பாபுணிங் சேதஸோ விபரியாஸங். தேன
மே உம்மத்தகேன ப³ஹுங் அஸ்ஸாமணகங் அஜ்ஜா²சிண்ணங் பா⁴ஸிதபரிக்கந்தங் [பா⁴ஸிதபரிகந்தங் (ஸீ॰ ஸ்யா॰ கங்॰ பீ॰)]. நாஹங் தங் ஸராமி. மூள்ஹேன மே ஏதங் கத’ந்தி. தஸ்ஸ கோ² [தஸ்ஸ கோ² ஏவங் (ஸ்யா॰ கங்॰ க॰)], ஆனந்த³, பி⁴க்கு²னோ அமூள்ஹவினயோ தா³தப்³போ³. ஏவங் கோ², ஆனந்த³ , அமூள்ஹவினயோ ஹோதி, ஏவஞ்ச பனிதே⁴கச்சானங் அதி⁴கரணானங் வூபஸமோ ஹோதி யதி³த³ங் – அமூள்ஹவினயேன.

51. ‘‘கத²ஞ்சானந்த³, படிஞ்ஞாதகரணங் ஹோதி? இதா⁴னந்த³, பி⁴க்கு² சோதி³தோ வா அசோதி³தோ வா ஆபத்திங் ஸரதி, விவரதி உத்தானீகரோதி [உத்தானிங் கரோதி (க॰)]. தேன, ஆனந்த³, பி⁴க்கு²னா வுட்³ட⁴தரங் பி⁴க்கு²ங் [வுட்³ட⁴தரோ பி⁴க்கு² (ஸீ॰ ஸ்யா॰ கங்॰ பீ॰)]
உபஸங்கமித்வா ஏகங்ஸங் சீவரங் கத்வா பாதே³ வந்தி³த்வா உக்குடிகங்
நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸ வசனீயோ – ‘அஹங், ப⁴ந்தே,
இத்த²ன்னாமங் ஆபத்திங் ஆபன்னோ, தங் படிதே³ஸேமீ’தி. ஸோ ஏவமாஹ – ‘பஸ்ஸஸீ’தி?
‘ஆம பஸ்ஸாமீ’தி. ‘ஆயதிங் ஸங்வரெய்யாஸீ’தி. (‘ஸங்வரிஸ்ஸாமீ’தி.) [( ) வினயே நத்தி²] ஏவங் கோ², ஆனந்த³, படிஞ்ஞாதகரணங் ஹோதி, ஏவஞ்ச பனிதே⁴கச்சானங் அதி⁴கரணானங் வூபஸமோ ஹோதி யதி³த³ங் – படிஞ்ஞாதகரணேன.

52. ‘‘கத²ஞ்சானந்த³ ,
தஸ்ஸபாபியஸிகா ஹோதி? இதா⁴னந்த³, பி⁴க்கு² பி⁴க்கு²ங் ஏவரூபாய க³ருகாய
ஆபத்தியா சோதே³தி பாராஜிகேன வா பாராஜிகஸாமந்தேன வா – ‘ஸரதாயஸ்மா ஏவரூபிங்
க³ருகங் ஆபத்திங் ஆபஜ்ஜிதா பாராஜிகங் வா பாராஜிகஸாமந்தங் வா’தி? ஸோ ஏவமாஹ –
‘ந கோ² அஹங், ஆவுஸோ, ஸராமி ஏவரூபிங் க³ருகங் ஆபத்திங் ஆபஜ்ஜிதா பாராஜிகங்
வா பாராஜிகஸாமந்தங் வா’தி. தமேனங் ஸோ
நிப்³பே³டெ²ந்தங் அதிவேடே²தி – ‘இங்கா⁴யஸ்மா ஸாது⁴கமேவ ஜானாஹி யதி³ ஸரஸி
ஏவரூபிங் க³ருகங் ஆபத்திங் ஆபஜ்ஜிதா பாராஜிகங் வா பாராஜிகஸாமந்தங் வா’தி.
ஸோ ஏவமாஹ – ‘ந கோ² அஹங், ஆவுஸோ, ஸராமி ஏவரூபிங் க³ருகங் ஆபத்திங் ஆபஜ்ஜிதா
பாராஜிகங் வா பாராஜிகஸாமந்தங் வா; ஸராமி ச கோ² அஹங், ஆவுஸோ, ஏவரூபிங்
அப்பமத்திகங் ஆபத்திங் ஆபஜ்ஜிதா’தி. தமேனங் ஸோ நிப்³பே³டெ²ந்தங் அதிவேடே²தி
– ‘இங்கா⁴யஸ்மா ஸாது⁴கமேவ ஜானாஹி யதி³ ஸரஸி ஏவரூபிங் க³ருகங் ஆபத்திங்
ஆபஜ்ஜிதா பாராஜிகங் வா பாராஜிகஸாமந்தங் வா’தி? ஸோ ஏவமாஹ – ‘இமஞ்ஹி நாமாஹங்,
ஆவுஸோ, அப்பமத்திகங் ஆபத்திங் ஆபஜ்ஜித்வா அபுட்டோ² படிஜானிஸ்ஸாமி. கிங்
பனாஹங் ஏவரூபிங் க³ருகங் ஆபத்திங் ஆபஜ்ஜித்வா பாராஜிகங் வா பாராஜிகஸாமந்தங்
வா புட்டோ² நபடிஜானிஸ்ஸாமீ’தி? ஸோ ஏவமாஹ – ‘இமஞ்ஹி நாம த்வங், ஆவுஸோ ,
அப்பமத்திகங் ஆபத்திங் ஆபஜ்ஜித்வா அபுட்டோ² நபடிஜானிஸ்ஸஸி, கிங் பன த்வங்
ஏவரூபிங் க³ருகங் ஆபத்திங் ஆபஜ்ஜித்வா பாராஜிகங் வா பாராஜிகஸாமந்தங் வா
புட்டோ² [அபுட்டோ² (ஸ்யா॰ கங்॰ க॰)]
படிஜானிஸ்ஸஸி? இங்கா⁴யஸ்மா ஸாது⁴கமேவ ஜானாஹி யதி³ ஸரஸி ஏவரூபிங் க³ருகங்
ஆபத்திங் ஆபஜ்ஜிதா பாராஜிகங் வா பாராஜிகஸாமந்தங் வா’தி. ஸோ ஏவமாஹ – ‘ஸராமி
கோ² அஹங், ஆவுஸோ, ஏவரூபிங் க³ருகங் ஆபத்திங்
ஆபஜ்ஜிதா பாராஜிகங் வா பாராஜிகஸாமந்தங் வா. த³வா மே ஏதங் வுத்தங், ரவா மே
ஏதங் வுத்தங் – நாஹங் தங் ஸராமி ஏவரூபிங் க³ருகங் ஆபத்திங் ஆபஜ்ஜிதா
பாராஜிகங் வா பாராஜிகஸாமந்தங் வா’தி. ஏவங் கோ², ஆனந்த³, தஸ்ஸபாபியஸிகா
ஹோதி, ஏவஞ்ச பனிதே⁴கச்சானங் அதி⁴கரணானங் வூபஸமோ ஹோதி யதி³த³ங் –
தஸ்ஸபாபியஸிகாய.

53. ‘‘கத²ஞ்சானந்த³ ,
திணவத்தா²ரகோ ஹோதி? இதா⁴னந்த³, பி⁴க்கூ²னங் ப⁴ண்ட³னஜாதானங் கலஹஜாதானங்
விவாதா³பன்னானங் விஹரதங் ப³ஹுங் அஸ்ஸாமணகங் அஜ்ஜா²சிண்ணங் ஹோதி
பா⁴ஸிதபரிக்கந்தங். தேஹானந்த³, பி⁴க்கூ²ஹி ஸப்³பே³ஹேவ ஸமக்³கே³ஹி
ஸன்னிபதிதப்³ப³ங். ஸன்னிபதித்வா ஏகதோபக்கி²கானங் பி⁴க்கூ²னங் ப்³யத்தேன [ப்³யத்ததரேன (ஸீ॰ பீ॰ க॰)] பி⁴க்கு²னா உட்டா²யாஸனா ஏகங்ஸங் சீவரங் கத்வா அஞ்ஜலிங் பணாமெத்வா ஸங்கோ⁴ ஞாபேதப்³போ³ –

‘ஸுணாது மே, ப⁴ந்தே, ஸங்கோ⁴. இத³ங் அம்ஹாகங்
ப⁴ண்ட³னஜாதானங் கலஹஜாதானங் விவாதா³பன்னானங் விஹரதங் ப³ஹுங் அஸ்ஸாமணகங்
அஜ்ஜா²சிண்ணங் பா⁴ஸிதபரிக்கந்தங் . யதி³ ஸங்க⁴ஸ்ஸ
பத்தகல்லங், அஹங் யா சேவ இமேஸங் ஆயஸ்மந்தானங் ஆபத்தி யா ச அத்தனோ ஆபத்தி,
இமேஸஞ்சேவ ஆயஸ்மந்தானங் அத்தா²ய அத்தனோ ச அத்தா²ய, ஸங்க⁴மஜ்ஜே² திணவத்தா²ரகேன தே³ஸெய்யங், ட²பெத்வா து²ல்லவஜ்ஜங் ட²பெத்வா கி³ஹிபடிஸங்யுத்த’’’ந்தி.

‘‘அதா²பரேஸங் ஏகதோபக்கி²கானங் பி⁴க்கூ²னங் ப்³யத்தேன
பி⁴க்கு²னா உட்டா²யாஸனா ஏகங்ஸங் சீவரங் கத்வா அஞ்ஜலிங் பணாமெத்வா ஸங்கோ⁴
ஞாபேதப்³போ³ –

‘ஸுணாது மே, ப⁴ந்தே, ஸங்கோ⁴. இத³ங் அம்ஹாகங்
ப⁴ண்ட³னஜாதானங் கலஹஜாதானங் விவாதா³பன்னானங் விஹரதங் ப³ஹுங் அஸ்ஸாமணகங்
அஜ்ஜா²சிண்ணங் பா⁴ஸிதபரிக்கந்தங். யதி³ ஸங்க⁴ஸ்ஸ பத்தகல்லங், அஹங் யா சேவ
இமேஸங் ஆயஸ்மந்தானங் ஆபத்தி யா ச அத்தனோ ஆபத்தி, இமேஸஞ்சேவ ஆயஸ்மந்தானங்
அத்தா²ய அத்தனோ ச அத்தா²ய, ஸங்க⁴மஜ்ஜே² திணவத்தா²ரகேன தே³ஸெய்யங், ட²பெத்வா
து²ல்லவஜ்ஜங் ட²பெத்வா கி³ஹிபடிஸங்யுத்த’’’ந்தி.

‘‘ஏவங் கோ², ஆனந்த³, திணவத்தா²ரகோ ஹோதி, ஏவஞ்ச பனிதே⁴கச்சானங் அதி⁴கரணானங் வூபஸமோ ஹோதி யதி³த³ங் – திணவத்தா²ரகேன.

54. ‘‘ச²யிமே ,
ஆனந்த³, த⁴ம்மா ஸாரணீயா பியகரணா க³ருகரணா ஸங்க³ஹாய அவிவாதா³ய ஸாமக்³கி³யா
ஏகீபா⁴வாய ஸங்வத்தந்தி. கதமே ச²? இதா⁴னந்த³, பி⁴க்கு²னோ மெத்தங் காயகம்மங்
பச்சுபட்டி²தங் ஹோதி ஸப்³ரஹ்மசாரீஸு ஆவி சேவ ரஹோ ச. அயம்பி த⁴ம்மோ ஸாரணீயோ
பியகரணோ க³ருகரணோ ஸங்க³ஹாய அவிவாதா³ய ஸாமக்³கி³யா ஏகீபா⁴வாய ஸங்வத்ததி.

‘‘புன சபரங், ஆனந்த³, பி⁴க்கு²னோ மெத்தங் வசீகம்மங்
பச்சுபட்டி²தங் ஹோதி ஸப்³ரஹ்மசாரீஸு ஆவி சேவ ரஹோ ச. அயம்பி த⁴ம்மோ ஸாரணீயோ
பியகரணோ க³ருகரணோ ஸங்க³ஹாய அவிவாதா³ய ஸாமக்³கி³யா ஏகீபா⁴வாய ஸங்வத்ததி.

‘‘புன சபரங், ஆனந்த³, பி⁴க்கு²னோ மெத்தங் மனோகம்மங்
பச்சுபட்டி²தங் ஹோதி ஸப்³ரஹ்மசாரீஸு ஆவி சேவ ரஹோ ச. அயம்பி த⁴ம்மோ ஸாரணீயோ
பியகரணோ க³ருகரணோ ஸங்க³ஹாய அவிவாதா³ய ஸாமக்³கி³யா ஏகீபா⁴வாய ஸங்வத்ததி.

‘‘புன சபரங், ஆனந்த³, பி⁴க்கு² – யே தே லாபா⁴ த⁴ம்மிகா
த⁴ம்மலத்³தா⁴ அந்தமஸோ பத்தபரியாபன்னமத்தம்பி ததா²ரூபேஹி லாபே⁴ஹி –
அபடிவிப⁴த்தபோ⁴கீ³ ஹோதி, ஸீலவந்தேஹி ஸப்³ரஹ்மசாரீஹி ஸாதா⁴ரணபோ⁴கீ³. அயம்பி
த⁴ம்மோ ஸாரணீயோ பியகரணோ க³ருகரணோ ஸங்க³ஹாய அவிவாதா³ய ஸாமக்³கி³யா ஏகீபா⁴வாய ஸங்வத்ததி.

‘‘புன சபரங், ஆனந்த³, பி⁴க்கு² – யானி தானி ஸீலானி
அக²ண்டா³னி அச்சி²த்³தா³னி அஸப³லானி அகம்மாஸானி பு⁴ஜிஸ்ஸானி
விஞ்ஞுப்பஸத்தா²னி அபராமட்டா²னி ஸமாதி⁴ஸங்வத்தனிகானி ததா²ரூபேஸு ஸீலேஸு –
ஸீலஸாமஞ்ஞக³தோ விஹரதி ஸப்³ரஹ்மசாரீஹி ஆவி சேவ ரஹோ ச. அயம்பி த⁴ம்மோ ஸாரணீயோ
பியகரணோ க³ருகரணோ ஸங்க³ஹாய அவிவாதா³ய ஸாமக்³கி³யா ஏகீபா⁴வாய ஸங்வத்ததி.

‘‘புன சபரங், ஆனந்த³, பி⁴க்கு² – யாயங் தி³ட்டி² அரியா
நிய்யானிகா நிய்யாதி தக்கரஸ்ஸ ஸம்மா து³க்க²க்க²யா ததா²ரூபாய தி³ட்டி²யா –
தி³ட்டி²ஸாமஞ்ஞக³தோ விஹரதி ஸப்³ரஹ்மசாரீஹி ஆவி சேவ ரஹோ ச. அயம்பி த⁴ம்மோ
ஸாரணீயோ பியகரணோ க³ருகரணோ ஸங்க³ஹாய அவிவாதா³ய ஸாமக்³கி³யா ஏகீபா⁴வாய ஸங்வத்ததி. இமே கோ², ஆனந்த³, ச² ஸாரணீயா த⁴ம்மா பியகரணா க³ருகரணா ஸங்க³ஹாய அவிவாதா³ய ஸாமக்³கி³யா ஏகீபா⁴வாய ஸங்வத்தந்தி.

‘‘இமே சே தும்ஹே, ஆனந்த³, ச² ஸாரணீயே த⁴ம்மே ஸமாதா³ய
வத்தெய்யாத², பஸ்ஸத² நோ தும்ஹே, ஆனந்த³, தங் வசனபத²ங் அணுங் வா தூ²லங் வா
யங் தும்ஹே நாதி⁴வாஸெய்யாதா²’’தி? ‘‘நோ ஹேதங், ப⁴ந்தே’’. ‘‘தஸ்மாதிஹானந்த³ , இமே ச² ஸாரணீயே த⁴ம்மே ஸமாதா³ய வத்தத². தங் வோ ப⁴விஸ்ஸதி தீ³க⁴ரத்தங் ஹிதாய ஸுகா²யா’’தி.

இத³மவோச ப⁴க³வா. அத்தமனோ ஆயஸ்மா ஆனந்தோ³ ப⁴க³வதோ பா⁴ஸிதங் அபி⁴னந்தீ³தி.

ஸாமகா³மஸுத்தங் நிட்டி²தங் சதுத்த²ங்.

5. ஸுனக்க²த்தஸுத்தங்

55. ஏவங் மே ஸுதங் – ஏகங் ஸமயங் ப⁴க³வா வேஸாலியங் விஹரதி மஹாவனே கூடாகா³ரஸாலாயங். தேன கோ² பன ஸமயேன ஸம்ப³ஹுலேஹி பி⁴க்கூ²ஹி
ப⁴க³வதோ ஸந்திகே அஞ்ஞா ப்³யாகதா ஹோதி – ‘‘‘கீ²ணா ஜாதி, வுஸிதங்
ப்³ரஹ்மசரியங், கதங் கரணீயங், நாபரங் இத்த²த்தாயா’தி பஜானாமா’’தி. அஸ்ஸோஸி
கோ² ஸுனக்க²த்தோ லிச்ச²விபுத்தோ – ‘‘ஸம்ப³ஹுலேஹி கிர பி⁴க்கூ²ஹி ப⁴க³வதோ
ஸந்திகே அஞ்ஞா ப்³யாகதா ஹோதி – ‘கீ²ணா ஜாதி, வுஸிதங் ப்³ரஹ்மசரியங், கதங்
கரணீயங், நாபரங் இத்த²த்தாயா’தி பஜானாமா’’தி. அத² கோ² ஸுனக்க²த்தோ
லிச்ச²விபுத்தோ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஸுனக்க²த்தோ
லிச்ச²விபுத்தோ ப⁴க³வந்தங் ஏதத³வோச – ‘‘ஸுதங் மேதங், ப⁴ந்தே – ‘ஸம்ப³ஹுலேஹி
கிர பி⁴க்கூ²ஹி ப⁴க³வதோ ஸந்திகே அஞ்ஞா ப்³யாகதா – கீ²ணா ஜாதி, வுஸிதங்
ப்³ரஹ்மசரியங், கதங் கரணீயங், நாபரங் இத்த²த்தாயா’தி பஜானாமா’’தி. ‘‘யே தே,
ப⁴ந்தே, பி⁴க்கூ² ப⁴க³வதோ ஸந்திகே அஞ்ஞங் ப்³யாகங்ஸு – ‘கீ²ணா ஜாதி,
வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயா’தி பஜானாமா’’தி,
கச்சி தே, ப⁴ந்தே, பி⁴க்கூ² ஸம்மதே³வ அஞ்ஞங் ப்³யாகங்ஸு உதா³ஹு
ஸந்தெத்தே²கச்சே பி⁴க்கூ² அதி⁴மானேன அஞ்ஞங் ப்³யாகங்ஸூதி?

56.
‘‘யே தே, ஸுனக்க²த்த, பி⁴க்கூ² மம ஸந்திகே அஞ்ஞங் ப்³யாகங்ஸு – ‘கீ²ணா
ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயா’தி
பஜானாமா’’தி . ‘‘ஸந்தெத்தே²கச்சே பி⁴க்கூ² ஸம்மதே³வ அஞ்ஞங் ப்³யாகங்ஸு, ஸந்தி பனிதே⁴கச்சே பி⁴க்கூ² அதி⁴மானேனபி [அதி⁴மானேன (?)]
அஞ்ஞங் ப்³யாகங்ஸு. தத்ர, ஸுனக்க²த்த, யே தே பி⁴க்கூ² ஸம்மதே³வ அஞ்ஞங்
ப்³யாகங்ஸு தேஸங் தங் ததே²வ ஹோதி; யே பன தே பி⁴க்கூ² அதி⁴மானேன அஞ்ஞங்
ப்³யாகங்ஸு தத்ர, ஸுனக்க²த்த, ததா²க³தஸ்ஸ ஏவங் ஹோதி – ‘த⁴ம்மங் நேஸங்
தே³ஸெஸ்ஸ’ந்தி [தே³ஸெய்யந்தி (பீ॰ க॰)].
ஏவஞ்செத்த², ஸுனக்க²த்த, ததா²க³தஸ்ஸ ஹோதி – ‘த⁴ம்மங் நேஸங் தே³ஸெஸ்ஸ’ந்தி.
அத² ச பனிதே⁴கச்சே மோக⁴புரிஸா பஞ்ஹங் அபி⁴ஸங்க²ரித்வா அபி⁴ஸங்க²ரித்வா
ததா²க³தங் உபஸங்கமித்வா புச்ச²ந்தி. தத்ர, ஸுனக்க²த்த, யம்பி
ததா²க³தஸ்ஸ ஏவங் ஹோதி – ‘த⁴ம்மங் நேஸங் தே³ஸெஸ்ஸ’ந்தி தஸ்ஸபி ஹோதி
அஞ்ஞத²த்த’’ந்தி. ‘‘ஏதஸ்ஸ ப⁴க³வா காலோ, ஏதஸ்ஸ ஸுக³த காலோ, யங் ப⁴க³வா
த⁴ம்மங் தே³ஸெய்ய. ப⁴க³வதோ ஸுத்வா பி⁴க்கூ² தா⁴ரெஸ்ஸந்தீ’’தி. ‘‘தேன ஹி,
ஸுனக்க²த்த ஸுணாஹி, ஸாது⁴கங் மனஸி கரோஹி ; பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² ஸுனக்க²த்தோ லிச்ச²விபுத்தோ ப⁴க³வதோ பச்சஸ்ஸோஸி. ப⁴க³வா ஏதத³வோச –

57. ‘‘பஞ்ச
கோ² இமே, ஸுனக்க²த்த, காமகு³ணா. கதமே பஞ்ச? சக்கு²விஞ்ஞெய்யா ரூபா இட்டா²
கந்தா மனாபா பியரூபா காமூபஸங்ஹிதா ரஜனீயா, ஸோதவிஞ்ஞெய்யா ஸத்³தா³…பே॰…
கா⁴னவிஞ்ஞெய்யா க³ந்தா⁴… ஜிவ்ஹாவிஞ்ஞெய்யா ரஸா… காயவிஞ்ஞெய்யா
பொ²ட்ட²ப்³பா³ இட்டா² கந்தா மனாபா பியரூபா காமூபஸங்ஹிதா ரஜனீயா – இமே கோ²,
ஸுனக்க²த்த, பஞ்ச காமகு³ணா.

58. ‘‘டா²னங் கோ² பனேதங், ஸுனக்க²த்த, விஜ்ஜதி யங் இதே⁴கச்சோ புரிஸபுக்³க³லோ
லோகாமிஸாதி⁴முத்தோ அஸ்ஸ. லோகாமிஸாதி⁴முத்தஸ்ஸ கோ², ஸுனக்க²த்த,
புரிஸபுக்³க³லஸ்ஸ தப்பதிரூபீ சேவ கதா² ஸண்டா²தி, தத³னுத⁴ம்மஞ்ச
அனுவிதக்கேதி, அனுவிசாரேதி, தஞ்ச புரிஸங் ப⁴ஜதி, தேன ச வித்திங் ஆபஜ்ஜதி;
ஆனேஞ்ஜபடிஸங்யுத்தாய ச பன கதா²ய கச்ச²மானாய ந ஸுஸ்ஸூஸதி, ந ஸோதங் ஓத³ஹதி, ந
அஞ்ஞா சித்தங் உபட்டா²பேதி [உபட்ட²பேதி (ஸீ॰ ஸ்யா॰ கங்॰ பீ॰)],
ந ச தங் புரிஸங் ப⁴ஜதி, ந ச தேன வித்திங் ஆபஜ்ஜதி. ஸெய்யதா²பி,
ஸுனக்க²த்த, புரிஸோ ஸகம்ஹா கா³மா வா நிக³மா வா சிரவிப்பவுத்தோ² அஸ்ஸ. ஸோ
அஞ்ஞதரங் புரிஸங் பஸ்ஸெய்ய தம்ஹா கா³மா வா நிக³மா வா அசிரபக்கந்தங். ஸோ தங்
புரிஸங் தஸ்ஸ கா³மஸ்ஸ வா நிக³மஸ்ஸ வா கே²மதஞ்ச ஸுபி⁴க்க²தஞ்ச
அப்பாபா³த⁴தஞ்ச புச்செ²ய்ய; தஸ்ஸ ஸோ புரிஸோ தஸ்ஸ கா³மஸ்ஸ வா நிக³மஸ்ஸ வா
கே²மதஞ்ச ஸுபி⁴க்க²தஞ்ச அப்பாபா³த⁴தஞ்ச ஸங்ஸெய்ய.
தங் கிங் மஞ்ஞஸி, ஸுனக்க²த்த, அபி நு ஸோ புரிஸோ தஸ்ஸ புரிஸஸ்ஸ ஸுஸ்ஸூஸெய்ய,
ஸோதங் ஓத³ஹெய்ய, அஞ்ஞா சித்தங் உபட்டா²பெய்ய, தஞ்ச புரிஸங் ப⁴ஜெய்ய, தேன ச
வித்திங் ஆபஜ்ஜெய்யா’’தி? ‘‘ஏவங், ப⁴ந்தே’’. ‘‘ஏவமேவ கோ², ஸுனக்க²த்த,
டா²னமேதங் விஜ்ஜதி யங் இதே⁴கச்சோ புரிஸபுக்³க³லோ லோகாமிஸாதி⁴முத்தோ அஸ்ஸ.
லோகாமிஸாதி⁴முத்தஸ்ஸ கோ², ஸுனக்க²த்த, புரிஸபுக்³க³லஸ்ஸ தப்பதிரூபீ சேவ
கதா² ஸண்டா²தி, தத³னுத⁴ம்மஞ்ச அனுவிதக்கேதி, அனுவிசாரேதி, தஞ்ச புரிஸங்
ப⁴ஜதி, தேன ச வித்திங் ஆபஜ்ஜதி; ஆனேஞ்ஜபடிஸங்யுத்தாய ச பன கதா²ய கச்ச²மானாய
ந ஸுஸ்ஸூஸதி, ந ஸோதங் ஓத³ஹதி, ந அஞ்ஞா சித்தங்
உபட்டா²பேதி, ந ச தங் புரிஸங் ப⁴ஜதி, ந ச தேன வித்திங் ஆபஜ்ஜதி. ஸோ ஏவமஸ்ஸ
வேதி³தப்³போ³ – ‘ஆனேஞ்ஜஸங்யோஜனேன ஹி கோ² விஸங்யுத்தோ [ஆனேஞ்ஜஸங்யோஜனேன ஹி கோ² விஸங்யுத்தோ-இதி பாடோ² ஸீ॰ ஸ்யா॰ கங்॰ பீ॰ பொத்த²கேஸு நத்தி², அட்ட²கதா²ஸு பன தப்³ப³ண்ணனா தி³ஸ்ஸதியேவ] லோகாமிஸாதி⁴முத்தோ புரிஸபுக்³க³லோ’’’தி.

59. ‘‘டா²னங் கோ² பனேதங், ஸுனக்க²த்த, விஜ்ஜதி யங் இதே⁴கச்சோ புரிஸபுக்³க³லோ ஆனேஞ்ஜாதி⁴முத்தோ
அஸ்ஸ. ஆனேஞ்ஜாதி⁴முத்தஸ்ஸ கோ², ஸுனக்க²த்த, புரிஸபுக்³க³லஸ்ஸ தப்பதிரூபீ
சேவ கதா² ஸண்டா²தி, தத³னுத⁴ம்மஞ்ச அனுவிதக்கேதி, அனுவிசாரேதி, தஞ்ச புரிஸங்
ப⁴ஜதி, தேன ச வித்திங் ஆபஜ்ஜதி; லோகாமிஸபடிஸங்யுத்தாய ச பன கதா²ய
கச்ச²மானாய ந ஸுஸ்ஸூஸதி, ந ஸோதங் ஓத³ஹதி, ந அஞ்ஞா சித்தங் உபட்டா²பேதி, ந ச
தங் புரிஸங் ப⁴ஜதி, ந ச தேன வித்திங் ஆபஜ்ஜதி. ஸெய்யதா²பி, ஸுனக்க²த்த,
பண்டு³பலாஸோ ப³ந்த⁴னா பவுத்தோ அப⁴ப்³போ³ ஹரிதத்தாய; ஏவமேவ கோ², ஸுனக்க²த்த,
ஆனேஞ்ஜாதி⁴முத்தஸ்ஸ புரிஸபுக்³க³லஸ்ஸ யே லோகாமிஸஸங்யோஜனே ஸே பவுத்தே. ஸோ
ஏவமஸ்ஸ வேதி³தப்³போ³ – ‘லோகாமிஸஸங்யோஜனேன ஹி கோ² விஸங்யுத்தோ
ஆனேஞ்ஜாதி⁴முத்தோ புரிஸபுக்³க³லோ’’’தி.

60.
‘‘டா²னங் கோ² பனேதங், ஸுனக்க²த்த, விஜ்ஜதி யங் இதே⁴கச்சோ புரிஸபுக்³க³லோ
ஆகிஞ்சஞ்ஞாயதனாதி⁴முத்தோ அஸ்ஸ. ஆகிஞ்சஞ்ஞாயதனாதி⁴முத்தஸ்ஸ கோ², ஸுனக்க²த்த,
புரிஸபுக்³க³லஸ்ஸ தப்பதிரூபீ சேவ கதா² ஸண்டா²தி, தத³னுத⁴ம்மஞ்ச
அனுவிதக்கேதி, அனுவிசாரேதி, தஞ்ச புரிஸங் ப⁴ஜதி, தேன ச வித்திங் ஆபஜ்ஜதி ; ஆனேஞ்ஜபடிஸங்யுத்தாய ச பன கதா²ய கச்ச²மானாய ந ஸுஸ்ஸூஸதி, ந ஸோதங் ஓத³ஹதி, ந அஞ்ஞா சித்தங் உபட்டா²பேதி ,
ந ச தங் புரிஸங் ப⁴ஜதி, ந ச தேன வித்திங் ஆபஜ்ஜதி. ஸெய்யதா²பி,
ஸுனக்க²த்த, புது²ஸிலா த்³வேதா⁴பி⁴ன்னா அப்படிஸந்தி⁴கா ஹோதி; ஏவமேவ கோ²,
ஸுனக்க²த்த, ஆகிஞ்சஞ்ஞாயதனாதி⁴முத்தஸ்ஸ புரிஸபுக்³க³லஸ்ஸ யே ஆனேஞ்ஜஸங்யோஜனே
ஸே பி⁴ன்னே. ஸோ ஏவமஸ்ஸ வேதி³தப்³போ³ – ‘ஆனேஞ்ஜஸங்யோஜனேன ஹி கோ²
விஸங்யுத்தோ ஆகிஞ்சஞ்ஞாயதனாதி⁴முத்தோ புரிஸபுக்³க³லோ’’’தி.

61.
‘‘டா²னங் கோ² பனேதங், ஸுனக்க²த்த, விஜ்ஜதி யங் இதே⁴கச்சோ புரிஸபுக்³க³லோ
நேவஸஞ்ஞானாஸஞ்ஞாயதனாதி⁴முத்தோ அஸ்ஸ. நேவஸஞ்ஞானாஸஞ்ஞாயதனாதி⁴முத்தஸ்ஸ கோ²,
ஸுனக்க²த்த, புரிஸபுக்³க³லஸ்ஸ தப்பதிரூபீ சேவ கதா² ஸண்டா²தி, தத³னுத⁴ம்மஞ்ச
அனுவிதக்கேதி, அனுவிசாரேதி, தஞ்ச புரிஸங் ப⁴ஜதி, தேன ச வித்திங் ஆபஜ்ஜதி;
ஆகிஞ்சஞ்ஞாயதனபடிஸங்யுத்தாய ச பன கதா²ய கச்ச²மானாய ந ஸுஸ்ஸூஸதி, ந ஸோதங்
ஓத³ஹதி, ந அஞ்ஞா சித்தங் உபட்டா²பேதி, ந ச தங் புரிஸங் ப⁴ஜதி, ந ச தேன
வித்திங் ஆபஜ்ஜதி. ஸெய்யதா²பி, ஸுனக்க²த்த, புரிஸோ மனுஞ்ஞபோ⁴ஜனங் பு⁴த்தாவீ
ச²ட்³டெ³ய்ய [ச²த்³தெ³ய்ய (?)]. தங் கிங் மஞ்ஞஸி, ஸுனக்க²த்த, அபி நு தஸ்ஸ புரிஸஸ்ஸ தஸ்மிங் ப⁴த்தே [வந்தே (க॰ ஸீ॰), பு⁴த்தே (க॰ ஸீ॰ க॰)] புன பொ⁴த்துகம்யதா அஸ்ஸா’’தி? ‘‘நோ ஹேதங், ப⁴ந்தே’’. ‘‘தங் கிஸ்ஸ ஹேது’’? ‘‘அது³ஞ்ஹி, ப⁴ந்தே, ப⁴த்தங் [வந்தங் (ஸீ॰)] படிகூலஸம்மத’’ந்தி. ‘‘ஏவமேவ கோ², ஸுனக்க²த்த, நேவஸஞ்ஞானாஸஞ்ஞாயதனாதி⁴முத்தஸ்ஸ
புரிஸபுக்³க³லஸ்ஸ யே ஆகிஞ்சஞ்ஞாயதனஸங்யோஜனே ஸே வந்தே. ஸோ ஏவமஸ்ஸ
வேதி³தப்³போ³ – ‘ஆகிஞ்சஞ்ஞாயதனஸங்யோஜனேன ஹி கோ² விஸங்யுத்தோ
நேவஸஞ்ஞானாஸஞ்ஞாயதனாதி⁴முத்தோ புரிஸபுக்³க³லோ’தி.

62.
‘‘டா²னங் கோ² பனேதங், ஸுனக்க²த்த, விஜ்ஜதி யங் இதே⁴கச்சோ புரிஸபுக்³க³லோ
ஸம்மா நிப்³பா³னாதி⁴முத்தோ அஸ்ஸ. ஸம்மா நிப்³பா³னாதி⁴முத்தஸ்ஸ கோ²,
ஸுனக்க²த்த, புரிஸபுக்³க³லஸ்ஸ தப்பதிரூபீ சேவ கதா² ஸண்டா²தி, தத³னுத⁴ம்மஞ்ச
அனுவிதக்கேதி, அனுவிசாரேதி, தஞ்ச புரிஸங் ப⁴ஜதி, தேன ச வித்திங் ஆபஜ்ஜதி;
நேவஸஞ்ஞானாஸஞ்ஞாயதனபடிஸங்யுத்தாய ச பன கதா²ய
கச்ச²மானாய ந ஸுஸ்ஸூஸதி, ந ஸோதங் ஓத³ஹதி, ந அஞ்ஞா சித்தங் உபட்டா²பேதி, ந ச
தங் புரிஸங் ப⁴ஜதி, ந ச தேன வித்திங் ஆபஜ்ஜதி. ஸெய்யதா²பி, ஸுனக்க²த்த,
தாலோ மத்த²கச்சி²ன்னோ அப⁴ப்³போ³ புன விருள்ஹியா; ஏவமேவ கோ², ஸுனக்க²த்த,
ஸம்மா நிப்³பா³னாதி⁴முத்தஸ்ஸ புரிஸபுக்³க³லஸ்ஸ யே
நேவஸஞ்ஞானாஸஞ்ஞாயதனஸங்யோஜனே ஸே உச்சி²ன்னமூலே தாலாவத்து²கதே அனபா⁴வங்கதே [அனபா⁴வகதே (ஸீ॰ பீ॰), அனபா⁴வங்க³தே (ஸ்யா॰ கங்॰)]
ஆயதிங் அனுப்பாத³த⁴ம்மே. ஸோ ஏவமஸ்ஸ வேதி³தப்³போ³ –
‘நேவஸஞ்ஞானாஸஞ்ஞாயதனஸங்யோஜனேன ஹி கோ² விஸங்யுத்தோ ஸம்மா
நிப்³பா³னாதி⁴முத்தோ புரிஸபுக்³க³லோ’’’தி.

63.
‘‘டா²னங் கோ² பனேதங், ஸுனக்க²த்த, விஜ்ஜதி யங் இதே⁴கச்சஸ்ஸ பி⁴க்கு²னோ
ஏவமஸ்ஸ – ‘தண்ஹா கோ² ஸல்லங் ஸமணேன வுத்தங், அவிஜ்ஜாவிஸதோ³ஸோ,
ச²ந்த³ராக³ப்³யாபாதே³ன ருப்பதி. தங் மே தண்ஹாஸல்லங் பஹீனங், அபனீதோ
அவிஜ்ஜாவிஸதோ³ஸோ, ஸம்மா நிப்³பா³னாதி⁴முத்தோஹமஸ்மீ’தி. ஏவங்மானி [ஏவங்மானீ (ஸீ॰ பீ॰ க॰), ஏவமாதி³ (ஸ்யா॰ கங்॰)] அஸ்ஸ அதத²ங் ஸமானங் [அத்த²ங் ஸமானங் (ஸ்யா॰ கங்॰ பீ॰), அத்த²ஸமானங் (ஸீ॰)].
ஸோ யானி ஸம்மா நிப்³பா³னாதி⁴முத்தஸ்ஸ அஸப்பாயானி தானி அனுயுஞ்ஜெய்ய;
அஸப்பாயங் சக்கு²னா ரூபத³ஸ்ஸனங் அனுயுஞ்ஜெய்ய, அஸப்பாயங் ஸோதேன
ஸத்³த³ங் அனுயுஞ்ஜெய்ய, அஸப்பாயங் கா⁴னேன க³ந்த⁴ங் அனுயுஞ்ஜெய்ய,
அஸப்பாயங் ஜிவ்ஹாய ரஸங் அனுயுஞ்ஜெய்ய, அஸப்பாயங் காயேன பொ²ட்ட²ப்³ப³ங்
அனுயுஞ்ஜெய்ய , அஸப்பாயங் மனஸா த⁴ம்மங்
அனுயுஞ்ஜெய்ய. தஸ்ஸ அஸப்பாயங் சக்கு²னா ரூபத³ஸ்ஸனங் அனுயுத்தஸ்ஸ, அஸப்பாயங்
ஸோதேன ஸத்³த³ங் அனுயுத்தஸ்ஸ, அஸப்பாயங் கா⁴னேன க³ந்த⁴ங் அனுயுத்தஸ்ஸ,
அஸப்பாயங் ஜிவ்ஹாய ரஸங் அனுயுத்தஸ்ஸ, அஸப்பாயங் காயேன பொ²ட்ட²ப்³ப³ங்
அனுயுத்தஸ்ஸ, அஸப்பாயங் மனஸா த⁴ம்மங் அனுயுத்தஸ்ஸ ராகோ³ சித்தங்
அனுத்³த⁴ங்ஸெய்ய. ஸோ ராகா³னுத்³த⁴ங்ஸிதேன சித்தேன மரணங் வா நிக³ச்செ²ய்ய
மரணமத்தங் வா து³க்க²ங்.

‘‘ஸெய்யதா²பி, ஸுனக்க²த்த, புரிஸோ ஸல்லேன வித்³தோ⁴ அஸ்ஸ ஸவிஸேன கா³ள்ஹூபலேபனேன. தஸ்ஸ மித்தாமச்சா
ஞாதிஸாலோஹிதா பி⁴ஸக்கங் ஸல்லகத்தங் உபட்டா²பெய்யுங். தஸ்ஸ ஸோ பி⁴ஸக்கோ
ஸல்லகத்தோ ஸத்தே²ன வணமுக²ங் பரிகந்தெய்ய. ஸத்தே²ன வணமுக²ங் பரிகந்தித்வா
ஏஸனியா ஸல்லங் ஏஸெய்ய. ஏஸனியா ஸல்லங் ஏஸித்வா ஸல்லங் அப்³பு³ஹெய்ய, அபனெய்ய விஸதோ³ஸங் ஸஉபாதி³ஸேஸங். ஸஉபாதி³ஸேஸோதி [அனுபாதி³ஸேஸோதி (ஸப்³ப³த்த²) அயங் ஹி ததா²க³தஸ்ஸ விஸயோ] ஜானமானோ ஸோ ஏவங் வதெ³ய்ய – ‘அம்போ⁴ புரிஸ, உப்³ப⁴தங் கோ² தே ஸல்லங், அபனீதோ விஸதோ³ஸோ ஸஉபாதி³ஸேஸோ [அனுபாதி³ஸேஸோ (ஸப்³ப³த்த²) அயம்பி ததா²க³தஸ்ஸ விஸயோ].
அனலஞ்ச தே அந்தராயாய. ஸப்பாயானி சேவ போ⁴ஜனானி பு⁴ஞ்ஜெய்யாஸி, மா தே
அஸப்பாயானி போ⁴ஜனானி பு⁴ஞ்ஜதோ வணோ அஸ்ஸாவீ அஸ்ஸ. காலேன காலஞ்ச வணங்
தோ⁴வெய்யாஸி, காலேன காலங் வணமுக²ங் ஆலிம்பெய்யாஸி, மா தே ந காலேன காலங்
வணங் தோ⁴வதோ ந காலேன காலங் வணமுக²ங் ஆலிம்பதோ
புப்³ப³லோஹிதங் வணமுக²ங் பரியோனந்தி⁴. மா ச வாதாதபே சாரித்தங் அனுயுஞ்ஜி,
மா தே வாதாதபே சாரித்தங் அனுயுத்தஸ்ஸ ரஜோஸூகங் வணமுக²ங் அனுத்³த⁴ங்ஸேஸி.
வணானுரக்கீ² ச, அம்போ⁴ புரிஸ, விஹரெய்யாஸி வணஸாரோபீ’தி [வணஸ்ஸாரோபீதி (க॰) வண + ஸங் + ரோபீ = வணஸாரோபீ-இதி பத³விபா⁴கோ³].
தஸ்ஸ ஏவமஸ்ஸ – ‘உப்³ப⁴தங் கோ² மே ஸல்லங், அபனீதோ விஸதோ³ஸோ அனுபாதி³ஸேஸோ.
அனலஞ்ச மே அந்தராயாயா’தி. ஸோ அஸப்பாயானி சேவ போ⁴ஜனானி பு⁴ஞ்ஜெய்ய. தஸ்ஸ
அஸப்பாயானி போ⁴ஜனானி பு⁴ஞ்ஜதோ வணோ அஸ்ஸாவீ அஸ்ஸ. ந ச காலேன காலங் வணங்
தோ⁴வெய்ய, ந ச காலேன காலங் வணமுக²ங் ஆலிம்பெய்ய. தஸ்ஸ ந காலேன காலங் வணங்
தோ⁴வதோ, ந காலேன காலங் வணமுக²ங் ஆலிம்பதோ புப்³ப³லோஹிதங் வணமுக²ங்
பரியோனந்தெ⁴ய்ய. வாதாதபே ச சாரித்தங் அனுயுஞ்ஜெய்ய. தஸ்ஸ வாதாதபே சாரித்தங்
அனுயுத்தஸ்ஸ ரஜோஸூகங் வணமுக²ங் அனுத்³த⁴ங்ஸெய்ய. ந
ச வணானுரக்கீ² விஹரெய்ய ந வணஸாரோபீ. தஸ்ஸ இமிஸ்ஸா ச அஸப்பாயகிரியாய, அஸுசி
விஸதோ³ஸோ அபனீதோ ஸஉபாதி³ஸேஸோ தது³ப⁴யேன வணோ புது²த்தங் க³ச்செ²ய்ய. ஸோ
புது²த்தங் க³தேன வணேன மரணங் வா நிக³ச்செ²ய்ய மரணமத்தங் வா து³க்க²ங்.

‘‘ஏவமேவ கோ², ஸுனக்க²த்த, டா²னமேதங் விஜ்ஜதி யங்
இதே⁴கச்சஸ்ஸ பி⁴க்கு²னோ ஏவமஸ்ஸ – ‘தண்ஹா கோ² ஸல்லங் ஸமணேன வுத்தங்,
அவிஜ்ஜாவிஸதோ³ஸோ ச²ந்த³ராக³ப்³யாபாதே³ன ருப்பதி. தங் மே தண்ஹாஸல்லங்
பஹீனங், அபனீதோ அவிஜ்ஜாவிஸதோ³ஸோ, ஸம்மா
நிப்³பா³னாதி⁴முத்தோஹமஸ்மீ’தி. ஏவங்மானி அஸ்ஸ அதத²ங் ஸமானங். ஸோ யானி ஸம்மா
நிப்³பா³னாதி⁴முத்தஸ்ஸ அஸப்பாயானி தானி அனுயுஞ்ஜெய்ய, அஸப்பாயங் சக்கு²னா
ரூபத³ஸ்ஸனங் அனுயுஞ்ஜெய்ய, அஸப்பாயங் ஸோதேன ஸத்³த³ங் அனுயுஞ்ஜெய்ய,
அஸப்பாயங் கா⁴னேன க³ந்த⁴ங் அனுயுஞ்ஜெய்ய, அஸப்பாயங் ஜிவ்ஹாய ரஸங்
அனுயுஞ்ஜெய்ய, அஸப்பாயங் காயேன பொ²ட்ட²ப்³ப³ங் அனுயுஞ்ஜெய்ய, அஸப்பாயங்
மனஸா த⁴ம்மங் அனுயுஞ்ஜெய்ய. தஸ்ஸ அஸப்பாயங் சக்கு²னா ரூபத³ஸ்ஸனங்
அனுயுத்தஸ்ஸ, அஸப்பாயங் ஸோதேன ஸத்³த³ங் அனுயுத்தஸ்ஸ, அஸப்பாயங் கா⁴னேன
க³ந்த⁴ங் அனுயுத்தஸ்ஸ, அஸப்பாயங் ஜிவ்ஹாய ரஸங் அனுயுத்தஸ்ஸ, அஸப்பாயங்
காயேன பொ²ட்ட²ப்³ப³ங் அனுயுத்தஸ்ஸ, அஸப்பாயங் மனஸா த⁴ம்மங் அனுயுத்தஸ்ஸ
ராகோ³ சித்தங் அனுத்³த⁴ங்ஸெய்ய. ஸோ ராகா³னுத்³த⁴ங்ஸிதேன சித்தேன மரணங் வா
நிக³ச்செ²ய்ய மரணமத்தங் வா து³க்க²ங். மரணஞ்ஹேதங், ஸுனக்க²த்த, அரியஸ்ஸ
வினயே யோ ஸிக்க²ங் பச்சக்கா²ய ஹீனாயாவத்ததி; மரணமத்தஞ்ஹேதங், ஸுனக்க²த்த,
து³க்க²ங் யங் அஞ்ஞதரங் ஸங்கிலிட்ட²ங் ஆபத்திங் ஆபஜ்ஜதி.

64.
‘‘டா²னங் கோ² பனேதங், ஸுனக்க²த்த, விஜ்ஜதி யங் இதே⁴கச்சஸ்ஸ பி⁴க்கு²னோ
ஏவமஸ்ஸ – ‘தண்ஹா கோ² ஸல்லங் ஸமணேன வுத்தங், அவிஜ்ஜாவிஸதோ³ஸோ
ச²ந்த³ராக³ப்³யாபாதே³ன ருப்பதி. தங் மே தண்ஹாஸல்லங் பஹீனங், அபனீதோ
அவிஜ்ஜாவிஸதோ³ஸோ, ஸம்மா நிப்³பா³னாதி⁴முத்தோஹமஸ்மீ’தி. ஸம்மா
நிப்³பா³னாதி⁴முத்தஸ்ஸேவ ஸதோ ஸோ யானி ஸம்மா நிப்³பா³னாதி⁴முத்தஸ்ஸ
அஸப்பாயானி தானி நானுயுஞ்ஜெய்ய, அஸப்பாயங் சக்கு²னா ரூபத³ஸ்ஸனங்
நானுயுஞ்ஜெய்ய, அஸப்பாயங் ஸோதேன ஸத்³த³ங் நானுயுஞ்ஜெய்ய, அஸப்பாயங் கா⁴னேன
க³ந்த⁴ங் நானுயுஞ்ஜெய்ய, அஸப்பாயங் ஜிவ்ஹாய ரஸங் நானுயுஞ்ஜெய்ய, அஸப்பாயங்
காயேன பொ²ட்ட²ப்³ப³ங் நானுயுஞ்ஜெய்ய, அஸப்பாயங்
மனஸா த⁴ம்மங் நானுயுஞ்ஜெய்ய. தஸ்ஸ அஸப்பாயங் சக்கு²னா ரூபத³ஸ்ஸனங்
நானுயுத்தஸ்ஸ, அஸப்பாயங் ஸோதேன ஸத்³த³ங் நானுயுத்தஸ்ஸ, அஸப்பாயங் கா⁴னேன
க³ந்த⁴ங் நானுயுத்தஸ்ஸ, அஸப்பாயங் ஜிவ்ஹாய ரஸங் நானுயுத்தஸ்ஸ, அஸப்பாயங்
காயேன பொ²ட்ட²ப்³ப³ங் நானுயுத்தஸ்ஸ, அஸப்பாயங் மனஸா த⁴ம்மங் நானுயுத்தஸ்ஸ
ராகோ³ சித்தங் நானுத்³த⁴ங்ஸெய்ய. ஸோ ந ராகா³னுத்³த⁴ங்ஸிதேன சித்தேன நேவ மரணங் வா நிக³ச்செ²ய்ய ந மரணமத்தங் வா து³க்க²ங்.

‘‘ஸெய்யதா²பி, ஸுனக்க²த்த, புரிஸோ ஸல்லேன வித்³தோ⁴
அஸ்ஸ ஸவிஸேன கா³ள்ஹூபலேபனேன. தஸ்ஸ மித்தாமச்சா ஞாதிஸாலோஹிதா பி⁴ஸக்கங்
ஸல்லகத்தங் உபட்டா²பெய்யுங். தஸ்ஸ ஸோ பி⁴ஸக்கோ ஸல்லகத்தோ ஸத்தே²ன வணமுக²ங்
பரிகந்தெய்ய. ஸத்தே²ன வணமுக²ங் பரிகந்தித்வா ஏஸனியா ஸல்லங் ஏஸெய்ய. ஏஸனியா
ஸல்லங் ஏஸித்வா ஸல்லங் அப்³பு³ஹெய்ய, அபனெய்ய விஸதோ³ஸங் அனுபாதி³ஸேஸங்.
அனுபாதி³ஸேஸோதி ஜானமானோ ஸோ ஏவங் வதெ³ய்ய – ‘அம்போ⁴ புரிஸ, உப்³ப⁴தங் கோ² தே
ஸல்லங், அபனீதோ விஸதோ³ஸோ அனுபாதி³ஸேஸோ. அனலஞ்ச தே அந்தராயாய. ஸப்பாயானி
சேவ போ⁴ஜனானி பு⁴ஞ்ஜெய்யாஸி, மா தே அஸப்பாயானி போ⁴ஜனானி பு⁴ஞ்ஜதோ வணோ
அஸ்ஸாவீ அஸ்ஸ. காலேன காலஞ்ச வணங் தோ⁴வெய்யாஸி, காலேன காலங் வணமுக²ங்
ஆலிம்பெய்யாஸி. மா தே ந காலேன காலங் வணங் தோ⁴வதோ ந காலேன காலங் வணமுக²ங்
ஆலிம்பதோ புப்³ப³லோஹிதங் வணமுக²ங் பரியோனந்தி⁴. மா ச வாதாதபே சாரித்தங்
அனுயுஞ்ஜி, மா தே வாதாதபே சாரித்தங் அனுயுத்தஸ்ஸ ரஜோஸூகங் வணமுக²ங்
அனுத்³த⁴ங்ஸேஸி .
வணானுரக்கீ² ச, அம்போ⁴ புரிஸ, விஹரெய்யாஸி வணஸாரோபீ’தி. தஸ்ஸ ஏவமஸ்ஸ –
‘உப்³ப⁴தங் கோ² மே ஸல்லங், அபனீதோ விஸதோ³ஸோ அனுபாதி³ஸேஸோ. அனலஞ்ச மே
அந்தராயாயா’தி. ஸோ ஸப்பாயானி சேவ போ⁴ஜனானி பு⁴ஞ்ஜெய்ய. தஸ்ஸ ஸப்பாயானி
போ⁴ஜனானி பு⁴ஞ்ஜதோ வணோ ந அஸ்ஸாவீ அஸ்ஸ. காலேன காலஞ்ச வணங் தோ⁴வெய்ய, காலேன
காலங் வணமுக²ங் ஆலிம்பெய்ய. தஸ்ஸ காலேன காலங் வணங் தோ⁴வதோ காலேன காலங்
வணமுக²ங் ஆலிம்பதோ ந புப்³ப³லோஹிதங் வணமுக²ங் பரியோனந்தெ⁴ய்ய. ந ச வாதாதபே
சாரித்தங் அனுயுஞ்ஜெய்ய. தஸ்ஸ வாதாதபே சாரித்தங் அனநுயுத்தஸ்ஸ ரஜோஸூகங்
வணமுக²ங் நானுத்³த⁴ங்ஸெய்ய. வணானுரக்கீ² ச விஹரெய்ய வணஸாரோபீ. தஸ்ஸ இமிஸ்ஸா
ச ஸப்பாயகிரியாய அஸு ச [அஸுசி (ஸப்³ப³த்த²) ஸோசாதி தப்³ப³ண்ணனா மனஸிகாதப்³பா³]
விஸதோ³ஸோ அபனீதோ அனுபாதி³ஸேஸோ தது³ப⁴யேன வணோ விருஹெய்ய. ஸோ ருள்ஹேன வணேன
ஸஞ்ச²வினா நேவ மரணங் வா நிக³ச்செ²ய்ய ந மரணமத்தங் வா து³க்க²ங்.

‘‘ஏவமேவ கோ², ஸுனக்க²த்த, டா²னமேதங் விஜ்ஜதி யங் இதே⁴கச்சஸ்ஸ பி⁴க்கு²னோ ஏவமஸ்ஸ – ‘தண்ஹா கோ² ஸல்லங் ஸமணேன வுத்தங், அவிஜ்ஜாவிஸதோ³ஸோ
ச²ந்த³ராக³ப்³யாபாதே³ன ருப்பதி. தங் மே தண்ஹாஸல்லங் பஹீனங், அபனீதோ
அவிஜ்ஜாவிஸதோ³ஸோ, ஸம்மா நிப்³பா³னாதி⁴முத்தோஹமஸ்மீ’தி. ஸம்மா
நிப்³பா³னாதி⁴முத்தஸ்ஸேவ ஸதோ ஸோ யானி ஸம்மா நிப்³பா³னாதி⁴முத்தஸ்ஸ
அஸப்பாயானி தானி நானுயுஞ்ஜெய்ய, அஸப்பாயங் சக்கு²னா ரூபத³ஸ்ஸனங்
நானுயுஞ்ஜெய்ய, அஸப்பாயங் ஸோதேன ஸத்³த³ங் நானுயுஞ்ஜெய்ய, அஸப்பாயங் கா⁴னேன
க³ந்த⁴ங் நானுயுஞ்ஜெய்ய, அஸப்பாயங் ஜிவ்ஹாய ரஸங் நானுயுஞ்ஜெய்ய, அஸப்பாயங்
காயேன பொ²ட்ட²ப்³ப³ங் நானுயுஞ்ஜெய்ய, அஸப்பாயங்
மனஸா த⁴ம்மங் நானுயுஞ்ஜெய்ய. தஸ்ஸ அஸப்பாயங் சக்கு²னா ரூபத³ஸ்ஸனங்
நானுயுத்தஸ்ஸ, அஸப்பாயங் ஸோதேன ஸத்³த³ங் நானுயுத்தஸ்ஸ, அஸப்பாயங் கா⁴னேன
க³ந்த⁴ங் நானுயுத்தஸ்ஸ, அஸப்பாயங் ஜிவ்ஹாய ரஸங் நானுயுத்தஸ்ஸ, அஸப்பாயங்
காயேன பொ²ட்ட²ப்³ப³ங் நானுயுத்தஸ்ஸ, அஸப்பாயங் மனஸா த⁴ம்மங் நானுயுத்தஸ்ஸ,
ராகோ³ சித்தங் நானுத்³த⁴ங்ஸெய்ய. ஸோ ந ராகா³னுத்³த⁴ங்ஸிதேன சித்தேன நேவ
மரணங் வா நிக³ச்செ²ய்ய ந மரணமத்தங் வா து³க்க²ங்.

65.
‘‘உபமா கோ² மே அயங், ஸுனக்க²த்த, கதா அத்த²ஸ்ஸ விஞ்ஞாபனாய. அயங்யேவெத்த²
அத்தோ² – வணோதி கோ², ஸுனக்க²த்த, ச²ன்னேதங் அஜ்ஜ²த்திகானங் ஆயதனானங்
அதி⁴வசனங்; விஸதோ³ஸோதி கோ², ஸுனக்க²த்த, அவிஜ்ஜாயேதங் அதி⁴வசனங்; ஸல்லந்தி
கோ², ஸுனக்க²த்த, தண்ஹாயேதங் அதி⁴வசனங்; ஏஸனீதி கோ², ஸுனக்க²த்த,
ஸதியாயேதங் அதி⁴வசனங்; ஸத்த²ந்தி கோ², ஸுனக்க²த்த, அரியாயேதங் பஞ்ஞாய அதி⁴வசனங்; பி⁴ஸக்கோ ஸல்லகத்தோதி கோ², ஸுனக்க²த்த, ததா²க³தஸ்ஸேதங் அதி⁴வசனங் அரஹதோ ஸம்மாஸம்பு³த்³த⁴ஸ்ஸ.

‘‘ஸோ வத, ஸுனக்க²த்த, பி⁴க்கு² ச²ஸு ப²ஸ்ஸாயதனேஸு
ஸங்வுதகாரீ ‘உபதி⁴ து³க்க²ஸ்ஸ மூல’ந்தி – இதி விதி³த்வா நிருபதி⁴
உபதி⁴ஸங்க²யே விமுத்தோ உபதி⁴ஸ்மிங் வா காயங் உபஸங்ஹரிஸ்ஸதி சித்தங் வா
உப்பாதெ³ஸ்ஸதீதி – நேதங் டா²னங் விஜ்ஜதி. ஸெய்யதா²பி, ஸுனக்க²த்த,
ஆபானீயகங்ஸோ வண்ணஸம்பன்னோ க³ந்த⁴ஸம்பன்னோ ரஸஸம்பன்னோ; ஸோ ச கோ² விஸேன
ஸங்ஸட்டோ². அத² புரிஸோ ஆக³ச்செ²ய்ய ஜீவிதுகாமோ அமரிதுகாமோ ஸுக²காமோ
து³க்க²படிகூலோ. தங் கிங் மஞ்ஞஸி, ஸுனக்க²த்த, அபி நு ஸோ புரிஸோ அமுங்
ஆபானீயகங்ஸங் பிவெய்ய யங் ஜஞ்ஞா – ‘இமாஹங் பிவித்வா மரணங் வா நிக³ச்சா²மி மரணமத்தங் வா து³க்க²’’’ந்தி? ‘‘நோ ஹேதங், ப⁴ந்தே’’. ‘‘ஏவமேவ
கோ², ஸுனக்க²த்த, ஸோ வத பி⁴க்கு² ச²ஸு ப²ஸ்ஸாயதனேஸு ஸங்வுதகாரீ ‘உபதி⁴
து³க்க²ஸ்ஸ மூல’ந்தி – இதி விதி³த்வா நிருபதி⁴ உபதி⁴ஸங்க²யே விமுத்தோ உபதி⁴ஸ்மிங் வா காயங் உபஸங்ஹரிஸ்ஸதி சித்தங் வா உப்பாதெ³ஸ்ஸதீதி – நேதங் டா²னங் விஜ்ஜதி. ஸெய்யதா²பி, ஸுனக்க²த்த, ஆஸீவிஸோ [ஆஸிவிஸோ (க॰)]
கோ⁴ரவிஸோ. அத² புரிஸோ ஆக³ச்செ²ய்ய ஜீவிதுகாமோ அமரிதுகாமோ ஸுக²காமோ
து³க்க²படிகூலோ. தங் கிங் மஞ்ஞஸி, ஸுனக்க²த்த, அபி நு ஸோ புரிஸோ அமுஸ்ஸ
ஆஸீவிஸஸ்ஸ கோ⁴ரவிஸஸ்ஸ ஹத்த²ங் வா அங்கு³ட்ட²ங் வா த³ஜ்ஜா [யுஞ்ஜெய்ய (க॰)]
யங் ஜஞ்ஞா – ‘இமினாஹங் த³ட்டோ² மரணங் வா நிக³ச்சா²மி மரணமத்தங் வா
து³க்க²’’’ந்தி? ‘‘நோ ஹேதங், ப⁴ந்தே’’. ‘‘ஏவமேவ கோ², ஸுனக்க²த்த, ஸோ வத
பி⁴க்கு² ச²ஸு ப²ஸ்ஸாயதனேஸு ஸங்வுதகாரீ ‘உபதி⁴ து³க்க²ஸ்ஸ மூல’ந்தி – இதி
விதி³த்வா நிருபதி⁴ உபதி⁴ஸங்க²யே விமுத்தோ உபதி⁴ஸ்மிங் வா காயங்
உபஸங்ஹரிஸ்ஸதி சித்தங் வா உப்பாதெ³ஸ்ஸதீதி – நேதங் டா²னங் விஜ்ஜதீ’’தி.

இத³மவோச ப⁴க³வா. அத்தமனோ ஸுனக்க²த்தோ லிச்ச²விபுத்தோ ப⁴க³வதோ பா⁴ஸிதங் அபி⁴னந்தீ³தி.

ஸுனக்க²த்தஸுத்தங் நிட்டி²தங் பஞ்சமங்.

6. ஆனேஞ்ஜஸப்பாயஸுத்தங்

66. ஏவங்
மே ஸுதங் – ஏகங் ஸமயங் ப⁴க³வா குரூஸு விஹரதி கம்மாஸத⁴ம்மங் நாம குரூனங்
நிக³மோ. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
‘‘அனிச்சா, பி⁴க்க²வே, காமா துச்சா² முஸா மோஸத⁴ம்மா. மாயாகதமே தங்,
பி⁴க்க²வே, பா³லலாபனங். யே ச தி³ட்ட²த⁴ம்மிகா காமா, யே ச ஸம்பராயிகா காமா;
யா ச தி³ட்ட²த⁴ம்மிகா காமஸஞ்ஞா, யா ச ஸம்பராயிகா காமஸஞ்ஞா – உப⁴யமேதங் மாரதெ⁴ய்யங், மாரஸ்ஸேஸ [மாரஸ்ஸேவ (க॰)]
விஸயோ, மாரஸ்ஸேஸ நிவாபோ, மாரஸ்ஸேஸ கோ³சரோ. எத்தே²தே பாபகா அகுஸலா மானஸா
அபி⁴ஜ்ஜா²பி ப்³யாபாதா³பி ஸாரம்பா⁴பி ஸங்வத்தந்தி. தேவ அரியஸாவகஸ்ஸ
இத⁴மனுஸிக்க²தோ அந்தராயாய ஸம்ப⁴வந்தி. தத்ர, பி⁴க்க²வே, அரியஸாவகோ இதி
படிஸஞ்சிக்க²தி – ‘யே ச தி³ட்ட²த⁴ம்மிகா காமா, யே ச ஸம்பராயிகா காமா; யா ச
தி³ட்ட²த⁴ம்மிகா காமஸஞ்ஞா, யா ச ஸம்பராயிகா காமஸஞ்ஞா – உப⁴யமேதங்
மாரதெ⁴ய்யங், மாரஸ்ஸேஸ விஸயோ, மாரஸ்ஸேஸ நிவாபோ, மாரஸ்ஸேஸ கோ³சரோ. எத்தே²தே
பாபகா அகுஸலா மானஸா அபி⁴ஜ்ஜா²பி ப்³யாபாதா³பி ஸாரம்பா⁴பி ஸங்வத்தந்தி, தேவ
அரியஸாவகஸ்ஸ இத⁴மனுஸிக்க²தோ அந்தராயாய ஸம்ப⁴வந்தி. யங்னூனாஹங் விபுலேன
மஹக்³க³தேன சேதஸா விஹரெய்யங் அபி⁴பு⁴ய்ய லோகங் அதி⁴ட்டா²ய மனஸா. விபுலேன ஹி
மே மஹக்³க³தேன சேதஸா விஹரதோ அபி⁴பு⁴ய்ய லோகங் அதி⁴ட்டா²ய மனஸா
யே பாபகா அகுஸலா மானஸா அபி⁴ஜ்ஜா²பி ப்³யாபாதா³பி ஸாரம்பா⁴பி தே ந
ப⁴விஸ்ஸந்தி. தேஸங் பஹானா அபரித்தஞ்ச மே சித்தங் ப⁴விஸ்ஸதி அப்பமாணங்
ஸுபா⁴வித’ந்தி. தஸ்ஸ ஏவங்படிபன்னஸ்ஸ தப்³ப³ஹுலவிஹாரினோ ஆயதனே சித்தங்
பஸீத³தி. ஸம்பஸாதே³ ஸதி ஏதரஹி வா ஆனேஞ்ஜங் ஸமாபஜ்ஜதி பஞ்ஞாய வா அதி⁴முச்சதி
காயஸ்ஸ பே⁴தா³ பரங் மரணா. டா²னமேதங் விஜ்ஜதி யங் தங்ஸங்வத்தனிகங்
விஞ்ஞாணங் அஸ்ஸ ஆனேஞ்ஜூபக³ங். அயங், பி⁴க்க²வே, பட²மா ஆனேஞ்ஜஸப்பாயா
படிபதா³ அக்கா²யதி’’.

67.
‘‘புன சபரங், பி⁴க்க²வே, அரியஸாவகோ இதி படிஸஞ்சிக்க²தி – ‘யே ச
தி³ட்ட²த⁴ம்மிகா காமா, யே ச ஸம்பராயிகா காமா; யா ச தி³ட்ட²த⁴ம்மிகா
காமஸஞ்ஞா , யா ச ஸம்பராயிகா காமஸஞ்ஞா; யங் கிஞ்சி ரூபங் (ஸப்³ப³ங் ரூபங்) [( ) நத்தி² ஸீ॰ பீ॰ பொத்த²கேஸு]
சத்தாரி ச மஹாபூ⁴தானி, சதுன்னஞ்ச மஹாபூ⁴தானங் உபாதா³யரூப’ந்தி. தஸ்ஸ
ஏவங்படிபன்னஸ்ஸ தப்³ப³ஹுலவிஹாரினோ ஆயதனே சித்தங் பஸீத³தி. ஸம்பஸாதே³ ஸதி
ஏதரஹி வா ஆனேஞ்ஜங் ஸமாபஜ்ஜதி பஞ்ஞாய வா அதி⁴முச்சதி காயஸ்ஸ
பே⁴தா³ பரங் மரணா. டா²னமேதங் விஜ்ஜதி யங் தங்ஸங்வத்தனிகங் விஞ்ஞாணங் அஸ்ஸ
ஆனேஞ்ஜூபக³ங். அயங், பி⁴க்க²வே, து³தியா ஆனேஞ்ஜஸப்பாயா படிபதா³ அக்கா²யதி.

‘‘புன சபரங், பி⁴க்க²வே,
அரியஸாவகோ இதி படிஸஞ்சிக்க²தி – ‘யே ச தி³ட்ட²த⁴ம்மிகா காமா, யே ச
ஸம்பராயிகா காமா; யா ச தி³ட்ட²த⁴ம்மிகா காமஸஞ்ஞா, யா ச ஸம்பராயிகா
காமஸஞ்ஞா; யே ச தி³ட்ட²த⁴ம்மிகா ரூபா, யே ச ஸம்பராயிகா ரூபா; யா ச
தி³ட்ட²த⁴ம்மிகா ரூபஸஞ்ஞா, யா ச ஸம்பராயிகா ரூபஸஞ்ஞா – உப⁴யமேதங் அனிச்சங்.
யத³னிச்சங் தங் நாலங் அபி⁴னந்தி³துங், நாலங் அபி⁴வதி³துங், நாலங்
அஜ்ஜோ²ஸிது’ந்தி. தஸ்ஸ ஏவங்படிபன்னஸ்ஸ தப்³ப³ஹுலவிஹாரினோ ஆயதனே சித்தங்
பஸீத³தி. ஸம்பஸாதே³ ஸதி ஏதரஹி வா ஆனேஞ்ஜங் ஸமாபஜ்ஜதி பஞ்ஞாய வா அதி⁴முச்சதி
காயஸ்ஸ பே⁴தா³ பரங் மரணா. டா²னமேதங் விஜ்ஜதி யங் தங்ஸங்வத்தனிகங்
விஞ்ஞாணங் அஸ்ஸ ஆனேஞ்ஜூபக³ங். அயங், பி⁴க்க²வே, ததியா ஆனேஞ்ஜஸப்பாயா
படிபதா³ அக்கா²யதி.

68. ‘‘புன
சபரங், பி⁴க்க²வே, அரியஸாவகோ இதி படிஸஞ்சிக்க²தி – ‘யே ச தி³ட்ட²த⁴ம்மிகா
காமா, யே ச ஸம்பராயிகா காமா; யா ச தி³ட்ட²த⁴ம்மிகா காமஸஞ்ஞா, யா ச
ஸம்பராயிகா காமஸஞ்ஞா; யே ச தி³ட்ட²த⁴ம்மிகா ரூபா, யே ச ஸம்பராயிகா ரூபா; யா
ச தி³ட்ட²த⁴ம்மிகா ரூபஸஞ்ஞா, யா ச ஸம்பராயிகா ரூபஸஞ்ஞா; யா ச ஆனேஞ்ஜஸஞ்ஞா –
ஸப்³பா³ ஸஞ்ஞா. யத்தே²தா அபரிஸேஸா நிருஜ்ஜ²ந்தி ஏதங் ஸந்தங் ஏதங் பணீதங் –
யதி³த³ங் ஆகிஞ்சஞ்ஞாயதன’ந்தி. தஸ்ஸ ஏவங்படிபன்னஸ்ஸ தப்³ப³ஹுலவிஹாரினோ
ஆயதனே சித்தங் பஸீத³தி. ஸம்பஸாதே³ ஸதி ஏதரஹி வா ஆகிஞ்சஞ்ஞாயதனங் ஸமாபஜ்ஜதி
பஞ்ஞாய வா அதி⁴முச்சதி காயஸ்ஸ பே⁴தா³ பரங் மரணா. டா²னமேதங் விஜ்ஜதி யங்
தங்ஸங்வத்தனிகங் விஞ்ஞாணங் அஸ்ஸ ஆகிஞ்சஞ்ஞாயதனூபக³ங். அயங், பி⁴க்க²வே,
பட²மா ஆகிஞ்சஞ்ஞாயதனஸப்பாயா படிபதா³ அக்கா²யதி.

69.
‘‘புன சபரங், பி⁴க்க²வே, அரியஸாவகோ அரஞ்ஞக³தோ வா ருக்க²மூலக³தோ வா
ஸுஞ்ஞாகா³ரக³தோ வா இதி படிஸஞ்சிக்க²தி – ‘ஸுஞ்ஞமித³ங் அத்தேன வா அத்தனியேன
வா’தி. தஸ்ஸ ஏவங்படிபன்னஸ்ஸ தப்³ப³ஹுலவிஹாரினோ ஆயதனே சித்தங் பஸீத³தி.
ஸம்பஸாதே³ ஸதி ஏதரஹி வா ஆகிஞ்சஞ்ஞாயதனங் ஸமாபஜ்ஜதி பஞ்ஞாய வா அதி⁴முச்சதி
காயஸ்ஸ பே⁴தா³ பரங் மரணா. டா²னமேதங் விஜ்ஜதி யங் தங்ஸங்வத்தனிகங் விஞ்ஞாணங்
அஸ்ஸ ஆகிஞ்சஞ்ஞாயதனூபக³ங். அயங், பி⁴க்க²வே, து³தியா ஆகிஞ்சஞ்ஞாயதனஸப்பாயா
படிபதா³ அக்கா²யதி.

70. ‘‘புன சபரங், பி⁴க்க²வே, அரியஸாவகோ இதி படிஸஞ்சிக்க²தி – ‘நாஹங் க்வசனி [க்வசினி (ஸ்யா॰ கங்॰ ஸீ॰ அட்ட²॰)] கஸ்ஸசி கிஞ்சனதஸ்மிங் [கிஞ்சனதஸ்மி (?)], ந ச மம
க்வசனி கிஸ்மிஞ்சி கிஞ்சனங் நத்தீ²’தி. தஸ்ஸ ஏவங்படிபன்னஸ்ஸ
தப்³ப³ஹுலவிஹாரினோ ஆயதனே சித்தங் பஸீத³தி. ஸம்பஸாதே³ ஸதி ஏதரஹி வா
ஆகிஞ்சஞ்ஞாயதனங் ஸமாபஜ்ஜதி பஞ்ஞாய வா அதி⁴முச்சதி காயஸ்ஸ பே⁴தா³ பரங் மரணா.
டா²னமேதங் விஜ்ஜதி யங் தங்ஸங்வத்தனிகங் விஞ்ஞாணங் அஸ்ஸ
ஆகிஞ்சஞ்ஞாயதனூபக³ங். அயங், பி⁴க்க²வே, ததியா ஆகிஞ்சஞ்ஞாயதனஸப்பாயா படிபதா³
அக்கா²யதி.

‘‘புன சபரங், பி⁴க்க²வே, அரியஸாவகோ இதி படிஸஞ்சிக்க²தி
– ‘யே ச தி³ட்ட²த⁴ம்மிகா காமா, யே ச ஸம்பராயிகா காமா; யா ச
தி³ட்ட²த⁴ம்மிகா காமஸஞ்ஞா, யா ச ஸம்பராயிகா காமஸஞ்ஞா; யே ச தி³ட்ட²த⁴ம்மிகா
ரூபா, யே ச ஸம்பராயிகா ரூபா; யா ச தி³ட்ட²த⁴ம்மிகா ரூபஸஞ்ஞா, யா ச ஸம்பராயிகா ரூபஸஞ்ஞா ;
யா ச ஆனேஞ்ஜஸஞ்ஞா, யா ச ஆகிஞ்சஞ்ஞாயதனஸஞ்ஞா – ஸப்³பா³ ஸஞ்ஞா. யத்தே²தா
அபரிஸேஸா நிருஜ்ஜ²ந்தி ஏதங் ஸந்தங் ஏதங் பணீதங் – யதி³த³ங்
நேவஸஞ்ஞானாஸஞ்ஞாயதன’ந்தி. தஸ்ஸ ஏவங்படிபன்னஸ்ஸ தப்³ப³ஹுலவிஹாரினோ ஆயதனே
சித்தங் பஸீத³தி. ஸம்பஸாதே³ ஸதி ஏதரஹி வா நேவஸஞ்ஞானாஸஞ்ஞாயதனங் ஸமாபஜ்ஜதி
பஞ்ஞாய வா அதி⁴முச்சதி காயஸ்ஸ பே⁴தா³ பரங் மரணா. டா²னமேதங் விஜ்ஜதி யங்
தங்ஸங்வத்தனிகங் விஞ்ஞாணங் அஸ்ஸ நேவஸஞ்ஞானாஸஞ்ஞாயதனூபக³ங். அயங்,
பி⁴க்க²வே, நேவஸஞ்ஞானாஸஞ்ஞாயதனஸப்பாயா படிபதா³ அக்கா²யதீ’’தி.

71.
ஏவங் வுத்தே, ஆயஸ்மா ஆனந்தோ³ ப⁴க³வந்தங் ஏதத³வோச – ‘‘இத⁴, ப⁴ந்தே,
பி⁴க்கு² ஏவங் படிபன்னோ ஹோதி – ‘நோ சஸ்ஸ, நோ ச மே ஸியா; ந ப⁴விஸ்ஸதி, ந மே
ப⁴விஸ்ஸதி; யத³த்தி² யங், பூ⁴தங் – தங் பஜஹாமீ’தி. ஏவங் உபெக்க²ங்
படிலப⁴தி. பரினிப்³பா³யெய்ய நு கோ² ஸோ, ப⁴ந்தே, பி⁴க்கு² ந வா
பரினிப்³பா³யெய்யா’’தி? ‘‘அபெத்தே²கச்சோ, ஆனந்த³, பி⁴க்கு²
பரினிப்³பா³யெய்ய, அபெத்தே²கச்சோ பி⁴க்கு² ந பரினிப்³பா³யெய்யா’’தி. ‘‘கோ
நு கோ², ப⁴ந்தே, ஹேது கோ பச்சயோ யேனபெத்தே²கச்சோ பி⁴க்கு²
பரினிப்³பா³யெய்ய, அபெத்தே²கச்சோ பி⁴க்கு² ந பரினிப்³பா³யெய்யா’’தி?
‘‘இதா⁴னந்த³, பி⁴க்கு² ஏவங் படிபன்னோ ஹோதி – ‘நோ சஸ்ஸ, நோ ச மே ஸியா; ந
ப⁴விஸ்ஸதி, ந மே ப⁴விஸ்ஸதி; யத³த்தி², யங் பூ⁴தங் – தங் பஜஹாமீ’தி. ஏவங் உபெக்க²ங் படிலப⁴தி. ஸோ தங் உபெக்க²ங் அபி⁴னந்த³தி, அபி⁴வத³தி, அஜ்ஜோ²ஸாய திட்ட²தி. தஸ்ஸ தங் உபெக்க²ங் அபி⁴னந்த³தோ அபி⁴வத³தோ அஜ்ஜோ²ஸாய திட்ட²தோ தன்னிஸ்ஸிதங் ஹோதி விஞ்ஞாணங் தது³பாதா³னங். ஸஉபாதா³னோ, ஆனந்த³, பி⁴க்கு²
ந பரினிப்³பா³யதீ’’தி. ‘‘கஹங் பன ஸோ, ப⁴ந்தே, பி⁴க்கு² உபாதி³யமானோ
உபாதி³யதீ’’தி? ‘‘நேவஸஞ்ஞானாஸஞ்ஞாயதனங், ஆனந்தா³’’தி. ‘‘உபாதா³னஸெட்ட²ங்
கிர ஸோ, ப⁴ந்தே, பி⁴க்கு² உபாதி³யமானோ உபாதி³யதீ’’தி? ‘‘உபாதா³னஸெட்ட²ஞ்ஹி
ஸோ, ஆனந்த³, பி⁴க்கு² உபாதி³யமானோ உபாதி³யதி. உபாதா³னஸெட்ட²ஞ்ஹேதங்,
ஆனந்த³, யதி³த³ங் – நேவஸஞ்ஞானாஸஞ்ஞாயதனங்’’.

72.
‘‘இதா⁴னந்த³, பி⁴க்கு² ஏவங் படிபன்னோ ஹோதி – ‘நோ சஸ்ஸ, நோ ச மே ஸியா; ந
ப⁴விஸ்ஸதி, ந மே ப⁴விஸ்ஸதி; யத³த்தி², யங் பூ⁴தங் – தங் பஜஹாமீ’தி. ஏவங்
உபெக்க²ங் படிலப⁴தி. ஸோ தங் உபெக்க²ங் நாபி⁴னந்த³தி, நாபி⁴வத³தி, ந
அஜ்ஜோ²ஸாய திட்ட²தி. தஸ்ஸ தங் உபெக்க²ங் அனபி⁴னந்த³தோ அனபி⁴வத³தோ
அனஜ்ஜோ²ஸாய திட்ட²தோ ந தன்னிஸ்ஸிதங் ஹோதி விஞ்ஞாணங் ந தது³பாதா³னங். அனுபாதா³னோ, ஆனந்த³, பி⁴க்கு² பரினிப்³பா³யதீ’’தி.

73.
‘‘அச்ச²ரியங், ப⁴ந்தே, அப்³பு⁴தங், ப⁴ந்தே! நிஸ்ஸாய நிஸ்ஸாய கிர நோ,
ப⁴ந்தே, ப⁴க³வதா ஓக⁴ஸ்ஸ நித்த²ரணா அக்கா²தா. கதமோ பன, ப⁴ந்தே, அரியோ
விமொக்கோ²’’தி? ‘‘இதா⁴னந்த³, பி⁴க்கு² அரியஸாவகோ இதி படிஸஞ்சிக்க²தி – ‘யே ச
தி³ட்ட²த⁴ம்மிகா காமா, யே ச ஸம்பராயிகா காமா; யா ச தி³ட்ட²த⁴ம்மிகா
காமஸஞ்ஞா, யா ச ஸம்பராயிகா காமஸஞ்ஞா; யே ச தி³ட்ட²த⁴ம்மிகா ரூபா, யே ச
ஸம்பராயிகா ரூபா; யா ச தி³ட்ட²த⁴ம்மிகா ரூபஸஞ்ஞா, யா ச ஸம்பராயிகா
ரூபஸஞ்ஞா; யா ச ஆனேஞ்ஜஸஞ்ஞா, யா ச ஆகிஞ்சஞ்ஞாயதனஸஞ்ஞா ,
யா ச நேவஸஞ்ஞானாஸஞ்ஞாயதனஸஞ்ஞா – ஏஸ ஸக்காயோ யாவதா ஸக்காயோ. ஏதங் அமதங்
யதி³த³ங் அனுபாதா³ சித்தஸ்ஸ விமொக்கோ². இதி, கோ², ஆனந்த³, தே³ஸிதா மயா
ஆனேஞ்ஜஸப்பாயா படிபதா³, தே³ஸிதா ஆகிஞ்சஞ்ஞாயதனஸப்பாயா படிபதா³, தே³ஸிதா
நேவஸஞ்ஞானாஸஞ்ஞாயதனஸப்பாயா படிபதா³, தே³ஸிதா நிஸ்ஸாய நிஸ்ஸாய ஓக⁴ஸ்ஸ
நித்த²ரணா, தே³ஸிதோ அரியோ விமொக்கோ². யங் கோ², ஆனந்த³, ஸத்தா²ரா கரணீயங்
ஸாவகானங் ஹிதேஸினா அனுகம்பகேன அனுகம்பங் உபாதா³ய, கதங்
வோ தங் மயா. ஏதானி, ஆனந்த³, ருக்க²மூலானி, ஏதானி ஸுஞ்ஞாகா³ரானி.
ஜா²யதா²னந்த³, மா பமாத³த்த², மா பச்சா² விப்படிஸாரினோ அஹுவத்த². அயங் வோ
அம்ஹாகங் அனுஸாஸனீ’’’தி.

இத³மவோச ப⁴க³வா. அத்தமனோ ஆயஸ்மா ஆனந்தோ³ ப⁴க³வதோ பா⁴ஸிதங் அபி⁴னந்தீ³தி.

ஆனேஞ்ஜஸப்பாயஸுத்தங் நிட்டி²தங் ச²ட்ட²ங்.

7. க³ணகமொக்³க³ல்லானஸுத்தங்

74. ஏவங் மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி புப்³பா³ராமே மிகா³ரமாதுபாஸாதே³. அத² கோ² க³ணகமொக்³க³ல்லானோ [க³ணகமொக்³க³லானோ (க॰)] ப்³ராஹ்மணோ யேன ப⁴க³வா தேனுபஸங்கமி; உபஸங்கமித்வா ப⁴க³வதா ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² க³ணகமொக்³க³ல்லானோ ப்³ராஹ்மணோ ப⁴க³வந்தங் ஏதத³வோச –

‘‘ஸெய்யதா²பி, போ⁴ கோ³தம, இமஸ்ஸ மிகா³ரமாதுபாஸாத³ஸ்ஸ
தி³ஸ்ஸதி அனுபுப்³ப³ஸிக்கா² அனுபுப்³ப³கிரியா அனுபுப்³ப³படிபதா³ யதி³த³ங் –
யாவ பச்சி²மஸோபானகளேவராஃ இமேஸம்பி ஹி, போ⁴ கோ³தம, ப்³ராஹ்மணானங் தி³ஸ்ஸதி
அனுபுப்³ப³ஸிக்கா² அனுபுப்³ப³கிரியா அனுபுப்³ப³படிபதா³ யதி³த³ங் –
அஜ்ஜே²னேஃ இமேஸம்பி ஹி, போ⁴ கோ³தம, இஸ்ஸாஸானங் தி³ஸ்ஸதி அனுபுப்³ப³ஸிக்கா²
அனுபுப்³ப³கிரியா அனுபுப்³ப³படிபதா³ யதி³த³ங் – இஸ்ஸத்தே² [இஸ்ஸத்தே (க॰)].
அம்ஹாகம்பி ஹி, போ⁴ கோ³தம, க³ணகானங் க³ணனாஜீவானங் தி³ஸ்ஸதி
அனுபுப்³ப³ஸிக்கா² அனுபுப்³ப³கிரியா அனுபுப்³ப³படிபதா³ யதி³த³ங் –
ஸங்கா²னே. மயஞ்ஹி, போ⁴ கோ³தம, அந்தேவாஸிங் லபி⁴த்வா பட²மங் ஏவங் க³ணாபேம –
‘ஏகங் ஏககங், த்³வே து³கா, தீணி திகா, சத்தாரி சதுக்கா, பஞ்ச பஞ்சகா, ச²
ச²க்கா, ஸத்த ஸத்தகா, அட்ட² அட்ட²கா, நவ நவகா, த³ஸ த³ஸகா’தி; ஸதம்பி மயங்,
போ⁴ கோ³தம, க³ணாபேம, பி⁴ய்யோபி க³ணாபேம. ஸக்கா நு கோ², போ⁴ கோ³தம,
இமஸ்மிம்பி த⁴ம்மவினயே ஏவமேவ அனுபுப்³ப³ஸிக்கா² அனுபுப்³ப³கிரியா
அனுபுப்³ப³படிபதா³ பஞ்ஞபேது’’ந்தி?

75. ‘‘ஸக்கா ,
ப்³ராஹ்மண, இமஸ்மிம்பி த⁴ம்மவினயே அனுபுப்³ப³ஸிக்கா² அனுபுப்³ப³கிரியா
அனுபுப்³ப³படிபதா³ பஞ்ஞபேதுங். ஸெய்யதா²பி, ப்³ராஹ்மண, த³க்கோ² அஸ்ஸத³ம்மகோ
ப⁴த்³த³ங் அஸ்ஸாஜானீயங் லபி⁴த்வா பட²மேனேவ முகா²தா⁴னே காரணங் காரேதி, அத²
உத்தரிங் காரணங் காரேதி; ஏவமேவ கோ², ப்³ராஹ்மண, ததா²க³தோ புரிஸத³ம்மங்
லபி⁴த்வா பட²மங் ஏவங் வினேதி – ‘ஏஹி த்வங், பி⁴க்கு², ஸீலவா ஹோஹி,
பாதிமொக்க²ஸங்வரஸங்வுதோ விஹராஹி ஆசாரகோ³சரஸம்பன்னோ அணுமத்தேஸு வஜ்ஜேஸு
ப⁴யத³ஸ்ஸாவீ, ஸமாதா³ய ஸிக்க²ஸ்ஸு ஸிக்கா²பதே³ஸூ’’’தி.

‘‘யதோ கோ², ப்³ராஹ்மண,
பி⁴க்கு² ஸீலவா ஹோதி, பாதிமொக்க²ஸங்வரஸங்வுதோ விஹரதி ஆசாரகோ³சரஸம்பன்னோ
அணுமத்தேஸு வஜ்ஜேஸு ப⁴யத³ஸ்ஸாவீ, ஸமாதா³ய ஸிக்க²தி ஸிக்கா²பதே³ஸு, தமேனங்
ததா²க³தோ உத்தரிங் வினேதி – ‘ஏஹி த்வங், பி⁴க்கு², இந்த்³ரியேஸு
கு³த்தத்³வாரோ ஹோஹி, சக்கு²னா ரூபங் தி³ஸ்வா மா நிமித்தக்³கா³ஹீ ஹோஹி
மானுப்³யஞ்ஜனக்³கா³ஹீ. யத்வாதி⁴கரணமேனங் சக்கு²ந்த்³ரியங் அஸங்வுதங்
விஹரந்தங் அபி⁴ஜ்ஜா²தோ³மனஸ்ஸா பாபகா அகுஸலா த⁴ம்மா அன்வாஸ்ஸவெய்யுங் தஸ்ஸ
ஸங்வராய படிபஜ்ஜாஹி; ரக்கா²ஹி சக்கு²ந்த்³ரியங், சக்கு²ந்த்³ரியே ஸங்வரங்
ஆபஜ்ஜாஹி. ஸோதேன ஸத்³த³ங் ஸுத்வா…பே॰… கா⁴னேன க³ந்த⁴ங் கா⁴யித்வா…பே॰…
ஜிவ்ஹாய ரஸங் ஸாயித்வா…பே॰… காயேன பொ²ட்ட²ப்³ப³ங் பு²ஸித்வா…பே॰… மனஸா
த⁴ம்மங் விஞ்ஞாய மா நிமித்தக்³கா³ஹீ ஹோஹி மானுப்³யஞ்ஜனக்³கா³ஹீ.
யத்வாதி⁴கரணமேனங் மனிந்த்³ரியங் அஸங்வுதங் விஹரந்தங் அபி⁴ஜ்ஜா²தோ³மனஸ்ஸா
பாபகா அகுஸலா த⁴ம்மா அன்வாஸ்ஸவெய்யுங் தஸ்ஸ ஸங்வராய படிபஜ்ஜாஹி; ரக்கா²ஹி
மனிந்த்³ரியங், மனிந்த்³ரியே ஸங்வரங் ஆபஜ்ஜாஹீ’’’தி.

‘‘யதோ கோ², ப்³ராஹ்மண,
பி⁴க்கு² இந்த்³ரியேஸு கு³த்தத்³வாரோ ஹோதி, தமேனங் ததா²க³தோ உத்தரிங்
வினேதி – ‘ஏஹி த்வங், பி⁴க்கு², போ⁴ஜனே மத்தஞ்ஞூ ஹோஹி. படிஸங்கா² யோனிஸோ
ஆஹாரங் ஆஹாரெய்யாஸி – நேவ த³வாய ந மதா³ய ந மண்ட³னாய ந விபூ⁴ஸனாய, யாவதே³வ
இமஸ்ஸ காயஸ்ஸ டி²தியா யாபனாய விஹிங்ஸூபரதியா ப்³ரஹ்மசரியானுக்³க³ஹாய – இதி
புராணஞ்ச வேத³னங் படிஹங்கா²மி, நவஞ்ச வேத³னங் ந உப்பாதெ³ஸ்ஸாமி, யாத்ரா ச
மே ப⁴விஸ்ஸதி அனவஜ்ஜதா ச பா²ஸுவிஹாரோ சா’’’தி.

‘‘யதோ கோ², ப்³ராஹ்மண ,
பி⁴க்கு² போ⁴ஜனே மத்தஞ்ஞூ ஹோதி, தமேனங் ததா²க³தோ உத்தரிங் வினேதி – ‘ஏஹி
த்வங், பி⁴க்கு², ஜாக³ரியங் அனுயுத்தோ விஹராஹி, தி³வஸங் சங்கமேன நிஸஜ்ஜாய
ஆவரணீயேஹி த⁴ம்மேஹி சித்தங் பரிஸோதே⁴ஹி, ரத்தியா பட²மங் யாமங் சங்கமேன
நிஸஜ்ஜாய ஆவரணீயேஹி த⁴ம்மேஹி சித்தங் பரிஸோதே⁴ஹி, ரத்தியா மஜ்ஜி²மங் யாமங்
த³க்கி²ணேன பஸ்ஸேன ஸீஹஸெய்யங் கப்பெய்யாஸி பாதே³ பாத³ங் அச்சாதா⁴ய ஸதோ
ஸம்பஜானோ உட்டா²னஸஞ்ஞங் மனஸிகரித்வா, ரத்தியா பச்சி²மங் யாமங் பச்சுட்டா²ய
சங்கமேன நிஸஜ்ஜாய ஆவரணீயேஹி த⁴ம்மேஹி சித்தங் பரிஸோதே⁴ஹீ’’’தி.

‘‘யதோ கோ², ப்³ராஹ்மண, பி⁴க்கு² ஜாக³ரியங் அனுயுத்தோ
ஹோதி, தமேனங் ததா²க³தோ உத்தரிங் வினேதி – ‘ஏஹி த்வங், பி⁴க்கு²,
ஸதிஸம்பஜஞ்ஞேன ஸமன்னாக³தோ ஹோஹி, அபி⁴க்கந்தே படிக்கந்தே ஸம்பஜானகாரீ ,
ஆலோகிதே விலோகிதே ஸம்பஜானகாரீ, ஸமிஞ்ஜிதே பஸாரிதே ஸம்பஜானகாரீ,
ஸங்கா⁴டிபத்தசீவரதா⁴ரணே ஸம்பஜானகாரீ, அஸிதே பீதே கா²யிதே ஸாயிதே
ஸம்பஜானகாரீ , உச்சாரபஸ்ஸாவகம்மே ஸம்பஜானகாரீ, க³தே டி²தே நிஸின்னே ஸுத்தே ஜாக³ரிதே பா⁴ஸிதே துண்ஹீபா⁴வே ஸம்பஜானகாரீ’’’தி.

‘‘யதோ கோ², ப்³ராஹ்மண, பி⁴க்கு² ஸதிஸம்பஜஞ்ஞேன
ஸமன்னாக³தோ ஹோதி, தமேனங் ததா²க³தோ உத்தரிங் வினேதி – ‘ஏஹி த்வங், பி⁴க்கு²,
விவித்தங் ஸேனாஸனங் ப⁴ஜாஹி அரஞ்ஞங் ருக்க²மூலங்
பப்³ப³தங் கந்த³ரங் கி³ரிகு³ஹங் ஸுஸானங் வனபத்த²ங் அப்³போ⁴காஸங்
பலாலபுஞ்ஜ’ந்தி. ஸோ விவித்தங் ஸேனாஸனங் ப⁴ஜதி அரஞ்ஞங் ருக்க²மூலங்
பப்³ப³தங் கந்த³ரங் கி³ரிகு³ஹங் ஸுஸானங் வனப்பத்த²ங் அப்³போ⁴காஸங்
பலாலபுஞ்ஜங். ஸோ பச்சா²ப⁴த்தங் பிண்ட³பாதபடிக்கந்தோ நிஸீத³தி பல்லங்கங்
ஆபு⁴ஜித்வா, உஜுங் காயங் பணிதா⁴ய, பரிமுக²ங் ஸதிங் உபட்ட²பெத்வா. ஸோ
அபி⁴ஜ்ஜ²ங் லோகே பஹாய விக³தாபி⁴ஜ்ஜே²ன சேதஸா விஹரதி, அபி⁴ஜ்ஜா²ய சித்தங்
பரிஸோதே⁴தி; ப்³யாபாத³பதோ³ஸங் பஹாய அப்³யாபன்னசித்தோ விஹரதி
ஸப்³ப³பாணபூ⁴தஹிதானுகம்பீ, ப்³யாபாத³பதோ³ஸா சித்தங் பரிஸோதே⁴தி;
தி²னமித்³த⁴ங் [தீ²னமித்³த⁴ங் (ஸீ॰ ஸ்யா॰ கங்॰ பீ॰)]
பஹாய விக³ததி²னமித்³தோ⁴ விஹரதி ஆலோகஸஞ்ஞீ ஸதோ ஸம்பஜானோ, தி²னமித்³தா⁴
சித்தங் பரிஸோதே⁴தி; உத்³த⁴ச்சகுக்குச்சங் பஹாய அனுத்³த⁴தோ விஹரதி
அஜ்ஜ²த்தங் வூபஸந்தசித்தோ, உத்³த⁴ச்சகுக்குச்சா சித்தங் பரிஸோதே⁴தி;
விசிகிச்ச²ங் பஹாய திண்ணவிசிகிச்சோ² விஹரதி அகத²ங்கதீ² குஸலேஸு த⁴ம்மேஸு,
விசிகிச்சா²ய சித்தங் பரிஸோதே⁴தி.

76. ‘‘ஸோ
இமே பஞ்ச நீவரணே பஹாய சேதஸோ உபக்கிலேஸே பஞ்ஞாய து³ப்³ப³லீகரணே விவிச்சேவ
காமேஹி விவிச்ச அகுஸலேஹி த⁴ம்மேஹி ஸவிதக்கங் ஸவிசாரங் விவேகஜங் பீதிஸுக²ங்
பட²மங் ஜா²னங் உபஸம்பஜ்ஜ விஹரதி. விதக்கவிசாரானங்
வூபஸமா அஜ்ஜ²த்தங் ஸம்பஸாத³னங்…பே॰… து³தியங் ஜா²னங் உபஸம்பஜ்ஜ விஹரதி.
பீதியா ச விராகா³… ததியங் ஜா²னங் உபஸம்பஜ்ஜ விஹரதி. ஸுக²ஸ்ஸ ச பஹானா…
சதுத்த²ங் ஜா²னங் உபஸம்பஜ்ஜ விஹரதி.

‘‘யே கோ² தே, ப்³ராஹ்மண, பி⁴க்கூ² ஸெக்கா² [ஸேகா² (ஸப்³ப³த்த²)] அபத்தமானஸா அனுத்தரங் யோக³க்கே²மங் பத்த²யமானா விஹரந்தி
தேஸு மே அயங் ஏவரூபீ அனுஸாஸனீ ஹோதி. யே பன தே பி⁴க்கூ² அரஹந்தோ கீ²ணாஸவா
வுஸிதவந்தோ கதகரணீயா ஓஹிதபா⁴ரா அனுப்பத்தஸத³த்தா² பரிக்கீ²ணப⁴வஸங்யோஜனா
ஸம்மத³ஞ்ஞா விமுத்தா தேஸங் இமே த⁴ம்மா தி³ட்ட²த⁴ம்மஸுக²விஹாராய சேவ
ஸங்வத்தந்தி, ஸதிஸம்பஜஞ்ஞாய சா’’தி.

ஏவங் வுத்தே, க³ணகமொக்³க³ல்லானோ ப்³ராஹ்மணோ ப⁴க³வந்தங்
ஏதத³வோச – ‘‘கிங் நு கோ² போ⁴தோ கோ³தமஸ்ஸ ஸாவகா போ⁴தா கோ³தமேன ஏவங்
ஓவதீ³யமானா ஏவங் அனுஸாஸீயமானா ஸப்³பே³ அச்சந்தங் நிட்ட²ங் நிப்³பா³னங்
ஆராதெ⁴ந்த்ந்த்தி உதா³ஹு ஏகச்சே நாராதெ⁴ந்தீ’’தி? ‘‘அப்பேகச்சே கோ²,
ப்³ராஹ்மண, மம ஸாவகா மயா ஏவங் ஓவதீ³யமானா ஏவங் அனுஸாஸீயமானா அச்சந்தங் நிட்ட²ங் நிப்³பா³னங் ஆராதெ⁴ந்தி, ஏகச்சே நாராதெ⁴ந்தீ’’தி.

‘‘கோ நு கோ², போ⁴ கோ³தம, ஹேது கோ பச்சயோ யங் திட்ட²தேவ
நிப்³பா³னங், திட்ட²தி நிப்³பா³னகா³மீ மக்³கோ³, திட்ட²தி ப⁴வங் கோ³தமோ
ஸமாத³பேதா; அத² ச பன போ⁴தோ கோ³தமஸ்ஸ ஸாவகா போ⁴தா கோ³தமேன ஏவங் ஓவதீ³யமானா
ஏவங் அனுஸாஸீயமானா அப்பேகச்சே அச்சந்தங் நிட்ட²ங் நிப்³பா³னங் ஆராதெ⁴ந்தி,
ஏகச்சே நாராதெ⁴ந்தீ’’தி?

77. ‘‘தேன ஹி, ப்³ராஹ்மண, தங்யேவெத்த² படிபுச்சி²ஸ்ஸாமி. யதா² தே க²மெய்ய ததா² நங் ப்³யாகரெய்யாஸி. தங் கிங் மஞ்ஞஸி ,
ப்³ராஹ்மண, குஸலோ த்வங் ராஜக³ஹகா³மிஸ்ஸ மக்³க³ஸ்ஸா’’தி? ‘‘ஏவங், போ⁴,
குஸலோ அஹங் ராஜக³ஹகா³மிஸ்ஸ மக்³க³ஸ்ஸா’’தி. ‘‘தங் கிங் மஞ்ஞஸி, ப்³ராஹ்மண,
இத⁴ புரிஸோ ஆக³ச்செ²ய்ய ராஜக³ஹங் க³ந்துகாமோ. ஸோ தங் உபஸங்கமித்வா ஏவங்
வதெ³ய்ய – ‘இச்சா²மஹங், ப⁴ந்தே, ராஜக³ஹங் க³ந்துங்; தஸ்ஸ மே ராஜக³ஹஸ்ஸ
மக்³க³ங் உபதி³ஸா’தி. தமேனங் த்வங் ஏவங் வதெ³ய்யாஸி – ‘ஏஹம்போ⁴ [ஏவங் போ⁴ (ஸீ॰ பீ॰)]
புரிஸ, அயங் மக்³கோ³ ராஜக³ஹங் க³ச்ச²தி. தேன முஹுத்தங் க³ச்ச², தேன
முஹுத்தங் க³ந்த்வா த³க்கி²ஸ்ஸஸி அமுகங் நாம கா³மங், தேன முஹுத்தங் க³ச்ச²,
தேன முஹுத்தங் க³ந்த்வா த³க்கி²ஸ்ஸஸி அமுகங் நாம நிக³மங்; தேன முஹுத்தங்
க³ச்ச², தேன முஹுத்தங் க³ந்த்வா த³க்கி²ஸ்ஸஸி ராஜக³ஹஸ்ஸ ஆராமராமணெய்யகங்
வனராமணெய்யகங் பூ⁴மிராமணெய்யகங் பொக்க²ரணீராமணெய்யக’ந்தி. ஸோ தயா ஏவங்
ஓவதீ³யமானோ ஏவங் அனுஸாஸீயமானோ உம்மக்³க³ங் க³ஹெத்வா பச்சா²முகோ²
க³ச்செ²ய்ய. அத² து³தியோ புரிஸோ ஆக³ச்செ²ய்ய ராஜக³ஹங் க³ந்துகாமோ. ஸோ தங்
உபஸங்கமித்வா ஏவங் வதெ³ய்ய – ‘இச்சா²மஹங், ப⁴ந்தே, ராஜக³ஹங் க³ந்துங்; தஸ்ஸ
மே ராஜக³ஹஸ்ஸ மக்³க³ங் உபதி³ஸா’தி. தமேனங் த்வங் ஏவங் வதெ³ய்யாஸி –
‘ஏஹம்போ⁴ புரிஸ, அயங் மக்³கோ³ ராஜக³ஹங் க³ச்ச²தி. தேன முஹுத்தங் க³ச்ச²,
தேன முஹுத்தங் க³ந்த்வா த³க்கி²ஸ்ஸஸி அமுகங் நாம
கா³மங்; தேன முஹுத்தங் க³ச்ச², தேன முஹுத்தங் க³ந்த்வா த³க்கி²ஸ்ஸஸி அமுகங்
நாம நிக³மங்; தேன முஹுத்தங் க³ச்ச², தேன முஹுத்தங் க³ந்த்வா த³க்கி²ஸ்ஸஸி
ராஜக³ஹஸ்ஸ ஆராமராமணெய்யகங் வனராமணெய்யகங்
பூ⁴மிராமணெய்யகங் பொக்க²ரணீராமணெய்யக’ந்தி. ஸோ தயா ஏவங் ஓவதீ³யமானோ ஏவங்
அனுஸாஸீயமானோ ஸொத்தி²னா ராஜக³ஹங் க³ச்செ²ய்ய. கோ நு கோ², ப்³ராஹ்மண, ஹேது
கோ பச்சயோ யங் திட்ட²தேவ ராஜக³ஹங் , திட்ட²தி
ராஜக³ஹகா³மீ மக்³கோ³, திட்ட²ஸி த்வங் ஸமாத³பேதா; அத² ச பன தயா ஏவங்
ஓவதீ³யமானோ ஏவங் அனுஸாஸீயமானோ ஏகோ புரிஸோ உம்மக்³க³ங் க³ஹெத்வா பச்சா²முகோ²
க³ச்செ²ய்ய, ஏகோ ஸொத்தி²னா ராஜக³ஹங் க³ச்செ²ய்யா’’தி? ‘‘எத்த² க்யாஹங், போ⁴ கோ³தம, கரோமி? மக்³க³க்கா²யீஹங், போ⁴ கோ³தமா’’தி.

‘‘ஏவமேவ கோ², ப்³ராஹ்மண, திட்ட²தேவ நிப்³பா³னங்,
திட்ட²தி நிப்³பா³னகா³மீ மக்³கோ³, திட்டா²மஹங் ஸமாத³பேதா; அத² ச பன மம
ஸாவகா மயா ஏவங் ஓவதீ³யமானா ஏவங் அனுஸாஸீயமானா அப்பேகச்சே அச்சந்தங்
நிட்ட²ங் நிப்³பா³னங் ஆராதெ⁴ந்தி, ஏகச்சே நாராதெ⁴ந்தி. எத்த² க்யாஹங்,
ப்³ராஹ்மண, கரோமி? மக்³க³க்கா²யீஹங், ப்³ராஹ்மண, ததா²க³தோ’’தி.

78.
ஏவங் வுத்தே, க³ணகமொக்³க³ல்லானோ ப்³ராஹ்மணோ ப⁴க³வந்தங் ஏதத³வோச – ‘‘யேமே,
போ⁴ கோ³தம, புக்³க³லா அஸ்ஸத்³தா⁴ ஜீவிகத்தா² ந ஸத்³தா⁴ அகா³ரஸ்மா
அனகா³ரியங் பப்³ப³ஜிதா ஸடா² மாயாவினோ கேதபி³னோ [கேடுபி⁴னோ (ஸீ॰ ஸ்யா॰ கங்॰ பீ॰)]
உத்³த⁴தா உன்னளா சபலா முக²ரா விகிண்ணவாசா இந்த்³ரியேஸு அகு³த்தத்³வாரா
போ⁴ஜனே அமத்தஞ்ஞுனோ ஜாக³ரியங் அனநுயுத்தா ஸாமஞ்ஞே அனபெக்க²வந்தோ ஸிக்கா²ய ந
திப்³ப³கா³ரவா பா³ஹுலிகா [பா³ஹுல்லிகா (ஸ்யா॰ கங்॰)] ஸாத²லிகா ஓக்கமனே புப்³ப³ங்க³மா பவிவேகே நிக்கி²த்தது⁴ரா குஸீதா ஹீனவீரியா முட்ட²ஸ்ஸதினோ அஸம்பஜானா அஸமாஹிதா விப்³ப⁴ந்தசித்தா து³ப்பஞ்ஞா ஏளமூகா³, ந தேஹி ப⁴வங் கோ³தமோ ஸத்³தி⁴ங் ஸங்வஸதி’’.

‘‘யே பன தே குலபுத்தா ஸத்³தா⁴ அகா³ரஸ்மா அனகா³ரியங்
பப்³ப³ஜிதா அஸடா² அமாயாவினோ அகேதபி³னோ அனுத்³த⁴தா அனுன்னளா அசபலா அமுக²ரா
அவிகிண்ணவாசா இந்த்³ரியேஸு கு³த்தத்³வாரா போ⁴ஜனே மத்தஞ்ஞுனோ ஜாக³ரியங்
அனுயுத்தா ஸாமஞ்ஞே அபெக்க²வந்தோ ஸிக்கா²ய திப்³ப³கா³ரவா நபா³ஹுலிகா
நஸாத²லிகா ஓக்கமனே நிக்கி²த்தது⁴ரா பவிவேகே புப்³ப³ங்க³மா ஆரத்³த⁴வீரியா
பஹிதத்தா உபட்டி²தஸ்ஸதினோ ஸம்பஜானா ஸமாஹிதா ஏகக்³க³சித்தா பஞ்ஞவந்தோ
அனேளமூகா³, தேஹி ப⁴வங் கோ³தமோ ஸத்³தி⁴ங் ஸங்வஸதி.

‘‘ஸெய்யதா²பி , போ⁴ கோ³தம, யே
கேசி மூலக³ந்தா⁴, காலானுஸாரி தேஸங் அக்³க³மக்கா²யதி; யே கேசி ஸாரக³ந்தா⁴,
லோஹிதசந்த³னங் தேஸங் அக்³க³மக்கா²யதி; யே கேசி புப்ப²க³ந்தா⁴, வஸ்ஸிகங் தேஸங் அக்³க³மக்கா²யதி; ஏவமேவ போ⁴தோ கோ³தமஸ்ஸ ஓவாதோ³ பரமஜ்ஜத⁴ம்மேஸு.

‘‘அபி⁴க்கந்தங் , போ⁴ கோ³தம,
அபி⁴க்கந்தங், போ⁴ கோ³தம! ஸெய்யதா²பி, போ⁴ கோ³தம, நிக்குஜ்ஜிதங் வா
உக்குஜ்ஜெய்ய, படிச்ச²ன்னங் வா விவரெய்ய, மூள்ஹஸ்ஸ வா மக்³க³ங்
ஆசிக்கெ²ய்ய, அந்த⁴காரே வா தேலபஜ்ஜோதங் தா⁴ரெய்ய – ‘சக்கு²மந்தோ ரூபானி
த³க்க²ந்தீ’தி; ஏவமேவங் போ⁴தா கோ³தமேன அனேகபரியாயேன த⁴ம்மோ பகாஸிதோ. ஏஸாஹங்
ப⁴வந்தங் கோ³தமங் ஸரணங் க³ச்சா²மி த⁴ம்மஞ்ச பி⁴க்கு²ஸங்க⁴ஞ்ச. உபாஸகங் மங்
ப⁴வங் கோ³தமோ தா⁴ரேது அஜ்ஜதக்³கே³ பாணுபேதங் ஸரணங் க³த’’ந்தி.

க³ணகமொக்³க³ல்லானஸுத்தங் நிட்டி²தங் ஸத்தமங்.

8. கோ³பகமொக்³க³ல்லானஸுத்தங்

79. ஏவங்
மே ஸுதங் – ஏகங் ஸமயங் ஆயஸ்மா ஆனந்தோ³ ராஜக³ஹே விஹரதி வேளுவனே
கலந்த³கனிவாபே அசிரபரினிப்³பு³தே ப⁴க³வதி. தேன கோ² பன ஸமயேன ராஜா மாக³தோ⁴
அஜாதஸத்து வேதே³ஹிபுத்தோ ராஜக³ஹங் படிஸங்கா²ராபேதி ரஞ்ஞோ பஜ்ஜோதஸ்ஸ
ஆஸங்கமானோ. அத² கோ² ஆயஸ்மா ஆனந்தோ³ புப்³ப³ண்ஹஸமயங் நிவாஸெத்வா
பத்தசீவரமாதா³ய ராஜக³ஹங் பிண்டா³ய பாவிஸி. அத² கோ² ஆயஸ்மதோ ஆனந்த³ஸ்ஸ
ஏதத³ஹோஸி – ‘‘அதிப்பகோ³ கோ² தாவ ராஜக³ஹே பிண்டா³ய சரிதுங். யங்னூனாஹங் யேன
கோ³பகமொக்³க³ல்லானஸ்ஸ ப்³ராஹ்மணஸ்ஸ கம்மந்தோ, யேன கோ³பகமொக்³க³ல்லானோ
ப்³ராஹ்மணோ தேனுபஸங்கமெய்ய’’ந்தி.

அத² கோ² ஆயஸ்மா ஆனந்தோ³ யேன கோ³பகமொக்³க³ல்லானஸ்ஸ
ப்³ராஹ்மணஸ்ஸ கம்மந்தோ, யேன கோ³பகமொக்³க³ல்லானோ ப்³ராஹ்மணோ தேனுபஸங்கமி.
அத்³த³ஸா கோ² கோ³பகமொக்³க³ல்லானோ ப்³ராஹ்மணோ ஆயஸ்மந்தங் ஆனந்த³ங் தூ³ரதோவ
ஆக³ச்ச²ந்தங். தி³ஸ்வான ஆயஸ்மந்தங் ஆனந்த³ங் ஏதத³வோச – ‘‘ஏது கோ² ப⁴வங்
ஆனந்தோ³. ஸ்வாக³தங் போ⁴தோ ஆனந்த³ஸ்ஸ. சிரஸ்ஸங் கோ² ப⁴வங் ஆனந்தோ³ இமங்
பரியாயமகாஸி யதி³த³ங் இதா⁴க³மனாய. நிஸீத³து ப⁴வங் ஆனந்தோ³, இத³மாஸனங்
பஞ்ஞத்த’’ந்தி. நிஸீதி³ கோ² ஆயஸ்மா ஆனந்தோ³ பஞ்ஞத்தே ஆஸனே.
கோ³பகமொக்³க³ல்லானோபி கோ² ப்³ராஹ்மணோ அஞ்ஞதரங் நீசங் ஆஸனங் க³ஹெத்வா ஏகமந்தங் நிஸீதி³. ஏகமந்தங் நிஸின்னோ கோ² கோ³பகமொக்³க³ல்லானோ ப்³ராஹ்மணோ ஆயஸ்மந்தங் ஆனந்த³ங் ஏதத³வோச – ‘‘அத்தி² நு கோ², போ⁴ ஆனந்த³, ஏகபி⁴க்கு²பி தேஹி
த⁴ம்மேஹி ஸப்³பே³னஸப்³ப³ங் ஸப்³ப³தா²ஸப்³ப³ங் ஸமன்னாக³தோ யேஹி த⁴ம்மேஹி
ஸமன்னாக³தோ ஸோ ப⁴வங் கோ³தமோ அஹோஸி அரஹங் ஸம்மாஸம்பு³த்³தோ⁴’’தி? ‘‘நத்தி²
கோ², ப்³ராஹ்மண, ஏகபி⁴க்கு²பி தேஹி த⁴ம்மேஹி ஸப்³பே³னஸப்³ப³ங்
ஸப்³ப³தா²ஸப்³ப³ங் ஸமன்னாக³தோ யேஹி த⁴ம்மேஹி ஸமன்னாக³தோ ஸோ ப⁴க³வா அஹோஸி
அரஹங் ஸம்மாஸம்பு³த்³தோ⁴. ஸோ ஹி, ப்³ராஹ்மண, ப⁴க³வா அனுப்பன்னஸ்ஸ மக்³க³ஸ்ஸ
உப்பாதே³தா, அஸஞ்ஜாதஸ்ஸ மக்³க³ஸ்ஸ ஸஞ்ஜனேதா, அனக்கா²தஸ்ஸ மக்³க³ஸ்ஸ
அக்கா²தா, மக்³க³ஞ்ஞூ, மக்³க³விதூ³, மக்³க³கோவிதோ³; மக்³கா³னுகா³ ச பன
ஏதரஹி ஸாவகா விஹரந்தி பச்சா² ஸமன்னாக³தா’’தி. அயஞ்ச ஹித³ங் ஆயஸ்மதோ
ஆனந்த³ஸ்ஸ கோ³பகமொக்³க³ல்லானேன ப்³ராஹ்மணேன ஸத்³தி⁴ங் அந்தராகதா² விப்பகதா
அஹோஸி.

அத² கோ² வஸ்ஸகாரோ ப்³ராஹ்மணோ
மக³த⁴மஹாமத்தோ ராஜக³ஹே கம்மந்தே அனுஸஞ்ஞாயமானோ யேன கோ³பகமொக்³க³ல்லானஸ்ஸ
ப்³ராஹ்மணஸ்ஸ கம்மந்தோ, யேனாயஸ்மா ஆனந்தோ³ தேனுபஸங்கமி; உபஸங்கமித்வா
ஆயஸ்மதா ஆனந்தே³ன ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங்
வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² வஸ்ஸகாரோ ப்³ராஹ்மணோ
மக³த⁴மஹாமத்தோ ஆயஸ்மந்தங் ஆனந்த³ங் ஏதத³வோச – ‘‘காயனுத்த², போ⁴ ஆனந்த³,
ஏதரஹி கதா²ய ஸன்னிஸின்னா, கா ச பன வோ அந்தராகதா² விப்பகதா’’தி? ‘‘இத⁴ மங்,
ப்³ராஹ்மண, கோ³பகமொக்³க³ல்லானோ ப்³ராஹ்மணோ ஏவமாஹ –
‘அத்தி² நு கோ², போ⁴ ஆனந்த³, ஏகபி⁴க்கு²பி தேஹி த⁴ம்மேஹி ஸப்³பே³னஸப்³ப³ங்
ஸப்³ப³தா²ஸப்³ப³ங் ஸமன்னாக³தோ யேஹி த⁴ம்மேஹி ஸமன்னாக³தோ ஸோ ப⁴வங் கோ³தமோ
அஹோஸி அரஹங் ஸம்மாஸம்பு³த்³தோ⁴’தி. ஏவங் வுத்தே அஹங், ப்³ராஹ்மண,
கோ³பகமொக்³க³ல்லானங் ப்³ராஹ்மணங் ஏதத³வோசங் – ‘நத்தி² கோ², ப்³ராஹ்மண,
ஏகபி⁴க்கு²பி தேஹி த⁴ம்மேஹி ஸப்³பே³னஸப்³ப³ங் ஸப்³ப³தா²ஸப்³ப³ங் ஸமன்னாக³தோ
யேஹி த⁴ம்மேஹி ஸமன்னாக³தோ ஸோ ப⁴க³வா அஹோஸி அரஹங் ஸம்மாஸம்பு³த்³தோ⁴. ஸோ
ஹி, ப்³ராஹ்மண, ப⁴க³வா அனுப்பன்னஸ்ஸ மக்³க³ஸ்ஸ உப்பாதே³தா, அஸஞ்ஜாதஸ்ஸ
மக்³க³ஸ்ஸ ஸஞ்ஜனேதா, அனக்கா²தஸ்ஸ மக்³க³ஸ்ஸ அக்கா²தா, மக்³க³ஞ்ஞூ,
மக்³க³விதூ³, மக்³க³கோவிதோ³; மக்³கா³னுகா³ ச பன ஏதரஹி ஸாவகா விஹரந்தி
பச்சா² ஸமன்னாக³தா’தி. அயங் கோ² நோ, ப்³ராஹ்மண, கோ³பகமொக்³க³ல்லானேன
ப்³ராஹ்மணேன ஸத்³தி⁴ங் அந்தராகதா² விப்பகதா. அத² த்வங் அனுப்பத்தோ’’தி.

80.
‘‘அத்தி² நு கோ², போ⁴ ஆனந்த³, ஏகபி⁴க்கு²பி தேன போ⁴தா கோ³தமேன ட²பிதோ –
‘அயங் வோ மமச்சயேன படிஸரணங் ப⁴விஸ்ஸதீ’தி, யங் தும்ஹே ஏதரஹி படிபாதெ³ய்யாதா²’’தி [படிதா⁴வெய்யாதா²தி (ஸீ॰ ஸ்யா॰ கங்॰ பீ॰)]?
‘‘நத்தி² கோ², ப்³ராஹ்மண, ஏகபி⁴க்கு²பி தேன ப⁴க³வதா ஜானதா பஸ்ஸதா அரஹதா
ஸம்மாஸம்பு³த்³தே⁴ன ட²பிதோ – ‘அயங் வோ மமச்சயேன படிஸரணங் ப⁴விஸ்ஸதீ’தி, யங்
மயங் ஏதரஹி படிபாதெ³ய்யாமா’’தி. ‘‘அத்தி² பன, போ⁴ ஆனந்த³, ஏகபி⁴க்கு²பி
ஸங்கே⁴ன ஸம்மதோ, ஸம்ப³ஹுலேஹி தே²ரேஹி பி⁴க்கூ²ஹி
ட²பிதோ – ‘அயங் நோ ப⁴க³வதோ அச்சயேன படிஸரணங் ப⁴விஸ்ஸதீ’தி, யங் தும்ஹே
ஏதரஹி படிபாதெ³ய்யாதா²’’தி? ‘‘நத்தி² கோ², ப்³ராஹ்மண, ஏகபி⁴க்கு²பி ஸங்கே⁴ன
ஸம்மதோ, ஸம்ப³ஹுலேஹி தே²ரேஹி பி⁴க்கூ²ஹி ட²பிதோ – ‘அயங் நோ ப⁴க³வதோ
அச்சயேன படிஸரணங் ப⁴விஸ்ஸதீ’தி, யங் மயங் ஏதரஹி படிபாதெ³ய்யாமா’’தி. ‘‘ஏவங்
அப்படிஸரணே ச பன, போ⁴ ஆனந்த³, கோ ஹேது ஸாமக்³கி³யா’’தி? ‘‘ந கோ² மயங்,
ப்³ராஹ்மண, அப்படிஸரணா; ஸப்படிஸரணா மயங், ப்³ராஹ்மண; த⁴ம்மப்படிஸரணா’’தி.

‘‘‘அத்தி² நு கோ², போ⁴ ஆனந்த³,
ஏகபி⁴க்கு²பி தேன போ⁴தா கோ³தமேன ட²பிதோ – அயங் வோ மமச்சயேன படிஸரணங்
ப⁴விஸ்ஸதீதி, யங் தும்ஹே ஏதரஹி படிபாதெ³ய்யாதா²’தி – இதி புட்டோ² ஸமானோ
‘நத்தி² கோ², ப்³ராஹ்மண, ஏகபி⁴க்கு²பி தேன ப⁴க³வதா ஜானதா பஸ்ஸதா அரஹதா
ஸம்மாஸம்பு³த்³தே⁴ன ட²பிதோ – அயங் வோ மமச்சயேன படிஸரணங் ப⁴விஸ்ஸதீதி, யங்
மயங் ஏதரஹி படிபாதெ³ய்யாமா’தி வதே³ஸி; ‘அத்தி² பன, போ⁴ ஆனந்த³,
ஏகபி⁴க்கு²பி ஸங்கே⁴ன ஸம்மதோ, ஸம்ப³ஹுலேஹி தே²ரேஹி பி⁴க்கூ²ஹி ட²பிதோ –
அயங் நோ ப⁴க³வதோ அச்சயேன படிஸரணங் ப⁴விஸ்ஸதீதி, யங் தும்ஹே ஏதரஹி
படிபாதெ³ய்யாதா²’தி – இதி புட்டோ² ஸமானோ ‘நத்தி² கோ², ப்³ராஹ்மண,
ஏகபி⁴க்கு²பி ஸங்கே⁴ன ஸம்மதோ, ஸம்ப³ஹுலேஹி தே²ரேஹி பி⁴க்கூ²ஹி
ட²பிதோ – அயங் நோ ப⁴க³வதோ அச்சயேன படிஸரணங் ப⁴விஸ்ஸதீதி, யங் மயங் ஏதரஹி
படிபாதெ³ய்யாமா’தி – வதே³ஸி; ‘ஏவங் அப்படிஸரணே ச பன, போ⁴ ஆனந்த³, கோ ஹேது
ஸாமக்³கி³யா’தி இதி புட்டோ² ஸமானோ ‘ந கோ² மயங், ப்³ராஹ்மண ,
அப்படிஸரணா; ஸப்படிஸரணா மயங், ப்³ராஹ்மண; த⁴ம்மப்படிஸரணா’தி வதே³ஸி. இமஸ்ஸ
பன, போ⁴ ஆனந்த³, பா⁴ஸிதஸ்ஸ கத²ங் அத்தோ² த³ட்ட²ப்³போ³’’தி?

81.
‘‘அத்தி² கோ², ப்³ராஹ்மண, தேன ப⁴க³வதா ஜானதா பஸ்ஸதா அரஹதா
ஸம்மாஸம்பு³த்³தே⁴ன பி⁴க்கூ²னங் ஸிக்கா²பத³ங் பஞ்ஞத்தங், பாதிமொக்க²ங்
உத்³தி³ட்ட²ங். தே மயங் தத³ஹுபோஸதே² யாவதிகா ஏகங் கா³மகெ²த்தங் உபனிஸ்ஸாய
விஹராம தே ஸப்³பே³ ஏகஜ்ஜ²ங் ஸன்னிபதாம;
ஸன்னிபதித்வா யஸ்ஸ தங் பவத்ததி தங் அஜ்ஜே²ஸாம. தஸ்மிங் சே ப⁴ஞ்ஞமானே ஹோதி
பி⁴க்கு²ஸ்ஸ ஆபத்தி ஹோதி வீதிக்கமோ தங் மயங் யதா²த⁴ம்மங் யதா²னுஸிட்ட²ங்
காரேமாதி.

‘‘ந கிர நோ ப⁴வந்தோ காரெந்தி; த⁴ம்மோ நோ காரேதி’’.
‘‘அத்தி² நு கோ², போ⁴ ஆனந்த³, ஏகபி⁴க்கு²பி யங் தும்ஹே ஏதரஹி ஸக்கரோத²
க³ருங் கரோத² [க³ருகரோத² (ஸீ॰ ஸ்யா॰ கங்॰ பீ॰)] மானேத² பூஜேத²; ஸக்கத்வா க³ருங் கத்வா [க³ருகத்வா (ஸீ॰ ஸ்யா॰ கங்॰ பீ॰)]
உபனிஸ்ஸாய விஹரதா²’’தி? ‘‘நத்தி² கோ², ப்³ராஹ்மண, ஏகபி⁴க்கு²பி யங் மயங்
ஏதரஹி ஸக்கரோம க³ருங் கரோம மானேம பூஜேம; ஸக்கத்வா க³ருங் கத்வா உபனிஸ்ஸாய
விஹராமா’’தி.

‘‘‘அத்தி² நு கோ², போ⁴ ஆனந்த³, ஏகபி⁴க்கு²பி தேன போ⁴தா
கோ³தமேன ட²பிதோ – அயங் வோ மமச்சயேன படிஸரணங் ப⁴விஸ்ஸதீதி யங் தும்ஹே ஏதரஹி
படிபாதெ³ய்யாதா²’தி – இதி புட்டோ² ஸமானோ ‘நத்தி² கோ², ப்³ராஹ்மண,
ஏகபி⁴க்கு²பி தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன ட²பிதோ –
அயங் வோ மமச்சயேன படிஸரணங் ப⁴விஸ்ஸதீதி யங் மயங் ஏதரஹி படிபாதெ³ய்யாமா’தி வதே³ஸி; ‘அத்தி² பன, போ⁴ ஆனந்த³, ஏகபி⁴க்கு²பி ஸங்கே⁴ன
ஸம்மதோ, ஸம்ப³ஹுலேஹி தே²ரேஹி பி⁴க்கூ²ஹி ட²பிதோ – அயங் நோ ப⁴க³வதோ அச்சயேன
படிஸரணங் ப⁴விஸ்ஸதீதி யங் தும்ஹே ஏதரஹி படிபாதெ³ய்யாதா²’தி
– இதி புட்டோ² ஸமானோ ‘நத்தி² கோ², ப்³ராஹ்மண, ஏகபி⁴க்கு²பி ஸங்கே⁴ன
ஸம்மதோ, ஸம்ப³ஹுலேஹி தே²ரேஹி பி⁴க்கூ²ஹி ட²பிதோ – அயங் நோ ப⁴க³வதோ அச்சயேன
படிஸரணங் ப⁴விஸ்ஸதீதி யங் மயங் ஏதரஹி படிபாதெ³ய்யாமா’தி வதே³ஸி; ‘அத்தி² நு
கோ², போ⁴ ஆனந்த³, ஏகபி⁴க்கு²பி யங் தும்ஹே ஏதரஹி ஸக்கரோத² க³ருங் கரோத²
மானேத² பூஜேத²; ஸக்கத்வா க³ருங் கத்வா உபனிஸ்ஸாய விஹரதா²’தி – இதி புட்டோ²
ஸமானோ ‘நத்தி² கோ², ப்³ராஹ்மண, ஏகபி⁴க்கு²பி யங் மயங் ஏதரஹி ஸக்கரோம க³ருங்
கரோம மானேம பூஜேம; ஸக்கத்வா க³ருங் கத்வா உபனிஸ்ஸாய விஹராமா’தி வதே³ஸி.
இமஸ்ஸ பன, போ⁴ ஆனந்த³, பா⁴ஸிதஸ்ஸ கத²ங் அத்தோ² த³ட்ட²ப்³போ³’’தி?

82.
‘‘அத்தி² கோ², ப்³ராஹ்மண, தேன ப⁴க³வதா ஜானதா பஸ்ஸதா அரஹதா
ஸம்மாஸம்பு³த்³தே⁴ன த³ஸ பஸாத³னீயா த⁴ம்மா அக்கா²தா. யஸ்மிங் நோ இமே த⁴ம்மா
ஸங்விஜ்ஜந்தி தங் மயங் ஏதரஹி ஸக்கரோம க³ருங் கரோம மானேம பூஜேம; ஸக்கத்வா
க³ருங் கத்வா உபனிஸ்ஸாய விஹராம. கதமே த³ஸ?

‘‘இத⁴ , ப்³ராஹ்மண, பி⁴க்கு²
ஸீலவா ஹோதி, பாதிமொக்க²ஸங்வரஸங்வுதோ விஹரதி ஆசாரகோ³சரஸம்பன்னோ, அணுமத்தேஸு
வஜ்ஜேஸு ப⁴யத³ஸ்ஸாவீ, ஸமாதா³ய ஸிக்க²தி ஸிக்கா²பதே³ஸு.

‘‘ப³ஹுஸ்ஸுதோ ஹோதி ஸுதத⁴ரோ ஸுதஸன்னிசயோ. யே தே த⁴ம்மா ஆதி³கல்யாணா, மஜ்ஜே²கல்யாணா, பரியோஸானகல்யாணா, ஸாத்த²ங், ஸப்³யஞ்ஜனங் [ஸாத்தா² ஸப்³யஞ்ஜனா (ஸீ॰ ஸ்யா॰ கங்॰)], கேவலபரிபுண்ணங் பரிஸுத்³த⁴ங் ப்³ரஹ்மசரியங் அபி⁴வத³ந்த்ந்த்தி ததா²ரூபாஸ்ஸ த⁴ம்மா ப³ஹுஸ்ஸுதா ஹொந்தி தா⁴தா [த⁴தா (ஸீ॰ ஸ்யா॰ கங்॰ பீ॰)] வசஸா பரிசிதா மனஸானுபெக்கி²தா தி³ட்டி²யா ஸுப்படிவித்³தா⁴.

‘‘ஸந்துட்டோ² ஹோதி ( ) [(இதரீதரேஹி) தீ³॰ நி॰ 3.345] சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரேஹி.

‘‘அனேகவிஹிதங் இத்³தி⁴வித⁴ங் பச்சனுபோ⁴தி – ஏகோபி ஹுத்வா ப³ஹுதா⁴ ஹோதி, ப³ஹுதா⁴பி ஹுத்வா ஏகோ ஹோதி; ஆவிபா⁴வங் திரோபா⁴வங்; திரோகுட்டங் [திரோகுட்³ட³ங் (ஸீ॰ ஸ்யா॰ கங்॰ பீ॰)]
திரோபாகாரங் திரோபப்³ப³தங் அஸஜ்ஜமானோ க³ச்ச²தி, ஸெய்யதா²பி ஆகாஸே;
பத²வியாபி உம்முஜ்ஜனிமுஜ்ஜங் கரோதி, ஸெய்யதா²பி உத³கே; உத³கேபி அபி⁴ஜ்ஜமானே
க³ச்ச²தி, ஸெய்யதா²பி பத²வியங்; ஆகாஸேபி பல்லங்கேன கமதி, ஸெய்யதா²பி பக்கீ² ஸகுணோ; இமேபி சந்தி³மஸூரியே ஏவங்மஹித்³தி⁴கே ஏவங்மஹானுபா⁴வே பாணினா பரிமஸதி [பராமஸதி (க॰)] பரிமஜ்ஜதி, யாவ ப்³ரஹ்மலோகாபி காயேன வஸங் வத்தேதி.

‘‘தி³ப்³பா³ய ஸோததா⁴துயா விஸுத்³தா⁴ய அதிக்கந்தமானுஸிகாய உபோ⁴ ஸத்³தே³ ஸுணாதி – தி³ப்³பே³ ச மானுஸே ச, யே தூ³ரே ஸந்திகே ச.

‘‘பரஸத்தானங் பரபுக்³க³லானங் சேதஸா சேதோ பரிச்ச
பஜானாதி. ஸராக³ங் வா சித்தங் ‘ஸராக³ங் சித்த’ந்தி பஜானாதி, வீதராக³ங் வா
சித்தங் ‘வீதராக³ங் சித்த’ந்தி பஜானாதி, ஸதோ³ஸங் வா சித்தங் ‘ஸதோ³ஸங்
சித்த’ந்தி பஜானாதி, வீததோ³ஸங் வா சித்தங் ‘வீததோ³ஸங் சித்த’ந்தி பஜானாதி,
ஸமோஹங் வா சித்தங் ‘ஸமோஹங் சித்த’ந்தி பஜானாதி, வீதமோஹங் வா சித்தங்
‘வீதமோஹங் சித்த’ந்தி பஜானாதி, ஸங்கி²த்தங் வா சித்தங் ‘ஸங்கி²த்தங்
சித்த’ந்தி பஜானாதி, விக்கி²த்தங் வா சித்தங் ‘விக்கி²த்தங் சித்த’ந்தி
பஜானாதி , மஹக்³க³தங் வா சித்தங் ‘மஹக்³க³தங்
சித்த’ந்தி பஜானாதி, அமஹக்³க³தங் வா சித்தங் ‘அமஹக்³க³தங் சித்த’ந்தி
பஜானாதி, ஸஉத்தரங் வா சித்தங் ‘ஸஉத்தரங் சித்த’ந்தி பஜானாதி, அனுத்தரங் வா
சித்தங் ‘அனுத்தரங் சித்த’ந்தி பஜானாதி, ஸமாஹிதங் வா சித்தங் ‘ஸமாஹிதங்
சித்த’ந்தி பஜானாதி, அஸமாஹிதங் வா சித்தங் ‘அஸமாஹிதங் சித்த’ந்தி பஜானாதி,
விமுத்தங் வா சித்தங் ‘விமுத்தங் சித்த’ந்தி பஜானாதி, அவிமுத்தங் வா
சித்தங் ‘அவிமுத்தங் சித்த’ந்தி பஜானாதி.

‘‘அனேகவிஹிதங் புப்³பே³னிவாஸங் அனுஸ்ஸரதி,
ஸெய்யதி²த³ங் – ஏகம்பி ஜாதிங் த்³வேபி ஜாதியோ திஸ்ஸோபி ஜாதியோ சதஸ்ஸோபி
ஜாதியோ பஞ்சபி ஜாதியோ த³ஸபி ஜாதியோ வீஸம்பி ஜாதியோ திங்ஸம்பி ஜாதியோ
சத்தாரீஸம்பி ஜாதியோ பஞ்ஞாஸம்பி ஜாதியோ ஜாதிஸதம்பி ஜாதிஸஹஸ்ஸம்பி
ஜாதிஸதஸஹஸ்ஸம்பி அனேகேபி ஸங்வட்டகப்பே அனேகேபி விவட்டகப்பே அனேகேபி
ஸங்வட்டவிவட்டகப்பே – ‘அமுத்ராஸிங் ஏவங்னாமோ ஏவங்கொ³த்தோ ஏவங்வண்ணோ
ஏவமாஹாரோ ஏவங்ஸுக²து³க்க²ப்படிஸங்வேதீ³ ஏவமாயுபரியந்தோ, ஸோ ததோ சுதோ அமுத்ர
உத³பாதி³ங்; தத்ராபாஸிங் ஏவங்னாமோ ஏவங்கொ³த்தோ ஏவங்வண்ணோ ஏவமாஹாரோ
ஏவங்ஸுக²து³க்க²ப்படிஸங்வேதீ³ ஏவமாயுபரியந்தோ, ஸோ ததோ சுதோ இதூ⁴பபன்னோ’தி.
இதி ஸாகாரங் ஸஉத்³தே³ஸங் அனேகவிஹிதங் புப்³பே³னிவாஸங் அனுஸ்ஸரதி.

‘‘தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன
ஸத்தே பஸ்ஸதி சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே, ஸுக³தே
து³க்³க³தே யதா²கம்மூபகே³ ஸத்தே பஜானாதி.

‘‘இமே கோ², ப்³ராஹ்மண, தேன ப⁴க³வதா ஜானதா பஸ்ஸதா அரஹதா
ஸம்மாஸம்பு³த்³தே⁴ன த³ஸ பஸாத³னீயா த⁴ம்மா அக்கா²தா. யஸ்மிங் நோ இமே த⁴ம்மா
ஸங்விஜ்ஜந்தி தங் மயங் ஏதரஹி ஸக்கரோம க³ருங் கரோம மானேம பூஜேம; ஸக்கத்வா
க³ருங் கத்வா உபனிஸ்ஸாய விஹராமா’’தி.

83. ஏவங் வுத்தே வஸ்ஸகாரோ ப்³ராஹ்மணோ மக³த⁴மஹாமத்தோ உபனந்த³ங் ஸேனாபதிங் ஆமந்தேஸி – ‘‘தங் கிங் மஞ்ஞதி ப⁴வங் ஸேனாபதி [மஞ்ஞஸி ஏவங் ஸேனாபதி (ஸ்யா॰ கங்॰ பீ॰), மஞ்ஞஸி ஸேனாபதி (ஸீ॰), மஞ்ஞஸி ப⁴வங் ஸேனாபதி (க॰)] யதி³மே பொ⁴ந்தோ ஸக்காதப்³ப³ங் ஸக்கரொந்தி, க³ருங் காதப்³ப³ங் க³ருங் கரொந்தி, மானேதப்³ப³ங் மானெந்தி , பூஜேதப்³ப³ங் பூஜெந்தி’’? ‘‘தக்³கி⁴மே [தக்³க⁴ மே (க॰)]
பொ⁴ந்தோ ஸக்காதப்³ப³ங் ஸக்கரொந்தி, க³ருங் காதப்³ப³ங் க³ருங் கரொந்தி,
மானேதப்³ப³ங் மானெந்தி, பூஜேதப்³ப³ங் பூஜெந்தி. இமஞ்ச ஹி தே பொ⁴ந்தோ ந
ஸக்கரெய்யுங் ந க³ருங் கரெய்யுங் ந மானெய்யுங் ந பூஜெய்யுங்; அத² கிஞ்சரஹி
தே பொ⁴ந்தோ ஸக்கரெய்யுங் க³ருங் கரெய்யுங் மானெய்யுங் பூஜெய்யுங், ஸக்கத்வா
க³ருங் கத்வா மானெத்வா பூஜெத்வா உபனிஸ்ஸாய விஹரெய்யு’’ந்தி? அத² கோ²
வஸ்ஸகாரோ ப்³ராஹ்மணோ மக³த⁴மஹாமத்தோ ஆயஸ்மந்தங் ஆனந்த³ங் ஏதத³வோச – ‘‘கஹங்
பன ப⁴வங் ஆனந்தோ³ ஏதரஹி விஹரதீ’’தி? ‘‘வேளுவனே கோ²ஹங், ப்³ராஹ்மண, ஏதரஹி
விஹராமீ’’தி. ‘‘கச்சி பன, போ⁴ ஆனந்த³, வேளுவனங் ரமணீயஞ்சேவ அப்பஸத்³த³ஞ்ச
அப்பனிக்³கோ⁴ஸஞ்ச விஜனவாதங் மனுஸ்ஸராஹஸ்ஸெய்யகங் [மனுஸ்ஸராஹஸெய்யகங் (ஸீ॰ ஸ்யா॰ கங்॰ பீ॰)]
படிஸல்லானஸாருப்ப’’ந்தி? ‘‘தக்³க⁴, ப்³ராஹ்மண, வேளுவனங் ரமணீயஞ்சேவ
அப்பஸத்³த³ஞ்ச அப்பனிக்³கோ⁴ஸஞ்ச விஜனவாதங் மனுஸ்ஸராஹஸ்ஸெய்யகங்
படிஸல்லானஸாருப்பங், யதா² தங் தும்ஹாதி³ஸேஹி ரக்க²கேஹி கோ³பகேஹீ’’தி.
‘‘தக்³க⁴, போ⁴ ஆனந்த³, வேளுவனங் ரமணீயஞ்சேவ அப்பஸத்³த³ஞ்ச அப்பனிக்³கோ⁴ஸஞ்ச
விஜனவாதங் மனுஸ்ஸராஹஸ்ஸெய்யகங் படிஸல்லானஸாருப்பங், யதா² தங் ப⁴வந்தேஹி
ஜா²யீஹி ஜா²னஸீலீஹி. ஜா²யினோ சேவ ப⁴வந்தோ ஜா²னஸீலினோ ச’’.

‘‘ஏகமிதா³ஹங் , போ⁴ ஆனந்த³,
ஸமயங் ஸோ ப⁴வங் கோ³தமோ வேஸாலியங் விஹரதி மஹாவனே கூடாகா³ரஸாலாயங். அத²
க்²வாஹங், போ⁴ ஆனந்த³, யேன மஹாவனங் கூடாகா³ரஸாலா யேன ஸோ ப⁴வங் கோ³தமோ
தேனுபஸங்கமிங். தத்ர ச பன ஸோ [தத்ர ச ஸோ (ஸீ॰ பீ॰)]
ப⁴வங் கோ³தமோ அனேகபரியாயேன ஜா²னகத²ங் கதே²ஸி. ஜா²யீ சேவ ஸோ ப⁴வங் கோ³தமோ
அஹோஸி ஜா²னஸீலீ ச. ஸப்³ப³ஞ்ச பன ஸோ ப⁴வங் கோ³தமோ ஜா²னங் வண்ணேஸீ’’தி.

84. ‘‘ந ச கோ², ப்³ராஹ்மண, ஸோ ப⁴க³வா ஸப்³ப³ங் ஜா²னங் வண்ணேஸி, நபி ஸோ ப⁴க³வா ஸப்³ப³ங் ஜா²னங் ந வண்ணேஸீதி. கத²ங் ரூபஞ்ச ,
ப்³ராஹ்மண, ஸோ ப⁴க³வா ஜா²னங் ந வண்ணேஸி? இத⁴, ப்³ராஹ்மண, ஏகச்சோ
காமராக³பரியுட்டி²தேன சேதஸா விஹரதி காமராக³பரேதேன, உப்பன்னஸ்ஸ ச காமராக³ஸ்ஸ
நிஸ்ஸரணங் யதா²பூ⁴தங் நப்பஜானாதி; ஸோ காமராக³ங்யேவ அந்தரங் கரித்வா ஜா²யதி
பஜ்ஜா²யதி நிஜ்ஜா²யதி அபஜ்ஜா²யதி. ப்³யாபாத³பரியுட்டி²தேன சேதஸா விஹரதி
ப்³யாபாத³பரேதேன, உப்பன்னஸ்ஸ ச ப்³யாபாத³ஸ்ஸ நிஸ்ஸரணங் யதா²பூ⁴தங்
நப்பஜானாதி; ஸோ ப்³யாபாத³ங்யேவ அந்தரங் கரித்வா ஜா²யதி பஜ்ஜா²யதி
நிஜ்ஜா²யதி அபஜ்ஜா²யதி. தி²னமித்³த⁴பரியுட்டி²தேன
சேதஸா விஹரதி தி²னமித்³த⁴பரேதேன, உப்பன்னஸ்ஸ ச தி²னமித்³த⁴ஸ்ஸ நிஸ்ஸரணங்
யதா²பூ⁴தங் நப்பஜானாதி; ஸோ தி²னமித்³த⁴ங்யேவ அந்தரங் கரித்வா ஜா²யதி
பஜ்ஜா²யதி நிஜ்ஜா²யதி அபஜ்ஜா²யதி. உத்³த⁴ச்சகுக்குச்சபரியுட்டி²தேன சேதஸா
விஹரதி உத்³த⁴ச்சகுக்குச்சபரேதேன, உப்பன்னஸ்ஸ ச உத்³த⁴ச்சகுக்குச்சஸ்ஸ
நிஸ்ஸரணங் யதா²பூ⁴தங் நப்பஜானாதி; ஸோ உத்³த⁴ச்சகுக்குச்சங்யேவ அந்தரங்
கரித்வா ஜா²யதி பஜ்ஜா²யதி நிஜ்ஜா²யதி அபஜ்ஜா²யதி. விசிகிச்சா²பரியுட்டி²தேன
சேதஸா விஹரதி விசிகிச்சா²பரேதேன, உப்பன்னாய ச விசிகிச்சா²ய நிஸ்ஸரணங்
யதா²பூ⁴தங் நப்பஜானாதி; ஸோ விசிகிச்ச²ங்யேவ அந்தரங் கரித்வா ஜா²யதி
பஜ்ஜா²யதி நிஜ்ஜா²யதி அபஜ்ஜா²யதி. ஏவரூபங் கோ², ப்³ராஹ்மண, ஸோ ப⁴க³வா
ஜா²னங் ந வண்ணேஸி.

‘‘கத²ங் ரூபஞ்ச, ப்³ராஹ்மண, ஸோ ப⁴க³வா ஜா²னங் வண்ணேஸி?
இத⁴, ப்³ராஹ்மண, பி⁴க்கு² விவிச்சேவ காமேஹி விவிச்ச அகுஸலேஹி த⁴ம்மேஹி
ஸவிதக்கங் ஸவிசாரங் விவேகஜங் பீதிஸுக²ங் பட²மங் ஜா²னங் உபஸம்பஜ்ஜ விஹரதி.
விதக்கவிசாரானங் வூபஸமா அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங்
அவிதக்கங் அவிசாரங் ஸமாதி⁴ஜங் பீதிஸுக²ங் து³தியங் ஜா²னங்…பே॰… ததியங்
ஜா²னங்… சதுத்த²ங் ஜா²னங் உபஸம்பஜ்ஜ விஹரதி. ஏவரூபங் கோ², ப்³ராஹ்மண, ஸோ ப⁴க³வா ஜா²னங் வண்ணேஸீ’’தி.

‘‘கா³ரய்ஹங் கிர, போ⁴ ஆனந்த³, ஸோ ப⁴வங் கோ³தமோ ஜா²னங்
க³ரஹி, பாஸங்ஸங் பஸங்ஸி. ஹந்த³, ச தா³னி மயங், போ⁴ ஆனந்த³, க³ச்சா²ம;
ப³ஹுகிச்சா மயங் ப³ஹுகரணீயா’’தி. ‘‘யஸ்ஸதா³னி த்வங், ப்³ராஹ்மண, காலங்
மஞ்ஞஸீ’’தி. அத² கோ² வஸ்ஸகாரோ ப்³ராஹ்மணோ மக³த⁴மஹாமத்தோ ஆயஸ்மதோ ஆனந்த³ஸ்ஸ பா⁴ஸிதங் அபி⁴னந்தி³த்வா அனுமோதி³த்வா உட்டா²யாஸனா பக்காமி.

அத² கோ² கோ³பகமொக்³க³ல்லானோ ப்³ராஹ்மணோ அசிரபக்கந்தே
வஸ்ஸகாரே ப்³ராஹ்மணே மக³த⁴மஹாமத்தே ஆயஸ்மந்தங் ஆனந்த³ங் ஏதத³வோச – ‘‘யங் நோ
மயங் ப⁴வந்தங் ஆனந்த³ங் அபுச்சி²ம்ஹா தங் நோ ப⁴வங் ஆனந்தோ³ ந
ப்³யாகாஸீ’’தி. ‘‘நனு தே, ப்³ராஹ்மண, அவோசும்ஹா – ‘நத்தி² கோ², ப்³ராஹ்மண,
ஏகபி⁴க்கு²பி தேஹி த⁴ம்மேஹி ஸப்³பே³னஸப்³ப³ங் ஸப்³ப³தா²ஸப்³ப³ங் ஸமன்னாக³தோ
யேஹி த⁴ம்மேஹி ஸமன்னாக³தோ ஸோ ப⁴க³வா அஹோஸி அரஹங் ஸம்மாஸம்பு³த்³தோ⁴. ஸோ
ஹி, ப்³ராஹ்மண, ப⁴க³வா அனுப்பன்னஸ்ஸ மக்³க³ஸ்ஸ உப்பாதே³தா, அஸஞ்ஜாதஸ்ஸ
மக்³க³ஸ்ஸ ஸஞ்ஜனேதா, அனக்கா²தஸ்ஸ மக்³க³ஸ்ஸ அக்கா²தா, மக்³க³ஞ்ஞூ,
மக்³க³விதூ³, மக்³க³கோவிதோ³ . மக்³கா³னுகா³ ச பன ஏதரஹி ஸாவகா விஹரந்தி பச்சா² ஸமன்னாக³தா’’’தி.

கோ³பகமொக்³க³ல்லானஸுத்தங் நிட்டி²தங் அட்ட²மங்.

9. மஹாபுண்ணமஸுத்தங்

85. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி புப்³பா³ராமே
மிகா³ரமாதுபாஸாதே³. தேன கோ² பன ஸமயேன ப⁴க³வா தத³ஹுபோஸதே² பன்னரஸே புண்ணாய
புண்ணமாய ரத்தியா பி⁴க்கு²ஸங்க⁴பரிவுதோ அப்³போ⁴காஸே நிஸின்னோ ஹோதி. அத² கோ²
அஞ்ஞதரோ பி⁴க்கு² உட்டா²யாஸனா ஏகங்ஸங் சீவரங் கத்வா யேன ப⁴க³வா தேனஞ்ஜலிங்
பணாமெத்வா ப⁴க³வந்தங் ஏதத³வோச –

‘‘புச்செ²ய்யாஹங், ப⁴ந்தே, ப⁴க³வந்தங் கிஞ்சிதே³வ
தே³ஸங், ஸசே மே ப⁴க³வா ஓகாஸங் கரோதி பஞ்ஹஸ்ஸ வெய்யாகரணாயா’’தி. ‘‘தேன ஹி
த்வங், பி⁴க்கு², ஸகே ஆஸனே நிஸீதி³த்வா புச்ச² யதா³கங்க²ஸீ’’தி.

86. அத² கோ² ஸோ பி⁴க்கு² ஸகே ஆஸனே நிஸீதி³த்வா ப⁴க³வந்தங் ஏதத³வோச – ‘‘இமே நு கோ², ப⁴ந்தே, பஞ்சுபாதா³னக்க²ந்தா⁴, ஸெய்யதி²த³ங்
– ரூபுபாதா³னக்க²ந்தோ⁴, வேத³னுபாதா³னக்க²ந்தோ⁴, ஸஞ்ஞுபாதா³னக்க²ந்தோ⁴,
ஸங்கா²ருபாதா³னக்க²ந்தோ⁴, விஞ்ஞாணுபாதா³னக்க²ந்தோ⁴’’தி? ‘‘இமே கோ²,
பி⁴க்கு², பஞ்சுபாதா³னக்க²ந்தா⁴, ஸெய்யதி²த³ங் – ரூபுபாதா³னக்க²ந்தோ⁴,
வேத³னுபாதா³னக்க²ந்தோ⁴, ஸஞ்ஞுபாதா³னக்க²ந்தோ⁴, ஸங்கா²ருபாதா³னக்க²ந்தோ⁴,
விஞ்ஞாணுபாதா³னக்க²ந்தோ⁴’’தி.

‘‘ஸாது⁴, ப⁴ந்தே’’தி கோ² ஸோ பி⁴க்கு² ப⁴க³வதோ பா⁴ஸிதங்
அபி⁴னந்தி³த்வா அனுமோதி³த்வா ப⁴க³வந்தங் உத்தரிங் பஞ்ஹங் புச்சி² – ‘‘இமே
பன, ப⁴ந்தே, பஞ்சுபாதா³னக்க²ந்தா⁴ கிங்மூலகா’’தி? ‘‘இமே கோ², பி⁴க்கு²,
பஞ்சுபாதா³னக்க²ந்தா⁴ ச²ந்த³மூலகா’’தி. ‘‘தங்யேவ நு கோ², ப⁴ந்தே, உபாதா³னங்
தே பஞ்சுபாதா³னக்க²ந்தா⁴, உதா³ஹு அஞ்ஞத்ர
பஞ்சஹுபாதா³னக்க²ந்தே⁴ஹி உபாதா³ன’’ந்தி? ‘‘ந கோ², பி⁴க்கு², தங்யேவ
உபாதா³னங் தே பஞ்சுபாதா³னக்க²ந்தா⁴, நாபி அஞ்ஞத்ர பஞ்சஹுபாதா³னக்க²ந்தே⁴ஹி
உபாதா³னங். யோ கோ², பி⁴க்கு², பஞ்சஸு உபாதா³னக்க²ந்தே⁴ஸு ச²ந்த³ராகோ³ தங்
தத்த² உபாதா³ன’’ந்தி.

‘‘ஸியா பன, ப⁴ந்தே, பஞ்சஸு உபாதா³னக்க²ந்தே⁴ஸு
ச²ந்த³ராக³வேமத்ததா’’தி? ‘‘ஸியா பி⁴க்கூ²’’தி ப⁴க³வா அவோச ‘‘இத⁴, பி⁴க்கு²,
ஏகச்சஸ்ஸ ஏவங் ஹோதி – ‘ஏவங்ரூபோ ஸியங் அனாக³தமத்³தா⁴னங் ,
ஏவங்வேத³னோ ஸியங் அனாக³தமத்³தா⁴னங், ஏவங்ஸஞ்ஞோ ஸியங் அனாக³தமத்³தா⁴னங்,
ஏவங்ஸங்கா²ரோ ஸியங் அனாக³தமத்³தா⁴னங், ஏவங்விஞ்ஞாணோ ஸியங்
அனாக³தமத்³தா⁴ன’ந்தி. ஏவங் கோ², பி⁴க்கு², ஸியா பஞ்சஸு உபாதா³னக்க²ந்தே⁴ஸு
ச²ந்த³ராக³வேமத்ததா’’தி.

‘‘கித்தாவதா பன, ப⁴ந்தே, க²ந்தா⁴னங் க²ந்தா⁴தி⁴வசனங்
ஹோதீ’’தி? ‘‘யங் கிஞ்சி, பி⁴க்கு², ரூபங் – அதீதானாக³தபச்சுப்பன்னங்
அஜ்ஜ²த்தங் வா ப³ஹித்³தா⁴ வா, ஓளாரிகங் வா ஸுகு²மங் வா, ஹீனங் வா பணீதங்
வா, யங் தூ³ரே ஸந்திகே வா – அயங் ரூபக்க²ந்தோ⁴. யா
காசி வேத³னா – அதீதானாக³தபச்சுப்பன்னா அஜ்ஜ²த்தங் வா ப³ஹித்³தா⁴ வா,
ஓளாரிகா வா ஸுகு²மா வா, ஹீனா வா பணீதா வா, யா தூ³ரே ஸந்திகே வா – அயங்
வேத³னாக்க²ந்தோ⁴. யா காசி ஸஞ்ஞா – அதீதானாக³தபச்சுப்பன்னா…பே॰… யா தூ³ரே
ஸந்திகே வா – அயங் ஸஞ்ஞாக்க²ந்தோ⁴. யே கேசி ஸங்கா²ரா –
அதீதானாக³தபச்சுப்பன்னா அஜ்ஜ²த்தங் வா ப³ஹித்³தா⁴ வா, ஓளாரிகா வா ஸுகு²மா
வா, ஹீனா வா பணீதா வா, யே தூ³ரே ஸந்திகே வா – அயங் ஸங்கா²ரக்க²ந்தோ⁴. யங்
கிஞ்சி விஞ்ஞாணங் – அதீதானாக³தபச்சுப்பன்னங் அஜ்ஜ²த்தங் வா ப³ஹித்³தா⁴ வா,
ஓளாரிகங் வா ஸுகு²மங் வா, ஹீனங் வா பணீதங் வா, யங் தூ³ரே ஸந்திகே வா – அயங்
விஞ்ஞாணக்க²ந்தோ⁴. எத்தாவதா கோ², பி⁴க்கு², க²ந்தா⁴னங் க²ந்தா⁴தி⁴வசனங்
ஹோதீ’’தி.

‘‘கோ நு கோ², ப⁴ந்தே, ஹேது கோ பச்சயோ ரூபக்க²ந்த⁴ஸ்ஸ
பஞ்ஞாபனாய? கோ ஹேது கோ பச்சயோ வேத³னாக்க²ந்த⁴ஸ்ஸ பஞ்ஞாபனாய? கோ ஹேது கோ
பச்சயோ ஸஞ்ஞாக்க²ந்த⁴ஸ்ஸ பஞ்ஞாபனாய? கோ ஹேது கோ பச்சயோ ஸங்கா²ரக்க²ந்த⁴ஸ்ஸ பஞ்ஞாபனாய? கோ ஹேது கோ பச்சயோ விஞ்ஞாணக்க²ந்த⁴ஸ்ஸ பஞ்ஞாபனாயா’’தி?

‘‘சத்தாரோ கோ², பி⁴க்கு², மஹாபூ⁴தா ஹேது, சத்தாரோ
மஹாபூ⁴தா பச்சயோ ரூபக்க²ந்த⁴ஸ்ஸ பஞ்ஞாபனாய. ப²ஸ்ஸோ ஹேது, ப²ஸ்ஸோ பச்சயோ
வேத³னாக்க²ந்த⁴ஸ்ஸ பஞ்ஞாபனாய. ப²ஸ்ஸோ ஹேது, ப²ஸ்ஸோ பச்சயோ ஸஞ்ஞாக்க²ந்த⁴ஸ்ஸ
பஞ்ஞாபனாய. ப²ஸ்ஸோ ஹேது, ப²ஸ்ஸோ பச்சயோ ஸங்கா²ரக்க²ந்த⁴ஸ்ஸ பஞ்ஞாபனாய.
நாமரூபங் கோ², பி⁴க்கு², ஹேது, நாமரூபங் பச்சயோ விஞ்ஞாணக்க²ந்த⁴ஸ்ஸ
பஞ்ஞாபனாயா’’தி.

87.
‘‘கத²ங் பன, ப⁴ந்தே, ஸக்காயதி³ட்டி² ஹோதீ’’தி? ‘‘இத⁴, பி⁴க்கு², அஸ்ஸுதவா
புது²ஜ்ஜனோ அரியானங் அத³ஸ்ஸாவீ அரியத⁴ம்மஸ்ஸ அகோவிதோ³ அரியத⁴ம்மே அவினீதோ ஸப்புரிஸானங் அத³ஸ்ஸாவீ
ஸப்புரிஸத⁴ம்மஸ்ஸ அகோவிதோ³ ஸப்புரிஸத⁴ம்மே அவினீதோ ரூபங் அத்ததோ
ஸமனுபஸ்ஸதி ரூபவந்தங் வா அத்தானங் அத்தனி வா ரூபங் ரூபஸ்மிங் வா அத்தானங்;
வேத³னங் அத்ததோ ஸமனுபஸ்ஸதி வேத³னாவந்தங் வா அத்தானங் அத்தனி வா வேத³னங்
வேத³னாய வா அத்தானங்; ஸஞ்ஞங் அத்ததோ ஸமனுபஸ்ஸதி ஸஞ்ஞாவந்தங் வா அத்தானங்
அத்தனி வா ஸஞ்ஞங் ஸஞ்ஞாய வா அத்தானங்; ஸங்கா²ரே அத்ததோ ஸமனுபஸ்ஸதி
ஸங்கா²ரவந்தங் வா அத்தானங் அத்தனி வா ஸங்கா²ரே ஸங்கா²ரேஸு வா அத்தானங்;
விஞ்ஞாணங் அத்ததோ ஸமனுபஸ்ஸதி விஞ்ஞாணவந்தங் வா அத்தானங் அத்தனி வா விஞ்ஞாணங் விஞ்ஞாணஸ்மிங் வா அத்தானங். ஏவங் கோ² , பி⁴க்கு², ஸக்காயதி³ட்டி² ஹோதீ’’தி.

‘‘கத²ங் பன, ப⁴ந்தே, ஸக்காயதி³ட்டி² ந ஹோதீ’’தி?
‘‘இத⁴, பி⁴க்கு², ஸுதவா அரியஸாவகோ அரியானங் த³ஸ்ஸாவீ அரியத⁴ம்மஸ்ஸ கோவிதோ³
அரியத⁴ம்மே ஸுவினீதோ ஸப்புரிஸானங் த³ஸ்ஸாவீ ஸப்புரிஸத⁴ம்மஸ்ஸ கோவிதோ³
ஸப்புரிஸத⁴ம்மே ஸுவினீதோ ந ரூபங் அத்ததோ ஸமனுபஸ்ஸதி ந ரூபவந்தங் வா
அத்தானங் ந அத்தனி வா ரூபங் ந ரூபஸ்மிங் வா அத்தானங்; ந வேத³னங் அத்ததோ
ஸமனுபஸ்ஸதி ந வேத³னாவந்தங் வா அத்தானங் ந அத்தனி வா வேத³னங் ந வேத³னாய வா
அத்தானங்; ந ஸஞ்ஞங் அத்ததோ ஸமனுபஸ்ஸதி ந ஸஞ்ஞாவந்தங் வா அத்தானங் ந அத்தனி
வா ஸஞ்ஞங் ந ஸஞ்ஞாய வா அத்தானங்; ந ஸங்கா²ரே அத்ததோ ஸமனுபஸ்ஸதி ந
ஸங்கா²ரவந்தங் வா அத்தானங் ந அத்தனி வா ஸங்கா²ரே ந ஸங்கா²ரேஸு வா அத்தானங்;
ந விஞ்ஞாணங் அத்ததோ ஸமனுபஸ்ஸதி ந விஞ்ஞாணவந்தங் வா அத்தானங் ந அத்தனி வா
விஞ்ஞாணங் ந விஞ்ஞாணஸ்மிங் வா அத்தானங். ஏவங் கோ², பி⁴க்கு²,
ஸக்காயதி³ட்டி² ந ஹோதீ’’தி.

88.
‘‘கோ நு கோ², ப⁴ந்தே, ரூபே அஸ்ஸாதோ³, கோ ஆதீ³னவோ, கிங் நிஸ்ஸரணங்? கோ
வேத³னாய அஸ்ஸாதோ³, கோ ஆதீ³னவோ, கிங் நிஸ்ஸரணங்? கோ ஸஞ்ஞாய அஸ்ஸாதோ³, கோ
ஆதீ³னவோ, கிங் நிஸ்ஸரணங்? கோ ஸங்கா²ரேஸு அஸ்ஸாதோ³, கோ ஆதீ³னவோ, கிங்
நிஸ்ஸரணங்? கோ விஞ்ஞாணே அஸ்ஸாதோ³, கோ ஆதீ³னவோ, கிங் நிஸ்ஸரண’’ந்தி? ‘‘யங்
கோ², பி⁴க்கு², ரூபங் படிச்ச உப்பஜ்ஜதி ஸுக²ங் ஸோமனஸ்ஸங், அயங் ரூபே
அஸ்ஸாதோ³. யங் ரூபங் அனிச்சங் து³க்க²ங் விபரிணாமத⁴ம்மங், அயங் ரூபே ஆதீ³னவோ. யோ ரூபே ச²ந்த³ராக³வினயோ ச²ந்த³ராக³ப்பஹானங், இத³ங் ரூபே நிஸ்ஸரணங். யங் கோ² [யஞ்ச (ஸ்யா॰ கங்॰)], பி⁴க்கு², வேத³னங் படிச்ச… ஸஞ்ஞங்
படிச்ச… ஸங்கா²ரே படிச்ச… விஞ்ஞாணங் படிச்ச உப்பஜ்ஜதி ஸுக²ங் ஸோமனஸ்ஸங்,
அயங் விஞ்ஞாணே அஸ்ஸாதோ³. யங் விஞ்ஞாணங் அனிச்சங் து³க்க²ங்
விபரிணாமத⁴ம்மங், அயங் விஞ்ஞாணே ஆதீ³னவோ. யோ விஞ்ஞாணே ச²ந்த³ராக³வினயோ
ச²ந்த³ராக³ப்பஹானங், இத³ங் விஞ்ஞாணே நிஸ்ஸரண’’ந்தி.

89. ‘‘கத²ங்
பன, ப⁴ந்தே, ஜானதோ கத²ங் பஸ்ஸதோ இமஸ்மிஞ்ச ஸவிஞ்ஞாணகே காயே ப³ஹித்³தா⁴ ச
ஸப்³ப³னிமித்தேஸு அஹங்காரமமங்காரமானானுஸயா ந ஹொந்தீ’’தி? ‘‘யங் கிஞ்சி,
பி⁴க்கு², ரூபங் – அதீதானாக³தபச்சுப்பன்னங் அஜ்ஜ²த்தங் வா ப³ஹித்³தா⁴ வா
ஓளாரிகங் வா ஸுகு²மங் வா ஹீனங் வா பணீதங் வா
யங் தூ³ரே ஸந்திகே வா – ஸப்³ப³ங் ரூபங் ‘நேதங் மம, நேஸோஹமஸ்மி, ந மேஸோ
அத்தா’தி – ஏவமேதங் யதா²பூ⁴தங் ஸம்மப்பஞ்ஞாய பஸ்ஸதி. யா காசி வேத³னா… யா
காசி ஸஞ்ஞா… யே கேசி ஸங்கா²ரா… யங் கிஞ்சி விஞ்ஞாணங் –
அதீதானாக³தபச்சுப்பன்னங் அஜ்ஜ²த்தங் வா ப³ஹித்³தா⁴ வா ஓளாரிகங் வா ஸுகு²மங்
வா ஹீனங் வா பணீதங் வா யங் தூ³ரே ஸந்திகே வா – ஸப்³ப³ங் விஞ்ஞாணங் ‘நேதங்
மம, நேஸோஹமஸ்மி, ந மேஸோ அத்தா’தி – ஏவமேதங் யதா²பூ⁴தங் ஸம்மப்பஞ்ஞாய
பஸ்ஸதி. ஏவங் கோ², பி⁴க்கு², ஜானதோ ஏவங் பஸ்ஸதோ இமஸ்மிஞ்ச ஸவிஞ்ஞாணகே காயே
ப³ஹித்³தா⁴ ச ஸப்³ப³னிமித்தேஸு அஹங்காரமமங்காரமானானுஸயா ந ஹொந்தீ’’தி.

90.
அத² கோ² அஞ்ஞதரஸ்ஸ பி⁴க்கு²னோ ஏவங் சேதஸோ பரிவிதக்கோ உத³பாதி³ – ‘‘இதி
கிர, போ⁴, ரூபங் அனத்தா, வேத³னா அனத்தா, ஸஞ்ஞா அனத்தா, ஸங்கா²ரா அனத்தா,
விஞ்ஞாணங் அனத்தா; அனத்தகதானி கம்மானி கமத்தானங் [கத²மத்தானங் (ஸங்॰ நி॰ 3.82)]
பு²ஸிஸ்ஸந்தீ’’தி? அத² கோ² ப⁴க³வா தஸ்ஸ பி⁴க்கு²னோ சேதஸா
சேதோபரிவிதக்கமஞ்ஞாய பி⁴க்கூ² ஆமந்தேஸி – ‘‘டா²னங் கோ² பனேதங், பி⁴க்க²வே,
விஜ்ஜதி யங் இதே⁴கச்சோ மோக⁴புரிஸோ அவித்³வா அவிஜ்ஜாக³தோ தண்ஹாதி⁴பதெய்யேன
சேதஸா ஸத்து² ஸாஸனங் அதிதா⁴விதப்³ப³ங் மஞ்ஞெய்ய – ‘இதி கிர, போ⁴, ரூபங்
அனத்தா, வேத³னா அனத்தா, ஸஞ்ஞா அனத்தா, ஸங்கா²ரா அனத்தா, விஞ்ஞாணங் அனத்தா;
அனத்தகதானி கம்மானி கமத்தானங் பு²ஸிஸ்ஸந்தீ’தி. படிவினீதா [படிச்ச வினீதா (ஸீ॰ பீ॰), படிபுச்சா²மி வினீதா (ஸ்யா॰ கங்॰)] கோ² மே தும்ஹே, பி⁴க்க²வே , தத்ர தத்ர த⁴ம்மேஸு’’.

‘‘தங் கிங் மஞ்ஞத², பி⁴க்க²வே, ரூபங் நிச்சங் வா அனிச்சங் வா’’தி? ‘‘அனிச்சங், ப⁴ந்தே’’. ‘‘யங்
பனானிச்சங் து³க்க²ங் வா தங் ஸுக²ங் வா’’தி? ‘‘து³க்க²ங், ப⁴ந்தே’’. ‘‘யங்
பனானிச்சங் து³க்க²ங் விபரிணாமத⁴ம்மங், கல்லங் நு தங் ஸமனுபஸ்ஸிதுங் –
‘ஏதங் மம, ஏஸோஹமஸ்மி, ஏஸோ மே அத்தா’’’தி? ‘‘நோ ஹேதங் ,
ப⁴ந்தே’’. ‘‘தங் கிங் மஞ்ஞத², பி⁴க்க²வே, வேத³னா… ஸஞ்ஞா… ஸங்கா²ரா…
விஞ்ஞாணங் நிச்சங் வா அனிச்சங் வா’’தி? ‘‘அனிச்சங், ப⁴ந்தே’’. ‘‘யங்
பனானிச்சங் து³க்க²ங் வா தங் ஸுக²ங் வா’’தி? ‘‘து³க்க²ங், ப⁴ந்தே’’. ‘‘யங்
பனானிச்சங் து³க்க²ங் விபரிணாமத⁴ம்மங், கல்லங் நு தங் ஸமனுபஸ்ஸிதுங் –
‘ஏதங் மம, ஏஸோஹமஸ்மி, ஏஸோ மே அத்தா’’’தி? ‘‘நோ ஹேதங், ப⁴ந்தே’’.
‘‘தஸ்மாதிஹ, பி⁴க்க²வே, யங் கிஞ்சி ரூபங் அதீதானாக³தபச்சுப்பன்னங்
அஜ்ஜ²த்தங் வா ப³ஹித்³தா⁴ வா ஓளாரிகங் வா ஸுகு²மங் வா ஹீனங் வா பணீதங் வா
யங் தூ³ரே ஸந்திகே வா ஸப்³ப³ங் ரூபங் – ‘நேதங் மம, நேஸோஹமஸ்மி, ந மேஸோ
அத்தா’தி ஏவமேதங் யதா²பூ⁴தங் ஸம்மப்பஞ்ஞாய த³ட்ட²ப்³ப³ங். யா காசி வேத³னா…
யா காசி ஸஞ்ஞா… யே கேசி ஸங்கா²ரா… யங் கிஞ்சி விஞ்ஞாணங்
அதீதானாக³தபச்சுப்பன்னங் அஜ்ஜ²த்தங் வா ப³ஹித்³தா⁴ வா
ஓளாரிகங் வா ஸுகு²மங் வா ஹீனங் வா பணீதங் வா யங் தூ³ரே ஸந்திகே வா
ஸப்³ப³ங் விஞ்ஞாணங் – ‘நேதங் மம, நேஸோஹமஸ்மி, ந மேஸோ அத்தா’தி ஏவமேதங்
யதா²பூ⁴தங் ஸம்மப்பஞ்ஞாய த³ட்ட²ப்³ப³ங். ஏவங் பஸ்ஸங், பி⁴க்க²வே, ஸுதவா
அரியஸாவகோ ரூபஸ்மிம்பி நிப்³பி³ந்த³தி, வேத³னாயபி நிப்³பி³ந்த³தி, ஸஞ்ஞாயபி
நிப்³பி³ந்த³தி, ஸங்கா²ரேஸுபி நிப்³பி³ந்த³தி, விஞ்ஞாணஸ்மிம்பி
நிப்³பி³ந்த³தி; நிப்³பி³ந்த³ங் விரஜ்ஜதி , விராகா³
விமுச்சதி. விமுத்தஸ்மிங் விமுத்தமிதி ஞாணங் ஹோதி. ‘கீ²ணா ஜாதி, வுஸிதங்
ப்³ரஹ்மசரியங், கதங் கரணீயங், நாபரங் இத்த²த்தாயா’தி பஜானாதீ’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங்
அபி⁴னந்து³ந்தி. இமஸ்மிஞ்ச பன வெய்யாகரணஸ்மிங் ப⁴ஞ்ஞமானே ஸட்டி²மத்தானங்
பி⁴க்கூ²னங் அனுபாதா³ய ஆஸவேஹி சித்தானி விமுச்சிங்ஸூதி.

மஹாபுண்ணமஸுத்தங் நிட்டி²தங் நவமங்.

10. சூளபுண்ணமஸுத்தங்

91. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி புப்³பா³ராமே
மிகா³ரமாதுபாஸாதே³. தேன கோ² பன ஸமயேன ப⁴க³வா தத³ஹுபோஸதே² பன்னரஸே புண்ணாய
புண்ணமாய ரத்தியா பி⁴க்கு²ஸங்க⁴பரிவுதோ அப்³போ⁴காஸே
நிஸின்னோ ஹோதி. அத² கோ² ப⁴க³வா துண்ஹீபூ⁴தங் துண்ஹீபூ⁴தங் பி⁴க்கு²ஸங்க⁴ங்
அனுவிலோகெத்வா பி⁴க்கூ² ஆமந்தேஸி – ‘‘ஜானெய்ய நு கோ², பி⁴க்க²வே,
அஸப்புரிஸோ அஸப்புரிஸங் – ‘அஸப்புரிஸோ அயங் ப⁴வ’’’ந்தி? ‘‘நோ ஹேதங்,
ப⁴ந்தே’’. ‘‘ஸாது⁴, பி⁴க்க²வே; அட்டா²னமேதங், பி⁴க்க²வே, அனவகாஸோ
யங் அஸப்புரிஸோ அஸப்புரிஸங் ஜானெய்ய – ‘அஸப்புரிஸோ அயங் ப⁴வ’ந்தி. ஜானெய்ய
பன, பி⁴க்க²வே, அஸப்புரிஸோ ஸப்புரிஸங் – ‘ஸப்புரிஸோ அயங் ப⁴வ’’’ந்தி? ‘‘நோ
ஹேதங், ப⁴ந்தே’’. ‘‘ஸாது⁴, பி⁴க்க²வே; ஏதம்பி கோ², பி⁴க்க²வே, அட்டா²னங்
அனவகாஸோ யங் அஸப்புரிஸோ ஸப்புரிஸங் ஜானெய்ய – ‘ஸப்புரிஸோ அயங் ப⁴வ’ந்தி.
அஸப்புரிஸோ, பி⁴க்க²வே, அஸ்ஸத்³த⁴ம்மஸமன்னாக³தோ ஹோதி, அஸப்புரிஸப⁴த்தி [அஸப்புரிஸப⁴த்தீ (ஸப்³ப³த்த²)] ஹோதி, அஸப்புரிஸசிந்தீ ஹோதி, அஸப்புரிஸமந்தீ ஹோதி, அஸப்புரிஸவாசோ ஹோதி, அஸப்புரிஸகம்மந்தோ ஹோதி, அஸப்புரிஸதி³ட்டி² [அஸப்புரிஸதி³ட்டீ² (ஸப்³ப³த்த²)] ஹோதி; அஸப்புரிஸதா³னங் தே³தி’’.

‘‘கத²ஞ்ச, பி⁴க்க²வே, அஸப்புரிஸோ
அஸ்ஸத்³த⁴ம்மஸமன்னாக³தோ ஹோதி? இத⁴, பி⁴க்க²வே, அஸப்புரிஸோ அஸ்ஸத்³தோ⁴ ஹோதி,
அஹிரிகோ ஹோதி, அனொத்தப்பீ ஹோதி, அப்பஸ்ஸுதோ ஹோதி , குஸீதோ ஹோதி, முட்ட²ஸ்ஸதி ஹோதி, து³ப்பஞ்ஞோ ஹோதி. ஏவங் கோ², பி⁴க்க²வே, அஸப்புரிஸோ அஸ்ஸத்³த⁴ம்மஸமன்னாக³தோ ஹோதி.

‘‘கத²ஞ்ச, பி⁴க்க²வே, அஸப்புரிஸோ அஸப்புரிஸப⁴த்தி
ஹோதி? இத⁴, பி⁴க்க²வே, அஸப்புரிஸஸ்ஸ யே தே ஸமணப்³ராஹ்மணா அஸ்ஸத்³தா⁴
அஹிரிகா அனொத்தப்பினோ அப்பஸ்ஸுதா குஸீதா முட்ட²ஸ்ஸதினோ து³ப்பஞ்ஞா த்யாஸ்ஸ
மித்தா ஹொந்தி தே ஸஹாயா. ஏவங் கோ², பி⁴க்க²வே, அஸப்புரிஸோ அஸப்புரிஸப⁴த்தி
ஹோதி.

‘‘கத²ஞ்ச, பி⁴க்க²வே, அஸப்புரிஸோ அஸப்புரிஸசிந்தீ ஹோதி? இத⁴, பி⁴க்க²வே, அஸப்புரிஸோ
அத்தப்³யாபா³தா⁴யபி சேதேதி, பரப்³யாபா³தா⁴யபி சேதேதி, உப⁴யப்³யாபா³தா⁴யபி
சேதேதி. ஏவங் கோ², பி⁴க்க²வே, அஸப்புரிஸோ அஸப்புரிஸசிந்தீ ஹோதி.

‘‘கத²ஞ்ச, பி⁴க்க²வே, அஸப்புரிஸோ அஸப்புரிஸமந்தீ ஹோதி?
இத⁴, பி⁴க்க²வே, அஸப்புரிஸோ அத்தப்³யாபா³தா⁴யபி மந்தேதி, பரப்³யாபா³தா⁴யபி
மந்தேதி, உப⁴யப்³யாபா³தா⁴யபி மந்தேதி. ஏவங் கோ², பி⁴க்க²வே, அஸப்புரிஸோ அஸப்புரிஸமந்தீ ஹோதி.

‘‘கத²ஞ்ச, பி⁴க்க²வே, அஸப்புரிஸோ அஸப்புரிஸவாசோ ஹோதி? இத⁴, பி⁴க்க²வே, அஸப்புரிஸோ முஸாவாதீ³ ஹோதி, பிஸுணவாசோ ஹோதி, ப²ருஸவாசோ ஹோதி , ஸம்ப²ப்பலாபீ ஹோதி. ஏவங் கோ², பி⁴க்க²வே, அஸப்புரிஸோ அஸப்புரிஸவாசோ ஹோதி.

‘‘கத²ஞ்ச, பி⁴க்க²வே, அஸப்புரிஸோ அஸப்புரிஸகம்மந்தோ ஹோதி? இத⁴ ,
பி⁴க்க²வே, அஸப்புரிஸோ பாணாதிபாதீ ஹோதி, அதி³ன்னாதா³யீ ஹோதி,
காமேஸுமிச்சா²சாரீ ஹோதி. ஏவங் கோ², பி⁴க்க²வே, அஸப்புரிஸோ
அஸப்புரிஸகம்மந்தோ ஹோதி.

‘‘கத²ஞ்ச, பி⁴க்க²வே, அஸப்புரிஸோ அஸப்புரிஸதி³ட்டி² ஹோதி? இத⁴, பி⁴க்க²வே, அஸப்புரிஸோ ஏவங்தி³ட்டி² [ஏவங்தி³ட்டீ² (ஸீ॰ பீ॰), ஏவங்தி³ட்டி²கோ (ஸ்யா॰ கங்॰)] ஹோதி – ‘நத்தி² தி³ன்னங், நத்தி² யிட்ட²ங், நத்தி² ஹுதங், நத்தி² ஸுகதது³க்கடானங் [ஸுக்கடது³க்கடானங் (ஸீ॰ பீ॰)]
கம்மானங் ப²லங் விபாகோ, நத்தி² அயங் லோகோ, நத்தி² பரோ லோகோ, நத்தி² மாதா,
நத்தி² பிதா, நத்தி² ஸத்தா ஓபபாதிகா, நத்தி² லோகே ஸமணப்³ராஹ்மணா
ஸம்மக்³க³தா [ஸமக்³க³தா (க॰)] ஸம்மாபடிபன்னா, யே
இமஞ்ச லோகங் பரஞ்ச லோகங் ஸயங் அபி⁴ஞ்ஞா ஸச்சி²கத்வா பவேதெ³ந்தீ’தி. ஏவங்
கோ², பி⁴க்க²வே, அஸப்புரிஸோ அஸப்புரிஸதி³ட்டி² ஹோதி.

‘‘கத²ஞ்ச, பி⁴க்க²வே, அஸப்புரிஸோ அஸப்புரிஸதா³னங்
தே³தி? இத⁴, பி⁴க்க²வே, அஸப்புரிஸோ அஸக்கச்சங் தா³னங் தே³தி, அஸஹத்தா²
தா³னங் தே³தி, அசித்தீகத்வா தா³னங் தே³தி, அபவிட்ட²ங் தா³னங் தே³தி
அனாக³மனதி³ட்டி²கோ தா³னங் தே³தி. ஏவங் கோ², பி⁴க்க²வே, அஸப்புரிஸோ
அஸப்புரிஸதா³னங் தே³தி.

‘‘ஸோ, பி⁴க்க²வே, அஸப்புரிஸோ ஏவங்
அஸ்ஸத்³த⁴ம்மஸமன்னாக³தோ, ஏவங் அஸப்புரிஸப⁴த்தி, ஏவங் அஸப்புரிஸசிந்தீ, ஏவங்
அஸப்புரிஸமந்தீ, ஏவங் அஸப்புரிஸவாசோ, ஏவங் அஸப்புரிஸகம்மந்தோ, ஏவங் அஸப்புரிஸதி³ட்டி²; ஏவங் அஸப்புரிஸதா³னங் த³த்வா காயஸ்ஸ பே⁴தா³ பரங் மரணா யா அஸப்புரிஸானங் க³தி தத்த² உபபஜ்ஜதி. கா ச, பி⁴க்க²வே, அஸப்புரிஸானங் க³தி? நிரயோ வா திரச்சா²னயோனி வா.

92. ‘‘ஜானெய்ய நு கோ², பி⁴க்க²வே, ஸப்புரிஸோ ஸப்புரிஸங் – ‘ஸப்புரிஸோ அயங் ப⁴வ’’’ந்தி? ‘‘ஏவங் ,
ப⁴ந்தே’’. ‘‘ஸாது⁴, பி⁴க்க²வே; டா²னமேதங், பி⁴க்க²வே, விஜ்ஜதி யங்
ஸப்புரிஸோ ஸப்புரிஸங் ஜானெய்ய – ‘ஸப்புரிஸோ அயங் ப⁴வ’ந்தி. ஜானெய்ய பன,
பி⁴க்க²வே, ஸப்புரிஸோ அஸப்புரிஸங் – ‘அஸப்புரிஸோ அயங் ப⁴வ’’’ந்தி? ‘‘ஏவங்,
ப⁴ந்தே’’. ‘‘ஸாது⁴, பி⁴க்க²வே; ஏதம்பி கோ², பி⁴க்க²வே, டா²னங் விஜ்ஜதி யங்
ஸப்புரிஸோ அஸப்புரிஸங் ஜானெய்ய – ‘அஸப்புரிஸோ அயங் ப⁴வ’ந்தி. ஸப்புரிஸோ,
பி⁴க்க²வே, ஸத்³த⁴ம்மஸமன்னாக³தோ ஹோதி, ஸப்புரிஸப⁴த்தி ஹோதி, ஸப்புரிஸசிந்தீ
ஹோதி, ஸப்புரிஸமந்தீ ஹோதி, ஸப்புரிஸவாசோ ஹோதி, ஸப்புரிஸகம்மந்தோ ஹோதி, ஸப்புரிஸதி³ட்டி² ஹோதி; ஸப்புரிஸதா³னங் தே³தி’’.

‘‘கத²ஞ்ச, பி⁴க்க²வே, ஸப்புரிஸோ ஸத்³த⁴ம்மஸமன்னாக³தோ
ஹோதி? இத⁴, பி⁴க்க²வே, ஸப்புரிஸோ ஸத்³தோ⁴ ஹோதி, ஹிரிமா ஹோதி, ஒத்தப்பீ
ஹோதி, ப³ஹுஸ்ஸுதோ ஹோதி, ஆரத்³த⁴வீரியோ ஹோதி, உபட்டி²தஸ்ஸதி ஹோதி, பஞ்ஞவா
ஹோதி. ஏவங் கோ², பி⁴க்க²வே, ஸப்புரிஸோ ஸத்³த⁴ம்மஸமன்னாக³தோ ஹோதி.

‘‘கத²ஞ்ச, பி⁴க்க²வே, ஸப்புரிஸோ ஸப்புரிஸப⁴த்தி ஹோதி?
இத⁴, பி⁴க்க²வே, ஸப்புரிஸஸ்ஸ யே தே ஸமணப்³ராஹ்மணா ஸத்³தா⁴ ஹிரிமந்தோ
ஒத்தப்பினோ ப³ஹுஸ்ஸுதா ஆரத்³த⁴வீரியா உபட்டி²தஸ்ஸதினோ பஞ்ஞவந்தோ த்யாஸ்ஸ
மித்தா ஹொந்தி, தே ஸஹாயா. ஏவங் கோ², பி⁴க்க²வே, ஸப்புரிஸோ ஸப்புரிஸப⁴த்தி ஹோதி.

‘‘கத²ஞ்ச, பி⁴க்க²வே, ஸப்புரிஸோ ஸப்புரிஸசிந்தீ ஹோதி?
இத⁴, பி⁴க்க²வே, ஸப்புரிஸோ நேவத்தப்³யாபா³தா⁴ய சேதேதி, ந பரப்³யாபா³தா⁴ய
சேதேதி, ந உப⁴யப்³யாபா³தா⁴ய சேதேதி. ஏவங் கோ², பி⁴க்க²வே, ஸப்புரிஸோ
ஸப்புரிஸசிந்தீ ஹோதி.

‘‘கத²ஞ்ச, பி⁴க்க²வே, ஸப்புரிஸோ ஸப்புரிஸமந்தீ ஹோதி? இத⁴, பி⁴க்க²வே, ஸப்புரிஸோ நேவத்தப்³யாபா³தா⁴ய மந்தேதி, ந பரப்³யாபா³தா⁴ய மந்தேதி, ந உப⁴யப்³யாபா³தா⁴ய மந்தேதி. ஏவங் கோ², பி⁴க்க²வே, ஸப்புரிஸோ ஸப்புரிஸமந்தீ ஹோதி.

‘‘கத²ஞ்ச, பி⁴க்க²வே, ஸப்புரிஸோ ஸப்புரிஸவாசோ ஹோதி?
இத⁴, பி⁴க்க²வே, ஸப்புரிஸோ முஸாவாதா³ படிவிரதோ ஹோதி, பிஸுணாய வாசாய
படிவிரதோ ஹோதி, ப²ருஸாய வாசாய படிவிரதோ ஹோதி, ஸம்ப²ப்பலாபா படிவிரதோ ஹோதி.
ஏவங் கோ², பி⁴க்க²வே, ஸப்புரிஸோ ஸப்புரிஸவாசோ ஹோதி.

‘‘கத²ஞ்ச, பி⁴க்க²வே, ஸப்புரிஸோ ஸப்புரிஸகம்மந்தோ
ஹோதி? இத⁴, பி⁴க்க²வே, ஸப்புரிஸோ பாணாதிபாதா படிவிரதோ ஹோதி, அதி³ன்னாதா³னா
படிவிரதோ ஹோதி, காமேஸுமிச்சா²சாரா படிவிரதோ ஹோதி. ஏவங் கோ², பி⁴க்க²வே, ஸப்புரிஸோ ஸப்புரிஸகம்மந்தோ ஹோதி.

‘‘கத²ஞ்ச , பி⁴க்க²வே,
ஸப்புரிஸோ ஸப்புரிஸதி³ட்டி² ஹோதி? இத⁴, பி⁴க்க²வே, ஸப்புரிஸோ ஏவங்தி³ட்டி²
ஹோதி – ‘அத்தி² தி³ன்னங், அத்தி² யிட்ட²ங், அத்தி² ஹுதங், அத்தி²
ஸுகதது³க்கடானங் கம்மானங் ப²லங் விபாகோ, அத்தி² அயங் லோகோ ,
அத்தி² பரோ லோகோ, அத்தி² மாதா, அத்தி² பிதா, அத்தி² ஸத்தா ஓபபாதிகா,
அத்தி² லோகே ஸமணப்³ராஹ்மணா ஸம்மக்³க³தா ஸம்மாபடிபன்னா யே இமஞ்ச லோகங் பரஞ்ச
லோகங் ஸயங் அபி⁴ஞ்ஞா ஸச்சி²கத்வா பவேதெ³ந்தீ’தி. ஏவங் கோ², பி⁴க்க²வே,
ஸப்புரிஸோ ஸப்புரிஸதி³ட்டி² ஹோதி.

‘‘கத²ஞ்ச, பி⁴க்க²வே, ஸப்புரிஸோ ஸப்புரிஸதா³னங் தே³தி?
இத⁴, பி⁴க்க²வே, ஸப்புரிஸோ ஸக்கச்சங் தா³னங் தே³தி, ஸஹத்தா² தா³னங் தே³தி,
சித்தீகத்வா தா³னங் தே³தி, அனபவிட்ட²ங் தா³னங் தே³தி, ஆக³மனதி³ட்டி²கோ
தா³னங் தே³தி. ஏவங் கோ², பி⁴க்க²வே, ஸப்புரிஸோ ஸப்புரிஸதா³னங் தே³தி.

‘‘ஸோ, பி⁴க்க²வே, ஸப்புரிஸோ ஏவங் ஸத்³த⁴ம்மஸமன்னாக³தோ,
ஏவங் ஸப்புரிஸப⁴த்தி, ஏவங் ஸப்புரிஸசிந்தீ, ஏவங் ஸப்புரிஸமந்தீ, ஏவங்
ஸப்புரிஸவாசோ, ஏவங் ஸப்புரிஸகம்மந்தோ, ஏவங் ஸப்புரிஸதி³ட்டி²; ஏவங்
ஸப்புரிஸதா³னங் த³த்வா காயஸ்ஸ பே⁴தா³ பரங் மரணா யா ஸப்புரிஸானங் க³தி தத்த²
உபபஜ்ஜதி. கா ச, பி⁴க்க²வே, ஸப்புரிஸானங் க³தி? தே³வமஹத்ததா வா
மனுஸ்ஸமஹத்ததா வா’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

சூளபுண்ணமஸுத்தங் நிட்டி²தங் த³ஸமங்.

தே³வத³ஹவக்³கோ³ நிட்டி²தோ பட²மோ.

தஸ்ஸுத்³தா³னங் –

தே³வத³ஹங் பஞ்சத்தயங், கிந்தி-ஸாம-ஸுனக்க²த்தங்;

ஸப்பாய-க³ண-கோ³பக-மஹாபுண்ணசூளபுண்ணஞ்சாதி.

comments (0)

ஸுத்தபிடக-Part-44-தமிழில் திரபிடக மூன்று தொகுப்புகள்TIPITAKA–44.5. ப்ராஹ்மணவக்கோ-1. ப்ரஹ்மாயுஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 1:03 am

ஸுத்தபிடக-Part-44-தமிழில் திரபிடக மூன்று தொகுப்புகள்TIPITAKA--44.5. ப்ராஹ்மணவக்கோ-1. ப்ரஹ்மாயுஸுத்தங்-from FREE ONLINE eNālāndā Research and
Practice UNIVERSITY through http://sarvajan.ambedkar.org

5. ப்ராஹ்மணவக்கோ

1. ப்ரஹ்மாயுஸுத்தங்

383. ஏவங்
மே ஸுதங் – ஏகங் ஸமயங் ப⁴க³வா விதே³ஹேஸு சாரிகங் சரதி மஹதா
பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி பி⁴க்கு²ஸதேஹி. தேன கோ² பன ஸமயேன
ப்³ரஹ்மாயு ப்³ராஹ்மணோ மிதி²லாயங் படிவஸதி ஜிண்ணோ வுட்³டோ⁴ மஹல்லகோ
அத்³த⁴க³தோ வயோஅனுப்பத்தோ, வீஸவஸ்ஸஸதிகோ ஜாதியா, திண்ணங் வேதா³னங் [பே³தா³னங் (க॰)]
பாரகூ³ ஸனிக⁴ண்டு³கேடுபா⁴னங் ஸாக்க²ரப்பபே⁴தா³னங் இதிஹாஸபஞ்சமானங், பத³கோ,
வெய்யாகரணோ, லோகாயதமஹாபுரிஸலக்க²ணேஸு அனவயோ. அஸ்ஸோஸி கோ² ப்³ரஹ்மாயு
ப்³ராஹ்மணோ – ‘‘ஸமணோ க²லு போ⁴, கோ³தமோ ஸக்யபுத்தோ ஸக்யகுலா பப்³ப³ஜிதோ
விதே³ஹேஸு சாரிகங் சரதி மஹதா பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி
பி⁴க்கு²ஸதேஹி. தங் கோ² பன ப⁴வந்தங் கோ³தமங் ஏவங் கல்யாணோ கித்திஸத்³தோ³
அப்³பு⁴க்³க³தோ – ‘இதிபி ஸோ ப⁴க³வா அரஹங் ஸம்மாஸம்பு³த்³தோ⁴
விஜ்ஜாசரணஸம்பன்னோ ஸுக³தோ லோகவிதூ³ அனுத்தரோ புரிஸத³ம்மஸாரதி² ஸத்தா²
தே³வமனுஸ்ஸானங் பு³த்³தோ⁴ ப⁴க³வாதி. ஸோ இமங் லோகங் ஸதே³வகங் ஸமாரகங்
ஸப்³ரஹ்மகங் ஸஸ்ஸமணப்³ராஹ்மணிங் பஜங் ஸதே³வமனுஸ்ஸங் ஸயங் அபி⁴ஞ்ஞா
ஸச்சி²கத்வா பவேதே³தி. ஸோ த⁴ம்மங் தே³ஸேதி ஆதி³கல்யாணங் மஜ்ஜே²கல்யாணங்
பரியோஸானகல்யாணங் ஸாத்த²ங் ஸப்³யஞ்ஜனங், கேவலபரிபுண்ணங் பரிஸுத்³த⁴ங்
ப்³ரஹ்மசரியங் பகாஸேதி. ஸாது⁴ கோ² பன ததா²ரூபானங் அரஹதங் த³ஸ்ஸனங் ஹோதீ’’’தி.

384. தேன
கோ² பன ஸமயேன ப்³ரஹ்மாயுஸ்ஸ ப்³ராஹ்மணஸ்ஸ உத்தரோ நாம மாணவோ அந்தேவாஸீ ஹோதி
திண்ணங் வேதா³னங் பாரகூ³ ஸனிக⁴ண்டு³கேடுபா⁴னங் ஸாக்க²ரப்பபே⁴தா³னங்
இதிஹாஸபஞ்சமானங், பத³கோ, வெய்யாகரணோ, லோகாயதமஹாபுரிஸலக்க²ணேஸு அனவயோ. அத²
கோ² ப்³ரஹ்மாயு ப்³ராஹ்மணோ உத்தரங் மாணவங் ஆமந்தேஸி – ‘‘அயங், தாத உத்தர,
ஸமணோ கோ³தமோ ஸக்யபுத்தோ ஸக்யகுலா பப்³ப³ஜிதோ விதே³ஹேஸு
சாரிகங் சரதி மஹதா பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி பி⁴க்கு²ஸதேஹி.
தங் கோ² பன ப⁴வந்தங் கோ³தமங் ஏவங் கல்யாணோ கித்திஸத்³தோ³ அப்³பு⁴க்³க³தோ –
‘இதிபி ஸோ ப⁴க³வா அரஹங் ஸம்மாஸம்பு³த்³தோ⁴…பே॰… ஸாது⁴ கோ² பன ததா²ரூபானங்
அரஹதங் த³ஸ்ஸனங் ஹோதீ’தி. ஏஹி த்வங், தாத உத்தர,
யேன ஸமணோ கோ³தமோ தேனுபஸங்கம; உபஸங்கமித்வா ஸமணங் கோ³தமங் ஜானாஹி யதி³ வா
தங் ப⁴வந்தங் கோ³தமங் ததா² ஸந்தங்யேவ ஸத்³தோ³ அப்³பு⁴க்³க³தோ, யதி³ வா நோ
ததா²; யதி³ வா ஸோ ப⁴வங் கோ³தமோ தாதி³ஸோ, யதி³ வா ந தாதி³ஸோ. ததா² மயங் தங்
ப⁴வந்தங் கோ³தமங் வேதி³ஸ்ஸாமா’’தி. ‘‘யதா² கத²ங் பனாஹங், போ⁴, தங் ப⁴வந்தங்
கோ³தமங் ஜானிஸ்ஸாமி யதி³ வா தங் ப⁴வந்தங் கோ³தமங் ததா² ஸந்தங்யேவ ஸத்³தோ³
அப்³பு⁴க்³க³தோ, யதி³ வா நோ ததா²; யதி³ வா ஸோ ப⁴வங் கோ³தமோ தாதி³ஸோ, யதி³
வா ந தாதி³ஸோ’’தி. ‘‘ஆக³தானி கோ², தாத உத்தர, அம்ஹாகங் மந்தேஸு
த்³வத்திங்ஸமஹாபுரிஸலக்க²ணானி, யேஹி ஸமன்னாக³தஸ்ஸ மஹாபுரிஸஸ்ஸ த்³வேயேவ
க³தியோ ப⁴வந்தி அனஞ்ஞா . ஸசே அகா³ரங் அஜ்ஜா²வஸதி,
ராஜா ஹோதி சக்கவத்தீ த⁴ம்மிகோ த⁴ம்மராஜா சாதுரந்தோ விஜிதாவீ
ஜனபத³த்தா²வரியப்பத்தோ ஸத்தரதனஸமன்னாக³தோ. தஸ்ஸிமானி ஸத்த ரதனானி ப⁴வந்தி,
ஸெய்யதி²த³ங் – சக்கரதனங், ஹத்தி²ரதனங், அஸ்ஸரதனங், மணிரதனங், இத்தி²ரதனங்,
க³ஹபதிரதனங், பரிணாயகரதனமேவ ஸத்தமங். பரோஸஹஸ்ஸங் கோ² பனஸ்ஸ புத்தா ப⁴வந்தி
ஸூரா வீரங்க³ரூபா பரஸேனப்பமத்³த³னா. ஸோ இமங் பத²விங் ஸாக³ரபரியந்தங்
அத³ண்டே³ன அஸத்தே²ன த⁴ம்மேன [த⁴ம்மேன ஸமேன (க॰)]
அபி⁴விஜிய அஜ்ஜா²வஸதி. ஸசே கோ² பன அகா³ரஸ்மா அனகா³ரியங் பப்³ப³ஜதி, அரஹங்
ஹோதி ஸம்மாஸம்பு³த்³தோ⁴ லோகே விவட்டச்ச²தோ³. அஹங் கோ² பன, தாத உத்தர,
மந்தானங் தா³தா; த்வங் மந்தானங் படிக்³க³ஹேதா’’தி.

385.
‘‘ஏவங், போ⁴’’தி கோ² உத்தரோ மாணவோ ப்³ரஹ்மாயுஸ்ஸ ப்³ராஹ்மணஸ்ஸ படிஸ்ஸுத்வா
உட்டா²யாஸனா ப்³ரஹ்மாயுங் ப்³ராஹ்மணங் அபி⁴வாதெ³த்வா பத³க்கி²ணங் கத்வா
விதே³ஹேஸு யேன ப⁴க³வா தேன சாரிகங் பக்காமி.
அனுபுப்³பே³ன சாரிகங் சரமானோ யேன ப⁴க³வா தேனுபஸங்கமி; உபஸங்கமித்வா ப⁴க³வதா
ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங்
நிஸீதி³. ஏகமந்தங் நிஸின்னோ கோ² உத்தரோ மாணவோ ப⁴க³வதோ காயே
த்³வத்திங்ஸமஹாபுரிஸலக்க²ணானி ஸமன்னேஸி. அத்³த³ஸா கோ² உத்தரோ மாணவோ ப⁴க³வதோ காயே த்³வத்திங்ஸமஹாபுரிஸலக்க²ணானி, யேபு⁴ய்யேன த²பெத்வா த்³வே. த்³வீஸு மஹாபுரிஸலக்க²ணேஸு கங்க²தி
விசிகிச்ச²தி நாதி⁴முச்சதி ந ஸம்பஸீத³தி – கோஸோஹிதே ச வத்த²கு³ய்ஹே,
பஹூதஜிவ்ஹதாய ச. அத² கோ² ப⁴க³வதோ ஏதத³ஹோஸி – ‘‘பஸ்ஸதி கோ² மே அயங் உத்தரோ
மாணவோ த்³வத்திங்ஸமஹாபுரிஸலக்க²ணானி , யேபு⁴ய்யேன
த²பெத்வா த்³வே. த்³வீஸு மஹாபுரிஸலக்க²ணேஸு கங்க²தி விசிகிச்ச²தி
நாதி⁴முச்சதி ந ஸம்பஸீத³தி – கோஸோஹிதே ச வத்த²கு³ய்ஹே, பஹூதஜிவ்ஹதாய
சா’’தி. அத² கோ² ப⁴க³வா ததா²ரூபங் இத்³தா⁴பி⁴ஸங்கா²ரங் அபி⁴ஸங்கா²ஸி யதா²
அத்³த³ஸ உத்தரோ மாணவோ ப⁴க³வதோ கோஸோஹிதங் வத்த²கு³ய்ஹங். அத² கோ² ப⁴க³வா
ஜிவ்ஹங் நின்னாமெத்வா உபோ⁴பி கண்ணஸோதானி அனுமஸி படிமஸி [பரிமஸி (ஸீ॰ க॰)]; உபோ⁴பி நாஸிகஸோதானி [நாஸிகாஸோதானி (ஸீ॰)]
அனுமஸி படிமஸி; கேவலம்பி நலாடமண்ட³லங் ஜிவ்ஹாய சா²தே³ஸி. அத² கோ² உத்தரஸ்ஸ
மாணவஸ்ஸ ஏதத³ஹோஸி – ‘‘ஸமன்னாக³தோ கோ² ஸமணோ கோ³தமோ
த்³வத்திங்ஸமஹாபுரிஸலக்க²ணேஹி. யங்னூனாஹங் ஸமணங் கோ³தமங் அனுப³ந்தெ⁴ய்யங்,
இரியாபத²மஸ்ஸ பஸ்ஸெய்ய’’ந்தி. அத² கோ² உத்தரோ மாணவோ ஸத்தமாஸானி ப⁴க³வந்தங்
அனுப³ந்தி⁴ சா²யாவ அனபாயினீ [அனுபாயினீ (ஸ்யா॰ கங்॰ க॰)].

386.
அத² கோ² உத்தரோ மாணவோ ஸத்தன்னங் மாஸானங் அச்சயேன விதே³ஹேஸு யேன மிதி²லா
தேன சாரிகங் பக்காமி. அனுபுப்³பே³ன சாரிகங் சரமானோ யேன மிதி²லா யேன
ப்³ரஹ்மாயு ப்³ராஹ்மணோ தேனுபஸங்கமி; உபஸங்கமித்வா ப்³ரஹ்மாயுங் ப்³ராஹ்மணங்
அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னங் கோ² உத்தரங் மாணவங் ப்³ரஹ்மாயு ப்³ராஹ்மணோ ஏதத³வோச – ‘‘கச்சி,
தாத உத்தர, தங் ப⁴வந்தங் கோ³தமங் ததா² ஸந்தங்யேவ ஸத்³தோ³ அப்³பு⁴க்³க³தோ ,
நோ அஞ்ஞதா²? கச்சி பன ஸோ ப⁴வங் கோ³தமோ தாதி³ஸோ, நோ அஞ்ஞாதி³ஸோ’’தி? ‘‘ததா²
ஸந்தங்யேவ, போ⁴, தங் ப⁴வந்தங் கோ³தமங் ஸத்³தோ³ அப்³பு⁴க்³க³தோ, நோ
அஞ்ஞதா²; தாதி³ஸோவ [தாதி³ஸோவ போ⁴ (ஸீ॰ பீ॰), தாதி³ஸோ ச கோ² (ஸ்யா॰ கங்॰ க॰)] ஸோ ப⁴வங் கோ³தமோ, நோ அஞ்ஞாதி³ஸோ. ஸமன்னாக³தோ ச [ஸமன்னாக³தோ ச போ⁴ (ஸப்³ப³த்த²)] ஸோ ப⁴வங் கோ³தமோ த்³வத்திங்ஸமஹாபுரிஸலக்க²ணேஹி.

‘‘ஸுப்பதிட்டி²தபாதோ³ கோ² பன ப⁴வங் கோ³தமோ; இத³ம்பி தஸ்ஸ போ⁴தோ கோ³தமஸ்ஸ மஹாபுரிஸஸ்ஸ மஹாபுரிஸலக்க²ணங் ப⁴வதி.

‘‘ஹெட்டா² கோ² பன தஸ்ஸ போ⁴தோ கோ³தமஸ்ஸ பாத³தலேஸு சக்கானி ஜாதானி ஸஹஸ்ஸாரானி ஸனேமிகானி ஸனாபி⁴கானி ஸப்³பா³காரபரிபூரானி…

‘‘ஆயதபண்ஹி கோ² பன ஸோ ப⁴வங் கோ³தமோ…

‘‘தீ³க⁴ங்கு³லி கோ² பன ஸோ ப⁴வங் கோ³தமோ…

‘‘முது³தலுனஹத்த²பாதோ³ கோ² பன ஸோ ப⁴வங் கோ³தமோ…

‘‘ஜாலஹத்த²பாதோ³ கோ² பன ஸோ ப⁴வங் கோ³தமோ…

‘‘உஸ்ஸங்க²பாதோ³ கோ² பன ஸோ ப⁴வங் கோ³தமோ…

‘‘ஏணிஜங்கோ⁴ கோ² பன ஸோ ப⁴வங் கோ³தமோ…

‘‘டி²தகோ கோ² பன ஸோ ப⁴வங் கோ³தமோ அனோனமந்தோ உபோ⁴ஹி பாணிதலேஹி ஜண்ணுகானி பரிமஸதி பரிமஜ்ஜதி…

‘‘கோஸோஹிதவத்த²கு³ய்ஹோ கோ² பன ஸோ ப⁴வங் கோ³தமோ…

‘‘ஸுவண்ணவண்ணோ கோ² பன ஸோ ப⁴வங் கோ³தமோ கஞ்சனஸன்னிப⁴த்தசோ…

‘‘ஸுகு²மச்ச²வி கோ² பன ஸோ ப⁴வங் கோ³தமோ. ஸுகு²மத்தா ச²வியா ரஜோஜல்லங் காயே ந உபலிம்பதி…

‘‘ஏகேகலோமோ கோ² பன ஸோ ப⁴வங் கோ³தமோ; ஏகேகானி லோமானி லோமகூபேஸு ஜாதானி…

‘‘உத்³த⁴க்³க³லோமோ கோ² பன ஸோ ப⁴வங் கோ³தமோ; உத்³த⁴க்³கா³னி லோமானி ஜாதானி நீலானி அஞ்ஜனவண்ணானி குண்ட³லாவட்டானி த³க்கி²ணாவட்டகஜாதானி…

‘‘ப்³ரஹ்முஜுக³த்தோ கோ² பன ஸோ ப⁴வங் கோ³தமோ…

‘‘ஸத்துஸ்ஸதோ³ கோ² பன ஸோ ப⁴வங் கோ³தமோ…

‘‘ஸீஹபுப்³ப³த்³த⁴காயோ கோ² பன ஸோ ப⁴வங் கோ³தமோ…

‘‘சிதந்தரங்ஸோ கோ² பன ஸோ ப⁴வங் கோ³தமோ…

‘‘நிக்³ரோத⁴பரிமண்ட³லோ கோ² பன ஸோ ப⁴வங் கோ³தமோ; யாவதக்வஸ்ஸ காயோ தாவதக்வஸ்ஸ ப்³யாமோ, யாவதக்வஸ்ஸ ப்³யாமோ தாவதக்வஸ்ஸ காயோ…

‘‘ஸமவட்டக்க²ந்தோ⁴ கோ² பன ஸோ ப⁴வங் கோ³தமோ…

‘‘ரஸக்³க³ஸக்³கீ³ கோ² பன ஸோ ப⁴வங் கோ³தமோ…

‘‘ஸீஹஹனு கோ² பன ஸோ ப⁴வங் கோ³தமோ…

‘‘சத்தாலீஸத³ந்தோ கோ² பன ஸோ ப⁴வங் கோ³தமோ…

‘‘ஸமத³ந்தோ கோ² பன ஸோ ப⁴வங் கோ³தமோ…

‘‘அவிரளத³ந்தோ கோ² பன ஸோ ப⁴வங் கோ³தமோ…

‘‘ஸுஸுக்கதா³டோ² கோ² பன ஸோ ப⁴வங் கோ³தமோ…

‘‘பஹூதஜிவ்ஹோ கோ² பன ஸோ ப⁴வங் கோ³தமோ…

‘‘ப்³ரஹ்மஸ்ஸரோ கோ² பன ஸோ ப⁴வங் கோ³தமோ கரவிகபா⁴ணீ…

‘‘அபி⁴னீலனெத்தோ கோ² பன ஸோ ப⁴வங் கோ³தமோ…

‘‘கோ³பகு²மோ கோ² பன ஸோ ப⁴வங் கோ³தமோ…

‘‘உண்ணா கோ² பனஸ்ஸ போ⁴தோ கோ³தமஸ்ஸ ப⁴முகந்தரே ஜாதா ஓதா³தா முது³தூலஸன்னிபா⁴…

‘‘உண்ஹீஸஸீஸோ கோ² பன ஸோ ப⁴வங் கோ³தமோ; இத³ம்பி தஸ்ஸ போ⁴தோ கோ³தமஸ்ஸ மஹாபுரிஸஸ்ஸ மஹாபுரிஸலக்க²ணங் ப⁴வதி.

‘‘இமேஹி கோ², போ⁴, ஸோ ப⁴வங் கோ³தமோ த்³வத்திங்ஸமஹாபுரிஸலக்க²ணேஹி ஸமன்னாக³தோ.

387. ‘‘க³ச்ச²ந்தோ கோ² பன ஸோ ப⁴வங் கோ³தமோ த³க்கி²ணேனேவ பாதே³ன
பட²மங் பக்கமதி. ஸோ நாதிதூ³ரே பாத³ங் உத்³த⁴ரதி, நாச்சாஸன்னே பாத³ங்
நிக்கி²பதி; ஸோ நாதிஸீக⁴ங் க³ச்ச²தி, நாதிஸணிகங் க³ச்ச²தி; ந ச அத்³து³வேன
அத்³து³வங் ஸங்க⁴ட்டெந்தோ க³ச்ச²தி, ந ச கொ³ப்ப²கேன கொ³ப்ப²கங்
ஸங்க⁴ட்டெந்தோ க³ச்ச²தி. ஸோ க³ச்ச²ந்தோ ந ஸத்தி²ங் உன்னாமேதி, ந ஸத்தி²ங்
ஓனாமேதி; ந ஸத்தி²ங் ஸன்னாமேதி, ந ஸத்தி²ங் வினாமேதி. க³ச்ச²தோ கோ² பன தஸ்ஸ
போ⁴தோ கோ³தமஸ்ஸ அத⁴ரகாயோவ [அட்³ட⁴காயோவ (க॰), ஆரத்³த⁴காயோவ (ஸ்யா॰ கங்॰)]
இஞ்ஜதி, ந ச காயப³லேன க³ச்ச²தி. அபலோகெந்தோ கோ² பன ஸோ ப⁴வங் கோ³தமோ
ஸப்³ப³காயேனேவ அபலோகேதி; ஸோ ந உத்³த⁴ங் உல்லோகேதி, ந அதோ⁴ ஓலோகேதி; ந ச
விபெக்க²மானோ க³ச்ச²தி, யுக³மத்தஞ்ச பெக்க²தி; ததோ சஸ்ஸ உத்தரி அனாவடங்
ஞாணத³ஸ்ஸனங் ப⁴வதி. ஸோ அந்தரக⁴ரங் பவிஸந்தோ ந காயங் உன்னாமேதி , ந காயங் ஓனாமேதி; ந காயங் ஸன்னாமேதி, ந
காயங் வினாமேதி. ஸோ நாதிதூ³ரே நாச்சாஸன்னே ஆஸனஸ்ஸ பரிவத்ததி, ந ச பாணினா
ஆலம்பி³த்வா ஆஸனே நிஸீத³தி, ந ச ஆஸனஸ்மிங் காயங் பக்கி²பதி. ஸோ அந்தரக⁴ரே
நிஸின்னோ ஸமானோ ந ஹத்த²குக்குச்சங் ஆபஜ்ஜதி, ந பாத³குக்குச்சங் ஆபஜ்ஜதி; ந
அத்³து³வேன அத்³து³வங் ஆரோபெத்வா நிஸீத³தி; ந ச கொ³ப்ப²கேன கொ³ப்ப²கங்
ஆரோபெத்வா நிஸீத³தி; ந ச பாணினா ஹனுகங் உபத³ஹித்வா [உபாதி³யித்வா (ஸீ॰ பீ॰)]
நிஸீத³தி. ஸோ அந்தரக⁴ரே நிஸின்னோ ஸமானோ ந ச²ம்ப⁴தி ந கம்பதி ந வேத⁴தி ந
பரிதஸ்ஸதி. ஸோ அச²ம்பீ⁴ அகம்பீ அவேதீ⁴ அபரிதஸ்ஸீ விக³தலோமஹங்ஸோ. விவேகவத்தோ
ச ஸோ ப⁴வங் கோ³தமோ அந்தரக⁴ரே நிஸின்னோ ஹோதி. ஸோ பத்தோத³கங்
படிக்³க³ண்ஹந்தோ ந பத்தங் உன்னாமேதி, ந பத்தங்
ஓனாமேதி; ந பத்தங் ஸன்னாமேதி, ந பத்தங் வினாமேதி. ஸோ பத்தோத³கங்
படிக்³க³ண்ஹாதி நாதிதோ²கங் நாதிப³ஹுங். ஸோ ந கு²லுகு²லுகாரகங் [பு³லுபு³லுகாரகங் (ஸீ॰)] பத்தங் தோ⁴வதி, ந ஸம்பரிவத்தகங் பத்தங் தோ⁴வதி, ந
பத்தங் பூ⁴மியங் நிக்கி²பித்வா ஹத்தே² தோ⁴வதி; ஹத்தே²ஸு தோ⁴தேஸு பத்தோ
தோ⁴தோ ஹோதி, பத்தே தோ⁴தே ஹத்தா² தோ⁴தா ஹொந்தி. ஸோ பத்தோத³கங் ச²ட்³டே³தி
நாதிதூ³ரே நாச்சாஸன்னே, ந ச விச்ச²ட்³ட³யமானோ. ஸோ ஓத³னங் படிக்³க³ண்ஹந்தோ ந
பத்தங் உன்னாமேதி, ந பத்தங் ஓனாமேதி; ந பத்தங் ஸன்னாமேதி, ந பத்தங்
வினாமேதி. ஸோ ஓத³னங் படிக்³க³ண்ஹாதி நாதிதோ²கங் நாதிப³ஹுங். ப்³யஞ்ஜனங் கோ²
பன ப⁴வங் கோ³தமோ ப்³யஞ்ஜனமத்தாய ஆஹாரேதி, ந ச ப்³யஞ்ஜனேன ஆலோபங்
அதினாமேதி. த்³வத்திக்க²த்துங் கோ² ப⁴வங் கோ³தமோ முகே² ஆலோபங்
ஸம்பரிவத்தெத்வா அஜ்ஜோ²ஹரதி; ந சஸ்ஸ காசி ஓத³னமிஞ்ஜா அஸம்பி⁴ன்னா காயங்
பவிஸதி, ந சஸ்ஸ காசி ஓத³னமிஞ்ஜா முகே² அவஸிட்டா² ஹோதி; அதா²பரங் ஆலோபங்
உபனாமேதி. ரஸபடிஸங்வேதீ³ கோ² பன ஸோ ப⁴வங் கோ³தமோ ஆஹாரங் ஆஹாரேதி, நோ ச
ரஸராக³படிஸங்வேதீ³.

‘‘அட்ட²ங்க³ஸமன்னாக³தங் [அட்ட²ங்க³ஸமன்னாக³தோ (க॰)]
கோ² பன ஸோ ப⁴வங் கோ³தமோ ஆஹாரங் ஆஹாரேதி – நேவ த³வாய, ந மதா³ய ந மண்ட³னாய ந
விபூ⁴ஸனாய, யாவதே³வ இமஸ்ஸ காயஸ்ஸ டி²தியா யாபனாய, விஹிங்ஸூபரதியா
ப்³ரஹ்மசரியானுக்³க³ஹாய – ‘இதி புராணஞ்ச வேத³னங் படிஹங்கா²மி நவஞ்ச வேத³னங் ந உப்பாதெ³ஸ்ஸாமி, யாத்ரா ச மே ப⁴விஸ்ஸதி அனவஜ்ஜதா ச பா²ஸுவிஹாரோ சா’தி .
ஸோ பு⁴த்தாவீ பத்தோத³கங் படிக்³க³ண்ஹந்தோ ந பத்தங் உன்னாமேதி, ந பத்தங்
ஓனாமேதி; ந பத்தங் ஸன்னாமேதி, ந பத்தங் வினாமேதி. ஸோ பத்தோத³கங்
படிக்³க³ண்ஹாதி நாதிதோ²கங் நாதிப³ஹுங். ஸோ ந கு²லுகு²லுகாரகங் பத்தங்
தோ⁴வதி, ந ஸம்பரிவத்தகங் பத்தங் தோ⁴வதி, ந பத்தங் பூ⁴மியங் நிக்கி²பித்வா
ஹத்தே² தோ⁴வதி; ஹத்தே²ஸு தோ⁴தேஸு பத்தோ தோ⁴தோ ஹோதி, பத்தே தோ⁴தே ஹத்தா²
தோ⁴தா ஹொந்தி. ஸோ பத்தோத³கங் ச²ட்³டே³தி நாதிதூ³ரே நாச்சாஸன்னே, ந ச
விச்ச²ட்³ட³யமானோ. ஸோ பு⁴த்தாவீ ந பத்தங் பூ⁴மியங் நிக்கி²பதி நாதிதூ³ரே
நாச்சாஸன்னே, ந ச அனத்தி²கோ பத்தேன ஹோதி, ந ச அதிவேலானுரக்கீ² பத்தஸ்மிங்.
ஸோ பு⁴த்தாவீ முஹுத்தங் துண்ஹீ நிஸீத³தி, ந ச அனுமோத³னஸ்ஸ காலமதினாமேதி. ஸோ
பு⁴த்தாவீ அனுமோத³தி, ந தங் ப⁴த்தங் க³ரஹதி, ந அஞ்ஞங் ப⁴த்தங் படிகங்க²தி;
அஞ்ஞத³த்து² த⁴ம்மியா கதா²ய தங் பரிஸங் ஸந்த³ஸ்ஸேதி ஸமாத³பேதி ஸமுத்தேஜேதி
ஸம்பஹங்ஸேதி. ஸோ தங் பரிஸங் த⁴ம்மியா கதா²ய ஸந்த³ஸ்ஸெத்வா ஸமாத³பெத்வா
ஸமுத்தேஜெத்வா ஸம்பஹங்ஸெத்வா உட்டா²யாஸனா பக்கமதி. ஸோ நாதிஸீக⁴ங் க³ச்ச²தி,
நாதிஸணிகங் க³ச்ச²தி, ந ச முச்சிதுகாமோ க³ச்ச²தி; ந ச தஸ்ஸ போ⁴தோ கோ³தமஸ்ஸ
காயே சீவரங் அச்சுக்கட்ட²ங் ஹோதி ந ச அச்சோக்கட்ட²ங், ந ச காயஸ்மிங்
அல்லீனங் ந ச காயஸ்மா அபகட்ட²ங்; ந ச தஸ்ஸ போ⁴தோ கோ³தமஸ்ஸ காயம்ஹா வாதோ
சீவரங் அபவஹதி; ந ச தஸ்ஸ போ⁴தோ கோ³தமஸ்ஸ காயே ரஜோஜல்லங் உபலிம்பதி .
ஸோ ஆராமக³தோ நிஸீத³தி பஞ்ஞத்தே ஆஸனே. நிஸஜ்ஜ பாதே³ பக்கா²லேதி; ந ச ஸோ
ப⁴வங் கோ³தமோ பாத³மண்ட³னானுயோக³மனுயுத்தோ விஹரதி. ஸோ பாதே³ பக்கா²லெத்வா
நிஸீத³தி பல்லங்கங் ஆபு⁴ஜித்வா உஜுங் காயங் பணிதா⁴ய பரிமுக²ங் ஸதிங்
உபட்ட²பெத்வா. ஸோ நேவ அத்தப்³யாபா³தா⁴ய சேதேதி, ந பரப்³யாபா³தா⁴ய சேதேதி, ந
உப⁴யப்³யாபா³தா⁴ய சேதேதி; அத்தஹிதபரஹிதஉப⁴யஹிதஸப்³ப³லோகஹிதமேவ
ஸோ ப⁴வங் கோ³தமோ சிந்தெந்தோ நிஸின்னோ ஹோதி. ஸோ ஆராமக³தோ பரிஸதி த⁴ம்மங்
தே³ஸேதி, ந தங் பரிஸங் உஸ்ஸாதே³தி, ந தங் பரிஸங் அபஸாதே³தி; அஞ்ஞத³த்து²
த⁴ம்மியா கதா²ய தங் பரிஸங் ஸந்த³ஸ்ஸேதி ஸமாத³பேதி ஸமுத்தேஜேதி ஸம்பஹங்ஸேதி.

‘‘அட்ட²ங்க³ஸமன்னாக³தோ கோ² பனஸ்ஸ போ⁴தோ கோ³தமஸ்ஸ
முக²தோ கோ⁴ஸோ நிச்ச²ரதி – விஸ்ஸட்டோ² ச, விஞ்ஞெய்யோ ச, மஞ்ஜு ச, ஸவனீயோ ச,
பி³ந்து³ ச, அவிஸாரீ ச, க³ம்பீ⁴ரோ ச, நின்னாதீ³ ச. யதா²பரிஸங் கோ² பன ஸோ
ப⁴வங் கோ³தமோ ஸரேன விஞ்ஞாபேதி, ந சஸ்ஸ ப³ஹித்³தா⁴
பரிஸாய கோ⁴ஸோ நிச்ச²ரதி. தே தேன போ⁴தா கோ³தமேன த⁴ம்மியா கதா²ய ஸந்த³ஸ்ஸிதா
ஸமாத³பிதா ஸமுத்தேஜிதா ஸம்பஹங்ஸிதா உட்டா²யாஸனா பக்கமந்தி அவலோகயமானாயேவ [அபலோகயமானாயேவ (ஸீ॰ க॰)] அவிஜஹிதத்தா [அவிஜஹந்தாபா⁴வேன (ஸீ॰ ஸ்யா॰ கங்॰ பீ॰)].
அத்³த³ஸாம கோ² மயங், போ⁴, தங் ப⁴வந்தங் கோ³தமங் க³ச்ச²ந்தங், அத்³த³ஸாம
டி²தங், அத்³த³ஸாம அந்தரக⁴ரங் பவிஸந்தங், அத்³த³ஸாம அந்தரக⁴ரே நிஸின்னங்
துண்ஹீபூ⁴தங், அத்³த³ஸாம அந்தரக⁴ரே பு⁴ஞ்ஜந்தங், அத்³த³ஸாம பு⁴த்தாவிங்
நிஸின்னங் துண்ஹீபூ⁴தங், அத்³த³ஸாம பு⁴த்தாவிங் அனுமோத³ந்தங், அத்³த³ஸாம
ஆராமங் க³ச்ச²ந்தங், அத்³த³ஸாம ஆராமக³தங் நிஸின்னங்
துண்ஹீபூ⁴தங், அத்³த³ஸாம ஆராமக³தங் பரிஸதி த⁴ம்மங் தே³ஸெந்தங். ஏதி³ஸோ ச
ஏதி³ஸோ ச ஸோ ப⁴வங் கோ³தமோ, ததோ ச பி⁴ய்யோ’’தி.

388.
ஏவங் வுத்தே, ப்³ரஹ்மாயு ப்³ராஹ்மணோ உட்டா²யாஸனா ஏகங்ஸங் உத்தராஸங்க³ங்
கரித்வா யேன ப⁴க³வா தேனஞ்ஜலிங் பணாமெத்வா திக்க²த்துங் உதா³னங் உதா³னேதி –

‘‘நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ.

‘‘நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸா’’தி.

‘‘அப்பேவ நாம மயங் கதா³சி கரஹசி தேன போ⁴தா கோ³தமேன ஸமாக³ச்செ²ய்யாம? அப்பேவ நாம ஸியா கோசிதே³வ கதா²ஸல்லாபோ’’தி!

389.
அத² கோ² ப⁴க³வா விதே³ஹேஸு அனுபுப்³பே³ன சாரிகங் சரமானோ யேன மிதி²லா
தத³வஸரி. தத்ர ஸுத³ங் ப⁴க³வா மிதி²லாயங் விஹரதி மக⁴தே³வம்ப³வனே. அஸ்ஸோஸுங்
கோ² மிதி²லெய்யகா [மேதி²லெய்யகா (ஸீ॰ பீ॰)] ப்³ராஹ்மணக³ஹபதிகா – ‘‘ஸமணோ க²லு, போ⁴, கோ³தமோ
ஸக்யபுத்தோ ஸக்யகுலா பப்³ப³ஜிதோ விதே³ஹேஸு சாரிகங் சரமானோ மஹதா
பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி பி⁴க்கு²ஸதேஹி மிதி²லங் அனுப்பத்தோ,
மிதி²லாயங் விஹரதி மக⁴தே³வம்ப³வனே. தங் கோ² பன ப⁴வந்தங் கோ³தமங் ஏவங்
கல்யாணோ கித்திஸத்³தோ³ அப்³பு⁴க்³க³தோ – ‘இதிபி ஸோ ப⁴க³வா அரஹங்
ஸம்மாஸம்பு³த்³தோ⁴ விஜ்ஜாசரணஸம்பன்னோ ஸுக³தோ லோகவிதூ³ அனுத்தரோ
புரிஸத³ம்மஸாரதி² ஸத்தா² தே³வமனுஸ்ஸானங் பு³த்³தோ⁴ ப⁴க³வாதி. ஸோ இமங் லோகங்
ஸதே³வகங் ஸமாரகங் ஸப்³ரஹ்மகங் ஸஸ்ஸமணப்³ராஹ்மணிங் பஜங் ஸதே³வமனுஸ்ஸங் ஸயங் அபி⁴ஞ்ஞா ஸச்சி²கத்வா பவேதே³தி .
ஸோ த⁴ம்மங் தே³ஸேதி ஆதி³கல்யாணங் மஜ்ஜே²கல்யாணங் பரியோஸானகல்யாணங்
ஸாத்த²ங் ஸப்³யஞ்ஜனங், கேவலபரிபுண்ணங் பரிஸுத்³த⁴ங் ப்³ரஹ்மசரியங் பகாஸேதி.
ஸாது⁴ கோ² பன ததா²ரூபானங் அரஹதங் த³ஸ்ஸனங் ஹோதீ’’’தி.

அத² கோ² மிதி²லெய்யகா ப்³ராஹ்மணக³ஹபதிகா யேன ப⁴க³வா
தேனுபஸங்கமிங்ஸு; உபஸங்கமித்வா அப்பேகச்சே ப⁴க³வந்தங் அபி⁴வாதெ³த்வா
ஏகமந்தங் நிஸீதி³ங்ஸு; அப்பேகச்சே ப⁴க³வதா ஸத்³தி⁴ங் ஸம்மோதி³ங்ஸு,
ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³ங்ஸு;
அப்பேகச்சே யேன ப⁴க³வா தேனஞ்ஜலிங் பணாமெத்வா ஏகமந்தங் நிஸீதி³ங்ஸு;
அப்பேகச்சே ப⁴க³வதோ ஸந்திகே நாமகொ³த்தங் ஸாவெத்வா ஏகமந்தங் நிஸீதி³ங்ஸு;
அப்பேகச்சே துண்ஹீபூ⁴தா ஏகமந்தங் நிஸீதி³ங்ஸு.

390.
அஸ்ஸோஸி கோ² ப்³ரஹ்மாயு ப்³ராஹ்மணோ – ‘‘ஸமணோ க²லு, போ⁴, கோ³தமோ ஸக்யபுத்தோ
ஸக்யகுலா பப்³ப³ஜிதோ மிதி²லங் அனுப்பத்தோ, மிதி²லாயங் விஹரதி
மக⁴தே³வம்ப³வனே’’தி. அத² கோ² ப்³ரஹ்மாயு ப்³ராஹ்மணோ ஸம்ப³ஹுலேஹி ஸாவகேஹி
ஸத்³தி⁴ங் யேன மக⁴தே³வம்ப³வனங் தேனுபஸங்கமி. அத² கோ² ப்³ரஹ்மாயுனோ
ப்³ராஹ்மணஸ்ஸ அவிதூ³ரே அம்ப³வனஸ்ஸ ஏதத³ஹோஸி – ‘‘ந கோ² மேதங் பதிரூபங் யோஹங்
புப்³பே³ அப்படிஸங்விதி³தோ ஸமணங் கோ³தமங் த³ஸ்ஸனாய
உபஸங்கமெய்ய’’ந்தி. அத² கோ² ப்³ரஹ்மாயு ப்³ராஹ்மணோ அஞ்ஞதரங் மாணவகங்
ஆமந்தேஸி – ‘‘ஏஹி த்வங், மாணவக, யேன ஸமணோ கோ³தமோ தேனுபஸங்கம; உபஸங்கமித்வா
மம வசனேன ஸமணங் கோ³தமங் அப்பாபா³த⁴ங் அப்பாதங்கங் லஹுட்டா²னங் ப³லங்
பா²ஸுவிஹாரங் புச்ச² – ‘ப்³ரஹ்மாயு, போ⁴ கோ³தம, ப்³ராஹ்மணோ ப⁴வந்தங்
கோ³தமங் அப்பாபா³த⁴ங் அப்பாதங்கங் லஹுட்டா²னங் ப³லங் பா²ஸுவிஹாரங்
புச்ச²தீ’தி. ஏவஞ்ச வதே³ஹி – ‘ப்³ரஹ்மாயு, போ⁴
கோ³தம, ப்³ராஹ்மணோ ஜிண்ணோ வுட்³டோ⁴ மஹல்லகோ அத்³த⁴க³தோ வயோஅனுப்பத்தோ,
வீஸவஸ்ஸஸதிகோ ஜாதியா, திண்ணங் வேதா³னங் பாரகூ³ ஸனிக⁴ண்டு³கேடுபா⁴னங்
ஸாக்க²ரப்பபே⁴தா³னங் இதிஹாஸபஞ்சமானங், பத³கோ, வெய்யாகரணோ,
லோகாயதமஹாபுரிஸலக்க²ணேஸு அனவயோ. யாவதா, போ⁴, ப்³ராஹ்மணக³ஹபதிகா மிதி²லாயங்
படிவஸந்தி, ப்³ரஹ்மாயு தேஸங் ப்³ராஹ்மணோ அக்³க³மக்கா²யதி – யதி³த³ங்
போ⁴கே³ஹி; ப்³ரஹ்மாயு தேஸங் ப்³ராஹ்மணோ அக்³க³மக்கா²யதி – யதி³த³ங்
மந்தேஹி; ப்³ரஹ்மாயு தேஸங் ப்³ராஹ்மணோ அக்³க³மக்கா²யதி – யதி³த³ங் ஆயுனா சேவ யஸஸா ச. ஸோ போ⁴தோ கோ³தமஸ்ஸ த³ஸ்ஸனகாமோ’’’தி.

‘‘ஏவங் , போ⁴’’தி கோ² ஸோ மாணவகோ
ப்³ரஹ்மாயுஸ்ஸ ப்³ராஹ்மணஸ்ஸ படிஸ்ஸுத்வா யேன ப⁴க³வா தேனுபஸங்கமி;
உபஸங்கமித்வா ப⁴க³வதா ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங்
வீதிஸாரெத்வா ஏகமந்தங் அட்டா²ஸி. ஏகமந்தங் டி²தோ கோ² ஸோ மாணவகோ ப⁴க³வந்தங்
ஏதத³வோச – ‘‘ப்³ரஹ்மாயு, போ⁴ கோ³தம, ப்³ராஹ்மணோ ப⁴வந்தங் கோ³தமங்
அப்பாபா³த⁴ங் அப்பாதங்கங் லஹுட்டா²னங் ப³லங் பா²ஸுவிஹாரங் புச்ச²தி; ஏவஞ்ச
வதே³தி – ‘ப்³ரஹ்மாயு, போ⁴ கோ³தம, ப்³ராஹ்மணோ ஜிண்ணோ வுட்³டோ⁴ மஹல்லகோ
அத்³த⁴க³தோ வயோஅனுப்பத்தோ, வீஸவஸ்ஸஸதிகோ ஜாதியா, திண்ணங் வேதா³னங் பாரகூ³
ஸனிக⁴ண்டு³கேடுபா⁴னங் ஸாக்க²ரப்பபே⁴தா³னங் இதிஹாஸபஞ்சமானங், பத³கோ,
வெய்யாகரணோ, லோகாயதமஹாபுரிஸலக்க²ணேஸு அனவயோ. யாவதா,
போ⁴, ப்³ராஹ்மணக³ஹபதிகா மிதி²லாயங் படிவஸந்தி, ப்³ரஹ்மாயு தேஸங்
ப்³ராஹ்மணோ அக்³க³மக்கா²யதி – யதி³த³ங் போ⁴கே³ஹி; ப்³ரஹ்மாயு தேஸங்
ப்³ராஹ்மணோ அக்³க³மக்கா²யதி – யதி³த³ங் மந்தேஹி; ப்³ரஹ்மாயு தேஸங்
ப்³ராஹ்மணோ அக்³க³மக்கா²யதி – யதி³த³ங் ஆயுனா சேவ யஸஸா ச. ஸோ போ⁴தோ
கோ³தமஸ்ஸ த³ஸ்ஸனகாமோ’’’தி. ‘‘யஸ்ஸதா³னி, மாணவ, ப்³ரஹ்மாயு ப்³ராஹ்மணோ காலங்
மஞ்ஞதீ’’தி. அத² கோ² ஸோ மாணவகோ யேன ப்³ரஹ்மாயு ப்³ராஹ்மணோ தேனுபஸங்கமி;
உபஸங்கமித்வா ப்³ரஹ்மாயுங் ப்³ராஹ்மணங் ஏதத³வோச – ‘‘கதாவகாஸோ கொ²ம்ஹி ப⁴வதா
ஸமணேன கோ³தமேன. யஸ்ஸதா³னி ப⁴வங் காலங் மஞ்ஞதீ’’தி.

391. அத²
கோ² ப்³ரஹ்மாயு ப்³ராஹ்மணோ யேன ப⁴க³வா தேனுபஸங்கமி. அத்³த³ஸா கோ² ஸா பரிஸா
ப்³ரஹ்மாயுங் ப்³ராஹ்மணங் தூ³ரதோவ ஆக³ச்ச²ந்தங். தி³ஸ்வான ஓரமிய [ஓரமத்த² (ஸ்யா॰ கங்॰ பீ॰), ஓரமத², ஓரமதி (க॰), அத² நங் (ஸீ॰), ஓரமியாதி பன த்வாபச்சயந்ததத²ஸங்வண்ணனானுரூபங் விஸோதி⁴தபத³ங்]
ஓகாஸமகாஸி யதா² தங் ஞாதஸ்ஸ யஸஸ்ஸினோ. அத² கோ² ப்³ரஹ்மாயு ப்³ராஹ்மணோ தங்
பரிஸங் ஏதத³வோச – ‘‘அலங், போ⁴! நிஸீத³த² தும்ஹே ஸகே ஆஸனே. இதா⁴ஹங் ஸமணஸ்ஸ
கோ³தமஸ்ஸ ஸந்திகே நிஸீதி³ஸ்ஸாமீ’’தி.

அத² கோ² ப்³ரஹ்மாயு ப்³ராஹ்மணோ யேன ப⁴க³வா
தேனுபஸங்கமி; உபஸங்கமித்வா ப⁴க³வதா ஸத்³தி⁴ங் ஸம்மோதி³. ஸம்மோத³னீயங் கத²ங்
ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ²
ப்³ரஹ்மாயு ப்³ராஹ்மணோ ப⁴க³வதோ காயே த்³வத்திங்ஸமஹாபுரிஸலக்க²ணானி ஸமன்னேஸி. அத்³த³ஸா கோ² ப்³ரஹ்மாயு ப்³ராஹ்மணோ ப⁴க³வதோ
காயே த்³வத்திங்ஸமஹாபுரிஸலக்க²ணானி, யேபு⁴ய்யேன ட²பெத்வா த்³வே. த்³வீஸு
மஹாபுரிஸலக்க²ணேஸு கங்க²தி விசிகிச்ச²தி நாதி⁴முச்சதி ந ஸம்பஸீத³தி –
கோஸோஹிதே ச வத்த²கு³ய்ஹே, பஹூதஜிவ்ஹதாய ச. அத² கோ² ப்³ரஹ்மாயு ப்³ராஹ்மணோ
ப⁴க³வந்தங் கா³தா²ஹி அஜ்ஜ²பா⁴ஸி –

‘‘யே மே த்³வத்திங்ஸாதி ஸுதா, மஹாபுரிஸலக்க²ணா;

து³வே தேஸங் ந பஸ்ஸாமி, போ⁴தோ காயஸ்மிங் கோ³தம.

‘‘கச்சி கோஸோஹிதங் போ⁴தோ, வத்த²கு³ய்ஹங் நருத்தம;

நாரீஸமானஸவ்ஹயா, கச்சி ஜிவ்ஹா ந த³ஸ்ஸகா [நாரீஸஹனாம ஸவ்ஹயா, கச்சி ஜிவ்ஹா நரஸ்ஸிகா; (ஸீ॰ ஸ்யா॰ கங்॰ பீ॰)].

‘‘கச்சி பஹூதஜிவ்ஹோஸி, யதா² தங் ஜானியாமஸே;

நின்னாமயேதங் பஹூதங், கங்க²ங் வினய நோ இஸே.

‘‘தி³ட்ட²த⁴ம்மஹிதத்தா²ய, ஸம்பராயஸுகா²ய ச;

கதாவகாஸா புச்சா²ம, யங் கிஞ்சி அபி⁴பத்தி²த’’ந்தி.

392.
அத² கோ² ப⁴க³வதோ ஏதத³ஹோஸி – ‘‘பஸ்ஸதி கோ² மே அயங் ப்³ரஹ்மாயு ப்³ராஹ்மணோ
த்³வத்திங்ஸமஹாபுரிஸலக்க²ணானி, யேபு⁴ய்யேன ட²பெத்வா த்³வே. த்³வீஸு
மஹாபுரிஸலக்க²ணேஸு கங்க²தி விசிகிச்ச²தி நாதி⁴முச்சதி ந ஸம்பஸீத³தி –
கோஸோஹிதே ச வத்த²கு³ய்ஹே, பஹூதஜிவ்ஹதாய சா’’தி . அத²
கோ² ப⁴க³வா ததா²ரூபங் இத்³தா⁴பி⁴ஸங்கா²ரங் அபி⁴ஸங்கா²ஸி யதா² அத்³த³ஸ
ப்³ரஹ்மாயு ப்³ராஹ்மணோ ப⁴க³வதோ கோஸோஹிதங் வத்த²கு³ய்ஹங். அத² கோ² ப⁴க³வா
ஜிவ்ஹங் நின்னாமெத்வா உபோ⁴பி கண்ணஸோதானி அனுமஸி படிமஸி; உபோ⁴பி நாஸிகஸோதானி
அனுமஸி படிமஸி; கேவலம்பி நலாடமண்ட³லங் ஜிவ்ஹாய சா²தே³ஸி. அத² கோ² ப⁴க³வா ப்³ரஹ்மாயுங் ப்³ராஹ்மணங் கா³தா²ஹி பச்சபா⁴ஸி –

‘‘யே தே த்³வத்திங்ஸாதி ஸுதா, மஹாபுரிஸலக்க²ணா;

ஸப்³பே³ தே மம காயஸ்மிங், மா தே [மா வோ (க॰)] கங்கா²ஹு ப்³ராஹ்மண.

‘‘அபி⁴ஞ்ஞெய்யங் அபி⁴ஞ்ஞாதங், பா⁴வேதப்³ப³ஞ்ச பா⁴விதங்;

பஹாதப்³ப³ங் பஹீனங் மே, தஸ்மா பு³த்³தொ⁴ஸ்மி ப்³ராஹ்மண.

‘‘தி³ட்ட²த⁴ம்மஹிதத்தா²ய , ஸம்பராயஸுகா²ய ச;

கதாவகாஸோ புச்ச²ஸ்ஸு, யங் கிஞ்சி அபி⁴பத்தி²த’’ந்தி.

393.
அத² கோ² ப்³ரஹ்மாயுஸ்ஸ ப்³ராஹ்மணஸ்ஸ ஏதத³ஹோஸி – ‘‘கதாவகாஸோ கொ²ம்ஹி ஸமணேன
கோ³தமேன. கிங் நு கோ² அஹங் ஸமணங் கோ³தமங் புச்செ²ய்யங் – ‘தி³ட்ட²த⁴ம்மிகங்
வா அத்த²ங் ஸம்பராயிகங் வா’’’தி. அத² கோ² ப்³ரஹ்மாயுஸ்ஸ ப்³ராஹ்மணஸ்ஸ
ஏதத³ஹோஸி – ‘‘குஸலோ கோ² அஹங் தி³ட்ட²த⁴ம்மிகானங் அத்தா²னங். அஞ்ஞேபி மங்
தி³ட்ட²த⁴ம்மிகங் அத்த²ங் புச்ச²ந்தி. யங்னூனாஹங் ஸமணங் கோ³தமங்
ஸம்பராயிகங்யேவ அத்த²ங் புச்செ²ய்ய’’ந்தி. அத² கோ² ப்³ரஹ்மாயு ப்³ராஹ்மணோ
ப⁴க³வந்தங் கா³தா²ஹி அஜ்ஜ²பா⁴ஸி –

‘‘கத²ங் கோ² ப்³ராஹ்மணோ ஹோதி, கத²ங் ப⁴வதி வேத³கூ³;

தேவிஜ்ஜோ போ⁴ கத²ங் ஹோதி, ஸொத்தி²யோ கிந்தி வுச்சதி.

‘‘அரஹங் போ⁴ கத²ங் ஹோதி, கத²ங் ப⁴வதி கேவலீ;

முனி ச போ⁴ கத²ங் ஹோதி, பு³த்³தோ⁴ கிந்தி பவுச்சதீ’’தி.

394. அத² கோ² ப⁴க³வா ப்³ரஹ்மாயுங் ப்³ராஹ்மணங் கா³தா²ஹி பச்சபா⁴ஸி –

‘‘புப்³பே³னிவாஸங் யோ வேதி³, ஸக்³கா³பாயஞ்ச பஸ்ஸதி;

அதோ² ஜாதிக்க²யங் பத்தோ, அபி⁴ஞ்ஞா வோஸிதோ முனி.

‘‘சித்தங் விஸுத்³த⁴ங் ஜானாதி, முத்தங் ராகே³ஹி ஸப்³ப³ஸோ;

பஹீனஜாதிமரணோ, ப்³ரஹ்மசரியஸ்ஸ கேவலீ;

பாரகூ³ ஸப்³ப³த⁴ம்மானங், பு³த்³தோ⁴ தாதீ³ பவுச்சதீ’’தி.

ஏவங் வுத்தே, ப்³ரஹ்மாயு ப்³ராஹ்மணோ உட்டா²யாஸனா
ஏகங்ஸங் உத்தராஸங்க³ங் கரித்வா ப⁴க³வதோ பாதே³ஸு ஸிரஸா நிபதித்வா ப⁴க³வதோ
பாதா³னி முகே²ன ச பரிசும்ப³தி, பாணீஹி ச பரிஸம்பா³ஹதி, நாமஞ்ச ஸாவேதி –
‘‘ப்³ரஹ்மாயு அஹங், போ⁴ கோ³தம, ப்³ராஹ்மணோ; ப்³ரஹ்மாயு அஹங், போ⁴ கோ³தம,
ப்³ராஹ்மணோ’’தி. அத² கோ² ஸா பரிஸா அச்ச²ரியப்³பு⁴தசித்தஜாதா அஹோஸி –
‘‘அச்ச²ரியங் வத, போ⁴, அப்³பு⁴தங் வத, போ⁴! யத்ர ஹி நாமாயங் ப்³ரஹ்மாயு
ப்³ராஹ்மணோ ஞாதோ யஸஸ்ஸீ ஏவரூபங் பரமனிபச்சகாரங் கரிஸ்ஸதீ’’தி. அத² கோ²
ப⁴க³வா ப்³ரஹ்மாயுங் ப்³ராஹ்மணங் ஏதத³வோச – ‘‘அலங்,
ப்³ராஹ்மண, உட்ட²ஹ நிஸீத³ த்வங் ஸகே ஆஸனே யதோ தே மயி சித்தங் பஸன்ன’’ந்தி.
அத² கோ² ப்³ரஹ்மாயு ப்³ராஹ்மணோ உட்ட²ஹித்வா ஸகே ஆஸனே நிஸீதி³.

395. அத²
கோ² ப⁴க³வா ப்³ரஹ்மாயுஸ்ஸ ப்³ராஹ்மணஸ்ஸ அனுபுப்³பி³ங் கத²ங் கதே²ஸி,
ஸெய்யதி²த³ங் – தா³னகத²ங், ஸீலகத²ங், ஸக்³க³கத²ங்; காமானங் ஆதீ³னவங் ஓகாரங்
ஸங்கிலேஸங் நெக்க²ம்மே ஆனிஸங்ஸங் பகாஸேஸி. யதா³ ப⁴க³வா
அஞ்ஞாஸி ப்³ரஹ்மாயுங் ப்³ராஹ்மணங் கல்லசித்தங் முது³சித்தங்
வினீவரணசித்தங் உத³க்³க³சித்தங் பஸன்னசித்தங், அத² யா பு³த்³தா⁴னங்
ஸாமுக்கங்ஸிகா த⁴ம்மதே³ஸனா தங் பகாஸேஸி – து³க்க²ங், ஸமுத³யங், நிரோத⁴ங்,
மக்³க³ங். ஸெய்யதா²பி நாம ஸுத்³த⁴ங் வத்த²ங் அபக³தகாளகங் ஸம்மதே³வ ரஜனங்
படிக்³க³ண்ஹெய்ய, ஏவமேவ ப்³ரஹ்மாயுஸ்ஸ ப்³ராஹ்மணஸ்ஸ தஸ்மிங்யேவ ஆஸனே விரஜங்
வீதமலங் த⁴ம்மசக்கு²ங் உத³பாதி³ – ‘‘யங் கிஞ்சி ஸமுத³யத⁴ம்மங் ஸப்³ப³ங்
தங் நிரோத⁴த⁴ம்ம’’ந்தி. அத² கோ² ப்³ரஹ்மாயு ப்³ராஹ்மணோ தி³ட்ட²த⁴ம்மோ
பத்தத⁴ம்மோ விதி³தத⁴ம்மோ பரியோகா³ள்ஹத⁴ம்மோ திண்ணவிசிகிச்சோ²
விக³தகத²ங்கதோ² வேஸாரஜ்ஜப்பத்தோ அபரப்பச்சயோ ஸத்து²ஸாஸனே ப⁴க³வந்தங்
ஏதத³வோச – ‘‘அபி⁴க்கந்தங், போ⁴ கோ³தம, அபி⁴க்கந்தங், போ⁴ கோ³தம!
ஸெய்யதா²பி, போ⁴ கோ³தம, நிக்குஜ்ஜிதங் வா உக்குஜ்ஜெய்ய, படிச்ச²ன்னங் வா
விவரெய்ய, மூள்ஹஸ்ஸ வா மக்³க³ங் ஆசிக்கெ²ய்ய, அந்த⁴காரே வா தேலபஜ்ஜோதங்
தா⁴ரெய்ய – சக்கு²மந்தோ ரூபானி த³க்க²ந்தீதி – ஏவமேவங் போ⁴தா
கோ³தமேன அனேகபரியாயேன த⁴ம்மோ பகாஸிதோ. ஏஸாஹங் ப⁴வந்தங் கோ³தமங் ஸரணங்
க³ச்சா²மி த⁴ம்மஞ்ச பி⁴க்கு²ஸங்க⁴ஞ்ச. உபாஸகங் மங் ப⁴வங் கோ³தமோ தா⁴ரேது
அஜ்ஜதக்³கே³ பாணுபேதங் ஸரணங் க³தங். அதி⁴வாஸேது ச மே ப⁴வங் கோ³தமோ ஸ்வாதனாய
ப⁴த்தங் ஸத்³தி⁴ங் பி⁴க்கு²ஸங்கே⁴னா’’தி. அதி⁴வாஸேஸி ப⁴க³வா துண்ஹீபா⁴வேன.
அத² கோ² ப்³ரஹ்மாயு ப்³ராஹ்மணோ ப⁴க³வதோ அதி⁴வாஸனங் விதி³த்வா உட்டா²யாஸனா
ப⁴க³வந்தங் அபி⁴வாதெ³த்வா பத³க்கி²ணங் கத்வா பக்காமி .
அத² கோ² ப்³ரஹ்மாயு ப்³ராஹ்மணோ தஸ்ஸா ரத்தியா அச்சயேன ஸகே நிவேஸனே பணீதங்
கா²த³னீயங் போ⁴ஜனீயங் படியாதா³பெத்வா ப⁴க³வதோ காலங் ஆரோசாபேஸி – ‘‘காலோ,
போ⁴ கோ³தம, நிட்டி²தங் ப⁴த்த’’ந்தி.

அத² கோ² ப⁴க³வா
புப்³ப³ண்ஹஸமயங் நிவாஸெத்வா பத்தசீவரமாதா³ய யேன ப்³ரஹ்மாயுஸ்ஸ ப்³ராஹ்மணஸ்ஸ
நிவேஸனங் தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³ ஸத்³தி⁴ங்
பி⁴க்கு²ஸங்கே⁴ன. அத² கோ² ப்³ரஹ்மாயு ப்³ராஹ்மணோ ஸத்தாஹங்
பு³த்³த⁴ப்பமுக²ங் பி⁴க்கு²ஸங்க⁴ங் பணீதேன கா²த³னீயேன போ⁴ஜனீயேன ஸஹத்தா²
ஸந்தப்பேஸி ஸம்பவாரேஸி. அத² கோ² ப⁴க³வா தஸ்ஸ ஸத்தாஹஸ்ஸ அச்சயேன விதே³ஹேஸு
சாரிகங் பக்காமி. அத² கோ² ப்³ரஹ்மாயு ப்³ராஹ்மணோ அசிரபக்கந்தஸ்ஸ ப⁴க³வதோ
காலமகாஸி. அத² கோ² ஸம்ப³ஹுலா பி⁴க்கூ² யேன ப⁴க³வா
தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³ங்ஸு. ஏகமந்தங் நிஸின்னா கோ² தே பி⁴க்கூ² ப⁴க³வந்தங் ஏதத³வோசுங் –
‘‘ப்³ரஹ்மாயு, ப⁴ந்தே, ப்³ராஹ்மணோ காலங்கதோ. தஸ்ஸ கா க³தி, கோ
அபி⁴ஸம்பராயோ’’தி? ‘‘பண்டி³தோ, பி⁴க்க²வே, ப்³ரஹ்மாயு ப்³ராஹ்மணோ பச்சபாதி³
த⁴ம்மஸ்ஸானுத⁴ம்மங், ந ச மங் த⁴ம்மாதி⁴கரணங் விஹேஸேஸி. ப்³ரஹ்மாயு,
பி⁴க்க²வே, ப்³ராஹ்மணோ பஞ்சன்னங் ஓரம்பா⁴கி³யானங் ஸங்யோஜனானங் பரிக்க²யா
ஓபபாதிகோ ஹோதி, தத்த² பரினிப்³பா³யீ, அனாவத்தித⁴ம்மோ தஸ்மா லோகா’’தி.

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

ப்³ரஹ்மாயுஸுத்தங் நிட்டி²தங் பட²மங்.

2. ஸேலஸுத்தங்

396. ஏவங்
மே ஸுதங் – ஏகங் ஸமயங் ப⁴க³வா அங்கு³த்தராபேஸு சாரிகங் சரமானோ மஹதா
பி⁴க்கு²ஸங்கே⁴ன ஸத்³தி⁴ங் அட்³ட⁴தேளஸேஹி பி⁴க்கு²ஸதேஹி யேன ஆபணங் நாம
அங்கு³த்தராபானங் நிக³மோ தத³வஸரி. அஸ்ஸோஸி கோ² கேணியோ ஜடிலோ – ‘‘ஸமணோ க²லு,
போ⁴, கோ³தமோ ஸக்யபுத்தோ ஸக்யகுலா பப்³ப³ஜிதோ அங்கு³த்தராபேஸு சாரிகங்
சரமானோ மஹதா பி⁴க்கு²ஸங்கே⁴ன ஸத்³தி⁴ங் அட்³ட⁴தேளஸேஹி பி⁴க்கு²ஸதேஹி ஆபணங்
அனுப்பத்தோ. தங் கோ² பன ப⁴வந்தங் கோ³தமங் ஏவங் கல்யாணோ கித்திஸத்³தோ³
அப்³பு⁴க்³க³தோ – ‘இதிபி ஸோ ப⁴க³வா அரஹங் ஸம்மாஸம்பு³த்³தோ⁴
விஜ்ஜாசரணஸம்பன்னோ ஸுக³தோ லோகவிதூ³ அனுத்தரோ புரிஸத³ம்மஸாரதி² ஸத்தா²
தே³வமனுஸ்ஸானங் பு³த்³தோ⁴ ப⁴க³வாதி. ஸோ இமங் லோகங் ஸதே³வகங் ஸமாரகங்
ஸப்³ரஹ்மகங் ஸஸ்ஸமணப்³ராஹ்மணிங் பஜங் ஸதே³வமனுஸ்ஸங் ஸயங் அபி⁴ஞ்ஞா
ஸச்சி²கத்வா பவேதே³தி. ஸோ த⁴ம்மங் தே³ஸேதி ஆதி³கல்யாணங் மஜ்ஜே²கல்யாணங்
பரியோஸானகல்யாணங் ஸாத்த²ங் ஸப்³யஞ்ஜனங், கேவலபரிபுண்ணங் பரிஸுத்³த⁴ங்
ப்³ரஹ்மசரியங் பகாஸேதி. ஸாது⁴ கோ² பன ததா²ரூபானங் அரஹதங் த³ஸ்ஸனங்
ஹோதீ’’’தி.

அத² கோ² கேணியோ ஜடிலோ யேன ப⁴க³வா தேனுபஸங்கமி; உபஸங்கமித்வா ப⁴க³வதா ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங் நிஸின்னங் கோ² கேணியங் ஜடிலங் ப⁴க³வா த⁴ம்மியா கதா²ய ஸந்த³ஸ்ஸேஸி ஸமாத³பேஸி ஸமுத்தேஜேஸி ஸம்பஹங்ஸேஸி .
அத² கோ² கேணியோ ஜடிலோ ப⁴க³வதா த⁴ம்மியா கதா²ய ஸந்த³ஸ்ஸிதோ ஸமாத³பிதோ
ஸமுத்தேஜிதோ ஸம்பஹங்ஸிதோ ப⁴க³வந்தங் ஏதத³வோச – ‘‘அதி⁴வாஸேது மே ப⁴வங்
கோ³தமோ ஸ்வாதனாய ப⁴த்தங் ஸத்³தி⁴ங் பி⁴க்கு²ஸங்கே⁴னா’’தி. ஏவங் வுத்தே,
ப⁴க³வா கேணியங் ஜடிலங் ஏதத³வோச – ‘‘மஹா கோ², கேணிய, பி⁴க்கு²ஸங்கோ⁴
அட்³ட⁴தேளஸானி பி⁴க்கு²ஸதானி, த்வஞ்ச ப்³ராஹ்மணேஸு அபி⁴ப்பஸன்னோ’’தி.
து³தியம்பி கோ² கேணியோ ஜடிலோ ப⁴க³வந்தங் ஏதத³வோச – ‘‘கிஞ்சாபி கோ², போ⁴
கோ³தம, மஹா பி⁴க்கு²ஸங்கோ⁴ அட்³ட⁴தேளஸானி பி⁴க்கு²ஸதானி, அஹஞ்ச
ப்³ராஹ்மணேஸு அபி⁴ப்பஸன்னோ; அதி⁴வாஸேது மே ப⁴வங் கோ³தமோ ஸ்வாதனாய ப⁴த்தங்
ஸத்³தி⁴ங் பி⁴க்கு²ஸங்கே⁴னா’’தி. து³தியம்பி கோ² ப⁴க³வா கேணியங் ஜடிலங்
ஏதத³வோச – ‘‘மஹா கோ², கேணிய, பி⁴க்கு²ஸங்கோ⁴ அட்³ட⁴தேளஸானி பி⁴க்கு²ஸதானி,
த்வஞ்ச ப்³ராஹ்மணேஸு அபி⁴ப்பஸன்னோ’’தி. ததியம்பி கோ² கேணியோ ஜடிலோ
ப⁴க³வந்தங் ஏதத³வோச – ‘‘கிஞ்சாபி கோ², போ⁴ கோ³தம, மஹா பி⁴க்கு²ஸங்கோ⁴
அட்³ட⁴தேளஸானி பி⁴க்கு²ஸதானி, அஹஞ்ச ப்³ராஹ்மணேஸு அபி⁴ப்பஸன்னோ; அதி⁴வாஸேது
மே ப⁴வங் கோ³தமோ ஸ்வாதனாய ப⁴த்தங் ஸத்³தி⁴ங் பி⁴க்கு²ஸங்கே⁴னா’’தி .
அதி⁴வாஸேஸி ப⁴க³வா துண்ஹீபா⁴வேன. அத² கோ² கேணியோ ஜடிலோ ப⁴க³வதோ அதி⁴வாஸனங்
விதி³த்வா உட்டா²யாஸனா யேன ஸகோ அஸ்ஸமோ தேனுபஸங்கமி; உபஸங்கமித்வா
மித்தாமச்சே ஞாதிஸாலோஹிதே ஆமந்தேஸி – ‘‘ஸுணந்து மே பொ⁴ந்தோ, மித்தாமச்சா
ஞாதிஸாலோஹிதா; ஸமணோ மே கோ³தமோ நிமந்திதோ ஸ்வாதனாய ப⁴த்தங் ஸத்³தி⁴ங்
பி⁴க்கு²ஸங்கே⁴ன. யேன மே காயவெய்யாவடிகங் [காயவேயாவட்டிகங் (ஸீ॰ ஸ்யா॰ கங்॰), காயவெய்யாவதிகங் (க॰)] கரெய்யாதா²’’தி. ‘‘ஏவங், போ⁴’’தி கோ²
கேணியஸ்ஸ ஜடிலஸ்ஸ மித்தாமச்சா ஞாதிஸாலோஹிதா கேணியஸ்ஸ ஜடிலஸ்ஸ படிஸ்ஸுத்வா
அப்பேகச்சே உத்³த⁴னானி க²ணந்தி, அப்பேகச்சே கட்டா²னி பா²லெந்தி, அப்பேகச்சே
பா⁴ஜனானி தோ⁴வந்தி, அப்பேகச்சே உத³கமணிகங் பதிட்டா²பெந்தி, அப்பேகச்சே
ஆஸனானி பஞ்ஞபெந்தி. கேணியோ பன ஜடிலோ ஸாமங்யேவ மண்ட³லமாலங் படியாதே³தி.

397.
தேன கோ² பன ஸமயேன ஸேலோ ப்³ராஹ்மணோ ஆபணே படிவஸதி திண்ணங் வேதா³னங் பாரகூ³
ஸனிக⁴ண்டு³கேடுபா⁴னங் ஸாக்க²ரப்பபே⁴தா³னங் இதிஹாஸபஞ்சமானங் ,
பத³கோ, வெய்யாகரணோ, லோகாயதமஹாபுரிஸலக்க²ணேஸு அனவயோ, தீணி ச மாணவகஸதானி
மந்தே வாசேதி. தேன கோ² பன ஸமயேன கேணியோ ஜடிலோ ஸேலே ப்³ராஹ்மணே அபி⁴ப்பஸன்னோ
ஹோதி. அத² கோ² ஸேலோ ப்³ராஹ்மணோ தீஹி மாணவகஸதேஹி பரிவுதோ ஜங்கா⁴விஹாரங்
அனுசங்கமமானோ அனுவிசரமானோ யேன கேணியஸ்ஸ ஜடிலஸ்ஸ அஸ்ஸமோ தேனுபஸங்கமி.
அத்³த³ஸா கோ² ஸேலோ ப்³ராஹ்மணோ கேணியஸ்ஸ ஜடிலஸ்ஸ அஸ்ஸமே அப்பேகச்சே
உத்³த⁴னானி க²ணந்தே, அப்பேகச்சே கட்டா²னி பா²லெந்தே, அப்பேகச்சே பா⁴ஜனானி
தோ⁴வந்தே, அப்பேகச்சே உத³கமணிகங் பதிட்டா²பெந்தே, அப்பேகச்சே ஆஸனானி
பஞ்ஞபெந்தே, கேணியங் பன ஜடிலங் ஸாமங்யேவ மண்ட³லமாலங் படியாதெ³ந்தங்.
தி³ஸ்வான கேணியங் ஜடிலங் ஏதத³வோச – ‘‘கிங் நு போ⁴தோ கேணியஸ்ஸ ஆவாஹோ வா
ப⁴விஸ்ஸதி விவாஹோ வா ப⁴விஸ்ஸதி மஹாயஞ்ஞோ வா பச்சுபட்டி²தோ, ராஜா வா மாக³தோ⁴
ஸேனியோ பி³ம்பி³ஸாரோ நிமந்திதோ ஸ்வாதனாய ஸத்³தி⁴ங் ப³லகாயேனா’’தி? ‘‘ந மே,
போ⁴ ஸேல, ஆவாஹோ ப⁴விஸ்ஸதி நபி விவாஹோ ப⁴விஸ்ஸதி
நபி ராஜா மாக³தோ⁴ ஸேனியோ பி³ம்பி³ஸாரோ நிமந்திதோ ஸ்வாதனாய ஸத்³தி⁴ங்
ப³லகாயேன; அபி ச கோ² மே மஹாயஞ்ஞோ பச்சுபட்டி²தோ. அத்தி², போ⁴, ஸமணோ கோ³தமோ
ஸக்யபுத்தோ ஸக்யகுலா பப்³ப³ஜிதோ அங்கு³த்தராபேஸு சாரிகங் சரமானோ மஹதா
பி⁴க்கு²ஸங்கே⁴ன ஸத்³தி⁴ங் அட்³ட⁴தேளஸேஹி பி⁴க்கு²ஸதேஹி ஆபணங் அனுப்பத்தோ.
தங் கோ² பன ப⁴வந்தங் கோ³தமங் ஏவங் கல்யாணோ கித்திஸத்³தோ³ அப்³பு⁴க்³க³தோ –
‘இதிபி ஸோ ப⁴க³வா அரஹங் ஸம்மாஸம்பு³த்³தோ⁴ விஜ்ஜாசரணஸம்பன்னோ ஸுக³தோ
லோகவிதூ³ அனுத்தரோ புரிஸத³ம்மஸாரதி² ஸத்தா² தே³வமனுஸ்ஸானங் பு³த்³தோ⁴
ப⁴க³வா’தி. ஸோ மே நிமந்திதோ ஸ்வாதனாய ப⁴த்தங் ஸத்³தி⁴ங்
பி⁴க்கு²ஸங்கே⁴னா’’தி.

‘‘பு³த்³தோ⁴தி – போ⁴ கேணிய, வதே³ஸி’’?

‘‘பு³த்³தோ⁴தி – போ⁴ ஸேல, வதா³மி’’.

‘‘பு³த்³தோ⁴தி – போ⁴ கேணிய, வதே³ஸி’’?

‘‘பு³த்³தோ⁴தி – போ⁴ ஸேல, வதா³மீ’’தி.

398. அத² கோ² ஸேலஸ்ஸ ப்³ராஹ்மணஸ்ஸ ஏதத³ஹோஸி – ‘‘கோ⁴ஸோபி கோ² ஏஸோ து³ல்லபோ⁴ லோகஸ்மிங் – யதி³த³ங் ‘பு³த்³தோ⁴’தி [யதி³த³ங் பு³த்³தோ⁴ பு³த்³தோ⁴தி (க॰)]. ஆக³தானி கோ² பனம்ஹாகங் மந்தேஸு த்³வத்திங்ஸமஹாபுரிஸலக்க²ணானி, யேஹி ஸமன்னாக³தஸ்ஸ மஹாபுரிஸஸ்ஸ
த்³வேயேவ க³தியோ ப⁴வந்தி அனஞ்ஞா. ஸசே அகா³ரங் அஜ்ஜா²வஸதி, ராஜா ஹோதி
சக்கவத்தீ த⁴ம்மிகோ த⁴ம்மராஜா சாதுரந்தோ விஜிதாவீ ஜனபத³த்தா²வரியப்பத்தோ
ஸத்தரதனஸமன்னாக³தோ. தஸ்ஸிமானி ஸத்த ரதனானி ப⁴வந்தி, ஸெய்யதி²த³ங் –
சக்கரதனங், ஹத்தி²ரதனங், அஸ்ஸரதனங், மணிரதனங், இத்தி²ரதனங், க³ஹபதிரதனங்,
பரிணாயகரதனமேவ ஸத்தமங். பரோஸஹஸ்ஸங் கோ² பனஸ்ஸ புத்தா ப⁴வந்தி ஸூரா
வீரங்க³ரூபா பரஸேனப்பமத்³த³னா. ஸோ இமங் பத²விங்
ஸாக³ரபரியந்தங் அத³ண்டே³ன அஸத்தே²ன த⁴ம்மேன அபி⁴விஜிய அஜ்ஜா²வஸதி. ஸசே பன
அகா³ரஸ்மா அனகா³ரியங் பப்³ப³ஜதி, அரஹங் ஹோதி ஸம்மாஸம்பு³த்³தோ⁴ லோகே
விவட்டச்ச²தோ³’’.

‘‘கஹங் பன, போ⁴ கேணிய, ஏதரஹி ஸோ ப⁴வங் கோ³தமோ விஹரதி
அரஹங் ஸம்மாஸம்பு³த்³தோ⁴’’தி? ஏவங் வுத்தே, கேணியோ ஜடிலோ த³க்கி²ணங்
பா³ஹுங் பக்³க³ஹெத்வா ஸேலங் ப்³ராஹ்மணங் ஏதத³வோச – ‘‘யேனேஸா, போ⁴ ஸேல,
நீலவனராஜீ’’தி. அத² கோ² ஸேலோ ப்³ராஹ்மணோ தீஹி மாணவகஸதேஹி ஸத்³தி⁴ங் யேன
ப⁴க³வா தேனுபஸங்கமி. அத² கோ² ஸேலோ ப்³ராஹ்மணோ தே மாணவகே ஆமந்தேஸி –
‘‘அப்பஸத்³தா³ பொ⁴ந்தோ ஆக³ச்ச²ந்து பதே³ பத³ங் [பாதே³ பாத³ங் (ஸீ॰)] நிக்கி²பந்தா; து³ராஸதா³ [தூ³ரஸத்³தா³ (க॰)]
ஹி தே ப⁴க³வந்தோ ஸீஹாவ ஏகசரா. யதா³ சாஹங், போ⁴, ஸமணேன கோ³தமேன ஸத்³தி⁴ங்
மந்தெய்யங், மா மே பொ⁴ந்தோ அந்தரந்தரா கத²ங் ஓபாதேத². கதா²பரியோஸானங் மே
ப⁴வந்தோ ஆக³மெந்தூ’’தி. அத² கோ² ஸேலோ ப்³ராஹ்மணோ யேன ப⁴க³வா தேனுபஸங்கமி;
உபஸங்கமித்வா ப⁴க³வதா ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங்
வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² ஸேலோ ப்³ராஹ்மணோ
ப⁴க³வதோ காயே த்³வத்திங்ஸமஹாபுரிஸலக்க²ணானி ஸமன்னேஸி.

அத்³த³ஸா கோ² ஸேலோ ப்³ராஹ்மணோ ப⁴க³வதோ காயே
த்³வத்திங்ஸமஹாபுரிஸலக்க²ணானி, யேபு⁴ய்யேன ட²பெத்வா த்³வே. த்³வீஸு
மஹாபுரிஸலக்க²ணேஸு கங்க²தி விசிகிச்ச²தி நாதி⁴முச்சதி ந ஸம்பஸீத³தி –
கோஸோஹிதே ச வத்த²கு³ய்ஹே, பஹூதஜிவ்ஹதாய ச. அத²
கோ² ப⁴க³வதோ ஏதத³ஹோஸி – ‘‘பஸ்ஸதி கோ² மே அயங் ஸேலோ ப்³ராஹ்மணோ
த்³வத்திங்ஸமஹாபுரிஸலக்க²ணானி, யேபு⁴ய்யேன ட²பெத்வா த்³வே. த்³வீஸு
மஹாபுரிஸலக்க²ணேஸு கங்க²தி விசிகிச்ச²தி நாதி⁴முச்சதி ந ஸம்பஸீத³தி –
கோஸோஹிதே ச வத்த²கு³ய்ஹே, பஹூதஜிவ்ஹதாய சா’’தி. அத²
கோ² ப⁴க³வா ததா²ரூபங் இத்³தா⁴பி⁴ஸங்கா²ரங் அபி⁴ஸங்கா²ஸி, யதா² அத்³த³ஸ
ஸேலோ ப்³ராஹ்மணோ ப⁴க³வதோ கோஸோஹிதங் வத்த²கு³ய்ஹங். அத² கோ² ப⁴க³வா ஜிவ்ஹங்
நின்னாமெத்வா உபோ⁴பி கண்ணஸோதானி அனுமஸி படிமஸி; உபோ⁴பி நாஸிகஸோதானி அனுமஸி
படிமஸி; கேவலம்பி நலாடமண்ட³லங் ஜிவ்ஹாய சா²தே³ஸி. அத² கோ² ஸேலஸ்ஸ
ப்³ராஹ்மணஸ்ஸ ஏதத³ஹோஸி – ‘‘ஸமன்னாக³தோ கோ² ஸமணோ கோ³தமோ
த்³வத்திங்ஸமஹாபுரிஸலக்க²ணேஹி பரிபுண்ணேஹி, நோ அபரிபுண்ணேஹி; நோ ச கோ² நங்
ஜானாமி பு³த்³தோ⁴ வா நோ வா. ஸுதங் கோ² பன மேதங் ப்³ராஹ்மணானங் வுத்³தா⁴னங்
மஹல்லகானங் ஆசரியபாசரியானங் பா⁴ஸமானானங் – ‘யே தே ப⁴வந்தி அரஹந்தோ
ஸம்மாஸம்பு³த்³தா⁴ தே ஸகே வண்ணே ப⁴ஞ்ஞமானே அத்தானங் பாதுகரொந்தீ’தி.
யங்னூனாஹங் ஸமணங் கோ³தமங் ஸம்முகா² ஸாருப்பாஹி கா³தா²ஹி
அபி⁴த்த²வெய்ய’’ந்தி.

399. அத² கோ² ஸேலோ ப்³ராஹ்மணோ ப⁴க³வந்தங் ஸம்முகா² ஸாருப்பாஹி கா³தா²ஹி அபி⁴த்த²வி –

‘‘பரிபுண்ணகாயோ ஸுருசி, ஸுஜாதோ சாருத³ஸ்ஸனோ;

ஸுவண்ணவண்ணோஸி ப⁴க³வா, ஸுஸுக்கதா³டோ²ஸி வீரியவா [விரியவா (ஸீ॰ ஸ்யா॰ கங்॰ பீ॰)].

‘‘நரஸ்ஸ ஹி ஸுஜாதஸ்ஸ, யே ப⁴வந்தி வியஞ்ஜனா;

ஸப்³பே³ தே தவ காயஸ்மிங், மஹாபுரிஸலக்க²ணா.

‘‘பஸன்னநெத்தோ ஸுமுகோ², ப்³ரஹா [ப்³ரஹ்மா (ஸ்யா॰ கங்॰ க॰)] உஜு பதாபவா;

மஜ்ஜே² ஸமணஸங்க⁴ஸ்ஸ, ஆதி³ச்சோவ விரோசஸி.

‘‘கல்யாணத³ஸ்ஸனோ பி⁴க்கு², கஞ்சனஸன்னிப⁴த்தசோ;

கிங் தே ஸமணபா⁴வேன, ஏவங் உத்தமவண்ணினோ.

‘‘ராஜா அரஹஸி ப⁴விதுங், சக்கவத்தீ ரதே²ஸபோ⁴;

சாதுரந்தோ விஜிதாவீ, ஜம்பு³ஸண்ட³ஸ்ஸ [ஜம்பு³மண்ட³ஸ்ஸ (க॰)] இஸ்ஸரோ.

‘‘க²த்தியா போ⁴கி³ராஜானோ, அனுயந்தா [அனுயுத்தா (ஸீ॰ ஸ்யா॰ கங்॰ பீ॰)] ப⁴வந்து தே;

ராஜாபி⁴ராஜா மனுஜிந்தோ³, ரஜ்ஜங் காரேஹி கோ³தம’’.

‘‘ராஜாஹமஸ்மி ஸேலாதி, த⁴ம்மராஜா அனுத்தரோ;

த⁴ம்மேன சக்கங் வத்தேமி, சக்கங் அப்படிவத்தியங்’’.

‘‘ஸம்பு³த்³தோ⁴ படிஜானாஸி, த⁴ம்மராஜா அனுத்தரோ;

‘த⁴ம்மேன சக்கங் வத்தேமி’, இதி பா⁴ஸஸி கோ³தம.

‘‘கோ நு ஸேனாபதி போ⁴தோ, ஸாவகோ ஸத்து²ரன்வயோ;

கோ தே தமனுவத்தேதி, த⁴ம்மசக்கங் பவத்திதங்’’.

‘‘மயா பவத்திதங் சக்கங், (ஸேலாதி ப⁴க³வா த⁴ம்மசக்கங் அனுத்தரங்;

ஸாரிபுத்தோ அனுவத்தேதி, அனுஜாதோ ததா²க³தங்.

‘‘அபி⁴ஞ்ஞெய்யங் அபி⁴ஞ்ஞாதங், பா⁴வேதப்³ப³ஞ்ச பா⁴விதங்;

பஹாதப்³ப³ங் பஹீனங் மே, தஸ்மா பு³த்³தொ⁴ஸ்மி ப்³ராஹ்மண.

‘‘வினயஸ்ஸு மயி கங்க²ங், அதி⁴முச்சஸ்ஸு ப்³ராஹ்மண;

து³ல்லப⁴ங் த³ஸ்ஸனங் ஹோதி, ஸம்பு³த்³தா⁴னங் அபி⁴ண்ஹஸோ.

‘‘யேஸங் வே து³ல்லபோ⁴ லோகே, பாதுபா⁴வோ அபி⁴ண்ஹஸோ;

ஸோஹங் ப்³ராஹ்மண ஸம்பு³த்³தோ⁴, ஸல்லகத்தோ அனுத்தரோ.

‘‘ப்³ரஹ்மபூ⁴தோ அதிதுலோ, மாரஸேனப்பமத்³த³னோ;

ஸப்³பா³மித்தே வஸீ கத்வா, மோதா³மி அகுதோப⁴யோ’’.

‘‘இமங் பொ⁴ந்தோ நிஸாமேத², யதா² பா⁴ஸதி சக்கு²மா;

ஸல்லகத்தோ மஹாவீரோ, ஸீஹோவ நத³தீ வனே.

‘‘ப்³ரஹ்மபூ⁴தங் அதிதுலங், மாரஸேனப்பமத்³த³னங்;

கோ தி³ஸ்வா நப்பஸீதெ³ய்ய, அபி கண்ஹாபி⁴ஜாதிகோ.

‘‘யோ மங் இச்ச²தி அன்வேது, யோ வா நிச்ச²தி க³ச்ச²து;

இதா⁴ஹங் பப்³ப³ஜிஸ்ஸாமி, வரபஞ்ஞஸ்ஸ ஸந்திகே’’.

‘‘ஏதஞ்சே [ஏவஞ்சே (ஸ்யா॰ கங்॰)] ருச்சதி போ⁴தோ, ஸம்மாஸம்பு³த்³த⁴ஸாஸனங் [ஸம்மாஸம்பு³த்³த⁴ஸாஸனே (கத்த²சி ஸுத்தனிபாதே)];

மயம்பி பப்³ப³ஜிஸ்ஸாம, வரபஞ்ஞஸ்ஸ ஸந்திகே’’.

‘‘ப்³ராஹ்மணா திஸதா இமே, யாசந்தி பஞ்ஜலீகதா;

ப்³ரஹ்மசரியங் சரிஸ்ஸாம, ப⁴க³வா தவ ஸந்திகே’’.

‘‘ஸ்வாக்கா²தங் ப்³ரஹ்மசரியங், (ஸேலாதி ப⁴க³வா ஸந்தி³ட்டி²கமகாலிகங்;

யத்த² அமோகா⁴ பப்³ப³ஜ்ஜா, அப்பமத்தஸ்ஸ ஸிக்க²தோ’’தி.

அலத்த² கோ² ஸேலோ ப்³ராஹ்மணோ ஸபரிஸோ ப⁴க³வதோ ஸந்திகே பப்³ப³ஜ்ஜங், அலத்த² உபஸம்பத³ங்.

400. அத² கோ² கேணியோ ஜடிலோ தஸ்ஸா ரத்தியா அச்சயேன ஸகே அஸ்ஸமே பணீதங் கா²த³னீயங் போ⁴ஜனீயங் படியாதா³பெத்வா ப⁴க³வதோ காலங்
ஆரோசாபேஸி – ‘‘காலோ, போ⁴ கோ³தம, நிட்டி²தங் ப⁴த்த’’ந்தி. அத² கோ² ப⁴க³வா
புப்³ப³ண்ஹஸமயங் நிவாஸெத்வா பத்தசீவரமாதா³ய யேன கேணியஸ்ஸ ஜடிலஸ்ஸ அஸ்ஸமோ
தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³ ஸத்³தி⁴ங்
பி⁴க்கு²ஸங்கே⁴ன. அத² கோ² கேணியோ ஜடிலோ பு³த்³த⁴ப்பமுக²ங் பி⁴க்கு²ஸங்க⁴ங்
பணீதேன கா²த³னீயேன போ⁴ஜனீயேன ஸஹத்தா² ஸந்தப்பேஸி, ஸம்பவாரேஸி. அத² கோ²
கேணியோ ஜடிலோ ப⁴க³வந்தங் பு⁴த்தாவிங் ஓனீதபத்தபாணிங் அஞ்ஞதரங் நீசங் ஆஸனங்
க³ஹெத்வா ஏகமந்தங் நிஸீதி³. ஏகமந்தங் நிஸின்னங் கோ² கேணியங் ஜடிலங் ப⁴க³வா
இமாஹி கா³தா²ஹி அனுமோதி³ –

‘‘அக்³கி³ஹுத்தமுகா² யஞ்ஞா, ஸாவித்தீ ச²ந்த³ஸோ முக²ங்;

ராஜா முக²ங் மனுஸ்ஸானங், நதீ³னங் ஸாக³ரோ முக²ங்.

‘‘நக்க²த்தானங் முக²ங் சந்தோ³, ஆதி³ச்சோ தபதங் முக²ங்;

புஞ்ஞங் ஆகங்க²மானானங், ஸங்கோ⁴ வே யஜதங் முக²’’ந்தி.

அத² கோ² ப⁴க³வா கேணியங் ஜடிலங் இமாஹி கா³தா²ஹி அனுமோதி³த்வா உட்டா²யாஸனா பக்காமி.

அத² கோ² ஆயஸ்மா ஸேலோ ஸபரிஸோ ஏகோ வூபகட்டோ² அப்பமத்தோ
ஆதாபீ பஹிதத்தோ விஹரந்தோ நசிரஸ்ஸேவ – யஸ்ஸத்தா²ய குலபுத்தா ஸம்மதே³வ
அகா³ரஸ்மா அனகா³ரியங் பப்³ப³ஜந்தி தத³னுத்தரங் – ப்³ரஹ்மசரியபரியோஸானங்
தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹாஸி. ‘கீ²ணா
ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயா’தி
அப்³ப⁴ஞ்ஞாஸி. அஞ்ஞதரோ கோ² பனாயஸ்மா ஸேலோ ஸபரிஸோ
அரஹதங் அஹோஸி. அத² கோ² ஆயஸ்மா ஸேலோ ஸபரிஸோ யேன ப⁴க³வா தேனுபஸங்கமி;
உபஸங்கமித்வா ஏகங்ஸங் சீவரங் கத்வா யேன ப⁴க³வா தேனஞ்ஜலிங் பணாமெத்வா
ப⁴க³வந்தங் கா³தா²ஹி அஜ்ஜ²பா⁴ஸி –

‘‘யங் தங் ஸரணமாக³ம்ம, இதோ அட்ட²மி சக்கு²மா;

ஸத்தரத்தேன [அனுத்தரேன (க॰)] ப⁴க³வா, த³ந்தம்ஹ தவ ஸாஸனே.

‘‘துவங் பு³த்³தோ⁴ துவங் ஸத்தா², துவங் மாராபி⁴பூ⁴ முனி;

துவங் அனுஸயே செ²த்வா, திண்ணோ தாரேஸிமங் பஜங்.

‘‘உபதீ⁴ தே ஸமதிக்கந்தா, ஆஸவா தே பதா³லிதா;

ஸீஹோவ அனுபாதா³னோ, பஹீனப⁴யபே⁴ரவோ.

‘‘பி⁴க்க²வோ திஸதா இமே, திட்ட²ந்தி பஞ்ஜலீகதா;

பாதே³ வீர பஸாரேஹி, நாகா³ வந்த³ந்து ஸத்து²னோ’’தி.

ஸேலஸுத்தங் நிட்டி²தங் து³தியங்.

3. அஸ்ஸலாயனஸுத்தங்

401. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன நானாவேரஜ்ஜகானங் ப்³ராஹ்மணானங் பஞ்சமத்தானி
ப்³ராஹ்மணஸதானி ஸாவத்தி²யங் படிவஸந்தி கேனசிதே³வ கரணீயேன. அத² கோ² தேஸங்
ப்³ராஹ்மணானங் ஏதத³ஹோஸி – ‘‘அயங் கோ² ஸமணோ கோ³தமோ சாதுவண்ணிங் ஸுத்³தி⁴ங்
பஞ்ஞபேதி. கோ நு கோ² பஹோதி ஸமணேன கோ³தமேன ஸத்³தி⁴ங் அஸ்மிங் வசனே
படிமந்தேது’’ந்தி? தேன கோ² பன ஸமயேன அஸ்ஸலாயனோ நாம மாணவோ ஸாவத்தி²யங்
படிவஸதி த³ஹரோ, வுத்தஸிரோ, ஸோளஸவஸ்ஸுத்³தே³ஸிகோ ஜாதியா, திண்ணங் வேதா³னங்
பாரகூ³ ஸனிக⁴ண்டு³கேடுபா⁴னங் ஸாக்க²ரப்பபே⁴தா³னங் இதிஹாஸபஞ்சமானங், பத³கோ,
வெய்யாகரணோ, லோகாயதமஹாபுரிஸலக்க²ணேஸு அனவயோ. அத² கோ² தேஸங் ப்³ராஹ்மணானங்
ஏதத³ஹோஸி – ‘‘அயங் கோ² அஸ்ஸலாயனோ மாணவோ ஸாவத்தி²யங் படிவஸதி த³ஹரோ,
வுத்தஸிரோ, ஸோளஸவஸ்ஸுத்³தே³ஸிகோ ஜாதியா, திண்ணங் வேதா³னங் பாரகூ³…பே॰…
அனவயோ. ஸோ கோ² பஹோதி ஸமணேன கோ³தமேன ஸத்³தி⁴ங் அஸ்மிங் வசனே
படிமந்தேது’’ந்தி.

அத² கோ² தே ப்³ராஹ்மணா யேன அஸ்ஸலாயனோ மாணவோ தேனுபங்கமிங்ஸு; உபஸங்கமித்வா அஸ்ஸலாயனங் மாணவங் ஏதத³வோசுங் – ‘‘அயங், போ⁴ அஸ்ஸலாயன , ஸமணோ கோ³தமோ சாதுவண்ணிங் ஸுத்³தி⁴ங் பஞ்ஞபேதி. ஏது ப⁴வங் அஸ்ஸலாயனோ ஸமணேன கோ³தமேன ஸத்³தி⁴ங் அஸ்மிங் வசனே படிமந்தேதூ’’தி [படிமந்தேதுந்தி (பீ॰ க॰)].

ஏவங் வுத்தே, அஸ்ஸலாயனோ மாணவோ தே ப்³ராஹ்மணே ஏதத³வோச
– ‘‘ஸமணோ க²லு, போ⁴, கோ³தமோ த⁴ம்மவாதீ³; த⁴ம்மவாதி³னோ ச பன
து³ப்படிமந்தியா ப⁴வந்தி. நாஹங் ஸக்கோமி ஸமணேன கோ³தமேன ஸத்³தி⁴ங் அஸ்மிங்
வசனே படிமந்தேது’’ந்தி. து³தியம்பி கோ² தே ப்³ராஹ்மணா அஸ்ஸலாயனங் மாணவங்
ஏதத³வோசுங் – ‘‘அயங், போ⁴ அஸ்ஸலாயன, ஸமணோ கோ³தமோ சாதுவண்ணிங் ஸுத்³தி⁴ங்
பஞ்ஞபேதி. ஏது ப⁴வங் அஸ்ஸலாயனோ ஸமணேன கோ³தமேன ஸத்³தி⁴ங் அஸ்மிங் வசனே படிமந்தேது [படிமந்தேதுங் (ஸீ॰ பீ॰ க॰)].
சரிதங் கோ² பன போ⁴தா அஸ்ஸலாயனேன பரிப்³பா³ஜக’’ந்தி. து³தியம்பி கோ²
அஸ்ஸலாயனோ மாணவோ தே ப்³ராஹ்மணே ஏதத³வோச – ‘‘ஸமணோ க²லு, போ⁴, கோ³தமோ
த⁴ம்மவாதீ³; த⁴ம்மவாதி³னோ ச பன து³ப்படிமந்தியா ப⁴வந்தி .
நாஹங் ஸக்கோமி ஸமணேன கோ³தமேன ஸத்³தி⁴ங் அஸ்மிங் வசனே படிமந்தேது’’ந்தி.
ததியம்பி கோ² தே ப்³ராஹ்மணா அஸ்ஸலாயனங் மாணவங் ஏதத³வோசுங் – ‘‘அயங், போ⁴
அஸ்ஸலாயன, ஸமணோ கோ³தமோ சாதுவண்ணிங் ஸுத்³தி⁴ங் பஞ்ஞபேதி. ஏது ப⁴வங்
அஸ்ஸலாயனோ ஸமணேன கோ³தமேன ஸத்³தி⁴ங் அஸ்மிங் வசனே படிமந்தேது [படிமந்தேதுங் (ஸீ॰ பீ॰ க॰)]. சரிதங் கோ² பன போ⁴தா அஸ்ஸலாயனேன பரிப்³பா³ஜகங். மா ப⁴வங் அஸ்ஸலாயனோ அயுத்³த⁴பராஜிதங் பராஜயீ’’தி.

ஏவங் வுத்தே, அஸ்ஸலாயனோ மாணவோ தே ப்³ராஹ்மணே ஏதத³வோச –
‘‘அத்³தா⁴ கோ² அஹங் ப⁴வந்தோ ந லபா⁴மி. ஸமணோ க²லு, போ⁴, கோ³தமோ த⁴ம்மவாதீ³;
த⁴ம்மவாதி³னோ ச பன து³ப்படிமந்தியா ப⁴வந்தி. நாஹங் ஸக்கோமி ஸமணேன கோ³தமேன
ஸத்³தி⁴ங் அஸ்மிங் வசனே படிமந்தேதுந்தி. அபி சாஹங் ப⁴வந்தானங் வசனேன
க³மிஸ்ஸாமீ’’தி.

402. அத² கோ² அஸ்ஸலாயனோ மாணவோ மஹதா ப்³ராஹ்மணக³ணேன ஸத்³தி⁴ங்
யேன ப⁴க³வா தேனுபஸங்கமி; உபஸங்கமித்வா ப⁴க³வதா ஸத்³தி⁴ங் ஸம்மோதி³.
ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங்
நிஸின்னோ கோ² அஸ்ஸலாயனோ மாணவோ ப⁴க³வந்தங் ஏதத³வோச – ‘‘ப்³ராஹ்மணா, போ⁴
கோ³தம, ஏவமாஹங்ஸு – ‘ப்³ராஹ்மணோவ ஸெட்டோ² வண்ணோ, ஹீனோ அஞ்ஞோ வண்ணோ;
ப்³ராஹ்மணோவ ஸுக்கோ வண்ணோ, கண்ஹோ அஞ்ஞோ வண்ணோ; ப்³ராஹ்மணோவ ஸுஜ்ஜ²ந்தி, நோ
அப்³ராஹ்மணா; ப்³ராஹ்மணாவ ப்³ரஹ்முனோ புத்தா ஓரஸா முக²தோ ஜாதா ப்³ரஹ்மஜா ப்³ரஹ்மனிம்மிதா ப்³ரஹ்மதா³யாதா³’தி. இத⁴ ப⁴வங் கோ³தமோ கிமாஹா’’தி? ‘‘தி³ஸ்ஸந்தி [தி³ஸ்ஸந்தே (ஸீ॰ ஸ்யா॰ கங்॰ பீ॰)]
கோ² பன, அஸ்ஸலாயன, ப்³ராஹ்மணானங் ப்³ராஹ்மணியோ உதுனியோபி க³ப்³பி⁴னியோபி
விஜாயமானாபி பாயமானாபி. தே ச ப்³ராஹ்மணியோனிஜாவ ஸமானா ஏவமாஹங்ஸு –
‘ப்³ராஹ்மணோவ ஸெட்டோ² வண்ணோ, ஹீனோ அஞ்ஞோ வண்ணோ; ப்³ராஹ்மணோவ ஸுக்கோ வண்ணோ,
கண்ஹோ அஞ்ஞோ வண்ணோ; ப்³ராஹ்மணாவ ஸுஜ்ஜ²ந்தி, நோ அப்³ராஹ்மணா; ப்³ராஹ்மணாவ
ப்³ரஹ்முனோ புத்தா ஓரஸா முக²தோ ஜாதா ப்³ரஹ்மஜா ப்³ரஹ்மனிம்மிதா
ப்³ரஹ்மதா³யாதா³’’’தி. ‘‘கிஞ்சாபி ப⁴வங் கோ³தமோ
ஏவமாஹ, அத² க்²வெத்த² ப்³ராஹ்மணா ஏவமேதங் மஞ்ஞந்தி – ‘ப்³ராஹ்மணோவ ஸெட்டோ²
வண்ணோ, ஹீனோ அஞ்ஞோ வண்ணோ…பே॰… ப்³ரஹ்மதா³யாதா³’’’தி.

403.
‘‘தங் கிங் மஞ்ஞஸி, அஸ்ஸலாயன, ஸுதங் தே – ‘யோனகம்போ³ஜேஸு அஞ்ஞேஸு ச
பச்சந்திமேஸு ஜனபதே³ஸு த்³வேவ வண்ணா – அய்யோ சேவ தா³ஸோ ச; அய்யோ ஹுத்வா
தா³ஸோ ஹோதி, தா³ஸோ ஹுத்வா அய்யோ ஹோதீ’’’தி ?
‘‘ஏவங், போ⁴, ஸுதங் தங் மே – ‘யோனகம்போ³ஜேஸு அஞ்ஞேஸு ச பச்சந்திமேஸு
ஜனபதே³ஸு த்³வேவ வண்ணா – அய்யோ சேவ தா³ஸோ ச; அய்யோ ஹுத்வா தா³ஸோ ஹோதி,
தா³ஸோ ஹுத்வா அய்யோ ஹோதீ’’’தி. ‘‘எத்த², அஸ்ஸலாயன, ப்³ராஹ்மணானங் கிங்
ப³லங், கோ அஸ்ஸாஸோ யதெ³த்த² ப்³ராஹ்மணா ஏவமாஹங்ஸு – ‘ப்³ராஹ்மணோவ ஸெட்டோ²
வண்ணோ, ஹீனோ அஞ்ஞோ வண்ணோ…பே॰… ப்³ரஹ்மதா³யாதா³’’’தி? ‘‘கிஞ்சாபி ப⁴வங்
கோ³தமோ ஏவமாஹ, அத² க்²வெத்த² ப்³ராஹ்மணா ஏவமேதங் மஞ்ஞந்தி – ‘ப்³ராஹ்மணோவ
ஸெட்டோ² வண்ணோ, ஹீனோ அஞ்ஞோ வண்ணோ…பே॰… ப்³ரஹ்மதா³யாதா³’’’தி.

404.
‘‘தங் கிங் மஞ்ஞஸி, அஸ்ஸலாயன, க²த்தியோவ நு கோ² பாணாதிபாதீ அதி³ன்னாதா³யீ
காமேஸுமிச்சா²சாரீ முஸாவாதீ³ பிஸுணவாசோ ப²ருஸவாசோ ஸம்ப²ப்பலாபீ அபி⁴ஜ்ஜா²லு
ப்³யாபன்னசித்தோ மிச்சா²தி³ட்டி² காயஸ்ஸ பே⁴தா³ பரங் மரணா அபாயங்
து³க்³க³திங் வினிபாதங் நிரயங் உபபஜ்ஜெய்ய, நோ ப்³ராஹ்மணோ? வெஸ்ஸோவ நு
கோ²…பே॰… ஸுத்³தோ³வ நு கோ² பாணாதிபாதீ அதி³ன்னாதா³யீ காமேஸுமிச்சா²சாரீ
முஸாவாதீ³ பிஸுணவாசோ ப²ருஸவாசோ ஸம்ப²ப்பலாபீ அபி⁴ஜ்ஜா²லு ப்³யாபன்னசித்தோ
மிச்சா²தி³ட்டி² காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங்
நிரயங் உபபஜ்ஜெய்ய, நோ ப்³ராஹ்மணோ’’தி? ‘‘நோ ஹித³ங், போ⁴ கோ³தம. க²த்தியோபி
ஹி, போ⁴ கோ³தம, பாணாதிபாதீ அதி³ன்னாதா³யீ
காமேஸுமிச்சா²சாரீ முஸாவாதீ³ பிஸுணவாசோ ப²ருஸவாசோ ஸம்ப²ப்பலாபீ அபி⁴ஜ்ஜா²லு
ப்³யாபன்னசித்தோ மிச்சா²தி³ட்டி² காயஸ்ஸ பே⁴தா³
பரங் மரணா அபாயங் து³க்³க³திங் வினிபாதங் நிரயங் உபபஜ்ஜெய்ய. ப்³ராஹ்மணோபி
ஹி, போ⁴ கோ³தம…பே॰… வெஸ்ஸோபி ஹி, போ⁴ கோ³தம…பே॰… ஸுத்³தோ³பி ஹி, போ⁴
கோ³தம…பே॰… ஸப்³பே³பி ஹி, போ⁴ கோ³தம, சத்தாரோ வண்ணா பாணாதிபாதினோ
அதி³ன்னாதா³யினோ காமேஸுமிச்சா²சாரினோ முஸாவாதி³னோ
பிஸுணவாசா ப²ருஸவாசா ஸம்ப²ப்பலாபினோ அபி⁴ஜ்ஜா²லூ ப்³யாபன்னசித்தா
மிச்சா²தி³ட்டீ² காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங்
நிரயங் உபபஜ்ஜெய்யு’’ந்தி. ‘‘எத்த², அஸ்ஸலாயன, ப்³ராஹ்மணானங் கிங் ப³லங்,
கோ அஸ்ஸாஸோ யதெ³த்த² ப்³ராஹ்மணா ஏவமாஹங்ஸு – ‘ப்³ராஹ்மணோவ ஸெட்டோ² வண்ணோ,
ஹீனோ அஞ்ஞோ வண்ணோ…பே॰… ப்³ரஹ்மதா³யாதா³’’’தி? ‘‘கிஞ்சாபி ப⁴வங் கோ³தமோ
ஏவமாஹ, அத² க்²வெத்த² ப்³ராஹ்மணா ஏவமேதங் மஞ்ஞந்தி – ‘ப்³ராஹ்மணோவ ஸெட்டோ²
வண்ணோ, ஹீனோ அஞ்ஞோ வண்ணோ…பே॰… ப்³ரஹ்மதா³யாதா³’’’தி.

405.
‘‘தங் கிங் மஞ்ஞஸி, அஸ்ஸலாயன, ப்³ராஹ்மணோவ நு கோ² பாணாதிபாதா படிவிரதோ
அதி³ன்னாதா³னா படிவிரதோ காமேஸுமிச்சா²சாரா படிவிரதோ முஸாவாதா³ படிவிரதோ பிஸுணாய வாசாய
படிவிரதோ ப²ருஸாய வாசாய படிவிரதோ ஸம்ப²ப்பலாபா படிவிரதோ அனபி⁴ஜ்ஜா²லு
அப்³யாபன்னசித்தோ ஸம்மாதி³ட்டி² காயஸ்ஸ பே⁴தா³ பரங் மரணா ஸுக³திங் ஸக்³க³ங்
லோகங் உபபஜ்ஜெய்ய, நோ [நோ ச (க॰)] க²த்தியோ நோ
வெஸ்ஸோ, நோ ஸுத்³தோ³’’தி? ‘‘நோ ஹித³ங், போ⁴ கோ³தம! க²த்தியோபி ஹி, போ⁴
கோ³தம, பாணாதிபாதா படிவிரதோ அதி³ன்னாதா³னா படிவிரதோ காமேஸுமிச்சா²சாரா
படிவிரதோ முஸாவாதா³ படிவிரதோ பிஸுணாய வாசாய படிவிரதோ ப²ருஸாய வாசாய
படிவிரதோ ஸம்ப²ப்பலாபா படிவிரதோ அனபி⁴ஜ்ஜா²லு அப்³யாபன்னசித்தோ
ஸம்மாதி³ட்டி² காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங்
உபபஜ்ஜெய்ய. ப்³ராஹ்மணோபி ஹி, போ⁴ கோ³தம…பே॰… வெஸ்ஸோபி ஹி, போ⁴ கோ³தம…பே॰…
ஸுத்³தோ³பி ஹி, போ⁴ கோ³தம…பே॰… ஸப்³பே³பி ஹி, போ⁴ கோ³தம, சத்தாரோ வண்ணா
பாணாதிபாதா படிவிரதா அதி³ன்னாதா³னா படிவிரதா காமேஸுமிச்சா²சாரா படிவிரதா
முஸாவாதா³ படிவிரதா பிஸுணாய வாசாய படிவிரதா ப²ருஸாய வாசாய படிவிரதா
ஸம்ப²ப்பலாபா படிவிரதா அனபி⁴ஜ்ஜா²லூ அப்³யாபன்னசித்தா ஸம்மாதி³ட்டீ² காயஸ்ஸ
பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜெய்யு’’ந்தி. ‘‘எத்த²,
அஸ்ஸலாயன , ப்³ராஹ்மணானங் கிங் ப³லங், கோ அஸ்ஸாஸோ
யதெ³த்த² ப்³ராஹ்மணா ஏவமாஹங்ஸு – ‘ப்³ராஹ்மணோவ ஸெட்டோ² வண்ணோ, ஹீனோ அஞ்ஞோ
வண்ணோ…பே॰… ப்³ரஹ்மதா³யாதா³’’’தி? ‘‘கிஞ்சாபி ப⁴வங் கோ³தமோ ஏவமாஹ, அத²
க்²வெத்த² ப்³ராஹ்மணா ஏவமேதங் மஞ்ஞந்தி – ‘ப்³ராஹ்மணோவ ஸெட்டோ² வண்ணோ, ஹீனோ அஞ்ஞோ வண்ணோ…பே॰… ப்³ரஹ்மதா³யாதா³’’’தி.

406.
‘‘தங் கிங் மஞ்ஞஸி, அஸ்ஸலாயன, ப்³ராஹ்மணோவ நு கோ² பஹோதி அஸ்மிங் பதே³ஸே
அவேரங் அப்³யாப³ஜ்ஜ²ங் மெத்தசித்தங் பா⁴வேதுங், நோ க²த்தியோ, நோ வெஸ்ஸோ நோ
ஸுத்³தோ³’’தி? ‘‘நோ ஹித³ங், போ⁴ கோ³தம! க²த்தியோபி ஹி, போ⁴ கோ³தம, பஹோதி
அஸ்மிங் பதே³ஸே அவேரங் அப்³யாப³ஜ்ஜ²ங் மெத்தசித்தங் பா⁴வேதுங்;
ப்³ராஹ்மணோபி ஹி, போ⁴ கோ³தம… வெஸ்ஸோபி ஹி , போ⁴
கோ³தம… ஸுத்³தோ³பி ஹி, போ⁴ கோ³தம… ஸப்³பே³பி ஹி, போ⁴ கோ³தம, சத்தாரோ வண்ணா
பஹொந்தி அஸ்மிங் பதே³ஸே அவேரங் அப்³யாப³ஜ்ஜ²ங் மெத்தசித்தங் பா⁴வேது’’ந்தி.
‘‘எத்த², அஸ்ஸலாயன, ப்³ராஹ்மணானங் கிங் ப³லங், கோ அஸ்ஸாஸோ யதெ³த்த²
ப்³ராஹ்மணா ஏவமாஹங்ஸு – ‘ப்³ராஹ்மணோவ ஸெட்டோ² வண்ணோ, ஹீனோ அஞ்ஞோ வண்ணோ…பே॰…
ப்³ரஹ்மதா³யாதா³’’’தி? ‘‘கிஞ்சாபி ப⁴வங் கோ³தமோ ஏவமாஹ, அத² க்²வெத்த²
ப்³ராஹ்மணா ஏவமேதங் மஞ்ஞந்தி – ‘ப்³ராஹ்மணோவ ஸெட்டோ² வண்ணோ, ஹீனோ அஞ்ஞோ
வண்ணோ…பே॰… ப்³ரஹ்மதா³யாதா³’’’தி.

407. ‘‘தங் கிங் மஞ்ஞஸி, அஸ்ஸலாயன, ப்³ராஹ்மணோவ நு கோ² பஹோதி ஸொத்திஸினானிங் ஆதா³ய
நதி³ங் க³ந்த்வா ரஜோஜல்லங் பவாஹேதுங், நோ க²த்தியோ, நோ வெஸ்ஸோ, நோ
ஸுத்³தோ³’’தி? ‘‘நோ ஹித³ங், போ⁴ கோ³தம! க²த்தியோபி ஹி, போ⁴ கோ³தம, பஹோதி
ஸொத்திஸினானிங் ஆதா³ய நதி³ங் க³ந்த்வா ரஜோஜல்லங் பவாஹேதுங், ப்³ராஹ்மணோபி
ஹி, போ⁴ கோ³தம… வெஸ்ஸோபி ஹி, போ⁴ கோ³தம… ஸுத்³தோ³பி ஹி, போ⁴ கோ³தம…
ஸப்³பே³பி ஹி, போ⁴ கோ³தம, சத்தாரோ வண்ணா பஹொந்தி ஸொத்திஸினானிங் ஆதா³ய
நதி³ங் க³ந்த்வா ரஜோஜல்லங் பவாஹேது’’ந்தி. ‘‘எத்த², அஸ்ஸலாயன,
ப்³ராஹ்மணானங் கிங் ப³லங், கோ அஸ்ஸாஸோ யதெ³த்த² ப்³ராஹ்மணா ஏவமாஹங்ஸு –
‘ப்³ராஹ்மணோவ ஸெட்டோ² வண்ணோ, ஹீனோ அஞ்ஞோ வண்ணோ…பே॰… ப்³ரஹ்மதா³யாதா³’’’தி?
‘‘கிஞ்சாபி ப⁴வங் கோ³தமோ ஏவமாஹ, அத² க்²வெத்த² ப்³ராஹ்மணா ஏவமேதங் மஞ்ஞந்தி
– ‘ப்³ராஹ்மணோவ ஸெட்டோ² வண்ணோ, ஹீனோ அஞ்ஞோ வண்ணோ…பே॰… ப்³ரஹ்மதா³யாதா³’’’தி.

408. ‘‘தங் கிங் மஞ்ஞஸி, அஸ்ஸலாயன, இத⁴ ராஜா க²த்தியோ முத்³தா⁴வஸித்தோ நானாஜச்சானங் புரிஸானங் புரிஸஸதங் ஸன்னிபாதெய்ய – ‘ஆயந்து பொ⁴ந்தோ யே தத்த² க²த்தியகுலா ப்³ராஹ்மணகுலா ராஜஞ்ஞகுலா உப்பன்னா, ஸாகஸ்ஸ வா ஸாலஸ்ஸ வா [உப்பன்னா ஸாலஸ்ஸ வா (ஸீ॰ பீ॰)]
ஸலளஸ்ஸ வா சந்த³னஸ்ஸ வா பது³மகஸ்ஸ வா உத்தராரணிங் ஆதா³ய, அக்³கி³ங்
அபி⁴னிப்³ப³த்தெந்து, தேஜோ பாதுகரொந்து. ஆயந்து பன பொ⁴ந்தோ யே தத்த²
சண்டா³லகுலா நேஸாத³குலா வேனகுலா [வேணகுலா (ஸீ॰ பீ॰), வேணுகுலா (ஸ்யா॰ கங்॰)]
ரத²காரகுலா புக்குஸகுலா உப்பன்னா, ஸாபானதோ³ணியா வா ஸூகரதோ³ணியா வா
ரஜகதோ³ணியா வா ஏரண்ட³கட்ட²ஸ்ஸ வா உத்தராரணிங் ஆதா³ய, அக்³கி³ங்
அபி⁴னிப்³ப³த்தெந்து, தேஜோ பாதுகரொந்தூ’தி.

‘‘தங் கிங் மஞ்ஞஸி, அஸ்ஸலாயன, யோ ஏவங் நு கோ² ஸோ [யோ ச நு கோ² (ஸ்யா॰ கங்॰ க॰)]
க²த்தியகுலா ப்³ராஹ்மணகுலா ராஜஞ்ஞகுலா உப்பன்னேஹி ஸாகஸ்ஸ வா ஸாலஸ்ஸ வா
ஸலளஸ்ஸ வா சந்த³னஸ்ஸ வா பது³மகஸ்ஸ வா உத்தராரணிங் ஆதா³ய அக்³கி³
அபி⁴னிப்³ப³த்தோ, தேஜோ பாதுகதோ, ஸோ ஏவ நு க்²வாஸ்ஸ அக்³கி³ அச்சிமா சேவ [ச (ஸீ॰ பீ॰)] வண்ணவா [வண்ணிமா (ஸ்யா॰ கங்॰ பீ॰ க॰)]
ச பப⁴ஸ்ஸரோ ச, தேன ச ஸக்கா அக்³கி³னா அக்³கி³கரணீயங் காதுங்; யோ பன ஸோ
சண்டா³லகுலா நேஸாத³குலா வேனகுலா ரத²காரகுலா புக்குஸகுலா உப்பன்னேஹி
ஸாபானதோ³ணியா வா ஸூகரதோ³ணியா வா ரஜகதோ³ணியா வா ஏரண்ட³கட்ட²ஸ்ஸ வா
உத்தராரணிங் ஆதா³ய அக்³கி³ அபி⁴னிப்³ப³த்தோ, தேஜோ பாதுகதோ ஸ்வாஸ்ஸ அக்³கி³ ந
சேவ அச்சிமா ந ச வண்ணவா ந ச பப⁴ஸ்ஸரோ, ந ச தேன ஸக்கா அக்³கி³னா அக்³கி³கரணீயங் காது’’ந்தி? ‘‘நோ ஹித³ங், போ⁴ கோ³தம! யோபி ஹி ஸோ [யோ ஸோ (ஸீ॰ பீ॰)],
போ⁴ கோ³தம, க²த்தியகுலா ப்³ராஹ்மணகுலா ராஜஞ்ஞகுலா உப்பன்னேஹி ஸாகஸ்ஸ வா
ஸாலஸ்ஸ வா ஸலளஸ்ஸ வா சந்த³னஸ்ஸ வா பது³மகஸ்ஸ வா உத்தராரணிங் ஆதா³ய அக்³கி³
அபி⁴னிப்³ப³த்தோ, தேஜோ பாதுகதோ ஸ்வாஸ்ஸ [ஸோ சஸ்ஸ (ஸீ॰ பீ॰), ஸோபிஸ்ஸ (ஸ்யா॰ கங்॰)]
அக்³கி³ அச்சிமா சேவ வண்ணவா ச பப⁴ஸ்ஸரோ ச, தேன ச ஸக்கா அக்³கி³னா
அக்³கி³கரணீயங் காதுங்; யோபி ஸோ சண்டா³லகுலா நேஸாத³குலா வேனகுலா ரத²காரகுலா
புக்குஸகுலா உப்பன்னேஹி ஸாபானதோ³ணியா வா ஸூகரதோ³ணியா வா ரஜகதோ³ணியா வா
ஏரண்ட³கட்ட²ஸ்ஸ வா உத்தராரணிங் ஆதா³ய அக்³கி³
அபி⁴னிப்³ப³த்தோ, தேஜோ பாதுகதோ, ஸ்வாஸ்ஸ அக்³கி³ அச்சிமா சேவ வண்ணவா ச
பப⁴ஸ்ஸரோ ச, தேன ச ஸக்கா அக்³கி³னா அக்³கி³கரணீயங் காதுங். ஸப்³போ³பி ஹி,
போ⁴ கோ³தம, அக்³கி³ அச்சிமா சேவ வண்ணவா ச பப⁴ஸ்ஸரோ ச, ஸப்³பே³னபி ஸக்கா
அக்³கி³னா அக்³கி³கரணீயங் காது’’ந்தி. ‘‘எத்த², அஸ்ஸலாயன, ப்³ராஹ்மணானங்
கிங் ப³லங், கோ அஸ்ஸாஸோ யதெ³த்த² ப்³ராஹ்மணா ஏவமாஹங்ஸு – ‘ப்³ராஹ்மணோவ
ஸெட்டோ² வண்ணோ, ஹீனோ அஞ்ஞோ வண்ணோ; ப்³ராஹ்மணோவ ஸுக்கோ வண்ணோ, கண்ஹோ அஞ்ஞோ
வண்ணோ; ப்³ராஹ்மணாவ ஸுஜ்ஜ²ந்தி, நோ அப்³ராஹ்மணா; ப்³ராஹ்மணாவ ப்³ரஹ்முனோ
புத்தா ஓரஸா முக²தோ ஜாதா ப்³ரஹ்மஜா ப்³ரஹ்மனிம்மிதா ப்³ரஹ்மதா³யாதா³’’’தி?
‘‘கிஞ்சாபி ப⁴வங் கோ³தமோ ஏவமாஹ, அத² க்²வெத்த² ப்³ராஹ்மணா ஏவமேதங் மஞ்ஞந்தி
– ‘ப்³ராஹ்மணோவ ஸெட்டோ² வண்ணோ, ஹீனோ அஞ்ஞோ வண்ணோ…பே॰…
ப்³ரஹ்மதா³யாதா³’’’தி.

409. ‘‘தங்
கிங் மஞ்ஞஸி, அஸ்ஸலாயன, இத⁴ க²த்தியகுமாரோ ப்³ராஹ்மணகஞ்ஞாய ஸத்³தி⁴ங்
ஸங்வாஸங் கப்பெய்ய, தேஸங் ஸங்வாஸமன்வாய புத்தோ ஜாயேத²; யோ ஸோ
க²த்தியகுமாரேன ப்³ராஹ்மணகஞ்ஞாய புத்தோ உப்பன்னோ, ஸியா ஸோ மாதுபி ஸதி³ஸோ
பிதுபி ஸதி³ஸோ, ‘க²த்தியோ’திபி வத்தப்³போ³ ‘ப்³ராஹ்மணோ’திபி
வத்தப்³போ³’’தி? ‘‘யோ ஸோ, போ⁴ கோ³தம, க²த்தியகுமாரேன ப்³ராஹ்மணகஞ்ஞாய
புத்தோ உப்பன்னோ, ஸியா ஸோ மாதுபி ஸதி³ஸோ பிதுபி ஸதி³ஸோ, ‘க²த்தியோ’திபி
வத்தப்³போ³ ‘ப்³ராஹ்மணோ’திபி வத்தப்³போ³’’தி.

‘‘தங் கிங் மஞ்ஞஸி, அஸ்ஸலாயன, இத⁴ ப்³ராஹ்மணகுமாரோ
க²த்தியகஞ்ஞாய ஸத்³தி⁴ங் ஸங்வாஸங் கப்பெய்ய, தேஸங் ஸங்வாஸமன்வாய புத்தோ
ஜாயேத²; யோ ஸோ ப்³ராஹ்மணகுமாரேன க²த்தியகஞ்ஞாய புத்தோ உப்பன்னோ, ஸியா ஸோ
மாதுபி ஸதி³ஸோ பிதுபி ஸதி³ஸோ, ‘க²த்தியோ’திபி வத்தப்³போ³ ‘ப்³ராஹ்மணோ’திபி
வத்தப்³போ³’’தி? ‘‘யோ ஸோ, போ⁴ கோ³தம, ப்³ராஹ்மணகுமாரேன க²த்தியகஞ்ஞாய
புத்தோ உப்பன்னோ, ஸியா ஸோ மாதுபி ஸதி³ஸோ பிதுபி ஸதி³ஸோ, ‘க²த்தியோ’திபி
வத்தப்³போ³ ‘ப்³ராஹ்மணோ’திபி வத்தப்³போ³’’தி.

‘‘தங் கிங் மஞ்ஞஸி, அஸ்ஸலாயன இத⁴ வளவங் க³த்³ரபே⁴ன ஸம்பயோஜெய்யுங் [ஸங்யோஜெய்ய (க॰)],
தேஸங் ஸம்பயோக³மன்வாய கிஸோரோ ஜாயேத²; யோ ஸோ வளவாய க³த்³ரபே⁴ன கிஸோரோ
உப்பன்னோ, ஸியா ஸோ மாதுபி ஸதி³ஸோ பிதுபி ஸதி³ஸோ, ‘அஸ்ஸோ’திபி வத்தப்³போ³
‘க³த்³ரபோ⁴’திபி வத்தப்³போ³’’தி? ‘‘குண்ட³ஞ்ஹி ஸோ [வேகுரஞ்ஜாய ஹி ஸோ (ஸீ॰ பீ॰), ஸோ குமாரண்டு³பி ஸோ (ஸ்யா॰ கங்॰), வேகுலஜோ ஹி ஸோ (?)], போ⁴ கோ³தம, அஸ்ஸதரோ ஹோதி. இத³ங் ஹிஸ்ஸ , போ⁴ கோ³தம, நானாகரணங் பஸ்ஸாமி; அமுத்ர ச பனேஸானங் ந கிஞ்சி நானாகரணங் பஸ்ஸாமீ’’தி.

‘‘தங் கிங் மஞ்ஞஸி, அஸ்ஸலாயன, இதா⁴ஸ்ஸு த்³வே மாணவகா
பா⁴தரோ ஸஉத³ரியா, ஏகோ அஜ்ஜா²யகோ உபனீதோ ஏகோ அனஜ்ஜா²யகோ அனுபனீதோ. கமெத்த²
ப்³ராஹ்மணா பட²மங் போ⁴ஜெய்யுங் ஸத்³தே⁴ வா தா²லிபாகே வா யஞ்ஞே வா பாஹுனே
வா’’தி? ‘‘யோ ஸோ, போ⁴ கோ³தம, மாணவகோ அஜ்ஜா²யகோ உபனீதோ தமெத்த² ப்³ராஹ்மணா
பட²மங் போ⁴ஜெய்யுங் ஸத்³தே⁴ வா தா²லிபாகே வா யஞ்ஞே வா பாஹுனே வா. கிஞ்ஹி,
போ⁴ கோ³தம, அனஜ்ஜா²யகே அனுபனீதே தி³ன்னங் மஹப்ப²லங் ப⁴விஸ்ஸதீ’’தி?

‘‘தங் கிங் மஞ்ஞஸி, அஸ்ஸலாயன, இதா⁴ஸ்ஸு த்³வே மாணவகா
பா⁴தரோ ஸஉத³ரியா, ஏகோ அஜ்ஜா²யகோ உபனீதோ து³ஸ்ஸீலோ பாபத⁴ம்மோ, ஏகோ
அனஜ்ஜா²யகோ அனுபனீதோ ஸீலவா கல்யாணத⁴ம்மோ. கமெத்த² ப்³ராஹ்மணா பட²மங்
போ⁴ஜெய்யுங் ஸத்³தே⁴ வா தா²லிபாகே வா யஞ்ஞே வா பாஹுனே வா’’தி? ‘‘யோ ஸோ, போ⁴
கோ³தம, மாணவகோ அனஜ்ஜா²யகோ அனுபனீதோ ஸீலவா கல்யாணத⁴ம்மோ தமெத்த² ப்³ராஹ்மணா
பட²மங் போ⁴ஜெய்யுங் ஸத்³தே⁴ வா தா²லிபாகே வா யஞ்ஞே வா பாஹுனே வா. கிஞ்ஹி,
போ⁴ கோ³தம, து³ஸ்ஸீலே பாபத⁴ம்மே தி³ன்னங் மஹப்ப²லங் ப⁴விஸ்ஸதீ’’தி?

‘‘புப்³பே³ கோ² த்வங், அஸ்ஸலாயன, ஜாதிங் அக³மாஸி; ஜாதிங் க³ந்த்வா மந்தே அக³மாஸி; மந்தே க³ந்த்வா தபே அக³மாஸி; தபே க³ந்த்வா [மந்தே க³ந்த்வா தமேதங் த்வங் (ஸீ॰ பீ॰), மந்தே க³ந்த்வா தமேவ ட²பெத்வா (ஸ்யா॰ கங்॰)]
சாதுவண்ணிங் ஸுத்³தி⁴ங் பச்சாக³தோ, யமஹங் பஞ்ஞபேமீ’’தி. ஏவங் வுத்தே,
அஸ்ஸலாயனோ மாணவோ துண்ஹீபூ⁴தோ மங்குபூ⁴தோ பத்தக்க²ந்தோ⁴ அதோ⁴முகோ²
பஜ்ஜா²யந்தோ அப்படிபா⁴னோ நிஸீதி³.

410.
அத² கோ² ப⁴க³வா அஸ்ஸலாயனங் மாணவங் துண்ஹீபூ⁴தங் மங்குபூ⁴தங்
பத்தக்க²ந்த⁴ங் அதோ⁴முக²ங் பஜ்ஜா²யந்தங் அப்படிபா⁴னங் விதி³த்வா அஸ்ஸலாயனங்
மாணவங் ஏதத³வோச – ‘‘பூ⁴தபுப்³ப³ங், அஸ்ஸலாயன, ஸத்தன்னங் ப்³ராஹ்மணிஸீனங்
அரஞ்ஞாயதனே பண்ணகுடீஸு ஸம்மந்தானங் [வஸந்தானங் (ஸீ॰)] ஏவரூபங் பாபகங் தி³ட்டி²க³தங் உப்பன்னங் ஹோதி – ‘ப்³ராஹ்மணோவ ஸெட்டோ² வண்ணோ, ஹீனோ அஞ்ஞோ வண்ணோ…பே॰… ப்³ரஹ்மதா³யாதா³’தி. அஸ்ஸோஸி கோ² ,
அஸ்ஸலாயன, அஸிதோ தே³வலோ இஸி – ‘ஸத்தன்னங் கிர ப்³ராஹ்மணிஸீனங் அரஞ்ஞாயதனே
பண்ணகுடீஸு ஸம்மந்தானங் ஏவரூபங் பாபகங் தி³ட்டி²க³தங் உப்பன்னங் –
ப்³ராஹ்மணோவ ஸெட்டோ² வண்ணோ…பே॰… ப்³ரஹ்மதா³யாதா³’தி. அத² கோ², அஸ்ஸலாயன,
அஸிதோ தே³வலோ இஸி கேஸமஸ்ஸுங் கப்பெத்வா மஞ்ஜிட்ட²வண்ணானி து³ஸ்ஸானி
நிவாஸெத்வா படலியோ [அடலியோ (ஸீ॰ பீ॰), அக³லியோ (ஸ்யா॰ கங்॰)]
உபாஹனா ஆருஹித்வா ஜாதரூபமயங் த³ண்ட³ங் க³ஹெத்வா ஸத்தன்னங் ப்³ராஹ்மணிஸீனங்
பத்த²ண்டி³லே பாதுரஹோஸி. அத² கோ², அஸ்ஸலாயன, அஸிதோ தே³வலோ இஸி ஸத்தன்னங்
ப்³ராஹ்மணிஸீனங் பத்த²ண்டி³லே சங்கமமானோ ஏவமாஹ – ‘ஹந்த³, கோ நு கோ² இமே
ப⁴வந்தோ ப்³ராஹ்மணிஸயோ க³தா [க³ந்தா (ஸ்யா॰ கங்॰ க॰)]; ஹந்த³, கோ நு கோ² இமே ப⁴வந்தோ ப்³ராஹ்மணிஸயோ க³தா’தி? அத² கோ², அஸ்ஸலாயன, ஸத்தன்னங் ப்³ராஹ்மணிஸீனங் ஏதத³ஹோஸி – ‘கோ
நாயங் கா³மண்ட³லரூபோ விய ஸத்தன்னங் ப்³ராஹ்மணிஸீனங் பத்த²ண்டி³லே
சங்கமமானோ ஏவமாஹ – ‘ஹந்த³, கோ நு கோ² இமே ப⁴வந்தோ ப்³ராஹ்மணிஸயோ க³தா;
ஹந்த³, கோ நு கோ² இமே ப⁴வந்தோ ப்³ராஹ்மணிஸயோ க³தாதி? ஹந்த³, நங்
அபி⁴ஸபாமா’தி. அத² கோ², அஸ்ஸலாயன, ஸத்த ப்³ராஹ்மணிஸயோ அஸிதங் தே³வலங் இஸிங்
அபி⁴ஸபிங்ஸு – ‘ப⁴ஸ்மா, வஸல [வஸலீ (பீ॰), வஸலி (க॰), சபலீ (ஸ்யா॰ கங்॰)], ஹோஹி; ப⁴ஸ்மா, வஸல, ஹோஹீ’தி [ப⁴ஸ்மா வஸல ஹோஹீதி அபி⁴ஸபவசனங் ஸீ॰ பீ॰ பொத்த²கேஸு ஸகிதே³வ ஆக³தங்].
யதா² யதா² கோ², அஸ்ஸலாயன, ஸத்த ப்³ராஹ்மணிஸயோ அஸிதங் தே³வலங் இஸிங்
அபி⁴ஸபிங்ஸு ததா² ததா² அஸிதோ தே³வலோ இஸி அபி⁴ரூபதரோ சேவ ஹோதி த³ஸ்ஸனீயதரோ ச
பாஸாதி³கதரோ ச. அத² கோ², அஸ்ஸலாயன, ஸத்தன்னங் ப்³ராஹ்மணிஸீனங் ஏதத³ஹோஸி –
‘மோக⁴ங் வத நோ தபோ, அப²லங் ப்³ரஹ்மசரியங். மயஞ்ஹி புப்³பே³ யங் அபி⁴ஸபாம –
ப⁴ஸ்மா, வஸல, ஹோஹி; ப⁴ஸ்மா, வஸல, ஹோஹீதி ப⁴ஸ்மாவ ப⁴வதி ஏகச்சோ. இமங் பன
மயங் யதா² யதா² அபி⁴ஸபாம ததா² ததா² அபி⁴ரூபதரோ சேவ ஹோதி த³ஸ்ஸனீயதரோ ச
பாஸாதி³கதரோ சா’தி. ‘ந ப⁴வந்தானங் மோக⁴ங் தபோ, நாப²லங் ப்³ரஹ்மசரியங்.
இங்க⁴ ப⁴வந்தோ, யோ மயி மனோபதோ³ஸோ தங் பஜஹதா²’தி. ‘யோ
ப⁴வதி மனோபதோ³ஸோ தங் பஜஹாம. கோ நு ப⁴வங் ஹோதீ’தி? ‘ஸுதோ நு ப⁴வதங் – அஸிதோ
தே³வலோ இஸீ’தி? ‘ஏவங், போ⁴’. ‘ஸோ க்²வாஹங், போ⁴, ஹோமீ’தி. அத² கோ²,
அஸ்ஸலாயன, ஸத்த ப்³ராஹ்மணிஸயோ அஸிதங் தே³வலங் இஸிங் அபி⁴வாதே³துங்
உபக்கமிங்ஸு.

411. ‘‘அத²
கோ², அஸ்ஸலாயன, அஸிதோ தே³வலோ இஸி ஸத்த ப்³ராஹ்மணிஸயோ ஏதத³வோச – ‘ஸுதங்
மேதங், போ⁴, ஸத்தன்னங் கிர ப்³ராஹ்மணிஸீனங் அரஞ்ஞாயதனே பண்ணகுடீஸு
ஸம்மந்தானங் ஏவரூபங் பாபகங் தி³ட்டி²க³தங் உப்பன்னங் – ப்³ராஹ்மணோவ ஸெட்டோ² வண்ணோ, ஹீனோ அஞ்ஞோ வண்ணோ; ப்³ராஹ்மணோவ ஸுக்கோ வண்ணோ ,
கண்ஹோ அஞ்ஞோ வண்ணோ; ப்³ராஹ்மணாவ ஸுஜ்ஜ²ந்தி, நோ அப்³ராஹ்மணா; ப்³ராஹ்மணாவ
ப்³ரஹ்முனோ புத்தா ஓரஸா முக²தோ ஜாதா ப்³ரஹ்மஜா ப்³ரஹ்மனிம்மிதா
ப்³ரஹ்மதா³யாதா³’தி. ‘ஏவங், போ⁴’.

‘‘‘ஜானந்தி பன பொ⁴ந்தோ – யா ஜனிகா மாதா [ஜனிமாதா (ஸீ॰ ஸ்யா॰ கங்॰ பீ॰)] ப்³ராஹ்மணங்யேவ அக³மாஸி, நோ அப்³ராஹ்மண’ந்தி? ‘நோ ஹித³ங், போ⁴’.

‘‘‘ஜானந்தி பன பொ⁴ந்தோ – யா ஜனிகாமாது [ஜனிமாது (ஸீ॰ ஸ்யா॰ கங்॰ பீ॰)] மாதா யாவ ஸத்தமா மாதுமாதாமஹயுகா³ ப்³ராஹ்மணங்யேவ அக³மாஸி, நோ அப்³ராஹ்மண’ந்தி? ‘நோ ஹித³ங், போ⁴’.

‘‘‘ஜானந்தி பன பொ⁴ந்தோ – யோ ஜனகோ பிதா [ஜனிபிதா (ஸீ॰ ஸ்யா॰ கங்॰ பீ॰)] ப்³ராஹ்மணிங்யேவ அக³மாஸி, நோ அப்³ராஹ்மணி’ந்தி? ‘நோ ஹித³ங், போ⁴’.

‘‘‘ஜானந்தி பன பொ⁴ந்தோ – யோ ஜனகபிது [ஜனிபிது (ஸீ॰ ஸ்யா॰ கங்॰ பீ॰)] பிதா யாவ ஸத்தமா பிதுபிதாமஹயுகா³ ப்³ராஹ்மணிங்யேவ அக³மாஸி, நோ அப்³ராஹ்மணி’ந்தி? ‘நோ ஹித³ங், போ⁴’.

‘‘‘ஜானந்தி பன பொ⁴ந்தோ – யதா² க³ப்³ப⁴ஸ்ஸ அவக்கந்தி ஹோதீ’தி [ந மயங் ஜானாம போ⁴ யதா² க³ப்³ப⁴ஸ்ஸ அவக்கந்தி ஹோதீதி. யதா² கத²ங் பன போ⁴ க³ப்³ப⁴ஸ்ஸ அவக்கந்தி ஹோதீதி. (க॰)]? ‘ஜானாம மயங், போ⁴ – யதா² க³ப்³ப⁴ஸ்ஸ அவக்கந்தி ஹோதி [ந மயங் ஜானாம போ⁴ யதா² க³ப்³ப⁴ஸ்ஸ அவக்கந்தி ஹோதீதி. யதா² கத²ங் பன போ⁴ க³ப்³ப⁴ஸ்ஸ அவக்கந்தி ஹோதீதி. (க॰)]. இத⁴
மாதாபிதரோ ச ஸன்னிபதிதா ஹொந்தி, மாதா ச உதுனீ ஹோதி, க³ந்த⁴ப்³போ³ ச
பச்சுபட்டி²தோ ஹோதி; ஏவங் திண்ணங் ஸன்னிபாதா க³ப்³ப⁴ஸ்ஸ அவக்கந்தி ஹோதீ’தி.

‘‘‘ஜானந்தி பன பொ⁴ந்தோ – தக்³க⁴ [யக்³கே⁴ (ஸீ॰ ஸ்யா॰ கங்॰ பீ॰)],
ஸோ க³ந்த⁴ப்³போ³ க²த்தியோ வா ப்³ராஹ்மணோ வா வெஸ்ஸோ வா ஸுத்³தோ³ வா’தி? ‘ந
மயங், போ⁴, ஜானாம – தக்³க⁴ ஸோ க³ந்த⁴ப்³போ³ க²த்தியோ வா ப்³ராஹ்மணோ வா
வெஸ்ஸோ வா ஸுத்³தோ³ வா’தி. ‘ஏவங் ஸந்தே, போ⁴, ஜானாத² – கே தும்ஹே ஹோதா²’தி?
‘ஏவங் ஸந்தே, போ⁴ , ந மயங் ஜானாம
– கே மயங் ஹோமா’தி. தே ஹி நாம, அஸ்ஸலாயன, ஸத்த ப்³ராஹ்மணிஸயோ அஸிதேன
தே³வலேன இஸினா ஸகே ஜாதிவாதே³ ஸமனுயுஞ்ஜீயமானா ஸமனுக்³கா³ஹீயமானா
ஸமனுபா⁴ஸீயமானா ந ஸம்பாயிஸ்ஸந்தி; கிங் பன த்வங் ஏதரஹி மயா ஸகஸ்மிங்
ஜாதிவாதே³ ஸமனுயுஞ்ஜீயமானோ ஸமனுக்³கா³ஹீயமானோ ஸமனுபா⁴ஸீயமானோ ஸம்பாயிஸ்ஸஸி, யேஸங் த்வங் ஸாசரியகோ ந புண்ணோ த³ப்³பி³கா³ஹோ’’தி.

ஏவங் வுத்தே, அஸ்ஸலாயனோ மாணவோ ப⁴க³வந்தங் ஏதத³வோச –
‘‘அபி⁴க்கந்தங், போ⁴ கோ³தம…பே॰… உபாஸகங் மங் ப⁴வங் கோ³தமோ தா⁴ரேது
அஜ்ஜதக்³கே³ பாணுபேதங் ஸரணங் க³த’’ந்தி.

அஸ்ஸலாயனஸுத்தங் நிட்டி²தங் ததியங்.

4. கோ⁴டமுக²ஸுத்தங்

412. ஏவங்
மே ஸுதங் – ஏகங் ஸமயங் ஆயஸ்மா உதே³னோ பா³ராணஸியங் விஹரதி கே²மியம்ப³வனே.
தேன கோ² பன ஸமயேன கோ⁴டமுகோ² ப்³ராஹ்மணோ பா³ராணஸிங் அனுப்பத்தோ ஹோதி
கேனசிதே³வ கரணீயேன. அத² கோ² கோ⁴டமுகோ² ப்³ராஹ்மணோ ஜங்கா⁴விஹாரங்
அனுசங்கமமானோ அனுவிசரமானோ யேன கே²மியம்ப³வனங் தேனுபஸங்கமி. தேன கோ² பன
ஸமயேன ஆயஸ்மா உதே³னோ அப்³போ⁴காஸே சங்கமதி. அத² கோ² கோ⁴டமுகோ² ப்³ராஹ்மணோ
யேனாயஸ்மா உதே³னோ தேனுபஸங்கமி; உபஸங்கமித்வா ஆயஸ்மதா உதே³னேன ஸத்³தி⁴ங்
ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஆயஸ்மந்தங் உதே³னங்
சங்கமந்தங் அனுசங்கமமானோ ஏவமாஹ – ‘‘அம்போ⁴ ஸமண, ‘நத்தி² த⁴ம்மிகோ
பரிப்³ப³ஜோ’ [பரிப்³பா³ஜோ (ஸீ॰ பீ॰)] – ஏவங் மே எத்த² ஹோதி. தஞ்ச கோ² ப⁴வந்தரூபானங் வா அத³ஸ்ஸனா, யோ வா பனெத்த² த⁴ம்மோ’’தி.

ஏவங் வுத்தே, ஆயஸ்மா உதே³னோ சங்கமா ஓரோஹித்வா விஹாரங்
பவிஸித்வா பஞ்ஞத்தே ஆஸனே நிஸீதி³. கோ⁴டமுகோ²பி கோ² ப்³ராஹ்மணோ சங்கமா
ஓரோஹித்வா விஹாரங் பவிஸித்வா ஏகமந்தங் அட்டா²ஸி. ஏகமந்தங் டி²தங் கோ²
கோ⁴டமுக²ங் ப்³ராஹ்மணங் ஆயஸ்மா உதே³னோ ஏதத³வோச – ‘‘ஸங்விஜ்ஜந்தி [ஸங்விஜ்ஜந்தே (ப³ஹூஸு)] கோ², ப்³ராஹ்மண, ஆஸனானி. ஸசே ஆகங்க²ஸி, நிஸீதா³’’தி. ‘‘ஏததே³வ கோ² பன மயங் போ⁴தோ உதே³னஸ்ஸ ஆக³மயமானா (ந) நிஸீதா³ம. கத²ஞ்ஹி நாம மாதி³ஸோ புப்³பே³ அனிமந்திதோ ஆஸனே
நிஸீதி³தப்³ப³ங் மஞ்ஞெய்யா’’தி? அத² கோ² கோ⁴டமுகோ² ப்³ராஹ்மணோ அஞ்ஞதரங்
நீசங் ஆஸனங் க³ஹெத்வா ஏகமந்தங் நிஸீதி³. ஏகமந்தங் நிஸின்னோ கோ² கோ⁴டமுகோ²
ப்³ராஹ்மணோ ஆயஸ்மந்தங் உதே³னங் ஏதத³வோச – ‘‘அம்போ⁴ ஸமண, ‘நத்தி² த⁴ம்மிகோ
பரிப்³ப³ஜோ’ – ஏவங் மே எத்த² ஹோதி. தஞ்ச கோ² ப⁴வந்தரூபானங் வா அத³ஸ்ஸனா, யோ
வா பனெத்த² த⁴ம்மோ’’தி. ‘‘ஸசே கோ² பன மே த்வங், ப்³ராஹ்மண, அனுஞ்ஞெய்யங்
அனுஜானெய்யாஸி, படிக்கோஸிதப்³ப³ஞ்ச படிக்கோஸெய்யாஸி; யஸ்ஸ ச பன மே
பா⁴ஸிதஸ்ஸ அத்த²ங் ந ஜானெய்யாஸி, மமங்யேவ தத்த² உத்தரி படிபுச்செ²ய்யாஸி –
‘இத³ங், போ⁴ உதே³ன, கத²ங், இமஸ்ஸ க்வத்தோ²’தி? ஏவங் கத்வா ஸியா நோ எத்த²
கதா²ஸல்லாபோ’’தி. ‘‘அனுஞ்ஞெய்யங் க்²வாஹங் போ⁴தோ உதே³னஸ்ஸ அனுஜானிஸ்ஸாமி,
படிக்கோஸிதப்³ப³ஞ்ச படிக்கோஸிஸ்ஸாமி; யஸ்ஸ ச பனாஹங் போ⁴தோ உதே³னஸ்ஸ
பா⁴ஸிதஸ்ஸ அத்த²ங் ந ஜானிஸ்ஸாமி, ப⁴வந்தங்யேவ தத்த² உதே³னங் உத்தரி
படிபுச்சி²ஸ்ஸாமி – ‘இத³ங், போ⁴ உதே³ன, கத²ங், இமஸ்ஸ க்வத்தோ²’தி? ஏவங்
கத்வா ஹோது நோ எத்த² கதா²ஸல்லாபோ’’தி.

413.
‘‘சத்தாரோமே, ப்³ராஹ்மண, புக்³க³லா ஸந்தோ ஸங்விஜ்ஜமானா லோகஸ்மிங். கதமே
சத்தாரோ? இத⁴, ப்³ராஹ்மண, ஏகச்சோ புக்³க³லோ அத்தந்தபோ ஹோதி
அத்தபரிதாபனானுயோக³மனுயுத்தோ. இத⁴ பன, ப்³ராஹ்மண, ஏகச்சோ புக்³க³லோ பரந்தபோ
ஹோதி பரபரிதாபனானுயோக³மனுயுத்தோ. இத⁴ பன, ப்³ராஹ்மண, ஏகச்சோ புக்³க³லோ
அத்தந்தபோ ச ஹோதி அத்தபரிதாபனானுயோக³மனுயுத்தோ பரந்தபோ ச
பரபரிதாபனானுயோக³மனுயுத்தோ. இத⁴ பன, ப்³ராஹ்மண ,
ஏகச்சோ புக்³க³லோ நேவத்தந்தபோ ஹோதி நாத்தபரிதாபனானுயோக³மனுயுத்தோ, ந
பரந்தபோ ந பரபரிதாபனானுயோக³மனுயுத்தோ. ஸோ அனத்தந்தபோ அபரந்தபோ தி³ட்டே²வ
த⁴ம்மே நிச்சா²தோ நிப்³பு³தோ ஸீதீபூ⁴தோ ஸுக²ப்படிஸங்வேதீ³ ப்³ரஹ்மபூ⁴தேன
அத்தனா விஹரதி. இமேஸங், ப்³ராஹ்மண, சதுன்னங் புக்³க³லானங் கதமோ தே
புக்³க³லோ சித்தங் ஆராதே⁴தீ’’தி?

‘‘ய்வாயங், போ⁴ உதே³ன, புக்³க³லோ அத்தந்தபோ
அத்தபரிதாபனானுயோக³மனுயுத்தோ அயங் மே புக்³க³லோ சித்தங் நாராதே⁴தி;
யோபாயங், போ⁴ உதே³ன, புக்³க³லோ பரந்தபோ பரபரிதாபனானுயோக³மனுயுத்தோ அயம்பி
மே புக்³க³லோ சித்தங் நாராதே⁴தி; யோபாயங், போ⁴ உதே³ன, புக்³க³லோ அத்தந்தபோ ச
அத்தபரிதாபனானுயோக³மனுயுத்தோ பரந்தபோ ச
பரபரிதாபனானுயோக³மனுயுத்தோ அயம்பி மே புக்³க³லோ சித்தங் நாராதே⁴தி; யோ ச
கோ² அயங், போ⁴ உதே³ன, புக்³க³லோ நேவத்தந்தபோ நாத்தபரிதாபனானுயோக³மனுயுத்தோ ந
பரந்தபோ ந பரபரிதாபனானுயோக³மனுயுத்தோ ஸோ அனத்தந்தபோ அபரந்தபோ தி³ட்டே²வ
த⁴ம்மே நிச்சா²தோ நிப்³பு³தோ ஸீதீபூ⁴தோ ஸுக²ப்படிஸங்வேதீ³ ப்³ரஹ்மபூ⁴தேன
அத்தனா விஹரதி. அயமேவ மே புக்³க³லோ சித்தங் ஆராதே⁴தீ’’தி.

‘‘கஸ்மா பன தே, ப்³ராஹ்மண, இமே தயோ புக்³க³லா சித்தங்
நாராதெ⁴ந்தீ’’தி? ‘‘ய்வாயங், போ⁴ உதே³ன, புக்³க³லோ அத்தந்தபோ
அத்தபரிதாபனானுயோக³மனுயுத்தோ ஸோ அத்தானங் ஸுக²காமங் து³க்க²படிக்கூலங்
ஆதாபேதி பரிதாபேதி; இமினா மே அயங் புக்³க³லோ சித்தங் நாராதே⁴தி. யோபாயங் , போ⁴ உதே³ன, புக்³க³லோ பரந்தபோ பரபரிதாபனானுயோக³மனுயுத்தோ ஸோ பரங் ஸுக²காமங் து³க்க²படிக்கூலங்
ஆதாபேதி பரிதாபேதி; இமினா மே அயங் புக்³க³லோ சித்தங் நாராதே⁴தி. யோபாயங்,
போ⁴ உதே³ன, புக்³க³லோ அத்தந்தபோ ச அத்தபரிதாபனானுயோக³மனுயுத்தோ பரந்தபோ ச
பரபரிதாபனானுயோக³மனுயுத்தோ ஸோ அத்தானஞ்ச பரஞ்ச
ஸுக²காமங் து³க்க²படிக்கூலங் ஆதாபேதி பரிதாபேதி; இமினா மே அயங் புக்³க³லோ
சித்தங் நாராதே⁴தி. யோ ச கோ² அயங், போ⁴ உதே³ன, புக்³க³லோ நேவத்தந்தபோ
நாத்தபரிதாபனானுயோக³மனுயுத்தோ ந பரந்தபோ ந பரபரிதாபனானுயோக³மனுயுத்தோ ஸோ
அனத்தந்தபோ அபரந்தபோ தி³ட்டே²வ த⁴ம்மே நிச்சா²தோ நிப்³பு³தோ ஸீதீபூ⁴தோ
ஸுக²ப்படிஸங்வேதீ³ ப்³ரஹ்மபூ⁴தேன அத்தனா விஹரதி, ஸோ அத்தானஞ்ச பரஞ்ச
ஸுக²காமங் து³க்க²படிக்கூலங் நேவ ஆதாபேதி ந பரிதாபேதி; இமினா மே அயங்
புக்³க³லோ சித்தங் ஆராதே⁴தீ’’தி.

414.
‘‘த்³வேமா, ப்³ராஹ்மண, பரிஸா. கதமா த்³வே? இத⁴, ப்³ராஹ்மண, ஏகச்சா பரிஸா
ஸாரத்தரத்தா மணிகுண்ட³லேஸு புத்தப⁴ரியங் பரியேஸதி, தா³ஸிதா³ஸங் பரியேஸதி,
கெ²த்தவத்து²ங் பரியேஸதி, ஜாதரூபரஜதங் பரியேஸதி.

‘‘இத⁴ பன, ப்³ராஹ்மண, ஏகச்சா பரிஸா அஸாரத்தரத்தா
மணிகுண்ட³லேஸு புத்தப⁴ரியங் பஹாய, தா³ஸிதா³ஸங் பஹாய, கெ²த்தவத்து²ங் பஹாய,
ஜாதரூபரஜதங் பஹாய, அகா³ரஸ்மா அனகா³ரியங் பப்³ப³ஜிதா. ஸ்வாயங், ப்³ராஹ்மண,
புக்³க³லோ நேவத்தந்தபோ நாத்தபரிதாபனானுயோக³மனுயுத்தோ ந பரந்தபோ ந
பரபரிதாபனானுயோக³மனுயுத்தோ. ஸோ அனத்தந்தபோ அபரந்தபோ தி³ட்டே²வ த⁴ம்மே
நிச்சா²தோ நிப்³பு³தோ ஸீதீபூ⁴தோ ஸுக²ப்படிஸங்வேதீ³
ப்³ரஹ்மபூ⁴தேன அத்தனா விஹரதி. இத⁴ கதமங் த்வங், ப்³ராஹ்மண, புக்³க³லங்
கதமாய பரிஸாய ப³ஹுலங் ஸமனுபஸ்ஸஸி – யா சாயங் பரிஸா ஸாரத்தரத்தா
மணிகுண்ட³லேஸு புத்தப⁴ரியங் பரியேஸதி தா³ஸிதா³ஸங் பரியேஸதி கெ²த்தவத்து²ங்
பரியேஸதி ஜாதரூபரஜதங் பரியேஸதி, யா சாயங் பரிஸா அஸாரத்தரத்தா மணிகுண்ட³லேஸு
புத்தப⁴ரியங் பஹாய தா³ஸிதா³ஸங் பஹாய கெ²த்தவத்து²ங் பஹாய ஜாதரூபரஜதங் பஹாய
அகா³ரஸ்மா அனகா³ரியங் பப்³ப³ஜிதா’’தி?

‘‘ய்வாயங் , போ⁴ உதே³ன,
புக்³க³லோ நேவத்தந்தபோ நாத்தபரிதாபனானுயோக³மனுயுத்தோ ந பரந்தபோ ந
பரபரிதாபனானுயோக³மனுயுத்தோ ஸோ அனத்தந்தபோ அபரந்தபோ தி³ட்டே²வ த⁴ம்மே
நிச்சா²தோ நிப்³பு³தோ ஸீதீபூ⁴தோ ஸுக²ப்படிஸங்வேதீ³ ப்³ரஹ்மபூ⁴தேன அத்தனா
விஹரதி; இமாஹங் புக்³க³லங் யாயங் பரிஸா அஸாரத்தரத்தா மணிகுண்ட³லேஸு
புத்தப⁴ரியங் பஹாய தா³ஸிதா³ஸங் பஹாய கெ²த்தவத்து²ங் பஹாய ஜாதரூபரஜதங் பஹாய
அகா³ரஸ்மா அனகா³ரியங் பப்³ப³ஜிதா இமிஸ்ஸங் பரிஸாயங் ப³ஹுலங்
ஸமனுபஸ்ஸாமீ’’தி.

‘‘இதா³னேவ கோ² பன தே,
ப்³ராஹ்மண, பா⁴ஸிதங் – ‘மயங் ஏவங் ஆஜானாம – அம்போ⁴ ஸமண, நத்தி² த⁴ம்மிகோ
பரிப்³ப³ஜோ, ஏவங் மே எத்த² ஹோதி. தஞ்ச கோ² ப⁴வந்தரூபானங் வா அத³ஸ்ஸனா, யோ
வா பனெத்த² த⁴ம்மோ’’’தி. ‘‘அத்³தா⁴ மேஸா, போ⁴ உதே³ன, ஸானுக்³க³ஹா வாசா
பா⁴ஸிதா. ‘அத்தி² த⁴ம்மிகோ பரிப்³ப³ஜோ’ – ஏவங் மே எத்த² ஹோதி. ஏவஞ்ச பன மங்
ப⁴வங் உதே³னோ தா⁴ரேது. யே ச மே போ⁴தா உதே³னேன சத்தாரோ புக்³க³லா
ஸங்கி²த்தேன வுத்தா வித்தா²ரேன அவிப⁴த்தா, ஸாது⁴ மே ப⁴வங், உதே³னோ இமே
சத்தாரோ புக்³க³லே வித்தா²ரேன விப⁴ஜது அனுகம்பங்
உபாதா³யா’’தி. ‘‘தேன ஹி, ப்³ராஹ்மண, ஸுணாஹி, ஸாது⁴கங் மனஸி கரோஹி,
பா⁴ஸிஸ்ஸாமீ’’தி. ‘‘ஏவங், போ⁴’’தி கோ² கோ⁴டமுகோ² ப்³ராஹ்மணோ ஆயஸ்மதோ
உதே³னஸ்ஸ பச்சஸ்ஸோஸி. ஆயஸ்மா உதே³னோ ஏதத³வோச –

415.
‘‘கதமோ ச, ப்³ராஹ்மண, புக்³க³லோ அத்தந்தபோ அத்தபரிதாபனானுயோக³மனுயுத்தோ?
இத⁴, ப்³ராஹ்மண, ஏகச்சோ புக்³க³லோ அசேலகோ ஹோதி முத்தாசாரோ ஹத்தா²பலேக²னோ
நஏஹிப⁴த்³த³ந்திகோ நதிட்ட²ப⁴த்³த³ந்திகோ, நாபி⁴ஹடங் ந உத்³தி³ஸ்ஸகதங் ந
நிமந்தனங் ஸாதி³யதி. ஸோ ந கும்பி⁴முகா² படிக்³க³ண்ஹாதி, ந களோபிமுகா²
படிக்³க³ண்ஹாதி, ந ஏளகமந்தரங், ந த³ண்ட³மந்தரங், ந முஸலமந்தரங், ந
த்³வின்னங் பு⁴ஞ்ஜமானானங், ந க³ப்³பி⁴னியா, ந பாயமானாய , ந
புரிஸந்தரக³தாய, ந ஸங்கித்தீஸு, ந யத்த² ஸா உபட்டி²தோ ஹோதி, ந யத்த²
மக்கி²கா ஸண்ட³ஸண்ட³சாரினீ, ந மச்ச²ங் ந மங்ஸங், ந ஸுரங் ந மேரயங் ந
து²ஸோத³கங் பிவதி. ஸோ ஏகாகா³ரிகோ வா ஹோதி ஏகாலோபிகோ, த்³வாகா³ரிகோ வா ஹோதி
த்³வாலோபிகோ…பே॰… ஸத்தாகா³ரிகோ வா ஹோதி ஸத்தாலோபிகோ; ஏகிஸ்ஸாபி த³த்தியா
யாபேதி, த்³வீஹிபி த³த்தீஹி யாபேதி…பே॰… ஸத்தஹிபி த³த்தீஹி யாபேதி;
ஏகாஹிகம்பி ஆஹாரங் ஆஹாரேதி, த்³வீஹிகம்பி ஆஹாரங் ஆஹாரேதி…பே॰… ஸத்தாஹிகம்பி
ஆஹாரங் ஆஹாரேதி – இதி ஏவரூபங் அத்³த⁴மாஸிகங்
பரியாயப⁴த்தபோ⁴ஜனானுயோக³மனுயுத்தோ விஹரதி. ஸோ ஸாகப⁴க்கோ² வா ஹோதி,
ஸாமாகப⁴க்கோ² வா ஹோதி, நீவாரப⁴க்கோ² வா ஹோதி, த³த்³து³லப⁴க்கோ² வா ஹோதி ,
ஹடப⁴க்கோ² வா ஹோதி, கணப⁴க்கோ² வா ஹோதி, ஆசாமப⁴க்கோ² வா ஹோதி,
பிஞ்ஞாகப⁴க்கோ² வா ஹோதி, திணப⁴க்கோ² வா ஹோதி, கோ³மயப⁴க்கோ² வா ஹோதி,
வனமூலப²லாஹாரோ யாபேதி பவத்தப²லபோ⁴ஜீ. ஸோ ஸாணானிபி தா⁴ரேதி, மஸாணானிபி
தா⁴ரேதி, ச²வது³ஸ்ஸானிபி தா⁴ரேதி, பங்ஸுகூலானிபி தா⁴ரேதி, திரீடானிபி
தா⁴ரேதி, அஜினம்பி தா⁴ரேதி, அஜினக்கி²பம்பி தா⁴ரேதி, குஸசீரம்பி தா⁴ரேதி,
வாகசீரம்பி தா⁴ரேதி, ப²லகசீரம்பி தா⁴ரேதி, கேஸகம்ப³லம்பி தா⁴ரேதி,
வாளகம்ப³லம்பி தா⁴ரேதி, உலூகபக்க²ம்பி தா⁴ரேதி; கேஸமஸ்ஸுலோசகோபி ஹோதி
கேஸமஸ்ஸுலோசனானுயோக³மனுயுத்தோ , உப்³ப⁴ட்ட²கோபி ஹோதி
ஆஸனபடிக்கி²த்தோ, உக்குடிகோபி ஹோதி உக்குடிகப்பதா⁴னமனுயுத்தோ,
கண்டகாபஸ்ஸயிகோபி ஹோதி கண்டகாபஸ்ஸயே ஸெய்யங் கப்பேதி; ஸாயததியகம்பி
உத³கோரோஹனானுயோக³மனுயுத்தோ விஹரதி – இதி ஏவரூபங் அனேகவிஹிதங் காயஸ்ஸ
ஆதாபனபரிதாபனானுயோக³மனுயுத்தோ விஹரதி. அயங் வுச்சதி, ப்³ராஹ்மண, புக்³க³லோ
அத்தந்தபோ அத்தபரிதாபனானுயோக³மனுயுத்தோ.

416. ‘‘கதமோ
ச, ப்³ராஹ்மண, புக்³க³லோ பரந்தபோ பரபரிதாபனானுயோக³மனுயுத்தோ? இத⁴,
ப்³ராஹ்மண, ஏகச்சோ புக்³க³லோ ஓரப்³பி⁴கோ ஹோதி ஸூகரிகோ ஸாகுணிகோ மாக³விகோ
லுத்³தோ³ மச்ச²கா⁴தகோ சோரோ சோரகா⁴தகோ கோ³கா⁴தகோ ப³ந்த⁴னாகா³ரிகோ – யே வா
பனஞ்ஞேபி கேசி குரூரகம்மந்தா. அயங் வுச்சதி, ப்³ராஹ்மண, புக்³க³லோ பரந்தபோ
பரபரிதாபனானுயோக³மனுயுத்தோ.

417. ‘‘கதமோ
ச, ப்³ராஹ்மண, புக்³க³லோ அத்தந்தபோ ச அத்தபரிதாபனானுயோக³மனுயுத்தோ,
பரந்தபோ ச பரபரிதாபனானுயோக³மனுயுத்தோ? இத⁴, ப்³ராஹ்மண, ஏகச்சோ புக்³க³லோ
ராஜா வா ஹோதி க²த்தியோ முத்³தா⁴வஸித்தோ, ப்³ராஹ்மணோ வா மஹாஸாலோ. ஸோ
புரத்தி²மேன நக³ரஸ்ஸ நவங் ஸந்தா²கா³ரங் காராபெத்வா கேஸமஸ்ஸுங் ஓஹாரெத்வா
க²ராஜினங் நிவாஸெத்வா ஸப்பிதேலேன காயங் அப்³ப⁴ஞ்ஜித்வா மக³விஸாணேன
பிட்டி²ங் கண்டு³வமானோ நவங் ஸந்தா²கா³ரங் பவிஸதி ஸத்³தி⁴ங் மஹேஸியா
ப்³ராஹ்மணேன ச புரோஹிதேன. ஸோ தத்த² அனந்தரஹிதாய பூ⁴மியா ஹரிதுபலித்தாய
ஸெய்யங் கப்பேதி. ஏகிஸ்ஸாய கா³வியா ஸரூபவச்சா²ய யங் ஏகஸ்மிங் த²னே கீ²ரங்
ஹோதி தேன ராஜா யாபேதி, யங் து³தியஸ்மிங் த²னே கீ²ரங் ஹோதி தேன மஹேஸீ
யாபேதி, யங் ததியஸ்மிங் த²னே கீ²ரங் ஹோதி தேன ப்³ராஹ்மணோ புரோஹிதோ யாபேதி,
யங் சதுத்த²ஸ்மிங் த²னே கீ²ரங் ஹோதி தேன அக்³கி³ங் ஜுஹதி, அவஸேஸேன வச்ச²கோ
யாபேதி. ஸோ ஏவமாஹ – ‘எத்தகா உஸபா⁴ ஹஞ்ஞந்து யஞ்ஞத்தா²ய, எத்தகா வச்ச²தரா
ஹஞ்ஞந்து யஞ்ஞத்தா²ய, எத்தகா வச்ச²தரியோ ஹஞ்ஞந்து யஞ்ஞத்தா²ய, எத்தகா அஜா
ஹஞ்ஞந்து யஞ்ஞத்தா²ய’, எத்தகா உரப்³பா⁴ ஹஞ்ஞந்து யஞ்ஞத்தா²ய, எத்தகா அஸ்ஸா
ஹஞ்ஞந்து யஞ்ஞத்தா²ய, எத்தகா ருக்கா² சி²ஜ்ஜந்து யூபத்தா²ய, எத்தகா
த³ப்³பா⁴ லூயந்து ப³ரிஹிஸத்தா²யா’தி. யேபிஸ்ஸ தே ஹொந்தி ‘தா³ஸா’தி வா
‘பெஸ்ஸா’தி வா ‘கம்மகரா’தி வா தேபி த³ண்ட³தஜ்ஜிதா ப⁴யதஜ்ஜிதா அஸ்ஸுமுகா²
ருத³மானா பரிகம்மானி கரொந்தி. அயங் வுச்சதி, ப்³ராஹ்மண, புக்³க³லோ
அத்தந்தபோ ச அத்தபரிதாபனானுயோக³மனுயுத்தோ , பரந்தபோ ச பரபரிதாபனானுயோக³மனுயுத்தோ.

418.
‘‘கதமோ ச, ப்³ராஹ்மண, புக்³க³லோ நேவத்தந்தபோ
நாத்தபரிதாபனானுயோக³மனுயுத்தோ, ந பரந்தபோ ந பரபரிதாபனானுயோக³மனுயுத்தோ; ஸோ
அனத்தந்தபோ அபரந்தபோ தி³ட்டே²வ த⁴ம்மே நிச்சா²தோ நிப்³பு³தோ
ஸீதீபூ⁴தோ ஸுக²ப்படிஸங்வேதீ³ ப்³ரஹ்மபூ⁴தேன அத்தனா விஹரதி? இத⁴,
ப்³ராஹ்மண, ததா²க³தோ லோகே உப்பஜ்ஜதி அரஹங் ஸம்மாஸம்பு³த்³தோ⁴
விஜ்ஜாசரணஸம்பன்னோ ஸுக³தோ லோகவிதூ³ அனுத்தரோ புரிஸத³ம்மஸாரதி² ஸத்தா²
தே³வமனுஸ்ஸானங் பு³த்³தோ⁴ ப⁴க³வா. ஸோ இமங் லோகங் ஸதே³வகங் ஸமாரகங்
ஸப்³ரஹ்மகங் ஸஸ்ஸமணப்³ராஹ்மணிங் பஜங் ஸதே³வமனுஸ்ஸங் ஸயங் அபி⁴ஞ்ஞா
ஸச்சி²கத்வா பவேதே³தி. ஸோ த⁴ம்மங் தே³ஸேதி ஆதி³கல்யாணங் மஜ்ஜே²கல்யாணங்
பரியோஸானகல்யாணங் ஸாத்த²ங் ஸப்³யஞ்ஜனங், கேவலபரிபுண்ணங் பரிஸுத்³த⁴ங்
ப்³ரஹ்மசரியங் பகாஸேதி. தங் த⁴ம்மங் ஸுணாதி க³ஹபதி வா க³ஹபதிபுத்தோ வா
அஞ்ஞதரஸ்மிங் வா குலே பச்சாஜாதோ. ஸோ தங் த⁴ம்மங் ஸுத்வா ததா²க³தே ஸத்³த⁴ங்
படிலப⁴தி. ஸோ தேன ஸத்³தா⁴படிலாபே⁴ன ஸமன்னாக³தோ இதி படிஸஞ்சிக்க²தி –
‘ஸம்பா³தோ⁴ க⁴ராவாஸோ ரஜோபதோ² அப்³போ⁴காஸோ பப்³ப³ஜ்ஜா. நயித³ங் ஸுகரங்
அகா³ரங் அஜ்ஜா²வஸதா ஏகந்தபரிபுண்ணங் ஏகந்தபரிஸுத்³த⁴ங் ஸங்க²லிகி²தங்
ப்³ரஹ்மசரியங் சரிதுங். யங்னூனாஹங் கேஸமஸ்ஸுங் ஓஹாரெத்வா காஸாயானி வத்தா²னி
அச்சா²தெ³த்வா அகா³ரஸ்மா அனகா³ரியங் பப்³ப³ஜெய்ய’ந்தி. ஸோ அபரேன ஸமயேன
அப்பங் வா போ⁴க³க்க²ந்த⁴ங் பஹாய மஹந்தங் வா போ⁴க³க்க²ந்த⁴ங் பஹாய, அப்பங்
வா ஞாதிபரிவட்டங் பஹாய மஹந்தங் வா ஞாதிபரிவட்டங்
பஹாய, கேஸமஸ்ஸுங் ஓஹாரெத்வா காஸாயானி வத்தா²னி அச்சா²தெ³த்வா அகா³ரஸ்மா
அனகா³ரியங் பப்³ப³ஜதி. ஸோ ஏவங் பப்³ப³ஜிதோ ஸமானோ பி⁴க்கூ²னங்
ஸிக்கா²ஸாஜீவஸமாபன்னோ பாணாதிபாதங் பஹாய பாணாதிபாதா படிவிரதோ ஹோதி,
நிஹிதத³ண்டோ³ நிஹிதஸத்தோ² லஜ்ஜீ த³யாபன்னோ ஸப்³ப³பாணபூ⁴தஹிதானுகம்பீ
விஹரதி.

‘‘அதி³ன்னாதா³னங் பஹாய அதி³ன்னாதா³னா படிவிரதோ ஹோதி தி³ன்னாதா³யீ தி³ன்னபாடிகங்கீ². அதே²னேன ஸுசிபூ⁴தேன அத்தனா விஹரதி.

‘‘அப்³ரஹ்மசரியங் பஹாய ப்³ரஹ்மசாரீ ஹோதி ஆராசாரீ விரதோ மேது²னா கா³மத⁴ம்மா.

‘‘முஸாவாத³ங் பஹாய முஸாவாதா³ படிவிரதோ ஹோதி ஸச்சவாதீ³ ஸச்சஸந்தோ⁴ தே²தோ பச்சயிகோ அவிஸங்வாத³கோ லோகஸ்ஸ.

‘‘பிஸுணங் வாசங் பஹாய பிஸுணாய வாசாய படிவிரதோ ஹோதி;
இதோ ஸுத்வா ந அமுத்ர அக்கா²தா இமேஸங் பே⁴தா³ய, அமுத்ர வா ஸுத்வா ந இமேஸங்
அக்கா²தா அமூஸங் பே⁴தா³ய. இதி பி⁴ன்னானங் வா ஸந்தா⁴தா ஸஹிதானங் வா
அனுப்பதா³தா, ஸமக்³கா³ராமோ ஸமக்³க³ரதோ ஸமக்³க³னந்தீ³ ஸமக்³க³கரணிங் வாசங்
பா⁴ஸிதா ஹோதி.

‘‘ப²ருஸங் வாசங் பஹாய ப²ருஸாய
வாசாய படிவிரதோ ஹோதி. யா ஸா வாசா நேலா கண்ணஸுகா² பேமனீயா ஹத³யங்க³மா போரீ
ப³ஹுஜனகந்தா ப³ஹுஜனமனாபா ததா²ரூபிங் வாசங் பா⁴ஸிதா ஹோதி.

‘‘ஸம்ப²ப்பலாபங் பஹாய
ஸம்ப²ப்பலாபா படிவிரதோ ஹோதி, காலவாதீ³ பூ⁴தவாதீ³ அத்த²வாதீ³ த⁴ம்மவாதீ³
வினயவாதீ³, நிதா⁴னவதிங் வாசங் பா⁴ஸிதா காலேன ஸாபதே³ஸங் பரியந்தவதிங்
அத்த²ஸங்ஹிதங்.

‘‘ஸோ பீ³ஜகா³மபூ⁴தகா³மஸமாரம்பா⁴ படிவிரதோ ஹோதி .
ஏகப⁴த்திகோ ஹோதி ரத்தூபரதோ விரதோ விகாலபோ⁴ஜனா. நச்சகீ³தவாதி³தவிஸூகத³ஸ்ஸனா
படிவிரதோ ஹோதி. மாலாக³ந்த⁴விலேபனதா⁴ரணமண்ட³னவிபூ⁴ஸனட்டா²னா படிவிரதோ ஹோதி.
உச்சாஸயனமஹாஸயனா படிவிரதோ ஹோதி. ஜாதரூபரஜதபடிக்³க³ஹணா படிவிரதோ ஹோதி.
ஆமகத⁴ஞ்ஞபடிக்³க³ஹணா படிவிரதோ ஹோதி. ஆமகமங்ஸபடிக்³க³ஹணா படிவிரதோ ஹோதி.
இத்தி²குமாரிகபடிக்³க³ஹணா படிவிரதோ ஹோதி. தா³ஸிதா³ஸபடிக்³க³ஹணா படிவிரதோ
ஹோதி. அஜேளகபடிக்³க³ஹணா படிவிரதோ ஹோதி. குக்குடஸூகரபடிக்³க³ஹணா படிவிரதோ
ஹோதி. ஹத்தி²க³வஸ்ஸவளவபடிக்³க³ஹணா படிவிரதோ ஹோதி. கெ²த்தவத்து²படிக்³க³ஹணா
படிவிரதோ ஹோதி. தூ³தெய்யபஹிணக³மனானுயோகா³ படிவிரதோ ஹோதி. கயவிக்கயா
படிவிரதோ ஹோதி. துலாகூடகங்ஸகூடமானகூடா படிவிரதோ ஹோதி.
உக்கோடனவஞ்சனநிகதிஸாசியோகா³ படிவிரதோ ஹோதி.
சே²த³னவத⁴ப³ந்த⁴னவிபராமோஸஆலோபஸஹஸாகாரா படிவிரதோ ஹோதி.

‘‘ஸோ ஸந்துட்டோ² ஹோதி காயபரிஹாரிகேன சீவரேன,
குச்சி²பரிஹாரிகேன பிண்ட³பாதேன. ஸோ யேன யேனேவ பக்கமதி ஸமாதா³யேவ பக்கமதி.
ஸெய்யதா²பி நாம பக்கீ² ஸகுணோ யேன யேனேவ டே³தி ஸபத்தபா⁴ரோவ டே³தி, ஏவமேவ
பி⁴க்கு² ஸந்துட்டோ² ஹோதி காயபரிஹாரிகேன சீவரேன, குச்சி²பரிஹாரிகேன
பிண்ட³பாதேன. ஸோ யேன யேனேவ பக்கமதி ஸமாதா³யேவ பக்கமதி. ஸோ இமினா அரியேன
ஸீலக்க²ந்தே⁴ன ஸமன்னாக³தோ அஜ்ஜ²த்தங் அனவஜ்ஜஸுக²ங் படிஸங்வேதே³தி.

419. ‘‘ஸோ சக்கு²னா ரூபங் தி³ஸ்வா ந நிமித்தக்³கா³ஹீ ஹோதி நானுப்³யஞ்ஜனக்³கா³ஹீ. யத்வாதி⁴கரணமேனங் சக்கு²ந்த்³ரியங்
அஸங்வுதங் விஹரந்தங் அபி⁴ஜ்ஜா²தோ³மனஸ்ஸா பாபகா அகுஸலா த⁴ம்மா
அன்வாஸ்ஸவெய்யுங் தஸ்ஸ ஸங்வராய படிபஜ்ஜதி, ரக்க²தி சக்கு²ந்த்³ரியங்,
சக்கு²ந்த்³ரியே ஸங்வரங் ஆபஜ்ஜதி. ஸோதேன ஸத்³த³ங் ஸுத்வா…பே॰… கா⁴னேன
க³ந்த⁴ங் கா⁴யித்வா… ஜிவ்ஹாய ரஸங் ஸாயித்வா… காயேன பொ²ட்ட²ப்³ப³ங்
பு²ஸித்வா… மனஸா த⁴ம்மங் விஞ்ஞாயன ந நிமித்தக்³கா³ஹீ ஹோதி
நானுப்³யஞ்ஜனக்³கா³ஹீ . யத்வாதி⁴கரணமேனங்
மனிந்த்³ரியங் அஸங்வுதங் விஹரந்தங் அபி⁴ஜ்ஜா²தோ³மனஸ்ஸா பாபகா அகுஸலா
த⁴ம்மா அன்வாஸ்ஸவெய்யுங் தஸ்ஸ ஸங்வராய படிபஜ்ஜதி, ரக்க²தி மனிந்த்³ரியங்,
மனிந்த்³ரியே ஸங்வரங் ஆபஜ்ஜதி. ஸோ இமினா அரியேன இந்த்³ரியஸங்வரேன
ஸமன்னாக³தோ அஜ்ஜ²த்தங் அப்³யாஸேகஸுக²ங் படிஸங்வேதே³தி.

‘‘ஸோ அபி⁴க்கந்தே படிக்கந்தே ஸம்பஜானகாரீ ஹோதி,
ஆலோகிதே விலோகிதே ஸம்பஜானகாரீ ஹோதி, ஸமிஞ்ஜிதே பஸாரிதே ஸம்பஜானகாரீ ஹோதி,
ஸங்கா⁴டிபத்தசீவரதா⁴ரணே ஸம்பஜானகாரீ ஹோதி, அஸிதே பீதே கா²யிதே ஸாயிதே
ஸம்பஜானகாரீ ஹோதி, உச்சாரபஸ்ஸாவகம்மே ஸம்பஜானகாரீ ஹோதி, க³தே டி²தே
நிஸின்னே ஸுத்தே ஜாக³ரிதே பா⁴ஸிதே துண்ஹீபா⁴வே ஸம்பஜானகாரீ ஹோதி.

‘‘ஸோ இமினா ச அரியேன ஸீலக்க²ந்தே⁴ன ஸமன்னாக³தோ, (இமாய ச அரியாய ஸந்துட்டி²யா ஸமன்னாக³தோ,) [பஸ்ஸ ம॰ நி॰ 1.296]
இமினா ச அரியேன இந்த்³ரியஸங்வரேன ஸமன்னாக³தோ, இமினா ச அரியேன
ஸதிஸம்பஜஞ்ஞேன ஸமன்னாக³தோ விவித்தங் ஸேனாஸனங் ப⁴ஜதி அரஞ்ஞங் ருக்க²மூலங்
பப்³ப³தங் கந்த³ரங் கி³ரிகு³ஹங் ஸுஸானங் வனபத்த²ங் அப்³போ⁴காஸங்
பலாலபுஞ்ஜங். ஸோ பச்சா²ப⁴த்தங் பிண்ட³பாதபடிக்கந்தோ நிஸீத³தி பல்லங்கங்
ஆபு⁴ஜித்வா, உஜுங் காயங் பணிதா⁴ய, பரிமுக²ங் ஸதிங்
உபட்ட²பெத்வா. ஸோ அபி⁴ஜ்ஜ²ங் லோகே பஹாய விக³தாபி⁴ஜ்ஜே²ன சேதஸா விஹரதி,
அபி⁴ஜ்ஜா²ய சித்தங் பரிஸோதே⁴தி; ப்³யாபாத³பதோ³ஸங் பஹாய அப்³யாபன்னசித்தோ
விஹரதி ஸப்³ப³பாணபூ⁴தஹிதானுகம்பீ, ப்³யாபாத³பதோ³ஸா சித்தங் பரிஸோதே⁴தி;
தி²னமித்³த⁴ங் பஹாய விக³ததீ²னமித்³தோ⁴ விஹரதி ஆலோகஸஞ்ஞீ ஸதோ ஸம்பஜானோ,
தீ²னமித்³தா⁴ சித்தங் பரிஸோதே⁴தி; உத்³த⁴ச்சகுக்குச்சங் பஹாய அனுத்³த⁴தோ
விஹரதி அஜ்ஜ²த்தங் வூபஸந்தசித்தோ, உத்³த⁴ச்சகுக்குச்சா சித்தங் பரிஸோதே⁴தி;
விசிகிச்ச²ங் பஹாய திண்ணவிசிகிச்சோ² விஹரதி அகத²ங்கதீ² குஸலேஸு த⁴ம்மேஸு,
விசிகிச்சா²ய சித்தங் பரிஸோதே⁴தி.

‘‘ஸோ இமே பஞ்ச நீவரணே பஹாய சேதஸோ உபக்கிலேஸே பஞ்ஞாய
து³ப்³ப³லீகரணே விவிச்சேவ காமேஹி விவிச்ச அகுஸலேஹி த⁴ம்மேஹி ஸவிதக்கங்
ஸவிசாரங் விவேகஜங் பீதிஸுக²ங் பட²மங் ஜா²னங் உபஸம்பஜ்ஜ விஹரதி.
விதக்கவிசாரானங் வூபஸமா அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங்
அவிதக்கங் அவிசாரங் ஸமாதி⁴ஜங் பீதிஸுக²ங் து³தியங் ஜா²னங் உபஸம்பஜ்ஜ
விஹரதி. பீதியா ச விராகா³ உபெக்க²கோ ச விஹரதி ஸதோ ச ஸம்பஜானோ, ஸுக²ஞ்ச
காயேன படிஸங்வேதே³தி , யங் தங் அரியா ஆசிக்க²ந்தி –
‘உபெக்க²கோ ஸதிமா ஸுக²விஹாரீ’தி ததியங் ஜா²னங் உபஸம்பஜ்ஜ விஹரதி. ஸுக²ஸ்ஸ ச
பஹானா து³க்க²ஸ்ஸ ச பஹானா, புப்³பே³வ ஸோமனஸ்ஸதோ³மனஸ்ஸானங் அத்த²ங்க³மா,
அது³க்க²மஸுக²ங் உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ
விஹரதி.

420. ‘‘ஸோ
ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே விக³தூபக்கிலேஸே
முது³பூ⁴தே கம்மனியே டி²தே ஆனேஞ்ஜப்பத்தே புப்³பே³னிவாஸானுஸ்ஸதிஞாணாய
சித்தங் அபி⁴னின்னாமேதி. ஸோ அனேகவிஹிதங் புப்³பே³னிவாஸங் அனுஸ்ஸரதி,
ஸெய்யதி²த³ங் – ஏகம்பி ஜாதிங் த்³வேபி ஜாதியோ திஸ்ஸோபி ஜாதியோ சதஸ்ஸோபி
ஜாதியோ பஞ்சபி ஜாதியோ த³ஸபி ஜாதியோ வீஸம்பி ஜாதியோ திங்ஸம்பி ஜாதியோ
சத்தாலீஸம்பி ஜாதியோ பஞ்ஞாஸம்பி ஜாதியோ ஜாதிஸதம்பி ஜாதிஸஹஸ்ஸம்பி
ஜாதிஸதஸஹஸ்ஸம்பி, அனேகேபி ஸங்வட்டகப்பே அனேகேபி விவட்டகப்பே அனேகேபி
ஸங்வட்டவிவட்டகப்பே – ‘அமுத்ராஸிங் ஏவங்னாமோ ஏவங்கொ³த்தோ ஏவங்வண்ணோ
ஏவமாஹாரோ ஏவங்ஸுக²து³க்க²ப்படிஸங்வேதீ³ ஏவமாயுபரியந்தோ; ஸோ ததோ சுதோ அமுத்ர
உத³பாதி³ங்; தத்ராபாஸிங் ஏவங்னாமோ ஏவங்கொ³த்தோ ஏவங்வண்ணோ ஏவமாஹாரோ
ஏவங்ஸுக²து³க்க²ப்படிஸங்வேதீ³ ஏவமாயுபரியந்தோ; ஸோ ததோ சுதோ இதூ⁴பபன்னோ’தி.
இதி ஸாகாரங் ஸஉத்³தே³ஸங் அனேகவிஹிதங் புப்³பே³னிவாஸங் அனுஸ்ஸரதி.

‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே
அனங்க³ணே விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே
ஸத்தானங் சுதூபபாதஞாணாய சித்தங் அபி⁴னின்னாமேதி. ஸோ தி³ப்³பே³ன சக்கு²னா
விஸுத்³தே⁴ன அதிக்கந்தமானுஸகேன ஸத்தே பஸ்ஸதி சவமானே உபபஜ்ஜமானே ஹீனே பணீதே
ஸுவண்ணே து³ப்³ப³ண்ணே ஸுக³தே து³க்³க³தே யதா²கம்மூபகே³ ஸத்தே பஜானாதி –
‘இமே வத பொ⁴ந்தோ ஸத்தா காயது³ச்சரிதேன ஸமன்னாக³தா…பே॰… அரியானங் உபவாத³கா
மிச்சா²தி³ட்டி²கா மிச்சா²தி³ட்டி²கம்மஸமாதா³னா , தே
காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபன்னா.
இமே வா பன பொ⁴ந்தோ ஸத்தா காயஸுசரிதேன ஸமன்னாக³தா…பே॰… அரியானங் அனுபவாத³கா
ஸம்மாதி³ட்டி²கா ஸம்மாதி³ட்டி²கம்மஸமாதா³னா, தே காயஸ்ஸ பே⁴தா³ பரங் மரணா
ஸுக³திங் ஸக்³க³ங் லோகங் உபபன்னா’தி. இதி தி³ப்³பே³ன சக்கு²னா விஸுத்³தே⁴ன
அதிக்கந்தமானுஸகேன ஸத்தே பஸ்ஸதி சவமானே உபபஜ்ஜமானே ஹீனே பணீதே ஸுவண்ணே
து³ப்³ப³ண்ணே ஸுக³தே து³க்³க³தே யதா²கம்மூபகே³ ஸத்தே பஜானாதி.

‘‘ஸோ ஏவங் ஸமாஹிதே சித்தே
பரிஸுத்³தே⁴ பரியோதா³தே அனங்க³ணே விக³தூபக்கிலேஸே முது³பூ⁴தே கம்மனியே
டி²தே ஆனேஞ்ஜப்பத்தே ஆஸவானங் க²யஞாணாய சித்தங் அபி⁴னின்னாமேதி. ஸோ ‘இத³ங்
து³க்க²’ந்தி யதா²பூ⁴தங் பஜானாதி, ‘அயங் து³க்க²ஸமுத³யோ’தி யதா²பூ⁴தங்
பஜானாதி, ‘அயங் து³க்க²னிரோதோ⁴’தி யதா²பூ⁴தங் பஜானாதி, ‘அயங்
து³க்க²னிரோத⁴கா³மினீ படிபதா³’தி யதா²பூ⁴தங் பஜானாதி; ‘இமே ஆஸவா’தி
யதா²பூ⁴தங் பஜானாதி, ‘அயங் ஆஸவஸமுத³யோ’தி யதா²பூ⁴தங் பஜானாதி, ‘அயங்
ஆஸவனிரோதோ⁴’தி யதா²பூ⁴தங் பஜானாதி, ‘அயங் ஆஸவனிரோத⁴கா³மினீ படிபதா³’தி
யதா²பூ⁴தங் பஜானாதி. தஸ்ஸ ஏவங் ஜானதோ ஏவங் பஸ்ஸதோ காமாஸவாபி சித்தங்
விமுச்சதி, ப⁴வாஸவாபி சித்தங் விமுச்சதி, அவிஜ்ஜாஸவாபி
சித்தங் விமுச்சதி. விமுத்தஸ்மிங் விமுத்தமிதி ஞாணங் ஹோதி. ‘கீ²ணா ஜாதி,
வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயா’தி பஜானாதி.

‘‘அயங் வுச்சதி, ப்³ராஹ்மண, புக்³க³லோ நேவத்தந்தபோ நாத்தபரிதாபனானுயோக³மனுயுத்தோ, ந பரந்தபோ ந
பரபரிதாபனானுயோக³மனுயுத்தோ. ஸோ அனத்தந்தபோ அபரந்தபோ தி³ட்டே²வ த⁴ம்மே
நிச்சா²தோ நிப்³பு³தோ ஸீதீபூ⁴தோ ஸுக²ப்படிஸங்வேதீ³ ப்³ரஹ்மபூ⁴தேன அத்தனா
விஹரதீ’’தி.

421.
ஏவங் வுத்தே, கோ⁴டமுகோ² ப்³ராஹ்மணோ ஆயஸ்மந்தங் உதே³னங் ஏதத³வோச –
‘‘அபி⁴க்கந்தங், போ⁴ உதே³ன, அபி⁴க்கந்தங், போ⁴ உதே³ன! ஸெய்யதா²பி, போ⁴
உதே³ன, நிக்குஜ்ஜிதங் வா உக்குஜ்ஜெய்ய, படிச்ச²ன்னங் வா விவரெய்ய, மூள்ஹஸ்ஸ
வா மக்³க³ங் ஆசிக்கெ²ய்ய, அந்த⁴காரே வா தேலபஜ்ஜோதங் தா⁴ரெய்ய –
சக்கு²மந்தோ ரூபானி த³க்க²ந்தீதி – ஏவமேவங் போ⁴தா உதே³னேன அனேகபரியாயேன
த⁴ம்மோ பகாஸிதோ. ஏஸாஹங் ப⁴வந்தங் உதே³னங் ஸரணங் க³ச்சா²மி த⁴ம்மஞ்ச
பி⁴க்கு²ஸங்க⁴ஞ்ச. உபாஸகங் மங் ப⁴வங் உதே³னோ தா⁴ரேது அஜ்ஜதக்³கே³ பாணுபேதங்
ஸரணங் க³த’’ந்தி. ‘‘மா கோ² மங் த்வங், ப்³ராஹ்மண, ஸரணங் அக³மாஸி. தமேவ
ப⁴க³வந்தங் ஸரணங் க³ச்சா²ஹி யமஹங் ஸரணங் க³தோ’’தி. ‘‘கஹங் பன, போ⁴ உதே³ன,
ஏதரஹி ஸோ ப⁴வங் கோ³தமோ விஹரதி அரஹங் ஸம்மாஸம்பு³த்³தோ⁴’’தி?
‘‘பரினிப்³பு³தோ கோ², ப்³ராஹ்மண, ஏதரஹி ஸோ ப⁴க³வா அரஹங்
ஸம்மாஸம்பு³த்³தோ⁴’’தி.

‘‘ஸசேபி [ஸசே ஹி (ஸீ॰ ஸ்யா॰ கங்॰ பீ॰)] மயங், போ⁴ உதே³ன, ஸுணெய்யாம தங் ப⁴வந்தங் கோ³தமங் த³ஸஸு யோஜனேஸு, த³ஸபி மயங் யோஜனானி க³ச்செ²ய்யாம தங் ப⁴வந்தங் கோ³தமங் த³ஸ்ஸனாய அரஹந்தங் ஸம்மாஸம்பு³த்³த⁴ங். ஸசேபி [ஸசே (ஸீ॰ பீ॰), ஸசே ஹி (ஸ்யா॰ கங்॰)]
மயங், போ⁴ உதே³ன, ஸுணெய்யாம தங் ப⁴வந்தங் கோ³தமங் வீஸதியா யோஜனேஸு…
திங்ஸாய யோஜனேஸு… சத்தாரீஸாய யோஜனேஸு… பஞ்ஞாஸாய யோஜனேஸு, பஞ்ஞாஸம்பி மயங்
யோஜனானி க³ச்செ²ய்யாம தங் ப⁴வந்தங் கோ³தமங் த³ஸ்ஸனாய அரஹந்தங்
ஸம்மாஸம்பு³த்³த⁴ங். யோஜனஸதே சேபி [யோஜனஸதேபி (ஸீ॰ ஸ்யா॰ கங்॰ பீ॰)] மயங் ,
போ⁴ உதே³ன, ஸுணெய்யாம தங் ப⁴வந்தங் கோ³தமங், யோஜனஸதம்பி மயங் க³ச்செ²ய்யாம
தங் ப⁴வந்தங் கோ³தமங் த³ஸ்ஸனாய அரஹந்தங் ஸம்மாஸம்பு³த்³த⁴ங்.

‘‘யதோ ச கோ², போ⁴ உதே³ன, பரினிப்³பு³தோ ஸோ ப⁴வங்
கோ³தமோ, பரினிப்³பு³தம்பி மயங் தங் ப⁴வந்தங் கோ³தமங் ஸரணங் க³ச்சா²ம
த⁴ம்மஞ்ச பி⁴க்கு²ஸங்க⁴ஞ்ச. உபாஸகங் மங் ப⁴வங் உதே³னோ தா⁴ரேது அஜ்ஜதக்³கே³
பாணுபேதங் ஸரணங் க³தங். அத்தி² ச மே, போ⁴ உதே³ன, அங்க³ராஜா தே³வஸிகங்
நிச்சபி⁴க்க²ங் த³தா³தி , ததோ அஹங் போ⁴தோ உதே³னஸ்ஸ
ஏகங் நிச்சபி⁴க்க²ங் த³தா³மீ’’தி. ‘‘கிங் பன தே, ப்³ராஹ்மண, அங்க³ராஜா
தே³வஸிகங் நிச்சபி⁴க்க²ங் த³தா³தீ’’தி? ‘‘பஞ்ச, போ⁴ உதே³ன, கஹாபணஸதானீ’’தி.
‘‘ந கோ² நோ, ப்³ராஹ்மண, கப்பதி ஜாதரூபரஜதங் படிக்³க³ஹேது’’ந்தி. ‘‘ஸசே தங்
போ⁴தோ உதே³னஸ்ஸ ந கப்பதி விஹாரங் போ⁴தோ உதே³னஸ்ஸ காராபெஸ்ஸாமீ’’தி. ‘‘ஸசே
கோ² மே த்வங், ப்³ராஹ்மண, விஹாரங், காராபேதுகாமோ, பாடலிபுத்தே ஸங்க⁴ஸ்ஸ
உபட்டா²னஸாலங் காராபேஹீ’’தி. ‘‘இமினாபாஹங் போ⁴தோ உதே³னஸ்ஸ பி⁴ய்யோஸோமத்தாய
அத்தமனோ அபி⁴ரத்³தோ⁴ யங் மங் ப⁴வங் உதே³னோ ஸங்கே⁴ தா³னே ஸமாத³பேதி. ஏஸாஹங்,
போ⁴ உதே³ன, ஏதிஸ்ஸா ச நிச்சபி⁴க்கா²ய அபராய ச நிச்சபி⁴க்கா²ய பாடலிபுத்தே
ஸங்க⁴ஸ்ஸ உபட்டா²னஸாலங் காராபெஸ்ஸாமீ’’தி. அத² கோ²
கோ⁴டமுகோ² ப்³ராஹ்மணோ ஏதிஸ்ஸா ச நிச்சபி⁴க்கா²ய அபராய ச நிச்சபி⁴க்கா²ய
பாடலிபுத்தே ஸங்க⁴ஸ்ஸ உபட்டா²னஸாலங் காராபேஸி. ஸா ஏதரஹி ‘கோ⁴டமுகீ²’தி
வுச்சதீதி.

கோ⁴டமுக²ஸுத்தங் நிட்டி²தங் சதுத்த²ங்.

5. சங்கீஸுத்தங்

422. ஏவங் மே ஸுதங் – ஏகங் ஸமயங் ப⁴க³வா கோஸலேஸு சாரிகங் சரமானோ மஹதா பி⁴க்கு²ஸங்கே⁴ன ஸத்³தி⁴ங் யேன ஓபாஸாத³ங் நாம கோஸலானங்
ப்³ராஹ்மணகா³மோ தத³வஸரி. தத்ர ஸுத³ங் ப⁴க³வா ஓபாஸாதே³ விஹரதி உத்தரேன
ஓபாஸாத³ங் தே³வவனே ஸாலவனே. தேன கோ² பன ஸமயேன சங்கீ ப்³ராஹ்மணோ ஓபாஸாத³ங்
அஜ்ஜா²வஸதி ஸத்துஸ்ஸத³ங் ஸதிணகட்டோ²த³கங் ஸத⁴ஞ்ஞங் ராஜபொ⁴க்³க³ங் ரஞ்ஞா
பஸேனதி³னா கோஸலேன தி³ன்னங் ராஜதா³யங் ப்³ரஹ்மதெ³ய்யங். அஸ்ஸோஸுங் கோ²
ஓபாஸாத³கா ப்³ராஹ்மணக³ஹபதிகா – ‘‘ஸமணோ க²லு, போ⁴, கோ³தமோ ஸக்யபுத்தோ
ஸக்யகுலா பப்³ப³ஜிதோ கோஸலேஸு சாரிகங் சரமானோ மஹதா பி⁴க்கு²ஸங்கே⁴ன
ஸத்³தி⁴ங் ஓபாஸாத³ங் அனுப்பத்தோ, ஓபாஸாதே³ விஹரதி உத்தரேன ஓபாஸாத³ங்
தே³வவனே ஸாலவனே. தங் கோ² பன ப⁴வந்தங் கோ³தமங் ஏவங் கல்யாணோ கித்திஸத்³தோ³
அப்³பு⁴க்³க³தோ – ‘இதிபி ஸோ ப⁴க³வா அரஹங் ஸம்மாஸம்பு³த்³தோ⁴
விஜ்ஜாசரணஸம்பன்னோ ஸுக³தோ லோகவிதூ³ அனுத்தரோ புரிஸத³ம்மஸாரதி² ஸத்தா²
தே³வமனுஸ்ஸானங் பு³த்³தோ⁴ ப⁴க³வா’தி. ஸோ இமங் லோகங் ஸதே³வகங் ஸமாரகங்
ஸப்³ரஹ்மகங் ஸஸ்ஸமணப்³ராஹ்மணிங் பஜங் ஸதே³வமனுஸ்ஸங் ஸயங் அபி⁴ஞ்ஞா
ஸச்சி²கத்வா பவேதே³தி. ஸோ த⁴ம்மங் தே³ஸேதி ஆதி³கல்யாணங் மஜ்ஜே²கல்யாணங்
பரியோஸானகல்யாணங் ஸாத்த²ங் ஸப்³யஞ்ஜனங், கேவலபரிபுண்ணங் பரிஸுத்³த⁴ங் ப்³ரஹ்மசரியங் பகாஸேதி. ஸாது⁴ கோ² பன ததா²ரூபானங் அரஹதங் த³ஸ்ஸனங் ஹோதீ’’தி.

423.
அத² கோ² ஓபாஸாத³கா ப்³ராஹ்மணக³ஹபதிகா ஓபாஸாதா³ நிக்க²மித்வா ஸங்க⁴ஸங்கீ⁴
க³ணீபூ⁴தா உத்தரேனமுகா² க³ச்ச²ந்தி யேன தே³வவனங் ஸாலவனங். தேன கோ² பன ஸமயேன
சங்கீ ப்³ராஹ்மணோ உபரிபாஸாதே³ தி³வாஸெய்யங் உபக³தோ. அத்³த³ஸா கோ² சங்கீ
ப்³ராஹ்மணோ ஓபாஸாத³கே ப்³ராஹ்மணக³ஹபதிகே ஓபாஸாதா³ நிக்க²மித்வா ஸங்க⁴ஸங்கீ⁴
க³ணீபூ⁴தே உத்தரேன முக²ங் யேன தே³வவனங் ஸாலவனங் தேனுபஸங்கமந்தே. தி³ஸ்வா
க²த்தங் ஆமந்தேஸி – ‘‘கிங் நு கோ², போ⁴ க²த்தே, ஓபாஸாத³கா
ப்³ராஹ்மணக³ஹபதிகா ஓபாஸாதா³ நிக்க²மித்வா ஸங்க⁴ஸங்கீ⁴ க³ணீபூ⁴தா
உத்தரேனமுகா² க³ச்ச²ந்தி யேன தே³வவனங் ஸாலவன’’ந்தி? ‘‘அத்தி², போ⁴ சங்கீ,
ஸமணோ கோ³தமோ ஸக்யபுத்தோ ஸக்யகுலா பப்³ப³ஜிதோ கோஸலேஸு சாரிகங் சரமானோ மஹதா
பி⁴க்கு²ஸங்கே⁴ன ஸத்³தி⁴ங் ஓபாஸாத³ங் அனுப்பத்தோ, ஓபாஸாதே³
விஹரதி உத்தரேன ஓபாஸாத³ங் தே³வவனே ஸாலவனே. தங் கோ² பன ப⁴வந்தங் கோ³தமங்
ஏவங் கல்யாணோ கித்திஸத்³தோ³ அப்³பு⁴க்³க³தோ – ‘இதிபி ஸோ ப⁴க³வா அரஹங்
ஸம்மாஸம்பு³த்³தோ⁴ விஜ்ஜாசரணஸம்பன்னோ ஸுக³தோ லோகவிதூ³ அனுத்தரோ
புரிஸத³ம்மஸாரதி² ஸத்தா² தே³வமனுஸ்ஸானங் பு³த்³தோ⁴ ப⁴க³வா’தி. தமேதே
ப⁴வந்தங் கோ³தமங் த³ஸ்ஸனாய க³ச்ச²ந்தீ’’தி. ‘‘தேன ஹி, போ⁴ க²த்தே, யேன ஓபாஸாத³கா ப்³ராஹ்மணக³ஹபதிகா தேனுபஸங்கம; உபஸங்கமித்வா ஓபாஸாத³கே
ப்³ராஹ்மணக³ஹபதிகே ஏவங் வதே³ஹி – ‘சங்கீ, போ⁴, ப்³ராஹ்மணோ ஏவமாஹ –
ஆக³மெந்து கிர பொ⁴ந்தோ, சங்கீபி ப்³ராஹ்மணோ ஸமணங் கோ³தமங் த³ஸ்ஸனாய
உபஸங்கமிஸ்ஸதீ’’’தி. ‘‘ஏவங், போ⁴’’தி கோ² ஸோ க²த்தோ சங்கிஸ்ஸ ப்³ராஹ்மணஸ்ஸ
படிஸ்ஸுத்வா யேன ஓபாஸாத³கா ப்³ராஹ்மணக³ஹபதிகா
தேனுபஸங்கமி; உபஸங்கமித்வா ஓபாஸாத³கே ப்³ராஹ்மணக³ஹபதிகே ஏதத³வோச – ‘‘சங்கீ,
போ⁴, ப்³ராஹ்மணோ ஏவமாஹ – ‘ஆக³மெந்து கிர பொ⁴ந்தோ, சங்கீபி ப்³ராஹ்மணோ
ஸமணங் கோ³தமங் த³ஸ்ஸனாய உபஸங்கமிஸ்ஸதீ’’’தி.

424.
தேன கோ² பன ஸமயேன நானாவேரஜ்ஜகானங் ப்³ராஹ்மணானங் பஞ்சமத்தானி
ப்³ராஹ்மணஸதானி ஓபாஸாதே³ படிவஸந்தி கேனசிதே³வ கரணீயேன. அஸ்ஸோஸுங் கோ² தே
ப்³ராஹ்மணா – ‘‘சங்கீ கிர ப்³ராஹ்மணோ ஸமணங் கோ³தமங் த³ஸ்ஸனாய
உபஸங்கமிஸ்ஸதீ’’தி. அத² கோ² தே ப்³ராஹ்மணா யேன சங்கீ ப்³ராஹ்மணோ
தேனுபஸங்கமிங்ஸு; உபஸங்கமித்வா சங்கிங் ப்³ராஹ்மணங் ஏதத³வோசுங் – ‘‘ஸச்சங்
கிர ப⁴வங் சங்கீ ஸமணங் கோ³தமங் த³ஸ்ஸனாய உபஸங்கமிஸ்ஸதீ’’தி? ‘‘ஏவங் கோ² மே,
போ⁴, ஹோதி – ‘அஹங் ஸமணங் கோ³தமங் த³ஸ்ஸனாய உபஸங்கமிஸ்ஸாமீ’’’தி. ‘‘மா
ப⁴வங் சங்கீ ஸமணங் கோ³தமங் த³ஸ்ஸனாய உபஸங்கமி. ந அரஹதி ப⁴வங் சங்கீ ஸமணங்
கோ³தமங் த³ஸ்ஸனாய உபஸங்கமிதுங்; ஸமணொத்வேவ கோ³தமோ அரஹதி ப⁴வந்தங் சங்கிங்
த³ஸ்ஸனாய உபஸங்கமிதுங். ப⁴வஞ்ஹி சங்கீ உப⁴தோ ஸுஜாதோ மாதிதோ ச பிதிதோ ச
ஸங்ஸுத்³த⁴க³ஹணிகோ யாவ ஸத்தமா பிதாமஹயுகா³ அக்கி²த்தோ அனுபக்குட்டோ²
ஜாதிவாதே³ன. யம்பி ப⁴வங் சங்கீ உப⁴தோ ஸுஜாதோ மாதிதோ ச பிதிதோ ச
ஸங்ஸுத்³த⁴க³ஹணிகோ யாவ ஸத்தமா பிதாமஹயுகா³ அக்கி²த்தோ அனுபக்குட்டோ²
ஜாதிவாதே³ன, இமினாபங்கே³ன ந அரஹதி ப⁴வங் சங்கீ ஸமணங் கோ³தமங் த³ஸ்ஸனாய
உபஸங்கமிதுங்; ஸமணொத்வேவ கோ³தமோ அரஹதி ப⁴வந்தங் சங்கிங் த³ஸ்ஸனாய
உபஸங்கமிதுங். ப⁴வஞ்ஹி சங்கீ அட்³டோ⁴ மஹத்³த⁴னோ மஹாபோ⁴கோ³…பே॰… ப⁴வஞ்ஹி
சங்கீ திண்ணங் வேதா³னங் பாரகூ³ ஸனிக⁴ண்டு³கேடுபா⁴னங் ஸாக்க²ரப்பபே⁴தா³னங்
இதிஹாஸபஞ்சமானங், பத³கோ, வெய்யாகரணோ, லோகாயதமஹாபுரிஸலக்க²ணேஸு அனவயோ…பே॰…
ப⁴வஞ்ஹி சங்கீ அபி⁴ரூபோ த³ஸ்ஸனீயோ பாஸாதி³கோ பரமாய வண்ணபொக்க²ரதாய
ஸமன்னாக³தோ ப்³ரஹ்மவண்ணீ ப்³ரஹ்மவச்ச²ஸீ [ப்³ரஹ்மவச்சஸீ (ஸீ॰ பீ॰)] அகு²த்³தா³வகாஸோ த³ஸ்ஸனாய…பே॰… ப⁴வஞ்ஹி சங்கீ ஸீலவா வுத்³த⁴ஸீலீ வுத்³த⁴ஸீலேன ஸமன்னாக³தோ…பே॰… ப⁴வஞ்ஹி சங்கீ கல்யாணவாசோ கல்யாணவாக்கரணோ
போரியா வாசாய ஸமன்னாக³தோ விஸ்ஸட்டா²ய அனேலக³லாய அத்த²ஸ்ஸ விஞ்ஞாபனியா…பே॰…
ப⁴வஞ்ஹி சங்கீ ப³ஹூனங் ஆசரியபாசரியோ, தீணி மாணவகஸதானி மந்தே வாசேதி…பே॰…
ப⁴வஞ்ஹி சங்கீ ரஞ்ஞோ பஸேனதி³ஸ்ஸ கோஸலஸ்ஸ ஸக்கதோ க³ருகதோ மானிதோ பூஜிதோ
அபசிதோ…பே॰… ப⁴வஞ்ஹி சங்கீ ப்³ராஹ்மணஸ்ஸ பொக்க²ரஸாதிஸ்ஸ ஸக்கதோ க³ருகதோ
மானிதோ பூஜிதோ அபசிதோ…பே॰… ப⁴வஞ்ஹி சங்கீ ஓபாஸாத³ங் அஜ்ஜா²வஸதி
ஸத்துஸ்ஸத³ங் ஸதிணகட்டோ²த³கங் ஸத⁴ஞ்ஞங் ராஜபொ⁴க்³க³ங் ரஞ்ஞா பஸேனதி³னா
கோஸலேன தி³ன்னங் ராஜதா³யங் ப்³ரஹ்மதெ³ய்யங். யம்பி ப⁴வங் சங்கீ ஓபாஸாத³ங்
அஜ்ஜா²வஸதி ஸத்துஸ்ஸத³ங் ஸதிணகட்டோ²த³கங் ஸத⁴ஞ்ஞங்
ராஜபொ⁴க்³க³ங் ரஞ்ஞா பஸேனதி³னா கோஸலேன தி³ன்னங் ராஜதா³யங் ப்³ரஹ்மதெ³ய்யங்,
இமினாபங்கே³ன ந அரஹதி ப⁴வங் சங்கீ ஸமணங் கோ³தமங் த³ஸ்ஸனாய உபஸங்கமிதுங்;
ஸமணொத்வேவ கோ³தமோ அரஹதி ப⁴வந்தங் சங்கிங் த³ஸ்ஸனாய உபஸங்கமிது’’ந்தி.

425.
ஏவங் வுத்தே, சங்கீ ப்³ராஹ்மணோ தே ப்³ராஹ்மணே ஏதத³வோச – ‘‘தேன ஹி, போ⁴,
மமபி ஸுணாத², யதா² மயமேவ அரஹாம தங் ஸமணங் கோ³தமங் த³ஸ்ஸனாய உபஸங்கமிதுங்;
நத்வேவ அரஹதி ஸோ ப⁴வங் கோ³தமோ அம்ஹாகங் த³ஸ்ஸனாய உபஸங்கமிதுங். ஸமணோ க²லு,
போ⁴, கோ³தமோ உப⁴தோ ஸுஜாதோ மாதிதோ ச பிதிதோ ச ஸங்ஸுத்³த⁴க³ஹணிகோ யாவ ஸத்தமா
பிதாமஹயுகா³ அக்கி²த்தோ அனுபக்குட்டோ² ஜாதிவாதே³ன. யம்பி, போ⁴, ஸமணோ கோ³தமோ
உப⁴தோ ஸுஜாதோ மாதிதோ ச பிதிதோ ச ஸங்ஸுத்³த⁴க³ஹணிகோ யாவ ஸத்தமா பிதாமஹயுகா³
அக்கி²த்தோ அனுபக்குட்டோ² ஜாதிவாதே³ன, இமினாபங்கே³ன ந அரஹதி ஸோ ப⁴வங்
கோ³தமோ அம்ஹாகங் த³ஸ்ஸனாய உபஸங்கமிதுங்; அத² கோ² மயமேவ அரஹாம தங் ப⁴வந்தங்
கோ³தமங் த³ஸ்ஸனாய உபஸங்கமிதுங் [எத்த² தீ³॰ நி॰ 1.304 அஞ்ஞம்பி கு³ணபத³ங் தி³ஸ்ஸதி].
ஸமணோ க²லு, போ⁴, கோ³தமோ பஹூதங் ஹிரஞ்ஞஸுவண்ணங் ஓஹாய பப்³ப³ஜிதோ
பூ⁴மிக³தஞ்ச வேஹாஸட்ட²ஞ்ச…பே॰… ஸமணோ க²லு, போ⁴, கோ³தமோ த³ஹரோவ ஸமானோ யுவா
ஸுஸுகாளகேஸோ ப⁴த்³ரேன யொப்³ப³னேன ஸமன்னாக³தோ பட²மேன வயஸா அகா³ரஸ்மா
அனகா³ரியங் பப்³ப³ஜிதோ…பே॰… ஸமணோ க²லு, போ⁴, கோ³தமோ அகாமகானங்
மாதாபிதூனங் அஸ்ஸுமுகா²னங் ருத³ந்தானங் கேஸமஸ்ஸுங் ஓஹாரெத்வா காஸாயானி
வத்தா²னி அச்சா²தெ³த்வா அகா³ரஸ்மா அனகா³ரியங் பப்³ப³ஜிதோ…பே॰… ஸமணோ க²லு,
போ⁴, கோ³தமோ அபி⁴ரூபோ த³ஸ்ஸனீயோ பாஸாதி³கோ பரமாய வண்ணபொக்க²ரதாய ஸமன்னாக³தோ ப்³ரஹ்மவண்ணீ ப்³ரஹ்மவச்ச²ஸீ அகு²த்³தா³வகாஸோ த³ஸ்ஸனாய…பே॰… ஸமணோ க²லு, போ⁴, கோ³தமோ ஸீலவா அரியஸீலீ குஸலஸீலீ குஸலேன ஸீலேன
ஸமன்னாக³தோ…பே॰… ஸமணோ க²லு, போ⁴, கோ³தமோ கல்யாணவாசோ கல்யாணவாக்கரணோ போரியா
வாசாய ஸமன்னாக³தோ விஸ்ஸட்டா²ய அனேலக³லாய அத்த²ஸ்ஸ விஞ்ஞாபனியா…பே॰… ஸமணோ
க²லு, போ⁴, கோ³தமோ ப³ஹூனங் ஆசரியபாசரியோ…பே॰… ஸமணோ க²லு, போ⁴, கோ³தமோ
கீ²ணகாமராகோ³ விக³தசாபல்லோ…பே॰… ஸமணோ க²லு, போ⁴, கோ³தமோ கம்மவாதீ³
கிரியவாதீ³ அபாபபுரெக்கா²ரோ ப்³ரஹ்மஞ்ஞாய பஜாய…பே॰… ஸமணோ க²லு, போ⁴, கோ³தமோ
உச்சா குலா பப்³ப³ஜிதோ அஸம்பி⁴ன்னா க²த்தியகுலா…பே॰… ஸமணோ க²லு, போ⁴,
கோ³தமோ அட்³டா⁴ குலா பப்³ப³ஜிதோ மஹத்³த⁴னா மஹாபோ⁴கா³…பே॰… ஸமணங் க²லு, போ⁴,
கோ³தமங் திரோரட்டா² திரோஜனபதா³ ஸங்புச்சி²துங் ஆக³ச்ச²ந்தி…பே॰… ஸமணங்
க²லு, போ⁴, கோ³தமங் அனேகானி தே³வதாஸஹஸ்ஸானி பாணேஹி ஸரணங் க³தானி…பே॰… ஸமணங்
க²லு, போ⁴, கோ³தமங் ஏவங் கல்யாணோ கித்திஸத்³தோ³ அப்³பு⁴க்³க³தோ – ‘இதிபி
ஸோ ப⁴க³வா அரஹங் ஸம்மாஸம்பு³த்³தோ⁴ விஜ்ஜாசரணஸம்பன்னோ ஸுக³தோ லோகவிதூ³
அனுத்தரோ புரிஸத³ம்மஸாரதி² ஸத்தா² தே³வமனுஸ்ஸானங் பு³த்³தோ⁴ ப⁴க³வா’தி…பே॰…
ஸமணோ க²லு, போ⁴, கோ³தமோ த்³வத்திங்ஸமஹாபுரிஸலக்க²ணேஹி ஸமன்னாக³தோ…பே॰… [எத்தா²பி தீ³॰ நி॰ 1.304 அஞ்ஞானிபி கு³ணபதா³னங் தி³ஸ்ஸந்தி]
ஸமணங் க²லு, போ⁴, கோ³தமங் ராஜா மாக³தோ⁴ ஸேனியோ பி³ம்பி³ஸாரோ ஸபுத்ததா³ரோ
பாணேஹி ஸரணங் க³தோ…பே॰… ஸமணங் க²லு, போ⁴, கோ³தமங் ராஜா பஸேனதி³ கோஸலோ
ஸபுத்ததா³ரோ பாணேஹி ஸரணங் க³தோ…பே॰… ஸமணங் க²லு, போ⁴, கோ³தமங் ப்³ராஹ்மணோ
பொக்க²ரஸாதி ஸபுத்ததா³ரோ பாணேஹி ஸரணங் க³தோ…பே॰…
ஸமணோ க²லு, போ⁴, கோ³தமோ ஓபாஸாத³ங் அனுப்பத்தோ ஓபாஸாதே³ விஹரதி உத்தரேன
ஓபாஸாத³ங் தே³வவனே ஸாலவனே. யே கோ² தே ஸமணா வா ப்³ராஹ்மணா வா அம்ஹாகங்
கா³மக்கெ²த்தங் ஆக³ச்ச²ந்தி, அதிதீ² நோ தே ஹொந்தி. அதிதீ² கோ² பனம்ஹேஹி
ஸக்காதப்³பா³ க³ருகாதப்³பா³ மானேதப்³பா³ பூஜேதப்³பா³. யம்பி ஸமணோ கோ³தமோ
ஓபாஸாத³ங் அனுப்பத்தோ ஓபாஸாதே³ விஹரதி உத்தரேன
ஓபாஸாத³ங் தே³வவனே ஸாலவனே, அதிதி²ம்ஹாகங் ஸமணோ கோ³தமோ. அதிதி² கோ² பனம்ஹேஹி
ஸக்காதப்³போ³ க³ருகாதப்³போ³ மானேதப்³போ³ பூஜேதப்³போ³. இமினாபங்கே³ன
ந அரஹதி ஸோ ப⁴வங் கோ³தமோ அம்ஹாகங் த³ஸ்ஸனாய உபஸங்கமிதுங்; அத² கோ² மயமேவ
அரஹாம தங் ப⁴வந்தங் கோ³தமங் த³ஸ்ஸனாய உபஸங்கமிதுங். எத்தகே கோ² அஹங், போ⁴,
தஸ்ஸ போ⁴தோ கோ³தமஸ்ஸ வண்ணே பரியாபுணாமி, நோ ச கோ² ஸோ ப⁴வங் கோ³தமோ
எத்தகவண்ணோ; அபரிமாணவண்ணோ ஹி ஸோ ப⁴வங் கோ³தமோ. ஏகமேகேனபி தேன [ஏகமேகேனபி போ⁴ (ஸீ॰ ஸ்யா॰ கங்॰ பீ॰)]
அங்கே³ன ஸமன்னாக³தோ ந அரஹதி, ஸோ, ப⁴வங் கோ³தமோ அம்ஹாகங் த³ஸ்ஸனாய
உபஸங்கமிதுங்; அத² கோ² மயமேவ அரஹாம தங் ப⁴வந்தங் கோ³தமங் த³ஸ்ஸனாய
உபஸங்கமிதுந்தி. தேன ஹி, போ⁴, ஸப்³பே³வ மயங் ஸமணங் கோ³தமங் த³ஸ்ஸனாய
உபஸங்கமிஸ்ஸாமா’’தி.

426. அத²
கோ² சங்கீ ப்³ராஹ்மணோ மஹதா ப்³ராஹ்மணக³ணேன ஸத்³தி⁴ங் யேன ப⁴க³வா
தேனுபஸங்கமி; உபஸங்கமித்வா ப⁴க³வதா ஸத்³தி⁴ங் ஸம்மோதி³. ஸம்மோத³னீயங் கத²ங்
ஸாரணீயங் வீதிஸாரெத்வா ஏகமந்தங் நிஸீதி³. தேன கோ² பன ஸமயேன
ப⁴க³வா வுத்³தே⁴ஹி வுத்³தே⁴ஹி ப்³ராஹ்மணேஹி ஸத்³தி⁴ங் கிஞ்சி கிஞ்சி கத²ங்
ஸாரணீயங் வீதிஸாரெத்வா நிஸின்னோ ஹோதி. தேன கோ² பன ஸமயேன காபடிகோ [காபடி²கோ (ஸீ॰ பீ॰), காபதி³கோ (ஸ்யா॰ கங்॰)]
நாம மாணவோ த³ஹரோ வுத்தஸிரோ ஸோளஸவஸ்ஸுத்³தே³ஸிகோ ஜாதியா, திண்ணங் வேதா³னங்
பாரகூ³ ஸனிக⁴ண்டு³கேடுபா⁴னங் ஸாக்க²ரப்பபே⁴தா³னங் இதிஹாஸபஞ்சமானங், பத³கோ,
வெய்யாகரணோ, லோகாயதமஹாபுரிஸலக்க²ணேஸு அனவயோ தஸ்ஸங் பரிஸாயங் நிஸின்னோ ஹோதி.
ஸோ வுத்³தா⁴னங் வுத்³தா⁴னங் ப்³ராஹ்மணானங் ப⁴க³வதா ஸத்³தி⁴ங் மந்தயமானானங்
அந்தரந்தரா கத²ங் ஓபாதேதி. அத² கோ² ப⁴க³வா காபடிகங் மாணவங் அபஸாதே³தி –
‘‘மாயஸ்மா பா⁴ரத்³வாஜோ வுத்³தா⁴னங் வுத்³தா⁴னங் ப்³ராஹ்மணானங் மந்தயமானானங்
அந்தரந்தரா கத²ங் ஓபாதேது. கதா²பரியோஸானங் ஆயஸ்மா பா⁴ரத்³வாஜோ
ஆக³மேதூ’’தி. ஏவங் வுத்தே, சங்கீ ப்³ராஹ்மணோ ப⁴க³வந்தங் ஏதத³வோச – ‘‘மா
ப⁴வங் கோ³தமோ காபடிகங் மாணவங் அபஸாதே³ஸி. குலபுத்தோ ச காபடிகோ மாணவோ,
ப³ஹுஸ்ஸுதோ ச காபடிகோ மாணவோ, பண்டி³தோ ச காபடிகோ மாணவோ, கல்யாணவாக்கரணோ ச
காபடிகோ மாணவோ, பஹோதி ச காபடிகோ மாணவோ போ⁴தா கோ³தமேன ஸத்³தி⁴ங் அஸ்மிங்
வசனே படிமந்தேது’’ந்தி. அத² கோ² ப⁴க³வதோ ஏதத³ஹோஸி – ‘‘அத்³தா⁴ கோ² காபடிகஸ்ஸ [ஏதத³ஹோஸி ‘‘காபடிகஸ்ஸ (க॰)] மாணவஸ்ஸ தேவிஜ்ஜகே பாவசனே கதா² [கத²ங் (ஸீ॰ க॰), கத²ங் (ஸ்யா॰ கங்॰ பீ॰)] ப⁴விஸ்ஸதி. ததா² ஹி நங் ப்³ராஹ்மணா ஸங்புரெக்க²ரொந்தீ’’தி. அத² கோ² காபடிகஸ்ஸ மாணவஸ்ஸ ஏதத³ஹோஸி
– ‘‘யதா³ மே ஸமணோ கோ³தமோ சக்கு²ங் உபஸங்ஹரிஸ்ஸதி, அதா²ஹங் ஸமணங் கோ³தமங்
பஞ்ஹங் புச்சி²ஸ்ஸாமீ’’தி. அத² கோ² ப⁴க³வா காபடிகஸ்ஸ மாணவஸ்ஸ சேதஸா
சேதோபரிவிதக்கமஞ்ஞாய யேன காபடிகோ மாணவோ தேன சக்கூ²னி உபஸங்ஹாஸி.

427.
அத² கோ² காபடிகஸ்ஸ மாணவஸ்ஸ ஏதத³ஹோஸி – ‘‘ஸமன்னாஹரதி கோ² மங் ஸமணோ கோ³தமோ.
யங்னூனாஹங் ஸமணங் கோ³தமங் பஞ்ஹங் புச்செ²ய்ய’’ந்தி. அத² கோ² காபடிகோ மாணவோ
ப⁴க³வந்தங் ஏதத³வோச – ‘‘யதி³த³ங், போ⁴ கோ³தம, ப்³ராஹ்மணானங் போராணங்
மந்தபத³ங் இதிஹிதிஹபரம்பராய பிடகஸம்பதா³ய, தத்த² ச ப்³ராஹ்மணா ஏகங்ஸேன
நிட்ட²ங் க³ச்ச²ந்தி – ‘இத³மேவ ஸச்சங், மோக⁴மஞ்ஞ’ந்தி. இத⁴ ப⁴வங் கோ³தமோ
கிமாஹா’’தி? ‘‘கிங் பன, பா⁴ரத்³வாஜ, அத்தி² கோசி ப்³ராஹ்மணானங்
ஏகப்³ராஹ்மணோபி யோ ஏவமாஹ – ‘அஹமேதங் ஜானாமி, அஹமேதங் பஸ்ஸாமி. இத³மேவ
ஸச்சங், மோக⁴மஞ்ஞ’’’ந்தி? ‘‘நோ ஹித³ங், போ⁴ கோ³தம’’. ‘‘கிங் பன,
பா⁴ரத்³வாஜ, அத்தி² கோசி ப்³ராஹ்மணானங் ஏகாசரியோபி ,
ஏகாசரியபாசரியோபி, யாவ ஸத்தமா ஆசரியமஹயுகா³பி, யோ ஏவமாஹ – ‘அஹமேதங்
ஜானாமி, அஹமேதங் பஸ்ஸாமி. இத³மேவ ஸச்சங், மோக⁴மஞ்ஞ’’’ந்தி? ‘‘நோ ஹித³ங்,
போ⁴ கோ³தம’’. ‘‘கிங் பன, பா⁴ரத்³வாஜ, யேபி தே ப்³ராஹ்மணானங் புப்³ப³கா இஸயோ
மந்தானங் கத்தாரோ மந்தானங் பவத்தாரோ யேஸமித³ங் ஏதரஹி ப்³ராஹ்மணா போராணங்
மந்தபத³ங் கீ³தங் பவுத்தங் ஸமிஹிதங் தத³னுகா³யந்தி தத³னுபா⁴ஸந்தி
பா⁴ஸிதமனுபா⁴ஸந்தி வாசிதமனுவாசெந்தி ஸெய்யதி²த³ங் – அட்ட²கோ
வாமகோ வாமதே³வோ வெஸ்ஸாமித்தோ யமதக்³கி³ அங்கீ³ரஸோ பா⁴ரத்³வாஜோ வாஸெட்டோ²
கஸ்ஸபோ ப⁴கு³, தேபி ஏவமாஹங்ஸு – ‘மயமேதங் ஜானாம, மயமேதங் பஸ்ஸாம. இத³மேவ
ஸச்சங், மோக⁴மஞ்ஞ’’’ந்தி? ‘‘நோ ஹித³ங், போ⁴ கோ³தம’’.

‘‘இதி கிர, பா⁴ரத்³வாஜ, நத்தி² கோசி ப்³ராஹ்மணானங்
ஏகப்³ராஹ்மணோபி யோ ஏவமாஹ – ‘அஹமேதங் ஜானாமி, அஹமேதங் பஸ்ஸாமி. இத³மேவ
ஸச்சங், மோக⁴மஞ்ஞ’ந்தி; நத்தி² கோசி ப்³ராஹ்மணானங் ஏகாசரியோபி
ஏகாசரியபாசரியோபி, யாவ ஸத்தமா ஆசரியமஹயுகா³பி, யோ ஏவமாஹ – ‘அஹமேதங்
ஜானாமி, அஹமேதங் பஸ்ஸாமி. இத³மேவ ஸச்சங், மோக⁴மஞ்ஞ’ந்தி; யேபி தே
ப்³ராஹ்மணானங் புப்³ப³கா இஸயோ மந்தானங் கத்தாரோ மந்தானங் பவத்தாரோ
யேஸமித³ங் ஏதரஹி ப்³ராஹ்மணா போராணங் மந்தபத³ங் கீ³தங் பவுத்தங் ஸமிஹிதங்
தத³னுகா³யந்தி தத³னுபா⁴ஸந்தி பா⁴ஸிதமனுபா⁴ஸந்தி வாசிதமனுவாசெந்தி
ஸெய்யதி²த³ங் – அட்ட²கோ வாமகோ வாமதே³வோ வெஸ்ஸாமித்தோ யமதக்³கி³ அங்கீ³ரஸோ
பா⁴ரத்³வாஜோ வாஸெட்டோ² கஸ்ஸபோ ப⁴கு³, தேபி ந ஏவமாஹங்ஸு – ‘மயமேதங் ஜானாம,
மயமேதங் பஸ்ஸாம. இத³மேவ ஸச்சங், மோக⁴மஞ்ஞ’ந்தி.

428.
‘‘ஸெய்யதா²பி, பா⁴ரத்³வாஜ, அந்த⁴வேணி பரம்பராஸங்ஸத்தா புரிமோபி ந பஸ்ஸதி
மஜ்ஜி²மோபி ந பஸ்ஸதி பச்சி²மோபி ந பஸ்ஸதி; ஏவமேவ கோ², பா⁴ரத்³வாஜ,
அந்த⁴வேணூபமங் மஞ்ஞே ப்³ராஹ்மணானங் பா⁴ஸிதங் ஸம்பஜ்ஜதி – புரிமோபி ந பஸ்ஸதி
மஜ்ஜி²மோபி ந பஸ்ஸதி பச்சி²மோபி ந பஸ்ஸதி. தங் கிங் மஞ்ஞஸி, பா⁴ரத்³வாஜ ,
நனு ஏவங் ஸந்தே ப்³ராஹ்மணானங் அமூலிகா ஸத்³தா⁴ ஸம்பஜ்ஜதீ’’தி? ‘‘ந
க்²வெத்த², போ⁴ கோ³தம, ப்³ராஹ்மணா ஸத்³தா⁴யேவ பயிருபாஸந்தி, அனுஸ்ஸவாபெத்த²
ப்³ராஹ்மணா பயிருபாஸந்தீ’’தி. ‘‘புப்³பே³வ கோ² த்வங், பா⁴ரத்³வாஜ,
ஸத்³த⁴ங் அக³மாஸி, அனுஸ்ஸவங் இதா³னி வதே³ஸி. பஞ்ச கோ² இமே, பா⁴ரத்³வாஜ,
த⁴ம்மா தி³ட்டே²வ த⁴ம்மே த்³வேதா⁴ விபாகா. கதமே பஞ்ச? ஸத்³தா⁴, ருசி,
அனுஸ்ஸவோ, ஆகாரபரிவிதக்கோ, தி³ட்டி²னிஜ்ஜா²னக்க²ந்தி – இமே கோ², பா⁴ரத்³வாஜ
, பஞ்ச த⁴ம்மா தி³ட்டே²வ த⁴ம்மே த்³வேதா⁴ விபாகா.
அபி ச, பா⁴ரத்³வாஜ, ஸுஸத்³த³ஹிதங்யேவ ஹோதி, தஞ்ச ஹோதி ரித்தங் துச்ச²ங்
முஸா; நோ சேபி ஸுஸத்³த³ஹிதங் ஹோதி, தஞ்ச ஹோதி பூ⁴தங் தச்ச²ங் அனஞ்ஞதா². அபி
ச, பா⁴ரத்³வாஜ , ஸுருசிதங்யேவ ஹோதி…பே॰…
ஸ்வானுஸ்ஸுதங்யேவ ஹோதி…பே॰… ஸுபரிவிதக்கிதங்யேவ ஹோதி…பே॰…
ஸுனிஜ்ஜா²யிதங்யேவ ஹோதி, தஞ்ச ஹோதி ரித்தங் துச்ச²ங் முஸா; நோ சேபி
ஸுனிஜ்ஜா²யிதங் ஹோதி, தஞ்ச ஹோதி பூ⁴தங் தச்ச²ங் அனஞ்ஞதா². ஸச்சமனுரக்க²தா,
பா⁴ரத்³வாஜ, விஞ்ஞுனா புரிஸேன நாலமெத்த² ஏகங்ஸேன நிட்ட²ங் க³ந்துங் –
‘இத³மேவ ஸச்சங், மோக⁴மஞ்ஞ’’’ந்தி.

429.
‘‘கித்தாவதா பன, போ⁴ கோ³தம, ஸச்சானுரக்க²ணா ஹோதி, கித்தாவதா
ஸச்சமனுரக்க²தி? ஸச்சானுரக்க²ணங் மயங் ப⁴வந்தங் கோ³தமங் புச்சா²மா’’தி.
‘‘ஸத்³தா⁴ சேபி, பா⁴ரத்³வாஜ, புரிஸஸ்ஸ ஹோதி; ‘ஏவங் மே ஸத்³தா⁴’தி – இதி
வத³ங் ஸச்சமனுரக்க²தி [ஏவமேவ ஸிஜ்ஜ²தீதி இதி வா, தங் ஸச்சமனுரக்க²தி (க॰)], நத்வேவ தாவ ஏகங்ஸேன நிட்ட²ங் க³ச்ச²தி – ‘இத³மேவ ஸச்சங், மோக⁴மஞ்ஞ’ந்தி ( ) [(எத்தாவதா
கோ² பா⁴ரத்³வாஜ ஸச்சானுரக்க²ணா ஹோதி, எத்தாவதா ஸச்சமனுரக்க²தி, எத்தாவதா ச
மயங் ஸச்சானுரக்க²ணங் பஞ்ஞாபேம, ந த்வேவ தாவ ஸச்சானுபோ³தோ⁴ ஹோதி) (ஸீ॰
ஸ்யா॰ கங்॰ பீ॰)]. ருசி சேபி, பா⁴ரத்³வாஜ, புரிஸஸ்ஸ ஹோதி…பே॰…
அனுஸ்ஸவோ சேபி, பா⁴ரத்³வாஜ, புரிஸஸ்ஸ ஹோதி…பே॰… ஆகாரபரிவிதக்கோ சேபி,
பா⁴ரத்³வாஜ, புரிஸஸ்ஸ ஹோதி…பே॰… தி³ட்டி²னிஜ்ஜா²னக்க²ந்தி சேபி,
பா⁴ரத்³வாஜ, புரிஸஸ்ஸ ஹோதி; ‘ஏவங் மே தி³ட்டி²னிஜ்ஜா²னக்க²ந்தீ’தி – இதி
வத³ங் ஸச்சமனுரக்க²தி, நத்வேவ தாவ ஏகங்ஸேன நிட்ட²ங் க³ச்ச²தி – ‘இத³மேவ
ஸச்சங், மோக⁴மஞ்ஞ’ந்தி. எத்தாவதா கோ², பா⁴ரத்³வாஜ, ஸச்சானுரக்க²ணா ஹோதி,
எத்தாவதா ஸச்சமனுரக்க²தி, எத்தாவதா ச மயங் ஸச்சானுரக்க²ணங் பஞ்ஞபேம; ந
த்வேவ தாவ ஸச்சானுபோ³தோ⁴ ஹோதீ’’தி.

430.
‘‘எத்தாவதா, போ⁴ கோ³தம, ஸச்சானுரக்க²ணா ஹோதி, எத்தாவதா ஸச்சமனுரக்க²தி,
எத்தாவதா ச மயங் ஸச்சானுரக்க²ணங் பெக்கா²ம. கித்தாவதா பன, போ⁴ கோ³தம,
ஸச்சானுபோ³தோ⁴ ஹோதி, கித்தாவதா ஸச்சமனுபு³ஜ்ஜ²தி? ஸச்சானுபோ³த⁴ங் மயங்
ப⁴வந்தங் கோ³தமங் புச்சா²மா’’தி. ‘‘இத⁴ [இத⁴ கிர (ஸ்யா॰ கங்॰ க॰)],
பா⁴ரத்³வாஜ, பி⁴க்கு² அஞ்ஞதரங் கா³மங் வா நிக³மங் வா உபனிஸ்ஸாய விஹரதி.
தமேனங் க³ஹபதி வா க³ஹபதிபுத்தோ வா உபஸங்கமித்வா தீஸு த⁴ம்மேஸு ஸமன்னேஸதி –
லோப⁴னீயேஸு த⁴ம்மேஸு, தோ³ஸனீயேஸு த⁴ம்மேஸு,
மோஹனீயேஸு த⁴ம்மேஸு. அத்தி² நு கோ² இமஸ்ஸாயஸ்மதோ ததா²ரூபா லோப⁴னீயா த⁴ம்மா
யதா²ரூபேஹி லோப⁴னீயேஹி த⁴ம்மேஹி பரியாதி³ன்னசித்தோ அஜானங் வா வதெ³ய்ய – ஜானாமீதி, அபஸ்ஸங் வா வதெ³ய்ய – பஸ்ஸாமீதி, பரங் வா தத³த்தா²ய ஸமாத³பெய்ய யங் பரேஸங் அஸ்ஸ தீ³க⁴ரத்தங் அஹிதாய
து³க்கா²யாதி? தமேனங் ஸமன்னேஸமானோ ஏவங் ஜானாதி – ‘நத்தி² கோ² இமஸ்ஸாயஸ்மதோ
ததா²ரூபா லோப⁴னீயா த⁴ம்மா யதா²ரூபேஹி லோப⁴னீயேஹி த⁴ம்மேஹி
பரியாதி³ன்னசித்தோ அஜானங் வா வதெ³ய்ய – ஜானாமீதி, அபஸ்ஸங் வா வதெ³ய்ய –
பஸ்ஸாமீதி, பரங் வா தத³த்தா²ய ஸமாத³பெய்ய யங் பரேஸங் அஸ்ஸ தீ³க⁴ரத்தங்
அஹிதாய து³க்கா²ய [து³க்கா²யாதி (ஸப்³ப³த்த²)]. ததா²ரூபோ [ததா² (ஸீ॰ ஸ்யா॰ கங்॰ பீ॰)] கோ² பனிமஸ்ஸாயஸ்மதோ காயஸமாசாரோ ததா²ரூபோ [ததா² (ஸீ॰ ஸ்யா॰ கங்॰ பீ॰)] வசீஸமாசாரோ யதா² தங் அலுத்³த⁴ஸ்ஸ. யங் கோ² பன அயமாயஸ்மா த⁴ம்மங் தே³ஸேதி, க³ம்பீ⁴ரோ ஸோ த⁴ம்மோ து³த்³த³ஸோ து³ரனுபோ³தோ⁴ ஸந்தோ பணீதோ அதக்காவசரோ நிபுணோ பண்டி³தவேத³னீயோ; ந ஸோ த⁴ம்மோ ஸுதே³ஸியோ லுத்³தே⁴னா’’’தி.

431.
‘‘யதோ நங் ஸமன்னேஸமானோ விஸுத்³த⁴ங் லோப⁴னீயேஹி த⁴ம்மேஹி ஸமனுபஸ்ஸதி ததோ
நங் உத்தரி ஸமன்னேஸதி தோ³ஸனீயேஸு த⁴ம்மேஸு. அத்தி² நு கோ² இமஸ்ஸாயஸ்மதோ
ததா²ரூபா தோ³ஸனீயா த⁴ம்மா யதா²ரூபேஹி தோ³ஸனீயேஹி த⁴ம்மேஹி
பரியாதி³ன்னசித்தோ அஜானங் வா வதெ³ய்ய – ஜானாமீதி, அபஸ்ஸங் வா வதெ³ய்ய –
பஸ்ஸாமீதி, பரங் வா தத³த்தா²ய ஸமாத³பெய்ய யங் பரேஸங் அஸ்ஸ தீ³க⁴ரத்தங்
அஹிதாய து³க்கா²யாதி? தமேனங் ஸமன்னேஸமானோ ஏவங் ஜானாதி – ‘நத்தி² கோ²
இமஸ்ஸாயஸ்மதோ ததா²ரூபா தோ³ஸனீயா த⁴ம்மா யதா²ரூபேஹி தோ³ஸனீயேஹி த⁴ம்மேஹி
பரியாதி³ன்னசித்தோ அஜானங் வா வதெ³ய்ய – ஜானாமீதி, அபஸ்ஸங் வா வதெ³ய்ய –
பஸ்ஸாமீதி, பரங் வா தத³த்தா²ய ஸமாத³பெய்ய யங்
பரேஸங் அஸ்ஸ தீ³க⁴ரத்தங் அஹிதாய து³க்கா²ய. ததா²ரூபோ கோ² பனிமஸ்ஸாயஸ்மதோ
காயஸமாசாரோ ததா²ரூபோ வசீஸமாசாரோ யதா² தங் அது³ட்ட²ஸ்ஸ. யங் கோ² பன
அயமாயஸ்மா த⁴ம்மங் தே³ஸேதி, க³ம்பீ⁴ரோ ஸோ த⁴ம்மோ து³த்³த³ஸோ து³ரனுபோ³தோ⁴
ஸந்தோ பணீதோ அதக்காவசரோ நிபுணோ பண்டி³தவேத³னீயோ; ந ஸோ த⁴ம்மோ ஸுதே³ஸியோ
து³ட்டே²னா’’’தி.

432. ‘‘யதோ நங் ஸமன்னேஸமானோ விஸுத்³த⁴ங் தோ³ஸனீயேஹி த⁴ம்மேஹி ஸமனுபஸ்ஸதி ,
ததோ நங் உத்தரி ஸமன்னேஸதி மோஹனீயேஸு த⁴ம்மேஸு. அத்தி² நு கோ² இமஸ்ஸாயஸ்மதோ
ததா²ரூபா மோஹனீயா த⁴ம்மா யதா²ரூபேஹி மோஹனீயேஹி த⁴ம்மேஹி பரியாதி³ன்னசித்தோ
அஜானங் வா வதெ³ய்ய – ஜானாமீதி, அபஸ்ஸங் வா வதெ³ய்ய – பஸ்ஸாமீதி, பரங் வா
தத³த்தா²ய ஸமாத³பெய்ய யங் பரேஸங் அஸ்ஸ தீ³க⁴ரத்தங் அஹிதாய து³க்கா²யாதி?
தமேனங் ஸமன்னேஸமானோ ஏவங் ஜானாதி – ‘நத்தி² கோ² இமஸ்ஸாயஸ்மதோ ததா²ரூபா
மோஹனீயா த⁴ம்மா யதா²ரூபேஹி மோஹனீயேஹி த⁴ம்மேஹி பரியாதி³ன்னசித்தோ அஜானங் வா
வதெ³ய்ய – ஜானாமீதி, அபஸ்ஸங் வா வதெ³ய்ய – பஸ்ஸாமீதி, பரங் வா தத³த்தா²ய
ஸமாத³பெய்ய யங் பரேஸங் அஸ்ஸ தீ³க⁴ரத்தங் அஹிதாய
து³க்கா²ய. ததா²ரூபோ கோ² பனிமஸ்ஸாயஸ்மதோ காயஸமாசாரோ ததா²ரூபோ வசீஸமாசாரோ
யதா² தங் அமூள்ஹஸ்ஸ. யங் கோ² பன அயமாயஸ்மா த⁴ம்மங் தே³ஸேதி, க³ம்பீ⁴ரோ ஸோ
த⁴ம்மோ து³த்³த³ஸோ து³ரனுபோ³தோ⁴ ஸந்தோ பணீதோ அதக்காவசரோ நிபுணோ பண்டி³தவேத³னீயோ; ந ஸோ த⁴ம்மோ ஸுதே³ஸியோ மூள்ஹேனா’’’தி.

‘‘யதோ நங் ஸமன்னேஸமானோ விஸுத்³த⁴ங் மோஹனீயேஹி த⁴ம்மேஹி ஸமனுபஸ்ஸதி ;
அத² தம்ஹி ஸத்³த⁴ங் நிவேஸேதி, ஸத்³தா⁴ஜாதோ உபஸங்கமதி, உபஸங்கமந்தோ
பயிருபாஸதி, பயிருபாஸந்தோ ஸோதங் ஓத³ஹதி, ஓஹிதஸோதோ த⁴ம்மங் ஸுணாதி, ஸுத்வா
த⁴ம்மங் தா⁴ரேதி, த⁴தானங் [தா⁴ரிதானங் (க॰)]
த⁴ம்மானங் அத்த²ங் உபபரிக்க²தி, அத்த²ங் உபபரிக்க²தோ த⁴ம்மா நிஜ்ஜா²னங்
க²மந்தி, த⁴ம்மனிஜ்ஜா²னக்க²ந்தியா ஸதி ச²ந்தோ³ ஜாயதி, ச²ந்த³ஜாதோ உஸ்ஸஹதி,
உஸ்ஸஹித்வா துலேதி, துலயித்வா பத³ஹதி, பஹிதத்தோ ஸமானோ காயேன சேவ பரமஸச்சங்
ஸச்சி²கரோதி பஞ்ஞாய ச நங் அதிவிஜ்ஜ² பஸ்ஸதி. எத்தாவதா கோ², பா⁴ரத்³வாஜ,
ஸச்சானுபோ³தோ⁴ ஹோதி, எத்தாவதா ஸச்சமனுபு³ஜ்ஜ²தி, எத்தாவதா ச மயங்
ஸச்சானுபோ³த⁴ங் பஞ்ஞபேம; ந த்வேவ தாவ ஸச்சானுப்பத்தி ஹோதீ’’தி.

433.
‘‘எத்தாவத்தா, போ⁴ கோ³தம, ஸச்சானுபோ³தோ⁴ ஹோதி, எத்தாவதா ஸச்சமனுபு³ஜ்ஜ²தி,
எத்தாவதா ச மயங் ஸச்சானுபோ³த⁴ங் பெக்கா²ம. கித்தாவதா பன, போ⁴ கோ³தம,
ஸச்சானுப்பத்தி ஹோதி, கித்தாவதா ஸச்சமனுபாபுணாதி? ஸச்சானுப்பத்திங் மயங்
ப⁴வந்தங் கோ³தமங் புச்சா²மா’’தி. ‘‘தேஸங்யே ,
பா⁴ரத்³வாஜ, த⁴ம்மானங் ஆஸேவனா பா⁴வனா ப³ஹுலீகம்மங் ஸச்சானுப்பத்தி ஹோதி.
எத்தாவதா கோ², பா⁴ரத்³வாஜ, ஸச்சானுப்பத்தி ஹோதி, எத்தாவதா ஸச்சமனுபாபுணாதி,
எத்தாவதா ச மயங் ஸச்சானுப்பத்திங் பஞ்ஞபேமா’’தி.

434.
‘‘எத்தாவதா, போ⁴ கோ³தம, ஸச்சானுப்பத்தி ஹோதி, எத்தாவதா ஸச்சமனுபாபுணாதி,
எத்தாவதா ச மயங் ஸச்சானுப்பத்திங் பெக்கா²ம. ஸச்சானுப்பத்தியா பன, போ⁴
கோ³தம, கதமோ த⁴ம்மோ ப³ஹுகாரோ? ஸச்சானுப்பத்தியா ப³ஹுகாரங் த⁴ம்மங் மயங்
ப⁴வந்தங் கோ³தமங் புச்சா²மா’’தி. ‘‘ஸச்சானுப்பத்தியா
கோ², பா⁴ரத்³வாஜ, பதா⁴னங் ப³ஹுகாரங். நோ சேதங் பத³ஹெய்ய, நயித³ங்
ஸச்சமனுபாபுணெய்ய. யஸ்மா ச கோ² பத³ஹதி தஸ்மா ஸச்சமனுபாபுணாதி. தஸ்மா
ஸச்சானுப்பத்தியா பதா⁴னங் ப³ஹுகார’’ந்தி.

‘‘பதா⁴னஸ்ஸ பன, போ⁴ கோ³தம, கதமோ த⁴ம்மோ ப³ஹுகாரோ? பதா⁴னஸ்ஸ ப³ஹுகாரங் த⁴ம்மங் மயங் ப⁴வந்தங் கோ³தமங் புச்சா²மா’’தி. ‘‘பதா⁴னஸ்ஸ கோ², பா⁴ரத்³வாஜ, துலனா ப³ஹுகாரா. நோ சேதங் துலெய்ய, நயித³ங் பத³ஹெய்ய. யஸ்மா ச கோ² துலேதி தஸ்மா பத³ஹதி. தஸ்மா பதா⁴னஸ்ஸ துலனா ப³ஹுகாரா’’தி.

‘‘துலனாய பன, போ⁴ கோ³தம, கதமோ த⁴ம்மோ ப³ஹுகாரோ? துலனாய
ப³ஹுகாரங் த⁴ம்மங் மயங் ப⁴வந்தங் கோ³தமங் புச்சா²மா’’தி. ‘‘துலனாய கோ²,
பா⁴ரத்³வாஜ, உஸ்ஸாஹோ ப³ஹுகாரோ. நோ சேதங் உஸ்ஸஹெய்ய, நயித³ங் துலெய்ய. யஸ்மா
ச கோ² உஸ்ஸஹதி தஸ்மா துலேதி. தஸ்மா துலனாய உஸ்ஸாஹோ ப³ஹுகாரோ’’தி.

‘‘உஸ்ஸாஹஸ்ஸ பன, போ⁴ கோ³தம, கதமோ த⁴ம்மோ ப³ஹுகாரோ?
உஸ்ஸாஹஸ்ஸ ப³ஹுகாரங் த⁴ம்மங் மயங் ப⁴வந்தங் கோ³தமங் புச்சா²மா’’தி.
‘‘உஸ்ஸாஹஸ்ஸ கோ², பா⁴ரத்³வாஜ, ச²ந்தோ³ ப³ஹுகாரோ. நோ சேதங் ச²ந்தோ³ ஜாயேத²,
நயித³ங் உஸ்ஸஹெய்ய. யஸ்மா ச கோ² ச²ந்தோ³ ஜாயதி தஸ்மா உஸ்ஸஹதி. தஸ்மா
உஸ்ஸாஹஸ்ஸ ச²ந்தோ³ ப³ஹுகாரோ’’தி.

‘‘ச²ந்த³ஸ்ஸ பன, போ⁴ கோ³தம, கதமோ த⁴ம்மோ ப³ஹுகாரோ ?
ச²ந்த³ஸ்ஸ ப³ஹுகாரங் த⁴ம்மங் மயங் ப⁴வந்தங் கோ³தமங் புச்சா²மா’’தி.
‘‘ச²ந்த³ஸ்ஸ கோ², பா⁴ரத்³வாஜ, த⁴ம்மனிஜ்ஜா²னக்க²ந்தி ப³ஹுகாரா. நோ சேதே
த⁴ம்மா நிஜ்ஜா²னங் க²மெய்யுங், நயித³ங் ச²ந்தோ³ ஜாயேத². யஸ்மா ச கோ² த⁴ம்மா
நிஜ்ஜா²னங் க²மந்தி தஸ்மா ச²ந்தோ³ ஜாயதி. தஸ்மா ச²ந்த³ஸ்ஸ த⁴ம்மனிஜ்ஜா²னக்க²ந்தி ப³ஹுகாரா’’தி.

‘‘த⁴ம்மனிஜ்ஜா²னக்க²ந்தியா பன, போ⁴ கோ³தம, கதமோ த⁴ம்மோ
ப³ஹுகாரோ? த⁴ம்மனிஜ்ஜா²னக்க²ந்தியா ப³ஹுகாரங் த⁴ம்மங் மயங் ப⁴வந்தங்
கோ³தமங் புச்சா²மா’’தி. ‘‘த⁴ம்மனிஜ்ஜா²னக்க²ந்தியா கோ², பா⁴ரத்³வாஜ,
அத்தூ²பபரிக்கா² ப³ஹுகாரா. நோ சேதங் அத்த²ங் உபபரிக்கெ²ய்ய, நயித³ங் த⁴ம்மா
நிஜ்ஜா²னங் க²மெய்யுங். யஸ்மா ச கோ² அத்த²ங் உபபரிக்க²தி தஸ்மா த⁴ம்மா
நிஜ்ஜா²னங் க²மந்தி. தஸ்மா த⁴ம்மனிஜ்ஜா²னக்க²ந்தியா அத்தூ²பபரிக்கா²
ப³ஹுகாரா’’தி.

‘‘அத்தூ²பபரிக்கா²ய பன, போ⁴ கோ³தம, கதமோ த⁴ம்மோ
ப³ஹுகாரோ? அத்தூ²பபரிக்கா²ய ப³ஹுகாரங் த⁴ம்மங் மயங் ப⁴வந்தங் கோ³தமங்
புச்சா²மா’’தி. ‘‘அத்தூ²பபரிக்கா²ய கோ², பா⁴ரத்³வாஜ, த⁴ம்மதா⁴ரணா
ப³ஹுகாரா. நோ சேதங் த⁴ம்மங் தா⁴ரெய்ய, நயித³ங் அத்த²ங் உபபரிக்கெ²ய்ய.
யஸ்மா ச கோ² த⁴ம்மங் தா⁴ரேதி தஸ்மா அத்த²ங் உபபரிக்க²தி. தஸ்மா
அத்தூ²பபரிக்கா²ய த⁴ம்மதா⁴ரணா ப³ஹுகாரா’’தி.

‘‘த⁴ம்மதா⁴ரணாய பன, போ⁴ கோ³தம, கதமோ த⁴ம்மோ ப³ஹுகாரோ?
த⁴ம்மதா⁴ரணாய ப³ஹுகாரங் த⁴ம்மங் மயங் ப⁴வந்தங் கோ³தமங் புச்சா²மா’’தி.
‘‘த⁴ம்மதா⁴ரணாய கோ², பா⁴ரத்³வாஜ, த⁴ம்மஸ்ஸவனங்
ப³ஹுகாரங். நோ சேதங் த⁴ம்மங் ஸுணெய்ய, நயித³ங் த⁴ம்மங் தா⁴ரெய்ய. யஸ்மா ச
கோ² த⁴ம்மங் ஸுணாதி தஸ்மா த⁴ம்மங் தா⁴ரேதி. தஸ்மா த⁴ம்மதா⁴ரணாய
த⁴ம்மஸ்ஸவனங் ப³ஹுகார’’ந்தி.

‘‘த⁴ம்மஸ்ஸவனஸ்ஸ பன, போ⁴ கோ³தம, கதமோ த⁴ம்மோ ப³ஹுகாரோ? த⁴ம்மஸ்ஸவனஸ்ஸ ப³ஹுகாரங் த⁴ம்மங் மயங் ப⁴வந்தங் கோ³தமங் புச்சா²மா’’தி . ‘‘த⁴ம்மஸ்ஸவனஸ்ஸ கோ², பா⁴ரத்³வாஜ, ஸோதாவதா⁴னங் ப³ஹுகாரங் .
நோ சேதங் ஸோதங் ஓத³ஹெய்ய, நயித³ங் த⁴ம்மங் ஸுணெய்ய. யஸ்மா ச கோ² ஸோதங்
ஓத³ஹதி தஸ்மா த⁴ம்மங் ஸுணாதி. தஸ்மா த⁴ம்மஸ்ஸவனஸ்ஸ ஸோதாவதா⁴னங்
ப³ஹுகார’’ந்தி.

‘‘ஸோதாவதா⁴னஸ்ஸ பன, போ⁴ கோ³தம, கதமோ த⁴ம்மோ ப³ஹுகாரோ?
ஸோதாவதா⁴னஸ்ஸ ப³ஹுகாரங் த⁴ம்மங் மயங் ப⁴வந்தங் கோ³தமங் புச்சா²மா’’தி.
‘‘ஸோதாவதா⁴னஸ்ஸ கோ², பா⁴ரத்³வாஜ, பயிருபாஸனா ப³ஹுகாரா. நோ சேதங்
பயிருபாஸெய்ய, நயித³ங் ஸோதங் ஓத³ஹெய்ய. யஸ்மா ச கோ² பயிருபாஸதி தஸ்மா ஸோதங்
ஓத³ஹதி. தஸ்மா ஸோதாவதா⁴னஸ்ஸ பயிருபாஸனா ப³ஹுகாரா’’தி.

‘‘பயிருபாஸனாய பன, போ⁴ கோ³தம, கதமோ த⁴ம்மோ ப³ஹுகாரோ?
பயிருபாஸனாய ப³ஹுகாரங் த⁴ம்மங் மயங் ப⁴வந்தங் கோ³தமங் புச்சா²மா’’தி.
‘‘பயிருபாஸனாய கோ², பா⁴ரத்³வாஜ, உபஸங்கமனங் ப³ஹுகாரங். நோ சேதங்
உபஸங்கமெய்ய, நயித³ங் பயிருபாஸெய்ய. யஸ்மா ச கோ² உபஸங்கமதி தஸ்மா
பயிருபாஸதி. தஸ்மா பயிருபாஸனாய உபஸங்கமனங் ப³ஹுகார’’ந்தி.

‘‘உபஸங்கமனஸ்ஸ பன, போ⁴ கோ³தம, கதமோ த⁴ம்மோ ப³ஹுகாரோ?
உபஸங்கமனஸ்ஸ ப³ஹுகாரங் த⁴ம்மங் மயங் ப⁴வந்தங் கோ³தமங் புச்சா²மா’’தி.
‘‘உபஸங்கமனஸ்ஸ கோ², பா⁴ரத்³வாஜ, ஸத்³தா⁴ ப³ஹுகாரா. நோ சேதங் ஸத்³தா⁴
ஜாயேத², நயித³ங் உபஸங்கமெய்ய. யஸ்மா ச கோ² ஸத்³தா⁴ ஜாயதி தஸ்மா உபஸங்கமதி.
தஸ்மா உபஸங்கமனஸ்ஸ ஸத்³தா⁴ ப³ஹுகாரா’’தி.

435. ‘‘ஸச்சானுரக்க²ணங் மயங் ப⁴வந்தங் கோ³தமங் அபுச்சி²ம்ஹ, ஸச்சானுரக்க²ணங்
ப⁴வங் கோ³தமோ ப்³யாகாஸி; தஞ்ச பனம்ஹாகங் ருச்சதி சேவ க²மதி ச தேன சம்ஹ
அத்தமனா. ஸச்சானுபோ³த⁴ங் மயங் ப⁴வந்தங் கோ³தமங் அபுச்சி²ம்ஹ,
ஸச்சானுபோ³த⁴ங் ப⁴வங் கோ³தமோ ப்³யாகாஸி; தஞ்ச பனம்ஹாகங் ருச்சதி சேவ க²மதி ச
தேன சம்ஹ அத்தமனா. ஸச்சானுப்பத்திங் மயங் ப⁴வந்தங் கோ³தமங் அபுச்சி²ம்ஹ,
ஸச்சானுப்பத்திங் ப⁴வங் கோ³தமோ ப்³யாகாஸி; தஞ்ச பனம்ஹாகங் ருச்சதி சேவ
க²மதி ச தேன சம்ஹ அத்தமனா . ஸச்சானுப்பத்தியா ப³ஹுகாரங் த⁴ம்மங் மயங் ப⁴வந்தங்
கோ³தமங் அபுச்சி²ம்ஹ, ஸச்சானுப்பத்தியா ப³ஹுகாரங் த⁴ம்மங் ப⁴வங் கோ³தமோ
ப்³யாகாஸி; தஞ்ச பனம்ஹாகங் ருச்சதி சேவ க²மதி ச தேன சம்ஹ அத்தமனா. யங்யதே³வ
ச மயங் ப⁴வந்தங் கோ³தமங் அபுச்சி²ம்ஹ தங்ததே³வ ப⁴வங் கோ³தமோ ப்³யாகாஸி;
தஞ்ச பனம்ஹாகங் ருச்சதி சேவ க²மதி ச தேன சம்ஹ அத்தமனா. மயஞ்ஹி, போ⁴ கோ³தம,
புப்³பே³ ஏவங் ஜானாம – ‘கே ச முண்ட³கா ஸமணகா இப்³பா⁴ கண்ஹா
ப³ந்து⁴பாதா³பச்சா, கே ச த⁴ம்மஸ்ஸ அஞ்ஞாதாரோ’தி? அஜனேஸி வத மே ப⁴வங் கோ³தமோ
ஸமணேஸு ஸமணபேமங், ஸமணேஸு ஸமணபஸாத³ங், ஸமணேஸு ஸமணகா³ரவங். அபி⁴க்கந்தங்,
போ⁴ கோ³தம…பே॰… உபாஸகங் மங் ப⁴வங் கோ³தமோ தா⁴ரேது அஜ்ஜதக்³கே³ பாணுபேதங்
ஸரணங் க³த’’ந்தி.

சங்கீஸுத்தங் நிட்டி²தங் பஞ்சமங்.

6. ஏஸுகாரீஸுத்தங்

436. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. அத² கோ² ஏஸுகாரீ ப்³ராஹ்மணோ யேன ப⁴க³வா தேனுபஸங்கமி; உபஸங்கமித்வா
ப⁴க³வதா ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா
ஏகமந்தங் நிஸீதி³. ஏகமந்தங் நிஸின்னோ கோ² ஏஸுகாரீ ப்³ராஹ்மணோ ப⁴க³வந்தங்
ஏதத³வோச – ‘‘ப்³ராஹ்மணா, போ⁴ கோ³தம, சதஸ்ஸோ பாரிசரியா பஞ்ஞபெந்தி –
ப்³ராஹ்மணஸ்ஸ பாரிசரியங் பஞ்ஞபெந்தி, க²த்தியஸ்ஸ பாரிசரியங் பஞ்ஞபெந்தி,
வெஸ்ஸஸ்ஸ பாரிசரியங் பஞ்ஞபெந்தி, ஸுத்³த³ஸ்ஸ பாரிசரியங் பஞ்ஞபெந்தி.
தத்ரித³ங், போ⁴ கோ³தம, ப்³ராஹ்மணா ப்³ராஹ்மணஸ்ஸ பாரிசரியங் பஞ்ஞபெந்தி –
‘ப்³ராஹ்மணோ வா ப்³ராஹ்மணங் பரிசரெய்ய, க²த்தியோ வா ப்³ராஹ்மணங் பரிசரெய்ய,
வெஸ்ஸோ வா ப்³ராஹ்மணங் பரிசரெய்ய, ஸுத்³தோ³ வா ப்³ராஹ்மணங் பரிசரெய்யா’தி.
இத³ங் கோ², போ⁴ கோ³தம, ப்³ராஹ்மணா ப்³ராஹ்மணஸ்ஸ பாரிசரியங்
பஞ்ஞபெந்தி. தத்ரித³ங், போ⁴ கோ³தம, ப்³ராஹ்மணா க²த்தியஸ்ஸ பாரிசரியங்
பஞ்ஞபெந்தி – ‘க²த்தியோ வா க²த்தியங் பரிசரெய்ய, வெஸ்ஸோ வா க²த்தியங்
பரிசரெய்ய, ஸுத்³தோ³ வா க²த்தியங் பரிசரெய்யா’தி. இத³ங் கோ², போ⁴ கோ³தம,
ப்³ராஹ்மணா க²த்தியஸ்ஸ பாரிசரியங் பஞ்ஞபெந்தி. தத்ரித³ங், போ⁴ கோ³தம,
ப்³ராஹ்மணா வெஸ்ஸஸ்ஸ பாரிசரியங் பஞ்ஞபெந்தி – ‘வெஸ்ஸோ வா வெஸ்ஸங்
பரிசரெய்ய, ஸுத்³தோ³ வா வெஸ்ஸங் பரிசரெய்யா’தி. இத³ங் கோ², போ⁴ கோ³தம, ப்³ராஹ்மணா வெஸ்ஸஸ்ஸ பாரிசரியங் பஞ்ஞபெந்தி .
தத்ரித³ங், போ⁴ கோ³தம, ப்³ராஹ்மணா ஸுத்³த³ஸ்ஸ பாரிசரியங் பஞ்ஞபெந்தி –
‘ஸுத்³தோ³வ ஸுத்³த³ங் பரிசரெய்ய. கோ பனஞ்ஞோ ஸுத்³த³ங் பரிசரிஸ்ஸதீ’தி?
இத³ங் கோ², போ⁴ கோ³தம, ப்³ராஹ்மணா ஸுத்³த³ஸ்ஸ பாரிசரியங் பஞ்ஞபெந்தி.
ப்³ராஹ்மணா, போ⁴ கோ³தம, இமா சதஸ்ஸோ பாரிசரியா பஞ்ஞபெந்தி. இத⁴ ப⁴வங் கோ³தமோ
கிமாஹா’’தி?

437. ‘‘கிங் பன, ப்³ராஹ்மண, ஸப்³போ³ லோகோ ப்³ராஹ்மணானங் ஏதத³ப்³ப⁴னுஜானாதி – ‘இமா சதஸ்ஸோ பாரிசரியா பஞ்ஞபெந்தூ’’’தி [பஞ்ஞபெந்தீதி (ஸீ॰ க॰)]? ‘‘நோ ஹித³ங், போ⁴ கோ³தம’’. ‘‘ஸெய்யதா²பி, ப்³ராஹ்மண, புரிஸோ த³லித்³தோ³ [த³ளித்³தோ³ (ஸீ॰ ஸ்யா॰ கங்॰ பீ॰)]
அஸ்ஸகோ அனாள்ஹியோ. தஸ்ஸ அகாமஸ்ஸ பி³லங் ஓலக்³கெ³ய்யுங் – ‘இத³ங் தே,
அம்போ⁴ புரிஸ, மங்ஸங் கா²தி³தப்³ப³ங், மூலஞ்ச அனுப்பதா³தப்³ப³’ந்தி. ஏவமேவ
கோ², ப்³ராஹ்மண, ப்³ராஹ்மணா அப்படிஞ்ஞாய தேஸங் ஸமணப்³ராஹ்மணானங், அத² ச
பனிமா சதஸ்ஸோ பாரிசரியா பஞ்ஞபெந்தி. நாஹங், ப்³ராஹ்மண, ‘ஸப்³ப³ங்
பரிசரிதப்³ப³’ந்தி வதா³மி; நாஹங், ப்³ராஹ்மண,
‘ஸப்³ப³ங் ந பரிசரிதப்³ப³’ந்தி வதா³மி. யங் ஹிஸ்ஸ, ப்³ராஹ்மண, பரிசரதோ
பாரிசரியாஹேது பாபியோ அஸ்ஸ ந ஸெய்யோ, நாஹங் தங் ‘பரிசரிதப்³ப³’ந்தி வதா³மி;
யஞ்ச க்²வாஸ்ஸ, ப்³ராஹ்மண, பரிசரதோ பாரிசரியாஹேது ஸெய்யோ அஸ்ஸ ந பாபியோ
தமஹங் ‘பரிசரிதப்³ப³’ந்தி வதா³மி. க²த்தியங் சேபி, ப்³ராஹ்மண, ஏவங்
புச்செ²ய்யுங் – ‘யங் வா தே பரிசரதோ பாரிசரியாஹேது பாபியோ அஸ்ஸ ந ஸெய்யோ,
யங் வா தே பரிசரதோ பாரிசரியாஹேது ஸெய்யோ அஸ்ஸ ந பாபியோ; கமெத்த² பரிசரெய்யாஸீ’தி, க²த்தியோபி ஹி, ப்³ராஹ்மண ,
ஸம்மா ப்³யாகரமானோ ஏவங் ப்³யாகரெய்ய – ‘யஞ்ஹி மே பரிசரதோ பாரிசரியாஹேது
பாபியோ அஸ்ஸ ந ஸெய்யோ, நாஹங் தங் பரிசரெய்யங்; யஞ்ச கோ² மே பரிசரதோ
பாரிசரியாஹேது ஸெய்யோ அஸ்ஸ ந பாபியோ தமஹங் பரிசரெய்ய’ந்தி. ப்³ராஹ்மணங்
சேபி, ப்³ராஹ்மண…பே॰… வெஸ்ஸங் சேபி, ப்³ராஹ்மண…பே॰… ஸுத்³த³ங் சேபி,
ப்³ராஹ்மண, ஏவங் புச்செ²ய்யுங் – ‘யங் வா தே பரிசரதோ பாரிசரியாஹேது பாபியோ
அஸ்ஸ ந ஸெய்யோ, யங் வா தே பரிசரதோ பாரிசரியாஹேது ஸெய்யோ அஸ்ஸ ந பாபியோ;
கமெத்த² பரிசரெய்யாஸீ’தி, ஸுத்³தோ³பி ஹி, ப்³ராஹ்மண, ஸம்மா ப்³யாகரமானோ
ஏவங் ப்³யாகரெய்ய – ‘யஞ்ஹி மே பரிசரதோ பாரிசரியாஹேது பாபியோ அஸ்ஸ ந ஸெய்யோ,
நாஹங் தங் பரிசரெய்யங்; யஞ்ச கோ² மே பரிசரதோ பாரிசரியாஹேது ஸெய்யோ அஸ்ஸ ந
பாபியோ தமஹங் பரிசரெய்ய’ந்தி. நாஹங், ப்³ராஹ்மண, ‘உச்சாகுலீனதா
ஸெய்யங்ஸோ’தி வதா³மி, ந பனாஹங், ப்³ராஹ்மண, ‘உச்சாகுலீனதா பாபியங்ஸோ’தி
வதா³மி; நாஹங், ப்³ராஹ்மண, ‘உளாரவண்ணதா ஸெய்யங்ஸோ’தி வதா³மி, ந பனாஹங்,
ப்³ராஹ்மண, ‘உளாரவண்ணதா பாபியங்ஸோ’தி வதா³மி; நாஹங், ப்³ராஹ்மண,
‘உளாரபோ⁴க³தா ஸெய்யங்ஸோ’தி வதா³மி, ந பனாஹங், ப்³ராஹ்மண, ‘உளாரபோ⁴க³தா
பாபியங்ஸோ’தி வதா³மி.

438.
‘‘உச்சாகுலீனோபி ஹி, ப்³ராஹ்மண, இதே⁴கச்சோ பாணாதிபாதீ ஹோதி, அதி³ன்னாதா³யீ
ஹோதி, காமேஸுமிச்சா²சாரீ ஹோதி, முஸாவாதீ³ ஹோதி, பிஸுணாவாசோ ஹோதி,
ப²ருஸாவாசோ ஹோதி, ஸம்ப²ப்பலாபீ ஹோதி, அபி⁴ஜ்ஜா²லு ஹோதி ,
ப்³யாபன்னசித்தோ ஹோதி, மிச்சா²தி³ட்டி² ஹோதி. தஸ்மா ‘ந உச்சாகுலீனதா
ஸெய்யங்ஸோ’தி வதா³மி. உச்சாகுலீனோபி ஹி, ப்³ராஹ்மண, இதே⁴கச்சோ பாணாதிபாதா
படிவிரதோ ஹோதி, அதி³ன்னாதா³னா படிவிரதோ ஹோதி, காமேஸுமிச்சா²சாரா படிவிரதோ
ஹோதி, முஸாவாதா³ படிவிரதோ ஹோதி, பிஸுணாய வாசாய படிவிரதோ ஹோதி, ப²ருஸாய
வாசாய படிவிரதோ ஹோதி, ஸம்ப²ப்பலாபா படிவிரதோ ஹோதி, அனபி⁴ஜ்ஜா²லு ஹோதி,
அப்³யாபன்னசித்தோ ஹோதி, ஸம்மாதி³ட்டி² ஹோதி. தஸ்மா ‘ந உச்சாகுலீனதா
பாபியங்ஸோ’தி வதா³மி.

439. ‘‘உளாரவண்ணோபி ஹி, ப்³ராஹ்மண…பே॰… உளாரபோ⁴கோ³பி ஹி, ப்³ராஹ்மண, இதே⁴கச்சோ பாணாதிபாதீ ஹோதி…பே॰… மிச்சா²தி³ட்டி² ஹோதி. தஸ்மா
‘ந உளாரபோ⁴க³தா ஸெய்யங்ஸோ’தி வதா³மி. உளாரபோ⁴கோ³பி ஹி, ப்³ராஹ்மண,
இதே⁴கச்சோ பாணாதிபாதா படிவிரதோ ஹோதி…பே॰… ஸம்மாதி³ட்டி² ஹோதி. தஸ்மா ‘ந
உளாரபோ⁴க³தா பாபியங்ஸோ’தி வதா³மி. நாஹங்,
ப்³ராஹ்மண, ‘ஸப்³ப³ங் பரிசரிதப்³ப³’ந்தி வதா³மி, ந பனாஹங், ப்³ராஹ்மண,
‘ஸப்³ப³ங் ந பரிசரிதப்³ப³’ந்தி வதா³மி. யங் ஹிஸ்ஸ, ப்³ராஹ்மண, பரிசரதோ
பாரிசரியாஹேது ஸத்³தா⁴ வட்³ட⁴தி, ஸீலங் வட்³ட⁴தி, ஸுதங் வட்³ட⁴தி, சாகோ³
வட்³ட⁴தி, பஞ்ஞா வட்³ட⁴தி, தமஹங்
‘பரிசரிதப்³ப³’ந்தி (வதா³மி. யங் ஹிஸ்ஸ, ப்³ராஹ்மண, பரிசரதோ பாரிசரியாஹேது ந
ஸத்³தா⁴ வட்³ட⁴தி, ந ஸீலங் வட்³ட⁴தி, ந ஸுதங் வட்³ட⁴தி, ந சாகோ³ வட்³ட⁴தி,
ந பஞ்ஞா வட்³ட⁴தி, நாஹங் தங் ‘பரிசரிதப்³ப³’ந்தி) [( ) எத்த²ந்தரே பாடோ² ஸீ॰ ஸ்யா॰ கங்॰ பீ॰ பொத்த²கேஸு நத்தி²] வதா³மீ’’தி.

440.
ஏவங் வுத்தே, ஏஸுகாரீ ப்³ராஹ்மணோ ப⁴க³வந்தங் ஏதத³வோச – ‘‘ப்³ராஹ்மணா, போ⁴
கோ³தம, சத்தாரி த⁴னானி பஞ்ஞபெந்தி – ப்³ராஹ்மணஸ்ஸ ஸந்த⁴னங் பஞ்ஞபெந்தி,
க²த்தியஸ்ஸ ஸந்த⁴னங் பஞ்ஞபெந்தி, வெஸ்ஸஸ்ஸ ஸந்த⁴னங் பஞ்ஞபெந்தி, ஸுத்³த³ஸ்ஸ
ஸந்த⁴னங் பஞ்ஞபெந்தி. தத்ரித³ங், போ⁴ கோ³தம,
ப்³ராஹ்மணா ப்³ராஹ்மணஸ்ஸ ஸந்த⁴னங் பஞ்ஞபெந்தி பி⁴க்கா²சரியங்;
பி⁴க்கா²சரியஞ்ச பன ப்³ராஹ்மணோ ஸந்த⁴னங் அதிமஞ்ஞமானோ அகிச்சகாரீ ஹோதி
கோ³போவ அதி³ன்னங் ஆதி³யமானோதி. இத³ங் கோ², போ⁴ கோ³தம, ப்³ராஹ்மணா
ப்³ராஹ்மணஸ்ஸ ஸந்த⁴னங் பஞ்ஞபெந்தி. தத்ரித³ங், போ⁴ கோ³தம, ப்³ராஹ்மணா
க²த்தியஸ்ஸ ஸந்த⁴னங் பஞ்ஞபெந்தி த⁴னுகலாபங்; த⁴னுகலாபஞ்ச
பன க²த்தியோ ஸந்த⁴னங் அதிமஞ்ஞமானோ அகிச்சகாரீ ஹோதி கோ³போவ அதி³ன்னங்
ஆதி³யமானோதி. இத³ங் கோ², போ⁴ கோ³தம, ப்³ராஹ்மணா க²த்தியஸ்ஸ ஸந்த⁴னங்
பஞ்ஞபெந்தி. தத்ரித³ங், போ⁴ கோ³தம, ப்³ராஹ்மணா வெஸ்ஸஸ்ஸ ஸந்த⁴னங்
பஞ்ஞபெந்தி கஸிகோ³ரக்க²ங்; கஸிகோ³ரக்க²ஞ்ச பன வெஸ்ஸோ ஸந்த⁴னங் அதிமஞ்ஞமானோ
அகிச்சகாரீ ஹோதி கோ³போவ அதி³ன்னங் ஆதி³யமானோதி. இத³ங் கோ², போ⁴ கோ³தம,
ப்³ராஹ்மணா வெஸ்ஸஸ்ஸ ஸந்த⁴னங் பஞ்ஞபெந்தி. தத்ரித³ங், போ⁴ கோ³தம,
ப்³ராஹ்மணா ஸுத்³த³ஸ்ஸ ஸந்த⁴னங் பஞ்ஞபெந்தி அஸிதப்³யாப⁴ங்கி³ங்;
அஸிதப்³யாப⁴ங்கி³ஞ்ச பன ஸுத்³தோ³ ஸந்த⁴னங் அதிமஞ்ஞமானோ அகிச்சகாரீ ஹோதி
கோ³போவ அதி³ன்னங் ஆதி³யமானோதி. இத³ங் கோ², போ⁴ கோ³தம, ப்³ராஹ்மணா
ஸுத்³த³ஸ்ஸ ஸந்த⁴னங் பஞ்ஞபெந்தி. ப்³ராஹ்மணா, போ⁴ கோ³தம, இமானி சத்தாரி
த⁴னானி பஞ்ஞபெந்தி. இத⁴ ப⁴வங் கோ³தமோ கிமாஹா’’தி?

441. ‘‘கிங் பன, ப்³ராஹ்மண, ஸப்³போ³ லோகோ ப்³ராஹ்மணானங் ஏதத³ப்³ப⁴னுஜானாதி – ‘இமானி சத்தாரி த⁴னானி பஞ்ஞபெந்தூ’’’தி? ‘‘நோ ஹித³ங், போ⁴ கோ³தம’’. ‘‘ஸெய்யதா²பி, ப்³ராஹ்மண, புரிஸோ த³லித்³தோ³
அஸ்ஸகோ அனாள்ஹியோ. தஸ்ஸ அகாமஸ்ஸ பி³லங் ஓலக்³கெ³ய்யுங் – ‘இத³ங் தே,
அம்போ⁴ புரிஸ, மங்ஸங் கா²தி³தப்³ப³ங், மூலஞ்ச அனுப்பதா³தப்³ப³’ந்தி. ஏவமேவ
கோ², ப்³ராஹ்மண, ப்³ராஹ்மணா அப்படிஞ்ஞாய தேஸங் ஸமணப்³ராஹ்மணானங், அத² ச
பனிமானி சத்தாரி த⁴னானி பஞ்ஞபெந்தி. அரியங் கோ² அஹங், ப்³ராஹ்மண,
லோகுத்தரங் த⁴ம்மங் புரிஸஸ்ஸ ஸந்த⁴னங் பஞ்ஞபேமி. போராணங் கோ² பனஸ்ஸ
மாதாபெத்திகங் குலவங்ஸங் அனுஸ்ஸரதோ யத்த² யத்தே²வ
அத்தபா⁴வஸ்ஸ அபி⁴னிப்³ப³த்தி ஹோதி தேன தேனேவ ஸங்க்²யங் க³ச்ச²தி.
க²த்தியகுலே சே அத்தபா⁴வஸ்ஸ அபி⁴னிப்³ப³த்தி ஹோதி ‘க²த்தியோ’த்வேவ
ஸங்க்²யங் க³ச்ச²தி; ப்³ராஹ்மணகுலே சே அத்தபா⁴வஸ்ஸ அபி⁴னிப்³ப³த்தி ஹோதி
‘ப்³ராஹ்மணோ’த்வேவ ஸங்க்²யங் க³ச்ச²தி; வெஸ்ஸகுலே சே அத்தபா⁴வஸ்ஸ
அபி⁴னிப்³ப³த்தி ஹோதி ‘வெஸ்ஸோ’த்வேவ ஸங்க்²யங் க³ச்ச²தி; ஸுத்³த³குலே சே
அத்தபா⁴வஸ்ஸ அபி⁴னிப்³ப³த்தி ஹோதி ‘ஸுத்³தோ³’த்வேவ
ஸங்க்²யங் க³ச்ச²தி. ஸெய்யதா²பி, ப்³ராஹ்மண, யங்யதே³வ பச்சயங் படிச்ச
அக்³கி³ ஜலதி தேன தேனேவ ஸங்க்²யங் க³ச்ச²தி. கட்ட²ஞ்சே படிச்ச அக்³கி³ ஜலதி
‘கட்ட²க்³கி³’த்வேவ ஸங்க்²யங் க³ச்ச²தி; ஸகலிகஞ்சே படிச்ச அக்³கி³ ஜலதி
‘ஸகலிகக்³கி³’த்வேவ ஸங்க்²யங் க³ச்ச²தி; திணஞ்சே படிச்ச அக்³கி³ ஜலதி
‘திணக்³கி³’த்வேவ ஸங்க்²யங் க³ச்ச²தி; கோ³மயஞ்சே படிச்ச அக்³கி³ ஜலதி
‘கோ³மயக்³கி³’த்வேவ ஸங்க்²யங் க³ச்ச²தி. ஏவமேவ கோ² அஹங், ப்³ராஹ்மண, அரியங்
லோகுத்தரங் த⁴ம்மங் புரிஸஸ்ஸ ஸந்த⁴னங் பஞ்ஞபேமி. போராணங் கோ² பனஸ்ஸ
மாதாபெத்திகங் குலவங்ஸங் அனுஸ்ஸரதோ யத்த² யத்தே²வ அத்தபா⁴வஸ்ஸ
அபி⁴னிப்³ப³த்தி ஹோதி தேன தேனேவ ஸங்க்²யங் க³ச்ச²தி.

‘‘க²த்தியகுலே சே அத்தபா⁴வஸ்ஸ அபி⁴னிப்³ப³த்தி ஹோதி
‘க²த்தியோ’த்வேவ ஸங்க்²யங் க³ச்ச²தி; ப்³ராஹ்மணகுலே சே அத்தபா⁴வஸ்ஸ
அபி⁴னிப்³ப³த்தி ஹோதி ‘ப்³ராஹ்மணோ’த்வேவ ஸங்க்²யங் க³ச்ச²தி; வெஸ்ஸகுலே சே
அத்தபா⁴வஸ்ஸ அபி⁴னிப்³ப³த்தி ஹோதி ‘வெஸ்ஸோ’த்வேவ ஸங்க்²யங் க³ச்ச²தி;
ஸுத்³த³குலே சே அத்தபா⁴வஸ்ஸ அபி⁴னிப்³ப³த்தி ஹோதி ‘ஸுத்³தோ³’த்வேவ
ஸங்க்²யங் க³ச்ச²தி.

‘‘க²த்தியகுலா சேபி,
ப்³ராஹ்மண, அகா³ரஸ்மா அனகா³ரியங் பப்³ப³ஜிதோ ஹோதி, ஸோ ச ததா²க³தப்பவேதி³தங்
த⁴ம்மவினயங் ஆக³ம்ம பாணாதிபாதா படிவிரதோ ஹோதி, அதி³ன்னாதா³னா படிவிரதோ
ஹோதி, அப்³ரஹ்மசரியா படிவிரதோ ஹோதி, முஸாவாதா³ படிவிரதோ ஹோதி, பிஸுணாய
வாசாய படிவிரதோ ஹோதி, ப²ருஸாய வாசாய படிவிரதோ ஹோதி, ஸம்ப²ப்பலாபா படிவிரதோ
ஹோதி, அனபி⁴ஜ்ஜா²லு ஹோதி, அப்³யாபன்னசித்தோ ஹோதி, ஸம்மாதி³ட்டி² ஹோதி,
ஆராத⁴கோ ஹோதி ஞாயங் த⁴ம்மங் குஸலங்.

‘‘ப்³ராஹ்மணகுலா
சேபி, ப்³ராஹ்மண, அகா³ரஸ்மா அனகா³ரியங் பப்³ப³ஜிதோ ஹோதி, ஸோ ச
ததா²க³தப்பவேதி³தங் த⁴ம்மவினயங் ஆக³ம்ம பாணாதிபாதா படிவிரதோ ஹோதி…பே॰…
ஸம்மாதி³ட்டி² ஹோதி, ஆராத⁴கோ ஹோதி ஞாயங் த⁴ம்மங் குஸலங்.

‘‘வெஸ்ஸகுலா சேபி, ப்³ராஹ்மண, அகா³ரஸ்மா அனகா³ரியங்
பப்³ப³ஜிதோ ஹோதி, ஸோ ச ததா²க³தப்பவேதி³தங் த⁴ம்மவினயங் ஆக³ம்ம பாணாதிபாதா
படிவிரதோ ஹோதி…பே॰… ஸம்மாதி³ட்டி² ஹோதி, ஆராத⁴கோ ஹோதி ஞாயங் த⁴ம்மங்
குஸலங்.

‘‘ஸுத்³த³குலா சேபி, ப்³ராஹ்மண, அகா³ரஸ்மா அனகா³ரியங்
பப்³ப³ஜிதோ ஹோதி, ஸோ ச ததா²க³தப்பவேதி³தங் த⁴ம்மவினயங் ஆக³ம்ம பாணாதிபாதா
படிவிரதோ ஹோதி…பே॰… ஸம்மாதி³ட்டி² ஹோதி, ஆராத⁴கோ ஹோதி ஞாயங் த⁴ம்மங் குஸலங்.

442. ‘‘தங்
கிங் மஞ்ஞஸி, ப்³ராஹ்மண, ப்³ராஹ்மணோவ நு கோ² பஹோதி அஸ்மிங் பதே³ஸே அவேரங்
அப்³யாப³ஜ்ஜ²ங் மெத்தசித்தங் பா⁴வேதுங், நோ க²த்தியோ நோ வெஸ்ஸோ நோ
ஸுத்³தோ³’’தி? ‘‘நோ ஹித³ங், போ⁴ கோ³தம. க²த்தியோபி ஹி, போ⁴ கோ³தம, பஹோதி
அஸ்மிங் பதே³ஸே அவேரங் அப்³யாப³ஜ்ஜ²ங் மெத்தசித்தங் பா⁴வேதுங்;
ப்³ராஹ்மணோபி ஹி, போ⁴ கோ³தம… வெஸ்ஸோபி ஹி, போ⁴ கோ³தம… ஸுத்³தோ³பி ஹி, போ⁴
கோ³தம… ஸப்³பே³பி ஹி, போ⁴ கோ³தம, சத்தாரோ வண்ணா பஹொந்தி அஸ்மிங் பதே³ஸே
அவேரங் அப்³யாப³ஜ்ஜ²ங் மெத்தசித்தங் பா⁴வேது’’ந்தி. ‘‘ஏவமேவ கோ²,
ப்³ராஹ்மண, க²த்தியகுலா சேபி அகா³ரஸ்மா அனகா³ரியங் பப்³ப³ஜிதோ ஹோதி, ஸோ ச
ததா²க³தப்பவேதி³தங் த⁴ம்மவினயங் ஆக³ம்ம பாணாதிபாதா படிவிரதோ ஹோதி…பே॰…
ஸம்மாதி³ட்டி² ஹோதி, ஆராத⁴கோ ஹோதி ஞாயங் த⁴ம்மங் குஸலங்.

‘‘ப்³ராஹ்மணகுலா சேபி, ப்³ராஹ்மண… வெஸ்ஸகுலா சேபி,
ப்³ராஹ்மண… ஸுத்³த³குலா சேபி, ப்³ராஹ்மண, அகா³ரஸ்மா அனகா³ரியங் பப்³ப³ஜிதோ
ஹோதி, ஸோ ச ததா²க³தப்பவேதி³தங் த⁴ம்மவினயங் ஆக³ம்ம பாணாதிபாதா படிவிரதோ
ஹோதி…பே॰… ஸம்மாதி³ட்டி² ஹோதி, ஆராத⁴கோ ஹோதி ஞாயங் த⁴ம்மங் குஸலங்.

443.
‘‘தங் கிங் மஞ்ஞஸி, ப்³ராஹ்மண, ப்³ராஹ்மணோவ நு கோ² பஹோதி ஸொத்திஸினானிங்
ஆதா³ய நதி³ங் க³ந்த்வா ரஜோஜல்லங் பவாஹேதுங், நோ க²த்தியோ நோ வெஸ்ஸோ நோ
ஸுத்³தோ³’’தி? ‘‘நோ ஹித³ங், போ⁴ கோ³தம . க²த்தியோபி
ஹி, போ⁴ கோ³தம, பஹோதி ஸொத்திஸினானிங் ஆதா³ய நதி³ங் க³ந்த்வா ரஜோஜல்லங்
பவாஹேதுங்; ப்³ராஹ்மணோபி ஹி, போ⁴ கோ³தம… வெஸ்ஸோபி ஹி, போ⁴ கோ³தம …
ஸுத்³தோ³பி ஹி, போ⁴ கோ³தம… ஸப்³பே³பி ஹி, போ⁴ கோ³தம, சத்தாரோ வண்ணா
பஹொந்தி ஸொத்திஸினானிங் ஆதா³ய நதி³ங் க³ந்த்வா ரஜோஜல்லங் பவாஹேது’’ந்தி.
‘‘ஏவமேவ கோ², ப்³ராஹ்மண, க²த்தியகுலா சேபி அகா³ரஸ்மா அனகா³ரியங் பப்³ப³ஜிதோ
ஹோதி, ஸோ ச ததா²க³தப்பவேதி³தங் த⁴ம்மவினயங் ஆக³ம்ம பாணாதிபாதா படிவிரதோ
ஹோதி…பே॰… ஸம்மாதி³ட்டி² ஹோதி, ஆராத⁴கோ ஹோதி ஞாயங் த⁴ம்மங் குஸலங்.

‘‘ப்³ராஹ்மணகுலா சேபி, ப்³ராஹ்மண… வெஸ்ஸகுலா சேபி, ப்³ராஹ்மண… ஸுத்³த³குலா சேபி ,
ப்³ராஹ்மண, அகா³ரஸ்மா அனகா³ரியங் பப்³ப³ஜிதோ ஹோதி, ஸோ ச
ததா²க³தப்பவேதி³தங் த⁴ம்மவினயங் ஆக³ம்ம பாணாதிபாதா படிவிரதோ ஹோதி…பே॰…
ஸம்மாதி³ட்டி² ஹோதி, ஆராத⁴கோ ஹோதி ஞாயங் த⁴ம்மங் குஸலங்.

444. ‘‘தங்
கிங் மஞ்ஞஸி, ப்³ராஹ்மண, இத⁴ ராஜா க²த்தியோ முத்³தா⁴வஸித்தோ நானாஜச்சானங்
புரிஸானங் புரிஸஸதங் ஸன்னிபாதெய்ய – ‘ஆயந்து பொ⁴ந்தோ யே தத்த² க²த்தியகுலா
ப்³ராஹ்மணகுலா ராஜஞ்ஞகுலா உப்பன்னா ஸாகஸ்ஸ வா ஸாலஸ்ஸ வா ஸலளஸ்ஸ வா
சந்த³னஸ்ஸ வா பது³மகஸ்ஸ வா உத்தராரணிங் ஆதா³ய அக்³கி³ங்
அபி⁴னிப்³ப³த்தெந்து, தேஜோ பாதுகரொந்து; ஆயந்து பன பொ⁴ந்தோ யே தத்த²
சண்டா³லகுலா நேஸாத³குலா வேனகுலா ரத²காரகுலா புக்குஸகுலா உப்பன்னா
ஸாபானதோ³ணியா வா ஸூகரதோ³ணியா வா ரஜகதோ³ணியா வா ஏரண்ட³கட்ட²ஸ்ஸ வா
உத்தராரணிங் ஆதா³ய அக்³கி³ங் அபி⁴னிப்³ப³த்தெந்து, தேஜோ பாதுகரொந்தூ’’’தி?

‘‘தங் கிங் மஞ்ஞஸி, ப்³ராஹ்மண, யோ ஏவங் நு கோ² ஸோ
க²த்தியகுலா ப்³ராஹ்மணகுலா ராஜஞ்ஞகுலா உப்பன்னேஹி ஸாகஸ்ஸ வா ஸாலஸ்ஸ வா
ஸலளஸ்ஸ வா சந்த³னஸ்ஸ வா பது³மகஸ்ஸ வா உத்தராரணிங் ஆதா³ய அக்³கி³
அபி⁴னிப்³ப³த்தோ தேஜோ பாதுகதோ ஸோ ஏவ நு க்²வாஸ்ஸ அக்³கி³ அச்சிமா சேவ
வண்ணவா ச பப⁴ஸ்ஸரோ ச தேன ச ஸக்கா அக்³கி³னா அக்³கி³கரணீயங்
காதுங்; யோ பன ஸோ சண்டா³லகுலா நேஸாத³குலா வேனகுலா ரத²காரகுலா புக்குஸகுலா
உப்பன்னேஹி ஸாபானதோ³ணியா வா ஸூகரதோ³ணியா வா ரஜகதோ³ணியா வா ஏரண்ட³கட்ட²ஸ்ஸ
வா உத்தராரணிங் ஆதா³ய அக்³கி³ அபி⁴னிப்³ப³த்தோ தேஜோ பாதுகதோ ஸ்வாஸ்ஸ
அக்³கி³ ந சேவ அச்சிமா ந ச வண்ணவா ந ச பப⁴ஸ்ஸரோ ந ச
தேன ஸக்கா அக்³கி³னா அக்³கி³கரணீயங் காது’’ந்தி? ‘‘நோ ஹித³ங், போ⁴ கோ³தம.
யோபி ஹி ஸோ, போ⁴ கோ³தம, க²த்தியகுலா ப்³ராஹ்மணகுலா ராஜஞ்ஞகுலா உப்பன்னேஹி
ஸாகஸ்ஸ வா ஸாலஸ்ஸ வா ஸலளஸ்ஸ வா சந்த³னஸ்ஸ வா
பது³மகஸ்ஸ வா உத்தராரணிங் ஆதா³ய அக்³கி³ அபி⁴னிப்³ப³த்தோ தேஜோ பாதுகதோ
ஸ்வாஸ்ஸ அக்³கி³ அச்சிமா சேவ வண்ணவா ச பப⁴ஸ்ஸரோ ச தேன ச ஸக்கா அக்³கி³னா
அக்³கி³கரணீயங் காதுங்; யோபி ஸோ சண்டா³லகுலா நேஸாத³குலா வேனகுலா ரத²காரகுலா
புக்குஸகுலா உப்பன்னேஹி ஸாபானதோ³ணியா வா ஸூகரதோ³ணியா வா ரஜகதோ³ணியா வா
ஏரண்ட³கட்ட²ஸ்ஸ வா உத்தராரணிங் ஆதா³ய அக்³கி³ அபி⁴னிப்³ப³த்தோ தேஜோ பாதுகதோ
ஸ்வாஸ்ஸ அக்³கி³ அச்சிமா சேவ வண்ணவா ச பப⁴ஸ்ஸரோ ச தேன ச ஸக்கா அக்³கி³னா
அக்³கி³கரணீயங் காதுங். ஸப்³போ³பி ஹி, போ⁴ கோ³தம, அக்³கி³ அச்சிமா சேவ
வண்ணவா ச பப⁴ஸ்ஸரோ ச ஸப்³பே³னபி ஸக்கா அக்³கி³னா அக்³கி³கரணீயங்
காது’’ந்தி.

‘‘ஏவமேவ கோ², ப்³ராஹ்மண, க²த்தியகுலா சேபி அகா³ரஸ்மா அனகா³ரியங் பப்³ப³ஜிதோ ஹோதி, ஸோ ச ததா²க³தப்பவேதி³தங் த⁴ம்மவினயங் ஆக³ம்ம
பாணாதிபாதா படிவிரதோ ஹோதி…பே॰… ஸம்மாதி³ட்டி² ஹோதி, ஆராத⁴கோ ஹோதி ஞாயங்
த⁴ம்மங் குஸலங். ப்³ராஹ்மணகுலா சேபி, ப்³ராஹ்மண… வெஸ்ஸகுலா சேபி,
ப்³ராஹ்மண… ஸுத்³த³குலா சேபி, ப்³ராஹ்மண, அகா³ரஸ்மா அனகா³ரியங் பப்³ப³ஜிதோ
ஹோதி, ஸோ ச ததா²க³தப்பவேதி³தங் த⁴ம்மவினயங் ஆக³ம்ம பாணாதிபாதா படிவிரதோ
ஹோதி, அதி³ன்னாதா³னா படிவிரதோ ஹோதி, அப்³ரஹ்மசரியா படிவிரதோ ஹோதி,
முஸாவாதா³ படிவிரதோ ஹோதி, பிஸுணாய வாசாய படிவிரதோ ஹோதி, ப²ருஸாய வாசாய
படிவிரதோ ஹோதி, ஸம்ப²ப்பலாபா படிவிரதோ ஹோதி, அனபி⁴ஜ்ஜா²லு ஹோதி,
அப்³யாபன்னசித்தோ ஹோதி, ஸம்மாதி³ட்டி² ஹோதி, ஆராத⁴கோ ஹோதி ஞாயங் த⁴ம்மங்
குஸல’’ந்தி.

ஏவங் வுத்தே, ஏஸுகாரீ ப்³ராஹ்மணோ ப⁴க³வந்தங் ஏதத³வோச –
‘‘அபி⁴க்கந்தங், போ⁴ கோ³தம, அபி⁴க்கந்தங், போ⁴ கோ³தம…பே॰… உபாஸகங் மங்
ப⁴வங் கோ³தமோ தா⁴ரேது அஜ்ஜதக்³கே³ பாணுபேதங் ஸரணங் க³த’’ந்தி.

ஏஸுகாரீஸுத்தங் நிட்டி²தங் ச²ட்ட²ங்.

7. த⁴னஞ்ஜானிஸுத்தங்

445. ஏவங்
மே ஸுதங் – ஏகங் ஸமயங் ப⁴க³வா ராஜக³ஹே விஹரதி வேளுவனே கலந்த³கனிவாபே. தேன
கோ² பன ஸமயேன ஆயஸ்மா ஸாரிபுத்தோ த³க்கி²ணாகி³ரிஸ்மிங் சாரிகங் சரதி மஹதா
பி⁴க்கு²ஸங்கே⁴ன ஸத்³தி⁴ங். அத² கோ² அஞ்ஞதரோ பி⁴க்கு² ராஜக³ஹே வஸ்ஸங்வுட்டோ² [வஸ்ஸங்வுத்தோ² (ஸீ॰ ஸ்யா॰ கங்॰ பீ॰)]
யேன த³க்கி²ணாகி³ரி யேனாயஸ்மா ஸாரிபுத்தோ தேனுபஸங்கமி; உபஸங்கமித்வா
ஆயஸ்மதா ஸாரிபுத்தேன ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங்
வீதிஸாரெத்வா ஏகமந்தங் நிஸீதி³. ஏகமந்தங் நிஸின்னங் கோ² தங் பி⁴க்கு²ங்
ஆயஸ்மா ஸாரிபுத்தோ ஏதத³வோச – ‘‘கச்சாவுஸோ, ப⁴க³வா அரோகோ³ ச ப³லவா சா’’தி?
‘‘அரோகோ³ சாவுஸோ, ப⁴க³வா ப³லவா சா’’தி. ‘‘கச்சி பனாவுஸோ, பி⁴க்கு²ஸங்கோ⁴
அரோகோ³ ச ப³லவா சா’’தி? ‘‘பி⁴க்கு²ஸங்கோ⁴பி கோ², ஆவுஸோ, அரோகோ³ ச ப³லவா
சா’’தி. ‘‘எத்த², ஆவுஸோ, தண்டு³லபாலித்³வாராய த⁴னஞ்ஜானி [தா⁴னஞ்ஜானி (ஸீ॰ பீ॰)] நாம ப்³ராஹ்மணோ அத்தி². கச்சாவுஸோ ,
த⁴னஞ்ஜானி ப்³ராஹ்மணோ அரோகோ³ ச ப³லவா சா’’தி? ‘‘த⁴னஞ்ஜானிபி கோ², ஆவுஸோ,
ப்³ராஹ்மணோ அரோகோ³ ச ப³லவா சா’’தி. ‘‘கச்சி பனாவுஸோ, த⁴னஞ்ஜானி ப்³ராஹ்மணோ
அப்பமத்தோ’’தி? ‘‘குதோ பனாவுஸோ, த⁴னஞ்ஜானிஸ்ஸ ப்³ராஹ்மணஸ்ஸ அப்பமாதோ³?
த⁴னஞ்ஜானி, ஆவுஸோ, ப்³ராஹ்மணோ ராஜானங் நிஸ்ஸாய ப்³ராஹ்மணக³ஹபதிகே
விலும்பதி, ப்³ராஹ்மணக³ஹபதிகே நிஸ்ஸாய ராஜானங் விலும்பதி .
யாபிஸ்ஸ ப⁴ரியா ஸத்³தா⁴ ஸத்³த⁴குலா ஆனீதா ஸாபி காலங்கதா; அஞ்ஞாஸ்ஸ ப⁴ரியா
அஸ்ஸத்³தா⁴ அஸ்ஸத்³த⁴குலா ஆனீதா’’. ‘‘து³ஸ்ஸுதங் வதாவுஸோ, அஸ்ஸும்ஹ,
து³ஸ்ஸுதங் வதாவுஸோ, அஸ்ஸும்ஹ; யே மயங் த⁴னஞ்ஜானிங் ப்³ராஹ்மணங் பமத்தங்
அஸ்ஸும்ஹ. அப்பேவ ச நாம மயங் கதா³சி கரஹசி த⁴னஞ்ஜானினா ப்³ராஹ்மணேன
ஸத்³தி⁴ங் ஸமாக³ச்செ²ய்யாம, அப்பேவ நாம ஸியா கோசிதே³வ கதா²ஸல்லாபோ’’தி?

446.
அத² கோ² ஆயஸ்மா ஸாரிபுத்தோ த³க்கி²ணாகி³ரிஸ்மிங் யதா²பி⁴ரந்தங் விஹரித்வா
யேன ராஜக³ஹங் தேன சாரிகங் பக்காமி. அனுபுப்³பே³ன சாரிகங் சரமானோ யேன
ராஜக³ஹங் தத³வஸரி. தத்ர ஸுத³ங் ஆயஸ்மா ஸாரிபுத்தோ ராஜக³ஹே விஹரதி வேளுவனே
கலந்த³கனிவாபே. அத² கோ² ஆயஸ்மா ஸாரிபுத்தோ புப்³ப³ண்ஹஸமயங் நிவாஸெத்வா
பத்தசீவரமாதா³ய ராஜக³ஹங் பிண்டா³ய பாவிஸி . தேன கோ² பன ஸமயேன த⁴னஞ்ஜானி ப்³ராஹ்மணோ ப³ஹினக³ரே கா³வோ கொ³ட்டே² து³ஹாபேதி. அத² கோ² ஆயஸ்மா ஸாரிபுத்தோ
ராஜக³ஹே பிண்டா³ய சரித்வா பச்சா²ப⁴த்தங் பிண்ட³பாதபடிக்கந்தோ யேன
த⁴னஞ்ஜானி ப்³ராஹ்மணோ தேனுபஸங்கமி. அத்³த³ஸா கோ² த⁴னஞ்ஜானி ப்³ராஹ்மணோ
ஆயஸ்மந்தங் ஸாரிபுத்தங் தூ³ரதோவ ஆக³ச்ச²ந்தங். தி³ஸ்வான யேனாயஸ்மா
ஸாரிபுத்தோ தேனுபஸங்கமி; உபஸங்கமித்வா ஆயஸ்மந்தங் ஸாரிபுத்தங் ஏதத³வோச –
‘‘இதோ, போ⁴ ஸாரிபுத்த, பயோ, பீயதங் தாவ ப⁴த்தஸ்ஸ காலோ ப⁴விஸ்ஸதீ’’தி.
‘‘அலங், ப்³ராஹ்மண. கதங் மே அஜ்ஜ ப⁴த்தகிச்சங். அமுகஸ்மிங் மே ருக்க²மூலே
தி³வாவிஹாரோ ப⁴விஸ்ஸதி. தத்த² ஆக³ச்செ²ய்யாஸீ’’தி. ‘‘ஏவங், போ⁴’’தி கோ²
த⁴னஞ்ஜானி ப்³ராஹ்மணோ ஆயஸ்மதோ ஸாரிபுத்தஸ்ஸ
பச்சஸ்ஸோஸி. அத² கோ² த⁴னஞ்ஜானி ப்³ராஹ்மணோ பச்சா²ப⁴த்தங் பு⁴த்தபாதராஸோ
யேனாயஸ்மா ஸாரிபுத்தோ தேனுபஸங்கமி; உபஸங்கமித்வா ஆயஸ்மதா ஸாரிபுத்தேன
ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங்
நிஸீதி³. ஏகமந்தங் நிஸின்னங் கோ² த⁴னஞ்ஜானிங் ப்³ராஹ்மணங் ஆயஸ்மா
ஸாரிபுத்தோ ஏதத³வோச – ‘‘கச்சாஸி, த⁴னஞ்ஜானி, அப்பமத்தோ’’தி? ‘‘குதோ, போ⁴
ஸாரிபுத்த, அம்ஹாகங் அப்பமாதோ³ யேஸங் நோ மாதாபிதரோ
போஸேதப்³பா³, புத்ததா³ரோ போஸேதப்³போ³, தா³ஸகம்மகரா போஸேதப்³பா³,
மித்தாமச்சானங் மித்தாமச்சகரணீயங் காதப்³ப³ங், ஞாதிஸாலோஹிதானங்
ஞாதிஸாலோஹிதகரணீயங் காதப்³ப³ங், அதிதீ²னங் அதிதி²கரணீயங் காதப்³ப³ங்,
புப்³ப³பேதானங் புப்³ப³பேதகரணீயங் காதப்³ப³ங், தே³வதானங் தே³வதாகரணீயங்
காதப்³ப³ங், ரஞ்ஞோ ராஜகரணீயங் காதப்³ப³ங், அயம்பி காயோ பீணேதப்³போ³
ப்³ரூஹேதப்³போ³’’தி?

447.
‘‘தங் கிங் மஞ்ஞஸி, த⁴னஞ்ஜானி, இதே⁴கச்சோ மாதாபிதூனங் ஹேது அத⁴ம்மசாரீ
விஸமசாரீ அஸ்ஸ, தமேனங் அத⁴ம்மசரியாவிஸமசரியாஹேது நிரயங் நிரயபாலா
உபகட்³டெ⁴ய்யுங். லபெ⁴ய்ய நு கோ² ஸோ ‘அஹங் கோ² மாதாபிதூனங் ஹேது அத⁴ம்மசாரீ
விஸமசாரீ அஹோஸிங், மா மங் நிரயங் நிரயபாலா’தி ,
மாதாபிதரோ வா பனஸ்ஸ லபெ⁴ய்யுங் ‘ஏஸோ கோ² அம்ஹாகங் ஹேது அத⁴ம்மசாரீ விஸமசாரீ
அஹோஸி, மா நங் நிரயங் நிரயபாலா’’’தி? ‘‘நோ ஹித³ங், போ⁴ ஸாரிபுத்த. அத² கோ²
நங் விக்கந்த³ந்தங்யேவ நிரயே நிரயபாலா பக்கி²பெய்யுங்’’.

‘‘தங் கிங் மஞ்ஞஸி, த⁴னஞ்ஜானி, இதே⁴கச்சோ புத்ததா³ரஸ்ஸ
ஹேது அத⁴ம்மசாரீ விஸமசாரீ அஸ்ஸ, தமேனங் அத⁴ம்மசரியாவிஸமசரியாஹேது நிரயங்
நிரயபாலா உபகட்³டெ⁴ய்யுங். லபெ⁴ய்ய நு கோ² ஸோ ‘அஹங் கோ² புத்ததா³ரஸ்ஸ ஹேது
அத⁴ம்மசாரீ விஸமசாரீ அஹோஸிங், மா மங் நிரயங் நிரயபாலா’தி, புத்ததா³ரோ வா
பனஸ்ஸ லபெ⁴ய்ய ‘ஏஸோ கோ² அம்ஹாகங் ஹேது அத⁴ம்மசாரீ விஸமசாரீ அஹோஸி மா நங் நிரயங் நிரயபாலா’’’தி? ‘‘நோ ஹித³ங், போ⁴ ஸாரிபுத்த. அத² கோ² நங் விக்கந்த³ந்தங்யேவ நிரயே நிரயபாலா பக்கி²பெய்யுங்’’.

‘‘தங் கிங் மஞ்ஞஸி, த⁴னஞ்ஜானி, இதே⁴கச்சோ
தா³ஸகம்மகரபோரிஸஸ்ஸ ஹேது அத⁴ம்மசாரீ விஸமசாரீ அஸ்ஸ, தமேனங்
அத⁴ம்மசரியாவிஸமசரியாஹேது நிரயங் நிரயபாலா உபகட்³டெ⁴ய்யுங். லபெ⁴ய்ய நு கோ²
ஸோ ‘அஹங் கோ² தா³ஸகம்மகரபோரிஸஸ்ஸ ஹேது அத⁴ம்மசாரீ விஸமசாரீ அஹோஸிங், மா
மங் நிரயங் நிரயபாலா’தி, தா³ஸகம்மகரபோரிஸா வா பனஸ்ஸ லபெ⁴ய்யுங் ‘ஏஸோ கோ²
அம்ஹாகங் ஹேது அத⁴ம்மசாரீ விஸமசாரீ அஹோஸி, மா நங் நிரயங் நிரயபாலா’’’தி?
‘‘நோ ஹித³ங், போ⁴ ஸாரிபுத்த. அத² கோ² நங் விக்கந்த³ந்தங்யேவ நிரயே நிரயபாலா
பக்கி²பெய்யுங்’’.

‘‘தங் கிங் மஞ்ஞஸி, த⁴னஞ்ஜானி, இதே⁴கச்சோ மித்தாமச்சானங் ஹேது அத⁴ம்மசாரீ விஸமசாரீ அஸ்ஸ, தமேனங் அத⁴ம்மசரியாவிஸமசரியாஹேது நிரயங் நிரயபாலா உபகட்³டெ⁴ய்யுங். லபெ⁴ய்ய நு கோ² ஸோ ‘அஹங் கோ² மித்தாமச்சானங்
ஹேது அத⁴ம்மசாரீ விஸமசாரீ அஹோஸிங், மா மங் நிரயங் நிரயபாலா’தி,
மித்தாமச்சா வா பனஸ்ஸ லபெ⁴ய்யுங் ‘ஏஸோ கோ² அம்ஹாகங் ஹேது அத⁴ம்மசாரீ
விஸமசாரீ அஹோஸி, மா நங் நிரயங் நிரயபாலா’’’தி? ‘‘நோ ஹித³ங், போ⁴ ஸாரிபுத்த.
அத² கோ² நங் விக்கந்த³ந்தங்யேவ நிரயே நிரயபாலா பக்கி²பெய்யுங்’’.

‘‘தங் கிங் மஞ்ஞஸி, த⁴னஞ்ஜானி, இதே⁴கச்சோ
ஞாதிஸாலோஹிதானங் ஹேது அத⁴ம்மசாரீ விஸமசாரீ அஸ்ஸ, தமேனங்
அத⁴ம்மசரியாவிஸமசரியாஹேது நிரயங் நிரயபாலா உபகட்³டெ⁴ய்யுங். லபெ⁴ய்ய நு கோ²
ஸோ ‘அஹங் கோ² ஞாதிஸாலோஹிதானங் ஹேது அத⁴ம்மசாரீ விஸமசாரீ அஹோஸிங், மா மங்
நிரயங் நிரயபாலா’தி, ஞாதிஸாலோஹிதா வா பனஸ்ஸ லபெ⁴ய்யுங் ‘ஏஸோ கோ² அம்ஹாகங்
ஹேது அத⁴ம்மசாரீ விஸமசாரீ அஹோஸி, மா நங் நிரயங் நிரயபாலா’’’தி? ‘‘நோ
ஹித³ங், போ⁴ ஸாரிபுத்த. அத² கோ² நங் விக்கந்த³ந்தங்யேவ நிரயே நிரயபாலா
பக்கி²பெய்யுங்’’.

‘‘தங் கிங் மஞ்ஞஸி, த⁴னஞ்ஜானி, இதே⁴கச்சோ அதிதீ²னங்
ஹேது அத⁴ம்மசாரீ விஸமசாரீ அஸ்ஸ, தமேனங் அத⁴ம்மசரியாவிஸமசரியாஹேது நிரயங்
நிரயபாலா உபகட்³டெ⁴ய்யுங். லபெ⁴ய்ய நு கோ² ஸோ ‘அஹங் கோ² அதிதீ²னங் ஹேது
அத⁴ம்மசாரீ விஸமசாரீ அஹோஸிங், மா மங் நிரயங் நிரயபாலா’தி, அதிதீ² வா பனஸ்ஸ
லபெ⁴ய்யுங் ‘ஏஸோ கோ² அம்ஹாகங் ஹேது அத⁴ம்மசாரீ விஸமசாரீ அஹோஸி, மா நங்
நிரயங் நிரயபாலா’’’தி? ‘‘நோ ஹித³ங், போ⁴ ஸாரிபுத்த. அத² கோ² நங்
விக்கந்த³ந்தங்யேவ நிரயே நிரயபாலா பக்கி²பெய்யுங்’’.

‘‘தங்
கிங் மஞ்ஞஸி, த⁴னஞ்ஜானி, இதே⁴கச்சோ புப்³ப³பேதானங் ஹேது அத⁴ம்மசாரீ
விஸமசாரீ அஸ்ஸ, தமேனங் அத⁴ம்மசரியாவிஸமசரியாஹேது நிரயங் நிரயபாலா
உபகட்³டெ⁴ய்யுங். லபெ⁴ய்ய நு கோ² ஸோ ‘அஹங் கோ² புப்³ப³பேதானங் ஹேது
அத⁴ம்மசாரீ விஸமசாரீ அஹோஸிங், மா மங் நிரயங் நிரயபாலா’தி, புப்³ப³பேதா வா
பனஸ்ஸ லபெ⁴ய்யுங் ‘ஏஸோ கோ² அம்ஹாகங் ஹேது அத⁴ம்மசாரீ விஸமசாரீ அஹோஸி, மா
நங் நிரயங் நிரயபாலா’’’தி? ‘‘நோ ஹித³ங், போ⁴ ஸாரிபுத்த. அத² கோ² நங்
விக்கந்த³ந்தங்யேவ நிரயே நிரயபாலா பக்கி²பெய்யுங்’’.

‘‘தங் கிங் மஞ்ஞஸி, த⁴னஞ்ஜானி,
இதே⁴கச்சோ தே³வதானங் ஹேது அத⁴ம்மசாரீ விஸமசாரீ அஸ்ஸ, தமேனங்
அத⁴ம்மசரியாவிஸமசரியாஹேது நிரயங் நிரயபாலா உபகட்³டெ⁴ய்யுங். லபெ⁴ய்ய நு கோ²
ஸோ ‘அஹங் கோ² தே³வதானங் ஹேது அத⁴ம்மசாரீ விஸமசாரீ அஹோஸிங், மா மங் நிரயங்
நிரயபாலா’தி, தே³வதா வா பனஸ்ஸ லபெ⁴ய்யுங் ‘ஏஸோ கோ² அம்ஹாகங் ஹேது
அத⁴ம்மசாரீ விஸமசாரீ அஹோஸி, மா நங் நிரயங் நிரயபாலா’’’தி? ‘‘நோ ஹித³ங், போ⁴
ஸாரிபுத்த. அத² கோ² நங் விக்கந்த³ந்தங்யேவ நிரயே நிரயபாலா
பக்கி²பெய்யுங்’’.

‘‘தங் கிங் மஞ்ஞஸி, த⁴னஞ்ஜானி, இதே⁴கச்சோ ரஞ்ஞோ ஹேது
அத⁴ம்மசாரீ விஸமசாரீ அஸ்ஸ, தமேனங் அத⁴ம்மசரியாவிஸமசரியாஹேது நிரயங்
நிரயபாலா உபகட்³டெ⁴ய்யுங். லபெ⁴ய்ய நு கோ² ஸோ ‘அஹங் கோ² ரஞ்ஞோ ஹேது
அத⁴ம்மசாரீ விஸமசாரீ அஹோஸிங், மா மங் நிரயங் நிரயபாலா’தி, ராஜா
வா பனஸ்ஸ லபெ⁴ய்ய ‘ஏஸோ கோ² அம்ஹாகங் ஹேது அத⁴ம்மசாரீ விஸமசாரீ அஹோஸி, மா
நங் நிரயங் நிரயபாலா’’’தி? ‘‘நோ ஹித³ங், போ⁴ ஸாரிபுத்த. அத² கோ² நங்
விக்கந்த³ந்தங்யேவ நிரயே நிரயபாலா பக்கி²பெய்யுங்’’.

‘‘தங் கிங் மஞ்ஞஸி, த⁴னஞ்ஜானி, இதே⁴கச்சோ காயஸ்ஸ
பீணனாஹேது ப்³ரூஹனாஹேது அத⁴ம்மசாரீ விஸமசாரீ அஸ்ஸ, தமேனங்
அத⁴ம்மசரியாவிஸமசரியாஹேது நிரயங் நிரயபாலா உபகட்³டெ⁴ய்யுங். லபெ⁴ய்ய நு கோ²
ஸோ ‘அஹங் கோ² காயஸ்ஸ பீணனாஹேது ப்³ரூஹனாஹேது அத⁴ம்மசாரீ விஸமசாரீ அஹோஸிங்,
மா மங் நிரயங் நிரயபாலா’தி, பரே வா பனஸ்ஸ லபெ⁴ய்யுங் ‘ஏஸோ கோ² காயஸ்ஸ
பீணனாஹேது ப்³ரூஹனாஹேது அத⁴ம்மசாரீ விஸமசாரீ அஹோஸி, மா நங் நிரயங்
நிரயபாலா’’’தி? ‘‘நோ ஹித³ங், போ⁴ ஸாரிபுத்த. அத² கோ² நங் விக்கந்த³ந்தங்யேவ
நிரயே நிரயபாலா பக்கி²பெய்யுங்’’.

448. ‘‘தங்
கிங் மஞ்ஞஸி, த⁴னஞ்ஜானி, யோ வா மாதாபிதூனங் ஹேது அத⁴ம்மசாரீ விஸமசாரீ
அஸ்ஸ, யோ வா மாதாபிதூனங் ஹேது த⁴ம்மசாரீ ஸமசாரீ அஸ்ஸ; கதமங் ஸெய்யோ’’தி?
‘‘யோ ஹி, போ⁴ ஸாரிபுத்த, மாதாபிதூனங் ஹேது அத⁴ம்மசாரீ விஸமசாரீ அஸ்ஸ, ந தங்
ஸெய்யோ; யோ ச கோ², போ⁴ ஸாரிபுத்த, மாதாபிதூனங் ஹேது த⁴ம்மசாரீ ஸமசாரீ
அஸ்ஸ, ததே³வெத்த² ஸெய்யோ. அத⁴ம்மசரியாவிஸமசரியாஹி, போ⁴ ஸாரிபுத்த,
த⁴ம்மசரியாஸமசரியா ஸெய்யோ’’தி. ‘‘அத்தி² கோ², த⁴னஞ்ஜானி, அஞ்ஞேஸங் ஹேதுகா
த⁴ம்மிகா கம்மந்தா, யேஹி ஸக்கா மாதாபிதரோ சேவ போஸேதுங், ந ச பாபகம்மங் காதுங், புஞ்ஞஞ்ச படிபத³ங் படிபஜ்ஜிதுங்.

‘‘தங் கிங் மஞ்ஞஸி, த⁴னஞ்ஜானி,
யோ வா புத்ததா³ரஸ்ஸ ஹேது அத⁴ம்மசாரீ விஸமசாரீ அஸ்ஸ, யோ வா புத்ததா³ரஸ்ஸ
ஹேது த⁴ம்மசாரீ ஸமசாரீ அஸ்ஸ; கதமங் ஸெய்யோ’’தி? ‘‘யோ
ஹி, போ⁴ ஸாரிபுத்த, புத்ததா³ரஸ்ஸ ஹேது அத⁴ம்மசாரீ விஸமசாரீ அஸ்ஸ, ந தங்
ஸெய்யோ; யோ ச கோ², போ⁴ ஸாரிபுத்த, புத்ததா³ரஸ்ஸ ஹேது த⁴ம்மசாரீ ஸமசாரீ
அஸ்ஸ, ததே³வெத்த² ஸெய்யோ. அத⁴ம்மசரியாவிஸமசரியாஹி, போ⁴ ஸாரிபுத்த,
த⁴ம்மசரியாஸமசரியா ஸெய்யோ’’தி. ‘‘அத்தி² கோ², த⁴னஞ்ஜானி, அஞ்ஞேஸங் ஹேதுகா
த⁴ம்மிகா கம்மந்தா யேஹி ஸக்கா புத்ததா³ரஞ்சேவ போஸேதுங், ந ச பாபகம்மங்
காதுங், புஞ்ஞஞ்ச படிபத³ங் படிபஜ்ஜிதுங்.

‘‘தங் கிங் மஞ்ஞஸி, த⁴னஞ்ஜானி, யோ வா
தா³ஸகம்மகரபோரிஸஸ்ஸ ஹேது அத⁴ம்மசாரீ விஸமசாரீ அஸ்ஸ, யோ வா
தா³ஸகம்மகரபோரிஸஸ்ஸ ஹேது த⁴ம்மசாரீ ஸமசாரீ அஸ்ஸ; கதமங் ஸெய்யோ’’தி? ‘‘யோ
ஹி, போ⁴ ஸாரிபுத்த, தா³ஸகம்மகரபோரிஸஸ்ஸ ஹேது அத⁴ம்மசாரீ விஸமசாரீ அஸ்ஸ, ந
தங் ஸெய்யோ; யோ ச கோ², போ⁴ ஸாரிபுத்த, தா³ஸகம்மகரபோரிஸஸ்ஸ ஹேது த⁴ம்மசாரீ
ஸமசாரீ அஸ்ஸ, ததே³வெத்த² ஸெய்யோ. அத⁴ம்மசரியாவிஸமசரியாஹி, போ⁴ ஸாரிபுத்த,
த⁴ம்மசரியாஸமசரியா ஸெய்யோ’’தி. ‘‘அத்தி² கோ², த⁴னஞ்ஜானி, அஞ்ஞேஸங் ஹேதுகா
த⁴ம்மிகா கம்மந்தா, யேஹி ஸக்கா தா³ஸகம்மகரபோரிஸே சேவ போஸேதுங், ந ச
பாபகம்மங் காதுங், புஞ்ஞஞ்ச படிபத³ங் படிபஜ்ஜிதுங்.

‘‘தங் கிங் மஞ்ஞஸி, த⁴னஞ்ஜானி, யோ வா மித்தாமச்சானங் ஹேது அத⁴ம்மசாரீ விஸமசாரீ அஸ்ஸ, யோ வா மித்தாமச்சானங் ஹேது த⁴ம்மசாரீ ஸமசாரீ அஸ்ஸ; கதமங் ஸெய்யோ’’தி? ‘‘யோ ஹி ,
போ⁴ ஸாரிபுத்த, மித்தாமச்சானங் ஹேது அத⁴ம்மசாரீ விஸமசாரீ அஸ்ஸ, ந தங்
ஸெய்யோ; யோ ச கோ², போ⁴ ஸாரிபுத்த, மித்தாமச்சானங் ஹேது த⁴ம்மசாரீ ஸமசாரீ
அஸ்ஸ, ததே³வெத்த² ஸெய்யோ. அத⁴ம்மசரியாவிஸமசரியாஹி, போ⁴ ஸாரிபுத்த,
த⁴ம்மசரியாஸமசரியா ஸெய்யோ’’தி. ‘‘அத்தி² கோ², த⁴னஞ்ஜானி, அஞ்ஞேஸங் ஹேதுகா
த⁴ம்மிகா கம்மந்தா, யேஹி ஸக்கா மித்தாமச்சானஞ்சேவ மித்தாமச்சகரணீயங்
காதுங், ந ச பாபகம்மங் காதுங், புஞ்ஞஞ்ச படிபத³ங் படிபஜ்ஜிதுங்.

‘‘தங் கிங் மஞ்ஞஸி, த⁴னஞ்ஜானி,
யோ வா ஞாதிஸாலோஹிதானங் ஹேது அத⁴ம்மசாரீ விஸமசாரீ அஸ்ஸ, யோ வா
ஞாதிஸாலோஹிதானங் ஹேது த⁴ம்மசாரீ ஸமசாரீ அஸ்ஸ; கதமங் ஸெய்யோ’’தி? ‘‘யோ
ஹி, போ⁴ ஸாரிபுத்த, ஞாதிஸாலோஹிதானங் ஹேது அத⁴ம்மசாரீ விஸமசாரீ அஸ்ஸ, ந தங்
ஸெய்யோ; யோ ச கோ², போ⁴ ஸாரிபுத்த, ஞாதிஸாலோஹிதானங் ஹேது த⁴ம்மசாரீ ஸமசாரீ
அஸ்ஸ, ததே³வெத்த² ஸெய்யோ. அத⁴ம்மசரியாவிஸமசரியாஹி, போ⁴ ஸாரிபுத்த,
த⁴ம்மசரியாஸமசரியா ஸெய்யோ’’தி. ‘‘அத்தி² கோ², த⁴னஞ்ஜானி, அஞ்ஞேஸங் ஹேதுகா
த⁴ம்மிகா கம்மந்தா, யேஹி ஸக்கா ஞாதிஸாலோஹிதானஞ்சேவ ஞாதிஸாலோஹிதகரணீயங்
காதுங், ந ச பாபகம்மங் காதுங், புஞ்ஞஞ்ச படிபத³ங் படிபஜ்ஜிதுங்.

‘‘தங் கிங் மஞ்ஞஸி, த⁴னஞ்ஜானி, யோ வா அதிதீ²னங் ஹேது அத⁴ம்மசாரீ
விஸமசாரீ அஸ்ஸ, யோ வா அதிதீ²னங் ஹேது த⁴ம்மசாரீ ஸமசாரீ அஸ்ஸ; கதமங்
ஸெய்யோ’’தி? ‘‘யோ ஹி, போ⁴ ஸாரிபுத்த, அதிதீ²னங் ஹேது அத⁴ம்மசாரீ விஸமசாரீ
அஸ்ஸ, ந தங் ஸெய்யோ; யோ ச கோ², போ⁴ ஸாரிபுத்த, அதிதீ²னங் ஹேது த⁴ம்மசாரீ
ஸமசாரீ அஸ்ஸ, ததே³வெத்த² ஸெய்யோ. அத⁴ம்மசரியாவிஸமசரியாஹி, போ⁴ ஸாரிபுத்த,
த⁴ம்மசரியாஸமசரியா ஸெய்யோ’’தி. ‘‘அத்தி² கோ², த⁴னஞ்ஜானி, அஞ்ஞேஸங் ஹேதுகா
த⁴ம்மிகா கம்மந்தா, யேஹி ஸக்கா அதிதீ²னஞ்சேவ அதிதி²கரணீயங் காதுங், ந ச
பாபகம்மங் காதுங், புஞ்ஞஞ்ச படிபத³ங் படிபஜ்ஜிதுங்.

‘‘தங் கிங் மஞ்ஞஸி, த⁴னஞ்ஜானி, யோ வா புப்³ப³பேதானங்
ஹேது அத⁴ம்மசாரீ விஸமசாரீ அஸ்ஸ, யோ வா புப்³ப³பேதானங் ஹேது த⁴ம்மசாரீ
ஸமசாரீ அஸ்ஸ; கதமங் ஸெய்யோ’’தி? ‘‘யோ ஹி, போ⁴ ஸாரிபுத்த, புப்³ப³பேதானங்
ஹேது அத⁴ம்மசாரீ விஸமசாரீ அஸ்ஸ, ந தங் ஸெய்யோ; யோ ச கோ², போ⁴ ஸாரிபுத்த,
புப்³ப³பேதானங் ஹேது த⁴ம்மசாரீ ஸமசாரீ அஸ்ஸ, ததே³வெத்த² ஸெய்யோ.
அத⁴ம்மசரியாவிஸமசரியாஹி , போ⁴ ஸாரிபுத்த,
த⁴ம்மசரியாஸமசரியா ஸெய்யோ’’தி. ‘‘அத்தி² கோ², த⁴னஞ்ஜானி, அஞ்ஞேஸங் ஹேதுகா
த⁴ம்மிகா கம்மந்தா, யேஹி ஸக்கா புப்³ப³பேதானஞ்சேவ புப்³ப³பேதகரணீயங்
காதுங், ந ச பாபகம்மங் காதுங், புஞ்ஞஞ்ச படிபத³ங் படிபஜ்ஜிதுங்.

‘‘தங் கிங் மஞ்ஞஸி, த⁴னஞ்ஜானி, யோ வா தே³வதானங் ஹேது அத⁴ம்மசாரீ விஸமசாரீ அஸ்ஸ, யோ வா தே³வதானங் ஹேது த⁴ம்மசாரீ ஸமசாரீ அஸ்ஸ; கதமங்
ஸெய்யோ’’தி? ‘‘யோ ஹி, போ⁴ ஸாரிபுத்த, தே³வதானங் ஹேது அத⁴ம்மசாரீ விஸமசாரீ
அஸ்ஸ, ந தங் ஸெய்யோ; யோ ச கோ², போ⁴ ஸாரிபுத்த, தே³வதானங் ஹேது த⁴ம்மசாரீ
ஸமசாரீ அஸ்ஸ, ததே³வெத்த² ஸெய்யோ .
அத⁴ம்மசரியாவிஸமசரியாஹி, போ⁴ ஸாரிபுத்த, த⁴ம்மசரியாஸமசரியா ஸெய்யோ’’தி.
‘‘அத்தி² கோ², த⁴னஞ்ஜானி, அஞ்ஞேஸங் ஹேதுகா த⁴ம்மிகா கம்மந்தா, யேஹி ஸக்கா
தே³வதானஞ்சேவ தே³வதாகரணீயங் காதுங், ந ச பாபகம்மங் காதுங், புஞ்ஞஞ்ச
படிபத³ங் படிபஜ்ஜிதுங்.

‘‘தங் கிங் மஞ்ஞஸி, த⁴னஞ்ஜானி, யோ வா ரஞ்ஞோ ஹேது
அத⁴ம்மசாரீ விஸமசாரீ அஸ்ஸ, யோ வா ரஞ்ஞோ ஹேது த⁴ம்மசாரீ ஸமசாரீ அஸ்ஸ; கதமங்
ஸெய்யோ’’தி? ‘‘யோ ஹி, போ⁴ ஸாரிபுத்த, ரஞ்ஞோ ஹேது அத⁴ம்மசாரீ விஸமசாரீ அஸ்ஸ,
ந தங் ஸெய்யோ; யோ ச கோ², போ⁴ ஸாரிபுத்த, ரஞ்ஞோ ஹேது த⁴ம்மசாரீ ஸமசாரீ
அஸ்ஸ, ததே³வெத்த² ஸெய்யோ. அத⁴ம்மசரியாவிஸமசரியாஹி, போ⁴ ஸாரிபுத்த,
த⁴ம்மசரியாஸமசரியா ஸெய்யோ’’தி. ‘‘அத்தி² கோ², த⁴னஞ்ஜானி, அஞ்ஞேஸங் ஹேதுகா
த⁴ம்மிகா கம்மந்தா, யேஹி ஸக்கா ரஞ்ஞோ சேவ ராஜகரணீயங் காதுங், ந ச பாபகம்மங்
காதுங், புஞ்ஞஞ்ச படிபத³ங் படிபஜ்ஜிதுங்.

‘‘தங் கிங் மஞ்ஞஸி, த⁴னஞ்ஜானி, யோ வா காயஸ்ஸ பீணனாஹேது
ப்³ரூஹனாஹேது அத⁴ம்மசாரீ விஸமசாரீ அஸ்ஸ, யோ வா காயஸ்ஸ பீணனாஹேது
ப்³ரூஹனாஹேது த⁴ம்மசாரீ ஸமசாரீ அஸ்ஸ; கதமங் ஸெய்யோ’’தி? ‘‘யோ ஹி, போ⁴
ஸாரிபுத்த, காயஸ்ஸ பீணனாஹேது ப்³ரூஹனாஹேது அத⁴ம்மசாரீ விஸமசாரீ
அஸ்ஸ, ந தங் ஸெய்யோ; யோ ச கோ², போ⁴ ஸாரிபுத்த, காயஸ்ஸ பீணனாஹேது
ப்³ரூஹனாஹேது த⁴ம்மசாரீ ஸமசாரீ அஸ்ஸ, ததே³வெத்த² ஸெய்யோ.
அத⁴ம்மசரியாவிஸமசரியாஹி, போ⁴ ஸாரிபுத்த, த⁴ம்மசரியாஸமசரியா ஸெய்யோ’’தி.
‘‘அத்தி² கோ², த⁴னஞ்ஜானி, அஞ்ஞேஸங் ஹேதுகா த⁴ம்மிகா கம்மந்தா , யேஹி ஸக்கா காயஞ்சேவ பீணேதுங் ப்³ரூஹேதுங், ந ச பாபகம்மங் காதுங், புஞ்ஞஞ்ச படிபத³ங் படிபஜ்ஜிது’’ந்தி.

449.
அத² கோ² த⁴னஞ்ஜானி ப்³ராஹ்மணோ ஆயஸ்மதோ ஸாரிபுத்தஸ்ஸ பா⁴ஸிதங்
அபி⁴னந்தி³த்வா அனுமோதி³த்வா உட்டா²யாஸனா பக்காமி. அத² கோ² த⁴னஞ்ஜானி
ப்³ராஹ்மணோ அபரேன ஸமயேன ஆபா³தி⁴கோ அஹோஸி து³க்கி²தோ பா³ள்ஹகி³லானோ. அத² கோ²
த⁴னஞ்ஜானி ப்³ராஹ்மணோ அஞ்ஞதரங் புரிஸங் ஆமந்தேஸி – ‘‘ஏஹி த்வங், அம்போ⁴ புரிஸ ,
யேன ப⁴க³வா தேனுபஸங்கம; உபஸங்கமித்வா மம வசனேன ப⁴க³வதோ பாதே³ ஸிரஸா
வந்தா³ஹி – ‘த⁴னஞ்ஜானி, ப⁴ந்தே, ப்³ராஹ்மணோ ஆபா³தி⁴கோ து³க்கி²தோ
பா³ள்ஹகி³லானோ. ஸோ ப⁴க³வதோ பாதே³ ஸிரஸா வந்த³தீ’தி. யேன சாயஸ்மா ஸாரிபுத்தோ
தேனுபஸங்கம; உபஸங்கமித்வா மம வசனேன ஆயஸ்மதோ ஸாரிபுத்தஸ்ஸ பாதே³ ஸிரஸா
வந்தா³ஹி – ‘த⁴னஞ்ஜானி, ப⁴ந்தே, ப்³ராஹ்மணோ ஆபா³தி⁴கோ து³க்கி²தோ
பா³ள்ஹகி³லானோ. ஸோ ஆயஸ்மதோ ஸாரிபுத்தஸ்ஸ பாதே³ ஸிரஸா வந்த³தீ’தி. ஏவஞ்ச
வதே³ஹி – ‘ஸாது⁴ கிர, ப⁴ந்தே, ஆயஸ்மா ஸாரிபுத்தோ யேன த⁴னஞ்ஜானிஸ்ஸ
ப்³ராஹ்மணஸ்ஸ நிவேஸனங் தேனுபஸங்கமது அனுகம்பங் உபாதா³யா’’’தி. ‘‘ஏவங் ,
ப⁴ந்தே’’தி கோ² ஸோ புரிஸோ த⁴னஞ்ஜானிஸ்ஸ ப்³ராஹ்மணஸ்ஸ படிஸ்ஸுத்வா யேன
ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³. ஏகமந்தங் நிஸின்னோ கோ² ஸோ புரிஸோ ப⁴க³வந்தங் ஏதத³வோச –
‘‘த⁴னஞ்ஜானி, ப⁴ந்தே, ப்³ராஹ்மணோ ஆபா³தி⁴கோ து³க்கி²தோ பா³ள்ஹகி³லானோ. ஸோ
ப⁴க³வதோ பாதே³ ஸிரஸா வந்த³தீ’’தி. யேன சாயஸ்மா ஸாரிபுத்தோ தேனுபஸங்கமி;
உபஸங்கமித்வா ஆயஸ்மந்தங் ஸாரிபுத்தங் அபி⁴வாதெ³த்வா ஏகமந்தங் நிஸீதி³.
ஏகமந்தங் நிஸின்னோ கோ² ஸோ புரிஸோ ஆயஸ்மந்தங் ஸாரிபுத்தங் ஏதத³வோச –
‘‘த⁴னஞ்ஜானி, ப⁴ந்தே, ப்³ராஹ்மணோ ஆபா³தி⁴கோ து³க்கி²தோ பா³ள்ஹகி³லானோ. ஸோ
ஆயஸ்மதோ ஸாரிபுத்தஸ்ஸ பாதே³ ஸிரஸா வந்த³தி, ஏவஞ்ச வதே³தி – ‘ஸாது⁴ கிர,
ப⁴ந்தே, ஆயஸ்மா ஸாரிபுத்தோ யேன த⁴னஞ்ஜானிஸ்ஸ ப்³ராஹ்மணஸ்ஸ நிவேஸனங்
தேனுபஸங்கமது அனுகம்பங் உபாதா³யா’’’தி. அதி⁴வாஸேஸி கோ² ஆயஸ்மா ஸாரிபுத்தோ
துண்ஹீபா⁴வேன.

450.
அத² கோ² ஆயஸ்மா ஸாரிபுத்தோ நிவாஸெத்வா பத்தசீவரமாதா³ய யேன த⁴னஞ்ஜானிஸ்ஸ
ப்³ராஹ்மணஸ்ஸ நிவேஸனங் தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³.
நிஸஜ்ஜ கோ² ஆயஸ்மா ஸாரிபுத்தோ த⁴னஞ்ஜானிங் ப்³ராஹ்மணங் ஏதத³வோச – ‘‘கச்சி
தே, த⁴னஞ்ஜானி, க²மனீயங், கச்சி யாபனீயங்? கச்சி து³க்கா² வேத³னா
படிக்கமந்தி, நோ அபி⁴க்கமந்தி? படிக்கமோஸானங் பஞ்ஞாயதி ,
நோ அபி⁴க்கமோ’’தி? ‘‘ந மே, போ⁴ ஸாரிபுத்த, க²மனீயங் ந யாபனீயங். பா³ள்ஹா
மே து³க்கா² வேத³னா அபி⁴க்கமந்தி, நோ படிக்கமந்தி. அபி⁴க்கமோஸானங்
பஞ்ஞாயதி, நோ படிக்கமோ. ஸெய்யதா²பி, போ⁴ ஸாரிபுத்த , ப³லவா புரிஸோ திண்ஹேன ஸிக²ரேன முத்³த⁴னி [முத்³தா⁴னங் (ஸீ॰ ஸ்யா॰ கங்॰ பீ॰)] அபி⁴மத்தெ²ய்ய; ஏவமேவ கோ² , போ⁴ ஸாரிபுத்த, அதி⁴மத்தா வாதா முத்³த⁴னி ச ஊஹனந்தி. ந மே, போ⁴ ஸாரிபுத்த, க²மனீயங், ந யாபனீயங். பா³ள்ஹா மே
து³க்கா² வேத³னா அபி⁴க்கமந்தி, நோ படிக்கமந்தி. அபி⁴க்கமோஸானங் பஞ்ஞாயதி,
நோ படிக்கமோ. ஸெய்யதா²பி, போ⁴ ஸாரிபுத்த, ப³லவா புரிஸோ த³ள்ஹேன
வரத்தக்க²ண்டே³ன [வரத்தப³ந்த⁴னேன (ஸீ॰ பீ॰)]
ஸீஸே ஸீஸவேட²ங் த³தெ³ய்ய; ஏவமேவ கோ², போ⁴ ஸாரிபுத்த, அதி⁴மத்தா ஸீஸே
ஸீஸவேத³னா. ந மே, போ⁴ ஸாரிபுத்த, க²மனீயங் ந யாபனீயங். பா³ள்ஹா மே து³க்கா²
வேத³னா அபி⁴க்கமந்தி, நோ படிக்கமந்தி. அபி⁴க்கமோஸானங் பஞ்ஞாயதி, நோ
படிக்கமோ. ஸெய்யதா²பி, போ⁴ ஸாரிபுத்த, த³க்கோ² கோ³கா⁴தகோ வா
கோ³கா⁴தகந்தேவாஸீ வா திண்ஹேன கோ³விகந்தனேன குச்சி²ங் பரிகந்தெய்ய; ஏவமேவ
கோ², போ⁴ ஸாரிபுத்த, அதி⁴மத்தா வாதா குச்சி²ங் பரிகந்தந்தி. ந மே, போ⁴
ஸாரிபுத்த, க²மனீயங், ந யாபனீயங். பா³ள்ஹா மே து³க்கா² வேத³னா
அபி⁴க்கமந்தி, நோ படிக்கமந்தி. அபி⁴க்கமோஸானங் பஞ்ஞாயதி, நோ படிக்கமோ.
ஸெய்யதா²பி, போ⁴ ஸாரிபுத்த, த்³வே ப³லவந்தோ புரிஸா து³ப்³ப³லதரங் புரிஸங்
நானாபா³ஹாஸு க³ஹெத்வா அங்கா³ரகாஸுயா ஸந்தாபெய்யுங் ஸம்பரிதாபெய்யுங்; ஏவமேவ
கோ², போ⁴ ஸாரிபுத்த, அதி⁴மத்தோ காயஸ்மிங் டா³ஹோ. ந மே, போ⁴ ஸாரிபுத்த,
க²மனீயங் ந யாபனீயங். பா³ள்ஹா மே து³க்கா² வேத³னா அபி⁴க்கமந்தி, நோ
படிக்கமந்தி. அபி⁴க்கமோஸானங் பஞ்ஞாயதி , நோ படிக்கமோ’’தி.

451.
‘‘தங் கிங் மஞ்ஞஸி, த⁴னஞ்ஜானி, கதமங் ஸெய்யோ – நிரயோ வா திரச்சா²னயோனி
வா’’தி? ‘‘நிரயா, போ⁴ ஸாரிபுத்த, திரச்சா²னயோனி ஸெய்யோ’’தி. ‘‘தங் கிங்
மஞ்ஞஸி, த⁴னஞ்ஜானி, கதமங் ஸெய்யோ – திரச்சா²னயோனி வா பெத்திவிஸயோ வா’’தி?
‘‘திரச்சா²னயோனியா, போ⁴ ஸாரிபுத்த, பெத்திவிஸயோ ஸெய்யோ’’தி. ‘‘தங் கிங்
மஞ்ஞஸி, த⁴னஞ்ஜானி, கதமங் ஸெய்யோ – பெத்திவிஸயோ வா மனுஸ்ஸா வா’’தி?
‘‘பெத்திவிஸயா, போ⁴ ஸாரிபுத்த, மனுஸ்ஸா ஸெய்யோ’’தி. ‘‘தங் கிங் மஞ்ஞஸி, த⁴னஞ்ஜானி , கதமங் ஸெய்யோ – மனுஸ்ஸா வா சாதுமஹாராஜிகா [சாதும்மஹாராஜிகா (ஸீ॰ ஸ்யா॰ கங்॰ பீ॰)] வா தே³வா’’தி? ‘‘மனுஸ்ஸேஹி ,
போ⁴ ஸாரிபுத்த, சாதுமஹாராஜிகா தே³வா ஸெய்யோ’’தி. ‘‘தங் கிங் மஞ்ஞஸி,
த⁴னஞ்ஜானி, கதமங் ஸெய்யோ – சாதுமஹாராஜிகா வா தே³வா தாவதிங்ஸா வா தே³வா’’தி?
‘‘சாதுமஹாராஜிகேஹி, போ⁴ ஸாரிபுத்த, தே³வேஹி தாவதிங்ஸா தே³வா ஸெய்யோ’’தி.
‘‘தங் கிங் மஞ்ஞஸி, த⁴னஞ்ஜானி, கதமங் ஸெய்யோ – தாவதிங்ஸா வா தே³வா யாமா வா
தே³வா’’தி? ‘‘தாவதிங்ஸேஹி, போ⁴ ஸாரிபுத்த, தே³வேஹி யாமா தே³வா ஸெய்யோ’’தி.
‘‘தங் கிங் மஞ்ஞஸி, த⁴னஞ்ஜானி, கதமங் ஸெய்யோ – யாமா வா தே³வா துஸிதா வா
தே³வா’’தி? ‘‘யாமேஹி, போ⁴ ஸாரிபுத்த, தே³வேஹி துஸிதா தே³வா ஸெய்யோ’’தி.
‘‘தங் கிங் மஞ்ஞஸி, த⁴னஞ்ஜானி, கதமங் ஸெய்யோ – துஸிதா வா தே³வா நிம்மானரதீ
வா தே³வா’’தி? ‘‘துஸிதேஹி, போ⁴ ஸாரிபுத்த, தே³வேஹி நிம்மானரதீ தே³வா
ஸெய்யோ’’தி. ‘‘தங் கிங் மஞ்ஞஸி, த⁴னஞ்ஜானி, கதமங் ஸெய்யோ – நிம்மானரதீ வா
தே³வா பரனிம்மிதவஸவத்தீ வா தே³வா’’தி? ‘‘நிம்மானரதீஹி ,
போ⁴ ஸாரிபுத்த, தே³வேஹி பரனிம்மிதவஸவத்தீ தே³வா ஸெய்யோ’’தி. ‘‘தங் கிங்
மஞ்ஞஸி, த⁴னஞ்ஜானி, கதமங் ஸெய்யோ பரனிம்மிதவஸவத்தீ வா தே³வா ப்³ரஹ்மலோகோ
வா’’தி? ‘‘‘ப்³ரஹ்மலோகோ’தி [ப⁴வங் ஸாரிபுத்தோ ஆஹாதி, கதமங் ஸாரிபுத்தோ ஆஹ ப்³ரஹ்மலோகோதி. (க॰)] – ப⁴வங் ஸாரிபுத்தோ ஆஹ; ‘ப்³ரஹ்மலோகோ’தி – ப⁴வங் ஸாரிபுத்தோ ஆஹா’’தி [ப⁴வங் ஸாரிபுத்தோ ஆஹாதி, கதமங் ஸாரிபுத்தோ ஆஹ ப்³ரஹ்மலோகோதி. (க॰)].

அத² கோ² ஆயஸ்மதோ ஸாரிபுத்தஸ்ஸ ஏதத³ஹோஸி – ‘‘இமே கோ²
ப்³ராஹ்மணா ப்³ரஹ்மலோகாதி⁴முத்தா. யங்னூனாஹங் த⁴னஞ்ஜானிஸ்ஸ ப்³ராஹ்மணஸ்ஸ
ப்³ரஹ்மானங் ஸஹப்³யதாய மக்³க³ங் தே³ஸெய்ய’’ந்தி. ‘‘ப்³ரஹ்மானங் தே,
த⁴னஞ்ஜானி, ஸஹப்³யதாய மக்³க³ங் தே³ஸெஸ்ஸாமி; தங் ஸுணாஹி, ஸாது⁴கங் மனஸி
கரோஹி, பா⁴ஸிஸ்ஸாமீ’’தி. ‘‘ஏவங், போ⁴’’தி கோ² த⁴னஞ்ஜானி ப்³ராஹ்மணோ ஆயஸ்மதோ
ஸாரிபுத்தஸ்ஸ பச்சஸ்ஸோஸி. ஆயஸ்மா ஸாரிபுத்தோ
ஏதத³வோச – ‘‘கதமோ ச, த⁴னஞ்ஜானி, ப்³ரஹ்மானங் ஸஹப்³யதாய மக்³கோ³? இத⁴,
த⁴னஞ்ஜானி, பி⁴க்கு² மெத்தாஸஹக³தேன சேதஸா ஏகங் தி³ஸங் ப²ரித்வா விஹரதி,
ததா² து³தியங், ததா² ததியங், ததா² சதுத்த²ங்; இதி உத்³த⁴மதோ⁴ திரியங்
ஸப்³ப³தி⁴ ஸப்³ப³த்ததாய ஸப்³பா³வந்தங் லோகங் மெத்தாஸஹக³தேன சேதஸா விபுலேன
மஹக்³க³தேன அப்பமாணேன அவேரேன அப்³யாப³ஜ்ஜே²ன ப²ரித்வா விஹரதி. அயங் கோ²,
த⁴னஞ்ஜானி, ப்³ரஹ்மானங் ஸஹப்³யதாய மக்³கோ³’’.

452.
‘‘புன சபரங், த⁴னஞ்ஜானி, பி⁴க்கு² கருணாஸஹக³தேன சேதஸா…பே॰… முதி³தாஸஹக³தேன
சேதஸா… உபெக்கா²ஸஹக³தேன சேதஸா ஏகங் தி³ஸங் ப²ரித்வா விஹரதி, ததா²
து³தியங், ததா² ததியங், ததா² சதுத்த²ங்; இதி உத்³த⁴மதோ⁴ திரியங் ஸப்³ப³தி⁴
ஸப்³ப³த்ததாய ஸப்³பா³வந்தங் லோகங் உபெக்கா²ஸஹக³தேன
சேதஸா விபுலேன மஹக்³க³தேன அப்பமாணேன அவேரேன அப்³யாப³ஜ்ஜே²ன ப²ரித்வா
விஹரதி. அயங் கோ², த⁴னஞ்ஜானி, ப்³ரஹ்மானங் ஸஹப்³யதாய மக்³கோ³’’தி. தேன ஹி,
போ⁴ ஸாரிபுத்த, மம வசனேன ப⁴க³வதோ பாதே³ ஸிரஸா வந்தா³ஹி – ‘த⁴னஞ்ஜானி , ப⁴ந்தே, ப்³ராஹ்மணோ ஆபா³தி⁴கோ
து³க்கி²தோ பா³ள்ஹகி³லானோ. ஸோ ப⁴க³வதோ பாதே³ ஸிரஸா வந்த³தீ’தி. அத² கோ²
ஆயஸ்மா ஸாரிபுத்தோ த⁴னஞ்ஜானிங் ப்³ராஹ்மணங் ஸதி உத்தரிகரணீயே ஹீனே
ப்³ரஹ்மலோகே பதிட்டா²பெத்வா உட்டா²யாஸனா பக்காமி. அத² கோ² த⁴னஞ்ஜானி
ப்³ராஹ்மணோ அசிரபக்கந்தே ஆயஸ்மந்தே ஸாரிபுத்தே காலமகாஸி, ப்³ரஹ்மலோகஞ்ச
உபபஜ்ஜி.

453.
அத² கோ² ப⁴க³வா பி⁴க்கூ² ஆமந்தேஸி – ‘‘ஏஸோ, பி⁴க்க²வே, ஸாரிபுத்தோ
த⁴னஞ்ஜானிங் ப்³ராஹ்மணங் ஸதி உத்தரிகரணீயே ஹீனே ப்³ரஹ்மலோகே பதிட்டா²பெத்வா
உட்டா²யாஸனா பக்கந்தோ’’தி. அத² கோ² ஆயஸ்மா ஸாரிபுத்தோ யேன ப⁴க³வா
தேனுபஸங்கமி, உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³,
ஏகமந்தங் நிஸின்னோ கோ² ஆயஸ்மா ஸாரிபுத்தோ ப⁴க³வந்தங் ஏதத³வோச –
‘‘த⁴னஞ்ஜானி, ப⁴ந்தே, ப்³ராஹ்மணோ ஆபா³தி⁴கோ து³க்கி²தோ பா³ள்ஹகி³லானோ, ஸோ
ப⁴க³வதோ பாதே³ ஸிரஸா வந்த³தீ’’தி. ‘‘கிங் பன த்வங் ஸாரிபுத்த த⁴னஞ்ஜானிங்
ப்³ராஹ்மணங் ஸதி உத்தரிகரணீயே ஹீனே ப்³ரஹ்மலோகே
பதிட்டா²பெத்வா உட்டா²யாஸனா பக்கந்தோ’’தி? ‘‘மய்ஹங் கோ², ப⁴ந்தே, ஏவங்
அஹோஸி – ‘இமே கோ² ப்³ராஹ்மணா ப்³ரஹ்மலோகாதி⁴முத்தா, யங்னூனாஹங்
த⁴னஞ்ஜானிஸ்ஸ ப்³ராஹ்மணஸ்ஸ ப்³ரஹ்மானங் ஸஹப்³யதாய மக்³க³ங் தே³ஸெய்ய’ந்தி. ‘‘காலங்கதோச [காலங்கதோவ (ஸ்யா॰ கங்॰ க॰)], ஸாரிபுத்த, த⁴னஞ்ஜானி ப்³ராஹ்மணோ, ப்³ரஹ்மலோகஞ்ச உபபன்னோ’’தி.

த⁴னஞ்ஜானிஸுத்தங் நிட்டி²தங் ஸத்தமங்.

8. வாஸெட்ட²ஸுத்தங்

454. ஏவங் மே ஸுதங் – ஏகங் ஸமயங் ப⁴க³வா இச்சா²னங்க³லே [இச்சா²னங்கலே (ஸீ॰ பீ॰)]
விஹரதி இச்சா²னங்க³லவனஸண்டே³. தேன கோ² பன ஸமயேன ஸம்ப³ஹுலா அபி⁴ஞ்ஞாதா
அபி⁴ஞ்ஞாதா ப்³ராஹ்மணமஹாஸாலா இச்சா²னங்க³லே படிவஸந்தி, ஸெய்யதி²த³ங் –
சங்கீ ப்³ராஹ்மணோ, தாருக்கோ² ப்³ராஹ்மணோ, பொக்க²ரஸாதி ப்³ராஹ்மணோ,
ஜாணுஸ்ஸோணி [ஜாணுஸ்ஸோணீ (பீ॰), ஜாணுஸோணீ (க॰)]
ப்³ராஹ்மணோ, தோதெ³ய்யோ ப்³ராஹ்மணோ, அஞ்ஞே ச அபி⁴ஞ்ஞாதா அபி⁴ஞ்ஞாதா
ப்³ராஹ்மணமஹாஸாலா. அத² கோ² வாஸெட்ட²பா⁴ரத்³வாஜானங் மாணவானங் ஜங்கா⁴விஹாரங்
அனுசங்கமந்தானங் அனுவிசரந்தானங் [அனுசங்கமமானானங் அனுவிசரமானானங் (ஸீ॰ பீ॰)] அயமந்தராகதா²
உத³பாதி³ – ‘‘கத²ங், போ⁴, ப்³ராஹ்மணோ ஹோதீ’’தி? பா⁴ரத்³வாஜோ மாணவோ ஏவமாஹ –
‘‘யதோ கோ², போ⁴, உப⁴தோ ஸுஜாதோ மாதிதோ ச பிதிதோ ச ஸங்ஸுத்³த⁴க³ஹணிகோ யாவ
ஸத்தமா பிதாமஹயுகா³ அக்கி²த்தோ அனுபக்குட்டோ² ஜாதிவாதே³ன – எத்தாவதா கோ²,
போ⁴, ப்³ராஹ்மணோ ஹோதீ’’தி. வாஸெட்டோ² மாணவோ ஏவமாஹ – ‘‘யதோ கோ², போ⁴, ஸீலவா ச
ஹோதி வத்தஸம்பன்னோ [வதஸம்பன்னோ (பீ॰)] ச –
எத்தாவதா கோ², போ⁴, ப்³ராஹ்மணோ ஹோதீ’’தி. நேவ கோ² அஸக்கி² பா⁴ரத்³வாஜோ
மாணவோ வாஸெட்ட²ங் மாணவங் ஸஞ்ஞாபேதுங், ந பன அஸக்கி² வாஸெட்டோ² மாணவோ
பா⁴ரத்³வாஜங் மாணவங் ஸஞ்ஞாபேதுங். அத² கோ² வாஸெட்டோ² மாணவோ பா⁴ரத்³வாஜங்
மாணவங் ஆமந்தேஸி – ‘‘அயங் கோ², போ⁴ பா⁴ரத்³வாஜ, ஸமணோ கோ³தமோ ஸக்யபுத்தோ
ஸக்யகுலா பப்³ப³ஜிதோ இச்சா²னங்க³லே விஹரதி
இச்சா²னங்க³லவனஸண்டே³. தங் கோ² பன ப⁴வந்தங் கோ³தமங் ஏவங் கல்யாணோ
கித்திஸத்³தோ³ அப்³பு⁴க்³க³தோ – ‘இதிபி ஸோ ப⁴க³வா அரஹங் ஸம்மாஸம்பு³த்³தோ⁴
விஜ்ஜாசரணஸம்பன்னோ ஸுக³தோ லோகவிதூ³ அனுத்தரோ புரிஸத³ம்மஸாரதி² ஸத்தா²
தே³வமனுஸ்ஸானங் பு³த்³தோ⁴ ப⁴க³வா’தி. ஆயாம, போ⁴ பா⁴ரத்³வாஜ, யேன ஸமணோ
கோ³தமோ தேனுபஸங்கமிஸ்ஸாம; உபஸங்கமித்வா ஸமணங் கோ³தமங் ஏதமத்த²ங்
புச்சி²ஸ்ஸாம. யதா² நோ ஸமணோ கோ³தமோ ப்³யாகரிஸ்ஸதி ததா² நங்
தா⁴ரெஸ்ஸாமா’’தி. ‘‘ஏவங், போ⁴’’தி கோ² பா⁴ரத்³வாஜோ மாணவோ வாஸெட்ட²ஸ்ஸ
மாணவஸ்ஸ பச்சஸ்ஸோஸி.

455.
அத² கோ² வாஸெட்ட²பா⁴ரத்³வாஜா மாணவா யேன ப⁴க³வா தேனுபஸங்கமிங்ஸு;
உபஸங்கமித்வா ப⁴க³வதா ஸத்³தி⁴ங் ஸம்மோதி³ங்ஸு. ஸம்மோத³னீயங் கத²ங் ஸாரணீயங்
வீதிஸாரெத்வா ஏகமந்தங் நிஸீதி³ங்ஸு. ஏகமந்தங் நிஸின்னோ கோ² வாஸெட்டோ²
மாணவோ ப⁴க³வந்தங் கா³தா²ஹி அஜ்ஜ²பா⁴ஸி –

‘‘அனுஞ்ஞாதபடிஞ்ஞாதா, தேவிஜ்ஜா மயமஸ்முபோ⁴;

அஹங் பொக்க²ரஸாதிஸ்ஸ, தாருக்க²ஸ்ஸாயங் மாணவோ.

‘‘தேவிஜ்ஜானங் யத³க்கா²தங், தத்ர கேவலினொஸ்மஸே;

பத³கஸ்மா வெய்யாகரணா [நோ ப்³யாகரணா (ஸ்யா॰ கங்॰ க॰)], ஜப்பே ஆசரியஸாதி³ஸா;

தேஸங் நோ ஜாதிவாத³ஸ்மிங், விவாதோ³ அத்தி² கோ³தம.

‘‘ஜாதியா ப்³ராஹ்மணோ ஹோதி, பா⁴ரத்³வாஜோ இதி பா⁴ஸதி;

அஹஞ்ச கம்முனா [கம்மனா (ஸீ॰ பீ॰)] ப்³ரூமி, ஏவங் ஜானாஹி சக்கு²ம.

‘‘தே ந ஸக்கோம ஞாபேதுங் [ஸஞ்ஞத்துங் (பீ॰), ஸஞ்ஞாபேதுங் (க॰)], அஞ்ஞமஞ்ஞங் மயங் உபோ⁴;

ப⁴வந்தங் புட்டு²மாக³மா, ஸம்பு³த்³த⁴ங் இதி விஸ்ஸுதங்.

‘‘சந்த³ங் யதா² க²யாதீதங், பேச்ச பஞ்ஜலிகா ஜனா;

வந்த³மானா நமஸ்ஸந்தி, லோகஸ்மிங் கோ³தமங்.

‘‘சக்கு²ங் லோகே ஸமுப்பன்னங், மயங் புச்சா²ம கோ³தமங்;

ஜாதியா ப்³ராஹ்மணோ ஹோதி, உதா³ஹு ப⁴வதி கம்முனா [கம்மனா (ஸீ॰ பீ॰)];

அஜானதங் நோ பப்³ரூஹி, யதா² ஜானேமு ப்³ராஹ்மண’’ந்தி.

456.

‘‘தேஸங் வோ அஹங் ப்³யக்கி²ஸ்ஸங், (வாஸெட்டா²தி ப⁴க³வா)

அனுபுப்³ப³ங் யதா²தத²ங்;

ஜாதிவிப⁴ங்க³ங் பாணானங், அஞ்ஞமஞ்ஞாஹி ஜாதியோ.

‘‘திணருக்கே²பி ஜானாத², ந சாபி படிஜானரே;

லிங்க³ங் ஜாதிமயங் தேஸங், அஞ்ஞமஞ்ஞா ஹி ஜாதியோ.

‘‘ததோ கீடே படங்கே³ ச, யாவ குந்த²கிபில்லிகே;

லிங்க³ங் ஜாதிமயங் தேஸங், அஞ்ஞமஞ்ஞா ஹி ஜாதியோ.

‘‘சதுப்பதே³பி ஜானாத², கு²த்³த³கே ச மஹல்லகே;

லிங்க³ங் ஜாதிமயங் தேஸங், அஞ்ஞமஞ்ஞா ஹி ஜாதியோ.

‘‘பாது³த³ரேபி ஜானாத², உரகே³ தீ³க⁴பிட்டி²கே;

லிங்க³ங் ஜாதிமயங் தேஸங், அஞ்ஞமஞ்ஞா ஹி ஜாதியோ.

‘‘ததோ மச்சே²பி ஜானாத², உத³கே வாரிகோ³சரே;

லிங்க³ங் ஜாதிமயங் தேஸங், அஞ்ஞமஞ்ஞா ஹி ஜாதியோ.

‘‘ததோ பக்கீ²பி ஜானாத², பத்தயானே விஹங்க³மே;

லிங்க³ங் ஜாதிமயங் தேஸங், அஞ்ஞமஞ்ஞா ஹி ஜாதியோ.

‘‘யதா² ஏதாஸு ஜாதீஸு, லிங்க³ங் ஜாதிமயங் புது²;

ஏவங் நத்தி² மனுஸ்ஸேஸு, லிங்க³ங் ஜாதிமயங் புது².

‘‘ந கேஸேஹி ந ஸீஸேஹி, ந கண்ணேஹி ந அக்கீ²ஹி;

ந முகே²ன ந நாஸாய, ந ஒட்டே²ஹி ப⁴மூஹி வா.

‘‘ந கீ³வாய ந அங்ஸேஹி, ந உத³ரேன ந பிட்டி²யா;

ந ஸோணியா ந உரஸா, ந ஸம்பா³தே⁴ ந மேது²னே [ந ஸம்பா³தா⁴ ந மேது²னா (க॰)].

‘‘ந ஹத்தே²ஹி ந பாதே³ஹி, நங்கு³லீஹி நகே²ஹி வா;

ந ஜங்கா⁴ஹி ந ஊரூஹி, ந வண்ணேன ஸரேன வா;

லிங்க³ங் ஜாதிமயங் நேவ, யதா² அஞ்ஞாஸு ஜாதிஸு.

457.

‘‘பச்சத்தஞ்ச ஸரீரேஸு [பச்சத்தங் ஸஸரீரேஸு (ஸீ॰ பீ॰)], மனுஸ்ஸெஸ்வேதங் ந விஜ்ஜதி;

வோகாரஞ்ச மனுஸ்ஸேஸு, ஸமஞ்ஞாய பவுச்சதி.

‘‘யோ ஹி கோசி மனுஸ்ஸேஸு, கோ³ரக்க²ங் உபஜீவதி;

ஏவங் வாஸெட்ட² ஜானாஹி, கஸ்ஸகோ ஸோ ந ப்³ராஹ்மணோ.

‘‘யோ ஹி கோசி மனுஸ்ஸேஸு, புது²ஸிப்பேன ஜீவதி;

ஏவங் வாஸெட்ட² ஜானாஹி, ஸிப்பிகோ ஸோ ந ப்³ராஹ்மணோ.

‘‘யோ ஹி கோசி மனுஸ்ஸேஸு, வோஹாரங் உபஜீவதி;

ஏவங் வாஸெட்ட² ஜானாஹி, வாணிஜோ ஸோ ந ப்³ராஹ்மணோ.

‘‘யோ ஹி கோசி மனுஸ்ஸேஸு, பரபெஸ்ஸேன ஜீவதி;

ஏவங் வாஸெட்ட² ஜானாஹி, பெஸ்ஸகோ [பெஸ்ஸிகோ (ஸீ॰ ஸ்யா॰ கங்॰ பீ॰)] ஸோ ந ப்³ராஹ்மணோ.

‘‘யோ ஹி கோசி மனுஸ்ஸேஸு, அதி³ன்னங் உபஜீவதி;

ஏவங் வாஸெட்ட² ஜானாஹி, சோரோ ஏஸோ ந ப்³ராஹ்மணோ.

‘‘யோ ஹி கோசி மனுஸ்ஸேஸு, இஸ்ஸத்த²ங் உபஜீவதி;

ஏவங் வாஸெட்ட² ஜானாஹி, யோதா⁴ஜீவோ ந ப்³ராஹ்மணோ.

‘‘யோ ஹி கோசி மனுஸ்ஸேஸு, போரோஹிச்சேன ஜீவதி;

ஏவங் வாஸெட்ட² ஜானாஹி, யாஜகோ ஸோ ந ப்³ராஹ்மணோ.

‘‘யோ ஹி கோசி மனுஸ்ஸேஸு, கா³மங் ரட்ட²ஞ்ச பு⁴ஞ்ஜதி;

ஏவங் வாஸெட்ட² ஜானாஹி, ராஜா ஏஸோ ந ப்³ராஹ்மணோ.

‘‘ந சாஹங் ப்³ராஹ்மணங் ப்³ரூமி, யோனிஜங் மத்திஸம்ப⁴வங்;

போ⁴வாதி³ [போ⁴வாதீ³ (ஸ்யா॰ கங்॰)] நாம ஸோ ஹோதி, ஸசே ஹோதி ஸகிஞ்சனோ;

அகிஞ்சனங் அனாதா³னங், தமஹங் ப்³ரூமி ப்³ராஹ்மணங்.

458.

‘‘ஸப்³ப³ஸங்யோஜனங் செ²த்வா, யோ வே ந பரிதஸ்ஸதி;

ஸங்கா³திக³ங் விஸங்யுத்தங் [விஸஞ்ஞுத்தங் (க॰)], தமஹங் ப்³ரூமி ப்³ராஹ்மணங்.

‘‘செ²த்வா நத்³தி⁴ங் [நத்³தி⁴ங் (ஸீ॰ பீ॰)] வரத்தஞ்ச, ஸந்தா³னங் ஸஹனுக்கமங்;

உக்கி²த்தபலிக⁴ங் பு³த்³த⁴ங், தமஹங் ப்³ரூமி ப்³ராஹ்மணங்.

‘‘அக்கோஸங் வத⁴ப³ந்த⁴ஞ்ச, அது³ட்டோ² யோ திதிக்க²தி;

க²ந்தீப³லங் ப³லானீகங், தமஹங் ப்³ரூமி ப்³ராஹ்மணங்.

‘‘அக்கோத⁴னங் வதவந்தங், ஸீலவந்தங் அனுஸ்ஸத³ங்;

த³ந்தங் அந்திமஸாரீரங், தமஹங் ப்³ரூமி ப்³ராஹ்மணங்.

‘‘வாரிபொக்க²ரபத்தேவ, ஆரக்³கே³ரிவ ஸாஸபோ;

யோ ந லிம்பதி காமேஸு, தமஹங் ப்³ரூமி ப்³ராஹ்மணங்.

‘‘யோ து³க்க²ஸ்ஸ பஜானாதி, இதே⁴வ க²யமத்தனோ;

பன்னபா⁴ரங் விஸங்யுத்தங், தமஹங் ப்³ரூமி ப்³ராஹ்மணங்.

‘‘க³ம்பீ⁴ரபஞ்ஞங் மேதா⁴விங், மக்³கா³மக்³க³ஸ்ஸ கோவித³ங்;

உத்தமத்த²மனுப்பத்தங், தமஹங் ப்³ரூமி ப்³ராஹ்மணங்.

‘‘அஸங்ஸட்ட²ங் க³ஹட்டே²ஹி, அனாகா³ரேஹி சூப⁴யங்;

அனோகஸாரிமப்பிச்ச²ங், தமஹங் ப்³ரூமி ப்³ராஹ்மணங்.

‘‘நிதா⁴ய த³ண்ட³ங் பூ⁴தேஸு, தஸேஸு தா²வரேஸு ச;

யோ ந ஹந்தி ந கா⁴தேதி, தமஹங் ப்³ரூமி ப்³ராஹ்மணங்.

‘‘அவிருத்³த⁴ங் விருத்³தே⁴ஸு, அத்தத³ண்டே³ஸு நிப்³பு³தங்;

ஸாதா³னேஸு அனாதா³னங், தமஹங் ப்³ரூமி ப்³ராஹ்மணங்.

‘‘யஸ்ஸ ராகோ³ ச தோ³ஸோ ச, மானோ மக்கோ² ச ஓஹிதோ;

ஸாஸபோரிவ ஆரக்³கா³, தமஹங் ப்³ரூமி ப்³ராஹ்மணங்.

459.

‘‘அகக்கஸங் விஞ்ஞாபனிங், கி³ரங் ஸச்சங் உதீ³ரயே;

யாய நாபி⁴ஸஜ்ஜே கிஞ்சி, தமஹங் ப்³ரூமி ப்³ராஹ்மணங்.

‘‘யோ ச தீ³க⁴ங் வ ரஸ்ஸங் வா, அணுங் தூ²லங் ஸுபா⁴ஸுப⁴ங்;

லோகே அதி³ன்னங் நாதே³தி [நாதி³யதி (ஸீ॰ பீ॰)], தமஹங் ப்³ரூமி ப்³ராஹ்மணங்.

‘‘ஆஸா யஸ்ஸ ந விஜ்ஜந்தி, அஸ்மிங் லோகே பரம்ஹி ச;

நிராஸாஸங் [நிராஸயங் (ஸீ॰ பீ॰)] விஸங்யுத்தங், தமஹங் ப்³ரூமி ப்³ராஹ்மணங்.

‘‘யஸ்ஸாலயா ந விஜ்ஜந்தி, அஞ்ஞாய அகத²ங்கதி²ங்;

அமதோக³த⁴ங் அனுப்பத்தங், தமஹங் ப்³ரூமி ப்³ராஹ்மணங்.

‘‘யோத⁴புஞ்ஞஞ்ச பாபஞ்ச, உபோ⁴ ஸங்க³ங் உபச்சகா³;

அஸோகங் விரஜங் ஸுத்³த⁴ங், தமஹங் ப்³ரூமி ப்³ராஹ்மணங்.

‘‘சந்த³ங் வ விமலங் ஸுத்³த⁴ங், விப்பஸன்னங் அனாவிலங்;

நந்தீ³ப⁴வபரிக்கீ²ணங், தமஹங் ப்³ரூமி ப்³ராஹ்மணங்.

‘‘யோ இமங் பலிபத²ங் து³க்³க³ங், ஸங்ஸாரங் மோஹமச்சகா³;

திண்ணோ பாரங்க³தோ ஜா²யீ, அனேஜோ அகத²ங்கதீ²;

அனுபாதா³ய நிப்³பு³தோ, தமஹங் ப்³ரூமி ப்³ராஹ்மணங்.

‘‘யோத⁴காமே பஹந்த்வான [பஹத்வான (ஸீ॰)], அனாகா³ரோ பரிப்³ப³ஜே;

காமப⁴வபரிக்கீ²ணங், தமஹங் ப்³ரூமி ப்³ராஹ்மணங்.

‘‘யோத⁴தண்ஹங் பஹந்த்வான, அனாகா³ரோ பரிப்³ப³ஜே;

தண்ஹாப⁴வபரிக்கீ²ணங், தமஹங் ப்³ரூமி ப்³ராஹ்மணங்.

‘‘ஹித்வா மானுஸகங் யோக³ங், தி³ப்³ப³ங் யோக³ங் உபச்சகா³;

ஸப்³ப³யோக³விஸங்யுத்தங், தமஹங் ப்³ரூமி ப்³ராஹ்மணங்.

‘‘ஹித்வா ரதிஞ்ச அரதிங், ஸீதீபூ⁴தங் நிரூபதி⁴ங்;

ஸப்³ப³லோகாபி⁴பு⁴ங் வீரங், தமஹங் ப்³ரூமி ப்³ராஹ்மணங்.

‘‘சுதிங் யோ வேதி³ ஸத்தானங், உபபத்திஞ்ச ஸப்³ப³ஸோ;

அஸத்தங் ஸுக³தங் பு³த்³த⁴ங், தமஹங் ப்³ரூமி ப்³ராஹ்மணங்.

‘‘யஸ்ஸ க³திங் ந ஜானந்தி, தே³வா க³ந்த⁴ப்³ப³மானுஸா;

கீ²ணாஸவங் அரஹந்தங், தமஹங் ப்³ரூமி ப்³ராஹ்மணங்.

‘‘யஸ்ஸ புரே ச பச்சா² ச, மஜ்ஜே² ச நத்தி² கிஞ்சனங்;

அகிஞ்சனங் அனாதா³னங், தமஹங் ப்³ரூமி ப்³ராஹ்மணங்.

‘‘உஸப⁴ங் பவரங் வீரங், மஹேஸிங் விஜிதாவினங்;

அனேஜங் ந்ஹாதகங் [நஹாதகங் (ஸீ॰ பீ॰)] பு³த்³த⁴ங், தமஹங் ப்³ரூமி ப்³ராஹ்மணங்.

‘‘புப்³பே³னிவாஸங் யோ வேதி³, ஸக்³கா³பாயஞ்ச பஸ்ஸதி;

அதோ² ஜாதிக்க²யங் பத்தோ, தமஹங் ப்³ரூமி ப்³ராஹ்மணங்.

460.

‘‘ஸமஞ்ஞா ஹேஸா லோகஸ்மிங், நாமகொ³த்தங் பகப்பிதங்;

ஸம்முச்சா ஸமுதா³க³தங், தத்த² தத்த² பகப்பிதங்.

‘‘தீ³க⁴ரத்தானுஸயிதங், தி³ட்டி²க³தமஜானதங்;

அஜானந்தா நோ [அஜானந்தா நோதி அஜானந்தா ஏவ (டீகா)] பப்³ருந்தி [பப்³ருவந்தி (ஸீ॰ பீ॰)], ஜாதியா ஹோதி ப்³ராஹ்மணோ.

‘‘ந ஜச்சா ப்³ராஹ்மணோ [வஸலோ (ஸ்யா॰ கங்॰ க॰)] ஹோதி, ந ஜச்சா ஹோதி அப்³ராஹ்மணோ [ப்³ராஹ்மணோ (ஸ்யா॰ கங்॰ க॰)];

கம்முனா ப்³ராஹ்மணோ [வஸலோ (ஸ்யா॰ கங்॰ க॰)] ஹோதி, கம்முனா ஹோதி அப்³ராஹ்மணோ [ப்³ராஹ்மணோ (ஸ்யா॰ கங்॰ க॰)].

‘‘கஸ்ஸகோ கம்முனா ஹோதி, ஸிப்பிகோ ஹோதி கம்முனா;

வாணிஜோ கம்முனா ஹோதி, பெஸ்ஸகோ ஹோதி கம்முனா.

‘‘சோரோபி கம்முனா ஹோதி, யோதா⁴ஜீவோபி கம்முனா;

யாஜகோ கம்முனா ஹோதி, ராஜாபி ஹோதி கம்முனா.

‘‘ஏவமேதங் யதா²பூ⁴தங், கம்மங் பஸ்ஸந்தி பண்டி³தா;

படிச்சஸமுப்பாத³த³ஸ்ஸா, கம்மவிபாககோவிதா³.

‘‘கம்முனா வத்ததி லோகோ, கம்முனா வத்ததி பஜா;

கம்மனிப³ந்த⁴னா ஸத்தா, ரத²ஸ்ஸாணீவ யாயதோ.

‘‘தபேன ப்³ரஹ்மசரியேன, ஸங்யமேன த³மேன ச;

ஏதேன ப்³ராஹ்மணோ ஹோதி, ஏதங் ப்³ராஹ்மணமுத்தமங்.

‘‘தீஹி விஜ்ஜாஹி ஸம்பன்னோ, ஸந்தோ கீ²ணபுனப்³ப⁴வோ;

ஏவங் வாஸெட்ட² ஜானாஹி, ப்³ரஹ்மா ஸக்கோ விஜானத’’ந்தி.

461. ஏவங்
வுத்தே, வாஸெட்ட²பா⁴ரத்³வாஜா மாணவா ப⁴க³வந்தங் ஏதத³வோசுங் –
‘‘அபி⁴க்கந்தங், போ⁴ கோ³தம, அபி⁴க்கந்தங், போ⁴ கோ³தம! ஸெய்யதா²பி, போ⁴
கோ³தம, நிக்குஜ்ஜிதங் வா உக்குஜ்ஜெய்ய, படிச்ச²ன்னங் வா விவரெய்ய, மூள்ஹஸ்ஸ
வா மக்³க³ங் ஆசிக்கெ²ய்ய, அந்த⁴காரே வா தேலபஜ்ஜோதங் தா⁴ரெய்ய –
சக்கு²மந்தோ ரூபானி த³க்க²ந்தீதி – ஏவமேவங் போ⁴தா கோ³தமேன அனேகபரியாயேன
த⁴ம்மோ பகாஸிதோ. ஏதே மயங் ப⁴வந்தங் கோ³தமங் ஸரணங் க³ச்சா²ம த⁴ம்மஞ்ச
பி⁴க்கு²ஸங்க⁴ஞ்ச. உபாஸகே நோ ப⁴வங் கோ³தமோ தா⁴ரேது அஜ்ஜதக்³கே³ பாணுபேதங்
ஸரணங் க³தே’’தி.

வாஸெட்ட²ஸுத்தங் நிட்டி²தங் அட்ட²மங்.

9. ஸுப⁴ஸுத்தங்

462. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தேன கோ² பன ஸமயேன ஸுபோ⁴ மாணவோ தோதெ³ய்யபுத்தோ ஸாவத்தி²யங் படிவஸதி
அஞ்ஞதரஸ்ஸ க³ஹபதிஸ்ஸ நிவேஸனே கேனசிதே³வ கரணீயேன. அத² கோ² ஸுபோ⁴ மாணவோ
தோதெ³ய்யபுத்தோ யஸ்ஸ க³ஹபதிஸ்ஸ நிவேஸனே படிவஸதி தங் க³ஹபதிங் ஏதத³வோச –
‘‘ஸுதங் மேதங், க³ஹபதி – ‘அவிவித்தா ஸாவத்தீ² அரஹந்தேஹீ’தி. கங் நு க்²வஜ்ஜ
ஸமணங் வா ப்³ராஹ்மணங் வா பயிருபாஸெய்யாமா’’தி? ‘‘அயங், ப⁴ந்தே, ப⁴க³வா
ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தங், ப⁴ந்தே,
ப⁴க³வந்தங் பயிருபாஸஸ்ஸூ’’தி. அத² கோ² ஸுபோ⁴ மாணவோ
தோதெ³ய்யபுத்தோ தஸ்ஸ க³ஹபதிஸ்ஸ படிஸ்ஸுத்வா யேன ப⁴க³வா தேனுபஸங்கமி;
உபஸங்கமித்வா ப⁴க³வதா ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங்
வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² ஸுபோ⁴ மாணவோ
தோதெ³ய்யபுத்தோ ப⁴க³வந்தங் ஏதத³வோச – ‘‘ப்³ராஹ்மணா, போ⁴ கோ³தம, ஏவமாஹங்ஸு –
‘க³ஹட்டோ² ஆராத⁴கோ ஹோதி ஞாயங் த⁴ம்மங் குஸலங், ந பப்³ப³ஜிதோ ஆராத⁴கோ ஹோதி
ஞாயங் த⁴ம்மங் குஸல’ந்தி. இத⁴ ப⁴வங் கோ³தமோ கிமாஹா’’தி?

463.
‘‘விப⁴ஜ்ஜவாதோ³ கோ² அஹமெத்த², மாணவ; நாஹமெத்த² ஏகங்ஸவாதோ³. கி³ஹிஸ்ஸ
வாஹங், மாணவ, பப்³ப³ஜிதஸ்ஸ வா மிச்சா²படிபத்திங் ந வண்ணேமி. கி³ஹீ வா ஹி ,
மாணவ, பப்³ப³ஜிதோ வா மிச்சா²படிபன்னோ மிச்சா²படிபத்தாதி⁴கரணஹேது ந ஆராத⁴கோ
ஹோதி ஞாயங் த⁴ம்மங் குஸலங். கி³ஹிஸ்ஸ வாஹங், மாணவ, பப்³ப³ஜிதஸ்ஸ வா
ஸம்மாபடிபத்திங் வண்ணேமி. கி³ஹீ வா ஹி, மாணவ, பப்³ப³ஜிதோ வா ஸம்மாபடிபன்னோ
ஸம்மாபடிபத்தாதி⁴கரணஹேது ஆராத⁴கோ ஹோதி ஞாயங் த⁴ம்மங் குஸல’’ந்தி.

‘‘ப்³ராஹ்மணா, போ⁴ கோ³தம, ஏவமாஹங்ஸு – ‘மஹட்ட²மித³ங்
மஹாகிச்சங் மஹாதி⁴கரணங் மஹாஸமாரம்ப⁴ங் க⁴ராவாஸகம்மட்டா²னங் மஹப்ப²லங் ஹோதி;
அப்பட்ட²மித³ங் அப்பகிச்சங் அப்பாதி⁴கரணங் அப்பஸமாரம்ப⁴ங் பப்³ப³ஜ்ஜா
கம்மட்டா²னங் அப்பப²லங் ஹோதீ’தி. இத⁴ ப⁴வங் கோ³தமோ கிமாஹா’’தி.

‘‘எத்தா²பி கோ² அஹங், மாணவ,
விப⁴ஜ்ஜவாதோ³; நாஹமெத்த² ஏகங்ஸவாதோ³. அத்தி², மாணவ, கம்மட்டா²னங் மஹட்ட²ங்
மஹாகிச்சங் மஹாதி⁴கரணங் மஹாஸமாரம்ப⁴ங் விபஜ்ஜமானங் அப்பப²லங் ஹோதி; அத்தி²,
மாணவ, கம்மட்டா²னங் மஹட்ட²ங் மஹாகிச்சங் மஹாதி⁴கரணங் மஹாஸமாரம்ப⁴ங்
ஸம்பஜ்ஜமானங் மஹப்ப²லங் ஹோதி; அத்தி², மாணவ, கம்மட்டா²னங் அப்பட்ட²ங்
அப்பகிச்சங் அப்பாதி⁴கரணங் அப்பஸமாரம்ப⁴ங் விபஜ்ஜமானங் அப்பப²லங் ஹோதி;
அத்தி², மாணவ, கம்மட்டா²னங் அப்பட்ட²ங் அப்பகிச்சங் அப்பாதி⁴கரணங்
அப்பஸமாரம்ப⁴ங் ஸம்பஜ்ஜமானங் மஹப்ப²லங் ஹோதி. கதமஞ்ச, மாணவ , கம்மட்டா²னங் மஹட்ட²ங் மஹாகிச்சங் மஹாதி⁴கரணங் மஹாஸமாரம்ப⁴ங் விபஜ்ஜமானங் அப்பப²லங்
ஹோதி? கஸி கோ², மாணவ, கம்மட்டா²னங் மஹட்ட²ங் மஹாகிச்சங் மஹாதி⁴கரணங்
மஹாஸமாரம்ப⁴ங் விபஜ்ஜமானங் அப்பப²லங் ஹோதி. கதமஞ்ச, மாணவ, கம்மட்டா²னங்
மஹட்ட²ங் மஹாகிச்சங் மஹாதி⁴கரணங் மஹாஸமாரம்ப⁴ங் ஸம்பஜ்ஜமானங் மஹப்ப²லங்
ஹோதி? கஸியேவ கோ², மாணவ, கம்மட்டா²னங் மஹட்ட²ங் மஹாகிச்சங் மஹாதி⁴கரணங்
மஹாஸமாரம்ப⁴ங் ஸம்பஜ்ஜமானங் மஹப்ப²லங் ஹோதி. கதமஞ்ச, மாணவ, கம்மட்டா²னங்
அப்பட்ட²ங் அப்பகிச்சங் அப்பாதி⁴கரணங் அப்பஸமாரம்ப⁴ங் விபஜ்ஜமானங்
அப்பப²லங் ஹோதி? வணிஜ்ஜா கோ², மாணவ, கம்மட்டா²னங் அப்பட்ட²ங் அப்பகிச்சங்
அப்பாதி⁴கரணங் அப்பஸமாரம்ப⁴ங் விபஜ்ஜமானங் அப்பப²லங் ஹோதி. கதமஞ்ச மாணவ,
கம்மட்டா²னங் அப்பட்ட²ங் அப்பகிச்சங் அப்பாதி⁴கரணங் அப்பஸமாரம்ப⁴ங்
ஸம்பஜ்ஜமானங் மஹப்ப²லங் ஹோதி? வணிஜ்ஜாயேவ கோ², மாணவ, கம்மட்டா²னங்
அப்பட்ட²ங் அப்பகிச்சங் அப்பாதி⁴கரணங் அப்பஸமாரம்ப⁴ங் ஸம்பஜ்ஜமானங்
மஹப்ப²லங் ஹோதி.

464.
‘‘ஸெய்யதா²பி, மாணவ, கஸி கம்மட்டா²னங் மஹட்ட²ங் மஹாகிச்சங் மஹாதி⁴கரணங்
மஹாஸமாரம்ப⁴ங் விபஜ்ஜமானங் அப்பப²லங் ஹோதி; ஏவமேவ கோ², மாணவ,
க⁴ராவாஸகம்மட்டா²னங் மஹட்ட²ங் மஹாகிச்சங் மஹாதி⁴கரணங் மஹாஸமாரம்ப⁴ங்
விபஜ்ஜமானங் அப்பப²லங் ஹோதி. ஸெய்யதா²பி, மாணவ,
கஸியேவ கம்மட்டா²னங் மஹட்ட²ங் மஹாகிச்சங் மஹாதி⁴கரணங் மஹாஸமாரம்ப⁴ங்
ஸம்பஜ்ஜமானங் மஹப்ப²லங் ஹோதி; ஏவமேவ கோ², மாணவ, க⁴ராவாஸகம்மட்டா²னங்
மஹட்ட²ங் மஹாகிச்சங் மஹாதி⁴கரணங் மஹாஸமாரம்ப⁴ங் ஸம்பஜ்ஜமானங் மஹப்ப²லங்
ஹோதி. ஸெய்யதா²பி, மாணவ, வணிஜ்ஜா கம்மட்டா²னங் அப்பட்ட²ங் அப்பகிச்சங்
அப்பாதி⁴கரணங் அப்பஸமாரம்ப⁴ங் விபஜ்ஜமானங் அப்பப²லங் ஹோதி; ஏவமேவ
கோ², மாணவ, பப்³ப³ஜ்ஜா கம்மட்டா²னங் அப்பட்ட²ங் அப்பகிச்சங் அப்பாதி⁴கரணங்
அப்பஸமாரம்ப⁴ங் விபஜ்ஜமானங் அப்பப²லங் ஹோதி. ஸெய்யதா²பி, மாணவ, வணிஜ்ஜாயேவ
கம்மட்டா²னங் அப்பட்ட²ங் அப்பகிச்சங் அப்பாதி⁴கரணங் அப்பஸமாரம்ப⁴ங்
ஸம்பஜ்ஜமானங் மஹப்ப²லங் ஹோதி; ஏவமேவ கோ² , மாணவ, பப்³ப³ஜ்ஜா கம்மட்டா²னங் அப்பட்ட²ங் அப்பகிச்சங் அப்பாதி⁴கரணங் அப்பஸமாரம்ப⁴ங் ஸம்பஜ்ஜமானங் மஹப்ப²லங் ஹோதீ’’தி.

‘‘ப்³ராஹ்மணா , போ⁴ கோ³தம, பஞ்ச
த⁴ம்மே பஞ்ஞபெந்தி புஞ்ஞஸ்ஸ கிரியாய, குஸலஸ்ஸ ஆராத⁴னாயா’’தி. ‘‘யே தே,
மாணவ, ப்³ராஹ்மணா பஞ்ச த⁴ம்மே பஞ்ஞபெந்தி புஞ்ஞஸ்ஸ கிரியாய, குஸலஸ்ஸ
ஆராத⁴னாய – ஸசே தே அக³ரு – ஸாது⁴ தே பஞ்ச த⁴ம்மே இமஸ்மிங் பரிஸதி
பா⁴ஸஸ்ஸூ’’தி. ‘‘ந கோ² மே, போ⁴ கோ³தம, க³ரு யத்த²ஸ்ஸு ப⁴வந்தோ வா நிஸின்னோ
ப⁴வந்தரூபோ வா’’தி [நிஸின்னா ப⁴வந்தரூபா வாதி (ஸீ॰ ஸ்யா॰ கங்॰ பீ॰)].
‘‘தேன ஹி, மாணவ, பா⁴ஸஸ்ஸூ’’தி. ‘‘ஸச்சங் கோ², போ⁴ கோ³தம, ப்³ராஹ்மணா
பட²மங் த⁴ம்மங் பஞ்ஞபெந்தி புஞ்ஞஸ்ஸ கிரியாய, குஸலஸ்ஸ ஆராத⁴னாய. தபங் கோ²,
போ⁴ கோ³தம, ப்³ராஹ்மணா து³தியங் த⁴ம்மங் பஞ்ஞபெந்தி புஞ்ஞஸ்ஸ கிரியாய,
குஸலஸ்ஸ ஆராத⁴னாய. ப்³ரஹ்மசரியங் கோ², போ⁴ கோ³தம, ப்³ராஹ்மணா ததியங்
த⁴ம்மங் பஞ்ஞபெந்தி புஞ்ஞஸ்ஸ கிரியாய, குஸலஸ்ஸ ஆராத⁴னாய. அஜ்ஜே²னங் கோ²,
போ⁴ கோ³தம, ப்³ராஹ்மணா சதுத்த²ங் த⁴ம்மங் பஞ்ஞபெந்தி புஞ்ஞஸ்ஸ கிரியாய,
குஸலஸ்ஸ ஆராத⁴னாய. சாக³ங் கோ², போ⁴ கோ³தம, ப்³ராஹ்மணா
பஞ்சமங் த⁴ம்மங் பஞ்ஞபெந்தி புஞ்ஞஸ்ஸ கிரியாய, குஸலஸ்ஸ ஆராத⁴னாய.
ப்³ராஹ்மணா, போ⁴ கோ³தம, இமே பஞ்ச த⁴ம்மே பஞ்ஞபெந்தி புஞ்ஞஸ்ஸ கிரியாய,
குஸலஸ்ஸ ஆராத⁴னாயாதி. இத⁴ ப⁴வங் கோ³தமோ கிமாஹா’’தி?

465.
‘‘கிங் பன, மாணவ, அத்தி² கோசி ப்³ராஹ்மணானங் ஏகப்³ராஹ்மணோபி யோ ஏவமாஹ –
‘அஹங் இமேஸங் பஞ்சன்னங் த⁴ம்மானங் ஸயங் அபி⁴ஞ்ஞா ஸச்சி²கத்வா விபாகங்
பவேதே³மீ’’’தி? ‘‘நோ ஹித³ங், போ⁴ கோ³தம’’. ‘‘கிங் பன, மாணவ, அத்தி² கோசி
ப்³ராஹ்மணானங் ஏகாசரியோபி ஏகாசரியபாசரியோபி யாவ ஸத்தமா ஆசரியமஹயுகா³பி யோ
ஏவமாஹ – ‘அஹங் இமேஸங் பஞ்சன்னங் த⁴ம்மானங் ஸயங் அபி⁴ஞ்ஞா ஸச்சி²கத்வா விபாகங் பவேதே³மீ’’’தி? ‘‘நோ ஹித³ங், போ⁴ கோ³தம’’. ‘‘கிங்
பன, மாணவ, யேபி தே ப்³ராஹ்மணானங் புப்³ப³கா இஸயோ மந்தானங் கத்தாரோ
மந்தானங் பவத்தாரோ யேஸமித³ங் ஏதரஹி ப்³ராஹ்மணா போராணங் மந்தபத³ங் கீ³தங்
பவுத்தங் ஸமிஹிதங் தத³னுகா³யந்தி தத³னுபா⁴ஸந்தி பா⁴ஸிதமனுபா⁴ஸந்தி
வாசிதமனுவாசெந்தி, ஸெய்யதி²த³ங் – அட்ட²கோ வாமகோ வாமதே³வோ வெஸ்ஸாமித்தோ
யமதக்³கி³ அங்கீ³ரஸோ பா⁴ரத்³வாஜோ வாஸெட்டோ² கஸ்ஸபோ ப⁴கு³, தேபி ஏவமாஹங்ஸு –
‘மயங் இமேஸங் பஞ்சன்னங் த⁴ம்மானங் ஸயங் அபி⁴ஞ்ஞா ஸச்சி²கத்வா விபாகங்
பவேதே³மா’’’தி? ‘‘நோ ஹித³ங், போ⁴ கோ³தம’’.

‘‘இதி கிர, மாணவ, நத்தி² கோசி ப்³ராஹ்மணானங் ஏகப்³ராஹ்மணோபி யோ ஏவமாஹ – ‘அஹங் இமேஸங் பஞ்சன்னங் த⁴ம்மானங் ஸயங் அபி⁴ஞ்ஞா ஸச்சி²கத்வா விபாகங் பவேதே³மீ’தி; நத்தி² கோசி ப்³ராஹ்மணானங் ஏகாசரியோபி ஏகாசரியபாசரியோபி யாவ ஸத்தமா ஆசரியமஹயுகா³பி யோ ஏவமாஹ
– ‘அஹங் இமேஸங் பஞ்சன்னங் த⁴ம்மானங் ஸயங் அபி⁴ஞ்ஞா ஸச்சி²கத்வா விபாகங்
பவேதே³மீ’தி; யேபி தே ப்³ராஹ்மணானங் புப்³ப³கா இஸயோ மந்தானங் கத்தாரோ
மந்தானங் பவத்தாரோ, யேஸமித³ங் ஏதரஹி ப்³ராஹ்மணா போராணங் மந்தபத³ங் கீ³தங்
பவுத்தங் ஸமிஹிதங், தத³னுகா³யந்தி தத³னுபா⁴ஸந்தி பா⁴ஸிதமனுபா⁴ஸந்தி
வாசிதமனுவாசெந்தி, ஸெய்யதி²த³ங் – அட்ட²கோ வாமகோ வாமதே³வோ வெஸ்ஸாமித்தோ
யமதக்³கி³ அங்கீ³ரஸோ பா⁴ரத்³வாஜோ வாஸெட்டோ² கஸ்ஸபோ ப⁴கு³. தேபி ந ஏவமாஹங்ஸு
– ‘மயங் இமேஸங் பஞ்சன்னங் த⁴ம்மானங் ஸயங் அபி⁴ஞ்ஞா ஸச்சி²கத்வா விபாகங்
பவேதே³மா’தி.

‘‘ஸெய்யதா²பி, மாணவ, அந்த⁴வேணி பரம்பராஸங்ஸத்தா
புரிமோபி ந பஸ்ஸதி மஜ்ஜி²மோபி ந பஸ்ஸதி பச்சி²மோபி ந பஸ்ஸதி; ஏவமேவ கோ²,
மாணவ, அந்த⁴வேணூபமங் மஞ்ஞே ப்³ராஹ்மணானங் பா⁴ஸிதங் ஸம்பஜ்ஜதி – புரிமோபி ந
பஸ்ஸதி மஜ்ஜி²மோபி ந பஸ்ஸதி பச்சி²மோபி ந பஸ்ஸதீ’’தி.

466.
ஏவங் வுத்தே, ஸுபோ⁴ மாணவோ தோதெ³ய்யபுத்தோ ப⁴க³வதா அந்த⁴வேணூபமேன வுச்சமானோ
குபிதோ அனத்தமனோ ப⁴க³வந்தங்யேவ கு²ங்ஸெந்தோ ப⁴க³வந்தங்யேவ வம்பெ⁴ந்தோ
ப⁴க³வந்தங்யேவ வத³மானோ – ‘ஸமணோ கோ³தமோ பாபிதோ ப⁴விஸ்ஸதீ’தி ப⁴க³வந்தங்
ஏதத³வோச – ‘‘ப்³ராஹ்மணோ, போ⁴ கோ³தம, பொக்க²ரஸாதி ஓபமஞ்ஞோ ஸுப⁴க³வனிகோ ஏவமாஹ
– ‘ஏவமேவ பனிதே⁴கச்சே [பனிமேகே (ஸப்³ப³த்த²)] ஸமணப்³ராஹ்மணா உத்தரிமனுஸ்ஸத⁴ம்மா அலமரியஞாணத³ஸ்ஸனவிஸேஸங் படிஜானந்தி. தேஸமித³ங் பா⁴ஸிதங்
ஹஸ்ஸகங்யேவ ஸம்பஜ்ஜதி, நாமகங்யேவ ஸம்பஜ்ஜதி, ரித்தகங்யேவ ஸம்பஜ்ஜதி,
துச்ச²கங்யேவ ஸம்பஜ்ஜதி. கத²ஞ்ஹி நாம மனுஸ்ஸபூ⁴தோ உத்தரிமனுஸ்ஸத⁴ம்மா
அலமரியஞாணத³ஸ்ஸனவிஸேஸங் ஞஸ்ஸதி வா த³க்க²தி வா ஸச்சி² வா கரிஸ்ஸதீதி –
நேதங் டா²னங் விஜ்ஜதீ’’’தி?

‘‘கிங் பன, மாணவ, ப்³ராஹ்மணோ பொக்க²ரஸாதி ஓபமஞ்ஞோ
ஸுப⁴க³வனிகோ ஸப்³பே³ஸங்யேவ ஸமணப்³ராஹ்மணானங் சேதஸா சேதோ பரிச்ச
பஜானாதீ’’தி? ‘‘ஸகாயபி ஹி, போ⁴ கோ³தம, புண்ணிகாய தா³ஸியா ப்³ராஹ்மணோ
பொக்க²ரஸாதி ஓபமஞ்ஞோ ஸுப⁴க³வனிகோ சேதஸா சேதோ பரிச்ச ந பஜானாதி, குதோ பன
ஸப்³பே³ஸங்யேவ ஸமணப்³ராஹ்மணானங் சேதஸா சேதோ பரிச்ச பஜானிஸ்ஸதீ’’தி?

‘‘ஸெய்யதா²பி, மாணவ, ஜச்சந்தோ⁴ புரிஸோ ந பஸ்ஸெய்ய கண்ஹஸுக்கானி ரூபானி, ந பஸ்ஸெய்ய நீலகானி
ரூபானி, ந பஸ்ஸெய்ய பீதகானி ரூபானி, ந பஸ்ஸெய்ய லோஹிதகானி ரூபானி, ந
பஸ்ஸெய்ய மஞ்ஜிட்ட²கானி ரூபானி, ந பஸ்ஸெய்ய ஸமவிஸமங், ந பஸ்ஸெய்ய
தாரகரூபானி, ந பஸ்ஸெய்ய சந்தி³மஸூரியே. ஸோ ஏவங் வதெ³ய்ய – ‘நத்தி²
கண்ஹஸுக்கானி ரூபானி, நத்தி² கண்ஹஸுக்கானங் ரூபானங் த³ஸ்ஸாவீ; நத்தி²
நீலகானி ரூபானி, நத்தி² நீலகானங் ரூபானங் த³ஸ்ஸாவீ; நத்தி² பீதகானி ரூபானி,
நத்தி² பீதகானங் ரூபானங் த³ஸ்ஸாவீ; நத்தி² லோஹிதகானி ரூபானி, நத்தி²
லோஹிதகானங் ரூபானங் த³ஸ்ஸாவீ; நத்தி² மஞ்ஜிட்ட²கானி ரூபானி, நத்தி²
மஞ்ஜிட்ட²கானங் ரூபானங் த³ஸ்ஸாவீ; நத்தி² ஸமவிஸமங், நத்தி² ஸமவிஸமஸ்ஸ
த³ஸ்ஸாவீ; நத்தி² தாரகரூபானி, நத்தி² தாரகரூபானங் த³ஸ்ஸாவீ; நத்தி²
சந்தி³மஸூரியா, நத்தி² சந்தி³மஸூரியானங் த³ஸ்ஸாவீ. அஹமேதங் ந ஜானாமி,
அஹமேதங் ந பஸ்ஸாமி; தஸ்மா தங் நத்தீ²’தி. ஸம்மா நு கோ² ஸோ, மாணவ, வத³மானோ
வதெ³ய்யா’’தி?

‘‘நோ ஹித³ங், போ⁴ கோ³தம. அத்தி² கண்ஹஸுக்கானி ரூபானி,
அத்தி² கண்ஹஸுக்கானங் ரூபானங் த³ஸ்ஸாவீ; அத்தி² நீலகானி ரூபானி, அத்தி²
நீலகானங் ரூபானங் த³ஸ்ஸாவீ; அத்தி² பீதகானி ரூபானி, அத்தி² பீதகானங்
ரூபானங் த³ஸ்ஸாவீ; அத்தி² லோஹிதகானி ரூபானி, அத்தி² லோஹிதகானங் ரூபானங்
த³ஸ்ஸாவீ; அத்தி² மஞ்ஜிட்ட²கானி ரூபானி, அத்தி² மஞ்ஜிட்ட²கானங் ரூபானங்
த³ஸ்ஸாவீ; அத்தி² ஸமவிஸமங், அத்தி² ஸமவிஸமஸ்ஸ த³ஸ்ஸாவீ; அத்தி² தாரகரூபானி,
அத்தி² தாரகரூபானங் த³ஸ்ஸாவீ ; அத்தி² சந்தி³மஸூரியா, அத்தி² சந்தி³மஸூரியானங் த³ஸ்ஸாவீ. ‘அஹமேதங் ந ஜானாமி, அஹமேதங் ந பஸ்ஸாமி; தஸ்மா தங் நத்தீ²’தி; ந ஹி ஸோ, போ⁴ கோ³தம, ஸம்மா வத³மானோ வதெ³ய்யா’’தி.

‘‘ஏவமேவ கோ², மாணவ, ப்³ராஹ்மணோ பொக்க²ரஸாதி ஓபமஞ்ஞோ
ஸுப⁴க³வனிகோ அந்தோ⁴ அசக்கு²கோ. ஸோ வத உத்தரிமனுஸ்ஸத⁴ம்மா
அலமரியஞாணத³ஸ்ஸனவிஸேஸங் ஞஸ்ஸதி வா த³க்க²தி வா ஸச்சி² வா கரிஸ்ஸதீதி –
நேதங் டா²னங் விஜ்ஜதி’’.

467.
‘‘தங் கிங் மஞ்ஞஸி, மாணவ, யே தே கோஸலகா ப்³ராஹ்மணமஹாஸாலா, ஸெய்யதி²த³ங் –
சங்கீ ப்³ராஹ்மணோ தாருக்கோ² ப்³ராஹ்மணோ பொக்க²ரஸாதி ப்³ராஹ்மணோ ஜாணுஸ்ஸோணி
ப்³ராஹ்மணோ பிதா ச [வா (ஸீ॰ ஸ்யா॰ கங்॰ பீ॰)] தே தோதெ³ய்யோ, கதமா நேஸங் ஸெய்யோ [ஸெய்யா (ஸ்யா॰ கங்॰)], யங் வா தே ஸம்முச்சா [ஸம்முஸா (ஸீ॰ பீ॰)] வாசங் பா⁴ஸெய்யுங் யங் வா அஸம்முச்சா’’தி? ‘‘ஸம்முச்சா, போ⁴ கோ³தம’’.

‘‘கதமா நேஸங் ஸெய்யோ, யங் வா தே மந்தா வாசங் பா⁴ஸெய்யுங் யங் வா அமந்தா’’தி? ‘‘மந்தா, போ⁴ கோ³தம’’.

‘‘கதமா நேஸங் ஸெய்யோ, யங் வா தே படிஸங்கா²ய வாசங் பா⁴ஸெய்யுங் யங் வா அப்படிஸங்கா²யா’’தி? ‘‘படிஸங்கா²ய, போ⁴ கோ³தம’’.

‘‘கதமா நேஸங் ஸெய்யோ, யங் வா தே அத்த²ஸங்ஹிதங் வாசங் பா⁴ஸெய்யுங் யங் வா அனத்த²ஸங்ஹித’’ந்தி? ‘‘அத்த²ஸங்ஹிதங், போ⁴ கோ³தம’’.

‘‘தங் கிங் மஞ்ஞஸி, மாணவ, யதி³ ஏவங் ஸந்தே, ப்³ராஹ்மணேன பொக்க²ரஸாதினா ஓபமஞ்ஞேன ஸுப⁴க³வனிகேன ஸம்முச்சா வாசா பா⁴ஸிதா அஸம்முச்சா’’தி [அஸம்முஸா வாதி (பீ॰) ஏவமிதரபஞ்ஹத்தயேபி வாஸத்³தே³ன ஸஹ தி³ஸ்ஸதி]? ‘‘அஸம்முச்சா, போ⁴ கோ³தம’’.

‘‘மந்தா வாசா பா⁴ஸிதா அமந்தா வா’’தி? ‘‘அமந்தா, போ⁴ கோ³தம’’.

‘‘படிஸங்கா²ய வாசா பா⁴ஸிதா அப்படிஸங்கா²யா’’தி? ‘‘அப்படிஸங்கா²ய, போ⁴ கோ³தம’’.

‘‘அத்த²ஸங்ஹிதா வாசா பா⁴ஸிதா அனத்த²ஸங்ஹிதா’’தி? ‘‘அனத்த²ஸங்ஹிதா, போ⁴ கோ³தம’’.

‘‘பஞ்ச
கோ² இமே, மாணவ, நீவரணா. கதமே பஞ்ச? காமச்ச²ந்த³னீவரணங், ப்³யாபாத³னீவரணங்,
தீ²னமித்³த⁴னீவரணங் உத்³த⁴ச்சகுக்குச்சனீவரணங், விசிகிச்சா²னீவரணங் – இமே
கோ², மாணவ, பஞ்ச நீவரணா. இமேஹி கோ² மாணவ, பஞ்சஹி நீவரணேஹி ப்³ராஹ்மணோ
பொக்க²ரஸாதி ஓபமஞ்ஞோ ஸுப⁴க³வனிகோ ஆவுதோ நிவுதோ ஓபு²டோ [ஓவுதோ (ஸீ॰), ஓபு²தோ (ஸ்யா॰ கங்॰ பீ॰)]
பரியோனத்³தோ⁴. ஸோ வத உத்தரிமனுஸ்ஸத⁴ம்மா அலமரியஞாணத³ஸ்ஸனவிஸேஸங் ஞஸ்ஸதி வா
த³க்க²தி வா ஸச்சி² வா கரிஸ்ஸதீதி – நேதங் டா²னங் விஜ்ஜதி.

468. ‘‘பஞ்ச
கோ² இமே, மாணவ, காமகு³ணா. கதமே பஞ்ச? சக்கு²விஞ்ஞெய்யா ரூபா இட்டா² கந்தா
மனாபா பியரூபா காமூபஸங்ஹிதா ரஜனீயா, ஸோதவிஞ்ஞெய்யா ஸத்³தா³…பே॰…
கா⁴னவிஞ்ஞெய்யா க³ந்தா⁴… ஜிவ்ஹா விஞ்ஞெய்யா ரஸா…
காயவிஞ்ஞெய்யா பொ²ட்ட²ப்³பா³ இட்டா² கந்தா மனாபா பியரூபா காமூபஸங்ஹிதா
ரஜனீயா – இமே கோ², மாணவ, பஞ்ச காமகு³ணா. இமேஹி கோ², மாணவ, பஞ்சஹி
காமகு³ணேஹி ப்³ராஹ்மணோ பொக்க²ரஸாதி ஓபமஞ்ஞோ ஸுப⁴க³வனிகோ க³தி²தோ முச்சி²தோ
அஜ்ஜோ²பன்னோ அனாதீ³னவத³ஸ்ஸாவீ அனிஸ்ஸரணபஞ்ஞோ பரிபு⁴ஞ்ஜதி. ஸோ வத
உத்தரிமனுஸ்ஸத⁴ம்மா அலமரியஞாணத³ஸ்ஸனவிஸேஸங் ஞஸ்ஸதி வா த³க்க²தி வா ஸச்சி²
வா கரிஸ்ஸதீதி – நேதங் டா²னங் விஜ்ஜதி.

‘‘தங் கிங் மஞ்ஞஸி, மாணவ, யங் வா திணகட்டு²பாதா³னங்
படிச்ச அக்³கி³ங் ஜாலெய்ய யங் வா நிஸ்ஸட்ட²திணகட்டு²பாதா³னங் அக்³கி³ங்
ஜாலெய்ய, கதமோ நு க்²வாஸ்ஸ அக்³கி³ அச்சிமா சேவ வண்ணவா ச பப⁴ஸ்ஸரோ சா’’தி?
‘‘ஸசே தங், போ⁴ கோ³தம, டா²னங் நிஸ்ஸட்ட²திணகட்டு²பாதா³னங் அக்³கி³ங்
ஜாலேதுங், ஸ்வாஸ்ஸ அக்³கி³ அச்சிமா சேவ வண்ணவா ச பப⁴ஸ்ஸரோ சா’’தி.
‘‘அட்டா²னங் கோ² ஏதங், மாணவ, அனவகாஸோ யங் நிஸ்ஸட்ட²திணகட்டு²பாதா³னங்
அக்³கி³ங் ஜாலெய்ய அஞ்ஞத்ர இத்³தி⁴மதா. ஸெய்யதா²பி, மாணவ,
திணகட்டு²பாதா³னங் படிச்ச அக்³கி³ ஜலதி ததூ²பமாஹங், மாணவ, இமங் பீதிங்
வதா³மி யாயங் பீதி பஞ்ச காமகு³ணே படிச்ச. ஸெய்யதா²பி, மாணவ, நிஸ்ஸட்ட²திணகட்டு²பாதா³னோ [நிஸ்ஸட்ட²திணகட்டு²பாதா³னங் படிச்ச (ஸீ॰ பீ॰ க॰)] அக்³கி³ ஜலதி ததூ²பமாஹங், மாணவ , இமங் பீதிங் வதா³மி யாயங் பீதி அஞ்ஞத்ரேவ காமேஹி அஞ்ஞத்ர அகுஸலேஹி த⁴ம்மேஹி.

‘‘கதமா ச, மாணவ, பீதி அஞ்ஞத்ரேவ காமேஹி அஞ்ஞத்ர
அகுஸலேஹி த⁴ம்மேஹி? இத⁴, மாணவ, பி⁴க்கு² விவிச்சேவ காமேஹி…பே॰… பட²மங்
ஜா²னங் உபஸம்பஜ்ஜ விஹரதி. அயம்பி கோ², மாணவ, பீதி அஞ்ஞத்ரேவ காமேஹி அஞ்ஞத்ர
அகுஸலேஹி த⁴ம்மேஹி. புன சபரங், மாணவ, பி⁴க்கு²
விதக்கவிசாரானங் வூபஸமா…பே॰… து³தியங் ஜா²னங் உபஸம்பஜ்ஜ விஹரதி. அயம்பி
கோ², மாணவ, பீதி அஞ்ஞத்ரேவ காமேஹி அஞ்ஞத்ர அகுஸலேஹி த⁴ம்மேஹி.

469. ‘‘யே தே, மாணவ, ப்³ராஹ்மணா பஞ்ச த⁴ம்மே பஞ்ஞபெந்தி புஞ்ஞஸ்ஸ கிரியாய குஸலஸ்ஸ ஆராத⁴னாய, கதமெத்த² [கமெத்த² (க॰ ஸீ॰ ஸ்யா॰ கங்॰ பீ॰)]
ப்³ராஹ்மணா த⁴ம்மங் மஹப்ப²லதரங் பஞ்ஞபெந்தி புஞ்ஞஸ்ஸ கிரியாய குஸலஸ்ஸ
ஆராத⁴னாயா’’தி? ‘‘யேமே, போ⁴ கோ³தம, ப்³ராஹ்மணா பஞ்ச த⁴ம்மே பஞ்ஞபெந்தி
புஞ்ஞஸ்ஸ கிரியாய குஸலஸ்ஸ ஆராத⁴னாய, சாக³மெத்த² ப்³ராஹ்மணா த⁴ம்மங் மஹப்ப²லதரங் பஞ்ஞபெந்தி புஞ்ஞஸ்ஸ கிரியாய குஸலஸ்ஸ ஆராத⁴னாயா’’தி.

‘‘தங் கி மஞ்ஞஸி, மாணவ, இத⁴ அஞ்ஞதரஸ்ஸ ப்³ராஹ்மணஸ்ஸ
மஹாயஞ்ஞோ பச்சுபட்டி²தோ அஸ்ஸ. அத² த்³வே ப்³ராஹ்மணா ஆக³ச்செ²ய்யுங் –
‘இத்த²ன்னாமஸ்ஸ ப்³ராஹ்மணஸ்ஸ மஹாயஞ்ஞங் அனுப⁴விஸ்ஸாமா’தி. தத்ரேகஸ்ஸ [தத்தே²கஸ்ஸ (பீ॰)]
ப்³ராஹ்மணஸ்ஸ ஏவமஸ்ஸ – ‘அஹோ வத! அஹமேவ லபெ⁴ய்யங் ப⁴த்தக்³கே³ அக்³கா³ஸனங்
அக்³கோ³த³கங் அக்³க³பிண்ட³ங், ந அஞ்ஞோ ப்³ராஹ்மணோ லபெ⁴ய்ய ப⁴த்தக்³கே³
அக்³கா³ஸனங் அக்³கோ³த³கங் அக்³க³பிண்ட³’ந்தி. டா²னங் கோ² பனேதங், மாணவ ,
விஜ்ஜதி யங் அஞ்ஞோ ப்³ராஹ்மணோ லபெ⁴ய்ய ப⁴த்தக்³கே³ அக்³கா³ஸனங்
அக்³கோ³த³கங் அக்³க³பிண்ட³ங், ந ஸோ ப்³ராஹ்மணோ லபெ⁴ய்ய ப⁴த்தக்³கே³
அக்³கா³ஸனங் அக்³கோ³த³கங் அக்³க³பிண்ட³ங். ‘அஞ்ஞோ ப்³ராஹ்மணோ லப⁴தி
ப⁴த்தக்³கே³ அக்³கா³ஸனங் அக்³கோ³த³கங் அக்³க³பிண்ட³ங், நாஹங் லபா⁴மி
ப⁴த்தக்³கே³ அக்³கா³ஸனங் அக்³கோ³த³கங் அக்³க³பிண்ட³’ந்தி – இதி ஸோ
குபிதோ ஹோதி அனத்தமனோ. இமஸ்ஸ பன, மாணவ, ப்³ராஹ்மணா கிங் விபாகங்
பஞ்ஞபெந்தீ’’தி? ‘‘ந க்²வெத்த², போ⁴ கோ³தம, ப்³ராஹ்மணா ஏவங் தா³னங் தெ³ந்தி
– ‘இமினா பரோ குபிதோ ஹோது அனத்தமனோ’தி. அத² க்²வெத்த² ப்³ராஹ்மணா
அனுகம்பாஜாதிகங்யேவ [அனுகம்பஜாதிகங்யேவ (ஸ்யா॰ கங்॰ க॰)]
தா³னங் தெ³ந்தீ’’தி. ‘‘ஏவங் ஸந்தே, கோ², மாணவ, ப்³ராஹ்மணானங் இத³ங்
ச²ட்ட²ங் புஞ்ஞகிரியவத்து² ஹோதி – யதி³த³ங் அனுகம்பாஜாதிக’’ந்தி. ‘‘ஏவங்
ஸந்தே, போ⁴ கோ³தம, ப்³ராஹ்மணானங் இத³ங் ச²ட்ட²ங் புஞ்ஞகிரியவத்து² ஹோதி –
யதி³த³ங் அனுகம்பாஜாதிக’’ந்தி.

‘‘யே தே, மாணவ, ப்³ராஹ்மணா பஞ்ச த⁴ம்மே பஞ்ஞபெந்தி
புஞ்ஞஸ்ஸ கிரியாய குஸலஸ்ஸ ஆராத⁴னாய, இமே த்வங் பஞ்ச த⁴ம்மே கத்த² ப³ஹுலங்
ஸமனுபஸ்ஸஸி – க³ஹட்டே²ஸு வா பப்³ப³ஜிதேஸு வா’’தி? ‘‘யேமே, போ⁴ கோ³தம,
ப்³ராஹ்மணா பஞ்ச த⁴ம்மே பஞ்ஞபெந்தி புஞ்ஞஸ்ஸ கிரியாய குஸலஸ்ஸ ஆராத⁴னாய,
இமாஹங் பஞ்ச த⁴ம்மே பப்³ப³ஜிதேஸு ப³ஹுலங்
ஸமனுபஸ்ஸாமி அப்பங் க³ஹட்டே²ஸு. க³ஹட்டோ² ஹி, போ⁴ கோ³தம, மஹட்டோ² மஹாகிச்சோ
மஹாதி⁴கரணோ மஹாஸமாரம்போ⁴, ந ஸததங் ஸமிதங் ஸச்சவாதீ³
ஹோதி; பப்³ப³ஜிதோ கோ² பன, போ⁴ கோ³தம, அப்பட்டோ² அப்பகிச்சோ அப்பாதி⁴கரணோ
அப்பஸமாரம்போ⁴, ஸததங் ஸமிதங் ஸச்சவாதீ³ ஹோதி. க³ஹட்டோ² ஹி, போ⁴ கோ³தம,
மஹட்டோ² மஹாகிச்சோ மஹாதி⁴கரணோ மஹாஸமாரம்போ⁴ ந ஸததங் ஸமிதங் தபஸ்ஸீ ஹோதி…
ப்³ரஹ்மசாரீ ஹோதி… ஸஜ்ஜா²யப³ஹுலோ ஹோதி… சாக³ப³ஹுலோ ஹோதி; பப்³ப³ஜிதோ கோ²
பன, போ⁴ கோ³தம, அப்பட்டோ² அப்பகிச்சோ அப்பாதி⁴கரணோ அப்பஸமாரம்போ⁴ ஸததங்
ஸமிதங் தபஸ்ஸீ ஹோதி… ப்³ரஹ்மசாரீ ஹோதி… ஸஜ்ஜா²யப³ஹுலோ ஹோதி… சாக³ப³ஹுலோ
ஹோதி. யேமே, போ⁴ கோ³தம, ப்³ராஹ்மணா பஞ்ச த⁴ம்மே பஞ்ஞபெந்தி புஞ்ஞஸ்ஸ
கிரியாய குஸலஸ்ஸ ஆராத⁴னாய, இமாஹங் பஞ்ச த⁴ம்மே பப்³ப³ஜிதேஸு ப³ஹுலங்
ஸமனுபஸ்ஸாமி அப்பங் க³ஹட்டே²ஸூ’’தி.

‘‘யே தே, மாணவ, ப்³ராஹ்மணா பஞ்ச த⁴ம்மே பஞ்ஞபெந்தி புஞ்ஞஸ்ஸ கிரியாய குஸலஸ்ஸ ஆராத⁴னாய சித்தஸ்ஸாஹங் ஏதே பரிக்கா²ரே
வதா³மி – யதி³த³ங் சித்தங் அவேரங் அப்³யாப³ஜ்ஜ²ங் தஸ்ஸ பா⁴வனாய. இத⁴,
மாணவ, பி⁴க்கு² ஸச்சவாதீ³ ஹோதி. ஸோ ‘ஸச்சவாதீ³ம்ஹீ’தி லப⁴தி அத்த²வேத³ங்,
லப⁴தி த⁴ம்மவேத³ங், லப⁴தி த⁴ம்மூபஸங்ஹிதங் பாமோஜ்ஜங். யங் தங்
குஸலூபஸங்ஹிதங் பாமோஜ்ஜங், சித்தஸ்ஸாஹங் ஏதங் பரிக்கா²ரங் வதா³மி –
யதி³த³ங் சித்தங் அவேரங் அப்³யாப³ஜ்ஜ²ங் தஸ்ஸ பா⁴வனாய. இத⁴, மாணவ, பி⁴க்கு²
தபஸ்ஸீ ஹோதி…பே॰… ப்³ரஹ்மசாரீ ஹோதி…பே॰… ஸஜ்ஜா²யப³ஹுலோ ஹோதி…பே॰…
சாக³ப³ஹுலோ ஹோதி. ஸோ ‘சாக³ப³ஹுலொம்ஹீ’தி லப⁴தி அத்த²வேத³ங், லப⁴தி
த⁴ம்மவேத³ங், லப⁴தி த⁴ம்மூபஸங்ஹிதங் பாமோஜ்ஜங். யங் தங் குஸலூபஸங்ஹிதங்
பாமோஜ்ஜங், சித்தஸ்ஸாஹங் ஏதங் பரிக்கா²ரங் வதா³மி – யதி³த³ங் சித்தங்
அவேரங் அப்³யாப³ஜ்ஜ²ங் தஸ்ஸ பா⁴வனாய. யே தே மாணவ,
ப்³ராஹ்மணா, பஞ்ச த⁴ம்மே பஞ்ஞபெந்தி புஞ்ஞஸ்ஸ கிரியாய குஸலஸ்ஸ ஆராத⁴னாய,
சித்தஸ்ஸாஹங் ஏதே பரிக்கா²ரே வதா³மி – யதி³த³ங் சித்தங் அவேரங்
அப்³யாப³ஜ்ஜ²ங் தஸ்ஸ பா⁴வனாயா’’தி.

470.
ஏவங் வுத்தே, ஸுபோ⁴ மாணவோ தோதெ³ய்யபுத்தோ ப⁴க³வந்தங் ஏதத³வோச – ‘‘ஸுதங்
மேதங், போ⁴ கோ³தம – ‘ஸமணோ கோ³தமோ ப்³ரஹ்மானங் ஸஹப்³யதாய மக்³க³ங்
ஜானாதீ’’’தி.

‘‘தங் கிங் மஞ்ஞஸி, மாணவ, ஆஸன்னே இதோ நளகாரகா³மோ, ந யிதோ தூ³ரே நளகாரகா³மோ’’தி?

‘‘ஏவங், போ⁴, ஆஸன்னே இதோ நளகாரகா³மோ , ந யிதோ தூ³ரே நளகாரகா³மோ’’தி.

‘‘தங், கிங் மஞ்ஞஸி மாணவ, இத⁴ஸ்ஸ புரிஸோ நளகாரகா³மே ஜாதவத்³தோ⁴ [ஜாதவட்³டோ⁴ (ஸ்யா॰ கங்॰ க॰)]; தமேனங் நளகாரகா³மதோ தாவதே³வ அவஸடங் [அபஸக்கங் (ஸ்யா॰ கங்॰ க॰)] நளகாரகா³மஸ்ஸ மக்³க³ங் புச்செ²ய்யுங்; ஸியா நு கோ², மாணவ, தஸ்ஸ புரிஸஸ்ஸ நளகாரகா³மே ஜாதவத்³த⁴ஸ்ஸ நளகாரகா³மஸ்ஸ மக்³க³ங் புட்ட²ஸ்ஸ த³ந்தா⁴யிதத்தங் வா வித்தா²யிதத்தங் வா’’தி?

‘‘நோ ஹித³ங், போ⁴ கோ³தம’’.

‘‘தங் கிஸ்ஸ ஹேது’’?

‘‘அமு ஹி, போ⁴ கோ³தம, புரிஸோ நளகாரகா³மே ஜாதவத்³தோ⁴.
தஸ்ஸ ஸப்³பா³னேவ நளகாரகா³மஸ்ஸ மக்³கா³னி ஸுவிதி³தானீ’’தி. ‘‘ஸியா நு கோ²,
மாணவ, தஸ்ஸ புரிஸஸ்ஸ நளகாரகா³மே ஜாதவத்³த⁴ஸ்ஸ நளகாரகா³மஸ்ஸ மக்³க³ங்
புட்ட²ஸ்ஸ த³ந்தா⁴யிதத்தங் வா வித்தா²யிதத்தங்
வாதி, ந த்வேவ ததா²க³தஸ்ஸ ப்³ரஹ்மலோகங் வா ப்³ரஹ்மலோககா³மினிங் வா படிபத³ங்
புட்ட²ஸ்ஸ த³ந்தா⁴யிதத்தங் வா வித்தா²யிதத்தங் வா. ப்³ரஹ்மானஞ்சாஹங்,
மாணவ, பஜானாமி ப்³ரஹ்மலோகஞ்ச ப்³ரஹ்மலோககா³மினிஞ்ச படிபத³ங்; யதா²படிபன்னோ ச
ப்³ரஹ்மலோகங் உபபன்னோ தஞ்ச பஜானாமீ’’தி .

‘‘ஸுதங் மேதங், போ⁴ கோ³தம – ‘ஸமணோ கோ³தமோ ப்³ரஹ்மானங்
ஸஹப்³யதாய மக்³க³ங் தே³ஸேதீ’தி. ஸாது⁴ மே ப⁴வங் கோ³தமோ ப்³ரஹ்மானங்
ஸஹப்³யதாய மக்³க³ங் தே³ஸேதூ’’தி.

‘‘தேன ஹி, மாணவ, ஸுணாஹி, ஸாது⁴கங் மனஸி கரோஹி,
பா⁴ஸிஸ்ஸாமீ’’தி. ‘‘ஏவங் போ⁴’’தி கோ² ஸுபோ⁴ மாணவோ தோதெ³ய்யபுத்தோ ப⁴க³வதோ
பச்சஸ்ஸோஸி. ப⁴க³வா ஏதத³வோச –

471.
‘‘கதமோ ச, மாணவ, ப்³ரஹ்மானங் ஸஹப்³யதாய மக்³கோ³? இத⁴, மாணவ, பி⁴க்கு²
மெத்தாஸஹக³தேன சேதஸா ஏகங் தி³ஸங் ப²ரித்வா விஹரதி, ததா² து³தியங், ததா²
ததியங், ததா² சதுத்த²ங்; இதி உத்³த⁴மதோ⁴ திரியங் ஸப்³ப³தி⁴ ஸப்³ப³த்ததாய
ஸப்³பா³வந்தங் லோகங் மெத்தாஸஹக³தேன சேதஸா விபுலேன மஹக்³க³தேன அப்பமாணேன
அவேரேன அப்³யாப³ஜ்ஜே²ன ப²ரித்வா விஹரதி. ஏவங் பா⁴விதாய கோ², மாணவ, மெத்தாய
சேதோவிமுத்தியா யங் பமாணகதங் கம்மங் ந தங் தத்ராவஸிஸ்ஸதி, ந தங்
தத்ராவதிட்ட²தி. ஸெய்யதா²பி, மாணவ, ப³லவா ஸங்க²த⁴மோ அப்பகஸிரேனேவ
சாதுத்³தி³ஸா விஞ்ஞாபெய்ய [ஏவமேவ கோ² மாணவ ஏவங்
பா⁴விதாய மெத்தாய (ஸீ॰ ஸ்யா॰ கங்॰ பீ॰ தீ³॰ நி॰ 1.556) ததா²பி இத⁴ பாடோ²யேவ
உபமாய ஸங்ஸந்தி³யமானோ பரிபுண்ணோ விய தி³ஸ்ஸதி]; ஏவமேவ கோ², மாணவ…பே॰… ஏவங் பா⁴விதாய கோ², மாணவ, மெத்தாய [ஏவமேவ
கோ² மாணவ ஏவங் பா⁴விதாய மெத்தாய (ஸீ॰ ஸ்யா॰ கங்॰ பீ॰ தீ³॰ நி॰ 1.556)
ததா²பி இத⁴ பாடோ²யேவ உபமாய ஸங்ஸந்தி³யமானோ பரிபுண்ணோ விய தி³ஸ்ஸதி] சேதோவிமுத்தியா யங் பமாணகதங் கம்மங் ந தங் தத்ராவஸிஸ்ஸதி, ந தங் தத்ராவதிட்ட²தி. அயம்பி கோ², மாணவ, ப்³ரஹ்மானங் ஸஹப்³யதாய மக்³கோ³. ‘‘புன
சபரங், மாணவ, பி⁴க்கு² கருணாஸஹக³தேன சேதஸா…பே॰… முதி³தாஸஹக³தேன சேதஸா…பே॰…
உபெக்கா²ஸஹக³தேன சேதஸா ஏகங் தி³ஸங் ப²ரித்வா விஹரதி, ததா² து³தியங், ததா²
ததியங், ததா² சதுத்த²ங்; இதி உத்³த⁴மதோ⁴ திரியங் ஸப்³ப³தி⁴ ஸப்³ப³த்ததாய
ஸப்³பா³வந்தங் லோகங் உபெக்கா²ஸஹக³தேன சேதஸா விபுலேன மஹக்³க³தேன அப்பமாணேன
அவேரேன அப்³யாப³ஜ்ஜே²ன ப²ரித்வா விஹரதி. ஏவங் பா⁴விதாய கோ², மாணவ,
உபெக்கா²ய சேதோவிமுத்தியா யங் பமாணகதங் கம்மங் ந தங் தத்ராவஸிஸ்ஸதி, ந தங்
தத்ராவதிட்ட²தி. ஸெய்யதா²பி, மாணவ, ப³லவா ஸங்க²த⁴மோ அப்பகஸிரேனேவ
சாதுத்³தி³ஸா விஞ்ஞாபெய்ய; ஏவமேவ கோ², மாணவ…பே॰… ஏவங் பா⁴விதாய கோ², மாணவ,
உபெக்கா²ய சேதோவிமுத்தியா யங் பமாணகதங் கம்மங் ந தங் தத்ராவஸிஸ்ஸதி, ந தங்
தத்ராவதிட்ட²தி. அயம்பி கோ², மாணவ, ப்³ரஹ்மானங் ஸஹப்³யதாய மக்³கோ³’’தி.

472.
ஏவங் வுத்தே, ஸுபோ⁴ மாணவோ தோதெ³ய்யபுத்தோ ப⁴க³வந்தங் ஏதத³வோச –
‘‘அபி⁴க்கந்தங், போ⁴ கோ³தம, அபி⁴க்கந்தங், போ⁴ கோ³தம! ஸெய்யதா²பி, போ⁴
கோ³தம, நிக்குஜ்ஜிதங் வா உக்குஜ்ஜெய்ய, படிச்ச²ன்னங் வா விவரெய்ய, மூள்ஹஸ்ஸ
வா மக்³க³ங் ஆசிக்கெ²ய்ய, அந்த⁴காரே வா தேலபஜ்ஜோதங் தா⁴ரெய்ய –
சக்கு²மந்தோ ரூபானி த³க்க²ந்தீதி – ஏவமேவங் போ⁴தா கோ³தமேன அனேகபரியாயேன
த⁴ம்மோ பகாஸிதோ. ஏஸாஹங் ப⁴வந்தங் கோ³தமங் ஸரணங் க³ச்சா²மி த⁴ம்மஞ்ச
பி⁴க்கு²ஸங்க⁴ஞ்ச. உபாஸகங் மங் ப⁴வங் கோ³தமோ தா⁴ரேது அஜ்ஜதக்³கே³ பாணுபேதங்
ஸரணங் க³தங். ஹந்த³, ச தா³னி மயங், போ⁴ கோ³தம, க³ச்சா²ம; ப³ஹுகிச்சா மயங்
ப³ஹுகரணீயா’’தி. ‘‘யஸ்ஸதா³னி த்வங், மாணவ, காலங் மஞ்ஞஸீ’’தி. அத² கோ² ஸுபோ⁴
மாணவோ தோதெ³ய்யபுத்தோ ப⁴க³வதோ பா⁴ஸிதங் அபி⁴னந்தி³த்வா அனுமோதி³த்வா
உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங் கத்வா பக்காமி.

தேன கோ² பன ஸமயேன ஜாணுஸ்ஸோணி ப்³ராஹ்மணோ ஸப்³ப³ஸேதேன வளவாபி⁴ரதே²ன [வளபீ⁴ரதே²ன (ஸீ॰)] ஸாவத்தி²யா நிய்யாதி தி³வா தி³வஸ்ஸ. அத்³த³ஸா கோ² ஜாணுஸ்ஸோணி
ப்³ராஹ்மணோ ஸுப⁴ங் மாணவங் தோதெ³ய்யபுத்தங் தூ³ரதோவ ஆக³ச்ச²ந்தங். தி³ஸ்வான
ஸுப⁴ங் மாணவங் தோதெ³ய்யபுத்தங் ஏதத³வோச – ‘‘ஹந்த³, குதோ நு ப⁴வங்
பா⁴ரத்³வாஜோ ஆக³ச்ச²தி தி³வா தி³வஸ்ஸா’’தி? ‘‘இதோ ஹி கோ² அஹங், போ⁴ ,
ஆக³ச்சா²மி ஸமணஸ்ஸ கோ³தமஸ்ஸ ஸந்திகா’’தி. ‘‘தங் கிங் மஞ்ஞஸி, ப⁴வங்
பா⁴ரத்³வாஜோ, ஸமணஸ்ஸ கோ³தமஸ்ஸ பஞ்ஞாவெய்யத்தியங் பண்டி³தோ மஞ்ஞேதி’’? ‘‘கோ சாஹங், போ⁴, கோ ச ஸமணஸ்ஸ கோ³தமஸ்ஸ பஞ்ஞாவெய்யத்தியங்
ஜானிஸ்ஸாமி? ஸோபி நூனஸ்ஸ தாதி³ஸோவ யோ ஸமணஸ்ஸ கோ³தமஸ்ஸ பஞ்ஞாவெய்யத்தியங்
ஜானெய்யா’’தி. ‘‘உளாராய க²லு, ப⁴வங் பா⁴ரத்³வாஜோ, ஸமணங் கோ³தமங் பஸங்ஸாய
பஸங்ஸதீ’’தி. ‘‘கோ சாஹங், போ⁴, கோ ச ஸமணங் கோ³தமங் பஸங்ஸிஸ்ஸாமி?
பஸத்த²பஸத்தோ²வ ஸோ ப⁴வங் கோ³தமோ ஸெட்டோ² தே³வமனுஸ்ஸானங். யே சிமே, போ⁴,
ப்³ராஹ்மணா பஞ்ச த⁴ம்மே பஞ்ஞபெந்தி புஞ்ஞஸ்ஸ கிரியாய குஸலஸ்ஸ ஆராத⁴னாய;
சித்தஸ்ஸேதே ஸமணோ கோ³தமோ பரிக்கா²ரே வதே³தி – யதி³த³ங் சித்தங் அவேரங்
அப்³யாப³ஜ்ஜ²ங் தஸ்ஸ பா⁴வனாயா’’தி.

ஏவங் வுத்தே, ஜாணுஸ்ஸோணி ப்³ராஹ்மணோ ஸப்³ப³ஸேதா
வளவாபி⁴ரதா² ஓரோஹித்வா ஏகங்ஸங் உத்தராஸங்க³ங் கரித்வா யேன ப⁴க³வா
தேனஞ்ஜலிங் பணாமெத்வா உதா³னங் உதா³னேஸி – ‘‘லாபா⁴ ரஞ்ஞோ பஸேனதி³ஸ்ஸ
கோஸலஸ்ஸ, ஸுலத்³த⁴லாபா⁴ ரஞ்ஞோ பஸேனதி³ஸ்ஸ கோஸலஸ்ஸ யஸ்ஸ விஜிதே ததா²க³தோ
விஹரதி அரஹங் ஸம்மாஸம்பு³த்³தோ⁴’’தி.

ஸுப⁴ஸுத்தங் நிட்டி²தங் நவமங்.

10. ஸங்கா³ரவஸுத்தங்

473. ஏவங் மே ஸுதங் – ஏகங் ஸமயங் ப⁴க³வா கோஸலேஸு சாரிகங் சரதி மஹதா பி⁴க்கு²ஸங்கே⁴ன ஸத்³தி⁴ங். தேன கோ² பன ஸமயேன த⁴னஞ்ஜானீ [தா⁴னஞ்ஜானீ (ஸீ॰ பீ॰)] நாம ப்³ராஹ்மணீ சஞ்சலிகப்பே [மண்ட³லகப்பே (ஸீ॰), பச்சலகப்பே (ஸ்யா॰ கங்॰), சண்ட³லகப்பே (பீ॰)]
படிவஸதி அபி⁴ப்பஸன்னா பு³த்³தே⁴ ச த⁴ம்மே ச ஸங்கே⁴ ச. அத² கோ² த⁴னஞ்ஜானீ
ப்³ராஹ்மணீ உபக்க²லித்வா திக்க²த்துங் உதா³னங் உதா³னேஸி – ‘‘நமோ தஸ்ஸ
ப⁴க³வதோ அரஹதோ ஸம்மாஸம்பு³த்³த⁴ஸ்ஸ. நமோ தஸ்ஸ ப⁴க³வதோ அரஹதோ
ஸம்மாஸம்பு³த்³த⁴ஸ்ஸ. நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸா’’தி .

தேன கோ² பன ஸமயேன ஸங்கா³ரவோ நாம மாணவோ சஞ்சலிகப்பே
படிவஸதி திண்ணங் வேதா³னங் பாரகூ³ ஸனிக⁴ண்டு³கேடுபா⁴னங் ஸாக்க²ரப்பபே⁴தா³னங்
இதிஹாஸபஞ்சமானங் , பத³கோ, வெய்யாகரணோ,
லோகாயதமஹாபுரிஸலக்க²ணேஸு அனவயோ. அஸ்ஸோஸி கோ² ஸங்கா³ரவோ மாணவோ த⁴னஞ்ஜானியா
ப்³ராஹ்மணியா ஏவங் வாசங் பா⁴ஸமானாய. ஸுத்வா த⁴னஞ்ஜானிங் ப்³ராஹ்மணிங்
ஏதத³வோச – ‘‘அவபூ⁴தாவ அயங் [அவபூ⁴தா சயங் (ஸீ॰ ஸ்யா॰ கங்॰ பீ॰)] த⁴னஞ்ஜானீ ப்³ராஹ்மணீ, பரபூ⁴தாவ அயங் [பராபூ⁴தா சயங் (ஸீ॰ ஸ்யா॰ கங்॰ பீ॰)] த⁴னஞ்ஜானீ ப்³ராஹ்மணீ, விஜ்ஜமானானங் (தேவிஜ்ஜானங்) [( ) ஸீ॰ ஸ்யா॰ கங்॰ பீ॰ பொத்த²கேஸு நத்தி²] ப்³ராஹ்மணானங், அத² ச பன தஸ்ஸ முண்ட³கஸ்ஸ ஸமணகஸ்ஸ வண்ணங் பா⁴ஸிஸ்ஸதீ’’தி [பா⁴ஸதீதி (ஸீ॰ ஸ்யா॰ கங்॰ பீ)].
‘‘ந ஹி பன த்வங், தாத ப⁴த்³ரமுக², தஸ்ஸ ப⁴க³வதோ ஸீலபஞ்ஞாணங் ஜானாஸி. ஸசே
த்வங், தாத ப⁴த்³ரமுக², தஸ்ஸ ப⁴க³வதோ ஸீலபஞ்ஞாணங் ஜானெய்யாஸி, ந த்வங், தாத
ப⁴த்³ரமுக², தங் ப⁴க³வந்தங் அக்கோஸிதப்³ப³ங் பரிபா⁴ஸிதப்³ப³ங்
மஞ்ஞெய்யாஸீ’’தி. ‘‘தேன ஹி, போ⁴தி, யதா³ ஸமணோ கோ³தமோ சஞ்சலிகப்பங்
அனுப்பத்தோ ஹோதி அத² மே ஆரோசெய்யாஸீ’’தி. ‘‘ஏவங், ப⁴த்³ரமுகா²’’தி கோ² த⁴னஞ்ஜானீ ப்³ராஹ்மணீ ஸங்கா³ரவஸ்ஸ மாணவஸ்ஸ பச்சஸ்ஸோஸி.

அத² கோ² ப⁴க³வா கோஸலேஸு அனுபுப்³பே³ன சாரிகங் சரமானோ
யேன சஞ்சலிகப்பங் தத³வஸரி. தத்ர ஸுத³ங் ப⁴க³வா சஞ்சலிகப்பே விஹரதி
தோதெ³ய்யானங் ப்³ராஹ்மணானங் அம்ப³வனே. அஸ்ஸோஸி கோ² த⁴னஞ்ஜானீ ப்³ராஹ்மணீ –
‘‘ப⁴க³வா கிர சஞ்சலிகப்பங் அனுப்பத்தோ, சஞ்சலிகப்பே விஹரதி தோதெ³ய்யானங்
ப்³ராஹ்மணானங் அம்ப³வனே’’தி. அத² கோ² த⁴னஞ்ஜானீ ப்³ராஹ்மணீ யேன ஸங்கா³ரவோ
மாணவோ தேனுபஸங்கமி ; உபஸங்கமித்வா ஸங்கா³ரவங் மாணவங்
ஏதத³வோச – ‘‘அயங், தாத ப⁴த்³ரமுக², ஸோ ப⁴க³வா சஞ்சலிகப்பங் அனுப்பத்தோ,
சஞ்சலிகப்பே விஹரதி தோதெ³ய்யானங் ப்³ராஹ்மணானங் அம்ப³வனே. யஸ்ஸதா³னி, தாத
ப⁴த்³ரமுக², காலங் மஞ்ஞஸீ’’தி.

474.
‘‘ஏவங், போ⁴’’தி கோ² ஸங்கா³ரவோ மாணவோ த⁴னஞ்ஜானியா ப்³ராஹ்மணியா
படிஸ்ஸுத்வா யேன ப⁴க³வா தேனுபஸங்கமி; உபஸங்கமித்வா ப⁴க³வதா ஸத்³தி⁴ங்
ஸம்மோதி³. ஸம்மோத³னீயங் கத²ங் ஸாரணீயங்
வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² ஸங்கா³ரவோ மாணவோ
ப⁴க³வந்தங் ஏதத³வோச – ‘‘ஸந்தி கோ², போ⁴ கோ³தம, ஏகே ஸமணப்³ராஹ்மணா
தி³ட்ட²த⁴ம்மாபி⁴ஞ்ஞாவோஸானபாரமிப்பத்தா, ஆதி³ப்³ரஹ்மசரியங் படிஜானந்தி.
தத்ர, போ⁴ கோ³தம, யே தே ஸமணப்³ராஹ்மணா
தி³ட்ட²த⁴ம்மாபி⁴ஞ்ஞாவோஸானபாரமிப்பத்தா, ஆதி³ப்³ரஹ்மசரியங் படிஜானந்தி,
தேஸங் ப⁴வங் கோ³தமோ கதமோ’’தி? ‘‘தி³ட்ட²த⁴ம்மாபி⁴ஞ்ஞாவோஸானபாரமிப்பத்தானங்,
ஆதி³ப்³ரஹ்மசரியங் படிஜானந்தானம்பி கோ² அஹங்,
பா⁴ரத்³வாஜ, வேமத்தங் வதா³மி. ஸந்தி, பா⁴ரத்³வாஜ, ஏகே ஸமணப்³ராஹ்மணா
அனுஸ்ஸவிகா. தே அனுஸ்ஸவேன தி³ட்ட²த⁴ம்மாபி⁴ஞ்ஞாவோஸானபாரமிப்பத்தா,
ஆதி³ப்³ரஹ்மசரியங் படிஜானந்தி; ஸெய்யதா²பி ப்³ராஹ்மணா தேவிஜ்ஜா. ஸந்தி பன,
பா⁴ரத்³வாஜ, ஏகே ஸமணப்³ராஹ்மணா கேவலங் ஸத்³தா⁴மத்தகேன
தி³ட்ட²த⁴ம்மாபி⁴ஞ்ஞாவோஸானபாரமிப்பத்தா, ஆதி³ப்³ரஹ்மசரியங் படிஜானந்தி;
ஸெய்யதா²பி தக்கீ வீமங்ஸீ. ஸந்தி, பா⁴ரத்³வாஜ, ஏகே ஸமணப்³ராஹ்மணா புப்³பே³
அனநுஸ்ஸுதேஸு த⁴ம்மேஸு ஸாமங்யேவ த⁴ம்மங் அபி⁴ஞ்ஞாய
தி³ட்ட²த⁴ம்மாபி⁴ஞ்ஞாவோஸானபாரமிப்பத்தா, ஆதி³ப்³ரஹ்மசரியங் படிஜானந்தி.
தத்ர, பா⁴ரத்³வாஜ, யே தே ஸமணப்³ராஹ்மணா புப்³பே³ அனநுஸ்ஸுதேஸு த⁴ம்மேஸு
ஸாமங்யேவ த⁴ம்மங் அபி⁴ஞ்ஞாய தி³ட்ட²த⁴ம்மாபி⁴ஞ்ஞாவோஸானபாரமிப்பத்தா,
ஆதி³ப்³ரஹ்மசரியங் படிஜானந்தி, தேஸாஹமஸ்மி. தத³மினாபேதங், பா⁴ரத்³வாஜ,
பரியாயேன வேதி³தப்³ப³ங், யதா² யே தே ஸமணப்³ராஹ்மணா புப்³பே³ அனநுஸ்ஸுதேஸு
த⁴ம்மேஸு ஸாமங்யேவ த⁴ம்மங் அபி⁴ஞ்ஞாய
தி³ட்ட²த⁴ம்மாபி⁴ஞ்ஞாவோஸானபாரமிப்பத்தா, ஆதி³ப்³ரஹ்மசரியங் படிஜானந்தி,
தேஸாஹமஸ்மி.

475.
‘‘இத⁴ மே, பா⁴ரத்³வாஜ, புப்³பே³வ ஸம்போ³தா⁴ அனபி⁴ஸம்பு³த்³த⁴ஸ்ஸ
போ³தி⁴ஸத்தஸ்ஸேவ ஸதோ ஏதத³ஹோஸி – ‘ஸம்பா³தோ⁴ க⁴ராவாஸோ ரஜாபதோ², அப்³போ⁴காஸோ
பப்³ப³ஜ்ஜா. நயித³ங் ஸுகரங் அகா³ரங் அஜ்ஜா²வஸதா ஏகந்தபரிபுண்ணங்
ஏகந்தபரிஸுத்³த⁴ங் ஸங்க²லிகி²தங் ப்³ரஹ்மசரியங் சரிதுங். யங்னூனாஹங்
கேஸமஸ்ஸுங் ஓஹாரெத்வா காஸாயானி வத்தா²னி அச்சா²தெ³த்வா அகா³ரஸ்மா
அனகா³ரியங் பப்³ப³ஜெய்ய’ந்தி. ஸோ கோ² அஹங், பா⁴ரத்³வாஜ, அபரேன ஸமயேன த³ஹரோவ ஸமானோ ஸுஸுகாளகேஸோ ப⁴த்³ரேன யொப்³ப³னேன ஸமன்னாக³தோ
பட²மேன வயஸா அகாமகானங் மாதாபிதூனங் அஸ்ஸுமுகா²னங் ருத³ந்தானங் கேஸமஸ்ஸுங்
ஓஹாரெத்வா காஸாயானி வத்தா²னி அச்சா²தெ³த்வா அகா³ரஸ்மா அனகா³ரியங்
பப்³ப³ஜிங். ஸோ ஏவங் பப்³ப³ஜிதோ ஸமானோ கிங்குஸலக³வேஸீ அனுத்தரங்
ஸந்திவரபத³ங் பரியேஸமானோ யேன ஆளாரோ காலாமோ தேனுபஸங்கமிங்; உபஸங்கமித்வா
ஆளாரங் காலாமங் ஏதத³வோசங் – ‘இச்சா²மஹங், ஆவுஸோ காலாம, இமஸ்மிங் த⁴ம்மவினயே
ப்³ரஹ்மசரியங் சரிது’ந்தி. ஏவங் வுத்தே, பா⁴ரத்³வாஜ, ஆளாரோ காலாமோ மங்
ஏதத³வோச – ‘விஹரதாயஸ்மா. தாதி³ஸோ அயங் த⁴ம்மோ யத்த² விஞ்ஞூ புரிஸோ
நசிரஸ்ஸேவ ஸகங் ஆசரியகங் ஸயங் அபி⁴ஞ்ஞா ஸச்சி²கத்வா
உபஸம்பஜ்ஜ விஹரெய்யா’தி. ஸோ கோ² அஹங், பா⁴ரத்³வாஜ, நசிரஸ்ஸேவ கி²ப்பமேவ
தங் த⁴ம்மங் பரியாபுணிங். ஸோ கோ² அஹங், பா⁴ரத்³வாஜ, தாவதகேனேவ
ஒட்ட²பஹதமத்தேன லபிதலாபனமத்தேன ‘ஞாணவாத³ஞ்ச வதா³மி, தே²ரவாத³ஞ்ச ஜானாமி,
பஸ்ஸாமீ’தி ச படிஜானாமி, அஹஞ்சேவ அஞ்ஞே ச. தஸ்ஸ மய்ஹங், பா⁴ரத்³வாஜ,
ஏதத³ஹோஸி – ‘ந கோ² ஆளாரோ காலாமோ இமங் த⁴ம்மங் கேவலங் ஸத்³தா⁴மத்தகேன ஸயங்
அபி⁴ஞ்ஞா ஸச்சி²கத்வா உபஸம்பஜ்ஜ விஹராமீதி பவேதே³தி; அத்³தா⁴ ஆளாரோ காலாமோ
இமங் த⁴ம்மங் ஜானங் பஸ்ஸங் விஹரதீ’தி.

‘‘அத² க்²வாஹங், பா⁴ரத்³வாஜ, யேன ஆளாரோ காலாமோ
தேனுபஸங்கமிங்; உபஸங்கமித்வா ஆளாரங் காலாமங் ஏதத³வோசங் – ‘கித்தாவதா நோ,
ஆவுஸோ காலாம, இமங் த⁴ம்மங் ஸயங் அபி⁴ஞ்ஞா
ஸச்சி²கத்வா உபஸம்பஜ்ஜ விஹராமீதி பவேதே³ஸீ’தி? ஏவங் வுத்தே, பா⁴ரத்³வாஜ,
ஆளாரோ காலாமோ ஆகிஞ்சஞ்ஞாயதனங் பவேதே³ஸி. தஸ்ஸ மய்ஹங், பா⁴ரத்³வாஜ, ஏதத³ஹோஸி
– ‘ந கோ² ஆளாரஸ்ஸேவ காலாமஸ்ஸ அத்தி² ஸத்³தா⁴, மய்ஹங்பத்தி² ஸத்³தா⁴; ந கோ²
ஆளாரஸ்ஸேவ காலாமஸ்ஸ அத்தி² வீரியங்…பே॰… ஸதி… ஸமாதி⁴… பஞ்ஞா, மய்ஹங்பத்தி²
பஞ்ஞா. யங்னூனாஹங் யங் த⁴ம்மங் ஆளாரோ காலாமோ ஸயங் அபி⁴ஞ்ஞா ஸச்சி²கத்வா
உபஸம்பஜ்ஜ விஹராமீதி பவேதே³தி தஸ்ஸ த⁴ம்மஸ்ஸ ஸச்சி²கிரியாய பத³ஹெய்ய’ந்தி.
ஸோ கோ² அஹங், பா⁴ரத்³வாஜ, நசிரஸ்ஸேவ கி²ப்பமேவ தங் த⁴ம்மங் ஸயங் அபி⁴ஞ்ஞா
ஸச்சி²கத்வா உபஸம்பஜ்ஜ விஹாஸிங். அத² க்²வாஹங், பா⁴ரத்³வாஜ, யேன ஆளாரோ
காலாமோ தேனுபஸங்கமிங்; உபஸங்கமித்வா ஆளாரங் காலாமங் ஏதத³வோசங் – ‘எத்தாவதா
நோ, ஆவுஸோ காலாம, இமங் த⁴ம்மங் ஸயங் அபி⁴ஞ்ஞா ஸச்சி²கத்வா உபஸம்பஜ்ஜ
பவேதே³ஸீ’தி? ‘எத்தாவதா கோ² அஹங், ஆவுஸோ, இமங் த⁴ம்மங் ஸயங் அபி⁴ஞ்ஞா
ஸச்சி²கத்வா உபஸம்பஜ்ஜ பவேதே³மீ’தி. ‘அஹம்பி கோ², ஆவுஸோ, எத்தாவதா இமங்
த⁴ம்மங் ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹராமீ’தி. ‘லாபா⁴ நோ,
ஆவுஸோ, ஸுலத்³த⁴ங் நோ, ஆவுஸோ, யே மயங் ஆயஸ்மந்தங் தாதி³ஸங் ஸப்³ரஹ்மசாரிங்
பஸ்ஸாம. இதி யாஹங் த⁴ம்மங் ஸயங் அபி⁴ஞ்ஞா ஸச்சி²கத்வா உபஸம்பஜ்ஜ பவேதே³மி
தங் த்வங் த⁴ம்மங் ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரஸி; யங் த்வங்
த⁴ம்மங் ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரஸி தமஹங் த⁴ம்மங் ஸயங்
அபி⁴ஞ்ஞா ஸச்சி²கத்வா உபஸம்பஜ்ஜ பவேதே³மி. இதி யாஹங் த⁴ம்மங் ஜானாமி தங் த்வங் த⁴ம்மங் ஜானாஸி, யங் த்வங் த⁴ம்மங் ஜானாஸி தமஹங் த⁴ம்மங் ஜானாமி .
இதி யாதி³ஸோ அஹங் தாதி³ஸோ துவங், யாதி³ஸோ துவங் தாதி³ஸோ அஹங். ஏஹி தா³னி,
ஆவுஸோ, உபோ⁴வ ஸந்தா இமங் க³ணங் பரிஹராமா’தி. இதி கோ², பா⁴ரத்³வாஜ, ஆளாரோ
காலாமோ ஆசரியோ மே ஸமானோ அத்தனோ அந்தேவாஸிங் மங் ஸமானங் அத்தனா ஸமஸமங்
ட²பேஸி, உளாராய ச மங் பூஜாய பூஜேஸி. தஸ்ஸ மய்ஹங், பா⁴ரத்³வாஜ, ஏதத³ஹோஸி –
‘நாயங் த⁴ம்மோ நிப்³பி³தா³ய ந விராகா³ய ந நிரோதா⁴ய ந உபஸமாய ந அபி⁴ஞ்ஞாய ந
ஸம்போ³தா⁴ய ந நிப்³பா³னாய ஸங்வத்ததி, யாவதே³வ ஆகிஞ்சஞ்ஞாயதனூபபத்தியா’தி.
ஸோ கோ² அஹங், பா⁴ரத்³வாஜ, தங் த⁴ம்மங் அனலங்கரித்வா தஸ்மா த⁴ம்மா
நிப்³பி³ஜ்ஜ அபக்கமிங்.

476.
‘‘ஸோ கோ² அஹங், பா⁴ரத்³வாஜ, கிங்குஸலக³வேஸீ அனுத்தரங் ஸந்திவரபத³ங்
பரியேஸமானோ யேன உத³கோ ராமபுத்தோ தேனுபஸங்கமிங்; உபஸங்கமித்வா உத³கங்
ராமபுத்தங் ஏதத³வோசங் – ‘இச்சா²மஹங், ஆவுஸோ [பஸ்ஸ ம॰ நி॰ 1.278 பாஸராஸிஸுத்தே],
இமஸ்மிங் த⁴ம்மவினயே ப்³ரஹ்மசரியங் சரிது’ந்தி. ஏவங் வுத்தே, பா⁴ரத்³வாஜ,
உத³கோ ராமபுத்தோ மங் ஏதத³வோச – ‘விஹரதாயஸ்மா. தாதி³ஸோ அயங் த⁴ம்மோ யத்த²
விஞ்ஞூ புரிஸோ நசிரஸ்ஸேவ ஸகங் ஆசரியகங் ஸயங் அபி⁴ஞ்ஞா ஸச்சி²கத்வா
உபஸம்பஜ்ஜ விஹரெய்யா’தி. ஸோ கோ² அஹங், பா⁴ரத்³வாஜ, நசிரஸ்ஸேவ கி²ப்பமேவ தங்
த⁴ம்மங் பரியாபுணிங். ஸோ கோ² அஹங், பா⁴ரத்³வாஜ, தாவதகேனேவ ஒட்ட²பஹதமத்தேன
லபிதலாபனமத்தேன ‘ஞாணவாத³ஞ்ச வதா³மி, தே²ரவாத³ஞ்ச ஜானாமி, பஸ்ஸாமீ’தி ச
படிஜானாமி, அஹஞ்சேவ அஞ்ஞே ச . தஸ்ஸ மய்ஹங்,
பா⁴ரத்³வாஜ, ஏதத³ஹோஸி – ‘ந கோ² ராமோ இமங் த⁴ம்மங் கேவலங் ஸத்³தா⁴மத்தகேன
ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹராமீதி பவேதே³ஸி; அத்³தா⁴ ராமோ
இமங் த⁴ம்மங் ஜானங் பஸ்ஸங் விஹாஸீ’தி. அத² க்²வாஹங், பா⁴ரத்³வாஜ, யேன உத³கோ
ராமபுத்தோ தேனுபஸங்கமிங்; உபஸங்கமித்வா உத³கங் ராமபுத்தங் ஏதத³வோசங் –
‘கித்தாவதா நோ, ஆவுஸோ, ராமோ இமங் த⁴ம்மங் ஸயங் அபி⁴ஞ்ஞா ஸச்சி²கத்வா
உபஸம்பஜ்ஜ விஹராமீதி பவேதே³ஸீ’தி? ஏவங் வுத்தே, பா⁴ரத்³வாஜ, உத³கோ
ராமபுத்தோ நேவஸஞ்ஞானாஸஞ்ஞாயதனங் பவேதே³ஸி. தஸ்ஸ மய்ஹங், பா⁴ரத்³வாஜ,
ஏதத³ஹோஸி – ‘ந கோ² ராமஸ்ஸேவ அஹோஸி ஸத்³தா⁴, மய்ஹங்பத்தி² ஸத்³தா⁴; ந கோ²
ராமஸ்ஸேவ அஹோஸி வீரியங்…பே॰… ஸதி… ஸமாதி⁴… பஞ்ஞா, மய்ஹங்பத்தி² பஞ்ஞா.
யங்னூனாஹங் யங் த⁴ம்மங் ராமோ ஸயங் அபி⁴ஞ்ஞா ஸச்சி²கத்வா உபஸம்பஜ்ஜ
விஹராமீதி பவேதே³ஸி தஸ்ஸ த⁴ம்மஸ்ஸ ஸச்சி²கிரியாய பத³ஹெய்ய’ந்தி. ஸோ கோ²
அஹங், பா⁴ரத்³வாஜ, நசிரஸ்ஸேவ கி²ப்பமேவ தங் த⁴ம்மங் ஸயங் அபி⁴ஞ்ஞா
ஸச்சி²கத்வா உபஸம்பஜ்ஜ விஹாஸிங்.

‘‘அத² க்²வாஹங், பா⁴ரத்³வாஜ, யேன உத³கோ ராமபுத்தோ
தேனுபஸங்கமிங்; உபஸங்கமித்வா உத³கங் ராமபுத்தங் ஏதத³வோசங் – ‘எத்தாவதா நோ,
ஆவுஸோ, ராமோ இமங் த⁴ம்மங் ஸயங் அபி⁴ஞ்ஞா ஸச்சி²கத்வா உபஸம்பஜ்ஜ
பவேதே³ஸீ’தி? ‘எத்தாவதா கோ², ஆவுஸோ, ராமோ இமங் த⁴ம்மங் ஸயங் அபி⁴ஞ்ஞா
ஸச்சி²கத்வா உபஸம்பஜ்ஜ பவேதே³ஸீ’தி. ‘அஹம்பி கோ², ஆவுஸோ, எத்தாவதா இமங்
த⁴ம்மங் ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹராமீ’தி. ‘லாபா⁴ நோ,
ஆவுஸோ, ஸுலத்³த⁴ங் நோ, ஆவுஸோ, யே மயங் ஆயஸ்மந்தங்
தாதி³ஸங் ஸப்³ரஹ்மசாரிங் பஸ்ஸாம. இதி யங் த⁴ம்மங் ராமோ ஸயங் அபி⁴ஞ்ஞா
ஸச்சி²கத்வா உபஸம்பஜ்ஜ பவேதே³ஸி தங் த்வங் த⁴ம்மங் ஸயங் அபி⁴ஞ்ஞா
ஸச்சி²கத்வா உபஸம்பஜ்ஜ விஹரஸி; யங் த்வங் த⁴ம்மங் ஸயங் அபி⁴ஞ்ஞா
ஸச்சி²கத்வா உபஸம்பஜ்ஜ விஹரஸி தங் த⁴ம்மங் ராமோ ஸயங் அபி⁴ஞ்ஞா ஸச்சி²கத்வா
உபஸம்பஜ்ஜ பவேதே³ஸி. இதி யங் த⁴ம்மங் ராமோ அபி⁴ஞ்ஞாஸி தங் த்வங் த⁴ம்மங்
ஜானாஸி, யங் த்வங் த⁴ம்மங் ஜானாஸி தங் த⁴ம்மங் ராமோ அபி⁴ஞ்ஞாஸி. இதி
யாதி³ஸோ ராமோ அஹோஸி தாதி³ஸோ துவங், யாதி³ஸோ துவங் தாதி³ஸோ ராமோ அஹோஸி. ஏஹி
தா³னி, ஆவுஸோ, துவங் இமங் க³ணங் பரிஹரா’தி. இதி கோ², பா⁴ரத்³வாஜ, உத³கோ
ராமபுத்தோ ஸப்³ரஹ்மசாரீ மே ஸமானோ ஆசரியட்டா²னே மங் ட²பேஸி, உளாராய ச மங்
பூஜாய பூஜேஸி. தஸ்ஸ மய்ஹங், பா⁴ரத்³வாஜ, ஏதத³ஹோஸி – ‘நாயங் த⁴ம்மோ
நிப்³பி³தா³ய ந விராகா³ய ந நிரோதா⁴ய ந உபஸமாய ந அபி⁴ஞ்ஞாய ந ஸம்போ³தா⁴ய ந
நிப்³பா³னாய ஸங்வத்ததி, யாவதே³வ நேவஸஞ்ஞானாஸஞ்ஞாயதனூபபத்தியா’தி. ஸோ கோ²
அஹங், பா⁴ரத்³வாஜ, தங் த⁴ம்மங் அனலங்கரித்வா தஸ்மா த⁴ம்மா நிப்³பி³ஜ்ஜ
அபக்கமிங்.

477.
‘‘ஸோ கோ² அஹங், பா⁴ரத்³வாஜ, கிங்குஸலக³வேஸீ அனுத்தரங் ஸந்திவரபத³ங்
பரியேஸமானோ மக³தே⁴ஸு அனுபுப்³பே³ன சாரிகங் சரமானோ யேன உருவேளா ஸேனானிக³மோ
தத³வஸரிங். தத்த²த்³த³ஸங் ரமணீயங் பூ⁴மிபா⁴க³ங், பாஸாதி³கஞ்ச வனஸண்ட³ங்,
நதி³ஞ்ச ஸந்த³ந்திங் ஸேதகங் ஸுபதித்த²ங் ரமணீயங், ஸமந்தா
ச கோ³சரகா³மங். தஸ்ஸ மய்ஹங், பா⁴ரத்³வாஜ, ஏதத³ஹோஸி – ‘ரமணீயோ வத, போ⁴,
பூ⁴மிபா⁴கோ³, பாஸாதி³கோ ச வனஸண்டோ³, நதீ³ ச ஸந்த³தி ஸேதகா ஸுபதித்தா²
ரமணீயா, ஸமந்தா ச கோ³சரகா³மோ. அலங் வதித³ங் குலபுத்தஸ்ஸ பதா⁴னத்தி²கஸ்ஸ
பதா⁴னாயா’தி . ஸோ கோ² அஹங், பா⁴ரத்³வாஜ, தத்தே²வ
நிஸீதி³ங் – ‘அலமித³ங் பதா⁴னாயா’தி. அபிஸ்ஸு மங், பா⁴ரத்³வாஜ, திஸ்ஸோ உபமா
படிப⁴ங்ஸு அனச்ச²ரியா புப்³பே³ அஸ்ஸுதபுப்³பா³.

‘‘ஸெய்யதா²பி, பா⁴ரத்³வாஜ, அல்லங் கட்ட²ங் ஸஸ்னேஹங்
உத³கே நிக்கி²த்தங். அத² புரிஸோ ஆக³ச்செ²ய்ய உத்தராரணிங் ஆதா³ய –
‘அக்³கி³ங் அபி⁴னிப்³ப³த்தெஸ்ஸாமி, தேஜோ பாதுகரிஸ்ஸாமீ’தி. தங் கிங்
மஞ்ஞஸி, பா⁴ரத்³வாஜ, அபி நு ஸோ புரிஸோ அமுங் அல்லங் கட்ட²ங் ஸஸ்னேஹங் உத³கே
நிக்கி²த்தங் உத்தராரணிங் ஆதா³ய அபி⁴மந்தெ²ந்தோ அக்³கி³ங்
அபி⁴னிப்³ப³த்தெய்ய, தேஜோ பாதுகரெய்யா’’தி? ‘‘நோ ஹித³ங், போ⁴ கோ³தம. தங்
கிஸ்ஸ ஹேது? அது³ஞ்ஹி, போ⁴ கோ³தம, அல்லங் கட்ட²ங் ஸஸ்னேஹங், தஞ்ச
பன உத³கே நிக்கி²த்தங்; யாவதே³வ ச பன ஸோ புரிஸோ கிலமத²ஸ்ஸ விகா⁴தஸ்ஸ
பா⁴கீ³ அஸ்ஸா’’தி. ‘‘ஏவமேவ கோ², பா⁴ரத்³வாஜ, யே ஹி கேசி ஸமணா வா ப்³ராஹ்மணா
வா காயேன சேவ சித்தேன ச காமேஹி அவூபகட்டா² விஹரந்தி, யோ ச நேஸங் காமேஸு
காமச்ச²ந்தோ³ காமஸ்னேஹோ காமமுச்சா² காமபிபாஸா காமபரிளாஹோ ஸோ ச அஜ்ஜ²த்தங் ந
ஸுப்பஹீனோ ஹோதி ந ஸுப்படிப்பஸ்ஸத்³தோ⁴, ஓபக்கமிகா சேபி தே பொ⁴ந்தோ
ஸமணப்³ராஹ்மணா து³க்கா² திப்³பா³ க²ரா கடுகா வேத³னா வேத³யந்தி, அப⁴ப்³பா³வ
தே ஞாணாய த³ஸ்ஸனாய அனுத்தராய ஸம்போ³தா⁴ய. நோ சபி தே
பொ⁴ந்தோ ஸமணப்³ராஹ்மணா ஓபக்கமிகா து³க்கா² திப்³பா³ க²ரா கடுகா வேத³னா
வேத³யந்தி அப⁴ப்³பா³வ தே ஞாணாய த³ஸ்ஸனாய அனுத்தராய ஸம்போ³தா⁴ய. அயங் கோ²
மங், பா⁴ரத்³வாஜ, பட²மா உபமா படிபா⁴ஸி அனச்ச²ரியா புப்³பே³ அஸ்ஸுதபுப்³பா³.

478.
‘‘அபராபி கோ² மங், பா⁴ரத்³வாஜ, து³தியா உபமா படிபா⁴ஸி அனச்ச²ரியா புப்³பே³
அஸ்ஸுதபுப்³பா³. ஸெய்யதா²பி, பா⁴ரத்³வாஜ, அல்லங் கட்ட²ங் ஸஸ்னேஹங் ஆரகா
உத³கா த²லே நிக்கி²த்தங். அத² புரிஸோ ஆக³ச்செ²ய்ய உத்தராரணிங் ஆதா³ய –
‘அக்³கி³ங் அபி⁴னிப்³ப³த்தெஸ்ஸாமி, தேஜோ பாதுகரிஸ்ஸாமீ’தி. தங் கிங்
மஞ்ஞஸி, பா⁴ரத்³வாஜ, அபி நு ஸோ புரிஸோ அமுங் அல்லங் கட்ட²ங் ஸஸ்னேஹங் ஆரகா
உத³கா த²லே நிக்கி²த்தங் உத்தராரணிங் ஆதா³ய அபி⁴மந்தெ²ந்தோ அக்³கி³ங்
அபி⁴னிப்³ப³த்தெய்ய தேஜோ பாதுகரெய்யா’’தி? ‘‘நோ ஹித³ங், போ⁴ கோ³தம. தங்
கிஸ்ஸ ஹேது? அது³ஞ்ஹி, போ⁴ கோ³தம, அல்லங் கட்ட²ங் ஸஸ்னேஹங், கிஞ்சாபி ஆரகா
உத³கா த²லே நிக்கி²த்தங்; யாவதே³வ ச பன ஸோ புரிஸோ கிலமத²ஸ்ஸ விகா⁴தஸ்ஸ
பா⁴கீ³ அஸ்ஸா’’தி. ‘‘ஏவமேவ கோ², பா⁴ரத்³வாஜ, யே ஹி கேசி ஸமணா வா
ப்³ராஹ்மணா வா காயேன சேவ சித்தேன ச காமேஹி வூபகட்டா² விஹரந்தி, யோ ச நேஸங்
காமேஸு காமச்ச²ந்தோ³ காமஸ்னேஹோ காமமுச்சா² காமபிபாஸா காமபரிளாஹோ ஸோ ச
அஜ்ஜ²த்தங் ந ஸுப்பஹீனோ ஹோதி ந ஸுப்படிப்பஸ்ஸத்³தோ⁴, ஓபக்கமிகா சேபி தே
பொ⁴ந்தோ ஸமணப்³ராஹ்மணா து³க்கா² திப்³பா³ க²ரா கடுகா வேத³னா வேத³யந்தி,
அப⁴ப்³பா³வ தே ஞாணாய த³ஸ்ஸனாய அனுத்தராய ஸம்போ³தா⁴ய. நோ சேபி தே
பொ⁴ந்தோ ஸமணப்³ராஹ்மணா ஓபக்கமிகா து³க்கா² திப்³பா³ க²ரா கடுகா வேத³னா
வேத³யந்தி, அப⁴ப்³பா³வ தே ஞாணாய த³ஸ்ஸனாய அனுத்தராய ஸம்போ³தா⁴ய. அயங் கோ²
மங், பா⁴ரத்³வாஜ, து³தியா உபமா படிபா⁴ஸி அனச்ச²ரியா புப்³பே³
அஸ்ஸுதபுப்³பா³.

479. ‘‘அபராபி
கோ² மங், பா⁴ரத்³வாஜ, ததியா உபமா படிபா⁴ஸி அனச்ச²ரியா புப்³பே³
அஸ்ஸுதபுப்³பா³. ஸெய்யதா²பி, பா⁴ரத்³வாஜ, ஸுக்க²ங் கட்ட²ங் கோளாபங் ஆரகா
உத³கா த²லே நிக்கி²த்தங். அத² புரிஸோ ஆக³ச்செ²ய்ய உத்தராரணிங் ஆதா³ய –
‘அக்³கி³ங் அபி⁴னிப்³ப³த்தெஸ்ஸாமி, தேஜோ பாதுகரிஸ்ஸாமீ’தி. தங் கிங்
மஞ்ஞஸி, பா⁴ரத்³வாஜ, அபி நு ஸோ புரிஸோ அமுங் ஸுக்க²ங் கட்ட²ங் கோளாபங் ஆரகா
உத³கா த²லே நிக்கி²த்தங் உத்தராரணிங் ஆதா³ய அபி⁴மந்தெ²ந்தோ அக்³கி³ங்
அபி⁴னிப்³ப³த்தெய்ய, தேஜோ பாதுகரெய்யா’’தி? ‘‘ஏவங் போ⁴ கோ³தம. தங் கிஸ்ஸ
ஹேது? அது³ஞ்ஹி, போ⁴ கோ³தம, ஸுக்க²ங் கட்ட²ங் கோளாபங், தஞ்ச பன ஆரகா உத³கா
த²லே நிக்கி²த்த’’ந்தி. ‘‘ஏவமேவ கோ², பா⁴ரத்³வாஜ, யே ஹி கேசி ஸமணா வா
ப்³ராஹ்மணா வா காயேன சேவ சித்தேன ச காமேஹி வூபகட்டா² விஹரந்தி, யோ ச நேஸங்
காமேஸு காமச்ச²ந்தோ³ காமஸ்னேஹோ காமமுச்சா² காமபிபாஸா காமபரிளாஹோ ஸோ ச
அஜ்ஜ²த்தங் ஸுப்பஹீனோ ஹோதி ஸுப்படிப்பஸ்ஸத்³தோ⁴, ஓபக்கமிகா சேபி தே பொ⁴ந்தோ
ஸமணப்³ராஹ்மணா து³க்கா² திப்³பா³ க²ரா கடுகா வேத³னா வேத³யந்தி, ப⁴ப்³பா³வ
தே ஞாணாய த³ஸ்ஸனாய அனுத்தராய ஸம்போ³தா⁴ய. நோ சேபி தே பொ⁴ந்தோ ஸமணப்³ராஹ்மணா
ஓபக்கமிகா து³க்கா² திப்³பா³ க²ரா கடுகா வேத³னா
வேத³யந்தி, ப⁴ப்³பா³வ தே ஞாணாய த³ஸ்ஸனாய அனுத்தராய ஸம்போ³தா⁴ய. அயங் கோ²
மங், பா⁴ரத்³வாஜ, ததியா உபமா படிபா⁴ஸி அனச்ச²ரியா புப்³பே³ அஸ்ஸுதபுப்³பா³.
இமா கோ² மங், பா⁴ரத்³வாஜ, திஸ்ஸோ உபமா படிப⁴ங்ஸு அனச்ச²ரியா புப்³பே³
அஸ்ஸுதபுப்³பா³.

480. ‘‘தஸ்ஸ
மய்ஹங், பா⁴ரத்³வாஜ, ஏதத³ஹோஸி – ‘யங்னூனாஹங் த³ந்தேபி⁴த³ந்தமாதா⁴ய,
ஜிவ்ஹாய தாலுங் ஆஹச்ச, சேதஸா சித்தங் அபி⁴னிக்³க³ண்ஹெய்யங்
அபி⁴னிப்பீளெய்யங் அபி⁴ஸந்தாபெய்ய’ந்தி. ஸோ கோ² அஹங், பா⁴ரத்³வாஜ,
த³ந்தேபி⁴த³ந்தமாதா⁴ய, ஜிவ்ஹாய தாலுங் ஆஹச்ச, சேதஸா சித்தங்
அபி⁴னிக்³க³ண்ஹாமி அபி⁴னிப்பீளேமி அபி⁴ஸந்தாபேமி. தஸ்ஸ மய்ஹங், பா⁴ரத்³வாஜ,
த³ந்தேபி⁴த³ந்தமாதா⁴ய, ஜிவ்ஹாய தாலுங் ஆஹச்ச, சேதஸா சித்தங்
அபி⁴னிக்³க³ண்ஹதோ அபி⁴னிப்பீளயதோ அபி⁴ஸந்தாபயதோ கச்சே²ஹி ஸேதா³ முச்சந்தி.
ஸெய்யதா²பி, பா⁴ரத்³வாஜ, ப³லவா புரிஸோ து³ப்³ப³லதரங் புரிஸங் ஸீஸே வா
க³ஹெத்வா க²ந்தே⁴ வா க³ஹெத்வா அபி⁴னிக்³க³ண்ஹெய்ய அபி⁴னிப்பீளெய்ய
அபி⁴ஸந்தாபெய்ய, ஏவமேவ கோ² மே, பா⁴ரத்³வாஜ, த³ந்தேபி⁴த³ந்தமாதா⁴ய, ஜிவ்ஹாய
தாலுங் ஆஹச்ச, சேதஸா சித்தங் அபி⁴னிக்³க³ண்ஹதோ அபி⁴னிப்பீளயதோ
அபி⁴ஸந்தாபயதோ கச்சே²ஹி ஸேதா³ முச்சந்தி. ஆரத்³த⁴ங் கோ² பன மே, பா⁴ரத்³வாஜ,
வீரியங் ஹோதி அஸல்லீனங், உபட்டி²தா ஸதி அஸம்முட்டா²; ஸாரத்³தோ⁴ ச பன மே
காயோ ஹோதி அப்படிப்பஸ்ஸத்³தோ⁴, தேனேவ து³க்க²ப்பதா⁴னேன பதா⁴னாபி⁴துன்னஸ்ஸ
ஸதோ.

481. ‘‘தஸ்ஸ
மய்ஹங், பா⁴ரத்³வாஜ, ஏதத³ஹோஸி – ‘யங்னூனாஹங் அப்பாணகங்யேவ ஜா²னங்
ஜா²யெய்ய’ந்தி. ஸோ கோ² அஹங், பா⁴ரத்³வாஜ, முக²தோ ச நாஸதோ ச அஸ்ஸாஸபஸ்ஸாஸே
உபருந்தி⁴ங். தஸ்ஸ மய்ஹங், பா⁴ரத்³வாஜ, முக²தோ ச நாஸதோ ச அஸ்ஸாஸபஸ்ஸாஸேஸு
உபருத்³தே⁴ஸு கண்ணஸோதேஹி வாதானங் நிக்க²மந்தானங் அதி⁴மத்தோ ஸத்³தோ³ ஹோதி.
ஸெய்யதா²பி நாம கம்மாரக³க்³க³ரியா த⁴மமானாய அதி⁴மத்தோ ஸத்³தோ³ ஹோதி, ஏவமேவ
கோ² மே, பா⁴ரத்³வாஜ, முக²தோ ச நாஸதோ ச அஸ்ஸாஸபஸ்ஸாஸேஸு உபருத்³தே⁴ஸு
கண்ணஸோதேஹி வாதானங் நிக்க²மந்தானங் அதி⁴மத்தோ ஸத்³தோ³ ஹோதி. ஆரத்³த⁴ங் கோ²
பன மே, பா⁴ரத்³வாஜ, வீரியங் ஹோதி அஸல்லீனங், உபட்டி²தா ஸதி அஸம்முட்டா²;
ஸாரத்³தோ⁴ ச பன மே காயோ ஹோதி அப்படிப்பஸ்ஸத்³தோ⁴, தேனேவ து³க்க²ப்பதா⁴னேன
பதா⁴னாபி⁴துன்னஸ்ஸ ஸதோ.

‘‘தஸ்ஸ மய்ஹங், பா⁴ரத்³வாஜ, ஏதத³ஹோஸி – ‘யங்னூனாஹங்
அப்பாணகங்யேவ ஜா²னங் ஜா²யெய்ய’ந்தி. ஸோ கோ² அஹங், பா⁴ரத்³வாஜ, முக²தோ ச
நாஸதோ ச கண்ணதோ ச அஸ்ஸாஸபஸ்ஸாஸே உபருந்தி⁴ங். தஸ்ஸ மய்ஹங், பா⁴ரத்³வாஜ,
முக²தோ ச நாஸதோ ச கண்ணதோ ச அஸ்ஸாஸபஸ்ஸாஸேஸு உபருத்³தே⁴ஸு அதி⁴மத்தா வாதா குச்சி²ங் பரிகந்தந்தி. ஸெய்யதா²பி ,
பா⁴ரத்³வாஜ, த³க்கோ² கோ³கா⁴தகோ வா கோ³கா⁴தகந்தேவாஸீ வா திண்ஹேன
கோ³விகந்தனேன குச்சி²ங் பரிகந்தெய்ய, ஏவமேவ கோ² மே, பா⁴ரத்³வாஜ, முக²தோ ச
நாஸதோ ச கண்ணதோ ச அஸ்ஸாஸபஸ்ஸாஸேஸு உபருத்³தே⁴ஸு அதி⁴மத்தா வாதா குச்சி²ங்
பரிகந்தந்தி. ஆரத்³த⁴ங் கோ² பன மே, பா⁴ரத்³வாஜ, வீரியங் ஹோதி அஸல்லீனங்
உபட்டி²தா ஸதி அஸம்முட்டா²; ஸாரத்³தோ⁴ ச பன மே காயோ ஹோதி
அப்படிப்பஸ்ஸத்³தோ⁴, தேனேவ து³க்க²ப்பதா⁴னேன பதா⁴னாபி⁴துன்னஸ்ஸ ஸதோ.

‘‘தஸ்ஸ மய்ஹங், பா⁴ரத்³வாஜ, ஏதத³ஹோஸி – ‘யங்னூனாஹங்
அப்பாணகங்யேவ ஜா²னங் ஜா²யெய்ய’ந்தி. ஸோ கோ² அஹங், பா⁴ரத்³வாஜ, முக²தோ ச
நாஸதோ ச கண்ணதோ ச அஸ்ஸாஸபஸ்ஸாஸே உபருந்தி⁴ங். தஸ்ஸ மய்ஹங், பா⁴ரத்³வாஜ,
முக²தோ ச நாஸதோ ச கண்ணதோ ச அஸ்ஸாஸபஸ்ஸாஸேஸு
உபருத்³தே⁴ஸு அதி⁴மத்தோ காயஸ்மிங் டா³ஹோ ஹோதி. ஸெய்யதா²பி, பா⁴ரத்³வாஜ,
த்³வே ப³லவந்தோ புரிஸா து³ப்³ப³லதரங் புரிஸங் நானாபா³ஹாஸு க³ஹெத்வா
அங்கா³ரகாஸுயா ஸந்தாபெய்யுங் ஸம்பரிதாபெய்யுங், ஏவமேவ கோ² மே, பா⁴ரத்³வாஜ,
முக²தோ ச நாஸதோ ச கண்ணதோ ச அஸ்ஸாஸபஸ்ஸாஸேஸு உபருத்³தே⁴ஸு அதி⁴மத்தோ
காயஸ்மிங் டா³ஹோ ஹோதி. ஆரத்³த⁴ங் கோ² பன மே, பா⁴ரத்³வாஜ, வீரியங் ஹோதி
அஸல்லீனங், உபட்டி²தா ஸதி அஸம்முட்டா², ஸாரத்³தோ⁴ ச பன மே காயோ ஹோதி
அப்படிப்பஸ்ஸத்³தோ⁴, தேனேவ து³க்க²ப்பதா⁴னேன பதா⁴னாபி⁴துன்னஸ்ஸ ஸதோ.
அபிஸ்ஸு மங், பா⁴ரத்³வாஜ, தே³வதா தி³ஸ்வா ஏவமாஹங்ஸு – ‘காலங்கதோ ஸமணோ
கோ³தமோ’தி. ஏகச்சா தே³வதா ஏவமாஹங்ஸு – ‘ந காலங்கதோ
ஸமணோ கோ³தமோ, அபி ச காலங்கரோதீ’தி. ஏகச்சா தே³வதா ஏவமாஹங்ஸு – ‘ந காலங்கதோ
ஸமணோ கோ³தமோ, நாபி காலங்கரோதி; அரஹங் ஸமணோ கோ³தமோ, விஹாரொத்வேவ ஸோ அரஹதோ
ஏவரூபோ ஹோதீ’தி.

‘‘தஸ்ஸ மய்ஹங், பா⁴ரத்³வாஜ, ஏதத³ஹோஸி – ‘யங்னூனாஹங்
ஸப்³ப³ஸோ ஆஹாருபச்சே²தா³ய படிபஜ்ஜெய்ய’ந்தி. அத² கோ² மங், பா⁴ரத்³வாஜ,
தே³வதா உபஸங்கமித்வா ஏதத³வோசுங் – ‘மா கோ² த்வங், மாரிஸ, ஸப்³ப³ஸோ
ஆஹாருபச்சே²தா³ய படிபஜ்ஜி. ஸசே கோ² த்வங், மாரிஸ, ஸப்³ப³ஸோ ஆஹாருபச்சே²தா³ய
படிபஜ்ஜிஸ்ஸஸி, தஸ்ஸ தே மயங் தி³ப்³ப³ங் ஓஜங் லோமகூபேஹி அஜ்ஜோ²ஹாரெஸ்ஸாம.
தாய த்வங் யாபெஸ்ஸஸீ’தி. தஸ்ஸ மய்ஹங், பா⁴ரத்³வாஜ, ஏதத³ஹோஸி – ‘அஹஞ்சேவ கோ²
பன ஸப்³ப³ஸோ அஜஜ்ஜிதங் படிஜானெய்யங், இமா ச மே தே³வதா தி³ப்³ப³ங் ஓஜங்
லோமகூபேஹி அஜ்ஜோ²ஹாரெய்யுங், தாய சாஹங் யாபெய்யங். தங் மமஸ்ஸ முஸா’தி. ஸோ
கோ² அஹங், பா⁴ரத்³வாஜ, தா தே³வதா பச்சாசிக்கா²மி, ‘ஹல’ந்தி வதா³மி.

‘‘தஸ்ஸ மய்ஹங், பா⁴ரத்³வாஜ, ஏதத³ஹோஸி – ‘யங்னூனாஹங் தோ²கங் தோ²கங் ஆஹாரங் ஆஹாரெய்யங் பஸதங் பஸதங் ,
யதி³ வா முக்³க³யூஸங், யதி³ வா குலத்த²யூஸங், யதி³ வா களாயயூஸங், யதி³ வா
ஹரேணுகயூஸ’ந்தி. ஸோ கோ² அஹங், பா⁴ரத்³வாஜ, தோ²கங் தோ²கங் ஆஹாரங் ஆஹாரேஸிங்
பஸதங் பஸதங், யதி³ வா முக்³க³யூஸங் , யதி³ வா குலத்த²யூஸங், யதி³ வா களாயயூஸங், யதி³ வா ஹரேணுகயூஸங். தஸ்ஸ மய்ஹங், பா⁴ரத்³வாஜ, தோ²கங் தோ²கங் ஆஹாரங்
ஆஹாரயதோ பஸதங் பஸதங், யதி³ வா முக்³க³யூஸங், யதி³ வா குலத்த²யூஸங், யதி³
வா களாயயூஸங், யதி³ வா ஹரேணுகயூஸங், அதி⁴மத்தகஸிமானங் பத்தோ காயோ ஹோதி.
ஸெய்யதா²பி நாம ஆஸீதிகபப்³பா³னி வா காளபப்³பா³னி வா, ஏவமேவஸ்ஸு மே
அங்க³பச்சங்கா³னி ப⁴வந்தி தாயேவப்பாஹாரதாய; ஸெய்யதா²பி நாம ஒட்ட²பத³ங்,
ஏவமேவஸ்ஸு மே ஆனிஸத³ங் ஹோதி தாயேவப்பாஹாரதாய; ஸெய்யதா²பி நாம வட்டனாவளீ,
ஏவமேவஸ்ஸு மே பிட்டி²கண்டகோ உண்ணதாவனதோ ஹோதி தாயேவப்பாஹாரதாய; ஸெய்யதா²பி
நாம ஜரஸாலாய கோ³பானஸியோ ஓலுக்³க³விலுக்³கா³ ப⁴வந்தி, ஏவமேவஸ்ஸு மே
பா²ஸுளியோ ஓலுக்³க³விலுக்³கா³ ப⁴வந்தி தாயேவப்பாஹாரதாய; ஸெய்யதா²பி நாம
க³ம்பீ⁴ரே உத³பானே உத³கதாரகா க³ம்பீ⁴ரக³தா ஒக்கா²யிகா தி³ஸ்ஸந்தி,
ஏவமேவஸ்ஸு மே அக்கி²கூபேஸு அக்கி²தாரகா க³ம்பீ⁴ரக³தா ஒக்கா²யிகா தி³ஸ்ஸந்தி
தாயேவப்பாஹாரதாய; ஸெய்யதா²பி நாம தித்தகாலாபு³ ஆமகச்சி²ன்னோ வாதாதபேன
ஸங்பு²டிதோ ஹோதி ஸம்மிலாதோ, ஏவமேவஸ்ஸு மே ஸீஸச்ச²வி ஸங்பு²டிதா ஹோதி
ஸம்மிலாதா தாயேவப்பாஹாரதாய. ஸோ கோ² அஹங், பா⁴ரத்³வாஜ, ‘உத³ரச்ச²விங்
பரிமஸிஸ்ஸாமீ’தி பிட்டி²கண்டகங்யேவ பரிக்³க³ண்ஹாமி, ‘பிட்டி²கண்டகங்
பரிமஸிஸ்ஸாமீ’தி உத³ரச்ச²விங்யேவ பரிக்³க³ண்ஹாமி; யாவஸ்ஸு மே, பா⁴ரத்³வாஜ,
உத³ரச்ச²வி பிட்டி²கண்டகங் அல்லீனா ஹோதி தாயேவப்பாஹாரதாய. ஸோ கோ² அஹங்,
பா⁴ரத்³வாஜ , ‘வச்சங் வா முத்தங் வா கரிஸ்ஸாமீ’தி
தத்தே²வ அவகுஜ்ஜோ பபதாமி தாயேவப்பாஹாரதாய. ஸோ கோ² அஹங், பா⁴ரத்³வாஜ, இமமேவ
காயங் அஸ்ஸாஸெந்தோ பாணினா க³த்தானி அனுமஜ்ஜாமி. தஸ்ஸ மய்ஹங், பா⁴ரத்³வாஜ,
பாணினா க³த்தானி அனுமஜ்ஜதோ பூதிமூலானி லோமானி காயஸ்மா பபதந்தி
தாயேவப்பாஹாரதாய. அபிஸ்ஸு மங், பா⁴ரத்³வாஜ, மனுஸ்ஸா தி³ஸ்வா ஏவமாஹங்ஸு –
‘காளோ ஸமணோ கோ³தமோ’தி. ஏகச்சே மனுஸ்ஸா ஏவமாஹங்ஸு – ‘ந காளோ ஸமணோ கோ³தமோ,
ஸாமோ ஸமணோ கோ³தமோ’தி. ஏகச்சே மனுஸ்ஸா ஏவமாஹங்ஸு – ‘ந காளோ ஸமணோ கோ³தமோ நபி
ஸாமோ, மங்கு³ரச்ச²வி ஸமணோ கோ³தமோ’தி; யாவஸ்ஸு மே, பா⁴ரத்³வாஜ, தாவ
பரிஸுத்³தோ⁴ ச²விவண்ணோ பரியோதா³தோ உபஹதோ ஹோதி தாயேவப்பாஹாரதாய.

482.
‘‘தஸ்ஸ மய்ஹங், பா⁴ரத்³வாஜ, ஏதத³ஹோஸி – ‘யே கோ² கேசி அதீதமத்³தா⁴னங் ஸமணா
வா ப்³ராஹ்மணா வா ஓபக்கமிகா து³க்கா² திப்³பா³ க²ரா கடுகா வேத³னா
வேத³யிங்ஸு , ஏதாவபரமங், நயிதோ பி⁴ய்யோ; யேபி ஹி
கேசி அனாக³தமத்³தா⁴னங் ஸமணா வா ப்³ராஹ்மணா வா ஓபக்கமிகா து³க்கா² திப்³பா³
க²ரா கடுகா வேத³னா வேத³யிஸ்ஸந்தி, ஏதாவபரமங், நயிதோ பி⁴ய்யோ; யேபி ஹி கேசி
ஏதரஹி ஸமணா வா ப்³ராஹ்மணா வா ஓபக்கமிகா து³க்கா² திப்³பா³ க²ரா கடுகா
வேத³னா வேத³யந்தி, ஏதாவபரமங், நயிதோ பி⁴ய்யோ. ந கோ² பனாஹங் இமாய கடுகாய
து³க்கரகாரிகாய அதி⁴க³ச்சா²மி உத்தரி மனுஸ்ஸத⁴ம்மா அலமரியஞாணத³ஸ்ஸனவிஸேஸங்.
ஸியா நு கோ² அஞ்ஞோ மக்³கோ³ போ³தா⁴யா’தி ? தஸ்ஸ
மய்ஹங் பா⁴ரத்³வாஜ, ஏதத³ஹோஸி – ‘அபி⁴ஜானாமி கோ² பனாஹங் பிது ஸக்கஸ்ஸ
கம்மந்தே ஸீதாய ஜம்பு³ச்சா²யாய நிஸின்னோ விவிச்சேவ காமேஹி விவிச்ச அகுஸலேஹி
த⁴ம்மேஹி ஸவிதக்கங் ஸவிசாரங் விவேகஜங் பீதிஸுக²ங் பட²மங் ஜா²னங் உபஸம்பஜ்ஜ
விஹரிதா. ஸியா நு கோ² ஏஸோ மக்³கோ³ போ³தா⁴யா’தி? தஸ்ஸ மய்ஹங், பா⁴ரத்³வாஜ,
ஸதானுஸாரி விஞ்ஞாணங் அஹோஸி – ‘ஏஸேவ மக்³கோ³ போ³தா⁴யா’தி. தஸ்ஸ மய்ஹங்,
பா⁴ரத்³வாஜ, ஏதத³ஹோஸி – ‘கிங் நு கோ² அஹங் தஸ்ஸ ஸுக²ஸ்ஸ பா⁴யாமி யங் தங்
ஸுக²ங் அஞ்ஞத்ரேவ காமேஹி அஞ்ஞத்ர அகுஸலேஹி த⁴ம்மேஹீ’தி? தஸ்ஸ மய்ஹங்,
பா⁴ரத்³வாஜ, ஏதத³ஹோஸி – ‘ந கோ² அஹங் தஸ்ஸ ஸுக²ஸ்ஸ பா⁴யாமி யங் தங் ஸுக²ங்
அஞ்ஞத்ரேவ காமேஹி அஞ்ஞத்ர அகுஸலேஹி த⁴ம்மேஹீ’தி.

483.
‘‘தஸ்ஸ மய்ஹங், பா⁴ரத்³வாஜ, ஏதத³ஹோஸி – ‘ந கோ² தங் ஸுகரங் ஸுக²ங்
அதி⁴க³ந்துங் ஏவங் அதி⁴மத்தகஸிமானங் பத்தகாயேன. யங்னூனாஹங் ஓளாரிகங் ஆஹாரங்
ஆஹாரெய்யங் ஓத³னகும்மாஸ’ந்தி. ஸோ கோ² அஹங், பா⁴ரத்³வாஜ, ஓளாரிகங் ஆஹாரங்
ஆஹாரேஸிங் ஓத³னகும்மாஸங். தேன கோ² பன மங், பா⁴ரத்³வாஜ, ஸமயேன பஞ்சவக்³கி³யா
பி⁴க்கூ² பச்சுபட்டி²தா ஹொந்தி – ‘யங் கோ² ஸமணோ கோ³தமோ த⁴ம்மங்
அதி⁴க³மிஸ்ஸதி தங் நோ ஆரோசெஸ்ஸதீ’தி. யதோ கோ² அஹங், பா⁴ரத்³வாஜ, ஓளாரிகங்
ஆஹாரங் ஆஹாரேஸிங் ஓத³னகும்மாஸங், அத² மே தே பஞ்சவக்³கி³யா பி⁴க்கூ²
நிப்³பி³ஜ்ஜ பக்கமிங்ஸு – ‘பா³ஹுல்லிகோ ஸமணோ கோ³தமோ பதா⁴னவிப்³ப⁴ந்தோ
ஆவத்தோ பா³ஹுல்லாயா’தி.

‘‘ஸோ கோ² அஹங், பா⁴ரத்³வாஜ, ஓளாரிகங் ஆஹாரங் ஆஹாரெத்வா ப³லங்
க³ஹெத்வா விவிச்சேவ காமேஹி…பே॰… பட²மங் ஜா²னங் உபஸம்பஜ்ஜ விஹாஸிங்.
விதக்கவிசாரானங் வூபஸமா அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங்
அவிதக்கங் அவிசாரங் ஸமாதி⁴ஜங் பீதிஸுக²ங் து³தியங் ஜா²னங்… ததியங் ஜா²னங்… சதுத்த²ங் ஜா²னங் உபஸம்பஜ்ஜ விஹாஸிங்.

‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே விக³தூபக்கிலேஸே முது³பூ⁴தே கம்மனியே
டி²தே ஆனேஞ்ஜப்பத்தே புப்³பே³னிவாஸானுஸ்ஸதிஞாணாய சித்தங்
அபி⁴னின்னாமேஸிங். ஸோ அனேகவிஹிதங் புப்³பே³னிவாஸங் அனுஸ்ஸராமி,
ஸெய்யதி²த³ங் – ஏகம்பி ஜாதிங் த்³வேபி ஜாதியோ…பே॰… இதி ஸாகாரங் ஸஉத்³தே³ஸங்
அனேகவிஹிதங் புப்³பே³னிவாஸங் அனுஸ்ஸராமி. அயங் கோ² மே, பா⁴ரத்³வாஜ,
ரத்தியா பட²மே யாமே பட²மா விஜ்ஜா அதி⁴க³தா, அவிஜ்ஜா விஹதா, விஜ்ஜா
உப்பன்னா; தமோ விஹதோ, ஆலோகோ உப்பன்னோ; யதா² தங் அப்பமத்தஸ்ஸ ஆதாபினோ
பஹிதத்தஸ்ஸ விஹரதோ.

484. ‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே ஸத்தானங்
சுதூபபாதஞாணாய சித்தங் அபி⁴னின்னாமேஸிங். ஸோ தி³ப்³பே³ன சக்கு²னா
விஸுத்³தே⁴ன அதிக்கந்தமானுஸகேன ஸத்தே பஸ்ஸாமி சவமானே உபபஜ்ஜமானே ஹீனே பணீதே
ஸுவண்ணே து³ப்³ப³ண்ணே ஸுக³தே து³க்³க³தே யதா²கம்மூபகே³ ஸத்தே பஜானாமி…பே॰…
அயங் கோ² மே, பா⁴ரத்³வாஜ, ரத்தியா மஜ்ஜி²மே யாமே து³தியா விஜ்ஜா அதி⁴க³தா,
அவிஜ்ஜா விஹதா, விஜ்ஜா உப்பன்னா; தமோ விஹதோ, ஆலோகோ உப்பன்னோ; யதா² தங்
அப்பமத்தஸ்ஸ ஆதாபினோ பஹிதத்தஸ்ஸ விஹரதோ.

‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே
அனங்க³ணே விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே ஆஸவானங்
க²யஞாணாய சித்தங் அபி⁴னின்னாமேஸிங். ஸோ ‘இத³ங் து³க்க²’ந்தி யதா²பூ⁴தங்
அப்³ப⁴ஞ்ஞாஸிங், ‘அயங் து³க்க²ஸமுத³யோ’தி யதா²பூ⁴தங் அப்³ப⁴ஞ்ஞாஸிங், ‘அயங்
து³க்க²னிரோதோ⁴’தி யதா²பூ⁴தங் அப்³ப⁴ஞ்ஞாஸிங், ‘அயங் து³க்க²னிரோத⁴கா³மினீ
படிபதா³’தி யதா²பூ⁴தங் அப்³ப⁴ஞ்ஞாஸிங்; ‘இமே ஆஸவா’தி யதா²பூ⁴தங்
அப்³ப⁴ஞ்ஞாஸிங், ‘அயங் ஆஸவஸமுத³யோ’தி யதா²பூ⁴தங் அப்³ப⁴ஞ்ஞாஸிங், ‘அயங்
ஆஸவனிரோதோ⁴’தி யதா²பூ⁴தங் அப்³ப⁴ஞ்ஞாஸிங், ‘அயங் ஆஸவனிரோத⁴கா³மினீ
படிபதா³’தி யதா²பூ⁴தங் அப்³ப⁴ஞ்ஞாஸிங். தஸ்ஸ மே ஏவங் ஜானதோ ஏவங் பஸ்ஸதோ
காமாஸவாபி சித்தங் விமுச்சித்த², ப⁴வாஸவாபி சித்தங் விமுச்சித்த²,
அவிஜ்ஜாஸவாபி சித்தங் விமுச்சித்த². விமுத்தஸ்மிங்
விமுத்தமிதி ஞாணங் அஹோஸி. ‘கீ²ணா ஜாதி, வுஸிதங் ப்³ரஹ்மசரியங், கதங்
கரணீயங், நாபரங் இத்த²த்தாயா’தி அப்³ப⁴ஞ்ஞாஸிங். அயங் கோ² மே, பா⁴ரத்³வாஜ,
ரத்தியா பச்சி²மே யாமே ததியா விஜ்ஜா அதி⁴க³தா, அவிஜ்ஜா விஹதா, விஜ்ஜா உப்பன்னா; தமோ விஹதோ, ஆலோகோ உப்பன்னோ; யதா² தங் அப்பமத்தஸ்ஸ ஆதாபினோ பஹிதத்தஸ்ஸ விஹரதோ’’தி.

485. ஏவங் வுத்தே, ஸங்கா³ரவோ மாணவோ ப⁴க³வந்தங் ஏதத³வோச – ‘‘அட்டி²தவதங் [அட்டி²த வத (ஸீ॰ ஸ்யா॰ கங்॰ பீ॰)] போ⁴தோ கோ³தமஸ்ஸ பதா⁴னங் அஹோஸி, ஸப்புரிஸவதங் [ஸப்புரிஸ வத (ஸீ॰ ஸ்யா॰ கங்॰ பீ॰)] போ⁴தோ கோ³தமஸ்ஸ பதா⁴னங் அஹோஸி; யதா² தங் அரஹதோ ஸம்மாஸம்பு³த்³த⁴ஸ்ஸ. கிங் நு கோ², போ⁴ கோ³தம, அத்தி² தே³வா’’தி [அதி⁴தே³வாதி (க॰) ஏவங் ஸப்³பே³ஸு ‘அத்தி² தே³வா’திபதே³ஸு]? ‘‘டா²னஸோ மேதங் [கோ² பனேதங் (ஸ்யா॰ கங்॰ க॰)], பா⁴ரத்³வாஜ, விதி³தங் யதி³த³ங் – அதி⁴தே³வா’’தி [அத்தி² தே³வாதி (ஸீ॰ ஸ்யா॰ கங்॰ பீ॰), அதிதே³வாதி (?) ஏவங் ஸப்³பே³ஸு ‘அதி⁴தே³வா’திபதே³ஸு]. ‘‘கிங் நு கோ², போ⁴ கோ³தம, ‘அத்தி² தே³வா’தி புட்டோ² ஸமானோ ‘டா²னஸோ மேதங், பா⁴ரத்³வாஜ ,
விதி³தங் யதி³த³ங் அதி⁴தே³வா’தி வதே³ஸி. நனு, போ⁴ கோ³தம, ஏவங் ஸந்தே
துச்சா² முஸா ஹோதீ’’தி? ‘‘‘அத்தி² தே³வா’தி, பா⁴ரத்³வாஜ, புட்டோ² ஸமானோ
‘அத்தி² தே³வா’தி யோ வதெ³ய்ய, ‘டா²னஸோ மே விதி³தா’தி [டா²னஸோ விதி³தா மே விதி³தாதி (ஸீ॰ ஸ்யா॰ கங்॰ பீ॰), டா²னஸோ மே விதி³தா அதிதே³வாதி (?)] யோ வதெ³ய்ய; அத² க்²வெத்த² விஞ்ஞுனா புரிஸேன ஏகங்ஸேன நிட்ட²ங் க³ந்தப்³ப³ங் [க³ந்துங் (க॰), க³ந்துங் வா (ஸ்யா॰ கங்॰)] யதி³த³ங் – ‘அத்தி² தே³வா’’’தி. ‘‘கிஸ்ஸ பன மே ப⁴வங் கோ³தமோ ஆதி³கேனேவ ந ப்³யாகாஸீ’’தி [கோ³தமோ ஆதி³கேனேவ ப்³யாகாஸீதி (க॰), கோ³தமோ அத்தி² தே³வாதி ந ப்³யாகாஸீதி (?)]? ‘‘உச்சேன ஸம்மதங் கோ² ஏதங், பா⁴ரத்³வாஜ, லோகஸ்மிங் யதி³த³ங் – ‘அத்தி² தே³வா’’’தி.

486.
ஏவங் வுத்தே, ஸங்கா³ரவோ மாணவோ ப⁴க³வந்தங் ஏதத³வோச – ‘‘அபி⁴க்கந்தங், போ⁴
கோ³தம, அபி⁴க்கந்தங், போ⁴ கோ³தம! ஸெய்யதா²பி, போ⁴ கோ³தம, நிக்குஜ்ஜிதங் வா
உக்குஜ்ஜெய்ய, படிச்ச²ன்னங் வா விவரெய்ய, மூள்ஹஸ்ஸ வா மக்³க³ங்
ஆசிக்கெ²ய்ய, அந்த⁴காரே வா தேலபஜ்ஜோதங் தா⁴ரெய்ய – சக்கு²மந்தோ ரூபானி
த³க்க²ந்தீதி – ஏவமேவங் போ⁴தா கோ³தமேன அனேகபரியாயேன த⁴ம்மோ பகாஸிதோ. ஏஸாஹங்
ப⁴வந்தங் கோ³தமங் ஸரணங் க³ச்சா²மி த⁴ம்மஞ்ச பி⁴க்கு²ஸங்க⁴ஞ்ச. உபாஸகங் மங்
ப⁴வங் கோ³தமோ தா⁴ரேது அஜ்ஜதக்³கே³ பாணுபேதங் ஸரணங் க³த’’ந்தி.

ஸங்கா³ரவஸுத்தங் நிட்டி²தங் த³ஸமங்.

ப்³ராஹ்மணவக்³கோ³ நிட்டி²தோ பஞ்சமோ.

தஸ்ஸுத்³தா³னங் –

ப்³ரஹ்மாயு ஸேலஸ்ஸலாயனோ, கோ⁴டமுகோ² ச ப்³ராஹ்மணோ;

சங்கீ ஏஸு த⁴னஞ்ஜானி, வாஸெட்டோ² ஸுப⁴கா³ரவோதி.

இத³ங் வக்³கா³னமுத்³தா³னங் –

வக்³கோ³ க³ஹபதி பி⁴க்கு², பரிப்³பா³ஜகனாமகோ;

ராஜவக்³கோ³ ப்³ராஹ்மணோதி, பஞ்ச மஜ்ஜி²மஆக³மே.

மஜ்ஜி²மபண்ணாஸகங் ஸமத்தங்.

comments (0)