Analytic Insight Net - FREE Online Tipiṭaka Research & Practice Universitu 
in
 112 CLASSICAL LANGUAGES
Paṭisambhidā Jāla-Abaddha Paripanti Tipiṭaka Anvesanā ca Paricaya Nikhilavijjālaya ca ñātibhūta Pavatti Nissāya 
http://sarvajan.ambedkar.org anto 105 Seṭṭhaganthāyatta Bhāsā
Categories:

Archives:
Meta:
August 2007
M T W T F S S
« Jul   Sep »
 12345
6789101112
13141516171819
20212223242526
2728293031  
08/03/07
ஸுத்தபிடக-Part-18-தமிழில் திரபிடக மூன்று தொகுப்புகள்TIPITAKA–18.5. ஜனவஸபஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org
Filed under: General
Posted by: site admin @ 7:36 am

up a level
ஸுத்தபிடக-Part-18-மிழில் திபி  மூன்று தொகுப்புள்TIPITAKA--18.
5. ஜனவஸபஸுத்தங்-from FREE ONLINE  eNālāndā Research and
Practice UNIVERSITY through http://sarvajan.ambedkar.org


5. ஜனவஸபஸுத்தங்

நாதிகியாதி³ப்³யாகரணங்

273. ஏவங் மே ஸுதங் – ஏகங் ஸமயங் ப⁴க³வா நாதிகே [நாதி³கே (ஸீ॰ ஸ்யா॰ பீ॰)]
விஹரதி கி³ஞ்ஜகாவஸதே². தேன கோ² பன ஸமயேன ப⁴க³வா பரிதோ பரிதோ ஜனபதே³ஸு
பரிசாரகே அப்³ப⁴தீதே காலங்கதே உபபத்தீஸு ப்³யாகரோதி காஸிகோஸலேஸு
வஜ்ஜிமல்லேஸு சேதிவங்ஸேஸு [சேதியவங்ஸேஸு (க॰)] குருபஞ்சாலேஸு மஜ்ஜ²ஸூரஸேனேஸு [மச்ச²ஸுரஸேனேஸு (ஸ்யா॰), மச்ச²ஸூரஸேனேஸு (ஸீ॰ பீ॰)] – ‘‘அஸு அமுத்ர உபபன்னோ, அஸு அமுத்ர உபபன்னோ [உபபன்னோதி (க॰)].
பரோபஞ்ஞாஸ நாதிகியா பரிசாரகா அப்³ப⁴தீதா காலங்கதா பஞ்சன்னங்
ஓரம்பா⁴கி³யானங் ஸங்யோஜனானங் பரிக்க²யா ஓபபாதிகா தத்த² பரினிப்³பா³யினோ
அனாவத்தித⁴ம்மா தஸ்மா லோகா. ஸாதி⁴கா நவுதி நாதிகியா பரிசாரகா அப்³ப⁴தீதா
காலங்கதா திண்ணங் ஸங்யோஜனானங் பரிக்க²யா ராக³தோ³ஸமோஹானங் தனுத்தா
ஸகதா³கா³மினோ, ஸகிதே³வ [ஸகிங்தே³வ (க॰)] இமங்
லோகங் ஆக³ந்த்வா து³க்க²ஸ்ஸந்தங் கரிஸ்ஸந்தி. ஸாதிரேகானி பஞ்சஸதானி
நாதிகியா பரிசாரகா அப்³ப⁴தீதா காலங்கதா திண்ணங் ஸங்யோஜனானங் பரிக்க²யா
ஸோதாபன்னா அவினிபாதத⁴ம்மா நியதா ஸம்போ³தி⁴பராயணா’’தி.

274. அஸ்ஸோஸுங்
கோ² நாதிகியா பரிசாரகா – ‘‘ப⁴க³வா கிர பரிதோ பரிதோ ஜனபதே³ஸு பரிசாரகே
அப்³ப⁴தீதே காலங்கதே உபபத்தீஸு ப்³யாகரோதி காஸிகோஸலேஸு வஜ்ஜிமல்லேஸு
சேதிவங்ஸேஸு குருபஞ்சாலேஸு மஜ்ஜ²ஸூரஸேனேஸு – ‘அஸு அமுத்ர உபபன்னோ, அஸு
அமுத்ர உபபன்னோ. பரோபஞ்ஞாஸ நாதிகியா பரிசாரகா அப்³ப⁴தீதா காலங்கதா
பஞ்சன்னங் ஓரம்பா⁴கி³யானங் ஸங்யோஜனானங் பரிக்க²யா
ஓபபாதிகா தத்த² பரினிப்³பா³யினோ அனாவத்தித⁴ம்மா தஸ்மா லோகா. ஸாதி⁴கா நவுதி
நாதிகியா பரிசாரகா அப்³ப⁴தீதா காலங்கதா திண்ணங் ஸங்யோஜனானங் பரிக்க²யா
ராக³தோ³ஸமோஹானங் தனுத்தா ஸகதா³கா³மினோ ஸகிதே³வ இமங் லோகங் ஆக³ந்த்வா
து³க்க²ஸ்ஸந்தங் கரிஸ்ஸந்தி. ஸாதிரேகானி பஞ்சஸதானி நாதிகியா பரிசாரகா
அப்³ப⁴தீதா காலங்கதா திண்ணங் ஸங்யோஜனானங் பரிக்க²யா ஸோதாபன்னா அவினிபாதத⁴ம்மா நியதா ஸம்போ³தி⁴பராயணா’தி. தேன ச நாதிகியா பரிசாரகா அத்தமனா அஹேஸுங் பமுதி³தா பீதிஸோமனஸ்ஸஜாதா ப⁴க³வதோ பஞ்ஹவெய்யாகரணங் [பஞ்ஹாவெய்யாகரணங் (ஸ்யா॰ க॰)] ஸுத்வா.

275.
அஸ்ஸோஸி கோ² ஆயஸ்மா ஆனந்தோ³ – ‘‘ப⁴க³வா கிர பரிதோ பரிதோ ஜனபதே³ஸு பரிசாரகே
அப்³ப⁴தீதே காலங்கதே உபபத்தீஸு ப்³யாகரோதி காஸிகோஸலேஸு வஜ்ஜிமல்லேஸு
சேதிவங்ஸேஸு குருபஞ்சாலேஸு மஜ்ஜ²ஸூரஸேனேஸு – ‘அஸு அமுத்ர உபபன்னோ, அஸு
அமுத்ர உபபன்னோ. பரோபஞ்ஞாஸ நாதிகியா பரிசாரகா அப்³ப⁴தீதா காலங்கதா
பஞ்சன்னங் ஓரம்பா⁴கி³யானங் ஸங்யோஜனானங் பரிக்க²யா ஓபபாதிகா தத்த²
பரினிப்³பா³யினோ அனாவத்தித⁴ம்மா தஸ்மா லோகா. ஸாதி⁴கா நவுதி நாதிகியா
பரிசாரகா அப்³ப⁴தீதா காலங்கதா திண்ணங் ஸங்யோஜனானங் பரிக்க²யா
ராக³தோ³ஸமோஹானங் தனுத்தா ஸகதா³கா³மினோ ஸகிதே³வ இமங் லோகங் ஆக³ந்த்வா
து³க்க²ஸ்ஸந்தங் கரிஸ்ஸந்தி. ஸாதிரேகானி பஞ்சஸதானி நாதிகியா பரிசாரகா
அப்³ப⁴தீதா காலங்கதா திண்ணங் ஸங்யோஜனானங் பரிக்க²யா ஸோதாபன்னா
அவினிபாதத⁴ம்மா நியதா ஸம்போ³தி⁴பராயணா’தி. தேன ச நாதிகியா பரிசாரகா அத்தமனா
அஹேஸுங் பமுதி³தா பீதிஸோமனஸ்ஸஜாதா ப⁴க³வதோ பஞ்ஹவெய்யாகரணங் ஸுத்வா’’தி.

ஆனந்த³பரிகதா²

276. அத² கோ² ஆயஸ்மதோ ஆனந்த³ஸ்ஸ ஏதத³ஹோஸி – ‘‘இமே கோ² பனாபி அஹேஸுங் மாக³த⁴கா பரிசாரகா ப³ஹூ சேவ ரத்தஞ்ஞூ ச அப்³ப⁴தீதா காலங்கதா. ஸுஞ்ஞா மஞ்ஞே அங்க³மக³தா⁴ அங்க³மாக³த⁴கேஹி [அங்க³மாக³தி⁴கேஹி (ஸ்யா॰)] பரிசாரகேஹி அப்³ப⁴தீதேஹி காலங்கதேஹி. தே கோ² பனாபி [தேன கோ² பனாபி (ஸ்யா॰)]
அஹேஸுங் பு³த்³தே⁴ பஸன்னா த⁴ம்மே பஸன்னா ஸங்கே⁴ பஸன்னா ஸீலேஸு
பரிபூரகாரினோ. தே அப்³ப⁴தீதா காலங்கதா ப⁴க³வதா அப்³யாகதா; தேஸம்பிஸ்ஸ ஸாது⁴
வெய்யாகரணங், ப³ஹுஜனோ பஸீதெ³ய்ய, ததோ க³ச்செ²ய்ய ஸுக³திங். அயங் கோ² பனாபி
அஹோஸி ராஜா மாக³தோ⁴ ஸேனியோ பி³ம்பி³ஸாரோ த⁴ம்மிகோ த⁴ம்மராஜா ஹிதோ
ப்³ராஹ்மணக³ஹபதிகானங் நேக³மானஞ்சேவ ஜானபதா³னஞ்ச. அபிஸ்ஸுத³ங் மனுஸ்ஸா
கித்தயமானரூபா விஹரந்தி – ‘ஏவங் நோ ஸோ த⁴ம்மிகோ த⁴ம்மராஜா ஸுகா²பெத்வா காலங்கதோ, ஏவங் மயங் தஸ்ஸ த⁴ம்மிகஸ்ஸ த⁴ம்மரஞ்ஞோ விஜிதே பா²ஸு [பா²ஸுகங் (ஸ்யா॰)]
விஹரிம்ஹா’தி. ஸோ கோ² பனாபி அஹோஸி பு³த்³தே⁴ பஸன்னோ த⁴ம்மே பஸன்னோ ஸங்கே⁴
பஸன்னோ ஸீலேஸு பரிபூரகாரீ. அபிஸ்ஸுத³ங் மனுஸ்ஸா ஏவமாஹங்ஸு – ‘யாவ மரணகாலாபி
ராஜா மாக³தோ⁴ ஸேனியோ பி³ம்பி³ஸாரோ ப⁴க³வந்தங் கித்தயமானரூபோ காலங்கதோ’தி.
ஸோ அப்³ப⁴தீதோ காலங்கதோ ப⁴க³வதா அப்³யாகதோ. தஸ்ஸபிஸ்ஸ ஸாது⁴ வெய்யாகரணங்
ப³ஹுஜனோ பஸீதெ³ய்ய, ததோ க³ச்செ²ய்ய ஸுக³திங். ப⁴க³வதோ கோ² பன ஸம்போ³தி⁴
மக³தே⁴ஸு. யத்த² கோ² பன ப⁴க³வதோ ஸம்போ³தி⁴ மக³தே⁴ஸு, கத²ங் தத்ர ப⁴க³வா மாக³த⁴கே பரிசாரகே அப்³ப⁴தீதே காலங்கதே உபபத்தீஸு ந ப்³யாகரெய்ய. ப⁴க³வா சே கோ² பன மாக³த⁴கே பரிசாரகே அப்³ப⁴தீதே காலங்கதே உபபத்தீஸு ந ப்³யாகரெய்ய, தீ³னமனா [நின்னமனா (ஸ்யா॰), தீ³னமானா (ஸீ॰ பீ॰)] தேனஸ்ஸு மாக³த⁴கா பரிசாரகா; யேன கோ² பனஸ்ஸு தீ³னமனா மாக³த⁴கா பரிசாரகா கத²ங் தே ப⁴க³வா ந ப்³யாகரெய்யா’’தி?

277.
இத³மாயஸ்மா ஆனந்தோ³ மாக³த⁴கே பரிசாரகே ஆரப்³ப⁴ ஏகோ ரஹோ அனுவிசிந்தெத்வா
ரத்தியா பச்சூஸஸமயங் பச்சுட்டா²ய யேன ப⁴க³வா தேனுபஸங்கமி; உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா
ஆனந்தோ³ ப⁴க³வந்தங் ஏதத³வோச – ‘‘ஸுதங் மேதங், ப⁴ந்தே – ‘ப⁴க³வா கிர பரிதோ
பரிதோ ஜனபதே³ஸு பரிசாரகே அப்³ப⁴தீதே காலங்கதே உபபத்தீஸு ப்³யாகரோதி
காஸிகோஸலேஸு வஜ்ஜிமல்லேஸு சேதிவங்ஸேஸு குருபஞ்சாலேஸு மஜ்ஜ²ஸூரஸேனேஸு –
‘‘அஸு அமுத்ர உபபன்னோ, அஸு அமுத்ர உபபன்னோ. பரோபஞ்ஞாஸ நாதிகியா பரிசாரகா
அப்³ப⁴தீதா காலங்கதா பஞ்சன்னங் ஓரம்பா⁴கி³யானங் ஸங்யோஜனானங் பரிக்க²யா
ஓபபாதிகா தத்த² பரினிப்³பா³யினோ அனாவத்தித⁴ம்மா தஸ்மா லோகா. ஸாதி⁴கா நவுதி
நாதிகியா பரிசாரகா அப்³ப⁴தீதா காலங்கதா திண்ணங் ஸங்யோஜனானங் பரிக்க²யா
ராக³தோ³ஸமோஹானங் தனுத்தா ஸகதா³கா³மினோ, ஸகிதே³வ இமங் லோகங் ஆக³ந்த்வா
து³க்க²ஸ்ஸந்தங் கரிஸ்ஸந்தி. ஸாதிரேகானி பஞ்சஸதானி நாதிகியா பரிசாரகா
அப்³ப⁴தீதா காலங்கதா திண்ணங் ஸங்யோஜனானங் பரிக்க²யா ஸோதாபன்னா
அவினிபாதத⁴ம்மா நியதா ஸம்போ³தி⁴பராயணாதி. தேன ச நாதிகியா பரிசாரகா அத்தமனா
அஹேஸுங் பமுதி³தா பீதிஸோமனஸ்ஸஜாதா ப⁴க³வதோ பஞ்ஹவெய்யாகரணங் ஸுத்வா’’தி .
இமே கோ² பனாபி, ப⁴ந்தே, அஹேஸுங் மாக³த⁴கா பரிசாரகா ப³ஹூ சேவ ரத்தஞ்ஞூ ச
அப்³ப⁴தீதா காலங்கதா. ஸுஞ்ஞா மஞ்ஞே அங்க³மக³தா⁴ அங்க³மாக³த⁴கேஹி பரிசாரகேஹி
அப்³ப⁴தீதேஹி காலங்கதேஹி. தே கோ² பனாபி, ப⁴ந்தே, அஹேஸுங் பு³த்³தே⁴ பஸன்னா
த⁴ம்மே பஸன்னா ஸங்கே⁴ பஸன்னா ஸீலேஸு பரிபூரகாரினோ, தே அப்³ப⁴தீதா காலங்கதா
ப⁴க³வதா அப்³யாகதா. தேஸம்பிஸ்ஸ ஸாது⁴ வெய்யாகரணங், ப³ஹுஜனோ பஸீதெ³ய்ய, ததோ
க³ச்செ²ய்ய ஸுக³திங். அயங் கோ² பனாபி, ப⁴ந்தே, அஹோஸி ராஜா மாக³தோ⁴ ஸேனியோ
பி³ம்பி³ஸாரோ த⁴ம்மிகோ த⁴ம்மராஜா ஹிதோ ப்³ராஹ்மணக³ஹபதிகானங் நேக³மானஞ்சேவ
ஜானபதா³னஞ்ச. அபிஸ்ஸுத³ங் மனுஸ்ஸா கித்தயமானரூபா விஹரந்தி – ‘ஏவங் நோ ஸோ
த⁴ம்மிகோ த⁴ம்மராஜா ஸுகா²பெத்வா காலங்கதோ. ஏவங் மயங் தஸ்ஸ த⁴ம்மிகஸ்ஸ
த⁴ம்மரஞ்ஞோ விஜிதே பா²ஸு விஹரிம்ஹா’தி. ஸோ கோ² பனாபி, ப⁴ந்தே, அஹோஸி
பு³த்³தே⁴ பஸன்னோ த⁴ம்மே பஸன்னோ ஸங்கே⁴ பஸன்னோ ஸீலேஸு பரிபூரகாரீ.
அபிஸ்ஸுத³ங் மனுஸ்ஸா ஏவமாஹங்ஸு – ‘யாவ மரணகாலாபி ராஜா மாக³தோ⁴ ஸேனியோ
பி³ம்பி³ஸாரோ ப⁴க³வந்தங் கித்தயமானரூபோ காலங்கதோ’தி. ஸோ அப்³ப⁴தீதோ
காலங்கதோ ப⁴க³வதா அப்³யாகதோ; தஸ்ஸபிஸ்ஸ ஸாது⁴ வெய்யாகரணங், ப³ஹுஜனோ
பஸீதெ³ய்ய, ததோ க³ச்செ²ய்ய ஸுக³திங். ப⁴க³வதோ கோ² பன, ப⁴ந்தே, ஸம்போ³தி⁴
மக³தே⁴ஸு. யத்த² கோ² பன , ப⁴ந்தே, ப⁴க³வதோ ஸம்போ³தி⁴ மக³தே⁴ஸு, கத²ங் தத்ர ப⁴க³வா மாக³த⁴கே பரிசாரகே அப்³ப⁴தீதே
காலங்கதே உபபத்தீஸு ந ப்³யாகரெய்ய? ப⁴க³வா சே கோ² பன, ப⁴ந்தே, மாக³த⁴கே
பரிசாரகே அப்³ப⁴தீதே காலங்கதே உபபத்தீஸு ந ப்³யாகரெய்ய தீ³னமனா தேனஸ்ஸு
மாக³த⁴கா பரிசாரகா; யேன கோ² பனஸ்ஸு தீ³னமனா மாக³த⁴கா பரிசாரகா கத²ங் தே
ப⁴க³வா ந ப்³யாகரெய்யா’’தி. இத³மாயஸ்மா ஆனந்தோ³ மாக³த⁴கே பரிசாரகே ஆரப்³ப⁴
ப⁴க³வதோ ஸம்முகா² பரிகத²ங் கத்வா உட்டா²யாஸனா ப⁴க³வந்தங் அபி⁴வாதெ³த்வா
பத³க்கி²ணங் கத்வா பக்காமி.

278.
அத² கோ² ப⁴க³வா அசிரபக்கந்தே ஆயஸ்மந்தே ஆனந்தே³ புப்³ப³ண்ஹஸமயங்
நிவாஸெத்வா பத்தசீவரமாதா³ய நாதிகங் பிண்டா³ய பாவிஸி. நாதிகே பிண்டா³ய
சரித்வா பச்சா²ப⁴த்தங் பிண்ட³பாதபடிக்கந்தோ பாதே³ பக்கா²லெத்வா
கி³ஞ்ஜகாவஸத²ங் பவிஸித்வா மாக³த⁴கே பரிசாரகே ஆரப்³ப⁴ அட்டி²ங் கத்வா [அட்டி²கத்வா (ஸீ॰ ஸ்யா॰ பீ॰)] மனஸிகத்வா ஸப்³ப³ங் சேதஸா [ஸப்³ப³சேதஸா (பீ॰)] ஸமன்னாஹரித்வா பஞ்ஞத்தே ஆஸனே
நிஸீதி³ – ‘‘க³திங் நேஸங் ஜானிஸ்ஸாமி அபி⁴ஸம்பராயங், யங்க³திகா தே ப⁴வந்தோ
யங்அபி⁴ஸம்பராயா’’தி. அத்³த³ஸா கோ² ப⁴க³வா மாக³த⁴கே பரிசாரகே ‘‘யங்க³திகா
தே ப⁴வந்தோ யங்அபி⁴ஸம்பராயா’’தி. அத² கோ² ப⁴க³வா
ஸாயன்ஹஸமயங் படிஸல்லானா வுட்டி²தோ கி³ஞ்ஜகாவஸதா² நிக்க²மித்வா
விஹாரபச்சா²யாயங் பஞ்ஞத்தே ஆஸனே நிஸீதி³.

279. அத² கோ² ஆயஸ்மா ஆனந்தோ³ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா ஆனந்தோ³ ப⁴க³வந்தங் ஏதத³வோச – ‘‘உபஸந்தபதி³ஸ்ஸோ [உபஸந்தபதிஸோ (க॰)]
ப⁴ந்தே ப⁴க³வா பா⁴திரிவ ப⁴க³வதோ முக²வண்ணோ விப்பஸன்னத்தா இந்த்³ரியானங்.
ஸந்தேன நூனஜ்ஜ ப⁴ந்தே ப⁴க³வா விஹாரேன விஹாஸீ’’தி? ‘‘யதே³வ கோ² மே த்வங்,
ஆனந்த³, மாக³த⁴கே பரிசாரகே ஆரப்³ப⁴ ஸம்முகா² பரிகத²ங் கத்வா உட்டா²யாஸனா
பக்கந்தோ, ததே³வாஹங் நாதிகே பிண்டா³ய சரித்வா பச்சா²ப⁴த்தங்
பிண்ட³பாதபடிக்கந்தோ பாதே³ பக்கா²லெத்வா கி³ஞ்ஜகாவஸத²ங் பவிஸித்வா மாக³த⁴கே
பரிசாரகே ஆரப்³ப⁴ அட்டி²ங் கத்வா மனஸிகத்வா ஸப்³ப³ங் சேதஸா ஸமன்னாஹரித்வா
பஞ்ஞத்தே ஆஸனே நிஸீதி³ங் – ‘க³திங் நேஸங் ஜானிஸ்ஸாமி அபி⁴ஸம்பராயங்,
யங்க³திகா தே ப⁴வந்தோ யங்அபி⁴ஸம்பராயா’தி. அத்³த³ஸங் கோ² அஹங், ஆனந்த³,
மாக³த⁴கே பரிசாரகே ‘யங்க³திகா தே ப⁴வந்தோ யங்அபி⁴ஸம்பராயா’’’தி.

ஜனவஸப⁴யக்கோ²

280. ‘‘அத² கோ², ஆனந்த³, அந்தரஹிதோ யக்கோ² ஸத்³த³மனுஸ்ஸாவேஸி – ‘ஜனவஸபோ⁴ அஹங் ப⁴க³வா ; ஜனவஸபோ⁴ அஹங் ஸுக³தா’தி. அபி⁴ஜானாஸி நோ த்வங், ஆனந்த³, இதோ புப்³பே³ ஏவரூபங் நாமதெ⁴ய்யங் ஸுதங் [ஸுத்வா (பீ॰)] யதி³த³ங் ஜனவஸபோ⁴’’தி?

‘‘ந கோ² அஹங், ப⁴ந்தே, அபி⁴ஜானாமி இதோ புப்³பே³
ஏவரூபங் நாமதெ⁴ய்யங் ஸுதங் யதி³த³ங் ஜனவஸபோ⁴தி, அபி ச மே, ப⁴ந்தே, லோமானி
ஹட்டா²னி ‘ஜனவஸபோ⁴’தி நாமதெ⁴ய்யங் ஸுத்வா. தஸ்ஸ மய்ஹங், ப⁴ந்தே, ஏதத³ஹோஸி –
‘ந ஹி நூன ஸோ ஓரகோ யக்கோ² ப⁴விஸ்ஸதி யதி³த³ங்
ஏவரூபங் நாமதெ⁴ய்யங் ஸுபஞ்ஞத்தங் யதி³த³ங் ஜனவஸபோ⁴’’தி. ‘‘அனந்தரா கோ²,
ஆனந்த³, ஸத்³த³பாதுபா⁴வா உளாரவண்ணோ மே யக்கோ² ஸம்முகே² பாதுரஹோஸி .
து³தியம்பி ஸத்³த³மனுஸ்ஸாவேஸி – ‘பி³ம்பி³ஸாரோ அஹங் ப⁴க³வா; பி³ம்பி³ஸாரோ
அஹங் ஸுக³தாதி. இத³ங் ஸத்தமங் கோ² அஹங், ப⁴ந்தே, வெஸ்ஸவணஸ்ஸ மஹாராஜஸ்ஸ
ஸஹப்³யதங் உபபஜ்ஜாமி, ஸோ ததோ சுதோ மனுஸ்ஸராஜா ப⁴விதுங் பஹோமி [ஸோ ததோ சுதோ மனுஸ்ஸராஜா, அமனுஸ்ஸராஜா தி³வி ஹோமி (ஸீ॰ பீ॰)].

இதோ ஸத்த ததோ ஸத்த, ஸங்ஸாரானி சதுத்³த³ஸ;

நிவாஸமபி⁴ஜானாமி, யத்த² மே வுஸிதங் புரே.

281.
‘தீ³க⁴ரத்தங் கோ² அஹங், ப⁴ந்தே, அவினிபாதோ அவினிபாதங் ஸஞ்ஜானாமி, ஆஸா ச பன
மே ஸந்திட்ட²தி ஸகதா³கா³மிதாயா’தி. ‘அச்ச²ரியமித³ங் ஆயஸ்மதோ ஜனவஸப⁴ஸ்ஸ
யக்க²ஸ்ஸ, அப்³பு⁴தமித³ங் ஆயஸ்மதோ ஜனவஸப⁴ஸ்ஸ யக்க²ஸ்ஸ. ‘‘தீ³க⁴ரத்தங் கோ²
அஹங், ப⁴ந்தே, அவினிபாதோ அவினிபாதங் ஸஞ்ஜானாமீ’’தி ச வதே³ஸி, ‘‘ஆஸா ச பன மே
ஸந்திட்ட²தி ஸகதா³கா³மிதாயா’’தி ச வதே³ஸி, குதோனிதா³னங் பனாயஸ்மா ஜனவஸபோ⁴
யக்கோ² ஏவரூபங் உளாரங் விஸேஸாதி⁴க³மங் ஸஞ்ஜானாதீதி? ந அஞ்ஞத்ர, ப⁴க³வா, தவ
ஸாஸனா, ந அஞ்ஞத்ர [அஞ்ஞத்த² (ஸீ॰ பீ॰)], ஸுக³த, தவ ஸாஸனா; யத³க்³கே³ அஹங், ப⁴ந்தே, ப⁴க³வதி ஏகந்திகதோ [ஏகந்ததோ (ஸ்யா॰), ஏகந்தக³தோ (பீ॰)] அபி⁴ப்பஸன்னோ, தத³க்³கே³ அஹங், ப⁴ந்தே, தீ³க⁴ரத்தங்
அவினிபாதோ அவினிபாதங் ஸஞ்ஜானாமி, ஆஸா ச பன மே ஸந்திட்ட²தி ஸகதா³கா³மிதாய.
இதா⁴ஹங், ப⁴ந்தே, வெஸ்ஸவணேன மஹாராஜேன பேஸிதோ விரூள்ஹகஸ்ஸ மஹாராஜஸ்ஸ ஸந்திகே
கேனசிதே³வ கரணீயேன அத்³த³ஸங் ப⁴க³வந்தங் அந்தராமக்³கே³ கி³ஞ்ஜகாவஸத²ங்
பவிஸித்வா மாக³த⁴கே பரிசாரகே ஆரப்³ப⁴ அட்டி²ங் கத்வா மனஸிகத்வா ஸப்³ப³ங்
சேதஸா ஸமன்னாஹரித்வா நிஸின்னங் – ‘‘க³திங் நேஸங் ஜானிஸ்ஸாமி அபி⁴ஸம்பராயங்,
யங்க³திகா தே ப⁴வந்தோ யங்அபி⁴ஸம்பராயா’’தி. அனச்ச²ரியங் கோ² பனேதங்,
ப⁴ந்தே, யங் வெஸ்ஸவணஸ்ஸ மஹாராஜஸ்ஸ தஸ்ஸங் பரிஸாயங் பா⁴ஸதோ ஸம்முகா² ஸுதங்
ஸம்முகா² படிக்³க³ஹிதங் – ‘‘யங்க³திகா தே ப⁴வந்தோ யங்அபி⁴ஸம்பராயா’’தி.
தஸ்ஸ மய்ஹங், ப⁴ந்தே, ஏதத³ஹோஸி – ப⁴க³வந்தஞ்ச த³க்கா²மி, இத³ஞ்ச ப⁴க³வதோ
ஆரோசெஸ்ஸாமீதி. இமே கோ² மே, ப⁴ந்தே, த்³வேபச்சயா ப⁴க³வந்தங் த³ஸ்ஸனாய
உபஸங்கமிதுங்’.

தே³வஸபா⁴

282. ‘புரிமானி ,
ப⁴ந்தே, தி³வஸானி புரிமதரானி தத³ஹுபோஸதே² பன்னரஸே வஸ்ஸூபனாயிகாய புண்ணாய
புண்ணமாய ரத்தியா கேவலகப்பா ச தே³வா தாவதிங்ஸா ஸுத⁴ம்மாயங் ஸபா⁴யங்
ஸன்னிஸின்னா ஹொந்தி ஸன்னிபதிதா. மஹதீ ச தி³ப்³ப³பரிஸா [தி³ப்³பா³ பரிஸா (ஸீ॰ பீ॰)] ஸமந்ததோ நிஸின்னா ஹொந்தி [நிஸின்னா ஹோதி (ஸீ॰), ஸன்னிஸின்னா ஹொந்தி ஸன்னிபதிதா (க॰)], சத்தாரோ ச மஹாராஜானோ சதுத்³தி³ஸா நிஸின்னா ஹொந்தி. புரத்தி²மாய தி³ஸாய த⁴தரட்டோ² மஹாராஜா பச்சி²மாபி⁴முகோ² [பச்சா²பி⁴முகோ² (க॰)]
நிஸின்னோ ஹோதி தே³வே புரக்க²த்வா; த³க்கி²ணாய தி³ஸாய விரூள்ஹகோ மஹாராஜா
உத்தராபி⁴முகோ² நிஸின்னோ ஹோதி தே³வே புரக்க²த்வா; பச்சி²மாய தி³ஸாய
விரூபக்கோ² மஹாராஜா புரத்தா²பி⁴முகோ² நிஸின்னோ ஹோதி தே³வே புரக்க²த்வா;
உத்தராய தி³ஸாய வெஸ்ஸவணோ மஹாராஜா த³க்கி²ணாபி⁴முகோ² நிஸின்னோ ஹோதி தே³வே
புரக்க²த்வா . யதா³, ப⁴ந்தே, கேவலகப்பா ச தே³வா
தாவதிங்ஸா ஸுத⁴ம்மாயங் ஸபா⁴யங் ஸன்னிஸின்னா ஹொந்தி ஸன்னிபதிதா, மஹதீ ச
தி³ப்³ப³பரிஸா ஸமந்ததோ நிஸின்னா ஹொந்தி, சத்தாரோ ச மஹாராஜானோ சதுத்³தி³ஸா
நிஸின்னா ஹொந்தி. இத³ங் நேஸங் ஹோதி ஆஸனஸ்மிங்; அத²
பச்சா² அம்ஹாகங் ஆஸனங் ஹோதி. யே தே, ப⁴ந்தே, தே³வா ப⁴க³வதி ப்³ரஹ்மசரியங்
சரித்வா அது⁴னூபபன்னா தாவதிங்ஸகாயங், தே அஞ்ஞே தே³வே அதிரோசந்தி வண்ணேன சேவ
யஸஸா ச. தேன ஸுத³ங், ப⁴ந்தே, தே³வா தாவதிங்ஸா அத்தமனா ஹொந்தி பமுதி³தா
பீதிஸோமனஸ்ஸஜாதா ‘‘தி³ப்³பா³ வத போ⁴ காயா பரிபூரெந்தி, ஹாயந்தி
அஸுரகாயா’’தி. அத² கோ², ப⁴ந்தே, ஸக்கோ தே³வானமிந்தோ³ தே³வானங் தாவதிங்ஸானங்
ஸம்பஸாத³ங் விதி³த்வா இமாஹி கா³தா²ஹி அனுமோதி³ –

‘‘மோத³ந்தி வத போ⁴ தே³வா, தாவதிங்ஸா ஸஹிந்த³கா [ஸஇந்த³கா (ஸீ॰)];

ததா²க³தங் நமஸ்ஸந்தா, த⁴ம்மஸ்ஸ ச ஸுத⁴ம்மதங்.

நவே தே³வே ச பஸ்ஸந்தா, வண்ணவந்தே யஸஸ்ஸினே [யஸஸ்ஸினோ (ஸ்யா॰)];

ஸுக³தஸ்மிங் ப்³ரஹ்மசரியங், சரித்வான இதா⁴க³தே.

தே அஞ்ஞே அதிரோசந்தி, வண்ணேன யஸஸாயுனா;

ஸாவகா பூ⁴ரிபஞ்ஞஸ்ஸ, விஸேஸூபக³தா இத⁴.

இத³ங் தி³ஸ்வான நந்த³ந்தி, தாவதிங்ஸா ஸஹிந்த³கா;

ததா²க³தங் நமஸ்ஸந்தா, த⁴ம்மஸ்ஸ ச ஸுத⁴ம்மத’’ந்தி.

‘தேன
ஸுத³ங், ப⁴ந்தே, தே³வா தாவதிங்ஸா பி⁴ய்யோஸோமத்தாய அத்தமனா ஹொந்தி பமுதி³தா
பீதிஸோமனஸ்ஸஜாதா ‘‘தி³ப்³பா³ வத, போ⁴, காயா பரிபூரெந்தி, ஹாயந்தி
அஸுரகாயா’’தி. அத² கோ², ப⁴ந்தே, யேனத்தே²ன தே³வா தாவதிங்ஸா ஸுத⁴ம்மாயங்
ஸபா⁴யங் ஸன்னிஸின்னா ஹொந்தி ஸன்னிபதிதா, தங் அத்த²ங் சிந்தயித்வா தங்
அத்த²ங் மந்தயித்வா வுத்தவசனாபி தங் [வுத்தவசனா நாமித³ங் (க॰)] சத்தாரோ மஹாராஜானோ தஸ்மிங் அத்தே² ஹொந்தி. பச்சானுஸிட்ட²வசனாபி தங் [பச்சானுஸிட்ட²வசனா நாமித³ங் (க॰)] சத்தாரோ மஹாராஜானோ தஸ்மிங் அத்தே² ஹொந்தி, ஸகேஸு ஸகேஸு ஆஸனேஸு டி²தா அவிபக்கந்தா [அதி⁴பக்கந்தா (க॰)].

தே வுத்தவாக்யா ராஜானோ, படிக்³க³ய்ஹானுஸாஸனிங்;

விப்பஸன்னமனா ஸந்தா, அட்ட²ங்ஸு ஸம்ஹி ஆஸனேதி.

283.
‘அத² கோ², ப⁴ந்தே, உத்தராய தி³ஸாய உளாரோ ஆலோகோ ஸஞ்ஜாயி, ஓபா⁴ஸோ பாதுரஹோஸி
அதிக்கம்மேவ தே³வானங் தே³வானுபா⁴வங். அத² கோ², ப⁴ந்தே, ஸக்கோ தே³வானமிந்தோ³
தே³வே தாவதிங்ஸே ஆமந்தேஸி – ‘‘யதா² கோ², மாரிஸா, நிமித்தானி தி³ஸ்ஸந்தி,
உளாரோ ஆலோகோ ஸஞ்ஜாயதி, ஓபா⁴ஸோ பாதுப⁴வதி, ப்³ரஹ்மா பாதுப⁴விஸ்ஸதி.
ப்³ரஹ்முனோ ஹேதங் புப்³ப³னிமித்தங் பாதுபா⁴வாய யதி³த³ங் ஆலோகோ ஸஞ்ஜாயதி
ஓபா⁴ஸோ பாதுப⁴வதீதி.

‘‘யதா² நிமித்தா தி³ஸ்ஸந்தி, ப்³ரஹ்மா பாதுப⁴விஸ்ஸதி;

ப்³ரஹ்முனோ ஹேதங் நிமித்தங், ஓபா⁴ஸோ விபுலோ மஹா’’தி.

ஸனங்குமாரகதா²

284.
‘அத² கோ², ப⁴ந்தே, தே³வா தாவதிங்ஸா யதா²ஸகேஸு ஆஸனேஸு நிஸீதி³ங்ஸு –
‘‘ஓபா⁴ஸமேதங் ஞஸ்ஸாம, யங்விபாகோ ப⁴விஸ்ஸதி, ஸச்சி²கத்வாவ நங்
க³மிஸ்ஸாமா’’தி. சத்தாரோபி மஹாராஜானோ யதா²ஸகேஸு ஆஸனேஸு நிஸீதி³ங்ஸு –
‘‘ஓபா⁴ஸமேதங் ஞஸ்ஸாம யங்விபாகோ ப⁴விஸ்ஸதி, ஸச்சி²கத்வாவ நங் க³மிஸ்ஸாமா’’தி. இத³ங் ஸுத்வா தே³வா தாவதிங்ஸா ஏகக்³கா³ ஸமாபஜ்ஜிங்ஸு – ‘‘ஓபா⁴ஸமேதங் ஞஸ்ஸாம, யங்விபாகோ ப⁴விஸ்ஸதி, ஸச்சி²கத்வாவ நங் க³மிஸ்ஸாமா’’தி.

‘யதா³, ப⁴ந்தே, ப்³ரஹ்மா ஸனங்குமாரோ தே³வானங்
தாவதிங்ஸானங் பாதுப⁴வதி, ஓளாரிகங் அத்தபா⁴வங் அபி⁴னிம்மினித்வா பாதுப⁴வதி.
யோ கோ² பன, ப⁴ந்தே, ப்³ரஹ்முனோ பகதிவண்ணோ அனபி⁴ஸம்ப⁴வனீயோ ஸோ தே³வானங்
தாவதிங்ஸானங் சக்கு²பத²ஸ்மிங். யதா³, ப⁴ந்தே, ப்³ரஹ்மா ஸனங்குமாரோ தே³வானங்
தாவதிங்ஸானங் பாதுப⁴வதி , ஸோ அஞ்ஞே தே³வே அதிரோசதி
வண்ணேன சேவ யஸஸா ச. ஸெய்யதா²பி, ப⁴ந்தே, ஸோவண்ணோ விக்³க³ஹோ மானுஸங்
விக்³க³ஹங் அதிரோசதி; ஏவமேவ கோ², ப⁴ந்தே, யதா³ ப்³ரஹ்மா ஸனங்குமாரோ
தே³வானங் தாவதிங்ஸானங் பாதுப⁴வதி, ஸோ அஞ்ஞே தே³வே அதிரோசதி வண்ணேன சேவ யஸஸா
ச. யதா³, ப⁴ந்தே, ப்³ரஹ்மா ஸனங்குமாரோ தே³வானங் தாவதிங்ஸானங் பாதுப⁴வதி, ந
தஸ்ஸங் பரிஸாயங் கோசி தே³வோ அபி⁴வாதே³தி வா பச்சுட்டே²தி வா ஆஸனேன வா
நிமந்தேதி. ஸப்³பே³வ துண்ஹீபூ⁴தா பஞ்ஜலிகா பல்லங்கேன நிஸீத³ந்தி –
‘‘யஸ்ஸதா³னி தே³வஸ்ஸ பல்லங்கங் இச்சி²ஸ்ஸதி ப்³ரஹ்மா ஸனங்குமாரோ, தஸ்ஸ
தே³வஸ்ஸ பல்லங்கே நிஸீதி³ஸ்ஸதீ’’தி.

‘யஸ்ஸ கோ² பன, ப⁴ந்தே, தே³வஸ்ஸ ப்³ரஹ்மா ஸனங்குமாரோ
பல்லங்கே நிஸீத³தி, உளாரங் ஸோ லப⁴தி தே³வோ வேத³படிலாப⁴ங்; உளாரங் ஸோ லப⁴தி
தே³வோ ஸோமனஸ்ஸபடிலாப⁴ங். ஸெய்யதா²பி, ப⁴ந்தே, ராஜா க²த்தியோ
முத்³தா⁴வஸித்தோ அது⁴னாபி⁴ஸித்தோ ரஜ்ஜேன, உளாரங் ஸோ லப⁴தி வேத³படிலாப⁴ங்,
உளாரங் ஸோ லப⁴தி ஸோமனஸ்ஸபடிலாப⁴ங். ஏவமேவ கோ², ப⁴ந்தே, யஸ்ஸ தே³வஸ்ஸ
ப்³ரஹ்மா ஸனங்குமாரோ பல்லங்கே நிஸீத³தி, உளாரங் ஸோ லப⁴தி தே³வோ
வேத³படிலாப⁴ங், உளாரங் ஸோ லப⁴தி தே³வோ ஸோமனஸ்ஸபடிலாப⁴ங். அத² , ப⁴ந்தே, ப்³ரஹ்மா ஸனங்குமாரோ ஓளாரிகங் அத்தபா⁴வங் அபி⁴னிம்மினித்வா குமாரவண்ணீ [குமாரவண்ணோ (ஸ்யா॰ க॰)]
ஹுத்வா பஞ்சஸிகோ² தே³வானங் தாவதிங்ஸானங் பாதுரஹோஸி. ஸோ வேஹாஸங்
அப்³பு⁴க்³க³ந்த்வா ஆகாஸே அந்தலிக்கே² பல்லங்கேன நிஸீதி³. ஸெய்யதா²பி,
ப⁴ந்தே, ப³லவா புரிஸோ ஸுபச்சத்த²தே வா பல்லங்கே ஸமே வா பூ⁴மிபா⁴கே³
பல்லங்கேன நிஸீதெ³ய்ய; ஏவமேவ கோ², ப⁴ந்தே, ப்³ரஹ்மா ஸனங்குமாரோ வேஹாஸங்
அப்³பு⁴க்³க³ந்த்வா ஆகாஸே அந்தலிக்கே² பல்லங்கேன நிஸீதி³த்வா தே³வானங்
தாவதிங்ஸானங் ஸம்பஸாத³ங் விதி³த்வா இமாஹி கா³தா²ஹி அனுமோதி³ –

‘‘மோத³ந்தி வத போ⁴ தே³வா, தாவதிங்ஸா ஸஹிந்த³கா;

ததா²க³தங் நமஸ்ஸந்தா, த⁴ம்மஸ்ஸ ச ஸுத⁴ம்மதங்.

‘‘நவே தே³வே ச பஸ்ஸந்தா, வண்ணவந்தே யஸஸ்ஸினே;

ஸுக³தஸ்மிங் ப்³ரஹ்மசரியங், சரித்வான இதா⁴க³தே.

‘‘தே அஞ்ஞே அதிரோசந்தி, வண்ணேன யஸஸாயுனா;

ஸாவகா பூ⁴ரிபஞ்ஞஸ்ஸ, விஸேஸூபக³தா இத⁴.

‘‘இத³ங் தி³ஸ்வான நந்த³ந்தி, தாவதிங்ஸா ஸஹிந்த³கா;

ததா²க³தங் நமஸ்ஸந்தா, த⁴ம்மஸ்ஸ ச ஸுத⁴ம்மத’’ந்தி.

285.
‘இமமத்த²ங், ப⁴ந்தே, ப்³ரஹ்மா ஸனங்குமாரோ பா⁴ஸித்த²; இமமத்த²ங், ப⁴ந்தே,
ப்³ரஹ்முனோ ஸனங்குமாரஸ்ஸ பா⁴ஸதோ அட்ட²ங்க³ஸமன்னாக³தோ ஸரோ ஹோதி விஸ்ஸட்டோ² ச
விஞ்ஞெய்யோ ச மஞ்ஜு ச ஸவனீயோ ச பி³ந்து³ ச அவிஸாரீ ச க³ம்பீ⁴ரோ ச
நின்னாதீ³ ச. யதா²பரிஸங் கோ² பன, ப⁴ந்தே, ப்³ரஹ்மா ஸனங்குமாரோ ஸரேன
விஞ்ஞாபேதி; ந சஸ்ஸ ப³ஹித்³தா⁴ பரிஸாய கோ⁴ஸோ நிச்ச²ரதி. யஸ்ஸ கோ² பன, ப⁴ந்தே, ஏவங் அட்ட²ங்க³ஸமன்னாக³தோ ஸரோ ஹோதி, ஸோ வுச்சதி ‘‘ப்³ரஹ்மஸ்ஸரோ’’தி.

‘அத² கோ², ப⁴ந்தே, ப்³ரஹ்மா ஸனங்குமாரோ தெத்திங்ஸே அத்தபா⁴வே அபி⁴னிம்மினித்வா தே³வானங் தாவதிங்ஸானங் பச்சேகபல்லங்கேஸு பல்லங்கேன [பச்சேகபல்லங்கேன (க॰)]
நிஸீதி³த்வா தே³வே தாவதிங்ஸே ஆமந்தேஸி – ‘‘தங் கிங் மஞ்ஞந்தி, பொ⁴ந்தோ
தே³வா தாவதிங்ஸா, யாவஞ்ச ஸோ ப⁴க³வா ப³ஹுஜனஹிதாய படிபன்னோ ப³ஹுஜனஸுகா²ய
லோகானுகம்பாய அத்தா²ய ஹிதாய ஸுகா²ய தே³வமனுஸ்ஸானங். யே ஹி கேசி, போ⁴,
பு³த்³த⁴ங் ஸரணங் க³தா த⁴ம்மங் ஸரணங் க³தா ஸங்க⁴ங் ஸரணங் க³தா ஸீலேஸு
பரிபூரகாரினோ தே காயஸ்ஸ பே⁴தா³ பரங் மரணா அப்பேகச்சே பரனிம்மிதவஸவத்தீனங்
தே³வானங் ஸஹப்³யதங் உபபஜ்ஜந்தி, அப்பேகச்சே நிம்மானரதீனங் தே³வானங்
ஸஹப்³யதங் உபபஜ்ஜந்தி, அப்பேகச்சே துஸிதானங் தே³வானங் ஸஹப்³யதங்
உபபஜ்ஜந்தி, அப்பேகச்சே யாமானங் தே³வானங் ஸஹப்³யதங் உபபஜ்ஜந்தி, அப்பேகச்சே
தாவதிங்ஸானங் தே³வானங் ஸஹப்³யதங் உபபஜ்ஜந்தி, அப்பேகச்சே சாதுமஹாராஜிகானங்
தே³வானங் ஸஹப்³யதங் உபபஜ்ஜந்தி. யே ஸப்³ப³னிஹீனங் காயங் பரிபூரெந்தி, தே
க³ந்த⁴ப்³ப³காயங் பரிபூரெந்தீ’’’தி.

286. ‘இமமத்த²ங் ,
ப⁴ந்தே, ப்³ரஹ்மா ஸனங்குமாரோ பா⁴ஸித்த²; இமமத்த²ங், ப⁴ந்தே, ப்³ரஹ்முனோ
ஸனங்குமாரஸ்ஸ பா⁴ஸதோ கோ⁴ஸோயேவ தே³வா மஞ்ஞந்தி – ‘‘ய்வாயங் மம பல்லங்கே
ஸ்வாயங் ஏகோவ பா⁴ஸதீ’’தி.

ஏகஸ்மிங் பா⁴ஸமானஸ்மிங், ஸப்³பே³ பா⁴ஸந்தி நிம்மிதா;

ஏகஸ்மிங் துண்ஹிமாஸீனே, ஸப்³பே³ துண்ஹீ ப⁴வந்தி தே.

ததா³ஸு தே³வா மஞ்ஞந்தி, தாவதிங்ஸா ஸஹிந்த³கா;

ய்வாயங் மம பல்லங்கஸ்மிங், ஸ்வாயங் ஏகோவ பா⁴ஸதீதி.

‘அத² கோ², ப⁴ந்தே, ப்³ரஹ்மா ஸனங்குமாரோ ஏகத்தேன அத்தானங் உபஸங்ஹரதி, ஏகத்தேன அத்தானங் உபஸங்ஹரித்வா ஸக்கஸ்ஸ தே³வானமிந்த³ஸ்ஸ பல்லங்கே பல்லங்கேன நிஸீதி³த்வா தே³வே தாவதிங்ஸே ஆமந்தேஸி –

பா⁴விதஇத்³தி⁴பாதோ³

287.
‘‘‘தங் கிங் மஞ்ஞந்தி, பொ⁴ந்தோ தே³வா தாவதிங்ஸா, யாவ ஸுபஞ்ஞத்தா சிமே தேன
ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன சத்தாரோ இத்³தி⁴பாதா³
பஞ்ஞத்தா இத்³தி⁴பஹுதாய [இத்³தி⁴ப³ஹுலீகதாய (ஸ்யா॰)] இத்³தி⁴விஸவிதாய [இத்³தி⁴விஸேவிதாய (ஸ்யா॰)]
இத்³தி⁴விகுப்³ப³னதாய. கதமே சத்தாரோ? இத⁴ போ⁴ பி⁴க்கு²
ச²ந்த³ஸமாதி⁴ப்பதா⁴னஸங்கா²ரஸமன்னாக³தங் இத்³தி⁴பாத³ங் பா⁴வேதி.
வீரியஸமாதி⁴ப்பதா⁴னஸங்கா²ரஸமன்னாக³தங் இத்³தி⁴பாத³ங் பா⁴வேதி.
சித்தஸமாதி⁴ப்பதா⁴னஸங்கா²ரஸமன்னாக³தங் இத்³தி⁴பாத³ங் பா⁴வேதி.
வீமங்ஸாஸமாதி⁴ப்பதா⁴னஸங்கா²ரஸமன்னாக³தங் இத்³தி⁴பாத³ங் பா⁴வேதி. இமே கோ²,
போ⁴, தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன சத்தாரோ
இத்³தி⁴பாதா³ பஞ்ஞத்தா இத்³தி⁴பஹுதாய இத்³தி⁴விஸவிதாய
இத்³தி⁴விகுப்³ப³னதாய.

‘‘‘யே ஹி கேசி போ⁴ அதீதமத்³தா⁴னங் ஸமணா வா ப்³ராஹ்மணா
வா அனேகவிஹிதங் இத்³தி⁴வித⁴ங் பச்சனுபோ⁴ஸுங், ஸப்³பே³ தே இமேஸங்யேவ
சதுன்னங் இத்³தி⁴பாதா³னங் பா⁴விதத்தா ப³ஹுலீகதத்தா. யேபி ஹி கேசி போ⁴
அனாக³தமத்³தா⁴னங் ஸமணா வா ப்³ராஹ்மணா வா அனேகவிஹிதங் இத்³தி⁴வித⁴ங்
பச்சனுபொ⁴ஸ்ஸந்தி, ஸப்³பே³ தே இமேஸங்யேவ சதுன்னங்
இத்³தி⁴பாதா³னங் பா⁴விதத்தா ப³ஹுலீகதத்தா. யேபி ஹி கேசி போ⁴ ஏதரஹி ஸமணா வா
ப்³ராஹ்மணா வா அனேகவிஹிதங் இத்³தி⁴வித⁴ங் பச்சனுபொ⁴ந்தி, ஸப்³பே³ தே
இமேஸங்யேவ சதுன்னங் இத்³தி⁴பாதா³னங் பா⁴விதத்தா ப³ஹுலீகதத்தா. பஸ்ஸந்தி நோ
பொ⁴ந்தோ தே³வா தாவதிங்ஸா மமபிமங் ஏவரூபங் இத்³தா⁴னுபா⁴வ’’ந்தி? ‘‘ஏவங் மஹாப்³ரஹ்மே’’தி. ‘‘அஹம்பி கோ² போ⁴ இமேஸங்யேவ சதுன்னஞ்ச இத்³தி⁴பாதா³னங்
பா⁴விதத்தா ப³ஹுலீகதத்தா ஏவங் மஹித்³தி⁴கோ ஏவங்மஹானுபா⁴வோ’’தி. இமமத்த²ங்,
ப⁴ந்தே, ப்³ரஹ்மா ஸனங்குமாரோ பா⁴ஸித்த². இமமத்த²ங், ப⁴ந்தே, ப்³ரஹ்மா
ஸனங்குமாரோ பா⁴ஸித்வா தே³வே தாவதிங்ஸே ஆமந்தேஸி –

திவிதோ⁴ ஓகாஸாதி⁴க³மோ

288.
‘‘‘தங் கிங் மஞ்ஞந்தி, பொ⁴ந்தோ தே³வா தாவதிங்ஸா, யாவஞ்சித³ங் தேன ப⁴க³வதா
ஜானதா பஸ்ஸதா அரஹதா ஸம்மாஸம்பு³த்³தே⁴ன தயோ ஓகாஸாதி⁴க³மா அனுபு³த்³தா⁴
ஸுக²ஸ்ஸாதி⁴க³மாய. கதமே தயோ? இத⁴ போ⁴ ஏகச்சோ ஸங்ஸட்டோ² விஹரதி காமேஹி
ஸங்ஸட்டோ² அகுஸலேஹி த⁴ம்மேஹி. ஸோ அபரேன ஸமயேன
அரியத⁴ம்மங் ஸுணாதி, யோனிஸோ மனஸி கரோதி, த⁴ம்மானுத⁴ம்மங் படிபஜ்ஜதி. ஸோ
அரியத⁴ம்மஸ்ஸவனங் ஆக³ம்ம யோனிஸோமனஸிகாரங் த⁴ம்மானுத⁴ம்மப்படிபத்திங்
அஸங்ஸட்டோ² விஹரதி காமேஹி அஸங்ஸட்டோ² அகுஸலேஹி த⁴ம்மேஹி. தஸ்ஸ அஸங்ஸட்ட²ஸ்ஸ
காமேஹி அஸங்ஸட்ட²ஸ்ஸ அகுஸலேஹி த⁴ம்மேஹி உப்பஜ்ஜதி ஸுக²ங், ஸுகா² பி⁴ய்யோ
ஸோமனஸ்ஸங். ஸெய்யதா²பி, போ⁴, பமுதா³ பாமோஜ்ஜங் [பாமுஜ்ஜங் (பீ॰ க॰)] ஜாயேத², ஏவமேவ
கோ², போ⁴, அஸங்ஸட்ட²ஸ்ஸ காமேஹி அஸங்ஸட்ட²ஸ்ஸ அகுஸலேஹி த⁴ம்மேஹி உப்பஜ்ஜதி
ஸுக²ங், ஸுகா² பி⁴ய்யோ ஸோமனஸ்ஸங். அயங் கோ², போ⁴, தேன ப⁴க³வதா ஜானதா பஸ்ஸதா
அரஹதா ஸம்மாஸம்பு³த்³தே⁴ன பட²மோ ஓகாஸாதி⁴க³மோ அனுபு³த்³தோ⁴
ஸுக²ஸ்ஸாதி⁴க³மாய.

‘‘‘புன சபரங், போ⁴, இதே⁴கச்சஸ்ஸ ஓளாரிகா காயஸங்கா²ரா
அப்படிப்பஸ்ஸத்³தா⁴ ஹொந்தி, ஓளாரிகா வசீஸங்கா²ரா அப்படிப்பஸ்ஸத்³தா⁴
ஹொந்தி, ஓளாரிகா சித்தஸங்கா²ரா அப்படிப்பஸ்ஸத்³தா⁴ ஹொந்தி. ஸோ அபரேன ஸமயேன
அரியத⁴ம்மங் ஸுணாதி, யோனிஸோ மனஸி கரோதி, த⁴ம்மானுத⁴ம்மங் படிபஜ்ஜதி. தஸ்ஸ
அரியத⁴ம்மஸ்ஸவனங் ஆக³ம்ம யோனிஸோமனஸிகாரங் த⁴ம்மானுத⁴ம்மப்படிபத்திங்
ஓளாரிகா காயஸங்கா²ரா படிப்பஸ்ஸம்ப⁴ந்தி, ஓளாரிகா வசீஸங்கா²ரா
படிப்பஸ்ஸம்ப⁴ந்தி, ஓளாரிகா சித்தஸங்கா²ரா
படிப்பஸ்ஸம்ப⁴ந்தி. தஸ்ஸ ஓளாரிகானங் காயஸங்கா²ரானங் படிப்பஸ்ஸத்³தி⁴யா
ஓளாரிகானங் வசீஸங்கா²ரானங் படிப்பஸ்ஸத்³தி⁴யா ஓளாரிகானங் சித்தஸங்கா²ரானங்
படிப்பஸ்ஸத்³தி⁴யா உப்பஜ்ஜதி ஸுக²ங், ஸுகா² பி⁴ய்யோ ஸோமனஸ்ஸங்.
ஸெய்யதா²பி, போ⁴, பமுதா³ பாமோஜ்ஜங் ஜாயேத², ஏவமேவ கோ² போ⁴ ஓளாரிகானங்
காயஸங்கா²ரானங் படிப்பஸ்ஸத்³தி⁴யா ஓளாரிகானங் வசீஸங்கா²ரானங்
படிப்பஸ்ஸத்³தி⁴யா ஓளாரிகானங் சித்தஸங்கா²ரானங் படிப்பஸ்ஸத்³தி⁴யா
உப்பஜ்ஜதி ஸுக²ங், ஸுகா² பி⁴ய்யோ ஸோமனஸ்ஸங். அயங் கோ², போ⁴, தேன ப⁴க³வதா
ஜானதா பஸ்ஸதா அரஹதா ஸம்மாஸம்பு³த்³தே⁴ன து³தியோ ஓகாஸாதி⁴க³மோ அனுபு³த்³தோ⁴
ஸுக²ஸ்ஸாதி⁴க³மாய.

‘‘‘புன சபரங், போ⁴, இதே⁴கச்சோ
‘இத³ங் குஸல’ந்தி யதா²பூ⁴தங் நப்பஜானாதி, ‘இத³ங் அகுஸல’ந்தி யதா²பூ⁴தங்
நப்பஜானாதி. ‘இத³ங் ஸாவஜ்ஜங் இத³ங் அனவஜ்ஜங், இத³ங் ஸேவிதப்³ப³ங் இத³ங் ந
ஸேவிதப்³ப³ங், இத³ங் ஹீனங் இத³ங் பணீதங், இத³ங் கண்ஹஸுக்கஸப்படிபா⁴க³’ந்தி
யதா²பூ⁴தங் நப்பஜானாதி. ஸோ அபரேன ஸமயேன அரியத⁴ம்மங் ஸுணாதி, யோனிஸோ மனஸி
கரோதி, த⁴ம்மானுத⁴ம்மங் படிபஜ்ஜதி. ஸோ அரியத⁴ம்மஸ்ஸவனங் ஆக³ம்ம
யோனிஸோமனஸிகாரங் த⁴ம்மானுத⁴ம்மப்படிபத்திங், ‘இத³ங் குஸல’ந்தி யதா²பூ⁴தங்
பஜானாதி, ‘இத³ங் அகுஸல’ந்தி யதா²பூ⁴தங் பஜானாதி. இத³ங் ஸாவஜ்ஜங் இத³ங்
அனவஜ்ஜங், இத³ங் ஸேவிதப்³ப³ங் இத³ங் ந ஸேவிதப்³ப³ங், இத³ங் ஹீனங் இத³ங்
பணீதங், இத³ங் கண்ஹஸுக்கஸப்படிபா⁴க³’ந்தி யதா²பூ⁴தங் பஜானாதி. தஸ்ஸ ஏவங்
ஜானதோ ஏவங் பஸ்ஸதோ அவிஜ்ஜா பஹீயதி, விஜ்ஜா உப்பஜ்ஜதி. தஸ்ஸ அவிஜ்ஜாவிராகா³
விஜ்ஜுப்பாதா³ உப்பஜ்ஜதி ஸுக²ங், ஸுகா² பி⁴ய்யோ ஸோமனஸ்ஸங். ஸெய்யதா²பி,
போ⁴, பமுதா³ பாமோஜ்ஜங் ஜாயேத² , ஏவமேவ கோ², போ⁴,
அவிஜ்ஜாவிராகா³ விஜ்ஜுப்பாதா³ உப்பஜ்ஜதி ஸுக²ங், ஸுகா² பி⁴ய்யோ ஸோமனஸ்ஸங்.
அயங் கோ², போ⁴, தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன ததியோ
ஓகாஸாதி⁴க³மோ அனுபு³த்³தோ⁴ ஸுக²ஸ்ஸாதி⁴க³மாய. இமே
கோ², போ⁴, தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன தயோ
ஓகாஸாதி⁴க³மா அனுபு³த்³தா⁴ ஸுக²ஸ்ஸாதி⁴க³மாயா’’தி. இமமத்த²ங், ப⁴ந்தே,
ப்³ரஹ்மா ஸனங்குமாரோ பா⁴ஸித்த², இமமத்த²ங், ப⁴ந்தே, ப்³ரஹ்மா ஸனங்குமாரோ
பா⁴ஸித்வா தே³வே தாவதிங்ஸே ஆமந்தேஸி –

சதுஸதிபட்டா²னங்

289.
‘‘‘தங் கிங் மஞ்ஞந்தி, பொ⁴ந்தோ தே³வா தாவதிங்ஸா, யாவ ஸுபஞ்ஞத்தா சிமே தேன
ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன சத்தாரோ ஸதிபட்டா²னா
பஞ்ஞத்தா குஸலஸ்ஸாதி⁴க³மாய. கதமே சத்தாரோ? இத⁴ ,
போ⁴, பி⁴க்கு² அஜ்ஜ²த்தங் காயே காயானுபஸ்ஸீ விஹரதி ஆதாபீ ஸம்பஜானோ ஸதிமா
வினெய்ய லோகே அபி⁴ஜ்ஜா²தோ³மனஸ்ஸங். அஜ்ஜ²த்தங் காயே காயானுபஸ்ஸீ விஹரந்தோ
தத்த² ஸம்மா ஸமாதி⁴யதி, ஸம்மா விப்பஸீத³தி. ஸோ தத்த² ஸம்மா ஸமாஹிதோ ஸம்மா
விப்பஸன்னோ ப³ஹித்³தா⁴ பரகாயே ஞாணத³ஸ்ஸனங் அபி⁴னிப்³ப³த்தேதி. அஜ்ஜ²த்தங்
வேத³னாஸு வேத³னானுபஸ்ஸீ விஹரதி…பே॰… ப³ஹித்³தா⁴ பரவேத³னாஸு ஞாணத³ஸ்ஸனங்
அபி⁴னிப்³ப³த்தேதி. அஜ்ஜ²த்தங் சித்தே சித்தானுபஸ்ஸீ விஹரதி…பே॰…
ப³ஹித்³தா⁴ பரசித்தே ஞாணத³ஸ்ஸனங் அபி⁴னிப்³ப³த்தேதி. அஜ்ஜ²த்தங்
த⁴ம்மேஸு த⁴ம்மானுபஸ்ஸீ விஹரதி ஆதாபீ ஸம்பஜானோ ஸதிமா வினெய்ய லோகே
அபி⁴ஜ்ஜா²தோ³மனஸ்ஸங். அஜ்ஜ²த்தங் த⁴ம்மேஸு த⁴ம்மானுபஸ்ஸீ விஹரந்தோ தத்த²
ஸம்மா ஸமாதி⁴யதி, ஸம்மா விப்பஸீத³தி. ஸோ தத்த² ஸம்மா ஸமாஹிதோ ஸம்மா
விப்பஸன்னோ ப³ஹித்³தா⁴ பரத⁴ம்மேஸு ஞாணத³ஸ்ஸனங் அபி⁴னிப்³ப³த்தேதி. இமே கோ²,
போ⁴, தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன சத்தாரோ
ஸதிபட்டா²னா பஞ்ஞத்தா குஸலஸ்ஸாதி⁴க³மாயா’’தி. இமமத்த²ங், ப⁴ந்தே, ப்³ரஹ்மா
ஸனங்குமாரோ பா⁴ஸித்த². இமமத்த²ங், ப⁴ந்தே, ப்³ரஹ்மா ஸனங்குமாரோ பா⁴ஸித்வா
தே³வே தாவதிங்ஸே ஆமந்தேஸி –

ஸத்த ஸமாதி⁴பரிக்கா²ரா

290. ‘‘‘தங் கிங் மஞ்ஞந்தி, பொ⁴ந்தோ தே³வா தாவதிங்ஸா, யாவ ஸுபஞ்ஞத்தா சிமே தேன ப⁴க³வதா
ஜானதா பஸ்ஸதா அரஹதா ஸம்மாஸம்பு³த்³தே⁴ன ஸத்த ஸமாதி⁴பரிக்கா²ரா
ஸம்மாஸமாதி⁴ஸ்ஸ பரிபா⁴வனாய ஸம்மாஸமாதி⁴ஸ்ஸ பாரிபூரியா. கதமே ஸத்த?
ஸம்மாதி³ட்டி² ஸம்மாஸங்கப்போ ஸம்மாவாசா ஸம்மாகம்மந்தோ ஸம்மாஆஜீவோ
ஸம்மாவாயாமோ ஸம்மாஸதி. யா கோ², போ⁴, இமேஹி ஸத்தஹங்கே³ஹி சித்தஸ்ஸ
ஏகக்³க³தா பரிக்க²தா, அயங் வுச்சதி, போ⁴, அரியோ ஸம்மாஸமாதி⁴ ஸஉபனிஸோ இதிபி
ஸபரிக்கா²ரோ இதிபி. ஸம்மாதி³ட்டி²ஸ்ஸ போ⁴, ஸம்மாஸங்கப்போ பஹோதி,
ஸம்மாஸங்கப்பஸ்ஸ ஸம்மாவாசா பஹோதி, ஸம்மாவாசஸ்ஸ ஸம்மாகம்மந்தோ பஹோதி.
ஸம்மாகம்மந்தஸ்ஸ ஸம்மாஆஜீவோ பஹோதி, ஸம்மாஆஜீவஸ்ஸ ஸம்மாவாயாமோ பஹோதி,
ஸம்மாவாயாமஸ்ஸ ஸம்மாஸதி பஹோதி , ஸம்மாஸதிஸ்ஸ
ஸம்மாஸமாதி⁴ பஹோதி, ஸம்மாஸமாதி⁴ஸ்ஸ ஸம்மாஞாணங் பஹோதி, ஸம்மாஞாணஸ்ஸ
ஸம்மாவிமுத்தி பஹோதி. யஞ்ஹி தங், போ⁴, ஸம்மா வத³மானோ வதெ³ய்ய –
‘ஸ்வாக்கா²தோ ப⁴க³வதா த⁴ம்மோ ஸந்தி³ட்டி²கோ அகாலிகோ ஏஹிபஸ்ஸிகோ ஓபனெய்யிகோ
பச்சத்தங் வேதி³தப்³போ³ விஞ்ஞூஹி அபாருதா அமதஸ்ஸ
த்³வாரா’தி இத³மேவ தங் ஸம்மா வத³மானோ வதெ³ய்ய. ஸ்வாக்கா²தோ ஹி, போ⁴,
ப⁴க³வதா த⁴ம்மோ ஸந்தி³ட்டி²கோ, அகாலிகோ ஏஹிபஸ்ஸிகோ ஓபனெய்யிகோ பச்சத்தங்
வேதி³தப்³போ³ விஞ்ஞூஹி அபாருதா அமதஸ்ஸ த்³வாரா [த்³வாராதி (ஸ்யா॰ க॰)].

‘‘‘யே ஹி கேசி, போ⁴, பு³த்³தே⁴ அவேச்சப்பஸாதே³ன
ஸமன்னாக³தா, த⁴ம்மே அவேச்சப்பஸாதே³ன ஸமன்னாக³தா, ஸங்கே⁴ அவேச்சப்பஸாதே³ன
ஸமன்னாக³தா, அரியகந்தேஹி ஸீலேஹி ஸமன்னாக³தா , யே
சிமே ஓபபாதிகா த⁴ம்மவினீதா ஸாதிரேகானி சதுவீஸதிஸதஸஹஸ்ஸானி மாக³த⁴கா
பரிசாரகா அப்³ப⁴தீதா காலங்கதா திண்ணங் ஸங்யோஜனானங் பரிக்க²யா ஸோதாபன்னா
அவினிபாதத⁴ம்மா நியதா ஸம்போ³தி⁴பராயணா. அத்தி² சேவெத்த² ஸகதா³கா³மினோ.

‘‘அத்தா²யங் [அதா²யங் (ஸீ॰ ஸ்யா॰)] இதரா பஜா, புஞ்ஞாபா⁴கா³தி மே மனோ;

ஸங்கா²துங் நோபி ஸக்கோமி, முஸாவாத³ஸ்ஸ ஒத்தப்ப’’ந்தி.

291.
‘இமமத்த²ங், ப⁴ந்தே, ப்³ரஹ்மா ஸனங்குமாரோ பா⁴ஸித்த², இமமத்த²ங், ப⁴ந்தே,
ப்³ரஹ்முனோ ஸனங்குமாரஸ்ஸ பா⁴ஸதோ வெஸ்ஸவணஸ்ஸ மஹாராஜஸ்ஸ ஏவங் சேதஸோ
பரிவிதக்கோ உத³பாதி³ – ‘‘அச்ச²ரியங் வத போ⁴, அப்³பு⁴தங்
வத போ⁴, ஏவரூபோபி நாம உளாரோ ஸத்தா² ப⁴விஸ்ஸதி, ஏவரூபங் உளாரங்
த⁴ம்மக்கா²னங், ஏவரூபா உளாரா விஸேஸாதி⁴க³மா பஞ்ஞாயிஸ்ஸந்தீ’’தி. அத²,
ப⁴ந்தே, ப்³ரஹ்மா ஸனங்குமாரோ வெஸ்ஸவணஸ்ஸ மஹாராஜஸ்ஸ சேதஸா
சேதோபரிவிதக்கமஞ்ஞாய வெஸ்ஸவணங் மஹாராஜானங் ஏதத³வோச – ‘‘தங் கிங் மஞ்ஞதி
ப⁴வங் வெஸ்ஸவணோ மஹாராஜா அதீதம்பி அத்³தா⁴னங் ஏவரூபோ உளாரோ ஸத்தா² அஹோஸி,
ஏவரூபங் உளாரங் த⁴ம்மக்கா²னங், ஏவரூபா உளாரா விஸேஸாதி⁴க³மா பஞ்ஞாயிங்ஸு.
அனாக³தம்பி அத்³தா⁴னங் ஏவரூபோ உளாரோ ஸத்தா² ப⁴விஸ்ஸதி, ஏவரூபங் உளாரங் த⁴ம்மக்கா²னங், ஏவரூபா உளாரா விஸேஸாதி⁴க³மா பஞ்ஞாயிஸ்ஸந்தீ’’’தி.

292.
‘‘‘இமமத்த²ங், ப⁴ந்தே, ப்³ரஹ்மா ஸனங்குமாரோ தே³வானங் தாவதிங்ஸானங் அபா⁴ஸி,
இமமத்த²ங் வெஸ்ஸவணோ மஹாராஜா ப்³ரஹ்முனோ ஸனங்குமாரஸ்ஸ தே³வானங் தாவதிங்ஸானங் பா⁴ஸதோ ஸம்முகா² ஸுதங் [ஸுத்வா (ஸீ॰ பீ॰)] ஸம்முகா² படிக்³க³ஹிதங் ஸயங் பரிஸாயங் ஆரோசேஸி’’.

இமமத்த²ங் ஜனவஸபோ⁴ யக்கோ² வெஸ்ஸவணஸ்ஸ மஹாராஜஸ்ஸ ஸயங் பரிஸாயங் பா⁴ஸதோ ஸம்முகா² ஸுதங் ஸம்முகா² படிக்³க³ஹிதங் [படிக்³க³ஹெத்வா (ஸீ॰ பீ॰)]
ப⁴க³வதோ ஆரோசேஸி. இமமத்த²ங் ப⁴க³வா ஜனவஸப⁴ஸ்ஸ யக்க²ஸ்ஸ ஸம்முகா² ஸுத்வா
ஸம்முகா² படிக்³க³ஹெத்வா ஸாமஞ்ச அபி⁴ஞ்ஞாய ஆயஸ்மதோ ஆனந்த³ஸ்ஸ ஆரோசேஸி,
இமமத்த²மாயஸ்மா ஆனந்தோ³ ப⁴க³வதோ ஸம்முகா² ஸுத்வா ஸம்முகா² படிக்³க³ஹெத்வா
ஆரோசேஸி பி⁴க்கூ²னங் பி⁴க்கு²னீனங் உபாஸகானங்
உபாஸிகானங். தயித³ங் ப்³ரஹ்மசரியங் இத்³த⁴ஞ்சேவ பீ²தஞ்ச வித்தா²ரிகங்
பா³ஹுஜஞ்ஞங் புது²பூ⁴தங் யாவ தே³வமனுஸ்ஸேஹி ஸுப்பகாஸிதந்தி.

ஜனவஸப⁴ஸுத்தங் நிட்டி²தங் பஞ்சமங்.

comments (0)
ஸுத்தபிடக-Part-17-தமிழில் திரபிடக மூன்று தொகுப்புகள்TIPITAKA–17.4. மஹாஸுதஸ்ஸனஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org
Filed under: General
Posted by: site admin @ 5:34 am

up a level
ஸுத்தபிடக-Part-17-மிழில் திபி  மூன்று தொகுப்புள்TIPITAKA--17.
4. மஹாஸுதஸ்ஸனஸுத்தங்-from FREE ONLINE  eNālāndā Research and
Practice UNIVERSITY through http://sarvajan.ambedkar.org

4. மஹாஸுதஸ்ஸனஸுத்தங்

241. ஏவங்
மே ஸுதங் – ஏகங் ஸமயங் ப⁴க³வா குஸினாராயங் விஹரதி உபவத்தனே மல்லானங்
ஸாலவனே அந்தரேன யமகஸாலானங் பரினிப்³பா³னஸமயே. அத² கோ² ஆயஸ்மா ஆனந்தோ³ யேன
ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³. ஏகமந்தங் நிஸின்னோ கோ² ஆயஸ்மா ஆனந்தோ³ ப⁴க³வந்தங் ஏதத³வோச – ‘‘மா,
ப⁴ந்தே, ப⁴க³வா இமஸ்மிங் கு²த்³த³கனக³ரகே உஜ்ஜங்க³லனக³ரகே ஸாகா²னக³ரகே
பரினிப்³பா³யி. ஸந்தி, ப⁴ந்தே, அஞ்ஞானி மஹானக³ரானி. ஸெய்யதி²த³ங் – சம்பா,
ராஜக³ஹங், ஸாவத்தி², ஸாகேதங், கோஸம்பீ³, பா³ராணஸீ; எத்த² ப⁴க³வா
பரினிப்³பா³யது. எத்த² ப³ஹூ க²த்தியமஹாஸாலா ப்³ராஹ்மணமஹாஸாலா க³ஹபதிமஹாஸாலா
ததா²க³தே அபி⁴ப்பஸன்னா, தே ததா²க³தஸ்ஸ ஸரீரபூஜங் கரிஸ்ஸந்தீ’’தி.

242. ‘‘மா ஹேவங், ஆனந்த³, அவச; மா ஹேவங், ஆனந்த³, அவச – கு²த்³த³கனக³ரகங் உஜ்ஜங்க³லனக³ரகங் ஸாகா²னக³ரக’’ந்தி.

குஸாவதீராஜதா⁴னீ

‘‘பூ⁴தபுப்³ப³ங், ஆனந்த³, ராஜா மஹாஸுத³ஸ்ஸனோ நாம அஹோஸி க²த்தியோ முத்³தா⁴வஸித்தோ [க²த்தியோ முத்³தா⁴பி⁴ஸித்தோ (க॰), சக்கவத்தீத⁴ம்மிகோ த⁴ம்மராஜா (மஹாபரினிப்³பா³னஸுத்த)] சாதுரந்தோ விஜிதாவீ ஜனபத³த்தா²வரியப்பத்தோ .
ரஞ்ஞோ, ஆனந்த³, மஹாஸுத³ஸ்ஸனஸ்ஸ அயங் குஸினாரா குஸாவதீ நாம ராஜதா⁴னீ அஹோஸி.
புரத்தி²மேன ச பச்சி²மேன ச த்³வாத³ஸயோஜனானி ஆயாமேன, உத்தரேன ச த³க்கி²ணேன ச
ஸத்தயோஜனானி வித்தா²ரேன. குஸாவதீ, ஆனந்த³, ராஜதா⁴னீ இத்³தா⁴ சேவ அஹோஸி
பீ²தா ச ப³ஹுஜனா ச ஆகிண்ணமனுஸ்ஸா ச ஸுபி⁴க்கா² ச. ஸெய்யதா²பி, ஆனந்த³ , தே³வானங் ஆளகமந்தா³ நாம ராஜதா⁴னீ இத்³தா⁴ சேவ ஹோதி பீ²தா ச [இத்³தா⁴ சேவ அஹோஸி பீ²தா ச (ஸ்யா॰)]
ப³ஹுஜனா ச ஆகிண்ணயக்கா² ச ஸுபி⁴க்கா² ச; ஏவமேவ கோ², ஆனந்த³, குஸாவதீ
ராஜதா⁴னீ இத்³தா⁴ சேவ அஹோஸி பீ²தா ச ப³ஹுஜனா ச ஆகிண்ணமனுஸ்ஸா ச ஸுபி⁴க்கா²
ச. குஸாவதீ, ஆனந்த³ , ராஜதா⁴னீ த³ஸஹி ஸத்³தே³ஹி
அவிவித்தா அஹோஸி தி³வா சேவ ரத்திஞ்ச, ஸெய்யதி²த³ங் – ஹத்தி²ஸத்³தே³ன
அஸ்ஸஸத்³தே³ன ரத²ஸத்³தே³ன பே⁴ரிஸத்³தே³ன முதி³ங்க³ஸத்³தே³ன வீணாஸத்³தே³ன
கீ³தஸத்³தே³ன ஸங்க²ஸத்³தே³ன ஸம்மஸத்³தே³ன பாணிதாளஸத்³தே³ன ‘அஸ்னாத² பிவத² கா²த³தா²’தி த³ஸமேன ஸத்³தே³ன.

‘‘குஸாவதீ, ஆனந்த³, ராஜதா⁴னீ ஸத்தஹி பாகாரேஹி
பரிக்கி²த்தா அஹோஸி. ஏகோ பாகாரோ ஸோவண்ணமயோ, ஏகோ ரூபியமயோ, ஏகோ வேளுரியமயோ,
ஏகோ ப²லிகமயோ, ஏகோ லோஹிதங்கமயோ [லோஹிதங்க³மயோ (க॰), லோஹிதகமயோ (ப்³யாகரணேஸு)],
ஏகோ மஸாரக³ல்லமயோ, ஏகோ ஸப்³ப³ரதனமயோ. குஸாவதியா, ஆனந்த³, ராஜதா⁴னியா
சதுன்னங் வண்ணானங் த்³வாரானி அஹேஸுங். ஏகங் த்³வாரங் ஸோவண்ணமயங், ஏகங்
ரூபியமயங், ஏகங் வேளுரியமயங், ஏகங் ப²லிகமயங் .
ஏகேகஸ்மிங் த்³வாரே ஸத்த ஸத்த ஏஸிகா நிகா²தா அஹேஸுங் திபோரிஸங்கா³
திபோரிஸனிகா²தா த்³வாத³ஸபோரிஸா உப்³பே³தே⁴ன. ஏகா ஏஸிகா ஸோவண்ணமயா, ஏகா
ரூபியமயா, ஏகா வேளுரியமயா, ஏகா ப²லிகமயா, ஏகா லோஹிதங்கமயா, ஏகா
மஸாரக³ல்லமயா, ஏகா ஸப்³ப³ரதனமயா. குஸாவதீ, ஆனந்த³, ராஜதா⁴னீ ஸத்தஹி
தாலபந்தீஹி பரிக்கி²த்தா அஹோஸி. ஏகா தாலபந்தி ஸோவண்ணமயா, ஏகா ரூபியமயா, ஏகா
வேளுரியமயா, ஏகா ப²லிகமயா, ஏகா லோஹிதங்கமயா, ஏகா மஸாரக³ல்லமயா, ஏகா
ஸப்³ப³ரதனமயா. ஸோவண்ணமயஸ்ஸ தாலஸ்ஸ ஸோவண்ணமயோ க²ந்தோ⁴ அஹோஸி, ரூபியமயானி
பத்தானி ச ப²லானி ச. ரூபியமயஸ்ஸ தாலஸ்ஸ ரூபியமயோ க²ந்தோ⁴ அஹோஸி,
ஸோவண்ணமயானி பத்தானி ச ப²லானி ச. வேளுரியமயஸ்ஸ தாலஸ்ஸ வேளுரியமயோ க²ந்தோ⁴
அஹோஸி, ப²லிகமயானி பத்தானி ச ப²லானி ச. ப²லிகமயஸ்ஸ தாலஸ்ஸ ப²லிகமயோ க²ந்தோ⁴
அஹோஸி, வேளுரியமயானி பத்தானி ச ப²லானி ச. லோஹிதங்கமயஸ்ஸ தாலஸ்ஸ
லோஹிதங்கமயோ க²ந்தோ⁴ அஹோஸி, மஸாரக³ல்லமயானி பத்தானி ச ப²லானி ச.
மஸாரக³ல்லமயஸ்ஸ தாலஸ்ஸ மஸாரக³ல்லமயோ க²ந்தோ⁴ அஹோஸி, லோஹிதங்கமயானி பத்தானி ச
ப²லானி ச. ஸப்³ப³ரதனமயஸ்ஸ தாலஸ்ஸ ஸப்³ப³ரதனமயோ க²ந்தோ⁴ அஹோஸி,
ஸப்³ப³ரதனமயானி பத்தானி ச ப²லானி ச. தாஸங் கோ² பனானந்த³, தாலபந்தீனங்
வாதேரிதானங் ஸத்³தோ³ அஹோஸி வக்³கு³ ச ரஜனீயோ ச க²மனீயோ [கமனீயோ (ஸீ॰ ஸ்யா॰ பீ॰)]
ச மத³னீயோ ச. ஸெய்யதா²பி, ஆனந்த³, பஞ்சங்கி³கஸ்ஸ தூரியஸ்ஸ ஸுவினீதஸ்ஸ
ஸுப்படிதாளிதஸ்ஸ ஸுகுஸலேஹி ஸமன்னாஹதஸ்ஸ ஸத்³தோ³ ஹோதி வக்³கு³ ச ரஜனீயோ ச க²மனீயோ ச மத³னீயோ ச ,
ஏவமேவ கோ², ஆனந்த³, தாஸங் தாலபந்தீனங் வாதேரிதானங் ஸத்³தோ³ அஹோஸி வக்³கு³ ச
ரஜனீயோ ச க²மனீயோ ச மத³னீயோ ச. யே கோ² பனானந்த³, தேன ஸமயேன குஸாவதியா
ராஜதா⁴னியா து⁴த்தா அஹேஸுங் ஸொண்டா³ பிபாஸா, தே தாஸங் தாலபந்தீனங்
வாதேரிதானங் ஸத்³தே³ன பரிசாரேஸுங்.

சக்கரதனங்

243. ‘‘ராஜா ,
ஆனந்த³, மஹாஸுத³ஸ்ஸனோ ஸத்தஹி ரதனேஹி ஸமன்னாக³தோ அஹோஸி சதூஹி ச இத்³தீ⁴ஹி.
கதமேஹி ஸத்தஹி? இதா⁴னந்த³, ரஞ்ஞோ மஹாஸுத³ஸ்ஸனஸ்ஸ தத³ஹுபோஸதே² பன்னரஸே
ஸீஸங்ன்ஹாதஸ்ஸ உபோஸதி²கஸ்ஸ உபரிபாஸாத³வரக³தஸ்ஸ தி³ப்³ப³ங் சக்கரதனங்
பாதுரஹோஸி ஸஹஸ்ஸாரங் ஸனேமிகங் ஸனாபி⁴கங் ஸப்³பா³காரபரிபூரங். தி³ஸ்வா ரஞ்ஞோ
மஹாஸுத³ஸ்ஸனஸ்ஸ ஏதத³ஹோஸி – ‘ஸுதங் கோ² பனேதங் – ‘‘யஸ்ஸ ரஞ்ஞோ க²த்தியஸ்ஸ
முத்³தா⁴வஸித்தஸ்ஸ தத³ஹுபோஸதே² பன்னரஸே ஸீஸங்ன்ஹாதஸ்ஸ உபோஸதி²கஸ்ஸ
உபரிபாஸாத³வரக³தஸ்ஸ தி³ப்³ப³ங் சக்கரதனங் பாதுப⁴வதி ஸஹஸ்ஸாரங் ஸனேமிகங்
ஸனாபி⁴கங் ஸப்³பா³காரபரிபூரங், ஸோ ஹோதி ராஜா சக்கவத்தீ’’தி. அஸ்ஸங் நு கோ²
அஹங் ராஜா சக்கவத்தீ’தி.

244.
‘‘அத² கோ², ஆனந்த³, ராஜா மஹாஸுத³ஸ்ஸனோ உட்டா²யாஸனா ஏகங்ஸங் உத்தராஸங்க³ங்
கரித்வா வாமேன ஹத்தே²ன ஸுவண்ணபி⁴ங்காரங் க³ஹெத்வா த³க்கி²ணேன ஹத்தே²ன
சக்கரதனங் அப்³பு⁴க்கிரி – ‘பவத்தது ப⁴வங் சக்கரதனங், அபி⁴விஜினாது ப⁴வங்
சக்கரதன’ந்தி. அத² கோ² தங், ஆனந்த³, சக்கரதனங் புரத்தி²மங் தி³ஸங் பவத்தி [பவத்ததி (ஸ்யா॰ க॰)], அன்வதே³வ [அனுதே³வ (ஸ்யா॰)] ராஜா மஹாஸுத³ஸ்ஸனோ ஸத்³தி⁴ங் சதுரங்கி³னியா ஸேனாய, யஸ்மிங் கோ² பனானந்த³, பதே³ஸே சக்கரதனங்
பதிட்டா²ஸி, தத்த² ராஜா மஹாஸுத³ஸ்ஸனோ வாஸங் உபக³ச்சி² ஸத்³தி⁴ங்
சதுரங்கி³னியா ஸேனாய. யே கோ² பனானந்த³, புரத்தி²மாய தி³ஸாய படிராஜானோ, தே
ராஜானங் மஹாஸுத³ஸ்ஸனங் உபஸங்கமித்வா ஏவமாஹங்ஸு –
‘ஏஹி கோ² மஹாராஜ, ஸ்வாக³தங் தே மஹாராஜ, ஸகங் தே மஹாராஜ, அனுஸாஸ மஹாராஜா’தி.
ராஜா மஹாஸுத³ஸ்ஸனோ ஏவமாஹ – ‘பாணோ ந ஹந்தப்³போ³, அதி³ன்னங் ந ஆதா³தப்³ப³ங்,
காமேஸு மிச்சா² ந சரிதப்³பா³, முஸா ந ப⁴ணிதப்³பா³, மஜ்ஜங் ந பாதப்³ப³ங்,
யதா²பு⁴த்தஞ்ச பு⁴ஞ்ஜதா²’தி . யே கோ² பனானந்த³,
புரத்தி²மாய தி³ஸாய படிராஜானோ, தே ரஞ்ஞோ மஹாஸுத³ஸ்ஸனஸ்ஸ அனுயந்தா அஹேஸுங்.
அத² கோ² தங், ஆனந்த³, சக்கரதனங் புரத்தி²மங் ஸமுத்³த³ங் அஜ்ஜோ²கா³ஹெத்வா
பச்சுத்தரித்வா த³க்கி²ணங் தி³ஸங் பவத்தி…பே॰… த³க்கி²ணங் ஸமுத்³த³ங்
அஜ்ஜோ²கா³ஹெத்வா பச்சுத்தரித்வா பச்சி²மங் தி³ஸங் பவத்தி…பே॰… பச்சி²மங்
ஸமுத்³த³ங் அஜ்ஜோ²கா³ஹெத்வா பச்சுத்தரித்வா உத்தரங் தி³ஸங் பவத்தி,
அன்வதே³வ ராஜா மஹாஸுத³ஸ்ஸனோ ஸத்³தி⁴ங் சதுரங்கி³னியா ஸேனாய. யஸ்மிங் கோ²
பனானந்த³, பதே³ஸே சக்கரதனங் பதிட்டா²ஸி, தத்த² ராஜா மஹாஸுத³ஸ்ஸனோ வாஸங்
உபக³ச்சி² ஸத்³தி⁴ங் சதுரங்கி³னியா ஸேனாய. யே கோ² பனானந்த³, உத்தராய தி³ஸாய
படிராஜானோ, தே ராஜானங் மஹாஸுத³ஸ்ஸனங் உபஸங்கமித்வா ஏவமாஹங்ஸு – ‘ஏஹி கோ²
மஹாராஜ, ஸ்வாக³தங் தே மஹாராஜ, ஸகங் தே மஹாராஜ, அனுஸாஸ மஹாராஜா’தி. ராஜா
மஹாஸுத³ஸ்ஸனோ ஏவமாஹ – ‘பாணோ ந ஹந்தப்³போ³, அதி³ன்னங் ந ஆதா³தப்³ப³ங்,
காமேஸு மிச்சா² ந சரிதப்³பா³, முஸா ந ப⁴ணிதப்³பா³, மஜ்ஜங் ந பாதப்³ப³ங் , யதா²பு⁴த்தஞ்ச பு⁴ஞ்ஜதா²’தி. யே கோ² பனானந்த³, உத்தராய தி³ஸாய படிராஜானோ , தே ரஞ்ஞோ மஹாஸுத³ஸ்ஸனஸ்ஸ அனுயந்தா அஹேஸுங்.

245.
‘‘அத² கோ² தங், ஆனந்த³, சக்கரதனங் ஸமுத்³த³பரியந்தங் பத²விங்
அபி⁴விஜினித்வா குஸாவதிங் ராஜதா⁴னிங் பச்சாக³ந்த்வா ரஞ்ஞோ மஹாஸுத³ஸ்ஸனஸ்ஸ
அந்தேபுரத்³வாரே அத்த²கரணபமுகே² அக்கா²ஹதங் மஞ்ஞே அட்டா²ஸி ரஞ்ஞோ
மஹாஸுத³ஸ்ஸனஸ்ஸ அந்தேபுரங் உபஸோப⁴யமானங். ரஞ்ஞோ, ஆனந்த³, மஹாஸுத³ஸ்ஸனஸ்ஸ
ஏவரூபங் சக்கரதனங் பாதுரஹோஸி.

ஹத்தி²ரதனங்

246.
‘‘புன சபரங், ஆனந்த³, ரஞ்ஞோ மஹாஸுத³ஸ்ஸனஸ்ஸ ஹத்தி²ரதனங் பாதுரஹோஸி
ஸப்³ப³ஸேதோ ஸத்தப்பதிட்டோ² இத்³தி⁴மா வேஹாஸங்க³மோ உபோஸதோ² நாம நாக³ராஜா.
தங் தி³ஸ்வா ரஞ்ஞோ மஹாஸுத³ஸ்ஸனஸ்ஸ சித்தங் பஸீதி³ – ‘ப⁴த்³த³கங் வத போ⁴
ஹத்தி²யானங், ஸசே த³மத²ங் உபெய்யா’தி. அத² கோ² தங், ஆனந்த³, ஹத்தி²ரதனங் –
ஸெய்யதா²பி நாம க³ந்த⁴ஹத்தா²ஜானியோ தீ³க⁴ரத்தங் ஸுபரித³ந்தோ, ஏவமேவ த³மத²ங்
உபக³ச்சி². பூ⁴தபுப்³ப³ங், ஆனந்த³, ராஜா மஹாஸுத³ஸ்ஸனோ தமேவ ஹத்தி²ரதனங்
வீமங்ஸமானோ புப்³ப³ண்ஹஸமயங் அபி⁴ருஹித்வா ஸமுத்³த³பரியந்தங் பத²விங்
அனுயாயித்வா குஸாவதிங் ராஜதா⁴னிங் பச்சாக³ந்த்வா பாதராஸமகாஸி. ரஞ்ஞோ,
ஆனந்த³, மஹாஸுத³ஸ்ஸனஸ்ஸ ஏவரூபங் ஹத்தி²ரதனங் பாதுரஹோஸி.

அஸ்ஸரதனங்

247. ‘‘புன
சபரங், ஆனந்த³, ரஞ்ஞோ மஹாஸுத³ஸ்ஸனஸ்ஸ அஸ்ஸரதனங் பாதுரஹோஸி ஸப்³ப³ஸேதோ
காளஸீஸோ முஞ்ஜகேஸோ இத்³தி⁴மா வேஹாஸங்க³மோ வலாஹகோ நாம அஸ்ஸராஜா. தங் தி³ஸ்வா
ரஞ்ஞோ மஹாஸுத³ஸ்ஸனஸ்ஸ சித்தங் பஸீதி³ – ‘ப⁴த்³த³கங் வத போ⁴ அஸ்ஸயானங் ஸசே
த³மத²ங் உபெய்யா’தி. அத² கோ² தங் ,
ஆனந்த³, அஸ்ஸரதனங் ஸெய்யதா²பி நாம ப⁴த்³தோ³ அஸ்ஸாஜானியோ தீ³க⁴ரத்தங்
ஸுபரித³ந்தோ, ஏவமேவ த³மத²ங் உபக³ச்சி². பூ⁴தபுப்³ப³ங், ஆனந்த³, ராஜா
மஹாஸுத³ஸ்ஸனோ தமேவ அஸ்ஸரதனங் வீமங்ஸமானோ புப்³ப³ண்ஹஸமயங் அபி⁴ருஹித்வா
ஸமுத்³த³பரியந்தங் பத²விங் அனுயாயித்வா குஸாவதிங் ராஜதா⁴னிங் பச்சாக³ந்த்வா
பாதராஸமகாஸி. ரஞ்ஞோ, ஆனந்த³, மஹாஸுத³ஸ்ஸனஸ்ஸ ஏவரூபங் அஸ்ஸரதனங் பாதுரஹோஸி.

மணிரதனங்

248. ‘‘புன
சபரங், ஆனந்த³, ரஞ்ஞோ மஹாஸுத³ஸ்ஸனஸ்ஸ மணிரதனங் பாதுரஹோஸி. ஸோ அஹோஸி மணி
வேளுரியோ ஸுபோ⁴ ஜாதிமா அட்ட²ங்ஸோ ஸுபரிகம்மகதோ அச்சோ² விப்பஸன்னோ அனாவிலோ
ஸப்³பா³காரஸம்பன்னோ. தஸ்ஸ கோ² பனானந்த³, மணிரதனஸ்ஸ ஆபா⁴ ஸமந்தா யோஜனங்
பு²டா அஹோஸி. பூ⁴தபுப்³ப³ங், ஆனந்த³, ராஜா மஹாஸுத³ஸ்ஸனோ தமேவ மணிரதனங்
வீமங்ஸமானோ சதுரங்கி³னிங் ஸேனங் ஸன்னய்ஹித்வா மணிங் த⁴ஜக்³க³ங் ஆரோபெத்வா
ரத்தந்த⁴காரதிமிஸாய பாயாஸி. யே கோ² பனானந்த³, ஸமந்தா கா³மா அஹேஸுங், தே
தேனோபா⁴ஸேன கம்மந்தே பயோஜேஸுங் தி³வாதி மஞ்ஞமானா. ரஞ்ஞோ, ஆனந்த³,
மஹாஸுத³ஸ்ஸனஸ்ஸ ஏவரூபங் மணிரதனங் பாதுரஹோஸி.

இத்தி²ரதனங்

249.
‘‘புன சபரங், ஆனந்த³, ரஞ்ஞோ மஹாஸுத³ஸ்ஸனஸ்ஸ இத்தி²ரதனங் பாதுரஹோஸி
அபி⁴ரூபா த³ஸ்ஸனீயா பாஸாதி³கா பரமாய வண்ணபொக்க²ரதாய ஸமன்னாக³தா நாதிதீ³கா⁴
நாதிரஸ்ஸா நாதிகிஸா நாதிதூ²லா நாதிகாளிகா நாச்சோதா³தா அதிக்கந்தா
மானுஸிவண்ணங் [மானுஸ்ஸிவண்ணங் (ஸ்யா॰)] அப்பத்தா தி³ப்³ப³வண்ணங். தஸ்ஸ கோ² பனானந்த³, இத்தி²ரதனஸ்ஸ ஏவரூபோ காயஸம்ப²ஸ்ஸோ ஹோதி, ஸெய்யதா²பி
நாம தூலபிசுனோ வா கப்பாஸபிசுனோ வா. தஸ்ஸ கோ² பனானந்த³, இத்தி²ரதனஸ்ஸ ஸீதே
உண்ஹானி க³த்தானி ஹொந்தி, உண்ஹே ஸீதானி. தஸ்ஸ கோ² பனானந்த³, இத்தி²ரதனஸ்ஸ
காயதோ சந்த³னக³ந்தோ⁴ வாயதி, முக²தோ உப்பலக³ந்தோ⁴. தங் கோ² பனானந்த³,
இத்தி²ரதனங் ரஞ்ஞோ மஹாஸுத³ஸ்ஸனஸ்ஸ புப்³பு³ட்டா²யினீ அஹோஸி பச்சா²னிபாதினீ கிங்காரபடிஸ்ஸாவினீ மனாபசாரினீ பியவாதி³னீ. தங் கோ² பனானந்த³, இத்தி²ரதனங் ராஜானங் மஹாஸுத³ஸ்ஸனங் மனஸாபி நோ அதிசரி [அதிசரீ (க॰), அதிசாரீ (ஸீ॰ ஸ்யா॰ பீ॰)], குதோ பன காயேன. ரஞ்ஞோ, ஆனந்த³, மஹாஸுத³ஸ்ஸனஸ்ஸ ஏவரூபங் இத்தி²ரதனங் பாதுரஹோஸி.

க³ஹபதிரதனங்

250.
‘‘புன சபரங், ஆனந்த³, ரஞ்ஞோ மஹாஸுத³ஸ்ஸனஸ்ஸ க³ஹபதிரதனங் பாதுரஹோஸி. தஸ்ஸ
கம்மவிபாகஜங் தி³ப்³ப³சக்கு² பாதுரஹோஸி யேன நிதி⁴ங் பஸ்ஸதி ஸஸ்ஸாமிகம்பி
அஸ்ஸாமிகம்பி. ஸோ ராஜானங் மஹாஸுத³ஸ்ஸனங் உபஸங்கமித்வா ஏவமாஹ –
‘அப்பொஸ்ஸுக்கோ த்வங், தே³வ, ஹோஹி, அஹங் தே த⁴னேன த⁴னகரணீயங் கரிஸ்ஸாமீ’தி.
பூ⁴தபுப்³ப³ங், ஆனந்த³, ராஜா மஹாஸுத³ஸ்ஸனோ தமேவ க³ஹபதிரதனங் வீமங்ஸமானோ
நாவங் அபி⁴ருஹித்வா மஜ்ஜே² க³ங்கா³ய நதி³யா ஸோதங் ஓகா³ஹித்வா க³ஹபதிரதனங்
ஏதத³வோச – ‘அத்தோ² மே, க³ஹபதி, ஹிரஞ்ஞஸுவண்ணேனா’தி. ‘தேன ஹி, மஹாராஜ, ஏகங்
தீரங் நாவா உபேதூ’தி. ‘இதே⁴வ மே, க³ஹபதி, அத்தோ² ஹிரஞ்ஞஸுவண்ணேனா’தி. அத²
கோ² தங், ஆனந்த³, க³ஹபதிரதனங் உபோ⁴ஹி ஹத்தே²ஹி உத³கங் ஓமஸித்வா பூரங்
ஹிரஞ்ஞஸுவண்ணஸ்ஸ கும்பி⁴ங் உத்³த⁴ரித்வா ராஜானங் மஹாஸுத³ஸ்ஸனங் ஏதத³வோச
– ‘அலமெத்தாவதா மஹாராஜ, கதமெத்தாவதா மஹாராஜ, பூஜிதமெத்தாவதா மஹாராஜா’தி?
ராஜா மஹாஸுத³ஸ்ஸனோ ஏவமாஹ – ‘அலமெத்தாவதா க³ஹபதி, கதமெத்தாவதா க³ஹபதி,
பூஜிதமெத்தாவதா க³ஹபதீ’தி. ரஞ்ஞோ , ஆனந்த³, மஹாஸுத³ஸ்ஸனஸ்ஸ ஏவரூபங் க³ஹபதிரதனங் பாதுரஹோஸி.

பரிணாயகரதனங்

251. ‘‘புன சபரங், ஆனந்த³, ரஞ்ஞோ மஹாஸுத³ஸ்ஸனஸ்ஸ பரிணாயகரதனங் பாதுரஹோஸி பண்டி³தோ வியத்தோ மேதா⁴வீ படிப³லோ ராஜானங் மஹாஸுத³ஸ்ஸனங்
உபயாபேதப்³ப³ங் உபயாபேதுங், அபயாபேதப்³ப³ங் அபயாபேதுங், ட²பேதப்³ப³ங்
ட²பேதுங். ஸோ ராஜானங் மஹாஸுத³ஸ்ஸனங் உபஸங்கமித்வா ஏவமாஹ – ‘அப்பொஸ்ஸுக்கோ
த்வங், தே³வ, ஹோஹி, அஹமனுஸாஸிஸ்ஸாமீ’தி. ரஞ்ஞோ, ஆனந்த³, மஹாஸுத³ஸ்ஸனஸ்ஸ
ஏவரூபங் பரிணாயகரதனங் பாதுரஹோஸி.

‘‘ராஜா, ஆனந்த³, மஹாஸுத³ஸ்ஸனோ இமேஹி ஸத்தஹி ரதனேஹி ஸமன்னாக³தோ அஹோஸி.

சதுஇத்³தி⁴ஸமன்னாக³தோ

252.
‘‘ராஜா, ஆனந்த³, மஹாஸுத³ஸ்ஸனோ சதூஹி இத்³தீ⁴ஹி ஸமன்னாக³தோ அஹோஸி. கதமாஹி
சதூஹி இத்³தீ⁴ஹி? இதா⁴னந்த³, ராஜா மஹாஸுத³ஸ்ஸனோ அபி⁴ரூபோ அஹோஸி த³ஸ்ஸனீயோ
பாஸாதி³கோ பரமாய வண்ணபொக்க²ரதாய ஸமன்னாக³தோ அதிவிய அஞ்ஞேஹி மனுஸ்ஸேஹி.
ராஜா, ஆனந்த³, மஹாஸுத³ஸ்ஸனோ இமாய பட²மாய இத்³தி⁴யா ஸமன்னாக³தோ அஹோஸி.

‘‘புன சபரங், ஆனந்த³, ராஜா மஹாஸுத³ஸ்ஸனோ தீ³கா⁴யுகோ அஹோஸி சிரட்டி²திகோ அதிவிய அஞ்ஞேஹி மனுஸ்ஸேஹி. ராஜா, ஆனந்த³, மஹாஸுத³ஸ்ஸனோ இமாய து³தியாய இத்³தி⁴யா ஸமன்னாக³தோ அஹோஸி.

‘‘புன சபரங், ஆனந்த³, ராஜா
மஹாஸுத³ஸ்ஸனோ அப்பாபா³தோ⁴ அஹோஸி அப்பாதங்கோ ஸமவேபாகினியா க³ஹணியா
ஸமன்னாக³தோ நாதிஸீதாய நாச்சுண்ஹாய அதிவிய அஞ்ஞேஹி மனுஸ்ஸேஹி. ராஜா, ஆனந்த³,
மஹாஸுத³ஸ்ஸனோ இமாய ததியாய இத்³தி⁴யா ஸமன்னாக³தோ அஹோஸி.

‘‘புன சபரங் , ஆனந்த³, ராஜா
மஹாஸுத³ஸ்ஸனோ ப்³ராஹ்மணக³ஹபதிகானங் பியோ அஹோஸி மனாபோ. ஸெய்யதா²பி, ஆனந்த³,
பிதா புத்தானங் பியோ ஹோதி மனாபோ, ஏவமேவ கோ², ஆனந்த³, ராஜா மஹாஸுத³ஸ்ஸனோ
ப்³ராஹ்மணக³ஹபதிகானங் பியோ அஹோஸி மனாபோ. ரஞ்ஞோபி, ஆனந்த³, மஹாஸுத³ஸ்ஸனஸ்ஸ
ப்³ராஹ்மணக³ஹபதிகா பியா அஹேஸுங் மனாபா. ஸெய்யதா²பி, ஆனந்த³, பிது புத்தா
பியா ஹொந்தி மனாபா, ஏவமேவ கோ², ஆனந்த³, ரஞ்ஞோபி மஹாஸுத³ஸ்ஸனஸ்ஸ
ப்³ராஹ்மணக³ஹபதிகா பியா அஹேஸுங் மனாபா.

‘‘பூ⁴தபுப்³ப³ங், ஆனந்த³, ராஜா மஹாஸுத³ஸ்ஸனோ
சதுரங்கி³னியா ஸேனாய உய்யானபூ⁴மிங் நிய்யாஸி. அத² கோ², ஆனந்த³,
ப்³ராஹ்மணக³ஹபதிகா ராஜானங் மஹாஸுத³ஸ்ஸனங் உபஸங்கமித்வா ஏவமாஹங்ஸு –
‘அதரமானோ, தே³வ, யாஹி, யதா² தங் மயங் சிரதரங்
பஸ்ஸெய்யாமா’தி. ராஜாபி, ஆனந்த³, மஹாஸுத³ஸ்ஸனோ ஸாரதி²ங் ஆமந்தேஸி –
‘அதரமானோ, ஸாரதி², ரத²ங் பேஸேஹி, யதா² அஹங் ப்³ராஹ்மணக³ஹபதிகே சிரதரங்
பஸ்ஸெய்ய’ந்தி. ராஜா, ஆனந்த³, மஹாஸுத³ஸ்ஸனோ இமாய சதுத்தி²யா [சதுத்தா²ய (ஸ்யா॰)] இத்³தி⁴யா ஸமன்னாக³தோ அஹோஸி. ராஜா, ஆனந்த³, மஹாஸுத³ஸ்ஸனோ இமாஹி சதூஹி இத்³தீ⁴ஹி ஸமன்னாக³தோ அஹோஸி.

த⁴ம்மபாஸாத³பொக்க²ரணீ

253. ‘‘அத² கோ², ஆனந்த³, ரஞ்ஞோ மஹாஸுத³ஸ்ஸனஸ்ஸ ஏதத³ஹோஸி – ‘யங்னூனாஹங் இமாஸு தாலந்தரிகாஸு த⁴னுஸதே த⁴னுஸதே பொக்க²ரணியோ மாபெய்ய’ந்தி.

‘‘மாபேஸி கோ², ஆனந்த³, ராஜா மஹாஸுத³ஸ்ஸனோ தாஸு
தாலந்தரிகாஸு த⁴னுஸதே த⁴னுஸதே பொக்க²ரணியோ. தா கோ² பனானந்த³, பொக்க²ரணியோ
சதுன்னங் வண்ணானங் இட்ட²காஹி சிதா அஹேஸுங் – ஏகா இட்ட²கா ஸோவண்ணமயா, ஏகா
ரூபியமயா, ஏகா வேளுரியமயா, ஏகா ப²லிகமயா.

‘‘தாஸு கோ² பனானந்த³, பொக்க²ரணீஸு சத்தாரி சத்தாரி
ஸோபானானி அஹேஸுங் சதுன்னங் வண்ணானங், ஏகங் ஸோபானங் ஸோவண்ணமயங் ஏகங்
ரூபியமயங் ஏகங் வேளுரியமயங் ஏகங் ப²லிகமயங். ஸோவண்ணமயஸ்ஸ ஸோபானஸ்ஸ ஸோவண்ணமயா
த²ம்பா⁴ அஹேஸுங், ரூபியமயா ஸூசியோ ச உண்ஹீஸஞ்ச. ரூபியமயஸ்ஸ ஸோபானஸ்ஸ
ரூபியமயா த²ம்பா⁴ அஹேஸுங், ஸோவண்ணமயா ஸூசியோ ச உண்ஹீஸஞ்ச. வேளுரியமயஸ்ஸ
ஸோபானஸ்ஸ வேளுரியமயா த²ம்பா⁴ அஹேஸுங், ப²லிகமயா ஸூசியோ ச உண்ஹீஸஞ்ச.
ப²லிகமயஸ்ஸ ஸோபானஸ்ஸ ப²லிகமயா த²ம்பா⁴ அஹேஸுங், வேளுரியமயா ஸூசியோ ச
உண்ஹீஸஞ்ச. தா கோ² பனானந்த³, பொக்க²ரணியோ த்³வீஹி வேதி³காஹி பரிக்கி²த்தா
அஹேஸுங் ஏகா வேதி³கா ஸோவண்ணமயா, ஏகா ரூபியமயா. ஸோவண்ணமயாய வேதி³காய
ஸோவண்ணமயா த²ம்பா⁴ அஹேஸுங், ரூபியமயா ஸூசியோ ச உண்ஹீஸஞ்ச. ரூபியமயாய
வேதி³காய ரூபியமயா த²ம்பா⁴ அஹேஸுங், ஸோவண்ணமயா ஸூசியோ ச உண்ஹீஸஞ்ச. அத²
கோ², ஆனந்த³ , ரஞ்ஞோ மஹாஸுத³ஸ்ஸனஸ்ஸ ஏதத³ஹோஸி –
‘யங்னூனாஹங் இமாஸு பொக்க²ரணீஸு ஏவரூபங் மாலங் ரோபாபெய்யங் உப்பலங் பது³மங்
குமுத³ங் புண்ட³ரீகங் ஸப்³போ³துகங் ஸப்³ப³ஜனஸ்ஸ அனாவட’ந்தி. ரோபாபேஸி கோ² ,
ஆனந்த³, ராஜா மஹாஸுத³ஸ்ஸனோ தாஸு பொக்க²ரணீஸு ஏவரூபங் மாலங் உப்பலங்
பது³மங் குமுத³ங் புண்ட³ரீகங் ஸப்³போ³துகங் ஸப்³ப³ஜனஸ்ஸ அனாவடங்.

254.
‘‘அத² கோ², ஆனந்த³, ரஞ்ஞோ மஹாஸுத³ஸ்ஸனஸ்ஸ ஏதத³ஹோஸி – ‘யங்னூனாஹங் இமாஸங்
பொக்க²ரணீனங் தீரே ந்ஹாபகே புரிஸே ட²பெய்யங், யே ஆக³தாக³தங் ஜனங்
ந்ஹாபெஸ்ஸந்தீ’தி. ட²பேஸி கோ², ஆனந்த³, ராஜா மஹாஸுத³ஸ்ஸனோ தாஸங்
பொக்க²ரணீனங் தீரே ந்ஹாபகே புரிஸே, யே ஆக³தாக³தங் ஜனங் ந்ஹாபேஸுங்.

‘‘அத² கோ², ஆனந்த³, ரஞ்ஞோ மஹாஸுத³ஸ்ஸனஸ்ஸ ஏதத³ஹோஸி –
‘யங்னூனாஹங் இமாஸங் பொக்க²ரணீனங் தீரே ஏவரூபங் தா³னங் பட்ட²பெய்யங் –
அன்னங் அன்னட்டி²கஸ்ஸ [அன்னத்தி²தஸ்ஸ (ஸீ॰ ஸ்யா॰ கங்॰ பீ॰), ஏவங் ஸப்³ப³த்த² பகபி⁴ரூபேனேவ தி³ஸ்ஸதி],
பானங் பானட்டி²கஸ்ஸ, வத்த²ங் வத்த²ட்டி²கஸ்ஸ, யானங் யானட்டி²கஸ்ஸ, ஸயனங்
ஸயனட்டி²கஸ்ஸ, இத்தி²ங் இத்தி²ட்டி²கஸ்ஸ, ஹிரஞ்ஞங் ஹிரஞ்ஞட்டி²கஸ்ஸ,
ஸுவண்ணங் ஸுவண்ணட்டி²கஸ்ஸா’தி. பட்ட²பேஸி கோ²,
ஆனந்த³, ராஜா மஹாஸுத³ஸ்ஸனோ தாஸங் பொக்க²ரணீனங் தீரே ஏவரூபங் தா³னங் –
அன்னங் அன்னட்டி²கஸ்ஸ, பானங் பானட்டி²கஸ்ஸ, வத்த²ங் வத்த²ட்டி²கஸ்ஸ, யானங்
யானட்டி²கஸ்ஸ, ஸயனங் ஸயனட்டி²கஸ்ஸ, இத்தி²ங் இத்தி²ட்டி²கஸ்ஸ, ஹிரஞ்ஞங்
ஹிரஞ்ஞட்டி²கஸ்ஸ, ஸுவண்ணங் ஸுவண்ணட்டி²கஸ்ஸ.

255.
‘‘அத² கோ², ஆனந்த³, ப்³ராஹ்மணக³ஹபதிகா பஹூதங் ஸாபதெய்யங் ஆதா³ய ராஜானங்
மஹாஸுத³ஸ்ஸனங் உபஸங்கமித்வா ஏவமாஹங்ஸு – ‘இத³ங், தே³வ, பஹூதங்
ஸாபதெய்யங் தே³வஞ்ஞேவ உத்³தி³ஸ்ஸ ஆப⁴தங், தங் தே³வோ படிக்³க³ண்ஹதூ’தி.
‘அலங் போ⁴, மமபித³ங் பஹூதங் ஸாபதெய்யங் த⁴ம்மிகேன ப³லினா அபி⁴ஸங்க²தங்,
தஞ்ச வோ ஹோது, இதோ ச பி⁴ய்யோ ஹரதா²’தி. தே ரஞ்ஞா படிக்கி²த்தா ஏகமந்தங்
அபக்கம்ம ஏவங் ஸமசிந்தேஸுங் – ‘ந கோ² ஏதங் அம்ஹாகங்
பதிரூபங், யங் மயங் இமானி ஸாபதெய்யானி புனதே³வ ஸகானி க⁴ரானி படிஹரெய்யாம.
யங்னூன மயங் ரஞ்ஞோ மஹாஸுத³ஸ்ஸனஸ்ஸ நிவேஸனங் மாபெய்யாமா’தி. தே ராஜானங்
மஹாஸுத³ஸ்ஸனங் உபஸங்கமித்வா ஏவமாஹங்ஸு – ‘நிவேஸனங் தே தே³வ, மாபெஸ்ஸாமா’தி.
அதி⁴வாஸேஸி கோ², ஆனந்த³, ராஜா மஹாஸுத³ஸ்ஸனோ துண்ஹீபா⁴வேன.

256. ‘‘அத² கோ², ஆனந்த³, ஸக்கோ தே³வானமிந்தோ³ ரஞ்ஞோ மஹாஸுத³ஸ்ஸனஸ்ஸ சேதஸா சேதோபரிவிதக்கமஞ்ஞாய விஸ்ஸகம்மங் [விஸுகம்மங் (க॰)] தே³வபுத்தங் ஆமந்தேஸி – ‘ஏஹி
த்வங், ஸம்ம விஸ்ஸகம்ம, ரஞ்ஞோ மஹாஸுத³ஸ்ஸனஸ்ஸ நிவேஸனங் மாபேஹி த⁴ம்மங் நாம
பாஸாத³’ந்தி. ‘ஏவங் ப⁴த்³த³ந்தவா’தி கோ², ஆனந்த³, விஸ்ஸகம்மோ தே³வபுத்தோ
ஸக்கஸ்ஸ தே³வானமிந்த³ஸ்ஸ படிஸ்ஸுத்வா ஸெய்யதா²பி நாம ப³லவா புரிஸோ
ஸமிஞ்ஜிதங் வா பா³ஹங் பஸாரெய்ய பஸாரிதங் வா பா³ஹங் ஸமிஞ்ஜெய்ய, ஏவமேவ
தே³வேஸு தாவதிங்ஸேஸு அந்தரஹிதோ ரஞ்ஞோ மஹாஸுத³ஸ்ஸனஸ்ஸ புரதோ பாதுரஹோஸி. அத²
கோ², ஆனந்த³, விஸ்ஸகம்மோ தே³வபுத்தோ ராஜானங் மஹாஸுத³ஸ்ஸனங் ஏதத³வோச –
‘நிவேஸனங் தே தே³வ, மாபெஸ்ஸாமி த⁴ம்மங் நாம பாஸாத³’ந்தி. அதி⁴வாஸேஸி கோ², ஆனந்த³, ராஜா மஹாஸுத³ஸ்ஸனோ துண்ஹீபா⁴வேன.

‘‘மாபேஸி கோ², ஆனந்த³, விஸ்ஸகம்மோ தே³வபுத்தோ ரஞ்ஞோ
மஹாஸுத³ஸ்ஸனஸ்ஸ நிவேஸனங் த⁴ம்மங் நாம பாஸாத³ங். த⁴ம்மோ, ஆனந்த³, பாஸாதோ³
புரத்தி²மேன பச்சி²மேன ச யோஜனங் ஆயாமேன அஹோஸி. உத்தரேன த³க்கி²ணேன ச
அட்³ட⁴யோஜனங் வித்தா²ரேன. த⁴ம்மஸ்ஸ, ஆனந்த³, பாஸாத³ஸ்ஸ திபோரிஸங் உச்சதரேன
வத்து² சிதங் அஹோஸி சதுன்னங் வண்ணானங் இட்ட²காஹி – ஏகா இட்ட²கா ஸோவண்ணமயா,
ஏகா ரூபியமயா, ஏகா வேளுரியமயா, ஏகா ப²லிகமயா.

‘‘த⁴ம்மஸ்ஸ, ஆனந்த³, பாஸாத³ஸ்ஸ சதுராஸீதி
த²ம்ப⁴ஸஹஸ்ஸானி அஹேஸுங் சதுன்னங் வண்ணானங் – ஏகோ த²ம்போ⁴ ஸோவண்ணமயோ, ஏகோ
ரூபியமயோ, ஏகோ வேளுரியமயோ, ஏகோ ப²லிகமயோ. த⁴ம்மோ, ஆனந்த³, பாஸாதோ³ சதுன்னங்
வண்ணானங் ப²லகேஹி ஸந்த²தோ அஹோஸி – ஏகங் ப²லகங் ஸோவண்ணமயங், ஏகங்
ரூபியமயங், ஏகங் வேளுரியமயங், ஏகங் ப²லிகமயங்.

‘‘த⁴ம்மஸ்ஸ, ஆனந்த³, பாஸாத³ஸ்ஸ சதுவீஸதி ஸோபானானி
அஹேஸுங் சதுன்னங் வண்ணானங் – ஏகங் ஸோபானங் ஸோவண்ணமயங், ஏகங் ரூபியமயங்,
ஏகங் வேளுரியமயங், ஏகங் ப²லிகமயங். ஸோவண்ணமயஸ்ஸ ஸோபானஸ்ஸ ஸோவண்ணமயா த²ம்பா⁴
அஹேஸுங் ரூபியமயா ஸூசியோ ச உண்ஹீஸஞ்ச. ரூபியமயஸ்ஸ ஸோபானஸ்ஸ ரூபியமயா
த²ம்பா⁴ அஹேஸுங் ஸோவண்ணமயா ஸூசியோ ச உண்ஹீஸஞ்ச. வேளுரியமயஸ்ஸ ஸோபானஸ்ஸ வேளுரியமயா த²ம்பா⁴ அஹேஸுங் ப²லிகமயா ஸூசியோ ச உண்ஹீஸஞ்ச. ப²லிகமயஸ்ஸ ஸோபானஸ்ஸ ப²லிகமயா த²ம்பா⁴ அஹேஸுங் வேளுரியமயா ஸூசியோ ச உண்ஹீஸஞ்ச.

‘‘த⁴ம்மே, ஆனந்த³, பாஸாதே³ சதுராஸீதி கூடாகா³ரஸஹஸ்ஸானி
அஹேஸுங் சதுன்னங் வண்ணானங் – ஏகங் கூடாகா³ரங் ஸோவண்ணமயங், ஏகங் ரூபியமயங்,
ஏகங் வேளுரியமயங் , ஏகங் ப²லிகமயங். ஸோவண்ணமயே
கூடாகா³ரே ரூபியமயோ பல்லங்கோ பஞ்ஞத்தோ அஹோஸி, ரூபியமயே கூடாகா³ரே ஸோவண்ணமயோ
பல்லங்கோ பஞ்ஞத்தோ அஹோஸி, வேளுரியமயே கூடாகா³ரே த³ந்தமயோ பல்லங்கோ
பஞ்ஞத்தோ அஹோஸி, ப²லிகமயே கூடாகா³ரே ஸாரமயோ பல்லங்கோ பஞ்ஞத்தோ அஹோஸி.
ஸோவண்ணமயஸ்ஸ கூடாகா³ரஸ்ஸ த்³வாரே ரூபியமயோ தாலோ டி²தோ அஹோஸி, தஸ்ஸ ரூபியமயோ
க²ந்தோ⁴ ஸோவண்ணமயானி பத்தானி ச ப²லானி ச. ரூபியமயஸ்ஸ கூடாகா³ரஸ்ஸ த்³வாரே
ஸோவண்ணமயோ தாலோ டி²தோ அஹோஸி, தஸ்ஸ ஸோவண்ணமயோ க²ந்தோ⁴, ரூபியமயானி பத்தானி ச
ப²லானி ச. வேளுரியமயஸ்ஸ கூடாகா³ரஸ்ஸ த்³வாரே ப²லிகமயோ தாலோ டி²தோ அஹோஸி,
தஸ்ஸ ப²லிகமயோ க²ந்தோ⁴, வேளுரியமயானி பத்தானி ச ப²லானி ச. ப²லிகமயஸ்ஸ
கூடாகா³ரஸ்ஸ த்³வாரே வேளுரியமயோ தாலோ டி²தோ அஹோஸி, தஸ்ஸ வேளுரியமயோ
க²ந்தோ⁴, ப²லிகமயானி பத்தானி ச ப²லானி ச.

257.
‘‘அத² கோ², ஆனந்த³, ரஞ்ஞோ மஹாஸுத³ஸ்ஸனஸ்ஸ ஏதத³ஹோஸி – ‘யங்னூனாஹங்
மஹாவியூஹஸ்ஸ கூடாகா³ரஸ்ஸ த்³வாரே ஸப்³ப³ஸோவண்ணமயங் தாலவனங் மாபெய்யங்,
யத்த² தி³வாவிஹாரங் நிஸீதி³ஸ்ஸாமீ’தி. மாபேஸி கோ², ஆனந்த³, ராஜா
மஹாஸுத³ஸ்ஸனோ மஹாவியூஹஸ்ஸ கூடாகா³ரஸ்ஸ த்³வாரே ஸப்³ப³ஸோவண்ணமயங் தாலவனங்,
யத்த² தி³வாவிஹாரங் நிஸீதி³. த⁴ம்மோ, ஆனந்த³ , பாஸாதோ³ த்³வீஹி வேதி³காஹி பரிக்கி²த்தோ
அஹோஸி, ஏகா வேதி³கா ஸோவண்ணமயா, ஏகா ரூபியமயா. ஸோவண்ணமயாய வேதி³காய
ஸோவண்ணமயா த²ம்பா⁴ அஹேஸுங், ரூபியமயா ஸூசியோ ச உண்ஹீஸஞ்ச. ரூபியமயாய
வேதி³காய ரூபியமயா த²ம்பா⁴ அஹேஸுங், ஸோவண்ணமயா ஸூசியோ ச உண்ஹீஸஞ்ச.

258. ‘‘த⁴ம்மோ, ஆனந்த³, பாஸாதோ³ த்³வீஹி கிங்கிணிகஜாலேஹி [கிங்கணிகஜாலேஹி (ஸ்யா॰ க॰)]
பரிக்கி²த்தோ அஹோஸி – ஏகங் ஜாலங் ஸோவண்ணமயங் ஏகங் ரூபியமயங். ஸோவண்ணமயஸ்ஸ
ஜாலஸ்ஸ ரூபியமயா கிங்கிணிகா அஹேஸுங், ரூபியமயஸ்ஸ ஜாலஸ்ஸ ஸோவண்ணமயா
கிங்கிணிகா அஹேஸுங். தேஸங் கோ² பனானந்த³, கிங்கிணிகஜாலானங் வாதேரிதானங்
ஸத்³தோ³ அஹோஸி வக்³கு³ ச ரஜனீயோ ச க²மனீயோ ச மத³னீயோ ச. ஸெய்யதா²பி,
ஆனந்த³, பஞ்சங்கி³கஸ்ஸ தூரியஸ்ஸ ஸுவினீதஸ்ஸ ஸுப்படிதாளிதஸ்ஸ ஸுகுஸலேஹி [குஸலேஹி (ஸீ॰ ஸ்யா॰ கங்॰ பீ॰)]
ஸமன்னாஹதஸ்ஸ ஸத்³தோ³ ஹோதி, வக்³கு³ ச ரஜனீயோ ச க²மனீயோ ச மத³னீயோ ச, ஏவமேவ
கோ², ஆனந்த³, தேஸங் கிங்கிணிகஜாலானங் வாதேரிதானங் ஸத்³தோ³ அஹோஸி வக்³கு³ ச
ரஜனீயோ ச க²மனீயோ ச மத³னீயோ ச. யே கோ² பனானந்த³,
தேன ஸமயேன குஸாவதியா ராஜதா⁴னியா து⁴த்தா அஹேஸுங் ஸொண்டா³ பிபாஸா, தே தேஸங்
கிங்கிணிகஜாலானங் வாதேரிதானங் ஸத்³தே³ன பரிசாரேஸுங். நிட்டி²தோ கோ²
பனானந்த³, த⁴ம்மோ பாஸாதோ³ து³த்³தி³க்கோ² அஹோஸி முஸதி சக்கூ²னி.
ஸெய்யதா²பி, ஆனந்த³, வஸ்ஸானங் பச்சி²மே மாஸே ஸரத³ஸமயே வித்³தே⁴ விக³தவலாஹகே
தே³வே ஆதி³ச்சோ நப⁴ங் அப்³பு⁴ஸ்ஸக்கமானோ [அப்³பு⁴க்³க³மமானோ (ஸீ॰ பீ॰ க॰)] து³த்³தி³க்கோ² [து³தி³க்கோ² (பீ॰)] ஹோதி முஸதி சக்கூ²னி; ஏவமேவ கோ², ஆனந்த³, த⁴ம்மோ பாஸாதோ³ து³த்³தி³க்கோ² அஹோஸி முஸதி சக்கூ²னி.

259.
‘‘அத² கோ², ஆனந்த³, ரஞ்ஞோ மஹாஸுத³ஸ்ஸனஸ்ஸ ஏதத³ஹோஸி – ‘யங்னூனாஹங் த⁴ம்மஸ்ஸ
பாஸாத³ஸ்ஸ புரதோ த⁴ம்மங் நாம பொக்க²ரணிங் மாபெய்ய’ந்தி. மாபேஸி கோ²,
ஆனந்த³, ராஜா மஹாஸுத³ஸ்ஸனோ த⁴ம்மஸ்ஸ பாஸாத³ஸ்ஸ புரதோ த⁴ம்மங் நாம
பொக்க²ரணிங். த⁴ம்மா, ஆனந்த³, பொக்க²ரணீ புரத்தி²மேன பச்சி²மேன ச யோஜனங்
ஆயாமேன அஹோஸி, உத்தரேன த³க்கி²ணேன ச அட்³ட⁴யோஜனங் வித்தா²ரேன. த⁴ம்மா,
ஆனந்த³, பொக்க²ரணீ சதுன்னங் வண்ணானங் இட்ட²காஹி சிதா அஹோஸி – ஏகா இட்ட²கா
ஸோவண்ணமயா, ஏகா ரூபியமயா, ஏகா வேளுரியமயா, ஏகா ப²லிகமயா.

‘‘த⁴ம்மாய, ஆனந்த³, பொக்க²ரணியா சதுவீஸதி ஸோபானானி
அஹேஸுங் சதுன்னங் வண்ணானங் – ஏகங் ஸோபானங் ஸோவண்ணமயங், ஏகங் ரூபியமயங்,
ஏகங் வேளுரியமயங், ஏகங் ப²லிகமயங். ஸோவண்ணமயஸ்ஸ ஸோபானஸ்ஸ ஸோவண்ணமயா த²ம்பா⁴
அஹேஸுங் ரூபியமயா ஸூசியோ ச உண்ஹீஸஞ்ச. ரூபியமயஸ்ஸ ஸோபானஸ்ஸ ரூபியமயா
த²ம்பா⁴ அஹேஸுங் ஸோவண்ணமயா ஸூசியோ ச உண்ஹீஸஞ்ச. வேளுரியமயஸ்ஸ ஸோபானஸ்ஸ
வேளுரியமயா த²ம்பா⁴ அஹேஸுங் ப²லிகமயா ஸூசியோ ச உண்ஹீஸஞ்ச. ப²லிகமயஸ்ஸ
ஸோபானஸ்ஸ ப²லிகமயா த²ம்பா⁴ அஹேஸுங் வேளுரியமயா ஸூசியோ ச உண்ஹீஸஞ்ச.

‘‘த⁴ம்மா, ஆனந்த³, பொக்க²ரணீ த்³வீஹி வேதி³காஹி
பரிக்கி²த்தா அஹோஸி – ஏகா வேதி³கா ஸோவண்ணமயா, ஏகா ரூபியமயா. ஸோவண்ணமயாய
வேதி³காய ஸோவண்ணமயா த²ம்பா⁴ அஹேஸுங் ரூபியமயா ஸூசியோ ச உண்ஹீஸஞ்ச. ரூபியமயாய வேதி³காய ரூபியமயா த²ம்பா⁴ அஹேஸுங் ஸோவண்ணமயா ஸூசியோ ச உண்ஹீஸஞ்ச.

‘‘த⁴ம்மா, ஆனந்த³, பொக்க²ரணீ ஸத்தஹி தாலபந்தீஹி
பரிக்கி²த்தா அஹோஸி – ஏகா தாலபந்தி ஸோவண்ணமயா, ஏகா ரூபியமயா, ஏகா
வேளுரியமயா, ஏகா ப²லிகமயா, ஏகா லோஹிதங்கமயா, ஏகா மஸாரக³ல்லமயா, ஏகா
ஸப்³ப³ரதனமயா. ஸோவண்ணமயஸ்ஸ தாலஸ்ஸ ஸோவண்ணமயோ க²ந்தோ⁴ அஹோஸி ரூபியமயானி பத்தானி ச ப²லானி ச. ரூபியமயஸ்ஸ தாலஸ்ஸ ரூபியமயோ
க²ந்தோ⁴ அஹோஸி ஸோவண்ணமயானி பத்தானி ச ப²லானி ச. வேளுரியமயஸ்ஸ தாலஸ்ஸ
வேளுரியமயோ க²ந்தோ⁴ அஹோஸி ப²லிகமயானி பத்தானி ச ப²லானி ச. ப²லிகமயஸ்ஸ
தாலஸ்ஸ ப²லிகமயோ க²ந்தோ⁴ அஹோஸி வேளுரியமயானி பத்தானி ச ப²லானி ச.
லோஹிதங்கமயஸ்ஸ தாலஸ்ஸ லோஹிதங்கமயோ க²ந்தோ⁴ அஹோஸி மஸாரக³ல்லமயானி பத்தானி ச
ப²லானி ச. மஸாரக³ல்லமயஸ்ஸ தாலஸ்ஸ மஸாரக³ல்லமயோ க²ந்தோ⁴ அஹோஸி லோஹிதங்கமயானி
பத்தானி ச ப²லானி ச. ஸப்³ப³ரதனமயஸ்ஸ தாலஸ்ஸ ஸப்³ப³ரதனமயோ க²ந்தோ⁴ அஹோஸி,
ஸப்³ப³ரதனமயானி பத்தானி ச ப²லானி ச. தாஸங் கோ² பனானந்த³, தாலபந்தீனங்
வாதேரிதானங் ஸத்³தோ³ அஹோஸி, வக்³கு³ ச ரஜனீயோ ச க²மனீயோ ச மத³னீயோ ச.
ஸெய்யதா²பி, ஆனந்த³, பஞ்சங்கி³கஸ்ஸ தூரியஸ்ஸ ஸுவினீதஸ்ஸ ஸுப்படிதாளிதஸ்ஸ
ஸுகுஸலேஹி ஸமன்னாஹதஸ்ஸ ஸத்³தோ³ ஹோதி வக்³கு³ ச ரஜனீயோ ச க²மனீயோ ச மத³னீயோ
ச, ஏவமேவ கோ², ஆனந்த³, தாஸங் தாலபந்தீனங் வாதேரிதானங் ஸத்³தோ³
அஹோஸி வக்³கு³ ச ரஜனீயோ ச க²மனீயோ ச மத³னீயோ ச. யே கோ² பனானந்த³, தேன
ஸமயேன குஸாவதியா ராஜதா⁴னியா து⁴த்தா அஹேஸுங் ஸொண்டா³ பிபாஸா, தே தாஸங்
தாலபந்தீனங் வாதேரிதானங் ஸத்³தே³ன பரிசாரேஸுங்.

‘‘நிட்டி²தே கோ² பனானந்த³, த⁴ம்மே பாஸாதே³ நிட்டி²தாய த⁴ம்மாய ச பொக்க²ரணியா ராஜா மஹாஸுத³ஸ்ஸனோ ‘யே [யே கோ பனானந்த³ (ஸ்யா॰ க॰)] தேன ஸமயேன ஸமணேஸு வா ஸமணஸம்மதா ப்³ராஹ்மணேஸு வா ப்³ராஹ்மணஸம்மதா’, தே ஸப்³ப³காமேஹி ஸந்தப்பெத்வா த⁴ம்மங் பாஸாத³ங் அபி⁴ருஹி.

பட²மபா⁴ணவாரோ.

ஜா²னஸம்பத்தி

260. ‘‘அத²
கோ², ஆனந்த³, ரஞ்ஞோ மஹாஸுத³ஸ்ஸனஸ்ஸ ஏதத³ஹோஸி – ‘கிஸ்ஸ நு கோ² மே இத³ங்
கம்மஸ்ஸ ப²லங் கிஸ்ஸ கம்மஸ்ஸ விபாகோ, யேனாஹங் ஏதரஹி ஏவங்மஹித்³தி⁴கோ
ஏவங்மஹானுபா⁴வோ’தி? அத² கோ², ஆனந்த³, ரஞ்ஞோ
மஹாஸுத³ஸ்ஸனஸ்ஸ ஏதத³ஹோஸி – ‘திண்ணங் கோ² மே இத³ங் கம்மானங் ப²லங் திண்ணங்
கம்மானங் விபாகோ, யேனாஹங் ஏதரஹி ஏவங்மஹித்³தி⁴கோ ஏவங்மஹானுபா⁴வோ,
ஸெய்யதி²த³ங் தா³னஸ்ஸ த³மஸ்ஸ ஸங்யமஸ்ஸா’தி.

‘‘அத² கோ², ஆனந்த³, ராஜா
மஹாஸுத³ஸ்ஸனோ யேன மஹாவியூஹங் கூடாகா³ரங் தேனுபஸங்கமி; உபஸங்கமித்வா
மஹாவியூஹஸ்ஸ கூடாகா³ரஸ்ஸ த்³வாரே டி²தோ உதா³னங் உதா³னேஸி – ‘திட்ட²,
காமவிதக்க, திட்ட², ப்³யாபாத³விதக்க, திட்ட², விஹிங்ஸாவிதக்க. எத்தாவதா
காமவிதக்க, எத்தாவதா ப்³யாபாத³விதக்க, எத்தாவதா விஹிங்ஸாவிதக்கா’தி.

261. ‘‘அத² கோ², ஆனந்த³, ராஜா மஹாஸுத³ஸ்ஸனோ மஹாவியூஹங்
கூடாகா³ரங் பவிஸித்வா ஸோவண்ணமயே பல்லங்கே நிஸின்னோ விவிச்சேவ காமேஹி
விவிச்ச அகுஸலேஹி த⁴ம்மேஹி ஸவிதக்கங் ஸவிசாரங் விவேகஜங் பீதிஸுக²ங் பட²மங்
ஜா²னங் உபஸம்பஜ்ஜ விஹாஸி. விதக்கவிசாரானங் வூபஸமா அஜ்ஜ²த்தங் ஸம்பஸாத³னங்
சேதஸோ ஏகோதி³பா⁴வங் அவிதக்கங் அவிசாரங் ஸமாதி⁴ஜங் பீதிஸுக²ங் து³தியங்
ஜா²னங் உபஸம்பஜ்ஜ விஹாஸி. பீதியா ச விராகா³ உபெக்க²கோ ச விஹாஸி, ஸதோ ச
ஸம்பஜானோ ஸுக²ஞ்ச காயேன படிஸங்வேதே³ஸி, யங் தங் அரியா ஆசிக்க²ந்தி –
‘உபெக்க²கோ ஸதிமா ஸுக²விஹாரீ’தி ததியங் ஜா²னங் உபஸம்பஜ்ஜ விஹாஸி. ஸுக²ஸ்ஸ ச
பஹானா து³க்க²ஸ்ஸ ச பஹானா புப்³பே³வ ஸோமனஸ்ஸதோ³மனஸ்ஸானங் அத்த²ங்க³மா
அது³க்க²மஸுக²ங் உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ
விஹாஸி.

262.
‘‘அத² கோ², ஆனந்த³, ராஜா மஹாஸுத³ஸ்ஸனோ மஹாவியூஹா கூடாகா³ரா நிக்க²மித்வா
ஸோவண்ணமயங் கூடாகா³ரங் பவிஸித்வா ரூபியமயே பல்லங்கே நிஸின்னோ மெத்தாஸஹக³தேன
சேதஸா ஏகங் தி³ஸங் ப²ரித்வா விஹாஸி. ததா² து³தியங் ததா² ததியங் ததா²
சதுத்த²ங். இதி உத்³த⁴மதோ⁴ திரியங் ஸப்³ப³தி⁴ ஸப்³ப³த்ததாய ஸப்³பா³வந்தங்
லோகங் மெத்தாஸஹக³தேன சேதஸா விபுலேன மஹக்³க³தேன அப்பமாணேன அவேரேன
அப்³யாபஜ்ஜேன ப²ரித்வா விஹாஸி. கருணாஸஹக³தேன சேதஸா…பே॰… முதி³தாஸஹக³தேன சேதஸா…பே॰… உபெக்கா²ஸஹக³தேன
சேதஸா ஏகங் தி³ஸங் ப²ரித்வா விஹாஸி ததா² து³தியங் ததா² ததியங் ததா²
சதுத்த²ங். இதி உத்³த⁴மதோ⁴ திரியங் ஸப்³ப³தி⁴ ஸப்³ப³த்ததாய ஸப்³பா³வந்தங்
லோகங் உபெக்கா²ஸஹக³தேன சேதஸா விபுலேன மஹக்³க³தேன அப்பமாணேன அவேரேன அப்³யாபஜ்ஜேன ப²ரித்வா விஹாஸி.

சதுராஸீதி நக³ரஸஹஸ்ஸாதி³

263.
‘‘ரஞ்ஞோ, ஆனந்த³, மஹாஸுத³ஸ்ஸனஸ்ஸ சதுராஸீதி நக³ரஸஹஸ்ஸானி அஹேஸுங்
குஸாவதீராஜதா⁴னிப்பமுகா²னி; சதுராஸீதி பாஸாத³ஸஹஸ்ஸானி அஹேஸுங்
த⁴ம்மபாஸாத³ப்பமுகா²னி; சதுராஸீதி கூடாகா³ரஸஹஸ்ஸானி அஹேஸுங்
மஹாவியூஹகூடாகா³ரப்பமுகா²னி; சதுராஸீதி பல்லங்கஸஹஸ்ஸானி
அஹேஸுங் ஸோவண்ணமயானி ரூபியமயானி த³ந்தமயானி ஸாரமயானி கோ³னகத்த²தானி
படிகத்த²தானி படலிகத்த²தானி கத³லிமிக³பவரபச்சத்த²ரணானி ஸஉத்தரச்ச²தா³னி
உப⁴தோலோஹிதகூபதா⁴னானி; சதுராஸீதி நாக³ஸஹஸ்ஸானி அஹேஸுங் ஸோவண்ணாலங்காரானி
ஸோவண்ணத⁴ஜானி ஹேமஜாலபடிச்ச²ன்னானி உபோஸத²னாக³ராஜப்பமுகா²னி; சதுராஸீதி
அஸ்ஸஸஹஸ்ஸானி அஹேஸுங் ஸோவண்ணாலங்காரானி ஸோவண்ணத⁴ஜானி ஹேமஜாலபடிச்ச²ன்னானி
வலாஹகஅஸ்ஸராஜப்பமுகா²னி; சதுராஸீதி ரத²ஸஹஸ்ஸானி அஹேஸுங் ஸீஹசம்மபரிவாரானி
ப்³யக்³க⁴சம்மபரிவாரானி தீ³பிசம்மபரிவாரானி பண்டு³கம்ப³லபரிவாரானி
ஸோவண்ணாலங்காரானி ஸோவண்ணத⁴ஜானி ஹேமஜாலபடிச்ச²ன்னானி வேஜயந்தரத²ப்பமுகா²னி;
சதுராஸீதி மணிஸஹஸ்ஸானி அஹேஸுங் மணிரதனப்பமுகா²னி; சதுராஸீதி இத்தி²ஸஹஸ்ஸானி
அஹேஸுங் ஸுப⁴த்³தா³தே³விப்பமுகா²னி; சதுராஸீதி
க³ஹபதிஸஹஸ்ஸானி அஹேஸுங் க³ஹபதிரதனப்பமுகா²னி; சதுராஸீதி க²த்தியஸஹஸ்ஸானி
அஹேஸுங் அனுயந்தானி பரிணாயகரதனப்பமுகா²னி; சதுராஸீதி தே⁴னுஸஹஸ்ஸானி அஹேஸுங்
து³ஹஸந்த³னானி [து³கூலஸந்த³னானி(பீ॰)] து³கூலஸந்தா³னானி [து³கூலஸந்த³னானி (பீ॰) து³கூலஸந்தா³னானி (ஸங்॰ நி॰ 3.96)] கங்ஸூபதா⁴ரணானி; சதுராஸீதி வத்த²கோடிஸஹஸ்ஸானி அஹேஸுங் கோ²மஸுகு²மானங் கப்பாஸிகஸுகு²மானங் கோஸெய்யஸுகு²மானங் கம்ப³லஸுகு²மானங் ; (ரஞ்ஞோ, ஆனந்த³, மஹாஸுத³ஸ்ஸனஸ்ஸ) [( ) ஸீ॰ இபொத்த²கேஸு நத்தி²] சதுராஸீதி தா²லிபாகஸஹஸ்ஸானி அஹேஸுங் ஸாயங் பாதங் ப⁴த்தாபி⁴ஹாரோ அபி⁴ஹரியித்த².

264. ‘‘தேன
கோ² பனானந்த³, ஸமயேன ரஞ்ஞோ மஹாஸுத³ஸ்ஸனஸ்ஸ சதுராஸீதி நாக³ஸஹஸ்ஸானி ஸாயங்
பாதங் உபட்டா²னங் ஆக³ச்ச²ந்தி. அத² கோ², ஆனந்த³, ரஞ்ஞோ மஹாஸுத³ஸ்ஸனஸ்ஸ
ஏதத³ஹோஸி – ‘இமானி கோ² மே சதுராஸீதி நாக³ஸஹஸ்ஸானி ஸாயங் பாதங் உபட்டா²னங்
ஆக³ச்ச²ந்தி, யங்னூன வஸ்ஸஸதஸ்ஸ வஸ்ஸஸதஸ்ஸ அச்சயேன த்³வேசத்தாலீஸங்
த்³வேசத்தாலீஸங் நாக³ஸஹஸ்ஸானி ஸகிங் ஸகிங் உபட்டா²னங் ஆக³ச்செ²ய்யு’ந்தி.
அத² கோ², ஆனந்த³, ராஜா மஹாஸுத³ஸ்ஸனோ பரிணாயகரதனங் ஆமந்தேஸி – ‘இமானி கோ²
மே, ஸம்ம பரிணாயகரதன, சதுராஸீதி நாக³ஸஹஸ்ஸானி ஸாயங் பாதங் உபட்டா²னங்
ஆக³ச்ச²ந்தி, தேன ஹி, ஸம்ம பரிணாயகரதன, வஸ்ஸஸதஸ்ஸ வஸ்ஸஸதஸ்ஸ அச்சயேன
த்³வேசத்தாலீஸங் த்³வேசத்தாலீஸங் நாக³ஸஹஸ்ஸானி
ஸகிங் ஸகிங் உபட்டா²னங் ஆக³ச்ச²ந்தூ’தி. ‘ஏவங், தே³வா’தி கோ², ஆனந்த³,
பரிணாயகரதனங் ரஞ்ஞோ மஹாஸுத³ஸ்ஸனஸ்ஸ பச்சஸ்ஸோஸி. அத² கோ², ஆனந்த³, ரஞ்ஞோ
மஹாஸுத³ஸ்ஸனஸ்ஸ அபரேன ஸமயேன வஸ்ஸஸதஸ்ஸ வஸ்ஸஸதஸ்ஸ அச்சயேன த்³வேசத்தாலீஸங்
த்³வேசத்தாலீஸங் நாக³ஸஹஸ்ஸானி ஸகிங் ஸகிங் உபட்டா²னங் ஆக³மங்ஸு.

ஸுப⁴த்³தா³தே³விஉபஸங்கமனங்

265. ‘‘அத² கோ², ஆனந்த³, ஸுப⁴த்³தா³ய தே³வியா ப³ஹுன்னங் வஸ்ஸானங் ப³ஹுன்னங் வஸ்ஸஸதானங் ப³ஹுன்னங்
வஸ்ஸஸஹஸ்ஸானங் அச்சயேன ஏதத³ஹோஸி – ‘சிரங் தி³ட்டோ² கோ² மே ராஜா
மஹாஸுத³ஸ்ஸனோ. யங்னூனாஹங் ராஜானங் மஹாஸுத³ஸ்ஸனங் த³ஸ்ஸனாய
உபஸங்கமெய்ய’ந்தி. அத² கோ², ஆனந்த³, ஸுப⁴த்³தா³ தே³வீ
இத்தா²கா³ரங் ஆமந்தேஸி – ‘ஏத² தும்ஹே ஸீஸானி ந்ஹாயத² பீதானி வத்தா²னி
பாருபத². சிரங் தி³ட்டோ² நோ ராஜா மஹாஸுத³ஸ்ஸனோ, ராஜானங் மஹாஸுத³ஸ்ஸனங்
த³ஸ்ஸனாய உபஸங்கமிஸ்ஸாமா’தி. ‘ஏவங், அய்யே’தி கோ², ஆனந்த³, இத்தா²கா³ரங்
ஸுப⁴த்³தா³ய தே³வியா படிஸ்ஸுத்வா ஸீஸானி ந்ஹாயித்வா பீதானி வத்தா²னி
பாருபித்வா யேன ஸுப⁴த்³தா³ தே³வீ தேனுபஸங்கமி. அத² கோ², ஆனந்த³, ஸுப⁴த்³தா³
தே³வீ பரிணாயகரதனங் ஆமந்தேஸி – ‘கப்பேஹி, ஸம்ம பரிணாயகரதன, சதுரங்கி³னிங்
ஸேனங், சிரங் தி³ட்டோ² நோ ராஜா மஹாஸுத³ஸ்ஸனோ, ராஜானங் மஹாஸுத³ஸ்ஸனங்
த³ஸ்ஸனாய உபஸங்கமிஸ்ஸாமா’தி. ‘ஏவங், தே³வீ’தி கோ², ஆனந்த³, பரிணாயகரதனங்
ஸுப⁴த்³தா³ய தே³வியா படிஸ்ஸுத்வா சதுரங்கி³னிங் ஸேனங் கப்பாபெத்வா
ஸுப⁴த்³தா³ய தே³வியா படிவேதே³ஸி – ‘கப்பிதா கோ², தே³வி, சதுரங்கி³னீ ஸேனா,
யஸ்ஸதா³னி காலங் மஞ்ஞஸீ’தி. அத² கோ², ஆனந்த³, ஸுப⁴த்³தா³
தே³வீ சதுரங்கி³னியா ஸேனாய ஸத்³தி⁴ங் இத்தா²கா³ரேன யேன த⁴ம்மோ பாஸாதோ³
தேனுபஸங்கமி; உபஸங்கமித்வா த⁴ம்மங் பாஸாத³ங் அபி⁴ருஹித்வா யேன மஹாவியூஹங்
கூடாகா³ரங் தேனுபஸங்கமி. உபஸங்கமித்வா மஹாவியூஹஸ்ஸ கூடாகா³ரஸ்ஸ
த்³வாரபா³ஹங் ஆலம்பி³த்வா அட்டா²ஸி. அத² கோ², ஆனந்த³, ராஜா மஹாஸுத³ஸ்ஸனோ
ஸத்³த³ங் ஸுத்வா – ‘கிங் நு கோ² மஹதோ விய ஜனகாயஸ்ஸ ஸத்³தோ³’தி மஹாவியூஹா
கூடாகா³ரா நிக்க²மந்தோ அத்³த³ஸ ஸுப⁴த்³த³ங் தே³விங் த்³வாரபா³ஹங்
ஆலம்பி³த்வா டி²தங், தி³ஸ்வான ஸுப⁴த்³த³ங் தே³விங் ஏதத³வோச – ‘எத்தே²வ,
தே³வி, திட்ட² மா பாவிஸீ’தி. அத² கோ², ஆனந்த³, ராஜா மஹாஸுத³ஸ்ஸனோ அஞ்ஞதரங்
புரிஸங் ஆமந்தேஸி – ‘ஏஹி த்வங், அம்போ⁴ புரிஸ, மஹாவியூஹா கூடாகா³ரா
ஸோவண்ணமயங் பல்லங்கங் நீஹரித்வா ஸப்³ப³ஸோவண்ணமயே தாலவனே பஞ்ஞபேஹீ’தி.
‘ஏவங், தே³வா’தி கோ², ஆனந்த³, ஸோ புரிஸோ ரஞ்ஞோ மஹாஸுத³ஸ்ஸனஸ்ஸ படிஸ்ஸுத்வா
மஹாவியூஹா கூடாகா³ரா ஸோவண்ணமயங் பல்லங்கங் நீஹரித்வா ஸப்³ப³ஸோவண்ணமயே
தாலவனே பஞ்ஞபேஸி. அத² கோ², ஆனந்த³, ராஜா மஹாஸுத³ஸ்ஸனோ த³க்கி²ணேன பஸ்ஸேன
ஸீஹஸெய்யங் கப்பேஸி பாதே³ பாத³ங் அச்சாதா⁴ய ஸதோ ஸம்பஜானோ.

266.
‘‘அத² கோ², ஆனந்த³, ஸுப⁴த்³தா³ய தே³வியா ஏதத³ஹோஸி – ‘விப்பஸன்னானி கோ²
ரஞ்ஞோ மஹாஸுத³ஸ்ஸனஸ்ஸ இந்த்³ரியானி, பரிஸுத்³தோ⁴ ச²விவண்ணோ பரியோதா³தோ, மா
ஹேவ கோ² ராஜா மஹாஸுத³ஸ்ஸனோ காலமகாஸீ’தி ராஜானங் மஹாஸுத³ஸ்ஸனங் ஏதத³வோச –

‘இமானி தே, தே³வ, சதுராஸீதி நக³ரஸஹஸ்ஸானி குஸாவதீராஜதா⁴னிப்பமுகா²னி. எத்த², தே³வ, ச²ந்த³ங் ஜனேஹி ஜீவிதே அபெக்க²ங் கரோஹி. இமானி
தே, தே³வ, சதுராஸீதி பாஸாத³ஸஹஸ்ஸானி த⁴ம்மபாஸாத³ப்பமுகா²னி. எத்த², தே³வ,
ச²ந்த³ங் ஜனேஹி ஜீவிதே அபெக்க²ங் கரோஹி. இமானி தே, தே³வ, சதுராஸீதி
கூடாகா³ரஸஹஸ்ஸானி மஹாவியூஹகூடாகா³ரப்பமுகா²னி. எத்த², தே³வ, ச²ந்த³ங்
ஜனேஹி ஜீவிதே அபெக்க²ங் கரோஹி. இமானி தே, தே³வ, சதுராஸீதி பல்லங்கஸஹஸ்ஸானி
ஸோவண்ணமயானி ரூபியமயானி த³ந்தமயானி ஸாரமயானி கோ³னகத்த²தானி படிகத்த²தானி
படலிகத்த²தானி கத³லிமிக³பவரபச்சத்த²ரணானி ஸஉத்தரச்ச²தா³னி
உப⁴தோலோஹிதகூபதா⁴னானி. எத்த², தே³வ, ச²ந்த³ங் ஜனேஹி, ஜீவிதே
அபெக்க²ங் கரோஹி. இமானி தே, தே³வ, சதுராஸீதி நாக³ஸஹஸ்ஸானி
ஸோவண்ணாலங்காரானி ஸோவண்ணத⁴ஜானி ஹேமஜாலபடிச்ச²ன்னானி
உபோஸத²னாக³ராஜப்பமுகா²னி. எத்த², தே³வ , ச²ந்த³ங்
ஜனேஹி ஜீவிதே அபெக்க²ங் கரோஹி. இமானி தே, தே³வ, சதுராஸீதி அஸ்ஸஸஹஸ்ஸானி
ஸோவண்ணாலங்காரானி ஸோவண்ணத⁴ஜானி ஹேமஜாலபடிச்ச²ன்னானி
வலாஹகஅஸ்ஸராஜப்பமுகா²னி. எத்த², தே³வ, ச²ந்த³ங் ஜனேஹி ஜீவிதே அபெக்க²ங்
கரோஹி. இமானி தே, தே³வ சதுராஸீதி ரத²ஸஹஸ்ஸானி ஸீஹசம்மபரிவாரானி
ப்³யக்³க⁴சம்மபரிவாரானி தீ³பிசம்மபரிவாரானி பண்டு³கம்ப³லபரிவாரானி
ஸோவண்ணாலங்காரானி ஸோவண்ணத⁴ஜானி ஹேமஜாலபடிச்ச²ன்னானி வேஜயந்தரத²ப்பமுகா²னி.
எத்த², தே³வ, ச²ந்த³ங் ஜனேஹி ஜீவிதே அபெக்க²ங் கரோஹி. இமானி தே, தே³வ,
சதுராஸீதி மணிஸஹஸ்ஸானி மணிரதனப்பமுகா²னி. எத்த², தே³வ, ச²ந்த³ங் ஜனேஹி
ஜீவிதே அபெக்க²ங் கரோஹி. இமானி தே, தே³வ, சதுராஸீதி இத்தி²ஸஹஸ்ஸானி
இத்தி²ரதனப்பமுகா²னி. எத்த², தே³வ, ச²ந்த³ங் ஜனேஹி ஜீவிதே அபெக்க²ங் கரோஹி.
இமானி தே, தே³வ, சதுராஸீதி க³ஹபதிஸஹஸ்ஸானி க³ஹபதிரதனப்பமுகா²னி. எத்த²,
தே³வ, ச²ந்த³ங் ஜனேஹி ஜீவிதே அபெக்க²ங் கரோஹி. இமானி தே, தே³வ, சதுராஸீதி
க²த்தியஸஹஸ்ஸானி அனுயந்தானி பரிணாயகரதனப்பமுகா²னி. எத்த², தே³வ, ச²ந்த³ங்
ஜனேஹி ஜீவிதே அபெக்க²ங் கரோஹி. இமானி தே, தே³வ, சதுராஸீதி தே⁴னுஸஹஸ்ஸானி
து³ஹஸந்த³னானி கங்ஸூபதா⁴ரணானி. எத்த², தே³வ,
ச²ந்த³ங் ஜனேஹி ஜீவிதே அபெக்க²ங் கரோஹி. இமானி தே, தே³வ, சதுராஸீதி
வத்த²கோடிஸஹஸ்ஸானி கோ²மஸுகு²மானங் கப்பாஸிகஸுகு²மானங் கோஸெய்யஸுகு²மானங்
கம்ப³லஸுகு²மானங். எத்த², தே³வ, ச²ந்த³ங் ஜனேஹி, ஜீவிதே அபெக்க²ங் கரோஹி.
இமானி தே, தே³வ, சதுராஸீதி தா²லிபாகஸஹஸ்ஸானி ஸாயங் பாதங் ப⁴த்தாபி⁴ஹாரோ
அபி⁴ஹரியதி. எத்த², தே³வ, ச²ந்த³ங் ஜனேஹி ஜீவிதே அபெக்க²ங் கரோஹீ’தி.

267. ‘‘ஏவங் வுத்தே, ஆனந்த³, ராஜா மஹாஸுத³ஸ்ஸனோ ஸுப⁴த்³த³ங் தே³விங் ஏதத³வோச –

‘தீ³க⁴ரத்தங் கோ² மங் த்வங், தே³வி, இட்டே²ஹி கந்தேஹி
பியேஹி மனாபேஹி ஸமுதா³சரித்த²; அத² ச பன மங் த்வங் பச்சி²மே காலே
அனிட்டே²ஹி அகந்தேஹி அப்பியேஹி அமனாபேஹி ஸமுதா³சரஸீ’தி. ‘கத²ங் சரஹி தங்,
தே³வ, ஸமுதா³சராமீ’தி? ‘ஏவங் கோ² மங் த்வங், தே³வி, ஸமுதா³சர –
‘‘ஸப்³பே³ஹேவ, தே³வ, பியேஹி மனாபேஹி நானாபா⁴வோ வினாபா⁴வோ அஞ்ஞதா²பா⁴வோ, மா
கோ² த்வங், தே³வ, ஸாபெக்கோ² காலமகாஸி, து³க்கா² ஸாபெக்க²ஸ்ஸ காலங்கிரியா,
க³ரஹிதா ச ஸாபெக்க²ஸ்ஸ காலங்கிரியா. இமானி தே, தே³வ, சதுராஸீதி நக³ரஸஹஸ்ஸானி
குஸாவதீராஜதா⁴னிப்பமுகா²னி. எத்த², தே³வ, ச²ந்த³ங் பஜஹ ஜீவிதே அபெக்க²ங்
மாகாஸி. இமானி தே, தே³வ, சதுராஸீதி பாஸாத³ஸஹஸ்ஸானி த⁴ம்மபாஸாத³ப்பமுகா²னி.
எத்த², தே³வ, ச²ந்த³ங் பஜஹ ஜீவிதே அபெக்க²ங் மாகாஸி. இமானி தே ,
தே³வ, சதுராஸீதி கூடாகா³ரஸஹஸ்ஸானி மஹாவியூஹகூடாகா³ரப்பமுகா²னி. எத்த²,
தே³வ, ச²ந்த³ங் பஜஹ ஜீவிதே அபெக்க²ங் மாகாஸி. இமானி தே, தே³வ, சதுராஸீதி
பல்லங்கஸஹஸ்ஸானி ஸோவண்ணமயானி ரூபியமயானி த³ந்தமயானி ஸாரமயானி கோ³னகத்த²தானி
படிகத்த²தானி படலிகத்த²தானி கத³லிமிக³பவரபச்சத்த²ரணானி ஸஉத்தரச்ச²தா³னி
உப⁴தோலோஹிதகூபதா⁴னானி. எத்த², தே³வ, ச²ந்த³ங் பஜஹ ஜீவிதே அபெக்க²ங் மாகாஸி.
இமானி தே, தே³வ, சதுராஸீதி நாக³ஸஹஸ்ஸானி ஸோவண்ணாலங்காரானி ஸோவண்ணத⁴ஜானி
ஹேமஜாலபடிச்ச²ன்னானி உபோஸத²னாக³ராஜப்பமுகா²னி.
எத்த², தே³வ, ச²ந்த³ங் பஜஹ ஜீவிதே அபெக்க²ங் மாகாஸி. இமானி தே, தே³வ,
சதுராஸீதி அஸ்ஸஸஹஸ்ஸானி ஸோவண்ணாலங்காரானி ஸோவண்ணத⁴ஜானி ஹேமஜாலபடிச்ச²ன்னானி
வலாஹகஅஸ்ஸராஜப்பமுகா²னி. எத்த², தே³வ, ச²ந்த³ங் பஜஹ ஜீவிதே அபெக்க²ங்
மாகாஸி. இமானி தே, தே³வ, சதுராஸீதி ரத²ஸஹஸ்ஸானி ஸீஹசம்மபரிவாரானி
ப்³யக்³க⁴சம்மபரிவாரானி தீ³பிசம்மபரிவாரானி பண்டு³கம்ப³லபரிவாரானி
ஸோவண்ணாலங்காரானி ஸோவண்ணத⁴ஜானி ஹேமஜாலபடிச்ச²ன்னானி வேஜயந்தரத²ப்பமுகா²னி.
எத்த², தே³வ, ச²ந்த³ங் பஜஹ ஜீவிதே அபெக்க²ங் மாகாஸி. இமானி தே, தே³வ,
சதுராஸீதி மணிஸஹஸ்ஸானி மணிரதனப்பமுகா²னி. எத்த², தே³வ, ச²ந்த³ங் பஜஹ ஜீவிதே
அபெக்க²ங் மாகாஸி. இமானி தே, தே³வ, சதுராஸீதி இத்தி²ஸஹஸ்ஸானி
ஸுப⁴த்³தா³தே³விப்பமுகா²னி. எத்த², தே³வ, ச²ந்த³ங் பஜஹ ஜீவிதே அபெக்க²ங்
மாகாஸி. இமானி தே, தே³வ, சதுராஸீதி க³ஹபதிஸஹஸ்ஸானி க³ஹபதிரதனப்பமுகா²னி.
எத்த², தே³வ, ச²ந்த³ங் பஜஹ ஜீவிதே அபெக்க²ங் மாகாஸி. இமானி தே, தே³வ,
சதுராஸீதி க²த்தியஸஹஸ்ஸானி அனுயந்தானி பரிணாயகரதனப்பமுகா²னி. எத்த², தே³வ,
ச²ந்த³ங் பஜஹ ஜீவிதே அபெக்க²ங் மாகாஸி. இமானி தே, தே³வ, சதுராஸீதி
தே⁴னுஸஹஸ்ஸானி து³ஹஸந்த³னானி கங்ஸூபதா⁴ரணானி. எத்த² தே³வ, ச²ந்த³ங் பஜஹ
ஜீவிதே அபெக்க²ங் மாகாஸி. இமானி தே, தே³வ,
சதுராஸீதி வத்த²கோடிஸஹஸ்ஸானி கோ²மஸுகு²மானங் கப்பாஸிகஸுகு²மானங்
கோஸெய்யஸுகு²மானங் கம்ப³லஸுகு²மானங். எத்த², தே³வ, ச²ந்த³ங் பஜஹ ஜீவிதே
அபெக்க²ங் மாகாஸி. இமானி தே தே³வ சதுராஸீதி
தா²லிபாகஸஹஸ்ஸானி ஸாயங் பாதங் ப⁴த்தாபி⁴ஹாரோ அபி⁴ஹரியதி. எத்த², தே³வ,
ச²ந்த³ங் பஜஹ ஜீவிதே அபெக்க²ங் மாகாஸீ’’’தி.

268. ‘‘ஏவங் வுத்தே, ஆனந்த³, ஸுப⁴த்³தா³ தே³வீ பரோதி³ அஸ்ஸூனி பவத்தேஸி. அத² கோ², ஆனந்த³, ஸுப⁴த்³தா³ தே³வீ அஸ்ஸூனி புஞ்சி²த்வா [பமஜ்ஜித்வா (ஸீ॰ ஸ்யா॰ பீ॰), புஞ்ஜித்வா (க॰)] ராஜானங் மஹாஸுத³ஸ்ஸனங் ஏதத³வோச –

‘ஸப்³பே³ஹேவ , தே³வ, பியேஹி
மனாபேஹி நானாபா⁴வோ வினாபா⁴வோ அஞ்ஞதா²பா⁴வோ, மா கோ² த்வங், தே³வ, ஸாபெக்கோ²
காலமகாஸி, து³க்கா² ஸாபெக்க²ஸ்ஸ காலங்கிரியா, க³ரஹிதா ச ஸாபெக்க²ஸ்ஸ
காலங்கிரியா. இமானி தே, தே³வ, சதுராஸீதி நக³ரஸஹஸ்ஸானி
குஸாவதீராஜதா⁴னிப்பமுகா²னி. எத்த², தே³வ, ச²ந்த³ங் பஜஹ ஜீவிதே அபெக்க²ங்
மாகாஸி. இமானி தே, தே³வ, சதுராஸீதி பாஸாத³ஸஹஸ்ஸானி த⁴ம்மபாஸாத³ப்பமுகா²னி.
எத்த², தே³வ, ச²ந்த³ங் பஜஹ ஜீவிதே அபெக்க²ங் மாகாஸி. இமானி தே, தே³வ,
சதுராஸீதி கூடாகா³ரஸஹஸ்ஸானி மஹாவியூஹகூடாகா³ரப்பமுகா²னி. எத்த², தே³வ,
ச²ந்த³ங் பஜஹ ஜீவிதே அபெக்க²ங் மாகாஸி. இமானி தே, தே³வ, சதுராஸீதி
பல்லங்கஸஹஸ்ஸானி ஸோவண்ணமயானி ரூபியமயானி த³ந்தமயானி ஸாரமயானி கோ³னகத்த²தானி
படிகத்த²தானி படலிகத்த²தானி கத³லிமிக³பவரபச்சத்த²ரணானி ஸஉத்தரச்ச²தா³னி
உப⁴தோலோஹிதகூபதா⁴னானி. எத்த², தே³வ, ச²ந்த³ங் பஜஹ ஜீவிதே அபெக்க²ங் மாகாஸி.
இமானி தே, தே³வ, சதுராஸீதி நாக³ஸஹஸ்ஸானி ஸோவண்ணாலங்காரானி ஸோவண்ணத⁴ஜானி
ஹேமஜாலபடிச்ச²ன்னானி உபோஸத²னாக³ராஜப்பமுகா²னி. எத்த², தே³வ, ச²ந்த³ங் பஜஹ
ஜீவிதே அபெக்க²ங் மாகாஸி. இமானி தே , தே³வ, சதுராஸீதி அஸ்ஸஸஹஸ்ஸானி ஸோவண்ணாலங்காரானி ஸோவண்ணத⁴ஜானி ஹேமஜாலபடிச்ச²ன்னானி வலாஹகஅஸ்ஸராஜப்பமுகா²னி .
எத்த², தே³வ, ச²ந்த³ங் பஜஹ, ஜீவிதே அபெக்க²ங் மாகாஸி. இமானி தே, தே³வ,
சதுராஸீதி ரத²ஸஹஸ்ஸானி ஸீஹசம்மபரிவாரானி ப்³யக்³க⁴சம்மபரிவாரானி
தீ³பிசம்மபரிவாரானி பண்டு³கம்ப³லபரிவாரானி ஸோவண்ணாலங்காரானி ஸோவண்ணத⁴ஜானி
ஹேமஜாலபடிச்ச²ன்னானி வேஜயந்தரத²ப்பமுகா²னி. எத்த², தே³வ, ச²ந்த³ங் பஜஹ
ஜீவிதே அபெக்க²ங் மாகாஸி. இமானி தே, தே³வ, சதுராஸீதி மணிஸஹஸ்ஸானி
மணிரதனப்பமுகா²னி. எத்த², தே³வ, ச²ந்த³ங் பஜஹ ஜீவிதே அபெக்க²ங் மாகாஸி.
இமானி தே, தே³வ, சதுராஸீதி இத்தி²ஸஹஸ்ஸானி இத்தி²ரதனப்பமுகா²னி. எத்த²,
தே³வ, ச²ந்த³ங் பஜஹ, ஜீவிதே அபெக்க²ங் மாகாஸி. இமானி தே ,
தே³வ, சதுராஸீதி க³ஹபதிஸஹஸ்ஸானி க³ஹபதிரதனப்பமுகா²னி. எத்த², தே³வ,
ச²ந்த³ங் பஜஹ ஜீவிதே அபெக்க²ங் மாகாஸி. இமானி தே, தே³வ, சதுராஸீதி
க²த்தியஸஹஸ்ஸானி அனுயந்தானி பரிணாயகரதனப்பமுகா²னி. எத்த², தே³வ, ச²ந்த³ங்
பஜஹ ஜீவிதே அபெக்க²ங் மாகாஸி. இமானி தே, தே³வ, சதுராஸீதி தே⁴னுஸஹஸ்ஸானி
து³ஹஸந்த³னானி கங்ஸூபதா⁴ரணானி. எத்த², தே³வ, ச²ந்த³ங் பஜஹ ஜீவிதே அபெக்க²ங்
மாகாஸி. இமானி தே, தே³வ, சதுராஸீதி வத்த²கோடிஸஹஸ்ஸானி கோ²மஸுகு²மானங்
கப்பாஸிகஸுகு²மானங் கோஸெய்யஸுகு²மானங் கம்ப³லஸுகு²மானங். எத்த², தே³வ,
ச²ந்த³ங் பஜஹ ஜீவிதே அபெக்க²ங் மாகாஸி. இமானி தே, தே³வ, சதுராஸீதி
தா²லிபாகஸஹஸ்ஸானி ஸாயங் பாதங் ப⁴த்தாபி⁴ஹாரோ அபி⁴ஹரியதி. எத்த² , தே³வ, ச²ந்த³ங் பஜஹ ஜீவிதே அபெக்க²ங் மாகாஸீ’தி.

ப்³ரஹ்மலோகூபக³மங்

269. ‘‘அத²
கோ², ஆனந்த³, ராஜா மஹாஸுத³ஸ்ஸனோ நசிரஸ்ஸேவ காலமகாஸி. ஸெய்யதா²பி, ஆனந்த³,
க³ஹபதிஸ்ஸ வா க³ஹபதிபுத்தஸ்ஸ வா மனுஞ்ஞங் போ⁴ஜனங் பு⁴த்தாவிஸ்ஸ
ப⁴த்தஸம்மதோ³ ஹோதி, ஏவமேவ கோ², ஆனந்த³, ரஞ்ஞோ மஹாஸுத³ஸ்ஸனஸ்ஸ
மாரணந்திகா வேத³னா அஹோஸி. காலங்கதோ ச, ஆனந்த³, ராஜா மஹாஸுத³ஸ்ஸனோ ஸுக³திங்
ப்³ரஹ்மலோகங் உபபஜ்ஜி. ராஜா, ஆனந்த³, மஹாஸுத³ஸ்ஸனோ சதுராஸீதி வஸ்ஸஸஹஸ்ஸானி
குமாரகீளங் [கீளிதங் (க॰), கீளிகங் (ஸீ॰ பீ॰)] கீளி. சதுராஸீதி வஸ்ஸஸஹஸ்ஸானி ஓபரஜ்ஜங் காரேஸி. சதுராஸீதி வஸ்ஸஸஹஸ்ஸானி ரஜ்ஜங் காரேஸி. சதுராஸீதி வஸ்ஸஸஹஸ்ஸானி கி³ஹிபூ⁴தோ [கி³ஹீபூ⁴தோ (ஸீ॰ பீ॰)] த⁴ம்மே பாஸாதே³ ப்³ரஹ்மசரியங் சரி [ப்³ரஹ்மசரியமசரி (க॰)]. ஸோ சத்தாரோ ப்³ரஹ்மவிஹாரே பா⁴வெத்வா காயஸ்ஸ பே⁴தா³ பரங் மரணா ப்³ரஹ்மலோகூபகோ³ அஹோஸி.

270.
‘‘ஸியா கோ² பனானந்த³, ஏவமஸ்ஸ – ‘அஞ்ஞோ நூன தேன ஸமயேன ராஜா மஹாஸுத³ஸ்ஸனோ
அஹோஸீ’தி, ந கோ² பனேதங், ஆனந்த³, ஏவங் த³ட்ட²ப்³ப³ங். அஹங் தேன ஸமயேன ராஜா
மஹாஸுத³ஸ்ஸனோ அஹோஸிங். மம தானி சதுராஸீதி நக³ரஸஹஸ்ஸானி
குஸாவதீராஜதா⁴னிப்பமுகா²னி, மம தானி சதுராஸீதி பாஸாத³ஸஹஸ்ஸானி
த⁴ம்மபாஸாத³ப்பமுகா²னி, மம தானி சதுராஸீதி கூடாகா³ரஸஹஸ்ஸானி
மஹாவியூஹகூடாகா³ரப்பமுகா²னி, மம தானி சதுராஸீதி பல்லங்கஸஹஸ்ஸானி
ஸோவண்ணமயானி ரூபியமயானி த³ந்தமயானி ஸாரமயானி கோ³னகத்த²தானி படிகத்த²தானி
படலிகத்த²தானி கத³லிமிக³பவரபச்சத்த²ரணானி ஸஉத்தரச்ச²தா³னி
உப⁴தோலோஹிதகூபதா⁴னானி, மம தானி சதுராஸீதி நாக³ஸஹஸ்ஸானி ஸோவண்ணாலங்காரானி
ஸோவண்ணத⁴ஜானி ஹேமஜாலபடிச்ச²ன்னானி உபோஸத²னாக³ராஜப்பமுகா²னி, மம தானி
சதுராஸீதி அஸ்ஸஸஹஸ்ஸானி ஸோவண்ணாலங்காரானி ஸோவண்ணத⁴ஜானி ஹேமஜாலபடிச்ச²ன்னானி
வலாஹகஅஸ்ஸராஜப்பமுகா²னி, மம தானி சதுராஸீதி ரத²ஸஹஸ்ஸானி ஸீஹசம்மபரிவாரானி
ப்³யக்³க⁴சம்மபரிவாரானி தீ³பிசம்மபரிவாரானி பண்டு³கம்ப³லபரிவாரானி
ஸோவண்ணாலங்காரானி ஸோவண்ணத⁴ஜானி ஹேமஜாலபடிச்ச²ன்னானி வேஜயந்தரத²ப்பமுகா²னி,
மம தானி சதுராஸீதி மணிஸஹஸ்ஸானி மணிரதனப்பமுகா²னி, மம தானி சதுராஸீதி
இத்தி²ஸஹஸ்ஸானி ஸுப⁴த்³தா³தே³விப்பமுகா²னி, மம தானி சதுராஸீதி
க³ஹபதிஸஹஸ்ஸானி க³ஹபதிரதனப்பமுகா²னி, மம தானி சதுராஸீதி க²த்தியஸஹஸ்ஸானி
அனுயந்தானி பரிணாயகரதனப்பமுகா²னி, மம தானி சதுராஸீதி தே⁴னுஸஹஸ்ஸானி
து³ஹஸந்த³னானி கங்ஸூபதா⁴ரணானி, மம தானி சதுராஸீதி வத்த²கோடிஸஹஸ்ஸானி
கோ²மஸுகு²மானங் கப்பாஸிகஸுகு²மானங் கோஸெய்யஸுகு²மானங் கம்ப³லஸுகு²மானங், மம
தானி சதுராஸீதி தா²லிபாகஸஹஸ்ஸானி ஸாயங் பாதங் ப⁴த்தாபி⁴ஹாரோ
அபி⁴ஹரியித்த².

271. ‘‘தேஸங்
கோ² பனானந்த³, சதுராஸீதினக³ரஸஹஸ்ஸானங் ஏகஞ்ஞேவ தங் நக³ரங் ஹோதி, யங் தேன
ஸமயேன அஜ்ஜா²வஸாமி யதி³த³ங் குஸாவதீ ராஜதா⁴னீ. தேஸங் கோ² பனானந்த³,
சதுராஸீதிபாஸாத³ஸஹஸ்ஸானங் ஏகோயேவ ஸோ பாஸாதோ³ ஹோதி, யங் தேன ஸமயேன
அஜ்ஜா²வஸாமி யதி³த³ங் த⁴ம்மோ பாஸாதோ³. தேஸங் கோ² பனானந்த³,
சதுராஸீதிகூடாகா³ரஸஹஸ்ஸானங் ஏகஞ்ஞேவ தங் கூடாகா³ரங் ஹோதி, யங் தேன ஸமயேன
அஜ்ஜா²வஸாமி யதி³த³ங் மஹாவியூஹங் கூடாகா³ரங். தேஸங் கோ² பனானந்த³,
சதுராஸீதிபல்லங்கஸஹஸ்ஸானங் ஏகோயேவ ஸோ பல்லங்கோ ஹோதி, யங் தேன ஸமயேன
பரிபு⁴ஞ்ஜாமி யதி³த³ங் ஸோவண்ணமயோ வா ரூபியமயோ வா த³ந்தமயோ வா ஸாரமயோ வா.
தேஸங் கோ² பனானந்த³, சதுராஸீதினாக³ஸஹஸ்ஸானங் ஏகோயேவ ஸோ நாகோ³ ஹோதி, யங் தேன
ஸமயேன அபி⁴ருஹாமி யதி³த³ங் உபோஸதோ² நாக³ராஜா. தேஸங்
கோ² பனானந்த³, சதுராஸீதிஅஸ்ஸஸஹஸ்ஸானங் ஏகோயேவ ஸோ அஸ்ஸோ ஹோதி, யங் தேன
ஸமயேன அபி⁴ருஹாமி யதி³த³ங் வலாஹகோ அஸ்ஸராஜா. தேஸங் கோ² பனானந்த³,
சதுராஸீதிரத²ஸஹஸ்ஸானங் ஏகோயேவ ஸோ ரதோ² ஹோதி, யங் தேன ஸமயேன அபி⁴ருஹாமி
யதி³த³ங் வேஜயந்தரதோ². தேஸங் கோ² பனானந்த³, சதுராஸீதிஇத்தி²ஸஹஸ்ஸானங்
ஏகாயேவ ஸா இத்தீ² ஹோதி, யா தேன ஸமயேன பச்சுபட்டா²தி க²த்தியானீ வா வெஸ்ஸினீ [வெஸ்ஸாயினீ (ஸ்யா॰), வேலாமிகானீ (க॰ ஸீ॰ பீ॰) வேலாமிகா (ஸங்॰ நி॰ 3.96)]
வா. தேஸங் கோ² பனானந்த³, வா. தேஸங் கோ² பனானந்த³,
சதுராஸீதிவத்த²கோடிஸஹஸ்ஸானங் ஏகங்யேவ தங் து³ஸ்ஸயுக³ங் ஹோதி, யங் தேன ஸமயேன
பரித³ஹாமி கோ²மஸுகு²மங் வா கப்பாஸிகஸுகு²மங் வா கோஸெய்யஸுகு²மங் வா
கம்ப³லஸுகு²மங் வா. தேஸங் கோ² பனானந்த³, சதுராஸீதிதா²லிபாகஸஹஸ்ஸானங் ஏகோயேவ
ஸோ தா²லிபாகோ ஹோதி, யதோ நாளிகோத³னபரமங் பு⁴ஞ்ஜாமி தது³பியஞ்ச ஸூபெய்யங்.

272.
‘‘பஸ்ஸானந்த³, ஸப்³பே³தே ஸங்கா²ரா அதீதா நிருத்³தா⁴ விபரிணதா. ஏவங்
அனிச்சா கோ², ஆனந்த³, ஸங்கா²ரா; ஏவங் அத்³து⁴வா கோ², ஆனந்த³, ஸங்கா²ரா;
ஏவங் அனஸ்ஸாஸிகா கோ², ஆனந்த³, ஸங்கா²ரா! யாவஞ்சித³ங், ஆனந்த³ , அலமேவ ஸப்³ப³ஸங்கா²ரேஸு நிப்³பி³ந்தி³துங், அலங் விரஜ்ஜிதுங், அலங் விமுச்சிதுங்.

‘‘ச²க்க²த்துங் கோ² பனாஹங், ஆனந்த³, அபி⁴ஜானாமி
இமஸ்மிங் பதே³ஸே ஸரீரங் நிக்கி²பிதங், தஞ்ச கோ² ராஜாவ ஸமானோ சக்கவத்தீ
த⁴ம்மிகோ த⁴ம்மராஜா சாதுரந்தோ விஜிதாவீ ஜனபத³த்தா²வரியபத்தோ
ஸத்தரதனஸமன்னாக³தோ, அயங் ஸத்தமோ ஸரீரனிக்கே²போ. ந கோ² பனாஹங், ஆனந்த³, தங்
பதே³ஸங் ஸமனுபஸ்ஸாமி ஸதே³வகே லோகே ஸமாரகே
ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய யத்த² ததா²க³தோ அட்ட²மங்
ஸரீரங் நிக்கி²பெய்யா’’தி. இத³மவோச ப⁴க³வா, இத³ங் வத்வான ஸுக³தோ அதா²பரங்
ஏதத³வோச ஸத்தா² –

‘‘அனிச்சா வத ஸங்கா²ரா, உப்பாத³வயத⁴ம்மினோ;

உப்பஜ்ஜித்வா நிருஜ்ஜ²ந்தி, தேஸங் வூபஸமோ ஸுகோ²’’தி.

மஹாஸுத³ஸ்ஸனஸுத்தங் நிட்டி²தங் சதுத்த²ங்.

comments (0)
ஸுத்தபிடக-Part-16-தமிழில் திரபிடக மூன்று தொகுப்புகள்TIPITAKA–16.3. மஹாபரினிப்பானஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org
Filed under: General
Posted by: site admin @ 5:17 am

up a level
ஸுத்தபிடக-Part-16-மிழில் திபி  மூன்று தொகுப்புள்TIPITAKA--16.
3. மஹாபரினிப்பானஸுத்தங்-from FREE ONLINE  eNālāndā Research and
Practice UNIVERSITY through http://sarvajan.ambedkar.org

3. மஹாபரினிப்பானஸுத்தங்

131. ஏவங் மே
ஸுதங் – ஏகங் ஸமயங் ப⁴க³வா ராஜக³ஹே விஹரதி கி³ஜ்ஜ²கூடே பப்³ப³தே. தேன கோ²
பன ஸமயேன ராஜா மாக³தோ⁴ அஜாதஸத்து வேதே³ஹிபுத்தோ வஜ்ஜீ அபி⁴யாதுகாமோ ஹோதி.
ஸோ ஏவமாஹ – ‘‘அஹங் ஹிமே வஜ்ஜீ ஏவங்மஹித்³தி⁴கே ஏவங்மஹானுபா⁴வே
உச்செ²ச்சா²மி [உச்சே²ஜ்ஜாமி (ஸ்யா॰ பீ॰), உச்சி²ஜ்ஜாமி (க॰)] வஜ்ஜீ, வினாஸெஸ்ஸாமி வஜ்ஜீ, அனயப்³யஸனங் ஆபாதெ³ஸ்ஸாமி வஜ்ஜீ’’தி [ஆபாதெ³ஸ்ஸாமி வஜ்ஜீதி (ஸப்³ப³த்த²) அ॰ நி॰ 7.22 பஸ்ஸிதப்³ப³ங்].

132.
அத² கோ² ராஜா மாக³தோ⁴ அஜாதஸத்து வேதே³ஹிபுத்தோ வஸ்ஸகாரங் ப்³ராஹ்மணங்
மக³த⁴மஹாமத்தங் ஆமந்தேஸி – ‘‘ஏஹி த்வங், ப்³ராஹ்மண, யேன ப⁴க³வா தேனுபஸங்கம;
உபஸங்கமித்வா மம வசனேன ப⁴க³வதோ பாதே³ ஸிரஸா வந்தா³ஹி, அப்பாபா³த⁴ங்
அப்பாதங்கங் லஹுட்டா²னங் ப³லங் பா²ஸுவிஹாரங் புச்ச² – ‘ராஜா, ப⁴ந்தே,
மாக³தோ⁴ அஜாதஸத்து வேதே³ஹிபுத்தோ ப⁴க³வதோ பாதே³ ஸிரஸா வந்த³தி,
அப்பாபா³த⁴ங் அப்பாதங்கங் லஹுட்டா²னங் ப³லங் பா²ஸுவிஹாரங் புச்ச²தீ’தி.
ஏவஞ்ச வதே³ஹி – ‘ராஜா, ப⁴ந்தே, மாக³தோ⁴ அஜாதஸத்து வேதே³ஹிபுத்தோ வஜ்ஜீ
அபி⁴யாதுகாமோ. ஸோ ஏவமாஹ – ‘‘அஹங் ஹிமே வஜ்ஜீ ஏவங்மஹித்³தி⁴கே
ஏவங்மஹானுபா⁴வே உச்செ²ச்சா²மி வஜ்ஜீ, வினாஸெஸ்ஸாமி வஜ்ஜீ, அனயப்³யஸனங் ஆபாதெ³ஸ்ஸாமீ’’’தி. யதா² தே ப⁴க³வா ப்³யாகரோதி, தங் ஸாது⁴கங் உக்³க³ஹெத்வா மம ஆரோசெய்யாஸி. ந ஹி ததா²க³தா விதத²ங் ப⁴ணந்தீ’’தி.

வஸ்ஸகாரப்³ராஹ்மணோ

133.
‘‘ஏவங், போ⁴’’தி கோ² வஸ்ஸகாரோ ப்³ராஹ்மணோ மக³த⁴மஹாமத்தோ ரஞ்ஞோ மாக³த⁴ஸ்ஸ
அஜாதஸத்துஸ்ஸ வேதே³ஹிபுத்தஸ்ஸ படிஸ்ஸுத்வா ப⁴த்³தா³னி ப⁴த்³தா³னி யானானி
யோஜெத்வா ப⁴த்³த³ங் ப⁴த்³த³ங் யானங் அபி⁴ருஹித்வா
ப⁴த்³தே³ஹி ப⁴த்³தே³ஹி யானேஹி ராஜக³ஹம்ஹா நிய்யாஸி, யேன கி³ஜ்ஜ²கூடோ
பப்³ப³தோ தேன பாயாஸி. யாவதிகா யானஸ்ஸ பூ⁴மி, யானேன க³ந்த்வா, யானா
பச்சோரோஹித்வா பத்திகோவ யேன ப⁴க³வா தேனுபஸங்கமி; உபஸங்கமித்வா ப⁴க³வதா
ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங்
நிஸீதி³. ஏகமந்தங் நிஸின்னோ கோ² வஸ்ஸகாரோ ப்³ராஹ்மணோ மக³த⁴மஹாமத்தோ
ப⁴க³வந்தங் ஏதத³வோச – ‘‘ராஜா, போ⁴ கோ³தம, மாக³தோ⁴ அஜாதஸத்து வேதே³ஹிபுத்தோ
போ⁴தோ கோ³தமஸ்ஸ பாதே³ ஸிரஸா வந்த³தி, அப்பாபா³த⁴ங் அப்பாதங்கங் லஹுட்டா²னங்
ப³லங் பா²ஸுவிஹாரங் புச்ச²தி. ராஜா [ஏவஞ்ச வதே³தி ராஜா (க॰)],
போ⁴ கோ³தம, மாக³தோ⁴ அஜாதஸத்து வேதே³ஹிபுத்தோ வஜ்ஜீ அபி⁴யாதுகாமோ. ஸோ ஏவமாஹ
– ‘அஹங் ஹிமே வஜ்ஜீ ஏவங்மஹித்³தி⁴கே ஏவங்மஹானுபா⁴வே உச்செ²ச்சா²மி வஜ்ஜீ,
வினாஸெஸ்ஸாமி வஜ்ஜீ, அனயப்³யஸனங் ஆபாதெ³ஸ்ஸாமீ’’’தி.

ராஜஅபரிஹானியத⁴ம்மா

134. தேன கோ² பன ஸமயேன ஆயஸ்மா ஆனந்தோ³ ப⁴க³வதோ பிட்டி²தோ டி²தோ ஹோதி ப⁴க³வந்தங் பீ³ஜயமானோ [வீஜயமானோ (ஸீ॰), வீஜியமானோ (ஸ்யா॰)].
அத² கோ² ப⁴க³வா ஆயஸ்மந்தங் ஆனந்த³ங் ஆமந்தேஸி – ‘‘கிந்தி தே, ஆனந்த³,
ஸுதங், ‘வஜ்ஜீ அபி⁴ண்ஹங் ஸன்னிபாதா ஸன்னிபாதப³ஹுலா’தி? ‘‘ஸுதங் மேதங்,
ப⁴ந்தே – ‘வஜ்ஜீ அபி⁴ண்ஹங் ஸன்னிபாதா ஸன்னிபாதப³ஹுலா’’தி. ‘‘யாவகீவஞ்ச,
ஆனந்த³, வஜ்ஜீ அபி⁴ண்ஹங் ஸன்னிபாதா ஸன்னிபாதப³ஹுலா ப⁴விஸ்ஸந்தி,
வுத்³தி⁴யேவ, ஆனந்த³, வஜ்ஜீனங் பாடிகங்கா², நோ பரிஹானி.

‘‘கிந்தி தே, ஆனந்த³, ஸுதங் ,
‘வஜ்ஜீ ஸமக்³கா³ ஸன்னிபதந்தி, ஸமக்³கா³ வுட்ட²ஹந்தி, ஸமக்³கா³
வஜ்ஜிகரணீயானி கரொந்தீ’தி? ‘‘ஸுதங் மேதங், ப⁴ந்தே – ‘வஜ்ஜீ ஸமக்³கா³
ஸன்னிபதந்தி, ஸமக்³கா³ வுட்ட²ஹந்தி, ஸமக்³கா³ வஜ்ஜிகரணீயானி கரொந்தீ’’தி.
‘‘யாவகீவஞ்ச, ஆனந்த³, வஜ்ஜீ ஸமக்³கா³ ஸன்னிபதிஸ்ஸந்தி, ஸமக்³கா³
வுட்ட²ஹிஸ்ஸந்தி, ஸமக்³கா³ வஜ்ஜிகரணீயானி கரிஸ்ஸந்தி, வுத்³தி⁴யேவ, ஆனந்த³,
வஜ்ஜீனங் பாடிகங்கா², நோ பரிஹானி.

‘‘கிந்தி தே, ஆனந்த³, ஸுதங், ‘வஜ்ஜீ அபஞ்ஞத்தங் ந
பஞ்ஞபெந்தி, பஞ்ஞத்தங் ந ஸமுச்சி²ந்த³ந்தி, யதா²பஞ்ஞத்தே போராணே
வஜ்ஜித⁴ம்மே ஸமாதா³ய வத்தந்தீ’’’தி? ‘‘ஸுதங் மேதங், ப⁴ந்தே – ‘வஜ்ஜீ
அபஞ்ஞத்தங் ந பஞ்ஞபெந்தி, பஞ்ஞத்தங் ந ஸமுச்சி²ந்த³ந்தி, யதா²பஞ்ஞத்தே
போராணே வஜ்ஜித⁴ம்மே ஸமாதா³ய வத்தந்தீ’’’தி. ‘‘யாவகீவஞ்ச, ஆனந்த³, ‘‘வஜ்ஜீ
அபஞ்ஞத்தங் ந பஞ்ஞபெஸ்ஸந்தி, பஞ்ஞத்தங் ந ஸமுச்சி²ந்தி³ஸ்ஸந்தி,
யதா²பஞ்ஞத்தே போராணே வஜ்ஜித⁴ம்மே ஸமாதா³ய வத்திஸ்ஸந்தி, வுத்³தி⁴யேவ,
ஆனந்த³, வஜ்ஜீனங் பாடிகங்கா², நோ பரிஹானி.

‘‘கிந்தி தே, ஆனந்த³, ஸுதங், ‘வஜ்ஜீ யே தே வஜ்ஜீனங் வஜ்ஜிமஹல்லகா, தே ஸக்கரொந்தி க³ருங் கரொந்தி [க³ருகரொந்தி (ஸீ॰ ஸ்யா॰ பீ॰)] மானெந்தி பூஜெந்தி, தேஸஞ்ச ஸோதப்³ப³ங் மஞ்ஞந்தீ’’’தி? ‘‘ஸுதங் மேதங், ப⁴ந்தே – ‘வஜ்ஜீ யே
தே வஜ்ஜீனங் வஜ்ஜிமஹல்லகா, தே ஸக்கரொந்தி க³ருங் கரொந்தி மானெந்தி
பூஜெந்தி, தேஸஞ்ச ஸோதப்³ப³ங் மஞ்ஞந்தீ’’’தி. ‘‘யாவகீவஞ்ச, ஆனந்த³, வஜ்ஜீ யே
தே வஜ்ஜீனங் வஜ்ஜிமஹல்லகா , தே ஸக்கரிஸ்ஸந்தி
க³ருங் கரிஸ்ஸந்தி மானெஸ்ஸந்தி பூஜெஸ்ஸந்தி, தேஸஞ்ச ஸோதப்³ப³ங்
மஞ்ஞிஸ்ஸந்தி, வுத்³தி⁴யேவ, ஆனந்த³, வஜ்ஜீனங் பாடிகங்கா², நோ பரிஹானி.

‘‘கிந்தி தே, ஆனந்த³, ஸுதங், ‘வஜ்ஜீ யா தா குலித்தி²யோ
குலகுமாரியோ, தா ந ஓக்கஸ்ஸ பஸய்ஹ வாஸெந்தீ’’’தி? ‘‘ஸுதங் மேதங், ப⁴ந்தே –
‘வஜ்ஜீ யா தா குலித்தி²யோ குலகுமாரியோ தா ந ஓக்கஸ்ஸ பஸய்ஹ வாஸெந்தீ’’’தி.
‘‘யாவகீவஞ்ச, ஆனந்த³, வஜ்ஜீ யா தா குலித்தி²யோ குலகுமாரியோ, தா ந ஓக்கஸ்ஸ
பஸய்ஹ வாஸெஸ்ஸந்தி, வுத்³தி⁴யேவ, ஆனந்த³, வஜ்ஜீனங் பாடிகங்கா², நோ பரிஹானி.

‘‘கிந்தி தே, ஆனந்த³, ஸுதங், ‘வஜ்ஜீ யானி தானி

வஜ்ஜீனங் வஜ்ஜிசேதியானி அப்³ப⁴ந்தரானி சேவ பா³ஹிரானி
ச, தானி ஸக்கரொந்தி க³ருங் கரொந்தி மானெந்தி பூஜெந்தி, தேஸஞ்ச
தி³ன்னபுப்³ப³ங் கதபுப்³ப³ங் த⁴ம்மிகங் ப³லிங் நோ பரிஹாபெந்தீ’’’தி?
‘‘ஸுதங் மேதங், ப⁴ந்தே – ‘வஜ்ஜீ யானி தானி வஜ்ஜீனங்
வஜ்ஜிசேதியானி அப்³ப⁴ந்தரானி சேவ பா³ஹிரானி ச, தானி ஸக்கரொந்தி க³ருங்
கரொந்தி மானெந்தி பூஜெந்தி தேஸஞ்ச தி³ன்னபுப்³ப³ங் கதபுப்³ப³ங் த⁴ம்மிகங்
ப³லிங் நோ பரிஹாபெந்தீ’’’தி. ‘‘யாவகீவஞ்ச, ஆனந்த³, வஜ்ஜீ யானி தானி
வஜ்ஜீனங் வஜ்ஜிசேதியானி அப்³ப⁴ந்தரானி சேவ பா³ஹிரானி ச, தானி ஸக்கரிஸ்ஸந்தி
க³ருங் கரிஸ்ஸந்தி மானெஸ்ஸந்தி பூஜெஸ்ஸந்தி, தேஸஞ்ச தி³ன்னபுப்³ப³ங்
கதபுப்³ப³ங் த⁴ம்மிகங் ப³லிங் நோ பரிஹாபெஸ்ஸந்தி, வுத்³தி⁴யேவ, ஆனந்த³,
வஜ்ஜீனங் பாடிகங்கா², நோ பரிஹானி.

‘‘கிந்தி தே, ஆனந்த³, ஸுதங், ‘வஜ்ஜீனங் அரஹந்தேஸு
த⁴ம்மிகா ரக்கா²வரணகு³த்தி ஸுஸங்விஹிதா, கிந்தி அனாக³தா ச அரஹந்தோ விஜிதங்
ஆக³ச்செ²ய்யுங், ஆக³தா ச அரஹந்தோ விஜிதே பா²ஸு விஹரெய்யு’’’ந்தி? ‘‘ஸுதங்
மேதங், ப⁴ந்தே ‘வஜ்ஜீனங் அரஹந்தேஸு த⁴ம்மிகா ரக்கா²வரணகு³த்தி ஸுஸங்விஹிதா
கிந்தி அனாக³தா ச அரஹந்தோ விஜிதங் ஆக³ச்செ²ய்யுங்,
ஆக³தா ச அரஹந்தோ விஜிதே பா²ஸு விஹரெய்யு’’’ந்தி. ‘‘யாவகீவஞ்ச, ஆனந்த³,
வஜ்ஜீனங் அரஹந்தேஸு த⁴ம்மிகா ரக்கா²வரணகு³த்தி ஸுஸங்விஹிதா ப⁴விஸ்ஸதி,
கிந்தி அனாக³தா ச அரஹந்தோ விஜிதங் ஆக³ச்செ²ய்யுங், ஆக³தா ச அரஹந்தோ விஜிதே பா²ஸு விஹரெய்யுந்தி. வுத்³தி⁴யேவ, ஆனந்த³, வஜ்ஜீனங் பாடிகங்கா², நோ பரிஹானீ’’தி.

135. அத² கோ² ப⁴க³வா வஸ்ஸகாரங் ப்³ராஹ்மணங் மக³த⁴மஹாமத்தங் ஆமந்தேஸி – ‘‘ஏகமிதா³ஹங், ப்³ராஹ்மண, ஸமயங் வேஸாலியங் விஹராமி ஸாரந்த³தே³ [ஸானந்த³ரே (க॰)]
சேதியே. தத்ராஹங் வஜ்ஜீனங் இமே ஸத்த அபரிஹானியே த⁴ம்மே தே³ஸேஸிங்.
யாவகீவஞ்ச, ப்³ராஹ்மண, இமே ஸத்த அபரிஹானியா த⁴ம்மா வஜ்ஜீஸு ட²ஸ்ஸந்தி,
இமேஸு ச ஸத்தஸு அபரிஹானியேஸு த⁴ம்மேஸு வஜ்ஜீ ஸந்தி³ஸ்ஸிஸ்ஸந்தி,
வுத்³தி⁴யேவ, ப்³ராஹ்மண, வஜ்ஜீனங் பாடிகங்கா², நோ பரிஹானீ’’தி.

ஏவங் வுத்தே, வஸ்ஸகாரோ ப்³ராஹ்மணோ மக³த⁴மஹாமத்தோ
ப⁴க³வந்தங் ஏதத³வோச – ‘‘ஏகமேகேனபி, போ⁴ கோ³தம, அபரிஹானியேன த⁴ம்மேன
ஸமன்னாக³தானங் வஜ்ஜீனங் வுத்³தி⁴யேவ பாடிகங்கா², நோ பரிஹானி . கோ பன வாதோ³ ஸத்தஹி அபரிஹானியேஹி த⁴ம்மேஹி. அகரணீயாவ [அகரணீயா ச (ஸ்யா॰ க॰)], போ⁴ கோ³தம, வஜ்ஜீ [வஜ்ஜீனங் (க॰)]
ரஞ்ஞா மாக³தே⁴ன அஜாதஸத்துனா வேதே³ஹிபுத்தேன யதி³த³ங் யுத்³த⁴ஸ்ஸ, அஞ்ஞத்ர
உபலாபனாய அஞ்ஞத்ர மிது²பே⁴தா³. ஹந்த³ ச தா³னி மயங், போ⁴ கோ³தம, க³ச்சா²ம ,
ப³ஹுகிச்சா மயங் ப³ஹுகரணீயா’’தி. ‘‘யஸ்ஸதா³னி த்வங், ப்³ராஹ்மண, காலங்
மஞ்ஞஸீ’’தி. அத² கோ² வஸ்ஸகாரோ ப்³ராஹ்மணோ மக³த⁴மஹாமத்தோ ப⁴க³வதோ பா⁴ஸிதங்
அபி⁴னந்தி³த்வா அனுமோதி³த்வா உட்டா²யாஸனா பக்காமி.

பி⁴க்கு²அபரிஹானியத⁴ம்மா

136.
அத² கோ² ப⁴க³வா அசிரபக்கந்தே வஸ்ஸகாரே ப்³ராஹ்மணே மக³த⁴மஹாமத்தே
ஆயஸ்மந்தங் ஆனந்த³ங் ஆமந்தேஸி – ‘‘க³ச்ச² த்வங், ஆனந்த³, யாவதிகா பி⁴க்கூ²
ராஜக³ஹங் உபனிஸ்ஸாய விஹரந்தி, தே ஸப்³பே³ உபட்டா²னஸாலாயங் ஸன்னிபாதேஹீ’’தி.
‘‘ஏவங், ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ படிஸ்ஸுத்வா யாவதிகா
பி⁴க்கூ² ராஜக³ஹங் உபனிஸ்ஸாய விஹரந்தி, தே ஸப்³பே³ உபட்டா²னஸாலாயங்
ஸன்னிபாதெத்வா யேன ப⁴க³வா தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தோ கோ² ஆயஸ்மா ஆனந்தோ³
ப⁴க³வந்தங் ஏதத³வோச – ‘‘ஸன்னிபதிதோ, ப⁴ந்தே, பி⁴க்கு²ஸங்கோ⁴, யஸ்ஸதா³னி,
ப⁴ந்தே, ப⁴க³வா காலங் மஞ்ஞதீ’’தி.

அத² கோ² ப⁴க³வா உட்டா²யாஸனா
யேன உபட்டா²னஸாலா தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³. நிஸஜ்ஜ
கோ² ப⁴க³வா பி⁴க்கூ² ஆமந்தேஸி – ‘‘ஸத்த வோ, பி⁴க்க²வே, அபரிஹானியே த⁴ம்மே
தே³ஸெஸ்ஸாமி, தங் ஸுணாத², ஸாது⁴கங் மனஸிகரோத², பா⁴ஸிஸ்ஸாமீ’’தி. ‘‘ஏவங்,
ப⁴ந்தே’’தி கோ² தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘யாவகீவஞ்ச , பி⁴க்க²வே,
பி⁴க்கூ² அபி⁴ண்ஹங் ஸன்னிபாதா ஸன்னிபாதப³ஹுலா ப⁴விஸ்ஸந்தி, வுத்³தி⁴யேவ,
பி⁴க்க²வே, பி⁴க்கூ²னங் பாடிகங்கா², நோ பரிஹானி.

‘‘யாவகீவஞ்ச, பி⁴க்க²வே, பி⁴க்கூ² ஸமக்³கா³ ஸன்னிபதிஸ்ஸந்தி, ஸமக்³கா³ வுட்ட²ஹிஸ்ஸந்தி, ஸமக்³கா³ ஸங்க⁴கரணீயானி கரிஸ்ஸந்தி , வுத்³தி⁴யேவ, பி⁴க்க²வே, பி⁴க்கூ²னங் பாடிகங்கா², நோ பரிஹானி.

‘‘யாவகீவஞ்ச, பி⁴க்க²வே, பி⁴க்கூ² அபஞ்ஞத்தங் ந
பஞ்ஞபெஸ்ஸந்தி, பஞ்ஞத்தங் ந ஸமுச்சி²ந்தி³ஸ்ஸந்தி, யதா²பஞ்ஞத்தேஸு
ஸிக்கா²பதே³ஸு ஸமாதா³ய வத்திஸ்ஸந்தி, வுத்³தி⁴யேவ, பி⁴க்க²வே, பி⁴க்கூ²னங்
பாடிகங்கா², நோ பரிஹானி.

‘‘யாவகீவஞ்ச, பி⁴க்க²வே, பி⁴க்கூ² யே தே பி⁴க்கூ²
தே²ரா ரத்தஞ்ஞூ சிரபப்³ப³ஜிதா ஸங்க⁴பிதரோ ஸங்க⁴பரிணாயகா, தே ஸக்கரிஸ்ஸந்தி
க³ருங் கரிஸ்ஸந்தி மானெஸ்ஸந்தி பூஜெஸ்ஸந்தி, தேஸஞ்ச ஸோதப்³ப³ங்
மஞ்ஞிஸ்ஸந்தி, வுத்³தி⁴யேவ, பி⁴க்க²வே, பி⁴க்கூ²னங் பாடிகங்கா², நோ
பரிஹானி.

‘‘யாவகீவஞ்ச, பி⁴க்க²வே, பி⁴க்கூ² உப்பன்னாய தண்ஹாய
போனொப்³ப⁴விகாய ந வஸங் க³ச்சி²ஸ்ஸந்தி, வுத்³தி⁴யேவ, பி⁴க்க²வே,
பி⁴க்கூ²னங் பாடிகங்கா², நோ பரிஹானி.

‘‘யாவகீவஞ்ச, பி⁴க்க²வே, பி⁴க்கூ² ஆரஞ்ஞகேஸு ஸேனாஸனேஸு
ஸாபெக்கா² ப⁴விஸ்ஸந்தி, வுத்³தி⁴யேவ, பி⁴க்க²வே, பி⁴க்கூ²னங் பாடிகங்கா²,
நோ பரிஹானி.

‘‘யாவகீவஞ்ச, பி⁴க்க²வே, பி⁴க்கூ² பச்சத்தஞ்ஞேவ ஸதிங்
உபட்ட²பெஸ்ஸந்தி – ‘கிந்தி அனாக³தா ச பேஸலா ஸப்³ரஹ்மசாரீ ஆக³ச்செ²ய்யுங்,
ஆக³தா ச பேஸலா ஸப்³ரஹ்மசாரீ பா²ஸு [பா²ஸுங் (ஸீ॰ ஸ்யா॰ பீ॰)] விஹரெய்யு’ந்தி. வுத்³தி⁴யேவ, பி⁴க்க²வே, பி⁴க்கூ²னங் பாடிகங்கா², நோ பரிஹானி.

‘‘யாவகீவஞ்ச, பி⁴க்க²வே, இமே ஸத்த அபரிஹானியா த⁴ம்மா
பி⁴க்கூ²ஸு ட²ஸ்ஸந்தி, இமேஸு ச ஸத்தஸு அபரிஹானியேஸு த⁴ம்மேஸு பி⁴க்கூ²
ஸந்தி³ஸ்ஸிஸ்ஸந்தி, வுத்³தி⁴யேவ, பி⁴க்க²வே, பி⁴க்கூ²னங் பாடிகங்கா², நோ
பரிஹானி.

137. ‘‘அபரேபி வோ, பி⁴க்க²வே, ஸத்த அபரிஹானியே த⁴ம்மே தே³ஸெஸ்ஸாமி, தங் ஸுணாத², ஸாது⁴கங் மனஸிகரோத², பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘யாவகீவஞ்ச, பி⁴க்க²வே, பி⁴க்கூ² ந கம்மாராமா ப⁴விஸ்ஸந்தி ந கம்மரதா ந கம்மாராமதமனுயுத்தா, வுத்³தி⁴யேவ, பி⁴க்க²வே, பி⁴க்கூ²னங் பாடிகங்கா², நோ பரிஹானி.

‘‘யாவகீவஞ்ச, பி⁴க்க²வே, பி⁴க்கூ² ந ப⁴ஸ்ஸாராமா
ப⁴விஸ்ஸந்தி ந ப⁴ஸ்ஸரதா ந ப⁴ஸ்ஸாராமதமனுயுத்தா, வுத்³தி⁴யேவ, பி⁴க்க²வே,
பி⁴க்கூ²னங் பாடிகங்கா², நோ பரிஹானி.

‘‘யாவகீவஞ்ச, பி⁴க்க²வே, பி⁴க்கூ² ந நித்³தா³ராமா
ப⁴விஸ்ஸந்தி ந நித்³தா³ரதா ந நித்³தா³ராமதமனுயுத்தா, வுத்³தி⁴யேவ,
பி⁴க்க²வே, பி⁴க்கூ²னங் பாடிகங்கா², நோ பரிஹானி.

‘‘யாவகீவஞ்ச, பி⁴க்க²வே, பி⁴க்கூ² ந ஸங்க³ணிகாராமா
ப⁴விஸ்ஸந்தி ந ஸங்க³ணிகரதா ந ஸங்க³ணிகாராமதமனுயுத்தா, வுத்³தி⁴யேவ,
பி⁴க்க²வே, பி⁴க்கூ²னங் பாடிகங்கா², நோ பரிஹானி.

‘‘யாவகீவஞ்ச, பி⁴க்க²வே, பி⁴க்கூ² ந பாபிச்சா²
ப⁴விஸ்ஸந்தி ந பாபிகானங் இச்சா²னங் வஸங் க³தா, வுத்³தி⁴யேவ, பி⁴க்க²வே,
பி⁴க்கூ²னங் பாடிகங்கா², நோ பரிஹானி.

‘‘யாவகீவஞ்ச, பி⁴க்க²வே, பி⁴க்கூ² ந பாபமித்தா
ப⁴விஸ்ஸந்தி ந பாபஸஹாயா ந பாபஸம்பவங்கா, வுத்³தி⁴யேவ, பி⁴க்க²வே,
பி⁴க்கூ²னங் பாடிகங்கா², நோ பரிஹானி.

‘‘யாவகீவஞ்ச, பி⁴க்க²வே, பி⁴க்கூ² ந ஓரமத்தகேன
விஸேஸாதி⁴க³மேன அந்தராவோஸானங் ஆபஜ்ஜிஸ்ஸந்தி, வுத்³தி⁴யேவ, பி⁴க்க²வே,
பி⁴க்கூ²னங் பாடிகங்கா², நோ பரிஹானி.

‘‘யாவகீவஞ்ச, பி⁴க்க²வே, இமே ஸத்த அபரிஹானியா த⁴ம்மா பி⁴க்கூ²ஸு
ட²ஸ்ஸந்தி, இமேஸு ச ஸத்தஸு அபரிஹானியேஸு த⁴ம்மேஸு பி⁴க்கூ²
ஸந்தி³ஸ்ஸிஸ்ஸந்தி, வுத்³தி⁴யேவ, பி⁴க்க²வே, பி⁴க்கூ²னங் பாடிகங்கா², நோ
பரிஹானி.

138.
‘‘அபரேபி வோ, பி⁴க்க²வே, ஸத்த அபரிஹானியே த⁴ம்மே தே³ஸெஸ்ஸாமி…பே॰…
‘‘யாவகீவஞ்ச, பி⁴க்க²வே, பி⁴க்கூ² ஸத்³தா⁴ ப⁴விஸ்ஸந்தி…பே॰… ஹிரிமனா
ப⁴விஸ்ஸந்தி… ஒத்தப்பீ ப⁴விஸ்ஸந்தி… ப³ஹுஸ்ஸுதா ப⁴விஸ்ஸந்தி… ஆரத்³த⁴வீரியா ப⁴விஸ்ஸந்தி… உபட்டி²தஸ்ஸதீ
ப⁴விஸ்ஸந்தி… பஞ்ஞவந்தோ ப⁴விஸ்ஸந்தி, வுத்³தி⁴யேவ, பி⁴க்க²வே, பி⁴க்கூ²னங்
பாடிகங்கா², நோ பரிஹானி. யாவகீவஞ்ச, பி⁴க்க²வே, இமே ஸத்த அபரிஹானியா
த⁴ம்மா பி⁴க்கூ²ஸு ட²ஸ்ஸந்தி, இமேஸு ச ஸத்தஸு அபரிஹானியேஸு த⁴ம்மேஸு
பி⁴க்கூ² ஸந்தி³ஸ்ஸிஸ்ஸந்தி, வுத்³தி⁴யேவ, பி⁴க்க²வே, பி⁴க்கூ²னங்
பாடிகங்கா², நோ பரிஹானி.

139.
‘‘அபரேபி வோ, பி⁴க்க²வே, ஸத்த அபரிஹானியே த⁴ம்மே தே³ஸெஸ்ஸாமி, தங் ஸுணாத²,
ஸாது⁴கங் மனஸிகரோத², பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² தே பி⁴க்கூ²
ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘யாவகீவஞ்ச, பி⁴க்க²வே, பி⁴க்கு² ஸதிஸம்பொ³ஜ்ஜ²ங்க³ங்
பா⁴வெஸ்ஸந்தி…பே॰… த⁴ம்மவிசயஸம்பொ³ஜ்ஜ²ங்க³ங் பா⁴வெஸ்ஸந்தி…
வீரியஸம்பொ³ஜ்ஜ²ங்க³ங் பா⁴வெஸ்ஸந்தி… பீதிஸம்பொ³ஜ்ஜ²ங்க³ங் பா⁴வெஸ்ஸந்தி…
பஸ்ஸத்³தி⁴ஸம்பொ³ஜ்ஜ²ங்க³ங் பா⁴வெஸ்ஸந்தி… ஸமாதி⁴ஸம்பொ³ஜ்ஜ²ங்க³ங்
பா⁴வெஸ்ஸந்தி… உபெக்கா²ஸம்பொ³ஜ்ஜ²ங்க³ங் பா⁴வெஸ்ஸந்தி, வுத்³தி⁴யேவ , பி⁴க்க²வே, பி⁴க்கூ²னங் பாடிகங்கா², நோ பரிஹானி.

‘‘யாவகீவஞ்ச, பி⁴க்க²வே, இமே ஸத்த அபரிஹானியா த⁴ம்மா
பி⁴க்கூ²ஸு ட²ஸ்ஸந்தி, இமேஸு ச ஸத்தஸு அபரிஹானியேஸு த⁴ம்மேஸு பி⁴க்கூ²
ஸந்தி³ஸ்ஸிஸ்ஸந்தி, வுத்³தி⁴யேவ, பி⁴க்க²வே, பி⁴க்கூ²னங் பாடிகங்கா² நோ
பரிஹானி.

140.
‘‘அபரேபி வோ, பி⁴க்க²வே, ஸத்த அபரிஹானியே த⁴ம்மே தே³ஸெஸ்ஸாமி, தங் ஸுணாத²,
ஸாது⁴கங் மனஸிகரோத², பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² தே பி⁴க்கூ²
ப⁴க³வதோ பச்சஸ்ஸோஸுங். ப⁴க³வா ஏதத³வோச –

‘‘யாவகீவஞ்ச, பி⁴க்க²வே, பி⁴க்கூ² அனிச்சஸஞ்ஞங்
பா⁴வெஸ்ஸந்தி…பே॰… அனத்தஸஞ்ஞங் பா⁴வெஸ்ஸந்தி… அஸுப⁴ஸஞ்ஞங் பா⁴வெஸ்ஸந்தி…
ஆதீ³னவஸஞ்ஞங் பா⁴வெஸ்ஸந்தி… பஹானஸஞ்ஞங் பா⁴வெஸ்ஸந்தி… விராக³ஸஞ்ஞங்
பா⁴வெஸ்ஸந்தி… நிரோத⁴ஸஞ்ஞங் பா⁴வெஸ்ஸந்தி, வுத்³தி⁴யேவ, பி⁴க்க²வே,
பி⁴க்கூ²னங் பாடிகங்கா², நோ பரிஹானி.

‘‘யாவகீவஞ்ச , பி⁴க்க²வே, இமே ஸத்த அபரிஹானியா த⁴ம்மா பி⁴க்கூ²ஸு ட²ஸ்ஸந்தி, இமேஸு ச ஸத்தஸு அபரிஹானியேஸு த⁴ம்மேஸு பி⁴க்கூ² ஸந்தி³ஸ்ஸிஸ்ஸந்தி, வுத்³தி⁴யேவ, பி⁴க்க²வே, பி⁴க்கூ²னங் பாடிகங்கா², நோ பரிஹானி.

141.
‘‘ச², வோ பி⁴க்க²வே, அபரிஹானியே த⁴ம்மே தே³ஸெஸ்ஸாமி, தங் ஸுணாத², ஸாது⁴கங்
மனஸிகரோத², பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² தே பி⁴க்கூ² ப⁴க³வதோ
பச்சஸ்ஸோஸுங். ப⁴க³வா ஏதத³வோச –

‘‘யாவகீவஞ்ச , பி⁴க்க²வே,
பி⁴க்கூ² மெத்தங் காயகம்மங் பச்சுபட்டா²பெஸ்ஸந்தி ஸப்³ரஹ்மசாரீஸு ஆவி சேவ
ரஹோ ச, வுத்³தி⁴யேவ, பி⁴க்க²வே, பி⁴க்கூ²னங் பாடிகங்கா², நோ பரிஹானி.

‘‘யாவகீவஞ்ச, பி⁴க்க²வே, பி⁴க்கூ² மெத்தங் வசீகம்மங் பச்சுபட்டா²பெஸ்ஸந்தி
…பே॰… மெத்தங் மனோகம்மங் பச்சுபட்டா²பெஸ்ஸந்தி ஸப்³ரஹ்மசாரீஸு ஆவி சேவ ரஹோ
ச, வுத்³தி⁴யேவ, பி⁴க்க²வே, பி⁴க்கூ²னங் பாடிகங்கா², நோ பரிஹானி.

‘‘யாவகீவஞ்ச, பி⁴க்க²வே, பி⁴க்கூ², யே தே லாபா⁴
த⁴ம்மிகா த⁴ம்மலத்³தா⁴ அந்தமஸோ பத்தபரியாபன்னமத்தம்பி ததா²ரூபேஹி லாபே⁴ஹி
அப்படிவிப⁴த்தபோ⁴கீ³ ப⁴விஸ்ஸந்தி ஸீலவந்தேஹி ஸப்³ரஹ்மசாரீஹி ஸாதா⁴ரணபோ⁴கீ³,
வுத்³தி⁴யேவ, பி⁴க்க²வே, பி⁴க்கூ²னங் பாடிகங்கா², நோ பரிஹானி.

‘‘யாவகீவஞ்ச, பி⁴க்க²வே, பி⁴க்கூ² யானி கானி ஸீலானி அக²ண்டா³னி அச்சி²த்³தா³னி அஸப³லானி அகம்மாஸானி பு⁴ஜிஸ்ஸானி விஞ்ஞூபஸத்தா²னி [விஞ்ஞுப்பஸத்தா²னி (ஸீ॰)]
அபராமட்டா²னி ஸமாதி⁴ஸங்வத்தனிகானி ததா²ரூபேஸு ஸீலேஸு ஸீலஸாமஞ்ஞக³தா
விஹரிஸ்ஸந்தி ஸப்³ரஹ்மசாரீஹி ஆவி சேவ ரஹோ ச, வுத்³தி⁴யேவ, பி⁴க்க²வே,
பி⁴க்கூ²னங் பாடிகங்கா², நோ பரிஹானி.

‘‘யாவகீவஞ்ச, பி⁴க்க²வே, பி⁴க்கூ² யாயங் தி³ட்டி²
அரியா நிய்யானிகா, நிய்யாதி தக்கரஸ்ஸ ஸம்மா து³க்க²க்க²யாய, ததா²ரூபாய
தி³ட்டி²யா தி³ட்டி²ஸாமஞ்ஞக³தா விஹரிஸ்ஸந்தி ஸப்³ரஹ்மசாரீஹி ஆவி சேவ ரஹோ ச,
வுத்³தி⁴யேவ, பி⁴க்க²வே, பி⁴க்கூ²னங் பாடிகங்கா², நோ பரிஹானி.

‘‘யாவகீவஞ்ச , பி⁴க்க²வே, இமே
ச² அபரிஹானியா த⁴ம்மா பி⁴க்கூ²ஸு ட²ஸ்ஸந்தி, இமேஸு ச ச²ஸு அபரிஹானியேஸு
த⁴ம்மேஸு பி⁴க்கூ² ஸந்தி³ஸ்ஸிஸ்ஸந்தி, வுத்³தி⁴யேவ, பி⁴க்க²வே, பி⁴க்கூ²னங்
பாடிகங்கா², நோ பரிஹானீ’’தி.

142. தத்ர
ஸுத³ங் ப⁴க³வா ராஜக³ஹே விஹரந்தோ கி³ஜ்ஜ²கூடே பப்³ப³தே ஏததே³வ ப³ஹுலங்
பி⁴க்கூ²னங் த⁴ம்மிங் கத²ங் கரோதி – ‘‘இதி ஸீலங், இதி ஸமாதி⁴, இதி பஞ்ஞா.
ஸீலபரிபா⁴விதோ ஸமாதி⁴ மஹப்ப²லோ ஹோதி மஹானிஸங்ஸோ. ஸமாதி⁴பரிபா⁴விதா பஞ்ஞா மஹப்ப²லா ஹோதி மஹானிஸங்ஸா. பஞ்ஞாபரிபா⁴விதங் சித்தங் ஸம்மதே³வ ஆஸவேஹி விமுச்சதி, ஸெய்யதி²த³ங் – காமாஸவா, ப⁴வாஸவா, அவிஜ்ஜாஸவா’’தி.

143. அத²
கோ² ப⁴க³வா ராஜக³ஹே யதா²பி⁴ரந்தங் விஹரித்வா ஆயஸ்மந்தங் ஆனந்த³ங் ஆமந்தேஸி
– ‘‘ஆயாமானந்த³, யேன அம்ப³லட்டி²கா தேனுபஸங்கமிஸ்ஸாமா’’தி. ‘‘ஏவங்,
ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ பச்சஸ்ஸோஸி. அத² கோ² ப⁴க³வா மஹதா
பி⁴க்கு²ஸங்கே⁴ன ஸத்³தி⁴ங் யேன அம்ப³லட்டி²கா தத³வஸரி. தத்ர ஸுத³ங் ப⁴க³வா
அம்ப³லட்டி²காயங் விஹரதி ராஜாகா³ரகே. தத்ராபி ஸுத³ங் ப⁴க³வா
அம்ப³லட்டி²காயங் விஹரந்தோ ராஜாகா³ரகே ஏததே³வ ப³ஹுலங் பி⁴க்கூ²னங் த⁴ம்மிங்
கத²ங் கரோதி – ‘‘இதி ஸீலங் இதி ஸமாதி⁴ இதி பஞ்ஞா. ஸீலபரிபா⁴விதோ ஸமாதி⁴
மஹப்ப²லோ ஹோதி மஹானிஸங்ஸோ. ஸமாதி⁴பரிபா⁴விதா பஞ்ஞா மஹப்ப²லா ஹோதி
மஹானிஸங்ஸா. பஞ்ஞாபரிபா⁴விதங் சித்தங் ஸம்மதே³வ ஆஸவேஹி விமுச்சதி,
ஸெய்யதி²த³ங் – காமாஸவா, ப⁴வாஸவா, அவிஜ்ஜாஸவா’’தி.

144.
அத² கோ² ப⁴க³வா அம்ப³லட்டி²காயங் யதா²பி⁴ரந்தங் விஹரித்வா ஆயஸ்மந்தங்
ஆனந்த³ங் ஆமந்தேஸி – ‘‘ஆயாமானந்த³, யேன நாளந்தா³ தேனுபஸங்கமிஸ்ஸாமா’’தி.
‘‘ஏவங், ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ பச்சஸ்ஸோஸி. அத² கோ² ப⁴க³வா
மஹதா பி⁴க்கு²ஸங்கே⁴ன ஸத்³தி⁴ங் யேன நாளந்தா³ தத³வஸரி, தத்ர ஸுத³ங் ப⁴க³வா
நாளந்தா³யங் விஹரதி பாவாரிகம்ப³வனே .

ஸாரிபுத்தஸீஹனாதோ³

145. அத² கோ² ஆயஸ்மா ஸாரிபுத்தோ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³. ஏகமந்தங் நிஸின்னோ கோ² ஆயஸ்மா ஸாரிபுத்தோ ப⁴க³வந்தங் ஏதத³வோச –
‘‘ஏவங் பஸன்னோ அஹங், ப⁴ந்தே, ப⁴க³வதி; ந சாஹு ந ச ப⁴விஸ்ஸதி ந சேதரஹி
விஜ்ஜதி அஞ்ஞோ ஸமணோ வா ப்³ராஹ்மணோ வா ப⁴க³வதா பி⁴ய்யோபி⁴ஞ்ஞதரோ யதி³த³ங்
ஸம்போ³தி⁴ய’’ந்தி. ‘‘உளாரா கோ² தே அயங், ஸாரிபுத்த, ஆஸபீ⁴ வாசா [ஆஸபி⁴வாசா (ஸ்யா॰)]
பா⁴ஸிதா, ஏகங்ஸோ க³ஹிதோ, ஸீஹனாதோ³ நதி³தோ – ‘ஏவங்பஸன்னோ அஹங், ப⁴ந்தே,
ப⁴க³வதி; ந சாஹு ந ச ப⁴விஸ்ஸதி ந சேதரஹி விஜ்ஜதி அஞ்ஞோ ஸமணோ வா ப்³ராஹ்மணோ
வா ப⁴க³வதா பி⁴ய்யோபி⁴ஞ்ஞதரோ யதி³த³ங் ஸம்போ³தி⁴ய’ந்தி.

‘‘கிங் தே [கிங் நு (ஸ்யா॰ பீ॰ க॰)],
ஸாரிபுத்த, யே தே அஹேஸுங் அதீதமத்³தா⁴னங் அரஹந்தோ ஸம்மாஸம்பு³த்³தா⁴,
ஸப்³பே³ தே ப⁴க³வந்தோ சேதஸா சேதோ பரிச்ச விதி³தா – ‘ஏவங்ஸீலா தே ப⁴க³வந்தோ
அஹேஸுங் இதிபி, ஏவங்த⁴ம்மா ஏவங்பஞ்ஞா ஏவங்விஹாரீ ஏவங்விமுத்தா தே ப⁴க³வந்தோ
அஹேஸுங் இதிபீ’’’தி? ‘‘நோ ஹேதங், ப⁴ந்தே’’.

‘‘கிங் பன தே [கிங் பன (ஸ்யா॰ பீ॰ க॰)],
ஸாரிபுத்த, யே தே ப⁴விஸ்ஸந்தி அனாக³தமத்³தா⁴னங் அரஹந்தோ
ஸம்மாஸம்பு³த்³தா⁴, ஸப்³பே³ தே ப⁴க³வந்தோ சேதஸா சேதோ பரிச்ச விதி³தா –
‘ஏவங்ஸீலா தே ப⁴க³வந்தோ ப⁴விஸ்ஸந்தி இதிபி, ஏவங்த⁴ம்மா ஏவங்பஞ்ஞா
ஏவங்விஹாரீ ஏவங்விமுத்தா தே ப⁴க³வந்தோ ப⁴விஸ்ஸந்தி இதிபீ’’’தி? ‘‘நோ ஹேதங்,
ப⁴ந்தே’’.

‘‘கிங் பன தே, ஸாரிபுத்த, அஹங் ஏதரஹி அரஹங் ஸம்மாஸம்பு³த்³தோ⁴ சேதஸா சேதோ பரிச்ச விதி³தோ – ‘‘ஏவங்ஸீலோ ப⁴க³வா இதிபி , ஏவங்த⁴ம்மோ ஏவங்பஞ்ஞோ ஏவங்விஹாரீ ஏவங்விமுத்தோ ப⁴க³வா இதிபீ’’’தி? ‘‘நோ ஹேதங், ப⁴ந்தே’’.

‘‘எத்த² ச ஹி தே, ஸாரிபுத்த, அதீதானாக³தபச்சுப்பன்னேஸு அரஹந்தேஸு ஸம்மாஸம்பு³த்³தே⁴ஸு சேதோபரியஞாணங் [சேதோபரிஞ்ஞாயஞாணங் (ஸ்யா॰), சேதஸா சேதோபரியாயஞாணங் (க॰)] நத்தி². அத² கிஞ்சரஹி தே அயங், ஸாரிபுத்த, உளாரா ஆஸபீ⁴
வாசா பா⁴ஸிதா, ஏகங்ஸோ க³ஹிதோ, ஸீஹனாதோ³ நதி³தோ – ‘ஏவங்பஸன்னோ அஹங்,
ப⁴ந்தே, ப⁴க³வதி; ந சாஹு ந ச ப⁴விஸ்ஸதி ந சேதரஹி விஜ்ஜதி அஞ்ஞோ ஸமணோ வா
ப்³ராஹ்மணோ வா ப⁴க³வதா பி⁴ய்யோபி⁴ஞ்ஞதரோ யதி³த³ங் ஸம்போ³தி⁴ய’’’ந்தி?

146.
‘‘ந கோ² மே, ப⁴ந்தே, அதீதானாக³தபச்சுப்பன்னேஸு அரஹந்தேஸு
ஸம்மாஸம்பு³த்³தே⁴ஸு சேதோபரியஞாணங் அத்தி², அபி ச மே த⁴ம்மன்வயோ விதி³தோ.
ஸெய்யதா²பி, ப⁴ந்தே, ரஞ்ஞோ பச்சந்திமங் நக³ரங் த³ள்ஹுத்³தா⁴பங்
த³ள்ஹபாகாரதோரணங் ஏகத்³வாரங், தத்ரஸ்ஸ தோ³வாரிகோ பண்டி³தோ வியத்தோ மேதா⁴வீ
அஞ்ஞாதானங் நிவாரேதா ஞாதானங் பவேஸேதா. ஸோ தஸ்ஸ நக³ரஸ்ஸ ஸமந்தா
அனுபரியாயபத²ங் [அனுசரியாயபத²ங் (ஸ்யா॰)] அனுக்கமமானோ ந பஸ்ஸெய்ய பாகாரஸந்தி⁴ங் வா பாகாரவிவரங் வா, அந்தமஸோ பி³ளாரனிக்க²மனமத்தம்பி. தஸ்ஸ ஏவமஸ்ஸ [ந பஸ்ஸெய்ய தஸ்ஸ ஏவமஸ்ஸ (ஸ்யா॰)]
– ‘யே கோ² கேசி ஓளாரிகா பாணா இமங் நக³ரங் பவிஸந்தி வா நிக்க²மந்தி வா,
ஸப்³பே³ தே இமினாவ த்³வாரேன பவிஸந்தி வா நிக்க²மந்தி வா’தி. ஏவமேவ கோ² மே,
ப⁴ந்தே, த⁴ம்மன்வயோ விதி³தோ – ‘யே தே, ப⁴ந்தே, அஹேஸுங் அதீதமத்³தா⁴னங் அரஹந்தோ ஸம்மாஸம்பு³த்³தா⁴ ,
ஸப்³பே³ தே ப⁴க³வந்தோ பஞ்ச நீவரணே பஹாய சேதஸோ உபக்கிலேஸே பஞ்ஞாய
து³ப்³ப³லீகரணே சதூஸு ஸதிபட்டா²னேஸு ஸுபதிட்டி²தசித்தா ஸத்தபொ³ஜ்ஜ²ங்கே³
யதா²பூ⁴தங் பா⁴வெத்வா அனுத்தரங் ஸம்மாஸம்போ³தி⁴ங் அபி⁴ஸம்பு³ஜ்ஜி²ங்ஸு.
யேபி தே, ப⁴ந்தே, ப⁴விஸ்ஸந்தி அனாக³தமத்³தா⁴னங் அரஹந்தோ ஸம்மாஸம்பு³த்³தா⁴ ,
ஸப்³பே³ தே ப⁴க³வந்தோ பஞ்ச நீவரணே பஹாய சேதஸோ உபக்கிலேஸே பஞ்ஞாய
து³ப்³ப³லீகரணே சதூஸு ஸதிபட்டா²னேஸு ஸுபதிட்டி²தசித்தா ஸத்த பொ³ஜ்ஜ²ங்கே³
யதா²பூ⁴தங் பா⁴வெத்வா அனுத்தரங் ஸம்மாஸம்போ³தி⁴ங் அபி⁴ஸம்பு³ஜ்ஜி²ஸ்ஸந்தி.
ப⁴க³வாபி, ப⁴ந்தே, ஏதரஹி அரஹங் ஸம்மாஸம்பு³த்³தோ⁴ பஞ்ச நீவரணே பஹாய சேதஸோ
உபக்கிலேஸே பஞ்ஞாய து³ப்³ப³லீகரணே சதூஸு ஸதிபட்டா²னேஸு ஸுபதிட்டி²தசித்தோ
ஸத்த பொ³ஜ்ஜ²ங்கே³ யதா²பூ⁴தங் பா⁴வெத்வா அனுத்தரங் ஸம்மாஸம்போ³தி⁴ங்
அபி⁴ஸம்பு³த்³தோ⁴’’’தி.

147. தத்ரபி ஸுத³ங் ப⁴க³வா நாளந்தா³யங் விஹரந்தோ பாவாரிகம்ப³வனே
ஏததே³வ ப³ஹுலங் பி⁴க்கூ²னங் த⁴ம்மிங் கத²ங் கரோதி – ‘‘இதி ஸீலங், இதி
ஸமாதி⁴, இதி பஞ்ஞா. ஸீலபரிபா⁴விதோ ஸமாதி⁴ மஹப்ப²லோ ஹோதி மஹானிஸங்ஸோ.
ஸமாதி⁴பரிபா⁴விதா பஞ்ஞா மஹப்ப²லா ஹோதி மஹானிஸங்ஸா. பஞ்ஞாபரிபா⁴விதங்
சித்தங் ஸம்மதே³வ ஆஸவேஹி விமுச்சதி, ஸெய்யதி²த³ங் – காமாஸவா, ப⁴வாஸவா,
அவிஜ்ஜாஸவா’’தி.

து³ஸ்ஸீலஆதீ³னவா

148.
அத² கோ² ப⁴க³வா நாளந்தா³யங் யதா²பி⁴ரந்தங் விஹரித்வா ஆயஸ்மந்தங் ஆனந்த³ங்
ஆமந்தேஸி – ‘‘ஆயாமானந்த³, யேன பாடலிகா³மோ தேனுபஸங்கமிஸ்ஸாமா’’தி. ‘‘ஏவங்,
ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ பச்சஸ்ஸோஸி .
அத² கோ² ப⁴க³வா மஹதா பி⁴க்கு²ஸங்கே⁴ன ஸத்³தி⁴ங் யேன பாடலிகா³மோ தத³வஸரி.
அஸ்ஸோஸுங் கோ² பாடலிகா³மிகா உபாஸகா – ‘‘ப⁴க³வா கிர பாடலிகா³மங்
அனுப்பத்தோ’’தி. அத² கோ² பாடலிகா³மிகா உபாஸகா யேன ப⁴க³வா தேனுபஸங்கமிங்ஸு;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங்
நிஸின்னா கோ² பாடலிகா³மிகா உபாஸகா ப⁴க³வந்தங் ஏதத³வோசுங் – ‘‘அதி⁴வாஸேது
நோ, ப⁴ந்தே, ப⁴க³வா ஆவஸதா²கா³ர’’ந்தி. அதி⁴வாஸேஸி ப⁴க³வா துண்ஹீபா⁴வேன. அத²
கோ² பாடலிகா³மிகா உபாஸகா ப⁴க³வதோ அதி⁴வாஸனங் விதி³த்வா உட்டா²யாஸனா
ப⁴க³வந்தங் அபி⁴வாதெ³த்வா பத³க்கி²ணங் கத்வா யேன ஆவஸதா²கா³ரங்
தேனுபஸங்கமிங்ஸு; உபஸங்கமித்வா ஸப்³ப³ஸந்த²ரிங் [ஸப்³ப³ஸந்த²ரிதங் ஸத்த²தங் (ஸ்யா॰), ஸப்³ப³ஸந்த²ரிங் ஸந்த²தங் (க॰)]
ஆவஸதா²கா³ரங் ஸந்த²ரித்வா ஆஸனானி பஞ்ஞபெத்வா உத³கமணிகங் பதிட்டா²பெத்வா
தேலபதீ³பங் ஆரோபெத்வா யேன ப⁴க³வா தேனுபஸங்கமிங்ஸு, உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் அட்ட²ங்ஸு. ஏகமந்தங் டி²தா கோ² பாடலிகா³மிகா
உபாஸகா ப⁴க³வந்தங் ஏதத³வோசுங் – ‘‘ஸப்³ப³ஸந்த²ரிஸந்த²தங் [ஸப்³ப³ஸந்த²ரிங் ஸந்த²தங் (ஸீ॰ ஸ்யா॰ பீ॰ க॰)],
ப⁴ந்தே, ஆவஸதா²கா³ரங், ஆஸனானி பஞ்ஞத்தானி, உத³கமணிகோ பதிட்டா²பிதோ,
தேலபதீ³போ ஆரோபிதோ; யஸ்ஸதா³னி, ப⁴ந்தே, ப⁴க³வா காலங் மஞ்ஞதீ’’தி. அத² கோ² ப⁴க³வா ஸாயன்ஹஸமயங் [இத³ங் பத³ங் வினயமஹாவக்³க³ ந தி³ஸ்ஸதி].
நிவாஸெத்வா பத்தசீவரமாதா³ய ஸத்³தி⁴ங் பி⁴க்கு²ஸங்கே⁴ன யேன ஆவஸதா²கா³ரங்
தேனுபஸங்கமி; உபஸங்கமித்வா பாதே³ பக்கா²லெத்வா ஆவஸதா²கா³ரங் பவிஸித்வா மஜ்ஜி²மங் த²ம்ப⁴ங் நிஸ்ஸாய புரத்தா²பி⁴முகோ² [புரத்தி²மாபி⁴முகோ² (க॰)] நிஸீதி³. பி⁴க்கு²ஸங்கோ⁴பி கோ² பாதே³ பக்கா²லெத்வா ஆவஸதா²கா³ரங் பவிஸித்வா பச்சி²மங் பி⁴த்திங்
நிஸ்ஸாய புரத்தா²பி⁴முகோ² நிஸீதி³ ப⁴க³வந்தமேவ புரக்க²த்வா.
பாடலிகா³மிகாபி கோ² உபாஸகா பாதே³ பக்கா²லெத்வா ஆவஸதா²கா³ரங் பவிஸித்வா
புரத்தி²மங் பி⁴த்திங் நிஸ்ஸாய பச்சி²மாபி⁴முகா² நிஸீதி³ங்ஸு ப⁴க³வந்தமேவ
புரக்க²த்வா.

149.
அத² கோ² ப⁴க³வா பாடலிகா³மிகே உபாஸகே ஆமந்தேஸி – ‘‘பஞ்சிமே, க³ஹபதயோ,
ஆதீ³னவா து³ஸ்ஸீலஸ்ஸ ஸீலவிபத்தியா. கதமே பஞ்ச? இத⁴, க³ஹபதயோ, து³ஸ்ஸீலோ
ஸீலவிபன்னோ பமாதா³தி⁴கரணங் மஹதிங் போ⁴க³ஜானிங் நிக³ச்ச²தி. அயங் பட²மோ
ஆதீ³னவோ து³ஸ்ஸீலஸ்ஸ ஸீலவிபத்தியா.

‘‘புன சபரங், க³ஹபதயோ, து³ஸ்ஸீலஸ்ஸ ஸீலவிபன்னஸ்ஸ பாபகோ
கித்திஸத்³தோ³ அப்³பு⁴க்³க³ச்ச²தி. அயங் து³தியோ ஆதீ³னவோ து³ஸ்ஸீலஸ்ஸ
ஸீலவிபத்தியா.

‘‘புன சபரங், க³ஹபதயோ, து³ஸ்ஸீலோ ஸீலவிபன்னோ யஞ்ஞதே³வ
பரிஸங் உபஸங்கமதி – யதி³ க²த்தியபரிஸங் யதி³ ப்³ராஹ்மணபரிஸங் யதி³
க³ஹபதிபரிஸங் யதி³ ஸமணபரிஸங் – அவிஸாரதோ³ உபஸங்கமதி மங்குபூ⁴தோ. அயங் ததியோ
ஆதீ³னவோ து³ஸ்ஸீலஸ்ஸ ஸீலவிபத்தியா.

‘‘புன சபரங், க³ஹபதயோ, து³ஸ்ஸீலோ ஸீலவிபன்னோ ஸம்மூள்ஹோ காலங்கரோதி. அயங் சதுத்தோ² ஆதீ³னவோ து³ஸ்ஸீலஸ்ஸ ஸீலவிபத்தியா.

‘‘புன சபரங், க³ஹபதயோ,
து³ஸ்ஸீலோ ஸீலவிபன்னோ காயஸ்ஸ பே⁴தா³ பரங் மரணா அபாயங் து³க்³க³திங்
வினிபாதங் நிரயங் உபபஜ்ஜதி. அயங் பஞ்சமோ ஆதீ³னவோ து³ஸ்ஸீலஸ்ஸ ஸீலவிபத்தியா.
இமே கோ², க³ஹபதயோ, பஞ்ச ஆதீ³னவா து³ஸ்ஸீலஸ்ஸ ஸீலவிபத்தியா.

ஸீலவந்த்தஆனிஸங்ஸா

150. ‘‘பஞ்சிமே ,
க³ஹபதயோ, ஆனிஸங்ஸா ஸீலவதோ ஸீலஸம்பதா³ய. கதமே பஞ்ச? இத⁴, க³ஹபதயோ, ஸீலவா
ஸீலஸம்பன்னோ அப்பமாதா³தி⁴கரணங் மஹந்தங் போ⁴க³க்க²ந்த⁴ங் அதி⁴க³ச்ச²தி. அயங்
பட²மோ ஆனிஸங்ஸோ ஸீலவதோ ஸீலஸம்பதா³ய.

‘‘புன சபரங், க³ஹபதயோ, ஸீலவதோ ஸீலஸம்பன்னஸ்ஸ கல்யாணோ கித்திஸத்³தோ³ அப்³பு⁴க்³க³ச்ச²தி. அயங் து³தியோ ஆனிஸங்ஸோ ஸீலவதோ ஸீலஸம்பதா³ய.

‘‘புன சபரங், க³ஹபதயோ, ஸீலவா ஸீலஸம்பன்னோ யஞ்ஞதே³வ
பரிஸங் உபஸங்கமதி – யதி³ க²த்தியபரிஸங் யதி³ ப்³ராஹ்மணபரிஸங் யதி³
க³ஹபதிபரிஸங் யதி³ ஸமணபரிஸங் விஸாரதோ³ உபஸங்கமதி அமங்குபூ⁴தோ. அயங் ததியோ
ஆனிஸங்ஸோ ஸீலவதோ ஸீலஸம்பதா³ய.

‘‘புன சபரங், க³ஹபதயோ, ஸீலவா ஸீலஸம்பன்னோ அஸம்மூள்ஹோ காலங்கரோதி. அயங் சதுத்தோ² ஆனிஸங்ஸோ ஸீலவதோ ஸீலஸம்பதா³ய.

‘‘புன சபரங், க³ஹபதயோ, ஸீலவா ஸீலஸம்பன்னோ காயஸ்ஸ
பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜதி. அயங் பஞ்சமோ ஆனிஸங்ஸோ
ஸீலவதோ ஸீலஸம்பதா³ய. இமே கோ², க³ஹபதயோ, பஞ்ச ஆனிஸங்ஸா ஸீலவதோ
ஸீலஸம்பதா³யா’’தி.

151.
அத² கோ² ப⁴க³வா பாடலிகா³மிகே உபாஸகே ப³ஹுதே³வ ரத்திங் த⁴ம்மியா கதா²ய
ஸந்த³ஸ்ஸெத்வா ஸமாத³பெத்வா ஸமுத்தேஜெத்வா ஸம்பஹங்ஸெத்வா உய்யோஜேஸி –
‘‘அபி⁴க்கந்தா கோ², க³ஹபதயோ, ரத்தி, யஸ்ஸதா³னி தும்ஹே காலங் மஞ்ஞதா²’’தி.
‘‘ஏவங், ப⁴ந்தே’’தி கோ² பாடலிகா³மிகா உபாஸகா ப⁴க³வதோ படிஸ்ஸுத்வா
உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங் கத்வா பக்கமிங்ஸு. அத²
கோ² ப⁴க³வா அசிரபக்கந்தேஸு பாடலிகா³மிகேஸு உபாஸகேஸு ஸுஞ்ஞாகா³ரங் பாவிஸி.

பாடலிபுத்தனக³ரமாபனங்

152. தேன கோ² பன ஸமயேன ஸுனித⁴வஸ்ஸகாரா [ஸுனீத⁴வஸ்ஸகாரா (ஸ்யா॰ க॰)] மக³த⁴மஹாமத்தா பாடலிகா³மே நக³ரங் மாபெந்தி வஜ்ஜீனங் படிபா³ஹாய. தேன ஸமயேன ஸம்ப³ஹுலா தே³வதாயோ ஸஹஸ்ஸேவ [ஸஹஸ்ஸஸ்ஸேவ (ஸீ॰ பீ॰ க॰), ஸஹஸ்ஸஸேவ (டீகாயங் பாட²ந்தரங்), ஸஹஸ்ஸஸஹஸ்ஸேவ (உதா³னட்ட²கதா²)]
பாடலிகா³மே வத்தூ²னி பரிக்³க³ண்ஹந்தி. யஸ்மிங் பதே³ஸே மஹேஸக்கா² தே³வதா
வத்தூ²னி பரிக்³க³ண்ஹந்தி, மஹேஸக்கா²னங் தத்த² ரஞ்ஞங் ராஜமஹாமத்தானங்
சித்தானி நமந்தி நிவேஸனானி மாபேதுங். யஸ்மிங் பதே³ஸே மஜ்ஜி²மா தே³வதா
வத்தூ²னி பரிக்³க³ண்ஹந்தி, மஜ்ஜி²மானங் தத்த² ரஞ்ஞங் ராஜமஹாமத்தானங்
சித்தானி நமந்தி நிவேஸனானி மாபேதுங். யஸ்மிங் பதே³ஸே நீசா தே³வதா வத்தூ²னி
பரிக்³க³ண்ஹந்தி, நீசானங் தத்த² ரஞ்ஞங் ராஜமஹாமத்தானங் சித்தானி நமந்தி
நிவேஸனானி மாபேதுங். அத்³த³ஸா கோ² ப⁴க³வா தி³ப்³பே³ன சக்கு²னா விஸுத்³தே⁴ன
அதிக்கந்தமானுஸகேன தா தே³வதாயோ ஸஹஸ்ஸேவ பாடலிகா³மே வத்தூ²னி
பரிக்³க³ண்ஹந்தியோ. அத² கோ² ப⁴க³வா ரத்தியா பச்சூஸஸமயங் பச்சுட்டா²ய ஆயஸ்மந்தங் ஆனந்த³ங் ஆமந்தேஸி – ‘‘கே நு கோ² [கோ நு கோ² (ஸீ॰ ஸ்யா॰ பீ॰ க॰)], ஆனந்த³, பாடலிகா³மே நக³ரங் மாபெந்தீ’’தி [மாபேதீதி (ஸீ॰ ஸ்யா॰ பீ॰ க॰)]?
‘‘ஸுனித⁴வஸ்ஸகாரா, ப⁴ந்தே, மக³த⁴மஹாமத்தா பாடலிகா³மே நக³ரங் மாபெந்தி
வஜ்ஜீனங் படிபா³ஹாயா’’தி. ‘‘ஸெய்யதா²பி, ஆனந்த³, தே³வேஹி தாவதிங்ஸேஹி
ஸத்³தி⁴ங் மந்தெத்வா, ஏவமேவ கோ², ஆனந்த³, ஸுனித⁴வஸ்ஸகாரா மக³த⁴மஹாமத்தா
பாடலிகா³மே நக³ரங் மாபெந்தி வஜ்ஜீனங் படிபா³ஹாய. இதா⁴ஹங், ஆனந்த³,
அத்³த³ஸங் தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ஸம்ப³ஹுலா
தே³வதாயோ ஸஹஸ்ஸேவ பாடலிகா³மே வத்தூ²னி பரிக்³க³ண்ஹந்தியோ. யஸ்மிங் ,
ஆனந்த³, பதே³ஸே மஹேஸக்கா² தே³வதா வத்தூ²னி பரிக்³க³ண்ஹந்தி, மஹேஸக்கா²னங்
தத்த² ரஞ்ஞங் ராஜமஹாமத்தானங் சித்தானி நமந்தி நிவேஸனானி மாபேதுங். யஸ்மிங்
பதே³ஸே மஜ்ஜி²மா தே³வதா வத்தூ²னி பரிக்³க³ண்ஹந்தி, மஜ்ஜி²மானங் தத்த²
ரஞ்ஞங் ராஜமஹாமத்தானங் சித்தானி நமந்தி நிவேஸனானி மாபேதுங். யஸ்மிங் பதே³ஸே
நீசா தே³வதா வத்தூ²னி பரிக்³க³ண்ஹந்தி, நீசானங் தத்த² ரஞ்ஞங்
ராஜமஹாமத்தானங் சித்தானி நமந்தி நிவேஸனானி மாபேதுங். யாவதா, ஆனந்த³, அரியங்
ஆயதனங் யாவதா வணிப்பதோ² இத³ங் அக்³க³னக³ரங் ப⁴விஸ்ஸதி பாடலிபுத்தங்
புடபே⁴த³னங் . பாடலிபுத்தஸ்ஸ கோ², ஆனந்த³, தயோ அந்தராயா ப⁴விஸ்ஸந்தி – அக்³கி³தோ வா உத³கதோ வா மிது²பே⁴தா³ வா’’தி.

153. அத²
கோ² ஸுனித⁴வஸ்ஸகாரா மக³த⁴மஹாமத்தா யேன ப⁴க³வா தேனுபஸங்கமிங்ஸு;
உபஸங்கமித்வா ப⁴க³வதா ஸத்³தி⁴ங் ஸம்மோதி³ங்ஸு, ஸம்மோத³னீயங் கத²ங் ஸாரணீயங்
வீதிஸாரெத்வா ஏகமந்தங் அட்ட²ங்ஸு, ஏகமந்தங் டி²தா கோ² ஸுனித⁴வஸ்ஸகாரா
மக³த⁴மஹாமத்தா ப⁴க³வந்தங் ஏதத³வோசுங் – ‘‘அதி⁴வாஸேது நோ ப⁴வங் கோ³தமோ
அஜ்ஜதனாய ப⁴த்தங் ஸத்³தி⁴ங் பி⁴க்கு²ஸங்கே⁴னா’’தி. அதி⁴வாஸேஸி ப⁴க³வா
துண்ஹீபா⁴வேன. அத² கோ² ஸுனித⁴வஸ்ஸகாரா மக³த⁴மஹாமத்தா ப⁴க³வதோ அதி⁴வாஸனங்
விதி³த்வா யேன ஸகோ ஆவஸதோ² தேனுபஸங்கமிங்ஸு; உபஸங்கமித்வா ஸகே ஆவஸதே² பணீதங்
கா²த³னீயங் போ⁴ஜனீயங் படியாதா³பெத்வா ப⁴க³வதோ காலங் ஆரோசாபேஸுங் – ‘‘காலோ,
போ⁴ கோ³தம, நிட்டி²தங் ப⁴த்த’’ந்தி.

அத² கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய ஸத்³தி⁴ங் பி⁴க்கு²ஸங்கே⁴ன யேன ஸுனித⁴வஸ்ஸகாரானங் மக³த⁴மஹாமத்தானங்
ஆவஸதோ² தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³. அத² கோ²
ஸுனித⁴வஸ்ஸகாரா மக³த⁴மஹாமத்தா பு³த்³த⁴ப்பமுக²ங் பி⁴க்கு²ஸங்க⁴ங் பணீதேன
கா²த³னீயேன போ⁴ஜனீயேன ஸஹத்தா² ஸந்தப்பேஸுங் ஸம்பவாரேஸுங். அத² கோ²
ஸுனித⁴வஸ்ஸகாரா மக³த⁴மஹாமத்தா ப⁴க³வந்தங் பு⁴த்தாவிங் ஓனீதபத்தபாணிங்
அஞ்ஞதரங் நீசங் ஆஸனங் க³ஹெத்வா ஏகமந்தங் நிஸீதி³ங்ஸு. ஏகமந்தங் நிஸின்னே
கோ² ஸுனித⁴வஸ்ஸகாரே மக³த⁴மஹாமத்தே ப⁴க³வா இமாஹி கா³தா²ஹி அனுமோதி³ –

‘‘யஸ்மிங் பதே³ஸே கப்பேதி, வாஸங் பண்டி³தஜாதியோ;

ஸீலவந்தெத்த² போ⁴ஜெத்வா, ஸஞ்ஞதே ப்³ரஹ்மசாரயோ [ப்³ரஹ்மசாரினோ (ஸ்யா॰)].

‘‘யா தத்த² தே³வதா ஆஸுங், தாஸங் த³க்கி²ணமாதி³ஸே;

தா பூஜிதா பூஜயந்தி [பூஜிதா பூஜயந்தி நங் (க॰)], மானிதா மானயந்தி நங்.

‘‘ததோ நங் அனுகம்பந்தி, மாதா புத்தங்வ ஓரஸங்;

தே³வதானுகம்பிதோ போஸோ, ஸதா³ ப⁴த்³ரானி பஸ்ஸதீ’’தி.

அத² கோ² ப⁴க³வா ஸுனித⁴வஸ்ஸகாரே மக³த⁴மஹாமத்தே இமாஹி கா³தா²ஹி அனுமோதி³த்வா உட்டா²யாஸனா பக்காமி.

154. தேன
கோ² பன ஸமயேன ஸுனித⁴வஸ்ஸகாரா மக³த⁴மஹாமத்தா ப⁴க³வந்தங் பிட்டி²தோ
பிட்டி²தோ அனுப³ந்தா⁴ ஹொந்தி – ‘‘யேனஜ்ஜ ஸமணோ கோ³தமோ த்³வாரேன
நிக்க²மிஸ்ஸதி, தங் கோ³தமத்³வாரங் நாம ப⁴விஸ்ஸதி. யேன தித்தே²ன க³ங்க³ங்
நதி³ங் தரிஸ்ஸதி, தங் கோ³தமதித்த²ங் நாம ப⁴விஸ்ஸதீ’’தி. அத² கோ² ப⁴க³வா யேன
த்³வாரேன நிக்க²மி , தங் கோ³தமத்³வாரங் நாம அஹோஸி.
அத² கோ² ப⁴க³வா யேன க³ங்கா³ நதீ³ தேனுபஸங்கமி. தேன கோ² பன ஸமயேன க³ங்கா³
நதீ³ பூரா ஹோதி ஸமதித்திகா காகபெய்யா. அப்பேகச்சே மனுஸ்ஸா நாவங்
பரியேஸந்தி, அப்பேகச்சே உளும்பங் பரியேஸந்தி, அப்பேகச்சே குல்லங்
ப³ந்த⁴ந்தி அபாரா [பாரா (ஸீ॰ ஸ்யா॰ க॰), ஓரா (வி॰ மஹாவக்³க³)],
பாரங் க³ந்துகாமா. அத² கோ² ப⁴க³வா – ஸெய்யதா²பி நாம ப³லவா புரிஸோ
ஸமிஞ்ஜிதங் வா பா³ஹங் பஸாரெய்ய, பஸாரிதங் வா பா³ஹங் ஸமிஞ்ஜெய்ய, ஏவமேவ –
க³ங்கா³ய நதி³யா ஓரிமதீரே அந்தரஹிதோ பாரிமதீரே பச்சுட்டா²ஸி ஸத்³தி⁴ங்
பி⁴க்கு²ஸங்கே⁴ன. அத்³த³ஸா கோ² ப⁴க³வா தே மனுஸ்ஸே அப்பேகச்சே நாவங்
பரியேஸந்தே அப்பேகச்சே உளும்பங் பரியேஸந்தே அப்பேகச்சே குல்லங் ப³ந்த⁴ந்தே
அபாரா பாரங் க³ந்துகாமே. அத² கோ² ப⁴க³வா ஏதமத்த²ங் விதி³த்வா தாயங் வேலாயங்
இமங் உதா³னங் உதா³னேஸி –

‘‘யே தரந்தி அண்ணவங் ஸரங், ஸேதுங் கத்வான விஸஜ்ஜ பல்லலானி;

குல்லஞ்ஹி ஜனோ ப³ந்த⁴தி [குல்லங் ஜனோ ச ப³ந்த⁴தி (ஸ்யா॰), குல்லங் ஹி ஜனோ பப³ந்த⁴தி (ஸீ॰ பீ॰ க॰)], திண்ணா [நிதிண்ணா, ந திண்ணா (க॰)] மேதா⁴வினோ ஜனா’’தி.

பட²மபா⁴ணவாரோ.

அரியஸச்சகதா²

155. அத²
கோ² ப⁴க³வா ஆயஸ்மந்தங் ஆனந்த³ங் ஆமந்தேஸி – ‘‘ஆயாமானந்த³, யேன கோடிகா³மோ
தேனுபஸங்கமிஸ்ஸாமா’’தி. ‘‘ஏவங், ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ
பச்சஸ்ஸோஸி. அத² கோ² ப⁴க³வா மஹதா பி⁴க்கு²ஸங்கே⁴ன ஸத்³தி⁴ங் யேன கோடிகா³மோ
தத³வஸரி. தத்ர ஸுத³ங் ப⁴க³வா கோடிகா³மே விஹரதி. தத்ர கோ² ப⁴க³வா பி⁴க்கூ² ஆமந்தேஸி –

‘‘சதுன்னங் , பி⁴க்க²வே,
அரியஸச்சானங் அனநுபோ³தா⁴ அப்படிவேதா⁴ ஏவமித³ங் தீ³க⁴மத்³தா⁴னங் ஸந்தா⁴விதங்
ஸங்ஸரிதங் மமஞ்சேவ தும்ஹாகஞ்ச. கதமேஸங் சதுன்னங்? து³க்க²ஸ்ஸ, பி⁴க்க²வே,
அரியஸச்சஸ்ஸ அனநுபோ³தா⁴ அப்படிவேதா⁴ ஏவமித³ங் தீ³க⁴மத்³தா⁴னங் ஸந்தா⁴விதங்
ஸங்ஸரிதங் மமஞ்சேவ தும்ஹாகஞ்ச. து³க்க²ஸமுத³யஸ்ஸ, பி⁴க்க²வே, அரியஸச்சஸ்ஸ
அனநுபோ³தா⁴ அப்படிவேதா⁴ ஏவமித³ங் தீ³க⁴மத்³தா⁴னங் ஸந்தா⁴விதங் ஸங்ஸரிதங்
மமஞ்சேவ தும்ஹாகஞ்ச. து³க்க²னிரோத⁴ஸ்ஸ, பி⁴க்க²வே, அரியஸச்சஸ்ஸ அனநுபோ³தா⁴
அப்படிவேதா⁴ ஏவமித³ங் தீ³க⁴மத்³தா⁴னங் ஸந்தா⁴விதங் ஸங்ஸரிதங் மமஞ்சேவ
தும்ஹாகஞ்ச. து³க்க²னிரோத⁴கா³மினியா படிபதா³ய, பி⁴க்க²வே, அரியஸச்சஸ்ஸ
அனநுபோ³தா⁴ அப்படிவேதா⁴ ஏவமித³ங் தீ³க⁴மத்³தா⁴னங் ஸந்தா⁴விதங் ஸங்ஸரிதங்
மமஞ்சேவ தும்ஹாகஞ்ச. தயித³ங், பி⁴க்க²வே, து³க்க²ங் அரியஸச்சங்
அனுபு³த்³த⁴ங் படிவித்³த⁴ங், து³க்க²ஸமுத³யங் [து³க்க²ஸமுத³யோ (ஸ்யா॰)] அரியஸச்சங் அனுபு³த்³த⁴ங் படிவித்³த⁴ங், து³க்க²னிரோத⁴ங் [து³க்க²னிரோதோ⁴ (ஸ்யா॰)]
அரியஸச்சங் அனுபு³த்³த⁴ங் படிவித்³த⁴ங், து³க்க²னிரோத⁴கா³மினீ படிபதா³
அரியஸச்சங் அனுபு³த்³த⁴ங் படிவித்³த⁴ங், உச்சி²ன்னா ப⁴வதண்ஹா, கீ²ணா
ப⁴வனெத்தி, நத்தி²தா³னி புனப்³ப⁴வோ’’தி. இத³மவோச ப⁴க³வா. இத³ங் வத்வான
ஸுக³தோ அதா²பரங் ஏதத³வோச ஸத்தா² –

‘‘சதுன்னங் அரியஸச்சானங், யதா²பூ⁴தங் அத³ஸ்ஸனா;

ஸங்ஸிதங் தீ³க⁴மத்³தா⁴னங், தாஸு தாஸ்வேவ ஜாதிஸு.

தானி ஏதானி தி³ட்டா²னி, ப⁴வனெத்தி ஸமூஹதா;

உச்சி²ன்னங் மூலங் து³க்க²ஸ்ஸ, நத்தி² தா³னி புனப்³ப⁴வோ’’தி.

தத்ரபி ஸுத³ங் ப⁴க³வா
கோடிகா³மே விஹரந்தோ ஏததே³வ ப³ஹுலங் பி⁴க்கூ²னங் த⁴ம்மிங் கத²ங் கரோதி –
‘‘இதி ஸீலங், இதி ஸமாதி⁴, இதி பஞ்ஞா. ஸீலபரிபா⁴விதோ ஸமாதி⁴ மஹப்ப²லோ ஹோதி
மஹானிஸங்ஸோ. ஸமாதி⁴பரிபா⁴விதா பஞ்ஞா மஹப்ப²லா ஹோதி மஹானிஸங்ஸா.
பஞ்ஞாபரிபா⁴விதங் சித்தங் ஸம்மதே³வ ஆஸவேஹி விமுச்சதி, ஸெய்யதி²த³ங் –
காமாஸவா, ப⁴வாஸவா, அவிஜ்ஜாஸவா’’தி.

அனாவத்தித⁴ம்மஸம்போ³தி⁴பராயணா

156. அத² கோ² ப⁴க³வா கோடிகா³மே யதா²பி⁴ரந்தங் விஹரித்வா ஆயஸ்மந்தங் ஆனந்த³ங் ஆமந்தேஸி – ‘‘ஆயாமானந்த³, யேன நாதிகா [நாதி³கா (ஸ்யா॰ பீ॰)] தேனுபங்கமிஸ்ஸாமா’’தி. ‘‘ஏவங், ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ
பச்சஸ்ஸோஸி. அத² கோ² ப⁴க³வா மஹதா பி⁴க்கு²ஸங்கே⁴ன ஸத்³தி⁴ங் யேன நாதிகா
தத³வஸரி. தத்ரபி ஸுத³ங் ப⁴க³வா நாதிகே விஹரதி கி³ஞ்ஜகாவஸதே². அத² கோ²
ஆயஸ்மா ஆனந்தோ³ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா ஆனந்தோ³
ப⁴க³வந்தங் ஏதத³வோச – ‘‘ஸாள்ஹோ நாம, ப⁴ந்தே, பி⁴க்கு² நாதிகே காலங்கதோ,
தஸ்ஸ கா க³தி, கோ அபி⁴ஸம்பராயோ? நந்தா³ நாம, ப⁴ந்தே, பி⁴க்கு²னீ நாதிகே
காலங்கதா, தஸ்ஸா கா க³தி, கோ அபி⁴ஸம்பராயோ? ஸுத³த்தோ நாம, ப⁴ந்தே, உபாஸகோ நாதிகே காலங்கதோ, தஸ்ஸ கா க³தி, கோ அபி⁴ஸம்பராயோ? ஸுஜாதா நாம, ப⁴ந்தே, உபாஸிகா நாதிகே காலங்கதா, தஸ்ஸா கா க³தி , கோ அபி⁴ஸம்பராயோ? குக்குடோ [ககுதோ⁴ (ஸ்யா॰)] நாம, ப⁴ந்தே, உபாஸகோ நாதிகே காலங்கதோ, தஸ்ஸ கா க³தி, கோ அபி⁴ஸம்பராயோ? காளிம்போ³ [காலிங்கோ³ (பீ॰), காரளிம்போ³ (ஸ்யா॰)] நாம, ப⁴ந்தே, உபாஸகோ…பே॰… நிகடோ நாம, ப⁴ந்தே, உபாஸகோ… கடிஸ்ஸஹோ [கடிஸ்ஸபோ⁴ (ஸீ॰ பீ॰)] நாம, ப⁴ந்தே, உபாஸகோ… துட்டோ² நாம, ப⁴ந்தே, உபாஸகோ… ஸந்துட்டோ² நாம, ப⁴ந்தே, உபாஸகோ… ப⁴த்³தோ³ [ப⁴டோ (ஸ்யா॰)] நாம, ப⁴ந்தே, உபாஸகோ… ஸுப⁴த்³தோ³ [ஸுப⁴டோ (ஸ்யா॰)] நாம, ப⁴ந்தே, உபாஸகோ நாதிகே காலங்கதோ, தஸ்ஸ கா க³தி, கோ அபி⁴ஸம்பராயோ’’தி?

157.
‘‘ஸாள்ஹோ, ஆனந்த³, பி⁴க்கு² ஆஸவானங் க²யா அனாஸவங் சேதோவிமுத்திங்
பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ
விஹாஸி. நந்தா³, ஆனந்த³, பி⁴க்கு²னீ பஞ்சன்னங் ஓரம்பா⁴கி³யானங் ஸங்யோஜனானங்
பரிக்க²யா ஓபபாதிகா தத்த² பரினிப்³பா³யினீ அனாவத்தித⁴ம்மா தஸ்மா லோகா.
ஸுத³த்தோ, ஆனந்த³, உபாஸகோ திண்ணங் ஸங்யோஜனானங் பரிக்க²யா ராக³தோ³ஸமோஹானங்
தனுத்தா ஸகதா³கா³மீ ஸகிதே³வ இமங் லோகங் ஆக³ந்த்வா து³க்க²ஸ்ஸந்தங்
கரிஸ்ஸதி. ஸுஜாதா, ஆனந்த³, உபாஸிகா திண்ணங் ஸங்யோஜனானங் பரிக்க²யா
ஸோதாபன்னா அவினிபாதத⁴ம்மா நியதா ஸம்போ³தி⁴பராயணா [பராயனா (ஸீ॰ ஸ்யா॰ பீ॰ க॰)].
குக்குடோ, ஆனந்த³, உபாஸகோ பஞ்சன்னங் ஓரம்பா⁴கி³யானங் ஸங்யோஜனானங்
பரிக்க²யா ஓபபாதிகோ தத்த² பரினிப்³பா³யீ அனாவத்தித⁴ம்மோ தஸ்மா லோகா.
காளிம்போ³, ஆனந்த³, உபாஸகோ…பே॰… நிகடோ, ஆனந்த³, உபாஸகோ… கடிஸ்ஸஹோ , ஆனந்த³, உபாஸகோ… துட்டோ², ஆனந்த³, உபாஸகோ
… ஸந்துட்டோ², ஆனந்த³, உபாஸகோ… ப⁴த்³தோ³, ஆனந்த³, உபாஸகோ… ஸுப⁴த்³தோ³,
ஆனந்த³, உபாஸகோ பஞ்சன்னங் ஓரம்பா⁴கி³யானங் ஸங்யோஜனானங் பரிக்க²யா ஓபபாதிகோ
தத்த² பரினிப்³பா³யீ அனாவத்தித⁴ம்மோ தஸ்மா லோகா . பரோபஞ்ஞாஸங், ஆனந்த³, நாதிகே உபாஸகா
காலங்கதா, பஞ்சன்னங் ஓரம்பா⁴கி³யானங் ஸங்யோஜனானங் பரிக்க²யா ஓபபாதிகா
தத்த² பரினிப்³பா³யினோ அனாவத்தித⁴ம்மா தஸ்மா லோகா. ஸாதி⁴கா நவுதி [சா²தி⁴கா நவுதி (ஸ்யா॰)],
ஆனந்த³, நாதிகே உபாஸகா காலங்கதா திண்ணங் ஸங்யோஜனானங் பரிக்க²யா
ராக³தோ³ஸமோஹானங் தனுத்தா ஸகதா³கா³மினோ ஸகிதே³வ இமங் லோகங் ஆக³ந்த்வா
து³க்க²ஸ்ஸந்தங் கரிஸ்ஸந்தி. ஸாதிரேகானி [த³ஸாதிரேகானி (ஸ்யா॰)], ஆனந்த³, பஞ்சஸதானி நாதிகே உபாஸகா காலங்கதா, திண்ணங் ஸங்யோஜனானங் பரிக்க²யா ஸோதாபன்னா அவினிபாதத⁴ம்மா நியதா ஸம்போ³தி⁴பராயணா.

த⁴ம்மாதா³ஸத⁴ம்மபரியாயா

158. ‘‘அனச்ச²ரியங் கோ² பனேதங், ஆனந்த³, யங் மனுஸ்ஸபூ⁴தோ காலங்கரெய்ய. தஸ்மிங்யேவ [தஸ்மிங் தஸ்மிங் சே (ஸீ॰ பீ॰), தஸ்மிங் தஸ்மிங் கோ² (ஸ்யா॰)]
காலங்கதே ததா²க³தங் உபஸங்கமித்வா ஏதமத்த²ங் புச்சி²ஸ்ஸத², விஹேஸா ஹேஸா,
ஆனந்த³, ததா²க³தஸ்ஸ. தஸ்மாதிஹானந்த³, த⁴ம்மாதா³ஸங் நாம த⁴ம்மபரியாயங்
தே³ஸெஸ்ஸாமி, யேன ஸமன்னாக³தோ அரியஸாவகோ ஆகங்க²மானோ அத்தனாவ அத்தானங்
ப்³யாகரெய்ய – ‘கீ²ணனிரயொம்ஹி கீ²ணதிரச்சா²னயோனி கீ²ணபெத்திவிஸயோ கீ²ணாபாயது³க்³க³திவினிபாதோ, ஸோதாபன்னோஹமஸ்மி அவினிபாதத⁴ம்மோ நியதோ ஸம்போ³தி⁴பராயணோ’தி.

159.
‘‘கதமோ ச ஸோ, ஆனந்த³, த⁴ம்மாதா³ஸோ த⁴ம்மபரியாயோ, யேன ஸமன்னாக³தோ அரியஸாவகோ
ஆகங்க²மானோ அத்தனாவ அத்தானங் ப்³யாகரெய்ய – ‘கீ²ணனிரயொம்ஹி
கீ²ணதிரச்சா²னயோனி கீ²ணபெத்திவிஸயோ கீ²ணாபாயது³க்³க³திவினிபாதோ,
ஸோதாபன்னோஹமஸ்மி அவினிபாதத⁴ம்மோ நியதோ ஸம்போ³தி⁴பராயணோ’தி?

‘‘இதா⁴னந்த³ , அரியஸாவகோ
பு³த்³தே⁴ அவேச்சப்பஸாதே³ன ஸமன்னாக³தோ ஹோதி – ‘இதிபி ஸோ ப⁴க³வா அரஹங்
ஸம்மாஸம்பு³த்³தோ⁴ விஜ்ஜாசரணஸம்பன்னோ ஸுக³தோ லோகவிதூ³ அனுத்தரோ
புரிஸத³ம்மஸாரதி² ஸத்தா² தே³வமனுஸ்ஸானங் பு³த்³தோ⁴ ப⁴க³வா’தி.

‘‘த⁴ம்மே அவேச்சப்பஸாதே³ன ஸமன்னாக³தோ ஹோதி –
‘ஸ்வாக்கா²தோ ப⁴க³வதா த⁴ம்மோ ஸந்தி³ட்டி²கோ அகாலிகோ ஏஹிபஸ்ஸிகோ ஓபனெய்யிகோ
பச்சத்தங் வேதி³தப்³போ³ விஞ்ஞூஹீ’தி.

‘‘ஸங்கே⁴ அவேச்சப்பஸாதே³ன ஸமன்னாக³தோ ஹோதி – ‘ஸுப்படிபன்னோ ப⁴க³வதோ ஸாவகஸங்கோ⁴, உஜுப்படிபன்னோ ப⁴க³வதோ ஸாவகஸங்கோ⁴, ஞாயப்படிபன்னோ ப⁴க³வதோ ஸாவகஸங்கோ⁴, ஸாமீசிப்படிபன்னோ ப⁴க³வதோ
ஸாவகஸங்கோ⁴ யதி³த³ங் சத்தாரி புரிஸயுகா³னி அட்ட² புரிஸபுக்³க³லா, ஏஸ
ப⁴க³வதோ ஸாவகஸங்கோ⁴ ஆஹுனெய்யோ பாஹுனெய்யோ த³க்கி²ணெய்யோ அஞ்ஜலிகரணீயோ
அனுத்தரங் புஞ்ஞக்கெ²த்தங் லோகஸ்ஸா’தி.

‘‘அரியகந்தேஹி ஸீலேஹி ஸமன்னாக³தோ ஹோதி அக²ண்டே³ஹி
அச்சி²த்³தே³ஹி அஸப³லேஹி அகம்மாஸேஹி பு⁴ஜிஸ்ஸேஹி விஞ்ஞூபஸத்தே²ஹி
அபராமட்டே²ஹி ஸமாதி⁴ஸங்வத்தனிகேஹி.

‘‘அயங் கோ² ஸோ, ஆனந்த³, த⁴ம்மாதா³ஸோ த⁴ம்மபரியாயோ, யேன
ஸமன்னாக³தோ அரியஸாவகோ ஆகங்க²மானோ அத்தனாவ அத்தானங் ப்³யாகரெய்ய –
‘கீ²ணனிரயொம்ஹி கீ²ணதிரச்சா²னயோனி கீ²ணபெத்திவிஸயோ
கீ²ணாபாயது³க்³க³திவினிபாதோ, ஸோதாபன்னோஹமஸ்மி அவினிபாதத⁴ம்மோ நியதோ
ஸம்போ³தி⁴பராயணோ’’’தி.

தத்ரபி ஸுத³ங் ப⁴க³வா நாதிகே விஹரந்தோ கி³ஞ்ஜகாவஸதே² ஏததே³வ ப³ஹுலங் பி⁴க்கூ²னங் த⁴ம்மிங் கத²ங் கரோதி –

‘‘இதி ஸீலங் இதி ஸமாதி⁴ இதி பஞ்ஞா. ஸீலபரிபா⁴விதோ
ஸமாதி⁴ மஹப்ப²லோ ஹோதி மஹானிஸங்ஸோ. ஸமாதி⁴பரிபா⁴விதா பஞ்ஞா மஹப்ப²லா ஹோதி
மஹானிஸங்ஸா. பஞ்ஞாபரிபா⁴விதங் சித்தங் ஸம்மதே³வ ஆஸவேஹி விமுச்சதி,
ஸெய்யதி²த³ங் – காமாஸவா, ப⁴வாஸவா, அவிஜ்ஜாஸவா’’தி.

160. அத²
கோ² ப⁴க³வா நாதிகே யதா²பி⁴ரந்தங் விஹரித்வா ஆயஸ்மந்தங் ஆனந்த³ங் ஆமந்தேஸி –
‘‘ஆயாமானந்த³, யேன வேஸாலீ தேனுபஸங்கமிஸ்ஸாமா’’தி. ‘‘ஏவங், ப⁴ந்தே’’தி கோ²
ஆயஸ்மா ஆனந்தோ³ ப⁴க³வதோ பச்சஸ்ஸோஸி. அத² கோ² ப⁴க³வா மஹதா பி⁴க்கு²ஸங்கே⁴ன
ஸத்³தி⁴ங் யேன வேஸாலீ தத³வஸரி. தத்ர ஸுத³ங் ப⁴க³வா வேஸாலியங் விஹரதி
அம்ப³பாலிவனே. தத்ர கோ² ப⁴க³வா பி⁴க்கூ² ஆமந்தேஸி –

‘‘ஸதோ, பி⁴க்க²வே, பி⁴க்கு² விஹரெய்ய ஸம்பஜானோ, அயங்
வோ அம்ஹாகங் அனுஸாஸனீ. கத²ஞ்ச, பி⁴க்க²வே, பி⁴க்கு² ஸதோ ஹோதி? இத⁴,
பி⁴க்க²வே, பி⁴க்கு² காயே காயானுபஸ்ஸீ விஹரதி ஆதாபீ ஸம்பஜானோ ஸதிமா
வினெய்ய லோகே அபி⁴ஜ்ஜா²தோ³மனஸ்ஸங். வேத³னாஸு வேத³னானுபஸ்ஸீ…பே॰… சித்தே
சித்தானுபஸ்ஸீ…பே॰… த⁴ம்மேஸு த⁴ம்மானுபஸ்ஸீ விஹரதி ஆதாபீ ஸம்பஜானோ ஸதிமா
வினெய்ய லோகே அபி⁴ஜ்ஜா²தோ³மனஸ்ஸங். ஏவங் கோ², பி⁴க்க²வே, பி⁴க்கு² ஸதோ
ஹோதி.

‘‘கத²ஞ்ச , பி⁴க்க²வே, பி⁴க்கு²
ஸம்பஜானோ ஹோதி? இத⁴, பி⁴க்க²வே, பி⁴க்கு² அபி⁴க்கந்தே படிக்கந்தே
ஸம்பஜானகாரீ ஹோதி, ஆலோகிதே விலோகிதே ஸம்பஜானகாரீ ஹோதி, ஸமிஞ்ஜிதே
பஸாரிதே ஸம்பஜானகாரீ ஹோதி, ஸங்கா⁴டிபத்தசீவரதா⁴ரணே ஸம்பஜானகாரீ ஹோதி,
அஸிதே பீதே கா²யிதே ஸாயிதே ஸம்பஜானகாரீ ஹோதி, உச்சாரபஸ்ஸாவகம்மே
ஸம்பஜானகாரீ ஹோதி, க³தே டி²தே நிஸின்னே ஸுத்தே ஜாக³ரிதே பா⁴ஸிதே
துண்ஹீபா⁴வே ஸம்பஜானகாரீ ஹோதி. ஏவங் கோ², பி⁴க்க²வே, பி⁴க்கு² ஸம்பஜானோ
ஹோதி. ஸதோ, பி⁴க்க²வே, பி⁴க்கு² விஹரெய்ய ஸம்பஜானோ, அயங் வோ அம்ஹாகங்
அனுஸாஸனீ’’தி.

அம்ப³பாலீக³ணிகா

161.
அஸ்ஸோஸி கோ² அம்ப³பாலீ க³ணிகா – ‘‘ப⁴க³வா கிர வேஸாலிங் அனுப்பத்தோ
வேஸாலியங் விஹரதி மய்ஹங் அம்ப³வனே’’தி. அத² கோ² அம்ப³பாலீ க³ணிகா
ப⁴த்³தா³னி ப⁴த்³தா³னி யானானி யோஜாபெத்வா ப⁴த்³த³ங் ப⁴த்³த³ங் யானங்
அபி⁴ருஹித்வா ப⁴த்³தே³ஹி ப⁴த்³தே³ஹி யானேஹி வேஸாலியா நிய்யாஸி. யேன ஸகோ
ஆராமோ தேன பாயாஸி. யாவதிகா யானஸ்ஸ பூ⁴மி, யானேன க³ந்த்வா, யானா
பச்சோரோஹித்வா பத்திகாவ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னங் கோ² அம்ப³பாலிங் க³ணிகங் ப⁴க³வா த⁴ம்மியா கதா²ய ஸந்த³ஸ்ஸேஸி
ஸமாத³பேஸி ஸமுத்தேஜேஸி ஸம்பஹங்ஸேஸி. அத² கோ² அம்ப³பாலீ க³ணிகா ப⁴க³வதா
த⁴ம்மியா கதா²ய ஸந்த³ஸ்ஸிதா ஸமாத³பிதா ஸமுத்தேஜிதா ஸம்பஹங்ஸிதா ப⁴க³வந்தங்
ஏதத³வோச – ‘‘அதி⁴வாஸேது மே, ப⁴ந்தே, ப⁴க³வா ஸ்வாதனாய ப⁴த்தங் ஸத்³தி⁴ங்
பி⁴க்கு²ஸங்கே⁴னா’’தி. அதி⁴வாஸேஸி ப⁴க³வா துண்ஹீபா⁴வேன. அத² கோ² அம்ப³பாலீ
க³ணிகா ப⁴க³வதோ அதி⁴வாஸனங் விதி³த்வா உட்டா²யாஸனா ப⁴க³வந்தங் அபி⁴வாதெ³த்வா
பத³க்கி²ணங் கத்வா பக்காமி.

அஸ்ஸோஸுங் கோ² வேஸாலிகா லிச்ச²வீ – ‘‘ப⁴க³வா கிர வேஸாலிங்
அனுப்பத்தோ வேஸாலியங் விஹரதி அம்ப³பாலிவனே’’தி. அத² கோ² தே லிச்ச²வீ
ப⁴த்³தா³னி ப⁴த்³தா³னி யானானி யோஜாபெத்வா ப⁴த்³த³ங் ப⁴த்³த³ங் யானங்
அபி⁴ருஹித்வா ப⁴த்³தே³ஹி ப⁴த்³தே³ஹி யானேஹி வேஸாலியா நிய்யிங்ஸு. தத்ர
ஏகச்சே லிச்ச²வீ நீலா ஹொந்தி நீலவண்ணா நீலவத்தா² நீலாலங்காரா, ஏகச்சே
லிச்ச²வீ பீதா ஹொந்தி பீதவண்ணா பீதவத்தா² பீதாலங்காரா, ஏகச்சே லிச்ச²வீ
லோஹிதா ஹொந்தி லோஹிதவண்ணா லோஹிதவத்தா² லோஹிதாலங்காரா, ஏகச்சே லிச்ச²வீ
ஓதா³தா ஹொந்தி ஓதா³தவண்ணா ஓதா³தவத்தா² ஓதா³தாலங்காரா. அத² கோ² அம்ப³பாலீ
க³ணிகா த³ஹரானங் த³ஹரானங் லிச்ச²வீனங் அக்கே²ன அக்க²ங் சக்கேன சக்கங்
யுகே³ன யுக³ங் படிவட்டேஸி [பரிவத்தேஸி (வி॰ மஹாவக்³க³)]. அத² கோ² தே லிச்ச²வீ அம்ப³பாலிங் க³ணிகங் ஏதத³வோசுங் – ‘‘கிங், ஜே அம்ப³பாலி ,
த³ஹரானங் த³ஹரானங் லிச்ச²வீனங் அக்கே²ன அக்க²ங் சக்கேன சக்கங் யுகே³ன
யுக³ங் படிவட்டேஸீ’’தி? ‘‘ததா² ஹி பன மே, அய்யபுத்தா, ப⁴க³வா நிமந்திதோ
ஸ்வாதனாய ப⁴த்தங் ஸத்³தி⁴ங் பி⁴க்கு²ஸங்கே⁴னா’’தி. ‘‘தே³ஹி, ஜே அம்ப³பாலி,
ஏதங் [ஏகங் (க॰)] ப⁴த்தங் ஸதஸஹஸ்ஸேனா’’தி. ‘‘ஸசேபி மே, அய்யபுத்தா, வேஸாலிங் ஸாஹாரங் த³ஸ்ஸத² [த³ஜ்ஜெய்யாத² (வி॰ மஹாவக்³க³)], ஏவமஹங் தங் [ஏவம்பி மஹந்தங் (ஸ்யா॰), ஏவங் மஹந்தங் (ஸீ॰ பீ॰)] ப⁴த்தங் ந த³ஸ்ஸாமீ’’தி [நேவ த³ஜ்ஜாஹங் தங் ப⁴த்தந்தி (வி॰ மஹாவக்³க³)]. அத² கோ² தே லிச்ச²வீ அங்கு³லிங் போ²டேஸுங் – ‘‘ஜிதம்ஹ [ஜிதம்ஹா (ப³ஹூஸு)] வத போ⁴ அம்ப³காய, ஜிதம்ஹ வத போ⁴ அம்ப³காயா’’தி [‘‘ஜிதம்ஹா வத போ⁴ அம்ப³பாலிகாய வஞ்சிதம்ஹா வத போ⁴ அம்ப³பாலிகாயா’’தி (ஸ்யா॰)].

அத² கோ² தே லிச்ச²வீ யேன அம்ப³பாலிவனங் தேன பாயிங்ஸு. அத்³த³ஸா கோ² ப⁴க³வா தே லிச்ச²வீ தூ³ரதோவ ஆக³ச்ச²ந்தே. தி³ஸ்வான பி⁴க்கூ² ஆமந்தேஸி – ‘‘யேஸங் [யேஹி (வி॰ மஹாவக்³க³)], பி⁴க்க²வே, பி⁴க்கூ²னங் தே³வா தாவதிங்ஸா அதி³ட்ட²புப்³பா³, ஓலோகேத², பி⁴க்க²வே, லிச்ச²விபரிஸங்; அபலோகேத², பி⁴க்க²வே ,
லிச்ச²விபரிஸங்; உபஸங்ஹரத², பி⁴க்க²வே, லிச்ச²விபரிஸங் –
தாவதிங்ஸஸதி³ஸ’’ந்தி. அத² கோ² தே லிச்ச²வீ யாவதிகா யானஸ்ஸ பூ⁴மி, யானேன
க³ந்த்வா, யானா பச்சோரோஹித்வா பத்திகாவ யேன ப⁴க³வா தேனுபஸங்கமிங்ஸு;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங்
நிஸின்னே கோ² தே லிச்ச²வீ ப⁴க³வா த⁴ம்மியா கதா²ய ஸந்த³ஸ்ஸேஸி ஸமாத³பேஸி
ஸமுத்தேஜேஸி ஸம்பஹங்ஸேஸி. அத² கோ² தே லிச்ச²வீ ப⁴க³வதா த⁴ம்மியா கதா²ய
ஸந்த³ஸ்ஸிதா ஸமாத³பிதா ஸமுத்தேஜிதா ஸம்பஹங்ஸிதா ப⁴க³வந்தங் ஏதத³வோசுங் –
‘‘அதி⁴வாஸேது நோ, ப⁴ந்தே, ப⁴க³வா ஸ்வாதனாய ப⁴த்தங் ஸத்³தி⁴ங்
பி⁴க்கு²ஸங்கே⁴னா’’தி. அத² கோ² ப⁴க³வா தே லிச்ச²வீ ஏதத³வோச –
‘‘அதி⁴வுத்த²ங் [அதி⁴வாஸிதங் (ஸ்யா॰)] கோ² மே,
லிச்ச²வீ, ஸ்வாதனாய அம்ப³பாலியா க³ணிகாய ப⁴த்த’’ந்தி. அத² கோ² தே லிச்ச²வீ
அங்கு³லிங் போ²டேஸுங் – ‘‘ஜிதம்ஹ வத போ⁴ அம்ப³காய, ஜிதம்ஹ வத போ⁴
அம்ப³காயா’’தி. அத² கோ² தே லிச்ச²வீ ப⁴க³வதோ பா⁴ஸிதங் அபி⁴னந்தி³த்வா
அனுமோதி³த்வா உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங் கத்வா
பக்கமிங்ஸு.

162. அத² கோ² அம்ப³பாலீ க³ணிகா தஸ்ஸா ரத்தியா அச்சயேன ஸகே ஆராமே பணீதங் கா²த³னீயங் போ⁴ஜனீயங் படியாதா³பெத்வா ப⁴க³வதோ காலங்
ஆரோசாபேஸி – ‘‘காலோ, ப⁴ந்தே, நிட்டி²தங் ப⁴த்த’’ந்தி. அத² கோ² ப⁴க³வா
புப்³ப³ண்ஹஸமயங் நிவாஸெத்வா பத்தசீவரமாதா³ய ஸத்³தி⁴ங் பி⁴க்கு²ஸங்கே⁴ன யேன
அம்ப³பாலியா க³ணிகாய நிவேஸனங் தேனுபஸங்கமி; உபஸங்கமித்வா பஞ்ஞத்தே ஆஸனே
நிஸீதி³. அத² கோ² அம்ப³பாலீ க³ணிகா பு³த்³த⁴ப்பமுக²ங் பி⁴க்கு²ஸங்க⁴ங்
பணீதேன கா²த³னீயேன போ⁴ஜனீயேன ஸஹத்தா² ஸந்தப்பேஸி ஸம்பவாரேஸி. அத² கோ²
அம்ப³பாலீ க³ணிகா ப⁴க³வந்தங் பு⁴த்தாவிங் ஓனீதபத்தபாணிங் அஞ்ஞதரங் நீசங்
ஆஸனங் க³ஹெத்வா ஏகமந்தங் நிஸீதி³. ஏகமந்தங்
நிஸின்னா கோ² அம்ப³பாலீ க³ணிகா ப⁴க³வந்தங் ஏதத³வோச – ‘‘இமாஹங், ப⁴ந்தே,
ஆராமங் பு³த்³த⁴ப்பமுக²ஸ்ஸ பி⁴க்கு²ஸங்க⁴ஸ்ஸ த³ம்மீ’’தி. படிக்³க³ஹேஸி
ப⁴க³வா ஆராமங். அத² கோ² ப⁴க³வா அம்ப³பாலிங் க³ணிகங் த⁴ம்மியா கதா²ய
ஸந்த³ஸ்ஸெத்வா ஸமாத³பெத்வா ஸமுத்தேஜெத்வா ஸம்பஹங்ஸெத்வா உட்டா²யாஸனா
பக்காமி. தத்ரபி ஸுத³ங் ப⁴க³வா வேஸாலியங் விஹரந்தோ அம்ப³பாலிவனே ஏததே³வ
ப³ஹுலங் பி⁴க்கூ²னங் த⁴ம்மிங் கத²ங் கரோதி – ‘‘இதி
ஸீலங், இதி ஸமாதி⁴, இதி பஞ்ஞா. ஸீலபரிபா⁴விதோ ஸமாதி⁴ மஹப்ப²லோ ஹோதி
மஹானிஸங்ஸோ. ஸமாதி⁴பரிபா⁴விதா பஞ்ஞா மஹப்ப²லா ஹோதி மஹானிஸங்ஸா.
பஞ்ஞாபரிபா⁴விதங் சித்தங் ஸம்மதே³வ ஆஸவேஹி விமுச்சதி, ஸெய்யதி²த³ங் –
காமாஸவா, ப⁴வாஸவா, அவிஜ்ஜாஸவா’’தி.

வேளுவகா³மவஸ்ஸூபக³மனங்

163. அத² கோ² ப⁴க³வா அம்ப³பாலிவனே யதா²பி⁴ரந்தங் விஹரித்வா ஆயஸ்மந்தங் ஆனந்த³ங் ஆமந்தேஸி – ‘‘ஆயாமானந்த³, யேன வேளுவகா³மகோ [பே³ளுவகா³மகோ (ஸீ॰ பீ॰)] தேனுபஸங்கமிஸ்ஸாமா’’தி. ‘‘ஏவங், ப⁴ந்தே’’தி கோ² ஆயஸ்மா ஆனந்தோ³
ப⁴க³வதோ பச்சஸ்ஸோஸி. அத² கோ² ப⁴க³வா மஹதா பி⁴க்கு²ஸங்கே⁴ன ஸத்³தி⁴ங் யேன
வேளுவகா³மகோ தத³வஸரி. தத்ர ஸுத³ங் ப⁴க³வா வேளுவகா³மகே விஹரதி. தத்ர கோ²
ப⁴க³வா பி⁴க்கூ² ஆமந்தேஸி – ‘‘ஏத² தும்ஹே, பி⁴க்க²வே, ஸமந்தா வேஸாலிங்
யதா²மித்தங் யதா²ஸந்தி³ட்ட²ங் யதா²ஸம்ப⁴த்தங் வஸ்ஸங் உபேத² [உபக³ச்ச²த² (ஸ்யா॰)].
அஹங் பன இதே⁴வ வேளுவகா³மகே வஸ்ஸங் உபக³ச்சா²மீ’’தி. ‘‘ஏவங், ப⁴ந்தே’’தி
கோ² தே பி⁴க்கூ² ப⁴க³வதோ படிஸ்ஸுத்வா ஸமந்தா வேஸாலிங் யதா²மித்தங்
யதா²ஸந்தி³ட்ட²ங் யதா²ஸம்ப⁴த்தங் வஸ்ஸங் உபக³ச்சி²ங்ஸு. ப⁴க³வா பன தத்தே²வ வேளுவகா³மகே வஸ்ஸங் உபக³ச்சி².

164.
அத² கோ² ப⁴க³வதோ வஸ்ஸூபக³தஸ்ஸ க²ரோ ஆபா³தோ⁴ உப்பஜ்ஜி, பா³ள்ஹா வேத³னா
வத்தந்தி மாரணந்திகா. தா ஸுத³ங் ப⁴க³வா ஸதோ ஸம்பஜானோ அதி⁴வாஸேஸி
அவிஹஞ்ஞமானோ. அத² கோ² ப⁴க³வதோ ஏதத³ஹோஸி – ‘‘ந கோ² மேதங் பதிரூபங், ய்வாஹங்
அனாமந்தெத்வா உபட்டா²கே அனபலோகெத்வா பி⁴க்கு²ஸங்க⁴ங் பரினிப்³பா³யெய்யங்.
யங்னூனாஹங் இமங் ஆபா³த⁴ங் வீரியேன படிபணாமெத்வா ஜீவிதஸங்கா²ரங் அதி⁴ட்டா²ய
விஹரெய்ய’’ந்தி. அத² கோ² ப⁴க³வா தங் ஆபா³த⁴ங் வீரியேன படிபணாமெத்வா
ஜீவிதஸங்கா²ரங் அதி⁴ட்டா²ய விஹாஸி. அத² கோ² ப⁴க³வதோ ஸோ ஆபா³தோ⁴
படிபஸ்ஸம்பி⁴. அத² கோ² ப⁴க³வா கி³லானா வுட்டி²தோ [கி³லானவுட்டி²தோ (ஸத்³த³னீதி)]
அசிரவுட்டி²தோ கே³லஞ்ஞா விஹாரா நிக்க²ம்ம விஹாரபச்சா²யாயங் பஞ்ஞத்தே ஆஸனே
நிஸீதி³. அத² கோ² ஆயஸ்மா ஆனந்தோ³ யேன ப⁴க³வா தேனுபஸங்கமி; உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா ஆனந்தோ³ ப⁴க³வந்தங்
ஏதத³வோச – ‘‘தி³ட்டோ² மே, ப⁴ந்தே, ப⁴க³வதோ பா²ஸு; தி³ட்ட²ங் மே, ப⁴ந்தே,
ப⁴க³வதோ க²மனீயங், அபி ச மே, ப⁴ந்தே, மது⁴ரகஜாதோ விய காயோ. தி³ஸாபி மே ந
பக்கா²யந்தி; த⁴ம்மாபி மங் ந படிப⁴ந்தி ப⁴க³வதோ கே³லஞ்ஞேன, அபி ச மே,
ப⁴ந்தே, அஹோஸி காசிதே³வ அஸ்ஸாஸமத்தா – ‘ந தாவ ப⁴க³வா பரினிப்³பா³யிஸ்ஸதி, ந யாவ ப⁴க³வா பி⁴க்கு²ஸங்க⁴ங் ஆரப்³ப⁴ கிஞ்சிதே³வ உதா³ஹரதீ’’’தி.

165. ‘‘கிங் பனானந்த³, பி⁴க்கு²ஸங்கோ⁴ மயி பச்சாஸீஸதி [பச்சாஸிங்ஸதி (ஸீ॰ ஸ்யா॰)]?
தே³ஸிதோ, ஆனந்த³, மயா த⁴ம்மோ அனந்தரங் அபா³ஹிரங் கரித்வா. நத்தா²னந்த³,
ததா²க³தஸ்ஸ த⁴ம்மேஸு ஆசரியமுட்டி². யஸ்ஸ நூன, ஆனந்த³, ஏவமஸ்ஸ – ‘அஹங்
பி⁴க்கு²ஸங்க⁴ங் பரிஹரிஸ்ஸாமீ’தி வா ‘மமுத்³தே³ஸிகோ பி⁴க்கு²ஸங்கோ⁴’தி வா,
ஸோ நூன, ஆனந்த³, பி⁴க்கு²ஸங்க⁴ங் ஆரப்³ப⁴ கிஞ்சிதே³வ உதா³ஹரெய்ய.
ததா²க³தஸ்ஸ கோ², ஆனந்த³, ந ஏவங் ஹோதி – ‘அஹங் பி⁴க்கு²ஸங்க⁴ங்
பரிஹரிஸ்ஸாமீ’தி வா ‘மமுத்³தே³ஸிகோ பி⁴க்கு²ஸங்கோ⁴’தி வா. ஸகிங் [கிங் (ஸீ॰ பீ॰)],
ஆனந்த³, ததா²க³தோ பி⁴க்கு²ஸங்க⁴ங் ஆரப்³ப⁴ கிஞ்சிதே³வ உதா³ஹரிஸ்ஸதி. அஹங்
கோ² பனானந்த³, ஏதரஹி ஜிண்ணோ வுத்³தோ⁴ மஹல்லகோ அத்³த⁴க³தோ வயோஅனுப்பத்தோ.
ஆஸீதிகோ மே வயோ வத்ததி. ஸெய்யதா²பி, ஆனந்த³, ஜஜ்ஜரஸகடங் வேட²மிஸ்ஸகேன [வேளுமிஸ்ஸகேன (ஸ்யா॰), வேக⁴மிஸ்ஸகேன (பீ॰), வேத⁴மிஸ்ஸகேன, வேக²மிஸ்ஸகேன (க॰)]
யாபேதி, ஏவமேவ கோ², ஆனந்த³, வேட²மிஸ்ஸகேன மஞ்ஞே ததா²க³தஸ்ஸ காயோ யாபேதி.
யஸ்மிங், ஆனந்த³, ஸமயே ததா²க³தோ ஸப்³ப³னிமித்தானங் அமனஸிகாரா ஏகச்சானங்
வேத³னானங் நிரோதா⁴ அனிமித்தங் சேதோஸமாதி⁴ங் உபஸம்பஜ்ஜ விஹரதி, பா²ஸுதரோ,
ஆனந்த³, தஸ்மிங் ஸமயே ததா²க³தஸ்ஸ காயோ ஹோதி.
தஸ்மாதிஹானந்த³, அத்ததீ³பா விஹரத² அத்தஸரணா அனஞ்ஞஸரணா, த⁴ம்மதீ³பா
த⁴ம்மஸரணா அனஞ்ஞஸரணா. கத²ஞ்சானந்த³, பி⁴க்கு² அத்ததீ³போ விஹரதி அத்தஸரணோ
அனஞ்ஞஸரணோ, த⁴ம்மதீ³போ த⁴ம்மஸரணோ அனஞ்ஞஸரணோ? இதா⁴னந்த³, பி⁴க்கு² காயே
காயானுபஸ்ஸீ விஹரதி அதாபீ ஸம்பஜானோ ஸதிமா, வினெய்ய லோகே
அபி⁴ஜ்ஜா²தோ³மனஸ்ஸங். வேத³னாஸு…பே॰… சித்தே…பே॰… த⁴ம்மேஸு த⁴ம்மானுபஸ்ஸீ
விஹரதி ஆதாபீ ஸம்பஜானோ ஸதிமா, வினெய்ய லோகே அபி⁴ஜ்ஜா²தோ³மனஸ்ஸங். ஏவங் கோ²,
ஆனந்த³, பி⁴க்கு² அத்ததீ³போ விஹரதி அத்தஸரணோ அனஞ்ஞஸரணோ, த⁴ம்மதீ³போ
த⁴ம்மஸரணோ அனஞ்ஞஸரணோ . யே ஹி
கேசி, ஆனந்த³, ஏதரஹி வா மம வா அச்சயேன அத்ததீ³பா விஹரிஸ்ஸந்தி அத்தஸரணா
அனஞ்ஞஸரணா, த⁴ம்மதீ³பா த⁴ம்மஸரணா அனஞ்ஞஸரணா, தமதக்³கே³ மே தே, ஆனந்த³,
பி⁴க்கூ² ப⁴விஸ்ஸந்தி யே கேசி ஸிக்கா²காமா’’தி.

து³தியபா⁴ணவாரோ.

நிமித்தோபா⁴ஸகதா²

166. அத²
கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய வேஸாலிங் பிண்டா³ய
பாவிஸி. வேஸாலியங் பிண்டா³ய சரித்வா பச்சா²ப⁴த்தங் பிண்ட³பாதபடிக்கந்தோ
ஆயஸ்மந்தங் ஆனந்த³ங் ஆமந்தேஸி – ‘‘க³ண்ஹாஹி, ஆனந்த³, நிஸீத³னங், யேன
சாபாலங் சேதியங் [பாவாலங் (சேதியங் (ஸ்யா॰)]
தேனுபஸங்கமிஸ்ஸாம தி³வா விஹாராயா’’தி. ‘‘ஏவங், ப⁴ந்தே’’தி கோ² ஆயஸ்மா
ஆனந்தோ³ ப⁴க³வதோ படிஸ்ஸுத்வா நிஸீத³னங் ஆதா³ய ப⁴க³வந்தங் பிட்டி²தோ
பிட்டி²தோ அனுப³ந்தி⁴. அத² கோ² ப⁴க³வா யேன சாபாலங்
சேதியங் தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³. ஆயஸ்மாபி கோ²
ஆனந்தோ³ ப⁴க³வந்தங் அபி⁴வாதெ³த்வா ஏகமந்தங் நிஸீதி³.

167.
ஏகமந்தங் நிஸின்னங் கோ² ஆயஸ்மந்தங் ஆனந்த³ங் ப⁴க³வா ஏதத³வோச – ‘‘ரமணீயா,
ஆனந்த³, வேஸாலீ, ரமணீயங் உதே³னங் சேதியங், ரமணீயங் கோ³தமகங் சேதியங்,
ரமணீயங் ஸத்தம்ப³ங் [ஸத்தம்ப³கங் (பீ॰)] சேதியங், ரமணீயங் ப³ஹுபுத்தங் சேதியங், ரமணீயங் ஸாரந்த³த³ங் சேதியங், ரமணீயங் சாபாலங் சேதியங். யஸ்ஸ
கஸ்ஸசி, ஆனந்த³, சத்தாரோ இத்³தி⁴பாதா³ பா⁴விதா ப³ஹுலீகதா யானீகதா
வத்து²கதா அனுட்டி²தா பரிசிதா ஸுஸமாரத்³தா⁴, ஸோ ஆகங்க²மானோ கப்பங் வா
திட்டெ²ய்ய கப்பாவஸேஸங் வா. ததா²க³தஸ்ஸ கோ², ஆனந்த³, சத்தாரோ இத்³தி⁴பாதா³
பா⁴விதா ப³ஹுலீகதா யானீகதா வத்து²கதா அனுட்டி²தா பரிசிதா ஸுஸமாரத்³தா⁴, ஸோ
ஆகங்க²மானோ [ஆகங்க²மானோ (?)], ஆனந்த³, ததா²க³தோ
கப்பங் வா திட்டெ²ய்ய கப்பாவஸேஸங் வா’’தி. ஏவம்பி கோ² ஆயஸ்மா ஆனந்தோ³
ப⁴க³வதா ஓளாரிகே நிமித்தே கயிரமானே ஓளாரிகே ஓபா⁴ஸே கயிரமானே நாஸக்கி²
படிவிஜ்ஜி²துங்; ந ப⁴க³வந்தங் யாசி – ‘‘திட்ட²து, ப⁴ந்தே, ப⁴க³வா கப்பங்,
திட்ட²து ஸுக³தோ கப்பங் ப³ஹுஜனஹிதாய ப³ஹுஜனஸுகா²ய லோகானுகம்பாய அத்தா²ய
ஹிதாய ஸுகா²ய தே³வமனுஸ்ஸான’’ந்தி, யதா² தங் மாரேன பரியுட்டி²தசித்தோ.
து³தியம்பி கோ² ப⁴க³வா…பே॰… ததியம்பி கோ² ப⁴க³வா
ஆயஸ்மந்தங் ஆனந்த³ங் ஆமந்தேஸி – ‘‘ரமணீயா, ஆனந்த³, வேஸாலீ, ரமணீயங் உதே³னங்
சேதியங், ரமணீயங் கோ³தமகங் சேதியங், ரமணீயங் ஸத்தம்ப³ங் சேதியங், ரமணீயங்
ப³ஹுபுத்தங் சேதியங், ரமணீயங் ஸாரந்த³த³ங் சேதியங்,
ரமணீயங் சாபாலங் சேதியங். யஸ்ஸ கஸ்ஸசி, ஆனந்த³, சத்தாரோ இத்³தி⁴பாதா³
பா⁴விதா ப³ஹுலீகதா யானீகதா வத்து²கதா அனுட்டி²தா பரிசிதா ஸுஸமாரத்³தா⁴, ஸோ
ஆகங்க²மானோ கப்பங் வா திட்டெ²ய்ய கப்பாவஸேஸங் வா. ததா²க³தஸ்ஸ கோ², ஆனந்த³,
சத்தாரோ இத்³தி⁴பாதா³ பா⁴விதா ப³ஹுலீகதா யானீகதா வத்து²கதா அனுட்டி²தா
பரிசிதா ஸுஸமாரத்³தா⁴, ஸோ ஆகங்க²மானோ, ஆனந்த³, ததா²க³தோ கப்பங் வா
திட்டெ²ய்ய கப்பாவஸேஸங் வா’’தி. ஏவம்பி கோ² ஆயஸ்மா ஆனந்தோ³ ப⁴க³வதா ஓளாரிகே
நிமித்தே கயிரமானே ஓளாரிகே ஓபா⁴ஸே கயிரமானே நாஸக்கி² படிவிஜ்ஜி²துங் ; ந ப⁴க³வந்தங் யாசி – ‘‘திட்ட²து ,
ப⁴ந்தே, ப⁴க³வா கப்பங், திட்ட²து ஸுக³தோ கப்பங் ப³ஹுஜனஹிதாய ப³ஹுஜனஸுகா²ய
லோகானுகம்பாய அத்தா²ய ஹிதாய ஸுகா²ய தே³வமனுஸ்ஸான’’ந்தி, யதா² தங் மாரேன
பரியுட்டி²தசித்தோ. அத² கோ² ப⁴க³வா ஆயஸ்மந்தங் ஆனந்த³ங் ஆமந்தேஸி –
‘‘க³ச்ச² த்வங், ஆனந்த³, யஸ்ஸதா³னி காலங் மஞ்ஞஸீ’’தி. ‘‘ஏவங், ப⁴ந்தே’’தி
கோ² ஆயஸ்மா ஆனந்தோ³ ப⁴க³வதோ படிஸ்ஸுத்வா உட்டா²யாஸனா ப⁴க³வந்தங்
அபி⁴வாதெ³த்வா பத³க்கி²ணங் கத்வா அவிதூ³ரே அஞ்ஞதரஸ்மிங் ருக்க²மூலே
நிஸீதி³.

மாரயாசனகதா²

168.
அத² கோ² மாரோ பாபிமா அசிரபக்கந்தே ஆயஸ்மந்தே ஆனந்தே³ யேன ப⁴க³வா
தேனுபஸங்கமி; உபஸங்கமித்வா ஏகமந்தங் அட்டா²ஸி. ஏகமந்தங் டி²தோ கோ² மாரோ
பாபிமா ப⁴க³வந்தங் ஏதத³வோச – ‘‘பரினிப்³பா³துதா³னி, ப⁴ந்தே, ப⁴க³வா,
பரினிப்³பா³து ஸுக³தோ, பரினிப்³பா³னகாலோ தா³னி,
ப⁴ந்தே, ப⁴க³வதோ. பா⁴ஸிதா கோ² பனேஸா, ப⁴ந்தே, ப⁴க³வதா வாசா – ‘ந தாவாஹங்,
பாபிம, பரினிப்³பா³யிஸ்ஸாமி, யாவ மே பி⁴க்கூ² ந ஸாவகா ப⁴விஸ்ஸந்தி வியத்தா
வினீதா விஸாரதா³ ப³ஹுஸ்ஸுதா த⁴ம்மத⁴ரா த⁴ம்மானுத⁴ம்மப்படிபன்னா
ஸாமீசிப்படிபன்னா அனுத⁴ம்மசாரினோ, ஸகங் ஆசரியகங் உக்³க³ஹெத்வா
ஆசிக்கி²ஸ்ஸந்தி தே³ஸெஸ்ஸந்தி பஞ்ஞபெஸ்ஸந்தி பட்ட²பெஸ்ஸந்தி விவரிஸ்ஸந்தி
விப⁴ஜிஸ்ஸந்தி உத்தானீ [உத்தானிங் (க॰), உத்தானி (ஸீ॰ பீ॰)] கரிஸ்ஸந்தி, உப்பன்னங் பரப்பவாத³ங் ஸஹத⁴ம்மேன ஸுனிக்³க³ஹிதங் நிக்³க³ஹெத்வா ஸப்பாடிஹாரியங் த⁴ம்மங் தே³ஸெஸ்ஸந்தீ’தி . ஏதரஹி கோ² பன, ப⁴ந்தே, பி⁴க்கூ² ப⁴க³வதோ ஸாவகா வியத்தா வினீதா விஸாரதா³ ப³ஹுஸ்ஸுதா த⁴ம்மத⁴ரா த⁴ம்மானுத⁴ம்மப்படிபன்னா
ஸாமீசிப்படிபன்னா அனுத⁴ம்மசாரினோ, ஸகங் ஆசரியகங் உக்³க³ஹெத்வா ஆசிக்க²ந்தி
தே³ஸெந்தி பஞ்ஞபெந்தி பட்ட²பெந்தி விவரந்தி விப⁴ஜந்தி உத்தானீகரொந்தி,
உப்பன்னங் பரப்பவாத³ங் ஸஹத⁴ம்மேன ஸுனிக்³க³ஹிதங் நிக்³க³ஹெத்வா
ஸப்பாடிஹாரியங் த⁴ம்மங் தே³ஸெந்தி. பரினிப்³பா³துதா³னி, ப⁴ந்தே, ப⁴க³வா,
பரினிப்³பா³து ஸுக³தோ, பரினிப்³பா³னகாலோதா³னி, ப⁴ந்தே, ப⁴க³வதோ.

‘‘பா⁴ஸிதா கோ² பனேஸா, ப⁴ந்தே, ப⁴க³வதா வாசா – ‘ந
தாவாஹங், பாபிம, பரினிப்³பா³யிஸ்ஸாமி, யாவ மே பி⁴க்கு²னியோ ந ஸாவிகா
ப⁴விஸ்ஸந்தி வியத்தா வினீதா விஸாரதா³ ப³ஹுஸ்ஸுதா த⁴ம்மத⁴ரா
த⁴ம்மானுத⁴ம்மப்படிபன்னா ஸாமீசிப்படிபன்னா அனுத⁴ம்மசாரினியோ, ஸகங் ஆசரியகங்
உக்³க³ஹெத்வா ஆசிக்கி²ஸ்ஸந்தி தே³ஸெஸ்ஸந்தி பஞ்ஞபெஸ்ஸந்தி பட்ட²பெஸ்ஸந்தி
விவரிஸ்ஸந்தி விப⁴ஜிஸ்ஸந்தி உத்தானீகரிஸ்ஸந்தி, உப்பன்னங் பரப்பவாத³ங்
ஸஹத⁴ம்மேன ஸுனிக்³க³ஹிதங் நிக்³க³ஹெத்வா ஸப்பாடிஹாரியங் த⁴ம்மங்
தே³ஸெஸ்ஸந்தீ’தி . ஏதரஹி கோ² பன, ப⁴ந்தே,
பி⁴க்கு²னியோ ப⁴க³வதோ ஸாவிகா வியத்தா வினீதா விஸாரதா³ ப³ஹுஸ்ஸுதா த⁴ம்மத⁴ரா
த⁴ம்மானுத⁴ம்மப்படிபன்னா ஸாமீசிப்படிபன்னா அனுத⁴ம்மசாரினியோ ,
ஸகங் ஆசரியகங் உக்³க³ஹெத்வா ஆசிக்க²ந்தி தே³ஸெந்தி பஞ்ஞபெந்தி பட்ட²பெந்தி
விவரந்தி விப⁴ஜந்தி உத்தானீகரொந்தி, உப்பன்னங் பரப்பவாத³ங் ஸஹத⁴ம்மேன
ஸுனிக்³க³ஹிதங் நிக்³க³ஹெத்வா ஸப்பாடிஹாரியங் த⁴ம்மங் தே³ஸெந்தி.
பரினிப்³பா³துதா³னி, ப⁴ந்தே, ப⁴க³வா, பரினிப்³பா³து ஸுக³தோ,
பரினிப்³பா³னகாலோதா³னி, ப⁴ந்தே, ப⁴க³வதோ.

‘‘பா⁴ஸிதா கோ² பனேஸா, ப⁴ந்தே, ப⁴க³வதா வாசா – ‘ந
தாவாஹங், பாபிம, பரினிப்³பா³யிஸ்ஸாமி, யாவ மே உபாஸகா ந ஸாவகா ப⁴விஸ்ஸந்தி
வியத்தா வினீதா விஸாரதா³ ப³ஹுஸ்ஸுதா த⁴ம்மத⁴ரா த⁴ம்மானுத⁴ம்மப்படிபன்னா
ஸாமீசிப்படிபன்னா அனுத⁴ம்மசாரினோ, ஸகங் ஆசரியகங் உக்³க³ஹெத்வா
ஆசிக்கி²ஸ்ஸந்தி தே³ஸெஸ்ஸந்தி பஞ்ஞபெஸ்ஸந்தி பட்ட²பெஸ்ஸந்தி விவரிஸ்ஸந்தி
விப⁴ஜிஸ்ஸந்தி உத்தானீகரிஸ்ஸந்தி, உப்பன்னங் பரப்பவாத³ங் ஸஹத⁴ம்மேன
ஸுனிக்³க³ஹிதங் நிக்³க³ஹெத்வா ஸப்பாடிஹாரியங் த⁴ம்மங் தே³ஸெஸ்ஸந்தீ’தி.
ஏதரஹி கோ² பன, ப⁴ந்தே, உபாஸகா ப⁴க³வதோ ஸாவகா வியத்தா வினீதா விஸாரதா³
ப³ஹுஸ்ஸுதா த⁴ம்மத⁴ரா த⁴ம்மானுத⁴ம்மப்படிபன்னா ஸாமீசிப்படிபன்னா
அனுத⁴ம்மசாரினோ, ஸகங் ஆசரியகங் உக்³க³ஹெத்வா ஆசிக்க²ந்தி தே³ஸெந்தி
பஞ்ஞபெந்தி பட்ட²பெந்தி விவரந்தி விப⁴ஜந்தி உத்தானீகரொந்தி, உப்பன்னங்
பரப்பவாத³ங் ஸஹத⁴ம்மேன ஸுனிக்³க³ஹிதங் நிக்³க³ஹெத்வா ஸப்பாடிஹாரியங்
த⁴ம்மங் தே³ஸெந்தி. பரினிப்³பா³துதா³னி , ப⁴ந்தே, ப⁴க³வா, பரினிப்³பா³து ஸுக³தோ, பரினிப்³பா³னகாலோதா³னி , ப⁴ந்தே, ப⁴க³வதோ.

‘‘பா⁴ஸிதா கோ² பனேஸா, ப⁴ந்தே, ப⁴க³வதா வாசா – ‘ந
தாவாஹங், பாபிம பரினிப்³பா³யிஸ்ஸாமி, யாவ மே உபாஸிகா ந ஸாவிகா ப⁴விஸ்ஸந்தி
வியத்தா வினீதா விஸாரதா³ ப³ஹுஸ்ஸுதா த⁴ம்மத⁴ரா த⁴ம்மானுத⁴ம்மப்படிபன்னா
ஸாமீசிப்படிபன்னா அனுத⁴ம்மசாரினியோ, ஸகங் ஆசரியகங் உக்³க³ஹெத்வா
ஆசிக்கி²ஸ்ஸந்தி தே³ஸெஸ்ஸந்தி பஞ்ஞபெஸ்ஸந்தி பட்ட²பெஸ்ஸந்தி விவரிஸ்ஸந்தி
விப⁴ஜிஸ்ஸந்தி உத்தானீகரிஸ்ஸந்தி, உப்பன்னங் பரப்பவாத³ங் ஸஹத⁴ம்மேன
ஸுனிக்³க³ஹிதங் நிக்³க³ஹெத்வா ஸப்பாடிஹாரியங் த⁴ம்மங் தே³ஸெஸ்ஸந்தீ’தி.
ஏதரஹி கோ² பன, ப⁴ந்தே, உபாஸிகா ப⁴க³வதோ ஸாவிகா வியத்தா வினீதா விஸாரதா³
ப³ஹுஸ்ஸுதா த⁴ம்மத⁴ரா த⁴ம்மானுத⁴ம்மப்படிபன்னா ஸாமீசிப்படிபன்னா
அனுத⁴ம்மசாரினியோ, ஸகங் ஆசரியகங் உக்³க³ஹெத்வா
ஆசிக்க²ந்தி தே³ஸெந்தி பஞ்ஞபெந்தி பட்ட²பெந்தி விவரந்தி விப⁴ஜந்தி
உத்தானீகரொந்தி, உப்பன்னங் பரப்பவாத³ங் ஸஹத⁴ம்மேன ஸுனிக்³க³ஹிதங்
நிக்³க³ஹெத்வா ஸப்பாடிஹாரியங் த⁴ம்மங் தே³ஸெந்தி. பரினிப்³பா³துதா³னி,
ப⁴ந்தே, ப⁴க³வா, பரினிப்³பா³து ஸுக³தோ, பரினிப்³பா³னகாலோதா³னி, ப⁴ந்தே,
ப⁴க³வதோ.

‘‘பா⁴ஸிதா கோ² பனேஸா, ப⁴ந்தே, ப⁴க³வதா வாசா – ‘ந தாவாஹங், பாபிம, பரினிப்³பா³யிஸ்ஸாமி ,
யாவ மே இத³ங் ப்³ரஹ்மசரியங் ந இத்³த⁴ங் சேவ ப⁴விஸ்ஸதி பீ²தஞ்ச
வித்தா²ரிகங் பா³ஹுஜஞ்ஞங் புது²பூ⁴தங் யாவ தே³வமனுஸ்ஸேஹி ஸுப்பகாஸித’ந்தி.
ஏதரஹி கோ² பன, ப⁴ந்தே, ப⁴க³வதோ ப்³ரஹ்மசரியங் இத்³த⁴ங் சேவ பீ²தஞ்ச
வித்தா²ரிகங் பா³ஹுஜஞ்ஞங் புது²பூ⁴தங், யாவ தே³வமனுஸ்ஸேஹி ஸுப்பகாஸிதங்.
பரினிப்³பா³துதா³னி, ப⁴ந்தே, ப⁴க³வா, பரினிப்³பா³து ஸுக³தோ,
பரினிப்³பா³னகாலோதா³னி, ப⁴ந்தே, ப⁴க³வதோ’’தி .

ஏவங் வுத்தே ப⁴க³வா மாரங் பாபிமந்தங் ஏதத³வோச –
‘‘அப்பொஸ்ஸுக்கோ த்வங், பாபிம, ஹோஹி, ந சிரங் ததா²க³தஸ்ஸ பரினிப்³பா³னங்
ப⁴விஸ்ஸதி. இதோ திண்ணங் மாஸானங் அச்சயேன ததா²க³தோ பரினிப்³பா³யிஸ்ஸதீ’’தி.

ஆயுஸங்கா²ரஒஸ்ஸஜ்ஜனங்

169.
அத² கோ² ப⁴க³வா சாபாலே சேதியே ஸதோ ஸம்பஜானோ ஆயுஸங்கா²ரங் ஒஸ்ஸஜி.
ஒஸ்ஸட்டே² ச ப⁴க³வதா ஆயுஸங்கா²ரே மஹாபூ⁴மிசாலோ அஹோஸி பி⁴ங்ஸனகோ ஸலோமஹங்ஸோ [லோமஹங்ஸோ (ஸ்யா॰)], தே³வது³ந்து³பி⁴யோ [தே³வது³த்³ரபி⁴யோ (க॰)] ச ப²லிங்ஸு . அத² கோ² ப⁴க³வா ஏதமத்த²ங் விதி³த்வா தாயங் வேலாயங் இமங் உதா³னங் உதா³னேஸி –

‘‘துலமதுலஞ்ச ஸம்ப⁴வங், ப⁴வஸங்கா²ரமவஸ்ஸஜி முனி;

அஜ்ஜ²த்தரதோ ஸமாஹிதோ, அபி⁴ந்தி³ கவசமிவத்தஸம்ப⁴வ’’ந்தி.

மஹாபூ⁴மிசாலஹேது

170.
அத² கோ² ஆயஸ்மதோ ஆனந்த³ஸ்ஸ ஏதத³ஹோஸி – ‘‘அச்ச²ரியங் வத போ⁴, அப்³பு⁴தங் வத
போ⁴, மஹா வதாயங் பூ⁴மிசாலோ; ஸுமஹா வதாயங் பூ⁴மிசாலோ பி⁴ங்ஸனகோ ஸலோமஹங்ஸோ;
தே³வது³ந்து³பி⁴யோ ச ப²லிங்ஸு. கோ நு கோ² ஹேது கோ பச்சயோ மஹதோ பூ⁴மிசாலஸ்ஸ
பாதுபா⁴வாயா’’தி?

அத² கோ² ஆயஸ்மா ஆனந்தோ³ யேன ப⁴க³வா தேனுபஸங்கமி,
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³, ஏகமந்தங்
நிஸின்னோ கோ² ஆயஸ்மா ஆனந்தோ³ ப⁴க³வந்தங் ஏதத³வோச – ‘‘அச்ச²ரியங், ப⁴ந்தே,
அப்³பு⁴தங், ப⁴ந்தே, மஹா வதாயங், ப⁴ந்தே, பூ⁴மிசாலோ; ஸுமஹா வதாயங் , ப⁴ந்தே, பூ⁴மிசாலோ பி⁴ங்ஸனகோ ஸலோமஹங்ஸோ; தே³வது³ந்து³பி⁴யோ ச ப²லிங்ஸு. கோ நு கோ², ப⁴ந்தே , ஹேது கோ பச்சயோ மஹதோ பூ⁴மிசாலஸ்ஸ பாதுபா⁴வாயா’’தி?

171.
‘‘அட்ட² கோ² இமே, ஆனந்த³, ஹேதூ, அட்ட² பச்சயா மஹதோ பூ⁴மிசாலஸ்ஸ
பாதுபா⁴வாய. கதமே அட்ட²? அயங், ஆனந்த³, மஹாபத²வீ உத³கே பதிட்டி²தா, உத³கங்
வாதே பதிட்டி²தங், வாதோ ஆகாஸட்டோ². ஹோதி கோ² ஸோ, ஆனந்த³, ஸமயோ, யங் மஹாவாதா
வாயந்தி. மஹாவாதா வாயந்தா உத³கங் கம்பெந்தி. உத³கங் கம்பிதங் பத²விங்
கம்பேதி. அயங் பட²மோ ஹேது பட²மோ பச்சயோ மஹதோ பூ⁴மிசாலஸ்ஸ பாதுபா⁴வாய.

‘‘புன சபரங், ஆனந்த³, ஸமணோ வா ஹோதி ப்³ராஹ்மணோ வா
இத்³தி⁴மா சேதோவஸிப்பத்தோ, தே³வோ வா மஹித்³தி⁴கோ மஹானுபா⁴வோ, தஸ்ஸ பரித்தா
பத²வீஸஞ்ஞா பா⁴விதா ஹோதி, அப்பமாணா ஆபோஸஞ்ஞா. ஸோ இமங் பத²விங் கம்பேதி
ஸங்கம்பேதி ஸம்பகம்பேதி ஸம்பவேதே⁴தி. அயங் து³தியோ ஹேது து³தியோ பச்சயோ
மஹதோ பூ⁴மிசாலஸ்ஸ பாதுபா⁴வாய.

‘‘புன சபரங், ஆனந்த³, யதா³
போ³தி⁴ஸத்தோ துஸிதகாயா சவித்வா ஸதோ ஸம்பஜானோ மாதுகுச்சி²ங் ஓக்கமதி,
ததா³யங் பத²வீ கம்பதி ஸங்கம்பதி ஸம்பகம்பதி ஸம்பவேத⁴தி. அயங் ததியோ ஹேது
ததியோ பச்சயோ மஹதோ பூ⁴மிசாலஸ்ஸ பாதுபா⁴வாய.

‘‘புன சபரங், ஆனந்த³, யதா³ போ³தி⁴ஸத்தோ ஸதோ ஸம்பஜானோ
மாதுகுச்சி²ஸ்மா நிக்க²மதி, ததா³யங் பத²வீ கம்பதி ஸங்கம்பதி ஸம்பகம்பதி
ஸம்பவேத⁴தி. அயங் சதுத்தோ² ஹேது சதுத்தோ² பச்சயோ மஹதோ பூ⁴மிசாலஸ்ஸ
பாதுபா⁴வாய.

‘‘புன சபரங், ஆனந்த³, யதா³
ததா²க³தோ அனுத்தரங் ஸம்மாஸம்போ³தி⁴ங் அபி⁴ஸம்பு³ஜ்ஜ²தி, ததா³யங் பத²வீ
கம்பதி ஸங்கம்பதி ஸம்பகம்பதி ஸம்பவேத⁴தி. அயங் பஞ்சமோ ஹேது பஞ்சமோ பச்சயோ
மஹதோ பூ⁴மிசாலஸ்ஸ பாதுபா⁴வாய.

‘‘புன சபரங், ஆனந்த³, யதா³ ததா²க³தோ அனுத்தரங்
த⁴ம்மசக்கங் பவத்தேதி, ததா³யங் பத²வீ கம்பதி ஸங்கம்பதி ஸம்பகம்பதி
ஸம்பவேத⁴தி. அயங் ச²ட்டோ² ஹேது ச²ட்டோ² பச்சயோ மஹதோ பூ⁴மிசாலஸ்ஸ
பாதுபா⁴வாய.

‘‘புன சபரங், ஆனந்த³, யதா³
ததா²க³தோ ஸதோ ஸம்பஜானோ ஆயுஸங்கா²ரங் ஒஸ்ஸஜ்ஜதி, ததா³யங் பத²வீ கம்பதி
ஸங்கம்பதி ஸம்பகம்பதி ஸம்பவேத⁴தி. அயங் ஸத்தமோ ஹேது ஸத்தமோ பச்சயோ மஹதோ
பூ⁴மிசாலஸ்ஸ பாதுபா⁴வாய.

‘‘புன சபரங், ஆனந்த³, யதா³ ததா²க³தோ அனுபாதி³ஸேஸாய
நிப்³பா³னதா⁴துயா பரினிப்³பா³யதி, ததா³யங் பத²வீ கம்பதி ஸங்கம்பதி
ஸம்பகம்பதி ஸம்பவேத⁴தி. அயங் அட்ட²மோ ஹேது அட்ட²மோ பச்சயோ மஹதோ பூ⁴மிசாலஸ்ஸ
பாதுபா⁴வாய. இமே கோ², ஆனந்த³, அட்ட² ஹேதூ, அட்ட² பச்சயா மஹதோ பூ⁴மிசாலஸ்ஸ
பாதுபா⁴வாயா’’தி.

அட்ட² பரிஸா

172. ‘‘அட்ட² கோ² இமா, ஆனந்த³, பரிஸா. கதமா அட்ட²? க²த்தியபரிஸா, ப்³ராஹ்மணபரிஸா, க³ஹபதிபரிஸா, ஸமணபரிஸா, சாதுமஹாராஜிகபரிஸா [சாதும்மஹாராஜிகபரிஸா (ஸீ॰ ஸ்யா॰ கங்॰ பீ॰)], தாவதிங்ஸபரிஸா, மாரபரிஸா, ப்³ரஹ்மபரிஸா. அபி⁴ஜானாமி கோ² பனாஹங், ஆனந்த³ , அனேகஸதங் க²த்தியபரிஸங் உபஸங்கமிதா. தத்ரபி மயா ஸன்னிஸின்னபுப்³ப³ங் சேவ ஸல்லபிதபுப்³ப³ஞ்ச ஸாகச்சா² ச ஸமாபஜ்ஜிதபுப்³பா³ .
தத்த² யாதி³ஸகோ தேஸங் வண்ணோ ஹோதி, தாதி³ஸகோ மய்ஹங் வண்ணோ ஹோதி. யாதி³ஸகோ
தேஸங் ஸரோ ஹோதி, தாதி³ஸகோ மய்ஹங் ஸரோ ஹோதி. த⁴ம்மியா கதா²ய ஸந்த³ஸ்ஸேமி
ஸமாத³பேமி ஸமுத்தேஜேமி ஸம்பஹங்ஸேமி. பா⁴ஸமானஞ்ச மங் ந ஜானந்தி – ‘கோ நு கோ²
அயங் பா⁴ஸதி தே³வோ வா மனுஸ்ஸோ வா’தி? த⁴ம்மியா கதா²ய ஸந்த³ஸ்ஸெத்வா
ஸமாத³பெத்வா ஸமுத்தேஜெத்வா ஸம்பஹங்ஸெத்வா அந்தரதா⁴யாமி. அந்தரஹிதஞ்ச மங் ந
ஜானந்தி – ‘கோ நு கோ² அயங் அந்தரஹிதோ தே³வோ வா மனுஸ்ஸோ வா’தி? அபி⁴ஜானாமி
கோ² பனாஹங், ஆனந்த³, அனேகஸதங் ப்³ராஹ்மணபரிஸங்…பே॰… க³ஹபதிபரிஸங்…
ஸமணபரிஸங்… சாதுமஹாராஜிகபரிஸங்… தாவதிங்ஸபரிஸங்… மாரபரிஸங்… ப்³ரஹ்மபரிஸங்
உபஸங்கமிதா. தத்ரபி மயா ஸன்னிஸின்னபுப்³ப³ங் சேவ ஸல்லபிதபுப்³ப³ஞ்ச
ஸாகச்சா² ச ஸமாபஜ்ஜிதபுப்³பா³. தத்த² யாதி³ஸகோ தேஸங் வண்ணோ ஹோதி, தாதி³ஸகோ
மய்ஹங் வண்ணோ ஹோதி. யாதி³ஸகோ தேஸங் ஸரோ ஹோதி, தாதி³ஸகோ மய்ஹங் ஸரோ ஹோதி.
த⁴ம்மியா கதா²ய ஸந்த³ஸ்ஸேமி ஸமாத³பேமி ஸமுத்தேஜேமி ஸம்பஹங்ஸேமி. பா⁴ஸமானஞ்ச
மங் ந ஜானந்தி – ‘கோ நு கோ² அயங் பா⁴ஸதி தே³வோ வா மனுஸ்ஸோ வா’தி? த⁴ம்மியா
கதா²ய ஸந்த³ஸ்ஸெத்வா ஸமாத³பெத்வா ஸமுத்தேஜெத்வா
ஸம்பஹங்ஸெத்வா அந்தரதா⁴யாமி. அந்தரஹிதஞ்ச மங் ந ஜானந்தி – ‘கோ நு கோ² அயங்
அந்தரஹிதோ தே³வோ வா மனுஸ்ஸோ வா’தி? இமா கோ², ஆனந்த³, அட்ட² பரிஸா.

அட்ட² அபி⁴பா⁴யதனானி

173. ‘‘அட்ட² கோ² இமானி, ஆனந்த³, அபி⁴பா⁴யதனானி. கதமானி அட்ட² ?
அஜ்ஜ²த்தங் ரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி பரித்தானி
ஸுவண்ணது³ப்³ப³ண்ணானி. ‘தானி அபி⁴பு⁴ய்ய ஜானாமி பஸ்ஸாமீ’தி ஏவங்ஸஞ்ஞீ ஹோதி.
இத³ங் பட²மங் அபி⁴பா⁴யதனங்.

‘‘அஜ்ஜ²த்தங் ரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி
அப்பமாணானி ஸுவண்ணது³ப்³ப³ண்ணானி. ‘தானி அபி⁴பு⁴ய்ய ஜானாமி பஸ்ஸாமீ’தி
ஏவங்ஸஞ்ஞீ ஹோதி. இத³ங் து³தியங் அபி⁴பா⁴யதனங்.

‘‘அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி
பரித்தானி ஸுவண்ணது³ப்³ப³ண்ணானி. ‘தானி அபி⁴பு⁴ய்ய ஜானாமி பஸ்ஸாமீ’தி
ஏவங்ஸஞ்ஞீ ஹோதி. இத³ங் ததியங் அபி⁴பா⁴யதனங்.

‘‘அஜ்ஜ²த்தங் அரூபஸஞ்ஞீ ஏகோ
ப³ஹித்³தா⁴ ரூபானி பஸ்ஸதி அப்பமாணானி ஸுவண்ணது³ப்³ப³ண்ணானி. ‘தானி
அபி⁴பு⁴ய்ய ஜானாமி பஸ்ஸாமீ’தி ஏவங்ஸஞ்ஞீ ஹோதி. இத³ங் சதுத்த²ங்
அபி⁴பா⁴யதனங்.

‘‘அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி
நீலானி நீலவண்ணானி நீலனித³ஸ்ஸனானி நீலனிபா⁴ஸானி. ஸெய்யதா²பி நாம
உமாபுப்ப²ங் நீலங் நீலவண்ணங் நீலனித³ஸ்ஸனங் நீலனிபா⁴ஸங். ஸெய்யதா² வா பன
தங் வத்த²ங் பா³ராணஸெய்யகங் உப⁴தோபா⁴க³விமட்ட²ங் நீலங் நீலவண்ணங்
நீலனித³ஸ்ஸனங் நீலனிபா⁴ஸங். ஏவமேவ அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴
ரூபானி பஸ்ஸதி நீலானி நீலவண்ணானி நீலனித³ஸ்ஸனானி நீலனிபா⁴ஸானி. ‘தானி
அபி⁴பு⁴ய்ய ஜானாமி பஸ்ஸாமீ’தி ஏவங்ஸஞ்ஞீ ஹோதி. இத³ங் பஞ்சமங் அபி⁴பா⁴யதனங்.

‘‘அஜ்ஜ²த்தங் அரூபஸஞ்ஞீ ஏகோ
ப³ஹித்³தா⁴ ரூபானி பஸ்ஸதி பீதானி பீதவண்ணானி பீதனித³ஸ்ஸனானி பீதனிபா⁴ஸானி.
ஸெய்யதா²பி நாம கணிகாரபுப்ப²ங் பீதங் பீதவண்ணங் பீதனித³ஸ்ஸனங் பீதனிபா⁴ஸங்.
ஸெய்யதா² வா பன தங் வத்த²ங் பா³ராணஸெய்யகங்
உப⁴தோபா⁴க³விமட்ட²ங் பீதங் பீதவண்ணங் பீதனித³ஸ்ஸனங் பீதனிபா⁴ஸங். ஏவமேவ
அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி பீதானி பீதவண்ணானி
பீதனித³ஸ்ஸனானி பீதனிபா⁴ஸானி. ‘தானி அபி⁴பு⁴ய்ய ஜானாமி பஸ்ஸாமீ’தி
ஏவங்ஸஞ்ஞீ ஹோதி. இத³ங் ச²ட்ட²ங் அபி⁴பா⁴யதனங்.

‘‘அஜ்ஜ²த்தங் அரூபஸஞ்ஞீ ஏகோ
ப³ஹித்³தா⁴ ரூபானி பஸ்ஸதி லோஹிதகானி லோஹிதகவண்ணானி லோஹிதகனித³ஸ்ஸனானி
லோஹிதகனிபா⁴ஸானி. ஸெய்யதா²பி நாம ப³ந்து⁴ஜீவகபுப்ப²ங் லோஹிதகங்
லோஹிதகவண்ணங் லோஹிதகனித³ஸ்ஸனங் லோஹிதகனிபா⁴ஸங். ஸெய்யதா² வா பன தங் வத்த²ங்
பா³ராணஸெய்யகங் உப⁴தோபா⁴க³விமட்ட²ங் லோஹிதகங் லோஹிதகவண்ணங்
லோஹிதகனித³ஸ்ஸனங் லோஹிதகனிபா⁴ஸங். ஏவமேவ அஜ்ஜ²த்தங் அரூபஸஞ்ஞீ ஏகோ
ப³ஹித்³தா⁴ ரூபானி பஸ்ஸதி லோஹிதகானி லோஹிதகவண்ணானி லோஹிதகனித³ஸ்ஸனானி
லோஹிதகனிபா⁴ஸானி. ‘தானி அபி⁴பு⁴ய்ய ஜானாமி பஸ்ஸாமீ’தி ஏவங்ஸஞ்ஞீ ஹோதி.
இத³ங் ஸத்தமங் அபி⁴பா⁴யதனங்.

‘‘அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி
ஓதா³தானி ஓதா³தவண்ணானி ஓதா³தனித³ஸ்ஸனானி ஓதா³தனிபா⁴ஸானி. ஸெய்யதா²பி நாம
ஓஸதி⁴தாரகா ஓதா³தா ஓதா³தவண்ணா ஓதா³தனித³ஸ்ஸனா
ஓதா³தனிபா⁴ஸா. ஸெய்யதா² வா பன தங் வத்த²ங் பா³ராணஸெய்யகங்
உப⁴தோபா⁴க³விமட்ட²ங் ஓதா³தங் ஓதா³தவண்ணங் ஓதா³தனித³ஸ்ஸனங் ஓதா³தனிபா⁴ஸங்.
ஏவமேவ அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி ஓதா³தானி
ஓதா³தவண்ணானி ஓதா³தனித³ஸ்ஸனானி ஓதா³தனிபா⁴ஸானி. ‘தானி அபி⁴பு⁴ய்ய ஜானாமி
பஸ்ஸாமீ’தி ஏவங்ஸஞ்ஞீ ஹோதி. இத³ங் அட்ட²மங் அபி⁴பா⁴யதனங் . இமானி கோ², ஆனந்த³, அட்ட² அபி⁴பா⁴யதனானி.

அட்ட² விமொக்கா²

174. ‘‘அட்ட² கோ² இமே, ஆனந்த³, விமொக்கா². கதமே அட்ட²? ரூபீ ரூபானி பஸ்ஸதி, அயங் பட²மோ விமொக்கோ². அஜ்ஜ²த்தங்
அரூபஸஞ்ஞீ ப³ஹித்³தா⁴ ரூபானி பஸ்ஸதி, அயங் து³தியோ விமொக்கோ². ஸுப⁴ந்தேவ
அதி⁴முத்தோ ஹோதி, அயங் ததியோ விமொக்கோ². ஸப்³ப³ஸோ ரூபஸஞ்ஞானங் ஸமதிக்கமா
படிக⁴ஸஞ்ஞானங் அத்த²ங்க³மா நானத்தஸஞ்ஞானங் அமனஸிகாரா ‘அனந்தோ ஆகாஸோ’தி
ஆகாஸானஞ்சாயதனங் உபஸம்பஜ்ஜ விஹரதி, அயங் சதுத்தோ² விமொக்கோ². ஸப்³ப³ஸோ
ஆகாஸானஞ்சாயதனங் ஸமதிக்கம்ம ‘அனந்தங் விஞ்ஞாண’ந்தி விஞ்ஞாணஞ்சாயதனங்
உபஸம்பஜ்ஜ விஹரதி, அயங் பஞ்சமோ விமொக்கோ². ஸப்³ப³ஸோ விஞ்ஞாணஞ்சாயதனங்
ஸமதிக்கம்ம ‘நத்தி² கிஞ்சீ’தி ஆகிஞ்சஞ்ஞாயதனங் உபஸம்பஜ்ஜ விஹரதி, அயங்
ச²ட்டோ² விமொக்கோ². ஸப்³ப³ஸோ ஆகிஞ்சஞ்ஞாயதனங் ஸமதிக்கம்ம
நேவஸஞ்ஞானாஸஞ்ஞாயதனங் உபஸம்பஜ்ஜ விஹரதி. அயங் ஸத்தமோ விமொக்கோ². ஸப்³ப³ஸோ
நேவஸஞ்ஞானாஸஞ்ஞாயதனங் ஸமதிக்கம்ம ஸஞ்ஞாவேத³யிதனிரோத⁴ங் உபஸம்பஜ்ஜ விஹரதி,
அயங் அட்ட²மோ விமொக்கோ². இமே கோ², ஆனந்த³, அட்ட² விமொக்கா².

175. ‘‘ஏகமிதா³ஹங் ,
ஆனந்த³, ஸமயங் உருவேலாயங் விஹராமி நஜ்ஜா நேரஞ்ஜராய தீரே அஜபாலனிக்³ரோதே⁴
பட²மாபி⁴ஸம்பு³த்³தோ⁴. அத² கோ², ஆனந்த³, மாரோ பாபிமா யேனாஹங் தேனுபஸங்கமி;
உபஸங்கமித்வா ஏகமந்தங் அட்டா²ஸி. ஏகமந்தங் டி²தோ கோ², ஆனந்த³, மாரோ பாபிமா
மங் ஏதத³வோச – ‘பரினிப்³பா³துதா³னி, ப⁴ந்தே,
ப⁴க³வா; பரினிப்³பா³து ஸுக³தோ, பரினிப்³பா³னகாலோதா³னி, ப⁴ந்தே, ப⁴க³வதோ’தி.
ஏவங் வுத்தே அஹங், ஆனந்த³, மாரங் பாபிமந்தங் ஏதத³வோசங் –

‘‘‘ந தாவாஹங், பாபிம, பரினிப்³பா³யிஸ்ஸாமி, யாவ மே
பி⁴க்கூ² ந ஸாவகா ப⁴விஸ்ஸந்தி வியத்தா வினீதா விஸாரதா³ ப³ஹுஸ்ஸுதா
த⁴ம்மத⁴ரா த⁴ம்மானுத⁴ம்மப்படிபன்னா ஸாமீசிப்படிபன்னா அனுத⁴ம்மசாரினோ, ஸகங் ஆசரியகங் உக்³க³ஹெத்வா ஆசிக்கி²ஸ்ஸந்தி தே³ஸெஸ்ஸந்தி பஞ்ஞபெஸ்ஸந்தி பட்ட²பெஸ்ஸந்தி
விவரிஸ்ஸந்தி விப⁴ஜிஸ்ஸந்தி உத்தானீகரிஸ்ஸந்தி, உப்பன்னங் பரப்பவாத³ங்
ஸஹத⁴ம்மேன ஸுனிக்³க³ஹிதங் நிக்³க³ஹெத்வா ஸப்பாடிஹாரியங் த⁴ம்மங்
தே³ஸெஸ்ஸந்தி.

‘‘‘ந தாவாஹங், பாபிம, பரினிப்³பா³யிஸ்ஸாமி, யாவ மே
பி⁴க்கு²னியோ ந ஸாவிகா ப⁴விஸ்ஸந்தி வியத்தா வினீதா விஸாரதா³ ப³ஹுஸ்ஸுதா
த⁴ம்மத⁴ரா த⁴ம்மானுத⁴ம்மப்படிபன்னா ஸாமீசிப்படிபன்னா அனுத⁴ம்மசாரினியோ,
ஸகங் ஆசரியகங் உக்³க³ஹெத்வா ஆசிக்கி²ஸ்ஸந்தி தே³ஸெஸ்ஸந்தி பஞ்ஞபெஸ்ஸந்தி
பட்ட²பெஸ்ஸந்தி விவரிஸ்ஸந்தி விப⁴ஜிஸ்ஸந்தி உத்தானீகரிஸ்ஸந்தி, உப்பன்னங்
பரப்பவாத³ங் ஸஹத⁴ம்மேன ஸுனிக்³க³ஹிதங் நிக்³க³ஹெத்வா ஸப்பாடிஹாரியங் த⁴ம்மங் தே³ஸெஸ்ஸந்தி.

‘‘‘ந தாவாஹங், பாபிம, பரினிப்³பா³யிஸ்ஸாமி, யாவ மே
உபாஸகா ந ஸாவகா ப⁴விஸ்ஸந்தி வியத்தா வினீதா விஸாரதா³ ப³ஹுஸ்ஸுதா த⁴ம்மத⁴ரா
த⁴ம்மானுத⁴ம்மப்படிபன்னா ஸாமீசிப்படிபன்னா அனுத⁴ம்மசாரினோ, ஸகங் ஆசரியகங்
உக்³க³ஹெத்வா ஆசிக்கி²ஸ்ஸந்தி தே³ஸெஸ்ஸந்தி பஞ்ஞபெஸ்ஸந்தி பட்ட²பெஸ்ஸந்தி
விவரிஸ்ஸந்தி விப⁴ஜிஸ்ஸந்தி உத்தானீகரிஸ்ஸந்தி, உப்பன்னங் பரப்பவாத³ங்
ஸஹத⁴ம்மேன ஸுனிக்³க³ஹிதங் நிக்³க³ஹெத்வா ஸப்பாடிஹாரியங் த⁴ம்மங்
தே³ஸெஸ்ஸந்தி.

‘‘‘ந தாவாஹங், பாபிம, பரினிப்³பா³யிஸ்ஸாமி, யாவ மே
உபாஸிகா ந ஸாவிகா ப⁴விஸ்ஸந்தி வியத்தா வினீதா விஸாரதா³ ப³ஹுஸ்ஸுதா
த⁴ம்மத⁴ரா த⁴ம்மானுத⁴ம்மப்படிபன்னா ஸாமீசிப்படிபன்னா அனுத⁴ம்மசாரினியோ,
ஸகங் ஆசரியகங் உக்³க³ஹெத்வா ஆசிக்கி²ஸ்ஸந்தி தே³ஸெஸ்ஸந்தி பஞ்ஞபெஸ்ஸந்தி
பட்ட²பெஸ்ஸந்தி விவரிஸ்ஸந்தி விப⁴ஜிஸ்ஸந்தி உத்தானீகரிஸ்ஸந்தி, உப்பன்னங்
பரப்பவாத³ங் ஸஹத⁴ம்மேன ஸுனிக்³க³ஹிதங் நிக்³க³ஹெத்வா ஸப்பாடிஹாரியங்
த⁴ம்மங் தே³ஸெஸ்ஸந்தி.

‘‘‘ந தாவாஹங், பாபிம,
பரினிப்³பா³யிஸ்ஸாமி, யாவ மே இத³ங் ப்³ரஹ்மசரியங் ந இத்³த⁴ஞ்சேவ ப⁴விஸ்ஸதி
பீ²தஞ்ச வித்தா²ரிகங் பா³ஹுஜஞ்ஞங் புது²பூ⁴தங் யாவ தே³வமனுஸ்ஸேஹி
ஸுப்பகாஸித’ந்தி.

176.
‘‘இதா³னேவ கோ², ஆனந்த³, அஜ்ஜ சாபாலே சேதியே மாரோ பாபிமா யேனாஹங்
தேனுபஸங்கமி; உபஸங்கமித்வா ஏகமந்தங் அட்டா²ஸி. ஏகமந்தங் டி²தோ கோ², ஆனந்த³,
மாரோ பாபிமா மங் ஏதத³வோச – ‘பரினிப்³பா³துதா³னி, ப⁴ந்தே, ப⁴க³வா,
பரினிப்³பா³து ஸுக³தோ, பரினிப்³பா³னகாலோதா³னி, ப⁴ந்தே, ப⁴க³வதோ. பா⁴ஸிதா
கோ² பனேஸா, ப⁴ந்தே, ப⁴க³வதா வாசா – ‘‘ந தாவாஹங், பாபிம , பரினிப்³பா³யிஸ்ஸாமி ,
யாவ மே பி⁴க்கூ² ந ஸாவகா ப⁴விஸ்ஸந்தி…பே॰… யாவ மே பி⁴க்கு²னியோ ந ஸாவிகா
ப⁴விஸ்ஸந்தி…பே॰… யாவ மே உபாஸகா ந ஸாவகா ப⁴விஸ்ஸந்தி…பே॰… யாவ மே உபாஸிகா ந
ஸாவிகா ப⁴விஸ்ஸந்தி…பே॰… யாவ மே இத³ங் ப்³ரஹ்மசரியங் ந இத்³த⁴ஞ்சேவ
ப⁴விஸ்ஸதி பீ²தஞ்ச வித்தா²ரிகங் பா³ஹுஜஞ்ஞங் புது²பூ⁴தங், யாவ
தே³வமனுஸ்ஸேஹி ஸுப்பகாஸித’’ந்தி. ஏதரஹி கோ² பன, ப⁴ந்தே, ப⁴க³வதோ
ப்³ரஹ்மசரியங் இத்³த⁴ஞ்சேவ பீ²தஞ்ச வித்தா²ரிகங்
பா³ஹுஜஞ்ஞங் புது²பூ⁴தங், யாவ தே³வமனுஸ்ஸேஹி ஸுப்பகாஸிதங்.
பரினிப்³பா³துதா³னி, ப⁴ந்தே, ப⁴க³வா, பரினிப்³பா³து ஸுக³தோ,
பரினிப்³பா³னகாலோதா³னி, ப⁴ந்தே, ப⁴க³வதோ’தி.

177.
‘‘ஏவங் வுத்தே, அஹங், ஆனந்த³, மாரங் பாபிமந்தங் ஏதத³வோசங் –
‘அப்பொஸ்ஸுக்கோ த்வங், பாபிம, ஹோஹி, நசிரங் ததா²க³தஸ்ஸ பரினிப்³பா³னங்
ப⁴விஸ்ஸதி. இதோ திண்ணங் மாஸானங் அச்சயேன ததா²க³தோ பரினிப்³பா³யிஸ்ஸதீ’தி.
இதா³னேவ கோ², ஆனந்த³, அஜ்ஜ சாபாலே சேதியே ததா²க³தேன ஸதேன ஸம்பஜானேன
ஆயுஸங்கா²ரோ ஒஸ்ஸட்டோ²’’தி.

ஆனந்த³யாசனகதா²

178. ஏவங்
வுத்தே ஆயஸ்மா ஆனந்தோ³ ப⁴க³வந்தங் ஏதத³வோச – ‘‘திட்ட²து, ப⁴ந்தே, ப⁴க³வா
கப்பங், திட்ட²து ஸுக³தோ கப்பங் ப³ஹுஜனஹிதாய ப³ஹுஜனஸுகா²ய லோகானுகம்பாய
அத்தா²ய ஹிதாய ஸுகா²ய தே³வமனுஸ்ஸான’’ந்தி.

‘‘அலங்தா³னி, ஆனந்த³. மா ததா²க³தங் யாசி, அகாலோதா³னி,
ஆனந்த³, ததா²க³தங் யாசனாயா’’தி. து³தியம்பி கோ² ஆயஸ்மா ஆனந்தோ³…பே॰…
ததியம்பி கோ² ஆயஸ்மா ஆனந்தோ³ ப⁴க³வந்தங் ஏதத³வோச – ‘‘திட்ட²து, ப⁴ந்தே,
ப⁴க³வா கப்பங், திட்ட²து ஸுக³தோ கப்பங் ப³ஹுஜனஹிதாய ப³ஹுஜனஸுகா²ய
லோகானுகம்பாய அத்தா²ய ஹிதாய ஸுகா²ய தே³வமனுஸ்ஸான’’ந்தி.

‘‘ஸத்³த³ஹஸி த்வங், ஆனந்த³,
ததா²க³தஸ்ஸ போ³தி⁴’’ந்தி? ‘‘ஏவங், ப⁴ந்தே’’. ‘‘அத² கிஞ்சரஹி த்வங், ஆனந்த³,
ததா²க³தங் யாவததியகங் அபி⁴னிப்பீளேஸீ’’தி? ‘‘ஸம்முகா² மேதங், ப⁴ந்தே,
ப⁴க³வதோ ஸுதங் ஸம்முகா² படிக்³க³ஹிதங் – ‘யஸ்ஸ கஸ்ஸசி, ஆனந்த³, சத்தாரோ
இத்³தி⁴பாதா³ பா⁴விதா ப³ஹுலீகதா யானீகதா வத்து²கதா அனுட்டி²தா பரிசிதா
ஸுஸமாரத்³தா⁴, ஸோ ஆகங்க²மானோ கப்பங் வா திட்டெ²ய்ய
கப்பாவஸேஸங் வா. ததா²க³தஸ்ஸ கோ², ஆனந்த³, சத்தாரோ இத்³தி⁴பாதா³ பா⁴விதா
ப³ஹுலீகதா யானீகதா வத்து²கதா அனுட்டி²தா பரிசிதா ஸுஸமாரத்³தா⁴. ஸோ
ஆகங்க²மானோ, ஆனந்த³, ததா²க³தோ கப்பங் வா திட்டெ²ய்ய கப்பாவஸேஸங் வா’’’தி.
‘‘ஸத்³த³ஹஸி த்வங், ஆனந்தா³’’தி? ‘‘ஏவங், ப⁴ந்தே’’. ‘‘தஸ்மாதிஹானந்த³,
துய்ஹேவேதங் து³க்கடங், துய்ஹேவேதங் அபரத்³த⁴ங், யங் த்வங் ததா²க³தேன ஏவங்
ஓளாரிகே நிமித்தே கயிரமானே ஓளாரிகே ஓபா⁴ஸே கயிரமானே நாஸக்கி²
படிவிஜ்ஜி²துங், ந ததா²க³தங் யாசி – ‘திட்ட²து, ப⁴ந்தே, ப⁴க³வா கப்பங்,
திட்ட²து ஸுக³தோ கப்பங் ப³ஹுஜனஹிதாய ப³ஹுஜனஸுகா²ய லோகானுகம்பாய அத்தா²ய
ஹிதாய ஸுகா²ய தே³வமனுஸ்ஸான’’ந்தி. ஸசே த்வங், ஆனந்த³, ததா²க³தங்
யாசெய்யாஸி, த்³வேவ தே வாசா ததா²க³தோ படிக்கி²பெய்ய, அத² ததியகங்
அதி⁴வாஸெய்ய. தஸ்மாதிஹானந்த³, துய்ஹேவேதங் து³க்கடங், துய்ஹேவேதங்
அபரத்³த⁴ங்.

179. ‘‘ஏகமிதா³ஹங், ஆனந்த³, ஸமயங் ராஜக³ஹே விஹராமி கி³ஜ்ஜ²கூடே பப்³ப³தே. தத்ராபி கோ² தாஹங், ஆனந்த³, ஆமந்தேஸிங்
– ‘ரமணீயங், ஆனந்த³, ராஜக³ஹங், ரமணீயோ, ஆனந்த³, கி³ஜ்ஜ²கூடோ பப்³ப³தோ.
யஸ்ஸ கஸ்ஸசி, ஆனந்த³, சத்தாரோ இத்³தி⁴பாதா³ பா⁴விதா ப³ஹுலீகதா யானீகதா
வத்து²கதா அனுட்டி²தா பரிசிதா ஸுஸமாரத்³தா⁴, ஸோ ஆகங்க²மானோ கப்பங் வா
திட்டெ²ய்ய கப்பாவஸேஸங் வா. ததா²க³தஸ்ஸ கோ², ஆனந்த³, சத்தாரோ இத்³தி⁴பாதா³
பா⁴விதா ப³ஹுலீகதா யானீகதா வத்து²கதா அனுட்டி²தா பரிசிதா ஸுஸமாரத்³தா⁴, ஸோ
ஆகங்க²மானோ, ஆனந்த³, ததா²க³தோ கப்பங் வா திட்டெ²ய்ய
கப்பாவஸேஸங் வா’தி. ஏவம்பி கோ² த்வங், ஆனந்த³, ததா²க³தேன ஓளாரிகே நிமித்தே
கயிரமானே ஓளாரிகே ஓபா⁴ஸே கயிரமானே நாஸக்கி² படிவிஜ்ஜி²துங், ந ததா²க³தங்
யாசி – ‘திட்ட²து, ப⁴ந்தே, ப⁴க³வா கப்பங், திட்ட²து ஸுக³தோ கப்பங்
ப³ஹுஜனஹிதாய ப³ஹுஜனஸுகா²ய லோகானுகம்பாய அத்தா²ய ஹிதாய ஸுகா²ய
தே³வமனுஸ்ஸான’ந்தி. ஸசே த்வங், ஆனந்த³, ததா²க³தங் யாசெய்யாஸி, த்³வே தே
வாசா ததா²க³தோ படிக்கி²பெய்ய, அத² ததியகங் அதி⁴வாஸெய்ய. தஸ்மாதிஹானந்த³,
துய்ஹேவேதங் து³க்கடங், துய்ஹேவேதங் அபரத்³த⁴ங்.

180.
‘‘ஏகமிதா³ஹங், ஆனந்த³, ஸமயங் தத்தே²வ ராஜக³ஹே விஹராமி
கோ³தமனிக்³ரோதே⁴…பே॰… தத்தே²வ ராஜக³ஹே விஹராமி சோரபபாதே… தத்தே²வ ராஜக³ஹே
விஹராமி வேபா⁴ரபஸ்ஸே ஸத்தபண்ணிகு³ஹாயங்… தத்தே²வ ராஜக³ஹே விஹராமி
இஸிகி³லிபஸ்ஸே காளஸிலாயங்… தத்தே²வ ராஜக³ஹே விஹராமி
ஸீதவனே ஸப்பஸொண்டி³கபப்³பா⁴ரே… தத்தே²வ ராஜக³ஹே விஹராமி தபோதா³ராமே…
தத்தே²வ ராஜக³ஹே விஹராமி வேளுவனே கலந்த³கனிவாபே… தத்தே²வ ராஜக³ஹே விஹராமி
ஜீவகம்ப³வனே… தத்தே²வ ராஜக³ஹே விஹராமி மத்³த³குச்சி²ஸ்மிங் மிக³தா³யே
தத்ராபி கோ² தாஹங், ஆனந்த³, ஆமந்தேஸிங் – ‘ரமணீயங், ஆனந்த³, ராஜக³ஹங்,
ரமணீயோ கி³ஜ்ஜ²கூடோ பப்³ப³தோ, ரமணீயோ கோ³தமனிக்³ரோதோ⁴, ரமணீயோ சோரபபாதோ,
ரமணீயா வேபா⁴ரபஸ்ஸே ஸத்தபண்ணிகு³ஹா, ரமணீயா இஸிகி³லிபஸ்ஸே காளஸிலா, ரமணீயோ
ஸீதவனே ஸப்பஸொண்டி³கபப்³பா⁴ரோ , ரமணீயோ தபோதா³ராமோ, ரமணீயோ வேளுவனே
கலந்த³கனிவாபோ, ரமணீயங் ஜீவகம்ப³வனங், ரமணீயோ மத்³த³குச்சி²ஸ்மிங்
மிக³தா³யோ. யஸ்ஸ கஸ்ஸசி, ஆனந்த³, சத்தாரோ இத்³தி⁴பாதா³ பா⁴விதா ப³ஹுலீகதா
யானீகதா வத்து²கதா அனுட்டி²தா பரிசிதா ஸுஸமாரத்³தா⁴…பே॰… ஆகங்க²மானோ,
ஆனந்த³, ததா²க³தோ கப்பங் வா திட்டெ²ய்ய கப்பாவஸேஸங் வா’தி. ஏவம்பி கோ²
த்வங், ஆனந்த³, ததா²க³தேன ஓளாரிகே நிமித்தே கயிரமானே ஓளாரிகே ஓபா⁴ஸே
கயிரமானே நாஸக்கி² படிவிஜ்ஜி²துங், ந ததா²க³தங் யாசி – ‘திட்ட²து, ப⁴ந்தே,
ப⁴க³வா கப்பங், திட்ட²து ஸுக³தோ கப்பங் ப³ஹுஜனஹிதாய ப³ஹுஜனஸுகா²ய
லோகானுகம்பாய அத்தா²ய ஹிதாய ஸுகா²ய தே³வமனுஸ்ஸான’ந்தி. ஸசே த்வங், ஆனந்த³,
ததா²க³தங் யாசெய்யாஸி, த்³வேவ தே வாசா ததா²க³தோ படிக்கி²பெய்ய, அத² ததியகங்
அதி⁴வாஸெய்ய. தஸ்மாதிஹானந்த³, துய்ஹேவேதங் து³க்கடங், துய்ஹேவேதங்
அபரத்³த⁴ங்.

181.
‘‘ஏகமிதா³ஹங், ஆனந்த³, ஸமயங் இதே⁴வ வேஸாலியங் விஹராமி உதே³னே சேதியே.
தத்ராபி கோ² தாஹங், ஆனந்த³, ஆமந்தேஸிங் – ‘ரமணீயா, ஆனந்த³, வேஸாலீ, ரமணீயங்
உதே³னங் சேதியங். யஸ்ஸ கஸ்ஸசி, ஆனந்த³, சத்தாரோ இத்³தி⁴பாதா³ பா⁴விதா
ப³ஹுலீகதா யானீகதா வத்து²கதா அனுட்டி²தா பரிசிதா ஸுஸமாரத்³தா⁴, ஸோ
ஆகங்க²மானோ கப்பங் வா திட்டெ²ய்ய கப்பாவஸேஸங் வா. ததா²க³தஸ்ஸ கோ², ஆனந்த³,
சத்தாரோ இத்³தி⁴பாதா³ பா⁴விதா ப³ஹுலீகதா யானீகதா
வத்து²கதா அனுட்டி²தா பரிசிதா ஸுஸமாரத்³தா⁴, ஸோ ஆகங்க²மானோ, ஆனந்த³,
ததா²க³தோ கப்பங் வா திட்டெ²ய்ய கப்பாவஸேஸங் வா’தி. ஏவம்பி கோ² த்வங்,
ஆனந்த³, ததா²க³தேன ஓளாரிகே நிமித்தே கயிரமானே ஓளாரிகே ஓபா⁴ஸே கயிரமானே
நாஸக்கி² படிவிஜ்ஜி²துங், ந ததா²க³தங் யாசி – ‘திட்ட²து, ப⁴ந்தே, ப⁴க³வா
கப்பங், திட்ட²து ஸுக³தோ கப்பங் ப³ஹுஜனஹிதாய ப³ஹுஜனஸுகா²ய லோகானுகம்பாய
அத்தா²ய ஹிதாய ஸுகா²ய தே³வமனுஸ்ஸான’ந்தி. ஸசே த்வங், ஆனந்த³, ததா²க³தங்
யாசெய்யாஸி, த்³வேவ தே வாசா ததா²க³தோ படிக்கி²பெய்ய, அத² ததியகங்
அதி⁴வாஸெய்ய, தஸ்மாதிஹானந்த³, துய்ஹேவேதங் து³க்கடங், துய்ஹேவேதங்
அபரத்³த⁴ங்.

182. ‘‘ஏகமிதா³ஹங் , ஆனந்த³, ஸமயங் இதே⁴வ வேஸாலியங் விஹராமி கோ³தமகே சேதியே
…பே॰… இதே⁴வ வேஸாலியங் விஹராமி ஸத்தம்பே³ சேதியே… இதே⁴வ வேஸாலியங் விஹராமி
ப³ஹுபுத்தே சேதியே… இதே⁴வ வேஸாலியங் விஹராமி ஸாரந்த³தே³ சேதியே… இதா³னேவ
கோ² தாஹங், ஆனந்த³, அஜ்ஜ சாபாலே சேதியே ஆமந்தேஸிங் – ‘ரமணீயா, ஆனந்த³,
வேஸாலீ, ரமணீயங் உதே³னங் சேதியங், ரமணீயங் கோ³தமகங் சேதியங், ரமணீயங்
ஸத்தம்ப³ங் சேதியங், ரமணீயங் ப³ஹுபுத்தங் சேதியங், ரமணீயங் ஸாரந்த³த³ங்
சேதியங், ரமணீயங் சாபாலங் சேதியங். யஸ்ஸ கஸ்ஸசி, ஆனந்த³, சத்தாரோ
இத்³தி⁴பாதா³ பா⁴விதா ப³ஹுலீகதா யானீகதா வத்து²கதா
அனுட்டி²தா பரிசிதா ஸுஸமாரத்³தா⁴, ஸோ ஆகங்க²மானோ கப்பங் வா திட்டெ²ய்ய
கப்பாவஸேஸங் வா. ததா²க³தஸ்ஸ கோ², ஆனந்த³, சத்தாரோ இத்³தி⁴பாதா³ பா⁴விதா
ப³ஹுலீகதா யானீகதா வத்து²கதா அனுட்டி²தா பரிசிதா ஸுஸமாரத்³தா⁴, ஸோ
ஆகங்க²மானோ, ஆனந்த³, ததா²க³தோ கப்பங் வா திட்டெ²ய்ய கப்பாவஸேஸங் வா’தி.
ஏவம்பி கோ² த்வங், ஆனந்த³, ததா²க³தேன ஓளாரிகே நிமித்தே கயிரமானே ஓளாரிகே
ஓபா⁴ஸே கயிரமானே நாஸக்கி² படிவிஜ்ஜி²துங், ந ததா²க³தங் யாசி – ‘திட்ட²து
ப⁴க³வா கப்பங், திட்ட²து ஸுக³தோ கப்பங் ப³ஹுஜனஹிதாய ப³ஹுஜனஸுகா²ய
லோகானுகம்பாய அத்தா²ய ஹிதாய ஸுகா²ய தே³வமனுஸ்ஸான’ந்தி. ஸசே த்வங், ஆனந்த³,
ததா²க³தங் யாசெய்யாஸி, த்³வேவ தே வாசா ததா²க³தோ படிக்கி²பெய்ய, அத² ததியகங்
அதி⁴வாஸெய்ய. தஸ்மாதிஹானந்த³, துய்ஹேவேதங் து³க்கடங், துய்ஹேவேதங்
அபரத்³த⁴ங்.

183. ‘‘நனு ஏதங் [ஏவங் (ஸ்யா॰ பீ॰)], ஆனந்த³, மயா படிகச்சேவ [படிக³ச்சேவ (ஸீ॰ பீ॰)]
அக்கா²தங் – ‘ஸப்³பே³ஹேவ பியேஹி மனாபேஹி நானாபா⁴வோ வினாபா⁴வோ
அஞ்ஞதா²பா⁴வோ. தங் குதெத்த², ஆனந்த³, லப்³பா⁴, யங் தங் ஜாதங் பூ⁴தங்
ஸங்க²தங் பலோகத⁴ம்மங், தங் வத மா பலுஜ்ஜீதி நேதங் டா²னங் விஜ்ஜதி’. யங் கோ²
பனேதங், ஆனந்த³, ததா²க³தேன சத்தங் வந்தங் முத்தங் பஹீனங் படினிஸ்ஸட்ட²ங்
ஒஸ்ஸட்டோ² ஆயுஸங்கா²ரோ, ஏகங்ஸேன வாசா பா⁴ஸிதா – ‘ந சிரங் ததா²க³தஸ்ஸ
பரினிப்³பா³னங் ப⁴விஸ்ஸதி. இதோ திண்ணங் மாஸானங் அச்சயேன ததா²க³தோ பரினிப்³பா³யிஸ்ஸதீ’தி. தஞ்ச [தங் வசனங் (ஸீ॰)] ததா²க³தோ ஜீவிதஹேது புன பச்சாவமிஸ்ஸதீதி [பச்சாக³மிஸ்ஸதீதி (ஸ்யா॰ க॰)] நேதங் டா²னங் விஜ்ஜதி. ஆயாமானந்த³, யேன மஹாவனங் கூடாகா³ரஸாலா தேனுபஸங்கமிஸ்ஸாமா’’தி. ‘‘ஏவங், ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ பச்சஸ்ஸோஸி.

அத² கோ² ப⁴க³வா ஆயஸ்மதா
ஆனந்தே³ன ஸத்³தி⁴ங் யேன மஹாவனங் கூடாகா³ரஸாலா தேனுபஸங்கமி; உபஸங்கமித்வா
ஆயஸ்மந்தங் ஆனந்த³ங் ஆமந்தேஸி – ‘‘க³ச்ச² த்வங், ஆனந்த³, யாவதிகா பி⁴க்கூ²
வேஸாலிங் உபனிஸ்ஸாய விஹரந்தி, தே ஸப்³பே³ உபட்டா²னஸாலாயங் ஸன்னிபாதேஹீ’’தி.
‘‘ஏவங், ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ படிஸ்ஸுத்வா யாவதிகா
பி⁴க்கூ² வேஸாலிங் உபனிஸ்ஸாய விஹரந்தி, தே ஸப்³பே³ உபட்டா²னஸாலாயங்
ஸன்னிபாதெத்வா யேன ப⁴க³வா தேனுபஸங்கமி; உபஸங்கமித்வா ப⁴க³வந்தங்
அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தோ கோ² ஆயஸ்மா ஆனந்தோ³
ப⁴க³வந்தங் ஏதத³வோச – ‘‘ஸன்னிபதிதோ, ப⁴ந்தே, பி⁴க்கு²ஸங்கோ⁴, யஸ்ஸதா³னி, ப⁴ந்தே, ப⁴க³வா காலங் மஞ்ஞதீ’’தி.

184.
அத² கோ² ப⁴க³வா யேனுபட்டா²னஸாலா தேனுபஸங்கமி; உபஸங்கமித்வா பஞ்ஞத்தே ஆஸனே
நிஸீதி³. நிஸஜ்ஜ கோ² ப⁴க³வா பி⁴க்கூ² ஆமந்தேஸி – ‘‘தஸ்மாதிஹ, பி⁴க்க²வே, யே
தே மயா த⁴ம்மா அபி⁴ஞ்ஞா தே³ஸிதா, தே வோ ஸாது⁴கங் உக்³க³ஹெத்வா
ஆஸேவிதப்³பா³ பா⁴வேதப்³பா³ ப³ஹுலீகாதப்³பா³, யத²யித³ங் ப்³ரஹ்மசரியங்
அத்³த⁴னியங் அஸ்ஸ சிரட்டி²திகங், தத³ஸ்ஸ ப³ஹுஜனஹிதாய ப³ஹுஜனஸுகா²ய
லோகானுகம்பாய அத்தா²ய ஹிதாய ஸுகா²ய தே³வமனுஸ்ஸானங். கதமே ச தே, பி⁴க்க²வே,
த⁴ம்மா மயா அபி⁴ஞ்ஞா தே³ஸிதா, யே வோ ஸாது⁴கங் உக்³க³ஹெத்வா ஆஸேவிதப்³பா³
பா⁴வேதப்³பா³ ப³ஹுலீகாதப்³பா³, யத²யித³ங் ப்³ரஹ்மசரியங் அத்³த⁴னியங் அஸ்ஸ சிரட்டி²திகங், தத³ஸ்ஸ ப³ஹுஜனஹிதாய ப³ஹுஜனஸுகா²ய லோகானுகம்பாய அத்தா²ய ஹிதாய ஸுகா²ய
தே³வமனுஸ்ஸானங். ஸெய்யதி²த³ங் – சத்தாரோ ஸதிபட்டா²னா சத்தாரோ ஸம்மப்பதா⁴னா
சத்தாரோ இத்³தி⁴பாதா³ பஞ்சிந்த்³ரியானி பஞ்ச ப³லானி ஸத்த பொ³ஜ்ஜ²ங்கா³
அரியோ அட்ட²ங்கி³கோ மக்³கோ³. இமே கோ² தே, பி⁴க்க²வே, த⁴ம்மா மயா அபி⁴ஞ்ஞா
தே³ஸிதா, யே வோ ஸாது⁴கங் உக்³க³ஹெத்வா ஆஸேவிதப்³பா³ பா⁴வேதப்³பா³
ப³ஹுலீகாதப்³பா³, யத²யித³ங் ப்³ரஹ்மசரியங் அத்³த⁴னியங் அஸ்ஸ சிரட்டி²திகங்,
தத³ஸ்ஸ ப³ஹுஜனஹிதாய ப³ஹுஜனஸுகா²ய லோகானுகம்பாய அத்தா²ய ஹிதாய ஸுகா²ய
தே³வமனுஸ்ஸான’’ந்தி.

185.
அத² கோ² ப⁴க³வா பி⁴க்கூ² ஆமந்தேஸி – ‘‘ஹந்த³தா³னி, பி⁴க்க²வே, ஆமந்தயாமி
வோ, வயத⁴ம்மா ஸங்கா²ரா, அப்பமாதே³ன ஸம்பாதே³த². நசிரங் ததா²க³தஸ்ஸ
பரினிப்³பா³னங் ப⁴விஸ்ஸதி. இதோ திண்ணங் மாஸானங் அச்சயேன ததா²க³தோ
பரினிப்³பா³யிஸ்ஸதீ’’தி. இத³மவோச ப⁴க³வா, இத³ங் வத்வான ஸுக³தோ அதா²பரங்
ஏதத³வோச ஸத்தா² [இதோ பரங் ஸ்யாமபொத்த²கே ஏவங்பி பாடோ²
தி³ஸ்ஸதி –§த³ஹராபி ச யே வுத்³தா⁴, யே பா³லா யே ச பண்டி³தா.§அட்³டா⁴சேவ
த³லித்³தா³ ச, ஸப்³பே³ மச்சுபராயனா.§யதா²பி கும்ப⁴காரஸ்ஸ, கதங்
மத்திகபா⁴ஜனங்.§கு²த்³த³கஞ்ச மஹந்தஞ்ச, யஞ்ச பக்கங் யஞ்ச ஆமகங்.§ஸப்³ப³ங்
பே⁴த³பரியந்தங், ஏவங் மச்சான ஜீவிதங்.§அதா²பரங் ஏதத³வோச ஸத்தா²]
. –

‘‘பரிபக்கோ வயோ மய்ஹங், பரித்தங் மம ஜீவிதங்;

பஹாய வோ க³மிஸ்ஸாமி, கதங் மே ஸரணமத்தனோ.

‘‘அப்பமத்தா ஸதீமந்தோ, ஸுஸீலா ஹோத² பி⁴க்க²வோ;

ஸுஸமாஹிதஸங்கப்பா, ஸசித்தமனுரக்க²த².

‘‘யோ இமஸ்மிங் த⁴ம்மவினயே, அப்பமத்தோ விஹஸ்ஸதி;

பஹாய ஜாதிஸங்ஸாரங், து³க்க²ஸ்ஸந்தங் கரிஸ்ஸதீ’’தி [விஹரிஸ்ஸதி (ஸ்யா॰), விஹெஸ்ஸதி (ஸீ॰)].

ததியோ பா⁴ணவாரோ.

நாகா³பலோகிதங்

186. அத²
கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய வேஸாலிங் பிண்டா³ய
பாவிஸி. வேஸாலியங் பிண்டா³ய சரித்வா பச்சா²ப⁴த்தங் பிண்ட³பாதப்படிக்கந்தோ
நாகா³பலோகிதங் வேஸாலிங் அபலோகெத்வா ஆயஸ்மந்தங் ஆனந்த³ங் ஆமந்தேஸி – ‘‘இத³ங்
பச்சி²மகங், ஆனந்த³, ததா²க³தஸ்ஸ வேஸாலியா த³ஸ்ஸனங் ப⁴விஸ்ஸதி. ஆயாமானந்த³,
யேன ப⁴ண்ட³கா³மோ [ப⁴ண்டு³கா³மோ (க॰)] தேனுபஸங்கமிஸ்ஸாமா’’தி. ‘‘ஏவங், ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ பச்சஸ்ஸோஸி.

அத² கோ² ப⁴க³வா மஹதா
பி⁴க்கு²ஸங்கே⁴ன ஸத்³தி⁴ங் யேன ப⁴ண்ட³கா³மோ தத³வஸரி. தத்ர ஸுத³ங் ப⁴க³வா
ப⁴ண்ட³கா³மே விஹரதி. தத்ர கோ² ப⁴க³வா பி⁴க்கூ² ஆமந்தேஸி – ‘‘சதுன்னங்,
பி⁴க்க²வே, த⁴ம்மானங் அனநுபோ³தா⁴ அப்படிவேதா⁴ ஏவமித³ங் தீ³க⁴மத்³தா⁴னங்
ஸந்தா⁴விதங் ஸங்ஸரிதங் மமஞ்சேவ தும்ஹாகஞ்ச. கதமேஸங் சதுன்னங்? அரியஸ்ஸ,
பி⁴க்க²வே, ஸீலஸ்ஸ அனநுபோ³தா⁴ அப்படிவேதா⁴ ஏவமித³ங் தீ³க⁴மத்³தா⁴னங்
ஸந்தா⁴விதங் ஸங்ஸரிதங் மமங் சேவ தும்ஹாகஞ்ச. அரியஸ்ஸ, பி⁴க்க²வே, ஸமாதி⁴ஸ்ஸ
அனநுபோ³தா⁴ அப்படிவேதா⁴ ஏவமித³ங் தீ³க⁴மத்³தா⁴னங் ஸந்தா⁴விதங் ஸங்ஸரிதங்
மமங் சேவ தும்ஹாகஞ்ச. அரியாய, பி⁴க்க²வே, பஞ்ஞாய அனநுபோ³தா⁴ அப்படிவேதா⁴
ஏவமித³ங் தீ³க⁴மத்³தா⁴னங் ஸந்தா⁴விதங் ஸங்ஸரிதங் மமங் சேவ தும்ஹாகஞ்ச.
அரியாய, பி⁴க்க²வே, விமுத்தியா அனநுபோ³தா⁴ அப்படிவேதா⁴ ஏவமித³ங்
தீ³க⁴மத்³தா⁴னங் ஸந்தா⁴விதங் ஸங்ஸரிதங் மமங் சேவ தும்ஹாகஞ்ச. தயித³ங்,
பி⁴க்க²வே, அரியங் ஸீலங் அனுபு³த்³த⁴ங்
படிவித்³த⁴ங், அரியோ ஸமாதி⁴ அனுபு³த்³தோ⁴ படிவித்³தோ⁴, அரியா பஞ்ஞா
அனுபு³த்³தா⁴ படிவித்³தா⁴, அரியா விமுத்தி அனுபு³த்³தா⁴ படிவித்³தா⁴,
உச்சி²ன்னா ப⁴வதண்ஹா, கீ²ணா ப⁴வனெத்தி, நத்தி² தா³னி புனப்³ப⁴வோ’’தி.
இத³மவோச ப⁴க³வா, இத³ங் வத்வான ஸுக³தோ அதா²பரங் ஏதத³வோச ஸத்தா² –

‘‘ஸீலங் ஸமாதி⁴ பஞ்ஞா ச, விமுத்தி ச அனுத்தரா;

அனுபு³த்³தா⁴ இமே த⁴ம்மா, கோ³தமேன யஸஸ்ஸினா.

‘‘இதி பு³த்³தோ⁴ அபி⁴ஞ்ஞாய, த⁴ம்மமக்கா²ஸி பி⁴க்கு²னங்;

து³க்க²ஸ்ஸந்தகரோ ஸத்தா², சக்கு²மா பரினிப்³பு³தோ’’தி.

தத்ராபி ஸுத³ங் ப⁴க³வா ப⁴ண்ட³கா³மே விஹரந்தோ ஏததே³வ
ப³ஹுலங் பி⁴க்கூ²னங் த⁴ம்மிங் கத²ங் கரோதி – ‘‘இதி ஸீலங், இதி ஸமாதி⁴, இதி
பஞ்ஞா. ஸீலபரிபா⁴விதோ ஸமாதி⁴ மஹப்ப²லோ ஹோதி மஹானிஸங்ஸோ. ஸமாதி⁴பரிபா⁴விதா
பஞ்ஞா மஹப்ப²லா ஹோதி மஹானிஸங்ஸா. பஞ்ஞாபரிபா⁴விதங் சித்தங் ஸம்மதே³வ ஆஸவேஹி
விமுச்சதி, ஸெய்யதி²த³ங் – காமாஸவா, ப⁴வாஸவா, அவிஜ்ஜாஸவா’’தி.

சதுமஹாபதே³ஸகதா²

187. அத²
கோ² ப⁴க³வா ப⁴ண்ட³கா³மே யதா²பி⁴ரந்தங் விஹரித்வா ஆயஸ்மந்தங் ஆனந்த³ங்
ஆமந்தேஸி – ‘‘ஆயாமானந்த³, யேன ஹத்தி²கா³மோ, யேன அம்ப³கா³மோ, யேன
ஜம்பு³கா³மோ, யேன போ⁴க³னக³ரங் தேனுபஸங்கமிஸ்ஸாமா’’தி. ‘‘ஏவங், ப⁴ந்தே’’தி
கோ² ஆயஸ்மா ஆனந்தோ³ ப⁴க³வதோ பச்சஸ்ஸோஸி. அத² கோ² ப⁴க³வா மஹதா பி⁴க்கு²ஸங்கே⁴ன ஸத்³தி⁴ங் யேன போ⁴க³னக³ரங் தத³வஸரி. தத்ர ஸுத³ங் ப⁴க³வா போ⁴க³னக³ரே விஹரதி ஆனந்தே³ [ஸானந்த³ரே (க॰)]
சேதியே. தத்ர கோ² ப⁴க³வா பி⁴க்கூ² ஆமந்தேஸி – ‘‘சத்தாரோமே, பி⁴க்க²வே,
மஹாபதே³ஸே தே³ஸெஸ்ஸாமி, தங் ஸுணாத², ஸாது⁴கங் மனஸிகரோத², பா⁴ஸிஸ்ஸாமீ’’தி.
‘‘ஏவங் , ப⁴ந்தே’’தி கோ² தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

188.
‘‘இத⁴, பி⁴க்க²வே, பி⁴க்கு² ஏவங் வதெ³ய்ய – ‘ஸம்முகா² மேதங், ஆவுஸோ,
ப⁴க³வதோ ஸுதங் ஸம்முகா² படிக்³க³ஹிதங், அயங் த⁴ம்மோ அயங் வினயோ இத³ங்
ஸத்து²ஸாஸன’ந்தி. தஸ்ஸ, பி⁴க்க²வே, பி⁴க்கு²னோ பா⁴ஸிதங் நேவ
அபி⁴னந்தி³தப்³ப³ங் நப்படிக்கோஸிதப்³ப³ங். அனபி⁴னந்தி³த்வா
அப்படிக்கோஸித்வா தானி பத³ப்³யஞ்ஜனானி ஸாது⁴கங் உக்³க³ஹெத்வா ஸுத்தே
ஓஸாரேதப்³பா³னி [ஓதாரேதப்³பா³னி], வினயே ஸந்த³ஸ்ஸேதப்³பா³னி. தானி சே ஸுத்தே ஓஸாரியமானானி [ஓதாரியமானானி] வினயே ஸந்த³ஸ்ஸியமானானி ந சேவ ஸுத்தே ஓஸரந்தி [ஓதரந்தி (ஸீ॰ பீ॰ அ॰ நி॰ 4.180],
ந ச வினயே ஸந்தி³ஸ்ஸந்தி, நிட்ட²மெத்த² க³ந்தப்³ப³ங் – ‘அத்³தா⁴, இத³ங் ந
சேவ தஸ்ஸ ப⁴க³வதோ வசனங்; இமஸ்ஸ ச பி⁴க்கு²னோ து³க்³க³ஹித’ந்தி. இதிஹேதங்,
பி⁴க்க²வே, ச²ட்³டெ³ய்யாத². தானி சே ஸுத்தே ஓஸாரியமானானி வினயே
ஸந்த³ஸ்ஸியமானானி ஸுத்தே சேவ ஓஸரந்தி, வினயே ச
ஸந்தி³ஸ்ஸந்தி, நிட்ட²மெத்த² க³ந்தப்³ப³ங் – ‘அத்³தா⁴, இத³ங் தஸ்ஸ ப⁴க³வதோ
வசனங்; இமஸ்ஸ ச பி⁴க்கு²னோ ஸுக்³க³ஹித’ந்தி. இத³ங், பி⁴க்க²வே, பட²மங்
மஹாபதே³ஸங் தா⁴ரெய்யாத².

‘‘இத⁴ பன, பி⁴க்க²வே, பி⁴க்கு²
ஏவங் வதெ³ய்ய – ‘அமுகஸ்மிங் நாம ஆவாஸே ஸங்கோ⁴ விஹரதி ஸதே²ரோ ஸபாமொக்கோ².
தஸ்ஸ மே ஸங்க⁴ஸ்ஸ ஸம்முகா² ஸுதங் ஸம்முகா²
படிக்³க³ஹிதங், அயங் த⁴ம்மோ அயங் வினயோ இத³ங் ஸத்து²ஸாஸன’ந்தி. தஸ்ஸ,
பி⁴க்க²வே, பி⁴க்கு²னோ பா⁴ஸிதங் நேவ அபி⁴னந்தி³தப்³ப³ங்
நப்படிக்கோஸிதப்³ப³ங். அனபி⁴னந்தி³த்வா அப்படிக்கோஸித்வா தானி
பத³ப்³யஞ்ஜனானி ஸாது⁴கங் உக்³க³ஹெத்வா ஸுத்தே ஓஸாரேதப்³பா³னி, வினயே
ஸந்த³ஸ்ஸேதப்³பா³னி. தானி சே ஸுத்தே ஓஸாரியமானானி வினயே ஸந்த³ஸ்ஸியமானானி ந
சேவ ஸுத்தே ஓஸரந்தி, ந ச வினயே ஸந்தி³ஸ்ஸந்தி, நிட்ட²மெத்த² க³ந்தப்³ப³ங் –
‘அத்³தா⁴, இத³ங் ந சேவ தஸ்ஸ ப⁴க³வதோ வசனங்; தஸ்ஸ ச ஸங்க⁴ஸ்ஸ
து³க்³க³ஹித’ந்தி. இதிஹேதங், பி⁴க்க²வே, ச²ட்³டெ³ய்யாத². தானி சே ஸுத்தே
ஓஸாரியமானானி வினயே ஸந்த³ஸ்ஸியமானானி ஸுத்தே சேவ ஓஸரந்தி வினயே ச ஸந்தி³ஸ்ஸந்தி, நிட்ட²மெத்த² க³ந்தப்³ப³ங் – ‘அத்³தா⁴ , இத³ங் தஸ்ஸ ப⁴க³வதோ வசனங்; தஸ்ஸ ச ஸங்க⁴ஸ்ஸ ஸுக்³க³ஹித’ந்தி. இத³ங், பி⁴க்க²வே, து³தியங் மஹாபதே³ஸங் தா⁴ரெய்யாத².

‘‘இத⁴ பன, பி⁴க்க²வே, பி⁴க்கு² ஏவங் வதெ³ய்ய –
‘அமுகஸ்மிங் நாம ஆவாஸே ஸம்ப³ஹுலா தே²ரா பி⁴க்கூ² விஹரந்தி ப³ஹுஸ்ஸுதா
ஆக³தாக³மா த⁴ம்மத⁴ரா வினயத⁴ரா மாதிகாத⁴ரா. தேஸங் மே தே²ரானங் ஸம்முகா²
ஸுதங் ஸம்முகா² படிக்³க³ஹிதங் – அயங் த⁴ம்மோ அயங் வினயோ இத³ங்
ஸத்து²ஸாஸன’ந்தி. தஸ்ஸ, பி⁴க்க²வே, பி⁴க்கு²னோ பா⁴ஸிதங் நேவ
அபி⁴னந்தி³தப்³ப³ங்…பே॰… ந ச வினயே ஸந்தி³ஸ்ஸந்தி, நிட்ட²மெத்த²
க³ந்தப்³ப³ங் – ‘அத்³தா⁴, இத³ங் ந சேவ தஸ்ஸ ப⁴க³வதோ வசனங்; தேஸஞ்ச தே²ரானங்
து³க்³க³ஹித’ந்தி. இதிஹேதங், பி⁴க்க²வே, ச²ட்³டெ³ய்யாத². தானி சே ஸுத்தே
ஓஸாரியமானானி…பே॰… வினயே ச ஸந்தி³ஸ்ஸந்தி, நிட்ட²மெத்த² க³ந்தப்³ப³ங் –
‘அத்³தா⁴, இத³ங் தஸ்ஸ ப⁴க³வதோ வசனங்; தேஸஞ்ச தே²ரானங் ஸுக்³க³ஹித’ந்தி.
இத³ங், பி⁴க்க²வே, ததியங் மஹாபதே³ஸங் தா⁴ரெய்யாத².

‘‘இத⁴ பன, பி⁴க்க²வே, பி⁴க்கு² ஏவங் வதெ³ய்ய –
‘அமுகஸ்மிங் நாம ஆவாஸே ஏகோ தே²ரோ பி⁴க்கு² விஹரதி ப³ஹுஸ்ஸுதோ ஆக³தாக³மோ
த⁴ம்மத⁴ரோ வினயத⁴ரோ மாதிகாத⁴ரோ. தஸ்ஸ மே தே²ரஸ்ஸ ஸம்முகா² ஸுதங் ஸம்முகா²
படிக்³க³ஹிதங் – அயங் த⁴ம்மோ அயங் வினயோ இத³ங் ஸத்து²ஸாஸன’ந்தி. தஸ்ஸ,
பி⁴க்க²வே, பி⁴க்கு²னோ பா⁴ஸிதங் நேவ அபி⁴னந்தி³தப்³ப³ங்
நப்படிக்கோஸிதப்³ப³ங். அனபி⁴னந்தி³த்வா அப்படிக்கோஸித்வா தானி
பத³ப்³யஞ்ஜனானி ஸாது⁴கங் உக்³க³ஹெத்வா ஸுத்தே ஓஸாரிதப்³பா³னி, வினயே
ஸந்த³ஸ்ஸேதப்³பா³னி. தானி சே ஸுத்தே ஓஸாரியமானானி வினயே ஸந்த³ஸ்ஸியமானானி ந
சேவ ஸுத்தே ஓஸரந்தி, ந ச வினயே ஸந்தி³ஸ்ஸந்தி, நிட்ட²மெத்த² க³ந்தப்³ப³ங் –
‘அத்³தா⁴, இத³ங் ந சேவ தஸ்ஸ ப⁴க³வதோ வசனங்; தஸ்ஸ ச தே²ரஸ்ஸ
து³க்³க³ஹித’ந்தி. இதிஹேதங், பி⁴க்க²வே, ச²ட்³டெ³ய்யாத². தானி ச ஸுத்தே
ஓஸாரியமானானி வினயே ஸந்த³ஸ்ஸியமானானி ஸுத்தே சேவ ஓஸரந்தி, வினயே ச
ஸந்தி³ஸ்ஸந்தி , நிட்ட²மெத்த² க³ந்தப்³ப³ங் – ‘அத்³தா⁴ ,
இத³ங் தஸ்ஸ ப⁴க³வதோ வசனங்; தஸ்ஸ ச தே²ரஸ்ஸ ஸுக்³க³ஹித’ந்தி. இத³ங்,
பி⁴க்க²வே, சதுத்த²ங் மஹாபதே³ஸங் தா⁴ரெய்யாத². இமே கோ², பி⁴க்க²வே, சத்தாரோ
மஹாபதே³ஸே தா⁴ரெய்யாதா²’’தி.

தத்ரபி ஸுத³ங் ப⁴க³வா போ⁴க³னக³ரே விஹரந்தோ
ஆனந்தே³ சேதியே ஏததே³வ ப³ஹுலங் பி⁴க்கூ²னங் த⁴ம்மிங் கத²ங் கரோதி – ‘‘இதி
ஸீலங், இதி ஸமாதி⁴, இதி பஞ்ஞா. ஸீலபரிபா⁴விதோ ஸமாதி⁴ மஹப்ப²லோ ஹோதி
மஹானிஸங்ஸோ . ஸமாதி⁴பரிபா⁴விதா பஞ்ஞா மஹப்ப²லா ஹோதி
மஹானிஸங்ஸா. பஞ்ஞாபரிபா⁴விதங் சித்தங் ஸம்மதே³வ ஆஸவேஹி விமுச்சதி,
ஸெய்யதி²த³ங் – காமாஸவா, ப⁴வாஸவா, அவிஜ்ஜாஸவா’’தி.

கம்மாரபுத்தசுந்த³வத்து²

189.
அத² கோ² ப⁴க³வா போ⁴க³னக³ரே யதா²பி⁴ரந்தங் விஹரித்வா ஆயஸ்மந்தங் ஆனந்த³ங்
ஆமந்தேஸி – ‘‘ஆயாமானந்த³, யேன பாவா தேனுபஸங்கமிஸ்ஸாமா’’தி. ‘‘ஏவங்,
ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ பச்சஸ்ஸோஸி. அத² கோ² ப⁴க³வா மஹதா
பி⁴க்கு²ஸங்கே⁴ன ஸத்³தி⁴ங் யேன பாவா தத³வஸரி. தத்ர ஸுத³ங் ப⁴க³வா பாவாயங்
விஹரதி சுந்த³ஸ்ஸ கம்மாரபுத்தஸ்ஸ அம்ப³வனே. அஸ்ஸோஸி கோ² சுந்தோ³
கம்மாரபுத்தோ – ‘‘ப⁴க³வா கிர பாவங் அனுப்பத்தோ, பாவாயங் விஹரதி மய்ஹங்
அம்ப³வனே’’தி. அத² கோ² சுந்தோ³ கம்மாரபுத்தோ யேன ப⁴க³வா தேனுபஸங்கமி;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னங் கோ² சுந்த³ங் கம்மாரபுத்தங் ப⁴க³வா த⁴ம்மியா கதா²ய ஸந்த³ஸ்ஸேஸி
ஸமாத³பேஸி ஸமுத்தேஜேஸி ஸம்பஹங்ஸேஸி. அத² கோ² சுந்தோ³ கம்மாரபுத்தோ ப⁴க³வதா
த⁴ம்மியா கதா²ய ஸந்த³ஸ்ஸிதோ ஸமாத³பிதோ ஸமுத்தேஜிதோ ஸம்பஹங்ஸிதோ ப⁴க³வந்தங்
ஏதத³வோச – ‘‘அதி⁴வாஸேது மே, ப⁴ந்தே, ப⁴க³வா ஸ்வாதனாய ப⁴த்தங் ஸத்³தி⁴ங்
பி⁴க்கு²ஸங்கே⁴னா’’தி. அதி⁴வாஸேஸி ப⁴க³வா துண்ஹீபா⁴வேன. அத² கோ² சுந்தோ³
கம்மாரபுத்தோ ப⁴க³வதோ அதி⁴வாஸனங் விதி³த்வா உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங் கத்வா பக்காமி.

அத² கோ² சுந்தோ³ கம்மாரபுத்தோ தஸ்ஸா ரத்தியா அச்சயேன
ஸகே நிவேஸனே பணீதங் கா²த³னீயங் போ⁴ஜனீயங் படியாதா³பெத்வா பஹூதஞ்ச
ஸூகரமத்³த³வங் ப⁴க³வதோ காலங் ஆரோசாபேஸி – ‘‘காலோ, ப⁴ந்தே, நிட்டி²தங்
ப⁴த்த’’ந்தி. அத² கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய
ஸத்³தி⁴ங் பி⁴க்கு²ஸங்கே⁴ன யேன சுந்த³ஸ்ஸ கம்மாரபுத்தஸ்ஸ நிவேஸனங்
தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³. நிஸஜ்ஜ கோ² ப⁴க³வா
சுந்த³ங் கம்மாரபுத்தங் ஆமந்தேஸி – ‘‘யங் தே, சுந்த³, ஸூகரமத்³த³வங்
படியத்தங், தேன மங் பரிவிஸ. யங் பனஞ்ஞங் கா²த³னீயங் போ⁴ஜனீயங் படியத்தங்,
தேன பி⁴க்கு²ஸங்க⁴ங் பரிவிஸா’’தி. ‘‘ஏவங்,
ப⁴ந்தே’’தி கோ² சுந்தோ³ கம்மாரபுத்தோ ப⁴க³வதோ படிஸ்ஸுத்வா யங் அஹோஸி
ஸூகரமத்³த³வங் படியத்தங், தேன ப⁴க³வந்தங் பரிவிஸி. யங் பனஞ்ஞங் கா²த³னீயங்
போ⁴ஜனீயங் படியத்தங் , தேன பி⁴க்கு²ஸங்க⁴ங் பரிவிஸி.
அத² கோ² ப⁴க³வா சுந்த³ங் கம்மாரபுத்தங் ஆமந்தேஸி – ‘‘யங் தே, சுந்த³,
ஸூகரமத்³த³வங் அவஸிட்ட²ங், தங் ஸொப்³பே⁴ நிக²ணாஹி. நாஹங் தங், சுந்த³,
பஸ்ஸாமி ஸதே³வகே லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய
ஸதே³வமனுஸ்ஸாய, யஸ்ஸ தங் பரிபு⁴த்தங் ஸம்மா பரிணாமங் க³ச்செ²ய்ய அஞ்ஞத்ர
ததா²க³தஸ்ஸா’’தி. ‘‘ஏவங், ப⁴ந்தே’’தி கோ² சுந்தோ³ கம்மாரபுத்தோ ப⁴க³வதோ
படிஸ்ஸுத்வா யங் அஹோஸி ஸூகரமத்³த³வங் அவஸிட்ட²ங், தங் ஸொப்³பே⁴ நிக²ணித்வா
யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³. ஏகமந்தங் நிஸின்னங் கோ² சுந்த³ங் கம்மாரபுத்தங் ப⁴க³வா த⁴ம்மியா கதா²ய ஸந்த³ஸ்ஸெத்வா ஸமாத³பெத்வா ஸமுத்தேஜெத்வா ஸம்பஹங்ஸெத்வா உட்டா²யாஸனா பக்காமி.

190.
அத² கோ² ப⁴க³வதோ சுந்த³ஸ்ஸ கம்மாரபுத்தஸ்ஸ ப⁴த்தங் பு⁴த்தாவிஸ்ஸ க²ரோ
ஆபா³தோ⁴ உப்பஜ்ஜி, லோஹிதபக்க²ந்தி³கா பபா³ள்ஹா வேத³னா வத்தந்தி மாரணந்திகா.
தா ஸுத³ங் ப⁴க³வா ஸதோ ஸம்பஜானோ அதி⁴வாஸேஸி
அவிஹஞ்ஞமானோ. அத² கோ² ப⁴க³வா ஆயஸ்மந்தங் ஆனந்த³ங் ஆமந்தேஸி – ‘‘ஆயாமானந்த³,
யேன குஸினாரா தேனுபஸங்கமிஸ்ஸாமா’’தி. ‘‘ஏவங், ப⁴ந்தே’’தி கோ² ஆயஸ்மா
ஆனந்தோ³ ப⁴க³வதோ பச்சஸ்ஸோஸி.

சுந்த³ஸ்ஸ ப⁴த்தங் பு⁴ஞ்ஜித்வா, கம்மாரஸ்ஸாதி மே ஸுதங்;

ஆபா³த⁴ங் ஸம்பு²ஸீ தீ⁴ரோ, பபா³ள்ஹங் மாரணந்திகங்.

பு⁴த்தஸ்ஸ ச ஸூகரமத்³த³வேன,

ப்³யாதி⁴ப்பபா³ள்ஹோ உத³பாதி³ ஸத்து²னோ;

விரேசமானோ [விரிச்சமானோ (ஸீ॰ ஸ்யா॰ க॰), விரிஞ்சமானோ (?)] ப⁴க³வா அவோச,

க³ச்சா²மஹங் குஸினாரங் நக³ரந்தி.

பானீயாஹரணங்

191.
அத² கோ² ப⁴க³வா மக்³கா³ ஓக்கம்ம யேன அஞ்ஞதரங் ருக்க²மூலங் தேனுபஸங்கமி;
உபஸங்கமித்வா ஆயஸ்மந்தங் ஆனந்த³ங் ஆமந்தேஸி – ‘‘இங்க⁴ மே த்வங், ஆனந்த³,
சதுக்³கு³ணங் ஸங்கா⁴டிங் பஞ்ஞபேஹி, கிலந்தொஸ்மி, ஆனந்த³,
நிஸீதி³ஸ்ஸாமீ’’தி. ‘‘ஏவங், ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ படிஸ்ஸுத்வா சதுக்³கு³ணங் ஸங்கா⁴டிங் பஞ்ஞபேஸி. நிஸீதி³ ப⁴க³வா பஞ்ஞத்தே ஆஸனே. நிஸஜ்ஜ கோ² ப⁴க³வா ஆயஸ்மந்தங்
ஆனந்த³ங் ஆமந்தேஸி – ‘‘இங்க⁴ மே த்வங், ஆனந்த³, பானீயங் ஆஹர,
பிபாஸிதொஸ்மி, ஆனந்த³, பிவிஸ்ஸாமீ’’தி. ஏவங் வுத்தே ஆயஸ்மா ஆனந்தோ³
ப⁴க³வந்தங் ஏதத³வோச – ‘‘இதா³னி, ப⁴ந்தே, பஞ்சமத்தானி ஸகடஸதானி
அதிக்கந்தானி, தங் சக்கச்சி²ன்னங் உத³கங் பரித்தங் லுளிதங் ஆவிலங் ஸந்த³தி.
அயங், ப⁴ந்தே, ககுதா⁴ [ககுதா² (ஸீ॰ பீ॰)] நதீ³ அவிதூ³ரே அச்சோ²த³கா ஸாதோத³கா ஸீதோத³கா ஸேதோத³கா [ஸேதகா (ஸீ॰)] ஸுப்பதித்தா² ரமணீயா. எத்த² ப⁴க³வா பானீயஞ்ச பிவிஸ்ஸதி, க³த்தானி ச ஸீதீ [ஸீதங் (ஸீ॰ பீ॰ க॰)] கரிஸ்ஸதீ’’தி.

து³தியம்பி கோ² ப⁴க³வா ஆயஸ்மந்தங் ஆனந்த³ங் ஆமந்தேஸி –
‘‘இங்க⁴ மே த்வங், ஆனந்த³, பானீயங் ஆஹர, பிபாஸிதொஸ்மி, ஆனந்த³,
பிவிஸ்ஸாமீ’’தி. து³தியம்பி கோ² ஆயஸ்மா ஆனந்தோ³ ப⁴க³வந்தங் ஏதத³வோச –
‘‘இதா³னி, ப⁴ந்தே, பஞ்சமத்தானி ஸகடஸதானி அதிக்கந்தானி, தங் சக்கச்சி²ன்னங்
உத³கங் பரித்தங் லுளிதங் ஆவிலங் ஸந்த³தி. அயங், ப⁴ந்தே, ககுதா⁴ நதீ³
அவிதூ³ரே அச்சோ²த³கா ஸாதோத³கா ஸீதோத³கா ஸேதோத³கா ஸுப்பதித்தா² ரமணீயா.
எத்த² ப⁴க³வா பானீயஞ்ச பிவிஸ்ஸதி, க³த்தானி ச ஸீதீகரிஸ்ஸதீ’’தி.

ததியம்பி கோ² ப⁴க³வா ஆயஸ்மந்தங் ஆனந்த³ங் ஆமந்தேஸி –
‘‘இங்க⁴ மே த்வங், ஆனந்த³, பானீயங் ஆஹர, பிபாஸிதொஸ்மி, ஆனந்த³,
பிவிஸ்ஸாமீ’’தி. ‘‘ஏவங், ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ
படிஸ்ஸுத்வா பத்தங் க³ஹெத்வா யேன ஸா நதி³கா
தேனுபஸங்கமி. அத² கோ² ஸா நதி³கா சக்கச்சி²ன்னா பரித்தா லுளிதா ஆவிலா
ஸந்த³மானா, ஆயஸ்மந்தே ஆனந்தே³ உபஸங்கமந்தே அச்சா² விப்பஸன்னா அனாவிலா
ஸந்தி³த்த² [ஸந்த³தி (ஸ்யா॰)]. அத² கோ² ஆயஸ்மதோ
ஆனந்த³ஸ்ஸ ஏதத³ஹோஸி – ‘‘அச்ச²ரியங் வத, போ⁴, அப்³பு⁴தங் வத, போ⁴,
ததா²க³தஸ்ஸ மஹித்³தி⁴கதா மஹானுபா⁴வதா. அயஞ்ஹி ஸா நதி³கா சக்கச்சி²ன்னா
பரித்தா லுளிதா ஆவிலா ஸந்த³மானா மயி உபஸங்கமந்தே அச்சா² விப்பஸன்னா அனாவிலா
ஸந்த³தீ’’தி. பத்தேன பானீயங் ஆதா³ய யேன ப⁴க³வா தேனுபஸங்கமி; உபஸங்கமித்வா
ப⁴க³வந்தங் ஏதத³வோச – ‘‘அச்ச²ரியங், ப⁴ந்தே, அப்³பு⁴தங், ப⁴ந்தே,
ததா²க³தஸ்ஸ மஹித்³தி⁴கதா மஹானுபா⁴வதா. இதா³னி ஸா ப⁴ந்தே நதி³கா
சக்கச்சி²ன்னா பரித்தா லுளிதா ஆவிலா ஸந்த³மானா மயி உபஸங்கமந்தே அச்சா²
விப்பஸன்னா அனாவிலா ஸந்தி³த்த². பிவது ப⁴க³வா பானீயங் பிவது ஸுக³தோ
பானீய’’ந்தி. அத² கோ² ப⁴க³வா பானீயங் அபாயி.

புக்குஸமல்லபுத்தவத்து²

192. தேன
ரோகோ² பன ஸமயேன புக்குஸோ மல்லபுத்தோ ஆளாரஸ்ஸ காலாமஸ்ஸ ஸாவகோ குஸினாராய
பாவங் அத்³தா⁴னமக்³க³ப்படிப்பன்னோ ஹோதி. அத்³த³ஸா கோ² புக்குஸோ மல்லபுத்தோ
ப⁴க³வந்தங் அஞ்ஞதரஸ்மிங் ருக்க²மூலே நிஸின்னங். தி³ஸ்வா யேன ப⁴க³வா
தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³.
ஏகமந்தங் நிஸின்னோ கோ² புக்குஸோ மல்லபுத்தோ ப⁴க³வந்தங் ஏதத³வோச –
‘‘அச்ச²ரியங், ப⁴ந்தே, அப்³பு⁴தங், ப⁴ந்தே, ஸந்தேன வத, ப⁴ந்தே, பப்³ப³ஜிதா
விஹாரேன விஹரந்தி. பூ⁴தபுப்³ப³ங், ப⁴ந்தே , ஆளாரோ
காலாமோ அத்³தா⁴னமக்³க³ப்படிப்பன்னோ மக்³கா³ ஓக்கம்ம அவிதூ³ரே அஞ்ஞதரஸ்மிங்
ருக்க²மூலே தி³வாவிஹாரங் நிஸீதி³. அத² கோ², ப⁴ந்தே, பஞ்சமத்தானி ஸகடஸதானி
ஆளாரங் காலாமங் நிஸ்ஸாய நிஸ்ஸாய அதிக்கமிங்ஸு. அத² கோ², ப⁴ந்தே, அஞ்ஞதரோ
புரிஸோ தஸ்ஸ ஸகடஸத்த²ஸ்ஸ [ஸகடஸதஸ்ஸ (க॰)]
பிட்டி²தோ பிட்டி²தோ ஆக³ச்ச²ந்தோ யேன ஆளாரோ காலாமோ தேனுபஸங்கமி;
உபஸங்கமித்வா ஆளாரங் காலாமங் ஏதத³வோச – ‘அபி, ப⁴ந்தே, பஞ்சமத்தானி ஸகடஸதானி
அதிக்கந்தானி அத்³த³ஸா’தி? ‘ந கோ² அஹங், ஆவுஸோ, அத்³த³ஸ’ந்தி. ‘கிங் பன,
ப⁴ந்தே, ஸத்³த³ங் அஸ்ஸோஸீ’தி? ‘ந கோ² அஹங், ஆவுஸோ, ஸத்³த³ங் அஸ்ஸோஸி’ந்தி.
‘கிங் பன, ப⁴ந்தே, ஸுத்தோ அஹோஸீ’தி? ‘ந கோ² அஹங், ஆவுஸோ, ஸுத்தோ
அஹோஸி’ந்தி. ‘கிங் பன, ப⁴ந்தே, ஸஞ்ஞீ அஹோஸீ’தி? ‘ஏவமாவுஸோ’தி. ‘ஸோ த்வங்,
ப⁴ந்தே, ஸஞ்ஞீ ஸமானோ ஜாக³ரோ பஞ்சமத்தானி ஸகடஸதானி நிஸ்ஸாய நிஸ்ஸாய
அதிக்கந்தானி நேவ அத்³த³ஸ, ந பன ஸத்³த³ங் அஸ்ஸோஸி; அபிஸு [அபி ஹி (ஸீ॰ ஸ்யா॰ பீ॰)]
தே, ப⁴ந்தே, ஸங்கா⁴டி ரஜேன ஓகிண்ணா’தி? ‘ஏவமாவுஸோ’தி. அத² கோ², ப⁴ந்தே,
தஸ்ஸ புரிஸஸ்ஸ ஏதத³ஹோஸி – ‘அச்ச²ரியங் வத போ⁴, அப்³பு⁴தங் வத போ⁴, ஸந்தேன
வத போ⁴ பப்³ப³ஜிதா விஹாரேன விஹரந்தி. யத்ர ஹி நாம ஸஞ்ஞீ ஸமானோ
ஜாக³ரோ பஞ்சமத்தானி ஸகடஸதானி நிஸ்ஸாய நிஸ்ஸாய அதிக்கந்தானி நேவ த³க்க²தி, ந
பன ஸத்³த³ங் ஸொஸ்ஸதீ’தி! ஆளாரே காலாமே உளாரங் பஸாத³ங் பவேதெ³த்வா
பக்காமீ’’தி.

193. ‘‘தங் கிங் மஞ்ஞஸி, புக்குஸ, கதமங் நு கோ² து³க்கரதரங் வா து³ரபி⁴ஸம்ப⁴வதரங் வா – யோ வா ஸஞ்ஞீ ஸமானோ ஜாக³ரோ பஞ்சமத்தானி ஸகடஸதானி நிஸ்ஸாய நிஸ்ஸாய அதிக்கந்தானி நேவ பஸ்ஸெய்ய, ந பன ஸத்³த³ங் ஸுணெய்ய; யோ வா ஸஞ்ஞீ ஸமானோ ஜாக³ரோ தே³வே வஸ்ஸந்தே தே³வே க³ளக³ளாயந்தே விஜ்ஜுல்லதாஸு [விஜ்ஜுதாஸு (ஸீ॰ ஸ்யா॰ பீ॰)]
நிச்ச²ரந்தீஸு அஸனியா ப²லந்தியா நேவ பஸ்ஸெய்ய, ந பன ஸத்³த³ங்
ஸுணெய்யா’’தி? ‘‘கிஞ்ஹி, ப⁴ந்தே, கரிஸ்ஸந்தி பஞ்ச வா ஸகடஸதானி ச² வா
ஸகடஸதானி ஸத்த வா ஸகடஸதானி அட்ட² வா ஸகடஸதானி நவ வா ஸகடஸதானி [நவ வா ஸகடஸதானி த³ஸ வா ஸகடஸதானி (ஸீ॰)], ஸகடஸஹஸ்ஸங் வா ஸகடஸதஸஹஸ்ஸங் வா. அத² கோ² ஏததே³வ து³க்கரதரங் சேவ து³ரபி⁴ஸம்ப⁴வதரஞ்ச யோ
ஸஞ்ஞீ ஸமானோ ஜாக³ரோ தே³வே வஸ்ஸந்தே தே³வே க³ளக³ளாயந்தே விஜ்ஜுல்லதாஸு
நிச்ச²ரந்தீஸு அஸனியா ப²லந்தியா நேவ பஸ்ஸெய்ய, ந பன ஸத்³த³ங் ஸுணெய்யா’’தி.

‘‘ஏகமிதா³ஹங், புக்குஸ, ஸமயங் ஆதுமாயங் விஹராமி
பு⁴ஸாகா³ரே. தேன கோ² பன ஸமயேன தே³வே வஸ்ஸந்தே தே³வே க³ளக³ளாயந்தே
விஜ்ஜுல்லதாஸு நிச்ச²ரந்தீஸு அஸனியா ப²லந்தியா அவிதூ³ரே பு⁴ஸாகா³ரஸ்ஸ த்³வே
கஸ்ஸகா பா⁴தரோ ஹதா சத்தாரோ ச ப³லிப³த்³தா³ [ப³லிப³த்³தா³ (ஸீ॰ பீ॰)].
அத² கோ², புக்குஸ, ஆதுமாய மஹாஜனகாயோ நிக்க²மித்வா யேன தே த்³வே கஸ்ஸகா
பா⁴தரோ ஹதா சத்தாரோ ச ப³லிப³த்³தா³ தேனுபஸங்கமி. தேன கோ² பனாஹங், புக்குஸ,
ஸமயேன பு⁴ஸாகா³ரா நிக்க²மித்வா பு⁴ஸாகா³ரத்³வாரே அப்³போ⁴காஸே சங்கமாமி. அத²
கோ², புக்குஸ, அஞ்ஞதரோ புரிஸோ தம்ஹா மஹாஜனகாயா யேனாஹங் தேனுபஸங்கமி;
உபஸங்கமித்வா மங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தங் கோ² அஹங், புக்குஸ, தங் புரிஸங் ஏதத³வோசங் – ‘கிங் நு கோ² ஏஸோ, ஆவுஸோ, மஹாஜனகாயோ ஸன்னிபதிதோ’தி? ‘இதா³னி ,
ப⁴ந்தே, தே³வே வஸ்ஸந்தே தே³வே க³ளக³ளாயந்தே விஜ்ஜுல்லதாஸு நிச்ச²ரந்தீஸு
அஸனியா ப²லந்தியா த்³வே கஸ்ஸகா பா⁴தரோ ஹதா சத்தாரோ ச ப³லிப³த்³தா³.
எத்தே²ஸோ மஹாஜனகாயோ ஸன்னிபதிதோ. த்வங் பன, ப⁴ந்தே, க்வ அஹோஸீ’தி? ‘இதே⁴வ
கோ² அஹங், ஆவுஸோ, அஹோஸி’ந்தி. ‘கிங் பன, ப⁴ந்தே, அத்³த³ஸா’தி? ‘ந கோ² அஹங்,
ஆவுஸோ, அத்³த³ஸ’ந்தி. ‘கிங் பன, ப⁴ந்தே, ஸத்³த³ங் அஸ்ஸோஸீ’தி? ‘ந கோ²
அஹங், ஆவுஸோ, ஸத்³த³ங் அஸ்ஸோஸி’ந்தி. ‘கிங் பன, ப⁴ந்தே, ஸுத்தோ அஹோஸீ’தி?
‘ந கோ² அஹங், ஆவுஸோ, ஸுத்தோ அஹோஸி’ந்தி. ‘கிங் பன, ப⁴ந்தே, ஸஞ்ஞீ அஹோஸீ’தி?
‘ஏவமாவுஸோ’தி. ‘ஸோ த்வங், ப⁴ந்தே, ஸஞ்ஞீ ஸமானோ ஜாக³ரோ தே³வே வஸ்ஸந்தே
தே³வே க³ளக³ளாயந்தே விஜ்ஜுல்லதாஸு நிச்ச²ரந்தீஸு அஸனியா ப²லந்தியா நேவ அத்³த³ஸ, ந பன ஸத்³த³ங் அஸ்ஸோஸீ’தி? ‘‘ஏவமாவுஸோ’’தி?

‘‘அத² கோ², புக்குஸ, புரிஸஸ்ஸ ஏதத³ஹோஸி – ‘அச்ச²ரியங்
வத போ⁴, அப்³பு⁴தங் வத போ⁴, ஸந்தேன வத போ⁴ பப்³ப³ஜிதா விஹாரேன விஹரந்தி.
யத்ர ஹி நாம ஸஞ்ஞீ ஸமானோ ஜாக³ரோ தே³வே வஸ்ஸந்தே தே³வே க³ளக³ளாயந்தே
விஜ்ஜுல்லதாஸு நிச்ச²ரந்தீஸு அஸனியா ப²லந்தியா நேவ த³க்க²தி, ந பன ஸத்³த³ங்
ஸொஸ்ஸதீ’தி [ஸுணிஸ்ஸதி (ஸ்யா॰)]. மயி உளாரங் பஸாத³ங் பவேதெ³த்வா மங் அபி⁴வாதெ³த்வா பத³க்கி²ணங் கத்வா பக்காமீ’’தி.

ஏவங் வுத்தே புக்குஸோ மல்லபுத்தோ ப⁴க³வந்தங் ஏதத³வோச –
‘‘ஏஸாஹங், ப⁴ந்தே, யோ மே ஆளாரே காலாமே பஸாதோ³ தங் மஹாவாதே வா ஓபு²ணாமி
ஸீக⁴ஸோதாய [ஸிங்க⁴ஸோதாய (க॰)] வா நதி³யா பவாஹேமி. அபி⁴க்கந்தங், ப⁴ந்தே, அபி⁴க்கந்தங், ப⁴ந்தே! ஸெய்யதா²பி, ப⁴ந்தே, நிக்குஜ்ஜிதங் வா உக்குஜ்ஜெய்ய, படிச்ச²ன்னங்
வா விவரெய்ய, மூள்ஹஸ்ஸ வா மக்³க³ங் ஆசிக்கெ²ய்ய, அந்த⁴காரே வா தேலபஜ்ஜோதங்
தா⁴ரெய்ய ‘சக்கு²மந்தோ ரூபானி த³க்க²ந்தீ’தி; ஏவமேவங் ப⁴க³வதா
அனேகபரியாயேன த⁴ம்மோ பகாஸிதோ. ஏஸாஹங், ப⁴ந்தே, ப⁴க³வந்தங் ஸரணங் க³ச்சா²மி
த⁴ம்மஞ்ச பி⁴க்கு²ஸங்க⁴ஞ்ச. உபாஸகங் மங் ப⁴க³வா தா⁴ரேது அஜ்ஜதக்³கே³ பாணுபேதங் ஸரணங் க³த’’ந்தி.

194.
அத² கோ² புக்குஸோ மல்லபுத்தோ அஞ்ஞதரங் புரிஸங் ஆமந்தேஸி – ‘‘இங்க⁴ மே
த்வங், ப⁴ணே, ஸிங்கீ³வண்ணங் யுக³மட்ட²ங் தா⁴ரணீயங் ஆஹரா’’தி. ‘‘ஏவங்,
ப⁴ந்தே’’தி கோ² ஸோ புரிஸோ புக்குஸஸ்ஸ மல்லபுத்தஸ்ஸ படிஸ்ஸுத்வா தங்
ஸிங்கீ³வண்ணங் யுக³மட்ட²ங் தா⁴ரணீயங் ஆஹரி [ஆஹரஸி (க॰)].
அத² கோ² புக்குஸோ மல்லபுத்தோ தங் ஸிங்கீ³வண்ணங் யுக³மட்ட²ங் தா⁴ரணீயங்
ப⁴க³வதோ உபனாமேஸி – ‘‘இத³ங், ப⁴ந்தே, ஸிங்கீ³வண்ணங் யுக³மட்ட²ங் தா⁴ரணீயங்,
தங் மே ப⁴க³வா படிக்³க³ண்ஹாது அனுகம்பங் உபாதா³யா’’தி. ‘‘தேன ஹி, புக்குஸ,
ஏகேன மங் அச்சா²தே³ஹி, ஏகேன ஆனந்த³’’ந்தி. ‘‘ஏவங், ப⁴ந்தே’’தி கோ²
புக்குஸோ மல்லபுத்தோ ப⁴க³வதோ படிஸ்ஸுத்வா ஏகேன ப⁴க³வந்தங் அச்சா²தே³தி,
ஏகேன ஆயஸ்மந்தங் ஆனந்த³ங். அத² கோ² ப⁴க³வா புக்குஸங் மல்லபுத்தங் த⁴ம்மியா
கதா²ய ஸந்த³ஸ்ஸேஸி ஸமாத³பேஸி ஸமுத்தேஜேஸி ஸம்பஹங்ஸேஸி. அத² கோ² புக்குஸோ
மல்லபுத்தோ ப⁴க³வதா த⁴ம்மியா கதா²ய ஸந்த³ஸ்ஸிதோ ஸமாத³பிதோ ஸமுத்தேஜிதோ
ஸம்பஹங்ஸிதோ உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங் கத்வா
பக்காமி.

195. அத²
கோ² ஆயஸ்மா ஆனந்தோ³ அசிரபக்கந்தே புக்குஸே மல்லபுத்தே தங் ஸிங்கீ³வண்ணங்
யுக³மட்ட²ங் தா⁴ரணீயங் ப⁴க³வதோ காயங் உபனாமேஸி. தங் ப⁴க³வதோ காயங்
உபனாமிதங் ஹதச்சிகங் விய [வீதச்சிகங்விய (ஸீ॰ பீ॰)]
கா²யதி. அத² கோ² ஆயஸ்மா ஆனந்தோ³ ப⁴க³வந்தங் ஏதத³வோச – ‘‘அச்ச²ரியங்,
ப⁴ந்தே, அப்³பு⁴தங், ப⁴ந்தே, யாவ பரிஸுத்³தோ⁴, ப⁴ந்தே, ததா²க³தஸ்ஸ
ச²விவண்ணோ பரியோதா³தோ. இத³ங், ப⁴ந்தே, ஸிங்கீ³வண்ணங் யுக³மட்ட²ங் தா⁴ரணீயங்
ப⁴க³வதோ காயங் உபனாமிதங் ஹதச்சிகங் விய
கா²யதீ’’தி. ‘‘ஏவமேதங், ஆனந்த³, ஏவமேதங், ஆனந்த³ த்³வீஸு காலேஸு அதிவிய
ததா²க³தஸ்ஸ காயோ பரிஸுத்³தோ⁴ ஹோதி ச²விவண்ணோ பரியோதா³தோ. கதமேஸு த்³வீஸு?
யஞ்ச, ஆனந்த³, ரத்திங் ததா²க³தோ அனுத்தரங் ஸம்மாஸம்போ³தி⁴ங்
அபி⁴ஸம்பு³ஜ்ஜ²தி, யஞ்ச ரத்திங் அனுபாதி³ஸேஸாய நிப்³பா³னதா⁴துயா
பரினிப்³பா³யதி. இமேஸு கோ², ஆனந்த³, த்³வீஸு காலேஸு அதிவிய ததா²க³தஸ்ஸ காயோ
பரிஸுத்³தோ⁴ ஹோதி ச²விவண்ணோ பரியோதா³தோ. ‘‘அஜ்ஜ கோ², பனானந்த³, ரத்தியா
பச்சி²மே யாமே குஸினாராயங் உபவத்தனே மல்லானங் ஸாலவனே அந்தரேன [அந்தரே (ஸ்யா॰)] யமகஸாலானங் ததா²க³தஸ்ஸ பரினிப்³பா³னங் ப⁴விஸ்ஸதி [ப⁴விஸ்ஸதீதி (க॰)]. ஆயாமானந்த³, யேன ககுதா⁴ நதீ³ தேனுபஸங்கமிஸ்ஸாமா’’தி. ‘‘ஏவங், ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ பச்சஸ்ஸோஸி.

ஸிங்கீ³வண்ணங் யுக³மட்ட²ங், புக்குஸோ அபி⁴ஹாரயி;

தேன அச்சா²தி³தோ ஸத்தா², ஹேமவண்ணோ அஸோப⁴தா²தி.

196. அத² கோ² ப⁴க³வா மஹதா பி⁴க்கு²ஸங்கே⁴ன ஸத்³தி⁴ங் யேன ககுதா⁴ நதீ³ தேனுபஸங்கமி ;
உபஸங்கமித்வா ககுத⁴ங் நதி³ங் அஜ்ஜோ²கா³ஹெத்வா ந்ஹத்வா ச பிவித்வா ச
பச்சுத்தரித்வா யேன அம்ப³வனங் தேனுபஸங்கமி. உபஸங்கமித்வா ஆயஸ்மந்தங்
சுந்த³கங் ஆமந்தேஸி – ‘‘இங்க⁴ மே த்வங், சுந்த³க, சதுக்³கு³ணங் ஸங்கா⁴டிங்
பஞ்ஞபேஹி, கிலந்தொஸ்மி, சுந்த³க, நிபஜ்ஜிஸ்ஸாமீ’’தி.

‘‘ஏவங், ப⁴ந்தே’’தி கோ² ஆயஸ்மா சுந்த³கோ ப⁴க³வதோ
படிஸ்ஸுத்வா சதுக்³கு³ணங் ஸங்கா⁴டிங் பஞ்ஞபேஸி. அத² கோ² ப⁴க³வா த³க்கி²ணேன
பஸ்ஸேன ஸீஹஸெய்யங் கப்பேஸி பாதே³ பாத³ங் அச்சாதா⁴ய ஸதோ ஸம்பஜானோ
உட்டா²னஸஞ்ஞங் மனஸிகரித்வா. ஆயஸ்மா பன சுந்த³கோ தத்தே²வ ப⁴க³வதோ புரதோ நிஸீதி³.

க³ந்த்வான பு³த்³தோ⁴ நதி³கங் ககுத⁴ங்,

அச்சோ²த³கங் ஸாதுத³கங் விப்பஸன்னங்;

ஓகா³ஹி ஸத்தா² அகிலந்தரூபோ [ஸுகிலந்தரூபோ (ஸீ॰ பீ॰)],

ததா²க³தோ அப்படிமோ ச [அப்படிமோத⁴ (பீ॰)] லோகே.

ந்ஹத்வா ச பிவித்வா சுத³தாரி ஸத்தா² [பிவித்வா சுந்த³கேன, பிவித்வா ச உத்தரி (க॰)],

புரக்க²தோ பி⁴க்கு²க³ணஸ்ஸ மஜ்ஜே²;

வத்தா [ஸத்தா² (ஸீ॰ ஸ்யா॰ பீ॰)] பவத்தா ப⁴க³வா இத⁴ த⁴ம்மே,

உபாக³மி அம்ப³வனங் மஹேஸி.

ஆமந்தயி சுந்த³கங் நாம பி⁴க்கு²ங்,

சதுக்³கு³ணங் ஸந்த²ர மே நிபஜ்ஜங்;

ஸோ சோதி³தோ பா⁴விதத்தேன சுந்தோ³,

சதுக்³கு³ணங் ஸந்த²ரி கி²ப்பமேவ.

நிபஜ்ஜி ஸத்தா² அகிலந்தரூபோ,

சுந்தோ³பி தத்த² பமுகே² [ஸமுகே² (க॰)] நிஸீதீ³தி.

197. அத² கோ² ப⁴க³வா ஆயஸ்மந்தங் ஆனந்த³ங் ஆமந்தேஸி – ‘‘ஸியா கோ² [யோ கோ² (க॰)], பனானந்த³, சுந்த³ஸ்ஸ
கம்மாரபுத்தஸ்ஸ கோசி விப்படிஸாரங் உப்பாதெ³ய்ய – ‘தஸ்ஸ தே, ஆவுஸோ சுந்த³,
அலாபா⁴ தஸ்ஸ தே து³ல்லத்³த⁴ங், யஸ்ஸ தே ததா²க³தோ பச்சி²மங் பிண்ட³பாதங்
பரிபு⁴ஞ்ஜித்வா பரினிப்³பு³தோ’தி. சுந்த³ஸ்ஸ, ஆனந்த³, கம்மாரபுத்தஸ்ஸ ஏவங்
விப்படிஸாரோ படிவினேதப்³போ³ – ‘தஸ்ஸ தே, ஆவுஸோ சுந்த³, லாபா⁴ தஸ்ஸ தே
ஸுலத்³த⁴ங், யஸ்ஸ தே ததா²க³தோ பச்சி²மங் பிண்ட³பாதங் பரிபு⁴ஞ்ஜித்வா
பரினிப்³பு³தோ. ஸம்முகா² மேதங், ஆவுஸோ சுந்த³, ப⁴க³வதோ ஸுதங் ஸம்முகா²
படிக்³க³ஹிதங் – த்³வே மே பிண்ட³பாதா ஸமஸமப²லா [ஸமா ஸமப²லா (க॰)] ஸமவிபாகா [ஸமஸமவிபாகா (ஸீ॰ ஸ்யா॰ பீ॰)],
அதிவிய அஞ்ஞேஹி பிண்ட³பாதேஹி மஹப்ப²லதரா ச மஹானிஸங்ஸதரா ச. கதமே த்³வே?
யஞ்ச பிண்ட³பாதங் பரிபு⁴ஞ்ஜித்வா ததா²க³தோ அனுத்தரங் ஸம்மாஸம்போ³தி⁴ங்
அபி⁴ஸம்பு³ஜ்ஜ²தி, யஞ்ச பிண்ட³பாதங் பரிபு⁴ஞ்ஜித்வா ததா²க³தோ அனுபாதி³ஸேஸாய
நிப்³பா³னதா⁴துயா பரினிப்³பா³யதி. இமே த்³வே பிண்ட³பாதா ஸமஸமப²லா ஸமவிபாகா
, அதிவிய அஞ்ஞேஹி பிண்ட³பாதேஹி மஹப்ப²லதரா ச
மஹானிஸங்ஸதரா ச. ஆயுஸங்வத்தனிகங் ஆயஸ்மதா சுந்தே³ன கம்மாரபுத்தேன கம்மங்
உபசிதங், வண்ணஸங்வத்தனிகங் ஆயஸ்மதா சுந்தே³ன கம்மாரபுத்தேன கம்மங் உபசிதங்,
ஸுக²ஸங்வத்தனிகங் ஆயஸ்மதா சுந்தே³ன கம்மாரபுத்தேன கம்மங் உபசிதங்,
யஸஸங்வத்தனிகங் ஆயஸ்மதா சுந்தே³ன கம்மாரபுத்தேன கம்மங் உபசிதங்,
ஸக்³க³ஸங்வத்தனிகங் ஆயஸ்மதா சுந்தே³ன கம்மாரபுத்தேன
கம்மங் உபசிதங், ஆதி⁴பதெய்யஸங்வத்தனிகங் ஆயஸ்மதா சுந்தே³ன கம்மாரபுத்தேன
கம்மங் உபசித’ந்தி. சுந்த³ஸ்ஸ, ஆனந்த³, கம்மாரபுத்தஸ்ஸ ஏவங் விப்படிஸாரோ
படிவினேதப்³போ³’’தி. அத² கோ² ப⁴க³வா ஏதமத்த²ங் விதி³த்வா தாயங் வேலாயங்
இமங் உதா³னங் உதா³னேஸி –

‘‘த³த³தோ புஞ்ஞங் பவட்³ட⁴தி,

ஸங்யமதோ வேரங் ந சீயதி;

குஸலோ ச ஜஹாதி பாபகங்,

ராக³தோ³ஸமோஹக்க²யா ஸனிப்³பு³தோ’’தி.

சதுத்தோ² பா⁴ணவாரோ.

யமகஸாலா

198. அத²
கோ² ப⁴க³வா ஆயஸ்மந்தங் ஆனந்த³ங் ஆமந்தேஸி – ‘‘ஆயாமானந்த³, யேன ஹிரஞ்ஞவதியா
நதி³யா பாரிமங் தீரங், யேன குஸினாரா உபவத்தனங் மல்லானங் ஸாலவனங்
தேனுபஸங்கமிஸ்ஸாமா’’தி . ‘‘ஏவங், ப⁴ந்தே’’தி கோ²
ஆயஸ்மா ஆனந்தோ³ ப⁴க³வதோ பச்சஸ்ஸோஸி. அத² கோ² ப⁴க³வா மஹதா பி⁴க்கு²ஸங்கே⁴ன
ஸத்³தி⁴ங் யேன ஹிரஞ்ஞவதியா நதி³யா பாரிமங் தீரங், யேன குஸினாரா உபவத்தனங்
மல்லானங் ஸாலவனங் தேனுபஸங்கமி. உபஸங்கமித்வா ஆயஸ்மந்தங் ஆனந்த³ங் ஆமந்தேஸி –
‘‘இங்க⁴ மே த்வங், ஆனந்த³, அந்தரேன யமகஸாலானங் உத்தரஸீஸகங் மஞ்சகங்
பஞ்ஞபேஹி, கிலந்தொஸ்மி, ஆனந்த³, நிபஜ்ஜிஸ்ஸாமீ’’தி. ‘‘ஏவங், ப⁴ந்தே’’தி கோ²
ஆயஸ்மா ஆனந்தோ³ ப⁴க³வதோ படிஸ்ஸுத்வா அந்தரேன யமகஸாலானங் உத்தரஸீஸகங்
மஞ்சகங் பஞ்ஞபேஸி. அத² கோ² ப⁴க³வா த³க்கி²ணேன பஸ்ஸேன ஸீஹஸெய்யங் கப்பேஸி
பாதே³ பாத³ங் அச்சாதா⁴ய ஸதோ ஸம்பஜானோ.

தேன கோ² பன ஸமயேன யமகஸாலா
ஸப்³ப³பா²லிபு²ல்லா ஹொந்தி அகாலபுப்பே²ஹி. தே ததா²க³தஸ்ஸ ஸரீரங் ஓகிரந்தி
அஜ்ஜோ²கிரந்தி அபி⁴ப்பகிரந்தி ததா²க³தஸ்ஸ பூஜாய. தி³ப்³பா³னிபி
மந்தா³ரவபுப்பா²னி அந்தலிக்கா² பபதந்தி, தானி ததா²க³தஸ்ஸ ஸரீரங் ஓகிரந்தி
அஜ்ஜோ²கிரந்தி அபி⁴ப்பகிரந்தி ததா²க³தஸ்ஸ பூஜாய. தி³ப்³பா³னிபி
சந்த³னசுண்ணானி அந்தலிக்கா² பபதந்தி, தானி ததா²க³தஸ்ஸ ஸரீரங் ஓகிரந்தி
அஜ்ஜோ²கிரந்தி அபி⁴ப்பகிரந்தி ததா²க³தஸ்ஸ பூஜாய. தி³ப்³பா³னிபி தூரியானி
அந்தலிக்கே² வஜ்ஜந்தி ததா²க³தஸ்ஸ பூஜாய. தி³ப்³பா³னிபி ஸங்கீ³தானி
அந்தலிக்கே² வத்தந்தி ததா²க³தஸ்ஸ பூஜாய.

199.
அத² கோ² ப⁴க³வா ஆயஸ்மந்தங் ஆனந்த³ங் ஆமந்தேஸி – ‘‘ஸப்³ப³பா²லிபு²ல்லா கோ²,
ஆனந்த³, யமகஸாலா அகாலபுப்பே²ஹி. தே ததா²க³தஸ்ஸ ஸரீரங் ஓகிரந்தி
அஜ்ஜோ²கிரந்தி அபி⁴ப்பகிரந்தி ததா²க³தஸ்ஸ பூஜாய. தி³ப்³பா³னிபி
மந்தா³ரவபுப்பா²னி அந்தலிக்கா² பபதந்தி, தானி ததா²க³தஸ்ஸ ஸரீரங் ஓகிரந்தி
அஜ்ஜோ²கிரந்தி அபி⁴ப்பகிரந்தி ததா²க³தஸ்ஸ பூஜாய. தி³ப்³பா³னிபி
சந்த³னசுண்ணானி அந்தலிக்கா² பபதந்தி, தானி ததா²க³தஸ்ஸ ஸரீரங் ஓகிரந்தி
அஜ்ஜோ²கிரந்தி அபி⁴ப்பகிரந்தி ததா²க³தஸ்ஸ பூஜாய. தி³ப்³பா³னிபி தூரியானி
அந்தலிக்கே² வஜ்ஜந்தி ததா²க³தஸ்ஸ பூஜாய. தி³ப்³பா³னிபி ஸங்கீ³தானி
அந்தலிக்கே² வத்தந்தி ததா²க³தஸ்ஸ பூஜாய. ந கோ², ஆனந்த³, எத்தாவதா ததா²க³தோ
ஸக்கதோ வா ஹோதி க³ருகதோ வா மானிதோ வா பூஜிதோ வா அபசிதோ வா. யோ கோ², ஆனந்த³,
பி⁴க்கு² வா பி⁴க்கு²னீ வா உபாஸகோ வா உபாஸிகா வா
த⁴ம்மானுத⁴ம்மப்படிபன்னோ விஹரதி ஸாமீசிப்படிபன்னோ அனுத⁴ம்மசாரீ, ஸோ
ததா²க³தங் ஸக்கரோதி க³ருங் கரோதி மானேதி பூஜேதி அபசியதி [இத³ங் பத³ங் ஸீஸ்யாஇபொத்த²கேஸு ந தி³ஸ்ஸதி],
பரமாய பூஜாய. தஸ்மாதிஹானந்த³, த⁴ம்மானுத⁴ம்மப்படிபன்னா விஹரிஸ்ஸாம
ஸாமீசிப்படிபன்னா அனுத⁴ம்மசாரினோதி. ஏவஞ்ஹி வோ, ஆனந்த³,
ஸிக்கி²தப்³ப³’’ந்தி.

உபவாணத்தே²ரோ

200. தேன
கோ² பன ஸமயேன ஆயஸ்மா உபவாணோ ப⁴க³வதோ புரதோ டி²தோ ஹோதி ப⁴க³வந்தங்
பீ³ஜயமானோ. அத² கோ² ப⁴க³வா ஆயஸ்மந்தங் உபவாணங் அபஸாரேஸி – ‘‘அபேஹி,
பி⁴க்கு², மா மே புரதோ அட்டா²ஸீ’’தி. அத² கோ² ஆயஸ்மதோ ஆனந்த³ஸ்ஸ ஏதத³ஹோஸி –
‘‘அயங் கோ² ஆயஸ்மா உபவாணோ
தீ³க⁴ரத்தங் ப⁴க³வதோ உபட்டா²கோ ஸந்திகாவசரோ ஸமீபசாரீ. அத² ச பன ப⁴க³வா
பச்சி²மே காலே ஆயஸ்மந்தங் உபவாணங் அபஸாரேதி – ‘அபேஹி பி⁴க்கு², மா மே புரதோ
அட்டா²ஸீ’தி. கோ நு கோ² ஹேது, கோ பச்சயோ, யங் ப⁴க³வா ஆயஸ்மந்தங் உபவாணங்
அபஸாரேதி – ‘அபேஹி, பி⁴க்கு², மா மே புரதோ அட்டா²ஸீ’தி? அத² கோ² ஆயஸ்மா
ஆனந்தோ³ ப⁴க³வந்தங் ஏதத³வோச – ‘அயங், ப⁴ந்தே, ஆயஸ்மா உபவாணோ தீ³க⁴ரத்தங்
ப⁴க³வதோ உபட்டா²கோ ஸந்திகாவசரோ ஸமீபசாரீ. அத² ச பன ப⁴க³வா பச்சி²மே காலே
ஆயஸ்மந்தங் உபவாணங் அபஸாரேதி – ‘‘அபேஹி, பி⁴க்கு², மா மே புரதோ
அட்டா²ஸீ’’தி. கோ நு கோ², ப⁴ந்தே, ஹேது, கோ பச்சயோ, யங் ப⁴க³வா ஆயஸ்மந்தங்
உபவாணங் அபஸாரேதி – ‘‘அபேஹி, பி⁴க்கு², மா மே புரதோ அட்டா²ஸீ’’தி?
‘‘யேபு⁴ய்யேன, ஆனந்த³, த³ஸஸு லோகதா⁴தூஸு தே³வதா ஸன்னிபதிதா
ததா²க³தங் த³ஸ்ஸனாய. யாவதா, ஆனந்த³, குஸினாரா உபவத்தனங் மல்லானங் ஸாலவனங்
ஸமந்ததோ த்³வாத³ஸ யோஜனானி, நத்தி² ஸோ பதே³ஸோ வாலக்³க³கோடினிதுத³னமத்தோபி
மஹேஸக்கா²ஹி தே³வதாஹி அப்பு²டோ. தே³வதா, ஆனந்த³, உஜ்ஜா²யந்தி – ‘தூ³ரா ச
வதம்ஹ ஆக³தா ததா²க³தங் த³ஸ்ஸனாய. கதா³சி கரஹசி ததா²க³தா லோகே உப்பஜ்ஜந்தி
அரஹந்தோ ஸம்மாஸம்பு³த்³தா⁴. அஜ்ஜேவ ரத்தியா பச்சி²மே யாமே ததா²க³தஸ்ஸ
பரினிப்³பா³னங் ப⁴விஸ்ஸதி. அயஞ்ச மஹேஸக்கோ² பி⁴க்கு² ப⁴க³வதோ புரதோ டி²தோ
ஓவாரெந்தோ, ந மயங் லபா⁴ம பச்சி²மே காலே ததா²க³தங் த³ஸ்ஸனாயா’’’தி.

201. ‘‘கத²ங்பூ⁴தா பன, ப⁴ந்தே, ப⁴க³வா தே³வதா மனஸிகரோதீ’’தி [மனஸி கரொந்தீதி (ஸ்யா॰ க॰)]? ‘‘ஸந்தானந்த³, தே³வதா ஆகாஸே பத²வீஸஞ்ஞினியோ கேஸே பகிரிய கந்த³ந்தி, பா³ஹா பக்³க³ய்ஹ கந்த³ந்தி, சி²ன்னபாதங் பபதந்தி [சி²ன்னங்பாத³ங்விய பபதந்தி (ஸ்யா॰)], ஆவட்டந்தி, விவட்டந்தி – ‘அதிகி²ப்பங் ப⁴க³வா பரினிப்³பா³யிஸ்ஸதி, அதிகி²ப்பங் ஸுக³தோ பரினிப்³பா³யிஸ்ஸதி, அதிகி²ப்பங் சக்கு²ங் [சக்கு²மா (ஸ்யா॰ க॰)] லோகே அந்தரத⁴ங்ஆயிஸ்ஸதீ’தி.

‘‘ஸந்தானந்த³, தே³வதா பத²வியங் பத²வீஸஞ்ஞினியோ கேஸே பகிரிய கந்த³ந்தி, பா³ஹா பக்³க³ய்ஹ கந்த³ந்தி, சி²ன்னபாதங்
பபதந்தி, ஆவட்டந்தி, விவட்டந்தி – ‘அதிகி²ப்பங் ப⁴க³வா
பரினிப்³பா³யிஸ்ஸதி, அதிகி²ப்பங் ஸுக³தோ பரினிப்³பா³யிஸ்ஸதி, அதிகி²ப்பங்
சக்கு²ங் லோகே அந்தரதா⁴யிஸ்ஸதீ’’’தி.

‘‘யா பன தா தே³வதா வீதராகா³, தா ஸதா ஸம்பஜானா அதி⁴வாஸெந்தி – ‘அனிச்சா ஸங்கா²ரா, தங் குதெத்த² லப்³பா⁴’தி.

சதுஸங்வேஜனீயட்டா²னானி

202. ‘‘புப்³பே³ , ப⁴ந்தே, தி³ஸாஸு வஸ்ஸங் வுட்டா² [வஸ்ஸங்வுத்தா² (ஸீ॰ ஸ்யா॰ கங்॰ பீ॰)]
பி⁴க்கூ² ஆக³ச்ச²ந்தி ததா²க³தங் த³ஸ்ஸனாய. தே மயங் லபா⁴ம மனோபா⁴வனீயே
பி⁴க்கூ² த³ஸ்ஸனாய, லபா⁴ம பயிருபாஸனாய. ப⁴க³வதோ பன மயங், ப⁴ந்தே, அச்சயேன ந
லபி⁴ஸ்ஸாம மனோபா⁴வனீயே பி⁴க்கூ² த³ஸ்ஸனாய, ந லபி⁴ஸ்ஸாம பயிருபாஸனாயா’’தி.

‘‘சத்தாரிமானி, ஆனந்த³, ஸத்³த⁴ஸ்ஸ குலபுத்தஸ்ஸ
த³ஸ்ஸனீயானி ஸங்வேஜனீயானி டா²னானி. கதமானி சத்தாரி? ‘இத⁴ ததா²க³தோ ஜாதோ’தி,
ஆனந்த³, ஸத்³த⁴ஸ்ஸ குலபுத்தஸ்ஸ த³ஸ்ஸனீயங் ஸங்வேஜனீயங் டா²னங். ‘இத⁴
ததா²க³தோ அனுத்தரங் ஸம்மாஸம்போ³தி⁴ங் அபி⁴ஸம்பு³த்³தோ⁴’தி, ஆனந்த³,
ஸத்³த⁴ஸ்ஸ குலபுத்தஸ்ஸ த³ஸ்ஸனீயங் ஸங்வேஜனீயங் டா²னங். ‘இத⁴ ததா²க³தேன
அனுத்தரங் த⁴ம்மசக்கங் பவத்தித’ந்தி, ஆனந்த³, ஸத்³த⁴ஸ்ஸ குலபுத்தஸ்ஸ
த³ஸ்ஸனீயங் ஸங்வேஜனீயங் டா²னங். ‘இத⁴ ததா²க³தோ அனுபாதி³ஸேஸாய
நிப்³பா³னதா⁴துயா பரினிப்³பு³தோ’தி, ஆனந்த³, ஸத்³த⁴ஸ்ஸ குலபுத்தஸ்ஸ
த³ஸ்ஸனீயங் ஸங்வேஜனீயங் டா²னங். இமானி கோ² , ஆனந்த³, சத்தாரி ஸத்³த⁴ஸ்ஸ குலபுத்தஸ்ஸ த³ஸ்ஸனீயானி ஸங்வேஜனீயானி டா²னானி.

‘‘ஆக³மிஸ்ஸந்தி கோ², ஆனந்த³, ஸத்³தா⁴ பி⁴க்கூ²
பி⁴க்கு²னியோ உபாஸகா உபாஸிகாயோ – ‘இத⁴ ததா²க³தோ ஜாதோ’திபி, ‘இத⁴ ததா²க³தோ
அனுத்தரங் ஸம்மாஸம்போ³தி⁴ங் அபி⁴ஸம்பு³த்³தோ⁴’திபி, ‘இத⁴ ததா²க³தேன
அனுத்தரங் த⁴ம்மசக்கங் பவத்தித’ந்திபி, ‘இத⁴ ததா²க³தோ அனுபாதி³ஸேஸாய
நிப்³பா³னதா⁴துயா பரினிப்³பு³தோ’திபி. யே ஹி கேசி, ஆனந்த³, சேதியசாரிகங்
ஆஹிண்ட³ந்தா பஸன்னசித்தா காலங்கரிஸ்ஸந்தி, ஸப்³பே³ தே காயஸ்ஸ பே⁴தா³ பரங்
மரணா ஸுக³திங் ஸக்³க³ங் லோகங் உபபஜ்ஜிஸ்ஸந்தீ’’தி.

ஆனந்த³புச்சா²கதா²

203. ‘‘கத²ங்
மயங், ப⁴ந்தே, மாதுகா³மே படிபஜ்ஜாமா’’தி? ‘‘அத³ஸ்ஸனங், ஆனந்தா³’’தி.
‘‘த³ஸ்ஸனே, ப⁴க³வா, ஸதி கத²ங் படிபஜ்ஜிதப்³ப³’’ந்தி? ‘‘அனாலாபோ,
ஆனந்தா³’’தி . ‘‘ஆலபந்தேன பன, ப⁴ந்தே, கத²ங் படிபஜ்ஜிதப்³ப³’’ந்தி? ‘‘ஸதி, ஆனந்த³, உபட்டா²பேதப்³பா³’’தி.

204. ‘‘கத²ங்
மயங், ப⁴ந்தே, ததா²க³தஸ்ஸ ஸரீரே படிபஜ்ஜாமா’’தி? ‘‘அப்³யாவடா தும்ஹே,
ஆனந்த³, ஹோத² ததா²க³தஸ்ஸ ஸரீரபூஜாய. இங்க⁴ தும்ஹே, ஆனந்த³, ஸாரத்தே² க⁴டத²
அனுயுஞ்ஜத² [ஸத³த்தே² அனுயுஞ்ஜத² (ஸீ॰ ஸ்யா॰), ஸத³த்த²ங் அனுயுஞ்ஜத² (பீ॰), ஸாரத்தே² அனுயுஞ்ஜத² (க॰)],
ஸாரத்தே² அப்பமத்தா ஆதாபினோ பஹிதத்தா விஹரத². ஸந்தானந்த³,
க²த்தியபண்டி³தாபி ப்³ராஹ்மணபண்டி³தாபி க³ஹபதிபண்டி³தாபி ததா²க³தே
அபி⁴ப்பஸன்னா, தே ததா²க³தஸ்ஸ ஸரீரபூஜங் கரிஸ்ஸந்தீ’’தி.

205.
‘‘கத²ங் பன, ப⁴ந்தே, ததா²க³தஸ்ஸ ஸரீரே படிபஜ்ஜிதப்³ப³’’ந்தி? ‘‘யதா² கோ²,
ஆனந்த³, ரஞ்ஞோ சக்கவத்திஸ்ஸ ஸரீரே படிபஜ்ஜந்தி, ஏவங் ததா²க³தஸ்ஸ ஸரீரே
படிபஜ்ஜிதப்³ப³’’ந்தி. ‘‘கத²ங் பன, ப⁴ந்தே, ரஞ்ஞோ சக்கவத்திஸ்ஸ ஸரீரே
படிபஜ்ஜந்தீ’’தி? ‘‘ரஞ்ஞோ, ஆனந்த³, சக்கவத்திஸ்ஸ ஸரீரங் அஹதேன வத்தே²ன
வேடெ²ந்தி, அஹதேன வத்தே²ன வேடெ²த்வா விஹதேன கப்பாஸேன வேடெ²ந்தி, விஹதேன
கப்பாஸேன வேடெ²த்வா அஹதேன வத்தே²ன வேடெ²ந்தி. ஏதேனுபாயேன பஞ்சஹி யுக³ஸதேஹி ரஞ்ஞோ சக்கவத்திஸ்ஸ ஸரீரங் [ஸரீரே (ஸ்யா॰ க॰)]
வேடெ²த்வா ஆயஸாய தேலதோ³ணியா பக்கி²பித்வா அஞ்ஞிஸ்ஸா ஆயஸாய தோ³ணியா
படிகுஜ்ஜித்வா ஸப்³ப³க³ந்தா⁴னங் சிதகங் கரித்வா ரஞ்ஞோ சக்கவத்திஸ்ஸ ஸரீரங்
ஜா²பெந்தி. சாதுமஹாபதே² [சாதும்மஹாபதே² (ஸீ॰ ஸ்யா॰ கங்॰ பீ॰)] ரஞ்ஞோ சக்கவத்திஸ்ஸ தூ²பங் கரொந்தி .
ஏவங் கோ², ஆனந்த³, ரஞ்ஞோ சக்கவத்திஸ்ஸ ஸரீரே படிபஜ்ஜந்தி. யதா² கோ²,
ஆனந்த³, ரஞ்ஞோ சக்கவத்திஸ்ஸ ஸரீரே படிபஜ்ஜந்தி, ஏவங் ததா²க³தஸ்ஸ ஸரீரே
படிபஜ்ஜிதப்³ப³ங். சாதுமஹாபதே² ததா²க³தஸ்ஸ தூ²போ காதப்³போ³. தத்த² யே மாலங்
வா க³ந்த⁴ங் வா சுண்ணகங் [வண்ணகங் (ஸீ॰ பீ॰)] வா ஆரோபெஸ்ஸந்தி வா அபி⁴வாதெ³ஸ்ஸந்தி வா சித்தங் வா பஸாதெ³ஸ்ஸந்தி தேஸங் தங் ப⁴விஸ்ஸதி தீ³க⁴ரத்தங் ஹிதாய ஸுகா²ய.

தூ²பாரஹபுக்³க³லோ

206.
‘‘சத்தாரோமே, ஆனந்த³, தூ²பாரஹா. கதமே சத்தாரோ? ததா²க³தோ அரஹங்
ஸம்மாஸம்பு³த்³தோ⁴ தூ²பாரஹோ, பச்சேகஸம்பு³த்³தோ⁴ தூ²பாரஹோ, ததா²க³தஸ்ஸ
ஸாவகோ தூ²பாரஹோ, ராஜா சக்கவத்தீ [சக்கவத்தி (ஸ்யா॰ க॰)] தூ²பாரஹோதி.

‘‘கிஞ்சானந்த³ , அத்த²வஸங்
படிச்ச ததா²க³தோ அரஹங் ஸம்மாஸம்பு³த்³தோ⁴ தூ²பாரஹோ? ‘அயங் தஸ்ஸ ப⁴க³வதோ
அரஹதோ ஸம்மாஸம்பு³த்³த⁴ஸ்ஸ தூ²போ’தி, ஆனந்த³, ப³ஹுஜனா சித்தங் பஸாதெ³ந்தி.
தே தத்த² சித்தங் பஸாதெ³த்வா காயஸ்ஸ பே⁴தா³ பரங் மரணா ஸுக³திங் ஸக்³க³ங்
லோகங் உபபஜ்ஜந்தி. இத³ங் கோ², ஆனந்த³, அத்த²வஸங் படிச்ச ததா²க³தோ அரஹங்
ஸம்மாஸம்பு³த்³தோ⁴ தூ²பாரஹோ.

‘‘கிஞ்சானந்த³, அத்த²வஸங் படிச்ச பச்சேகஸம்பு³த்³தோ⁴ தூ²பாரஹோ? ‘அயங் தஸ்ஸ ப⁴க³வதோ பச்சேகஸம்பு³த்³த⁴ஸ்ஸ
தூ²போ’தி, ஆனந்த³, ப³ஹுஜனா சித்தங் பஸாதெ³ந்தி. தே தத்த² சித்தங்
பஸாதெ³த்வா காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜந்தி.
இத³ங் கோ², ஆனந்த³, அத்த²வஸங் படிச்ச பச்சேகஸம்பு³த்³தோ⁴ தூ²பாரஹோ.

‘‘கிஞ்சானந்த³, அத்த²வஸங் படிச்ச ததா²க³தஸ்ஸ ஸாவகோ
தூ²பாரஹோ? ‘அயங் தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ ஸாவகஸ்ஸ தூ²போ’தி
ஆனந்த³, ப³ஹுஜனா சித்தங் பஸாதெ³ந்தி. தே தத்த² சித்தங் பஸாதெ³த்வா காயஸ்ஸ
பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜந்தி. இத³ங் கோ², ஆனந்த³,
அத்த²வஸங் படிச்ச ததா²க³தஸ்ஸ ஸாவகோ தூ²பாரஹோ.

‘‘கிஞ்சானந்த³, அத்த²வஸங் படிச்ச ராஜா சக்கவத்தீ
தூ²பாரஹோ? ‘அயங் தஸ்ஸ த⁴ம்மிகஸ்ஸ த⁴ம்மரஞ்ஞோ தூ²போ’தி, ஆனந்த³, ப³ஹுஜனா
சித்தங் பஸாதெ³ந்தி. தே தத்த² சித்தங் பஸாதெ³த்வா காயஸ்ஸ பே⁴தா³ பரங் மரணா
ஸுக³திங் ஸக்³க³ங் லோகங் உபபஜ்ஜந்தி. இத³ங் கோ², ஆனந்த³, அத்த²வஸங் படிச்ச
ராஜா சக்கவத்தீ தூ²பாரஹோ. இமே கோ², ஆனந்த³ சத்தாரோ தூ²பாரஹா’’தி.

ஆனந்த³அச்ச²ரியத⁴ம்மோ

207.
அத² கோ² ஆயஸ்மா ஆனந்தோ³ விஹாரங் பவிஸித்வா கபிஸீஸங் ஆலம்பி³த்வா ரோத³மானோ
அட்டா²ஸி – ‘‘அஹஞ்ச வதம்ஹி ஸேகோ² ஸகரணீயோ, ஸத்து² ச மே பரினிப்³பா³னங்
ப⁴விஸ்ஸதி, யோ மம அனுகம்பகோ’’தி. அத² கோ² ப⁴க³வா பி⁴க்கூ² ஆமந்தேஸி –
‘‘கஹங் நு கோ², பி⁴க்க²வே, ஆனந்தோ³’’தி? ‘‘ஏஸோ, ப⁴ந்தே, ஆயஸ்மா ஆனந்தோ³
விஹாரங் பவிஸித்வா கபிஸீஸங் ஆலம்பி³த்வா ரோத³மானோ டி²தோ – ‘அஹஞ்ச வதம்ஹி
ஸேகோ² ஸகரணீயோ, ஸத்து² ச மே பரினிப்³பா³னங் ப⁴விஸ்ஸதி, யோ மம
அனுகம்பகோ’’’தி. அத² கோ² ப⁴க³வா அஞ்ஞதரங் பி⁴க்கு²ங் ஆமந்தேஸி – ‘‘ஏஹி
த்வங், பி⁴க்கு², மம வசனேன ஆனந்த³ங் ஆமந்தேஹி – ‘ஸத்தா² தங், ஆவுஸோ ஆனந்த³, ஆமந்தேதீ’’’தி. ‘‘ஏவங் , ப⁴ந்தே’’தி கோ² ஸோ பி⁴க்கு² ப⁴க³வதோ படிஸ்ஸுத்வா யேனாயஸ்மா ஆனந்தோ³ தேனுபஸங்கமி; உபஸங்கமித்வா ஆயஸ்மந்தங் ஆனந்த³ங் ஏதத³வோச
– ‘‘ஸத்தா² தங், ஆவுஸோ ஆனந்த³, ஆமந்தேதீ’’தி. ‘‘ஏவமாவுஸோ’’தி கோ² ஆயஸ்மா
ஆனந்தோ³ தஸ்ஸ பி⁴க்கு²னோ படிஸ்ஸுத்வா யேன ப⁴க³வா தேனுபஸங்கமி; உபஸங்கமித்வா
ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னங் கோ²
ஆயஸ்மந்தங் ஆனந்த³ங் ப⁴க³வா ஏதத³வோச – ‘‘அலங், ஆனந்த³, மா ஸோசி மா
பரிதே³வி, நனு ஏதங், ஆனந்த³, மயா படிகச்சேவ அக்கா²தங் – ‘ஸப்³பே³ஹேவ பியேஹி
மனாபேஹி நானாபா⁴வோ வினாபா⁴வோ அஞ்ஞதா²பா⁴வோ’; தங் குதெத்த², ஆனந்த³,
லப்³பா⁴. யங் தங் ஜாதங் பூ⁴தங் ஸங்க²தங்
பலோகத⁴ம்மங், தங் வத ததா²க³தஸ்ஸாபி ஸரீரங் மா பலுஜ்ஜீ’தி நேதங் டா²னங்
விஜ்ஜதி. தீ³க⁴ரத்தங் கோ² தே, ஆனந்த³, ததா²க³தோ பச்சுபட்டி²தோ மெத்தேன
காயகம்மேன ஹிதேன ஸுகே²ன அத்³வயேன அப்பமாணேன, மெத்தேன வசீகம்மேன ஹிதேன
ஸுகே²ன அத்³வயேன அப்பமாணேன, மெத்தேன மனோகம்மேன ஹிதேன ஸுகே²ன அத்³வயேன
அப்பமாணேன. கதபுஞ்ஞோஸி த்வங், ஆனந்த³, பதா⁴னமனுயுஞ்ஜ, கி²ப்பங் ஹோஹிஸி
அனாஸவோ’’தி.

208.
அத² கோ² ப⁴க³வா பி⁴க்கூ² ஆமந்தேஸி – ‘‘யேபி தே, பி⁴க்க²வே, அஹேஸுங்
அதீதமத்³தா⁴னங் அரஹந்தோ ஸம்மாஸம்பு³த்³தா⁴, தேஸம்பி ப⁴க³வந்தானங்
ஏதப்பரமாயேவ உபட்டா²கா அஹேஸுங், ஸெய்யதா²பி மய்ஹங் ஆனந்தோ³. யேபி தே,
பி⁴க்க²வே, ப⁴விஸ்ஸந்தி அனாக³தமத்³தா⁴னங் அரஹந்தோ ஸம்மாஸம்பு³த்³தா⁴,
தேஸம்பி ப⁴க³வந்தானங் ஏதப்பரமாயேவ உபட்டா²கா ப⁴விஸ்ஸந்தி, ஸெய்யதா²பி
மய்ஹங் ஆனந்தோ³. பண்டி³தோ, பி⁴க்க²வே, ஆனந்தோ³; மேதா⁴வீ, பி⁴க்க²வே,
ஆனந்தோ³. ஜானாதி ‘அயங் காலோ ததா²க³தங் த³ஸ்ஸனாய உபஸங்கமிதுங் பி⁴க்கூ²னங்,
அயங் காலோ பி⁴க்கு²னீனங், அயங் காலோ உபாஸகானங் , அயங் காலோ உபாஸிகானங், அயங் காலோ ரஞ்ஞோ ராஜமஹாமத்தானங் தித்தி²யானங் தித்தி²யஸாவகான’ந்தி.

209. ‘‘சத்தாரோமே, பி⁴க்க²வே, அச்ச²ரியா அப்³பு⁴தா த⁴ம்மா [அப்³பு⁴தத⁴ம்மா (ஸ்யா॰ க॰)]
ஆனந்தே³. கதமே சத்தாரோ? ஸசே, பி⁴க்க²வே, பி⁴க்கு²பரிஸா ஆனந்த³ங் த³ஸ்ஸனாய
உபஸங்கமதி, த³ஸ்ஸனேன ஸா அத்தமனா ஹோதி. தத்ர சே ஆனந்தோ³ த⁴ம்மங்
பா⁴ஸதி, பா⁴ஸிதேனபி ஸா அத்தமனா ஹோதி. அதித்தாவ, பி⁴க்க²வே, பி⁴க்கு²பரிஸா
ஹோதி, அத² கோ² ஆனந்தோ³ துண்ஹீ ஹோதி. ஸசே, பி⁴க்க²வே, பி⁴க்கு²னீபரிஸா
ஆனந்த³ங் த³ஸ்ஸனாய உபஸங்கமதி, த³ஸ்ஸனேன ஸா அத்தமனா ஹோதி. தத்ர சே ஆனந்தோ³
த⁴ம்மங் பா⁴ஸதி, பா⁴ஸிதேனபி ஸா அத்தமனா ஹோதி. அதித்தாவ, பி⁴க்க²வே,
பி⁴க்கு²னீபரிஸா ஹோதி, அத² கோ² ஆனந்தோ³ துண்ஹீ ஹோதி. ஸசே, பி⁴க்க²வே,
உபாஸகபரிஸா ஆனந்த³ங் த³ஸ்ஸனாய உபஸங்கமதி, த³ஸ்ஸனேன ஸா அத்தமனா ஹோதி. தத்ர
சே ஆனந்தோ³ த⁴ம்மங் பா⁴ஸதி, பா⁴ஸிதேனபி ஸா அத்தமனா ஹோதி. அதித்தாவ,
பி⁴க்க²வே, உபாஸகபரிஸா ஹோதி, அத² கோ² ஆனந்தோ³ துண்ஹீ ஹோதி. ஸசே, பி⁴க்க²வே,
உபாஸிகாபரிஸா ஆனந்த³ங் த³ஸ்ஸனாய உபஸங்கமதி, த³ஸ்ஸனேன ஸா அத்தமனா ஹோதி.
தத்ர சே, ஆனந்தோ³, த⁴ம்மங் பா⁴ஸதி, பா⁴ஸிதேனபி ஸா அத்தமனா ஹோதி. அதித்தாவ,
பி⁴க்க²வே, உபாஸிகாபரிஸா ஹோதி, அத² கோ² ஆனந்தோ³ துண்ஹீ ஹோதி. இமே கோ²,
பி⁴க்க²வே, சத்தாரோ அச்ச²ரியா அப்³பு⁴தா த⁴ம்மா ஆனந்தே³.

‘‘சத்தாரோமே, பி⁴க்க²வே, அச்ச²ரியா அப்³பு⁴தா த⁴ம்மா ரஞ்ஞே சக்கவத்திம்ஹி. கதமே சத்தாரோ ? ஸசே, பி⁴க்க²வே, க²த்தியபரிஸா ராஜானங் சக்கவத்திங் த³ஸ்ஸனாய
உபஸங்கமதி, த³ஸ்ஸனேன ஸா அத்தமனா ஹோதி. தத்ர சே ராஜா சக்கவத்தீ பா⁴ஸதி,
பா⁴ஸிதேனபி ஸா அத்தமனா ஹோதி. அதித்தாவ, பி⁴க்க²வே, க²த்தியபரிஸா ஹோதி. அத²
கோ² ராஜா சக்கவத்தீ துண்ஹீ ஹோதி. ஸசே பி⁴க்க²வே, ப்³ராஹ்மணபரிஸா…பே॰…
க³ஹபதிபரிஸா…பே॰… ஸமணபரிஸா ராஜானங் சக்கவத்திங் த³ஸ்ஸனாய உபஸங்கமதி,
த³ஸ்ஸனேன ஸா அத்தமனா ஹோதி. தத்ர சே ராஜா சக்கவத்தீ பா⁴ஸதி, பா⁴ஸிதேனபி ஸா
அத்தமனா ஹோதி. அதித்தாவ, பி⁴க்க²வே, ஸமணபரிஸா ஹோதி, அத² கோ² ராஜா சக்கவத்தீ
துண்ஹீ ஹோதி. ஏவமேவ கோ², பி⁴க்க²வே, சத்தாரோமே
அச்ச²ரியா அப்³பு⁴தா த⁴ம்மா ஆனந்தே³. ஸசே, பி⁴க்க²வே, பி⁴க்கு²பரிஸா
ஆனந்த³ங் த³ஸ்ஸனாய உபஸங்கமதி, த³ஸ்ஸனேன ஸா அத்தமனா ஹோதி. தத்ர சே ஆனந்தோ³
த⁴ம்மங் பா⁴ஸதி, பா⁴ஸிதேனபி ஸா அத்தமனா ஹோதி. அதித்தாவ, பி⁴க்க²வே,
பி⁴க்கு²பரிஸா ஹோதி. அத² கோ² ஆனந்தோ³ துண்ஹீ ஹோதி. ஸசே, பி⁴க்க²வே
பி⁴க்கு²னீபரிஸா…பே॰… உபாஸகபரிஸா…பே॰… உபாஸிகாபரிஸா ஆனந்த³ங் த³ஸ்ஸனாய
உபஸங்கமதி, த³ஸ்ஸனேன ஸா அத்தமனா ஹோதி. தத்ர சே
ஆனந்தோ³ த⁴ம்மங் பா⁴ஸதி, பா⁴ஸிதேனபி ஸா அத்தமனா ஹோதி. அதித்தாவ, பி⁴க்க²வே,
உபாஸிகாபரிஸா ஹோதி. அத² கோ² ஆனந்தோ³ துண்ஹீ ஹோதி. இமே கோ², பி⁴க்க²வே,
சத்தாரோ அச்ச²ரியா அப்³பு⁴தா த⁴ம்மா ஆனந்தே³’’தி.

மஹாஸுத³ஸ்ஸனஸுத்ததே³ஸனா

210.
ஏவங் வுத்தே ஆயஸ்மா ஆனந்தோ³ ப⁴க³வந்தங் ஏதத³வோச – ‘‘மா, ப⁴ந்தே, ப⁴க³வா
இமஸ்மிங் கு²த்³த³கனக³ரகே உஜ்ஜங்க³லனக³ரகே ஸாகா²னக³ரகே பரினிப்³பா³யி.
ஸந்தி, ப⁴ந்தே, அஞ்ஞானி மஹானக³ரானி, ஸெய்யதி²த³ங் – சம்பா
ராஜக³ஹங் ஸாவத்தீ² ஸாகேதங் கோஸம்பீ³ பா³ராணஸீ; எத்த² ப⁴க³வா
பரினிப்³பா³யது. எத்த² ப³ஹூ க²த்தியமஹாஸாலா, ப்³ராஹ்மணமஹாஸாலா
க³ஹபதிமஹாஸாலா ததா²க³தே அபி⁴ப்பஸன்னா. தே ததா²க³தஸ்ஸ ஸரீரபூஜங்
கரிஸ்ஸந்தீ’’தி ‘‘மாஹேவங், ஆனந்த³, அவச; மாஹேவங், ஆனந்த³, அவச –
‘கு²த்³த³கனக³ரகங் உஜ்ஜங்க³லனக³ரகங் ஸாகா²னக³ரக’ந்தி.

‘‘பூ⁴தபுப்³ப³ங், ஆனந்த³, ராஜா மஹாஸுத³ஸ்ஸனோ நாம அஹோஸி
சக்கவத்தீ த⁴ம்மிகோ த⁴ம்மராஜா சாதுரந்தோ விஜிதாவீ ஜனப்பத³த்தா²வரியப்பத்தோ
ஸத்தரதனஸமன்னாக³தோ. ரஞ்ஞோ, ஆனந்த³, மஹாஸுத³ஸ்ஸனஸ்ஸ அயங் குஸினாரா குஸாவதீ
நாம ராஜதா⁴னீ அஹோஸி, புரத்தி²மேன ச பச்சி²மேன ச த்³வாத³ஸயோஜனானி ஆயாமேன;
உத்தரேன ச த³க்கி²ணேன ச ஸத்தயோஜனானி வித்தா²ரேன. குஸாவதீ, ஆனந்த³, ராஜதா⁴னீ
இத்³தா⁴ சேவ அஹோஸி பீ²தா ச ப³ஹுஜனா ச ஆகிண்ணமனுஸ்ஸா ச ஸுபி⁴க்கா² ச. ஸெய்யதா²பி, ஆனந்த³, தே³வானங் ஆளகமந்தா³ நாம ராஜதா⁴னீ இத்³தா⁴ சேவ ஹோதி பீ²தா
ச ப³ஹுஜனா ச ஆகிண்ணயக்கா² ச ஸுபி⁴க்கா² ச; ஏவமேவ கோ², ஆனந்த³, குஸாவதீ
ராஜதா⁴னீ இத்³தா⁴ சேவ அஹோஸி பீ²தா ச ப³ஹுஜனா ச ஆகிண்ணமனுஸ்ஸா ச ஸுபி⁴க்கா²
ச. குஸாவதீ, ஆனந்த³, ராஜதா⁴னீ த³ஸஹி ஸத்³தே³ஹி அவிவித்தா அஹோஸி தி³வா சேவ
ரத்திஞ்ச, ஸெய்யதி²த³ங் – ஹத்தி²ஸத்³தே³ன அஸ்ஸஸத்³தே³ன ரத²ஸத்³தே³ன
பே⁴ரிஸத்³தே³ன முதி³ங்க³ஸத்³தே³ன வீணாஸத்³தே³ன கீ³தஸத்³தே³ன ஸங்க²ஸத்³தே³ன
ஸம்மஸத்³தே³ன பாணிதாளஸத்³தே³ன ‘அஸ்னாத² பிவத² கா²த³தா²’தி த³ஸமேன ஸத்³தே³ன.

‘‘க³ச்ச² த்வங், ஆனந்த³, குஸினாரங் பவிஸித்வா கோஸினாரகானங் மல்லானங் ஆரோசேஹி – ‘அஜ்ஜ கோ², வாஸெட்டா², ரத்தியா பச்சி²மே யாமே ததா²க³தஸ்ஸ பரினிப்³பா³னங்
ப⁴விஸ்ஸதி. அபி⁴க்கமத² வாஸெட்டா², அபி⁴க்கமத² வாஸெட்டா². மா பச்சா²
விப்படிஸாரினோ அஹுவத்த² – அம்ஹாகஞ்ச நோ கா³மக்கெ²த்தே ததா²க³தஸ்ஸ
பரினிப்³பா³னங் அஹோஸி, ந மயங் லபி⁴ம்ஹா பச்சி²மே காலே ததா²க³தங்
த³ஸ்ஸனாயா’’’தி. ‘‘ஏவங், ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ
படிஸ்ஸுத்வா நிவாஸெத்வா பத்தசீவரமாதா³ய அத்தது³தியோ குஸினாரங் பாவிஸி.

மல்லானங் வந்த³னா

211. தேன கோ² பன ஸமயேன கோஸினாரகா மல்லா ஸந்தா⁴கா³ரே [ஸந்தா²கா³ரே (ஸீ॰ ஸ்யா॰ பீ॰)]
ஸன்னிபதிதா ஹொந்தி கேனசிதே³வ கரணீயேன. அத² கோ² ஆயஸ்மா ஆனந்தோ³ யேன
கோஸினாரகானங் மல்லானங் ஸந்தா⁴கா³ரங் தேனுபஸங்கமி; உபஸங்கமித்வா
கோஸினாரகானங் மல்லானங் ஆரோசேஸி – ‘‘அஜ்ஜ கோ², வாஸெட்டா², ரத்தியா பச்சி²மே
யாமே ததா²க³தஸ்ஸ பரினிப்³பா³னங் ப⁴விஸ்ஸதி. அபி⁴க்கமத² வாஸெட்டா²
அபி⁴க்கமத² வாஸெட்டா². மா பச்சா² விப்படிஸாரினோ அஹுவத்த² – ‘அம்ஹாகஞ்ச நோ
கா³மக்கெ²த்தே ததா²க³தஸ்ஸ பரினிப்³பா³னங் அஹோஸி, ந
மயங் லபி⁴ம்ஹா பச்சி²மே காலே ததா²க³தங் த³ஸ்ஸனாயா’’’தி. இத³மாயஸ்மதோ
ஆனந்த³ஸ்ஸ வசனங் ஸுத்வா மல்லா ச மல்லபுத்தா ச மல்லஸுணிஸா ச மல்லபஜாபதியோ ச
அகா⁴வினோ து³ம்மனா சேதோது³க்க²ஸமப்பிதா அப்பேகச்சே கேஸே பகிரிய கந்த³ந்தி,
பா³ஹா பக்³க³ய்ஹ கந்த³ந்தி, சி²ன்னபாதங் பபதந்தி, ஆவட்டந்தி விவட்டந்தி –
‘அதிகி²ப்பங் ப⁴க³வா பரினிப்³பா³யிஸ்ஸதி, அதிகி²ப்பங் ஸுக³தோ
பரினிப்³பா³யிஸ்ஸதி, அதிகி²ப்பங் சக்கு²ங் லோகே
அந்தரதா⁴யிஸ்ஸதீ’தி. அத² கோ² மல்லா ச மல்லபுத்தா ச மல்லஸுணிஸா ச
மல்லபஜாபதியோ ச அகா⁴வினோ து³ம்மனா சேதோது³க்க²ஸமப்பிதா யேன உபவத்தனங்
மல்லானங் ஸாலவனங் யேனாயஸ்மா ஆனந்தோ³ தேனுபஸங்கமிங்ஸு. அத² கோ² ஆயஸ்மதோ
ஆனந்த³ஸ்ஸ ஏதத³ஹோஸி – ‘‘ஸசே கோ² அஹங் கோஸினாரகே மல்லே ஏகமேகங் ப⁴க³வந்தங்
வந்தா³பெஸ்ஸாமி, அவந்தி³தோ ப⁴க³வா கோஸினாரகேஹி மல்லேஹி ப⁴விஸ்ஸதி, அதா²யங்
ரத்தி விபா⁴யிஸ்ஸதி. யங்னூனாஹங் கோஸினாரகே மல்லே குலபரிவத்தஸோ குலபரிவத்தஸோ
ட²பெத்வா ப⁴க³வந்தங் வந்தா³பெய்யங் – ‘இத்த²ன்னாமோ, ப⁴ந்தே, மல்லோ ஸபுத்தோ ஸப⁴ரியோ ஸபரிஸோ ஸாமச்சோ ப⁴க³வதோ பாதே³
ஸிரஸா வந்த³தீ’தி. அத² கோ² ஆயஸ்மா ஆனந்தோ³ கோஸினாரகே மல்லே குலபரிவத்தஸோ
குலபரிவத்தஸோ ட²பெத்வா ப⁴க³வந்தங் வந்தா³பேஸி – ‘இத்த²ன்னாமோ, ப⁴ந்தே,
மல்லோ ஸபுத்தோ ஸப⁴ரியோ ஸபரிஸோ ஸாமச்சோ ப⁴க³வதோ பாதே³ ஸிரஸா வந்த³தீ’’’தி.
அத² கோ² ஆயஸ்மா ஆனந்தோ³ ஏதேன உபாயேன பட²மேனேவ யாமேன கோஸினாரகே மல்லே
ப⁴க³வந்தங் வந்தா³பேஸி.

ஸுப⁴த்³த³பரிப்³பா³ஜகவத்து²

212.
தேன கோ² பன ஸமயேன ஸுப⁴த்³தோ³ நாம பரிப்³பா³ஜகோ குஸினாராயங் படிவஸதி.
அஸ்ஸோஸி கோ² ஸுப⁴த்³தோ³ பரிப்³பா³ஜகோ – ‘‘அஜ்ஜ கிர ரத்தியா பச்சி²மே யாமே
ஸமணஸ்ஸ கோ³தமஸ்ஸ பரினிப்³பா³னங் ப⁴விஸ்ஸதீ’’தி. அத²
கோ² ஸுப⁴த்³த³ஸ்ஸ பரிப்³பா³ஜகஸ்ஸ ஏதத³ஹோஸி – ‘‘ஸுதங் கோ² பன மேதங்
பரிப்³பா³ஜகானங் வுட்³டா⁴னங் மஹல்லகானங் ஆசரியபாசரியானங் பா⁴ஸமானானங் –
‘கதா³சி கரஹசி ததா²க³தா லோகே உப்பஜ்ஜந்தி அரஹந்தோ ஸம்மாஸம்பு³த்³தா⁴’தி.
அஜ்ஜேவ ரத்தியா பச்சி²மே யாமே ஸமணஸ்ஸ கோ³தமஸ்ஸ
பரினிப்³பா³னங் ப⁴விஸ்ஸதி. அத்தி² ச மே அயங் கங்கா²த⁴ம்மோ உப்பன்னோ, ஏவங்
பஸன்னோ அஹங் ஸமணே கோ³தமே, ‘பஹோதி மே ஸமணோ கோ³தமோ ததா² த⁴ம்மங் தே³ஸேதுங்,
யதா²ஹங் இமங் கங்கா²த⁴ம்மங் பஜஹெய்ய’’’ந்தி. அத² கோ² ஸுப⁴த்³தோ³
பரிப்³பா³ஜகோ யேன உபவத்தனங் மல்லானங் ஸாலவனங், யேனாயஸ்மா ஆனந்தோ³
தேனுபஸங்கமி; உபஸங்கமித்வா ஆயஸ்மந்தங் ஆனந்த³ங் ஏதத³வோச – ‘‘ஸுதங் மேதங்,
போ⁴ ஆனந்த³, பரிப்³பா³ஜகானங் வுட்³டா⁴னங் மஹல்லகானங் ஆசரியபாசரியானங்
பா⁴ஸமானானங் – ‘கதா³சி கரஹசி ததா²க³தா லோகே உப்பஜ்ஜந்தி அரஹந்தோ
ஸம்மாஸம்பு³த்³தா⁴’தி. அஜ்ஜேவ ரத்தியா பச்சி²மே யாமே ஸமணஸ்ஸ கோ³தமஸ்ஸ
பரினிப்³பா³னங் ப⁴விஸ்ஸதி. அத்தி² ச மே அயங் கங்கா²த⁴ம்மோ உப்பன்னோ – ஏவங்
பஸன்னோ அஹங் ஸமணே கோ³தமே ‘பஹோதி மே ஸமணோ கோ³தமோ ததா² த⁴ம்மங் தே³ஸேதுங்,
யதா²ஹங் இமங் கங்கா²த⁴ம்மங் பஜஹெய்ய’ந்தி. ஸாதா⁴ஹங், போ⁴ ஆனந்த³, லபெ⁴ய்யங்
ஸமணங் கோ³தமங் த³ஸ்ஸனாயா’’தி. ஏவங் வுத்தே ஆயஸ்மா ஆனந்தோ³ ஸுப⁴த்³த³ங்
பரிப்³பா³ஜகங் ஏதத³வோச – ‘‘அலங், ஆவுஸோ ஸுப⁴த்³த³, மா ததா²க³தங் விஹேடே²ஸி,
கிலந்தோ ப⁴க³வா’’தி. து³தியம்பி கோ² ஸுப⁴த்³தோ³ பரிப்³பா³ஜகோ…பே॰…
ததியம்பி கோ² ஸுப⁴த்³தோ³ பரிப்³பா³ஜகோ ஆயஸ்மந்தங் ஆனந்த³ங் ஏதத³வோச –
‘‘ஸுதங் மேதங், போ⁴ ஆனந்த³, பரிப்³பா³ஜகானங் வுட்³டா⁴னங் மஹல்லகானங்
ஆசரியபாசரியானங் பா⁴ஸமானானங் – ‘கதா³சி கரஹசி ததா²க³தா லோகே உப்பஜ்ஜந்தி அரஹந்தோ ஸம்மாஸம்பு³த்³தா⁴’தி. அஜ்ஜேவ ரத்தியா பச்சி²மே யாமே ஸமணஸ்ஸ
கோ³தமஸ்ஸ பரினிப்³பா³னங் ப⁴விஸ்ஸதி. அத்தி² ச மே அயங் கங்கா²த⁴ம்மோ
உப்பன்னோ – ஏவங் பஸன்னோ அஹங் ஸமணே கோ³தமே, ‘பஹோதி மே ஸமணோ கோ³தமோ ததா²
த⁴ம்மங் தே³ஸேதுங், யதா²ஹங் இமங் கங்கா²த⁴ம்மங் பஜஹெய்ய’ந்தி. ஸாதா⁴ஹங்,
போ⁴ ஆனந்த³, லபெ⁴ய்யங் ஸமணங் கோ³தமங் த³ஸ்ஸனாயா’’தி. ததியம்பி கோ² ஆயஸ்மா
ஆனந்தோ³ ஸுப⁴த்³த³ங் பரிப்³பா³ஜகங் ஏதத³வோச – ‘‘அலங், ஆவுஸோ ஸுப⁴த்³த³, மா
ததா²க³தங் விஹேடே²ஸி, கிலந்தோ ப⁴க³வா’’தி.

213.
அஸ்ஸோஸி கோ² ப⁴க³வா ஆயஸ்மதோ ஆனந்த³ஸ்ஸ ஸுப⁴த்³தே³ன பரிப்³பா³ஜகேன
ஸத்³தி⁴ங் இமங் கதா²ஸல்லாபங். அத² கோ² ப⁴க³வா ஆயஸ்மந்தங் ஆனந்த³ங் ஆமந்தேஸி
– ‘‘அலங், ஆனந்த³, மா ஸுப⁴த்³த³ங் வாரேஸி, லப⁴தங், ஆனந்த³, ஸுப⁴த்³தோ³
ததா²க³தங் த³ஸ்ஸனாய. யங் கிஞ்சி மங் ஸுப⁴த்³தோ³ புச்சி²ஸ்ஸதி, ஸப்³ப³ங் தங்
அஞ்ஞாபெக்கோ²வ புச்சி²ஸ்ஸதி, நோ விஹேஸாபெக்கோ². யங் சஸ்ஸாஹங் புட்டோ²
ப்³யாகரிஸ்ஸாமி, தங் கி²ப்பமேவ ஆஜானிஸ்ஸதீ’’தி. அத² கோ² ஆயஸ்மா ஆனந்தோ³
ஸுப⁴த்³த³ங் பரிப்³பா³ஜகங் ஏதத³வோச – ‘‘க³ச்சா²வுஸோ ஸுப⁴த்³த³, கரோதி தே
ப⁴க³வா ஓகாஸ’’ந்தி. அத² கோ² ஸுப⁴த்³தோ³ பரிப்³பா³ஜகோ யேன ப⁴க³வா
தேனுபஸங்கமி; உபஸங்கமித்வா ப⁴க³வதா ஸத்³தி⁴ங் ஸம்மோதி³, ஸம்மோத³னீயங் கத²ங்
ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ²
ஸுப⁴த்³தோ³ பரிப்³பா³ஜகோ ப⁴க³வந்தங் ஏதத³வோச – ‘‘யேமே, போ⁴ கோ³தம,
ஸமணப்³ராஹ்மணா ஸங்கி⁴னோ க³ணினோ க³ணாசரியா ஞாதா யஸஸ்ஸினோ தித்த²கரா
ஸாது⁴ஸம்மதா ப³ஹுஜனஸ்ஸ, ஸெய்யதி²த³ங் – பூரணோ
கஸ்ஸபோ, மக்க²லி கோ³ஸாலோ, அஜிதோ கேஸகம்ப³லோ, பகுதோ⁴ கச்சாயனோ, ஸஞ்சயோ
பே³லட்ட²புத்தோ, நிக³ண்டோ² நாடபுத்தோ, ஸப்³பே³தே ஸகாய படிஞ்ஞாய
அப்³ப⁴ஞ்ஞிங்ஸு, ஸப்³பே³வ ந அப்³ப⁴ஞ்ஞிங்ஸு , உதா³ஹு
ஏகச்சே அப்³ப⁴ஞ்ஞிங்ஸு, ஏகச்சே ந அப்³ப⁴ஞ்ஞிங்ஸூ’’தி? ‘‘அலங், ஸுப⁴த்³த³,
திட்ட²தேதங் – ‘ஸப்³பே³தே ஸகாய படிஞ்ஞாய அப்³ப⁴ஞ்ஞிங்ஸு, ஸப்³பே³வ ந
அப்³ப⁴ஞ்ஞிங்ஸு, உதா³ஹு ஏகச்சே அப்³ப⁴ஞ்ஞிங்ஸு, ஏகச்சே ந
அப்³ப⁴ஞ்ஞிங்ஸூ’தி. த⁴ம்மங் தே, ஸுப⁴த்³த³, தே³ஸெஸ்ஸாமி; தங் ஸுணாஹி
ஸாது⁴கங் மனஸிகரோஹி, பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² ஸுப⁴த்³தோ³
பரிப்³பா³ஜகோ ப⁴க³வதோ பச்சஸ்ஸோஸி. ப⁴க³வா ஏதத³வோச –

214. ‘‘யஸ்மிங் கோ², ஸுப⁴த்³த³, த⁴ம்மவினயே அரியோ அட்ட²ங்கி³கோ மக்³கோ³ ந உபலப்³ப⁴தி, ஸமணோபி தத்த² ந உபலப்³ப⁴தி. து³தியோபி தத்த² ஸமணோ
ந உபலப்³ப⁴தி. ததியோபி தத்த² ஸமணோ ந உபலப்³ப⁴தி. சதுத்தோ²பி தத்த² ஸமணோ ந
உபலப்³ப⁴தி. யஸ்மிஞ்ச கோ², ஸுப⁴த்³த³, த⁴ம்மவினயே அரியோ அட்ட²ங்கி³கோ
மக்³கோ³ உபலப்³ப⁴தி, ஸமணோபி தத்த² உபலப்³ப⁴தி, து³தியோபி தத்த² ஸமணோ
உபலப்³ப⁴தி, ததியோபி தத்த² ஸமணோ உபலப்³ப⁴தி, சதுத்தோ²பி தத்த² ஸமணோ
உபலப்³ப⁴தி. இமஸ்மிங் கோ², ஸுப⁴த்³த³, த⁴ம்மவினயே அரியோ அட்ட²ங்கி³கோ
மக்³கோ³ உபலப்³ப⁴தி, இதே⁴வ, ஸுப⁴த்³த³, ஸமணோ, இத⁴ து³தியோ ஸமணோ, இத⁴ ததியோ
ஸமணோ, இத⁴ சதுத்தோ² ஸமணோ, ஸுஞ்ஞா பரப்பவாதா³ ஸமணேபி⁴ அஞ்ஞேஹி [அஞ்ஞே (பீ॰)]. இமே [இதே⁴வ (க॰)], ஸுப⁴த்³த³, பி⁴க்கூ² ஸம்மா விஹரெய்யுங், அஸுஞ்ஞோ லோகோ அரஹந்தேஹி அஸ்ஸாதி.

‘‘ஏகூனதிங்ஸோ வயஸா ஸுப⁴த்³த³,

யங் பப்³ப³ஜிங் கிங்குஸலானுஏஸீ;

வஸ்ஸானி பஞ்ஞாஸ ஸமாதி⁴கானி,

யதோ அஹங் பப்³ப³ஜிதோ ஸுப⁴த்³த³.

ஞாயஸ்ஸ த⁴ம்மஸ்ஸ பதே³ஸவத்தீ,

இதோ ப³ஹித்³தா⁴ ஸமணோபி நத்தி².

‘‘து³தியோபி ஸமணோ நத்தி².
ததியோபி ஸமணோ நத்தி². சதுத்தோ²பி ஸமணோ நத்தி². ஸுஞ்ஞா பரப்பவாதா³ ஸமணேபி⁴
அஞ்ஞேஹி. இமே ச, ஸுப⁴த்³த³, பி⁴க்கூ² ஸம்மா விஹரெய்யுங், அஸுஞ்ஞோ லோகோ
அரஹந்தேஹி அஸ்ஸா’’தி.

215.
ஏவங் வுத்தே ஸுப⁴த்³தோ³ பரிப்³பா³ஜகோ ப⁴க³வந்தங் ஏதத³வோச –
‘‘அபி⁴க்கந்தங், ப⁴ந்தே, அபி⁴க்கந்தங், ப⁴ந்தே. ஸெய்யதா²பி, ப⁴ந்தே,
நிக்குஜ்ஜிதங் வா உக்குஜ்ஜெய்ய, படிச்ச²ன்னங் வா விவரெய்ய, மூள்ஹஸ்ஸ வா
மக்³க³ங் ஆசிக்கெ²ய்ய, அந்த⁴காரே வா தேலபஜ்ஜோதங் தா⁴ரெய்ய, ‘சக்கு²மந்தோ
ரூபானி த³க்க²ந்தீ’தி, ஏவமேவங் ப⁴க³வதா அனேகபரியாயேன த⁴ம்மோ பகாஸிதோ.
ஏஸாஹங், ப⁴ந்தே, ப⁴க³வந்தங் ஸரணங் க³ச்சா²மி த⁴ம்மஞ்ச பி⁴க்கு²ஸங்க⁴ஞ்ச.
லபெ⁴ய்யாஹங், ப⁴ந்தே, ப⁴க³வதோ ஸந்திகே பப்³ப³ஜ்ஜங், லபெ⁴ய்யங்
உபஸம்பத³’’ந்தி. ‘‘யோ கோ², ஸுப⁴த்³த³, அஞ்ஞதித்தி²யபுப்³போ³ இமஸ்மிங்
த⁴ம்மவினயே ஆகங்க²தி பப்³ப³ஜ்ஜங், ஆகங்க²தி உபஸம்பத³ங், ஸோ சத்தாரோ
மாஸே பரிவஸதி. சதுன்னங் மாஸானங் அச்சயேன ஆரத்³த⁴சித்தா பி⁴க்கூ²
பப்³பா³ஜெந்தி உபஸம்பாதெ³ந்தி பி⁴க்கு²பா⁴வாய. அபி ச மெத்த²
புக்³க³லவேமத்ததா விதி³தா’’தி. ‘‘ஸசே, ப⁴ந்தே, அஞ்ஞதித்தி²யபுப்³பா³
இமஸ்மிங் த⁴ம்மவினயே ஆகங்க²ந்தா பப்³ப³ஜ்ஜங் ஆகங்க²ந்தா உபஸம்பத³ங் சத்தாரோ
மாஸே பரிவஸந்தி, சதுன்னங் மாஸானங் அச்சயேன ஆரத்³த⁴சித்தா பி⁴க்கூ²
பப்³பா³ஜெந்தி உபஸம்பாதெ³ந்தி பி⁴க்கு²பா⁴வாய. அஹங் சத்தாரி வஸ்ஸானி
பரிவஸிஸ்ஸாமி, சதுன்னங் வஸ்ஸானங் அச்சயேன ஆரத்³த⁴சித்தா பி⁴க்கூ²
பப்³பா³ஜெந்து உபஸம்பாதெ³ந்து பி⁴க்கு²பா⁴வாயா’’தி.

அத² கோ² ப⁴க³வா ஆயஸ்மந்தங் ஆனந்த³ங் ஆமந்தேஸி –
‘‘தேனஹானந்த³, ஸுப⁴த்³த³ங் பப்³பா³ஜேஹீ’’தி. ‘‘ஏவங், ப⁴ந்தே’’தி கோ² ஆயஸ்மா
ஆனந்தோ³ ப⁴க³வதோ பச்சஸ்ஸோஸி. அத² கோ² ஸுப⁴த்³தோ³ பரிப்³பா³ஜகோ ஆயஸ்மந்தங் ஆனந்த³ங் ஏதத³வோச – ‘‘லாபா⁴ வோ, ஆவுஸோ ஆனந்த³; ஸுலத்³த⁴ங் வோ, ஆவுஸோ ஆனந்த³, யே எத்த² ஸத்து² [ஸத்தா²ரா (ஸ்யா॰)] ஸம்முகா² அந்தேவாஸிகாபி⁴ஸேகேன அபி⁴ஸித்தா’’தி. அலத்த²
கோ² ஸுப⁴த்³தோ³ பரிப்³பா³ஜகோ ப⁴க³வதோ ஸந்திகே பப்³ப³ஜ்ஜங், அலத்த²
உபஸம்பத³ங். அசிரூபஸம்பன்னோ கோ² பனாயஸ்மா ஸுப⁴த்³தோ³ ஏகோ வூபகட்டோ²
அப்பமத்தோ ஆதாபீ பஹிதத்தோ விஹரந்தோ நசிரஸ்ஸேவ – ‘யஸ்ஸத்தா²ய குலபுத்தா
ஸம்மதே³வ அகா³ரஸ்மா அனகா³ரியங் பப்³ப³ஜந்தி’ தத³னுத்தரங்
ப்³ரஹ்மசரியபரியோஸானங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா
உபஸம்பஜ்ஜ விஹாஸி. ‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங்,
நாபரங் இத்த²த்தாயா’தி அப்³ப⁴ஞ்ஞாஸி. அஞ்ஞதரோ கோ² பனாயஸ்மா ஸுப⁴த்³தோ³ அரஹதங் அஹோஸி. ஸோ ப⁴க³வதோ பச்சி²மோ ஸக்கி²ஸாவகோ அஹோஸீதி.

பஞ்சமோ பா⁴ணவாரோ.

ததா²க³தபச்சி²மவாசா

216. அத²
கோ² ப⁴க³வா ஆயஸ்மந்தங் ஆனந்த³ங் ஆமந்தேஸி – ‘‘ஸியா கோ² பனானந்த³,
தும்ஹாகங் ஏவமஸ்ஸ – ‘அதீதஸத்து²கங் பாவசனங், நத்தி² நோ ஸத்தா²’தி. ந கோ²
பனேதங், ஆனந்த³, ஏவங் த³ட்ட²ப்³ப³ங். யோ வோ, ஆனந்த³, மயா த⁴ம்மோ ச வினயோ
ச தே³ஸிதோ பஞ்ஞத்தோ, ஸோ வோ மமச்சயேன ஸத்தா². யதா² கோ² பனானந்த³, ஏதரஹி
பி⁴க்கூ² அஞ்ஞமஞ்ஞங் ஆவுஸோவாதே³ன ஸமுதா³சரந்தி, ந கோ² மமச்சயேன ஏவங்
ஸமுதா³சரிதப்³ப³ங். தே²ரதரேன, ஆனந்த³, பி⁴க்கு²னா நவகதரோ பி⁴க்கு² நாமேன வா
கொ³த்தேன வா ஆவுஸோவாதே³ன வா ஸமுதா³சரிதப்³போ³. நவகதரேன பி⁴க்கு²னா தே²ரதரோ
பி⁴க்கு² ‘ப⁴ந்தே’தி வா ‘ஆயஸ்மா’தி வா ஸமுதா³சரிதப்³போ³. ஆகங்க²மானோ,
ஆனந்த³, ஸங்கோ⁴ மமச்சயேன கு²த்³தா³னுகு²த்³த³கானி ஸிக்கா²பதா³னி ஸமூஹனது.
ச²ன்னஸ்ஸ, ஆனந்த³, பி⁴க்கு²னோ மமச்சயேன ப்³ரஹ்மத³ண்டோ³ தா³தப்³போ³’’தி.
‘‘கதமோ பன, ப⁴ந்தே, ப்³ரஹ்மத³ண்டோ³’’தி? ‘‘ச²ன்னோ, ஆனந்த³, பி⁴க்கு² யங்
இச்செ²ய்ய, தங் வதெ³ய்ய. ஸோ பி⁴க்கூ²ஹி நேவ வத்தப்³போ³, ந ஓவதி³தப்³போ³, ந
அனுஸாஸிதப்³போ³’’தி.

217.
அத² கோ² ப⁴க³வா பி⁴க்கூ² ஆமந்தேஸி – ‘‘ஸியா கோ² பன, பி⁴க்க²வே,
ஏகபி⁴க்கு²ஸ்ஸாபி கங்கா² வா விமதி வா பு³த்³தே⁴ வா த⁴ம்மே வா ஸங்கே⁴ வா
மக்³கே³ வா படிபதா³ய வா, புச்ச²த², பி⁴க்க²வே, மா பச்சா² விப்படிஸாரினோ அஹுவத்த² – ‘ஸம்முகீ²பூ⁴தோ நோ ஸத்தா² அஹோஸி ,
ந மயங் ஸக்கி²ம்ஹா ப⁴க³வந்தங் ஸம்முகா² படிபுச்சி²து’’’ ந்தி. ஏவங் வுத்தே
தே பி⁴க்கூ² துண்ஹீ அஹேஸுங். து³தியம்பி கோ² ப⁴க³வா…பே॰… ததியம்பி கோ²
ப⁴க³வா பி⁴க்கூ² ஆமந்தேஸி – ‘‘ஸியா கோ² பன, பி⁴க்க²வே, ஏகபி⁴க்கு²ஸ்ஸாபி
கங்கா² வா விமதி வா பு³த்³தே⁴ வா த⁴ம்மே வா ஸங்கே⁴ வா மக்³கே³ வா படிபதா³ய
வா, புச்ச²த², பி⁴க்க²வே, மா பச்சா² விப்படிஸாரினோ அஹுவத்த² –
‘ஸம்முகீ²பூ⁴தோ நோ ஸத்தா² அஹோஸி , ந மயங் ஸக்கி²ம்ஹா
ப⁴க³வந்தங் ஸம்முகா² படிபுச்சி²து’’’ ந்தி. ததியம்பி கோ² தே பி⁴க்கூ²
துண்ஹீ அஹேஸுங். அத² கோ² ப⁴க³வா பி⁴க்கூ² ஆமந்தேஸி – ‘‘ஸியா கோ² பன,
பி⁴க்க²வே, ஸத்து²கா³ரவேனபி ந புச்செ²ய்யாத². ஸஹாயகோபி, பி⁴க்க²வே,
ஸஹாயகஸ்ஸ ஆரோசேதூ’’தி. ஏவங் வுத்தே தே பி⁴க்கூ² துண்ஹீ அஹேஸுங். அத² கோ²
ஆயஸ்மா ஆனந்தோ³ ப⁴க³வந்தங் ஏதத³வோச – ‘‘அச்ச²ரியங், ப⁴ந்தே, அப்³பு⁴தங்,
ப⁴ந்தே, ஏவங் பஸன்னோ அஹங், ப⁴ந்தே, இமஸ்மிங் பி⁴க்கு²ஸங்கே⁴, ‘நத்தி²
ஏகபி⁴க்கு²ஸ்ஸாபி கங்கா² வா விமதி வா பு³த்³தே⁴ வா த⁴ம்மே வா ஸங்கே⁴ வா
மக்³கே³ வா படிபதா³ய வா’’’தி. ‘‘பஸாதா³ கோ² த்வங், ஆனந்த³, வதே³ஸி, ஞாணமேவ
ஹெத்த², ஆனந்த³, ததா²க³தஸ்ஸ. நத்தி² இமஸ்மிங் பி⁴க்கு²ஸங்கே⁴
ஏகபி⁴க்கு²ஸ்ஸாபி கங்கா² வா விமதி வா பு³த்³தே⁴ வா த⁴ம்மே வா ஸங்கே⁴ வா
மக்³கே³ வா படிபதா³ய வா. இமேஸஞ்ஹி, ஆனந்த³, பஞ்சன்னங் பி⁴க்கு²ஸதானங் யோ
பச்சி²மகோ பி⁴க்கு², ஸோ ஸோதாபன்னோ அவினிபாதத⁴ம்மோ நியதோ
ஸம்போ³தி⁴பராயணோ’’தி.

218. அத² கோ² ப⁴க³வா பி⁴க்கூ² ஆமந்தேஸி – ‘‘ஹந்த³ தா³னி, பி⁴க்க²வே, ஆமந்தயாமி வோ, வயத⁴ம்மா ஸங்கா²ரா அப்பமாதே³ன ஸம்பாதே³தா²’’தி. அயங் ததா²க³தஸ்ஸ பச்சி²மா வாசா.

பரினிப்³பு³தகதா²

219.
அத² கோ² ப⁴க³வா பட²மங் ஜா²னங் ஸமாபஜ்ஜி, பட²மஜ்ஜா²னா வுட்ட²ஹித்வா
து³தியங் ஜா²னங் ஸமாபஜ்ஜி, து³தியஜ்ஜா²னா வுட்ட²ஹித்வா ததியங் ஜா²னங்
ஸமாபஜ்ஜி, ததியஜ்ஜா²னா வுட்ட²ஹித்வா சதுத்த²ங் ஜா²னங் ஸமாபஜ்ஜி.
சதுத்த²ஜ்ஜா²னா வுட்ட²ஹித்வா ஆகாஸானஞ்சாயதனங் ஸமாபஜ்ஜி,
ஆகாஸானஞ்சாயதனஸமாபத்தியா வுட்ட²ஹித்வா விஞ்ஞாணஞ்சாயதனங் ஸமாபஜ்ஜி,
விஞ்ஞாணஞ்சாயதனஸமாபத்தியா வுட்ட²ஹித்வா ஆகிஞ்சஞ்ஞாயதனங் ஸமாபஜ்ஜி,
ஆகிஞ்சஞ்ஞாயதனஸமாபத்தியா வுட்ட²ஹித்வா நேவஸஞ்ஞானாஸஞ்ஞாயதனங் ஸமாபஜ்ஜி,
நேவஸஞ்ஞானாஸஞ்ஞாயதனஸமாபத்தியா வுட்ட²ஹித்வா ஸஞ்ஞாவேத³யிதனிரோத⁴ங் ஸமாபஜ்ஜி.

அத² கோ² ஆயஸ்மா ஆனந்தோ³ ஆயஸ்மந்தங் அனுருத்³த⁴ங் ஏதத³வோச – ‘‘பரினிப்³பு³தோ, ப⁴ந்தே அனுருத்³த⁴ , ப⁴க³வா’’தி. ‘‘நாவுஸோ ஆனந்த³, ப⁴க³வா பரினிப்³பு³தோ, ஸஞ்ஞாவேத³யிதனிரோத⁴ங் ஸமாபன்னோ’’தி.

அத² கோ² ப⁴க³வா ஸஞ்ஞாவேத³யிதனிரோத⁴ஸமாபத்தியா
வுட்ட²ஹித்வா நேவஸஞ்ஞானாஸஞ்ஞாயதனங் ஸமாபஜ்ஜி, நேவஸஞ்ஞானாஸஞ்ஞாயதனஸமாபத்தியா
வுட்ட²ஹித்வா ஆகிஞ்சஞ்ஞாயதனங் ஸமாபஜ்ஜி, ஆகிஞ்சஞ்ஞாயதனஸமாபத்தியா
வுட்ட²ஹித்வா விஞ்ஞாணஞ்சாயதனங் ஸமாபஜ்ஜி, விஞ்ஞாணஞ்சாயதனஸமாபத்தியா
வுட்ட²ஹித்வா ஆகாஸானஞ்சாயதனங் ஸமாபஜ்ஜி, ஆகாஸானஞ்சாயதனஸமாபத்தியா
வுட்ட²ஹித்வா சதுத்த²ங் ஜா²னங் ஸமாபஜ்ஜி,
சதுத்த²ஜ்ஜா²னா வுட்ட²ஹித்வா ததியங் ஜா²னங் ஸமாபஜ்ஜி, ததியஜ்ஜா²னா
வுட்ட²ஹித்வா து³தியங் ஜா²னங் ஸமாபஜ்ஜி, து³தியஜ்ஜா²னா வுட்ட²ஹித்வா பட²மங்
ஜா²னங் ஸமாபஜ்ஜி, பட²மஜ்ஜா²னா வுட்ட²ஹித்வா து³தியங் ஜா²னங் ஸமாபஜ்ஜி,
து³தியஜ்ஜா²னா வுட்ட²ஹித்வா ததியங் ஜா²னங் ஸமாபஜ்ஜி, ததியஜ்ஜா²னா
வுட்ட²ஹித்வா சதுத்த²ங் ஜா²னங் ஸமாபஜ்ஜி, சதுத்த²ஜ்ஜா²னா வுட்ட²ஹித்வா
ஸமனந்தரா ப⁴க³வா பரினிப்³பா³யி.

220. பரினிப்³பு³தே ப⁴க³வதி ஸஹ பரினிப்³பா³னா மஹாபூ⁴மிசாலோ அஹோஸி பி⁴ங்ஸனகோ ஸலோமஹங்ஸோ. தே³வது³ந்து³பி⁴யோ ச ப²லிங்ஸு. பரினிப்³பு³தே ப⁴க³வதி ஸஹ பரினிப்³பா³னா ப்³ரஹ்மாஸஹம்பதி இமங் கா³த²ங் அபா⁴ஸி –

‘‘ஸப்³பே³வ நிக்கி²பிஸ்ஸந்தி, பூ⁴தா லோகே ஸமுஸ்ஸயங்;

யத்த² ஏதாதி³ஸோ ஸத்தா², லோகே அப்படிபுக்³க³லோ;

ததா²க³தோ ப³லப்பத்தோ, ஸம்பு³த்³தோ⁴ பரினிப்³பு³தோ’’தி.

221. பரினிப்³பு³தே ப⁴க³வதி ஸஹ பரினிப்³பா³னா ஸக்கோ தே³வானமிந்தோ³ இமங் கா³த²ங் அபா⁴ஸி –

‘‘அனிச்சா வத ஸங்கா²ரா, உப்பாத³வயத⁴ம்மினோ;

உப்பஜ்ஜித்வா நிருஜ்ஜ²ந்தி, தேஸங் வூபஸமோ ஸுகோ²’’தி.

222. பரினிப்³பு³தே ப⁴க³வதி ஸஹ பரினிப்³பா³னா ஆயஸ்மா அனுருத்³தோ⁴ இமா கா³தா²யோ அபா⁴ஸி –

‘‘நாஹு அஸ்ஸாஸபஸ்ஸாஸோ, டி²தசித்தஸ்ஸ தாதி³னோ;

அனேஜோ ஸந்திமாரப்³ப⁴, யங் காலமகரீ முனி.

‘‘அஸல்லீனேன சித்தேன, வேத³னங் அஜ்ஜ²வாஸயி;

பஜ்ஜோதஸ்ஸேவ நிப்³பா³னங், விமொக்கோ² சேதஸோ அஹூ’’தி.

223. பரினிப்³பு³தே ப⁴க³வதி ஸஹ பரினிப்³பா³னா ஆயஸ்மா ஆனந்தோ³ இமங் கா³த²ங் அபா⁴ஸி –

‘‘ததா³ஸி யங் பி⁴ங்ஸனகங், ததா³ஸி லோமஹங்ஸனங்;

ஸப்³பா³காரவரூபேதே, ஸம்பு³த்³தே⁴ பரினிப்³பு³தே’’தி.

224.
பரினிப்³பு³தே ப⁴க³வதி யே தே தத்த² பி⁴க்கூ² அவீதராகா³ அப்பேகச்சே பா³ஹா
பக்³க³ய்ஹ கந்த³ந்தி, சி²ன்னபாதங் பபதந்தி, ஆவட்டந்தி விவட்டந்தி,
‘‘அதிகி²ப்பங் ப⁴க³வா பரினிப்³பு³தோ , அதிகி²ப்பங்
ஸுக³தோ பரினிப்³பு³தோ, அதிகி²ப்பங் சக்கு²ங் லோகே அந்தரஹிதோ’’தி. யே பன தே
பி⁴க்கூ² வீதராகா³, தே ஸதா ஸம்பஜானா அதி⁴வாஸெந்தி – ‘‘அனிச்சா ஸங்கா²ரா,
தங் குதெத்த² லப்³பா⁴’’தி.

225.
அத² கோ² ஆயஸ்மா அனுருத்³தோ⁴ பி⁴க்கூ² ஆமந்தேஸி – ‘‘அலங், ஆவுஸோ, மா
ஸோசித்த² மா பரிதே³வித்த². நனு ஏதங், ஆவுஸோ, ப⁴க³வதா படிகச்சேவ அக்கா²தங் –
‘ஸப்³பே³ஹேவ பியேஹி மனாபேஹி நானாபா⁴வோ வினாபா⁴வோ அஞ்ஞதா²பா⁴வோ’. தங்
குதெத்த², ஆவுஸோ, லப்³பா⁴. ‘யங் தங் ஜாதங் பூ⁴தங் ஸங்க²தங் பலோகத⁴ம்மங்,
தங் வத மா பலுஜ்ஜீ’தி, நேதங் டா²னங் விஜ்ஜதி . தே³வதா, ஆவுஸோ, உஜ்ஜா²யந்தீ’’தி. ‘‘கத²ங்பூ⁴தா பன, ப⁴ந்தே, ஆயஸ்மா அனுருத்³தோ⁴ தே³வதா மனஸி கரோதீ’’தி [ப⁴ந்தே அனுருத்³த⁴ தே³வதா மனஸி கரொந்தீதி (ஸ்யா॰ க॰)]?

‘‘ஸந்தாவுஸோ ஆனந்த³, தே³வதா ஆகாஸே பத²வீஸஞ்ஞினியோ கேஸே
பகிரிய கந்த³ந்தி, பா³ஹா பக்³க³ய்ஹ கந்த³ந்தி, சி²ன்னபாதங் பபதந்தி,
ஆவட்டந்தி, விவட்டந்தி – ‘அதிகி²ப்பங் ப⁴க³வா பரினிப்³பு³தோ, அதிகி²ப்பங்
ஸுக³தோ பரினிப்³பு³தோ, அதிகி²ப்பங் சக்கு²ங் லோகே அந்தரஹிதோ’தி. ஸந்தாவுஸோ
ஆனந்த³, தே³வதா பத²வியா பத²வீஸஞ்ஞினியோ கேஸே பகிரிய கந்த³ந்தி, பா³ஹா
பக்³க³ய்ஹ கந்த³ந்தி, சி²ன்னபாதங் பபதந்தி, ஆவட்டந்தி, விவட்டந்தி –
‘அதிகி²ப்பங் ப⁴க³வா பரினிப்³பு³தோ , அதிகி²ப்பங்
ஸுக³தோ பரினிப்³பு³தோ, அதிகி²ப்பங் சக்கு²ங் லோகே அந்தரஹிதோ’தி. யா பன தா
தே³வதா வீதராகா³, தா ஸதா ஸம்பஜானா அதி⁴வாஸெந்தி – ‘அனிச்சா ஸங்கா²ரா, தங்
குதெத்த² லப்³பா⁴’தி. அத² கோ² ஆயஸ்மா ச அனுருத்³தோ⁴ ஆயஸ்மா ச ஆனந்தோ³ தங்
ரத்தாவஸேஸங் த⁴ம்மியா கதா²ய வீதினாமேஸுங்.

226.
அத² கோ² ஆயஸ்மா அனுருத்³தோ⁴ ஆயஸ்மந்தங் ஆனந்த³ங் ஆமந்தேஸி – ‘‘க³ச்சா²வுஸோ
ஆனந்த³, குஸினாரங் பவிஸித்வா கோஸினாரகானங் மல்லானங் ஆரோசேஹி –
‘பரினிப்³பு³தோ, வாஸெட்டா², ப⁴க³வா, யஸ்ஸதா³னி காலங் மஞ்ஞதா²’’’தி. ‘‘ஏவங்,
ப⁴ந்தே’’தி கோ² ஆயஸ்மா ஆனந்தோ³ ஆயஸ்மதோ அனுருத்³த⁴ஸ்ஸ படிஸ்ஸுத்வா
புப்³ப³ண்ஹஸமயங் நிவாஸெத்வா பத்தசீவரமாதா³ய அத்தது³தியோ குஸினாரங் பாவிஸி.
தேன கோ² பன ஸமயேன கோஸினாரகா மல்லா ஸந்தா⁴கா³ரே
ஸன்னிபதிதா ஹொந்தி தேனேவ கரணீயேன. அத² கோ² ஆயஸ்மா ஆனந்தோ³ யேன கோஸினாரகானங்
மல்லானங் ஸந்தா⁴கா³ரங் தேனுபஸங்கமி; உபஸங்கமித்வா
கோஸினாரகானங் மல்லானங் ஆரோசேஸி – ‘பரினிப்³பு³தோ, வாஸெட்டா², ப⁴க³வா,
யஸ்ஸதா³னி காலங் மஞ்ஞதா²’தி. இத³மாயஸ்மதோ ஆனந்த³ஸ்ஸ வசனங் ஸுத்வா மல்லா ச
மல்லபுத்தா ச மல்லஸுணிஸா ச மல்லபஜாபதியோ ச அகா⁴வினோ து³ம்மனா
சேதோது³க்க²ஸமப்பிதா அப்பேகச்சே கேஸே பகிரிய கந்த³ந்தி, பா³ஹா பக்³க³ய்ஹ
கந்த³ந்தி, சி²ன்னபாதங் பபதந்தி, ஆவட்டந்தி, விவட்டந்தி – ‘‘அதிகி²ப்பங்
ப⁴க³வா பரினிப்³பு³தோ, அதிகி²ப்பங் ஸுக³தோ பரினிப்³பு³தோ, அதிகி²ப்பங்
சக்கு²ங் லோகே அந்தரஹிதோ’’தி.

பு³த்³த⁴ஸரீரபூஜா

227. அத²
கோ² கோஸினாரகா மல்லா புரிஸே ஆணாபேஸுங் – ‘‘தேன ஹி, ப⁴ணே, குஸினாராயங்
க³ந்த⁴மாலஞ்ச ஸப்³ப³ஞ்ச தாளாவசரங் ஸன்னிபாதேதா²’’தி. அத² கோ² கோஸினாரகா
மல்லா க³ந்த⁴மாலஞ்ச ஸப்³ப³ஞ்ச தாளாவசரங் பஞ்ச ச து³ஸ்ஸயுக³ஸதானி ஆதா³ய யேன
உபவத்தனங் மல்லானங் ஸாலவனங், யேன ப⁴க³வதோ ஸரீரங் தேனுபஸங்கமிங்ஸு;
உபஸங்கமித்வா ப⁴க³வதோ ஸரீரங் நச்சேஹி கீ³தேஹி வாதி³தேஹி மாலேஹி க³ந்தே⁴ஹி
ஸக்கரொந்தா க³ருங் கரொந்தா மானெந்தா பூஜெந்தா சேலவிதானானி கரொந்தா
மண்ட³லமாளே படியாதெ³ந்தா ஏகதி³வஸங் வீதினாமேஸுங்.

அத² கோ² கோஸினாரகானங் மல்லானங் ஏதத³ஹோஸி – ‘‘அதிவிகாலோ
கோ² அஜ்ஜ ப⁴க³வதோ ஸரீரங் ஜா²பேதுங், ஸ்வே தா³னி மயங் ப⁴க³வதோ ஸரீரங்
ஜா²பெஸ்ஸாமா’’தி. அத² கோ² கோஸினாரகா மல்லா ப⁴க³வதோ ஸரீரங் நச்சேஹி கீ³தேஹி
வாதி³தேஹி மாலேஹி க³ந்தே⁴ஹி ஸக்கரொந்தா க³ருங் கரொந்தா மானெந்தா பூஜெந்தா சேலவிதானானி கரொந்தா மண்ட³லமாளே படியாதெ³ந்தா து³தியம்பி தி³வஸங் வீதினாமேஸுங், ததியம்பி தி³வஸங் வீதினாமேஸுங், சதுத்த²ம்பி தி³வஸங் வீதினாமேஸுங், பஞ்சமம்பி தி³வஸங் வீதினாமேஸுங், ச²ட்ட²ம்பி தி³வஸங் வீதினாமேஸுங்.

அத² கோ² ஸத்தமங் தி³வஸங் கோஸினாரகானங் மல்லானங்
ஏதத³ஹோஸி – ‘‘மயங் ப⁴க³வதோ ஸரீரங் நச்சேஹி கீ³தேஹி வாதி³தேஹி மாலேஹி
க³ந்தே⁴ஹி ஸக்கரொந்தா க³ருங் கரொந்தா மானெந்தா பூஜெந்தா த³க்கி²ணேன
த³க்கி²ணங் நக³ரஸ்ஸ ஹரித்வா பா³ஹிரேன பா³ஹிரங் த³க்கி²ணதோ நக³ரஸ்ஸ ப⁴க³வதோ
ஸரீரங் ஜா²பெஸ்ஸாமா’’தி.

228.
தேன கோ² பன ஸமயேன அட்ட² மல்லபாமொக்கா² ஸீஸங்ன்ஹாதா அஹதானி வத்தா²னி
நிவத்தா² ‘‘மயங் ப⁴க³வதோ ஸரீரங் உச்சாரெஸ்ஸாமா’’தி ந ஸக்கொந்தி
உச்சாரேதுங். அத² கோ² கோஸினாரகா மல்லா ஆயஸ்மந்தங் அனுருத்³த⁴ங் ஏதத³வோசுங் –
‘‘கோ நு கோ², ப⁴ந்தே அனுருத்³த⁴, ஹேது கோ பச்சயோ, யேனிமே அட்ட²
மல்லபாமொக்கா² ஸீஸங்ன்ஹாதா அஹதானி வத்தா²னி நிவத்தா² ‘மயங் ப⁴க³வதோ ஸரீரங்
உச்சாரெஸ்ஸாமா’தி ந ஸக்கொந்தி உச்சாரேது’’ந்தி? ‘‘அஞ்ஞதா² கோ², வாஸெட்டா²,
தும்ஹாகங் அதி⁴ப்பாயோ, அஞ்ஞதா² தே³வதானங் அதி⁴ப்பாயோ’’தி. ‘‘கத²ங் பன,
ப⁴ந்தே, தே³வதானங் அதி⁴ப்பாயோ’’தி? ‘‘தும்ஹாகங் கோ², வாஸெட்டா², அதி⁴ப்பாயோ
– ‘மயங் ப⁴க³வதோ ஸரீரங் நச்சேஹி கீ³தேஹி வாதி³தேஹி மாலேஹி க³ந்தே⁴ஹி
ஸக்கரொந்தா க³ருங் கரொந்தா மானெந்தா பூஜெந்தா த³க்கி²ணேன த³க்கி²ணங்
நக³ரஸ்ஸ ஹரித்வா பா³ஹிரேன பா³ஹிரங் த³க்கி²ணதோ நக³ரஸ்ஸ ப⁴க³வதோ ஸரீரங்
ஜா²பெஸ்ஸாமா’தி; தே³வதானங் கோ², வாஸெட்டா², அதி⁴ப்பாயோ – ‘மயங் ப⁴க³வதோ
ஸரீரங் தி³ப்³பே³ஹி நச்சேஹி கீ³தேஹி வாதி³தேஹி
க³ந்தே⁴ஹி ஸக்கரொந்தா க³ருங் கரொந்தா மானெந்தா பூஜெந்தா உத்தரேன உத்தரங்
நக³ரஸ்ஸ ஹரித்வா உத்தரேன த்³வாரேன நக³ரங் பவேஸெத்வா மஜ்ஜே²ன மஜ்ஜ²ங்
நக³ரஸ்ஸ ஹரித்வா புரத்தி²மேன த்³வாரேன நிக்க²மித்வா புரத்தி²மதோ நக³ரஸ்ஸ
மகுடப³ந்த⁴னங் நாம மல்லானங் சேதியங் எத்த² ப⁴க³வதோ ஸரீரங் ஜா²பெஸ்ஸாமா’தி.
‘‘யதா², ப⁴ந்தே, தே³வதானங் அதி⁴ப்பாயோ, ததா² ஹோதூ’’தி.

229. தேன கோ² பன ஸமயேன குஸினாரா யாவ ஸந்தி⁴ஸமலஸங்கடீரா ஜண்ணுமத்தேன ஓதி⁴னா மந்தா³ரவபுப்பே²ஹி ஸந்த²தா [ஸண்டி²தா (ஸ்யா॰)] ஹோதி. அத² கோ² தே³வதா ச கோஸினாரகா ச மல்லா ப⁴க³வதோ ஸரீரங் தி³ப்³பே³ஹி ச மானுஸகேஹி ச நச்சேஹி
கீ³தேஹி வாதி³தேஹி மாலேஹி க³ந்தே⁴ஹி ஸக்கரொந்தா க³ருங் கரொந்தா மானெந்தா
பூஜெந்தா உத்தரேன உத்தரங் நக³ரஸ்ஸ ஹரித்வா உத்தரேன த்³வாரேன நக³ரங்
பவேஸெத்வா மஜ்ஜே²ன மஜ்ஜ²ங் நக³ரஸ்ஸ ஹரித்வா புரத்தி²மேன த்³வாரேன
நிக்க²மித்வா புரத்தி²மதோ நக³ரஸ்ஸ மகுடப³ந்த⁴னங் நாம மல்லானங் சேதியங்
எத்த² ச ப⁴க³வதோ ஸரீரங் நிக்கி²பிங்ஸு.

230. அத²
கோ² கோஸினாரகா மல்லா ஆயஸ்மந்தங் ஆனந்த³ங் ஏதத³வோசுங் – ‘‘கத²ங் மயங்,
ப⁴ந்தே ஆனந்த³, ததா²க³தஸ்ஸ ஸரீரே படிபஜ்ஜாமா’’தி? ‘‘யதா² கோ², வாஸெட்டா²,
ரஞ்ஞோ சக்கவத்திஸ்ஸ ஸரீரே படிபஜ்ஜந்தி, ஏவங் ததா²க³தஸ்ஸ ஸரீரே
படிபஜ்ஜிதப்³ப³’’ந்தி. ‘‘கத²ங் பன, ப⁴ந்தே ஆனந்த³, ரஞ்ஞோ சக்கவத்திஸ்ஸ
ஸரீரே படிபஜ்ஜந்தீ’’தி? ‘‘ரஞ்ஞோ, வாஸெட்டா², சக்கவத்திஸ்ஸ ஸரீரங் அஹதேன
வத்தே²ன வேடெ²ந்தி, அஹதேன வத்தே²ன வேடெ²த்வா விஹதேன கப்பாஸேன வேடெ²ந்தி,
விஹதேன கப்பாஸேன வேடெ²த்வா அஹதேன வத்தே²ன
வேடெ²ந்தி. ஏதேன உபாயேன பஞ்சஹி யுக³ஸதேஹி ரஞ்ஞோ சக்கவத்திஸ்ஸ ஸரீரங்
வேடெ²த்வா ஆயஸாய தேலதோ³ணியா பக்கி²பித்வா அஞ்ஞிஸ்ஸா ஆயஸாய தோ³ணியா
படிகுஜ்ஜித்வா ஸப்³ப³க³ந்தா⁴னங் சிதகங் கரித்வா ரஞ்ஞோ சக்கவத்திஸ்ஸ ஸரீரங்
ஜா²பெந்தி. சாதுமஹாபதே² ரஞ்ஞோ சக்கவத்திஸ்ஸ தூ²பங் கரொந்தி .
ஏவங் கோ², வாஸெட்டா², ரஞ்ஞோ சக்கவத்திஸ்ஸ ஸரீரே படிபஜ்ஜந்தி. யதா² கோ²,
வாஸெட்டா², ரஞ்ஞோ சக்கவத்திஸ்ஸ ஸரீரே படிபஜ்ஜந்தி, ஏவங் ததா²க³தஸ்ஸ ஸரீரே
படிபஜ்ஜிதப்³ப³ங். சாதுமஹாபதே² ததா²க³தஸ்ஸ தூ²போ காதப்³போ³. தத்த² யே மாலங்
வா க³ந்த⁴ங் வா சுண்ணகங் வா ஆரோபெஸ்ஸந்தி வா அபி⁴வாதெ³ஸ்ஸந்தி வா சித்தங்
வா பஸாதெ³ஸ்ஸந்தி, தேஸங் தங் ப⁴விஸ்ஸதி தீ³க⁴ரத்தங் ஹிதாய ஸுகா²யா’’தி. அத²
கோ² கோஸினாரகா மல்லா புரிஸே ஆணாபேஸுங் – ‘‘தேன ஹி, ப⁴ணே, மல்லானங் விஹதங்
கப்பாஸங் ஸன்னிபாதேதா²’’தி.

அத² கோ² கோஸினாரகா மல்லா ப⁴க³வதோ ஸரீரங் அஹதேன வத்தே²ன
வேடெ²த்வா விஹதேன கப்பாஸேன வேடே²ஸுங், விஹதேன கப்பாஸேன வேடெ²த்வா அஹதேன
வத்தே²ன வேடே²ஸுங். ஏதேன உபாயேன பஞ்சஹி யுக³ஸதேஹி
ப⁴க³வதோ ஸரீரங் வேடெ²த்வா ஆயஸாய தேலதோ³ணியா பக்கி²பித்வா அஞ்ஞிஸ்ஸா ஆயஸாய
தோ³ணியா படிகுஜ்ஜித்வா ஸப்³ப³க³ந்தா⁴னங் சிதகங் கரித்வா ப⁴க³வதோ ஸரீரங்
சிதகங் ஆரோபேஸுங்.

மஹாகஸ்ஸபத்தே²ரவத்து²

231. தேன கோ² பன ஸமயேன ஆயஸ்மா மஹாகஸ்ஸபோ பாவாய குஸினாரங் அத்³தா⁴னமக்³க³ப்படிப்பன்னோ ஹோதி மஹதா பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி
பி⁴க்கு²ஸதேஹி. அத² கோ² ஆயஸ்மா மஹாகஸ்ஸபோ மக்³கா³ ஓக்கம்ம அஞ்ஞதரஸ்மிங்
ருக்க²மூலே நிஸீதி³. தேன கோ² பன ஸமயேன அஞ்ஞதரோ ஆஜீவகோ குஸினாராய
மந்தா³ரவபுப்ப²ங் க³ஹெத்வா பாவங் அத்³தா⁴னமக்³க³ப்படிப்பன்னோ ஹோதி.
அத்³த³ஸா கோ² ஆயஸ்மா மஹாகஸ்ஸபோ தங் ஆஜீவகங் தூ³ரதோவ ஆக³ச்ச²ந்தங், தி³ஸ்வா
தங் ஆஜீவகங் ஏதத³வோச – ‘‘அபாவுஸோ, அம்ஹாகங் ஸத்தா²ரங் ஜானாஸீ’’தி?
‘‘ஆமாவுஸோ, ஜானாமி, அஜ்ஜ ஸத்தாஹபரினிப்³பு³தோ ஸமணோ கோ³தமோ. ததோ மே இத³ங்
மந்தா³ரவபுப்ப²ங் க³ஹித’’ந்தி. தத்த² யே தே
பி⁴க்கூ² அவீதராகா³ அப்பேகச்சே பா³ஹா பக்³க³ய்ஹ கந்த³ந்தி, சி²ன்னபாதங்
பபதந்தி, ஆவட்டந்தி, விவட்டந்தி – ‘‘அதிகி²ப்பங் ப⁴க³வா பரினிப்³பு³தோ,
அதிகி²ப்பங் ஸுக³தோ பரினிப்³பு³தோ, அதிகி²ப்பங் சக்கு²ங் லோகே
அந்தரஹிதோ’’தி. யே பன தே பி⁴க்கூ² வீதராகா³, தே ஸதா ஸம்பஜானா அதி⁴வாஸெந்தி –
‘‘அனிச்சா ஸங்கா²ரா, தங் குதெத்த² லப்³பா⁴’’தி.

232. தேன கோ² பன ஸமயேன ஸுப⁴த்³தோ³ நாம வுத்³த⁴பப்³ப³ஜிதோ தஸ்ஸங் பரிஸாயங் நிஸின்னோ ஹோதி. அத² கோ² ஸுப⁴த்³தோ³ வுத்³த⁴பப்³ப³ஜிதோ தே
பி⁴க்கூ² ஏதத³வோச – ‘‘அலங், ஆவுஸோ, மா ஸோசித்த², மா பரிதே³வித்த²,
ஸுமுத்தா மயங் தேன மஹாஸமணேன. உபத்³து³தா ச ஹோம – ‘இத³ங் வோ கப்பதி, இத³ங்
வோ ந கப்பதீ’தி. இதா³னி பன மயங் யங் இச்சி²ஸ்ஸாம, தங் கரிஸ்ஸாம, யங் ந
இச்சி²ஸ்ஸாம, ந தங் கரிஸ்ஸாமா’’தி. அத² கோ² ஆயஸ்மா மஹாகஸ்ஸபோ பி⁴க்கூ² ஆமந்தேஸி – ‘‘அலங், ஆவுஸோ, மா ஸோசித்த², மா பரிதே³வித்த². நனு ஏதங் ,
ஆவுஸோ, ப⁴க³வதா படிகச்சேவ அக்கா²தங் – ‘ஸப்³பே³ஹேவ பியேஹி மனாபேஹி
நானாபா⁴வோ வினாபா⁴வோ அஞ்ஞதா²பா⁴வோ’. தங் குதெத்த², ஆவுஸோ, லப்³பா⁴. ‘யங்
தங் ஜாதங் பூ⁴தங் ஸங்க²தங் பலோகத⁴ம்மங், தங் ததா²க³தஸ்ஸாபி ஸரீரங் மா
பலுஜ்ஜீ’தி, நேதங் டா²னங் விஜ்ஜதீ’’தி.

233.
தேன கோ² பன ஸமயேன சத்தாரோ மல்லபாமொக்கா² ஸீஸங்ன்ஹாதா அஹதானி வத்தா²னி
நிவத்தா² – ‘‘மயங் ப⁴க³வதோ சிதகங் ஆளிம்பெஸ்ஸாமா’’தி ந ஸக்கொந்தி
ஆளிம்பேதுங். அத² கோ² கோஸினாரகா மல்லா ஆயஸ்மந்தங் அனுருத்³த⁴ங் ஏதத³வோசுங் –
‘‘கோ நு கோ², ப⁴ந்தே அனுருத்³த⁴, ஹேது கோ பச்சயோ, யேனிமே சத்தாரோ
மல்லபாமொக்கா² ஸீஸங்ன்ஹாதா அஹதானி வத்தா²னி நிவத்தா² – ‘மயங் ப⁴க³வதோ
சிதகங் ஆளிம்பெஸ்ஸாமா’தி ந ஸக்கொந்தி ஆளிம்பேது’’ந்தி? ‘‘அஞ்ஞதா² கோ²,
வாஸெட்டா², தே³வதானங் அதி⁴ப்பாயோ’’தி. ‘‘கத²ங் பன, ப⁴ந்தே, தே³வதானங்
அதி⁴ப்பாயோ’’தி? ‘‘தே³வதானங் கோ², வாஸெட்டா², அதி⁴ப்பாயோ – ‘அயங் ஆயஸ்மா
மஹாகஸ்ஸபோ பாவாய குஸினாரங் அத்³தா⁴னமக்³க³ப்படிப்பன்னோ மஹதா
பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி பி⁴க்கு²ஸதேஹி. ந தாவ ப⁴க³வதோ சிதகோ
பஜ்ஜலிஸ்ஸதி, யாவாயஸ்மா மஹாகஸ்ஸபோ ப⁴க³வதோ பாதே³ ஸிரஸா ந
வந்தி³ஸ்ஸதீ’’’தி. ‘‘யதா², ப⁴ந்தே, தே³வதானங் அதி⁴ப்பாயோ, ததா² ஹோதூ’’தி.

234. அத² கோ² ஆயஸ்மா மஹாகஸ்ஸபோ யேன குஸினாரா மகுடப³ந்த⁴னங் நாம மல்லானங் சேதியங், யேன ப⁴க³வதோ
சிதகோ தேனுபஸங்கமி; உபஸங்கமித்வா ஏகங்ஸங் சீவரங் கத்வா அஞ்ஜலிங் பணாமெத்வா
திக்க²த்துங் சிதகங் பத³க்கி²ணங் கத்வா ப⁴க³வதோ பாதே³ ஸிரஸா வந்தி³.
தானிபி கோ² பஞ்சபி⁴க்கு²ஸதானி ஏகங்ஸங் சீவரங் கத்வா அஞ்ஜலிங் பணாமெத்வா
திக்க²த்துங் சிதகங் பத³க்கி²ணங் கத்வா ப⁴க³வதோ பாதே³ ஸிரஸா வந்தி³ங்ஸு. வந்தி³தே ச பனாயஸ்மதா மஹாகஸ்ஸபேன தேஹி ச பஞ்சஹி பி⁴க்கு²ஸதேஹி ஸயமேவ ப⁴க³வதோ சிதகோ பஜ்ஜலி.

235. ஜா²யமானஸ்ஸ
கோ² பன ப⁴க³வதோ ஸரீரஸ்ஸ யங் அஹோஸி ச²வீதி வா சம்மந்தி வா மங்ஸந்தி வா
ந்ஹாரூதி வா லஸிகாதி வா, தஸ்ஸ நேவ சா²ரிகா பஞ்ஞாயித்த², ந மஸி; ஸரீரானேவ
அவஸிஸ்ஸிங்ஸு. ஸெய்யதா²பி நாம ஸப்பிஸ்ஸ வா தேலஸ்ஸ வா ஜா²யமானஸ்ஸ நேவ
சா²ரிகா பஞ்ஞாயதி, ந மஸி; ஏவமேவ ப⁴க³வதோ ஸரீரஸ்ஸ ஜா²யமானஸ்ஸ யங் அஹோஸி
ச²வீதி வா சம்மந்தி வா மங்ஸந்தி வா ந்ஹாரூதி வா லஸிகாதி வா, தஸ்ஸ நேவ
சா²ரிகா பஞ்ஞாயித்த², ந மஸி; ஸரீரானேவ அவஸிஸ்ஸிங்ஸு. தேஸஞ்ச பஞ்சன்னங்
து³ஸ்ஸயுக³ஸதானங் த்³வேவ து³ஸ்ஸானி ந ட³ய்ஹிங்ஸு யஞ்ச ஸப்³ப³அப்³ப⁴ந்தரிமங்
யஞ்ச பா³ஹிரங். த³ட்³டே⁴ ச கோ² பன ப⁴க³வதோ ஸரீரே அந்தலிக்கா² உத³கதா⁴ரா
பாதுப⁴வித்வா ப⁴க³வதோ சிதகங் நிப்³பா³பேஸி. உத³கஸாலதோபி [உத³கங் ஸாலதோபி (ஸீ॰ ஸ்யா॰ கங்॰)]
அப்³பு⁴ன்னமித்வா ப⁴க³வதோ சிதகங் நிப்³பா³பேஸி. கோஸினாரகாபி மல்லா
ஸப்³ப³க³ந்தோ⁴த³கேன ப⁴க³வதோ சிதகங் நிப்³பா³பேஸுங். அத² கோ² கோஸினாரகா
மல்லா ப⁴க³வதோ ஸரீரானி ஸத்தாஹங் ஸந்தா⁴கா³ரே ஸத்திபஞ்ஜரங் கரித்வா
த⁴னுபாகாரங் பரிக்கி²பாபெத்வா [பரிக்கி²பித்வா (ஸ்யா॰)] நச்சேஹி கீ³தேஹி வாதி³தேஹி மாலேஹி க³ந்தே⁴ஹி ஸக்கரிங்ஸு க³ருங் கரிங்ஸு மானேஸுங் பூஜேஸுங்.

ஸரீரதா⁴துவிபா⁴ஜனங்

236.
அஸ்ஸோஸி கோ² ராஜா மாக³தோ⁴ அஜாதஸத்து வேதே³ஹிபுத்தோ – ‘‘ப⁴க³வா கிர
குஸினாராயங் பரினிப்³பு³தோ’’தி. அத² கோ² ராஜா மாக³தோ⁴ அஜாதஸத்து
வேதே³ஹிபுத்தோ கோஸினாரகானங் மல்லானங் தூ³தங் பாஹேஸி – ‘‘ப⁴க³வாபி க²த்தியோ
அஹம்பி க²த்தியோ, அஹம்பி அரஹாமி ப⁴க³வதோ ஸரீரானங் பா⁴க³ங், அஹம்பி ப⁴க³வதோ
ஸரீரானங் தூ²பஞ்ச மஹஞ்ச கரிஸ்ஸாமீ’’தி.

அஸ்ஸோஸுங் கோ² வேஸாலிகா லிச்ச²வீ – ‘‘ப⁴க³வா கிர
குஸினாராயங் பரினிப்³பு³தோ’’தி. அத² கோ² வேஸாலிகா லிச்ச²வீ கோஸினாரகானங்
மல்லானங் தூ³தங் பாஹேஸுங் – ‘‘ப⁴க³வாபி க²த்தியோ மயம்பி க²த்தியா, மயம்பி
அரஹாம ப⁴க³வதோ ஸரீரானங் பா⁴க³ங், மயம்பி ப⁴க³வதோ ஸரீரானங் தூ²பஞ்ச மஹஞ்ச கரிஸ்ஸாமா’’தி.

அஸ்ஸோஸுங் கோ² கபிலவத்து²வாஸீ ஸக்யா – ‘‘ப⁴க³வா கிர
குஸினாராயங் பரினிப்³பு³தோ’’தி. அத² கோ² கபிலவத்து²வாஸீ ஸக்யா கோஸினாரகானங்
மல்லானங் தூ³தங் பாஹேஸுங் – ‘‘ப⁴க³வா அம்ஹாகங் ஞாதிஸெட்டோ² , மயம்பி அரஹாம ப⁴க³வதோ ஸரீரானங் பா⁴க³ங், மயம்பி ப⁴க³வதோ ஸரீரானங் தூ²பஞ்ச மஹஞ்ச கரிஸ்ஸாமா’’தி.

அஸ்ஸோஸுங் கோ² அல்லகப்பகா பு³லயோ [தூ²லயோ (ஸ்யா॰)]
– ‘‘ப⁴க³வா கிர குஸினாராயங் பரினிப்³பு³தோ’’தி. அத² கோ² அல்லகப்பகா பு³லயோ
கோஸினாரகானங் மல்லானங் தூ³தங் பாஹேஸுங் – ‘‘ப⁴க³வாபி க²த்தியோ மயம்பி
க²த்தியா, மயம்பி அரஹாம ப⁴க³வதோ ஸரீரானங் பா⁴க³ங், மயம்பி ப⁴க³வதோ ஸரீரானங்
தூ²பஞ்ச மஹஞ்ச கரிஸ்ஸாமா’’தி .

அஸ்ஸோஸுங் கோ² ராமகா³மகா கோளியா – ‘‘ப⁴க³வா கிர
குஸினாராயங் பரினிப்³பு³தோ’’தி. அத² கோ² ராமகா³மகா கோளியா கோஸினாரகானங்
மல்லானங் தூ³தங் பாஹேஸுங் – ‘‘ப⁴க³வாபி க²த்தியோ மயம்பி க²த்தியா, மயம்பி
அரஹாம ப⁴க³வதோ ஸரீரானங் பா⁴க³ங், மயம்பி ப⁴க³வதோ ஸரீரானங் தூ²பஞ்ச மஹஞ்ச
கரிஸ்ஸாமா’’தி.

அஸ்ஸோஸி கோ² வெட்ட²தீ³பகோ ப்³ராஹ்மணோ – ‘‘ப⁴க³வா கிர
குஸினாராயங் பரினிப்³பு³தோ’’தி. அத² கோ² வெட்ட²தீ³பகோ ப்³ராஹ்மணோ
கோஸினாரகானங் மல்லானங் தூ³தங் பாஹேஸி – ‘‘ப⁴க³வாபி க²த்தியோ அஹங் பிஸ்மி
ப்³ராஹ்மணோ, அஹம்பி அரஹாமி ப⁴க³வதோ ஸரீரானங் பா⁴க³ங், அஹம்பி ப⁴க³வதோ
ஸரீரானங் தூ²பஞ்ச மஹஞ்ச கரிஸ்ஸாமீ’’தி.

அஸ்ஸோஸுங் கோ² பாவெய்யகா மல்லா – ‘‘ப⁴க³வா கிர
குஸினாராயங் பரினிப்³பு³தோ’’தி. அத² கோ² பாவெய்யகா மல்லா கோஸினாரகானங்
மல்லானங் தூ³தங் பாஹேஸுங் – ‘‘ப⁴க³வாபி க²த்தியோ மயம்பி க²த்தியா, மயம்பி
அரஹாம ப⁴க³வதோ ஸரீரானங் பா⁴க³ங், மயம்பி ப⁴க³வதோ ஸரீரானங் தூ²பஞ்ச மஹஞ்ச
கரிஸ்ஸாமா’’தி.

ஏவங் வுத்தே கோஸினாரகா மல்லா தே ஸங்கே⁴ க³ணே ஏதத³வோசுங் – ‘‘ப⁴க³வா அம்ஹாகங் கா³மக்கெ²த்தே பரினிப்³பு³தோ, ந மயங் த³ஸ்ஸாம ப⁴க³வதோ ஸரீரானங் பா⁴க³’’ந்தி.

237. ஏவங் வுத்தே தோ³ணோ ப்³ராஹ்மணோ தே ஸங்கே⁴ க³ணே ஏதத³வோச –

‘‘ஸுணந்து பொ⁴ந்தோ மம ஏகவாசங்,

அம்ஹாக [ச²ந்தா³னுரக்க²ணத்த²ங் நிக்³க³ஹீதலோபோ]; பு³த்³தோ⁴ அஹு க²ந்திவாதோ³;

ஹி ஸாது⁴ யங் உத்தமபுக்³க³லஸ்ஸ,

ஸரீரபா⁴கே³ ஸியா ஸம்பஹாரோ.

ஸப்³பே³வ பொ⁴ந்தோ ஸஹிதா ஸமக்³கா³,

ஸம்மோத³மானா கரோமட்ட²பா⁴கே³;

வித்தா²ரிகா ஹொந்து தி³ஸாஸு தூ²பா,

ப³ஹூ ஜனா சக்கு²மதோ பஸன்னா’’தி.

238.
‘‘தேன ஹி, ப்³ராஹ்மண, த்வஞ்ஞேவ ப⁴க³வதோ ஸரீரானி அட்ட²தா⁴ ஸமங் ஸவிப⁴த்தங்
விப⁴ஜாஹீ’’தி. ‘‘ஏவங், போ⁴’’தி கோ² தோ³ணோ ப்³ராஹ்மணோ தேஸங் ஸங்கா⁴னங்
க³ணானங் படிஸ்ஸுத்வா ப⁴க³வதோ ஸரீரானி அட்ட²தா⁴ ஸமங் ஸுவிப⁴த்தங் விப⁴ஜித்வா
தே ஸங்கே⁴ க³ணே ஏதத³வோச – ‘‘இமங் மே பொ⁴ந்தோ தும்ப³ங் த³த³ந்து அஹம்பி
தும்ப³ஸ்ஸ தூ²பஞ்ச மஹஞ்ச கரிஸ்ஸாமீ’’தி. அத³ங்ஸு கோ² தே தோ³ணஸ்ஸ
ப்³ராஹ்மணஸ்ஸ தும்ப³ங்.

அஸ்ஸோஸுங் கோ² பிப்பலிவனியா [பிப்ப²லிவனியா (ஸ்யா॰)]
மோரியா – ‘‘ப⁴க³வா கிர குஸினாராயங் பரினிப்³பு³தோ’’தி. அத² கோ²
பிப்பலிவனியா மோரியா கோஸினாரகானங் மல்லானங் தூ³தங் பாஹேஸுங் – ‘‘ப⁴க³வாபி
க²த்தியோ மயம்பி க²த்தியா, மயம்பி அரஹாம ப⁴க³வதோ ஸரீரானங் பா⁴க³ங், மயம்பி
ப⁴க³வதோ ஸரீரானங் தூ²பஞ்ச மஹஞ்ச கரிஸ்ஸாமா’’தி. ‘‘நத்தி² ப⁴க³வதோ ஸரீரானங்
பா⁴கோ³, விப⁴த்தானி ப⁴க³வதோ ஸரீரானி. இதோ அங்கா³ரங் ஹரதா²’’தி. தே ததோ
அங்கா³ரங் ஹரிங்ஸு [ஆஹரிங்ஸு (ஸ்யா॰ க॰)].

தா⁴துதூ²பபூஜா

239. அத² கோ² ராஜா மாக³தோ⁴ அஜாதஸத்து வேதே³ஹிபுத்தோ ராஜக³ஹே ப⁴க³வதோ ஸரீரானங் தூ²பஞ்ச மஹஞ்ச அகாஸி. வேஸாலிகாபி லிச்ச²வீ வேஸாலியங்
ப⁴க³வதோ ஸரீரானங் தூ²பஞ்ச மஹஞ்ச அகங்ஸு. கபிலவத்து²வாஸீபி ஸக்யா
கபிலவத்து²ஸ்மிங் ப⁴க³வதோ ஸரீரானங் தூ²பஞ்ச மஹஞ்ச அகங்ஸு. அல்லகப்பகாபி
பு³லயோ அல்லகப்பே ப⁴க³வதோ ஸரீரானங் தூ²பஞ்ச மஹஞ்ச அகங்ஸு. ராமகா³மகாபி
கோளியா ராமகா³மே ப⁴க³வதோ ஸரீரானங் தூ²பஞ்ச மஹஞ்ச அகங்ஸு. வெட்ட²தீ³பகோபி
ப்³ராஹ்மணோ வெட்ட²தீ³பே ப⁴க³வதோ ஸரீரானங் தூ²பஞ்ச
மஹஞ்ச அகாஸி. பாவெய்யகாபி மல்லா பாவாயங் ப⁴க³வதோ ஸரீரானங் தூ²பஞ்ச மஹஞ்ச
அகங்ஸு. கோஸினாரகாபி மல்லா குஸினாராயங் ப⁴க³வதோ ஸரீரானங் தூ²பஞ்ச மஹஞ்ச
அகங்ஸு. தோ³ணோபி ப்³ராஹ்மணோ தும்ப³ஸ்ஸ தூ²பஞ்ச மஹஞ்ச அகாஸி. பிப்பலிவனியாபி
மோரியா பிப்பலிவனே அங்கா³ரானங் தூ²பஞ்ச மஹஞ்ச அகங்ஸு. இதி அட்ட² ஸரீரதூ²பா நவமோ தும்ப³தூ²போ த³ஸமோ அங்கா³ரதூ²போ. ஏவமேதங் பூ⁴தபுப்³ப³ந்தி.

240. அட்ட²தோ³ணங் சக்கு²மதோ ஸரீரங், ஸத்ததோ³ணங் ஜம்பு³தீ³பே மஹெந்தி.

ஏகஞ்ச தோ³ணங் புரிஸவருத்தமஸ்ஸ, ராமகா³மே நாக³ராஜா மஹேதி.

ஏகாஹி தா³டா² திதி³வேஹி பூஜிதா, ஏகா பன க³ந்தா⁴ரபுரே மஹீயதி;

காலிங்க³ரஞ்ஞோ விஜிதே புனேகங், ஏகங் பன நாக³ராஜா மஹேதி.

தஸ்ஸேவ தேஜேன அயங் வஸுந்த⁴ரா,

ஆயாக³ஸெட்டே²ஹி மஹீ அலங்கதா;

ஏவங் இமங் சக்கு²மதோ ஸரீரங்,

ஸுஸக்கதங் ஸக்கதஸக்கதேஹி.

தே³விந்த³னாகி³ந்த³னரிந்த³பூஜிதோ ,

மனுஸ்ஸிந்த³ஸெட்டே²ஹி ததே²வ பூஜிதோ;

தங் வந்த³த² [தங் தங் வந்த³த² (ஸ்யா॰)] பஞ்ஜலிகா லபி⁴த்வா,

பு³த்³தோ⁴ ஹவே கப்பஸதேஹி து³ல்லபோ⁴தி.

சத்தாலீஸ ஸமா த³ந்தா, கேஸா லோமா ச ஸப்³ப³ஸோ;

தே³வா ஹரிங்ஸு ஏகேகங், சக்கவாளபரம்பராதி.

மஹாபரினிப்³பா³னஸுத்தங் நிட்டி²தங் ததியங்.

comments (0)
ஸுத்தபிடக-Part-15-தமிழில் திரபிடக மூன்று தொகுப்புகள்TIPITAKA–15.2. மஹானிதானஸுத்தங்-படிச்சஸமுப்பாதோ-from FREE ONLINE eNālāndā Research and Practice UNIVERSITY through http://sarvajan.ambedkar.org
Filed under: General
Posted by: site admin @ 4:37 am

up a level
ஸுத்தபிடக-Part-15-மிழில் திபி  மூன்று தொகுப்புள்TIPITAKA--15.
2. மஹானிதானஸுத்தங்-படிச்சஸமுப்பாதோ-from FREE ONLINE  eNālāndā Research and
Practice UNIVERSITY through http://sarvajan.ambedkar.org

2. மஹானிதானஸுத்தங்

படிச்சஸமுப்பாதோ

95. ஏவங் மே ஸுதங் – ஏகங் ஸமயங் ப⁴க³வா குரூஸு விஹரதி கம்மாஸத⁴ம்மங் நாம [கம்மாஸத³ம்மங் நாம (ஸ்யா॰)]
குரூனங் நிக³மோ. அத² கோ² ஆயஸ்மா ஆனந்தோ³ யேன ப⁴க³வா தேனுபஸங்கமி,
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங்
நிஸின்னோ கோ² ஆயஸ்மா ஆனந்தோ³ ப⁴க³வந்தங் ஏதத³வோச – ‘‘அச்ச²ரியங், ப⁴ந்தே,
அப்³பு⁴தங், ப⁴ந்தே! யாவ க³ம்பீ⁴ரோ சாயங், ப⁴ந்தே, படிச்சஸமுப்பாதோ³
க³ம்பீ⁴ராவபா⁴ஸோ ச, அத² ச பன மே உத்தானகுத்தானகோ விய கா²யதீ’’தி. ‘‘மா
ஹேவங், ஆனந்த³, அவச, மா ஹேவங், ஆனந்த³, அவச. க³ம்பீ⁴ரோ சாயங், ஆனந்த³,
படிச்சஸமுப்பாதோ³ க³ம்பீ⁴ராவபா⁴ஸோ ச. ஏதஸ்ஸ, ஆனந்த³, த⁴ம்மஸ்ஸ அனநுபோ³தா⁴
அப்படிவேதா⁴ ஏவமயங் பஜா தந்தாகுலகஜாதா குலக³ண்டி²கஜாதா [கு³லாகு³ண்டி²கஜாதா (ஸீ॰ பீ॰), கு³ணக³ண்டி²கஜாதா (ஸ்யா॰)] முஞ்ஜபப்³ப³ஜபூ⁴தா அபாயங் து³க்³க³திங் வினிபாதங் ஸங்ஸாரங் நாதிவத்ததி.

96.
‘‘‘அத்தி² இத³ப்பச்சயா ஜராமரண’ந்தி இதி புட்டே²ன ஸதா, ஆனந்த³, அத்தீ²திஸ்ஸ
வசனீயங். ‘கிங்பச்சயா ஜராமரண’ந்தி இதி சே வதெ³ய்ய, ‘ஜாதிபச்சயா
ஜராமரண’ந்தி இச்சஸ்ஸ வசனீயங்.

‘‘‘அத்தி² இத³ப்பச்சயா ஜாதீ’தி இதி புட்டே²ன ஸதா, ஆனந்த³, அத்தீ²திஸ்ஸ வசனீயங். ‘கிங்பச்சயா ஜாதீ’தி இதி சே வதெ³ய்ய, ‘ப⁴வபச்சயா ஜாதீ’தி இச்சஸ்ஸ வசனீயங்.

‘‘‘அத்தி² இத³ப்பச்சயா ப⁴வோ’தி இதி புட்டே²ன ஸதா, ஆனந்த³, அத்தீ²திஸ்ஸ வசனீயங் . ‘கிங்பச்சயா ப⁴வோ’தி இதி சே வதெ³ய்ய, ‘உபாதா³னபச்சயா ப⁴வோ’தி இச்சஸ்ஸ வசனீயங்.

‘‘‘அத்தி² இத³ப்பச்சயா
உபாதா³ன’ந்தி இதி புட்டே²ன ஸதா, ஆனந்த³, அத்தீ²திஸ்ஸ வசனீயங். ‘கிங்பச்சயா
உபாதா³ன’ந்தி இதி சே வதெ³ய்ய, ‘தண்ஹாபச்சயா உபாதா³ன’ந்தி இச்சஸ்ஸ வசனீயங்.

‘‘‘அத்தி² இத³ப்பச்சயா
தண்ஹா’தி இதி புட்டே²ன ஸதா, ஆனந்த³, அத்தீ²திஸ்ஸ வசனீயங். ‘கிங்பச்சயா
தண்ஹா’தி இதி சே வதெ³ய்ய, ‘வேத³னாபச்சயா தண்ஹா’தி இச்சஸ்ஸ வசனீயங்.

‘‘‘அத்தி² இத³ப்பச்சயா வேத³னா’தி இதி புட்டே²ன ஸதா,
ஆனந்த³, அத்தீ²திஸ்ஸ வசனீயங். ‘கிங்பச்சயா வேத³னா’தி இதி சே வதெ³ய்ய,
‘ப²ஸ்ஸபச்சயா வேத³னா’தி இச்சஸ்ஸ வசனீயங்.

‘‘‘அத்தி² இத³ப்பச்சயா ப²ஸ்ஸோ’தி இதி புட்டே²ன ஸதா,
ஆனந்த³, அத்தீ²திஸ்ஸ வசனீயங். ‘கிங்பச்சயா ப²ஸ்ஸோ’தி இதி சே வதெ³ய்ய,
‘நாமரூபபச்சயா ப²ஸ்ஸோ’தி இச்சஸ்ஸ வசனீயங்.

‘‘‘அத்தி² இத³ப்பச்சயா நாமரூப’ந்தி இதி புட்டே²ன ஸதா,
ஆனந்த³, அத்தீ²திஸ்ஸ வசனீயங். ‘கிங்பச்சயா நாமரூப’ந்தி இதி சே வதெ³ய்ய,
‘விஞ்ஞாணபச்சயா நாமரூப’ந்தி இச்சஸ்ஸ வசனீயங்.

‘‘‘அத்தி² இத³ப்பச்சயா விஞ்ஞாண’ந்தி இதி புட்டே²ன ஸதா,
ஆனந்த³, அத்தீ²திஸ்ஸ வசனீயங். ‘கிங்பச்சயா விஞ்ஞாண’ந்தி இதி சே வதெ³ய்ய,
‘நாமரூபபச்சயா விஞ்ஞாண’ந்தி இச்சஸ்ஸ வசனீயங்.

97.
‘‘இதி கோ², ஆனந்த³, நாமரூபபச்சயா விஞ்ஞாணங், விஞ்ஞாணபச்சயா நாமரூபங்,
நாமரூபபச்சயா ப²ஸ்ஸோ, ப²ஸ்ஸபச்சயா வேத³னா, வேத³னாபச்சயா தண்ஹா, தண்ஹாபச்சயா
உபாதா³னங், உபாதா³னபச்சயா ப⁴வோ, ப⁴வபச்சயா ஜாதி , ஜாதிபச்சயா ஜராமரணங் ஸோகபரிதே³வது³க்க²தோ³மனஸ்ஸுபாயாஸா ஸம்ப⁴வந்தி. ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதி.

98.
‘‘‘ஜாதிபச்சயா ஜராமரண’ந்தி இதி கோ² பனேதங் வுத்தங், ததா³னந்த³, இமினாபேதங்
பரியாயேன வேதி³தப்³ப³ங், யதா² ஜாதிபச்சயா ஜராமரணங். ஜாதி ச ஹி, ஆனந்த³,
நாப⁴விஸ்ஸ ஸப்³பே³ன ஸப்³ப³ங் ஸப்³ப³தா² ஸப்³ப³ங் கஸ்ஸசி கிம்ஹிசி,
ஸெய்யதி²த³ங் – தே³வானங் வா தே³வத்தாய, க³ந்த⁴ப்³பா³னங் வா
க³ந்த⁴ப்³ப³த்தாய, யக்கா²னங் வா யக்க²த்தாய, பூ⁴தானங் வா பூ⁴தத்தாய,
மனுஸ்ஸானங் வா மனுஸ்ஸத்தாய, சதுப்பதா³னங் வா சதுப்பத³த்தாய, பக்கீ²னங் வா
பக்கி²த்தாய, ஸரீஸபானங் வா ஸரீஸபத்தாய [ஸிரிங்ஸபானங் ஸிரிங்ஸபத்தாய (ஸீ॰ ஸ்யா॰)], தேஸங் தேஸஞ்ச ஹி, ஆனந்த³, ஸத்தானங் தத³த்தாய ஜாதி நாப⁴விஸ்ஸ. ஸப்³ப³ஸோ ஜாதியா அஸதி ஜாதினிரோதா⁴
அபி நு கோ² ஜராமரணங் பஞ்ஞாயேதா²’’தி? ‘‘நோ ஹேதங், ப⁴ந்தே’’.
‘‘தஸ்மாதிஹானந்த³, ஏஸேவ ஹேது ஏதங் நிதா³னங் ஏஸ ஸமுத³யோ ஏஸ பச்சயோ
ஜராமரணஸ்ஸ, யதி³த³ங் ஜாதி’’.

99.
‘‘‘ப⁴வபச்சயா ஜாதீ’தி இதி கோ² பனேதங் வுத்தங், ததா³னந்த³, இமினாபேதங்
பரியாயேன வேதி³தப்³ப³ங், யதா² ப⁴வபச்சயா ஜாதி. ப⁴வோ ச ஹி, ஆனந்த³,
நாப⁴விஸ்ஸ ஸப்³பே³ன ஸப்³ப³ங் ஸப்³ப³தா² ஸப்³ப³ங் கஸ்ஸசி கிம்ஹிசி,
ஸெய்யதி²த³ங் – காமப⁴வோ வா ரூபப⁴வோ வா அரூபப⁴வோ வா, ஸப்³ப³ஸோ ப⁴வே அஸதி
ப⁴வனிரோதா⁴ அபி நு கோ² ஜாதி பஞ்ஞாயேதா²’’தி? ‘‘நோ ஹேதங், ப⁴ந்தே’’.
‘‘தஸ்மாதிஹானந்த³, ஏஸேவ ஹேது ஏதங் நிதா³னங் ஏஸ ஸமுத³யோ ஏஸ பச்சயோ ஜாதியா,
யதி³த³ங் ப⁴வோ’’.

100.
‘‘‘உபாதா³னபச்சயா ப⁴வோ’தி இதி கோ² பனேதங் வுத்தங், ததா³னந்த³, இமினாபேதங்
பரியாயேன வேதி³தப்³ப³ங், யதா² உபாதா³னபச்சயா ப⁴வோ. உபாதா³னஞ்ச ஹி, ஆனந்த³,
நாப⁴விஸ்ஸ ஸப்³பே³ன ஸப்³ப³ங் ஸப்³ப³தா² ஸப்³ப³ங் கஸ்ஸசி கிம்ஹிசி ,
ஸெய்யதி²த³ங் – காமுபாதா³னங் வா தி³ட்டு²பாதா³னங் வா ஸீலப்³ப³துபாதா³னங்
வா அத்தவாது³பாதா³னங் வா, ஸப்³ப³ஸோ உபாதா³னே அஸதி உபாதா³னநிரோதா⁴ அபி நு
கோ² ப⁴வோ பஞ்ஞாயேதா²’’தி? ‘‘நோ ஹேதங், ப⁴ந்தே’’. ‘‘தஸ்மாதிஹானந்த³, ஏஸேவ
ஹேது ஏதங் நிதா³னங் ஏஸ ஸமுத³யோ ஏஸ பச்சயோ ப⁴வஸ்ஸ, யதி³த³ங் உபாதா³னங்’’.

101.
‘‘‘தண்ஹாபச்சயா உபாதா³ன’ந்தி இதி கோ² பனேதங் வுத்தங் ததா³னந்த³,
இமினாபேதங் பரியாயேன வேதி³தப்³ப³ங், யதா² தண்ஹாபச்சயா உபாதா³னங். தண்ஹா ச
ஹி, ஆனந்த³, நாப⁴விஸ்ஸ ஸப்³பே³ன ஸப்³ப³ங் ஸப்³ப³தா² ஸப்³ப³ங் கஸ்ஸசி
கிம்ஹிசி, ஸெய்யதி²த³ங் – ரூபதண்ஹா ஸத்³த³தண்ஹா க³ந்த⁴தண்ஹா ரஸதண்ஹா
பொ²ட்ட²ப்³ப³தண்ஹா த⁴ம்மதண்ஹா, ஸப்³ப³ஸோ தண்ஹாய அஸதி தண்ஹானிரோதா⁴ அபி நு
கோ² உபாதா³னங் பஞ்ஞாயேதா²’’தி? ‘‘நோ ஹேதங், ப⁴ந்தே’’. ‘‘தஸ்மாதிஹானந்த³,
ஏஸேவ ஹேது ஏதங் நிதா³னங் ஏஸ ஸமுத³யோ ஏஸ பச்சயோ உபாதா³னஸ்ஸ, யதி³த³ங்
தண்ஹா’’.

102.
‘‘‘வேத³னாபச்சயா தண்ஹா’தி இதி கோ² பனேதங் வுத்தங், ததா³னந்த³, இமினாபேதங்
பரியாயேன வேதி³தப்³ப³ங், யதா² வேத³னாபச்சயா தண்ஹா. வேத³னா ச ஹி, ஆனந்த³, நாப⁴விஸ்ஸ ஸப்³பே³ன ஸப்³ப³ங் ஸப்³ப³தா² ஸப்³ப³ங் கஸ்ஸசி
கிம்ஹிசி, ஸெய்யதி²த³ங் – சக்கு²ஸம்ப²ஸ்ஸஜா வேத³னா ஸோதஸம்ப²ஸ்ஸஜா வேத³னா
கா⁴னஸம்ப²ஸ்ஸஜா வேத³னா ஜிவ்ஹாஸம்ப²ஸ்ஸஜா வேத³னா காயஸம்ப²ஸ்ஸஜா வேத³னா
மனோஸம்ப²ஸ்ஸஜா வேத³னா, ஸப்³ப³ஸோ வேத³னாய அஸதி வேத³னானிரோதா⁴ அபி நு கோ²
தண்ஹா பஞ்ஞாயேதா²’’தி ? ‘‘நோ ஹேதங், ப⁴ந்தே’’. ‘‘தஸ்மாதிஹானந்த³, ஏஸேவ ஹேது ஏதங் நிதா³னங் ஏஸ ஸமுத³யோ ஏஸ பச்சயோ தண்ஹாய, யதி³த³ங் வேத³னா’’.

103.
‘‘இதி கோ² பனேதங், ஆனந்த³, வேத³னங் படிச்ச தண்ஹா, தண்ஹங் படிச்ச பரியேஸனா,
பரியேஸனங் படிச்ச லாபோ⁴, லாப⁴ங் படிச்ச வினிச்ச²யோ, வினிச்ச²யங் படிச்ச
ச²ந்த³ராகோ³, ச²ந்த³ராக³ங் படிச்ச அஜ்ஜோ²ஸானங், அஜ்ஜோ²ஸானங் படிச்ச
பரிக்³க³ஹோ, பரிக்³க³ஹங் படிச்ச மச்ச²ரியங், மச்ச²ரியங் படிச்ச ஆரக்கோ². ஆரக்கா²தி⁴கரணங் த³ண்டா³தா³னஸத்தா²தா³னகலஹவிக்³க³ஹவிவாத³துவங்துவங்பேஸுஞ்ஞமுஸாவாதா³ அனேகே பாபகா அகுஸலா த⁴ம்மா ஸம்ப⁴வந்தி.

104. ‘‘‘ஆரக்கா²தி⁴கரணங் [ஆரக்க²ங் படிச்ச ஆரக்கா²தி⁴கரணங் (ஸ்யா॰)]
த³ண்டா³தா³னஸத்தா²தா³னகலஹவிக்³க³ஹவிவாத³துவங்துவங்பேஸுஞ்ஞமுஸாவாதா³ அனேகே
பாபகா அகுஸலா த⁴ம்மா ஸம்ப⁴வந்தீ’தி இதி கோ² பனேதங் வுத்தங், ததா³னந்த³,
இமினாபேதங் பரியாயேன வேதி³தப்³ப³ங், யதா² ஆரக்கா²தி⁴கரணங்
த³ண்டா³தா³னஸத்தா²தா³னகலஹவிக்³க³ஹவிவாத³துவங்துவங்பேஸுஞ்ஞமுஸாவாதா³ அனேகே
பாபகா அகுஸலா த⁴ம்மா ஸம்ப⁴வந்தி. ஆரக்கோ² ச ஹி, ஆனந்த³, நாப⁴விஸ்ஸ ஸப்³பே³ன
ஸப்³ப³ங் ஸப்³ப³தா² ஸப்³ப³ங் கஸ்ஸசி கிம்ஹிசி, ஸப்³ப³ஸோ ஆரக்கே² அஸதி
ஆரக்க²னிரோதா⁴ அபி நு கோ²
த³ண்டா³தா³னஸத்தா²தா³னகலஹவிக்³க³ஹவிவாத³துவங்துவங்பேஸுஞ்ஞமுஸாவாதா³ அனேகே
பாபகா அகுஸலா த⁴ம்மா ஸம்ப⁴வெய்யு’’ந்தி? ‘‘நோ ஹேதங், ப⁴ந்தே’’.
‘‘தஸ்மாதிஹானந்த³, ஏஸேவ ஹேது ஏதங் நிதா³னங் ஏஸ
ஸமுத³யோ ஏஸ பச்சயோ
த³ண்டா³தா³னஸத்தா²தா³னகலஹவிக்³க³ஹவிவாத³துவங்துவங்பேஸுஞ்ஞமுஸாவாதா³னங்
அனேகேஸங் பாபகானங் அகுஸலானங் த⁴ம்மானங் ஸம்ப⁴வாய யதி³த³ங் ஆரக்கோ².

105.
‘‘‘மச்ச²ரியங் படிச்ச ஆரக்கோ²’தி இதி கோ² பனேதங் வுத்தங், ததா³னந்த³,
இமினாபேதங் பரியாயேன வேதி³தப்³ப³ங், யதா² மச்ச²ரியங் படிச்ச ஆரக்கோ².
மச்ச²ரியஞ்ச ஹி, ஆனந்த³, நாப⁴விஸ்ஸ ஸப்³பே³ன ஸப்³ப³ங் ஸப்³ப³தா² ஸப்³ப³ங்
கஸ்ஸசி கிம்ஹிசி , ஸப்³ப³ஸோ மச்ச²ரியே அஸதி
மச்ச²ரியனிரோதா⁴ அபி நு கோ² ஆரக்கோ² பஞ்ஞாயேதா²’’தி? ‘‘நோ ஹேதங், ப⁴ந்தே’’.
‘‘தஸ்மாதிஹானந்த³, ஏஸேவ ஹேது ஏதங் நிதா³னங் ஏஸ ஸமுத³யோ ஏஸ பச்சயோ
ஆரக்க²ஸ்ஸ, யதி³த³ங் மச்ச²ரியங்’’.

106.
‘‘‘பரிக்³க³ஹங் படிச்ச மச்ச²ரிய’ந்தி இதி கோ² பனேதங் வுத்தங், ததா³னந்த³,
இமினாபேதங் பரியாயேன வேதி³தப்³ப³ங், யதா² பரிக்³க³ஹங் படிச்ச மச்ச²ரியங்.
பரிக்³க³ஹோ ச ஹி, ஆனந்த³, நாப⁴விஸ்ஸ ஸப்³பே³ன ஸப்³ப³ங் ஸப்³ப³தா² ஸப்³ப³ங் கஸ்ஸசி கிம்ஹிசி, ஸப்³ப³ஸோ பரிக்³க³ஹே அஸதி
பரிக்³க³ஹனிரோதா⁴ அபி நு கோ² மச்ச²ரியங் பஞ்ஞாயேதா²’’தி? ‘‘நோ ஹேதங்,
ப⁴ந்தே’’. ‘‘தஸ்மாதிஹானந்த³, ஏஸேவ ஹேது ஏதங் நிதா³னங் ஏஸ ஸமுத³யோ ஏஸ பச்சயோ
மச்ச²ரியஸ்ஸ, யதி³த³ங் பரிக்³க³ஹோ’’.

107.
‘‘‘அஜ்ஜோ²ஸானங் படிச்ச பரிக்³க³ஹோ’தி இதி கோ² பனேதங் வுத்தங், ததா³னந்த³,
இமினாபேதங் பரியாயேன வேதி³தப்³ப³ங், யதா² அஜ்ஜோ²ஸானங் படிச்ச பரிக்³க³ஹோ.
அஜ்ஜோ²ஸானஞ்ச ஹி, ஆனந்த³, நாப⁴விஸ்ஸ ஸப்³பே³ன ஸப்³ப³ங் ஸப்³ப³தா² ஸப்³ப³ங்
கஸ்ஸசி கிம்ஹிசி, ஸப்³ப³ஸோ அஜ்ஜோ²ஸானே அஸதி அஜ்ஜோ²ஸானநிரோதா⁴ அபி நு கோ²
பரிக்³க³ஹோ பஞ்ஞாயேதா²’’தி ? ‘‘நோ ஹேதங், ப⁴ந்தே’’. ‘‘தஸ்மாதிஹானந்த³, ஏஸேவ ஹேது ஏதங் நிதா³னங் ஏஸ ஸமுத³யோ ஏஸ பச்சயோ பரிக்³க³ஹஸ்ஸ – யதி³த³ங் அஜ்ஜோ²ஸானங்’’.

108.
‘‘‘ச²ந்த³ராக³ங் படிச்ச அஜ்ஜோ²ஸான’ந்தி இதி கோ² பனேதங் வுத்தங்,
ததா³னந்த³, இமினாபேதங் பரியாயேன வேதி³தப்³ப³ங், யதா² ச²ந்த³ராக³ங் படிச்ச
அஜ்ஜோ²ஸானங். ச²ந்த³ராகோ³ ச ஹி, ஆனந்த³, நாப⁴விஸ்ஸ ஸப்³பே³ன ஸப்³ப³ங்
ஸப்³ப³தா² ஸப்³ப³ங் கஸ்ஸசி கிம்ஹிசி, ஸப்³ப³ஸோ ச²ந்த³ராகே³ அஸதி
ச²ந்த³ராக³னிரோதா⁴ அபி நு கோ² அஜ்ஜோ²ஸானங் பஞ்ஞாயேதா²’’தி? ‘‘நோ ஹேதங்,
ப⁴ந்தே’’. ‘‘தஸ்மாதிஹானந்த³, ஏஸேவ ஹேது ஏதங் நிதா³னங் ஏஸ ஸமுத³யோ ஏஸ பச்சயோ
அஜ்ஜோ²ஸானஸ்ஸ, யதி³த³ங் ச²ந்த³ராகோ³’’.

109.
‘‘‘வினிச்ச²யங் படிச்ச ச²ந்த³ராகோ³’தி இதி கோ² பனேதங் வுத்தங், ததா³னந்த³,
இமினாபேதங் பரியாயேன வேதி³தப்³ப³ங், யதா² வினிச்ச²யங் படிச்ச ச²ந்த³ராகோ³.
வினிச்ச²யோ ச ஹி, ஆனந்த³, நாப⁴விஸ்ஸ ஸப்³பே³ன ஸப்³ப³ங் ஸப்³ப³தா² ஸப்³ப³ங்
கஸ்ஸசி கிம்ஹிசி, ஸப்³ப³ஸோ வினிச்ச²யே அஸதி வினிச்ச²யனிரோதா⁴ அபி நு கோ²
ச²ந்த³ராகோ³ பஞ்ஞாயேதா²’’தி? ‘‘நோ ஹேதங் , ப⁴ந்தே’’. ‘‘தஸ்மாதிஹானந்த³, ஏஸேவ ஹேது ஏதங் நிதா³னங் ஏஸ ஸமுத³யோ ஏஸ பச்சயோ ச²ந்த³ராக³ஸ்ஸ, யதி³த³ங் வினிச்ச²யோ’’.

110. ‘‘‘லாப⁴ங்
படிச்ச வினிச்ச²யோ’தி இதி கோ² பனேதங் வுத்தங், ததா³னந்த³, இமினாபேதங்
பரியாயேன வேதி³தப்³ப³ங், யதா² லாப⁴ங் படிச்ச வினிச்ச²யோ. லாபோ⁴ ச ஹி,
ஆனந்த³, நாப⁴விஸ்ஸ ஸப்³பே³ன ஸப்³ப³ங் ஸப்³ப³தா² ஸப்³ப³ங் கஸ்ஸசி கிம்ஹிசி,
ஸப்³ப³ஸோ லாபே⁴ அஸதி லாப⁴னிரோதா⁴ அபி நு கோ² வினிச்ச²யோ பஞ்ஞாயேதா²’’தி?
‘‘நோ ஹேதங், ப⁴ந்தே’’. ‘‘தஸ்மாதிஹானந்த³ ஏஸேவ ஹேது ஏதங் நிதா³னங் ஏஸ ஸமுத³யோ ஏஸ பச்சயோ வினிச்ச²யஸ்ஸ, யதி³த³ங் லாபோ⁴’’.

111. ‘‘‘பரியேஸனங்
படிச்ச லாபோ⁴’தி இதி கோ² பனேதங் வுத்தங், ததா³னந்த³, இமினாபேதங் பரியாயேன
வேதி³தப்³ப³ங், யதா² பரியேஸனங் படிச்ச லாபோ⁴. பரியேஸனா ச ஹி, ஆனந்த³,
நாப⁴விஸ்ஸ ஸப்³பே³ன ஸப்³ப³ங் ஸப்³ப³தா² ஸப்³ப³ங் கஸ்ஸசி கிம்ஹிசி, ஸப்³ப³ஸோ
பரியேஸனாய அஸதி பரியேஸனானிரோதா⁴ அபி நு கோ² லாபோ⁴ பஞ்ஞாயேதா²’’தி? ‘‘நோ
ஹேதங், ப⁴ந்தே’’. ‘‘தஸ்மாதிஹானந்த³, ஏஸேவ ஹேது ஏதங் நிதா³னங் ஏஸ ஸமுத³யோ ஏஸ
பச்சயோ லாப⁴ஸ்ஸ, யதி³த³ங் பரியேஸனா’’.

112.
‘‘‘தண்ஹங் படிச்ச பரியேஸனா’தி இதி கோ² பனேதங் வுத்தங், ததா³னந்த³,
இமினாபேதங் பரியாயேன வேதி³தப்³ப³ங், யதா² தண்ஹங் படிச்ச பரியேஸனா. தண்ஹா ச
ஹி, ஆனந்த³, நாப⁴விஸ்ஸ ஸப்³பே³ன ஸப்³ப³ங் ஸப்³ப³தா² ஸப்³ப³ங் கஸ்ஸசி
கிம்ஹிசி, ஸெய்யதி²த³ங் – காமதண்ஹா ப⁴வதண்ஹா விப⁴வதண்ஹா, ஸப்³ப³ஸோ தண்ஹாய
அஸதி தண்ஹானிரோதா⁴ அபி நு கோ² பரியேஸனா பஞ்ஞாயேதா²’’தி? ‘‘நோ ஹேதங்,
ப⁴ந்தே’’. ‘‘தஸ்மாதிஹானந்த³, ஏஸேவ ஹேது ஏதங் நிதா³னங் ஏஸ ஸமுத³யோ ஏஸ பச்சயோ
பரியேஸனாய, யதி³த³ங் தண்ஹா. இதி கோ², ஆனந்த³, இமே த்³வே த⁴ம்மா [இமே த⁴ம்மா (க॰)] த்³வயேன வேத³னாய ஏகஸமோஸரணா ப⁴வந்தி’’.

113. ‘‘‘ப²ஸ்ஸபச்சயா
வேத³னா’தி இதி கோ² பனேதங் வுத்தங், ததா³னந்த³, இமினாபேதங் பரியாயேன
வேதி³தப்³ப³ங், யதா² ‘ப²ஸ்ஸபச்சயா வேத³னா. ப²ஸ்ஸோ ச ஹி, ஆனந்த³, நாப⁴விஸ்ஸ
ஸப்³பே³ன ஸப்³ப³ங் ஸப்³ப³தா² ஸப்³ப³ங் கஸ்ஸசி
கிம்ஹிசி, ஸெய்யதி²த³ங் – சக்கு²ஸம்ப²ஸ்ஸோ ஸோதஸம்ப²ஸ்ஸோ கா⁴னஸம்ப²ஸ்ஸோ
ஜிவ்ஹாஸம்ப²ஸ்ஸோ காயஸம்ப²ஸ்ஸோ மனோஸம்ப²ஸ்ஸோ, ஸப்³ப³ஸோ ப²ஸ்ஸே அஸதி
ப²ஸ்ஸனிரோதா⁴ அபி நு கோ² வேத³னா பஞ்ஞாயேதா²’’தி? ‘‘நோ ஹேதங், ப⁴ந்தே’’.
‘‘தஸ்மாதிஹானந்த³ , ஏஸேவ ஹேது ஏதங் நிதா³னங் ஏஸ ஸமுத³யோ ஏஸ பச்சயோ வேத³னாய, யதி³த³ங் ப²ஸ்ஸோ’’.

114.
‘‘‘நாமரூபபச்சயா ப²ஸ்ஸோ’தி இதி கோ² பனேதங் வுத்தங், ததா³னந்த³, இமினாபேதங்
பரியாயேன வேதி³தப்³ப³ங், யதா² நாமரூபபச்சயா ப²ஸ்ஸோ. யேஹி, ஆனந்த³, ஆகாரேஹி
யேஹி லிங்கே³ஹி யேஹி நிமித்தேஹி யேஹி உத்³தே³ஸேஹி நாமகாயஸ்ஸ பஞ்ஞத்தி
ஹோதி, தேஸு ஆகாரேஸு தேஸு லிங்கே³ஸு தேஸு நிமித்தேஸு தேஸு உத்³தே³ஸேஸு அஸதி
அபி நு கோ² ரூபகாயே அதி⁴வசனஸம்ப²ஸ்ஸோ பஞ்ஞாயேதா²’’தி? ‘‘நோ ஹேதங்,
ப⁴ந்தே’’. ‘‘யேஹி, ஆனந்த³, ஆகாரேஹி யேஹி லிங்கே³ஹி யேஹி நிமித்தேஹி யேஹி
உத்³தே³ஸேஹி ரூபகாயஸ்ஸ பஞ்ஞத்தி ஹோதி, தேஸு ஆகாரேஸு…பே॰… தேஸு உத்³தே³ஸேஸு
அஸதி அபி நு கோ² நாமகாயே படிக⁴ஸம்ப²ஸ்ஸோ பஞ்ஞாயேதா²’’தி? ‘‘நோ ஹேதங்,
ப⁴ந்தே’’. ‘‘யேஹி, ஆனந்த³, ஆகாரேஹி…பே॰… யேஹி உத்³தே³ஸேஹி நாமகாயஸ்ஸ ச
ரூபகாயஸ்ஸ ச பஞ்ஞத்தி ஹோதி , தேஸு ஆகாரேஸு…பே॰… தேஸு
உத்³தே³ஸேஸு அஸதி அபி நு கோ² அதி⁴வசனஸம்ப²ஸ்ஸோ வா படிக⁴ஸம்ப²ஸ்ஸோ வா
பஞ்ஞாயேதா²’’தி? ‘‘நோ ஹேதங், ப⁴ந்தே’’. ‘‘யேஹி, ஆனந்த³, ஆகாரேஹி…பே॰… யேஹி
உத்³தே³ஸேஹி நாமரூபஸ்ஸ பஞ்ஞத்தி ஹோதி, தேஸு ஆகாரேஸு
…பே॰… தேஸு உத்³தே³ஸேஸு அஸதி அபி நு கோ² ப²ஸ்ஸோ பஞ்ஞாயேதா²’’தி? ‘‘நோ
ஹேதங், ப⁴ந்தே’’. ‘‘தஸ்மாதிஹானந்த³, ஏஸேவ ஹேது ஏதங் நிதா³னங் ஏஸ ஸமுத³யோ ஏஸ
பச்சயோ ப²ஸ்ஸஸ்ஸ, யதி³த³ங் நாமரூபங்’’.

115. ‘‘‘விஞ்ஞாணபச்சயா நாமரூப’ந்தி இதி கோ² பனேதங்
வுத்தங், ததா³னந்த³, இமினாபேதங் பரியாயேன வேதி³தப்³ப³ங், யதா²
விஞ்ஞாணபச்சயா நாமரூபங். விஞ்ஞாணஞ்ச ஹி, ஆனந்த³, மாதுகுச்சி²ஸ்மிங் ந
ஓக்கமிஸ்ஸத², அபி நு கோ² நாமரூபங் மாதுகுச்சி²ஸ்மிங் ஸமுச்சிஸ்ஸதா²’’தி?
‘‘நோ ஹேதங், ப⁴ந்தே’’. ‘‘விஞ்ஞாணஞ்ச ஹி, ஆனந்த³, மாதுகுச்சி²ஸ்மிங்
ஓக்கமித்வா வோக்கமிஸ்ஸத², அபி நு கோ² நாமரூபங் இத்த²த்தாய
அபி⁴னிப்³ப³த்திஸ்ஸதா²’’தி? ‘‘நோ ஹேதங், ப⁴ந்தே’’. ‘‘விஞ்ஞாணஞ்ச ஹி,
ஆனந்த³, த³ஹரஸ்ஸேவ ஸதோ வொச்சி²ஜ்ஜிஸ்ஸத² குமாரகஸ்ஸ வா குமாரிகாய வா, அபி நு
கோ² நாமரூபங் வுத்³தி⁴ங் விரூள்ஹிங் வேபுல்லங் ஆபஜ்ஜிஸ்ஸதா²’’தி? ‘‘நோ
ஹேதங், ப⁴ந்தே’’. ‘‘தஸ்மாதிஹானந்த³, ஏஸேவ ஹேது ஏதங் நிதா³னங் ஏஸ ஸமுத³யோ ஏஸ
பச்சயோ நாமரூபஸ்ஸ – யதி³த³ங் விஞ்ஞாணங்’’.

116. ‘‘‘நாமரூபபச்சயா
விஞ்ஞாண’ந்தி இதி கோ² பனேதங் வுத்தங், ததா³னந்த³, இமினாபேதங் பரியாயேன
வேதி³தப்³ப³ங், யதா² நாமரூபபச்சயா விஞ்ஞாணங். விஞ்ஞாணஞ்ச ஹி, ஆனந்த³,
நாமரூபே பதிட்ட²ங் ந லபி⁴ஸ்ஸத², அபி நு கோ² ஆயதிங் ஜாதிஜராமரணங்
து³க்க²ஸமுத³யஸம்ப⁴வோ [ஜாதிஜராமரணது³க்க²ஸமுத³யஸம்ப⁴வோ (ஸீ॰ ஸ்யா॰ பீ॰)]
பஞ்ஞாயேதா²’’தி? ‘‘நோ ஹேதங், ப⁴ந்தே’’. ‘‘தஸ்மாதிஹானந்த³, ஏஸேவ ஹேது ஏதங்
நிதா³னங் ஏஸ ஸமுத³யோ ஏஸ பச்சயோ விஞ்ஞாணஸ்ஸ யதி³த³ங் நாமரூபங். எத்தாவதா
கோ², ஆனந்த³, ஜாயேத² வா ஜீயேத² [ஜிய்யேத² (க॰)] வா மீயேத² [மிய்யேத² (க॰)]
வா சவேத² வா உபபஜ்ஜேத² வா. எத்தாவதா அதி⁴வசனபதோ², எத்தாவதா நிருத்திபதோ²,
எத்தாவதா பஞ்ஞத்திபதோ², எத்தாவதா பஞ்ஞாவசரங், எத்தாவதா வட்டங் வத்ததி
இத்த²த்தங் பஞ்ஞாபனாய யதி³த³ங் நாமரூபங் ஸஹ விஞ்ஞாணேன அஞ்ஞமஞ்ஞபச்சயதா பவத்ததி.

அத்தபஞ்ஞத்தி

117.
‘‘கித்தாவதா ச, ஆனந்த³, அத்தானங் பஞ்ஞபெந்தோ பஞ்ஞபேதி? ரூபிங் வா ஹி,
ஆனந்த³, பரித்தங் அத்தானங் பஞ்ஞபெந்தோ பஞ்ஞபேதி – ‘‘ரூபீ மே பரித்தோ
அத்தா’’தி. ரூபிங் வா ஹி , ஆனந்த³, அனந்தங் அத்தானங்
பஞ்ஞபெந்தோ பஞ்ஞபேதி – ‘ரூபீ மே அனந்தோ அத்தா’தி. அரூபிங் வா ஹி, ஆனந்த³,
பரித்தங் அத்தானங் பஞ்ஞபெந்தோ பஞ்ஞபேதி – ‘அரூபீ மே பரித்தோ அத்தா’தி.
அரூபிங் வா ஹி, ஆனந்த³, அனந்தங் அத்தானங் பஞ்ஞபெந்தோ பஞ்ஞபேதி – ‘அரூபீ மே
அனந்தோ அத்தா’தி.

118.
‘‘தத்ரானந்த³, யோ ஸோ ரூபிங் பரித்தங் அத்தானங் பஞ்ஞபெந்தோ பஞ்ஞபேதி. ஏதரஹி
வா ஸோ ரூபிங் பரித்தங் அத்தானங் பஞ்ஞபெந்தோ பஞ்ஞபேதி, தத்த² பா⁴விங் வா ஸோ
ரூபிங் பரித்தங் அத்தானங் பஞ்ஞபெந்தோ பஞ்ஞபேதி, ‘அதத²ங் வா பன ஸந்தங்
தத²த்தாய உபகப்பெஸ்ஸாமீ’தி இதி வா பனஸ்ஸ ஹோதி. ஏவங் ஸந்தங் கோ², ஆனந்த³,
ரூபிங் [ரூபீ (க॰)] பரித்தத்தானுதி³ட்டி² அனுஸேதீதி இச்சாலங் வசனாய.

‘‘தத்ரானந்த³, யோ ஸோ ரூபிங் அனந்தங் அத்தானங்
பஞ்ஞபெந்தோ பஞ்ஞபேதி. ஏதரஹி வா ஸோ ரூபிங் அனந்தங் அத்தானங் பஞ்ஞபெந்தோ
பஞ்ஞபேதி, தத்த² பா⁴விங் வா ஸோ ரூபிங் அனந்தங் அத்தானங் பஞ்ஞபெந்தோ
பஞ்ஞபேதி, ‘அதத²ங் வா பன ஸந்தங் தத²த்தாய உபகப்பெஸ்ஸாமீ’தி இதி வா பனஸ்ஸ ஹோதி. ஏவங் ஸந்தங் கோ², ஆனந்த³, ரூபிங் [ரூபீ (க॰)] அனந்தத்தானுதி³ட்டி² அனுஸேதீதி இச்சாலங் வசனாய.

‘‘தத்ரானந்த³, யோ ஸோ அரூபிங் பரித்தங் அத்தானங்
பஞ்ஞபெந்தோ பஞ்ஞபேதி. ஏதரஹி வா ஸோ அரூபிங் பரித்தங் அத்தானங் பஞ்ஞபெந்தோ
பஞ்ஞபேதி, தத்த² பா⁴விங் வா ஸோ அரூபிங் பரித்தங் அத்தானங் பஞ்ஞபெந்தோ
பஞ்ஞபேதி, ‘அதத²ங் வா பன ஸந்தங் தத²த்தாய உபகப்பெஸ்ஸாமீ’தி இதி வா பனஸ்ஸ
ஹோதி. ஏவங் ஸந்தங் கோ², ஆனந்த³, அரூபிங் [அரூபீ (க॰)] பரித்தத்தானுதி³ட்டி² அனுஸேதீதி இச்சாலங் வசனாய.

‘‘தத்ரானந்த³, யோ ஸோ அரூபிங் அனந்தங் அத்தானங்
பஞ்ஞபெந்தோ பஞ்ஞபேதி. ஏதரஹி வா ஸோ அரூபிங் அனந்தங் அத்தானங் பஞ்ஞபெந்தோ
பஞ்ஞபேதி, தத்த² பா⁴விங் வா ஸோ அரூபிங் அனந்தங் அத்தானங் பஞ்ஞபெந்தோ
பஞ்ஞபேதி, ‘அதத²ங் வா பன ஸந்தங் தத²த்தாய உபகப்பெஸ்ஸாமீ’தி இதி வா பனஸ்ஸ
ஹோதி. ஏவங் ஸந்தங் கோ², ஆனந்த³, அரூபிங் [அரூபீ (க॰)] அனந்தத்தானுதி³ட்டி² அனுஸேதீதி இச்சாலங் வசனாய. எத்தாவதா கோ², ஆனந்த³, அத்தானங் பஞ்ஞபெந்தோ பஞ்ஞபேதி.

நஅத்தபஞ்ஞத்தி

119.
‘‘கித்தாவதா ச, ஆனந்த³, அத்தானங் ந பஞ்ஞபெந்தோ ந பஞ்ஞபேதி? ரூபிங் வா ஹி,
ஆனந்த³, பரித்தங் அத்தானங் ந பஞ்ஞபெந்தோ ந பஞ்ஞபேதி – ‘ரூபீ மே பரித்தோ
அத்தா’தி. ரூபிங் வா ஹி, ஆனந்த³, அனந்தங் அத்தானங் ந
பஞ்ஞபெந்தோ ந பஞ்ஞபேதி – ‘ரூபீ மே அனந்தோ அத்தா’தி. அரூபிங் வா ஹி,
ஆனந்த³, பரித்தங் அத்தானங் ந பஞ்ஞபெந்தோ ந பஞ்ஞபேதி – ‘அரூபீ மே பரித்தோ
அத்தா’தி. அரூபிங் வா ஹி, ஆனந்த³, அனந்தங் அத்தானங் ந பஞ்ஞபெந்தோ ந பஞ்ஞபேதி – ‘அரூபீ மே அனந்தோ அத்தா’தி.

120.
‘‘தத்ரானந்த³, யோ ஸோ ரூபிங் பரித்தங் அத்தானங் ந பஞ்ஞபெந்தோ ந பஞ்ஞபேதி.
ஏதரஹி வா ஸோ ரூபிங் பரித்தங் அத்தானங் ந பஞ்ஞபெந்தோ ந பஞ்ஞபேதி, தத்த²
பா⁴விங் வா ஸோ ரூபிங் பரித்தங் அத்தானங் ந பஞ்ஞபெந்தோ ந பஞ்ஞபேதி, ‘அதத²ங்
வா பன ஸந்தங் தத²த்தாய உபகப்பெஸ்ஸாமீ’தி இதி வா பனஸ்ஸ ந ஹோதி. ஏவங் ஸந்தங் கோ², ஆனந்த³, ரூபிங் பரித்தத்தானுதி³ட்டி² நானுஸேதீதி இச்சாலங் வசனாய.

‘‘தத்ரானந்த³ , யோ ஸோ ரூபிங்
அனந்தங் அத்தானங் ந பஞ்ஞபெந்தோ ந பஞ்ஞபேதி. ஏதரஹி வா ஸோ ரூபிங் அனந்தங்
அத்தானங் ந பஞ்ஞபெந்தோ ந பஞ்ஞபேதி, தத்த² பா⁴விங் வா ஸோ ரூபிங் அனந்தங்
அத்தானங் ந பஞ்ஞபெந்தோ ந பஞ்ஞபேதி, ‘அதத²ங் வா பன ஸந்தங் தத²த்தாய
உபகப்பெஸ்ஸாமீ’தி இதி வா பனஸ்ஸ ந ஹோதி. ஏவங் ஸந்தங் கோ², ஆனந்த³, ரூபிங்
அனந்தத்தானுதி³ட்டி² நானுஸேதீதி இச்சாலங் வசனாய.

‘‘தத்ரானந்த³, யோ ஸோ அரூபிங் பரித்தங் அத்தானங் ந
பஞ்ஞபெந்தோ ந பஞ்ஞபேதி. ஏதரஹி வா ஸோ அரூபிங் பரித்தங் அத்தானங் ந
பஞ்ஞபெந்தோ ந பஞ்ஞபேதி, தத்த² பா⁴விங் வா ஸோ அரூபிங் பரித்தங் அத்தானங் ந
பஞ்ஞபெந்தோ ந பஞ்ஞபேதி, ‘அதத²ங் வா பன ஸந்தங் தத²த்தாய உபகப்பெஸ்ஸாமீ’தி
இதி வா பனஸ்ஸ ந ஹோதி. ஏவங் ஸந்தங் கோ², ஆனந்த³, அரூபிங்
பரித்தத்தானுதி³ட்டி² நானுஸேதீதி இச்சாலங் வசனாய.

‘‘தத்ரானந்த³, யோ ஸோ அரூபிங் அனந்தங் அத்தானங் ந பஞ்ஞபெந்தோ ந பஞ்ஞபேதி. ஏதரஹி வா ஸோ அரூபிங் அனந்தங் அத்தானங் ந பஞ்ஞபெந்தோ ந
பஞ்ஞபேதி, தத்த² பா⁴விங் வா ஸோ அரூபிங் அனந்தங் அத்தானங் ந பஞ்ஞபெந்தோ ந
பஞ்ஞபேதி, ‘அதத²ங் வா பன ஸந்தங் தத²த்தாய உபகப்பெஸ்ஸாமீ’தி இதி வா பனஸ்ஸ ந
ஹோதி. ஏவங் ஸந்தங் கோ², ஆனந்த³, அரூபிங் அனந்தத்தானுதி³ட்டி² நானுஸேதீதி
இச்சாலங் வசனாய. எத்தாவதா கோ², ஆனந்த³, அத்தானங் ந பஞ்ஞபெந்தோ ந பஞ்ஞபேதி.

அத்தஸமனுபஸ்ஸனா

121. ‘‘கித்தாவதா
ச, ஆனந்த³, அத்தானங் ஸமனுபஸ்ஸமானோ ஸமனுபஸ்ஸதி? வேத³னங் வா ஹி, ஆனந்த³,
அத்தானங் ஸமனுபஸ்ஸமானோ ஸமனுபஸ்ஸதி – ‘வேத³னா மே அத்தா’தி. ‘ந ஹேவ கோ² மே
வேத³னா அத்தா, அப்படிஸங்வேத³னோ மே அத்தா’தி இதி வா ஹி, ஆனந்த³, அத்தானங்
ஸமனுபஸ்ஸமானோ ஸமனுபஸ்ஸதி. ‘ந ஹேவ கோ² மே வேத³னா அத்தா, நோபி
அப்படிஸங்வேத³னோ மே அத்தா, அத்தா மே வேதி³யதி, வேத³னாத⁴ம்மோ ஹி மே அத்தா’தி
இதி வா ஹி, ஆனந்த³, அத்தானங் ஸமனுபஸ்ஸமானோ ஸமனுபஸ்ஸதி.

122.
‘‘தத்ரானந்த³, யோ ஸோ ஏவமாஹ – ‘வேத³னா மே அத்தா’தி, ஸோ ஏவமஸ்ஸ வசனீயோ –
‘திஸ்ஸோ கோ² இமா, ஆவுஸோ, வேத³னா – ஸுகா² வேத³னா து³க்கா² வேத³னா
அது³க்க²மஸுகா² வேத³னா. இமாஸங் கோ² த்வங் திஸ்ஸன்னங்
வேத³னானங் கதமங் அத்ததோ ஸமனுபஸ்ஸஸீ’தி? யஸ்மிங், ஆனந்த³, ஸமயே ஸுக²ங்
வேத³னங் வேதே³தி, நேவ தஸ்மிங் ஸமயே து³க்க²ங் வேத³னங் வேதே³தி, ந
அது³க்க²மஸுக²ங் வேத³னங் வேதே³தி; ஸுக²ங்யேவ தஸ்மிங் ஸமயே வேத³னங் வேதே³தி.
யஸ்மிங், ஆனந்த³, ஸமயே து³க்க²ங் வேத³னங் வேதே³தி, நேவ தஸ்மிங் ஸமயே
ஸுக²ங் வேத³னங் வேதே³தி, ந அது³க்க²மஸுக²ங் வேத³னங் வேதே³தி; து³க்க²ங்யேவ
தஸ்மிங் ஸமயே வேத³னங் வேதே³தி. யஸ்மிங், ஆனந்த³, ஸமயே அது³க்க²மஸுக²ங்
வேத³னங் வேதே³தி, நேவ தஸ்மிங் ஸமயே ஸுக²ங் வேத³னங் வேதே³தி, ந து³க்க²ங் வேத³னங் வேதே³தி; அது³க்க²மஸுக²ங்யேவ தஸ்மிங் ஸமயே வேத³னங் வேதே³தி.

123.
‘‘ஸுகா²பி கோ², ஆனந்த³, வேத³னா அனிச்சா ஸங்க²தா படிச்சஸமுப்பன்னா
க²யத⁴ம்மா வயத⁴ம்மா விராக³த⁴ம்மா நிரோத⁴த⁴ம்மா. து³க்கா²பி கோ², ஆனந்த³,
வேத³னா அனிச்சா ஸங்க²தா படிச்சஸமுப்பன்னா க²யத⁴ம்மா
வயத⁴ம்மா விராக³த⁴ம்மா நிரோத⁴த⁴ம்மா. அது³க்க²மஸுகா²பி கோ², ஆனந்த³,
வேத³னா அனிச்சா ஸங்க²தா படிச்சஸமுப்பன்னா க²யத⁴ம்மா வயத⁴ம்மா விராக³த⁴ம்மா
நிரோத⁴த⁴ம்மா. தஸ்ஸ ஸுக²ங் வேத³னங் வேதி³யமானஸ்ஸ ‘ஏஸோ மே அத்தா’தி ஹோதி.
தஸ்ஸாயேவ ஸுகா²ய வேத³னாய நிரோதா⁴ ‘ப்³யகா³ [ப்³யக்³கா³ (ஸீ॰ க॰)]
மே அத்தா’தி ஹோதி. து³க்க²ங் வேத³னங் வேதி³யமானஸ்ஸ ‘ஏஸோ மே அத்தா’தி ஹோதி.
தஸ்ஸாயேவ து³க்கா²ய வேத³னாய நிரோதா⁴ ‘ப்³யகா³ மே அத்தா’தி ஹோதி.
அது³க்க²மஸுக²ங் வேத³னங் வேதி³யமானஸ்ஸ ‘ஏஸோ மே அத்தா’தி ஹோதி. தஸ்ஸாயேவ
அது³க்க²மஸுகா²ய வேத³னாய நிரோதா⁴ ‘ப்³யகா³ மே அத்தா’தி ஹோதி. இதி ஸோ
தி³ட்டே²வ த⁴ம்மே அனிச்சஸுக²து³க்க²வோகிண்ணங் உப்பாத³வயத⁴ம்மங் அத்தானங்
ஸமனுபஸ்ஸமானோ ஸமனுபஸ்ஸதி, யோ ஸோ ஏவமாஹ – ‘வேத³னா மே அத்தா’தி.
தஸ்மாதிஹானந்த³, ஏதேன பேதங் நக்க²மதி – ‘வேத³னா மே அத்தா’தி ஸமனுபஸ்ஸிதுங்.

124. ‘‘தத்ரானந்த³ ,
யோ ஸோ ஏவமாஹ – ‘ந ஹேவ கோ² மே வேத³னா அத்தா, அப்படிஸங்வேத³னோ மே அத்தா’தி,
ஸோ ஏவமஸ்ஸ வசனீயோ – ‘யத்த² பனாவுஸோ, ஸப்³ப³ஸோ வேத³யிதங் நத்தி² அபி நு கோ²,
தத்த² ‘‘அயமஹமஸ்மீ’’தி ஸியா’’’தி ? ‘‘நோ ஹேதங்,
ப⁴ந்தே’’. ‘‘தஸ்மாதிஹானந்த³, ஏதேன பேதங் நக்க²மதி – ‘ந ஹேவ கோ² மே வேத³னா
அத்தா, அப்படிஸங்வேத³னோ மே அத்தா’தி ஸமனுபஸ்ஸிதுங்.

125. ‘‘தத்ரானந்த³ ,
யோ ஸோ ஏவமாஹ – ‘ந ஹேவ கோ² மே வேத³னா அத்தா, நோபி அப்படிஸங்வேத³னோ மே
அத்தா, அத்தா மே வேதி³யதி, வேத³னாத⁴ம்மோ ஹி மே அத்தா’தி. ஸோ ஏவமஸ்ஸ வசனீயோ –
வேத³னா ச ஹி, ஆவுஸோ, ஸப்³பே³ன ஸப்³ப³ங் ஸப்³ப³தா² ஸப்³ப³ங் அபரிஸேஸா
நிருஜ்ஜெ²ய்யுங். ஸப்³ப³ஸோ வேத³னாய அஸதி வேத³னானிரோதா⁴ அபி நு கோ² தத்த²
‘அயமஹமஸ்மீ’தி ஸியா’’தி? ‘நோ ஹேதங், ப⁴ந்தே’’. ‘‘தஸ்மாதிஹானந்த³, ஏதேன
பேதங் நக்க²மதி – ‘‘ந ஹேவ கோ² மே வேத³னா அத்தா, நோபி அப்படிஸங்வேத³னோ மே அத்தா, அத்தா மே வேதி³யதி, வேத³னாத⁴ம்மோ ஹி மே அத்தா’தி ஸமனுபஸ்ஸிதுங்.

126.
‘‘யதோ கோ², ஆனந்த³, பி⁴க்கு² நேவ வேத³னங் அத்தானங் ஸமனுபஸ்ஸதி, நோபி
அப்படிஸங்வேத³னங் அத்தானங் ஸமனுபஸ்ஸதி, நோபி ‘அத்தா மே வேதி³யதி,
வேத³னாத⁴ம்மோ ஹி மே அத்தா’தி ஸமனுபஸ்ஸதி. ஸோ ஏவங் ந ஸமனுபஸ்ஸந்தோ ந ச
கிஞ்சி லோகே உபாதி³யதி, அனுபாதி³யங் ந பரிதஸ்ஸதி, அபரிதஸ்ஸங் [அபரிதஸ்ஸனங் (க॰)]
பச்சத்தஞ்ஞேவ பரினிப்³பா³யதி, ‘கீ²ணா ஜாதி, வுஸிதங் ப்³ரஹ்மசரியங், கதங்
கரணீயங், நாபரங் இத்த²த்தாயா’தி பஜானாதி. ஏவங் விமுத்தசித்தங் கோ², ஆனந்த³,
பி⁴க்கு²ங் யோ ஏவங் வதெ³ய்ய – ‘ஹோதி ததா²க³தோ பரங் மரணா இதிஸ்ஸ [இதி ஸா (அட்ட²கதா²யங் பாட²ந்தரங்)] தி³ட்டீ²’தி, தத³கல்லங். ‘ந ஹோதி ததா²க³தோ பரங் மரணா இதிஸ்ஸ
தி³ட்டீ²’தி, தத³கல்லங். ‘ஹோதி ச ந ச ஹோதி ததா²க³தோ பரங் மரணா இதிஸ்ஸ
தி³ட்டீ²’தி, தத³கல்லங். ‘நேவ ஹோதி ந ந ஹோதி ததா²க³தோ பரங் மரணா இதிஸ்ஸ
தி³ட்டீ²’தி, தத³கல்லங். தங் கிஸ்ஸ ஹேது? யாவதா, ஆனந்த³, அதி⁴வசனங் யாவதா
அதி⁴வசனபதோ², யாவதா நிருத்தி யாவதா நிருத்திபதோ², யாவதா பஞ்ஞத்தி யாவதா
பஞ்ஞத்திபதோ², யாவதா பஞ்ஞா யாவதா பஞ்ஞாவசரங், யாவதா வட்டங் [யாவதா வட்டங் வட்டதி (க॰ ஸீ॰)], யாவதா வட்டதி [யாவதா வட்டங் வட்டதி (க॰ ஸீ॰)], தத³பி⁴ஞ்ஞாவிமுத்தோ பி⁴க்கு², தத³பி⁴ஞ்ஞாவிமுத்தங் பி⁴க்கு²ங் ‘ந ஜானாதி ந பஸ்ஸதி இதிஸ்ஸ தி³ட்டீ²’தி, தத³கல்லங்.

ஸத்த விஞ்ஞாணட்டி²தி

127. ‘‘ஸத்த கோ², ஆனந்த³ [ஸத்த கோ² இமா ஆனந்த³ (க॰ ஸீ॰ ஸ்யா॰)], விஞ்ஞாணட்டி²தியோ, த்³வே ஆயதனானி. கதமா ஸத்த? ஸந்தானந்த³, ஸத்தா நானத்தகாயா நானத்தஸஞ்ஞினோ, ஸெய்யதா²பி மனுஸ்ஸா , ஏகச்சே ச தே³வா, ஏகச்சே ச
வினிபாதிகா. அயங் பட²மா விஞ்ஞாணட்டி²தி. ஸந்தானந்த³, ஸத்தா நானத்தகாயா
ஏகத்தஸஞ்ஞினோ, ஸெய்யதா²பி தே³வா ப்³ரஹ்மகாயிகா பட²மாபி⁴னிப்³ப³த்தா. அயங்
து³தியா விஞ்ஞாணட்டி²தி. ஸந்தானந்த³, ஸத்தா ஏகத்தகாயா நானத்தஸஞ்ஞினோ,
ஸெய்யதா²பி தே³வா ஆப⁴ஸ்ஸரா. அயங் ததியா விஞ்ஞாணட்டி²தி. ஸந்தானந்த³, ஸத்தா
ஏகத்தகாயா ஏகத்தஸஞ்ஞினோ, ஸெய்யதா²பி தே³வா ஸுப⁴கிண்ஹா. அயங் சதுத்தீ²
விஞ்ஞாணட்டி²தி. ஸந்தானந்த³, ஸத்தா ஸப்³ப³ஸோ ரூபஸஞ்ஞானங் ஸமதிக்கமா
படிக⁴ஸஞ்ஞானங் அத்த²ங்க³மா நானத்தஸஞ்ஞானங் அமனஸிகாரா ‘அனந்தோ ஆகாஸோ’தி
ஆகாஸானஞ்சாயதனூபகா³. அயங் பஞ்சமீ விஞ்ஞாணட்டி²தி .
ஸந்தானந்த³, ஸத்தா ஸப்³ப³ஸோ ஆகாஸானஞ்சாயதனங் ஸமதிக்கம்ம ‘அனந்தங்
விஞ்ஞாண’ந்தி விஞ்ஞாணஞ்சாயதனூபகா³. அயங் ச²ட்டீ² விஞ்ஞாணட்டி²தி.
ஸந்தானந்த³, ஸத்தா ஸப்³ப³ஸோ விஞ்ஞாணஞ்சாயதனங் ஸமதிக்கம்ம ‘நத்தி² கிஞ்சீ’தி
ஆகிஞ்சஞ்ஞாயதனூபகா³. அயங் ஸத்தமீ விஞ்ஞாணட்டி²தி. அஸஞ்ஞஸத்தாயதனங்
நேவஸஞ்ஞானாஸஞ்ஞாயதனமேவ து³தியங்.

128.
‘‘தத்ரானந்த³, யாயங் பட²மா விஞ்ஞாணட்டி²தி நானத்தகாயா நானத்தஸஞ்ஞினோ,
ஸெய்யதா²பி மனுஸ்ஸா, ஏகச்சே ச தே³வா, ஏகச்சே ச வினிபாதிகா. யோ நு கோ²,
ஆனந்த³, தஞ்ச பஜானாதி, தஸ்ஸா ச ஸமுத³யங் பஜானாதி, தஸ்ஸா ச அத்த²ங்க³மங்
பஜானாதி, தஸ்ஸா ச அஸ்ஸாத³ங் பஜானாதி, தஸ்ஸா ச ஆதீ³னவங் பஜானாதி, தஸ்ஸா ச
நிஸ்ஸரணங் பஜானாதி, கல்லங் நு தேன தத³பி⁴னந்தி³து’’ந்தி? ‘‘நோ
ஹேதங், ப⁴ந்தே’’…பே॰… ‘‘தத்ரானந்த³, யமித³ங் அஸஞ்ஞஸத்தாயதனங். யோ நு கோ²,
ஆனந்த³, தஞ்ச பஜானாதி, தஸ்ஸ ச ஸமுத³யங் பஜானாதி, தஸ்ஸ ச அத்த²ங்க³மங்
பஜானாதி, தஸ்ஸ ச அஸ்ஸாத³ங் பஜானாதி, தஸ்ஸ ச ஆதீ³னவங் பஜானாதி, தஸ்ஸ ச
நிஸ்ஸரணங் பஜானாதி, கல்லங் நு தேன தத³பி⁴னந்தி³து’’ந்தி? ‘‘நோ ஹேதங்,
ப⁴ந்தே’’. ‘‘தத்ரானந்த³, யமித³ங் நேவஸஞ்ஞானாஸஞ்ஞாயதனங். யோ நு கோ², ஆனந்த³,
தஞ்ச பஜானாதி, தஸ்ஸ ச ஸமுத³யங் பஜானாதி, தஸ்ஸ ச அத்த²ங்க³மங் பஜானாதி,
தஸ்ஸ ச அஸ்ஸாத³ங் பஜானாதி, தஸ்ஸ ச ஆதீ³னவங் பஜானாதி, தஸ்ஸ ச நிஸ்ஸரணங்
பஜானாதி, கல்லங் நு தேன தத³பி⁴னந்தி³து’’ந்தி? ‘‘நோ ஹேதங், ப⁴ந்தே’’. யதோ
கோ², ஆனந்த³, பி⁴க்கு² இமாஸஞ்ச ஸத்தன்னங் விஞ்ஞாணட்டி²தீனங் இமேஸஞ்ச
த்³வின்னங் ஆயதனானங் ஸமுத³யஞ்ச அத்த²ங்க³மஞ்ச அஸ்ஸாத³ஞ்ச ஆதீ³னவஞ்ச
நிஸ்ஸரணஞ்ச யதா²பூ⁴தங் விதி³த்வா அனுபாதா³ விமுத்தோ ஹோதி, அயங்
வுச்சதானந்த³, பி⁴க்கு² பஞ்ஞாவிமுத்தோ.

அட்ட² விமொக்கா²

129. ‘‘அட்ட² கோ² இமே, ஆனந்த³, விமொக்கா². கதமே அட்ட²? ரூபீ ரூபானி பஸ்ஸதி அயங் பட²மோ விமொக்கோ². அஜ்ஜ²த்தங் அரூபஸஞ்ஞீ ப³ஹித்³தா⁴ ரூபானி பஸ்ஸதி, அயங் து³தியோ விமொக்கோ². ஸுப⁴ந்தேவ
அதி⁴முத்தோ ஹோதி, அயங் ததியோ விமொக்கோ². ஸப்³ப³ஸோ ரூபஸஞ்ஞானங் ஸமதிக்கமா
படிக⁴ஸஞ்ஞானங் அத்த²ங்க³மா நானத்தஸஞ்ஞானங் அமனஸிகாரா ‘அனந்தோ ஆகாஸோ’தி
ஆகாஸானஞ்சாயதனங் உபஸம்பஜ்ஜ விஹரதி, அயங் சதுத்தோ² விமொக்கோ². ஸப்³ப³ஸோ
ஆகாஸானஞ்சாயதனங் ஸமதிக்கம்ம ‘அனந்தங் விஞ்ஞாண’ந்தி விஞ்ஞாணஞ்சாயதனங்
உபஸம்பஜ்ஜ விஹரதி, அயங் பஞ்சமோ விமொக்கோ². ஸப்³ப³ஸோ விஞ்ஞாணஞ்சாயதனங்
ஸமதிக்கம்ம ‘நத்தி² கிஞ்சீ’தி ஆகிஞ்சஞ்ஞாயதனங்
உபஸம்பஜ்ஜ விஹரதி, அயங் ச²ட்டோ² விமொக்கோ². ஸப்³ப³ஸோ ஆகிஞ்சஞ்ஞாயதனங்
ஸமதிக்கம்ம ‘நேவஸஞ்ஞானாஸஞ்ஞா’யதனங் உபஸம்பஜ்ஜ விஹரதி, அயங் ஸத்தமோ
விமொக்கோ². ஸப்³ப³ஸோ நேவஸஞ்ஞானாஸஞ்ஞாயதனங் ஸமதிக்கம்ம ஸஞ்ஞாவேத³யிதனிரோத⁴ங்
உபஸம்பஜ்ஜ விஹரதி, அயங் அட்ட²மோ விமொக்கோ². இமே கோ², ஆனந்த³, அட்ட²
விமொக்கா².

130.
‘‘யதோ கோ², ஆனந்த³, பி⁴க்கு² இமே அட்ட² விமொக்கே² அனுலோமம்பி ஸமாபஜ்ஜதி,
படிலோமம்பி ஸமாபஜ்ஜதி, அனுலோமபடிலோமம்பி ஸமாபஜ்ஜதி, யத்தி²ச்ச²கங்
யதி³ச்ச²கங் யாவதிச்ச²கங் ஸமாபஜ்ஜதிபி வுட்டா²திபி. ஆஸவானஞ்ச க²யா அனாஸவங்
சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா
ஸச்சி²கத்வா உபஸம்பஜ்ஜ விஹரதி, அயங் வுச்சதானந்த³, பி⁴க்கு²
உப⁴தோபா⁴க³விமுத்தோ. இமாய ச ஆனந்த³ உப⁴தோபா⁴க³விமுத்தியா அஞ்ஞா
உப⁴தோபா⁴க³விமுத்தி உத்தரிதரா வா பணீததரா வா நத்தீ²’’தி. இத³மவோச ப⁴க³வா.
அத்தமனோ ஆயஸ்மா ஆனந்தோ³ ப⁴க³வதோ பா⁴ஸிதங் அபி⁴னந்தீ³தி.

மஹானிதா³னஸுத்தங் நிட்டி²தங் து³தியங்.

comments (0)