Free Online FOOD for MIND & HUNGER - DO GOOD 😊 PURIFY MIND.To live like free birds 🐦 🦢 🦅 grow fruits 🍍 🍊 🥑 🥭 🍇 🍌 🍎 🍉 🍒 🍑 🥝 vegetables 🥦 🥕 🥗 🥬 🥔 🍆 🥜 🎃 🫑 🍅🍜 🧅 🍄 🍝 🥗 🥒 🌽 🍏 🫑 🌳 🍓 🍊 🥥 🌵 🍈 🌰 🇧🇧 🫐 🍅 🍐 🫒Plants 🌱in pots 🪴 along with Meditative Mindful Swimming 🏊‍♂️ to Attain NIBBĀNA the Eternal Bliss.

Kushinara NIBBĀNA Bhumi Pagoda White Home, Puniya Bhumi Bengaluru, Prabuddha Bharat International.

Categories:

Search:

Archives:

Meta:

August 2007

M	T	W	T	F	S	S
« Jul		Sep »
	1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

08/08/07

ஸுத்தபிடக-Part-33-தமிழில் திரபிடக மூன்று தொகுப்புகள்TIPITAKA–33.10. ஸங்கீதிஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 9:40 am

ஸுத்தபிடக-Part-33-தமிழில் திரபிடக மூன்று தொகுப்புகள்TIPITAKA--33.10. ஸங்கீதிஸுத்தங்-from FREE ONLINE eNālāndā Research and
Practice UNIVERSITY through http://sarvajan.ambedkar.org

10. ஸங்கீதிஸுத்தங்

296. ஏவங்
மே ஸுதங் – ஏகங் ஸமயங் ப⁴க³வா மல்லேஸு சாரிகங் சரமானோ மஹதா
பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி பி⁴க்கு²ஸதேஹி யேன பாவா நாம
மல்லானங் நக³ரங் தத³வஸரி. தத்ர ஸுத³ங் ப⁴க³வா பாவாயங் விஹரதி சுந்த³ஸ்ஸ
கம்மாரபுத்தஸ்ஸ அம்ப³வனே.

உப்³ப⁴தகனவஸந்தா⁴கா³ரங்

297. தேன கோ² பன ஸமயேன பாவெய்யகானங் மல்லானங் உப்³ப⁴தகங் நாம நவங் ஸந்தா⁴கா³ரங் [ஸந்தா²கா³ரங் (ஸீ॰ பீ॰), ஸண்டா²கா³ரங் (ஸ்யா॰ கங்॰)] அசிரகாரிதங் ஹோதி அனஜ்ஜா²வுட்ட²ங் [அனஜ்ஜா²வுத்த²ங் (ஸீ॰ ஸ்யா॰ பீ॰ க॰)]
ஸமணேன வா ப்³ராஹ்மணேன வா கேனசி வா மனுஸ்ஸபூ⁴தேன. அஸ்ஸோஸுங் கோ² பாவெய்யகா
மல்லா – ‘‘ப⁴க³வா கிர மல்லேஸு சாரிகங் சரமானோ மஹதா பி⁴க்கு²ஸங்கே⁴ன
ஸத்³தி⁴ங் பஞ்சமத்தேஹி பி⁴க்கு²ஸதேஹி பாவங் அனுப்பத்தோ பாவாயங் விஹரதி
சுந்த³ஸ்ஸ கம்மாரபுத்தஸ்ஸ அம்ப³வனே’’தி. அத² கோ² பாவெய்யகா மல்லா யேன
ப⁴க³வா தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங்
நிஸீதி³ங்ஸு. ஏகமந்தங் நிஸின்னா கோ² பாவெய்யகா மல்லா ப⁴க³வந்தங் ஏதத³வோசுங்
– ‘‘இத⁴, ப⁴ந்தே, பாவெய்யகானங் மல்லானங் உப்³ப⁴தகங் நாம நவங் ஸந்தா⁴கா³ரங்
அசிரகாரிதங் ஹோதி அனஜ்ஜா²வுட்ட²ங் ஸமணேன வா ப்³ராஹ்மணேன வா கேனசி வா
மனுஸ்ஸபூ⁴தேன. தஞ்ச கோ², ப⁴ந்தே, ப⁴க³வா பட²மங்
பரிபு⁴ஞ்ஜது, ப⁴க³வதா பட²மங் பரிபு⁴த்தங் பச்சா² பாவெய்யகா மல்லா
பரிபு⁴ஞ்ஜிஸ்ஸந்தி. தத³ஸ்ஸ பாவெய்யகானங் மல்லானங் தீ³க⁴ரத்தங் ஹிதாய
ஸுகா²யா’’தி. அதி⁴வாஸேஸி கோ² ப⁴க³வா துண்ஹீபா⁴வேன.

298. அத² கோ² பாவெய்யகா மல்லா
ப⁴க³வதோ அதி⁴வாஸனங் விதி³த்வா உட்டா²யாஸனா ப⁴க³வந்தங் அபி⁴வாதெ³த்வா
பத³க்கி²ணங் கத்வா யேன ஸந்தா⁴கா³ரங் தேனுபஸங்கமிங்ஸு; உபஸங்கமித்வா
ஸப்³ப³ஸந்த²ரிங் [ஸப்³ப³ஸந்த²ரிங் ஸந்த²தங் (க॰)]
ஸந்தா⁴கா³ரங் ஸந்த²ரித்வா ப⁴க³வதோ ஆஸனானி பஞ்ஞாபெத்வா உத³கமணிகங்
பதிட்ட²பெத்வா தேலபதீ³பங் ஆரோபெத்வா யேன ப⁴க³வா தேனுபஸங்கமிங்ஸு;
உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் அட்ட²ங்ஸு. ஏகமந்தங் டி²தா கோ² தே பாவெய்யகா மல்லா ப⁴க³வந்தங் ஏதத³வோசுங் – ‘‘ஸப்³ப³ஸந்த²ரிஸந்த²தங் [ஸப்³ப³ஸந்த²ரிங் ஸந்த²தங் (ஸீ॰ பீ॰ க॰)], ப⁴ந்தே, ஸந்தா⁴கா³ரங், ப⁴க³வதோ ஆஸனானி பஞ்ஞத்தானி, உத³கமணிகோ பதிட்டா²பிதோ, தேலபதீ³போ ஆரோபிதோ. யஸ்ஸதா³னி, ப⁴ந்தே, ப⁴க³வா காலங் மஞ்ஞதீ’’தி.

299.
அத² கோ² ப⁴க³வா நிவாஸெத்வா பத்தசீவரமாதா³ய ஸத்³தி⁴ங் பி⁴க்கு²ஸங்கே⁴ன யேன
ஸந்தா⁴கா³ரங் தேனுபஸங்கமி; உபஸங்கமித்வா பாதே³ பக்கா²லெத்வா ஸந்தா⁴கா³ரங்
பவிஸித்வா மஜ்ஜி²மங் த²ம்ப⁴ங் நிஸ்ஸாய புரத்தா²பி⁴முகோ² நிஸீதி³.
பி⁴க்கு²ஸங்கோ⁴பி கோ² பாதே³ பக்கா²லெத்வா ஸந்தா⁴கா³ரங் பவிஸித்வா பச்சி²மங்
பி⁴த்திங் நிஸ்ஸாய புரத்தா²பி⁴முகோ² நிஸீதி³
ப⁴க³வந்தங்யேவ புரக்க²த்வா. பாவெய்யகாபி கோ² மல்லா பாதே³ பக்கா²லெத்வா
ஸந்தா⁴கா³ரங் பவிஸித்வா புரத்தி²மங் பி⁴த்திங் நிஸ்ஸாய பச்சி²மாபி⁴முகா²
நிஸீதி³ங்ஸு ப⁴க³வந்தங்யேவ புரக்க²த்வா. அத² கோ² ப⁴க³வா பாவெய்யகே மல்லே
ப³ஹுதே³வ ரத்திங் த⁴ம்மியா கதா²ய ஸந்த³ஸ்ஸெத்வா ஸமாத³பெத்வா ஸமுத்தேஜெத்வா
ஸம்பஹங்ஸெத்வா உய்யோஜேஸி – ‘‘அபி⁴க்கந்தா கோ², வாஸெட்டா², ரத்தி. யஸ்ஸதா³னி
தும்ஹே காலங் மஞ்ஞதா²’’தி. ‘‘ஏவங், ப⁴ந்தே’’தி கோ² பாவெய்யகா மல்லா
ப⁴க³வதோ படிஸ்ஸுத்வா உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங் கத்வா பக்கமிங்ஸு.

300.
அத² கோ² ப⁴க³வா அசிரபக்கந்தேஸு பாவெய்யகேஸு மல்லேஸு துண்ஹீபூ⁴தங்
துண்ஹீபூ⁴தங் பி⁴க்கு²ஸங்க⁴ங் அனுவிலோகெத்வா ஆயஸ்மந்தங் ஸாரிபுத்தங்
ஆமந்தேஸி – ‘‘விக³ததி²னமித்³தோ⁴ [விக³ததீ²னமித்³தோ⁴ (ஸீ॰ ஸ்யா॰ கங்॰ பீ॰)] கோ², ஸாரிபுத்த, பி⁴க்கு²ஸங்கோ⁴. படிபா⁴து தங், ஸாரிபுத்த, பி⁴க்கூ²னங் த⁴ம்மீகதா². பிட்டி² மே ஆகி³லாயதி. தமஹங் ஆயமிஸ்ஸாமீ’’தி [ஆயமெய்யாமீதி (ஸ்யா॰ கங்॰)].
‘‘ஏவங், ப⁴ந்தே’’தி கோ² ஆயஸ்மா ஸாரிபுத்தோ ப⁴க³வதோ பச்சஸ்ஸோஸி. அத² கோ²
ப⁴க³வா சதுக்³கு³ணங் ஸங்கா⁴டிங் பஞ்ஞபெத்வா த³க்கி²ணேன பஸ்ஸேன ஸீஹஸெய்யங்
கப்பேஸி பாதே³ பாத³ங் அச்சாதா⁴ய, ஸதோ ஸம்பஜானோ உட்டா²னஸஞ்ஞங் மனஸி கரித்வா.

பி⁴ன்னநிக³ண்ட²வத்து²

301. தேன கோ² பன ஸமயேன நிக³ண்டோ² நாடபுத்தோ பாவாயங் அது⁴னாகாலங்கதோ ஹோதி. தஸ்ஸ காலங்கிரியாய பி⁴ன்னா நிக³ண்டா² த்³வேதி⁴கஜாதா [த்³தெ⁴ள்ஹகஜாதா (ஸ்யா॰ கங்॰)] ப⁴ண்ட³னஜாதா கலஹஜாதா விவாதா³பன்னா அஞ்ஞமஞ்ஞங் முக²ஸத்தீஹி விதுத³ந்தா விஹரந்தி [விசரந்தி (ஸ்யா॰ கங்॰)]
– ‘‘ந த்வங் இமங் த⁴ம்மவினயங் ஆஜானாஸி, அஹங் இமங் த⁴ம்மவினயங் ஆஜானாமி,
கிங் த்வங் இமங் த⁴ம்மவினயங் ஆஜானிஸ்ஸஸி! மிச்சா²படிபன்னோ த்வமஸி, அஹமஸ்மி
ஸம்மாபடிபன்னோ. ஸஹிதங் மே, அஸஹிதங் தே. புரேவசனீயங் பச்சா² அவச,
பச்சா²வசனீயங் புரே அவச. அதி⁴சிண்ணங் தே விபராவத்தங், ஆரோபிதோ தே வாதோ³,
நிக்³க³ஹிதோ த்வமஸி, சர வாத³ப்பமொக்கா²ய, நிப்³பே³டே²ஹி வா ஸசே பஹோஸீ’’தி.
வதோ⁴யேவ கோ² மஞ்ஞே நிக³ண்டே²ஸு நாடபுத்தியேஸு வத்ததி. யேபி [யேபி தே (ஸீ॰ பீ॰)] நிக³ண்ட²ஸ்ஸ நாடபுத்தஸ்ஸ ஸாவகா கி³ஹீ ஓதா³தவஸனா ,
தேபி நிக³ண்டே²ஸு நாடபுத்தியேஸு நிப்³பி³ன்னரூபா விரத்தரூபா படிவானரூபா,
யதா² தங் து³ரக்கா²தே த⁴ம்மவினயே து³ப்பவேதி³தே அனிய்யானிகே
அனுபஸமஸங்வத்தனிகே அஸம்மாஸம்பு³த்³த⁴ப்பவேதி³தே பி⁴ன்னதூ²பே அப்படிஸரணே.

302.
அத² கோ² ஆயஸ்மா ஸாரிபுத்தோ பி⁴க்கூ² ஆமந்தேஸி – ‘‘நிக³ண்டோ², ஆவுஸோ,
நாடபுத்தோ பாவாயங் அது⁴னாகாலங்கதோ, தஸ்ஸ காலங்கிரியாய பி⁴ன்னா நிக³ண்டா²
த்³வேதி⁴கஜாதா…பே॰… பி⁴ன்னதூ²பே அப்படிஸரணே’’. ‘‘ஏவஞ்ஹேதங், ஆவுஸோ, ஹோதி
து³ரக்கா²தே த⁴ம்மவினயே து³ப்பவேதி³தே அனிய்யானிகே அனுபஸமஸங்வத்தனிகே
அஸம்மாஸம்பு³த்³த⁴ப்பவேதி³தே. அயங் கோ² பனாவுஸோ அம்ஹாகங் [அஸ்மாகங் (பீ॰)] ப⁴க³வதா [ப⁴க³வதோ (க॰ ஸீ॰)]
த⁴ம்மோ ஸ்வாக்கா²தோ ஸுப்பவேதி³தோ நிய்யானிகோ உபஸமஸங்வத்தனிகோ
ஸம்மாஸம்பு³த்³த⁴ப்பவேதி³தோ. தத்த² ஸப்³பே³ஹேவ ஸங்கா³யிதப்³ப³ங், ந
விவதி³தப்³ப³ங், யத²யித³ங் ப்³ரஹ்மசரியங் அத்³த⁴னியங் அஸ்ஸ சிரட்டி²திகங்,
தத³ஸ்ஸ ப³ஹுஜனஹிதாய ப³ஹுஜனஸுகா²ய லோகானுகம்பாய அத்தா²ய ஹிதாய ஸுகா²ய
தே³வமனுஸ்ஸானங்.

‘‘கதமோ சாவுஸோ, அம்ஹாகங் ப⁴க³வதா [ப⁴க³வதோ (க॰ ஸீ॰)]
த⁴ம்மோ ஸ்வாக்கா²தோ ஸுப்பவேதி³தோ நிய்யானிகோ உபஸமஸங்வத்தனிகோ
ஸம்மாஸம்பு³த்³த⁴ப்பவேதி³தோ; யத்த² ஸப்³பே³ஹேவ ஸங்கா³யிதப்³ப³ங், ந
விவதி³தப்³ப³ங், யத²யித³ங் ப்³ரஹ்மசரியங் அத்³த⁴னியங் அஸ்ஸ சிரட்டி²திகங்,
தத³ஸ்ஸ ப³ஹுஜனஹிதாய ப³ஹுஜனஸுகா²ய லோகானுகம்பாய அத்தா²ய ஹிதாய ஸுகா²ய
தே³வமனுஸ்ஸானங்?

ஏககங்

303. ‘‘அத்தி²
கோ², ஆவுஸோ, தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன ஏகோ
த⁴ம்மோ ஸம்மத³க்கா²தோ. தத்த² ஸப்³பே³ஹேவ ஸங்கா³யிதப்³ப³ங், ந
விவதி³தப்³ப³ங், யத²யித³ங் ப்³ரஹ்மசரியங் அத்³த⁴னியங் அஸ்ஸ சிரட்டி²திகங் ,
தத³ஸ்ஸ ப³ஹுஜனஹிதாய ப³ஹுஜனஸுகா²ய லோகானுகம்பாய அத்தா²ய ஹிதாய ஸுகா²ய
தே³வமனுஸ்ஸானங். கதமோ ஏகோ த⁴ம்மோ? ஸப்³பே³ ஸத்தா ஆஹாரட்டி²திகா. ஸப்³பே³
ஸத்தா ஸங்கா²ரட்டி²திகா. அயங் கோ², ஆவுஸோ, தேன ப⁴க³வதா ஜானதா பஸ்ஸதா அரஹதா
ஸம்மாஸம்பு³த்³தே⁴ன ஏகோ த⁴ம்மோ ஸம்மத³க்கா²தோ. தத்த² ஸப்³பே³ஹேவ
ஸங்கா³யிதப்³ப³ங், ந விவதி³தப்³ப³ங் , யத²யித³ங்
ப்³ரஹ்மசரியங் அத்³த⁴னியங் அஸ்ஸ சிரட்டி²திகங், தத³ஸ்ஸ ப³ஹுஜனஹிதாய
ப³ஹுஜனஸுகா²ய லோகானுகம்பாய அத்தா²ய ஹிதாய ஸுகா²ய தே³வமனுஸ்ஸானங்.

து³கங்

304. ‘‘அத்தி²
கோ², ஆவுஸோ, தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன த்³வே
த⁴ம்மா ஸம்மத³க்கா²தா. தத்த² ஸப்³பே³ஹேவ ஸங்கா³யிதப்³ப³ங், ந
விவதி³தப்³ப³ங், யத²யித³ங் ப்³ரஹ்மசரியங் அத்³த⁴னியங் அஸ்ஸ சிரட்டி²திகங்,
தத³ஸ்ஸ ப³ஹுஜனஹிதாய ப³ஹுஜனஸுகா²ய லோகானுகம்பாய அத்தா²ய ஹிதாய ஸுகா²ய
தே³வமனுஸ்ஸானங். கதமே த்³வே [த்³வே த⁴ம்மோ (ஸ்யா॰ கங்॰) ஏவமுபரிபி]?

‘‘நாமஞ்ச ரூபஞ்ச.

‘‘அவிஜ்ஜா ச ப⁴வதண்ஹா ச.

‘‘ப⁴வதி³ட்டி² ச விப⁴வதி³ட்டி² ச.

‘‘அஹிரிகஞ்ச [அஹிரீகஞ்ச (கத்த²சி)] அனொத்தப்பஞ்ச.

‘‘ஹிரீ ச ஒத்தப்பஞ்ச.

‘‘தோ³வசஸ்ஸதா ச பாபமித்ததா ச.

‘‘ஸோவசஸ்ஸதா ச கல்யாணமித்ததா ச.

‘‘ஆபத்திகுஸலதா ச ஆபத்திவுட்டா²னகுஸலதா ச.

‘‘ஸமாபத்திகுஸலதா ச ஸமாபத்திவுட்டா²னகுஸலதா ச.

‘‘தா⁴துகுஸலதா ச மனஸிகாரகுஸலதா ச.

‘‘ஆயதனகுஸலதா ச படிச்சஸமுப்பாத³குஸலதா ச.

‘‘டா²னகுஸலதா ச அட்டா²னகுஸலதா ச.

‘‘அஜ்ஜவஞ்ச லஜ்ஜவஞ்ச.

‘‘க²ந்தி ச ஸோரச்சஞ்ச.

‘‘ஸாக²ல்யஞ்ச படிஸந்தா²ரோ ச.

‘‘அவிஹிங்ஸா ச ஸோசெய்யஞ்ச.

‘‘முட்ட²ஸ்ஸச்சஞ்ச அஸம்பஜஞ்ஞஞ்ச.

‘‘ஸதி ச ஸம்பஜஞ்ஞஞ்ச .

‘‘இந்த்³ரியேஸு அகு³த்தத்³வாரதா ச போ⁴ஜனே அமத்தஞ்ஞுதா ச.

‘‘இந்த்³ரியேஸு கு³த்தத்³வாரதா ச போ⁴ஜனே மத்தஞ்ஞுதா ச.

‘‘படிஸங்கா²னப³லஞ்ச [படிஸந்தா⁴னப³லஞ்ச (ஸ்யா॰)] பா⁴வனாப³லஞ்ச.

‘‘ஸதிப³லஞ்ச ஸமாதி⁴ப³லஞ்ச.

‘‘ஸமதோ² ச விபஸ்ஸனா ச.

‘‘ஸமத²னிமித்தஞ்ச பக்³க³ஹனிமித்தஞ்ச.

‘‘பக்³க³ஹோ ச அவிக்கே²போ ச.

‘‘ஸீலவிபத்தி ச தி³ட்டி²விபத்தி ச.

‘‘ஸீலஸம்பதா³ ச தி³ட்டி²ஸம்பதா³ ச.

‘‘ஸீலவிஸுத்³தி⁴ ச தி³ட்டி²விஸுத்³தி⁴ ச.

‘‘தி³ட்டி²விஸுத்³தி⁴ கோ² பன யதா² தி³ட்டி²ஸ்ஸ ச பதா⁴னங்.

‘‘ஸங்வேகோ³ ச ஸங்வேஜனீயேஸு டா²னேஸு ஸங்விக்³க³ஸ்ஸ ச யோனிஸோ பதா⁴னங்.

‘‘அஸந்துட்டி²தா ச குஸலேஸு த⁴ம்மேஸு அப்படிவானிதா ச பதா⁴னஸ்மிங்.

‘‘விஜ்ஜா ச விமுத்தி ச.

‘‘க²யேஞாணங் அனுப்பாதே³ஞாணங்.

‘‘இமே கோ², ஆவுஸோ, தேன ப⁴க³வதா ஜானதா பஸ்ஸதா அரஹதா
ஸம்மாஸம்பு³த்³தே⁴ன த்³வே த⁴ம்மா ஸம்மத³க்கா²தா. தத்த² ஸப்³பே³ஹேவ
ஸங்கா³யிதப்³ப³ங், ந விவதி³தப்³ப³ங், யத²யித³ங் ப்³ரஹ்மசரியங் அத்³த⁴னியங்
அஸ்ஸ சிரட்டி²திகங், தத³ஸ்ஸ ப³ஹுஜனஹிதாய ப³ஹுஜனஸுகா²ய லோகானுகம்பாய அத்தா²ய
ஹிதாய ஸுகா²ய தே³வமனுஸ்ஸானங்.

திகங்

305.
‘‘அத்தி² கோ², ஆவுஸோ, தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன
தயோ த⁴ம்மா ஸம்மத³க்கா²தா. தத்த² ஸப்³பே³ஹேவ ஸங்கா³யிதப்³ப³ங்…பே॰… அத்தா²ய
ஹிதாய ஸுகா²ய தே³வமனுஸ்ஸானங். கதமே தயோ?

‘‘தீணி அகுஸலமூலானி – லோபோ⁴ அகுஸலமூலங், தோ³ஸோ அகுஸலமூலங், மோஹோ அகுஸலமூலங்.

‘‘தீணி குஸலமூலானி – அலோபோ⁴ குஸலமூலங், அதோ³ஸோ குஸலமூலங், அமோஹோ குஸலமூலங்.

‘‘தீணி து³ச்சரிதானி – காயது³ச்சரிதங், வசீது³ச்சரிதங், மனோது³ச்சரிதங்.

‘‘தீணி ஸுசரிதானி – காயஸுசரிதங், வசீஸுசரிதங் , மனோஸுசரிதங்.

‘‘தயோ அகுஸலவிதக்கா – காமவிதக்கோ, ப்³யாபாத³விதக்கோ, விஹிங்ஸாவிதக்கோ.

‘‘தயோ குஸலவிதக்கா – நெக்க²ம்மவிதக்கோ, அப்³யாபாத³விதக்கோ, அவிஹிங்ஸாவிதக்கோ.

‘‘தயோ அகுஸலஸங்கப்பா – காமஸங்கப்போ, ப்³யாபாத³ஸங்கப்போ, விஹிங்ஸாஸங்கப்போ.

‘‘தயோ குஸலஸங்கப்பா – நெக்க²ம்மஸங்கப்போ, அப்³யாபாத³ஸங்கப்போ, அவிஹிங்ஸாஸங்கப்போ.

‘‘திஸ்ஸோ அகுஸலஸஞ்ஞா – காமஸஞ்ஞா, ப்³யாபாத³ஸஞ்ஞா, விஹிங்ஸாஸஞ்ஞா.

‘‘திஸ்ஸோ குஸலஸஞ்ஞா – நெக்க²ம்மஸஞ்ஞா, அப்³யாபாத³ஸஞ்ஞா, அவிஹிங்ஸாஸஞ்ஞா.

‘‘திஸ்ஸோ அகுஸலதா⁴துயோ – காமதா⁴து, ப்³யாபாத³தா⁴து, விஹிங்ஸாதா⁴து.

‘‘திஸ்ஸோ குஸலதா⁴துயோ – நெக்க²ம்மதா⁴து, அப்³யாபாத³தா⁴து, அவிஹிங்ஸாதா⁴து.

‘‘அபராபி திஸ்ஸோ தா⁴துயோ – காமதா⁴து, ரூபதா⁴து, அரூபதா⁴து.

‘‘அபராபி திஸ்ஸோ தா⁴துயோ – ரூபதா⁴து, அரூபதா⁴து, நிரோத⁴தா⁴து.

‘‘அபராபி திஸ்ஸோ தா⁴துயோ – ஹீனதா⁴து, மஜ்ஜி²மதா⁴து, பணீததா⁴து.

‘‘திஸ்ஸோ தண்ஹா – காமதண்ஹா, ப⁴வதண்ஹா, விப⁴வதண்ஹா.

‘‘அபராபி திஸ்ஸோ தண்ஹா – காமதண்ஹா, ரூபதண்ஹா, அரூபதண்ஹா.

‘‘அபராபி திஸ்ஸோ தண்ஹா – ரூபதண்ஹா, அரூபதண்ஹா, நிரோத⁴தண்ஹா.

‘‘தீணி ஸங்யோஜனானி – ஸக்காயதி³ட்டி², விசிகிச்சா², ஸீலப்³ப³தபராமாஸோ.

‘‘தயோ ஆஸவா – காமாஸவோ, ப⁴வாஸவோ, அவிஜ்ஜாஸவோ.

‘‘தயோ ப⁴வா – காமப⁴வோ, ரூபப⁴வோ, அரூபப⁴வோ.

‘‘திஸ்ஸோ ஏஸனா – காமேஸனா, ப⁴வேஸனா, ப்³ரஹ்மசரியேஸனா.

‘‘திஸ்ஸோ விதா⁴ – ஸெய்யோஹமஸ்மீதி விதா⁴, ஸதி³ஸோஹமஸ்மீதி விதா⁴, ஹீனோஹமஸ்மீதி விதா⁴.

‘‘தயோ அத்³தா⁴ – அதீதோ அத்³தா⁴, அனாக³தோ அத்³தா⁴, பச்சுப்பன்னோ அத்³தா⁴.

‘‘தயோ அந்தா – ஸக்காயோ அந்தோ, ஸக்காயஸமுத³யோ அந்தோ, ஸக்காயனிரோதோ⁴ அந்தோ.

‘‘திஸ்ஸோ வேத³னா – ஸுகா² வேத³னா, து³க்கா² வேத³னா, அது³க்க²மஸுகா² வேத³னா.

‘‘திஸ்ஸோ து³க்க²தா – து³க்க²து³க்க²தா, ஸங்கா²ரது³க்க²தா, விபரிணாமது³க்க²தா.

‘‘தயோ ராஸீ – மிச்ச²த்தனியதோ ராஸி, ஸம்மத்தனியதோ ராஸி, அனியதோ ராஸி.

‘‘தயோ தமா [திஸ்ஸோ கங்கா² (ப³ஹூஸு) அட்ட²கதா² ஓலோகேதப்³பா³]
– அதீதங் வா அத்³தா⁴னங் ஆரப்³ப⁴ கங்க²தி விசிகிச்ச²தி நாதி⁴முச்சதி ந
ஸம்பஸீத³தி, அனாக³தங் வா அத்³தா⁴னங் ஆரப்³ப⁴ கங்க²தி விசிகிச்ச²தி
நாதி⁴முச்சதி ந ஸம்பஸீத³தி, ஏதரஹி வா பச்சுப்பன்னங் அத்³தா⁴னங் ஆரப்³ப⁴
கங்க²தி விசிகிச்ச²தி நாதி⁴முச்சதி ந ஸம்பஸீத³தி.

‘‘தீணி ததா²க³தஸ்ஸ அரக்கெ²ய்யானி –
பரிஸுத்³த⁴காயஸமாசாரோ ஆவுஸோ ததா²க³தோ, நத்தி² ததா²க³தஸ்ஸ காயது³ச்சரிதங்,
யங் ததா²க³தோ ரக்கெ²ய்ய – ‘மா மே இத³ங் பரோ அஞ்ஞாஸீ’தி.
பரிஸுத்³த⁴வசீஸமாசாரோ ஆவுஸோ, ததா²க³தோ, நத்தி² ததா²க³தஸ்ஸ வசீது³ச்சரிதங்,
யங் ததா²க³தோ ரக்கெ²ய்ய – ‘மா மே இத³ங் பரோ அஞ்ஞாஸீ’தி.
பரிஸுத்³த⁴மனோஸமாசாரோ, ஆவுஸோ, ததா²க³தோ, நத்தி² ததா²க³தஸ்ஸ மனோது³ச்சரிதங்
யங் ததா²க³தோ ரக்கெ²ய்ய – ‘மா மே இத³ங் பரோ அஞ்ஞாஸீ’தி.

‘‘தயோ கிஞ்சனா – ராகோ³ கிஞ்சனங், தோ³ஸோ கிஞ்சனங், மோஹோ கிஞ்சனங்.

‘‘தயோ அக்³கீ³ – ராக³க்³கி³, தோ³ஸக்³கி³, மோஹக்³கி³.

‘‘அபரேபி தயோ அக்³கீ³ – ஆஹுனெய்யக்³கி³, க³ஹபதக்³கி³, த³க்கி²ணெய்யக்³கி³.

‘‘திவிதே⁴ன ரூபஸங்க³ஹோ – ஸனித³ஸ்ஸனஸப்படிக⁴ங் ரூபங் [ஸனித³ஸ்ஸனஸப்படிக⁴ரூபங் (ஸ்யா॰ கங்॰) ஏவமிதரத்³வயேபி], அனித³ஸ்ஸனஸப்படிக⁴ங் ரூபங், அனித³ஸ்ஸனஅப்படிக⁴ங் ரூபங்.

‘‘தயோ ஸங்கா²ரா – புஞ்ஞாபி⁴ஸங்கா²ரோ, அபுஞ்ஞாபி⁴ஸங்கா²ரோ , ஆனேஞ்ஜாபி⁴ஸங்கா²ரோ.

‘‘தயோ புக்³க³லா – ஸெக்கோ² புக்³க³லோ, அஸெக்கோ² புக்³க³லோ, நேவஸெக்கோ²னாஸெக்கோ² புக்³க³லோ.

‘‘தயோ தே²ரா – ஜாதிதே²ரோ, த⁴ம்மதே²ரோ, ஸம்முதிதே²ரோ [ஸம்மதிதே²ரோ (ஸ்யா॰ கங்॰)].

‘‘தீணி புஞ்ஞகிரியவத்தூ²னி – தா³னமயங் புஞ்ஞகிரியவத்து², ஸீலமயங் புஞ்ஞகிரியவத்து², பா⁴வனாமயங் புஞ்ஞகிரியவத்து².

‘‘தீணி சோத³னாவத்தூ²னி – தி³ட்டே²ன, ஸுதேன, பரிஸங்காய.

‘‘திஸ்ஸோ காமூபபத்தியோ [காமுப்பத்தியோ (ஸீ॰), காமுபபத்தியோ (ஸ்யா॰ பீ॰ க॰)]
– ஸந்தாவுஸோ ஸத்தா பச்சுபட்டி²தகாமா, தே பச்சுபட்டி²தேஸு காமேஸு வஸங்
வத்தெந்தி, ஸெய்யதா²பி மனுஸ்ஸா ஏகச்சே ச தே³வா ஏகச்சே ச வினிபாதிகா. அயங்
பட²மா காமூபபத்தி. ஸந்தாவுஸோ, ஸத்தா நிம்மிதகாமா, தே நிம்மினித்வா
நிம்மினித்வா காமேஸு வஸங் வத்தெந்தி, ஸெய்யதா²பி தே³வா நிம்மானரதீ. அயங்
து³தியா காமூபபத்தி. ஸந்தாவுஸோ ஸத்தா பரனிம்மிதகாமா, தே பரனிம்மிதேஸு
காமேஸு வஸங் வத்தெந்தி, ஸெய்யதா²பி தே³வா பரனிம்மிதவஸவத்தீ. அயங் ததியா
காமூபபத்தி.

‘‘திஸ்ஸோ ஸுகூ²பபத்தியோ [ஸுகு²பபத்தியோ (ஸ்யா॰ பீ॰ க॰)] – ஸந்தாவுஸோ ஸத்தா [ஸத்தா ஸுக²ங் (ஸ்யா॰ கங்॰)]
உப்பாதெ³த்வா உப்பாதெ³த்வா ஸுக²ங் விஹரந்தி, ஸெய்யதா²பி தே³வா
ப்³ரஹ்மகாயிகா. அயங் பட²மா ஸுகூ²பபத்தி. ஸந்தாவுஸோ, ஸத்தா ஸுகே²ன அபி⁴ஸன்னா
பரிஸன்னா பரிபூரா பரிப்பு²டா. தே கதா³சி கரஹசி உதா³னங் உதா³னெந்தி – ‘அஹோ
ஸுக²ங், அஹோ ஸுக²’ந்தி , ஸெய்யதா²பி தே³வா ஆப⁴ஸ்ஸரா.
அயங் து³தியா ஸுகூ²பபத்தி. ஸந்தாவுஸோ, ஸத்தா ஸுகே²ன அபி⁴ஸன்னா பரிஸன்னா
பரிபூரா பரிப்பு²டா. தே ஸந்தங்யேவ துஸிதா [ஸந்துஸிதா (ஸ்யா॰ கங்॰)] ஸுக²ங் [சித்தஸுக²ங் (ஸ்யா॰ க॰)] படிஸங்வேதெ³ந்தி, ஸெய்யதா²பி தே³வா ஸுப⁴கிண்ஹா. அயங் ததியா ஸுகூ²பபத்தி .

‘‘திஸ்ஸோ பஞ்ஞா – ஸெக்கா² பஞ்ஞா, அஸெக்கா² பஞ்ஞா, நேவஸெக்கா²னாஸெக்கா² பஞ்ஞா.

‘‘அபராபி திஸ்ஸோ பஞ்ஞா – சிந்தாமயா பஞ்ஞா, ஸுதமயா பஞ்ஞா, பா⁴வனாமயா பஞ்ஞா.

‘‘தீணாவுதா⁴னி – ஸுதாவுத⁴ங், பவிவேகாவுத⁴ங், பஞ்ஞாவுத⁴ங்.

‘‘தீணிந்த்³ரியானி – அனஞ்ஞாதஞ்ஞஸ்ஸாமீதிந்த்³ரியங், அஞ்ஞிந்த்³ரியங், அஞ்ஞாதாவிந்த்³ரியங்.

‘‘தீணி சக்கூ²னி – மங்ஸசக்கு², தி³ப்³ப³சக்கு², பஞ்ஞாசக்கு².

‘‘திஸ்ஸோ ஸிக்கா² – அதி⁴ஸீலஸிக்கா², அதி⁴சித்தஸிக்கா², அதி⁴பஞ்ஞாஸிக்கா².

‘‘திஸ்ஸோ பா⁴வனா – காயபா⁴வனா, சித்தபா⁴வனா, பஞ்ஞாபா⁴வனா.

‘‘தீணி அனுத்தரியானி – த³ஸ்ஸனானுத்தரியங், படிபதா³னுத்தரியங், விமுத்தானுத்தரியங்.

‘‘தயோ ஸமாதீ⁴ – ஸவிதக்கஸவிசாரோ ஸமாதி⁴, அவிதக்கவிசாரமத்தோ ஸமாதி⁴, அவிதக்கஅவிசாரோ ஸமாதி⁴.

‘‘அபரேபி தயோ ஸமாதீ⁴ – ஸுஞ்ஞதோ ஸமாதி⁴, அனிமித்தோ ஸமாதி⁴, அப்பணிஹிதோ ஸமாதி⁴.

‘‘தீணி ஸோசெய்யானி – காயஸோசெய்யங், வசீஸோசெய்யங், மனோஸோசெய்யங்.

‘‘தீணி மோனெய்யானி – காயமோனெய்யங், வசீமோனெய்யங், மனோமோனெய்யங்.

‘‘தீணி கோஸல்லானி – ஆயகோஸல்லங், அபாயகோஸல்லங், உபாயகோஸல்லங்.

‘‘தயோ மதா³ – ஆரொக்³யமதோ³, யொப்³ப³னமதோ³, ஜீவிதமதோ³.

‘‘தீணி ஆதி⁴பதெய்யானி – அத்தாதி⁴பதெய்யங், லோகாதி⁴பதெய்யங், த⁴ம்மாதி⁴பதெய்யங்.

‘‘தீணி கதா²வத்தூ²னி – அதீதங் வா அத்³தா⁴னங் ஆரப்³ப⁴
கத²ங் கதெ²ய்ய – ‘ஏவங் அஹோஸி அதீதமத்³தா⁴ன’ந்தி; அனாக³தங் வா அத்³தா⁴னங்
ஆரப்³ப⁴ கத²ங் கதெ²ய்ய – ‘ஏவங் ப⁴விஸ்ஸதி அனாக³தமத்³தா⁴ன’ந்தி; ஏதரஹி வா
பச்சுப்பன்னங் அத்³தா⁴னங் ஆரப்³ப⁴ கத²ங் கதெ²ய்ய – ‘ஏவங் ஹோதி ஏதரஹி
பச்சுப்பன்னங் அத்³தா⁴ன’ந்தி.

‘‘திஸ்ஸோ விஜ்ஜா – புப்³பே³னிவாஸானுஸ்ஸதிஞாணங் விஜ்ஜா, ஸத்தானங் சுதூபபாதேஞாணங் விஜ்ஜா, ஆஸவானங் க²யேஞாணங் விஜ்ஜா.

‘‘தயோ விஹாரா – தி³ப்³போ³ விஹாரோ, ப்³ரஹ்மா விஹாரோ, அரியோ விஹாரோ.

‘‘தீணி பாடிஹாரியானி – இத்³தி⁴பாடிஹாரியங், ஆதே³ஸனாபாடிஹாரியங், அனுஸாஸனீபாடிஹாரியங்.

‘‘இமே கோ², ஆவுஸோ, தேன ப⁴க³வதா ஜானதா பஸ்ஸதா அரஹதா
ஸம்மாஸம்பு³த்³தே⁴ன தயோ த⁴ம்மா ஸம்மத³க்கா²தா. தத்த² ஸப்³பே³ஹேவ
ஸங்கா³யிதப்³ப³ங்…பே॰… அத்தா²ய ஹிதாய ஸுகா²ய தே³வமனுஸ்ஸானங்.

சதுக்கங்

306. ‘‘அத்தி²
கோ², ஆவுஸோ, தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன சத்தாரோ
த⁴ம்மா ஸம்மத³க்கா²தா. தத்த² ஸப்³பே³ஹேவ ஸங்கா³யிதப்³ப³ங், ந
விவதி³தப்³ப³ங்…பே॰… அத்தா²ய ஹிதாய ஸுகா²ய தே³வமனுஸ்ஸானங். கதமே சத்தாரோ?

‘‘சத்தாரோ ஸதிபட்டா²னா. இதா⁴வுஸோ, பி⁴க்கு² காயே காயானுபஸ்ஸீ விஹரதி ஆதாபீ ஸம்பஜானோ
ஸதிமா, வினெய்ய லோகே அபி⁴ஜ்ஜா²தோ³மனஸ்ஸங். வேத³னாஸு வேத³னானுபஸ்ஸீ…பே॰…
சித்தே சித்தானுபஸ்ஸீ…பே॰… த⁴ம்மேஸு த⁴ம்மானுபஸ்ஸீ விஹரதி ஆதாபீ ஸம்பஜானோ
ஸதிமா வினெய்ய லோகே அபி⁴ஜ்ஜா²தோ³மனஸ்ஸங்.

‘‘சத்தாரோ ஸம்மப்பதா⁴னா.
இதா⁴வுஸோ, பி⁴க்கு² அனுப்பன்னானங் பாபகானங் அகுஸலானங் த⁴ம்மானங்
அனுப்பாதா³ய ச²ந்த³ங் ஜனேதி வாயமதி வீரியங் ஆரப⁴தி சித்தங் பக்³க³ண்ஹாதி
பத³ஹதி. உப்பன்னானங் பாபகானங் அகுஸலானங் த⁴ம்மானங் பஹானாய ச²ந்த³ங் ஜனேதி
வாயமதி வீரியங் ஆரப⁴தி சித்தங் பக்³க³ண்ஹாதி
பத³ஹதி. அனுப்பன்னானங் குஸலானங் த⁴ம்மானங் உப்பாதா³ய ச²ந்த³ங் ஜனேதி வாயமதி
வீரியங் ஆரப⁴தி சித்தங் பக்³க³ண்ஹாதி பத³ஹதி. உப்பன்னானங் குஸலானங்
த⁴ம்மானங் டி²தியா அஸம்மோஸாய பி⁴ய்யோபா⁴வாய வேபுல்லாய பா⁴வனாய பாரிபூரியா
ச²ந்த³ங் ஜனேதி வாயமதி வீரியங் ஆரப⁴தி சித்தங் பக்³க³ண்ஹாதி பத³ஹதி.

‘‘சத்தாரோ இத்³தி⁴பாதா³.
இதா⁴வுஸோ, பி⁴க்கு² ச²ந்த³ஸமாதி⁴பதா⁴னஸங்கா²ரஸமன்னாக³தங் இத்³தி⁴பாத³ங்
பா⁴வேதி. சித்தஸமாதி⁴பதா⁴னஸங்கா²ரஸமன்னாக³தங் இத்³தி⁴பாத³ங் பா⁴வேதி.
வீரியஸமாதி⁴பதா⁴னஸங்கா²ரஸமன்னாக³தங் இத்³தி⁴பாத³ங் பா⁴வேதி. வீமங்ஸாஸமாதி⁴பதா⁴னஸங்கா²ரஸமன்னாக³தங் இத்³தி⁴பாத³ங் பா⁴வேதி.

‘‘சத்தாரி ஜா²னானி. இதா⁴வுஸோ, பி⁴க்கு² விவிச்சேவ காமேஹி விவிச்ச அகுஸலேஹி த⁴ம்மேஹி ஸவிதக்கங் ஸவிசாரங் விவேகஜங் பீதிஸுக²ங் பட²மங் ஜா²னங் [பட²மஜ்ஜா²னங் (ஸ்யா॰ கங்॰)]
உபஸம்பஜ்ஜ விஹரதி. விதக்கவிசாரானங் வூபஸமா அஜ்ஜ²த்தங் ஸம்பஸாத³னங் சேதஸோ
ஏகோதி³பா⁴வங் அவிதக்கங் அவிசாரங் ஸமாதி⁴ஜங் பீதிஸுக²ங் து³தியங் ஜா²னங் [து³தியஜ்ஜா²னங் (ஸ்யா॰ கங்॰)] உபஸம்பஜ்ஜ விஹரதி. பீதியா ச விராகா³ உபெக்க²கோ ச விஹரதி ஸதோ ச ஸம்பஜானோ, ஸுக²ஞ்ச காயேன படிஸங்வேதே³தி, யங் தங் அரியா ஆசிக்க²ந்தி – ‘உபெக்க²கோ ஸதிமா ஸுக²விஹாரீ’தி ததியங் ஜா²னங் [ததியஜ்ஜா²னங் (ஸ்யா॰ கங்॰)]
உபஸம்பஜ்ஜ விஹரதி. ஸுக²ஸ்ஸ ச பஹானா து³க்க²ஸ்ஸ ச பஹானா, புப்³பே³வ
ஸோமனஸ்ஸதோ³மனஸ்ஸானங் அத்த²ங்க³மா, அது³க்க²மஸுக²ங்
உபெக்கா²ஸதிபாரிஸுத்³தி⁴ங் சதுத்த²ங் ஜா²னங் [சதுத்த²ஜ்ஜா²னங் (ஸ்யா॰ கங்॰)] உபஸம்பஜ்ஜ விஹரதி.

307. ‘‘சதஸ்ஸோ ஸமாதி⁴பா⁴வனா. அத்தா²வுஸோ, ஸமாதி⁴பா⁴வனா பா⁴விதா ப³ஹுலீகதா
தி³ட்ட²த⁴ம்மஸுக²விஹாராய ஸங்வத்ததி. அத்தா²வுஸோ, ஸமாதி⁴பா⁴வனா பா⁴விதா
ப³ஹுலீகதா ஞாணத³ஸ்ஸனபடிலாபா⁴ய ஸங்வத்ததி. அத்தா²வுஸோ ஸமாதி⁴பா⁴வனா பா⁴விதா
ப³ஹுலீகதா ஸதிஸம்பஜஞ்ஞாய ஸங்வத்ததி. அத்தா²வுஸோ ஸமாதி⁴பா⁴வனா பா⁴விதா
ப³ஹுலீகதா ஆஸவானங் க²யாய ஸங்வத்ததி.

‘‘கதமா சாவுஸோ, ஸமாதி⁴பா⁴வனா
பா⁴விதா ப³ஹுலீகதா தி³ட்ட²த⁴ம்மஸுக²விஹாராய ஸங்வத்ததி? இதா⁴வுஸோ, பி⁴க்கு²
விவிச்சேவ காமேஹி விவிச்ச அகுஸலேஹி த⁴ம்மேஹி ஸவிதக்கங்…பே॰… சதுத்த²ங்
ஜா²னங் உபஸம்பஜ்ஜ விஹரதி. அயங், ஆவுஸோ , ஸமாதி⁴பா⁴வனா பா⁴விதா ப³ஹுலீகதா தி³ட்ட²த⁴ம்மஸுக²விஹாராய ஸங்வத்ததி.

‘‘கதமா சாவுஸோ, ஸமாதி⁴பா⁴வனா பா⁴விதா ப³ஹுலீகதா
ஞாணத³ஸ்ஸனபடிலாபா⁴ய ஸங்வத்ததி? இதா⁴வுஸோ, பி⁴க்கு² ஆலோகஸஞ்ஞங் மனஸி கரோதி,
தி³வாஸஞ்ஞங் அதி⁴ட்டா²தி யதா² தி³வா ததா² ரத்திங், யதா² ரத்திங் ததா²
தி³வா. இதி விவடேன சேதஸா அபரியோனத்³தே⁴ன ஸப்பபா⁴ஸங் சித்தங் பா⁴வேதி. அயங்,
ஆவுஸோ ஸமாதி⁴பா⁴வனா பா⁴விதா ப³ஹுலீகதா ஞாணத³ஸ்ஸனபடிலாபா⁴ய ஸங்வத்ததி.

‘‘கதமா சாவுஸோ, ஸமாதி⁴பா⁴வனா பா⁴விதா ப³ஹுலீகதா
ஸதிஸம்பஜஞ்ஞாய ஸங்வத்ததி? இதா⁴வுஸோ, பி⁴க்கு²னோ விதி³தா வேத³னா
உப்பஜ்ஜந்தி, விதி³தா உபட்ட²ஹந்தி, விதி³தா அப்³ப⁴த்த²ங் க³ச்ச²ந்தி.
விதி³தா ஸஞ்ஞா உப்பஜ்ஜந்தி, விதி³தா உபட்ட²ஹந்தி, விதி³தா அப்³ப⁴த்த²ங்
க³ச்ச²ந்தி. விதி³தா விதக்கா உப்பஜ்ஜந்தி, விதி³தா உபட்ட²ஹந்தி, விதி³தா
அப்³ப⁴த்த²ங் க³ச்ச²ந்தி. அயங், ஆவுஸோ, ஸமாதி⁴பா⁴வனா பா⁴விதா ப³ஹுலீகதா
ஸதிஸம்பஜஞ்ஞாய ஸங்வத்ததி.

‘‘கதமா
சாவுஸோ, ஸமாதி⁴பா⁴வனா பா⁴விதா ப³ஹுலீகதா ஆஸவானங் க²யாய ஸங்வத்ததி?
இதா⁴வுஸோ, பி⁴க்கு² பஞ்சஸு உபாதா³னக்க²ந்தே⁴ஸு உத³யப்³ப³யானுபஸ்ஸீ விஹரதி.
இதி ரூபங், இதி ரூபஸ்ஸ ஸமுத³யோ, இதி ரூபஸ்ஸ அத்த²ங்க³மோ. இதி வேத³னா…பே॰…
இதி ஸஞ்ஞா… இதி ஸங்கா²ரா… இதி விஞ்ஞாணங், இதி விஞ்ஞாணஸ்ஸ ஸமுத³யோ, இதி
விஞ்ஞாணஸ்ஸ அத்த²ங்க³மோ. அயங், ஆவுஸோ, ஸமாதி⁴பா⁴வனா பா⁴விதா ப³ஹுலீகதா
ஆஸவானங் க²யாய ஸங்வத்ததி.

308. ‘‘சதஸ்ஸோ அப்பமஞ்ஞா. இதா⁴வுஸோ, பி⁴க்கு² மெத்தாஸஹக³தேன சேதஸா ஏகங் தி³ஸங் ப²ரித்வா விஹரதி. ததா² து³தியங். ததா² ததியங். ததா² சதுத்த²ங். இதி உத்³த⁴மதோ⁴ திரியங் ஸப்³ப³தி⁴ ஸப்³ப³த்ததாய ஸப்³பா³வந்தங் லோகங் மெத்தாஸஹக³தேன சேதஸா விபுலேன மஹக்³க³தேன அப்பமாணேன அவேரேன அப்³யாபஜ்ஜேன [அப்³யாபஜ்ஜே²ன (ஸீ॰ ஸ்யா॰ கங்॰ பீ॰)]
ப²ரித்வா விஹரதி. கருணாஸஹக³தேன சேதஸா…பே॰… முதி³தாஸஹக³தேன சேதஸா…பே॰…
உபெக்கா²ஸஹக³தேன சேதஸா ஏகங் தி³ஸங் ப²ரித்வா விஹரதி. ததா² து³தியங். ததா²
ததியங். ததா² சதுத்த²ங். இதி உத்³த⁴மதோ⁴ திரியங் ஸப்³ப³தி⁴ ஸப்³ப³த்ததாய
ஸப்³பா³வந்தங் லோகங் உபெக்கா²ஸஹக³தேன சேதஸா விபுலேன மஹக்³க³தேன அப்பமாணேன
அவேரேன அப்³யாபஜ்ஜேன ப²ரித்வா விஹரதி.

‘‘சத்தாரோ ஆருப்பா. [அரூபா (ஸ்யா॰ கங்॰ பீ॰)]
இதா⁴வுஸோ, பி⁴க்கு² ஸப்³ப³ஸோ ரூபஸஞ்ஞானங் ஸமதிக்கமா படிக⁴ஸஞ்ஞானங்
அத்த²ங்க³மா நானத்தஸஞ்ஞானங் அமனஸிகாரா ‘அனந்தோ ஆகாஸோ’தி ஆகாஸானஞ்சாயதனங்
உபஸம்பஜ்ஜ விஹரதி. ஸப்³ப³ஸோ ஆகாஸானஞ்சாயதனங் ஸமதிக்கம்ம ‘அனந்தங்
விஞ்ஞாண’ந்தி விஞ்ஞாணஞ்சாயதனங் உபஸம்பஜ்ஜ விஹரதி.
ஸப்³ப³ஸோ விஞ்ஞாணஞ்சாயதனங் ஸமதிக்கம்ம ‘நத்தி² கிஞ்சீ’தி ஆகிஞ்சஞ்ஞாயதனங்
உபஸம்பஜ்ஜ விஹரதி. ஸப்³ப³ஸோ ஆகிஞ்சஞ்ஞாயதனங் ஸமதிக்கம்ம
நேவஸஞ்ஞானாஸஞ்ஞாயதனங் உபஸம்பஜ்ஜ விஹரதி.

‘‘சத்தாரி அபஸ்ஸேனானி. இதா⁴வுஸோ, பி⁴க்கு² ஸங்கா²யேகங் படிஸேவதி, ஸங்கா²யேகங் அதி⁴வாஸேதி, ஸங்கா²யேகங் பரிவஜ்ஜேதி, ஸங்கா²யேகங் வினோதே³தி.

309. ‘‘சத்தாரோ அரியவங்ஸா.
இதா⁴வுஸோ, பி⁴க்கு² ஸந்துட்டோ² ஹோதி இதரீதரேன சீவரேன,
இதரீதரசீவரஸந்துட்டி²யா ச வண்ணவாதீ³, ந ச சீவரஹேது அனேஸனங் அப்பதிரூபங்
ஆபஜ்ஜதி; அலத்³தா⁴ ச சீவரங் ந பரிதஸ்ஸதி, லத்³தா⁴ ச சீவரங் அக³தி⁴தோ [அக³தி²தோ (ஸீ॰ பீ॰)]
அமுச்சி²தோ அனஜ்ஜா²பன்னோ ஆதீ³னவத³ஸ்ஸாவீ நிஸ்ஸரணபஞ்ஞோ பரிபு⁴ஞ்ஜதி; தாய ச
பன இதரீதரசீவரஸந்துட்டி²யா நேவத்தானுக்கங்ஸேதி ந பரங் வம்பே⁴தி. யோ ஹி
தத்த² த³க்கோ² அனலஸோ ஸம்பஜானோ படிஸ்ஸதோ, அயங் வுச்சதாவுஸோ – ‘பி⁴க்கு² போராணே அக்³க³ஞ்ஞே அரியவங்ஸே டி²தோ’.

‘‘புன சபரங், ஆவுஸோ, பி⁴க்கு² ஸந்துட்டோ² ஹோதி
இதரீதரேன பிண்ட³பாதேன, இதரீதரபிண்ட³பாதஸந்துட்டி²யா ச வண்ணவாதீ³, ந ச
பிண்ட³பாதஹேது அனேஸனங் அப்பதிரூபங் ஆபஜ்ஜதி; அலத்³தா⁴ ச பிண்ட³பாதங் ந
பரிதஸ்ஸதி, லத்³தா⁴ ச பிண்ட³பாதங் அக³தி⁴தோ அமுச்சி²தோ அனஜ்ஜா²பன்னோ
ஆதீ³னவத³ஸ்ஸாவீ நிஸ்ஸரணபஞ்ஞோ பரிபு⁴ஞ்ஜதி; தாய ச பன
இதரீதரபிண்ட³பாதஸந்துட்டி²யா நேவத்தானுக்கங்ஸேதி ந பரங் வம்பே⁴தி. யோ ஹி தத்த² த³க்கோ² அனலஸோ ஸம்பஜானோ படிஸ்ஸதோ , அயங் வுச்சதாவுஸோ – ‘பி⁴க்கு² போராணே அக்³க³ஞ்ஞே அரியவங்ஸே டி²தோ’.

‘‘புன சபரங், ஆவுஸோ, பி⁴க்கு² ஸந்துட்டோ² ஹோதி
இதரீதரேன ஸேனாஸனேன, இதரீதரஸேனாஸனஸந்துட்டி²யா ச வண்ணவாதீ³, ந ச ஸேனாஸனஹேது
அனேஸனங் அப்பதிரூபங் ஆபஜ்ஜதி; அலத்³தா⁴ ச ஸேனாஸனங் ந பரிதஸ்ஸதி, லத்³தா⁴ ச
ஸேனாஸனங் அக³தி⁴தோ அமுச்சி²தோ அனஜ்ஜா²பன்னோ ஆதீ³னவத³ஸ்ஸாவீ நிஸ்ஸரணபஞ்ஞோ
பரிபு⁴ஞ்ஜதி; தாய ச பன இதரீதரஸேனாஸனஸந்துட்டி²யா நேவத்தானுக்கங்ஸேதி ந பரங்
வம்பே⁴தி. யோ ஹி தத்த² த³க்கோ² அனலஸோ ஸம்பஜானோ படிஸ்ஸதோ, அயங் வுச்சதாவுஸோ
– ‘பி⁴க்கு² போராணே அக்³க³ஞ்ஞே அரியவங்ஸே டி²தோ’.

‘‘புன சபரங், ஆவுஸோ, பி⁴க்கு² பஹானாராமோ ஹோதி பஹானரதோ,
பா⁴வனாராமோ ஹோதி பா⁴வனாரதோ; தாய ச பன பஹானாராமதாய பஹானரதியா பா⁴வனாராமதாய
பா⁴வனாரதியா நேவத்தானுக்கங்ஸேதி ந பரங் வம்பே⁴தி. யோ ஹி தத்த² த³க்கோ²
அனலஸோ ஸம்பஜானோ படிஸ்ஸதோ அயங் வுச்சதாவுஸோ – ‘பி⁴க்கு² போராணே அக்³க³ஞ்ஞே
அரியவங்ஸே டி²தோ’.

310. ‘‘சத்தாரி பதா⁴னானி. ஸங்வரபதா⁴னங் பஹானபதா⁴னங் பா⁴வனாபதா⁴னங் [பா⁴வனாப்பதா⁴னங் (ஸ்யா॰)] அனுரக்க²ணாபதா⁴னங் [அனுரக்க²னாப்பதா⁴னங் (ஸ்யா॰)].
கதமஞ்சாவுஸோ, ஸங்வரபதா⁴னங்? இதா⁴வுஸோ, பி⁴க்கு² சக்கு²னா ரூபங் தி³ஸ்வா ந
நிமித்தக்³கா³ஹீ ஹோதி நானுப்³யஞ்ஜனக்³கா³ஹீ. யத்வாதி⁴கரணமேனங்
சக்கு²ந்த்³ரியங் அஸங்வுதங் விஹரந்தங்
அபி⁴ஜ்ஜா²தோ³மனஸ்ஸா பாபகா அகுஸலா த⁴ம்மா அன்வாஸ்ஸவெய்யுங், தஸ்ஸ ஸங்வராய
படிபஜ்ஜதி, ரக்க²தி சக்கு²ந்த்³ரியங், சக்கு²ந்த்³ரியே ஸங்வரங் ஆபஜ்ஜதி.
ஸோதேன ஸத்³த³ங் ஸுத்வா… கா⁴னேன க³ந்த⁴ங் கா⁴யித்வா… ஜிவ்ஹாய ரஸங் ஸாயித்வா…
காயேன பொ²ட்ட²ப்³ப³ங் பு²ஸித்வா… மனஸா த⁴ம்மங்
விஞ்ஞாய ந நிமித்தக்³கா³ஹீ ஹோதி நானுப்³யஞ்ஜனக்³கா³ஹீ. யத்வாதி⁴கரணமேனங்
மனிந்த்³ரியங் அஸங்வுதங் விஹரந்தங் அபி⁴ஜ்ஜா²தோ³மனஸ்ஸா பாபகா அகுஸலா த⁴ம்மா
அன்வாஸ்ஸவெய்யுங், தஸ்ஸ ஸங்வராய படிபஜ்ஜதி, ரக்க²தி மனிந்த்³ரியங்,
மனிந்த்³ரியே ஸங்வரங் ஆபஜ்ஜதி. இத³ங் வுச்சதாவுஸோ, ஸங்வரபதா⁴னங்.

‘‘கதமஞ்சாவுஸோ, பஹானபதா⁴னங்? இதா⁴வுஸோ, பி⁴க்கு² உப்பன்னங் காமவிதக்கங் நாதி⁴வாஸேதி பஜஹதி வினோதே³தி ப்³யந்திங் கரோதி [ப்³யந்தீ கரோதி (ஸ்யா॰ கங்॰)]
அனபா⁴வங் க³மேதி. உப்பன்னங் ப்³யாபாத³விதக்கங்…பே॰… உப்பன்னங்
விஹிங்ஸாவிதக்கங்… உப்பன்னுப்பன்னே பாபகே அகுஸலே த⁴ம்மே நாதி⁴வாஸேதி பஜஹதி
வினோதே³தி ப்³யந்திங் கரோதி அனபா⁴வங் க³மேதி. இத³ங் வுச்சதாவுஸோ,
பஹானபதா⁴னங்.

‘‘கதமஞ்சாவுஸோ , பா⁴வனாபதா⁴னங்?
இதா⁴வுஸோ, பி⁴க்கு² ஸதிஸம்பொ³ஜ்ஜ²ங்க³ங் பா⁴வேதி விவேகனிஸ்ஸிதங்
விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்.
த⁴ம்மவிசயஸம்பொ³ஜ்ஜ²ங்க³ங் பா⁴வேதி… வீரியஸம்பொ³ஜ்ஜ²ங்க³ங் பா⁴வேதி…
பீதிஸம்பொ³ஜ்ஜ²ங்க³ங் பா⁴வேதி… பஸ்ஸத்³தி⁴ஸம்பொ³ஜ்ஜ²ங்க³ங் பா⁴வேதி…
ஸமாதி⁴ஸம்பொ³ஜ்ஜ²ங்க³ங் பா⁴வேதி… உபெக்கா²ஸம்பொ³ஜ்ஜ²ங்க³ங் பா⁴வேதி
விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்.
இத³ங் வுச்சதாவுஸோ, பா⁴வனாபதா⁴னங்.

‘‘கதமஞ்சாவுஸோ, அனுரக்க²ணாபதா⁴னங்? இதா⁴வுஸோ, பி⁴க்கு² உப்பன்னங் ப⁴த்³ரகங் [ப⁴த்³த³கங் (ஸ்யா॰ கங்॰ பீ॰)] ஸமாதி⁴னிமித்தங் அனுரக்க²தி – அட்டி²கஸஞ்ஞங், புளுவகஸஞ்ஞங் [புளவகஸஞ்ஞங் (ஸீ॰ பீ॰)], வினீலகஸஞ்ஞங், விச்சி²த்³த³கஸஞ்ஞங், உத்³து⁴மாதகஸஞ்ஞங். இத³ங் வுச்சதாவுஸோ, அனுரக்க²ணாபதா⁴னங்.

‘‘சத்தாரி ஞாணானி – த⁴ம்மே ஞாணங், அன்வயே ஞாணங், பரியே [பரிச்சே (ஸீ॰ க॰), பரிச்சே²தே³ (ஸ்யா॰ பீ॰ க॰) டீகா ஓலோகேதப்³பா³] ஞாணங், ஸம்முதியா ஞாணங் [ஸம்மதிஞாணங் (ஸ்யா॰ கங்॰)].

‘‘அபரானிபி சத்தாரி ஞாணானி – து³க்கே² ஞாணங், து³க்க²ஸமுத³யே ஞாணங், து³க்க²னிரோதே⁴ ஞாணங், து³க்க²னிரோத⁴கா³மினியா படிபதா³ய ஞாணங்.

311. ‘‘சத்தாரி ஸோதாபத்தியங்கா³னி – ஸப்புரிஸஸங்ஸேவோ, ஸத்³த⁴ம்மஸ்ஸவனங், யோனிஸோமனஸிகாரோ, த⁴ம்மானுத⁴ம்மப்படிபத்தி.

‘‘சத்தாரி ஸோதாபன்னஸ்ஸ அங்கா³னி.
இதா⁴வுஸோ, அரியஸாவகோ பு³த்³தே⁴ அவேச்சப்பஸாதே³ன ஸமன்னாக³தோ ஹோதி – ‘இதிபி
ஸோ ப⁴க³வா அரஹங் ஸம்மாஸம்பு³த்³தோ⁴ விஜ்ஜாசரணஸம்பன்னோ ஸுக³தோ லோகவிதூ³
அனுத்தரோ புரிஸத³ம்மஸாரதி² ஸத்தா² தே³வமனுஸ்ஸானங் பு³த்³தோ⁴, ப⁴க³வா’தி.
த⁴ம்மே அவேச்சப்பஸாதே³ன ஸமன்னாக³தோ ஹோதி – ‘ஸ்வாக்கா²தோ ப⁴க³வதா த⁴ம்மோ
ஸந்தி³ட்டி²கோ அகாலிகோ ஏஹிபஸ்ஸிகோ ஓபனெய்யிகோ [ஓபனயிகோ (ஸ்யா॰ கங்॰)]
பச்சத்தங் வேதி³தப்³போ³ விஞ்ஞூஹீ’தி. ஸங்கே⁴ அவேச்சப்பஸாதே³ன ஸமன்னாக³தோ
ஹோதி – ‘ஸுப்படிபன்னோ ப⁴க³வதோ ஸாவகஸங்கோ⁴ உஜுப்படிபன்னோ ப⁴க³வதோ ஸாவகஸங்கோ⁴
ஞாயப்படிபன்னோ ப⁴க³வதோ ஸாவகஸங்கோ⁴ ஸாமீசிப்படிபன்னோ ப⁴க³வதோ ஸாவகஸங்கோ⁴
யதி³த³ங் சத்தாரி புரிஸயுகா³னி அட்ட² புரிஸபுக்³க³லா, ஏஸ ப⁴க³வதோ
ஸாவகஸங்கோ⁴ ஆஹுனெய்யோ பாஹுனெய்யோ த³க்கி²ணெய்யோ அஞ்ஜலிகரணீயோ அனுத்தரங்
புஞ்ஞக்கெ²த்தங் லோகஸ்ஸா’தி. அரியகந்தேஹி ஸீலேஹி ஸமன்னாக³தோ ஹோதி
அக²ண்டே³ஹி அச்சி²த்³தே³ஹி அஸப³லேஹி அகம்மாஸேஹி பு⁴ஜிஸ்ஸேஹி
விஞ்ஞுப்பஸத்தே²ஹி அபராமட்டே²ஹி ஸமாதி⁴ஸங்வத்தனிகேஹி.

‘‘சத்தாரி ஸாமஞ்ஞப²லானி – ஸோதாபத்திப²லங், ஸகதா³கா³மிப²லங், அனாகா³மிப²லங், அரஹத்தப²லங்.

‘‘சதஸ்ஸோ தா⁴துயோ – பத²வீதா⁴து, ஆபோதா⁴து, தேஜோதா⁴து, வாயோதா⁴து.

‘‘சத்தாரோ ஆஹாரா – கப³ளீகாரோ ஆஹாரோ ஓளாரிகோ வா ஸுகு²மோ வா, ப²ஸ்ஸோ து³தியோ, மனோஸஞ்சேதனா ததியா, விஞ்ஞாணங் சதுத்த²ங்.

‘‘சதஸ்ஸோ விஞ்ஞாணட்டி²தியோ. ரூபூபாயங் வா, ஆவுஸோ, விஞ்ஞாணங் திட்ட²மானங் திட்ட²தி ரூபாரம்மணங் [ரூபாரமணங் (?)] ரூபப்பதிட்ட²ங் நந்தூ³பஸேசனங் வுத்³தி⁴ங் விரூள்ஹிங் வேபுல்லங் ஆபஜ்ஜதி; வேத³னூபாயங்
வா ஆவுஸோ…பே॰… ஸஞ்ஞூபாயங் வா, ஆவுஸோ…பே॰… ஸங்கா²ரூபாயங் வா, ஆவுஸோ,
விஞ்ஞாணங் திட்ட²மானங் திட்ட²தி ஸங்கா²ராரம்மணங் ஸங்கா²ரப்பதிட்ட²ங்
நந்தூ³பஸேசனங் வுத்³தி⁴ங் விரூள்ஹிங் வேபுல்லங் ஆபஜ்ஜதி.

‘‘சத்தாரி அக³திக³மனானி – ச²ந்தா³க³திங் க³ச்ச²தி, தோ³ஸாக³தி க³ச்ச²தி, மோஹாக³திங் க³ச்ச²தி, ப⁴யாக³திங் க³ச்ச²தி.

‘‘சத்தாரோ தண்ஹுப்பாதா³ –
சீவரஹேது வா, ஆவுஸோ, பி⁴க்கு²னோ தண்ஹா உப்பஜ்ஜமானா உப்பஜ்ஜதி;
பிண்ட³பாதஹேது வா, ஆவுஸோ, பி⁴க்கு²னோ தண்ஹா உப்பஜ்ஜமானா உப்பஜ்ஜதி;
ஸேனாஸனஹேது வா, ஆவுஸோ, பி⁴க்கு²னோ தண்ஹா உப்பஜ்ஜமானா உப்பஜ்ஜதி;
இதிப⁴வாப⁴வஹேது வா, ஆவுஸோ, பி⁴க்கு²னோ தண்ஹா உப்பஜ்ஜமானா உப்பஜ்ஜதி.

‘‘சதஸ்ஸோ படிபதா³ – து³க்கா² படிபதா³ த³ந்தா⁴பி⁴ஞ்ஞா, து³க்கா² படிபதா³ கி²ப்பாபி⁴ஞ்ஞா, ஸுகா² படிபதா³ த³ந்தா⁴பி⁴ஞ்ஞா, ஸுகா² படிபதா³ கி²ப்பாபி⁴ஞ்ஞா.

‘‘அபராபி சதஸ்ஸோ படிபதா³ – அக்க²மா படிபதா³, க²மா படிபதா³, த³மா படிபதா³, ஸமா படிபதா³.

‘‘சத்தாரி த⁴ம்மபதா³னி – அனபி⁴ஜ்ஜா² த⁴ம்மபத³ங், அப்³யாபாதோ³ த⁴ம்மபத³ங், ஸம்மாஸதி த⁴ம்மபத³ங், ஸம்மாஸமாதி⁴ த⁴ம்மபத³ங்.

‘‘சத்தாரி த⁴ம்மஸமாதா³னானி –
அத்தா²வுஸோ, த⁴ம்மஸமாதா³னங் பச்சுப்பன்னது³க்க²ஞ்சேவ ஆயதிஞ்ச
து³க்க²விபாகங். அத்தா²வுஸோ, த⁴ம்மஸமாதா³னங் பச்சுப்பன்னது³க்க²ங் ஆயதிங்
ஸுக²விபாகங். அத்தா²வுஸோ, த⁴ம்மஸமாதா³னங் பச்சுப்பன்னஸுக²ங் ஆயதிங்
து³க்க²விபாகங். அத்தா²வுஸோ, த⁴ம்மஸமாதா³னங் பச்சுப்பன்னஸுக²ஞ்சேவ ஆயதிஞ்ச
ஸுக²விபாகங்.

‘‘சத்தாரோ த⁴ம்மக்க²ந்தா⁴ – ஸீலக்க²ந்தோ⁴, ஸமாதி⁴க்க²ந்தோ⁴, பஞ்ஞாக்க²ந்தோ⁴, விமுத்திக்க²ந்தோ⁴.

‘‘சத்தாரி ப³லானி – வீரியப³லங், ஸதிப³லங், ஸமாதி⁴ப³லங், பஞ்ஞாப³லங்.

‘‘சத்தாரி அதி⁴ட்டா²னானி – பஞ்ஞாதி⁴ட்டா²னங், ஸச்சாதி⁴ட்டா²னங், சாகா³தி⁴ட்டா²னங், உபஸமாதி⁴ட்டா²னங்.

312. ‘‘சத்தாரி பஞ்ஹப்³யாகரணானி – [சத்தாரோ பஞ்ஹாப்³யாகரணா (ஸீ॰ ஸ்யா॰ கங்॰ பீ॰)] ஏகங்ஸப்³யாகரணீயோ பஞ்ஹோ, படிபுச்சா²ப்³யாகரணீயோ பஞ்ஹோ, விப⁴ஜ்ஜப்³யாகரணீயோ பஞ்ஹோ, ட²பனீயோ பஞ்ஹோ.

‘‘சத்தாரி கம்மானி –
அத்தா²வுஸோ, கம்மங் கண்ஹங் கண்ஹவிபாகங்; அத்தா²வுஸோ, கம்மங் ஸுக்கங்
ஸுக்கவிபாகங்; அத்தா²வுஸோ, கம்மங் கண்ஹஸுக்கங் கண்ஹஸுக்கவிபாகங்;
அத்தா²வுஸோ, கம்மங் அகண்ஹஅஸுக்கங் அகண்ஹஅஸுக்கவிபாகங் கம்மக்க²யாய
ஸங்வத்ததி.

‘‘சத்தாரோ ஸச்சி²கரணீயா த⁴ம்மா –
புப்³பே³னிவாஸோ ஸதியா ஸச்சி²கரணீயோ; ஸத்தானங் சுதூபபாதோ சக்கு²னா
ஸச்சி²கரணீயோ; அட்ட² விமொக்கா² காயேன ஸச்சி²கரணீயா; ஆஸவானங் க²யோ பஞ்ஞாய
ஸச்சி²கரணீயோ.

‘‘சத்தாரோ ஓகா⁴ – காமோகோ⁴, ப⁴வோகோ⁴, தி³ட்டோ²கோ⁴, அவிஜ்ஜோகோ⁴.

‘‘சத்தாரோ யோகா³ – காமயோகோ³, ப⁴வயோகோ³, தி³ட்டி²யோகோ³, அவிஜ்ஜாயோகோ³.

‘‘சத்தாரோ விஸஞ்ஞோகா³ – காமயோக³விஸஞ்ஞோகோ³, ப⁴வயோக³விஸஞ்ஞோகோ³, தி³ட்டி²யோக³விஸஞ்ஞோகோ³, அவிஜ்ஜாயோக³விஸஞ்ஞோகோ³.

‘‘சத்தாரோ க³ந்தா² – அபி⁴ஜ்ஜா² காயக³ந்தோ², ப்³யாபாதோ³ காயக³ந்தோ², ஸீலப்³ப³தபராமாஸோ காயக³ந்தோ², இத³ங்ஸச்சாபி⁴னிவேஸோ காயக³ந்தோ².

‘‘சத்தாரி உபாதா³னானி – காமுபாதா³னங் [காமூபாதா³னங் (ஸீ॰ பீ॰) ஏவமிதரேஸுபி], தி³ட்டு²பாதா³னங், ஸீலப்³ப³துபாதா³னங், அத்தவாது³பாதா³னங்.

‘‘சதஸ்ஸோ யோனியோ – அண்ட³ஜயோனி, ஜலாபு³ஜயோனி, ஸங்ஸேத³ஜயோனி, ஓபபாதிகயோனி.

‘‘சதஸ்ஸோ க³ப்³பா⁴வக்கந்தியோ.
இதா⁴வுஸோ, ஏகச்சோ அஸம்பஜானோ மாதுகுச்சி²ங் ஓக்கமதி, அஸம்பஜானோ
மாதுகுச்சி²ஸ்மிங் டா²தி, அஸம்பஜானோ மாதுகுச்சி²ம்ஹா நிக்க²மதி, அயங் பட²மா
க³ப்³பா⁴வக்கந்தி. புன சபரங், ஆவுஸோ, இதே⁴கச்சோ
ஸம்பஜானோ மாதுகுச்சி²ங் ஓக்கமதி, அஸம்பஜானோ மாதுகுச்சி²ஸ்மிங் டா²தி,
அஸம்பஜானோ மாதுகுச்சி²ம்ஹா நிக்க²மதி, அயங் து³தியா க³ப்³பா⁴வக்கந்தி. புன
சபரங், ஆவுஸோ, இதே⁴கச்சோ ஸம்பஜானோ மாதுகுச்சி²ங் ஓக்கமதி, ஸம்பஜானோ
மாதுகுச்சி²ஸ்மிங் டா²தி, அஸம்பஜானோ மாதுகுச்சி²ம்ஹா நிக்க²மதி, அயங் ததியா
க³ப்³பா⁴வக்கந்தி. புன சபரங், ஆவுஸோ, இதே⁴கச்சோ ஸம்பஜானோ மாதுகுச்சி²ங்
ஓக்கமதி, ஸம்பஜானோ மாதுகுச்சி²ஸ்மிங் டா²தி, ஸம்பஜானோ மாதுகுச்சி²ம்ஹா
நிக்க²மதி, அயங் சதுத்தா² க³ப்³பா⁴வக்கந்தி.

‘‘சத்தாரோ அத்தபா⁴வபடிலாபா⁴.
அத்தா²வுஸோ, அத்தபா⁴வபடிலாபோ⁴, யஸ்மிங் அத்தபா⁴வபடிலாபே⁴ அத்தஸஞ்சேதனாயேவ
கமதி, நோ பரஸஞ்சேதனா. அத்தா²வுஸோ, அத்தபா⁴வபடிலாபோ⁴, யஸ்மிங்
அத்தபா⁴வபடிலாபே⁴ பரஸஞ்சேதனாயேவ கமதி, நோ அத்தஸஞ்சேதனா. அத்தா²வுஸோ,
அத்தபா⁴வபடிலாபோ⁴, யஸ்மிங் அத்தபா⁴வபடிலாபே⁴ அத்தஸஞ்சேதனா சேவ கமதி
பரஸஞ்சேதனா ச. அத்தா²வுஸோ, அத்தபா⁴வபடிலாபோ⁴, யஸ்மிங் அத்தபா⁴வபடிலாபே⁴ நேவ
அத்தஸஞ்சேதனா கமதி, நோ பரஸஞ்சேதனா.

313. ‘‘சதஸ்ஸோ த³க்கி²ணாவிஸுத்³தி⁴யோ. அத்தா²வுஸோ, த³க்கி²ணா தா³யகதோ விஸுஜ்ஜ²தி நோ படிக்³கா³ஹகதோ. அத்தா²வுஸோ, த³க்கி²ணா படிக்³கா³ஹகதோ விஸுஜ்ஜ²தி நோ தா³யகதோ. அத்தா²வுஸோ, த³க்கி²ணா நேவ தா³யகதோ விஸுஜ்ஜ²தி நோ படிக்³கா³ஹகதோ. அத்தா²வுஸோ, த³க்கி²ணா தா³யகதோ சேவ விஸுஜ்ஜ²தி படிக்³கா³ஹகதோ ச.

‘‘சத்தாரி ஸங்க³ஹவத்தூ²னி – தா³னங், பெய்யவஜ்ஜங் [பியவஜ்ஜங் (ஸ்யா॰ கங்॰ க॰)], அத்த²சரியா, ஸமானத்ததா.

‘‘சத்தாரோ அனரியவோஹாரா – முஸாவாதோ³, பிஸுணாவாசா, ப²ருஸாவாசா, ஸம்ப²ப்பலாபோ.

‘‘சத்தாரோ அரியவோஹாரா – முஸாவாதா³ வேரமணீ [வேரமணி (க॰)], பிஸுணாய வாசாய வேரமணீ, ப²ருஸாய வாசாய வேரமணீ, ஸம்ப²ப்பலாபா வேரமணீ.

‘‘அபரேபி சத்தாரோ அனரியவோஹாரா – அதி³ட்டே² தி³ட்ட²வாதி³தா, அஸ்ஸுதே ஸுதவாதி³தா, அமுதே முதவாதி³தா, அவிஞ்ஞாதே விஞ்ஞாதவாதி³தா.

‘‘அபரேபி சத்தாரோ அரியவோஹாரா – அதி³ட்டே² அதி³ட்ட²வாதி³தா, அஸ்ஸுதே அஸ்ஸுதவாதி³தா, அமுதே அமுதவாதி³தா, அவிஞ்ஞாதே அவிஞ்ஞாதவாதி³தா.

‘‘அபரேபி சத்தாரோ அனரியவோஹாரா – தி³ட்டே² அதி³ட்ட²வாதி³தா, ஸுதே அஸ்ஸுதவாதி³தா, முதே அமுதவாதி³தா, விஞ்ஞாதே அவிஞ்ஞாதவாதி³தா.

‘‘அபரேபி சத்தாரோ அரியவோஹாரா – தி³ட்டே² தி³ட்ட²வாதி³தா, ஸுதே ஸுதவாதி³தா, முதே முதவாதி³தா, விஞ்ஞாதே விஞ்ஞாதவாதி³தா.

314. ‘‘சத்தாரோ புக்³க³லா. இதா⁴வுஸோ, ஏகச்சோ புக்³க³லோ அத்தந்தபோ ஹோதி அத்தபரிதாபனானுயோக³மனுயுத்தோ. இதா⁴வுஸோ, ஏகச்சோ புக்³க³லோ பரந்தபோ
ஹோதி பரபரிதாபனானுயோக³மனுயுத்தோ. இதா⁴வுஸோ, ஏகச்சோ புக்³க³லோ அத்தந்தபோ ச
ஹோதி அத்தபரிதாபனானுயோக³மனுயுத்தோ, பரந்தபோ ச பரபரிதாபனானுயோக³மனுயுத்தோ.
இதா⁴வுஸோ, ஏகச்சோ புக்³க³லோ நேவ அத்தந்தபோ ஹோதி ந
அத்தபரிதாபனானுயோக³மனுயுத்தோ ந பரந்தபோ ந பரபரிதாபனானுயோக³மனுயுத்தோ. ஸோ
அனத்தந்தபோ அபரந்தபோ தி³ட்டே²வ த⁴ம்மே நிச்சா²தோ நிப்³பு³தோ ஸீதீபூ⁴தோ [ஸீதிபூ⁴தோ (க॰)] ஸுக²ப்படிஸங்வேதீ³ ப்³ரஹ்மபூ⁴தேன அத்தனா விஹரதி.

‘‘அபரேபி சத்தாரோ புக்³க³லா.
இதா⁴வுஸோ, ஏகச்சோ புக்³க³லோ அத்தஹிதாய படிபன்னோ ஹோதி நோ பரஹிதாய.
இதா⁴வுஸோ, ஏகச்சோ புக்³க³லோ பரஹிதாய படிபன்னோ ஹோதி நோ அத்தஹிதாய. இதா⁴வுஸோ , ஏகச்சோ புக்³க³லோ நேவ அத்தஹிதாய படிபன்னோ ஹோதி நோ பரஹிதாய. இதா⁴வுஸோ, ஏகச்சோ புக்³க³லோ அத்தஹிதாய சேவ படிபன்னோ ஹோதி பரஹிதாய ச.

‘‘அபரேபி சத்தாரோ புக்³க³லா – தமோ தமபராயனோ, தமோ ஜோதிபராயனோ, ஜோதி தமபராயனோ, ஜோதி ஜோதிபராயனோ.

‘‘அபரேபி சத்தாரோ புக்³க³லா – ஸமணமசலோ, ஸமணபது³மோ, ஸமணபுண்ட³ரீகோ, ஸமணேஸு ஸமணஸுகு²மாலோ.

‘‘இமே கோ², ஆவுஸோ, தேன ப⁴க³வதா ஜானதா பஸ்ஸதா
அரஹதா ஸம்மாஸம்பு³த்³தே⁴ன சத்தாரோ த⁴ம்மா ஸம்மத³க்கா²தா; தத்த² ஸப்³பே³ஹேவ
ஸங்கா³யிதப்³ப³ங்…பே॰… அத்தா²ய ஹிதாய ஸுகா²ய தே³வமனுஸ்ஸானங்.

பட²மபா⁴ணவாரோ நிட்டி²தோ.

பஞ்சகங்

315. ‘‘அத்தி²
கோ², ஆவுஸோ, தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன பஞ்ச
த⁴ம்மா ஸம்மத³க்கா²தா. தத்த² ஸப்³பே³ஹேவ ஸங்கா³யிதப்³ப³ங்…பே॰… அத்தா²ய
ஹிதாய ஸுகா²ய தே³வமனுஸ்ஸானங். கதமே பஞ்ச?

‘‘பஞ்சக்க²ந்தா⁴. ரூபக்க²ந்தோ⁴ வேத³னாக்க²ந்தோ⁴ ஸஞ்ஞாக்க²ந்தோ⁴ ஸங்கா²ரக்க²ந்தோ⁴ விஞ்ஞாணக்க²ந்தோ⁴.

‘‘பஞ்சுபாதா³னக்க²ந்தா⁴. ரூபுபாதா³னக்க²ந்தோ⁴ [ரூபூபாதா³னக்க²ந்தோ⁴ (ஸீ॰ ஸ்யா॰ கங்॰ பீ॰) ஏவமிதரேஸுபி] வேத³னுபாதா³னக்க²ந்தோ⁴ ஸஞ்ஞுபாதா³னக்க²ந்தோ⁴ ஸங்கா²ருபாதா³னக்க²ந்தோ⁴ விஞ்ஞாணுபாதா³னக்க²ந்தோ⁴.

‘‘பஞ்ச காமகு³ணா. சக்கு²விஞ்ஞெய்யா ரூபா இட்டா² கந்தா மனாபா பியரூபா காமூபஸஞ்ஹிதா ரஜனீயா ,
ஸோதவிஞ்ஞெய்யா ஸத்³தா³… கா⁴னவிஞ்ஞெய்யா க³ந்தா⁴… ஜிவ்ஹாவிஞ்ஞெய்யா ரஸா…
காயவிஞ்ஞெய்யா பொ²ட்ட²ப்³பா³ இட்டா² கந்தா மனாபா பியரூபா காமூபஸஞ்ஹிதா
ரஜனீயா.

‘‘பஞ்ச க³தியோ – நிரயோ, திரச்சா²னயோனி, பெத்திவிஸயோ, மனுஸ்ஸா, தே³வா.

‘‘பஞ்ச மச்ச²ரியானி – ஆவாஸமச்ச²ரியங், குலமச்ச²ரியங், லாப⁴மச்ச²ரியங், வண்ணமச்ச²ரியங், த⁴ம்மமச்ச²ரியங்.

‘‘பஞ்ச நீவரணானி – காமச்ச²ந்த³னீவரணங், ப்³யாபாத³னீவரணங், தி²னமித்³த⁴னீவரணங், உத்³த⁴ச்சகுக்குச்சனீவரணங், விசிகிச்சா²னீவரணங்.

‘‘பஞ்ச ஓரம்பா⁴கி³யானி ஸஞ்ஞோஜனானி – ஸக்காயதி³ட்டி², விசிகிச்சா², ஸீலப்³ப³தபராமாஸோ, காமச்ச²ந்தோ³, ப்³யாபாதோ³.

‘‘பஞ்ச உத்³த⁴ம்பா⁴கி³யானி ஸஞ்ஞோஜனானி – ரூபராகோ³, அரூபராகோ³, மானோ, உத்³த⁴ச்சங், அவிஜ்ஜா.

‘‘பஞ்ச ஸிக்கா²பதா³னி – பாணாதிபாதா வேரமணீ, அதி³ன்னாதா³னா வேரமணீ, காமேஸுமிச்சா²சாரா வேரமணீ, முஸாவாதா³ வேரமணீ, ஸுராமேரயமஜ்ஜப்பமாத³ட்டா²னா வேரமணீ.

316. ‘‘பஞ்ச அப⁴ப்³ப³ட்டா²னானி.
அப⁴ப்³போ³, ஆவுஸோ, கீ²ணாஸவோ பி⁴க்கு² ஸஞ்சிச்ச பாணங் ஜீவிதா வோரோபேதுங்.
அப⁴ப்³போ³ கீ²ணாஸவோ பி⁴க்கு² அதி³ன்னங் தெ²ய்யஸங்கா²தங் ஆதி³யிதுங் [ஆதா³துங் (ஸ்யா॰ கங்॰ பீ॰)].
அப⁴ப்³போ³ கீ²ணாஸவோ பி⁴க்கு² மேது²னங் த⁴ம்மங் படிஸேவிதுங். அப⁴ப்³போ³
கீ²ணாஸவோ பி⁴க்கு² ஸம்பஜானமுஸா பா⁴ஸிதுங். அப⁴ப்³போ³ கீ²ணாஸவோ பி⁴க்கு²
ஸன்னிதி⁴காரகங் காமே பரிபு⁴ஞ்ஜிதுங், ஸெய்யதா²பி புப்³பே³ ஆகா³ரிகபூ⁴தோ.

‘‘பஞ்ச ப்³யஸனானி –
ஞாதிப்³யஸனங், போ⁴க³ப்³யஸனங், ரோக³ப்³யஸனங், ஸீலப்³யஸனங்,
தி³ட்டி²ப்³யஸனங். நாவுஸோ, ஸத்தா ஞாதிப்³யஸனஹேது வா போ⁴க³ப்³யஸனஹேது வா
ரோக³ப்³யஸனஹேது வா காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங்
நிரயங் உபபஜ்ஜந்தி. ஸீலப்³யஸனஹேது வா, ஆவுஸோ, ஸத்தா தி³ட்டி²ப்³யஸனஹேது வா காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜந்தி.

‘‘பஞ்ச ஸம்பதா³ –
ஞாதிஸம்பதா³, போ⁴க³ஸம்பதா³, ஆரொக்³யஸம்பதா³, ஸீலஸம்பதா³, தி³ட்டி²ஸம்பதா³.
நாவுஸோ, ஸத்தா ஞாதிஸம்பதா³ஹேது வா போ⁴க³ஸம்பதா³ஹேது வா ஆரொக்³யஸம்பதா³ஹேது
வா காயஸ்ஸ பே⁴தா³ பரங் மரணா ஸுக³திங் ஸக்³க³ங்
லோகங் உபபஜ்ஜந்தி. ஸீலஸம்பதா³ஹேது வா, ஆவுஸோ, ஸத்தா தி³ட்டி²ஸம்பதா³ஹேது வா
காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜந்தி.

‘‘பஞ்ச ஆதீ³னவா து³ஸ்ஸீலஸ்ஸ ஸீலவிபத்தியா. இதா⁴வுஸோ ,
து³ஸ்ஸீலோ ஸீலவிபன்னோ பமாதா³தி⁴கரணங் மஹதிங் போ⁴க³ஜானிங் நிக³ச்ச²தி, அயங்
பட²மோ ஆதீ³னவோ து³ஸ்ஸீலஸ்ஸ ஸீலவிபத்தியா. புன சபரங், ஆவுஸோ, து³ஸ்ஸீலஸ்ஸ
ஸீலவிபன்னஸ்ஸ பாபகோ கித்திஸத்³தோ³ அப்³பு⁴க்³க³ச்ச²தி, அயங் து³தியோ
ஆதீ³னவோ து³ஸ்ஸீலஸ்ஸ ஸீலவிபத்தியா. புன சபரங், ஆவுஸோ, து³ஸ்ஸீலோ ஸீலவிபன்னோ
யஞ்ஞதே³வ பரிஸங் உபஸங்கமதி யதி³ க²த்தியபரிஸங்
யதி³ ப்³ராஹ்மணபரிஸங் யதி³ க³ஹபதிபரிஸங் யதி³ ஸமணபரிஸங், அவிஸாரதோ³
உபஸங்கமதி மங்குபூ⁴தோ, அயங் ததியோ ஆதீ³னவோ து³ஸ்ஸீலஸ்ஸ ஸீலவிபத்தியா. புன
சபரங், ஆவுஸோ, து³ஸ்ஸீலோ ஸீலவிபன்னோ ஸம்மூள்ஹோ காலங் கரோதி, அயங் சதுத்தோ²
ஆதீ³னவோ து³ஸ்ஸீலஸ்ஸ ஸீலவிபத்தியா. புன சபரங், ஆவுஸோ, து³ஸ்ஸீலோ ஸீலவிபன்னோ
காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜதி,
அயங் பஞ்சமோ ஆதீ³னவோ து³ஸ்ஸீலஸ்ஸ ஸீலவிபத்தியா.

‘‘பஞ்ச ஆனிஸங்ஸா ஸீலவதோ ஸீலஸம்பதா³ய.
இதா⁴வுஸோ, ஸீலவா ஸீலஸம்பன்னோ அப்பமாதா³தி⁴கரணங் மஹந்தங் போ⁴க³க்க²ந்த⁴ங்
அதி⁴க³ச்ச²தி, அயங் பட²மோ ஆனிஸங்ஸோ ஸீலவதோ ஸீலஸம்பதா³ய. புன சபரங், ஆவுஸோ,
ஸீலவதோ ஸீலஸம்பன்னஸ்ஸ கல்யாணோ கித்திஸத்³தோ³ அப்³பு⁴க்³க³ச்ச²தி, அயங்
து³தியோ ஆனிஸங்ஸோ ஸீலவதோ ஸீலஸம்பதா³ய. புன சபரங்,
ஆவுஸோ, ஸீலவா ஸீலஸம்பன்னோ யஞ்ஞதே³வ பரிஸங் உபஸங்கமதி யதி³ க²த்தியபரிஸங்
யதி³ ப்³ராஹ்மணபரிஸங் யதி³ க³ஹபதிபரிஸங் யதி³ ஸமணபரிஸங், விஸாரதோ³
உபஸங்கமதி அமங்குபூ⁴தோ, அயங் ததியோ ஆனிஸங்ஸோ ஸீலவதோ ஸீலஸம்பதா³ய. புன
சபரங், ஆவுஸோ, ஸீலவா ஸீலஸம்பன்னோ அஸம்மூள்ஹோ காலங் கரோதி, அயங் சதுத்தோ²
ஆனிஸங்ஸோ ஸீலவதோ ஸீலஸம்பதா³ய. புன சபரங், ஆவுஸோ, ஸீலவா ஸீலஸம்பன்னோ காயஸ்ஸ
பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜதி, அயங் பஞ்சமோ ஆனிஸங்ஸோ
ஸீலவதோ ஸீலஸம்பதா³ய.

‘‘சோத³கேன , ஆவுஸோ, பி⁴க்கு²னா
பரங் சோதே³துகாமேன பஞ்ச த⁴ம்மே அஜ்ஜ²த்தங் உபட்ட²பெத்வா பரோ சோதே³தப்³போ³.
காலேன வக்கா²மி நோ அகாலேன, பூ⁴தேன வக்கா²மி நோ அபூ⁴தேன, ஸண்ஹேன வக்கா²மி நோ
ப²ருஸேன, அத்த²ஸங்ஹிதேன வக்கா²மி நோ அனத்த²ஸங்ஹிதேன, மெத்தசித்தேன [மெத்தாசித்தேன (கத்த²சி)]
வக்கா²மி நோ தோ³ஸந்தரேனாதி. சோத³கேன, ஆவுஸோ, பி⁴க்கு²னா பரங் சோதே³துகாமேன
இமே பஞ்ச த⁴ம்மே அஜ்ஜ²த்தங் உபட்ட²பெத்வா பரோ சோதே³தப்³போ³.

317. ‘‘பஞ்ச பதா⁴னியங்கா³னி.
இதா⁴வுஸோ, பி⁴க்கு² ஸத்³தோ⁴ ஹோதி, ஸத்³த³ஹதி ததா²க³தஸ்ஸ போ³தி⁴ங் – ‘இதிபி
ஸோ ப⁴க³வா அரஹங் ஸம்மாஸம்பு³த்³தோ⁴ விஜ்ஜாசரணஸம்பன்னோ ஸுக³தோ, லோகவிதூ³
அனுத்தரோ புரிஸத³ம்மஸாரதி² ஸத்தா² தே³வமனுஸ்ஸானங் பு³த்³தோ⁴ ப⁴க³வா’தி.
அப்பாபா³தோ⁴ ஹோதி அப்பாதங்கோ, ஸமவேபாகினியா க³ஹணியா
ஸமன்னாக³தோ நாதிஸீதாய நாச்சுண்ஹாய மஜ்ஜி²மாய பதா⁴னக்க²மாய. அஸடோ² ஹோதி
அமாயாவீ, யதா²பூ⁴தங் அத்தானங் ஆவிகத்தா ஸத்த²ரி வா விஞ்ஞூஸு வா
ஸப்³ரஹ்மசாரீஸு. ஆரத்³த⁴வீரியோ விஹரதி அகுஸலானங் த⁴ம்மானங் பஹானாய குஸலானங்
த⁴ம்மானங் உபஸம்பதா³ய தா²மவா த³ள்ஹபரக்கமோ அனிக்கி²த்தது⁴ரோ குஸலேஸு
த⁴ம்மேஸு. பஞ்ஞவா ஹோதி உத³யத்த²கா³மினியா பஞ்ஞாய ஸமன்னாக³தோ அரியாய
நிப்³பே³தி⁴காய ஸம்மாது³க்க²க்க²யகா³மினியா.

318. ‘‘பஞ்ச ஸுத்³தா⁴வாஸா – அவிஹா, அதப்பா, ஸுத³ஸ்ஸா, ஸுத³ஸ்ஸீ, அகனிட்டா².

‘‘பஞ்ச அனாகா³மினோ – அந்தராபரினிப்³பா³யீ, உபஹச்சபரினிப்³பா³யீ, அஸங்கா²ரபரினிப்³பா³யீ, ஸஸங்கா²ரபரினிப்³பா³யீ, உத்³த⁴ங்ஸோதோஅகனிட்ட²கா³மீ.

319. ‘‘பஞ்ச சேதோகி²லா. இதா⁴வுஸோ, பி⁴க்கு² ஸத்த²ரி கங்க²தி
விசிகிச்ச²தி நாதி⁴முச்சதி ந ஸம்பஸீத³தி. யோ ஸோ, ஆவுஸோ, பி⁴க்கு² ஸத்த²ரி
கங்க²தி விசிகிச்ச²தி நாதி⁴முச்சதி ந ஸம்பஸீத³தி, தஸ்ஸ சித்தங் ந நமதி
ஆதப்பாய அனுயோகா³ய ஸாதச்சாய பதா⁴னாய, யஸ்ஸ சித்தங் ந நமதி ஆதப்பாய
அனுயோகா³ய ஸாதச்சாய பதா⁴னாய, அயங் பட²மோ சேதோகி²லோ. புன சபரங், ஆவுஸோ,
பி⁴க்கு² த⁴ம்மே கங்க²தி விசிகிச்ச²தி…பே॰… ஸங்கே⁴ கங்க²தி விசிகிச்ச²தி…
ஸிக்கா²ய கங்க²தி விசிகிச்ச²தி… ஸப்³ரஹ்மசாரீஸு குபிதோ ஹோதி அனத்தமனோ
ஆஹதசித்தோ கி²லஜாதோ. யோ ஸோ, ஆவுஸோ, பி⁴க்கு²
ஸப்³ரஹ்மசாரீஸு குபிதோ ஹோதி அனத்தமனோ ஆஹதசித்தோ கி²லஜாதோ, தஸ்ஸ சித்தங் ந
நமதி ஆதப்பாய அனுயோகா³ய ஸாதச்சாய பதா⁴னாய, யஸ்ஸ சித்தங் ந நமதி ஆதப்பாய
அனுயோகா³ய ஸாதச்சாய பதா⁴னாய, அயங் பஞ்சமோ சேதோகி²லோ.

320. ‘‘பஞ்ச சேதஸோவினிப³ந்தா⁴. இதா⁴வுஸோ, பி⁴க்கு² காமேஸு அவீதராகோ³ ஹோதி அவிக³தச்ச²ந்தோ³ அவிக³தபேமோ அவிக³தபிபாஸோ அவிக³தபரிளாஹோ
அவிக³ததண்ஹோ. யோ ஸோ, ஆவுஸோ, பி⁴க்கு² காமேஸு அவீதராகோ³ ஹோதி
அவிக³தச்ச²ந்தோ³ அவிக³தபேமோ அவிக³தபிபாஸோ அவிக³தபரிளாஹோ அவிக³ததண்ஹோ, தஸ்ஸ
சித்தங் ந நமதி ஆதப்பாய அனுயோகா³ய ஸாதச்சாய பதா⁴னாய. யஸ்ஸ சித்தங் ந நமதி
ஆதப்பாய அனுயோகா³ய ஸாதச்சாய பதா⁴னாய. அயங் பட²மோ சேதஸோ வினிப³ந்தோ⁴. புன
சபரங், ஆவுஸோ, பி⁴க்கு² காயே அவீதராகோ³ ஹோதி…பே॰… ரூபே அவீதராகோ³ ஹோதி…பே॰…
புன சபரங், ஆவுஸோ, பி⁴க்கு² யாவத³த்த²ங் உத³ராவதே³ஹகங் பு⁴ஞ்ஜித்வா
ஸெய்யஸுக²ங் பஸ்ஸஸுக²ங் மித்³த⁴ஸுக²ங் அனுயுத்தோ விஹரதி…பே॰… புன சபரங்,
ஆவுஸோ, பி⁴க்கு² அஞ்ஞதரங் தே³வனிகாயங் பணிதா⁴ய
ப்³ரஹ்மசரியங் சரதி – ‘இமினாஹங் ஸீலேன வா வதேன வா தபேன வா ப்³ரஹ்மசரியேன வா
தே³வோ வா ப⁴விஸ்ஸாமி தே³வஞ்ஞதரோ வா’தி. யோ ஸோ, ஆவுஸோ, பி⁴க்கு² அஞ்ஞதரங்
தே³வனிகாயங் பணிதா⁴ய ப்³ரஹ்மசரியங் சரதி – ‘இமினாஹங் ஸீலேன வா வதேன வா தபேன
வா ப்³ரஹ்மசரியேன வா தே³வோ வா ப⁴விஸ்ஸாமி தே³வஞ்ஞதரோ வா’தி, தஸ்ஸ சித்தங் ந
நமதி ஆதப்பாய அனுயோகா³ய ஸாதச்சாய பதா⁴னாய. யஸ்ஸ சித்தங் ந நமதி ஆதப்பாய
அனுயோகா³ய ஸாதச்சாய பதா⁴னாய. அயங் பஞ்சமோ சேதஸோ வினிப³ந்தோ⁴.

‘‘பஞ்சிந்த்³ரியானி – சக்கு²ந்த்³ரியங், ஸோதிந்த்³ரியங், கா⁴னிந்த்³ரியங், ஜிவ்ஹிந்த்³ரியங், காயிந்த்³ரியங்.

‘‘அபரானிபி பஞ்சிந்த்³ரியானி – ஸுகி²ந்த்³ரியங், து³க்கி²ந்த்³ரியங், ஸோமனஸ்ஸிந்த்³ரியங், தோ³மனஸ்ஸிந்த்³ரியங், உபெக்கி²ந்த்³ரியங்.

‘‘அபரானிபி பஞ்சிந்த்³ரியானி – ஸத்³தி⁴ந்த்³ரியங், வீரியிந்த்³ரியங், ஸதிந்த்³ரியங், ஸமாதி⁴ந்த்³ரியங், பஞ்ஞிந்த்³ரியங்.

321. ‘‘பஞ்ச நிஸ்ஸரணியா [நிஸ்ஸாரணீயா (ஸீ॰ ஸ்யா॰ கங்॰ பீ॰) டீகா ஓலோகேதப்³பா³] தா⁴துயோ.
இதா⁴வுஸோ, பி⁴க்கு²னோ காமே மனஸிகரோதோ காமேஸு சித்தங் ந பக்க²ந்த³தி ந
பஸீத³தி ந ஸந்திட்ட²தி ந விமுச்சதி. நெக்க²ம்மங் கோ² பனஸ்ஸ மனஸிகரோதோ
நெக்க²ம்மே சித்தங் பக்க²ந்த³தி பஸீத³தி ஸந்திட்ட²தி விமுச்சதி. தஸ்ஸ தங்
சித்தங் ஸுக³தங் ஸுபா⁴விதங் ஸுவுட்டி²தங் ஸுவிமுத்தங் விஸங்யுத்தங் காமேஹி. யே ச காமபச்சயா உப்பஜ்ஜந்தி ஆஸவா விகா⁴தா பரிளாஹா [விகா⁴தபரிளாஹா (ஸ்யா॰ கங்॰)], முத்தோ ஸோ தேஹி, ந ஸோ தங் வேத³னங் வேதே³தி. இத³மக்கா²தங் காமானங் நிஸ்ஸரணங்.

‘‘புன சபரங், ஆவுஸோ, பி⁴க்கு²னோ ப்³யாபாத³ங் மனஸிகரோதோ ப்³யாபாதே³ சித்தங் ந பக்க²ந்த³தி ந
பஸீத³தி ந ஸந்திட்ட²தி ந விமுச்சதி. அப்³யாபாத³ங் கோ² பனஸ்ஸ மனஸிகரோதோ
அப்³யாபாதே³ சித்தங் பக்க²ந்த³தி பஸீத³தி ஸந்திட்ட²தி விமுச்சதி. தஸ்ஸ தங்
சித்தங் ஸுக³தங் ஸுபா⁴விதங் ஸுவுட்டி²தங் ஸுவிமுத்தங் விஸங்யுத்தங்
ப்³யாபாதே³ன. யே ச ப்³யாபாத³பச்சயா உப்பஜ்ஜந்தி ஆஸவா விகா⁴தா பரிளாஹா,
முத்தோ ஸோ தேஹி, ந ஸோ தங் வேத³னங் வேதே³தி. இத³மக்கா²தங் ப்³யாபாத³ஸ்ஸ நிஸ்ஸரணங்.

‘‘புன சபரங், ஆவுஸோ, பி⁴க்கு²னோ விஹேஸங் மனஸிகரோதோ
விஹேஸாய சித்தங் ந பக்க²ந்த³தி ந பஸீத³தி ந ஸந்திட்ட²தி ந விமுச்சதி.
அவிஹேஸங் கோ² பனஸ்ஸ மனஸிகரோதோ அவிஹேஸாய சித்தங் பக்க²ந்த³தி பஸீத³தி
ஸந்திட்ட²தி விமுச்சதி. தஸ்ஸ தங் சித்தங் ஸுக³தங் ஸுபா⁴விதங் ஸுவுட்டி²தங்
ஸுவிமுத்தங் விஸங்யுத்தங் விஹேஸாய. யே ச விஹேஸாபச்சயா உப்பஜ்ஜந்தி ஆஸவா
விகா⁴தா பரிளாஹா, முத்தோ ஸோ தேஹி, ந ஸோ தங் வேத³னங் வேதே³தி. இத³மக்கா²தங்
விஹேஸாய நிஸ்ஸரணங்.

‘‘புன சபரங், ஆவுஸோ, பி⁴க்கு²னோ ரூபே மனஸிகரோதோ ரூபேஸு
சித்தங் ந பக்க²ந்த³தி ந பஸீத³தி ந ஸந்திட்ட²தி ந விமுச்சதி. அரூபங் கோ²
பனஸ்ஸ மனஸிகரோதோ அரூபே சித்தங் பக்க²ந்த³தி பஸீத³தி ஸந்திட்ட²தி விமுச்சதி.
தஸ்ஸ தங் சித்தங் ஸுக³தங் ஸுபா⁴விதங் ஸுவுட்டி²தங் ஸுவிமுத்தங்
விஸங்யுத்தங் ரூபேஹி. யே ச ரூபபச்சயா உப்பஜ்ஜந்தி ஆஸவா விகா⁴தா பரிளாஹா,
முத்தோ ஸோ தேஹி, ந ஸோ தங் வேத³னங் வேதே³தி. இத³மக்கா²தங் ரூபானங்
நிஸ்ஸரணங்.

‘‘புன சபரங், ஆவுஸோ, பி⁴க்கு²னோ ஸக்காயங் மனஸிகரோதோ
ஸக்காயே சித்தங் ந பக்க²ந்த³தி ந பஸீத³தி ந ஸந்திட்ட²தி ந விமுச்சதி.
ஸக்காயனிரோத⁴ங் கோ² பனஸ்ஸ மனஸிகரோதோ ஸக்காயனிரோதே⁴ சித்தங் பக்க²ந்த³தி
பஸீத³தி ஸந்திட்ட²தி விமுச்சதி. தஸ்ஸ தங் சித்தங் ஸுக³தங் ஸுபா⁴விதங்
ஸுவுட்டி²தங் ஸுவிமுத்தங் விஸங்யுத்தங் ஸக்காயேன. யே ச ஸக்காயபச்சயா
உப்பஜ்ஜந்தி ஆஸவா விகா⁴தா பரிளாஹா, முத்தோ ஸோ தேஹி, ந ஸோ தங் வேத³னங் வேதே³தி. இத³மக்கா²தங் ஸக்காயஸ்ஸ நிஸ்ஸரணங்.

322. ‘‘பஞ்ச விமுத்தாயதனானி.
இதா⁴வுஸோ, பி⁴க்கு²னோ ஸத்தா² த⁴ம்மங் தே³ஸேதி அஞ்ஞதரோ வா க³ருட்டா²னியோ
ஸப்³ரஹ்மசாரீ. யதா² யதா², ஆவுஸோ, பி⁴க்கு²னோ ஸத்தா² த⁴ம்மங் தே³ஸேதி
அஞ்ஞதரோ வா க³ருட்டா²னியோ ஸப்³ரஹ்மசாரீ . ததா² ததா²
ஸோ தஸ்மிங் த⁴ம்மே அத்த²படிஸங்வேதீ³ ச ஹோதி த⁴ம்மபடிஸங்வேதீ³ ச. தஸ்ஸ
அத்த²படிஸங்வேதி³னோ த⁴ம்மபடிஸங்வேதி³னோ பாமோஜ்ஜங் ஜாயதி, பமுதி³தஸ்ஸ பீதி
ஜாயதி, பீதிமனஸ்ஸ காயோ பஸ்ஸம்ப⁴தி, பஸ்ஸத்³த⁴காயோ ஸுக²ங் வேதே³தி, ஸுகி²னோ
சித்தங் ஸமாதி⁴யதி. இத³ங் பட²மங் விமுத்தாயதனங்.

‘‘புன சபரங், ஆவுஸோ,
பி⁴க்கு²னோ ந ஹேவ கோ² ஸத்தா² த⁴ம்மங் தே³ஸேதி அஞ்ஞதரோ வா க³ருட்டா²னியோ
ஸப்³ரஹ்மசாரீ, அபி ச கோ² யதா²ஸுதங் யதா²பரியத்தங் த⁴ம்மங் வித்தா²ரேன
பரேஸங் தே³ஸேதி…பே॰… அபி ச கோ² யதா²ஸுதங் யதா²பரியத்தங் த⁴ம்மங் வித்தா²ரேன
ஸஜ்ஜா²யங் கரோதி…பே॰… அபி ச கோ² யதா²ஸுதங் யதா²பரியத்தங் த⁴ம்மங் சேதஸா
அனுவிதக்கேதி அனுவிசாரேதி மனஸானுபெக்க²தி…பே॰… அபி ச
க்²வஸ்ஸ அஞ்ஞதரங் ஸமாதி⁴னிமித்தங் ஸுக்³க³ஹிதங் ஹோதி ஸுமனஸிகதங்
ஸூபதா⁴ரிதங் ஸுப்படிவித்³த⁴ங் பஞ்ஞாய. யதா² யதா², ஆவுஸோ, பி⁴க்கு²னோ
அஞ்ஞதரங் ஸமாதி⁴னிமித்தங் ஸுக்³க³ஹிதங் ஹோதி ஸுமனஸிகதங் ஸூபதா⁴ரிதங்
ஸுப்படிவித்³த⁴ங் பஞ்ஞாய ததா² ததா² ஸோ தஸ்மிங் த⁴ம்மே அத்த²படிஸங்வேதீ³ ச
ஹோதி த⁴ம்மபடிஸங்வேதீ³ ச. தஸ்ஸ அத்த²படிஸங்வேதி³னோ த⁴ம்மபடிஸங்வேதி³னோ
பாமோஜ்ஜங் ஜாயதி, பமுதி³தஸ்ஸ பீதி ஜாயதி, பீதிமனஸ்ஸ காயோ பஸ்ஸம்ப⁴தி,
பஸ்ஸத்³த⁴காயோ ஸுக²ங் வேதே³தி , ஸுகி²னோ சித்தங் ஸமாதி⁴யதி. இத³ங் பஞ்சமங் விமுத்தாயதனங்.

‘‘பஞ்ச விமுத்திபரிபாசனீயா ஸஞ்ஞா – அனிச்சஸஞ்ஞா, அனிச்சே து³க்க²ஸஞ்ஞா, து³க்கே² அனத்தஸஞ்ஞா, பஹானஸஞ்ஞா, விராக³ஸஞ்ஞா.

‘‘இமே கோ², ஆவுஸோ, தேன ப⁴க³வதா ஜானதா பஸ்ஸதா அரஹதா
ஸம்மாஸம்பு³த்³தே⁴ன பஞ்ச த⁴ம்மா ஸம்மத³க்கா²தா; தத்த² ஸப்³பே³ஹேவ
ஸங்கா³யிதப்³ப³ங்…பே॰… அத்தா²ய ஹிதாய ஸுகா²ய தே³வமனுஸ்ஸானங் [ஸங்கி³தியபஞ்சகங் நிட்டி²தங் (ஸ்யா॰ கங்॰)].

ச²க்கங்

323.
‘‘அத்தி² கோ², ஆவுஸோ, தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன
ச² த⁴ம்மா ஸம்மத³க்கா²தா; தத்த² ஸப்³பே³ஹேவ ஸங்கா³யிதப்³ப³ங்…பே॰… அத்தா²ய
ஹிதாய ஸுகா²ய தே³வமனுஸ்ஸானங். கதமே ச²?

‘‘ச² அஜ்ஜ²த்திகானி ஆயதனானி – சக்கா²யதனங், ஸோதாயதனங், கா⁴னாயதனங், ஜிவ்ஹாயதனங், காயாயதனங், மனாயதனங்.

‘‘ச² பா³ஹிரானி ஆயதனானி – ரூபாயதனங், ஸத்³தா³யதனங், க³ந்தா⁴யதனங், ரஸாயதனங், பொ²ட்ட²ப்³பா³யதனங், த⁴ம்மாயதனங்.

‘‘ச² விஞ்ஞாணகாயா – சக்கு²விஞ்ஞாணங், ஸோதவிஞ்ஞாணங், கா⁴னவிஞ்ஞாணங், ஜிவ்ஹாவிஞ்ஞாணங், காயவிஞ்ஞாணங், மனோவிஞ்ஞாணங்.

‘‘ச² ப²ஸ்ஸகாயா – சக்கு²ஸம்ப²ஸ்ஸோ, ஸோதஸம்ப²ஸ்ஸோ, கா⁴னஸம்ப²ஸ்ஸோ, ஜிவ்ஹாஸம்ப²ஸ்ஸோ, காயஸம்ப²ஸ்ஸோ, மனோஸம்ப²ஸ்ஸோ.

‘‘ச² வேத³னாகாயா – சக்கு²ஸம்ப²ஸ்ஸஜா வேத³னா, ஸோதஸம்ப²ஸ்ஸஜா வேத³னா, கா⁴னஸம்ப²ஸ்ஸஜா வேத³னா, ஜிவ்ஹாஸம்ப²ஸ்ஸஜா வேத³னா, காயஸம்ப²ஸ்ஸஜா வேத³னா, மனோஸம்ப²ஸ்ஸஜா வேத³னா.

‘‘ச² ஸஞ்ஞாகாயா – ரூபஸஞ்ஞா, ஸத்³த³ஸஞ்ஞா, க³ந்த⁴ஸஞ்ஞா, ரஸஸஞ்ஞா, பொ²ட்ட²ப்³ப³ஸஞ்ஞா, த⁴ம்மஸஞ்ஞா.

‘‘ச² ஸஞ்சேதனாகாயா – ரூபஸஞ்சேதனா, ஸத்³த³ஸஞ்சேதனா, க³ந்த⁴ஸஞ்சேதனா, ரஸஸஞ்சேதனா, பொ²ட்ட²ப்³ப³ஸஞ்சேதனா, த⁴ம்மஸஞ்சேதனா.

‘‘ச² தண்ஹாகாயா – ரூபதண்ஹா, ஸத்³த³தண்ஹா, க³ந்த⁴தண்ஹா, ரஸதண்ஹா, பொ²ட்ட²ப்³ப³தண்ஹா, த⁴ம்மதண்ஹா.

324. ‘‘ச² அகா³ரவா.
இதா⁴வுஸோ, பி⁴க்கு² ஸத்த²ரி அகா³ரவோ விஹரதி அப்பதிஸ்ஸோ; த⁴ம்மே அகா³ரவோ
விஹரதி அப்பதிஸ்ஸோ; ஸங்கே⁴ அகா³ரவோ விஹரதி அப்பதிஸ்ஸோ; ஸிக்கா²ய அகா³ரவோ
விஹரதி அப்பதிஸ்ஸோ; அப்பமாதே³ அகா³ரவோ விஹரதி அப்பதிஸ்ஸோ; படிஸந்தா²ரே [படிஸந்தா⁴ரே (க॰)] அகா³ரவோ விஹரதி அப்பதிஸ்ஸோ.

‘‘ச² கா³ரவா. இதா⁴வுஸோ,
பி⁴க்கு² ஸத்த²ரி ஸகா³ரவோ விஹரதி ஸப்பதிஸ்ஸோ; த⁴ம்மே ஸகா³ரவோ விஹரதி
ஸப்பதிஸ்ஸோ; ஸங்கே⁴ ஸகா³ரவோ விஹரதி ஸப்பதிஸ்ஸோ; ஸிக்கா²ய ஸகா³ரவோ விஹரதி
ஸப்பதிஸ்ஸோ; அப்பமாதே³ ஸகா³ரவோ விஹரதி ஸப்பதிஸ்ஸோ; படிஸந்தா²ரே ஸகா³ரவோ
விஹரதி ஸப்பதிஸ்ஸோ.

‘‘ச² ஸோமனஸ்ஸூபவிசாரா . சக்கு²னா ரூபங் தி³ஸ்வா ஸோமனஸ்ஸட்டா²னியங் ரூபங் உபவிசரதி; ஸோதேன
ஸத்³த³ங் ஸுத்வா… கா⁴னேன க³ந்த⁴ங் கா⁴யித்வா… ஜிவ்ஹாய ரஸங் ஸாயித்வா…
காயேன பொ²ட்ட²ப்³ப³ங் பு²ஸித்வா. மனஸா த⁴ம்மங் விஞ்ஞாய ஸோமனஸ்ஸட்டா²னியங்
த⁴ம்மங் உபவிசரதி.

‘‘ச² தோ³மனஸ்ஸூபவிசாரா. சக்கு²னா ரூபங் தி³ஸ்வா தோ³மனஸ்ஸட்டா²னியங் ரூபங் உபவிசரதி…பே॰… மனஸா த⁴ம்மங் விஞ்ஞாய தோ³மனஸ்ஸட்டா²னியங் த⁴ம்மங் உபவிசரதி.

‘‘ச² உபெக்கூ²பவிசாரா. சக்கு²னா ரூபங் தி³ஸ்வா உபெக்கா²ட்டா²னியங் [உபெக்கா²டா²னியங் (க॰)] ரூபங் உபவிசரதி…பே॰… மனஸா த⁴ம்மங் விஞ்ஞாய உபெக்கா²ட்டா²னியங் த⁴ம்மங் உபவிசரதி.

‘‘ச² ஸாரணீயா த⁴ம்மா. இதா⁴வுஸோ, பி⁴க்கு²னோ மெத்தங் காயகம்மங் பச்சுபட்டி²தங் ஹோதி ஸப்³ரஹ்மசாரீஸு ஆவி [ஆவீ (க॰ ஸீ॰ பீ॰ க॰)] சேவ ரஹோ ச. அயம்பி த⁴ம்மோ ஸாரணீயோ பியகரணோ க³ருகரணோ ஸங்க³ஹாய அவிவாதா³ய ஸாமக்³கி³யா ஏகீபா⁴வாய ஸங்வத்ததி.

‘‘புன சபரங், ஆவுஸோ, பி⁴க்கு²னோ மெத்தங் வசீகம்மங்
பச்சுபட்டி²தங் ஹோதி ஸப்³ரஹ்மசாரீஸு ஆவி சேவ ரஹோ ச. அயம்பி த⁴ம்மோ
ஸாரணீயோ…பே॰… ஏகீபா⁴வாய ஸங்வத்ததி.

‘‘புன சபரங், ஆவுஸோ, பி⁴க்கு²னோ மெத்தங் மனோகம்மங்
பச்சுபட்டி²தங் ஹோதி ஸப்³ரஹ்மசாரீஸு ஆவி சேவ ரஹோ ச. அயம்பி த⁴ம்மோ
ஸாரணீயோ…பே॰… ஏகீபா⁴வாய ஸங்வத்ததி.

‘‘புன சபரங், ஆவுஸோ, பி⁴க்கு² யே தே லாபா⁴ த⁴ம்மிகா
த⁴ம்மலத்³தா⁴ அந்தமஸோ பத்தபரியாபன்னமத்தம்பி, ததா²ரூபேஹி லாபே⁴ஹி
அப்படிவிப⁴த்தபோ⁴கீ³ ஹோதி ஸீலவந்தேஹி ஸப்³ரஹ்மசாரீஹி ஸாதா⁴ரணபோ⁴கீ³. அயம்பி
த⁴ம்மோ ஸாரணீயோ…பே॰… ஏகீபா⁴வாய ஸங்வத்ததி.

‘‘புன சபரங், ஆவுஸோ, பி⁴க்கு² யானி தானி ஸீலானி
அக²ண்டா³னி அச்சி²த்³தா³னி அஸப³லானி அகம்மாஸானி பு⁴ஜிஸ்ஸானி
விஞ்ஞுப்பஸத்தா²னி அபராமட்டா²னி ஸமாதி⁴ஸங்வத்தனிகானி, ததா²ரூபேஸு ஸீலேஸு
ஸீலஸாமஞ்ஞக³தோ விஹரதி ஸப்³ரஹ்மசாரீஹி ஆவி சேவ ரஹோ ச. அயம்பி த⁴ம்மோ ஸாரணீயோ…பே॰… ஏகீபா⁴வாய ஸங்வத்ததி.

‘‘புன சபரங், ஆவுஸோ, பி⁴க்கு² யாயங் தி³ட்டி² அரியா நிய்யானிகா நிய்யாதி தக்கரஸ்ஸ ஸம்மா து³க்க²க்க²யாய, ததா²ரூபாய தி³ட்டி²யா தி³ட்டி²ஸாமஞ்ஞக³தோ விஹரதி ஸப்³ரஹ்மசாரீஹி ஆவி சேவ ரஹோ ச. அயம்பி த⁴ம்மோ ஸாரணீயோ பியகரணோ க³ருகரணோ ஸங்க³ஹாய அவிவாதா³ய ஸாமக்³கி³யா ஏகீபா⁴வாய ஸங்வத்ததி.

325. ச² விவாத³மூலானி.
இதா⁴வுஸோ, பி⁴க்கு² கோத⁴னோ ஹோதி உபனாஹீ. யோ ஸோ, ஆவுஸோ, பி⁴க்கு² கோத⁴னோ
ஹோதி உபனாஹீ, ஸோ ஸத்த²ரிபி அகா³ரவோ விஹரதி அப்பதிஸ்ஸோ, த⁴ம்மேபி அகா³ரவோ
விஹரதி அப்பதிஸ்ஸோ, ஸங்கே⁴பி அகா³ரவோ விஹரதி அப்பதிஸ்ஸோ, ஸிக்கா²யபி ந
பரிபூரகாரீ [பரிபூரீகாரீ (ஸ்யா॰ கங்॰)] ஹோதி. யோ
ஸோ, ஆவுஸோ, பி⁴க்கு² ஸத்த²ரி அகா³ரவோ விஹரதி அப்பதிஸ்ஸோ, த⁴ம்மே அகா³ரவோ
விஹரதி அப்பதிஸ்ஸோ, ஸங்கே⁴ அகா³ரவோ விஹரதி அப்பதிஸ்ஸோ, ஸிக்கா²ய ந
பரிபூரகாரீ, ஸோ ஸங்கே⁴ விவாத³ங் ஜனேதி. யோ ஹோதி விவாதோ³ ப³ஹுஜனஅஹிதாய
ப³ஹுஜனஅஸுகா²ய அனத்தா²ய அஹிதாய து³க்கா²ய தே³வமனுஸ்ஸானங். ஏவரூபங் சே
தும்ஹே, ஆவுஸோ, விவாத³மூலங் அஜ்ஜ²த்தங் வா ப³ஹித்³தா⁴ வா ஸமனுபஸ்ஸெய்யாத².
தத்ர தும்ஹே, ஆவுஸோ, தஸ்ஸேவ பாபகஸ்ஸ விவாத³மூலஸ்ஸ பஹானாய வாயமெய்யாத².
ஏவரூபங் சே தும்ஹே, ஆவுஸோ, விவாத³மூலங் அஜ்ஜ²த்தங் வா ப³ஹித்³தா⁴ வா ந
ஸமனுபஸ்ஸெய்யாத². தத்ர தும்ஹே, ஆவுஸோ, தஸ்ஸேவ பாபகஸ்ஸ விவாத³மூலஸ்ஸ ஆயதிங்
அனவஸ்ஸவாய படிபஜ்ஜெய்யாத². ஏவமேதஸ்ஸ பாபகஸ்ஸ விவாத³மூலஸ்ஸ பஹானங் ஹோதி.
ஏவமேதஸ்ஸ பாபகஸ்ஸ விவாத³மூலஸ்ஸ ஆயதிங் அனவஸ்ஸவோ ஹோதி.

‘‘புன சபரங், ஆவுஸோ, பி⁴க்கு² மக்கீ² ஹோதி பளாஸீ…பே॰…
இஸ்ஸுகீ ஹோதி மச்ச²ரீ…பே॰… ஸடோ² ஹோதி மாயாவீ… பாபிச்சோ² ஹோதி
மிச்சா²தி³ட்டீ²… ஸந்தி³ட்டி²பராமாஸீ
ஹோதி ஆதா⁴னக்³கா³ஹீ து³ப்படினிஸ்ஸக்³கீ³…பே॰… யோ ஸோ, ஆவுஸோ, பி⁴க்கு²
ஸந்தி³ட்டி²பராமாஸீ ஹோதி ஆதா⁴னக்³கா³ஹீ து³ப்படினிஸ்ஸக்³கீ³, ஸோ ஸத்த²ரிபி
அகா³ரவோ விஹரதி அப்பதிஸ்ஸோ, த⁴ம்மேபி அகா³ரவோ விஹரதி அப்பதிஸ்ஸோ, ஸங்கே⁴பி
அகா³ரவோ விஹரதி அப்பதிஸ்ஸோ, ஸிக்கா²யபி ந பரிபூரகாரீ ஹோதி. யோ ஸோ, ஆவுஸோ,
பி⁴க்கு² ஸத்த²ரி அகா³ரவோ விஹரதி அப்பதிஸ்ஸோ, த⁴ம்மே அகா³ரவோ விஹரதி
அப்பதிஸ்ஸோ, ஸங்கே⁴ அகா³ரவோ விஹரதி அப்பதிஸ்ஸோ ,
ஸிக்கா²ய ந பரிபூரகாரீ, ஸோ ஸங்கே⁴ விவாத³ங் ஜனேதி. யோ ஹோதி விவாதோ³
ப³ஹுஜனஅஹிதாய ப³ஹுஜனஅஸுகா²ய அனத்தா²ய அஹிதாய து³க்கா²ய தே³வமனுஸ்ஸானங்.
ஏவரூபங் சே தும்ஹே, ஆவுஸோ, விவாத³மூலங் அஜ்ஜ²த்தங் வா ப³ஹித்³தா⁴ வா
ஸமனுபஸ்ஸெய்யாத². தத்ர தும்ஹே, ஆவுஸோ, தஸ்ஸேவ பாபகஸ்ஸ விவாத³மூலஸ்ஸ பஹானாய
வாயமெய்யாத². ஏவரூபங் சே தும்ஹே, ஆவுஸோ, விவாத³மூலங் அஜ்ஜ²த்தங் வா
ப³ஹித்³தா⁴ வா ந ஸமனுபஸ்ஸெய்யாத². தத்ர தும்ஹே, ஆவுஸோ, தஸ்ஸேவ பாபகஸ்ஸ
விவாத³மூலஸ்ஸ ஆயதிங் அனவஸ்ஸவாய படிபஜ்ஜெய்யாத². ஏவமேதஸ்ஸ பாபகஸ்ஸ
விவாத³மூலஸ்ஸ பஹானங் ஹோதி. ஏவமேதஸ்ஸ பாபகஸ்ஸ விவாத³மூலஸ்ஸ ஆயதிங் அனவஸ்ஸவோ
ஹோதி.

‘‘ச² தா⁴துயோ – பத²வீதா⁴து, ஆபோதா⁴து, தேஜோதா⁴து, வாயோதா⁴து, ஆகாஸதா⁴து, விஞ்ஞாணதா⁴து.

326. ‘‘ச² நிஸ்ஸரணியா தா⁴துயோ. இதா⁴வுஸோ, பி⁴க்கு² ஏவங் வதெ³ய்ய – ‘மெத்தா ஹி கோ² மே சேதோவிமுத்தி பா⁴விதா ப³ஹுலீகதா யானீகதா வத்து²கதா
அனுட்டி²தா பரிசிதா ஸுஸமாரத்³தா⁴, அத² ச பன மே ப்³யாபாதோ³ சித்தங்
பரியாதா³ய திட்ட²தீ’தி. ஸோ ‘மா ஹேவங்’, திஸ்ஸ வசனீயோ, ‘மாயஸ்மா ஏவங் அவச,
மா ப⁴க³வந்தங் அப்³பா⁴சிக்கி², ந ஹி ஸாது⁴ ப⁴க³வதோ அப்³ப⁴க்கா²னங், ந ஹி
ப⁴க³வா ஏவங் வதெ³ய்ய. அட்டா²னமேதங், ஆவுஸோ, அனவகாஸோ, யங் மெத்தாய
சேதோவிமுத்தியா பா⁴விதாய ப³ஹுலீகதாய யானீகதாய வத்து²கதாய அனுட்டி²தாய
பரிசிதாய ஸுஸமாரத்³தா⁴ய. அத² ச பனஸ்ஸ ப்³யாபாதோ³ சித்தங் பரியாதா³ய
ட²ஸ்ஸதி, நேதங் டா²னங் விஜ்ஜதி. நிஸ்ஸரணங் ஹேதங், ஆவுஸோ, ப்³யாபாத³ஸ்ஸ,
யதி³த³ங் மெத்தா சேதோவிமுத்தீ’தி.

‘‘இத⁴ பனாவுஸோ, பி⁴க்கு² ஏவங் வதெ³ய்ய – ‘கருணா ஹி கோ²
மே சேதோவிமுத்தி பா⁴விதா ப³ஹுலீகதா யானீகதா வத்து²கதா அனுட்டி²தா பரிசிதா
ஸுஸமாரத்³தா⁴. அத² ச பன மே விஹேஸா சித்தங் பரியாதா³ய திட்ட²தீ’தி, ஸோ ‘மா
ஹேவங்’ திஸ்ஸ வசனீயோ ‘மாயஸ்மா ஏவங் அவச, மா ப⁴க³வந்தங் அப்³பா⁴சிக்கி², ந
ஹி ஸாது⁴ ப⁴க³வதோ அப்³ப⁴க்கா²னங், ந ஹி ப⁴க³வா ஏவங் வதெ³ய்ய. அட்டா²னமேதங்
ஆவுஸோ, அனவகாஸோ, யங் கருணாய சேதோவிமுத்தியா பா⁴விதாய ப³ஹுலீகதாய யானீகதாய
வத்து²கதாய அனுட்டி²தாய பரிசிதாய ஸுஸமாரத்³தா⁴ய,
அத² ச பனஸ்ஸ விஹேஸா சித்தங் பரியாதா³ய ட²ஸ்ஸதி, நேதங் டா²னங் விஜ்ஜதி.
நிஸ்ஸரணங் ஹேதங், ஆவுஸோ, விஹேஸாய, யதி³த³ங் கருணா சேதோவிமுத்தீ’தி.

‘‘இத⁴ பனாவுஸோ, பி⁴க்கு² ஏவங் வதெ³ய்ய – ‘முதி³தா ஹி
கோ² மே சேதோவிமுத்தி பா⁴விதா ப³ஹுலீகதா யானீகதா வத்து²கதா அனுட்டி²தா
பரிசிதா ஸுஸமாரத்³தா⁴. அத² ச பன மே அரதி சித்தங்
பரியாதா³ய திட்ட²தீ’தி, ஸோ ‘மா ஹேவங்’ திஸ்ஸ வசனீயோ ‘‘மாயஸ்மா ஏவங் அவச, மா
ப⁴க³வந்தங் அப்³பா⁴சிக்கி², ந ஹி ஸாது⁴ ப⁴க³வதோ அப்³ப⁴க்கா²னங், ந ஹி
ப⁴க³வா ஏவங் வதெ³ய்ய. அட்டா²னமேதங், ஆவுஸோ, அனவகாஸோ, யங் முதி³தாய
சேதோவிமுத்தியா பா⁴விதாய ப³ஹுலீகதாய யானீகதாய வத்து²கதாய
அனுட்டி²தாய பரிசிதாய ஸுஸமாரத்³தா⁴ய, அத² ச பனஸ்ஸ அரதி சித்தங் பரியாதா³ய
ட²ஸ்ஸதி, நேதங் டா²னங் விஜ்ஜதி. நிஸ்ஸரணங் ஹேதங், ஆவுஸோ, அரதியா, யதி³த³ங்
முதி³தா சேதோவிமுத்தீ’தி.

‘‘இத⁴ பனாவுஸோ, பி⁴க்கு² ஏவங்
வதெ³ய்ய – ‘உபெக்கா² ஹி கோ² மே சேதோவிமுத்தி பா⁴விதா ப³ஹுலீகதா யானீகதா
வத்து²கதா அனுட்டி²தா பரிசிதா ஸுஸமாரத்³தா⁴. அத² ச பன மே ராகோ³ சித்தங்
பரியாதா³ய திட்ட²தீ’தி. ஸோ ‘மா ஹேவங்’ திஸ்ஸ வசனீயோ ‘மாயஸ்மா ஏவங் அவச, மா
ப⁴க³வந்தங் அப்³பா⁴சிக்கி², ந ஹி ஸாது⁴ ப⁴க³வதோ அப்³ப⁴க்கா²னங், ந ஹி
ப⁴க³வா ஏவங் வதெ³ய்ய. அட்டா²னமேதங், ஆவுஸோ, அனவகாஸோ, யங் உபெக்கா²ய
சேதோவிமுத்தியா பா⁴விதாய ப³ஹுலீகதாய யானீகதாய வத்து²கதாய அனுட்டி²தாய
பரிசிதாய ஸுஸமாரத்³தா⁴ய, அத² ச பனஸ்ஸ ராகோ³ சித்தங் பரியாதா³ய ட²ஸ்ஸதி
நேதங் டா²னங் விஜ்ஜதி. நிஸ்ஸரணங் ஹேதங், ஆவுஸோ, ராக³ஸ்ஸ, யதி³த³ங் உபெக்கா²
சேதோவிமுத்தீ’தி.

‘‘இத⁴ பனாவுஸோ, பி⁴க்கு² ஏவங் வதெ³ய்ய – ‘அனிமித்தா ஹி
கோ² மே சேதோவிமுத்தி பா⁴விதா ப³ஹுலீகதா யானீகதா வத்து²கதா அனுட்டி²தா
பரிசிதா ஸுஸமாரத்³தா⁴. அத² ச பன மே நிமித்தானுஸாரி விஞ்ஞாணங் ஹோதீ’தி. ஸோ
‘மா ஹேவங்’ திஸ்ஸ வசனீயோ ‘மாயஸ்மா ஏவங் அவச, மா
ப⁴க³வந்தங் அப்³பா⁴சிக்கி², ந ஹி ஸாது⁴ ப⁴க³வதோ அப்³ப⁴க்கா²னங், ந ஹி
ப⁴க³வா ஏவங் வதெ³ய்ய. அட்டா²னமேதங், ஆவுஸோ, அனவகாஸோ, யங் அனிமித்தாய
சேதோவிமுத்தியா பா⁴விதாய ப³ஹுலீகதாய யானீகதாய வத்து²கதாய அனுட்டி²தாய
பரிசிதாய ஸுஸமாரத்³தா⁴ய, அத² ச பனஸ்ஸ நிமித்தானுஸாரி விஞ்ஞாணங் ப⁴விஸ்ஸதி, நேதங் டா²னங் விஜ்ஜதி. நிஸ்ஸரணங் ஹேதங், ஆவுஸோ, ஸப்³ப³னிமித்தானங், யதி³த³ங் அனிமித்தா சேதோவிமுத்தீ’தி.

‘‘இத⁴ பனாவுஸோ, பி⁴க்கு² ஏவங் வதெ³ய்ய – ‘அஸ்மீதி கோ² மே விக³தங் [விகா⁴தங் (ஸீ॰ பீ॰), விக³தே (ஸ்யா॰ க॰)],
அயமஹமஸ்மீதி ந ஸமனுபஸ்ஸாமி, அத² ச பன மே விசிகிச்சா²கத²ங்கதா²ஸல்லங்
சித்தங் பரியாதா³ய திட்ட²தீ’தி. ஸோ ‘மா ஹேவங்’ திஸ்ஸ வசனீயோ ‘மாயஸ்மா ஏவங்
அவச, மா ப⁴க³வந்தங் அப்³பா⁴சிக்கி², ந ஹி ஸாது⁴ ப⁴க³வதோ அப்³ப⁴க்கா²னங், ந ஹி ப⁴க³வா ஏவங் வதெ³ய்ய. அட்டா²னமேதங், ஆவுஸோ, அனவகாஸோ, யங் அஸ்மீதி விக³தே [விகா⁴தே (ஸீ॰ பீ॰)]
அயமஹமஸ்மீதி அஸமனுபஸ்ஸதோ, அத² ச பனஸ்ஸ விசிகிச்சா²கத²ங்கதா²ஸல்லங் சித்தங்
பரியாதா³ய ட²ஸ்ஸதி, நேதங் டா²னங் விஜ்ஜதி. நிஸ்ஸரணங் ஹேதங், ஆவுஸோ,
விசிகிச்சா²கத²ங்கதா²ஸல்லஸ்ஸ, யதி³த³ங் அஸ்மிமானஸமுக்³கா⁴தோ’தி.

327. ‘‘ச² அனுத்தரியானி – த³ஸ்ஸனானுத்தரியங், ஸவனானுத்தரியங், லாபா⁴னுத்தரியங், ஸிக்கா²னுத்தரியங், பாரிசரியானுத்தரியங், அனுஸ்ஸதானுத்தரியங்.

‘‘ச² அனுஸ்ஸதிட்டா²னானி – பு³த்³தா⁴னுஸ்ஸதி, த⁴ம்மானுஸ்ஸதி, ஸங்கா⁴னுஸ்ஸதி, ஸீலானுஸ்ஸதி, சாகா³னுஸ்ஸதி, தே³வதானுஸ்ஸதி.

328. ‘‘ச² ஸததவிஹாரா. இதா⁴வுஸோ, பி⁴க்கு² சக்கு²னா ரூபங் தி³ஸ்வா நேவ ஸுமனோ ஹோதி ந து³ம்மனோ, உபெக்க²கோ [உபெக்க²கோ ச (ஸ்யா॰ க॰)] விஹரதி ஸதோ ஸம்பஜானோ. ஸோதேன ஸத்³த³ங் ஸுத்வா…பே॰… மனஸா த⁴ம்மங் விஞ்ஞாய நேவ ஸுமனோ ஹோதி ந து³ம்மனோ, உபெக்க²கோ விஹரதி ஸதோ ஸம்பஜானோ.

329. ‘‘ச²ளாபி⁴ஜாதியோ. இதா⁴வுஸோ, ஏகச்சோ கண்ஹாபி⁴ஜாதிகோ
ஸமானோ கண்ஹங் த⁴ம்மங் அபி⁴ஜாயதி. இத⁴ பனாவுஸோ, ஏகச்சோ கண்ஹாபி⁴ஜாதிகோ
ஸமானோ ஸுக்கங் த⁴ம்மங் அபி⁴ஜாயதி. இத⁴ பனாவுஸோ, ஏகச்சோ கண்ஹாபி⁴ஜாதிகோ
ஸமானோ அகண்ஹங் அஸுக்கங் நிப்³பா³னங் அபி⁴ஜாயதி. இத⁴ பனாவுஸோ, ஏகச்சோ
ஸுக்காபி⁴ஜாதிகோ ஸமானோ ஸுக்கங் த⁴ம்மங் அபி⁴ஜாயதி. இத⁴ பனாவுஸோ, ஏகச்சோ
ஸுக்காபி⁴ஜாதிகோ ஸமானோ கண்ஹங் த⁴ம்மங் அபி⁴ஜாயதி. இத⁴ பனாவுஸோ, ஏகச்சோ
ஸுக்காபி⁴ஜாதிகோ ஸமானோ அகண்ஹங் அஸுக்கங் நிப்³பா³னங் அபி⁴ஜாயதி.

‘‘ச² நிப்³பே³த⁴பா⁴கி³யா ஸஞ்ஞா [நிப்³பே³த⁴பா⁴கி³யஸஞ்ஞா (ஸ்யா॰ கங்॰)] – அனிச்சஸஞ்ஞா அனிச்சே, து³க்க²ஸஞ்ஞா து³க்கே², அனத்தஸஞ்ஞா, பஹானஸஞ்ஞா, விராக³ஸஞ்ஞா, நிரோத⁴ஸஞ்ஞா.

‘‘இமே கோ², ஆவுஸோ, தேன ப⁴க³வதா ஜானதா பஸ்ஸதா அரஹதா
ஸம்மாஸம்பு³த்³தே⁴ன ச² த⁴ம்மா ஸம்மத³க்கா²தா; தத்த² ஸப்³பே³ஹேவ
ஸங்கா³யிதப்³ப³ங்…பே॰… அத்தா²ய ஹிதாய ஸுகா²ய தே³வமனுஸ்ஸானங்.

ஸத்தகங்

330. ‘‘அத்தி² கோ², ஆவுஸோ, தேன ப⁴க³வதா ஜானதா பஸ்ஸதா அரஹதா
ஸம்மாஸம்பு³த்³தே⁴ன ஸத்த த⁴ம்மா ஸம்மத³க்கா²தா; தத்த² ஸப்³பே³ஹேவ
ஸங்கா³யிதப்³ப³ங்…பே॰… அத்தா²ய ஹிதாய ஸுகா²ய தே³வமனுஸ்ஸானங். கதமே ஸத்த?

‘‘ஸத்த அரியத⁴னானி – ஸத்³தா⁴த⁴னங், ஸீலத⁴னங், ஹிரித⁴னங், ஒத்தப்பத⁴னங், ஸுதத⁴னங், சாக³த⁴னங், பஞ்ஞாத⁴னங்.

‘‘ஸத்த பொ³ஜ்ஜ²ங்கா³ – ஸதிஸம்பொ³ஜ்ஜ²ங்கோ³, த⁴ம்மவிசயஸம்பொ³ஜ்ஜ²ங்கோ³ , வீரியஸம்பொ³ஜ்ஜ²ங்கோ³, பீதிஸம்பொ³ஜ்ஜ²ங்கோ³, பஸ்ஸத்³தி⁴ஸம்பொ³ஜ்ஜ²ங்கோ³, ஸமாதி⁴ஸம்பொ³ஜ்ஜ²ங்கோ³, உபெக்கா²ஸம்பொ³ஜ்ஜ²ங்கோ³.

‘‘ஸத்த ஸமாதி⁴பரிக்கா²ரா – ஸம்மாதி³ட்டி², ஸம்மாஸங்கப்போ, ஸம்மாவாசா, ஸம்மாகம்மந்தோ, ஸம்மாஆஜீவோ, ஸம்மாவாயாமோ, ஸம்மாஸதி.

‘‘ஸத்த அஸத்³த⁴ம்மா –
இதா⁴வுஸோ, பி⁴க்கு² அஸ்ஸத்³தோ⁴ ஹோதி, அஹிரிகோ ஹோதி, அனொத்தப்பீ ஹோதி,
அப்பஸ்ஸுதோ ஹோதி, குஸீதோ ஹோதி, முட்ட²ஸ்ஸதி ஹோதி, து³ப்பஞ்ஞோ ஹோதி.

‘‘ஸத்த ஸத்³த⁴ம்மா –
இதா⁴வுஸோ, பி⁴க்கு² ஸத்³தோ⁴ ஹோதி, ஹிரிமா ஹோதி, ஒத்தப்பீ ஹோதி, ப³ஹுஸ்ஸுதோ
ஹோதி, ஆரத்³த⁴வீரியோ ஹோதி, உபட்டி²தஸ்ஸதி ஹோதி, பஞ்ஞவா ஹோதி.

‘‘ஸத்த ஸப்புரிஸத⁴ம்மா – இதா⁴வுஸோ, பி⁴க்கு² த⁴ம்மஞ்ஞூ ச ஹோதி அத்த²ஞ்ஞூ ச அத்தஞ்ஞூ ச மத்தஞ்ஞூ ச காலஞ்ஞூ ச பரிஸஞ்ஞூ ச புக்³க³லஞ்ஞூ ச.

331. ‘‘ஸத்த நித்³த³ஸவத்தூ²னி. இதா⁴வுஸோ, பி⁴க்கு² ஸிக்கா²ஸமாதா³னே திப்³ப³ச்ச²ந்தோ³ ஹோதி, ஆயதிஞ்ச ஸிக்கா²ஸமாதா³னே அவிக³தபேமோ. த⁴ம்மனிஸந்தியா
திப்³ப³ச்ச²ந்தோ³ ஹோதி, ஆயதிஞ்ச த⁴ம்மனிஸந்தியா அவிக³தபேமோ. இச்சா²வினயே
திப்³ப³ச்ச²ந்தோ³ ஹோதி, ஆயதிஞ்ச இச்சா²வினயே அவிக³தபேமோ. படிஸல்லானே
திப்³ப³ச்ச²ந்தோ³ ஹோதி, ஆயதிஞ்ச படிஸல்லானே அவிக³தபேமோ. வீரியாரம்பே⁴
திப்³ப³ச்ச²ந்தோ³ ஹோதி, ஆயதிஞ்ச வீரியாரம்பே⁴ அவிக³தபேமோ. ஸதினேபக்கே
திப்³ப³ச்ச²ந்தோ³ ஹோதி, ஆயதிஞ்ச ஸதினேபக்கே அவிக³தபேமோ . தி³ட்டி²படிவேதே⁴ திப்³ப³ச்ச²ந்தோ³ ஹோதி, ஆயதிஞ்ச தி³ட்டி²படிவேதே⁴ அவிக³தபேமோ.

‘‘ஸத்த ஸஞ்ஞா – அனிச்சஸஞ்ஞா, அனத்தஸஞ்ஞா, அஸுப⁴ஸஞ்ஞா, ஆதீ³னவஸஞ்ஞா, பஹானஸஞ்ஞா, விராக³ஸஞ்ஞா, நிரோத⁴ஸஞ்ஞா.

‘‘ஸத்த ப³லானி – ஸத்³தா⁴ப³லங், வீரியப³லங், ஹிரிப³லங், ஒத்தப்பப³லங், ஸதிப³லங், ஸமாதி⁴ப³லங், பஞ்ஞாப³லங்.

332. ‘‘ஸத்த விஞ்ஞாணட்டி²தியோ. ஸந்தாவுஸோ, ஸத்தா நானத்தகாயா நானத்தஸஞ்ஞினோ, ஸெய்யதா²பி மனுஸ்ஸா ஏகச்சே ச தே³வா ஏகச்சே ச வினிபாதிகா. அயங் பட²மா விஞ்ஞாணட்டி²தி.

‘‘ஸந்தாவுஸோ, ஸத்தா நானத்தகாயா ஏகத்தஸஞ்ஞினோ ஸெய்யதா²பி தே³வா ப்³ரஹ்மகாயிகா பட²மாபி⁴னிப்³ப³த்தா. அயங் து³தியா விஞ்ஞாணட்டி²தி.

‘‘ஸந்தாவுஸோ, ஸத்தா ஏகத்தகாயா நானத்தஸஞ்ஞினோ ஸெய்யதா²பி தே³வா ஆப⁴ஸ்ஸரா. அயங் ததியா விஞ்ஞாணட்டி²தி.

‘‘ஸந்தாவுஸோ, ஸத்தா ஏகத்தகாயா ஏகத்தஸஞ்ஞினோ ஸெய்யதா²பி தே³வா ஸுப⁴கிண்ஹா. அயங் சதுத்தீ² விஞ்ஞாணட்டி²தி.

‘‘ஸந்தாவுஸோ, ஸத்தா ஸப்³ப³ஸோ ரூபஸஞ்ஞானங் ஸமதிக்கமா படிக⁴ஸஞ்ஞானங் அத்த²ங்க³மா நானத்தஸஞ்ஞானங் அமனஸிகாரா ‘அனந்தோ ஆகாஸோ’தி ஆகாஸானஞ்சாயதனூபகா³. அயங் பஞ்சமீ விஞ்ஞாணட்டி²தி.

‘‘ஸந்தாவுஸோ, ஸத்தா ஸப்³ப³ஸோ ஆகாஸானஞ்சாயதனங் ஸமதிக்கம்ம ‘அனந்தங் விஞ்ஞாண’ந்தி விஞ்ஞாணஞ்சாயதனூபகா³. அயங் ச²ட்டீ² விஞ்ஞாணட்டி²தி.

‘‘ஸந்தாவுஸோ , ஸத்தா ஸப்³ப³ஸோ விஞ்ஞாணஞ்சாயதனங் ஸமதிக்கம்ம ‘நத்தி² கிஞ்சீ’தி ஆகிஞ்சஞ்ஞாயதனூபகா³. அயங் ஸத்தமீ விஞ்ஞாணட்டி²தி.

‘‘ஸத்த புக்³க³லா த³க்கி²ணெய்யா – உப⁴தோபா⁴க³விமுத்தோ , பஞ்ஞாவிமுத்தோ, காயஸக்கி², தி³ட்டி²ப்பத்தோ, ஸத்³தா⁴விமுத்தோ, த⁴ம்மானுஸாரீ, ஸத்³தா⁴னுஸாரீ.

‘‘ஸத்த அனுஸயா – காமராகா³னுஸயோ, படிகா⁴னுஸயோ, தி³ட்டா²னுஸயோ, விசிகிச்சா²னுஸயோ, மானானுஸயோ, ப⁴வராகா³னுஸயோ, அவிஜ்ஜானுஸயோ.

‘‘ஸத்த ஸஞ்ஞோஜனானி – அனுனயஸஞ்ஞோஜனங் [காமஸஞ்ஞோஜனங் (ஸ்யா॰ கங்॰)], படிக⁴ஸஞ்ஞோஜனங், தி³ட்டி²ஸஞ்ஞோஜனங், விசிகிச்சா²ஸஞ்ஞோஜனங், மானஸஞ்ஞோஜனங், ப⁴வராக³ஸஞ்ஞோஜனங், அவிஜ்ஜாஸஞ்ஞோஜனங்.

‘‘ஸத்த அதி⁴கரணஸமதா² –
உப்பன்னுப்பன்னானங் அதி⁴கரணானங் ஸமதா²ய வூபஸமாய ஸம்முகா²வினயோ தா³தப்³போ³,
ஸதிவினயோ தா³தப்³போ³, அமூள்ஹவினயோ தா³தப்³போ³, படிஞ்ஞாய காரேதப்³ப³ங்,
யேபு⁴ய்யஸிகா, தஸ்ஸபாபியஸிகா, திணவத்தா²ரகோ.

‘‘இமே கோ², ஆவுஸோ, தேன ப⁴க³வதா ஜானதா பஸ்ஸதா அரஹதா
ஸம்மாஸம்பு³த்³தே⁴ன ஸத்த த⁴ம்மா ஸம்மத³க்கா²தா; தத்த² ஸப்³பே³ஹேவ
ஸங்கா³யிதப்³ப³ங்…பே॰… அத்தா²ய ஹிதாய ஸுகா²ய தே³வமனுஸ்ஸானங்.

து³தியபா⁴ணவாரோ நிட்டி²தோ.

அட்ட²கங்

333. ‘‘அத்தி²
கோ², ஆவுஸோ, தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன அட்ட²
த⁴ம்மா ஸம்மத³க்கா²தா; தத்த² ஸப்³பே³ஹேவ ஸங்கா³யிதப்³ப³ங்…பே॰… அத்தா²ய
ஹிதாய ஸுகா²ய தே³வமனுஸ்ஸானங். கதமே அட்ட²?

‘‘அட்ட² மிச்ச²த்தா – மிச்சா²தி³ட்டி², மிச்சா²ஸங்கப்போ, மிச்சா²வாசா, மிச்சா²கம்மந்தோ, மிச்சா²ஆஜீவோ, மிச்சா²வாயாமோ மிச்சா²ஸதி, மிச்சா²ஸமாதி⁴.

‘‘அட்ட² ஸம்மத்தா – ஸம்மாதி³ட்டி², ஸம்மாஸங்கப்போ, ஸம்மாவாசா, ஸம்மாகம்மந்தோ, ஸம்மாஆஜீவோ, ஸம்மாவாயாமோ, ஸம்மாஸதி, ஸம்மாஸமாதி⁴.

‘‘அட்ட² புக்³க³லா த³க்கி²ணெய்யா –
ஸோதாபன்னோ, ஸோதாபத்திப²லஸச்சி²கிரியாய படிபன்னோ; ஸகதா³கா³மீ,
ஸகதா³கா³மிப²லஸச்சி²கிரியாய படிபன்னோ; அனாகா³மீ, அனாகா³மிப²லஸச்சி²கிரியாய
படிபன்னோ; அரஹா, அரஹத்தப²லஸச்சி²கிரியாய படிபன்னோ.

334. ‘‘அட்ட² குஸீதவத்தூ²னி.
இதா⁴வுஸோ, பி⁴க்கு²னா கம்மங் காதப்³ப³ங் ஹோதி. தஸ்ஸ ஏவங் ஹோதி – ‘கம்மங்
கோ² மே காதப்³ப³ங் ப⁴விஸ்ஸதி, கம்மங் கோ² பன மே கரொந்தஸ்ஸ காயோ கிலமிஸ்ஸதி,
ஹந்தா³ஹங் நிபஜ்ஜாமீ’தி! ஸோ நிபஜ்ஜதி ந வீரியங் ஆரப⁴தி அப்பத்தஸ்ஸ பத்தியா
அனதி⁴க³தஸ்ஸ அதி⁴க³மாய அஸச்சி²கதஸ்ஸ ஸச்சி²கிரியாய. இத³ங் பட²மங்
குஸீதவத்து².

‘‘புன சபரங், ஆவுஸோ, பி⁴க்கு²னா கம்மங் கதங் ஹோதி. தஸ்ஸ ஏவங் ஹோதி – ‘அஹங் கோ² கம்மங் அகாஸிங், கம்மங் கோ² பன மே கரொந்தஸ்ஸ காயோ கிலந்தோ, ஹந்தா³ஹங் நிபஜ்ஜாமீ’தி! ஸோ நிபஜ்ஜதி ந வீரியங் ஆரப⁴தி…பே॰… இத³ங் து³தியங் குஸீதவத்து².

‘‘புன சபரங், ஆவுஸோ, பி⁴க்கு²னா மக்³கோ³ க³ந்தப்³போ³
ஹோதி. தஸ்ஸ ஏவங் ஹோதி – ‘மக்³கோ³ கோ² மே க³ந்தப்³போ³ ப⁴விஸ்ஸதி, மக்³க³ங்
கோ² பன மே க³ச்ச²ந்தஸ்ஸ காயோ கிலமிஸ்ஸதி, ஹந்தா³ஹங் நிபஜ்ஜாமீ’தி! ஸோ
நிபஜ்ஜதி ந வீரியங் ஆரப⁴தி… இத³ங் ததியங் குஸீதவத்து².

‘‘புன சபரங், ஆவுஸோ, பி⁴க்கு²னா மக்³கோ³ க³தோ ஹோதி.
தஸ்ஸ ஏவங் ஹோதி – ‘அஹங் கோ² மக்³க³ங் அக³மாஸிங், மக்³க³ங் கோ² பன மே
க³ச்ச²ந்தஸ்ஸ காயோ கிலந்தோ, ஹந்தா³ஹங் நிபஜ்ஜாமீ’தி! ஸோ நிபஜ்ஜதி ந வீரியங்
ஆரப⁴தி… இத³ங் சதுத்த²ங் குஸீதவத்து².

‘‘புன சபரங், ஆவுஸோ, பி⁴க்கு² கா³மங் வா நிக³மங் வா
பிண்டா³ய சரந்தோ ந லப⁴தி லூக²ஸ்ஸ வா பணீதஸ்ஸ வா போ⁴ஜனஸ்ஸ யாவத³த்த²ங்
பாரிபூரிங். தஸ்ஸ ஏவங் ஹோதி – ‘அஹங் கோ² கா³மங் வா நிக³மங் வா பிண்டா³ய
சரந்தோ நாலத்த²ங் லூக²ஸ்ஸ வா பணீதஸ்ஸ வா போ⁴ஜனஸ்ஸ யாவத³த்த²ங் பாரிபூரிங்,
தஸ்ஸ மே காயோ கிலந்தோ அகம்மஞ்ஞோ, ஹந்தா³ஹங் நிபஜ்ஜாமீ’தி! ஸோ நிபஜ்ஜதி ந
வீரியங் ஆரப⁴தி… இத³ங் பஞ்சமங் குஸீதவத்து².

‘‘புன சபரங், ஆவுஸோ, பி⁴க்கு²
கா³மங் வா நிக³மங் வா பிண்டா³ய சரந்தோ லப⁴தி லூக²ஸ்ஸ வா பணீதஸ்ஸ வா
போ⁴ஜனஸ்ஸ யாவத³த்த²ங் பாரிபூரிங். தஸ்ஸ ஏவங் ஹோதி – ‘அஹங் கோ² கா³மங் வா
நிக³மங் வா பிண்டா³ய சரந்தோ அலத்த²ங் லூக²ஸ்ஸ வா பணீதஸ்ஸ வா போ⁴ஜனஸ்ஸ
யாவத³த்த²ங் பாரிபூரிங், தஸ்ஸ மே காயோ க³ருகோ அகம்மஞ்ஞோ, மாஸாசிதங் மஞ்ஞே , ஹந்தா³ஹங் நிபஜ்ஜாமீ’தி! ஸோ நிபஜ்ஜதி ந வீரியங் ஆரப⁴தி… இத³ங் ச²ட்ட²ங் குஸீதவத்து².

‘‘புன சபரங், ஆவுஸோ, பி⁴க்கு²னோ உப்பன்னோ ஹோதி அப்பமத்தகோ ஆபா³தோ⁴. தஸ்ஸ ஏவங் ஹோதி
– ‘உப்பன்னோ கோ² மே அயங் அப்பமத்தகோ ஆபா³தோ⁴; அத்தி² கப்போ நிபஜ்ஜிதுங்,
ஹந்தா³ஹங் நிபஜ்ஜாமீ’தி! ஸோ நிபஜ்ஜதி ந வீரியங் ஆரப⁴தி… இத³ங் ஸத்தமங்
குஸீதவத்து².

‘‘புன சபரங், ஆவுஸோ, பி⁴க்கு² கி³லானா வுட்டி²தோ [கி³லானவுட்டி²தோ (ஸத்³த³னீதி) அ॰ நி॰ 6.16 நகுலபிதுஸுத்தடீகா பஸ்ஸிதப்³பா³]
ஹோதி அசிரவுட்டி²தோ கே³லஞ்ஞா. தஸ்ஸ ஏவங் ஹோதி – ‘அஹங் கோ² கி³லானா
வுட்டி²தோ அசிரவுட்டி²தோ கே³லஞ்ஞா, தஸ்ஸ மே காயோ து³ப்³ப³லோ அகம்மஞ்ஞோ,
ஹந்தா³ஹங் நிபஜ்ஜாமீ’தி! ஸோ நிபஜ்ஜதி ந வீரியங் ஆரப⁴தி அப்பத்தஸ்ஸ பத்தியா
அனதி⁴க³தஸ்ஸ அதி⁴க³மாய அஸச்சி²கதஸ்ஸ ஸச்சி²கிரியாய. இத³ங் அட்ட²மங்
குஸீதவத்து².

335. ‘‘அட்ட² ஆரம்ப⁴வத்தூ²னி.
இதா⁴வுஸோ, பி⁴க்கு²னா கம்மங் காதப்³ப³ங் ஹோதி. தஸ்ஸ ஏவங் ஹோதி – ‘கம்மங்
கோ² மே காதப்³ப³ங் ப⁴விஸ்ஸதி, கம்மங் கோ² பன மே கரொந்தேன ந ஸுகரங்
பு³த்³தா⁴னங் ஸாஸனங் மனஸி காதுங், ஹந்தா³ஹங் வீரியங் ஆரபா⁴மி அப்பத்தஸ்ஸ
பத்தியா அனதி⁴க³தஸ்ஸ அதி⁴க³மாய, அஸச்சி²கதஸ்ஸ ஸச்சி²கிரியாயா’தி! ஸோ
வீரியங் ஆரப⁴தி அப்பத்தஸ்ஸ பத்தியா, அனதி⁴க³தஸ்ஸ அதி⁴க³மாய அஸச்சி²கதஸ்ஸ
ஸச்சி²கிரியாய. இத³ங் பட²மங் ஆரம்ப⁴வத்து².

‘‘புன சபரங், ஆவுஸோ, பி⁴க்கு²னா கம்மங்
கதங் ஹோதி. தஸ்ஸ ஏவங் ஹோதி – ‘அஹங் கோ² கம்மங் அகாஸிங், கம்மங் கோ² பனாஹங்
கரொந்தோ நாஸக்கி²ங் பு³த்³தா⁴னங் ஸாஸனங் மனஸி காதுங், ஹந்தா³ஹங் வீரியங்
ஆரபா⁴மி…பே॰… ஸோ வீரியங் ஆரப⁴தி… இத³ங் து³தியங் ஆரம்ப⁴வத்து².

‘‘புன சபரங், ஆவுஸோ,
பி⁴க்கு²னா மக்³கோ³ க³ந்தப்³போ³ ஹோதி. தஸ்ஸ ஏவங் ஹோதி – ‘மக்³கோ³ கோ² மே
க³ந்தப்³போ³ ப⁴விஸ்ஸதி, மக்³க³ங் கோ² பன மே க³ச்ச²ந்தேன ந ஸுகரங்
பு³த்³தா⁴னங் ஸாஸனங் மனஸி காதுங். ஹந்தா³ஹங் வீரியங் ஆரபா⁴மி…பே॰… ஸோ
வீரியங் ஆரப⁴தி… இத³ங் ததியங் ஆரம்ப⁴வத்து².

‘‘புன சபரங், ஆவுஸோ, பி⁴க்கு²னா மக்³கோ³ க³தோ ஹோதி.
தஸ்ஸ ஏவங் ஹோதி – ‘அஹங் கோ² மக்³க³ங் அக³மாஸிங், மக்³க³ங் கோ² பனாஹங்
க³ச்ச²ந்தோ நாஸக்கி²ங் பு³த்³தா⁴னங் ஸாஸனங் மனஸி காதுங், ஹந்தா³ஹங் வீரியங்
ஆரபா⁴மி…பே॰… ஸோ வீரியங் ஆரப⁴தி… இத³ங் சதுத்த²ங் ஆரம்ப⁴வத்து².

‘‘புன சபரங், ஆவுஸோ, பி⁴க்கு² கா³மங் வா நிக³மங் வா பிண்டா³ய சரந்தோ ந லப⁴தி லூக²ஸ்ஸ வா பணீதஸ்ஸ வா போ⁴ஜனஸ்ஸ யாவத³த்த²ங் பாரிபூரிங் .
தஸ்ஸ ஏவங் ஹோதி – ‘அஹங் கோ² கா³மங் வா நிக³மங் வா பிண்டா³ய சரந்தோ
நாலத்த²ங் லூக²ஸ்ஸ வா பணீதஸ்ஸ வா போ⁴ஜனஸ்ஸ யாவத³த்த²ங் பாரிபூரிங், தஸ்ஸ மே
காயோ லஹுகோ கம்மஞ்ஞோ, ஹந்தா³ஹங் வீரியங் ஆரபா⁴மி…பே॰… ஸோ வீரியங் ஆரப⁴தி…
இத³ங் பஞ்சமங் ஆரம்ப⁴வத்து².

‘‘புன சபரங், ஆவுஸோ, பி⁴க்கு² கா³மங் வா நிக³மங் வா
பிண்டா³ய சரந்தோ லப⁴தி லூக²ஸ்ஸ வா பணீதஸ்ஸ வா போ⁴ஜனஸ்ஸ யாவத³த்த²ங்
பாரிபூரிங். தஸ்ஸ ஏவங் ஹோதி – ‘அஹங் கோ² கா³மங் வா நிக³மங் வா பிண்டா³ய
சரந்தோ அலத்த²ங் லூக²ஸ்ஸ வா பணீதஸ்ஸ வா போ⁴ஜனஸ்ஸ யாவத³த்த²ங் பாரிபூரிங்,
தஸ்ஸ மே காயோ ப³லவா கம்மஞ்ஞோ, ஹந்தா³ஹங் வீரியங் ஆரபா⁴மி…பே॰… ஸோ வீரியங்
ஆரப⁴தி… இத³ங் ச²ட்ட²ங் ஆரம்ப⁴வத்து² .

‘‘புன சபரங், ஆவுஸோ, பி⁴க்கு²னோ உப்பன்னோ ஹோதி
அப்பமத்தகோ ஆபா³தோ⁴. தஸ்ஸ ஏவங் ஹோதி – ‘உப்பன்னோ கோ² மே அயங் அப்பமத்தகோ
ஆபா³தோ⁴, டா²னங் கோ² பனேதங் விஜ்ஜதி யங் மே ஆபா³தோ⁴ பவட்³டெ⁴ய்ய, ஹந்தா³ஹங்
வீரியங் ஆரபா⁴மி…பே॰… ஸோ வீரியங் ஆரப⁴தி… இத³ங் ஸத்தமங் ஆரம்ப⁴வத்து².

‘‘புன சபரங், ஆவுஸோ, பி⁴க்கு² கி³லானா வுட்டி²தோ ஹோதி
அசிரவுட்டி²தோ கே³லஞ்ஞா. தஸ்ஸ ஏவங் ஹோதி – ‘அஹங் கோ² கி³லானா வுட்டி²தோ
அசிரவுட்டி²தோ கே³லஞ்ஞா, டா²னங் கோ² பனேதங் விஜ்ஜதி யங் மே ஆபா³தோ⁴
பச்சுதா³வத்தெய்ய, ஹந்தா³ஹங் வீரியங் ஆரபா⁴மி அப்பத்தஸ்ஸ பத்தியா
அனதி⁴க³தஸ்ஸ அதி⁴க³மாய அஸச்சி²கதஸ்ஸ ஸச்சி²கிரியாயா’’தி! ஸோ வீரியங் ஆரப⁴தி
அப்பத்தஸ்ஸ பத்தியா அனதி⁴க³தஸ்ஸ அதி⁴க³மாய அஸச்சி²கதஸ்ஸ ஸச்சி²கிரியாய. இத³ங் அட்ட²மங் ஆரம்ப⁴வத்து².

336. ‘‘அட்ட² தா³னவத்தூ²னி.
ஆஸஜ்ஜ தா³னங் தே³தி, ப⁴யா தா³னங் தே³தி, ‘அதா³ஸி மே’தி தா³னங் தே³தி,
‘த³ஸ்ஸதி மே’தி தா³னங் தே³தி, ‘ஸாஹு தா³ன’ந்தி தா³னங் தே³தி, ‘அஹங் பசாமி,
இமே ந பசந்தி, நாரஹாமி பசந்தோ அபசந்தானங் தா³னங் ந தா³து’ந்தி தா³னங்
தே³தி, ‘இத³ங் மே தா³னங் த³த³தோ கல்யாணோ கித்திஸத்³தோ³
அப்³பு⁴க்³க³ச்ச²தீ’தி தா³னங் தே³தி. சித்தாலங்கார-சித்தபரிக்கா²ரத்த²ங்
தா³னங் தே³தி.

337. ‘‘அட்ட² தா³னூபபத்தியோ.
இதா⁴வுஸோ, ஏகச்சோ தா³னங் தே³தி ஸமணஸ்ஸ வா ப்³ராஹ்மணஸ்ஸ வா அன்னங் பானங்
வத்த²ங் யானங் மாலாக³ந்த⁴விலேபனங் ஸெய்யாவஸத²பதீ³பெய்யங். ஸோ யங் தே³தி தங்
பச்சாஸீஸதி [பச்சாஸிங்ஸதி (ஸீ॰ ஸ்யா॰ கங்॰ பீ॰)]. ஸோ பஸ்ஸதி
க²த்தியமஹாஸாலங் வா ப்³ராஹ்மணமஹாஸாலங் வா க³ஹபதிமஹாஸாலங் வா பஞ்சஹி
காமகு³ணேஹி ஸமப்பிதங் ஸமங்கீ³பூ⁴தங் பரிசாரயமானங். தஸ்ஸ ஏவங் ஹோதி – ‘அஹோ
வதாஹங் காயஸ்ஸ பே⁴தா³ பரங் மரணா க²த்தியமஹாஸாலானங்
வா ப்³ராஹ்மணமஹாஸாலானங் வா க³ஹபதிமஹாஸாலானங் வா ஸஹப்³யதங் உபபஜ்ஜெய்ய’ந்தி!
ஸோ தங் சித்தங் த³ஹதி, தங் சித்தங் அதி⁴ட்டா²தி, தங் சித்தங் பா⁴வேதி,
தஸ்ஸ தங் சித்தங் ஹீனே விமுத்தங் உத்தரி அபா⁴விதங் தத்ரூபபத்தியா ஸங்வத்ததி
. தஞ்ச கோ² ஸீலவதோ வதா³மி நோ து³ஸ்ஸீலஸ்ஸ. இஜ்ஜ²தாவுஸோ, ஸீலவதோ சேதோபணிதி⁴ விஸுத்³த⁴த்தா.

‘‘புன சபரங், ஆவுஸோ, இதே⁴கச்சோ தா³னங் தே³தி ஸமணஸ்ஸ வா
ப்³ராஹ்மணஸ்ஸ வா அன்னங் பானங்…பே॰… ஸெய்யாவஸத²பதீ³பெய்யங். ஸோ யங் தே³தி
தங் பச்சாஸீஸதி. தஸ்ஸ ஸுதங் ஹோதி – ‘சாதுமஹாராஜிகா [சாதும்மஹாராஜிகா (ஸீ॰ ஸ்யா॰ பீ॰)]
தே³வா தீ³கா⁴யுகா வண்ணவந்தோ ஸுக²ப³ஹுலா’’தி. தஸ்ஸ ஏவங் ஹோதி – ‘அஹோ வதாஹங்
காயஸ்ஸ பே⁴தா³ பரங் மரணா சாதுமஹாராஜிகானங் தே³வானங் ஸஹப்³யதங்
உபபஜ்ஜெய்ய’’ந்தி! ஸோ தங் சித்தங் த³ஹதி, தங் சித்தங் அதி⁴ட்டா²தி, தங்
சித்தங் பா⁴வேதி, தஸ்ஸ தங் சித்தங் ஹீனே விமுத்தங் உத்தரி அபா⁴விதங்
தத்ரூபபத்தியா ஸங்வத்ததி. தஞ்ச கோ² ஸீலவதோ வதா³மி நோ து³ஸ்ஸீலஸ்ஸ.
இஜ்ஜ²தாவுஸோ, ஸீலவதோ சேதோபணிதி⁴ விஸுத்³த⁴த்தா.

‘‘புன சபரங், ஆவுஸோ, இதே⁴கச்சோ
தா³னங் தே³தி ஸமணஸ்ஸ வா ப்³ராஹ்மணஸ்ஸ வா அன்னங் பானங்…பே॰…
ஸெய்யாவஸத²பதீ³பெய்யங். ஸோ யங் தே³தி தங் பச்சாஸீஸதி. தஸ்ஸ ஸுதங் ஹோதி –
‘தாவதிங்ஸா தே³வா…பே॰… யாமா தே³வா…பே॰… துஸிதா தே³வா
…பே॰… நிம்மானரதீ தே³வா…பே॰… பரனிம்மிதவஸவத்தீ தே³வா தீ³கா⁴யுகா வண்ணவந்தோ
ஸுக²ப³ஹுலா’தி. தஸ்ஸ ஏவங் ஹோதி – ‘அஹோ வதாஹங் காயஸ்ஸ பே⁴தா³ பரங் மரணா
பரனிம்மிதவஸவத்தீனங் தே³வானங் ஸஹப்³யதங் உபபஜ்ஜெய்ய’’ந்தி! ஸோ தங் சித்தங்
த³ஹதி, தங் சித்தங் அதி⁴ட்டா²தி, தங் சித்தங் பா⁴வேதி, தஸ்ஸ தங் சித்தங்
ஹீனே விமுத்தங் உத்தரி அபா⁴விதங் தத்ரூபபத்தியா ஸங்வத்ததி. தஞ்ச கோ² ஸீலவதோ
வதா³மி நோ து³ஸ்ஸீலஸ்ஸ. இஜ்ஜ²தாவுஸோ, ஸீலவதோ சேதோபணிதி⁴ விஸுத்³த⁴த்தா.

‘‘புன சபரங், ஆவுஸோ, இதே⁴கச்சோ தா³னங் தே³தி ஸமணஸ்ஸ வா
ப்³ராஹ்மணஸ்ஸ வா அன்னங் பானங் வத்த²ங் யானங் மாலாக³ந்த⁴விலேபனங்
ஸெய்யாவஸத²பதீ³பெய்யங். ஸோ யங் தே³தி தங் பச்சாஸீஸதி. தஸ்ஸ ஸுதங் ஹோதி –
‘ப்³ரஹ்மகாயிகா தே³வா தீ³கா⁴யுகா வண்ணவந்தோ ஸுக²ப³ஹுலா’தி. தஸ்ஸ ஏவங் ஹோதி –
‘அஹோ வதாஹங் காயஸ்ஸ பே⁴தா³ பரங் மரணா ப்³ரஹ்மகாயிகானங் தே³வானங் ஸஹப்³யதங்
உபபஜ்ஜெய்ய’ந்தி! ஸோ தங் சித்தங் த³ஹதி, தங் சித்தங் அதி⁴ட்டா²தி, தங்
சித்தங் பா⁴வேதி, தஸ்ஸ தங் சித்தங் ஹீனே விமுத்தங் உத்தரி அபா⁴விதங்
தத்ரூபபத்தியா ஸங்வத்ததி. தஞ்ச கோ² ஸீலவதோ வதா³மி நோ து³ஸ்ஸீலஸ்ஸ; வீதராக³ஸ்ஸ நோ ஸராக³ஸ்ஸ. இஜ்ஜ²தாவுஸோ, ஸீலவதோ சேதோபணிதி⁴ வீதராக³த்தா.

‘‘அட்ட² பரிஸா – க²த்தியபரிஸா, ப்³ராஹ்மணபரிஸா, க³ஹபதிபரிஸா, ஸமணபரிஸா, சாதுமஹாராஜிகபரிஸா, தாவதிங்ஸபரிஸா, மாரபரிஸா, ப்³ரஹ்மபரிஸா .

‘‘அட்ட² லோகத⁴ம்மா – லாபோ⁴ ச, அலாபோ⁴ ச, யஸோ ச, அயஸோ ச, நிந்தா³ ச, பஸங்ஸா ச, ஸுக²ஞ்ச, து³க்க²ஞ்ச.

338. ‘‘அட்ட² அபி⁴பா⁴யதனானி.
அஜ்ஜ²த்தங் ரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி பரித்தானி
ஸுவண்ணது³ப்³ப³ண்ணானி, ‘தானி அபி⁴பு⁴ய்ய ஜானாமி பஸ்ஸாமீ’தி ஏவங்ஸஞ்ஞீ ஹோதி.
இத³ங் பட²மங் அபி⁴பா⁴யதனங்.

‘‘அஜ்ஜ²த்தங் ரூபஸஞ்ஞீ ஏகோ
ப³ஹித்³தா⁴ ரூபானி பஸ்ஸதி அப்பமாணானி ஸுவண்ணது³ப்³ப³ண்ணானி, ‘தானி
அபி⁴பு⁴ய்ய ஜானாமி பஸ்ஸாமீ’தி – ஏவங்ஸஞ்ஞீ ஹோதி. இத³ங் து³தியங்
அபி⁴பா⁴யதனங்.

‘‘அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி
பரித்தானி ஸுவண்ணது³ப்³ப³ண்ணானி, ‘தானி அபி⁴பு⁴ய்ய ஜானாமி பஸ்ஸாமீ’தி
ஏவங்ஸஞ்ஞீ ஹோதி. இத³ங் ததியங் அபி⁴பா⁴யதனங்.

‘‘அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி
அப்பமாணானி ஸுவண்ணது³ப்³ப³ண்ணானி, ‘தானி அபி⁴பு⁴ய்ய ஜானாமி பஸ்ஸாமீ’தி
ஏவங்ஸஞ்ஞீ ஹோதி. இத³ங் சதுத்த²ங் அபி⁴பா⁴யதனங்.

‘‘அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி
நீலானி நீலவண்ணானி நீலனித³ஸ்ஸனானி நீலனிபா⁴ஸானி. ஸெய்யதா²பி நாம
உமாபுப்ப²ங் நீலங் நீலவண்ணங் நீலனித³ஸ்ஸனங் நீலனிபா⁴ஸங், ஸெய்யதா² வா பன
தங் வத்த²ங் பா³ராணஸெய்யகங் உப⁴தோபா⁴க³விமட்ட²ங் நீலங் நீலவண்ணங்
நீலனித³ஸ்ஸனங் நீலனிபா⁴ஸங். ஏவமேவ [ஏவமேவங் (க॰)] அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி நீலானி நீலவண்ணானி நீலனித³ஸ்ஸனானி நீலனிபா⁴ஸானி, ‘தானி அபி⁴பு⁴ய்ய ஜானாமி பஸ்ஸாமீ’தி ஏவங்ஸஞ்ஞீ ஹோதி. இத³ங் பஞ்சமங் அபி⁴பா⁴யதனங்.

‘‘அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி
பீதானி பீதவண்ணானி பீதனித³ஸ்ஸனானி பீதனிபா⁴ஸானி. ஸெய்யதா²பி நாம
கணிகாரபுப்ப²ங் [கண்ணிகாரபுப்ப²ங் (ஸ்யா॰ கங்॰)] பீதங் பீதவண்ணங்
பீதனித³ஸ்ஸனங் பீதனிபா⁴ஸங், ஸெய்யதா² வா பன தங் வத்த²ங் பா³ராணஸெய்யகங்
உப⁴தோபா⁴க³விமட்ட²ங் பீதங் பீதவண்ணங் பீதனித³ஸ்ஸனங் பீதனிபா⁴ஸங். ஏவமேவ
அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி பீதானி பீதவண்ணானி
பீதனித³ஸ்ஸனானி பீதனிபா⁴ஸானி, ‘தானி அபி⁴பு⁴ய்ய ஜானாமி பஸ்ஸாமீ’தி
ஏவங்ஸஞ்ஞீ ஹோதி. இத³ங் ச²ட்ட²ங் அபி⁴பா⁴யதனங்.

‘‘அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி
லோஹிதகானி லோஹிதகவண்ணானி லோஹிதகனித³ஸ்ஸனானி லோஹிதகனிபா⁴ஸானி. ஸெய்யதா²பி
நாம ப³ந்து⁴ஜீவகபுப்ப²ங் லோஹிதகங் லோஹிதகவண்ணங் லோஹிதகனித³ஸ்ஸனங்
லோஹிதகனிபா⁴ஸங், ஸெய்யதா² வா பன தங் வத்த²ங் பா³ராணஸெய்யகங்
உப⁴தோபா⁴க³விமட்ட²ங் லோஹிதகங் லோஹிதகவண்ணங் லோஹிதகனித³ஸ்ஸனங்
லோஹிதகனிபா⁴ஸங். ஏவமேவ அஜ்ஜ²த்தங் அரூபஸஞ்ஞீ ஏகோ
ப³ஹித்³தா⁴ ரூபானி பஸ்ஸதி லோஹிதகானி லோஹிதகவண்ணானி லோஹிதகனித³ஸ்ஸனானி
லோஹிதகனிபா⁴ஸானி, ‘தானி அபி⁴பு⁴ய்ய ஜானாமி பஸ்ஸாமீ’தி ஏவங்ஸஞ்ஞீ ஹோதி.
இத³ங் ஸத்தமங் அபி⁴பா⁴யதனங்.

‘‘அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴ ரூபானி பஸ்ஸதி
ஓதா³தானி ஓதா³தவண்ணானி ஓதா³தனித³ஸ்ஸனானி ஓதா³தனிபா⁴ஸானி. ஸெய்யதா²பி நாம
ஓஸதி⁴தாரகா ஓதா³தா ஓதா³தவண்ணா ஓதா³தனித³ஸ்ஸனா ஓதா³தனிபா⁴ஸா, ஸெய்யதா² வா பன
தங் வத்த²ங் பா³ராணஸெய்யகங் உப⁴தோபா⁴க³விமட்ட²ங் ஓதா³தங் ஓதா³தவண்ணங்
ஓதா³தனித³ஸ்ஸனங் ஓதா³தனிபா⁴ஸங். ஏவமேவ அஜ்ஜ²த்தங் அரூபஸஞ்ஞீ ஏகோ ப³ஹித்³தா⁴
ரூபானி பஸ்ஸதி ஓதா³தானி ஓதா³தவண்ணானி ஓதா³தனித³ஸ்ஸனானி ஓதா³தனிபா⁴ஸானி , ‘தானி அபி⁴பு⁴ய்ய ஜானாமி பஸ்ஸாமீ’தி ஏவங்ஸஞ்ஞீ ஹோதி. இத³ங் அட்ட²மங் அபி⁴பா⁴யதனங்.

339. ‘‘அட்ட² விமொக்கா². ரூபீ ரூபானி பஸ்ஸதி. அயங் பட²மோ விமொக்கோ².

‘‘அஜ்ஜ²த்தங் அரூபஸஞ்ஞீ ப³ஹித்³தா⁴ ரூபானி பஸ்ஸதி. அயங் து³தியோ விமொக்கோ².

‘‘ஸுப⁴ந்தேவ அதி⁴முத்தோ ஹோதி. அயங் ததியோ விமொக்கோ².

‘‘ஸப்³ப³ஸோ ரூபஸஞ்ஞானங் ஸமதிக்கமா படிக⁴ஸஞ்ஞானங்
அத்த²ங்க³மா நானத்தஸஞ்ஞானங் அமனஸிகாரா ‘அனந்தோ ஆகாஸோ’தி ஆகாஸானஞ்சாயதனங்
உபஸம்பஜ்ஜ விஹரதி. அயங் சதுத்தோ² விமொக்கோ².

‘‘ஸப்³ப³ஸோ ஆகாஸானஞ்சாயதனங் ஸமதிக்கம்ம ‘அனந்தங் விஞ்ஞாண’ந்தி விஞ்ஞாணஞ்சாயதனங் உபஸம்பஜ்ஜ விஹரதி. அயங் பஞ்சமோ விமொக்கோ².

‘‘ஸப்³ப³ஸோ விஞ்ஞாணஞ்சாயதனங் ஸமதிக்கம்ம ‘நத்தி² கிஞ்சீ’தி ஆகிஞ்சஞ்ஞாயதனங் உபஸம்பஜ்ஜ விஹரதி. அயங் ச²ட்டோ² விமொக்கோ².

‘‘ஸப்³ப³ஸோ ஆகிஞ்சஞ்ஞாயதனங் ஸமதிக்கம்ம நேவஸஞ்ஞானாஸஞ்ஞாயதனங் உபஸம்பஜ்ஜ விஹரதி. அயங் ஸத்தமோ விமொக்கோ².

‘‘ஸப்³ப³ஸோ நேவஸஞ்ஞானாஸஞ்ஞாயதனங் ஸமதிக்கம்ம ஸஞ்ஞாவேத³யித நிரோத⁴ங் உபஸம்பஜ்ஜ விஹரதி. அயங் அட்ட²மோ விமொக்கோ².

‘‘இமே கோ², ஆவுஸோ, தேன ப⁴க³வதா
ஜானதா பஸ்ஸதா அரஹதா ஸம்மாஸம்பு³த்³தே⁴ன அட்ட² த⁴ம்மா ஸம்மத³க்கா²தா; தத்த²
ஸப்³பே³ஹேவ ஸங்கா³யிதப்³ப³ங்…பே॰… அத்தா²ய ஹிதாய ஸுகா²ய தே³வமனுஸ்ஸானங்.

நவகங்

340. ‘‘அத்தி² கோ², ஆவுஸோ, தேன ப⁴க³வதா ஜானதா பஸ்ஸதா அரஹதா
ஸம்மாஸம்பு³த்³தே⁴ன நவ த⁴ம்மா ஸம்மத³க்கா²தா; தத்த² ஸப்³பே³ஹேவ
ஸங்கா³யிதப்³ப³ங்…பே॰… அத்தா²ய ஹிதாய ஸுகா²ய தே³வமனுஸ்ஸானங். கதமே நவ?

‘‘நவ ஆகா⁴தவத்தூ²னி.
‘அனத்த²ங் மே அசரீ’தி ஆகா⁴தங் ப³ந்த⁴தி; ‘அனத்த²ங் மே சரதீ’தி ஆகா⁴தங்
ப³ந்த⁴தி; ‘அனத்த²ங் மே சரிஸ்ஸதீ’தி ஆகா⁴தங் ப³ந்த⁴தி; ‘பியஸ்ஸ மே மனாபஸ்ஸ
அனத்த²ங் அசரீ’தி ஆகா⁴தங் ப³ந்த⁴தி…பே॰… அனத்த²ங் சரதீதி ஆகா⁴தங்
ப³ந்த⁴தி…பே॰… அனத்த²ங் சரிஸ்ஸதீதி ஆகா⁴தங் ப³ந்த⁴தி; ‘அப்பியஸ்ஸ மே
அமனாபஸ்ஸ அத்த²ங் அசரீ’தி ஆகா⁴தங் ப³ந்த⁴தி…பே॰… அத்த²ங் சரதீதி ஆகா⁴தங்
ப³ந்த⁴தி…பே॰… அத்த²ங் சரிஸ்ஸதீதி ஆகா⁴தங் ப³ந்த⁴தி.

‘‘நவ ஆகா⁴தபடிவினயா. ‘அனத்த²ங் மே அசரி [அசரீதி (ஸ்யா॰ க॰) ஏவங் ‘‘சரதி சரிஸ்ஸதி’’ பதே³ஸுபி], தங் குதெத்த² லப்³பா⁴’தி ஆகா⁴தங் படிவினேதி ; ‘அனத்த²ங் மே
சரதி, தங் குதெத்த² லப்³பா⁴’தி ஆகா⁴தங் படிவினேதி; ‘அனத்த²ங் மே சரிஸ்ஸதி,
தங் குதெத்த² லப்³பா⁴’தி ஆகா⁴தங் படிவினேதி; ‘பியஸ்ஸ மே மனாபஸ்ஸ அனத்த²ங்
அசரி…பே॰… அனத்த²ங் சரதி…பே॰… அனத்த²ங் சரிஸ்ஸதி, தங் குதெத்த² லப்³பா⁴’தி
ஆகா⁴தங் படிவினேதி; ‘அப்பியஸ்ஸ மே அமனாபஸ்ஸ அத்த²ங் அசரி…பே॰… அத்த²ங்
சரதி…பே॰… அத்த²ங் சரிஸ்ஸதி, தங் குதெத்த² லப்³பா⁴’தி ஆகா⁴தங் படிவினேதி.

341. ‘‘நவ ஸத்தாவாஸா. ஸந்தாவுஸோ, ஸத்தா நானத்தகாயா நானத்தஸஞ்ஞினோ, ஸெய்யதா²பி மனுஸ்ஸா ஏகச்சே ச தே³வா ஏகச்சே ச வினிபாதிகா. அயங் பட²மோ ஸத்தாவாஸோ.

‘‘ஸந்தாவுஸோ, ஸத்தா நானத்தகாயா ஏகத்தஸஞ்ஞினோ, ஸெய்யதா²பி தே³வா ப்³ரஹ்மகாயிகா பட²மாபி⁴னிப்³ப³த்தா. அயங் து³தியோ ஸத்தாவாஸோ.

‘‘ஸந்தாவுஸோ, ஸத்தா ஏகத்தகாயா நானத்தஸஞ்ஞினோ, ஸெய்யதா²பி தே³வா ஆப⁴ஸ்ஸரா. அயங் ததியோ ஸத்தாவாஸோ.

‘‘ஸந்தாவுஸோ , ஸத்தா ஏகத்தகாயா ஏகத்தஸஞ்ஞினோ, ஸெய்யதா²பி தே³வா ஸுப⁴கிண்ஹா. அயங் சதுத்தோ² ஸத்தாவாஸோ.

‘‘ஸந்தாவுஸோ, ஸத்தா அஸஞ்ஞினோ அப்படிஸங்வேதி³னோ, ஸெய்யதா²பி தே³வா அஸஞ்ஞஸத்தா [அஸஞ்ஞிஸத்தா (ஸ்யா॰ கங்॰)]. அயங் பஞ்சமோ ஸத்தாவாஸோ.

‘‘ஸந்தாவுஸோ, ஸத்தா ஸப்³ப³ஸோ ரூபஸஞ்ஞானங் ஸமதிக்கமா
படிக⁴ஸஞ்ஞானங் அத்த²ங்க³மா நானத்தஸஞ்ஞானங் அமனஸிகாரா ‘அனந்தோ ஆகாஸோ’தி
ஆகாஸானஞ்சாயதனூபகா³. அயங் ச²ட்டோ² ஸத்தாவாஸோ.

‘‘ஸந்தாவுஸோ, ஸத்தா ஸப்³ப³ஸோ ஆகாஸானஞ்சாயதனங் ஸமதிக்கம்ம ‘அனந்தங் விஞ்ஞாண’ந்தி விஞ்ஞாணஞ்சாயதனூபகா³. அயங் ஸத்தமோ ஸத்தாவாஸோ.

‘‘ஸந்தாவுஸோ, ஸத்தா ஸப்³ப³ஸோ விஞ்ஞாணஞ்சாயதனங் ஸமதிக்கம்ம ‘நத்தி² கிஞ்சீ’தி ஆகிஞ்சாஞ்ஞாயதனூபகா³. அயங் அட்ட²மோ ஸத்தாவாஸோ.

‘‘ஸந்தாவுஸோ , ஸத்தா ஸப்³ப³ஸோ ஆகிஞ்சஞ்ஞாயதனங் ஸமதிக்கம்ம [ஸமதிக்கம்ம ஸந்தமேதங் பணீதமேதந்தி (ஸ்யா॰ கங்॰)] நேவஸஞ்ஞானாஸஞ்ஞாயதனூபகா³. அயங் நவமோ ஸத்தாவாஸோ.

342. ‘‘நவ அக்க²ணா அஸமயா ப்³ரஹ்மசரியவாஸாய. இதா⁴வுஸோ ,
ததா²க³தோ ச லோகே உப்பன்னோ ஹோதி அரஹங் ஸம்மாஸம்பு³த்³தோ⁴, த⁴ம்மோ ச
தே³ஸியதி ஓபஸமிகோ பரினிப்³பா³னிகோ ஸம்போ³த⁴கா³மீ ஸுக³தப்பவேதி³தோ. அயஞ்ச
புக்³க³லோ நிரயங் உபபன்னோ ஹோதி. அயங் பட²மோ அக்க²ணோ அஸமயோ
ப்³ரஹ்மசரியவாஸாய.

‘‘புன சபரங், ஆவுஸோ, ததா²க³தோ ச லோகே உப்பன்னோ ஹோதி
அரஹங் ஸம்மாஸம்பு³த்³தோ⁴, த⁴ம்மோ ச தே³ஸியதி ஓபஸமிகோ பரினிப்³பா³னிகோ
ஸம்போ³த⁴கா³மீ ஸுக³தப்பவேதி³தோ. அயஞ்ச புக்³க³லோ திரச்சா²னயோனிங் உபபன்னோ ஹோதி. அயங் து³தியோ அக்க²ணோ அஸமயோ ப்³ரஹ்மசரியவாஸாய.

‘‘புன சபரங்…பே॰… பெத்திவிஸயங் உபபன்னோ ஹோதி. அயங் ததியோ அக்க²ணோ அஸமயோ ப்³ரஹ்மசரியவாஸாய.

‘‘புன சபரங்…பே॰… அஸுரகாயங் உபபன்னோ ஹோதி. அயங் சதுத்தோ² அக்க²ணோ அஸமயோ ப்³ரஹ்மசரியவாஸாய.

‘‘புன சபரங்…பே॰… அஞ்ஞதரங் தீ³கா⁴யுகங் தே³வனிகாயங் உபபன்னோ ஹோதி. அயங் பஞ்சமோ அக்க²ணோ அஸமயோ ப்³ரஹ்மசரியவாஸாய.

‘‘புன சபரங்…பே॰… பச்சந்திமேஸு ஜனபதே³ஸு பச்சாஜாதோ ஹோதி மிலக்கே²ஸு [மிலக்க²கேஸு (ஸ்யா॰ கங்॰) மிலக்கூ²ஸு (க॰)] அவிஞ்ஞாதாரேஸு, யத்த² நத்தி² க³தி பி⁴க்கூ²னங் பி⁴க்கு²னீனங் உபாஸகானங் உபாஸிகானங். அயங் ச²ட்டோ² அக்க²ணோ அஸமயோ ப்³ரஹ்மசரியவாஸாய.

‘‘புன சபரங்…பே॰… மஜ்ஜி²மேஸு ஜனபதே³ஸு பச்சாஜாதோ ஹோதி.
ஸோ ச ஹோதி மிச்சா²தி³ட்டி²கோ விபரீதத³ஸ்ஸனோ – ‘நத்தி² தி³ன்னங், நத்தி²
யிட்ட²ங், நத்தி² ஹுதங், நத்தி² ஸுகதது³க்கடானங் [ஸுகட து³க்கடானங் (ஸீ॰ பீ॰)] கம்மானங் ப²லங் விபாகோ, நத்தி² அயங் லோகோ, நத்தி² பரோ லோகோ, நத்தி² மாதா, நத்தி² பிதா, நத்தி² ஸத்தா ஓபபாதிகா, நத்தி² லோகே ஸமணப்³ராஹ்மணா ஸம்மக்³க³தா ஸம்மாபடிபன்னா யே இமஞ்ச லோகங் பரஞ்ச லோகங் ஸயங் அபி⁴ஞ்ஞா ஸச்சி²கத்வா பவேதெ³ந்தீ’தி. அயங் ஸத்தமோ அக்க²ணோ அஸமயோ ப்³ரஹ்மசரியவாஸாய.

‘‘புன சபரங்…பே॰… மஜ்ஜி²மேஸு ஜனபதே³ஸு பச்சாஜாதோ ஹோதி.
ஸோ ச ஹோதி து³ப்பஞ்ஞோ ஜளோ ஏளமூகோ³, நப்படிப³லோ
ஸுபா⁴ஸிதது³ப்³பா⁴ஸிதானமத்த²மஞ்ஞாதுங். அயங் அட்ட²மோ அக்க²ணோ அஸமயோ
ப்³ரஹ்மசரியவாஸாய.

‘‘புன சபரங், ஆவுஸோ, ததா²க³தோ ச லோகே ந [கத்த²சி நகாரோ ந தி³ஸ்ஸதி]
உப்பன்னோ ஹோதி அரஹங் ஸம்மாஸம்பு³த்³தோ⁴, த⁴ம்மோ ச ந தே³ஸியதி ஓபஸமிகோ
பரினிப்³பா³னிகோ ஸம்போ³த⁴கா³மீ ஸுக³தப்பவேதி³தோ. அயஞ்ச புக்³க³லோ
மஜ்ஜி²மேஸு ஜனபதே³ஸு பச்சாஜாதோ ஹோதி, ஸோ ச ஹோதி பஞ்ஞவா அஜளோ அனேளமூகோ³,
படிப³லோ ஸுபா⁴ஸித-து³ப்³பா⁴ஸிதானமத்த²மஞ்ஞாதுங். அயங் நவமோ அக்க²ணோ அஸமயோ
ப்³ரஹ்மசரியவாஸாய.

343. ‘‘நவ அனுபுப்³ப³விஹாரா. இதா⁴வுஸோ, பி⁴க்கு² விவிச்சேவ காமேஹி விவிச்ச அகுஸலேஹி த⁴ம்மேஹி ஸவிதக்கங் ஸவிசாரங் விவேகஜங் பீதிஸுக²ங் பட²மங் ஜா²னங் உபஸம்பஜ்ஜ
விஹரதி. விதக்கவிசாரானங் வூபஸமா…பே॰… து³தியங் ஜா²னங் உபஸம்பஜ்ஜ விஹரதி.
பீதியா ச விராகா³…பே॰… ததியங் ஜா²னங் உபஸம்பஜ்ஜ விஹரதி. ஸுக²ஸ்ஸ ச பஹானா
…பே॰… சதுத்த²ங் ஜா²னங் உபஸம்பஜ்ஜ விஹரதி. ஸப்³ப³ஸோ ரூபஸஞ்ஞானங்
ஸமதிக்கமா…பே॰… ஆகாஸானஞ்சாயதனங் உபஸம்பஜ்ஜ விஹரதி. ஸப்³ப³ஸோ
ஆகாஸானஞ்சாயதனங் ஸமதிக்கம்ம ‘அனந்தங் விஞ்ஞாண’ந்தி விஞ்ஞாணஞ்சாயதனங்
உபஸம்பஜ்ஜ விஹரதி. ஸப்³ப³ஸோ விஞ்ஞாணஞ்சாயதனங் ஸமதிக்கம்ம
‘நத்தி² கிஞ்சீ’தி ஆகிஞ்சஞ்ஞாயதனங் உபஸம்பஜ்ஜ விஹரதி. ஸப்³ப³ஸோ
ஆகிஞ்சஞ்ஞாயதனங் ஸமதிக்கம்ம நேவஸஞ்ஞானாஸஞ்ஞாயதனங் உபஸம்பஜ்ஜ விஹரதி.
ஸப்³ப³ஸோ நேவஸஞ்ஞானாஸஞ்ஞாயதனங் ஸமதிக்கம்ம ஸஞ்ஞாவேத³யிதனிரோத⁴ங் உபஸம்பஜ்ஜ
விஹரதி.

344. ‘‘நவ அனுபுப்³ப³னிரோதா⁴.
பட²மங் ஜா²னங் ஸமாபன்னஸ்ஸ காமஸஞ்ஞா நிருத்³தா⁴ ஹோதி. து³தியங் ஜா²னங்
ஸமாபன்னஸ்ஸ விதக்கவிசாரா நிருத்³தா⁴ ஹொந்தி. ததியங் ஜா²னங் ஸமாபன்னஸ்ஸ பீதி
நிருத்³தா⁴ ஹோதி. சதுத்த²ங் ஜா²னங் ஸமாபன்னஸ்ஸ அஸ்ஸாஸபஸ்ஸாஸ்ஸா நிருத்³தா⁴
ஹொந்தி. ஆகாஸானஞ்சாயதனங் ஸமாபன்னஸ்ஸ ரூபஸஞ்ஞா
நிருத்³தா⁴ ஹோதி. விஞ்ஞாணஞ்சாயதனங் ஸமாபன்னஸ்ஸ ஆகாஸானஞ்சாயதனஸஞ்ஞா
நிருத்³தா⁴ ஹோதி. ஆகிஞ்சஞ்ஞாயதனங் ஸமாபன்னஸ்ஸ விஞ்ஞாணஞ்சாயதனஸஞ்ஞா
நிருத்³தா⁴ ஹோதி. நேவஸஞ்ஞானாஸஞ்ஞாயதனங் ஸமாபன்னஸ்ஸ ஆகிஞ்சஞ்ஞாயதனஸஞ்ஞா நிருத்³தா⁴ ஹோதி. ஸஞ்ஞாவேத³யிதனிரோத⁴ங் ஸமாபன்னஸ்ஸ ஸஞ்ஞா ச வேத³னா ச நிருத்³தா⁴ ஹொந்தி.

‘‘இமே கோ², ஆவுஸோ, தேன ப⁴க³வதா ஜானதா பஸ்ஸதா அரஹதா
ஸம்மாஸம்பு³த்³தே⁴ன நவ த⁴ம்மா ஸம்மத³க்கா²தா. தத்த² ஸப்³பே³ஹேவ
ஸங்கா³யிதப்³ப³ங்…பே॰… அத்தா²ய ஹிதாய ஸுகா²ய தே³வமனுஸ்ஸானங்.

த³ஸகங்

345.
‘‘அத்தி² கோ², ஆவுஸோ, தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன
த³ஸ த⁴ம்மா ஸம்மத³க்கா²தா. தத்த² ஸப்³பே³ஹேவ ஸங்கா³யிதப்³ப³ங்…பே॰… அத்தா²ய
ஹிதாய ஸுகா²ய தே³வமனுஸ்ஸானங். கதமே த³ஸ?

‘‘த³ஸ நாத²கரணா த⁴ம்மா.
இதா⁴வுஸோ, பி⁴க்கு² ஸீலவா ஹோதி. பாதிமொக்க²ஸங்வரஸங்வுதோ விஹரதி
ஆசாரகோ³சரஸம்பன்னோ, அணுமத்தேஸு வஜ்ஜேஸு ப⁴யத³ஸ்ஸாவீ ஸமாதா³ய ஸிக்க²தி
ஸிக்கா²பதே³ஸு. யங்பாவுஸோ, பி⁴க்கு² ஸீலவா
ஹோதி, பாதிமொக்க²ஸங்வரஸங்வுதோ விஹரதி, ஆசாரகோ³சரஸம்பன்னோ, அணுமத்தேஸு
வஜ்ஜேஸு ப⁴யத³ஸ்ஸாவீ ஸமாதா³ய ஸிக்க²தி ஸிக்கா²பதே³ஸு. அயம்பி த⁴ம்மோ
நாத²கரணோ.

‘‘புன சபரங், ஆவுஸோ, பி⁴க்கு² ப³ஹுஸ்ஸுதோ ஹோதி ஸுதத⁴ரோ ஸுதஸன்னிசயோ. யே தே த⁴ம்மா ஆதி³கல்யாணா மஜ்ஜே²கல்யாணா பரியோஸானகல்யாணா ஸாத்தா² ஸப்³யஞ்ஜனா [ஸாத்த²ங் ஸப்³யஞ்ஜனங் (ஸீ॰ ஸ்யா॰ பீ॰)] கேவலபரிபுண்ணங் பரிஸுத்³த⁴ங் ப்³ரஹ்மசரியங் அபி⁴வத³ந்தி, ததா²ரூபாஸ்ஸ த⁴ம்மா ப³ஹுஸ்ஸுதா ஹொந்தி [த⁴தா (க॰ ஸீ॰ ஸ்யா॰ கங்॰)]
தா⁴தா வசஸா பரிசிதா மனஸானுபெக்கி²தா தி³ட்டி²யா ஸுப்படிவித்³தா⁴,
யங்பாவுஸோ, பி⁴க்கு² ப³ஹுஸ்ஸுதோ ஹோதி…பே॰… தி³ட்டி²யா ஸுப்படிவித்³தா⁴.
அயம்பி த⁴ம்மோ நாத²கரணோ.

‘‘புன சபரங், ஆவுஸோ, பி⁴க்கு² கல்யாணமித்தோ ஹோதி
கல்யாணஸஹாயோ கல்யாணஸம்பவங்கோ. யங்பாவுஸோ, பி⁴க்கு² கல்யாணமித்தோ ஹோதி
கல்யாணஸஹாயோ கல்யாணஸம்பவங்கோ. அயம்பி த⁴ம்மோ நாத²கரணோ.

‘‘புன சபரங், ஆவுஸோ, பி⁴க்கு² ஸுவசோ ஹோதி ஸோவசஸ்ஸகரணேஹி த⁴ம்மேஹி ஸமன்னாக³தோ க²மோ பத³க்கி²ணக்³கா³ஹீ அனுஸாஸனிங். யங்பாவுஸோ, பி⁴க்கு² ஸுவசோ ஹோதி…பே॰… பத³க்கி²ணக்³கா³ஹீ அனுஸாஸனிங். அயம்பி த⁴ம்மோ நாத²கரணோ.

‘‘புன சபரங், ஆவுஸோ, பி⁴க்கு² யானி தானி
ஸப்³ரஹ்மசாரீனங் உச்சாவசானி கிங்கரணீயானி, தத்த² த³க்கோ² ஹோதி அனலஸோ
தத்ருபாயாய வீமங்ஸாய ஸமன்னாக³தோ, அலங் காதுங் அலங் ஸங்விதா⁴துங்.
யங்பாவுஸோ, பி⁴க்கு² யானி தானி ஸப்³ரஹ்மசாரீனங்…பே॰… அலங் ஸங்விதா⁴துங்.
அயம்பி த⁴ம்மோ நாத²கரணோ.

‘‘புன சபரங், ஆவுஸோ, பி⁴க்கு² த⁴ம்மகாமோ ஹோதி பியஸமுதா³ஹாரோ, அபி⁴த⁴ம்மே அபி⁴வினயே உளாரபாமோஜ்ஜோ [உளாரபாமுஜ்ஜோ (ஸீ॰ பீ॰), ஓளாரபாமோஜ்ஜோ (ஸ்யா॰ கங்॰)]. யங்பாவுஸோ, பி⁴க்கு² த⁴ம்மகாமோ ஹோதி…பே॰… உளாரபாமோஜ்ஜோ [உளாரபாமுஜ்ஜோ (ஸீ॰ பீ॰), ஓளாரபாமோஜ்ஜோ (ஸ்யா॰ கங்॰)]. அயம்பி த⁴ம்மோ நாத²கரணோ.

‘‘புன சபரங், ஆவுஸோ , பி⁴க்கு² ஸந்துட்டோ² ஹோதி இதரீதரேஹி சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரேஹி . யங்பாவுஸோ, பி⁴க்கு² ஸந்துட்டோ² ஹோதி…பே॰… பரிக்கா²ரேஹி. அயம்பி த⁴ம்மோ நாத²கரணோ.

‘‘புன சபரங், ஆவுஸோ, பி⁴க்கு² ஆரத்³த⁴வீரியோ விஹரதி
அகுஸலானங் த⁴ம்மானங் பஹானாய குஸலானங் த⁴ம்மானங் உபஸம்பதா³ய, தா²மவா
த³ள்ஹபரக்கமோ அனிக்கி²த்தது⁴ரோ குஸலேஸு த⁴ம்மேஸு. யங்பாவுஸோ, பி⁴க்கு²
ஆரத்³த⁴வீரியோ விஹரதி…பே॰… அனிக்கி²த்தது⁴ரோ குஸலேஸு த⁴ம்மேஸு. அயம்பி
த⁴ம்மோ நாத²கரணோ.

‘‘புன சபரங், ஆவுஸோ, பி⁴க்கு² ஸதிமா ஹோதி பரமேன
ஸதினேபக்கேன ஸமன்னாக³தோ சிரகதம்பி சிரபா⁴ஸிதம்பி ஸரிதா அனுஸ்ஸரிதா.
யங்பாவுஸோ, பி⁴க்கு² ஸதிமா ஹோதி…பே॰… ஸரிதா அனுஸ்ஸரிதா. அயம்பி த⁴ம்மோ
நாத²கரணோ.

‘‘புன சபரங், ஆவுஸோ, பி⁴க்கு² பஞ்ஞவா ஹோதி,
உத³யத்த²கா³மினியா பஞ்ஞாய ஸமன்னாக³தோ அரியாய நிப்³பே³தி⁴காய
ஸம்மாது³க்க²க்க²யகா³மினியா. யங்பாவுஸோ, பி⁴க்கு² பஞ்ஞவா ஹோதி…பே॰…
ஸம்மாது³க்க²க்க²யகா³மினியா. அயம்பி த⁴ம்மோ நாத²கரணோ.

346. த³ஸ கஸிணாயதனானி. பத²வீகஸிணமேகோ ஸஞ்ஜானாதி, உத்³த⁴ங் அதோ⁴ திரியங் அத்³வயங்
அப்பமாணங். ஆபோகஸிணமேகோ ஸஞ்ஜானாதி…பே॰… தேஜோகஸிணமேகோ ஸஞ்ஜானாதி…
வாயோகஸிணமேகோ ஸஞ்ஜானாதி… நீலகஸிணமேகோ ஸஞ்ஜானாதி… பீதகஸிணமேகோ ஸஞ்ஜானாதி…
லோஹிதகஸிணமேகோ ஸஞ்ஜானாதி… ஓதா³தகஸிணமேகோ ஸஞ்ஜானாதி… ஆகாஸகஸிணமேகோ
ஸஞ்ஜானாதி… விஞ்ஞாணகஸிணமேகோ ஸஞ்ஜானாதி, உத்³த⁴ங் அதோ⁴ திரியங் அத்³வயங்
அப்பமாணங்.

347. ‘‘த³ஸ அகுஸலகம்மபதா² –
பாணாதிபாதோ, அதி³ன்னாதா³னங், காமேஸுமிச்சா²சாரோ, முஸாவாதோ³, பிஸுணா வாசா,
ப²ருஸா வாசா, ஸம்ப²ப்பலாபோ, அபி⁴ஜ்ஜா², ப்³யாபாதோ³, மிச்சா²தி³ட்டி².

‘‘த³ஸ குஸலகம்மபதா² –
பாணாதிபாதா வேரமணீ, அதி³ன்னாதா³னா வேரமணீ, காமேஸுமிச்சா²சாரா வேரமணீ,
முஸாவாதா³ வேரமணீ, பிஸுணாய வாசாய வேரமணீ, ப²ருஸாய வாசாய வேரமணீ,
ஸம்ப²ப்பலாபா வேரமணீ, அனபி⁴ஜ்ஜா², அப்³யாபாதோ³, ஸம்மாதி³ட்டி².

348. ‘‘த³ஸ அரியவாஸா.
இதா⁴வுஸோ, பி⁴க்கு² பஞ்சங்க³விப்பஹீனோ ஹோதி, ச²ளங்க³ஸமன்னாக³தோ,
ஏகாரக்கோ², சதுராபஸ்ஸேனோ, பணுன்னபச்சேகஸச்சோ, ஸமவயஸட்டே²ஸனோ,
அனாவிலஸங்கப்போ, பஸ்ஸத்³த⁴காயஸங்கா²ரோ, ஸுவிமுத்தசித்தோ, ஸுவிமுத்தபஞ்ஞோ.

‘‘கத²ஞ்சாவுஸோ, பி⁴க்கு² பஞ்சங்க³விப்பஹீனோ ஹோதி?
இதா⁴வுஸோ, பி⁴க்கு²னோ காமச்ச²ந்தோ³ பஹீனோ ஹோதி, ப்³யாபாதோ³ பஹீனோ ஹோதி,
தி²னமித்³த⁴ங் பஹீனங் ஹோதி, உத்³த⁴ச்சகுகுச்சங் பஹீனங் ஹோதி, விசிகிச்சா²
பஹீனா ஹோதி. ஏவங் கோ², ஆவுஸோ, பி⁴க்கு² பஞ்சங்க³விப்பஹீனோ ஹோதி.

‘‘கத²ஞ்சாவுஸோ, பி⁴க்கு² ச²ளங்க³ஸமன்னாக³தோ ஹோதி?
இதா⁴வுஸோ, பி⁴க்கு² சக்கு²னா ரூபங் தி³ஸ்வா நேவ ஸுமனோ ஹோதி ந து³ம்மனோ,
உபெக்க²கோ விஹரதி ஸதோ ஸம்பஜானோ. ஸோதேன ஸத்³த³ங்
ஸுத்வா…பே॰… மனஸா த⁴ம்மங் விஞ்ஞாய நேவ ஸுமனோ ஹோதி ந து³ம்மனோ, உபெக்க²கோ
விஹரதி ஸதோ ஸம்பஜானோ. ஏவங் கோ², ஆவுஸோ, பி⁴க்கு² ச²ளங்க³ஸமன்னாக³தோ ஹோதி.

‘‘கத²ஞ்சாவுஸோ , பி⁴க்கு² ஏகாரக்கோ² ஹோதி? இதா⁴வுஸோ, பி⁴க்கு² ஸதாரக்கே²ன சேதஸா ஸமன்னாக³தோ ஹோதி. ஏவங் கோ², ஆவுஸோ, பி⁴க்கு² ஏகாரக்கோ² ஹோதி .

‘‘கத²ஞ்சாவுஸோ, பி⁴க்கு² சதுராபஸ்ஸேனோ ஹோதி? இதா⁴வுஸோ,
பி⁴க்கு² ஸங்கா²யேகங் படிஸேவதி, ஸங்கா²யேகங் அதி⁴வாஸேதி, ஸங்கா²யேகங்
பரிவஜ்ஜேதி, ஸங்கா²யேகங் வினோதே³தி. ஏவங் கோ², ஆவுஸோ, பி⁴க்கு²
சதுராபஸ்ஸேனோ ஹோதி.

‘‘கத²ஞ்சாவுஸோ, பி⁴க்கு² பணுன்னபச்சேகஸச்சோ ஹோதி?
இதா⁴வுஸோ, பி⁴க்கு²னோ யானி தானி புது²ஸமணப்³ராஹ்மணானங் புது²பச்சேகஸச்சானி,
ஸப்³பா³னி தானி நுன்னானி ஹொந்தி பணுன்னானி சத்தானி வந்தானி முத்தானி
பஹீனானி படினிஸ்ஸட்டா²னி. ஏவங் கோ², ஆவுஸோ, பி⁴க்கு² பணுன்னபச்சேகஸச்சோ
ஹோதி.

‘‘கத²ஞ்சாவுஸோ , பி⁴க்கு²
ஸமவயஸட்டே²ஸனோ ஹோதி? இதா⁴வுஸோ, பி⁴க்கு²னோ காமேஸனா பஹீனா ஹோதி, ப⁴வேஸனா
பஹீனா ஹோதி, ப்³ரஹ்மசரியேஸனா படிப்பஸ்ஸத்³தா⁴. ஏவங் கோ², ஆவுஸோ, பி⁴க்கு²
ஸமவயஸட்டே²ஸனோ ஹோதி.

‘‘கத²ஞ்சாவுஸோ, பி⁴க்கு² அனாவிலஸங்கப்போ ஹோதி?
இதா⁴வுஸோ, பி⁴க்கு²னோ காமஸங்கப்போ பஹீனோ ஹோதி, ப்³யாபாத³ஸங்கப்போ பஹீனோ
ஹோதி, விஹிங்ஸாஸங்கப்போ பஹீனோ ஹோதி. ஏவங் கோ², ஆவுஸோ, பி⁴க்கு²
அனாவிலஸங்கப்போ ஹோதி.

‘‘கத²ஞ்சாவுஸோ, பி⁴க்கு² பஸ்ஸத்³த⁴காயஸங்கா²ரோ ஹோதி ?
இதா⁴வுஸோ, பி⁴க்கு² ஸுக²ஸ்ஸ ச பஹானா து³க்க²ஸ்ஸ ச பஹானா புப்³பே³வ
ஸோமனஸ்ஸதோ³மனஸ்ஸானங் அத்த²ங்க³மா அது³க்க²மஸுக²ங்
உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ விஹரதி. ஏவங் கோ²,
ஆவுஸோ, பி⁴க்கு² பஸ்ஸத்³த⁴காயஸங்கா²ரோ ஹோதி.

‘‘கத²ஞ்சாவுஸோ, பி⁴க்கு² ஸுவிமுத்தசித்தோ ஹோதி?
இதா⁴வுஸோ, பி⁴க்கு²னோ ராகா³ சித்தங் விமுத்தங் ஹோதி, தோ³ஸா சித்தங்
விமுத்தங் ஹோதி, மோஹா சித்தங் விமுத்தங் ஹோதி. ஏவங் கோ², ஆவுஸோ, பி⁴க்கு²
ஸுவிமுத்தசித்தோ ஹோதி.

‘‘கத²ஞ்சாவுஸோ, பி⁴க்கு² ஸுவிமுத்தபஞ்ஞோ ஹோதி? இதா⁴வுஸோ, பி⁴க்கு² ‘ராகோ³ மே பஹீனோ உச்சி²ன்னமூலோ தாலாவத்து²கதோ அனபா⁴வங்கதோ
ஆயதிங் அனுப்பாத³த⁴ம்மோ’தி பஜானாதி. ‘தோ³ஸோ மே பஹீனோ உச்சி²ன்னமூலோ
தாலாவத்து²கதோ அனபா⁴வங்கதோ ஆயதிங் அனுப்பாத³த⁴ம்மோ’தி பஜானாதி. ‘மோஹோ மே
பஹீனோ உச்சி²ன்னமூலோ தாலாவத்து²கதோ அனபா⁴வங்கதோ ஆயதிங் அனுப்பாத³த⁴ம்மோ’தி
பஜானாதி. ஏவங் கோ², ஆவுஸோ, பி⁴க்கு² ஸுவிமுத்தபஞ்ஞோ ஹோதி.

‘‘த³ஸ அஸெக்கா² த⁴ம்மா –
அஸெக்கா² ஸம்மாதி³ட்டி², அஸெக்கோ² ஸம்மாஸங்கப்போ, அஸெக்கா² ஸம்மாவாசா,
அஸெக்கோ² ஸம்மாகம்மந்தோ, அஸெக்கோ² ஸம்மாஆஜீவோ, அஸெக்கோ² ஸம்மாவாயாமோ,
அஸெக்கா² ஸம்மாஸதி, அஸெக்கோ² ஸம்மாஸமாதி⁴, அஸெக்க²ங் ஸம்மாஞாணங், அஸெக்கா²
ஸம்மாவிமுத்தி.

‘‘இமே கோ², ஆவுஸோ, தேன ப⁴க³வதா ஜானதா பஸ்ஸதா அரஹதா
ஸம்மாஸம்பு³த்³தே⁴ன த³ஸ த⁴ம்மா ஸம்மத³க்கா²தா. தத்த² ஸப்³பே³ஹேவ
ஸங்கா³யிதப்³ப³ங் ந விவதி³தப்³ப³ங், யத²யித³ங் ப்³ரஹ்மசரியங் அத்³த⁴னியங் அஸ்ஸ சிரட்டி²திகங், தத³ஸ்ஸ ப³ஹுஜனஹிதாய ப³ஹுஜனஸுகா²ய லோகானுகம்பாய அத்தா²ய ஹிதாய ஸுகா²ய தே³வமனுஸ்ஸான’’ந்தி.

349.
அத² கோ² ப⁴க³வா உட்ட²ஹித்வா ஆயஸ்மந்தங் ஸாரிபுத்தங் ஆமந்தேஸி – ‘ஸாது⁴
ஸாது⁴, ஸாரிபுத்த, ஸாது⁴ கோ² த்வங், ஸாரிபுத்த, பி⁴க்கூ²னங்
ஸங்கீ³திபரியாயங் அபா⁴ஸீ’தி. இத³மவோசாயஸ்மா ஸாரிபுத்தோ, ஸமனுஞ்ஞோ ஸத்தா²
அஹோஸி. அத்தமனா தே பி⁴க்கூ² ஆயஸ்மதோ ஸாரிபுத்தஸ்ஸ பா⁴ஸிதங் அபி⁴னந்து³ந்தி.

ஸங்கீ³திஸுத்தங் நிட்டி²தங் த³ஸமங்.

comments (0)

ஸுத்தபிடக-Part-32-தமிழில் திரபிடக மூன்று தொகுப்புகள்TIPITAKA–32.9. ஆடானாடியஸுத்தங்-படமபாணவாரோ-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 9:37 am

ஸுத்தபிடக-Part-32-தமிழில் திரபிடக மூன்று தொகுப்புகள்TIPITAKA--32.9. ஆடானாடியஸுத்தங்-படமபாணவாரோ-from FREE ONLINE eNālāndā Research and
Practice UNIVERSITY through http://sarvajan.ambedkar.org

9. ஆடானாடியஸுத்தங்

படமபாணவாரோ

275. ஏவங் மே ஸுதங் – ஏகங் ஸமயங் ப⁴க³வா ராஜக³ஹே விஹரதி கி³ஜ்ஜ²கூடே பப்³ப³தே. அத² கோ² சத்தாரோ மஹாராஜா [மஹாராஜானோ (க॰)]
மஹதியா ச யக்க²ஸேனாய மஹதியா ச க³ந்த⁴ப்³ப³ஸேனாய மஹதியா ச கும்ப⁴ண்ட³ஸேனாய
மஹதியா ச நாக³ஸேனாய சதுத்³தி³ஸங் ரக்க²ங் ட²பெத்வா சதுத்³தி³ஸங் கு³ம்ப³ங்
ட²பெத்வா சதுத்³தி³ஸங் ஓவரணங் ட²பெத்வா அபி⁴க்கந்தாய ரத்தியா
அபி⁴க்கந்தவண்ணா கேவலகப்பங் கி³ஜ்ஜ²கூடங் பப்³ப³தங் ஓபா⁴ஸெத்வா [கி³ஜ்ஜ²கூடங் ஓபா⁴ஸெத்வா (ஸீ॰ ஸ்யா॰ பீ॰)]
யேன ப⁴க³வா தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா
ஏகமந்தங் நிஸீதி³ங்ஸு. தேபி கோ² யக்கா² அப்பேகச்சே ப⁴க³வந்தங்
அபி⁴வாதெ³த்வா ஏகமந்தங் நிஸீதி³ங்ஸு, அப்பேகச்சே ப⁴க³வதா ஸத்³தி⁴ங்
ஸம்மோதி³ங்ஸு, ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங்
நிஸீதி³ங்ஸு, அப்பேகச்சே யேன ப⁴க³வா தேனஞ்ஜலிங் பணாமெத்வா ஏகமந்தங்
நிஸீதி³ங்ஸு, அப்பேகச்சே நாமகொ³த்தங் ஸாவெத்வா ஏகமந்தங் நிஸீதி³ங்ஸு,
அப்பேகச்சே துண்ஹீபூ⁴தா ஏகமந்தங் நிஸீதி³ங்ஸு.

276.
ஏகமந்தங் நிஸின்னோ கோ² வெஸ்ஸவணோ மஹாராஜா ப⁴க³வந்தங் ஏதத³வோச – ‘‘ஸந்தி ஹி,
ப⁴ந்தே, உளாரா யக்கா² ப⁴க³வதோ அப்பஸன்னா. ஸந்தி ஹி, ப⁴ந்தே, உளாரா யக்கா²
ப⁴க³வதோ பஸன்னா. ஸந்தி ஹி , ப⁴ந்தே, மஜ்ஜி²மா யக்கா²
ப⁴க³வதோ அப்பஸன்னா. ஸந்தி ஹி, ப⁴ந்தே, மஜ்ஜி²மா யக்கா² ப⁴க³வதோ பஸன்னா.
ஸந்தி ஹி, ப⁴ந்தே, நீசா யக்கா² ப⁴க³வதோ அப்பஸன்னா. ஸந்தி ஹி, ப⁴ந்தே, நீசா
யக்கா² ப⁴க³வதோ பஸன்னா. யேபு⁴ய்யேன கோ² பன, ப⁴ந்தே,
யக்கா² அப்பஸன்னாயேவ ப⁴க³வதோ. தங் கிஸ்ஸ ஹேது? ப⁴க³வா ஹி, ப⁴ந்தே,
பாணாதிபாதா வேரமணியா த⁴ம்மங் தே³ஸேதி, அதி³ன்னாதா³னா வேரமணியா த⁴ம்மங்
தே³ஸேதி, காமேஸுமிச்சா²சாரா வேரமணியா த⁴ம்மங் தே³ஸேதி, முஸாவாதா³ வேரமணியா
த⁴ம்மங் தே³ஸேதி, ஸுராமேரயமஜ்ஜப்பமாத³ட்டா²னா வேரமணியா த⁴ம்மங் தே³ஸேதி.
யேபு⁴ய்யேன கோ² பன, ப⁴ந்தே, யக்கா² அப்படிவிரதாயேவ பாணாதிபாதா, அப்படிவிரதா
அதி³ன்னாதா³னா, அப்படிவிரதா காமேஸுமிச்சா²சாரா, அப்படிவிரதா முஸாவாதா³,
அப்படிவிரதா ஸுராமேரயமஜ்ஜப்பமாத³ட்டா²னா . தேஸங் தங் ஹோதி அப்பியங் அமனாபங். ஸந்தி ஹி, ப⁴ந்தே, ப⁴க³வதோ ஸாவகா அரஞ்ஞவனபத்தா²னி பந்தானி ஸேனாஸனானி படிஸேவந்தி அப்பஸத்³தா³னி அப்பனிக்³கோ⁴ஸானி விஜனவாதானி மனுஸ்ஸராஹஸ்ஸெய்யகானி [மனுஸ்ஸராஹஸெய்யகானி (ஸீ॰ ஸ்யா॰ பீ॰)]
படிஸல்லானஸாருப்பானி. தத்த² ஸந்தி உளாரா யக்கா² நிவாஸினோ, யே இமஸ்மிங்
ப⁴க³வதோ பாவசனே அப்பஸன்னா. தேஸங் பஸாதா³ய உக்³க³ண்ஹாது, ப⁴ந்தே, ப⁴க³வா
ஆடானாடியங் ரக்க²ங் பி⁴க்கூ²னங் பி⁴க்கு²னீனங் உபாஸகானங் உபாஸிகானங்
கு³த்தியா ரக்கா²ய அவிஹிங்ஸாய பா²ஸுவிஹாராயா’’தி. அதி⁴வாஸேஸி ப⁴க³வா
துண்ஹீபா⁴வேன.

அத² கோ² வெஸ்ஸவணோ மஹாராஜா ப⁴க³வதோ அதி⁴வாஸனங் விதி³த்வா தாயங் வேலாயங் இமங் ஆடானாடியங் ரக்க²ங் அபா⁴ஸி –

277. ‘‘விபஸ்ஸிஸ்ஸ ச [இமே சகாரா போராணபொத்த²கேஸு நத்தி²] நமத்து², சக்கு²மந்தஸ்ஸ ஸிரீமதோ.

ஸிகி²ஸ்ஸபி ச [இமே சகாரா போராணபொத்த²கேஸு நத்தி²] நமத்து², ஸப்³ப³பூ⁴தானுகம்பினோ.

‘‘வெஸ்ஸபு⁴ஸ்ஸ ச [இமே சகாரா போராணபொத்த²கேஸு நத்தி²] நமத்து², ந்ஹாதகஸ்ஸ தபஸ்ஸினோ;

நமத்து² ககுஸந்த⁴ஸ்ஸ, மாரஸேனாபமத்³தி³னோ.

‘‘கோணாக³மனஸ்ஸ நமத்து², ப்³ராஹ்மணஸ்ஸ வுஸீமதோ;

கஸ்ஸபஸ்ஸ ச [இமே சகாரா போராணபொத்த²கேஸு நத்தி²] நமத்து², விப்பமுத்தஸ்ஸ ஸப்³ப³தி⁴.

‘‘அங்கீ³ரஸஸ்ஸ நமத்து², ஸக்யபுத்தஸ்ஸ ஸிரீமதோ;

யோ இமங் த⁴ம்மங் தே³ஸேஸி [த⁴ம்மமதே³ஸேஸி (ஸீ॰ ஸ்யா॰ பீ॰), த⁴ம்மங் தே³ஸேதி (?)], ஸப்³ப³து³க்கா²பனூத³னங்.

‘‘யே சாபி நிப்³பு³தா லோகே, யதா²பூ⁴தங் விபஸ்ஸிஸுங்;

தே ஜனா அபிஸுணாத² [அபிஸுணா (ஸீ॰ ஸ்யா॰ பீ॰)], மஹந்தா வீதஸாரதா³.

‘‘ஹிதங் தே³வமனுஸ்ஸானங், யங் நமஸ்ஸந்தி கோ³தமங்;

விஜ்ஜாசரணஸம்பன்னங், மஹந்தங் வீதஸாரத³ங்.

278. ‘‘யதோ உக்³க³ச்ச²தி ஸூரியோ [ஸுரியோ (ஸீ॰ ஸ்யா॰ பீ॰)], ஆதி³ச்சோ மண்ட³லீ மஹா.

யஸ்ஸ சுக்³க³ச்ச²மானஸ்ஸ, ஸங்வரீபி நிருஜ்ஜ²தி;

யஸ்ஸ சுக்³க³தே ஸூரியே, ‘தி³வஸோ’தி பவுச்சதி.

‘‘ரஹதோ³பி தத்த² க³ம்பீ⁴ரோ, ஸமுத்³தோ³ ஸரிதோத³கோ;

ஏவங் தங் தத்த² ஜானந்தி, ‘ஸமுத்³தோ³ ஸரிதோத³கோ’.

‘‘இதோ ‘ஸா புரிமா தி³ஸா’, இதி நங் ஆசிக்க²தீ ஜனோ;

யங் தி³ஸங் அபி⁴பாலேதி, மஹாராஜா யஸஸ்ஸி ஸோ.

‘‘க³ந்த⁴ப்³பா³னங் அதி⁴பதி [ஆதி⁴பதி (ஸீ॰ ஸ்யா॰ பீ॰) ஏவமுபரிபி], ‘த⁴தரட்டோ²’தி நாமஸோ;

ரமதீ நச்சகீ³தேஹி, க³ந்த⁴ப்³பே³ஹி புரக்க²தோ.

‘‘புத்தாபி தஸ்ஸ ப³ஹவோ, ஏகனாமாதி மே ஸுதங்;

அஸீதி த³ஸ ஏகோ ச, இந்த³னாமா மஹப்³ப³லா.

தே சாபி பு³த்³த⁴ங் தி³ஸ்வான, பு³த்³த⁴ங் ஆதி³ச்சப³ந்து⁴னங்;

தூ³ரதோவ நமஸ்ஸந்தி, மஹந்தங் வீதஸாரத³ங்.

‘‘நமோ தே புரிஸாஜஞ்ஞ, நமோ தே புரிஸுத்தம;

குஸலேன ஸமெக்க²ஸி, அமனுஸ்ஸாபி தங் வந்த³ந்தி;

ஸுதங் நேதங் அபி⁴ண்ஹஸோ, தஸ்மா ஏவங் வதே³மஸே.

‘‘‘ஜினங் வந்த³த² கோ³தமங், ஜினங் வந்தா³ம கோ³தமங்;

விஜ்ஜாசரணஸம்பன்னங், பு³த்³த⁴ங் வந்தா³ம கோ³தமங்’.

279. ‘‘யேன பேதா பவுச்சந்தி, பிஸுணா பிட்டி²மங்ஸிகா.

பாணாதிபாதினோ லுத்³தா³ [லுத்³தா⁴ (பீ॰ க॰)], சோரா நேகதிகா ஜனா.

‘‘இதோ ‘ஸா த³க்கி²ணா தி³ஸா’, இதி நங் ஆசிக்க²தீ ஜனோ;

யங் தி³ஸங் அபி⁴பாலேதி, மஹாராஜா யஸஸ்ஸி ஸோ.

‘‘கும்ப⁴ண்டா³னங் அதி⁴பதி, ‘விரூள்ஹோ’ இதி நாமஸோ;

ரமதீ நச்சகீ³தேஹி, கும்ப⁴ண்டே³ஹி புரக்க²தோ.

‘‘புத்தாபி தஸ்ஸ ப³ஹவோ, ஏகனாமாதி மே ஸுதங்;

அஸீதி த³ஸ ஏகோ ச, இந்த³னாமா மஹப்³ப³லா.

தே சாபி பு³த்³த⁴ங் தி³ஸ்வான, பு³த்³த⁴ங் ஆதி³ச்சப³ந்து⁴னங்;

தூ³ரதோவ நமஸ்ஸந்தி, மஹந்தங் வீதஸாரத³ங்.

‘‘நமோ தே புரிஸாஜஞ்ஞ, நமோ தே புரிஸுத்தம;

குஸலேன ஸமெக்க²ஸி, அமனுஸ்ஸாபி தங் வந்த³ந்தி;

ஸுதங் நேதங் அபி⁴ண்ஹஸோ, தஸ்மா ஏவங் வதே³மஸே.

‘‘‘ஜினங் வந்த³த² கோ³தமங், ஜினங் வந்தா³ம கோ³தமங்;

விஜ்ஜாசரணஸம்பன்னங், பு³த்³த⁴ங் வந்தா³ம கோ³தமங்’.

280. ‘‘யத்த² சொக்³க³ச்ச²தி ஸூரியோ, ஆதி³ச்சோ மண்ட³லீ மஹா.

யஸ்ஸ சொக்³க³ச்ச²மானஸ்ஸ, தி³வஸோபி நிருஜ்ஜ²தி;

யஸ்ஸ சொக்³க³தே ஸூரியே, ‘ஸங்வரீ’தி பவுச்சதி.

‘‘ரஹதோ³பி தத்த² க³ம்பீ⁴ரோ, ஸமுத்³தோ³ ஸரிதோத³கோ;

ஏவங் தங் தத்த² ஜானந்தி, ‘ஸமுத்³தோ³ ஸரிதோத³கோ’.

‘‘இதோ ‘ஸா பச்சி²மா தி³ஸா’, இதி நங் ஆசிக்க²தீ ஜனோ;

யங் தி³ஸங் அபி⁴பாலேதி, மஹாராஜா யஸஸ்ஸி ஸோ.

‘‘நாகா³னஞ்ச அதி⁴பதி, ‘விரூபக்கோ²’தி நாமஸோ;

ரமதீ நச்சகீ³தேஹி, நாகே³ஹேவ புரக்க²தோ.

‘‘புத்தாபி தஸ்ஸ ப³ஹவோ, ஏகனாமாதி மே ஸுதங்;

அஸீதி த³ஸ ஏகோ ச, இந்த³னாமா மஹப்³ப³லா.

தே சாபி பு³த்³த⁴ங் தி³ஸ்வான, பு³த்³த⁴ங் ஆதி³ச்சப³ந்து⁴னங்;

தூ³ரதோவ நமஸ்ஸந்தி, மஹந்தங் வீதஸாரத³ங்.

‘‘நமோ தே புரிஸாஜஞ்ஞ, நமோ தே புரிஸுத்தம;

குஸலேன ஸமெக்க²ஸி, அமனுஸ்ஸாபி தங் வந்த³ந்தி;

ஸுதங் நேதங் அபி⁴ண்ஹஸோ, தஸ்மா ஏவங் வதே³மஸே.

‘‘‘ஜினங் வந்த³த² கோ³தமங், ஜினங் வந்தா³ம கோ³தமங்;

விஜ்ஜாசரணஸம்பன்னங், பு³த்³த⁴ங் வந்தா³ம கோ³தமங்’.

281. ‘‘யேன உத்தரகுருவ்ஹோ [உத்தரகுரூ ரம்மா (ஸீ॰ ஸ்யா॰ பீ॰)], மஹானேரு ஸுத³ஸ்ஸனோ.

மனுஸ்ஸா தத்த² ஜாயந்தி, அமமா அபரிக்³க³ஹா.

‘‘ந தே பீ³ஜங் பவபந்தி, நபி நீயந்தி நங்க³லா;

அகட்ட²பாகிமங் ஸாலிங், பரிபு⁴ஞ்ஜந்தி மானுஸா.

‘‘அகணங் அது²ஸங் ஸுத்³த⁴ங், ஸுக³ந்த⁴ங் தண்டு³லப்ப²லங்;

துண்டி³கீரே பசித்வான, ததோ பு⁴ஞ்ஜந்தி போ⁴ஜனங்.

‘‘கா³விங் ஏககு²ரங் கத்வா, அனுயந்தி தி³ஸோதி³ஸங்;

பஸுங் ஏககு²ரங் கத்வா, அனுயந்தி தி³ஸோதி³ஸங்.

‘‘இத்தி²ங் வா வாஹனங் [இத்தீ²-வாஹனங் (ஸீ॰ பீ॰), இத்தீ²ங் வாஹனங் (ஸ்யா॰)] கத்வா, அனுயந்தி தி³ஸோதி³ஸங்;

புரிஸங் வாஹனங் கத்வா, அனுயந்தி தி³ஸோதி³ஸங்.

‘‘குமாரிங் வாஹனங் கத்வா, அனுயந்தி தி³ஸோதி³ஸங்;

குமாரங் வாஹனங் கத்வா, அனுயந்தி தி³ஸோதி³ஸங்.

‘‘தே யானே அபி⁴ருஹித்வா,

ஸப்³பா³ தி³ஸா அனுபரியாயந்தி [அனுபரியந்தி (ஸ்யா॰)];

பசாரா தஸ்ஸ ராஜினோ.

‘‘ஹத்தி²யானங் அஸ்ஸயானங், தி³ப்³ப³ங் யானங் உபட்டி²தங்;

பாஸாதா³ ஸிவிகா சேவ, மஹாராஜஸ்ஸ யஸஸ்ஸினோ.

‘‘தஸ்ஸ ச நக³ரா அஹு,

அந்தலிக்கே² ஸுமாபிதா;

ஆடானாடா குஸினாடா பரகுஸினாடா,

நாடஸுரியா [நாடபுரியா (ஸீ॰ பீ॰), நாடபரியா (ஸ்யா॰)] பரகுஸிடனாடா.

‘‘உத்தரேன கஸிவந்தோ [கபிவந்தோ (ஸீ॰ ஸ்யா॰ பீ)],

ஜனோக⁴மபரேன ச;

நவனவுதியோ அம்ப³ரஅம்ப³ரவதியோ,

ஆளகமந்தா³ நாம ராஜதா⁴னீ.

‘‘குவேரஸ்ஸ கோ² பன, மாரிஸ, மஹாராஜஸ்ஸ விஸாணா நாம ராஜதா⁴னீ;

தஸ்மா குவேரோ மஹாராஜா, ‘வெஸ்ஸவணோ’தி பவுச்சதி.

‘‘பச்சேஸந்தோ பகாஸெந்தி, ததோலா தத்தலா ததோதலா;

ஓஜஸி தேஜஸி ததோஜஸீ, ஸூரோ ராஜா அரிட்டோ² நேமி.

‘‘ரஹதோ³பி தத்த² த⁴ரணீ நாம, யதோ மேகா⁴ பவஸ்ஸந்தி;

வஸ்ஸா யதோ பதாயந்தி, ஸபா⁴பி தத்த² ஸாலவதீ [ப⁴க³லவதீ (ஸீ॰ ஸ்யா॰ பீ॰)] நாம.

‘‘யத்த² யக்கா² பயிருபாஸந்தி, தத்த² நிச்சப²லா ருக்கா²;

நானா தி³ஜக³ணா யுதா, மயூரகோஞ்சாபி⁴ருதா³;

கோகிலாதீ³ஹி வக்³கு³ஹி.

‘‘ஜீவஞ்ஜீவகஸத்³தெ³த்த², அதோ² ஒட்ட²வசித்தகா;

குக்குடகா [குகுத்த²கா (ஸீ॰ பீ॰)] குளீரகா, வனே பொக்க²ரஸாதகா.

‘‘ஸுகஸாளிகஸத்³தெ³த்த², த³ண்ட³மாணவகானி ச;

ஸோப⁴தி ஸப்³ப³காலங் ஸா, குவேரனளினீ ஸதா³.

‘‘இதோ ‘ஸா உத்தரா தி³ஸா’, இதி நங் ஆசிக்க²தீ ஜனோ;

யங் தி³ஸங் அபி⁴பாலேதி, மஹாராஜா யஸஸ்ஸி ஸோ.

‘‘யக்கா²னஞ்ச அதி⁴பதி, ‘குவேரோ’ இதி நாமஸோ;

ரமதீ நச்சகீ³தேஹி, யக்கே²ஹேவ புரக்க²தோ.

‘‘புத்தாபி தஸ்ஸ ப³ஹவோ, ஏகனாமாதி மே ஸுதங்;

அஸீதி த³ஸ ஏகோ ச, இந்த³னாமா மஹப்³ப³லா.

‘‘தே சாபி பு³த்³த⁴ங் தி³ஸ்வான, பு³த்³த⁴ங் ஆதி³ச்சப³ந்து⁴னங்;

தூ³ரதோவ நமஸ்ஸந்தி, மஹந்தங் வீதஸாரத³ங்.

‘‘நமோ தே புரிஸாஜஞ்ஞ, நமோ தே புரிஸுத்தம;

குஸலேன ஸமெக்க²ஸி, அமனுஸ்ஸாபி தங் வந்த³ந்தி;

ஸுதங் நேதங் அபி⁴ண்ஹஸோ, தஸ்மா ஏவங் வதே³மஸே.

‘‘‘ஜினங் வந்த³த² கோ³தமங், ஜினங் வந்தா³ம கோ³தமங்;

விஜ்ஜாசரணஸம்பன்னங், பு³த்³த⁴ங் வந்தா³ம கோ³தம’’’ந்தி.

‘‘அயங் கோ² ஸா, மாரிஸ, ஆடானாடியா ரக்கா² பி⁴க்கூ²னங் பி⁴க்கு²னீனங் உபாஸகானங் உபாஸிகானங் கு³த்தியா ரக்கா²ய அவிஹிங்ஸாய பா²ஸுவிஹாராய.

282. ‘‘யஸ்ஸ
கஸ்ஸசி, மாரிஸ, பி⁴க்கு²ஸ்ஸ வா பி⁴க்கு²னியா வா உபாஸகஸ்ஸ வா உபாஸிகாய வா
அயங் ஆடானாடியா ரக்கா² ஸுக்³க³ஹிதா ப⁴விஸ்ஸதி ஸமத்தா பரியாபுதா [பரியாபுடா (க॰)].
தங் சே அமனுஸ்ஸோ யக்கோ² வா யக்கி²னீ வா யக்க²போதகோ வா யக்க²போதிகா வா
யக்க²மஹாமத்தோ வா யக்க²பாரிஸஜ்ஜோ வா யக்க²பசாரோ வா, க³ந்த⁴ப்³போ³ வா
க³ந்த⁴ப்³பீ³ வா க³ந்த⁴ப்³ப³போதகோ வா க³ந்த⁴ப்³ப³போதிகா வா
க³ந்த⁴ப்³ப³மஹாமத்தோ வா க³ந்த⁴ப்³ப³பாரிஸஜ்ஜோ வா க³ந்த⁴ப்³ப³பசாரோ வா,
கும்ப⁴ண்டோ³ வா கும்ப⁴ண்டீ³ வா கும்ப⁴ண்ட³போதகோ வா கும்ப⁴ண்ட³போதிகா வா
கும்ப⁴ண்ட³மஹாமத்தோ வா கும்ப⁴ண்ட³பாரிஸஜ்ஜோ வா கும்ப⁴ண்ட³பசாரோ வா, நாகோ³
வா நாகீ³ வா நாக³போதகோ வா நாக³போதிகா வா
நாக³மஹாமத்தோ வா நாக³பாரிஸஜ்ஜோ வா நாக³பசாரோ வா, பது³ட்ட²சித்தோ பி⁴க்கு²ங்
வா பி⁴க்கு²னிங் வா உபாஸகங் வா உபாஸிகங் வா க³ச்ச²ந்தங் வா அனுக³ச்செ²ய்ய,
டி²தங் வா உபதிட்டெ²ய்ய, நிஸின்னங் வா உபனிஸீதெ³ய்ய, நிபன்னங் வா
உபனிபஜ்ஜெய்ய. ந மே ஸோ, மாரிஸ, அமனுஸ்ஸோ லபெ⁴ய்ய கா³மேஸு வா நிக³மேஸு வா
ஸக்காரங் வா க³ருகாரங் வா. ந மே ஸோ, மாரிஸ, அமனுஸ்ஸோ லபெ⁴ய்ய ஆளகமந்தா³ய
நாம ராஜதா⁴னியா வத்து²ங் வா வாஸங் வா. ந மே ஸோ, மாரிஸ, அமனுஸ்ஸோ லபெ⁴ய்ய
யக்கா²னங் ஸமிதிங் க³ந்துங். அபிஸ்ஸு நங், மாரிஸ, அமனுஸ்ஸா அனாவய்ஹம்பி நங்
கரெய்யுங் அவிவய்ஹங். அபிஸ்ஸு நங், மாரிஸ, அமனுஸ்ஸா அத்தாஹிபி பரிபுண்ணாஹி
பரிபா⁴ஸாஹி பரிபா⁴ஸெய்யுங். அபிஸ்ஸு நங், மாரிஸ, அமனுஸ்ஸா ரித்தங்பிஸ்ஸ
பத்தங் ஸீஸே நிக்குஜ்ஜெய்யுங். அபிஸ்ஸு நங், மாரிஸ, அமனுஸ்ஸா ஸத்ததா⁴பிஸ்ஸ
முத்³த⁴ங் பா²லெய்யுங்.

‘‘ஸந்தி ஹி, மாரிஸ, அமனுஸ்ஸா சண்டா³ ருத்³தா⁴ [ருத்³தா³ (ஸீ॰ பீ॰)]
ரப⁴ஸா, தே நேவ மஹாராஜானங் ஆதி³யந்தி, ந மஹாராஜானங் புரிஸகானங் ஆதி³யந்தி, ந
மஹாராஜானங் புரிஸகானங் புரிஸகானங் ஆதி³யந்தி. தே கோ² தே, மாரிஸ, அமனுஸ்ஸா
மஹாராஜானங் அவருத்³தா⁴ நாம வுச்சந்தி. ஸெய்யதா²பி,
மாரிஸ, ரஞ்ஞோ மாக³த⁴ஸ்ஸ விஜிதே மஹாசோரா. தே நேவ ரஞ்ஞோ மாக³த⁴ஸ்ஸ ஆதி³யந்தி,
ந ரஞ்ஞோ மாக³த⁴ஸ்ஸ புரிஸகானங் ஆதி³யந்தி, ந ரஞ்ஞோ மாக³த⁴ஸ்ஸ புரிஸகானங்
புரிஸகானங் ஆதி³யந்தி. தே கோ² தே, மாரிஸ, மஹாசோரா ரஞ்ஞோ மாக³த⁴ஸ்ஸ
அவருத்³தா⁴ நாம வுச்சந்தி. ஏவமேவ கோ², மாரிஸ, ஸந்தி அமனுஸ்ஸா சண்டா³
ருத்³தா⁴ ரப⁴ஸா, தே நேவ மஹாராஜானங் ஆதி³யந்தி, ந மஹாராஜானங் புரிஸகானங் ஆதி³யந்தி, ந மஹாராஜானங் புரிஸகானங் புரிஸகானங் ஆதி³யந்தி. தே
கோ² தே, மாரிஸ, அமனுஸ்ஸா மஹாராஜானங் அவருத்³தா⁴ நாம வுச்சந்தி. யோ ஹி
கோசி, மாரிஸ, அமனுஸ்ஸோ யக்கோ² வா யக்கி²னீ வா…பே॰… க³ந்த⁴ப்³போ³ வா
க³ந்த⁴ப்³பீ³ வா … கும்ப⁴ண்டோ³ வா கும்ப⁴ண்டீ³ வா…
நாகோ³ வா நாகீ³ வா நாக³போதகோ வா நாக³போதிகா வா நாக³மஹாமத்தோ வா
நாக³பாரிஸஜ்ஜோ வா நாக³பசாரோ வா பது³ட்ட²சித்தோ பி⁴க்கு²ங் வா பி⁴க்கு²னிங்
வா உபாஸகங் வா உபாஸிகங் வா க³ச்ச²ந்தங் வா அனுக³ச்செ²ய்ய, டி²தங் வா
உபதிட்டெ²ய்ய, நிஸின்னங் வா உபனிஸீதெ³ய்ய, நிபன்னங் வா உபனிபஜ்ஜெய்ய.
இமேஸங் யக்கா²னங் மஹாயக்கா²னங் ஸேனாபதீனங் மஹாஸேனாபதீனங் உஜ்ஜா²பேதப்³ப³ங்
விக்கந்தி³தப்³ப³ங் விரவிதப்³ப³ங் – ‘அயங் யக்கோ² க³ண்ஹாதி, அயங் யக்கோ²
ஆவிஸதி, அயங் யக்கோ² ஹேடே²தி, அயங் யக்கோ² விஹேடே²தி, அயங் யக்கோ² ஹிங்ஸதி,
அயங் யக்கோ² விஹிங்ஸதி, அயங் யக்கோ² ந முஞ்சதீ’தி.

283. ‘‘கதமேஸங் யக்கா²னங் மஹாயக்கா²னங் ஸேனாபதீனங் மஹாஸேனாபதீனங்?

‘‘இந்தோ³ ஸோமோ வருணோ ச, பா⁴ரத்³வாஜோ பஜாபதி;

சந்த³னோ காமஸெட்டோ² ச, கின்னுக⁴ண்டு³ நிக⁴ண்டு³ ச.

‘‘பனாதோ³ ஓபமஞ்ஞோ ச, தே³வஸூதோ ச மாதலி;

சித்தஸேனோ ச க³ந்த⁴ப்³போ³, நளோ ராஜா ஜனேஸபோ⁴ [ஜனோஸபோ⁴ (ஸ்யா॰)].

‘‘ஸாதாகி³ரோ ஹேமவதோ, புண்ணகோ கரதியோ கு³ளோ;

ஸிவகோ முசலிந்தோ³ ச, வெஸ்ஸாமித்தோ யுக³ந்த⁴ரோ.

‘‘கோ³பாலோ ஸுப்பரோதோ⁴ ச [ஸுப்பகே³தோ⁴ ச (ஸீ॰ ஸ்யா॰ பீ॰)], ஹிரி நெத்தி [ஹிரீ நெத்தீ (ஸீ॰ பீ॰)] ச மந்தி³யோ;

பஞ்சாலசண்டோ³ ஆளவகோ, பஜ்ஜுன்னோ ஸுமனோ ஸுமுகோ²;

த³தி⁴முகோ² மணி மாணிவரோ [மணி மானிசரோ (ஸ்யா॰ பீ॰)] தீ³கோ⁴, அதோ² ஸேரீஸகோ ஸஹ.

‘‘இமேஸங் யக்கா²னங் மஹாயக்கா²னங் ஸேனாபதீனங்
மஹாஸேனாபதீனங் உஜ்ஜா²பேதப்³ப³ங் விக்கந்தி³தப்³ப³ங் விரவிதப்³ப³ங் – ‘அயங்
யக்கோ² க³ண்ஹாதி, அயங் யக்கோ² ஆவிஸதி, அயங் யக்கோ² ஹேடே²தி, அயங் யக்கோ²
விஹேடே²தி, அயங் யக்கோ² ஹிங்ஸதி, அயங் யக்கோ² விஹிங்ஸதி, அயங் யக்கோ² ந
முஞ்சதீ’தி.

‘‘அயங் கோ² ஸா, மாரிஸ,
ஆடானாடியா ரக்கா² பி⁴க்கூ²னங் பி⁴க்கு²னீனங் உபாஸகானங் உபாஸிகானங்
கு³த்தியா ரக்கா²ய அவிஹிங்ஸாய பா²ஸுவிஹாராய. ஹந்த³ ச தா³னி மயங், மாரிஸ,
க³ச்சா²ம ப³ஹுகிச்சா மயங் ப³ஹுகரணீயா’’தி. ‘‘யஸ்ஸதா³னி தும்ஹே மஹாராஜானோ காலங் மஞ்ஞதா²’’தி.

284.
அத² கோ² சத்தாரோ மஹாராஜா உட்டா²யாஸனா ப⁴க³வந்தங் அபி⁴வாதெ³த்வா
பத³க்கி²ணங் கத்வா தத்தே²வந்தரதா⁴யிங்ஸு. தேபி கோ² யக்கா² உட்டா²யாஸனா
அப்பேகச்சே ப⁴க³வந்தங் அபி⁴வாதெ³த்வா பத³க்கி²ணங் கத்வா
தத்தே²வந்தரதா⁴யிங்ஸு. அப்பேகச்சே ப⁴க³வதா ஸத்³தி⁴ங் ஸம்மோதி³ங்ஸு,
ஸம்மோத³னீயங் கத²ங் ஸாரணீயங் வீதிஸாரெத்வா தத்தே²வந்தரதா⁴யிங்ஸு . அப்பேகச்சே
யேன ப⁴க³வா தேனஞ்ஜலிங் பணாமெத்வா தத்தே²வந்தரதா⁴யிங்ஸு. அப்பேகச்சே
நாமகொ³த்தங் ஸாவெத்வா தத்தே²வந்தரதா⁴யிங்ஸு. அப்பேகச்சே துண்ஹீபூ⁴தா
தத்தே²வந்தரதா⁴யிங்ஸூதி.

பட²மபா⁴ணவாரோ நிட்டி²தோ.

து³தியபா⁴ணவாரோ

285.
அத² கோ² ப⁴க³வா தஸ்ஸா ரத்தியா அச்சயேன பி⁴க்கூ² ஆமந்தேஸி – ‘‘இமங்,
பி⁴க்க²வே, ரத்திங் சத்தாரோ மஹாராஜா மஹதியா ச யக்க²ஸேனாய மஹதியா ச
க³ந்த⁴ப்³ப³ஸேனாய மஹதியா ச கும்ப⁴ண்ட³ஸேனாய மஹதியா ச நாக³ஸேனாய
சதுத்³தி³ஸங் ரக்க²ங் ட²பெத்வா சதுத்³தி³ஸங் கு³ம்ப³ங் ட²பெத்வா
சதுத்³தி³ஸங் ஓவரணங் ட²பெத்வா அபி⁴க்கந்தாய ரத்தியா அபி⁴க்கந்தவண்ணா
கேவலகப்பங் கி³ஜ்ஜ²கூடங் பப்³ப³தங் ஓபா⁴ஸெத்வா யேனாஹங் தேனுபஸங்கமிங்ஸு;
உபஸங்கமித்வா மங் அபி⁴வாதெ³த்வா ஏகமந்தங் நிஸீதி³ங்ஸு. தேபி கோ²,
பி⁴க்க²வே, யக்கா² அப்பேகச்சே மங் அபி⁴வாதெ³த்வா ஏகமந்தங் நிஸீதி³ங்ஸு.
அப்பேகச்சே மயா ஸத்³தி⁴ங் ஸம்மோதி³ங்ஸு, ஸம்மோத³னீயங் கத²ங் ஸாரணீயங்
வீதிஸாரெத்வா ஏகமந்தங் நிஸீதி³ங்ஸு. அப்பேகச்சே யேனாஹங் தேனஞ்ஜலிங்
பணாமெத்வா ஏகமந்தங் நிஸீதி³ங்ஸு. அப்பேகச்சே நாமகொ³த்தங் ஸாவெத்வா ஏகமந்தங்
நிஸீதி³ங்ஸு. அப்பேகச்சே துண்ஹீபூ⁴தா ஏகமந்தங் நிஸீதி³ங்ஸு.

286.
‘‘ஏகமந்தங் நிஸின்னோ கோ², பி⁴க்க²வே, வெஸ்ஸவணோ மஹாராஜா மங் ஏதத³வோச –
‘ஸந்தி ஹி, ப⁴ந்தே, உளாரா யக்கா² ப⁴க³வதோ அப்பஸன்னா…பே॰… ஸந்தி ஹி , ப⁴ந்தே நீசா
யக்கா² ப⁴க³வதோ பஸன்னா. யேபு⁴ய்யேன கோ² பன, ப⁴ந்தே, யக்கா² அப்பஸன்னாயேவ
ப⁴க³வதோ. தங் கிஸ்ஸ ஹேது? ப⁴க³வா ஹி, ப⁴ந்தே, பாணாதிபாதா வேரமணியா த⁴ம்மங்
தே³ஸேதி… ஸுராமேரயமஜ்ஜப்பமாத³ட்டா²னா வேரமணியா
த⁴ம்மங் தே³ஸேதி. யேபு⁴ய்யேன கோ² பன, ப⁴ந்தே, யக்கா² அப்படிவிரதாயேவ
பாணாதிபாதா… அப்படிவிரதா ஸுராமேரயமஜ்ஜப்பமாத³ட்டா²னா. தேஸங் தங் ஹோதி
அப்பியங் அமனாபங். ஸந்தி ஹி, ப⁴ந்தே, ப⁴க³வதோ ஸாவகா அரஞ்ஞவனபத்தா²னி
பந்தானி ஸேனாஸனானி படிஸேவந்தி அப்பஸத்³தா³னி அப்பனிக்³கோ⁴ஸானி விஜனவாதானி
மனுஸ்ஸராஹஸ்ஸெய்யகானி படிஸல்லானஸாருப்பானி. தத்த² ஸந்தி உளாரா யக்கா²
நிவாஸினோ, யே இமஸ்மிங் ப⁴க³வதோ பாவசனே அப்பஸன்னா, தேஸங் பஸாதா³ய
உக்³க³ண்ஹாது, ப⁴ந்தே, ப⁴க³வா ஆடானாடியங் ரக்க²ங் பி⁴க்கூ²னங்
பி⁴க்கு²னீனங் உபாஸகானங் உபாஸிகானங் கு³த்தியா ரக்கா²ய அவிஹிங்ஸாய
பா²ஸுவிஹாராயா’தி. அதி⁴வாஸேஸிங் கோ² அஹங், பி⁴க்க²வே, துண்ஹீபா⁴வேன. அத²
கோ², பி⁴க்க²வே, வெஸ்ஸவணோ மஹாராஜா மே அதி⁴வாஸனங் விதி³த்வா தாயங் வேலாயங்
இமங் ஆடானாடியங் ரக்க²ங் அபா⁴ஸி –

287. ‘விபஸ்ஸிஸ்ஸ ச நமத்து², சக்கு²மந்தஸ்ஸ ஸிரீமதோ.

ஸிகி²ஸ்ஸபி ச நமத்து², ஸப்³ப³பூ⁴தானுகம்பினோ.

‘வெஸ்ஸபு⁴ஸ்ஸ ச நமத்து², ந்ஹாதகஸ்ஸ தபஸ்ஸினோ;

நமத்து² ககுஸந்த⁴ஸ்ஸ, மாரஸேனாபமத்³தி³னோ.

‘கோணாக³மனஸ்ஸ நமத்து², ப்³ராஹ்மணஸ்ஸ வுஸீமதோ;

கஸ்ஸபஸ்ஸ ச நமத்து², விப்பமுத்தஸ்ஸ ஸப்³ப³தி⁴.

‘அங்கீ³ரஸஸ்ஸ நமத்து², ஸக்யபுத்தஸ்ஸ ஸிரீமதோ;

யோ இமங் த⁴ம்மங் தே³ஸேஸி, ஸப்³ப³து³க்கா²பனூத³னங்.

‘யே சாபி நிப்³பு³தா லோகே, யதா²பூ⁴தங் விபஸ்ஸிஸுங்;

தே ஜனா அபிஸுணாத², மஹந்தா வீதஸாரதா³.

‘ஹிதங் தே³வமனுஸ்ஸானங், யங் நமஸ்ஸந்தி கோ³தமங்;

விஜ்ஜாசரணஸம்பன்னங், மஹந்தங் வீதஸாரத³ங்.

288. ‘யதோ உக்³க³ச்ச²தி ஸூரியோ, ஆதி³ச்சோ மண்ட³லீ மஹா.

யஸ்ஸ சுக்³க³ச்ச²மானஸ்ஸ, ஸங்வரீபி நிருஜ்ஜ²தி;

யஸ்ஸ சுக்³க³தே ஸூரியே, ‘‘தி³வஸோ’’தி பவுச்சதி.

‘ரஹதோ³பி தத்த² க³ம்பீ⁴ரோ, ஸமுத்³தோ³ ஸரிதோத³கோ;

ஏவங் தங் தத்த² ஜானந்தி, ‘‘ஸமுத்³தோ³ ஸரிதோத³கோ’’.

‘இதோ ‘‘ஸா புரிமா தி³ஸா’’, இதி நங் ஆசிக்க²தீ ஜனோ;

யங் தி³ஸங் அபி⁴பாலேதி, மஹாராஜா யஸஸ்ஸி ஸோ.

‘க³ந்த⁴ப்³பா³னங் அதி⁴பதி, ‘‘த⁴தரட்டோ²’’தி நாமஸோ;

ரமதீ நச்சகீ³தேஹி, க³ந்த⁴ப்³பே³ஹி புரக்க²தோ.

‘புத்தாபி தஸ்ஸ ப³ஹவோ, ஏகனாமாதி மே ஸுதங்;

அஸீதி த³ஸ ஏகோ ச, இந்த³னாமா மஹப்³ப³லா.

‘தே சாபி பு³த்³த⁴ங் தி³ஸ்வான, பு³த்³த⁴ங் ஆதி³ச்சப³ந்து⁴னங்;

தூ³ரதோவ நமஸ்ஸந்தி, மஹந்தங் வீதஸாரத³ங்.

‘நமோ தே புரிஸாஜஞ்ஞ, நமோ தே புரிஸுத்தம;

குஸலேன ஸமெக்க²ஸி, அமனுஸ்ஸாபி தங் வந்த³ந்தி;

ஸுதங் நேதங் அபி⁴ண்ஹஸோ, தஸ்ஸா ஏவங் வதே³மஸே.

‘‘ஜினங் வந்த³த² கோ³தமங், ஜினங் வந்தா³ம கோ³தமங்;

விஜ்ஜாசரணஸம்பன்னங், பு³த்³த⁴ங் வந்தா³ம கோ³தமங்’’.

289. ‘யேன பேதா பவுச்சந்தி, பிஸுணா பிட்டி²மங்ஸிகா.

பாணாதிபாதினோ லுத்³தா³, சோரா நேகதிகா ஜனா.

‘இதோ ‘‘ஸா த³க்கி²ணா தி³ஸா’’, இதி நங் ஆசிக்க²தீ ஜனோ;

யங் தி³ஸங் அபி⁴பாலேதி, மஹாராஜா யஸஸ்ஸி ஸோ.

‘கும்ப⁴ண்டா³னங் அதி⁴பதி, ‘‘விரூள்ஹோ’’ இதி நாமஸோ;

ரமதீ நச்சகீ³தேஹி, கும்ப⁴ண்டே³ஹி புரக்க²தோ.

‘புத்தாபி தஸ்ஸ ப³ஹவோ, ஏகனாமாதி மே ஸுதங்;

அஸீதி த³ஸ ஏகோ ச, இந்த³னாமா மஹப்³ப³லா.

‘தே சாபி பு³த்³த⁴ங் தி³ஸ்வான, பு³த்³த⁴ங் ஆதி³ச்சப³ந்து⁴னங்;

தூ³ரதோவ நமஸ்ஸந்தி, மஹந்தங் வீதஸாரத³ங்.

‘நமோ தே புரிஸாஜஞ்ஞ, நமோ தே புரிஸுத்தம;

குஸலேன ஸமெக்க²ஸி, அமனுஸ்ஸாபி தங் வந்த³ந்தி;

ஸுதங் நேதங் அபி⁴ண்ஹஸோ, தஸ்மா ஏவங் வதே³மஸே.

‘‘ஜினங் வந்த³த² கோ³தமங், ஜினங் வந்தா³ம கோ³தமங்;

விஜ்ஜாசரணஸம்பன்னங், பு³த்³த⁴ங் வந்தா³ம கோ³தமங்’’.

290. ‘யத்த² சொக்³க³ச்ச²தி ஸூரியோ, ஆதி³ச்சோ மண்ட³லீ மஹா.

யஸ்ஸ சொக்³க³ச்ச²மானஸ்ஸ, தி³வஸோபி நிருஜ்ஜ²தி;

யஸ்ஸ சொக்³க³தே ஸூரியே, ‘‘ஸங்வரீ’’தி பவுச்சதி.

‘ரஹதோ³பி தத்த² க³ம்பீ⁴ரோ, ஸமுத்³தோ³ ஸரிதோத³கோ;

ஏவங் தங் தத்த² ஜானந்தி, ஸமுத்³தோ³ ஸரிதோத³கோ.

‘இதோ ‘‘ஸா பச்சி²மா தி³ஸா’’, இதி நங் ஆசிக்க²தீ ஜனோ;

யங் தி³ஸங் அபி⁴பாலேதி, மஹாராஜா யஸஸ்ஸி ஸோ.

‘நாகா³னஞ்ச அதி⁴பதி, ‘‘விரூபக்கோ²’’தி நாமஸோ;

ரமதீ நச்சகீ³தேஹி, நாகே³ஹேவ புரக்க²தோ.

‘புத்தாபி தஸ்ஸ ப³ஹவோ, ஏகனாமாதி மே ஸுதங்;

அஸீதி த³ஸ ஏகோ ச, இந்த³னாமா மஹப்³ப³லா.

‘தே சாபி பு³த்³த⁴ங் தி³ஸ்வான, பு³த்³த⁴ங் ஆதி³ச்சப³ந்து⁴னங்;

தூ³ரதோவ நமஸ்ஸந்தி, மஹந்தங் வீதஸாரத³ங்.

‘நமோ தே புரிஸாஜஞ்ஞ, நமோ தே புரிஸுத்தம;

குஸலேன ஸமெக்க²ஸி, அமனுஸ்ஸாபி தங் வந்த³ந்தி;

ஸுதங் நேதங் அபி⁴ண்ஹஸோ, தஸ்மா ஏவங் வதே³மஸே.

‘‘ஜினங் வந்த³த² கோ³தமங், ஜினங் வந்தா³ம கோ³தமங்;

விஜ்ஜாசரணஸம்பன்னங், பு³த்³த⁴ங் வந்தா³ம கோ³தமங்’’.

291. ‘யேன உத்தரகுருவ்ஹோ, மஹானேரு ஸுத³ஸ்ஸனோ.

மனுஸ்ஸா தத்த² ஜாயந்தி, அமமா அபரிக்³க³ஹா.

‘ந தே பீ³ஜங் பவபந்தி, நாபி நீயந்தி நங்க³லா;

அகட்ட²பாகிமங் ஸாலிங், பரிபு⁴ஞ்ஜந்தி மானுஸா.

‘அகணங் அது²ஸங் ஸுத்³த⁴ங், ஸுக³ந்த⁴ங் தண்டு³லப்ப²லங்;

துண்டி³கீரே பசித்வான, ததோ பு⁴ஞ்ஜந்தி போ⁴ஜனங்.

‘கா³விங் ஏககு²ரங் கத்வா, அனுயந்தி தி³ஸோதி³ஸங்;

பஸுங் ஏககு²ரங் கத்வா, அனுயந்தி தி³ஸோதி³ஸங்.

‘இத்தி²ங் வா வாஹனங் கத்வா, அனுயந்தி தி³ஸோதி³ஸங்;

புரிஸங் வாஹனங் கத்வா, அனுயந்தி தி³ஸோதி³ஸங்.

‘குமாரிங் வாஹனங் கத்வா, அனுயந்தி தி³ஸோதி³ஸங்;

குமாரங் வாஹனங் கத்வா, அனுயந்தி தி³ஸோதி³ஸங்.

‘தே யானே அபி⁴ருஹித்வா,

ஸப்³பா³ தி³ஸா அனுபரியாயந்தி;

பசாரா தஸ்ஸ ராஜினோ.

‘ஹத்தி²யானங் அஸ்ஸயானங்,

தி³ப்³ப³ங் யானங் உபட்டி²தங்;

பாஸாதா³ ஸிவிகா சேவ,

மஹாராஜஸ்ஸ யஸஸ்ஸினோ.

‘தஸ்ஸ ச நக³ரா அஹு,

அந்தலிக்கே² ஸுமாபிதா;

ஆடானாடா குஸினாடா பரகுஸினாடா,

நாடஸுரியா பரகுஸிடனாடா.

‘உத்தரேன கஸிவந்தோ,

ஜனோக⁴மபரேன ச;

நவனவுதியோ அம்ப³ரஅம்ப³ரவதியோ,

ஆளகமந்தா³ நாம ராஜதா⁴னீ.

‘குவேரஸ்ஸ கோ² பன, மாரிஸ, மஹாராஜஸ்ஸ விஸாணா நாம ராஜதா⁴னீ;

தஸ்மா குவேரோ மஹாராஜா, ‘‘வெஸ்ஸவணோ’’தி பவுச்சதி.

‘பச்சேஸந்தோ பகாஸெந்தி, ததோலா தத்தலா ததோதலா;

ஓஜஸி தேஜஸி ததோஜஸீ, ஸூரோ ராஜா அரிட்டோ² நேமி.

‘ரஹதோ³பி தத்த² த⁴ரணீ நாம, யதோ மேகா⁴ பவஸ்ஸந்தி;

வஸ்ஸா யதோ பதாயந்தி, ஸபா⁴பி தத்த² ஸாலவதீ நாம.

‘யத்த² யக்கா² பயிருபாஸந்தி, தத்த² நிச்சப²லா ருக்கா²;

நானா தி³ஜக³ணா யுதா, மயூரகோஞ்சாபி⁴ருதா³;

கோகிலாதீ³ஹி வக்³கு³ஹி.

‘ஜீவஞ்ஜீவகஸத்³தெ³த்த², அதோ² ஒட்ட²வசித்தகா;

குக்குடகா குளீரகா, வனே பொக்க²ரஸாதகா.

‘ஸுகஸாளிக ஸத்³தெ³த்த², த³ண்ட³மாணவகானி ச;

ஸோப⁴தி ஸப்³ப³காலங் ஸா, குவேரனளினீ ஸதா³.

‘இதோ ‘‘ஸா உத்தரா தி³ஸா’’, இதி நங் ஆசிக்க²தீ ஜனோ;

யங் தி³ஸங் அபி⁴பாலேதி, மஹாராஜா யஸஸ்ஸி ஸோ.

‘யக்கா²னஞ்ச அதி⁴பதி, ‘‘குவேரோ’’ இதி நாமஸோ;

ரமதீ நச்சகீ³தேஹி, யக்கே²ஹேவ புரக்க²தோ.

‘புத்தாபி தஸ்ஸ ப³ஹவோ, ஏகனாமாதி மே ஸுதங்;

அஸீதி த³ஸ ஏகோ ச, இந்த³னாமா மஹப்³ப³லா.

‘தே சாபி பு³த்³த⁴ங் தி³ஸ்வான, பு³த்³த⁴ங் ஆதி³ச்சப³ந்து⁴னங்;

தூ³ரதோவ நமஸ்ஸந்தி, மஹந்தங் வீதஸாரத³ங்.

‘நமோ தே புரிஸாஜஞ்ஞ, நமோ தே புரிஸுத்தம;

குஸலேன ஸமெக்க²ஸி, அமனுஸ்ஸாபி தங் வந்த³ந்தி;

ஸுதங் நேதங் அபி⁴ண்ஹஸோ, தஸ்மா ஏவங் வதே³மஸே.

‘‘ஜினங் வந்த³த² கோ³தமங், ஜினங் வந்தா³ம கோ³தமங்;

விஜ்ஜாசரணஸம்பன்னங், பு³த்³த⁴ங் வந்தா³ம கோ³தம’’ந்தி.

292. ‘அயங் கோ² ஸா, மாரிஸ , ஆடானாடியா ரக்கா² பி⁴க்கூ²னங் பி⁴க்கு²னீனங் உபாஸகானங் உபாஸிகானங் கு³த்தியா ரக்கா²ய அவிஹிங்ஸாய பா²ஸுவிஹாராய. யஸ்ஸ கஸ்ஸசி, மாரிஸ, பி⁴க்கு²ஸ்ஸ வா பி⁴க்கு²னியா வா உபாஸகஸ்ஸ வா உபாஸிகாய
வா அயங் ஆடானாடியா ரக்கா² ஸுக்³க³ஹிதா ப⁴விஸ்ஸதி ஸமத்தா பரியாபுதா தங் சே
அமனுஸ்ஸோ யக்கோ² வா யக்கி²னீ வா…பே॰… க³ந்த⁴ப்³போ³ வா க³ந்த⁴ப்³பீ³ வா…பே॰…
கும்ப⁴ண்டோ³ வா கும்ப⁴ண்டீ³ வா…பே॰… நாகோ³ வா நாகீ³ வா நாக³போதகோ வா
நாக³போதிகா வா நாக³மஹாமத்தோ வா நாக³பாரிஸஜ்ஜோ வா நாக³பசாரோ வா,
பது³ட்ட²சித்தோ பி⁴க்கு²ங் வா பி⁴க்கு²னிங் வா உபாஸகங் வா உபாஸிகங் வா
க³ச்ச²ந்தங் வா அனுக³ச்செ²ய்ய, டி²தங் வா உபதிட்டெ²ய்ய, நிஸின்னங் வா
உபனிஸீதெ³ய்ய, நிபன்னங் வா உபனிபஜ்ஜெய்ய. ந மே ஸோ, மாரிஸ, அமனுஸ்ஸோ லபெ⁴ய்ய
கா³மேஸு வா நிக³மேஸு வா ஸக்காரங் வா க³ருகாரங் வா. ந மே ஸோ, மாரிஸ,
அமனுஸ்ஸோ லபெ⁴ய்ய ஆளகமந்தா³ய நாம ராஜதா⁴னியா வத்து²ங் வா வாஸங் வா. ந மே
ஸோ, மாரிஸ, அமனுஸ்ஸோ லபெ⁴ய்ய யக்கா²னங் ஸமிதிங் க³ந்துங். அபிஸ்ஸு நங்,
மாரிஸ, அமனுஸ்ஸா அனாவய்ஹம்பி நங் கரெய்யுங் அவிவய்ஹங். அபிஸ்ஸு நங், மாரிஸ,
அமனுஸ்ஸா அத்தாஹி பரிபுண்ணாஹி பரிபா⁴ஸாஹி பரிபா⁴ஸெய்யுங். அபிஸ்ஸு நங்,
மாரிஸ, அமனுஸ்ஸா ரித்தங்பிஸ்ஸ பத்தங் ஸீஸே நிக்குஜ்ஜெய்யுங். அபிஸ்ஸு நங்,
மாரிஸ, அமனுஸ்ஸா ஸத்ததா⁴பிஸ்ஸ முத்³த⁴ங் பா²லெய்யுங். ஸந்தி ஹி, மாரிஸ,
அமனுஸ்ஸா சண்டா³ ருத்³தா⁴ ரப⁴ஸா, தே நேவ மஹாராஜானங் ஆதி³யந்தி, ந
மஹாராஜானங் புரிஸகானங் ஆதி³யந்தி, ந மஹாராஜானங் புரிஸகானங் புரிஸகானங்
ஆதி³யந்தி. தே கோ² தே, மாரிஸ, அமனுஸ்ஸா மஹாராஜானங் அவருத்³தா⁴ நாம
வுச்சந்தி. ஸெய்யதா²பி, மாரிஸ, ரஞ்ஞோ மாக³த⁴ஸ்ஸ விஜிதே மஹாசோரா. தே நேவ
ரஞ்ஞோ மாக³த⁴ஸ்ஸ ஆதி³யந்தி, ந ரஞ்ஞோ மாக³த⁴ஸ்ஸ புரிஸகானங் ஆதி³யந்தி, ந
ரஞ்ஞோ மாக³த⁴ஸ்ஸ புரிஸகானங் புரிஸகானங் ஆதி³யந்தி. தே கோ² தே, மாரிஸ,
மஹாசோரா ரஞ்ஞோ மாக³த⁴ஸ்ஸ அவருத்³தா⁴ நாம வுச்சந்தி. ஏவமேவ கோ², மாரிஸ,
ஸந்தி அமனுஸ்ஸா சண்டா³ ருத்³தா⁴ ரப⁴ஸா, தே நேவ மஹாராஜானங் ஆதி³யந்தி, ந
மஹாராஜானங் புரிஸகானங் ஆதி³யந்தி, ந மஹாராஜானங் புரிஸகானங் புரிஸகானங்
ஆதி³யந்தி. தே கோ² தே, மாரிஸ, அமனுஸ்ஸா மஹாராஜானங் அவருத்³தா⁴ நாம
வுச்சந்தி. யோ ஹி கோசி, மாரிஸ, அமனுஸ்ஸோ யக்கோ² வா யக்கி²னீ வா…பே॰…
க³ந்த⁴ப்³போ³ வா க³ந்த⁴ப்³பீ³ வா…பே॰… கும்ப⁴ண்டோ³ வா கும்ப⁴ண்டீ³ வா…பே॰…
நாகோ³ வா நாகீ³ வா…பே॰… பது³ட்ட²சித்தோ பி⁴க்கு²ங் வா பி⁴க்கு²னிங் வா
உபாஸகங் வா உபாஸிகங் வா க³ச்ச²ந்தங் வா உபக³ச்செ²ய்ய, டி²தங் வா
உபதிட்டெ²ய்ய, நிஸின்னங் வா உபனிஸீதெ³ய்ய, நிபன்னங் வா உபனிபஜ்ஜெய்ய.
இமேஸங் யக்கா²னங் மஹாயக்கா²னங் ஸேனாபதீனங் மஹாஸேனாபதீனங் உஜ்ஜா²பேதப்³ப³ங்
விக்கந்தி³தப்³ப³ங் விரவிதப்³ப³ங் – ‘அயங் யக்கோ² க³ண்ஹாதி, அயங் யக்கோ²
ஆவிஸதி, அயங் யக்கோ² ஹேடே²தி, அயங் யக்கோ² விஹேடே²தி, அயங் யக்கோ² ஹிங்ஸதி, அயங் யக்கோ² விஹிங்ஸதி, அயங் யக்கோ² ந முஞ்சதீ’தி.

293. ‘கதமேஸங் யக்கா²னங் மஹாயக்கா²னங் ஸேனாபதீனங் மஹாஸேனாபதீனங்?

‘இந்தோ³ ஸோமோ வருணோ ச, பா⁴ரத்³வாஜோ பஜாபதி;

சந்த³னோ காமஸெட்டோ² ச, கின்னுக⁴ண்டு³ நிக⁴ண்டு³ ச.

‘பனாதோ³ ஓபமஞ்ஞோ ச, தே³வஸூதோ ச மாதலி;

சித்தஸேனோ ச க³ந்த⁴ப்³போ³, நளோ ராஜா ஜனேஸபோ⁴.

‘ஸாதாகி³ரோ ஹேவமதோ, புண்ணகோ கரதியோ கு³ளோ;

ஸிவகோ முசலிந்தோ³ ச, வெஸ்ஸாமித்தோ யுக³ந்த⁴ரோ.

‘கோ³பாலோ ஸுப்பரோதோ⁴ ச, ஹிரி நெத்தி ச மந்தி³யோ;

பஞ்சாலசண்டோ³ ஆளவகோ, பஜ்ஜுன்னோ ஸுமனோ ஸுமுகோ²;

த³தி⁴முகோ² மணி மாணிவரோ தீ³கோ⁴, அதோ² ஸேரீஸகோ ஸஹ.

‘இமேஸங் யக்கா²னங் மஹாயக்கா²னங் ஸேனாபதீனங்
மஹாஸேனாபதீனங் உஜ்ஜா²பேதப்³ப³ங் விக்கந்தி³தப்³ப³ங் விரவிதப்³ப³ங் – ‘‘அயங்
யக்கோ² க³ண்ஹாதி, அயங் யக்கோ² ஆவிஸதி, அயங் யக்கோ² ஹேடே²தி, அயங் யக்கோ²
விஹேடே²தி, அயங் யக்கோ² ஹிங்ஸதி, அயங் யக்கோ² விஹிங்ஸதி, அயங் யக்கோ² ந
முஞ்சதீ’’தி. அயங் கோ², மாரிஸ, ஆடானாடியா ரக்கா² பி⁴க்கூ²னங் பி⁴க்கு²னீனங்
உபாஸகானங் உபாஸிகானங் கு³த்தியா ரக்கா²ய அவிஹிங்ஸாய பா²ஸுவிஹாராய. ஹந்த³ ச
தா³னி மயங், மாரிஸ, க³ச்சா²ம, ப³ஹுகிச்சா மயங் ப³ஹுகரணீயா’’’தி. ‘‘‘யஸ்ஸ
தா³னி தும்ஹே மஹாராஜானோ காலங் மஞ்ஞதா²’’’தி.

294.
‘‘அத² கோ², பி⁴க்க²வே, சத்தாரோ மஹாராஜா உட்டா²யாஸனா மங் அபி⁴வாதெ³த்வா
பத³க்கி²ணங் கத்வா தத்தே²வந்தரதா⁴யிங்ஸு. தேபி கோ², பி⁴க்க²வே, யக்கா²
உட்டா²யாஸனா அப்பேகச்சே மங் அபி⁴வாதெ³த்வா பத³க்கி²ணங் கத்வா
தத்தே²வந்தரதா⁴யிங்ஸு. அப்பேகச்சே மயா ஸத்³தி⁴ங் ஸம்மோதி³ங்ஸு,
ஸம்மோத³னீயங் கத²ங் ஸாரணீயங் வீதிஸாரெத்வா தத்தே²வந்தரதா⁴யிங்ஸு.
அப்பேகச்சே யேனாஹங் தேனஞ்ஜலிங் பணாமெத்வா தத்தே²வந்தரதா⁴யிங்ஸு. அப்பேகச்சே
நாமகொ³த்தங் ஸாவெத்வா தத்தே²வந்தரதா⁴யிங்ஸு. அப்பேகச்சே துண்ஹீபூ⁴தா தத்தே²வந்தரதா⁴யிங்ஸு.

295. ‘‘உக்³க³ண்ஹாத² ,
பி⁴க்க²வே, ஆடானாடியங் ரக்க²ங். பரியாபுணாத², பி⁴க்க²வே, ஆடானாடியங்
ரக்க²ங். தா⁴ரேத², பி⁴க்க²வே, ஆடானாடியங் ரக்க²ங். அத்த²ஸங்ஹிதா [அத்த²ஸங்ஹிதாயங் (ஸ்யா॰)],
பி⁴க்க²வே, ஆடானாடியா ரக்கா² பி⁴க்கூ²னங் பி⁴க்கு²னீனங் உபாஸகானங்
உபாஸிகானங் கு³த்தியா ரக்கா²ய அவிஹிங்ஸாய பா²ஸுவிஹாராயா’’தி. இத³மவோச
ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

ஆடானாடியஸுத்தங் நிட்டி²தங் நவமங்.

comments (0)

ஸுத்தபிடக-Part-31-தமிழில் திரபிடக மூன்று தொகுப்புகள்TIPITAKA–31.8. ஸிங்காலஸுத்தங்-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 8:45 am

ஸுத்தபிடக-Part-31-தமிழில் திரபிடக மூன்று தொகுப்புகள்TIPITAKA--31.8. ஸிங்காலஸுத்தங்-from FREE ONLINE eNālāndā Research and
Practice UNIVERSITY through http://sarvajan.ambedkar.org

8. ஸிங்காலஸுத்தங்

242. ஏவங் மே ஸுதங் – ஏகங் ஸமயங் ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன ஸமயேன ஸிங்கா³லகோ [ஸிகா³லகோ (ஸீ॰)] க³ஹபதிபுத்தோ காலஸ்ஸேவ உட்டா²ய ராஜக³ஹா நிக்க²மித்வா அல்லவத்தோ² அல்லகேஸோ பஞ்ஜலிகோ புது²தி³ஸா [புது²த்³தி³ஸா (ஸீ॰ ஸ்யா॰ பீ॰)] நமஸ்ஸதி – புரத்தி²மங் தி³ஸங் த³க்கி²ணங் தி³ஸங் பச்சி²மங் தி³ஸங் உத்தரங் தி³ஸங் ஹெட்டி²மங் தி³ஸங் உபரிமங் தி³ஸங்.

243.
அத² கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய ராஜக³ஹங்
பிண்டா³ய பாவிஸி. அத்³த³ஸா கோ² ப⁴க³வா ஸிங்கா³லகங் க³ஹபதிபுத்தங் காலஸ்ஸேவ
வுட்டா²ய ராஜக³ஹா நிக்க²மித்வா அல்லவத்த²ங் அல்லகேஸங் பஞ்ஜலிகங் புது²தி³ஸா
நமஸ்ஸந்தங் – புரத்தி²மங் தி³ஸங் த³க்கி²ணங் தி³ஸங் பச்சி²மங் தி³ஸங்
உத்தரங் தி³ஸங் ஹெட்டி²மங் தி³ஸங் உபரிமங் தி³ஸங். தி³ஸ்வா ஸிங்கா³லகங்
க³ஹபதிபுத்தங் ஏதத³வோச – ‘‘கிங் நு கோ² த்வங், க³ஹபதிபுத்த, காலஸ்ஸேவ
உட்டா²ய ராஜக³ஹா நிக்க²மித்வா அல்லவத்தோ² அல்லகேஸோ பஞ்ஜலிகோ புது²தி³ஸா
நமஸ்ஸஸி – புரத்தி²மங் தி³ஸங் த³க்கி²ணங் தி³ஸங் பச்சி²மங் தி³ஸங் உத்தரங்
தி³ஸங் ஹெட்டி²மங் தி³ஸங் உபரிமங் தி³ஸ’’ந்தி? ‘‘பிதா மங், ப⁴ந்தே, காலங்
கரொந்தோ ஏவங் அவச – ‘தி³ஸா, தாத, நமஸ்ஸெய்யாஸீ’தி. ஸோ கோ² அஹங், ப⁴ந்தே,
பிதுவசனங் ஸக்கரொந்தோ க³ருங் கரொந்தோ மானெந்தோ பூஜெந்தோ காலஸ்ஸேவ உட்டா²ய
ராஜக³ஹா நிக்க²மித்வா அல்லவத்தோ² அல்லகேஸோ பஞ்ஜலிகோ புது²தி³ஸா நமஸ்ஸாமி –
புரத்தி²மங் தி³ஸங் த³க்கி²ணங் தி³ஸங் பச்சி²மங் தி³ஸங் உத்தரங் தி³ஸங்
ஹெட்டி²மங் தி³ஸங் உபரிமங் தி³ஸ’’ந்தி.

ச² தி³ஸா

244. ‘‘ந கோ², க³ஹபதிபுத்த, அரியஸ்ஸ வினயே ஏவங் ச² தி³ஸா [ச²த்³தி³ஸா (ஸீ॰ பீ॰)] நமஸ்ஸிதப்³பா³’’தி. ‘‘யதா² கத²ங் பன, ப⁴ந்தே, அரியஸ்ஸ வினயே ச² தி³ஸா [ச²த்³தி³ஸா (ஸீ॰ பீ॰)] நமஸ்ஸிதப்³பா³? ஸாது⁴ மே, ப⁴ந்தே, ப⁴க³வா ததா² த⁴ம்மங் தே³ஸேது, யதா² அரியஸ்ஸ வினயே ச² தி³ஸா [ச²த்³தி³ஸா (ஸீ॰ பீ॰)] நமஸ்ஸிதப்³பா³’’தி.

‘‘தேன ஹி, க³ஹபதிபுத்த ஸுணோஹி
ஸாது⁴கங் மனஸிகரோஹி பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² ஸிங்கா³லகோ
க³ஹபதிபுத்தோ ப⁴க³வதோ பச்சஸ்ஸோஸி. ப⁴க³வா ஏதத³வோச –

‘‘யதோ கோ², க³ஹபதிபுத்த,
அரியஸாவகஸ்ஸ சத்தாரோ கம்மகிலேஸா பஹீனா ஹொந்தி, சதூஹி ச டா²னேஹி பாபகம்மங் ந
கரோதி, ச² ச போ⁴கா³னங் அபாயமுகா²னி ந ஸேவதி, ஸோ ஏவங் சுத்³த³ஸ பாபகாபக³தோ
ச²த்³தி³ஸாபடிச்சா²தீ³ [படிச்சா²தீ³ ஹோதி (ஸ்யா॰)]
உபோ⁴லோகவிஜயாய படிபன்னோ ஹோதி. தஸ்ஸ அயஞ்சேவ லோகோ ஆரத்³தோ⁴ ஹோதி பரோ ச
லோகோ. ஸோ காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜதி.

சத்தாரோகம்மகிலேஸா

245.
‘‘கதமஸ்ஸ சத்தாரோ கம்மகிலேஸா பஹீனா ஹொந்தி? பாணாதிபாதோ கோ², க³ஹபதிபுத்த,
கம்மகிலேஸோ, அதி³ன்னாதா³னங் கம்மகிலேஸோ, காமேஸுமிச்சா²சாரோ கம்மகிலேஸோ,
முஸாவாதோ³ கம்மகிலேஸோ. இமஸ்ஸ சத்தாரோ கம்மகிலேஸா பஹீனா ஹொந்தீ’’தி. இத³மவோச
ப⁴க³வா, இத³ங் வத்வான [இத³ங் வத்வா (ஸீ॰ பீ॰) ஏவமீதி³ஸேஸு டா²னேஸு] ஸுக³தோ அதா²பரங் ஏதத³வோச ஸத்தா² –

‘‘பாணாதிபாதோ அதி³ன்னாதா³னங், முஸாவாதோ³ ச வுச்சதி;

பரதா³ரக³மனஞ்சேவ, நப்பஸங்ஸந்தி பண்டி³தா’’தி.

சதுட்டா²னங்

246. ‘‘கதமேஹி சதூஹி டா²னேஹி பாபகம்மங் ந கரோதி? ச²ந்தா³க³திங் க³ச்ச²ந்தோ
பாபகம்மங் கரோதி, தோ³ஸாக³திங் க³ச்ச²ந்தோ பாபகம்மங் கரோதி, மோஹாக³திங்
க³ச்ச²ந்தோ பாபகம்மங் கரோதி, ப⁴யாக³திங் க³ச்ச²ந்தோ பாபகம்மங் கரோதி. யதோ
கோ², க³ஹபதிபுத்த, அரியஸாவகோ நேவ ச²ந்தா³க³திங் க³ச்ச²தி, ந தோ³ஸாக³திங்
க³ச்ச²தி, ந மோஹாக³திங் க³ச்ச²தி, ந ப⁴யாக³திங் க³ச்ச²தி; இமேஹி சதூஹி
டா²னேஹி பாபகம்மங் ந கரோதீ’’தி. இத³மவோச ப⁴க³வா, இத³ங் வத்வான ஸுக³தோ
அதா²பரங் ஏதத³வோச ஸத்தா² –

‘‘ச²ந்தா³ தோ³ஸா ப⁴யா மோஹா, யோ த⁴ம்மங் அதிவத்ததி;

நிஹீயதி யஸோ தஸ்ஸ [தஸ்ஸ யேஸோ (ப³ஹூஸு, வினயேபி)], காளபக்கே²வ சந்தி³மா.

‘‘ச²ந்தா³ தோ³ஸா ப⁴யா மோஹா, யோ த⁴ம்மங் நாதிவத்ததி;

ஆபூரதி யஸோ தஸ்ஸ [தஸ்ஸ யேஸோ (ப³ஹூஸு, வினயேபி)], ஸுக்கபக்கே²வ [ஜுண்ஹபக்கே²வ (க॰)] சந்தி³மா’’தி.

ச² அபாயமுகா²னி

247. ‘‘கதமானி
ச² போ⁴கா³னங் அபாயமுகா²னி ந ஸேவதி? ஸுராமேரயமஜ்ஜப்பமாத³ட்டா²னானுயோகோ³
கோ², க³ஹபதிபுத்த, போ⁴கா³னங் அபாயமுக²ங், விகாலவிஸிகா²சரியானுயோகோ³
போ⁴கா³னங் அபாயமுக²ங், ஸமஜ்ஜாபி⁴சரணங் போ⁴கா³னங் அபாயமுக²ங்,
ஜூதப்பமாத³ட்டா²னானுயோகோ³ போ⁴கா³னங் அபாயமுக²ங், பாபமித்தானுயோகோ³
போ⁴கா³னங் அபாயமுக²ங், ஆலஸ்யானுயோகோ³ [ஆலஸானுயோகோ³ (ஸீ॰ ஸ்யா॰ பீ॰)] போ⁴கா³னங் அபாயமுக²ங்.

ஸுராமேரயஸ்ஸ ச² ஆதீ³னவா

248. ‘‘ச² கோ²மே, க³ஹபதிபுத்த, ஆதீ³னவா ஸுராமேரயமஜ்ஜப்பமாத³ட்டா²னானுயோகே³. ஸந்தி³ட்டி²கா த⁴னஜானி [த⁴னஞ்ஜானி (ஸீ॰ பீ॰)], கலஹப்பவட்³ட⁴னீ, ரோகா³னங் ஆயதனங், அகித்திஸஞ்ஜனநீ, கோபீனநித³ங்ஸனீ , பஞ்ஞாய து³ப்³ப³லிகரணீத்வேவ ச²ட்ட²ங் பத³ங் ப⁴வதி. இமே கோ², க³ஹபதிபுத்த, ச² ஆதீ³னவா ஸுராமேரயமஜ்ஜப்பமாத³ட்டா²னானுயோகே³.

விகாலசரியாய ச² ஆதீ³னவா

249. ‘‘ச²
கோ²மே, க³ஹபதிபுத்த, ஆதீ³னவா விகாலவிஸிகா²சரியானுயோகே³. அத்தாபிஸ்ஸ
அகு³த்தோ அரக்கி²தோ ஹோதி, புத்ததா³ரோபிஸ்ஸ அகு³த்தோ அரக்கி²தோ ஹோதி,
ஸாபதெய்யங்பிஸ்ஸ அகு³த்தங் அரக்கி²தங் ஹோதி, ஸங்கியோ ச ஹோதி பாபகேஸு
டா²னேஸு [தேஸு தேஸு டா²னேஸு (ஸ்யா॰)],
அபூ⁴தவசனஞ்ச தஸ்மிங் ரூஹதி, ப³ஹூனஞ்ச து³க்க²த⁴ம்மானங் புரக்க²தோ ஹோதி. இமே
கோ², க³ஹபதிபுத்த, ச² ஆதீ³னவா விகாலவிஸிகா²சரியானுயோகே³.

ஸமஜ்ஜாபி⁴சரணஸ்ஸ ச² ஆதீ³னவா

250. ‘‘ச² கோ²மே, க³ஹபதிபுத்த, ஆதீ³னவா ஸமஜ்ஜாபி⁴சரணே. க்வ [குவங் (க॰ ஸீ॰ பீ॰)]
நச்சங், க்வ கீ³தங், க்வ வாதி³தங், க்வ அக்கா²னங், க்வ பாணிஸ்ஸரங், க்வ
கும்ப⁴து²னந்தி. இமே கோ², க³ஹபதிபுத்த, ச² ஆதீ³னவா ஸமஜ்ஜாபி⁴சரணே.

ஜூதப்பமாத³ஸ்ஸ ச² ஆதீ³னவா

251. ‘‘ச² கோ²மே, க³ஹபதிபுத்த, ஆதீ³னவா ஜூதப்பமாத³ட்டா²னானுயோகே³. ஜயங் வேரங் பஸவதி, ஜினோ வித்தமனுஸோசதி, ஸந்தி³ட்டி²கா த⁴னஜானி, ஸபா⁴க³தஸ்ஸ [ஸபா⁴யே தஸ்ஸ (க॰)]
வசனங் ந ரூஹதி, மித்தாமச்சானங் பரிபூ⁴தோ ஹோதி, ஆவாஹவிவாஹகானங் அபத்தி²தோ
ஹோதி – ‘அக்க²து⁴த்தோ அயங் புரிஸபுக்³க³லோ நாலங் தா³ரப⁴ரணாயா’தி. இமே கோ²,
க³ஹபதிபுத்த, ச² ஆதீ³னவா ஜூதப்பமாத³ட்டா²னானுயோகே³.

பாபமித்ததாய ச² ஆதீ³னவா

252.
‘‘ச² கோ²மே, க³ஹபதிபுத்த, ஆதீ³னவா பாபமித்தானுயோகே³. யே து⁴த்தா, யே
ஸொண்டா³, யே பிபாஸா, யே நேகதிகா, யே வஞ்சனிகா, யே ஸாஹஸிகா. த்யாஸ்ஸ மித்தா
ஹொந்தி தே ஸஹாயா. இமே கோ², க³ஹபதிபுத்த, ச² ஆதீ³னவா பாபமித்தானுயோகே³.

ஆலஸ்யஸ்ஸ ச² ஆதீ³னவா

253. ‘‘ச² கோ²மே, க³ஹபதிபுத்த, ஆதீ³னவா ஆலஸ்யானுயோகே³. அதிஸீதந்தி
கம்மங் ந கரோதி, அதிஉண்ஹந்தி கம்மங் ந கரோதி, அதிஸாயந்தி கம்மங் ந கரோதி,
அதிபாதோதி கம்மங் ந கரோதி, அதிசா²தொஸ்மீதி கம்மங் ந கரோதி, அதிதா⁴தொஸ்மீதி
கம்மங் ந கரோதி. தஸ்ஸ ஏவங் கிச்சாபதே³ஸப³ஹுலஸ்ஸ விஹரதோ அனுப்பன்னா சேவ
போ⁴கா³ நுப்பஜ்ஜந்தி, உப்பன்னா ச போ⁴கா³ பரிக்க²யங் க³ச்ச²ந்தி. இமே கோ²,
க³ஹபதிபுத்த, ச² ஆதீ³னவா ஆலஸ்யானுயோகே³’’தி. இத³மவோச ப⁴க³வா, இத³ங் வத்வான
ஸுக³தோ அதா²பரங் ஏதத³வோச ஸத்தா² –

‘‘ஹோதி பானஸகா² நாம,

ஹோதி ஸம்மியஸம்மியோ;

யோ ச அத்தே²ஸு ஜாதேஸு,

ஸஹாயோ ஹோதி ஸோ ஸகா².

‘‘உஸ்ஸூரஸெய்யா பரதா³ரஸேவனா,

வேரப்பஸவோ [வேரப்பஸங்கோ³ (ஸீ॰ ஸ்யா॰ பீ॰)] ச அனத்த²தா ச;

பாபா ச மித்தா ஸுகத³ரியதா ச,

ஏதே ச² டா²னா புரிஸங் த⁴ங்ஸயந்தி.

‘‘பாபமித்தோ பாபஸகோ²,

பாபஆசாரகோ³சரோ;

அஸ்மா லோகா பரம்ஹா ச,

உப⁴யா த⁴ங்ஸதே நரோ.

‘‘அக்கி²த்தி²யோ வாருணீ நச்சகீ³தங்,

தி³வா ஸொப்பங் பாரிசரியா அகாலே;

பாபா ச மித்தா ஸுகத³ரியதா ச,

ஏதே ச² டா²னா புரிஸங் த⁴ங்ஸயந்தி.

‘‘அக்கே²ஹி தி³ப்³ப³ந்தி ஸுரங் பிவந்தி,

யந்தித்தி²யோ பாணஸமா பரேஸங்;

நிஹீனஸேவீ ந ச வுத்³த⁴ஸேவீ [வுத்³தி⁴ஸேவீ (ஸ்யா॰), பு³த்³தி⁴ஸேவீ (க॰)],

நிஹீயதே காளபக்கே²வ சந்தோ³.

‘‘யோ வாருணீ அத்³த⁴னோ அகிஞ்சனோ,

பிபாஸோ பிவங் பபாக³தோ [பிபாஸோஸி அத்த²பாக³தோ (ஸ்யா॰), பிபாஸோபி ஸமப்பபாக³தோ (க॰)];

உத³கமிவ இணங் விகா³ஹதி,

அகுலங் [ஆகுலங் (ஸ்யா॰ க॰)] காஹிதி கி²ப்பமத்தனோ.

‘‘ந தி³வா ஸொப்பஸீலேன, ரத்திமுட்டா²னதெ³ஸ்ஸினா [ரத்தினுட்டா²னத³ஸ்ஸினா (ஸீ॰ பீ॰), ரத்தினுட்டா²னஸீலினா (?)];

நிச்சங் மத்தேன ஸொண்டே³ன, ஸக்கா ஆவஸிதுங் க⁴ரங்.

‘‘அதிஸீதங் அதிஉண்ஹங், அதிஸாயமித³ங் அஹு;

இதி விஸ்ஸட்ட²கம்மந்தே, அத்தா² அச்செந்தி மாணவே.

‘‘யோத⁴ ஸீதஞ்ச உண்ஹஞ்ச, திணா பி⁴ய்யோ ந மஞ்ஞதி;

கரங் புரிஸகிச்சானி, ஸோ ஸுக²ங் [ஸுகா² (ஸப்³ப³த்த²) அட்ட²கதா² ஓலோகேதப்³பா³] ந விஹாயதீ’’தி.

மித்தபதிரூபகா

254.
‘‘சத்தாரோமே, க³ஹபதிபுத்த, அமித்தா மித்தபதிரூபகா வேதி³தப்³பா³.
அஞ்ஞத³த்து²ஹரோ அமித்தோ மித்தபதிரூபகோ வேதி³தப்³போ³, வசீபரமோ அமித்தோ
மித்தபதிரூபகோ வேதி³தப்³போ³, அனுப்பியபா⁴ணீ அமித்தோ மித்தபதிரூபகோ
வேதி³தப்³போ³, அபாயஸஹாயோ அமித்தோ மித்தபதிரூபகோ வேதி³தப்³போ³.

255. ‘‘சதூஹி கோ², க³ஹபதிபுத்த, டா²னேஹி அஞ்ஞத³த்து²ஹரோ அமித்தோ மித்தபதிரூபகோ வேதி³தப்³போ³.

‘‘அஞ்ஞத³த்து²ஹரோ ஹோதி, அப்பேன ப³ஹுமிச்ச²தி ;

ப⁴யஸ்ஸ கிச்சங் கரோதி, ஸேவதி அத்த²காரணா.

‘‘இமேஹி கோ², க³ஹபதிபுத்த, சதூஹி டா²னேஹி அஞ்ஞத³த்து²ஹரோ அமித்தோ மித்தபதிரூபகோ வேதி³தப்³போ³.

256. ‘‘சதூஹி கோ², க³ஹபதிபுத்த, டா²னேஹி வசீபரமோ அமித்தோ மித்தபதிரூபகோ வேதி³தப்³போ³. அதீதேன படிஸந்த²ரதி [படிஸந்த⁴ரதி (க॰)],
அனாக³தேன படிஸந்த²ரதி, நிரத்த²கேன ஸங்க³ண்ஹாதி, பச்சுப்பன்னேஸு கிச்சேஸு
ப்³யஸனங் த³ஸ்ஸேதி. இமேஹி கோ², க³ஹபதிபுத்த, சதூஹி டா²னேஹி வசீபரமோ அமித்தோ
மித்தபதிரூபகோ வேதி³தப்³போ³.

257. ‘‘சதூஹி கோ², க³ஹபதிபுத்த, டா²னேஹி அனுப்பியபா⁴ணீ அமித்தோ மித்தபதிரூபகோ வேதி³தப்³போ³. பாபகங்பிஸ்ஸ [பாபகம்மங்பிஸ்ஸ (ஸ்யா॰)]
அனுஜானாதி, கல்யாணங்பிஸ்ஸ அனுஜானாதி, ஸம்முகா²ஸ்ஸ வண்ணங் பா⁴ஸதி,
பரம்முகா²ஸ்ஸ அவண்ணங் பா⁴ஸதி. இமேஹி கோ², க³ஹபதிபுத்த, சதூஹி டா²னேஹி
அனுப்பியபா⁴ணீ அமித்தோ மித்தபதிரூபகோ வேதி³தப்³போ³.

258. ‘‘சதூஹி கோ², க³ஹபதிபுத்த, டா²னேஹி அபாயஸஹாயோ அமித்தோ மித்தபதிரூபகோ வேதி³தப்³போ³ .
ஸுராமேரய மஜ்ஜப்பமாத³ட்டா²னானுயோகே³ ஸஹாயோ ஹோதி, விகால விஸிகா²
சரியானுயோகே³ ஸஹாயோ ஹோதி, ஸமஜ்ஜாபி⁴சரணே ஸஹாயோ ஹோதி,
ஜூதப்பமாத³ட்டா²னானுயோகே³ ஸஹாயோ ஹோதி. இமேஹி கோ², க³ஹபதிபுத்த, சதூஹி
டா²னேஹி அபாயஸஹாயோ அமித்தோ மித்தபதிரூபகோ வேதி³தப்³போ³’’தி.

259. இத³மவோச ப⁴க³வா, இத³ங் வத்வான ஸுக³தோ அதா²பரங் ஏதத³வோச ஸத்தா² –

‘‘அஞ்ஞத³த்து²ஹரோ மித்தோ, யோ ச மித்தோ வசீபரோ [வசீபரமோ (ஸ்யா॰)];

அனுப்பியஞ்ச யோ ஆஹ, அபாயேஸு ச யோ ஸகா².

ஏதே அமித்தே சத்தாரோ, இதி விஞ்ஞாய பண்டி³தோ;

ஆரகா பரிவஜ்ஜெய்ய, மக்³க³ங் படிப⁴யங் யதா²’’தி.

ஸுஹத³மித்தோ

260. ‘‘சத்தாரோமே , க³ஹபதிபுத்த, மித்தா ஸுஹதா³ வேதி³தப்³பா³. உபகாரோ [உபகாரகோ (ஸ்யா॰)]
மித்தோ ஸுஹதோ³ வேதி³தப்³போ³, ஸமானஸுக²து³க்கோ² மித்தோ ஸுஹதோ³
வேதி³தப்³போ³, அத்த²க்கா²யீ மித்தோ ஸுஹதோ³ வேதி³தப்³போ³, அனுகம்பகோ மித்தோ
ஸுஹதோ³ வேதி³தப்³போ³.

261.
‘‘சதூஹி கோ², க³ஹபதிபுத்த, டா²னேஹி உபகாரோ மித்தோ ஸுஹதோ³ வேதி³தப்³போ³.
பமத்தங் ரக்க²தி, பமத்தஸ்ஸ ஸாபதெய்யங் ரக்க²தி, பீ⁴தஸ்ஸ ஸரணங் ஹோதி,
உப்பன்னேஸு கிச்சகரணீயேஸு தத்³தி³கு³ணங் போ⁴க³ங் அனுப்பதே³தி. இமேஹி கோ²,
க³ஹபதிபுத்த, சதூஹி டா²னேஹி உபகாரோ மித்தோ ஸுஹதோ³ வேதி³தப்³போ³.

262.
‘‘சதூஹி கோ², க³ஹபதிபுத்த, டா²னேஹி ஸமானஸுக²து³க்கோ² மித்தோ ஸுஹதோ³
வேதி³தப்³போ³. கு³ய்ஹமஸ்ஸ ஆசிக்க²தி, கு³ய்ஹமஸ்ஸ பரிகூ³ஹதி, ஆபதா³ஸு ந
விஜஹதி, ஜீவிதங்பிஸ்ஸ அத்தா²ய பரிச்சத்தங் ஹோதி. இமேஹி கோ², க³ஹபதிபுத்த,
சதூஹி டா²னேஹி ஸமானஸுக²து³க்கோ² மித்தோ ஸுஹதோ³ வேதி³தப்³போ³.

263. ‘‘சதூஹி கோ², க³ஹபதிபுத்த, டா²னேஹி அத்த²க்கா²யீ மித்தோ ஸுஹதோ³ வேதி³தப்³போ³. பாபா நிவாரேதி, கல்யாணே நிவேஸேதி, அஸ்ஸுதங் ஸாவேதி, ஸக்³க³ஸ்ஸ மக்³க³ங் ஆசிக்க²தி. இமேஹி கோ², க³ஹபதிபுத்த, சதூஹி டா²னேஹி அத்த²க்கா²யீ மித்தோ ஸுஹதோ³ வேதி³தப்³போ³.

264. ‘‘சதூஹி
கோ², க³ஹபதிபுத்த, டா²னேஹி அனுகம்பகோ மித்தோ ஸுஹதோ³ வேதி³தப்³போ³.
அப⁴வேனஸ்ஸ ந நந்த³தி, ப⁴வேனஸ்ஸ நந்த³தி, அவண்ணங் ப⁴ணமானங் நிவாரேதி, வண்ணங்
ப⁴ணமானங் பஸங்ஸதி. இமேஹி கோ², க³ஹபதிபுத்த, சதூஹி டா²னேஹி அனுகம்பகோ
மித்தோ ஸுஹதோ³ வேதி³தப்³போ³’’தி.

265. இத³மவோச ப⁴க³வா, இத³ங் வத்வான ஸுக³தோ அதா²பரங் ஏதத³வோச ஸத்தா² –

‘‘உபகாரோ ச யோ மித்தோ, ஸுகே² து³க்கே² [ஸுக²து³க்கோ² (ஸ்யா॰ க॰)] ச யோ ஸகா² [யோ ச மித்தோ ஸுகே² து³க்கே² (ஸீ॰ பீ॰)];

அத்த²க்கா²யீ ச யோ மித்தோ, யோ ச மித்தானுகம்பகோ.

‘‘ஏதேபி மித்தே சத்தாரோ, இதி விஞ்ஞாய பண்டி³தோ;

ஸக்கச்சங் பயிருபாஸெய்ய, மாதா புத்தங் வ ஓரஸங்;

பண்டி³தோ ஸீலஸம்பன்னோ, ஜலங் அக்³கீ³வ பா⁴ஸதி.

‘‘போ⁴கே³ ஸங்ஹரமானஸ்ஸ, ப⁴மரஸ்ஸேவ இரீயதோ;

போ⁴கா³ ஸன்னிசயங் யந்தி, வம்மிகோவுபசீயதி.

‘‘ஏவங் போ⁴கே³ ஸமாஹத்வா [ஸமாஹரித்வா (ஸ்யா॰)], அலமத்தோ குலே கி³ஹீ;

சதுதா⁴ விப⁴ஜே போ⁴கே³, ஸ வே மித்தானி க³ந்த²தி.

‘‘ஏகேன போ⁴கே³ பு⁴ஞ்ஜெய்ய, த்³வீஹி கம்மங் பயோஜயே;

சதுத்த²ஞ்ச நிதா⁴பெய்ய, ஆபதா³ஸு ப⁴விஸ்ஸதீ’’தி.

ச²த்³தி³ஸாபடிச்சா²த³னகண்ட³ங்

266. ‘‘கத²ஞ்ச, க³ஹபதிபுத்த, அரியஸாவகோ ச²த்³தி³ஸாபடிச்சா²தீ³ ஹோதி? ச² இமா, க³ஹபதிபுத்த, தி³ஸா வேதி³தப்³பா³. புரத்தி²மா தி³ஸா மாதாபிதரோ வேதி³தப்³பா³, த³க்கி²ணா தி³ஸா ஆசரியா வேதி³தப்³பா³, பச்சி²மா தி³ஸா
புத்ததா³ரா வேதி³தப்³பா³, உத்தரா தி³ஸா மித்தாமச்சா வேதி³தப்³பா³,
ஹெட்டி²மா தி³ஸா தா³ஸகம்மகரா வேதி³தப்³பா³, உபரிமா தி³ஸா ஸமணப்³ராஹ்மணா
வேதி³தப்³பா³.

267. ‘‘பஞ்சஹி கோ², க³ஹபதிபுத்த, டா²னேஹி புத்தேன புரத்தி²மா தி³ஸா மாதாபிதரோ பச்சுபட்டா²தப்³பா³ – ப⁴தோ நே [நேஸங் (ப³ஹூஸு)]
ப⁴ரிஸ்ஸாமி, கிச்சங் நேஸங் கரிஸ்ஸாமி, குலவங்ஸங் ட²பெஸ்ஸாமி, தா³யஜ்ஜங்
படிபஜ்ஜாமி, அத² வா பன பேதானங் காலங்கதானங் த³க்கி²ணங் அனுப்பத³ஸ்ஸாமீதி.
இமேஹி கோ², க³ஹபதிபுத்த, பஞ்சஹி டா²னேஹி புத்தேன புரத்தி²மா தி³ஸா
மாதாபிதரோ பச்சுபட்டி²தா பஞ்சஹி டா²னேஹி புத்தங் அனுகம்பந்தி. பாபா
நிவாரெந்தி, கல்யாணே நிவேஸெந்தி, ஸிப்பங் ஸிக்கா²பெந்தி, பதிரூபேன தா³ரேன
ஸங்யோஜெந்தி, ஸமயே தா³யஜ்ஜங் நிய்யாதெ³ந்தி [நிய்யாதெந்தி (க॰ ஸீ॰)].
இமேஹி கோ², க³ஹபதிபுத்த, பஞ்சஹி டா²னேஹி புத்தேன புரத்தி²மா தி³ஸா
மாதாபிதரோ பச்சுபட்டி²தா இமேஹி பஞ்சஹி டா²னேஹி புத்தங் அனுகம்பந்தி. ஏவமஸ்ஸ
ஏஸா புரத்தி²மா தி³ஸா படிச்ச²ன்னா ஹோதி கே²மா அப்படிப⁴யா.

268.
‘‘பஞ்சஹி கோ², க³ஹபதிபுத்த, டா²னேஹி அந்தேவாஸினா த³க்கி²ணா தி³ஸா ஆசரியா
பச்சுபட்டா²தப்³பா³ – உட்டா²னேன உபட்டா²னேன ஸுஸ்ஸுஸாய பாரிசரியாய ஸக்கச்சங்
ஸிப்பபடிக்³க³ஹணேன [ஸிப்பங் படிக்³க³ஹணேன (ஸ்யா॰), ஸிப்பஉக்³க³ஹணேன (க॰)]. இமேஹி கோ², க³ஹபதிபுத்த, பஞ்சஹி டா²னேஹி அந்தேவாஸினா த³க்கி²ணா தி³ஸா ஆசரியா பச்சுபட்டி²தா பஞ்சஹி
டா²னேஹி அந்தேவாஸிங் அனுகம்பந்தி – ஸுவினீதங் வினெந்தி, ஸுக்³க³ஹிதங்
கா³ஹாபெந்தி, ஸப்³ப³ஸிப்பஸ்ஸுதங் ஸமக்கா²யினோ ப⁴வந்தி, மித்தாமச்சேஸு
படியாதெ³ந்தி [படிவேதெ³ந்தி (ஸ்யா॰)], தி³ஸாஸு பரித்தாணங் கரொந்தி. இமேஹி கோ², க³ஹபதிபுத்த, பஞ்சஹி டா²னேஹி அந்தேவாஸினா
த³க்கி²ணா தி³ஸா ஆசரியா பச்சுபட்டி²தா இமேஹி பஞ்சஹி டா²னேஹி அந்தேவாஸிங்
அனுகம்பந்தி. ஏவமஸ்ஸ ஏஸா த³க்கி²ணா தி³ஸா படிச்ச²ன்னா ஹோதி கே²மா
அப்படிப⁴யா.

269. ‘‘பஞ்சஹி கோ², க³ஹபதிபுத்த, டா²னேஹி ஸாமிகேன பச்சி²மா தி³ஸா ப⁴ரியா பச்சுபட்டா²தப்³பா³ – ஸம்மானநாய அனவமானநாய [அவிமானநாய (ஸ்யா॰ பீ॰)]
அனதிசரியாய இஸ்ஸரியவொஸ்ஸக்³கே³ன அலங்காரானுப்பதா³னேன. இமேஹி கோ²,
க³ஹபதிபுத்த, பஞ்சஹி டா²னேஹி ஸாமிகேன பச்சி²மா தி³ஸா ப⁴ரியா பச்சுபட்டி²தா
பஞ்சஹி டா²னேஹி ஸாமிகங் அனுகம்பதி – ஸுஸங்விஹிதகம்மந்தா ச ஹோதி, ஸங்க³ஹிதபரிஜனா [ஸுஸங்க³ஹிதபரிஜனா (ஸீ॰ ஸ்யா॰ பீ॰)]
ச, அனதிசாரினீ ச, ஸம்ப⁴தஞ்ச அனுரக்க²தி, த³க்கா² ச ஹோதி அனலஸா
ஸப்³ப³கிச்சேஸு. இமேஹி கோ², க³ஹபதிபுத்த, பஞ்சஹி டா²னேஹி ஸாமிகேன பச்சி²மா
தி³ஸா ப⁴ரியா பச்சுபட்டி²தா இமேஹி பஞ்சஹி டா²னேஹி ஸாமிகங் அனுகம்பதி.
ஏவமஸ்ஸ ஏஸா பச்சி²மா தி³ஸா படிச்ச²ன்னா ஹோதி கே²மா அப்படிப⁴யா.

270. ‘‘பஞ்சஹி கோ², க³ஹபதிபுத்த, டா²னேஹி குலபுத்தேன உத்தரா தி³ஸா மித்தாமச்சா பச்சுபட்டா²தப்³பா³ – தா³னேன பெய்யவஜ்ஜேன [வியவஜ்ஜேன (ஸ்யா॰ க॰)]
அத்த²சரியாய ஸமானத்ததாய அவிஸங்வாத³னதாய. இமேஹி கோ², க³ஹபதிபுத்த, பஞ்சஹி
டா²னேஹி குலபுத்தேன உத்தரா தி³ஸா மித்தாமச்சா பச்சுபட்டி²தா பஞ்சஹி டா²னேஹி
குலபுத்தங் அனுகம்பந்தி – பமத்தங் ரக்க²ந்தி, பமத்தஸ்ஸ ஸாபதெய்யங்
ரக்க²ந்தி, பீ⁴தஸ்ஸ ஸரணங் ஹொந்தி, ஆபதா³ஸு ந விஜஹந்தி, அபரபஜா சஸ்ஸ
படிபூஜெந்தி. இமேஹி கோ², க³ஹபதிபுத்த, பஞ்சஹி டா²னேஹி குலபுத்தேன உத்தரா
தி³ஸா மித்தாமச்சா பச்சுபட்டி²தா இமேஹி பஞ்சஹி டா²னேஹி குலபுத்தங்
அனுகம்பந்தி. ஏவமஸ்ஸ ஏஸா உத்தரா தி³ஸா படிச்ச²ன்னா ஹோதி கே²மா அப்படிப⁴யா.

271. ‘‘பஞ்சஹி கோ², க³ஹபதிபுத்த, டா²னேஹி அய்யிரகேன [அயிரகேன (ஸீ॰ ஸ்யா॰ பீ॰)] ஹெட்டி²மா
தி³ஸா தா³ஸகம்மகரா பச்சுபட்டா²தப்³பா³ – யதா²ப³லங் கம்மந்தஸங்விதா⁴னேன
ப⁴த்தவேதனானுப்பதா³னேன கி³லானுபட்டா²னேன அச்ச²ரியானங் ரஸானங் ஸங்விபா⁴கே³ன
ஸமயே வொஸ்ஸக்³கே³ன. இமேஹி கோ², க³ஹபதிபுத்த, பஞ்சஹி டா²னேஹி அய்யிரகேன
ஹெட்டி²மா தி³ஸா தா³ஸகம்மகரா பச்சுபட்டி²தா பஞ்சஹி டா²னேஹி அய்யிரகங்
அனுகம்பந்தி – புப்³பு³ட்டா²யினோ ச ஹொந்தி, பச்சா² நிபாதினோ ச,
தி³ன்னாதா³யினோ ச, ஸுகதகம்மகரா ச, கித்திவண்ணஹரா ச. இமேஹி கோ²,
க³ஹபதிபுத்த, பஞ்சஹி டா²னேஹி அய்யிரகேன ஹெட்டி²மா தி³ஸா தா³ஸகம்மகரா
பச்சுபட்டி²தா இமேஹி பஞ்சஹி டா²னேஹி அய்யிரகங் அனுகம்பந்தி. ஏவமஸ்ஸ ஏஸா
ஹெட்டி²மா தி³ஸா படிச்ச²ன்னா ஹோதி கே²மா அப்படிப⁴யா.

272.
‘‘பஞ்சஹி கோ², க³ஹபதிபுத்த, டா²னேஹி குலபுத்தேன உபரிமா தி³ஸா
ஸமணப்³ராஹ்மணா பச்சுபட்டா²தப்³பா³ – மெத்தேன காயகம்மேன மெத்தேன வசீகம்மேன
மெத்தேன மனோகம்மேன அனாவடத்³வாரதாய ஆமிஸானுப்பதா³னேன. இமேஹி கோ², க³ஹபதிபுத்த, பஞ்சஹி டா²னேஹி குலபுத்தேன உபரிமா
தி³ஸா ஸமணப்³ராஹ்மணா பச்சுபட்டி²தா ச²ஹி டா²னேஹி குலபுத்தங் அனுகம்பந்தி –
பாபா நிவாரெந்தி, கல்யாணே நிவேஸெந்தி, கல்யாணேன மனஸா அனுகம்பந்தி,
அஸ்ஸுதங் ஸாவெந்தி, ஸுதங் பரியோதா³பெந்தி, ஸக்³க³ஸ்ஸ மக்³க³ங் ஆசிக்க²ந்தி.
இமேஹி கோ², க³ஹபதிபுத்த, பஞ்சஹி டா²னேஹி குலபுத்தேன உபரிமா தி³ஸா
ஸமணப்³ராஹ்மணா பச்சுபட்டி²தா இமேஹி ச²ஹி டா²னேஹி குலபுத்தங் அனுகம்பந்தி.
ஏவமஸ்ஸ ஏஸா உபரிமா தி³ஸா படிச்ச²ன்னா ஹோதி கே²மா அப்படிப⁴யா’’தி.

273. இத³மவோச ப⁴க³வா. இத³ங் வத்வான ஸுக³தோ அதா²பரங் ஏதத³வோச ஸத்தா² –

‘‘மாதாபிதா தி³ஸா புப்³பா³, ஆசரியா த³க்கி²ணா தி³ஸா;

புத்ததா³ரா தி³ஸா பச்சா², மித்தாமச்சா ச உத்தரா.

‘‘தா³ஸகம்மகரா ஹெட்டா², உத்³த⁴ங் ஸமணப்³ராஹ்மணா;

ஏதா தி³ஸா நமஸ்ஸெய்ய, அலமத்தோ குலே கி³ஹீ.

‘‘பண்டி³தோ ஸீலஸம்பன்னோ, ஸண்ஹோ ச படிபா⁴னவா;

நிவாதவுத்தி அத்த²த்³தோ⁴, தாதி³ஸோ லப⁴தே யஸங்.

‘‘உட்டா²னகோ அனலஸோ, ஆபதா³ஸு ந வேத⁴தி;

அச்சி²ன்னவுத்தி மேதா⁴வீ, தாதி³ஸோ லப⁴தே யஸங்.

‘‘ஸங்கா³ஹகோ மித்தகரோ, வத³ஞ்ஞூ வீதமச்ச²ரோ;

நேதா வினேதா அனுனேதா, தாதி³ஸோ லப⁴தே யஸங்.

‘‘தா³னஞ்ச பெய்யவஜ்ஜஞ்ச, அத்த²சரியா ச யா இத⁴;

ஸமானத்ததா ச த⁴ம்மேஸு, தத்த² தத்த² யதா²ரஹங்;

ஏதே கோ² ஸங்க³ஹா லோகே, ரத²ஸ்ஸாணீவ யாயதோ.

‘‘ஏதே ச ஸங்க³ஹா நாஸ்ஸு, ந மாதா புத்தகாரணா;

லபே⁴த² மானங் பூஜங் வா, பிதா வா புத்தகாரணா.

‘‘யஸ்மா ச ஸங்க³ஹா [ஸங்க³ஹே (க॰) அட்ட²கதா²யங் இச்சி²தபாடோ²] ஏதே, ஸம்மபெக்க²ந்தி [ஸமவெக்க²ந்தி (ஸீ॰ பீ॰ க॰)] பண்டி³தா;

தஸ்மா மஹத்தங் பப்பொந்தி, பாஸங்ஸா ச ப⁴வந்தி தே’’தி.

274. ஏவங்
வுத்தே, ஸிங்கா³லகோ க³ஹபதிபுத்தோ ப⁴க³வந்தங் ஏதத³வோச – ‘‘அபி⁴க்கந்தங்,
ப⁴ந்தே! அபி⁴க்கந்தங், ப⁴ந்தே! ஸெய்யதா²பி, ப⁴ந்தே, நிக்குஜ்ஜிதங் வா
உக்குஜ்ஜெய்ய, படிச்ச²ன்னங் வா விவரெய்ய, மூள்ஹஸ்ஸ வா மக்³க³ங்
ஆசிக்கெ²ய்ய, அந்த⁴காரே வா தேலபஜ்ஜோதங் தா⁴ரெய்ய ‘சக்கு²மந்தோ ரூபானி
த³க்க²ந்தீ’தி. ஏவமேவங் ப⁴க³வதா அனேகபரியாயேன த⁴ம்மோ பகாஸிதோ. ஏஸாஹங்,
ப⁴ந்தே, ப⁴க³வந்தங் ஸரணங் க³ச்சா²மி த⁴ம்மஞ்ச பி⁴க்கு²ஸங்க⁴ஞ்ச. உபாஸகங்
மங் ப⁴க³வா தா⁴ரேது, அஜ்ஜதக்³கே³ பாணுபேதங் ஸரணங் க³த’’ந்தி.

ஸிங்கா³லஸுத்தங் [ஸிங்கா³லோவாத³ஸுத்தந்தங் (பீ॰)] நிட்டி²தங் அட்ட²மங்.

comments (0)

ஸுத்தபிடக-Part-30-தமிழில் திரபிடக மூன்று தொகுப்புகள்TIPITAKA–30.7. லக்கணஸுத்தங்-த்வத்திங்ஸமஹாபுரிஸலக்கணானி-from FREE ONLINE eNālāndā Research and Practice UNIVERSITY through http://sarvajan.ambedkar.org

Filed under: General
Posted by: site admin @ 8:27 am

ஸுத்தபிடக-Part-30-தமிழில் திரபிடக மூன்று தொகுப்புகள்TIPITAKA--30.7. லக்கணஸுத்தங்-த்வத்திங்ஸமஹாபுரிஸலக்கணானி-from FREE ONLINE eNālāndā Research and
Practice UNIVERSITY through http://sarvajan.ambedkar.org

7. லக்கணஸுத்தங்

த்வத்திங்ஸமஹாபுரிஸலக்கணானி

198. ஏவங்
மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ
ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி.
‘‘ப⁴த்³த³ந்தே’’தி [ப⁴த³ந்தேதி (ஸீ॰ ஸ்யா॰ பீ॰)] தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –

199.
‘‘த்³வத்திங்ஸிமானி, பி⁴க்க²வே, மஹாபுரிஸஸ்ஸ மஹாபுரிஸலக்க²ணானி, யேஹி
ஸமன்னாக³தஸ்ஸ மஹாபுரிஸஸ்ஸ த்³வேவ க³தியோ ப⁴வந்தி அனஞ்ஞா. ஸசே அகா³ரங்
அஜ்ஜா²வஸதி, ராஜா ஹோதி சக்கவத்தீ த⁴ம்மிகோ த⁴ம்மராஜா சாதுரந்தோ விஜிதாவீ
ஜனபத³த்தா²வரியப்பத்தோ ஸத்தரதனஸமன்னாக³தோ. தஸ்ஸிமானி ஸத்த ரதனானி ப⁴வந்தி;
ஸெய்யதி²த³ங், சக்கரதனங் ஹத்தி²ரதனங் அஸ்ஸரதனங் மணிரதனங் இத்தி²ரதனங்
க³ஹபதிரதனங் பரிணாயகரதனமேவ ஸத்தமங். பரோஸஹஸ்ஸங் கோ² பனஸ்ஸ புத்தா ப⁴வந்தி
ஸூரா வீரங்க³ரூபா பரஸேனப்பமத்³த³னா. ஸோ இமங் பத²விங் ஸாக³ரபரியந்தங்
அத³ண்டே³ன அஸத்தே²ன த⁴ம்மேன அபி⁴விஜிய அஜ்ஜா²வஸதி. ஸசே கோ² பன அகா³ரஸ்மா
அனகா³ரியங் பப்³ப³ஜதி, அரஹங் ஹோதி ஸம்மாஸம்பு³த்³தோ⁴ லோகே விவட்டச்ச²தோ³ [விவடச்ச²தோ³ (ஸ்யா॰ க॰), விவத்தச்ச²தோ³ (ஸீ॰ பீ॰)].

200. ‘‘கதமானி ச தானி, பி⁴க்க²வே, த்³வத்திங்ஸ மஹாபுரிஸஸ்ஸ மஹாபுரிஸலக்க²ணானி, யேஹி ஸமன்னாக³தஸ்ஸ மஹாபுரிஸஸ்ஸ
த்³வேவ க³தியோ ப⁴வந்தி அனஞ்ஞா? ஸசே அகா³ரங் அஜ்ஜா²வஸதி, ராஜா ஹோதி
சக்கவத்தீ…பே॰… ஸசே கோ² பன அகா³ரஸ்மா அனகா³ரியங் பப்³ப³ஜதி, அரஹங் ஹோதி
ஸம்மாஸம்பு³த்³தோ⁴ லோகே விவட்டச்ச²தோ³.

‘‘இத⁴, பி⁴க்க²வே, மஹாபுரிஸோ ஸுப்பதிட்டி²தபாதோ³ ஹோதி.
யம்பி, பி⁴க்க²வே, மஹாபுரிஸோ ஸுப்பதிட்டி²தபாதோ³ ஹோதி, இத³ம்பி,
பி⁴க்க²வே, மஹாபுரிஸஸ்ஸ மஹாபுரிஸலக்க²ணங் ப⁴வதி.

‘‘புன சபரங், பி⁴க்க²வே, மஹாபுரிஸஸ்ஸ ஹெட்டா²பாத³தலேஸு சக்கானி ஜாதானி ஹொந்தி ஸஹஸ்ஸாரானி ஸனேமிகானி ஸனாபி⁴கானி ஸப்³பா³காரபரிபூரானி [ஸப்³பா³காரபரிபூரானி ஸுவிப⁴த்தந்தரானி (ஸீ॰ பீ॰)]. யம்பி ,
பி⁴க்க²வே, மஹாபுரிஸஸ்ஸ ஹெட்டா²பாத³தலேஸு சக்கானி ஜாதானி ஹொந்தி
ஸஹஸ்ஸாரானி ஸனேமிகானி ஸனாபி⁴கானி ஸப்³பா³காரபரிபூரானி, இத³ம்பி, பி⁴க்க²வே,
மஹாபுரிஸஸ்ஸ மஹாபுரிஸலக்க²ணங் ப⁴வதி.

‘‘புன சபரங், பி⁴க்க²வே, மஹாபுரிஸோ ஆயதபண்ஹி ஹோதி…பே॰…
தீ³க⁴ங்கு³லி ஹோதி… முது³தலுனஹத்த²பாதோ³ ஹோதி… ஜாலஹத்த²பாதோ³ ஹோதி…
உஸ்ஸங்க²பாதோ³ ஹோதி… ஏணிஜங்கோ⁴ ஹோதி… டி²தகோவ அனோனமந்தோ உபோ⁴ஹி பாணிதலேஹி
ஜண்ணுகானி பரிமஸதி பரிமஜ்ஜதி… கோஸோஹிதவத்த²கு³ய்ஹோ ஹோதி… ஸுவண்ணவண்ணோ ஹோதி
கஞ்சனஸன்னிப⁴த்தசோ… ஸுகு²மச்ச²வி ஹோதி, ஸுகு²மத்தா ச²வியா ரஜோஜல்லங் காயே ந
உபலிம்பதி… ஏகேகலோமோ ஹோதி, ஏகேகானி லோமானி லோமகூபேஸு ஜாதானி… உத்³த⁴க்³க³லோமோ ஹோதி, உத்³த⁴க்³கா³னி லோமானி ஜாதானி நீலானி அஞ்ஜனவண்ணானி குண்ட³லாவட்டானி [குண்ட³லாவத்தானி (ப³ஹூஸு)] த³க்கி²ணாவட்டகஜாதானி [த³க்கி²ணாவத்தகஜாதானி (ஸீ॰ ஸ்யா॰ பீ॰)] … ப்³ரஹ்முஜுக³த்தோ ஹோதி… ஸத்துஸ்ஸதோ³ ஹோதி… ஸீஹபுப்³ப³த்³த⁴காயோ ஹோதி… சிதந்தரங்ஸோ [பிதந்தரங்ஸோ (ஸ்யா॰)]
ஹோதி… நிக்³ரோத⁴பரிமண்ட³லோ ஹோதி, யாவதக்வஸ்ஸ காயோ தாவதக்வஸ்ஸ ப்³யாமோ
யாவதக்வஸ்ஸ ப்³யாமோ தாவதக்வஸ்ஸ காயோ… ஸமவட்டக்க²ந்தோ⁴ ஹோதி… ரஸக்³க³ஸக்³கீ³
ஹோதி… ஸீஹஹனு ஹோதி… சத்தாலீஸத³ந்தோ ஹோதி … ஸமத³ந்தோ
ஹோதி… அவிரளத³ந்தோ ஹோதி… ஸுஸுக்கதா³டோ² ஹோதி… பஹூதஜிவ்ஹோ ஹோதி…
ப்³ரஹ்மஸ்ஸரோ ஹோதி கரவீகபா⁴ணீ… அபி⁴னீலனெத்தோ ஹோதி… கோ³பகு²மோ ஹோதி… உண்ணா
ப⁴முகந்தரே ஜாதா ஹோதி, ஓதா³தா முது³தூலஸன்னிபா⁴. யம்பி, பி⁴க்க²வே,
மஹாபுரிஸஸ்ஸ உண்ணா ப⁴முகந்தரே ஜாதா ஹோதி, ஓதா³தா முது³தூலஸன்னிபா⁴,
இத³ம்பி, பி⁴க்க²வே, மஹாபுரிஸஸ்ஸ மஹாபுரிஸலக்க²ணங் ப⁴வதி.

‘‘புன சபரங், பி⁴க்க²வே,
மஹாபுரிஸோ உண்ஹீஸஸீஸோ ஹோதி. யம்பி, பி⁴க்க²வே, மஹாபுரிஸோ உண்ஹீஸஸீஸோ ஹோதி,
இத³ம்பி, பி⁴க்க²வே, மஹாபுரிஸஸ்ஸ மஹாபுரிஸலக்க²ணங் ப⁴வதி.

‘‘இமானி கோ² தானி, பி⁴க்க²வே, த்³வத்திங்ஸ மஹாபுரிஸஸ்ஸ
மஹாபுரிஸலக்க²ணானி, யேஹி ஸமன்னாக³தஸ்ஸ மஹாபுரிஸஸ்ஸ த்³வேவ க³தியோ ப⁴வந்தி
அனஞ்ஞா. ஸசே அகா³ரங் அஜ்ஜா²வஸதி, ராஜா ஹோதி
சக்கவத்தீ…பே॰… ஸசே கோ² பன அகா³ரஸ்மா அனகா³ரியங் பப்³ப³ஜதி, அரஹங் ஹோதி
ஸம்மாஸம்பு³த்³தோ⁴ லோகே விவட்டச்ச²தோ³.

‘‘இமானி கோ², பி⁴க்க²வே, த்³வத்திங்ஸ மஹாபுரிஸஸ்ஸ மஹாபுரிஸலக்க²ணானி பா³ஹிரகாபி இஸயோ தா⁴ரெந்தி, நோ ச கோ² தே ஜானந்தி – ‘இமஸ்ஸ கம்மஸ்ஸ கடத்தா இத³ங் லக்க²ணங் படிலப⁴தீ’தி.

(1) ஸுப்பதிட்டி²தபாத³தாலக்க²ணங்

201.
‘‘யம்பி, பி⁴க்க²வே, ததா²க³தோ புரிமங் ஜாதிங் புரிமங் ப⁴வங் புரிமங்
நிகேதங் புப்³பே³ மனுஸ்ஸபூ⁴தோ ஸமானோ த³ள்ஹஸமாதா³னோ அஹோஸி குஸலேஸு த⁴ம்மேஸு,
அவத்தி²தஸமாதா³னோ காயஸுசரிதே வசீஸுசரிதே மனோஸுசரிதே தா³னஸங்விபா⁴கே³
ஸீலஸமாதா³னே உபோஸது²பவாஸே மத்தெய்யதாய பெத்தெய்யதாய ஸாமஞ்ஞதாய ப்³ரஹ்மஞ்ஞதாய குலே ஜெட்டா²பசாயிதாய அஞ்ஞதரஞ்ஞதரேஸு ச அதி⁴குஸலேஸு த⁴ம்மேஸு .
ஸோ தஸ்ஸ கம்மஸ்ஸ கடத்தா உபசிதத்தா உஸ்ஸன்னத்தா விபுலத்தா காயஸ்ஸ பே⁴தா³
பரங் மரணா ஸுக³திங் ஸக்³க³ங் லோகங் உபபஜ்ஜதி. ஸோ தத்த² அஞ்ஞே தே³வே த³ஸஹி
டா²னேஹி அதி⁴க்³க³ண்ஹாதி தி³ப்³பே³ன ஆயுனா தி³ப்³பே³ன வண்ணேன தி³ப்³பே³ன
ஸுகே²ன தி³ப்³பே³ன யஸேன தி³ப்³பே³ன ஆதி⁴பதெய்யேன தி³ப்³பே³ஹி ரூபேஹி
தி³ப்³பே³ஹி ஸத்³தே³ஹி தி³ப்³பே³ஹி க³ந்தே⁴ஹி தி³ப்³பே³ஹி ரஸேஹி
தி³ப்³பே³ஹி பொ²ட்ட²ப்³பே³ஹி. ஸோ ததோ சுதோ இத்த²த்தங் ஆக³தோ ஸமானோ இமங்
மஹாபுரிஸலக்க²ணங் படிலப⁴தி. ஸுப்பதிட்டி²தபாதோ³ ஹோதி. ஸமங் பாத³ங் பூ⁴மியங்
நிக்கி²பதி, ஸமங் உத்³த⁴ரதி, ஸமங் ஸப்³பா³வந்தேஹி பாத³தலேஹி பூ⁴மிங்
பு²ஸதி.

202.
‘‘ஸோ தேன லக்க²ணேன ஸமன்னாக³தோ ஸசே அகா³ரங் அஜ்ஜா²வஸதி, ராஜா ஹோதி
சக்கவத்தீ த⁴ம்மிகோ த⁴ம்மராஜா சாதுரந்தோ விஜிதாவீ ஜனபத³த்தா²வரியப்பத்தோ
ஸத்தரதனஸமன்னாக³தோ. தஸ்ஸிமானி ஸத்த ரதனானி ப⁴வந்தி; ஸெய்யதி²த³ங்,
சக்கரதனங் ஹத்தி²ரதனங் அஸ்ஸரதனங் மணிரதனங் இத்தி²ரதனங் க³ஹபதிரதனங்
பரிணாயகரதனமேவ ஸத்தமங். பரோஸஹஸ்ஸங் கோ² பனஸ்ஸ புத்தா ப⁴வந்தி ஸூரா
வீரங்க³ரூபா பரஸேனப்பமத்³த³னா. ஸோ இமங் பத²விங் ஸாக³ரபரியந்தங்
அகி²லமனிமித்தமகண்டகங் இத்³த⁴ங் பீ²தங் கே²மங் ஸிவங் நிரப்³பு³த³ங்
அத³ண்டே³ன அஸத்தே²ன த⁴ம்மேன அபி⁴விஜிய அஜ்ஜா²வஸதி . ராஜா ஸமானோ கிங் லப⁴தி? அக்க²ம்பி⁴யோ [அவிக்க²ம்பி⁴யோ (ஸீ॰ பீ॰)] ஹோதி கேனசி மனுஸ்ஸபூ⁴தேன
பச்சத்தி²கேன பச்சாமித்தேன. ராஜா ஸமானோ இத³ங் லப⁴தி. ‘‘ஸசே கோ² பன
அகா³ரஸ்மா அனகா³ரியங் பப்³ப³ஜதி, அரஹங் ஹோதி ஸம்மாஸம்பு³த்³தோ⁴ லோகே
விவட்டச்ச²தோ³. பு³த்³தோ⁴ ஸமானோ கிங் லப⁴தி? அக்க²ம்பி⁴யோ ஹோதி
அப்³ப⁴ந்தரேஹி வா பா³ஹிரேஹி வா பச்சத்தி²கேஹி பச்சாமித்தேஹி ராகே³ன வா
தோ³ஸேன வா மோஹேன வா ஸமணேன வா ப்³ராஹ்மணேன வா தே³வேன வா மாரேன வா ப்³ரஹ்முனா வா கேனசி வா லோகஸ்மிங். பு³த்³தோ⁴ ஸமானோ இத³ங் லப⁴தி’’. ஏதமத்த²ங் ப⁴க³வா அவோச.

203. தத்தே²தங் வுச்சதி –

‘‘ஸச்சே ச த⁴ம்மே ச த³மே ச ஸங்யமே,

ஸோசெய்யஸீலாலயுபோஸதே²ஸு ச;

தா³னே அஹிங்ஸாய அஸாஹஸே ரதோ,

த³ள்ஹங் ஸமாதா³ய ஸமத்தமாசரி [ஸமந்தமாசரி (ஸ்யா॰ க॰)].

‘‘ஸோ தேன கம்மேன தி³வங் ஸமக்கமி [அபக்கமி (ஸ்யா॰ க॰)],

ஸுக²ஞ்ச கி²ட்³டா³ரதியோ ச அன்வபி⁴ [அங்ன்வபி⁴ (டீகா)];

ததோ சவித்வா புனராக³தோ இத⁴,

ஸமேஹி பாதே³ஹி பு²ஸீ வஸுந்த⁴ரங்.

‘‘ப்³யாகங்ஸு வெய்யஞ்ஜனிகா ஸமாக³தா,

ஸமப்பதிட்ட²ஸ்ஸ ந ஹோதி க²ம்ப⁴னா;

கி³ஹிஸ்ஸ வா பப்³ப³ஜிதஸ்ஸ வா புன [பன (ஸ்யா॰)],

தங் லக்க²ணங் ப⁴வதி தத³த்த²ஜோதகங்.

‘‘அக்க²ம்பி⁴யோ ஹோதி அகா³ரமாவஸங்,

பராபி⁴பூ⁴ ஸத்துபி⁴ நப்பமத்³த³னோ;

மனுஸ்ஸபூ⁴தேனித⁴ ஹோதி கேனசி,

அக்க²ம்பி⁴யோ தஸ்ஸ ப²லேன கம்முனோ.

‘‘ஸசே ச பப்³ப³ஜ்ஜமுபேதி தாதி³ஸோ,

நெக்க²ம்மச²ந்தா³பி⁴ரதோ விசக்க²ணோ;

அக்³கோ³ ந ஸோ க³ச்ச²தி ஜாது க²ம்ப⁴னங்,

நருத்தமோ ஏஸ ஹி தஸ்ஸ த⁴ம்மதா’’தி.

(2) பாத³தலசக்கலக்க²ணங்

204. ‘‘யம்பி, பி⁴க்க²வே, ததா²க³தோ புரிமங் ஜாதிங் புரிமங் ப⁴வங் புரிமங் நிகேதங் புப்³பே³ மனுஸ்ஸபூ⁴தோ ஸமானோ ப³ஹுஜனஸ்ஸ
ஸுகா²வஹோ அஹோஸி, உப்³பே³க³உத்தாஸப⁴யங் அபனுதி³தா, த⁴ம்மிகஞ்ச
ரக்கா²வரணகு³த்திங் ஸங்விதா⁴தா, ஸபரிவாரஞ்ச தா³னங் அதா³ஸி. ஸோ தஸ்ஸ கம்மஸ்ஸ
கடத்தா உபசிதத்தா உஸ்ஸன்னத்தா விபுலத்தா காயஸ்ஸ பே⁴தா³ பரங் மரணா ஸுக³திங்
ஸக்³க³ங் லோகங் உபபஜ்ஜதி…பே॰… ஸோ ததோ சுதோ இத்த²த்தங் ஆக³தோ ஸமானோ இமங்
மஹாபுரிஸலக்க²ணங் படிலப⁴தி. ஹெட்டா²பாத³தலேஸு சக்கானி ஜாதானி ஹொந்தி
ஸஹஸ்ஸாரானி ஸனேமிகானி ஸனாபி⁴கானி ஸப்³பா³காரபரிபூரானி ஸுவிப⁴த்தந்தரானி.

‘‘ஸோ தேன லக்க²ணேன ஸமன்னாக³தோ ஸசே அகா³ரங் அஜ்ஜா²வஸதி,
ராஜா ஹோதி சக்கவத்தீ…பே॰… ராஜா ஸமானோ கிங் லப⁴தி? மஹாபரிவாரோ ஹோதி; மஹாஸ்ஸ
ஹொந்தி பரிவாரா ப்³ராஹ்மணக³ஹபதிகா நேக³மஜானபதா³
க³ணகமஹாமத்தா அனீகட்டா² தோ³வாரிகா அமச்சா பாரிஸஜ்ஜா ராஜானோ போ⁴கி³யா
குமாரா. ராஜா ஸமானோ இத³ங் லப⁴தி. ஸசே கோ² பன அகா³ரஸ்மா அனகா³ரியங்
பப்³ப³ஜதி, அரஹங் ஹோதி ஸம்மாஸம்பு³த்³தோ⁴ லோகே விவட்டச்ச²தோ³. பு³த்³தோ⁴
ஸமானோ கிங் லப⁴தி? மஹாபரிவாரோ ஹோதி; மஹாஸ்ஸ ஹொந்தி பரிவாரா பி⁴க்கூ²
பி⁴க்கு²னியோ உபாஸகா உபாஸிகாயோ தே³வா மனுஸ்ஸா அஸுரா நாகா³ க³ந்த⁴ப்³பா³.
பு³த்³தோ⁴ ஸமானோ இத³ங் லப⁴தி’’. ஏதமத்த²ங் ப⁴க³வா அவோச.

205. தத்தே²தங் வுச்சதி –

‘‘புரே புரத்தா² புரிமாஸு ஜாதிஸு,

மனுஸ்ஸபூ⁴தோ ப³ஹுனங் ஸுகா²வஹோ;

உப்³பே⁴க³உத்தாஸப⁴யாபனூத³னோ,

கு³த்தீஸு ரக்கா²வரணேஸு உஸ்ஸுகோ.

‘‘ஸோ தேன கம்மேன தி³வங் ஸமக்கமி,

ஸுக²ஞ்ச கி²ட்³டா³ரதியோ ச அன்வபி⁴;

ததோ சவித்வா புனராக³தோ இத⁴,

சக்கானி பாதே³ஸு து³வேஸு விந்த³தி.

‘‘ஸமந்தனேமீனி ஸஹஸ்ஸரானி ச,

ப்³யாகங்ஸு வெய்யஞ்ஜனிகா ஸமாக³தா;

தி³ஸ்வா குமாரங் ஸதபுஞ்ஞலக்க²ணங்,

பரிவாரவா ஹெஸ்ஸதி ஸத்துமத்³த³னோ.

ததா² ஹீ சக்கானி ஸமந்தனேமினி,

ஸசே ந பப்³ப³ஜ்ஜமுபேதி தாதி³ஸோ;

வத்தேதி சக்கங் பத²விங் பஸாஸதி,

தஸ்ஸானுயந்தாத⁴ [தஸ்ஸானுயுத்தா இத⁴ (ஸீ॰ பீ॰), தஸ்ஸானுயந்தா இத⁴ (ஸ்யா॰ க॰)] ப⁴வந்தி க²த்தியா.

‘‘மஹாயஸங் ஸங்பரிவாரயந்தி நங்,

ஸசே ச பப்³ப³ஜ்ஜமுபேதி தாதி³ஸோ;

நெக்க²ம்மச²ந்தா³பி⁴ரதோ விசக்க²ணோ,

தே³வாமனுஸ்ஸாஸுரஸக்கரக்க²ஸா [ஸத்தரக்க²ஸா (க॰) ஸீ॰ ஸ்யாஅட்ட²கதா² ஓலோகேதப்³பா³].

‘‘க³ந்த⁴ப்³ப³னாகா³ விஹகா³ சதுப்பதா³,

அனுத்தரங் தே³வமனுஸ்ஸபூஜிதங்;

மஹாயஸங் ஸங்பரிவாரயந்தி ந’’ந்தி.

(3-5) ஆயதபண்ஹிதாதி³திலக்க²ணங்

206.
‘‘யம்பி, பி⁴க்க²வே, ததா²க³தோ புரிமங் ஜாதிங் புரிமங் ப⁴வங் புரிமங்
நிகேதங் புப்³பே³ மனுஸ்ஸபூ⁴தோ ஸமானோ பாணாதிபாதங் பஹாய பாணாதிபாதா படிவிரதோ
அஹோஸி நிஹிதத³ண்டோ³ நிஹிதஸத்தோ² லஜ்ஜீ த³யாபன்னோ, ஸப்³ப³பாணபூ⁴தஹிதானுகம்பீ
விஹாஸி. ஸோ தஸ்ஸ கம்மஸ்ஸ கடத்தா உபசிதத்தா உஸ்ஸன்னத்தா விபுலத்தா…பே॰… ஸோ
ததோ சுதோ இத்த²த்தங் ஆக³தோ ஸமானோ இமானி தீணி மஹாபுரிஸலக்க²ணானி படிலப⁴தி. ஆயதபண்ஹி ச ஹோதி, தீ³க⁴ங்கு³லி ச ப்³ரஹ்முஜுக³த்தோ ச.

‘‘ஸோ தேஹி லக்க²ணேஹி
ஸமன்னாக³தோ ஸசே அகா³ரங் அஜ்ஜா²வஸதி, ராஜா ஹோதி சக்கவத்தீ…பே॰… ராஜா ஸமானோ
கிங் லப⁴தி? தீ³கா⁴யுகோ ஹோதி சிரட்டி²திகோ, தீ³க⁴மாயுங் பாலேதி, ந ஸக்கா
ஹோதி அந்தரா ஜீவிதா வோரோபேதுங் கேனசி மனுஸ்ஸபூ⁴தேன பச்சத்தி²கேன
பச்சாமித்தேன . ராஜா ஸமானோ இத³ங் லப⁴தி… பு³த்³தோ⁴ ஸமானோ கிங் லப⁴தி? தீ³கா⁴யுகோ ஹோதி
சிரட்டி²திகோ, தீ³க⁴மாயுங் பாலேதி, ந ஸக்கா ஹோதி அந்தரா ஜீவிதா வோரோபேதுங்
பச்சத்தி²கேஹி பச்சாமித்தேஹி ஸமணேன வா ப்³ராஹ்மணேன வா தே³வேன வா மாரேன வா
ப்³ரஹ்முனா வா கேனசி வா லோகஸ்மிங். பு³த்³தோ⁴ ஸமானோ இத³ங் லப⁴தி’’.
ஏதமத்த²ங் ப⁴க³வா அவோச.

207. தத்தே²தங் வுச்சதி –

‘‘மாரணவத⁴ப⁴யத்தனோ [மரணவத⁴ப⁴யத்தனோ (ஸீ॰ பீ॰ க॰), மரணவத⁴ப⁴யமத்தனோ (ஸ்யா॰)] விதி³த்வா,

படிவிரதோ பரங் மாரணாயஹோஸி;

தேன ஸுசரிதேன ஸக்³க³மக³மா [தேன ஸோ ஸுசரிதேன ஸக்³க³மக³மாஸி (ஸ்யா॰)],

ஸுகதப²லவிபாகமனுபோ⁴ஸி.

‘‘சவிய புனரிதா⁴க³தோ ஸமானோ,

படிலப⁴தி இத⁴ தீணி லக்க²ணானி;

ப⁴வதி விபுலதீ³க⁴பாஸண்ஹிகோ,

ப்³ரஹ்மாவ ஸுஜு ஸுபோ⁴ ஸுஜாதக³த்தோ.

‘‘ஸுபு⁴ஜோ ஸுஸு ஸுஸண்டி²தோ ஸுஜாதோ,

முது³தலுனங்கு³லியஸ்ஸ ஹொந்தி;

தீ³கா⁴ தீபி⁴ புரிஸவரக்³க³லக்க²ணேஹி,

சிரயபனாய [சிரயாபனாய (ஸ்யா॰)] குமாரமாதி³ஸந்தி.

‘‘ப⁴வதி யதி³ கி³ஹீ சிரங் யபேதி,

சிரதரங் பப்³ப³ஜதி யதி³ ததோ ஹி;

யாபயதி ச வஸித்³தி⁴பா⁴வனாய,

இதி தீ³கா⁴யுகதாய தங் நிமித்த’’ந்தி.

(6) ஸத்துஸ்ஸத³தாலக்க²ணங்

208. ‘‘யம்பி ,
பி⁴க்க²வே, ததா²க³தோ புரிமங் ஜாதிங் புரிமங் ப⁴வங் புரிமங் நிகேதங்
புப்³பே³ மனுஸ்ஸபூ⁴தோ ஸமானோ தா³தா அஹோஸி பணீதானங் ரஸிதானங் கா²த³னீயானங்
போ⁴ஜனீயானங் ஸாயனீயானங் லேஹனீயானங் பானானங். ஸோ
தஸ்ஸ கம்மஸ்ஸ கடத்தா…பே॰… ஸோ ததோ சுதோ இத்த²த்தங் ஆக³தோ ஸமானோ இமங்
மஹாபுரிஸலக்க²ணங் படிலப⁴தி, ஸத்துஸ்ஸதோ³ ஹோதி, ஸத்தஸ்ஸ உஸ்ஸதா³ ஹொந்தி;
உபோ⁴ஸு ஹத்தே²ஸு உஸ்ஸதா³ ஹொந்தி, உபோ⁴ஸு பாதே³ஸு உஸ்ஸதா³ ஹொந்தி, உபோ⁴ஸு
அங்ஸகூடேஸு உஸ்ஸதா³ ஹொந்தி, க²ந்தே⁴ உஸ்ஸதோ³ ஹோதி.

‘‘ஸோ தேன லக்க²ணேன ஸமன்னாக³தோ ஸசே அகா³ரங் அஜ்ஜா²வஸதி,
ராஜா ஹோதி சக்கவத்தீ…பே॰… ராஜா ஸமானோ கிங் லப⁴தி? லாபீ⁴ ஹோதி பணீதானங்
ரஸிதானங் கா²த³னீயானங் போ⁴ஜனீயானங் ஸாயனீயானங் லேஹனீயானங் பானானங். ராஜா
ஸமானோ இத³ங் லப⁴தி… பு³த்³தோ⁴ ஸமானோ கிங் லப⁴தி? லாபீ⁴ ஹோதி பணீதானங்
ரஸிதானங் கா²த³னீயானங் போ⁴ஜனீயானங் ஸாயனீயானங் லேஹனீயானங் பானானங்.
பு³த்³தோ⁴ ஸமானோ இத³ங் லப⁴தி’’. ஏதமத்த²ங் ப⁴க³வா அவோச.

209. தத்தே²தங் வுச்சதி –

‘‘க²ஜ்ஜபோ⁴ஜ்ஜமத² லெய்ய ஸாயியங்,

உத்தமக்³க³ரஸதா³யகோ அஹு;

தேன ஸோ ஸுசரிதேன கம்முனா,

நந்த³னே சிரமபி⁴ப்பமோத³தி.

‘‘ஸத்த சுஸ்ஸதே³ இதா⁴தி⁴க³ச்ச²தி,

ஹத்த²பாத³முது³தஞ்ச விந்த³தி;

ஆஹு ப்³யஞ்ஜனநிமித்தகோவிதா³,

க²ஜ்ஜபோ⁴ஜ்ஜரஸலாபி⁴தாய நங்.

‘‘யங் கி³ஹிஸ்ஸபி [ந தங் கி³ஹிஸ்ஸாபி (ஸ்யா॰)] தத³த்த²ஜோதகங்,

பப்³ப³ஜ்ஜம்பி ச ததா³தி⁴க³ச்ச²தி;

க²ஜ்ஜபோ⁴ஜ்ஜரஸலாபி⁴ருத்தமங்,

ஆஹு ஸப்³ப³கி³ஹிப³ந்த⁴னச்சி²த³’’ந்தி.

(7-8) கரசரணமுது³ஜாலதாலக்க²ணானி

210. ‘‘யம்பி ,
பி⁴க்க²வே, ததா²க³தோ புரிமங் ஜாதிங் புரிமங் ப⁴வங் புரிமங் நிகேதங்
புப்³பே³ மனுஸ்ஸபூ⁴தோ ஸமானோ சதூஹி ஸங்க³ஹவத்தூ²ஹி ஜனங் ஸங்கா³ஹகோ அஹோஸி –
தா³னேன பெய்யவஜ்ஜேன [பியவாசேன (ஸ்யா॰ க॰)] அத்த²சரியாய ஸமானத்ததாய. ஸோ தஸ்ஸ கம்மஸ்ஸ கடத்தா…பே॰… ஸோ ததோ சுதோ இத்த²த்தங் ஆக³தோ ஸமானோ இமானி த்³வே மஹாபுரிஸலக்க²ணானி படிலப⁴தி. முது³தலுனஹத்த²பாதோ³ ச ஹோதி ஜாலஹத்த²பாதோ³ ச.

‘‘ஸோ தேஹி லக்க²ணேஹி ஸமன்னாக³தோ ஸசே அகா³ரங்
அஜ்ஜா²வஸதி, ராஜா ஹோதி சக்கவத்தீ…பே॰… ராஜா ஸமானோ கிங் லப⁴தி?
ஸுஸங்க³ஹிதபரிஜனோ ஹோதி, ஸுஸங்க³ஹிதாஸ்ஸ ஹொந்தி ப்³ராஹ்மணக³ஹபதிகா
நேக³மஜானபதா³ க³ணகமஹாமத்தா அனீகட்டா² தோ³வாரிகா
அமச்சா பாரிஸஜ்ஜா ராஜானோ போ⁴கி³யா குமாரா. ராஜா ஸமானோ இத³ங் லப⁴தி…
பு³த்³தோ⁴ ஸமானோ கிங் லப⁴தி? ஸுஸங்க³ஹிதபரிஜனோ ஹோதி, ஸுஸங்க³ஹிதாஸ்ஸ ஹொந்தி
பி⁴க்கூ² பி⁴க்கு²னியோ உபாஸகா உபாஸிகாயோ தே³வா மனுஸ்ஸா அஸுரா நாகா³
க³ந்த⁴ப்³பா³. பு³த்³தோ⁴ ஸமானோ இத³ங் லப⁴தி’’. ஏதமத்த²ங் ப⁴க³வா அவோச.

211. தத்தே²தங் வுச்சதி –

‘‘தா³னம்பி சத்த²சரியதஞ்ச [தா³னம்பி ச அத்த²சரியதம்பி ச (ஸீ॰ பீ॰)],

பியவாதி³தஞ்ச ஸமானத்ததஞ்ச [பியவத³தஞ்ச ஸமானச²ந்த³தஞ்ச (ஸீ॰ பீ॰)];

கரியசரியஸுஸங்க³ஹங் ப³ஹூனங்,

அனவமதேன கு³ணேன யாதி ஸக்³க³ங்.

‘‘சவிய புனரிதா⁴க³தோ ஸமானோ,

கரசரணமுது³தஞ்ச ஜாலினோ ச;

அதிருசிரஸுவக்³கு³த³ஸ்ஸனெய்யங்,

படிலப⁴தி த³ஹரோ ஸுஸு குமாரோ.

‘‘ப⁴வதி பரிஜனஸ்ஸவோ விதெ⁴ய்யோ,

மஹிமங் ஆவஸிதோ ஸுஸங்க³ஹிதோ;

பியவதூ³ ஹிதஸுக²தங் ஜிகீ³ஸமானோ [ஜிகி³ங் ஸமானோ (ஸீ॰ ஸ்யா॰ பீ॰)],

அபி⁴ருசிதானி கு³ணானி ஆசரதி.

‘‘யதி³ ச ஜஹதி ஸப்³ப³காமபோ⁴க³ங்,

கத²யதி த⁴ம்மகத²ங் ஜினோ ஜனஸ்ஸ;

வசனபடிகரஸ்ஸாபி⁴ப்பஸன்னா ,

ஸுத்வான த⁴ம்மானுத⁴ம்மமாசரந்தீ’’தி.

(9-10) உஸ்ஸங்க²பாத³உத்³த⁴க்³க³லோமதாலக்க²ணானி

212. ‘‘யம்பி, பி⁴க்க²வே, ததா²க³தோ புரிமங் ஜாதிங் புரிமங் ப⁴வங் புரிமங் நிகேதங் புப்³பே³ மனுஸ்ஸபூ⁴தோ ஸமானோ [ஸமானோ ப³ஹுனோ ஜனஸ்ஸ (ஸீ॰ பீ॰)]
அத்தூ²பஸங்ஹிதங் த⁴ம்மூபஸங்ஹிதங் வாசங் பா⁴ஸிதா அஹோஸி, ப³ஹுஜனங்
நித³ங்ஸேஸி, பாணீனங் ஹிதஸுகா²வஹோ த⁴ம்மயாகீ³. ஸோ தஸ்ஸ கம்மஸ்ஸ கடத்தா…பே॰…
ஸோ ததோ சுதோ இத்த²த்தங் ஆக³தோ ஸமானோ இமானி த்³வே மஹாபுரிஸலக்க²ணானி
படிலப⁴தி. உஸ்ஸங்க²பாதோ³ ச ஹோதி, உத்³த⁴க்³க³லோமோ ச.

‘‘ஸோ தேஹி லக்க²ணேஹி ஸமன்னாக³தோ, ஸசே அகா³ரங்
அஜ்ஜா²வஸதி, ராஜா ஹோதி சக்கவத்தீ…பே॰… ராஜா ஸமானோ கிங் லப⁴தி? அக்³கோ³ ச
ஹோதி ஸெட்டோ² ச பாமொக்கோ² ச உத்தமோ ச பவரோ ச காமபோ⁴கீ³னங். ராஜா ஸமானோ
இத³ங் லப⁴தி… பு³த்³தோ⁴ ஸமானோ கிங் லப⁴தி? அக்³கோ³ ச ஹோதி ஸெட்டோ² ச
பாமொக்கோ² ச உத்தமோ ச பவரோ ச ஸப்³ப³ஸத்தானங். பு³த்³தோ⁴ ஸமானோ இத³ங்
லப⁴தி’’. ஏதமத்த²ங் ப⁴க³வா அவோச.

213. தத்தே²தங் வுச்சதி –

‘‘அத்த²த⁴ம்மஸஹிதங் [அத்த²த⁴ம்மஸங்ஹிதங் (க॰ ஸீ॰ பீ॰), அத்த²த⁴ம்முபஸங்ஹிதங் (க॰)] புரே கி³ரங்,

ஏரயங் ப³ஹுஜனங் நித³ங்ஸயி;

பாணினங் ஹிதஸுகா²வஹோ அஹு,

த⁴ம்மயாக³மயஜீ [த⁴ம்மயாக³ங் அஸ்ஸஜி (க॰)] அமச்ச²ரீ.

‘‘தேன ஸோ ஸுசரிதேன கம்முனா,

ஸுக்³க³திங் வஜதி தத்த² மோத³தி;

லக்க²ணானி ச து³வே இதா⁴க³தோ,

உத்தமப்பமுக²தாய [உத்தமஸுக²தாய (ஸ்யா॰), உத்தமபமுக்க²தாய (க॰)] விந்த³தி.

‘‘உப்³ப⁴முப்பதிதலோமவா ஸஸோ,

பாத³க³ண்டி²ரஹு ஸாது⁴ஸண்டி²தா;

மங்ஸலோஹிதாசிதா தசொத்த²தா,

உபரிசரணஸோப⁴னா [உபரிஜானுஸோப⁴னா (ஸ்யா॰), உபரி ச பன ஸோப⁴னா (ஸீ॰ பீ॰)] அஹு.

‘‘கே³ஹமாவஸதி சே ததா²விதோ⁴,

அக்³க³தங் வஜதி காமபோ⁴கி³னங்;

தேன உத்தரிதரோ ந விஜ்ஜதி,

ஜம்பு³தீ³பமபி⁴பு⁴ய்ய இரியதி.

‘‘பப்³ப³ஜம்பி ச அனோமனிக்கமோ,

அக்³க³தங் வஜதி ஸப்³ப³பாணினங்;

தேன உத்தரிதரோ ந விஜ்ஜதி,

ஸப்³ப³லோகமபி⁴பு⁴ய்ய விஹரதீ’’தி.

(11) ஏணிஜங்க⁴லக்க²ணங்

214.
‘‘யம்பி, பி⁴க்க²வே, ததா²க³தோ புரிமங் ஜாதிங் புரிமங் ப⁴வங் புரிமங்
நிகேதங் புப்³பே³ மனுஸ்ஸபூ⁴தோ ஸமானோ ஸக்கச்சங் வாசேதா அஹோஸி ஸிப்பங் வா
விஜ்ஜங் வா சரணங் வா கம்மங் வா – ‘கிங் திமே கி²ப்பங் விஜானெய்யுங்,
கி²ப்பங் படிபஜ்ஜெய்யுங், ந சிரங் கிலிஸ்ஸெய்யு’’ந்தி. ஸோ தஸ்ஸ கம்மஸ்ஸ
கடத்தா…பே॰… ஸோ ததோ சுதோ இத்த²த்தங் ஆக³தோ ஸமானோ இமங் மஹாபுரிஸலக்க²ணங் படிலப⁴தி. ஏணிஜங்கோ⁴ ஹோதி.

‘‘ஸோ தேன லக்க²ணேன ஸமன்னாக³தோ ஸசே அகா³ரங் அஜ்ஜா²வஸதி,
ராஜா ஹோதி சக்கவத்தீ…பே॰… ராஜா ஸமானோ கிங் லப⁴தி? யானி தானி ராஜாரஹானி
ராஜங்கா³னி ராஜூபபோ⁴கா³னி ராஜானுச்ச²விகானி தானி கி²ப்பங் படிலப⁴தி. ராஜா ஸமானோ இத³ங் லப⁴தி… பு³த்³தோ⁴ ஸமானோ கிங் லப⁴தி? யானி
தானி ஸமணாரஹானி ஸமணங்கா³னி ஸமணூபபோ⁴கா³னி ஸமணானுச்ச²விகானி, தானி கி²ப்பங்
படிலப⁴தி. பு³த்³தோ⁴ ஸமானோ இத³ங் லப⁴தி’’. ஏதமத்த²ங் ப⁴க³வா அவோச.

215. தத்தே²தங் வுச்சதி –

‘‘ஸிப்பேஸு விஜ்ஜாசரணேஸு கம்மேஸு [கம்மஸு (ஸீ॰ பீ॰)],

கத²ங் விஜானெய்யுங் [விஜானெய்ய (ஸீ॰ பீ॰), விஜானெய்யு (ஸ்யா॰)] லஹுந்தி இச்ச²தி;

யதூ³பகா⁴தாய ந ஹோதி கஸ்ஸசி,

வாசேதி கி²ப்பங் ந சிரங் கிலிஸ்ஸதி.

‘‘தங் கம்மங் கத்வா குஸலங் ஸுகு²த்³ரயங் [ஸுகி²ந்த்³ரியங் (க॰)],

ஜங்கா⁴ மனுஞ்ஞா லப⁴தே ஸுஸண்டி²தா;

வட்டா ஸுஜாதா அனுபுப்³ப³முக்³க³தா,

உத்³த⁴க்³க³லோமா ஸுகு²மத்தசொத்த²தா.

‘‘ஏணெய்யஜங்கோ⁴தி தமாஹு புக்³க³லங்,

ஸம்பத்தியா கி²ப்பமிதா⁴ஹு [கி²ப்பமிதா³ஹு (?)] லக்க²ணங்;

கே³ஹானுலோமானி யதா³பி⁴கங்க²தி,

அபப்³ப³ஜங் கி²ப்பமிதா⁴தி⁴க³ச்ச²தி [கி²ப்பமிதா³தி⁴க³ச்ச²தி (?)].

‘‘ஸசே ச பப்³ப³ஜ்ஜமுபேதி தாதி³ஸோ,

நெக்க²ம்மச²ந்தா³பி⁴ரதோ விசக்க²ணோ;

அனுச்ச²விகஸ்ஸ யதா³னுலோமிகங்,

தங் விந்த³தி கி²ப்பமனோமவிக்கமோ [நிக்கமோ (ஸீ॰ ஸ்யா॰ பீ॰)]’’தி.

(12) ஸுகு²மச்ச²விலக்க²ணங்

216. ‘‘யம்பி, பி⁴க்க²வே, ததா²க³தோ புரிமங் ஜாதிங் புரிமங் ப⁴வங் புரிமங் நிகேதங் புப்³பே³ மனுஸ்ஸபூ⁴தோ
ஸமானோ ஸமணங் வா ப்³ராஹ்மணங் வா உபஸங்கமித்வா பரிபுச்சி²தா அஹோஸி – ‘‘கிங்,
ப⁴ந்தே, குஸலங், கிங் அகுஸலங், கிங் ஸாவஜ்ஜங், கிங் அனவஜ்ஜங், கிங்
ஸேவிதப்³ப³ங், கிங் ந ஸேவிதப்³ப³ங், கிங் மே கரீயமானங் தீ³க⁴ரத்தங் அஹிதாய
து³க்கா²ய அஸ்ஸ, கிங் வா பன மே கரீயமானங் தீ³க⁴ரத்தங் ஹிதாய ஸுகா²ய அஸ்ஸா’’தி. ஸோ தஸ்ஸ கம்மஸ்ஸ கடத்தா…பே॰… ஸோ ததோ சுதோ இத்த²த்தங் ஆக³தோ ஸமானோ இமங் மஹாபுரிஸலக்க²ணங் படிலப⁴தி. ஸுகு²மச்ச²வி ஹோதி, ஸுகு²மத்தா ச²வியா ரஜோஜல்லங் காயே ந உபலிம்பதி.

‘‘ஸோ தேன லக்க²ணேன ஸமன்னாக³தோ ஸசே அகா³ரங் அஜ்ஜா²வஸதி,
ராஜா ஹோதி சக்கவத்தீ…பே॰… ராஜா ஸமானோ கிங் லப⁴தி? மஹாபஞ்ஞோ ஹோதி, நாஸ்ஸ
ஹோதி கோசி பஞ்ஞாய ஸதி³ஸோ வா ஸெட்டோ² வா காமபோ⁴கீ³னங். ராஜா ஸமானோ இத³ங்
லப⁴தி… பு³த்³தோ⁴ ஸமானோ கிங் லப⁴தி? மஹாபஞ்ஞோ ஹோதி புது²பஞ்ஞோ ஹாஸபஞ்ஞோ [ஹாஸுபஞ்ஞோ (ஸீ॰ பீ॰)]
ஜவனபஞ்ஞோ திக்க²பஞ்ஞோ நிப்³பே³தி⁴கபஞ்ஞோ, நாஸ்ஸ ஹோதி கோசி பஞ்ஞாய ஸதி³ஸோ
வா ஸெட்டோ² வா ஸப்³ப³ஸத்தானங். பு³த்³தோ⁴ ஸமானோ இத³ங் லப⁴தி’’. ஏதமத்த²ங்
ப⁴க³வா அவோச.

217. தத்தே²தங் வுச்சதி –

‘‘புரே புரத்தா² புரிமாஸு ஜாதிஸு,

அஞ்ஞாதுகாமோ பரிபுச்சி²தா அஹு;

ஸுஸ்ஸூஸிதா பப்³ப³ஜிதங் உபாஸிதா,

அத்த²ந்தரோ அத்த²கத²ங் நிஸாமயி.

‘‘பஞ்ஞாபடிலாப⁴க³தேன [பஞ்ஞாபடிலாப⁴கதேன (ஸீ॰ பீ॰) டீகா ஓலோகேதப்³பா³] கம்முனா,

மனுஸ்ஸபூ⁴தோ ஸுகு²மச்ச²வீ அஹு;

ப்³யாகங்ஸு உப்பாத³னிமித்தகோவிதா³,

ஸுகு²மானி அத்தா²னி அவேச்ச த³க்கி²தி.

‘‘ஸசே ந பப்³ப³ஜ்ஜமுபேதி தாதி³ஸோ,

வத்தேதி சக்கங் பத²விங் பஸாஸதி;

அத்தா²னுஸிட்டீ²ஸு பரிக்³க³ஹேஸு ச,

ந தேன ஸெய்யோ ஸதி³ஸோ ச விஜ்ஜதி.

‘‘ஸசே ச பப்³ப³ஜ்ஜமுபேதி தாதி³ஸோ,

நெக்க²ம்மச²ந்தா³பி⁴ரதோ விசக்க²ணோ;

பஞ்ஞாவிஸிட்ட²ங் லப⁴தே அனுத்தரங்,

பப்போதி போ³தி⁴ங் வரபூ⁴ரிமேத⁴ஸோ’’தி.

(13) ஸுவண்ணவண்ணலக்க²ணங்

218. ‘‘யம்பி ,
பி⁴க்க²வே, ததா²க³தோ புரிமங் ஜாதிங் புரிமங் ப⁴வங் புரிமங் நிகேதங்
புப்³பே³ மனுஸ்ஸபூ⁴தோ ஸமானோ அக்கோத⁴னோ அஹோஸி அனுபாயாஸப³ஹுலோ, ப³ஹும்பி
வுத்தோ ஸமானோ நாபி⁴ஸஜ்ஜி ந குப்பி ந ப்³யாபஜ்ஜி ந பதித்தீ²யி, ந கோபஞ்ச தோ³ஸஞ்ச அப்பச்சயஞ்ச பாத்வாகாஸி. தா³தா ச அஹோஸி ஸுகு²மானங் முது³கானங் அத்த²ரணானங் பாவுரணானங் [பாபுரணானங் (ஸீ॰ ஸ்யா॰ பீ॰)]
கோ²மஸுகு²மானங் கப்பாஸிகஸுகு²மானங் கோஸெய்யஸுகு²மானங் கம்ப³லஸுகு²மானங்.
ஸோ தஸ்ஸ கம்மஸ்ஸ கடத்தா உபசிதத்தா…பே॰… ஸோ ததோ சுதோ இத்த²த்தங் ஆக³தோ ஸமானோ
இமங் மஹாபுரிஸலக்க²ணங் படிலப⁴தி. ஸுவண்ணவண்ணோ ஹோதி கஞ்சனஸன்னிப⁴த்தசோ.

‘‘ஸோ தேன லக்க²ணேன ஸமன்னாக³தோ ஸசே அகா³ரங் அஜ்ஜா²வஸதி,
ராஜா ஹோதி சக்கவத்தீ…பே॰… ராஜா ஸமானோ கிங் லப⁴தி? லாபீ⁴ ஹோதி ஸுகு²மானங்
முது³கானங் அத்த²ரணானங் பாவுரணானங் கோ²மஸுகு²மானங் கப்பாஸிகஸுகு²மானங்
கோஸெய்யஸுகு²மானங் கம்ப³லஸுகு²மானங். ராஜா ஸமானோ இத³ங் லப⁴தி… பு³த்³தோ⁴
ஸமானோ கிங் லப⁴தி? லாபீ⁴ ஹோதி ஸுகு²மானங் முது³கானங் அத்த²ரணானங்
பாவுரணானங் கோ²மஸுகு²மானங் கப்பாஸிகஸுகு²மானங் கோஸெய்யஸுகு²மானங்
கம்ப³லஸுகு²மானங். பு³த்³தோ⁴ ஸமானோ இத³ங் லப⁴தி’’. ஏதமத்த²ங் ப⁴க³வா அவோச.

219. தத்தே²தங் வுச்சதி –

‘‘அக்கோத⁴ஞ்ச அதி⁴ட்ட²ஹி அதா³ஸி [அதா³ஸி ச (ஸீ॰ பீ॰)],

தா³னஞ்ச வத்தா²னி ஸுகு²மானி ஸுச்ச²வீனி;

புரிமதரப⁴வே டி²தோ அபி⁴விஸ்ஸஜி,

மஹிமிவ ஸுரோ அபி⁴வஸ்ஸங்.

‘‘தங் கத்வான இதோ சுதோ தி³ப்³ப³ங்,

உபபஜ்ஜி [உபபஜ்ஜ (ஸீ॰ பீ॰)] ஸுகதப²லவிபாகமனுபு⁴த்வா;

கனகதனுஸன்னிபோ⁴ இதா⁴பி⁴ப⁴வதி,

ஸுரவரதரோரிவ இந்தோ³.

‘‘கே³ஹஞ்சாவஸதி நரோ அபப்³ப³ஜ்ஜ,

மிச்ச²ங் மஹதிமஹிங் அனுஸாஸதி [பஸாஸதி (ஸ்யா॰)];

பஸய்ஹ ஸஹித⁴ ஸத்தரதனங் [பஸய்ஹ அபி⁴வஸன-வரதரங் (ஸீ॰ பீ॰)],

படிலப⁴தி விமல [விபுல (ஸ்யா॰), விபுலங் (ஸீ॰ பீ॰)] ஸுகு²மச்ச²விங் ஸுசிஞ்ச.

‘‘லாபீ⁴ அச்சா²த³னவத்த²மொக்க²பாவுரணானங்,

ப⁴வதி யதி³ அனாகா³ரியதங் உபேதி;

ஸஹிதோ [ஸுஹித (ஸ்யா॰), ஸ ஹி (ஸீ॰ பீ॰)] புரிமகதப²லங் அனுப⁴வதி,

ந ப⁴வதி கதஸ்ஸ பனாஸோ’’தி.

(14) கோஸோஹிதவத்த²கு³ய்ஹலக்க²ணங்

220.
யம்பி, பி⁴க்க²வே, ததா²க³தோ புரிமங் ஜாதிங் புரிமங் ப⁴வங் புரிமங் நிகேதங்
புப்³பே³ மனுஸ்ஸபூ⁴தோ ஸமானோ சிரப்பனட்டே² ஸுசிரப்பவாஸினோ ஞாதிமித்தே
ஸுஹஜ்ஜே ஸகி²னோ ஸமானேதா அஹோஸி. மாதரம்பி புத்தேன ஸமானேதா அஹோஸி, புத்தம்பி
மாதரா ஸமானேதா அஹோஸி, பிதரம்பி புத்தேன ஸமானேதா
அஹோஸி, புத்தம்பி பிதரா ஸமானேதா அஹோஸி, பா⁴தரம்பி பா⁴தரா ஸமானேதா அஹோஸி,
பா⁴தரம்பி ப⁴கி³னியா ஸமானேதா அஹோஸி, ப⁴கி³னிம்பி பா⁴தரா ஸமானேதா அஹோஸி,
ப⁴கி³னிம்பி ப⁴கி³னியா ஸமானேதா அஹோஸி, ஸமங்கீ³கத்வா [ஸமக்³கி³ங் கத்வா (ஸீ॰ ஸ்யா॰ பீ॰)]
ச அப்³ப⁴னுமோதி³தா அஹோஸி. ஸோ தஸ்ஸ கம்மஸ்ஸ கடத்தா…பே॰… ஸோ ததோ சுதோ
இத்த²த்தங் ஆக³தோ ஸமானோ இமங் மஹாபுரிஸலக்க²ணங் படிலப⁴தி –
கோஸோஹிதவத்த²கு³ய்ஹோ ஹோதி.

‘‘ஸோ தேன லக்க²ணேன ஸமன்னாக³தோ ஸசே அகா³ரங் அஜ்ஜா²வஸதி,
ராஜா ஹோதி சக்கவத்தீ…பே॰… ராஜா ஸமானோ கிங் லப⁴தி? பஹூதபுத்தோ ஹோதி,
பரோஸஹஸ்ஸங் கோ² பனஸ்ஸ புத்தா ப⁴வந்தி ஸூரா வீரங்க³ரூபா பரஸேனப்பமத்³த³னா. ராஜா ஸமானோ இத³ங் லப⁴தி… பு³த்³தோ⁴ ஸமானோ
கிங் லப⁴தி? பஹூதபுத்தோ ஹோதி, அனேகஸஹஸ்ஸங் கோ² பனஸ்ஸ புத்தா ப⁴வந்தி ஸூரா
வீரங்க³ரூபா பரஸேனப்பமத்³த³னா. பு³த்³தோ⁴ ஸமானோ இத³ங் லப⁴தி’’. ஏதமத்த²ங்
ப⁴க³வா அவோச.

221. தத்தே²தங் வுச்சதி –

‘‘புரே புரத்தா² புரிமாஸு ஜாதிஸு,

சிரப்பனட்டே² ஸுசிரப்பவாஸினோ;

ஞாதீ ஸுஹஜ்ஜே ஸகி²னோ ஸமானயி,

ஸமங்கி³கத்வா அனுமோதி³தா அஹு.

‘‘ஸோ தேன [ஸ தேன (க॰)] கம்மேன தி³வங் ஸமக்கமி,

ஸுக²ஞ்ச கி²ட்³டா³ரதியோ ச அன்வபி⁴;

ததோ சவித்வா புனராக³தோ இத⁴,

கோஸோஹிதங் விந்த³தி வத்த²சா²தி³யங்.

‘‘பஹூதபுத்தோ ப⁴வதீ ததா²விதோ⁴,

பரோஸஹஸ்ஸஞ்ச [பரோஸஹஸ்ஸஸ்ஸ (ஸீ॰ பீ॰)] ப⁴வந்தி அத்ரஜா;

ஸூரா ச வீரா ச [ஸூரா ச வீரங்க³ரூபா (க॰)] அமித்ததாபனா,

கி³ஹிஸ்ஸ பீதிங்ஜனநா பியங்வதா³.

‘‘ப³ஹூதரா பப்³ப³ஜிதஸ்ஸ இரியதோ,

ப⁴வந்தி புத்தா வசனானுஸாரினோ;

கி³ஹிஸ்ஸ வா பப்³ப³ஜிதஸ்ஸ வா புன,

தங் லக்க²ணங் ஜாயதி தத³த்த²ஜோதக’’ந்தி.

பட²மபா⁴ணவாரோ நிட்டி²தோ.

(15-16) பரிமண்ட³லஅனோனமஜண்ணுபரிமஸனலக்க²ணானி

222. ‘‘யம்பி , பி⁴க்க²வே, ததா²க³தோ புரிமங் ஜாதிங் புரிமங் ப⁴வங் புரிமங் நிகேதங் புப்³பே³ மனுஸ்ஸபூ⁴தோ ஸமானோ மஹாஜனஸங்க³ஹங் [மஹாஜனஸங்கா³ஹகங் (க॰)] ஸமெக்க²மானோ [ஸமபெக்க²மானோ (க॰)]
ஸமங் ஜானாதி ஸாமங் ஜானாதி, புரிஸங் ஜானாதி புரிஸவிஸேஸங் ஜானாதி –
‘அயமித³மரஹதி அயமித³மரஹதீ’தி தத்த² தத்த² புரிஸவிஸேஸகரோ அஹோஸி. ஸோ தஸ்ஸ
கம்மஸ்ஸ கடத்தா…பே॰… ஸோ ததோ சுதோ இத்த²த்தங் ஆக³தோ
ஸமானோ இமானி த்³வே மஹாபுரிஸலக்க²ணானி படிலப⁴தி. நிக்³ரோத⁴ பரிமண்ட³லோ ச
ஹோதி, டி²தகோயேவ ச அனோனமந்தோ உபோ⁴ஹி பாணிதலேஹி ஜண்ணுகானி பரிமஸதி
பரிமஜ்ஜதி.

‘‘ஸோ தேஹி லக்க²ணேஹி ஸமன்னாக³தோ ஸசே அகா³ரங் அஜ்ஜா²வஸதி, ராஜா ஹோதி சக்கவத்தீ…பே॰… ராஜா ஸமானோ கிங் லப⁴தி ?
அட்³டோ⁴ ஹோதி மஹத்³த⁴னோ மஹாபோ⁴கோ³ பஹூதஜாதரூபரஜதோ பஹூதவித்தூபகரணோ
பஹூதத⁴னத⁴ஞ்ஞோ பரிபுண்ணகோஸகொட்டா²கா³ரோ. ராஜா ஸமானோ இத³ங் லப⁴தி…பே॰…
பு³த்³தோ⁴ ஸமானோ கிங் லப⁴தி? அட்³டோ⁴ ஹோதி மஹத்³த⁴னோ மஹாபோ⁴கோ³. தஸ்ஸிமானி
த⁴னானி ஹொந்தி, ஸெய்யதி²த³ங், ஸத்³தா⁴த⁴னங் ஸீலத⁴னங் ஹிரித⁴னங்
ஒத்தப்பத⁴னங் ஸுதத⁴னங் சாக³த⁴னங் பஞ்ஞாத⁴னங். பு³த்³தோ⁴ ஸமானோ இத³ங்
லப⁴தி’’. ஏதமத்த²ங் ப⁴க³வா அவோச.

223. தத்தே²தங் வுச்சதி –

‘‘துலிய படிவிசய சிந்தயித்வா,

மஹாஜனஸங்க³ஹனங் [மஹாஜனங் ஸங்கா³ஹகங் (க॰)] ஸமெக்க²மானோ;

அயமித³மரஹதி தத்த² தத்த²,

புரிஸவிஸேஸகரோ புரே அஹோஸி.

‘‘மஹிஞ்ச பன [ஸமா ச பன (ஸ்யா॰), ஸ ஹி ச பன (ஸீ॰ பீ॰)] டி²தோ அனோனமந்தோ,

பு²ஸதி கரேஹி உபோ⁴ஹி ஜண்ணுகானி;

மஹிருஹபரிமண்ட³லோ அஹோஸி,

ஸுசரிதகம்மவிபாகஸேஸகேன.

‘‘ப³ஹுவிவித⁴னிமித்தலக்க²ணஞ்ஞூ,

அதினிபுணா மனுஜா ப்³யாகரிங்ஸு;

ப³ஹுவிவிதா⁴ கி³ஹீனங் அரஹானி,

படிலப⁴தி த³ஹரோ ஸுஸு குமாரோ.

‘‘இத⁴ ச மஹீபதிஸ்ஸ காமபோ⁴கீ³,

கி³ஹிபதிரூபகா ப³ஹூ ப⁴வந்தி;

யதி³ ச ஜஹதி ஸப்³ப³காமபோ⁴க³ங்,

லப⁴தி அனுத்தரங் உத்தமத⁴னக்³க³’’ந்தி.

(17-19) ஸீஹபுப்³ப³த்³த⁴காயாதி³திலக்க²ணங்

224. ‘‘யம்பி ,
பி⁴க்க²வே, ததா²க³தோ புரிமங் ஜாதிங் புரிமங் ப⁴வங் புரிமங் நிகேதங்
புப்³பே³ மனுஸ்ஸபூ⁴தோ ஸமானோ ப³ஹுஜனஸ்ஸ அத்த²காமோ அஹோஸி ஹிதகாமோ பா²ஸுகாமோ
யோக³க்கே²மகாமோ – ‘கிந்திமே ஸத்³தா⁴ய வட்³டெ⁴ய்யுங், ஸீலேன வட்³டெ⁴ய்யுங்,
ஸுதேன வட்³டெ⁴ய்யுங் [ஸுதேன வட்³டெ⁴ய்யுங், பு³த்³தி⁴யா வட்³டெ⁴ய்யுங் (ஸ்யா॰)],
சாகே³ன வட்³டெ⁴ய்யுங், த⁴ம்மேன வட்³டெ⁴ய்யுங், பஞ்ஞாய வட்³டெ⁴ய்யுங்,
த⁴னத⁴ஞ்ஞேன வட்³டெ⁴ய்யுங், கெ²த்தவத்து²னா வட்³டெ⁴ய்யுங்,
த்³விபத³சதுப்பதே³ஹி வட்³டெ⁴ய்யுங், புத்ததா³ரேஹி வட்³டெ⁴ய்யுங்,
தா³ஸகம்மகரபோரிஸேஹி வட்³டெ⁴ய்யுங், ஞாதீஹி வட்³டெ⁴ய்யுங், மித்தேஹி
வட்³டெ⁴ய்யுங், ப³ந்த⁴வேஹி வட்³டெ⁴ய்யு’ந்தி. ஸோ தஸ்ஸ கம்மஸ்ஸ
கடத்தா…பே॰… ஸோ ததோ சுதோ இத்த²த்தங் ஆக³தோ ஸமானோ இமானி தீணி
மஹாபுரிஸலக்க²ணானி படிலப⁴தி. ஸீஹபுப்³ப³த்³த⁴காயோ ச ஹோதி சிதந்தரங்ஸோ ச
ஸமவட்டக்க²ந்தோ⁴ ச.

‘‘ஸோ தேஹி லக்க²ணேஹி ஸமன்னாக³தோ ஸசே அகா³ரங் அஜ்ஜா²வஸதி, ராஜா ஹோதி சக்கவத்தீ…பே॰… ராஜா ஸமானோ கிங் லப⁴தி? அபரிஹானத⁴ம்மோ
ஹோதி, ந பரிஹாயதி த⁴னத⁴ஞ்ஞேன கெ²த்தவத்து²னா த்³விபத³சதுப்பதே³ஹி
புத்ததா³ரேஹி தா³ஸகம்மகரபோரிஸேஹி ஞாதீஹி மித்தேஹி ப³ந்த⁴வேஹி, ந பரிஹாயதி
ஸப்³ப³ஸம்பத்தியா. ராஜா ஸமானோ இத³ங் லப⁴தி… பு³த்³தோ⁴ ஸமானோ கிங் லப⁴தி?
அபரிஹானத⁴ம்மோ ஹோதி, ந பரிஹாயதி ஸத்³தா⁴ய ஸீலேன ஸுதேன சாகே³ன பஞ்ஞாய, ந
பரிஹாயதி ஸப்³ப³ஸம்பத்தியா. பு³த்³தோ⁴ ஸமானோ இத³ங் லப⁴தி’’. ஏதமத்த²ங்
ப⁴க³வா அவோச.

225. தத்தே²தங் வுச்சதி –

‘‘ஸத்³தா⁴ய ஸீலேன ஸுதேன பு³த்³தி⁴யா,

சாகே³ன த⁴ம்மேன ப³ஹூஹி ஸாது⁴ஹி;

த⁴னேன த⁴ஞ்ஞேன ச கெ²த்தவத்து²னா,

புத்தேஹி தா³ரேஹி சதுப்பதே³ஹி ச.

‘‘ஞாதீஹி மித்தேஹி ச ப³ந்த⁴வேஹி ச,

ப³லேன வண்ணேன ஸுகே²ன சூப⁴யங்;

கத²ங் ந ஹாயெய்யுங் பரேதி இச்ச²தி,

அத்த²ஸ்ஸ மித்³தீ⁴ ச [இத³ங் ஸமித்³த⁴ஞ்ச (க॰), அத்³த⁴ங் ஸமித்³த⁴ஞ்ச (ஸ்யா॰)] பனாபி⁴கங்க²தி.

‘‘ஸ ஸீஹபுப்³ப³த்³த⁴ஸுஸண்டி²தோ அஹு,

ஸமவட்டக்க²ந்தோ⁴ ச சிதந்தரங்ஸோ;

புப்³பே³ ஸுசிண்ணேன கதேன கம்முனா,

அஹானியங் புப்³ப³னிமித்தமஸ்ஸ தங்.

‘‘கி³ஹீபி த⁴ஞ்ஞேன த⁴னேன வட்³ட⁴தி,

புத்தேஹி தா³ரேஹி சதுப்பதே³ஹி ச;

அகிஞ்சனோ பப்³ப³ஜிதோ அனுத்தரங்,

பப்போதி போ³தி⁴ங் அஸஹானத⁴ம்மத’’ந்தி [ஸம்போ³தி⁴மஹானத⁴ம்மதந்தி (ஸ்யா॰ க॰) டீகா ஓலோகேதப்³பா³].

(20) ரஸக்³க³ஸக்³கி³தாலக்க²ணங்

226. ‘‘யம்பி ,
பி⁴க்க²வே, ததா²க³தோ புரிமங் ஜாதிங் புரிமங் ப⁴வங் புரிமங் நிகேதங்
புப்³பே³ மனுஸ்ஸபூ⁴தோ ஸமானோ ஸத்தானங் அவிஹேட²கஜாதிகோ அஹோஸி பாணினா வா
லெட்³டு³னா வா த³ண்டே³ன வா ஸத்தே²ன வா. ஸோ தஸ்ஸ கம்மஸ்ஸ கடத்தா
உபசிதத்தா…பே॰… ஸோ ததோ சுதோ இத்த²த்தங் ஆக³தோ ஸமானோ இமங் மஹாபுரிஸலக்க²ணங்
படிலப⁴தி, ரஸக்³க³ஸக்³கீ³ ஹோதி, உத்³த⁴க்³கா³ஸ்ஸ ரஸஹரணீயோ கீ³வாய ஜாதா
ஹொந்தி ஸமாபி⁴வாஹினியோ [ஸமவாஹரஸஹரணியோ (ஸ்யா॰)].

‘‘ஸோ தேன லக்க²ணேன ஸமன்னாக³தோ ஸசே அகா³ரங் அஜ்ஜா²வஸதி,
ராஜா ஹோதி சக்கவத்தீ…பே॰… ராஜா ஸமானோ கிங் லப⁴தி? அப்பாபா³தோ⁴ ஹோதி
அப்பாதங்கோ, ஸமவேபாகினியா க³ஹணியா ஸமன்னாக³தோ நாதிஸீதாய நாச்சுண்ஹாய. ராஜா
ஸமானோ இத³ங் லப⁴தி… பு³த்³தோ⁴ ஸமானோ கிங் லப⁴தி? அப்பாபா³தோ⁴ ஹோதி
அப்பாதங்கோ ஸமவேபாகினியா க³ஹணியா ஸமன்னாக³தோ நாதிஸீதாய நாச்சுண்ஹாய மஜ்ஜி²மாய பதா⁴னக்க²மாய. பு³த்³தோ⁴ ஸமானோ இத³ங் லப⁴தி’’. ஏதமத்த²ங் ப⁴க³வா அவோச.

227. தத்தே²தங் வுச்சதி –

‘‘ந பாணித³ண்டே³ஹி பனாத² லெட்³டு³னா,

ஸத்தே²ன வா மரணவதே⁴ன [மாரணவதே⁴ன (க॰)] வா பன;

உப்³பா³த⁴னாய பரிதஜ்ஜனாய வா,

ந ஹேட²யீ ஜனதமஹேட²கோ அஹு.

‘‘தேனேவ ஸோ ஸுக³திமுபேச்ச மோத³தி,

ஸுக²ப்ப²லங் கரிய ஸுகா²னி விந்த³தி;

ஸமோஜஸா [ஸம்பஜ்ஜஸா (ஸீ॰ பீ॰), பாமுஞ்ஜஸா (ஸ்யா॰), ஸாமஞ்ச ஸா (க॰)] ரஸஹரணீ ஸுஸண்டி²தா,

இதா⁴க³தோ லப⁴தி ரஸக்³க³ஸக்³கி³தங்.

‘‘தேனாஹு நங் அதினிபுணா விசக்க²ணா,

அயங் நரோ ஸுக²ப³ஹுலோ ப⁴விஸ்ஸதி;

கி³ஹிஸ்ஸ வா பப்³ப³ஜிதஸ்ஸ வா புன [பன (ஸ்யா॰)],

தங் லக்க²ணங் ப⁴வதி தத³த்த²ஜோதக’’ந்தி.

(21-22) அபி⁴னீலனெத்தகோ³பகு²மலக்க²ணானி

228. ‘‘யம்பி, பி⁴க்க²வே, ததா²க³தோ புரிமங் ஜாதிங் புரிமங் ப⁴வங் புரிமங் நிகேதங் புப்³பே³ மனுஸ்ஸபூ⁴தோ ஸமானோ ந ச விஸடங், ந ச விஸாசி [ந ச விஸாசிதங் (ஸீ॰ பீ॰), ந ச விஸாவி (ஸ்யா॰)],
ந ச பன விசெய்ய பெக்கி²தா, உஜுங் ததா² பஸடமுஜுமனோ, பியசக்கு²னா ப³ஹுஜனங்
உதி³க்கி²தா அஹோஸி. ஸோ தஸ்ஸ கம்மஸ்ஸ கடத்தா…பே॰… ஸோ ததோ சுதோ இத்த²த்தங்
ஆக³தோ ஸமானோ இமானி த்³வே மஹாபுரிஸலக்க²ணானி படிலப⁴தி. அபி⁴னீலனெத்தோ ச ஹோதி கோ³பகு²மோ ச.

‘‘ஸோ தேஹி லக்க²ணேஹி ஸமன்னாக³தோ, ஸசே அகா³ரங்
அஜ்ஜா²வஸதி, ராஜா ஹோதி சக்கவத்தீ…பே॰… ராஜா ஸமானோ கிங் லப⁴தி? பியத³ஸ்ஸனோ
ஹோதி ப³ஹுனோ ஜனஸ்ஸ, பியோ ஹோதி மனாபோ ப்³ராஹ்மணக³ஹபதிகானங் நேக³மஜானபதா³னங் க³ணகமஹாமத்தானங்
அனீகட்டா²னங் தோ³வாரிகானங் அமச்சானங் பாரிஸஜ்ஜானங் ராஜூனங் போ⁴கி³யானங்
குமாரானங். ராஜா ஸமானோ இத³ங் லப⁴தி…பே॰… பு³த்³தோ⁴ ஸமானோ கிங் லப⁴தி?
பியத³ஸ்ஸனோ ஹோதி ப³ஹுனோ ஜனஸ்ஸ, பியோ ஹோதி மனாபோ பி⁴க்கூ²னங் பி⁴க்கு²னீனங்
உபாஸகானங் உபாஸிகானங் தே³வானங் மனுஸ்ஸானங் அஸுரானங் நாகா³னங்
க³ந்த⁴ப்³பா³னங். பு³த்³தோ⁴ ஸமானோ இத³ங் லப⁴தி’’. ஏதமத்த²ங் ப⁴க³வா அவோச.

229. தத்தே²தங் வுச்சதி –

‘‘ந ச விஸடங் ந ச விஸாசி [விஸாசிதங் (ஸீ॰ பீ॰), விஸாவி (ஸ்யா॰)], ந ச பன விசெய்யபெக்கி²தா;

உஜுங் ததா² பஸடமுஜுமனோ, பியசக்கு²னா ப³ஹுஜனங் உதி³க்கி²தா.

‘‘ஸுக³தீஸு ஸோ ப²லவிபாகங்,

அனுப⁴வதி தத்த² மோத³தி;

இத⁴ ச பன ப⁴வதி கோ³பகு²மோ,

அபி⁴னீலனெத்தனயனோ ஸுத³ஸ்ஸனோ.

‘‘அபி⁴யோகி³னோ ச நிபுணா,

ப³ஹூ பன நிமித்தகோவிதா³;

ஸுகு²மனயனகுஸலா மனுஜா,

பியத³ஸ்ஸனோதி அபி⁴னித்³தி³ஸந்தி நங்.

‘‘பியத³ஸ்ஸனோ கி³ஹீபி ஸந்தோ ச,

ப⁴வதி ப³ஹுஜனபியாயிதோ;

யதி³ ச ந ப⁴வதி கி³ஹீ ஸமணோ ஹோதி,

பியோ ப³ஹூனங் ஸோகனாஸனோ’’தி.

(23) உண்ஹீஸஸீஸலக்க²ணங்

230.
‘‘யம்பி, பி⁴க்க²வே, ததா²க³தோ புரிமங் ஜாதிங் புரிமங் ப⁴வங் புரிமங்
நிகேதங் புப்³பே³ மனுஸ்ஸபூ⁴தோ ஸமானோ ப³ஹுஜனபுப்³ப³ங்க³மோ அஹோஸி குஸலேஸு
த⁴ம்மேஸு ப³ஹுஜனபாமொக்கோ² காயஸுசரிதே வசீஸுசரிதே
மனோஸுசரிதே தா³னஸங்விபா⁴கே³ ஸீலஸமாதா³னே உபோஸது²பவாஸே மத்தெய்யதாய
பெத்தெய்யதாய ஸாமஞ்ஞதாய ப்³ரஹ்மஞ்ஞதாய குலே ஜெட்டா²பசாயிதாய அஞ்ஞதரஞ்ஞதரேஸு
ச அதி⁴குஸலேஸு த⁴ம்மேஸு. ஸோ தஸ்ஸ கம்மஸ்ஸ கடத்தா…பே॰… ஸோ ததோ சுதோ
இத்த²த்தங் ஆக³தோ ஸமானோ இமங் மஹாபுரிஸலக்க²ணங் படிலப⁴தி – உண்ஹீஸஸீஸோ ஹோதி.

‘‘ஸோ தேன லக்க²ணேன ஸமன்னாக³தோ ஸசே அகா³ரங் அஜ்ஜா²வஸதி,
ராஜா ஹோதி சக்கவத்தீ…பே॰… ராஜா ஸமானோ கிங் லப⁴தி? மஹாஸ்ஸ ஜனோ அன்வாயிகோ
ஹோதி, ப்³ராஹ்மணக³ஹபதிகா நேக³மஜானபதா³ க³ணகமஹாமத்தா அனீகட்டா² தோ³வாரிகா
அமச்சா பாரிஸஜ்ஜா ராஜானோ போ⁴கி³யா குமாரா. ராஜா ஸமானோ இத³ங் லப⁴தி…
பு³த்³தோ⁴ ஸமானோ கிங் லப⁴தி? மஹாஸ்ஸ ஜனோ அன்வாயிகோ ஹோதி, பி⁴க்கூ²
பி⁴க்கு²னியோ உபாஸகா உபாஸிகாயோ தே³வா மனுஸ்ஸா அஸுரா நாகா³ க³ந்த⁴ப்³பா³.
பு³த்³தோ⁴ ஸமானோ இத³ங் லப⁴தி’’. ஏதமத்த²ங் ப⁴க³வா அவோச.

231. தத்தே²தங் வுச்சதி –

‘‘புப்³ப³ங்க³மோ ஸுசரிதேஸு அஹு,

த⁴ம்மேஸு த⁴ம்மசரியாபி⁴ரதோ;

அன்வாயிகோ ப³ஹுஜனஸ்ஸ அஹு,

ஸக்³கே³ஸு வேத³யித்த² புஞ்ஞப²லங்.

‘‘வேதி³த்வா ஸோ ஸுசரிதஸ்ஸ ப²லங்,

உண்ஹீஸஸீஸத்தமித⁴ஜ்ஜ²க³மா;

ப்³யாகங்ஸு ப்³யஞ்ஜனநிமித்தத⁴ரா,

புப்³ப³ங்க³மோ ப³ஹுஜனங் ஹெஸ்ஸதி.

‘‘படிபோ⁴கி³யா மனுஜேஸு இத⁴,

புப்³பே³வ தஸ்ஸ அபி⁴ஹரந்தி ததா³;

யதி³ க²த்தியோ ப⁴வதி பூ⁴மிபதி,

படிஹாரகங் ப³ஹுஜனே லப⁴தி.

‘‘அத² சேபி பப்³ப³ஜதி ஸோ மனுஜோ,

த⁴ம்மேஸு ஹோதி பகு³ணோ விஸவீ;

தஸ்ஸானுஸாஸனிகு³ணாபி⁴ரதோ,

அன்வாயிகோ ப³ஹுஜனோ ப⁴வதீ’’தி.

(24-25) ஏகேகலோமதாஉண்ணாலக்க²ணானி

232.
‘‘யம்பி, பி⁴க்க²வே, ததா²க³தோ புரிமங் ஜாதிங் புரிமங் ப⁴வங் புரிமங்
நிகேதங் புப்³பே³ மனுஸ்ஸபூ⁴தோ ஸமானோ முஸாவாத³ங் பஹாய முஸாவாதா³ படிவிரதோ
அஹோஸி, ஸச்சவாதீ³ ஸச்சஸந்தோ⁴ தே²தோ பச்சயிகோ அவிஸங்வாத³கோ லோகஸ்ஸ .
ஸோ தஸ்ஸ கம்மஸ்ஸ கடத்தா உபசிதத்தா…பே॰… ஸோ ததோ சுதோ இத்த²த்தங் ஆக³தோ
ஸமானோ இமானி த்³வே மஹாபுரிஸலக்க²ணானி படிலப⁴தி. ஏகேகலோமோ ச ஹோதி, உண்ணா ச
ப⁴முகந்தரே ஜாதா ஹோதி ஓதா³தா முது³தூலஸன்னிபா⁴.

‘‘ஸோ தேஹி லக்க²ணேஹி ஸமன்னாக³தோ, ஸசே அகா³ரங்
அஜ்ஜா²வஸதி, ராஜா ஹோதி சக்கவத்தீ…பே॰… ராஜா ஸமானோ கிங் லப⁴தி? மஹாஸ்ஸ ஜனோ
உபவத்ததி, ப்³ராஹ்மணக³ஹபதிகா நேக³மஜானபதா³ க³ணகமஹாமத்தா அனீகட்டா² தோ³வாரிகா அமச்சா பாரிஸஜ்ஜா ராஜானோ போ⁴கி³யா குமாரா. ராஜா
ஸமானோ இத³ங் லப⁴தி… பு³த்³தோ⁴ ஸமானோ கிங் லப⁴தி? மஹாஸ்ஸ ஜனோ உபவத்ததி,
பி⁴க்கூ² பி⁴க்கு²னியோ உபாஸகா உபாஸிகாயோ தே³வா மனுஸ்ஸா அஸுரா நாகா³
க³ந்த⁴ப்³பா³. பு³த்³தோ⁴ ஸமானோ இத³ங் லப⁴தி’’. ஏதமத்த²ங் ப⁴க³வா அவோச.

233. தத்தே²தங் வுச்சதி –

‘‘ஸச்சப்படிஞ்ஞோ புரிமாஸு ஜாதிஸு,

அத்³வெஜ்ஜ²வாசோ அலிகங் விவஜ்ஜயி;

ந ஸோ விஸங்வாத³யிதாபி கஸ்ஸசி,

பூ⁴தேன தச்சே²ன ததே²ன பா⁴ஸயி [தோஸயி (ஸீ॰ பீ॰)].

‘‘ஸேதா ஸுஸுக்கா முது³தூலஸன்னிபா⁴,

உண்ணா ஸுஜாதா [உண்ணாஸ்ஸ ஜாதா (க॰ ஸீ॰)] ப⁴முகந்தரே அஹு;

ந லோமகூபேஸு து³வே அஜாயிஸுங்,

ஏகேகலோமூபசிதங்க³வா அஹு.

‘‘தங் லக்க²ணஞ்ஞூ ப³ஹவோ ஸமாக³தா,

ப்³யாகங்ஸு உப்பாத³னிமித்தகோவிதா³;

உண்ணா ச லோமா ச யதா² ஸுஸண்டி²தா,

உபவத்ததீ ஈதி³ஸகங் ப³ஹுஜ்ஜனோ.

‘‘கி³ஹிம்பி ஸந்தங் உபவத்ததீ ஜனோ,

ப³ஹு புரத்தா²பகதேன கம்முனா;

அகிஞ்சனங் பப்³ப³ஜிதங் அனுத்தரங்,

பு³த்³த⁴ம்பி ஸந்தங் உபவத்ததி ஜனோ’’தி.

(26-27) சத்தாலீஸஅவிரளத³ந்தலக்க²ணானி

234.
‘‘யம்பி, பி⁴க்க²வே ததா²க³தோ புரிமங் ஜாதிங் புரிமங் ப⁴வங் புரிமங்
நிகேதங் புப்³பே³ மனுஸ்ஸபூ⁴தோ ஸமானோ பிஸுணங் வாசங் பஹாய பிஸுணாய வாசாய
படிவிரதோ அஹோஸி. இதோ ஸுத்வா ந அமுத்ர அக்கா²தா இமேஸங் பே⁴தா³ய, அமுத்ர வா
ஸுத்வா ந இமேஸங் அக்கா²தா அமூஸங் பே⁴தா³ய , இதி பி⁴ன்னானங் வா ஸந்தா⁴தா, ஸஹிதானங்
வா அனுப்பதா³தா, ஸமக்³கா³ராமோ ஸமக்³க³ரதோ ஸமக்³க³னந்தீ³ ஸமக்³க³கரணிங்
வாசங் பா⁴ஸிதா அஹோஸி. ஸோ தஸ்ஸ கம்மஸ்ஸ கடத்தா…பே॰… ஸோ ததோ சுதோ இத்த²த்தங்
ஆக³தோ ஸமானோ இமானி த்³வே மஹாபுரிஸலக்க²ணானி படிலப⁴தி. சத்தாலீஸத³ந்தோ ச
ஹோதி அவிரளத³ந்தோ ச.

‘‘ஸோ தேஹி லக்க²ணேஹி ஸமன்னாக³தோ ஸசே அகா³ரங்
அஜ்ஜா²வஸதி, ராஜா ஹோதி சக்கவத்தீ…பே॰… ராஜா ஸமானோ கிங் லப⁴தி? அபே⁴ஜ்ஜபரிஸோ
ஹோதி, அபே⁴ஜ்ஜாஸ்ஸ ஹொந்தி பரிஸா, ப்³ராஹ்மணக³ஹபதிகா நேக³மஜானபதா³
க³ணகமஹாமத்தா அனீகட்டா² தோ³வாரிகா அமச்சா பாரிஸஜ்ஜா ராஜானோ போ⁴கி³யா
குமாரா. ராஜா ஸமானோ இத³ங் லப⁴தி … பு³த்³தோ⁴ ஸமானோ
கிங் லப⁴தி? அபே⁴ஜ்ஜபரிஸோ ஹோதி, அபே⁴ஜ்ஜாஸ்ஸ ஹொந்தி பரிஸா, பி⁴க்கூ²
பி⁴க்கு²னியோ உபாஸகா உபாஸிகாயோ தே³வா மனுஸ்ஸா அஸுரா நாகா³ க³ந்த⁴ப்³பா³.
பு³த்³தோ⁴ ஸமானோ இத³ங் லப⁴தி’’. ஏதமத்த²ங் ப⁴க³வா அவோச.

235. தத்தே²தங் வுச்சதி –

‘‘வேபூ⁴தியங் ஸஹிதபே⁴த³காரிங்,

பே⁴த³ப்பவட்³ட⁴னவிவாத³காரிங்;

கலஹப்பவட்³ட⁴னஆகிச்சகாரிங்,

ஸஹிதானங் பே⁴த³ஜனநிங் ந ப⁴ணி.

‘‘அவிவாத³வட்³ட⁴னகரிங் ஸுகி³ரங்,

பி⁴ன்னானுஸந்தி⁴ஜனநிங் அப⁴ணி;

கலஹங் ஜனஸ்ஸ பனுதீ³ ஸமங்கீ³,

ஸஹிதேஹி நந்த³தி பமோத³தி ச.

‘‘ஸுக³தீஸு ஸோ ப²லவிபாகங்,

அனுப⁴வதி தத்த² மோத³தி;

த³ந்தா இத⁴ ஹொந்தி அவிரளா ஸஹிதா,

சதுரோ த³ஸஸ்ஸ முக²ஜா ஸுஸண்டி²தா.

‘‘யதி³ க²த்தியோ ப⁴வதி பூ⁴மிபதி,

அவிபே⁴தி³யாஸ்ஸ பரிஸா ப⁴வதி;

ஸமணோ ச ஹோதி விரஜோ விமலோ,

பரிஸாஸ்ஸ ஹோதி அனுக³தா அசலா’’தி.

(28-29) பஹூதஜிவ்ஹாப்³ரஹ்மஸ்ஸரலக்க²ணானி

236. ‘‘யம்பி ,
பி⁴க்க²வே, ததா²க³தோ புரிமங் ஜாதிங் புரிமங் ப⁴வங் புரிமங் நிகேதங்
புப்³பே³ மனுஸ்ஸபூ⁴தோ ஸமானோ ப²ருஸங் வாசங் பஹாய ப²ருஸாய வாசாய படிவிரதோ
அஹோஸி. யா ஸா வாசா நேலா கண்ணஸுகா² பேமனீயா ஹத³யங்க³மா போரீ ப³ஹுஜனகந்தா
ப³ஹுஜனமனாபா, ததா²ரூபிங் வாசங் பா⁴ஸிதா அஹோஸி. ஸோ தஸ்ஸ கம்மஸ்ஸ கடத்தா
உபசிதத்தா…பே॰… ஸோ ததோ சுதோ இத்த²த்தங் ஆக³தோ ஸமானோ இமானி த்³வே
மஹாபுரிஸலக்க²ணானி படிலப⁴தி. பஹூதஜிவ்ஹோ ச ஹோதி ப்³ரஹ்மஸ்ஸரோ ச கரவீகபா⁴ணீ.

‘‘ஸோ தேஹி லக்க²ணேஹி
ஸமன்னாக³தோ ஸசே அகா³ரங் அஜ்ஜா²வஸதி, ராஜா ஹோதி சக்கவத்தீ…பே॰… ராஜா ஸமானோ
கிங் லப⁴தி? ஆதெ³ய்யவாசோ ஹோதி, ஆதி³யந்திஸ்ஸ வசனங் ப்³ராஹ்மணக³ஹபதிகா
நேக³மஜானபதா³ க³ணகமஹாமத்தா அனீகட்டா² தோ³வாரிகா அமச்சா பாரிஸஜ்ஜா ராஜானோ
போ⁴கி³யா குமாரா. ராஜா ஸமானோ இத³ங் லப⁴தி… பு³த்³தோ⁴ ஸமானோ கிங் லப⁴தி?
ஆதெ³ய்யவாசோ ஹோதி, ஆதி³யந்திஸ்ஸ வசனங் பி⁴க்கூ²
பி⁴க்கு²னியோ உபாஸகா உபாஸிகாயோ தே³வா மனுஸ்ஸா அஸுரா நாகா³ க³ந்த⁴ப்³பா³.
பு³த்³தோ⁴ ஸமானோ இத³ங் லப⁴தி’’. ஏதமத்த²ங் ப⁴க³வா அவோச.

237. தத்தே²தங் வுச்சதி –

‘‘அக்கோஸப⁴ண்ட³னவிஹேஸகாரிங்,

உப்³பா³தி⁴கங் [உப்³பா³த⁴கரங் (ஸ்யா॰)] ப³ஹுஜனப்பமத்³த³னங்;

அபா³ள்ஹங் கி³ரங் ஸோ ந ப⁴ணி ப²ருஸங்,

மது⁴ரங் ப⁴ணி ஸுஸங்ஹிதங் [ஸுஸஹிதங் (ஸ்யா॰)] ஸகி²லங்.

‘‘மனஸோ பியா ஹத³யகா³மினியோ,

வாசா ஸோ ஏரயதி கண்ணஸுகா²;

வாசாஸுசிண்ணப²லமனுப⁴வி,

ஸக்³கே³ஸு வேத³யத² [வேத³யதி (?) டீகா ஓலோகேதப்³பா³] புஞ்ஞப²லங்.

‘‘வேதி³த்வா ஸோ ஸுசரிதஸ்ஸ ப²லங்,

ப்³ரஹ்மஸ்ஸரத்தமித⁴மஜ்ஜ²க³மா;

ஜிவ்ஹாஸ்ஸ ஹோதி விபுலா புது²லா,

ஆதெ³ய்யவாக்யவசனோ ப⁴வதி.

‘‘கி³ஹினோபி இஜ்ஜ²தி யதா² ப⁴ணதோ,

அத² சே பப்³ப³ஜதி ஸோ மனுஜோ;

ஆதி³யந்திஸ்ஸ வசனங் ஜனதா,

ப³ஹுனோ ப³ஹுங் ஸுப⁴ணிதங் ப⁴ணதோ’’தி.

(30) ஸீஹஹனுலக்க²ணங்

238. ‘‘யம்பி ,
பி⁴க்க²வே, ததா²க³தோ புரிமங் ஜாதிங் புரிமங் ப⁴வங் புரிமங் நிகேதங்
புப்³பே³ மனுஸ்ஸபூ⁴தோ ஸமானோ ஸம்ப²ப்பலாபங் பஹாய ஸம்ப²ப்பலாபா படிவிரதோ
அஹோஸி காலவாதீ³ பூ⁴தவாதீ³ அத்த²வாதீ³ த⁴ம்மவாதீ³ வினயவாதீ³, நிதா⁴னவதிங்
வாசங் பா⁴ஸிதா அஹோஸி காலேன ஸாபதே³ஸங் பரியந்தவதிங் அத்த²ஸங்ஹிதங். ஸோ தஸ்ஸ
கம்மஸ்ஸ கடத்தா…பே॰… ஸோ ததோ சுதோ இத்த²த்தங் ஆக³தோ ஸமானோ இமங்
மஹாபுரிஸலக்க²ணங் படிலப⁴தி, ஸீஹஹனு ஹோதி.

‘‘ஸோ தேன லக்க²ணேன ஸமன்னாக³தோ ஸசே அகா³ரங் அஜ்ஜா²வஸதி, ராஜா ஹோதி சக்கவத்தீ…பே॰… ராஜா ஸமானோ கிங்
லப⁴தி? அப்பத⁴ங்ஸியோ ஹோதி கேனசி மனுஸ்ஸபூ⁴தேன பச்சத்தி²கேன பச்சாமித்தேன.
ராஜா ஸமானோ இத³ங் லப⁴தி… பு³த்³தோ⁴ ஸமானோ கிங் லப⁴தி? அப்பத⁴ங்ஸியோ ஹோதி
அப்³ப⁴ந்தரேஹி வா பா³ஹிரேஹி வா பச்சத்தி²கேஹி பச்சாமித்தேஹி, ராகே³ன வா
தோ³ஸேன வா மோஹேன வா ஸமணேன வா ப்³ராஹ்மணேன வா தே³வேன வா மாரேன வா ப்³ரஹ்முனா
வா கேனசி வா லோகஸ்மிங். பு³த்³தோ⁴ ஸமானோ இத³ங் லப⁴தி’’. ஏதமத்த²ங் ப⁴க³வா
அவோச.

239. தத்தே²தங் வுச்சதி –

‘‘ந ஸம்ப²ப்பலாபங் ந முத்³த⁴தங் [பு³த்³த⁴தந்தி (க॰)],

அவிகிண்ணவசனப்³யப்பதோ² அஹோஸி;

அஹிதமபி ச அபனுதி³,

ஹிதமபி ச ப³ஹுஜனஸுக²ஞ்ச அப⁴ணி.

‘‘தங் கத்வா இதோ சுதோ தி³வமுபபஜ்ஜி,

ஸுகதப²லவிபாகமனுபோ⁴ஸி;

சவிய புனரிதா⁴க³தோ ஸமானோ,

த்³விது³க³மவரதரஹனுத்தமலத்த².

‘‘ராஜா ஹோதி ஸுது³ப்பத⁴ங்ஸியோ,

மனுஜிந்தோ³ மனுஜாதி⁴பதி மஹானுபா⁴வோ;

திதி³வபுரவரஸமோ ப⁴வதி,

ஸுரவரதரோரிவ இந்தோ³.

‘‘க³ந்த⁴ப்³பா³ஸுரயக்க²ரக்க²ஸேபி⁴ [ஸுரஸக்கரக்க²ஸேபி⁴ (ஸ்யா॰)],

ஸுரேஹி ந ஹி ப⁴வதி ஸுப்பத⁴ங்ஸியோ;

தத²த்தோ யதி³ ப⁴வதி ததா²விதோ⁴,

இத⁴ தி³ஸா ச படிதி³ஸா ச விதி³ஸா சா’’தி.

(31-32) ஸமத³ந்தஸுஸுக்கதா³டா²லக்க²ணானி

240.
‘‘யம்பி, பி⁴க்க²வே, ததா²க³தோ புரிமங் ஜாதிங் புரிமங் ப⁴வங் புரிமங்
நிகேதங் புப்³பே³ மனுஸ்ஸபூ⁴தோ ஸமானோ மிச்சா²ஜீவங் பஹாய ஸம்மாஆஜீவேன ஜீவிகங்
கப்பேஸி, துலாகூட கங்ஸகூட மானகூட உக்கோடன வஞ்சன நிகதி ஸாசியோக³ சே²த³ன வத⁴
ப³ந்த⁴ன விபராமோஸ ஆலோப ஸஹஸாகாரா [ஸாஹஸாகாரா (ஸீ॰ ஸ்யா॰ பீ॰)] படிவிரதோ அஹோஸி. ஸோ தஸ்ஸ கம்மஸ்ஸ
கடத்தா உபசிதத்தா உஸ்ஸன்னத்தா விபுலத்தா காயஸ்ஸ பே⁴தா³ பரங் மரணா ஸுக³திங்
ஸக்³க³ங் லோகங் உபபஜ்ஜதி. ஸோ தத்த² அஞ்ஞே தே³வே த³ஸஹி டா²னேஹி
அதி⁴க³ண்ஹாதி தி³ப்³பே³ன ஆயுனா தி³ப்³பே³ன வண்ணேன தி³ப்³பே³ன ஸுகே²ன
தி³ப்³பே³ன யஸேன தி³ப்³பே³ன ஆதி⁴பதெய்யேன தி³ப்³பே³ஹி ரூபேஹி தி³ப்³பே³ஹி
ஸத்³தே³ஹி தி³ப்³பே³ஹி க³ந்தே⁴ஹி தி³ப்³பே³ஹி ரஸேஹி
தி³ப்³பே³ஹி பொ²ட்ட²ப்³பே³ஹி. ஸோ ததோ சுதோ இத்த²த்தங் ஆக³தோ ஸமானோ இமானி
த்³வே மஹாபுரிஸலக்க²ணானி படிலப⁴தி, ஸமத³ந்தோ ச ஹோதி ஸுஸுக்கதா³டோ² ச.

‘‘ஸோ தேஹி லக்க²ணேஹி ஸமன்னாக³தோ ஸசே அகா³ரங்
அஜ்ஜா²வஸதி, ராஜா ஹோதி சக்கவத்தீ த⁴ம்மிகோ த⁴ம்மராஜா சாதுரந்தோ விஜிதாவீ
ஜனபத³த்தா²வரியப்பத்தோ ஸத்தரதனஸமன்னாக³தோ. தஸ்ஸிமானி ஸத்த ரதனானி ப⁴வந்தி,
ஸெய்யதி²த³ங் – சக்கரதனங் ஹத்தி²ரதனங் அஸ்ஸரதனங் மணிரதனங் இத்தி²ரதனங்
க³ஹபதிரதனங் பரிணாயகரதனமேவ ஸத்தமங். பரோஸஹஸ்ஸங் கோ² பனஸ்ஸ புத்தா ப⁴வந்தி
ஸூரா வீரங்க³ரூபா பரஸேனப்பமத்³த³னா. ஸோ இமங் பத²விங் ஸாக³ரபரியந்தங்
அகி²லமனிமித்தமகண்டகங் இத்³த⁴ங் பீ²தங் கே²மங்
ஸிவங் நிரப்³பு³த³ங் அத³ண்டே³ன அஸத்தே²ன த⁴ம்மேன அபி⁴விஜிய அஜ்ஜா²வஸதி.
ராஜா ஸமானோ கிங் லப⁴தி? ஸுசிபரிவாரோ ஹோதி ஸுசிஸ்ஸ ஹொந்தி பரிவாரா
ப்³ராஹ்மணக³ஹபதிகா நேக³மஜானபதா³ க³ணகமஹாமத்தா அனீகட்டா² தோ³வாரிகா அமச்சா
பாரிஸஜ்ஜா ராஜானோ போ⁴கி³யா குமாரா. ராஜா ஸமானோ இத³ங் லப⁴தி.

‘‘ஸசே கோ² பன அகா³ரஸ்மா
அனகா³ரியங் பப்³ப³ஜதி, அரஹங் ஹோதி ஸம்மாஸம்பு³த்³தோ⁴ லோகே விவட்டச்ச²தோ³.
பு³த்³தோ⁴ ஸமானோ கிங் லப⁴தி? ஸுசிபரிவாரோ ஹோதி, ஸுசிஸ்ஸ ஹொந்தி பரிவாரா,
பி⁴க்கூ² பி⁴க்கு²னியோ உபாஸகா உபாஸிகாயோ தே³வா மனுஸ்ஸா அஸுரா நாகா³
க³ந்த⁴ப்³பா³. பு³த்³தோ⁴ ஸமானோ இத³ங் லப⁴தி’’. ஏதமத்த²ங் ப⁴க³வா அவோச.

241. தத்தே²தங் வுச்சதி –

‘‘மிச்சா²ஜீவஞ்ச அவஸ்ஸஜி ஸமேன வுத்திங்,

ஸுசினா ஸோ ஜனயித்த² த⁴ம்மிகேன;

அஹிதமபி ச அபனுதி³,

ஹிதமபி ச ப³ஹுஜனஸுக²ஞ்ச அசரி.

‘‘ஸக்³கே³ வேத³யதி நரோ ஸுக²ப்ப²லானி,

கரித்வா நிபுணேபி⁴ விதூ³ஹி ஸப்³பி⁴;

வண்ணிதானி திதி³வபுரவரஸமோ,

அபி⁴ரமதி ரதிகி²ட்³டா³ஸமங்கீ³.

‘‘லத்³தா⁴னங் மானுஸகங் ப⁴வங் ததோ,

சவித்வான ஸுகதப²லவிபாகங்;

ஸேஸகேன படிலப⁴தி லபனஜங்,

ஸமமபி ஸுசிஸுஸுக்கங் [லத்³தா⁴ன மனுஸ்ஸகங் ப⁴வங் ததோ சவிய, புன ஸுகதப²லவிபாகஸேஸகேன; படிலப⁴தி லபனஜங் ஸமமபி, ஸுசி ச ஸுவிஸுத்³த⁴ஸுஸுக்கங் (ஸ்யா॰)].

‘‘தங் வெய்யஞ்ஜனிகா ஸமாக³தா ப³ஹவோ,

ப்³யாகங்ஸு நிபுணஸம்மதா மனுஜா;

ஸுசிஜனபரிவாரக³ணோ ப⁴வதி,

தி³ஜஸமஸுக்கஸுசிஸோப⁴னத³ந்தோ.

‘‘ரஞ்ஞோ ஹோதி ப³ஹுஜனோ,

ஸுசிபரிவாரோ மஹதிங் மஹிங் அனுஸாஸதோ;

பஸய்ஹ ந ச ஜனபத³துத³னங்,

ஹிதமபி ச ப³ஹுஜனஸுக²ஞ்ச சரந்தி.

‘‘அத² சே பப்³ப³ஜதி ப⁴வதி விபாபோ,

ஸமணோ ஸமிதரஜோ விவட்டச்ச²தோ³;

விக³தத³ரத²கிலமதோ²,

இமமபி ச பரமபி ச [இமம்பி ச பரம்பி ச (பீ॰), பரங்பி பரமங்பி ச (ஸ்யா॰)] பஸ்ஸதி லோகங்.

‘‘தஸ்ஸோவாத³கரா ப³ஹுகி³ஹீ ச பப்³ப³ஜிதா ச,

அஸுசிங் க³ரஹிதங் து⁴னந்தி பாபங்;

ஸ ஹி ஸுசிபி⁴ பரிவுதோ ப⁴வதி,

மலகி²லகலிகிலேஸே பனுதே³ஹீ’’தி [தஸ்ஸோவாத³கரா ப³ஹுகி³ஹீ ச, பப்³ப³ஜிதா ச அஸுசிவிக³ரஹித; பனுதி³பாபஸ்ஸ ஹி ஸுசிபி⁴பரிவுதோ, ப⁴வதி மலகி²லககிலேஸே பனுதே³தி (ஸ்யா॰)].

இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி.

லக்க²ணஸுத்தங் நிட்டி²தங் ஸத்தமங்.

comments (0)